མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ཟི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཟབ་དོན་མ་གཅིག་གཅོད་ཀྱི་སྐོར་ལས་ཐེམ་ཡིག་དོན་གསལ་རིན་པོ་ཆེའི་ཕྲེང་བ།

[Full Size]

༼ཀ༽ ཟབ་དོན་མ་གཅིག་གཅོད་ཀྱི་སྐོར་ལས། ཐེམ་ཡིག་དོན་གསལ་རིན་པོ་ཆེའི་ཕྲེང་བ་བཞུགས་སོ།།

[Full Size]

ན་མོ་གུ་རུ་པཉྩ་ཊཱཀི་ནཱི་ཡེ། །མ་གཅིག་རིགས་ལྔ་བརྒྱུད་པར་བཅས་ལ་འདུད། །ཟབ་དོན་གཅོད་ཀྱི་ཐེམ་བྱང་བཀོད་པ་ལ། །བཀའ་ཡི་གནང་བ་སྩོལ་ལ་བྱིན་གྱིས་རློབས། །དང་པོ་གཅོད་ཀྱི་དར་ཚུལ་བྱུང་ཁུངས་ནི། །འདས་པའི་སངས་རྒྱས་རྣམས་ཀྱིས་གསུང་འགྱུར་ཞིང་། །ད་ལྟའི་བསྟན་པ་འདི་ལ་ཤཱཀ་ཐུབ་ཀྱིས། །སྟག་མོར་ལུས་སྦྱིན་བྱས་པའི་སྐྱེས་རབས་ལ། །བརྟེན་ནས་མདོ་ལུགས་གཅོད་གཞུང་གསུངས་པ་ལ། །མཚན་ཉིད་མེད་པའི་ཆོས་སྐོར་ཞེས་སུ་གྲགས། །དེ་རྗེས་སློབ་དཔོན་པདྨ་འབྱུང་གནས་ཀྱིས། །དུར་ཁྲོད་བརྒྱད་དུ་

[Full Size]

བམ་རོའི་སྒྲུབ་པ་མཛད། །དེ་ལ་བརྟེན་ནས་མཛད་པའི་གཅོད་སྐོར་ལ། །སློབ་དཔོན་པདྨའི་འཕྲུལ་གཅོད་ཅེས་སུ་གྲགས། །དེ་རྗེས་རྒྱ་གར་ཨར་དེ་ཝ་ཡིས། །མཛད་པའི་གཅོད་ལ་ཚིགས་བཅད་ཆེན་མོར་གྲགས། །དེ་རྗེས་ནཱ་རོས་མཛད་པའི་གཅོད་སྐོར་ལ། །གསང་སྤྱོད་དང་ནི་རོ་སྙོམས་ཞེས་སུ་གྲགས། །དེ་རྗེས་དམ་པ་ཉིད་ཀྱིས་མཛད་པ་ཡི། །གཅོད་ལ་ཞི་བྱེད་སྐོར་གསུམ་ཞེས་སུ་གྲགས། །དེ་ནས་བོད་དུ་མ་གཅིག་མཛད་པའི་ཆོས། །གཅོད་ཡུལ་བརྒྱུད་པ་ཞེས་ནི་ཡོངས་གྲགས་ལ། །དེ་ཡི་སྐྱེ་རྒྱུད་བརྒྱུད་པའི་རིམ་པ་ནི། །འོག་མིན་ཆོས་ཀྱི་

[Full Size]

དབྱིངས་ཀྱི་ཕོ་བྲང་ན། །ཆོས་སྐུ་ཀུན་ཏུ་བཟང་མོའི་ཐུགས་ཀ་ནས། །འོད་ཟེར་འཕྲོས་པས་ཡུམ་ཆེན་སྲས་བཅས་སྤྲུལ། །ཡུམ་ཆེན་ཐུགས་ལས་ཁྲོས་མ་ལྷ་ལྔར་སྤྲུལ། །ཁྲོས་མའི་ཐུགས་ལས་མཁའ་འགྲོ་གསེར་གླིང་མ། །སྤྲུལ་ཏེ་དེ་ཡི་སྐྱེ་བ་བརྒྱ་དང་བདུན། །འགྲོ་དོན་མཛད་པའི་རྗེས་མ་ལབ་སྒྲོན་ཡིན། །འདི་ཡི་ཆོས་ལ་མདོ་ལུགས་སྔགས་ལུགས་དང་། །མདོ་སྔགས་ཟུང་འཇུག་གསུམ་སྟེ་བརྒྱུད་རིམ་ནི། །བཅོམ་ལྡན་ཤཱཀ་ཐུབ་འཇམ་དབྱངས་ཀླུ་སྒྲུབ་དང་། །ཨརྱ་དེ་ཝ་དམ་པ་སྐྱོ་སྟོན་ནས། །མ་གཅིག་ཉིད་ལ་བརྒྱུད་པ་ཚུ་མདོ་ལུགས་ཡིན། །ཆོས་སྐུ་ཡུམ་ཆེན་ལོངས་སྐུ་རྣལ་འབྱོར་མ། །སྤྲུལ་སྐུ་འཕགས་མ་སྒྲོན་མ་དེ་ཉིད་ཀྱིས། །མ་གཅིག་ཉིད་ལ་གནང་བ་སྔགས་ལུགས་ཡིན། །འཇམ་དཔལ་སྨྲ་སེང་འཕགས་མ་སྒྲོལ་མ་དང་། །སུ་ཁ་སིདྡྷི་བྲམ་ཟེ་ཨར་དེ། །ཕ་གཅིག་དམ་པ་བསོད་ནམས་བླ་མ་ནས། །མ་གཅིག་ཉིད་ལ་གནང་བ་ཟུང་འཇུག་ལུགས། །མ་གཅིག་ཉིད་ཀྱིས་རྒྱལ་བ་དོན་གྲུབ་ལ། །མདོ་ལུགས་གནང་ཞིང་ཐོད་སྨྱོན་བསམ་འགྲུབ་ལ། །སྔགས་ལུགས་གནང་ཞིང་མདོ་སྔགས་ཟུང་འཇུག་ཡིན། །ཁུ་སྒོམ་ཆོས་ཀྱི་སེང་གེ་ཉིད་ལ་

[Full Size]

གནང་། །ཁུ་སྒོམ་ཉིད་ལ་ལུགས་གསུམ་ཐུགས་ལ་འཁྲུངས། །དེ་ནས་རིམ་བརྒྱུད་དོལ་པ་ཟངས་ཐལ་དང་། །རྒྱ་ནག་གཅེར་བུ་སངས་རྒྱས་རབ་སྟོན་དང་། །སངས་རྒྱས་དབོན་སྟོན་གངས་པ་ཆེན་པོ་ནས། །རང་བྱུང་རྒྱལ་བ་གཡུང་སྟོན་པ་ཡི་ཞབས། །རོལ་པའི་རྡོ་རྗེ་དར་རྒྱལ་མཁའ་སྤྱོད་དབང་། །དེ་བཞིན་གཤེགས་པ་རིན་ཆེན་བཟང་པོ་དང་། །མཐོང་བ་དོན་ལྡན་ཀུན་མཁྱེན་འཇམ་དཔལ་བཟང་། །སངས་རྒྱས་མཉན་པ་འཇིགས་མེད་མི་བསྐྱོད་བཟང་། །མཚུངས་མེད་རྒྱལ་བ་དཀོན་མཆོག་ཡན་ལག་དང་། །དབང་ཕྱུག་རྡོ་རྗེ་ཆོས་ཀྱི་དབང་ཕྱུག་ནས། །རཱ་ག་ཨ་སྱ་ཉིད་ལ་བརྒྱུད་པ་སྟེ། །གཅོད་ཚོགས་འགྲིགས་ཆགས་རང་བྱུང་རྒྱལ་བས་མཛད། །དེ་ཡི་དམིགས་རིམ་བཤད་པ་མཐའ་ཆོད་བཅས། །དབོན་པོ་རཏྣ་སེང་ཧས་མཛད་པ་དང་། །དེ་ཡི་དོན་བསྡུས་ཀུན་དགའ་རྣམ་རྒྱལ་གསུངས། །གཞན་ཡང་མན་ངག་མང་པོ་མཐོང་ཞིང་ཐོས། །ཟུར་མང་ལྗོལུགས་དང་རྒྱ་སྟོན་ཞག་གཅོད་ལུགས། །ཚད་ལྡན་ལུང་ལྡན་ཡིན་པ་མང་པོ་ཡི། །ཕྱག་ལེན་མང་པོ་མཐོང་ཞིང་ཐོས་པ་དང་། །ཆོས་ཀྱི་དབང་ཕྱུག་ཀུན་དགའ་རྣམ་རྒྱལ་ལ། །

[Full Size]

ལུས་སྦྱིན་གཅོད་ཚོགས་འབྲེལ་པ་བྱིན་རླབས་ཐོབ། །གཞན་ཡང་ཡོངས་འཛིན་ལྔ་ལ་གཅོད་ཁྲིད་ཞུས། །དབང་ལུང་དམིགས་རིམ་སོ་སོ་ཅི་རིགས་ཐོབ། །ཆར་འབོད་དང་ནི་གཅོད་ཀྱི་དམིགས་རིམ་ལ། །ལན་གྲངས་འགའ་ལ་ཚར་ལྷོང་འདྲེས་ཙམ་བྱུང་། །དམ་པ་མ་གཅིག་ལ་སོགས་རྨི་ལམ་དུ། །བྱིན་གྱིས་བརླབས་པའི་རྟགས་མཚན་ཅུང་ཟད་མཐོང་། །གཅོད་པ་ཆོས་འཕེལ་ཞེས་བྱས་ཡང་ཡང་དུ། །འདི་ཉིད་བསྒྲིགས་དགོས་ནན་ཏན་ཆེར་བསྐུལ་བས། །གཅོད་ཡུལ་བརྒྱུད་པའི་བླ་མ་ཡི་དམ་ལ། །གསོལ་བ་བཏབ་ནས་རུང་ངམ་མི་རུང་བརྟག །འདི་ཉིད་མ་རྒྱུད་ཌཀིའི་སྲོག་ཡིན་ཕྱིར། །རང་གི་ཚེ་ལ་ཅུང་ཟད་གཟན་པ་དང་། །རང་ཉིད་ཡོངས་སུ་མ་གྲགས་འཁོས་ཞན་པས། །ཚད་ལྡན་སྟོབས་ཆེན་སུ་ལ་མ་ཕན་ཀྱང་། །གཉོམ་ཆུང་རྨོངས་པ་འགའ་ལ་ཕན་པའི་ལྟས། །སྐུ་ཡི་རྣམ་པ་གསལ་བར་མ་མཐོང་ཡང་། །བཅོམ་ལྡན་ཤཱཀ་ཐུབ་དངོས་སུ་བྱོན་ནས་ཀྱང་། །ཤེར་ཕྱིན་རྒྱས་པའི་ཆོས་འཁོར་བསྐོར་འདུག་པའི། །དེ་ཡི་ཕྱི་ན་ཁྱོན་ཐག་དཀར་པོ་བཞི། །བདག་གིས་ཕྱོགས་བཞིར་འཐེན་ཅིང་དེ་རྒྱུད་དུ། །དར་ལྕོག་དཀར་པོ་ཆུང་ངུ་མཐོ་རེ་

[Full Size]

ཙམ། །གྲངས་མེད་ཕྱོགས་བཞི་ཀུན་ཏུ་ཁྱབ་པར་རྨིས། །ཚེ་ལ་གནོད་ཅིང་བཟོད་བྱས་གཞན་ཕན་གྱིས། །བསམ་པ་བཟང་པོས་ཀུན་ནས་བསླང་སྟེ་བྲིས། །གཞུང་ནས་གཅོད་ཚོགས་གཙོར་བྱས་ཕན་བྱའི་སྐོར། །དཔག་མེད་མཛད་ཀྱང་ཕྱོགས་གཅིག་བསྡོམས་པ་ཡི། །ཐེམས་སུ་མནན་པ་སྔོན་ཆད་མ་མཇལ་བས། །ཁོ་བོས་སྟོད་སྨད་ཀུན་ནས་ཅི་རྙེད་བསྡུས། །ཁ་མི་འཐོར་ཕྱིར་ཐེམ་ཡིག་གྲངས་སུ་བཀོད། ༼ཀ༽ །གླེགས་བམ་མི་འཐོར་བྱིན་རླབས་བཅུད་ལྡན་ཕྱིར། །ཐེམ་ཡིག་དོན་གསལ་རིན་ཆེན་ཕྲེང་བ་ཡོད། ༼ཁ༽ །མ་གཅིག་ཉིད་ལ་དད་པའི་རྟེན་ཙམ་དུ། །རྣམ་ཐར་ཨུཏྲ་ལ་ཡི་ཕྲེང་བ་ཡོད། ༼ག༽ །ཆོས་འདིའི་བྱུང་ཁུངས་ལོ་རྒྱུས་བརྒྱུད་ཚུལ་གྱི། །གཅོད་ཀྱི་གདེང་བཤད་ཉུང་ངུར་བསྡུས་པ་ཡོད། ༼ང༽ །རྟོག་གེ་བ་ཡི་ཁེངས་སེམས་གཅོད་པའི་ཕྱིར། །གཅོད་ཀྱི་དྲི་བ་ལྔ་བཅུའི་འགྲེལ་བཤད་ཡོད། ༼ཅ༽ །ཤེས་ཚུལ་ཨང་འདིར་སྤོམ་ཡོར་མི་ལུས་ཕྱིར། །གཅོད་ཀྱི་བཤད་པ་གསལ་བའི་སྒྲོན་མེ་ཡོད། ༼ཆ༽ །མཆོག་ཐུན་སིདྡྷི་མྱུར་དུ་ཐོབ་པའི་ཕྱིར། །ཁྲོས་མའི་སྒྲུབ་ཐབས་དངོས་གྲུབ་གཏེར་མཛོད་

[Full Size]

ཡོད་། ༼ཇ༽ །རྣལ་འབྱོར་སྤྲོས་མེད་དབང་བཞི་བླང་བའི་ཕྱིར། །གཅོད་ཀྱི་བདག་འཇུག་དག་སྣང་ལུང་བསྟན་ཡོད། ༼ཉ༽ །ལུས་ངག་ཡིད་གསུམ་སྨིན་གྲོལ་བཀོད་པའི་ཕྱིར། །མ་གཅིག་གཏོར་དབང་བྱིན་རླབས་སྤྲིན་ཕུང་ཡོད། ༼ཏ༽ །ཁྱད་པར་ཆོས་འདིར་མོས་པའི་སྐྱེས་བུ་ཡི། །ལས་གཞུང་རྒྱུན་ཁྱེར་ལུས་སྦྱིན་བསྒྲིགས་ཆོག་ཡོད། ༼ཐ༽ །གློ་བུར་ཉེར་འཚེའི་བར་ཆད་བསལ་བའི་ཕྱིར། །གཅོད་ཀྱི་བསྟབ་པ་རྨི་ལམ་ལུང་བསྟན་ཡོད། ༼ད༽ །རང་གཞན་རྐྱེན་ངན་བར་ཆད་བསལ་བའི་ཕྱིར། །རང་བྱུང་རྡོ་རྗེས་མཛད་པའི་གཅོད་ཁྲིད་ཀྱི། །ཚོགས་ལས་རིན་པོ་ཆེ་ཡི་ཕྲེང་བ་ཡོད། ༼ན༽ །བསྲུང་བྱའི་ལུས་གདོན་ཕྲལ་བར་མ་ཐུབ་ན། །ཚོགས་ཀྱི་ལྷན་ཐབས་བསྟབ་པ་དྲག་པོ་ཡོད། ༼པ༽ །ནད་པ་ཁག་ཆེན་ལུས་གདོན་བཏུལ་བའི་ཐབས། །གཅོད་ཀྱི་བསྟབ་པ་ཆ་དྲུག་འདོན་ཆ་ཡོད། ༼ཕ༽ །ལྷོང་གསུམ་འདྲེས་ནས་མི་བྱེད་ཁག་མེད་ན། །གཉན་ཆེན་མཐའ་ལ་གཏད་པའི་འདོན་བྱ་ཡོད། ༼བ༽ །གཉན་རྒོད་ཚད་པའི་ནད་སོགས་མིན་པ་ལ། །མཐའ་གཏད་མེ་ཡི་གཟེར་བུ་ཞེས་བྱ་ཡོད། ༼མ༽ །

[Full Size]

ཀླུ་གཉན་ས་བདག་ནད་ཀྱི་གཉེན་པོ་རུ། །མཐའ་གཏད་ཆུ་ཡི་གཟེར་བུ་ཟབ་མོ་ཡོད། ༼ཙ༽ །བད་ཀན་སྨུག་པོ་གདོན་གྱི་སྣ་འདུལ་ལ། །ཟབ་པའི་མཐའ་གཏད་འབྱུང་བཞིའི་གཟེར་བུ་ཡོད། ༼ཚ༽ །གཤིན་གསོན་བླ་མཆོད་བཀྲ་ཤིས་བདེ་ལྡན་ཕྱིར། །དུར་གཅོད་དུར་སྲི་རྒྱུན་གཅོད་ཅེས་བྱ་ཡོད། ཛ༽ །ཟ་འདྲེ་ཁ་ཕྲལ་གཤིན་གྱི་ཟས་བསྔོ་ཐབས། །གཤེད་འདུལ་གདུག་པ་ཚར་གཅོད་ཅེས་བྱ་ཡོད། ༼ཝ༽ །ཤི་སྒབ་གོད་གཅོད་གཅོད་དང་གདོན་འདུལ་ཐབས། །གཅོད་ལུགས་ཕུན་སུམ་ཚོགས་པའི་མེ་མཆོད་ཡོད། ༼ཞ༽ །རྣལ་འབྱོར་པ་ཡི་རི་འགྲིམ་བོགས་འདོན་དུས། །ཉེ་བར་མཁོ་བའི་རི་འགྲིམ་དམིགས་རིམ་ཡོད། ༼ཟ༽ །སྟེང་ཐོག་བར་ཐོག་འོག་འཁྱུག་བསྲུང་བའི་ཐབས། །གཅོད་ཀྱི་ལྷན་ཐབ་ཐོག་སྲུང་དམིགས་རིམ་ཡོད། ༼འ༽ །སྡེ་བརྒྱད་གདུག་པའི་ཆུ་འཁྱག་བཞུ་བའི་ཐབས། །གཅོད་ལུགས་སེར་བ་སྲུང་བའི་གདམས་པ་ཡོད། ༼ཡ༽ །སེམས་ཅན་མུ་གེའི་བསྐལ་པ་གཞོམ་པའི་ཕྱིར། །གཅོད་ལུགས་ཆར་འབོད་བདུད་རྩིའི་ཆུ་རྒྱུན་ཡོད། ༼ར༽ །ཚེ་འདས་ཕུང་པོ་བྱ་ཡིས་མ་

[Full Size]

ཟོས་ན། །དུར་གཅོད་ཆ་ལག་བྱ་འབོད་སྙན་བརྒྱུད་ཡོད། ༼ལ༽ །རང་གཞན་རྟ་ནོར་གོད་ཀྱིས་འཚེ་བ་ན། །གཅོད་ལུགས་གོད་གཅོད་གདུག་པ་ཁ་ཆིངས་ཡོད། །༼ཤ༽ །གློ་བུར་རང་གཞན་དགྲ་བོས་འཚེ་བ་ན། །ལྷ་འདྲེར་ར་མདའ་སྦྲན་པའི་དམིགས་རིམ་ཡོད། ༼ས༽ །རྣལ་འབྱོར་གླིང་བུའི་མཚན་ཉིད་བརྟག་པའི་ཕྱིར། །མ་གཅིག་གསུང་བཞིན་མདོར་བསྡུས་བཀོད་པ་ཡོད། ༼ཧེ༽ །ལས་རིམ་རབ་འབྱམས་ཐོགས་མེད་བསྒྲུབ་པའི་ཕྱིར། །དམིགས་འབུམ་སྙན་བརྒྱུད་མ་ཡིག་བུ་ཡིག་ཡོད། །༼ཨ༽ །སངས་རྒྱས་བསྟན་དགྲ་རྩད་ནས་བརླག་པའི་ཐབས། །སྙན་བརྒྱུད་ནག་སྦྱོར་དམིགས་པ་བཅོ་ལྔ་ཡི། །མ་ཡིག་བུ་ཡིག་དཔེའུ་རིས་བཅས་པ་ཡོད། ༼ཀ༽ །སྨྱོ་འདུལ་དམ་པའི་ལྕགས་དྲྭ་གནས་སྲུང་དང་། །ཆོ་འཕྲུལ་དབང་སྡུད་ལ་བཙས་གཟའ་འགྱེད་རྣམས། །ཐེམ་མེད་གཅིག་བརྒྱུད་གུད་དུ་སྦས་པ་ཡོད། གཞན་ཡང་ཐེམ་མེད་སྐོར་རྣམས་ཟུར་དུ་གསལ། །དེ་ལྟར་ཟབ་དོན་དགོས་འདོད་ཀུན་ཚང་བའི། །གླེགས་བམ་ཡིད་བཞིན་ནོར་བུའི་གཏེར་མཛོད་འདི། །བྱིན་རླབས་བཅུད་ལྡན་དབང་ལུང་བརྒྱུད་པ་

[Full Size]

བཟང་། །དམ་ཉམས་འདྲེས་ཁྱེར་བརྒྱུད་པ་བར་མ་ཆོད། །གཅོད་བསྟན་ཉིན་མོར་བྱེད་པའི་སྒྲོན་མེ་ཡིན། །དེ་ཕྱིར་འདི་ལ་ཕྱིན་ཆད་སུ་ཡིན་ཀྱང་། །བཅོས་བསླད་འཕྲི་སྣོན་ཀྱང་ནི་མི་མཛད་ཞུ། །མཚན་མོ་སྒྲ་སྒྲོག་ཤམ་པོ་གཟའ་བདུད་དང་། །ཟངས་རི་སྤུན་བདུན་དྲག་པོ་ཟླ་སྐྱོང་སོགས། །བཀའ་སྲུང་རྣམས་ལ་གཏད་དོ་ཐུབ་པར་སྲུངས། །མ་གཅིག་དམ་ལ་མ་འདའ་ས་མ་ཡ། །བདག་ནི་མི་ཤེས་སོ་སྐྱེའི་དབང་གྱུར་པས། །མ་རྟོགས་ལོག་རྟོག་སྔ་འོས་གསལ་བཀོད་སོགས། །འགལ་འཁྲུལ་ཉེས་པའི་ཚོགས་རྣམས་ཅི་མཆིས་པ། །མ་གཅིག་ཆོས་བདག་སྲུང་མའི་ཚོགས་ལ་བཤགས། །འདི་ཕྱིར་སྒྲིབ་པར་མ་གྱུར་དངོས་གྲུབ་སྩོལ། །འདི་ཉིད་བྲིས་ཤིང་བརྩམས་པའི་དགེ་བ་དེས་། །བདག་དང་བདག་ལ་འབྲེལ་བ་ཐོབ་པ་དང་། །འདི་ཉིད་མཐོང་ཐོས་འབྲེལ་ཐོགས་འགྲོ་བ་རྣམས། །ཚེ་འདིར་བར་ཆད་བདུད་བཞིའི་གཡུལ་ལས་རྒྱལ། །ནམ་ཞིག་འཕོས་ཚེ་ཌཱཀིའི་ཚོགས་རྣམས་ཀྱིས། །མེ་ཏོག་ཆར་འབེབས་རོལ་མོའི་སྒྲ་དང་བཅས། །བདེ་བ་ཅན་གྱི་ཞིང་དེར་ཁྲིད་བྱེད་ཅིང་། །ཆོས་སྐུ་འོད་དཔག་མེད་པའི་ཞལ་མཐོང་

[Full Size]

ནས། །བྱང་ཆུབ་སྤྱོད་པ་རྒྱ་ཆེན་སྤྱོད་གྱུར་ཅིག །དེ་སྐད་དགེ་སློང་རཱ་ག་ཨ་སྱ་དེས། །ཤིང་རྟ་གྲོ་ཞུན་ཟླ་བར་རྫོགས་པར་བཀོད། །གཅོད་ཡུལ་བསྟན་པ་དར་རྒྱས་བཀྲ་ཤིས་ཤོག །། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མ་གཅིག་རྣམ་ཐར་ཨུཏྤལ་ཕྲེང་བ།

[Full Size]

མ་གཅིག་རྣམ་ཐར་ཨུཏྤལ་ཕྲེང་བ་ཞེས་བྱ་བ་བཞུགས་པའི་དབུ་ཕྱོགས་ལགས་སོ། །

[Full Size]

ན་མོ་པྲཛྙཱ་པཱ་ར་མི་ཏ་ཡེ། འཕགས་བཞི་བསྐྱེད་མཛད་ཤེར་ཕྱིན་རྒྱལ་བའི་ཡུམ། །རྡོ་རྗེ་རྣལ་འབྱོར་མ་ལ་ཕྱག་འཚལ་ནས། །དེ་ཡི་སྤྲུལ་པ་ལབ་སྒྲོན་རྣམ་ཐར་བྲི། །ཆོས་བདག་སྲུང་མས་བཀའ་ཡི་གནང་བ་སྩོལ། །དཀྱིལ་འཁོར་ཀུན་ཡུམ་རྡོ་རྗེ་རྣལ་འབྱོར་མ། །རྡོ་རྗེ་ཕག་མོ་རྡོ་རྗེ་བདག་མེད་མ། །མཚན་གྱི་རྣམ་གྲངས་མང་ཡང་ངོ་བོ་གཅིག །དེ་ཉིད་ཁྲོ་མོ་མཐིང་ཁ་ཕྱག་གཉིས་མ། །བཞེངས་པའི་མིང་ནི་རྡོ་རྗེ་སྒྲོལ་མ་སྟེ། །དེ་ཡི་ཐུགས་ལས་ཐིག་ལེ་ཚུ་ཡིག་བཅས། །འཕྲོས་པ་ལས་བྱུང་གཞལ་ཡས་ཁང་ཆེན་དབུས། །ཡུམ་ཆེན་གསེར་མདོག་ཕྱག་

[Full Size]

བཞི་པ་གཅིག་ལ། །ཕྱོགས་བཅུའི་རྒྱལ་བ་སྲས་དང་བཅས་པས་བསྐོར། །རྟག་ཏུ་ཆོས་ཀྱི་རང་སྒྲ་སྒྲོགས་པར་སྤྲུལ། །ཞིང་ཁམས་དེ་ལ་འོག་མིན་ཞེས་སུ་གྲགས། །ཡུམ་ཆེན་ཐུགས་ལས་སྤྲུལ་པ་དཔག་མེད་འཕྲོས། །རྡོ་རྗེ་སྒྲོལ་མའི་ཐུགས་ལས་ཧཱུྃ་མཐིང་འཕྲོས། །དོན་གཉིས་བྱས་ནས་ཡུམ་ཆེན་ཐུགས་ཀར་ཐིམ། །རྡོ་རྗེ་ཁཊྭཱཾ་གྲི་གུག་མཚན་པ་བྱུང་། །དེ་ལས་རྡོ་རྗེ་དབྱིངས་ཕྱུག་མ་སྔོན་པོ། །ཞལ་གཅིག་ཕྱག་བཞི་འཁོར་ཚོགས་དཔག་མེད་བཅས། །སྤྲུལ་པ་གྲངས་མེད་འགྲོ་བའི་དོན་ལ་འགྱེད། །ཐུགས་སྤྲུལ་ཁྲོས་མ་བདུད་འདུལ་ལྷ་ལྔར་

[Full Size]

སྤྲུལ། །ཨོ་རྒྱན་དབུས་ཀྱི་སྟེང་གི་ཕོ་བྲང་བཞུགས། །རྡོ་རྗེ་སྒྲོལ་མ་ཡུམ་ཆེན་དབྱིངས་ཕྱུག་མ། །བདུད་འདུལ་མ་སྟེ་རྩ་བའི་མཁའ་འགྲོ་བཞི། །ཐ་མལ་པ་ཡིས་མཐོང་བར་མི་ནུས་སོ། །བདུད་འདུལ་མ་ཡི་ཐུགས་སྤྲུལ་གསེར་གླིང་མ། །སེར་མོ་གཙོ་འཁོར་ལྔ་སྤྲུལ་ཨོ་རྒྱན་བྱོན། །གསེར་གླིང་མ་ཡི་ཐུགས་སྤྲུལ་སྔོན་མོ་གཅིག །སྲིད་རྩེའི་འོག་མིན་དུ་བྱོན་འཕགས་པ་ཡི། །གཙང་མའི་གནས་སུ་འགྲོ་དོན་དཔག་མེད་མཛད། །སྔོན་མོ་དེ་ཡི་ཐུགས་སྤྲུལ་དམར་མོ་གཅིག །ཚངས་རིས་གཟུགས་ཁམས་བཅུ་གཉིས་འགྲོ་དོན་མཛད། །དམར་མོ་དེ་ཡི་ཐུགས་སྤྲུལ་དཀར་མོ་གཅིག །གཞན་འཕྲུལ་འཕྲུལ་དགའ་དགའ་ལྡན་འགྲོ་དོན་མཛད། །དཀར་མོ་དེ་ཡི་ཐུགས་སྤྲུལ་སེར་མོ་གཅིག །མཐའ་བྲལ་སུམ་རྩེན་རྒྱལ་ཆེན་རིགས་བཞིའི་ལྷ། །འགྲོ་དོན་མཛད་ཅིང་སེར་མོ་དེ་ཉིད་ཀྱིས། །ཐུགས་སྤྲུལ་ལྗང་མོ་ཨོ་རྒྱན་ཡུལ་དུ་བྱོན། །སྤྲུལ་པས་གནས་ཆེན་རྣམས་སུ་འགྲོ་དོན་མཛད། །ལྗང་མོའི་ཐུགས་སྤྲུལ་མཁའ་འགྲོ་སེར་མོ་གཅིག །གཞོང་ཐོགས་ཕྲེང་ཐོགས་རྟག་མྱོས་རྒྱལ་ཆེན་བཞི། །སུམ་རྩེན་མཐའ་བྲལ་བར་བྱོན་འགྲོ་དོན་མཛད། །སྤྲུལ་པ་

[Full Size]

གྲངས་མེད་བསྒྲུངས་བར་མི་ནུས་ཀྱང་། །གསེར་གླིང་མ་ནས་བཟུང་སྟེ་སྐྱེ་རྒྱུད་ནི། །བསྐལ་པ་འདི་ལ་སངས་རྒྱས་མ་བྱོན་སྔོན། །སྐྱེ་བ་སུམ་ཅུ་སོང་ཞིང་དེ་བཞིན་ཏུ། །འཁོར་བ་འཇིག་གི་བསྟན་ལ་ཉེར་གཉིས་དང་། །གསེར་ཐུབ་བསྟན་ལ་སྐྱེ་བ་ཉི་ཤུ་གཅིག །འོད་སྲུང་བསྟན་ལ་ཉི་ཤུ་ཐམ་པ་སྟེ། །ཤཱཀ་ཐུབ་བསྟན་ལ་སྐྱེ་བ་བཅུ་བཞིར་བཅས། །ལབ་སྒྲོན་ཡན་ཆད་བརྒྱ་དང་བདུན་ཡིན་ཏེ། །འགའ་རེ་དུས་མཉམ་འགའ་རེ་གཅིག་བརྒྱུད་ཡིན། །ཁྱད་པར་ལྷ་གནས་ནོར་བུ་ཕུན་ཚོགས་གླིང་། །ལྷ་མོ་སེར་མོ་གཅིག་ཏུ་སྐྱེ་བ་བཞེས། །ལྷ་མོ་བདུན་བཅས་ཤཱཀ་ཐུབ་མཆོད་ཕྱིར་འོང་། །རིན་ཆེན་མེ་ཏོག་མཆོད་ཅིང་ཕྱག་བསྐོར་བྱས། །སྟོན་པས་ལྷ་མོ་ཁྱོད་ནི་འོང་བ་ལེགས། །མ་འོངས་རྡོ་རྗེ་གདན་འདིར་མུ་སྟེགས་འདུལ། །དེ་ནས་བོད་དུ་ལྷ་འདྲེ་འདུལ་སྐལ་ཡོད། །ད་ལྟ་སྨོན་ལམ་ཐོབ་ཅིག་བཀའ་སྩལ་པས། །ལྷ་མོ་བློ་ཞུམ་སྨོན་ལམ་འདེབས་མ་ནུས། །དེ་ཚེ་རབ་འབྱོར་ཆེན་པོའི་འདི་སྐད་གསུངས། །སྨོན་ལམ་ཐོབ་དང་བདག་གི་གྲོགས་བྱ་གསུངས། །དེ་ནས་སྨོན་ལམ་འདེབས་སྐབས་ཕུག་རོན་ཞིག །བྱ་ཁྲས་བརྡས་

[Full Size]

པ་ལྷ་མོའི་མདུན་དུ་ཕོག །བྱི་ལས་བཟུང་བ་ལྷ་མོས་བཤུགས་པ་ཡི། །བྱི་ལས་ལྷ་མོའི་ཕྱག་འདྲེད་སྨོན་ལམ་ཆད། །སྣ་ལ་སེན་རྡོག་བརྒྱབས་པས་བྱི་ལ་འགྱེལ། །དེ་ཡི་རྟེན་འབྲེལ་བོད་དུ་ལྷ་མོ་ཡི། །བསྟན་མཇུག་མུ་སྟེགས་གནོད་པར་སྟོན་པས་གསུངས། །དེ་ཉིད་མི་འབྱུང་བ་ཞིག་གསོལ་བཏབ་པས། །སྟོན་པས་རབ་འབྱོར་ཉིད་ལ་སྤྱན་གྱིས་གཟིགས། །མུ་སྟེགས་ཝ་ཚོགས་སེང་གེས་བཅོམ་པར་བྱ། །དེ་སྐད་རབ་འབྱོར་ཉིད་ཀྱི་ཞལ་གྱིས་བཞེས། །དེ་རྗེས་ལྷ་མོ་དུས་གཅིག་སྐྱེ་བ་གསུམ། །གསུང་སྤྲུལ་ཨོ་རྒྱན་ཡུལ་གྱི་ལྷོ་ནུབ་མཚམས། །ཕག་མོ་དམར་མོར་སྤྲུལ་ནས་ཟབ་ཆོས་སྟོན། །སྐུ་སྤྲུལ་བལ་བཟའ་ཐུགས་སྤྲུལ་རྒྱ་བཟའ་ཡིན། །དེ་གཉིས་གཅིག་བསྡུས་ཡེ་ཤེས་མཚོ་རྒྱལ་དང་། །དེ་ཡི་སྐྱེ་བ་སུམ་ཅུ་རྩ་གསུམ་དུ། །ལྷ་མོ་དཀར་མོ་གཟི་བརྗིད་ཅན་དུ་སྐྱེས། །དེ་ཉིད་ཚེ་འཕོས་རྒྱ་གར་སེར་སྐྱའི་ཡུལ། །ངོ་མཚར་ལྟས་བཅས་རྒྱལ་པོའི་སྲས་སུ་འཁྲུངས། །རབ་བྱུང་རིག་གནས་ཀུན་ལ་མཁས་མཐར་ཕྱིན། །བདེ་མཆོག་ལྷ་ཚོགས་དབང་བསྐུར་ཞལ་ཡང་གཟིགས། །སངས་རྒྱས་ཞིང་ཀུན་ཐོགས་མེད་བསྒྲོད་པར་ནུས། །

[Full Size]

རྡོ་རྗེ་གདན་དུ་ཕྱི་ནང་རྩོད་པའི་ཚེ། །མུ་སྟེགས་འབུམ་ཕྲག་ནང་པའི་བསྟན་ལ་བཙུད། །དེ་ཚེ་མུ་སྟེགས་གཟི་ལྡན་ནག་པོ་དེ། །འཕུར་ནས་རི་རབ་ཁོང་སེང་དུ་ཞུགས་པས། །པཎྜི་ཏ་པ་དོན་གྲུབ་བཟང་པོ་ཡིས། །མ་འོངས་བསྟན་ལ་གནོད་པའི་དམོད་པ་བོར། །པཎ་ཆེན་རྡོ་རྗེ་གདན་དུ་ལོ་བཞི་བཞུགས། །སྒྲོན་མས་བོད་དུ་འགྲོ་དགོས་བསྒྲུབ་གྱིས་གསུངས། །དུར་ཁྲོད་གནས་སུ་མཁའ་འགྲོ་དམ་ལ་བཏགས། །བདག་མེད་ལྷ་མོ་བཅོ་ལྔ་མཱ་ཡཱ་རྣམས། །བྱོན་ནས་ལུང་བསྟན་རྐང་མགྱོགས་དངོས་གྲུབ་ཐོབ། །པོ་ཏ་རི་ཡི་བྷ་དྲའི་ཕུག་པར་བྱོན། །ཁྲོས་མ་ལྷ་ལྔའི་སྒྲུབ་པ་མཛད་པའི་ཚེ། །ཟླ་བ་ཕྱེད་ནས་ཐུན་མོང་དངོས་གྲུབ་ཐོབ། །ཟླ་བ་གཅིག་ནས་ཞལ་མཐོང་དབང་བཞི་བསྐུར། །སྒྲོལ་མ་ཚེ་དཔག་མེད་དང་སྤྱན་རས་གཟིགས། །ཨོ་རྒྱན་རྣམས་ཀྱིས་དབང་བསྐུར་བྱིན་གྱིས་རླབས། །བོད་དུ་འབྱོན་དགོས་འགྲོ་དོན་ལུང་བསྟན་མཛད། །ཁྲོས་མས་བསྒྲལ་ནས་རྣམ་ཤེས་བོད་དུ་བྱོན། །གདུང་དེ་མི་ཉམས་གནས་པར་བྱིན་གྱིས་བརླབས། །ལབ་ཕྱིའི་གྲོང་དུ་ལྷུམས་སུ་ཞུགས་པའི་ཚེ། །གདུང་རུས་ཆེ་གང་ཡབ་ལ་ཆོས་

[Full Size]

སྐྱབས་དང་། །ཡུམ་ནི་ཀླུ་མོ་བཟའ་ཞེས་འབུམ་ལྕམ་མིང་། །མིང་པོ་འཁོར་ལོ་མ་གཅིག་ཆུང་ཤོས་ཡིན། །ངོ་མཚར་རྨིས་ལྟས་རང་གཞན་ཀུན་ལ་བྱུང་། །ཡུམ་ཉིད་སྔར་བས་གཞོན་ཅིང་བདེ་བ་རྒྱས། །ལེགས་ཉེས་ཤེས་ཤིང་མཚན་མོ་སྒྲིབ་མེད་གསལ། །ལྷུམས་ནས་ཨ་དང་ཧ་རི་ནི་ས་དང་། །ག་ཏེ་འདོན་ཅིང་ཨ་མ་ང་ཡི་གོས། །རས་དཀར་སྤྲོས་བདུག་དྲི་བཟང་སྦྲུག་པས་བྱེད། །ཅེས་གསུངས་བལྟམས་ཚེ་དྲི་བཟང་ཡུལ་ཁམས་ཁྱབ། །ཐུག་ཆོམ་ས་གཡོས་འཇའ་འོད་རོལ་མོའི་སྒྲ། །མེ་ཏོག་ཆར་སོགས་ཡུལ་མི་ཀུན་གྱིས་མཐོང་། །བལྟམས་མ་ཐག་ཏུ་དཀར་གསལ་འོད་ཟེར་འབར། །སྤྱན་གསུམ་འཇའ་གུར་ནང་དུ་བརྐྱང་བསྐུམ་བཞུགས། །ཨ་མ་བདེའམ་གསུང་ཞིང་ཨ་ཡིག་བསྒྲངས། །དཔྲལ་བའི་སྤྱན་དབུས་ཨ་ཡིག་དཀར་པོ་དང་། །འོད་ཟེར་སྣ་ལྔ་པ་ཞིག་སྤྱི་བོར་ཟུགས། །སྤྱི་གཙུག་འོད་དཀར་ཨ་ཡིག་དཀར་པོས་མཚན། །ལྕེ་སྟེང་ཧྲིདམར་འཁོར་ཞིང་འོད་ཟེར་འབར། །ཕྱག་མཐིལ་པདྨ་ཕྱག་སོར་དྲ་བས་འབྲེལ། །སེན་མོ་ཨོ་ཨཱཧཱུྃ་འཆར་ཉ་ཕྱིས་མདོག །དེ་ནས་རིས་བཀོན་ཀ་ར་བྱིན་པ་དང་། །སྤྱི་བོའི་འོད་དཀར་ལྗགས་ཀྱི་

[Full Size]

ལ་ཐིམ། །དེ་ནས་གཞན་ལས་སྐྱེད་ཀྱང་ཆེ་བར་གྱུར། །ལོ་གསུམ་ལོན་ནས་ལྷ་ལ་ཕྱག་འཚལ་ཞིང་། །ཡིག་དྲུག་ཏཱ་རེ་ག་ཏེ་ཨ་ཡིག་དང་། །ཧ་རི་ནི་ས་རྣམས་ནི་འདོན་པར་མཛད། །ལོ་ལྔར་གཤར་གཟབ་བསླབས་པས་མཁས་མཐར་ཕྱིན། །ལོ་བརྒྱད་ལོན་ནས་རྒྱ་བོད་ཡི་གེ་ཀུན། །བྲི་ཀློག་སྒྲ་དོན་ཀུན་ལ་མཁས་པར་གྱུར། །ཉིན་རེ་བརྒྱད་སྟོང་པ་ལ་ཚར་གསུམ་ཐོན། །དགུང་ལོ་གསུམ་ནས་བཟུང་སྟེ་ཐམས་ཅད་ཀྱིས། །དད་པས་སྨོན་ལམ་ཞུ་བ་ཐམས་ཅད་ལ། །ནད་གདོན་ཞི་དང་ཚེ་བསོད་འཕེལ་བར་བྱུང་། །མངའ་རི་རྒྱལ་པོས་གདན་དྲངས་ལོ་རྒྱུས་རྣམས། །རྒྱལ་པོས་དྲིས་པས་ཡུམ་གྱིས་ཞུ་མ་ཕོད། །བུ་མོས་བཤད་ཅིང་སྡུད་པ་ཀློག་པ་ལ། །པཎྜི་ཏ་དང་དགེ་འདུན་མང་པོ་ཡིས། །འདི་ཡི་དོན་དེ་ཁྱོད་ཀྱིས་ཨེ་ཤེས་ཟེར། །ཤེས་གསུངས་བཤད་པས་ཐམས་ཅད་ཡིད་ཆེས་ནས། །ཡེ་ཤེས་མཁའ་འགྲོ་ཡིན་པར་ཞལ་འཆམ་མོ། །རྒྱལ་པོས་པང་དུ་བླངས་ནས་སྤྱན་དབུས་ཀྱི། །ཨ་ཡིག་ལ་སོགས་མཁའ་འགྲོའི་མཚན་ལ་དད། །ཁྲོམ་ཚོགས་འབུམ་ཕྲག་གསུམ་དང་བཅས་པ་ཡིས། །ལབ་སྒྲོན་བཏགས་ཤིང་འབུལ་

[Full Size]

ཞབས་མང་དུ་བྱས།་།དགུང་ལོ་བཅུ་དུས་ཉིན་རེ་པོ་ཏི་བཞི། །བཅུ་གསུམ་ལོན་ནས་པོ་ཏི་བརྒྱད་རེ་ཐོན། །ཡུམ་འདས་འཇའ་འོད་མེ་ཏོག་ཆར་པ་བབ། །ཨ་ལྕེ་རིན་ཆེན་འབུམ་དང་ལབ་སྒྲོན་གཉིས། །བླ་མ་ཨ་སྟོན་དྲུང་དུ་སོང་བའི་ཚེ། །བྲེ་ལྔ་འཐག་ཡུན་བརྒྱད་སྟོང་ཚར་གཅིག་ཐོན། །བླ་མས་ཕར་ཕྱིན་བཤད་པ་གསུངས་པ་ཡི། །ལབ་སྒྲོན་མཁས་ཤིང་དགེ་བཤེས་ཀུན་ལས་མཁས། །བླ་མས་ཁྱེད་ཀྱི་སློབ་དཔོན་ངས་མ་ནུས། །གྲྭ་པ་མངོན་ཤེས་ཅན་གྱི་དྲུང་སོང་གསུངས། །བཅུ་དྲུག་ལོ་ལ་གྲྭ་པ་མངོན་ཤེས་མཇལ། །གྲྭ་པའི་མཆོད་གནས་རྒྱ་གར་དྲུག་འགྱུར་དང་། །ཀློག་པ་གང་སྐྱེན་བྱས་པས་གཅིག་དེ་ཡི། །པོད་བཞི་ཚར་ཞིང་ལབ་སྒྲོན་བཅུ་གཉིས་ཚར། །སྐད་འགྱུར་གཉིས་ཀྱིས་ལྕེ་ལྷག་བརྒྱ་ཡི་ལྷག །དེ་རུ་གྲྭ་པའི་མཆོད་གནས་ལོ་བཞིར་བཞུགས། །བླ་མས་མདོ་ལུགས་བཤད་པ་ཐམས་ཅད་གནང་། །པད་ཞྭ་བཀོན་པས་ཞྭ་ཆུང་མ་རུ་གྲགས། །དབུ་སྐྲ་ལི་འཕྱིང་རྟ་རྔ་ལྟ་བུར་སིལ། །གཙང་སྦྲ་བག་ཡོད་ཀུན་གྱིས་གུས་ཤིང་བཀུར། །དེ་དུས་དམ་པ་རྒྱ་གར་བྱོན་ནས་མཇལ། །དམ་པས་ཕྱག་མ་བཞེས་པར་དབུ་ཐུགས་

[Full Size]

མཛད། །པཎྜི་ཏ་ཡི་སྐྱེ་བ་ལབ་སྒྲོན་མ། །བོད་དུ་འགྲོ་དོན་མཛད་པར་རྗེས་ཡི་རང་། །གདམས་པ་ལུང་བསྟན་གནང་ནས་དམ་པ་བྱོན། །དེ་ནས་སྐྱོ་སྟོན་བསོད་ནམས་གྲགས་པ་བྱོན། །གདམས་པ་གསུངས་པས་བདུད་ཀྱི་ལེའུ་ནས། །རྟོགས་པ་སྐྱེས་ནས་ཆོས་བརྒྱད་འཛིན་པ་ཞིག །དང་པོའི་ས་དེ་གསར་དུ་ཐོབ་ཚུལ་བསྟན། །ཡོན་ཏན་བརྒྱ་ཕྲག་བཅུ་གཉིས་རྫོགས་པར་གྱུར། །བསོད་ནམས་བླ་མས་མ་ཡི་དབང་བསྐུར་ཚེ། །ལབ་སྒྲོན་བར་སྣང་གར་སྟབས་ཉེར་བཞི་བསྒྱུར། །ཡན་ལག་བཅུ་བཞིའི་དབང་ནི་སཾ་སྐྲའི་སྐད། །རྡོ་རྗེ་ལྟ་བུའི་ཏིང་ངེ་འཛིན་རྟོགས་ནས། །ས་བརྒྱད་ཐོབ་སྟེ་འཕུར་ཏེ་ཕྱི་རོལ་དུ། །ཤིང་སྡོང་གསེར་ལྷག་ཅན་གྱི་རྩ་བ་ན། །ཆུ་མིག་གནམ་ཁོལ་མི་འགྲེང་གཉིས་འཕྱུར་ཞིང་། །ཆུ་དཔུང་མི་ཡིས་གཤག་པར་མ་ཐུབ་པ། །ཀླུ་ནི་དྲག་པོ་ཟླ་སྐྱོང་ཞེས་བྱ་གནས། །མི་རྣམས་དེ་རུ་ལྟ་བར་མི་ཕོད་པར། །མ་གཅིག་ལུས་སྦྱིན་མཛད་པས་ཀླུ་རྒྱལ་ཁྲོས། །ལྷ་འདྲེའི་དམག་བསྐུལ་ཆོ་འཕྲུལ་ཅི་བསྟན་ཀྱང་། །གླགས་མ་རྙེད་དེ་དམ་བཏགས་སྲོག་སྙིང་ཕུལ། །ཆུ་མིག་འཕྱུར་བའང་མི་འགྲེང་ཕྱེད་གཉིས་

[Full Size]

ཞི། །མཱ་ཡཱའི་ལྷ་ཚོགས་ཞལ་གཟིགས་དབང་བཞི་བསྐུར། །དེ་རྗེས་ཕག་ནག་ལྷ་ལྔས་དབང་བསྐུར་ནས། །མི་མ་ཡིན་རྣམས་འདུལ་བར་གྱིས་ཤིག་གསུངས། །དེ་རྗེས་ཡུམ་ཆེན་ཕྱོགས་བཅུའི་སངས་རྒྱས་བསྐོར། །མགྲིན་གཅིག་ཕྱག་བརྐྱངས་གཉེན་ཁྲོད་འགྲིམ་ཞིག་གསུངས། །ཐོ་རངས་སྒྲོལ་མ་ལྷ་མོ་ཉེར་གཅིག་བྱོན། །དབང་བསྐུར་ཐོད་པ་བྷ་དྲ་ལུང་བསྟན་མཛད། །ས་བཅུའི་རྟོགས་པ་གསར་དུ་སྐྱེས་ཚུལ་བསྟན། །ལབ་སྒྲོན་དུང་མདོག་འོད་འབར་བར་སྣང་དུ། །འཇའ་ཚོན་སྣ་ལྔ་འཁྲིགས་པའི་ནང་དུ་བཞུགས། །ཕྱིར་ནང་བླ་མར་ཕྱག་དང་མཎྜལ་ཕུལ། །དབང་བཞི་བསྐུར་ནས་གསང་སྔགས་དམ་ཚིག་གསུངས། །ཟླ་བ་གསུམ་ལ་སྔགས་ལ་སློབ་གཉེར་མཛད། །བླ་མ་ཞྭ་དམར་བ་ལ་བྱམས་ཆོས་སྐོར། །བླ་མ་སྦས་སྟོན་པ་ལ་རྫོགས་ཆེན་སྐོར། །བླ་མ་ཡར་སྡིང་བ་ལ་ཕྱག་ཆེན་སྐོར། །ཆོས་དྲུག་དུས་འཁོར་དོ་ཧ་ཀྲི་ཡའི་སྐོར་སོགས་ཞུས། །ལྷ་སའི་ཇོ་བོ་མཇལ་ཞིང་མཆོད་པའི་ཚེ། །ནམ་མཁར་འོད་དང་འཇའ་ཚོན་རོལ་མོའི་སྒྲ། །མེ་ཏོག་ཆར་བབ་ཐམས་ཅད་དད་པར་གྱུར། །གྲྭ་ཐང་བཞུགས་སྐབས་དམ་པ་དེར་བྱོན་ནས། །ཕར་ཕྱིན་

[Full Size]

གདམས་པའི་ཞི་བྱེད་མང་དུ་གནང་། །དམ་པས་ཡེ་ཤེས་མཁའ་འགྲོ་དངོས་གསུངས་ཤིང་། །མདོ་སྡེ་དང་སྙིགས་འབྱེད་པ་ཞེས་བྱ་བའི། །ལེའུ་བརྒྱད་ཅུ་རྩ་གཉིས་པ་ལས་ནི། །སྙིགས་མ་རྩོད་པ་རྒྱས་པའི་དུས། །བྱང་ཕྱོགས་ཁ་བ་ཅན་ལྗོངས་སུ། །རྒྱལ་བའི་ཡུམ་གྱིས་སྤྲུལ་པ་ནི། །སྒྲོལ་མའི་མཚན་ཅན་འབྱུང་བར་འགྱུར། །འཇམ་དཔལ་རྩ་རྒྱུད་རྒྱས་པ་ལས། །ང་ཡི་བསྟན་པ་སྙིགས་མ་ལ། །ཁ་བ་ཅན་ཞེས་བྱང་ཕྱོགས་ལྗོངས། །ཤེས་རབ་ཡུམ་གྱི་ཐུགས་སྤྲུལ་ནི། །ལབ་ཀྱི་སྒྲོལ་མ་བྱ་བ་འབྱུང་། །སྐྱེ་མེད་སྙིང་པོའི་དོན་རྟོགས་ཤིང་། །གྲོང་དང་གྲོང་ཁྱེར་རི་སུལ་དང་། །དུར་ཁྲོད་བས་མཐའ་ཁྱབ་པར་ཉུལ། །དེ་ཡིས་ཆོས་ནི་རྒྱས་པར་འགྱུར། །ཞེས་གསུངས་སོ། །རྫོགས་སངས་རྒྱས་ཀྱི་ལུང་བསྟན་པའི། །པཎྜི་ཏ་པ་དོན་གྲུབ་རིན་ཆེན་གྱིས། །སྐྱེ་བ་མ་གཅིག་ལབ་སྒྲོན་འདི་ཡིན་ཅིང་། །དེ་ཡང་མུ་སྟེགས་མཁའ་འགྲོ་བདུད་མོ་བཞི། །བོད་དུ་སྐྱེས་ནས་ལམ་ལོག་སྟོན་པ་སྟེ། །སྤར་བུའི་སྦྱར་བ་དཀར་མོ་དེ་དང་གཅིག །སྟོད་ལུང་མཆེད་མོ་ནམ་མཁའ་དེ་དང་གཉིས། །གཙང་གི་ཤོལ་མོ་རྒྱལ་ལྕམ་དེ་

[Full Size]

དང་གསུམ། །ལྷ་སྟེང་ཞང་མོ་ལྷ་ཁྲིད་བཞི་པོ་ཡིན། །དེ་ཉིད་འདུལ་བྱེད་ཡེ་ཤེས་མཁའ་འགྲོ་བཞི། །མ་གཅིག་ཞྭ་མས་ལམ་འབྲས་སྒོ་ནས་འདུལ། །ཞང་ལྕམ་འབྲོམ་ཆུང་མ་ཡི་རྫོགས་ཆེན་སྟོན། །སྣ་ནམ་ཤེལ་བཟའ་སྒྲོན་མས་ཕྱག་ཆེན་སྟོན། །ལབ་ཀྱི་སྒྲོལ་མས་གཅོད་ཡུལ་སྟོན་ནས་འདུལ། །བདུད་མོ་བཞི་བཏུལ་ཡེ་ཤེས་མཁའ་འགྲོར་བསྒྱུར། །དེ་དག་རྒྱ་ཆེར་ཕ་གཅིག་དམ་པས་གསུངས། །དེ་ནས་རབས་ཆད་རྒན་གོག་ཕྱུག་པོ་གཅིག །གྲྭ་པ་མངོན་ཤེས་ཅན་ལ་ངོ་ཆེན་ཞུས། །ལབ་སྒྲོན་ཟླ་གཅིག་འབུམ་ནི་ཀློག་དགོས་ཟེར་། །དེ་ནུབ་ཁྲོས་མ་ཨེ་ཀ་ཙ་ཏི་བྱོན། །སངས་རྒྱས་ཐོད་པའི་རྣམ་འཕྲུལ་བྷ་དྲ་ཡ། །ཐབས་ཤེས་མཛོད་དང་བསྟན་པ་རྒྱས་འགྱུར་གསུངས། །ལམ་དུ་ཞུགས་ནུབ་བུད་མེད་དཀར་མོ་བདུན། །ཐོ་རངས་ལྷ་མོ་རེ་ཏི་དཀར་མོ་བྱོན། །ཕྱག་འཚལ་ཡེ་ཤེས་མཁའ་འགྲོ་བདུད་འདུལ་མ། །ཁྱེད་ནི་བསུ་ཕྱིར་བདག་ཅག་འོང་བ་ཡིན། །རྒྱ་གར་ཤཱཀ་རིགས་མཁས་པ་པཎྜི་ཏ། །སངས་རྒྱས་ཐོད་པའི་རྣམ་འཕྲུལ་བྷ་ཏྲ་ཡས། །ཁྱེད་དང་མཇལ་ཕྱིར་ཁོ་མོ་བསུ་བཏང་ཟེར། །ལམ་དུ་སྟོན་པ་ཤེས་རབ་འབུམ་ཞེས་པ། །གྲྭ་པ་སུམ་བརྒྱར་

[Full Size]

ཤེར་ཕྱིན་འཆད་པ་མཇལ། །གྲྭ་པ་རྣམས་དང་བགྲོ་གླེང་ལབ་སྒྲོན་རྒྱལ། །བླ་མ་དེ་ཉིད་འཇམ་དབྱངས་དམར་པོར་མཐོང་། །རྟེན་འབྲེལ་བཤད་པ་རྒྱ་ཆེན་དེ་ལ་ཞུས། །བླ་མས་ལབ་སྒྲོན་སྒྲོལ་མ་དཀར་མོར་གཟིགས། །དེ་ནས་རབ་ཆད་སར་ཕེབས་བྷ་ཏྲ་མཇལ། །འབུམ་ཀློག་སྐབས་སུ་རྒྱ་གར་གསུང་གླེང་མཛད། །སྙོམས་པར་ཞུགས་པས་ཁང་ཁྱིམ་འོད་ཀྱིས་གང་། །རྒན་མོས་མེ་མཆེད་རེད་བསམ་བལྟར་ཕྱིན་པས། །འོད་ཟེར་ཁ་དོག་ལྔ་ཡིས་ཁྱིམ་གང་ནས། །འོད་ནི་དཀར་དམར་ཕུབ་ཙམ་ཁ་སྦྱོར་མཐོང་། །ཕྱིར་ནངས་ཡོན་བདག་མ་དེས་ཅི་ལགས་སྨྲས། །ལུང་བསྟན་ཕར་ཆེར་བདུད་ཀྱིས་བསླུ་བ་དང་། །ཕོ་མོ་གཉིས་འགྲོགས་རྐྱེན་ངན་བདུད་དང་འགྲོགས། །ཡོན་བདག་མོ་ཡང་ཁྲིས་འདྲེས་དེད་ནས་འོང་། །འགྲོ་བའི་དོན་ཡང་ཅི་ནུས་ཆ་མེད་གསུངས། །དེ་ནས་བླ་མ་གཉིས་ལ་བཤགས་པ་བྱས། །བཤགས་པ་མི་དགོས་འགྲོ་དོན་འབྱུང་གསུངས་པས། །ཐོད་པ་བྷ་ཏྲ་ཉིད་དང་ལྷན་ཅིག་བཞུགས། །སྲས་གཅིག་འཁྲུངས་པའི་མིང་ནི་གྲུབ་པ་བཏགས། །མི་རྣམས་འབར་ཤ་བྱས་པས་རྐང་པོར་བྱོན། །སྲས་གཅིག་

[Full Size]

འཁྲུངས་པས་གྲུབ་སེ་ཀོང་པོ་སྐྱབ། །ཚོགས་གཅིག་བྱས་པས་ཌཱཀི་སྤྲིན་ལྟར་འདུས། །སྲས་མོ་གཅིག་འཁྲུངས་གྲུབ་ཆུང་ལ་འདུས་མ། །ལྷ་སར་བུ་མོས་ཤིང་ལ་འཛེགས་པས་ཆབ། །མགོ་ལ་རྨ་བྱུང་ཁྲག་མང་བྱུང་བ་ལ། །བྱ་དང་དུད་འགྲོ་ཀུན་འདུས་སྐད་འདོན་ཞིང་། །སྟེང་དུ་འཇའ་ཡི་གདུགས་གསུམ་གཡས་སུ་འཁོར། །མེ་ཏོག་ཆར་བབ་དེ་ནས་ཐམས་ཅད་དད། །སྲས་པོ་ཆེ་བ་དགུང་ལོ་བཅུ་གཉིས་ནས། །ར་རྣམས་རྐུ་ཞིང་རིར་རྒྱུག་ཁྱིམ་མ་ཚུད། །ཡབ་དང་སྲས་རྣམས་གླང་ཐང་དུ་བཞག་ནས། །དགུང་ལོ་སོ་བཞིར་འཁོར་བ་སྤང་ཚུལ་མཛད། །བསོད་ནམས་བླ་མར་ཁྲོས་མ་ལྷ་ལྔ་ཞུས། །དེ་ཚེ་བླ་མས་ཕག་མོ་དངོས་སུ་མཐོང་། །མ་གཅིག་བསྐྱེད་རིམ་བརྟན་པ་ཐོབ་ཚུལ་མཛད། །གྲྭ་པ་མངོན་ཤེས་ཅན་མཇལ་སེམས་བསྐྱེད་ཞུས། །རྟེན་འབྲེལ་བགྲོ་གླེང་ཕུལ་བས་བླ་མ་མཉེས། །རྟེན་འབྲེལ་གྲུབ་ཐོབ་ཆེན་མོ་ཡིན་ནོ་གསུངས། །ཁྱེད་ནི་རྒྱལ་བའི་བསྐྱེད་ཡུམ་ཉི་ཟླ་འདྲ། །བདག་ནི་སྐར་མ་ཙམ་ཞིག་ཡིན་གསུངས་བསྟོད། །བླ་མ་ཤཱཀ་ཐུབ་གཙོ་འཁོར་བཞི་རུ་གཟིགས། །བླ་མི་སྟོན་པར་གྱུར་པས་ལུང་གནང་ཞིང་། །སྤྱན་རས་གཟིགས་

[Full Size]

ཀྱིས་བདུད་རྩི་རྒྱུན་བབ་སྟེ། །འཇམ་དབྱངས་རལ་གྲི་སྙིང་གར་བརྡེག་པའི་ཚུལ། །ཕྱག་རྡོར་རྡོ་རྗེས་ཚྭ་ཚྭས་བགེགས་སྲེག་མཐོང་། །དིང་རི་བ་ཡི་བསུ་བ་སེར་འཕྲེང་བཅས། །དམ་པ་མཇལ་ཞིང་མདོ་ལུགས་གཅོད་དབང་ཞུས། །དབང་ལྷ་ཡུམ་ཆེན་ཕྱོགས་བཅུའི་སངས་རྒྱས་མཐོང་། །དམ་པ་འཇམ་དབྱངས་དམར་པོ་དངོས་སུ་མཐོང་། །གཉན་ས་བརྒྱ་རྩ་བཅད་ནས་ཟངས་རི་རུ། །འགྲོ་དོན་འབྱུང་བར་དམ་པས་ལུང་བསྟན་ཏོ། །མཁར་རི་ཐང་ལྷ་ཡར་ལྷ་ལ་སོགས་པའི། །གཉན་ས་བརྒྱ་དང་ཉི་ཤུ་རྩ་བརྒྱད་བཅད། །ཟངས་རིའི་ཡོན་བདག་མཛད་ཟེར་དེ་རུ་བཞུགས། །ཇོ་མོ་ཆོས་མཚོ་འཆི་བའི་སྐག་ཡོད་པས། །དབང་དང་ཚོགས་བརྒྱས་འགྱུར་བས་ཡོན་བདག་བྱས། །དེ་རུ་དགེ་བཤེས་མང་པོ་ཉམས་ཚད་ཕྱིན། །བགྲོ་གླེང་བྱས་པས་དད་ཅིང་སློབ་མར་གྱུར། །སྒྲོལ་མ་དངོས་སུ་འདུག་ཟེར་གྲགས་པས་ཁྱབ། །གྲུབ་ཐོབ་ཕམ་མཐིང་པ་བྱོན་དད་གྱུར་པས། །ལྷ་མོ་སྒྱུ་འཕྲུལ་སྤྲུལ་པ་ཞེས་གསུངས་བསྟོད། །ཕན་ཚུན་གསུང་ཆོས་ཞུ་རེས་ཐུགས་ཡིད་འདྲེས། །དེ་ནས་མ་གཅིག་རང་ལུགས་ཆོས་རྣམས་བརྩམས། །རྒྱལ་ཆེན་

[Full Size]

བཞི་དང་བརྟན་མ་བཅུ་གཉིས་དང་། །འོ་དེ་གུང་རྒྱལ་ལ་སོགས་སེམས་བསྐྱེད་ཞུས། །བསྟན་པ་སྲུང་བར་ཁས་བླངས་ཞག་ཉེར་གཅིག །ལྷ་འདྲེ་དེ་དག་སེམས་བསྐྱེད་བསླབ་བྱ་ཉན། །ཞིང་སྐྱོང་མཁའ་འགྲོ་བདུན་ནི་དུས་རྟག་ཏུ། །འདུག་པ་ཕལ་པ་མང་པོས་མཐོང་བ་དང་། །སྐུ་བསོད་སྙན་གྲགས་བོད་ཁམས་ཡོངས་ལ་ཁྱབ། །མཆིམས་ཕུར་སྒྲོལ་མ་མཁའ་འགྲོའི་ཚོགས་བཅས་བྱོན། །གསང་སྔགས་རྒྱུད་ལུང་དབང་རྣམས་དངོས་སུ་བསྐུར། །སྔོན་གྱི་སྤྲུལ་རྒྱུད་ཐམས་ཅད་གསལ་བར་གསུངས། །དེ་ནས་མ་གཅིག་ཉིད་ཀྱིས་ཐུགས་ལ་ཤར། །ཟངས་རིར་བྱོན་པས་མགོན་པོ་བེར་ཅན་དང་། །བྲག་མགོན་མཁའ་འགྲོ་བསྟན་སྐྱོང་ཐམས་ཅད་དང་། །ཟངས་རིའི་གཞི་བདག་རྣམས་ཀྱིས་བསུ་བ་བྱས། །མེ་ཏོག་ཆར་བབ་ངོ་མཚར་ལྟས་མང་བྱུང་། །རྨི་ལྟས་བཟང་བའི་ཕྱིར་ནངས་སྲས་མིང་སྲིང་། །ཡབ་ཀྱིས་བསྐྱལ་ཞིང་ཡབ་ནི་རྒྱ་གར་གཤེགས། །སྲས་པོ་ཆུང་བ་སྨྱོ་བར་གདམས་པ་གནང་། །ནད་སོས་དམ་པའི་དྲུང་དུ་རབ་ཏུ་བྱུང་། །ཐོད་སྨྱོན་བསམ་འགྲུབ་ཅེས་བྱར་མིང་བཏགས་ནས། །ཤམ་པོའི་གང་ལ་སྒྲུབ་པ་བྱེད་དུ་བཏང་། །མ་གཅིག་ནམ་

[Full Size]

མཁར་ཕེབས་ནས་སྔོན་ལ་གཤེགས། །དབང་བསྐུར་མཛད་པས་དཔའ་བོ་ཌཱཀྐི་འདུས། །མེ་ཏོག་ཆར་བབ་འཇའ་འོད་རོལ་མོའི་སྒྲ། །པདྨ་མཁའ་འགྲོར་འཚོ་བ་སྦྱོར་གསུངས་ནས། །སྲས་ཀྱི་ཕུག་སྒོ་བྲག་གིས་བཅད་ནས་བཞག །དེ་ནས་སྲས་ལ་ལྟོགས་སྣང་གཅིག་བྱུང་བས། །འོད་ཟེར་རྒྱུད་ནས་བུད་མེད་དཀར་མོ་ཅིག །བྱུང་ནས་བདུད་རྩི་ཞལ་བུ་གང་དྲངས་བས། །ལུས་སེམས་བདེ་ཞིང་ལྟོགས་སྐོམ་སྣང་བ་བྲལ། །ལོ་གསུམ་སོང་ནས་བདུད་རྩི་ཕོར་རེ་དྲངས། །མ་གཅིག་གདུལ་བྱ་སྙན་གྲགས་རྒྱ་གར་ཐོས། །རྒྱུན་དུ་འཁོར་ཡང་ལྔ་སྟོང་ཙམ་རེ་ཡོད། །རྒྱ་གར་པཎ་གྲུབ་རྡོ་རྗེ་གདན་དུ་འདུས། །མ་གཅིག་བཟང་ངན་བརྟག་ཕྱིར་མཁས་གྲུབ་གསུམ། །བཏང་བ་འཕུར་ནས་མ་གཅིག་དྲུང་དུ་སླེབས། །ཁྲོམ་ཚོགས་འབུམ་ཕྲག་ལྔ་དང་ལྔ་བརྒྱ་འཚོགས། །ལོ་ཙཱ་བཞི་དང་དགེ་འདུན་བདུན་ཁྲི་འཚོགས། །ལོ་ཙཱ་བསྒྱུར་ཞིང་རྩོད་པས་མ་གཅིག་རྒྱལ། །མ་གཅིག་སྐྱེས་རབས་བརྒྱ་དང་བདུན་པོ་གསུངས། །སྐྱེ་བ་སྔོན་མ་པཎྜི་ཏ་ཡི་གདུང་། །པོ་ཏ་རིར་ཡོད་རྟེན་རྣམས་འབྱོན་ཚུལ་གསུངས། །དམ་པ་རྒྱ་གར་རྐང་མགྱོགས་དེ་གསུམ་

[Full Size]

བཅས། །རྒྱ་གར་ཡུལ་བྱོན་ལོ་རྒྱུས་བཤད་པས་ཀྱང་། །པཎྜི་ཏ་ལྔ་དགེ་འདུན་ལྔ་བཅུ་གཉིས། །པོ་ཏ་རིར་བྱོན་པ་་བཞུས་པ་ཡིས། །འཇའ་གུར་མེ་ཏོག་ཆར་དང་རོལ་མོའི་སྒྲ། །དབུ་ལ་རིགས་ལྔ་ཡབ་ཡུམ་འབུར་དུ་དོད། །སོ་ལ་དུང་དཀར་སྒལ་ཚིགས་མཆོད་རྟེན་རེ། །མན་མཁལ་ཨ་དཀར་ཨན་ཆེན་ཡུམ་ཆེན་མོ། །སྐེ་ཚིགས་རིགས་གསུམ་མགོན་པོ་དཔལ་ཁ་གཉིས། །སྒྲོལ་མ་དཀར་ལྗང་སྙིང་ལ་ཤཱཀྱ་ཐུབ། །བྲང་རུས་རྡོ་རྗེ་འཆང་དང་རུས་པ་རྣམས། །རིང་བསྲེལ་སྲན་ཚད་བྲེ་གང་བྱོན་པ་ལ། །རྡོ་རྗེ་གདན་དུ་གདན་དྲངས་རྟེན་ཞལ་བྱས། །དེ་ཚེ་འཇའ་འོད་མེ་ཏོག་ཆར་ཆེན་བབ། །དབུ་ཡི་རིགས་ལྔ་རྡོ་རྗེ་གདན་དུ་བཞུགས། །གཞན་རྣམས་རྒྱལ་པོ་པཎ་གྲུབ་དགེ་འདུན་བགོས། །ཐུགས་ཀྱི་ཤཱཀ་ཐུབ་དམ་པས་བོད་དུ་ཁྱེར། །རྣལ་འབྱོར་བཞི་པོ་མ་གཅིག་གདན་འདྲེན་བཏང་། །ཟངས་རིར་ཐུབ་པའི་སྐུ་དེ་རྟེན་ཞེལ་བྱས། །ང་ཉིད་ད་ལམ་བོད་དུ་འགྲོ་དོན་ཆེ། །གསུངས་ནས་མ་ཕེབས་གཅོད་ཀྱི་རྩོམ་ཆོས་བསྐུར། །བོད་ཆོས་རྒྱ་ལ་དར་ཞེས་གྲགས་པར་གྱུར། །མ་གཅིག་དཔའ་བོ་ཌཱཀྐིའི་ཚོགས་དང་བཅས། །ལྷ་

[Full Size]

གནས་ནོར་བུ་ཕུན་ཚོགས་གླིང་དུ་བྱོན། །ཞག་བདུན་ཚོགས་འཁོར་བསྐོར་ཞིང་གསང་སྔགས་བཤད། །ལྷ་ཡི་འཁོར་དང་རྒྱལ་ཆེན་རིགས་བཞིའི་གནས། །ཞག་རེ་ཆོས་གསུངས་རྒྱལ་ཆེན་དཔུང་དང་བཅས་། །བཅོ་ལྔའི་ཉི་ཤར་ནམ་མཁའི་མཐོངས་ནས་མར། །ཤམ་པོའི་ཕུག་མོ་ཆེར་བྱོན་ཕུག་སྒོ་ཕྱེས། །རྒྱན་བཞི་ལ་སོགས་སུམ་བརྒྱ་ཙམ་འཚོགས་ཤིང་། །ཁྲོམ་པ་སུམ་སྟོང་ཙམ་བཅས་དག་སྣང་མཐུན། །ཚོགས་བརྒྱད་དང་ནི་དབང་བསྐུར་མཛད་པའི་ཚེ། །འཇའ་ཚོན་མེ་ཏོག་ཆར་དང་རོལ་མོའི་སྒྲ། །ས་གཞི་འོད་ཟེར་གང་བ་ཀུན་གྱིས་མཐོང་། །སྲས་མོ་རྒྱན་བཞིའི་མ་གཅིག་དཀྱིལ་འཁོར་གཙོ། །འཁོར་ལྷ་དང་བཅས་དངོས་སུ་མཐོང་བ་དང་། །ཐོད་སྨྱོན་ཉིད་ཀྱིས་མདུན་གྱི་ནམ་མཁའ་ལ། །འོད་ཕུང་སྟེང་དུ་སྣ་ཚོགས་པདྨའི་སྟེང་། །མ་གཅིག་བདུད་འདུལ་སྔོན་མོ་ཕྱག་བཞི་མ། །མཁའ་འགྲོ་བཅུ་བཞིའི་བསྐོར་བ་མདུང་གང་སྟེང་། །ཡུམ་ཆེན་ཕྱོགས་བཅུའི་སངས་རྒྱས་བསྐོར་བའི་སྟེང་། །རྡོ་རྗེ་འཆང་དང་ཤཱཀ་ཐུབ་ཚེ་དཔག་མེད། །བདེ་མཆོག་ཐོད་པ་གཤེད་དམར་ཁྲོས་ནག་དང་། །མཱ་ཡཱ་ལ་སོགས་རང་རང་འཁོར་དང་

[Full Size]

བཅས། །མཐའ་སྐོར་འཇིག་རྟེན་སྐྱོང་ཀུན་མངོན་སུམ་གསལ། །སྲས་མོ་རྒྱན་བཞིས་ཚོགས་བསྟབ་གར་བྱེད་ཅིང་། །ཨེ་མ་རྗེ་བཙུན་ཟིལ་གནོན་ཁྱེད། །དཔའ་བོ་རྟ་མཆོག་སྤྲུལ་པ་སྟེ། །ཞེས་སོགས་གླུ་ལེན་ངང་ལ་འོད་ཆེན་བྱུང་། །གྲུབ་ཆེན་བརྒྱད་བྱོན་ཚོགས་འཁོར་རྒྱས་པར་རོལ། །དེ་ནས་ལྷ་ཚོགས་སྤྲིན་ཐིམ་སྤྲིན་ཡང་ཡལ། །ལྷ་ཚོགས་མང་དུ་མཐོང་བ་ཅི་ལགས་ཞུས། །ང་ཉིད་ཕྱི་ལྟར་ལྷ་མོ་སྒྱུ་འཕྲུལ་ཡིན། །ནང་ཉིད་ལྟར་ན་རྗེ་བཙུན་སྒྲོལ་མ་ཡིན། །གསང་བ་ལྟར་ན་རྡོ་རྗེ་ཕག་མོ་ཡིན། །དབྱིངས་ཉིད་ལྟར་ན་རྒྱལ་བའི་ཡུམ་ཆེན་ཡིན། །ཐུབ་བསྟན་ཐོག་མར་གང་གཱའི་ལྷ་མོ་ཡིན། །བར་དུ་མཁའ་འགྲོ་བདེ་བའི་དངོས་གྲུབ་ཡིན། །ཕྱིས་འབྱུང་བོད་དུ་ཡེ་ཤེས་མཚོ་རྒྱལ་མ། །ད་ལྟ་ང་ཉིད་ཡིན་ནོ་ཞིབ་པར་བཤད་མི་ལོང་། །འཛམ་གླིང་བྱེ་བ་ཕྲག་བརྒྱའི་བྱང་ཕྱོགས་སུ། །ང་ཉིད་བྱེ་བ་ཕྲག་བརྒྱ་འབྱུང་ནས་ཀྱང་། །མ་རུངས་གདུག་པ་འདུལ་བའི་དུས་བབ་གསུངས། །མ་གཅིག་ཟངས་རི་མཁར་དམར་བྱོན་ནས་བཞུགས། །ཕུག་མོ་ཆེ་རུ་ཐོད་སྨྱོན་བསམ་འགྲུབ་ལ། །བུད་མེད་ཁ་དོག་ལྔ་དང་ལྡན་པ་ཡིས། །མ་གཅིག་ཆོས་ལུགས་

[Full Size]

ལུས་སྦྱིན་ཞུས་ཤིག་གསུངས། །ཐོད་སྨྱོན་བྱོན་པས་མ་གཅིག་ཕག་མོར་མཐོང་། །མ་གཅིག་ཕུང་པོ་གཟན་སྒྱུར་རྣམས་བཤད་གསུངས། །ཕོ་བསྙོན་སེང་གེ་སྙོན་པ་རང་སང་དང་། །རྗེ་བཙུན་ཟིལ་ནོན་གསུམ་བྱོན་གྲུབ་པ་ཐོབ། །གཅོད་སྐོར་གདམས་པ་ཡིག་ཆ་དུ་མ་མཛད། །མ་གཅིག་དགུང་ལོ་རེ་དྲུག་ལོན་པའི་དུས། །སྲས་པོ་ཆེ་བས་དགུང་ལོ་ཞེ་གཉིས་ལོན། །ཁྲམ་པ་བཅུ་གཉིས་དང་འགྲོགས་གནུབས་ལུང་དུ། །སྔགས་པ་བཅུ་གཉིས་འཆར་ཀ་སྒྲུབ་པ་ཡི། །གཏོར་ཆུ་འགེལ་བའི་གླང་བུ་ནག་པོ་གཅིག །བརྐུས་ནས་གླང་ལུང་དུ་འོང་བཤས་པ་ཡིས། །གླང་བུ་ངར་ཞིང་ས་འོག་འབོ་ངར་གྲག །ཁྲམ་པ་ཀུན་སྐྲག་གྲུབ་ཐོབ་སྙིང་རྗེ་སྐྱེས། །ཟླ་བ་གཉིས་ནང་ཁྲམ་པ་བཅུ་གཅིག་ནི། །གྲུབ་ཐོབ་འབུལ་བ་ཁྱེར་ནས་མ་དྲུང་འོང་། །མཇལ་ཁ་མ་བྱུང་ཞག་བདུན་བསྐོར་བ་བྱས། །དེ་ནས་མཇལ་ཏེ་ཞག་དྲུག་བསྐོར་བ་བྱས། །དེ་ནས་དབང་བསྐུར་གདམས་པའི་དམིགས་པ་བསླབ། །ཟླ་བ་གཉིས་ནས་སྔགས་པ་བཅུ་གཉིས་ཤི །སླར་ཡང་ཞི་དམིགས་ཟླ་བ་གསུམ་དུ་བསྒོམས། །སྔགས་པའི་སྒྲིབ་སྦྱང་རྟོགས་པ་བཟང་དུ་

[Full Size]

འཁྲུངས། །མཐུ་ཡི་གྲགས་པས་ཐམས་ཅད་ཁྱབ་པར་གྱུར། །མཚན་ཡང་རྒྱལ་བ་དོན་གྲུབ་ཅེས་སུ་བཏགས། །གདམས་པ་དམ་ཚིག་ཉེར་གཅིག་བྲིས་ནས་གནང་། །སྔར་གྱི་གླང་བཤས་ལུང་པར་ལོ་གསུམ་བསྒོམ། །གྲུབ་པ་ཐོབ་སྟེ་ཆོས་ཉིད་བདེན་པ་མཐོང་། །འཆད་རྩོད་རྩོམ་ལ་ཐོགས་མེད་གླུ་མཛོད་རྡོལ། །རི་བྲག་ཆུ་ལ་ཐོགས་མེད་ཟངས་ཐལ་གཤེགས། །སྙན་གྲགས་དབུས་གཙང་མངའ་རིས་ཁམས་བལ་ཁྱབ། །གླང་ལུང་མ་གཅིག་བུ་སློབ་མ་ལུས་འཚོགས། །སྤྱིར་ནི་ཁྲོམ་འཚོགས་འབུམ་ཕྲག་བཞི་ལྷག་ཙམ། །བརྒྱུད་འཛིན་སྟོང་དང་ལྔ་བརྒྱ་སུམ་ཅུ་སྟེ། །ཆོད་ཚད་ཆེན་པོ་ས་བརྒྱད་ཐོབ་པ་བཞི། །འབྲིང་པོ་ས་དྲུག་ཐོབ་པ་བཅུ་བཞི་དང་། །ཆུང་ངུ་དང་པོ་ས་ཐོབ་བརྒྱ་ཞེ་དྲུག །བུད་མེད་ས་ཐོབ་ཉི་ཤུ་རྩ་དྲུག་སྟེ། །གྲུབ་ཐོབ་ཕོ་མོ་བརྒྱ་དང་བརྒྱད་འདུག་གོ །དེ་ཚེ་རྒྱལ་བ་དོན་གྲུབ་རྫུ་འཕྲུལ་བསྟན། །པདྨ་དཀར་པོ་དྲུག་སྐོར་སྡོང་པོ་བརྒྱ། །རེ་རེའི་སྟེང་དུ་རྒྱལ་བ་དོན་གྲུབ་རེ། །རེ་རེའི་དབུ་སྟེང་ཐུགས་རྗེ་ཆེན་པོ་རེ། །རེ་རེའི་དབུ་སྟེང་འོད་དཔག་མེད་རེ་རེ། །སྤྲུལ་པ་དེ་དག་ཀུན་གྱིས་གསལ་བར་མཐོང་། །ལ་ལས་ལྷ་རྣམས་མ་

[Full Size]

མཐོང་གཞན་རྣམས་མཐོང་། །ཁ་ཅིག་ལྷ་དང་པདྨ་མ་མཐོང་ནས། །རྒྱལ་བ་དོན་གྲུབ་བརྒྱ་པོ་མཐོང་བར་གྱུར། །ཁ་ཅིག་རྒྱལ་བ་དོན་གྲུབ་ཉིད་ཁོ་ན། །ཁ་ཅིག་རྒྱལ་བ་དོན་གྲུབ་མ་མཐོང་ངོ་། །གྲུབ་རྟགས་བསྟན་པའི་སྙན་པ་འབྲུག་ལྟར་གྲག །སྤྱན་རས་གཟིགས་དང་ཡིག་དྲུག་གྲུབ་ཐོབ་སྟེ། །ཐུན་བརྒྱད་ཡིག་དྲུག་ལྔ་སྟོང་ཆག་མེད་གསུངས། །དེ་སྐབས་མ་གཅིག་འདོམ་གང་ནམ་མཁར་བཞུགས། །ཞལ་གདམས་སྨོན་ལམ་ལུང་བསྟན་རྒྱ་ཆེར་གསུངས། །མ་གཅིག་ཕྱིར་བྱོན་རི་ཁྲོད་གཅིག་ཏུ་བཞུགས། །གཉན་ཆུང་ལོ་ཙཱ་རྒྱ་གར་ནས་བྱོན་མཇལ། །རྒྱ་གར་བྱ་རྒོད་ཕུང་པོའི་རི་བོ་ན། །ལྕགས་ཀྱི་པར་བུ་སྲུབ་མེད་གཅིག་རྡོལ་བ། །ལབ་སྒྲོན་གྱིས་ཕྱེ་ཟེར་འདུག་ཅི་ཡིན་ཟེར། །ང་ནི་རྒྱ་གར་ལན་མང་སྐྱེས་པའི་མཐར། །བྱ་རྒོད་ཕུང་པོའི་རི་ཡི་བྱང་ངོས་སུ། །ལ་ཆེས་གཡོགས་པའི་ལྕགས་པར་སྲུབ་མེད་ནང་། །ཕྱག་རྒྱ་ཆེན་པོ་གཅོད་ཀྱི་གདམས་ངག་རྣམས། །ཤོག་སེར་མཚལ་བྲིས་སཾ་སྐྱོའི་སྐད་དུ་སྦས། །དེ་རྡོལ་ཙམ་ན་བོད་དུ་འགྲོ་དོན་རྒྱས། །གསུངས་པས་ལོ་ཙཱ་བ་ཡི་དམ་པ་སྦྱན། །དམ་པ་རྫུ་འཕྲུལ་རྐང་མགྱོགས་ངོས་

[Full Size]

ནས་བྱོན། །ཞིག་པོ་བཅུ་གསུམ་གྱིས་འཁོར་པར་བུ་ཕུལ། །མ་གཅིག་པར་བུ་ཁ་ཕྱེས་དམ་པ་དང་། །གཉན་ཆུང་ལོ་ཙཱ་སོགས་ལ་གདམས་པ་གནང་། །ཆོས་བདག་དམ་པ་ཨཱརྱ་དེ་ཝ་ཡིན། །གསུངས་ནས་གཉན་ཆུང་ལོ་ཙཱ་པར་བུ་དང་། །ཆོས་དེ་རྒྱ་གར་ཨཱརྱ་དེ་ཝར་གཏད། །གཉན་ཆུང་ལོ་ཙཱ་རྩེ་གཅིག་དད་པ་ཐོབ། །འཆིང་ཕུའི་གཉན་ཆུང་ལོ་ཙཱ་ང་། །རྒྱ་གར་ཡུལ་དུ་ལན་གསུམ་ཕྱིན། །བདག་འཛིན་ཟངས་རིའི་དགོན་དུ་ཆོད། །གདམས་པ་མཁའ་འགྲོའི་སྙིང་ཁྲག་དེ། །བོད་ཀྱི་རྒན་མོ་གཅིག་ལས་ཐོས། །འབད་རྩོལ་མ་དགོས་དུག་ལྔ་ཐུལ། །བདག་མེད་གནས་ལུགས་མངོན་དུ་གྱུར། །སང་ཉིན་འཆི་ཡང་ང་རེ་བྲོད། །ཅེས་གསུངས་གྲྭ་པ་ཧར་ཐོན་ཞེས་བྱར་གྲགས། །སྟོན་པ་དར་མ་ལ་སོགས་མཁས་པ་བརྒྱ། །མ་གཅིག་རང་དང་མཉམ་པའི་སྲས་བཅུ་དྲུག །སྦྱོར་ལམ་ཐོབ་པ་སྟོང་དང་ཉིས་བརྒྱ་དང་། །དྲུག་ཅུ་རེ་གསུམ་དེ་བཞིན་ཚོགས་ལམ་མང་། །མཛེ་ཕོ་བཞི་བརྒྱ་རེ་བཞི་ལེགས་པར་སོས། །ནད་གདོན་བསལ་བ་གྲངས་ཀྱིས་མི་ལང་ངོ་། །མ་གཅིག་གོ་དགུར་གླིང་ལུང་ཚོགས་འཁོར་མཛད། །ཞལ་མཆིལ་ཚེམས་བཅས་སྲས་

[Full Size]

གཉིས་ལ་གནང་བས། །ཐུབ་པའི་སྐུ་དང་དུང་དཀར་གཡས་འཁྱིལ་བྱོན། །ཐོ་རངས་སེང་གེ་ཆིབས་ནས་མཁའ་འགྲོས་བསུས། །སྐུ་ལུས་མ་སྤངས་ཨོ་རྒྱན་ཡུལ་དུ་གཤེགས། །ཟངས་རིའི་འཚོགས་པ་བསྡུས་ནས་ན་བཟའ་ལ། །སྦྱིན་སྲེག་ཕུལ་ཞིང་སྲས་ཀྱིས་བསྟོད་པ་མཛད། ༈ །དེ་ནས་བརྒྱུད་འཛིན་ལོ་རྒྱུས་ཟུར་ཙམ་ནི། །རྒྱལ་ཀླུབ་དོན་གྲུབ་སྲས་པོ་ཆུང་བ་ནི། །ཁམ་བུ་ཡ་ལེ་རབ་བྱུང་འགྲོ་དོན་ཆེ། །རྒྱལ་བ་དོན་གྲུབ་སྲས་ཆེན་ཚངས་དབང་རྒྱལ། །མཁའ་འགྲོ་མདོག་བཟང་མ་ཞེས་ཁབ་ཏུ་བཞེས། །སྲས་གསུམ་སྐྱེ་མེད་འོད་གསལ་ཆེན་པོ་དང་། །དམ་པ་སྟོན་ཆུང་ཐོད་སྨྱོན་བསམ་འགྲུབ་གསུམ། །གཉིས་པོ་རབ་བྱུང་ཐོད་སྨྱོན་ཁྱིམ་པ་ཡིན། །དེ་དུས་རྒྱ་གར་ཁ་ཆེའི་གྲོང་ཁྱེར་དུ། །ཚོས་མཁན་བུ་གཅིག་དཔྲལ་བར་ཕག་ནག་གི །གཟུགས་ཀྱི་ཤ་མཚན་ཡོད་པ་བྱུང་། །དེ་ཡི་མིང་ཡང་ཐོད་པ་བྷ་རེ་ཞེས། །ཐོད་སྨྱོན་བསམ་འགྲུབ་སྐྱེ་བ་ང་ཡིན་ཟེར། །དྲེགས་པ་ཟིལ་གནོན་ཞེས་བྱ་ཡིན་ཟེར་ནས། །གཅོད་ལོག་ཁྲག་ཐབ་རྫས་ངན་ཐབ་རྫོགས་ཤིང་། །བལ་བོའི་ཡུལ་དུ་ཚུར་འོང་ས་དེ་ནི། །ཐོད་སྨྱོན་གོང་མ་མངོན་

[Full Size]

པར་སངས་རྒྱས་པའི། །སྤྲུལ་པའི་ཆ་ཤས་ཐོད་སྨྱོན་འོག་མ་དེས། །མ་གཅིག་ཉིད་ཀྱི་འདུལ་བར་ལུང་བསྟན་ལྟར། །བལ་པོར་བྱོན་ནས་ཐོད་པ་བྷ་རེ་བཏུལ། །ཚུར་ལ་བྱོན་། ལམ་རྒྱལ་བ་དོན་གྲུབ་ཀྱིས། །དགྲ་ཡ་སྔགས་པའི་རྒྱུད་ཀྱིས་གསོད་བྱས་ལ། །ཐོད་སྨྱོན་རང་ཕྱོགས་དམག་སོགས་ཕམ་པར་བྱས། །དེ་དུས་ཐོད་སྨྱོན་སྲས་པོ་ལན་ཏོ་མ། །འཁྲུངས་པའི་ཚེ་ནས་ལ་འདུལ་མ་ཞེས་གྲགས། །དེ་ཉིད་རབ་བྱུང་རྡོ་རྗེ་སྒྲོལ་མར་གྲགས། །དེ་དུས་ཧོར་ནག་ཡུལ་དུ་སྨད་འཚོང་མར། །བུ་མོ་དཔྲལ་བར་མཚལ་མདོག་ཤ་མཚན་ཅན། །ལྕོག་ལ་མཚལ་རྩེའི་བུ་མོ་ཡིན་ཟེར་ནས། །ལྕོག་ལ་སྒྲོན་བཏགས་ལབ་སྒྲོན་ཡིན་ནོ་ཟེར། །རས་གོས་གསེར་རྣ་བཏགས་ཤིང་ཕཊཿསྒྲ་འདོན། །ཏི་སེ་ལ་སྟོད་བལ་ཡུལ་གཙང་དུ་འོང་། །གཅོད་ལོགས་སྣ་ཚོགས་དར་བར་བྱེད་པའི་དུས། །མ་གཅིག་ཉིད་ཀྱིས་སྤྲུལ་པར་ལུང་བསྟན་པའི། །ལ་འདུལ་རྡོ་རྗེ་སྒྲོན་དང་ལྕོག་ལ་སྒྲོན། །ལྷོ་བྲག་ཉིད་དུ་རྩལ་འདྲེན་རྩོད་པ་བྱས། །ལྕོག་ལ་མོན་ཡུལ་བྱོན་པའི་རྗེས་སུ་བསྙག །ཁྲོ་བོ་མཐིང་ནག་སྤྲུལ་ནས་ལྕགས་ཀྱུས་བཟུང་། །གྲི་གུག་སྙིང་འདོན་ཚད་པས་དམ་ལ་

[Full Size]

ཐོག །ཆོས་ལོག་སྤང་ནས་རབ་བྱུང་ཆོས་སྒོར་བཙུད། །བལ་ཡུལ་བསྒྲུབས་པ་བྱས་པས་གྲུབ་པ་ཐོབ། །ལས་གྲུབ་ཡེ་ཤེས་མཁའ་འགྲོ་ཞེས་སུ་གྲགས། །ལ་འདུལ་ཆུང་དུས་ཚེམས་རྣམས་བརྗེས་པ་ལ། །ཁ་དོག་ལྔ་ལྡན་རྒྱལ་བའི་སྐུ་རེ་བྱོན། །ལྷ་ས་ལྷོ་བྲག་ལ་སོགས་གཏེར་རྣམས་བཏོན་། །མོན་དང་བལ་མཚམས་མཁའ་འགྲོ་འདུ་བའི་བྲག །རྡོ་རྗེའི་གུར་ཁང་ཞེས་བྱར་བཞུགས་པའི་ཚེ། །གྲུབ་ཐོབ་ཉེར་གསུམ་འཁོར་ཚོགས་སུམ་སྟོང་འཚོགས། །ལ་འདུལ་རྡོ་རྗེ་སྒྲོལ་མས་མཛད་པ་རྣམས། །རྒྱུད་བུ་ཆུང་། ངམ་ཕྱི་མ་ཞེས་སུ་གྲགས། །ལ་འདུས་ཐོད་སྨྱོན་ཕྱི་མའི་རྣམ་ཐར་ནི། །རྒྱུད་བུ་ཆུང་གི་རྣམ་ཐར་ཞེས་བྱ་ཡོད། །དེ་ཡང་མ་གཅིག་ལབ་སྒྲོན་བཅུ་དྲུག་དུས། །ཡབ་འདས་རྒྱ་གར་པཎྜི་ཏ་རུ་སྐྱེས། །ཡུམ་འདས་ཨོ་རྒྱན་མཁའ་འགྲོའི་གནས་སུ་གཤེགས། །ཨ་ལྕེ་འབུམ་མེ་ལྷག་མེད་མཁའ་སྤྱོད་གཤེགས། །ཨ་ཕོ་ཤཱཀྱ་རྒྱལ་མཚན་མཁས་གྲུབ་ལྡན། །མིང་པོ་ཆུང་བ་མངའ་ཐང་དར་ཞིང་རྒྱས། །སྲས་པོ་ཐོད་སྨྱོན་གོང་མ་མཇལ་ལུས་ཡལ། །སྲས་མོ་ལ་འདུས་གོང་མ་མཁའ་སྤྱོད་གཤེགས། །རྒྱལ་བ་དོན་གྲུབ་འདས་པའི་གདུང་

[Full Size]

སྦྱངས་ནས། །སྐུ་གཟུགས་ལ་སོགས་རྟེན་ནི་དཔག་མེད་བྱོན། །ཡུམ་སྲས་བཞི་ཀའི་གདུང་རྟེན་ཟངས་རིར་བཞེངས། །ཁམ་བུ་ཡ་ལེ་ལྷག་མེད་མཁའ་སྤྱོད་གཤེགས། །གཞན་ཡང་སྲས་རྒྱུད་འགྲོ་དོན་ནུས་པ་མང་། །མ་གཅིག་བུ་སློབ་མང་ཡང་བརྒྱུད་འཛིན་གསུམ། །མདོ་ལུགས་བརྒྱུད་འཛིན་རྒྱལ་བ་དོན་གྲུབ་དང་། །སྔགས་ལུགས་བརྒྱུད་འཛིན་ཐོད་སྨྱོན་བསམ་འགྲུབ་སྟེ། །མདོ་སྔགས་ཟུང་འཇུག་བརྒྱུད་འཛིན་ཆོས་སེང་གསུམ། །རྒྱལ་བ་དོན་གྲུབ་བརྒྱུད་འཛིན་གཙོ་བོ་གསུམ། །གྲུ་པ་ཧར་ཐོན་སངས་རྒྱས་སྣང་ཞིག་གཉིས། །བཤད་པའི་བརྒྱུད་འཛིན་ཡིན་ཅིང་གྲྭ་པ་ཡི། །བརྒྱུད་འཛིན་ཁམ་བུ་ཡ་ལེ་ཡིན་པར་གསུངས། །ཐོད་སྨྱོན་སློབ་མ་གང་པ་སྨུག་སངས་ཡིན། །ཁུ་སྒོམ་སློབ་མ་དོལ་པ་ཟང་ཐལ་ཡིན། །རྒྱ་ནག་གཅེར་བུ་སངས་རྒྱས་གཉེན་སྟོན་གསུམ། །གང་པ་སྨུག་སེང་ཀརྨ་པཀཱིར་བརྒྱུད། །འདི་སྐབས་མ་གཅིག་བརྒྱུད་འཛིན་བཅུ་བཞིའི་ནང་། །གྲུབ་པ་མཆོག་ཐོབ་རྫུ་འཕྲུལ་སྣ་ཚོགས་སྟོན། །གྲུབ་ཆེན་ཀརྨ་པ་ནི་མཆོག་ཉིད་དུ། །ལ་འདུལ་རྡོ་རྗེ་སྒྲོན་གྱིས་བསྟོད་པ་མཛད། །རིན་ཆེན་སེང་གེས་བརྒྱ་དང་བཅུ་བདུན་ཐུབ། །ཆོས་དབྱིངས་

[Full Size]

རྡོ་རྗེའི་བརྒྱ་དང་བཅུ་ཐུབ་སྟེ། །རྡོ་རྗེ་རྒྱལ་མཚན་བརྒྱ་དང་བརྒྱད་ཐུབ་སྟེ། །བརྒྱ་ཙམ་ཐུབ་པ་དྲུག་ཙམ་བྱོན་པ་ཡིན། །མཁས་གྲུབ་ཆེན་པོ་སྡེ་སྣོད་རྒྱུད་སྡེ་མཁས། །སྐུ་གཅིག་མཚན་ནི་མང་དུ་གྲགས་པ་སྟེ། །སངས་རྒྱས་སྟོན་པ་སངས་རྒྱས་གཉེན་སྟོན་དང་། །བརྩོན་འགྲུས་དཔལ་དང་གཉེན་སྟོན་རི་གོང་བ། །འཇམ་དབྱངས་བརྩོན་པའི་དཔལ་དང་རབ་སྟོན་པ། །སངས་རྒྱས་རབ་སྟོན་དོན་ཡོད་རྡོ་རྗེ་དང་། །པཎྜི་ཏ་ནི་དོན་ཡོད་རྡོ་རྗེ་དང་། །བརྩོན་འགྲུས་སེང་གེ་ཞེས་ཀྱང་གྲགས་པ་དེས། །མཁའ་འགྲོའི་ལུང་བསྟན་རྟེན་འབྲེལ་མང་པོ་དང་། །རྡོ་རྗེ་སྒྲོལ་མས་བཀའ་གནང་ལུང་བསྟན་ལྟར། །ཟབ་དོན་ལ་སོགས་གཅོད་སྐོར་མང་དུ་བརྩམས། །རྡོ་རྗེ་སྒྲོན་མ་ཉིད་ལ་གཟིགས་ཕུལ་བས། །ཤིན་ཏུ་ལེགས་པས་ཀུན་ལ་སྤེལ་ཅིག་དང་། །རླུང་ལྟར་གྲགས་ཤིང་ཀུན་ལ་ཕན་ཐོགས་པས། །གཅོད་ལོག་བྱུང་དུས་འང་འདི་ཡིས་ཕན་ཐོགས་གསུངས། །ཡང་ནི་ཁམ་བུ་ཡ་ལེ་ཡེ་ཤེས་འབར། །གནམ་མཚོ་བ་དང་རང་བྱུང་རྡོ་རྗེར་བརྒྱུད། །གྲུབ་ཆེན་ཀརྨ་པཀིར་བརྒྱུད་པ་ནི། །དཀྱིལ་འཁོར་མཆོད་ཅིང་སྒྲུབ་དང་གཅོད་དབང་ཡིན། །

[Full Size]

མ་གཅིག་རྣམ་ཐར་བརྩོན་སེང་མཛད་པ་དང་། །རྒྱུད་བུ་ཆུང་དང་དམ་ཚིག་ཉེར་གཅིག་སོགས། །ཀུན་གྱི་དོན་བསྡུས་དད་པའི་རྟེན་ཙམ་དུ། །གཅོད་པ་དབོན་པོ་ཆོས་འཕེལ་དགའ་བའི་ཕྱིར། །རཱ་གའི་མིང་ཅན་དགེ་སློང་དེ་ཡིས་སྦྱར། །ཉེས་པ་གང་མཆིས་མཁའ་འགྲོའི་ཚོགས་ལ་བཤགས། །དགེ་བས་འགྲོ་ཀུན་མཁའ་སྤྱོད་འགྲུབ་གྱུར་ཅིག །མངྒ་ལཾ། བྷ་ཝནྟུ། བཀྲ་ཤིས།། །། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མ་གཅིག་གཅོད་ཀྱི་གདེང་བཤད་ཉུང་ངུར་བསྡུས་པ།

[Full Size]

༼ག༽ མ་གཅིག་གཅོད་ཀྱི་གདེང་བཤད་ཉུང་ངུར་བསྡུས་པ་བཞུགས་པའི་དབུ་ཕྱོགས་ལགས་སོ། །

[Full Size]

ན་མོ་གུ་རུ་དྷེ་ཝ་ཌཱཀི་ནཱི་ཡེ། བླ་མ་ཡུམ་ཆེན་ཞབས་ལ་ཕྱག་འཚལ་ནས། །གཅོད་ཀྱི་གདེང་བཤད་ཅུང་ཟད་འདིར་འགོད་བྱ། །སྤྱིར་ཆོས་འདི་ལ་ས་ཆོས་དང་གནམ་ཆོས་གཉིས་ཡོད། རྒྱ་གར་ཆོས་ཀྱི་རྒྱལ་པོ་ཛ་ཞེས་བྱ་བའི་ཁང་ཐོག་ན་གླེགས་བམ་གྱིས་ཆར་བབ་པའི་ཆོས་ཐམས་ཅད་ནི་གནམ་ཆོས་ཡིན་ལ། གཏེར་ནས་བཏོན་པ་རྣམས་ནི་ས་ཆོས་ཡིན་པ་ལས། ཡུམ་རྒྱས་འབྲིང་སོགས་བཀའ་བར་པ་མཚན་ཉིད་མེད་པའི་སྐོར་ཕལ་ཆེར་གཏེར་མ་ཡིན་པ་དང་། གཅོད་ཕལ་ཆེར་གཏེར་མ་ཡིན་པས། ང་ཡི་གཅོད་འདི་ལ་གཉིས་ཀ་ཚང་། གཅོད་ལ་བཀའ་

[Full Size]

མ་དང་གཏེར་མ་གཉིས་ཡོད་དེ། ཨོ་རྒྱན་གྱིས་གཏེར་དུ་སྦས་པ་རིན་ཆེན་གླིང་པ་དང་། སངས་རྒྱས་གླིང་པ་སོགས་ཀྱིས་གཏེར་ནས་བཏོན་པ་དང་། མ་གཅིག་གི་སྐྱེས་རབས་ཆེ་འབྲིང་གཉིས་ད་ལྟ་ཡང་ལྷོ་བྲག་ཏུ་གཏེར་དུ་བཞུགས་པ་དང་། གཅོད་མདོ་ལུགས་རྣམ་བཤད་ཆེན་མོ་ལ་པོ་ཏི་བཞི་བཅུ་ཞེ་གཉིས། སྔགས་ལུགས་ཀྱི་རྣམ་བཤད་ཆེན་མོ་ལ་པོ་ཏི་བཞི་བཅུ་ཉེ་གཉིས། མདོ་སྔགས་ཟུང་འཇུག་གི་རྣམ་བཤད་ཆེན་མོ་ལ་པོ་ཏི་བཞི་བཅུ་ཞེ་གཉིས། ཆོས་ཚན་མ་བུ་བརྒྱ་ཙམ་ཡོད་པ། མ་གཅིག་ཡུམ་སྲས་དང་གངས་པ་སྨུག་སངས་སོགས་ཀྱིས་བསམ་

[Full Size]

ཡས་མཆིམས་ཕུ་དང་། ལྷ་ས་སྐྱོ་ཐང་སོགས་སུ་གཏེར་དུ་སྦས་པ་རྣམས། ཕྱིས་མ་གཅིག་ཤེས་རབ་གསལ་ལྡན། ཀུན་སྤངས་བརྩོན་འགྲུས་སེང་གེ་སོགས་ཀྱིས་གཏེར་ནས་བཏོན་པ་གཅོད་གཏེར་མ་ཡིན་ལ། གཏེར་དུ་མ་སོང་བ་རྣམས་བཀའ་མ་ཡིན་པ་ལས། ང་ཡི་གཅོད་འདི་བཀའ་ཡིན། གཅོད་ལ་རྒྱ་ཆོས་དང་བོད་ཆོས་གཉིས་སུ་ཡོད་པ་ལས། ཨཱརྱ་དེ་ཝའི་ཚིགས་སུ་བཅད་པ་ཆེན་མོ། ནཱ་རོ་པཎ་ཆེན་གྱི་རོ་སྙོམས་དང་གསང་སྤྱོད། ཕ་དམ་པའི་ཞི་བྱེད། ཨོ་རྒྱན་པདྨའི་འཕྲུལ་གཅོད་རྣམས་ལ་རྒྱ་གཅོད་ཆུ་བོའི་གཞུང་བཞི་ཞེས་བྱ་སྟེ། རྒྱུ་ཆོས་ཡིན། ཡུམ་ཆེན་མོའི་སྤྲུལ་པ་མ་གཅིག་ལབ་ཀྱི་སྒྲོན་མའི་ཐུགས་ལ་འཁྲུངས་ནས་མཛད་པ་རྣམས་བོད་ཆོས་ཡིན་ཏེ། མ་གཅིག་གི་ཞལ་ནས། རྒྱ་ཆོས་བོད་ལ་བསྒྱུར་བ་ཐམས་ཅད་དེ། །བོད་ཆོས་རྒྱ་ལ་བསྒྱུར་བ་ཁོ་མོ་ཙམ། །ཞེས་གསུངས་ཏེ། ངའི་གཅོད་འདི་ལ་དེ་གཉིས་ཀ་ཚང་བ་ཡིན་ནོ། །མ་གཅིག་གི་གཅོད་འདི་ལ་ཨ་ཙ་ར་རྐང་མགྱོགས་འགྲུབ་པ་གསུམ་བྱུང་ནས་རྒྱ་གར་ལ་ཕར་བསྒྱུར་ནས་དར་བར་ཡིན་པ་ལས། ང་ཡི་གཅོད་འདི་མ་གཅིག་གིས་མཛད་པའི་བོད་ཆོས་ཡིན། གཅོད་འདི་ལ་མདོ་

[Full Size]

ལུགས་དང་སྔགས་ལུགས་གཉིས། མདོ་སྔགས་དེ་དབྱེར་མེད་ཟུང་འཇུག་གི་ལུགས་དང་གསུམ་ཡོད་པ་ལས། བཀའ་ཕ་རོལ་ཏུ་ཕྱིན་པའི་དོན་བསྡུས་ཨར་དེ་ཝའི་ཚིགས་བཅད་ཆེན་མོ་དང་། མ་གཅིག་གི་བཀའ་ཚོམ་ཡང་ཚོམ་རྣམས་ཀྱི་རྗེས་སུ་འབྲང་བ་མདོ་ལུགས་དང་། རྗེ་བཙུན་མ་སྒྲོལ་མས་མ་གཅིག་ལ་གནང་། དེས་སྲས་ཐོད་སྨོན་བསམ་འགྲུབ་ལ་གནང་ནས། ཤམ་པོའི་གངས་ལ་བསྒོམས་པས་འཇའ་ལུས་མཁའ་སྤྱོད་དུ་གཤེགས་པ་དེ་ནས་བརྒྱུད་པ་སྔགས་ལུགས། མདོ་སྔགས་དེ་གཉིས་དབྱེར་མེད་ཟུང་འཇུག་ཏུ་མ་གཅིག་གི་ཐུགས་ལ་འཁྲུངས་ནས། སྐལ་ལྡན་གྱི་སྲས་ཁུ་སྒོམ་ཆོས་ཀྱི་སེང་གེ་སོགས་ལ་གནང་བ་མདོ་སྔགས་དབྱེར་མེད་ཟུང་འཇུག་ལས། ང་ཡི་གཅོད་འདི་མདོ་སྔགས་དབྱེར་མེད་ཟུང་ཇུག་གི་ལུགས་དེ་ཡིན། དེ་མདོ་སྔགས་གཉིས་དབྱེར་མེད་ཟུང་འཇུག་དུ་ཇི་ལྟར་འཇུག་ན། མ་གཅིག་གི་ཞལ་ནས། ཕ་ནི་ཕ་རོལ་ཕྱིན་པའི་དོན། །ཊ་ནི་གསང་སྔགས་ཐེག་ཆེན་དོན། །གཅིག་ཏུ་བསྒྲིལ་ནས་དྲག་པོར་བརྗོད། །ཅེས་གསུངས་པས། ཕཊ། འདི་ལ་མདོ་སྔགས་གཉིས་ཀ་ཚང་བ་ཡིན་པས། རྗེ་དཀོན་

[Full Size]

མཆོག་ཡན་ལག་གི་ཞལ་ནས། མདོ་ལུགས་ཀྱི་དོན་བསྡུས་པ་དམར་འགྱེད། སྔགས་ལུགས་ཀྱི་དོན་བསྡུས་པ་ཁྲ་འགྱེད། ཅེས་གསུངས་ཏེ། མདོ་པདྨ་དཀར་པོ་ནས་བཅོམ་ལྡན་འདས་སེམས་ཅན་ཉ་དེས་པ་ཞེས་བྱ་བར་སྐྱེ་བ་བཞེས་ནས་ཤ་ཁྲག་སྦྱིན་པར་བཏང་བ་དང་། མདོ་སྡེ་གསེར་འོད་དམ་པ་ནས་སྟག་མོ་ལུས་སྦྱིན་དང་བཀའ་ཕ་རོལ་ཏུ་ཕྱིན་པའི་དོན་མན་ངག་གི་ཉམས་སུ་ལེན་པ་དམར་འགྱེད་དང་། བླ་མེད་ཀྱི་རྒྱུད་ཐམས་ཅད་ནས་ཚོགས་ཀྱི་འཁོར་ལོ་གསུངས་པས། དེ་མན་ངག་གིས་ཉམས་སུ་ལེན་པ་རང་ལུས་ཚོགས་འཁོར་དུ་འབུལ་པ་ཁྲ་འགྱེད་ཡིན་པར་གསུངས་སོ། །གཅོད་འདི་ལ་ཕོ་གཅོད་དང་མོ་གཅོད་གཉིས་ཡོད་པ་ལས། ཕ་གཅིག་དམ་པ་སངས་རྒྱས་ནས་ཕོ་གཅོད་སྨ་ར་སེར་པོ་ནས་བརྒྱུད་པ་དང་། མ་གཅིག་ལ་སློབ་མ་རྣམས་ཀྱིས་ཞུས་པ་ལ་ཕོ་གཅོད་ཟེར། མ་གཅིག་ལ་སྲས་མོ་རྒྱན་བཞི་སོགས་ཀྱིས་ཞུས་པ་ལ་མོ་གཅོད་ཟེར། ང་ཡི་འདི་ཕོ་གཅོད་དང་མོ་གཅོད་གཉིས་ཀ་ཡིན་ནོ། །ང་ཡི་གཅོད་འདི་ལ་ཕ་གཅིག་དམ་པ་ནས་བརྒྱུད་པས་ཕ་རྒྱུད་ཐབས་ཀྱི་བརྒྱུད་པ་ཡང་ཚང་། རྗེ་བཙུན་སྒྲོལ་མ་ནས་མ་གཅིག་ལ་བརྒྱུད་པས་མ་རྒྱུད་

[Full Size]

ཤེས་རབ་ཀྱི་བརྒྱུད་པ་ཡང་ཚང་བ་ཡིན། སྲས་རྒྱལ་བ་དོན་གྲུབ་ནས་བརྒྱུད་པས་སྲས་རྒྱུད་ཉམས་ཀྱི་བརྒྱུད་པ་ཡང་ཚང་། རྒྱལ་བ་ཤཱཀྱ་ཐུབ་པ་ནས་བཀའ་བརྒྱུད་པས་བཀའ་བརྒྱུད་སྤྱིའི་བརྒྱུད་པ་ཡང་ཚང་། མ་ལབ་སྒྲོན་ཉིད་ཡུམ་ཆེན་མོ་དངོས་ཡིན་པས་དོན་བརྒྱུད་བྱིན་རླབས་ཀྱི་བརྒྱུད་པ་ཡང་ཚང་། གཅོད་འདི་ལ་གཞུང་ཁྲིག་ཅན་དང་། ཁ་འཐོར་ཁྲིག་མེད་གཉིས་ཡོད་པ་ལས། ང་ཡི་འདི་ལ་དེ་གཉིས་ཀ་ཚང་བ་ཡིན། རྗེ་མི་བསྐྱོད་རྡོ་རྗེས་གཞུང་དང་མན་ངག་ཐམས་ཅད་གཅིག་ཏུ་བསྡེབས་ནས་གཅོད་ཚིགས་བཅད་མ་འདི་མཛད་པ་ཡིན་ནོ།། ༈ འོ་ན་གཅོད་བྱས་པ་ལ་ཕན་ཡོན་ཅི་ཡོད་ཅེ་ན། ཨཱརྱ་དེ་ཝའི་གཅོད་ཀྱི་རྒྱ་གཞུང་ལས། སྟེང་གི་ལྷ་རྣམས་དམ་ལ་ཐོགས། །འོག་གི་ཀླུ་རྣམས་ཟིལ་གྱིས་ནོན། །ཀླུ་ལ་ལས་ནི་གང་བཅོལ་འགྲུབ། །ལྷ་རྣམས་རང་སར་གྲོགས་དན་བྱེད། །ལྷ་སྲིན་སྡེ་བརྒྱད་བྲན་དུ་ཁོལ། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་རྣམས་ཀྱིས་བུ་བཞིན་འཚོ། །ཐོགས་བཅས་བདུད་ལ་ཆོད་པ་ཡིས། །སྣང་བ་དགྲར་ནི་སྡང་མི་འགྱུར། །ཐོགས་མེད་བདུད་ལ་ཆོད་པ་ཡིས། །གནོད་བྱེད་

[Full Size]

ཕོ་མོ་དམ་ལ་ཐོགས། །དེ་ལ་སོགས་པའི་ཕན་ཡོན་ནི། །དཔག་ཏུ་མེད་པ་འབྱུང་བར་འགྱུར། །ཞེས་གསུངས་པ་དང་། །ཨོ་རྒྱན་རིན་པོ་ཆེས་མཛད་པའི་བོགས་འདོན་གཅོད་ཀྱི་ཁྲིད་ལས། ལམ་གྱི་གེགས་སེལ། རྟོགས་པའི་བོགས་འདོན་གཉིས་ཆོས་ཀྱི་མཚན་མ་ཁྲོལ་བས། འཁྲུལ་སྣང་ཡུལ་འབུད། སྣང་སྲིད་སེམས་སུ་ཆོད་པས་འཁོར་འདས་རང་སར་གྲོལ་བར་འགྱུར་ཏེ། གནས་ལུགས་རྟོགས་ནས་བོགས་འདོན་པ་ལ། སྟན་ཐོག་གཅིག་ཏུ་ལོ་གཅིག་བསྒོམ་པ་བས། གཉན་སར་སྙེམས་ཐག་ཞག་གཅིག་བཅད་པས་བོགས་ཆེ་ཞེས་གསུངས་པ་དང་། ཡང་ཨོ་རྒྱན་རིན་པོ་ཆེས་ལུས་སྦྱིན་གྱི་ཕན་ཡོན་གསུངས་པ་ནི། དཀོན་མཆོག་མཉེས་པས་དངོས་གྲུབ་ཀྱི་རྒྱུན་མི་འཆད། ལུས་ཀྱི་གཅེས་འཛིན་ཐེང་བས་ཕྱི་ནང་གི་བར་ཆད་ཞི། དཀོན་མཆོག་རྣམས་མཉེས་ཏེ་དམ་ཚིག་གི་ཉམས་ཆག་བསྐང་། མཁའ་འགྲོ་ཆོས་སྐྱོང་རྣམས་མཉེས་པས་ཕྱི་ནང་གི་བར་ཆད་བསྲུང་། ལན་ཆགས་བུ་ལོན་འཁོར་བས་ལས་ཀྱི་སྒྲིབ་པ་དག །བདག་འཛིན་བློས་ཐོང་བས་སྣང་སྲིད་དབང་དུ་འདུས། ལྷ་འདྲེས་སྡོང་གྲོགས་བྱེད་པས་ཤིན་ཏུ་ཟབ་གསུངས་སོ། །སྤྱིར་ཡང་སྦྱིན་པ་

[Full Size]

ཐམས་ཅད་ཀྱི་ནང་ནས་ལུས་སྦྱིན་དང་ཆོས་སྦྱིན་གཉིས་བསོད་ནམས་ཆེ་སྟེ། དུས་འཁོར་ལས། རྟ་དང་གླང་པོ་བསོད་ནམས་སྟོང་འགྱུར་ཏེ། །བུ་དང་ཆུང་མ་དག་ནི་འབུམ་འགྱུར་རོ། །ལུས་ཀྱི་སྦྱིན་པ་བྱེ་བར་འགྱུར་བ་སྟེ། །ཆོས་ཀྱི་སྦྱིན་པ་གྲངས་མེད་དག་ཏུ་འགྱུར། །ཞེས་གསུངས་སོ། །མ་གཅིག་གི་ཞལ་ནས། བེམ་རིག་སྲོལ་ལ་དབྱིངས་རིག་བསྲེས། །ཕུང་པོ་གཏུབ་ལ་ཚོགས་སུ་འབུལ། །དེ་ཡང་ལན་གྲངས་མང་དུ་བྱ། །ཨ་ཟ་མ་ཡི་བུ་ཁྱོད་ཉོན། །བར་ཆད་མི་འོང་ང་རང་ཤེས། །ནད་པ་འདྲེ་ལ་གཏད་པ་ན། །ནད་མེད་བདེ་བ་ཐོབ་པ་ཡིན། །བཅོལ་མ་དགྲ་ལ་བྱས་པ་ན། །འཇིགས་མེད་བཙན་སར་ཐོན་པ་ཡིན། །གར་དགར་ཁྱེར་ཡང་འདོད་མི་སྲེད། །མི་མཐུན་གྲོགས་སུ་ཁྱེར་བ་དེ། །ཨ་མ་ཇོ་མོའི་བཞེད་པ་ཡིན། །སྲུངས་ཤིག་སྐྱོབས་ཤིག་བརྒྱ་བྱས་པས། །ཟོ་ཞིག་ཁྱེར་ཅིག་གཅིག་གིས་དགའ། །ལུས་སྲོག་གཟན་དུ་བོར་བ་ན། །སྲུང་འཁོར་བདག་ཏུ་མེད་པ་ཡིན། །བསྒྲིམས་ཀྱིས་བསྒྲིམས་ལ་རྒྱངས་ཀྱིས་འཕངས། །རྒྱངས་ཀྱིས་འཕངས་ལ་ཕྱལ་གྱིས་ཞོག །རེ་དོགས་མེད་པའི་ངང་ལ་སྐྱར། །མཐའ་

[Full Size]

བྲལ་གྱི་ལྟ་བ་ཟིལ་གྱིས་ནོན། །མཐར་ཐུག་གི་ལྟ་བ་དེ་ན་ཡོད། །གཅོད་ཀྱི་ནམ་མཁའ་སྒོ་འབྱེད་དེ། །འཕོ་བ་བརྒྱ་ཡིས་དོ་ཟླ་མིན། །ཀུ་སུ་ལུ་པའི་ཚོགས་གསོག་དེ། །ཚོགས་བསགས་བརྒྱ་ཡིས་དོ་ཟླ་མིན། །ཉམས་ལེན་དཀར་འགྱེད་དམར་འགྱེད་དེ། །སྟོན་མོ་བརྒྱ་ཡིས་དོ་ཟླ་མིན། །ཕུང་པོ་ཤ་ཁྱེར་ཁྲག་ཁྱེར་དེ། །རིམ་གྲོ་བརྒྱ་ཡིས་དོ་ཟླ་མིན། །འདུག་ས་དབེན་གནས་རི་ཁྲོད་དེ། །དགོན་པ་བརྒྱ་ཡིས་དོ་ཟླ་མིན། །ཡོན་བདག་སྣང་སྲིད་ལྷ་འདྲེ་དེ། །ཡོན་བདག་བརྒྱ་ཡིས་དོ་ཟླ་མིན། །ལྟ་བ་ཀ་དག་མཐའ་བྲལ་དེ། །དམ་ཆོས་བརྒྱ་ཡིས་དོ་ཟླ་མིན། །དམ་ཆོས་བདུད་ཀྱི་གཅོད་ཡུལ་འདི། །མན་ངག་བརྒྱ་ཡིས་དོ་ཟླ་མིན། །ཞེས་གསུངས་པ་དང་། མ་གཅིག་གསུངས་ལེའུ་འགའ་ལས་དངོས་གྲུབ་ཀླུ་དང་བདུད་ལས་འབྱུང་། །ཡོན་བདག་བཙན་དང་རྒྱལ་པོས་བྱེད། །ཟས་ནོར་མ་མོ་མཁའ་འགྲོས་སྦྱོར། །སྙན་པ་སྣང་སྲིད་ལྷ་འདྲེས་སྒྲོགས། །ཞེས་གསུངས་པ་དང་། མ་གཅིག་གི་གཅོད་གཏེར་མ་ལས་ཀྱང་། ནང་རིག་པ་འཁྲུལ་གྱི་གདམས་པ་འདི། །ཤེས་སམ་ཐོས་པ་ཙམ་གྱིས་ཀྱང་། །རིགས་ལྡན་རྒྱལ་བའི་སྲས་སུ་

[Full Size]

སྐྱེས། །གོ་ཞིང་རྟོག་པར་གྱུར་པ་ན། །རྐང་གཉིས་གཙོ་བོ་དངོས་སུ་འགྱུར། །གོལ་ས་བཀག་ནས་ཉམས་བླངས་ན། །བླ་མེད་བྱང་ཆུབ་ལག་བཅང་ཡིན། །ངེས་པར་ཀླུ་གཉན་ཡོད་པའི་སར། །ཆུ་མིག་བརྒྱ་རྩ་བརྟེན་ནས་སུ། །ཞག་རེ་གཉིད་ཐུན་རེ་ལོག་ན། །ཕྱིར་མི་ལྡོག་པའི་ས་ལ་གནས། །མ་ཡི་ཐུགས་དམ་ཞལ་ཡང་གཟིགས། །ལྷ་ཡི་ལུང་བསྟན་དེ་རུ་ཐོབ། །དབུགས་དབྱུངས་བ་ཡི་གདམས་པའོ། །ཞེས་དང་། །ཟབ་དོན་ཐུགས་ཀྱི་སྙིང་པོའི་གཞུང་ཆེན་མོ་ལས། རྒྱལ་བས་དགོངས་པ་གཅོད་ཡུལ་མཆོག་འདི་སུས་འཛིན་པ། །ཐར་པའི་ལམ་སྟོན་ཡོན་ཏན་དཔག་མེད་རྒྱ་ཆེར་འབྱུང་། །ཞེས་གསུངས་སོ། །གཅོད་ལ་འདྲ་བའི་དཔེ་དྲུག་ཡོད། གངས་རི་དང་འདྲ་སྟེ་ཁ་བ་བབས་ཀྱང་དཀར་ལ་མ་བབས་ཀྱང་དཀར། དེ་བཞིན་དུ་ཆོས་གཞན་གྱི་རྒྱབ་རྟེན་ཡོད་ཀྱང་ཆོག་མེད་ཀྱང་ཆོག །ནམ་མཁའ་དང་འདྲ་སྟེ་ནམ་མཁའི་ཀློང་དུ་ཐམས་ཅད་འདུས་པ་བཞིན། ཆོས་ཐམས་ཅད་གཅོད་ཀྱི་ནང་དུ་འདུས་པ་ཡིན། སེང་གེ་དང་འདྲ་སྟེ་ཁྱུ་ཆེ་ཡང་ཆོག །གཅིག་གིས་ཀྱང་གཅིག་སྐྱ་ཕེར་བ་ལྟར། ཆོས་གཞན་ཤེས་ཀྱང་ལེགས་

[Full Size]

གཅོད་རྐྱང་པས་ཀྱང་ཆོག །རྔ་བོ་ཆེའི་སྒྲ་དང་འདྲ་སྟེ་རྔ་བརྡུང་བའི་དུས་རོལ་མོ་གཞན་ཐམས་ཅད་རྔའི་རམ་བུར་འགྱུར་བ་ལྟར། ཆོས་གཞན་ཅི་ཤེས་ཀྱང་གཅོད་ཀྱི་ཞོར་འདེབས་ཡིན། དངོས་གྲུབ་ཀྱི་ཆུ་མིག་དང་འདྲ་སྟེ། མི་མང་ཡང་འཚོ་ཉུང་ཡང་འཚོ་བ་ལྟར། གྲྭ་བུ་སློབ་མང་ཡང་འཚང་རྒྱ་ཉུང་ཡང་འཚང་རྒྱ་བ་ཡིན། རྟ་བཟང་པོའི་སྤུ་མདོག་དང་འདྲ་སྟེ་སྔོ་ཡང་མཛེས་ནག་ཀྱང་མཛེས་པ་ལྟར། གཅོད་ཀྱི་ཆོས་དང་གྲུབ་མཐའ་གང་བསྟུན་ཡང་ལེགས་པ་ཡིན། ཞེས་མ་གཅིག་གི་ཞལ་ནས་གསུངས་སོ། །མ་གཅིག་གིས་སྐྱེ་བ་སྔ་མ་ལ་མུ་སྟེགས་བཏུལ་དུས་མུ་སྟེགས་ཀྱི་སྨོན་ལམ་བཏབ་པའི་གནད་ཀྱིས། གཡོག་མོ་ཅོ་ལ་སྒྲོན་སོགས་ཀྱིས་གཅོད་ལོག་མང་པོ་དར་ནས། གཅོད་ལོག་དང་གཅོད་གཞུང་མ་

[Full Size]

གཉིས། ཤ་སྤུ་དང་རྟ་སྤུ་འདྲེས་པ་ལྟར་སོང་ནས་བར་སྐབས་ཤིག་ལ་མ་གཅིག་གི་བསྟན་པ་ལ་གནོད་པར་བྱུང་ཡང་། གཅོད་ལོག་དེ་འདུལ་བའི་གཉེན་པོར་མ་གཅིག་གིས་ལུང་བསྟན་པར་ལྟར། ཁུ་སྒོམ་ཆོས་ཀྱི་སེང་གེའི་སྐྱེ་བ་ཀུང་སྤངས་བརྩོན་འགྲུས་སེང་གེ་དང་། རྗེ་རང་བྱུང་རྡོ་རྗེས་གཅོད་ལོག་ཐམས་ཅད་བསལ། གཅོད་རྣམ་པར་དག་པ་དར་བར་

[Full Size]

མཛད་པ་ཡིན་ཅིང་། ང་ཡི་གཅོད་འདི་རང་བྱུང་རྡོ་རྗེས་ནས་བརྒྱུད་པ་ཡིན་པས་གཅོད་ལོག་གི་དྲི་མེད་ཅིང་། བཤད་ཉུང་ངུ་འདི་གླང་ལོ་ཡོས་ཟླའི་གནམ་གང་ཉིན་པར་ཀརྨ་ཨ་རཱ་གས་སྦྱར་བའོ། །དགེའོ།། །། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཀྱི་དྲི་བ་ལྔ་བཅུ་རྩ་ལྔའི་འགྲེལ་བཤད་དང་བཅས་པ་རབ་གསལ་མེ་ལོང་།

[Full Size]

༼ང༽ གཅོད་ཀྱི་དྲི་བ་ལྔ་བཅུ་རྩ་ལྔའི་འགྲེལ་བཤད་དང་བཅས་པ་རབ་གསལ་མེ་ལོང་ཞེས་བྱ་བ་བཞུགས་ལགས་སོ།།

[Full Size]

ན་མོ་པྲཛྙཱ་པཱ་ར་མི་ཏ་ཡེ། ཡུམ་ཆེན་མཁའ་འགྲོའི་ཚོགས་ལ་ཕྱག་འཚལ་ནས། རྟོག་གེ་བ་ཡི་ཁེངས་སེམས་གཅོག་པའི་ཕྱིར། །དྲི་བ་ལྔ་བཅུའི་དྲི་བཤད་བསྟན་པར་བྱ། །དེ་ལ་སྤྱིར་གཅོད་ཡུལ་ཉམས་སུ་ལེན་པ་ལ། གཉན་ས་གསུམ་དུ་དྲིལ་དགོས་པར་འདུག་པས། གཉན་ས་ལ་གང་གིས་གཉན། གཉན་ས་དེ་གཅོད་པར་བྱེད་པ་ལ་ཡིན་ཚུལ་དང་དར་ཚུལ་བརྩི་བའི་གཅོད་པ་ལ་གང་གིས་སྔ། བྱེ་བྲག་གི་རྣམ་གྲངས་བསམ་གྱིས་མི་ཁྱབ་པ་གཅིག་ཡོད་ཀྱང་། ཚུལ་བསྡུ་ན་ཡུལ་གསུམ་ཡོད་ཟེར་བ་དེ་གང་ཡིན། དེ་ལ་མི་འཇིགས་པའི་གདེང་གསུམ་

[Full Size]

ཡོད་ཟེར་བ་དེ་གང་ཡིན། དེ་ལ་དགོས་པའི་རྣོ་སོ་གསུམ་ཡོད་ཟེར་བ་དེ་གང་ཡིན། དེ་ལས་དཔག་པའི་བྱེད་ལས་ཀྱི་སྒོ་གསུམ་ཡོད་ཟེར་བ་དེ་གང་ཡིན། རྒྱུན་དུ་དགོས་པའི་སྒྲ་སྐད་མཁའ་འགྲོའི་གསང་བསྙེན་བར་མ་ཆོད་པར་བསྒྲགས་དགོས་ཟེར་བ་དེ་གང་ཡིན། དོན་འདི་ལ་དགོས་པ་དང་དགོངས་པ་གཉིས་ཡོད་ཟེར་བ་དེ་གང་ཡིན། གཅིག་ཏུ་དྲིལ་ན་འཕན་སྐྱུར་གཉིས་སུ་འདུས་ཟེར་བ་དེ་གང་ཡིན། གཅོད་ཡུལ་དང་གཅོད་མཁན་གཉིས་གང་གིས་སྔ། བཅད་པའི་གཅོད་དང་མི་གཅོད་པའི་གཅོད་དང་བཞག་པ་གསུམ་ཡོད་ཟེར་བ་དེ་གང་ཡིན། ཡང་

[Full Size]

གཅོད་པ་ལ་ལས་བྲན་གཅིག་མདུན་དུ་དགོས་ཟེར་བ་དེ་གང་ཡིན། སྟོབས་ལྡན་གླང་ཆེན་གཅིག་ཆིབས་སུ་བཅིབས་ཟེར་བ་དེ་གང་ཡིན། གློག་ལྕམ་འཕར་མའི་ཞགས་པ་ལག་ཏུ་བཟུང་དགོས་ཟེར་བ་དེ་གང་ཡིན། སྒོ་སྲུང་ཁྲོ་བོ་གིང་གང་གི་ཚུལ་དགོས་ཟེར་བ་དེ་གང་ཡིན། ཉེའུ་ཆུང་འཕར་མ་ཐུར་མས་ཁ་ནས་ལེན་དགོས་ཟེར་བ་དེ་གང་ཡིན། རྒྱ་མཚོར་ཉལ་བའི་ཆུ་སྲིན་སྣ་ཁུངས་སུ་བསྐལ་པའི་རླུང་གཏོང་དགོས་ཟེར་བ་དེ་གང་ཡིན། གནད་རྣམ་པ་གསུམ་ཡོད་ཟེར་བ་དེ་གང་ཡིན། གླང་ཆེན་སྨྱོན་པ་ལ་གཡུལ་ཐབས་ཀྱི་གར་ཆང་བླུད་དགོས་ཟེར་བ་དེ་གང་ཡིན། གནས་བརྟན་རྒད་པོ་གཞི་ཡི་ཉེར་བསྐོ་དགོས་ཟེར་བ་དེ་གང་ཡིན། གནམ་ལྕགས་ཀྱི་མཚོན་ཆ་ལ་སེང་གེ་དཀར་མོའི་འོ་མས་ངར་བླུད་དགོས་ཟེར་བ་དེ་གང་ཡིན། རིན་པོ་ཆེའི་སྦྱར་ལེན་རྡུལ་ནང་དུ་བཞག་དགོས་ཟེར་བ་དེ་གང་ཡིན། མདའ་ལན་ལ་སྐྱོགས་ཆོས་ཟེར་བ་དེ་གང་ཡིན། གཅོད་པ་རྣམས་མཐོ་བརྟན་བྲག་ལ་རྫོང་རྩིག་ཟེར་བ་དེ་གང་ཡིན། ཁེབས་ཀྱི་ཞྭ་མོ་ཆེ་དབུ་ལ་གསོལ་དགོས་ཟེར་བ་དེ་གང་ཡིན། གསེར་གྱི་ས་གཞི་ལ་གནམ་གྱི་ཆར་པས་བྲན་དགོས་ཟེར་བ་དེ་གང་ཡིན། ནམ་

[Full Size]

མཁའི་དབྱིངས་ལ་གནས་ཆོས་ཟེར་བ་དེ་གང་ཡིན། སྒེག་མོ་ལག་པའི་གར་སྟབས་དགོས་ཟེར་བ་དེ་གང་ཡིན། ཡང་སེམས་ཅན་གྱི་དབུ་ལ་གཅོད་རྒྱུ་གཅིག་ཟེར་བ་དེ་གང་ཡིན། དེའི་དུས་སུ་མི་གཅོད་པ་ལྔ་ཡོད་ཟེར་བ་དེ་གང་ཡིན། ལམ་ས་ཐོབ་དུས་སུ་གཅོད་རྒྱུའི་བདུད་གང་ཡིན། འབྲས་བུ་སངས་རྒྱས་ཀྱི་དུས་སུ་གཅོད་རྒྱུའི་བདུད་དེ་གང་ཡིན། བདུད་དེ་གཅོད་དགོས་སམ་མི་དགོས་ཟེར་བ་དེ་གང་ཡིན། ཡང་ཐབ་ཁུང་གི་མེ་མདག་གསོད་དགོས་ཟེར་བ་དེ་གང་ཡིན། གླང་པོ་ཆེ་གེགས་སུ་མི་བཅུག་པ་ཟེར་བ་དེ་གང་ཡིན། སྔ་རྟིང་ཕྱི་མས་མི་གནོན་ཟེར་བ་དེ་གང་ཡིན་། ཤ་དང་རུས་པ་སྐྱེད་པུ་བཙུགས་པར་མི་བྱ་ཟེར་བ་དེ་གང་ཡིན། བློ་སྣ་བདུད་ཀྱི་རྒྱལ་ཁམས་བཀག་དགོས་ཟེར་བ་དེ་གང་ཡིན། འདབ་བརྒྱད་པདྨ་མཁའ་ལ་མི་གཡེང་ཟེར་བ་དེ་གང་ཡིན། གཟི་བརྗིད་ཀྱི་མེ་དྲོད་རྫོང་ལ་མི་འཕྱར་ཟེར་བ་དེ་གང་ཡིན། དུས་དྲུག་མ་ཡིན་པའི་སྒྲ་སྤང་བ་དེ་གང་ཡིན། ཡང་ཅི་ཡང་མི་གཅོད་པ་དེ་གཅོད་ཡིན་ཟེར་བ་ཨེ་བདེན། བདེན་ན་ཁམས་གསུམ་སེམས་ཅན་ཀུན་གཅོད་པ་ཨེ་ཡིན་ན། མི་བདེན་ན་ཐེག་ཆེན་བློ་འདས་

[Full Size]

ཀྱི་དགོངས་པ་དེས་འཁོར་འདས་ཀྱི་གཞི་རྩ་མི་ཆོད་དམ། ལར་གཅོད་འདི་མདོ་སྔགས་ཕར་ཕྱིན་གང་ལ་གཏོགས་ན། ས་ཆོས་དང་གནམ་ཆོས་གཉིས་ངོས་གང་ལ་འཛིན། ཕོ་གཅོད་དང་མོ་གཅོད་གཉིས་གང་གིས་ཤན་འབྱེད། རྒྱ་ཆོས་དང་བོད་ཆོས་གཉིས་གང་ལ་གཏོགས། བཀའ་མ་དང་གཏེར་མ་གཉིས་གང་ལ་གཏོགས། བཀའ་ཡིན་ནམ་བསྟན་བཅོས་ཡིན། ཡང་གཅོད་ཀྱི་ངོ་བོ་དེ་གང་ཡིན། ངེས་ཚིག་དེ་གང་ཡིན། དབྱེ་བ་དེ་གང་ཡིན། མཇུག་པ་དེ་གང་ཡིན། མཐུན་པ་དེ་གང་ཡིན། རྩི་དུག་སྔགས་ཀྱིས་འབྱེད་ཟེར་བ་དེ་གང་ཡིན། ཕྱག་རྒྱ་ལག་པའི་ལྟོ་རྒྱབ་གསོར་བ་ནི་གང་ཡིན། གནམ་ས་གོ་ལོགས་འཆི་མེད་རྡོ་རྗེའི་འཇའ་ཁྱོག་ཟེར་བ་གང་ཡིན་ནོ། །འདི་རྣམས་མ་ཤེས་ན་མུན་ནག་ནང་གི་འཐོམ་འགྲོས་འདྲ་བས་གསུང་བར་ཞུ་ལགས། ཞེས་དྲི་བ་ལྔ་བཅུ་རྩ་ལྔའི་དྲི་བ་བཞུགས་སོ། །ན་མོ་གུ་རུ་ཡེ། རྗེ་བླ་མ་རྣམས་ལ་ཕྱག་འཚལ་ལོ། །དེས་ན་གསལ་བྱེད་འགྲེལ་པ་གཅེས། དང་པོ། གཉན་ས་ན་འགྲོ་བའི་དུས་སུ། ལུས་རོ་ཡི་ཚུལ། སེམས་རོ་ཁུར་ཚུལ། ལྷ་འདྲེ་གཅན་སྤྱང་ཚུལ། གཉན་ས་དུར་ཁྲོད་ཀྱི་ཚུལ་

[Full Size]

དུ་འགྲོ། ཚུལ་འདི་བཞི་ཤེས་ན་རི་ཁྲོད་གྱིས། །ཞེས་གསུངས་པས། དང་པོ་གཉན་ས་ལ་གསུམ་སྟེ། ཕྱི་ལྷ་སྲིན་སྡེ་བརྒྱད་ཀྱིས་བདག་ཏུ་བཟུང་བའི་རི་བྲག་ཆུ་ཤིང་གི་གཉན་ས་དང་གཅིག །ནང་བདག་འཛིན་གྱི་ཞེན་པས་འཆིང་བའི་འཁོར་འདས་གཉིས་ཀྱི་ཞིང་ཁམས་ཚང་བའི་ནད་བཞི་བརྒྱ་རྩ་བཞིའི་ནད་ཀྱི་གྲོང་ཁྱེར་ནི། སྒྱུ་མ་ལུས་ཀྱི་གཉན་ས་དང་གཉིས། གསང་བ་མ་རིག་གཟུང་འཛིན་གྱི་རྩ་བ་ན་ཀུན་རྟོག་འཁྲུལ་བའི་གྲོང་ཁྱེར་འཛིན་པ་སེམས་ཀྱི་གྲོང་ཁྱེར་དང་གསུམ་ཡོད། གང་གཉན་ན་སྤྱིར་འདྲིའམ་བྱེ་བྲག་ཏུ་འདྲི། སྤྱིར་འདྲི་ན་རྣམ་པར་དག་པའི་སེམས་འདི་གཉན། ཅིའི་ཕྱིར་ན། ནང་བདག་འཛིན་བྲག་དམར་འདི། གཏིང་འཁོར་བའི་རྒྱ་མཚོ་ཆེན་པོ་ལ་ཟུག་ནས། དེ་ལ་མ་རིག་གཏི་མུག་ཀླུ་གདོན་གྱིས་ཚང་བཅས། ཉོན་མོངས་བརྒྱད་ཁྲི་བཞི་སྟོང་གི་ཆུ་ལག་ཕྱོགས་བཅུར་གྱེས། ཟུང་བཞི་ཡ་བརྒྱད་སྡུག་བསྔལ་གྱི་རྦ་རླབས་འཁྲུགས། བྲག་དེ་ལ་ང་རྒྱལ་བཙན་གྱིས་ཕོ་བྲང་བཏབ། ལོགས་ལ་ཞེ་སྡང་ཀླུ་བདུད་ཀྱིས་གྲོང་ཁྱེར་བཅས། རྩེ་མོ་ཐོག་བཅས་སྤངས་རི་སེར་པོས་བཏུམ་པ་ལ་ཀུན་རྟོག་གི་གདོན་དང་ས་བདག་འདུ་

[Full Size]

ཚོགས་བྱེད། ཡང་རི་ལ་མ་རིག་དུག་ཤིང་གི་ཐང་ནག་གཅིག་སྐྱེས། ཐོག་དེར་ཉོན་མོངས་ཀྱི་ཡལ་ག་གྱེས། དགའ་བྲོད་ཞེན་འཛིན་གྱི་ལོ་འདབ་རྒྱས། གཅེས་འཛིན་སྙེམས་བྱེད་ཀྱི་བདུད་བྱ་ནག་འཕུར་ལྡིང་བྱེད། བྱིང་རྨུགས་ཀྱི་སྤྲིན་ནག་མཁའ་ལ་འཁྲིགས། སྙན་གྲགས་ཀྱི་འབྲུག་མོ་ཀླད་ལ་ལྡིར། འཁྲུལ་པ་གློ་བུར་གྱིས་ཡིད་རྒྱག་བྱེད། སྐྱེ་བཞི་རྒྱུད་ལྔའི་ལམ་འཕྲང་རྩ་བ་ཟུག །སྡེ་བརྒྱད་རིགས་དྲུག་གི་ཆོ་འཕྲུལ་རྒྱུན་ཆད་མེད་པ་འདི་གཉན། དེ་རྟོགས་ན་ཆོས་དབྱིངས་ཀྱི་དཀྱིལ་འཁོར་སྐུ་དང་ཡེ་ཤེས་ཀྱི་རང་བཞིན་ཡིན་པས་རྩུབ་ཡང་འདི་རྩུབ། འཇིགས་པ་འདི་ཆེ། དེས་ན་སྤྱིར་བདག་འཛིན་གྱི་སེམས་འདི་གཉན་པས་སོ། །བྱེ་བྲག་ཏུ་འདྲི་ན། ཕྱི་ན་ཆུ་མིག་ཀླུ་གཉན་དེ་གཉན། ནང་ཕུང་པོའི་ཙིཏྟ་རིན་པོ་ཆེའི་གུར་ཁང་། རྩ་འདབ་རྣམ་པ་བརྒྱད་ཀྱི་གནས། ་ཡིད་ཤེས་སེམས་ཀྱི་རྟེན་གནས། གསང་བ་ལྷ་ལྟར་ན་ཆོས་སྐུའི་བཞུགས་གནས། གདོན་ལྟར་ན་རྒྱལ་འགོང་ཕོ་བྲང་། ནང་ལྟར་ན་སྲོག་རླུང་འཁྲུགས་པ་ཁམས་འདུས་པ་འདི་གཉན། གསང་བ་ལྟར་ན་སྤྱིར་གཉན་ས་ནི་གོང་དུ་བཤད་པ་དེ་ཡིན། དེ་རྣམས་གཅོད་པའི་གཅོད་པ་

[Full Size]

གང་གིས་སྔ་བ་ཡིན་ཚུལ་དྲི་ན། སྐུ་གསུམ་སངས་རྒྱས་ཀྱི་ངོ་བོ་རྒྱུད་གསུམ་དཀྱིལ་འཁོར་གྱི་བདག་ཉིད། འཁྲུལ་གཞི་རྩད་ནས་གཅོད་པའི་རྒྱལ་བ་ཤཱཀྱ་ཐུབ་པ་དེ་སྔ། དར་ཚུལ་མཚན་དུ་བཏགས་པའི་གཅོད་པ་གང་གིས་སྔ་ན་ཡུམ་ཆེན་ཐུགས་ཀྱི་སྤྲུལ་པ་མི་མིན་ཡེ་ཤེས་ཀྱི་མཁའ་འགྲོ་མ་ལབ་ལུང་ཨེ་འདབས་ཀྱི་བུ་མོ། བདུད་བཞི་རྩད་གཅོད་མ་གཅིག་ལབ་ཀྱི་སྒྲོན་མ་དེ་སྔ། ཡུལ་གསུམ་ནི། ཕྱི་ས་ཆུ་རི་བྲག་དང་ལྷ་འདྲེ་དགྲ་བགེགས་ལ་གཅོད་པའི་ཡུལ། ནང་སྒྱུ་ལུས་ཕུང་པོ་འདི་གཅེས་འཛིན་ནད་གདོན་ལ་གཅོད་པའི་ཡུལ། གསང་བ་སེམས་ཉིད་འདི་གཟུང་འཛིན་གྱི་རྣམ་རྟོག་ལ་གཅོད་པའི་ཡུལ་ལོ། །མི་འཇིགས་པའི་གདེང་གསུམ་ནི། ལྷ་མེད་འདྲེ་མེད་ལྟ་བའི་གདེང་། །སྙེམས་ཐོགས་མེད་པ་སྤྱོད་པའི་གདེང་། །རེ་དོགས་མེད་པ་འབྲས་བུའི་གདེང་གསུམ་མོ། །དགོས་པའི་རྣོ་སོ་གསུམ་ནི། རང་བྱུང་གི་ཡེ་ཤེས་ངར་དང་ལྡན་པ་དེ་དགོས་པའི་རྣོ་སོ། །གང་ཤར་གྱི་སྣང་བ་ཐད་ཀར་གཅོད་པ་དེ་ཉམས་ལེན་གྱི་རྣོ་སོ། གང་འདུལ་གྱི་དམིགས་པ་མདའ་མཚོན་ལྟར་གསོར་བ་དེ་ཐབས་ཀྱི་རྣོ་སོ་གསུམ་

[Full Size]

མོ། །དེ་ལས་དཔག་པའི་བྱེད་ལས་སྒོ་གསུམ་ནི། བདག་མེད་རོ་ལྟར་སྐྱུར་བ་དེ་ལུས་ཀྱི་བྱེད་ལས། འཛིན་མེད་བྲག་ཆ་ལྟར་ཤེས་པ་དེ་ངག་གི་བྱེད་ལས། གཡོ་མེད་ནམ་མཁའ་ལྟར་དག་པ་སེམས་ཀྱི་བཞག་ཐབས་སོ། །རྒྱུན་དུ་དགོས་པའི་གསང་བསྙེན་ནི་ལྕེ་ཡ་རྐན་ལ་སྦྱར་ཏེ་ཡི་གེ་ཕཊ་ཅེས་བརྗོད་པའོ། །དགོས་པ་ནི། མཆོག་དང་ཐུན་མོང་གི་དངོས་གྲུབ་ཐོབ་པ་ལ་དགོས་པ། དགོངས་པ་ནི་རྫོགས་པའི་སངས་རྒྱས་ཐོབ་པ་ལ་དགོངས་སོ། །འཕེན་སྐྱུར་གཉིས་ནི། རིག་པ་གཏད་མེད་དུ་འཕེན་ཞིང་སྒྱུ་ལུས་ཞེན་མེད་དུ་སྐྱུར་ཟེར་བ་ཡིན་ནོ། །གཅོད་མཁན་དང་གཅོད་ཡུལ་གཉིས་ལ་གང་གིས་སྔ་ན། ཡུལ་ཤེས་དབྱེར་མེད་མཉམ་པ་ཉིད་དུ་གནས་པས་སྔ་ཕྱི་མེད་པར་གསུངས། རྒྱལ་བའི་ལུང་ནས་ཀྱང་མཉམ་པོར་གནས་པའི་བདུད་གསུངས་པས་ཤེས་སོ། །མི་གཅོད་པ་གསུམ་ནི། བཀྲ་མཚུན་གྱི་རྒན་སྲི་མི་གཅོད། ཡོན་ཏན་ཅན་གྱི་དུར་སྲི་མི་གཅོད། གློ་བུར་དམག་དཔོན་ཆེན་པོའི་དགྲ་སྲི་མི་གཅོད་དོ། །ཡང་ཁ་ལ་ཉན་པའི་བྲན་གཅིག་རྒྱུན་དུ་དགོས་ཟེར་བ་ནི། བླ་བཟུང་བྲན་འཚོལ་བའི་དམིགས་

[Full Size]

པ་སྔོན་དུ་གཏོང་བ་ལ་ཟེར་བ་ཡིན་ནོ། །སྟོབས་ལྡན་གླང་ཆེན་ཆིབས་སུ་བཅིབས་དགོས་ཟེར་བ་ནི། །ཟིལ་གནོན་གྱི་དམིགས་པ་ལ་ཟེར་བ་ཡིན་གློག་ལྕམ་འཕར་མའི་ཞགས་པ་གཅིག་ལག་ཏུ་བཟུང་དགོས་ཟེར་བ་ནི། ཐེར་གྱི་དམིགས་པ་ལ་ཟེར་བ་ཡིན་ནོ། ཉེའུ་ཆུང་འཕར་མ་ཐུར་མའི་ཁ་ནས་ལེན་དགོས་ཟེར་བ་ནི། ལན་མི་འདུག །རྒྱ་མཚོར་ཉལ་བའི་ཆུ་སྲིན་རྒྱལ་བའི་སྣ་ཁུང་དུ་བསྐལ་པའི་རླུང་གཏོང་དགོས་ཟེར་བ་ནི། མ་བསླང་བ་སློང་བར་བྱེད་པའི་དམིགས་པ་ལ་ཟེར་བ་ཡིན་ནོ། །སྒོ་སྲུང་ཁྲོ་བོའི་གིང་གང་གིས་ཚུལ་འཛིན་པ་ནི། ཕྱི་རུ་དྲག་དམིགས་ཅི་བྱས་ཀྱང་ནང་དུ་ཞེ་སྡང་མེད་པ་ལ་ཟེར་བ་ཡིན་ནོ། །གླང་ཆེན་སྨྱོན་པ་ལ་གཡུལ་ཐའི་གར་ཆང་བླུད་པ་ནི། སྨྱོ་འདུལ་དམིགས་པ་ལ་ཟེར་བ་ཡིན་ནོ། །གནས་བརྟན་རྒད་པོ་གཞིའི་གཉེར་ལ་བསྐོ་དགོས་ཟེར་བ་ནི། མི་རྡོག་རྗེས་སྲུང་དམིགས་པ་ལ་ཟེར་སྤྲུལ་བ་ཡིན་ནོ། །གནམ་ལྕགས་ཀྱི་མཚོན་ཆ་ལ་སེང་གེ་དཀར་མོའི་འོ་མས་ངར་བླུད་པ་ནི། དམིགས་པ་ལ་སྟོང་ཉིད་ཀྱིས་རྒྱས་འདེབས་པ་ལ་ཟེར་བ་ཡིན་ནོ།

[Full Size]

ཆེའི་སྦུར་ལེན་རྡུལ་ནང་དུ་བཞག་ཟེར་བ་ནི། ལྷ་འདྲེའི་གཟི་བརྗིད་ཕྲལ་བ་ལ་ཟེར་བ་ཡིན་ནོ། །མདའ་ལན་ལ་སྒྲོགས་ཆོས་ཟེར་བ་ནི། ཐོག་གི་དམིགས་པ་ལ་ཟེར་བ་ཡིན་ནོ། །མཐོ་བརྟན་བྲག་ལ་རྫོང་རྩིག་ཟེར་བ་ནི། ཤཱཀྱ་ཐུབ་པའི་བཙན་རྫོང་ལ་ཟེར་བ་ཡིན་ནོ། །ཁེབས་ཀྱི་ཞྭ་མོ་ཆེ་དབུ་ལ་གསོལ་དགོས་པ་ནི། དཀོན་མཆོག་གསུམ་ལ་སྐྱབས་སུ་འགྲོ་བ་ལ་ཟེར་བ་ཡིན་ནོ། །གསེར་གྱི་ས་གཞི་ལ་གནམ་གྱི་ཆར་པས་བྲན་དགོས་ཟེར་བ་ནི། སྨོན་འཇུག་གཉིས་ཀྱི་སྒོ་ནས་སེམས་བསྐྱེད་པ་ལ་ཟེར་བ་ཡིན་ནོ། །ནམ་མཁའི་དབྱིངས་ལ་གནས་ཆོས་ཟེར་བ་ནི། དམིགས་མེད་ཆོས་སྐུའི་ངང་ལ་གནས་པ་ལ་ཟེར་བ་ཡིན་ནོ། །སྒེག་མོ་ལག་པའི་གར་སྟབས་ཟེར་བ་ནི། །ཁ་བསྒྱུར་གྱི་དམིགས་པ་སྣ་ཚོགས་པར་མཁས་པ་ལ་ཟེར་བ་ཡིན་ནོ། །ཡང་སེམས་ཅན་གྱི་དུས་སུ་གཅོད་རྒྱུ་གཅིག་ཡོད་པ་ནི། ཐོགས་བཅས་ཀྱི་བདུད་དོ། །དེའི་དུས་སུ་མི་གཅོད་པ་ལྔ་ནི། མེ་དང་ཆུ་དང་གཡང་ས་དང་མཚོན་དང་དུག་དང་ལྔའོ། །ལམ་ས་ཐོབ་ཀྱི་དུས་སུ་གཅོད་རྒྱུའི་བདུད་ནི། གོང་གི་ལྔ་པོ་ལ་སོགས་པ་ཐོགས་

[Full Size]

བཅས་ཀྱི་བདུད་རྣམས་སོ། །འབྲས་བུས་སངས་རྒྱས་དུས་ཀྱི་གཅོད་རྒྱུ་བདུད་ནི། དགའ་སྙེམས་དགྲ་ལ་སོགས་པ་རྣམས་སོ། །དེ་ནི་མ་བཅད་ཀྱང་རང་ཆོད་དུ་འགྲོ་བའོ། །ཐབ་ཁུང་གི་མེ་མདག་གསོད་དགོས་པ་ནི། བདག་འཛིན་དང་སྙེམས་རྟོག་ཁུ་འཕྲིག་མེད་པ་དེའོ། །གླང་པོ་ཆེ་གེགས་སུ་མི་བཅུག་པ་ནི། ལོ་གཅིག་ལ་གཉན་ས་གཅིག་ཏུ་ཐེངས་གཉིས་སུ་མི་བསྡོད་འགྲོའོ། །སྔ་རྟིང་ཕྱི་མས་མི་གནོན་པ་ནི། ས་གཅིག་ཐོག་ཏུ་གཉིས་མི་བསྡད་དོ། །ཤ་རུས་སྐྱེད་པུ་མི་བཙུགས་པ་ནི། ཨ་དཀར་དང་རྡོ་གཏན་ཟུག་ལ་ཐབ་ཁ་མི་བཅའ་འོ། །བློ་སྣ་བདུད་ཀྱི་རྒྱལ་ཁམས་བཀག་པ་ནི། བྲག་ཟུར་དང་གཡང་སའི་རྩེ་ལ་གནས་མལ་མི་བཅའ་འོ། །འདབ་བརྒྱད་པདྨ་མཁའ་ལ་མི་གཡེང་བ་ནི། མལ་གདན་མི་སྤྲུགས་སོ། །གཟི་བརྗིད་ཀྱི་མེ་དྲོད་རྫོང་ལ་མི་ཕྱར་བ་ནི། ཉལ་ས་གྲང་མི་བཅུག་ས་དྲུག་མ་ཡིན་པར་སྒྲ་སྤང་བ་ནི། དུས་དྲུག་མ་ཡིན་པར་ཕཊཿསྒྲ་མི་བྱེད་དོ། །ཡང་ཅི་ཡང་མི་གཅོད་པ་དེ་གཅོད་པ་ཡིན་ཟེར་བ་ཨེ་བདེན། བདེན་ན་

[Full Size]

སེམས་ཅན་ཀུན་གཅོད་པ་ཨེ་ཡིན་ན། མི་བདེན་ན་ཐེག་ཆེན་བློ་འདས་ཀྱི་དགོངས་པ་དེས་འཁོར་འདས་ཀྱི་གཞི་རྩ་གཅོད་དགོས་སོ། །གཅོད་འདི་མདོ་སྔགས་ཕར་ཕྱིན་གང་ལ་གཏོགས་ན། ཐབས་གསང་སྔགས་དང་འབྲེལ་ཞིང་། ཤེས་རབ་ཕར་ཕྱིན་གྱིས་རྒྱས་གདབ་པས། དེ་གཉིས་ཀ་ཚང་བ་ཡིན་པས་ཟུང་འབྲེལ་དུ་གཏོགས་སོ། །ས་ཆོས་དང་གནམ་ཆོས་གཉིས་གང་ལ་གཏོགས་ན། འདི་རྒྱལ་བའི་བཀའ་དོན་ཐོག་ཏུ་ཕབ་སྟེ་གསུངས་པས་གནམ་ཆོས་ལགས། གསང་སྤྱོད་རྙིང་མ་ལ་སོགས་གཏེར་དུ་སོང་བ་ཕལ་ཆེར་ས་ཆོས་ལགས་སོ། །ཕོ་གཅོད་དང་མོ་གཅོད་གཉིས་ཤན་གང་གིས་ཕྱེ་ན། ཡབ་བརྒྱུད་ཐམས་ཅད་ཕོ་གཅོད་ལགས། ཡུམ་བརྒྱུད་ཐམས་ཅད་མོ་གཅོད་ཡིན་ནོ། །རྒྱ་ཆོས་དང་བོད་ཆོས་གཉིས་པོ་གང་ལ་གཏོགས་ན། རྒྱ་ཆོས་བོད་ལ་དར་བ་ཐམས་ཅད་དེ། བོད་ཆོས་རྒྱ་ལ་གྲགས་པ་ཁོ་མོ་ཙམ་གསུངས་སོ། །བཀའ་མ་དང་གཏེར་མ་གཉིས་གང་ལ་གཏོགས་ན། རྒྱལ་བ་ཤཱཀྱ་ཐུབ་པའི་བཀའ་ནས་གསུངས་པ་ནི། བཀའ་ཐོག་ནས་གྲོལ་བས་བཀའ་མ་ཡིན་ལགས། ས་འོག་གི་གཏེར་མིན་ཀྱང་།

[Full Size]

མ་གཅིག་གི་ཐུགས་ཀློང་ནས་གཏེར་རང་རྡོལ་དུ་བྱུང་བ་ལ་གཏེར་མ་རུ་འདུས་སོ། །དེ་ནས་བཀའ་དང་བསྟན་བཅོས་གཉིས་ཀ་རུ་གཏོགས་སོ། །ཡུམ་ཆེན་མོའི་ཐུགས་སྤྲུལ་ཡིན་པས་བཀའ་མ་ཡང་ཡིན་ལ། དུས་ཕྱིས་བསྟན་བཅོས་ཀྱི་ཐོག་ནས་གསུངས་པས། བསྟན་བཅོས་ཀྱང་ཡིན་པས་གཉིས་ཀར་གཏོགས་སོ། །གཅོད་ཀྱི་ངོ་བོ་དེ་གང་ཡིན་ན། སྣང་སྲིད་འཁོར་འདས་ཀྱི་ལྷ་འདྲེ་བདག་གཞན་གྱི་རྣམ་པ་ཐམས་ཅད་སྐྱེ་མེད་སྟོང་པ་ཉིད་དུ་ཤེས་པའོ། །ངེས་ཚིག་ནི། དེ་དག་ཐམས་ཅད་ཀྱི་གཞི་རྩ་རང་བྱུང་ཡེ་ཤེས་ངར་དང་ལྡན་པས་དེ་གཅོད་པས་ན། གཅོད་པ་ཞེས་བྱའོ། །དབྱེ་བ་ནི། ཕྱི་རི་ཁྲོད་འགྲིམས་པ་ཕྱིའི་གཅོད། ནང་ཕུང་པོ་གཟན་དུ་བསྒྱུར་ན་ནང་གི་གཅོད། ཉག་གཅིག་རྩད་ནས་གཅོད་པ་དེ་དོན་གྱི་གཅོད་པ་དང་གསུམ་མོ། །འཇུག་པའི་དཔེ་ནི། ལྗོན་ཤིང་གི་རྩ་བ་དབལ་སྟས་བཅད་པ་ལྟ་བུས་གཅོད། དུག་ལྔའི་སྡོང་པོ་ཡེ་ཤེས་ལྔ་ཡི་དབལ་སྟུས་གཅོད་པ་དང་། ང་བདག་གི་རྩ་བ་རང་རིག་ཡེ་ཤེས་ཀྱི་གཅོད་པ་སྟེ་འཇུག་པ་གསུམ་མོ། །མཐུན་པ་ནི། ཆོས་མདོ་སྔགས་གང་དང་ཡང་

[Full Size]

མཐུན་པས་མཐུན་པའི་དཔེ་དྲུག་འབྱུང་ངོ་། །རྩི་དུག་སྔགས་ཀྱིས་འབྱེད་ཟེར་བ་ནི། ཚར་ཚད་ཆོ་འཕྲུལ་ཤན་འགྱེད་ཀྱི་དམིགས་པ་ལ་ཟེར་བ་ཡིན་ནོ། །ཕྱག་རྒྱ་ལག་པའི་ལྟོ་རྒྱབ་གསོར་བ་ནི། ཞི་དྲག་གི་དམིགས་པ་གསོར་བ་ལ་ཟེར་བ་ཡིན་ནོ། །གནམ་ས་གོ་ལོག་ན་འཆི་མེད་རྡོ་རྗེའི་འཇའ་ཆོག་ཟེར་བ་ནི། ལོག་ཆེན་མཐའ་ལ་གཏད་པ་ལ་ཟེར་བ་ཡིན་འདུག་གོ །གནད་ཀྱི་དྲི་བ་ལྔ་བཅུ་རྩ་ལྔ་པའི་འགྲེལ་པ་གསལ་བྱེད་སྒྲོན་མ་ཞེས་བྱ་བ་འདི་གེ་མོ་གཅོད་པ་རྡོར་ལུ་སོགས་གཅོད་པ་མང་པོས་བསྐུལ་བ་ལ་བརྟེན་ནས། ༧ །ཨ་རཱ་གས་སྦྱར་བའི་དགེ་བས་འབྲེལ་ཐོགས་བདུད་བཞིའི་གཡུལ་ལས་སྦྱར་ཞིང་རྒྱལ་ཡུམ་ཐུགས་ཀྱི་ཀློང་དུ་གྲོལ་བར་ཤོག །སརྦ་མངྒ་ལཾ།། །། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཀྱི་བྱུང་ཁུངས་བཤད་པ་གསལ་བའི་སྒྲོན་མེ།

[Full Size]

གཅོད་ཀྱི་བྱུང་ཁུངས་བཤད་པ་གསལ་བའི་སྒྲོན་མེ་ཞེས་བྱ་བ་བཞུགས་སོ།།

[Full Size]

ན་མོ་ཛྙཱ་ན་ཌཀྐི་ཡེ། ཡེ་ཤེས་མཁའ་འགྲོའི་ཚོགས་ལ་ཕྱག་འཚལ་ནས། །གཅོད་ཀྱི་བྱུང་ཁུངས་ལོ་རྒྱུས་མདོར་བསྡུས་བརྗོད། །ཆོས་བདག་ཏཱ་ཀི་རྣམས་ཀྱིས་བཀའ་གནང་སྩོལ། །འདི་ཉིད་མཐོང་ཐོས་རྣམས་ལ་བྱིན་གྱིས་རློབས། །དེ་ཡང་ཀུན་ཏུ་བཟང་མོ་ཞེས་ཀྱང་བྱ། །རྡོ་རྗེ་ཕག་མོ་ཞེས་ཀྱང་བྱ། བདག་མེད་མ་ཞེས་ཀྱང་བྱ། རྗེ་བཙུན་སྒྲོལ་མ་ཞེས་ཀྱང་བྱ་སྟེ། དེ་ཡང་ཕྲིན་ལས་ཀྱི་ལྷ་མོ་སྐུ་མདོག་མཐིང་ཁ་ཕྱག་གཉིས་ཁྲོ་མོའི་ཆ་བྱད་ཅན། དེའི་ཐུགས་ཀ་ནས་འོད་ཟེར་གྱི་སྣ་ལ་འོག་མིན་བསམ་གྱིས་མི་ཁྱབ་པ་གཞལ་ཡས་ཁང་གདན་དང་བཅས་པ་གཅིག་

[Full Size]

སྤྲུལ། དེའི་དབུས་སུ་འཕགས་བཞི་བསྐྱེད་པའི་ཡུམ། སྟོང་ཉིད་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ཉིད་སེམས་ཅན་བསོད་ནམས་བསགས་པའི་རྟེན་དུ། འཕགས་མ་སྒྲོལ་མའི་སྨོན་ལམ་དང་ཐུགས་རྗེས་བསྐུལ་ནས། ཡུམ་ཆེན་གསེར་མདོག་ཕྱག་བཞི་མ་ལ། འཁོར་ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་དང་སེམས་མ་དཔག་ཏུ་མེད་པ་དང་བཅས་པ་སྤྲུལ་ཞིང་། སྨོན་ལམ་གྱི་མཐུ་ལས་གྲུབ་བོ། །ཡུམ་ཆེན་མོའི་ཐུགས་དབུས་ནས། རྡོ་རྗེ་དབྱིངས་ཀྱི་དབང་ཕྱུག་མ་མཐིང་ཁ་ཞལ་གཅིག་ཕྱག་བཞི་མ་སྤྲུལ་ལོ། །དེའི་ཐུགས་ཀ་ནས་རྡོ་

[Full Size]

རྗེ་བདུད་འདུལ་མ་ཞེས་བྱ་བ་ཁྲོས་མ་ནག་མོ་ལྷ་ལྔར་སྤྲུལ་ནས་ཨོ་རྒྱན་གྱི་སྟེང་གི་ཕོ་བྲང་དུ་བཞུགས་སོ། །དེའི་ཐུགས་ཀ་ནས་མཁའ་འགྲོ་སེར་མོ་ཞལ་གཅིག་ཕྱག་གཉིས་གཙོ་འཁོར་ལྔར་སྤྲུལ་ནས་ཨོ་རྒྱན་གྱི་ཕོ་བྲང་དུ་བྱོན་པ་ནི་མཁའ་འགྲོ་གསེར་གླིང་མ་ཞེས་བྱའོ། །གསེར་གླིང་མ་དེས་ལྷ་ཡུལ་དང་མི་ཡུལ་དུ་སྐྱེ་བ་བརྒྱ་དང་བདུན་བཞེས་པའི་ཐ་མ་ནི་མ་གཅིག་ཡིན་ཏེ། དེ་ཡང་བོད་དུ་དུས་གཅིག་ལ་རྒྱ་བཟའ་དང་བལ་བཟའ་གཉིས་སུ་སྐྱེས། དེ་གཉིས་གཅིག་ཏུ་བསྡོམས་ནས་ཡེ་ཤེས་མཚོ་རྒྱལ་དུ་སྐྱེས། འདི་དག་དང་དུས་མཉམ་དུ་ལྷ་ཡུལ་དུ་མཁའ་འགྲོ་མ་སེར་མོ་གཅིག་ཏུ་སྤྲུལ་ནས་ལྷ་དང་མཁའ་འགྲོ་རྣམས་ལ་ཆོས་བསྟན་ཏོ། དེ་ནས་སྤྲུལ་པ་དེ་རྣམས་གཅིག་ཏུ་བསྡུས་ནས། རྒྱ་གར་གྱི་ཡུལ་དུ་པཎྜི་ཏ་སྨོན་ལམ་གྲུབ་ཅེས་བྱ་བར་འཁྲུངས། མུ་སྟེགས་པ་འབུམ་ཚོ་གཅིག་ནང་པར་བཙུད། དེ་ནས་པོ་ཏ་རིའི་བྲག་ཕུག་ན་ཁྲོས་མ་ལྷ་ལྔའི་སྒྲུབ་པ་མཛད་པས། ཁྲོས་མ་ལྷ་ལྔ་དང་རྗེ་བཙུན་སྒྲོལ་མ་ཚེ་དཔག་མེད་དང་སྤྱན་རས་གཟིགས་ཨོ་རྒྱན་པདྨ་རྣམས་དངོས་སུ་བྱོན་ནས་དབང་བསྐུར། བོད་དུ་ཁྲོས་མས་འབྱོན་དགོས་པར་ལུང་བསྟན། ཁྲོས་མ་མཐིང་ནག་གཅིག་

[Full Size]

གིས་གྲི་གུག་གིས་བེམ་རིག་ཕྲལ། སྐུ་གདུང་མི་ཉམས་པར་བྱིན་གྱིས་བརླབས་ནས། བོད་བུ་བྱོན་ཏེ། དེའི་དུས་མུ་སྟེགས་ཀྱི་མཁའ་འགྲོ་མ་གདུག་པ་བཞི་བོད་ན་སྐྱེ་བ་བླངས་ནས་གདུག་པ་འདུལ་བའི་ཕྱིར་དུ་སྤྲུལ་པ་བཞི་མཛད། ལམ་འབྲས་ཀྱི་སྒོ་ནས་སེམས་ཅན་གྱི་དོན་མཛད་པ་མ་གཅིག་ཞ་མ། རྫོགས་ཆེན་གྱི་སྒོ་ནས་འགྲོ་དོན་མཛད་པ་ཞང་ལྕམ་འབྲང་ཆུང་མ། ཕྱག་རྒྱ་ཆེན་པོའི་སྒོ་ནས་འགྲོ་དོན་མཛད་པ་ཤེལ་བཟའ་སྒྲོན་ནེ་མ། གཅོད་ཀྱི་སྒོ་ནས་འགྲོ་དོན་མཛད་པ་མ་གཅིག་ལབ་སྒྲོན་དང་བཞི་ཡིན་ནོ། །འདུལ་རྒྱུའི་བདུད་མོ་བཞི་ནི། སྤར་པ་དཀར་མོ། ཆང་མོ་ནམ་མཁའ། ཤེལ་མོ་རྒྱ་ལྕམ། ཞང་མོ་ལྷ་ཁྲིད་དང་བཞི་ཡིན་ཏེ། ཕྱིས་ཡེ་ཤེས་ཀྱི་མཁའ་འགྲོ་འགྲོ་དོན་ནུས་པ་བཞི་བྱུང་ངོ་། །དེ་ལ་མ་གཅིག་ལབ་སྒྲོན་གྱི་ལོ་རྒྱུས་ནི། ཡུལ་ལ་ཕྱི་གྲང་མཚོ་མེར་བྱ་བ་ན། ཡབ་ཆོས་ཀྱི་ཟླ་བ་དང་། ཡུམ་འབུམ་ལྕམ་མ་གཉིས་ཀྱི་སྲས་མོར་འཁྲུངས་ཏེ། ལྷུམས་སུ་ཞུགས་དུས་ནས་རྨི་ལམ་བཟང་པོ་དུ་མ་དང་། ཡུམ་རྒས་པ་ཡང་གཞོན་ནུར་གྱུར་ཅིང་སྟེང་དུ་འོད་དཀར་ཟུག་པ་དང་། མཚན་མོ་ཡང་ཡུལ་སྣང་ཐམས་

[Full Size]

ཅད་མ་སྒྲིབ་པར་མཐོང་བ་དང་། ལྷུམས་ནས་ཨ་ཧ་རི་ནི་ས་བསྒྲུང་བ་དང་། ཨ་མ་ང་ཡི་གོས་གསར་པ་གུ་གུལ་གྱིས་བདུག་པ་གཅིག་གྱིས་གསུངས་སོ། །སྐུ་བལྟམས་པས་དྲི་བཟང་གིས་ཁྱིམ་གང་བ་དང་། འཇའ་འོད་དང་རོལ་མོའི་སྒྲ་དང་མེ་ཏོག་གིས་ཆར་བབ་བོ། །དེ་སྐུ་བལྟམས་མ་ཐག་འཇའ་འོད་ཀྱི་ནང་ན་ཞབས་བརྐྱངས་བསྐུམ་དུ་བཞུགས་ཏེ་ཨ་མ་ཁམས་བདེའམ་གསུང་ཞིང་ཨ་བསྒྲང་ངོ་། །ལྕེ་སྟེང་དུ་ཧྲཱིཿདམར་པོ། དཔྲལ་བར་སྤྱན་གཅིག་སྣང་བ་ལ་ཨ་དཀར་པོ་དང་འོད་ཁ་དོག་ལྔ་རྟ་རྔ་ཙམ་ཡོད་པ། སྤྱི་གཙུག་ཏུ་འོད་དཀར་པོ་མཐེའུ་ཆུང་ཙམ་ཨ་དཀར་པོས་མཚན་པར་སྣང་ངོ་། །ཕྱག་སོར་དྲ་བས་འབྲེལ་བ་སེན་མོ་ཟངས་མདོག་ལ་འོད་ཁ་དོག་ལྔ་དང་། ཨོཾ་ཨཱཿཧཱུྃ་འཆར་བར་འདུག་གོ། །དེ་ནས་དགུང་ལོ་གསུམ་ནས་ཧྲཱིཿདང་ཨཱཿདང་ཏཱ་རེ་དང་ག་ཏེ་དང་ཧ་རི་ནི་ས་རྣམས་འདོན་ཞིང་། མཆོད་ཁང་དུ་ཕྱག་འཚལ་བ་ལ་བརྩོན་པར་བྱེད། ལོ་ལྔ་ནས་ཡི་གེ་བརྡ་བསྟན་ཙམ་གྱིས་ཤེས་ནས། ལོ་བརྒྱད་ནས་ཉིན་རེ་མདོ་བརྒྱད་སྟོང་པ་ཚར་རེ་ཐོན་ཏེ། མངའ་བདག་རྒྱས་པོས་གདན་དྲངས་པས་པཎྜི་ཏ་དང་དགེ་བཤེས་མང་པོ་འདུག་པའི་དབུས་སུ་མདོ་སྡུད་

[Full Size]

པ་སྐད་འགྱུར་གསུམ་གྱིས་བཀླག་ཅིང་མདོའི་བཤད་པ་མཛད་པ་དང་། དཔྲལ་པའི་སྤྱན་གྱི་ཨ་སོགས་མཚན་རྟགས་ལ་དད་པ་སྐྱེས་ནས། རྒྱལ་པོ་སོགས་ཁྲོམ་འབུམ་ཕྲག་གསུམ་ཙམ་འདུས་ནས་ལབ་སྒྲོན་དུ་མཚན་གསོལ་ཞིང་འབུལ་བ་རྒྱ་ཆེར་བྱས་སོ། །དེ་ནས་དགུང་ལོ་བཅུ་ནས་ཉིན་རེ་པོ་ཏི་བཞི་རེ་ཚར། བཅུ་གསུམ་ནས་བརྒྱད་རེ་ཚར། ནས་ཞོ་གཅིག་བརྟག་ཡུན་ལ་བརྒྱད་སྟོང་པ་ཚར་རེ་འགྱུར་བརྒྱད་ཀྱིས་ཀློག་པས་ཚར། ལོ་བཅུ་དྲུག་ནས་འབུམ་པོ་ཏི་བཅུ་གཉིས་པོ་སྐད་འགྱུར་བརྒྱད་ཀྱིས་ཀློག་པས་ཉིན་ཚར་ཐོན། དེ་ནས་གྲྭ་པ་མངོན་ཤེས་ཅན་ལ་ཤེར་ཕྱིན་ཐམས་ཅད་ཀྱི་ལུང་དང་བཤད་པ་རྒྱས་པར་གསན། བླ་མས་པད་ཞྭ་དམར་པོ་འདབ་མ་བཅུ་པ་དར་སྣ་ཚོགས་བརྒྱན་པ་ཞིག་གསོལ་ནས་འབོལ་སུམ་བརྩེགས་ལ་བཞུགས་ནས་མཆོད་གནས་མཛད་པས་ཇོ་མོ་ཞྭ་ཆུང་མར་གྲགས། དེ་དུས་དམ་པ་རྒྱ་གར་མ་གཅིག་མཇལ་དུ་བྱོན་ནས། རྒྱ་གར་གྱི་པཎྜི་ཏའི་སྐུ་སྐྱེ་ཡིན་པའི་ངོས་འཛིན་དང་འགྲོ་དོན་འོང་བའི་ལུང་བསྟན་ཀྱང་གསུངས། སྐྱོ་སྟོན་བསོད་ནམས་བླ་མས་དོན་གྱི་རྩ་བ་རང་སེམས་ལ་ག་དར་ལེགས་པོར་ཆོད་ཅིག་བྱ་བ་གསུངས་པ་

[Full Size]

དང་། ཆོས་ལ་ཞལ་འདོན་མཛད་པས་ཤེར་ཕྱིན་བདུད་ཀྱི་ལེའུ་ནས། །རྟོགས་པ་ཁྱད་པར་ཅན་གཅིག་སྐྱེས་ཏེ་བདག་མེད་མངོན་སུམ་དུ་རྟོགས་ནས་ཚེ་འདིའི་འཁྲུལ་པ་ཞིག་པར་གྱུར་ཏོ། །དེ་ནས་སྐྱོ་སྟོན་བསོད་ནམས་བླ་མ་ལ་སྒྱུ་འཕྲུལ་ཆེན་པོའི་དབང་ཞུས་དུས་ཡེ་ཤེས་འབེབས་པའི་དུས་སུ། མ་གཅིག་སྐུ་ནམ་མཁའ་ལ་འཕུར་ནས་གར་ཐབས་ཉི་ཤུ་རྩ་གཅིག་མཛད། གསུང་སཾ་སྐྲའི་སྒྲ་སྐད་དུ་དབྱངས་ཡན་ལག་དྲུག་ཅུ་མཛད། ཐུགས་རྡོ་རྗེ་ལྟ་བུའི་ཏིང་ངེ་འཛིན་སྐྱེས་ནས། ཁང་པའི་རྩིག་པ་ལ་མ་ཐོག་པར་འཕུར་ནས་ཤིང་སྡོང་པོ་གསེར་ལྷག་ཅན་དུ་ཀླུ་རྒྱལ་དྲག་པོ་ཟླ་སྐྱོང་བཏུལ་ནས་བསྟན་པའི་སྲུང་མར་བསྐོས། དེའི་མ་ཧཱ་མཱ་ཡཱ་ལྷ་ལྔ་དང་ཁྲོས་མ་ལྷ་ལྔ་དང་བདག་མེད་མའི་ལྷ་ཚོགས་ཡུམ་ཆེན་མོ་ལ་ཕྱོགས་བཅུའི་སངས་རྒྱས་རྗེ་བཙུན་སྒྲོལ་མ་རྣམས་དངོས་སུ་བྱོན་ནས་དབང་བསྐུར་ལུང་བསྟན་ཏོ། དེ་ནས་བླ་མ་ཞྭ་དམར་པ་དང་ཡར་དིང་བ་སོགས་ལ་བྱམས་ཆོས་དང་རྫོགས་ཆེན་ཆོས་དྲུག་ཕྱག་ཆེན། དུས་འཁོར་སྦྱོར་དྲུག་དོ་ཧ་སོགས་མང་དུ་ཞུས། དེ་ནས་ལྷ་སར་ཇོ་བོ་ལ་མཆོད་པ་མཛད་པས་འཇའ་འོད་དང་རོལ་མོའི་སྒྲ་དང་མེ་ཏོག་གི་ཆར་བབ་བོ། །དེ་ནས་

[Full Size]

དམ་པ་མཇལ་བས་དམ་པས་ཀྱང་ཕྱག་འཚལ་ཞིང་བསྟོད་པ་མཛད། ཞི་བྱེད་སྐོར་དང་ཕར་ཕྱིན་གྱི་མན་ངག་དབང་དང་ནམ་མཁའ་སྒོ་འབྱེད་སོགས་གདམས་ངག་དཔག་ཏུ་མེད་པ་གསན། དེ་ནས་མཁའ་འགྲོ་མ་ཨེ་ཀ་ཙཱ་ཏི་དང་ཁྲོས་མ་ནག་མོ་བདེ་ཆེན་དཀར་མོ་དང་། དཔལ་ལྡན་ལྷ་མོ་རྣམས་ཀྱིས་ལན་མང་དུ་ལུང་བསྟན་ཞིང་། བླ་མ་རྣམས་ཀྱིས་ཀྱང་བཀའ་གནང་ནས། སངས་རྒྱས་ཐོད་པའི་སྤྲུལ་པ་རྒྱ་གར་གྱི་པཎྜི་ཏ་ཐོད་པ་བྷ་ཏྲ་དང་ཐབས་ཤེས་ཀྱིས་སྦྱོར་བ་མཛད་པས་འོད་ཟེར་ཆེན་པོ་ཉི་མ་ཤར་བ་ལྟར་བྱུང་ནས། ཡོན་བདག་མོ་རྒན་མོ་གཅིག་ཡོད་པས་མེ་མཆེད་པ་རང་སྙམ་ནས་ལྟར་ཕྱིན་པས། འོད་ཁ་དོག་སྣ་ལྔ་འཇའ་ལྟ་བུ་འཁྱིལ་བའི་ནང་དུ་ཉི་མ་ཟླ་བ་འདྲ་བ་གཉིས་ཁ་སྦྱོར་དུ་འདུག་པ་མཐོང་ནས་དད་པ་སྐྱེས། ཕྱིར་ནངས་རྒན་མོས་མ་གཅིག་ལ་ཟུར་ཙམ་ཞུས་པས། ལུང་བསྟན་ཕལ་ཆེར་བདུད་ཀྱི་བསླུ་བ་ཡིན། །ཕོ་མོ་གཉིས་འགྲོགས་ན་བདུད་ཀྱིས་ཁྱེར་བ་ཡིན། །ཡོན་བདག་མོ་ཡང་ཁྲིས་འདྲེས་དད་ནས་འོང་། །ཞེས་གསུངས། དེར་ཟླ་གཅིག་ལ་འབུམ་ཚར་སུམ་ཅུ་འགྲོ་བར་མཛད་ནས་ཆོས་ཡོན་མང་དུ་ཕུལ་ལོ། །དེ་

[Full Size]

ནས་སྲས་གྲུབ་པ་དང་གྲུབ་སེའི་ཀོང་པོ་སྐྱབས་གཉིས། སྲས་མོ་ལ་གྲུ་ཆུང་ངམ་ལ་འདུལ་དང་གསུམ་འཁྲུངས། དགོང་ལོ་ཉེར་གསུམ་ནས་སོ་བཞིའི་བར་དུ་པཎྜི་ཏ་དང་མཉམ་དུ་། བཞུགས། དེ་ནས་མཁའ་འགྲོའི་ལུང་བསྟན་བྱུང་ནས་འཁོར་ལ་སྐྱོ་བ་སྐྱེ་བའི་ཚུལ་མཛད་ནས་ཡབ་དང་སྲས་རྣམས་བཞག་ནས། བླ་མ་གཉིས་ཀྱི་དྲུང་དུ་བྱོན་ནས་བསོད་ནམས་བླ་མ་ལ་ཁྲོས་མ་ལྷ་ལྔའི་དབང་ཞུས་ནས། བསྐྱེད་རིམ་ལ་བརྟན་པ་ཐོབ་པའི་ཚུལ་མཛད། གྲྭ་པ་མངོན་ཤེས་ཅན་ལ་སེམས་བསྐྱེད་དང་དགེ་བསྙེན་མའི་གདམས་པ་ཞུས་པས། བླ་མ་ཤཱཀྱ་ཐུབ་པ་ལ་རིགས་གསུམ་མགོན་པོས་བསྐོར་ནས་སྡོམ་ལུང་གནང་བའི་སྣང་བ་བྱུང་། དིང་རིར་བྱོན་པས་དིང་རི་བས་བསུ་བ་བྱས། དམ་པ་འཇམ་དབྱངས་དམར་པོ་དངོས་སུ་གཟིགས་ཤིང་། མདོ་ལུགས་ཡུམ་ཆེན་མོའི་དབང་ཞུས་དུས་ཡུམ་ཆེན་མོ་འཁོར་དང་བཅས་པ་དངོས་སུ་བྱོན་ནས་བྱིན་གྱིས་བརླབས་ནས་ལུང་བསྟན་པ་གཟིགས། དམ་པས་གཉན་ས་རི་ཁྲོད་བརྒྱ་རྩ་ཆོད་ལ་ཟངས་རིར་འགྲོ་དོན་སྐྱོངས་ཤིག་གསུངས་པས། མ་གཅིག་གིས་མཁའ་རི་དང་ཇོ་མོ་རྗེ་ཆེན་སོགས་གངས་གཉན་བརྒྱ་དང་རྩ་བརྒྱད་བཅད་ནས་

[Full Size]

ཟངས་རིར་བྱོན་པས་བཙན་རྒོད་ཟངས་རི་འཁྱིལ་པ་དེ་བྱུང་ནས་འདིར་བཞུགས་ལ་དགོན་པ་ཐོབ་དང་ངས་ཡོན་བདག་བྱེད་ཟེར། དེར་ལོ་གསུམ་བཞུགས་པས་བསྟན་པ་ཉི་མ་ཤར་བ་ལྟར་བྱུང་། རྒྱལ་པོ་ཆེན་པོ་སྡེ་བཞི་དང་བརྟན་མ་བཅུ་གཉིས། ཐང་ལྷ་ཡར་ཞུད་ཡར་ལྷ་ཤམ་པོ། འོ་དེ་གུང་རྒྱལ་ལ་སོགས་པས་ཆོས་ཞུས་ཤིང་བསྟན་པ་བསྲུང་བར་ཁས་བླངས། ཤོལ་པུ་ལོ་ཙཱ་བ་དང་དགེ་བཤེས་སྟོད་ལུང་བ་དང་གྲུབ་ཆེན་ཕམ་ཏིང་བ་སོགས་བྱོན་ནས་བགྲོ་གླེང་དང་དྲི་བ་མཛད་པས། གང་ལ་ཡང་ཐོག་པ་མ་བྱུང་བས་སྒྲོལ་མ་དངོས་ཡིན་པར་ཐག་ཆོད། གནས་ཟངས་རི་མཁར་དམར་དགོན་པ་ན། །མ་གཅིག་ལབ་ཀྱི་སྒྲོན་མ་བཞུགས་པ་ལ། །ཆོས་ཕྱག་རྒྱ་ཆེན་པོ་གཅོད་བྱ་བ། །ནད་བཞི་བརྒྱ་རྩ་བཞི་གདོན་སྟོང་ཕྲག་བརྒྱད་ཅུའི་མི་ཚུགས་ཤིང་། འབྲས་བུ་སངས་རྒྱས་ལ་འགོད་པའི་ཆོས་ཁྱད་པར་ཅན་ཡོད་ཟེར་བའི་སྙན་གྲགས་འཛམ་གླིང་ཐམས་ཅད་ལ་ཁྱོབ་བོ། །དེ་ནས་འཆིང་ཕུ་ན་བཞུགས་དུས། རྗེ་བཙུན་སྒྲོལ་མ་ལ་མཁའ་འགྲོ་མང་པོས་བསྐོར་ནས་བྱོན་ཏེ། གསང་སྔགས་ཨུ་དུམ་ཝ་རའི་རྒྱུད་མན་ངག་རྣམས་དངོས་སུ་གནང་

[Full Size]

ངོ་། །དེ་ནས་ཟངས་རིར་བྱོན་པས་མགོན་པོ་བྲག་ལྷ་མགོན་པོ་གཉིས་འཁོར་དང་བཅས་པས་བསུ་བ་ཡང་མཛད། ནུབ་གཅིག་རྨི་ལམ་ན་དག་པའི་སྣང་བ་ཆེན་པོ་བྱུང་བའི་ཕྱིར་ནངས་ཡབ་སྲས་རྣམས་སླེབ་སྟེ། ཡབ་ཡུམ་གཉིས་རྟོགས་པ་བསྡུར་ཞིང་སྨོན་ལམ་བཏབ། ཁམ་བཟང་གི་མགུར་རེ་རེ་མཛད་ནས་ཡབ་རྒྱ་གར་དུ་བྱོན། སྲས་གྲུབ་སེས་ཡབ་ལུགས་ཀྱི་བདེ་མཆོག་དང་མི་འཁྲུགས་པ་རྣམ་འཇོམས་རྟ་མགྲིན་ནག་པོ་རྣམས་ཤེས། སྲས་མོས་ཕག་མོ་དང་ཁ་སར་པ་ཎི་དང་ཀློག་ཡིག་མཁས་པར་ཤེས། དེར་གྲུབ་སེ་སྨྱོ་རྒྱལ་གྱིས་ཐེབ་པ་ལ། མ་གཅིག་གིས་གདམས་ངག་གནང་ནས་དུར་ཁྲོད་དུ་ཞག་བདུན་ཉལ་བས་ནད་ཞི་ནས་རྟོགས་པ་འཁྲུངས། དམ་པ་རྒྱ་གར་སྤྱན་དྲངས་ནས་རབ་ཏུ་བྱུང་བས་ཐོད་སྨྱོན་བསམ་འགྲུབ་རྟགས་དབང་དང་གདམས་ངག་གནང་བས། ཁོང་དམ་པ་ལ་དད་ནས་ངའི་ཕ་དམ་པ་ཡིན་ཟེར་ཞིང་རྒྱུན་ཏུ་གསོལ་བ་འདེབས་པ་ལ་ཕ་དམ་པར་གྲགས་སོ། །དེ་ནས་ཐོད་སྨྱོན་བསམ་འགྲུབ་ཤམ་པོ་གངས་ལ་བཏང་ནས་ཟླ་གཅིག་ཙམ་ནས། མ་གཅིག་ནམ་མཁའ་ལ་འཕུར་ནས་ཤམ་པོའི་གངས་ལ་བྱོན་ནས་ཞག་བདུན་བཞུགས། སྲས་ལ་

[Full Size]

དབང་དང་གདམས་པ་གནང་ནས། སྲས་ཀྱིས་མ་གཅིག་རྡོ་རྗེ་ཕག་མོ་དངོས་སུ་གཟིགས་ཤིང་འཇའ་འོད་དང་རོལ་མོའི་སྒྲ་དང་མེ་ཏོག་གི་ཆར་བབ། པདྨ་མཁའ་འགྲོ་དྲི་མེད་མ་ལ་འཚོ་བ་སྦྱོར་བར་བཀའ་བསྒོས་ནས། ལོ་བཅུ་གསུམ་སྒྲུབ་པ་གྱིས་གསུངས་ནས་བྲག་ཕུག་གི་སྒོ་བྲག་གིས་བཅད་ནས་བཞག མ་གཅིག་མཁའ་འགྲོའི་ཚོགས་དང་བཅས་པ་ནམ་མཁའ་ལ་གཤེགས་ནས་ཟངས་རིར་བྱོན། ཟླ་བ་གསུམ་ཙམ་ནས་སྲས་ལ་སྐོམ་པའི་སྣང་བ་གཅིག་བྱུང་ཙམ་ན་འོད་ཉི་མའི་སྲབ་མདའ་འདྲ་བ་ཞིག་གིས་བརྒྱུད་ནས་བུད་མེད་དམར་མོ་གཟི་བརྗིད་ཅན་ཞིག་བྱུང་ནས་བདུད་རྩི་ཞལ་བུ་གང་བྱིན་ནས་འཐུང་བས། ལུས་ཐམས་ཅད་བདེ་བས་གང་ནས་འཇིག་རྟེན་གྱི་ཟས་ལ་སྲེད་པ་མེད་པར་གྱུར་ཏོ། །མ་གཅིག་ནི་གདུལ་བྱ་ནམ་མཁའ་དང་མཉམ་སྟེ། རྒྱལ་བློན་དགེ་བཤེས་མཛེ་སྤྲང་ཡན་ཆད་ཀྱིས། བཟང་དགུའི་གཏུག་ས་ངན་དགུའི་བསྟེན་ས་བྱེད་ཅིང་། འཁོར་བཟང་ངན་ལྔ་སྟོང་ཙམ་རྒྱུན་དུ་ཡོད་ཅིང་། བལ་ཡུལ་ནས་མཇལ་མི་མང་པོ་རབ་འོང་ཞིང་། རྒྱ་གར་དུ་ཡང་གྲགས་པ་ཆེན་པོ་བྱུང་ནས། རྡོ་རྗེ་གདན་པའི་པཎྜི་ཏ་རྣམས་འདུས་ནས་བོད་དུ་བུད་

[Full Size]

མེད་མིག་གསུམ་ཡོད་པ་གཅིག་གིས། རྒྱ་གར་དུ་མེད་པའི་ཆོས་གཅོད་ཟེར་བ་ཞིག་སྟོན་ཅིང་གྲགས་པ་འདི། ཡང་ན་ཡུམ་གྱིས་སྤྲུལ་པ་ཡང་ན་བདུད་ཀྱིས་བསླུ་བ་ཡིན་པས་རྩད་བཅས་དགོས་ཟེར་ནས། པཎྜི་ཏ་གྲུབ་པ་ཐོབ་པ་གསུམ་བཏང་བ་ནམ་མཁའ་ལ་འཕུར་ནས་འོང་སྟེ། ཕྱིར་ནངས་ཟངས་རིར་སླེབས། དེ་ནས་བང་ཆེན་བཏང་སྟེ་མདོ་དབུས་ཁམས་གསུམ་བལ་པོ་ཚུན་ནས། མི་ཕོ་མོ་འབུམ་ཚོ་ལྔ་དང་ལྔ་བརྒྱ་བདུན་ཅུ་རྩ་གསུམ་ལོ་ཙཱ་བ་མཁས་པ་བཞི་དང་བཅས་པ་འདུས། དགེ་འདུན་ཁྲི་ཚོ་བདུན་ཙམ་གྱིས་དབུས་སུ་ལོ་ཙཱ་བས་བསྒྱུར་ཏེ། པཎྜི་ཏ་གསུམ་དང་མ་གཅིག་བགྲོ་གླེང་བྱས་པས་ཆོས་གང་ལ་ཡང་མ་གཅིག་ལ་གླགས་མ་རྙེད། དེ་ནས་རྒྱ་གར་དུ་ཆོས་དར་རས་དང་། མ་གཅིག་གི་སྐྱེས་རབས་རྣམས་དང་བཀའི་ཀ་ཚོམ་དང་། ཡང་ཚོམ་དང་། ཉིང་ཚོམ་ཡང་བཤད། མ་གཅིག་གིས་རྒྱ་གར་སྐད་ཐོག་མེད་དུ་གསུང་། སྐྱེ་བ་སྔ་མ་པཎྜི་ཏར་སྐྱེས་པའི་གདུང་པོ་ཏ་རིའི་བྲག་ཕུག་ན་བཀྲག་མ་ཉམས་པར་ཡོད་པ། དེ་བཞུས་ནས་འཇའ་དང་མེ་ཏོག་གིས་ཆར་རོལ་མོའི་སྒྲ་འབྱུང་། མགོ་ལ་རིགས་ལྔ་ཡབ་ཡུམ་སྒལ་ཚིགས་རེ་རེ་ལ་མཆོད་རྟེན་རེ་

[Full Size]

རེ། བྲང་ལ་རྡོ་རྗེ་འཆང་སྐེ་ཚིགས་ལ་རིགས་གསུམ་མགོན་པོ་ལ་སོགས་རྟེན་དང་རིང་བསྲེལ་དཔག་ཏུ་མེད་པ་འབྱུང་གསུངས་ནས། དེ་ཨེ་བདེན་ལྟ་བའི་ཕྱིར་པཎྜི་ཏ་གསུམ་དང་དམ་པ་རྒྱ་གར་རྫུ་འཕྲུལ་གྱིས་འཕུར་ནས་རྡོ་རྗེ་གདན་དུ་སོང་ནས་ལོ་རྒྱུས་བཤད་པ་དང་། པཎྜི་ཏ་ལྔ་བཅུ་རྩ་གཉིས་དང་བཅས་པ་པོ་ཏ་རི་ལ་སོང་ནས་གདུང་བཞུས་པས་ཇི་ལྟར་གསུངས་ལྟར་བྱུང་ནས། དབུའི་རིགས་ལྔ་རྡོ་རྗེ་གདན་དུ་བཞུགས། རིང་བསྲེལ་བྲེ་གང་བྱུང་བ་རྒྱལ་པོ་རྣམས་ཀྱིས་བགོས། ཐུགས་ལ་ཤཱཀྱ་ཐུབ་པ་བྱོན་པ་དེ་བོད་དུ་སྤྱན་དྲངས་ནས་མདོ་དབུས་ཁམས་གསུམ་གྱི་འཚོགས་པ་རྣམས་ལ་ངོམས་ནས་བྱིན་བརླབས་མཛད་ནས་དམ་པས་དིང་རིར་སྤྱན་དྲངས། པཎྜི་ཏ་གསུམ་གྱིས་མ་གཅིག་ཁྱེད་ཡུམ་ཆེན་མོའི་སྤྲུལ་པ་ངོ་མཚར་ཆེ་ཇི་སྐད་གསུང་པ་ལ་ནོར་འཁྲུལ་ཅུང་ཟད་མ་བྱུང་ཟེར་བས། རྒྱ་བོད་ཐམས་ཅད་ཐེ་ཚོམ་ཆོད་པར་གྱུར་ཅིང་རྒྱ་གར་པ་རྣམས་ཀྱིས་མ་གཅིག་རྒྱ་གར་དུ་འབྱོན་པར་ཞུས་པས། མ་གཅིག་གིས་རྩོམ་ཆོས་རྣམས་རྒྱ་གར་དུ་བསྐུར་ཏེ། རྒྱ་གར་པ་ཐམས་ཅད་ཡིད་ཆེད་ནས་ཉམས་སུ་བླངས་ནས་བོད་ཆོས་རྒྱ་ལ་དར་བར་གྱུར། དེ་ནས་

[Full Size]

ག་སེང་གེ་དཀར་མོ་ལ་ཞོན་ནས་མཁའ་འགྲོ་འབུམ་གྱིས་བསྐོར་ནས་ནམ་མཁའ་ལ་གཤེགས་ཏེ། ཨོ་རྒྱན་ཡུལ་དུ་བྱོན་ནས་ཚོགས་འཁོར་བསྐོར་ནས་ཞག་གསུམ་བཞུགས། དེ་ནས་ཨོ་རྒྱན་ཡུལ་གྱི་དཔའ་བོ་མཁའ་འགྲོ་དང་བཅས་པ། ནོར་བུ་ཕུན་ཚོགས་པའི་གླིང་དུ་བྱོན་ནས་ཚོགས་འཁོར་མཛད། ཞག་བཅུ་བཞི་བཞུགས་ནས་གསང་སྔགས་ཨུ་དུམ་ཝ་ར་བཤད་ནས་སྨིན་གྲོལ་ལ་བཀོད། ནོར་བུ་གླིང་གི་དཔའ་བོ་མཁའ་འགྲོ་དང་བཅས་པ་རྒྱལ་པོ་ཆེན་པོ་སྡེ་བཞིའི་གནས་སུ་ཞག་རེ་རེ་བཞུགས་ནས་ཆོས་གསུངས། དེ་ནས་རྒྱལ་པོ་ཆེན་པོ་སྡེ་བཞིའི་དམག་དཔུང་དང་བཅས་པ་ནམ་མཁའི་ཁམས་ནས་མར་བྱོན་ཏེ། གངས་ཕུག་མོ་ཆེའི་སྒོ་ཕྱེས་ནས་སྲས་དང་མཇལ། དེར་སྲས་མོ་རྒྱན་བཞི་སོགས་སློབ་མ་མང་པོ་དང་། ཁྲོམ་སུམ་སྟོང་ཙམ་འཚོགས་པ་ཐམས་ཅད་དག་པའི་སྣང་བ་ཤར་ཏེ། འཇའ་འོད་ཀྱི་ནམ་མཁའ་གང་། རོལ་མོའི་སྒྲ་གྲག །མེ་ཏོག་ཁ་དོག་སྣ་ཚོགས་ཀྱི་ཆར་བབ། བར་སྣང་ཁམས་སུ་སྣ་ཚོགས་པདྨའི་ལྟེ་བར་མ་གཅིག་སྐུ་མདོག་སྔོན་མོ་ཞལ་གཅིག་ཕྱག་བཞི་པ་ལ་འཁོར་ཁྲོས་མ་ནག་མོ་དཔག་ཏུ་མེད་པས་བསྐོར་བ་ལ། དེའི་སྟེང་དུ་ཡུམ་ཆེན་མོ་

[Full Size]

ལ་ཕྱོགས་བཅུའི་སངས་རྒྱས་ཀྱིས་བསྐོར་བ། དེའི་སྟེང་དུ་རྡོ་རྗེ་འཆང་ལ་བརྒྱུད་པའི་བླ་མས་བསྐོར་བ། ཤཱཀྱ་ཐུབ་པ་ལ་དགྲ་བཅོམ་པའི་ཚོགས་དང་། ཚེ་དཔག་མེད་ལ་བྱང་ཆུབ་སེམས་དཔའི་ཚོགས་ཀྱིས་བསྐོར་བ། གཞན་ཡང་བདེ་མཆོག་སངས་རྒྱས་ཐོད་པ་གཤེད་དམར། མ་ཧཱ་མཱ་ཡཱ་ཁྲོས་མ་ལྷ་ལྔ་འཁོར་དཔའ་བོ་དཔའ་མོ་དཔག་ཏུ་མེད་པ་དང་བཅས་པ། འོད་ཀྱི་འཁོར་ལོ་ཐིག་ལེ་ཐིག་ཕྲན་རེ་རེའི་ནང་དུ་སངས་རྒྱས་གསེར་གྱི་མདོག་ཅན་རེ་རེའི་དབུ་ཐོག་ན་གསེར་གྱི་གདུགས་སུམ་བརྩེགས་རེ་འཁོར་བ། མ་གཅིག་གི་འོག་ཏུ་རྒྱལ་པོ་ཆེན་པོ་སྡེ་བཞི་ཕྱོགས་སྐྱོང་བཅུ་འཁོར་དང་བཅས་པ་དང་། རྒྱ་གར་གྱི་གྲུབ་ཆེན་མང་པོ་དང་བཅས་པ་མངོན་སུམ་སྣང་བས། སྲས་མོ་རྒྱན་བཞི་ཡང་རྐང་པ་ས་ལ་མ་རེག་པར་ཚོགས་བསྟབ་ཅིང་གླུ་གར་བྱེད་དོ། །དེར་འདི་ལྟ་བུ་འོང་བ་ཅི་ལྟ་བུ་ལགས་ཞུས་པས། མ་གཅིག་གི་ཞལ་ནས། ང་ཕྱི་ལྟར་ལྷ་མོ་སྒྱུ་འཕྲུལ་ཡིན། །ནང་ལྟར་རྗེ་བཙུན་སྒྲོལ་མ་ཡིན། །གསང་བ་ལྟར་ན་རྡོ་རྗེ་ཕག་མོ་ཡིན། །དབྱིངས་ཉིད་ལྟར་ན་རྒྱལ་བའི་ཡུམ་ཆེན་ཡིན། །ཐུབ་བསྟན་ཐོག་མར་གང་གཱའི་ལྷ་མོ་ལ། །བར་དུ་

[Full Size]

མཁའ་འགྲོ་བདེ་བའི་དངོས་གྲུབ་ཡིན། །ཕྱིས་འབྱུང་བོད་དུ་ཡེ་ཤེས་མཚོ་རྒྱལ་མ། །ད་ལྟ་ང་ཉིད་ཡིན་ནོ་རིགས་ཀྱི་བུ། །འཛམ་གླིང་བྱེ་བ་ཕྲག་བརྒྱའི་བྱང་ཕྱོགས་ཁ་བ་ཅན་བྱེ་བ་ཕྲག་བརྒྱ་ན། ང་ཉིད་ཀྱང་བྱེ་བ་ཕྲག་བརྒྱ་འབྱུང་ནས། དམ་ཆོས་གཅོད་ཀྱི་སྒོ་ནས་མ་རུངས་པ་ཐམས་ཅད་འདུལ་ཞིང་སེམས་ཅན་གྱི་དོན་བྱེད་པར་གསུངས་སོ། །དེའི་བརྒྱུད་འཛིན་ནི་དམ་པ་རིན་པོ་ཆེས་ཀྱང་དེ་ལྟར་ཡིན་པར་གསུང་ཞིང་ཁྱད་པར་དུ། མདོ་དྭངས་སྙིགས་འབྱེད་པའི་ལེའུ་བརྒྱད་ཅུ་པ་ལས། སྙིགས་མ་རྩོད་པ་བརྒྱ་པའི་དུས། །བྱང་ཕྱོགས་ཁ་བ་ཅན་ལྗོངས་སུ། །རྒྱལ་བའི་ཡུམ་གྱི་སྤྲུལ་པ་ནི། །སྒྲོལ་མའི་མཚན་ཅན་འབྱུང་བར་འགྱུར། །ཅེས་པ་དང་། འཇམ་དཔལ་རྩ་རྒྱུད་རྒྱས་པ་ལས། ང་ཡི་བསྟན་པའི་སྙིགས་མ་ལ། །ཁ་བ་ཅན་ཞེས་བྱང་ཕྱོགས་ལྗོངས། །་ཤེས་རབ་ཡུམ་ཆེན་ཐུགས་སྤྲུལ་ནས། །ལབ་ཀྱི་སྒྲོན་མ་བྱ་བ་འབྱུང་། །སྐྱེ་མེད་སྙིང་པོའི་དོན་སྟོན་ཅིང་། །གྲོང་དང་གྲོང་ཁྱེར་རི་སུལ་དང་། །དུར་ཁྲོད་བས་མཐའ་རྒྱས་པར་ཉུལ། །དེ་ཡི་ཆོས་ནི་རྒྱས་པར་འགྱུར། །ཞེས་གསུངས་པའི་ལུང་བསྟན་ཡོད་ཚུལ་དམ་པ་རྒྱ་གར་གྱིས་གྲྭ་ཐང་དུ་

[Full Size]

གསུང་སྐད། དེ་ལྟར་གངས་ཕུག་མོར་ཆོས་གསུང་ཞིང་ཚོགས་འཁོར་བྱས་དུས་དག་སྣང་ཆེན་པོ་བྱུང་བས། མི་སྡེ་ཀུན་གྱིས་འབུལ་བ་རྒྱ་ཆེར་བྱུང་བ་ལྷའི་མཆོད་པ་ལ་བསྐུར་ནས། དེ་ནས་མ་གཅིག་ལྷོ་བྲག་ཏུ་བྱོན་ནས། མདོ་སྔགས་ཟུང་འཇུག་གི་རྣམ་བཤད་ཆེན་མོ་དང་། རིན་ཆེན་རྒྱ་མདུད། དམ་ཚིག་ཉི་ཤུ་རྩ་གཅིག་གིས་རྒྱས་བཤད་སོགས་མང་དུ་མཛད་ནས་ཟངས་རིར་བྱོན། ཐོད་སྨྱོན་གངས་ཕུག་མོ་ཆེར་བཞུགས་ནས་ཡོད་ཙམ་ན། ཞིང་སྐྱོང་གི་མཁའ་འགྲོ་མ་སྣ་ཚོགས་གཟུགས་ཞེས་བྱ་བ་བུད་མེད་ཁ་དོག་ལྔའི་འོད་འཕྲོ་བ་གཅིག་གིས་ལུང་བསྟན་ནས། རྣལ་འབྱོར་པ་ཁྱོད་ཀྱིས་མ་གཅིག་གི་ཆོས་ལུགས་སྤྱི་ཁོག་རྣམས་ཤེས་ཀྱང་ཉམས་ལེན་གྱི་དོན་རྩ་ཕུང་པོ་མཆོད་སྦྱིན་དེ་ད་རུང་མ་ཤེས་པས། ད་ལྟ་རྩད་དར་ཆོད་ཅིག་ཟེར་ནས་བུད་མེད་དེ་འོད་དུ་ཡལ་ལོ། །དེ་ནས་ཐོད་སྨྱོན་དཔོན་སློབ་ཟངས་རིར་བྱོན་པས་མ་གཅིག་གིས་ཕག་མོ་ལྷ་ལྔའི་དབང་མཛད་པ་དང་འཕྲད་པས། ཐོད་སྨྱོན་གྱིས་མ་གཅིག་ཕག་མོ་གཙོ་འཁོར་ལྔ་ལ་དངོས་སུ་མཐོང་། །སྲས་མོ་རྒྱན་བཞིས་མ་གཅིག་ཕག་མོར་མཐོང་བའི་ཕྱོགས་བཞི་ནས་འོད་དཀར་སེར་དམར་

[Full Size]

ལྗང་མེ་ལོང་ཙམ་ཞིག་རབ་ཏུ་འབར་བར་མཐོང་། འདི་ལྟར་མཐོང་བས་ཅི་ལགས་ཞུས་པས། ད་ལྟ་ཐ་མལ་ལབ་སྒྲོན་དང་། །སངས་རྒྱས་ཡབ་ལྔ་ཡུམ་ལྔ་དང་། །དཔའ་བོ་དཔའ་མོ་མཁའ་འགྲོའི་ཚོགས། །བཞུགས་སམ་འདུས་པའི་ཕོ་བྲང་ནི། །ང་ཉིད་ཡིན་ནོ་སྐལ་ལྡན་བུ། །ཞེས་གསུངས། ༈ དེ་ནས་ཕུང་པོའི་རྣམ་བཤད་དང་ལུས་མཆོད་སྦྱིན་བྱ་ཚུལ་རྒྱས་པར་གནང་ངོ་། །དུས་སྙིགས་མའི་འབྱུང་ལུགས་དང་། སངས་རྒྱས་བསྟན་པ་སྤྱི་དང་ཁྱད་པར་གཅོད་ཀྱི་བསྟན་པ་འབྱུང་ཚུལ་ལུང་བསྟན་མང་དུ་མཛད། སྲས་ཆེ་བ་ནི་ཆུང་ངུ་ནས་ཁྱིམ་མཚེས་ཀྱི་ར་ལུག་བརྐུས། ཆེ་ནས་ཁྲམ་པའི་དཔོན་བྱས་ནས་ཇག་རྐུན་ཁོ་ན་བྱས་པ་ལས་རྐུན་རོགས་བཅུ་ཁོ་རང་དང་བཅུ་གཅིག་བཅས། སྔགས་སྡེ་གཉན་པོ་གཤིན་རྗེ་སྒྲུབ་པའི་ཆུ་འགེལ་ས་གླང་བུ་གཅིག་ཡོད་པ་བརྐུས་ནས་ཟོས་པས། རྐུན་རོགས་བཅུ་སྔགས་པའི་མཐུ་ཡིས་ཤི་བས་ཁོང་མཐུ་ལ་སྐག་ནས་མའི་དྲུང་དུ་ཕྱིན། །མས་ནམ་མཁའ་སྒོ་འབྱེད་གནང་བས་ནུབ་མོ་སྔགས་པའི་གཏོར་བཏེག་ཞབས་སུ་ཉལ། ཉིན་མོ་གཉན་སར་བསྒོམས་པས། ཞག་ཉེར་གཅིག་ནས་སྔགས་པ་གསུམ་ཤི། ཁོང་

[Full Size]

རྣམས་ཆོ་འཕྲུལ་མང་པོ་བྱུང་ནས། མ་གཅིག་ཡུམ་སྲས་ལ་བབ་གཏད་ནས་བཤགས་པ་ཕུལ་ལོ། །མ་ལ་སྲས་ཀྱིས་སྐྲ་ཕུད་ཕུལ་ནས། རྒྱལ་བ་དོན་གྲུབ་བཏགས་། གྲུབ་པ་ཐོབ་ནས་མས་ལུང་བསྟན་པ་ལྟར་གླང་ལུང་དགོན་དུ་སྒྲུབ་པ་མཛད་ནས་བཞུགས་སོ། །དེ་ནས་མ་གཅིག་གི་སྐྱེས་རབས་ཆེན་མོ་མདའ་ཚད་ཀྱི་ལྡེབ་མ་བརྒྱད་བརྒྱ་དང་བཅུ་ཡོད་པ་སྟོད་ཧོར་ཡུལ་དུ་དར། སྐྱེས་རབས་འབྲིང་པོ་ལྡེབ་མ་ལྔ་བརྒྱ་ང་གསུམ་ཡོད་པ་ལྷོ་བྲག་ཏུ་གཏེར་དུ་སྦས། སྐྱེས་རབས་ཆུང་བ་ལྡེབ་བརྒྱ་དང་ཉེར་ལྔ་ཡོད་པ་དེ་གར་ཡང་དར། གཅོད་ལུགས་ཀྱི་རྣམ་བཤད་ཆེན་མོ་ལྡེབ་མ་བཞི་བརྒྱ་རེ་ལ་པོ་ཏི་རེ་བྱས་པའི་པོ་ཏི་བཞི་བཅུ་ཞེ་གཉིས། དེ་བཞིན་ཏུ་སྔགས་ལུགས་ཀྱི་རྣམ་བཤད་ཆེན་མོ་པོ་ཏི་བཞི་བཅུ་ཞེ་གཉིས། མདོ་སྔགས་ཟུང་འཇུག་གི་རྣམ་བཤད་ཆེན་མོ་ལ་པོ་ཏི་བཞི་བཅུ་ཞེ་གཉིས། ཆོས་ཚན་མ་བུ་བརྒྱ་དང་བཅས་པ། བསམ་ཡས་མཆིམས་ཕུ་ལྷོ་པ་སྐྱོ་ཐོག་རྣམས་སུ་གཏེར་དུ་སྦས་སོ། །མ་གཅིག་གི་ཆོས་ཐམས་ཅད་གསང་སྔགས་བླ་མེད་ཀྱི་སྐོར་རྣམས་ཐོད་སྨྱོན་བསམ་འགྲུབ་ལ་གནང་། མདོ་ལུགས་དང་མན་ངག་ཟབ་མོ་རྣམས་རྒྱལ་

[Full Size]

བ་དོན་གྲུབ་ལ་གནང་། མདོ་སྔགས་ཟུང་འཇུག་གི་སྐོར་རྣམས་ཁུ་སྒོམ་ཆོས་ཀྱི་སེང་གེ་དང་སྲས་མོ་རྒྱན་བཞི་ལ་གནང་། ཁ་འཐོར་གྱི་སྐོར་རྣམས་སྟོང་སྡེ་ངག་གི་དབང་ཕྱུག་དང་། གྲོལ་སྡེ་གང་གི་འབྱུང་གནས་སོགས་ལ་གནང་། སློབ་མ་བཀའ་བབས་པའི་གདམས་ངག་ཅན་བཅུ་དྲུག་ལ་སོགས་པ་རང་གཞན་གྱིས་དོན་ནུས་པ་སྟོང་དང་ཉིས་བརྒྱ་དྲུག་ཅུ་རེ་གསུམ་བྱུང་། མཛེ་ནད་སྨིན་པ་བརྒྱ་དང་སོ་གསུམ་ལ་སོགས་པ་སོས་ནས་ལུས་སྔར་ལྟར་བདེ་བར་གྱུར་ནས། ནད་དང་གདོན་གྱིས་ཉེན་པ་གྲངས་ལས་འདས་པ་ལ་ཕན་ཐོགས་ཤིང་ཕྱི་མའི་ལམ་སྣ་ཟིན་པ་ནི་བསམ་གྱིས་མི་ཁྱབ་པ་བྱུང་ངོ་། །དེ་ནས་མ་གཅིག་དགུང་ལོ་དགུ་བཅུ་རྩ་དགུའི་དུས་སུ། རྒྱལ་བ་དོན་གྲུབ་དང་ཐོད་སྨྱོན་བསམ་འགྲུབ་གཉིས་ཀྱིས།། དབུས་གཙང་རུ་བཞིའི་གྲྭ་སྡེ་རྣམས་བསྡུས་ནས་ཟངས་རིར་ཚོགས་འཁོར་བརྒྱ་རྩ་དང་ཟས་ནོར་རྣམས་འགྱེད་བྱས། འབྲུག་ལོ་དགུན་ཟླ་ཐ་ཆུང་གི་ཚེས་བཅུའི་ནུབ་མོ་མ་གཅིག་གིས་ཞལ་ནས་སྲས་གཉིས་ལག་པ་ཟོད་གསུངས་ནས། ཞལ་མཆིས་རེ་གནང་བའི་ནང་དུ། རྒྱལ་བ་དོན་གྲུབ་ཀྱི་ཕྱག་མཐིལ་དུ་ཚེམས་གཅིག་བྱུང་བ་ལ་དུང་དཀར་གཡས་འཁྱིལ་གཅིག་

[Full Size]

བྱུང་། ཐོད་སྨྱོན་བསམ་འགྲུབ་ཀྱི་ཕྱག་ཏུ་ཚེམས་གསུམ་བྱོན་པ་ལ། གཅིག་ལ་ཤཱཀྱ་ཐུབ་པ། གཅིག་ལ་རྗེ་བཙུན་སྒྲོལ་མ། གཅིག་ལ་དུང་དཀར་གཡས་འཁྱིལ་གཅིག་བྱོན་ཏེ། སྲས་ལ་སྨོན་ལམ་ཞལ་གདམས་གནང་ནས་ཐོ་རངས་ཁར་སེང་གེ་ལ་ཆིབས་ནས་འཁོར་མཁའ་འགྲོ་མ་དཔག་ཏུ་མེད་པས་བསྐོར་ནས། ལུས་མ་སྤངས་བར་ནུབ་ཕྱོགས་ཨོ་རྒྱན་གྱི་གནས་སུ་གཤེགས་སོ། །དེ་ནས་ཐོད་སྨྱོན་བསམ་འགྲུབ་ཤམ་པོའི་གངས་ལ་བྱོན་ནས། དགེ་འདུན་རྣམས་ཀྱིས་གདུང་མཆོད་རྟེན་བཞེངས་ཤིང་གསོལ་བ་བཏབ་བོ། །རྒྱལ་བ་དོན་གྲུབ་དང་ཟངས་རིའི་གྲྭ་ཚང་རྣམས་ཀྱིས། མ་གཅིག་གི་ན་བཟའ་ཆ་གཅིག་ལ་སྦྱིན་སྲེག་ཕུལ་ནས། གདུང་ཁང་སྒོ་ནས་གསོལ་འདེབས་མཛད། ཕྱོགས་ཀྱི་དགེ་འདུན་རྣམས་ཀྱིས་གདུང་མཆོད་ཆོ་ག་མཛད་ཅིང་། དུང་གཡས་འཁྱིལ་དེ་ཁྲོམ་རྣམས་ལ་རྟེན་ཞལ་དང་བྱིན་རླབས་མཛད། དེ་ནས་སྲས་གླང་ལུང་དུ་བྱོན་ནོ། །སྲས་མོ་ལ་འདུལ་ཡེ་ཤེས་ཀྱི་མཁའ་འགྲོ་འགྲོ་བའི་དོན་ལ་བྱོན་པ་སྟེ། རང་གཞན་གྱི་དོན་རྒྱ་ཆེན་པོ་དང་ལྡན་ནོ། །སྤྱིར་མ་གཅིག་ལ་བུ་སློབ་བསམ་གྱིས་མི་ཁྱབ་ཀྱང་། བརྒྱུད་

[Full Size]

པ་འཛིན་པའི་སྲས་བཅུ་དྲུག་སྟེ། སྲས་པོ་བཞི། སྲས་མོ་བཞི། རང་དང་མཉམ་པ་བརྒྱ་དང་བཅུ་དྲུག་གོ །སྲས་བཞི་ནི་འཁྲུངས་པའི་སྲས་རྒྱལ་བོ་དོན་གྲུབ། བརྒྱུད་འཛིན་གྱི་སྲས་སྟོང་སྡེ་ངག་གི་དབང་ཕྱུག །ཐུགས་ཟིན་གྱི་སྲས་རྒྱལ་བའི་འབྱུང་གནས། སྐལ་ལྡན་གྱི་སྲས་ཁུ་སྒོམ་ཆོས་ཀྱི་སེང་གེ་དང་བཞིའོ། །སྲས་མོ་རྒྱན་བཞི་ནི། ལབ་ལུང་གི་འབྲོང་བཟའ་ཙན་ནེ་རྒྱན། གང་བར་ལྕེ་གྲོང་གི་ཞང་དཔལ་ལྕམ་རྒྱན། རྣོ་མདའ་ཡི་སྲིང་མོ་ཆེ་འབུམ་རྒྱན། འཕེན་ཡུལ་གྱི་ཉང་མོ་བསོད་ནམས་རྒྱན་དང་བཞིའོ། །རང་དང་མཉམ་པའི་སྲས་བརྒྱད་ནི། མཁྱེན་པ་རང་དང་མཉམ་པ་སྐྱེ་མེད་དགའ་ཡན། རྟོགས་པ་རང་དང་མཉམ་པ་ཕོ་སྐོར་སེང་གེ །བྱིན་རླབས་རང་དང་མཉམ་པ་སྨོན་པ་རང་སངས། བརྟུལ་ཞུགས་རང་དང་མཉམ་པ་དོལ་པ་ཟང་ཐལ། ནུས་པ་རང་དང་མཉམ་པ་ཞིག་པོ་ཧུར་ཐོན། ཐུགས་རྗེ་རང་དང་མཉམ་པ་རྩི་སྟོན་དར་མ། སྤྲུལ་པ་རང་དང་མཉམ་པ་རྒྱ་སྒོམ་ཧག་ཐོན། འགྲོ་དོན་རང་དང་མཉམ་པ་ཀོང་པོའི་རྗེ་བཙུན་ཟིལ་གནོན་དང་བརྒྱད་དོ། །དེ་རྣམས་ལ་བརྒྱུད་པའི་གཅོད་ལུགས་ནམ་མཁའི་སྐར་མ་ཙམ་བྱུང་སྟེ། མདོར་བསྡུ་

[Full Size]

ན་རིགས་ཀྱིས་སྒོ་ནས་བཀའ་བརྒྱུད་དང་ཉམས་བརྒྱུད་གཉིས། ཞུ་བ་པོའི་སྒོ་ནས་ཕོ་རྒྱུད་དང་མོ་རྒྱུད་གཉིས་ཏེ། ཟུང་བཞི་དང་། ཡོངས་སུ་གྲགས་ཚུལ་གྱི་སྒོ་ནས་བཀའ་མ་དང་གཏེར་མ་གཉིས། ངོ་བོའི་སྒོ་ནས་གཞུང་ཁྲིག་ཅན་དང་ཁ་འཐོར་ཁྲིག་མེད་གཉིས་ཏེ། གཅོད་ལུགས་ཟུང་བཞི་ཡ་བརྒྱད་དུ་གྲགས་སོ། །དེ་ནས་གདུང་བརྒྱུད་བྱུང་ལུགས་ནི། སྲས་རྒྱལ་བ་དོན་གྲུབ་རབ་ཏུ་མ་བྱུང་དུས་སྲས་གཉིས་ཡོད་པའི་ཆུང་བ་རབ་ཏུ་བྱུང་བ་ཁམས་བུ་ཡ་ལེ། ཆེ་བ་ཚངས་དབྱངས་རྒྱལ་ལ་སྲས་གསུམ་དང་སྲས་མོ་བཞི་ཡོད་པའི་ཆེ་བ་སྟོན་ཆུང་། ཆུང་བ་སྐྱེ་མེད་འོད་གསལ་ཆེན་པོ། འབྲིང་བ་ལ་ཐོད་སྨྱོན་བསམ་འགྲུབ་ཏུ་བཏགས་སོ། །སྲས་མོ་ལེན་ཏོ་བྱ་བ་མ་གཅིག་གི་སྤྲུལ་པ་བྱུང་ནས། གཅོད་ཀྱི་བསྟན་པ་དར་རྒྱས་སུ་མཛད་ཅིང་། མ་གཅིག་གིས་ལུང་བསྟན་ལས་རྒྱལ་བ་དོན་གྲུབ་ཀྱི་གདུང་རྒྱུད་ཡིན་རིང་དུ་འབྱུང་ཞིང་། ཆོས་བརྒྱུད་གནམ་གྱི་སྐར་མ་ཙམ་ཕྱོགས་མེད་དུ་འབྱུང་གསུངས་པ་དང་མཚུངས་པར་གྱུར་ཏོ། །ཐོད་སྨྱོན་བསམ་འགྲུབ་ནི་སྐུ་ལུས་ཀྱི་བཀོད་པ་དཔག་ཏུ་མེད་པ་སྟོན་ཅིང་། བརྒྱུད་པ་བརྒྱད་ཀྱི་བར་དུ་ཤམ་པོའི་གངས་ལ་

[Full Size]

སྒྲུབ་བརྒྱུད་མུ་ཏིག་བསྟར་ལ་བརྒྱུད་པ་ལྟ་བུ་བྱུང་ཞིང་། དེ་ནས་ཆོས་ལུགས་ནམ་མཁའི་དབྱིངས་སུ་རྫོགས། དེ་ཡང་མ་གཅིག་ནས་བརྒྱུད་པ་བཞིའི་བར་དུ་གཅོད་ལུགས་དྲ་མ་ཉམས་པར་ཡོད། དེ་ནས་ཅུང་ཟད་ཉམས་ཀྱང་ལྟར་སྣང་ཡོད། བརྒྱུད་པ་དགུ་ནས་གཅོད་ལོག་དར་ཏེ། མ་གཅིག་སྐྱེ་བ་སྔ་མ་རྒྱ་གར་པཎྜི་ཏར་སྐྱེས། མུ་སྟེགས་པ་ཐམས་ཅད་ནང་པ་ལ་བཙུད་དུས་མུ་སྟེགས་ཀྱི་གྲུབ་ཐོབ་པ་གཅིག་རི་རབ་ཀྱི་ཁོང་སེང་དུ་འཕུར་ཏེ་བྲོས་ནས། མ་གཅིག་གི་བསྟན་པ་ལ་གནོད་པར་སྨོན་ལམ་བཏབ་པའི་སྟོབས་ཀྱིས། སེར་གཟུགས་དོམ་ར་ཅན་དང་ནག་པོ་དགུ་ཕྲུག་ཅེས་བྱ་བ་རྐང་དུང་ར་ཁ་དང་ཁྱི་ལྤགས་གྱོན་པ་དང་། དུར་ཁྲོད་ཀྱི་རོ་ཟན་ལ་སོགས་གཅོད་ལོག་སྣ་ཚོགས་དར། དེའི་གཅོད་དང་གཅོད་ལོག་འདྲེས་ནས་ཁྲག་དང་འོ་མ་འདྲེས་པ་ལྟར་ཕྱེ་དཀའ་བའི་དུས་སུ། མ་གཅིག་ཤེས་རབ་གསལ་ལྡན་བྱ་བ་མ་གཅིག་གི་སྤྲུལ་པ་གཅིག་བྱུང་ནས་མཆིམས་ཕུ་ནས་གཅོད་རྣམས་གཏེར་ནས་བཏོན་པ་དང་། མ་གཅིག་གིས་ལུང་བསྟན་པ་ལྟར། ཁུ་སྒོམ་ཆོས་སེང་གེའི་སྐྱེ་བ། ཀུན་སྤང་བརྩོན་འགྲུས་སེང་གེ་བྱ་བ་བྱོན་ནས་གཅོད་ལོག་ཐམས་ཅད་ཚར་

[Full Size]

བཅད། གཅོད་མང་པོ་གཏེར་ནས་བཏོན་ནས། གཅོད་ལོག་ཇེ་ཉུང་དུ་སོང་ནས། མ་གཅིག་གིས་ལུང་བསྟན་པ་ལྟར་གཅོད་ལོག་གི་སྒྲ་མི་གྲག་པར། མ་གཅིག་གི་གཅོད་རྣམ་པར་དག་པ་ཉི་མ་ཤར་བ་ལྟ་བུ། ལོ་ལྔ་བརྒྱ་དང་བདུན་ཅུ་རྩ་བདུན་འབྱུང་བར་གསུངས་པ་ནི། ད་ལྟ་ཡིན་པས་ད་ནི་གཅོད་ལོག་སྲིད་པ་ཙམ་ལས་མེད་དོ། །དེ་ཡང་སྟོང་ཉིད་སྙིང་རྗེའི་སྒོ་ནས་ལྷ་འདྲེ་དང་སེམས་ཅན་གྱི་དོན་བྱེད་པ་ནི། མ་གཅིག་ཆོས་ལུགས་ཡིན་ལ། ཟས་ནོར་འདོད་པའི་སྒོ་ནས་ཞེ་སྡང་དང་ང་རྒྱལ་བསྐྱེད་ནས་ཁྲག་ཐབས་སོགས་ལྷ་འདྲེ་ལ་ཐུབ་ཐུབ་བྱེད་ན་གཅོད་ལོག་ཡིན་པར་གསུངས་སོ། །དེ་ཡང་རྗེ་རང་བྱུང་བས་བོད་ཀྱི་རི་གཉན་ཕལ་ཆེར་ལ་གཉན་ཐོག་བཅད་པས་རི་ཕལ་ཆེར་རང་བྱུང་བའི་དགེ་བསྙེན་དུ་གྲགས་ཤིང་གཅོད་ཀྱི་བསྟན་པ་རྒྱ་ཆེར་སྤེལ་བར་མཛད་པ་དང་། ཆོས་གྲགས་རྒྱ་མཚོ། མི་བསྐྱོད་རྡོ་རྗེ། དཀོན་མཆོག་ཡན་ལག་རྣམས་ཀྱིས་ཀྱང་གཅོད་ཀྱི་བསྟན་པ་རྒྱས་པར་མཛད་ཅིང་། སྐྱབས་ལྕེ་གཅོད་སྒར་དང་ཟུར་མང་སོགས་སུ་གཅོད་ཤིན་ཏུ་དར་ཞིང་། རྗེ་བཙུན་ཀུན་དགའ་རྣམ་རྒྱལ་བས་ཀྱང་གཟི་ཕོ་དབད་དམ་ལ་

[Full Size]

བཏགས། གཅོད་ཀྱི་ཡིག་ཆ་མང་དུ་མཛད་ནས་བསྟན་པ་ལ་དུས་ཕྱིས་གཅོད་ཀྱི་བསྟན་པ་རྒྱ་ཆེར་གསལ་བར་མཛད། ཁྱད་པར་དུ་ཡང་རྗེ་མི་བསྐྱོད་ཞབས་ཀྱིས་མཛད་པའི་གཅོད་ཚིགས་བཅད་མ་འདི་དང་། དེའི་འགྲེལ་པ་དཀོན་མཆོག་འབངས་ཀྱིས་མཛད་པའི་གཅོད་ཁྲིད་ཟབ་མོ་འདི་ཉིད། སྒར་ཆེན་ཆོས་སྡེ་ཕལ་ཆེར་ཤིན་ཏུ་དར་སྲོལ་ཆེ་བར་བྱུང་ནས་དེང་སང་སྒྲུབ་བརྒྱུད་རིན་པོ་ཆེ་ཀརྨ་ཀཾ་ཚང་འདི་ཉིད་ལ། གཅོད་ལོག་གི་དྲི་མས་མ་གོས་ཤིང་། དེའི་གནད་ཀྱིས་གཅོད་ལོག་གི་རྗེས་སུ་འབྲང་བའི་འདྲེ་ངན་རྣམས་ཀཾ་ཚང་འདི་ལ་མེད་པ་ཡིན་ཞེས་གསུང་རྒྱུན་ཐོས་སོ། །ཞེས་པ་འདི་ནི་ཕུང་པོ་རྣམ་བཤད་ཆེན་མོ་དང་། མ་གཅིག་གི་རྣལ་འབྱོར་གླིང་བཞི་མ། དམ་ཚིག་ཉི་ཤུ་རྩ་གཅིག་གི་ལོ་རྒྱུས་དང་། ཟབ་ཆོས་དོན་གྱི་ལོ་རྒྱུས་དང་། རྒྱལ་བ་དོན་གྲུབ་ཀྱི་ལོ་རྒྱུས་དང་། གཅོད་གཏེར་མའི་ལོ་རྒྱུས་སོགས་གོ་བསྟུན་ནས། ཚིག་ཉུང་ཞིང་དོན་གསལ་བར་བཀོད་པ་སྟེ། ཀརྨ་ཆོས་འཕེལ་གྱིས་འདོད་དོན་ལྟར། དགེ་སློང་ཀརྨ་ཨ་རཱ་གས་སྦྱར་བའོ། །འདི་ལ་འགལ་འཁྲུལ་ཉེས་པ་གང་མཆིས་པ། །མ་གཅིག་མཁའ་འགྲོའི་ཚོགས་དང་བཅས་ལ་བཤགས། །

[Full Size]

འདི་བྲིས་དགེ་བས་འདི་ཉིད་མཐོང་ཐོས་རྣམས། །མ་གཅིག་ལབ་ཀྱི་སྒྲོན་མས་རྗེས་བཟུང་སྟེ། །བདུད་བཞིའི་གཡུལ་ལས་རྣམ་པར་རྒྱལ་གྱུར་ཏེ། །མཆོག་དང་ཐུན་མོང་དངོས་གྲུབ་གཉིས་ཐོབ་སྟེ། །ནམ་ཞིག་འཕོས་ཚེ་ནུབ་ཕྱོགས་བདེ་ཆེན་དུ། །མ་གཅིག་ཌཱཀིའི་ཚོགས་ཀྱིས་བསུ་བར་ཤོག །ཞིང་དེར་པདྨོ་མཆོག་ལ་བརྫུས་སྐྱེས་ནས། །ས་བཅུ་ཐོབ་ནས་སྤྲུལ་པ་གྲངས་མེད་ཀྱིས། །ནུབ་ཕྱོགས་ཨོ་རྒྱན་བྱེ་བ་ཕྲག་བརྒྱ་རུ། །གསང་སྔགས་རྒྱལ་པོ་ཆོས་ལ་སྤྱོད་པར་ཤོག །གཅོད་ཀྱི་ལོ་རྒྱུས་བསྡུས་པ་རྫོགས་སོ། །མངྒ་ལཾ།། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཁྲོས་མའི་སྒྲུབ་ཐབས་ཆོ་ག་དངོས་གྲུབ་གཏེར་མཛོད།

[Full Size]

༼ཆ༽ ཁྲོས་མའི་སྒྲུབ་ཐབས་ཆོ་ག་དངོས་གྲུབ་གཏེར་མཛོད་ཅེས་བྱ་བ་བཞུགས་སོ། །

[Full Size]

ན་མོ་ཝཱ་རཱ་ཧི་ཡེ། བཅོམ་ལྡན་རྡོ་རྗེ་ཕག་མོ་ལ་བཏུད་ནས། །ནག་མོ་ཐུགས་ཀྱི་སྒྲུབ་པ་གསལ་བཀོད་བྱ། །ཡར་མར་ཚེ་བཅུ་ལ་སོགས་དུས་བཟང་ལ། །རས་བྲིས་སམ་ནི་ལྷ་གྲངས་ཚོམ་བུ་བཀོད། །གཏོར་མ་མཆོད་པ་ཚོགས་རྣམས་སྤྱི་ལྟར་བཤམས། །ཌཱ་དྲིལ་ལག་མཆོད་མདུན་བཤམས་སྟན་ལ་འདུག །གྱེར་སྒོམ་སྦྲགས་ལ་རྔ་ཆེན་བརྡུང་ཡང་རུང་།། ཧཱུྃ། རང་ཉིད་སྐད་ཅིག་ཁྲོས་མའི་སྐུར་གསལ་མདུན། །ཨ་རླུང་མེ་ཐོད་སྐྱེད་སྟེང་དུ་ཀ་པཱ་ལར། །ཤ་ལྔ་བདུད་རྩི་ལྔ་དང་ཡེ་ཤེས་ལྔ། །ཞུ་ཞིང་ཡེ་ཤེས་བདུད་རྩི་སྤྱན་དྲངས་ཐིམ། །ཨོཾ་ཨཱཿཧཱུྃ། ལན་གསུམ། སྔོན་འགྲོ་གཏོར་མ་བཤམས་ལ་བྲན། ཨོཾ་ཨཱཿཧཱུྃ་ཧ་ཧོཿཧྲཱིཿ པད་སྣོད་ནང་

[Full Size]

དུ་ལྷ་རྫས་བདུད་རྩིའི་མཚོ། །ཁ་དོག་དྲི་རོ་ནུས་པ་ཕུན་ཚོགས་འདི། །གནོད་སྦྱིན་སྲིན་པོ་འབྱུང་པོ་ཡི་དྭགས་དང་། །ཤ་ཟ་སྨྱོ་བྱེད་བརྗེད་བྱེད་མཁའ་འགྲོའི་ཚོགས། །འདིར་གནས་གཞི་བདག་གནས་བདག་རྣམས་ལ་འབུལ། །དཀར་ཕྱོགས་རྣམས་ཀྱིས་སྒྲུབ་པའི་སྡོང་གྲོགས་མཛོད། །ནག་ཕྱོགས་རྣམས་ནི་གཞན་དུ་འགྲོ་བར་གྱིས། །དཀོན་མཆོག་བདེན་པའི་བཀའ་ལ་ཁྱོད་མ་འདའ། །ཨོཾ་སརྦ་ལོ་ཀ་པཱ་ལ་བ་ལིཾ་ཏ་ཁཱ་ཧི། སརྦ་བིགྷྣན་གཙྪ། དེ་ནས་བྱིན་དབབ་པ་ནི། ཧཱུྃ། བདག་ཉིད་དག་པའི་གནས་མཆོག་ནས། །དུར་ཁྲོད་བདག་མོ་འཁོར་བཅས་

[Full Size]

ཀྱིས། །དུར་ཁྲོད་གནས་འདིར་བྱིན་གྱིས་རློབས། །བར་དུ་གཅོད་པ་དབང་དུ་བསྡུས། །ལོག་པར་འདྲེན་པ་རྡུལ་དུ་རློགས། །ཨོཾ་གྷ་གྷ་གྷ་ཏ་ཡ་ཧཱུྃ་ཕཊ། དེ་ནས་རང་ཉིད་ལྷའི་ང་རྒྱལ་གྱིས་བཀའ་བསྒོ་མཚམས་གཅོད་ནི། ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ནི་ཁྲོས་མ་རིགས་ལྔའི་སྐུ། །ང་ཡི་བཀའ་ལ་མ་འདའ་བར། །འདི་རུ་མ་འདུག་གཞན་དུ་དེངས། །ཅི་ཏེ་མི་འགྲོ་འདུག་གྱུར་ན། །ཁྲོས་མ་རིགས་ལྔ་ཐུགས་ཁྲོས་ནས། །རིགས་ལྔའི་གྲི་གུག་མཚོན་ཆ་ཡིས། །ཁྱོད་ཀྱི་ལུས་ངག་ཡིད་གསུམ་རྣམས། །རྡུལ་ཕྲན་བཞིན་དུ་བརླག་པར་གྱུར། །དེ་བས་རང་རང་གནས་སུ་དེངས། །ཨ་ཧ་རི་ནི་ས་པཉྩ་ཌཱཀྐི་ནཱི་གནོད་བྱེད་ཨུ་ཙ་ཏ་ཡ་ཧཱུྃ་ཕཊ། ཅེས་བགེགས་བསྐྲད་ནས། མཆོད་པ་བྱིན་རླབས་ནི། ཨ༔ ཐོད་པའི་ནང་དུ་ཧཱུྃ་ལས་མཆོད་པའི་སྤྲིན། །རབ་འབྱམས་དཔག་ཡས་ནམ་མཁའ་ཁྱབ་པར་གྱུར། །ཨོཾ་བཛྲ་སརྦ་པཱུ་ཛ་ཨཱཿཧཱུྃ། རྩ་བརྒྱུད་བླ་མ་ཡི་དམ་ལྷ་ཡི་ཚོགས། །དཀོན་མཆོག་གསུམ་དང་ཌཱཀྐི་ཆོས་སྐྱོང་ལ། །དེང་ནས་བཟུང་སྟེ་རྟག་ཏུ་སྐྱབས་སུ་མཆི། །འགྲོ་བའི་དོན་དུ་བྱང་ཆུབ་སེམས་མཆོག་བསྐྱེད། །བདག་གི་སྤྱི་བོར་རྡོར་སེམས་ཧེ་རུ་

[Full Size]

ཀ །དཀར་གསལ་རྡོར་དྲིལ་བསྣོལ་ནས་ཡུམ་དང་སྦྱོར། །གར་དགུའི་ཉམས་ལྡན་གཡས་བརྐྱང་སྟབས་ཀྱིས་བཞུགས། །གདོད་ནས་དམ་ཡེ་དབྱེར་མེད་ཐུགས་ཀ་རུ། །ཟླ་སྟེང་ཧཱུྃ་ལ་ཡི་གེ་བརྒྱ་པས་བསྐོར། །བདུད་རྩིའི་རྒྱུན་བབ་ཉམས་ཆག་སྡིག་སྒྲིབ་དག །ཨོཾ་ཤྲཱི་ཧེ་རུ་ཀ་བཛྲ་སཏྭ་ཧཱུཾ། རྒྱས་པར་ན་ཧེ་རུ་ཀའི་ཡིག་བརྒྱ་བཟླ། རྡོར་སེམས་ཡབ་ཡུམ་རང་ལ་ཐིམ་པའི་མཐུས། །བདག་ཉིད་ཁྲོས་མའི་སྐུར་གྱུར་ཐུགས་ཀ་རུ། །ཨ་དང་ཧ་རི་ནི་སའི་འོད་ཟེར་གྱིས། །བཀའ་བརྒྱུད་བླ་མ་ཁྲོས་མའི་ལྷ་ཚོགས་བཅས། །ཕེཾ་ཕེཾ་སྒྲ་ཡིས་ནམ་མཁར་སྤྱན་དྲངས་བཞུགས། །ལུས་ངག་ཡིད་གསུམ་གུས་པས་ཕྱག་འཚལ་ལོ། །གླིང་བཞི་རི་རབ་ཉི་ཟླས་བརྒྱན་པ་སོགས། །དངོས་འབྱོར་ཡིད་སྤྲུལ་མཆོད་སྤྲིན་རྒྱ་མཚོས་མཆོད། །སྡིག་པའི་ལས་རྣམས་གང་བགྱིས་མཐོལ་ཞིང་བཤགས། །འཕགས་སྐྱེས་བསོད་ནམས་ཀུན་ལ་བདག་ཡི་རང་། །ཆོས་འཁོར་བསྐོར་ཞིང་རྟག་ཏུ་བཞུགས་གསོལ་འདེབས། །དགེ་བས་འགྲོ་ཀུན་བྱང་ཆུབ་ཐོབ་ཕྱིར་བསྔོ། །ཡུམ་ཆེན་ཤཱཀ་ཐུབ་འཇམ་དཔལ་འཕགས་པ་ལྷ། །དམ་པ་མ་གཅིག་ཁམ་བུ་ཡ་ལེ་དང་། །

[Full Size]

ཡེ་ཤེས་འབར་དང་རྟོགས་ལྡན་གནམ་མཚོ་བ། །རང་བྱུང་རྡོ་རྗེ་རྣམས་ལ་གསོལ་བ་འདེབས། །ཕག་མོ་པད་འབྱུང་མཚོ་རྒྱལ་མངའ་བདག་རྗེ། །ཉི་མ་འོད་ཟེར་ཉང་སྲས་མདོ་རས་སོགས། །རྩ་བརྒྱུད་བླ་མ་རྣམས་དང་ཁྲོས་མ་ཡི། །དཀྱིལ་འཁོར་ལྷ་ཚོགས་རྣམས་ལ་གསོལ་བ་འདེབས། །གསོལ་བ་བཏབ་པས་ལྷ་ཚོགས་ཐམས་ཅད་ཀུན། །འོད་ཞུ་རང་ལ་ཐིམ་པས་དབང་བཞི་ཐོབ། །འགྲོ་ཀུན་བདེ་ལྡན་སྡུག་བསྔལ་ཀུན་དང་བྲལ། །བདེ་དང་འབྲལ་མེད་བཏང་སྙོམས་ལ་གནས་ཤོག །ཅེས་པས་ཚོགས་བསགས། སྲུང་འཁོར་ལྷ་བསྐྱེད་ནི། ཨོཾ་སྭ་བྷ་ཝ་ཤུདྡྷཿསརྦ་དྷརྨཱཿསྭ་བྷ་ཝ་ཤུདྡྷོཉཧཾ། སྟོང་ཉིད་ངོ་བོ་གསེར་གྱི་རྡོ་རྗེ་ལས། །འོད་འཕྲོས་རྡོ་རྗེའི་ར་གུར་མེ་དཔུང་འབར། །རྡོ་རྗེའི་ལྟེ་དབུས་ནམ་མཁའི་ཁྱོན་ལྟ་བུར། །ཨོ་རྒྱན་རང་བྱུང་གནས་མཆོག་ཆོས་འབྱུང་དབྱིབས། །མེ་རི་རྡོ་ར་དུར་ཁྲོད་བརྒྱད་ཀྱི་དབུས། །ཐོད་པ་སྐམ་རློན་རིན་ཆེན་བརྩེགས་པ་ཡི། །ལྷ་བརྒྱད་ཀླུ་བརྒྱད་མཆོག་ཆེན་མཆོག་ཕྲན་སོགས། །གཞལ་ཡས་གྲུ་བཞི་སྒོ་བཞི་མཚན་ཉིད་རྫོགས། །དེ་ནང་ཆོས་འབྱུང་རྩེ་ཕྲ་ཐུར་དུ་ཟུག །ཁ་གདེང་གྱེན་བསྟན་རྒྱ་ཆེ་ཡངས་པའི་དབུས། །

[Full Size]

འདབ་བཞི་འདབ་བརྒྱད་པད་ཉི་རོ་ཡི་སྟེང་། །རང་སེམས་ཨ་ཡིག་འོད་ཀྱི་འཕྲོ་འདུ་ལས། །རང་ཉིད་བཅོམ་ལྡན་ཐུགས་རྗེ་ཁྲོས་མའི་སྐུ། །ཆོས་ཉིད་མི་འགྱུར་སྐུ་མདོག་མཐིང་ནག་འབར། །ཀུན་རྫོབ་དོན་དམ་བདེན་པའི་ཕྱག་གཉིས་ཀྱི། །གཡས་པས་རྣམ་རྟོག་རྩད་གཅོད་གྲི་གུག་ཕྱར། །གཡོན་པས་འགྲོ་ལ་རྗེས་ཆགས་ཐོད་ཁྲག་གསོལ། །སྐུ་གསུམ་ལྡན་པས་ཁྲོ་གཉེར་དཔྲལ་བར་བསྡུས། །དུས་གསུམ་གཟིགས་པའི་སྤྱན་གསུམ་དམར་ལ་འཁྲུགས། །བདུད་བཞི་གདུག་པ་ཟ་བྱེད་མཆེ་བཞི་གཙིགས། །ལྗགས་འདྲིལ་རྐན་རྡེབ་ཕོ་སྒྲས་བདུད་ཚོགས་བསྐྲད། །ཐབས་ཤེས་ཞབས་གཉིས་གཡས་བསྐུམ་བྷ་གར་གཏད། །སྲིད་པར་མི་འཁྲུལ་ཟག་མེད་བདེ་ཆེན་རྒྱས། །གཡོན་བརྐྱང་གར་གྱིས་དབུགས་བྲལ་སྙིང་གར་མནན། །ཞེ་ལ་མི་གནས་གཉིས་འཛིན་རྣམ་རྟོག་འཇོམས། །ཧེ་རུ་ཀ་དངོས་ཁ་ཊྭཱཾ་མཆན་དུ་བསྒྲེང་། །དུག་གསུམ་རྩད་གཅོད་སྐུ་གསུམ་ལྷུན་གྱིས་གྲུབ། །ཐུགས་རྗེའི་ཆར་འབེབས་དབུ་སྐུ་སྤྲིན་ལྟར་གཏིབས། །རྟོག་མེད་ཆོས་སྐུའི་ཕག་ཞལ་གྱེན་དུ་ངུར། གཟུགས་སྐུ་སྤྲུལ་ཕྱིར་ཕག་ཟེ་མེ་དཔུང་འབར། །ཡེ་ཤེས་ལྔ་

[Full Size]

ལྡན་ཐོད་སྐམ་དབུ་ལ་བརྒྱན། །ཕ་རོལ་ཕྱིན་དྲུག་ལྡན་པའི་རུས་པའི་རྒྱན། །ཞེ་སྡང་འཇོམས་ཕྱིར་དུག་སྦྲུལ་ག་ཤལ་དང་། །འདོད་ཆགས་འཇོམས་ཕྱིར་རཀྟའི་ཐིག་ལེས་སྤྱས། །ང་རྒྱལ་འཇོམས་ཕྱིར་སྟག་ལྤགས་ཤམ་ཐབས་དང་། །གཏི་མུག་དག་ཕྱིར་གླང་ཆེན་ཀོ་རློན་གསོལ། །ཕྲག་དོག་འཇོམས་ཕྱིར་ཞིང་ཆེན་སྟོད་གཡོགས་དང་། །འབྱུང་པོ་ཚར་གཅོད་ཐོད་རློན་ཕྲེང་བས་བརྒྱན། །ཧ་ཧའི་སྒྲ་སྒྲོགས་འགྲོ་བ་དབྱིངས་སུ་འདྲེན། །བདུད་དཔུང་བསྲེག་ཕྱིར་མེ་དཔུང་ཀློང་ན་འགྱིང་། །གཙོ་མོའི་ཕྱོགས་བཞིར་ཁྲོས་མ་རིགས་བཞི་དང་། །དེ་རྒྱབ་ཕྱོགས་བཞིར་རིགས་བཞིའི་མཁའ་འགྲོ་རྣམས། །ཕྱོགས་ཀྱི་མདོག་ཅན་ཕྱི་ཡི་མཚམས་བཞི་ལ། ཤར་ལྷོ་དམ་ཚིག་ལྷོ་ནུབ་སྣ་ཚོགས་དང་། །ནུབ་བྱང་ཐམས་ཅད་བྱང་ཤར་འཇིག་རྟེན་གྱི། །མཁའ་འགྲོ་མ་བཞི་ཕྱེད་གཟུགས་འཛིན་པ་སྟེ། །ཀུན་ཀྱང་བཅུ་དྲུག་ན་ཚོད་སྒེག་ཅིང་བཞད། །གར་དགུའི་ཉམས་ལྡན་དབུ་སྐྲ་སིལ་བུར་གྲོལ། །གྲི་ཐོད་འཛིན་པའི་གར་གྱིས་ཁ་ཊྭཱཾ་འཁྱུད། །དུར་ཁྲོད་ཆས་གསོལ་པད་ཉི་རོ་སྟེང་འགྱིང་། །དེ་ནས་ལུས་དཀྱིལ་ནི། །བདག་ལུས་རང་བྱུང་གདོད་ནས་གཞལ་ཡས་

[Full Size]

ཁང་། །སྟོང་གསལ་ཕྲུ་མ་ཕུས་བཏབ་ལྟ་བུའི་ནང། །རྩ་གསུམ་འཁོར་ལོ་ལྔ་བཅས་གསལ་བ་ཡི། །འཁོར་ལོ་ལྔ་དབུས་འདབ་བཞི་རིགས་མཐུན་མདོག །མུ་ཁྱུད་རིགས་ལྔར་ཕྱག་མཚན་གྱིས་བསྐོར་བའི། །སྤྱི་བོར་ཧ་ལས་བདེ་ཆེན་དཀར་མོ་དང་། །མགྲིན་པར་ནི་ལས་དམར་མོ་སྒྲ་སྒྲོགས་མ། །སྙིང་གར་ཨ་ལས་ཁྲོས་མ་ནག་མོ་ཉིད། །ལྟེ་བར་རི་ལས་སེར་མོ་དོན་གྲུབ་དང་། །གསང་བར་ས་ལས་སྣ་ཚོགས་མཐར་ཕྱིན་རྣམས། །རང་རང་མདོག་མཚུངས་ཀི་བཞི་རེས་བསྐོར། །སྒལ་ཚིགས་རིག་འཛིན་བརྒྱུད་པའི་བླ་མ་རྣམས། །རྩིབ་ལོགས་གཡས་པ་རྟ་མགྲིན་དཔའ་བོའི་ཚོགས། །རྩིབ་ལོགས་གཡོན་པ་གསང་ཡེ་དཔའ་མོའི་ཚོགས། །བ་སྤུའི་བུ་གར་གྲངས་མེད་ཌཱཀྐིའི་ཚོགས། །བར་མཚམས་སྐུ་གདུང་རིང་བསྲེལ་དབྱངས་གསལ་དང་། །འཇའ་འོད་ཐིག་ཕྲན་ཁྲ་དང་ཤིག་སེར་གསལ། །དེ་ནས་གོ་ཆ་རྩ་གནས་བྱིན་གྱིས་རླབས་པ་ནི། །གཙོ་འཁོར་ཀུན་གྱི་གནས་གསུམ་ཡི་གེ་གསུམ། །མགོ་བོར་ཨ་དང་ཡན་ལག་ཡི་གེ་བཞི། །སྤྱི་བོར་ཨ་སོགས་གནས་བཞིར་ཡི་གེ་བཞི། །ཁྱད་པར་འཁོར་ལོ་ལྔ་ཡི་རྩ་འདབ་ཀུན། །དབུས་

[Full Size]

མཐིང་ལ་སོགས་ཕྱོགས་མདོག་ཨ་ཡིག་རེ། །སྙིང་དབུས་ཁྲོས་མའི་ཐུགས་ཀར་འདབ་བཞིའི་སྟེང་། །ཨ་དང་ཧ་རི་ནི་སའི་འོད་ཟེར་གྱིས། །ཨོ་རྒྱན་རང་བྱུང་དུར་ཁྲོད་ཆེན་པོ་ནས། །འཁོར་བཅས་ཕེ་ཕོ་སྒྲ་ཡིས་སྤྱན་དྲངས་ཏེ། །འདིར་ཡེ་ཤེས་འགུགས་པའི་ཕྱག་རྒྱ་བྱའོ།། ཡིད་སྤྲུལ་མཆོད་པས་མཆོད་ནས་བདག་ཉིད་ལ། །ཛཿཧཱུྃ་བྃ་ཧོཿས་གཉིས་སུ་མེད་པར་གྱུར། །སྤྱི་བོར་གུ་རུ་རྟ་མགྲིན་ཡབ་ཡུམ་གྱི། །བྱང་སེམས་རྒྱུན་གྱི་དབང་བསྐུར་བདེ་ཆེན་རྒྱས། །བདག་ཉིད་མཆོད་པས་གཙོ་བོ་ལག་མཆོད་ནི། །ལག་པ་བསང་ཞིང་ཆོས་འབྱུང་ཕྱག་རྒྱ་བྲི། །ཨ་ལས་ལག་མཐིལ་ཆོས་འབྱུང་འདབ་བཞིའི་དབུས། །ཨ་དང་ཧ་རི་ནི་སའི་ཡི་གེ་ལས། །འོད་འཕྲོས་དོན་གཉིས་བྱས་ནས་ཡོངས་སུ་གྱུར། །ཁྲོས་མ་ལྷ་ལྔ་རྒྱན་དང་ཆ་ལུགས་གསལ། །ས་བོན་འོད་ཀྱིས་ཡེ་ཤེས་སྤྱན་དྲངས་ཏེ། །ཕེཾ་ཕེཾ་ཛཿཧཱུྃ་བྃ་ཧོཿས་གཉིས་མེད་གྱུར། །ཕྱི་ནང་གསང་གསུམ་མཆོད་སྤྲིན་རྒྱ་མཚོས་མཆོད། །ཨ་དང་ཧ་རི་ནི་ས་ཨོཾཿཨཱཿཧཱུྃ། །འབྱུང་ལྔ་གནས་དག་ཡེ་ཤེས་ལྔ་ཡི་ངང་། །དུག་ལྔ་རྩད་གཅོད་ཌཱཀྐི་ལྔ་ལ་བསྟོད། །ལག་པའི་ལྷ་ཚོགས་འོད་ཞུར་བདུད་རྩི་ཐིམ། །བདུད་རྩི་ཟེག་མ་མཐེབ་སྲིན་རྩེ་

[Full Size]

ནས་འཕྲོས། །གནས་ལ་ཕོག་པས་ཨོ་རྒྱན་རང་བྱུང་གནས། །མགྲོན་ལ་ཕོག་པས་དཔའ་བོ་ཌཱཀྐི་མ། །ཚོགས་དང་མཆོད་པ་ལ་ཕོག་བདུད་རྩིར་གྱུར། །རང་ལ་ཕོག་པས་བ་སྤུ་ཌཱཀིའི་གཏམས། །རྩ་བརྒྱུད་བླ་མ་ཡི་དམ་ཁྲོས་མའི་ཚོགས། །ཆོས་བདག་སྲུང་མའི་ཞལ་དུ་ཨོཾ་ཨཱཿཧཱུྃ། །འགྲོ་དྲུག་ཡི་དམ་ལྷ་རུ་གསལ་བ་དང་། །གནས་བདག་གཞི་བདག་ཞལ་དུ་ཨོཾ་ཨཱཿཧཱུྃ། །ཕག་ཞལ་ངུར་ཞིང་བརྟུལ་ཞུགས་བསྐྱེད། །ང་རྒྱལ་བསྐྱེད་ཅིང་བསྟོད་བསྐུལ་བྱ། །ཧཱུྃ། སྟོང་ཉིད་ཆོས་ཀྱི་དབྱིངས་ཀྱི་དཀྱིལ་འཁོར་ནས། །ཐུགས་རྗེས་སྤྲུལ་པས་བདག་གཞན་གཉིས་ཀྱི་དཔལ། །རྣམ་པར་ཐར་པ་གསུམ་གྱི་སྒོ་དབྱེ་མ། །ཤེས་རབ་ཕ་རོལ་ཕྱིན་ལ་ཕྱག་འཚལ་བསྟོད། །ཧཱུྃ། རྟོག་མེད་དགྱེས་པའི་ཚུལ་དུ་སྐུ་སྤྲུལ་མ། །ནག་མོ་ཁྲོས་མས་ལྷ་རྣམས་ཟིལ་གྱིས་གནོན། །ཆོས་ཉིད་མི་འགྱུར་སྐུ་མདོག་མཐིང་ནག་ལ། །ལོངས་སྤྱོད་རྫོགས་པའི་སྐུ་ལ་ཕྱག་འཚལ་བསྟོད། །ཧཱུྃ། གཡས་ན་གཅོད་བྱེད་གྲི་གུག་བསྣམས་པ་ནི། །བདུད་དང་མུ་སྟེགས་ཚོགས་རྣམས་སྐྲག་པར་བྱེད། །ཉོན་མོངས་རྣམ་པར་རྟོག་པ་རྩད་ནས་གཅོད། །ཕྲིན་ལས་མཐར་ཕྱིན་ཁྱེད་ལ་ཕྱག་

[Full Size]

འཚལ་བསྟོད། །གཡོན་ན་ཐོད་པ་ཁྲག་བཀང་བསྣམས་པ་ནི། །ཐུགས་རྗེའི་ཆགས་པའི་ཚུལ་གྱིས་འགྲོ་དོན་མཛད། །སྟོང་ཉིད་སྙིང་རྗེའི་འབྲེལ་བའི་བདག་ཉིད་ཅན། །ཐུགས་རྗེས་འགྲོ་དོན་མཛད་ལ་ཕྱག་འཚལ་བསྟོད། །ཕྱག་མཚན་ཁ་ཊཾ་ག་ནི་ཐུགས་ཀར་འཛིན། །དུག་གསུམ་རྩད་གཅོད་འཁོར་བའི་གཡུལ་ངོ་སེལ། །སྐུ་གསུང་ཐུགས་དང་མཉམ་སྦྱོར་ཁྲོ་མོའི་སྐུ། །སྐུ་གསུམ་ལྷུན་གྲུབ་ཁྱེད་ལ་ཕྱག་འཚལ་བསྟོད། །སྲིད་གསུམ་རྣམ་རྟོག་ཐམས་ཅད་འཇོམས་པའི་ཕྱིར། །འཇིགས་བྱེད་ཆེན་མོ་ཕག་གི་གདོང་པ་ཅན། །ཡེ་ཤེས་ཁྲོ་ཞལ་འཇིགས་པའི་ཁྲོ་གཉེར་ཅན། །མཐུ་སྟོབས་བདག་མོ་ཁྱེད་ལ་ཕྱག་འཚལ་བསྟོད། །གདུག་པ་ཟ་བྱེད་འཇིགས་པའི་མཆེ་བ་གཙིགས། །བདུད་དང་ལོག་འདྲེན་ཐམས་ཅད་ཟིལ་གྱིས་གནོན། །ཞལ་གདངས་ལྗགས་འདྲིལ་དྲག་པོའི་རྐན་སྒྲ་རྡེབ། །སྟོང་ཉིད་སྒྲ་སྒྲོགས་མ་ལ་ཕྱག་འཚལ་བསྟོད། །དུག་གསུམ་འཐོར་བྱེད་སྤྱན་གསུམ་མེ་ལྟར་འབར། །ཡེ་ཤེས་ལྔ་ལྡན་ཐོད་པས་དབུ་ལ་བརྒྱན། །སྐུ་ལྔ་རབ་རྫོགས་ཡེ་ཤེས་མཁའ་འགྲོ་མ། །ཡོན་ཏན་མཐར་ཕྱིན་མ་ལ་ཕྱག་འཚལ་བསྟོད། །ཧཱུྃ། ངོ་

[Full Size]

མཚར་ཆེན་མོ་དགྱེས་པའི་གད་རྒྱང་ཅན། །དུག་ལྔ་འཇོམས་ཕྱི་དུར་ཁྲོད་ཆས་ཀྱིས་བརྒྱན། །དགྱེས་པའི་གད་མོས་འཁོར་བ་སྐམ་སར་འདྲེན། །རྟགས་ཀྱི་འགྲོ་དོན་མཛད་ལ་ཕྱག་འཚལ་བསྟོད། །ཕག་སྐད་ཕྱོགས་བཅུར་ངུར་བའི་དམིགས་པ་དང་བསྟུན་ཏེ། ཧཱུྃ། ཕག་སྐད་ངུར་ངུར་སྟེང་དུ་བསྒྲོགས་པ་ཡིས། །གཟུགས་མེད་ཁམས་རྣམས་དབང་བདུན་པ་དུ་སྡུད་པར་བྱེད། །ཕག་སྐད་ངུར་ངུར་བར་དུ་བསྒྲོགས་པ་ཡིས། །གཟུགས་ཁམས་མ་ལུས་དབང་དུ་སྡུད་པར་བྱེད། །ཕག་སྐད་ངུར་ངུར་འོག་ཏུ་བསྒྲོགས་པ་ཡིས། །འདོད་ཁམས་གནས་རིགས་དབང་དུ་སྡུད་པར་བྱེད། །ཁམས་གསུམ་མ་ལུས་དབང་དུ་སྡུད་པ་ཡི། །ཕག་མོ་དབང་སྡུད་སྐུ་ལ་ཕྱག་འཚལ་བསྟོད། །ཕག་སྐད་དྲག་པོ་ཕྱོགས་བཞིར་བསྒྲོགས་པ་ཡིས། །རིགས་བཞི་མཁའ་འགྲོའི་ཚོགས་རྣམས་ཕོ་ཉར་འགྱེད། །མཁའ་འགྲོ་དབང་སྡུད་སྐུ་ལ་ཕྱག་འཚལ་བསྟོད། །རྡོ་རྗེ་ཕག་མོ་ནག་མོ་ཁྲོས་མའི་སྐུ། །མཁའ་འགྲོ་རིགས་བཞི་འཁོར་དང་བཅས་པ་ཡིས། །ཁམས་གསུམ་གདུག་པ་མ་ལུས་རྡུལ་དུ་རློགས། །དྲེགས་པ་གདུག་པ་མ་ལུས་དབང་དུ་སྡུད། །མཁའ་འགྲོ་ཕོ་མོ་ཐམས་ཅད་ལས་

[Full Size]

ལ་འགྱེད། །བཀའ་དང་དམ་བཞིན་བཅོལ་བའི་ཕྲིན་ལས་མཛོད། །ཅེས་བསྐུལ་དགྲ་བགེགས་གང་དམིགས་བརླག་པར་འགྱུར། དེ་ནས་བསྙེན་པ་བྱ་བ་ནི། རང་གི་གནས་ལྔར་ཁྲོས་མ་རིགས་ལྔ་ཡི། །ཐུགས་ཀར་ཉི་སྟེང་རང་རང་ས་བོན་མཐར། །སྤྱི་བོར་སྐུ་སྔགས་བཛྲ་བྷ་ར་ཧི། །མགྲིན་པ་གསུང་སྔགས་ཀྲོ་ཏི་ཀཱ་ལི་དང་། །ཐུགས་ཀར་ཐུགས་སྔགས་ཧ་རི་ནི་ས་བཞི། །ལྟེ་བར་ཨཱ་ཝེ་ཤ་ཡ་ཡོན་ཏན་སྔགས། །གསང་བར་སརྦ་ཀརྨ་ཕྲིན་ལས་སྔགས། །གཡོན་དུ་འཁོར་བས་འོད་ཟེར་ཕྱོགས་བཅུར་འཕྲོས། །འཁོར་འདས་མཐུ་བྱིན་ཀུན་བསྡུས་བདག་ལ་ཐིམ། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨཱ་ཝེ་ཤ་ཡ་སརྦ་ཀརྨ་ཧཱུྃ་ཕཊ། ཅེས་ཉང་ལུགས་ལྷ་བཅུ་གསུམ་མ་དང་། ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་བཛྲ་ཌཱཀྐི་ནི་ཨཱ་ཝེ་ཤ་ཡ་ཧཱུྃ་ཕཊ། ཅེས་ལྷ་ལྔ་ཇོ་མོ་ལུགས་གང་བྱེད་ཀྱི་སྔགས་བཟླས་ཏེ། སྔགས་བསྡུས་པ་ཨ་ཧ་རི་ནི་སའོ། །འབུམ་ཕྲག་གསུམ་མམ་དྲུག་གམ་བཅུ། །ཞག་བདུན་ཉེར་གཅིག་ཟླ་བ་དྲུག །དབང་པོ་རབ་འབྲིང་ཐ་མ་ཡི། །འགྲུབ་རྟགས་སྣ་ཚོགས་འབྱུང་བ་སྟེ། །རྒྱུན་བསྙེན་ཡི་དམ་བྱས་གྱུར་ཀྱང་། །འཆི་ཚེ་དཔའ་བོ་མཁའ་འགྲོས་བསུ། །འཇའ་འོད་སྒྲ་དང་མེ་ཏོག་ཆར། །རོལ་མོའི་སྒྲ་བཅས་མཁའ་སྤྱོད་ཁྲིད། །སྐུ་གཟུགས་ཡིག་འབྲུ་རིང་བསྲེལ་

[Full Size]

དང་། །དག་པའི་སྣང་བ་དཔག་མེད་འབྱུང་། །སངས་རྒྱས་ས་ལ་འཕྱུགས་མེད་གསུངས། །དེ་ནས་མདུན་བསྐྱེད་སྒྲུབ་པ་ནི། །ཨ། མདུན་འདིར་ཨོ་རྒྱན་གནས་མཆོག་ཆོས་འབྱུང་དབྱིབས། །མེ་རི་རྡོ་ར་དུར་ཁྲོད་བརྒྱད་ཀྱི་དབུས། །ཐོད་པའི་གཞལ་ཡས་གྲུ་བཞི་སྒོ་བཞི་པ། །དྲག་པོའི་ཕོ་བྲང་མཚན་ཉིད་ཡོངས་སུ་རྫོགས། །དེ་དབུས་ཆོས་འབྱུང་བསྣོལ་མ་གདན་ཐབས་སྟེང་། །འདབ་བརྒྱད་འདབ་བཞི་པད་ཉི་རོ་ཡི་སྟེང་། །ཨ་ཡིག་མཐིང་ནག་འོད་ཀྱི་འཕྲོ་འདུ་ལས། །བཅོམ་ལྡན་ཐུགས་རྗེ་ཁྲོས་མ་ནག་མོ་ནི། །རབ་ཁྲོས་དབུ་སྐྲའི་གསེབ་ནས་ཕག་ཞལ་ངུར། །གར་དགུའི་ཉམས་ལྡན་མེ་དཔུང་ཀློང་ན་བཞུགས། །ཕྱོགས་བཞིའི་འདབ་བཞི་ནཱང་དང་ཕྱི་གཉིས་ན། །ཁྲོས་མ་རིགས་བཞི་མཁའ་འགྲོ་སྡེ་བཞི་རྣམས། །ཕྱོགས་ཀྱི་མདོག་ཅན་ཕྱི་ཡི་མཚམས་བཞི་ལ། །དུར་ཁྲོད་ཌཱཀྐི་བཞི་པོ་ཕྱེད་གཟུགས་འཛིན། །འཁོར་རྣམས་སྐུ་གྲོལ་སྒེག་བཞད་ལང་ཚོ་རྒྱས། །ཀུན་ཀྱང་དུར་ཁྲོད་ཆས་བརྒྱད་སྐུ་ལ་གསོལ། །གྲི་ཐོད་བསྣམས་པའི་ཚུལ་གྱིས་ཁ་ཊཾ་འཁྱུད། །ཀུན་གྱི་གནས་གསུམ་ཨོཾ་ཨཱཿཧཱུྃ་རྣམས་དང་། །ཨ་དང་ཧ་རི་ནི་སའི་འོད་ཟེར་གྱིས། །ཨོཾ་

[Full Size]

རྒྱན་རང་བྱུང་གནས་དང་སོ་ས་གླིང་། །རང་བཞིན་གནས་ནས་འཁོར་བཅས་སྤྱན་དྲངས་གྱུར། །དེ་ནས་སྤྱན་དྲངས་པ་ནི། ཧཱུྃ། འོག་མིན་ཆོས་དབྱིངས་ཞིང་ཁམས་ནས། །གྲུབ་ཐོབ་བླ་མ་གཤེགས་སུ་གསོལ། །སྐུ་དང་ཡེ་ཤེས་ཞིང་ཁམས་ནས། །ཡི་དམ་ལྷ་ཚོགས་གཤེགས་སུ་གསོལ། །ཧཱུྃ། སྟོང་ཉིད་ཆོས་ཀྱི་དབྱིངས་ཀྱི་ཕོ་བྲང་ནས། །ཐུགས་རྗེ་ཁྲོས་མ་ནག་མོ་གཤེགས་སུ་གསོལ། །མི་འགྱུར་གནས་པའི་གཞལ་ཡས་ནས། །བདེ་ཆེན་དཀར་མོ་གཤེགས་སུ་གསོལ། །གཏེར་འབྱུང་ཡིད་བཞིན་གཞལ་ཡས་ནས། །སེར་མོ་དོན་གྲུབ་གཤེགས་སུ་གསོལ། །ཤེས་རབ་བཙུན་མོའི་བྷ་ག་ནས། །དམར་མོ་སྒྲ་སྒྲོགས་གཤེགས་སུ་གསོལ། །ཕྲིན་ལས་ཐོགས་མེད་ཕོ་བྲང་ནས། །སྣ་ཚོགས་མཐར་ཕྱིན་གཤེགས་སུ་གསོལ། །ཕྱོགས་བཞི་མཚམས་བརྒྱད་དུར་ཁྲོད་ནས། །མཁའ་འགྲོ་རྣམ་བརྒྱད་གཤེགས་སུ་གསོལ། །ཌཱཀྐིའི་ཚོགས་རྣམས་གཤེགས་ཙམ་ན། །རིན་ཆེན་རུས་རྒྱན་ཁྲ་ལ་ལ། །དབུ་རྒྱན་ཐོར་ཚུགས་ལྡེམས་སེ་ལྡེམ། །རོལ་མོ་སིལ་སྙན་སི་ལི་ལི། །གླུ་ལེན་གར་བྱེད་ཁྱུགས་སེ་ཁྱུག །ཧཱུཾ་དང་ཕཊ་སྒྲ་དི་རི་རི། །བྱིན་རླབས་དངོས་གྲུབ་

[Full Size]

ཐིབས་སེ་ཐིབ། །བྱིན་གྱིས་བརླབ་ཕྱིར་གཤེགས་སུ་གསོལ། །ཛཿཧཱུྃ་བ་ཧོ༔ བཛྲ་ཌཱཀྐི་ནཱི་ས་མ་ཡ་ཧོ༔ ས་མ་ཡ་སྟྭཾ། དྲི་ཤྱ་ཧོ༔ ཨེ་ཨཱ་རལླི་ཧོ༔ ཕེཾ་ཕེཾ་ཕེཿ མདུན་གྱི་ནམ་མཁར་སྤྲིན་གཏིབས་པ་ལྟར་བྱོན་པར་བསམས་ལ། བཞུགས་སུ་གསོལ་བ་ནི། ཧཱུྃ། ཉོན་མོངས་ཡེ་ཤེས་གཉིས་སུ་མེད་པའི་ངང་། །སྤང་ཐོབ་བྲལ་བའི་འཁོར་འདས་མཉམ་པ་ཉིད། །དམ་ཚིག་ཡེ་ཤེས་ཆུ་ལ་ཆུ་བཞག་བཞིན། །གཉིས་མེད་ཟུང་འཇུག་བརྟན་པར་བྱ་བའི་ཕྱིར། །ཚོགས་ཁང་དུར་ཁྲོད་འབར་བའི་ཕོ་བྲང་འདིར། །སྣ་ཚོགས་པད་ཉི་རོ་ཡི་གདན་སྟེང་དུ། །ཐུགས་རྗེའི་ཁྲོས་མ་ནག་མོའི་ལྷ་ཚོགས་རྣམས། །བྱིན་རླབས་དངོས་གྲུབ་འབེབས་ཕྱིར་བཞུགས་སུ་གསོལ། །བཛྲ་ཌཱཀྐི་ནཱི་ས་མ་ཡ་ཏིཥྛ་ལྷན། ཅེས་དམ་ཚིག་པ་ལ་བསྟིམ། དབང་ལྷ་སྤྱན་དྲངས་དབང་བསྐུར་དྲི་མ་དག །ཌཱཀྐི་ལྔ་ལ་དེ་བཞིན་གཤེགས་པ་ལྔ། །ཌཱཀྐི་བརྒྱད་ལ་རང་རྟགས་དབུ་བརྒྱན་ཅིང་། །གཙོ་མོའི་དབུ་གཙུག་པད་འབྱུང་སྨུག་ནག་ནི། །རྒྱན་དྲུག་གསོལ་ཞིང་ཀླུ་རུ་རྐང་གླིང་འབུད། །ཌཱཀྐི་ཐམས་ཅད་དབང་སྡུད་ཟིལ་གནོན་གྱུར། །དེ་ནས་ཕྱག་འཚལ་བ་ནི། ཧཱུྃ། ལྷུན་གྲུབ་ཡེ་ཤེས་ཕོ་བྲང་ནས། །

[Full Size]

དག་སྣང་བཀའ་བརྒྱུད་རིན་པོ་ཆེ། །གནས་གསུམ་མཁའ་འགྲོའི་སྤྲིན་ཚོགས་བཅས། །རྗེ་བཙུན་བླ་མ་རྣམས་ལ་ཕྱག་འཚལ་ལོ། །ཧཱུྃ། སྟོང་ཉིད་སྙིང་རྗེའི་ངང་ལས་ཐུགས་ལྟ་རྗེའི་སྐུ། །རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ། །བྱིན་རླབས་དངོས་གྲུབ་ཐམས་ཅད་འབྱུང་བའི་གནས། །ཐུགས་རྗེ་ཁྲོས་མའི་སྐུ་ལ་ཕྱག་འཚལ་ལོ། །ཧཱུྃ། བདེ་ཆེན་དཀར་མོའི་འཇིགས་པ་ཀུན་ལས་སྒྲོལ། །སེར་མོ་དོན་གྲུབ་ཚེ་དབང་རྒྱས་པར་མཛད། །དམར་མོ་སྒྲ་སྒྲོགས་ཁམས་གསུམ་དབང་དུ་སྡུད། །སྣ་ཚོགས་མཐར་ཕྱིན་མངོན་སྤྱོད་ལས་རྣམས་མཛད། །མཁའ་འགྲོ་སྡེ་བརྒྱད་ཕྲིན་ལས་སྣ་ཚོགས་སྒྲུབ། །བདེ་སྟོང་མཁའ་འགྲོའི་ཚོགས་ལ་ཕྱག་འཚལ་བསྟོད། །ཨ། ཐོད་པའི་སྣོད་དུ་ཧཱུྃ་ཡིག་ལས་བྱུང་བའི། །ཀུན་བཟང་མཆོད་སྤྲིན་ཟད་མི་ཤེས་པར་གྱུར། །ཨོཾ་བཛྲ་སརྦ་པཱུ་ཛ་ཨཱཿཧཱུྃ། དེ་ནས་མཆོད་བཞི་བསྟོད་བཞི་ནི། ཧཱུྃ། རབ་ཏུ་གཙང་ཞིང་གཙང་མར་སྦྱར་བ་ཡི། །ཡན་ལག་བརྒྱད་ལྡན་དྲི་མ་མེད་པའི་ཆབ། །ཉོན་མོངས་དྲི་མ་དག་བྱེད་ཁྲུས་ཆབ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཨོཾ་ཤྲཱི་བཛྲ་ཨརྒྷཾ་པྲ་ཏིཙྪ་ཨཱཿཧཱུྃ། ཧཱུྃ། རྒྱལ་

[Full Size]

བའི་སྐུ་ལ་ཉོན་མོངས་མི་མངའ་ཡང་། །སེམས་ཅན་བག་ཆགས་དྲི་མ་སྦྱང་སླད་དུ། །ཁྲོས་མའི་སྐུ་ལ་ཞབས་བསིལ་འདི་གསོལ་བས། །སེམས་ཅན་ལུས་ཀྱི་དྲི་མ་དག་གྱུར་ཅིག །ཨོཾ་ཤྲཱི་བཛྲ་པཱདྱཾ་པྲ་ཏཱིཙྪ་ཨཱཿཧཱུྃ། ཧཱུྃ། ཆུ་སྐྱེས་ཐང་སྐྱེས་ཡིད་ལས་གྲུབ་པ་ཡི། །དབྱིབས་ལེགས་ཁ་དོག་ཕུན་སུམ་ཚོགས་པའི་མཆོག །བྱང་ཆུབ་ཡན་ལག་མཛེས་པའི་མེ་ཏོག་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ༀ་ཤྲཱི་བཛྲ་པུངྒེ་པྲ་ཏཱིཙྪ་ཨཱཿཧཱུྃ། ཧཱུྃ། ཙནྡན་དྲི་ཞིམ་ག་པུར་སྨན་རྣམས་དང་། །བཟང་པོ་རྣམ་གཉིས་ལ་སོགས་སྦྱར་བ་ཡི། །ཚུལ་ཁྲིམས་དྲི་ལྡན་བདུག་སྤོས་དམ་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ༀ་ཤྲཱི་བཛྲ་དྷུ་པེ་པྲ་ཏིཙྪ་ཨཱཿཧཱུྃ། ཧཱུྃ། སྤྲིན་མེད་མཁའ་ལ་ཉི་མ་ཤར་བ་ལྟར། །ཡེ་ཤེས་རབ་ཏུ་གསལ་བའི་སྒྲོན་མེ་མཆོག །མ་རིག་མུན་པ་སེལ་བའི་སྣང་གསལ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཨོཾ་ཤྲཱི་བཛྲ་ཨཱ་ལོ་ཀེ་པྲ་ཏིཙྪ་ཨཱཿཧཱུྃ། ཧཱུྃ། དྲི་ཞིམ་སྨན་དང་བདུག་སྤོས་སྣ་ཚོགས་ཀུན། །ལྷག་བསམ་རྣམ་པར་དག་པས་སྦྱར་བ་འདི། །ཐུགས་མཆོག་མཉེས་བྱེད་བྱུག་སྤོས་

[Full Size]

དམ་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཨོཾ་ཤྲཱི་བཛྲ་གནྡྷེ་པྲ་ཏིཙྪ་ཨཱཿཧཱུྃ། ཧཱུྃ། སྣོད་བཅུད་ཀུན་དང་རོ་མཆོག་ལྡན་པ་ཡི། །ལྷ་དང་མི་ཡི་ཞལ་ཟས་ཐམས་ཅད་ཀྱིས། །ལུས་སེམས་ཚིམས་བྱེད་རོ་མཆོག་དམ་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ༀ་ཤྲཱི་བཛྲ་ནེ་ཝི་ཏྱ་པྲ་ཏིཙྪ་ཨཱཿཧཱུྃ། ཧཱུྃ། དྲིལ་ཆེན་སིལ་སྙན་རྣམ་རོལ་ཚངས་པའི་དབྱངས། །གསུང་དབྱངས་དྲུག་ཅུ་དག་དང་ལྡན་པ་ཡི། །ཡིད་འཕྲོག་གསུང་སྙན་རོལ་མོ་དམ་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཨོཾ་ཤྲཱི་བཛྲ་ཤཔྟ་པྲ་ཏཱིཙྪ་ཨཱཿཧཱུྃ། སྐུ་ཡི་བསྟོད་པ་ནི། ཧཱུྃ། མ་བཅོས་ཆོས་དབྱིངས་སྐྱེ་བ་མེད་པ་ལས། །རང་བྱུང་ལོངས་སྐུ་ཐུགས་རྗེ་ཁྲོས་མ་ནི། །སྐུ་མདོག་མཐིང་ནག་ཁྲོ་མོའི་ཆ་བྱད་ཅན། །གཅེར་བུ་རྟོག་བྲལ་དབུ་སྐྲ་ཐུར་དུ་གྲོལ། །ཁྲོ་གཉེར་སྤྱན་གསུམ་མཆེ་བ་རབ་ཏུ་གཙིགས། །སྤྱི་གཙུག་ཕག་ཞལ་སྲིད་གསུམ་རྩེ་ནས་བལྟ། །ཕག་མོའི་ངུར་སྒྲས་སྟོང་གསུམ་ཟིལ་གྱིས་གནོན། །གྲི་གུག་ཐོད་ཁྲག་གཡས་གཡོན་ཕྱག་ན་བསྣམས། །རྒྱལ་མཚན་ཁ་ཊཾ་ག་ནི་གྲུ་མོར་གཏད། །ཕྱག་རྒྱ་ལྔ་དང་དུར་ཁྲོད་ཆས་ཀྱིས་

[Full Size]

བརྒྱན། །མེ་དཔུང་ཀློང་ན་ཞབས་གཉིས་བརྐྱང་བསྐུམ་བཞུགས། །པད་ཉིད་དུས་མཚན་རོ་ཡི་སྟེང་ནས་མནན། །བདེ་སྟོང་ཉམས་ལྡན་འབར་བའི་གར་གྱིས་བཞུགས། །ཐུགས་རྗེ་ཁྲོས་མའི་སྐུ་ལ་ཕྱག་འཚལ་བསྟོད། །གསུང་གི་བསྟོད་པ་ནི། ཧཱུྃ། ཆོས་ཉིད་རང་སྒྲ་རྣམ་པར་དག་པ་ཡི། །ཨཱ་ལི་ཀཱ་ལི་ངོ་བོར་རབ་བརྗོད་ཅིང་། །ཨཱ་ར་ལི་ཞེས་བཞད་པའི་གད་རྒྱང་སྒྲོག །ཕེ་ཕོ་སྒྲ་ཡིས་མཁའ་འགྲོ་དབང་དུ་སྡུད། །ཧཱུྃ་གིས་ང་རོས་བདུད་དཔུང་འཇོམས་པར་བྱེད། །སྟོང་ཉིད་ཆོས་སྒྲས་འགྲོ་བ་དབྱིངས་སུ་སྒྲོལ། །ཕཊ་ཀྱི་འབྲུག་སྒྲས་ལོག་ལྟ་ཚར་གཅོད་ཅིང་། །བདེ་བ་རབ་རྒྱས་ཨ་ཧཾ་སྒྲ་འབྱིན་ཅིང་། །གསུང་དབྱངས་དྲུག་ཅུས་འགྲོ་བ་ཐབས་ཀྱིས་འདུལ། །ཐུགས་རྗེ་ཁྲོས་མའི་གསུང་ལ་ཕྱག་འཚལ་བསྟོད། །ཐུགས་ཀྱི་བསྟོད་པ་ནི། ཧཱུྃ། དོན་དམ་སྟོང་ཉིད་བདེ་ཆེན་དག་པའི་ཐུགས། །ཁ་དོག་མཚན་མ་བརྗོད་པའི་ཡུལ་ལས་འདས། །ཉོན་མོངས་རྣམ་དག་ཡེ་ཤེས་ངོ་བོ་ཉིད། །གདོད་ནས་མ་སྐྱེས་སྤྲོས་བྲལ་དོན་སྟོན་མ། །འཁོར་བའི་སྐྱོན་བྲལ་ཤེས་རབ་ཕ་རོལ་ཕྱིན། །བདེ་སྟོང་གཉིས་མེད་ཟུང་འཇུག་རང་བཞིན་ཅན། །མཐོང་

[Full Size]

ཐོས་དྲན་པས་འགྲོ་བ་ཐམས་ཅད་ལ། །འབར་བ་གསུམ་གྱིས་དངོས་གྲུབ་སྟེར་མཛད་ཅིང་། །དགའ་བདེ་གཉིས་མེད་ཡེ་ཤེས་འཆར་མཛད་མ། །ཐུགས་རྗེ་ཁྲོས་མའི་ཐུགས་ལ་ཕྱག་འཚལ་བསྟོད། །ཡོན་ཏན་ཕྲིན་ལས་བསྟོད་པ་ནི། ཧཱུྃ། དོན་དམ་ཆོས་དབྱིངས་ངང་ལས་མ་གཡོས་ཀྱང་། །སྣང་སྟོང་དབྱེར་མེད་འཇའ་ལུས་གཟུགས་སྐུའི་ཚུལ། །རྣམ་དག་སྐུ་ལ་ཡོན་ཏན་རབ་བརྒྱན་ཅིང་། །འགགས་མེད་གསུང་གིས་གདུལ་བྱ་སྨིན་གྲོལ་མཛད། །སྤྲོས་བྲལ་ཐུགས་ཀྱིས་འཁོར་བའི་རྒྱ་མཚོ་སྐེམས། །ཡོན་ཏན་ལྷུན་གྱིས་གྲུབ་པའི་དངོས་གྲུབ་སྟེར། །ཕྲིན་ལས་ཐུགས་རྗེའི་འགྲོ་བ་ཐབས་ཀྱིས་འདུལ། །ཐུགས་རྗེ་ཁྲོས་མ་བདེ་ཆེན་རྣལ་འབྱོར་མ། །འཁོར་ལོ་ལྔ་རྫོགས་ཕྲིན་ལས་ཀུན་གྱི་བདག །མཆོག་དང་ཐུན་མོང་དངོས་གྲུབ་སྟེར་མཛད་མ། །ཡེ་ཤེས་མཁའ་འགྲོ་བདེ་གཤེགས་ཀུན་གྱི་ཡུམ། །རྡོ་རྗེ་ཕག་མོའི་སྐུ་ལ་ཕྱག་འཚལ་ལོ། །དམ་རྫས་བདུད་རྩི་འབར་བ་འདི་བཞེས་ལ། །ཞི་རྒྱས་དབང་དྲག་མངོན་སྤྱོད་ལ་སོགས་པ། །བཅོལ་བའི་ཕྲིན་ལས་མ་ལུས་འགྲུབ་པར་མཛོད། །རིགས་བཞིའི་བསྟོད་པ་ནི། ཧཱུྃ། ཧ་རི་ནི་ས་ལས་བྱུང་མཁའ་འགྲོ་བཞི། །ཉོན་

[Full Size]

མོངས་བཞི་དག་ཡེ་ཤེས་བཞི་ཡི་སྐུ། །ཕྲིན་ལས་བཞི་མཛད་རྡོ་རྗེ་རྣལ་འབྱོར་མ། །དཀར་སེར་དམར་ལྗང་རིགས་རྣམས་བཞི་ཡི་གཙོ། །རིགས་བཞིའི་རིགས་མཚོན་རང་རྟགས་དབུ་བརྒྱན་ཅན། །རང་རྟགས་གྲི་གུག་ཐོད་ཁྲག་ཕྱག་ན་བསྣམས། །དུག་རྣམས་རྩད་གཅོད་ཉོན་མོངས་ཞལ་དུ་གསོལ། །བཅུ་དྲུག་ལོ་ལོན་ཁ་ཊཾ་གྲུ་མོར་བརྟེན། །གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱན། །ཐོད་སྐམ་དབུ་རྒྱན་ཐོད་རློན་དོ་ཤལ་མཛད། །ཞབས་གཉིས་བརྐྱང་བསྐུམ་རོ་ཡི་གདན་ལ་བཞུགས། །ཀི་ཧ་རི་ནི་སའི་སྒྲ་འབྱིན་ཅིང་། །རིགས་བཞི་མཁའ་འགྲོ་འབུམ་གྱི་འཁོར་དང་བཅས། །ཁྲོས་མ་རིགས་བཞིའི་སྐུ་ལ་ཕྱག་འཚལ་བསྟོད། །དམ་རྫས་བདུད་རྩི་འབར་བ་འདི་བཞེས་ལ། །ཞི་རྒྱས་དབང་དྲག་མངོན་སྤྱོད་ལ་སོགས་པ། །བཅོལ་བའི་ཕྲིན་ལས་མ་ལུས་འགྲུབ་པར་མཛོད། །ཧཱུྃ། ཕྱོགས་བཞི་མཚམས་བརྒྱད་དུར་ཁྲོད་ནས། །དུར་ཁྲོད་གནས་པའི་མཁའ་འགྲོ་བརྒྱད། །གཅེར་བུའི་ལུས་ལ་སྐུ་གྲོལ་མ། །སྒེག་བཞད་གྲི་ཐོད་ཁ་ཊ་ཐོགས། །ཅོད་པན་རྒྱན་དྲུག་དུར་ཁྲོད་ཆས། །སྐྱིལ་ཀྲུང་ཕྱེད་པའི་གར་དང་ལྡན། །དུར་

[Full Size]

ཁྲོད་ཌཱཀྐི་ཆེན་མོ་བརྒྱད། །ལས་རྣམས་བསྒྲུབ་ཕྱིར་གཤེགས་སུ་གསོལ། །དམ་རྫས་བདུད་རྩི་འདི་བཞེས་ལ། །རྣལ་འབྱོར་བཅོལ་བའི་ཕྲིན་ལས་མཛོད། །དེ་ནས་མཐེབ་སྲིན་གཡོན་པས་བདུད་རྩི་གཏོར་ཞིང་། གུ་རུ་སརྦ་ཨོཾ་ཨཱཿཧཱུྃ། ཨ་ཧ་རི་ནི་ས་ཨོཾ་ཨཱཿཧཱུྃ། ཊཀྐི་ཨཉྫ་ཨོཾ་ཨཱཿཧཱུྃ། དེ་ནས་ནང་གི་མཆོད་པ་ནི། ཧཱུྃ། འབྲས་རྒུན་བུ་རམ་བཙོས་པའི་ཆང་། །ཤེས་རབ་མ་དཱའི་མཆོད་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཐིག་ལེ་རྐང་དང་ཁུ་བ་ཞག །ཚོགས་དང་ལོངས་སྤྱོད་རཀྟ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །དབང་པོ་ལྔ་ཡི་མཆོད་པ་དང་། །སྣ་ཚོགས་ཀེ་རུས་པཱུ་ཙ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཤ་ལྔ་བདུད་རྩི་ལྔ་ལ་སོགས། །མུག་ཚྭ་སའི་མཆོད་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །མངར་གསུམ་ལན་ཚྭའི་མཆོད་པ་དང་། །དཀར་གསུམ་ཨརྒའི་མཆོད་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཞོ་ཤ་ལྷ་ཡི་དམ་ཚིག་རྫས། །པཉྩ་བདུད་རྩིའི་མཆོད་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །རྩ་བརྒྱད་སྟོང་ལ་སྦྱར་

[Full Size]

བའི་སྨན། །རིགས་ལྔ་ཡེ་ཤེས་བདུད་རྩི་ལྔ། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཤ་རུས་ཁྲག་དང་ཀླད་པ་དང་། །ཉོན་མོངས་དུག་ལྔའི་མཆོད་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ༀ་ཨཱཿཧཱུྃ༔ ནང་ལྟར་བསྟོད་པ་ནི། ཧཱུྃ། བཅོམ་ལྡན་རྡོ་རྗེ་ཕག་མོ་ནི། །སྲིད་གསུམ་རྣམ་རྟོག་འཇོམས་པའི་ཕྱིར། །འཇིགས་བྱེད་ཆེན་མོ་ཕག་གི་གདོང་པ་ཅན། །ཡེ་ཤེས་ལྔ་ཡི་ཁྲོ་གཉེར་ཅན། །མཐུ་སྟོབས་བདག་མོ་ཁྱོད་ལ་ཕྱལ་འཚལ་བསྟོད། །ཧཱུྃ༔ བཅོམ་ལྡན་རྡོ་རྗེ་ཕག་མོ་ནི། །དབུ་སྐྲ་དམར་ནག་སྤྲིན་ལྟར་གཏིབས། །བྱམས་པ་ཆེན་པོའི་ཆར་ཆེན་འབེབས། །ཉོན་མོངས་རྩད་ནས་གཅོད་པའི་རྟགས། །འཇིགས་བྱེད་ཁྲོ་མོའི་སྐུ་ལ་ཕྱག་འཚལ་བསྟོད། །ཧཱུྃ། བཅོམ་ལྡན་རྡོ་རྗེ་ཕག་མོ་ནི། །དུག་གསུམ་འཐོར་བྱེད་སྤྱན་གསུམ་མེ་ལྟར་འབར། །ཡེ་ཤེས་ལྔ་ལྡན་ཐོད་སྐམ་དབུ་ལ་བརྒྱན། །ཡོན་ཏན་མཐར་ཕྱིན་དུར་ཁྲོད་ཆས་དང་ལྡན། །སྒེག་ཆེན་དཔའ་མོའི་སྐུ་ལ་ཕྱག་འཚལ་བསྟོད། །ཧཱུྃ། བཅོམ་ལྡན་རྡོ་རྗེ་ཕག་མོ་ནི། །གདུག་པ་ཟ་བྱེད་

[Full Size]

འཇིགས་པའི་མཆེ་བ་གཙིགས། །ལོག་འདྲེན་ཐམས་ཅད་ཟིལ་གྱིས་གནོན་པའི་རྟགས། །ཟིལ་གནོན་མཁའ་འགྲོའི་སྐུ་ལ་ཕྱག་འཚལ་བསྟོད། །ཧཱུྃ། བཅོམ་ལྡན་རྡོ་རྗེ་ཕག་མོ་ནི། །ངོ་མཚར་ཆེན་མོ་དགྱེས་པའི་གད་རྒྱང་ཅན། །དགྱེས་པའི་གད་མོས་འཁོར་བ་སྐམ་སར་འདྲེན། །ཁྲོས་པའི་གད་མོས་དགྲ་བགེགས་རླག་པར་བྱེད། །གསུང་མཆོག་ངོ་མཚར་ཅན་ལ་ཕྱག་འཚལ་བསྟོད། །ཧཱུྃ། བཅོམ་ལྡན་རྡོ་རྗེ་ཕག་མོ་ནི། ཞལ་གདངས་ལྗགས་འདྲིལ་རབ་ཏུ་བསྐྱོད། །སྐྱེ་མེད་ཆོས་སྒྲས་སྟོང་གསུམ་འགེངས། །སྟོང་ཉིད་སྒྲ་སྒྲོགས་མ་ལ་ཕྱག་འཚལ་བསྟོད། །ཧཱུྃ། བཅོམ་ལྡན་རྡོ་རྗེ་ཕག་མོ་ནི། །གཡས་པས་གཅོད་བྱེད་གྲི་གུག་འཛིན། །མི་མཐུན་བདུད་དང་མུ་སྟེགས་ཚོགས་རྣམས་གཅོད། །ཤེས་རབ་མཐར་ཕྱིན་མ་ལ་ཕྱག་འཚལ་ལོ། །ཧཱུྃ། བཅོམ་ལྡན་རྡོ་རྗེ་ཕག་མོ་ནི། །གཡོན་པས་ཐོད་པ་ཁྲག་བཀང་བསྣམས། །ཐུགས་རྗེས་ཆགས་པའི་ཚུལ་གྱིས་འགྲོ་དོན་མཛད། །སྟོང་ཉིད་སྙིང་རྗེ་བྱང་ཆུབ་སེམས་ལྡན་པའི། །ཐུགས་རྗེས་འགྲོ་བ་སྐྱོབས་ལ་ཕྱག་འཚལ་ལོ། །ཧཱུྃ། བཅོམ་ལྡན་རྡོ་རྗེ་ཕག་མོ་ནི། །ཕྱག་མཚན་ཁ་ཊྭཱཾ་ག་ནི་

[Full Size]

ཐུགས་ཀར་འཛིན། །དུག་གསུམ་རྩད་གཅོད་འཁོར་བའི་གཡུལ་ངོ་ཟློག །སྐུ་གསུང་ཐུགས་དང་མཉམ་སྦྱོར་ཁྲོ་མོའི་སྐུ། །འབྲས་བུ་ལྷུན་གྲུབ་མ་ལ་ཕྱག་འཚལ་ལོ། །ཧཱུྃ། བཅོམ་ལྡན་རྡོ་རྗེ་ཕག་མོ་ནི། །ཞེ་སྡང་འདུལ་མཛད་སྦྲུལ་གྱི་སེ་རལ་འཕྱང་། །ང་རྒྱལ་འཇོམས་མཛད་སྟག་གི་ཤམ་ཐབས་ཅན། །འབྱུང་པོ་ཚར་གཅོད་ཐོད་པའི་ཕྲེང་བས་བརྒྱན། །རྟགས་ཀྱི་འགྲོ་དོན་མཛད་ལ་ཕྱག་འཚལ་ལོ། །གསང་མཆོད་ནི། ཧཱུྃ། ཐབས་ཆེན་ཡབ་ཀྱི་རྡོ་རྗེ་ནི། །ཤེས་རབ་ཡུམ་གྱི་བྷ་ག་གཉིས། །བསྲུབ་དང་སྤྱོད་པའི་སྦྱོར་བ་ལས། །དགའ་བ་ཆེན་པོ་བྱང་ཆུབ་སེམས། །ཡིད་ཀྱི་ཆུ་བོ་དྲི་མ་མེད། །སངས་རྒྱས་ཀུན་དང་ལྷན་ཅིག་སྐྱེས། །ཐབས་དང་ཤེས་རབ་རང་བཞིན་གྱིས། །པདྨ་རྡོ་རྗེ་མཆོག་སྦྱོར་ཏེ། །དགྱེས་པ་ཆེན་པོ་མཆོག་རོལ་པའི། །ཀུན་རྫོབ་དོན་དམ་བྱང་སེམས་མཆོད་པ་འདི། །ཐུགས་རྗེ་ཁྲོས་མ་འཁོར་དང་བཅས་ལ་འབུལ། །ཨོཾ་གུ་ཧེ་སརྦ་པཱུ་ཙ་མེ་གྷ་ཨཱཿཧཱུྃ། གསང་བའི་བསྟོད་པ་ནི། ཧཱུྃ། བཅོམ་ལྡན་རྡོ་རྗེ་ཕག་མོ་ནི། །ཞལ་གཅིག་ཕྱག་གཉིས་སྐུ་མདོག་ནག །གྲི་གུག་གཡས་ན་ཐོད་ཁྲག་གཡོན། །

[Full Size]

ཁ་ཊཾ་ག་ནི་ཐུགས་ཀར་གཏད། །དུར་ཁྲོད་ཆས་ཀྱིས་ལེགས་པར་བརྒྱན། །རལ་པ་དམར་ནག་སྤྲིན་ལྟར་གཏིབས། །ཐོད་སྐམ་ལྔ་ཡིས་དབུ་ལ་བརྒྱན། །སྤྱི་གཙུག་ཕག་ཞལ། ནམ་མཁའི་གནས། །རྟོག་མེད་རོ་ཡི་གདན་སྟེང་ན། །བརྐྱང་བསྐུམ་ཚུལ་གྱིས་འགྱིང་བག་ཅན། །མཁའ་འགྲོ་ཟིལ་གནོན་ཁྲོས་པའི་གཟུགས། །རྡོ་རྗེ་ཕག་མོའི་སྐུ་ལ་ཕྱག་འཚལ་བསྟོད། །དེ་ཁོ་ན་ཉིད་ཀྱི་མཆོད་པ་ནི། ཧཱུྃ། ཉོན་མོངས་རྣམ་རྟོག་ལས་བྱུང་བའི། །བདེ་སྟོང་ཡེ་ཤེས་མཆོད་པ་འདི། །གྲུབ་ཐོབ་བླ་མས་བཞེས་སུ་གསོལ། །ཉོན་མོངས་དུག་ལྔ་ལས་བྱུང་བའི། །ཡེ་ཤེས་ལྔ་ཡི་མཆོད་པ་འདི། །ཁྲོས་མ་རིགས་ལྔས་བཞེས་སུ་གསོལ། །ཉོན་མོངས་ཚོགས་བརྒྱུད་ལས་བྱུང་བའི། །གནས་བརྒྱད་ཡེ་ཤེས་མཆོད་པ་འདི། །དུར་ཁྲོད་མཁའ་འགྲོས་བཞེས་སུ་གསོལ། །དེ་ཁོ་ན་ཉིད་ཀྱི་བསྟོད་པ་ནི། ཧཱུྃ། མཚན་མོ་སྐྲ་གྲོལ་གཅེར་བུར་གནས། །གར་བྱེད་དགྱེས་པའི་གད་རྒྱང་ཅན། །བདུད་འཇོམས་དྲག་མོའི་ཆ་ལུགས་ཅན། །དབང་བསྒྱུར་ཕག་གདོང་མ་ལ་ཕྱག་འཚལ་བསྟོད། །དེ་ནས་མདུན་བསྐྱེད་བསྙེན་སྒྲུབ་ནི། མདུན་བསྐྱེད་ཁྲོས་མའི་ཐུགས་ཀར་འཁོར་ལོ་ནི། །

[Full Size]

དམར་པོ་རྩིབས་བཞི་མུ་ཁྱུད་ལྡན་པ་ཡི། །ལྟེ་བར་ཨ་མཐིང་རྩིབས་ལ་ཡི་གེ་བཞི། །མུ་ཁྱུད་སྔགས་རིང་གཡས་སུ་བཀོད་པ་གསལ། །བདག་གི་ཐུགས་ལས་འོད་འཕྲོས་འཁོར་ལོ་དེ། །གཡོན་དུ་བསྐོར་བས་ཐུགས་རྒྱུད་དྲག་ཏུ་བསྐུལ། །གཙོ་འཁོར་ཀུན་ལས་འོད་ཟེར་ཁ་དོག་བཞི། །འཕྲོས་པས་ཕྲིན་ལས་རྣམ་བཞི་འགྲུབ་པར་གྱུར་། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ཨཱ་ཝེ་ཤ་ཡ་སརྦ་ཀརྨ་ཧཱུྃ་ཕཊ། གནས་སྐབས་སུ་བརྒྱ་ཕྲག་དང་། སྒྲུབ་དུས་ཞག་བདུན་ནམ་ཉེར་གཅིག་སོགས་བཟླའོ།། ༈ དེ་ནས་ཚོགས་བདུད་རྩིས་བྲན་ལ་བསངས། སྟོང་ཉིད་དྲན་པས་སྦྱངས་ལ། ཨཱཿ རླུང་མེ་ཐོད་སྐྱེད་སྟེང་ཉིད་དུ། །རང་བྱུང་སྣོད་དུ་ཤ་ལྔ་དང་། །བདུད་རྩི་ལྔ་དང་ཡེ་ཤེས་ལྔ། །ཞུ་བའི་ཟག་མེད་བདུད་རྩི་ཡི། །འོད་ཟེར་འདོད་ཡོན་ལྷ་མོའི་ཚོགས། །དཔག་ཏུ་མེད་པས་ཚོགས་མཆོད་འབུལ། །ཨོཾ་ཨཱཿཧཱུྃ་ཧ་ཧོཿཧྲཱིཿ ཧཱུྃ། ཡུམ་ཆེན་ཁྲོས་མ་ནག་མོ་ལ། །གནས་གསུམ་མཁའ་འགྲོའི་ཚོགས་ཀྱིས་བསྐོར། །ཚོགས་ལ་སྤྱན་འདྲེན་གཤེགས་སུ་གསོལ། །བཟའ་དང་བཅའ་དང་བཏུང་བ་དང་། །བཤོས་དང་ཞལ་ཟས་སྣ་ཚོགས་པ། །ཁ་དང་མངར་དང་སྐྱུར་བ་

[Full Size]

དང་། །ཚ་དང་རྩུབ་དང་ལན་ཚྭའི་རོ། །གཟུགས་དང་སྒྲ་དང་དྲི་དང་རོ། །རེག་བྱ་འདོད་ཡོན་ལ་སོགས་པའི། །ཞལ་ཟས་ཚོགས་ཀྱི་མཆོད་པ་འདི། །རྡོ་རྗེ་ཕག་མོའི་ཐུགས་དམ་བསྐང་། །འཁོར་གྱི་མཁའ་འགྲོས་དགྱེས་པར་རོལ། །བཞེས་ཤིག་རོལ་ཅིག་ཨ་ལ་ལ། །མཆོད་པ་དམ་པ་འདི་བཞེས་ལ། །རྣལ་འབྱོར་བདག་ལ་དངོས་གྲུབ་སྩོལ། །ཚེ་དབང་ལོངས་སྤྱོད་བསོད་ནམས་སྤེལ། །དུས་མིན་འཆི་སོགས་བར་ཆད་ཟློག །གུ་རུ་ཧ་རི་ནི་ས་གྷ་ན་ཙཀྲ་ལ་ཁཱ་ཧི། ཞེས་བཏགས་པས་འཐུས་ལ། རྒྱས་པར་ན། ཧཱུྃ། རང་བཞིན་རྣམ་དག་ལྷུན་གྲུབ་གཞལ་ཡས་ནས། །འགྲོ་བའི་དོན་དུ་ཐུགས་རྗེ་སྤྲུལ་པའི་སྐུ། །མཁའ་འགྲོའི་དབང་ཕྱུག་པདྨ་ཐོད་ཕྲེང་རྩལ། །ཕྲིན་ལས་མཚུངས་མེད་བཀའ་བརྒྱུད་པའི་རིན་པོ་ཆེ། །གནས་གསུམ་མཁའ་འགྲོའི་ཚོགས་དང་བཅས་པ་རྣམས། །རྣམ་འཕྲུལ་མཁའ་ལ་སྤྲིན་ལྟར་གཏིབས་ནས་ཀྱང་། །རིན་ཆེན་རུས་པའི་རྒྱན་ཆ་ཁྲ་ལ་ལ། །རོལ་མོ་སྒྲ་སྙན་མང་པོ་སི་ལི་ལི། །སྣ་ཚོགས་གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་དམ་བསྐང་ཚོགས་ཀྱི་མཆོད་པ་བཞེས། །ཨ་ལ་ལ་ཏེ་དགྱེས་པར་རོལ་ནས་ཀྱང་། །

[Full Size]

མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཧཱུྃ། སྟོང་ཉིད་ཆོས་ཀྱི་དབྱིངས་ཀྱི་ཕོ་བྲང་ནས། །དུས་གསུམ་སངས་རྒྱས་ཀུན་གྱི་ཡུམ་མཆོག་མ། །དཔལ་ལྡན་ཐུགས་རྗེ་ཁྲོས་མ་ནག་མོ་ནི། །བདེ་སྟོང་གཉིས་མེད་འབར་བའི་གར་དགུ་ལྡན། །གནས་གསུམ་དཔའ་བོ་མཁའ་འགྲོའི་ཚོགས་དང་བཅས། །རྣམ་འཕྲུལ་མཁའ་ལ་སྤྲིན་ལྟར་གཏིབས་ནས་ཀྱང་། །རིན་ཆེན་རུས་པའི་རྒྱན་ཆ་ཁྲ་ལ་ལ། །རོལ་མོ་སྒྲ་སྙན་མང་པོ་སི་ལི་ལི། །སྣ་ཚོགས་གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་དམ་བསྐང་ཚོགས་ཀྱི་མཆོད་པ་བཞེས། །ཨ་ལ་ལ་ཏེ་དགྱེས་པར་རོལ་ནས་ཀྱང་། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཧཱུྃ། ཨོ་རྒྱན་ཡུལ་གྱི་ཕྱོགས་བཞིའི་ཕོ་བྲང་ནས། །ཕྲིན་ལས་བཞི་མཛད་ཁྲོས་མ་རིགས་བཞི་ནི། །རིགས་བཞི་མཁའ་འགྲོ་འབུམ་གྱི་ཚོགས་དང་བཅས། །རྣམ་འཕྲུལ་མཁའ་ལ་སྤྲིན་ལྟར་གཏིབས་ནས་ཀྱང་། །རིན་ཆེན་རུས་པའི་རྒྱན་ཆ་ཁྲ་ལ་ལ། །རོལ་མོ་སྒྲ་སྙན་མང་པོ་སི་ལི་ལི། །སྣ་ཚོགས་གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་དམ་བསྐང་ཚོགས་ཀྱི་མཆོད་པ་བཞེས། །

[Full Size]

ཨ་ལ་ལ་ཏེ་དགྱེས་པར་རོལ་ནས་ཀྱང་། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཧཱུྃ། ཕྱོགས་མཚམས་དུར་ཁྲོད་ཆེན་པོའི་གནས་བརྒྱད་ནས། །སྣ་ཚོགས་ལས་མཛད་མཁའ་འགྲོ་མ་བརྒྱད་ནི། །སོ་སོའི་རིགས་ཀྱི་མཁའ་འགྲོ་འབུམ་དང་བཅས། །རྣམ་འཕྲུལ་མཁའ་ལ་སྤྲིན་ལྟར་གཏིབས་ནས་ཀྱང་། །རིན་ཆེན་རུས་པའི་རྒྱན་ཆ་ཁྲ་ལ་ལ། །རོལ་མོ་སྒྲ་སྙན་མང་པོ་སི་ལི་ལི། །སྣ་ཚོགས་གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་དམ་བསྐང་ཚོགས་ཀྱི་མཆོད་པ་བཞེས། །ཨ་ལ་ལ་ཏེ་དགྱེས་པར་རོལ་ནས་ཀྱང་། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཧཱུྃ། བཀའ་དང་དམ་ཚིག་གཉན་པོའི་ཕོ་བྲང་ནས། །བསྟན་པ་སྲུང་ཞིང་བར་ཆད་སེལ་མཛད་པའི། །ཆོས་སྐྱོང་སྲུང་མ་འཁོར་དང་བཅས་པ་རྣམས། །རྣམ་འཕྲུལ་མཁའ་ལ་སྤྲིན་ལྟར་གཏིབས་ནས་ཀྱང་། །རིན་ཆེན་རུས་པའི་རྒྱན་ཆ་ཁྲ་ལ་ལ། །རོལ་མོ་སྒྲ་སྙན་མང་པོ་སི་ལི་ལི། །སྣ་ཚོགས་གླུ་ལེན་གར་བྱེད་ཁྱུགས་སེ་ཁྱུག །འདིར་གཤེགས་དམ་བསྐང་ཚོགས་ཀྱི་མཆོད་པ་བཞེས། །ཨ་ལ་ལ་ཏེ་དགྱེས་པར་རོལ་ནས་ཀྱང་། །མཆོག་དང་ཐུན་མོང་

[Full Size]

དངོས་གྲུབ་བསྩལ་དུ་གསོལ། །ཨོཾ་ཨཱཿཧཱུྃ་གྷ་ན་ཙཀྲ་སརྦ་པཱུ་ཙ་མེ་གྷ་ཨཱཿཧཱུྃ། དེ་ནས་ཚོགས་ཕུད་གཏོར་མར་ཕུལ་ལ་བདུད་རྩིས་བྲན། ཨ། རླུང་མེད་ཐོད་སྐྱེད་སྟེང་དུ་བྷནྡའི་ནང་། །གཏོར་མ་ལྕགས་ཀྱུ་ལྔ་དང་སྒྲོལ་མ་ལྔ། །ཞུ་བ་ཡེ་ཤེས་བདུད་རྩི་རོ་གཅིག་པའི། །འོད་ཀྱིས་གཏོར་མགྲོན་སྤྱན་དྲངས་ནམ་མཁར་བཞུགས། །ཕེཾ་ཕེཾ་ཕེཾ། མ་ཧཱ་གུ་རུ་སརྦ་ཨི་དཾ་བྷ་ལིཾ་ཏ་ཁ་ཁ་ཁཱ་ཧི། ཨོཾ་ཤྲཱི་བཛྲ་བྷ་ར་ཧི་མ་ཧཱ་ཡོ་གི་ནི་ཨི་དཾ་བྷ་ལིཾ་ཏ་ཧཱུྃ་ཧ་ན་ཧཱུཾ་ཧ་ན་པཱུ་ཙ་ཧོ༔ ཨ་ཏི་ཀྲ་མ་ཐ། ས་མ་ཡ་ཁ་ཁ་ཁཱ་ཧི་ཁཱ་ཧི། གསུམ་དང་། །བཛྲ་ཌཱཀི་ནཱི་ཕོ། རཏྣ་ཊཱཀི་ནཱི་ཡེ། པདྨ་ཊཱཀི་ནཱི་ཝེ། ཀརྨ་ཊཱཀི་ནཱི་ཡེ། ས་མ་ཡ་ཌཀི་ནཱི་ཡེ། བྷི་ཤཱ་ཀི་ནཱི་པཾ། སརྦ་ཌཱཀི་ནཱི་ཕོ། ལོ་ཀྐ་ཊཱཀི་ནཱི་ཡེ། ཨི་དཾ་བྷ་ལིཾ་ཏ་གྷྲི་ཧ་ན་གྷྲི་ཧ་ན་པཱུ་ཛ་ཧོཿ ཨ་ཏི་ཀྲ་མ་ཐཱ། ས་མ་ཡ་ཁ་རྃ་ཁ་ཁ་ཁཱ་ཧི་ཁཱ་ཧི། གསུམ་དང་། བསྟོད་ཅིང་ཕྲིན་ལས་བཅོལ་བ་ནི། ཧཱུྃ། བཅོམ་ལྡན་རྡོ་རྗེ་ཕག་མོ་ནི། །འཇིག་རྟེན་གསུམ་པོ་ཟིལ་གནོན་ཅིང་། །ལོག་པར་ལྟ་བའི་ཚོགས་རྣམས་འཇོམས། །གཏུམ་ཆེན་རྡོ་རྗེ་མཁའ་འགྲོ་མ། །མཁའ་འགྲོ་མང་པོའི་ཚོགས་དང་བཅས། །མཆོད་སྦྱིན་གཏོར་མ་འདི་

[Full Size]

བཞེས་ལ། །ཞི་དང་རྒྱས་དང་དབང་དང་དྲག །འགུགས་དང་བསྐད་དང་གཟིར་བ་དང་། །ཕྲིན་ཐམས་ཅད་འགྲུབ་པར་མཛོད། །མཁའ་འགྲོ་མཉེས་པའི་མཆོད་པ་འདིས། །ཁྱོད་ཀྱི་ཐུགས་དམ་བསྐངས་གྱུར་ནས། །བདེ་ལེགས་ཐམས་ཅད་བདག་ལ་སྩོལ། །དེ་ནས་ཚོགས་བར་པས་བསྐང་གཏོར་གསོ། མེད་ན་ཕུགས་གཏོར་གསོ་བྲན་བྱས་ལ། བསྐང་བ་ནི། ཧཱུྃ། དག་སྣང་ཆོས་སྐུའི་གཞལ་ཡས་ནས། །རིགས་གཙོ་དཔལ་ལྡན་ཧེ་རུ་ཀ །རྩ་བར་བརྒྱུད་པའི་བླ་མ་རྣམས། །བཟོད་མེད་གདུང་ཤུགས་དྲག་པོ་ལས། །ཚོགས་དང་གཏོར་མས་ཐུགས་དམ་བསྐང་། །རང་བྱུང་ཨོ་རྒྱན་གཞལ་ཡས་ནས། །ཐུགས་རྗེ་ཁྲོས་མའི་ལྷ་ཚོགས་རྣམས། །བསྐྱེད་རྫོགས་ལྟ་སྤྱོད་ཏིང་འཛིན་དང་། །ཚོགས་དང་གཏོར་མས་ཐུགས་དམ་བསྐང་། །རྣམ་ཤེས་ཞེ་སྡང་གནས་དག་པའི། །ཁྲོས་མ་ནག་མོའི་ཐུགས་དམ་བསྐང་། །གཟུགས་ཕུང་གཏི་མུག་གནས་དག་པའི། །བདེ་ཆེན་དཀར་མོའི་ཐུགས་དམ་བསྐང་། །ཚོར་བ་ང་རྒྱལ་གནས་དག་པའི། །སེར་མོ་དོན་གྲུབ་ཐུགས་དམ་བསྐང་། །འདུ་ཤེས་འདོད་ཆགས་གནས་དག་པའི། །དམར་མོ་སྒྲ་སྒྲོགས་ཐུགས་དམ་བསྐང་། །

[Full Size]

འདུ་བྱེད་ཕྲག་དོག་གནས་དག་པའི། །སྣ་ཚོགས་མཐར་ཕྱིན་ཐུགས་དམ་བསྐང་། །ཁྲག་དང་ཆུ་ཁམས་གནས་དག་པའི། །རྡོ་རྗེ་མཁའ་འགྲོའི་ཐུགས་དམ་ཤ་རུས་ས་ཁམས་གནས་དག་པའི། །རིན་ཆེན་མཁའ་འགྲོའི་ཐུགས་དམ་བསྐང་། །དྲོད་དང་མེ་ཁམས་གནས་དག་པའི། །པདྨ་མཁའ་འགྲོའི་ཐུགས་དམ་བསྐང་། །དབུགས་དང་རླུང་ཁམས་གནས་དག་པའི། །ལས་ཀྱི་མཁའ་འགྲོའི་ཐུགས་དམ་བསྐང་། །རྟག་པར་ལྟ་བ་གནས་དག་པའི། །དམ་ཚིག་མཁའ་འགྲོའི་ཐུགས་དམ་བསྐང་། །ཆད་པར་ལྟ་བ་གནས་དག་པའི། །སྣ་ཚོགས་མཁའ་འགྲོའི་ཐུགས་དམ་བསྐང། །མཚན་མར་ལྟ་བ་གནས་དག་པའི། །ཐམས་ཅད་མཁའ་འགྲོའི་ཐུགས་དམ་ང་། །བདག་ཏུ་ལྟ་བ་གནས་དག་པའི། །འཇིག་རྟེན་མཁའ་འགྲོའི་ཐུགས་དམ་བསྐང་། །ཚོགས་བརྒྱད་རྟོག་པ་གནས་དག་པའི། །དུར་ཁྲོད་གནས་བརྒྱད་ཐུགས་དམ་བསྐང་། །ཡུལ་བརྒྱད་རྟོག་པ་གནས་དག་པའི། །དུར་ཁྲོད་བརྒྱད་ཀྱི་མཁའ་འགྲོའི་ཐུགས་དམ་བསྐང་། །ཕུང་ཁམས་སྐྱེ་མཆེད་གནས་དག་པའི། །ཁྲོས་མའི་དཀྱིལ་འཁོར་

[Full Size]

ལྷ་ཚོགས་རྣམས། །བསྐང་ངོ་མཆོད་དོ་ཐུགས་དམ་བསྐང་། །བདུད་རྩི་སྨན་གྱིས་ཐུགས་དམ་བསྐང་། །བྷ་ལིང་གཏོར་མས་ཐུགས་དམ་བསྐང་། །རཀྟ་དམར་གྱིས་ཐུགས་དམ་བསྐང་། །ཞལ་ཟས་ཚོགས་ཀྱིས་ཐུགས་དམ་བསྐང་། །ལྟ་བ་ཡངས་པས་ཐུགས་དམ་བསྐང་། །སྤྱོད་པ་ཞིབ་མོས་ཐུགས་དམ་བསྐང་། །ཐུགས་དམ་བསྐང་བའི་བྱིན་བརླབས་ཀྱིས་། །ཆག་ཆེན་ཉམ་ང་བཟློག་ཏུ་གསོལ། །མཆོག་དང་ཐུན་མོང་དངོས་གྲུབ་སྩོལ། །དེ་ནས་བཤགས་པ་ནི། ཧཱུྃ། གུ་རུ་ཌཱཀིའི་ཚོགས་རྣམས་བརྩེ་བས་དགོངས། །ཐོག་མེད་དུས་ནས་བདག་སོགས་འགྲོ་བ་རྣམས། །འཁྲུལ་པའི་དབང་གིས་སྒྲིབ་གཉིས་ཅི་བསགས་པ། །རབ་ཏུ་འགྱོད་པས་མཐོལ་བཤགས་བཟོད་པར་གསོལ། །ཨོཾ་ས་མ་ཡ། ཨཱཿས་མ་ཡ། ཧཱུྃ་ས་མ་ཡ། གུ་རུ་ཧ་རི་ནི་ས། ཨོཾ་གྷ་ན་ཙཀྲ་བཛྲ་ས་ཏྭ་ས་མ་ཡ་སོགས། ཡིག་བརྒྱ་བཟླའོ། །དེ་ནས་ཚོགས་དུམ་ལིངྒ་བྱས་ལ་ཁྲག་གིས་སྦག་ལ། ཧཱུྃ་བྷྱོ༔ ཁྲག་འཐུང་ཁྲོས་མའི་ཐུགས་ཀ་ནས། །ལས་ཀྱི་ཌཱཀིས་སྟོང་གསུམ་གང་། །གནོད་ཅིང་འཚེ་བའི་དགྲ་བགེགས་ཚོགས། །གང་ལ་བྱ་བ་ཁྱོད་ཀྱིས་ཤེས། །ཁུག་ཅིག་རྡོ་རྗེ་ལྕགས་ཀྱུ་མ། །ཆིངས་

[Full Size]

ཤིག་རྡོ་རྗེ་ཞགས་པ་མ། །སྡོམས་ཤིག་རྡོ་རྗེ་ལྕགས་སྒྲོག་མ། །མྱོས་པར་གྱིས་ཤིག་དྲིལ་བུ་མ། །ལྷ་དང་ཕྲོལ་ཅིག་ཕྲ་མེན་མ། །བདུད་དང་སྤྲོད་ཅིག་ཤ་ཟན་མ། །དབུགས་དང་ཕྲོལ་ཅིག་དབུགས་ལེན་མ། །རྣམ་ཤེས་སྤྱོར་ཅིག་ཌཀི་མ། །ཤ་རུས་གཏུབས་ཤིག་ཞིང་སྐྱོང་མ། །དྲག་པོའི་ཕྲིན་ལས་མྱུར་དུ་སྒྲུབས། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་ལོ་ཀ་ཌཱཀྐི་ནཱི་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ། ཅེས་ཕུར་པ་བཏབ་ལ་ལིང་རོ་ཤ་དུམ་བྷནྡྷར་བཅུག་ལ་གཏོར་མར་བསྟབ་ལ། ཧཱུྃ། འཇིགས་བྱེད་ཁྲོས་མའི་ལྷ་ཚོགས་རྣམས། །གནམ་ས་ཙམ་གྱིས་ཞལ་ཕྱེས་ལ། །གངས་རི་ཙམ་གྱིས་མཆེ་བ་གཙིགས། །གློག་དམར་ཙམ་གྱིས་ལྗགས་སྐྱོངས་ལ། །བདག་ལ་སྡང་བའི་དགྲ་དང་བགེགས། །ཚོགས་སུ་རོལ་ཅིག་མཁའ་འགྲོ་མ། །བཞེས་ཤིག་རོལ་ཅིག་ཁ་རཾ་ཁཱ་ཧི། །རྣམ་ཤེས་མཁའ་སྤྱོད་གནས་སུ་དྲོངས། འཁྲུལ་མེད་མངོན་སངས་རྒྱས་པར་མཛོད། །ཨ་ཧ་རི་ནི་ས་ཌཱཀྐི་ནི་དགྲ་བགེགས་ཀྱི་ཤ་ཁྲག་ལ་ཁཱ་ཧི། ཞེས་ལིང་རོ་བཟློག་གཏོར་རམ་གཏོར་མ་གསོས་ལ་བདུད་རྩིས་བྲན། དམར་

[Full Size]

གཏོར་བྲན་ལ་སྤྲོ་ན་འབུམ་བསྐུལ་བྱ་སྟེ། ཧཱུྃ། ཕྱོགས་ཕྱོགས་དག་ཀྱང་ཕ་ཀི་ན། །རི་བོ་ཆེན་པོའི་བྱང་ཕྱོགས་ན། །རྩུབ་གྱུར་ཚལ་གྱི་ནུབ་བྱང་ན། །རི་བོ་ཐམས་ཅད་རུས་པའི་རི། །ཆུ་རྣམས་ཐམས་ཅད་ཁྲག་དང་རྣག །རྩི་ཤིང་ཐམས་ཅད་མདའ་དང་མདུང་། །སྒྲ་སྐད་ཐམས་ཅད་སོད་དང་རྒྱོབ། །རབ་ཏུ་འཇིགས་པའི་གནས་མཆོག་དེར། །རིགས་ལྔའི་སངས་རྒྱས་བཞུགས་པའི་གནས། །ཕྱག་ན་རྡོ་རྗེ་འཇིགས་པའི་ས། །ཁྲོ་བཅུ་རྒྱུ་བར་མི་ནུས་པའི། །རབ་ཏུ་འཇིགས་པའི་གནས་མཆོག་དེར། །གཙོ་མཆོག་ཁྲོས་མ་དེ་ན་བཞུགས། །ཁྲོས་མ་རིགས་བཞི་དེ་ན་བཞུགས། །མཁའ་འགྲོ་སྡེ་བརྒྱད་དེ་ན་བཞུགས། །ཧཱུྃ། རྟོག་མེད་ཕག་མོའི་ཞལ་དུ་བྱུང་བ་ལས། །དོན་དམ་སྟོང་ཉིད་རྟོགས་པའི་མཁའ་འགྲོ་འབུམ། །དབུ་སྐྲ་དམར་ནག་སྤྲིན་ལྟར་གཏིབས་པ་ལ། །ཐུགས་རྗེ་ཆར་ལྟར་འབེབས་པའི་མཁའ་འགྲོ་འབུམ། །ཐོད་སྐམ་ལྔ་ཡིས་དབུ་ལ་བརྒྱན་པ་ལ། །རིགས་ལྔས་འགྲོ་དོན་མཛད་པའི་མཁའ་འགྲོ་འབུམ། །སྤྱན་གསུམ་སྡང་མིག་རབ་ཏུ་གཟིགས་པ་ལ། །དུག་གསུམ་རྩད་ནས་གཅོད་པའི་མཁའ་འགྲོ་འབུམ། །ཞལ་གྱི་ཁྲོ་གཉེར་ལྔ་དང་

[Full Size]

ལྡན་པ་ལ། །དུག་ལྔ་རང་སར་གྲོལ་བའི་མཁའ་འགྲོ་འབུམ། །ཞལ་གདངས་ལྗགས་ཀྱང་རབ་ཏུ་བསྐྱོད་པ་ལ། །སྤྲུལ་པ་གློག་ལྟར་འཁྱུགས་པའི་མཁའ་འགྲོ་འབུམ། །འཇིགས་པའི་མཆེ་བ་རབ་ཏུ་གཙིགས་པ་ལ། །སྐྱེ་འཆི་རྩད་ནས་གཅོད་པའི་མཁའ་འགྲོ་འབུམ། །དགྱེས་པའི་གད་མོ་ཧི་ཧི་བཞད་པ་ལ། །འཁོར་བ་སྐམ་སར་བྱེད་པའི་མཁའ་འགྲོ་འབུམ། །ཁྲོས་པའི་གད་མོ་ཧ་ཧ་རྒོད་པ་ལ། །བདུད་སྲིན་ཐལ་བར་བརླག་པའི་མཁའ་འགྲོ་འབུམ། །གཡས་ཀྱི་གྲི་གུག་རབ་ཏུ་འབར་བ་ལ། །སྲོག་གཅོད་དབུགས་ལེན་བྱེད་པའི་མཁའ་འགྲོ་འབུམ། །གཡོན་གྱི་ཐོད་ཁྲག་དམར་པོ་གསོལ་བ་ལ། །དམ་ཉམས་སྙིང་ཁྲག་འཇིབ་པའི་མཁའ་འགྲོ་འབུམ། །ཁ་ཊཾ་ག་ནི་རྩེ་གསུམ་བསྣམས་པ་ལ། །དུག་གསུམ་རྩད་ནས་གཅོད་པའི་མཁའ་འགྲོ་འབུམ། །ཐོད་པ་སྐམ་རློན་གསུམ་གྱིས་བརྒྱན་པ་ལ། །ཁམས་གསུམདབང་དུ་སྡུད་པའི་མཁའ་འགྲོ་འབུམ། །མཐིང་ནག་དར་གྱི་ཅོད་པན་འཕུར་བ་ལ། །སྲིད་གསུམ་རྩད་ནས་གཅོད་པའི་མཁའ་འགྲོ་འབུམ། །ཌ་རུ་གསེར་གྱི་དྲིལ་ཆུང་འཁྲོལ་བ་ལ། །སྙན་བརྒྱུད་གསང་སྤྱོད་འཛིན་པའི་

[Full Size]

མཁའ་འགྲོ་འབུམ། །དྲངས་ཤིང་ཡུ་བ་དཀར་པོ་འདྲིལ་བ་ལ། །ལྷ་མིན་གཡུལ་ངོ་ཟློག་པའི་མཁའ་འགྲོ་འབུམ། །སྙན་ཆ་མགུལ་རྒྱུན་རབ་ཏུ་མཛེས་པ་ལ། །ཡབ་ལ་བསྙེན་བཀུར་བྱེད་པའི་མཁའ་འགྲོ་འབུམ། །ཕྱག་རྒྱ་དྲུག་གིས་རབ་ཏུ་བརྒྱན་པ་ལ། །ཕ་རོལ་ཕྱིན་དྲུག་རྫོགས་པའི་མཁའ་འགྲོ་འབུམ། །གདུག་པ་སྦྲུལ་གྱིས་ག་ཤལ་མཛད་པ་ལ། །མཛེ་ནད་ཁྲག་སྐྱག་བཏང་བའི་མཁའ་འགྲོ་འབུམ། །ཐོད་རློན་ལྔ་བཅུས་དོ་ཤལ་བྱས་པ་ལ། །འདུ་བྱེད་ལྔ་བཅུ་དག་པའི་མཁའ་འགྲོ་འབུམ། །ང་རྒྱལ་སྟག་གི་ཤམ་ཐབས་བྱས་པ་ལ། །སྡིག་ཅན་ཟིལ་གྱིས་གནོན་པའི་མཁའ་འགྲོ་འབུམ། །གཅེར་བུ་སྐུ་གྲོལ་གར་ཐབས་བཞུགས་པ་ལ། །ལེགས་ཉེས་ཞལ་ལྕེ་གཅོད་པའི་མཁའ་འགྲོ་འབུམ། །གཡས་བསྐུམ་གཡོན་བརྐྱང་ཚུལ་དུ་བཞུགས་པ་ལ། །རྟོག་མེད་ཉམས་དང་ལྡན་པའི་མཁའ་འགྲོ་འབུམ། །མེ་རི་མེ་དཔུང་དབུས་ན་བཞུགས་པ་ལ། །ཐ་དད་རྟོག་པ་བསྲེགས་པའི་མཁའ་འགྲོ་འབུམ། །རྟོག་མེད་རོ་ཡི་གདན་ལ་བཞུགས་པ་ལ། །དུར་ཁྲོད་ཤ་ལ་རོལ་བའི་མཁའ་འགྲོ་འབུམ། །སྐུ་མདོག་མཐིང་ནག་རབ་ཏུ་རྔམས་པ་ལ། །གཏི་མུག་རྩད་

[Full Size]

ནས་གཅོད་པའི་མཁའ་འགྲོ་འབུམ། །སྐུ་སྤྲུལ་མཁའ་འགྲོ་འབུམ་ཚོ་ཉི་ཤུ་དྲུག །མཁའ་འགྲོའི་བརྡ་སྐད་དི་རི་རི། །དམར་གྱི་གཏོར་མ་འདི་བཞེས་ལ། །དོ་ནུབ་སྡང་བའི་དགྲ་ལ་ཡ། །བར་ཆད་བྱེད་པའི་བགེགས་ལ་ཡ། །སྐུ་མདོག་དཀར་མོ་རབ་ཏུ་འཚེར་བ་ལས། །ཞེ་སྡང་རྩད་ནས་གཅོད་པའི་མཁའ་འགྲོ་འབུམ། །སྐུ་མདོག་སེར་མོ་རབ་ཏུ་མཛེས་པ་ལ། །ང་རྒྱལ་རྩད་ནས་གཅོད་པའི་མཁའ་འགྲོ་འབུམ། །སྐུ་མདོག་དམར་མོ་མདངས་དང་ལྡན་པ་ལ། །འདོད་ཆགས་རང་སར་གྲོལ་བའི་མོཁའ་འགྲོ་འབུམ། །སྐུ་མདོག་ལྗང་གུ་རབ་ཏུ་བརྗིད་པ་ལ། །ཕྲག་དོག་རྩད་ནས་གཅོད་པའི་མཁའ་འགྲོ་འབུམ། །ཤར་གྱི་ཕྱོགས་ཀྱི་དུར་ཁྲོད་ནས། །རྡོ་རྗེ་རིགས་ཀྱི་མཁའ་འགྲོ་འབུམ། །ལྷོ་ཡི་ཕྱོགས་ཀྱི་དུར་ཁྲོད་ནས། །རིན་ཆེན་རིགས་ཀྱི་མཁའ་འགྲོ་འབུམ། །ནུབ་ཀྱི་ཕྱོགས་ཀྱི་དུར་ཁྲོད་ནས། །པདྨ་རིགས་ཀྱི་མཁའ་འགྲོ་འབུམ། །བྱང་གི་ཕྱོགས་ཀྱི་དུར་ཁྲོད་ནས། །ལས་ཀྱི་རིགས་ཀྱི་མཁའ་འགྲོ་འབུམ། །ཤར་ལྷོའི་ཕྱོགས་ཀྱི་དུར་ཁྲོད་ནས། །དམ་ཚིག་རིགས་ཀྱི་མཁའ་འགྲོ་འབུམ། །ལྷོ་ནུབ་ཕྱོགས་ཀྱི་དུར་

[Full Size]

ཁྲོད་ནས། །སྣ་ཚོགས་རིགས་ཀྱི་མཁའ་འགྲོ་འབུམ། །ནུབ་བྱང་ཕྱོགས་ཀྱི་དུར་ཁྲོད་ནས། །ཐམས་ཅད་རིགས་ཀྱི་མཁའ་འགྲོ་འབུམ། །བྱང་ཤར་ཕྱོགས་ཀྱི་དུར་ཁྲོད་ནས། །འཇིག་རྟེན་རིགས་ཀྱི་མཁའ་འགྲོ་འབུམ། །འཁོར་གྱི་མཁའ་འགྲོ་འབུམ་ཚོ་ལྔ་བཅུའི་ཚོགས། །མཁའ་འགྲོའི་བརྡ་སྐད་དི་རི་རི། །དམར་གྱི་གཏོར་མ་འདི་བཞེས་ལ། །དོ་ནུབ་སྡང་བའི་དགྲ་ལ་ཡ། །བར་ཆད་བྱེད་པའི་བགེགས་ལ་ཡ། །དམ་ཉམས་དགྲ་བོ་འདུལ་བའི་དུས་ལ་བབ། །བར་ཆད་བགེགས་རྣམས་ཟློག་པའི་དུས་ལ་བབ། །ཅེས་བསྐུལ་ལོ། །ཐབས་ཤེས་ཀྱི་རྫས་རྣམས་དྲངས་ཤིང་། ཀྱེ། དཔའ་བོ་ཆེན་པོ་དགོངས་སུ་གསོལ། །འདིར་ནི་ཆོས་རྣམས་བཟང་པོ་སྟེ། །འདུས་པ་རྣམས་ཀྱི་ཐེ་ཚོམ་བྲལ། །བྲམ་ཟེ་ཁྱི་དང་གདོལ་པ་ཕག །རང་བཞིན་གཅིག་ཏུ་དགོངས་ཏེ་རོལ། །པད་ཀོར་གྱིས་བླངས་ཏེ། ཨ་ཧོ་མ་ཧཱ་སུ་ཁ། ཞེས་ལོངས་སྤྱོད་ནས་ལྷག་མ་བྲན་ལ། ཨོཾ་ཨཱཿཧཱུྃ་ཧ་ཧོཿཧྲཱིཿ ལྷག་གཏོར་འདོད་ཡོན་ཟད་མི་ཤེས་པར་གྱུར། ཧཱུྃ། ཕྱི་རོལ་དུར་ཁྲོད་ཆེན་པོའི་གནས་བརྒྱད་ནས། །མཁའ་འགྲོ་ཤུགས་འགྲོ་ཞིང་སྐྱོང་ཕྲ་མེན་མ། །དབང་ཕྱུག་གིང་དང་ལངྐ་མ་མོའི་ཚོགས། །

[Full Size]

ནམ་མཁའི་ལུས་ཅན་གར་ཡང་ཐོགས་མེད་ཅིང་། །འདོད་དགུར་སྒྱུར་བའི་གཟུགས་ཅན་འཕྲུལ་མོ་ཆེ། །རབ་ཏུ་འཇིགས་ཤིང་རྔམ་བྱེད་སྲིན་མོའི་ཚོགས། །ཤ་ཟ་ཁྲག་འཐུང་རུས་འཆའ་ལས་བྱེད་མ། །མྱུར་མགྱོགས་རྫུ་འཕྲུལ་སྟོབས་ལྡན་དབང་མོ་ཆེ། །སྣ་ཚོགས་ལས་མཛད་སྤྲུལ་པ་འཁོར་དང་བཅས། །དཔལ་གྱི་ཕ་འབབ་ལྷག་གཏོར་འདི་བཞེས་ལ། །ཞི་རྒྱས་དབང་དང་མངོན་སྤྱོད་ལ་སོགས་པའི། །ཇི་ལྟར་ནུས་པའི་ཕྲིན་ལས་སོ་སོར་མཛོད། །ཨོཾ་ཨུཙྪི་ཊ་སརྦ་ཌཀྐི་ནཱི་པྲ་ཏི་ཛ་བྷ་ལིཾ་ཏ་ཁ་ཁ་ཁཱ་ཧི། ཞེས་ཕྱིར་དོར། ཚོགས་ལྷག་ལ་སྔགས་འདིས་ཆོག །འདིར་དཀར་གཏོར་བསྔོ། དེ་ནས་ཐུན་གཏོར་བྲན་ཏེ། དམར་གཏོར་སྔོན་མ་དེས་ཀྱང་ཆོག །ན་མོ། དཀོན་མཆོག་གསུམ་དང་རྩ་བ་གསུམ། །ཐུགས་རྗེ་ཁྲོས་མའི་ལྷ་ཚོགས་བདེན་པའི་མཐུས། །བསྟན་པའི་སྤྱི་དགྲ་རྣལ་འབྱོར་སྒོས་དགྲ་དང་། །བདག་དང་བསྲུང་བྱ་ལ་གནོད་གདོན་བགེགས་རྣམས། །གཏོར་མ་འདི་ལ་ཛཿཧཱུྃ་བྃ་ཧོཿས་ཁུག །སྙིང་དབུས་མཚོན་ཆའི་འཁོར་ལོས་དམར་ཉིལ་གཏུབ། །ཤ་ཁྲག་ཊཱཀིས་གསོལ་ལ་རྣམ་ཤེསཾ་སྤོར། །ཕྲིན་ལས་ཐོགས་མེད་འགྲུབ་པའི་ལས་མཛོད་ཅིག །ཨ་ཧ་རི་ནི་ས་

[Full Size]

ཊཱཀྐི་ནཱི་དགྲ་བགེགས་ཀྱི་ཤ་ཁྲག་ལ་ཁ་ཁཱ་ཧི་ཁཱ་ཧི། ལས་ལ་བསྐུལ་བ་ནི། ཧཱུྃ། རང་བཞིན་གདོད་ནས་ཅི་ཡང་མ་གྲུབ་ཀྱང་། །འགག་མེད་རིག་པའི་རྩལ་ཀ་ཡི། །སྙོམས་བྱེད་སྐུ་ལ་བསྟོད་པ་ནི། །ཧཱུྃ། རང་བཞིན་མཚན་མོ་ནམ་མཁའི་དབྱིངས། །རུས་པའི་རྒྱན་དྲུག་གསོལ་བ་ནི། །རྒྱུ་སྐར་མང་པོའི་ཚོགས་ཀྱིས་སྐོར་སྙམ་བྱེད། །ཧཱུྃ། གྲི་གུག་ཕྱོགས་བཞིར་ཕྱར་བ་ལས། །ཁམས་གསུམ་ཁྲོས་མས་གང་སྙམ་བྱེད། །ཧཱུྃ། བྷནྡྷ་རཀྟས་བཀང་བ་ཡི། །རི་ལུང་ཁྲག་གིས་གང་སྙམ་བྱེད། །ཕྱག་མཚན་གྲི་གུག་ཕྱར་བ་ལས། །བར་སྣང་མཚོན་ཆས་གང་སྙམ་བྱེད། །གླང་ཆེན་ཀོ་རློན་སྤྲུགས་པ་ལས། །གནམ་ས་ལྟོ་བར་སྦྱོར་སྙམ་བྱེད། །ཧཱུྃ། ཞལ་གདངས་ཕཊ་ཀྱི་སྒྲ་སྒྲོགས་པས། །ཟགདོན་བགེགས་འབྱུང་པོ་བསྒྲལ་སྙམ་བྱེད། །ཧཱུྃ། སྤྱན་རྩ་དམར་ཞིང་འཁྲུགས་པ་ལས། །ཉི་ཟླ་ཕྱོགས་བཅུར་རྒྱུག་སྙམ་བྱེད། །ཧཱུྃ། དབུ་སྐྲ་དམར་པོ་གཅིག་ཅིང་བཀྲམ་པ་ལས། །ལྷོ་སྤྲིན་སྨུག་པོ་འཐིབ་སྙམ་བྱེད། །ཧཱུྃ། ཕག་གདོང་ནག་པོ་ངུར་བ་ལས། །བརྒྱལ་ནད་སྨྱོ་འབོག་གཏོང་སྙམ་བྱེད། །ཧཱུྃ། མི་མགོའི་ཕྲེང་བ་ཆེན་པོ་འཁྲོལ་བ་

[Full Size]

ལས། །བྲག་རི་གནམ་ས་སྟོང་སྙམ་བྱེད། །ཧཱུྃ། གར་ཐབས་ཞབས་ནི་བརྡབ་པ་ལས། །ས་གཞི་རི་བོ་གཏིབ་སྙམ་བྱེད། །ཧཱུྃ། སྡེ་བརྒྱད་མཁའ་འགྲོས་བསྐོར་བ་ལས། །སྟོང་གསུམ་གཡོ་ཞིང་འཁྲུགས་སྙམ་བྱེད། །ཧཱུཾ། གཟི་བརྗིད་ཆེན་པོ་འོད་དུ་འབར་བ་ལས། །བསྐལ་པའི་མེ་ཆེན་འབྱུང་བར་སྐམ་སྙམ་བྱེད། །རྣལ་འབྱོར་གུས་པས་ཕྱག་འཚལ་བསྟོད། །འབུལ་ལོ་དམར་ཆེན་གཏོར་མ་འབུལ། །བསྐུལ་ལོ་ཁྲོ་གཏུམ་ནག་མོའི་ཚོགས། །བཅོལ་བའི་ཕྲིན་ལས་འགྲུབ་པར་མཛོད། །འདི་གཏོར་བསྐུལ་ཡིན་ཀྱང་ནད་པ་སོགས་བསྐུལ་འདིས་གཏོར་རྒྱག་བྱའོ། །ཆད་མདོ་བརྟན་སྐྱོང་ཡང་དེ་ཉིད་ལ་འདོན་རུང་སྟེ། བདུད་རྩིས་བྲན་ལ། ཧཱུྃ། དགུང་སྔོན་རྩེ་སྟེང་གངས་རིའི་ཡང་རྩེ་དང་། །སྤང་ལྗོངས་སྐྱེད་མོས་ཚལ་དང་ནགས་འདབ་དང་། །ཕྱོགས་མཚམས་སྟེང་འོག་དག་ན་གང་གནས་དང་། །བོད་ཁམས་སྐྱོང་བའི་བརྟན་མ་བཅུ་གཉིས་ཀྱིས། །སློབ་དཔོན་པདྨའི་སྤྱན་སྔར་ཁས་བླངས་བཞིན། །རང་རང་གནས་ནས་འདིར་བྱོན་མཆོད་གཏོར་བཞེས། །རྣལ་འབྱོར་བདག་གིས་འཁོར་སྲུང་རྐྱེན་ངན་ཟློག །བཀའ་བཞིན་ཕྲིན་ལས་གཉེན་པོ་འགྲུབ་

[Full Size]

པར་མཛོད། །དེ་ནས་དཔལ་འབར་བཙུགས་ལ་གོམ་པ་བདུན་གྱིས་སར་བཏེག་ལ་བདུད་རྩིས་བྲན་ལ། ཧཱུྃ། སྲིན་མོ་ཟ་ལམ་བདུན་ཅུ་འདས་པའི་ཕ་རོལ་ན། །དཔག་ཚད་བརྒྱད་ཁྲི་བཞི་སྟོང་ནས། །དུར་ཁྲོད་ཆེན་པོའི་གནས་བརྒྱད་ནས། །ཁྲོ་མོའི་གཏོར་ལེན་གཤེགས་སུགསོལ། །ཧཱུྃ། སྒྲུབ་མཆོག་བདག་གིས་རྔ་ཆེན་བརྡུང་བ་ཡི། །ཐོད་པ་ལྟག་སྤྲོད་ལས་ཀྱི་ཕྱག་རྒྱ་ལས། །ཞིང་ཆེན་ཞིང་ཆུང་བསྒྲལ་བའི་ཤུན་པས་གཡོགས། །སྐྱེས་བུ་ཆེན་པོའི་ལག་པ་གཡས་པ་ཡིས། །མི་རྐང་སེར་པོའི་ཕོ་རྡོས་བསྐོར་ཞིང་བརྡུང་། །མ་མོ་མཁའ་འགྲོའི་ཚོགས་རྣམས་གཤེགས་སུ་གསོལ། །དམ་རྫས་གཏོར་མ་དམར་གྱི་ཨརྒས་བརྒྱན། །དམར་གྱིས་དྲི་ལ་སྣོམ་ཞིང་གཤེགས་སུ་གསོལ། །གསལ་བའི་སྒྲོན་མེ་ཡེ་ཤེས་སྤྱན་གྱི་ཡུལ། །མེ་ཡི་འོད་ལ་གཟིགས་ཏེ་གཤེགས་སུ་གསོལ། །དམ་རྫས་བདུད་རྩི་དམ་ཚིག་གཉན་གྱི་ཆུ། །དམ་ཚིག་གཉེན་པོ་དགོངས་ཏེ་གཤེགས་སུ་གསོལ། །ཧཱུྃ། མཁའ་འགྲོའི་གཏོར་ལེན་ཕོ་ཉའི་ཚོགས། །གཏོར་མ་ལེན་ཕྱིར་གཤེགས་སུ་གསོལ། །རིགས་བཞི་མཁའ་འགྲོའི་གཏོར་ལེན་མ། །ཕྱོགས་བཞིའི་གནས་ནས་གཤེགས་སུ་

[Full Size]

གསོལ། །དཀར་སེར་དམར་ལྗང་གཤོག་པ་ཅན། །ལག་ན་རིན་ཆེན་གཞོང་པ་ཐོགས། །རིགས་བཞིས་འགྲོས་ཀྱིས་གཤེགས་སུ་གསོལ། །དམ་རྫས་གཏོར་མ་འདི་ལོངས་ལ། །རིགས་བཞིའི་མཁའ་འགྲོའི་སྐག་སྒྱུར་ཅིག །ཕྱོགས་བཞིའི་གདོན་ཚོགས་བཟློག་ཅིང་སྒྱུར། །རྣལ་འབྱོར་བདག་ཅག་འཁོར་བཅས་ཀྱིས། །ནད་དང་གདོན་དང་བར་ཆད་ཟློག །ཚེ་དང་དབང་ཐང་རྒྱས་པར་སྤེལ། །བཅོལ་བའི་ཕྲིན་ལས་འགྲུབ་པར་མཛོད། །རིགས་བཞིའི་གཤོག་པ་བརྡབས་པ་ཡིས། །དཔག་ཚད་བརྒྱད་ཁྲི་བཞི་སྟོང་ཡང་། །སྐད་ཅིག་ཡུད་ཀྱིས་བསྒྲོད་པར་བྱེད། །གཏོར་མ་ཁྱེར་ལ་གནས་སུ་གཤེགས། །ཞེས་ཟ་ལམ་ཟློག་སྒྱུར་བྱས་ནས། གཏོར་ལེན་རྣམས་ཀྱི་གཏོར་མའི་བཅུད་ཁྱེར་བའི་མཁའ་འགྲོའི་གནས་སུ་མཆོད་པའི་སྤྲིན་ཕུང་དུ་གྱུར་ནས། ལྷག་མ་མེ་དཔུང་དང་མཚོན་ཆའི་ཆར་དུ་གྱུར་པར་བསམས་ལ། ཧཱུྃ། དམར་གྱི་གཏོར་མ་ཆེན་པོ་འདི། །མཁའ་འགྲོ་དམ་ཅན་མཆོད་པའི་རྫས། །དགྲ་བགེགས་དམ་སྲི་བསྒྲལ་བའི་མཚོན། །ནད་དང་རིམས་ཀྱི་ན་བུན་འཐུལ། །མཚོན་དང་ཐུན་གྱི་ཆར་དུ་འབེབས། །བསྟན་པ་བཤིག་པའི་དགྲ་བགེགས་ལ། །

[Full Size]

མཚོན་གྱི་བསྐལ་པ་དེ་ལ་ཕོབ། །ནད་དང་རིམས་ནད་དེ་ལ་ཕོབ། །ཐུན་ཁྲག་སྔགས་ཟོར་དེ་ལ་རྒྱོབ། །སྡང་བའི་དགྲ་ལ་གཏོར་ཟོར་རྒྱོབ། །གནོད་པའི་བགེགས་ལ་གཏོར་ཟོར་རྒྱབ། །བར་ཆད་བདུད་ལ་གཏོར་ཟོར་རྒྱོབ། །ཕུང་བའི་སྲི་ལ་གཏོར་ཟོར་རྒྱོབ། །ཟ་བའི་འདྲེ་ལ་གཏོར་ཟོར་རྒྱོབ། །དགྲ་བགེགས་ཐལ་བ་རྡུལ་དུ་རློགས། །རྩ་སྔགས་མཇུག་ཏུ། དགྲ་བགེགས་མཱ་ར་ཡ་ཧཱུྃ་ཕཊ། ཅེས་ཟོར་དུ་འཕང་བའམ་དམིགས་པའི་ཕྱོགས་སུ་བསྐྱལ་ལོ། །སླར་སྤྲོ་ན་གཏོར་གཞོང་ཆང་གིས་བཤལ་ལ། ཨོཾ་ཨཱཿཧཱུྃ་བཛྲ་ཨ་མྲྀ་ཏ་ཧཱུྃ་ཧྲཱིཿཋཱ། ཞེས་བདུད་རྩིར་བྱིན་གྱིས་བརླབས་ལ་སླར་ཡང་བརྟན་མ་མཆོད་དོ། །དེ་ནས་གཏོར་གཞོང་ཁ་སྦུབ་ལ། ཧཱུྃ། ཐུགས་རྗེ་ཁྲོས་མའི་གཟི་བརྗིད་ཀྱིས། །བགེགས་དང་དམ་སྲི་བར་ཆད་རྣམས། །རི་རབ་ཆེན་པོའི་འོག་ཏུ་མནན། །ཌཀི་སྡེ་ལྔའི་བྲོ་ར་བཙུགས། །དཔའ་བོའི་བྲོ་རྡུང་ཁྲིགས་སེ་ཁྲིག །དཔའ་མོའི་གར་བྱེད་ཁྱུགས་སེ་ཁྱུག །ཡེ་ཤེས་ལྔ་ཡི་བྲོ་བརྡུང་བས། །དུག་ལྔའི་ཕུང་པོ་གཏན་ནས་བརླག །བདུད་དགྲ་ཐལ་བ་རྡུལ་དུ་རློགས། །ཨོཾ་ལཾ་ཨ་ལཾ་ཧཱུྃ་ལཾ་སྟྭཾ་བྷ་ཡ་ནན། རྗེས་ཆོག་ནི། ཧཱུྃ། ཐུགས་རྗེ་ཁྲོས་མའི་ལྷ་ཚོགས་འཁོར་བཅས་ལ། །དངོས་

[Full Size]

འབྱོར་ཡིད་སྤྲུལ་ཕྱི་ནང་གསང་མཆོད་འབུལ། །བསྟོད་དབྱངས་ཡན་ལག་རྒྱ་མཚོས་རབ་ཏུ་བསྟོད། །ཆོ་ག་ལྷག་ཆད་འགལ་འཁྲུལ་བཟོད་པར་བཞེས། །རང་གནས་གཤེགས་སམ་རྟེན་ལ་བརྟན་པར་བཞུགས། །མདུན་བསྐྱེད་དམ་ཚིག་རང་ཐིམ་རང་ཉིད་ཀྱང་། །མཐའ་ནས་དབུས་ཡལ་མི་དམིགས་སྟོང་ཉིད་གྱུར། །དགེ་བས་མཆོག་ཐུན་དངོས་གྲུབ་མྱུར་ཐོབ་ནས། །བདེ་ལེགས་ཕུན་སུམ་ཚོགས་པའི་བཀྲ་ཤིས་ཤོག །ཉང་ལུགས་ལྷ་གྲངས་བཅུ་གསུམ་ཡིན། །སེར་མ་སྐྱུར་ན་ཇོ་མོའི་ལུགས། །དམ་པ་ཨོ་རྒྱན་བསྒྱུར་ཁ་ཡིན། །ཐམས་ཅད་འདོན་པ་རྒྱས་པ་སྟེ། །དང་པོ་མཆོད་བཞི་བྱས་ནས་ཀྱང་། །ཕྱི་མཆོད་ཁོ་ན་རྗེས་ནས་བྱ། །བསྟོད་པ་གཞན་དང་འབུམ་བསྐུལ་སྒྱུར། །དེ་ནི་འབྲིང་པོ་འདོན་ལུགས་ཡིན། །བདག་བསྐྱེད་ཁོ་ན་བསྡུས་པ་སྟེ། །དེ་ལ་ཚོགས་འཁོར་སྦྱར་ཡང་རུང་། །ཡི་དམ་གཞན་གྱི་ཁོག་ཕུབ་ན། །བདུད་རྩི་བྱིན་རླབས་སྔོན་འགྲོ་སྐྱུར། །རྒྱུན་དུ་གཏོར་འབུལ་མེད་ཀྱང་ཆོག །བསྙེན་དུས་བདག་བསྐྱེད་གཏོར་བསྔོས་སྦྱར། །སྒྲུབ་དུས་མདུན་བསྐྱེད་བསྙེན་པ་བྱ། །དུས་བཟང་མཆོད་པ་ཚོགས་ལས་བྱ། །ལས་སྦྱོར་བསྐུལ་དང་ཟོར་ལས་བྱ། །ཚིག་ཉུང་དོན་འདུས་ཁྱེར་བདེ་འདི། །གཅོད་ཡུལ་ཉམས་ལེན་སྤྲོ་རྣམས་ལ། །ཕན་པར་བསམས་ནས་འབད་པས་བྲིས། །ཉེས་འགལ་ཆོས་བདག་རྣམས་ལ་

[Full Size]

བཤགས། །དགེ་བས་ནམ་ཞིག་ཚེ་འཕོས་ཚེ། །མཁའ་འགྲོས་བདེ་ཆེན་ཞིང་ཁྲིད་ཤོག །ཅེས་པ་འདི་ཉིད་རཱ་ག་ཨ་སྱས་བསྒྲིགས་པའོ། །ཡུམ་ཆེན་ཌཱཀྐིའི་གོ་འཕང་མྱུར་ཐོབ་ཤོག །སརྦ་མངྒ་ལཾ། དགེའོ།། །། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཁྲོས་མའི་སྒྲུབ་ཐབས་ཆོ་ག་དངོས་གྲུབ་གཏེར་མཛོད་ལས་སྨད་ལས་དགྲ་བགེགས་ཚར་གཅོད་གནམ་ལྕགས་ཐོལ་མདེལ།

[Full Size]

ཁྲོས་མའི་སྒྲུབ་ཐབས་ཆོ་ག་དངོས་གྲུབ་གཏེར་མཛོད་ལས་སྨད་ལས་དགྲ་བགེགས་ཚར་གཅོད་གནམ་ལྕགས་ཐོལ་མདེལ་བཞུགས་སོ༔

[Full Size]

མ་གཅིག་ཁྲོས་མ་ནག་མོ་ལ་ཕྱག་འཚལ་ལོ༔ ཚོགས་ཕུད་གྷ་ན་ཙཀྲ་སོགས་ཡིག་བརྒྱ་སོང་བའི་རྗེས་སུ་འདིར་གཏོར་ཟློག་བྱེད་པར་འདོད་ན༔ ལྕགས་སམ་དྲག་པོའི་སྣོད་ནང་དུ༔ མདོས་གདན་གྲུ་བཞི་གཉིས་བརྩེགས་སྟེང་༔ གཙོ་མོའི་གཏོར་མ་ཟུར་གསུམ་ཆེ་བ་ཕག་མགོས་མཚན་པ་ལ༔ རྩོང་ཉེར་གཅིག་གམ་དབུ་ཕྱག་གི་གྲངས་དང་ལིང་དང་ཤ་ཁྲག་གིས་བརྒྱན་པ༔ ནང་གི་གྲུ་བཞི་ལ་བཞི༔ གཉིས་པ་ལ་བཞི་དང་གཙོ་འཁོར་དགུའམ་བཅུ་གང་ཡིན་མཐར་མཐེབ་སྐུ་ཤ་དུམ་དང་རྩང་ཉེར་བརྒྱད་ཀྱིས་བསྐོར༔ སྟེང་དུ་དར་ནག་གི་གདུགས་ཕུབ་ལ་བཤམས་ཁྲག་གི་ཨགྷཾ་སོགས་ཀྱི་མཆོད་པ་སྣ་བདུན་བཤམས༔ མཁའ་འགྲོ་འབུམ་བསྐུལ་གཏོར་ཆུང་བར༔ མདུན་དུ་ལྕགས་སྣོད་ནང་དུ་ལིངྒ་ཆེ་བ་གཅིག་དང་༔ ཕུར་པ་

[Full Size]

གྲི་གུག་ཐུན་རྫས་རྣམས་དང་༔ བསྒྲལ་ཆས་དང་ཉེར་མཁོའི་ཡོ་བྱད་བཤམས་ལ༔ ཆུ་གཙང་གིས་བྲན༔ རྐང་གླིང་དང་རོལ་མོ་རྣམས་སྒྲོག་ལ་འདི་སྐད་དོ༔ ཕཊཿ རང་ཉིད་ཁྲོས་མར་གསལ་བའི་མདུན་དུ༔ ཨེ་ལས་ལྕགས་ཁང་ནག་པོ་ཁ་རུབ་ལ་གཏིང་ཟབ་པ༔ བང་རིམ་གསུམ་པ༔ ཁྲག་མཚོ་ཁོལ་ཞིང་མཚོན་ཆའི་ཆར་འབེབས་པ༔ ཕོ་ཉ་དྲེགས་པ་ཅན་རྡུལ་ལྟར་འཚུབ༔ དེའི་དབུས་སུ་ནིཾཏྲིའི་འཕྲོ་འདུ་ལས༔ དམ་ཉམས་པའི་དགྲ་བགེགས་གཟུགས་ཕུང་མྱ་ངན་ལུས་ཁམས་ཡོངས་སུ་སྨྲེ་སྔགས་འདོན༔ སྐུ་གཟེང་བ༔ ཡན་ལག་བཅིང་ཞིང་སྡོམ་པ་ཞིག་ཏུ་གྱུར༔ དེ་ནས་འགུགས་གཞུག་བྱ་བ་

[Full Size]

ནི༔ ཛཿ ན་མོ༔ དཀོན་མཆོག་གསུམ་དང་རྩ་བ་གསུམ༔ ཐུགས་རྗེ་ཁྲོས་མའི་ལྷ་ཚོགས་བདེན་པའི་མཐུས༔ བསྟན་པའི་སྤྱི་དགྲ་རྣལ་འབྱོར་སྒོས་དགྲ་དང་༔ བདག་དང་བསྲུང་བྱ་ལ་གནོད་དགྲ་དང་བགེགས༔ ཕོ་གདོན་མོ་འདྲེ་གསོན་བདུད་ཤི་གཤེད་དང་༔ ལྟས་ངན་མ་རུངས་ཐན་ལྟས་གཏོང་བ་རྣམས༔ གནོད་བྱེད་འདྲེ་གདོན་སྲི་ཡི་རིགས་རྣམས་ཀུན༔ ལིང་ག་འདི་ལ་ཛཿཧཱུྃ་བྃ་ཧོཿས་ཁུག༔ དེ་ནས་ཚོགས་ལིང་ཡིན་ན་ཚོགས་དུམ་ཤ་ཁྲག་གིས་སྦག་ལ༔ ཧཱུ་བྷྱོ༔ མ་ཁྲག་འཐུང་ཁྲོས་མའི་ཐུགས་ཀ་ནས༔ ལས་ཀྱི་ཌཱཀྐིས་སྟོང་གསུམ་གང་༔ གནོད་ཅིང་འཚེ་བའི་དགྲ་བགེགས་ཚོགས༔ གུང་ལ་བྱ་བ་ཁྱོད་ཀྱིས་ཤེས༔ ཁུག་ཅིག་རྡོ་རྗེ་ལྕགས་ཀྱུ་མ༔ ཆིངས་ཤིག་རྡོ་རྗེ་ཞགས་པ་མ༔ སྡོམས་ཤིག་རྡོ་རྗེ་ལྕགས་སྒྲོག་མ༔ མྱོས་པར་གྱིས་ཤིག་དྲིལ་བུ་མ། ལྷ་དང་ཕྲོལ་ཅིག་ཕྲ་མེན་མ༔ བདུད་དང་སྤྱོད་ཅིག་ཤ་ཟ་མ༔ དབུགས་དང་ཕྲོལ་ཅིག་དབུགས་ལེན་མ༔ རྣམ་ཤེས་སྤོར་ཅིག་ཌཱཀྐི་མ༔ ཤ་རུས་ཕྱེས་ཤིག་ཞིང་སྐྱོང་མ༔ དྲག་པོའི་ཕྲིན་ལས་མྱུར་འགྲུབ་མཛོད༔ དེ་ནས་གྲི་གུག་ཐོགས་ལ༔ ཧཱུྃ་བྷྱོ༔ ང་ནི་ཁྲོས་མ་ནག་མོའི་སྐུ༔ ཕྱག་ན་སྲོག་གཅོད་

[Full Size]

གྲི་གུག་བསྣམས༔ ཡར་རྩེ་རྡོ་རྗེ་རྩེ་ལྔ་ནི༔ ཡེ་ཤེས་ལྔ་ལྡན་དུག་ལྔ་སྒོལ༔ ཆང་བཟུང་ཆུ་སྲིན་རྒྱ་མདུད་འདི༔ འཁོར་འདས་གཅིག་ཏུ་འདུ་འཁོར་འདས་གཅིག་ཏུ་འདུས་པ་ཡིན༔ མར་གྱི་ཟངས་གྲི་འབར་བ་འདི༔ སྲིད་པའི་འདྲེ་གདོན་སྐྱེ་ཤི་གཅོད༔ བཏབ་ན་ལྷ་ཡང་རླག་པར་བྱེད༔ དགྲ་དང་བགེགས་ལ་སྨོས་ཅི་དགོས༔ ཡེ་ཤེས་ཌཱཀྐིའི་བཀའ་བྱུང་གིས༔ ལས་ཀྱི་མཁའ་འགྲོས་ལས་མཛོད་ཅིག༔ དགྲ་བགེགས་སྲོག་ལ་མཱ་ར་ཡ༔ ཨོཾ་བཛྲ་བྷ་ར་ཧི་ཀྲོ་ཏི་ཀཱི་ལི་ཧ་རི་ནི་ས་ལོ་ཀ་ཌཱཀྐི་ནཱི་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊཿ ཅེས་ཕུར་པ་བཏབ་ལ་ལིང་རོ་ཤ་དུམ་བྷནྡྷའི་སྣོད་དུ་བླུགས་ལ་གཏོར་མར་བསྟབ༔ ཧཱུྃ་བྷྱོཿ འཇིགས་བྱེད་ཁྲོས་མའི་ལྷ་ཚོགས་རྣམས༔ གནམ་ས་ཙམ་གྱི་ཞལ་ཕྱེས་ལ༔ གངས་རི་ཙམ་གྱི་མཆེ་བ་གཙིགས༔ གློག་དམར་ཙམ་གྱི་ལྗགས་བརྐྱང་ལ༔ བདག་ལ་སྡང་བའི་དགྲ་དང་བགེགས༔ ཚོགས་སུ་རོལ་ཅིག་ཁྲོས་མའི་ཚོགས༔ བཞེས་ཤིག་རོལ་ཅིག་མཁའ་འགྲོ་མ༔ རྣམ་ཤེས་མཁའ་སྤྱོད་གནས་སུ་དྲོངས༔ འཁྲུལ་མེད་མངོན་སངས་རྒྱས་པར་མཛོད༔ ཨོཾ་བཛྲ་བྷ་ར་ཧི་ཀྲོ་ཏི་ཀ་ལི་ཧ་རི་ནི་ས་ཌཱཀྐི་ནི་དགྲ་བགེགས་ཀྱི་ཤ་ཁྲག་ལ་ཁཱ་ཧི་ཁཱ་ཧི༔ ཞེས་

[Full Size]

ལིང་རོས་ཟློག་གཏོར་གསོས་ལ་བདུད་རྩིས་བྲན༔ སྨན་རཀྟ་གཏོར་མར་བྲན་ལ་སྤྲོ་ན་མཁའ་འགྲོ་འབུམ་བསྐུལ་བྱ་སྟེ༔ མཁའ་འགྲོ་འབུམ་བསྐུལ་ནི་འདི་སྐད་དོ༔ ཧཱུྃ་བྷྱོཿ ཕྱོགས་ཕྱོགས་དེ་ནི་ཕ་ཀི་ན༔ རི་བོ་ཆེན་པོའི་བྱང་གི་ཕྱོགས༔ དབུས་འགྱུར་ཚལ་གྱི་ནུབ་བྱང་མ༔ རི་བོ་ཐམས་ཅད་རུས་པའི་རི༔ ཆུ་ཀླུང་ཐམས་ཅད་ཁྲག་དང་རྣག༔ རྩི་ཤིང་ཐམས་ཅད་མདའ་དང་མདུང་༔ སྒྲ་སྐད་ཐམས་ཅད་སོད་དང་རྒྱོབ༔ རིགས་ལྔའི་སངས་རྒྱས་སྐྲག་པའི་གནས༔ ཕྱག་ན་རྡོ་རྗེ་འཇིགས་པའི་ས༔ ཁྲོ་བཅུ་རྒྱུ་བར་མི་ནུས་པའི༔ རབ་ཏུ་འཇིགས་པའི་གནས་མཆོག་དེར༔ གཙོ་མཆོག་ཁྲོས་མ་དེ་ན་བཞུགས༔ ཁྲོས་མ་རིགས་ལྔ་དེ་ན་བཞུགས༔ མཁའ་འགྲོ་སྡེ་བརྒྱད་དེ་ན་བཞུགས༔ ཧཱུྃ༔ རྟོག་མེད་ཕག་མོའི་ཞལ་ལས་བྱུང་བ་ཡི༔ དོན་དམ་སྟོང་ཉིད་རྟོགས་པའི་མཁའ་འགྲོ་འབུམ༔ དབུ་སྐྲ་དམར་ནག་སྤྲིན་ལྟར་གཏིབས་པ་ལ༔ ཐུགས་རྗེ་ཆར་ལྟར་འབེབས་པའི་མཁའ་འགྲོ་འབུམ༔ ཐོད་སྐམ་ལྔ་ཡིས་དབུ་ལ་བརྒྱན་པ་ནི༔ རིགས་ལྔས་འགྲོ་དོན་མཛད་པའི་མཁའ་འགྲོ་འབུམ༔ སྤྱན་གསུམ་སྡང་མིག་རབ་ཏུ་གཟིགས་པ་ལ༔ དུག་གསུམ་རྩད་ནས་གཅོད་པའི་མཁའ་འགྲོ་འབུམ་

[Full Size]

ཞལ་གྱི་ཁྲོ་གཉེར་ལྔ་དང་ལྡན་པ་ལ༔ དུག་ལྔ་རང་སར་གྲོལ་བའི་མཁའ་འགྲོ་འབུམ༔ ཞལ་གདངས་ལྗགས་ཀྱང་རབ་ཏུ་བསྐྱོད་པ་ལ༔ སྤྲུལ་པ་གློག་ལྟར་འཁྱུག་པའི་མཁའ་འགྲོ་འབུམ༔ འཇིགས་པའི་མཆེ་བ་རབ་ཏུ་གཙིགས་པ་ཡི༔ སྐྱེ་ཤི་རྩད་ནས་གཅོད་པའི་མཁའ་འགྲོ་འབུམ༔ དགྱེས་པའི་གད་མོ་ཧི་ཧི་བཞད་པ་ལ༔ འཁོར་བ་སྐམ་སར་འདོན་པའི་མཁའ་འགྲོ་འབུམ༔ ཁྲོས་པའི་གད་མོ་ཧ་ཧི་སྒྲོག་པ་ལ༔ བདུད་སྲིན་ཐལ་བར་བརླག་པའི་མཁའ་འགྲོ་འབུམ༔ གཡས་ཀྱི་གྲི་གུག་རབ་ཏུ་འབར་བ་ལ༔ སྲོག་གཅོད་དབུགས་ལེན་བྱེད་པའི་མཁའ་འགྲོ་འབུམ༔ གཡོན་གྱི་ཐོད་ཁྲག་དམར་པོ་གསོལ་བ་ལ༔ དམ་ཉམས་སྙིང་ཁྲག་འཇིབ་པའི་མཁའ་འགྲོ་འབུམ༔ ཁ་ཊྭཱཾ་ག་ནི་རྩེ་གསུམ་བསྣམས་པ་ལ༔ དུག་གསུམ་རྩད་ནས་གཅོད་པའི་མཁའ་འགྲོ་འབུམ༔ ཐོད་པ་སྐམ་རློན་གསུམ་གྱིས་བརྒྱན་པ་ལ༔ ཁམས་གསུམ་དབང་དུ་སྡུད་པའི་མཁའ་འགྲོ་འབུམ༔ མཐིང་ནག་དར་གྱི་ཅོད་པན་འཕུར་བ་ལ༔ སྲིད་གསུམ་ཟིལ་གྱིས་གནོན་པའི་མཁའ་འགྲོ་འབུམ༔ ཌཱ་རུ་གསེར་གྱི་རྡེའུ་ཆུང་འཁྲོལ་བ་ལ༔ སྙན་བརྒྱུད་གསང་བ་

[Full Size]

འཛིན་པའི་མཁའ་འགྲོ་འབུམ༔ དྲང་ཞིང་ཡུ་བ་དཀར་པོ་འདྲིལ་བ་ལ༔ ལྷ་མིན་གཡུལ་ངོ་ཟློག་པའི་མཁའ་འགྲོ་འབུམ༔ སྙན་ཆ་མགུལ་ཆུན་རབ་ཏུ་མཛེས་པ་ལ༔ ཡབ་ལ་བསྙེན་བཀུར་བྱེད་པའི་མཁའ་འགྲོ་འབུམ༔ ཕྱག་རྒྱ་དྲུག་གིས་རབ་ཏུ་བརྒྱན་པ་ལ༔ ཕ་རོལ་ཕྱིན་དྲུག་རྫོགས་པའི་མཁའ་འགྲོ་འབུམ༔ གདུག་པ་སྦྲུལ་གྱི་ག་ཤལ་མཛེས་པ་ལ༔ མཛེ་ནད་ཁྲག་སྐྱུག་གཏོང་བའི་མཁའ་འགྲོ་འབུམ༔ ཐོད་རློན་ལྔ་བཅུའི་དོ་ཤལ་བྱས་པ་ལ༔ འདུ་བྱེད་ལྔ་བཅུ་དག་པའི་མཁའ་འགྲོ་འབུམ༔ ང་རྒྱལ་སྟག་གི་ཤམ་ཐབས་བྱེད་པ་ལ༔ སྡིག་ཅན་ཟིལ་གྱིས་གནོན་པའི་མཁའ་འགྲོ་འབུམ༔ གཅེར་བུ་སྐྲ་གྲོལ་གར་གྱིས་བཞུགས་པ་ལ༔ ལེགས་ཉེས་ཞལ་ལྕེ་གཅོད་པའི་མཁའ་འགྲོ་འབུམ༔ གཡས་བསྐུམ་གཡོན་བརྐྱང་ཚུལ་གྱིས་བཞུགས་པ་ལ༔ རྟོག་མེད་ཉམས་དང་ལྡན་པའི་མཁའ་འགྲོ་འབུམ༔ མེ་རི་མེ་དཔུང་དབུས་ན་བཞུགས་པ་ལ༔ ཐ་དད་རྟོག་པ་སྲེག་པའི་མཁའ་འགྲོ་འབུམ༔ རྟོག་མེད་རོ་ཡི་གདན་ལ་བཞུགས་པ་ལ༔ དུར་ཁྲོད་ཤ་ལ་རོལ་བའི་མཁའ་འགྲོ་འབུམ༔ སྐུ་མདོག་མཐིང་ག་རབ་ཏུ་རྔམས་པ་ལ༔ གཏི་མུག་རྩད་ནས་གཅོད་པའི་

[Full Size]

མཁའ་འགྲོ་འབུམ༔ སྐུ་སྤྲུལ་མཁའ་འགྲོ་འབུམ་ཚོ་ཉི་ཤུ་དྲུག༔ མཁའ་འགྲོའི་བརྡ་སྐད་ཏི་རི་རི༔ དམར་གྱི་གཏོར་མ་འདི་བཞེས་ལ༔ དོ་ནུབ་སྡང་བའི་དགྲ་ལ་ཕ༔ བར་ཆད་བྱེད་པའི་བགེགས་ལ་ཡ༔ སྐུ་མདོག་དཀར་མོ་རབ་ཏུ་འཚེར་བ་ལོས༔ ཞེ་སྡང་རྩད་ནས་གཅོད་པའི་མཁའ་འགྲོ་འབུམ༔ སྐུ་མདོག་སེར་མོ་རབ་ཏུ་མཛེས་པ་ལ༔ ང་རྒྱལ་རྩད་ནས་གཅོད་པའི་མཁའ་འགྲོ་འབུམ༔ སྐུ་མདོག་དམར་མོ་མདངས་དང་ལྡན་པ་ལ༔ འདོད་ཆགས་རང་སར་གྲོལ་བའི་མཁའ་འགྲོ་འབུམ༔ སྐུ་མདོག་ལྗང་མོ་རབ་ཏུ་བརྗིད་པ་ལ༔ ཕྲག་དོག་རྩད་ནས་གཅོད་པའི་མཁའ་འགྲོ་འབུམ༔ ཤར་གྱི་ཕྱོགས་ཀྱི་དུར་ཁྲོད་ནི༔ རྡོ་རྗེ་རིགས་ཀྱི་མཁའ་འགྲོ་འབུམ༔ ་ལྷོ་ཡི་ཕྱོགས་ཀྱི་དུར་ཁྲོད་ན༔ རིན་ཆེན་རིགས་ཀྱི་མཁའ་འགྲོ་འབུམ༔ ནུབ་ཀྱི་ཕྱོགས་ཀྱི་དུར་ཁྲོད་ན༔ པདྨ་རིགས་ཀྱི་མཁའ་འགྲོ་འབུམ༔ བྱང་གི་ཕྱོགས་ཀྱི་དུར་ཁྲོད་ན༔ ལས་ཀྱི་རིགས་ཀྱི་མཁའ་འགྲོ་འབུམ༔ ཤར་ལྷོའི་ཕྱོགས་ཀྱི་དུར་ཁྲོད་ན༔ དམ་ཚིག་རིགས་ཀྱི་མཁའ་འགྲོ་འབུམ༔ ལྷོ་ནུབ་ཕྱོགས་ཀྱི་དུར་ཁྲོད་ན༔ སྣ་ཚོགས་རིགས་ཀྱི་མཁའ་འགྲོ་འབུམ༔ ནུབ་

[Full Size]

བྱང་ཕྱོགས་ཀྱི་དུར་ཁྲོད་ན༔ ཐམས་ཅད་རིགས་ཀྱི་མཁའ་འགྲོ་འབུམ༔ བྱང་ཤར་ཕྱོགས་ཀྱི་དུར་ཁྲོད་ན༔ འཇིག་རྟེན་རིགས་ཀྱི་མཁའ་འགྲོ་འབུམ༔ མཁའ་འགྲོའི་བརྡ་སྐད་དི་རི་རི༔ དམར་གྱི་གཏོར་མ་འདི་བཞེས་ལ༔ དོ་ནུབ་སྡང་བའི་དགྲ་ལ་ཡ༔ བར་ཆད་བྱེད་པའི་བགེགས་ལ་ཡ༔ དམ་ཉམས་དགྲ་བོ་བསྒྲལ་བའི་དུས་ལ་བབ༔ བར་ཆད་བགེགས་རྣམས་བཟློག་པའི་དུས་ལ་བབ༔ ཅེས་བསྐུལ༔ གཏོར་ཆུང་བརྒྱད་མདོས་སུ་ཕུལ༔ དེ་ནས་བཟློག་པ་ནི༔ མཁའ་འགྲོ་ཐམས་ཅད་དགྲ་བོའི་སྟེང་དུ་ཆས་པར་བསམས་ལ༔ དགྲ་བགེགས་བྱད་མ་ལྟས་ངན་ཐམས་ཅད་བཟློག་པར་བསམས་ལ་འདི་སྐད་དོ༔ ཧཱུྃ་བྷོ༔ ནུབ་ཕྱོགས་ཨོ་རྒྱན་སྤྲུལ་པའི་ཞིང་ཁམས་ནས༔ རབ་འཇིགས་དུར་ཁྲོད་བརྒྱད་ཀྱིས་བསྐོར་བའི་དབུས༔ རིན་ཆེན་སྣ་ལྔ་ཐོད་པའི་གཞལ་ཡས་ནས༔ ཆོས་འབྱུང་རུ་ཏྲ་བམ་ཆེན་བསྣོལ་བའི་སྟེང་༔ རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ༔ སྐུ་མདོག་མཐིང་ནག་ཆར་སྤྲིན་གཏིབས་པ་འདྲ༔ མ་རིག་འཁོར་བའི་བག་ཆགས་བཟློག་ཏུ་གསོལ༔ ཟིལ་གནོན་ཕག་ཞལ་ནག་མོ་ངུར་པ་ཡིས༔ ཁྲོ་བོ་ཁྲོ་མོའི་ཟིལ་གནོན་བཟློག་ཏུ་གསོལ༔ སྤྱན་གསུམ་བསྐལ་པའི་མེ་ལྟར་འབར་བ་

[Full Size]

ཡིས༔ སྲིད་གསུམ་ལྷ་འདྲེའི་གནོད་པ་བཟློག་ཏུ་གསོལ༔ ཞལ་གདངས་ལྗགས་འདྲིལ་མཆེ་བ་གཙིགས་པ་ནི༔ བར་ཆད་བདུད་ཀྱི་དམག་དཔུང་བཟློག་ཏུ་གསོལ༔ རལ་པའི་གསེབ་ནས་ཁྲོ་ཆུང་ཕྱོགས་བཅུར་འགྱེད༔ ཕྱོགས་སྐྱོང་བཅུ་ཡི་གདོན་ཚོགས་བཟློག་ཏུ་གསོལ༔ ཐོད་སྐམ་ལྔ་ཡིས་དབུ་ལ་བརྒྱན་པ་ནི༔ ཉོན་མོངས་དུག་ལྔའི་དམག་དཔུང་བཟློག་ཏུ་གསོལ༔ ཐོད་རློན་ལྔ་བཅུས་དོ་ཤལ་བྱས་པ་ལས༔ ལྟས་ངན་བརྒྱད་ཅུ་རྩ་བརྒྱད་བཟློག་ཏུ་གསོལ༔ སྦྲུལ་རིགས་ལྔ་ཡིས་སྐུ་ལ་བརྒྱན་པ་ནི༔ ཀླུ་དང་ས་བདག་གནོད་པ་བཟློག་ཏུ་གསོལ༔ གླང་ཀོ་ཞིང་ལྤགས་སྟག་ཤམ་བརྒྱན་པ་ནི༔ ལས་ཀྱི་གཤིན་རྗེའི་ཕོ་ཉ་བཟློག་ཏུ་གསོལ༔ རུས་པའི་རྒྱན་དྲུག་སྐུ་ལ་གསོལ་བ་ནི༔ མ་མོ་མཁའ་འགྲོའི་གནོད་པ་བཟློག་ཏུ་གསོལ༔ ཕྱག་གཡས་རྡོ་རྗེའི་གྲི་གུག་ཕྱར་བ་ཡིས༔ གཟའ་དང་རྒྱུ་སྐར་གནོད་པ་བཟློག་ཏུ་གསོལ༔ ཕྱག་གཡོན་ཐོད་ཁྲག་ཐུགས་ཀར་བསྣམས་པ་ནི༔ མ་མོ་མཁའ་འགྲོའི་ཁྲག་ནད་དལ་ཡམས་ཟློག༔ ཁ་ཊྭཱཾ་རྩེ་གསུམ་མཆན་དུ་བསྒྲེང་བ་ནི༔ ཕོ་རྒྱུད་རྣམས་ཀྱི་གནོད་པ་བཟློག་ཏུ་གསོལ༔ དར་ནག་སྟོད་

[Full Size]

གཡོགས་སྨད་དཀྲིས་བྱས་པ་ནི༔ ནག་མོ་བདུད་ཀྱི་དམག་དཔུང་བཟློག་ཏུ་གསོལ༔ བདུད་ཀྱི་ཁྲམ་ཤིང་མཆན་དུ་བཅུག་པ་ནི༔ བདུད་དང་གཤིན་རྗེའི་ཁྲམ་ཁ་བཟློག་ཏུ་གསོལ༔ རིན་ཆེན་དབུ་རྒྱན་ཕྱག་གདུབ་བྱས་པ་ནི༔ དཀོར་བདག་འགོང་པོའི་གནོད་པ་བཟློག་ཏུ་གསོལ༔ ཞབས་གཉིས་བརྐྱང་བསྐུམ་གར་སྟབས་བསྐྲད་པ་ནི༔ འཇིག་རྟེན་མཁའ་འགྲོའི་སུན་མ་བཟློག་ཏུ་གསོལ༔ ཡེ་ཤེས་མེ་དཔུང་དབུས་ན་བཞུགས་པ་ནི༔ ངན་སྔགས་བྱད་སྟེམས་ཐམས་ཅད་བཟློག་ཏུ་གསོལ༔ བྷྱོཿ སྐུ་ཡི་སྤྲུལ་པ་བདེ་ཆེན་དཀར་མོ་ལ༔ གཏི་མུག་རྩད་གཅོད་ཁྲོ་མོ་དཀར་མོ་འབུམ༔ གཟུགས་སྣང་མཁའ་འགྲོ་འབུམ་ཕྲག་དབང་དུ་སྡུད༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཡོན་ཏན་སྤྲུལ་པ་སེར་མོ་དོན་གྲུབ་ལ༔ ང་རྒྱལ་རྩད་གཅོད་ཁྲོ་མོ་སེར་མོ་འབུམ༔ རྫུ་འཕྲུལ་མཁའ་འགྲོ་འབུམ་ཕྲག་དབང་དུ་སྡུད༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ གསུང་གི་སྤྲུལ་པ་དམར་མོ་སྒྲ་སྒྲོག་མ༔ འདོད་ཆགས་རྩད་གཅོད་ཁྲོ་མོ་དམར་

[Full Size]

མོ་འབུམ༔ སྐད་སྒྲོག་མཁའ་འགྲོ་འབུམ་ཕྲག་དབང་དུ་སྡུད༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཕྲིན་ལས་སྤྲུལ་པ་སྣ་ཚོགས་མཐར་ཕྱིན་མ་ཕྲག་དོག་རྩད་གཅོད་ཁྲོ་མོ་ནག་མོ་འབུམ༔ བརྟུལ་ཞུགས་མཁའ་འགྲོ་འབུམ་ཕྲག་དབང་དུ་སྡུད༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ སྲིད་པའི་འདྲེ་གདོན་དགྲ་ལ་བཟློག་ཏུ་གསོལ༔ ཧཱུྃ༔ ནུབ་ཕྱོགས་ཨོ་རྒྱན་དུར་ཁྲོད་ནས༔ བདེ་གཤེགས་རྡོ་རྗེ་ཕག་མོ་ཡིས༔ མ་མོ་མཁའ་འགྲོའི་རིམས་ཁ་སྡང་བའི་དགྲ་ལ་ཟློག༔ བྷྱོཿ ཤར་ཕྱོགས་གཏུམ་དྲག་དུར་ཁྲོད་ནས༔ རྡོ་རྗེ་མཁའ་འགྲོ་འཇིགས་ཚུལ་ཅན༔ གིང་གི་ཐན་ལྟས་དགྲ་ལ་ཟློག༔ ལྷོ་ཕྱོགས་གད་རྒྱངས་དུར་ཁྲོད་ནས༔ རིན་ཆེན་མཁའ་འགྲོ་གཟི་བརྗིད་ཅན༔ གཤིན་རྗེའི་ལྟས་ངན་དགྲ་ལ་ཟློག༔ ནུབ་ཕྱོགས་པདྨ་འཁྱིལ་བའི་དུར་ཁྲོད་ནས༔ པདྨ་མཁའ་འགྲོ་དྲི་མེད་མ༔ བཙན་གྱི་ལྟས་ངན་དགྲ་ལ་ཟློག༔ བྱང་ཕྱོགས་ཀཱི་ལ་སྒྲོག་པའི་དུར་ཁྲོད་ནས༔ ལས་ཀྱི་མཁའ་འགྲོ་བདེ་བ་ཅན༔ གནོད་སྦྱིན་ལྟས་ངན་དགྲ་ལ་ཟློག༔ ཤར་ལྷོ་རབ་།

[Full Size]

འཇིགས་དུར་ཁྲོད་ནས༔ དམ་ཚིག་མཁའ་འགྲོ་དམིགས་པ་ཅིན༔ ཀླུ་ཡི་ལྟས་ངན་དགྲ་ལ་ཟློག༔ ལྷོ་ནུབ་གཏུམ་པོའི་དུར་ཁྲོད་ནས༔ སྣ་ཚོགས་མཁའ་འགྲོ་མི་ཐུབ་མས༔ གཟའ་ཡི་ལྟས་ངན་དགྲ་ལ་ཟློག༔ ནུབ་བྱང་རབ་གཏུམ་དུར་ཁྲོད་ནས༔ ཐམས་ཅད་མཁའ་འགྲོ་ཀུན་རྒྱུ་མས༔ སྲིན་པོའི་ལྟས་ངན་དགྲ་ལ་ཟློག༔ བྱང་ཤར་རྒྱུག་བྱེད་དུར་ཁྲོད་ནས༔ རྒྱུད་འཛིན་འཇིག་རྟེན་མཁའ་འགྲོ་མས༔ མ་མོའི་ལྟས་ངན་དགྲ་ལ་ཟློག༔ བྷྱོཿ ཤར་གྱི་སྒོ་མ་ཁ་གདོང་མས༔ འགུགས་བྱེད་མ་ཚོགས་དབང་སྡུད་ལ༔ ལྕགས་ཀྱུ་ཅན་གྱི་གནོད་པ་དགྲ་ལ་ཟློག༔ ལྷོ་ཡི་སྒོ་མ་ཕག་གདོང་མས༔ འཆིང་བྱེད་མ་ཚོགས་དབང་སྡུད་ལ༔ ཞགས་པ་ཅན་གྱི་ཕོ་ཉ་དགྲ་ལ་ཟློག༔ ནུབ་ཀྱི་སྒོ་མ་ཁྱི་གདོང་མ༔ སྡོམ་བྱེད་མ་ཚོགས་དབང་སྡུད་ལ༔ ལྕགས་སྒྲོག་ཅན་གྱི་བྱད་ཁ་དགྲ་ལ་ཟློག༔ བྱང་གི་སྒོ་མ་འུག་གདོང་མ༔ དབྱེན་བྱེད་མ་ཚོགས་དབང་སྡུད་ལ༔ དྲིལ་བུ་ཅན་གྱི་ཆོ་འཕྲུལ་དགྲ་ལ་ཟློག༔ ལས་ཀྱི་མཁའ་འགྲོ་ནག་མོ་འབུམ༔ འདུ་བ་རྣམ་བཞི་དགྲ་ལ་ཟློག༔ བད་ཀན་དཀར་སྨུག་དགྲ་ལ་ཟློག༔ མཁྲིས་པ་བཤལ་ཡ་དགྲ་ལ་ཟློག༔ རླུང་

[Full Size]

སྨྱོ་འབོག་པ་དགྲ་ལ་ཟློག༔ ཁྲག་ནད་དམར་བཤལ་དགྲ་ལ་ཟློག༔ བྷྱོཿ ལས་ཀྱི་མཁའ་འགྲོ་དཀར་མོ་འབུམ༔ སྨྱོ་བ་ཉེར་ལྔ་དགྲ་ལ་ཟློག༔ སྨྱོ་འབོག་བརྒྱལ་ནད་དགྲ་ལ་ཟློག༔ ལྐུགས་དང་འདར་བུ་དགྲ་ལ་ཟློག༔ རླུང་སྨྱོ་ཆེན་པོ་དགྲ་ལ་ཟློག༔ བྷྱོཿ ལས་ཀྱི་མཁའ་འགྲོ་སེར་མོ་འབུམ༔ མཛེ་རིགས་བཅོ་བརྒྱད་དགྲ་ལ་ཟློག༔ མཛེ་ནད་འབྲུམ་ནད་དགྲ་ལ་ཟློག༔ སིབ་དང་བས་ལྡག་དགྲ་ལ་ཟློག༔ དྲེགས་དང་གྲུམ་བུ་དགྲ་ལ་ཟློག༔ ལྷོག་པ་འབྲས་ཆེན་དགྲ་ལ་ཟློག༔ སྐེམ་པ་གཡེམ་པ་དགྲ་ལ་ཟློག༔ ཤུ་བ་རྒྱ་ཐོར་དགྲ་ལ་ཟློག༔ རླུང་སྐམ་འབྲས་ཆེན་དགྲ་ལ་ཟློག༔ ཕོལ་མིག་རྐང་ནད་དགྲ་ལ་ཟློག༔ ཚ་བ་གྲང་བ་དགྲ་ལ་ཟློག༔ བྷྱོཿ ལས་ཀྱི་མཁའ་འགྲོ་དམར་མོ་འབུམ༔ རིམས་ནད་དལ་ཡམས་དགྲ་ལ་ཟློག༔ གློ་སྙིང་མཆིན་གཟེར་དགྲ་ལ་ཟློག༔ རྒྱུ་གཟེར་ཁྲག་ནད་དགྲ་ལ་ཟློག༔ དམར་བཤལ་སྐྱ་བཤལ་དགྲ་ལ་ཟློག༔ བྷྱོཿ ལས་ཀྱི་མཁའ་འགྲོ་ལྗང་མོ་འབུམ༔ མཚོན་འཁྲུག་སྣ་བདུན་དགྲ་ལ་ཟློག༔ མདའ་མདུང་རལ་གྲི་དགྲ་ལ་ཟློག༔ ཁ་ཊྭཱཾ་ཏྲི་ཤུལ་དགྲ་ལ་ཟློག༔ སྒྱོགས་དང་འཁྲུལ་

[Full Size]

འཁོར་དགྲ་ལ་ཟློག༔ དགྲ་སྟ་ཐོ་བ་དགྲ་ལ་ཟློག༔ གྲི་སྟོང་བེར་དབྱུག་དགྲ་ལ་ཟློག༔ གཏུན་ཤིང་མདུང་སྟོང་དགྲ་ལ་ཟློག༔ སོག་ལེ་འཁོར་ལོ་དགྲ་ལ་ཟློག་མཚོན་གྱི་བསྐལ་པ་དགྲ་ལ་ཟློག༔ སརྦ་ཌཱཀྐི་ནི་བྷོ་བྷོ་ཟློག་ཟློག༔ དེ་ནས་བཟློག་བསྒྱུར་ནི༔ བྷྱོཿ གཞན་ཡང་བཟློག་ཅིང་བསྒྱུར་བ་ནི༔ ཆག་ཆེན་ཉམ་ང་དགྲ་ལ་སྒྱུར༔ ལོ་སྐག་ཟླ་སྐག་དགྲ་ལ་སྒྱུར༔ ཟ་མའི་བདུན་ཟུར་སྐག་རྣམས་སྒྱུར༔ ཟོད་གཏོང་རྦད་འདྲེ་དགྲ་ལ་སྒྱུར༔ འབྱུང་བའི་གཙུག་ལག་ངན་པ་སྒྱུར༔ ལོ་དང་རྟེན་འབྲེལ་ངན་པ་དགྲ་ལ་སྒྱུར་རྨིས་ལྟས་མཚན་མ་ངན་པ་དགྲ་ལ་སྒྱུར༔ ཐན་དང་ལྟས་ངན་ཆོ་འཕྲུལ་དགྲ་ལ་སྒྱུར༔ ཡས་ཀྱི་བདུད་གཡོས་དགྲ་ལ་སྒྱུར༔ མས་ཀྱི་སྲི་ལངས་དགྲ་ལ་སྒྱུར༔ བར་གྱི་བཙན་ཁྲོས་དགྲ་ལ་སྒྱུར༔ ཕ་ཚན་རྒྱབ་འདྲེ་དགྲ་ལ་སྒྱུར༔ དར་ཚན་སྟོང་འདྲེ་དགྲ་ལ་སྒྱུར༔ མ་བུའི་བྱུར་འདྲེ་དགྲ་ལ་སྒྱུར༔ ཕུ་ནུས་རུས་འདྲེ་དགྲ་ལ་སྒྱུར༔ ཕྱུགས་ཀྱི་གོད་འདྲེ་དགྲ་ལ་སྒྱུར༔ ཆེ་སྲི་ཆུང་སྲི་དགྲ་ལ་སྒྱུར༔ ཟ་འདྲེ་ཤི་གཤེད་དགྲ་ལ་སྒྱུར༔ ལྟག་པའི་བདུད་བབས་དགྲ་ལ་སྒྱུར༔ དཔྲལ་བའི་གཤེད་འཁོར་དགྲ་ལ་སྒྱུར༔ ཕོ་བདུད་དལ་

[Full Size]

ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུར༔ སྔགས་པའི་བྱད་ཟོར་ཕུར་ཁ་དགྲ་ལ་སྒྱུར༔ བནྡེའི་གཏོར་ཟོར་དགྲ་ལ་སྒྱུར༔ བོན་གྱི་བྱད་ཁ་གཏད་མནན་དགྲ་ལ་སྒྱུར༔ ཕུར་པའི་དབལ་ཟོར་དགྲ་ལ་སྒྱུར༔ དྲང་སྲོང་དམོད་མོ་དགྲ་ལ་སྒྱུར༔ རང་གཤེད་རང་འཁོར་དགྲ་ལ་སྒྱུར༔ མི་ནད་ཕྱུགས་ནད་ཐམས་ཅད་དགྲ་ལ་སྒྱུར༔ ནད་རིགས་བཞི་བརྒྱ་རྩ་བརྒྱད་དགྲ་ལ་སྒྱུར༔ བགེགས་རིགས་སྟོང་ཕྲག་བརྒྱད་ཅུ་དགྲ་ལ་སྒྱུར༔ ཡེ་འདྲོག་སུམ་བརྒྱ་དྲུག་ཅུ་དགྲ་ལ་སྒྱུར༔ བྱིས་པའི་གདོན་ཆེན་བཅོ་ལྔ་དགྲ་ལ་སྒྱུར་རྟ་ནད་འཚེར་རྩུབ་ཐམས་ཅད་དགྲ་ལ་སྒྱུར༔ ཕྱུགས་ཀྱི་གོད་ཡམས་ཐམས་ཅད་དགྲ་ལ་སྒྱུར༔ ཕྱུགས་ལ་ལྟས་ངན་ཁྲིད་པ་དགྲ་ལ་སྒྱུར༔ བསེ་རིག་སྲིས་ལ་རྐུ་བ་དགྲ་ལ་སྒྱུར༔ གློ་བུར་བརྒྱད་ཅུ་རྩ་གཅིག་དགྲ་ལ་སྒྱུར༔ སྐག་རིགས་བདུན་བརྒྱ་ཉི་ཤུ་དགྲ་ལ་སྒྱུར༔ དུས་མིན་འཆི་བ་བཅོ་བརྒྱད་དགྲ་ལ་སྒྱུར༔ རླུང་གི་སེམས་ཀྱི་ཕུང་ཤིང་དགྲ་ལ་སྒྱུར༔ སིལ་གྱི་ཕུང་ཤིག་ཐམས་ཅད་དགྲ་ལ་སྒྱུར༔ ལྟས་ངན་ཉི་ཁྲི་ཆིག་སྟོང་དགྲ་ལ་སྒྱུར༔ མི་མཐུན་ཕྱོགས་རྣམས་

[Full Size]

ཐམས་ཅད་དགྲ་ལ་སྒྱུར༔ བཟློག་གོ་ཆག་ཆེན་ཉམ་ང་ཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ སྡང་དགྲའི་གནོད་བྱེད་ཀྱི་སྟེང་དུ་བྷྱོ་བྷྱོ༔ ཟློག་ཟློག༔ སྒྱུར་སྒྱུར༔ མཱ་ར་ཡ་དགྲ་བོ་བྱད་མ་གནོད་བྱེད་བྷྱོཿབྷྱོཿཟློག་ཟློག༔ ཨོཾ་ཧ་དྷེ་མོ་ཧ་ཧྲཱིཿཏ་ཡ༔ སི་ཏི་ཧ་རི་ཏ་ཡཱ་ཟློག་ཟློག༔ ཁ་ལིང་ཏ་ཡཱ༔ མཱ་ར་ཡ་ནན༔ ཧཱུྃ་ཧཱུྃ༔ ཕཊཿཕཊཿ བྷྱོཿབྷྱོཿ ས་མ་ཡ་ཟློག་ཟློག༔ ཨ་ལ་ལ་པྲ་མོ་ཧེ་བྷྱོ་བྷྱོཿ ཨ་ཏི་ཀྲ་མ་ཟློག་ཟློག༔ རྦད་འདྲེ་རྦོད་གཏོང་ཐམས་ཅད་ཟློག་ཟློག༔ ཅེས་ཟློག་སྔགས་ཅི་མང་བཟླས༔ ཐལ་མོ་བརྡབ༔ དེ་ནས་རྩང་གྱེར་རྒྱས་བསྡུས་གང་ལྕོགས་འདོན་དུ་རུང་ངོ་༔ འདིའི་ལུགས་ཀྱི་བསྡུས་པ་ཁོ་ནས་ཆོག༔ སྟོང་ཉིད་ཁྲོས་མ་ནག་མོའི་རྩང་གྱེར་བསྡུས་པ་ཐན་ཟློག་ནི༔ ཧཱུྃ༔ ཤར་ཕྱོགས་རྡོ་རྗེ་མ་བདུན་ནི༔ མིང་པོ་ཚངས་པ་ལ་སོགས་ཏེ༔ རྣལ་འབྱོར་ཀུན་གྱི་ཡུམ་གཅིག་མ༔ ཁྱད་པར་རྣལ་འབྱོར་ཀུན་གྱི་ཡུམ༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་སྲོག་གི་ཤན་པ་མཛོད༔ ཧཱུྃ༔ ལྷོ་ཕྱོགས་རིན་ཆེན་མ་བདུན་ནི༔ མིང་པོ་གཤིན་རྗེ་ལ་སོགས་ཏེ༔ རྣལ་འབྱོར་ཀུན་གྱི་སྲིང་གཅིག་མ༔ ཁྱད་པར་རྣལ་

[Full Size]

འབྱོར་བདག་གི་སྲིང་༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་སྲོག་གི་ཤན་པ་མཛོད༔ ཧཱུྃ༔ ནུབ་ཕྱོགས་པད་མའི་མ་བདུན་ནི༔ མིང་པོ་ཀླུ་དབང་ལ་སོགས་ཏེ༔ རྣལ་འབྱོར་ཀུན་གྱི་གྲོགས་གཅིག་མ༔ ཁྱད་པར་རྣལ་འབྱོར་བདག་གི་གྲོགས༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་སྲོག་གི་ཤན་པ་མཛོད༔ ཧཱུྃ༔ བྱང་ཕྱོགས་ལས་ཀྱི་མ་བདུན་ནི༔ མིང་པོ་གནོད་སྦྱིན་ལ་སོགས་ཏེ༔ རྣལ་འབྱོར་ཀུན་གྱི་བྲན་གཅིག་མ༔ ཁྱད་པར་རྣལ་འབྱོར་བདག་གི་བྲན༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་སྲོག་གི་ཤན་པ་མཛོད༔ ཧཱུྃ༔ དབང་ཕྱུག་ཆེན་མོ་ཉི་ཤུ་བརྒྱད༔ བུད་མེད་ལུས་ལ་མགོ་བརྙན་ཅན༔ གཅེར་བུ་ལུས་ལ་དུར་ཁྲོད་ཆས༔ ལག་ན་མཚོན་ཆ་སྣ་ཚོགས་ཐོགས༔ གདུག་པའི་རྩང་ལ་སྤྱན་འདྲེན་གཤེགས་སུ་གསོལ༔ གདུག་པའི་རྩང་དང་གཉིས་སུ་མེད༔ དགྲ་བོའི་སྲོག་གི་ཤན་པ་མཛོད༔ ཧཱུྃ༔ ཤར་གྱི་ཕྱོགས་

[Full Size]

ནས་ཆུང་འཛུགས་པ༔ རྡོ་རྗེ་མཁའ་འགྲོ་སྒྲུབ་པའི་རྩང་༔ དཀར་མོ་ཞི་བའི་ལས་བྱེད་བདུན༔ སྐེད་པ་རྒྱ་མདུད་ཧཱུྃ་ལས་སྐྱེས༔ ཡར་གྱི་རྩེ་ལ་བྱ་རྒོད་ལྡིང་༔ མར་གྱི་རྩེ་ལ་སྟག་གཟིག་རྔམ༔ རྩང་གི་དྲ་མིག་ཐམས་ཅད་ལ༔ གདུག་པའི་ཁྲོ་མོ་འབུམ་འབུམ་འཕྲོ༔ དགྲ་བོ་མ་ཤོར་ཀཱི་ལ་ཡ༔ ཧཱུྃ༔ ལྷོ་ཡི་ཕྱོགས་ནས་རྩང་འཛུགས་པ༔ རིན་ཆེན་མཁའ་འགྲོ་སྒྲུབ་པའི་རྩང་༔ སེར་མོ་རྒྱས་པའི་ལས་བྱེད་བདུན༔ སྐེད་པ་རྒྱ་མདུད་ལམ་ལས་སྐྱེས༔ ཡར་གྱི་རྩེ་ལ་འུག་པ་གྲག༔ མར་གྱི་རྩེ་ལ་དྲེད་མོང་རྔམ༔ རྩང་གི་དྲ་མིག་ཐམས་ཅད་ལ༔ གདུག་པའི་ཁྲོ་མོ་འབུམ་འབུམ་འཕྲོ༔ དགྲ་བོ་མ་ཤོར་ཀཱི་ལ་ཡ༔ ཧཱུྃ༔ ནུབ་ཀྱི་ཕྱོགས་ནས་རྩང་འཛུགས་པ༔ པདྨ་མཁའ་འགྲོ་སྒྲུབ་པའི་རྩང་༔ དམར་མོ་དབང་གི་ལས་བྱེད་བདུན༔ སྐེད་པ་རྒྱ་མདུད་ལམ་ལས་སྐྱེས༔ ཡར་གྱི་རྩེ་ལ་ཉ་མོ་འཕྱོ༔ མར་གྱི་རྩེ་ལ་ཆུ་སྲིན་རྔམ༔ རྩང་གི་དྲ་མིག་ཐམས་ཅད་ལ༔ གདུག་པའི་ཁྲོ་མོ་འབུམ་འབུམ་འཕྲོ༔ དགྲ་བོ་མ་ཤོར་ཀཱི་ལ་ཡ༔ ཧཱུྃ༔ བྱང་གི་ཕྱོགས་ནས་རྩང་འཛུགས་པ༔ ལས་ཀྱི་མཁའ་འགྲོའི་སྒྲུབ་པའི་རྩང་༔ མཐིང་ནག་དྲག་པོའི་ལས་

[Full Size]

བྱེད་བདུན༔ སྐེད་པ་རྒྱ་མདུད་ཧཱུྃ་ལས་སྐྱེས༔ ཡར་གྱི་རྩེ་ལ་ཁྲག་གི་བྱ་རྒོད་ལྡིང་༔ མར་གྱི་རྩེ་ལ་ལྕགས་ཀྱི་སྦྲང་མ་འཚུབ༔ རྩང་གི་དྲ་མིག་ཐམས་ཅད་ལ༔ གདུག་པའི་ཁྲོ་མོ་འབུམ་འབུམ་འཕྲོ༔ དགྲ་བོ་མ་ཤོར་ཀཱི་ལ་ཡ༔ རྩང་ལ་གནས་པའི་མཁའ་འགྲོ་རྣམས༔ རྫུ་འཕྲུལ་མྱུར་མགྱོགས་གློག་ལྟར་འཁྱུག༔ དགྲ་བོ་མ་ཤོར་ཀཱི་ལ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ༔ ང་ནི་ཁྲོས་མ་ནག་མོའི་སྐུ༔ སྐུ་ཡི་མངའ་བདག་འགྲོ་བའི་མགོན༔ དུས་གསུམ་སངས་རྒྱས་ཀུན་གྱི་ཡུམ༔ གསུང་གི་དབང་ཕྱུག་འགྲོ་བའི་མགོན༔ བཀའ་ལ་མི་གནས་གང་ཡང་མེད༔ ཐུགས་ནི་སྣོད་བཅུད་ཀུན་ལ་ཁྱབ༔ ང་ཡིས་མི་འདུལ་གང་ཡང་མེད༔ འབྱུང་བ་ལྔ་དང་སྣང་སྲིད་དང་༔ ཕྱི་ནང་སྣོད་བཅུད་དྲེགས་པ་ཀུན༔ ང་ཡིས་མི་འདུལ་གང་ཡང་མེད༔ ཟློག་པས་མི་ཟློག་གང་ཡང་མེད༔ སྣང་སྲིད་ལྷ་འདྲེའི་དྲག་ཤུལ་ཟློག༔ སྔོ་དམར་སྣལ་མས་དཀྲིས་པ་འདིས༔ མི་ནད་ཕྱུགས་ནད་ཡམས་ནད་ཟློག༔ བྱད་ཁ་རྦོད་གཏོང་ཐམས་ཅད་ཟློག༔ ཆག་ཆེན་ཉམ་ང་ཐམས་ཅད་ཟློག༔ དྲག་པོ་རྩང་གི་ཕྲིན་ལས་མཛོད༔ དགྲ་

[Full Size]

བགེགས་བསྒྲལ་བའི་དུས་ལ་བབ༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ་བྷྱོཿ མདོས་ཟོར་ཤ་ཁྲག་གཏོར་མ་དང་༔ དྲག་པོ་རྩང་གི་ཕུར་པ་འདིས༔ ད་ལྟ་རྣལ་འབྱོར་བདག་ཅག་ལ་སྡེ་བརྒྱུད་ཆད་པ་བྱུང་བ་ཟློག༔ བྱད་ཟོར་ཕུར་ཁ་ཐམས་ཅད་ཟློག༔ བནེའི་སྔགས་ཟོར་འདུས་པ་ཟློག༔ མུ་སྟེགས་བོན་པོའི་ཟོ་དམར་ཟློག༔ ལྷ་འདྲེའི་ཟ་ཁ་ཟུག་པ་ཟློག༔ རྒྱལ་པོ་ལོ་ཡི་བདུན་ཟུར་ཟློག༔ བློན་པོ་ཟླ་བའི་དབང་བཙན་ཟློག༔ དམག་མི་ཞག་གི་དཔུང་དགྲ་ཟློག༔ མཚོན་ཆ་དུས་ཀྱི་རྣོ་ངར་ཟློག༔ སྤར་ཁའི་སྐྱ་མདའ་ཟུག་པ་ཟློག༔ སྨེ་བ་དུར་དུ་ཚུད་པ་ཟློག༔ ས་བདག་ཀོ་ལོང་སྡོམ་པ་ཟློག༔ འབྱུང་བའི་དགྲ་གཤེད་འཐབ་པ་ཟློག༔ གཟའ་སྐར་དུས་ཚོད་ངན་པ་ཟློག༔ ལོ་ཟླ་ཞག་དུས་བབ་པ་ཟློག༔ ཁྲམ་དང་བྱད་དུ་བཅུག་པ་ཟློག༔ ཧོམ་དང་པར་བུ་སྐོར་བ་ཟློག༔ དགྲ་ཇག་བདུད་དུ་བབ་པ་ཟློག༔ ལྟས་ངན་གློ་བུར་ཡེ་འདྲོག་ཟློག༔ དུས་མིན་འཆི་བ་རྣམ་བརྒྱད་ཟློག༔ མི་ཁ་བྲ་མཆུ་ཐམས་ཅད་ཟློག༔ ཆག་ཆེན་ཉམ་ང་ཐམས་ཅད་ཟློག༔ སྔོན་བསྒྲིག་ཕྱིས་ནས་དེད་པ་ཟློག༔ དགྲ་སྣ་ཕུང་སྣ་གྱོད་སྣ་ཟློག །

[Full Size]

ནད་སྣ་ཡམས་སྣ་རིམས་སྣ་ཟློག༔ དགྲ་སྲི་རྨི་ལམ་ངན་པ་ཟློག༔ ཆེ་སྲི་ཆུང་སྲི་དགྲ་སྲི་ཟློག༔ གཞོན་སྲི་དར་སྲི་གོད་སྲི་ཟློག༔ དགྲ་སྲི་ནད་སྲི་མཚོན་སྲི་ཟློག༔ མདོར་ན་སྲིད་པའི་ཆག་སྒོ་ཟློག༔ བདག་ལ་གནོད་པའི་དགྲ་འདྲེ་རྣམས༔ སྡང་བྱེད་དགྲ་བོའི་སྟེང་དུ་ཟློག༔ གནོད་བྱེད་བགེགས་ཀྱི་སྟེང་དུ་བྷྱོཿ བར་ཆད་བགེགས་ཀྱི་སྟེང་དུ་བྷྱོཿ ཟ་འདྲེ་ཕུང་སྲིའི་སྟེང་དུ་སྒྱུར༔ དམ་ཉམས་བྱད་མའི་སྟེང་དུ་བྷྱོཿ ཟློག་ཅིག་སྒྱུར་ཅིག་བདེན་པའི་བཀའ༔ ད་ནི་བཟློག་བསྒྱུར་དུས་ལ་བབ༔ དགྲ་བགེགས་འདུལ་བའི་དུས་ལ་བབ༔ དེ་ནས་ཐན་ཟློག་ནི༔ ཧཱུྃ་བྷྱོཿ གདུག་རྩུབ་དྲག་པོའི་རྩང་ཕུར་འདིས༔ ད་ནི་བཟློག་བསྒྱུར་དུས་ལ་བབ༔ སྟེང་ཕྱོགས་ལྷ་ཡི་གདུག་པ་ཡང་༔ དམར་ནག་རྩང་གི་བཟློག་ཏུ་གསོལ༔ འོག་ཕྱོགས་ཀླུ་ཡི་གདུག་པ་ཡང་༔ དམར་ནག་རྩང་གིས་བཟློག་ཏུ་གསོལ༔ བར་སྣང་གཉན་གྱི་གདུག་རྩུབ་རྣམས༔ དམར་ནག་རྩང་གིས་བཟློག་ཏུ་གསོལ༔ གནམ་ལོ་རྒྱལ་པོའི་སྐེག་བབ་དེ༔ དམར་ནག་རྩང་གིས་བཟློག་ཏུ་གསོལ༔ ཟླ་བ་བློན་པོའི་རྩིས་མཚལ་ཡང་༔ དམར་ནག་རྩང་གིས་བཟློག་ཏུ་

[Full Size]

གསོལ༔ ཞག་གི་དམག་མའི་སྣ་དྲང་ཡང་༔ དམར་ནག་རྩང་གིས་བཟློག་ཏུ་གསོལ༔ དུས་ཚོད་མཚོན་ཆའི་བདུད་གཅོད་ཀྱང་༔ དམར་ནག་རྩང་གིས་བཟློག་ཏུ་གསོལ༔ སྤར་ཁ་རུས་པའི་སྟེང་ཆགས་ཀྱང་༔ དམར་ནག་རྩང་གིས་བཟློག་ཏུ་གསོལ༔ སྨེ་བ་ཤ་ཡི་རྒྱ་རལ་ཡང་༔ དམར་ནག་རྩང་གིས་བཟློག་ཏུ་གསོལ༔ དར་རྒུད་ལྤགས་པ་རལ་བ་ཡང་༔ དམར་ནག་རྩང་གིས་བཟློག་ཏུ་གསོལ༔ ཤ་ངུར་འབྱུང་བ་ལྔ་ཡི་ས་བདག་ཡང་༔ དམར་ནག་རྩང་གིས་བཟློག་ཏུ་གསོལ༔ སྣང་སྲིད་ལྷ་འདྲེ་ཐམས་ཅད་ཀྱི༔ བསམ་སྦྱོར་གདུག་རྩུབ་ངན་པ་རྣམས༔ དམར་ནག་རྩང་གིས་བཟློག་ཏུ་གསོལ༔ ནད་རིགས་བཞི་བརྒྱ་རྩ་བཞི་ཡང་༔ དམར་ནག་རྩང་གིས་བཟློག་ཏུ་གསོལ༔ བགེགས་རིགས་སྟོང་ཕྲག་བརྒྱད་ཅུ་ཡང་༔ དམར་ནག་རྩང་གིསབཟློག་ཏུ་གསོལ༔ ཡེ་འདྲོག་སུམ་བརྒྱ་དྲུག་ཅུ་ཡང་༔ དམར་ནག་རྩང་གིས་བཟློག་ཏུ་གསོལ༔ དགྲ་འདྲེ་བྱུར་གསུམ་མི་ཁ་ཡང་དམར་ནག་རྩང་གིས་བཟློག་ཏུ་གསོལ༔ སྲེ་མོང་བྱི་རོ་ཁྱེར་བ་དེ༔ ནལ་ཕྲུག་ཡོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ རྨོས་གླང་རོལ་ནས་འཁུན་པ་

[Full Size]

དེ༔ ས་བདག་གནོད་པའི་ལྟས་ངན་ཡིན་དམར་ནག་རྩང་གིས་བཟློག་ཏུ་གསོལ༔ སྦྲ་ཡི་གུང་ཤིང་ཆག་པ་དེ༔ ལྷ་འདྲེ་འཁྲུག་པའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ རི་དྭགས་ཁྱིམ་སྒོར་འོང་བ་དེ༔ མ་དང་བུ་མོའི་བཙོག་ནལ་ཡིན༔ དམར་ནག་རྩང་གིས་བཟློག་ཏུ་གསོལ༔ ར་ལུག་བཤའ་རྒྱུད་ཁྱེར་བ་དེ༔ ཡུལ་བུད་སོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ སྦལ་སྦྲུལ་ཁྱིམ་དུ་འོང་བ་དེ༔ བུ་སྲིང་བྱེ་ཡུགས་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ དྲེལ་རྟས་རྔ་རྔོག་འཆའ་བ་དེ༔ མཚོན་ཆ་འཁྲུག་པའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ ལུག་ཤ་ལག་འགྲམ་ངན་པ་དེ༔ ར་ལུག་ཤི་ཆད་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ སོག་པའི་མེ་ལོང་རྡོལ་བ་དེ༔ རིམས་ནད་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ ཕ་སྤུན་ཟེར་ཁ་མང་བ་དེ༔ བྱེ་བྲལ་འོང་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ འུག་པ་སྒོ་ནས་རྒོད་པ་དང་༔ སྲིན་

[Full Size]

བྱས་ཉིན་པར་ཀུས་འདེབས་དེ༔ བྱེ་བྲལ་ཁྱིམ་ཕུགས་ཤོར་བའི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ སྒོ་ཁྱི་ངུ་ཟུག་བྱེད་པ་དེ༔ བུ་ཚ་ད་ཕྲུག་འོང་བའི་ལྟས་ངན་ཡིན༔ དམར་ནག་ཆུང་གིས་བཟློག་ཏུ་གསོལ༔ བྱི་ལོང་ལམ་ཁར་ལོང་བ་དང་༔ བུད་མེད་ནག་མོའི་ཅོ་འཛིང་ནི༔ ཉེ་བ་ཀུན་གྱི་ལྟས་ངན་ཡིན༔ དམར་ནག་རྩང་གིས་བཟློག་ཏུ་གསོལ༔ ལྟས་ངན་ཐམས་ཅད་རྩང་གིས་བཟློག་ཏུ་གསོལ༔ སྐྱེས་པ་ཕོ་ཡི་རུས་འདྲེ་བཟློག་ཏུ་གསོལ༔ ཟ་མ་མོ་ཡི་སྐག་འདྲེ་བཟློག་ཏུ་གསོལ༔ རྐྱེན་ཕྱོགས་རྐྱེན་འདྲེ་འཁོར་བ་བཟློག་ཏུ་གསོལ༔ ཕ་མྱེས་བསྒྲེན་འདྲེ་ཐམས་ཅད་བཟློག་ཏུ་གསོལ༔ ལྟས་ངན་ཆེ་དགུ་ཐམས་ཅད་བཟློག་ཏུ་གསོལ༔ ཁང་ཁྱིམ་བཀྲག་མདངས་ཤོར་བ་བཟློག་ཏུ་གསོལ༔ དུར་ས་ཝ་མོ་བརྒྱལ་བ་བཟློག་ཏུ་གསོལ༔ རྟ་ཕོ་སྲོད་ལ་འཚེར་བ་བཟློག་ཏུ་གསོལ༔ ཐོ་རངས་སྒོ་ཁྱི་དུ་བ་བཟློག་ཏུ་གསོལ༔ ཕུ་ཡི་ཤ་ཕོ་རུ་འཛིང་བཟློག་ཏུ་གསོལ༔ མདའ་ཡི་ཉ་མོ་རྫ་འཛིང་བཟློག་ཏུ་གསོལ༔ བར་གྱི་རྒོད་པོ་སྡེར་འཛིང་བཟློག་ཏུ་གསོལ༔་ཁང་ཁྱིམ་འུག་པ་རྒོད་པ་བཟློག་ཏུ་གསོལ༔ སྲིན་བྱས་ཕུང་ཕུང་ཟེར་བ་

[Full Size]

བཟློག་ཏུ་གསོལ༔ སྦྲུལ་ནག་ལམ་ཁར་ཉལ་བ་བཟློག་ཏུ་གསོལ༔ ཕྱུགས་ཀྱི་འགྲམ་འཁྲུགས་ངན་པ་བཟློག་ཏུ་གསོལ༔ མཚེ་མ་བུ་ཕུང་ངན་པ་བཟློག་ཏུ་གསོལ༔ ཁང་ཁྱིམ་སྲིན་བྱས་ཚང་བཅས་བཟློག་ཏུ་གསོལ༔ དེ་ལ་སོགས་པའི་སྐག་ཆེན་རྣམས༔ ལྟས་ངན་སྣ་ཚོགས་བསྒྱུར་དུ་གསོལ༔ བཟློག་བསྒྱུར་ཆེན་པོའི་དུས་ལ་བབ༔ ས་མ་ཡཱ༔ གྷོ་གྷོ༔ ཟློག་ཟློག༔ སྒྱུར་སྒྱུར༔ མཱ་ར་ཡ་དགྲ་བོ་བྱད་མ་གནོད་བྱེད་ཀྱི་སྟེང་དུ་བྷྱོ་བྷྱོ་ཟློག་ཟློག༔ ཨོཾ་ཧ་དྷེ་མོ་ཧཱ་ཧྲི་ཏཱ་ཡ༔ སི་ཏི་ཧཱ་རི་ཏ་ཡ༔ ལིཾ་ཏ་ཡ་མཱ་ར་ཡ་ནན༔ ཧཱུྃ་ཧཱུྃ་ཕཊ་ཕཊཿབྷྱོ་བྷྱོཿ ས་མ་ཡ་ཟློག་ཟློག༔ ཨ་ལི་ལ་པྲ་མོ་ཧེ་བྷྱོ་བྷྱོ༔ ཨ་ཏི་པྲ་མ་ན་ཟློག༔ ཆོད་འདྲེ་རྦོད་གཏོང་ཐམས་ཅད་ཟློག༔ ཐབས་ཤེས་རྫས་རྣམས་དྲངས་ཤིང་། ཀྱི། དཔའ་བོ་ཆེན་པོ་སོགས་གོང་ནས་དྲངས། སུ་ཁ་མར་གྱི་ལོངས་སྤྱོད་ལྷག་མ་གོང་ལྟར་ཕུལ། ན་མོ་དཀོན་མཆོག་གསུམ་དང་སོགས་ནས་ཤ་ཁྲག་ལ་ཁཱ་ཧི། བསྐུལ་པ་ནི། ཧཱུྃ༔ རང་བཞིན་གདོད་ནས་སོགས་ནས་འགྲུབ་པར་མཛོད་བར་བྱའོ། །དེ་ནས་གསེར་སྐྱེམས་དང་སྒོ་དབྱེ་བྱ་བ་ནི༔ གསེར་སྐྱེམས་བྱིན་གྱིས་བརླབས་ལ་ཕྱོགས་ཐམས་ཅད་དུ་མཆོད་བཅུག་ལ་འདི་སྐད་དོ༔ ཀྱེ༔

[Full Size]

འཇིག་རྟེན་འཛམ་གླིང་སྟེང་དང་འོག༔ ཕྱོགས་བཅུ་ཀུན་ན་བཞུགས་པ་ཡི༔ སྣང་སྲིད་ལྷ་འདྲེ་ཐམས་ཅད་ཀུན༔ ཐམས་ཅད་བདག་ལ་སྙན་གསོན་འཚལ༔ རིན་ཆེན་ལས་གྲུབ་སྣོད་མཆོག་ཏུ༔ རོ་བཅུད་ཟས་དང་འབྲུ་བཅུད་ཆང་༔ ས་ཡི་སྙིང་པོ་རིན་ཆེན་གསེར༔ རྡོ་ཡི་སྙིང་པོ་རིན་ཆེན་དངུལ༔ བཀྲག་མདངས་རྒྱས་པ་མཚོ་རོ་གཡུ༔ སྔོན་མོ་འཕེལ་ཆེན་འབྲུ་བཅུད་ནས༔ གཉིས་སུ་སྦྱར་བའི་གསེར་སྐྱེམས་འདི༔ བླ་མ་ཡི་དམ་མཁའ་འགྲོ་དང་༔ ཆོས་སྐྱོང་དཔལ་མགོན་རྣམས་ལ་འབུལ༔ རྣལ་འབྱོར་བདག་གིས་རྒྱབ་རྟེན་མཛོད༔ གཏོར་མདོས་དགྲ་ཡུལ་བསྐྱོད་པའི་ཚེ༔ དགྲ་དང་བགེགས་ལ་ཟོར་འཕེན་ན༔ ཕྱོགས་བཅུའི་ཀུན་ལ་གནས་པ་དང་༔ མདོས་གཏོར་གཏོང་ཕྱོགས་གནས་པ་ཡི༔ ཕྱོགས་སྐྱོང་སྡེ་བརྒྱད་དྲེགས་པའི་ཚོགས༔ རྒྱལ་པོ་བཙུན་མོ་བློན་པོ་དང་༔ ནང་མི་དམག་དཔུང་སྡེ་དང་བཅས༔ འབྱུང་པོའི་ཚོགས་རྣམས་མ་ལུས་ཀུན༔ གསེར་སྐྱེམས་བདུད་རྩི་འདི་བཞེས་ལ༔ ཉམས་པའི་མགོན་སྐྱབས་མ་མཛད་པར༔ རྣལ་འབྱོར་བདག་གི་སྡོང་གྲོགས་མཛོད༔ ཐུན་ཟོར་མདོས་ཀྱི་ལམ་ཕྱེས་ཤིག༔ གང་ཞིག་བསྒོ་བ་

[Full Size]

མ་ཉན་པར༔ ཉམས་པའི་གྲིབ་ཀྱིས་ཉེས་བྱུང་ན༔ ང་ནི་མ་ཉེས་མ་ལན་ཅིང་༔ ཉེས་ལན་དགྲ་དང་བགེགས་ལ་ཕོབ༔ ཕྱི་ནང་གསང་བའི་ལྷ་མ་སྲིན༔ ལོ་ཟླ་ཞག་དུས་འབྱུང་བའི་བདག༔ ཡུལ་ལྷ་གཞི་བདག་མཐུ་ཆེན་རྣམས༔ གསེར་སྐྱེམས་མཆོད་གཏོར་འདི་བཞེས་ལ༔ རྣལ་འབྱོར་བདག་གི་སྡོང་གྲོགས་མཛོད༔ ཁྱད་པར་ཡུལ་དང་གྲོང་གི་བདག༔ གཉུག་མར་གནས་པ་མ་ལུས་པ༔ གཏོར་ལམ་གནས་པའི་འབྱུང་པོའི་ཚོགས༔ གསེར་སྐྱེམས་གཏོར་མ་འདི་བཞེས་ལ༔ མཐོ་བ་རྣམས་ཀྱི་ཞབས་ཡར་སྐུམས༔ དམའ་བ་རྣམས་ཀྱི་དབུ་མར་ཁུག༔ བར་པ་རྣམས་ཀྱི་སྐུ་གཟུར་ལ༔ ཡས་ལམ་ཕྱེས་ལ་གཏོར་ལམ་ཕྱེས༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་གསེར་སྐྱེམས་ཕུལ༔ དེ་ནས་སྒོ་དབྱེ་བྱ་བ་ནི༔ ཧཱུྃ་བྷྱོ༔ དཀྱིལ་འཁོར་ཡོངས་ཀྱི་ཕྱི་ཡི་སྒོ་སྐྱོང་མ༔ རྒྱལ་ཆེན་སྡེ་བཞི་ཕྱོགས་སྐྱོང་བཅུ༔ གསེར་སྐྱེམས་མཆོད་པ་འདི་བཞེས་ལ༔ སྐུ་སྤྱན་གཡོལ་དམག་དཔུང་བསྐྱེད༔ སྡང་དགྲ་གནོད་བྱེད་སྟེང་དུ་བྷོ༔ ཧཱུྃ་བྷྱོཿ ཕྱོགས་བཞི་སྒོ་མ་ཆེན་མོ་བཞི༔ ཕྱག་མཚན་བཞི་ཡི་ཕྱག་རྒྱ་ཡིས༔ དཀྱིལ་འཁོར་

[Full Size]

ཕྱོགས་བཞིའི་སྒོ་རྣམས་ཕྱེས༔ གསེར་སྐྱེམས་གཉན་པོ་འདི་གསོལ་ལ༔ གཏོར་མའི་ཟོར་ལམ་དགྲ་ལ་སྟོན༔ བཛྲ་རཏྣ་པདྨ་ཀརྨ་པྲ་ཝེ་ཤ་ཡ་ཕཊཿ ཅེས་གསེར་སྐྱེམས་མདོས་ཀྱི་ཕྱོགས་བཞི་ལ་མཆོད༔ ཨོཾ་བཛྲ་བྷ་ར་ཧི་ཀྲོ་ཏི་ཀ་ལི་མཎྜལ་ལ་སྤ་ར་ཎ་ཧཱུྃ༔ མདོས་ཀྱི་རྟེན་པ་དང་བརྟེན་པར་བཅས་པའི་ལྷ་ཚོགས་ཐམས་ཅད་མདུན་གྱི་ནམ་མཁར་བཛྲ་ས་མ་ཡཱ་ཛ་ཛཿ ལྷ་ཚོགས་ཐམས་ཅད་མདུན་གྱི་ནམ་མཁར་བཏེག་ལ་བར་སྣང་གང་བར་བསྒོམ༔ དེ་ནས་འགྲིགས་རིམ་བཞིན་དུ་བཤམས་ལ༔ མདོས་ཐོག་ཙཀླུ་བླངས་ལ་ཞལ་བསྒྱུར་དང་དམག་འགྱེད་བྱ་བ་ནི༔ ཧཱུྃ་བྷྱོ༔ ད་ནི་ཟློག་མདོས་ཞལ་བསྒྱུར་རོ༔ ཁྲོས་མ་ནག་མོ་ཞལ་བསྒྱུར་རོ༔ སྡང་བའི་དགྲ་ལ་ཞལ་བསྒྱུར་རོ༔ མཁའ་འགྲོའི་དམག་དཔུང་བྱེ་བའི་ཚོགས༔ སྡང་བའི་དགྲ་ལ་ཞལ་བསྒྱུར་རོ༔ ལྷ་སྲིན་སྡེ་བརྒྱད་ཚོགས་དང་བཅས༔ སྡང་བའི་དགྲ་ལ་ཞལ་བསྒྱུར་རོ༔ སྣང་སྲིད་ལྷ་འདྲེའི་དམག་དང་བཅས༔ སྡང་བའི་དགྲ་ལ་ཞལ་བསྒྱུར་རོ༔ ཆིབས་ཁ་དགྲ་ཡི་ཡུལ་དུ་སྒྱུར༔ དམག་སྣ་དགྲ་ཡི་ཡུལ་དུ་དྲོངས༔ དམག་དཔུང་དགྲ་ཡི་ཡུལ་དུ་ཆོས༔ སྦྲ་ནག་དགྲ་ཡི་སྒོ་ཁར་ཕུབ༔ རུ་དར་དགྲ་ཡི་ཁྱིམ་དུ་ཚུགས༔ མདུང་དར་དགྲ་ཡི་ཡུལ་དུ་

[Full Size]

སྒྱུར༔ མཚོན་ཆས་དགྲ་ཡི་ལུས་སྲོག་ཕྲོལ༔ བདུད་ཞགས་དགྲ་ཡི་མགུལ་དུ་ཐོབ༔ ཁྲམ་བམ་སྡང་མིག་དགྲ་ལ་རྒྱོབས༔ དུག་གཟེར་དགྲ་བོའི་ཁོང་དུ་ཐོངས༔ ཟས་སུ་དགྲ་བོའི་ཤ་ལ་ཟོ༔ སྐོམ་དུ་དགྲ་བོའི་ཁྲག་ལ་འཐུང་༔ སྔོན་གྱི་དམ་བཅའ་མ་གཡེལ་བར༔ བཅོལ་བའི་ཕྲིན་ལས་འགྲུབ་པར་མཛོད༔ ཧཱུྃ་བྷྱོཿ ཤར་གྱི་ཕྱོགས་སུ་དམག་འདྲེན་ན༔ དམག་དཔོན་རྡོ་རྗེ་མཁའ་འགྲོས་མཛོད༔ དམག་སྣ་དཔལ་ལྡན་ལྷ་མོས་གྱིས༔ དམག་གཏིང་ཡུལ་འཁོར་སྲུང་གིས་སྐྱོངས༔ དམག་འདི་དགྲ་ཡི་སྟེང་དུ་བྷྱོ༔ ཧཱུྃ་བྷྱོ༔ ལྷོ་ཡི་ཕྱོགས་སུ་དམག་འདྲེན་ན༔ དམག་དཔོན་རིན་ཆེན་མཁའ་འགྲོས་མཛོད༔ དམག་སྣ་རེ་མ་ཏི་ཡིས་དྲོངས༔ དམག་གཏིང་འཕགས་སྐྱེས་པོ་ཡི་སྐྱོངས༔ དམག་འདི་དགྲ་ཡི་སྟེང་དུ་བྷྱོ་ཧཱུྃ་བྷྱོ༔ ནུབ་ཀྱི་ཕྱོགས་སུ་དམག་འདྲེན་ནི༔ དམག་དཔོན་པདྨ་མཁའ་འགྲོས་མཛོད༔ དམག་སྣ་སྲིད་པའི་རྒྱལ་མོས་དྲོངས༔ དམག་གཏིང་སྤྱན་མི་བཟང་གིས་སྐྱོངས༔ དམག་འདི་དགྲ་ཡི་སྟེང་དུ་བྷོ༔ ཧཱུྃ་བྷྱོ༔ བྱང་གི་ཕྱོགས་སུ་དམག་འདྲེན་ན༔ དམག་དཔོན་ལས་ཀྱི་མཁའ་འགྲོས་མཛོད༔ དམག་

[Full Size]

སྣ་མ་མོ་ཡོངས་ཀྱིས་དྲོངས༔ དམག་གཏིང་རྣམ་ཐོས་སྲས་ཀྱིས་སྐྱོངས༔ དམག་འདི་དགྲ་ཡི་སྟེང་དུ་བྷྱོ༔ རིགས་བཞི་མཁའ་འགྲོ་དམག་ལ་ཆོས༔ རྒྱལ་ཆེན་སྡེ་བཞིས་དམག་གཏིང་སྐྱོངས༔ སྣང་སྲིད་མ་མོས་དམག་སྣ་དྲོངས༔ སངས་རྒྱས་བསྟན་པ་རིན་ཆེན་སྲུངས༔ རྣལ་འབྱོར་བདག་གི་སྡོང་གྲོགས་མཛོད༔ དགྲ་བགེགས་འདུལ་བའི་ཕྲིན་ལས་མཛོད༔ དམ་ཉམས་དགྲ་བོ་ཁྲམ་ལ་ཐོབ༔ དགྲ་བགེགས་ཡུལ་དུ་དམག་ལ་ཆོས༔ ཐུལ་ཅིག་སྡང་དགྲ་གནོད་བྱེད་བགེགས༔ ཟློག་ཅིག་ལྷ་འདྲེའི་དམག་ཟློག༔ རང་ཉིད་ཁྲོས་མ་ནག་མོ་ཞལ་སྲིད་གསུམ་རྩེ་ནས་ཕྱིར་གཟིགས་ནས་སྲིད་གསུམ་ཟིལ་གྱིས་མནན་པར་བསམ༔ དེ་ནས་མཁའ་འགྲོའི་དམག་ཚོགས་རྣམས་དགྲ་བགེགས་ཀྱི་སྟེང་དུ་ཆས་པར་བསམ་ལ་མེ་རླུང་འཚུབ་མ་ལྟར་སོང་བར་བསམ་ལ་འདི་སྐད་དོ༔ ཧཱུྃ་བྷྱོ༔ ད་ནི་ཟློག་མདོས་སྐྱོད་རེ་རན༔ ཁྲོས་མ་ནག་མོ་སྐུ་སྐྱོད་འཚལ༔ འཁོར་གྱི་མཁའ་འགྲོ་སྐུ་སྐྱོད་འཚལ༔ ལས་ཀྱི་ཕོ་ཉ་སྐུ་སྐྱོད་འཚལ༔ ལྷ་སྲིན་དམག་ཚོགས་སྐུ་སྐྱོད་ཅིག༔ དགྲ་བགེགས་ཡུལ་དུ་སྐུ་སྐྱོད་ཅིག༔ ཆིབས་ཁ་དགྲ་ཡི་ཡུལ་དུ་སྒྱུར༔ དགྲ་བོའི་ཡུལ་ཁམས་དམག་གིས་ཁེངས༔ སྡང་བའི་དགྲ་ལ་སྐུ་ཟུར་སྟོན༔ ཐུན་ཟོར་

[Full Size]

སྡང་བའི་དགྲ་ལ་རྒྱོབས༔ དགྲ་བོའི་མི་ནོར་ཆམ་ལ་ཕོབ༔ དགྲ་བགེགས་ཡུལ་ཁམས་རྡུལ་དུ་རློགས༔ བཅོལ་བའི་ཕྲིན་ལས་འགྲུབ་པར་མཛོད༔ ཕྱི་རོལ་གོམ་པ་བདུན་ཅུའི་སར་ཁྱེར་ལ་གསེར་སྐྱེམས་དང་དཀར་གཏོར་བྲན་ལ༔ གསེར་སྐྱེམས་འཐོར་ཞིང་འདི་སྐད་དོ༔ ཧཱུྃ་བྷྱོ༔ སྣང་ཞིང་སྲིད་པའི་ལྷ་འདྲེ་རྣམས༔ ཐམས་ཅད་བདག་ལ་སྙན་གསོན་འཚལ༔ རིན་ཆེན་ལྔ་དང་འབྲུ་བཅུད་ཆང་༔ མཉམ་དུ་སྦྱར་བའི་གསེར་སྐྱེམས་འདི༔ བླ་མ་ཡི་དམ་མཁའ་འགྲོ་དང་༔ ཆོས་སྐྱོང་དཔལ་མགོན་རྣམས་ལ་འབུལ༔ རྣལ་འབྱོར་བདག་གི་རྒྱབ་རྟེན་མཛོད༔ ཕྱི་ནང་གསང་བའི་ལྷ་མ་སྲིན༔ ལོ་ཟླ་ཞག་དུས་འབྱུང་བའི་བདག༔ ཡུལ་ལྷ་གཞི་བདག་མཐུ་ཆེན་རྣམས༔ གསེར་སྐྱེམས་མཆོད་གཏོར་འདི་བཞེས་ལ་རྣལ་འབྱོར་བདག་གི་སྡོང་གྲོགས་མཛོད༔ ཁྱད་པར་ཡུལ་དང་གྲོང་གི་བདག༔ གཉུག་མར་གནས་པ་མ་ལུས་དང་༔ གཏོར་ལམ་འདིར་གནས་འབྱུང་པོའི་ཚོགས༔ གསེར་སྐྱེམས་གཏོར་མ་འདི་བཞེས་ལ་མཐོ་བ་རྣམས་ཀྱི་ཞབས་ཡར་སྐུམས༔ དམའ་བ་རྣམས་ཀྱི་དབུ་མར་ཁུག༔ བར་པ་རྣམས་ཀྱི་སྐུ་བཟུར་ཅིག༔ ཡས་ལམ་ཕྱེས་ལ་གཏོར་ལམ་

[Full Size]

ཕྱེས༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་གསེར་སྐྱེམས་དཀར་གཏོར་ཕུལ༔ དེ་ནས་ཟ་ལམ་ལ་དཔལ་འབར་བཙུགས་གོམ་པ་བདུན་ཅུ་འདས་པའི་སར་ཁྱེར་ལ༔ བདུད་རྩི་ས་བྲན་ལ་ཟ་ལམ་བྱའོ༔ དེ་ནས་གཏོར་ཟོར་རྣམས་ཀྱི་བསྐུལ་པ་ནི༔ ཧཱུྃ་བྷྱོ༔ མ་གཡེལ་མ་གཡེལ་རིག་འཛིན་ཚོགས༔ མ་གཡེལ་མ་གཡེལ་ཡི་དམ་ཚོགས༔ མ་གཡེལ་མ་གཡེལ་མཁའ་འགྲོའི་ཚོགས༔ ཐམས་ཅད་ཐུགས་དམ་གནད་ནས་སྐུལ༔ རང་རང་གནས་ནས་སྐུ་བཞེངས་འཚལ༔ དམར་ཆེན་གཏོར་མ་འདི་བཞེས་ལ༔ དེ་རིང་བདག་གི་དཔུང་གྲོགས་མཛོད༔ ཁྱེད་རྣམས་ཐུགས་དམ་དུས་ལ་བབ༔ ཧཱུྃ༔ མཚན་མོ་སྒྲ་སྒྲོག་གཅེར་བུའི་ལུས༔ གར་མཛད་དགྱེས་པའི་གད་རྒྱངས་ཅན༔ བདུད་འཇོམས་དྲག་མོའི་ཆ་ལུགས་ཅན༔ དབང་བསྒྱུར་མཁའ་འགྲོའི་སྐུ་ལ་བསྟོད༔ ཧཱུྃ༔ བསྐུལ་ལོ་མ་མོ་མཁའ་འགྲོའི་ཚོགས༔ རྦད་དོ་ཤ་ཟ་ཌཀྐི་མ༔ བཅོལ་བའི་ཕྲིན་ལས་འགྲུབ་པར་མཛོད༔ དེ་ནས་ཟོར་འཕེན་པ་ནི༔ ཧཱུྃ་བྷྱོཿ དམར་གྱི་གཏོར་མ་ཆེན་པོ་འདི༔ མཁའ་འགྲོ་དམ་ཅན་མཆོད་པའི་རྫས༔ དགྲ་བགེགས་དམ་ཉམས་བསྒྲལ་བའི་མཚོན༔ ནད་དང་རིམས་ཀྱི་ན་བུན་འཐུལ་དུག་

[Full Size]

དང་མཚོན་གྱི་ཆར་པ་འབེབས༔ བསྟན་པ་བཤིག་པའི་དགྲ་བགེགས་ལ༔ མཚོན་གྱི་ཆར་པ་དེ་ལ་ཕོབ༔ དུག་དང་ནད་རིམས་དེ་ལ་ཕོབ༔ ཐུན་ཟོར་སྔགས་ཟོར་དེ་ལ་རྒྱོབས༔ སྡང་དགྲ་བགེགས་ལ་གཏོར་ཟོར་རྒྱོབས་གནོད་བྱེད་འདྲེ་ལ་གཏོར་ཟོར་རྒྱོབས༔ བར་ཆད་བདུད་ལ་གཏོར་ཟོར་རྒྱོབས༔ ཕུང་བའི་སྲི་ལ་གཏོར་ཟོར་རྒྱོབས༔ ཟ་བའི་འདྲེ་ལ་གཏོར་ཟོར་རྒྱོབས༔ དགྲ་བགེགས་ཐལ་བ་རྡུལ་དུ་རློགས༔ ཨོཾ་བཛྲ་བྷ་ར་ཧི་ཀྲོ་ཏི་ཀ་ལི་ཧ་རི་ནི་ས་ཌཱཀྐི་ནི་དགྲ་བགེགས་མཱ་ར་ཡ་ཕཊཿ ཅེས་ཟོར་དུ་འཕང་བའམ་དམིགས་པའི་ཕྱོགས་སུ་བསྐྱལ་ལོ༔ དེ་ནས་གཏོར་མདོས་བསྐུལ་ཞིང་ལག་ཏུ་ཐོགས་ལ༔ ཧཱུྃ་བྷྱོ༔ ནུབ་ཕྱོགས་པདྨ་དབང་གི་དཀྱིལ་འཁོར་ནས༔ དཔལ་ཆེན་རྟ་མགྲིན་ཡབ་ཡུམ་དགྲ་ལ་བྷྱོ༔ དུར་ཁྲོད་སོ་ས་གླིང་གི་དཀྱིལ་འཁོར་ནས༔ ཐུགས་རྗེ་ཁྲོས་མ་ནག་མོ་དགྲ་ལ་བྷོ༔ ཞེ་སྡང་མེ་ལྟར་འབར་བའི་ཀློང་དཀྱིལ་ནས༔ རྡོ་རྗེ་མཁའ་འགྲོའི་དམག་ཚོགས་དགྲ་ལ་བྷོ༔ ང་རྒྱལ་རི་ལྟར་ཉིལ་བའི་ཀློང་དཀྱིལ་ནས༔ རིན་ཆེན་མཁའ་འགྲོའི་དམག་ཚོགས་དགྲ་ལ་བྷོ༔ འདོད་ཆགས་ཆུ་ལྟར་ཁོལ་བའི་ཀློང་དཀྱིལ་ནས༔ པདྨ་མཁའ་འགྲོའི་

[Full Size]

དམག་ཚོགས་དགྲ་ལ་བྷོ༔ ཕྲག་དོག་རླུང་ལྟར་འཚུབ་པའི་ཀློང་དཀྱིལ་ནས༔ ལས་ཀྱི་མཁའ་འགྲོའི་དམག་ཚོགས་དགྲ་ལ་བྷྱོ༔ གཏི་མུག་མུན་ལྟར་གཏིབས་པའི་ཀློང་དཀྱིལ་ནས༔ སངས་རྒྱས་མཁའ་འགྲོའི་དམག་ཚོགས་དགྲ་ལ་བྷྱོ༔ བསིལ་བ་ཚལ་གྱི་དུར་ཁྲོད་ཆེན་པོ་ནས༔ དཔལ་ལྡན་ནག་པོ་ཆེན་པོ་དགྲ་ལ་བྷྱོ༔ ཐོད་མཁར་མེ་རླུང་འཚུབ་པའི་ཀློང་དཀྱིལ་ནས། དཔལ་ལྡན་ལྷ་མོ་ཆེན་མོ་དགྲ་ལ་བྷོ༔ བྱང་ཕྱོགས་ལྕང་ལོ་ཅན་གྱི་ཕོ་བྲང་ནས༔ ཆོས་སྐྱོང་རྣམ་སྲས་འཁོར་བཅས་དགྲ་ལ་བྷྱོ༔ ཟངས་རི་འཁྱིལ་པའི་ཕོ་བྲང་དམ་པ་ནས༔ འབར་བ་བཙན་རྒོད་སྤུན་བདུན་དགྲ་ལ་བྷྱོ༔ ཨོ་རྒྱན་སྨུག་ནག་འཁྱིལ་བའི་ཀློང་དཀྱིལ་ནས༔ བསྟན་སྲུང་མ་མོ་མཆེད་གསུམ་དགྲ་ལ་བྷྱོ༔ ཉོན་མོངས་ཆུ་ལྟར་ཁོལ་བའི་ཀློང་དཀྱིལ་ནས༔ གནས་པོ་ལྷ་སྲིན་སྡེ་བརྒྱད་དགྲ་ལ་བྷོ༔ བར་སྣང་གློག་མདའ་འབྲུག་གིས་བསྐུལ་བ་བཞིན༔ རྫུ་འཕྲུལ་རྩལ་དང་བཅས་པ་ད་རྒྱུག་ཅིག་ཅེས་ཤིན་ཏུ་གཉན་པས་གལ་ཆེ་བ་མ་གཏོགས་གར་ཐོད་ཐོད་དུ་མི་བྱ༔ མཁའ་འགྲོའི་བཀའ་ཆད་འོང་༔ རྒྱུན་ཁྱེར་ནི༔ རྗེ་དགུ་པས་མཛད་པའི་མཁའ་འགྲོ་ཆོས་སྐྱོང་སྤྱིའི་བསྐུལ་པ་ནི༔ ཧཱུྃ་བྷྱོ༔ མཁའ་འགྲོ་ཆོས་སྐྱོང་ཡེ་

[Full Size]

ཤེས་སྤྱན་ལྡན་པ༔ ལེགས་ཉེས་ཤན་ཕྱེས་ཉམས་པའི་སྲོག་གཅོད་པ༔ མྱུར་མགྱོགས་རྫུ་འཕྲུལ་མཐུ་ལྡན་ཁྱེད་རྣམས་ཀྱིས༔ བདག་ལ་སྡང་བའི་དགྲ་བགེགས་བྱད་མ་རྣམས༔ ལྷག་མ་རྗེས་ཤུལ་ཙམ་ཡང་མེད་པར་མཛོད༔ མ་གཡེལ་མ་གཡེལ་བཀའ་སྡོད་རྒྱ་མཚོའི་ཚོགས༔ འབོད་དོ་སྙན་མ་སྲ་ལ་རྒྱང་མ་རིང་༔ བཅོམ་ལྡན་སྤྱན་སྔར་ཞལ་བཞེས་མ་གཡེལ་བ༔ དགྲ་བགེགས་མྱུར་དུ་བསྒྲལ་བའི་ལས་མཛོད་ཅིག༔ ཅེས་གཏོར་མ་བསྐུལ་ལ་རྒྱབ་བོ༔ སླར་སྤྲོ་ན་གཏོར་གཞོང་ཆུས་བཤལ་ལ་བརྟན་མར་ཕུལ༔ ཨོཾ་ཨཱཿཧཱུྃ་བཛྲ་ཨ་མྲྀ་ཏ་ཧཱུྃ་ཧྲཱི་ཋཱ༔ ཞེས་བདུད་རྩིར་བྱིན་གྱིས་བརླབ་ཅིང་བརྟན་མ་མཆོད༔ དེ་ནས་གཏོར་གཞོང་ཁ་སྦུབས་ལ་གཏོར་བྲོ་ནི༔ ཧཱུྃ་བྷྱོ༔ ཐུགས་རྗེ་ཁྲོས་མའི་གཟི་བརྗིད་ཀྱིས༔ བགེགས་དང་དམ་སྲི་བར་ཆད་རྣམས༔ རི་རབ་ཆེན་པོའི་འོག་ཏུ་མནན༔ ཌཱཀྐི་སྡེ་ལྔའི་བྲོ་ར་བཙུགས༔ དཔའ་བོའི་བྲོ་རྡུང་ཁྲིགས་སེ་ཁྲིག༔ དཔའ་མོས་གར་བྱེད་ཁྱུགས་སེ་ཁྱུག༔ ཡེ་ཤེས་ལྔ་ཡི་བྲོ་བརྡུངས་བས༔ དུག་ལྔའི་ཕུང་པོ་གཏན་ནས་བརླག༔ བདུད་དགྲ་ཐལ་བ་རྡུལ་དུ་རློགས༔ ཨོཾ་ལཾ་ཨ་ལཾ་ཧཱུྃ་ལཾ་སྟྭཾ་བྷ་ཡ་ནན༔ དེ་ནས་རྗེས་ཆོག་བྱ་བ་ནི༔ ཧཱུྃ༔ ཐུགས་རྗེ་ཁྲོས་

[Full Size]

མའི་ལྷ་ཚོགས་འཁོར་བཅས་ལ༔ དངོས་འབྱོར་ཡིད་སྤྲུལ་ཕྱི་ནང་གསང་མཆོད་འབུལ༔ ཨརྒྷཾ་སོགས། བསྟོད་དབྱངས་ཡན་ལག་རྒྱ་མཚོས་རབ་ཏུ་བསྟོད༔ ཆོ་ག་ལྷག་ཆད་འགལ་འཁྲུལ་བཟོད་པར་བཞེས༔ ཡིག་བརྒྱ་བརྗོད། ཨོཾ་ཁྱེད་ཀྱིས་སེམས་ཅན་དོན་ཀུན་མཛད༔ སོགས་ནས། བཛྲ་མུཿ རང་གནས་གཤེགས་སམ་རྟེན་ལ་བརྟན་པར་བཞུགས༔ མདུན་བསྐྱེད་དམ་ཚིག་རང་ལ་ཐིམ༔ རང་ཉིད་ཀྱང་མཐའ་ནས་དབུས་སུ་ཡལ༔ མི་དམིགས་སྟོང་ཉིད་དུ་གྱུར༔ དགེ་བས་མཆོག་ཐུན་དངོས་གྲུབ་ཐོབ་པར་ཤོག༔ བདེ་ལེགས་ཕུན་སུམ་ཚོགས་པའི་བཀྲ་ཤིས་ཤོག༔ ཧཱུྃ༔ བཀའ་བརྒྱུད་བླ་མ་རྣམས་ཀྱི་བཀྲ་ཤིས་ཤོག༔ ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག༔ སྟོང་ཉིད་སྙིང་རྗེའི་ངང་ལས་ཐུགས་རྗེའི་སྐུ༔ རྒྱལ་བའི་བསྐྱེད་ཡུམ་རྡོ་རྗེ་རྣལ་འབྱོར་མ༔ བྱིན་རླབས་དངོས་གྲུབ་ཐམས་ཅད་འབྱུང་བའི་གནས༔ ཐུགས་རྗེ་ཁྲོས་མའི་ལྷ་ཚོགས་བཀྲ་ཤིས་ཤོག༔ ཞི་རྒྱས་དབང་དྲག་ལས་རྣམས་སྒྲུབ་མཛད་མ༔ མཁའ་འགྲོ་སྡེ་བཞི་ལྷ་ཚོགས་བཀྲ་ཤིས་ཤོག༔ དཔའ་བོ་མཁའ་འགྲོ་རྣམས་ཀྱི་བཀྲ་ཤིས་ཤོག༔ ཆོས་སྐྱོང་སྲུང་མ་

[Full Size]

རྣམས་ཀྱི་བཀྲ་ཤིས་ཤོག༔ ནོར་ལྷ་གཏེར་བདག་རྣམས་ཀྱི་བཀྲ་ཤིས་ཤོག༔ དཀར་ཕྱོགས་སྐྱོང་བའི་རྣམས་ཀྱི་བཀྲ་ཤིས་ཤོག༔ གནས་པོ་དགེ་བསྙེན་རྣམས་ཀྱི་བཀྲ་ཤིས་ཤོག༔ གནས་འདིར་ཉིན་མོ་བདེ་ལེགས་མཚན་བདེ་ལེགས༔ ཉི་མའི་གུང་ཡང་བདེ་ལེགས་ཤིང་༔ ཉི་མཚན་རྟག་ཏུ་བདེ་ལེགས་པ༔ དཀོན་མཆོག་གསུམ་གྱི་བཀྲ་ཤིས་ཤོག༔ ཕྱག་འཚལ་བ་དང་མཆོད་ཅིང་བཤགས་པ་དང་༔ རྗེས་སུ་ཡི་རང་བསྐུལ་ཞིང་གསོལ་བ་ཡི༔ དགེ་བ་ཅུང་ཟད་བདག་གིས་ཅི་བསགས་པ༔ ཐམས་ཅད་རྫོ་གས་པའི་བྱང་ཆུབ་ཕྱིར་བསྔོ་འོ༔ དགེ་བ་འདི་ཡིས་མྱུར་དུ་བདག༔ གཅོད་ཡུལ་ཕྱག་རྒྱ་ཆེན་པོ་འགྲུབ་གྱུར་ནས༔ འགྲོ་བ་སེམས་ཅན་གཅིག་ཀྱང་མ་ལུས་པ༔ ཐམས་ཅད་དེ་ཡི་ས་ལ་འགོད་པར་ཤོག༔ ཅེས་ཉང་ལུགས་ལྷ་གྲངས་བཅུ་གསུམ་ཡིན༔ སེར་མ་སྒྱུར་བ་ཇོ་མོ་ལུགས༔ དམ་པ་ཨོ་རྒྱན་གཉིས་པོས་བསྒྱུར་བ་ཡིན༔ ཐམས་ཅད་འདོན་པ་རྒྱས་པ་སྟེ༔ དང་པོ་མཆེད་བཞི་ནས་ཀྱང་བཟུང་༔ བསྟོད་པ་གཞན་དག་འབུམ་བསྐུལ་སྒྱུར༔ དེ་ནི་འབྲིང་པོའི་འདོན་ལུགས་ཡིན༔ བདག་བསྐྱེད་ཁོ་ན་བསྐུལ་པ་སྟེ༔ དེ་ལ་ཚོགས་འཁོར་བྱ་ཡང་རུང་༔ ཡི་དམ་གཞན་གྱིས་ཁོག་ཕུབ་ནས༔ བདུད་རྩི་བྱིན་རླབས་སྔོན་དུ་འགྱུར༔ རྒྱུན་དུ་

[Full Size]

གཏོར་འབུལ་མེད་ཀྱང་རུང་༔ བསྙེན་དུས་བདག་བསྐྱེད་གཏོར་བསྔོས་སྦྱར་སྒྲུབ་དུས་མདུན་བསྐྱེད་བསྙེན་པ་བྱ༔ དུས་བཟང་མཆོད་པ་ཚོགས་འཁོར་བྱས༔ བསྐུལ་དང་གཏོར་ཟློག་ཟོར་ལས་བྱས༔ ཚིག་ཉུང་དོན་འཐུས་ཁྱེར་བདེ་འདི༔ གཅོད་ཡུལ་ཉམས་ལེན་བྱེད་རྣམས་ལ༔ ཕན་པར་བསམས་ནས་འབད་པས་བྲིས༔ ཉེས་འགལ་ཆོས་བདག་རྣམས་ལ་བཤགས༔ དགེ་བས་ནམ་ཞིག་འཕོ་བའི་ཚེ༔ མཁའ་འགྲོས་བདེ་ཆེན་ཞིང་ཁྲིད་ཤོག༔ ཅེས་པ་འདི་རཱ་ག་ཨ་སྱས་བསྒྲིགས་པའོ༔ ཡུམ་ཆེན་ཌཱཀིའི་གོ་འཕང་མྱུར་ཐོབ་ཤོག༔ སརྦ་མངྒ་ལཾ༔ དགེའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

གཅོད་ཀྱི་བདག་འཇུག་རྨི་ལམ་དག་སྣང་ལུང་བསྟན་མ།

[Full Size]

༼ཇ༽ གཅོད་ཀྱི་བདག་འཇུག་རྨི་ལམ་དག་སྣང་ལུང་བསྟན་མ་ཞེས་བྱ་བ་ཟབ་པའི་ཨུ་པ་དེ་ཤའོ། །

[Full Size]

ན་མོ་གུ་རུ་ཛྙཱ་ན་ཌཀྐི་ཡེ། རྩ་བརྒྱུད་བླ་མ་ཡི་དམ་ཌཱཀྐིའི་ཚོགས། །སྙིང་ནས་གསོལ་འདེབས་བྱིན་རླབས་དངོས་གྲུབ་སྩོལ། །ས་པཎ་ལ་སོགས་མཁས་གྲུབ་མང་པོ་ཡིས། །རྨི་ལམ་ཆོས་ལུགས་ལ་སོགས་འཁྲུལ་གསུང་ཕྱིར། །རྨི་ལམ་ཆོས་ལ་བློ་གཏད་མེད་ན་ཡང་། །སྔོན་ནས་གཅོད་ལུགས་དབང་བསྐུར་ལེགས་ཐོབ་པས། །ཕྱིས་ནས་བདག་འཇུག་ལེན་པ་ཀུན་ལ་གྲགས། །དེ་ཕྱིར་འདི་བྲིས་ཉེས་པ་མེད་དམ་སེམས། །གཅོད་ཀྱི་ལུགས་ལ་བདག་འཇུག་ལེན་པའི་ཚུལ། །ཁྱད་པར་གསང་གཅོད་ལུགས་ལ་གསལ་བར་སྣང་། །དེ་ཕྱིར་རང་བཟོ་ཁོ་ན་མ་ཡིན་པས། །འདི་ཉིད་བྲི་ལ་མཁའ་འགྲོས་བཀའ་གནང་སྩོལ། །དེ་ཡང་བདག་དགེ་སློང་རཱ་ག་ཨ་སྱ་མཚམས་ཁུང་ན་ཡོད་སྐབས་རང་གི་བུ་ཆེན་མཐུ་བོ་བལ་པོ་རྟོགས་ལྡན་

[Full Size]

གཉན་ས་གཅིག་ཏུ་བོགས་འདོན་གཉན་ཐོག་གཅོད་དུ་འགྲོ་བར་ཆས་པ་ན། ཡོས་ལོ་ས་ག་ཟླ་བའི་ཚེས་བཅོ་ལྔའི་སྔ་དྲོའི་དུས། བདག་ལུས་ཙོག་པུ། ངག་རྡོ་རྗེའི་བཟླས་པ། ཡིད་བསྲེ་བའི་དམིགས་སྐོར་ཏིང་ངེ་འཛིན་ལ་མཉམ་པར་བཞག་པའི་ངང་ནས། ཅུང་ཟད་རྣལ་དུ་སོང་བའི་རྨི་ལམ་དུ། གཞན་སུས་ཀྱང་གསུངས་པ་དང་བསླབ་པ་མ་ཡིན། རང་གི་ཆེད་དུ་བསྒོམ་པ་དང་། ཡིད་ཀྱི་སྤྲུལ་པ་དང་བསམ་པའང་མ་ཡིན་པར། གཅོད་དབང་བདག་འཇུག་ཟབ་མོ་སྔར་ཡིད་ལ་མེད་པ་གཅིག་ཡིད་ཡུལ་དུ་རང་ཤར་དུ་བྱུང་སྟེ། མདུན་གྱི་ནམ་མཁར་རྒྱལ་བ་རིགས་ལྔ་སེང་གེ་གླང་ཆེན་སོགས་སོ་སོའི་ཁྲི་ལ་བཞུགས་ཡོད་སྙམ་པ་བྱེད་ཅིང་། མིག་ཡུལ་དུའང་ཧ་ལམ་པ་སྐུ་མདོག་གསལ་ཙམ་པ་ལས། རང་གི་རྣམ་པར་ཤེས་པ་རིགས་ལྔ་དང་བསྲེས་

[Full Size]

པའི་དབང་དོན་རྒྱུད་ལ་སྐྱེས་པ་ཉམས་བྱེད་པ་གཅིག་བྱུང་། དེ་ལྟ་བུ་བཀའ་དང་འགལ་ལམ་མཐུན་བརྟག་པའི་ཕྱིར། གཅོད་དབང་གི་དཔེ་འགའ་ཞིག་དང་། མ་གཅིག་གི་གསུང་རྣམས་བསྡུར་བས་དེ་རྣམས་དང་རང་གིས་ཉམས་སྣང་དེ་དོན་ལ་མཐུན་པར་ཡང་འདུག་ལ། དེར་མ་ཟད་དབང་གི་བདག་འཇུག་ཀུན་ལ་གྲགས་ཆེ་ནས་སྤྲོས་མེད་ཏིང་ངེ་འཛིན་གཙོ་བོར་སྟོན་པས་བདག་འཇུག་འདི་དེའི་དགོང་མོ་ནས་བྲི་བར་བརྩམས་སོ།། ཕཊ། རང་གི་ལུས་སྟོང་པ་ཕྲུ་མ་ཕུས་བཏབ་པ་ལྟ་བུ་རྩ་གསུམ་འཁོར་ལོ་བཞི་དང་བཅས་པར་གསལ་བའི། རྐང་མཐིལ་གཡས་སུ་ཕ་ལས་ཐོབ་པའི་ཐིག་ལེ་དཀར་པོ། རྐང་མཐིལ་གཡོན་དུ་མ་ལས་ཐོབ་པའི་ཐིག་ལེ་དམར་པོ། ལྟེ་བ་སྤྲུལ་པའི་འཁོར་ལོ་ན་མ་གཅིག་ལབ་སྒྲོན་སྐུ་མདོག་སྣ་ཚོགས་སུ་འདུག་པ། སྙིང་ཁ་ཆོས་ཀྱི་འཁོར་ལོ་ན་མ་གཅིག་སྐུ་མདོག་མཐིང་ཁ། མགྲིན་པ་ལོངས་སྤྱོད་ཀྱི་འཁོར་ལོ་ན་མ་གཅིག་སྐུ་མདོག་དམར་མོ། སྤྱི་བོ་བདེ་ཆེན་གྱི་འཁོར་ལོ་ན་མ་གཅིག་སྐུ་མདོག་དཀར་མོ། བཞི་ཀའང་དབུ་སྐྲ་སིལ་མས་སྐུ་རྒྱབ་ནོན་པ། ཕྱག་གཡས་ཌ་མ་རུ་དང་གཡོན་དྲིལ་བུ་བསྣམས་པ། སྐུ་མདོག་དང་མཚུངས་པའི་དར་གྱི་རལ་ག་གསོལ་ནས་སྣ་ཚོགས་པདྨ་དང་ཉི་ཟླའི་གདན་ལ་སྐུ་གར་ཐབས་སུ་ལིང་ངེ་བཞུགས་པ། །

[Full Size]

རང་གི་སྤྱི་བོའི་གཙུག་མདའ་གང་གི་ནམ་མཁར། རྩ་བའི་བླ་མ་དང་དབྱེར་མེད་པའི་སྤྲུལ་སྐུ་མ་གཅིག་ལབ་སྒྲོན་ལ་གཅོད་ཡུལ་བརྒྱུད་པའི་བླ་མ་ཐམས་ཅད་ཀྱིས་བསྐོར་བ། དེའི་སྟེང་གི་ནམ་མཁར་རིན་པོ་ཆེའི་ཁྲི། དབུས་སུ་སེང་གེ །ཤར་གླིང་ཆེན། ལྷོར་རྟ་མཆོག །ནུབ་རྨ་བྱ། བྱང་དུ་ཤང་ཤང་གི་ཁྲི་ལ། དབུས་སུ་སངས་རྒྱས་མཁའ་འགྲོ་དང་དབྱེར་མེད་པའི་ལོངས་སྐུ་རྣམ་སྣང་དཀར་པོ་བྱང་ཆུབ་མཆོག་གི་ཕྱག་རྒྱ་ཅན། ཤར་དུ་རྡོ་རྗེ་མཁའ་འགྲོ་དང་དབྱེར་མེད་པའི་མི་བསྐྱོད་པ་སྔོན་པོ་ས་གནོན་དང་མཉམ་བཞག་ཅན། ལྷོར་རིན་ཆེན་མཁའ་འགྲོ་དང་དབྱེར་མེད་པའི་རིན་འབྱུང་སེར་པོ་མཆོག་སྦྱིན་མཉམ་བཞག་ཅན། ནུབ་ཏུ་པདྨ་མཁའ་འགྲོ་དང་དབྱེར་མེད་པའི་སྣང་མཐའ་དམར་པོ་ཏིང་ངེ་འཛིན་གྱི་ཕྱག་རྒྱ་ཅན། བྱང་དུ་ལས་ཀྱི་མཁའ་འགྲོ་དང་དབྱེར་མེད་པའི་དོན་གྲུབ་ལྗང་གུ་མཆོག་སྦྱིན་མཉམ་བཞག་ཅན། དེའི་སྟེང་གི་ནམ་མཁར་པད་ཟླའི་གདན་ལ་ཆོས་སྐུ་ཡུམ་ཆེན་མོ་ཞལ་གཅིག་ཕྱག་བཞི་གསེར་མདོག་ཅན། ཕྱག་དང་པོས་ཆོས་འཆད་དང་མཉམ་བཞག །འོག་མིས་རྡོ་རྗེ་དང་པོ་ཏི་བསྣམས་པ་ལ། སྲས་ཕྱོགས་བཅུ་དུས་

[Full Size]

གསུམ་གྱི་སངས་རྒྱས་རྣམས་ཀྱིས་བསྐོར་བ། ཡུམ་ཆེན་མོའི་ཐུགས་ཀར་ཨཱ༔ རིགས་ལྔའི་ཐུགས་ཀར་ཨོཾ་ཧཱུྃ་ཏྲཱཾ་ཧྲཱིཿཨཱཿ མ་གཅིག་རིགས་ལྔའི་ཐུགས་ཀར་ཐཾ་ཡིག་ཁ་དོག་ལྔས་མཚན་པ། དེ་ནས་མ་གཅིག་ལྔ་པོས་སྐུ་གར་ཐབས་ཁྱུག་ཁྱུག །ཕྱུག་ཌ་དྲིལ་ཁྲོལ་ཁྲོལ། སྤྱན་གསུམ་ནམ་མཁའ་ལ་ཧྲིག་ཧྲིག །གུ་རུ་དྷེ་ཝ་ཌཱཀྐི་ནི་ཕེ་ཕེ་ཨཱ་ར་ལི་ཧོ༔ ཛཿཧཱུྃ་བྃ་ཧོ༔ ཞེས་གསུངས་པ་ཙམ་གྱིས་འོག་མིན་གྱི་གནས་ནས་ཡེ་ཤེས་པ་བསྒོམ་པ་ལྟ་བུ་དཔག་ཏུ་མེད་པ་ཆར་ལྟར་དུ་བབས་ནས་རང་རང་སོ་སོ་ལ་ཐིམ་པར་བསྒོམ། གུ་རུ་རཏྣ་མཎྜལ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ༔ ཞེས་ལུས་ལོངས་སྤྱོད་ཐམས་ཅད་མཎྜལ་དུ་དམིགས་ལ་ཕུལ། སངས་རྒྱས་ཆོས་ཚོགས་མ་སོགས་སྐྱབས་སེམས་རྒྱས་བསྡུས་གང་རུང་ཞིག་བྱ། གནས་འོག་མིན་ཆོས་དབྱིངས་ཕོ་བྲང་ན། །ཆོས་སྐུ་ཡུམ་ཆེན་ཤེས་རབ་ཕར་ཕྱིན་ལ། །ཕྱོགས་བཅུ་དུས་གསུམ་རྒྱལ་བས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །བདག་ལ་དབང་བསྐུར་བྱིན་གྱིས་རློབས། །གནས་འོག་མིན་འཐུག་པོ་བཀོད་པ་ན། །ལོངས་སྐུ་རྒྱལ་བ་རིགས་ལྔ་ལ། །བྱང་སེམས་ཌཱཀྐི་རྒྱ་མཚོས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །བདག་ལ་དབང་བསྐུར་བྱིན་

[Full Size]

གྱིས་རློབས། །གནས་དག་པ་མཁའ་སྤྱོད་ཞིང་ཁམས་ན། །སྤྲུལ་སྐུ་མ་གཅིག་ལབ་སྒྲོན་ལ། །གཅོད་ཡུལ་བརྒྱུད་པའི་བླ་མས་བསྐོར། །གསོལ་བ་འདེབས་སོ་ཐུགས་རྗེས་ཟུངས། །བདག་ལ་དབང་བསྐུར་བྱིན་གྱིས་རློབས། །དུག་ལྔ་རང་སར་དག་པར་བྱིན་གྱིས་རློབས། །གདོན་ལྔ་རང་སར་ཞི་བར་བྱིན་གྱིས་ལརློབས། །བདག་འཛིན་རྩད་ནས་ཆོད་པར་བྱིན་གྱིས་རློབས། །འགལ་རྐྱེན་གྲོགས་སུ་འཆར་བ་བྱིན་གྱིས་རློབས། །སྣང་སྲིད་སེམས་སུ་ཆོད་པར་བྱིན་གྱིས་རློབས། །ལྷ་འདྲེའི་འགྲོ་དོན་ནུས་པར་བྱིན་གྱིས་རློབས། །ཕཊཿ ཕཊཿ ཅེས་སམ་བསྡུ་ན། ཡུམ་ཆེན་མོ་རྒྱལ་བ་རིགས་ལྔ་མ་གཅིག་བརྒྱུད་པའི་བླ་མ་དང་བཅས་པས་བདག་ལ་དབང་བསྐུར་བར་མཛད་དུ་གསོལ། ཞེས་གསོལ་བ་བཏབ་པས། ཕཊཿ དཔྲལ་བའི་མ་གཅིག་དཀར་པོའི་སྨིན་མཚམས་ནས་འོད་ཟེར་དཀར་པོ་བྱུང་བས་ལུས་གང་། ལུས་ཀྱི་སྒྲིབ་པ་དག །བུམ་པའི་དབང་ཐོབ། །བསྐྱེད་རིམ་བསྒོམ་པ་ལ་དབང་ཞིང་འབྲས་བུ་སྤྲུལ་པའི་སྐུའི་བག་ཆགས་རྒྱུད་ལ་བཞག །ཕཊ་མགྲིན་པའི་མ་གཅིག་དམར་མོའི་མགྲིན་པ་ནས་འོད་ཟེར་དམར་པོ་བྱུང་བས་

[Full Size]

ལུས་ཐམས་ཅད་གང་། ངག་གི་སྒྲིབ་པ་དག །གསང་བའི་དབང་ཐོབ། རྩ་རླུང་བསྒོམ་པར་དབང་ཞིང་ལོངས་སྐུའི་བག་ཆགས་རྒྱུད་ལ་བཞག །ཕཊཿ སྙིང་ཁའི་མ་གཅིག་མཐིང་ཁའི་ཐུགས་ཀ་ནས་འོད་ཟེར་སྔོན་པོ་བྱུང་བས་ལུས་གང་། སེམས་ཀྱི་སྒྲིབ་པ་དག །རྩ་ཐིག་རླུང་གསུམ་བསྒོམ་པར་དབང་། ཆོས་སྐུའི་བག་ཆགས་རྒྱུད་ལ་བཞག ། ཕཊཿ ལྟེ་བའི་མ་གཅིག་ལས་འོད་ཟེར་སྣ་ཚོགས་འཕྲོས་པས་ལུས་གང་། ལུས་ངག་ཆ་སྙོམས་ཀྱི་སྒྲིབ་པ་དག །ཕྱག་ཆེན་པོ་བསྒོམ་པར་དབང་ཞིང་ངོ་བོ་ཉིད་སྐུའི་བག་ཆགས་རྒྱུད་ལ་བཞག །ཕཊཿ མ་གཅིག་བཞི་པོ་འོད་དུ་ཡལ་ཏེ་མི་དམིགས་པར་གྱུར། དལ་གཅིག་བཞག །དེ་ནས་སྤྱི་བོའི་མ་གཅིག་དང་སྐྱབས་གནས་རྣམས་ལ་མོས་གུས་དྲག་པོ་བྱས་ལ། ཡུམ་ཆེན་མོ་ཕྱོགས་བཅུའི་སངས་རྒྱས་དང་རྒྱལ་བ་རིགས་ལྔ་མ་གཅིག་བརྒྱུད་པའི་བླ་མ་དང་བཅས་པས་བྱིན་གྱིས་རློབས་ཤིག །ཅེས་གསོལ་བ་བཏབ་པས་མ་གཅིག་གི་ཞལ་ནས་བུ་མ་ཆགས་མ་ཞེན་པར་ཡར་ཤོག །བདག་གི་བླ་མེད་བྱང་ཆུབ་ལ་འགོད་པར་བྱའོ། །གསུངས་པ་དང་མཉམ་དུ་རང་གི་རྐང་མཐིལ་གྱི་ཐིག་ལེ་དཀར་དམར་གཉིས་དེ་ཡར་འཕར་ནས་གསང་

[Full Size]

གནས་སུ་འདྲེས་པས་བྱ་མ་སར་གྱི་སྒོ་ང་ཙམ་དཀར་ལ་དམར་མདངས་ཅན། འཕར་ལྷབ་ལྷབ་བྱེད་པར་གྱུར། གསང་གནས་ནས་སྤྱི་གཙུག་གི་བར་དུ་རྩ་དབུ་མ་སྦ་ལྕག་ཙམ་སྤྱི་བོར་ཧད་པོར་ཡོད་པ་ལ་ཕཊཿ ལྟེ་བ་ཕཊཿ སྙིང་ཁ་ཕཊཿ མགྲིན་པ་ཕཊཿ སྤྱི་བོ་ཕཊཿ ཐིག་ལེ་སྤྱི་བོ་ནས་རྒྱངས་སེ་ཐོན་ཏེ་མ་གཅིག་གི་ཐུགས་ཀར་ཐིམ་པས། གཅོད་ཡུལ་བརྒྱུད་པའི་བླ་མ་ཐམས་ཅད་རྡོ་ཁབ་ལེན་ལ་ལྕགས་ཕྱེ་འདུས་པ་ལྟར་མ་གཅིག་ལ་ཐིམ་ནས་མ་གཅིག་གྲུབ་ཐོབ་བརྒྱུད་པའི་བླ་མ་ཐམས་ཅད་ཀྱི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་དུ་གྱུར། ཕཊཿ མི་བསྐྱོད་པ་ཁྲི་དང་བཅས་པ་རང་ཉིད་མ་གཅིག་གི་དཔྲལ་བར་ཐིམ། བཛྲ་ཨ་བྷི་ཥིཉྩ་ཧཱུྃ། དེས་མི་བསྐྱོད་པ་ཆུའི་དབང་ཐོབ། ཞེ་སྡང་རྣམ་པར་དག་ཅིང་རྣམ་ཤེས་ཕུང་པོ་གནས་འགྱུར། མེ་ལོང་ཡེ་ཤེས་རྒྱུད་ལ་སྐྱེས། ཕཊཿ རིན་འབྱུང་རྣ་ལྟག་གཡས་སུ་ཐིམ། རཏྣ་ཨ་བྷི་ཥིཉྩ་ཧཱུྃ༔ ཅོད་པན་གྱི་དབང་ཐོབ་ང་རྒྱལ་དག །ཚོར་ཕུང་གནས་འགྱུར་མཉམ་ཉིད་ཡེ་ཤེས་རྒྱུད་ལ་སྐྱེས། ཕཊཿ སྣང་མཐའ་ལྟག་པར་ཐིམ། པདྨ་ཨ་བྷི་ཥིཉྩ་ཧཱུྃ༔ རྡོ་རྗེའི་དབང་ཐོབ་

[Full Size]

འདོད་ཆགས་དག །འདུ་ཤེས་གནས་འགྱུར་སོར་རྟོག་ཡེ་ཤེས་རྒྱུད་ལ་སྐྱེས། ཕཊཿ དོན་གྲུབ་རྣ་ལྟག་གཡོན་དུ་ཐིམ། ཀརྨ་ཨ་བྷི་ཥིཉྩ་ཨཱཿ དྲིལ་བུའི་དབང་ཐོབ་ཕྲག་དོག་དག །འདུ་བྱེད་གནས་འགྱུར་བྱ་གྲུབ་ཡེ་ཤེས་རྒྱུད་ལ་སྐྱེས། ཕཊཿ རྣམ་སྣང་སྤྱི་བོར་ཐིམ། བུདྡྷ་ཨ་བྷི་ཥིཉྩ་ཨོཾ༔ མིང་གི་དབང་ཐོབ་གཏི་མུག་དག །གཟུགས་ཕུང་གནས་འགྱུར་ཆོས་དབྱིངས་ཡེ་ཤེས་རྒྱུད་ལ་སྐྱེས། ཕཊཿ ཡུམ་ཆེན་མོ་ལ་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་འོད་དུ་ཞུ་ནས་སྤྱི་བོ་ནས་མར་ཐིམ་རང་ཉིད་མ་གཅིག་ཀྱང་འོད་དུ་ཞུ་ནས་ནམ་མཁའ་ལ་འཇའ་ཡལ་བ་ལྟར་གྱུར། ནམ་མཁས་གར་ཁྱབ་རིག་པས་ཁྱབ། །རིག་པས་གར་ཁྱབ་ཆོས་སྐུས་ཁྱབ། །ཁྱབ་བརྡལ་ཆེན་པོའི་ངང་ལ་བཞག །སླར་ཡང་ལུས་སེམས་དབྱེར་མེད་ཡུམ་ཆེན་མོ་གསེར་མདོག་ཞལ་གཅིག་ཕྱག་བཞི་མའི་སྐུར་གྱུར། དེ་ནི་བོདག་འཇུག་དམིགས་རིམ་རྒྱས་པའོ། །བསྡུ་ན། ཕཊཿ མདུན་གྱི་ནམ་མཁར་མཁའ་འགྲོ་སྡེ་ལྔ་དང་དབྱེར་མེད་པའི་རྒྱལ་བ་རིགས་ལྔ་རང་རང་གི་ཁྲི་ལྔ་ལ་བཞུགས་པ། རྒྱན་ཆ་ལུགས་ཕྱག་རྒྱ་དང་བཅས་པ་གསལ་བར་གྱུར། ཕཊཿ རང་གི་རིག་པ་བྱ་མ་

[Full Size]

སར་གྱི་སྒོ་ང་ཙམ་ཐིག་ལེ་འོད་དང་ལྡན་པ་དེ། དབུ་མའི་ལམ་ནས་རྒྱངས་སེ་ཐོན། མི་བསྐྱོད་པའི་ཐུགས་ཀར་ཐིམ་པས་འོད་དུ་ཞུ། ཐིག་ལེ་སྔོན་པོར་གྱུར་ནས་རིན་འབྱུང་ལ་ཐིམ། ཐིག་ལེ་སེར་པོར་གྱུར་ནས་འོད་དཔག་མེད་ལ་ཐིམ། ཐིག་ལེ་དམར་པོར་གྱུར་ནས་དོན་འགྲུབ་ལ་ཐིམ། དེ་ཐིག་ལེ་ལྗང་ཁུར་གྱུར་ནས་རྣམ་སྣང་ལ་ཐིམ། རྣམ་སྣང་འོད་དུ་ཡལ་བ་ནམ་མཁའ་དང་དབྱེར་མེད་དུ་གྱུར། ནམ་མཁས་གར་ཁྱབ་རིག་པས་ཁྱབ། ཕཊཿ ཕཊཿ ཕཊཿ ཅེས་བསྒོམས་པས་ཀྱང་བདག་འཇུག་གོ །དེ་ཡང་མ་གཅིག་གི་ཞལ་ནས། གཅོད་ཀྱི་ནམ་མཁའ་སྒོ་འབྱེད་དེ། །དབང་བསྐུར་བརྒྱ་ཡིས་དོ་ཟླ་མིན། །ཞེས་གསུངས་པ་དང་མཐུན་ནོ། །ཞེས་པ་འདི་ནི་ས་ག་ཟླ་བའི་བཅུ་དྲུག་ཉིན་ལ་རྫོགས་པར་བྲིས་པའོ། །འདི་བྲིས་ཉེས་པ་འགལ་འཁྲུལ་ཅི་མཆིས་པ། །ཡུམ་ཆེན་མཁའ་འགྲོའི་ཚོགས་ལ་བཟོད་པར་གསོལ། །འདི་བྲིས་དགེ་བས་འདི་ལ་འབྲེལ་ཐོབ་རྣམས། །ཕུང་ལྔ་གནས་དག་དུག་ལྔ་གནས་འགྱུར་ནས། །རིགས་ལྔ་ཡབ་ཡུམ་གོ་འཕང་མྱུར་འགྲུབ་ཤོག །དེ་སྐད་རཱ་གའི་མིང་ཅན་དེས་བྲིས་སོ། །སརྦ་མངྒ་ལཾ། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

གཅོད་དབང་མདོར་བསྡུས་རིན་པོ་ཆེའི་ཕྲེང་བ།

[Full Size]

༼ཉ༽ གཅོད་དབང་མདོར་བསྡུས་རིན་པོ་ཆེའི་ཕྲེང་བ་བཞུགས་སོ། །

[Full Size]

བླ་མ་དང་ཡུམ་ཆེན་མོ་དབྱེར་མེད་པ་ལ་ཕྱག་འཚལ་ལོ། །གཏོར་མ་ལ་བརྟེན་ནས་དབང་བསྐུར་བ་ལ། གཏོར་མ་ཟུར་གསུམ་པ་གཅིག་ལ། འཁོར་གཏོར་མ་ཟུར་གསུམ་པ་བཞིས་བསྐོར། མ་གཅིག་རིགས་ལྔའི་ཙཀླི་བཙུགས། འབྲུའི་ཚོམ་བུའི་སྟེང་དུ་བཞག་ལ་མཆོད་པས་བསྐོར། རྒྱས་པར་གྲུབ་ན་གཅོད་ཚོགས་གཞུང་ལྟར་བྱ། བསྡུ་ན་ལུས་སྦྱིན་ཚར་གཅིག་བྱས་ཀྱང་ཆོག །ཤིན་ཏུ་བསྡུ་ན་གཏོར་མ། མ་ལབ་སྒྲོན་རིགས་ལྔར་བསྐྱེད་ལ་ཡེ་ཤེས་པ་བསྟིམ། མཆོད་བསྟོད་བྱས་ལ་གཱ་ཏེའི་བསྙེན་པ་ཅི་རིགས་བྱས་ལ། དེ་ནས་སློབ་མ་ལ་ཁྲུས་དང་། མཎྜལ་ཕུལ་ཏེ། །འོ་ན་ད་ལམ་ཁྱེད་རང་རྣམས་ལ་ཟབ་ཅིང་ངོ་མཚར་ཆེ་བ་མཁའ་འགྲོའི་གསང་ཚིག་གཅོད་དབང་ཟབ་མོ་བསྐུར་བ་

[Full Size]

ལ། ཐོག་མར་ཡིད་ཆེས་པའི་ཕྱིར་ལོ་རྒྱུས་ཟུར་ཙམ་ཞིག་བཤད་ན། གནས་འོག་མིན་ཆོས་དབྱིངས་ཀྱི་ཕོ་བྲང་ན། ཡུམ་ཆེན་ཀུན་ཏུ་བཟང་མོ་ཞེས་ཀྱང་བྱ། རྡོ་རྗེ་ཕག་མོ་ཞེས་ཀྱང་བྱ། རྡོ་རྗེ་བདག་མེད་མ་ཞེས་ཀྱང་བྱ། རྗེ་བཙུན་སྒྲོལ་མ་ཞེས་ཀྱང་བྱ། དེའི་ཐུགས་ཀ་ནས་འོད་ཟེར་གཅིག་འཕྲོས་པའི་སྣ་ལ་འོག་མིན་གྱི་ཞིང་ཁམས་བསམ་གྱིས་མི་ཁྱབ་པ་གཞལ་ཡས་ཁང་གདན་དང་བཅས་པ་གཅིག་སྤྲུལ་ལོ། །དེའི་དབུས་སུ་ཆོས་སྐུ་ཡུམ་ཆེན་མོ་ལ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་སེམས་མའི་ཚོགས་དཔག་ཏུ་མེད་པས་བསྐོར་བ་

[Full Size]

གཅིག་སྤྲུལ་ལོ། །ཡུམ་ཆེན་མོའི་ཐུགས་ཀ་ནས་བདུད་འདུལ་ཁྲོས་མ་ལྷ་ལྔར་སྤྲུལ་ནས། ཨོ་རྒྱན་མཁའ་འགྲོའི་ཡུལ་གྱི་དབུས་སྟེང་གི་ཕོ་བྲང་ན་བཞུགས་སོ། །བདུད་འདུལ་ཁྲོས་མའི་ཐུགས་ཀ་ནས་མཁའ་འགྲོ་གསེར་གླིང་མ་གཙོ་འཁོར་ལྔར་སྤྲུལ་ནས། ཨོ་རྒྱན་གནྡྷོ་ལ་ཡི་ཕོ་བྲང་དུ་བྱོན་ཏེ། མཁའ་འགྲོ་གསེར་གླིང་མ་འགྲོ་བ་སེམས་ཅན་གྱི་དོན་དུ་ལྷ་དང་མི་ཡི་ཡུལ་ན་སྐྱེ་བ་བརྒྱ་དང་བདུན་བཞེས་པའི་ཕྱི་མ་ནི་མ་གཅིག་ལབ་ཀྱི་སྒྲོན་མ་ཡིན་ཏེ། དེ་ཡང་བོད་དུ་སྐྱེ་བ་གཉིས་ལྡན་དུ་བཞེས་པ་རྒྱ་བཟའ་དང་བལ་བཟའ། དེ་གཉིས་གཅིག་ཏུ་བསྡོམས་པ་ཡེ་ཤེས་མཚོ་རྒྱལ་དང་། དེ་ནས་སྤྲུལ་པ་བཞིར་འགྱེད་པ་ལ། མ་གཅིག་ཞྭ་མ། ཤེལ་བཟའ་སྒྲོན་གཅིག་མ། ཞང་ལྕམ་གྲོ་ཆུང་མ། ལབ་ཀྱི་སྒྲོན་མ་དང་བཞི་ཡིན། མ་གཅིག་འདི་ཕྱི་ལྟར་ན་འཕགས་མ་སྒྲོལ་མ། ནང་ལྟར་ན་ཡུམ་ཆེན་མོ། གསང་བ་ལྟར་ན་རྡོ་རྗེ་ཕག་མོ། ཡང་གསང་ལྟར་ན་ཁྲོས་མ་ནག་མོ་དངོས་ཡིན། སངས་རྒྱས་ཀྱི་སྤྱན་སྔར་སྲིང་མོ་གངྒཱའི་ལྷ་མོར་སྤྲུལ་ནས་བྱང་ཆུབ་ཏུ་སེམས་བསྐྱེད་པའི་ཚུལ་ཡང་བསྟན། འོ་ན་དེ་ལྟ་བུ་ཅིའི་ཕྱིར་ཞེ་ན། མདོ་སྡེ་དྭངས་སྙིགས་འབྱེད་པ་ལས། །

[Full Size]

ལྔ་བརྒྱ་དུས་ཀྱི་ཐ་མ་ལ། །རྒྱལ་བའི་ཡུམ་གྱུར་སྤྲུལ་པ་ནི། །བྱང་ཕྱོགས་ལབ་ཀྱི་གྲོང་ཁྱེར་དུ། །སྒྲོལ་མ་ཞེས་བྱའི་མིང་ཅན་འབྱུང་། །བསྐྱེད་རྫོགས་སྙིང་པོའི་དོན་ལ་མཁས། །གྲོང་དང་གྲོང་ཁྱེར་རི་སུལ་དང་། །དུར་ཁྲོད་བས་མཐའ་ཁྱབ་པར་ཉུལ། །དེ་ཡི་ཆོས་རྣམས་རྒྱས་པར་འགྱུར། །ཅེས་དང་། འཇམ་དཔལ་རྩ་རྒྱུད་ལས། ང་ཡི་བསྟན་པའི་སྙིགས་མ་ལ། །ཡུམ་ཆེན་ཕ་རོལ་ཕྱིན་མ་ཡི། །སྤྲུལ་པ་ལབ་སྒྲོན་ཞེས་བྱ་འབྱུང་། །ཕྲིན་ལས་ཆོས་ཀྱི་དབྱིངས་སུ་སྤྱོད། །དེ་དང་འབྲེལ་པ་གང་ཡོད་པ། །བླ་མེད་བྱང་ཆུབ་ཐོབ་པར་འགྱུར། །ཅེས་དང་། ཨོ་རྒྱན་རིན་པོ་ཆེའི་བསྟན་པ་སྤྱི་ལུང་ལས་ཀྱང་། མཚོ་རྒྱལ་སྤྲུལ་པ་རྟོགས་ཚོགས་གཏད་མེད་གཅོད། །ལབ་ཀྱི་སྒྲོན་མ་ཟངས་རི་ཞེས་བྱར་འབྱུང་། །ཞེས་གསུངས་པ་དང་། མདོ་རྒྱུད་མང་པོ་ལས་ལུང་བསྟན་ཅིང་། བཀའ་ཐོག་ནས་གྲོལ་བ་ཐོབ་ནས་སྟོང་ཉིད་ཀྱི་རྟོགས་པ་མངོན་དུ་གྱུར་ཏེ། མཆོག་གི་སློབ་མ་བཅུ་དྲུག་ལ་སོགས་པ་ལྷ་འདྲེ་མི་གསུམ་སྨིན་གྲོལ་ལ་བཀོད། རྒྱ་གར་རྡོ་རྗེ་གདན་ནས་རྐང་མགྱོགས་གསུམ་བཏང་བྱུང་བ་ན། སྐུ་ཚེ་སྔ་མའི་སྐྱེས་རབས་

[Full Size]

གསུངས་པ་ལ་ཡིད་ཆེས། དད་པ་སྐྱེས་ནས་མ་གཅིག་གི་ཆོས་འདི་རྒྱ་གར་ལ་ཕར་ལ་བསྒྱུར་ཏེ། ཡུམ་ཆེན་མོ་དངོས་ཡིན་པར་འཛམ་གླིང་ཐམས་ཅད་ལ་ཉི་ཟླ་ལྟར་གྲགས་སོ། དེ་ཡང་ཆོས་འདི་ལ་མདོ་ལུགས་སྔགས་ལུགས་མདོ་སྔགས་དབྱེར་མེད་ཟུང་འཇུག་ལུགས་དང་གསུམ་ཡོད་པ་ལས། མདོ་ལུགས་ཀྱི་བརྒྱུད་པ་ནི། བཅོམ་ལྡན་འདས་ཤཱཀྱ་ཐུབ་པ། འཇམ་པའི་དབྱངས་དང་། ཀླུ་སྒྲུབ་སྙིང་པོ། མཁས་པ་ཨཱརྱ་དེ་ཝ། དམ་པ་སངས་རྒྱས། སྐྱོ་སྟོན་བསོད་ནམས་བླ་མ། དེས་མ་གཅིག་ལའོ། །སྔགས་ལུགས་བརྒྱུད་པ་ནི། ཆོས་སྐུ་ཡུམ་ཆེན་མོ། ལོངས་སྐུ་རྡོ་རྗེ་རྣལ་འབྱོར་མ། སྤྲུལ་སྐུ་འཕགས་མ་སྒྲོལ་མ། དེས་མ་གཅིག་ལ་དངོས་སུ་གནང་བའོ། །མདོ་སྔགས་ཟུང་འཇུག་གི་བརྒྱུད་པ་ནི། འཇམ་དཔལ་སྨྲ་བའི་སེང་གེ །རྗེ་བཙུན་འཕགས་མ་སྒྲོལ་མ། མཁའ་འགྲོ་སུ་ཁ་སིདྡྷི། བྲམ་ཟེ་ཨཱརྱ་དེ་ཝ། ཕ་གཅིག་དམ་པ་སངས་རྒྱས། སྐྱོ་སྟོན་བསོད་ནམས་བླ་མ། དེས་མ་གཅིག་ལ་དངོས་སུ་གནང་བའོ། །མ་གཅིག་གིས་སྲས་རྒྱལ་བ་དོན་གྲུབ་ལ་མདོ་ལུགས་གཙོ་བོར་གསུངས། ཐོད་སྨྱོན་བསམ་འགྲུབ་ལ་སྔགས་ལུགས་གཙོ་བོར་

[Full Size]

གསུངས། ཁུ་སྒོམ་ཆོས་ཀྱི་སེང་གེ་ལ་མདོ་སྔགས་ཟུང་འཇུག་གི་ལུགས་གཙོ་བོར་གྱུར་པའི་གདམས་ངག་གནང་བའོ། །དེ་རྣམས་ཀྱི་བརྒྱུད་པ་ལ་མཁས་ཤིང་གྲུབ་པ་ཐོབ་པ་ནམ་མཁའི་སྐར་ཚོགས་ཙམ་བྱོན་ཏེ། གཅོད་ཡུལ་ཕྱག་རྒྱ་ཆེན་པོ་ཞེས་བྱ་བ་ཉི་མ་དང་ཟླ་བ་ལྟ་བུར་འཛམ་གླིང་ཡོངས་ལ་གྲགས་པ་ཡིན་ལ། ཁྱད་པར་གཏོར་མ་ལ་བརྟེན་ནས་ཏིང་ངེ་འཛིན་གྱི་དབང་བསྐུར་བ་འདི་ནི། ཁུ་སྒོམ་ཆོས་ཀྱི་སེང་གེ །རྟོགས་ལྡན་དོལ་པ་ཟངས་ཐལ། གྲུབ་ཐོབ་རྒྱ་ནག་གཅེར་བུ། སངས་རྒྱས་རབ་སྟོན། །སངས་རྒྱས་དབོན་སྟོན། རི་གོང་པ་ཆེན་པོ། རྗེ་རང་བྱུང་པ་སོགས་ནས་རིམ་པར་བརྒྱུད་པའོ། །དེ་ཡང་གཅོད་འདི་མ་གཅིག་གི་ཐུགས་ལས་འཁྲུངས་པའི་གདམས་ངག་མཁའ་འགྲོའི་དངོས་གྲུབ། མི་མཐུན་གྲོགས་སུ་ཁྱེར་བ། ལྟས་ངན་གཡང་དུ་ལེན་པའི་གདམས་ངག་ཟབ་མོ་ཡིན་ཏེ། མ་གཅིག་གི་ཞལ་ནས། ཨ་བྲ་མ་ཡི་བུ་ཁྱོད་ཉོན། །བར་ཆད་མི་ཡོང་ང་རང་ཤེས། །ནད་པ་འདྲེ་ལ་གཏད་པ་ནི། །ནད་མེད་བདེ་བ་ཐོབ་པ་ཡིན། །བཅོལ་མ་དགྲ་ལ་བྱས་པ་ན། །འཇིགས་མེད་བཙན་ས་ཟིན་པ་ཡིན། །གང་

[Full Size]

དགར་ཁྱེར་ཡང་འདོད་མི་སྲེད། །མི་མཐུན་གྲོགས་སུ་ཁྱེར་བ་དེ། །ཨ་མ་ཇོ་མོའི་བཞེད་པ་ཡིན། །སྲུངས་ཤིག་སྐྱོབས་ཤིག་བརྒྱ་བྱས་པས། །ཟོ་ཞིག་ཁྱེར་ཅིག་གཅིག་གིས་དགའ། །ལུས་སྲོག་གཟན་དུ་བོར་བ་ན། །སྲུང་འཁོར་བདག་ཏུ་མེད་པ་ཡིན། །ཅེས་གསུངས་པ་དང་། ཀུ་སཱ་ལུ་ཡི་ཚོགས་གསོག་དེ། །ཚོགས་བསགས་བརྒྱ་ཡིས་དོ་ཟླ་མིན། །ཉམས་ལེན་དཀར་འགྱེད་དམར་འགྱེད་དེ། །སྟོན་མོ་བརྒྱ་ཡིས་དོ་ཟླ་མིན། །ཕུང་པོ་ཤ་ཁྱེར་ཁྲག་ཁྱེར་དེ། །རིམ་གྲོ་བརྒྱ་ཡིས་དོ་ཟླ་མིན། །འདུག་གནས་གཉན་ས་རི་ཁྲོད་དེ། །དགོན་པ་བརྒྱ་ཡིས་དོ་ཟླ་མིན། །ཡོན་བདག་སྣང་སྲིད་ལྷ་འདྲེ་དེ། །ཡོན་བདག་བརྒྱ་ཡིས་དོ་ཟླ་མིན། །ལྟ་བ་ཀ་དག་མཐའ་བྲལ་དེ། །དམ་ཆོས་བརྒྱ་ཡིས་དོ་ཙཟླ་མིན། །དམ་ཆོས་བདུད་ཀྱི་གཅོད་ཡུལ་འདི། །མན་ངག་བརྒྱ་ཡིས་དོ་ཟླ་མིན། །ཞེས་གསུངས་པ་དང་། ནང་རིག་པ་འཕྲུལ་གྱི་གདམས་ངག་ནི། །ཤེས་སམ་ཐོས་པ་ཙམ་གྱིས་ཀྱང་། །རིགས་ལྡན་རྒྱལ་བའི་ཞིང་དུ་སྐྱེ། །གོ་ཞིང་རྟོགས་པར་གྱུར་པ་ན། །རྐང་གཉིས་གཙོ་བོར་དངོས་སུ་འགྱུར། །ཅེས་གསུངས་པ་དང་། ཨཱརྱ་དེ་ཝས་མཛད་

[Full Size]

པའི་གཅོད་ཀྱི་རྒྱ་གཞུང་ལས། སྟེང་གི་ལྷ་རྣམས་དམ་ལ་ཐོག །འོག་གི་ཀླུ་རྣམས་ཟིལ་གྱིས་ནོན། །ཀླུ་ལ་ལས་ནི་གང་བཅོལ་འགྲུབ། །ལྷ་རྣམས་རང་སར་རོགས་དན་མཛད། །ཀླུ་རྣམས་མ་ལུས་བྲན་དུ་བཀོལ། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་རྣམས་ཀྱིས་བུ་བཞིན་དགོངས། །ཐོགས་བཅས་བདུད་ལ་ཆོད་པ་ཡིན། །སྣང་བ་དགྲར་ནི་ལྡང་མི་འགྱུར། །ཐོགས་མེད་བདུད་ལ་ཆོད་པ་ཡིས། །གནོད་སྦྱིན་ཕོ་མོ་དམ་ལ་བཏགས། །དེ་ལ་སོགས་པའི་ཕན་ཡོན་ནི། །དཔག་ཏུ་མེད་པར་འབྱུང་བར་འགྱུར། །ཅེས་གསུངས་སོ། །ཟབ་དོན་ཐུགས་ཀྱི་སྙིང་པོ་ལས། རྒྱལ་བའི་དགོངས་པ་གཅོད་ཡུལ་མཆོག་འདི་སུས་འཛིན་པ། །ཐར་པའི་ལམ་སྟོན་ཡོན་ཏན་དཔག་མེད་འབྱུང་། །ཞེས་གསུངས་སོ། །དེ་ལྟ་བུའི་ཆོས་ཟབ་མོ་ཚེ་འདིའི་ནད་གདོན་བར་ཆད་སེལ་བ་ལ་གཞན་ལས་ཟབ་ཅིང་རྣོ་བ། ཕྱི་མ་བྱང་ཆུབ་ཐོབ་པ་ལ་གཞན་ལས་མྱུར་བའི་དམ་ཆོས་བདུད་ཀྱི་གཅོད་ཡུལ་ཞེས་བྱ་བའི་དབང་ཟབ་མོ་འདི་ཞུ་བ་ལ། སྦྱོར་དངོས་རྗེས་གསུམ་ལས། དང་པོ་སྦྱོར་བ་སྔོན་འགྲོ་ནི། ཐོག་མར་སྐྱབས་སུ་འགྲོ་བ་

[Full Size]

དང་། སེམས་བསྐྱེད་པ་དང་། ཡན་ལག་བདུན་པ་ཕུལ་བའི་དོན་དུ་དམིགས་པ་འདི་བཞིན་དུ་མཛོད་ཅིག །མདུན་གྱི་ནམ་མཁར་རིན་པོ་ཆེའི་ཁྲི་ཡངས་ཤིང་རྒྱ་ཆེ་བའི་དབུས་སུ་པཾ་ལས་པདྨ་དང་རཾ་ལས་ཉི་མ་ཨ་ལས་ཟླ་བའི་སྟེང་དུ་རྩ་བའི་བླ་མ་དང་དབྱེར་མེད་པའི་ཆོས་སྐུ་ཡུམ་ཆེན་མོ་སྐུ་མདོག་གསེར་བཙོ་མའི་མདོག་ལྟ་བུ་ཞལ་གཅིག་ཕྱག་བཞི་མ། གཡས་རྡོ་རྗེ་དང་སྐྱབས་སྦྱིན། གཡོན་པུ་ཏི་དང་མཉམ་བཞག་གི་ཕྱག་རྒྱ་མཛད་པ། སྐུ་ལ་དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། དེའི་སྟེང་གི་ཆ་ལ་བཀའ་བརྒྱུད་བླ་མ། །བར་གྱི་ཆ་ལ་ཡི་དམ་ལྷ་ཚོགས། འོག་གི་ཆ་ལ་ཆོས་སྐྱོང་སྲུང་མ་རྣམས་ཀྱིས་བསྐོར་ནས་བཞུགས་པར་བསྒོམ། དེའི་མདུན་དུ་ཁྱེད་རང་རྣམས་ཀྱིས་དུས་ད་ནས་བཟུང་སྟེ། བྱང་ཆུབ་མ་ཐོབ་ཀྱི་བར་དུ་དཀོན་མཆོག་གསུམ་ལ་སྐྱབས་སུ་འགྲོ་སྙམ་པས་འདིའི་རྗེས་ཟློས་མཛོད། ཕྱོགས་བཅུ་དུས་གསུམ་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་དང་། །སློབ་དཔོན་བདག་ལ་དགོངས་སུ་གསོལ། །རིག་པ་འཛིན་པ་བདག་གིས་ནི། །དུས་འདི་ནས་ནི་བཟུང་ནས་སུ། །བྱང་ཆུབ་སྙིང་པོར་མཆིས་ཀྱི་བར། །སྤངས་པ་

[Full Size]

ཕུན་སུམ་ཚོགས་པ་ཡི། །སངས་རྒྱས་རྣམ་ལ་སྐྱབས་སུ་མཆི། །ཞི་གྱུར་འདོད་ཆགས་བྲལ་བ་ཡི། །དམ་ཆོས་རྣམས་ལ་སྐྱབས་སུ་མཆི། །གང་ལ་ཕུལ་བ་དོན་ཡོད་པའི། །དགེ་འདུན་རྣམས་ལ་སྐྱབས་སུ་མཆི། །བླ་མ་ཡི་དམ་མཁའ་འགྲོ་ལ། །བདག་སོགས་འགྲོ་རྣམས་སྐྱབས་སུ་མཆི། །སངས་རྒྱས་ཆོས་དང་དགེ་འདུན་ལ། །བདག་སོགས་འགྲོ་རྣམས་སྐྱབས་སུ་མཆི། །ཆོས་སྐུ་ལོངས་སྐུ་སྤྲུལ་སྐུ་ལ། །བདག་སོགས་འགྲོ་རྣམས་སྐྱབས་སུ་མཆི། །ཞེས་ལན་གསུམ། དེས་སྐྱབས་འགྲོ་སོང་ནས་སེམས་བསྐྱེད་འདི་ཡི་རྗེས་བཟློས་མཛོད། ཕྱོགས་བཅུ་དུས་གསུམ་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་དང་། །སློབ་དཔོན་བདག་ལ་དགོངས་སུ་གསོལ། །རིག་པ་འཛིན་པ་བདག་གིས་ནི། །དུས་འདི་ནས་ནི་བཟུང་ནས་སུ། །བྱང་ཆུབ་སྙིང་པོ་མཆིས་ཀྱི་བར། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་ལྟར། །བྱང་ཆུབ་སེམས་དཔའི་བསླབ་པ་ལ། །རིམ་བཞིན་དུ་ནི་བསླབ་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་

[Full Size]

ལའང་། །རིམ་པ་བཞིན་དུ་བསླབ་པར་བགྱི། །ཞེས་ལན་གསུམ་མོ། །དེས་སེམས་བསྐྱེད་པ་སོང་ནས། ཡན་ལག་བདུན་པ་འདིའི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི། །དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་ལ་མཆོད་པ་འབུལ། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །ཆོས་ཀྱི་འཁོར་ལོ་བསྐོར་བར་བསྐུལ། །མྱ་ངན་མི་འདའ་བཞུགས་པར་གསོལ། །བླ་མེད་བྱང་ཆུབ་ཆེན་པོར་བསྔོ། །ཞེས་ལན་གསུམ། དེ་ལྟར་སྔོན་འགྲོ་སོང་ནས་དངོས་གཞི་ལ་གཉིས་ལས། དང་པོ་ཆོས་དབང་སེམས་ལ་བསྐུར་བ་འཕོ་བ་ནམ་མཁའ་སྒོ་འབྱེད་བྱེད་པ་ནི། མ་གཅིག་གིས་ཞོལ་ནས། བསྒྲིམས་ཀྱིས་བསྒྲིམས་ལ་རྒྱངས་ཀྱིས་འཕོངས། །རྒྱངས་ཀྱིས་འཕོངས་ལ་ཕྱལ་གྱིས་ཞོག །རེ་དོགས་མེད་པའི་ངང་ལ་སྐྱུར། །མཐའ་བྲལ་ལྟ་བ་ཟིལ་གྱིས་ནོན། །མཐར་ཐུག་གི་ལྟ་བ་དེ་ན་ཡོད། །གཅོད་ཀྱི་ནམ་མཁའ་སྒོ་འབྱེད་དེ། །འཕོ་བ་བརྒྱ་ཡིས་དོ་ཟླ་མིན། །ཞེས་གསུངས་པའི་དོན་ནི། ཁྱེད་རང་རྣམས་རྐང་པ་གཤིབས་ཏེ་བཞེངས། ལག་པ་གཉིས་སྤྱི་བོར་ཐལ་མོ་སྦྱར་ཏེ་

[Full Size]

ཡོད་པའི་ལུས་ཀྱི་ནང་ཐམས་ཅད་སྟོང་པ་ཕུ་མ་ཕུས་བཏབ་པ་ལྟ་བུའི་རྐང་མཐིལ་གཉིས་སུ་ཐིག་ལེ་དཀར་དམར་གཉིས་གསལ་ཐོབ་ལ། གཅོད་ཡུལ་བརྒྱུད་པའི་བླ་མ་དང་མ་གཅིག་ལ་གསོལ་བ་འདེབས་པ་འདིའི་རྗེས་ཟློས་མཉམ་དུ་བྱས་པའི་མོས་པ་མཛོད། གནས་འོག་མིན་ཆོས་དབྱིངས་ཀྱི་ཕོ་བྲང་ན། །ཡུམ་ཆེན་ཤེས་རབ་ཕར་ཕྱིན་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་བྱ་རྒོད་ཕུང་པོའི་རི་བོ་ན། །རྗེ་རྫོགས་པའི་སངས་རྒྱས་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་སེང་ཆེན་བསྣོལ་བའི་ཁྲི་སྟེང་ན། །འཇམ་དཔལ་སྨྲ་བའི་སེང་གེ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །

[Full Size]

བུ་སྐྱེ་བ་མེད་པར་ལམ་སྣ་དྲོངས། །དཔལ་གཡུ་ལོ་བཀོད་པའི་ཞིང་ཁམས་ན། །མཚན་ལྡན་རྗེ་བཙུན་སྒྲོལ་མ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་མཁའ་སྤྱོད་མཁའ་འགྲོའི་བཞུགས་གནས་ན། །མཁའ་འགྲོ་སུ་ཁ་སིདྡྷི་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་རྒྱ་གར་འཇག་མའི་སྤྱིལ་པོ་ན། །མཁས་པ་ཨཱརྱ་དེ་ཝ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་ལ་སྟོད་དིང་རིའི་གླང་འཁོར་ན། །སྤྲུལ་སྐུ་དམ་པ་སངས་རྒྱས་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །

[Full Size]

མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་རྒྱ་བོད་གཉིས་ཀྱི་སོ་མཚམས་ནས། །སྐྱོ་སྟོན་བསོད་ནམས་བླ་མ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་ཟངས་རི་མཁར་དམར་གྱི་དགོན་པ་ན། །མ་གཅིག་ལབ་ཀྱི་སྒྲོན་མ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་བཀྲ་ཤིས་གླང་ལུང་གི་དགོན་པ་ན། །སྲས་མཆོག་རྒྱལ་བ་དོན་གྲུབ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་གཉན་ས་རི་ཁྲོད་ཀྱི་དགོན་པ་ན། །གྲུབ་ཆེན་ཡེ་ཤེས་འབར་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་

[Full Size]

བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་གནམ་མཚོ་སྔགས་ཀྱི་སྒྲུབ་གནས་ན། །གྲུབ་ཐོབ་གནམ་མཚོ་དོལ་པ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་བདུད་བཞི་ཟིལ་གནོན་གྱི་ཕོ་བྲང་ན། །རྗེ་རང་བྱུང་རྡོ་རྗེ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་སྒར་ཆེན་ཆོས་ཀྱི་ཕོ་བྲང་ན། །ཟླ་བྲལ་རྒྱལ་བ་ཡབ་སྲས་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །སྤྱི་གཙུག་པད་ཟླའི་གདན་སྟེང་ན། །གཅོད་ཡུལ་བརྒྱུད་པའི་བླ་མ་ལ་གསོལ་བ་འདེབས། །

[Full Size]

བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །རང་ལུས་རྒྱལ་བའི་དཀྱིལ་འཁོར་ན། །ཡི་དམ་གསང་བའི་ལྷ་ཚོགས་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །གནས་བསྟན་པ་སྲུང་མཛད་ཀྱི་ཕོ་བྲང་ན། །ཆོས་སྐྱོང་མ་མགོན་ལྕམ་དྲལ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །རྒྱུ་འདོད་ཆགས་ཞེ་སྡང་གཏི་མུག་གསུམ། །དུག་གསུམ་རང་སར་ཞི་བར་བྱིན་གྱིས་རློབས། །ནད་རླུང་དང་མཁྲིས་པ་བད་ཀན་གསུམ། །ནད་གསུམ་རང་སར་ཞི་བར་བྱིན་གྱིས་རློབས། །གདོན་ཕོ་གདོན་མོ་གདོན་ཀླུ་གདོན་གསུམ། །གདོན་གསུམ་རང་སར་ཞི་བར་བྱིན་གྱིས་རློབས། །བདུད་ཐོགས་

[Full Size]

བཅས་བདུད་དང་ཐོགས་མེད་བདུད། །དགའ་བྲོད་བདུད་དང་སྙེམས་བྱེད་བདུད། །བདུད་བཞི་རང་སར་ཞི་བར་བྱིན་གྱིས་རློབས། །གཉན་ས་རི་ཁྲོད་འགྲིམ་པར་བྱིན་གྱིས་རློབས་། །ཕུང་པོ་གཟན་དུ་བསྐྱུར་བ་བྱིན་གྱིས་རློབས། །ཉག་གཅིག་རྩད་ནས་ཆོད་པར་བྱིན་གྱིས་རློབས། །གཟན་བསྐྱུར་ལམ་དུ་འགྲོ་བར་བྱིན་གྱིས་རློབས། །ལུས་མཆོད་སྦྱིན་གནད་དུ་འགྲོ་བར་བྱིན་གྱིས་རློབས། །འོ་དེ་ལྟར་གསོལ་བ་བཏབ་པས་རྐང་མཐིལ་གྱི་ཐིག་ལེ་དཀར་དམར་གཉིས་ཡར་འཕར་ནས་གསང་གནས་སུ་འདྲེས་པས། བྱ་མ་སར་གྱི་སྒོ་ང་ཙམ་གཅིག་ཏུ་གྱུར། དེ་རིམ་པ་ལྟར་ལྟེ་བ་སྙིང་ག་མགྲིན་པ་སྤྱི་བོར་ཡར་ཐོན། འོ་ད་ཁྱེད་ཀྱི་ལུས་མི་གཙང་བའི་རྫས་སུམ་ཅུ་སོ་གཉིས་ལས་གྲུབ་པ་རྩ་རྒྱུས་ཀྱི་དྲྭ་བ་རྣག་ཁྲག་གི་རྐྱལ་པ་འདི་ལ་མ་ཆགས་མ་ཞེན་པར་རིག་པ་གཏད་མེད་ནམ་མཁར་འཕོས་ཤིག །ཕཊ་ཕཊ་ཕཊ། ལན་གསུམ། ཐིག་ལེ་དེ་སྤྱི་བོ་ནས་རྒྱངས་སེ་ཐོན་ནས་ནམ་མཁའ་དང་དབྱེར་མེད་ཁྲུགས་སེ་འདྲེས། ནམ་མཁས་གར་ཁྱབ་རིག་པས་ཁྱབ། རིག་པས་གར་ཁྱབ་ཆོས་སྐུས་ཁྱབ། ཁྱབ་གདལ་ཆེན་པོའི་ངང་ལ་མཉམ་པར་ཞོག་ཅིག །འབུམ་

[Full Size]

ལས། སྤྱི་གཙུག་རྣམ་པར་ལྟ་བའི་ཏིང་འཛིན་དང་། ནམ་མཁའ་རྣམ་པར་ཁྱབ་པར་ཞེས་བྱ་བའི་ཏིང་ངེ་འཛིན་དང་། ནམ་མཁའ་རྒྱས་པར་འགེངས་པ་ཞེས་བྱ་བའི་ཏིང་ངེ་འཛིན་ཡོད་དོ། །ཞེས་གསུངས་པའི་དོན་ཡིན། འོ་དེ་ལྟ་བུ་ལ་རྒྱུན་དུ་གནས་ན་ལྟ་བའི་མཆོག་ཡིན་ནོ། །འོན་ཀྱང་ལས་དང་པོའི་བློར་མི་ཤོང་དོགས་པས་ཁྱེད་རང་གི་རིགས་པ་དེ་ཚུར་འདུས། དངོས་འཛིན་གྱི་སྒྲིབ་པ་དག་ནས་ཁྱེད་རང་གི་ལུས་སེམས་གཉིས་ཀ་དབྱེར་མེད་པར་ཡུམ་ཆེན་མོའི་སྐུར་གྱུར་པར་བསྒོམ། དེ་ནས་ལུས་རྣམ་སྣང་གི་ཆོས་བདུན་དང་ལྡན་པས་སེམས་དུས་གསུམ་གྱི་སྤྲོས་པ་ཆོད་ལ། ཡིད་ལ་ཅི་ཡང་མི་བསམ་པར་རང་ལུགས་སུ་ཀློད་ལ་ཞོག་ཅིག །ཕཊ་ཕཊ་ཕཊ། ལན་གསུམ། དེ་ནི་འབུམ་ལས། ལྷགང་དྲན་པ་མེད་ཅིང་ཡིད་ལ་བྱར་མེད་པ་ནི། སངས་རྒྱས་རྗེས་སུ་དྲན་པའོ། །ཆོས་རྗེས་སུ་དྲན་པའོ། །དགེ་འདུན་རྗེས་སུ་དྲན་པའོ། །ཞེས་གསུངས་སོ། །མ་གཅིག་གི་ཞལ་ནས། བསྒྲིམས་ཀྱིས་བསྒྲིམས་ལ་ལྷོད་ཀྱིས་ཀློད། །རིག་པའི་བཞག་ས་གཅིག་དེ་ན་གདའ། །མཐར་ཐུག་གི་ལྟ་བ་གཅིག་དེ་ན་གདའ། །མཐར་ཐུག་གི་སངས་རྒྱས་

[Full Size]

གཅིག་དེ་ན་གདའ། །ཞེས་གསུངས་པའི་དོན་ཡིན་ནོ། །དེས་ཆོས་དབང་སེམས་ལ་བསྐུར་བ་དེ་སོང་ནས། ད་ལྷ་དབང་ལུས་ལ་བསྐུར་བའི་དོན་དུ་དམིགས་པ་འདི་བཞིན་དུ་མཛོད། ཁྱེད་རང་རྣམས་ཀྱི་སྤྱི་བོའི་གཙུག་ཏུ་གཏོར་མ་འདི་དང་ཐ་དད་མེད་པར། ངོ་བོ་རྩ་བའི་བླ་མ་དང་ཡུམ་ཆེན་མོ་དབྱེར་མེད་པ་ལ་རྣམ་པ་མ་གཅིག་ལབ་ཀྱི་སྒྲོན་མ་སྐུ་མདོག་དཀར་མོ་ཞལ་གཅིག་ཕྱག་གཉིས་གཡས་ཌཱ་མ་རུ་ནམ་མཁའ་ལ་དཀྲོལ་བ། གཡོན་དངུལ་དཀར་གྱི་དྲིལ་བུ་དཀུ་ལ་བརྟེན་པ། རུས་པའི་རྒྱན་དྲུག་གིས་བརྒྱན་པ། དབུ་སྐྲ་རལ་བའི་ཐོར་ཚུགས་གྱེན་དུ་བཅིངས་ཤིང་ཐུར་དུ་གྲོལ་བ། དེ་ལ་མ་གཅིག་རིགས་བཞིའི་མཁའ་འགྲོས་བསྐོར་ཞིང་བྲོ་ཁྲིག་ཁྲིག་གར་ཁྱུག་ཁྱུག་མཛད་པ། དེའི་སྟེང་གི་ཆ་ལ་བརྒྱུད་པའི་བླ་མ། བར་གྱི་ཆ་ལ་ཡི་དམ་ལྷ་ཚོགས། འོག་ཏུ་ཆོས་སྐྱོང་སྲུང་མ་རྣམས་སྤྲིན་གྱི་ཕུང་པོ་ལྟར་བཞུགས་པའི་དྲུང་དུ། ལུས་ངག་ཡིད་གསུམ་དད་ཅིང་གུས་པས་གདུང་བ་དྲག་པོས་གསོལ་བ་འདེབས་པ་འདིའི་རྗེས་ཟློས་མཛོད། ཧཱུྃ། མ་ཡུམ་ཆེན་ཐུགས་ལས་སྤྲུལ་བའི་སྲས། །མ་གཅིག་ཇོ་མོ་རྣལ་འབྱོར་མ། །མ་ཕ་རོལ་ཕྱིན་པའི་གྲུབ་ཐོབ་མ། །

[Full Size]

སྐལ་ལྡན་ཀུན་གྱི་རྒྱུད་གྲོལ་མ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །ཅེས་ལན་གསུམ། འོ་དེ་ལྟར་གསོལ་བ་བཏབ་པས་ལྷ་ཚོགས་རྣམས་ཀྱི་དཔྲལ་བར་སྐུ་ཡི་ངོ་བོ་ཨོ་དཀར་པོ་ལས་འོད་ཟེར་དཀར་པོའི་ཚོགས་དཔག་ཏུ་མེད་པ་བྱུང་ནས། ཁྱེད་རང་རྣམས་ཀྱི་སྤྱི་བོར་ཐིམ་པས་ལུས་ཀྱི་སྒོ་ནས་བསགས་པའི་སྡིག་སྒྲིབ་དག །སྐུ་ཡི་བྱིན་རླབས་ཞུགས་པའི་མོས་པ་མཛོད། །གསོལ་བ་འདེབས་པ་འདི་ཡང་ཁྱེད་རང་རྣམས་ཀྱིས་མཉམ་དུ་གསོལ་བ་བཏབ་པའི་མོས་པ་མཛོད། གཏོར་མ་ལག་ཏུ་ཐོགས་ལ་དབྱངས་དང་བཅས་པས། ཀྱཻ། མ་མི་མིན་ཡེ་ཤེས་མཁའ་འགྲོ་མ། །མ་ཤར་ནས་གོམ་གསུམ་བྱོན་ཙམ་ན། །སྐུ་ཤ་ཆུང་ལ་སྐུ་མདོག་དཀར། །རྡོ་རྗེ་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་ཕུང་ཐིབས་སེ་ཐིབ། །བྱིན་རླབས་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་བཞུགས་སུ་གསོལ། །མ་སྤྱི་གཙུག་རྒྱན་འདིར་བཞུགས་ནས་ཀྱང་། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །བར་ཆད་སོལ་

[Full Size]

ཅིག་མ་གཅིག་མ། །རྟོགས་པ་སྐྱེད་ཅིག་མ་གཅིག་མ། །དབང་མཆོག་བསྐུར་ཅིག་མ་གཅིག་མ། །དངོས་གྲུབ་སྩོལ་ཅིག་མ་གཅིག་མ། །ཐུགས་རྗེས་ཟུངས་ཤིག་མ་གཅིག་མ། །ལམ་སྣ་དྲོངས་ཤིག་མ་གཅིག་མ། །མ་ཁྱེད་རང་ལྟ་བུར་བྱིན་གྱིས་རློབས། །ཏདྱ་ཐཱ། ཨོཾ་ག་ཏེ་ག་ཏེ་པ་ར་ག་ཏེ་པ་ར་སཾ་ག་ཏེ་བོ་དྷི་སྭཱ་ཧཱ། མེ་ཏོག་གཏོར་ཞིང་། མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོལ་མའི་སྐུ་ཡི་བཀྲ་ཤིས་ཤོག །འོ་དེས་སྐུ་ཡི་རྗེས་གནང་ཐོབ་པ་ཡིན། ད་ཡང་དམིགས་པ་འདི་བཞིན་དུ་མཛོད། ལྷ་ཚོགས་རྣམས་ཀྱི་མགྲིན་པ་ནས་གསུང་གི་ངོ་བོ་ཡི་གེ་དམར་པོ་ལས་འོད་ཟེར་དམར་པོའི་ཚོགས་དཔག་ཏུ་མེད་པ་བྱུང་ནས་ཁྱེད་རང་རྣམས་ཀྱི་མགྲིན་པར་ཐིམ། ངག་གི་སྒོ་ནས་བསགས་པའི་སྡིག་སྒྲིབ་དག །གསུང་གི་བྱིན་རླབས་ཞུགས་པའི་མོས་པ་མཛོད་ལ་གསོལ་བ་མགྲིན་གཅིག་ཏུ་ཐོབ། ཅེས་གཏོར་མ་དབྱངས་དང་བཅས་པས། ཀྱཻ། མ་མི་མིན་ཡེ་ཤེས་མཁའ་འགྲོ་མ། །མ་ནུབ་ནས་གོམ་གསུམ་བྱོན་ཙ་ན། །མ་སྐུ་ཤ་ཆུང་ལ་སྐུ་མདོག་དམར། །པདྨ་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་

[Full Size]

རྗེའི་སྤྲིན་ཕུང་ཐིབས་སེ་ཐིབ། །བྱིན་རླབས་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་བཞུགས་སུ་གསོལ། །མ་སྤྱི་གཙུག་རྒྱན་འདིར་བཞུགས་ནས་ཀྱང་། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །བར་ཆད་སོལ་ཅིག་མ་གཅིག་མ། །རྟོགས་པ་སྐྱེད་ཅིག་མ་གཅིག་མ། །དབང་མཆོག་བསྐུར་ཅིག་མ་གཅིག་མ། །དངོས་གྲུབ་སྩོལ་ཅིག་མ་གཅིག་མ། །ཐུགས་རྗེས་ཟུངས་ཤིག་མ་གཅིག་མ། །ལམ་སྣ་དྲོངས་ཤིག་མ་གཅིག་མ། །མ་ཁྱེད་རང་ལྟ་བུར་བྱིན་གྱིས་རློབས། །ཏདྱ་ཐཱ། ཨོཾ་ག་ཏེ་ག་ཏེ་པ་ར་ག་ཏེ་པ་ར་སཾ་ག་ཏེ་བོ་དྷི་སྭཱ་ཧཱ། མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོལ་མའི་གསུང་གི་བཀྲ་ཤིས་ཤོག །འོ་དེས་གསུང་གི་རྗེས་གནང་ཐོབ་པ་ཡིན། ད་ཡང་དམིགས་པ་འདི་བཞིན་དུ་མཛོད། ལྷ་ཚོགས་རྣམས་ཀྱི་ཐུགས་ཀྱི་ངོ་བོ་ཡི་གེ་ཧཱུྃ་མཐིང་ནག་ལས་འོད་ཟེར་སྔོན་པོའི་ཚོགས་དཔག་ཏུ་མེད་པ་འཕྲོས་ཁྱེད་རང་རྣམས་ཀྱི་སྙིང་གར་ཐིམ། ཡིད་ཀྱི་སྒོ་ནས་བསགས་པའི་སྡིག་སྒྲིབ་དག །ཐུགས་ཀྱི་བྱིན་རླབས་ཞུགས་པའི་མོས་པ་མཛོད་ལ་གསོལ་བ་མགྲིན་གཅིག་ཏུ་ཐོབ།

[Full Size]

ཅེས་གཏོར་མ་དབྱངས་དང་བཅས་པས། ཀྱཻ། མ་མི་མིན་ཡེ་ཤེས་མཁའ་འགྲོ་མ། །མ་དབུས་ནས་གོམ་གསུམ་བྱོན་ཙ་ན། །མ་སྐུ་ཤ་ཆུང་ལ་སྐུ་མདོག་ནག །ཡེ་ཤེས་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་ཕུང་ཐིབས་སེ་ཐིབ། །བྱིན་རླབས་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་བཞུགས་སུ་གསོལ། །མ་སྤྱི་གཙུག་རྒྱན་འདིར་བཞུགས་ནས་ཀྱང་། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །བར་ཆད་སོལ་ཅིག་མ་གཅིག་མ། །རྟོགས་པ་སྐྱེད་ཅིག་མ་གཅིག་མ། །དབང་མཆོག་བསྐུར་ཅིག་མ་གཅིག་མ། །དངོས་གྲུབ་སྩོལ་ཅིག་མ་གཅིག་མ། །ཐུགས་རྗེས་ཟུངས་ཤིག་མ་གཅིག་མ། །ལམ་སྣ་དྲོངས་ཤིག་མ་གཅིག་མ། །མ་ཁྱེད་རང་ལྟ་བུ་བྱིན་གྱིས་རློབས། །ཏདྱ་ཐཱ། ཨོཾ་ག་ཏེ་ག་ཏེ་པ་ར་ག་ཏེ་པ་ར་སཾ་ག་ཏེ་བོ་དྷི་སྭཱ་ཧཱ། མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོལ་མའི་ཐུགས་ཀྱི་བཀྲ་ཤིས་ཤོག །འོ་དེས་ཐུགས་ཀྱི་རྗེས་གནང་ཐོབ་པ་ཡིན། ད་ཡང་དམིགས་པ་འདི་བཞིན་དུ་མཛོད། ལྷ་ཚོགས་རྣམས་ཀྱི་ལྟེ་བ་ནས་ཡོན་ཏན་གྱི་ངོ་བོ་ཡི་གེ་

[Full Size]

ཧྲཱིཿཡིག་ལས་འོད་ཟེར་སེར་པོའི་ཚོགས་དཔག་ཏུ་མེད་པ་འཕྲོས་ཁྱེད་རང་རྣམས་ཀྱི་ལྟེ་བར་ཐིམ། སྒོ་གསུམ་ཐ་དད་དུ་འཛིན་པའི་སྒྲིབ་པ་དག །ཡོན་ཏན་གྱི་བྱིན་རླབས་ཞུགས་སྙམ་པའི་མོས་པ་མཛོད་ལ་གསོལ་བ་མགྲིན་ཅིག་ཏུ་ཐོབ། དབྱངས་དང་བཅས་པས། ཀྱཻ། མ་མི་མིན་ཡེ་ཤེས་མཁའ་འགྲོ་མ། །མ་ལྷོ་ནས་གོམ་གསུམ་བྱོན་ཙ་ན། །མ་སྐུ་ཤ་ཆུང་ལ་སྐུ་མདོག་སེར། །རིན་ཆེན་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་ཕུང་ཐིབས་སེ་ཐིབ། །བྱིན་རླབས་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་བཞུགས་སུ་གསོལ། །མ་སྤྱི་གཙུག་རྒྱན་འདིར་བཞུགས་ནས་ཀྱང་། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །བར་ཆད་སོལ་ཅིག་མ་གཅིག་མ། །རྟོགས་པ་སྐྱེད་ཅིག་མ་གཅིག་མ། །དབང་མཆོག་བསྐུར་ཅིག་མ་གཅིག་མ། །དངོས་གྲུབ་སྩོལ་ཅིག་མ་གཅིག་མ། །ཐུགས་རྗེས་ཟུངས་ཤིག་མ་གཅིག་མ། །ལམ་སྣ་དྲོངས་ཤིག་མ་གཅིག་མ། །མ་ཁྱེད་རང་ལྟ་བུ་བྱིན་གྱིས་རློབས། །ཏདྱ་ཐཱ། ཨོཾ་ག་ཏེ་ག་ཏེ་པ་ར་ག་ཏེ་པ་ར་སཾ་ག་ཏེ་

[Full Size]

བོ་དྷི་སྭཱ་ཧཱ། མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོན་མའི་ཡོན་ཏན་བཀྲ་ཤིས་ཤོག །འོ་དེས་ཡོན་ཏན་གྱི་རྗེས་གནང་ཐོབ་པ་ཡིན། ད་ཡང་དམིགས་པ་འདི་བཞིན་དུ་མཛོད། ལྷ་ཚོགས་རྣམས་ཀྱི་གསང་གནས་སུ་ཕྲིན་ལས་ཀྱི་ངོ་བོ་ཡི་གེ་ཕཊ་ལྗང་གུ་དེ་ལས་འོད་ཟེར་ལྗང་གུའི་ཚོགས་དཔག་ཏུ་མེད་པ་འཕྲོས་ཁྱེད་རང་རྣམས་ཀྱི་གསང་གནས་སུ་ཐིམ་པས་ལུས་ངག་ཡིད་གསུམ་གྱི་སྒོ་ནས་བསགས་པའི་སྡིག་སྒྲིབ་མ་ལུས་པ་དག་ནས་ཕྲིན་ལས་ཀྱི་བྱིན་རླབས་ཞུགས་པའི་མོས་པ་མཛོད་ལ་གསོལ་བ་མགྲིན་གཅིག་ཏུ་ཐོབ། དབྱངས་དང་བཅས་གཏོར་མ་ལག་ཏུ་ཐོགས་ལ། ཀྱཻ། མ་མི་མིན་ཡེ་ཤེས་མཁའ་འགྲོ་མ། །མ་བྱུང་ནས་གོམ་གསུམ་བྱོན་ཙ་ན། །སྐུ་ཤ་ཆུང་ལ་སྐུ་མདོག་ལྗང་། །ལས་ཀྱི་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་ཕུང་ཐིབས་སེ་ཐིབ། །བྱིན་རླབས་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་བཞུགས་སུ་གསོལ། །མ་སྤྱི་གཙུག་རྒྱན་འདིར་བཞུགས་ནས་ཀྱང་། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །བར་ཆད་སོལ་ཅིག་མ་གཅིག་

[Full Size]

མ། །རྟོགས་པ་སྐྱེད་ཅིག་མ་གཅིག་མ། །དབང་མཆོག་བསྐུར་ཅིག་མ་གཅིག་མ། །དངོས་གྲུབ་སྩོལ་ཅིག་མ་གཅིག་མ། །ཐུགས་རྗེས་ཟུངས་ཤིག་མ་གཅིག་མ། །ལམ་སྣ་དྲོངས་ཤིག་མ་གཅིག་མ། །མ་ཁྱེད་རང་ལྟ་བུ་བྱིན་གྱིས་རློབས། །ཏདྱ་ཐཱ། ཨོཾ་ག་ཏེ་ག་ཏེ་པ་ར་ག་ཏེ་པ་ར་སཾ་ག་ཏེ་བོ་དྷི་སྭཱ་ཧཱ། མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོལ་མའི་ཕྲིན་ལས་བཀྲ་ཤིས་ཤོག །འོ་དེས་ཕྲིན་ལས་ཀྱི་རྗེས་གནང་ལེགས་པར་ཐོབ་པ་ཡིན། དེ་ལྟར་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་དབང་རྗེས་གནང་ཡོངས་སུ་རྫོགས་པར་ཐོབ་ནས། ད་བྱིན་རླབས་བཀའ་བསྒོའི་རིམ་པ་ནི། གཏོར་མ་འདི་དང་དབྱེར་མེད་པར་མ་གཅིག་ལབ་ཀྱི་སྒྲོན་མ་རིགས་བཞིའི་མཁའ་འགྲོའི་ཚོགས་དང་བཅས་པ་སྟེང་གི་ཆ་ལ་གཅོད་ཡུལ་བརྒྱུད་པའི་བླ་མ། བར་གྱི་ཆ་ལ་ཡི་དམ་ཁྲོས་མའི་ལྷ་ཚོགས། འོག་གི་ཆ་ལ་གཅོད་ཡུལ་བརྒྱུད་པའི་སྲུང་མ་ཐམས་ཅད་སྤྲིན་གྱི་ཕུང་པོ་འཁྲིགས་པ་ལྟ་བུར་ཁྱེད་རང་གི་སྤྱི་བོར་བྱོན་ཏེ་ངེད་ཀྱིས་གསོལ་བ་ཇི་ལྟར་བཏབ་པའི་བྱིན་རླབས་དངོས་གྲུབ་གནང་ནས་ལྷ་ཚོགས་ཐམས་ཅད་འོད་དུ་ལྟེམས་སེ་ཞུ་ནས།།

[Full Size]

ཁྱེད་རང་རྣམས་ལ་ཐིམ་པས་ཁྱེད་རང་རྣམས་ཀྱི་ལུས་ངག་ཡིད་གསུམ་དང་མ་གཅིག་ལབ་ཀྱི་སྒྲོན་མའི་སྐུ་གསུང་ཐུགས་དབྱེར་མེད་པར་གྱུར་པའི་ངང་ལ་སེམས་མ་བཅོས་པར་ཀློད་ལ་ཞོག །དེ་ནས་གཏོར་མ་ལག་ཏུ་ཐོགས་ལ། ཡུམ་ཆེན་ཕ་རོལ་ཕྱིན་མ། རྒྱལ་བ་ཤཱཀྱ་ཐུབ་པ། འཇམ་དཔལ་སྨྲ་བའི་སེང་གེ །རྗེ་བཙུན་འཕགས་མ་སྒྲོལ་མ། མཁའ་འགྲོ་སུ་ཁ་སིདྡྷི། བྲམ་ཟེ་ཨཱརྱ་དེ་ཝ། ཕ་གཅིག་དམ་པ་སངས་རྒྱས། སྐྱོ་སྟོན་བསོད་ནམས་བླ་མ། མ་གཅིག་ལབ་ཀྱི་སྒྲོན་མ། ཆོས་སྐུ་ཡེ་ཤེས་ཀྱི་མཁའ་འགྲོ་མ། ལོངས་སྐུ་ཡེ་ཤེས་ཀྱི་མཁའ་འགྲོ་མ། སྤྲུལ་སྐུ་ཡེ་ཤེས་ཀྱི་མཁའ་འགྲོ་མ། སྐུ་སྤྲུལ་བདེ་ཆེན་དཀར་མོ། གསུང་སྤྲུལ་དམར་མོ་སྒྲ་སྒྲོགས། ཐུགས་སྤྲུལ་ཁྲོས་མ་ནག་མོ། ཡོན་ཏན་གྱི་སྤྲུལ་པ་སེར་མོ་དོན་གྲུབ། ཕྲིན་ལས་ཀྱི་སྤྲུལ་པ་སྣ་ཚོགས་མཐའ་ཕྱིན། ཕ་རྒྱུད་ཐབས་ཀྱི་བརྒྱུད་པ། མ་རྒྱུད་ཤེས་རབ་ཀྱི་བརྒྱུད་པ། སྲས་རྒྱུད་ཉམས་ལེན་གྱི་བརྒྱུད་པ། གཉིས་མེད་དོན་གྱི་བརྒྱུད་པ། །སྐལ་ལྡན་ཉམས་ཀྱི་བརྒྱུད་པ། གྲུབ་ཐོབ་གཅོད་ཀྱི་བརྒྱུད་པ། སྟོབས་ལྡན་ཆོས་སྐྱོང་གི་བརྒྱུད་པའི་དཔལ་ལྡན་བླ་མ་དམ་པ་རྣམས་ཀྱིས་བྱིན་

[Full Size]

གྱིས་རློབས་ཤིག །ཐུགས་རྗེ་དང་བྱིན་རླབས་ནུས་མཐུ་སྐྱེད་ཅིག༔ རྒྱུ་ལས་ངན་དང་སྡིག་སྒྲིབ། རྐྱེན་གདོན་བགེགས་དང་འབྱུང་པོ། འབྲས་བུ་ན་ཚ་དང་སྡུག་བསྔལ་ཐམས་ཅད་དུས་ད་ལྟ་ཉིད་དུ་ཐབས་འདི་ལ་བརྟེན་ནས་ཞི་བར་བྱིན་གྱིས་རློབས་ཤིག །ད་ལྟ་ཉིད་བྱིན་གྱིས་རློབས་ཤིག །མྱུར་བ་ཉིད་དུ་བྱིན་གྱིས་རློབས་ཤིག །རྒྱུ་འདོད་ཆགས་ཞེ་སྡང་གཏི་མུག་གསུམ། དུག་གསུམ་རང་སར་ཞི་བར་བྱིན་གྱིས་རློབས་ཤིག །ནད་རླུང་དང་མཁྲིས་བད་ཀན་གསུམ། ནད་གསུམ་རང་སར་ཞི་བར་བྱིན་གྱིས་རློབས་ཤིག །གདོན་ཕོ་གདོན་མོ་གདོན་ཀླུ་གདོན་གསུམ། གདོན་གསུམ་རང་སར་ཞི་བར་བྱིན་གྱིས་རློབས་ཤིག །བདུད་ཐོགས་བཅས་བདུད་དང་ཐོགས་མེད་བདུད། དགའ་བྲོ་བདུད་དང་སྙེམས་བྱེད་བདུད། བདུད་བཞི་རང་སར་ཞི་བར་བྱིན་གྱིས་རློབས་ཤིག །ཕུང་པོ་གཟན་དུ་བསྒྱུར་བར་བྱིན་གྱིས་རློབས། །ཉག་ཅིག་རྩད་ནས་ཆོད་པར་བྱིན་གྱིས་རློབས། །གཟན་བསྒྱུར་ལམ་དུ་འགྲོ་བར་བྱིན་གྱིས་རློབས། །ལུས་ཤ་ཁྲག་གི་མཆོད་སྦྱིན་གནད་དུ་འགྲོ་བར་བྱིན་གྱིས་རློབས་ཤིག །དངོས་མེད་ལྷ་འདྲེའི་འགྲོ་དོན་ནུས་པར་

[Full Size]

བྱིན་གྱིས་རློབས་ཤིག །མཆོག་ཐུན་མོང་གི་དངོས་གྲུབ་ཚེ་འདི་ཉིད་ལ་ཐོབ་པར་བྱིན་གྱིས་རློབས་ཤིག །ཅེས་པ་དེ་ཙམ་གྱིས་ཆོག་པ་སློབ་བུ་གཅོད་མཁན་ཡིན་ན་འདི་མན་དགོས་སོ། །ཁྱད་པར་དུ་ཡང་ཆོས་སྐྱོང་ཕྱག་དྲུག་མགོན་པོ། བཀའ་སྲུང་སྤྱང་ཞོན་མཆེད་གསུམ། ལས་བདག་མཚན་མོ་སྒྲ་སྒྲོགས། བཙན་རྒོད་ཟངས་རི་སྤུན་བདུན། ཤམ་པོ་གཟའ་བདུད་མགོ་དགུ། ཀླུ་རྒྱལ་དྲག་པོ་ཟླ་སྐྱོང་ལ་སོགས་པའི་གཅོད་ཡུལ་བརྒྱུད་པའི་ཆོས་སྐྱོང་སྲུང་མ་ཐམས་ཅད་ཀྱིས། མ་གཅིག་ལབ་ཀྱི་སྒྲོན་མའི་བཀའ་དང་དམ་ལས་མ་འདའ་བར་རིགས་ཀྱི་བུ་འདི་ཡི་འགལ་རྐྱེན་བར་ཆད་ཐམས་ཅད་ཞི་བར་དང་། མཐུན་རྐྱེན་བསམ་པ་ཡིད་བཞིན་དུ་འགྲུབ་པའི་སྡོང་གྲོགས་མཛོད་ཅིག །ཏདྱ་ཐཱ། ཨོཾ་ག་ཏེ་ག་ཏེ་པ་ར་ག་ཏེ་པ་ར་སཾ་ག་ཏེ་བོ་དྷི་སྭཱ་ཧཱ། ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། མེ་ཏོག་གཏོར་ཞིང་། སྐྱེ་བ་བདུན་ལ་འགྲོ་དོན་མཛད། །དམ་པ་རྒྱ་གར་གྱི་བཀྲ་ཤིས་ཤོག །མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོལ་མའི་བཀྲ་ཤིས་ཤོག །རང་རིག་ཡེ་ཤེས་སྟོན་མཛད་པའི། །བླ་མ་རྣམས་ཀྱི་བཀྲ་ཤིས་ཤོག །དངོས་གྲུབ་ངེས་པར་སྟེར་མཛད་པ། །ཡི་དམ་རྣམས་

[Full Size]

ཀྱི་བཀྲ་ཤིས་ཤོག །བར་ཆད་ཐམས་ཅད་སེལ་མཛད་པའི། །ཆོས་སྐྱོང་རྣམས་ཀྱི་བཀྲ་ཤིས་ཤོག །འོ་དེས་ཆོས་དབང་སེམས་ལ་བསྐུར་བ། ལྷ་དབང་ལུས་ལ་བསྐུར་བ་གཉིས་པོ་དེ་སོང་ནས་རྗེས་ཀྱི་བྱ་བ་གཉིས་ལས། དང་པོ་ནི་མ་གཅིག་གི་ཞལ་ནས། གནས་གཉན་ས་རི་ཁྲོད་འགྲིམ་པ་གཅེས། །ལུས་གནད་རྩ་གཞི་ཀློད་པ་གཅེས། །ངག་གནད་ཉམས་དབྱངས་ལེན་པ་གཅེས། །སེམས་གནད་འདུ་ཤེས་བཤིག་པ་གཅེས། །ཞེས་གསུངས་པ་ལྟར། མ་གཅིག་ལབ་ཀྱི་སྒྲོན་མ་ལྷག་པའི་ལྷར་བཟུང་ནས་གཅོད་ཡུལ་ཕྱག་རྒྱ་ཆེན་པོ་ཉམས་སུ་ལེན་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །དེ་ཡང་གཅོད་ཀྱི་བཀའ་བབས་ཉི་མ་སེང་གེའི་ཞལ་ནས། དམ་ཆོས་བདུད་ཀྱི་གཅོད་ཡུལ་འདི། །མ་རྒྱུད་མཁའ་འགྲོའི་སྲོག་སྙིང་ཡིན། །བླ་མ་དམ་པའི་ཞལ་གདམས་ཡིན། །རྟོགས་ལྡན་རྣམས་ཀྱི་ཉམས་ཁྲིད་ཡིན། །དགོས་འདོད་འབྱུང་བའི་ནོར་བུ་ཡིན། །ནད་བརྒྱ་སེལ་བའི་སྨན་གཅིག་ཡིན། །གདོན་བརྒྱ་འདུལ་བའི་གཉེན་པོ་ཡིན། །དུག་ལྔ་འདུལ་བའི་ཡེ་

[Full Size]

ཤེས་ཡིན། །འཁྲུལ་གཅོད་ཤེས་རབ་རལ་གྲི་ཡིན། །ཞེས་གསུངས་པ་ལྟར། བཅོམ་ལྡན་འདས་ཀྱི་བཀའ་བར་པ་མཚན་ཉིད་མེད་པའི་སྐོར་ཨོ་རྒྱན་རིན་པོ་ཆེའི་འཕྲུལ་གཅོད། །ནཱ་རོ་པཎ་ཆེན་གྱི་རོ་སྙོམས། ཕ་དམ་པ་རྒྱ་གར་གྱི་ཞི་བྱེད་རྣམས་ཀྱི་དོན་དང་དགོངས་པ་ཐམས་ཅད་མ་གཅིག་གི་གཅོད་དབང་འདི་ལ་འདུས་པ་ཡིན་པས། དེ་ལྟ་བུ་ཟབ་ཅིང་རྒྱ་ཆེ་བའི་དབང་ཟབ་མོ་ཐོབ་པའི་གཏང་རག་གི་ཚུལ་དུ་མཎྜལ་ཕུལ། ས་གཞི་སྤོས་ཆུས་བྱུག་ཅིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡི། །འགྲོ་ཀུན་རྣམ་དག་ཞིང་དུ་སྤྱོད་པར་ཤོག །བསོད་ནམས་འདི་སོགས་ནས། དེ་ནས་སློབ་མ་གྱེས། སློབ་མ་རྣམས་ཀྱིས་གོང་ན་གཅོད་ཚོགས་བྱས་པ་ཡིན་ན་ཚོགས་ལ་རོལ། ལྷག་མ་གཏོར་འབུལ་གཞུང་ལྟར་བྱ། གཅོད་ཚོགས་མ་བྱས་ན་རྗེས་ཆོག་མེད་ཀྱང་ཆོག་སྟེ། དབང་ལྷ་བསྟིམ་ཚར་བའི་ཕྱིར་རོ། །ཨེ་མ་ཧོ། གཅོད་ཀྱི་གཏོར་དབང་ཁྱེར་བདེ་འདི་ཉིད་ནི། །སྔོན་གྱི་དབང་དཔེ་རྒྱུན་ལྡན་ཡོད་པ་ཡང་། །ནམ་མཁའ་སྒོ་འབྱེད་ཁ་འཕང་གཞན་དུ་གབ། །བློ་ཆུང་རྣམས་ཀྱིས་འགྲེས་སོགས་བཤང་བར་བཀའ། །གཞན་ཡང་གབ་འཁྲུགས་ཅུང་ཟད་འདུག་པ་རྣམས། །བློ་དམན་རྣམ་ལ་ཕན་པའི་སེམས་བསྐྱེད་ནས། །ཕྱག་ལེན་མཐོང་བ་རྒྱུན་

[Full Size]

པས་ཁ་བསྐོངས་ནས། །ཤིན་ཏུ་གསལ་བ་བལྟས་ཆོག་ཉིད་དུ་བཀོད། །དངོས་གཞི་དབང་ཉིད་གཞུང་དོན་སོར་བཞག་ནས། །ལོ་རྒྱུས་ལག་ལེན་ཁོ་བོས་གསར་དུ་སྦྱར། །འདི་ལ་འགལ་འཁྲུལ་ཉེས་ཚོགས་ཅི་མཆིས་པ། །མ་གཅིག་ཆོས་བདག་བཀའ་སྲུང་ཚོགས་ལ་བཤགས། །འདི་བྲིས་དགེ་བས་འདི་ལ་འབྲེལ་ཐོགས་རྣམས། །ཚེ་རབས་ཀུན་ཏུ་མ་གཅིག་རྗེས་བཟུང་ནས། །རྒྱལ་བའི་ཡུམ་གྱི་གོ་འཕང་མྱུར་ཐོབ་ཤོག །ཅེས་པ་འདི་ཉིད་གཅོད་ཡུལ་མོས་པ་ཡི། རཱ་གའི་མིང་ཅན་རི་ཁྲོད་པ་དེས་སྦྱར། །ཕྱོགས་དུས་ཀུན་ཏུ་བཀྲ་ཤིས་བདེ་ལེགས་ཤོག། ༈ །གཏོར་དབང་རྫོགས་ནས་བཀའ་གཏད་མཚམས་སུ་འདི་སྦྱར་རོ། །སྟོང་ཉིད་མཚོན་པའི་ཌཱ་མ་རུ། །སྣང་བ་ཐབས་ཀྱི་རང་སྒྲ་སྒྲོགས། །ཟུང་འཇུག་གྲག་སྟོང་གཉིས་སུ་མེད། །སྐལ་ལྡན་ཁྱོད་ཀྱིས་རབ་ཏུ་འཁྲོལ། །སྣང་སྲིད་དབང་དུ་སྡུད་པ་ཡི། །མི་རྐང་གླིང་བུ་འདི་བུས་ལ། །རིག་པ་གཏད་མེད་ཟང་ཐལ་སྒོམས། །ཡུམ་གྱི་དོན་དྲན་འགྲོ་དོན་གྱིས། །གཟའ་གཏད་མེད་པའི་སྤྱོད་པ་ཡིས། །གང་ཤར་ཡེ་ཤེས་རྒྱན་གྱུར་པའི། །ཕྱག་རྒྱ་ལྔ་འདི་རབ་ཟུང་ལ། །སེམས་ཅན་དོན་ནི་འགྲུབ་པར་གྱིས། །ཞེས་པ་འདི་ནི་རིག་འཛིན་རྟ་མགྲིན་མགོན་པོས་མ་གཅིག་ཞལ་གཟིགས་སྐབས་སུ་གཅོད་དབང་གནས་མདོ་ལུགས་ཇི་བཞིན་ལ། གོང་གི་དབང་རྫས་གསུམ་

[Full Size]

པོ་ཁྱད་པར་ཅན་དུ་གནང་། དམ་པ་དེ་ཉིད་ཀྱིས་རིག་འཛིན་ཆེན་པོ་རྡོ་རྗེ་དྲག་པོ་ལ་གནང་བ་རྗེ་ཉིད་ཀྱི་དྲུང་ནས། ཕྲན་རྒྱུ་ཁམས་པ་གུ་རུ་མ་ཎི་ལ་བཀའ་དྲིན་དུ་བསྩལ་བ་བཅོས་བསླད་མེད་པར་ཇི་བཞིན་ཡི་གེར་བཀོད་པ་དར་རྒྱས་འཕེལ། །དགེའོ། །སརྦ་མངྒ་ལཾ།། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྗེ་རང་བྱུང་རྡོ་རྗེས་མཛད་པའི་གདོན་ཚོགས་དགུ་མ་དང་ས་བདག་དྲུག་སྦྱོར། མི་བསྐྱོད་རྡོ་རྗེས་མཛད་པའི་གདན་ཐོག་གཅིག་མ་གཅོད་ཚིགས་བཅད་མ་དང་གཉིས་གབ་སྤྲད་ནས་ལུས་སྦྱིན་དང་བསྟབ་པ་བྱ་ཚུལ་བལྟས་ཆོག་འདོན་འགྲིགས་སུ་བཀོད་པ།

[Full Size]

༼ཏ༽ རྗེ་རང་བྱུང་རྡོ་རྗེས་མཛད་པའི་གདོན་ཚོགས་དགུ་མ་དང་ས་བདག་དྲུག་སྦྱོར། མི་བསྐྱོད་རྡོ་རྗེས་མཛད་པའི་གདན་ཐོག་གཅིག་མ་གཅོད་ཚིགས་བཅད་མ་དང་གཉིས་གབ་སྤྲད་ནས་ལུས་སྦྱིན་དང་བསྟབ་པ་བྱ་ཚུལ་བལྟས་ཆོག་འདོན་འགྲིགས་སུ་བཀོད་པ་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏཱ་ཡེ། རང་དོན་དུ་མལ་ས་ལ་འདུག་གམ། གཞན་ཐག་རིང་ནས་ནད་པ་སོགས་ཡིན་ན་རང་ལ་མགོ་བསྟན་ཏེ་ཉལ་བཅུག །ཉེ་ན་རང་གི་མདུན་དུ་གཞོགས་གཡས་ས་ལ་ཕབས་ཏེ་ཉལ་བཅུག །སྲུང་འཁོར་དང་སྲུང་མདུད་སོགས་མཚོན་ཆ་རྣམས་བཀྲོལ་ལ་གཞན་དུ་བཞག །མར་མེ་དང་མེ་འོད་མེད་པར་བྱས་ལ་འདོན་སྒོམ་སྤྲུགས་ཏེ། སྐད་ཅིག་གིས་ནམ་མཁའི་དབྱིངས་ཐམས་ཅད་དཀོན་མཆོག་གསུམ་སྤྲིན་ལྟར་འཁྲིགས་པ་ལ་སྐྱབས་སུ་འགྲོ། སེམས་ཅན་ཐམས་ཅད་ཚད་མེད་བཞི་རྒྱུད་ལ་སྐྱེས་ནས་སངས་རྒྱས་མྱུར་དུ་ཐོབ་པ་ཞིག་བདག་གིས་ཅི་ནས་ཀྱང་བྱ་ཞེ་ཐག་པ་ནས་བསམས་ལ། ན་མོ་གུ་རུ། དེང་ནས་བཟུང་སྟེ་བླ་མ་དཀོན་མཆོག་གསུམ། །ངེས་པར་སྙིང་ནས་སྐྱབས་

[Full Size]

གསོལ་སེམས་ཅན་རྣམས། །ཚད་མེད་བཞི་པོ་རྒྱུད་ལ་སྐྱེ་བ་ནས། །བདག་གི་རྫོགས་བྱང་ཉིད་ལ་འགོད་པར་བྱ། །ལན་གསུམ༈ ཕཊ་ཕཊ་ཕཊ། མདུན་གྱི་ནམ་མཁར་ཤཱཀྱ་ཐུབ་པ། དེ་འོག་མ་གཅིག་དེ་ལ་བླ་མ་ཡི་དམ་མཁའ་འགྲོ་སངས་རྒྱས་བྱང་སེམས་ཐམས་ཅད་ཀྱིས་བསྐོར་བར་བསྒོམ་ཞིང་། །ཕྱི་ནང་ཆོས་རྣམས་སྟོང་པའི་རང་བཞིན་ལས། །མདུན་གྱི་ནམ་མཁར་སེང་ཁྲིར་དེ་བཞིན་གཤེགས། །ཤཱཀྱའི་དབང་པོ་སྲས་དང་བཅས་པ་དང་། །དེ་འོག་མ་གཅིག་ལབ་སྒྲོན་སྐུ་མདོག་དཀར། །ཞལ་གཅིག་སྤྱན་གསུམ་ནམ་མཁའི་མཐོངས་ལ་གཟིགས། །སྐུ་ལ་དར་དཀར་ན་

[Full Size]

བཟའ་ཁྱབ་པར་གསོལ། །ཕྱག་གཡས་སེང་ལྡེང་ཌཱ་རུ་སྟོང་གསུམ་སྒྲོགས། །ཕྱག་གཡོན་དངུལ་དཀར་དྲིལ་བུ་དཀུ་ལ་བརྟེན། །དབུ་སྐྲ་སིལ་མས་སྐུ་རྒྱབ་ནོན་པར་གཡོགས། །སྐྱིལ་ཀྲུང་ཕྱེད་པའི་སྟབས་ཀྱིས་མཁའ་ལ་གར། །གྲུབ་ཐོབ་གཅོད་ཡུལ་བརྒྱུད་པའི་དབུས་ན་རོལ། །ལྷ་ཚོགས་དེ་དག་གནས་གསུམ་འབྲུ་གསུམ་ལས། །འོད་འཕྲོས་རང་བཞིན་གནས་ནས་བཅོམ་ལྡན་འདས། །བཀའ་བརྒྱུད་ཡི་དམ་ཆོས་སྐྱོང་བཅས་པ་རྣམས། །ཛཿཧཱུྃ་བྃ་ཧོཿས་གཉིས་སུ་མེད་པར་གྱུར། །དེ་ལྟར་གསལ་བའི་དྲུང་དུ་གཟུགས་ཐམས་ཅད་གཟུགས་རྡོ་རྗེ་མ་མེ་ལོང་ཐོགས་པ། སྒྲ་ཐམས་ཅད་སྒྲ་རྡོ་རྗེ་མ་པི་ཝང་ཐོགས་པ་ལ་སོགས་པ་མཆོད་པའི་ལྷ་མོ་ནམ་མཁའ་གང་བར་སྤྲུལ་ནས་ལྷ་ཚོགས་དེ་དག་ཐམས་ཅད་ལ་མཆོད་པར་བསྒོམས་ལ། གཟུགས་སྒྲ་དྲི་རོ་རེག་བྱ་རྣམ་དག་པའི། །ཟག་མེད་བདེ་ཆེན་མཆོད་སྤྲིན་རྒྱ་མཚོར་འབུལ། །ཚིག་གཉིས་པོ་ལན་གསུམ། ཕཊ་ཕཊ་ཕཊ། ཕཊ་ཕཊ། རང་གི་ཚེ་བསོད་བླ་སྲོག་གི་ངོ་བོ་ཐིག་ལེ་དཀར་དམར་མདངས་ལྡན་མཐེ་བོང་ཙམ་རྩ་དབུ་མའི་ལམ་ནས་སྤྱི་བོར་རྒྱངས་སེ་ཐོན་ནས། རང་སེམས་རྡོ་རྗེ་ཕག་མོའི་སྐུར་གྱུར། གྲི་གུག་ཚད་ཙམ་གྱིས་པགས་པ་ས་གཞི་སོགས་ལུས་མཎྜལ་དུ་གྱུར་པ་ལྷ་ཚོགས་རྣམས་ཕུལ་བར་བསྒོམ་ཞིང་། ཕཊ། རང་རིག་རང་

[Full Size]

ལུས་ནས་ཐོན་ཡེ་ཤེས་ཀྱི། །མཁའ་འགྲོ་མར་གྱུར་རང་ལུས་པགས་པ་ནི། །དབང་ཆེན་ས་གཞི་མགོ་བོ་རི་རབ་དང་། །ཡན་ལག་གླིང་བཞི་མིག་གཉིས་ཉི་ཟླ་དང་། །ཤ་ཁྲག་རུས་པ་ལྷ་རྫས་ཟད་མི་ཤེས། །དཀྱིལ་འཁོར་མུ་མཐའ་མེད་པར་བཀོད་པ་འདི། །བཅོམ་ལྡན་ཐུབ་པ་ཆེན་པོའི་སྤྱན་སྔར་འབུལ། །ཨ་མ་ལབ་ཀྱི་སྒྲོན་མའི་སྤྱན་སྔར་འབུལ། །འགྲོ་བའི་མགོན་པོ་དམ་པས་ཐུགས་རྗེས་ཟུངས། །ལན་གསུམ་མམ་གཅིག་ཀྱང་རུང་། དམིགས་པ་མ་ཟིན་བར་དུ་ཕྲཊ་བརྗོད། ཕཊ་ཕཊ་ཕཊ། བདག་དང་ནད་པ་གདོན་དང་བཅས་པས་ནམ་མཁའི་ལྷ་ཚོགས་ལ་དད་གུས་ཀྱིས་ཕྱག་འཚལ། མཆོད་པ་འབུལ། སྡིག་པ་ཐམས་ཅད་བཤགས། ཁྱེད་རྣམས་ཀྱི་དགེ་རྩ་རྒྱ་ཆེན་པོ་འདི་མཛད་པ་ལ་ཡི་རང་། སེམས་ཅན་ལ་ཆོས་གསུང་པར་ཞུ་བ་འབུལ། སྐུ་མྱ་ངན་ལས་མི་འདའ་བར་སེམས་ཅན་གྱི་དོན་དུ་བཞུགས་པར་གསོལ་བ་འདེབས། དེ་ལྟ་བུའི་དགེ་བ་དེས་སེམས་ཅན་ཐམས་ཅད་གྲུབ་ཐོབ་ཀརྨ་པཀཱིའི་གོ་འཕང་འགྲུབ་པར་གྱུར་ཅིག་བསམ་ཞིང་། ལུས་ངག་ཡིད་ཀྱིས་ཕྱག་འཚལ་སྡིག་པ་བཤགས། །དགེ་ལ་ཡི་རང་ཆོས་འཁོར་བསྐོར་བར་བསྐུལ། །མྱ་ངན་མི་འདའ་བཞུགས་གསོལ་དགེ་བ་འདིས། །གྲུབ་ཆེན་ཀརྨ་པཀྱི་འགྲུབ་གྱུར་ཅིག །ལན་གསུམ་སོགས་

[Full Size]

དམིགས་པ་མ་ཟིན་བར་དུ་ཕྲཊ་བརྗོད། ཕཊ་ཕཊ་ཕཊ། དེ་ནས་ནམ་མཁའི་ལྷ་ཚོགས་དང་བརྒྱུད་པའི་བླ་མ་ལ་གསོལ་བ་བཏབ་པས་སྐུ་ལུས་ལས་བདུད་རྩིའི་རྒྱུན་བབས་ནས། མ་གཅིག་གི་སྤྱི་བོའི་ཚངས་བུག་ནས་ཞུགས། མ་གཅིག་གི་སྐུ་ལུས་བདུད་རྩིས་གང་ནས་ཞབས་གཡོན་པའི་མཐེ་བོང་ནས་ངང་རྒྱང་རྒྱང་བྱུང་ནས་རང་དང་ནད་པའི་སྤྱི་བོའི་ཚངས་བུག་ནས་ཞུགས། ལུས་ཐམས་ཅད་གང་། སྡིག་པ་དང་སྒྲིབ་པ་ཐམས་ཅད་ནག་ནུ་རུ་རུ་སོལ་ཁུ་ལྟར་རྐང་མཐིལ་དང་འོག་སྒོ་ནས་ཐོན། ས་རིམ་པ་དགུའི་འོག་ཏུ་སོང་བས་འཆི་བདག་ལས་ཀྱི་གཤིན་རྗེ་ཁ་གདངས་པའི་ནང་དུ་སོང་། དྲི་ཁུ་དེས་གཤིན་རྗེ་ངོམ་ཞིང་ཚིམ་པར་བསྒོམ་ཞིང་། གནས་སྤྱི་གཙུག་ཉི་ཟླའི་གདན་སྟེང་ན། །ཡུམ་ཆེན་ཤེར་ཕྱིན་བཅོམ་ལྡན་ཤཱཀྱ་ཐུབ། །འཇམ་དཔལ་སྨྲ་སེང་ཨཱརྱ་དེ་ཝ་དང་། །དམ་པ་རྒྱ་གར་ཨ་མ་ལབ་ཀྱི་སྒྲོན། །ཁམ་བུ་ཡ་ལེ་གྲུབ་ཆེན་ཡེ་ཤེས་འབར། །གནམ་མཚོ་བ་དང་རང་བྱུང་གཡུང་སྟོན་ཞབས། །རོལ་པའི་རྡོ་རྗེ་དར་རྒྱས་མཁའ་སྤྱོད་དབང་། །དེ་བཞིན་གཤེགས་པ་རིན་ཆེན་བཟང་པོ་དང་། །མཐོང་བ་དོན་ལྡན་ཀུན་མཁྱེན་འཇམ་དཔལ་བཟང་། །སངས་རྒྱས་མཉན་པ་འཇིགས་མེད་མི་བསྐྱོད་བཟང་། །མཚུངས་མེད་རྒྱལ་བ་དཀོན་མཆོག་ཡན་ལག་དང་། །དབང་ཕྱུག་རྡོ་རྗེ་ཆོས་ཀྱི་དབང་ཕྱུག་ཞབས། །

[Full Size]

ཀུན་དགའ་རྣམ་རྒྱལ་ཀརྨ་ཆགས་མེད་སོགས། །གྲུབ་ཐོབ་གཅོད་ཡུལ་བརྒྱུད་པ་བྱིན་རླབས་ཅན། །བྱིན་རླབས་ཅན་གྱི་བླ་མ་མ་གཅིག་ལ། །གསོལ་འདེབས་ཡུམ་ཆེན་མོ་ཡིས་བྱིན་གྱིས་རློབས། །ཐམས་ཅད་དམ་ཚིག་རྗེས་མ་དེ་ལ་ལན་གསུམ། ཕཊ་ཕཊ་ཕཊ། གོང་གི་དམིགས་པ་མ་ཟིན་བར་དུ་ཕཊ་བརྗོད་རིང་ལ་འཇམ་པའོ། །དེ་ནས་ནམ་མཁའི་ལྷ་ཚོགས་ཐམས་ཅད་འོད་དུ་ཞུ་ནས་རང་རྡོ་རྗེ་རྣལ་འབྱོར་མར་གསལ་བ་དང་། ནད་པ་ལ་ཐིམ་པས་སྐུ་གསུང་ཐུགས་ཀྱི་དབང་དང་བྱིན་རླབས་ཐམས་ཅད་ཐོབ་པར་བསམ་ཞིང་། ཐུབ་དབང་མ་གཅིག་འཁོར་བཅས་རྣལ་འབྱོར་མ། །ཆུ་ལ་ཆུ་བཞག་ཐིམ་པས་རང་གི་རིག །སྤྲོས་བྲལ་མ་བཅོས་ངང་དེར་རྗེན་པར་བུད། །ཅེས་པས་རང་རྡོ་རྗེ་རྣལ་འབྱོར་མ་ཡང་ནམ་མཁའ་ལ་འཇའ་ཡལ་བར་ལྟར་ཡལ། ནོད་པ་ཡང་སྟོང་པར་ཡལ་ནས་སྟོང་ཉིད་ཀྱི་ངང་ལ་ཅི་གནས་སུ་མཉམ་པར་བཞག་གོ །ཉམས་རྟོགས་མི་གསལ་བ་དང་རྣམ་རྟོག་འཕྲོ་ན། ཕཊ་ཕཊ་བརྗོད་ལ་ངར་བསྐྱེད། བེམ་རིག་ཕྲལ་ལ་རང་ཕག་མོས་གྲི་གུག་ཚད་པས་པགས་པ་བཤུས་པས་སྟོང་གསུམ་ཁྱབ། ཤ་ཁྲག་གིས་འཇིག་རྟེན་གང་བ་ལྷ་འདྲེ་ཐམས་ཅད་ཀྱིས་ཟོས་འཐུང་ངོམ་ཞིང་ཚིམ་པར་བསྒོམ་ཞིང་། ཕཊ། རང་རིག་རྡོ་རྗེ་རྣལ་འབྱོར་མ་རུ་ཤར། །རང་ལུས་གཡང་གཞི་སྟོང་གསུམ་ཚད་དུ་གྲུབ། །ཤ་ཡི་རི་

[Full Size]

བོ་ཁྲག་གི་རྒྱ་མཚོ་དང་། །རུས་པའི་གྲམ་ཁྲོད་ཨོ་དང་ཨཱཿཧཱུྃ་གིས། །ཟག་མེད་བདུད་རྩིའི་ངོ་བོར་ལྷུན་གྱིས་གྲུབ། །དམིགས་པ་མ་ཟིན་བར་དུ་ཕྲཊ་མང་དུ་བརྗོད། དེ་ནས་རྐང་དུང་ལག་གཡོན་མཐིལ་དུ་ལན་གསུམ་བརྡབས་པས། འབྱུང་པོ་ཕྲ་མོ་རྣམས་མ་སྐྱག །མ་སྔངས། མ་བྲོས་ཟེར་བར་བསྒོམ། རྐང་དུང་ལན་གསུམ་བུས་པས། སྲིད་རྩེ་ནས་མནར་མེད་ཡན་གྱི་ལྷ་འདྲེ་ཐམས་ཅད་ཉོན་ཅིག། ཐམས་ཅད་འདིར་འདུས་ཤིག །མྱུར་དུ་འདུས་ཤིག་ཟེར་བའི་སྒྲ་སྐད་དུ་གྱུར་པར་བསམས་ལ་སྐད་ཆེ་ལ་རིང་བར་འབོད་པའི་ཚུལ་བྱ། འོ་འོ། སྲིད་རྩེ་ནས་མནར་མེད་ཡན་ཆད་ཀྱི། །སྣང་སྲིད་ཀྱི་ལྷ་འདྲེ་གནས་གདོན་དང་། །ལུས་གདོན་དང་འབྱུང་པོ་ལོག་འདྲེན་ཀུན། །སྐད་ཅིག་འདིར་རིངས་པར་འདུས་མཛོད་དང་། །བདག་འབྱུང་འདུས་ཀྱི་ཕུང་པོ་ནམ་ཡང་འཇིག །ཐོག་མེད་ནས་སྐྱེ་ཤིའི་ལུས་པོ་རྣམས། །དོན་མེད་དུ་འཁོར་བའི་གནས་སུ་ཟད། །ད་རེས་ཀྱི་ལུས་འདི་ཅིས་ཀྱང་གཏོང་། །སྔོན་ལས་ཀྱི་འབྲས་བུ་གནོད་བྱེད་ཀྱི། །གདོན་ཁྱེད་རྣམས་བདག་གི་ལུས་པོ་འདི། །དེ་རིང་ཁམ་བུ་བརྒྱ་དང་སྟོང་དུ་ཟོ། །རོ་སྟོད་འདི་སྟེང་གི་ལྷ་བརྒྱད་ཀྱིས་ཁྱེར། །རོ་སྨད་འདི་འོག་གི་ཀླུ་བརྒྱད་ཀྱིས་ཁྱེར། །དོན་

[Full Size]

སྙིང་འདི་ལྷ་སྲིན་སྡེ་བརྒྱད་ཀྱིས་ཁྱེར། །དབང་པོ་ལྔ་སྣང་སྲིད་ལྷ་འདྲེས་ཁྱེར། །རི་རྩེ་དང་ཐང་ཆེན་གྱི་དཀྱིལ་དུ་ཁྱེར། །ལམ་མདོ་དང་ཆུ་བོའི་གཞུང་དུ་ཁྱེར། །མཚོ་གཏིང་དང་བསྐལ་མེའི་ནང་དུ་བསྲེག །ད་ཤ་རུས་དོན་སྙིང་ནང་ཁྲོལ་དང་། །པགས་ཀླད་པ་ཚིལ་བུ་ཞག་རྐང་དང་། །ཤ་དུམ་དང་ཁྲག་ཐིགས་ས་ཉག་གཅིག །དེ་མ་ལུས་པ་མྱུར་དུ་ཁྱེར་བར་གྱིས། །དམིགས་པ་མ་གསལ་བར་ཕྲཊ་ཕཊ་ཕཊ་ཅེས་དྲག་ཏུ་བརྗོད་ལ། འདི་ཡི་མཚམས་སུ་དམར་འགྱེད་ཀྱི་དམིགས་པ་གཞན་གང་ཤེས་ཡིད་ཀྱིས་བསྒོམ། ཕཊ་སྒྲ་བསྒྲག །གཞན་མེད་ཀྱང་གཞུང་འདི་ལན་མང་བསྒོམས་པས་འཐུས་སོ། །དེ་ནས་དབང་ཆུང་མ་ཐོབ་པ་རྣམས་ལ། དེའི་ལྷག་རོ་ཐམས་ཅད་བྱིན་པས་ངོམ་ཞིང་ཚིམ་པར་བསྒོམ་ཞིང་། དེ་ལྟར་ལུས་སྦྱིན་པའི་དགེ་བའི་སེམས་ཅན་ཐམས་ཅད་སངས་རྒྱས་ཐོབ་པའི་ཕྱིར་བསྔོ་བར་བསམ་ཞིང་། ཕཊ། སྔ་མ་མ་ཐོབ་ཕྱི་མ་ལ་མ་དབང་། །ཉམ་ཆུང་ཅེར་ལྟ་ཀློག་ཉན་དུང་ངེ་སྒྲུགས། །དེ་ཀུན་ཀྱང་ཟོ་ཞིག་ཚིམ་པ་རུ་ཁྱེར། །དགེ་བ་འདི་སེམས་ཅན་གྱི་དོན་དུ་བསྔོ། །ཞེས་དམིགས་པ་མ་གསལ་བར་དུ། ཕཊ་ཕཊ་ཕཊ་བརྗོད། དེ་ནས་ལུས་ཚོགས་འཁོར་དུ་འབུལ་བ་ནི། རྣམ་ཤེས་སྤར་བས་རང་སེམས་རྡོ་རྗེ་ཕག་མོར་གྱུར་པའི་གྲི་གུག་ཚད་ཙམ་གྱིས། བེམ་པོའི་

[Full Size]

ཐོད་པ་བྲེག་པའི་ནང་དུ་བེམ་པོ་བཅུག །ལུས་སིལ་བུར་གཏུབ། འོག་ཏུ་ཐོད་སྐྱེད་གསུམ་གྱི་བར་ནས་མེ་འབར་བས་ཤ་ཁྲག་ཞུ་ཞིང་ཁོལ་བས། ཡེ་ཤེས་ཀྱི་བདུད་རྩི་ཨ་ཧོ་བྱང་སེམས་དཀར་དམར་གྱི་ངོ་བོར་རོ་བརྒྱ་དང་ལྡན་པའི་རྒྱ་མཚོར་གྱུར་པ་ལ། རང་གི་ཐུགས་ཀ་ནས་མཁའ་འགྲོ་མ་ཕྱག་ན་བྷནྡྷའི་སྐྱོ་གས་བཟུང་བ་གྲངས་མེད་པ་འཕྲོས་པས། ནམ་མཁའ་བར་སྣང་ཁྱབ་པའི་བླ་མ་ཡི་དམ་མཁའ་འགྲོ་ཆོས་སྐྱོང་ཐམས་ཅད་དང་། འཇིག་རྟེན་སྐྱོང་བ་འགྲོ་བ་རིགས་དྲུག་གནོད་བྱེད་ལན་ཆགས་ལ་སོགས་མགྲོན་ཐམས་ཅད་མཆོད་པས་མཉེས་ཤིང་ཚིམ་པར་བསྒོམ་ཞིང་། ཕཊཿ རང་རིག་ཡེ་ཤེས་ཀྱི་མཁའ་འགྲོ་མ་རུ་ཤར། །རང་ཉིད་ཀྱི་ཐོད་པའི་ནང་རོལ་དུ། །རང་ལུས་འདི་དུམ་བུ་སིལ་བུར་གཏུབས། །ཨ་ཐུང་དང་ཧཾ་ཡིག་གི་བདུད་རྩིར་བསྒྱུར། །དོན་བརྒྱུད་ལྡན་གྱི་སངས་རྒྱས་རྡོ་རྗེ་འཆང། །བཀའ་བརྒྱུད་ཀྱི་བཀའ་བབས་མ་འཆུག་པའི། །རྗེ་ཀརྨ་པཀྵིའི་ཞལ་དུ་འབུལ། །དཔལ་འཁོར་ལོ་བདེ་མཆོག་དང་རྣལ་འབྱོར་མ། །རྒྱུད་སྡེ་བཞི་ཡི་ལྷ་ཚོགས་ཀྱི་ཞལ་དུ་འབུལ། །དཔལ་བེར་ནག་ཅན་དང་ཕྱག་བཞི་དྲུག །ཆོས་སྐྱོང་བའི་སྲུང་མའི་ཞལ་དུ་འབུལ། །ཉན་ཐོས་དང་རང་རྒྱལ་བྱང་སེམས་ཚོགས། །རྗེ་སྐྱབས་གནས་དཀོན་མཆོག་རྣམས་ཀྱི་ཞལ་དུ་འབུལ། །དགེ་བ་དེས་དམྱལ་

[Full Size]

བ་ཡི་དྭགས་དང་། །དུད་འགྲོ་དང་ལྷ་ཀླུ་མི་སོགས་ཀྱི། །བདག་ལུས་འདིས་ཟད་མེད་ཀྱི་དགོས་དགུར་ཤོག །སྒོས་བགེགས་རིགས་སུ་གྱུར་པ་སྟོང་བརྒྱད་ཅུ། །བྱིས་པ་ཡི་གདོན་ཆེན་བཅོ་ལྔ་དང་། །མ་མོ་དང་ནད་རིམས་ཡམས་ཀྱི་བདག །གྲི་བོ་དང་ཐེའུ་རང་ཕོ་མོའི་གདོན། །ལན་ཆགས་དང་ལས་འབྲེལ་གང་ཡོད་ལ། །དགོས་འདོད་ཀྱི་མཁོ་དགུར་གྱུར་ནས་ཀྱང་། །ཟག་མེད་ཀྱི་ལོངས་སྤྱོད་ཐོབ་པར་ཤོག །དམིགས་པ་མ་ཟིན་བར་དུ་ཕཊ་ཕཊ་ཕཊ། ཅེས་གྲངས་ཀ་མེད་པས་ཕཊ་བརྒྱ་མ་ཟེར་རོ། །དེ་ནས་བྱང་ཆུབ་སེམས་ཀྱི་འཇམ་གཅོད་གཏོང་ལེན་གྱི་དམིགས་པ་དངོས་ནི། དེ་ལྟར་ལུས་ཚོགས་འཁོར་དུ་ཕུལ་བས་སེམས་ཅན་ཐམས་ཅད་ལ་མ་དང་བུའི་གདུང་སེམས་བྱམས་སྙིང་རྗེ་དབང་མེད་དུ་སྐྱེས་པར་བསྒོམ། གནོད་བྱེད་གདོན་བགེགས་ལ་སྡུག་བསྔལ་དང་སྡིག་སྒྲིབ་ཅི་ཡོད་པ་ཐམས་ཅད་སིབ་སིབ་བསྡུས་ནས་རང་ལ་བསྟིམས་པས་སྡུག་བསྔལ་ཐམས་ཅད་དང་བྲལ། རང་གི་དགེ་རྩ་དང་བདེ་སྐྱིད་ཐམས་ཅད་གནོད་བྱེད་ཀྱི་གཙོར་བྱས་སེམས་ཅན་ཐམས་ཅད་ལ་ཐིམ་པས་བདེ་སྐྱིད་ཚད་མེད་པ་དང་ལྡན་པར་བསྒོམ་ཞིང་། དེ་ཐོབ་ནས་མ་རྒན་སྨོན་པ་རྣམས། །འཁྲུལ་སྣང་གི་གདོན་ཚུལ་མི་སྟོན་པར། །བུ་ཡིན་ལ་ཡིན་བཞིན་གྱི་བྱམས་པ་དང་། །བཟོད་བླག་མེད་ཀྱི་

[Full Size]

སྙིང་རྗེ་སྐྱེས་གྱུར་ནས། །རྒྱུད་བྱང་ཆུབ་སེམས་སུ་འགྱུར་བར་ཤོག །གནོད་བྱ་དང་གནོད་བྱེད་གཏོང་པོ་དང་། །ལེན་པོ་རུ་གྱུར་པའི་སེམས་ཅན་ཀུན། །ཕན་ཚུན་དུ་མ་བུའི་སེམས་ལྡན་ཞིང་། །སྡིག་སྒྲིབ་དང་ཉེས་པ་བསལ་རེས་ཀྱིས། །འགྲོ་སྲིད་པ་ལ་མི་གནས་ཐབས་སུ་ཤོག །ལར་གནོད་བྱེད་ལ་ཉེས་ཚོགས་ཅི་བྱུང་ཀུན། །ང་གནོད་བྱ་ཡི་སྟེང་དུ་འབབ་པར་ཤོག །ང་གནོད་བྱ་ལ་བདེ་བ་ཅི་ཡོད་པ། །ཁྱོད་གནོད་བྱེད་ཀྱི་སྟེང་དུ་འགྲོ་བར་ཤོག །དེ་བྱང་ཆུབ་མཆོག་གི་རྒྱུར་གྱུར་ཅིག །ཕཊ་ཕཊ་ཕཊ་ཕཊ། ཅེས་དམིགས་པ་མ་ཟིན་བར་དུ་བརྗོད། དེ་ནས་དཀར་འགྱེད་དཀོན་མཆོག་འབངས་ཀྱིས་ཚིག་ལྷུགས་སུ་གསུངས་པ་ངག་ཏུ་འདོན་བདེ་བའི་ཕྱིར་ཚིགས་བཅད་བྱ་བ་ནི། ཕཊ། རང་རིག་རང་ལུས་ནས་ཐོན་ཌཱཀི་དཀར། རང་ལུས་བདུད་རྩི་རོ་མཆོག་བརྒྱ་དང་ལྡན། །དཀར་ཟླུམ་རི་རབ་ཙམ་དུ་གྱུར་པ་འདི། །བླ་མ་ཡི་དམ་དཀོན་མཆོག་སྲི་ཞུའི་མགྲོན། །ཆོས་སྐྱོང་སྲུང་མ་མགོན་པོ་ཡོན་ཏན་མགྲོན། །ལྷ་སྲིན་སྡེ་བརྒྱད་ལན་ཆགས་བུ་ལོན་མགྲོན། །འགྲོ་བ་རིགས་དྲུག་བྱམས་དང་སྙིང་རྗེའི་མགྲོན། །དེ་དག་སོ་སོར་མཆོད་པས་མཉེས་གྱུར་ཅིག །སྦྱིན་པས་ཚིམ་

[Full Size]

ཞིང་སྡུག་བསྔལ་ཞི་གྱུར་ཅིག །དཀོར་སྒྲིབ་ལན་ཆགས་ཐམས་ཅད་བྱང་གྱུར་ཅིག །ཀུན་ཀྱང་རྣམ་མཁྱེན་སངས་རྒྱས་ཐོབ་པར་ཤོག །ཕཊ་ཕཊ་ཕཊ། འཇམ་ལ་རིང་བ་དམིགས་པ་མ་ཟིན་བར་དུ་བརྗོད། དེ་བཞིན་དུ་སྒྲིབ་སྦྱོང་དམིགས་པ་ནག་འགྱེད་ནི། གཞུང་དུ་དམིགས་པ་གསུངས་པ་ཚིགས་སུ་བཅད་པ་ནི། ཕཊ། རང་བྱུང་བྷན་སྟོང་གསུམ་མཉམ་པའི་ནང་། །རང་ངམ་ནད་པ་གནས་པའི་བར་སྣང་ན། །མ་གཅིག་ལབ་སྒྲོན་བཞེངས་སྟབས་བཞུགས་པ་ཡི། །སྐུ་ལས་ཡེ་ཤེས་བདུད་རྩིའི་རྒྱུན་བབས་པས། །སྤྱི་བོ་ནས་ཞུགས་ནད་གདོན་སྡིག་སྒྲིབ་དག །ཁྲུས་ཁུས་བྷནྡ་ལྟེམ་གྱིས་གང་བ་དེ། །བདུད་རྩིར་མི་བསྒྱུར་བ་རྩུབ་ལུགས་ཡིན། །ཨོཾ་ཨཱཿཧཱུྃ་གིས་ཡེ་ཤེས་བདུད་རྩིར་གྱུར། །གནོད་ཅིང་འཚེ་བའི་ལྷ་འདྲེ་ཐམས་ཅད་ཀྱིས། །འཐུངས་བས་དགའ་མགུ་ངོམས་ཤིང་ཚིམ་པར་གྱུར་། །ཕཊ་ཕཊ་ཕཊ། དམིགས་པ་ལན་མང་དུ་བྱའོ། །འདི་ཡན་རྒྱུན་དུ་བྱས་ན་ཚོགས་རྫོགས་ལ། ཆག་མེད་མ་ཐོན་ཀྱང་ནམ་དགའ་རུང་སྟེ། དུས་ནི་ཉི་ནུབ་ནས་བཟུང་མཚན་མོ་ལེགས། རྟགས་ཐོན་བྱེད་ན་ཐུན་དྲུག་གམ་བཞིར་བྱའོ། །དེ་ལ་རང་ངམ་གཞན་ལ་ནད་གདོན་དྲག་པོ་ཡོད་ན་ས་བདག་དྲུག་སྦྱོར་དང་གདོན་ཚོགས་དགུ་མ་བྱེད་པ་ལ། དང་པོ་དབང་སྡུད་ནི། །

[Full Size]

ཕཊ། རང་ཉིད་སྐད་ཅིག་གིས་དུར་ཁྲོད་ཀྱི་བདག་མོ་ཁྲོས་མ་ནག་མོ་སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་རྣམ་པར་གཙིགས་པ། སྤྱན་གཡས་ཉི་མའི་དཀྱིལ་འཁོར་དམར་ཀྱི་ལི་ལི་འཁོར་བ། གཡོན་ཟླ་བའི་དཀྱིལ་འཁོར་ངང་སྒ་ར་ར་འཁོར་བ། དབུས་ཉི་ཟླ་སྤེལ་མའི་དཀྱིལ་འཁོར་དམར་ནག་ཀྲུག་ཀྲུག་ཏུ་འཁྲུག་པ། སྤྱི་གཙུག་ན་ཕག་ཞལ་ནག་པོས་ཕག་སྐད་འབྲུག་ལྟར་ངུར་བ། གར་གྱི་ཉམས་དགུ་དང་དུར་ཁྲོད་ཀྱི་ཆས་བརྒྱད་དང་ལྡན་ཞིང་། ཕྱག་གཡས་མི་ལྤགས་ཀྱི་གཡང་གཞི་རྡེབ་པ། །གཡོན་མི་རྐང་གི་གླིང་བུ་ཙེར་ཙེར་འབུད་པས་སྣང་སྲིད་ཀྱི་ལྷ་མ་སྲིན་སྡེ་བརྒྱད་ཐམས་ཅད་དབང་དུ་སྡུད་ཅིང་ཟིལ་གྱིས་གནོན་པ། ལྟེ་བ་མན་ཆད་འདོད་ཁམས། སྙིང་ག་མན་ཆད་གཟུགས་ཁམས། སྤྱི་བོ་མན་ཆད་གཟུགས་མེད་ཀྱི་ཁམས་སུ་ཡོད་པ། །ཁམས་གསུམ་ལས་རྣམ་པར་རྒྱལ་བའི་ཐུགས་ཀ་ནས་འོད་ཟེར་ལྕགས་ཀྱུ་ཞགས་པ་ལྕགས་སྒྲོག་དྲིལ་བུའི་ཚོགས་དཔག་ཏུ་མེད་པ་འཕྲོས་པས། གནོད་ཅིང་འཚེ་བར་བྱེད་པའི་བཀའ་སྣང་ཞིང་སྲིད་པའི་ལྷ་མ་སྲིན་སྡེ་བརྒྱད་ཐམས་ཅད་སྐད་ཅིག་རང་དབང་མེད་པར་འདིར་ཤོག་འདིར་།

[Full Size]

འདུས། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། རྐང་དུང་དྲག་འབུད་གསུམ་བྱས་ལ། མདུན་གྱི་ནད་པ་དང་རང་གི་རྣམ་ཤེས་སྤར། ནམ་མཁའ་དང་དབྱེར་མེད་དུ་བསྲེས་ལ། བེམ་པོ་ཆེ་ཞིང་ཚོ་བ་རི་རབ་ཙམ་དུ་བསྒོམ་པའི་ཕྱོགས་དྲུག་ཏུ་ས་བདག་དྲུག་སྦྱོར་བསྒོམ་པ་ནི་འདི་ལྟར་རོ། །གཡས་སུ་རྒྱལ་པོའི་ངོ་བོ་བེནྡ་སྲོག་ཞུ་ཅན་ལ་རྒྱལ་པོའི་དམག་ཚོགས་ཀྱིས་བསྐོར་བ། གཡོན་དུ་འདྲེ་མོ་གཡུ་ཡི་རལ་པ་གསེར་གྱི་སྨིན་མ་དུང་གི་མཆེ་བ་ཅན་ལ་འདྲེ་མོའི་དམག་ཚོགས་ཀྱིས་བསྐོར་བ། མདུན་དུ་ས་བདག་གི་རྒྱལ་པོ་སྦལ་པ་ལག་པ་དགུ་པ་ལ་ས་བདག་གི་དམག་ཚོགས་ཀྱིས་བསྐོར་བ། རྒྱབ་དུ་དགེ་བསྙེན་ཆེན་པོ་ཉ་ལྕགས་ཀྱི་ཟེ་བ་ཅན་ལ་ཉའི་དམག་ཚོགས་ཀྱིས་བསྐོར་བ། འོག་ཏུ་ཀླུ་བདུད་སྦྲུལ་ནག་མགོ་དགུ་པ་ལ་ཀླུ་རིགས་བྱེ་བ་དུང་ཕྱུར་གྱིས་བསྐོར་བ། སྟེང་དུ་གཟའ་བདུད་ཀྱི་རྒྱལ་པོ་རཱ་ཧུ་ལ་ལ་གཟའ་དམག་བྱེ་བ་དུང་ཕྱུར་གྱིས་བསྐོར་བ། དེ་རྣམས་ཀྱི་ཕྱི་རོལ་དུ་སྣང་སྲིད་ཀྱི་ལྷ་འདྲེ་བཀའ་ལྷ་མ་སྲིན་སྡེ་བརྒྱད་ཀྱི་ཚོགས་ཐམས་ཅད་ཀྱིས་བསྐོར་བར་གྱུར། ཕཊ་ཕཊ་ཕཊ། རྐང་དུང་ལན་གསུམ་འབུད། ན་མོ། གཉན་ས་འདིར་གནས་ཀྱི་ལྷ་འདྲེ་དང་། །སྐལ་ལྡན་བདག་ལ་ཆོ་འཕྲུལ་སྟོན་བྱེད་པའི། །སྣང་ཞིང་

[Full Size]

སྲིད་པའི་ལྷ་འདྲེ་མ་ལུས་ཀུན། །ནམ་མཁའི་སྤྲིན་ཚོགས་བཞིན་དུ་འདུས་ལ་ཤོག །བར་སྣང་ཆར་པ་བཞིན་དུ་ཕོབ་ལ་ཤོག་།ས་གཞི་རླུང་དམར་བཞིན་དུ་འཚུབས་ལ་ཤོག ། ཁྱེད་འཚོགས་པ་རྣམས་ལ་ལུས་འདི་མཆོད་པ་འབུལ། །ལུས་ཕྱི་ཤ་གཟུགས་དྲུག་གི་མཆོད་པ་འབུལ། །བཀའ་ཕ་རོལ་ཕྱིན་དྲུག་ཐོབ་པར་ཤོག །ནང་ཆ་བུ་དགུའི་མཆོད་པ་འབུལ། །ཆོས་ཐེག་པ་རིམ་དགུ་ཐོབ་པར་ཤོག །དོན་སྙིང་ལྔ་ཡི་མཆོད་པ་འབུལ། །སྐུ་ལྔ་ཡེ་ཤེས་ཐོབ་པར་ཤོག །ཁྱོད་འདིར་ཚོགས་རྣམས་ལ་ལུས་འདི་མཆོད་པ་འབུལ། །ཁྱོད་རིངས་པ་རྣམས་ཀྱིས་རློན་པ་ཟོ། །མི་རིང་པ་རྣམས་ཀྱིས་ཚོས་ལ་ཟོ། །སྔ་མ་རྣམས་ཀྱིས་ཇུར་མིད་གྱིས། །རྗེས་མ་རྣམས་ཀྱིས་ཧབ་ཐོབ་གྱིས། །སེང་གེ་ཤ་ལ་རོལ་པ་བཞིན། །ཕུདེ་ལྷག་མ་མེད་པར་མཆོད་པ་བཞེས། །དམག་ཆེན་གནང་ཆེན་ཆོད་པ་བཞིན། །ཕུད་ལྷག་མ་མེད་པར་མཆོད་པ་བཞེས། །བྱིས་ནག་ཆུ་ལ་རུབ་པ་བཞིན། །ཕུད་ལྷག་མ་མེད་པར་མཆོད་པ་བཞེས། །བྱ་རྒོད་ཐེད་ལ་རུབ་པ་བཞིན། །ཕུད་ལྷག་མ་མེད་པར་མཆོད་པ་བཞེས། །ཕཊ་ཕཊ་ཕཊ། རང་ཁྲོས་མའི་མཛུག་གུ་གཡས་ལྔ་ངོ་བོ་ཁྲོས་མ་ལ་

[Full Size]

རྣམ་པ་ལྕགས་ཀྱི་སྤྱང་ཀི་སྔོན་མོ་ལྔ། གཡོན་ལྔ་ཟངས་ཀྱི་འཕར་བ་དམར་པོ་ལྔར་བསྒོམ། དེ་བཅས་ཕུང་པོ་བཅད་ནས་ཤ་ཁྲག་དམར་ཆལ་ཆལ་གཏོར་བས། ལྷ་འདྲེ་རྣམས་ཀྱིས་ཁ་གདངས་པའི་ནང་དུ་སོང་སྟེ། ཧབ་སྒྲ་ལྕབ་སྒྲ་ཏི་རི་རི་ཟོས་པར་བསྒོམས་ལ། དམིགས་པ་མ་གསལ་བར་དུ་ལག་པ་གཉིས་ཀྱིས་ཕུང་པོ་ལ་སྦྱར་ཚུལ་དང་། པད་ཀོར་དང་བཅས་ཏེ་ཕྱིར་གཏོར་ཚུལ་བྱ་ཞིང་། ཕཊ་ཕཊ་ཕཊ། ཅེས་དྲག་ལ་ཐུང་བར་བརྗོད།། ཧཱུྃ༔ བན་ཆེན་བརྒྱ་དང་བོན་ཆེན་སྟོང་། །ཤན་པ་སྤུ་གྲི་ཐོགས་པ་འབུམ། །ལས་བྱེད་བསམ་གྱིས་མི་ཁྱབ་པའི། །མི་འདིའམ་བདག་ལ་གནོད་བྱེད་ཀྱི་བྱད་མ་དང་། །སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་མགུ་ཡི་རང་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ་ཕཊ་ཕཊ། ཅེས་བྱད་ཁ་སྟོན་པའི་བན་བོན་གང་ཡིན་ཐམས་ཅད་དང་། ཤན་པ་ཞེས་པ་ནི། དེས་རྦད་བའི་བན་སྐྱོང་བོན་སྐྱོང་ལས་མཁན་ཐམས་ཅད་ཀྱི་ཁར་ཕུང་པོ་ཤ་ཁྲག་གཏོར་བས་དགའ་མགུ་ཚིམས་ནས་གནོད་སེམས་ཞི་བར་བསྒོམས་ལ། ཕཊ་ཕཊ་ཕཊ། ཅེས་སྦྱར་སྒོམ་དང་གཏོར་ཚུལ་བྱ། བྱད་ཁ་ཆེ་ན་འདི་ལ་ཚར་ཅི་མང་དུ་བྱ་བ་གལ་ཆེ། རྒྱལ་པོ་བེ་དཀར་བེ་ནག་དང་། །ཁྱི་སྐྱ་ཁྱི་

[Full Size]

དམར་བྱ་རྒན་དང་། །སྲིད་པ་ཡི་ནི་འདྲེ་དགུ་དང་། །གཙུག་ལག་ཁང་གི་གདོན་བཅུ་སོགས། །མི་བདག་ལ་གནོད་བྱེད་ཀྱི་རྒྱལ་འགོང་དང་། སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་མགུ་ཡི་རང་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ། ཅེས་བནེ་སྲོག་ཞུ་ཅན་ལ་བནྡེ་མང་པོ་རྒྱལ་འགོང་ཐམས་ཅད་ཀྱི་ངོ་བོར་གསལ་བའི་ཁར་ཤ་ཁྲག་གཏོར་བས་ངོམ་ཞིང་ཚིམ་པར་བསྒོམ་པ་འདི་སྨྱོ་འབོག་སྲོག་རླུང་ཅན་རྒྱལ་པོའི་གནོད་པ་ལ་ཅི་མང་ཝིག་གོ །དཔལ་ལྡན་ལྷ་མོ་ནག་མོ་དང་། །བརྟན་མ་བཅུ་གཉིས་ལ་སོགས་པའི། །མ་མོ་མཁའ་འགྲོ་ཤུགས་འགྲོ་དང་། །དམ་སྲི་ལྟེ་ཕུར་ནག་མོ་སོགས། །མི་བདག་ལ་གནོད་བྱེད་ཀྱི་འདྲེ་མོ་རྣམས། །སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་མགུ་ཡི་རང་ཚིམས་པ། །མཆོག་གི་དངོས་གྲུབ་ཐོབ་པར་ཤོག །ཕཊ། འདི་ཐིག་ལེ་འཛག་པའི་ནད་དང་། སྨྱོན་པ་གླུ་ལེན་པ་དང་། ལྷ་བབ་མ་ཐུབ་པ་སོགས་སྨྱོན་པའི་རིགས་དང་ནད་ངན་རྒྱུག་གཟེར་སོགས་མོ་གདོན་ལ་འདི་ཁོ་ན་

[Full Size]

མང་དུ་ཝིག་གོ །གཟའ་བདུད་ནག་པོ་མགོ་དགུ་དང་། །ཉི་མ་ལ་སོགས་གཟའ་བརྒྱད་དང་། །རྒྱུ་སྐར་ཉི་ཤུ་རྩ་བརྒྱད་དང་། །བཀའ་སྡོད་གདོང་མོ་མ་སོགས། །མི་བདག་ལ་གནོད་བྱེད་ཀྱི་གཟའ་བདུད་དང་། །སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་མགུ་ཡི་རང་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ། ཅེས་པ་གཟའ་ནད་ཅན་ལ་ལན་མང་དུ་ཝིག་གོ །ཀླུ་བདུད་དང་། །རྒྱལ་རིགས་རྗེའུ་རིགས་བྲམ་ཟེ་དང་། །དམངས་རིགས་གདོལ་བ་ལ་སོགས་པའི། །དགའ་བོ་འཇོག་པོ་དུང་སྐྱོང་དང་། །ཉེ་དགའ་ལ་སོགས་ཀླུ་རིགས་དང་། །མི་བདག་ལ་གནོད་བྱེད་ཀྱི་ཀླུ་དམག་དང་། །སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་མགུ་ཡི་རང་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ། ཀླུ་དང་ས་བདག་གི་ནད་ལ་འདི་ཁོ་ན་ཝིག །དེ་ཡང་ཀླུ་ནག་ཕྱོགས་ལ་ཤ་ཁྲག་དེ་རང་དང་། དཀར་ཕྱོགས་ལ་

[Full Size]

བདུད་རྩིའི་ངོ་བོར་དམིགས་པ་བྱའོ། །བདུད་རྗེ་ནག་པོ་བཀྲག་མེད་དང་། །བདུད་པོ་རེ་ཏེ་མགོ་ཉག་དང་། །ཁྭ་ཏ་འདྲེ་ཡུག་འཁོར་དང་བཅས། །ཁམ་པ་མི་ཟན་ལ་སོགས་པ། །བདུད་དམག་བྱེ་བ་དུང་ཕྱུར་སོགས། །མི་བདག་ལ་གནོད་བྱེད་ཀྱི་བདུད་དམག་དང་། །སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་མགུ་ཡི་རང་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ། ཅེས་ལྕི་ཞིང་འཐིབ་པའི་ནད་ཐམས་ཅད་ལ། མི་རིང་ནག་པོ་ཐང་ཤིང་ཙམ་མི་ནག་རྟ་ནག་དམག་ཚོགས་ཀྱི་ཁར་ཤ་ཁྲག་གཏོར་བས་ཚིམ་པར་དམིགས་ལ་མང་དུ་བྱའོ། །བཙན་རྗེ་ཤུ་བ་སྲོག་ལེན་དང་། །བཙན་རྒོད་ཧུར་བ་སྡེ་བཞི་དང་། །མགྱོགས་པ་མི་བརྒྱད་ཁ་ཤོ་དང་། །ཁ་བཞི་གདོང་བརྒྱད་ལ་སོགས་པའི། །མི་བདག་ལ་གནོད་བྱེད་ཀྱི་བཙན་དམག་དང་། །སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་མགུ་ཡི་རང་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ། ཅེས་མི་དམར་རྟ་

[Full Size]

དམར་དམག་ཚོགས་དང་མི་རིང་དམར་པོ་ཟངས་ཀྱི་སྦུ་གུ་ཅན་ལ་སྦྱིན། ཟངས་ཀྱི་སྦུ་གུས་གློ་བའི་ནད་ཐམས་ཅད་འཇིབ་པར་བསྒོམ། བཙན་གྱི་གནོད་པ་གློ་ནད་ཅན་ལ་འདི་མང་བཅུག །དམ་སྲི་མེ་སྟག་དམག་པོ་དང་། །སྒབ་འདྲེ་ཡུལ་འདྲེ་འཁྱམས་པོ་དང་། །ཆུང་སྲི་གནོད་བྱེད་རྨུགས་འདྲེ་སོགས། །མི་བདག་ལ་གནོད་བྱེད་ཀྱི་དམ་སྲི་དང་། །སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་མགུ་ཡི་རང་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ། ཟ་འདྲེས་ཚེ་འདས་ཀྱི་གཟུགས་བཟུང་བ། དམ་སྲི་བཙུན་གཟུགས་མགོ་སེ། ཆུང་སྲི་བྱིས་སྦྲའི་གཟུགས་གཅེར་བུ་རྣམས་ལ་བྱིན། ཤ་ཁྲག་ནང་དུ་སྐེད་ཚིགས་ནུབ་པར་བསྒོམས་ལ། གཤེད་ཁ་དང་ཤི་ཁ་བྱེ་བ་བྱིས་སྦྱའི་ཆུང་སྲི་ལ་འདི་མང་དུ་བཅུག །རྡོ་རྗེ་ལེགས་པ་མན་ཆད་དང་། །ཐེའུ་རང་ཕྲ་མོ་ཡན་ཆད་དང་། །མང་སྣ་ཨུ་ཝེར་འཁོར་དང་བཅས་། །ཐེལ་མོ་སྣ་རྡུམ་ལ་སོགས་པ། །མི་བདག་ལ་གནོད་བྱེད་ཀྱི་ཐེའུ་རང་དང། །སྤྱིར་སྣང་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་ལ། །ལུས་ཤ་ཁྲག་མཆོད་པ་འདི་བསྔོས་པས། །ཁྱོད་

[Full Size]

དགའ་མགུ་ཡི་རང་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ་ཕཊ་ཕཊ། བུ་ཚ་བུ་མོ་ར་སླག་ཅན་ཤ་སྔོ་བ་མང་པོ་ལ་བྱིན་ཏེ། ཕོ་ལྷོག་དང་གླང་ཐབ་དང་ཐིག་ལེ་འཕྲོག་པའི་ནད་པ་ལ་མང་དུ་བྱའོ། ༈ །དེ་ལྟ་བུའི་ལུས་སྦྱིན་ཞག་གསུམ་ཚར་ནས། མཐར་རྗེས་གཅོད་མཐའ་གཏད་དམིགས་པ་འདི་བྱེད། ཤ་ཁྲག་གིས་འགྲངས་པས་ལྷ་འདྲེ་གཅིག་གིས་གཅིག་ལ་ཞེ་སྡང་སྐྱེས་ནས། ཆེ་བས་ཆུང་བ་ཐམས་ཅད་ཟོས། གཙོ་བོ་དྲུག་པོ་གཅིག་གིས་གཅིག་ཇུར་མིད་དུ་མིད། གཡོན་གྱི་འདྲེ་མོ་གཡས་ཀྱི་རྒྱལ་པོས་ཟོས། གཡས་ཀྱི་རྒྱལ་པོ་སྟེང་གི་རཱ་ཧུ་ལས་ཟོས། རཱ་ཧུ་ལ་རྒྱབ་ཀྱི་དགེ་བསྙེན་ཉ་ནག་གདོང་གིས་ཟོས། ཉ་ནག་གདོང་མདུན་གྱི་ས་བདག་སྤྲུལ་པ་ཆེན་པོས་ཟོས། ས་བདག་འོག་གི་ཀླུ་བདུད་ཀྱིས་ཟོས། ཀླུ་བདུད་ནམ་མཁའ་ལ་འཇའ་ཡལ་བ་ལྟར་དམིགས་མེད་སྟོང་ཉིད་ཐུན་གཅིག་བསྒོམ། སྙིང་རྗེ་ཆེན་པོའི་ཐུན་གཅིག་བསྒོམ། འདི་གཉན་ཅིང་ཉེས་པ་ཆེ་བས་མཐའ་གཅོད་ལན་རེ་ཙམ་ལས་མི་རུང་ངོ་། ༈ །རྒྱུན་དུ་རུང་བའི་བསྟབས་པ་ནི། ནད་པའི་ཕུང་པོ་ཤ་ཁྲག་གིས་འཇིག་རྟེན་གང་བ་ལ། ནད་འདྲེ་གཅོང་སྲི་ལུས་གདོན་ཐམས་ཅད་ཐིམ་པར་དམིགས་ལ། རང་ཁྲོས་མའི་ཐུགས་ཀ་ནས་འོད་ཟེར་འཕྲོས་པས་རང་བཞིན་གྱི་གནས་ནས་མཁའ་འགྲོ་མ་དཀར་སེར་དམར་ལྗང་གྲི་གུག་ཐོད་ཁྲག་ཅན་ཁྲོ་མོའི་ཆ་བྱད་ཅན་ཕལ་ཆེར་ཁྲོས་མ་ནག་མོའི་སྐུ་དཔག་ཏུ་མེད་པ་དང་། ལྷ་འདྲེ་མང་པོ་འཁོར་དང་བཅས་པས་ཤ་ཁྲག་ནད་གདོན་དང་

[Full Size]

དབྱེར་མེད་པར་ཧབ་སྒྲ་དི་རི་རི་ཟོས་ནས་ལྷག་མ་མེད་པར་བསྒོམ་ཞིང་། མ་གིང་ཆེན་གིང་ཆུང་ལྕམ་དྲལ་བཅས། །ཧབ་སྒྲ་ཕཊ་སྒྲ་ཏི་རི་རི། །དྲག་པོའི་སྐན་སྒྲ་ཆེམས་སེ་ཆེམ། །ཤ་ཟན་ཅབ་སྒྲ་དི་རི་རི། །ཁྲག་འཐུང་ཧུབ་སྒྲ་ཧོ་རོ་རོ། །རུས་མུར་སོ་སྒྲ་ཁྲ་ལ་ལ། །རྐང་བརྡུང་ལྷ་བ་ལྗིབས་སེ་ལྗིབ། །དགྱེས་པའི་གད་མོ་ཤ་ར་ར། །མགུ་བའི་གླུ་ལེན་ཀྱུ་རུ་རུ། །མ་འདིར་གཤེགས་ཤ་ཁྲག་ལུས་མཆོད་འདི། །སྣང་སྲིད་ལྷ་འདྲེས་བཞེས་སུ་གསོལ། །སྣང་སྲིད་ལྷ་འདྲེས་བཞེས་ནས་ཀྱང་། །འདོད་ཡོན་ལྔ་ཡིས་ཚིམས་པ་དང་། །མཆོག་གི་དངོས་གྲུབ་ཐོབ་པར་ཤོག །ཕཊ་ཕཊ་ཕཊ། ཅེས་པ་འདི་ནི་ནད་པ་གདོན་ཆེན་ལ་ནན་ཏན་དུ་བསྒོམ་པ་ཤིན་ཏུ་ཟབ་བོ། །དེ་ལྟར་ཟང་ཟིང་གི་གཙོ་བོ་ལ་ལུས་སྦྱིན་ནས། ད་ཆོས་ཀྱི་སྦྱིན་པ་ནི། རང་ཉིད་ཁྲོས་མ་གནས་འགྱུར་ནས་བཅོམ་ལྡན་འདས་ཤཱཀྱ་ཐུབ་པ་སྐུ་རི་རབ་ཙམ་དུ་གྱུར་པའི་མདུན་དུ་ལྷ་འདྲེ་འབྱུང་པོ་གནོད་བྱེད་ཐམས་ཅད་ཀྱིས་དད་གུས་ཐལ་མོ་སྦྱར་ནས་ཆོས་ཉན་པར་བསྒོམས་ལ། ན་མོ། ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་

[Full Size]

བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་གདུལ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པ་ན། །ངག་གི་སྡོམ་པ་ལེགས་པ་ཡིན། །ཡིད་ཀྱི་སྡོམ་པ་ལེགས་པ་ན། །ཐམས་ཅད་དུ་ནི་སྡོམ་པ་ལེགས། །ཐམས་ཅད་བསྲུང་བའི་དགེ་སློང་དག །སྡུག་བསྔལ་ཀུན་ལས་རྣམ་པར་གྲོལ། །ཕཊ་ཕཊ་ཕཊ། ད་བྱང་ཆུབ་ཀྱི་ལམ་བསྟན་པ་ནི། ན་མོ། ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བར་ཆད་མེད་པའི་ལམ་བགྲོད་ནས། །མ་ཡུམ་ཆེན་གྱི་གོ་འཕང་ཐོབ་པར་ཤོག །ཕཊ་ཕཊ་ཕཊ། བདག་གི་སྐུ་ལས་འོད་ཟེར་དཀར་པོ་འཕྲོས་པས། གནོད་བྱེད་ལྷ་འདྲེ་ཐམས་ཅད་ལ་ཕོག་པས་བྱམས་སྙིང་རྗེ་བྱང་ཆུབ་ཀྱི་སེམས་རྒྱུད་ལ་སྐྱེས་ནས། ཐམས་ཅད་ཐུགས་རྗེ་ཆེན་པོའི་སྐུར་གྱུར་ཏེ་ཡིག་དྲུག་འུར་དི་རི་རི་འདོན་ཞིང་རང་ལ་བསྐོར་བ་བྱེད་པར་བསྒོམས་ལ། དམིགས་པ་མ་ཟིན་བར་དུ་ཕཊ་བརྗོད་དོ། །ཕོག་ཐུག་ཤོར་བ་ལ་འདི་ནན་ཏན་དུ་བསྒོམ་པར་བྱའོ།། ༈ །།དེ་ནས་བསྲེ་བ་བྱ་བ་ནི། གོང་དུ་བེམ་རིག་ཕྲལ་དུས་བདག་ལུས་དང་ནད་པའི་ལུས་བསྲེས་ནས་བདག་གི་རྣམ་ཤེས་དང་། ནད་པའི་རྣམ་ཤེས་གཉིས་དབྱེར་མེད་དུ་བསྟིམ་ནས་སྤར་བ་དང་། ལུས་སྦྱིན་སོགས་ཐམས་ཅད་གོང་ལྟར་བྱས་ན་ནད་པ་ལ་ཕན་ཆེ་སྟེ། རང་

[Full Size]

པ་མཐོ་ན་དེ་ལྟར་ལེགས་ཀྱི། རྟོགས་པ་འབྲིང་ཙམ་ཡིན་ན་ལུས་སོ་སོར་བཞག་ལ། རྣམ་ཤེས་སོ་སོར་སྤར་ལ་རྣམ་ཤེས་གཉིས་གཅིག་ཏུ་བསྲེ། ལུས་སོ་སོར་མཆོད་སྦྱིན་བྱས་པར་དམིགས་སོ། །རྟོགས་པ་དམན་ན་ལུས་སོ་སོ་ལ་རྣམ་ཤེས་སོ་སོར་ཕྲལ་རང་གི་རྣམ་ཤེས་མཁའ་འགྲོ་མར་བསྒྱུར། ནད་པའི་རྣམ་ཤེས་ནམ་མཁར་བསྟིམ། ལུས་སྦྱིན་ཚིག་གཅིག་གིས་ལུས་སོ་སོར་མཆོད་སྦྱིན་ཆ་གཉིས་བྱེད་པ་ལེགས་སོ། །དེ་མ་བྱས་ན་རང་ལ་གྲིབ་དང་འགོ་བའི་ནད་འབྱུང་བར་སྣང་། དམིགས་པ་གསལ་ན་བདག་ལུས་ལྔ་བརྒྱ་ལ། ནད་པའི་ལུས་ལྔ་བརྒྱ་ལ། ལུས་སྦྱིན་ཚར་སྟོང་དུས་གཅིག་འགྲོ་བར་བསྒོམ་པ་མ་གཅིག་གིས་གསུངས། ལུས་སྦྱིན་གོང་རྣམས་ཚར་རྗེས། ནམ་མཁའི་དབྱིངས་སུ་ཕ་དམ་པ་སངས་རྒྱས་མ་གཅིག་དང་། གྲུབ་ཆེན་ཀརྨ་པཀི་གསུམ་གསལ་བར་བསྒོམས་ལ། རང་དང་ནད་པའི་ལུས་དང་སེམས་ནད་དང་གདོན་ཐམས་ཅད་དབྱེར་མེད་ཨ་ཡིག་དཀར་པོ་ཅིག་བསྒོམ། དེ་ནམ་མཁའི་ཕ་དམ་པ་ལ་བསྟིམ། དམ་པ་མ་གཅིག་ལ་བསྟིམ། མ་གཅིག་ཀརྨ་པཀི་ལ་བསྟིམ། དེ་ནམ་མཁའ་ལ་བསྟིམ། ནམ་མཁས་གར་ཁྱབ་རིག་པས་ཁྱབ་། རིག་པས་གར་ཁྱབ་ཆོས་སྐུས་ཁྱབ་པར་བསྒོམས་ལ། ཕཊ། འཇིག་རྟེན་ན་ནད་གདོན་གྱིས་ནོན་པ་དང་། སྔོན་ལས་ངན་གྱི་འབྲས་བུར་སྤྱོད་པ་རྣམས། །ཡར་ལྟོས་དང་དམ་པ་རྒྱ་གར་བཞུགས། །བློ་གཏོད་དང་མ་གཅིག་ལབ་སྒྲོན་བཞུགས། །ཡིད་

[Full Size]

ཆེས་ན་ཀརྨ་པཀི་བཞུགས། །ད་ཐེ་ཚོམ་མེད་པར་ཐག་ཆོད་ལ། །ཁྱོད་རང་ལུས་དང་རང་སེམས་དབྱེར་མེད་དེ། །ཆོས་སྐྱེ་མེད་ཨ་ཡིག་དཀར་པོར་གྱུར། །དེ་དམ་པ་ནག་པོའི་ཐུགས་ཀར་འཕོས། །བདུད་རྩིའི་འོད་ཟེར་དུ་ཡ་ལ་ལ། །ཡེ་ཤེས་ལབ་མའི་ཐུགས་ཀར་འཕོས། །གཟི་བརྗིད་འོད་དུ་སྤུངས་སེ་སྤུང་། །འགྲོ་ལ་སྡུག་བསྔལ་ཤར་དུས་སུ། །དམ་པ་ནག་པོས་བདེ་བར་བསྒྱུར། །ཨ་མ་ལབ་མས་དབྱིངས་སུ་སྦྱངས། །ཞེས་རང་ངམ། ནད་པ་དམ་པ་མ་གཅིག་པཀི་གསུམ་དང་དབྱེར་མེད་འདྲེས་པས་ཐུགས་རྗེ་དང་བྱིན་རླབས་ཀྱིས་ན་ཚ་བདེ་སྟོང་དུ་བསྒྱུར། རྣམ་རྟོག་ཆོས་སྐུར་བསྒྱུར་བར་བསྒོམ། ཡུམ་ཆེན་མོས་ཐུགས་ཀྱིས་མ་བཟོད་ནས། །དོན་སྐྱེ་མེད་ནག་པོའི་སྙིང་རྗེ་འཕྲོས། །དུས་དེ་རིང་ནས་འགྲོ་དྲུག་གི་སྡུག་བསྔལ་མ་བསལ། །གདུགས་དོ་ནུབ་ནས་སྡུག་བསྔལ་གྱི་ཆུ་བོ་ཆད། །ན་ཚ་དང་ཟུག་གཟེར་དབྱིངས་སུ་ཡལ། །སྐྲག་སྣང་དང་བསྔངས་འཇིགས་ཀྱི་གཞི་རྩ་བྲལ། །ཞེན་མེད་ཀྱི་སྣང་བ་བུན་ནེ་བུན། །ཞེས་རང་སེམས་ཉིད་ཀྱི་ངོ་བོ་ལ་བལྟ་བྱ་དང་ལྟ་བྱེད་ཀྱི་འཛིན་པ་དང་བྲལ་བར་བལྟས་པས་ནད་དང་གདོན་དང་སྡུག་བསྔལ་སྐྲག་སྣང་སྔངས་འཇིགས་གང་ཡང་མ་གྲུབ་སྟེ་ནམ་མཁའ་ལྟ་བུ། ལྷ་དང་འདྲེ་དང་བདེ་བ་དང་

[Full Size]

སྡུག་བསྔལ་སྟོང་ཉིད་དུ་རོ་སྙོམས། དེའི་ངེས་ཤེས་ཀྱི་རྟོགས་པ་གདེང་ནས་མ་སྐྱེས་བར་དུ་ཚིགས་བཅད་བརྗོད་ཅིང་ཕཊ་བརྗོད། དེ་ལྟར་སྣང་སྲིད་སྟོང་ཉིད་བདེ་བ་ཆེན་པོ་དེ་མ་རྟོགས་པའི་སེམས་ཅན་ཐམས་ཅད་ལ་ཤུགས་འབྱུང་དུ་སྙིང་རྗེ་དྲག་པོ་གཅིག་བསྐྱེད་པས་སྙིང་རྗེ་དེས་རྐྱེན་བྱས་ཏེ་སྐད་ཅིག་ལ། ནམ་མཁའ་བར་སྣང་ཐམས་ཅད་ཕ་རྒྱུད་གཅོད་ཡུལ་བརྒྱུད་པའི་བླ་མའི་ངོ་བོ་ལ་རྣམ་པ་དམ་པ་རྒྱ་གར་ཁོ་ནས་ཐེམ་འགགས་སུ་གང་བ། ས་གཞི་ཐམས་ཅད་མ་རྒྱུད་མཁའ་འགྲོའི་ངོ་བོ་ལ་མ་གཅིག་གིས་ཐེམ་འགགས་སུ་གང་བ། དེ་ཐམས་ཅད་སྐུ་གར་སྟབས་ཤིག་ཤིག །ཕྱག་ཌ་དྲིལ་འཁྲོལ་འཁྲོལ། གསུང་ཕཊ་སྒྲ་དི་རི་རི། སྣང་སྲིད་ཐམས་ཅད་ཡོམ་ཡོམ་ཤིག་ཤིག་བྱས་པས་སྣོད་ཀྱི་འཇིག་རྟེན་ཐམས་ཅད་དང་ལྷ་འདྲེས་གཙོར་བྱས་པའི་སེམས་ཅན་ཐམས་ཅད་འོད་དུ་ཞུ་ནས་ལྷ་ཚོགས་ལ་ཐིམ། དེ་ཐམས་ཅད་ཕ་གཅིག་དམ་པ་ལ་ཐིམ། དེ་མ་གཅིག་ལབ་སྒྲོན་ལ་ཐིམ། དེ་བདག་དང་ནད་པར་ཐིམ་པས། དེ་ཡང་འཇའ་ཡལ་བ་ལྟར་སྟོང་དུ་གྱུར་པར་བསྒོམས་ལ་ཉམས་ལེན་ངོ་བོ་སྐྱོང་སྟེ། གཅོད་ཡུལ་གྱི་གྲུབ་ཐོབ་བརྒྱུད་པ་རྣམས། །སྟེང་ནམ་མཁའི་ཁམས་སུ་མ་ཤོང་ཞིང་། །འོག་དོང་མོའི་ས་ལ་མ་ཚུད་པར། ཤེས་བྱ་ཐམས་ཅད་གཅོད་དུ་ཞུ། །གཅོད་ཀྱང་གནོད་བྱེད་ཀྱི་ངང་དུ་ཐིམ། །གནོད་བྱེད་སྟོང་པའི་རོལ་པ་ལས། །གནོད་རྒྱུ་མེད་ན་གནོད་བྱ་སྟོང་། །ཕུང་པོ་ལ་བརྟེན་པའི་

[Full Size]

འཇིགས་པ་ཀུན། །དུས་དེ་རིང་ནས་ཡོད་སྙམ་མི་བགྱིད་དོ། །བཀའ་བརྒྱུད་བླ་མའི་རྫུ་འཕྲུལ་གྱིས། །འགྲོ་ཀུན་གྱི་སྡུག་བསྔལ་ཐམས་ཅད་པ། །གཞི་མེད་དུ་གྲོལ་བའི་རྟོགས་ཐོབ་ནས། །སེམས་ཅན་ཀུན་གཏན་ཐར་གྱི་རྒྱུར་གྱུར་ཅིག །ཕཊ། ཅེས་པ་བསྲེ་བའི་ཚིག་འདི་ཚར་ལྔ་བཅུ་ཐུན་རེ་ལ་བྱ་གསུངས་ཀྱང་གསུམ་བདུན་གང་ལྕོགས་དང་དམིགས་པ་ཚར་ལྔ་བཅུ་ཙམ་བྱ་བ་གཅེས་སོ། །འབུམ་ལས། གང་དྲན་པ་མེད་ཅིང་ཡིད་ལ་བྱར་མེད་པ་ནི་སངས་རྒྱས་རྗེས་སུ་དྲན་པའོ། །ཆོས་རྗེས་སུ་དྲན་པའོ། །དགེ་འདུན་རྗེས་སུ་དྲན་པའོ། །ཞེས་དང་། ནམ་མཁའ་རྣམ་པར་ཁྱབ་པའི་ཏིང་ངེ་འཛིན་དང་། ནམ་མཁའ་རྒྱས་པར་འགེངས་པའི་ཏིང་ངེ་འཛིན་ཡོད་དོ། །ཞེས་དང་། མ་གཅིག་གི་རྡོ་རྗེའི་ཚིག་རྐང་ལས། བདག་དང་ནད་པ་གདོན་དང་གསུམ། །གཉིས་མེད་གཅིག་ཏུ་བསྲེ་བ་གཅེས། །ཞེས་གསུངས་པའི་དོན་ཡིན་པས། དེའི་ངང་ལ་བཞག་པ་ལས་ཟབ་པ་མེད་མོད་ཀྱང་ཐ་མལ་པའི་རྣམ་རྟོག་དགག་པའི་ཕྱིར་རྣམ་ཤེས་བསྟིམ་ཞིང་བྱིན་བརླབ་བྱ་བ་ནི། ཕཊ། ནམ་མཁའ་ནས་བླ་ཚེ་སྲོག་དབུགས་ཀྱི་ངོ་བོ་ཐིག་ལེ་དཀར་པོ་ཅིག་མར་བྱུང་། །ཚངས་བུག་ནས་ཞུགས། སྙིང་དབུས་སུ་ཐིམ་པར་གྱུར། ཕཊ་ཕཊ་ཕཊ། དེ་ནས་ཕྲེང་བ་སྤྱི་བོར་བཞག་ལ་བླ་མ་བརྒྱུད་པ་དང་མ་གཅིག་སྤྱི་བོར་ཐིམ་པར་བསྒོམ་ཞིང་། ཆོས་སྐུ་ཡུམ་ཆེན་མོ་ཤེས་

[Full Size]

རབ་ཀྱི་ཕ་རོལ་ཏུ་ཕྱིན་མ། རྒྱལ་བ་ཤཱཀྱ་ཐུབ་པ། འཇམ་དཔལ་སྨྲ་བའི་སེང་གེ །རྗེ་བཙུན་འཕགས་མ་སྒྲོལ་མ། མཁའ་འགྲོ་སུ་ཁ་སིདྡྷི། བྲམ་ཟེ་ཨཱརྱ་དེ་ཝ། ཕ་གཅིག་དམ་པ་སངས་རྒྱས། སྐྱོ་སྟོན་བསོད་ནམས་བླ་མ། མ་གཅིག་ལབ་ཀྱི་སྒྲོལ་མ། ཆོས་སྐུ་ཡེ་ཤེས་ཀྱི་མཁའ་འགྲོ། ལོངས་སྐུ་ཡེ་ཤེས་ཀྱི་མཁའ་འགྲོ། །སྤྲུལ་སྐུ་ཡེ་ཤེས་ཀྱི་མཁའ་འགྲོ། སྐུ་སྤྲུལ་བདེ་ཆེན་དཀར་མོ། གསུང་སྤྲུལ་དམར་མོ་སྒྲ་སྒྲོགས། ཐུགས་སྤྲུལ་ཁྲོས་མ་ནག་མོ། ཡོན་ཏན་གྱི་སྤྲུལ་པ་སེར་མོ་དོན་གྲུབ། ཕྲིན་ལས་ཀྱི་སྤྲུལ་པ་སྣ་ཚོགས་མཐར་ཕྱིན། ཕ་རྒྱུད་ཐབས་ཀྱི་བརྒྱུད་པ། མ་རྒྱུད་ཤེས་རབ་ཀྱི་བརྒྱུད་པ། སྲས་རྒྱུད་ཉམས་ལེན་གྱི་བརྒྱུད་པའི་བླ་མ་དམ་པ་ཐམས་ཅད་ཀྱིས་བྱིན་གྱིས་རློབས་ཤིག །ཐུགས་རྗེ་དང་ནུས་པ་སྐྱེད་ཅིག །རྒྱུ་ལས་ངན་དང་སྡིག་སྒྲིབ་རྐྱེན་གདོན་བགེགས་དང་འབྱུང་པོ། འབྲས་བུ་ན་ཚ་དང་སྡུག་བསྔལ་ཐམས་ཅད། ཐབས་ཟབ་མོ་འདི་ལ་བརྟེན་ནས་ད་ལྟ་ཉིད་དུ་ཞི་བར་བྱིན་གྱིས་རློབས་ཤིག །རྒྱུ་འདོད་ཆགས་ཞེ་སྡང་གཏི་མུག་གསུམ། དུག་གསུམ་རང་སར་ཞི་བར་བྱིན་གྱིས་རློབས་ཤིག །ནད་རླུང་དང་

[Full Size]

མཁྲིས་པ་བད་ཀན་གསུམ། ནད་གསུམ་རང་སར་ཞི་བར་བྱིན་གྱིས་རློབས་ཤིག །གདོན་ཕོ་གདོན་མོ་གདོན་ཀླུ་གདོན་གསུམ། གདོན་གསུམ་རང་སར་ཞི་བར་བྱིན་གྱིས་རློབས་ཤིག །ཕུང་པོ་གཟན་དུ་སྐྱུར་བར་བྱིན་གྱིས་རློབས་ཤིག །གཟན་སྒྱུར་ལམ་དུ་འགྲོ་བར་བྱིན་གྱིས་རློབས་ཤིག །ཉག་གཅིག་རྩད་ནས་ཆོད་པར་བྱིན་གྱིས་རློབས་ཤིག །ལུས་ཤ་ཁྲག་གི་མཆོད་སྦྱིན་གནད་དུ་འགྲོ་བར་བྱིན་གྱིས་རློབས་ཤིག །དངོས་མེད་ལྷ་འདྲེའི་འགྲོ་དོན་ནུས་པར་བྱིན་གྱིས་རློབས་ཤིག །མཆོག་ཐུན་མོང་གི་དངོས་གྲུབ་ཐོབ་པར་བྱིན་གྱིས་རློབས་ཤིག །འཆི་མེད་ཚེ་ཡི་རིག་འཛིན་ཐོབ་པར་བྱིན་གྱིས་རློབས་ཤིག །ནད་མེད་བདེ་བའི་ལང་ཚོ་ཐོབ་པར་བྱིན་གྱིས་རློབས་ཤིག །ཕཊ་ཕཊ་ཕཊ། དེ་ནས་བསྔོ་བ་ནི། །ལུས་ཤ་ཁྲག་གི་མཆོད་སྦྱིན་འདི་ཁར་རག་པ་ཙམ། དྲི་ཚོར་བ་ཙམ་གྱིས། ན་བ་ཕན། ཤི་བ་སོས། རྒས་པ་དར། ཕོ་ཐམས་ཅད་སྤྱན་རས་གཟིགས་ཀྱི་གོ་འཕང་ཐོབ་པར་གྱུར་ཅིག །མོ་ཐམས་ཅད་རྗེ་བཙུན་སྒྲོལ་མའི་གོ་འཕང་ཐོབ་པར་གྱུར་ཅིག །དམ་ཆོས་བདུད་ཀྱི་གཅོད་ཡུལ་འདི། །མཁའ་ལ་ཁྲི་གདུགས་ཤར་བ་བཞིན། །ཕྱོགས་རྣམས་

[Full Size]

ཀུན་ཏུ་ཁྱབ་གྱུར་ཅིག །ཕཊ་ཕཊ་ཕཊ། དེ་ནས་ནད་པ་བསླངས་ལ་སྲུང་འཁོར་ཕུད་པ་སོགས་གྱོན་བཅུག་ལ་གཏོང་། དེ་འདྲ་ཞག་གསུམ་ལྔ་བདུན་སོགས་ཚར་རྗེས་གཅོད་དབང་བསྐུར་ཐོན་ན་ལེགས་ཤིང་ཕྱག་ལེན་ལ་ཡོད། མ་ཐོན་ཀྱང་རུང་ངོ་། །དཀར་འགྱེད་ནག་འགྱེད་ཚིག་ལྷུག་པ་རྣམས་ཚིགས་བཅད་དུ་ཕབ་པ་ཙམ་མ་གཏོགས་ཐམས་ཅད་རྗེ་རང་བྱུང་བ་དང་མི་བསྐྱོད་རྡོ་རྗེའི་གསུང་བསླད་མེད་ཡིན་པས་བྱིན་རླབས་ཆེ། །འདོན་འགྲིགས་འདི་ཡང་རྗེ་དྲུང་ཀུན་དགའ་རྣམ་རྒྱལ་གྱི་དབོན་པོ་གཅོད་པ་ཀུན་དགའ་དབང་ཕྱུག་གི་ཕྱག་ལེན་རྒྱུན་ལྟར་ཡིན་ཞིང་། དམིགས་པ་དང་བྱིན་རླབས་སོགས་ཀྱང་རང་གི་ཉམས་མྱོང་དང་གཅོད་གཞུང་ཆེན་མོ་རྣམས་ཀྱི་དགོངས་པ་དང་བསྟུན་ཏེ་རི་ཁྲོད་པ་རྣམས་ལ་ཕན་ཕྱིར་སློབ་བུ་ཤཱཀྱའི་དགེ་ཚུལ་བྱམས་པའི་ཐུགས་དམ་བྱ་ཕྱིར་དགེ་སློང་རྣལ་འབྱོར་སྤྱོད་པ་རཱ་ག་ཨ་སྱས་སྒྲ་རྒྱལ་འབྲུག་གི་ལོ་ཐ་སྐར་ཟླ་བའི་ཡར་ཚེས་ལ་བྲིས་པ་འགྲོ་དོན་རྒྱ་ཆེན་པོ་འབྱུང་བར་གྱུར་ཅིག། །། ༧ །ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྨི་ལམ་ལུང་བསྟན་གྱི་བསྟབ་པ་ཚིགས་བཅད་འདོན་བདེ་བར་བཀོད་པ།

[Full Size]

༼ཐ༽ རྨི་ལམ་ལུང་བསྟན་གྱི་བསྟབ་པ་ཚིགས་བཅད་འདོན་བདེ་བར་བཀོད་པ་བཞུགས་སོ། །

[Full Size]

ན་མོ་གུ་རུ། མཐོ་མི་མངོན་ནམ་མཁའི་དབྱིངས་རུམ་ན། །རང་དྲིན་ཐོབ་རྩ་བའི་བླ་མ་དང་། །དོན་དབྱེར་མེད་གྲུབ་ཆེན་མཁའ་སྤྱོད་པ། །སྐུ་རྡོ་རྗེ་འཆང་གི་ཆ་ལུགས་ལ། །འཁོར་གྲུབ་ཆེན་བརྒྱ་དང་བརྒྱད་ཅུ་སོགས། །ཕ་བཀའ་བརྒྱུད་བླ་མ་སྤྲིན་ལྟར་འཁྲིགས། །གནས་དེ་འོག་དགུང་སྔོན་སྟེང་ཤེད་ན། །ལྷ་ཡི་དམ་བཅོམ་ལྡན་འཁོར་ལོ་སྡོམ། །གྲངས་རེ་གཉིས་དཔའ་བོ་ཌཱཀྐི་མ། །དཔལ་རྒྱུད་སྡེའི་ལྷ་ཚོགས་ཀུན་གྱིས་བསྐོར། །གནས་བར་སྣང་གཡུ་ཡི་ལྡིང་ཁང་ན། །མགོན་མ་ཧཱ་ཀཱ་ལ་ཕྱག་བཞི་པ། །སྐུ་ལྔ་ཡི་མགོན་པོ་ཡབ་དང་ཡུམ། །

[Full Size]

འཁོར་བྱང་སེམས་ཡུམ་གསུམ་མཁའ་འགྲོ་བརྒྱད། །ཡང་ནག་པོ་སྟོང་དང་ཤ་ཟ་འབུམ། །མ་མོ་ནི་བྱེ་བོ་གནོད་སྦྱིན་ཁྲི། །དེ་ཐམས་ཅད་ཞལ་གདངས་མཆེ་བ་གཙིགས། །གནས་སྐུ་གསུམ་དག་པའི་ཞིང་ཁམས་ནས། །ལྷ་བསྒོམས་པ་ལྟ་བུ་དཔག་མེད་བྱོན། །དེ་ཐམས་ཅད་དམ་ཡེ་དབྱེར་མེད་ཐིམ། །སྐྱབས་དཀོན་མཆོག་ཀུན་འདུས་ངོ་བོ་ལ། །མི་བདག་གིས་སྐྱབས་ཞུ་བློ་སྙིང་གཏད། །མ་འགྲོ་དྲུག་སངས་རྒྱས་འཐོབ་བྱའི་ཕྱིར། །ལུས་ཤ་ཁྲག་ཚོགས་ཀྱི་མཆོད་པ་འབུལ། །མི་བདག་གི་ལུས་ཀྱི་སྲོག་ཤིང་ལ། །རྩ་དབུ་མ་ཕྱི་དཀར་ནང་

[Full Size]

དམར་བ། །འོག་གསང་གནས་སྤྱི་བོར་ཐལ་ལེ་ཟུག །ནང་སྟོང་པ་ཕྲུ་མ་ཕུས་བཏབ་བཞིན། །གནས་སྙིང་ཁ་ཆོས་ཀྱི་འཁོར་ལོ་ན། །རང་རྣམ་ཤེས་བླ་ཚེ་སྲོག་དང་དབུགས། །དཔལ་ཚེ་བསོད་འདུས་པའི་ཐིག་ལེ་ནི། །དེ་དཀར་དམར་མདངས་ལྡན་མཐེ་བོང་ཙམ། །ཕཊཿབརྗོད་པས་དབུ་མར་རྒྱངས་སེ་ཐོན། །གནས་སྤྱི་བོའི་ནམ་མཁར་ཕྱིན་ཙམ་གྱིས། །དེ་རྡོ་རྗེ་ཕག་མོའི་སྐུ་རུ་གྱུར། །ཕྱག་གྲི་གུག་བེམ་པོར་ཚད་ཙམ་གྱིས། །དེས་ཐོད་པ་རྒལ་གྱིས་འཕང་བ་དེ། །མདུན་རང་བྱུང་ཐོད་སྐྱེད་སྟེང་དུ་བཙུགས། །རྒྱ་སྟོང་གསུམ་འཇིག་རྟེན་བས་ཀྱང་ཆེ། །ཕྱག་གྲི་གུག་རྩེ་མོས་བེམ་པོ་བླངས། །དེ་བྷནྡའི་ནང་འཕང་རི་རབ་ཙམ། །རང་ཐུགས་ཀའི་འོད་ཟེར་ལྕགས་ཀྱུ་ཡིས། །ལུས་གདོན་དང་ནད་འདྲེ་བཀུག་ལ་བསྟིམ། །ཕྱག་གྲི་གུག་ཚད་པས་ཤ་རུས་ཁྲག །དེ་སིལ་བུ་བྷནྡྷ་དམར་ལྟེམ་གང་། །འོག་ཐོད་སྐྱེད་བར་ནས་མེ་རླུང་གཡོས། །སྣོད་དྲོས་ཤིང་བཅུད་ཞུ་བདུད་རྩིའི་མཚོ། །བཅུད་རོ་བརྒྱ་ནུས་པ་སྟོང་ལྡན་དུ། །སྔགས་ཨོཾ་ཨཱ༔ཧཱུྃ་གིས་བྱིན་གྱིས་རློབས། །ཕཊ་ཕཊ་ཕཊ། རང་ཕག་མོའི་ཐུགས་ལས་སྤྲུལ་པ་ཡི། །མ་མཁའ་འགྲོ་

[Full Size]

སྐུ་མདོག་དམར་མོ་ལ། །དབུ་བྱ་རྒོད་ཁྱུང་དང་ཁྭ་ཏ་འུག །ཕག་ཁྱི་དང་སྤྱང་ཀི་སྟག་གདོང་མ། །ཕྱག་བྷནྡྷའི་སྐྱོགས་འཛིན་གྲངས་མེད་འཕྲོས། །དེས་བདུད་རྩིའི་རྒྱ་མཚོ་ནས་བཅུས་ཏེ། །གནས་འོག་མིན་ཆོས་དབྱིངས་ཕོ་བྲང་ན། །ཕ་བླ་མ་གྲུབ་ཐོབ་རྒྱ་མཚོ་ལ། །ལུས་ཤ་ཁྲག་ཚོགས་ཀྱི་མཆོད་པ་འབུལ། །མི་བདག་གི་སྒྲིབ་བྱང་ཉམས་ཆག་བསྐང་། །སེམས་ཆོས་སྐུ་རྟོགས་པར་བྱིན་གྱིས་རློབས། །ཕཊ་ཕཊ་ཕཊ། གནས་བདེ་ཆེན་ལྷ་ལམ་ཡངས་པ་ན། །དཔལ་ཁྲག་འཐུང་བདེ་མཆོག་ཧེ་རུ་ཀ །བཀའ་རྒྱུད་སྡེ་བཞི་ཡི་ལྷ་ཚོགས་དང་། །ཡུལ་ཉེར་བཞི་དཔའ་བོ་མཁའ་འགྲོ་ལ། །ལུས་ཤ་ཁྲག་ཚོགས་ཀྱི་མཆོད་པ་འབུལ། །མི་བདག་གི་ཚོགས་རྫོགས་སྡིག་སྒྲིབ་དག །མཆོག་ཐུན་མོང་དངོས་གྲུབ་ཚེ་འདིར་སྩོལ། །ཕཊ་ཕཊ་ཕཊ། གནས་སྤྲིན་ཕུང་འཁྲིགས་པའི་དུར་ཁྲོད་ནས། །མགོན་མ་ཧཱ་ཀཱ་ལ་མཐུ་བོ་ཆེ། །འཁོར་ནག་པོ་སྟོང་དང་ཤ་ཟ་འབུམ། །མ་མོ་ནི་བྱེ་བ་གནོད་སྦྱིན་ཁྲི། །བཀའ་སྣང་སྲིད་ལྷ་འདྲེ་ཐམས་ཅད་ལ། །ལུས་ཤ་ཁྲག་ལུས་གདོན་ནད་དང་བཅས། །འདི་ཞལ་དུ་བསྟབ་བོ་དགྱེས་པར་རོལ། །

[Full Size]

དུག་གསུམ་གྱི་རང་བཞིན་ཤ་ཁྲག་རུས། །དེ་ལྷག་མེད་དུ་བཞེས་ཤིག་ཁ་རཾ་ཁཱ་ཧི། །རྐྱེན་ཕྱི་དང་ནང་གི་བར་ཆད་སོལ། །ལུས་ནད་མེད་བདེ་བའི་དངོས་གྲུབ་སྩོལ། །ཕཊ་ཕཊ་ཕཊ། ལྷ་ཐམས་ཅད་འོད་ཞུ་བདག་ལ་ཐིམ། །དབང་བྱིན་རླབས་དངོས་གྲུབ་ཐམས་ཅད་ཐོབ། །རང་ཕག་མོ་ནམ་མཁའི་འཇའ་ལྟར་ཡལ། །དོན་སྐྱེ་མེད་ཆོས་སྐུ་རྒྱལ་བའི་ཡུམ། །གཟུགས་ཁ་དོག་མ་གྲུབ་སྟོང་པ་ཉིད། །སྨྲ་བསམས་ཀྱང་བརྗོད་དུ་མེད་པ་སྟེ། །དཔེ་ལྐུགས་པས་བུ་རམ་ཟོས་པ་བཞིན། །སེམས་འདི་བསྒོམ་གཏད་སོ་གཅིག་ཀྱང་མེད། །དཔེ་དུར་ཁྲོད་གནས་པའི་མི་རོ་བཞིན། །དེ་འདི་ཡིན་འདི་མིན་དངོས་པོ་མེད། །དཔེ་སྟོང་གསལ་ནམ་མཁའ་གཡའ་དག་བཞིན། །མིང་ཐ་མལ་ཤེས་པ་ཕྱག་རྒྱ་ཆེ། །ཕ་བཀའ་བརྒྱུད་བླ་མའི་ཐུགས་ཀྱི་བཅུད། །དེ་དྲན་རྫི་ས་ཡང་ཡང་གསལ་འདེབས་ན། །འདི་ཉམས་ལེན་སྐྱོང་ཞེས་མིང་དུ་བཏགས། །ཐོབ་དཀའ་ཞིང་འཕང་པའི་སྒྱུ་ལུས་འདི། །རྒྱུ་ཚོགས་ཀྱི་འཁོར་ལོ་ཕུལ་བའི་དགེས། །ཚེ་འདི་ལ་ཚེ་རིང་ནད་མེད་ཅིང་། །སེམས་ཆོས་སྐུའི་རྒྱལ་ས་ཟིན་པར་ཤོག །ཅེས་པ་འདི་བདག་༧ རཱ་ག་ཨ་སྱ་མཚམས་ལ་འདུག་

[Full Size]

སྐབས་སྔ་མོ་ཞིག་ལ་བརྟག་པ་ཞུ་མི་མང་པོ་བྱུང་སྐབས་སུ་དམིགས་པ་འདི་ལྟར་བྱས་ན་འཆི་ངེས་པའང་ལོ་བཅུ་གསུམ་ལ་ཚེ་བསྲིང་ཟེར་བ་རྨི་ལམ་དུ་ལུང་བསྟན་འདྲ་བ་ཞིག་བྱུང་ཡང་། རྨི་ལམ་ལ་ངེས་པ་མེད་ཀྱང་། དྲུང་མཁའ་སྤྱོད་པས་མཛད་པའི་ཕྱག་བཞི་པའི་ཚོགས་ཀྱི་བསྟབ་པའི་དམིགས་པ་ཡི་གེ་མེད་པའི་སྙན་བརྒྱུད་ཅིག་བདག་གི་སློབ་དཔོན་གྱི་བར་དུ་རྒྱུན་མ་ཆད་བར་ཡོད་པ་དེ་དང་དོན་གཅིག་པར་འདུག་པས། བརྗེད་ཐོ་རྩ་ཚིག་བྲིས། འདོན་ཆ་རྟེན་འབྲེལ་འགྲིགས་དུས་བྲི་བསམས་ནས་མ་བྲིས་པར་ཡུན་རིང་བ་ལ། མཁའ་སྤྱོད་པའི་རིགས་བརྒྱུད་ཨ་ནུ་འཚོ་མཛད་དྲག་ལུ་ནད་ཡུན་རིང་སྐབས་སུ། ཤོག་བུ་གཏད་ནས་ཁྱེད་རང་ལ་གསོལ་བ་འདེབས་རྒྱུ་གཅིག་བྲི་ཟེར་བས་རྟེན་འབྲེལ་འགྲིགས་སྙམ་ནས་འདོན་ཆ་ཚིགས་བཅད་དུ་ཕབ་ནས་བྲིས་པ་སྟེ། བདག་སོགས་རྩ་བའི་བླ་མ་སུ་ལ་འཛིན་པ་དེ་དང་། མཁའ་སྤྱོད་པ་དབྱེར་མེད་རྡོ་རྗེ་འཆང་དུ་བསྒོམས་ལ། སྐྱབས་སུ་འགྲོ་ལ་ལུས་ཚོགས་སུ་འབུལ་བའི་མཐར། དབང་བླངས་བས་བླ་མའི་རྣལ་འབྱོར་ཡང་ཚང་ལ། རང་དོན་གཞན་དོན་སུ་ལ་བསྒོམས་ཀྱང་ནད་གདོན་སེལ་བའི་མཆོག་ཡིན་ནོ། །ཚིག་བློ་ལ་མ་ཟིན་ན་དོན་བསྒོམས་ཀྱང་ཆོག༔ སྤྲོ་ན་མཚམས་ཐམས་ཅད་དུ་ཕཊསྒྲ་བྱ། གྲེ་ཁུངས་ནས་བརྗོད་ཀྱང་ཆོག །ཅེས་འབྲུག་ལོ་ཐ་སྐར་གྱི་ཡར་ཚེས་གཉིས་ལ་བཀོད་པའོ། །དགེའོ། །སརྦ་མངྒ་ལཾ།། །།

མ་ལབ་སྒྲོན་ལ་གསོལ་བ་འདེབས་པའི་མགུར་མ།

[Full Size]

མ་ལབ་སྒྲོན་ལ་གསོལ་བ་འདེབས་པའི་མགུར་མ་བཞུགས་སོ།

[Full Size]

ན་མོ་གུ་རུ་ཌཀྐི་ཡེ། གནས་སྤྱི་བོའི་གཙུག་གི་གྲུ་གང་པར། །གདན་པདྨ་ཉི་ཟླ་སུམ་བརྩེགས་སྟེང་། །འཇའ་འོད་ཕུང་འཁྲིགས་པའི་གུར་ཁང་ན། །རང་དད་པ་གར་ཡོད་བླ་མ་དང་། །དོན་དབྱེར་མེད་འཕགས་བཞི་བསྐྱེད་པའི་ཡུམ། །མ་ལབ་ཀྱི་སྒྲོན་མ་སྐུ་མདོག་དཀར། །དབུ་རལ་པ་སིལ་བུས་སྐུ་རྒྱབ་ནོན། །ཞལ་འཛུམ་མཛེས་སྤྱན་གསུམ་ནམ་མཁར་གཟིགས། །སྐུ་དར་དཀར་ཕོད་ཁ་རླུང་གིས་བསྐྱོད། །སྐུ་རྐེད་པར་དར་དམར་སྐེ་རགས་བཅིངས། །ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས། །ཐུགས་ཟླ་སྟེང་ཨ་ཡིག་སྔགས་ཀྱིས་

[Full Size]

བསྐོར། །ཕྱག་གཡས་པས་གསེར་གྱི་ཌཱ་མ་རུ། །དེ་འཁྲོལ་བའི་སྒྲ་ཡིས་སྟོང་གསུམ་གང་། །གནས་འོག་མིན་ཆོས་དབྱིངས་ཞིང་ཁམས་ནས། །སྲས་སངས་རྒྱས་བྱང་སེམས་གྲུབ་ཐོབ་ཚོགས། །དཔེ་ཤོག་སྐྱ་རླུང་གིས་བསྐྱོད་བཞིན་བྱོན། །དེ་ཐམས་ཅད་མ་གཅིག་སྐུ་ལ་ཐིམ། །ཕྱག་གཡོན་པས་དངུལ་དཀར་དྲིལ་བུ་དེ། །དེ་སིལ་སིལ་སྒྲ་ཡིས་ཕྱོགས་བཅུར་ཁྱབ། །གནས་ཉི་ཤུ་རྩ་བཞི་མཁའ་འགྲོའི་ཚོགས། །དཔེ་ཁ་བ་བུ་ཡུག་འཚུབ་བཞིན་བྱོན། །དེ་ཐམས་ཅད་ཡུམ་གྱི་སྐུ་ལ་ཐིམ། །སྐྱབས་ཀུན་འདུས་མ་གཅིག་ལབ་སྒྲོན་ལ། །སྙིང་རུས་

[Full Size]

པའི་གཏིང་ནས་གསོལ་བ་འདེབས། །ལུས་ཐོབ་དཀའི་དལ་འབྱོར་རིན་ཆེན་འདི། །བདག་སྙིང་པོ་ལོན་པར་བྱིན་གྱིས་རློབས། །དགྲ་འཆི་བདག་ནམ་འོང་ཆ་མེད་ལ། །བློ་འགྱོད་མེད་འགྲུབ་པར་བྱིན་གྱིས་རློབས། །ཁོང་ཆོས་ཀྱི་རྒྱལ་པོས་ཁྲིམས་ར་ན། །རང་ངོ་གནོང་མེད་པར་བྱིན་གྱིས་རློབས། །གནས་རིགས་དྲུག་གང་དུ་སྐྱེས་ཀྱང་སྡུག །དེ་སྐྱེ་སྒོ་ཆོད་པར་བྱིན་གྱིས་རློབས། །སྐྱབས་མི་བསླུ་ངེས་པའི་དཀོན་མཆོག་ལ། །སེམས་ཡིད་ཆེས་སྐྱེ་བར་བྱིན་གྱིས་རློབས། །མ་འགྲོ་དྲུག་ཕ་མ་དྲིན་ཆེན་ལ། །བྱམས་སྙིང་རྗེ་སྐྱེ་བར་བྱིན་གྱིས་རློབས། །དོན་རང་སེམས་ཆོས་སྐུ་རྗེན་པ་ལ། །ད་བརྟན་པ་ཐོབ་པར་བྱིན་གྱིས་རློབས། །མ་ལབ་ཀྱི་སྒྲོལ་མའི་སྐུ་གསུང་ཐུགས། །དཔེ་ཆུ་ལ་ཆུ་བཞག་ཅི་བཞིན་དུ། །དེ་བདག་དང་དབྱེར་མེད་གཅིག་གྱུར་ནས། །གང་འབྲེལ་ཚད་བདེ་ཆེན་འདྲེན་པར་ཤོག །བདག་དེ་ལྟར་གསོལ་བ་བཏབ་པའི་མཐུས། །མ་ཡུམ་ཆེན་འོད་ཞུ་བདག་ལ་ཐིམ། །དོན་རང་སེམས་སྤྲོས་མེད་རྗེན་པར་བུད། །ད་ཚུར་ལྟོས་རང་གི་སེམས་ལ་ལྟོས། །སེམས་བལྟས་པས་མི་མཐོང་དངོས་པོ་མེད། །ཆོས་སྟོང་པ་ཉིད་དེ་རང་གི་

[Full Size]

སེམས། །སེམས་མེད་པ་མ་ཡིན་ཅི་ཡང་འཆར། །ཆོས་རང་རིག་ཡེ་ཤེས་རང་གི་སེམས། །སེམས་བདེ་ན་བདེ་བའི་ངོ་བོ་ལྟོས། །ཆོས་བདེ་སྟོང་ཕྱག་རྒྱ་ཆེན་པོ་ཡིན། །སེམས་གསལ་ན་གསལ་བའི་ངོ་བོ་ལྟོས། །ཆོས་གསལ་སྟོང་ཕྱག་རྒྱ་ཆེན་པོ་ཡིན། །སེམས་སྟོང་ན་སྟོང་པའི་ངོ་བོ་ལྟོས། །ཆོས་མི་རྟོག་ཕྱག་རྒྱ་ཆེན་པོ་ཡིན། །ཚུར་བལྟས་པས་མཐོང་རྒྱུ་ཅི་ཡང་མེད། །ཆོས་ཐ་མལ་ཤེས་པ་རྗེན་པ་ཡིན།་།ཕར་བལྟས་ན་ཐམས་ཅད་འཇའ་ཚོན་བཞིན། །གཟུགས་སོ་སོར་གསལ་ཡང་ངོ་བོ་སྟོང་། །ཆོས་སྣང་སྲིད་སྒྱུ་མ་རང་ཤར་ཡིན། །སེམས་དུག་ལྔའི་རྟོགས་པ་ཅི་ཡང་ཤར། །དེ་རང་ངོ་བལྟས་པས་རང་སར་ཞི། །ཆོས་དུག་ལྔ་རང་གྲོལ་གདམས་ངག་ཡིན། །སེམས་སྐྱིད་སྡུག་ཚོ་སྣང་བ་ཅི་ཤར་ཡང་། །དེ་རང་ངོ་བལྟས་པས་རང་སར་གྲོལ། །ཆོས་རོ་སྙོམས་ཕྱག་རྒྱ་ཆེན་པོ་ཡིན། །སེམས་སྐྲག་སྔངས་རྣམ་རྟོག་ཅི་ཤར་ཡང་། །དེ་རང་ངོ་བལྟས་པས་སྟོང་པར་ཡལ། །ཆོས་གཅོད་ཡུལ་ཕྱག་རྒྱ་ཆེན་པོ་ཡིན། །སེམས་སྡུག་བསྔལ་སྣང་བ་ཅི་ཡང་ཤར། །དེ་རང་ངོ་བལྟས་པས་རང་སར་ཞི། །དེ་དམ་ཆོས་སྡུག་བསྔལ་ཞི་བྱེད་ཡིན།

[Full Size]

སེམས་ཡོད་མེད་རྟག་ཆད་ཀུན་དང་བྲལ། །དེ་དམ་ཆོས་དབུ་མ་ཆེན་པོ་ཡིན། །དོན་སེམས་ལ་མ་རྫོགས་ཆོས་གཅིག་མེད། །དེ་དམ་ཆོས་རྫོགས་པ་ཆེན་པོ་ཡིན། །ཡར་རྒྱལ་བའི་ཐུགས་དང་རང་གི་སེམས། །མ་འགྲོ་དྲུག་སེམས་རྣམས་ངོ་བོ་གཅིག །དེ་ལྟ་བ་འཁོར་འདས་དབྱེར་མེད་ཡིན། །སེམས་འདི་བསྒོམ་གཏད་སོ་མེད་པར་ཞོག །དེ་ཐ་མལ་ཤེས་པ་རྗེན་པ་ཡིན། །སེམས་བལྟ་བྱ་ལྟ་བྱེད་མེད་པར་ཞོག །ཆོས་ཕྱག་རྒྱ་ཆེན་པོའི་ཉམས་ལེན་ཡིན། །ཆོས་ལྟ་བ་སྤྱོད་པ་མི་བསླད་པ། །རང་སྡོམ་གསུམ་མིག་འབྲས་ལྟ་བུར་སྲུང་། །ད་བཀའ་ཕྱག་ཆུ་བོ་གཉིས་འདྲེས་འདི། །དོན་རང་སེམས་བརྟན་པ་ཐོབ་པ་ཡིན། །དེ་འབྲས་བུ་མིང་དུ་བཏགས་པ་ཡིན། །ཆོས་གསང་སྔགས་ལུགས་ཀྱི་འབྲས་བུ་ཡིན། །འཕྲལ་གང་དྲན་ཡི་གེར་བྲིས་པ་འདི། །ཚེས་བཅུ་གསུམ་མར་མེའི་ངོག་ལ་བྲིས། །ཁྱེད་རྩེ་གཅིག་སྒྲུབ་པའི་སྙིང་རུས་ཅན། །མ་ལབ་སྒྲོན་བརྒྱུད་འཛིན་ཇོ་མོ་དེས། །མི་ང་ལ་དད་རྟེན་བསྐུར་ཟེར་བ། །ཚིག་འདི་ལ་དད་རྟེན་ཐུགས་དམ་མཛོད། །ཅེས་པ་ཡོར་སྟོད་ཆོས་རའི་སྒར་ན་དགེ་སློང་རཱ་ག་ཨ་སྱས་ཤོག་གུར་ཕུག་གི་ཇོ་མོ་ལ་སྤྲིང་བ་མངྒ་ལཾ། དགེའོ།།

བརྒྱུད་འདེབས།

[Full Size]

ཕཊ། ཕ་རྒྱུད་ཐབས་ཀྱི་བརྒྱུད་པ་ལ་གསོལ་བ་འདེབས། །མ་རྒྱུད་ཤེས་རབ་ཀྱི་བརྒྱུད་པ་ལ་གསོལ་བ་འདེབས། །སྐལ་ལྡན་ཉམས་ཀྱི་བརྒྱུད་པ་ལ་གསོལ་བ་འདེབས། །གྲུབ་ཐོབ་གཅོད་ཀྱི་བརྒྱུད་པ་ལ་གསོལ་བ་འདེབས། །སྟོབས་ལྡན་ཆོས་སྐྱོང་གི་བརྒྱུད་པ་ལ་གསོལ་བ་འདེབས། །འཁྲུལ་སྣང་འཇིག་རྟེན་གྱི་བྱ་བ་ལ། །ཞེན་པ་ལོག་པར་བྱིན་གྱིས་རློབས། །འབྱུང་བཞིས་བསྡུས་པའི་རྒྱུ་ལུས་ལ། །གཅེས་འཛིན་བྲལ་བར་བྱིན་གྱིས་རློབས། །འགལ་རྐྱེན་ནད་གདོན་བར་ཆད་ལ། །རོ་སྙོམས་ནུས་པར་བྱིན་གྱིས་རློབས། །སྣང་སྲིད་སེམས་ཀྱི་ཆོ་འཕྲུལ་ལ། །རང་ངོ་ཤེས་པར་བྱིན་གྱིས་རློབས། །རང་རིག་སྐུ་གསུམ་ལྷུན་གྲུབ་ལ། །རང་དབང་ཐོབ་པར་བྱིན་གྱིས་རློབས། །སྤྱིར་བདག་དང་འགྲོ་དྲུག་སེམས་ཅན་རྣམས། །རྒྱུ་གཉིས་འཛིན་གྱི་དྲི་མ་ཀུན་སྤངས་ནས། །བླ་མེད་བྱང་ཆུབ་ཐོབ་པར་ཤོག །ཕཊཿ ཕཊཿ ཕཊཿ ཅེས་པའང་རྗེ་རང་བྱུང་རྡོ་རྗེས་སོ།།

ཆོས་རྗེ་རང་བྱུང་རྡོ་རྗེས་མཛད་པའི་གཅོད་ཀྱི་ཚོགས་ལས་རིན་པོ་ཆེའི་ཕྲེང་བའི་འདོན་འགྲིགས་བལྟས་ཆོག་ཏུ་བཀོད་པ་གཅོད་ཀྱི་ལུགས་སོར་བཞག

[Full Size]

༼ད༽ ཆོས་རྗེ་རང་བྱུང་རྡོ་རྗེས་མཛད་པའི་གཅོད་ཀྱི་ཚོགས་ལས་རིན་པོ་ཆེའི་ཕྲེང་བའི་འདོན་འགྲིགས་བལྟས་ཆོག་ཏུ་བཀོད་པ་གཅོད་ཀྱི་ལུགས་སོར་བཞག་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏ་ཡེ། ཡུམ་ཆེན་མཁའ་འགྲོའི་ཚོགས་ལ་ཕྱག་འཚལ་ནས། །གཅོད་ཚོགས་ཕྱག་ལེན་གབ་སྦས་སྤངས་ཏེ་བཀོད། །ཆོས་བདག་ཌཀྐིས་བཀའ་གནང་བྱིན་གྱིས་རློབས། །དེ་ལ་བཅའ་ཚོགས་རྒྱས་པར་སྤྲོ་ན། ཕུག་གཏོར་ཆ་ཚང་བཅའ། འབྲིང་བླ་མ་ཡི་དམ་མཁའ་འགྲོ་གསུམ། ཆོས་སྐྱོང་སྤྱི་འདུས་གཅིག །ནོར་ལྷ་ཕྱི་རྒྱུད་སྤྱི་འདུས་དཀར་གཏོར་གཅིག་དང་ལྔའོ། །བསྡུ་ན་བླ་མའི་གཏོར་མ་གཅིག་གིས་ཀྱང་ཆོག །རྒྱས་པར་ན་བསྐང་འབྲས་བཙུགས་པའི་བསྐང་གཏོར་བྱ། འབྲིང་གཏོར་མ་ཟུར་གསུམ་རྒྱན་ལེགས་པ་གཅིག །བསྡུ་ན་ཕུག་གཏོར་གྱིས་བསྐང་གཏོར་གྱི་གོ་ཆོད་བྱ། ཚོགས་ཟླུམ་པོའམ་མི་རོ་བམ་གཟུགས་གཅིག་བཅའ། གཏོར་

[Full Size]

འབུལ་དམར་གཏོར་གཅིག་དང་། གཞི་བདག་ལ་དཀར་གཏོར་གཅིག །ལྷ་བཤོས་དང་མཐེབ་སྐྱུ་གང་མང་བཅའ། ཡོད་ན་གཅོད་ཀྱི་ཐང་སྐུ་ཡང་བཤམས། མཆོད་པ་རྣམ་ལྔ། ནང་མཆོད་ཀ་པཱ་ལ་བཤམ། ཌཱ་མ་རུ་དང་དྲིལ་བུ་རྐང་གླིང་མདུན་དུ་བཞག །རིམ་གྲོ་མ་གྲོལ་བར་མལ་སྟན་གྲ་མལ་མི་འགུལ་བའི་སྟན་སོགས་ལེགས་པར་བཏིང་ལ་འདུག་གོ །སྟན་མི་ལྤགས་ཀྱི་གཡང་གཞིས་ས་གཞིར་ཁྱབ་པར་བསྒོམ། ཞག་གྲངས་དུ་འདུག་ན་ཞག་རེ་ལ་ཡང་བསྐལ་པ་རེ་རེ་ཡིན་བསམ་པའི་མོས་པ་བྱའོ། །དེ་ནས་བདུད་རྩི་བྱིན་རླབས་དང་། མཆོད་པ་བྱིན་རླབས་གཉིས་ཀ་རྒྱལ་བ་རྒྱ་མཚོ་ལྟར་བྱས་ཀྱང་རུང་མོད། ཕག་མོ་ནས་ཁ་སབ་སྲོལ་ཡོད་པས། ཨོཾ་ཀརྨ་ཌཱཀི་ནི་ཧཱུྃ་ཕཊཿ ཨོ་ཀརྨ་ཊཀི་ནི་ཧཱུྃ་ཕཊཿ ཨོཾ་སྭ་བྷ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་

[Full Size]

ཤུདྡྷོཉཧཾ། སྟོང་པ་ཉིད་དུ་གྱུར། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ཅན་ཆང་ཟུང་ལ་ཡཾ་དང་མཆོག་མ་གཉིས་ལ་གཡོ་བའི་བ་དན་གྱིས་མཚན་པ། དེའི་སྟེང་དུ་རཾལས་མེའི་དཀྱིལ་འཁོར་གྲུ་གསུམ་དམར་པོ་འབར་བ་རཾ་གྱིས་མཚན་པ། དེའི་སྟེང་དུ་ཀེ་གསུམ་ལས་ཐོད་པ་བུམ་རིལ་གྱི་སྒྱེད་པུ་ལྟག་པ་ནང་དུ་བསྟན་པ་གསུམ་གྱི་སྟེང་དུ་ཡི་གེ་ཨ་ཡོངས་སུ་གྱུར་པ་ལས། ཀ་པཱ་ལ་ཕྱི་དཀར་ལ་ནང་དམར་བ། དུམ་བུ་གཅིག་པ་དཔྲལ་བ་རང་ལ་བསྟན་པ། རྒྱ་ཁྱོན་ཆོས་ཀྱི་དབྱིངས་དང་མཉམ་པ། །དེའི་དབུས་སུ་མུ་ལས་དྲི་ཆུ་བཻཌཱུརྱ་ལྟ་བུ། ཤར་དུ་བི་ལས་དྲི་ཆེན་ཤེལ་ལྟ་བུ། ལྷོར་ར་ལས་རཀྟ་གསེར་བཙོ་མ་ལྟ་བུ། ནུབ་ཏུ་ཤུ་ལས་བྱང་སེམས་དཀར་པོ། བྱང་དུ་མ་ལས་ཀླད་པ། སླར་ཡང་དབུས་སུ་ན་ལས་མིའི་ཤ །ཤར་ལྷོར་གོ་ལས་བ་གླང་གི་ཤ །ལྷོ་ནུབ་ཏུ་ཀུ་ལས་ཁྱིའི་ཤ །ནུབ་བྱང་དུ་ད་ལས་གླང་པོ་ཆེའི་ཤ །བྱང་ཤར་དུ་ཧ་ལས་རྟའི་ཤ །དེ་རྣམས་སླར་ཡང་ཡི་གེ་དེ་དག་གིས་མཚན་པའོ། །རང་གི་སྣ་བུག་གཡོན་པ་ནས་རླུང་ཧཱུྃ་གི་དབྱིབས་ཅན་འཕྲོས། རླུང་གི་དཀྱིལ་འཁོར་ལ་ཕོག །བ་དན་བསྐྱོད་རླུང་

[Full Size]

གཡོས། མེ་འབར་ཐོད་པ་དྲོས་རྫས་རྣམས་ཁོལ། ཉེས་པའི་སྐྱོན་རྣམས་ཕྱིར་ལུད། དེའི་སྟེང་དུ་ཨོཾ་ཨཱཿཧཱུྃ་ལས་འོད་ཟེར་འཕྲོས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་བཀུག །དམ་ཚིག་གི་བདུད་རྩི་དང་གཉིས་སུ་མེད་པར་འདྲེས། ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ལན་གསུམ། སྲིན་ལག་གམ་རྡོ་རྗེའི་རྩེ་མོས་མཆོད་པ་གཏོར་མ་ལ་ནང་མཆོད་ཟེགས་མ་གཏོར་ལ། ཨོཾ་ཀརྨ་ཊཱ་ཀི་ནི་ཧཱུྃ་ཕཊ། ཨོཾ་སྭ་བྷ་ཝ་ཤུདྡྷཿསརྦ་དྷརྨཱཿསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཧཱུྃ་ཡིག་གི་ཚོགས་དཔག་ཏུ་མེད་པ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་རྡོ་རྗེའི་མཆོད་ཡོན། མེ་ཏོག །བདུག་སྤོས་མར་མེ། དྲི་ཆབ། ཞལ་ཟས། རོལ་མོ་ལ་སོགས་པ་མཆོད་པའི་དངོས་པོ་དྭངས་ཤིང་ཐོགས་པ་མེད་པ་བྱུང་ཆུབ་སེམས་དཔའ་འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་གྱི་ཕུང་པོ་ལས་ཀྱང་ཆེས་ཆེར་ལྷག་པའི་མཆོད་པའི་སྤྲིན་གྱི་ཕུང་པོ་རབ་འབྱམས་ནམ་མཁའི་མཐའ་ཀླས་པའི་བར་རྒྱས་པར་འགེངས་ཤིང་

[Full Size]

འཕགས་པ་རྣམས་མཉེས་པར་བྱེད་པ། དུས་ཇི་སྲིད་འཁོར་བ་མ་སྟོངས་ཀྱི་བར་དུ་རྒྱུན་མི་ཆད་པར་འབྱུང་བའི་རང་བཞིན་དུ་གྱུར། ཨོཾ་བཛྲ་ཨརྒྷཾ་ཨཱཿཧཱུྃ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ་སྭཱ་ཧཱ། ཨོཾ་བཛྲ་དྷུ་པེ་ཨཱཿཧཱུྃ་སྭཱ་ཧཱ། ཨོཾ་བཛྲ་ཨཱ་ལོ་ཀེ་ཨཱཿཧཱུཾ་སྭཱ་ཧཱ། ཨོཾ་བཛྲ་གནྡྷེ་ཨཱཿཧཱུྃ་སྭཱ་ཧཱ། ཨོཾ་བཛྲ་ནཻ་ཝཱིརྱ་ཨཱཿཧཱུྃ་སྭཱ་ཧཱ། ཨོཾ་བཛྲ་ཤཔྟ་ཨཱཿཧཱུྃ་སྭཱ་ཧཱ། དེ་ནས་དབང་སྡུད་ཞི་སྡུད་ཕཊ། ་རང་ཉིད་སྐད་ཅིག་གིས་ཡུམ་ཆེན་མོ་གསེར་གྱི་མདོག་ཅན་རྒྱན་ཆ་ལུགས་ཡོངས་སུ་རྫོགས་པ། ཕྱག་བཞིའི་དང་པོས་རྡོ་རྗེ་གླེགས་བམ། འོག་མ་གཉིས་ཀྱིས་མཉམ་བཞག་གི་ཕྱག་རྒྱ་མཛད་པར་གྱུར། ཕཊ། རྐང་དུང་གི་ཁ་ལག་མཐིལ་དུ་ལན་གསུམ་བརྡབ་ཅིང་། འབྱུང་པོ་ཕྲན་བུ་ཉམ་ཆུང་བ་རྣམས་མ་སྐྲག་ཅིག །མ་སྔངས་ཤིག །ཤིན་ཏུ་མ་སྔངས་ཤིག །དེ་ནས་རྐང་དུང་ལན་གསུམ་འབུད་པའི་དང་པོ། ཡུམ་ཆེན་མོའི་སྐྱེ་མེད་ཆོས་ཀྱི་རང་སྒྲས་ཁམས་གསུམ་དུ་ཐོས་པར་བསམས་ལ། ཀྱཻ། ཡ་ཀི་སྲིད་རྩེ་ནས་མནར་མེད་ཡན་ཆད་ཀྱི་སེམས་ཅན་ཐམས་ཅད་ཉོན་ཅིག །ཐམས་ཅད་ཀྱིས་དུང་ངེ་ཉན་པར་བསམས་ལ་གཅིག་འབུད། འོ་ཐམས་ཅད་འདིར་འདུས་ཤིག །ཐམས་ཅད་རུབ་ཀྱིས་འདུས་པར་བསམས་ལ་གཅིག་འབུད། ཐམས་ཅད་མྱུར་དུ་

[Full Size]

འདུས་ཤིག །མྱུར་དུ་སྤུངས་སེ་འདུས་པར་བསམས་ལ་གཅིག་འབུད། བདེ་རིམ་ལ་ནི་དེས་ཆོག །སྨྱོན་པ་སོགས་ནད་གདོན་དྲག་པོ་འདུལ་ན་དྲག་སྡུད་བྱ་སྟེ། ཕཊཿ བདག་ཉིད་སྐད་ཅིག་གིས་ཡེ་ཤེས་ཀྱི་མཁའ་འགྲོ་མ་སྐུ་མདོག་མཐིང་ནག་ཏུ་འདུག་པ་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། སྤྱན་གཡས་ཉི་མའི་དཀྱིལ་འཁོར་དམར་ཀྱི་ལི་ལི་འཁོར་བ། གཡོན་ཟླ་བའི་དཀྱིལ་འཁོར་ངང་སྒ་ར་ར་འཁོར་བ། དབུས་ཉི་ཟླ་སྤེལ་མའི་དཀྱིལ་འཁོར་དཀར་དམར་དུ་ཀྲུག་ཀྲུགས་སུ་འཁྲུགས་པ། སྤྱི་གཙུག་ན་ཕག་ཞལ་ནག་པོས་ཕག་སྐད་འབྲུག་ལྟར་ངུར་བ། ཕྱག་གཡས་མི་ལྤགས་ཀྱི་གཡང་གཞི་རྡེབ་པ། གཡོན་མི་རྐང་གི་གླིང་བུ་ཙེར་ཙེར་འབུད་པ། སྣང་ཞིང་སྲིད་པའི་ལྷ་འདྲེ་བཀའ་ལྷ་མ་སྲིན་སྡེ་བརྒྱད་ཐམས་ཅད་དབང་དུ་སྡུད་ཅིང་ཟིལ་གྱིས་གནོན་པ། ལྟེ་བ་མན་ཆད་འདོད་ཁམས། སྙིང་ག་མན་ཆད་གཟུགས་ཁམས། སྤྱི་བོ་མན་ཆད་གཟུགས་མེད་ཀྱི་ཁམས་སུ་ཡོད་པ། ཁམས་གསུམ་ལས་རྣམ་པར་རྒྱལ་བའི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོ་བ་ཕུར་བུ་གཡང་གཞི་འཛིན་པ་དཔག་ཏུ་མེད་པ་

[Full Size]

སྟེང་འོག་ཕྱོགས་བཅུར་འཕྲོས་པས། ས་འདི་ཡི་སྟོད་སྨད་སྟེང་འོག་བར་གསུམ་ཕྱོགས་བཞི་མཚམས་བརྒྱད་ན་གནས་པའི་སྣང་ཞིང་སྲིད་པའི་ལྷ་འདྲེ་བཀའ་ལྷ་མ་སྲིན་སྡེ་བརྒྱད། །ཁྱད་པར་དུ་བདག་ཅག་དཔོན་སློབ་ཡོན་མཆོད་མི་ནོར་འཁོར་དང་བཅས་པ་ལ་གནོད་ཅིང་འཚེ་བའི་གདོན་བགེགས་རྒྱབ་རྟེན་སྡོང་ཟླ་དང་བཅས་པ། རྩ་བ་རྩ་ལག་དང་བཅས་པ། འབྲེལ་པ་སྣ་འདྲེན་དང་བཅས་པ་ཐམས་ཅད། སྐད་ཅིག་རང་དབང་མེད་པར་བྱིའུ་ཁྲས་བཅུམས་པ་ལྟ་བུར་དེད། རི་ལུག་སེར་བས་དེད་པ་བཞིན་དུ་བསྡུས། སྨུག་པ་རླུང་གིས་དེད་པ་བཞིན་དུ་བདས་ནས། སྐད་ཅིག་ད་ལྟ་ཉིད་དུ་འདིར་འདུས་ཤིག །ཁུག་ཅིག །ཧཱུྃ་ཧཱུྃ་ཧཱུྃ། ཕཊ་ཕཊ། ཧཱུྃ། ང་ནི་ཁྲོས་མ་ནག་མོ་སྟེ། །མ་གཅིག་ལབ་སྒྲོན་དྲག་མོའི་སྐུ། །དུར་ཁྲོད་ཆས་བརྒྱད་སྐུ་ལ་རྫོགས། །ཁམས་གསུམ་མ་ལུས་དབང་དུ་སྡུད། །ཕྱག་གཡོན་མི་རྐང་གླིང་བུ་འབུད། །བུས་པས་སྲིད་གསུམ་དབང་དུ་སྡུད། །ཕྱག་གཡས་མི་ལྤགས་གཡང་གཞི་རྡེབ། །བརྡབས་པས་ལྷ་འདྲེ་དབང་དུ་སྡུད། །ཐུགས་ལས་སྤྲུལ་པ་བྱེ་བ་འབུམ། །སྤྲུལ་པའི་མཁའ་འགྲོ་གྲངས་མ་ཉུང་། །ཡང་སྤྲུལ་མཁའ་

[Full Size]

འགྲོ་གོང་མ་གཡེལ། །ལས་བྱེད་མཁའ་འགྲོ་བང་མ་བུལ། །མི་ལྤགས་གཡང་གཞི་རྩལ་མ་ཞན། །མི་རྐང་གླིང་བུ་ངར་མ་ཆུང་། །བདག་ཅག་དཔོན་སློབ་ཡོན་མཆོད་ལ། །གནོད་ཅིང་འཚེ་བར་བྱེད་པ་ཡི། །ལྷ་དང་ལྷ་མིན་དབང་དུ་སྡུས། །མི་དང་མི་མིན་དབང་དུ་སྡུས། །གདོན་བགེགས་ལོག་འདྲེན་དབང་དུ་སྡུས། །སྟེང་གདོན་གཟའ་སྐར་དབང་དུ་སྡུས། །འོག་གདོན་ཀླུ་གཉན་དབང་དུ་སྡུས། །བར་གདོན་བཙན་བདུད་དབང་དུ་སྡུས།། །ཕོ་གདོན་རྒྱལ་འགོང་དབང་དུ་སྡུས། །མོ་གདོན་འདྲེ་མོ་དབང་དུ་སྡུས། །དམ་སྲི་ཐེའུ་རང་དབང་དུ་སྡུས། །ཟ་འདྲེ་ཤི་གཤེད་དབང་དུ་སྡུས། །ཆུང་སྲི་སྒབ་འདྲེ་དབང་དུ་སྡུས། །གོད་འདྲེ་བསེ་རག་དབང་དུ་སྡུས། །དབང་དུ་བསྡུས་ལ་གནས་འདིར་ཁུག །གནས་འདིར་ཁུག་ལ་རྡུལ་དུ་རློག །ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། དེ་ནས་ཟིལ་གནོན་འཕེན་པ་ནི། བདག་ཅག་ཡོན་མཆོད་ལ་གནོད་ཚབས་ཆེ་བ་རྣམས་ནང་དུ་འཁོད། གནོད་ཚབས་ཆུང་བ་རྣམས་བར་དུ་འཁོད། དེ་དག་གི་རྒྱབ་རྟེན་བསྡོང་ཟླ་རྣམས་ཕྱི་རོལ་དུ་འཁོད་དེ། ལས་བྱེད་ཀྱི་མཁའ་འགྲོ་མ་རྣམས་ཀྱིས་ཕྱི་ནས་བསྐོར་

[Full Size]

བས་བྲོས་དབང་མེད་པར་གྱུར། ཕཊ་ཕཊ། རང་ཉིད་ཁྲོས་མ་ནག་མོའི་གཟི་བརྗིད་ཀྱིས་ཟིལ་གྱིས་མནན་ནས་སྐྲག་ཅིང་སྔངས་བས་འདར་ཕྲིལ་ལི་ལི། དད་ཅིང་གུས་པས་ཕྱག་རྒྱ་ཧྲུག་ཧྲུག །བཀའ་ཉན་གསུང་སྡོད་པར་གྱུར། ཕཊ་ཕཊ། ཕྱག་རྒྱ་ཆེན་པོའི་དོན་དྲན་པར་བྱས་ལ། དཀར་པོ་དགེ་བ་ལ་གནས་པའི་ཆོས་ཐམས་ཅད་སྐྱེ་འགག་མེད་པའི་དབྱིངས་སུ་ཟིལ་གྱིས་གནོན་པར་བགྱིའོ། །ནག་པོ་སྡིག་པ་ལ་གནས་པའི་ཆོས་ཐམས་ཅད་སྐྱེ་འགག་མེད་པའི་དབྱིངས་སུ་ཟིལ་གྱིས་གནོན་པར་བགྱིའོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་བདག་གི་སྣང་བ་ཆེན་པོས་ཁྱབ་པར་གྱུར་ཅིག །ཕཊ་ཕཊ། འདི་ནས་ཁྲོས་མ་མི་དམིགས་པར་རང་ཐ་མལ་པར་བསྐྱེད། མདུན་གྱི་ནམ་མཁའི་གནས་སུ་ཆོས་སྐུ་ཡུམ་ཆེན་མོ་ལ། སྲས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའི་ཚོགས་ཐམས་ཅད་ཀྱིས་བསྐོར་ནས་སྤྲིན་འཁྲིགས་པ་བཞིན་དུ་སྟེང་ཕྱོགས་ཀྱི་ནམ་མཁའ་ཁྱབ་ནས་བཞུགས་པར་གྱུར། ཕཊ་ཕཊ་ཕཊ། དེ་རྣམས་ཀྱི་སྐྱབས་འོག་ཏུ་བདག་དང་ཡོན་བདག་ལྷ་འདྲེ་གནོད་བྱེད་དང་བཅས་པ་ཐམས་ཅད་ཚུད་ནས། སེམས་དད་ཅིང་གུས་པས་ལུས་ཐལ་མོ་

[Full Size]

སྦྱར་ནས། ངག་གིས་སྐྱབས་འགྲོའི་རམ་བུ་འུར་དི་རི་རི་བྱེད་པར་གྱུར། ཕཊ་ཕཊ་ཕཊ། ན་མོ་ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་ཅག་སློབ་དཔོན་གྲྭ་སྡེ་ཡོན་མཆོད་འཁོར་དང་བཅས་པ་ཐམས་ཅད་ལ་སྡང་བར་བྱེད་པའི་དགྲ། གནོད་པར་བྱེད་པའི་བགེགས། ལུས་ངག་ཡིད་གསུམ་གྱིས་ཐར་པ་དགེ་བ་སྒྲུབ་པ་ལ་བར་དུ་གཅོད་པར་བྱེད་པའི་ལོག་འདྲེན་འབྱུང་པོ་མི་དང་མི་མ་ཡིན་པས་ཐོག་དྲངས་སེམས་ཅན་ཐམས་ཅད་དུས་འདི་ནས་བཟུང་སྟེ་ལམ་སྙིང་པོ་བྱང་ཆུབ་ཀྱི་འབྲས་བུ་ལ་མཆིས་ཀྱི་བར་དུ། བདག་སོགས་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །ཕྱིའི་སྐྱབས་འགྲོའོ། །ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་སྐྱབས་སུ་མཆིའོ། །རིགས་ལྔའི་བདེ་བར་གཤེགས་པ་རྣམས་ལ་སྐྱབས་སུ་མཆིའོ། །རིགས་གསུམ་གྱི་མགོན་པོ་རྣམས་ལ་སྐྱབས་སུ་མཆིའོ། །ནང་གི་སྐྱབས་འགྲོའོ། །བླ་མ་རྡོ་རྗེ་མཁའ་འགྲོ་འཁོར་དང་བཅས་

[Full Size]

པ་རྣམས་ལ་སྐྱབས་སུ་མཆིའོ། །བཀའ་བརྒྱུད་པའི་བླ་མ་མཁའ་འགྲོ་འཁོར་དང་བཅས་པ་རྣམས་ལ་སྐྱབས་སུ་མཆིའོ། །དྲིན་ཆེན་རྩ་བའི་བླ་མ་མཁའ་འགྲོ་འཁོར་དང་བཅས་པ་རྣམས་ལ་སྐྱབས་སུ་མཆིའོ། །གསང་བའི་སྐྱབས་འགྲོའོ། །རང་སེམས་སྐྱེ་བ་མེད་པ་ཆོས་ཀྱི་སྐུ་ལ་སྐྱབས་སུ་མཆིའོ། །དེ་ཁོ་ན་ཉིད་ཀྱི་སྐྱབས་འགྲོའོ། །སྙིང་ཁུང་རུས་པའི་གཏིང་ནས་སྐྱབས་སུ་མཆིའོ། །སྐྱབས་འོག་དམ་པ་རུ་ཚུད་པར་མཛད་དུ་གསོལ། བདག་གཞན་ཐམས་ཅད་སངས་རྒྱས་ལ་བརྟེན་ནོ། །ཆོས་ལ་བརྟེན་ནོ། །དགེ་འདུན་ལ་བརྟེན་ནོ། །བདག་གཞན་ཐམས་ཅད་ཀྱི་ལུས་དགེ་བར་གྱུར་ཅིག །ངག་དགེ་བར་གྱུར་ཅིག །ཡིད་དགེ་བར་གྱུར་ཅིག །དེ་ལྟར་སྐྱབས་སུ་གསོལ་བས་དཀོན་མཆོག་གསུམ་གྱི་སྐྱབས་འོག་དམ་པར་ཚུད་དེ། སྐྱོབ་པར་ཞལ་གྱིས་བཞེས་ནས། སྐུ་གསུང་ཐུགས་ལས་འོད་ཟེར་སྣ་ཚོགས་བྱུང་ནས། བདག་གཞན་ཐམས་ཅད་ཀྱི་ལུས་ངག་ཡིད་གསུམ་ལ་ཕོག་པས། སྡིག་སྒྲིབ་ཐམས་ཅད་དག་རུ་ལུས་ཤེལ་སྒོང་ལྟར་སོང་བར་གྱུར་ཅིག །བདག་གཞན་ཐམས་ཅད་ཀྱི་ནད་རིགས་བཞི་བརྒྱ་རྩ་བཞི་བྱང་བར་གྱུར་ཅིག །གློ་བུར་དགུ་བཅུ་རྩ་གཅིག་

[Full Size]

ལས་ཐར་བར་གྱུར་ཅིག །ཡེ་འདྲོགས་སུམ་བརྒྱ་དྲུག་ཅུས་མི་ཚུགས་པར་གྱུར་ཅིག །བགེགས་རིགས་སྟོང་ཕྲག་བརྒྱད་ཅུ་རང་སར་ཞི་བར་གྱུར་ཅིག །རང་སར་དག་པར་གྱུར་ཅིག །རང་སར་སྟོང་པར་གྱུར་ཅིག་།སྐྱབས་ཡུལ་སྐྱོབ་མཁན་སྐྱབས་འགྲོ་གསུམ། །དམིགས་མེད་རང་སེམས་ཆོས་ཀྱི་སྐུ། །དོན་དམ་སྐྱེ་བ་མེད་པའོ། །ཕཊ་ཕཊ་ཕཊ། མཐར་ཐུག་དོན་དམ་པའི་སྐྱབས་འགྲོའོ། །ཡན་ལག་བདུན་པ་ནི། དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་ལ་མཆོད་པ་འབུལ། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །བྱང་ཆུབ་མཆོག་ཏུ་སེམས་ཀྱང་བསྐྱེད། །སེམས་ཅན་མ་ལུས་བདག་མགྲོན་གཉེར། །བྱང་ཆུབ་སྤྱོད་པ་མཛད་བཞིན་སྤྱད། །འགྲོ་ཕན་སངས་རྒྱས་འགྲུབ་པར་ཤོག །བྱང་ཆུབ་མཆོག་ཏུ་སེམས་བསྐྱེད་པ་ནི། ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །བསྐྱེད་པ་རྣམས་ནི་དྲན་པར་བགྱི། །དྲན་པ་རྣམས་ནི་རྒྱ་ཆེར་བཟུང་། །

[Full Size]

སྐྱབས་ཡུལ་བསྡུ་མི་དགོས། མི་དམིགས་པར་བཞག་པས་ཆོག །འགྲོ་ཀུན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །ཕཊ་ཕཊ་ཕཊ། ཅེས་ཚད་མེད་བཞི་བསྒོམ། རང་ཉིད་ཐ་མལ་དུ་གནས་པའི་སྤྱི་བོར་ཁྲུ་གང་གི་ཐད་མདུན་གྱི་ནམ་མཁར་འོག་མིན་ཆོས་དབྱིངས་དག་པའི་ཞིང་ཁམས་ཕུན་སུམ་ཚོགས་པའི་དབུས་སུ། ཧཱུྃ་རཏྣ་མཎྜ་ལ་ཞེས་བརྗོད་པས་རིན་པོ་ཆེའི་ཁྲི་ཡངས་ཤིང་རྒྱ་ཆེ་བ་ལྷ་རྫས་གོས་ཀྱིས་བཀབ་པ། དེའི་སྟེང་དུ་པཾ་ལས་པདྨ་མཎྜ་ལ་སྣ་ཚོགས་པདྨ་འདབ་མ་མཐའ་ཡས་ཡངས་ཤིང་རྒྱ་ཆེ་བའི་གདན། དེའི་སྟེང་དུ་མ་སཱུརྱ་མཎྜ་ལ་ཉི་མ་དང་། ཨ་ཙནྡྲ་མཎྜ་ལ་ཟླ་བའི་གདན་ཡངས་ཤིང་རྒྱ་ཆེ་བ་དང་། ལྷ་སོ་སོ་ལ་ཇི་ལྟར་འོས་པའི་གདན་གསལ་བར་གྱུར། གདན་དབུས་མ་ཉི་ཟླའི་སྟེང་དུ་ཧཱུྃ་ཡིག་དཀར་པོ་འོད་དུ་ཞུ་བ་ལས། མ་གཅིག་ལབ་ཀྱི་སྒྲོན་མ་སྐུ་མདོག་དཀར་མོ་དུང་ཕྱིས་པའི་མདོག་ལྟ་བུ། ཞལ་གཅིག་ཕྱག་གཉིས་ཕྱག་གཡས་པས་གསེར་གྱི་ཌཱ་མ་རུ་ནམ་མཁའ་ལ་འཁྲོལ་བ། གཡོན་དངུལ་དཀར་གྱི་དྲིལ་བུ་དཀུར་བརྟེན་པ། སྤྱན་གསུམ་བར་སྣང་ལ་

[Full Size]

གཟིགས་པ། སྐུ་གཅེར་བུ་རུས་པའི་རྒྱན་ཆ་དྲུག་གིས་བརྒྱན་པ། དབུ་སྐྲ་རལ་པའི་ཐོར་ཚུགས་གྱེན་དུ་བཅིངས་ཤིང་ལྷག་མ་སྐུ་རྒྱབ་ཏུ་གྲོལ་བ། ཞབས་གཡས་བསྐུམ་གཡོན་བརྐྱངས་ཤིང་གར་སྟབས་ཀྱི་ཚུལ་དུ་ལིང་ངེར་བཞུགས་པ། སྣང་ལ་རང་བཞིན་མེད་པ། མཁའ་འགྲོ་བྱེ་བ་འབུམ་གྱིས་བསྐོར་བ། དེའི་སྙན་གོང་གཡས་ཕྱོགས་སུ་དམ་པ་རྒྱ་གར་སྐུ་མདོག་ནག་ལ་སྣུམ་པ་གཟི་བརྗིད་དང་ལྡན་པ། ཨ་ཙ་རའི་ཆ་བྱད་ཅན། ཞལ་གཅིག་ཕྱག་གཉིས་ཕྱག་གཡས་བྷནྡ་ལྟག་སྤྲོད་ནམ་མཁའ་ལ་དཀྲོལ་བ། གཡོན་མི་རྐང་གི་གླིང་བུ་འབུད་པ། གྲུབ་ཐོབ་རྒྱ་མཚོ་ལྟ་བུའི་དབུས་སུ་རྡོ་རྗེའི་སྐྱིལ་ཀྲུང་གིས་བཞུགས་པ། མ་གཅིག་གི་སྙན་གོང་གཡོན་ཕྱོགས་སུ་ཧཱི༔ལས་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་དམར་མོ་ཞལ་གཅིག་ཕྱག་གཉིས། ཕྱག་གཡས་པས་གྲི་གུག་ནམ་མཁའ་ལ་ཕྱར་བ། གཡོན་པས་ཐོད་ཁྲག་ཐུགས་ཀར་བསྣམས་པ། གྲུ་མོ་ན་ཁཊྭཱཾ་ག་ཡོད་པ། རུས་པའི་རྒྱན་ཆ་དྲུག་གིས་བརྒྱན་པ། ཐོད་པ་སྐམ་པོ་ལྔས་དབུ་ལ་བརྒྱན་ཅིང་། རློན་པ་ལྔ་བཅུ་རྩ་གཅིག་གིས་དོ་ཤལ་བྱས་པ། ཞབས་གཡས་བསྐུམ་གཡོན་བརྐྱང་ཞིང་པདྨ་དང་ཉི་

[Full Size]

མ་རོའི་གདན་ལ་གར་སྟབས་ཀྱིས་ལིང་ངེར་བཞུགས་པ། དེའི་ཤར་དུ་ཧ་ལས་རྡོ་རྗེ་མཁའ་འགྲོ་མ་དཀར་མོ། ལྷོར་རི་ལས་རིན་ཆེན་མཁའ་འགྲོ་མ་སེར་མོ། ནུབ་ཏུ་ནི་ལས་པདྨ་མཁའ་འགྲོ་མ་དམར་མོ། བྱང་དུ་ས་ལས་ལས་ཀྱི་མཁའ་འགྲོ་མ་ལྗང་གུ། བཞི་ཀའང་ཞལ་གཅིག་ཕྱག་གཉིས་གྲི་གུག་དང་ཐོད་ཁྲག་འཛིན་ཅིང་། རྒྱན་ཆ་ལུགས་ཐམས་ཅད་གཙོ་མོ་དང་མཚུངས་པའོ། །མ་ཇོ་མོའི་དབུ་ཐོག་ཉི་ཟླ་པདྨའི་གདན་ལ། མཱུཾ་་ཡིག་སེར་པོ་ལས་སངས་རྒྱས་ཤཱཀྱ་ཐུབ་པ་སྐུ་མདོག་གསེར་བཙོ་མའི་མདོག་ལྟ་བུ། ཞལ་གཅིག་ཕྱག་གཉིས། གཡས་ས་གནོན། གཡོན་མཉམ་བཞག །དབུ་ལ་གཙུག་ཏོར། ཞབས་ལ་འཁོར་ལོ་སོགས་མཚན་བཟང་པོ་སུམ་ཅུ་རྩ་གཉིས། དཔེ་བྱད་བཟང་པོ་བརྒྱད་ཅུས་བརྒྱན་པ། འོད་དང་འོད་ཟེར་གྱི་ཚོགས་དཔག་ཏུ་མེད་པ་འཕྲོ་བ། དེ་ལ་འདས་མ་འོངས་ད་ལྟ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་རང་རྒྱལ་ཉན་ཐོས་ཀྱི་ཚོགས་ཀྱིས་བསྐོར་ནས་བཞུགས་པ། དེའི་དབུ་ཐོག་ཉི་ཟླ་པདྨའི་གདན་ལ་མཱུཾཿཡིག་དམར་སེར་ལས། ཆོས་སྐུ་ཡུམ་ཆེན་མོ་སྐུ་མདོག་གསེར་བཙོ་མའི་མདོག་ལྟ་བུ་ཞལ་

[Full Size]

གཅིག་ཕྱག་བཞི་མ། གཡས་པ་གཉིས་ཀྱིས་རྡོ་རྗེ་དང་ས་གནོན། གཡོན་པ་གཉིས་ཀྱིས་པོ་ཏི་དང་མཉམ་གཞག་མཛད་པ་སྐུ་ལ་དར་དང་རིན་པོ་ཆེ་སྣ་ཚོགས་ཀྱིས་བརྒྱན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། དེ་ལ་སྲས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་ནས་བཞུགས་པ། དེའི་དབུ་ཐོག་ཉི་ཟླ་པདྨའི་གདན་ལ་དབུས་སུ་བྷྲཱུཾ་ལས་རྣམ་པར་སྣང་མཛད། ཤར་དུ་ལས་མི་བསྐྱོད་པ། ལྷོར་ཨཾ་ལས་རིན་འབྱུང་། ནུབ་དུ་ཛིཾ་ལས་སྣང་མཐའ། བྱང་དུ་ཁཾ་ལས་དོན་གྲུབ་སྟེ་རིགས་ལྔ། ཡུམ་ཆེན་མོའི་མདུན་གྱི་ནམ་མཁར་པདྨ་ཉི་ཟླའི་གདན་ལ་སྒྲོལ་མ། དེ་དག་གི་རྒྱབ་ཕྱོགས་སུ་ཐུབ་པ་གངས་ཆེན་མཚོ་རྒྱལ། གཞན་ཡང་གཡས་སུ་དཔའ་བོ་གཡོན་ནི། དུ་དཔའ་མོ་སོགས་ཐམས་ཅད་རྒྱན་ཆ་ལུགས་ཡོངས་སུ་རྫོགས་པ་ཏིལ་གྱི་གོང་བུ་ཁ་བྱེ་བ་ལྟ་བུ། མ་གཅིག་གི་གདན་ལས་ཅུང་ཟད་དམའ་བའི་ཕྱོགས་མཚམས་ཐམས་ཅད་དུ་པད་ཉི་རོ་ཡི་གདན་ལ། གཡས་སུ་ཆོས་སྐྱོང་ཕོ་རྒྱུད་གཡོན་དུ་མོ་རྒྱུད་སོགས་དམ་པ་ཆོས་སྐྱོང་བའི་སྲུང་མ་ཐམས་ཅད་གཟི་བརྗིད་དང་ལྡན་པ། དེའི་འོག་ཏུ་ཕྱི་རྒྱུད་འཇིག་རྟེན་པའི་ཆོས་

[Full Size]

སྐྱོང་སྲུང་མ་ཐམས་ཅད་དང་། ཕྱོགས་བཞིར་རྒྱལ་ཆེན་བཞི་ལ་སོགས་པ་ཐམས་ཅད་སྤྲིན་འཁྲིགས་པ་ལྟ་བུ། དེའི་འོག་ཏུ་སྣང་ཞིང་སྲིད་པའི་ལྷ་འདྲེ་བཀའ་ལྷ་མ་སྲིན་སྡེ་བརྒྱད་ཡུལ་ལྷ་གཞི་བདག་གི་ཚོགས་དང་བཅས་པ། དེའི་རྒྱབ་ཏུ་གནོད་བྱེད་གནས་གདོན་ལུས་གདོན་ལན་ཆགས་བགེགས་རིགས། དེ་རྒྱབ་འགྲོ་བ་རིགས་དྲུག་གི་སེམས་ཅན་སྙིང་རྗེའི་མགྲོན་དང་བཅས་པ་དཔག་ཏུ་མེད་པ་ཐམས་ཅད་ཡུམ་ཆེན་མོའི་བཀའ་ཉན་དང་གསུང་སྡོད་ཀྱི་ཚུལ་དུ་བཞུགས་པ། དེ་ལྟར་ནམ་མཁའ་ས་གཞི་བར་སྣང་ཐམས་ཅད་སྐུ་སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ལྟ་བུས་གང་ནས་བཞུགས་པར་གྱུར། ལྷ་ཚོགས་དེ་དག་ཐམས་ཅད་ཀྱི་དཔྲལ་བར་སྐུ་རྡོ་རྗེ་དང་ལུས་ཀྱི་ངོ་བོ་ཨོཾ་དཀར་པོ། པར་གསུང་རྡོ་རྗེ་དང་ངག་གི་ངོ་བོ་ཨཱཿདམར་པོ། ཐུགས་ཀར་ཐུགས་རྡོ་རྗེ་དང་སེམས་ཀྱི་ངོ་བོ་ཧཱུྃ་སྔོན་པོ། སྙིང་གའི་དབུས་སུ་ཡེ་ཤེས་པ་རྣམས་ལ་རང་རང་གི་ཐུགས་སྲོག་བོན། འཇིག་རྟེན་པ་རྣམས་ལ་རང་རང་གི་མིང་ཡིག་དང་པོ་ཐིག་ལེས་མཚན་པར་གྱུར། དྷེ་ཝ་ཌཱཀི་ནཱི་ཛཿཧཱུྃ། ལྷ་ཚོགས་དེ་དག་ཐམས་ཅད་ཀྱི་ཐུགས་ཀའི་ཧཱུྃ་ལས་འོད་ཟེར་

[Full Size]

ལྕགས་ཀྱུ་ལྟ་བུ་འཕྲོས་པས། འོག་མིན་ཆོས་ཀྱི་དབྱིངས་ཀྱི་ཕོ་བྲང་དང་། སོ་སོའི་གནས་ནས་ཡུམ་ཆེན་མོ་ལ་གྲུབ་ཐོབ་གཅོད་ཡུལ་བརྒྱུད་པའི་བླ་མ་ཡི་དམ་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་སྤྱན་དྲངས། ཨོཾ་གུ་རུ་དྷེ་ཝ་ཌཱཀི་ནཱི་ས་པཱ་རི་ཝཱ་ར་བཛྲ་ས་མ་ཡ་ཛཿ རྐང་གླིང་འབུད་ཌཱ་དྲིལ་དྲག་ཏུ་འཁྲོལ་ནས། ཧཱུྃ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །ཡུམ་ཆེན་འཁོར་བཅས་གནས་འདིར་གཤེགས་སུ་གསོལ། །ཡིད་ཀྱིས་ཕྱག་དང་མཆོད་པ་བྱོན་སྐྱེམས་ཚུལ་དུ་བྱས་ཏེ། ཛཿཞེས་ལྷ་རྣམས་རང་རང་སྤྱི་བོར་བྱོན། །ཧཱུྃ་ཞེས་ཆུ་ལ་ཆུ་བཞག་ལྟ་བུར་ཐིམ། །བཾ་ཞེས་དམ་ཡེ་དབྱེར་མེད་གཅིག་ཏུ་གྱུར། །ཛཿཞེས་ཐམས་ཅད་ཤིན་ཏུ་ཐུགས་དགྱེས་གྱུར། །ཡུམ་ཆེན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་འབུལ་

[Full Size]

ལགས་ན། །སེང་གེ་པད་ཟླའི་གདན་སྟེང་དུ། །ཅི་བདེར་བར་ནི་བཞུགས་སུ་གསོལ། །ཨོཾ་སརྦ་ཏ་ཐཱ་ག་ཏ་པདྨ་ཀ་མ་ལཱ་ཡེ་ཧཱུཾ་སྭཱ་ཧཱ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དག་པ་བཟང་པོས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཊི་ཀ་ཏེ་ས་མ་ཡ་ཤྲི་ཡེ་ཧཱུྃ། རང་གི་ཐུགས་ལས་སྤྲུལ་པ་ཡི། །མཆོད་རྫ་ས་འཛིན་པ་ལྷ་མོའི་ཚོགས། །ནམ་མཁའ་གང་བར་སྤྲོས་ནས་ཀྱང་། །ཡུམ་ཆེན་འཁོར་དང་བཅས་རྣམས་མཆོད། །ཁྲུས་ཆབ་ཡོན་ཆབ་བདུག་སྤོས་དང་། །མེ་ཏོག་མར་མེ་དྲི་མཆོག་དང་། །ཞལ་ཟས་རོལ་མོའི་མཆོད་པ་རྣམས། །ཡུམ་ཆེན་འཁོར་དང་བཅས་ལ་འབུལ། །ཞེས་པ་ཕྱི་མཆོད་དོ། །སྟོང་གསུམ་རབ་འབྱམས་འཇིག་རྟེན་ན། །འདོད་ཡོན་ལྔ་པོ་ཅི་མཆིས་པ། །འདོད་ཡོན་ལྷ་མོར་དམིགས་བྱས་ནས། །ཡུམ་ཆེན་འཁོར་དང་བཅས་ལ་འབུལ། །གཟུགས་དང་སྒྲ་དང་དྲི་དང་རོ། །དེ་བཞིན་རེག་བྱ་ལྡན་པ་ཡི། །འདོད་པའི་ཡོན་ཏན་རྣམ་པ་ལྔ། །ཡུམ་ཆེན་འཁོར་དང་བཅས་ལ་འབུལ། །ནང་གི་མཆོད་པའོ། །རྒྱལ་སྲིད་རིན་ཆེན་སྣ་བདུན་ཡང་། །

[Full Size]

ནམ་མཁའ་གང་བར་བློས་སྤྲུལ་ཏེ། །བསོད་ནམས་ཚོགས་ཆེན་རྫོགས་པའི་ཕྱིར། །ཡུམ་ཆེན་འཁོར་དང་བཅས་ལ་འབུལ། །འཁོར་ལོ་ནོར་བུ་བཙུན་མོ་དང་། །བློན་པོ་གླང་པོ་རྟ་མཆོག་དང་། །དམག་དཔོན་རིན་ཆེན་སྣ་བདུན་རྣམས། །ཡུམ་ཆེན་འཁོར་དང་བཅས་ལ་འབུལ། །རང་གི་ཐུགས་ལས་སྤྲུལ་པ་ཡི། །སྒེག་སོགས་མཆོད་པའི་ལྷ་མོ་བརྒྱད། །གྲངས་མེད་སྤྲུལ་ནས་ལྷ་ཚོགས་རྣམས། །ཟག་མེད་བདེ་བས་མཉེས་པར་བྱས། །སྒེག་མོ་ཕྲེང་བ་གླུ་མ་གར། །སྤོས་དང་མེ་ཏོག་མར་མེ་དྲི། །ཕྱི་ནང་སྒེག་སོགས་བརྒྱད་པོ་རྣམས། །ཡུམ་ཆེན་འཁོར་དང་བཅས་ལ་འབུལ། །གསང་མཆོད་དོ། །ཕྱི་སྣོད་གླིང་བཞི་རི་རབ་བྱེ་བ་བརྒྱ། །ནང་བཅུད་ལྷ་མིའི་ལོངས་ཞི་སྤྱོད་ཟག་མེད་པ། །བདག་ལུས་ཁ་རྗེ་དབང་ཐང་དགེ་རྩར་བཅས། །མཎྜལ་གཅིག་ཏུ་བསྡུས་ནས་མཆོད་པར་འབུལ། །ས་གཞི་སྤོས་ཆུས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་དེར་སྤྱོད་པར་ཤོག །ཨོཾ་སརྦ་ཏ་ཐཱ་ག་ཏ་ཧཱུྃ་གུ་རུ་རཏྣ་མཎྜ་ལ་པཱུ་ཛ་།

[Full Size]

མེ་གྷ་ས་མུ་དྲ་སྤ་ར་ཎ་ས་མ་ཡེ་ཨཱཿཧཱུྃ། མཎྜལ་ལོ། །དེ་ལྟར་མཆོད་པ་ཕུལ་བས་སེམས་ཅན་ཀུན། །ཚོགས་རྫོགས་སྒྲིབ་སྦྱང་བྱང་ཆུབ་བདེ་བླག་འགྲུབ། །འཁོར་འདས་མཉམ་ཉིད་སྐྱེ་མེད་ཆོས་ཀྱི་སྐུ། །སྤྲོས་མེད་བདེ་བ་ཆེན་པོར་ལྷུན་གྱིས་གྲུབ། །ཕཊ་ཕཊ། ཅེས་སྟོང་ཉིད་ངང་ལ་ཡུད་ཙམ་བཞག་པ་དོན་དམ་པའི་མཆོད་པའོ། །བདྭག་གི་རམ་བུའི་ཚུལ་དུ་ནི། །སྣང་སྲིད་ལྷ་འདྲེ་ཐམས་ཅད་དང་། །འགྲོ་དྲུག་སེམས་ཅན་ཐམས་ཅད་ཀྱིས། །ཡུམ་ཆེན་འཁོར་བཅས་བསྟོད་པར་གྱུར། །གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་བདག་སྐྱབས་མཆི། །དང་པོར་མེ་ཏོག་ཕོག་པ་ཡི། །དཀྱིལ་འཁོར་ལྷ་ཚོགས་རྣམས་ལ་འདུད། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགག་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་བསྟོད། །བལྟ་བས་མི་ངོམས་འགྲོ་བའི་དཔལ་དུ་ཤར། །ཞལ་གཅིག་ཕྱག་བཞི་བཙོ་

[Full Size]

མ་གསེར་གྱི་མདོག །རིན་ཆེན་རྒྱན་སྤྲས་རྡོ་རྗེའི་སྐྱིལ་ཀྲུང་བཞུགས། །རྒྱལ་བའི་ཡུམ་གྱུར་ཁྱོད་ལ་ཕྱག་འཚལ་བསྟོད། །ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་བཞིན་དུ་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེགས་ལ་ཕྱག་འཚལ་བསྟོད། །ཞིང་ཁམས་ཐམས་ཅད་གསེར་གྱི་ས་གཞི་ལ། །རིན་ཆེན་མེ་ཏོག་མང་པོ་གཅལ་དུ་བཀྲམ། །མེ་ཏོག་པུཎྜ་རཱི་ཀ་ཆར་ལྟར་འབེབས། །ཡུམ་གྱུར་སྒྲོལ་མ་ཁྱོད་ལ་ཕྱག་འཚལ་བསྟོད། །མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པ་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་བསྟོད། །དག་པས་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་སྒྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་བསྟོད། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། དགེ་འདུན་རྣམས་ལ་ཕྱག་འཚལ་བསྟོད། །བྱ་སྤྱོད་རྣལ་འབྱོར་རྒྱུད་སྡེ་བཞི། །སྟོན་པ་ཉིད་

[Full Size]

ཀྱིས་གང་གསུངས་པ། །ཕྱི་དང་ནང་དང་གསང་བ་ཡི། །ཡི་དམ་རྣམས་ལ་ཕྱག་འཚལ་བསྟོད། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུང་ཐུགས། །འགྲོ་བ་སྐྱོབ་ལ་ཕྱག་འཚལ་བསྟོད། །སྟོན་པའི་བསྟན་པ་རིན་པོ་ཆེ། །སྟོན་པ་ཉིད་ཀྱི་ཞབས་དྲུང་དུ། །ཇི་བཞིན་སྐྱོང་བར་ཞལ་བཞེས་པའི། །ཆོས་སྐྱོང་རྣམས་ལ་ཕྱག་འཚལ་བསྟོད། །ཕྱག་བྱར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་རྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་བསྟོད། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། དགེ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཆེན་པོར་བསྔོ། །དེ་ནས་བསྙེན་པ་བྱ་བ་ནི། ཡུམ་ཆེན་ཐུགས་ཀར་པདྨ་ཟླ་བའི་སྟེང་། །ཨ་ཡིག་དཀར་པོའི་མཐའ་མར་ག་ཏེའི་སྔགས། །ཡིག་ངོ་ནང་བསྟན་གཡས་བསྐོར་བཀོད་པ་དེ། །གཡོན་དུ་འཁོར་བས་སྔགས་ཀྱི་རང་སྒྲ་གྲག །གྲག་སྟོང་སྒྲ་དེས་སྣོད་བཅུད་འཁོར་འདས་ཀུན། །སྣང་སྟོང་སྒྱུ་མ་ཆུ་ཟླ་ལྟ་བུར་གྱུར། །

[Full Size]

ཏདྱ་ཐཱ། ཨོཾ་གཱ་ཏེ་གཱ་ཏེ་པ་ར་ག་ཏེ་པཱ་ར་སཾ་ག་ཏེ་བྷོ་དྷི་ཡེ་སྭཱ་ཧཱ། །ཞེས་ཅུང་ཟད་བཟླ། མ་གཅིག་ཐུགས་ཀར་པདྨ་ཟླ་བའི་སྟེང་། །ཧཱུྃ་ཡིག་དཀར་པོའི་མཐའ་མར་གཡས་བསྐོར་དུ། །སྔགས་ཕྲེང་བཀོད་པ་གཡོན་དུ་དྲག་ཏུ་འཁོར། །དེ་ཡི་འོད་ཀྱིས་ལྷ་ཚོགས་ཐམས་ཅད་བསྐུལ། །དེ་ཡི་འོད་ཟེར་ཡུམ་ཆེན་ལ་ཕོག་པས། །ཡུམ་ཆེན་ཐུགས་ལས་འོད་ཟེར་ཕྱོགས་བཅུར་འཕྲོས། །འོག་མིན་གནས་དང་ཕྱོགས་བཅུའི་ཞིང་ཁམས་ནས། །ཡུམ་ཆེན་རྒྱལ་བ་སྲས་བཅས་ཐམས་ཅད་ཀྱི། །སྐུ་གསུང་ཐུགས་ཀྱི་བྱིན་རླབས་ནུས་པ་རྣམས། །འོད་ཟེར་ཚུལ་དུ་མ་གཅིག་ཐུགས་ཀར་བསྡུས། །བྱིན་རླབས་ངོ་བོ་བདུད་རྩིས་སྐུ་ལུས་གང་། །ཕཊ་ཕཊ་ཕཊ། དམིགས་པ་བྱིན་རླབས་བསྡུ་བ་འདི་ལ་གཱ་ཏེའི་སྔགས་མང་དུ་བཟླའོ། །དེ་ནས་སྡིག་སྒྲིབ་སྦྱོང་བའི་དམིགས་པ་ནི། ཕཊ། མ་གཅིག་ཞབས་གཡོན་མཐེ་བོང་རྩེ་མོ་ནས། །བདུད་རྩིའི་ཆུ་རྒྱུན་ཆུ་བོ་བཞིན་དུ་བབས། །རང་དང་བསྲུང་བྱའི་སྤྱི་བོ་ཚངས་བུག་ནས། །ཞུགས་པས་ལུས་གང་ཉམས་ཆག་སྡིག་སྒྲིབ་རྣམས། །འོག་སྒོ་རྐང་སེན་བ་སྤུའི་བུ་ག་ནས། །རྣག་ཁྲག་དུད་ཁུ་སོལ་ཁུ་བཞིན་དུ་ཐོན། །འོག་གཞི་དབང་

[Full Size]

ཆེན་གསེར་གྱི་ས་གཞིར་ཐིམ། །བདག་དང་འགྲོ་བའི་སྡིག་སྒྲིབ་ཐམས་ཅད་དག །ལུས་རྣམས་ཟག་མེད་ཡེ་ཤེས་བདུད་རྩིའི་གང་། །སྟོང་གསལ་དྲི་མེད་ཤེལ་སྒོང་ལྟ་བུར་གྱུར། །ཕཊ་ཕཊ། དེ་ནས་ལན་ཆགས་འཇལ་བའི་དམིགས་པ་ནི་ནད་པ་ལ་བྱ་སྟེ། བདག་གཞན་སྡིག་སྒྲིབ་བཀྲུས་པའི་ཁུ་བ་དེ། །ངོ་བོ་བདུད་རྩི་རྣམ་པ་འདོད་ཡོན་ཚོགས། །བཟའ་བཏུང་ལོངས་སྤྱོད་ཕུན་སུམ་ཚོགས་པར་གྱུར། །རང་གི་འོག་ཕྱོགས་ལུས་གདོན་ནད་བདག་གི །ཁ་རུ་སོང་བས་ལན་ཆགས་བུ་ལོན་བྱུང་། །གནོད་སེམས་ཞི་ནས་ཕན་སེམས་ལྡན་པར་གྱུར། ཕཊ་ཕཊ་ཕཊ། དེ་ནས་ནམ་མཁའ་སྒོ་འབྱེད་བྱ་བ་ནི། རང་ཉིད་རྟོགས་པ་མཐོའམ་གལ་ཆེ་ན། བདག་གཞན་དབྱེར་མེད་དུ་བསྲེ་བ་ཡིན་ཀྱང་། སོ་སོར་འཕོ་བ་འདི་རང་ལ་གྲིབ་ཆུང་བས། ཕཊ། །བདག་དང་བསྲུང་བྱ་རྣམས་ཀྱི་ལུས་སྟོང་གསལ་ཕྲུ་མ་ཕུས་བཏབ་པ་ལྟ་བུའི་དབུས་སུ། རྩ་དབུ་མ་ཕྱི་དཀར་ལ་ནང་དམར་བ། ངོ་བོ་སྟོང་ལ་རང་བཞིན་གསལ་བ་སྦ་ལྕག་འབྲིང་པོ་ཙམ། ཡར་སྣེ་ཚངས་བུག་ཏུ་ཟུག་པ་སྐར་ཁུང་ལྟ་བུ། མར་སྣེ་ལྟེ་འོག་ཏུ་ཟུག་པ་གསལ་བར་གྱུར། ཕཊ། རྐང་མཐིལ་གཡས་སུ་ཕ་ལས་ཐོབ་པའི་ཐིག་ལེ་དཀར་པོ་སྲན་མ་

[Full Size]

ཙམ། གཡོན་དུ་མ་ལས་ཐོབ་པའི་རཀྟ་དམར་པོ་སྲན་མ་ཙམ། ཕཊ། དེ་གཉིས་ཡར་འཕར་གསང་གནས་སུ་སླེབས་པས་བྱ་མ་སར་གྱི་སྒོ་ང་ཙམ། ཕཊ། །ཡར་འཕར་ནས་ལྟེ་བར་སླེབ། ཕཊ། སྙིང་གར་སླེབས་པས་བདག་དང་བསྲུང་བྱའི་ཚེ་དང་བསོད་ནམས་བཀྲག་དང་གཟི་མདངས། རླུང་སེམས་ཐམས་ཅད་འདུས་པའི་ངོ་བོ་ཐིག་ལེ་ཁ་དོག་ལྔ་ལྡན་འོད་ཟེར་དང་དང་བཅས་པ་འཕར་འདར་ལིང་ངེ་བ་ཅིག་ཏུ་གྱུར། ཕཊ། མགྲིན་པར་ཕཊ། སྤྱི་བོ་ནས་རྒྱང་གིས་ཐོན་ནས་མ་གཅིག་གི་ཐུགས་ཀར་ཐིམ་པས་ཐུགས་ཆོས་ཉིད་ཀྱི་ནམ་མཁའ་དང་དབྱེར་མེད་ཁྱབ་བརྡལ་ཆེན་པོར་གྱུར། ཕཊ། དེ་ནི་དབྱིངས་རིག་བསྲེ་བའོ། །དེ་ནས་ལུས་མཎྜལ་དུ་འབུལ་བ་ནི། ཕཊ། མ་གཅིག་ཐུགས་ལས་རང་སེམས་རིག་པ་དེ། །ཤྲིཡིག་དམར་པོ་ཕྱིར་འཕྲོས་པས། །ཕག་མོ་དམར་མོ་གྲི་ཐོད་འཛིན། །དེ་ཡིས་བེམ་པོ་བཤས་གྱུར་པས། །པགས་པ་གསེར་གྱི་ས་གཞིའི་དབུས། །རང་ལུས་རི་མཆོག་ཉི་ཟླས་བརྒྱན། །སྡེབས་བཞི་གླིང་བཞི་གླིང་ཕྲན་བརྒྱད། །སོར་མཛུབ་ལྕགས་རི་ཁོར་ཡུག་བསྐོར། །ལུས་མཎྜལ་ཡོངས་སུ་རྫོགས་པ་འདི། །

[Full Size]

བླ་མ་ཡི་དམ་དཀོན་མཆོག་དང་། །སངས་རྒྱས་བྱང་ཆུབ་སེམས་དཔའ་དང་། །མཁའ་འགྲོ་ཆོས་སྐྱོང་རྣམས་ལ་འབུལ། །གུ་རུ་དྷེ་ཝ་ཌཱཀི་ནཱི་རཏྣ་མཎྜ་ལ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཧཱུྃ། མཆོད་སྦྱིན་སྐབས་སུ་ཕཊ་འབྲོང་གི་རྔ་མ་ལྟ་བུ་འཇམ་ཞིང་སྙན་པར་བརྗོད། འདི་དག་གི་སྐབས་ཐམས་ཅད་དུ་རྣམ་ཤེས་སྤར་བ་སྐད་ཅིག་དྲན་རྫོགས་རེ་འགྲུབ་ཀྱང་ལེགས། ཡང་ན་སྔ་མའི་ལུས་དེའི་ལྷག་མ་གང་འདོད་སོ་སོར་བསྒྱུར་ཅིང་མཆོད་ཀྱང་རུང་ངོ་།། ཕཊ། རང་གི་རྣམ་པར་ཤེས་པ་མཁའ་འགྲོ་མ་དམར་མོ་གྲི་གུག་ཐོད་ཁྲག་བསྣམས་པ། དེས་རང་གཞན་དབྱེར་མེད་ཀྱི་བེམ་པོ་དེའི་སྨིན་མཚམས་ཡན་ཆད་རྦད་དེ་བཅད་པ། ཡེ་ཤེས་ཀྱི་ཀ་པཱ་ལ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བ་དཔྲལ་བ་རང་ལ་བསྟན་པ། དེའི་ནང་དུ་ཤ་ཁྲག་རུས་གསུམ་གྲི་གུག་གིས་གཏུབ་ཅིང་སྤུངས་པ་དེ་ཐོད་སྐྱེད་གསུམ་གྱི་སྟེང་དུ་གནས་པ་ལ། རླུང་གཡོས་ཡེ་ཤེས་ཀྱི་མེ་སྦྱར་བས་ཞུ་ཞིང་ཁོལ་ནས། ཟག་མེད་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། །ཨོཾ་ཨཱཿཧཱུྃ་ཧ་ཧོ་ཧཱུྃསྭཱ་ཧཱ། རང་གི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་གྲངས་མེད་པ་འཕྲོས་པས་ཐོད་པའི་བདུད་རྩི་བཅུས་ཤིང་ལྷ་སོ་སོ་ལ་མཆོད་པར་གྱུར། ཕཊ་

[Full Size]

ཕཊ། གདོས་བཅས་ལུས་ཀྱིས་སྟོང་གསུམ་གང་། །ཡི་གེ་གསུམ་གྱིས་བྱིན་གྱིས་བརླབས། །ཟག་མེད་བདུད་རྩིར་འོད་དུ་ཞུ། །ཕུད་རླངས་མཆོད་པའི་སྤྲིན་ཕུང་འཁྲིགས། །ཕྱོགས་བཅུའི་རྒྱལ་བ་སྲས་དང་བཅས། །བླ་མ་ཡི་དམ་མཁའ་འགྲོ་དང་། །དཔའ་བོ་དཔའ་མོའི་ཚོགས་རྣམས་ཀུན། །མ་ལུས་པ་རྣམས་ཚིམས་གྱུར་ཅིག །ཕཊ་ཕཊ། ཐོད་པ་བདུད་རྩིས་གང་བ་འཕྲོས། །ཆོས་སྐྱོང་མ་མགོན་ལྕམ་དྲལ་དང་། །བྲན་གཡོག་བཀའ་སྡོད་འཁོར་བཅས་ཀྱི། །ཐུགས་དམ་མ་ལུས་བསྐངས་གྱུར་ཅིག ཕཊ་ཕཊ། སྐད་ཅིག་ལ་ཕུང་པོའི་ལྷག་རོལ་གང་ལ་ཅི་འདོད་དེ་དང་དེར་བསྒྱུར་ལ། ཕཊ། ཤ་ཁྲག་རུས་པ་འདོད་ཡོན་ཕུན་སུམ་ཚོགས། །བ་སྤུ་རྩི་ཤིང་ནགས་ཚལ་རྒྱས། །དོན་སྣོད་ལྔ་ཡི་འཇའ་ཚོན་འཁྲིགས། །དབུགས་རླུང་ན་བུན་ཆུ་འཛིན་འཁྲིགས། །ཡུལ་མཁར་བེའུ་ལུག་གླང་པོ་རྟ། །དར་ཟབ་འབྲུ་སྣ་རིན་ཆེན་གཏེར། །ལུས་དང་སྲོག་དང་ལོངས་སྤྱོད་དང་། །ཁ་རྗེ་དབང་ཐང་བཀྲག་མདངས་དང་། །མ་ལུས་ལྷུན་གྲུབ་དཔལ་འབྱོར་འདི། །ཚེ་རབས་འཁོར་བ་ཐོག་མེད་ཀྱི། །ལན་ཚོགས་བདག་པོ་བདག་མོ་

[Full Size]

དང་། །བགེགས་རིགས་སྟོང་ཕྲག་བརྒྱད་ཅུ་དང་། །བྱིས་པའི་གདོན་ཆེན་བཅོ་ལྔ་དང་། །ལན་ཆགས་འཁོར་བའི་མགྲོན་ལ་སྦྱིན། །བུ་ལོན་ལན་ཆགས་བྱང་གྱུར་ཅིག །འཁོན་འབྲེལ་ཐག་ཆོད་གྱུར་ཅིག །རྟག་ཏུ་བདེ་སྐྱིད་ལྡན་པ་དང་། །མཐར་ཐུག་སངས་རྒྱས་ཐོབ་པར་ཤོག །ཕཊ་ཕཊ། བདག་ལུས་ནོར་བུའི་གཏེར་ཁ་ཕྱེས། །དགོས་འདོད་ལྷུན་གྲུབ་བསམ་མི་ཁྱབ། །སྡུག་བསྔལ་ཐམས་ཅད་སེལ་བའི་སྨན། །བདེ་ཆེན་ལྷུན་གྲུབ་རྒྱས་པའི་དཔལ། །ཟག་མེད་རོ་བཅུད་ལྡན་པའི་མཆོག །སྟོང་གསུམ་གང་བའི་བདུད་རྩི་འདི། །མཆོད་སྦྱིན་འདོད་པའི་ལྷ་མོ་ཡིས། །དཔག་མེད་ཐོད་པ་བདུད་རྩི་སྤྲོས། །རིགས་དྲུག་སེམས་ཅན་ཚིམ་གྱུར་ཅིག །རང་རང་སྡུག་བསྔལ་ཞི་ནས་ཀྱང་། །རྟག་ཏུ་བདེ་སྐྱིད་ལྡན་པ་དང་། །མཐར་ཐུག་སངས་རྒྱས་ཐོབ་པར་ཤོག །ཕཊ་ཕཊ། བདག་ལུས་གདོས་བཅས་ཕུང་པོ་འདི། །དཀར་གསུམ་མངར་གསུམ་སྨན་གྱི་མཆོག །དར་ཟབ་དང་ནི་རིན་པོ་ཆེ། །འབྲུ་སྣ་དང་ནི་འདོད་ཡོན་ཚོགས། །བ་གླང་རྟ་དང་གླང་པོ་དང་། །དཀོར་ནོར་སྣ་ཚོགས་བང་མཛོད་དང་། །མེ་ཏོག་རྩི་སྨན་

[Full Size]

ནགས་ཚལ་དང་། །གཞི་བདག་འདོད་པའི་ལོངས་སྤྱོད་རྣམས། །བདག་ལ་མེད་པ་གཅིག་ཀྱང་མེད། །ཅི་འདོད་ཅི་མཁོ་བདག་གིས་སྦྱིན། །གཞི་བདག་རྣམས་ལ་མཆོད་པ་འབུལ། །ལྷག་མ་མེད་པར་བཞེས་ནས་ཀྱང་། །དགའ་མགུ་ཡི་རང་ལྡན་གྱུར་ཅིག །གདུག་རྩུབ་བསམ་ངན་ཞི་ནས་ཀྱང་། །བྱང་ཆུབ་སེམས་དང་ལྡན་གྱུར་ཅིག །མཐར་ཐུག་སངས་རྒྱས་ཐོབ་པར་ཤོག །ཕཊ་ཕཊ། བདག་ལུས་གདོས་བཅས་ཕུང་པོ་འདི། །ཤ་ཁྲག་རྫིང་བུ་ལྟེང་ཀ་དང་། །ནེའུ་སེང་དང་ནི་དཔག་བསམ་ཤིང་། །སྐྱེད་མོའི་ཚལ་དང་ཁང་བཟང་རི། །ཡིད་བཞིན་ནོར་བུ་དྲི་བཟང་སྨན། །འདོད་ཡོན་གཟུགས་སྒྲ་དྲི་རོ་རེག །ཀླུ་ལ་མཁོ་བའི་ཡོ་བྱད་རྣམས། །བདག་ལ་མེད་པ་གཅིག་ཀྱང་མེད། །ཅི་འདོད་ཅི་མཁོ་བདག་གིས་སྦྱིན། །ཀླུ་རིགས་རྣམས་ལ་མཆོད་པ་འབུལ། །ལྷག་མ་མེད་པར་བཞེས་ནས་ཀྱང་། །དགའ་མགུ་ཡི་རང་ལྡན་གྱུར་ཅིག ། རབསམ་ངན་གདུག་རྩུབ་ཞི་ནས་ཀྱང་། །བྱང་ཆུབ་སེམས་དང་ལྡན་གྱུར་ཅིག །མཐར་ཐུག་སངས་རྒྱས་ཐོབ་པར་ཤོག །ཕཊ་ཕཊ། དེ་ནས་དམར་འགྱེད་ནི། བདུད་རྩི་ལྷག་

[Full Size]

མ་ཅུང་ཟད་ལུས་པ་ལ། མདུན་བསྐྱེད་ཀྱི་ཐུགས་ཀ་ནས།། འོད་ཟེར་ཞིག་ཕོག་མ་ཐག་ཏུ་ཕཊ། སྒྱུ་ལུས་ཤ་ཡི་རི་བོ། ཁྲག་གི་རྒྱ་མཚོ། ཀེང་རུས་རུས་པའི་གྲམ་ཁྲོད་སྟོང་གསུམ་རབ་འབྱམས་འཇིག་རྟེན་གྱི་ཁམས་གང་བ་འདི། སྣང་སྲིད་ཀྱི་ལྷ་འདྲེ་བཀའ་ལྷ་མ་སྲིན་སྡེ་བརྒྱད། དཀར་པོ་ལྷ་ཡི་སྡེ་ཚོགས། ནག་པོ་བདུད་ཀྱི་སྡེ་ཚོགས། དམར་པོ་བཙན་གྱི་སྡེ་ཚོགས། ཁྲ་བོ་གཟའི་སྡེ་ཚོགས། སྔོན་པོ་ཀླུའི་སྡེ་ཚོགས། སེར་པོ་གཉན་གྱི་སྡེ་ཚོགས། སྨུག་པོ་དམུ་ཡི་སྡེ་ཚོགས། ལྗང་གུ་ས་བདག་གི་སྡེ་ཚོགས། རཀཱ་སྲིན་པོའི་སྡེ་ཚོགས། ལ་གསུམ་ལ་འགྲིམས་པའི་བཙན། ལུང་གསུམ་ལ་འགྲིམས་པའི་བདུད། གྲོང་གསུམ་ལ་འགྲིམས་པའི་འདྲེ་མོ། གཙང་ཐིལ་འབང་ཐིལ། མགར་གི་ཐིལ། ཀླུ་ཐིལ། བེ་དཀར། བེར་ནག་ལ་སོགས་པའི་གདུག་པ་ཅན་རྣམས་དང་། གཞན་ཡང་སྟེང་གདོན་གཟའ་དང་དྲང་སྲོང་། འོག་གདོན་ཀླུ་དང་ས་བདག །བར་གདོན་གཉན་དང་ཐེའུ་རང་། བྱད་མ་ལྷ་སྲུང་དང་་བཅས་པ། ཟ་འདྲེ་ཤི་གཤེད་དང་བཅས་པ། ཐམས་ཅད་སྐད་ཅིག་རང་དབང་མེད་པར་འདིར་འདུས་ཤིག །ཧཱུྃ་ཧཱུྃ་ཧཱུྃ།

[Full Size]

འདིར་ཤོག །འདིར་འདུས། ཤ་ཟོ། ཁྲག་འཐུང་། ཤ་ལ་དགའ་བས་ཤ་ཟོ། ཁྲག་ལ་དགའ་བས་ཁྲག་འཐུང་། རུས་པ་ལ་དགའ་བས་རུས་པ་མུར། །པགས་པ་ལ་དགའ་བས་པགས་པ་གྱོན། ཕཊ་ཕཊ་ཕཊ། ཧཱུྃ། མཐོ་སྲིད་པའི་རྩེ་མོ་མན་ཆད་ནས། །དམའ་ན་རག་དམྱལ་ཁམས་ཡན་ཆད་ཀྱི། །སྣང་ཞིང་སྲིད་པའི་ལྷ་འདྲེ་དང་། །བདག་ཅག་ཡོན་མཆོད་མི་ནོར་ལ། །གནོད་ཅིང་འཚེ་བའི་བགེགས་རིགས་དང་། །ཆོ་འཕྲུལ་སྟོན་པའི་འདྲེ་གདོན་རྣམས། །ནམ་མཁའི་སྤྲིན་ཚོགས་བཞིན་དུ་འདུས་ལ་ཤོག །བར་སྣང་ཆར་པ་བཞིན་དུ་ཕོབ་ལ་ཤོག །ས་གཞི་རླུང་དམར་བཞིན་དུ་འཚུབ་ལ་ཤོག །བཟའ་བའི་ཤ་ཡང་འདི་ན་ཆེ། །བཏུང་བའི་ཁྲག་ཀྱང་འདི་ན་མང་། །གྱོན་པའི་པགས་པ་འདི་ན་དྲོ། །མུར་བའི་ལྷ་བ་འདི་ན་ཞིམ། །ཁྱེད་ལྷ་འདྲེ་རྣམས་ལ་འདོད་ཡོན་ཚོགས། །ཐོགས་པ་མེད་པར་འབྱུང་གྱུར་ཅིག །ཕཊ་ཕཊ། ཁྱོད་འདིར་འཚོགས་རྣམས་ལ་ལུས་འདི་འབུལ། །ཕྱི་ཤ་གཟུགས་དྲུག་གི་མཆོད་པ་འབུལ། །བཀའ་ཕ་རོལ་ཕྱིན་དྲུག་ཐོབ་པར་ཤོག །ནང་ཆ་བུ་དགུའི་མཆོད་པ་འབུལ། །

[Full Size]

ཐེག་པ་རིམ་དགུ་ཐོབ་པར་ཤོག །དོན་སྙིང་རྣམ་ལྔའི་མཆོད་པ་ཕུལ། །སྐུ་ལྔ་ཡེ་ཤེས་ཐོབ་པར་ཤོག །ཁྱེད་སྣང་ཞིང་སྲིད་པའི་ལྷ་འདྲེ་རྣམས། །རིངས་བ་རྣམས་ཀྱིས་རློན་པ་ཟོ། །མི་རིངས་བ་རྣམས་ཀྱིས་ཚོས་ལ་ཟོ། །ཤ་ཟན་ལྕབ་སྒྲ་དི་རི་རི། །ཁྲག་འཐུང་ཧུབ་སྒྲ་ཧོ་རོ་རོ། །རུས་མུར་སོ་སྒྲ་ཁྲ་ལ་ལ། །རྐང་དུང་ལྷ་བ་ལྗིབས་སེ་ལྗིབ། །དགྱེས་པའི་གད་མོ་ཤ་ར་ར། །མགུ་བའི་གླུ་ལེན་ཀྱུ་རུ་རུ། །དྲག་པོའི་རྐན་སྒྲ་ཐགས་སེ་ཐག །ཁོག་སྟོད་པ་བདུད་རྒྱལ་པོས་ཟོ། །ཁོག་སྨད་མ་བདུད་སྲིན་མོས་ཟོ། །སྐེད་པ་སྣང་སྲིད་ལྷ་འདྲེས་ཟོ། །ཕྱི་ཤ་གཟུགས་དྲུག་ཕྱི་ཡི་ལྷ་འདྲེས་ཟོ། །ནང་ཆ་བུ་དགུ་ནང་གི་ལྷ་འདྲེས་ཟོ། །བར་ཤ་གསུམ་པོ་བར་གྱི་ལྷ་འདྲེས་ཟོ། །ནང་རོལ་དམན་མོ་ཆུང་སྲིས་ཟོ། །མཆིན་པ་སྲིད་པའི་འདྲེ་དགུས་ཟོ། །མཁལ་མ་གཙུག་ལག་གདོན་བཅུས་ཟོ། །མཚེར་པ་ཡུལ་འདྲེ་འཁྱམས་པོས་ཟོ། །གློ་བ་བན་ཆེན་བརྒྱ་དང་བོན་ཆུང་སྟོང་། ཤན་པ་མི་རིང་འབུམ་གྱིས་ཟོ། །གློ་ཚིལ་བྱད་མ་རྦོད་གཏོང་ཟོ། །པགས་པ་ཀླུ་དང་ས་བདག་ཟོ། །ཀླུ་དང་ས་བདག་ཚིམས་གྱུར་ཅིག །བྱ་རྒོད་ཐེད་ལ་རོལ་པ་བཞིན། །

[Full Size]

མཆིན་པ་སྲིད་པའི་གཟུགས་དྲུག་ཕྱི་ཡི་ལྷ་འདེདྲུག་པོའི་རྐན་སྒྲ་ཐགས་བསྐྱབ་སྒྲ་ཧོ་རོ་རོ། །ཕུད་ལྷག་མ་མེད་པར་འདི་བཞེས་ཤིག །བྱིས་ནག་སག་ཆུ་ལ་རུབ་པ་བཞིན། །ཕུད་ལྷག་མ་མེད་པར་འདི་བཞེས་ཤིག །ཤ་རུལ་སྦྲང་མ་འཚུབ་པ་བཞིན། །ཕུད་ལྷག་མ་མེད་པར་འདི་བཞེས་ཤིག །སེང་གེ་ཤ་ལ་རོལ་པ་བཞིན། །ཕུད་ལྷག་མ་མེད་པར་འདི་བཞེས་ཤིག །དམག་ཆེན་གནང་ཆེན་ཆོད་པ་བཞིན། །ཕུད་ལྷག་མ་མེད་པར་འདི་བཞེས་ཤིག །ཁྱོད་ལྷ་འདོད་ལྷས་ཀྱང་ཁྱེར་ལ་སོང་། །འདྲེ་འདོད་འདྲེས་ཀྱང་ཁྱེར་ལ་སོང་། །ཆེ་ཆུང་མེད་པར་མཉམ་པར་གྱིས། །དྲག་ཞན་མེད་པར་ཚིམས་གྱུར་ཅིག །ཕཊ་ཕཊ། ཀྱེ། མ་འདིར་ཚོགས་སྣང་སྲིད་ལྷ་མ་སྲིན། །སྐྱེ་འགྲོའི་ཚེ་སྲོག་ཉུལ་མི་ཚོ། །སྒྱུ་མ་གཟུགས་ཀྱི་ཕུང་པོ་འདི། །མི་རྟག་འཇིག་པའི་ཆོས་ཅན་ཡིན། །ངས་ཅིས་ཀྱང་མི་བཞག་འདོར་བ་ལ། །འདྲེ་ཁྱེད་རྣམས་དགོས་ན་སུ་དགོས་ཁྱེར། །སྤྱིར་འགྲོ་བ་ཡོངས་ཀྱི་གླུད་དུ་བསྔོ། །སྒོས་དྲིན་ཆེན་ཕ་མའི་གླུད་དུ་བསྔོ། །ཡང་སྒོས་བླ་མ་སློབ་དཔོན་གྱི་གླུད་དུ་བསྔོ། །གྲྭ་རོག་གྲོགས་མཆེད་ཀྱི་གླུད་དུ་བསྔོ། །འཁོར་བུ་རིགས་རྣམས་ཀྱི་གླུད་དུ་བསྟི། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཁྱོད་དགའ་

[Full Size]

མགུ་ཡི་རང་ཚིམས་གྱུར་ཅིག །སྔོན་ཆད་འཁོར་བ་ཐོག་མེད་ཀྱི། །བུ་ལོན་ལན་ཆགས་བྱང་གྱུར་ཅིག །ཤ་འཁོན་སྒྲིབ་པ་དག་གྱུར་ཅིག །མནག་སེམས་གནོད་སེམས་ཞི་གྱུར་ཅིག །སྡང་སེམས་འཁྲུག་སེམས་ཞི་གྱུར་ཅིག །བྱང་ཆུབ་སེམས་དང་ལྡན་གྱུར་ཅིག །བྱང་ཆུབ་སེམས་དང་ལྡན་ནས་ཀྱང་། །བླ་མེད་བྱང་ཆུབ་ཐོབ་པར་ཤོག །ཕཊ་ཕཊ། དེ་ནས་གསོལ་འདེབས་དམིགས་པ་ནི། ཕཊ། གཅོད་ཡུལ་བླ་མ་དཀྱིལ་འཁོར་ལྷ་ཚོགས་ལ། །བདག་དང་བསྲུང་བྱ་ལྷ་འདྲེ་བཅས་པ་རྣམས། །ཁ་ཙམ་མིན་པར་དད་གུས་རྩེ་གཅིག་གིས། །མགྲིན་གཅིག་དབྱངས་གཅིག་གསོལ་བ་འདེབས་པར་གྱུར། །ན་མོ་གུ་རུ། །གནས་འོག་མིན་ཆོས་དབྱིངས་ཕོ་བྲང་ན། །ཡུམ་ཆེན་ཤེས་རབ་ཕར་ཕྱིན་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །ཕཊ། རྒྱས་པར་ཚིག་མཚམས་རེ་ན་འགྲེས་བྱང་ཡིན་ཀྱང་། བསྡུ་ན་ནི། གནས་བྱ་རྒོད་ཕུང་པོའི་རི་བོ་ན། །ཡང་དག་རྫོགས་པའི་སངས་རྒྱས་ལ་གསོལ་བ་

[Full Size]

འདེབས། །གནས་སེང་ཆེན་བསྣོལ་བའི་ཁྲི་སྟེང་ན། །འཇམ་དཔལ་སྨྲ་བའི་སེང་གེ་ལ་གསོལ་བ་འདེབས། །དཔལ་གཡུ་ལོ་བཀོད་པའི་ཞིང་ཁམས་ན། །མཚན་ལྡན་རྗེ་བཙུན་སྒྲོལ་མ་ལ་གསོལ་བ་འདེབས། །གནས་མཁའ་སྤྱོད་མཁའ་འགྲོའི་བཞུགས་གནས་ན། །མཁའ་འགྲོ་སུ་ཁ་སིདྡྷི་ལ་གསོལ་བ་འདེབས། །གནས་རྒྱ་གར་འཇག་མའི་སྤྱིལ་པོ་ནས། །མཁས་པ་ཨཱརྱ་དེ་ཝ་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །ཕཊ། དེ་ནས་ཡིད་ཀྱིས་ལུས་སྦྱིན་དམིགས་པ་མི་གཅིག་པ་མང་པོ་བྱེད་ཅིང་། ངག་གིས་གསོལ་འདེབས་རྣམས་དབྱངས་དང་བཅས་པས་གྱེར་བ་སྔར་ནས་ཕྱག་ལེན་གྱི་རྒྱུན་ལ་ཡོད་པའི་ཕྱིར། འདི་དག་གི་སྐབས་སུ་ཡང་སྐད་ཅིག་ལ་རྣམ་ཤེས་སྤར་ཐེངས་རེ་བྱས་ན་ལེགས། མ་ཐུབ་ན་ཡང་སྔར་སྤར་ནས་ལུས་དེའི་ལྷག་མ་ལ་དེ་ལྟར་སོ་སོར་བསྒོམ་ཡང་རུང་ངོ་། །ཕཊ། ལྷ་ཚོགས་རྣམས་ཀྱི་ཐུགས་ལས་བདུད་རྩི་བབས། །ལུས་རྣམས་གྲོད་པ་འོ་མས་གང་བ་བཞིན། །སྒྱུ་ལུས་འགྱེལ་བས་སྟོང་གསུམ་བདུད་རྩིས་གང་། །

[Full Size]

དཀར་སྣུམ་ལྕི་འབོལ་ཞིམ་མངར་རོ་བརྒྱ་ལྡན། །ཐུགས་ཀའི་འོད་ཟེར་ཕོག་པས་མི་གཙང་སྦྱངས། །རྣམ་པར་དག་པའི་ཕུད་རླངས་མཆོད་སྤྲིན་འཕྲོ། །ཟག་མེད་ཤ་ལྔ་བདུད་རྩི་ལྔའི་རང་བཞིན། །ལྷ་ཚོགས་ལྗགས་ལས་རང་རང་ཕྱག་མཚན་གྱིས། །དབྱིབས་ཅན་འོད་ཟེར་སྦུ་གུས་གསོལ་བས་མཉེས། །ཕཊ་ཕཊ། གནས་ལ་སྟོད་དིང་རིའི་གླང་འཁོར་ན། །སྤྲུལ་སྐུ་དམ་པ་སངས་རྒྱས་ལ་གསོལ་བ་འདེབས། །གནས་རྒྱ་བོད་གཉིས་ཀྱི་ས་མཚམས་ན། །སྐྱོ་སྟོན་བསོད་ནམས་བླ་མ་ལ་གསོལ་བ་འདེབས། །གནས་ཟངས་རི་མཁར་དམར་གྱི་དགོན་པ་ན། །མ་གཅིག་ལབ་ཀྱི་སྒྲོན་མ་ལ་གསོལ་བ་འདེབས། །གནས་ཤམ་པོ་གངས་ཀྱི་ར་བ་ན། །རྗེ་བཙུན་ཟིལ་གནོན་ཆེན་པོ་ལ་གསོལ་བ་འདེབས། །གནས་བཀྲ་ཤིས་གླང་ལུང་གི་དགོན་པ་ན། །སྲས་མཆོག་རྒྱལ་བ་དོན་གྲུབ་ལ་གསོལ་བ་འདེབས། །གནས་སྙི་མོ་ཁུ་ཡི་ར་བ་ན། །ཁུ་སྒོམ་ཆོས་ཀྱི་སེང་གེ་ལ་གསོལ་བ་འདེབས། །གནས་གར་བཞུགས་ཆོས་ཀྱི་ཕོ་བྲང་ན། །བཀའ་བབ་བུ་ཆེན་བཅུ་དྲུག་ལ་གསོལ་བ་འདེབས། །གནས་རྒྱལ་ཁམས་ཕྱོགས་མེད་ཀྱི་དགོན་པ་

[Full Size]

ན། །བརྒྱུད་འཛིན་བརྒྱ་དང་རྩ་བརྒྱད་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །ཕཊ་ཕཊ།། མ་གཅིག་ཐུགས་ལས་ཕག་མོ་དམར་མོ་འཕྲོས། །དེ་ལས་ལས་བྱེད་མཁའ་འགྲོ་གྲངས་མེད་འཕྲོས། །བེམ་པོའི་པགས་པ་རལ་བ་བྷནྡྷའི་སྣོད། །སྟོང་གསུམ་ཙམ་གྱི་ནང་དུ་ཤ་ཁྲག་རྣམས། །ཉིལ་གྱིས་ཞིག་པའི་སྟེང་དུ་ཨོཾ་ཨཱཿཧཱུྃ། །གྲི་གུག་ལན་གསུམ་དཀྲུགས་པས་ཡིག་གསུམ་ཞུ། །ཟག་མེད་ཤ་ལྔ་བདུད་རྩི་ལྔའི་རང་བཞིན། །རླངས་པ་མཆོད་པའི་སྤྲིན་ཕུང་ནམ་མཁར་ཁྱབ། །ལས་བྱེད་མཁའ་འགྲོས་ཐོད་པའི་ཞལ་བུས་བཙུས། །ལྷ་ཚོགས་རྣམས་ལ་སོ་སོར་ཕྱག་ཏུ་ཕུལ། །ཕཊ་ཕཊ། གནས་རྡོ་རྗེ་གུར་ཁང་གི་གཞལ་ཡས་ན། །ལ་འདུལ་རྡོ་རྗེ་སྒྲོན་མ་ལ་གསོལ་བ་འདེབས། །གནས་རི་གོང་དཔལ་གྱི་ཡང་དགོན་ན། །པཎ་ཆེན་དོན་ཡོད་རྡོ་རྗེ་ལ་གསོལ་བ་འདེབས། །གནས་སྟོད་ལུང་མཚུར་ཕུའི་དགོན་པ་ན། །གྲུབ་ཆེན་ཀརྨ་པཀྵི་ལ་གསོལ་བ་

[Full Size]

འདེབས། །གནས་བདུད་བཞི་ཟིལ་གནོན་གྱི་ཕོ་བྲང་ན། །རྗེ་རང་བྱུང་རྡོ་རྗེ་གསོལ་བ་འདེབས། །ཆོས་ཕྱག་རྒྱ་ཆེན་པོའི་ཕོ་བྲང་ན། །རྗེ་ཀུན་དགའ་རྣམ་རྒྱལ་ལ་གསོལ་བ་འདེབས། །གནས་ཕྱོགས་མེད་ཕྲིན་ལས་ཀྱི་ཕོ་བྲང་ན། །རྗེ་བཙུན་ཀརྨ་ཆགས་མེད་ལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བར་མཛོད། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །ཕཊ་ཕཊ་ཕཊ། རང་རིག་ཌཱཀྐི་དམར་མོ་གྲི་ཐོད་འཛིན་། །སྤྱན་གསུམ་གྱེན་གཟིགས་རང་འདྲ་གྲངས་མེད་འཕྲོས། །རང་བྱུང་ཐོད་སྐྱེད་གསུམ་སྟེང་བྷན་འཕར། །དེ་ནང་ལུས་འཕར་ཤ་ཁྲག་ཉིལ་གྱིས་ཞིག །གྲི་གུག་གིས་དཀྲུགས་ཤ་ལྔ་བདུད་རྩི་ལྔ། །དེ་སྟེང་ཡི་གེ་ཨོཾ་ཨཱཿཧཱུྃ་གསུམ་གནས། །སླར་ཡང་དཀྲུགས་པས་ཡི་གེ་གསུམ་ཡང་ཞུ། །ཡེ་ཤེས་བདུད་རྩི་རླངས་པ་མཆོད་སྤྲིན་འཕྲོ། །དྭངས་མ་བདུད་རྩི་སྙིགས་མ་ཤ་ལྔའི་ཚོགས། །རོ་བཅུད་ནུས་པ་ཕུན་སུམ་ཚོགས་པ་ནས། །མཁའ་འགྲོ་རྣམས་ཀྱིས་ཕྱག་གཡས་ཐོད་པ་ཡིས། །བཅུས་ཤིང་དཀྱིལ་འཁོར་ལྷ་ཚོགས་

[Full Size]

རྣམས་མཆོད་དེ། །ཡུམ་ཆེན་ལན་གསུམ་ཐུབ་པ་འཁོར་བཅས་རྣམས། །དམ་པ་མ་གཅིག་ཕག་མོ་གཙོ་འཁོར་རྣམས། །ལན་གསུམ་མཆོད་རྗེས་ཆོས་སྐྱོང་ལ་སོགས་པ། །མགྲོན་རིགས་མ་ལུས་ཐམས་ཅད་མཆོད་པས་མཉེས། །ཕཊ་ཕཊ། གནས་གཉན་ས་རི་ཁྲོད་ཀྱི་དགོན་པ་ན། །གྲུབ་ཐོབ་གཅོད་ཡུལ་བརྒྱུད་པ་ལ་གསོལ་བ་འདེབས། །གནས་སྤྱི་གཙུག་ཉི་ཟླའི་གདན་སྟེང་ན། །དྲིན་ཆེན་རྩ་བའི་བླ་མ་ལ་གསོལ་བ་འདེབས། །གནས་དངོས་གྲུབ་ཀུན་འབྱུང་གི་ཕོ་བྲང་ན། །ཡི་དམ་རྒྱལ་བའི་ལྷ་ཚོགས་ལ་གསོལ་བ་འདེབས། །གནས་བསིལ་བ་ཚལ་གྱི་དུར་ཁྲོད་ན། །ཆོས་སྐྱོང་མ་མགོན་ལྕམ་དྲལ་གསོལ་བ་འདེབས། །བདག་གསོལ་འདེབས་ཀྱི་བུ་ལ་བྱིན་གྱིས་རློབས། །རྐྱེན་ཕྱི་ནང་གི་བར་ཆད་ཞི་བ་དང་། །མཆོག་ཐུན་མོང་གཉིས་ཀྱི་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །ཕཊ་ཕཊ་ཕཊ། རིག་པ་ཕྲལ་བའི་ལྕུ་བེམ་པོ་ཆེ་ཞིང་ཚོ། །བཀྲག་མདངས་རོ་བཅུད་ལྡན་པ་ཧྲིལ་གྱིས་འགྱེལ། །འཇིག་རྟེན་ཁྱབ་པ་མགྲོན་རིགས་ཐམས་ཅད་ཀྱིས། །བདུད་རྩིའི་རྣམ་པ་གང་འདོད་ལོངས་སྤྱོད་

[Full Size]

གྱུར། །འདི་བཅོམ་ལྡན་འདས་ཀྱི་ཉ་དེས་པའི་སྐྱེས་རབས་ཀྱི་དོན་བསྡུས་མན་ངག་གོ །ཕཊ། ཐུབ་དབང་བྱམས་པ་ཐོགས་མེད་དབྱིག་གི་གཉེན། །ཨཱརྱ་དེ་ཝ་དམ་པ་རྒྱ་གར་སོགས། །མདོ་ལུགས་བརྒྱུད་པ་རྣམས་ལ་གསོལ་བ་འདེབས། །ཡུམ་ཆེན་རྡོ་རྗེ་འཆང་དང་ཤཱཀྱ་ཐུབ། །སྨྲ་སེང་ཨཱརྱ་དེ་ཝ་དམ་པ་རྗེ། །སྔགས་ལུགས་རིང་བརྒྱུད་རྣམས་ལ་གསོལ་བ་འདེབས། །སྟོན་པ་རབ་འབྱོར་འཕགས་པ་ཀུན་དགའ་བོ། །ཀླུ་སྒྲུབ་ཨཱརྱ་དེ་ཝ་ཆེ་ཆུང་གཉིས། །ཕ་རྒྱུད་ཐབས་ཀྱི་བརྒྱུད་པ་ལ་གསོལ་བ་འདེབས། །ཡུམ་ཆེན་སྒྲོལ་མ་སུ་ཁ་སིདྡྷི་དང་། །དམ་པ་རྒྱ་གར་མ་གཅིག་ལབ་ཀྱི་སྒྲོན། །མ་རྒྱུད་ཤེས་རབ་བརྒྱུད་པ་ལ་གསོལ་བ་འདེབས། །བཅོམ་ལྡན་ཤཱཀ་ཐུབ་མགོན་པོ་འཇམ་པའི་དབྱངས། །རྗེ་བཙུན་སྒྲོལ་མ་མ་གཅིག་ལབ་ཀྱི་སྒྲོན། །དོན་གྱི་བརྒྱུད་པ་རྣམས་ལ་གསོལ་བ་འདེབས། །རྡོ་རྗེ་འཆང་ཆེན་རྗེ་བཙུན་འཕགས་མ་སྒྲོལ། །ལབ་ཀྱི་སྒྲོན་མ་ཐོད་སྨྱོན་བསམ་འགྲུབ་སོགས། །སྔགས་ལུགས་བརྒྱུད་པ་རྣམས་ལ་གསོལ་བ་འདེབས། །ཡུམ་ཆེན་ཤཱཀ་ཐུབ་སྨྲ་སེང་སྒྲོལ་མ་དང་། །སུ་ཁ་སིདྡྷི་ཨཱརྱ་དེ་ཝ་སོགས། །རིང་བརྒྱུད་བླ་མ་རྣམས་ལ་

[Full Size]

གསོལ་བ་འདེབས། །རྡོ་རྗེ་ཕག་མོ་མ་གཅིག་ལབ་ཀྱི་སྒྲོན། །ཁམ་བུ་ཡ་ལེ་གྲུབ་ཆེན་ཡེ་ཤེས་འབར། །ཉེ་བརྒྱུད་བླ་མ་རྣམས་ལ་གསོལ་བ་འདེབས། །རྒྱལ་བ་དོན་གྲུབ་གཉན་ཆུང་ལོ་ཙཱ་བ། །གྲྭ་པ་ཧིར་ཐོན་ཁམ་བུ་ཡ་ལེ་སོགས། །མདོ་ལུགས་བརྒྱུད་པ་རྣམས་ལ་གསོལ་བ་འདེབས། །ཐོད་སྨོན་བསམ་འགྲུབ་གངས་པ་སྨུག་སངས་དང་། །གངས་པ་ལྷུན་གྲུབ་གྲུབ་ཆེན་ཀརྨ་པ། །གཅོད་ཚོགས་བརྒྱུད་པ་རྣམས་ལ་གསོལ་བ་འདེབས། །ཁུ་སྒོམ་ཆོས་སེང་སངས་རྒྱས་གཉེན་སྟོན་དང་། །ཁམ་བུ་ཡ་ལེ་གྲུབ་ཆེན་ཡེ་ཤེས་འབར། །ཟུང་འཇུག་བརྒྱུད་པ་རྣམས་ལ་གསོལ་བ་འདེབས། །མ་གཅིག་ལབ་སྒྲོན་སྤྲུལ་སྐུ་ལ་འདུལ་མ། །བརྩོན་འགྲུས་སེང་གེ་ཁམ་བུ་ཡ་ལེ་སོགས། །གཏེར་ཆོས་བརྒྱུད་པ་རྣམས་ལ་གསོལ་བ་འདེབས། །ཡེ་ཤེས་འབར་དང་རྟོགས་ལྡན་གནམ་མཚོ་བ། །རང་བྱུང་གཡུང་སྟོན་རོལ་པའི་རྡོ་རྗེའི་ཞབས། །རྟོགས་ལྡན་དར་མ་རྒྱལ་མཚན་མཁའ་སྤྱོད་དབང་། །དེ་བཞིན་གཤེགས་པ་རཏྣ་བྷ་དྲ་དང་། །དོན་ལྡན་འཇམ་དཔལ་བཟང་པོ་མཉན་པའི་ཞབས། །མི་བསྐྱོད་རྡོ་རྗེ་རྒྱལ་བ་དཀོན་མཆོག་འབངས། །དབང་

[Full Size]

ཕྱུག་རྡོ་རྗེ་ཆོས་ཀྱི་དབང་ཕྱུག་དང་། །ཀུན་དགའ་རྣམ་རྒྱལ་ཀརྨ་ཆགས་མེད་སོགས། །གཅོད་ཁྲིད་བརྒྱུད་པ་རྣམས་ལ་གསོལ་བ་འདེབས། །རྩ་བའི་བླ་མ་སངས་རྒྱས་ཆོས་ཀྱི་སྐུ། །ཡིན་པར་མདོ་རྒྱུད་ཀུན་ལས་རྒྱ་ཆེར་གསུངས། །ཉེ་བའི་བརྒྱུད་པ་དེ་ལ་གསོལ་བ་འདེབས། །རང་སེམས་རྟོགས་ན་ཡུམ་ཆེན་དེ་ཉིད་རང་། །དེ་ལས་གཞན་ན་སངས་རྒྱས་མེད་གསུངས་ཕྱིར། །ཤིན་ཏུ་ཉེ་བརྒྱུད་དེ་ལ་གསོལ་བ་འདེབས། །ཡི་དམ་ཁྲོས་མ་བདུད་འདུལ་ལྷ་ལྔ་མ། །དངོས་གྲུབ་ཀུན་སྟེར་གཅོད་ཡུལ་བཀའ་བབས་ལྷ། །སྣང་སྲིད་ཟིལ་གནོན་མ་ལ་གསོལ་བ་འདེབས། །མ་གཅིག་བཀའ་སྡོད་ཌཱ་ཀི་སྲུང་མའི་ཚོགས། །གཅོད་ཡུལ་བཀའ་སྲུང་རྣལ་འབྱོར་བུ་བཞིན་སྐྱོང་། །བསྟན་སྲུང་ཆོས་སྐྱོང་རྣམས་ལ་གསོལ་བ་འདེབས། །དེ་ལྟར་གསོལ་བ་བཏབ་པས་ལྷ་རྣམས་ཀྱི། །དཔྲལ་བ་མགྲིན་པ་ཐུགས་ཀ་སོ་སོ་ནས། །ཨོཾ་དཀར་ཨཱཿདམར་ཧཱུྃ་མཐིང་དཔག་མེད་བྱུང་། །བདག་དང་བསྲུང་བྱའི་ལུས་ངག་ཡིད་ལ་ཐིམ། །སྐུ་གསུང་ཐུགས་ཀྱི་བྱིན་རླབས་དཔག་མེད་ཐོབ། །ཕཊ་ཕཊ་ཕཊ། གཅོད་ཡུལ་བརྒྱུད་པའི་བླ་མ་ཡི་དམ་དང་། །མཁའ་འགྲོ་ཆོས་

[Full Size]

སྐྱོང་སྲུང་མ་ཐམས་ཅད་ལ། །སྙིང་ཁོང་རུས་པའི་གཏིང་ནས་གསོལ་བ་འདེབས། །བྱིན་གྱིས་རློབས་ཤིག་གཅོད་ཡུལ་བརྒྱུད་པའི་ཚོགས། །དངོས་གྲུབ་སྩོལ་ཅིག་ཨ་མ་ལབ་ཀྱི་སྒྲོན། །གསོལ་བ་འདེབས་སོ་དམ་པ་རྒྱ་གར་བ། །དངོས་གྲུབ་སྩོལ་ཅིག་བདུད་འདུལ་ཁྲོས་མའི་ཚོགས། །གསོལ་བ་འདེབས་སོ་རྗེ་བཙུན་གླང་ལུང་པ། །དངོས་གྲུབ་སྩོལ་ཅིག་གནས་གསུམ་མཁའ་འགྲོའི་ཚོགས། །ལུས་ལ་སྐུ་ཡི་བྱིན་གྱིས་བརླབ་ཏུ་གསོལ། །འཆི་མེད་ཚེ་ཡི་དངོས་གྲུབ་བསྩལ་དུ་གསོལ། །ངག་ལ་གསུང་གི་བྱིན་གྱིས་བརླབ་ཏུ་གསོལ། །ནུས་མཐུ་ཆོས་ཀྱི་དངོས་གྲུབ་བསྩལ་དུ་གསོལ། །སེམས་ལ་ཐུགས་ཀྱི་བྱིན་གྱིས་བརླབ་ཏུ་གསོལ། །ཕྱག་རྒྱ་ཆེན་པོའི་དངོས་གྲུབ་བསྩལ་དུ་གསོལ། །གསོལ་བ་འདེབས་སོ་སྣང་སྲིད་བྱིན་གྱིས་རློབས། །གཉན་ས་རི་ཁྲོད་འགྲིམ་པར་བྱིན་གྱིས་རློབས། །ཕུང་པོ་གཟན་དུ་སྐྱུར་བར་བྱིན་གྱིས་རློབས། །བདག་འཛིན་རྩ་བ་ཆོད་པར་བྱིན་གྱིས་རློབས། །རྐྱེན་ངན་གྲོགས་སུ་འཆར་བར་བྱིན་གྱིས་རློབས། །ན་ཚ་ལམ་དུ་སློང་བར་བྱིན་གྱིས་རློབས། །བདུད་བཞི་རང་སར་གྲོལ་བར་བྱིན་གྱིས་རློབས། །དངོས་

[Full Size]

གྲུབ་རྣམ་གཉིས་ཐོབ་པར་བྱིན་གྱིས་རློབས། །དེ་ལ་རློམས་སེམས་མེད་པར་བྱིན་གྱིས་རློབས། །མཐའ་བྲལ་སྟོང་ཉིད་རྟོགས་པར་བྱིན་གྱིས་རློབས། །དེ་ལ་ཡེངས་བ་མེད་པར་བྱིན་གྱིས་རློབས། །ལྷ་འདྲེ་སེམས་སུ་ཆོད་པར་བྱིན་གྱིས་རློབས། །དངོས་མེད་འགྲོ་དོན་ནུས་པར་བྱིན་གྱིས་རློབས། །འཕོ་བ་མཁའ་སྤྱོད་འགྲུབ་པར་བྱིན་གྱིས་རློབས། །ཉག་གཅིག་རྩད་ནས་ཆོད་པར་བྱིན་གྱིས་རློབས། །གཅོད་ཡུལ་མཐའ་རུ་ཕྱིན་པར་བྱིན་གྱིས་རློབས། །གཉན་ས་འདི་རུ་བྱིན་གྱིས་རློབས། །མལ་ས་འདི་རུ་བྱིན་གྱིས་རློབས། །ད་ལྟ་ཉིད་དུ་བྱིན་གྱིས་རློབས། །མྱུར་བ་ཉིད་དུ་བྱིན་གྱིས་རློབས། །སྐད་ཅིག་ཉིད་ལ་བྱིན་གྱིས་རློབས། །ཕཊ་ཕཊ། དེ་ནས་དམ་པའི་བསྟོད་པ་མ་གཅིག་གིས་མཛད་པའི་བྱིན་རླབས་དམིགས་པ་ནི། ཕཊ། མདུན་གྱི་ནམ་མཁར་ཕ་གཅིག་དམ་པ་ཡི། །སྐུ་ལས་བྱིན་རླབས་མེ་ཡི་ཚྭ་ཚྭའི་ཚུལ། །ཕྲོམ་ཕྲོམ་འཕྲོས་པས་བདག་དང་བསྲུང་བྱ་ཡི། །ལུས་ཀྱི་ནད་གདོན་ལུས་དང་བཅས་པ་རྣམས། །ཐལ་བ་བུན་གྱིས་བསྲེགས་ནས་དངོས་མེད་གྱུར། །བྱིན་རླབས་ཞུགས་ཤིང་སྐྱེ་མེད་དོན་རྟོགས་ཤོག །ཕཊ་ཕཊ། རྗེ་བླ་མ་རྣམས་ལ་ཕྱག་

[Full Size]

འཚལ་ལོ། །བཀའ་བརྒྱུད་པ་རྣམས་ལ་གསོལ་བ་འདེབས། །སྒོས་བཀའ་དྲིན་ཅན་གྱིས་བྱིན་གྱིས་རློབས། །གནས་མཆོག་དམ་པ་ཡ་ཀི་ན། །ཕྱི་སྐོར་ཅིག་སྐོར་གཉིས་སྐོར་མ་གསུམ། །ཕྱི་བསྐོར་བ་ལྕགས་རི་མུ་ཁྱུད་བསྐོར། །བར་བསྐོར་བ་ལྷོ་རྒྱལ་འཛམ་བུ་གླིང་། །ནང་བསྐོར་བ་དིང་རི་གླང་འཁོར་བསྐོར། །རི་མཁན་པ་ཁྲོད་ཀྱི་དགོན་པ་ན། །ཉི་ཟླ་པདྨའི་གདན་སྟེང་ན། །གནས་དེ་ན་སུ་བཞུགས་སུ་མི་བཞུགས། །གནས་དེ་ན་དམ་པ་སངས་རྒྱས་བཞུགས། །སྐུ་འཁྲུངས་པ་རྒྱ་གར་ཡུལ་དུ་འཁྲུངས། །གསུང་བསྒྲགས་པ་བོད་ཡུལ་དབུས་སུ་བསྒྲགས། །རྗེ་འགྲོ་བའི་མགོན་པོ་རྡོ་རྗེ་འཆང་། །སྨྲ་བའི་སེང་གེ་མཚུངས་པ་མེད། །དཔལ་ཆེན་བིརླ་དྲོད་ཚད་མཁས། །ཨཱརྱ་དེ་ཝ་སྒྲ་ཚད་མཁས། །དམ་པ་མུ་སྟེགས་རྒྱུད་སྡེ་མཁས། །རྗེ་མི་ཕམ་མགོན་པོ་བཅོམ་ལྡན་འདས། །འཛམ་བུ་གླིང་གི་རྒྱན་གཅིག་པོ། །རྗེ་འགྲོ་བའི་མགོན་པོ་ལ་གསོལ་བ་འདེབས། །རྗེ་འགྲོ་བའི་མགོན་པོས་བྱིན་གྱིས་རློབས། །རྗེ་དམ་པ་སངས་རྒྱས་རིན་པོ་ཆེ། །ཁོང་སྟེང་དེར་ལྷ་ཚོགས་ཐིབས་སེ་ཐིབ། །གཡས་དེར་

[Full Size]

དཔའ་བོའི་ངར་དང་ལྡན། །གཡོན་དེར་དཔའ་མོའི་མདངས་དང་ལྡན། །མདུན་དེར་དམ་ཅན་སྤུངས་སེ་སྤུང་། །རྒྱབ་ཏུ་ཌཀྐི་ཤིགས་སེ་ཤིག །འོག་དེར་གདོན་ཚོགས་མྱ་ལ་ལ། །རྗེ་དེར་བཞུགས་དམ་པ་ལ་གསོལ་བ་འདེབས། །དེར་བཞུགས་དམ་པས་བར་ཆད་སོལ། །དེར་བཞུགས་དམ་པ་ལམ་སྣ་དྲོངས། །ཕཊ་ཕཊ། དམིགས་པ་མགྲོན་འགྱེད་མ་ནི༔ ཕཊ། ཐོད་སྣོད་ནང་དུ་བེམ་རོ་བདུད་རྩིར་ཞུ། །རླངས་པས་མགྲོན་རྣམས་ཅི་འདོད་ལོངས་སྤྱོད་འཕྲོས། །དྭངས་མ་བདུད་རྩི་སྙིགས་མ་ཁ་ཟས་ཚོགས། །ལས་བྱེད་མཁའ་འགྲོས་ཀླུ་དང་གཞི་བདག་ལ། །རང་རང་ཡིད་མཐུན་བཟའ་བཏུང་མགུ་བར་སྦྱིན། །གདོལ་པ་ཀླུ་དང་སྡང་དགྲ་གནོད་བྱེད་ལ། །ཤ་ཁྲག་རླངས་པ་དྲོད་དང་བཅས་པ་སྦྱིན། །ཐམས་ཅད་དགའ་མགུ་ཡི་རང་ལྡན་པར་གྱུར། །ཕཊ། ཧཱུྃ། ཕ་ནག་པོ་ཆེན་པོ་གཟི་མདངས་ཅན། །སྐུ་སྟོད་སེང་གེ་འགྱིང་བ་འདྲ། །དེ་བདུད་བཞི་ཟིལ་གྱིས་གནོན་པའི་བརྡ། །སྐུ་སྨད་རྨ་བྱ་འཇུམ་པ་འདྲ། །དེ་དུག་ལྔ་གནས་སུ་དག་པའི་བརྡ། །སྐེད་པ་རྡོ་རྗེ་འཁྲིལ་པ་འདྲ། །དེ་འཁྲུལ་གཞི་རྩད་ནས་གཅོད་པའི་བརྡ། །

[Full Size]

ཞབས་གཉིས་སྦ་ཕྲན་གཤིབས་པ་འདྲ། །དེ་བྱང་ཆུབ་རྒྱུད་ལམ་བགྲོད་པའི་བརྡ། །སྐུ་མདོག་ནག་ལ་སྣུམ་པ་དེ། །ཆོས་ཉིད་དོན་ལ་འགྱུར་བ་མེད་པའི་བརྡ། །དབུ་སྐྲ་ནག་སྣུམ་གྱེན་དུ་འཁྱིལ་བ་དེ། །མཐོ་རིས་ཐར་ལམ་བགྲོད་པའི་བརྡ། །སྙན་ཤལ་རིང་ལ་སྙན་ཁུང་ཟབ་པ་དེ། །ཆོས་ཀྱི་སྙན་བརྒྱུད་ཟབ་པའི་བརྡ། །སྤྱན་མིག་དམར་ལ་སྤྱན་རྩ་འཁྲུགས་པ་དེ། །སྣང་སྲིད་ཟིལ་གྱིས་གནོན་པའི་བརྡ། །ཤངས་བག་རིང་ལ་ཤངས་རྩེ་རྣོ་བ་དེ། །སྣང་བ་དབང་དུ་འདུས་པའི་བརྡ། །ཚེམས་མདོག་དཀར་ལ་ཚེམས་རྩེ་རྣོ་བ་དེ། །སྐྱེ་ཤི་རྩད་ནས་གཅོད་པའི་བརྡ། །ཕྱག་སོར་རིང་ལ་ཕྱག་སེན་རྣོ་བ་དེ། །སྐལ་ལྡན་ཐུགས་རྗེས་འདྲེན་པའི་བརྡ། །ཞབས་སོར་མོ་སེང་ཕྲུག་བཀྲམ་པ་འདྲ། །དེ་དུག་གསུམ་རྩད་ནས་གཅོད་པའི་བརྡ། །རྗེ་རེས་འགའ་ཉིན་མཚན་ཁོར་ཡུག་གཟིམས། །སྒོམ་གཉུག་མ་ལ་རྒྱུན་ཆད་མེད་པའི་བརྡ། །རྗེ་རེས་འགའ་རྟེན་འབྲེལ་སྣ་ཚོགས་མཛད། །བཀའ་འཁོར་གཡོག་བྱིན་གྱིས་བརླབས་པའི་བརྡ། །རྗེ་རེས་འགའ་སྨྱོན་པའི་བརྟུལ་ཞུགས་མཛད། །དེ་འཁོར་གྱི་བར་ཆད་སེལ་བའི་བརྡ། །རྗེ་དེར་

[Full Size]

བཞུགས་དམ་པ་ལ་གསོལ་བ་འདེབས། །རྗེ་དེར་བཞུགས་དམ་པས་བྱིན་གྱིས་རློབས། །རྗེ་དེར་བཞུགས་དམ་པས་ལམ་སྣ་དྲོངས། །རྗེ་རྒྱང་ན་བཞུགས་ན་མོས་ཕྱག་འཚལ། །དྲུང་ན་བཞུགས་ནི་གུས་ཕྱག་འཚལ། །ཡིད་མོས་གུས་ཀྱི་ཕྱག་ལ་ཉེ་རིང་མེད། །གསོལ་བ་སྙིང་གི་དཀྱིལ་ནས་འདེབས། །བྱིན་རླབས་ཐུགས་ཀྱི་ཀློང་ནས་ཞུ། །རྗེ་སྐུ་ཡི་བྱིན་རླབས་ལུས་ལ་ཞུགས། །ལུས་ན་ཚའི་སྡུག་བསྔལ་ཞི་བར་མཛོད། །ལུས་ལ་བདེ་དྲོད་སྦྱར་དུ་གསོལ། །ལུས་ཀྱི་སྒྲིབ་པ་དག་ནས་ཀྱང་། །ལུས་སྤྲུལ་སྐུ་ཐོབ་པར་མཛད་དུ་གསོལ། །རྗེ་གསུང་གི་བྱིན་རླབས་ངག་ལ་ཞུགས། །ངག་འགག་འཛེར་གྱི་སྡུག་བསྔལ་ཞི་བར་མཛོད། །ངག་ལ་ནུས་པ་སྦར་དུ་གསོལ། །ངག་གི་སྒྲིབ་པ་དག་ནས་ཀྱང་། །ངག་ལོངས་སྐུ་ཐོབ་པར་མཛད་དུ་གསོལ། །རྗེ་ཐུགས་ཀྱི་བྱིན་རླབས་སེམས་ལ་ཞུགས། །སེམས་ཉོན་མོངས་སྡུག་བསྔལ་ཞི་བར་མཛོད། །སེམས་ལ་རྟོགས་པ་སྦྱར་དུ་གསོལ། །སེམས་ཀྱི་སྒྲིབ་པ་དག་ནས་ཀྱང་། །སེམས་ཆོས་སྐུ་རྟོགས་པར་བྱིན་གྱིས་རློབས། །རྒྱུ་འདོད་ཆགས་ཞེ་སྡང་གཏི་མུག་གསུམ། །དུག་གསུམ་རང་སར་ཞི་བར་བྱིན་

[Full Size]

གྱིས་རློབས། །གདོན་ཕོ་གདོན་མོ་གདོན་ཀླུ་གདོན་གསུམ། །གདོན་གསུམ་རང་སར་ཞི་བར་བྱིན་གྱིས་རློབས། །ནད་རླུང་མཁྲིས་བད་ཀན་འདུས་པ་བཞི། །བཞི་བརྒྱ་རྩ་བཞི་རང་སར་ཞི་བར་མཛད་དུ་གསོལ། །ཆོས་སྐུ་ལོངས་སྐུ་སྤྲུལ་སྐུ་གསུམ། །སྐུ་གསུམ་མངོན་དུ་འཆར་བར་མཛད་དུ་གསོལ། །གཞན་དོན་དཔག་མེད་འབྱུང་བར་བྱིན་གྱིས་རློབས། །ནད་གདོན་སྡིག་སྒྲིབ་དག་པར་བྱིན་གྱིས་རློབས། །ཕཊ་ཕཊ། དམིགས་པ་བང་མིག་མ་ནི། ཕཊ། བེམ་པོའི་པགས་པ་ཤགས་ཀྱིས་རལ་པ་དེ། །བདག་ཉིད་ཕག་མོས་བཏིང་བས་སྟོང་གསུམ་ཁྱབ། །དེ་ལ་གྲི་གུག་གིས་ནི་མིག་མང་རིས། །བྲིས་པས་གྲུ་ཆོད་བང་བའི་བྲེས་ལྟ་བུར། །པད་སྣོད་རེ་རེའི་ནང་དུ་ཤ་ཁྲག་བླུགས། །རེ་རེའི་སྟེང་དུ་ཨོཾ་ཨཱཿཧཱུྃ་རེ་ཞུ། །ལ་ལ་དཀར་གསུམ་ལ་ལ་མངར་གསུམ་དང་། །ལ་ལ་སྨན་སྣ་ལ་ལ་འབྲུ་སྣའི་ཚོགས། །ལ་ལ་རིན་ཆེན་ལ་ལ་དར་ཟབ་གྱུར། །དེ་དག་སོ་སོར་གང་འདོད་སྤྱོད་པར་གྱུར། །ཕཊ་ཕཊ། རྗེ་དེ་ཡི་བརྒྱུད་པའི་འཛིན་པའི་མ། །མཚན་ནི་ཇོ་མོ་ལབ་སྒྲོན་མ། །མས་ནི་བདག་གཞན་འགྲོ་བ་སྒྲོལ། །ཇོ་མོ་བདེ་གཤེགས་

[Full Size]

ཀུན་གྱི་ཡུམ། །ལབ་ནི་འཁྲུངས་ཡུལ་རྒྱལ་བའི་ཞིང་། །སྒྲོན་ནི་མ་རིག་མུན་པ་སེལ། །མ་མཚན་དང་ལྡན་ལ་ཕྱག་འཚལ་ལོ། །ཀྱེ་མ་མི་མིན་ཡེ་ཤེས་ཀྱི་མཁའ་འགྲོ་མ། །མ་ཡུམ་ཆེན་ཐུགས་ལས་སྤྲུལ་པའི་སྲས། །མ་གཅིག་ཇོ་མོ་རྣལ་འབྱོར་མ། །མ་ཕ་རོལ་ཕྱིན་པའི་གྲུབ་ཐོབ་མ། །སྐལ་ལྡན་ཀུན་གྱི་རྒྱུད་གྲོལ་མ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །ཕཊ་ཕཊ། དམིགས་པ་བེམ་སྐྱུར་མ་ནི། བེམ་པོ་ཆེ་ཚོ་བཀྲག་མདངས་རོ་བཅུད་ལྡན། །མཐོང་བ་ཙམ་གྱིས་ལྷ་འདྲེའི་ཡིད་འཕྲོག་པ། །མགྲོན་གྱི་དཀྱིལ་དུ་བདག་མེད་ལིང་ངེར་བསྒྱུར། །ཀུན་གྱིས་ཧབ་ཐོབ་ཟོས་པས་ཚིམས་པར་གྱུར། །ཕཊ་ཕཊ། ཀྱེ་མ་མི་མིན་ཡེ་ཤེས་ཀྱི་མཁའ་འགྲོ་མ། །མ་སྐུ་ལུས་ཆུང་ལ་གཟི་བརྗིད་ཆེ། །སྐུ་ཤ་དཀར་ལ་འོད་ཟེར་འཕྲོ། །སྐྱེ་བ་དམན་ལ་དགོངས་པ་མཐོ། །ཀུན་དང་མཐུན་པའི་སྤྱོད་པ་ཅན། །དུས་གསུམ་སངས་རྒྱས་གདུང་འཛིན་མ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །ཕཊ་ཕཊ་ཕཊ། བེམ་ཤུན་སྟོང་གསུམ་ཁྱབ་སྟེང་ཤ་ཁྲག་རྣམས། །སོ་སོར་

[Full Size]

བཤམས་པའི་གློ་སྙིང་ཤ་དང་ཁྲག །སོ་སོར་གང་ལ་གང་འདོད་ཁྱེར་བ་ཡིས། །ཐམས་ཅད་དགའ་མགུ་ཡི་རིང་ལྡན་པར་གྱུར། །ཕཊ། དེ་ནས་སྤུས་འདོད་མའོ། །ཀྱཻ་མ་མི་མིན་ཡེ་ཤེས་ཀྱི་མཁའ་འགྲོ་མ། །མ་སེར་སྣ་མེད་པའི་དོན་རྟོགས་ཤིང་། །ཀུན་ཁྱབ་སྦྱིན་པ་བློས་ཐོངས་མ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་ཀུན་འབྱུང་ཡེ་ཤེས་དོན་རྟོགས་ཤིང་། །ཉམས་པ་མེད་པའི་ཚུལ་ཁྲིམས་བསྲུང་། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་སྐྱེ་བ་མེད་པའི་དོན་རྟོགས་ཤིང་། །སྐྱེ་མེད་བཟོད་པ་སྒོམ་མཛད་མ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་བྱ་རྩོལ་མེད་པའི་དོན་རྟོགས་ཤིང་། །བྱར་མེད་བརྩོན་འགྲུས་རྩོམ་མཛད་མ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །སྒྱུ་མ་གཡོ་བ་མེད་པའི་དོན་རྟོགས་ཤིང་། །ཡེངས་མེད་བསམ་གཏན་སྒོམ་མཛད་མ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་ཀུན་གྱི་

[Full Size]

རང་བཞིན་དོན་རྟོགས་ཤིང་། །བདག་མེད་ཤེས་པའི་རྣལ་འབྱོར་མ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་ཕྱོགས་མེད་ལྟ་བས་ཆགས་ཞེན་གྲོལ། །མཉམ་ཉིད་བསྒོམས་པས་དམིགས་པ་གྲོལ། །སྐྱེ་མེད་རྟོགས་པས་འཁོར་བ་གྲོལ། །རྟོག་མེད་སྤྱོད་པས་ཉམ་ང་གྲོལ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །ཕཊ་ཕཊ། རང་རིག་ལས་བྱེད་མཁའ་འགྲོ་དམར་མོ་ཡིས། །བེམ་པོའི་ལག་པ་གཡས་བཅད་ཤར་དུ་འཕངས། །ཤར་ཕྱོགས་ལྷ་འདྲེ་རྣམས་ཀྱིས་ཟོས་ཤིང་ཚིམས། །དེ་བཞིན་ལག་པ་གཡོན་བཅད་ལྷོ་རུ་འཕངས། །རྐང་གཡས་ནུབ་དང་རྐང་གཡོན་བྱང་དུ་འཕངས། །ཕྱོགས་བཞིར་གནས་པའི་ལྷ་འདྲེ་ཐམས་ཅད་ཚིམས། །བེམ་སྒོག་དབུས་བཞག་དབུས་དང་སྟེང་འོག་གི །ལྷ་འདྲེ་ཐམས་ཅད་ངོམས་ཤིང་ཚིམ་པར་གྱུར། །ཅེས་པ་གླིང་བཞི་མ་ཡིན་ནོ། །ཀྱཻ་མ་མི་མིན་ཡེ་ཤེས་ཀྱི་མཁའ་འགྲོ་མ། །མ་མཉམ་ཉིད་ངང་ལ་གཟིམས་ཙ་ན། །དོན་ཉོན་མོངས་སངས་ནས་ཡེ་ཤེས་རྒྱས། །སངས་རྒྱས་མཁའ་འགྲོ་འབུམ་གྱིས་བསྐོར། །གསུང་ཉམས་དབྱངས་

[Full Size]

མགུར་མ་འུ་རུ་རུ། །བྱིན་རླབས་ན་བུན་ཐིབས་སེ་ཐིབ། །དངོས་གྲུབ་ཆར་རྒྱུན་སི་ལི་ལི། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་སྐྱེ་མེད་དབྱིངས་ནས་བཞེངས་ཙ་ན། །དོན་རྗེས་ཐོབ་རྟོགས་པའི་ཉམས་དང་ལྡན། །ཡེ་ཤེས་མཁའ་འགྲོ་འབུམ་གྱིས་བསྐོར། །གསུང་ཉམས་དབྱངས་མགུར་མ་འུ་རུ་རུ། །བྱིན་རླབས་ན་བུན་ཐིབས་སེ་ཐིབ། །དངོས་གྲུབ་ཆར་རྒྱུན་སི་ལི་ལི། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་དགོངས་པ་ཤར་དུ་བསྐྱོད་ཙ་ན། །དོན་འགྱུར་བ་མེད་པའི་ཉམས་དང་ལྡན། །རྡོ་རྗེ་མཁའ་འགྲོ་འབུམ་གྱིས་བསྐོར། །གསུང་ཉམས་དབྱངས་མགུར་མ་འུ་རུ་རུ། །བྱིན་རླབས་ན་བུན་ཐིབས་སེ་ཐིབ། །དངོས་གྲུབ་ཆར་རྒྱུན་སི་ལི་ལི། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་དགོངས་པ་ལྷོ་རུ་བསྐྱོད་ཙ་ན། དོན་ཡོན་ཏན་རྫོགས་པའི་ཉམས་དང་ལྡན། །རིན་ཆེན་མཁའ་འགྲོ་འབུམ་གྱིས་བསྐོར། །གསུང་ཉམས་དབྱངས་མགུར་མ་འུ་རུ་རུ། །བྱིན་རླབས་ན་བུན་ཐིབས་སེ་ཐིབ།།

[Full Size]

དངོས་གྲུབ་ཆར་རྒྱུན་སི་ལི་ལི། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་དགོངས་པ་ནུབ་ཏུ་བསྐྱོད་ཙ་ན། །དོན་སྐྱེ་བ་མེད་པའི་ཉམས་དང་ལྡན། །པདྨ་མཁའ་འགྲོ་འབུམ་གྱིས་བསྐོར། །གསུང་ཉམས་དབྱངས་མགུར་མ་འུ་རུ་རུ། །བྱིན་རླབས་ན་བུན་ཐིབས་སེ་ཐིབ། །དངོས་གྲུབ་ཆར་རྒྱུན་སི་ལི་ལི། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་དགོངས་པ་བྱུང་དུ་བསྐྱོད་ཙ་ན། །དོན་འགགས་པ་མེད་པའི་ཉམས་དང་ལྡན། །ལས་ཀྱི་མཁའ་འགྲོ་འབུམ་གྱིས་བསྐོར། །གསུང་ཉམས་དབྱངས་མགུར་མ་འུ་རུ་རུ། །བྱིན་རླབས་ན་བུན་ཐིབས་སེ་ཐིབ། །དངོས་གྲུབ་ཆར་རྒྱུན་སི་ལི་ལི། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་དགོངས་པ་སྟེང་དུ་བསྐྱོད་ཙ་ན། །དོན་མཐའ་དབུས་མེད་པའི་ཉམས་དང་ལྡན། །རིག་པ་དབྱིངས་སུ་པུ་རུ་རུ།། རིས་མེད་ལྟ་བ་ཕྱ་ལ་ལ། །མཉམ་ཉིད་དགོངས་པ་ཕྲི་ལི་ལི། །མཁའ་འགྲོའི་དམག་ཚོགས་ཐིབས་སེ་ཐིབ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་

[Full Size]

དུ་གསོལ། །ཕཊ་ཕཊ། དེ་ནས་དམིགས་པ་སྤྱང་སྟོན་མ་ནི། ཕཊ། ལས་བྱེད་མཁའ་འགྲོས་བེམ་པོ་སིལ་བུར་གཏུབ། །ཤ་དུམ་ཚིག་དུམ་ལྤགས་དུམ་ཁྲག་ཐིགས་རེ། །རུས་དུམ་ནང་ཆའི་དུམ་བུ་སྣ་ཚང་རེ། །སོ་སོར་བྱིན་པས་ཕམ་རྒྱལ་མེད་པར་ཐོབ། །ཕཊ། ཀྱི་མ་མི་མིན་ཡེ་ཤེས་ཀྱི་མཁའ་འགྲོ་མ། །མ་གཉན་ས་རི་ཁྲོད་འགྲིམས་ཙ་ན། །སྙེམས་བྱེད་རྟོག་པ་མྱ་ལ་ལ། །བདེ་སྟོང་རྒྱུད་ལ་ཕྲི་ལི་ལི། །མཁའ་འགྲོ་མ་ཚོགས་ཐིབས་སེ་ཐིབ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་འགྲོ་བའི་དོན་ལ་བསྐྱོད་ཙ་ན། །གནད་ཀྱི་གདམས་པ་ཤ་ར་ར། །བདུད་ཀྱི་གཅོད་ཐབས་སི་ལི་ལི། །མཁའ་འགྲོ་མ་ཚོགས་ཐིབས་སེ་ཐིབ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་སྐྱེ་མེད་ངང་དུ་གཤེགས་ཙ་ན། །གཟུང་འཛིན་མདུད་པ་ཁྲོ་ལོ་ལོ། །སྣང་ཆའི་ན་བུན་ཡ་ལ་ལ། །མཉམ་ཉིད་དགོངས་པ་ཕྲི་ལི་ལི། །མཁའ་འགྲོ་མ་ཚོགས་ཐིབས་སེ་ཐིབ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་དབྱིངས་

[Full Size]

ལ་སྐྱེ་བ་མི་མངའ་ཡང་། །དོན་འགགས་པ་མེད་པའི་ཐུགས་རྗེ་ཡིས། །བདག་མ་རིག་འཁྲུལ་པའི་སེམས་ཅན་རྣམས། །དོན་ངེས་པར་ཐུགས་རྗེས་བཟུང་དུ་གསོལ། །དོན་ངེས་པར་བར་ཆད་བསལ་དུ་གསོལ། །དོན་ངེས་པར་ལམ་སྣ་དྲང་དུ་གསོལ། །ཕཊ་ཕཊ། དམིགས་པ་བ་དན་མ་ནི། ཕཊ། རང་རིག་ལས་བྱེད་མཁའ་འགྲོ་དམར་མོ་དེས། །བེམ་པོར་གྲི་གུག་བརྒྱབས་པས་ཁྲག་མཚོར་གྱུར། །དེ་ནང་རྐང་རུས་ཐམས་ཅད་དར་ཡུ་ལྟར། །ཤ་རྣམས་དར་ཡུག་བ་དན་ལྟར་བསྐྱོད་པ། །དེ་ལས་ཤ་ཁྲག་ཟག་མེད་རྒྱུན་བབས་ནས། །ལྷ་འདྲེ་ཐམས་ཅད་ངོམ་ཞིང་ཚིམས་པར་གྱུར། །ཕཊ། གདུང་སྒྲོམ་ཤར་སྒོ་ནས་བསྟོད་པ། ཧཱུྃ། མ་ཕ་རོལ་ཕྱིན་པའི་གྲུབ་ཐོབ་མ། ་།སྐལ་ལྡན་ཡོངས་ཀྱི་རྒྱུད་གྲོལ་མ། །མ་མདོ་རྒྱུད་དགོངས་པ་ཐུགས་སུ་ཆུད། །ཡང་དག་དོན་རྟོགས་འགྲོ་བའི་མགོན། །ལབ་ཀྱི་སྒྲོལ་མའི་སྐུ་ལ་ཕྱག་འཚལ་བསྟོད། །མ་རང་རིག་རྣམ་དག་ཐུགས་སུ་ཆུད། །ཐུགས་ཆོས་ཉིད་དབྱིངས་དང་མཚུངས་པར་ཁྱབ། །ཐོག་མཐའ་གཉིས་པོ་གཞི་ལ་དག །བདག་ཏུ་འཛིན་པ་རང་སར་གྲོལ། །མ་ངོ་བོ་ཉིད་ཀྱི་སྐུ་ལ་ཕྱག་འཚལ་

[Full Size]

བསྟོད། །མ་ཤེས་རབ་ནམ་མཁའི་དབྱིངས་སུ་ཤར། །སྤྱོད་ལམ་རྣམ་བཞི་རྟོག་མི་མངའ། །སྙེམས་བྱེད་ཉམ་ང་གཞི་ལ་དག །རྣམ་པར་རྟོག་པ་རང་སར་གྲོལ། །མ་ཆོས་ཀྱི་སྐུ་ལ་ཕྱག་འཚལ་བསྟོད། །མ་མངོན་ཤེས་དྲུག་པོ་ཤེས་བྱར་མཁྱེན། །ཟག་མེད་བདེ་སྟོང་རྒྱུད་ལ་སྐྱེས། །སྒོམ་མཚན་མར་འཛིན་པ་གཞི་ལ་དག །སྣང་སྲིད་ལྷ་འདྲེ་རང་སར་གྲོལ། །མ་ལོངས་སྤྱོད་རྫོགས་པའི་སྐུ་ལ་ཕྱག་འཚལ་བསྟོད། །མ་སྐྱེ་བ་བུད་མེད་ལུས་སུ་སྤྲུལ། །བཟང་ངན་མེད་པར་འགྲོ་དོན་མཛད། །ཆགས་སྡང་གཉིས་པོ་གཞི་ལ་དག །ཟོལ་ཟོག་གཉིས་པོ་རང་སར་གྲོལ། །མ་སྤྲུལ་པའི་སྐུ་ལ་ཕྱག་འཚལ་བསྟོད། །ཕཊ་ཕཊ། དེ་ནས་སྐུ་བཞིའི་བསྟོད་པའོ། །དམིགས་པ་རུས་སྤྲུགས་མ་ནི། ཕཊ། རང་རིག་ལས་བྱེད་རྡོ་རྗེ་རྣལ་འབྱོར་མས། །བེམ་པོའི་རྐང་པ་ནས་བཟུང་ནམ་མཁའ་ཁྱེར། །སྤྲུགས་པས་ཉ་རོ་ཚོས་པ་སྤྲུགས་པ་ལྟར། །ཤ་ཁྲག་སིལ་བུར་སོང་ཞིང་རུས་པ་འཕང་། །ཤ་ཁྲག་རུས་གསུམ་རྒྱ་མཚོ་ཆེན་པོ་ལས། །ལྷ་འདྲེ་རྣམས་ཀྱིས་ཟོས་ནས་ཚིམས་པར་གྱུར། །ཕཊ་ཕཊ། ཡོན་ཏན་བརྒྱད་ཀྱི་བསྟོད་པ་གདུང་ཁང་ལྷོ་ནས་བསྟོད་པ་ནི། ་

[Full Size]

ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །མ་སྒྲིབ་པ་བྱང་ནས་སྟོང་ཉིད་རྟོགས། །མ་ཤེས་རབ་ཅན་ལ་ཕྱག་འཚལ་བསྟོད། །མ་ལུས་སེམས་བྲལ་བས་སྟོང་ཉིད་སྟོན། །མ་གདམས་ངག་ཅན་ལ་ཕྱག་འཚལ་བསྟོད། །མ་དུར་ཁྲོད་འགྲིམས་པས་ཉམ་ང་མེད། །མ་ཉམས་མྱོང་ཅན་ལ་ཕྱག་འཚལ་བསྟོད། །མ་སྙེམས་ཐག་ཆོད་པས་བདུད་རྣམས་ཞི། །མ་ནུས་པ་ཅན་ལ་ཕྱག་འཚལ་བསྟོད། །མ་བདུད་རྣམས་ཞི་བས་ཡེ་ཤེས་འཕེལ། །མ་རྟོགས་པ་ཅན་ལ་ཕྱག་འཚལ་བསྟོད། །མ་སྟོང་ཉིད་རྟོགས་པས་ས་རྣམས་གནོན། །མ་ཚོགས་གཉིས་རྫོགས་ལ་ཕྱག་འཚལ་བསྟོད། །མ་སྐྱེ་མེད་བསྒོམས་པས་མངོན་ཞེན་ལོག །མ་འཁོར་བ་སྤངས་ལ་ཕྱག་འཚལ་བསྟོད། །མ་གདམས་ངག་བཀའ་དང་བསྟུན་ནས་སྟོན། །མ་ལུང་སྟོན་མཁྱེན་ལ་ཕྱག་འཚལ་བསྟོད། །མ་མགུར་ཙམ་བཞེངས་པས་ཡེ་ཤེས་འཕེལ། །མ་བྱིན་རླབས་ཅན་ལ་ཕྱག་འཚལ་བསྟོད། །མ་ཞབས་ཏོག་མེད་ཀྱང་གདམས་ངག་སྟོན། །མ་ཐུགས་རྗེ་ཅན་ལ་ཕྱག་འཚལ་བསྟོད། །ཕཊ། དམིགས་པ་རོ་འགྱེད་མ་ནི། ཕཊ། བེམ་རོ་སོ་མ་དང་རྙ་རྙིང་ཚོགས། །འབུམ་ཕྲག་བྱེ་བ་གྲངས་མེད་

[Full Size]

འཇིག་རྟེན་ཁྱབ། །ལས་བྱེད་མཁའ་འགྲོ་རོ་ཡི་གྲངས་མཉམ་པས། །ལྷ་འདྲེ་རྣམས་ལ་བཀྱེས་པས་ཧབ་ཐོབ་ཟོས། །ཕཊ། ཆེ་བ་བཞིའི་བསྟོད་པ་གདུང་སྒྲོམ་ནུབ་ནས་བསྟོད་པ་ནི། ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །མ་ངན་སོང་གསུམ་པོར་མི་འཇིགས་པའི། །མི་དགེ་བཅུ་པོ་སྙེམས་ཐག་ཆོད། །ངན་འགྲོའི་ཕྱོགས་ཀྱི་བདུད་ལས་གྲོལ། །མ་མཐོ་རིས་འདྲེན་ལ་ཕྱག་འཚལ་བསྟོད། །མ་འགྲོ་བའི་དོན་ལ་མི་ཞེན་པའི། །དགེ་བའི་ལས་རྣམས་དབྱིངས་སུ་གྲོལ། །ལྷ་མིའི་འཁོར་བའི་བདུད་ལས་ཐར། །མ་ཐར་ལམ་བགྲོད་ལ་ཕྱག་འཚལ་བསྟོད། །མ་སྐྱེ་འཆི་གཉིས་ལ་མི་འཇིགས་པའི། །སྙེམས་ཐག་ཡུམ་གྱི་ཀློང་དུ་ཆོད། །སྐྱེ་མེད་ཀློང་ནས་སྐྱེ་འཆི་མེད། །མ་བཙན་ས་ཟིན་ལ་ཕྱག་འཚལ་བསྟོད། །མ་ལོག་འདྲེན་བགེགས་ལ་མི་འཇིགས་པའི། །འདྲེ་གདོན་རང་སྣང་སེམས་སུ་ཆོད། །གདོན་གནོད་སྦྱིན་ཕོ་མོའི་བདུད་ལས་གྲོལ། །མ་བར་ཆད་སེལ་ལ་ཕྱག་འཚལ་བསྟོད། །མ་དང་པོ་ལུས་སེམས་བསྐྱེད་པའི་མ། །བར་དུ་ཟང་ཟིང་ཕོག་པའི་མ། །ཐ་མར་སྐྱེ་མེད་སྟོན་པའི་མོ། །མ་དྲིན་མོ་ཆེ་ལ་ཕྱག་འཚལ་བསྟོད། །མ་

[Full Size]

ལུས་སྲོག་གཟན་དུ་བོར་བའི་མ། །རིག་པ་གཞི་ལ་དག་པའི་མ། །མ་དབྱིངས་ཀྱི་ཐུགས་ལ་འཁྲུལ་པ་མེད། །བུས་ད་རུང་སེམས་ཀྱི་ཐག་མ་ཆོད། །མ་བཞུགས་པའི་ཚེ་ལ་དགའ་མ་ཚོར། །གཤེགས་པའི་ཚེ་ན་སྙིང་མ་དགའ། །མ་བཞུགས་ནས་བྱིན་གྱིས་བརླབ་ཏུ་གསོལ། །བུས་ཀྱང་མ་ལ་གསོལ་བ་འདེབས། །མས་ཀྱང་བུ་ལ་བྱིན་གྱིས་རློབས། །བདག་དང་མོས་པའི་རྗེས་འཇུག་ལ། །བྱིན་གྱིས་བརླབ་པར་མཛད་དུ་གསོལ། །ལུས་ལ་བདེ་བ་བསྐྱེད་དུ་གསོལ། །ངག་ལ་ནུས་པ་སྦྱར་དུ་གསོལ། །སེམས་ལ་རྟོགས་པ་འཆར་དུ་གསོལ། །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །མ་དང་པོ་ལུས་སེམས་ཞེས་པ་མན་ཆད་འཇིགས་སྐྱོབ་ཕྲིན་ལས་ཀྱི་བསྟོད་པ་གདུང་སྒྲོམ་བྱང་སྒོ་ནས་བསྟོད་པའོ། །ཕཊ། བེམ་པོ་དཀར་གསུམ་མངར་གསུམ་སྨན་གྱི་ཚོགས། །དར་ཟབ་བལ་ཚོན་ནམ་མཁའ་མདའ་འཕང་དང་། །རིན་ཆེན་འབྲུ་སྣ་བྱ་རིགས་གཅན་གཟན་ཚོགས། །རི་དྭགས་གཡུང་དྭགས་གོ་མཚོན་ཤིང་རྩི་རྣམས། །དཔག་ཏུ་མེད་པ་གཞི་བདག་རྣམས་ལ་བྱིན། །དད་གུས་ཕྲིན་ལས་གང་འདོད་སྒྲུབ་པར་

[Full Size]

གྱུར། །གཞི་བདག་གཏོར་མའོ། །ཕཊ་ཕཊ། ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །མ་རི་ཁྲོད་འགྲིམ་ཞིང་ཉམས་སུ་ལེན། །མ་གཅིག་སྟོང་པ་ཉིད་ནས། །སྟོང་པ་ཉིད་ལ་སེར་སྣ་མེད། །མ་སྦྱིན་པ་རྫོགས་ལ་ཕྱག་འཚལ་བསྟོད། །མ་གཅིག་སྟོང་པ་ཉིད་ལ་གནས། །སྟོང་པ་ཉིད་ལ་འཆལ་བ་མེད། །མོ་ཚུལ་ཁྲིམས་རྫོགས་ལ་ཕྱག་འཚལ་བསྟོད། །མ་གཅིག་སྟོང་པ་ཉིད་ལ་གནས། །སྟོང་པ་ཉིད་ལ་ཁོང་ཁྲོ་མེད། །མ་བཟོད་པ་རྫོགས་ལ་ཕྱག་འཚལ་བསྟོད། །མ་གཅིག་སྟོང་པ་ཉིད་ལ་གནས། །སྟོང་པ་ཉིད་ལ་ལེ་ལོ་མེད། །མ་བརྩོན་འགྲུས་རྫོགས་ལ་ཕྱག་འཚལ་བསྟོད། །མ་གཅིག་སྟོང་པ་ཉིད་ལ་གནས། །སྟོང་པ་ཉིད་ལ་གཡོ་བ་མེད། །མ་བསམ་གཏན་རྫོགས་ལ་ཕྱག་འཚལ་བསྟོད། །མ་གཅིག་སྟོང་པ་ཉིད་ལ་གནས། །སྟོང་པ་ཉིད་ལ་གཏི་མུག་མེད། །མ་ཤེས་རབ་རྫོགས་ལ་ཕྱག་འཚལ་བསྟོད། །མ་ཕ་རོལ་ཕྱིན་དྲུག་ཐུགས་ལ་མངའ། །ཡང་དག་དོན་རྟོགས་འགྲོ་བའི་མགོན། །མ་གཅིག་ཁྱེད་ལ་ཕྱག་འཚལ་བསྟོད། །མ་གཅིག་གི་བསྟོད་པ་དེ་ཐམས་ཅད་སྲས་རྒྱལ་བའི་དོན་གྲུབ་ཀྱིས་མཛད་པའོ། །ཕཊ། །

[Full Size]

བེམ་རོ་དེ་ཉིད་སིལ་བུར་གྱུར་པ་ལས། །རང་གི་ཐུགས་ཀའི་འོད་ཟེར་ཕོག་པ་ཡིས། །མི་གཙང་དྲི་མ་ཐམས་ཅད་སྦྱངས་ནས་ཀྱང་། །ཤ་རྣམས་བདུད་རྩི་ཁྲག་རྣམས་འོ་མའི་མཚོ། །མཚོ་དང་རྫིང་བུ་ནེའུ་སེང་ཆུ་མིག་དང་། །རིན་ཆེན་རི་བོ་ཤིང་རྩི་མེ་ཏོག་ཚོགས། །ཁང་བཟང་ཆུ་བྱ་ཆུ་གནས་སྣ་ཚོགས་གྱུར། །ཀླུ་ལ་བྱིན་པས་ནད་དང་སྡུག་བསྔལ་ཞི། །བཀྲག་མདངས་རབ་རྒྱས་དད་གུས་བྱམས་སེམས་ལྡན། །ཕྲིན་ལས་གང་བཅོལ་ཐོགས་མེད་སྒྲུབ་པར་གྱུར། །ཕཊ་ཕཊ། མ་ནམ་མཁའ་ལྟ་བུའི་ཡུམ་ཆེན་ལ། །སྲས་ཉི་ཟླ་ལྟ་བུའི་རྒྱལ་བོ་འཁྲུངས། །མ་ཡུམ་ཆེན་དེ་ཡི་ཐུགས་ཀྱི་སྲས། །སྐུ་ཡི་བྱིན་རླབས་ལུས་ལ་ཞུགས་པས་གཟི་བརྗིད་ཆེ། །གསུང་གི་བྱིན་རླབས་ངག་ལ་ཞུགས་པས་ནུས་པ་ཆེ། །ཐུགས་ཀྱི་བྱིན་རླབས་སེམས་ལ་ཞུགས་པས་རྟོགས་པ་ཆེ། །ཡོན་ཏན་བྱིན་རླབས་ཞུགས་པས་ཐུགས་རྗེ་ཆེ། །ཕྲིན་ལས་བྱིན་རླབས་ཞུགས་པས་འགྲོ་དོན་ཆེ། །རྗེ་མཁྱེན་པ་ཀུན་ལྡན་གླང་ལུང་པ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །རྗེ་ཐོགས་བཅས་བདུད་ཀྱི་དོན་རྟོགས་ཤིང་། །དངོས་སྣང་སྒྱུ་

[Full Size]

མ་ལྟ་བུར་མཁྱེན། །ཐོགས་མེད་བདུད་ཀྱི་དོན་རྟོགས་པས། །ཉོན་མོངས་རང་སར་གྲོལ་བར་མཁྱེན། །དགའ་བྲོད་བདུད་ཀྱི་དོན་རྟོགས་པས། །ཡོན་ཏན་སེམས་སུ་མཉམ་པར་མཁྱེན། །སྙེམས་བྱེད་བདུད་ཀྱི་དོན་རྟོགས་པས། །འཁོར་བ་དབྱིངས་སུ་གྲོལ་བར་མཁྱེན། །རྗེ་མཁྱེན་པ་ཀུན་ལྡན་གླང་ལུང་པ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །མ་ཡུམ་ཆེན་སྲས་སུ་གྱུར་པའི་རིགས་རྒྱུད་ཅན། །ལྟ་སྒོམ་དམིགས་པ་བྲལ་བའི་རྟོགས་པ་ཅན། །སྒྲོ་འདོགས་སེམས་སུ་ཆོད་པའི་མཁྱེན་པ་ཅན། །རྒྱ་བོད་ཧོར་གསུམ་ཐོས་པའི་གྲགས་པ་ཅན། །རྗེ་ཡོན་ཏན་ཀུན་ལྡན་གླང་ལུང་པ། །བདག་དང་མོས་པའི་བུ་སློབ་ལ། །བྱིན་གྱིས་བརླབ་པར་མཛད་དུ་གསོལ། །ཕཊ་ཕཊ་ཕཊ། སྲས་བསྟོད་འདི་གཉན་ཆུང་ལོ་ཙཱ་བས་མཛད་པའོ། །ཕཊ། མ་གཅིག་སྙན་གོང་གཡོན་ངོས་བཞུགས་པ་ཡི། །རྗེ་བཙུན་ཕག་མོ་ལྷ་ལྔ་དེ་ཉིད་ཀྱི། །སྐུ་ལས་འོད་ཟེར་ཁ་དོག་སྣ་ཚོགས་འཕྲོས། །བདག་དང་བསྲུང་བྱ་ཀུན་ལ་ཐིམ་པ་ཡིས། །ཡང་དག་བདེ་ཆེན་ཡེ་ཤེས་བསྐྱེད་པར་གྱུར། །ཕཊ་ཕཊ། ཀྱཻ། མ་

[Full Size]

མི་མིན་ཡེ་ཤེས་མཁའ་འགྲོ་མ། །དབུས་ཕྱོགས་སངས་རྒྱས་རིགས་ཀྱི་མཁའ་འགྲོ་འབུམ། །ཡང་དག་བདེ་ཆེན་བསྐྱེད་པའི་ཌཱཀི་ལ། །དད་མོས་དྲག་པོས་སྟོབས་ཀྱིས་གསོལ་བ་འདེབས། །ཐུགས་རྗེས་རྒྱུན་ཆད་མེད་པར་དགོངས་མཛོད་ལ། །ལས་ཅན་ཕོ་མོ་རྣམས་ལ་བྱིན་གྱིས་རློབས། །དད་ལྡན་སྐྱེས་བུ་རྣམས་ལ་བཅུད་དུ་ཕོབ། །ཕཊ་ཕཊ། རྒྱས་པར་འགྲེས་ཡིན་ཀྱང་བསྡུ་ན། སྐྱེ། མ་མི་མིན་ཡེ་ཤེས་མཁའ་འགྲོ་མ། །ཤར་ཕྱོགས་རྡོ་རྗེ་རིགས་ཀྱི་ཌཱཀི་འབུམ། །ལྷོ་ཕྱོགས་རིན་ཆེན་རིགས་ཀྱི་ཌཱཀི་འབུམ། །ནུབ་ཕྱོགས་པདྨ་རིགས་ཀྱི་ཌཱཀི་འབུམ། །བྱང་ཕྱོགས་ལས་ཀྱི་རིགས་ཀྱི་ཌཱཀི་འབུམ། །ཡང་དག་བདེ་ཆེན་བསྐྱེད་པའི་ཌཱཀི་ལ། །དད་མོས་དྲག་པོས་སྟོབས་ཀྱིས་གསོལ་བ་འདེབས། །ཐུགས་རྗེས་རྒྱུན་ཆད་མེད་པར་དགོངས་མཛོད་ལ། །ལས་ཅན་ཕོ་མོ་རྣམས་ལ་བྱིན་གྱིས་རློབས། །དད་ལྡན་སྐྱེས་བུ་རྣམས་ལ་བཅུད་དུ་ཕོབ། །ཕཊ་ཕཊ། གཙོ་མོའི་སྐུ་ལས་སྤྲུལ་པའི་མཁའ་འགྲོ་བྱེ་བ་ལ་གསོལ་བ་འདེབས་པ་ནི། ཀྱཻ། མ་མི་མིན་ཡེ་ཤེས་མཁའ་འགྲོ་མ། །སྤྱན་གསུམ་བར་སྣང་མཁའ་ལ་གཟིགས་པ་ལས། །དུས་གསུམ་ཐོགས་མེད་གཟིགས་པའི་

[Full Size]

ཌཀི་འབུམ། །མི་མགོ་སུམ་བརྩེགས་རབ་ཏུ་བརྒྱན་པ་ལས། །ཁམས་གསུམ་དབང་དུ་སྡུད་པའི་ཌཱཀི་འབུམ། །ཐོད་སྐམ་ལྔ་ཡིས་དབུ་ལ་བརྒྱན་པ་ལས། །རིགས་ལྔས་འགྲོ་དོན་མཛད་པའི་ཌཱཀི་འབུམ། །ཐོད་རློན་ལྔ་བཅུའི་དོ་ཤལ་བྱས་པ་ལ། །འཁྲུལ་པ་ལྔ་བཅུ་རྩ་གཅིག་ཟད་པའི་ཌཱཀི་འབུམ། །དབུ་སྐྲ་སིལ་མས་སྐུ་རྒྱབ་ཁེབས་པ་ནི། །སེམས་ཅན་བདེ་ལ་བཀོད་པའི་ཌཱཀི་འབུམ། །རུས་པའི་རྒྱན་དྲུག་སྐུ་ལ་བརྒྱན་པ་ལ། །རྟོགས་མེད་ཉམས་དང་ལྡན་པའི་ཌཱཀི་འབུམ། ཡང་དག་བདེ་ཆེན་བསྐྱེད་པའི་ཌཱཀི་ལ། །དད་མོས་དྲག་པོས་སྟོབས་ཀྱིས་གསོལ་བ་འདེབས། །ཐུགས་རྗེས་རྒྱུན་ཆད་མེད་པར་དགོངས་མཛོད་ལ། །ལས་ཅན་ཕོ་མོ་རྣམས་ལ་བྱིན་གྱིས་རློབས། །དད་ལྡན་སྐྱེས་བུ་རྣམས་ལ་བཅུད་དུ་ཕོབ། །ཕཊ་ཕཊ། ཀྱི། མ་མི་མིན་ཡེ་ཤེས་མཁའ་འགྲོ་མ། །ཁཊཾ་རྩེ་གསུམ་རབ་ཏུ་བརྒྱན་པ་ལས། །སྲིད་གསུམ་ཟིལ་གྱིས་གནོན་པའི་ཌཀི་འབུམ། །བམ་ཆེན་གདན་ལ་བརྐྱང་བསྐུམ་བཞུགས་པ་ནི། །འགྲོ་དྲུག་གནས་ནས་འདྲེན་པའི་ཌཱཀི་འབུམ། །ཌཱ་རུ་ཅང་ཏེའུ་གསེར་གྱི་རྡེའུ་ཆུང་

[Full Size]

ལས༔ །དོན་དམ་སྙན་བརྒྱུད་འཛིན་པའི་ཌཱཀི་འབུམ། །གསེར་གྱི་དྲིལ་བུ་གཡེར་ཁས་གསུང་སྙན་སྒྲོགས་པ་ལས། །སྟོང་གསུམ་ཆོས་སྒྲ་སྒྲོགས་པའི་ཌཱཀི་འབུམ། །དར་གྱི་འཕུར་ལྕེས་རབ་ཏུ་བརྒྱན་པ་ལས། །སྤྲུལ་པ་ཡང་སྤྲུལ་འགྱེད་པའི་ཌཱཀི་འབུམ། །དུར་ཁྲོད་ཤ་ལ་རོལ་བར་མཛད་པ་ཡིས། །ཡེ་ཤེས་རོལ་བར་མཛད་པའི་ཀླུའི་འབུམ། །ཡང་དག་བདེ་ཆེན་བསྐྱེད་པའི་ཌཱཀི་ལ། །དད་མོས་དྲག་པོས་སྟོབས་ཀྱིས་གསོལ་བ་འདེབས། །ཐུགས་རྗེས་རྒྱུན་ཆད་མེད་པར་དགོངས་མཛོད་ལ། །ལས་ཅན་ཕོ་མོ་རྣམས་ལ་བྱིན་གྱིས་རློབས། །དད་ལྡན་སྐྱེས་བུ་རྣམས་ལ་བཅུད་དུ་ཕོབ། །ཕཊ་ཕཊ། མཁའ་འགྲོ་འབུམ་བསྐུལ་འདི་མ་གཅིག་གིས་མཛད་པ་ཡིན་ནོ།། ༈ དེ་ནས་ཚོགས་ལ་ཆུ་གཙང་དང་བདུད་རྩིས་བྲན་ལ། ཨོཾ་ཨཱཿཧཱུྃ། ཨོཾ་ག་ཏེ་ག་ཏེ་པ་ར་ག་ཏེ་པཱ་ར་སཾ་ག་ཏེ་བྷོ་དྷི་སྭཱ་ཧཱ། ཞེས་པས་བསངས་ནས། ཕཊ། མདུན་གྱི་གཅོད་ཡུལ་བརྒྱུད་པ་ཐམས་ཅད་ཀྱི། །སྐུ་ལས་འོད་ཟེར་དཔག་མེད་འཕྲོས་པ་ཡིས། །ཡུལ་དེར་ཕོག་པས་ཨོ་རྒྱན་ཡུལ་དུ་གྱུར། །གནས་ཁང་ལ་ཕོག་གཞལ་ཡས་ཁང་དུ་གྱུར། །མགྲོན་ལ་ཕོག་པས་དཔའ་བོ་དཔའ་

[Full Size]

མོར་གྱུར། །སྣོད་སྤྱད་ལ་ཕོག་པདྨ་བྷནྡྷར་གྱུར། །ཚོགས་རྫས་ལ་ཕོག་ཡེ་ཤེས་བདུད་རྩིར་གྱུར། །ཕཊ་ཕཊ། བཀའ་བརྒྱུད་ཚོགས་ལས་ནི། གནས་ཆོས་དབྱིངས་རྣམ་དག་གི་གཞལ་ཡས་ན། །ཡུམ་ཆེན་ཤེས་རབ་ཕར་ཕྱིན་རིན་པོ་ཆེ། །ཁོང་དཔའ་བོ་དཔའ་མོའི་དབུས་ན་བཞུགས། །བདག་མོས་གུས་གདུང་བས་གསོལ་བ་འདེབས། །རྗེ་མཁའ་འགྲོའི་ཚོགས་རྣམས་གཤེགས་སུ་གསོལ། །མཁའ་འགྲོའི་ཚོགས་རྣམས་གཤེགས་ནས་ཀྱང་། །བདག་སྒྲུབ་པ་པོ་ལ་དངོས་གྲུབ་སྩོལ། །ས་གཞི་བྱིན་གྱིས་བརླབ་པར་མཛད་དུ་གསོལ། །ཀྱཻ། ཚོགས་ཁང་གཞལ་ཡས་འབར་བ་འདི། །ཨོ་རྒྱན་གནས་སུ་བྱིན་གྱིས་རློབས། །འདིར་ཚོགས་སྐྱེས་བུ་ཕོ་མོ་རྣམས། །དཔའ་བོ་དཔའ་མོར་བྱིན་གྱིས་རློབས། །རིན་ཆེན་ལ་སོགས་སྣོད་མཆོག་རྣམས། །པདྨ་བྷནྡཱར་བྱིན་གྱིས་རློབས། །བཅུད་ཚོགས་ཀྱི་འཁོར་ལོ་ཐམས་ཅད་ཀྱང་། །ཡེ་ཤེས་བདུད་རྩིར་བྱིན་གྱིས་རློབས། །མི་མཐུན་རྐྱེན་དང་བར་ཆད་སོལ། །མཐུན་པའི་ལམ་སྣ་དབྱིངས་སུ་དྲོངས། །རྒྱས་པར་འགྲེས་ཡིན་ཀྱང་བསྡུ་ན། གནས་བྱ་རྒོད་ཕུང་པོའི་རི་བོ་ན། །རྗེ་ཡང་

[Full Size]

དག་རྫོགས་པའི་སངས་རྒྱས་རིན་པོ་ཆེ། །གནས་སེང་ཆེན་བསྣོལ་བའི་ཁྲི་སྟེང་ན། །འཇམ་དཔལ་སྨྲ་བའི་སེང་གེ་རིན་པོ་ཆེ། །གནས་གཡུ་ལོ་བཀོད་པའི་ཞིང་ཁམས་ན། །རྗེ་བཙུན་སྒྲོལ་མ་དཀར་མོ་རིན་པོ་ཆེ། །གནས་འཇའ་འོད་འཁྱིལ་པའི་ཞིང་ཁམས་ན། །མཁའ་འགྲོ་སུ་ཁ་སིདྡྷི་རིན་པོ་ཆེ། །གནས་རྒྱ་གར་སྤྱིལ་པོའི་ཁ་སྦྱོར་ན། །བྲམ་ཟེ་ཨཱརྱ་དེ་ཝ་རིན་པོ་ཆེ། །གནས་ལ་སྟོད་དིང་རིའི་དགོན་པ་ན། །ཕ་གཅིག་དམ་པ་སངས་རྒྱས་རིན་པོ་ཆེ། །གནས་དབུས་གཙང་གཉིས་ཀྱི་ས་མཚམས་ན། །སྐྱོ་སྟོན་བསོད་ནམས་བླ་མ་རིན་པོ་ཆེ། །ཁོང་དཔའ་བོ་དཔའ་མོའི་དབུས་ན་བཞུགས། །བདག་མོས་གུས་གདུང་བས་གསོལ་བ་འདེབས། །རྗེ་མཁའ་འགྲོའི་ཚོགས་རྣམས་གཤེགས་སུ་གསོལ། །མཁའ་འགྲོའི་ཚོགས་རྣམས་གཤེགས་ནས་ཀྱང་། །བདག་སྒྲུབ་པ་པོ་ལ་དངོས་གྲུབ་སྩོལ། །ས་གཞི་བྱིན་གྱིས་བརླབ་པར་མཛད་དུ་གསོལ། །ཚོགས་ཁང་གཞལ་ཡས་འབར་བ་འདི། །ཨོ་རྒྱན་གནས་སུ་བྱིན་གྱིས་རློབས། །འདིར་ཚོགས་སྐྱེས་བུ་ཕོ་མོ་རྣམས། །དཔའ་བོ་དཔའ་མོར་བྱིན་གྱིས་རློབས། །རིན་

[Full Size]

ཆེན་ལ་སོགས་སྣོད་མཆོག་རྣམས། །པདྨ་བྷནྡཱར་བྱིན་གྱིས་རློབས། །བཅུད་ཚོགས་ཀྱི་འཁོར་ལོ་ཐམས་ཅད་ཀྱང་། །ཡེ་ཤེས་བདུད་རྩིར་བྱིན་གྱིས་རློབས། མི་མཐུན་རྐྱེན་དང་བར་ཆད་སོལ། །མཐུན་པའི་ལམ་སྣ་དབྱིངས་སུ་དྲོངས། །གནས་ཟངས་རི་མཁར་དམར་གྱི་དགོན་པ་ན། །མ་གཅིག་ལབ་ཀྱི་སྒྲོན་མ་རིན་པོ་ཆེ། །གནས་བཀྲ་ཤིས་གླང་ལུང་གི་དགོན་པ་ན། །སྲས་མཆོག་རྒྱལ་བ་དོན་གྲུབ་རིན་པོ་ཆེ། །གནས་རྒྱལ་ཁམས་ཕྱོགས་མེད་ཀྱི་དགོན་པ་ན། །བཀའ་བབ་བུ་ཆེན་བཅུ་དྲུག་རིན་པོ་ཆེ། །གནས་སྟོད་ལུང་མཚུར་ཕུའི་དགོན་པ་ན། །གྲུབ་ཆེན་ཀརྨ་པཀཱི་རིན་པོ་ཆེ། །གནས་བདུད་བཞི་ཟིལ་གནོན་གྱི་ཕོ་བྲང་ན། །རྗེ་རང་བྱུང་རྡོ་རྗེ་རིན་པོ་ཆེ། །གནས་གར་བཞུགས་ཆོས་ཉིད་ཀྱི་དགོན་པ་ན། །ཕ་གྲུབ་ཐོབ་གཅོད་ཡུལ་བརྒྱུད་པ་རིན་པོ་ཆེ། །གནས་སྤྱི་གཙུག་པད་ཟླའི་གདན་སྟེང་ན། །དྲིན་ཆེན་རྩ་བའི་བླ་མ་རིན་པོ་ཆེ། །ཁོང་དཔའ་བོ་དཔའ་མོའི་དབུས་ན་བཞུགས། །བདག་མོས་གུས་གདུང་བས་གསོལ་བ་འདེབས། །རྗེ་མཁའ་འགྲོའི་ཚོགས་རྣམས་གཤེགས་སུ་གསོལ། །མཁའ་འགྲོའི་

[Full Size]

ཚོགས་རྣམས་གཤེགས་ནས་ཀྱང་། །བདག་སྒྲུབ་པ་པོ་ལ་དངོས་གྲུབ་སྩོལ། །ས་གཞི་བྱིན་གྱིས་བརླབ་པར་མཛད་དུ་གསོལ། །ཀྱཻ། ཚོགས་ཁང་གཞལ་ཡས་འབར་བ་འདི། །ཨོ་རྒྱན་གནས་སུ་བྱིན་གྱིས་རློབས། །འདིར་ཚོགས་སྐྱེས་བུ་ཕོ་མོ་རྣམས། །དཔའ་བོ་དཔའ་མོར་བྱིན་གྱིས་རློབས། །རིན་ཆེན་ལ་སོགས་སྣོད་མཆོག་འདི། །པདྨ་བྷནྡར་བྱིན་གྱིས་རློབས། །བཅུད་ཚོགས་ཀྱི་འཁོར་ལོ་ཐམས་ཅད་ཀྱང་། །ཡེ་ཤེས་བདུད་རྩིར་བྱིན་གྱིས་རློབས། །མི་མཐུན་རྐྱེན་དང་བར་ཆད་སོལ། །མཐུན་པའི་ལམ་སྣ་དབྱིངས་སུ་དྲོངས། །ཕཊ་ཕཊ། བཀའ་བརྒྱུད་ཚོགས་ལས་སྟོད་ཆ་འདི། །སྲས་རྒྱལ་བ་དོན་གྲུབ་ཀྱིས་མཛད་པའོ།། ཕཊ། དཀྱིལ་འཁོར་ལྷ་ཚོགས་འོད་ཀྱིས་མ་གཅིག་བསྐུལ། །མ་གཅིག་ཐུགས་ལས་འོད་ཟེར་འཕྲོས་པ་ཡིས། །ཨོ་རྒྱན་དག་པ་མཁའ་སྤྱོད་ཞིང་ཁམས་ནས། །མཁའ་འགྲོ་སྡེ་ལྔ་འཁོར་ཚོགས་འབུམ་སྡེར་བཅས། །མདུན་གྱི་ནམ་མཁར་སྤྱན་དྲངས་སྤྲིན་ལྟར་འཁྲིགས། །ཀུན་ཀྱང་རྒྱན་ཆ་རོལ་མོ་ཏི་རི་རི། །པད་ཟླའི་གདན་བཞུགས་འདོད་ཡོན་སྣ་ཚོགས་མཆོད། །བདག་དང་བསྲུང་བྱ་ལྷ་འདྲེས་ཕྱག་འཚལ་གྱུར། །

[Full Size]

ཕཊ་ཕཊ། ཅེས་བསྒོམ་ཞིང་ཚོགས་ལྷ་སྤྱན་འདྲེན་ནི། ཀྱཻ། མ་མི་མིན་ཡེ་ཤེས་མཁའ་འགྲོ་མ། །དབུས་ཕྱོགས་སངས་རྒྱས་རིགས་ཀྱི་ཌཱཀིའི་ཚོགས། །སྐུ་མདོག་ནག་ལ་འོད་ཟེར་འབར། །ཕྱག་ན་འཁོར་ལོའི་པད་སྣོད་བསྣམས། །མུ་མེན་ཐོར་ཚུགས་ལྡེམས་སེ་ལྡེམ། །རིན་ཆེན་སྙན་ཆ་ཁྲ་ལ་ལ། །ཕྱག་གདུབ་ཞབས་གདུབ་སི་ལི་ལི། །དར་གྱི་ཅོད་པན་པུ་རུ་རུ། །རུས་པའི་རྒྱན་ཆ་ཁྲ་ལ་ལ། །ཌཱ་རུ་ཅང་ཏེའུ་ཁྲོ་ལོ་ལོ། །རྔ་སྒྲ་དུང་སྒྲ་འུ་རུ་རུ། །པི་ཝཾ་གླིང་བུ་ལྷངས་སེ་ལྷང་། །དུར་ཁྲོད་ཚོགས་མཆོད་བྱིན་གྱིས་བརླབ་པའི་ཕྱིར། །རྗེ་མཁའ་འགྲོའི་ཚོགས་རྣམས་གཤེགས་སུ་གསོལ། །མཁའ་འགྲོའི་ཚོགས་རྣམས་གཤེགས་ནས་ཀྱང་། །དུག་ལྔ་གཅོད་ཕྱིར་པད་ཟླའི་གདན་ལ་བཞུགས་། །ཕ་རོལ་ཕྱིན་དྲུག་རྫོགས་ལ་གུས་ཕྱག་འཚལ། །གཟུགས་སྒྲ་དྲི་རོ་རེག་བྱའི་མཆོད་པ་འབུལ། །སྟོང་ཉིད་བཅོ་བརྒྱད་རྫོགས་ལ་གུས་ཕྱག་འཚལ། །ཀྱཻ། ཚོགས་ཁང་གཞལ་ཡས་འབར་བ་འདི། །ཨོ་རྒྱན་གནས་སུ་བྱིན་གྱིས་རློབས། །འདིར་ཚོགས་སྐལ་ལྡན་ཕོ་མོ་རྣམས། །དཔའ་བོ་དཔའ་མོར་བྱིན་གྱིས་རློབས། །རིན་ཆེན་ལ་སོགས་

[Full Size]

སྣོད་མཆོག་འདི། །པདྨ་བྷནྡཱར་བྱིན་གྱིས་རློབས། །བཅུད་ཚོགས་ཀྱི་ཞལ་ཟས་ཐམས་ཅད་ཀྱང་། །ཟག་མེད་བདུད་རྩིར་བྱིན་གྱིས་རློབས། །མཎྜལ་འདི་ལ་རྟེན་ཞིག་ཆོས། །མར་མེ་འདི་ལ་མདངས་ཤིག་ཕྱུང་། །སློབ་མ་རྣམས་ལ་དབང་ཞིག་སྐུར། །ཚོགས་གཏོར་འདི་ལ་བཅུད་ཅིག་ཕོབ། །རྣལ་འབྱོར་བར་ཆད་ཞི་བ་དང་། །མཆོག་དང་ཐུན་མོང་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །ཕཊ་ཕཊ། བྱིན་འབེབས་དམིགས་པ་ནི། ཕཊ། ལྷ་ཚོགས་རྣམས་ཀྱི་འོད་ཀྱིས་བསྐུལ་བ་ཡིས། །ཌཀི་རྣམས་ཀྱི་ཐུགས་ལས་འོད་ཟེར་འཕྲོས། །གནས་ལ་ཕོག་པས་ཨོ་རྒྱན་རང་བྱུང་གནས། །ནམ་མཁའ་འཇའ་ཡི་གུར་དང་བླ་རེ་འཁྲིགས། །བར་སྣང་མེ་ཏོག་ཆར་པ་ལང་ལོང་བབ། །ས་གཞིར་འདོད་ཡོན་མཆོད་རྫས་གཅལ་དུ་བཀྲམ། །ལྷ་ཡི་བུ་དང་བུ་མོ་ཐམས་ཅད་ཀྱིས། །གླུ་གར་རོལ་མོས་ནམ་མཁའ་བར་སྣང་གང་། །འོད་ཟེར་གནས་ཁང་ལ་ཕོག་ཐོད་པའི་མཁར། །གཞལ་ཡས་གྲུ་བཞི་སྒོ་བཞི་རྟ་བབས་རྫོགས། །འོད་ཟེར་རྣལ་འབྱོར་ཕོ་མོར་ཕོག་པ་ཡིས། །ཐམས་ཅད་དཔའ་བོ་མཁའ་འགྲོ་ཁོ་ནར་གྱུར། །སྣོད་ལ་ཕོག་པས་

[Full Size]

ཐོད་པ་མཚན་དང་ལྡན། །ཚོགས་རྫ་ས་ལ་ཕོག་ཤ་ལྔ་བདུད་རྩི་ལྔ། །མཎྜལ་ལ་ཕོག་རྒྱན་བཀོད་ཕུན་སུམ་ཚོགས། །མཆོད་རྫས་ལ་ཕོག་སྣང་སྟོང་མཆོད་པའི་སྤྲི། །གནོད་བྱེད་གཙོར་བྱས་འགྲོ་དྲུག་ཀུན་ལ་ཕོག །སྡིག་སྒྲིབ་དག་ནས་སྐུ་བཞིའི་ས་བོན་བཞག །ཕཊ་ཕཊ། ཀྱཻ། མ་མི་མིན་ཡེ་ཤེས་མཁའ་འགྲོ་མ། །ཤར་ཕྱོགས་རྡོ་རྗེ་རིགས་ཀྱི་ཌཱཀིའི་ཚོགས། །སྐུ་མདོག་དཀར་ལ་འོད་ཟེར་འབར། །ཕྱག་ན་རྡོ་རྗེ་པད་སྣོད་བསྣམས། །ཤེལ་གྱི་ཐོར་ཚུགས་ལྡེམས་སེ་ལྡེམ། །རྒྱས་པར་འགྲེས་ཡིན་ཀྱང་བསྡུ་ན། ལྷོ་ཕྱོགས་རིན་ཆེན་རིགས་ཀྱི་ཌཱཀིའི་ཚོགས། །སྐུ་མདོག་སེར་ལ་འོད་ཟེར་འབར། །ཕྱག་ན་རིན་ཆེན་པད་སྣོད་བསྣམས། །གསེར་གྱི་ཐོར་ཚུགས་ལྡེམས་སེ་ཀཾ་ལྡེམ། །ནུབ་ཕྱོགས་པདྨ་རིགས་ཀྱི་ཌཱཀིའི་ཚོགས། །སྐུ་མདོག་དམར་ལ་འོད་ཟེར་འབར། །ཕྱག་ན་པདྨའི་པད་སྣོད་བསྣམས། །བྱུ་རུའི་ཐོར་ཚུགས་ལྡེམས་སེ་ལྡེམ། །བྱང་ཕྱོགས་ལས་ཀྱི་རིགས་ཀྱི་ཌཱཀིའི་ཚོགས། །སྐུ་མདོག་ལྗང་ལ་འོད་ཟེར་འབར། །ཕྱག་ན་རྒྱ་གྲམ་པད་སྣོད་བསྣམས། །གཡུ་ཡི་ཐོར་ཚུགས་ལྡེམས་སེ་

[Full Size]

ལྡེམ། །རིན་ཆེན་སྙན་ཆ་ཁྲ་ལ་ལ། །ཕྱག་གདུབ་ཞབས་གདུབ་སི་ལི་ལི། །དར་གྱི་ཅོད་པན་པུ་རུ་རུ། །རུས་པའི་རྒྱན་ཆ་ཁྲ་ལ་ལ། །ཌཱ་རུ་ཅང་ཏེའུ་ཁྲོ་ལོ་ལོ། །རྔ་སྒྲ་དུང་སྒྲ་འུ་རུ་རུ། །པི་ཝཾ་གླིང་བུ་ལྷངས་སེ་ལྷང་། །དུར་ཁྲོད་ཚོགས་མཆོད་བྱིན་གྱིས་བརླབ་པའི་ཕྱིར། །ཀྱཻ། མཁའ་འགྲོའི་ཚོགས་རྣམས་གཤེགས་སུ་གསོལ། །མཁའ་འགྲོའི་ཚོགས་རྣམས་གཤེགས་ནས་ཀྱང་། །དུག་ལྔ་གཅོད་ཕྱིར་པད་ཟླའི་གདན་ལ་བཞུགས། །ཕ་རོལ་ཕྱིན་དྲུག་རྫོགས་ལ་གུས་ཕྱག་འཚལ། །གཟུགས་སྒྲ་དྲི་རོ་རེག་བྱའི་མཆོད་པ་འབུལ། །སྟོང་ཉིད་བཅོ་བརྒྱད་རྫོགས་ལ་གུས་ཕྱག་འཚལ། །ཀྱཻ། ཚོགས་ཁང་གཞལ་ཡས་འབར་བ་འདི། །ཨོ་རྒྱན་གནས་སུ་བྱིན་གྱིས་རློབས། །འདིར་ཚོགས་སྐལ་ལྡན་ཕོ་མོ་རྣམས། །དཔའ་བོ་དཔའ་མོར་བྱིན་གྱིས་རློབས། །རིན་ཆེན་ལ་སོགས་སྣོད་མཆོག་འདི། །པདྨ་བྷནྡཱར་བྱིན་གྱིས་རློབས། །བཅུད་ཚོགས་ཀྱི་ཞལ་ཟས་ཐམས་ཅད་ཀྱང་། །ཟག་མེད་བདུད་རྩིར་བྱིན་གྱིས་རློབས། །མཎྜལ་འདི་ལ་རྟེན་ཞིག་ཆོས། །མར་མེ་འདི་ལ་མདངས་ཤིག་ཕྱུངས། །སློབ་མ་རྣམས་ལ་དབང་ཞིག་སྐུར། །ཚོགས་

[Full Size]

གཏོར་འདི་ལ་བཅུད་ཅིག་ཕོབ། །རྣལ་འབྱོར་བར་ཆད་ཞི་བ་དང་། །མཆོག་དང་ཐུན་མོང་དངོས་གྲུབ་སྩོལ། །བུ་སྐྱེ་བ་མེད་པར་ལམ་སྣ་དྲོངས། །ཕཊ་ཕཊཿ མ་རྒྱུད་ཚོགས་ལས་འདི་མ་གཅིག་གིས་མཛད་པའོ། །དེ་ནས་བསྲེ་བ་བཞི་ཡི་དམིགས་པ་བྱ་བ་ནི། ཕཊ། བསྲུང་བྱའི་ལུས་དང་བདག་ལུས་དབྱེར་མེད་འདྲེས། །རྣམ་ཤེས་གཉིས་པོ་དབྱེར་མེད་ཧཱུྃ་དུ་གྱུར། །ཧཱུཾ་དེ་ཚངས་བུག་ནས་ཐོན་ནམ་མཁར་ཡལ། །ནམ་མཁའ་སེམས་ཉིད་དབྱེར་མེད་གཅིག་ཏུ་འདྲེས། །ལས་བྱེད་མཁའ་འགྲོས་བེམ་པོ་དེ་བླངས་ནས། །ཚོགས་ནང་བཅུག་ནས་གྲི་གུག་གིས་དཀྲུགས་པས། །ཚོགས་དང་བེམ་པོ་དབྱེར་མེད་གཅིག་ཏུ་བསྲེས། །ཕཊ་ཕཊ་ཕཊ་ཕཊ། དེ་ནས་ཚོགས་བྱིན་རླབས་ནི། ཕཊ། སྟོང་པའི་ངང་ལས་རླུང་གི་དཀྱིལ་འཁོར་ནི། །གཞུ་ཡི་དབྱིབས་ཅན་བ་དན་ཡཾ་གྱིས་མཚན། །དེ་སྟེང་མེ་དཀྱིལ་གྲུ་གསུམ་རཾ་གྱིས་མཚན། །དེ་སྟེང་ཀེ་ལས་ཐོད་སྐྱེད་རི་རབ་ཙམ། །དེ་སྟེང་ཚོགས་གཞོང་ཨ་ལས་ཀ་པཱ་ལ། །ཕྱི་ནི་དཀར་ལ་ཟླ་བའི་གཞོང་པའི་ཚུལ། །ནང་ནི་དམར་བ་ཉི་མའི་གཞོང་པ་སྟེ། །ཐབས་དང་ཤེས་རབ་དབྱེར་མེད་སྣོད་

[Full Size]

གཅིག་ཚུལ། །དེ་ནང་ཕུང་པོ་ཚོགས་རྫས་དབྱེར་མེད་པ། །དེ་སྟེང་དམ་ཚིག་བདུད་རྩིའི་ས་བོན་ལས། །ཨོཾ་དཀར་ཨཱཿདམར་ཧཱུྃ་མཐིང་བརྩེགས་མར་གནས། །ཕཊ། དེ་ནས་ཡེ་ཤེས་བདུད་རྩི་བཀུག་པ་ནི། ཕཊ། རང་རིག་ལས་བྱེད་ཌཱཀི་དམར་མོ་དང་། །མདུན་གྱི་མ་གཅིག་དཔྲལ་མགྲིན་ཐུགས་ཀ་རུ། །ཨོཾ་དཀར་ཨཱདམར་ཧཱུྃ་མཐིང་འབྲུ་གསུམ་གསལ། །བདག་གི་ཡི་གེ་གསུམ་ལས་འོད་ཟེར་འཕྲོས། །ཚོགས་སྟེང་ཡི་གེ་གསུམ་ལ་སོ་སོར་ཐིམ། །དེ་ནས་མ་གཅིག་གནས་གསུམ་འབྲུ་གསུམ་ལས། །བདུད་རྩི་དཀར་དམར་མཐིང་གསུམ་རྒྱུན་བབ་ནས། །ཚོགས་སྟེང་ཡིག་འབྲུ་གསུམ་ལ་ཐིམ་པ་ཡིས། །ཡི་གེ་གསུམ་ཞུ་ཚོགས་དང་དབྱེར་མེད་འདྲེས། །ཟག་མེད་ཡེ་ཤེས་བདུད་རྩིའི་རྒྱ་མཚོ་ནི། དཀར་ལ་དམར་བའི་མདངས་ཆགས་ཅུང་ཟད་སྔོ། །འདོད་ཡོན་མཆོད་སྤྲིན་དཔག་མེད་འཕྲོ་བར་གྱུར། །ཕཊ། དེ་ལྟར་བསྒོམ་ཞིང་། ཨོཾ་མ་གཅིག་མ་ལ་གསོལ་བ་འདེབས། །ཨཱཿམ་གཅིག་མ་ལ་གསོལ་བ་འདེབས། །ཧཱུྃ་མ་གཅིག་མ་ལ་གསོལ་བ་འདེབས། །དཀར་པོ་ཨོ་གྱིས་བྱིན་གྱིས་རློབས། །དཀར་པོ་ཨ་གྱི་བྱིན་རླབས་ཀྱིས། །

[Full Size]

གཞོང་པ་ཉི་ཟླའི་གཏོར་གཞོང་དུ། །ཚོགས་ཀྱང་འོད་དུ་ལྟེམས་སེ་ཞུ། །འོད་ཕུང་འབར་བའི་ཚོགས་མཆོད་འདི། །བླ་མ་ཡི་དམ་མཁའ་འགྲོ་དང་། །རྒྱལ་བའི་དཀྱིལ་འཁོར་མཉེས་གྱུར་ཅིག །ཆོས་སྐྱོང་མ་མགོན་ལྕམ་དྲལ་དང་། །དམ་ཅན་སྲུང་མའི་ཐུགས་དམ་བསྐང་གྱུར་ཅིག །དམར་པོ་ཨཱཡིས་བྱིན་གྱིས་རློབས། །དམར་པོ་ཨཱཡི་བྱིན་རླབས་ཀྱིས། །གཞོང་པ་ཉི་ཟླའི་གཏོར་གཞོང་དུ། །ཚོགས་ཀྱང་འོད་དུ་ལྟེམས་སེ་ཞུ། །འོད་ཕུང་འབར་བའི་ཚོགས་མཆོད་འདི། །བླ་མ་ཡི་དམ་མཁའ་འགྲོ་དང་། །རྒྱལ་བའི་དཀྱིལ་འཁོར་མཉེས་གྱུར་ཅིག །ཆོས་སྐྱོང་མ་མགོན་ལྕམ་དྲལ་དང་། །དམ་ཅན་སྲུང་མའི་ཐུགས་དམ་བསྐང་གྱུར་ཅིག །སྔོན་པོ་ཧཱུྃ་གིས་བྱིན་གྱིས་ལཾ་རློབས། །སྔོན་པོ་ཧཱུྃ་གི་བྱིན་རླབས་ཀྱིས། །གཞོང་པ་ཉི་ཟླའི་གཏོར་གཞོང་དུ། །ཚོགས་ཀྱང་འོད་དུ་ལྟེམས་སེ་ཞུ། །འོད་ཕུང་འབར་བའི་ཚོགས་མཆོད་འདི། །བླ་མ་ཡི་དམ་མཁའ་འགྲོ་དང་། རྒྱལ་བའི་དཀྱིལ་འཁོར་མཉེས་གྱུར་ཅིག །ཆོས་སྐྱོང་མ་མགོན་ལྕམ་དྲལ་དང་། །དམ་ཅན་སྲུང་མའི་ཐུགས་དམ་བསྐང་གྱུར་ཅིག །ཕཊ་ཕཊ། དེ་ནས་

[Full Size]

ཚོགས་འབུལ་བ་ནི། ཕཊ། ཚོགས་མཆོད་བདུད་རྩིའི་རྒྱ་མཚོའི་རླངས་པ་ལས། །མཆོད་པའི་ལྷ་མོ་བཅུ་དྲུག་བར་སྣང་གང་། །རྒྱལ་སྲིད་བཀྲ་ཤིས་རྫས་རྟགས་འདོད་ཡོན་ལྔ། །ཕྱི་ནང་གསང་བའི་མཆོད་ཚོགས་དཔག་མེད་མཆོད། །བདུད་རྩི་ཐོད་པས་བཅུས་ཤིང་སོ་སོར་ཕུལ། །སྙོམས་པར་ཞུགས་པས་ཟག་མེད་ཏིང་འཛིན་མཆོད། །ཕཊ། ན་མོ་ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ་འདི། རང་བཞིན་གྱི་རྣམ་པར་དག་པ་སྐྱེ་བ་མེད་པ། ངོ་བོ་རྣམ་པར་དག་པ་ཨཱ་ལི་ཀཱ་ལི་མཚན་ཉིད་རྣམ་པར་དག་པ་ཤ་ལྔ་བདུད་རྩི་ལྔའི་རྒྱས་བཏབ་པ་འདི་བསྔོ་ཞིང་འབུལ་བའི་གནས་སུ་གྱུར་པ་ནི། བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་ཞལ་དུ་ཁཱ་ཧི། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ་ཁཱ་ཧི། ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་ཞལ་དུ་ཁཱ་ཧི། པཉྩ་ཨ་མྲྀ་ཏ་ལ་ཁཱ་ཧི། ག་ཎ་ཙཀྲ་ལ་ཁཱ་ཧི། ཕཊ། ལས་བྱེད་མཆོད་པའི་ལྷ་མོ་དཔག་མེད་ཀྱིས། །ཉེར་སྤྱོད་ལྔ་དང་འདོད་པའི་ཡོན་ཏན་ལྔ། །ལྷ་མིའི་དཔལ་འབྱོར་ལོངས་སྤྱོད་ཕུན་ཚོགས་རྣམས། །བླ་མ་སངས་རྒྱས་བྱང་སེམས་རྣམས་ལ་

[Full Size]

མཆོད། །ཤ་ལྔ་བདུད་རྩི་ལྔ་དང་གསང་ཡུམ་ཚོགས། །ཡི་དམ་ཞི་དང་ཁྲོ་བོའི་ཚོགས་ལ་མཆོད། །བསྐང་རྫ་ས་སྒྲུབ་རྫས་རྟེན་རྫས་ལ་སོགས་པ། །མ་མགོན་ཆོས་སྐྱོང་སྲུང་མ་རྣམས་ལ་མཆོད། །དཀར་གསུམ་མངར་གསུམ་རིན་ཆེན་འབྲུ་སྨན་ཚོགས། །རིགས་དྲུག་ཀླུ་དང་གཞི་བདག་རྣམས་ལ་སྦྱིན། །སྦྲ་ཁང་བང་མཛོད་གསེར་གཡུ་ཇ་དར་སོགས། །ལན་ཆགས་བདག་པོ་བདག་མོ་རྣམས་ལ་སྦྱིན། །ཐམས་ཅད་འདོད་ཡོན་ཅི་འདོད་ཚོགས་ཀྱིས་ཚིམས། །དགའ་མགུ་ཡི་རངས་བདེ་ཆེན་ཏིང་འཛིན་སྐྱེས། །ཕཊ། དེ་ནས་ཚོགས་ལག་ཏུ་ཐོགས་བཅུག་ལ། དྲུག་པ་རྡོ་རྗེ་འཆང་ཆེན་མན་ཆད་ནས། །རྩ་བའི་བླ་མ་ཡན་ཆད་རྣམས། །མ་ལུས་འཁོར་བཅས་ཚོགས་ལ་རོལ། །ལ་ལ་ཕྱི་ཡི་ཚོགས་ལ་རོལ། །ལ་ལ་ནང་གི་ཚོགས་ལ་རོལ། །ལ་ལ་གསང་བའི་ཚོགས་ལ་རོལ། །ལ་ལ་དེ་ཉིད་ཀྱི་ཚོགས་ལ་རོལ། །ཨ་ལ་ལ་ཏེ་དགྱེས་པར་མཛོད། །ཕཊཿ རྒྱས་པར་འགྲེས་ཡིན་ཀྱང་བསྡུ་ན། ཡི་དམ་ལྷ་ཚོགས་མན་ཆད་ནས། །དཔའ་བོ་དཔའ་མོ་ཡན་ཆད་རྣམས། །མ་ལུས་འཁོར་བཅས་ཚོགས་ལ་རོལ། །རྡོ་རྗེ་ཕག་མོ་མན་ཆད་ནས། །

[Full Size]

རིགས་བཞི་མཁའ་འགྲོ་ཡན་ཆད་རྣམས། །མ་ལུས་འཁོར་བཅས་ཚོགས་ལ་རོལ། །ཆོས་སྐྱོང་མ་མགོན་མན་ཆད་ནས། །དཀྱིལ་འཁོར་མཐའ་སྐྱོང་ཡན་ཆད་རྣམས། །མ་ལུས་འཁོར་བཅས་ཚོགས་ལ་རོལ། །ཤཱཀྱ་ཐུབ་པ་མན་ཆད་ནས། །དམྱལ་ཁམས་བཅོ་བརྒྱད་ཡན་ཆད་རྣམས། །མ་ལུས་འཁོར་བཅས་ཚོགས་ལ་རོལ། །སྟོང་གསུམ་གཞི་བདག་མན་ཆད་ནས། །གནས་པོ་དགེ་བསྙེན་ཡན་ཆད་རྣམས། །མ་ལུས་འཁོར་བཅོས་ཚོགས་ལ་རོལ། །ལ་ལ་ཕྱི་ཡི་ཚོགས་ལ་རོལ། །ལ་ལ་ནང་གི་ཚོགས་ལ་རོལ། །ལོ་ལ་གསང་བའི་ཚོགས་ལ་རོལ། །ལ་ལ་དེ་ཉིད་ཀྱི་ཚོགས་ལ་རོལ། །ཨ་ལ་ལ་ཏེ་དགྱེས་པར་མཛོད། །ཕཊ་ཕཊ། གོང་འོག་འདི་གཉིས་ཚོགས་བསྟབ་པའམ། ནད་པ་ལ་སྤྱིར་བས་འདེབས་ཚུལ་གང་འདོད་བྱ་ཆོག་པ་ཡིན་ནོ། །ཕཊ། དབུས་དང་ཕྱོགས་བཅུར་གཙོ་མོ་རེ་རེ་ལ། །མཁའ་འགྲོ་འབུམ་ཕྲག་རེ་རེའི་མཐའ་བསྐོར་དུ། །ཕྱོགས་མཚམས་སོ་སོའི་ལྷ་འདྲེ་ཀུན་གྱིས་བསྐོར། །ལས་བྱེད་མཁའ་འགྲོ་འབུམ་ཚོ་འབུམ་ཚོ་ཡིས། །ཕྱོགས་བཅུའི་མགྲོན་རྣམས་ཀུན་ལ་སོ་སོར་མཆོད། །ཐམས་ཅད་མཉེས་ཚིམས་དགའ་མགུ་ཡི་རང་

[Full Size]

གྱུར། །ཕཊ། ཀྱེ། མ་མི་མིན་ཡེ་ཤེས་ཀྱི་མཁའ་འགྲོ་མ། །དབུས་ཕྱོགས་སངས་རྒྱས་རིགས་ཀྱི་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེའི་འཁོར་གྱིས་བསྐོར། །འདིར་གཤེགས་བཤམས་པའི་ཚོགས་མཆོད་བཞེས། །སྣང་སྲིད་ལྷ་འདྲེས་བཞེས་སུ་གསོལ། །འདོད་ཡོན་ལྔ་ཡིས་ཚིམ་གྱུར་ཅིག། ཀ་གི་དངོས་གྲུབ་ཐོབ་པར་ཤོག །ཕཊ། རྒྱས་པར་འགྲེས་ཡིན་ཀྱང་བསྡུ་ན། ཀྱཻ། མ་མི་མིན་ཡེ་ཤེས་མཁའ་འགྲོ་མ། །ཤར་ཕྱོགས་རྡོ་རྗེ་རིགས་ཀྱི་མཁའ་འགྲོ། ལྷོ་ཕྱོགས་རིན་ཆེན་རིགས་ཀྱི་མཁའ་འགྲོ་མ། །ནུབ་ཕྱོགས་པདྨ་རིགས་ཀྱི་མཁའ་འགྲོ་མ། །བྱང་ཕྱོགས་ལས་ཀྱི་རིགས་ཀྱི་མཁའ་འགྲོ་མ། །སྟེང་ཕྱོགས་མཁའ་སྤྱོད་རིགས་ཀྱི་མཁའ་འགྲོ་མ། །འོག་ཕྱོགས་ས་སྤྱོད་རིགས་ཀྱི་མཁའ་འགྲོ་མ། །མཚམས་བཞི་འཇིག་རྟེན་རིགས་ཀྱི་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེའི་འཁོར་གྱིས་བསྐོར། །འདིར་གཤེགས་བཤམས་པའི་ཚོགས་མཆོད་བཞེས། །སྣང་སྲིད་ལྷ་འདྲེས་བཞེས་སུ་གསོལ། །འདོད་ཡོན་ལྔ་

[Full Size]

ཡིས་ཚིམ་གྱུར་ཅིག །མཆོག་གི་དངོས་གྲུབ་ཐོབ་པར་ཤོག །ཕཊ་ཕཊ། ཕཊ་ཕཊ། ཕཊ་ཕཊ། ཕཊ། ས་བླ་ས་འོག་ས་སྟེང་གི །འཁོར་འདས་གཉིས་ཀྱི་མགྲོན་རིགས་རྣམས། །འདོད་ཡོན་ལྔ་ཡིས་ཚིམ་གྱུར་ཅིག །བསམ་པ་བཞིན་དུ་འགྲུབ་གྱུར་ཅིག །ཚེ་རབས་འཁོར་བ་ཐོག་མེད་ཀྱི། །ཤ་འཁོན་ལན་ཆགས་བྱང་གྱུར་ཅིག །ཕཊ་ཕཊ། སྐབས་འདིར་ནད་པ་ཡོད་ན་མདུན་དུ་བསྙལ་ལ། ཕཊ། རང་ཉིད་སྐད་ཅིག་གིས་དུར་ཁྲོད་ཀྱི་བདག་མོ་ཁྲོས་མ་ནག་མོ། ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། ཕྱག་གཡས་མི་ལྤགས་ཀྱི་གཡང་གཞི་རྡེབ་པ། གཡོན་མི་རྐང་གི་གླིང་བུ་འབུད་པ། མཐུ་སྟོབས་དང་ལྡན་པ། གཟི་བརྗིད་དང་ལྡན་པ། ཁམས་གསུམ་དབང་དུ་སྡུད་པ། སྲིད་གསུམ་ཟིལ་གྱིས་གནོན་པ། དེའི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་དཔག་ཏུ་མེད་པ་འཕྲོས་པས། གནོད་བྱེད་ཐམས་ཅད་རང་དབང་མེད་པར་མདུན་དུ་བཀུག་པར་གྱུར། ཕཊ། ན་མོ་སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། མ་གཅིག་ཡེ་ཤེས་ཀྱི་མཁའ་འགྲོ་མ་ཁྲོས་མ་ནག་མོའི་ལྷ་ཚོགས་་

[Full Size]

འཁོར་དང་བཅས་པའི་བདེན་པ་དང་། བདེན་པ་ཆེན་པོའི་མཐུས། བསྲུང་བྱ་འདི་ལ་དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པ། ནད་ནད་བདག་དང་བཅས་པ། །གདོན་སྣ་འདྲེན་དང་བཅས་པ་ཐམས་ཅད་སྐད་ཅིག་རང་དབང་མེད་པར་འདིར་ཁུག་ཅིག །ཧཱུྃ་ཧཱུྃ་ཧཱུྃ། ཛཿཧཱུྃ་བྃ་ཧོཿ ཕཊ་ཕཊ། ཅེས་འགུགས་གཞུག་ལན་གསུམ་བྱས་ལ། རྐང་དུང་བུས་ནས། ཀྱཻ། འདུས་ཤིག་འདུས་ཤིག་ཤ་ཟ་འདུས། །དབུགས་ལེན་ཐམས་ཅད་འདིར་འདུས་ཤིག །བཤས་བཤུས་རོགས་ལ་སླེབ་པར་གྱིས། །ཤ་བགོས་རོགས་ལ་སླེབ་པར་གྱིས། །འདྲེ་ཁྱེད་རྣམས་བདག་གི་ཕ་མ་ཡིན། །བུ་ཡི་ཤ་ཁྲག་རོལ་དུ་ཤོག །ཁྱོད་ནི་དྲིན་ཆེན་ཕ་མ་ཡིན། །ད་རེས་བཟང་ལེན་ལེན་དུ་ཤོག །སྔོན་ཆད་ལུས་འདི་གཅེས་པར་བཟུང་། །རྒྱུ་དེས་ད་རུང་འཁོར་བར་འཁྱམས། །ད་ནི་མི་ཆགས་སྟོན་མོར་འགྱེད། །མགྲོན་རིགས་སྲིད་རྩེ་མན་ཆད་ནས། །ན་རཀ་དམྱལ་ཁམས་ཡན་ཆད་ཀྱི། །གནས་པའི་ལྷ་དང་ལྷ་མ་སྲིན། །ཕོ་བདུད་ལས་ཀྱི་རྒྱལ་འགོང་འདུས། །མོ་བདུད་ལས་ཀྱི་འདྲེ་མོ་འདུས། །ཕོ་བདུད་

[Full Size]

རྒྱལ་འགོང་སྲོག་བདག་འདུས། །མོ་བདུད་འདྲེ་མོ་སྲིན་མོ་འདུས། །སྲིད་པའི་ཡུལ་ནས་འདྲེ་དགུ་འདུས། །གཙུག་ལག་ཁང་གི་གདོན་བཅུ་འདུས། །གཙོ་བོ་གདོན་ཆེན་བཅོ་བརྒྱད་འདུས། །བགེགས་རིགས་སྟོང་ཕྲག་བརྒྱད་ཅུ་འདུས། །བྱིས་པའི་གདོན་ཆེན་བཅོ་ལྔ་འདུས། །ཡེ་འདྲོགས་སུམ་བརྒྱ་དྲུག་ཅུ་འདུས། །གློ་བུར་དགུ་ཅུ་རྩ་གཅིག་འདུས། །འདིར་ཤོག་འདིར་འདུས་ཤ་ཁྲག་རོལ། །སྤྱི་བོ་ཚངས་བུག་མན་ཆད་དང་། །རྐང་མཐིལ་སེན་མོ་ཡན་ཆད་ཀྱི། །ལུས་འདི་ཕྱི་ནང་ཐམས་ཅད་ལ། །ཁོ་བོས་ཆགས་ཞེན་མི་བྱེད་དོ། །ཤ་ཟོ་ཁྲག་འཐུང་རུས་པ་མུར། །མགོ་བོ་ཡན་ལག་དོན་སྙིང་ཁྱེར། །ཐམས་ཅད་བག་ཕེབ་ཚིམ་པར་རོལ། །ཞི་བར་གྱིས་ཤིག་བརླག་པར་གྱིས། །ཕུང་བར་གྱིས་ཤིག་རྩ་བ་ཆོད། །ཐུལ་ཅིག་ཆོམས་ཤིག་མཱ་རཱ་ཡ། །ཕུད་ལྷག་མ་མེད་པར་བཞེས་སུ་གསོལ། །ཕཊ་ཕཊ། འདི་ནི་བདག་འཛིན་རྩ་བ་གཅོད་ཕྱིར་པཎྜིཏ་ཇོ་བོ་རྗེས་མཛད་པའོ། །དེ་ནས་ལག་པ་གཉིས་ཀྱིས་ཕུང་པོ་ལ་སྦྱར་བས་བཅད་ནས་མཆོད་སྦྱིན་བྱེད་ཚུལ་བྱ་ཞིང་། རང་གི་སོར་མོ་རིགས་ལྔའི་མཁའ་འགྲོ་མ། །དཀར་སེར་དམར་ལྗང་ཁྲི་ཕྲག་རེ་རེས་བསྐོར། །ཕུང་པོ་བཅད་ཅིང་མགྲོན་

[Full Size]

རྣམས་མཆོད་པར་གྱུར། །ཕཊ། ཤར་ཕྱོགས་གཏུམ་དྲག་དུར་ཁྲོད་ནས། །མི་ཕྱེད་རྡོ་རྗེ་མཁའ་འགྲོ་མ། །དཀར་མོ་འབུམ་གྱི་འཁོར་དང་བཅས། །དབང་པོ་བརྒྱ་བྱིན་ལ་སོགས་པའི། །ཤར་ཕྱོགས་དྲི་ཟའི་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ། ལྷོ་ཕྱོགས་གད་རྒྱང་སྒྲོགས་པའི་དུར་ཁྲོད་ནས། །རིན་ཆེན་མཁའ་འགྲོ་གཟི་བརྗིད་ཅན། །སེར་མོ་འབུམ་གྱི་འཁོར་དང་བཅས། །ཡ་མ་ར་ཙ་ལ་སོགས་པའི། །ལྷོ་ཕྱོགས་གཤིན་རྗེའི་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ། ནུབ་ཕྱོགས་པདྨ་འཁྱིལ་བའི་དུར་ཁྲོད་ནས། །པདྨ་མཁའ་འགྲོ་དྲི་མེད་མ། །དམར་མོ་འབུམ་གྱི་འཁོར་དང་བཅས། །ཝ་རུ་ཎ་ལ་སོགས་པ་ཡི། ནུབ་ཕྱོགས་ཀླུ་ཡི་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ།

[Full Size]

བྱང་ཕྱོགས་ཀཱི་ལ་ཡ་ཡི་དུར་ཁྲོད་ནས། །ལས་ཀྱི་མཁའ་འགྲོ་བདེ་བ་ཅན། །ལྗང་མོ་འབུམ་གྱི་འཁོར་དང་བཅས། །ཀུ་ཝེ་ར་ལ་སོགས་པ་ཡི། །བྱང་ཕྱོགས་གནོད་སྦྱིན་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ། ཤར་ལྷོ་རབ་འཇིགས་དུར་ཁྲོད་ནས། །དམ་ཚིག་མཁའ་འགྲོ་དམིགས་པ་ཅན། །དཀར་སེར་འབུམ་གྱི་འཁོར་དང་བཅས། །ཨགེ་རཱ་ཛ་ལ་སོགས་པའི། །ཤར་ལྷོ་དྲང་སྲོང་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ། ལྷོ་ནུབ་གཏུམ་པོའི་དུར་ཁྲོད་ནས། །སྣ་ཚོགས་མཁའ་འགྲོ་མི་ཐུབ་མ། །དམར་སེར་འབུམ་གྱི་འཁོར་དང་བཅས། །ནི་རི་ཏི་ལ་སོགས་པ་ཡི། །ལྷོ་ནུབ་སྲིན་པོའི་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རིང་ལྡན་གྱུར་ཅིག་།ཕཊ། ནུབ་བྱང་རབ་འཇིགས་དུར་ཁྲོད་ནས། །ཐམས་ཅད་མཁའ་འགྲོ་ཀུན་

[Full Size]

རྒྱུ་མ། །དམར་ལྗང་འབུམ་གྱི་འཁོར་དང་བཅས། །བཱ་ཡ་བེ་ལ་སོགས་པ་ཡི། །ནུབ་བྱང་རླུང་ལྷའི་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ། བྱང་ཤར་རྒྱུག་བྱེད་དུར་ཁྲོད་ནས། །རྒྱུད་འཛིན་འཇིག་རྟེན་མཁའ་འགྲོ་མ། །དཀར་ལྗང་འབུམ་གྱི་འཁོར་དང་བཅས། །དབང་ཕྱུག་ཆེན་པོ་ལ་སོགས་པའི། །བྱང་ཤར་བགེགས་ཀྱི་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ། སྟེང་ཕྱོགས་མཁའ་སྤྱོད་དུར་ཁྲོད་ནས། །དབྱིངས་ཕྱུག་སངས་རྒྱས་མཁའ་འགྲོ་མ། །མཐིང་ག་འབུམ་གྱི་འཁོར་དང་བཅས། །ཚངས་པ་ཉི་ཟླ་གཟའ་སྐར་སོགས། །སྟེང་ཕྱོགས་ལྷ་ཡི་གདོན་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ། །འོག་ཕྱོགས་ས་སྤྱོད་དུར་ཁྲོད་ནས། །ལས་བྱེད་སྤྲུལ་པའི་མཁའ་འགྲོ་མ། །ནག་མོ་འབུམ་གྱི་

[Full Size]

འཁོར་དང་བཅས། །ལྷ་མོ་བརྟན་མ་ལ་སོགས་པའི། །འོག་ཕྱོགས་ས་བདག་གདོནཱ་ཚོགས་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ་ཕཊ། ཕུང་པོ་རང་རང་ཡིད་དང་མཐུན་པ་ཡི། །འདོད་ཡོན་ལོངས་སྤྱོད་དཔག་ཏུ་མེད་པ་རྣམས། །མགྲོན་རྣམས་སོ་སོའི་ཞལ་དུ་བསྟབ་པ་ཡིས། །དགའ་མགུ་ཡི་རང་བྱང་ཆུབ་སེམས་ལྡན་གྱུར། །ཕཊ། ལྷ་དང་ཀླུ་དང་གནོད་སྦྱིན་དང་། །ནམ་མཁའ་ལྡིང་དང་དྲི་ཟ་དང་། །མིའམ་ཅི་དང་ལྟོ་འཕྱེ་ཆེ། །འཁོར་ཚོགས་བྱེ་བ་ས་ཡར་བཅས། །བཀའ་ཡི་ལྷ་སྲིན་སྡེ་བརྒྱད་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ། འབྱུང་པོ་ཤ་ཟ་སྲིན་པོ་དང་། །ཡི་དྭགས་ལན་ཆགས་འདྲེ་གདོན་རིགས། །བགེགས་རིགས་སྟོང་ཕྲག་བརྒྱད་ཅུ་དང་། །བྱིས་པའི་གདོན་ཆེན་བཅོ་ལྔ་དང་། །སྲིད་པའི་འདྲེ་དགུ་གཙུག་ལག་གདོན། །རྒྱལ་བསེན་གྲི་བོ་གྲི་མོ་དང་། །ཆུང་སྲི་ཟ་འདྲེ་ཤི་གཤེད་སོགས། །གནོད་བྱེད་

[Full Size]

བགེགས་རིགས་ཐམས་ཅད་ལ། །ལུས་ཤ་ཁྲག་མཆོད་སྦྱིན་འདི་བསྔོས་པས། །ཐམས་ཅད་ངོམ་ཞིང་ཚིམས་གྱུར་ནས། །དགའ་མགུ་ཡི་རང་ལྡན་གྱུར་ཅིག །ཕཊ་ཕཊ། རྒྱུན་དུ་འདི་ཙམ་གྱིས་ཆོག་ལ། ནད་པ་སོགས་སྤར་ཐབས་བྱེད་པ་ཡོད་ན། སྐབས་འདིར་གདོན་ཚོགས་དགུ་མ་སྦྱར། གཞན་ཡང་ཆ་དྲུག་ཆངས་བུ་བརྒྱ་རྩ་མཐའ་གཏད་རིགས་གང་དགོས་སྐབས་འདིར་སྦྱར་རོ། །ཡང་ནད་པ་འཕྱར་འཁྱོག་གིས་བསྟབ་པ་དྲག་པོ་བྱེད་ན་ཡང་སྐབས་འདིར་བྱའོ།། ༈ དེ་ནས་ཚོགས་ཕུད་ཀྱིས་ཕུག་གཏོར་ཐམས་ཅད་དང་། བསྐང་གཏོར་ཡང་གསོས་ལ་བདུད་རྩིས་བྲན་ལ། ཨོཾ་ཀརྨ་ཊཱཀི་ནི་ཧཱུཾ་ཕཊ། ཨོཾ་སྭ་བྷ་ཝ་ཤུདྡྷཱ་སརྦ་དྷརྨཱཿསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་ཐོད་པའི་སྒྱེད་པུ་གསུམ་གྱི་སྟེང་དུ། གཏོར་སྣོད་ཨ་ལས་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ། གཏོར་མ་ཤ་ལྔ་བདུད་རྩི་ལྔའི་རང་བཞིན། །ཡཾ་ལས་རླུང་གཡོས་རཾ་ལས་མེ་སྦར་ཐོད་པ་དྲོས། རྫས་རྣམས་ཁོལ་དམ་ཚིག་གི་བདུད་རྩིའི་འོད་ཀྱིས་ཡེ་ཤེས་ཀྱི་བདུད་རྩི་སྤྱན་དྲངས་ནས་ཐིམ་པས། ཡེ་ཤེས་ཀྱི་བདུད་རྩི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། རྐང་པ་གཡས་པས་གཡོན་པ་མནན། ལུས་ཙོག་པུར་བྱས་ཏེ་མཐེབ་མཛུབ་མདུད་ལ། །ལྷག་མ་

[Full Size]

གདེངས་པ་འབར་བའི་ཕྱག་རྒྱ་དཔྲལ་བར་བསྐོར་ཞིང་མིག་གྱེན་དུ་བལྟས་ནས། ཕེཾ་ཕེཾ། བཛྲ་ཨ་རལླི་ཧོཿ ཛཿཧཱུྃ་བཾ་ཧོཿ བཛྲ་ཌཱ་ཀི་ནི་ས་མ་ཡ་སྟྭཾ། དྲྀ་ཤྱ་ཧོཿ ཞེས་གཏོར་མགྲོན་ཐམས་ཅད་མདུན་གྱི་ནམ་མཁར་བྱོན་ནས་མདུན་བསྐྱེད་དང་དབྱེར་མེད་པར་བསམས་ལ། ན་མོ་པྲཛྙཱ་པཱ་ར་མི་ཏ་ས་པཱ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་བུདྡྷཱ་བེ་རོ་ཙ་ནི་ཨོཾ་ཧཱུྃ་ཧཱུྃ་ཧཱིཝཨཱཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོ་ཨཱརྱ་ཏཱ་རེ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཀ་མ་ལ་ཤཱི་ཛྷཱ་ན་ཡེ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཨཱཿཧཱུྃ། བྃ་ཌཱ་ཀི་ནཱི་ཧ་རི་ནི་ས་ཡེ་སྭཱ་ཧཱ། ཨི་དཾ་བ་ལི་ཏ་ཁ་ཁ་ཁཱ་ཧི། ཨོཾ་སརྦ་གུ་རུ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་བཛྲ་བེ་རོ་ཙ་ན་ཡེ་ཧ་རི་ནི་ས་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨི་དཾ་བ་ལཾ་ཏ་ཁ་ཁ་ཁཱ་ཧི། ༀ་བཛྲ་བྷ་རཱ་ཧི་ཀྲོ་ཏི་ཀ་ལི་ཧ་རི་ནི་ས་བཛྲ་ཌཱ་ཀི་ནཱི་ཨཱ་ཝེ་ཤ་ཡ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཆོས་སྐུ་ཡུམ་ཆེན་མོ། སྲས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ། རྣམ་སྣང་གངས་ཆེན་མཚོ་རྒྱལ། རྒྱལ་བ་རིགས་ལྔ། རྗེ་བཙུན་འཕགས་མ་སྒྲོལ་མ། བཅོམ་ལྡན་འདས་རྒྱལ་བ་ཤཱཀྱ་ཐུབ་པ་ལ་སོགས་བསྐལ་

[Full Size]

བཟང་གི་སངས་རྒྱས་སྟོང་རྩ་གཉིས་རྣམས་ཀྱི་ཞལ་དུ་དམ་རྫས་བདུད་རྩིའི་གཏོར་མ་རྒྱ་ཆེན་པོ་འདི་འབུལ་ལོ། །བྱིན་གྱིས་བརླབ་པར་མཛད་དུ་གསོལ། འཇམ་དཔལ་སྨྲ་བའི་སེང་གེ །མཁའ་འགྲོ་སུ་ཁ་སིདྡྷི། བྲམ་ཟེ་ཨཱརྱ་དེ་ཝ། ཕོ་གཅིག་དམ་པ་སངས་རྒྱས། སྐྱོ་སྟོན་བསོད་ནམས་བླ་མ། མ་གཅིག་ལབ་ཀྱི་སྒྲོན་མ། གྲུབ་ཆེན་ཡེ་ཤེས་འབར་བ། རྟོགས་ལྡན་གནམ་མཚོ་དོལ་པ། ཆོས་རྗེ་རང་བྱུང་རྡོ་རྗེ། རྒྱལ་བ་གཡུང་སྟོན་ཞིག་པོ། འཛམ་གླིང་རོལ་པའི་རྡོ་རྗེ། དཔལ་ལྡན་མཁའ་སྤྱོད་དབང་པོ། ཐུབ་ཆེན་དེ་བཞིན་གཤེགས་པ། རྗེ་བཙུན་རཏྣ་བྷ་དྲ། སྤྲུལ་སྐུ་མཐོང་བ་དོན་ལྡན། ཀུན་མཁྱེན་འཇམ་དཔལ་བཟང་པོ། སངས་རྒྱས་མཉན་པ་རས་ཆེན། ཀུན་མཁྱེན་མི་བསྐྱོད་རྡོ་རྗེ། རྒྱལ་བ་དཀོན་མཆོག་ཡན་ལག །རྗེ་བཙུན་དབང་ཕྱུག་རྡོ་རྗེ། གར་དབང་ཆོས་ཀྱི་དབང་ཕྱུག །དྲུང་ཆེན་ཀུན་དགའ་རྣམ་རྒྱལ། མཁས་གྲུབ་ཀརྨ་ཆགས་མེད་ལ་སོགས་པ་དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་ཞལ་དུ་འབུལ་ལོ། །སྐུ་གསུང་ཐུགས་ཡོན་ཏན་ཕྲིན་ལས་ཀྱི་སྒོ་ནས་བྱིན་གྱིས་

[Full Size]

བརླབ་པར་མཛད་དུ་གསོལ། གཞན་ཡང་རྗེ་བཙུན་ཟིལ་གནོན་ཆེན་པོ། སྲས་མཆོག་རྒྱལ་བ་དོན་གྲུབ། སྲས་མོ་ལ་འདུལ་མ། ཁུ་སྒོམ་ཆོས་ཀྱི་སེང་གེ །སྲས་མོ་རྒྱན་བཞི༔ སྐྱེ་མེད་དགའ་ཡན་ཆེན་པོ། ཕོ་སྐོར་སེང་གེ །སྨྱོན་པ་རང་སངས། དོལ་པ་ཟང་ཐལ། ཞིག་པོ་ཧུར་ཐོན། རྩི་སྟོན་དར་མ། རྒྱ་སྒོམ་ཧག་ཐོན། ཀོང་པོ་རྗེ་བཙུན་ཟིལ་གནོན་ལ་སོགས་པ་བཀའ་བབས་བུ་ཆེན་བཅུ་དྲུག །བརྒྱུད་འཛིན་བརྒྱ་དང་རྩ་བརྒྱད་རྣམས་ཀྱི་ཞལ་དུ་འབུལ་ལོ། །བྱིན་གྱིས་བརླབ་པར་མཛད་དུ་གསོལ། རྒྱ་ནག་གཅེར་བུ། གངས་པ་སྨུག་སངས། སྐྱེ་མེད་ཟང་ཐལ། འབྲི་སྒོམ་རྟོག་མེད། སྤྲུལ་སྐུ་ལ་འདུལ་རྡོ་རྗེ་སྒྲོན་མ། ཀུན་སྤངས་བརྩོན་འགྲུས་སེང་གེ། སྒོམ་གཅོད་ཉི་མ་རྒྱལ་མཚན། མོན་གཅོད་བརྩོན་འགྲུས་སེང་གེ། གྲུབ་ཆེན་ཀུན་དགའ་སེང་གེ། སྐྱེས་མཆོག་ཀརྨ་པཀཱི་ལ་སོགས་པ་གཅོད་ཡུལ་བཀའ་བབས་གྲུབ་ཆེན་རྣམས་ཀྱི་ཞལ་དུ་འབུལ་ལོ། །བྱིན་གྱིས་བརླབ་པར་མཛད་དུ་གསོལ། རྗེ་བཙུན་རྡོ་རྗེ་རྣལ་འབྱོར་མ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། ལས་ཀྱི་མཁའ་འགྲོ། ཡི་

[Full Size]

དམ་བདུད་འདུལ་ཁྲོས་མ་ནག་མོ། བདེ་ཆེན་དཀར་མོ། སེར་མོ་དོན་གྲུབ། དམར་མོ་སྒྲ་སྒྲོགས། སྣ་ཚོགས་མཐར་ཕྱིན། མཁའ་འགྲོ་བྱེ་བ་འབུམ་དང་བཅས་པའི་ཞལ་དུ་འབུལ་ལོ། །མཆོག་ཐུན་མོང་གི་དངོས་གྲུབ་བསྩལ་དུ་གསོལ། ༀ་བཛྲ་མ་ཧཱ་ཀ་ལ་ཀྵིཾ་ཀྵེ་ཊ་བིགྷ་ནཱན་བི་ན་ཡ་ཀ་ཧཱུྃ་ཧཱུྃ་ཕཊ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཨ་གྷོ་ར་མ་ཧཱ་ཀཱ་ལ་དུ་རེ་སྭཱ་ཧཱུྃ་ཧཱུྃ་ཀཱ་ལ་རཀྵ་ཧཱུྃ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ༀ་གྷྲྀ་རཱ་ཛ་གྷྲྀ་རཱ་ཛ་ཀུ་མ་ཀུ་མ་ཁུཾ་ཐིས་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ན་མོ་རུ་ཏྲ་ས་མ་ཡ་ཛཿ ནག་མོ་ནག་མོ་ཏྲི་ཡཾ་ཛཿ མ་མ་སྲོག་ལ་ཛཿ ས་མ་ཡ་ཙིཏྟ་བཾ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤ་ཙ་ཨུདྨ་ད། ཨ་པ་སྨཱ་ར་ཌཱ་ཀ་ཌཱ་ཀི་ནྱ་ད་ཡ། ཨི་དཾ་བ་ལིཾ་གྲྀཧྣནྟུ་ས་མ་ཡ་རཀྵནྟུ། མ་མ་སརྦ་སིདྡྷི་མྨེ་པྲ་ཡཙྪནྟུ། ཡ་ཐེ་བཾ། ཡ་ཐཻཥྚཾ། བྷུཉྫཐཱ། ཛི་གྷྲཱ་ཐ། པི་བ་ཐ། མ་ཏི་ཀྲ་མ་ཐཱ། མ་མ་སརྦ་ཀརྟ་ཡ་སད་སུ་ཁཾ་བི་ཤུདྡྷ་ཡ་ས་ཧ་ཡི་ཀ་བྷ་ཝནྟུ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། སྔགས་རིང་འདི་གསུམ་མམ་བདུན་བརྗོད་དོ། །དཔལ་ཡེ་ཤེས་ཀྱི་མགོན་པོ་ཕྱག་དྲུག་པ།

[Full Size]

དཔལ་ལྡན་ལྷ་མོ་རེ་མ་ཏི། གནོད་སྦྱིན་མཆེད་བཞི། བིང་བེར་ནག་ཨ་གྷོ་ར། དཔལ་དུར་ཁྲོད་ཀྱི་བདག་པོ་ཡབ་ཡུམ། སྤྱང་ཞོན་ལྷ་མོ་མཆེད་གསུམ་ལ་སོགས་པ་གཅོད་ཡུལ་བརྒྱུད་པའི་ཆོས་སྐྱོང་ཡེ་ཤེས་ཀྱི་སྤྱན་དང་ལྡན་པ་རྣམས་ཀྱི་ཞལ་དུ་འབུལ་ལོ། །སངས་རྒྱས་ཀྱི་བསྟན་པ་ཐམས་ཅད་ཀྱི་སྙིང་པོ་གཅོད་ཡུལ་ཕྱག་རྒྱ་ཆེན་པོ་དར་ཞིང་རྒྱས་པ་དང་། རྣལ་འབྱོར་པ་བདག་གི་ཕྲིན་ལས་རྣམ་པ་བཞི་ཐོགས་པ་མེད་པར་འགྲུབ་པའི་ཕྲིན་ལས་མཛོད་ཅིག །གཞན་ཡང་ཡུལ་ཉི་ཤུ་རྩ་བཞི། གནས་སུམ་ཅུ་རྩ་གཉིས། དུར་ཁྲོད་ཆེན་པོ་བརྒྱད། གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་དང་རྩ་གཉིས་ལ་གནས་པའི་དཔའ་བོ་མཁའ་འགྲོ་ཆོས་སྐྱོང་སྲུང་མ་རྣམས་ཀྱི་ཞལ་དུ་འབུལ་ལོ། །རྐྱེན་ཕྱི་ནང་གི་བར་ཆད་ཐམས་ཅད་ཉེ་བར་ཞི་བའི་ཕྲིན་ལས་མཛོད་ཅིག །བྷྲཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ། ཨོཾ་འོད་དུ་ཞུ་བ་ལས་གཏོར་མ་དཀར་གསུམ་མངར་གསུམ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨ་ཀཱ་རོ་མུ་ཁཾ་སརྦ་དྷམཱ་ནཾ་ཨ་དྱ་ནུཏྤནྣ་ཏོཏྟ་ཨོཾ་ཨཱཿཧཱུྃ་ཕཊ་སྭཱ་ཧཱ། ཨོཾ་མ་ཧཱ་ཀཱ་ལ་ཡཀྵ་ཙིཏྟ་རཱ་ག་ཧཱུྃ་ཛཿ ཨི་དཾ་བ་ལིཾ་ཏ་ཁ་ཁ་ཁཱ་ཧི།

[Full Size]

ཨོཾ་དྷྲིཥྚཱ་རཱཥྚཱ་ཡ། བེ་རུ་ཌྷ་ཀཱ་ཡ། བི་རུ་པཀྵ་ཡ། བཻ་ཤྲ་མ་ཎ་ཡ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་སརྦ་ལོ་ཀ་པཱ་ལ་ཨི་དཾ་བ་ལིཾ་ཏ་ཁ་ཁ་ཁ་ཁཱ་ཧི། གནོད་སྦྱིན་། ཆེན་པོ་རྡོ་རྗེ་བདུད་འདུལ། རྒྱལ་པོ་ཆེན་པོ་སྡེ་བཞི་འཁོར་དང་བཅས་པ། གནོད་སྦྱིན་གང་བ་བཟང་པོ། ནོར་ལྷ་མཆེད་བརྒྱད། འབྲོག་གནས་མཆེད་ལྔ་ལ་སོགས་པ་ནོར་ལྷ། གཏེར་བདག་ཐམས་ཅད་ཀྱི་ཞལ་དུ་འབུལ་ལོ། །ཆོས་དང་མཐུན་པའི་ལོངས་སྤྱོད་རྒྱ་ཆེན་པོ་བསྩལ་དུ་གསོལ། ཁྱད་པར་དུ་མ་གཅིག་ལབ་ཀྱི་སྒྲོན་མའི་སྤྱན་སྔར། གཅོད་ཡུལ་གྱི་བསྟན་པ་བསྲུང་བར་ཁས་བླངས་ཤིང་དམ་བཅས་པའི་ལས་བདག་མཚན་མོ་སྒྲ་སྒྲོགས། བོད་ཁམས་བརྟན་མ་བཅུ་གཉིས། བཙན་རྒོད་ཟངས་རི་སྤུན་བདུན། ཐང་ལྷ་ཡར་བཞུད། འོད་དེ་གུང་རྒྱལ། སྐུ་ལྷ་མཁའ་རི། ཡར་ལྷ་ཤམ་པོ་ལ་སོགས་པ་གངས་གཉན་ཉི་ཤུ་རྩ་གཅིག །ཤམ་པོ་གཟའ་བདུད་མགོ་དགུ། ཀླུ་རྒྱལ་དྲག་པོ་ཟླ་སྐྱོང་ལ་སོགས་པ་གཅོད་ཡུལ་བཀའ་ཡི་སྲུང་མ་རྣམས་ཀྱི་ཞལ་དུ་འབུལ་ལོ། །སྒྲུབ་པ་པོའི་ཆོས་མཐུན་གྱི་བསམ་པ་ཡིད་བཞིན་དུ་འགྲུབ་པའི་སྡོང་གྲོགས་མཛོད་ཅིག གཞན་ཡང་སྟོང་

[Full Size]

གསུམ་སྟོང་གི་གཞི་བདག སྟོད་མངའ་རི་སྐོར་གསུམ། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་ལ་གནས་པའི་གཞི་བདག་གནས་བདག་རྣམ་ཀྱི་ཞལ་དུ་འབུལ་ལོ། །གནས་འདི་ཡི་ཕ་རི་ཚུ་རི་གཡས་རི་གཡོན་རི་མདུན་རི་རྒྱབ་རི་མཚེར་ས་སྦྲ་ཁང་འདི་ལ་གནས་པའི་གནས་བདག་གཞི་བདག་རྣམས་ཀྱི་ཞལ་དུ་འབུལ་ལོ། །བསམ་པའི་དོན་ཐམས་ཅད་ཆོས་ལྡན་ཡིད་བཞིན་དུ་འགྲུབ་པའི་སྡོང་གྲོགས་མཛོད་ཅིག །ཕཊ་ཕཊ། རི་གོང་པ་བརྩོན་འགྲུས་སེང་གེས་མཛད་པའི་གཏོར་བསྔོས་ནི། ཨོཾ་ཨཱཿཧཱུྃ། ཁམས་གསུམ་མ་ལུས་སྐུ་གསུང་ཐུགས། །སྐུ་གསུམ་འཁོར་འདས་ཐུགས་རྗེའི་མགྲོན། །སྟོང་གསུམ་བདུད་རྩིས་ཁེངས་པའི་རྫ་ས། །གཏོར་མ་འདོད་ཡོན་ལྔ་རུ་བསྔོ། །ཕྱི་སྣོད་འཇིག་རྟེན་གཏོར་གཞོང་དུ། །ནང་བཅུད་སེམས་ཅན་གཏོར་མས་བཀང་། །སྐྱེ་འཆི་མེད་པའི་མཆོད་པ་བཞེས། །ཕྱི་ནམ་མཁའ་ཡངས་པའི་གཏོར་གཞོང་དུ། །ནང་འབྱུང་བ་ལྔ་ཡི་གཏོར་མས་བཀང་། །རང་གསལ་རང་དག་མཆོད་པ་བཞེས། །བཀའ་ཕ་རོལ་ཕྱིན་པའི་གཏོར་གཞོང་དུ། །ས་བཅུ་དག་པའི་གཏོར་མས་བཀང་། །མྱ་ངན་མི་འདའི་མཆོད་པ་བཞེས། །

[Full Size]

བཀའ་རྫོགས་པ་ཆེན་པོའི་གཏོར་གཞོང་དུ། །ཐེག་པ་རིམ་དགུའི་གཏོར་མས་བཀང་། །མ་འདྲེས་ཡོངས་རྫོགས་མཆོད་པ་བཞེས། །ཀུན་གཞི་ཡངས་པའི་ཏོར་གཞོང་དུ། །རྣམ་ཤེས་ཚོགས་དྲུག་གཏོར་མས་བཀང་། །འཕེལ་འགྲིབ་མེད་པའི་མཆོད་པ་བཞེས། །རང་སེམས་གཉུག་མའི་གཏོར་གཞོང་དུ། །ལུས་ངག་ཡིད་གསུམ་གཏོར་མས་བཀང་། །བརྗོད་དུ་མེད་པའི་མཆོད་པ་བཞེས། །སྐྱེ་བ་མེད་པའི་གཏོར་གཞོང་དུ། །རིག་པ་ཚོར་མྱོང་གཏོར་མས་བཀང་། །འགྱུ་བ་རང་གྲོལ་མཆོད་པ་བཞེས། །ཆོས་སྐུ་དག་པའི་གཏོར་གཞོང་དུ། །གཟུགས་སྐུ་རྣམ་གཉིས་གཏོར་མས་བཀང་། །འགྲོ་དོན་ཕྱོགས་མེད་མཆོད་པ་བཞེས། །སྟོང་པ་ཉིད་ཀྱི་གཏོར་གཞོང་དུ། །སྣང་བ་དཀར་དམར་གཏོར་མས་བཀང་། །སྣང་མེད་ཆེན་པོའི་མཆོད་པ་བཞེས། །རང་རྒྱུད་དག་པའི་གཏོར་གཞོང་དུ། །གཉིས་མེད་དག་པའི་གཏོར་མས་བཀང་། །བདེ་བ་ཆེན་པོའི་མཆོད་པ་བཞེས། །ཆོས་ཉིད་དག་པའི་གཏོར་གཞོང་དུ། །བདེ་གསལ་མི་རྟོག་གཏོར་མས་བཀང་། །ངོས་བཟུང་མེད་པའི་མཆོད་པ་བཞེས། །རང་ལུས་རྒྱལ་བའི་གཏོར་གཞོང་

[Full Size]

དུ། །མོས་གུས་དག་པའི་གཏོར་མས་བཀང་། །རེ་དོགས་མེད་པའི་མཆོད་པ་བཞེས། །ཀ་པཱ་ལ་ཡི་གཏོར་གཞོང་དུ། །ཤ་ཁྲག་དོན་སྙིང་གཏོར་མས་བཀང་། །ཆགས་ཞེན་མེད་པའི་མཆོད་པ་བཞེས། །ཕཊ་ཕཊ། དེ་ནས་བསྔོ་སྦྱངས་ནི། དྲུག་པ་རྡོ་རྗེ་འཆང་ཆེན་མན་ཆད་དང་། །རྩ་བའི་བླ་མ་ཡན་ཆད་ལ། །བསྔོས་པ་ཙམ་གྱིས་ཚིམ་གྱུར་ཅིག །བསམ་པ་བཞིན་དུ་འགྲུབ་གྱུར་ཅིག །ཀུན་ཏུ་བཟང་པོ་མན་ཆད་དང་། །འཇག་མའི་སྲིན་བུ་ཡན་ཆད་ལ། །བསྔོས་པ་ཙམ་གྱིས་ཚིམ་གྱུར་ཅིག །བསམ་པ་བཞིན་དུ་འགྲུབ་གྱུར་ཅིག །ཤཱཀྱ་ཐུབ་པ་མན་ཆད་དང་། །དམྱལ་ཁམས་བཅོ་བརྒྱད་ཡན་ཆད་ལ། །བསྔོས་པ་ཙམ་གྱིས་ཚིམ་གྱུར་ཅིག །བསམ་པ་བཞིན་དུ་འགྲུབ་གྱུར་ཅིག །སྟོང་གསུམ་གཞི་བདག་མན་ཆད་དང་། །འདིར་གནས་ལྷ་འདྲེ་ཡན་ཆད་ལ། །བསྔོས་པ་ཙམ་གྱིས་ཚིམ་གྱུར་ཅིག །བསམ་པ་བཞིན་དུ་འགྲུབ་གྱུར་ཅིག །གཏོར་མ་འདི་ཡི་ཡོན་ཏན་གྱིས། །བདག་དང་འགྲོ་དྲུག་སེམས་ཅན་ཐམས་ཅད་ལ། །ལུས་ལ་བདེ་བ་བསྐྱེད་དུ་གསོལ། །ངག་ལ་ནུས་པ་སྦར་དུ་གསོལ། །སེམས་ལ་རྟོགས་པ་འཆར་དུ་གསོལ། །

[Full Size]

མཆོག་དང་ཐུན་མོང་དངོས་གྲུབ་བསྩལ་དུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཅེས་ཕྲིན་ལས་བཅོལ། མཆོད་བསྟོད་ནི། ཨོཾ་གུ་རུ་དྷེ་ཝ་ཌཱཀི་ནཱི་ས་པ་རི་ཝཱ་ར་བཛྲ་ཨརྒྷཾ། པཱདྱཾ་ པུཥྤེ་ དྷུ་པེ། ཨཱ་ལོ་ཀེ་ གནྡྷེ་ ནཻ་ཝིདྱ་ ཤབྡ་པྲ་ཏིཙྩཨཱཿཧཱུྃ། རང་རིག་ཡེ་ཤེས་སྟོན་མཛད་པའི། །ཕ་བླ་མ་རྣམས་ལ་ཕྱག་འཚལ་བསྟོད། །དངོས་གྲུབ་ངེས་པར་སྟེར་མཛད་པའི། །ཡི་དམ་རྣམས་ལ་ཕྱག་འཚལ་

[Full Size]

བསྟོད། །རྟེན་འབྲེལ་རྒྱ་མཚོ་འབྱུང་བ་ཡི། །མཁའ་འགྲོ་རྣམས་ལ་ཕྱག་འཚལ་བསྟོད། །བར་ཆད་ཐམས་ཅད་སེལ་མཛད་པའི། །ཆོས་སྐྱོང་རྣམས་ལ་ཕྱག་འཚལ་བསྟོད། །སྤངས་རྟོགས་ཕུན་སུམ་ཚོགས་པ་ཡི། །སངས་རྒྱས་རྣམས་ལ་ཕྱག་འཚལ་བསྟོད། །ཞི་གྱུར་འདོད་ཆགས་བྲལ་བ་ཡི། །བཀའ་དམ་ཆོས་རྣམས་ལ་ཕྱག་འཚལ་བསྟོད། །གང་ལ་ཕུལ་ན་དོན་ཆེ་བ། །དགེ་འདུན་རྣམས་ལ་ཕྱག་འཚལ་བསྟོད། །སྐྱེ་བ་བདུན་ལ་འགྲོ་དོན་མཛད། །དམ་པ་རྒྱ་གར་སྐུ་ལ་ཕྱག་འཚལ་བསྟོད། །མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོན་མ་དེ་ལ་ཕྱག་འཚལ་བསྟོད། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་བསྟོད་པར་བགྱི། །དེ་ནས་བསྐང་གཏོར་གསོ་བྲན་བྱས་ལ། ཧཱུྃ། བེམ་ཤུན་གཏོར་སྣོད་གསེར་གྱི་ས་གཞིའི་སྟེང་། །ཞག་དང་ཆུ་སེར་སྤོས་ཆུས་ཆག་ཆག་བཏབ། །སོར་མཛུབ་ལྕགས་རི་མུ་ཁྱུད་ཕྲེང་བས་བསྐོར། །ཡན་ལག་གླིང་བཞི་ཉིང་ལག་གླིང་ཕྲན་བརྒྱད། །ཟོ་ཁོག་རི་རབ་མགོ་ནི་རྣམ་རྒྱལ་ཁང་། །མིག་གཉིས་ཉི་ཟླ་རྒྱུ་མ་གསེར་རི་

[Full Size]

བདུན། །ཁྲག་ནི་རོལ་མཚོ་སོ་ནི་རྒྱུ་སྐར་ཚོགས། །རྣ་བ་གཉིས་ནི་གདུགས་དང་རྒྱལ་མཚན་ཏེ། །ལྕེ་ནི་རྔ་ཡབ་བ་དན་ལྷུན་གྱིས་གྲུབ། །ཀླད་སྤྱི་བླ་རེ་མཆིན་ཁྲི་ཡོལ་བ་དང་། །ཨོལ་ཁྲོང་རང་བྱུང་ཤེལ་གྱི་མཆོད་རྟེན་བརྒྱད། །སྙིང་ནི་ནོར་བུ་གློ་བ་ཅང་ཤེས་རྟ། །མིད་ཡུ་སྲོག་རྩ་དཔག་བསམ་ལྗོན་པའི་ཤིང་། །མཚེར་པ་འདོད་འཇོའི་བ་མོ་ལྷུན་གྱིས་གྲུབ། །ཕོ་བ་རིན་ཆེན་གཏེར་གྱི་བུམ་པ་དང་། །ཤ་ཁྲག་འདོད་ཡོན་དཔག་མེད་བསྐང་རྫས་ཀྱིས། །འཕགས་བཞི་སྐྱེད་བྱེད་ཆོས་སྐུ་ཡུམ་ཆེན་མོ། །ཤེས་རབ་ཕ་རོལ་ཕྱིན་མའི་ཐུགས་དམ་བསྐང་། །སྲས་ནི་ཕྱོགས་བཅུ་དུས་གསུམ་བདེ་གཤེགས་ཚོགས། །བྱང་སེམས་ཉན་རང་བཅས་པའི་ཐུགས་དམ་བསྐང་། །ངེས་པ་ལྔ་ལྡན་ལོངས་སྤྱོད་རྫོ་གས་པའི་སྐུ། །ལོངས་སྐུ་གངས་ཆེན་མཚོ་རྒྱལ་ཐུགས་དམ་བསྐང་། །ཡེ་ཤེས་ལྔ་ལྡན་སྐུ་ལྔ་ལྷུན་གྱིས་གྲུབ། །བཅོམ་ལྡན་རིགས་ལྔ་ཡབ་ཡུམ་ཐུགས་དམ་བསྐང་། །མ་རྒྱུད་ཀུན་གྱི་སྤྲུལ་གཞི་རྩ་བའི་ལྷ། །རྗེ་བཙུན་འཕགས་མ་སྒྲོལ་མའི་ཐུགས་དམ་བསྐང་། །འཁོར་ལོ་ལྔ་ཡི་དཔའ་བོ་ཌཱཀིའི་ཚོགས། །བླ་མེད་དཀྱིལ་འཁོར་ལྷ་

[Full Size]

ཡི་ཐུགས་དམ་བསྐང་། །དམ་པ་རྒྱ་གར་ཨཱརྱ་དེ་ཝ་སོགས། །གཅོད་ཡུལ་བརྒྱུད་པའི་བླ་མའི་ཐུགས་དམ་བསྐང་། །གྲུབ་ཆེན་བརྒྱད་ཅུ་བཀའ་བབས་བཅུ་དྲུག་སོགས། །འཛིན་གྲུབ་ཐོབ་རྣམས་ཀྱི་ཐུགས་དམ་བསྐང་། །ཡུམ་ཆེན་ཐུགས་སྤྲུལ་གངས་ཅན་འགྲོ་བའི་དཔལ། །མ་གཅིག་ལབ་ཀྱི་སྒྲོན་མའི་ཐུགས་དམ་བསྐང་། །སྲས་མོ་ལ་འདུལ་ཐུགས་ཀྱི་སྲས་མོ་བཞི། །ལ་འདུལ་རྡོ་རྗེ་སྒྲོལ་མའི་ཐུགས་དམ་བསྐང་། །རྩ་བརྒྱུད་བླ་མ་རྒྱལ་བ་སྲས་བཅས་ཀྱི། །ཐུགས་དམ་གཉན་པོ་བསྐང་བའི་བྱིན་རླབས་ཀྱིས། ཉམས་ཆག་སྡིག་སྒྲིབ་ཐམས་ཅད་བྱང་ནས་ཀྱང་། །ཉམས་དང་རྟོགས་པ་ཡར་ངོའི་ཟླ་བཞིན་འཕེལ། །བྱིན་རླབས་མཛད་མེད་ཆུ་བོའི་རྒྱུན་བཞིན་སྩོལ། །ཚེ་གཅིག་སངས་རྒྱས་འགྲུབ་པར་མཛད་དུ་གསོལ། །ཧཱུྃ། བེམ་ཤུན་བྷན་སྟོང་གསུམ་མཉམ་པའི་ནང་། །ཕུང་པོ་ཤ་ལྔ་ཡེ་ཤེས་བདུད་རྩི་ལྔ། །ཕུད་རླངས་སྒེག་སོགས་བརྒྱད་དང་མཆོད་ལྷ་ལྔ། །མཆོད་པའི་ལྷ་མོ་བཅུ་དྲུག་ནམ་མཁའ་གང་། །སྙན་པའི་གླུ་དབྱངས་རྡོ་རྗེའི་གར་དང་བཅས། །འདོད་ཡོན་མཆོད་སྤྲིན་ཟག་མེད་བསྐང་རྫས་འདིས། །ཡི་དམ་བདུད་

[Full Size]

འདུལ་ཁྲོས་མའི་ཐུགས་དམ་བསྐང་། །བདེ་ཆེན་དཀར་མོ་སེར་མོ་དོན་གྲུབ་དང་། །དམར་མོ་སྒྲ་སྒྲོགས་སྣ་ཚོགས་མཐར་ཕྱིན་གྱི། །ཡེ་ཤེས་མཁའ་འགྲོ་རྣམས་ཀྱི་ཐུགས་དམ་བསྐང་། །ལྷན་ཅིག་སྐྱེས་མ་རྡོ་རྗེ་རྣལ་འབྱོར་མ། །ཨོ་རྒྱན་གནས་ཀྱི་གཙོ་མོའི་ཐུགས་དམ་བསྐང་། །རྡོ་རྗེ་མཁའ་འགྲོ་རིན་ཆེན་མཁའ་འགྲོ་དང་། །པདྨ་ལས་མཁའ་འགྲོའི་ཐུགས་དམ་བསྐང་། །སྐུ་ལས་སྤྲུལ་པའི་ལྕཀི་དཀར་མོ་འབུམ། །ཞི་བའི་ལས་མཛད་མ་ཡི་ཐུགས་དམ་བསྐང་། །གསུང་ལས་སྤྲུལ་པའི་དམར་མོ་འབུམ། །དབང་གི་ལས་མཛད་མ་ཡི་ཐུགས་དམ་བསྐང་། །ཐུགས་ལས་སྤྲུལ་པའི་ཌཱཀི་སྔོན་མོ་འབུམ། །དྲག་པོའི་ལས་མཛད་མ་ཡི་ཐུགས་དམ་བསྐང་། །ཡོན་ཏན་སྤྲུལ་པའི་ཊཱཀི་སེར་མོ་འབུམ། །རྒྱས་པའི་ལས་མཛད་མ་ཡི་ཐུགས་དམ་བསྐང་། །ཕྲིན་ལས་སྤྲུལ་པའི་ཌཱཀི་ལྗང་མོ་འབུམ། །སྣ་ཚོགས་ལས་མཛད་མ་ཡི་ཐུགས་དམ་བསྐང་། །སྐུ་ལས་སྤྲུལ་པའི་ཌཱཀི་འབུམ་ཕྲག་བཅུ། །བྱིན་རླབས་དངོས་གྲུབ་འབེབས་མའི་ཐུགས་དམ་བསྐང་། །ཡི་དམ་ཕག་ཁྲོས་ལྷ་ཚོགས་འཁོར་བཅས་ཀྱི། །ཐུགས་དམ་གཉན་པོ་བསྐང་བའི་བྱིན་

[Full Size]

རླབས་ཀྱིས། །དངོས་གྲུབ་འཛད་མེད་ཆུ་བོའི་རྒྱུན་བཞིན་སྩོལ། །ལུས་ངག་ཡིད་གསུམ་བསྲུང་ཞིང་བསྐྱབ་པ་དང་། །བསྐྱེད་རྫོགས་བརྟན་ཐོབ་སྣང་སྲིད་དབང་དུ་འདུས། །འཇའ་ལུས་མཁའ་སྤྱོད་འགྲུབ་པར་མཛད་དུ་གསོལ། །ཧཱུྃ། བེམ་ཤུན་བྷནྡྷ་ལྕང་ལོ་བཅས་པའི་ནང་། །ཕུང་པོ་ཤ་ཁྲག་རུས་པ་བདུད་རྩིའི་མཚོ། །ཕུད་རླངས་ལས་བྱེད་ཌཱཀི་ཁྲོ་མོའི་ཚོགས། །སྨན་རཀ་གཏོར་མ་ཐོགས་པས་བར་སྣང་གང་། །བསྐང་རྫས་སྒྲུབ་རྫས་རྟེན་རྫས་སྤྲིན་ལྟར་གཏིབས། །བྱ་ནག་ཁྱི་ནག་རྟ་ནག་གཡག་ནག་འཕྱོ། །གོ་མཚོན་དར་ནག་ལ་སོགས་བསྐང་རྫས་འདིས། །ཐུགས་རྗེ་ཁྲོས་པས་གདུག་པ་འདུལ་མཛད་པ། །མྱུར་མཛད་ཡེ་ཤེས་མགོན་པོའི་ཐུགས་དམ་བསྐང་། །འདོད་ཁམས་དབང་ཕྱུག་ས་བརྒྱད་སེམས་མ་ཆེ། །དཔལ་ལྡན་རེ་མ་ཏི་ཡི་ཐུགས་དམ་བསྐང་། །ཀྵེ་ཏྲ་པཱ་ལ་ལ་སོགས་གནོད་སྦྱིན་བཞི། །གཙང་རིགས་དཔལ་མགོན་བཅས་པའི་ཐུགས་དམ་བསྐང་། །ཞི་བྱེད་རྒྱུད་ཀྱི་སྲུང་མ་ནག་པོ་ཆེ། །མགོན་པོ་ཨ་གྷོ་ར་ཡི་ཐུགས་དམ་བསྐང་། །ཟློག་བྱེད་མ་དང་ནོར་རྒྱུན་མ་ལ་སོགས། །འཁོར་དང་ཡང་འཁོར་བཅས་པའི་ཐུགས་དམ་བསྐང་། །

[Full Size]

གཅོད་ཡུལ་བཀའ་སྲུང་དུར་ཁྲོད་ཀུན་ན་བཞུགས། །དུར་ཁྲོད་བདག་པོ་ཡབ་ཡུམ་ཐུགས་དམ་བསྐང་། །ལས་བདག་མཚན་མོ་སྒྲ་སྒྲོགས་གཅེར་བུ་མ། །ཤ་ཟ་ཞིང་སྐྱོང་མཁའ་འགྲོའི་ཐུགས་དམ་བསྐང་། །བུད་མེད་ནག་མོ་ལྕགས་སྤྱང་མགོ་དགུ་ཆིབས། །ལྷ་མོ་སྤྱང་ཞོན་མ་ཡི་ཐུགས་དམ་བསྐང་། །བུད་མེད་དམར་མོ་མཚལ་སྟག་མགོ་དགུ་བཅིབས། །ལྷ་མོ་སྟག་ཞོན་མ་ཡི་ཐུགས་དམ་བསྐང་། །བུད་མེད་སྔོན་མོ་ཟངས་འཕར་མགོ་དགུ་ཆིབས། །ལྷ་མོ་འཕར་ཞོན་མ་ཡི་ཐུགས་དམ་བསྐང་། །མགོ་དགུ་མིག་མང་འོད་འཕྲོ་སྦྲུལ་མཇུག་ཅན། །ཤམ་པོ་གཟའ་བདུད་མགོ་དགུའི་ཐུགས་དམ་བསྐང་། །ཐོག་གི་བུ་ཡུག་གདོང་མོ་མཆེད་སྡེ་བཞི། །སྤྲུལ་པའི་གཟའ་བརྒྱད་འཁོར་བཅས་ཐུགས་དམ་བསྐང་། །བཙན་རྒོད་འབར་བ་མ་རུངས་མཆེད་སྡེ་བདུན། །ཟངས་རི་འཁྱིལ་པ་འཁོར་བཅས་ཐུགས་དམ་བསྐང་། །གཅོད་ཡུལ་བརྒྱུད་པའི་ཆོས་སྐྱོང་ཐམས་ཅད་ཀྱི། །ཐུགས་དམ་གཉན་པོ་བསྐང་བའི་བྱིན་རླབས་ཀྱིས། །གཅོད་ཡུལ་བསྟན་པ་དར་ཞིང་རྒྱས་པ་དང་། །རྣལ་འབྱོར་བདག་གི་ཕྲིན་ལས་རྣམ་པ་བཞི། །གང་བཅོལ་ཐོགས་

[Full Size]

པ་མེད་པར་སྒྲུབ་པ་དང་། །བསྟན་དགྲ་རྩད་ནས་བརླག་པའི་ཕྲིན་ལས་མཛོད། །ཧཱུྃ། བེམ་ཤུན་བེཟླུར་ས་གཞི་མིག་མང་རིས། །ཁྲག་རྣམས་འོ་མའི་མཚོ་རྫིང་ནེའུ་སེང་། །ཤ་རུས་རིན་ཆེན་རི་བོ་གཞལ་ཡས་ཁང་། །དཀར་གསུམ་མངར་གསུམ་སྨན་འབྲུ་རིན་པོ་ཆེ། །དར་ཟབ་ཤིང་ཐོག་ཀླུ་སྨན་བདུད་རྩིའི་མཚོ། །བྱ་རིགས་རི་དྭགས་གཅན་གཟན་ཆུ་གནས་ཚོགས། །བསྐང་རྫས་སྣ་ཚོགས་ཟག་མེད་ལོངས་སྤྱོད་འདིས། །གནོད་སྦྱིན་ཞང་བློན་རྡོ་རྗེ་བདུད་འདུལ་བ། །ཡབ་ཡུམ་འཁོར་དང་བཅས་པའི་ཐུགས་དམ་བསྐང་། །ནོར་ལྷ་མཆེད་བརྒྱད་གནོད་སྦྱིན་བརྒྱད་ཁྲིའི་ཚོགས།་།འབྲོག་གནས་མཆེད་ལྔར་བཅས་པའི་ཐུགས་དམ་བསྐང་། །ཡུལ་འཁོར་སྲུང་དང་འཕགས་སྐྱེས་སྤྱན་མི་བཟང་། །རྣམ་ཐོས་སྲས་པོ་འཁོར་བཅས་ཐུགས་དམ་བསྐང་། །ཐང་ལྷ་ཡར་བཞུད་འོད་དེ་གུང་རྒྱལ་དང་། །མཁའ་རི་ཤམ་པོ་རྣམས་ཀྱི་ཐུགས་དམ་བསྐང་། །བརྟན་མ་བཅུ་གཉིས་སྨན་བཙུན་འབུམ་དང་བཅས། །ཀླུ་རྒྱལ་དྲག་པོ་ཟླ་སྐྱོང་ཐུགས་དམ་བསྐང་། །གཞན་ཡང་མ་གཅིག་ལབ་ཀྱི་སྒྲོན་མོ་ཡིས། །དམ་བཏགས་སྡེ་བརྒྱད་ཀུན་གྱི་ཐུགས་དམ་བསྐང་། །ཡུལ་

[Full Size]

ཕྱོགས་འདིར་གནས་གཞི་བདག་དཀར་པོའི་ཕྱོགས། །ཆོས་ལ་དགའ་བ་རྣམས་ཀྱི་ཐུགས་དམ་བསྐང་། །དེ་ལྟར་ཐུགས་དམ་བསྐང་བའི་བྱིན་རླབས་ཀྱིས། །ལོངས་སྤྱོད་འཛད་མེད་ཆུ་བོའི་རྒྱུན་བཞིན་སྩོལ། །གཞི་བྱེས་ལམ་གསུམ་གར་འགྲོ་གར་འདུག་ཀྱང་། །སྐྱེལ་བསུ་རོགས་དན་ཁ་འཛིན་མ་གཡེལ་ཅིག །ཉིན་གྱི་བྱ་ར་མཚན་གྱི་མེལ་ཚེ་མཛོད། །བཀྲ་ཤིས་བདེ་ལེགས་འགྲུབ་པར་མཛད་དུ་གསོལ། །དེ་ནས་རིགས་དྲུག་གནས་སྦྱངས་དམིགས་པ་ནི། ཕཊཿ རང་གི་སྤྱི་གཙུག་མ་གཅིག་ལབ་སྒྲོན་གསལ། །སྤྱི་བོར་ལྷ་ཡི་ས་བོན་ཨོཾ་དཀར་པོ། །མགྲིན་པར་ལྷ་མིན་ས་བོན་ཨཱཝདམར་པོ། །སྙིང་གར་མི་ཡི་ས་བོན་ནི་ལྗང་གུ། །ལྟེ་བར་བྱོལ་སོང་ས་བོན་དྭ་སྐྱ་བོ། །གསང་བར་ཡི་དྭགས་ས་བོན་ར་སེར་པོ། །རྐང་ཞབས་དམྱལ་བའི་ས་བོན་ཏྲི་ནག་པོ། །ཡི་གེ་དེ་དག་རང་མདོག་འོད་འཕྲོས་པས། །བདག་དང་སེམས་ཅན་མ་ལུས་ཐམས་ཅད་ཀྱི། །རིགས་དྲུག་སྐྱེ་བའི་ལས་སྒྲིབ་སྡུག་བསྔལ་བཅས། །སིབ་སིབ་བསྡུས་ནས་ཡི་གེ་སོ་སོར་ཐིམ། །བདག་ལུས་ཆེར་རྒྱས་སྲིད་རྩེའི་བར་དུ་སླེབ། །རྐང་མཐིལ་ཡི་གེ་འོད་ཀྱི་ཐིག་ལེར་ཞུ། །

[Full Size]

ཡུངས་འབྲུ་ཙམ་གྱུར་གསང་གནས་ཡི་གེར་ཐིམ། །དེ་ཡང་སྲན་མ་ཙམ་གྱུར་ལྟེ་བར་ཐིམ། །དེ་ཉིད་ཐིག་ལེར་གྱུར་པ་སྙིང་གར་ཐིམ། །ཤེལ་སྒོང་ལྟར་གྱུར་མགྲིན་པའི་ཡི་གེར་ཐིམ། །དེ་ཡང་ཡར་འཕྲོས་སྤྱི་བོའི་ཨོཾ་ལ་ཐིམ། །འོད་ཀྱི་ཐིག་ལེ་བྱ་ཆེན་སྒོ་ང་ཙམ། །མ་གཅིག་ཐུགས་ཀར་ཐིམ་པས་དབྱེར་མེད་འདྲེས། །ཕུང་པོ་བདུད་རྩིར་ཞུ་བ་འཇིག་རྟེན་གང་། །རིགས་དྲུག་ཀུན་གྱིས་འཐུང་བས་སྒྲིབ་པ་དག །ཐམས་ཅད་སངས་རྒྱས་རིགས་དྲུག་འཁོར་བ་སྟོང་། །ཆོས་དབྱིངས་སྐྱེ་མེད་ངང་དུ་གནས་པར་གྱུར། །ཕཊ་བཤགས་པ་ནི། །རྗེ་སུམ་ལྡན་གྱི་བླ་མ་རིན་པོ་ཆེ། །སྐྱབས་གནས་ཡིན་པར་མ་ཤེས་ནས། །དད་མདུན་མོས་གུས་ཆུང་བ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །འདི་ཕྱིའི་བདེ་ལེགས་ཇི་སྙེད་པ། །རྩ་བའི་བླ་མར་འབྱུང་བར་མ་ཤེས་ནས། །དངོས་གྲུབ་གཞན་དུ་བཙལ་བ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །རང་སེམས་རྩ་བ་ཆོད་པ་དེ། །ཆོས་སྐུ་ཡིན་པར་མ་ཤེས་ནས། །སངས་རྒྱས་གཞན་དུ་བཙལ་བ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །རྣམ་རྟོག་རང་སར་གྲོལ་བ་དེ། །སྐྱེ་མེད་ཡིན་

[Full Size]

པར་མ་ཤེས་ནས། །གཉེན་པོ་གཞན་དུ་བཙལ་བ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །རང་སེམས་ཡིད་བཞིན་ནོར་བུ་ལས། །དགོས་འདོད་འབྱུང་བར་མ་ཤེས་ནས། །འབད་རྩོལ་གཞན་དུ་བྱས་པ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །ང་བདག་རྩ་བ་ཆོད་པ་དེ། །ཉམས་ལེན་ཡིན་པར་མ་ཤེས་ནས། །ལྷ་འདྲེ་གཞན་དུ་བཙལ་བ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །ཁམས་གསུམ་སེམས་ཅན་ཐམས་ཅད་དེ། །ཕ་མ་ཡིན་པར་མ་ཤེས་ནས། །གཞན་ལ་གནོད་པ་བསྐྱལ་བ་ད། །མ་སྤྲུལ་པའི་སྐུ་ལ་མཐོལ་ལོ་བཤགས། །བརྩེ་གདུང་ལྡན་པའི་མཆེད་གྲོགས་དེ། །དཔའ་བོ་མཁའ་འགྲོ་ཡིན་པར་མ་ཤེས་ནས། །རུ་ང་ཕྲག་དོག་སྐྱེས་པ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །གདམས་པ་བདུད་ཀྱི་གཅོད་ཡུལ་དེ། །སྣོད་ངན་ཡིན་པར་མ་ཤེས་ནས། །རྒྱལ་ཁམས་ཡོངས་ལ་སྤེལ་བ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །ཚུལ་ཁྲིམས་རྣམ་དག་དྲི་མེད་དེས། །ཐར་ལམ་བགྲོད་པར་མ་ཤེས་ནས། །འཆལ་བའི་མངོན་ལྐོག་ཤོར་བ་དེ། །མ་སྤྲུལ་པའི་སྐུ་ལ་མཐོལ་ལོ་

[Full Size]

བཤགས། །དངོས་འབྱོར་ཡིད་སྤྲུལ་མཆོད་པ་དེས། །ཚོགས་གཉིས་རྫོགས་པར་མ་ཤེས་ནས། །རློམས་སེམས་སེར་སྣ་བྱས་པ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །ཟབ་མོ་མཁའ་འགྲོའི་ཚོགས་གྲལ་དེ། །གསང་གནས་ཡིན་པར་མ་ཤེས་ནས། །ཉམས་གྲིབ་ཅན་དང་འདྲེས་པ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །ཞལ་ཟས་ཚོགས་ཀྱི་ལོངས་སྤྱོད་དེ། །དངོས་གྲུབ་ཡིན་པར་མ་ཤེས་ནས། །ལོག་ལྟ་ཅན་ལ་སྤེལ་བ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །ལུས་ཆགས་མེད་སྦྱིན་པ་བཏང་བ་དེས། །སྒྲིབ་གཉིས་བྱང་བར་མ་ཤེས་ནས། །ལུས་ལ་གཅེས་འཛིན་བྱས་པ་དེ། །མ་སྤྲུལ་པའི་སྐུ་ལ་མཐོལ་ལོ་བཤགས། །མཐོལ་ལོ་བཤགས་སོ་ཡེ་ཤེས་མཁའ་འགྲོ་མ། །གནོང་ངོ་འགྱོད་དོ་གཅོད་ཡུལ་བརྒྱུད་པ་རྣམས། །དག་ཚངས་སྐུ་གསུང་ཐུགས་ཀྱི་དངོས་གྲུབ་སྩོལ། །ལམ་མ་ནོར་ཆོས་ཀྱི་དབྱིངས་སུ་དྲོངས། །མི་ལྡོག་བདེ་ཆེན་གྱི་ས་ལ་འགོད་གྱུར་ཅིག །ཕཊ་ཕཊ། ཅེས་སྟོང་ཉིད་ཀྱི་ངང་ལ་ཡུད་ཙམ་བཞག་གོ། །བཤགས་པ་འདི་བོད་ཀྱི་པཎྜི་ཏ་དོན་ཡོད་རྡོ་རྗེས་མཛད་པའོ། ༈ །དེ་ནས་ཚོགས་སྤེལ་ལ། མཆོད་གཡོག་པས་ལག་པ་གཡས་སུ་

[Full Size]

ཐབས་ཀྱི་རྫས་ཤ་དང་ཟན། གཡོན་དུ་ཤེས་རབ་ཀྱི་རྫས་བདུད་རྩི་ཐོགས་ལ། ཀྱཻ། གཟིགས་ཤིག་མཛེས་ལྡན་དམ་པའི་ཆོས། །འདི་ལ་ཐེ་ཚོམ་བྱར་མི་རུང་། །བྲམ་ཟེ་ཁྱི་དང་། གདོལ་པ་ཕག །རང་བཞིན་གཅིག་ཏུ་དགོངས་ཏེ་རོལ། །ལེན་པ་པོས་ཀྱང་། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་དྲི་མ་དང་བྲལ་བ། །གཟུང་དང་འཛིན་པ་རྣམ་པར་སྤང་། །དེ་བཞིན་ཉིད་ལ་བདག་ཕྱག་འཚལ། །ཞེས་པད་ཀོར་དང་བཅས་ཏེ་བླངས་ལ་ཕུད་བཅད་ནས། ཨོཾ་ཨ་གྲ་པིཎྜ་ཨཀྱི་སྭཱ་ཧཱ། ཞེས་ཕུད་ལ་དབང་བའི་འབྱུང་པོ་ལ་བསྔོས་ནས། རང་ཡེ་ཤེས་ཀྱི་ཌཱཀི་གཅིག་ཏུ་གསལ་ཞིང་ཉམས་ལེན་དང་མ་བྲལ་བར་རོལ་ནས། མང་མའི་ལྷག་མ་སྣོད་གཅིག་ཏུ་བླུགས་ནས་ཆུས་བྲན་ལ། སྔར་ལུས་སྦྱིན་དམིགས་པ་མང་དུ་བྱས་པའི་ལྷག་མར་བསྔོ། ཕཊ་ཕཊ། ཕུང་པོ་ཚོགས་ཀྱི་ལྷག་རོལ་ལ་དཀར་གསུམ་མངར་གསུམ་འོ་མའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ཁས་ཞན་དབང་ཆུང་བ་ཞ་བོ་ལོང་བ་འོན་པ་ལྐུགས་པ་མ་ཐོབ་པ་མ་ཐེམས་པ། ལྷག་མ་ལ་རེ་བ་འོང་མི་ཉན་པ་མི་ཁོམ་པ་བང་བུལ་བ་འབྱུང་པོ་ལྷག་སྡུད་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཕཊ་ཕཊ། གཙོ་བོ་རྣམས་ཀྱི་རྗེས་འབྲང་བ། །འབྱུང་པོ་ལྷག་སྡུད་འདིར་འདུས་

[Full Size]

ཚོགས། །འདོད་ཡོན་ལྷག་མ་འདི་བཞེས་ལ། །མ་ལུས་སོ་སོར་ཚིམ་གྱུར་ཅིག །ཕཊ་ཕཊ། ཁར་རག་པ་ཙམ་གྱིས་ཚིམ་གྱུར་ཅིག །ཕཊ་ཕཊ། ཅེས་སྒོ་རྒྱབ་སྲང་མདོ་ཅིག་ཏུ་བླུག་གོ །དེ་ནས་རྣལ་འབྱོར་པ་དམ་ཚིག་དང་ལྡན་པར་ངེས་པའི་ལྷག་མ་དང་། སྔར་ཚོགས་སྤེལ་དུས་ནས་གཙང་ལྷག་བཞག་པ་གཅིག་ཏུ་བསྲེས་ལ། སྟེང་དུ་རང་གིས་ཕུད་མཆོད་དེ་ཡང་བཞག་ལ་བདུད་རྩིས་བྲན། སྐབས་འདིར་རྣལ་འབྱོར་པ་ལ་དགྲ་ཡོད་ན་མཚོན་ཆ་ལྟ་བུའི་གདམས་ངག་དམིགས་རིམ་ཟབ་མོ་ཞིག་ཡོད་ཀྱང་། དྲུང་པ་རིན་པོ་ཆེས་ཀྱང་སེམས་ཅན་ལ་གནོད་པའི་གཞིར་འགྱུར་དོགས་པས་བཀའ་རྒྱ་ཤིན་ཏུ་དམ་པས་འདིར་མ་བྲིས་ལ། རིམ་གྲོའི་སྐབས་ལ་འདིས་ཆོག་གོ །ཨོཾ་ཀརྨ་ཊཱཀི་ནཱི་ཧཱུྃ་ཕཊཿ ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ནཾ་ཨ་དྱ་ནུཏྤནྣ་ཏོཏྟ་ཨོཾ་ཨཱཏྟཱཧཱུྃ་ཕཊ་སྭཱ་ཧཱ། ཕཊ། བྷནྡྷའི་སྣོད་དུ་ལྷག་གཏོར་ཤ་ཁྲག་གི །ཕུང་པོ་འདོད་ཡོན་ལྔ་ལྡན་རྒྱ་མཚོར་གྱུར། །ལས་བྱེད་མཁའ་འགྲོའི་སྤྲུལ་པ་ཀེང་རུས་ཀྱིས། །གཟུགས་ཅན་མཁའ་འགྲོ་མང་པོས་ལྷག་གཏོར་ཁྱེར། །ལྷག་སྡུད་འཇིག་རྟེན་རིགས་ལྔའི་ཊཱཀི་ལྔ་། །རང་རང་མདོག་མཚུངས་ཐོར་ཚུགས་རལ་པ་ཅན། །ལག་ན་རང་རྟགས་གྲི་གུག་ཐོད་ཁྲག་འཛིན། །ཤ་ཟ་ཞིང་སྐྱོང་ལྷག་མགྲོན་འཁོར་བཅས་ལ། །སོ་སོར་ཅི་འདོད་

[Full Size]

བྱིན་པས་དགྱེས་པར་རོལ། །དགྲ་བགེགས་བསྒྲལ་བའི་ཕྲིན་ལས་སྒྲུབ་པར་གྱུར། །ཕཊ་ཕཊ། ཧཱུྃ། ཕྱོགས་བཞི་འཇིགས་པའི་དུར་ཁྲོད་ནས། །རིགས་ལྔའི་མཁའ་འགྲོ་དཔལ་འབར་མ། །དཀར་སེར་དམར་ལྗང་མཐིང་ནག་རལ་པ་ཅན། །ཁྱོད་དོན་ནི་སངས་རྒྱས་ཡིན་མོད་ཀྱང་། །བདག་སྒྲུབ་པ་པོ་ལ་ཕན་གདག་ཕྱིར། །བྲན་གྱི་ཚུལ་དུ་ཁས་བླངས་པས། །ལྷག་མའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །དེ་ཡི་འཁོར་དུ་གཏོགས་པ་ཡི། །མཁའ་ལ་འགྲོ་བའི་མཁའ་འགྲོ་མ། །ཤུགས་ལ་འགྲོ་བའི་ཤུགས་འགྲོ་དང་། །བར་སྣང་བགྲོད་པའི་མཁའ་འགྲོ་དང་། །དེ་འོག་ཞིང་སྐྱོང་མཁའ་འགྲོའི་ཚོགས། །བྲན་གྱི་ཚུལ་དུ་ཁས་བླངས་པས། །ལྷག་མའི་གཏོར་མ་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །སངས་རྒྱས་བསྟན་པ་བཤིག་པ་དང་། །དཀོན་མཆོག་དབུ་འཕང་སྨད་པ་དང་། །བླ་མའི་སྐུ་ལ་བསྡོ་བ་དང་། །རྣལ་འབྱོར་བདག་གི་དགྲ་བོ་དང་། །སློབ་མ་དམ་ལ་ལོག་པ་དང་། །བྱང་ཆུབ་བསྒྲུབ་ལ་བར་ཆད་བྱེད་པའི་བགེགས། །ལྷག་མའི་

[Full Size]

གཏོར་མ་འདི་དང་མཉམ་དུ་བཞེས། །ཨོཾ་ཨུཙྪིཥྚ་བྷཀྵ་བྷཀྵ་སྭཱ་ཧཱ། །ཕཊ། ཕྱི་རོལ་གཙང་སར་བླུགས་བཤལ་ཆུ་ཡང་སྟེང་དེར་བླུག་གོ །ལྷག་མ་འོག་མ་འདི་དང་གཏོར་འབུལ་ལ་རང་དང་བསྲུང་བྱའི་ཤ་ཁྲག་འདྲེས་མི་རུང་ངོ་། །དེ་ནས་དམར་གཏོར་མཁའ་འགྲོ་མ་ལ་གཅིག །ཆོས་སྐྱོང་ལ་གཅིག །ཕྱི་རྒྱུད་འཇིག་རྟེན་པ་ལ་དཀར་གཏོར་གཅིག་དང་གསུམ་བཤམ། བསྡུ་ན་དམར་གཏོར་གཅིག་དང་དཀར་གཏོར་གཅིག་གིས་ཆོག །ཕུད་རྒོད་ཀྱིས་བྲན་ལ། འདིར་ཏྲི་ཤུལ་ལམ་གནམ་ལྕགས་འཁོར་ལོ་རྩིབས་བརྒྱད་བསམ། ན་མོ་དྲིན་ཆེན་གཅོད་ཡུལ་བརྒྱུད་པའི་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། །ཡི་དམ་རྡོ་རྗེ་རྣལ་འབྱོར་མ་ལྷ་ལྔ་བདུད་འདུལ་ཁྲོས་མ་ནག་མོའི་ལྷ་ཚོགས་འཁོར་དང་བཅས་པའི་བདེན་པ་དང་། མ་གཅིག་ལབ་ཀྱི་སྒྲོན་མ་མཁའ་འགྲོ་བྱེ་བ་འབུམ་སྡེ་བཀའ་སྲུང་ཆོས་སྐྱོང་དང་བཅས་པའི་བདེན་པ་དང་། བདེན་པ་ཆེན་པོའི་མཐུས། སྤྱིར་སངས་རྒྱས་བསྟན་པའི་སྤྱི་དགྲ། ཁྱད་པར་དུ་རྣལ་འབྱོར་པ་བདག་གི་བཀའ་དང་དམ་ལ་མི་གནས་ཤིང་འགྱུར་ལོག་འཕར་སྡང་མགོ་གཡོག་མགོ་བསྐོར་བྱེད་པའི་གདོན་བགེགས། བསམ་ངན་འཆང་བའི་བྱད་མ། དོ་བསྔོ་ཞིང་ཕོད་བཙུགས་པའི་དགྲ་བོ་ཐམས་ཅད་ཀྱི་བླ་

[Full Size]

སྲོག་རྣམ་པར་ཤེས་པ་སྐད་ཅིག་རང་དབང་མེད་པར་དྲག་པོ་དམར་གྱི་གཏོར་མ་འདི་ཡི་ནང་དུ་ཁུག་ཅིག །ཛཿཧཱུྃ་བྃ་ཧོ༔ བྷནྡྷ་ལྕང་ལོ་ཅན་གྱི་ནང་དུ་དགྲ་བགེགས་ཀྱི་ཤ་ཁྲག་དོན་སྙིང་གི་ངོ་བོ་བདུད་རྩིའི་རང་བཞིན་དུ་གྱུར། ཨོཾ་ཨཱཿཧཱུ། གསུམ་དང་། ཨོཾ་བཛྲ་ཌཱཀི་ནཱི་སརྦ་དྷརྨ་པཱ་ལ་ས་པ་རི་ཝཱ་ར་དགྲ་བགེགས་ཀྱི་མ་ཧཱ་མཾ་ས་ལ་ཁཱ་ཧི། རཀྟ་ལ་ཁཱ་ཧི། ཙིཏྟ་ལ་ཁཱ་ཧི། གོ་རོ་ཙ་ན་ལ་ཁཱ་ཧི། ཀིཾ་ནི་རི་ཏི་ལ་ཁཱ་ཧི། བ་སུ་ཏ་ལ་ཁཱ་ཧི། བ་ལི་ཏ་ལ་ཁཱ་ཧི་ཁཱ་ཧི། དེ་ནས་མཁའ་འགྲོ་འབུམ་བསྐུལ་ནི། ཧཱུྃ་བྷྱོཿ ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ནུབ་ཕྱོགས་ཕ་ཀི་ན། །རྡོ་རྗེ་གདན་གྱི་ནུབ་བྱང་མཚམས། །ཨོ་རྒྱན་ཡུལ་གྱི་དུར་ཁྲོད་ནས། །རི་བོ་ཐམས་ཅད་རུས་པའི་རི། །རྩི་ཤིང་ཐམས་ཅད་མདའ་དང་མདུང་། །ཆུ་རྣམས་ཐམས་ཅད་ཁྲག་དང་རྣག །སྒྲ་སྐད་ཐམས་ཅད་ངུར་མོའི་སྒྲ། །ཕྱག་ན་རྡོ་རྗེ་འཇིགས་པའི་ས། །ཁྲོ་བཅུ་རྒྱུ་བར་མི་ནུས་ཤིང་། །རིགས་ལྔའི་སངས་རྒྱས་བཞུགས་པའི་གནས། །དེ་ན་སུ་བཞུགས་སུ་མི་བཞུགས། །དུས་གསུམ་སངས་རྒྱས་སྐྱེད་པའི་ཡུམ། །རྡོ་རྗེ་ཕག་མོ་དེ་ན་བཞུགས། །འཁོར་གྱི་ལྷ་མོ་དེ་ན་

[Full Size]

བཞུགས། །མ་གཡས་ཀྱི་ཕག་ཞལ་ནག་མོ་ཁྲོས་པ་ལས། །ཆོས་ཉིད་འགྱུར་བ་མེད་པའི་མཁའ་འགྲོ་འབུམ། །གཡོན་གྱི་ཁྲོ་ཞལ་དམར་པོ་བརྗིད་པ་ལས། །བདེ་གཤེགས་ལས་ལ་འགྱེད་པའི་མཁའ་འགྲོ་འབུམ། །ཞལ་གདངས་མཆེ་བ་རབ་ཏུ་གཙིགས་པ་ལས། །བདུད་བཞི་རྩད་ནས་གཅོད་པའི་མཁའ་འགྲོ་འབུམ། །སྤྱན་གསུམ་རབ་ཏུ་དམར་ཞིང་འཁྲུགས་པ་ལས། །མངོན་ཤེས་དྲུག་དང་ལྡན་པའི་མཁའ་འགྲོ་འབུམ། །ཐོད་པ་ལྔ་ཡིས་དབུ་ལ་བརྒྱན་པ་ལས། །རིགས་ལྔས་འགྲོ་དོན་མཛད་པའི་མཁའ་འགྲོ་འབུམ། །དབུ་སྐྲ་སིལ་མ་སྐུ་རྒྱབ་གྲོལ་བ་ལས། །ཐུགས་རྗེ་ཆར་ལྟར་འབེབས་པའི་མཁའ་འགྲོ་འབུམ། །ཕྱག་གཡས་གྲི་གུག་ནམ་མཁར་ཕྱར་བ་ལས། །སྲོག་གཅོད་དབུགས་ལེན་བྱེད་པའི་མཁའ་འགྲོ་འབུམ། །ཕྱག་གཡོན་ཐོད་པ་ཁྲག་གིས་བཀང་བ་ལས། །ཁྲག་ནད་རྒྱུ་གཟེར་གཏོང་བའི་མཁའ་འགྲོ་འབུམ། །ཁཊྭཱཾ་རྩེ་གསུམ་རབ་ཏུ་འབར་བ་ལས། །ཁམས་གསུམ་དབང་དུ་སྡུད་པའི་མཁའ་འགྲོ་འབུམ། །ཡུ་བ་དྲང་ཤིང་དཀར་པོ་ལྡེམ་པ་ལས། །ལྷ་མིན་གཡུལ་ལས་རྒྱལ་བའི་མཁའ་འགྲོ་འབུམ། །རྡོ་རྗེ་རྩེ་ལྔས་རབ་ཏུ་བརྒྱན་

[Full Size]

པ་ལས། །སྐུ་ལྔ་ཡེ་ཤེས་དག་པའི་མཁའ་འགྲོ་འབུམ། །ཐོད་པ་སུམ་བརྩེགས་རབ་ཏུ་བརྒྱན་པ་ལས། །སྲིད་གསུམ་ཟིལ་གྱིས་གནོན་པའི་མཁའ་འགྲོ་འབུམ། །དར་གྱི་འཕུར་ལྕེས་རབ་ཏུ་བརྒྱན་པ་ལས། །བདུད་ཀྱི་རྒྱལ་མཚན་བསྙིལ་བའི་མཁའ་འགྲོ་འབུམ། །ཌཱ་རུ་གསེར་གྱི་དྲིལ་ཆུང་བརྒྱན་པ་ལས། །སྙན་བརྒྱུད་གདམས་པ་འཛིན་པའི་མཁའ་འགྲོ་འབུམ། །བདུད་རྩི་བུམ་པས་རབ་ཏུ་བརྒྱན་པ་ལས། །ཡོན་ཏན་ཡོངས་སུ་རྒྱས་པའི་མཁའ་འགྲོ་འབུམ། །སྣ་ཚོགས་རྡོ་རྗེ་རྒྱ་གྲམ་བརྒྱན་པ་ལས། །ཕྲིན་ལས་ཐོགས་པ་མེད་པའི་མཁའ་འགྲོ་འབུམ། །མི་མགོ་ལྔ་བཅུའི་དོ་ཤལ་བྱས་པ་ལས། །འདུ་བྱེད་ལྔ་བཅུ་དག་པའི་མཁའ་འགྲོ་འབུམ། །རུས་པའི་རྒྱན་དྲུག་རབ་ཏུ་བརྒྱན་པ་ལས། །ཕ་རོལ་ཕྱིན་དྲུག་རྫོགས་པའི་མཁའ་འགྲོ་འབུམ། །གཅེར་བུ་བརྐྱང་བསྐུམ་གར་གྱིས་རོལ་པ་ལས། །བདེ་ཆེན་ཉམས་དང་ལྡན་པའི་མཁའ་འགྲོ་འབུམ། །རྟོག་མེད་རོ་ཡི་གདན་ལ་བཞུགས་པ་ལས། །འགྲོ་དྲུག་གནས་ནས་འདྲེན་པའི་མཁའ་འགྲོ་འབུམ། །པདྨ་ཉི་ཟླའི་གདན་ལ་བཞུགས་པ་ལས། །ཐབས་ཤེས་ཟུང་དུ་འཇུག་པའི་མཁའ་འགྲོ་འབུམ། །

[Full Size]

བསྐལ་པའི་མེ་རི་རབ་ཏུ་འབར་བ་ལས། །ཐ་དད་རྟོག་པ་བསྲེགས་པའི་མཁའ་འགྲོ་འབུམ། །ཧོཿ ཤར་ཕྱོགས་རྡོ་རྗེ་རིགས་ཀྱི་མཁའ་འགྲོ་འབུམ། །བྱང་ཕྱོགས་ལས་ཀྱི་རིགས་ཀྱི་མཁའ་འགྲོ་འབུམ། །ནུབ་ཕྱོགས་པདྨ་རིགས་ཀྱི་མཁའ་འགྲོ་འབུམ། །ལྷོ་ཕྱོགས་རིན་ཆེན་རིགས་ཀྱི་མཁའ་འགྲོ་འབུམ། །སྐུ་ཡི་རིགས་ཀྱི་མཁའ་འགྲོ་དཀར་མོ་འབུམ། །གསུང་གི་རིགས་ཀྱི་མཁའ་འགྲོ་དམར་མོ་འབུམ། །ཐུགས་ཀྱི་རིགས་ཀྱི་མཁའ་འགྲོ་ནག་མོ་འབུམ། །ཡོན་ཏན་རིགས་ཀྱི་མཁའ་འགྲོ་སེར་མོ་འབུམ། །ཕྲིན་ལས་རིགས་ཀྱི་མཁའ་འགྲོ་ལྗང་མོ་འབུམ། །བདུད་རྩི་གཏོར་མ་འདི་བཞེས་ལ། །ཕྲིན་ལས་གཅིག་ཏུ་མ་ངེས་ཏེ། །སྐལ་ལྡན་རྣམས་ལ་ཡེ་ཤེས་སྤོར། །སྐལ་མེད་རྣམས་མ་མོས་པ་བསྐྱེད། །ཉམས་པའི་དགྲ་བགེགས་རྣམས་ལ་ཆད་པ་ཆོད། །དབྱིངས་ཀྱི་མཁའ་འགྲོའི་བསྐུལ་པ་ནི། ཧཱུྃ་བྷྱོཿ མཁའ་དབྱིངས་བདེ་བ་ཆེན་པོ་ནས། །ཡེ་ཤེས་མཁའ་འགྲོ་བྱེ་བ་འབུམ། །རྡོ་རྗེ་མཁའ་འགྲོ་བདུད་འདུལ་མ། །རིན་ཆེན་མཁའ་འགྲོ་དངོས་གྲུབ་དཔལ། །པདྨ་མཁའ་འགྲོ་བདེ་ཆེན་མ། །ལས་ཀྱི་མཁའ་འགྲོ་ཕྲིན་ལས་བདག །ཀུན་ཀྱང་

[Full Size]

མི་བཟད་འདི་འདྲ་སྟེ། །སྐུ་མདོག་གཅིག་ཏུ་མ་ངེས་ཏེ། །དཀར་སེར་དམར་དང་ལྗང་གུའི་མདོག །ལ་ལ་མཐིང་ནག་མུན་པའི་མདོག །ལ་ལ་སྔོ་སངས་ནམ་མཁའི་མདོག །ཕྱག་མཚན་གཅིག་ཏུ་མ་ངེས་ཀྱང་། །ལ་ལས་གྲི་གུག་ཐོད་ཁྲག་བསྣམས། །ལ་ལས་ཁཊྭཱཾ་རྗེའུ་ཆུང་བསྣམས། །ལ་ལས་བརྡེག་པའི་མཚོན་ཆ་བསྣམས། །ལ་ལས་བདུད་རྩི་བུམ་པ་བསྣམས། །ལ་ལས་མཛེས་པའི་མེ་ཏོག་བསྣམས། །དུར་ཁྲོད་རྒྱན་མངའ་མཛེས་པའི་སྐུ། །སྐ་རགས་དྲིལ་ཆུང་གཡེར་ཁ་ཅན། སྙན་པའི་སྒྲ་སྒྲོག་སི་ལི་ལི། །དབུ་ལ་དར་གྱི་ཅོད་པན་ཅན། །རླུང་གིས་བསྐྱོད་ཅིང་པུ་རུ་རུ། །རྐང་པ་རྡོ་རྗེ་འགྲོས་སྟབས་ཅན། །མཁའ་ལ་ཐོགས་མེད་བུན་ནེ་བུན། །ལག་པ་མཉེན་ལྕུག་གདུ་བུ་ཅན། །སྣ་ཚོགས་གར་བྱེད་ཁྱུགས་སེ་ཁྱུག །བདུད་རྩིའི་གཏོར་མ་འདི་བཞེས་ལ། །ཕྲིན་ལས་གཅིག་ཏུ་མ་ངེས་པས། །སྐལ་ལྡན་རྣམས་ལ་ཡེ་ཤེས་སྤོར་། །སྐལ་མེད་རྣམས་ལ་མོས་པ་བསྐྱེད། །ཉམས་པའི་དགྲ་བགེགས་རྣམས་ལ་ཆད་པ་ཆོད། །གནས་ཉི་ཤུ་རྩ་བཞིའི་མཁའ་འགྲོ་བསྐུལ་པ་ནི། ཧཱུྃ་བྷྱོཿ གནས་མཆོག་ཉི་ཤུ་རྩ་བཞི་

[Full Size]

ནས། །མཁའ་འགྲོའི་གཙོ་མོ་ཉི་ཤུ་བཞི། །མཁའ་འགྲོ་བྱེ་བའི་ཚོགས་དང་བཅས། །གཙོ་མོ་མི་མངོན་དབྱིངས་ན་བཞུགས། །འཁོར་ནི་མཁའ་འགྲོ་བྱེ་བ་འབུམ། །ལ་ལ་བུད་མེད་རྒན་མོ་ལ། །རོ་གོས་རྙིང་པའི་ན་བཟའ་གསོལ། །སྣུམ་དང་ཁྲག་གི་ཐིག་ལེས་བརྒྱན། །ཐལ་ཆེན་བསྐུས་པས་སྔོ་སྐྱའི་མདོག །དབུ་སྐྲ་སེར་མོ་ལྟག་པར་བཅིངས། །མེ་ཏོག་རྙིང་པའི་དབུ་རྒྱན་ཅན། །ཁ་ན་སོ་མེད་ཧ་ཧ་དགོད། །རྐང་པ་ས་ལ་འཁྱོལ་ཞིང་འགྲོ། །དེ་འདྲའི་ཆ་བྱེད་སྟོན་པ་ཡང་། །སྐལ་ལྡན་རྣམས་ལ་བརྡ་ཆོས་སྟོན། །ཕྲད་པ་ཙམ་གྱིས་བྱིན་གྱིས་རློབས། །བདུད་རྩིའི་གཏོར་མ་འདི་བཞེས་ལ། །ཕྲིན་ལས་གཅིག་ཏུ་མ་ངེས་ཏེ། །ཉམ་ང་མེད་པའི་བརྟུལ་ཞུགས་སྐྱེད། །རྣམ་རྟོག་མེད་པའི་ཉམས་མྱོང་སྤོར། །ལ་ལ་བུད་མེད་གཞོན་ནུ་མ། །སྣ་ཚོགས་རྒྱན་གྱིས་བརྒྱན་པ་མོ། །རིགས་ཀྱི་ཁ་དོག་སོ་སོ་ལ། །སྤྱོད་པ་སོ་སོའི་རིགས་དང་མཐུན། །ལ་ལ་དཀར་མོ་མདངས་བཟང་མ། །རྡོ་རྗེ་རིགས་ཀྱི་ཕྱག་རྒྱ་མོ། །བྱང་ཆུབ་སེམས་ཀྱི་སྐུལ་མ་འདེབས། །ལ་ལ་སེར་སྐྱ་དཔལ་འཛིན་མ། །རིན་ཆེན་རིགས་ཀྱི་ཕྱག་རྒྱ་མོ། །མཆོག་གི་

[Full Size]

དངོས་གྲུབ་སྐུལ་མ་འདེབས། །ལ་ལ་དམར་མོ་དབྱིབས་མཛེས་མ། །པདྨ་རིགས་ཀྱི་ཕྱག་རྒྱ་མོ། །ཟག་མེད་བདེ་བའི་སྐུལ་མ་འདེབས། །ལ་ལ་སྔོ་སངས་ཁྲོ་གཉེར་ཅན། །ལས་ཀྱི་རིགས་ཀྱི་ཕྱག་རྒྱ་མོ། །འགྲོ་བའི་དོན་ལ་སྐུལ་མ་འདེབས། །ལ་ལ་དཀར་ཤམ་ནམ་མཁའི་མདོག །དེ་བཞིན་རིགས་ཀྱི་ཕྱག་རྒྱ་མོ། །ཡང་དག་དོན་ལ་སྐུལ་མ་འདེབས། །ཀུན་ཀྱང་མི་བཟད་འདི་འདྲ་སྟེ། །མཛེས་པའི་ཞལ་ལ་གཟི་མདངས་ཅན། །གཞོན་ནུའི་སྐུ་ལ་འགྱིང་བག་ཅན། །དབུ་ནི་རིན་ཆེན་ཅོད་པན་ཅན། །རང་རང་དཔའ་བོའི་ཡབ་ལ་འཁྱུད། །སྐེད་པར་གསེར་གྱི་དྲིལ་ཆུང་ཅན། །སིལ་སིལ་སྒྲོག་ཅིང་སྐུ་ལ་སྦྱོར། །ཞལ་ནི་པདྨའི་དུང་སོ་ཅན། །འཛུམ་པའི་གསུང་ནི་སྙན་པར་སྨྲ། །སྐད་སྙན་ཚངས་པའི་དབྱངས་དང་ལྡན། །རྡོ་རྗེའི་གླུ་ལེན་ཡིད་འཕྲོག་མ། །བདུད་རྩིའི་གཏོར་མ་འདི་བཞེས་ལ། །ཕྲིན་ལས་གཅིག་ཏུ་མ་ངེས་ཏེ། །ཟག་བཅས་ལུས་ལ་བདེ་བ་སྐྱེད། །ཟག་མེད་སེམས་ལ་ཉམས་མྱོང་སྤྱོར། །ལ་ལ་བུད་མེད་ཐ་མལ་གཟུགས། །འཇིག་རྟེན་སྤྱོད་པ་སྣ་ཚོགས་ལ། །ཁྱོད་ཉིད་མི་སྤྱོད་གང་ཡང་

[Full Size]

མེད། །ལ་ལ་འགྱུར་བྱེད་ཚོས་མཁན་མོ། །གཞན་སེམས་རང་དབང་སྒྱུར་བྱེད་མ། །མ་ལ་མྱོས་བྱེད་ཆང་ཚོང་མོ། །ལོགས་པར་ཤེས་པ་མྱོས་བྱེད་མ། །ལ་ལ་སྦྱོར་བྱེད་སྨད་འཚོང་མོ། །ཐབས་དང་ཤེས་རབ་སྦྱོར་བྱེད་མ། །ལ་ལ་དག་བྱེད་ཁྲུས་མཁན་མོ། །བག་ཆགས་དྲི་མ་དག་བྱེད་མ། །ལ་ལ་གསོད་བྱེད་ཤན་པ་མོ། །རྣམ་རྟོག་དབྱིངས་སུ་གསོད་བྱེད་མ། །ལ་ལ་གནོད་བྱེད་ཆོམ་རྐུན་མོ། །གཞན་སེམས་རང་དབང་མྱོས་བྱེད་མ། །ལ་ལ་དཀའ་ཐུབ་བྲམ་ཟེ་མོ། །འཁོར་བའི་རྒྱུན་ཐག་གཅོད་བྱེད་མ། །དེ་ལ་སོགས་ཏེ་མཐའ་ཡས་པའི། །རི་རབ་ལྷོ་ཡི་འཛམ་བུ་གླིང་། །གནས་མཆོག་ཉི་ཤུ་རྩ་བཞི་ནས། །འགྲོ་བའི་དོན་ལ་བཞུགས་པ་རྣམས། །ཐབས་རྣམ་སྣ་ཚོགས་དུ་མ་ཡི། །སྤྱོད་པ་སྣ་ཚོགས་ཐབས་ཀྱིས་འདུལ། །བདུད་རྩིའི་གཏོར་མ་འདི་བཞེས་ལ། །ཕྲིན་ལས་གཅིག་ཏུ་མ་ངེས་པ། །བདག་ཅག་རྣལ་འབྱོར་ལ་སོགས་པའི། །སྒྲུབ་པ་བྱེད་པའི་གང་ཟག་རྣམས། །འཇིག་རྟེན་ཆོས་བརྒྱད་སྙོམས་པ་དང་། །འགྲོ་དོན་ཕྱོགས་མེད་ལྷུན་གྲུབ་ཤོག །།མཁའ་འགྲོའི་བསྐུལ་པ་ཚན་གསུམ་པོ་འདི་མཁའ་འགྲོའི་སྙིང་ཐིག་ནས། དྲུང་རྨ་སེས་བསྡུས་ནས་

[Full Size]

སྙན་བརྒྱུད་ཀྱི་གཏོར་འབུལ་ལ་སྦྱར་བ་ཡིན་ཀྱང་། གཅོད་ཚོགས་ལ་སྔར་ནས་སྦྱར་སྲོལ་འདུག་ཅིང་འབྲེལ་ཤིན་ཏུ་ཆགས་ཤིང་བྱིན་རླབས་ཆེའོ། །ཧཱུྃ་བྷྱོཿ རབ་ཏུ་འཇིགས་པའི་དུར་ཁྲོད་ནས། །འཇིག་རྟེན་མཁའ་འགྲོ་མཐུ་མོ་ཆེ། །ཤིན་ཏུ་མི་བཟད་འཇིགས་པའི་གཟུགས། །བུད་མེད་ལུས་ལ་མགོ་བརྙན་ཅན། །ཐོད་པ་བཟུང་ཞིང་ཁྲག་ཆེན་འཐུང་། །མི་རོ་ཟ་ཞིང་བཤུད་གླུ་ལེན། །ཏིང་འཛིན་ཉུལ་ཞིང་ཚོགས་ཁང་འགྲིམ། །དེ་དག་མ་ལུས་ཐམས་ཅད་ཀྱིས། །བཀའ་ཡི་གཏོར་མ་འདི་བཞེས་ལ། །སྔོན་གྱི་དམ་བཅའ་ཇི་བཞིན་དུ། །དམ་ཚིག་སྲུངས་ལ་ཕྲིན་ལས་མཛོད། །འཇིག་རྟེན་མཁའ་འགྲོའི་བསྐུལ་པ་ལ་དབང་ཕྱུག་ཉེར་བརྒྱད་དོན་གྱིས་ཚང་ཞིང་གཅོད་ཀྱི་བཀའ་སྲུང་ཡིན་ནོ། །དེ་ནས་གཅོད་ཡུལ་བཀའ་སྲུང་རྣམས་ལ་འབུལ་ཏེ། ཧཱུྃ། མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། །ཞབས་གདུབ་དང་བཅས་བི་ན་ཡ་ཀ་མནན། །ནག་པོ་ཆེན་པོ་སྟག་གི་ཤམ་ཐབས་ཅན། །ཕྱག་དྲུག་སྦྲུལ་གྱི་རྒྱན་གྱིས་རྣམ་པར་བརྒྱན། །དང་པོས་གྲི་གུག་བར་པས་ཕྲེང་བ་འཛིན། །ཐ་མས་ཌཱ་མ་རུ་ནི་དྲག་ཏུ་འཁྲོལ། །གཡོན་གྱི་དང་པོས་ཐོད་ཁྲག་མདུང་རྩེ་གསུམ། །དེ་བཞིན་ཞགས་པ་འཛིན་པས་

[Full Size]

འཆིང་བར་མཛད། །དྲག་པོའི་ཞལ་གདངས་མཆེ་བ་རྣམ་པར་གཙིགས། །སྤྱན་གསུམ་དྲག་པོའི་དབུ་སྐྲ་གྱེན་དུ་བརྫེས། །དཔྲལ་བར་སིན་དྷུ་ར་ཡིས་ལེགས་པར་བརྒྱན། བོར་མི་བསྐྱོད་པ་ཡིས་རྒྱས་བཏབ་ནས། །ཤིང་ལས་བྱོན་ནས་གཏོར་མ་ལེན་པར་མཛོད། །དེ་ཡན་ཤ་བ་རིའི་རྒྱ་གཞུང་ངོ་། །མྱུར་མཛད་མགོན་པོ་ཡུམ་ཆེན་རེ་མ་ཏི། །བཞི་དང་དཔལ་མགོན་བདུན་ཅུའི་ཚོགས། །དམ་རྫས་བརྒྱན་པའི་གཏོར་མ་འདི་བཞེས་ལ། །བསོད་ནམས་བླ་མས་བཀའ་བསྒོས་དམ་བཞག་བཞིན། །ཞི་བྱེད་གཅོད་ཡུལ་བསྟན་པ་དར་བ་དང་། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །རྐྱེན་དང་བར་ཆད་ཐམས་ཅད་བསལ་དུ་གསོལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། སྐུ་མདོག་མཐིང་ནག་ཁྲོ་གཉེར་འཇིགས་པའི་ཞལ། །དབུ་སྐྲ་ཁམ་ནག་ཐོར་ཚུགས་གྱེན་དུ་བཅིངས། །དར་དཔྱང་ཅོད་པན་རིན་ཆེན་འབར་བས་བརྒྱན། །རིགས་ལྔས་དབུ་ལ་བརྒྱན་ལ་བདག་བསྟོད་དོ། །སྤྱན་གསུམ་བཟློག་ཅིང་ཞལ་གདངས་མཆེ་བ་གཙིགས། །སྨིན་མ་ཨག་ཚོམ་དམར་སེར་མེ་ལྟར་འབར། །ལྗགས་འདྲིལ་ཧ་ཧ་

[Full Size]

བཞད་པའི་ང་རོ་སྒྲོག །འཇིགས་བྱེད་ནག་པོ་ཁྱོད་ལ་བདག་བསྟོད་དོ། །ཕྱག་གཡས་ཙན་དན་བེང་ཆེན་སྨུག་པོ་ལ། །ལྷ་དམག་ཉི་ཁྲི་ཆིག་སྟོང་སྤྲུལ་པ་འགྱེད། །ལྷ་མིན་གྲོང་ཁྱེར་རྩད་ནས་བརླག་པར་མཛད། །བསྟན་པའི་ཕྲིན་ལས་སྐྱོང་ལ་བདག་བསྟོད་དོ། །ཕྱག་གཡོན་ཐོད་པ་བདུད་རྩིས་གང་བ་འཐུང་། །ཐུན་རྫས་མཚོན་ཆ་གཟས་པོའི་སྙིང་ལ་རྡེག །དཔའ་བོ་སྲིད་གསུམ་བདག་པོ་ཆེན་པོ་སྟེ། །མ་རུངས་འཇོམས་མཛད་ཁྱོད་ལ་བདག་བསྟོད་དོ། །ཞབས་གཉིས་གར་སྟབས་བགྲད་པའི་འགྱིང་བག་ཚུལ། །སྟག་ཤམ་བེར་ནག་མི་མགོའི་ཕྲེང་བ་འཕྱང་། །བདུད་དཔུང་རྩད་ནས་གཅོད་མཛད་ཚོགས་ཀྱི་བདག །ཟློག་བྱེད་མ་དང་བཅས་ལ་བདག་བསྟོད་དོ། །བསྟོད་པ་འདི་རྒྱུད་ཁྲག་མཚོ་ཁོལ་ཆེན་ནས་བྱུང་བའོ། །ཧཱུྃ། དཔལ་ལྡན་མ་ཧཱ་ཀཱ་ལ་ཨ་གྷོ་ར། །ཡུམ་ཆེན་ཟློག་བྱེད་མ་དང་ནོར་རྒྱུན་མ། །རིགས་བཞི་ཊཱཀི་བདུན་དང་ཌོཀིའི་ཚོགས། །དམ་རྫས་བརྒྱན་པའི་གཏོར་མ་འདི་བཞེས་ལ། །ཕ་གཅིག་དམ་པས་ཇི་ལྟར་བཀའ་སྒོས་བཞིན། །ཞི་བྱེད་གཅོད་ཡུལ་བསྟན་པ་དར་བ་དང་། །རྣལ་འབྱོར་བདག་ཅག་དཔོན་སློབ་ཡོན་

[Full Size]

མཆོད་ཀྱི། །རྐྱེན་ངན་བར་ཆད་ཞི་བའི་ཕྲིན་ལས་མཛོད། །ཧཱུྃ། རབ་འཇིགས་དུར་ཁྲོད་ཀུན་གྱི་བདག་པོ་སྟེ། །ཁྱད་པར་སོ་ས་གླིང་གི་ཞིང་སྐྱོང་བ། །ཀེང་རུས་ཆེན་པོ་གར་བྱེད་མཆེ་བ་གཙིགས། །རང་འདྲའི་ཡུམ་བཅས་ཁྲོ་བོ་ཁྲོ་མོའི་སྐུ། །རབ་གཏུམ་དབྱུག་ཏོ་ཕྱར་ཞིང་ཐོད་ཁྲག་འཛིན། །དར་དང་རིན་ཆེན་རྒྱན་གྱིས་ལེགས་པར་བརྒྱན། །ཤ་ཟ་ཕོ་མོའི་ཁྲོམ་གྱིས་ལེགས་པར་བསྐོར། །མཚན་བཞིན་དུར་ཁྲོད་ཉལ་ལ་ཕྱག་འཚལ་བསྟོད། །དམ་རྫ་ས་བརྒྱན་པའི་གཏོར་མ་འདི་བཞེས་ལ། །རྒྱ་གར་ཡུལ་གྱི་དུར་ཁྲོད་གནས་བརྒྱད་དུ། །ཕ་གཅིག་དམ་པའི་སྤྱན་སྔར་ཁས་བླངས་བཞིན། །བདག་ཅག་མི་ནོར་གཞི་བྱེས་ཐམས་ཅད་ལ། །དགྲ་རྐུན་གཅན་གཟན་གནོད་པ་ཐུབ་པར་སྲུངས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །བྷྱོཿ འཇིགས་སུ་རུང་བའི་དུར་ཁྲོད་ཆེན་པོའི་ཀློང་། །དུག་གསུམ་ཁྲོས་པའི་མེ་དཔུང་མཚོན་ཆའི་ཚལ། །མི་རྟ་ཁྱི་མགོ་བརྩེགས་པའི་མཁར་ནང་ནས། །རྡོ་རྗེ་ཕག་མོའི་བཀའ་ཉན་མཐུ་མོ་ཆེ། །བུད་མེད་ནག་མོ་གྲི་ཐོད་སྙིང་བཅས་བསྣམས། །ཆིབས་སུ་ལྕགས་ཀྱི་སྤྱང་མོ་མགོ་དགུ་བཅིབས།

[Full Size]

གཡས་ན་བུད་མེད་དམར་མོ་བཙན་ཞགས་འཕེན། །ཆིབས་སུ་མཚལ་སྟག་དམར་པོ་མགོ་དགུ་བཅིབས། །གཡོན་ན་བུད་མེད་སྔོན་མོ་བདུད་ཞགས་འཕེན། །ཆིབས་སུ་ཟངས་ཀྱི་འཕར་བ་མགོ་དགུ་བཅིབས། །གསུམ་ཀ་གཅེར་བུ་རལ་པས་སྟོང་གསུམ་ཁྱབ། །སྤྱན་གསུམ་ཞལ་གདངས་མཆེ་བ་ཟངས་ཡག་གཙིགས། །ལྗག་དམར་གློག་འཁྱུགས་མེ་འབར་རླུང་ནག་འཚུབ། །མ་རྒྱུད་ཡོངས་ཀྱི་ལས་མཁན་ཆེན་མོ་སྟེ། །སྤྱང་ཞོན་ལྷ་མོ་མཆེད་གསུམ་འཁོར་དང་བཅས། །དམ་རྫས་བརྒྱན་པའི་གཏོར་མ་འདི་བཞེས་ལ། །བདག་དང་བསྲུང་བྱ་མི་ནོར་འཁོར་བཅས་ལ། །ནད་རིམས་དལ་ཁ་ཐམས་ཅད་ཞི་བ་དང་། །བདག་ལ་སྡང་བར་བྱེད་པའི་དགྲ་བོ་ལ། །སྔོ་དམར་ནད་ཀྱི་ཆར་པ་དབབ་པ་དང་། །དལ་དང་ཡམས་ཀྱི་ས་བོན་གདབ་པར་མཛོད། །བྷྱོ། ཕྲིན་ལས་རྣམ་པ་སྣ་ཚོགས་པ། །ཐམས་ཅད་སྒྲུབ་པའི་བདག་ཉིད་མ། །མཚན་མོ་སྟོང་གསུམ་ཁྱབ་པར་རྒྱུག་་ཧཱུྃ་ཕཊ་བྷོ་ཡི་སྒྲ་ཆེན་སྒྲོག །གཅེར་བུ་རལ་པ་ས་ལ་དྲུད། །ལག་ན་གྲི་གུག་ཐོད་ཁྲག་ཐོགས། །སྐུ་མདོག་མ་ངེས་ཅི་ཡང་བསྒྱུར། །སོ་སོའི་ལས་ཀྱི་ཁ་དོག་སྟོན།

[Full Size]

རྣལ་འབྱོར་ཀུན་གྱི་ཕྲིན་ལས་སྒྲུབ། །དམ་ཚིག་ཅན་གྱི་སྡོང་གྲོགས་བྱེད། །དམ་ཉམས་རྣམས་ལ་ཆད་པ་གཅོད། །ལས་བདག་མཚན་མོ་སྒྲ་སྒྲོགས་མ། །བཀའ་ཡི་གཏོར་མ་འདི་ལོངས་ལ། །མ་གཅིག་སྤྱན་སྔར་ཁས་བླངས་བཞིན། །བདག་གིས་བཅོལ་བའི་ཕྲིན་ལས་ཀུན། །ད་ལྟ་ཉིད་དུ་འགྲུབ་པར་མཛོད། །ཧཱུྃ། ཁྱབ་འཇུག་ཆེན་པོ་རཱ་ཧུ་ལ། །ལུས་གཅིག་མགོ་དགུ་འཇིགས་པའི་གཟུགས། །རྩ་བའི་ཞལ་ནི་གཟའ་བདུད་གདོང་། །མགོ་བརྒྱད་ལྷ་སྲིན་སྡེ་བརྒྱད་དེ། །བྱ་རོག་མགོས་ནི་བསྟན་པ་བསྲུང་། །ཁོག་སྟོད་སྲིན་པོ་ཕ་ཡི་ལུས། །ཁོག་སྨད་སྦྲུལ་མཇུག་ཀླུ་མོ་ལ། །ཕྱོགས་བཞི་སྲིན་མོ་གདོང་མོ་བཞི། །སྤྱན་སྟོང་སྲིད་གསུམ་བྱ་ར་བྱེད། །སྡེ་བརྒྱད་འདུས་པའི་དྲལ་རྩལ་ཅན། །ཆུ་སྲིན་རྒྱལ་མཚན་མདའ་གཞུ་བསྣམས། །མེ་འབར་འོད་འཁྱུགས་ཐོག་སེར་འབེབས། །སྤྲུལ་པའི་གཟའ་བརྒྱད་ཕྱོགས་ཀུན་འཇོམས། །གདོང་མོ་བཞིས་ནི་ཀིང་ཀང་འབེབས། །གཟའ་བརྒྱད་མ་རུངས་གདུག་པ་ཅན། །ཤམ་པོ་གངས་ཀྱི་ར་བ་རུ། །མ་གཅིག་ལབ་སྒྲོན་སྤྱན་སྔ་རུ། །ཁས་བླངས་དམ་བཅས་དྲན་མཛོད་ལ། །བརྒྱན་

[Full Size]

པའི་གཏོར་མ་འདི་བཞེས་ལ། །བདག་ཅག་ཡོན་མཆོད་འཁོར་བཅས་ལ། །གནམ་ནད་དལ་གཟེར་མ་བཏང་ཞིག །གཅོད་ཡུལ་བསྟན་དང་བདག་ཅག་ལ། །སྡང་བར་བྱེད་པའི་དགྲ་བོ་རྣམས། །ཧུར་ཐུམ་ལྐུགས་རེངས་ནད་ཀྱིས་སོད། །བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། བཙན་རྒོད་འབར་བ་མི་སྲུན་པ། །མི་དམར་རྟ་དམར་དམག་ཆས་ཅན། །བ་དན་མདུང་དམར་མེ་ལྟར་འབར། །བཙན་རྟ་དམར་པོ་རླུང་བས་མགྱོགས། །ཟངས་རི་འབར་བ་སྤྱན་བདུན་པོ། །བཙན་འཁོར་སུམ་བརྒྱ་དྲུག་ཅུར་བཅས། །འབྲུག་སྒྲ་ལྡིར་ཞིང་གློག་འོད་འཁྱུགས། །ཐོག་སྒྲ་ཆེམས་ཆེམ་སེར་ཆེན་འབེབས། །འདིར་གཤེགས་བརྒྱན་པའི་གཏོར་མ་བཞེས། །མ་གཅིག་ལབ་སྒྲོན་སྤྱན་སྔ་རུ། །ཁས་བླངས་དམ་བཅས་དྲན་མཛོད་ལ། །གཅོད་ཡུལ་བསྟན་པ་བསྲུང་བ་དང་། །གཅོད་མཁན་བདག་གི་སྡོང་གྲོགས་མཛོད། །ཡིད་ལ་བརྣག་པའི་དགྲ་བོ་ལ། །མི་སྡུག་རྟགས་དང་ཆོ་འཕྲུལ་སྟོན། །བཅོལ་བའི་ཕྲིན་ལས་འགྲུབ་པར་མཛོད། །བྷོ༔ འཇིག་རྟེན་བོད་ཀྱི་ཞིང་ཁམས་འདི། །སྐྱོང་མཛད་ཞིང་སྐྱོང་མཁའ་འགྲོ་

[Full Size]

མ། །གནོད་སྦྱིན་མོ་བཞི་བདུད་མོ་བཞི། །སྨན་བཙུན་ཆེན་མོ་མཆེད་སྡེ་བཞི། །ལྷབ་ལྷུབ་ན་བཟའི་རྒྱན་དང་བཅས། །སིལ་སྙན་རོལ་མོའི་སྒྲ་དང་བཅས། །བྲན་གཡོག་མང་པོའི་འཁོར་དང་བཅས། །ནམ་མཁའི་མཐོངས་ནས་འདིར་གཤེགས་ལ། །དམ་རྫས་བདུད་རྩིའི་མཆོད་པ་དང་། །ཤ་ཁྲག་དམར་གཏོར་འདི་བཞེས་ལ། །མ་གཅིག་ལབ་སྒྲོན་སྤྱན་སྔ་རུ། །ཁས་བླངས་དམ་དུ་བཅས་པ་བཞིན། །བདག་ཅག་དཔོན་སློབ་འཁོར་བཅས་རྣམས། །གཞི་བྱེས་ལམ་གསུམ་གར་འགྲོ་ཡང་། །བསམ་པ་སྒྲུབས་ལ་རེ་བ་སྐོངས། །དལ་ཡམ་འཁྲུགརྩོད་ཞི་བ་དང་། །བོད་ཁམས་བདེ་བའི་ཕྲིན་ལས་མཛོད། །དེ་ནས་དཀར་གཏོར་ཕུད་རྒོད་ཀྱིས་བྲན་ལ། ཨོཾ་ཀརྨ་ཊཱཀི་ནི་ཧཱུྃ་ཕཊཿ ཨོཾ་སྭ་བྷ་ཝས་སྦྱངས། །སྟོང་པའི་ངང་ལས་བྷྲཱུཾ་ལས་རིན་པོ་ཆེའི་སྣོད་དུ་ཁཾ་ཞུ་བ་ལས་གཏོར་མ་དཀར་གསུམ་མངར་གསུམ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ཨོཾ་སརྦ་ལོ་ཀ་པཱ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཧཱུྃ། གྲོས་སྔོན་འཆང་བ་ལག་ན་རྡོ་རྗེའི་སྲས། །གཏེར་བདག་བྱེ་བའི་ཅོད་པན་གྱིས་བཏུད་པ། །ཞང་བློན་བན་ཆེན་རྡོ་རྗེ་བདུད་འདུལ་བ། །གནོད་

[Full Size]

སྦྱིན་ནག་པོ་ཁྲག་རལ་ཅན་ཞེས་བྱ། །འཇིག་རྟེན་འདས་དང་མ་འདིས་ལས་རྣམས་ཀུན། །ཐོགས་མེད་བསྒྲུབ་ལ་རྫུ་འཕྲུལ་མཛད་པའི་སྐུ། །དུས་མཐའི་ཆར་སྤྲིན་འཁྲིགས་འདྲ་ཆེར་མནག་ཅིང་། །ཐུང་ཞིང་སྦོམ་ལ་ཡན་ལག་རགས་པ་ཅན། །ཁྲོས་པའི་མིག་དམར་གཙིགས་ཞལ་གད་རྒྱང་ཅན། །སྨིན་མ་ཨག་ཚོམ་དམར་སེར་འབར་ལ་འཁྲུགས། །སྒྲུབ་པོའི་རེ་སྐོང་ཡིད་བཞིན་ནོར་བུ་དང་། །ལུས་ཅན་ནད་འཇོམས་བདུད་རྩིའི་བུམ་པ་འཛིན། །ཕྲོག་ཞུ་རིན་ཆེན་རྒྱན་དང་ཟ་འོག་བེར། །གསེར་སྐྱེད་སག་ལྷམ་གསོལ་ནས་འདོར་སྟབས་ཀྱིས། །སྲིན་མོ་རྡོ་རྗེ་ཀུན་འགྲུབ་མར་བཅས་ནས། །ས་གསུམ་རྣམ་པར་གནོན་ལ་ཕྱག་འཚལ་བསྟོད། །རྡོ་རྗེ་བདུད་འདུལ་གནོད་སྦྱིན་ནག་པོ་ཡུམ། །ཛམ་ལྷ་ལ་སོགས་ནོར་ལྷ་ཆེན་པོ་བརྒྱད། །འབྲོག་གནས་མཆེད་ལྔ་ལ་སོགས་གཡུ་ཁྲབ་ཅན། །ཞི་བའི་ལས་མཛད་ཉི་ཁྲི་ཆིག་སྟོང་དང་། །ཉི་མའི་གཟི་བརྗིད་ལ་སོགས་གསེར་ཁྲབ་ཅན། །རྒྱས་པའི་ལས་མཛད་ཉི་ཁྲི་ཆིག་སྟོང་དང་། །ཧ་ལ་འབར་བྱེད་ལ་སོགས་ཟངས་ཁྲབ་ཅན། །དབང་གི་ལས་མཛད་ཉི་ཁྲི་ཆིག་སྟོང་དང་། །ནག་པོ་

[Full Size]

འབར་བ་ལ་སོགས་ལྕགས་ཁྲབ་ཅན། །དྲག་པོའི་ལས་མཛད་ཉི་ཁྲི་ཆིག་སྟོང་དང་། །ནོར་ལྷ་གནོད་སྦྱིན་བྱེ་བའི་ཚོགས་བཅས་ཀྱིས། །དམ་རྫས་དཀར་གསུམ་གཏོར་མ་འདི་བཞེས་ལ། །གྲྭ་པ་མངོན་ཤེས་ཅན་གྱིས་བཀའ་བསྒོས་ལྟར། །ཡུམ་ཆེན་བསྟན་པ་དར་ཞིང་རྒྱས་པ་དང་། །བདག་ཅག་རྣལ་འབྱོར་འཁོར་དང་བཅས་པ་ཡི། །ཚེ་དང་བསོད་ནམས་དཔལ་འབྱོར་རྒྱས་པ་དང་། །སད་སེར་མུ་གེ་གོད་ཁ་ཞི་བ་དང་། །མངའ་ཐང་ཆོས་སྲིད་རྒྱས་པའི་ཕྲིན་ལས་མཛོད། །ཧཱུྃ། ཤར་ཕྱོགས་སྐྱོང་མཛད་རྒྱལ་ཆེན་ཡུལ་འཁོར་སྲུང་། །དུང་མདོག་ཕྱག་ན་སྒྲ་སྙན་པི་ཝང་འཛིན། །ལྷོ་ཕྱོགས་སྐྱོང་མཛད་རྒྱལ་ཆེན་འཕགས་སྐྱེས་པོ། །མཐིང་མདོག་ཕྱག་ན་གསོད་པའི་རལ་གྲི་བསྣམས། །ནུབ་ཕྱོགས་སྐྱོང་མཛད་རྒྱལ་ཆེན་སྤྱན་མི་བཟང་། །མཚལ་མདོག་ཕྱག་ན་མཆོད་རྟེན་སྦྲུལ་ཞགས་འཛིན། །བྱང་ཕྱོགས་སྐྱོང་མཛད་རྒྱལ་ཆེན་རྣམ་ཐོས་སྲས། །གསེར་མདོག་ཕྱག་ན་རྒྱལ་མཚན་ནེའུ་ལེ་འཛིན། །ཀུན་ཀྱང་དར་བེར་རྨོག་ཞུ་བསྲེ་ཁྲབ་ཅན། །རང་རིང་བཙུན་མོ་སྲས་དང་དམག་དཔུང་བཅས། །འདིར་གཤེགས་དཀར་གསུམ་བརྒྱན་པའི་གཏོར་

[Full Size]

མ་བཞེས། །མ་གཅིག་ལབ་སྒྲོན་སྤྱན་སྔར་ཁས་བླངས་བཞིན། །གཅོད་ཡུལ་བསྟན་པ་ཕྱོགས་བཞིར་རྒྱས་པ་དང་། །བདག་ཅག་དཔོན་སློབ་འཁོར་དང་བཅས་པ་ཡི། །དཔལ་དང་བསོད་ནམས་མངའ་ཐང་དར་བ་དང་། །ཕྱོགས་བཞིའི་དགྲ་དཔུང་ཞི་བའི་ཕྲིན་ལས་མཛོད། །ཧཱུྃ། ས་བརྒྱད་ནོན་པའི་སེམས་དཔའ་སྟོབས་པོ་ཆེ། །དྲི་ཟའི་རྒྱལ་པོ་ཟུར་ཕུད་ལྔ་ལྡན་པའི། །ཀླུ་ཡི་རྒྱལ་པོ་ནེའུ་ལེ་ཐོད་དཀར་ཞེས། །བོད་ཁམས་གནས་ཆེན་བརྒྱད་ཀྱི་བདག་པོ་སྟེ། །གཉན་ཆེན་ཐང་ལྷ་ཡར་བཞུད་ཅེས་སུ་གྲགས། །མི་དཀར་མཛེས་པ་གཡུ་ཡི་ཟུར་ཕུད་ཅན། །དར་དཀར་བེར་གྱོན་དབུ་ལ་དུང་ཞྭ་གསོལ། །ཕྱག་གཡས་སྦ་ལྕག་གཡོན་པས་དར་མདུང་འཕྱར། །རྟ་དཀར་གཟི་མིག་གཡུ་རྔོག་འཕུར་ཤེས་ཆིབས། །ཐང་ལྷ་ལྷ་འཁོར་སུམ་བརྒྱ་དྲུག་ཅུར་བཅས། །བདུད་འཁོར་བཙན་འཁོར་སྨན་འཁོར་སུམ་བརྒྱའི་ཚོགས། །བརྒྱ་བྱིན་སྲས་མོ་གནམ་མཚོ་ཡུམ་དང་བཅས། །འདིར་གཤེགས་དཀར་གསུམ་བརྒྱན་པའི་གཏོར་མ་བཞེས། །མ་གཅིག་ལབ་སྒྲོན་སྤྱན་སྔར་ཁས་བླངས་བཞིན། །གཅོད་ཡུལ་བསྟན་པ་དར་ཞིང་རྒྱས་པ་

[Full Size]

དང་། །རྣལ་འབྱོར་བདག་ཅག་འཁོར་དང་བཅས་པ་ཡི། །ཁ་འཛིན་རྒྱབ་རྟེན་སྡོང་གྲོགས་མ་གཡེལ་ཅིག །ཧཱུྃ། སྲིད་པའི་ལྷ་རབ་ཤམ་པོ་བོད་རྗེའི་ལྷ། །དུང་མདོག་རབ་བརྗིད་དར་དཀར་བེར་ཆེན་གསོལ། །དར་མདུང་དཀར་པོ་ཕྱར་བས་ལྷ་དམག་སྡུད། །ཆིབས་སུ་ལྷ་གཡག་དཀར་པོ་རི་ལོགས་ཙམ། །ཁ་རླངས་སྣ་རླངས་བུ་ཡུག་འཚུབ་པ་ཆིབས། །ཡུམ་ནི་གནམ་སྨན་ཐོག་གི་བུ་ཡུག་སོགས། །སྲིད་པའི་ལྷ་དམག་བྱེ་བ་འབུམ་དང་བཅས། །འདིར་གཤེགས་དཀར་གསུམ་བརྒྱན་པའི་གཏོར་མ་བཞེས། །མ་གཅིག་ལབ་སྒྲོན་སྤྱན་སྔར་ཁས་བླངས་བཞིན། །གཅོད་ཡུལ་བསྟན་པ་བསྲུང་ཞིང་སྐྱོང་བ་དང་། །བདག་གི་མཐུན་རྐྱེན་ཀུན་སྒྲུབས་འགལ་རྐྱེན་སོལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། སིང་ག་ལ་ཡི་ཡུལ་རྒྱུད་ཆུ་ཡི་ཡུལ། །གངས་དཀར་རིན་ཆེན་ཤེལ་གྱི་གཞལ་ཡས་ནས། །སྐུ་ལྷ་མཁའ་རི་མ་སང་སྤྲུལ་པའི་སྐུ། །མི་དཀར་ཤེལ་ཁྲབ་ཤེལ་རྨོག་དར་བེར་གསོལ། །ཕྱག་གཡས་མདུང་དར་གཡོན་པས་སྤྱང་ཐོད་འཛིན། །ཆིབས་སུ་རྟ་དཀར་འཕུར་ཤེས་གཟི་མིག་ཆིབས། །སྐྱེས་བུ་ཞུབས་ཆེན་

[Full Size]

མཚོན་ཐོགས་འབུམ་གྱིས་བསྐོར། །ལྕམ་མོ་ཤེལ་བཟའ་ཤ་བ་ཡུ་མོ་ཆིབས། །རིན་ཆེན་རྒྱན་ལྡན་མཛོ་མོ་དཀར་མོ་ཁྲིད། །མཁའ་རི་མིང་སྲིང་འཁོར་དང་བཅས་པ་རྣམས། །འདིར་གཤེགས་དཀར་གསུམ་བརྒྱན་པའི་གཏོར་མ་བཞེས། །མ་གཅིག་ལབ་སྒྲོན་སྤྱན་སྔར་ཁས་བླངས་བཞིན། །གཅོད་ཡུལ་གཏེར་ཆོས་བསྟན་པ་སྲུང་བ་དང་། །བདག་ཅག་བསམ་པོ་སྒྲུབས་ལ་རེ་བ་སྐོངས། །འཁོར་སྲུངས་རྐྱེན་ཟློག་བར་ཅད་ཐམས་ཅད་སོལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། རི་མཐོ་ས་གཙང་གངས་རི་གཉན་པོའི་རྩེར། །རང་སྣང་རིན་ཆེན་འཕྲུལ་གྱི་ཁང་བཟང་ནས། །སྲིད་པའི་ལྷ་རྒན་འོད་དེ་གུང་རྒྱལ་ཞེས། །མི་བོ་ཆེན་པོ་དར་གྱི་ལ་ཐོད་ཅན། །དར་ཟབ་བེར་གསོལ་གཡུ་ཆེན་མགུལ་པར་བརྒྱན། །མདུང་དར་སྦ་ལྕག་བསྣམས་ནས་ཅང་ཤེས་ཆིབས། །ཕ་མཚུན་མ་སང་དགྲ་བླའི་ཚོགས་དང་བཅས། །འདིར་གཤེགས་དཀར་གསུམ་བརྒྱན་པའི་གཏོར་མ་བཞེས། །མ་གཅིག་ལབ་སྒྲོན་སྤྱན་སྔར་ཁས་བླངས་བཞིན། །གཅོད་ཡུལ་བསྟན་པ་བསྲུང་ཞིང་རྒྱས་པ་དང་། །བདག་གི་ཕྲིན་ལས་འགྲུབ་

[Full Size]

པའི་སྡོང་གྲོགས་མཛོད། །ཧཱུྃ། ཤིང་གཅིག་སྡོང་པོ་གསེར་གླག་ཅན་གྱི་དྲུང་། །ཆུ་མིག་དྲག་པོ་གནམ་དུ་འཕྱུར་བའི་ནང་། །ཡིད་ལས་གྲུབ་པའི་རིན་ཆེན་ཁང་བཟང་ནས། །སྣང་སྲིད་ལྷ་སྲིན་སྡེ་བརྒྱད་ཀུན་གྱི་གཙོ། །ཀླུ་ཡི་རྒྱལ་པོ་ཆེན་པོ་མཐུ་བོ་ཆེ། །དྲག་པོ་ཟླ་བ་སྐྱོང་མཛད་ཅེས་གྲགས་པ། །སྐུ་མདོག་དཀར་ལ་འཇའ་ཚོན་འོད་ཟེར་འཕྲོ། །སྦྲུལ་མགོ་འབར་བ་བདུན་གྱི་གདེངས་ཀ་འཕྱོ། །ཡིད་བཞིན་རིན་ཆེན་འབར་བའི་དབུ་གཙུག་བརྒྱན། །ཕྱག་གཉིས་ཐལ་སྦྱར་ཡིད་བཞིན་ནོར་བུ་འཛིན། །དར་དང་རིན་ཆེན་དུ་མས་སྐུ་ལ་བརྒྱན། །སྐུ་སྨད་ལྟོ་འཕྱེ་གདུག་པ་སྦྲུལ་དུ་འཁྱིལ། །རྒྱལ་རིགས་རྗེ་རིགས་དམངས་རིགས་བྲམ་ཟེའི་རིགས། །གདོལ་པ་ཀླུ་རིགས་བྱེ་བ་འབུམ་དང་བཅས། །འདིར་གཤེགས་དཀར་གསུམ་བརྒྱན་པའི་གཏོར་མ་བཞེས། །མ་གཅིག་ལབ་སྒྲོན་སྤྱན་སྔར་ཁས་བླངས་བཞིན། །གཅོད་ཡུལ་བསྟན་པ་ཡུན་རིང་སྐྱོང་བ་དང་། །བདག་ཅག་དཔོན་སློབ་ཡོན་མཆོད་འཁོར་བཅས་ལ། །ཀླུ་དང་ས་བདག་ནད་རྣམས་ཞི་བ་དང་། །ཀླུ་གཡང་དངོས་གྲུབ་རྒྱ་ཆེན་འབེབས་པ་དང་། །བདག་ལ་སྡང་བའི་དགྲ་བོ་

[Full Size]

དམ་ཉམས་ལ། །མཛེ་ནད་ལྷོག་རྒོད་འབེབས་པའི་ཕྲིན་ལས་མཛོད། །ཧཱུྃ། སྤྲུལ་སྐུ་མ་གཅིག་ལབ་ཀྱི་སྒྲོལ་མ་ཡིས། །གངས་རི་གཉན་པོ་ཉི་ཤུ་རྩ་གཅིག་དང་། །གཉན་ས་བརྒྱ་དང་རྩ་བརྒྱད་བཅད་པའི་ཚེ། །བཀའ་དང་དམ་ལ་བཏགས་པའི་ལྷ་འདྲེ་རྣམས། །འདིར་གཤེགས་དཀར་གསུམ་བརྒྱན་པའི་གཏོར་མ་བཞེས། །གཞན་ཡང་གཅོད་ཡུལ་བརྒྱུད་པའི་བླ་མ་ཡིས། །བཀའ་དང་དམ་ལ་བཏགས་པའི་ལྷ་འདྲེ་རྣམས། །ཐམས་ཅད་དཀར་གསུམ་གཏོར་མ་འདི་བཞེས་ལ། །གཅོད་ཡུལ་བསྟན་པ་ཕྱོགས་བཅུར་རྒྱས་པ་དང་། །བདག་གིས་ཕྲིན་ལས་འགྲུབ་པའི་སྡོང་གྲོགས་མཛོད། །དེ་ནས་གཏོར་མ་ལ་དཔལ་འབར་བཙུགས་ཏེ་བཀྱག་བཅོལ་ལ། ཕཊ། དེ་ལྟར་དམར་གཏོར་དཀར་གསུམ་གཏོར་མ་ནི། །སོ་སོར་གང་འདོད་ཕུལ་བས་མཉེས་ཤིང་ཚིམ། །ཕྲིན་ལས་གང་འདོད་བསྒྲུབ་པར་ཞལ་གྱིས་བཞེས། །བསྟན་དང་བདག་ལ་གནོད་པའི་དགྲ་བགེགས་ལ། །ཡེ་ཤེས་མཁའ་འགྲོ་རྣམས་ཀྱང་ཐུགས་ཁྲོས་ནས། །ཆོས་སྐྱོང་ཤ་ཟ་འཇིག་རྟེན་མཁའ་འགྲོའི་ཚོགས། །རང་དབང་མེད་པར་རབ་ཁྲོས་ང་རོ་སྒྲོག །ཡང་འཁོར་ལྷ་སྲིན་སྡེ་བརྒྱད་

[Full Size]

དམག་དང་བཅས། །མེ་དཔུང་རླུང་ནག་ཐོག་སེར་འབྲུག་སྒྲ་དང་། །མགོ་བརྙན་སྤྲུལ་པ་གློག་ལྟར་འཁྱུག་བྱེད་ཅིང་། །དགྲ་བགེགས་ཐམས་ཅད་རྡུལ་དུ་བརླག་པར་གྱུར། །ཀྱཻ། མ་མི་མིན་ཡེ་ཤེས་མཁའ་འགྲོ་མ། །དབུས་ཕྱོགས་སངས་རྒྱས་རིགས་ཀྱི་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེའི་འཁོར་གྱིས་བསྐོར། །མ་འདིར་གཤེགས་བརྒྱན་པའི་གཏོར་མ་བཞེས། །དམ་རྫ་ས་བརྒྱན་པའི་གཏོར་མ་བཞེས། །ཤ་ཁྲག་དམར་གྱི་གཏོར་མ་བཞེས། །ད་རེས་སྡང་བའི་དགྲ་ལ་ཡ། །ད་རེས་གནོད་པའི་བགེགས་ལ་ཡ། བཅོལ་བའི་ཕྲིན་ལས་འགྲུབ་པར་མཛོད། །རྒྱས་པར་འགྲེས་ཡིན་ཀྱང་བསྡུ་ན། ཤར་ཕྱོགས་རྡོ་རྗེ་རིགས་ཀྱི་མཁའ་འགྲོ་མ། །ལྷོ་རིན་ཆེན་རིགས་ཀྱི་མཁའ་འགྲོ་མ། །ནུབ་པདྨ་རིགས་ཀྱི་མཁའ་འགྲོ་མ། །བྱང་ལས་ཀྱི་རིགས་ཀྱི་མཁའ་འགྲོ་མ། །སྟེང་མཁའ་སྤྱོད་རིགས་ཀྱི་མཁའ་འགྲོ་མ། །འོག་ས་སྤྱོད་རིགས་ཀྱི་མཁའ་འགྲོ་མ། །མཚམས་བཞི་འཇིག་རྟེན་རིགས་ཀྱི་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེའི་འཁོར་གྱིས་བསྐོར། །མ་འདིར་གཤེགས་བརྒྱན་

[Full Size]

པའི་གཏོར་མ་བཞེས། །དམ་རྫས་བརྒྱན་པའི་གཏོར་མ་བཞེས། །ཤ་ཁྲག་དམར་གྱི་གཏོར་མ་བཞེས། །ད་རེས་སྡང་བའི་དགྲ་ལ་ཡ། །ད་རེས་གནོད་པའི་བགེགས་ལ་ཡ། །བཅོལ་བའི་ཕྲིན་ལས་འགྲུབ་པར་མཛོད། །ཅེས་གནོད་པའི་ཕྱོགས་སམ་ཕྱི་རོལ་དུ་ཕུལ་ལོ། །དེ་ནས་བྲོ་བརྡུང་བ་ནི། ལྷག་མའི་སྣོད་དང་གཏོར་འབུལ་སྣོད་ཐམས་ཅད་གཅིག་ཐོག་ཏུ་གཅིག་སྦུབས་ཏེ། སྟེང་དུ་རྡོ་རྗེ་རྒྱ་གྲམ་བཞག་ལ། ཕཊ། གནོད་བྱེད་དམ་སྲི་མི་མིན་མི་རུ་བརྫུ་བ། །ལྷ་མིན་ལྷ་རུ་བརྫུ་བ། མགོ་གཡོག་མགོ་བསྐོར་བྱེད་པ་ཐམས་ཅད་གཏོར་གཞོང་རི་རབ་འབར་བའི་འོག་ཏུ་ཁུག་ཅིག །ཛཿཧཱུྃ་བ་ཧོ་ཧཱུྃ། ཕྱོགས་བཞིར་འཁོར་ལོའི་རྩིབས་སྟེང་ནས། །རྟོག་མེད་རོ་ཡི་གདན་སྟེང་ན། །རིགས་བཞི་མཁའ་འགྲོས་བྲོ་བརྡུངས་པས། །དཔའ་བོས་བྲོ་བརྡུང་ཁྲིགས་སེ་ཁྲིག །དཔའ་མོས་གར་བྱེད་ཁྱུགས་སེ་ཁྱུག །ད་ལན་བློ་གཅིག་བརྡུང་བ་ནི། །ཕྱོགས་བཞིའི་གདོན་བགེགས་རྡུལ་དུ་བརླག་པའི་བྲོ། །ཡ་བདུད་རྒྱལ་པོ་ཐལ་བར་བརླག་པའི་བྲོ། །མ་བདུད་རྒྱལ་མོ་ཐལ་བར་བརླག་པའི་བྲོ། །དམ་སྲི་དམ་ལ་བཏགས་པའི་བྲོ། །རྐྱེན་ངན་བར་ཆད་བཟློག་པའི་བྲོ། །

[Full Size]

བེ་ཐེལ་རྡུལ་དུ་བརླགས་པའི་བྲོ། །དབེན་གནས་དུར་ཁྲོད་ཆེན་པོ་འདིར། །རྟོག་མེད་རོ་ཡི་གདན་སྟེང་དུ། །རྡོ་རྗེ་ཕག་མོས་བྲོ་བརྡུངས་པས། །དཔའ་བོས་བྲོ་བརྡུང་ཁྲིགས་སེ་ཁྲིག །དཔའ་མོས་གླུ་ལེན་ཀྱུ་རུ་རུ། །དབེན་གནས་དུར་ཁྲོད་ཆེན་པོ་འདིར། །ཡ་བདུད་རྒྱལ་པོ་ཐལ་བར་བརླག་པའི་བྲོ། །མ་བདུད་རྒྱལ་མོ་ཐལ་བར་བརླག་པའི་བྲོ། །དམ་སྲི་དམ་ལ་བཏགས་པའི་བྲོ། །རྐྱེན་ངན་བར་ཆད་བཟློག་པའི་བྲོ། །བེ་ཐེལ་རྡུལ་དུ་བརླག་པའི་བྲོ། །བྲོ་འདི་གང་དང་གང་གི་བྲོ། །བྲོ་འདི་ཕ་རོལ་ཕྱིན་དྲུག་བྲོ། །ཕ་རོལ་ཕྱིན་དྲུག་བྲོ་བརྡུངས་པས། །དགྲ་ཉོན་དྲུག་མགོ་ལ་ཆེམས་སེ་ཆེམ། །དུག་གསུམ་མགོ་ལ་ནེམས་སེ་ནེམ། །དུག་ལྔའི་མགོ་ལ་ད་རོལ་ཅིག །བྲོ་འདི་གང་དང་གང་གི་བྲོ། བྲོ་འདི་ཡུམ་སྲས་གཉིས་ཀྱི་བྲོ། །ཡུམ་སྲས་གཉིས་ཀྱི་བྲོ་བརྡུངས་པས། །དགྲ་རྒྱལ་འགོང་མགོ་ལ་ཆེམས་སེ་ཆེམ། །དུག་གསུམ་མགོ་ལ་ནེམས་སེ་ནེམ། །དུག་ལྔའི་མགོ་ལ་ད་རོལ་ཅིག །བྲོ་འདི་གང་དང་གང་གི་བྲོ། །བྲོ་འདི་རྣལ་འབྱོར་བདག་གི་བྲོ། །རྣལ་འབྱོར་བདག་གིས་བྲོ་བརྡུངས་པས། །དགྲ་དམ་སྲིའི་མགོ་ལ་ཆེམས་སེ་ཆེམ། །དུག་

[Full Size]

གསུམ་མགོ་ལ་ནེམས་སེ་ནེམ། །དུག་ལྔའི་མགོ་ལ་ད་རོལ་ཅིག །ཨོཾ་ལྃ་ཧཱུྃ་ལྃ། སྟྭཾ་བྷ་ཡ་ནན། ཕཊ་ཕཊ་ཕཊ། དེ་ནས་གནོད་བྱེད་རྣམས་མཁོན་སེམས་སྦྱང་ཞིང་ཆོས་བཤད་པ་ནི། ཕཊ། བདག་ཉིད་ཐུགས་རྗེ་ཆེན་པོ་སྐུ་མདོག་དཀར། །ཞལ་གཅིག་ཞི་འཛུམ་ཕྱག་གཡོན་པད་དཀར་འཛིན། །སྐུ་ཡིས་ཁམས་གསུམ་སྲིད་རྩེའི་བར་དུ་ཁྱབ། །ཞབས་གཉིས་སྐྱིལ་ཀྲུང་དར་དང་རིན་ཆེན་བརྒྱན། །ཐུགས་ཀར་ཟླ་སྟེང་ཧྲིལ་ཡིག་དྲུག་བསྐོར། །དེ་ལས་བདུད་རྩི་བབས་པས་སྐུ་ལུས་གང་། །ཕྱག་གཡས་མཆོག་སྦྱིན་མཛད་པའི་ཕྱག་སོར་ནས། །བདུད་རྩི་འོ་མ་ལྟ་བུའི་ཆུ་རྒྱུན་བབས། །མགྲོན་རྣམས་འཐུང་ཞིང་ཁྲུས་བྱས་སྡུག་བསྔལ་ཞི། །གནོད་སེམས་གདུག་རྩུབ་ཞི་ནས་བྱང་སེམས་ལྡན། །ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས། །ཐམས་ཅད་མགྲིན་གཅིག་ཡིག་དྲུག་འདོན་པར་གྱུར། །ཨོཾ་མ་ཎི་པདྨེ་ཧཱུྃ། ཞེས་ཅུང་ཟད་བཟླས་ནས། ལུས་ཤ་ཁྲག་གི་མཆོད་སྦྱིན་འདི་བསྔོས་པ་ལ་བརྟེན་ནས། བདག་དང་བསྲུང་བྱ་འཁོར་དང་བཅས་པས་ཚེ་འཁོར་བ་ཐོག་མ་མེད་པ་ནས་བསད་བསད་བཅད་བཅད་ཚེ་ཐུང་བའི་ལན་ཆགས་བྱང་བར་གྱུར་ཅིག །

[Full Size]

བརྡུངས་བརྡུངས་བཙོག་བཙོག་ནད་མང་བའི་ལན་ཆགས་བྱང་བར་གྱུར་ཅིག །འཕྲོག་འཕྲོག་བཅོམ་བཅོམ་ནོར་དབུལ་བའི་ལན་ཆགས་བྱང་བར་གྱུར་ཅིག །བཟང་དར་ཟབ་དབྱིག་གསེར་དངུལ་འབྲུ་བང་མཛོད། གྲོགས་ཁྱིམ་ཐབ། རྟ་མ་ཧེ་ལ་སོགས་པ་མདོར་ན་ཚེ་དང་སྲོག་གི་ལན་ཆགས་པའི་བུ་ལོན་འཁོར་ལན་ཆགས་བྱང་ཤ་འཁོན་དག་ནས་བྱང་ཆུབ་ཀྱི་སེམས་རིན་པོ་ཆེ་ཐོབ་པར་གྱུར་ཅིག །ཕཊ་ཕཊ། ལུས་ཤ་ཁྲག་མཆོད་སྦྱིན་འདི་བསྔོས་པས། །ཚེ་རབས་འཁོར་བ་ཐོག་མེད་ཀྱི། །བུ་ལོན་འབྲེལ་ཐག་ཆོད་གྱུར་ཅིག ཤ་འཁོན་སྡིག་སྒྲིབ་དག་གྱུར་ཅིག །སེམས་འགྱུ་བ་དངོས་མེད་སྟོང་པ་འདི། །འདྲེ་ཁྱོད་བས་ངས་ཀྱང་མཐོང་མ་མྱོང་། །དུས་གསུམ་སངས་རྒྱས་རྣམས་ཀྱིས་གཟིགས་མ་མྱོང་། །དངོས་སུ་གྲུབ་ཅིང་མཐོང་བའི་ཆོས། །ལུས་གཟུགས་ཕུང་ཤ་ཁྲག་མཆོད་པ་བཞེས། །དཀོན་མཆོག་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར་ཅིག །རིགས་དྲུག་འདོད་པ་ཚིམ་གྱུར་ཅིག །ལན་ཆགས་བུ་ལོན་བྱང་གྱུར་ཅིག །རྣམ་བཞིའི་མགྲོན་གྱི་ཚོགས་རྣམས་ལ། །ཚད་མེད་མཆོད་སྦྱིན་འདི་བསྔོས་པས། །

[Full Size]

ཁམས་གསུམ་སེམས་ཅན་ཐམས་ཅད་ཀྱང་། །ལོངས་སྤྱོད་ལྡན་ཞིང་ཚོགས་རྫོགས་ནས། །ཀུན་ཀྱང་སངས་རྒྱས་ཐོབ་པར་ཤོག །ཕཊ་ཕཊ་ཕཊ། ན་མོ། ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བར་ཆད་མེད་པའི་ལམ་བགྲོད་ནས། །མ་ཡུམ་ཆེན་གྱི་གོ་འཕང་ཐོབ་པར་ཤོག །ཕཊ་ཕཊ། བདག་གི་ལུས་ཤ་ཁྲག་གི་མཆོད་སྦྱིན་འདི་ཁར་རག་པ་ཙམ། དྲི་ཚོར་བ་ཙམ་གྱིས་ན་བ་ཕན། ཤི་བ་སོས། རྒས་པ་དར། ཕོ་ཐམས་ཅད་སྤྱན་རས་གཟིགས་ཀྱི་གོ་འཕང་ཐོབ་པར་གྱུར་ཅིག །མོ་ཐམས་ཅད་རྗེ་བཙུན་སྒྲོལ་མའི་གོ་འཕང་ཐོབ་པར་གྱུར་ཅིག ཕཊ་ཕཊ། ལན་ཆགས་གདོན་བགེགས་དང་། རིགས་དྲུག་སྙིང་རྗེའི་མགྲོན་ཐམས་ཅད། མགྲོན་པོ་རང་ཁྱིམ་དུ་སོང་བར་ལྟར།

[Full Size]

སོ་སོ་རང་རང་གི་གནས་སུ་སོང་བར་གྱུར། ཕཊ་ཕཊ། འབྱུང་པོ་ས་འོག་རྒྱུ་བ་དང་། །གང་ཡང་ས་སྟེང་འཁོད་པ་དང་། །ས་བླར་རྒྱུ་བ་གང་ཡིན་པ། །མགུ་བར་གྱིས་ལ་རང་གནས་སུ། །ཐམས་ཅད་ཐ་དད་འགྲོ་བར་གྱིས། །སརྦ་བྷུ་ཏ་གཙྪ། དེ་ནས་དཀོན་མཆོག་སྲིད་ཞུའི་མགྲོན་དང་། མགོན་པོ་ཡོན་ཏན་གྱི་མགྲོན་རྣམས་ལ་རྗེས་ཆོག་བྱ་བ་ནི། ཨོཾ་གུ་རུ་དེ་ཝ་ཌཱཀི་ནི་སརྦ་དྷརྨ་པཱ་ལ་ས་པ་རི་ཝཱ་ར་ཨརྒྷཾ་ནས་ཤབྟ་པྲ་ཏཱིཙྪ་སྭཱ་ཧཱ། བར། ནང་མཆོད་སྲིན་ལག་གིས་གཏོར་ཞིང་། བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་ཞལ་དུ་སརྦ་པཉྩ་ཨ་མྲྀ་ཏ་ལ་ཁཱ་ཧི། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ་སརྦ་པཉྩ་ཨ་མྲྀ་ཏ་ལ་ཁཱ་ཧི། །རྟེན་འབྲེལ་གྱི་རྩ་བ་མ་རྒྱུད་མཁའ་འགྲོ་རྣམས་ཀྱི་ཞལ་དུ་སརྦ་པཉྩ་ཨ་མྲྀ་ཏ་ལ་ཁཱ་ཧི། ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་ཞལ་དུ་སརྦ་པཉྩ་ཨ་མྲྀ་ཏ་ལ་ཁཱ་ཧི། བཀའ་བརྒྱུད་བླ་མ་རྣམས་ལ་ཕྱག་འཚལ་བསྟོད། །ཡི་དམ་ལྷ་ཚོགས་རྣམས་ལ་ཕྱག་འཚལ་བསྟོད། །མཁའ་འགྲོ་ཆོས་སྐྱོང་རྣམས་ལ་ཕྱག་འཚལ་བསྟོད། །ཆད་པ་དང་ནི་ལྷག་པ་དང་། །ཆོ་གའི་ཡན་ལག་མ་ཚང་དང་། །བདག་གིས་བགྱིད་ནོང་ཅི་མཆིས་པ། །

[Full Size]

དེ་ཡང་བཟོད་པར་མཛད་དུ་གསོལ། །ཨོཾ་བཛྲ་སཏཱ་ས་མ་ཡ་སོགས་བརྗོད། མདུན་གྱི་ལྷ་ཚོགས་ཐམས་ཅད་ཀྱི་བསྔོ་བའི་དཔང་པོ་དང་མཐུན་འགྱུར་མཛད་པར་གྱུར། ཡུམ་ཆེན་མོ་སྲས་དང་སློབ་མར་བཅས་པ་བླ་མ་ཡི་དམ་མཁའ་འགྲོ་ཆོས་སྐྱོང་ཐམས་ཅད་བདག་ལ་དགོངས་སུ་གསོལ། ཟབ་མོ་གཅོད་ཡུལ་བརྒྱུད་པ་ལ་སོགས་པ་འཕགས་པ་དང་སོ་སོའི་སྐྱེ་བོའི་དགེ་བའི་རྩ་བ་ཅི་མཆིས་པ་དེ་དག་ཐམས་ཅད་ལ་བདག་དགའ་ཞིང་གུས་པས་རྗེས་སུ་ཡི་རང་ངོ་། །དེ་ལྟར་རྗེས་སུ་ཡི་རང་བའི་དགེ་བའི་རྩ་བ་དང་། ལུས་ཚོགས་མཆོད་མཆོད་སྦྱིན་དུ་བསྔོས་པའི་དགེ་བའི་རྩ་བ་འདི་ཡུམ་ཆེན་མོ་སྲས་དང་སློབ་མར་བཅས་པའི་སྤྱན་སྔར་འབུལ་བར་བགྱིའོ། །དེ་ལྟར་ཕུལ་བས་ཀུན་ཏུ་བཟང་པོའི་མཆོད་པའི་སྤྲིན་རྒྱ་མཚོ་བསམ་གྱིས་མི་ཁྱབ་པ་དུས་གསུམ་རྒྱུན་ཆད་མེད་པར་འབྱུང་བར་གྱུར་ཅིག །དེའི་དགེ་བའི་རྩ་བ་གནས་གདོན་ལུས་གདོན་གཉིས་ཀྱིས་ཐོག་དྲངས་སེམས་ཅན་ཐམས་ཅད་ལ་ཡོངས་སུ་བསྔོ་བར་བགྱིའོ། །བསྔོས་པ་བཞིན་དུ་ཐོབ་ནས་བདེ་བ་ཐམས་ཅད་དང་ལྡན། སྡུག་བསྔལ་ཐམས་ཅད་དང་བྲལ་ནས་མྱུར་དུ་མངོན་པར་རྫོགས་པར་

[Full Size]

འཚང་རྒྱ་བར་གྱུར་ཅིག །དེའི་དགེ་བའི་རྩ་བ་བདག་དང་བསྲུང་བྱའི་རྒྱུད་ལ་ད་ལྟ་ཉིད་དུ་ཡོངས་སུ་སྨིན་པར་གྱུར་ཅིག །དེ་ལྟར་སྨིན་པ་ལ་བརྟེན་ནས་ཚེ་འཁོར་བ་ཐོག་མ་མེད་པ་ནས་བསགས་པའི་ནད་གདོན་སྡིག་སྒྲིབ་ཐམས་ཅད་ད་ལྟ་ཉིད་དུ་བྱང་ཞིང་དག་པར་གྱུར་ཅིག །ཚེ་དང་བསོད་ནམས་ཉམས་དང་རྟོགས་པ་ཐམས་ཅད་ཡར་ངོའི་ཟླ་བ་བཞིན་དུ་འཕེལ་ཞིང་རྒྱས་པར་གྱུར་ཅིག །གཅོད་ཡུལ་ཕྱག་རྒྱ་ཆེན་པོ་མཆོག་གི་དངོས་གྲུབ་ད་ལྟ་ཉིད་དུ་ཐོབ་པར་གྱུར་ཅིག །ནམ་འཆི་བའི་ཚེ་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་བསུས་ནས་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་བགྲོད་ནུས་པར་གྱུར་ཅིག །དེར་མེ་ཏོག་པདྨའི་སྙིང་པོ་ལ་བརྫུས་ཏེ་སྐྱེ་བ་ལེན་པར་གྱུར་ཅིག །སྐྱེས་མ་ཐག་ཏུ་མེ་ཏོག་པདྨ་ཁ་བྱེ་ནས་སངས་རྒྱས་འོད་དཔག་མེད་ཀྱི་ཞལ་མངོན་སུམ་དུ་མཐོང་བར་གྱུར་ཅིག །དེར་ས་བཅུ་ལམ་ལྔ་མཐར་ཕྱིན་ནས་མངོན་པར་རྫོགས་པར་འཚང་རྒྱ་བར་གྱུར་ཅིག །སངས་རྒྱས་ནས་ནམ་མཁའ་ཇི་སྲིད་དུ་འགྲོ་བ་སེམས་ཅན་ཐམས་ཅད་ཀྱི་དོན་འབད་མེད་ལྷུན་གྲུབ་ཏུ་འབྱུང་བར་གྱུར་ཅིག །བདག་གི་བསམ་པའི་སྟོབས་དང་ནི། །དེ་བཞིན་གཤེགས་པའི་སྦྱིན་

[Full Size]

སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདགས་ཕྱིར། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པ་འབྱུང་བར་ཤོག །གཅོད་ཡུལ་ཉམས་སུ་ལེན་པའི་གང་ཟག་གིས། །རང་སེམས་བདུད་དུ་མི་ལྟ་བར། །སྙེམས་རྟོག་མ་ལུས་ཆོད་པར་ཤོག །བཟང་པོའི་ཡོན་ཏན་ཅི་བྱུང་ཡང་། །དེ་ལ་རློམས་སེམས་མེད་པར་ཤོག། །ངན་པའི་རྣམ་རྟོག་ཅི་བྱུང་ཡང་། །དེ་ལ་སྙེམས་རྟོག་མེད་པར་ཤོག །དམ་ཆོས་བདུད་ཀྱི་གཅོད་ཡུལ་འདི། །མཁའ་ལ་ཉི་མ་ཤར་བ་བཞིན། །ཕྱོགས་དུས་ཀུན་ཏུ་ཁྱབ་པར་ཤོག །མདུན་གྱི་ལྷ་ཚོགས་ཐམས་ཅད་ཀྱིས། །མགྲིན་གཅིག་དབྱངས་གཅིག་གིས་བཀྲ་ཤིས་བརྗོད་པར་བསམས་ལ། མེ་ཏོག་ཆར་པ་འབེབས་པར་གྱུར། །ཆོས་དབྱིངས་ལྷུན་གྱིས་གྲུབ་པ་ཡི། །ཡུམ་ཆེན་ཤེས་རབ་ཕར་ཕྱིན་བཀྲ་ཤིས་ཤོག །འགྱུར་བ་མེད་པ་རྡོ་རྗེ་མཁའ་འགྲོའི་བཀྲ་ཤིས་ཤོག །དགོས་འདོད་ཀུན་འབྱུང་རིན་ཆེན་མཁའ་འགྲོའི་བཀྲ་ཤིས་ཤོག །སྐྱོན་གྱིས་མ་གོས་པདྨ་མཁའ་འགྲོའི་བཀྲ་ཤིས་

[Full Size]

ཤོག །ཐམས་ཅད་ལྷུན་གྲུབ་ལས་ཀྱི་མཁའ་འགྲོའི་བཀྲ་ཤིས་ཤོག །དམ་ཚིག་ལ་གནས་འཇིག་རྟེན་མཁའ་འགྲོའི་བཀྲ་ཤིས་ཤོག །བར་ཆད་ཀུན་སེལ་ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །ལས་དང་འཇིག་རྟེན་མཁའ་འགྲོའི་ཚོགས། །ཤ་ཟ་དམ་ཚིག་མཁའ་འགྲོ་མ། །འཇིག་རྟེན་ཆོས་སྐྱོང་སྲུང་མ་རྣམས། །ཁྱེད་ཀྱིས་སེམས་ཅན་དོན་ཀུན་མཛོད། །རྗེས་སུ་མཐུན་པའི་དངོས་གྲུབ་སྩོལ། །སོ་སོའི་ཡུལ་དུ་གཤེགས་སུ་གསོལ། །སོ་སོའི་ཡུལ་དུ་གཤེགས་ནས་ཀྱང་། །སེམས་ཅན་རྣམས་ཀྱི་དོན་སླད་དུ། །སླར་ཡང་འབྱོན་པར་མཛད་དུ་གསོལ། །བཛྲ་མུ་དེ་ནས་སྔར་སྤར་བའི་རྣམ་ཤེས་དབབ་པ་ནི། ཕཊ། མདུན་གྱི་ཡུམ་ཆེན་མ་གཅིག་ཐུགས་ཀ་ནས། །རང་དང་བསྲུང་བྱའི་རྣམ་ཤེས་ངོ་བོ་ནི། །འོད་ཀྱི་གོང་བུའི་དབུས་སུ་མ་གཅིག་སྐུ། །དཀར་གསལ་འཛུམ་མཛེས་གར་སྟབས་ཁྱུག་ཁྱུག་གཅིག །ཚངས་བུག་ནས་ཞུགས་དབུ་མའི་ལམ་ནས་བརྒྱུད། །སྙིང་ནི་པདྨ་འདབ་བརྒྱད་དབུས་སུ་ཞུགས། །གྱེན་དུ་ཁ་ཟླུམ་བུམ་སྐུའི་རྣམ་པར་གྱུར། །དེ་ནས་བྱིན་རླབས་ཞུ་བ་ནི། མ་གཅིག་ཡུམ་ཆེན་ལྷ་ཚོགས་འཁོར་བཅས་ཀྱིས། །བདག་དང་བསྲུང་

[Full Size]

བྱའི་ལུས་ངག་ཡིད་གསུམ་ལ། །སྐུ་གསུང་ཐུགས་ཀྱིས་བྱིན་གྱིས་བརླབ་ཏུ་གསོལ། །དེ་ལྟར་གསོལ་བ་བཏབ་པས་ལྷ་རྣམས་ཀྱི། །སྐུ་གསུང་ཐུགས་ལས་འོད་ཟེར་སྣ་ཚོགས་འཕྲོས། །ཡུམ་ཆེན་འོད་ཟེར་འཕྲོས་པས་མ་གཅིག་བསྐུལ། །མ་གཅིག་སྐུ་ལས་འོད་ཟེར་འཕྲོས་པ་ཡིས། །གཡོན་ཕྱོགས་རིགས་ཀྱི་མཁའ་འགྲོ་སྡེ་ལྔ་བསྐུལ། །།ཀུན་གྱི་བྱིན་རླབས་མཁའ་འགྲོ་སྡེ་ལྔར་བསྡུས། །སྡེ་ལྔའི་སྐུ་གསུང་ཐུགས་ཀྱི་བྱིན་རླབས་ཀུན། །འོད་ཟེར་དཀར་དམར་མཐིང་གའི་རྣམ་པར་བྱོན། །བདག་དང་བསྲུང་བྱའི་ལུས་ངག་ཡིད་གསུམ་ལ། །སིབ་སིབ་ཐིམ་པས་བྱིན་རླབས་དངོས་གྲུབ་ཐོབ། །ཕཊ་ཕཊ་ཕཊ། དེ་ནས་དབང་བླང་བ་ནི། མ་གཅིག་ཡུམ་ཆེན་ལྷ་ཚོགས་ཐམས་ཅད་ཀྱིས། །བདག་ཅག་དཔོན་སློབ་བསྲུང་བྱ་ཐམས་ཅད་ལ། །དབང་བཞི་རྫོགས་པར་བསྐུར་བར་མཛད་དུ་གསོལ། །གསོལ་བ་བཏབ་པས་ལྷ་ཚོགས་ཐམས་ཅད་ཀྱི། །དཔྲལ་བའི་ཨོཾ་ལས་འོད་ཟེར་དཀར་པོ་འཕྲོས། །བདག་དང་བསྲུང་བྱའི་ཚངས་པའི་བུག་ནས་ཞུགས། །ལུས་ཀྱི་ནད་གདོན་སྡིག་སྒྲིབ་ཐམས་ཅད་དག །འོད་ཟེར་དཀར་པོས་ལུས་རྣམས་མེར་གྱིས་

[Full Size]

གང་། །བུམ་པའི་དབང་ཐོབ་སྤྲུལ་སྐུའི་ས་བོན་བཞག །མགྲིན་པའི་ལས་འོད་ཟེར་དམར་པོ་འཕྲོས། །བདག་དང་བསྲུང་བྱའི་མགྲིན་པའི་གནས་ནས་ཞུགས། །ངག་གི་སྒྲིབ་པ་དིག་ལྷགས་ཐམས་ཅད་དག །ལུས་ནང་འོད་ཟེར་དམར་པོས་གང་བ་ཡིས། །གསང་བའི་དབང་ཐོབ་ལོངས་སྐུའི་ས་བོན་བཞག །ལྷ་ཚོགས་ཐུགས་ཀའི་ཧཱུྃ་ཡིག་སྔོན་པོ་ལས། །འོད་སྔོན་བདག་དང་བསྲུང་བྱའི་སྙིང་གར་ཐིམ། །སེམས་ཀྱི་སྒྲིབ་པ་སྨྱོ་འབོག་ཐམས་ཅད་དག །འོད་ཟེར་སྔོན་པོས་ལུས་རྣམས་ལྟེམ་གྱིས་གང་། །ཤེར་ཡེའི་དབང་ཐོབ་ཆོས་སྐུའི་ས་བོན་བཞག །ལྷ་རྣམས་གནས་གསུམ་འོད་ཟེར་སྣ་ཚོགས་འཕྲོས། །བདག་དང་བསྲུང་བྱའི་ལུས་ཀུན་ལ་ཐིམ་པས། །སྒོ་གསུམ་ཆ་མཉམ་སྒྲིབ་པ་ཐམས་ཅད་དག །ནད་གདོན་སྡིག་སྒྲིབ་དུད་ཁུ་སོལ་ཁུ་དང་། །ཉ་ལྕོང་སྦ་སྦྲུལ་རྣམ་པར་ཉིལ་གྱིས་བུད། །ལུས་ཀུན་འོད་ཟེར་ཁ་དོག་དུ་མས་གང་། །དབང་བཞི་ཡོངས་སུ་རྫོགས་པ་ཐོབ་གྱུར་ནས། །ངོ་བོ་ཉིད་སྐུ་འགྲུབ་པའི་སྐལ་ལྡན་གྱུར། །ཡུམ་ཆེན་དཀྱིལ་འཁོར་ལྷ་ཚོགས་ཐམས་ཅད་རྣམས། །འོད་དུ་ཞུ་ནས་མ་གཅིག་ཉིད་ལ་ཐིམ། མ་གཅིག་བདག་

[Full Size]

དང་བསྲུང་བྱའི་གྲངས་མཉམ་པ། ཁ་དོག་ལྔ་ལྡན་གྱུར་ནས་བདག་ཉིད་དང་། །བསྲུང་བྱའི་སྤྱི་བོར་ཞུགས་ནས་བྱིན་གྱིས་རློབས། །ཀྱཻ། མ་མི་མིན་ཡེ་ཤེས་མཁའ་འགྲོ་མ། །མ་ཤར་ནས་གོམ་གསུམ་བྱོན་ཙམ་ན། །སྐུ་ཤ་ཆུང་ལ་སྐུ་མདོག་དཀར། །རྡོ་རྗེ་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་ཕུང་ཐིབས་སེ་ཐིབ། །བྱིན་རླབས་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་བཞུགས་སུ་གསོལ། །མ་སྤྱི་གཙུག་རྒྱན་དེར་བཞུགས་ནས་ཀྱང་། །མས་བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །བར་ཆད་སོལ་ཅིག་མ་གཅིག་མ། །རྟོགས་པ་བསྐྱེད་ཅིག་མ་གཅིག་མ། །དབང་མཆོག་བསྐུར་ཅིག་མ་གཅིག་མ། །ཐུགས་རྗེས་ཟུངས་ཤིག་མ་གཅིག་མ། །རྒྱས་པར་འགྲེས་ཡིན་ཀྱང་བསྡུ་ན། མ་ལྷོ་ནས་གོམ་གསུམ་བྱོན་ཙམ་ན། །སྐུ་ཤ་ཆུང་ལ་སྐུ་མདོག་སེར། །རིན་ཆེན་མཁའ་འགྲོ་འབུམ་གྱིས་བསྐོར། །མ་ནུབ་ནས་གོམ་གསུམ་བྱོན་ཙམ་ན། །སྐུ་ཤ་ཆུང་ལ་སྐུ་མདོག་དམར། །པདྨ་མཁའ་འགྲོ་འབུམ་གྱིས་བསྐོར། །མ་བྱང་

[Full Size]

ནས་གོམ་གསུམ་བྱོན་ཙམ་ན། །སྐུ་ཤ་ཆུང་ལ་སྐུ་མདོག་ལྗང་། །ལས་ཀྱི་མཁའ་འགྲོ་འབུམ་གྱིས་བསྐོར། །མ་དབུས་ནས་གོམ་གསུམ་བྱོན་ཙམ་ན། །སྐུ་ཤ་ཆུང་ལ་སྐུ་མདོག་ནག །ཡེ་ཤེས་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་ཕུང་ཐིབས་སེ་ཐིབ། །བྱིན་རླབས་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་བཞུགས་སུ་གསོལ། །མ་སྤྱི་གཙུག་རྒྱན་དེར་བཞུགས་ནས་ཀྱང་། །མས་བྱིན་གྱིས་བརླབ་པར་མཛད་དུ་གསོལ། །མས་བྱིན་གྱིས་རློབས་ཤིག་ཚོམ་གཅིག་མ། །བར་ཆད་སོལ་ཅིག་མ་གཅིག་མ། །རྟོགས་པ་བསྐྱེད་ཅིག་མ་གཅིག་མ། །དབང་མཆོག་བསྐུར་ཅིག་མ་གཅིག་མ། །ཐུགས་རྗེས་ཟུངས་ཤིག་མ་གཅིག་མ། །ཕཊ་ཕཊ། བདག་དང་བསྲུང་བྱའི་སྤྱི་བོར་མ་གཅིག་རིགས་ལྔ་འོད་དུ་ཞུ་ནས་བདག་དང་བསྲུང་བྱ་ལ་ཐིམ་པས་སྐུ་དང་ལུས་དབྱེར་མེད་དུ་འདྲེས། གསུང་དང་ངག་དབྱེར་མེད་དུ་འདྲེས༔ ཐུགས་དང་སེམས་དབྱེར་མེད་དུ་འདྲེས། བདག་དང་བསྲུང་བྱ་རྣམས་མ་གཅིག་དང་དབྱེར་མེད་པ། ཆོས་ཀྱི་སྐུར་ལམ་གྱིས་སོང་བར་གྱུར། ཕཊ་ཕཊ་ཕཊ། ཅེས་

[Full Size]

སྤྲོས་བྲལ་སྟོང་ཉིད་ངང་ལ་ཡུན་རིང་དུ་བཞག་གོ །སླར་ཡང་རང་ཉིད་ཊཱའི་དམར་མོ་རྒྱུན་མེད་པ་སྒྱུ་མའི་སྐུར་ལྡངས་ལ། སྤྱོད་ལམ་ལ་འཇུག་གོ། །དེའང་ཤིན་ཏུ་རྒྱས་པར་འདོད་ན་འགྲེས་རྩ་བསྡུས་པ་རྣམས་རྒྱས་པར་བཤངསལ་འདོན། དེ་བས་བསྡུ་ན་ནི་འདིར་ཡོད་ཚུགས་ལ་གདོན་ཚོགས་དགུ་མ་སྦྱར་རོ། །དེ་བས་བསྡུ་ན་གདོན་ཚོགས་དགུ་མ་མི་དགོས། དེ་བས་བསྡུ་ན་སེར་མ་རྣམས་བསྒྱུར་ལ་དམིགས་པ་ཡིད་ཀྱིས་བསྒོམས་ལ་གཞུང་རྣམས་འདོན། བདུད་རྩི་བྱིན་རླབས་དང་པོ་གཅིག་བྱས་ནས་རྒྱུན་དུ་མི་དགོས། དབང་སྡུད་ཞི་དྲག་གང་རུང་རེ་རེས་ཆོག །དེ་ལས་བསྡུ་ན་བསྐང་བ་བསྐྱུར། གཏོར་འབུལ་འབུམ་བསྐུལ་རྐྱང་པ་དང་། གཅོད་ཀྱི་གཏོར་འབུལ་མཁའ་འགྲོ་སྡེ་དྲུག་ཙམ་གྱིས་ཆོག །དེ་ལས་བསྡུ་ན་གཏོར་བསྔོས་སྔགས་བསྔོས་བྱེད། འདི་ཚར་རེའམ་ཞག་རེ་ལའང་རུང་། ལྔ་བདུན་དགུ་སོགས་རྟགས་ཐོན་བྱེད་ན། གཅོད་ཚོགས་ཚར་གསུམ་མམ་གཉིས་རེ། ལུས་སྦྱིན་གསུམ་མམ་གཉིས་རེ་ཐུན་བཞིའམ་དྲུག་བྱ། ཐུན་མཚམས་སུ་སྨྱོ་འདུལ་ལ་སོགས་གང་དགོས་ཀྱི་དམིགས་པ་གསེབ་དམིགས་སུ་བཏང་བ་ཡིན་ནོ། །ཨེ་མ་ཡུམ་ཆེན་ཐུགས་སྤྲུལ་མ་གཅིག་གཅོད་ཚོགས་འདི། །མདོ་ལུགས་སྔགས་ལུགས་ཟུང་འཇུག་ལུགས་གསུམ་ལས། །རྒྱ་ཆེར་འཕེལ་བས་ཧ་ཅང་འཆལ་དྲགས་པས། །མི་འདྲ་མི་མཐུན་ནམ་མཁའི་སྐར་མ་ཙམ། །དེང་སང་གཅོད་པ་ཕལ་གྱིས་གང་རྙེད་འདོན། །མཛད་བྱང་ཙམ་ཡང་ཕལ་ཆེར་མི་སྣང་བས། །རྣམ་པར་དག་

[Full Size]

དང་གཅོད་ལོག་འབྱེད་པ་དཀའ། །ཐོད་སྨྱོན་གངས་པ་སྨུག་སངས་ལྷུན་གྲུབ་ནས། །གྲུབ་ཆེན་ཀརྨ་པ་ལ་གཅོད་ཚོགས་བརྒྱུད། །གཉན་རས་པ་ཡིས་རང་བྱུང་བ་ལ་བརྒྱུད། །འོན་ཀྱང་དེ་ཉིད་སྔགས་ལུགས་གཙོ་ཆེ་བས། །བརྒྱུད་པ་ཧ་ཅང་མི་འཕེལ་རྟེན་འབྲེལ་གཟིགས། །གནམ་མཚོ་བ་ནས་མདོ་ལུགས་བརྒྱུད་པ་དང་། །མདོ་སྔགས་ཟུང་འཇུག་བརྒྱུད་པ་གསན་མཛད་ནས། །གཅོད་ཚོགས་གསལ་དག་རང་བྱུང་རྒྱལ་བས་མཛད། །འོན་ཀྱང་དར་ཆེ་ཕྱག་ལེན་མང་དུ་དར། །ལ་ལས་རྒྱས་འདོད་ཚིག་ལྷད་མང་དུ་བཙུད། །ལ་ལས་བསྡུས་འདོད་བཀའ་བརྒྱུད་ཚོགས་ལས་འཕྲོ། །དེ་སོགས་མི་འདྲ་མང་དུ་དར་ན་ཡང་། །འདི་ཡི་དམིགས་རིམ་བཤད་པ་མཐའ་ཆོད་བཅས། །དབོན་པོ་རཏྣ་སིང་ཧས་མཛད་པ་དང་། །དེ་ཡི་དོན་བསྡུས་ཀུན་དགའ་རྣམ་རྒྱལ་གསུང་། །གཞན་ཡང་མན་ངག་མང་པོ་མཐོང་ཞིང་ཐོས། །ཟུར་མང་ལུགས་དང་རྒྱ་སྟོན་ཞིག་གཅོད་ལུགས། །ཚད་ལྡན་ཚད་ལྡན་མིན་པ་མང་པོ་ཡི། །ཕྱག་ལེན་མང་པོ་མཐོང་ཞིང་ཐོས་པ་དང་། །ཆོས་ཀྱི་དབང་ཕྱུག་ཀུན་དགའ་རྣམ་རྒྱལ་ལས། །ལུས་སྦྱིན་གཙོད་ཚོགས་འབྲེལ་པ་བྱིན་རླབས་ཐོབ། །གཞན་ཡང་ཡོངས་འཛིན་ལྔ་ལས་གཅོད་ཁྲིད་ཐོབ། །དབང་ལུང་དམིགས་རིམ་སོ་སོར་ཅི་རིགས་ཞུས། །ཆར་འབོད་དང་ནི་ནད་གཅོད་དམིགས་རིམ་ལས། །ལན་གྲངས་འགའ་འགར་ཚར་ལྷོང་འདྲེས་ཙམ་བྱུང་། །དམ་པ་མ་གཅིག་སོགས་ཀྱིས་རྨི་ལམ་དུ། །བྱིན་གྱིས་བརླབས་པའི་མཚན་མ་ཅུང་ཟད་མཐོང་། །དབོན་པོ་ཆོས་འཕེལ་ཞེས་བྱས་ཡང་

[Full Size]

ཡང་དུ། །འདི་ཉིད་བསྒྲིག་དགོས་ནན་ཏན་ཆེར་བྱས་པས། །གཅོད་ཡུལ་བརྒྱུད་པའི་བླ་མ་ཡི་དམ་ལྷར། །གསོལ་བ་བཏབ་ནས་རུང་ངམ་མི་རུང་བརྟག །འདི་ཉིད་མ་རྒྱུད་མཁའ་འགྲོའི་སྲོག་ཡིན་ཕྱིར། །རང་གི་ཚེ་ལ་ཅུང་ཟད་གཟན་པ་དང་། །རང་ཉིད་ཡོངས་སུ་མ་གྲགས་འཁོས་ཞན་པས། །ཚད་ལྡན་སྟོབས་ཆེན་སུ་ལ་མི་ཕན་ཡང་། །ཉམ་ཆུང་དམན་པ་འགའ་ལ་ཕན་པའི་ལྟས། སྐུ་ཡི་རྣམ་པ་གསལ་བར་མ་མཐོང་ཡང་། །བཅོམ་ལྡན་ཤཱཀ་ཐུབ་དངོས་སུ་བྱོན་ནས་ཀྱང་། །ཤེར་ཕྱིན་རྒྱས་པའི་ཆོས་འཁོར་བསྐོར་འདུག་པའི། །དེ་ཡི་ཁྲི་ནས་ཁྱོན་ཐག་དཀར་པོ་བཞི། །བདག་གིས་ཕྱོགས་བཞིར་འཐེན་ཅིང་དེ་ཡི་རྒྱུད། །དར་ཅོག་དཀར་པོ་ཆུང་ཆུང་མཐོ་རེ་ཙམ། །གྲངས་མེད་ཕྱོགས་བཞི་ཀུན་ཏུ་བཙུགས་པ་རྨིས། །རང་ལ་གནོད་ཀྱང་བཟོད་བྱས་གཞན་ཕན་གྱི། །བསམ་པ་བཟང་པོས་ཀུན་ནས་བསླངས་ཏེ་བྲིས། །དེ་ཕྱིར་ཕྱིན་ཆད་འདི་ལ་སུ་ཡིས་ཀྱང་། །སྣོན་ཕྲི་བཅོས་བསླད་ཅིས་ཀྱང་མི་མཛད་ཞུ། །མཚན་མོ་སྒྲ་སྒྲོགས་ཤམ་པོ་གཟའ་བདུད་དང་། །ཟངས་རི་སྤུན་བདུན་དྲག་པོ་ཟླ་སྐྱོང་སོགས། །བཀའ་སྲུང་རྣམས་ལ་གཏད་དོ་ཐུབ་པར་སྲུངས། །མ་གཅིག་དམ་ལས་མ་འདའ་ས་མ་ཡ། །བདག་ནི་མི་ཤེས་སོ་སྐྱེའི་དབང་གྱུར་པས། །མ་རྟོགས་ལོག་རྟོག་སྦྲ་འོས་གསལ་བཀོད་སོགས། །འགལ་འཁྲུལ་ཉེས་པའི་ཚོགས་རྣམས་ཅི་མཆིས་པ། །མ་གཅིག་ཆོས་བདག་སྲུང་མའི་ཚོགས་ལ་བཤགས། །འདི་ཕྱིར་སྒྲིབ་པར་མི་འགྱུར་དངོས་གྲུབ་སྩོལ། །འདི་ཉིད་བྲིས་ཤིང་།

[Full Size]

བརྩམས་པའི་དགེ་བ་དེས། །བདག་དང་བདག་ལ་འབྲེལ་བ་ཐོགས་པ་དང་། །འདི་ཉིད་མཐོང་ཐོས་འབྲེལ་ཐོགས་འགྲོ་བ་རྣམས། །ཚེ་འདིར་བར་ཆད་བདུད་བཞིའི་གཡུལ་ལས་རྒྱལ། །ནམ་ཞིག་འཕོས་ཚེ་ཊཱཀིའི་ཚོགས་རྣམས་ཀྱིས། །མེ་ཏོག་ཆར་འབེབས་རོལ་མོའི་སྒྲ་དང་བཅས། །བདེ་བ་ཅན་གྱི་ཞིང་དེར་ཁྲིད་བྱེད་ཅིང་། །ཆོས་སྐུ་འོད་དཔག་མེད་པའི་ཞལ་མཐོང་ནས། །བྱང་ཆུབ་སྤྱོད་པ་རྒྱ་ཆེར་སྤྱོད་གྱུར་ཅིག །དེ་སྐད་སྨྲ་བ་རཱ་གའི་མིང་ཅན་དེས། །ཤིང་རྟ་གྲོ་ཞུན་ཟླ་བར་རྫོགས་པར་བཀོད། །གཅོད་ཡུལ་བསྟན་པ་དར་རྒྱས་བཀྲ་ཤིས་ཤོག །མངྒ་ལཾ།། ༈ །།སླར་སྨྲས་པ། རྣམ་འདྲེན་བཞི་པས་བྱ་རྒོད་སྤུང་རིར་སོགས། །འཁོར་ལོ་བར་པའི་ལེགས་བཤད་སེང་གེའི་སྒྲ། །འོད་གསལ་ཕྱག་ཆེན་བློ་འདས་རྫོགས་ཆེན་ལ། །ལབ་ཀྱི་སྒྲོན་མའི་གཅོད་ཡུལ་མིང་དུ་ཆགས། །གང་གི་ཆོས་ཚུལ་ཉེ་ལམ་རྨད་བྱུང་བ། །ཡེ་ཤེས་མཁའ་འགྲོས་ཁ་བའི་ཞིང་འདིར་ཕབ། །རྒྱ་གར་པཎ་གྲུབ་དུ་མས་རྒྱ་འགྱུར་གནང་། །བོད་ཆོས་རྒྱ་ལ་འགྱུར་བའི་དབུ་འཁྱུད་བྲིས། །བཀའ་བབ་ལས་ཅན་བུ་ཆེན་བཅུ་དྲུག་དང་། །སྲས་བརྒྱུད་སློབ་བརྒྱུད་རྟོགས་པའི་ཉམས་མགུར་ལས། །གདམས་པ་བདུད་ཀྱི་སྤྱོད་ཡུལ་ཟབ་མོ་འདིས། །ཡངས་པའི་ས་ཆེན་ཡོངས་སུ་ཁྱབ་པར་བྱས། །དེ་ལས་གྲུབ་པའི་དབང་ཕྱུག་ཨ་རཱ་གས། །རྩ་བ་སྙན་བརྒྱུད་དགོངས་

[Full Size]

པ་ཇི་བཞིན་དུ། །ཞལ་ཤེས་མན་ངག་གབ་པ་མངོན་དུ་ཕྱུང་། །ཁ་ཚང་དོན་འདྲིལ་ཕྱི་རབས་དོན་དུ་བཀོད། །ཉེར་གཅིག་དུས་རབས་སྒེག་མོའི་འཛུམ་ཞལ་ངོགས། །གྲུབ་བརྙེས་རཱ་གའི་གསུང་བསྐོར་ནན་ཞུས་ཀྱིས། །བསྡུ་སྒྲིག་སྐབས་སུ་བསྟན་རྒྱས་གླིང་དང་ནི། །པར་སྤུང་དབུས་པར་བྲིས་རྙིང་ནང་བཞིན་བཀོད། །འོན་ཀྱང་རྒྱས་བསྡུས་འབྲིང་གི་འགྲོ་ཚུལ་ཡང་། །གཞུང་ནས་སེར་མ་བསྐྱུར་ཞེས་གསུངས་པའི་དོན། །སེར་རྟགས་དབུ་འཇུག་ཉི་ཟླའི་མཚན་མ་ཡོད། །དེ་ལས་སྣོན་ཕྲི་བཅོས་སླད་མེད་དོ་སྙམ། །ངག་འདོན་འདི་ཉིད་རྣལ་འབྱོར་མགུར་དབྱངས་དང་། །རྒྱ་འགྱུར་བསྟོད་ཚོགས་རྣམས་ལས་བསྡུས་ཏེ་བསྒྲིགས། །དེ་ཕྱིར་ཚིག་བར་རིང་ཐུང་མངོན་ན་ཡང་། །དོན་ལ་དགོངས་པས་ཚིག་ལ་འགལ་བ་མེད། །མཚན་མོ་སྒྲ་སྒྲོག་ཤམ་པོ་གཟའ་བདུད་དང་། །ཟངས་རི་སྤུན་བདུན་དྲག་པོ་ཟླ་སྐྱོང་སོགས། །གཅོད་ཡུལ་སྒོས་ཀྱི་བསྟན་སྲུང་རྒྱ་མཚོའི་ཚོགས། །འཛིན་སྐྱོང་སྤེལ་བའི་ཕྲིན་ལས་ཁྱོད་ཀྱིས་གྱིས། །གང་གི་མཐུ་ལས་རྒྱལ་བསྟན་དར་ཞིང་རྒྱས། །བསྟན་འཛིན་དམ་པའི་བཞེད་དོན་མཐའ་རུ་ཕྱིན། །ཁྱད་པར་མཉམ་མེད་རྒྱལ་བ་གནས་མདོ་བའི། །བསྟན་པ་དམ་པས་ས་གསུམ་ཤིས་གྱུར་ཅིག །འདིར་འབད་ལས་ཐོབ་རྣམ་

[Full Size]

དཀར་དགེ་བའི་རྒྱུན། །མ་ལུས་འགྲོ་བའི་གསོས་སུ་ཉེར་ཞུགས་ནས། །མི་འདོད་རྒུད་པའི་གདུང་བ་རབ་ཞི་སྟེ། །མཐར་ཐུག་བདེ་ཆེན་ཞིང་དེར་ཁྲིད་བྱེད་ཤོག །གདམས་ཟབ་ཞི་བྱེད་ལམ་འདིར་ཞུགས་པ་རྣམས། །འཁྲུལ་སྣང་རིང་གཟུགས་ལྷ་འདྲེ་འདུལ་སྙམ་གྱིས། །ལོག་ལམ་རིང་རྒྱུད་ཆུད་ཟོས་མ་སོང་བར། །ང་བདག་རྩད་ཆོད་ཡུམ་དོན་མངོན་གྱུར་ཤོག །ཅེས་སྤར་བྱང་སྨོན་ཚིག་འདི་གསུང་སྐོར་བསྡུ་སྒྲིག་པ་རྣམས་ཀྱིས་མདོ་སྨད་ཙོང་ཆུ་དལ་གྱིས་བཞུར་བའི་ཉེ་འགྲམ་ནས་བཀོད་པའོ། །མངྒ་ལཾ།། །། ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཚོགས་ཀྱི་ལྷན་ཐབས་ཚོགས་ཀྱི་བསྟབ་པོ་དྲག་པོ།

[Full Size]

༼ན༽ གཅོད་ཚོགས་ཀྱི་ལྷན་ཐབས་ཚོགས་ཀྱི་བསྟབ་པོ་དྲག་པོ་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏཱ་ཡེ། ཡུམ་ཆེན་ཌཱཀིའི་ཚོགས་ལ་ཕྱག་འཚལ་ནས། །གཅོད་ཀྱི་བསྟབ་པོ་དྲག་པོ་བྱེད་ཚུལ་བཀོད། །ཡུམ་ཆེན་ཌཱཀིས་བཀའ་གནང་བྱིན་གྱིས་རློབས། །དེ་ལ་གཅོད་ཚོགས་ཞག་འགའ་བྱས་ནས། ཅིས་ཀྱང་ལུས་གདོན་བྲལ་མ་ཐུབ་ན་ཚོགས་ལས་གཏོར་བསྔོས་ཀྱི་གོང་དེར། མདུན་དུ་ཕྱར་བའམ། གཡང་གཞི་ཆེན་པོའི་སྟེང་དུ་ནད་པ་བཞག །ལུས་འགུལ་བསྐྱོད་མི་ཚུགས་ན་ནད་པའི་སྟེང་དུའམ་ལག་ཏུ་ཚོགས་བཞག །ནད་པ་ཕྱིར་ཁྱོག་བྱེད་ཚུགས་ན་ནད་པ་དང་མཉམ་དུ་ཚོགས་བཞག་ལ། ཕཊ། ནད་པའི་སྙིང་གར་རྣམ་པར་ཤེས་པ་བླ་ཚེ་བསོད་ནམས་དབང་ཐང་རླུང་སེམས་ཐམས་ཅད་འདུས་པའི་ངོ་བོ་འོད་ཀྱི་ཐིག་ལེ་དངུལ་ཆུའི་མདོག་བྱ་མ་སར་གྱི་སྒོ་

[Full Size]

ང་ཙམ་འཕར་ལ་ཁད་པ། ཕཊ། ཐིག་ལེ་དེ་སྐྱེན་པོས་མདའ་འཕངས་བ་ལྟར་དབུ་མའི་ལམ་ནས་རྒྱངས་སེ་ཐོན་ནས། མདུན་གྱི་མ་གཅིག་གི་ཐུགས་ཀར་ཐིམ། ཕཊ་ཕཊ། དེ་ནས་ནད་པ་ཚོགས་དང་བཅས་པ་ཕུད་རྒོད་དམ་ཆུ་གཙང་གིས་བྲན་ལ། ན་མོ་རྗེ་བཙུན་གཅོད་ཡུལ་བརྒྱུད་པའི་བླ་མ་རྣམས་ཀྱི་བཀའ་བདེན་པ་དང་། དཀོན་མཆོག་གསུམ་གྱི་བཀའ་བདེན་པ་དང་། ཕ་གཅིག་དམ་པ་སངས་རྒྱས། མ་གཅིག་ལབ་ཀྱི་སྒྲོན་མ། ཡི་དམ་བདུད་འདུལ་ཁྲོས་མའི་ལྷ་ཚོགས་མཁའ་འགྲོ་བྱེ་བ་འབུམ་དང་བཅས་པའི་བཀའ་བདེན་པ་དང་། དམ་པ་ཆོས་སྐྱོང་བའི་སྲུང་མ་

[Full Size]

རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་མཐུས། ནད་པ་འདིའི་དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པའི་གནས་གདོན་ལུས་གདོན། ནད་ནད་བདག་དང་བཅས་པ། གདོན་སྣ་འདྲེན་དང་བཅས་པ། བཀའ་དང་དམ་ལ་མི་གནས་པ། ལྷ་མིན་ལྷ་རུ་བརྫུ་བ། མི་མིན་མི་རུ་བརྫུ་བ། མགོ་གཡོགས་མགོ་སྐོར་བྱེད་པ། འགྲུ་ལོག་འཕར་ལྡང་བྱེད་པ་གང་ཡིན་པ་ཐམས་ཅད་སྐད་ཅིག་རང་དབང་མེད་པར་བེམ་པོ་ཚོགས་ཀྱི་གཏོར་མ་འདིའི་ནང་དུ་ཁུག་ཅིག །ཧཱུྃ། ཛཿཧཱུྃ་བྃ་ཧོ༔ ཕཊ་ཕཊ་ཕཊ། བེམ་པོ་ཚོགས་གཞོང་བྷནྡྷ་ལྕང་ལོ་ཅན་ཡངས་ཤིང་རྒྱ་ཆེ་བའི་ནང་དུ། བེམ་པོ་ལུས་གདོན་ཚོགས་གཏོར་གསུམ་དབྱེར་མེད་པའི་རི་བོ། ཁྲག་གི་རྒྱ་མཚོ་བསམ་གྱིས་མི་ཁྱབ་པར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ཕཊ་ཕཊ། དེ་ནས་མི་བཞིས་བཀྱགས་ལ། ཕྱོགས་སོ་སོར་བསྟབ་པའི་ཚུལ་བྱེད་བཅུག་ལ། ཕཊ། ལུས་གདོན་དང་དབྱེར་མེད་པའི་ཤ་ཁྲག་མཁའ་འགྲོ་མ་རྣམས་ཀྱིས་ཞལ་དུ་དམར་ཆེམ་ཆེམ་གསོལ་ནས་གནོད་བྱེད་ཀྱི་སེམས་ཐུགས་ཆོས་ཉིད་ཀྱི་ཀློང་དུ་བསྟིམས་ནས་སངས་རྒྱས་པར་གྱུར་

[Full Size]

ཅིག །ཕཊ་ཕཊ། ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །ཕ་རོལ་ཕྱིན་པའི་གྲུབ་ཐོབ་མ། །སྐལ་ལྡན་ཡོངས་ཀྱི་རྒྱུད་གྲོལ་མ། །མ་ཆོས་ཉིད་ནམ་མཁའི་ཀློང་ཡངས་ནས། །ཁྲོས་མ་རིགས་ལྔའི་སྐུར་བཞེངས་ལ། །བེམ་པོ་ཤ་ཁྲག་ཚོགས་སུ་བཞེས། །གནས་གདོན་ལུས་གདོན་ཚོགས་སུ་བཞེས། །ནད་འདྲེ་གཅོང་སྲི་ཚོགས་སུ་བཞེས། །ནད་རིགས་གདོན་རིགས་ཚོགས་སུ་བཞེས། །འབུལ་བ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ལུས་ཤ་ཁྲག་རུས་པ་ཚོགས་སུ་རོལ། །སེམས་དམིགས་མེད་ཆོས་ཉིད་ཀློང་དུ་སྟིམས། །འཆུག་མེད་མངོན་སངས་རྒྱས་པར་ཤོག །ཧཱུྃ། དབུས་ཕྱོགས་སངས་རྒྱས་མཁའ་འགྲོ་མ། །མ་གཅིག་ལབ་སྒྲོན་ཁྲོས་མའི་སྐུ། །འཁོར་ཡང་ནག་མོ་འབུམ་གྱིས་བསྐོར། །བདུད་འདུལ་ཁྲོས་མ་ནག་མོའི་སྐུ། །ཕྱེས་ཤིག་ཕྱེས་ཤིག་ཞལ་ཕྱེས་ཤིག །རྔམས་ཆེན་ཁྲོས་ནག་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་རྐྱངས་ལ། །གདོན་གཏི་མུག་ཀླུ་གདོན་ཕུང་པོ་འདི། །ཁྲོས་མ་ནག་མོའི་ཞལ་

[Full Size]

དུ་བསྟབ། །སངས་རྒྱས་མཁའ་འགྲོའི་ཞལ་དུ་བསྟབ། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། ་།འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་ཞལ་དུ་བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱངས། །མིད་པ་བྱང་ཆུབ་རྒྱུད་ལམ་བསྒྲིམ། །ལྟོ་བ་མེ་དཔུང་ནང་དུ་སྦྱངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །

[Full Size]

ཆོས་དབྱིངས་ཡེ་ཤེས་དངོས་གྲུབ་སྩོལ། །ཨོཾ་བཛྲ་བྷ་ར་ཧི་ཀྲོ་དྷཱི་ཀཱ་ལི་བུདྡྷ་ཌཱཀི་ནཱི་གནོད་བྱེད་ཀྱི་མཾ་ས་ཁཱ་ཧི། རཀྟ་ཁཱ་ཧི། ཀེཾ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཧཱུྃ། ཤར་ཕྱོགས་རྡོ་རྗེ་མཁའ་འགྲོ་མ། །མ་གཅིག་ལབ་སྒྲོན་ཞི་བའི་སྐུ། །འཁོར་ཡང་དཀར་མོ་འབུམ་གྱིས་བསྐོར། །ཞི་བ་བདེ་ཆེན་དཀར་མོའི་སྐུ། །ཕྱེས་ཤིག་ཕྱེས་ཤིག་ཞལ་ཕྱེས་ཤིག །བདེ་ཆེན་དཀར་མོ་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་སྐྱོངས་ལ། །གདོན་ཞེ་སྡང་བཙན་བདུད་ཕུང་པོ་འདི། །བདེ་ཆེན་དཀར་མོའི་ཞལ་དུ་བསྟབ། །རྡོ་རྗེ་མཁའ་འགྲོའི་ཞལ་དུ་བསྟབ། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། །འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་

[Full Size]

ཞལ་དུ་བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱོངས། །མིད་པ་བྱང་ཆུབ་རྒྱུད་ལམ་སྒྲིམས། །ལྟོ་བ་མེ་དཔུང་ནང་དུ་སྦྱོངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །མེ་ལོང་ཡེ་ཤེས་དངོས་གྲུབ་སྩོལ། །ཧ་བཛྲ་ཌཱཀི་ནཱི་གནོད་བྱེད་ཀྱི་མཱཾ་ས་ཁཱ་ཧི། རཀྟ་ཁཱ་ཧི། །ཀེཾ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཧཱུྃ། ལྷོ་ཕྱོགས་རིན་ཆེན་མཁའ་འགྲོ་མ། །མ་གཅིག་ལབ་སྒྲོན་རྒྱས་པའི་སྐུ། །འཁོར་ཡང་སེར་མོ་འབུམ་གྱིས་བསྐོར། །སེར་མོ་དོན་གྲུབ་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་

[Full Size]

སྐྱོངས་ཤིག །གདོན་ང་རྒྱལ་རྒྱལ་འགོང་ཕུང་པོ་འདི། །སེར་མོ་དོན་གྲུབ་ཞལ་དུ་བསྟབ། །ལྷོ་རིན་ཆེན་མཁའ་འགྲོའི་ཞལ་དུ་བསྟབ། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། །འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་ཞལ་དུ་བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱོངས། །མིད་པ་བྱང་ཆུབ་རྒྱུད་ལམ་སྒྲིམས། །ལྟོ་བ་མེ་དཔུང་ནང་དུ་སྦྱོངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་

[Full Size]

ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །མཉམ་ཉིད་ཡེ་ཤེས་དངོས་གྲུབ་སྩོལ། །རི་རཏྣ་ཊཱཀི་ནཱི་གནོད་བྱེད་ཀྱི་ཚྭ་ས་ཁཱ་ཧི། །རཀྟ་ཁཱ་ཧི། ཀེཾ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཧཱུཾ། ནུབ་ཕྱོགས་པདྨ་མཁའ་འགྲོ་མ། །མ་གཅིག་ལབ་སྒྲོན་དབང་གི་སྐུ། །འཁོར་ཡང་དམར་མོ་འབུམ་གྱིས་བསྐོར། །དམར་མོ་སྒྲ་སྒྲོགས་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་སྐྱོངས་ཤིག །གདོན་འདོད་ཆགས་མོ་གདོན་ཕུང་པོ་འདི། །དམར་མོ་སྒྲ་སྒྲོགས་ཞལ་དུ་བསྟབ། །ནུབ་པདྨ་མཁའ་འགྲོའི་ཞལ་དུ་བསྟབ་། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། །འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་ཞལ་དུ་

[Full Size]

བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱོངས། །མིད་པ་བྱུང་ཆུབ་རྒྱུད་ལམ་སྒྲིམས། །ལྟོ་བ་མེ་དཔུང་ནང་དུ་སྦྱོངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །སོར་རྟོག་ཡེ་ཤེས་དངོས་གྲུབ་སྩོལ། །ནི་པདྨ་ཌཱཀི་ནཱི་གནོད་བྱེད་ཀྱི་ཚྭ་ས་ཁཱ་ཧི། རཀྟ་ཁཱ་ཧི། ཀེ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཧཱུྃ། བྱང་ཕྱོགས་ལས་ཀྱི་མཁའ་འགྲོ་མ། །མ་གཅིག་ལབ་སྒྲོན་དྲག་མོའི་སྐུ། །འཁོར་ཡང་ལྗང་མོ་འབུམ་གྱིས་བསྐོར། །སྣ་ཚོགས་མཐར་ཕྱིན་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་

[Full Size]

གྱི་ལྗགས་སྐྱོངས་ལ། །གདོན་ཕྲག་དོག་གཟའ་སྲིན་ཕུང་པོ་འདི། །སྣ་ཚོགས་མཐར་ཕྱིན་ཞལ་དུ་བསྟབ། །བྱང་ལས་ཀྱི་མཁའ་འགྲོའི་ཞལ་དུ་བསྟབ། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། །འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་ཞལ་དུ་བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱོངས། །མིད་པ་བྱང་ཆུབ་རྒྱུད་ལམ་སྒྲིམས། །ལྟོ་བ་མེ་དཔུང་ནང་དུ་སྦྱོངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་

[Full Size]

ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །བྱ་གྲུབ་ཡེ་ཤེས་དངོས་གྲུབ་སྩོལ། །ས་ཀརྨ་ཊཱ་ཀི་ནཱི་གནོད་བྱེད་ཀྱི་མཾ་ས་ཁཱ་ཧི། རཀྟ་ཁཱ་ཧི། ཀེཾ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཕཊ་ཤར་དང་ཌཱ་དྲིལ་དྲག་ཏུ་བྱས་ལ། དེ་ནས་ཡུད་ཙམ་ཐང་དུ་བཞག་ལ། ཀྱཻ། མ་མི་མིན་ཡེ་ཤེས་མཁའ་འགྲོ་མ། །བདུད་འདུལ་ཁྲོས་མ་ནག་མོ་དང་། །དབུས་ཕྱོགས་སངས་རྒྱས་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །ཨོཾ་བཛྲ་བྷ་ར་ཧི་བུདྡྷ་ཌཱཀི་ནཱི་ག་ཎ་ཙཀྲ་ལ་ཁཱ་ཧི། ཕཊ་ཕཊ། ཧཱུྃ། སྐུ་སྤྲུལ་བདེ་ཆེན་དཀར་མོ་དང་། །ཤར་ཕྱོགས་རྡོ་རྗེ་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །

[Full Size]

སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །ཧ་བཛྲ་ཌཱཀི་ནཱི་ག་ཎ་ཙཀྲ་ལ་ཁཱ་ཧི། ཧཱུྃ། གསུང་སྤྲུལ་དམར་མོ་སྒྲ་སྒྲོགས་དང་། །ནུབ་ཕྱོགས་པདྨ་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །ནི་པདྨ་ཀི་ནཱི་ག་ཎ་ཙཀྲ་ལ་ཁཱ་ཧི། ཧཱུྃ། ཡོན་ཏན་སེར་མོ་དོན་གྲུབ་དང་། །ལྷོ་ཕྱོགས་རིན་ཆེན་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །

[Full Size]

སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །རི་རཏྣ་ཊཱཀི་ནཱི་ག་ཎ་ཙཀྲ་ལ་ཁཱ་ཧི། ཧཱུྃ། ཕྲིན་ལས་སྣ་ཚོགས་མཐར་ཕྱིན་དང་། །བྱང་ཕྱོགས་ལས་ཀྱི་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །ས་ཀརྨ་ཊཱཀི་ནཱི་ག་ཎ་ཙཀྲ་ལ་ཁཱ་ཧི། དེ་ནས་ནད་པ་ཕར་ཁྱེར་ཆོག །ཚོགས་ཕུད་ཕུལ་ནས་གཏོར་བསྔོས་གཞུང་ལྟར་བྱའོ། །ཞེས་གཅོད་ཚོགས་ཀྱི་ལྷན་ཐབས་སུ་ཨ་རཱ་གས་

[Full Size]

བཀོད་པ་ལ། ཉེས་མཆིས་བཤགས་ཤིང་དགེ་བས་ཚོགས་རྫོགས་བར་ཆད་ཞི་བར་གྱུར་ཅིག །གཅོད་ཚོགས་ཀྱི་ཞོར་བྱུང་བསྟབ་པའོ། །སརྦ་མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཀྱི་བསྟབ་པ་ཆ་དྲུག་འདོན་འགྲིགས་ཕྱག་ལེན་དང་བཅས་པ།

[Full Size]

༼པ༽ གཅོད་ཀྱི་བསྟབ་པ་ཆ་དྲུག་འདོན་འགྲིགས་ཕྱག་ལེན་དང་བཅས་པ་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏ་ཡེ། ཡུམ་ཆེན་ཌཱཀྐིའི་ཚོགས་ལ་ཕྱག་འཚལ་ནས། །གཅོད་ཀྱི་ཆ་དྲུག་ཕྱག་ལེན་གསལ་བཀོད་བྱ། །ཆོས་བདག་སྲུང་མས་བཀའ་ཡི་གནང་བ་སྩོལ། །ནད་པ་ཁག་ཆེ་ལ་གཅོད་ཚོགས་དང་ལུས་སྦྱིན་ཞག་འགའ་བྱས་ནས་གཏོར་འབུལ་བསྟབ་པ་ཆ་དྲུག་བྱ་བ་ནི། དམར་གཏོར་མཐོ་གང་ངམ་སོར་བཞི་ཙམ་པ་དྲུག་བྱ། ནད་པའི་ལུས་ལ་དྲུད་པའི་ཆངས་བུ་དྲུག་བྱ། ལིངྒ་ཆེ་བ་གཅིག་གཙང་མ་བྱས། ནད་པའི་ལུས་བཀྲུས་པའི་ཁྲུས་ཆུ་གཅིག་སྣོད་དུ་བཞག །དེ་ནས་ནམ་སྲོད་དུ་སླེབས་པ་དང་གཅོད་ཚོགས་ཀྱི་ཚོགས་ཕུད་མ་ཕུལ་གོང་དུའམ་ལུས་སྦྱིན་ལ་བཏགས་ནའང་རུང་སྟེ། ཕཊ། སྐད་ཅིག་གིས་ཆོས་ཐམས་ཅད་སྟོང་པ་ཉིད་ནམ་མཁའ་ལྟ་བུའི་ངང་ལས་ཆོས་དབྱིངས་ནམ་མཁས་

[Full Size]

ཁྱབ་པའི་ཞིང་ཁམས་འདི་ཐམས་ཅད་ཨོ་རྒྱན་རང་བྱུང་གི་དུར་ཁྲོད་ཆེན་པོ་འཇིགས་སུ་རུང་བ་ས་གཞི་འདི་མི་རོ་སྐམ་རློན་གྱིས་གང་བར་བྱ་གཅན་སྣ་ཚོགས་ལང་ལོང་དུ་རྒྱུ་བ། རི་བོ་ཐམས་ཅད་ཀེང་རུས་ཀྱི་རི་བོ། ཆུ་ཀླུང་ཐམས་ཅད་རྣག་ཁྲག་ཏུ་འབབ་པ། རྩི་ཤིང་ཐམས་ཅད་མཚོན་ཆའི་རང་བཞིན་དུ་གཟིང་བ། སྒྲ་སྐད་ཐམས་ཅད་ཧཱུྃ་ཧཱུྃ་དང་ཕཊ་ཕཊ་ཏུ་སྒྲོག་པ། དུས་གསུམ་གྱི་སངས་རྒྱས་རྣམས་ཀྱང་སྐྱི་གཡའ་ཞིང་། དཔལ་ཕྱག་ན་རྡོ་རྗེ་ཡང་འཇིགས་ཤིང་སྐྲག་པའི་གནས། ཡེ་ཤེས་ཀྱི་ཁྲོ་བོ་རྣམས་ཀྱང་རྒྱུ་བར་མི་ནུས་པའི་གནས་ཤིན་ཏུ་འཇིགས་པའི་

[Full Size]

དབུས་སུ་རང་བྱུང་ཐོད་པའི་གཞལ་ཡས་ཁང་ཆེན་པོའི་ཐོད་པ་སྐམ་རློན་རྙིང་གསུམ་བརྩེགས་ཤིང་གནམ་ལྕགས་ཀྱི་གཟེར་གྱིས་བསྡམས་པ། མི་ཁྲག་དང་རྟ་ཁྲག་གིས་བྱུགས་ཤིང་ཞིང་ལྤགས་ཀྱིས་ཐོགས་ཕུབ་ཅིང་རུ་ཏྲའི་མགོ་བོའི་ཏོག་དང་ཙིཏྟའི་ཕོ་ལོང་རྒྱུ་རློན་གྱི་དྲྭ་ཕྱེད་འཕྱང་བ། དེ་ཡི་དབུས་སུ་སྐད་ཅིག་ལ་རང་གི་རིག་པའི་ངོ་བོ་མ་གཅིག་ཁྲོས་མ་ནག་མོ་ཕྱག་གཡས་མི་ལྤགས་ཀྱི་གཡང་གཞི་བརྡབས་པས་སྣང་སྲིད་དབང་དུ་སྡུད་པ། གཡོན་མི་རྐང་གི་གླིང་བུ་འབུད་པས་སྣང་སྲིད་ཟིལ་གྱིས་གནོན་པ་ཁམས་གསུམ་ལས་རྣམ་པར་རྒྱལ་བའི་སྐུ་གྱུར་པའི་མདུན་གྱི་ནམ་མཁར་གཞལ་ཡས་ཁང་གི་དབུས་ཀྱི་ཐད་དུ། མ་གཅིག་ལབ་ཀྱི་སྒྲོལ་མ་སྐུ་མདོག་མཐིང་ནག་ཞལ་གཅིག་ཕྱག་བཞི་མ། ཕྱག་གཡས་ཌཱ་མ་རུ་དང་གཡང་གཞི། གཡོན་རྐང་གླིང་དང་ཐོད་ཁྲག་འཛིན་པ་ལ། སངས་རྒྱས་རིགས་ཀྱི་མཁའ་འགྲོ་བྱེ་བ་འབུམ་སྡེ་དང་བཅས་པ་སྟེང་གདོན་གཟའ་དང་རྒྱུ་སྐར་གྱིས་བསྐོར་བ། རང་གི་མདུན་ངོས་དཀྱིལ་འཁོར་གྱི་ཤར་དུ་མ་གཅིག་ལབ་སྒྲོན་སྔོན་མོ་ཞལ་གཅིག་ཕྱག་གཉིས་ཌཱ་རུ་དང་ཞགས་པ་འཛིན་པ་ལ། རྡོ་རྗེ་རིགས་ཀྱི་མཁའ་འགྲོ་བྱེ་བ་འབུམ་སྡེ་དང་དྲི་ཟ་ལ་

[Full Size]

སོགས་ཤར་ཕྱོགས་ཀྱི་ལྷ་འདྲེས་བསྐོར་བ། ལྷོར་མ་གཅིག་ལབ་སྒྲོན་སྐུ་མདོག་སེར་མོ་གཡས་ཆུ་སྲིན་གྱི་ཞགས་པ་དང་གཡོན་གྲི་གུག་འཛིན་པ་ལ། རིན་ཆེན་རིགས་ཀྱི་མཁའ་འགྲོ་བྱེ་བ་འབུམ་སྡེ་གཤིན་རྗེ་ལ་སོགས་ལྷོ་ཕྱོགས་ཀྱི་ལྷ་འདྲེས་བསྐོར་བ། ནུབ་ཏུ་མ་གཅིག་ལབ་སྒྲོན་སྐུ་མདོག་དམར་མོ་གཡས་སྦྲུལ་ཞགས་དང་གཡོན་ཐོད་ཁྲག་བསྣམས་པ་ལ། པདྨ་རིགས་ཀྱི་མཁའ་འགྲོ་བྱེ་བ་འབུམ་སྡེ་དང་ཀླུ་དབང་ལ་སོགས་ནུབ་ཕྱོགས་ཀྱི་ལྷ་འདྲེས་བསྐོར་བ། བྱང་དུ་མ་གཅིག་ལབ་སྒྲོན་སྐུ་མདོག་ལྗང་མོ་གྲི་གུག་ཐོད་ཁྲག་ཅན་ལ། ལས་ཀྱི་མཁའ་འགྲོ་བྱེ་བ་འབུམ་སྡེ་དང་གནོད་སྦྱིན་ལ་སོགས་བྱང་ཕྱོགས་ཀྱི་ལྷ་འདྲེས་བསྐོར་བ། རང་གི་མདུན་འོག་ཕྱོགས་སུ་མ་གཅིག་ལབ་སྒྲོན་སྐུ་མདོག་སྔོན་མོ་གཡས་རྒྱུ་ཞགས་དང་གཡོན་ཁ་འཛིན་པ་ལ། སྣ་ཚོགས་ཀྱི་མཁའ་འགྲོ་བྱེ་བ་འབུམ་སྡེ་དང་ས་བདག་ལ་སོགས་འོག་ཕྱོགས་ཀྱི་ལྷ་འདྲེས་བསྐོར་བ། གཙོ་མོ་དྲུག་པོ་ཞལ་གདངས་ཤིང་མཆེ་བ་བཞི་བཞི་གཙིགས་པ། དབུ་སྐྲ་སིལ་མས་སྐུ་རྒྱབ་ཁེབ་ཅིང་སྤྱི་བོ་ན་ཕག་ཞལ་ངུར་བ། ཐོད་པ་སྐམ་རློན་དང་དུར་ཁྲོད་ཀྱི་ཆས་བརྒྱད་ཀྱིས་བརྒྱན་ཅིང་། ཡེ་ཤེས་ཀྱི་

[Full Size]

མེ་དཔུང་རབ་ཏུ་འབར་བ། ཁཊྭཱ་ག་མཆན་ཁུང་དུ་བཅུག་ནས་པད་ཉི་རོའི་གདན་ལ་གར་ཐབས་སུ་འགྱིང་བ། ཁྱད་པར་དུ་མ་གཅིག་རིགས་ལྔ་ནི་རང་རང་གི་སྐུ་མདོག་དང་མཚུངས་པའི་དར་གྱི་རལ་ག་གསོལ་བ། ཁྲོས་མའི་ཐུགས་ཀར་ཨ་མཐིང་ནག །མ་གཅིག་རིགས་ལྔའི་ཐུགས་ཀར་ཧྲཱིཿདང་ཧ་རི་ནི་ས་དེ་རྣམས་ལས་འོད་ཟེར་འཕྲོས་པས་རང་བཞིན་གྱི་གནས་ནས་ཡེ་ཤེས་པ་སྤྱན་དྲངས། བཛྲ་ས་མ་ཡ་ཛཿ ཨ། འོག་མིན་ཆོས་དབྱིངས་དག་པའི་ཞིང་ཁམས་ནས། །ཆོས་སྐུ་ཡུམ་ཆེན་ལོངས་སྐུ་ཁྲོས་མ་ནག །སྤྲུལ་སྐུ་མ་གཅིག་ལབ་སྒྲོན་རིགས་ལྔའི་ཚོགས། །ཐུགས་རྗེས་འགྲོ་བའི་དོན་ལ་གཤེགས་སུ་གསོལ། །ཨོ་རྒྱན་ཡུལ་གྱི་ཕྱོགས་བཞི་དབུས་ལྔ་ནས། །སངས་རྒྱས་རྡོ་རྗེ་རིན་ཆེན་པདྨ་ལས། །སྣ་ཚོགས་མཁའ་འགྲོ་བྱེ་བ་འབུམ་སྡེའི་ཚོགས། །རྐྱེན་ངན་བར་ཆད་བཟློག་ཕྱིར་གཤེགས་སུ་གསོལ། །སྟོང་གསུམ་མི་མཇེད་དག་པའི་ཞིང་ཁམས་ཀྱི། །སྟེང་དང་འོག་དང་ཤར་ལྷོ་ནུབ་བྱང་ནས། །སྣང་ཞིང་སྲིད་པའི་ལྷ་འདྲེ་མ་ལུས་ཀུན། །ལན་ཆགས་བུ་ལོན་སྦྱང་ཕྱིར་འདིར་འདུས་ཤིག །ཨཱ་ཧྲཱིཿཧ་རི་ནི་ས་སརྦ་ལོ་ཀཱ་པཱ་ལ་ཛཿཧཱུྃ་བྃ་ཧོཿ་

[Full Size]

ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཨརྒྷཾ། པཱདྱཾ། པུཥྤེ། དྷུ་པྤེ། ཨཱ་ལོ་ཀེ། གནྡྷེ། ནཻ་ཝིདྱ། ཤབྡ་པྲ་ཏཱིཙྪ་སྭཱ་ཧཱ། དེ་ནས་ནད་པ་མདུན་དུ་བསྙལ། རང་གི་མདུན་དུ་ལིངྒ་ཆེ་བ་དེ་བཞག །ནད་པ་ལིངྒ་གཏོར་མ་ཆངས་བུ་རྣམས་སྣོད་སོ་སོར་བཞག་ལ་བྲན་ནས། ཕཊཿ ནད་པའི་སྙིང་གར་རྣམ་པར་ཤེས་པའི་ངོ་བོ་ཨ་མཐིང་ནག་བཀྲག་མདངས་དང་ལྡན་པ་དེ་དབུ་མའི་ལམ་ནས་མདའ་འཕང་བ་ལྟར་རྒྱངས་སེ་ཐོན་རང་ཉིད་ཁྲོས་མའི་ཐུགས་ཀར་ཐིམ། ཕཊ་ཕཊ་ཕཊ། ན་མོ། གྲུབ་ཐོབ་གཅོད་ཡུལ་བརྒྱུད་པའི་བླ་མ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཡི་དམ་ཁྲོས་མ་ནག་མོའི་བདེན་པ་དང་། མ་གཅིག་ལབ་ཀྱི་སྒྲོན་མ་རིགས་ལྔ་རིགས་ཀྱི་མཁའ་འགྲོ་བྱེ་བ་འབུམ་སྡེའི་ཚོགས་དང་བཅས་པའི་བདེན་པ་དང་། བདེན་པ་ཆེན་པོའི་མཐུས་ནད་པ་འདི་ལ་དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པའི་ལུས་གདོན་རྒྱབ་རྟེན་དང་བཅས་པ། ནད་ནད་བདག་དང་བཅས་པ། གདོན་སྣ་འདྲེན་དང་བཅས་པ། བཀའ་དང་དམ་ལ་མི་གནས་པ་འགྱུ་ལོག་འཕར་ལྡིང་མགོ་གཡོགས་མགོ་

[Full Size]

བསྐོར་བྱེད་པ་ཐམས་ཅད་དྲག་པོ་དམར་གྱི་གཏོར་མ་གཟུགས་ལིངྒ་དང་བེམ་པོ། གྲི་གླུད་དང་ཁྲུས་ཆུ་འདི་ལ་ཁུག་ཅིག །ཧཱུྃ་ཧཱུྃ་ཧཱུྃ། ཛཿཧཱུྃ་བྃ་ཧོ༔ ཕཊ་ཕཊ་ཕཊ། ཅེས་རྐང་དུང་ཌཱ་དྲིལ་དྲག་ཏུ་བྱ། འགུགས་གཞུག་ལན་གསུམ་བྱའོ། །ཀྱི། མ་མི་མིན་ཡེ་ཤེས་ཀྱི་མཁའ་འགྲོ་མ། །སྐུ་ཡི་མ་གཅིག་སྐུ་མདོག་མཐིང་། །ཞལ་གཅིག་ཕྱག་བཞི་འཇིགས་པའི་གཟུགས། །ཕྱག་གཡས་དང་པོས་གཡང་གཞི་བརྡེབས། །གནོད་བྱེད་ལུས་གདོན་དབང་དུ་སྡུད། །ཕྱག་གཡོན་དང་པོས་རྐང་གླིང་འབུད། །མཁའ་འགྲོ་ལྷ་སྲིན་དབང་དུ་སྡུད། །གཡས་འོག་གསེར་གྱི་ཌཱ་རུ་འཁྲོལ། །གནོད་བྱེད་ལུས་གདོན་མྱོས་སུ་ཆུག །ཕྱག་གཡོན་འོག་མས་ཐོད་ཁྲག་བསྣམས། །བེམ་པོ་ལུས་གདོན་ཚོགས་ལ་རོལ། །སངས་རྒྱས་མཁའ་འགྲོ་འབུམ་གྱིས་བསྐོར། །ཕྱག་མཚན་འཁོར་ལོ་གྲི་ཐོད་འཛིན། །བེམ་པོ་ལུས་གདོན་འདི་ལ་ད་རོལ་ཅིག །ནད་འདྲེ་གཅོང་སྲི་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཁྲོལ་ཅིག །ནད་གདོན་སྡུག་བསྔལ་འདི་དང་ད་ཁྲོལ་ཅིག །ནད་བདག་གནོད་བྱེད་འདི་དང་ད་ཁྲོལ་ཅིག །བེམ་པོ་ལུས་གདོན་ཚོགས་ཀྱི་མཆོད་པ་

[Full Size]

བཞེས། །ལུས་གདོན་རིག་པ་སྐྱེ་མེད་དབྱིངས་སུ་སྤོར། །འཆུག་མེད་མངོན་སངས་རྒྱས་པའི་ཕྲིན་ལས་མཛོད། །ཕཊ་ཕཊ་ཕཊ། ཧཱུྃ། ཤར་ལྷོ་ནུབ་བྱང་འོག་དང་ལྔ་པོ་ནས། །མ་གཅིག་དཀར་སེར་དམར་ལྗང་སྔོན་མོ་ལྔ། །རིགས་ཀྱི་མཁའ་འགྲོ་འབུམ་ཕྲག་ལྔ་དང་བཅས། །ཕྱག་མཚན་རང་རྟགས་གྲི་ཐོད་ཁཊྭཱཾ་བསྣམས། །བེམ་པོ་ལུས་གདོན་འདི་ལ་ད་རོལ་ཅིག །ནད་འདྲེ་གཅོང་སྲི་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཁྲོལ་ཅིག །ནད་གདོན་སྡུག་བསྔལ་འདི་དང་ད་ཁྲོལ་ཅིག ། ནད་བདག་གནོད་བྱེད་འདི་དང་ད་ཁྲོལ་ཅིག །བེམ་པོ་ལུས་གདོན་ཚོགས་ཀྱི་མཆོད་པ་བཞེས། །ལུས་གདོན་རིག་པ་སྐྱེ་མེད་དབྱིངས་སུ་སྤྱོར། །འཆུག་མེད་མངོན་སངས་རྒྱས་པའི་ཕྲིན་ལས་མཛོད། །ཕཊ་ཕཊ་ཕཊ། དེ་ནས་བེམ་པོ་དང་ལིངྒ་དབྱེར་མེད་དུ་བཤས་པར་བསྒོམ་ལ། གྲི་གུག་གམ་མེད་ན་གྲིས་གཏུབ་ལ། རྐང་ལག་སྡེབ་བཞི་མགོ་ལ་བྲང་སྦྱར་བ་ཁོག་སྨད་དང་དྲུག་བྱས་ལ། ཏིང་ཐེབ་དྲུག་ཏུ་བཤམས་ཤ་དུམ་སྦྱར་ཁྲག་ཐིགས་བླུགས། ཏིང་བུ་དྲུག་ཏུ་དམར་གཏོར་དྲུག་ཤ་ཁྲག་གིས་བརྒྱན་པ་བྲན། སྣོད་སྡེར་མ་དྲུག་ཏུ་ཆངས་བུ་རེ་རེ་བྲན། ཁྲུས་ཆུ་འདེབས་པའི་གཟར་བུ་དང་ཁྲུས་ཆུ་བཞག །ཏིང་བུ་དང་སྣོད་མང་པོ་

[Full Size]

མེད་ན་རེ་རེ་བཤམས་ཆོག །ཆངས་བུ་དང་ཁྲུས་ཆུ་མི་གཙང་བ་དང་གཏོར་མ་ལིངྒ་ཤ་དུམ་གཙང་དགོས་པས་དེ་ཚོ་མི་བསྲེ། མཆོད་གཡོག་པ་གསུམ་ལངས་ལ་གཅིག་གིས་གཏོར་མ་གཅིག་གིས་ལིངྒའི་མགོ་ངོས་དེར། གཅིག་གིས་ཆངས་བུ་དང་ཁྲུས་ཆུ་གཟར་བུ་ནང་དུ་བཟུང་བཅུག །བདུད་རྩིས་བྲན་ལ། ཧཱུྃ། གདོད་ནས་རྣམ་དག་ཆོས་དབྱིངས་དག་པའི་ཞིང་། །ཨོ་རྒྱན་རང་བྱུང་དུར་ཁྲོད་ཆེན་པོའི་དབུས། །ཐོད་པ་སྐམ་རློན་བརྩེགས་པའི་གཞལ་ཡས་ནས། །མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོན་མ་བདུད་འདུལ་དབང་ཕྱུག་མ། །སྐུ་མདོག་མཐིང་ནག་ཁྲོ་མོའི་ཆ་ལུགས་ཅན། །ཞལ་གཅིག་ཕྱག་བཞི་རྔམ་ཞིང་བརྗིད་པའི་སྐུ། །གསེར་གྱི་ཌཱ་རུ་ཕར་ཕྱིན་ཆོས་སྒྲ་སྒྲོག །མི་ལྤགས་གཡང་གཞིས་ལྷ་སྲིན་དབང་དུ་སྡུད། །མི་རྐང་གླིང་བུས་ལྷ་འདྲེ་ཟིལ་གྱིས་གནོན། །ཐོད་ཁྲག་བསྣམས་པས་ལུས་གདོན་ཞལ་དུ་གསོལ། །ཁཊྭཱཾ་རྩེ་གསུམ་དུག་གསུམ་རྩད་ནས་གཅོད། །ཞབས་གཉིས་གར་སྟབས་ནམ་མཁའི་དབྱིངས་སུ་བསྒྱུར། །སངས་རྒྱས་མཁའ་འགྲོ་བྱེ་བ་འབུམ་གྱིས་བསྐོར། །སྟེང་གདོན་ལྷ་སྲིན་ཐམས་ཅད་རོལ་དུ་ཁྲིད། །ཤ་ཁྲག་དམར་གྱིས་བརྒྱན་པའི་གཏོར་མ་དང་། །བེམ་པོ་ལུས་གདོན་མགོ་བོ་

[Full Size]

དོན་སྙིང་འདི། །མེ་གཅིག་བདུད་འདུལ་མཁའ་འགྲོའི་ཞལ་དུ་བསྟབ། །སངས་རྒྱས་མཁའ་འགྲོ་འབུམ་གྱིས་དགྱེས་པར་རོལ། །སྟེང་གདོན་གཟའ་སྐར་ཚོགས་རྣམས་ཚིམ་གྱུར་ཅིག །ཕཊ་ཕཊ་ཕཊ། དམ་རྫ་ས་དམར་གྱི་གཏོར་མ་རྒྱ་ཆེན་པོ་འདི་མ་གཅིག་བདུད་འདུལ་ཁྲོས་མ་ཆེན་མོའི་ཞལ་དུ་བསྟབ་བོ་བཞེས་ཤིག །ཕཊ། ཅེས་དམར་གཏོར་ནམ་མཁར་འཕང་ངོ་། བེམ་པོ་ལུས་གདོན་དབྱེར་མེད་པའི་མགོ་བོ་དོན་སྙིང་དང་བཅས་པ་འདི་དབུས་ཕྱོགས་སངས་རྒྱས་མཁའ་འགྲོ་བྱེ་བ་འབུམ་སྡེའི་ཞལ་དུ་བསྟབ་བོ་བཞེས་ཤིག །ཁྱེར་ཅིག ཕཊ། ལིངྒའི་མགོ་བོ་ནམ་མཁར་འཕངས། བེམ་པོ་ལུས་གདོན་དབྱེར་མེད་པའི་ཤ་ཁྲག་གི་ངོ་བོ་གླད་ཟན་དྲི་ཁུ་བདུད་རྩིའི་རྒྱ་མཚོ་ཆེན་པོ་འདི་སྟེང་ཕྱོགས་གནོད་བྱེད་ལྷ་འདྲེ་ཐམས་ཅད་ཀྱིས་ཁྱེར་ཅིག །ཟོ་ཞིག །འཐུངས་ཤིག །ཕཊ། ཅེས་རྐང་གླིང་དང་། ཌཱ་དྲིལ་དྲག་ཏུ་བྱའོ། །ཞལ་དུ་བསྟབས་རིམ་སོང་ནས་ཚིམ་པར་བསམ་ཞིང་། ཆངས་བུ་དང་དྲི་ཆུ་ནམ་མཁར་གཏོར། དེ་ནས་གཞན་ཐམས་ཅད་རིགས་འགྲེས་སོ། །ཧཱུྃ། ཨོ་རྒྱན་རང་བྱུང་དུར་ཁྲོད་ཆེན་པོའི་དབུས། །རིན་ཆེན་ཐོད་པ་བརྩེགས་པའི་གཞལ་ཡས་ཀྱི། །ཤར་ཕྱོགས་ཀེང་རུས་

[Full Size]

བམ་ཆེན་བསྣོལ་བའི་སྟེང་། །མ་གཅིག་ལབ་སྒྲོན་མཐིང་གསལ་ནམ་མཁའི་མདོག །ཁྲོ་མོའི་ཆ་ལུགས་དར་མཐིང་རལ་ག་གསོལ། །དབུ་སྐྲ་སིལ་མས་སྐུ་རྒྱབ་ཁེབས་པར་གཏིབས། །གཡས་པས་རྒྱུ་ཞགས་འདོམ་དགུས་གནོད་བྱེད་བཅིངས། །གཡོན་པས་ཁཊྭཱཾ་རྩེ་གསུམ་ཁམས་གསུམ་སྒྲོལ། །དུར་ཁྲོད་ཆས་རྫོགས་ཞབས་གཉིས་གར་སྟབས་འགྱིང་། །རྡོ་རྗེ་མཁའ་འགྲོ་བྱེ་བ་འབུམ་གྱིས་བསྐོར། །ཤར་ཕྱོགས་ལྷ་འདྲེའི་དམག་ཚོགས་རོལ་དུ་ཁྲིད། །ཤ་ཁྲག་དམར་གྱིས་བརྒྱན་པའི་གཏོར་མ་དང་། །བེམ་པོ་ལུས་གདོན་ལག་བརྡེབ་གཡས་པ་འདི། །མ་གཅིག་ཐུགས་ཀྱི་ལབ་སྒྲོན་ཞལ་དུ་བསྟབ། །རྡོ་རྗེ་མཁའ་འགྲོ་འབུམ་གྱིས་དགྱེས་པར་རོལ། །ཤར་ཕྱོགས་ལྷ་འདྲེ་དྲི་ཟ་ཚིམ་གྱུར་ཅིག །ཕཊ་ཕཊ་ཕཊ། དམ་རྫ་ས་དམར་གྱི་གཏོར་མ་རྒྱ་ཆེན་པོ་འདི་མ་གཅིག་ཡེ་ཤེས་ཀྱི་མཁའ་འགྲོ་ཐུགས་ཀྱི་ལབ་སྒྲོན་མའི་ཞལ་དུ་བསྟབ་བོ་བཞེས་ཤིག །ཕཊ། ཅེས་གཏོར་མ་ཤར་དུ་འཕང་། བེམ་པོ་ལུས་གདོན་དབྱེར་མེད་པའི་ལག་བརྡེབ་གཡས་པ་འདི། ཤར་ཕྱོགས་རྡོ་རྗེ་མཁའ་འགྲོ་བྱེ་བ་འབུམ་སྡེའི་ཞལ་དུ་བསྟབ་བོ་བཞེས་ཤིག །ཁྱེར་ཅིག

[Full Size]

ཕཊ། ཅེས་ལག་པ་ཤར་དུ་འཕང་། བེམ་པོ་ལུས་གདོན་དབྱེར་མེད་པའི་ཤ་ཁྲག་གི་ངོ་བོ་གླུད་ཟན་དྲི་ཁུ་བདུད་རྩིའི་རྒྱ་མཚོ་ཆེན་པོ་འདི། ཤར་ཕྱོགས་ཀྱི་གནོད་བྱེད་ལྷ་འདྲེ་ཐམས་ཅད་ཀྱིས་ཟོ་ཞིག །འཐུང་ཞིག །ཕཊ། ཆངས་བུ་དྲི་ཁུ་ཤར་དུ་གཏོར། ཧཱུྃ། ཨུ་རྒྱན་རང་བྱུང་དུར་ཁྲོད་ཆེན་པོའི་དབུས། །རིན་ཆེན་ཐོད་པ་བརྩེགས་པའི་གཞལ་ཡས་ནས། །ལྷོ་ཕྱོགས་ཀེང་རུས་བམ་ཆེན་བསྣོལ་བའི་སྟེང་། །མ་གཅིག་ལབ་སྒྲོན་སྐུ་མདོག་གསེར་གྱི་མདོག །ཁྲོ་མོའི་ཆ་ལུགས་དར་སེར་རལ་ག་གསོལ། །དབུ་སྐྲ་སིལ་མས་སྐུ་རྒྱབ་ཁེབས་པར་གཏིབས། །ཕྱག་གཡས་ཆུ་སྲིན་ཞགས་པས་བདུད་རིགས་བཅིངས། །གཡོན་པས་གྲི་གུག་ལུས་གདོན་རྩད་ནས་གཅོད། །དུར་ཁྲོད་ཆས་རྫོགས་ཞབས་གཉིས་གར་སྟབས་འགྱིང་། །རིན་ཆེན་མཁའ་འགྲོ་བྱེ་བ་འབུམ་གྱིས་བསྐོར། །ལྷོ་ཕྱོགས་ལྷ་སྲིན་དམག་ཚོགས་རོལ་དུ་ཁྲིད། །ཤ་ཁྲག་དམར་གྱིས་བརྒྱན་པའི་གཏོར་མ་དང་། །བེམ་པོ་ལུས་གདོན་ལག་བརྡེབ་གཡོན་པ་འདི། །མ་གཅིག་ཡོན་ཏན་ལབ་སྒྲོན་ཞལ་དུ་བསྟབ། །རིན་ཆེན་མཁའ་འགྲོ་འབུམ་སྡེས་དགྱེས་པར་རོལ། །ལྷོ་ཕྱོགས་ལྷ་

[Full Size]

འདྲེ་གཤིན་རྗེ་ཚིམ་གྱུར་ཅིག །ཕཊ་ཕཊ་ཕཊ། དམ་རྫས་དམར་གྱི་གཏོར་མ་རྒྱ་ཆེན་པོ་འདི། མ་ཡེ་ཤེས་ཀྱི་མཁའ་འགྲོ་ཡོན་ཏན་ལབ་ཀྱི་སྒྲོན་མའི་ཞལ་དུ་བསྟབ་བོ་བཞེས་ཤིག །ཕཊ། བེམ་པོ་ལུས་གདོན་དབྱེར་མེད་པ་ལག་བརྡེབ་གཡོན་པ་འདི། ལྷོ་ཕྱོགས་རིན་ཆེན་མཁའ་འགྲོ་བྱེ་བ་འབུམ་སྡེའི་ཞལ་དུ་བསྟབ་བོ་བཞེས་ཤིག་ཁྱེར་ཅིག །ཕཊ། བེམ་པོ་ལུས་གདོན་དབྱེར་མེད་པའི་ཤ་ཁྲག་གི་ངོ་བོ་གླུད་ཟན་དྲི་ཁུ་བདུད་རྩིའི་རྒྱ་མཚོ་ཆེན་པོ་འདི། ལྷོ་ཕྱོགས་ཀྱི་གནོད་བྱེད་ཐམས་ཅད་ཀྱིས་ཟོ་ཞིག་འཐུང་ཞིག ། ཕཊ། ཧཱུྃ། ཨུ་རྒྱན་རང་བྱུང་དུར་ཁྲོད་ཆེན་པོའི་དབུས། །རིན་ཆེན་ཐོད་པ་བརྩེགས་པའི་གཞལ་ཡས་ཀྱི། །ནུབ་ཕྱོགས་ཞིང་ཆེན་བསྣོལ་བའི་ཁྲི་སྟེང་ནས། །མ་གཅིག་ལབ་སྒྲོན་པདྨ་རཱ་གའི་མདོག །ཁྲོ་མོའི་ཆ་ལུགས་དར་དམར་རལ་ག་གསོལ། །དབུ་སྐྲ་སིལ་མས་སྐུ་རྒྱབ་ཁེབ་པར་གཏིབས། །ཕྱག་གཡས་སྦྲུལ་ནག་ཞགས་པས་གནོད་བྱེད་བཅིངས། །གཡོན་པས་ཐོད་ཁྲག་ལུས་གདོན་ཞལ་དུ་གསོལ། །དུར་ཁྲོད་ཆས་རྫོགས་ཞབས་གཉིས་གར་སྟབས་འགྱིངས། །པདྨ་མཁའ་འགྲོ་བྱེ་བ་འབུམ་གྱིས་བསྐོར། །ནུབ་

[Full Size]

ཕྱོགས་ལྷ་སྲིན་དམག་ཚོགས་རོལ་དུ་ཁྲིད། །ཤ་ཁྲག་དམར་གྱིས་བརྒྱན་པའི་གཏོར་མ་དང་། །བེམ་པོ་ལུས་གདོན་རྐང་བརྡེབ་གཡོན་པ་འདི། །མ་གཅིག་གསུང་གི་ལབ་སྒྲོན་ཞལ་དུ་བསྟབ། །པདྨ་མཁའ་འགྲོ་འབུམ་སྡེས་དགྱེས་པར་རོལ། །ནུབ་ཕྱོགས་ལྷ་འདྲེ་ཀླུ་གདོན་ཚིམ་གྱུར་ཅིག །ཕཊ་ཕཊ་ཕཊ། དམ་རྫས་དམར་གྱི་གཏོར་མ་རྒྱ་ཆེན་པོ་འདི་མ་ཡེ་ཤེས་ཀྱི་མཁའ་འགྲོ་གསུང་གི་ལབ་ཀྱི་སྒྲོན་མའི་ཞལ་དུ་བསྟབ་བོ་བཞེས་ཤིག་ཁྱེར་ཅིག །ཕཊ། བེམ་པོ་ལུས་གདོན་དབྱེར་མེད་པའི་རྐང་བརྡེབ་གཡོན་པ་འདི། ནུབ་ཕྱོགས་པདྨ་མཁའ་འགྲོ་བྱེ་བ་འབུམ་སྡེའི་ཞལ་དུ་བསྟབ་བོ་བཞེས་ཤིག །ཁྱེར་ཅིག །ཕཊ། བེམ་པོ་ལུས་གདོན་དབྱེར་མེད་པའི་ཤ་ཁྲག་གི་ངོ་བོ་བླུད་ཟན་དྲི་ཁུ་བདུད་རྩིའི་རྒྱ་མཚོ་ཆེན་པོ་འདི། ནུབ་ཕྱོགས་ཀྱི་གནོད་བྱེད་ལྷ་འདྲེ་ཐམས་ཅད་ཀྱིས་ཟོ་ཞིག་འཐུང་ཞིག །ཕཊ། ཧཱུྃ། ཨོ་རྒྱན་རང་བྱུང་དུར་ཁྲོད་ཆེན་པོའི་དབུས། །རིན་ཆེན་ཐོད་པ་བརྩེགས་པའི་གཞལ་ཡས་ཀྱི། །བྱང་ཕྱོགས་ཀེང་རུས་ཐོད་པའི་ཁྲི་སྟེང་ནས། །མ་གཅིག་ལབ་སྒྲོན་ཨིནྡྲ་ནི་ལའི་མདོག །ཁྲོ་མོའི་ཆ་ལུགས་དར་

[Full Size]

ལྗང་ན་བཟའ་གསོལ། །དབུ་སྐྲ་གྲོལ་ཞིང་ཞལ་ནས་བཤུག་གླུ་ལེན། །ཕྱག་གཡས་གྲི་གུག་བདུད་བཞི་རྩད་ནས་གཅོད། །གཡོན་པས་ཐོད་ཁྲག་ལུས་གདོན་ཚོགས་སུ་རོལ། །དུར་ཁྲོད་ཆས་རྫོགས་ཞབས་གཉིས་གོར་ཐབས་འགྱིང་། །ལས་ཀྱི་མཁའ་འགྲོ་བྱེ་བ་འབུམ་གྱིས་བསྐོར། །བྱང་ཕྱོགས་ལྷ་སྲིན་དམག་ཚོགས་རོལ་དུ་ཁྲིད། །ཤ་ཁྲག་དམར་གྱིས་བརྒྱན་པའི་གཏོར་མ་དང་། །བེམ་པོ་ལུས་གདོན་རྐང་བརྡེབ་གཡས་པ་འདི། །མ་གཅིག་ཕྲིན་ལས་ལབ་སྒྲོན་ཞལ་དུ་བསྟབ། །ལས་ཀྱི་མཁའ་འགྲོ་འབུམ་སྡེས་དགྱེས་པར་རོལ། །བྱང་ཕྱོགས་ལྷ་འདྲེ་གནོད་བྱེད་ཚིམ་གྱུར་ཅིག །ཕཊ་ཕཊ་ཕཊ། དམ་རྫ་ས་དམར་གྱི་གཏོར་མ་རྒྱ་ཆེན་པོ་འདི། མ་ཡེ་ཤེས་ཀྱི་མཁའ་འགྲོ་ཕྲིན་ལས་ལབ་ཀྱི་སྒྲོན་མའི་ཞལ་དུ་བསྟབ་བོ། །བཞེས་ཤིག་ཁྱེར་ཅིག །ཕཊ། བེམ་པོ་ལུས་གདོན་དབྱེར་མེད་པའི་རྐང་བརྡེབ་གཡས་པ་འདི། བྱང་ཕྱོགས་ལས་ཀྱི་མཁའ་འགྲོ་བྱེ་བ་འབུམ་སྡེའི་ཞལ་དུ་བསྟབ་བོ། །བཞེས་ཤིག་ཁྱེར་ཅིག །ཕཊ། བེམ་པོ་ལུས་གདོན་དབྱེར་མེད་པའི་ཤ་ཁྲག་གི་ངོ་བོ་གླུད་ཟན་དྲི་ཁུ་བདུད་རྩིའི་རྒྱ་མཚོ་ཆེན་པོ་འདི། བྱང་ཕྱོགས་ཀྱི་གནོད་བྱེད་ལྷ་

[Full Size]

འདྲེ་ཐམས་ཅད་ཀྱིས་ཟོ་ཞིག །འཐུང་ཞིག །ཕཊ། ཧཱུྃ། ཨོ་རྒྱན་རང་བྱུང་དུར་ཁྲོད་ཆེན་པོའི་དབུས། །རིན་ཆེན་ཐོད་པ་བརྩེགས་པའི་གཞལ་ཡས་ཀྱི། འོག་ཕྱོགས་ཞིང་ཆེན་ཀེང་རུས་བཀྲམ་པའི་སྟེང་། །མ་གཅིག་ལབ་སྒྲོན་སྔོ་སྐྱ་མཐིང་ཤུན་མདོག །ཁྲོ་མོའི་ཆ་ལུགས་དར་སྔོན་རལ་ག་གསོལ། །དབུ་སྐྲ་སིལ་མས་སྐུ་རྒྱབ་ཁེབས་པར་གཏིབས། །ཕྱག་གཡས་རྒྱུ་ཞོགས་འདོམ་དགུས་དམ་སྲི་བཅིངས། །གཡོན་པས་ཁཊྭཱཾ་རྩེ་གསུམ་གདོན་གསུམ་འདུལ། །དུར་ཁྲོད་ཆས་རྫོགས་ཞབས་གཉིས་གར་སྟབས་འགྱིང་། །སྣ་ཚོགས་མཁའ་འགྲོ་བྱེ་བ་འབུམ་གྱིས་བསྐོར། །འོག་ཕྱོགས་ལྷ་སྲིན་དམག་ཚོགས་རོལ་དུ་ཁྲིད། །ཤ་ཁྲག་དམར་གྱིས་བརྒྱན་པའི་གཏོར་མ་དང་། །ཚེ་བེམ་པོ་ལུས་གདོན་རྩིབ་ཁོག་ནང་ཆར་བཅས། །མ་གཅིག་སྐུ་ཡི་ལབ་སྒྲོན་ཞོལ་དུ་བསྟབ། །སྣ་ཚོགས་མཁའ་འགྲོ་འབུམ་སྡེས་དགྱེས་པར་རོལ། །འོག་ཕྱོགས་ལྷ་འདྲེ་ས་བདག་ཚིམ་གྱུར་ཅིག །ཕཊ་ཕཊ་ཕཊ། དམ་རྫ་ས་དམར་གྱི་གཏོར་མ་རྒྱ་ཆེན་པོ་འདི། མ་ཡེ་ཤེས་ཀྱི་མཁའ་འགྲོ་སྐུ་ཡི་ལབ་ཀྱི་སྒྲོན་མའི་ཞལ་དུ་བསྟབ་བོ། །བཞེས་ཤིག །

[Full Size]

ཕཊ། བེམ་པོ་ལུས་གདོན་དབྱེར་མེད་པའི་རྩིབ་ཁོག་ནང་ཆ་དང་བཅས་པ་འདི། འོག་ཕྱོགས་ས་གཞི་སྣ་ཚོགས་མཁའ་འགྲོ་བྱེ་བ་འབུམ་སྡེའི་ཞལ་དུ་བསྟབ་བོ་བཞེས་ཤིག་ཁྱེར་ཅིག །ཕཊ། བེམ་པོ་ལུས་གདོན་ཤ་ཁྲག་གི་ངོ་བོ་གླུད་ཟན་དྲི་ཁུ་བདུད་རྩིའི་རྒྱ་མཚོ་ཆེན་པོ་འདི། འོག་གི་ལྷ་འདྲེ་གནོད་བྱེད་ཐམས་ཅད་ཀྱིས་ཟོ་ཞིག །འཐུང་ཞིག །ཕཊ། དེ་ནས་བདུད་རྩིའི་དམིགས་པ་དེ་དག་གསལ་གདབ་ལ། ཕཊ། བསྒྲགས་ནས་ཌཱ་དྲིལ་འཁྲོལ། དེ་ནས། ཧཱུྃ། དབྱིངས་ཕྱུག་མཁའ་འགྲོ་མ་གཅིག་རིགས་ལྔར་བཅས། །དོམ་རྗེས་བརྒྱན་པའི་གཏོར་མས་མཉེས་གྱུར་ནས། །བདག་ཅག་དཔོན་སློབ་ཡོན་མཆོད་འཁོར་བཅས་རྣམས། །བདུད་བཞི་རང་སར་ཞི་བའི་ཕྲིན་ལས་མཛོད། །རིགས་ཀྱི་མཁའ་འགྲོ་བྱེ་བ་འབུམ་ཕྲག་དྲུག །ལུས་གདོན་ཤ་ཁྲག་མཆོད་པ་ཚོགས་སུ་རོལ། །བདག་ཅག་དཔོན་སློབ་ཡོན་མཆོད་འཁོར་བཅས་རྣམས། །ནད་གདོན་རང་སར་ཞི་བའི་ཕྲིན་ལས་མཛོད། །ཕྱོགས་བཞི་སྟེང་འོག་ལྷ་སྲིན་སྡེ་བརྒྱད་རྣམས། །ཤ་ཁྲག་ལན་ཆགས་གླུད་ཀྱིས་ཚིམ་གྱིས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །ལན་ཆགས་བུ་ལོན་ཤ་

[Full Size]

འཁོན་བྱང་མཛོད་ཅིག །ཕཊ་ཕཊ་ཕཊ། དེ་ནས་གཅོད་ཚོགས་ལ་སྦྱར་བ་ཡིན་ན་གཤེགས་གསོལ་འདི་མི་དགོས་ལུས་སྦྱིན་རྐྱང་པ་ལ་སྦྱར་ན་འདི་བརྗོད་དོ། །སྟེང་འོག་ཕྱོགས་བཞིའི་ལྷ་སྲིན་དམག་ཚོགས་རྣམས། །དགའ་མགུ་ཚིམ་པར་གྱིས་ལ་རང་གནས་སོང་། །རིགས་ཀྱི་མཁའ་འགྲོ་བྱེ་བ་འབུམ་སྡེ་དྲུག །ཨོ་རྒྱན་ཡུལ་སོགས་རང་རང་གནས་སུ་གཤེགས། །མ་གཅིག་རིགས་ལྔ་དབྱིངས་ཕྱུག་ལྷ་མོར་ཐིམ། །དེ་ཉིད་འོད་དུ་ཞུ་ནས་བདག་ལ་ཐིམ། །དབང་དང་བྱིན་རླབས་ཐམས་ཅད་དུས་གཅིག་ཐོབ། །དུར་ཁྲོད་གཞལ་ཡས་ཁང་སོགས་བདག་ལ་ཐིམ། །བདག་གི་ཐུགས་ཀའི་ནད་པའི་རྣམ་ཤེས་དེ། །ཨ་ཡིག་མཐིང་ག་བཀྲག་མདངས་ལྡན་པར་འཕྲོས། །ནད་པའི་ཚངས་བུག་ནས་ཞུགས་སྙིང་དབུས་ཐིམ། །ཕཊ་ཕཊ་ཕཊ། ཅེས་བརྗོད་ལ་སྟོང་ཉིད་ངང་ལ་ཡུན་རིང་བཞག་གོ །ཨེ་མ་གཅོད་ཀྱི་བསྟབ་པ་ཆ་དྲུག་དམིགས་རིམ་ནི། །མ་གཅིག་ཉིད་ཀྱི་གསུང་རྒྱུན་སྙན་དུ་བརྒྱུད། །འདོན་ཆ་རྒྱ་སྟོན་བླ་མ་ཞིག་གིས་མཛད། །འོན་ཀྱང་དེ་ཉིད་མི་གསལ་ཉོབ་ཆེ་ཞིང་། །ཕྱག་ལེན་དཔེ་ལ་མི་གསལ་སྙན་དུ་བརྒྱུད། །བདག་གིས་ཕྱག་ལེན་མཐོང་བ་བརྒྱུད་པ་མཐོང་། །དོན་རྩ་དམིགས་རིམ་སྔར་གྱི་འཆུག་མེད་ལ། །འདོན་ཆ་ཚང་མ་བདག་གིས་གསར་དུ་

[Full Size]

བརྩམ། །བལྟས་ཆོག་ཤིན་ཏུ་གསལ་བར་བཀོད་པ་ལ། །ཉེས་པ་མཆིས་ན་ཊྛཀིའི་ཚོགས་ལ་བཤགས། །དགེ་བས་འདི་ལ་འབྲེལ་ཐོགས་འགྲོ་བ་ཀུན། །ཕུང་པོའི་བདུད་བཅོམ་རྡོ་རྗེའི་སྐུ་ཐོབ་ཤོག །ཅེས་རི་ཁྲོད་པ་དགེ་སློང་རཱ་ག་ཨ་སྱས་སྦྱར་བ་མངྒ་ལཾ། །བྷ་ཝནྟུ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཉན་ཆེན་མཐའ་ལ་གཏད་པ་དང་། མཐའ་གཏད་ཆུའི་གཟེར་བུ་གཉིས།

[Full Size]

༼ཕ༽ །གཉན་ཆེན་མཐའ་ལ་གཏད་པ་དང་། མཐའ་གཏད་ཆུའི་གཟེར་བུ་གཉིས་བཞུགས་སོ། །

[Full Size]

ན་པཱ་ར་མི་ཏཱ་ཡེ། ཡུམ་ཆེན་ཌཱཀིའི་ཚོགས་ལ་ཕྱག་འཚལ་ནས། །གཅོད་ཀྱི་མཐའ་གཏད་ཕྱག་ལེན་གསལ་བཀོད་བྲི། །ཌཱཀི་ཆོས་བདག་རྣམས་ཀྱིས་གནང་བ་སྩོལ། །དེ་ཡང་རི་ཁྲོད་འགྲིམ་པའི་རྣལ་འབྱོར་པས། །ལྷོང་གསུམ་འདྲེས་པའི་ནུབ་མོ་ལ། །ལུས་གདོན་གནས་ལ་གཏད་པའི་ཕྱིར། །མི་བྱེད་ཁ་མེད་འདི་ལྟར་བྱ། །ཞེས་གསུངས་པས་རང་ན་བའམ། ནད་པའི་དོན་དུ་གཅོད་ཚོགས་ཞག་འགའ་བྱས་པས། ཕྱི་ལྷོང་ལྷ་འདྲེའི་རྟགས་རྩུབ་པ་དང་། ནང་ལྷོང་ནད་པ་ཐུ་བ་དང་། གསང་ལྷོང་ཉོན་མོངས་ཆེར་སྐྱེས་པ་དང་། གནས་གདོན་ལུས་གདོན་རྣམས་ཀྱི་རྨིས་ལྟས་ཆེར་སོང་ན་འདི་བྱའོ། །ལྷོང་མ་བྱུང་བར་བྱས་ན་ཕན་མི་ཐོགས། ལྷོང་བྱུང་ཡང་མ་བྱས་ན་ཆོད་མི་ཐུབ་

[Full Size]

པས་ན། ས་མཚམས་ཟིན་པ་གལ་ཆེ། བཅའ་ཐབས་ལ། ནད་པ་ཁག་ཆེ་བ་ཡིན་ན་སྤེན་ནེའམ་སུ་རུའམ་ཤིང་སྤྱན་གང་རུང་ལ། ནད་པའི་ལུས་ཚད་ཁྲེས་ལུ་བཅིངས། དེའི་གསེབ་ཏུ་ནད་པའི་ལུས་བཀྲུས་ཁུ་བས་བརྫིས་ཤིང་ནད་པའི་ཆངས་བུ་བརྒྱའམ་ལོ་གྲངས་བཅུག །ཡོད་ན་ཤ་དུམ་དང་རུས་པ་གང་རྙེད་མང་དུ་བཅུག །ཟན་ནམ་འདམ་སའི་ནད་པའི་མགོ་འདྲ་བའི་འབག་བཙུགས། ལུས་དེ་ནད་པའི་གོས་རྙིང་པ་གཅིག་གིས་བཏུམ་ལ་བཅིངས་ནས་སྤུར་འདྲ་བ་གཅིག་བཅས་ལ། དེ་དང་མཚུངས་པའི་ཆ་བཅིངས་པའི་ཁར་བཞག །དེ་ཙམ་མ་ཐུབ་ན་མདའ་ཚད་དམ། གྲུ་གང་ཙམ་བཅའ། དེ་ཡང་མ་ལྕོགས་ན། ལུས་བཀྲུས་པའི་ཁུ་བས་ངར་མི་མཐོ་གང་བཅས་ལ་གོས་དུམ་གྱིས་དཀྲིས་ལ། དེ་དང་མཚུངས་པའི་ཆའི་གཟུགས་ཀྱི་ཁར་

[Full Size]

བཞག །དེ་སྣོད་གང་རུང་དུ་བཞག་པའི་མཐའ་མར་ཆང་བུ་ལོ་གྲངས་སམ། ཉེར་གཅིག་གིས་བསྐོར། ཤ་དུམ། རུས་དུམ། ནད་པའི་སྐྱ་སེན་མོ་ཡང་དེ་ལ་སྦྱར། དེ་གང་བྱེད་ཀྱང་གཅོད་པ་རང་གི་ཡོང་སྒྲ་སེན་དུམ་བུ་སྟེང་དུ་བཞག །དེ་ནས་སྨྱོན་པའམ་ནད་པ་འགྲོ་ཐུབ་ན་དུར་ཁྲོད་དམ། གཉན་ས་གཅིག་ཏུ་སྲོད་ལ་འགྲོ། ཐག་རིང་མ་ཕྱིན་ན། གྲོང་པ་དེའི་བྲག་སྣའམ། ཕ་བོང་རྟགས་ཅན་ནམ། ལམ་རྒྱ་གྲམ་མམ། སྒོ་མང་པོ་འདུས་སའམ། མི་མང་པོ་ཚོགས་མལ་ལམ། བུད་མེད་འཕང་ར་རུ་བྱ། དེ་ཙམ་དུ་ཡང་འགྲོ་མི་སྤྲོའམ། ནད་པ་འགྲོ་དཀའ་ན། ཁང་པའི་ཐོག་ནས་མཚོའམ། རི་གཉན་མཐོང་ས་གཅིག་ཏུ་བྱ། ཡང་ན་ཁྱིམ་དེའི་རྒྱ་སྒོའི་རྩ་བའམ། ནང་སྒོའི་སྒོ་ཐེམ་རྩ་བའམ། སྒོ་མང་པོའི་མདོའམ། མཆོད་ཁང་སྒོག་པའི་སྒོར་རྩར་ཡང་རུང་། ཁྱིམ་འདྲེ་ཅན་ཡིན་ན་མི་ཤི་མལ་ལམ། གཉའ་བ་བཅིངས་མལ་ལམ། ཐན་བྱུང་མལ་ལམ། ཁྱིམ་དེར་རྣམ་རྟོག་གང་ཡོད་ས་དེར་བྱའོ། །གང་དུ་བྱེད་ཀྱང་རོ་བཞག་པའི་ཚུལ་གྱིས་རྡོ་ཁྲི་རྡོ་གོར་འདྲ་བ་བྱས། དེའི་ནང་དུ་རོ་བསྲེགས་པའི་ཚུལ་གྱིས་ཤིང་ནག་དང་ཚེར་མ་ཅན་གྲུ་བཞིར་བརྩིགས། མེ་ཚང་བཅས་ལ། དེའི་སྟེང་དུ་སྤུར་ཆ་དང་བཅས་པ་བཞག །ནད་པའི་ཁྲུས་ཆུ་ཁྱེར་བས་བྲན། ནད་པ་ཡང་དྲུང་ཕ་གིར་བསྙལ། སྐེ་ལ་ཐག་པ་བཏགས་ཤིང་། ཤིང་གཉན་ནམ་ཕ་བོང་བྲག་མཆུ་ལ་བཏགས། མཚོ་ཡིན་ན་ཐག་སྣེ་ལ་རྡོ་བརྟགས་ཆུ་ནང་དུ་འཕོངས། རང་གིས་ལག་ཏུ་གཡང་གཞི་དང་། ཌཱ་དྲིལ་རྐང་དུང་

[Full Size]

ཐོགས་དོམ་རའམ་མ་རལ་དབུ་རྒྱན་གྱོན་ལ། དང་པོ་གཅོད་ཚོགས་མགོའི་ཁྲོས་མའི་དབང་སྡུད་དེ་བྱས་ལ། དབང་དུ་སྡུས་ཟེར་བ་དང་། ཁུག་ཟེར་དུས་གཡང་གཞི་རྡེབ་ཅིང་འདོན། དེ་ནས་རྐང་དུང་བཏང་ལ་འོ་དོད་ཆེན་པོས། འོ་འོ་ཉོན་ཅིག །ལན་གསུམ། འོ་འོ་དགོངས་སུ་གསོལ་ལོ། །ལན་གསུམ། སྣང་སྲིད་ཀྱི་ལྷ་འདྲེ་ཐམས་ཅད་སྙན་གསན་ཅིང་དགོངས་སུ་གསོལ་ལོ། །མཐོ་སྲིད་པའི་རྩེ་མོ་མན་ཆད་དང་། དམའ་མནར་མེད་ཀྱི་དམྱལ་ཁམས་ཡན་ཆད་འདིར་འདུས་ཤིག །ལྷ་གནས་གཞན་འཕྲུལ་དབང་བྱེད་མན་ཆད་དང་། འདྲེ་སྲིན་བྱུར་གསུམ་གྱི་གནས་ཡན་ཆད་འདིར་འདུས་ཤིག །སུམ་ཅུ་རྩ་གསུམ་གྱི་གནས་མན་ཆད་དང་། ལྷ་འཆི་འཕོ་ལྟུང་བྱེད་ཀྱི་ཚོགས་དང་བཅས་པ་ཐམས་ཅད་འདིར་འདུས་ཤིག །གཞན་ཡང་བགེགས་རིགས་སྟོང་ཕྲག་བརྒྱད་ཅུ། གློ་བུར་དགུ་བཅུ་རྩ་གཅིག །ཡེ་འདྲོགས་སུམ་བརྒྱ་དྲུག་ཅུ། གདོན་རིགས་སྟོང་ཕྲག་བརྒྱད་ཅུ་ཐམས་ཅད་འདིར་འདུས་ཤིག །ཀླུ་རིགས་སུམ་བརྒྱ་དྲུག་ཅུ། ཡམ་ཤུད་དམར་པོ་ལ་སོགས་བཙན་གྱི་སྡེ་ཚོགས། ཕྱུ་མ་ཡེ་སེང་ལ་སོགས་ཕྲུ་ཡི་སྡེ་ཚོགས། ནག་པོ་བཀྲག་མེད་ལ་སོགས་བདུད་ཀྱི་སྡེ་ཚོགས། ཆུ་བྱི་གུང་སྔོན་ལ་

[Full Size]

སོགས་དགྲ་བླའི་སྡེ་ཚོགས་ཐམས་ཅད་འདིར་འདུས་ཤིག །གཞན་ཡང་བདུད་ཀྱི་ཞགས་ཐོགས། གཤིན་རྗེའི་ཁྲམ་ཐོགས། ལྷ་འདྲེའི་དམག་ཚོགས་ཐམས་ཅད་འདིར་འདུས་ཤིག །བེ་དཀར་ནག་ལ་སོགས་རྒྱལ་འགོང་གི་སྡེ་ཚོགས། ཧ་ལ་ནག་པོ་ལ་སོགས་རྒྱལ་འདྲེའི་སྡེ་ཚོགས། དམ་སྲི་དཀར་ནག་ལ་སོགས་དམ་སྲིའི་སྡེ་ཚོགས། ལྟེ་ཕུར་ནག་མོ་ལ་སོགས་འདྲེ་མོའི་སྡེ་ཚོགས། ཡུལ་འདྲེ་ཡུལ་གདོན། །ཟ་འདྲེ་ཤི་གཤེད། གྲི་བོ་གྲི་མོ། བསེ་རག་གོད་འདྲེ། ཆུང་སྲི་ཆུང་བདུད། དར་སྲི་གཞོན་སྲི། ནད་འདྲེ་གཏོང་སྲི། སྲོག་གཅོད་དབུགས་ལེན་ཚེ་ལེན་བླ་ཁྱེར་བྱེད་པ་ཐམས་ཅད་འདིར་འདུས་ཤིག །ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། རྐང་དུང་གསུམ་བཏང་ངོ་། །འོ་འོ་ཉོན་ཅིག །ལན་གསུམ། འོ་འོ་དགོངས་སུ་གསོལ་ལོ། །ལན་གསུམ། འོ་འོ་སྣང་སྲིད་ཀྱི་ལྷ་འདྲེ་ཐམས་ཅད་གསན་ཅིང་དགོངས་སུ་གསོལ་ལོ། །གཉན་ས་འདིའི་ལྷ་འདྲེ་ཐམས་ཅད་སྙན་གསན་ཅིང་དགོངས་སུ་གསོལ་ལོ། །གཞན་ཡང་སྟེང་ཕྱོགས་དཀར་པོ་ལྷའི་སྡེ་ཚོགས་ཐམས་ཅད་སྙན་གསན་ཅིང་དགོངས་སུ་གསོལ་ལོ། །བར་ཁྲ་བོ་གཉན་གྱི་སྡེ་ཚོགས་ཐམས་ཅད་

[Full Size]

གསན་ཅིང་དགོངས་སུ་གསོལ་ལོ། །འོག་ནག་པོ་ཀླུ་དང་ས་བདག་གི་སྡེ་ཚོགས་ཐམས་ཅད་གསན་ཅིང་དགོངས་སུ་གསོལ་ལོ། །ཤར་ཕྱོགས་དྲི་ཟ་ཐམས་ཅད་ཉོན་ཅིག །ལྷོ་ཕྱོགས་གཤིན་རྗེ་ཐམས་ཅད་ཉོན་ཅིག །ནུབ་ཕྱོགས་ཀླུ་རིགས་ཐམས་ཅད་ཉོན་ཅིག །བྱང་ཕྱོགས་གནོད་སྦྱིན་ཐམས་ཅད་ཉོན་ཅིག །ཤར་ལྷོའི་དྲང་སྲོང་ཐམས་ཅད་ཉོན་ཅིག །ལྷོ་ནུབ་ཀྱི་སྲིན་པོ་ཐམས་ཅད་ཉོན་ཅིག །ནུབ་བྱང་གི་རིག་འཛིན་ཐམས་ཅད་ཉོན་ཅིག །བྱང་ཤར་གྱི་བགེགས་དང་འབྱུང་པོ་ཐམས་ཅད་ཉོན་ཅིག །བར་སྣང་གི་གཟའ་དང་རྒྱུ་སྐར་ཐམས་ཅད་ཉོན་ཅིག །གངས་རི་དཀར་པོ་ལ་གནས་པའི་ལྷ་རིགས་ཐམས་ཅད་ཉོན་ཅིག །བྲག་རི་ནག་པོ་ལ་གནས་པའི་བདུད་རིགས་ཐམས་ཅད་ཉོན་ཅིག །བྲག་རི་དམར་པོ་ལ་གནས་པའི་བཙན་རིགས་ཐམས་ཅད་ཉོན་ཅིག་སྤང་རི་ལ་གནས་པའི་གཞི་བདག་ཡུལ་ལྷ་ཐམས་ཅད་ཉོན་ཅིག །བྲག་ཕུག་ས་ཕུག་ལ་གནས་པའི་ཐེའུ་རང་ཐམས་ཅད་ཉོན་ཅིག །ཆུ་བོ་ཆུ་མདོ་ལ་གནས་པའི་ཀླུ་བདུད་ཐམས་ཅད་ཉོན་ཅིག །མཚོ་མོ་དལ་ཆེན་ལ་གནས་པའི་མཚོ་སྨན་ཐམས་ཅད་ཉོན་ཅིག །ཆུ་མིག་ནེའུ་སེང་

[Full Size]

ལ་གནས་པའི་ཀླུ་རིགས་ཐམས་ཅད་ཉོན་ཅིག །རྒྱལ་རིགས་དཀར་པོའི་ཚོགས་ཐམས་ཅད་ཉོན་ཅིག །རྗེ་རིགས་སེར་པོའི་ཚོགས་ཐམས་ཅད་ཉོན་ཅིག །བྲམ་ཟེ་དམར་པོའི་ཚོགས་ཐམས་ཅད་ཉོན་ཅིག །གདོལ་པ་ནག་པོའི་ཚོགས་ཐམས་ཅད་ཉོན་ཅིག །ཤིང་དང་ནགས་ཚལ་ལ་གནས་པའི་གཉན་རིགས་ཐམས་ཅད་ཉོན་ཅིག །སྤང་ལྗོངས་སྐྱེད་ཚལ་ལ་གནས་པའི་སྨན་རིགས་ཐམས་ཅད་ཉོན་ཅིག །གྲི་དུར་ལ་བཙས་ལ་གནས་པའི་གྲི་བཙན་ཐམས་ཅད་ཉོན་ཅིག །གསས་མཁར་གཏོར་ཁུ་ལ་གནས་པའི་ཕ་མཚུན་དགྲ་བླ་ཐམས་ཅད་ཉོན་ཅིག །ལྷ་ཁང་དང་དགོན་པ་ལ་གནས་པའི་རྒྱལ་འགོང་ཐམས་ཅད་ཉོན་ཅིག །སྒྲུབ་གནས་སྒོག་པོ་ལ་གནས་པའི་དམ་སྲི་ཐམས་ཅད་ཉོན་ཅིག །མཚེར་རྙིང་རེ་རྡུལ་ལ་གནས་པའི་མཚེར་སྲིན་ཐམས་ཅད་ཉོན་ཅིག །ཁང་སྟོང་སྒོག་པོ་ལ་གནས་པའི་ཡུལ་འདྲེ་ཐམས་ཅད་ཉོན་ཅིག །འོ་སྣང་སྲིད་ཀྱི་ལྷ་འདྲེ་མཐུ་ཆེ་བ། རྩོལ་དྲག་པ། མྱུར་མགྱོགས་དང་ལྡན་པ། སྟོབས་ཤུགས་དང་ལྡན་པ། གཏུམ་ལ་རྔམ་པ། དྲག་ལ་རྩུབ་པ་ཁྱེད་རྣམས་ཉོན་ཅིག །ངེད་དཔོན་སློབ་ཡོན་མཆོད་གཉན་ས་འདི་ན་འོང་བ་དེ། །

[Full Size]

ཁྱེད་སྣང་ཞིང་སྲིད་པའི་ལྷ་འདྲེ་སྡེ་བརྒྱད་ཐམས་ཅད་ལ། ཕོད་བཙུག་ཏུ་འོང་བ་མིན། དོ་བསྡོ་རུ་འོང་བ་མིན། འགྲས་ཚོལ་དུ་འོང་བ་མིན། ངེད་རྣམས་འདིར་མི་འོང་བའི་དབང་མ་བྱུང་། ནད་པ་འདིའི་ལུས་གདོན་འདིས་ངེད་གཉན་ས་འདི་ན་བཏང་བ་ཡིན། ནད་པ་འདི་ནད་ཡུན་རིང་དྲགས། སྨན་དང་རིམ་གྲོས་མ་ཕན། ད་ཅིས་ཕན་བྱས་ནས། ཕུ་མོ་མ་ལ་མོ་བཏབ། མདའ་ཕྱུ་པ་ལ་ཕྱུ་བརྡར། བོད་ཀྱི་བདེན་པ་བརྡར། རྒྱ་ཡི་ཆུ་ཞགས་བཏབ། ཞང་ཞུང་གི་ཇུ་ཐིག་མདུད། མེ་ཉག་གི་སོག་མོ་བཏབ། ཕྲེང་བའི་རྡོག་མོ་བརྩིས། རྒྱ་དཀར་ནག་གི་རྩིས་བྱས་པས། ཐམས་ཅད་ཀྱིས་ནད་པ་འདི་ཤི་ན་ཕན་ཟེར། གཉན་ས་འདི་ན་ཤི་ན་ཕན་ཟེར། ས་ཆ་འདི་ན་ཤི་ན་ཕན་ཟེར། ཉལ་ས་འདི་ན་ཤི་ན་ཕན་ཟེར། དེ་རིང་ཤི་ན་ཕན་ཟེར། དོ་ནུབ་ཤི་ན་ཕན་ཟེར། ད་ལྟ་ཤི་ན་ཕན་ཟེར། སྐད་ཅིག་ཉིད་ལ་ད་ལྟ་ཤི་ན་ཕན་ཟེར་བས། ནད་པ་འདི་ད་ལྟ་ཤི་བའི་ཕྲིན་ལས་མཛོད། མལ་ས་འདི་ན་ཤི་བའི་ཕྲིན་ལས་མཛོད། སྐད་ཅིག་ཉིད་ལ་ཤི་བའི་ཕྲིན་ལས་མཛོད། རྐང་ལག་བརྐྱང་བསྐུམ་བྱེད་ལོང་མེད་པར་ཤི་བའི་

[Full Size]

ཕྲིན་ལས་མཛོད། དབུགས་དབྱུང་རྔུབ་བྱེད་ལོང་མེད་པར་ཤི་བའི་ཕྲིན་ལས་མཛོད། འབྱུང་བའི་ཐིམ་རིམ་སྡུད་ལོང་མེད་པར་ཤི་བའི་ཕྲིན་ལས་མཛོད། སྣང་བ་དཀར་ལམ་དམར་ལམ་འཆར་ལོང་མེད་པར་ཤི་བའི་ཕྲིན་ལས་མཛོད། བེམ་རིག་བྲལ་ལོང་མེད་པར་ཤི་བའི་ཕྲིན་ལས་མཛོད། ལུས་ཤ་ཁྲག་གི་ཕུང་པོ་འདི་ད་ལྟ་ཉིད་དུ་ཟོ་ལ། སྐད་ཅིག་ཉིད་དུ་དངོས་པོ་མེད་པར་འཇའ་ཡལ་བ་བཞིན་དུ་ཐོངས། སེམས་རིག་པ་དངོས་མེད་འདི་བསྐལ་པའི་མེས་བསྲེགས། རྒྱ་མཚོ་ཆེན་པོའི་སྟེང་དུ་འཕོངས། དབུས་ཀྱི་རི་བོ་མཆོག་རབ་ཀྱི་འོག་ཏུ་ནོན། ཆུ་སྲིན་ཆེན་པོའི་གྲེ་ཕུག་ཏུ་བརྗོངས། སེམས་རིག་པ་འདི་ཡང་རྡུལ་དུ་རློགས་ལ་ད་ཕྱིན་ཆད། རིགས་དྲུག་གང་དུ་ཡང་སྐྱེ་མ་བཅུག་ལ་ཡུ་མེད་རྗེས་མེད་དུ་ཐོང་ཞིག །ཁྱེད་ལྷ་འདྲེ་ཚོ་རེམ། འོ་འོ་ནད་པ་འདི་ལུས་རྣག་གི་རྐྱལ་པ་ནི་བོ་ཚར། ཞེ་སྡང་རུས་པའི་བྲག་རི་ནི་ཞིག་ཚར། ལུས་པོ་དུག་གི་སྡོང་པོ་ནི་འགྱེལ་ཚར། འདོད་ཆགས་ཁྲག་གི་རྒྱ་མཚོ་ནི་སྐམ་ཚར། ད་ནི་ཡུན་རིང་པོ་འདི་བས་ཤི་ཡུན་ཐུང་ན་དགའ། ད་ལྟ་ཉིད་དུ་ཤི་ན་དགའ། སྐད་ཅིག་ཉིད་ལ་ཤི་ན་དགའ། འདི་ཤི་ན་ནད་པ་ཁོ་

[Full Size]

དགའ། གཅོད་པ་ང་དགའ། གཉེན་ཉེ་དུ་དགའ། ཡུལ་མི་ཁྱིམ་མཚེས་དགའ། འདི་ན་དགའ་ཡིན། འདི་ཤི་སྐྱིད་ཡིན། འོ་ནད་པ་འདི་ཤི་ན་ཤ་ཐམས་ཅད་དང་མཛེ་ཤ་བསྲེས་ནས་དབུས་རི་བོ་མཆོག་རབ་མན་ཆད་དང་། གཉན་ཆེན་སྡེ་བཞི་ཡན་ཆད་ཀྱི་རི་གཉན་ཐམས་ཅད་ཀྱི་རྩེ་རུ་སྤུངས། དུག་ཤིང་ཆ་མ་ཆོ་དགུ་དེ་ཐུ། མཛེ་རོ་གྲི་རོ་ལྷོག་རོ་རབས་ཆད་ཕོ་མོའི་རོ་དམེ་རོ་ཚོ་དང་། མི་འདིའི་རྩིབ་ཁོག་རྣམས་བསྡུས་ནས་གཉན་ས་འདི་ན་བསྲེགས། རོ་དུད་ཐམས་ཅད་ཀྱིས་ནམ་མཁའ་བཀང་། ལྷ་ཆེན་ཐམས་ཅད་དེ་འཚུབས་ནས་འཆི། ལྷ་བྲན་ཐམས་ཅད་དེ་མྱོས་ནས་འཆི། རོ་དུད་དེས་བར་སྣང་ཐམས་ཅད་དེ་བཀང་། གཟའ་དང་རྒྱུ་སྐར་ཐམས་ཅད་དེ་བརྒྱལ་ནས་འཆི། མཛེ་ཁྲག་དང་དམེ་ཁྲག་དང་བཙོས་ཁྲག་དང་རྒྱ་ཁྲག་དང་། ཡུགས་ས་ལན་དགུ་མའི་མངལ་ཁྲག་དང་། ཁྱི་ཁྲག་དང་། མི་ཁྲག་དང་རྟ་ཁྲག་དང་བརྗེ་བཀའ་ལོག་གི་ཁྲག་དང་། མཛེ་ཕོའི་རྣག་ཁྲག་དང་། མི་འདིའི་སྙིང་ཁྲག་བསྲེས་ནས། རྒྱ་མཚོ་ཆེན་པོའི་ནང་དུ་བླུགས། ཀླུ་ཆེན་ཐམས་ཅད་དེ་འཚུབས་ནས་འཆི། ཀླུ་བྲན་ཐམས་ཅད་དེ་མྱོས་ནས་

[Full Size]

འཆི། འདིའི་རུས་པ་ཞེ་སྡང་སྤུ་གྲིའི་སོ་དང་འདྲ་བ་འདི་ལ། ཁྲག་སྣ་ཆ་མ་ཆོ་དགུ། རི་དུག་བཙན་དུག་སྦྱར་དུག །རྨ་བྱའི་སྒོང་དུག །མ་ཧེའི་རྩི་དུག །དུག་སྦྲུལ་གྱི་ཁ་ཆུ་རྣམས་བླུགས་ནས་གཉན་སའི་ས་གཞི་ཐམས་ཅད་གྲམ་པ་ལྟར་བརྡལ། སྣང་སྲིད་ཀྱི་ལྷ་འདྲེ་ས་བདག་ཐམས་ཅད་འདུག་པའི་ཡུལ་མེད། ནད་པ་འདིའི་རྐང་ལག་གི་ལྡེབ་བཞི་དང་དུག་སྣ་ཁྲག་སྣ་ཤ་སྣ་ཐམས་ཅད་བསྲེས་ནས། ལག་ལྡེབ་གཡས་པ་དེ་ཤར་ཕྱོགས་ན་འཕེན། ཤར་ཕྱོགས་དྲི་ཟའི་གྲོང་ཁྱེར་དེ་ཐམས་ཅད་རྡུལ་དུ་བརླག །རྐང་ལྡེབ་གཡས་པ་དེ་ལྷོ་ཕྱོགས་ན་འཕེན། ལྷོ་ཕྱོགས་གཤིན་རྗེའི་གྲོང་ཁྱེར་དེ་ཐམས་ཅད་རྡུལ་དུ་བརླག །ལག་ལྡེབ་གཡོན་པ་དེ་ནུབ་ཕྱོགས་ན་འཕེན། ནུབ་ཕྱོགས་ཀླུ་ཡི་གྲོང་ཁྱེར་དེ་ཐམས་ཅད་རྡུལ་དུ་བརླག །རྐང་ལྡེབ་གཡོན་པ་དེ་བྱང་ཕྱོགས་ན་འཕེན། བྱང་ཕྱོགས་གནོད་སྦྱིན་གྱི་གྲོང་ཁྱེར་དེ་ཐམས་ཅད་རྡུལ་དུ་བརླག །ལག་ངར་གཡས་པ་དེ་ཤར་ལྷོར་འཕེན། ཤར་ལྷོ་མེ་ལྷའི་གྲོང་ཁྱེར་དེ་ཐམས་ཅད་རྡུལ་དུ་བརླག །རྐང་མགོ་གཡས་པ་དེ་ལྷོ་ནུབ་ཏུ་འཕེན། ལྷོ་ནུབ་སྲིན་པོའི་གྲོང་ཁྱེར་དེ་ཐམས་ཅད་རྡུལ་དུ་བརླག །ལག་མགོ་གཡོན་པ་

[Full Size]

དེ་ནུབ་བྱང་དུ་འཕེན། ནུབ་བྱང་རླུང་ལྷའི་གྲོང་ཁྱེར་དེ་ཐམས་ཅད་རྡུལ་དུ་བརླག །རྐང་མགོ་གཡོན་པ་དེ་བྱང་ཤར་དུ་འཕེན། བྱང་ཤར་དབང་ལྡན་གྱི་གྲོང་ཁྱེར་དེ་ཐམས་ཅད་རྡུལ་དུ་བརླག །རྒྱུ་མ་དེ་མཛེ་ཁྲག་དང་མཛེ་ཤས་གཡོས་ནས་བྲག་གཉན་ཐམས་ཅད་ཀྱི་རྩེ་ནས་འགེལ། ཤིང་གཉན་ཐམས་ཅད་ལ་ཐག་ལྟར་བྲན། འོ་དེ་ལྟར་བྱེད་དགོས་པའི་དོན་ནི་ལུས་གདོན་འདིས་བྱེད་བཅུག་པ་ཡིན་ནོ། །འོ་འོ་དེ་ལྟར་མི་བྱེད་ན་ཁྱོད་ལྷ་འདྲེ་ཚོས་དམག་སྡུས་གོ་གྱོན་མཚོན་ཐོགས་ལ། ནད་པ་འདིའི་ལུས་གདོན་ནད་འདྲེ་གཅོང་སྲི་ལ་དམག་རྒྱོབ། ལུས་དང་ལུས་གདོན་ཕྲོལ། ནད་ནད་བདག་དང་བཅས་པ། གདོན་སྣ་འདྲེན་དང་བཅས་པ་འདི། ད་ལྟ་ཉིད་དུ་སོད་ཆིངས་རྒྱོབ། ལུས་གདོན་དང་ནད་འདྲེ་གཅོང་སྲི་འདི་ད་ལྟ་ཉིད་དུ་ཚར་ཆོད་ཅིག །འོ་འོ་དེ་གཉིས་གཅིག་ཀྱང་མི་བྱེད་ན་ནི་ང་མ་ལན་ཁྱོད་ལྷ་འདྲེ་ལན་པས། ང་ཇི་སྲིད་འཁོར་བ་མ་སྟོངས་ཀྱི་བར་དུ་གནས་འདི་ན་སྐད་ཅིག་ཀྱང་གཡོ་འགུལ་མེད་པར་འདུག །ནམ་མཁའ་འདི་གདན་དུ་བཏིང་། ས་གཞི་འདི་གདུགས་ལྟར་ཕུབ། ཁྱོད་ལྷ་འདྲེའི་གནས་ཁང་ཕོ་བྲང་དང་བཅས་པ་

[Full Size]

མགོ་མཇུག་ལྡོག །རི་ཆེན་ཚོ་རྦབ་ཏུ་བསྒྲིལ། རི་ཆུང་ཚོ་ཚོགས་པོར་འཕེན། རྒྱ་མཚོ་འདི་ཧུབ་ཀྱིས་འདེབས། ཆུ་ཆེན་ཚོ་གྱེན་དུ་ལྡོག །ཉི་ཟླ་གཉིས་བཙོན་དུ་བཟུང་། །ཁྲོས་མ་ནག་མོའི་དམག་སྒར་འདེབས། ཡེ་ཤེས་ཁྲོ་བཅུའི་དམག་སྡུས། ནམ་མཁའ་བར་སྣང་བྱ་ཁྱུང་གིས་བཀང་། བྱེ་ཚན་གྱི་ཆར་པ་འབེབས། གནམ་ལྕགས་རྡོ་རྗེའི་སེར་བ་ཕབ། བསྐལ་བའི་མེ་དཔུང་གི་གློག་དམར་འཁྱུག །དྲག་སྔགས་གདུག་པའི་འབྲུག་སྒྲ་ལྡིར། འཁོར་ལོ་འབར་བའི་རྩིབས་ལ་བསྐྱོན། གནམ་ལྕགས་རལ་གྲིའི་རྩེ་ལ་བསྐྱོན། མཚོན་ཆ་སྣ་ཚོགས་ཀྱི་བུ་ཡུག་འཚུབ། མཛེ་ཁྲག་གི་རྒྱ་མཚོ་བསྐྱིལ། མཛེ་རུས་ཀྱི་ཕོ་བྲང་བརྩིགས། མཛེ་ལྤགས་ཀྱི་བླ་བྲེ་བྲེས། མཛེ་རྐང་གི་ཕུར་པ་བརྡེབས། །མཛེ་རྒྱུའི་ཆོན་ཐག་འཐེན། མཛེ་མགོ་རུས་པའི་གསེར་ཏོག་འཛུགས། མཛེ་རོ་དང་ལྷོག་རོ་དང་དམེ་རོའི་བསང་བཏང་། རྫས་ངན་སྣ་ཚོགས་ཀྱི་གཏེར་སྦས། རྫས་རྒོད་ཀྱི་དུད་པ་བདུག །ཁྱོད་ལྷ་འདྲེ་སྡེ་བརྒྱད་ཐམས་ཅད་དང་། ཁྱད་པར་ཁྱོད་གཉན་ས་འདིའི་གནས་པོ་ཁྱོད་རྩ་རྩ་ལག་དང་བཅས་པ་རྩད་ནས་གཅོད། རྨོངས་ནས་བསྐྱེལ། ཐལ་

[Full Size]

བ་རྡུལ་དུ་བརླག །གནམ་ལྕགས་ཐོག་གི་རལ་གྲིའི་སྤྱི་བོ་ནས་བཀས། ལུས་དུམ་བུ་སྟོང་དུ་གཏུབ། སྙིང་དུམ་བུ་བརྒྱ་རུ་གཏུབ། ང་ཡི་ཕྲིན་ལས་མ་བསྒྲུབས་ན། རྫོགས་པའི་སངས་རྒྱས་ཀྱི་བཀའ་བཅག་པ་ཡིན། ཡེ་ཤེས་མཁའ་འགྲོའི་དམ་བཀྲལ་བ་ཡིན་པས། ཁྱོད་ཀྱི་རྣམ་པར་ཤེས་པ་ཡང་མནར་མེད་པའི་དམྱལ་ཁམས་བཅོ་བརྒྱད་འགྲིམ་དགོས་པ་ལ་ཐེ་ཚོམ་ཡོད་རེ་ན་ར་ཀན། འོ་འོ་དེ་བས་ལས་དེ་འདྲ་ལ་མ་ཐུག་པར། དོན་ཆུང་ངུ་ལ་ཉན་ཆེན་པོ་མ་བསྡོ་བར། ལུས་གདོན་ནད་དང་བཅས་པ་འདི་ད་ལྟ་ཉིད་དུ་ཁྱེར། ཕཊ་ཕཊ་ཕཊ། རང་ན་བ་ཡིན་ན་དང་། ནད་པ་ཡིན་ན་ནད་པའི་རྣམ་ཤེས་སྤར་ལ། བེམ་པོ་དང་ངར་མི་དབྱེར་མེད་དུ་བསྒོམས་ཏེ་རོ་ལ་མེ་སྦར་བར་བསྒོམས་ལ། ངར་མི་བསྲེག་ཅིང་། ཀྱཻ། །ཉོན་ཅིག་ལྷ་དམག་བྱེ་བ་རྣམས། །འདིར་འདུས་ལྷ་འདྲེའི་དམག་ཚོགས་འདུས། །གཉན་སའི་ལྷ་འདྲེ་ཚུར་འདུས་ཤིག །ལྷ་ཀླུ་གཞི་བདག་ཚུར་འདུས་ཤིག །གནོད་བྱེད་ཡམས་འདྲེ་ཚུར་འདུས་ཤིག །མཐུ་ཆེན་རྩལ་དྲག་ཁྱོད་ཡིན་པས། །མཐུ་དང་ནུས་པ་དུས་འདིར་བསྐྱེད། །མི་འདིའི་ལུས་ལ་གནོད་བྱུང་བས། །གཉན་ས་འདི་རུ་འོང་བ་ཡིན། །

[Full Size]

དེ་བས་ལྷ་འདྲེ་སྟོབས་ཆེན་རྣམས། །མི་འདིའི་ལུས་གདོན་བེམ་པོར་བཅས། །ད་ལྟ་ཉིད་དུ་གཏད་པས་ཁྱེར། །བེམ་པོའི་གདོན་འདི་མ་བླངས་ན། །གཉན་ས་འདི་རུ་ཤི་བར་བྱེད། །མགོ་བོ་རི་བོའི་རྩེ་ལ་སྐྱེལ། །རྒྱུ་མ་རྩི་ཤིང་བྲག་ལ་བཀལ། །ཤ་ཁྲག་གཉན་ས་འདི་རུ་གཏོར། །མཛེ་ཁྲག་མཛེ་ཤ་དུག་ཤིང་དང་། །དུག་ཚེར་བསྲེགས་ནས་སྡེ་བརྒྱད་མི་སྐམ་རེ། །མཛེ་ཁྲག་ཆུ་ལ་མི་བླུགས་རེ། །ང་ཤི་ཁྱོད་འགྱེལ་མི་བྱེད་རེ། །དེ་བས་བེམ་པོ་གདོན་དང་བཅས། །དོ་ནུབ་ད་ལྟ་ཉིད་དུ་ཁྱེར། །ཕཊ། རྐང་དུང་དྲག་འབུད་བྱ། གཡང་གཞིས་ནད་པར་བྲབ་ནས་སྟོང་ཉིད་ངང་ལ་ཡུན་རིང་བསྡད། སྐབས་སུ་སྐབས་སུ་ཕཊ་སྒྲ་རྐང་དུང་མང་དུ་གཏོང་། མཐའ་གཏད་འདིའི་ནད་བྱིང་ཆེན་གདོན་ཆེ་བ་ཆོད་པར་འགྱུར་རོ།། ༈ ༼མ༽ །།ཡང་མཐའ་གཏད་ཆུའི་གཟེར་བུ་བྱེད་ན། མཚོའམ་ཆུ་མིག་གམ་རྫིང་བུ་ན་ཁ་སོགས་ཀླུ་ཡོད་ས་གཅིག་ཏུ་འགྲོ་ལ། ནད་པའི་གླུད་ཟན་ཆངས་བུ་བརྒྱའམ་ལོ་གྲངས་སམ་ཉེར་གཅིག་བྱས་ལ་རི་དང་ཆུ་ལ་གཏོར་ནས། གཉན་འབོད་ཐམས་ཅད་གོང་ལྟར་ཐམས་ཅད་འདོན། ངར་མི་སྲེག་མི་དགོས། དེ་ནས་རང་དང་ནད་པ་གཉིས་ཀ་གཅེར་བུར་བུད་ལ། ཆུ་མིག་གམ་མཚོ་དེ་ལ་ལུས་བཀྲུས་ནས་ཕྱོགས་ཐམས་ཅད་དུ་གཏོར། ཆུ་པུས་ནུབ་ཙམ་འབོག་བསྡིགས་

[Full Size]

བཤལ་ལ་ཆུ་ནང་དུ་བླུགས། སྨྱོན་པ་ཡིན་ན་སྐེད་པ་ལ་ཐག་པ་དམ་པོར་བཏགས་ལ། ཆུ་འཁོར་ཁུག་དལ་བའི་སར་ཁྲིད། དེ་ལྟར་བྱེད་རྒྱུ་གསང་ལ། ཆུ་ནང་ཟུར་ཙམ་དུ་འཕོང་ལ་ཕཊ་སྒྲ་བརྗོད་སྦྲགས་བསྔངས་ཆེན་པོ་འདོན། ནད་པ་གཞན་ལ་ཡང་ངོ་ལ་ཆུ་ལྕགས་བརྒྱབ་ལ་བསྔངས་འཇུག །ནད་ཐུ་མོ་མིན་ན་ཆུ་ཆུང་ཙམ་འབོག་ལ། མཚོ་དཀྱིལ་དུ་འགྲོ་ནས་ང་ཡིས་ཤ་ཁྲག་གཏོར་རྒྱུ་ཡིན་བརྗོད་ནས་མཆོང་བསྡིགས་བྱེད། གཞན་གྱིས་བར་བྱེད་ནས་ཚུར་ཁྲིད། དམིགས་པ་ནི། ཕཊ། རང་དང་ནད་པའི་ལུས་འདི་སྐད་ཅིག་ལ། །རྒྱ་མཚོ་ཆེན་པོ་རྣམ་པ་ལྔ་རུ་གྱུར། །རང་གི་རིག་པ་གནམ་ལྕགས་འབར་བ་ཡི། །རྡོ་རྗེ་རྩེ་དགུ་ཉི་མ་སྟོང་བས་ཚ། །རེ་འགའ་རྒྱ་མཚོའི་ཞབས་སུ་མར་འཛུལ་བས། །རྒྱ་མཚོ་ཐམས་ཅད་སྐམ་ནས་ཧག་ཧག་སོང་། །ཐང་རེ་རྡོ་རྗེ་རྒྱ་མཚོའི་ཁ་ནས་འབུད། །རྒྱ་མཚོ་ལྔ་ཡང་ཕྱུར་བུར་འཕྱུར་བར་གྱུར། །ཕཊ་ཕཊ། དམིགས་པ་མང་དུ་བཟུང་ནས་རྐང་དུང་གསུམ་བཏང་ངོ་། །འོ་འོ་སྣང་སྲིད་ཀྱི་ལྷ་འདྲེ་གཞི་བདག །གཉན་ས་འདིའི་ལྷ་འདྲེ་སྡེ་བརྒྱད་མཚོ་དང་ཆུ་མིག་ཆུ་བོའི་ནེའུ་སིང་འདི་ལ་གནས་པའི་ཀླུ་རྒྱལ་རིགས། རྗེ་རིགས། དམངས་རིགས། བྲམ་ཟེའི་རིགས་གདོལ་པ་ཀླུ་བདུད། ཀླུ་གཉན་ས་བདག་གི་རིགས་སུ་གྱུར་པ་

[Full Size]

ཐམས་ཅད་ལ། ངའི་ལུས་པོ་ཤ་ཁྲག་གི་ལོངས་སྤྱོད་རྒྱ་ཆེན་པོ་འདི་ཚོགས་སོགས་བདུད་རྩི་ལོངས་སྤྱོད་དུ་འབུལ་ལོ། །ཁྱེད་རྣམས་ཟད་མེད་ཀྱི་གཏེར་ལ་ལོངས་སྤྱོད་པར་གྱུར་ཅིག །ཕཊ་ཕཊ་ཕཊ། སྟོང་ཉིད་ངང་ལ་ཡུད་ཙམ་བཞག །ཆུ་ཡི་གཟེར་བུ་འདི་གཉན་ནད་དང་། ཀླུ་ས་བདག་གི་ནད་རྣམས་འཕྲལ་དུ་ཆོད་པར་མ་གཅིག་གིས་གསུངས་སོ། །གཅིག་བརྒྱུད་མ་གཏོགས་བཀའ་རྒྱ་མཛོད། མཐའ་གཏད་གཉིས་པོ་སོ་སོར་བྱེད་རྒྱུ་ཡིན་ཀྱང་། ནུབ་གཅིག་ལ་ས་གཅིག་ཏུ་བྱས་ཀྱང་རུང་། གཉིས་ཀ་ཕར་མུན་རུག་ཡག་ལ་འགྲོ། གཉན་འབོད་མཐའ་གཏད་ཚེ་མེ་འབུད་དགོས་པས་དཔེ་ཆོག་ཀྱང་རུང་། མཐའ་གཏད་ཚར་ནས་མེ་དང་མར་མེ་མེད་པར་བྱས་ལ། ལུས་སྦྱིན་བློ་ནས་ཚར་གཅིག །དེ་ནས་དཀར་འགྱེད་དམར་འགྱེད་དམིགས་པ་ཅི་མང་བྱས་ལ། ཕཊ་བསྒྲང་མཐར་ནད་དང་ནད་པ་གདོན་དང་གཅོད་པ་ལྷ་འདྲེ་མ་གཅིག་ཐམས་ཅད་དབྱེར་མེད་དུ་བསྲེས་ལ་སྟོང་ཉིད་ལྟ་བའི་ངང་ལ་སྙེམས་དང་ཁུ་འཕྲིགས་མེད་པར་ཉལ། ནད་པ་ཡང་ཉལ་འཇུག །སྨྱོན་པ་སོགས་འགྲོ་དོགས་ལ་དམ་པའི་ལྕགས་དྲྭ་སོགས་ཆིངས་ཀྱི་དམིགས་པ་གསེང་དམིགས་མང་དུ་བྱ། གཞན་སྟོང་ཉིད་ཁོ་ན་བསྒོམ་ཞིང་བསྡད་ལ། ཐོ་རངས་ནམ་མ་ལངས་ཙམ་ལ་གཞན་གྱིས་མ་མཐོང་བར་ཚུར་འོང་། འདི་ལ་གཉན་ཐོག་ལྟ་བུའི་རྗེས་གཅོད་སོགས་ནི་མི་དགོས་སོ། ་།དེ་ཡང་གཉན་སར་མ་ཕྱིན་ནས་ཁྱིམ་ཁང་ཐོག་ནས་རི་གཉན་མཚོ་སོགས་མཐོང་བས་མཐའ་

[Full Size]

གཏད་བྱེད་ན། ཁྱིམ་གྱི་ནད་པ་ཉལ་ས་དང་ངར་མི་བསྲེས་པ་དེ་ཉིད་རིའི་དེའི་རྩེའམ། མཚོ་དེའི་དཀྱིལ་ཡིན་པར་བསྒོམ་ཆོག །རི་རྩེ་དང་མཚོ་ལ་ཆངས་བུ་དང་ཁྲུས་ཆུ་བསྐུར་ལ་གཏོར་ཏེ། དྲི་ཆུ་བཀྲུ་བསྐྱེལ་ཡང་ཟེར་རོ། །གཉན་སར་ཞག་གཅིག་དེ་ལ་ལྷོང་ཚད་ཆོད་ཚད་ཚར་ཚད་གསུམ་ཀ་འོང་སྟེ། དང་པོ་ཕྱིན་ནས་དངོས་སམ། ཉམས་སྣང་ངམ། རྨི་ལམ་ཟ་ཟི་ལ་འབྲུག་གློག །སེར་བ། རླུང་ཐོག་ཟབ། འུར་སྒྲ། བཤུད་པ་ངར་སྐད་འབོད་སྒྲ། གཟུགས་སྣ་ཚོགས་མཐོང་བ་དང་། འཇིགས་སྐྲག་སྐྱེ་བ། མཚོ་ཕྱུར་བ་བསྡུར་བ་སོགས་ལྷོང་ཚད། ནད་ཅུང་ཞིག་ཐུ་བ། ལུས་ལ་ཤ་མགུལ། ཚ་ཚག་ཚིག་པ་ཟ་བ། འཛིང་འདོད་པ་ནང་ལྷོང་གསང་ལྷོང་ངོ་། །ཞེ་སྡང་དང་འདོད་ཆགས་བློ་བུར་དུ་སྐྱེའོ། །དེ་ནས་ཆོད་ཚད་ནད་པའི་རྨི་ལམ་དུ་རུ་བ་མགྲོན་པོ་བཀྱགས་སོང་བ། འུར་ཚེ་མ་བྲོས་ཞོག་ཤིང་ཆག །ཆུ་སྐམ། ཟས་ནོར་ལུས་བཅས་མིས་ཁྱེར་ཤོར་བ། གོས་ཧྲུལ་ཕུད་ཁྲུས་བྱས་གཅེར་བུར་བུད། །དུད་འགྲོས་རྨུགས་སམ་བརྡུངས། མཚོན་བརྒྱབས་པས་རྣག་ཁྲག་ཟག་པ། སྐྱུགས་པ་བཤལ་བ། ཤ་ཉེའམ་མི་དལ་པོ་ཤི་རོ་བསྲེགས་པ་རྨིས། གཅོད་པའི་ཉམས་སྣང་རྨི་ལམ་དུ། དུམ་བྱས་ཕོ་བྲང་བཏབ། ཕྱག་འཚལ་བསྙེན་བཀུར་ཞབས་ཏོག་བྱས། ཆོས་བཤད་ཉི་ཟླ་ཤར་བ་རང་ཉིད་ཁྲི་ལ་འདུག་པ་སོགས་རྨིས། ཉམས་རྟོགས་གསལ་ཡིད་དགའོ། །སྔར་ཁྱིམ་དུ་འོང་བའི་གདོན་རྟགས་ལུས་གདོན་ཡིན། སྔར་མི་འོང་བའི་གདོན་རྟགས་ནི་གནས་གདོན་

[Full Size]

ཡིན། ཤ་ཁྲག་རློན་པ་ཁྲབ་ལྕགས་སྤྱད་བལ་ནག་ཚྭ་སྒོག་ཕུལ་བ་ཆོ་འཕྲུལ་ཡིན། རང་གི་ཁང་སྦྲ་འགྱེལ་ལམ་མེས་ཚིག །དུག་ཟོས་ཁྱུང་ངམ་ཉའམ་སྦྲུལ་གྱིས་མིད། རང་གི་སྙིང་ཟོས་གཞན་ལ་སྦྱིན། ལུས་རྡུལ་ཕྲན་ལྟར་དུ་གཏོར་བ། ཆོ་འཕྲུལ་འདྲ་ཡང་ཚར་ཚད་ཡིན། གཉན་ས་སྟོབས་ཆེ་ན་སྔོན་དུ་གཉན་སའི་ཆོ་འཕྲུལ་འོང་ཞིང་ལུས་གདོན་རྟགས་མེད་པར་འོང་། ལུས་གདོན་ཆོ་འཕྲུལ་སྔར་ལྟར་འོང་ཞིང་ཆོད་ཚད་མ་བྱུང་ན། གནས་པོ་དེས་ལུས་གདོན་མི་ཐུབ་བས། ཕྱིར་ནུབ་དེ་བས་གཉན་ས་དྲག་པ་གཅིག་ཏུ་འགྲོའོ། །གཉན་སའི་ཆོ་འཕྲུལ་འོང་། །ལུས་གདོན་རྟགས་མེད་ཅིང་ཆོད་ཚད་མ་བྱུང་ན། དེ་ནི་ཕྱིར་ནུབ་ཡང་འོང་ལ་མཐའ་གཏད་བྱའོ། །ཚར་ཚད་ལེགས་པར་བྱུང་ན་ད་དུང་ཡང་ལྷོ། མཐའ་གཏད་ཝིག་ན་ནད་གཞན་ནི་འོང་བས་མི་བྱའོ། །ཁྱིམ་དུ་ཡིན་ན་མཐའ་གཏད་རིགས་མི་གཅིག་པ་ཐམས་ཅད་རེས་མོས་སུ་ནུབ་གསུམ་བཞི་བྱེད་ཆོག་གོ །རིའི་མཐའ་གཏད་ཡག་ཉེས་ཡང་ཚེ། ལར་མཐའ་གཏད་གཉན་ཅིང་ཉེས་པ་ཡང་ཅུང་ཟད་ཡོད་པས་གལ་ཆེ་ན་མ་གཏོགས་ནམ་ཡིན་མི་བྱའོ། །ཞེས་ཨ་རཱ་གས་གཅོད་ཚོགས་ཀྱི་ལྷན་ཐབས་སུ་བཀོད་པ་ལ་ཉེས་པ་གང་མཆིས་བཤགས་ཤིང་། དགེ་བས་སེམས་ཅན་ཐམས་ཅད་བདུད་བཞིའི་གཡུལ་ལས་རྒྱལ་བར་གྱུར་ཅིག །མངྒ་ལཾ། །དགེའོ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

མཐའ་གཏད་མེ་ཡི་གཟེར་བུ་ཞེས་བྱ་བ་དམིགས་པ་ཕྱག་ལེན་འདོན་ཆ་བལྟས་ཆོག་ཏུ་བཀོད་པ།

[Full Size]

༼བ༽ མཐའ་གཏད་མེ་ཡི་གཟེར་བུ་ཞེས་བྱ་བ་དམིགས་པ་ཕྱག་ལེན་འདོན་ཆ་བལྟས་ཆོག་ཏུ་བཀོད་པ་བཞུགས་སོ།།

[Full Size]

ན་མོ་པྲཛྙཱ་པཱ་ར་མི་ཏཱ་ཡེ། ཡུམ་ཆེན་ཌཱཀིའི་ཚོགས་ལ་ཕྱག་འཚལ་ནས། །མཐའ་གཏད་མེ་ཡི་གཟེར་བུ་བལྟས་ཆོག་བཀོད། །ཆོས་བདག་ཏྟཀིས་བཀའ་གནང་བྱིན་གྱིས་རློབས། །ནད་པའི་ལུས་བཀྲུས་པའི་ཁུ་བས་ཟན་བརྫིས་ལུས་ལ་དྲུད་ལ། ཆངས་བུ་བརྒྱ་རྩ་བརྒྱད་བྱ། རེ་རེ་ལ་ཤ་དུམ་བསླན། ནད་པའི་གཟུགས་མཛུབ་གང་ཙམ་བཅས་ལ་གོས་རྙིང་གིས་བཏུམས་སྣལ་མས་དཀྲིས་ལ་སྤུར་འདྲ་བ་གཅིག་བྱ། དེ་ལ་སྐུ་དང་སེན་མོ་དྲི་མ་རྣམས་ཀྱང་བསླན། དེ་རྣམས་སྣོད་གཅིག་ཏུ་བཞག་གོ །སྤེན་ནེའམ་སུ་རུ་སོགས་ལ་མེ་ཐོམ་དགུ་བཅིངས་ལ་བཞག །ས་སྟེགས་གཅིག་བཅག་ལ་དེར་རྡུལ་ཚོན་ནམ་སོལ་བས་གྲུ་གསུམ་དབུས་སུ་ཡི་གེ་ཧཱུྃ་གིས་མཚན་པ་གཅིག་བྲི། དེའི་སྟེང་དུ་

[Full Size]

ཤིང་སྣ་ཚོགས་བརྩིག །གཅོད་ཚོགས་ཀྱི་སྐབས་སམ། ལུས་སྦྱིན་ཙམ་གྱིས་ཀྱང་ཆོག་སྟེ། དང་པོ་ལུས་སྦྱིན་བྱས་དེ་ནས། ཕཊ། རང་ཉིད་སྐད་ཅིག་གིས་དུར་ཁྲོད་ཀྱི་བདག་མོ་ཁྲོས་མ་ནག་མོ་སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། སྐུ་ལ་དུར་ཁྲོད་ཀྱི་ཆས་བརྒྱད་ཀྱིས་བརྒྱན་ཅིང་པད་ཉི་བོ་གྱི་གདན་ལ་གར་སྟབས་ལིང་ངེར་བཞུགས་པ། ཕྱག་གཡས་མེ་ཡི་ཧོམ་གཟར་ཕྱར་ཞིང་གཡོན་མི་རྐང་གི་གླིང་བུ་འབུད་པས་ལྷ་སྲིན་དབང་དུ་སྡུད་པ། སྐུ་ཡིས་སྲིད་པ་གསུམ་ཁྱབ་པ་ཁམས་གསུམ་དབང་དུ་སྡུད་པ་སྲིད་གསུམ་ཟིལ་གྱིས་གནོན་པའི་སྐུར་གྱུར། །

[Full Size]

དེ་ནས་ངར་གླུད་ཆངས་བུ་ཤ་དུམ་རྣམས་བྲན་ལ་ནད་པ་མདུན་དུ་བསྙལ་ལ། ཕཊ། མདུན་གྱི་ནམ་མཁར་མ་གཅིག་ལབ་ཀྱི་སྒྲོན་མ་སྐུ་མདོག་དཀར་མོ་དར་དཀར་གྱི་རལ་ག་གསོལ་བ། དབུ་སྐྲ་སིལ་མས་སྐུ་རྒྱབ་ཁེབས་པ། ཕྱག་གཡས་ཌཱ་མ་རུ་འཁྲོལ་ཞིང་གཡོན་དྲིལ་བུ་དཀུར་བརྟེན་ནས། པདྨ་ཟླ་བའི་གདན་ལ་གར་སྟབས་ལིང་ངེ་བཞུགས་པ་མངོན་སུམ་དུ་གསལ་བར་གྱུར། ཕཊ་ཕཊ། ནད་པའི་སྙིང་གར་རྣམ་པར་ཤེས་པ་ཚེ་བསོད་ནམས་རླུང་སེམས་ཐམས་ཅད་འདུས་པའི་ངོ་བོ། འོད་ཀྱི་ཐིག་ལེ་བྱ་མ་སར་གྱི་སྒོ་ང་ཙམ་འཕར་ལ་ཁད་པ་ཡར་ལ་ཁད་པ། ཕཊ། དབུ་མའི་ལམ་ནས་རྒྱངས་སེ་ཐོན་ནས་མ་གཅིག་གི་ཐུགས་ཀར་ཐིམ་པར་གྱུར། ཕཊ་ཕཊ་ཕཊ། ན་མོ་དྲིན་ཆེན་གཅོད་ཡུལ་བརྒྱུད་པའི་བླ་མ་དམ་པ་ནི་རྣམས་ཀྱི་བདེན་པ་དང་། །དཀོན་མཆོག་གསུམ་གྱི་བདེན་པ་དང་། མ་གཅིག་ལབ་ཀྱི་སྒྲོན་མ་བདུད་འདུལ་ཁྲོས་མ་ནག་མོའི་བདེན་པ་དང་། རིགས་ལྔའི་མཁའ་འགྲོ་བྱེ་བ་འབུམ་སྡེ་རྣམས་ཀྱི་བདེན་པ་དང་། བདེན་པ་ཆེན་པོའི་མཐུས། ནད་པ་འདིའི་དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པ།

[Full Size]

ཚེ་ལ་བརྐུ་བ། སྲོག་ལ་འཇབ་པ། ཡིད་ལ་རློམ་པ། བླ་ལ་ཁྱེར་བ་བྱེད་པའི་ལུས་གདོན་རྒྱབ་རྟེན་དང་བཅས་པ། ནད་ནད་བདག་དང་བཅས་པ། གདོན་སྣ་འདྲེན་དང་བཅས་པ། བཀའ་དང་དམ་ལ་མི་གནས་པ། འགྱུ་ལོག་འཕར་ལྡང་བྱེད་པ། མགོ་གཡོགས་མགོ་བསྐོར་བྱེད་པ་གང་ཡིན་པ་ཐམས་ཅད་སྐད་ཅིག་རང་དབང་མེད་པར་བེམ་པོ་དང་དབྱེར་མེད་པའི་ངར་མི་ཆངས་བུ་ཤ་དུམ་འདི་རྣམས་ལ་ཁུག་ཅིག །བཛྲ་ཨངྐཤ་ཛཿ བཛྲ་པཱ་ཤ་ཧཱུྃ། བཛྲ་སྥ་ཊ་པཾ། བཛྲ་གནྡྷེ་ཧོཿ ཧཱུྃ་ཧཱུྃ་ཧཱུྃ། ཕཊ་ཕཊ་ཕཊཿ ཅེས་ལན་གསུམ་བྱ། དེ་ནས་མེ་ཐབ་དེ་བྲན་ལ། ཕཊ། སྐད་ཅིག་གིས་རཾ་ལས་དྲག་པོའི་མེ་ཐབ་གྲུ་གསུམ་དམར་ནག་ཡངས་ཤིང་རྒྱ་ཆེ་བ། བསྐལ་པའི་མེ་དཔུང་རབ་ཏུ་འབར་ཞིང་འཚུབ་པའི་དབུས་སུ་ཡི་གེ་ཧཱུྃ་དམར་ནག་ཡོངས་སུ་གྱུར་པ་ལས།། ངོ་བོ་ཁྲོས་མ་ནག་མོ་ལ་རྣམ་པ་གནམ་ལྕགས་ཀྱི་སྡིག་པ་དམར་ནག་རི་རབ་ཙམ་པ། ཡ་ཁ་གནམ་ལ་བྱས་པ། མ་ཁ་ས་ལ་བྱས་པ། མཆེ་བ་གངས་རི་ལྟར་གཙིགས་པ། ཁ་ནས་བསྐལ་པའི་མེ་འབར་བ། སྣ་ནས་བསྐལ་པའི་རླུང་ནག་འཚུབ་པ། མིག་ཉི་ཟླ་ལྟར་བགྲད་པ།

[Full Size]

ལུས་གཉེར་མས་གང་བའི་གསེབ་ནས་རྡོ་རྗེ་མེའི་ཚྭ་ཚྭ་འཕྲོ་བ། རྭ་གཡས་སྲིད་པའི་རྩེ་ནས་བསྙིལ་བ། གཡོན་པས་ས་འོག་གཏིང་ནས་གཡེངས་པ། རྐང་གཡས་ལྕགས་ཀྱུ་ལྟར་ཕྱོགས་བརྒྱད་དུ་བགྲད་པ། དྲི་མ་མི་སྡུག་པས་སྟོང་གསུམ་ཁྱབ་པ། ལུས་ལ་མཚོན་ཆའིབ་སྤུ་སྐྱེས་པ། མཐོང་བ་ཙམ་གྱིས་ལྷ་སྲིན་ཐམས་ཅད་བརྒྱལ་བར་བྱེད་པའི། སྙིང་གར་ཡི་གེ་ཧཱུྃ་དམར་ནག་ལས་མེ་འབར་བས་ཁོག་པ་མེ་ཡི་རང་བཞིན་དུ་ཡོད་པ། ཡེ་ཤེས་ཀྱི་ཁྲོ་བོ་ཁྲོ་མོ་ཐམས་ཅད་ཀྱི་མཐུ་སྟོབས་གཅིག་ཏུ་བསྡུས་པའི་ལས་ཀྱི་སྲིན་པོ་ཆེན་པོར་གྱུར། ཕཊ་ཕཊ་ཕཊ། ་དེའི་ཐུགས་ཀའི་ཧཱུྃ་ལས་འོད་ཟེར་འཕྲོས་པའི་རང་བཞིན་གྱི་གནས་ནས་ཡེ་ཤེས་ཁྲོ་བོ་ཁྲོ་མོ་ཐམས་ཅད་ཀྱི་ཐུགས་ཀ་ནས་སྤྲུལ་པའི་སྡིག་རྒོད་དེ་འདྲ་བ་དཔག་ཏུ་མེད་པ་ཆར་ལྟར་བབས་ནས་དབྱེར་མེད་དུ་ཐིམ་པར་གྱུར། བཛྲ་ས་མ་ཛཿ ཛཿཧཱུྃ་བྃ་ཧོ༔ ཕཊ་ཕཊ། ཧཱུྃ། སྐྱེ་མེད་ཆོས་སྐུ་ཡུམ་ཆེན་མཁའ་ཀློང་ན། །ཡེ་ཤེས་མེ་དཔུང་འབར་བའི་ཀློང་དཀྱིལ་ནས། །མ་གཅིག་བདུད་འདུལ་ཁྲོས་མ་ནག་མོ་ནི། །གདུག་པ་འདུལ་ཕྱིར་གནམ་ལྕགས་སྡིག་པར་སྤྲུལ། །དམར་ནག་ལུས་ནི་རི་རྒྱལ་ལྷུན་པོ་

[Full Size]

འདྲ། །བ་སྤུ་མཚོན་ཆ་སྣ་ཚོགས་ཟིངས་སེ་ཟིང་། །རྭ་ཅོ་གཡས་པས་སྲིད་པའི་རྩེ་ནས་བསྙིལ། །རྭ་ཅོ་གཡོན་པས་ས་འོག་གཏིང་ནས་གཡེངས། །རྐང་ལག་བརྒྱད་ཀྱིས་ཕྱོགས་མཚམས་གདོན་ཚོགས་འཇོམས། །སྤྱན་མིག་བགྲད་པས་ལྷ་སྲིན་བརྒྱལ་བར་བྱེད། །གདུག་པའི་དྲི་ངན་ཐུལ་པས་གནོད་བྱེད་མྱོས། །གནམ་ས་ལྟ་བུའི་ཁ་ནས་བསྐལ་མེ་འབར། །གངས་རི་ལྟ་བུ་མཆེ་བས་ལུས་གདོན་ཟ། །ལྕེ་ནི་གློག་འཁྱུག་ང་རོ་འབྲུག་སྟོང་ལྡིར། །བསྐལ་པའི་མེ་འབར་རྡོ་རྗེའི་ཚྭ་ཚྭ་འཕྲོ། །ཡེ་ཤེས་ཁྲོ་བོ་ཁྲོ་མོའི་མཐུ་ནུས་ཀུན། །གཅིག་བསྡུས་ལས་ཀྱི་སྲིན་པོ་གདུག་པ་ཅན། །དམ་སྲི་འབྱུང་པོའི་གཤེད་མ་ཁྱོད་ལ་བསྟོད། །བཀའ་ལས་འདས་པའི་གནོད་བྱེད་བདུད་དང་བགེགས། །ཐམས་ཅད་ཐལ་བ་རྡུལ་ཕྲན་བཞིན་དུ་རློག །རྣམ་ཤེས་མི་དམིགས་ཡུམ་ཆེན་ཀློང་དུ་བསྟིམ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཕཊ་ཕཊ། ཅེས་བསྟོད་ཅིང་དམིགས་པ་ངར་བསྐྱེད་ལ། རང་ཉིད་ཁྲོས་མ་ནག་མོས་ལུས་གདོན་གནོད་བྱེད་དེ་མངོན་སུམ་སྡིག་པའི་ཁར་འཕངས་པས་ཧབ་ཧབ་ཟོས་པར་བསམས་ལ། སྤྱིར་གྱི་གཟུགས་དེ་ལག་ཏུ་ཐོགས་ལ། ནད་པ་

[Full Size]

འདི་ལ་གཅོད་ཅིང་འཚེ་བར་བྱེད་པའི། ཕོ་གདོན་རྒྱལ་འགོང་དམ་སྲི། མོ་གདོན་འདྲེ་མོ་བསེན་མོ། ཀླུ་གདོན་ཐེའུ་རང་འབྱུང་པོ། ནད་འདྲེ་གཅོང་སྲི། ལུས་གདོན་རྒྱབ་རྟེན་དང་བཅས་པ། ནད་ནད་བདག་དང་བཅས་པ། གདོན་སྣ་འདྲེན་དང་བཅས་པ་ཐམས་ཅད། གནམ་ལྕགས་སྡིག་རྒོད་འབར་བའི་ཞལ་དུ་བསྟབ་བོ། །བཞེས་ཤིག །ཕཊ་ཕཊ་ཕཊ། ཅེས་སྤྱིར་གཟུགས་དེ་མེའི་ནང་དུ་འཕངས་ལ་ཌ་དྲིལ་རྐང་དུང་བཏང་། སླར་ཡང་ཆངས་བུ་ཤ་དུམ་རེ་རེ་ནས་འཕེན་ཅིང་། ཧཱུྃ། ལུས་གདོན་ནད་འདྲེ་གཅོང་སྲི་རྣམས། །གནམ་ལྕགས་སྡིག་པའི་ཞལ་དུ་བསྟབ། །བཞེས་ཤིག་རོལ་ཅིག་ཁ་རཾ་ཁཱ་ཧི། །རྣམ་ཤེས་ཆོས་ཀྱི་དབྱིངས་སུ་དྲོངས། །ཕཊ། ཅེས་ཆངས་བུ་ཤ་དུམ་མ་རྫོགས་བར་བརྒྱ་རྩ་བརྒྱད་བྱའོ། །དེ་ནས་ནད་པའམ་བསྲུང་བྱ་དུ་ཡོད་ཀྱི་རྣམ་ཤེས་སྤར་ཏེ། ཕཊ། ནད་པ་དང་བསྲུང་བྱ་རྣམས་ཀྱི་སྙིང་གར་རྣམ་པར་ཤེས་པ། བླ་ཚེ་བསོད་ནམས་རླུང་སེམས་ཐམས་ཅད་འདུས་པའི་ངོ་བོ། འོད་ཀྱི་ཐིག་ལེ་བྱ་མ་སར་གྱི་སྒོ་ང་ཙམ་དེ། དབུ་མའི་ལམ་ནས་རྒྱངས་སེ་ཐོན་ནས་ནམ་མཁའི་མ་གཅིག་གི་ཐུགས་ཀར་ཐིམ་པར་གྱུར། ཕཊ་ཕཊ་ཕཊ། ནད་པ་དང་བསྲུང་བྱ་རྣམས་ཀྱི་བེམ་

[Full Size]

པོ་ལུས་གདོན་དང་བཅས་པ་གནམ་ལྕགས་སྡིག་རྒོད་འབར་བའི་ཞལ་དུ་བསྟབ་བོ། །བཞེས་ཤིག །ཁྱེར་ཅིག །ཟོ་ཞིག །འཐུངས་ཤིག །ཌཱ་དྲིལ་དང་བཅས། །ཕཊ། བརྒྱ་རྩ་བརྒྱད་བརྗོད་པའི་ཚེ། ནད་པ་དང་བསྲུང་བྱ་ཐམས་ཅད་མེ་ཡི་སྟེང་དུ་ཕར་མཆོང་ཚུར་མཆོང་བྱེད་བཅུག །ནད་པ་མཆོང་མི་ཐུབ་ན་འཕྱར་ཁྱོགས་བྱེད་ལ་མེ་ཁ་ན་གཡུག་བཅུག་གོ །དེ་ནས་ནད་པ་ལ་གོས་སྤུ་མེད་བཀོན་ལ་རང་མདུན་དུ་བསྙལ། མེ་ཐོམ་ཆེ་བ་གཅིག་དབུས་སུ་བཞག །ཆུང་བ་བརྒྱད་ཀྱིས་བསྐོར་ལ་བཞག་ནས་བྲན། ཕཊ། སྐད་ཅིག་གིས་རྃ་ལས་མེ་ཧོམ་དཀར་པོ་ཟུར་བརྒྱད་པའི་དབུས་སུ་ཨོཾ་ལས་འཁོར་ལོ་དཀར་པོ་མེ་དཔུང་དཀར་པོ་འབར་བ། ཤར་དུ་རྃ་ལས་མེ་ཧོམ་ཟླུམ་པོ་མཐིང་ཁའི་དབུས་སུ་ཧཱུ་ལས་རྡོ་རྗེ་སྔོན་པོ་མེ་དཔུང་མཐིང་ཁ་འབར་བ། ལྷོར་རྃ་ལས་མེ་ཧོམ་སེར་པོ་གྲུ་བཞི་དབུས་སུ་ཧཱུྃ་ལས་རིན་ཆེན་སེར་པོ་མེ་དཔུང་སེར་པོ་འབར་བ། ནུབ་ཏུ་རྃ་ལས་མེ་ཧོམ་ཟླ་གམ་དམར་པོའི་དབུས་སུ་ཧྲཱིཿལས་པདྨ་དམར་པོ་མེ་དཔུང་དམར་པོ་འབར་བ། བྱང་དུ་རྃ་ལས་མེ་ཧོམ་གྲུ་གསུམ་ལྗང་གུའི་དབུས་སུ་ཨཱཿལས་རྡོ་རྗེ་རྒྱ་གྲམ་མེ་དཔུང་ལྗང་གུ་འབར་བ། ཤར་ལྷོར་རྃ་ལས་མེ་ཧོམ་ཟླུམ་པོ་དཀར་པོའི་དབུས་སུ་ཛལས་ལྕགས་ཀྱུ་དམར་

[Full Size]

པོ་མེ་དཔུང་དཀར་པོ་འབར་བ། ལྷོ་ནུབ་ཏུ་རྃ་ལས་མེ་ཧོམ་སེར་པོ་གྲུ་བཞིའི་དབུས་སུ་ཧཱུྃ་ལས་ཞགས་པ་སེར་པོ་མེ་དཔུང་སེར་པོ་འབར་བ། ནུབ་བྱང་དུ་རྃ་ལས་མེ་ཧོམ་ཟླ་གམ་དམར་པོའི་དབུས་སུ་པྃ་ལས་ལྕགས་སྒྲོག་དམར་པོ་མེ་དཔུང་དམར་པོ་འབར་བ། བྱང་ཤར་དུ་རྃ་ལས་མེ་ཧོམ་ལྗང་གུ་གྲུ་གསུམ་གྱི་དབུས་སུ་ཧོལས་དྲིལ་བུ་ལྗང་གུ་མེ་དཔུང་ལྗང་གུར་འབར་བར་གྱུར། ཕཊ་ཕཊ་ཕཊ། རང་བཞིན་གྱི་གནས་ནས་ཡུམ་ཆེན་མོའི་ཐུགས་ཡེ་ཤེས་ལྔ་དང་ཚད་མེད་པ་བཞི། མེ་དཔུང་དང་ཕྱག་མཚན་གྱི་རྣམ་པར་སྤྱན་དྲངས་གཉིས་སུ་མེད་པར་ཐིམ། ཨོཾ་ཧཱུྃ་ཏྲཱཾ་ཧྲཱིཿཨཱཿ ཛཿཧཱུྃ་བྃ་ཧོཿ ཨཱ་བེ་ཤ་ཡ་ཨཱ་ཨཱ། ཕཊ་ཕཊ་ཕཊ། དེ་ནས་མེ་ཐོམ་དེ་རྣམས་སྔོན་མེ་ཧོམ་གྱི་མེ་ལ་རེ་རེ་ཁར་སྦར་ཤོམ་བྱས། ཕྱོགས་སོ་སོར་མ་འཆུགས་པར་ཡོད་ན་མི་བརྒྱད་དགུས་སོ་སོར་སྦྱར་ཤི་ང་གཅོད་པ་ལ་གཏད་མ་རག་བྱས་ལ། ཧཱུྃ། དང་པོ་མེ་བྱུང་གང་ནས་བྱུང་། །སྔོན་ཚེ་བསྐལ་པ་དང་པོ་ལ། །ཆོས་སྐུ་ཡུམ་ཆེན་ཐུགས་ཀ་ནས། །ཡེ་ཤེས་ལྔ་ཡི་མེ་བྱུང་བས། །དུག་ལྔའི་ཕུང་པོ་གཏན་ནས་བརླག །ཡེ་ཤེས་ལྔ་རུ་ལྷུན་གྱིས་གྲུབ། །ཚད་མེད་བཞི་ཡི་མེ་བྱུང་བས། །སྐྱེ་བ་རྣམ་བཞིའི་འཁྲུལ་པ་བརླག །ཚད་

[Full Size]

མེད་བཞི་རུ་ལྷུན་གྱིས་གྲུབ། །དོ་ནུབ་དུར་ཁྲོད་ཕོ་བྲང་འབར་བ་འདིར། །ཉོན་མོངས་དུག་ལྔའི་བུད་ཤིང་ལ། །ཡེ་ཤེས་ལྔ་ཡི་མེ་སྦར་བས། །སྐུ་ལྔ་ཡེ་ཤེས་འགྲུབ་གྱུར་ཅིག །སྐྱེ་བ་རྣམ་བཞིའི་བུད་ཤིང་ལ། །ཚད་མེད་བཞི་ཡི་མེ་སྦར་བས། །ཕྲིན་ལས་རྣམ་བཞི་འགྱུར་གྱུར་ཅིག །ཨོཾ་ཧཱུྃ་ཏྲཱཾ་ཧྲཱིཿཨཱཿ ཛཿཧཱུྃ་བྃ་ཧོཿཛྭཿལ་རྃ། དེ་ནས་རེ་རེ་ནས་སྦར་ལ་ལག་ཏུ་ཐོགས། འདི་དམག་ཐབས་ཏེ་མཇུག་ནས་ཡར་རིམ་པར་རྒྱབ་བོ། །དེ་ཡང་རང་ཁྲོས་མའི་ཕྱག་གཡས་མེ་ཡི་ཧོམ་གཟར་དེས་མེ་ཐབ་རེ་རེའི་ཁར་བླངས་ནས་བརྒྱབས་པས། བེམ་པོ་ལུས་གདོན་དང་བཅས་པ་གཞོབ་ཐུལ་ཐུལ་ཚིག་ནས་དངོས་མེད་སང་སང་དུ་སོང་བར་བསྒོམ་མོ། །ཧཱུྃ། བྱང་ཤར་དྲག་པོའི་ལས་ཀྱི་དུར་ཁྲོད་ནས། །བཏང་སྙོམས་ཚད་མེད་མེ་དཔུང་འབར་བ་འདི། །ལན་ཅིག་ལུས་གདོན་སྟེང་དུ་འཕྲོས། །མེ་ལྕེ་ལྗང་གུས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །དྲིལ་བུ་ལྗང་མོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ། ཅེས་བརྒྱབ། །

[Full Size]

ཧཱུྃ༔ ནུབ་བྱང་དབང་སྡུད་ལས་ཀྱི་དུར་ཁྲོད་ཆེན་པོ་ནས། །དགའ་བ་ཚད་མེད་མེ་དཔུང་འབར་བ་འདི། །ལན་ཅིག་གནོད་བྱེད་སྟེང་དུ་འཕྲོས། །མེ་ལྕེ་དམར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །ལྕགས་སྒྲོག་དམར་མོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ། ཧཱུཾ། ལྷོ་ནུབ་རྒྱས་པ་ལས་ཀྱི་དུར་ཁྲོད་ནས། །སྙིང་རྗེ་ཚད་མེད་མེ་དཔུང་འབར་འདི། །ལན་ཅིག་གནོད་བྱེད་སྟེང་དུ་འཕྲོས། །མེ་ལྕེ་སེར་པོས་སྟོང་གསུམ་གང་། ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །ཞགས་པ་སེར་མོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ། ཧཱུྃ། ཤར་ལྷོ་ཞི་བའི་ལས་ཀྱི་དུར་ཁྲོད་ཆེན་པོ་ནས། །བྱམས་པ་ཚད་མེད་མེ་དཔུང་འབར་བ་འདི། །ལན་ཅིག་

[Full Size]

གནོད་བྱེད་སྟེང་དུ་འཕྲོས། །མེ་ལྕེ་དཀར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །ལྕགས་ཀྱུ་དཀར་མོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ། ཧཱུྃ། བྱང་ཕྱོགས་ལས་ཀྱི་རིགས་ཀྱི་དུར་ཁྲོད་ཆེན་པོ་ནས། །བྱ་གྲུབ་ཡེ་ཤེས་མེ་དཔུང་འབར་བ་འདི། །ལན་ཅིག་གནོད་བྱེད་སྟེང་དུ་འཕྲོས། །མེ་ལྕེ་ལྗང་གུས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །ལས་ཀྱི་མཁའ་འགྲོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ། ཧཱུྃ། ནུབ་ཕྱོགས་པདྨ་རིགས་ཀྱི་དུར་ཁྲོད་ཆེན་པོ་ནས། །སོར་རྟོག་ཡེ་ཤེས་མེ་དཔུང་འབར་བ་འདི། །ལན་ཅིག་གནོད་བྱེད་སྟེང་དུ་འཕྲོས། །མེ་ལྕེ་དམར་པོས་སྟོང་གསུམ་གང་། །ཡེ་ཤེས་མེ་སྒྲ་

[Full Size]

འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །པདྨ་མཁའ་འགྲོ་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ། ཧཱུྃ། ལྷོ་ཕྱོགས་རིན་ཆེན་རིགས་ཀྱི་དུར་ཁྲོད་ཆེན་པོ་ནས། །མཉམ་ཉིད་ཡེ་ཤེས་མེ་དཔུང་འབར་བ་འདི། །ལན་ཅིག་གནོད་བྱེད་སྟེང་དུ་འཕྲོས། །མེ་ལྕེ་སེར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །རིན་ཆེན་མཁའ་འགྲོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ། ཧཱུྃ། ཤར་ཕྱོགས་རྡོ་རྗེ་རིགས་ཀྱི་དུར་ཁྲོད་ཆེན་པོ་ནས། །མེ་ལོང་ཡེ་ཤེས་མེ་དཔུང་འབར་བ་འདི། །ལན་ཅིག་གནོད་བྱེད་སྟེང་དུ་འཕྲོས། །མེ་ལྕེ་སྔོན་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །

[Full Size]

རྡོ་རྗེ་མཁའ་འགྲོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ། ཧཱུྃ། དབུས་ཕྱོགས་དེ་བཞིན་རིགས་ཀྱི་དུར་ཁྲོད་ཆེན་པོ་ནས། །ཆོས་དབྱིངས་ཡེ་ཤེས་མེ་དཔུང་འབར་བ་འདི། །ལན་ཅིག་གནོད་བྱེད་སྟེང་དུ་འཕྲོས། །མེ་ལྕེ་དཀར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །སངས་རྒྱས་མཁའ་འགྲོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆད་ཀྱི། །གནོད་བྱེད་བསྒྲལ་བའི་ཕྲིན་ལས་མཛོད། །ཕཊ་ཕཊ་ཕཊ། །ལུས་གདོན་གང་ཡིན་པ་ཚིག་ནས་ནག་ཐུལ་ཐུལ་སོང་བར་བསྒོམ། དེ་ནས་མི་མང་པོས་ནད་པའི་གཟུགས་བཞི་ལ་བཟུང་ནས་མེའི་ཁ་ལ་ཕར་གཡུག་ཚུར་གཡུག་བྱ། ནད་ཟུག་ཆེ་བས་དེ་འདྲ་མི་ཚུགས་ན་འཕྱར་ཁྱོགས་བྱས་ལ་གཡུག་བཅུག་ལ། ཕཊ་ཤར་ཌཱ་དྲིལ་དྲག་ཏུ་བྱ། དེ་ནས་ཐང་ལ་ནར་གྱིས་བཞག །མེ་ཧོམ་དབུས་ཀྱི་སྡིག་རྒོད་འོད་དུ་ཞུ། །ཧཱུྃ་དུ་གྱུར་ནས་དབྱིངས་སུ་གཤེགས་པར་གྱུར། །དེ་ནས་དེ་ནུབ་རིང་དང་ནད་པ་བསྲུང་བྱ་

[Full Size]

སུ་ལ་ཡང་དམིགས་པ་གང་ཡང་མི་བྱེད། ཕཊ་ཀྱང་མི་བརྗོད་ལུས་གཅེས་འཛིན་ཕྲལ་ལ་ཉལ་ནས་བསྡད། དེ་ནས་ཕྱིར་ནངས། ཕཊ། རང་གི་ཐུགས་ལས་ནད་པའི་རྣམ་ཤེས་དེ། །ཐིག་ལེ་འོད་དང་བཅས་པ་ཕར་འཕྲོས་ནས། །སྤྱི་བོར་ནས་ཞུགས་སྙིང་གར་ཐིམ་པར་གྱུར། །ཅེས་བརྗོད་སྲེག་གཞིའི་ཐལ་སོལ་དང་མེ་ཐོམ་རོ་མ་རྣམས་བསྡུས་ལ་དུར་ཁྲོད་གཅིག་ཏུ་བསྐྱལ། མ་འཛོམ་ན་རི་སྣའམ་མ་ཎི་རྩར་བླུགས་བཅོལ། མེ་ཐོམ་ལ་བསྟིམས་པའི་ཡེ་ཤེས་པ་ཡང་ཡིད་ཀྱིས་དབྱིངས་སུ་གཤེགསོ་པར་བསམས་ལ། ཨོཾ་ཧཱུྃ་ཏྲཱཾ་ཧྲཱིཿཨཱཿཛཿཧཱུྃ་བྃ་ཧོཿབཛྲ་མུཿ ཞེས་བརྗོད་དོ། །འདི་ནི་གཉན་རྒོད་ཚད་པའི་ནད་ལ་མི་འགྲོས། གཞན་རླུང་ནད་གྲངས་བའི་ནད་རིགས། རྒྱལ་འགོང་དམ་སྲི་མོ་འདྲེ་སྲོག་རླུང་སྨྱོ་འབོག་སོགས་དང་། ལུས་གདོན་དང་གདོན་བྱིང་ཆེ་ཡང་ལྷོང་ཚད་དང་ཚར་ཚད་མྱུར་དུ་འབྱུང་གསུངས་སོ། །ཨེ་མ། མི་གཅིག་ཐུགས་བཅུད་གཅིག་བརྒྱུད་བཀའ་རྒྱ་མ། །མེ་ཡི་གཟེར་བུ་ཞེས་བྱའི་མཐའ་གཏད་འདི། །དཔེ་ཙམ་མཐོང་ཡང་ལག་ལེན་ཤེས་པ་དཀའ། །མིང་ཐོས་དོན་མི་ཤེས་པའི་གཅོད་པ་འགའ། །མེ་བྲབ་བྱེད་པ་ཙམ་ཞིག་མཐའ་གཏད་རྩི། །དེ་དག་རྣམས་ལ་ཕན་པའི་བསམ་པ་ཡིས། །དམིགས་པ་ཕྱག་ལེན་འདོན་ཆ་བལྟས་ཆོག་བཀོད། །སྦུ་འོས་གསལ་དང་ལྷ་འདྲེ་ཨར་གཏད་པའི། །ཉེས་པའི་ཚ་རྣམས་མཁའ་འགྲོའི་ཚོགས་ལ་བཤགས། །དགེ་བས་འགྲོ་རྣམས་བདུད་བཞིའི་དཔུང་བཅོམ་ནས། །ཆོས་སྐུ་

[Full Size]

ཡུམ་ཆེན་གོ་འཕང་ཐོབ་ཕྱིར་བསྔོ། །དེ་སྐད་རཱ་ག་ཨ་སྱ་ཞེས་བྱས་སྦྱར། །འདི་ནི་གཅོད་ཚོགས་སྐབས་སུ་སྦྱར་ནའང་། །རྗེས་ཆོག་སོགས་ལ་ཕཊ་སྒྲ་མི་བརྗོད་ཅིང་། །ཡང་ན་གཅོད་ཚོགས་ཚར་རྗེས་བྱས་ན་ལེགས། གློ་བུར་ལུས་སྦྱིན་ཙམ་ལ་སྦྱར་ཡང་རུང་། །དེ་ཡང་ལག་ལེན་གནད་ཀྱི་ཡིག་ཆུང་སྟེ། །འདི་ཉིད་ཚར་རྗེས་དེ་ནུབ་ཕཊ་སྒྲ་དང་། །དམིགས་པ་མི་བྱེད་དམིགས་མེད་ངང་ལ་ཉལ། །མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མཐའ་གཏད་འབྱུང་བཞིའི་གཟེར་བུ།

[Full Size]

༼ཙ་༽ མཐའ་གཏད་འབྱུང་བཞིའི་གཟེར་བུ་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏཱ་ཡེ། ཡུམ་ཆེན་ཌཱ་ཀིའི་ཚོགས་ལ་ཕྱག་འཚལ་ནས། །མཐའ་གཏད་འབྱུང་བཞིའི་གཟེར་བུ་གསལ་བར་བཀོད། །མ་གཅིག་ལྗཀིས་བཀའ་གནང་བྱིན་གྱིས་རློབས། །བད་ཀན་སྨུག་པོ་སོགས་འདུས་པའི་ནད། གདོན་སྣ་འདུས་ལ་འདི་ཟབ་སྟེ། ངར་མི་དཀར་སེར་དམར་ལྗང་བཞི་བྱ། དམར་གཏོར་བཞི་བྱ། གཅོད་ཚོགས་སྐབས་སུ་ཡིན་ན་ལེགས། ལུས་སྦྱིན་ལ་ཡང་སྦྱར་རུང་བས། གཅོད་ཚོགས་ལ་སྦྱར་ན་ཚོགས་ཕུད་མ་ཕུལ་གོང་དུ་བྱའོ། །ལུས་སྦྱིན་ཙམ་དུ་སྦྱར་ན་དཀར་འགྱེད་དམར་འགྱེད་གདོན་ཚོགས་དགུ་མ་ཚར་བ་དང་འདི་བྱ་སྟེ། དང་པོ་གཅོད་པའི་མདུན་ཕ་གིར། ཤར་ངོས་སུ་ཐོ་ཆུང་གཅིག་བྱ། ཐོ་དེའི་སྟེང་དུ་ངར་མི་དཀར་པོ་

[Full Size]

བཞག་སྟེ་དེ་ལ་ནད་པས་མགོ་གཏད་ནས་ཉལ་བཅུག་ལ། ཕཊ། ནད་པའི་སྙིང་གར་རྣམ་པར་ཤེས་པ་དང་། །རླུང་སེམས་འདུས་པའི་ངོ་བོ་ཐིག་ལེ་ནི། །དངུལ་ཆུའི་མདོག་ཅན་འོད་ཟེར་དཀར་མདངས་ཅན། །མ་སར་བྱ་ཡི་སྒོ་ང་ཙམ་པ་དེ། །དབུ་མའི་ལམ་ནས་རྒྱངས་སེ་སྤྱི་བོར་ཐོན། །ནམ་མཁའ་ལ་ཐིམ་སེམས་དང་ནམ་མཁའ་འདྲེས། །ཆོས་དབྱིངས་ཡུམ་ཆེན་ཐུགས་དང་དབྱེར་མེད་གྱུར། །ཕཊ། ལུས་ཀྱི་ཆུ་ཁམས་ངར་མི་དཀར་པོར་ཐིམ། །བེམ་པོ་ཤ་ཁྲག་སྟོང་གསུམ་འཇིག་རྟེན་གང་། །ལྷ་ཡི་བུ་ཡི་བདུད་ཀྱི་དམག་ཚོགས་ནི། །མི་ནི་དཀར་པོ་

[Full Size]

མཛེས་ཤིང་ཡིད་འོང་བ། །བྱེ་བ་འབུམ་སྡེ་དཔག་ཏུ་མེད་པ་རྣམས། །བེམ་པོ་ཤ་ཁྲག་ལྷག་མ་མེད་པར་ཟོས། །ཕཊ་ཕཊ་ཕཊ། དམིགས་པ་མང་དུ་བཟུང་ནས། ཧཱུྃ། ཤར་ཕྱོགས་མངོན་པར་དགའ་བའི་ཞིང་ཁམས་ནས། །མ་གཅིག་ཡུམ་ཆེན་ལྷ་མོ་མཱ་མ་ཀཱི། །སྐུ་མདོག་དཀར་སྔོ་མཚན་དཔེའི་གཟི་བརྗིད་འབར། །ཞལ་གཅིག་ཕྱག་གཉིས་སྐྱིལ་ཀྲུང་མཉམ་གཞག་མཛད། །མཉམ་གཞག་སྟེང་ན་རྡོ་རྗེ་སྔོན་པོ་འཛིན། །སྣ་ཚོགས་པདྨ་ཟླ་བའི་གདན་ལ་བཞུགས། །ཆུ་ཁམས་རྣམ་དག་རྡོ་རྗེ་རིགས་ཀྱི་ཡུམ། །རྡོ་རྗེ་མཁའ་འགྲོ་བྱེ་བ་འབུམ་གྱིས་བསྐོར། །རིན་ཆེན་དབུ་རྒྱན་སྙན་ཆ་ཁྲ་ལ་ལ། །ཕྱག་གདུབ་ཞབས་གདུབ་རྒྱན་ཆ་སི་ལི་ལི། །ཐོར་ཚུགས་དར་གྱི་ཅོད་པན་པུ་རུ་རུ། །སྒྲ་སྙན་རོལ་མོ་མང་པོ་ཏི་རི་རི། །དྲི་ཞིམ་སྤོས་ཀྱི་ངད་པ་སངས་སེ་སང་། །དོ་ནུབ་མངོན་དགའི་ཞིང་ནས་འདིར་གཤེགས་ལ། །འདི་ཡི་ཁྲག་རྣམས་ཆུ་ལ་བསྟིམ་དུ་གསོལ། །རིག་པ་སྐྱེ་མེད་ཡུམ་གྱི་ཀློང་དུ་བསྟིམ། །བེམ་པོ་ཤ་ཁྲག་རུས་པའི་ཕུང་པོ་རྣམས། །ལྷ་ཡི་བུ་ཡི་བདུད་ཚོགས་ཐམས་ཅད་ལ། །སོ་སོར་ཅི་འདོད་སྦྱིན་པ་ཆེན་པོས་ཁྱེར། །གསོལ་བ་འདེབས་སོ་ཡུམ་

[Full Size]

ཆེན་མཱ་མ་ཀཱི། །བྱིན་གྱིས་རློབས་ཤིག་མ་གཅིག་ལབ་སྒྲོན་མ། །དངོས་གྲུབ་སྩོལ་ཅིག་རྡོ་རྗེ་མཁའ་འགྲོའི་ཚོགས། །བདུད་བཞི་རང་སར་ཞི་བར་བྱིན་གྱིས་རློབས། །རྐྱེན་ངན་ལམ་དུ་སློང་བར་བྱིན་གྱིས་རློབས། །ན་ཚ་བོགས་སུ་ཐོན་པར་བྱིན་གྱིས་རློབས། །མཆོག་གི་དངོས་གྲུབ་ཐོབ་པར་བྱིན་གྱིས་རློབས། །ཕཊ་ཕཊ་ཕཊ། དེ་ནས་ངར་མི་ཆུ་ནང་དུ་འཕེན་རྒྱུ་བསྐུར། དེ་ནུབ་མ་ཐིངས་ན་ཕྱིར་ནངས་འཕེན་ཆོག །ཌཱ་དྲིལ་རྐང་དུང་དང་བཅས། འོ་འོ། ཡུམ་ཆེན་ཐུགས་ཀྱི་མཁའ་འགྲོ་ཆུ་ཡི་ལྷ་མོ་མཱ་མ་ཀཱི། འཁོར་རྡོ་རྗེ་མཁའ་འགྲོ་བྱེ་བ་འབུམ་དང་བཅས་པའི་ནད་པ་འདིའི་ཁྲག་རྣམས་ཆུ་ལ་སྟིམས་ཤིག །རིག་པ་སྐྱེ་མེད་ཆོས་སྐུའི་ངང་དུ་སྟིམས་ཤིག །འོ་འོ། ནད་པ་འདིའི་ལུས་ངག་ཡིད་གསུམ་ལ་གནོད་ཅིང་འཚེ་བ། བྱང་ཆུབ་ཐོབ་པ་ལ་བར་དུ་གཅོད་པའི་ལྷ་ཡི་བུ་ཡི་བདུད་དམག་བྱེ་བ་འབུམ་སྡེ་ཁྱོད་རྣམས་ལ་ལུས་ཤ་ཁྲག་གི་བེམ་པོ་འདི་སྦྱིན་པ་ཡིན་པས། ཤ་འདོད་པས་ཤ་ཁྱེར། ཁྲག་འདོད་པས་ཁྲག་ཁྱེར། རུས་པ་འདོད་པས་རུས་པ་ཁྱེར། པགས་པ་འདོད་པས་པགས་པ་ཁྱེར། ཟོ་ཞིག་ཁྱེར་ཅིག །ཕཊ་ཕཊ་ཕཊ། དེ་ནས་སྒོ་ཕྱི་ནང་མཚམས་ལ་

[Full Size]

གཅོད་པ་ལངས་ལ། རྐང་དུང་བཏང་ཌཱ་དྲིལ་འཁྲོལ། མཆོང་འཁྲབ་བྱེད་ཅིང་། མཆོད་གཡོག་གི་ས་དམར་གཏོར་བཟུང་ལ་བྲན། འོ་འོ། ལྷ་ཡི་བུའི་བདུད་དམག་བྱེ་བ་འབུམ་སྡེ་སྣང་སྲིད་ཀྱི་ལྷ་འདྲེ་ཁྱེད་རྣམས་ལ། བེམ་རིག་གཉིས་ལ་གཅེས་འཛིན་ཡོད་དམ་མེད། ཡོད་ན་ལུས་ཤ་ཁྲག་གི་གཏོར་མ་རྒྱ་ཆེན་པོ་འདི། ཁྱེད་རྣམས་ལ་ཚོགས་སུ་འབུལ། བཞེས་ཤིག །ཁྱེར་ཅིག །ཟོ་ཞིག །འཐུངས་ཤིག །ཧ་ཕཊ། ཧ་ཕཊ། ཧ་ཕཊ། ལུས་གདོན་བེམ་པོ་ཤ་ཁྲག་དང་དབྱེར་མེད་ལྷ་ཡི་བུའི་བདུད་ཚོས་ཁྱེར་སོང་བར་བསམས་ལ། དམར་གཏོར་གཅིག་ཤར་དུ་འཕེན་བཅོལ། ནུབ་མ་བཞི་ལ་རེ་རེ་བྱེད་པ་གསུངས་ཀྱང་། ནུབ་གཅིག་ལ་རུང་བས། ལྷོ་ཕྱོགས་སུ་ཐོ་ཆུང་སྟེང་དུ་ངར་མི་སེར་པོ་བཞག །དེ་ལ་ནད་པ་མགོ་གཏད་ཉལ་ནས། ཕཊ། ནད་པའི་སྙིང་གར་རིག་པའི་ཐིག་ལེ་ནི། །དབུ་མའི་ལམ་ནས་ནམ་མཁའི་དབྱིངས་སུ་ཐིམ། །ལུས་ཀྱི་ས་ཁམས་ངར་མི་སེར་པོར་ཐིམ། །བེམ་པོ་གཏོར་མ་དབྱེར་མེད་ཤ་ཁྲག་གིས། །སྟོང་གསུམ་འཇིག་རྟེན་ལྟེམས་སེ་གང་བ་ལ། །ཕུང་པོའི་བདུད་རིགས་མི་སེར་གཟི་བརྗིད་ཅན། །བྱེ་བ་དུ་མས་ཤ་ཁྲག་ལྷག་མེད་ཟོས། །ཐམས་ཅད་དགའ་མགུ་ཡི་རང་ལྡན་པར་གྱུར། །ཕཊ།

[Full Size]

དམིགས་པ་མང་དུ་བྱས་ལ། ཧཱུྃ། ལྷོ་ཕྱོགས་དཔལ་དང་ལྡན་པའི་ཞིང་ཁམས་ནས། །མ་གཅིག་ཡུམ་ཆེན་ལྷ་མོ་སངས་རྒྱས་སྤྱན། །སྐུ་མདོག་སེར་མོ་མཚན་དཔེའི་གཟི་བརྗིད་འབར། །ཞལ་གཅིག་ཕྱག་གཉིས་མཉམ་གཞག་སྐྱིལ་ཀྲུང་མཛད། །མཉམ་གཞག་སྟེང་ན་གསེར་གྱི་འཁོར་ལོ་བསྣམས། །སྣ་ཚོགས་པདྨ་ཟླ་བའི་གདན་ལ་བཞུགས། །ས་ཁམས་རྣམ་དག་རིན་ཆེན་རིགས་ཀྱི་ཡུམ། །རིན་ཆེན་མཁའ་འགྲོ་བྱེ་བ་འབུམ་གྱིས་བསྐོར། །རིན་ཆེན་དབུ་རྒྱན་སྙན་ཆ་ཁྲ་ལ་ལ། །ཕྱག་གདུབ་ཞབས་གདུབ་རྒྱུན་ཆ་སི་ལི་ལི། །ཐོར་ཚུགས་དར་གྱི་ཅོད་པན་པུ་རུ་རུ། །སྒྲ་སྙན་རོལ་མོ་མང་པོ་དི་རི་རི། །དྲི་ཞིམ་སྤོས་ཀྱི་ངད་པ་སངས་སེ་སང་། །དོ་ནུབ་དཔལ་ལྡན་ཞིང་ནས་འདིར་གཤེགས་ལ། །འདི་ཡི་ཤ་རྣམས་ས་ལ་བསྟིམ་དུ་གསོལ། །རིག་པ་སྐྱེ་མེད་ཡུམ་གྱི་ཀློང་དུ་བསྟིམ། །བེམ་པོ་ཤ་ཁྲག་རུས་པའི་ཕུང་པོ་རྣམས། །ཕུང་པོའི་བདུད་ཚོགས་བྱེ་བ་འབུམ་སྡེ་རྣམས། །སོ་སོར་ཅི་འདོད་སྦྱིན་པ་ཆེན་པོར་ཁྱེར། །གསོལ་བ་འདེབས་སོ་ཡུམ་ཆེན་སངས་རྒྱས་སྤྱན། །བྱིན་གྱིས་རློབས་ཤིག་མ་གཅིག་ལབ་སྒྲོན་མ། །དངོས་གྲུབ་སྩོལ་ཅིག་

[Full Size]

རིན་ཆེན་མཁའ་འགྲོའི་ཚོགས། །བདུད་བཞི་རང་སར་ཞི་བར་བྱིན་གྱིས་རློབས། །རྐྱེན་ངན་ལམ་དུ་སློང་བར་བྱིན་གྱིས་རློབས། །ན་ཚ་བོགས་སུ་ཐོན་པར་བྱིན་གྱིས་རློབས། མཆོག་གི་དངོས་གྲུབ་ཐོབ་པར་བྱིན་གྱིས་རློབས། །ཕཊ་ཕཊ་ཕཊ། དེ་ནས་ངར་མི་དོང་བྲུས་པའི་ནང་དུ་སྦ་བཅུག་ལ། ཌཱ་དྲིལ་བྱ་རྐང་དུང་བཏང་། འོ་འོ། ཡུམ་ཆེན་ཡོན་ཏན་གྱི་མཁའ་འགྲོ་ས་ཡི་ལྷ་མོ་སངས་རྒྱས་སྤྱན་མའི་འཁོར། །རིན་ཆེན་མཁའ་འགྲོ་བྱེ་བ་འབུམ་དང་བཅས་པས། ནད་པ་འདི་ཡི་ཤ་རྣམས་ས་ལ་སྟིམས་ཤིག །རིག་པ་སྐྱེ་མེད་ཆོས་སྐུའི་པས་ཤིག །འོ་འོ། ནད་པ་འདི་ཡི་ལུས་ངག་ཡིད་གསུམ་ལ་གནོད་ཅིང་འཚེ་བ། ལུས་ཕུང་པོ་ལ་ན་ཚ་ཟུག་ཟེར་གཏོང་བའི་ཕུང་པོའི་བདུད་རིགས་བྱེ་བ་འབུམ་སྡེ་ཁྱེད་རྣམས་ལ་ལུས་བེམ་པོ་ཤ་ཁྲག་འདི་སྦྱིན་པ་ཡིན་པས། ཤ་འདོད་པས་ཤ་ཁྱེར། ཁྲག་འདོད་པས་ཁྲག་ཁྱེར། རུས་པ་འདོད་པས་རུས་པ་ཁྱེར་། པགས་པ་འདོད་པས་པགས་པ་ཁྱེར། ཟོ་ཞིག །ཁྱེར་ཅིག །ཕཊ་ཕཊ་ཕཊ། དེ་ནས་མཆོད་གཡོག་པས་དམར་གཏོར་བྲན་ལ་བཟུང་བཅུག་རྐང་དུང་བཏང་ཞིང་ཌཱ་དྲིལ་དང་བཅས་སྒོ་ཕྱི་ནང་མཚམས་སུ་མཆོང་འཁྲབ་བྱེད་ཅིང་། འོ་འོ། ཕུང་

[Full Size]

པོའི་བདུད་ཀྱི་དམག་ཚོགས་བྱེ་བ་འབུམ་སྡེ། སྣང་སྲིད་ལྷ་འདྲེ་ཁྱེད་རྣམས་ལ། བེམ་རིག་གཉིས་ལ་གཅེས་འཛིན་ཡོད་དམ་མེད། ཡོད་ན་ལུས་ཤ་ཁྲག་གི་གཏོར་མ་རྒྱ་ཆེན་པོ་འདི། ཁྱེད་རྣམས་ལ་ཚོགས་སུ་འབུལ། བཞེས་ཤིག །ཁྱེར་ཅིག །ཟོ་ཞིག །འཐུངས་ཤིག །ཧ་ཕཊ། ཧ་ཕཊ། ཧ་ཕཊ། ཅེས་གཏོར་མ་ལྷོར་འཕང་བཅུག་གམ་རང་གིས་འཕེན་ལ། ཕུང་པོ་ཤ་ཁྲག་གཏོར་མ་དབྱེར་མེད་པ་བདུད་མི་སེར་པོའི་ཚོགས་ཀྱིས་ཁྱེར་སོང་བར་བསྒོམ། དེ་ནས་ཐོ་ཆུང་དེ་ཡང་བཤིག་ལ། ནུབ་ངོས་སུ་ཐོ་ཆུང་སྟེང་དུ་ངར་མི་དམར་པོ་བཞག་ལ་ནད་པའི་མགོ་གཏད་ནས་ཉལ་བཅུག་ལ། ཕཊ། ནད་པའི་སྙིང་གར་རྣམ་ཤེས་རླུང་དང་བཅས། །འོད་ཀྱི་ཐིག་ལེ་བཀྲག་དང་ལྡན་པ་འདི། །དབུ་མའི་ལམ་ནས་རྒྱངས་སེ་ནམ་མཁར་ཐོན། །ནམ་མཁས་གར་ཁྱབ་རིག་པས་ཁྱབ་པར་གྱུར། །ཕཊ། ལུས་ཀྱི་མེ་ཁམས་ངར་མི་དམར་པོར་ཐིམ། །བེམ་པོ་ཤ་ཁྲག་སྟོང་གསུམ་འཇིག་རྟེན་གང་། །ཉོན་མོངས་བདུད་ཚོགས་བྱེ་བ་འབུམ་སྡེ་ནི། །མི་དམར་སྒེག་བཞད་ལང་ཚོ་ལྡན་པ་རྣམས། །ཕུང་པོ་ཤ་ཁྲག་ལྷག་མ་མེད་པར་ཟོ། །ཕཊ་ཕཊ་ཕཊ། ཧཱུྃ། ནུབ་ཕྱོགས་བདེ་བ་ཅན་གྱི་ཞིང་ཁམས་

[Full Size]

ནས། །མ་གཅིག་ཡུམ་ཆེན་ལྷ་མོ་གོས་དཀར་མོ། །སྐུ་མདོག་དམར་གསལ་མཚན་དཔེའི་གཟི་བརྗིད་འབར། །ཞལ་གཅིག་ཕྱག་གཉིས་མཉམ་གཞག་སྐྱིལ་ཀྲུང་མཛད། །མཉམ་གཞག་སྟེང་ན་པདྨ་འདབ་བརྒྱད་བསྣམས། །སྣ་ཚོགས་པདྨ་ཟླ་བའི་གདན་ལ་བཞུགས། །མེ་ཁམས་རྣམ་དག་པདྨ་རིགས་ཀྱི་ཡུམ། །པདྨ་མཁའ་འགྲོ་བྱེ་བ་འབུམ་གྱིས་བསྐོར། །རིན་ཆེན་དབུ་རྒྱན་སྙན་ཆ་ཁྲ་ལ་ལ། །ཕྱག་གདུབ་ཞབས་གདུབ་རྒྱན་ཆ་སི་ལི་ལི། །ཐོར་ཚུགས་དར་གྱི་ཅོད་པན་པུ་རུ་རུ། །སྒྲ་སྙན་རོལ་མོ་མང་པོ་དི་རི་རི། །དྲི་ཞིམ་སྤོས་ཀྱི་ངད་པ་སངས་སེ་སང་། །དོ་ནུབ་བདེ་ཆེན་ཞིང་ནས་འདིར་གཤེགས་ལ། །འདི་ཡི་དྲོད་རྣམས་མེ་ལ་བསྟིམ་དུ་གསོལ། །རིག་པ་སྐྱེ་མེད་ཡུམ་གྱི་ཀློང་དུ་བསྟིམ། །བེམ་པོ་ཤ་ཁྲག་རུས་པའི་ཕུང་པོ་འདི། །ཉོན་མོངས་བདུད་ཚོགས་བྱེ་བ་འབུམ་སྡེ་ལ། །སོ་སོར་ཅི་འདོད་སྦྱིན་པ་ཆེན་པོ་ཁྱེར། །གསོལ་བ་འདེབས་སོ་ཡུམ་ཆེན་གོས་དཀར་མོ། །བྱིན་གྱིས་རློབས་ཤིག་མ་གཅིག་ལབ་སྒྲོན་མ། །དངོས་གྲུབ་སྩོལ་ཅིག་པདྨ་མཁའ་འགྲོའི་ཚོགས། །བདུད་བཞི་རང་སར་ཞི་བར་བྱིན་གྱིས་རློབས། །རྐྱེན་ངན་ལམ་དུ་

[Full Size]

སློང་བར་བྱིན་གྱིས་རློབས། །ན་ཚ་བོགས་སུ་ཐོན་པར་བྱིན་གྱིས་རློབས། །མཆོག་གི་དངོས་གྲུབ་ཐོབ་པར་བྱིན་གྱིས་རློབས། །ཕཊ་ཕཊ། དེ་ནས་ཤིང་སྣ་ཅུང་བརྩེགས་པ་ལ་ངར་མི་དེ་བསྲེགས་ཅིང་རོལ་མོ་དང་བཅས་པས། འོ་འོ། ཡུམ་ཆེན་གསུང་གི་མཁའ་འགྲོ་མ་མེ་ཡི་ལྷ་མོ་གོས་དཀར་མོ་འཁོར་པདྨ་མཁའ་འགྲོ་བྱེ་བ་འབུམ་དང་བཅས་པས། ནད་པ་འདི་དྲོད་རྣམས་མེ་ལ་སྟིམས་ཤིག །རིག་པ་སྐྱེ་མེད་ཆོས་སྐུའི་ངང་དུ་སྟིམས་ཤིག །འོ་འོ། ནད་པ་འདི་ཡི་ལུས་ངག་ཡིད་གསུམ་ལ་གནོད་ཅིང་འཚེ་བ། སེམས་ལ་ཉོན་མོངས་དུག་ལྔ་རྒྱས་པར་བྱེད་པའི་ཉོན་མོངས་པ་བདུད་ཀྱི་རིགས་བྱེ་བ་འབུམ་སྡེ་ཁྱེད་རྣམས་ལ་ལུས་བེམ་པོ་ཤ་ཁྲག་འདི་སྦྱིན་པ་ཡིན་པས། ཤ་འདོད་པས་ཤ་ཁྱེར། ཁྲག་འདོད་པས་ཁྲག་ཁྱེར། རུས་པ་འདོད་པས་རུས་པ་ཁྱེར། པགས་པ་འདོད་པས་པགས་པ་ཁྱེར། ཟོ་ཞིག །ཁྱེར་ཅིག །ཕཊ་ཕཊ། དེ་ནས་མཆོད་གཡོག་པས་དམར་གཏོར་བཟུང་ལ་བྲན་ཏེ་རྐང་དུང་ཌཱ་དྲིལ་དང་བཅས་ལ་སྒོ་ཕྱི་ནང་མཚམས་སུ་འཚམས་ཤིང་། འོ་འོ། ཉོན་མོངས་བདུད་དམག་བྱེ་བ་འབུམ་སྡེ་སྣང་སྲིད་ལྷ་འདྲེ་ཁྱེད་རྣམས་ལ། བེམ་རིག་གཉིས་ལ་གཅེས་འཛིན་ཡོད་དམ་

[Full Size]

མེད། ཡོད་ན་ལུས་ཤ་ཁྲག་གི་གཏོར་མ་རྒྱ་ཆེན་པོ་འདི་ཁྱེད་རྣམས་ལ་ཚོགས་སུ་འབུལ། བཞེས་ཤིག །ཁྱེར་ཅིག །ཟོ་ཞིག །འཐུངས་ཤིག །ཧ་ཕཊ། ཧ་ཕཊ། ཧ་ཕཊ། ཅེས་གཏོར་མ་ནུབ་ཏུ་འཕེན་ནམ་འཕང་བཅུག་བེམ་པོ་ཤ་ཁྲག་གི་ངོ་བོ་གཏོར་མ་དང་དབྱེར་མེད་པ་ཉོན་མོངས་པའི་བདུད་ཚོགས་ཐམས་ཅད་ཀྱིས་ཁྱེར་སོང་བར་དམིགས་སོ། །ཐོ་ཆུང་བསྒྱེལ་ལ་བྱང་དུ་ཐོ་བྱས་པར་ངར་མི་ལྗང་ནག་བཞག་ལ་ནད་པ་མགོ་བསྟན་ནས་ཉལ་བཅུག །ཕཊ། ནད་པའི་སྙིང་གར་རྣམ་ཤེས་ཚེ་བསོད་ནམས། །རླུང་སེམས་ངོ་བོ་ཐིག་ལེ་འོད་འབར་བ། །དབུ་མའི་ལམ་ནས་རྒྱངས་སེ་སྤྱི་བོར་ཐོན། །ནམ་མཁར་ཐིམ་པའི་ཆོས་ཀྱི་དབྱིངས་དང་འདྲེས། །ཕཊ། ལུས་ཀྱི་རླུང་ཁམས་ངར་མི་ལྗང་གུར་བསྟིམ། །བེམ་པོ་ཤ་ཁྲག་སྟོང་གསུམ་འཇིག་རྟེན་གང་། །འཆི་བདག་བདུད་ཚོགས་བྱེ་བ་འབུམ་སྡེ་ནི། །མི་ནག་འཇིགས་ཤིང་གཏུམ་བག་ལྡན་པ་རྣམས། །ཕུང་པོ་ཤ་ཁྲག་ལྷག་མ་མེད་པར་ཟོ། །ཕཊ། དམིགས་པ་མང་དུ་བཟུང་ནས། ཧཱུྃ། །བྱང་ཕྱོགས་ལས་རབ་རྫོགས་པའི་ཞིང་ཁམས་ནས། །མ་གཅིག་ཡུམ་ཆེན་ལྷ་མོ་དམ་ཚིག་སྒྲོལ། །སྐུ་མདོག་ལྗང་གུ་མཚན་དཔེའི་གཟི་བརྗིད་འབར། །ཞལ་གཅིག་ཕྱག་གཉིས་

[Full Size]

མཉམ་གཞག་སྐྱིལ་ཀྲུང་མཛད། །མཉམ་གཞག་སྟེང་ན་ཨུཏྤལ་ལྗང་གུ་བསྣམས། །སྣ་ཚོགས་པདྨ་ཟླ་བའི་གདན་ལ་བཞུགས། །རླུང་ཁམས་རྣམ་དག་ལས་ཀྱི་རིགས་ཀྱི་ཡུམ། །ལས་ཀྱི་མཁའ་འགྲོ་བྱེ་བ་འབུམ་གྱིས་བསྐོར། །རིན་ཆེན་དབུ་རྒྱན་སྙན་ཆ་ཁྲ་ལ་ལ། །ཕྱག་གདུབ་ཞབས་གདུབ་རྒྱན་ཆ་སི་ལི་ལི། །ཐོར་ཚུགས་དར་གྱི་ཅོད་པན་པུ་རུ་རུ། །སྒྲ་སྙན་རོལ་མོ་མང་པོ་དི་རི་རི། །དྲི་ཞིམ་སྤོས་ཀྱི་ངད་པ་སངས་སེ་སང་། །དོ་ནུབ་ལས་རབ་ཞིང་ནས་འདིར་གཤེགས་ལ། །འདི་ཡི་དབུགས་རྣམས་རླུང་ལ་བསྟིམ་དུ་གསོལ། །རིག་པ་སྐྱེ་མེད་ཡུམ་གྱི་ཀློང་དུ་བསྟིམ། །བེམ་པོ་ཤ་ཁྲག་རུས་པའི་ཕུང་པོ་རྣམས། །འཆི་བདག་བདུད་ཚོགས་བྱེ་བ་འབུམ་སྡེ་ལ། །སོ་སོར་ཅི་འདོད་སྦྱིན་པ་ཆེན་པོར་ཁྱེར། །གསོལ་བ་འདེབས་སོ་ཡུམ་ཆེན་དམ་ཚིག་སྒྲོལ། །བྱིན་གྱིས་རློབས་ཤིག་མ་གཅིག་ལབ་སྒྲོན་མ། །དངོས་གྲུབ་སྩོལ་ཅིག་ལས་ཀྱི་མཁའ་འགྲོའི་ཚོགས། །བདུད་བཞི་རང་སར་ཞི་བར་བྱིན་གྱིས་རློབས། །རྐྱེན་ངན་ལམ་དུ་སློང་བར་བྱིན་གྱིས་རློབས། །ན་ཚ་བོགས་སུ་ཐོན་པར་བྱིན་གྱིས་རློབས། །མཆོག་གི་དངོས་གྲུབ་ཐོབ་པར་བྱིན་

[Full Size]

གྱིས་རློབས། །ཕཊ་ཕཊ། དེ་ནས་ངར་མི་བྱང་ཕྱོགས་ནམ་མཁའི་དབྱིངས་ལ་འཕེན་བཅུག་ལ། འོ་འོ། ཡུམ་ཆེན་ཕྲིན་ལས་ཀྱི་མཁའ་འགྲོ་མ་རླུང་གི་ལྷ་མོ་དམ་ཚིག་སྒྲོལ་མ། འཁོར་ལས་ཀྱི་མཁའ་འགྲོ་བྱེ་བ་འབུམ་དང་བཅས་པས་ནད་པ་འདི་ཡི་དབུགས་རྣམས་རླུང་ལ་སྟིམས་ཤིག །རིག་པ་སྐྱེ་མེད་ཆོས་སྐུའི་ངང་དུ་སྟིམས་ཤིག །འོ་འོ། ནད་པ་འདི་ཡི་ལུས་ངག་ཡིད་གསུམ་ལ་གནོད་ཅིང་འཚེ་བ། ཚེ་དང་སྲོག་ལ་བར་དུ་གཅོད་པའི་འཆི་བདག་གི་བདུད་རིགས་བྱེ་བ་འབུམ་སྡེ་ཁྱེད་རྣམས་ལ། ལུས་བེམ་པོ་ཤ་ཁྲག་འདི་སྦྱིན་པ་ཡིན་པས། །ཤ་འདོད་པས་ཤ་ཁྱེར། ཁྲག་འདོད་པས་ཁྲག་ཁྱེར། རུས་པ་འདོད་པས་རུས་པ་ཁྱེར། པགས་པ་འདོད་པས་པགས་པ་ཁྱེར། ཟོ་ཞིག །ཁྱེར་ཅིག །ཕཊ་ཕཊ། དེ་ནས་མཆོད་གཡོག་པས་དམར་གཏོར་བཟུང་ལ་བྲན་ནས། རྐང་དུང་ཌཱ་དྲིལ་དང་བཅས་པས་རང་ངམ་གཅོད་གཡོག་པས་སྒོ་ཕྱི་ནང་མཚམས་སུ་འཚམས་ཤིང་། འོ་འོ། འཆི་བདག་གི་བདུད་དམག་བྱེ་བ་འབུམ་སྡེ། སྣང་སྲིད་ཀྱི་ལྷ་འདྲེ་ཁྱེད་རྣམས་ལ། བེམ་རིག་གཉིས་ལ་གཅེས་འཛིན་ཡོད་དམ་མེད། ཡོད་ན་ལུས་ཤ་ཁྲག་གི་གཏོར་མ་རྒྱ་ཆེན་པོ་འདི་ཁྱེད་རྣམས་ལ་ཚོགས་སུ་འབུལ་ལོ། །

[Full Size]

བཞེས་ཤིག །ཁྱེར་ཅིག །ཟོ་ཞིག །འཐུངས་ཤིག །ཧ་ཕཊ། ཧ་ཕཊ། ཧ་ཕཊ། ཅེས་གཏོར་མ་བྱང་དུ་འཕེན་བཅུག་གམ་འཕངས་ལ། བེམ་པོ་ཤ་ཁྲག་གི་ངོ་བོ་དབྱེར་མེད་པའི་གཏོར་མ་འཆི་བདག་གི་བདུད་ཐམས་ཅད་ཀྱིས་ཁྱེར་སོང་བར་བསྒོམ། དེ་ནས་དབྱིངས་རིག་བསྲེ་བ་ནི། ཕཊ། བདག་དང་བསྲུང་བྱ་ནད་པ་བཅས་པ་ཡི། །ཤ་ཁྲག་དྲོད་དབུགས་འབྱུང་བ་བཞི་ལ་ཐིམ། །སེམས་ནི་ནམ་མཁའི་མ་གཅིག་བཞི་ལ་ཐིམ། །མ་གཅིག་བཞི་པོ་དམིགས་མེད་འཇའ་ལྟར་ཡར། །རང་དང་བསྲུང་བྱའི་སེམས་དང་མ་གཅིག་ཐུགས། །དབྱེར་མེད་ཆོས་དབྱིངས་ནམ་མཁའི་ངང་དུ་ཐིམ། །སྐྱེ་མེད་ཡུམ་ཆེན་དགོངས་པ་མངོན་དུ་གྱུར། །ཕཊ་ཕཊ་ཕཊ། ཅེས་ཡུན་རིང་དུ་མཉམ་པར་བཞག །འདི་བཞིན་ནུབ་མ་བཞིའམ་གཅིག་ལ་རྫོགས་པར་བྱ། དེ་ནས་གཅོད་ཚོགས་ཡིན་ན་ཚོགས་ཕུད་ཕུལ་ལ་གཏོར་བསྔོས་གཞུང་ལྟར་བྱ། ལུས་སྦྱིན་ཡིན་ན་ཡང་ལུས་སྦྱིན་རྗེས་ཆོག་རྣམས་སྦྱར་རོ། །ཨེ་མ་ལུས་གདོན་གནད་ལ་གཏད་པའི་མན་ངག་མཆོག །གཉན་འབོད་སྤུར་བསྲེག་མཐའ་གཏད་ཆེན་པོ་དང་། །དྲི་ཆུ་བཀྲུ་བསྐྱེལ་ཆུ་ཡི་གཟེར་བུ་དང་། །མེ་ཡི་མཐའ་གཏད་མེ་ཡི་གཟེར་བུ་དང་། །འབྱུང་བཞིའི་མཐའ་གཏད་ངར་མི་སྲེག་སྦས་ཐབས། །དམིགས་རིམ་ཙམ་ཞིག་དམིགས་འབུམ་ཆེན་མོར་ཡོད། །ཕྱག་ལེན་བླ་མ་

[Full Size]

རྣམས་ཀྱི་ཐུགས་ལ་གབ། །འདོན་བྱ་ཁ་གཏོར་གང་ཡང་འཐོར་ནས་ཡོད། །དེ་དག་རྨོངས་པ་ཕལ་གྱིས་གབ་མི་འཕྲོད། །འདོན་ཆ་དཔེ་རྙིང་ཉག་ཉོག་མང་པོ་ཞིག །མཛད་བྱང་མི་གསལ་གཅོད་ལོག་འདྲེས་ཀྱང་དོགས། །མཐའ་གཏད་གཉན་འབོད་རིགས་ནི་མང་མཆིས་ཀྱང་། །དགྲ་བོ་ལྷ་འདྲེ་ལ་གཏད་གཉན་འབོད་དང་། །གཉན་སའི་ལྷ་འདྲེ་དབང་སྡུད་གཉན་འབོད་དང་། །ནད་པའི་ལུས་གདོན་གཏད་པའི་གཉན་འབོད་གསུམ། །སོ་སོར་མ་ཕྱེས་ཕྱོགས་གཅིག་བྲིས་པ་དེ། །རྨོངས་པ་རྣམས་ཀྱིས་དབྱེ་བསལ་མི་ཤེས་པས། །ཕན་བས་གནོད་པ་ཆེ་བར་འོང་ཉན་སྣང་། །དེ་ཕྱིར་ཕན་བྱའི་མཐའ་གཏད་རྣམ་པ་བཞི། །མ་འོངས་འགྲོ་ལ་ཕན་པའི་བསམ་པ་ཡིས། །རཱ་གའི་མིང་ཅན་དགེ་སློང་དེ་ཡིས་བྲིས། །འདི་ལ་འགལ་འཁྲུལ་སྦ་འོས་གསལ་བཀོད་སོགས། །ཉེས་པ་མཆིས་ན་ཌཱ་ཀིའི་ཚོགས་ལ་བཤགས། །དགེ་བས་འགྲོ་ཀུན་བདུད་བཞིའི་དགྲ་ལས་རྒྱལ། །བཅོམ་ལྡན་ཚེ་དཔག་མེད་པར་འགྲུབ་པར་ཤོག །མེ་དང་ཆུ་ཡི་གཟེར་བུ་གཉིས་པོ་ནི། །འུ་ཐུག་མ་གཏོགས་མི་རུང་རྣམ་སྨིན་ཆེ། །གཉན་ཆེན་མཐའ་གཏད་སྤུར་གཟུགས་བསྲེགས་པ་དེ། །དེ་ལས་ཅུང་དྲག་འགའ་རེ་འགའ་རེར་བྱ། །འབྱུང་བཞིའི་གཟེར་བུ་ངར་མི་བཞི་པོ་འདི། །འཇམ་ཞིང་ཉེས་ཆུང་གང་ལ་གང་དགོས་བྱ། །ཀུན་ཀྱང་ཆོས་སྒྲུབ་རི་ཁྲོད་འགྲིམ་ངེས་པར། །རེ་རེ་གཅིག་བརྒྱུད་མཁའ་འགྲོའི་སྙིང་ཁྲག་ཡིན། །ལབ་ཀྱི་སྒྲོན་མ་མཁའ་འགྲོའི་སྙིང་ཁྲག་རྒྱ། །ཁུ་སྒོམ་ཆོས་སེང་མཁའ་འགྲོའི་གཅིག་བརྒྱུད་རྒྱ། །སྣང་

[Full Size]

སྲིད་ལྷ་འདྲེའི་སྲོག་སྙིང་དབང་སྡུད་རྒྱ། །མ་གཅིག་ཐུགས་བཅུད་རྒྱ་གསུམ་ལྡན་པའི་ཕྱིར། །ཀུན་གྱི་ཟབ་ཆོས་གདམས་ངག་སྙིང་ལ་ཆོངས། །ཟངས་རི་དྲག་པོ་ཟླ་སྐྱོང་ཤམ་པོ་སོགས། །བཀའ་སྲུང་རྣམས་ཀྱིས་བཀའ་འདི་ཐུབ་པར་སྲུངས། །བློ་སྙིང་ངེས་པར་གཏོད་པའི་བུ་ལ་བྱིན། །དེ་ཡི་ཕྲིན་ལས་འགྲུབ་པའི་སྡོང་གྲོགས་མཛོད། །ས་མཱ་ཡ༔ དྷ་ཐིམ། མངྒ་ལཾ། །ཤུ་བྷཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

དུར་གཅོད་ཀྱི་ངག་འདོན་འགྲིགས་ཆགས་སུ་བཀོད་པ་དུར་སྲི་རྒྱུན་གཅོད་ཅེས་བྱ་བ་དུར་གཅོད་ཀུན་གྱི་དོན་བསྡུས་པ།

[Full Size]

༼ཚ༽ །དུར་གཅོད་ཀྱི་ངག་འདོན་འགྲིགས་ཆགས་སུ་བཀོད་པ་དུར་སྲི་རྒྱུན་གཅོད་ཅེས་བྱ་བ་དུར་གཅོད་ཀུན་གྱི་དོན་བསྡུས་པ་བཞུགས་སོ།།

[Full Size]

ན་མོ་ཛྙཱ་ན་ཌཱཀི་ཡེ། དུར་ཁྲོད་བདག་མོ་ཁྲོས་མ་ནག་མོ་ལ། །གུས་པས་ཕྱག་འཚལ་འགྲོ་ལ་ཕན་དོན་དུ། །དུར་གཅོད་ལས་རིམ་འདོན་འགྲིགས་གསལ་བཀོད་བྱ། །ཆོས་བདག་ཌཱཀིས་བཀའ་གནང་བྱིན་གྱིས་རློབས། །དང་པོ་རང་འགྲོ་རྒྱུའི་ནུབ་མོ་རང་ཉིད་ཉམས་དགའ་ཞིང་ཏིང་ངེ་འཛིན་གསལ་ན་བཟང་། བྱིང་འཐིབ་རིག་པ་མིག་གསལ་ན་ངན། རང་འགྲོ་བསམ་མ་ཐག་ཏུ་ཟིལ་གནོན་འཕེན་ཏེ། ཕཊ། རང་ཉིད་ཡུམ་ཆེན་མོར་གསལ་བའི་ཐུགས་ཀ་ནས། ཚེ་འདས་དེ་བརྗེ་ཡིན་ན་གསེར་གྱི་རྡོ་རྗེ། བུད་མེད་ཡིན་ན་དངུལ་གྱི་རྡོ་རྗེ། སྐྱེ་བོ་ལ་ལྕགས་ཀྱི་རྡོ་རྗེ་མདའ་འཕང་བ་ལྟར་འཕྲོས། དུར་དེའི་ཁྱིམ་ནང་དུ་བབ་པ་ལས། འོད་ཟེར་རྡོ་རྗེའི་ལྕགས་

[Full Size]

ཀྱུས་ལྷ་འདྲེ་ཐམས་ཅད་བཟུང་། འོད་ཟེར་རྡོ་རྗེའི་ཞགས་པས་བསྡམས་ནས་བྲོས་དབང་མེད་པར་བསྒོམ། རོ་མཐོང་མ་ཐག་ཏུ། ཕཊ། རང་ཉིད་ཁྲོས་མ་དམར་ནག་སྤྱི་བོར་སྟག་ཞལ་ངར་སྒྲ་སྒྲོག་པ་ཞིག་གི་ཐུགས་ཀ་ནས་གསེར་གྱི་སྟ་རེ་ངར་མ་ཞིག་འཕྲོས། རོ་དེའི་སྙིང་གར་བརྒྱབས་པས་ཤག་གིས་བཀས་པར་བསྒོམ། དེ་ནས་རོ་དེའི་རྩར་ཕྱིན་པ་དང་། ཀྱེ་མ་སེམས་ཅན་ཐམས་ཅད་འདི་ལྟ་བུའི་རང་བཞིན། འདི་ལྟ་བུའི་ཆོས་ཉིད་ལས་མ་འདས་པ་ཡིན། མི་རྟག་པ་ཨ་ཙ་མ་བསམ་ལ་ཡུད་ཙམ་བསྡད། དེ་ནས་ཀྱེ་མ་ཚེ་འདས་འདི་ནི་སྐྱེ་བ་གྲངས་མེད་པའི་མ་རྒན་ཡིན། ད་ལྟ་ཚེ་འདིའི་སྣང་བ་ནུབ་ནས་གར་འགྲོ་ཆ་མེད་ཀྱི་ས་མཚམས་ན་གདའ་བ་སྙིང་རེ་རྗེ། བདག་གིས་བླ་མ་བརྒྱུད་པ་དང་མ་གཅིག་ལ་གསོལ་བ་བཏབ་ནས་དག་པའི་ཞིང་

[Full Size]

དུ་ལམ་བསྟན་པར་བྱའོ་སྙམ་དུ་སེམས་བསྐྱེད་ལ། ཚེ་ལས་འདས་པས་ཐོག་དྲངས་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །ཟབ་མོ་གཅོད་ཡུལ་བརྒྱུད་པའི་བླ་མ་དམ་པ་རྣམས་ལ་སྐྱབས་སུ་མཆིའོ། །མ་གཅིག་ཡུམ་ཆེན་མོ་མཁའ་འགྲོ་སྡེ་ལྔའི་ཚོགས་དང་བཅས་པ་རྣམས་ལ་སྐྱབས་སུ་མཆིའོ། །ཚེ་ལས་འདས་པ་བདེ་བ་དང་ལྡན། སྡུག་བསྔལ་དང་བྲལ་ནས། མྱུར་དུ་སངས་རྒྱས་ཀྱི་ས་ལ་འགོད་པའི་ཆེད་དུ། ཐར་པའི་ལམ་སྟོན་ཅིང་ཕུང་པོ་ཡོན་དུ་འབུལ་བར་བྱའོ། །ཕཊ། རང་ཉིད་སྐད་ཅིག་གིས་མ་གཅིག་ལབ་ཀྱི་སྒྲོན་མ་སྐུ་མདོག་དཀར་ལ་དམར་བའི་མདངས་ཆགས་པ། ཕྱག་གཡས་གསེར་གྱི་ཌཱ་མ་རུ་ནམ་མཁའ་ལ་དཀྲོལ་རྡེབ་བྱེད་པ། གཡོན་དངུལ་དཀར་གྱི་དྲིལ་བུ་དཀུ་ལ་བརྟེན་པ། སྐུ་ལ་དར་དཀར་པོའི་རལ་ག་གསོལ་བ། དམར་པོའི་སྐེ་རགས་བཅིངས་པ། །དབུ་སྐྲ་སིལ་མས་སྐུ་རྒྱབ་ནོན་པ། སྤྱན་གསུམ་བར་སྣང་ལ་གཟིགས་པ། སྐེད་པ་སྒེག་ཅིང་ནུ་མ་འབུར་བ། བཅུ་དྲུག་ལོན་པའི་ན་ཚོད་ཅན། པད་ཟླ་ཉི་མའི་གདན་ལ་སྐུ་གར་

[Full Size]

ཐབས་ལིང་ལིང་འཁོར་མཁའ་འགྲོ་འབུམ་གྱིས་བསྐོར་བའི་སྟེང་གི་ནམ་མཁའ་ལ་གཅོད་ཡུལ་བརྒྱུད་པའི་བླ་མ་ཐམས་ཅད་སྤྲིན་གྱི་ཕུང་པོ་ལྟ་བུར་བཞུགས་པར་གྱུར། །ཀྱི་རིགས་ཀྱི་བུའམ། རིགས་ཀྱི་བུ་མོའམ། ཚེ་ལས་འདས་པ་ཁྱོད་ཉོན་ཅིག །ཕ་གཅིག་དམ་པ་སངས་རྒྱས་ཀྱི་ཞལ་ནས། འཆི་བ་འཆི་བ་མ་ཡིན་ཏེ། །རྣལ་འབྱོར་སངས་ཆུང་རྒྱ་བ་ཡིན། །ཞེས་གསུངས་པས་འཆི་བ་ལམ་དུ་བསླང་བའི་གདམས་ངག་ཚིག་གསུམ་འདི་ཡིད་ལ་ཟུངས་ཤིག །ད་ནི་ཁྱོད་ཚེ་འདིའི་སྣང་བ་ནི་ནུབ། འཇིག་རྟེན་ཕྱི་མའི་སྣང་བ་ནི་མ་ཤར། ལམ་བཟང་ངན་གང་དུ་འགྲོ་བའི་ངེས་པ་ནི་མེད་པའི་སྐབས་འདིར། སྡིག་པོ་ཆེ་བཙན་ཐབས་སུ་སངས་རྒྱས་པའི་འཕོ་བའི་གདམས་ངག་དགོས་པ་ཡིན་ནོ། །དེ་ལ་མ་གཅིག་ལབ་ཀྱི་སྒྲོན་མའི་ཞལ་ནས། གཅོད་ཀྱི་ནམ་མཁའ་སྒོ་འབྱེད་དེ། །འཕོ་བ་བརྒྱ་ཡིས་དོ་ཟླ་མིན། །ཞེས་གསུངས་པས། དམིགས་པ་འདི་བཞིན་དུ་སྒོམས་ཤིག །དང་གི་ལུས་སྟོང་གསལ་ཕྲུ་མ་ཕུས་བཏབ་པ་ལྟ་བུའི་དབུས་སུ། རྩ་དབུ་མ་སྦ་ལྕག་འབྲིང་པོ་ཙམ་པ་ཕྱི་དཀར་ལ་ནང་དམར་བ། མར་སྣེ་གསང་གནས་སུ་ཟུག་པ། ཡར་སྣེ་

[Full Size]

སྤྱི་གཙུག་ཏུ་ཚངས་པའི་བུ་ག་ཧད་པོར་ཡོད་པར་སྒོམས་ཤིག །འོ་རྩ་དེའི་ནང་ཁྱོད་རང་གི་སྤྱི་བོ་བདེ་ཆེན་གྱི་འཁོར་ལོ་ན་མ་གཅིག་སངས་རྒྱས་མཁའ་འགྲོ་དཀར་མོ། མགྲིན་པ་ལོངས་སྤྱོད་ཀྱི་འཁོར་ལོ་ན་མ་གཅིག་པདྨ་མཁའ་འགྲོ་དམར་མོ། སྙིང་ག་ཆོས་ཀྱི་འཁོར་ལོ་ན་མ་གཅིག་རྡོ་རྗེ་མཁའ་འགྲོ་སྔོན་མོ། ལྟེ་བ་སྤྲུལ་པའི་འཁོར་ལོ་ན་མ་གཅིག་རིན་ཆེན་མཁའ་འགྲོ་སེར་མོ། གསང་གནས་བདེ་སྐྱོང་གི་འཁོར་ལོ་ན་མ་གཅིག་ལས་ཀྱི་མཁའ་འགྲོ་ལྗང་མོ། ཐམས་ཅད་ཀྱང་སྐུ་ཆུང་ལ་ཡན་ལག་དོད་པ། གཅེར་བུ་རུས་པའི་རྒྱན་དྲུག་གསོལ་བ། ཕྱག་ན་ཌཱ་དྲིལ་སིལ་སིལ། སྐུ་གར་ཐབས་ལིང་ལིང་འཕར་ལ་ཁད་པ། འཕུར་ལ་ཁད་པ་སྒོམས་ཤིག །དེ་ནས་ངེད་ཀྱིས་གཅོད་ཡུལ་བརྒྱུད་པ་རྣམས་ལ་གསོལ་བ་བཏབ་ནས་ཕུང་པོ་ཡོན་དུ་འབུལ་ནས་ལམ་བཏན་པའི་ཚེ། མ་ཆགས་མ་ཞེན་པར་ཕུང་པོ་ཡོན་དུ་ཕུལ་ལ་ངེད་ཀྱིས་རྣམ་ཤེས་སྤར་བའི་ཚེ། ཁྱེད་རང་ཡང་ཐེ་ཚོམ་མེད་པར་འཕོས་ཤིག །ཧཱུྃ། གནས་ཆོས་དབྱིངས་རྣམ་དག་གི་ཕོ་བྲང་ན། །ཡུམ་ཆེན་ཤེས་རབ་ཕར་ཕྱིན་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །

[Full Size]

པ་བྱུང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་བྱ་རྒོད་ཕུང་པོའི་རི་བོ་ན། །རྗེ་རྫོགས་པའི་སངས་རྒྱས་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་སེང་ཆེན་བསྣོལ་བའི་ཁྲི་སྟེང་ན། །འཇམ་དཔལ་སྨྲ་བའི་སེང་གེ་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །དཔལ་གཡུ་ལོ་བཀོད་པའི་ཞིང་ཁམས་ན། །རྗེ་བཙུན་འཕགས་མ་སྒྲོན་མ་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་མཁའ་སྤྱོད་མཁའ་འགྲོ་བཞུགས་གནས་ན། །མཁའ་འགྲོ་སུ་ཁ་སིདྡྷི་རིན་པོ་ཆེ། །ཚེ་འདིས་ལུས་ངག་ཡིད་གསུམ་མཆོད་པ་འབུལ། །

[Full Size]

རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་རྒྱ་གར་འཇག་མའི་སྤྱིལ་པོ་ནས། །མཁས་པ་ཨཱརྱ་དེ་ཝ་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་ལ་སྟོད་དེང་རིའི་གླང་འཁོར་ན། །ཕ་གཅིག་དམ་པ་རྒྱ་གར་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་རྒྱ་བོད་གཉིས་ཀྱི་སོ་མཚམས་ན། །སྐྱོ་སྟོན་བསོད་ནམས་བླ་མ་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་ཟངས་རི་མཁར་དམར་གྱི་དགོན་པ་ན། །མ་གཅིག་ལབ་ཀྱི་སྒྲོན་མ་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་

[Full Size]

ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་བཀྲ་ཤིས་གླང་ལུང་གི་དགོན་པ་ན། །སྲས་མཆོག་རྒྱལ་བ་དོན་གྲུབ་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་གཉན་ས་རི་ཁྲོད་ཀྱི་དགོན་པ་ན། །བཀའ་བབས་བུ་ཆེན་བཅུ་དྲུག་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །གནས་སྤྱི་གཙུག་པད་ཟླའི་གདན་སྟེང་ན། །དྲིན་ཅན་རྩ་བརྒྱུད་བླ་མ་རིན་པོ་ཆེ། །ཚེ་འདས་ལུས་ངག་ཡིད་གསུམ་མཆོད་པ་འབུལ། །རིག་པ་བྱང་ཆུབ་ཀྱི་ལམ་ལ་དྲོངས། །སྒྲིབ་གསུམ་སྐྱོན་བྲལ་གྱི་ས་ལ་ཁྲིད། །སྐུ་གསུམ་དབྱེར་མེད་ཀྱི་ཞིང་དུ་བཀོད། །ཕཊ་ཕཊ་ཕཊ། འོ་ཚེ་ལས་འདས་པ་ཁྱོད་ཀྱི་ལུས་རྣམ་སྨིན་ཤ་ཁྲག་གི་ཕུང་པོ་འདི་ནམ་ཡང་མི་རྟག་འབྲལ་བའི་ཆོས་ཅན་ཡིན་པས། མ་ཆགས་མ་ཞེན་

[Full Size]

པར་ཕུང་པོ་མ་གཅིག་མཁའ་འགྲོའི་ཚོགས་ལ་ཡོན་དུ་ཕུལ་ལ། རིག་པ་དག་པ་མཁའ་སྤྱོད་ཀྱི་ཞིང་དུ་འཕོས་ཤིག །གནས་སྤྱི་གཙུག་ཉི་ཟླའི་གདན་སྟེང་ན། །དྲིན་ཅན་རྩ་བའི་བླ་མ་གཤེགས་སུ་གསོལ། །ཚེ་འདས་ཕུང་པོ་ཡོན་དུ་འབུལ། །ཡོན་འདི་བཞེས་ལ་གནས་འདི་སྤོར། །སེམས་ཉིད་བྱང་ཆུབ་ལམ་དུ་དྲོངས། །མཁའ་སྤྱོད་དག་པའི་ཞིང་ཁམས་ནས། །ཡི་དམ་ལྷ་ཚོགས་གཤེགས་སུ་གསོལ། །ཚེ་འདས་ཕུང་པོ་ཡོན་དུ་འབུལ། །ཡོན་འདི་བཞེས་ལ་གནས་འདི་སྤོར། །སེམས་ཉིད་བྱང་ཆུབ་ལམ་དུ་དྲོངས། །དུར་ཁྲོད་ཆེན་པོའི་གནས་བརྒྱད་ནས། །ཁྲོས་མ་ནག་མོ་གཤེགས་སུ་གསོལ། །ཚེ་འདས་ཕུང་པོ་ཡོན་དུ་འབུལ། །ཡོན་འདི་བཞེས་ལ་གནས་འདི་སྤོར། །སེམས་ཉིད་བྱང་ཆུབ་ལམ་དུ་དྲོངས། །ཤར་ཕྱོགས་དུར་ཁྲོད་གཞལ་ཡས་ནས། །རྡོ་རྗེ་མཁའ་འགྲོ་གཤེགས་སུ་གསོལ། །ཚེ་འདས་ཕུང་པོ་ཡོན་དུ་འབུལ། །ཡོན་འདི་བཞེས་ལ་གནས་འདི་སྤྱོར། །སེམས་ཉིད་བྱང་ཆུབ་ལམ་དུ་དྲོངས། །ལྷོ་ཕྱོགས་དུར་ཁྲོད་གཞལ་ཡས་ནས། །རིན་ཆེན་མཁའ་འགྲོ་གཤེགས་སུ་གསོལ། །ཚེ་འདས་ཕུང་པོ་ཡོན་དུ་འབུལ། །

[Full Size]

ཡོན་འདི་བཞེས་ལ་གནས་འདི་སྤོར། །སེམས་ཉིད་བྱང་ཆུབ་ལམ་དུ་དྲོངས། །ནུབ་ཕྱོགས་དུར་ཁྲོད་གཞལ་ཡས་ནས། །པདྨ་མཁའ་འགྲོ་གཤེགས་སུ་གསོལ། །ཚེ་འདས་ཕུང་པོ་ཡོན་དུ་འབུལ། །ཡོན་འདི་བཞེས་ལ་གནས་འདི་སྤོར། །སེམས་ཉིད་བྱང་ཆུབ་ལམ་དུ་དྲོངས། །བྱང་ཕྱོགས་དུར་ཁྲོད་གཞལ་ཡས་ནས། །ལས་ཀྱི་མཁའ་འགྲོ་གཤེགས་སུ་གསོལ། །ཚེ་འདས་ཕུང་པོ་ཡོན་དུ་འབུལ། །ཡོན་འདི་བཞེས་ལ་གནས་འདི་སྤོར། །སེམས་ཉིད་བྱང་ཆུབ་ལམ་དུ་དྲོངས། །དཔའ་བོའི་ཚོགས་རྣམས་གཡས་གྲལ་བྱས། །དཔའ་མོའི་ཚོགས་རྣམས་གཡོན་གྲལ་བྱས། །ཊཱཀི་རྣམས་ཀྱིས་ཚོགས་འཁོར་བཤམས། །ཤ་ཟན་ཚོགས་རྣམས་རྔམ་ཞིང་རྒྱུག །ཁྲག་འཐུང་ཚོགས་རྣམས་ལྷག་ལྷག་རྒོད། །བདུད་ཀྱི་ཤ་ལེན་ཤ་ར་ར། །བཙན་གྱི་ལས་བྱེད་ཁྱུགས་སེ་ཁྱུག །སྨན་གྱི་བྲོ་བརྡུང་ཁྲིགས་སེ་ཁྲིག །མཁའ་འགྲོའི་སུན་མ་དཔུངས་སེ་དཔུང་། །ད་ནི་གཤེགས་སོ་དབྱིངས་སུ་གཤེགས། །སེམས་ཉིད་བྱང་ཆུབ་ལམ་ལ་དྲོངས། །ཕ྄ཊ་ཕ྄ཊ་ཕ྄ཊ། ཚེ་ལས་འདས་པའི་རྐང་པ་གཡས་པའི་འོག་ཏུ་ཕ་ལས་ཐོབ་པའི་

[Full Size]

ཐིག་ལེ་དཀར་པོ་བྱ་མ་སར་གྱི་སྒོ་ང་ཙམ། ཕཊ་ཕཊ། རྐང་པ་གཡོན་པའི་འོག་ཏུ་མ་ལས་ཐོབ་པའི་རཀྟ་དམར་པོ་བྱ་མ་སར་གྱི་སྒོ་ང་ཙམ། ཕ྄ཊ་ཕ྄ཊ། ཐིག་ལེ་དེ་གཉིས་ཡར་འཕར་ནས་གསང་གནས་བདེ་སྐྱོང་གི་འཁོར་ལོ་ན་མ་གཅིག་ལབ་སྒྲོན་སྐུ་མདོག་ལྗང་མོ་དང་རྣམ་པར་ཤེས་པ་གཅིག་ཏུ་འདྲེས། ཕ྄ཊ། མ་གཅིག་ལབ་སྒྲོན་ལྗང་མོ་དེ་ཡར་འཕར༔ ལྟེ་བ་སྤྲུལ་པའི་འཁོར་ལོ་ན་མ་གཅིག་ལབ་སྒྲོན་སྐུ་མདོག་སེར་མོ་དང་རྣམ་པར་ཤེས་པ་དབྱེར་མེད་གཅིག་ཏུ་འདྲེས། ཕ྄ཊ། མ་གཅིག་ལབ་སྒྲོན་སེར་མོ་དེ་ཡར་འཕར། སྙིང་ཁ་ཆོས་ཀྱི་འཁོར་ན་མ་གཅིག་ལབ་སྒྲོན་སྐུ་མདོག་སྔོན་མོ་དང་རྣམ་པར་ཤེས་པ་དབྱེར་མེད་གཅིག་ཏུ་འདྲེས། ཕ྄ཊ། མ་གཅིག་ལབ་སྒྲོན་སྔོན་མོ་དེ་ཡར་འཕར། །མགྲིན་པ་ལོངས་སྤྱོད་ཀྱི་འཁོར་ལོ་ན་མ་གཅིག་ལབ་སྒྲོན་སྐུ་མདོག་དམར་མོ་དང་རྣམ་པར་ཤེས་པ་དབྱེར་མེད་གཅིག་ཏུ་འདྲེས། ཕ྄ཊ། མ་གཅིག་ལབ་སྒྲོན་དམར་མོ་དེ་ཡར་སྤྱི་བོ་བདེ་ཆེན་གྱི་འཁོར་ལོ་ན་མ་གཅིག་ལབ་སྒྲོན་སངས་རྒྱས་མཁའ་འགྲོ་དཀར་མོ་དང་རྣམ་པར་ཤེས་པ་དབྱེར་མེད་གཅིག་ཏུ་འདྲེས་པར་གྱུར། ཕ྄ཊ། འདི་ནས་

[Full Size]

ནུབ་ཀྱི་ཕྱོགས་རོལ་ན། །འོད་དཔག་མེད་པའི་ཞིང་ཁམས་ཡོད། །སྲིད་པའི་སྡུག་བསྔལ་ཀུན་ལས་གྲོལ། །ཞིང་གི་ཡོན་ཏན་བསམ་མི་ཁྱབ། །རྫོགས་པའི་སངས་རྒྱས་འོད་དཔག་མེད། །སུ་ཞིག་དེ་ཡི་མཚན་འཛིན་པ། །ཞིང་མཆོག་དེ་རུ་སྐྱེ་བར་གསུངས། །ཚེ་འདས་རིགས་ཀྱི་བུ་ཁྱོད་ཀྱང་། །འོད་དཔག་མེད་པའི་མཚན་བཟུང་ནས། །ཞིང་མཆོག་དེ་རུ་འགྲོ་བར་གྱིས། །པདྨོ་འདམ་གྱིས་མ་གོས་ལྟར། །སྲིད་གསུམ་དྲི་མས་མ་གོས་པའི། །སྲིད་པའི་པདྨོ་ལས་འཁྲུངས་ཏེ། །བདེ་བ་ཅན་དུ་སྐྱེ་བར་ཤོག །ཕ྄ཊ། ཚེ་ལས་འདས་པ་ཁྱོད་ཀྱི་རྣམ་པར་ཤེས་པ་དེ་སངས་རྒྱས་མཁའ་འགྲོ་དང་དབྱེར་མེད་པར་འོད་དུ་ལྟེམས་སེ་ཞུ་ནས། འོད་ཀྱི་ཐིག་ལེ་དཀར་པོ་རྣམ་པར་ཤེས་པའི་ངོ་བོ་བྱ་མ་སར་གྱི་སྒོ་ང་ཙམ་དེ། སྤྱི་བོ་ཚངས་པའི་བུ་ག་རྒྱ་སྐར་ཁ་ཕྱེས་པ་ལྟ་བུའི་ནང་ནས། སྐྱེན་པོའི་མདའ་འཕང་བ་བཞིན་དུ། ནུབ་ཕྱོགས་བདེ་བ་ཅན་གྱི་ཞིང་ཁམས་མེ་ཏོག་པདྨའི་སྦུབས་སུ་གཤེགས་ཤིག །ཕ྄ཊ་ཕ྄ཊ་ཕ྄ཊ། དེ་ཡན་ཆད་ཞི་བ་བྱང་ཆུབ་སེམས་ཀྱི་ལམ་སེལ། ཕུང་པོ་ཡོན་འབུལ་གྱི་རིམ་པ་ཡིན་ནོ།། ༈ །དེ་ནས་ཕུང་པོ་ཚོགས་འབུལ་ནི། ཆུ་ཡིས་བྲན་ལ་འདི་

[Full Size]

སྐད་དོ། ཕ྄ཊ། རང་ཉིད་སྐད་ཅིག་ལ་མ་གཅིག་གནས་འགྱུར་ནས། ཁྲོས་མ་ནག་མོ་སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། འཁོར་རིགས་བཞིའི་མཁའ་འགྲོ་བྱེ་བ་འབུམ་དང་བཅས་པ་ཐམས་ཅད་ཕྱག་གཡས་མི་ལྤགས་ཀྱི་གཡང་གཞི་རྡེབ་ཅིང་། གཡོན་མི་རྐང་གི་གླིང་བུ་འབུད་པ་དཔག་ཏུ་མེད་པས་སྟེང་འོག་ཕྱོགས་མཚམས་ཐམས་ཅད་གང་ནས། ཟ་འདྲེ་ཤི་གཤེད་དར་སྲི་ཤི་སྲི་ཐམས་ཅད་གཟུགས་ཤ་ཁྲག་གི་བེམ་པོ་འདི་ལ་སྐད་ཅིག་རང་དབང་མེད་པར་ཁུག་ཅིག །ཛཿཧཱུྃ་བ་ཧོ། ཕཊ་ཕཊ་ཕཊ། མ་འདི་ནས་ནུབ་ཀྱི་ཕྱོགས་རོལ་ན། །ཨོ་རྒྱན་ཡུལ་གྱི་ནུབ་ཕྱོགས་ན། །ཨུ་ཙ་ལ་ཡི་དུར་ཁྲོད་ན། །རི་བོ་ཐམས་ཅད་རུས་པའི་རི། །རྩི་ཤིང་ཐམས་ཅད་མདའ་དང་མདུང་། །ཆུ་ཀླུང་ཐམས་ཅད་ཁྲག་དང་རྣག །སྒྲ་སྐད་ཐམས་ཅད་ངུར་མོའི་སྒྲ། །ཁྲོ་བཅུ་རྒྱུ་བར་མི་ནུས་ཤིང་། །ཕྱག་ན་རྡོ་རྗེ་འཇིགས་པའི་ས། །དུས་གསུམ་སངས་རྒྱས་ཡ་ང་བའི། །རྩུབ་འགྱུར་ཚལ་གྱི་དུར་ཁྲོད་ནས། །ཁྲོས་མ་ནག་མོ་གཤེགས་སུ་གསོལ། །སྐུ་མདོག་སྨུག་ནག་མདངས་དང་ལྡན། །སྤྱི་གཙུག་ཕག་ཞལ་ནམ་མཁར་

[Full Size]

ངུར། །ཕྱག་གཡས་ཞིང་ཆེན་གཡང་གཞི་རྡེབ། །ཕྱག་གཡོན་མི་རྐང་གླིང་བུ་འབུད། །དུར་ཁྲོད་ཆས་བརྒྱད་སྐུ་ལ་གསོལ། །བམ་ཆེན་རོ་ཡི་གདན་ལ་འགྱིངས། །མ་གཡང་གཞི་ཤར་དུ་གཡུག་ཙ་ན། །རྡོ་རྗེ་མཁའ་འགྲོ་ཕོ་ཉར་འགྱེད། །རྡོ་རྗེ་མཁའ་འགྲོའི་བརྟུལ་ཞུགས་ཀྱི། །ཤར་ཕྱོགས་ཟ་འདྲེ་ཤི་གཤེད་རྣམས། །མ་ལུས་ཐམས་ཅད་གནས་འདིར་ཁུག །གནས་འདིར་ཁུག་ལ་དབང་དུ་བསྡུས། །དབང་དུ་བསྡུས་ལ་རྡུལ་དུ་རློག །མ་གཡང་གཞི་ལྷོ་རུ་གཡུག་ཙ་ན། །རིན་ཆེན་མཁའ་འགྲོ་ཕོ་ཉར་འགྱེད། །རིན་ཆེན་མཁའ་འགྲོའི་བརྟུལ་ཞུགས་ཀྱིས། །ལྷོ་ཕྱོགས་ཟ་འདྲེ་ཤི་གཤེད་རྣམས། །མ་ལུས་ཐམས་ཅད་གནས་འདིར་ཁུག །གནས་འདིར་ཁུག་ལ་དབང་དུ་བསྡུས། །དབང་དུ་བསྡུས་ལ་རྡུལ་དུ་རློག །མ་གཡང་གཞི་ནུབ་ཏུ་གཡུག་ཙ་ན། །པདྨ་མཁའ་འགྲོ་ཕོ་ཉར་འགྱེད། །པདྨ་མ་མཁའ་འགྲོའི་བརྟུལ་ཞུགས་ཀྱིས། །ནུབ་ཕྱོགས་ཟ་འདྲེ་ཤི་གཤེད་རྣམས། །མ་ལུས་ཐམས་ཅད་གནས་འདིར་ཁུག །གནས་འདིར་ཁུག་ལ་དབང་དུ་བསྡུས། །དབང་དུ་བསྡུས་ལ་རྡུལ་དུ་རློག །མི་གཡང་གཞི་བྱང་དུ་

[Full Size]

གཡུག་ཙ་ན། །ལས་ཀྱི་མཁའ་འགྲོ་ཕ་ཉར་འགྱེད། །ལས་ཀྱི་མཁའ་འགྲོའི་བརྟུལ་ཞུགས་ཀྱིས། །བྱང་ཕྱོགས་ཟ་འདྲེ་ཤི་གཤེད་རྣམས། །མ་ལུས་ཐམས་ཅད་གནས་འདིར་ཁུག་གནས་འདིར་ཁུག་ལ་དབང་དུ་བསྡུས། །དབང་དུ་བསྡུས་ལ་རྡུལ་དུ་རློག །ཕཊ་ཕཊ་ཕཊ། དེ་ནས་ཕུང་པོ་ཟ་འདྲེ་ཤི་གཤེད་དང་དབྱེར་མེད་པ་དེ་བྲན་ལ། ཚོགས་བྱིན་གྱིས་བརླབས་ཏེ། །ཨོཾ་མ་གཅིག་མ་ལ་གསོལ་བ་འདེབས། །ཨཱཿམ་གཅིག་མ་ལ་གསོལ་བ་འདེབས། །ཧཱུྃ་མ་གཅིག་མ་ལ་གསོལ་བ་འདེབས། །དཀར་པོ་ཨོཾ་གྱིས་བྱིན་གྱིས་རློབས། །དཀར་པོ་ཨོཾ་གྱི་བྱིན་རླབས་ཀྱིས། །གཞོང་པ་ཉི་ཟླའི་གཏོང་གཞོང་དུ། །ཚོགས་ཀྱང་འོད་དུ་ལྟེམས་སེ་ཞུ། །འོད་ཕུང་འབར་བའི་ཚོགས་མཆོད་འདིས། །བླ་མ་ཡི་དམ་མཁའ་འགྲོ་དང་། །རྒྱལ་བའི་དཀྱིལ་འཁོར་མཉེས་གྱུར་ཅིག །ཆོས་སྐྱོང་མ་མགོན་ལྕམ་དྲལ་དང་། །དམ་ཅན་སྲུང་མའི་ཐུགས་དམ་བསྐང་གྱུར་ཅིག །དམར་པོ་ཨཱཿཡིས་བྱིན་གྱིས་རློབས་དམར་པོ་ཨཱཿཡི་བྱིན་རླབས་ཀྱིས། །གཞོང་པ་ཉི་ཟླའི་གཏོང་གཞོང་དུ། །ཚོགས་ཀྱང་འོད་དུ་ལྟེམས་སེ་ཞུ། །འོད་ཕུང་འབར་བའི་ཚོགས་མཆོད་འདིས། །བླ་མ་ཡི་

[Full Size]

དམ་མཁའ་འགྲོ་དང་། །རྒྱལ་བའི་དཀྱིལ་འཁོར་མཉེས་གྱུར་ཅིག །ཆོས་སྐྱོང་མ་མགོན་ལྕམ་དྲལ་དང་། །དམ་ཅན་སྲུང་མའི་ཐུགས་དམ་བསྐང་གྱུར་ཅིག །སྔོན་པོ་ཧཱུྃ་གིས་བྱིན་གྱིས་རློབས། །སྔོན་པོ་ཧཱུྃ་གི་བྱིན་རླབས་ཀྱིས། །གཞོང་པ་ཉི་ཟླའི་གཏོང་གཞོང་དུ། །ཚོགས་ཀྱང་འོད་དུ་ལྟེམས་སེ་ཞུ། །འོད་ཕུང་འབར་བའི་ཚོགས་མཆོད་འདིས། །བླ་མ་ཡི་དམ་མཁའ་འགྲོ་དང་། །རྒྱལ་བའི་དཀྱིལ་འཁོར་མཉེས་གྱུར་ཅིག །ཆོས་སྐྱོང་མ་མགོན་ལྕམ་དྲལ་དང་། །དམ་ཅན་སྲུང་མའི་ཐུགས་དམ་བསྐང་གྱུར་ཅིག །ཕུང་པོ་དེ་ཤ་ཁྲག་གི་ཕུང་པོ་ཚོགས་ཀྱི་འཁོར་ལོ་སྟོང་གསུམ་འཇིག་རྟེན་གྱི་ཁམས་གང་བར་བསྒོམ། མ་གཅིག་ཁྲོས་མ་ནག་མོ་འཁོར་བྱེ་བ་འབུམ་དང་བཅས་པས་ཟ་འདྲེ་ཤི་གཤེད་ཕུང་པོ་དང་བཅས་པ་ཚོགས་སུ་རོལ་པར་དམིགས་ལ། ༈ མ་ཤར་མི་འགྱུར་རྡོ་རྗེའི་དུར་ཁྲོད་ནས། །རྡོ་རྗེ་མཁའ་འགྲོ་བྱིན་རླབས་ཅན། །བྱིན་རླབས་ཅན་ལ་གསོལ་བ་འདེབས། །སྐུ་མདོག་དཀར་མོའི་རང་བཞིན་ལ། །འཁོར་ཡང་དཀར་མོ་འབུམ་གྱིས་བསྐོར། །དབུ་ལ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །དཔུང་པས་སོག་འགུལ་ཤིགས་སེ་ཤིག །སྐྱེད་པས་སྤྱི་ཀྱོག་

[Full Size]

ལིངས་སེ་ལིང་། །ཕྱག་གིས་གར་ཐབས་ཁྱུགས་སེ་ཁྱུག །ཞབས་ཀྱིས་བྲོ་བརྡུང་ཁྲིགས་སེ་ཁྲིག །ཞིང་ཆེན་གཡང་གཞི་ཤམས་སེ་ཤམ། །ཞུན་ཆེན་མར་མེ་ཏ་ལ་ལ། །མི་རྐང་གླིང་བུ་ཀྱུ་རུ་རུ། །མི་ཐོད་ཌཱ་རུ་ཁྲོ་ལོ་ལོ།། །རུས་པའི་རྒྱན་ཆ་ཁྲིགས་སེ་ཁྲིག །ཚོགས་ཀྱི་འཁོར་ལོ་ཀྱི་ལི་ལི། །མ་ཚོགས་བདག་ཆེན་མོ་ཚོགས་ལ་བྱོན། །ཚོགས་ལ་བྱོན་ཅིང་ཚོགས་ལ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་མོ་ས་མ་ཡ། །མ་ལྷོ་ཕྱོགས་དུར་ཁྲོད་གཞལ་ཡས་ནས། །རིན་ཆེན་མཁའ་འགྲོ་བྱིན་རླབས་ཅན་བྱིན་རླབས་ཅན་ལ་གསོལ་བ་འདེབས། །སྐུ་མདོག་སེར་མོའི་རང་བཞིན་ལ། །འཁོར་ཡང་སེར་མོ་འབུམ་གྱིས་བསྐོར། །དབུ་ལ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །དཔུང་པས་སོག་འགུལ་ཤིགས་སེ་ཤིག །སྐེད་པས་སྤྱི་ཀྱོག་ལིངས་སེ་ལིང་། །ཕྱག་གིས་གར་ཐབས་ཁྱུགས་སེ་ཁྱུག །ཞབས་ཀྱིས་བྲོ་བརྡུང་ཁྲིགས་སེ་ཁྲིག །ཞིང་ཆེན་གཡང་གཞི་ཤམས་སེ་ཤམ། །ཞུན་ཆེན་མར་མེ་ཏ་ལ་ལ། །མི་རྐང་གླིང་བུ་ཀྱུ་རུ་རུ། །མི་ཐོད་ཌཱ་རུ་ཁྲོ་ལོ་ལོ། །རུས་པའི་རྒྱན་ཆ་ཁྲིགས་སེ་

[Full Size]

ཁྲིག །ཚོགས་ཀྱི་འཁོར་ལོ་ཀྱི་ལི་ལི། །མ་ཚོགས་བདག་ཆེན་མོ་ཚོགས་ལ་བྱོན། །ཚོགས་ལ་བྱོན་ཅིང་ཚོགས་ལ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་མོ་ས་མ་ཡ། །མ་ནུབ་ཕྱོགས་དུར་ཁྲོད་གཞལ་ཡས་ནས། །པདྨ་མཁའ་འགྲོ་བྱིན་རླབས་ཅན། །བྱིན་རླབས་ཅན་ལ་གསོལ་བ་འདེབས། །སྐུ་མདོག་དམར་མོའི་རང་བཞིན་ལ། །འཁོར་ཡང་དམར་མོ་འབུམ་གྱིས་བསྐོར། །དབུ་ལ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །དཔུང་པས་སོག་འགུལ་ཤིགས་སེ་ཤིག། པས་སྤྱི་ཀྱོག་ལིངས་སེ་ལིང་། །ཕྱག་གིས་གར་ཐབས་ཁྱུགས་སེ་ཁྱུག །ཞབས་ཀྱིས་བྲོ་བརྡུང་ཁྲིགས་སེ་ཁྲིག །ཞིང་ཆེན་གཡང་གཞི་ཤམས་སེ་ཤམ། །ཞུན་ཆེན་མར་མེ་ཏ་ལ་ལ། །མི་རྐང་གླིང་བུ་ཀྱུ་རུ་རུ། །མི་ཐོད་ཌཱ་རུ་ཁྲོ་ལོ་ལོ། །རུས་པའི་རྒྱན་ཆ་ཁྲིགས་སེ་ཁྲིག །ཚོགས་ཀྱི་འཁོར་ལོ་ཀྱི་ལི་ལི། །མ་ཚོགས་བདག་ཆེན་མོ་ཚོགས་ལ་བྱོན། །ཚོགས་ལ་བྱོན་ཅིང་ཚོགས་ལ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་མོ་ས་མ་ཡ། །མ་བྱང་ཕྱོགས་དུར་ཁྲོད་གཞལ་ཡས་ནས། །ལས་ཀྱི་མཁའ་

[Full Size]

འགྲོ་བྱིན་རླབས་ཅན། །བྱིན་རླབས་ཅན་ལ་གསོལ་བ་འདེབས། །སྐུ་མདོག་ལྗང་མོའི་རང་བཞིན་ལ། །འཁོར་ཡང་ལྗང་མོ་འབུམ་གྱིས་བསྐོར། །དབུ་ལ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །དཔུང་པས་སོག་འགུལ་ཤིགས་སེ་ཤིག །སྐེད་པས་སྤྱི་ཀྱོག་ལིངས་སེ་ལིང་། །ཕྱག་གིས་གར་ཐབས་ཁྱུགས་སེ་ཁྱུག །ཞབས་ཀྱིས་བྲོ་བརྡུང་ཁྲིགས་སེ་ཁྲིག །ཞིང་ཆེན་གཡང་གཞི་ཤམས་སེ་ཤམ། །ཞུན་ཆེན་མར་མེ་ཏ་ལ་ལ། །མི་རྐང་གླིང་བུ་ཀྱུ་རུ་རུ། །མི་ཐོད་ཌཱ་རུ་ཁྲོ་ལོ་ལོ། །རུས་པའི་རྒྱན་ཆ་ཁྲིགས་སེ་ཁྲིག་།ཚོགས་ཀྱི་འཁོར་ལོ་ཀྱི་ལི་ལི། །མ་ཚོགས་བདག་ཆེན་མོ་ཚོགས་ལ་བྱོན། །ཚོགས་ལ་བྱོན་ཅིང་ཚོགས་ལ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་མོ་ས་མ་ཡ། །ཕཊ་ཕཊ་ཕཊ། ཧཱུྃ། མ་ཤར་གྱི་ཕྱོགས་ཀྱི་དུར་ཁྲོད་ནས། །རྡོ་རྗེ་མཁའ་འགྲོ་གཤེགས་སུ་གསོལ། །སྐུ་མདོག་དཀར་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་

[Full Size]

རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊཕཊཕཊཿ ཧཱུྃ༔ ལྷོ་ཡི་ཕྱོགས་ཀྱི་དུར་ཁྲོད་ནས། །རིན་ཆེན་མཁའ་འགྲོ་གཤེགས་སུ་གསོལ། །སྐུ་མདོག་སེར་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊཕཊཕཊཿ ཧཱུྃ། ནུབ་ཀྱི་ཕྱོགས་ཀྱི་དུར་

[Full Size]

ཁྲོད་ནས། །པདྨ་མཁའ་འགྲོ་གཤེགས་སུ་གསོལ། །སྐུ་མདོག་དམར་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊ་ཕཊ་ཕཊཿ ཧཱུྃ། བྱང་གི་ཕྱོགས་ཀྱི་དུར་ཁྲོད་ནས། །ལས་ཀྱི་མཁའ་འགྲོ་གཤེགས་སུ་གསོལ། །སྐུ་མདོག་ལྗང་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས་། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་

[Full Size]

ངན་རྣམ་སྨིན་འདི་དང་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊ་ཕཊཕཊཿ ཧཱུྃ། དབུས་ཀྱི་ཕྱོགས་ཀྱི་དུར་ཁྲོད་ནས། །སངས་རྒྱས་མཁའ་འགྲོ་གཤེགས་སུ་གསོལ། །སྐུ་མདོག་ནག་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་ལ་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊ་ཕཊ་ཕཊཿ ཧཱུྃ། མ་ཡུམ་ཆེན་ཐུགས་ལས་སྤྲུལ་པའི་སྲས། །ཤར་རྡོ་རྗེ་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །དུང་གི་

[Full Size]

བུད་མེད་ཆེན་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག ། ཧཱུྃ༔ མ་ཡུམ་ཆེན་ཡོན་ཏན་སྤྲུལ་པ་ལས། །ལྷོ་རིན་ཆེན་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །གསེར་གྱི་བུད་མེད་ཆེན་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །ཧཱུྃ། མ་ཡུམ་ཆེན་གསུང་གི་སྤྲུལ་པ་ལས། ནུབ་པདྨ་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །ཟངས་ཀྱི་བུད་མེད་ཆེན་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན།

[Full Size]

གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཁྲ་འདྲེ་ཤི་གཤེད་འདི་དང་ད་ཕྲོལ་ཅིག །ཧཱུྃ། མ་ཡུམ་ཆེན་ཕྲིན་ལས་སྤྲུལ་པ་ལས། །བྱང་ལས་ཀྱི་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །གཡུ་ཡི་བུད་མེད་ལྗང་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །ཧཱུྃ། མ་ཡུམ་ཆེན་ཐུགས་ཀྱི་སྤྲུལ་པ་ལས། །དབུས་སངས་རྒྱས་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །མཐིང་གི་བུད་མེད་ཆེན་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་

[Full Size]

འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཟ་འདྲེ་ཤི་གཤེད་འདི་དང་ད་སྲོལ་ཅིག །ཕཊ་ཕཊ་ཕཊཿ དེ་ནས་རླུང་ལན་གསུམ་རྡུབ་ལ། རོ་ཡི་གྲིབ་དང་གདོན་ཐམས་ཅད་རང་ལ་བསྟིམ། ཕཊ། རང་གི་བེམ་རིག་ཕྲལ་ལ་མི་རོ་རང་རོ་གཅིག་ཏུ་བསྲེ། ཕཊ། རང་རིག་རྡོ་རྗེ་རྣལ་འབྱོར་མས་ཐོད་པ་བྲེག །མདུན་དུ་རང་བྱུང་གི་མི་མགོའི་སྒྱེད་པུ་གསུམ་གྱི་སྟེང་དུ་བཙུགས། ཕཊ། ཐོད་པའི་ནང་དུ་བེམ་པོ་བཅུག །ཕཊ། གྲི་གུག་གིས་གཏུབས་རླུང་གཡོས་མེ་སྦར། ཤ་ཁྲག་བདུད་རྩིར་ཞུ། སྤྲུལ་པའི་རྣལ་འབྱོར་མ་དཔག་ཏུ་མེད་པས་ཐོད་པས་བདུད་རྩི་བཅུས། བླ་མ་ཡི་དམ་རྣམས་ཀྱི་ཞལ་དུ་ཨོཾ་ཨཱཧཱུཾ། ཕཊཿ མཁའ་འགྲོ་ཆོས་སྐྱོང་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཕཊ། འགྲོ་བ་རིགས་དྲུག་རྣམས་ཀྱི་ཞལ་དུ་ཨོཾ་ཨཱཿཧཱུྃ། ལན་ཆགས་གདོན་བགེགས་རྣམས་ཀྱི་ཞལ་དུ་ཨོཾ་ཨཱཿཧཱུཾ། ཕཊ། ཅེས་དམིགས་པ་མང་དུ་བཟུང་། རོ་ལ་སྐྲག་ན་རང་གི་རོ་ལ་ཡང་སྐྲག །རོ་ལ་སྔས་བྱས་ནས་ང་ནི་ཇི་སྲིད་སངས་མ་རྒྱས་ཀྱི་བར་དུ་གར་ཡང་མི་འགྲོ་བསམ་ལ་ཉལ། གལ་ཏེ་ལུས་ན་བའམ་གྲིབ་སོགས་ཀྱིས་མ་བདེ་བ་བྱུང་ན། ན་སར་ཟ་འདྲེ་

[Full Size]

ནད་གདོན་བསྟིམས་ལ་དམར་འགྱེད་མང་དུ་བྱའོ། །རོ་དེ་ས་རྡོར་ཤེས་པར་བྱས་ལ་ཉམས་ལེན་ངང་ལ་བཞག །དེས་ནད་ངན་ཡང་ཆོད། གྲིབ་མི་འོང་ངོ་། །རོ་ལ་སྐྲག་སྣང་དང་བཙོག་སྣང་མེད་ཅིང་བདེན་མེད་དུ་ཤེས་ཤིང་བྱམས་སྙིང་རྗེ་ཤུགས་ལ་སྐྱེས་ན་ཆོད་པ་ཡིན་ནོ། །དེ་ཡང་ཞག་འགའ་ཟུང་རོ་ཁྱིམ་ལ་བཞག་རྒྱུ་ཡིན་ན། གཅོད་ཚོགས་དུས་མཉམ་དུ་རོ་དང་ཚོགས་དབྱེར་མེད་དུ་དམིགས། ཞག་ཕྱེད་བཞི་ཚུན་ལ་ཕུད་པར་མི་བྱའོ། །གལ་ཏེ་རྣམ་ཤེས་འཕོ་མ་ནུས་ན་ཡོད་སྲིད་པས་ཉེས་པ་ཆེའོ།། ༈ དེ་ནས་རོ་བསྒུལ་བ་ནི། ཕཊཿ རང་ཉིད་སྐད་ཅིག་གིས་ཡེ་ཤེས་ཀྱི་མཁའ་འགྲོ་ཁྲོས་མ་ནག་མོ་དམར་ནག་མེའི་མདོག་ཅན། །ཞལ་གནམ་ས་ཙམ་གདེངས་བ། མཆེ་བ་གངས་རི་ལྟར་གཙིགས་པ། ལྗགས་གློག་དམར་ལྟར་འཁྱུགས་པ། དུར་ཁྲོད་ཆས་བརྒྱད་སྐུ་ལ་གསོལ་བ། དབུ་ཡི་གཙུག་ནས་སྟག་ཞལ་དམར་ཁྲ་སྟག་སྐད་འབྲུག་ལྟར་ངར་བ། ཟ་འདྲེ་ཤི་གཤེད་སྣང་སྲིད་ལྷ་འདྲེ་ཐམས་ཅད་བསྔངས་ཤིང་བརྒྱལ་བར་བྱེད་པ། ཞབས་གར་ཐབས་སུ་འགྱིང་བའི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་རང་འདྲ་བ་དཔག་ཏུ་མེད་པ་འཕྲོས་པས། གནོད་བྱེད་ཟ་འདྲེ་ཤི་གཤེད་ཐམས་ཅད་རང་དབང་མེད་པར་བེམ་རོ་འདི་ལ་ཁུག་ཅིག །བཛྲ་ཨངྐུ་ཤ་ཛ་ཛཿ

[Full Size]

ཕཊ་ཕཊ་ཕཊཿ རང་ཉིད་ཡེ་ཤེས་མཁའ་འགྲོའི་ཞབས་གཡས་གནམ་ལྕགས་ཀྱི་ཕུར་པ་རྣོ་ངར་དང་ལྡན་པས་ཟ་འདྲེའི་སྙིང་དཀར་ནག་མཚམས་སུ་མཱ་ར་ཡ། ཕཊ་ཕཊ་ཕཊཿ རྡོག་ཐོ་གསུམ་བརྒྱབ། རང་ཉིད་ཡེ་ཤེས་ཀྱི་མཁའ་འགྲོའི་ཕྱག་གཡས་གནམ་ལྕགས་ཀྱི་རྡོ་རྗེ་རྩེ་དགུ་པ་ལས་རྡོ་རྗེ་མེ་ཡི་ཐོག་དང་སེར་བ་འཕྲོས་པས་གནོད་བྱེད་ཟ་འདྲེ་ཤི་གཤེད་ཐམས་ཅད། བྱ་སྒྲོ་མེ་ལ་བསྲེགས་པ་བཞིན་དུ་གྱུར། ཕཊ་ཕཊཕཊཿ ནས་ལྕག་གིས་བྲབ། རང་ཉིད་དུར་ཁྲོད་ཀྱི་བདག་མོ་ཁྲོས་མ་སྟག་ཞལ་ཅན་གྱི་ཕྱག་གཡས་སོར་མོ་ལྔ་ལས་གསེར་གྱི་སྟག་མོ་ཆེ་ལ་འཇིགས་པ་ལྔ་འཕྲོས། བེམ་རོ་ཟ་འདྲེ་དང་བཅས་པའི་སྟེང་ནས་སྲུབ་ཅིང་ངར་སྒྲ་དང་བཅས་ནས་ཧབ་ཐོབ་ཏུ་ཟོས། ཕཊ་ཕཊ་ཕཊཿ ཅེས་ལག་གཡས་ཅོ་ཐོའམ། །གཉའ་ཁུང་ནས་བཟུང་ལ་བསུབ་བོ། །ཕཊཿ རང་ཉིད་ཁྲོས་མའི་ཕྱག་གཡས་རྡོ་རྗེས་རོ་དེ་ཕར་འཕེན་ཚུར་འཕེན་བྱས་པར་གྱུར། །ཕཊ། ཅེས་ཆ་ཐོག་ཏུ་འཕེན་པའམ་བཞག་བཅུག་གོ། །དེ་ནས་རོ་འཁྱེར་བའི་དམིགས་པ་ནི། ཕཊ། རང་ཉིད་སྐད་ཅིག་གིས་སྟག་གདོང་མ་གནས་འགྱུར་ནས་ཡེ་ཤེས་ཀྱི་མཁའ་འགྲོ་མ། རྡོ་རྗེ་རྣལ་འབྱོར་མ་སྐུ་མདོག་དུང་ལྟར་དཀར་

[Full Size]

བ། ཕྱག་ན་གྲི་གུག་ཐོད་ཁྲག་བསྣམས་པ། ཁཊྭཱཾ་ག་ལ་འཁྱུད་ནས་གར་ཐབས་ལིང་ལིང་བྱེད་པར་གྱུར། ཕཊ། རང་གི་སྐུ་ལས་འོད་ཟེར་ཕྱོགས་བཅུར་འཕྲོས༔ ཕྱོགས་བཅུའི་སངས་རྒྱས་བྱང་སེམས་ཐམས་ཅད་ལ་ཟག་མེད་བདེ་སྟོང་གི་མཆོད་པ་ཕུལ་དེ་རྣམས་ཀྱི་ཐུགས་ཀ་ནས་བྱིན་རླབས་ཐུགས་རྗེ་ནུས་པ་ཐམས་ཅད་འོད་ཟེར་བདུད་རྩི་དཀར་པོའི་རྣམ་པར་བསྡུས་ནས་རང་ལ་ཐིམ་པས་རང་ལུས་དཀར་ལྟེམ་གྱིས་གང་། རང་གི་སྐུ་ལུས་ལས་ཡེ་ཤེས་ཀྱི་བདུད་རྩིའི་རྒྱུན་ངང་ན་ར་ར་བབས་ནས་རོ་ལ་ཐིམ་པས་རོ་དེ་ཡེ་ཤེས་ཀྱི་བདུད་རྩི་རོ་བརྒྱ་ནུས་པ་སྟོང་དང་ལྡན་པ་རྐྱལ་པ་གང་དུ་གྱུར། ཕཊཿ རང་ཉིད་ཁྲོས་མ་དཀར་མོ་དེ་གནས་འགྱུར་ནས། རང་ཉིད་མ་གཅིག་ལབ་ཀྱི་སྒྲོན་མ། །སྐུ་མདོག་དམར་མོ་གཅེར་བུ་རུས་པའི་རྒྱན་དྲུག་གསོལ་བ། ཕྱག་ཏུ་ཌཱ་དྲིལ་འཁྲོལ་ཞིང་འཁོར་མཁའ་འགྲོ་འབུམ་གྱིས་བསྐོར་ནས་བྲོ་ཁྲིག་ཁྲིག་གར་ཁྱུག་ཁྱུག་བྱེད་པར་གྱུར། ཌཱ་དྲིལ་འཁྲོལ་ཞིང་འཆམས་ནས་རོ་ལ་བསྐོར་བ་བྱེད་ཅིང་ཕཊཿ ཤར་དང་བཅས་ཏེ། རོ་སྟོད་ལ་རྡོག་ཐོ་གསུམ། ཕཊ་ཕཊ་ཕཊཿ མཁལ་ཁུང་གཡས་པ་ལ་རྡོག་ཐོ་གསུམ། ཕཊ་ཕཊ་ཕཊཿ མཁལ་ཁུང་གཡོན་པ་ལ་

[Full Size]

རྡོག་ཐོ་གསུམ། ཕཊ་ཕཊ་ཕཊ། གཞོགས་གཡས་པ་ལ་རྡོག་ཐོ་གཅིག་རྒྱབ། ཕཊ། གཞོགས་གཡོན་པ་ལ་རྡོག་ཐོ་གཅིག་རྒྱབ། ཕཊ། དེ་ནས་བདུད་རྩི་རྐྱལ་པ་གང་དུ་བསྒོམས་ལ་ཁྱེར། ནད་ངན་ཡིན་ན་ཚེ་འདས་ཀྱི་རྣམ་ཤེས་རང་ལ་མི་བསྡུ། ནམ་མཁའི་མ་གཅིག་གི་ཐུགས་ཀར་འཕང་། ནད་འགོས་སམ་མི་འགོས་ཀྱི་རྣམ་རྟོག་མི་བྱ་བར་སྟོང་ཉིད་ཀྱི་ངང་དུ་བཞག་ནས་ཁྱེར། རོ་ཡི་སྤྱི་བོ་ལ་རང་མ་གཅིག་བསྒོམས། ༈ ཕུང་པོ་དེ་བདུད་རྩི་རྐྱལ་པ་གང་ལ་མཁའ་འགྲོ་མང་པོས་བསྐོར། ཤར་དུ་འགྲོ་ན་རྡོ་རྗེ་མཁའ་འགྲོས་སྣ་ཁྲིད། ལྷོར་རིན་ཆེན་མཁའ་འགྲོ། ནུབ་ཏུ་པདྨ་མཁའ་འགྲོ། བྱང་དུ་འགྲོ་ན་ལས་ཀྱི་མཁའ་འགྲོས་སྣ་ཁྲིད་ནས་འགྲོ་བར་བསྒོམ་མོ། །ཕཊ་ཕཊ་ཕཊ། བདུད་རྩིའི་རྐྱལ་པ་ལ་མཁའ་འགྲོ་འབུམ་གྱིས་བསྐོར་ནས་ཕྱོགས་སོ་སོའི་མཁའ་འགྲོ་མས་སྣ་ཁྲིད་པར་གྱུར། ཕཊ་ཕཊ་ཕཊ། དེ་ནས་འགྲོ་བའི་ས་ནི་སྔར་གྱི་དུར་རྙིང་མང་ས་ཡིན་ན་བཟང་། དུར་ཁྲོད་ཡིན་པའི་པས་མཁའ་འགྲོ་འདུ་བར་གསུངས། ས་རྒོད་ཡིན་ན་ས་དགྲ་མེད་པའི་ས་མིག་བཟང་པོར་འགྲོ། འགའ་ཞིག་གིས་གཅོད་ལུགས་ཡིན་ཟེར་ནས་ས་གང་ངན་ལ་གཏོར་བ་ནི་ཧ་མ་གོ་བ་ཡིན། གཅོད་ལུགས་ཡིན་མིན་གཉིས་ས་མིག་དགོས་པ་ལ་ཁྱད་མེད། གཅོད་ལུགས་མིན་ན་ས་བཟང་ཡང་ཀླུ་དང་ལྷ་འདྲེ་དྲག་པོ་གནས་ས་ན་མི་རུང་། གཅོད་ལུགས་ལ་གཉན་ན་བཟང་། གཅོད་ལུགས་མིན་ན་ས་འབེབས་དགོས། གཅོད་ལུགས་ལ་ས་འབེབས་མི་དགོས། གཞན་ལ་ཕྱོགས་

[Full Size]

དང་གཟའ་སྐར་དུས་ཚོད་གལ་ཆེའོ། །གཅོད་ལུགས་ལ་དེ་རྣམས་རྩིས་ཀྱང་རུང་ལ་མ་བརྩིས་སྙེམས་ཐག་བཅད་ཀྱང་རུང་། ས་དགྲ་ཁྲམ་མིག་ཅེས་བྱ་སྟེ། གཅོད་གཞུང་ནས་ཀྱང་མི་རུང་བར་གསུངས་སོ། །དེ་ནས་དུར་ཁྲོད་དམ་གང་དུ་འགྲོ་བསམ་ས་དེར་རྒྱང་དམིགས་འཕེན་པ་ནི། ཕཊཿ རང་ཉིད་སྐད་ཅིག་གིས་ཕ་དམ་པ་སྐུ་མདོག་མཐིང་ནག་གཟི་བརྗིད་དང་ལྡན་པ་ཞིག་ཏུ་གྱུར། ཕཊཿ རང་གི་ཐུགས་ཀ་ནས་ལྕགས་ཀྱི་རྡོ་རྗེ་ནག་པོ་ཅིག་འཕྲོས་ནས་དུར་ཁྲོད་ལ་ཕོག་པས་རྡོ་རྗེ་དེ་ཨ་ཙ་ར་ནག་པོ་འཇིགས་སུ་རུང་བ་ཕྱག་གཡས་གྲི་གུག་མེ་འབར་བ་བསྣམས་པ་ཞིག་ཏུ་གྱུར། །ཕཊཿ གྲི་གུག་དེས་དུར་ཁྲོད་ལྷ་འདྲེ་དང་བཅས་པ་ལིང་གིས་བཀོག་ནས་ཁ་ཞབས་ལྡོག་སྟེ་ལེབ་ཀྱིས་བཀབ་པ་ལས་ལྷ་འདྲེ་འགུལ་འཆུག་མེད་པར་གྱུར། ཕཊཿ དེའི་སྟེང་དུ་ཨ་ཙ་ར་དེ་གསེར་ཞུན་མ་ལྟར་འོད་དུ་ཞུ་ནས་གཉན་ས་དུར་ཁྲོད་དེ་ལེབ་ཀྱིས་བཀབ་པས་ཞ་ལ་བྱས་པ་ལྟར་སེར་ཞུམ་མེ་སྲ་བརྟན་འགུལ་འཆུག་མེད་པར་གྱུར། ཕཊ་ཕཊ་ཕཊ། དེ་ནས་དུར་ཁྲོད་དམ་ས་མིག་ཏུ་ཕྱིན་ནས། ཌཱ་དྲིལ་འཁྲོལ་ཞིང་འཆམས་ལ་ས་མིག་བཙལ། གང་དུ་དགའ་བ་དེར། ཕྱོགས་བཞི་དབུས་དང་ལྔར་ཐོ་ལྔ་བརྩེགས་ལ་མཁའ་འགྲོ་སྡེ་ལྔར་བསྒོམ། ཐོ་དབུ་མའི་རྩེ་དེར་རོ་དེ་བཞག །དང་པོ་ཁ་

[Full Size]

ནུབ། མགོ་བྱང་། གཞོགས་གཡས་ས་ལ་བཙུགས། ༈ དེ་ནས་དུར་ཁྲོད་ཟིལ་གྱིས་གནོན་ཅིང་དབང་དུ་སྡུད་པ་ནི། ཕཊ། རང་ཉིད་སྐད་ཅིག་གིས་མ་དུར་ཁྲོད་ཀྱི་བདག་མོ་ཁྲོས་མ་སྐུ་མདོག་དམར་ནག་ཞལ་གདངས་ཤིང་སྤྱན་གསུམ་བསྒྲད་པ། མཆེ་བ་གཙིགས་ཤིང་ལྗགས་འདྲིལ་བ། སྤྱི་བོར་སྟག་ཞལ་ངར་སྒྲ་སྒྲོག་པ། དུར་ཁྲོད་ཆས་བརྒྱད་སྐུ་ལ་གསོལ་བ་ཕྱག་ན་གསེར་གྱི་གྲི་གུག་དང་ཐོད་ཁྲག་བསྣམས་ནས་གར་ཐབས་སུ་འགྱིངས་བའི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་ནག་མོ་རིགས་བཞིའི་མཁའ་འགྲོ་མ་དཔག་ཏུ་མེད་པ་འཕྲོས་ནས་ཟ་འདྲེ་ཤི་གཤེད་ཐམས་ཅད་རང་དབང་མེད་པར་གཡང་གཞིས་བྲབ་ཅིང་དེད་ནས་བེམ་རོ་ལ་ཐིམ་པར་གྱུར། ཕཊ་ཕཊ་ཕཊཿ བདེན་བརྡར་འགུགས་གཞུག་ལན་གསུམ་གྱིས་ལྷ་འདྲེ་གནོད་བྱེད་ཐམས་ཅད་རོ་ལ་བསྟིམ། མ་འདི་ནས་ནུབ་ཀྱི་ཕྱོགས་རོལ་ནས། །སོགས། གོང་ལྟར་གཡང་གཞི་རྩ་སྡུད་ཀྱི་བསྐུལ་པ་བྱེད་ཅིང་། གཡང་གཞི་ཕྱོགས་བཞི་ནས་གཡུག་ཅིང་ཕུང་པོ་ལ་བྲབ་སྟེ། མོ་གཡང་གཞི་ཤར་དུ་གཡུག་ཙ་ན། ཟེར་དུས་ཤར་དུ་གཡང་གཞིའམ་གཟན་ལྕག་རེ་གཡུག །རྡུལ་དུ་རློག་ཟེར་དུས་གཡང་གཞིའམ་གཟན་ལྕག་རོ་ལ་བརྒྱབ་བོ། །གཡང་གཞིའི་དམིགས་རྟེན་ར་ཐོང་གི་པགས་པ་མཉེན་མོ་གཅིག་རྒྱུན་དུ་ཚགས་བྱེད་སྲོལ་

[Full Size]

ཡོད་དོ། །དེ་ལྟར་ཕྱོགས་བཞི་ཀ་ནས་འཆམས་ཤིང་བྱེད་པ་ཡིན་ནོ། །དེ་ལྟར་གནོད་བྱེད་ཐམས་ཅད་བཀུག་ནས་རོ་དང་དབྱེར་མེད་དུ་དམིགས་ལ། ཕཊཿ ཅེས་ལག་པ་གཡོན་ནས་འཐེན་ལ་གན་རྐྱལ་དུ་འཕང་ངོ་། ཕཊཿ རང་ཉིད་དུར་ཁྲོད་ཀྱི་བདག་མོའི་ཞབས་གཡས་པས་གནོད་བྱེད་ཟ་འདྲེའི་སྙིང་ག་ནས་མནན་པས་དབང་ཆེན་གསེར་གྱི་ས་གཞི་ལ་བཅར་ནས་རྡུལ་དུ་བརླག་པར་གྱུར། ཕཊ་ཕཊ་ཕཊཿ སྙིང་གར་ཕྱི་རྟིང་གཡས་པ་བཞག་ལ། ཕཊཿ རང་ཉིད་དུར་ཁྲོད་ཀྱི་བདག་མོ་ཁྲོས་མ་སྟག་གི་གདོང་པ་ཅན། འཇིགས་ལ་རྔམ་པའི་སྐུ་སྨད་གནམ་ལྕགས་ཀྱི་རྡོ་རྗེ་མེ་འབར་བ་རྭ་ཐམས་ཅད་ཕུར་བུ་རྣོ་དབལ་དང་ལྡན་པའི་རྭ་དབུས་མས་བེམ་རོ་དང་ཟ་འདྲེ་ཤི་གཤེད་དབྱེར་མེད་པའི་སྙིང་དཀྱིལ་དུ་གཟེར་ནས། གཡས་སྐོར་དུ་སྒ་ར་ར།། གཡོན་སྐོར་དུ་ཀྱི་ལི་ལི་འཁོར་བས། གནོད་བྱེད་ཟ་འདྲེའི་ཁ་ནས་ཁྲག་ལྷུད་ལྷུད། སྐད་ངན་ཙེར་ཙེར་བྱས་ནས་ཚེ་བསོད་བཀྲག་མདངས་ཐམས་ཅད་རང་ལ་ཕུལ་བས། ཚེ་བསོད་ནམས་བཀྲག་མདངས་གཟི་མདངས་ཐམས་ཅད་རང་དང་བསྲུང་བྱ་ལ་སིབ་སིབ་ཐིམ་པར་གྱུར། ཕཊ་ཕཊ་ཕཊཿ ཌཱ་དྲིལ་འཁྲོལ་ཞིང་། ཕཊ་ཤར་བྱེད། དམིགས་པ་དེ་བཟུང་ལ་རྐང་པ་

[Full Size]

གཡས་བསྐུམ་ལ་གཡས་སྐོར་གསུམ། རྐང་གཡོན་བསྐུམ་ལ་གཡོན་སྐོར་གསུམ་བྱ། དེ་ནི་རོ་འདུལ་ཡིན་ནོ། ༈ །དེ་ནས་དམིགས་མེད་སྟོང་ཉིད་ངང་ནས་རོ་ཡི་སྟེང་ན་ཕར་མཆོང་ཚུར་མཆོང་གསུམ་དང་ཕཊ་ཤར་རེ་སྤྲད་པ་ནི་རོ་མནོལ་ཕབ་པ་ཡིན་ནོ།། ་ཕཊཿ ཟ་འདྲེ་ཤི་གཤེད་ཐམས་ཅད་སྐྱུར་མ་རླུང་གིས་དེད་པ་བཞིན་དུ་རོ་ལ་ཐིམ་ནས་དབྱེར་མེད་པར་གྱུར། ཕཊཿ རང་ཉིད་ཁྲོས་མ་ནག་མོས་རོའི་རྐང་འགགས་ནས་བཟུང་ནས་ནམ་མཁའི་ཁམས་སུ་ལན་གསུམ་གཡུགས་ནས་ལྕགས་སྲེག་གི་ས་གཞི་ལ་བརྡབས་པས། ཟ་འདྲེའི་སྙིང་ཚལ་པ་བརྒྱར་བཀས་ནས་ཟ་འདྲེ་དང་རོ་དང་བཅས་པ་རྗེས་མེད་དུ་བྱ་སྒོ་མེ་ལ་བསྲེགས་པ་ལྟར་གྱུར། ཕཊ་ཕཊ་ཕཊཿ རོའི་རྐང་པ་ནས་བཀྱགས་ལོ་ལན་གསུམ་ས་མལ་དུ་བརྔུབས་ལ། ཕཊཿ རང་ཉིད་མ་གཅིག་བྱི་རུའི་མདོག་ཅན་འོད་དང་ལྡན་ཞིང་སྟོང་གསུམ་གང་བ་ཉི་ཟླའི་སྤྱན་བསྒྲད་ཅིང་ཁྲོ་མོའི་ཆ་ལུགས་དང་ལྡན་པའི་ཐུགས་ཀ་ནས་ལས་བྱེད་ཀྱི་གཤིན་རྗེ་སྲིན་པོའི་གཟུགས་ལ་མ་ཧེ་ཁྲོས་པའི་གདོང་པ་ཅན་ཕྱག་ན་སྡིག་གྲི་ནག་པོ་མུན་པའི་མདོག་ཅན་མེ་འབར་བ་ཕྱིར་བ་གཅིག་འཕྲོས། རལ་གྲིས་རོའི་སྙིང་བཀས་ནས་ཟ་འདྲེ་ཤི་གཤེད་ཀྱི་སྲོག་དབུགས་སྙིང་ཁྲག་དང་བཅས་པ་གཤིན་

[Full Size]

རྗེས་གསོལ་བར་གྱུར། ཕཊ་ཕཊ་ཕཊཿ རོའི་སྙིང་ཁ་བྲང་དེ་ལ་གྲིས་ཁྲམ་བྲིས་རྒྱ་གྲམ་དུ་གཤགས། ཕཊ། རང་ཉིད་སྐད་ཅིག་གིས་རྗེ་བཙུན་མ་མེ་ཡི་མདོག་ཅན་ཞིང་ཆེན་གྱི་སྟོད་གཡོགས། གཟིག་ལྤགས་ཀྱི་ཤམ་ཐབས་སྦྲུལ་ནག་གི་སྐེ་རགས་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པར་གྱུར། ཕཊ་ཕཊ་ཕཊཿ གྲི་གུག་གིས་བེམ་པོའི་པགས་པ་དེ་ཤགས་ཀྱིས་གཤགས་ནས་ཕྱལ་གྱིས་བཏིང་བས་ལྕགས་སྲེག་གི་ས་གཞི་དམར་ལམ་མེ་བར་གྱུར། ཕཊ་ཕཊ་ཕཊཿ གྲི་གུག་གིས་སྐེ་ནས་གསང་གནས་བར་དུ་གཤགས། ཡན་ལག་གི་རྒྱུད་ཐམས་ཅད་གཤགས། གྲི་ལྕགས་ཀྱི་གྲི་གུག་རྣོན་པོ་ཞིག་རྒྱུན་དུ་ཚགས་བྱ་དགོས་སོ།། ཕཊཿ ཟོ་འདྲེ་ཤི་གཤེད་མཉམ་པོར་འོང་བའི་བདུད་ཐམས་ཅད་ཟོ་ཁོག་དེའི་ནང་དུ་ཐིམ་པར་གྱུར། ཕཊ། རང་ཉིད་རྗེ་བཙུན་མས་ཟོ་ཁོག་དེ་ནམ་མཁའི་དབྱིངས་སུ་བཀྱགས་ནས་ལྕགས་སྲེག་གི་ས་གཞི་ལ་མར་བརྒྱབས་པས་བྱ་སྒྲོ་མེ་ལ་བསྲེགས་པ་ལྟར་རྗེས་མེད་དུ་སོང་། ཕཊ་ཕཊ་ཕཊཿ ཅེས་ལག་གཡས་ནས་བཟུང་ལ་ཁ་སྦུབ་ཏུ་འཕེན། ཕཊ། རང་ཉིད་ཀྱི་ཐུགས་ཀ་ནས་ལས་བྱེད་ཀྱི་མཁའ་འགྲོ་དམར་མོ་གྲི་གུག་དང་ལྕགས་ཀྱུ་འཛིན་པ་འཕྲོས་བེམ་རོ་དང་དབྱེར་

[Full Size]

མེད་པའི་ཟ་འདྲེ་ཤི་གཤེད་ཀྱི་སྐེ་གྲི་གུག་གིས་རྦད་ཀྱིས་བཅད་པར་གྱུར། ཕཊ་ཕཊ་ཕཊཿ ཅེས་སྐེའི་མཚམས་ནས་བཅད་གཉའ་བ་བེམ་པོ་ལ་འབྱར་བར་བྱས། ཕཊཿ རང་ཉིད་ཡུམ་ཆེན་མོ་མཐིང་ནག་ཆར་སྤྲིན་གྱི་མདོག་ཅན་འཇིགས་སུ་རུང་བ། སྤྱན་གསུམ་ཉི་ཟླ་ལྟར་བསྒྲད་ཅིང་མཆེ་བ་གཙིགས་པ། དབུ་སྐྲ་ཁམ་ནག་ལྷོ་སྤྲིན་ལྟར་ནམ་མཁའི་དབྱིངས་སུ་འཁྱིལ་ཞིང་ལྷག་མ་ཐུར་དུ་གྲོལ་བ། སྟག་ཤམ་དང་སྦྲུལ་ནག་གི་ཆུན་པོ་མང་པོས་བརྒྱན་པ། སྐུ་ལས་ཡེ་ཤེས་ཀྱི་མེ་འབར་བ་གཅིག་ཏུ་གྱུར། ཕཊཿ ཟ་འདྲེ་ཤི་གཤེད་མཉམ་པོར་འོང་བའི་བདུད་དང་གནོད་བྱེད་ཐམས་ཅད་རང་དབང་མེད་པར་བེམ་པོ་འདི་ལ་ཐིམ་པར་གྱུར། ཕཊཿ ཕྱག་གཡས་དགྲ་སྟ་ངར་མས་གཏུབས་ནས་ཕྱོགས་ཕྱོགས་ཀྱི་ལྷ་འདྲེ་ཐམས་ཅད་ལ་བྱིན། ཅེས་རྐང་ལག་བཞི་སྟྭ་རེས་བཅད་ལ་ཕྱོགས་བཞིར་འཕངས། ཕཊཿ ཤར་ཕྱོགས་ཀྱི་ལྷ་འདྲེས་ཁྱེར། ཕཊཿ ལྷོ་ཕྱོགས་ཀྱི་ལྷ་འདྲེས་ཁྱེར། ཕཊཿ ནུབ་ཕྱོགས་ཀྱི་ལྷ་འདྲེས་ཁྱེར་ཕཊཿ བྱང་ཕྱོགས་ཀྱི་ལྷ་འདྲེས་ཁྱེར། ཕཊཿ ཅེས་ཐག་ཉེ་ས་དེར་འཕང་ལ་བཞག་པས། ལྷ་འདྲེ་ཐམས་ཅད་ཀྱིས་ཟོས་འཐུངས་ངོམ་ཞིང་ཚིམས་ནས་སྐྱིད་ལྷམ་མེ་སོང་བ་

[Full Size]

དང་། ལེ་ལེན་བདས་ཏེ་སྡེ་བརྒྱད་གཅིག་གིས་གཅིག་ཟོས། མཐར་གཅིག་ཀྱང་མ་ལུས་པར་སྟོང་པ་ཉིད་དུ་གྱུར། ཕཊ་ཕཊ་ཕཊཿ དེ་ནས་མགོ་དེ་ལག་ཏུ་ཐོགས་ལ་འཆམས་ཤིང་རང་ཁྲོས་མར་བསྒོམས་ལ། ཧཱུྃ། ང་ནི་དུར་ཁྲོད་བདག་མོ་སྟེ། །ཡེ་ཤེས་ཁྲོས་མ་ནག་མོ་ཡིན། །མཁའ་འགྲོ་ཀུན་གྱི་གཙོ་མོ་ཡིན། །མ་མོ་ཀུན་གྱི་རྗེ་མོ་ཡིན། ཐུན་དང་ཟོར་གྱི་བདག་མོ་ཡིན། །དྲག་པོ་དཔལ་གྱི་ཐོད་ཟོར་འདི། །སྟེང་གི་ལྷ་ལ་མི་འཕེན་ནོ། །མཐོ་བ་རྣམས་ཀྱིས་ཞབས་ཡར་སྐུམས། །འོག་གི་ཀླུ་ལ་མི་འཕེན་ནོ། །དམའ་བ་རྣམས་ཀྱིས་དབུ་མར་ཆུམས། །བར་གྱི་གཉན་ལ་མི་འཕེན་ནོ། །བར་པ་རྣམས་ཀྱིས་སྐུ་བཟུར་ཅིག །གལ་ཏེ་སྐུ་ལ་ཕོག་སྲིད་ན། །ང་ནི་མ་ཉེས་མ་ལེན་ནོ། །ཉེས་ལེན་དགྲ་དང་བགེགས་ལ་ཆོད། །ཧཱུྃ། རུ་ཏྲ་བསྒྲལ་བའི་མགོ་ཟོར་འདི། །ལྕང་ལོའི་སྤྲིན་ནག་ཉི་ལི་ལི། །རྣ་བ་འབྲུག་སྒྲ་འུ་རུ་རུ། །ཁྲག་གི་ཆར་པ་སི་ལི་ལི། །སྡང་མིག་ཚྭ་ཚྭ་ཐུ་ལུ་ལུ། །སྣ་ནས་དུད་པ་ཕྱུ་རུ་རུ། །ཁ་ནས་མེ་འབར་ལྷབས་སེ་ལྷབ། །ལྕེ་ནས་གློག་དམར་ཁྱུགས་སེ་ཁྱུག །ཁ་གདངས་སོ་གཙིགས་ཁྲིགས་སེ་ཁྲིག །འཇིགས་པའི་

[Full Size]

ཧ་སྒྲ་དི་རི་རི། །རཀྟ་སྲིན་པོའི་མགོ་ཟོར་འདི། །སྡང་བར་བྱེད་པའི་དགྲ་ལ་འཕེན། །དགྲ་དཔུང་བདུན་བརྒྱུད་རྩད་ནས་ཆོད། །གནོད་པར་བྱེད་པའི་བགེགས་ལ་འཕེན། །བགེགས་དཔུང་ཐལ་བ་རྡུལ་དུ་རློག །སངས་རྒྱས་བསྟན་པའི་སྤྱི་དགྲ་ལ། །དྲག་པོའི་མགོ་ཟོར་ཧྲི་ལི་ལི། །རྣལ་འབྱོར་བདག་གི་སྒོས་དགྲ་ལ། །དྲག་པོའི་མགོ་ཟོར་ཧྲི་ལི་ལི། །གནོད་བྱེད་ཟ་འདྲེ་ཤི་གཤེད་ལ། །དྲག་པོའི་མགོ་ཟོར་ཧྲི་ལི་ལི། །མཱ་ར་ཡ་ཡི་དུས་ལ་བབ། །ཨོཾ་བཛྲ་བྷ་ར་ཧཱི་ཀྲོ་ཏི་ཀཱ་ལི་ཧ་རི་ནི་ས། བྷོ་བྷོ་ཐུན་ཐུན་དགྲ་ལ་ཐུན། རྦད་རྦད་ཐུན་ཐུན་དགྲ་ལ་ཐུན། རཀཱ་མཱ་ར་ཡ་ཕཊཿ ཕཊ་ཕཊ་ཕཊཿ ཅེས་འཕང་ངོ་། །དགྲ་བགེགས་ཟ་འདྲེ་ཤི་གཤེད་ཀྱི་སྟེང་དུ་ཐོག་སེར་གཉིས་དུས་གཅིག་ལ་བརྒྱབ་པ་ལྟར་སོང་བར་བསྒོམ། ཡང་འགའ་ཞིག་གིས་ཕྱོགས་བཞི་ཀར་འཕེན་ཟེར་ཏེ། དེ་བྱས་ན་ལྷ་འདྲེ་དང་དཀར་ཕྱོགས་གཟུར་ས་མེད་པར་འགྱུར་བས་མི་ལེགས། རྒྱབ་རི་ལ་རྒྱབ་གཏད་ནས་ལུང་པའི་མདའ་ངོས་ལ་འཕེན་ནམ། ས་དགྲ་ཅུང་ཟད་འདུག་ན་དེ་ངོས་སུ་འཕེན་ནོ། །འགའ་ཞིག་གིས་ཁ་ངོ་ཚུར་བསྟན་ན་རྒྱུ་བ་ཡིན་པས་ལེགས་ཟེར་ཡང་། འདི་གཅོད་གཞུང་དུ་མི་གསལ་བས་འབར་བའི་གཏོར་ཆེན་པྲ་བརྟག་དང་བསྟུན་ནས། སྐེ་རང་ལ་བསྟན་སྤྱི་བོ་ཕར་བསྟན་ནས་ཁ་སྦུབ་ན། ན་ཚ་མི་འོང་

[Full Size]

བས་བཟང་། སྐེ་ས་ལ་བཙུགས་ནས་ཁ་ཕར་གྱུན་དགྲ་ཐུབ་པས་བཟང་། སྐེ་ཚུར་བསྟན་འགྲམ་པ་གཡས་ས་ལ་བཙུགས་ན་ཕོ་རིགས་ལ་ན་ཚ་མེད། སྐེ་ཚུར་བསྟན་འགྲམ་པ་གཡོན་ས་ལ་བཙུགས་ན་མོ་རིགས་ལ་ན་ཚ་མེད། སྤྱི་བོ་ཚུར་བསྟན་ལ་ཁ་སྦུབ་ན་ཡོན་བདག་དངོས་ལ་ངན། སྤྱི་བོ་ཚུར་བསྟན་ནས་འགྲམ་པ་གཡས་ས་ལ་བཙུགས་ན་ཕོ་ལ་ངན། གཡོན་བཙུགས་ན་མོ་ལ་ངན། སྐེ་ས་ལ་བཙུགས་ནས་ཁ་ཚུར་གྱུ་ན་རང་ལ་ངན། ངན་པའི་རྟགས་བྱུང་ན་རང་ཁྲོས་མའི་ང་རྒྱལ་ཆེན་པོ་བྱས་ལ་ལན་གསུམ་འཕེན་ནོ། །དེ་ནས་བསྟབ་པ་བྱེད་དེ། ཕཊཿ ཐོ་ལྔ་པོ་དང་དབྱེར་མེད་པའི་མཁའ་འགྲོ་སྡེ་ལྔ་བར་མཚམས་སྟེང་འོག་ཐམས་ཅད་མཁའ་འགྲོ་མ་སྣ་ཚོགས་དང་བཅས་པ་ཐམས་ཅད་ཤ་ལ་དགའ་བ་ཁྲག་ལ་རྔམ་པ། ཉི་ཟླ་ཙམ་གྱི་སྤྱན་བསྒད་པ། གངས་རི་ཙམ་གྱི་མཆེ་བ་གཙིགས་པ། གློག་དམར་ཙམ་གྱི་ལྗགས་བརྐྱང་བ། གནོད་བྱེད་ཟ་འདྲེ་ཤི་གཤེད་སྲོག་གཅོད་དབུགས་ལེན་ཤི་འདྲེ་ཤི་སྲི་ཐམས་ཅད་ད་ལྟ་ཉིད་དུ་བཞེས་ཤིག་རོལ་ཅིག །ཕཊ་ཕཊ་ཕཊཿ ཡང་མགོ་དེ་ལག་ཏུ་ཐོགས་ལ། ཧཱུྃ་ཧཱུྃ། །མ་གནམ་ས་ཙམ་གྱི་ཞལ་ཕྱེས་ལ། །གངས་རི་ཙམ་གྱི་མཆེ་བ་གཙིགས། །རི་རབ་ཙམ་གྱི་ལྗགས་བརྐྱངས་ལ། །མ་བསྟབ་བོ་བསྟབ་བོ་ཞལ་དུ་བསྟབ། །དབུས་སངས་རྒྱས་

[Full Size]

མཁའ་འགྲོའི་ཞལ་དུ་བསྟབ། །གཏི་མུག་ཕུང་པོ་ཞལ་དུ་བསྟབ། །ལུས་ཤ་ཁྲག་ཕུང་པོ་ཚོགས་སུ་རོལ། །སེམས་དམིགས་མེད་ཆོས་སྐུའི་དབྱིངས་སུ་སྤོར། །ཆོས་དབྱིངས་ཡེ་ཤེས་དངོས་གྲུབ་སྩོལ། །ཕཊ་ཕཊ་ཕཊཿ ཅེས་ཐོ་དབུས་མའི་དྲུང་དུ་འཕངས་སོ། །དེ་ནས་རྐང་པ་གཡས་དེ་བཟུང་ལ། མ་གནོམ་ས་ཙམ་གྱི་ཞལ་ཕྱེས་ལ། །གངས་རི་ཙམ་གྱི་མཆེ་བ་གཙིགས། །རི་རབ་ཙམ་གྱི་ལྗགས་བརྐྱངས་ལ། །མ་བསྟབ་བོ་བསྟབ་བོ་ཞལ་དུ་བསྟབ། །ཤར་རྡོ་རྗེ་མཁའ་འགྲོའི་ཞལ་དུ་བསྟབ། །ཞེ་སྡང་ཕུང་པོ་ཞལ་དུ་བསྟབ། །ལུས་ཤ་ཁྲག་ཕུང་པོ་ཚོགས་སུ་རོལ། །སེམས་དམིགས་མེད་ཆོས་སྐུའི་དབྱིངས་སུ་སྤོར། །མེ་ལོང་ཡེ་ཤེས་དངོས་གྲུབ་སྩོལ། ཕཊཿ ལག་གཡས་བཟུང་ལ། མ་གནམ་ས་ཙམ་གྱི་ཞལ་ཕྱེས་ལ། །གངས་རི་ཙམ་གྱི་མཆེ་བ་གཙིགས། །རི་རབ་ཙམ་གྱི་ལྗགས་བརྐྱངས་ལ། །མ་བསྟབ་བོ་བསྟབ་བོ་ཞལ་དུ་བསྟབ། །ལྷོ་རིན་ཆེན་མཁའ་འགྲོའི་ཞལ་དུ་བསྟབ། །ང་རྒྱལ་ཕུང་པོ་ཞལ་དུ་བསྟབ། །ལུས་ཤ་ཁྲག་ཕུང་པོ་ཚོགས་སུ་རོལ། །སེམས་དམིགས་མེད་ཆོས་སྐུའི་དབྱིངས་སུ་སྤོར། །མཉམ་ཉིད་ཡེ་ཤེས་དངོས་གྲུབ་

[Full Size]

སྩོལ། །ཕཊཿ ལག་གཡོན་དེ་བཟུང་ལ། མ་གནམ་ས་ཙམ་གྱི་ཞལ་ཕྱེས་ལ། །གངས་རི་ཙམ་གྱི་མཆེ་བ་གཙིགས། །རི་རབ་ཙམ་གྱི་ལྗགས་བརྐྱངས་ལ། །མ་བསྟབ་བོ་བསྟབ་བོ་ཞལ་དུ་བསྟབ། །ནུབ་པདྨ་མཁའ་འགྲོའི་ཞལ་དུ་བསྟབ། །འདོད་ཆགས་ཕུང་པོ་ཞལ་དུ་བསྟབ། །ལུས་ཤ་ཁྲག་ཕུང་པོ་ཚོགས་སུ་རོལ། །སེམས་དམིགས་མེད་ཆོས་སྐུའི་དབྱིངས་སུ་སྤོར། །སོར་རྟོག་ཡེ་ཤེས་དངོས་གྲུབ་སྩོལ། །ཕཊཿ རྐང་པ་གཡོན་དེ་བཟུང་ལ། མ་གནམ་ས་ཙམ་གྱི་ཞལ་ཕྱེས་ལ། །གངས་རི་ཙམ་གྱི་མཆེ་བ་གཙིགས། །རི་རབ་ཙམ་གྱི་ལྗགས་བརྐྱངས་ལ། །མ་བསྟབ་བོ་བསྟབ་བོ་ཞལ་དུ་བསྟབ། །བྱང་ལས་ཀྱི་མཁའ་འགྲོའི་ཞལ་དུ་བསྟབ། །ཕྲག་དོག་ཕུང་པོ་ཞལ་དུ་བསྟབ་ལུས་ཤ་ཁྲག་ཕུང་པོ་ཚོགས་སུ་རོལ། །སེམས་དམིགས་མེད་ཆོས་སྐུའི་དབྱིངས་སུ་སྤོར། །བྱ་གྲུབ་ཡེ་ཤེས་དངོས་གྲུབ་སྩོལ། །ཕཊཿ ཅེས་ཕྱོགས་བཞིའི་ཐོ་བཞིའི་རྩར་འཕངས་ལ་མཁའ་འགྲོ་བཞི་འཁོར་དང་བཅས་པས་ཧབ་ཐོབ་ཏུ་གསོལ་བར་བསྒོམ། ཞལ་དུ་བསྟབས་པས་ལྷག་མེད་དུ་བསམ། དེ་ནས་བེམ་ཁོག་དེ་ལ་འཇུས་ནས། མ་གནམ་ས་ཙམ་གྱི་ཞལ་ཕྱེས་ལ། །གངས་རི་

[Full Size]

ཙམ་གྱི་མཆེ་བ་གཙིགས། །རི་རབ་ཙམ་གྱི་ལྗགས་བརྐྱངས་ལ། །མ་བསྟབ་བོ་བསྟབ་བོ་ཞལ་དུ་བསྟབ། །སྣ་ཚོགས་མཁའ་འགྲོའི་ཞལ་དུ་བསྟབ། །འབྱུང་བཞིའི་ཕུང་པོ་ཞལ་དུ་བསྟབ། །ལུས་ཤ་ཁྲག་ཕུང་པོ་ཚོགས་སུ་རོལ། །སེམས་དམིགས་མེད་ཆོས་སྐུའི་དབྱིངས་སུ་སྤོར། །བདེ་བ་ཆེན་པོའི་དངོས་གྲུབ་སྩོལ། །ཕཊ་ཕཊ་ཕཊཿ ཅེས་དམིགས་མེད་དུ་ཡུད་ཙམ་བཞག་གོ །དེ་ཡན་ཆད་དམར་འགྱེད་བསྟབ་པའི་རིམ་པ་ཟ་འདྲེ་འདུལ་བའི་རིམ་པ་ཡིན་ནོ། ༈ །དེ་ནས་བདུད་རྩིའི་ཚོགས་མཆོད་ལ་བརྟེན་ནས་ཟ་འདྲེ་དང་ཁ་ཕྲལ་ཞིང་། བསོད་ནམས་ཀྱི་ཚོགས་རྫོགས་པར་བྱ་བ་ནི། རྐང་ལག་གཏོར་བ་ཐམས་ཅད་ཡར་བེམ་སྒོག་དང་མཉམ་དུ་བསྡུ། རྒྱས་པར་བྱེད་ན་ཚོགས་མཆོད་ཤ་ཆང་གཏོར་མ་ཡང་བཤམས་ལ། གཅོད་ཚོགས་རྒྱས་པར་བྱ། གཅོད་ཚོགས་གཞུང་གི་ཚོགས་ལས་དང་འདིའི་ཚོགས་ལས་གཉིས་པོ་གབ་སྤྲད་ཤེས་པར་བྱའོ། །འབྲིང་པོ་བྱེད་ན་ཚོགས་གཏོར་བཤམས་ལ་རང་ཁྲོས་མར་གསལ་བས། གཅོད་ཚོགས་ཀྱི་ཚོགས་ལས་རྐྱང་པ་འདི་གཉིས་གབ་སྤྲད་ཤེས་པར་བྱའོ། །བསྡུས་པ་ན་གཅོད་ཚོགས་ནས་ཁ་སབ་མི་དགོས་འདི་རང་གིས་ཆོག །ཚོགས་གཏོར་མི་དགོས་ཕུང་པོ་རང་གིས་ཆོག་གོ །ཕུང་པོ་དེ་ཆང་ཕུད་དམ་ཇ་ཕུད་མེད་ན་ཆུ་གཙང་གིས་བྲན་ལ། ཕག་ཁྲོས་རྒྱལ་བ་རྒྱ་མཚོ། བླ་མེད་རྒྱུད་སྡེ་གང་རུང་གིས་བདུད་རྩི་བྱིན་བརླབས་བྱས་ལ། ན་

[Full Size]

མོ་ཐབས་དང་ཤེས་རབ་གཉིས་སུ་མེད་པའི་ཚོགསཀྱི་འཁོར་ལོ་རྒྱ་ཆེན་པོ་འདི། རང་བཞིན་གྱི་རྣམ་པར་དག་པ་སྐྱེ་བ་མེད་པ། ངོ་བོ་རྣམ་པར་དག་པ་ཨཱ་ལི་ཀཱ་ལི་མཚན་ཉིད་རྣམ་པར་དག་པ་ཤ་ལྔ་བདུད་རྩི་ལྔའི་རྒྱས་བཏབ་པ་འདི་བསྔོ་ཞིང་འབུལ་བའི་གནས་སུ་གྱུར་པ་ནི། བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་ཞལ་དུ་ཁཱ་ཧི། །སྤྱི་དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ་ཁཱ་ཧི། ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་ཞལ་དུ་ཁཱ་ཧི། པཉྩ་ཨ་མྲྀ་ཏ་ལ་ཁཱ་ཧི། ག་ཎ་ཙཀྲ་ལ་ཁཱ་ཧི། ཞེས་བརྗོད་ལ། མ་ཤར་མི་འགྱུར་རྡོ་རྗེའི་དུར་ཁྲོད་ནས། །རྡོ་རྗེ་མཁའ་འགྲོ་བྱིན་རླབས་ཅན། །བྱིན་རླབས་ཅན་ལ་གསོལ་བ་འདེབས། །སྐུ་མདོག་དཀར་མོའི་རང་བཞིན་ལ། །འཁོར་ཡང་དཀར་མོ་འབུམ་གྱིས་བསྐོར། །དབུ་ལ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །དཔུང་པས་སོག་འགུལ་ཤིགས་སེ་ཤིག །སྐེད་པས་སྤྱི་ཀྱོག་ལིངས་སེ་ལིང་། །ཕྱག་གིས་གར་ཐབས་ཁྱུགས་སེ་ཁྱུག །ཞབས་ཀྱིས་བྲོ་བརྡུང་ཁྲིགས་སེ་ཁྲིག །ཞིང་ཆེན་གཡང་གཞི་ཤམས་སེ་ཤམ། །ཞུན་ཆེན་མར་མེ་ཏ་ལ་ལ། །མི་

[Full Size]

རྐང་གླིང་བུ་ཀྱུ་རུ་རུ། །མི་ཐོད་ཌཱ་རུ་ཁྲོ་ལོ་ལོ། །རུས་པའི་རྒྱན་ཆ་ཁྲིགས་སེ་ཁྲིག །ཚོགས་ཀྱི་འཁོར་ལོ་ཀྱི་ལི་ལི། །མ་ཚོགས་བདག་ཆེན་མོ་ཚོགས་ལ་བྱོན། །ཚོགས་ལ་བྱོན་ཅིང་ཚོགས་ལ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་མོ་ས་མ་ཡ། །མ་ལྷོ་ཕྱོགས་དུར་ཁྲོད་གཞལ་ཡས་ནས། །རིན་ཆེན་མཁའ་འགྲོ་བྱིན་རླབས་ཅན། །བྱིན་རླབས་ཅན་ལ་གསོལ་བ་འདེབས། །སྐུ་མདོག་སེར་མོའི་རང་བཞིན་ལ། །འཁོར་ཡང་སེར་མོ་འབུམ་གྱིས་བསྐོར། །དབུ་ལ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །དཔུང་པས་སོག་འགུལ་ཤིགས་སེ་ཤིག །སྐེད་པས་སྤྱི་ཀྱོག་ལིངས་སེ་ལིང་། །ཕྱག་གིས་གར་ཐབས་ཁྱུགས་སེ་ཁྱུག །ཞབས་ཀྱིས་བྲོ་བརྡུང་ཁྲིགས་སེ་ཁྲིག །ཞིང་ཆེན་གཡང་གཞི་ཤམས་སེ་ཤམ།། །ཞུན་ཆེན་མར་མེ་ཏ་ལ་ལ། །མི་རྐང་གླིང་བུ་ཀྱུ་རུ་རུ། །མི་ཐོད་ཌཱ་རུ་ཁྲོ་ལོ་ལོ། །རུས་པའི་རྒྱན་ཆ་ཁྲིགས་སེ་ཁྲིག །ཚོགས་ཀྱི་འཁོར་ལོ་ཀྱི་ལི་ལི། །མ་ཚོགས་བདག་ཆེན་མོ་ཚོགས་ལ་བྱོན། །ཚོགས་ལ་བྱོན་ཅིང་ཚོགས་ལ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་

[Full Size]

མོ་ས་མ་ཡ། །མ་ནུབ་ཕྱོགས་དུར་ཁྲོད་གཞལ་ཡས་ནས། །པདྨ་མཁའ་འགྲོ་བྱིན་རླབས་ཅན། །བྱིན་རླབས་ཅན་ལ་གསོལ་བ་འདེབས། །སྐུ་མདོག་དམར་མོའི་རང་བཞིན་ལ། །འཁོར་ཡང་དམར་མོ་འབུམ་གྱིས་བསྐོར། །དབུ་ལ་ཐོར་ཚུགས་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །དཔུང་པས་སོག་འགུལ་ཤིགས་སེ་ཤིག །སྐེད་པས་སྤྱི་ཀྱོག་ལིངས་སེ་ལིང་། །ཕྱག་གིས་གར་ཐབས་ཁྱུགས་སེ་ཁྱུག །ཞབས་ཀྱིས་བྲོ་བརྡུང་ཁྲིགས་སེ་ཁྲིག། །ཞིང་ཆེན་གཡང་གཞི་ཤམས་སེ་ཤམ། །ཞུན་ཆེན་མར་མེ་ཏ་ལ་ལ། །མི་རྐང་གླིང་བུ་ཀྱུ་རུ་རུ། །མི་ཐོད་ཌཱ་རུ་ཁྲོ་ལོ་ལོ། །རུས་པའི་རྒྱན་ཆ་ཁྲིགས་སེ་ཁྲིག །ཚོགས་ཀྱི་འཁོར་ལོ་ཀྱི་ལི་ལི། །མ་ཚོགས་བདག་ཆེན་མོ་ཚོགས་ལ་བྱོན། །ཚོགས་ལ་བྱོན་ཅིང་ཚོགས་ལ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་མོ་ས་མ་ཡ། །མ་བྱང་ཕྱོགས་དུར་ཁྲོད་གཞལ་ཡས་ནས། །ལས་ཀྱི་མཁའ་འགྲོ་བྱིན་རླབས་ཅན། །བྱིན་རླབས་ཅན་ལ་གསོལ་བ་འདེབས། །སྐུ་མདོག་ལྗང་མོའི་རང་བཞིན་ལ། །འཁོར་ཡང་ལྗང་མོ་འབུམ་གྱིས་བསྐོར། །དབུ་ལ་ཐོར་ཚུགས་ལྡེམས་

[Full Size]

སེ་ལྡེམ། །དར་གྱི་ཅོད་པན་པུ་རུ་རུ། །དཔུང་པས་སོག་འགུལ་ཤིགས་སེ་ཤིག །སྐེད་པས་སྤྱི་ཀྱོག་ལིངས་སེ་ལིང་། །ཕྱག་གིས་གར་ཐབས་ཁྱུགས་སེ་ཁྱུག །ཞབས་ཀྱིས་བྲོ་བརྡུང་ཁྲིགས་སེ་ཁྲིག །ཞིང་ཆེན་གཡང་གཞི་ཤམས་སེ་ཤམ། །ཞུན་ཆེན་མར་མེ་ཏ་ལ་ལ། །མི་རྐང་གླིང་བུ་ཀྱུ་རུ་རུ། །མི་ཐོད་ཌཱ་རུ་ཁྲོ་ལོ་ལོ། །རུས་པའི་རྒྱན་ཆ་ཁྲིགས་སེ་ཁྲིག །ཚོགས་ཀྱི་འཁོར་ལོ་ཀྱི་ལི་ལི། །མ་ཚོགས་བདག་ཆེན་མོ་ཚོགས་ལ་བྱོན། །ཚོགས་ལ་བྱོན་ཅིང་ཚོགས་ལ་རོལ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་བསྟིམ་མོ་ས་མ་ཡ། །ཕཊ་ཕཊ་ཕཊ། ཧཱུྃ། མ་ཤར་གྱི་ཕྱོགས་ཀྱི་དུར་ཁྲོད་ནས། །རྡོ་རྗེ་མཁའ་འགྲོ་གཤེགས་སུ་གསོལ། །སྐུ་མདོག་དཀར་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཕྲོལ་ཅིག །དབུགས་ལེན་སྲོག་གཅོད་འདི་

[Full Size]

དང་ད་ཕྲོལ་ཅིག །གསོན་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་སྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊཕཊཕཊཿ ཧཱུྃ། ལྷོ་ཡི་ཕྱོགས་ཀྱི་དུར་ཁྲོད་ནས། །རིན་ཆེན་མཁའ་འགྲོ་གཤེགས་སུ་གསོལ། །སྐུ་མདོག་སེར་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆེས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱུན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊཕཊཕཊཿ ཧཱུྃ། ནུབ་ཀྱི་ཕྱོགས་ཀྱི་དུར་ཁྲོད་ནས། །པདྨ་མཁའ་འགྲོ་གཤེགས་སུ་གསོལ། །སྐུ་མདོག་དམར་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །

[Full Size]

ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊ་ཕཊ་ཕཊཿ ཧཱུྃ། བྱང་གི་ཕྱོགས་ཀྱི་དུར་ཁྲོད་ནས། །ལས་ཀྱི་མཁའ་འགྲོ་གཤེགས་སུ་གསོལ། །སྐུ་མདོག་ལྗང་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་དང་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་

[Full Size]

དབྱིངས་སུ་སྤོར། །ཕཊཕཊཕཊཿ ཧཱུྃ། དབུས་ཀྱི་ཕྱོགས་ཀྱི་དུར་ཁྲོད་ནས། །སངས་རྒྱས་མཁའ་འགྲོ་གཤེགས་སུ་གསོལ། །སྐུ་མདོག་ནག་མོ་མདངས་དང་ལྡན། །རིགས་ལྔའི་སངས་རྒྱས་དབུ་ལ་བཞུགས། །དུར་ཁྲོད་ཆས་ཀྱིས་སྐུ་ལ་བརྒྱན། །ཀེང་རུས་བམ་ཆེན་གདན་ལ་བཞུགས། །གྲི་གུག་ཐོད་ཁྲག་ཕྱག་ན་བསྣམས། །གཅེར་བུ་རུས་པའི་རྒྱན་ཆ་ཅན། །གར་ཐབས་བྱེད་ཅིང་རྒྱང་གླུ་ལེན། །དུར་ཁྲོད་བམ་ཆེན་འདི་ལ་ད་རོལ་ཅིག །ལས་ངན་རྣམ་སྨིན་འདི་ལ་ད་ཕྲོལ་ཅིག །དབུགས་ལེན་སྲོག་གཅོད་འདི་དང་ད་ཕྲོལ་ཅིག །གསོན་བདུད་གཤིན་ལྕགས་འདི་དང་ད་ཕྲོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །རིག་པ་ཆོས་ཀྱི་དབྱིངས་སུ་སྤོར། །ཕཊ་ཕཊ་ཕཊཿ ཧཱུྃ༔ མ་ཡུམ་ཆེན་ཐུགས་ལས་སྤྲུལ་པའི་སྲས། །ཤར་རྡོ་རྗེ་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །དུང་གི་བུད་མེད་ཆེན་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་

[Full Size]

ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །ཧཱུྃ། མ་ཡུམ་ཆེན་ཡོན་ཏན་སྤྲུལ་པ་ལས། །ལྷོ་རིན་ཆེན་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །གསེར་གྱི་བུད་མེད་ཆེན་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །ཧཱུྃ། མ་ཡུམ་ཆེན་གསུང་གི་སྤྲུལ་པ་ལས། །ནུབ་པདྨ་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །ཟངས་ཀྱི་བུད་མེད་ཆེན་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །

[Full Size]

ཟ་འདྲེ་ཤི་གཤེད་འདི་དང་ད་ཕྲོལ་ཅིག །ཧཱུྃ། མ་ཡུམ་ཆེན་ཕྲིན་ལས་སྤྲུལ་པ་ལས། །བྱང་ལས་ཀྱི་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །གཡུ་ཡི་བུད་མེད་ལྗང་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །ཧཱུྃ། མ་ཡུམ་ཆེན་ཐུགས་ཀྱི་སྤྲུལ་པ་ལས། །དབུས་སངས་རྒྱས་རིགས་ཀྱི་མཁའ་འགྲོ་མ། །ཏི་ར་རོ་ཡི་ཁྲི་སྟེང་ན། །མཐིང་གི་བུད་མེད་ཆེན་མོ་ལ། །རོ་སྒྲོལ་མཁའ་འགྲོ་འབུམ་གྱིས་བསྐོར། །གཅེར་བུ་རུས་པའི་རྒྱན་ཆ་ཅན། །གར་ཐབས་བསྒྱུར་ཞིང་ཐར་ལམ་བགྲོད། །རྒྱང་གླུ་ལེན་ཅིང་འཇིགས་སྒོ་གཅོད། །ཧ་ཧ་ཧི་ཧིའི་སྒྲ་སྒྲོག་ཅིང་། །མ་འདིར་གཤེགས་ཚོགས་ཀྱི་མཆོད་པ་བཞེས། །ཀེང་རུས་བམ་ཆེན་འདི་ལ་ད་རོལ་ཅིག །ཟ་འདྲེ་ཤི་གཤེད་འདི་དང་ད་ཕྲོལ་ཅིག །ཕཊ་ཕཊ་ཕཊཿ མགོ་ཡར་བཞག་ལ་

[Full Size]

བྲན་ནས་ཚོགས་ཕུད་ལྟར་བྱས་ཏེ། ཨོཾ་ཨཱཿཧཱུྃ། ལན་གསུམ། ཨོཾ་སརྦ་མ་ཧཱ་གུ་རུ་ཨི་དཾ་བ་ལིཾ་ཏ་ག་ན་ཙཀྲ་ལ་ཁ་ཁ་ཁཱ་ཧི་ཁཱ་ཧི། ཟག་མེད་བདུད་རྩིའི་ཚོགས་ཕུད་དམ་པ་འདི་བསྔོ་ཞིང་། འབུལ་བའི་གནས་ནི། ཆོས་སྐུ་ཡུམ་ཆེན་མོ། རྒྱལ་བ་ཤཱཀྱ་ཐུབ་པ། འཇམ་དཔལ་སྨྲ་བའི་སེང་གེ །རྗེ་བཙུན་འཕགས་མ་སྒྲོལ་མ། མཁའ་འགྲོ་སུ་ཁ་སིདྡྷི། མཁས་པ་ཨཱརྱ་དེ་ཝ། ཕ་གཅིག་དམ་པ་སངས་རྒྱས། སྐྱོ་སྟོན་བསོད་ནམས་བླ་མ། མ་གཅིག་ལབ་ཀྱི་སྒྲོན་མ། སྲས་མཆོག་རྒྱལ་བ་དོན་གྲུབ། བཀའ་བབ་བུ་ཆེན་བཅུ་དྲུག །ཕ་རྒྱུད་ཐབས་ཀྱི་བརྒྱུད་པ། །མ་རྒྱུད་ཤེས་རབ་ཀྱི་བརྒྱུད་པ། སྲས་རྒྱུད་ཉམས་ཀྱི་བརྒྱུད་པའི་དཔལ་ལྡན་བླ་མ་དམ་པ་རྣམས་ཀྱི་ཞལ་དུ་ག་ཎ་ཙཀྲ་ལ་ཁ་ཁ་ཁཱ་ཧི་ཁཱ་ཧི། ཕཊ་ཕཊ་ཕཊཿ དེ་ནས་ཁོག་སྟོད་བཅད། བཅད་མ་ཐུབ་ན་ཁོག་སྟོད་ཡན་དེ་གྲི་ཡིས་གཤགས། ཆོས་གོས་ལེའུ་ཚུལ་དུ་ཁྲག་ཤ་ལྟར་གཤགས་ལ་བྲན་ནས། ཨོཾ་ཨཱཿཧཱུྃ། ལན་གསུམ། ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས། ཨཱ་ཝེ་ཤ་ཡ་ཨི་དཾ་བ་ལི་ཏ་ག་ཎ་ཙཀྲ་ལ་ཁ་ཁ་ཁཱ་ཧི་ཁཱ་ཧི། ཟག་མེད་བདུད་རྩི་ཚོགས་ཀྱི་མཆོད་པ་འདི་བསྔོ་ཞིང་འབུལ་བའི་གནས་སུ་གྱུར་པ་ནི། ཡི་དམ་ཁྲོས་མ་ནག་

[Full Size]

མོ། བདེ་ཆེན་དཀར་མོ། སེར་མོ་དོན་གྲུབ། དམར་མོ་སྒྲ་སྒྲོགས། སྣ་ཚོགས་མཐའ་ཕྱིན། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ་ལས་ཀྱི་མཁའ་འགྲོ། སྣ་ཚོགས་མཁའ་འགྲོ། འཇིག་རྟེན་མཁའ་འགྲོ། ཐམས་ཅད་མཁའ་འགྲོ། ཤ་ཟ་མཁའ་འགྲོ། མཁའ་འགྲོའི་ཕོ་ཉ་རྣམས་དང་། །གཞན་ཡང་ཕ་རྒྱུད་གསང་བ་འདུས་པ། མ་རྒྱུད་མ་ཧཱ་མཱ་ཡཱ། སྤྱི་རྒྱུད་དུས་ཀྱི་འཁོར་ལོ། སྙིང་པོ་དགྱེས་པ་རྡོ་རྗེ། ཡང་སྙིང་འཁོར་ལོ་བདེ་མཆོག་གི་ལྷ་ཚོགས་འཁོར་དང་བཅས་པའི་ཞལ་དུ་ག་ཎ་ཙཀྲ་ལ་ཁ་ཁ་ཁཱ་ཧི་ཁཱ་ཧི། ཕཊ་ཕཊ། སྐེད་པ་དེ་བཅད་ལ་བྲན། བཅད་མ་ཐུབ་ན་རི་མོ་བྲིས་ལ། སྐེད་པ་ལ་ཆོས་གོས་རིས་སུ་གཤགོས་ལ་བྲན་ནས། ཨོཾ་ཤྲཱི་མ་ཧཱ་ཀཱ་ལ་མ་ཧཱ་ཀཱ་ལཱི་ཨི་དཾ་བ་ལི་ཏ་ག་ཎ་ཙཀྲ་ལ་ཁ་ཁ་ཁཱ་ཧི་ཁཱ་ཧི། དམ་རྫས་བདུད་རྩི་ཚོགས་ཀྱི་མཆོད་པ་འདི་བསྔོ་ཞིང་འབུལ་བའི་གནས་སུ་གྱུར་པ་ནི། དཔལ་ཡེ་ཤེས་ཀྱི་མགོན་པོ་བེར་ནག་པོ་ཅན་ཕྱག་བཞི་པ། ཕྱག་དྲུག་པ། གུར་གྱི་མགོན་པོ། དཔལ་ལྡན་ལྷ་མོ་རང་བྱུང་གི་རྒྱལ་མོ། དུད་པའི་སོལ་བ་མ། རེ་མ་ཏི་མཆེད་གསུམ། སྤྱང་ཞོན་ལྷ་མོ་མཆེད་

[Full Size]

གསུམ། ཞིང་སྐྱོང་སེང་གདོང་ཡབ་ཡུམ། དུར་ཁྲོད་ཀྱི་བདག་པོ་བདག་མོ། ལས་བདག་མཚན་མོ་སྒྲ་སྒྲོགས། བདུད་མགོན་ཏྲཀཱད། སྲིན་མགོན་ཐོད་ཕྲེང་ཅན། གཉན་མགོན་ཞལ་བཞི་པ། གཞན་ཡང་ནག་པོ་སྟོང་། ཤ་ཟ་འབུམ། མ་མོ་བྱེ་བ། གནོད་སྦྱིན་ཁྲི། མཁའ་འགྲོ་བསམ་གྱིས་མི་ཁྱབ་པ་ཐམས་ཅད་ཀྱི་ཞལ་དུ་ག་ཎ་ཙཀྲ་ལ་ཁ་ཁ་ཁཱ་ཧི་ཁཱ་ཧི། ཕཊ་ཕཊ་ཕཊཿ ཁོག་སྨད་བཅད་དེ་བྲན། བཅད་མ་ཐུབ་ན་གཤགས་ལ་བྲན། ཨོཾ་ཨཱཿཧཱུྃ། བདུད་རྩི་ཚོགས་ཀྱི་འཁོར་ལོ་རང་རང་གི་ཡིད་དང་མཐུན་པའི་ལོངས་སྤྱོད་རྒྱ་ཆེན་པོ་འདི༔ བཀའ་སྣང་ཞིང་སྲིད་པའི་ལྷ་འདྲེ་བགེགས་རིགས་ལན་ཆགས་ཀྱི་བདག་པོ་བདག་མོ་ཁྱད་པར་དུ་ས་ཆ་ཡུལ་རིས་འདི་ན་གནས་པའི་ལྷ་འདྲེ། དཀར་པོ་ལྷ་ཡི་སྡེ་ཚོགས། ནག་པོ་བདུད་ཀྱི་སྡེ་ཚོགས། དམར་པོ་བཙན་གྱི་སྡེ་ཚོགས། ཁྲ་བོ་གཟའ་ཡི་སྡེ་ཚོགས། སེར་པོ་གཉན་གྱི་སྡེ་ཚོགས། སྔོན་པོ་ཀླུའི་སྡེ་ཚོགས། སྨུག་པོ་དམུ་ཡི་སྡེ་ཚོགས། ལྗང་གུ་ས་བདག་གི་སྡེ་ཚོགས། ཕ་རི་གཡས་ལ་གནས་པ། ཚུ་རི་གཡོན་ལ་གནས་པ། མདུན་རི་རྒྱབ་རི་ལ་གནས་པ། དུར་ཁྲོད་འདི་ལ་གནས་པ། དུར་ས་འདི་ལ་གནས་

[Full Size]

པའི་ལྷ་འདྲེ་རྣམས་ཀྱི་ཞལ་དུ་ཟག་མེད་ཡེ་ཤེས་ཀྱི་བདུད་རྩི་རང་རང་གི་ཡིད་དང་མཐུན་པའི་ལོངས་སྤྱོད་རྒྱ་ཆེན་པོ་འདི་འབུལ་ལོ། །གཞན་ཡང་བཙན་རྒོད་ཟངས་རི་འཁྱིལ་པ། ཤམ་པོ་གཟའ་བདུད་མགོ་དགུ། ཀླུ་རྒྱལ་དྲག་པོ་ཟླ་སྐྱོང་།། བོད་ཁམས་བརྟན་མ་བཅུ་གཉིས་རྣམས་ཀྱི་ཞལ་དུ་འབུལ་ལོ། །ག་ཎ་ཙཀྲ་ལ་ཁ་ཁ་ཁཱ་ཧི་ཁཱ་ཧི། གཞན་ཡང་འགྲོ་བ་རིགས་དྲུག་གི་སེམས་ཅན་ཐམས་ཅད་ལ་ཟག་མེད་བདུད་རྩི་ཚོགས་ཀྱི་འཁོར་ལོ་རྒྱ་ཆེན་པོ་རང་རང་ཡིད་དང་མཐུན་པའི་ལོངས་སྤྱོད་རྒྱ་ཆེན་པོ་འདི་སྦྱིན་ནོ། །བསྔོའོ། །ག་ཎ་ཙཀྲ་ལ་ཁ་ཁ་ཁཱ་ཧི་ཁཱ་ཧི། དཀོན་མཆོག་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར་ཅིག །རིགས་དྲུག་འདོད་པ་ཚིམ་གྱུར་ཅིག །ལན་ཆགས་བུ་ལོན་བྱུང་གྱུར་ཅིག །རྣམ་བཞིའི་མགྲོན་གྱི་ཚོགས་རྣམས་ལ། །ཚད་མེད་མཆོད་སྦྱིན་འདི་བསྔོས་པས། །ཚེ་འདས་ཚོགས་རྫོགས་སྒྲིབ་བྱང་ནས། །མྱུར་དུ་སངས་རྒྱས་ཐོབ་པར་ཤོག །ཕཊ་ཕཊ་ཕཊཿ ཚོགས་གཏོར་ཚོགས་རྫས་ཤ་ཆང་ཡོད་ན་སྐབས་འདིར་རོལ་ལ། གཟིགས་ཤིང་མཛེས་ལྡན་དམ་པའི་ཆོས། །འདི་ལ་ཐེ་ཚོམ་བྱ་མི་རུང་། །བྲམ་ཟེ་ཁྱི་

[Full Size]

དང་གདོལ་པ་གསུམ། །རང་བཞིན་གཅིག་ཏུ་དགོངས་ཏེ་རོལ། །ཞེས་གུས་པ་དང་བཅས་པས་དྲངས་ལ། སློབ་དཔོན་གྱིས་ཀྱང་པད་ཀོར་དང་བཅས་པས། ཧཱུྃ། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་དྲི་མ་དང་བྲལ་བའི། །གཟུང་དང་འཛིན་པ་རྣམ་པར་སྤང་། །དེ་ཁོ་ན་ཉིད་ལ་བདག་ཕྱག་འཚལ། །ཨ་ཧོསུ་ཁ། ཞེས་བརྗོད་པར་བྱའོ། །ཨོཾ་ཨཱཿཧཱུྃ། ལྷག་མ་བདུད་རྩིའི་རྒྱ་མཚོ་ཆེན་པོ་འདི། ཁས་ཞན་པ་དབང་ཆུང་བ་ཕུད་ལ་མི་དབང་བ། ལྷག་མ་ལ་རེ་བ་རྣམས་ལ་བདུད་རྩི་ལྷག་མའི་གཏོར་མ་འདི་བསྔོས་པས་ཚིམ་པར་ཟོ་ཞིག །ཨོཾ་ཨུཙྪིཥྛ་བ་ལི་ཏ་ཁཱ་ཧི། ཕཊཕཊཕཊཿ ཕཊཿ རང་ཉིད་མཁའ་འགྲོ་མ་དམར་མོ་ལྕགས་ཀྱུ་དང་ཐོད་པ་འཛིན་པའི་འོད་ཟེར་གྱིས་ལྷ་འདྲེ་དུར་སྲི་ཐམས་ཅད་ཀྱི་ཚེ་བསོད་ནམས་བཀྲག་མདངས་ཐམས་ཅད་བསྡུས་ནས་ཐོད་པའི་ནང་དུ་ཐིག་ལེ་དཀར་དམར་མཐིང་གསུམ་དུ་གྱུར་ནས་རང་ཉིད་དང་བསྲུང་བྱ་ལ་ཐིམ་པར་གྱུར། ཕཊ་ཕཊ་ཕཊཿ ཅེས་དངོས་གྲུབ་བླང་ངོ་། །དེ་ནས་ཚོགས་བྲོ་བརྡུང་ཞིང་ཚོགས་མགྲོན་སྤྱན་དྲངས་པ་རྣམས་གཤེགས་ཏེ། ཌཱ་དྲིལ་དང་བཅས་པས་ཕྱོགས་བཞིར་ཁ་རྒྱུ་ནས། འགྲོ་སྟངས་བར་འཆམས་ནས་ཐོ་རྣམས་བསྒྱེལ་ཞིང་མཁའ་འགྲོ་མས་ཚེ་འདས་

[Full Size]

ཞིང་ཁམས་སུ་ཁྲིད་པར་བསྒོམས་ལ། ཧཱུྃ། ཤར་ཕྱོགས་རྡོ་རྗེ་མཁའ་འགྲོའི་བྲོ། །རྡོ་རྗེ་མཁའ་འགྲོས་བྲོ་བརྡུངས་པས། །ཚེ་འདས་མངོན་དགར་ལམ་སྣ་དྲོངས། །མངོན་དགར་སླེབ་པར་བྱིན་གྱིས་རློབས། །ཕཊ་ཕཊ་ཕཊཿ ལྷོ་ཕྱོགས་རིན་ཆེན་མཁའ་འགྲོའི་བྲོ། །རིན་ཆེན་མཁའ་འགྲོས་བྲོ་བརྡུངས་པས། །དཔལ་དང་ལྡན་པར་ལམ་སྣ་དྲོངས། །དཔལ་ལྡན་སླེབ་པར་བྱིན་གྱིས་རློབས། །ཕཊཿཕཊཿ་ཕཊཿ ནུབ་ཕྱོགས་པདྨ་མཁའ་འགྲོའི་བྲོ། །པདྨ་མཁའ་འགྲོས་བྲོ་བརྡུངས་པས། །བདེ་བ་ཅན་དུ་ལམ་སྣ་དྲོངས། །བདེ་ཆེན་སླེབ་པར་བྱིན་གྱིས་རློབས། །ཕཊཿཕཊཿཕཊཿ བྱང་ཕྱོགས་ལས་ཀྱི་མཁའ་འགྲོའི་བྲོ། །ལས་ཀྱི་མཁའ་འགྲོའི་བྲོ་བརྡུངས་པས། །ལས་རབ་རྫོགས་པར་ལམ་སྣ་དྲོངས། །ལས་རབ་སླེབ་པར་བྱིན་གྱིས་རློབས། །ཕཊཿཕཊཿཕཊཿ དབུས་ཕྱོགས་སངས་རྒྱས་མཁའ་འགྲོའི་བྲོ། །སངས་རྒྱས་མཁའ་འགྲོའི་བྲོ་བརྡུངས་པས། །འོག་མིན་གནས་སུ་ལམ་སྣ་དྲོངས། །འོག་མིན་སླེབ་པར་བྱིན་གྱིས་རློབས། །ཕཊཿཕཊཿཕཊཿ ཚོགས་མགྲོན་ཐམས་ཅད་རང་རང་གི་གནས་སུ་བཛྲ་མུཿ ཕཊ་ཕཊ་ཕཊ་ཕཊ་

[Full Size]

ཕཊཿ ཕཊཿ དུར་ཁྲོད་གཞལ་ཡས་ཁང་གྲུ་བཞིའི་སྟེང་པད་ཉིའི་གདན་གྱི་སྟེང་དུ་མ་ཡེ་ཤེས་ཀྱི་མཁའ་འགྲོ་མ་ཁ་ནས་མེ་དཔུང་འབར་བར་གྱུར། ཕཊཿ རང་ཉིད་ཁྲོས་མའི་ཐུགས་ཀ་ནས་འོད་ཟེར་འཕྲོས་པས། བཀའ་དང་དམ་ལ་མི་གནས་པའི་གནོད་བྱེད་ཟ་འདྲེ་ཐམས་ཅད་བཀུག་ནས་མཁའ་འགྲོ་མའི་ཞལ་དུ་བསྟབས་པས་དངོས་མེད་དུ་བསྲེགས་པར་གྱུར། ཕཊཿཕཊཿཕཊཿ ཕཊཿཕཊཿཕཊཿ ཕཊ་ཕཊ་ཕཊཿ དམིགས་པ་རེ་དང་ཕཊ་རེ་སྤྲད། ཕཊཿ དུར་གྱི་འོག་ཏུ་ལྕགས་ཁང་གྲུ་གསུམ་པའི་ནང་དུ་བཀའ་དང་དམ་ལ་མི་གནས་པའི་གནོད་བྱེད་དུར་སྲི་ཐམས་ཅད་ཚུད་པར་གྱུར། ཕཊ། གནམ་ལྕགས་ཀྱི་འཁོར་ལོ་རྩིབས་བརྒྱད་པས་ཁ་བཅད་པར་གྱུར། ཕཊ། གཞལ་ཡས་ཁང་མཁའ་འགྲོ་དང་བཅས་པ་གནས་འགྱུར་ནས། གསེར་གྱི་མཆོད་རྟེན་བང་རིམ་དགུ་པར་གྱུར་ནས། གནོད་བྱེད་ཟ་འདྲེ་ཐམས་ཅད་བསྐལ་པའི་བར་དུ་མི་ཐར་བར་མནན་པར་གྱུར། །ཕཊཿཕཊཿཕཊཿ འོ། ས་ཆ་འདི་ཡི་ལྷ་འདྲེ་མཐུ་བོ་ཆེ་ཁྱེད་རྣམས་ཉོན་ཅིག །གནོད་བྱེད་ཟ་འདྲེ་ཤི་གཤེད་འདི་རྣམས་ཁྱོད་གཏད་པ་ཡིན་པས་མ་ཤོར་ཅིག །ནོན་ཅིག །

[Full Size]

ཟུངས་ཤིག །ཆིངས་ཤིག །གལ་ཏེ་ཤོར་ན་ཡེ་ཤེས་ལྷ་ཡི་དམག་འདྲེན། གནམ་ས་ཁ་ཞབས་ལྡོག །ཁྲག་སྣའི་ཐབ་བཏང་། རྫས་རྒོད་ཀྱི་དུད་པས་བདུག་་ཁྱེད་རྣམས་རྡུལ་དུ་བརླག །དེ་བས་ཟ་འདྲེ་མ་ཤོར་ཅིག །ཁྱེད་ལ་མཐུ་སྟོབས་ཅི་གདའ་ལྟའོ། །ཞེས་འོ་འབོད་པ་བྱའོ། །ཕུང་པོ་ཤ་ཁྲག་གི་ལྷག་མ་འདི། ཤ་ཐམས་ཅད་བདུད་རྩིའི་ལོངས་སྤྱོད། ཁྲག་འོ་མའི་རྒྱ་མཚོ། དཀར་གསུམ་མངར་གསུམ། ཙནྡན་གྱི་ནགས་ཚལ། གུར་གུམ་གྱི་སྤང་རི། རིན་ཆེན་འབྲུ་སྨན་དར་ཟབ་སྣ་ཚོགས་ཀླུ་དང་གཞི་བདག་ཐམས་ཅད་ལ་ཅི་འདོད་པའི་ལོངས་སྤྱོད་ཕུན་སུམ་ཚོགས་པས་ས་ཕྱོགས་འདི་མེར་གྱིས་གང་བར་གྱུར། ཕཊ་ཕཊ་ཕཊཿ ཐམས་ཅད་ནམ་མཁའི་མཛོད་བཞིན་དུ། །ལོངས་སྤྱོད་ཟད་པ་མེད་པར་ཤོག །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །ཕཊ་ཕཊ་ཕཊཿ ཅེས་བརྗོད་འདི་བསྡུས་པའི་ལུགས་ཡིན། རྒྱས་པར་གཅོད་ཚོགས་གཞུང་ལྟར་བྱས་ནས་པགས་པ་བཤུས་ནས་ཤ་ཐམས་ཅད་ལྷུ་རེ་རེ་ནས་བཀྲལ་ནས། ལྷ་རེ་རེ་ནས་བྲན་ལ། དུར་ཁྲོད་ཀྱི་མཁའ་འགྲོའི་ཚོགས་ལས་དུས་སོ་སོར་བསྔོ་དགོས་སོ། །དེ་ནས་ཕྱི་མིག་མི་ལྟ་བར་ཁྱིམ་དུ་འོང་།

[Full Size]

གཞན་ཐམས་ཅད་སྐྱུགས་མི་བྲོ་བ་དང་བེམ་རོ་དང་ཚོགས་འཁོར་བསྐོར་བ་ཡང་གསང་སྤྱོད་ཡིན་པས། རང་དང་གཅོད་གཡོག་གི་གོས་དང་ལག་པ་བཀྲུས་ནས་མི་མངོན་པར་བྱའོ། །དེ་ལྟར་རོ་བཤའ་འདི་ལ་མནན་བསྲེག་འཕང་གསུམ་ཚང་བས་གཤེད་འདུལ་གྱི་གོ་ཆོད་པར་རྩི་སྲོལ་ཡོད་ལ། གལ་ཆེ་ན་སླར་ཡང་གཅོད་ཚོགས་དང་གཤེད་འདུལ་ལ་རྟགས་ཐོན་པར་བྱའོ། །ཨེ་མ་ཡུམ་ཆེན་ཌཱཀི་གདམས་ངག་ཁྱད་པར་ཅན། །རོ་བཤའ་ཞེས་བྱ་ཀུན་ལ་ཡོངས་གྲགས་ཀྱང་། །དེང་སང་ཕྱག་ལེན་ཇི་ལྟར་ཤེས་པ་དཀོན། །རོ་བཤའ་གྲངས་མེད་བྱས་པའི་གཅོད་པ་རྣམས། །ཕྱག་ལེན་དམིགས་རིམ་བློ་གཏད་བྲལ་བཞིན་དུ། །མི་རུང་པ་ཡི་བྱ་བ་ཐམས་ཅད་ཀུན། །གཅོད་ལུགས་ཡིན་པར་རློམས་ནས་ས་དཔྱད་དང་། །གཟའ་སྐར་དུས་ཚོད་ས་བདག་ལ་སོགས་པ། །དཀར་ནག་རྩིས་གཞུང་ཐམས་ཅད་ཁྱད་དུ་གསོད། །མི་རུང་སྣ་དགུ་ཡིད་ལ་གང་དྲན་སྤྱོད། །ཀྱེ་མ་སྦྱིན་བདག་ཕལ་ཆེར་བསོད་ནམས་ཟད། །གཉིས་ཕུང་རང་མགོ་རང་གཡོག་བྱེད་པ་མང་། །དེ་དག་རྣམས་ལ་བྱམས་པས་མ་བཟོད་ནས། །དུར་གཅོད་རྒྱ་མཚོ་ཙམ་གྱི་བཅུད་བསྡུས་ནས། །ཞལ་ཤེས་ངག་ཁྲིད་མང་པོས་མཚམས་སྦྱར་ཏེ། །རྒྱས་བསྡུས་འཚམས་ཤིང་ལག་བླངས་བདེ་བ་འདི། །རང་གིས་དབོན་པོ་གཅོད་པ་ཆོས་འཕེལ་གྱིས། །ཡང་ཡང་བསྐུལ་ཕྱིར་ལེགས་པར་སྦྱར་བའོ། །འདི་བྲིས་འགལ་འཁྲུལ་ཉེས་པ་ཅི་མཆིས་པ། །མ་གཅིག་དུར་ཁྲོད་ཌཱཀིའི་ཚོགས་ལ་བཤགས། །འདི་བྲིས་དགེ་བས་འདི་དང་འབྲེལ་ཚད་ཀུན། །ཚེ་

[Full Size]

འདས་བདེ་ཆེན་ཞིང་ཁམས་བགྲོད་པ་དང་། །སྦྱིན་བདག་རྣམས་ཀྱང་བཀྲ་ཤིས་བདེ་ལེགས་འཕེལ། །གཅོད་པ་བདུད་བཞིའི་གཡུལ་ལས་རབ་རྒྱལ་ནས། །རྒྱལ་བའི་ཡུམ་གྱི་གོ་འཕང་མྱུར་ཐོབ་ཤོག །དེ་སྐད་སྨྲ་བ་མ་གཅིག་ལབ་སྒྲོན་ལ། །དད་པའི་ཡིད་ཅན་རཱ་གའི་མིང་ཅན་ནོ། །འདི་ཉིད་ཕྱོགས་དུས་ཀུན་ཏུ་དར་གྱུར་ཅིག །སརྦ་མངྒ་ལཾ། །བྷ་ཝན་ཏུ། དགེའོ། །བཀྲ་ཤིས་པར་ཤོག། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཀྱི་གཤེད་འདུལ་གདུག་པ་ཚར་གཅོད་ཅེས་བྱ་བ་དུར་གཅོད་ཀུན་གྱི་དོན་བསྡུས་འདོན་འགྲིགས་ཤིན་ཏུ་གསལ་བ།

[Full Size]

༼ཛ༽གཅོད་ཀྱི་གཤེད་འདུལ་གདུག་པ་ཚར་གཅོད་ཅེས་བྱ་བ་དུར་གཅོད་ཀུན་གྱི་དོན་བསྡུས་འདོན་འགྲིགས་ཤིན་ཏུ་གསལ་བ་བཞུགས་སོ།།

[Full Size]

ན་མོ་ཀྲོ་ཏི་ཀཱ་ལཱི་ཡེ། ཁྲོས་མ་ནག་མོའི་ཞབས་ལ་ཕྱག་འཚལ་ནས། །གཅོད་ཀྱི་གཤེད་འདུལ་མདོར་བསྡུས་ཁྱེར་བདེ་བྲི། །མ་གཅིག་མཁའ་འགྲོའི་ཚོགས་ཀྱིས་བྱིན་གྱིས་རློབས། །འདི་ལ་རོ་གཅོད་ཀྱི་སྐོར་ལོགས་སུ་གསལ། གཤེད་འདུལ་ལ་མཆོད་གཏོར་གཞུང་ལྟར་བཅའ། རང་གི་མདུན་དུ་ཧོམ་ཁུང་གཅིག་བཅའ་རང་གི་ཞབས་སུ་ཧོམ་ཁུང་བསྒོམ་མི་རུང་འོག་བསྡུད་བྱས་ན་མི་རབས་རྩད་ནས་ཆེད་གསུངས། མདུན་དུ་གཞི་མ་ནག་པོའི་སྟེང་དུ་རི་གསུམ་གྱི་རྡོ་སྐྱེད་པུའི་ཚུལ་བྱས་པའི་སྟེང་དུ་སླ་ང་གཅིག་བཙུགས། སླ་ངའི་ནང་དུ་གྲི་ཁྲག་གིས་གྲུ་གསུམ་བྲི། སླ་ངའི་ཁ་ན་གྲི་གསུམ་སོ་ནང་དུ་བསྟན་ལ་གྲུ་གསུམ་བཞག །གཤེད་གྲི། གཤེད་བྲེང་། གཤེད་སྒོ། གཤེད་ཟེར།

[Full Size]

གཤེད་མདའ། གཤེད་གཞུ། གཤེད་སྟྭ། གཤེད་ཤ་ལག་པ། རྔ་མ་ནག་པོ། ཐུན་རྫས། གཤེད་རྡོ་རྡེའུ་དཀར་ནག་བདུན་རེའམ་ཉི་ཤུ་རྩ་གཅིག་རེ། ཕུར་པ་གཅིག་ཕུར་གདན་ནས་སྡེར་ནང་དུ་བཞག །ལིངྒ་བྲི་བ་ནི། ཕོ་དུར་ཤ་བའི་མགོ་ཅན་གྱི་སྙིང་གར་གྲུ་གསུམ་བྲིས་པའི་ནང་དུ། ཏྲི་ཛཿཏྲི་རནྲྀ་བྲི། དེ་བཞིན་དུ། མོ་དུར་ཕག་ནག་མགོ་ཅན་གྱི་ལྟོ་བར་་ཏྲི་ཤི་རྨི། རབས་དུར་ཆུ་སྲིན་མགོ་ཅན་ལ། ར་ནྲྀ་ཏྲི་ཛཿཏྲི། ཆུར་དུར་བྱི་ལའི་མགོ་ཅན་ལ། ཛ་ལ་ཏྲི་ཛནན། གྲི་དུར་སྤྲེལ་དམར་མགོ་ཅན་ལྟོ་བར། རཀྴ་དུན་ར་ནྲྀ་བྷྱོ་ཛཿ ཞེས་བྲིས་པ་ས་བོན་ཡིན། དེ་རྒྱབ་མུ་ཁྱུད་ལ། ཨོཾ་ན་མོ་རཏྣ་ཙི་ཏྲ་ཙི་ཏྲ་དུཾ་དུཾ་རྦད་རྦད་ཛ་ཛཿ དུར་སྲི་ཐུཾ་ཐུཾ་མྱོག་མྱོག་རྦད་ཆོད་ནན། ཟ་འདྲེ་ཤི་གཤེད་ཁུག་ཅེས་བྲི། དེ་རྒྱབ་མུ་ཁྱུད་ལ།

[Full Size]

གནོད་བྱེད་ཟ་འདྲེ་ཤི་གཤེད་འདི་གར་གནས་ཀྱང་འདིར་ཁུག་ཅིག །ཟུངས་ཤིག །ཆིངས་ཤིག །སྡོམས་ཤིག །ཅེས་བྲི། དེ་རྒྱབ་ལིངྒའི་ཕྱི་མུ་ཁྱུད་རྒྱབ་མ་ལ། ཙ་ཏྲི་ར་ཙ་སྲོག་ནན། ཏྲི་ཐུ་མྱོག་ཆད་སོད། དུ་བུར་དུ་བུར་རྦད་ཆད་སོད་སོད་ཛ་ཛ་ཧྲི་ག་ཁ་ཛཿ ར་ཙ་རྦད་རྦད་ནན་ནན། ཟ་འདྲེ་ཤི་གཤེད་ཁུག་ནན། ཞེས་བྲི། ལིངྒའི་སྙིང་གར་ཎི་ཏྲི་དྲྀ༔ ལྟེ་བར་སུ་ཏྲི་ཛཿ མིག་གཉིས་ལ་ཛཿ རྣ་བ་གཉིས་ལ་འོན། ཡན་ལག་བཞི་ལ་ཛཿཧཱུྃ་བྃ་ཧོཿ ཉིང་ལག་བཞིར་ཞ་བཞི། རྐང་ཞབས་གཉིས་སུ་ཡཾ་གཉིས། འདོམས་བར་དུ་རཾ། སྤྱི་བོར་ནན། གཟུགས་སྔོ་སྐྱ་ཡན་ལག་ཕྲ་ལ་སྐམ་པ་བྲིས་ལ། དེ་ཡང་གཟས་ཤི་ན་གཟའི་གཟུགས། མུག་དུར་པུ་ཤུད། རྨུག་དུར་བྲོ་བ། ཐོབ་གྲི་བྲག་བྱ། རང་མལ་དུ་ཤི་ན་གཡག །མ་བུ་མནོལ་གྲིར་ཤི་བ་རི་བོང་། གྲིར་ཤི་བ་ཤ་བ། ཤི་སྲི་མཛོ་མོ། ཆུར་ཤི་བ་ཆུ་བྱ། རབས་ཆད་མཛོ། རྒན་དུར་སྤྲེའུ་རྣམས་ཀྱི་མགོ་ཅན་བྲིས། སྔགས་མགོ་ནི་ཕོ་ལིང་ཕྲག་པ་གཡས། །མོ་ལིང་ཕྲག་པ་གཡོན། ཆུང་ལིང་སྤྱི་བོ་ནས། དགྲ་ལིང་རྐང་ཞབས་མཐིལ་ནས་བསྐོར། ལིངྒ་མེ་ཁར་གཡུག་རླུང་ལ་ཕྱར་ནས་ཚོན་སྐུད་ཀྱིས་བཅིངས་ལ་བཞག །ཕོ་ལ་ཕོ་ཤིང་སྟག་པའམ་སྐྱེར་པ་ཤུག་པ། མོ་ལ་མོ་ཤིང་གླང་མའམ་ལྕང་མ། བྱིས་པ་ལ་ལོ་བདུན་ནས་ཉི་ཤུའི་བར་ལ་བུ་ཤིང་ཚར་བུ་ལ་བྱང་བུ་དགུ་བྱས་ལ། ཁྲག་གིས་ཡི་གེ་བྲིས་ཏེ་རིམ་པ་ལྟར། ཟ་འདྲེ་ཁུག །ཤི་གཤེད་ཁུག །སྲོག་གཅོད་ཁུག །དབུགས་ལེན་ཁུག །ཚེ་ལེན་ཁུག །མདངས་

[Full Size]

ཕྲོག་ཁུག །གསོན་བདུད་ཁུག། །གཤིན་ལྕགས་ཁུག །ཤི་འདྲེ་ཤི་སྲི་ཁུག །ཅེས་སོགས་བྲིས་ལ་བཞག །ཤོག་བུའམ་ཤིང་བྱང་ལ་ཚེ་འདས་མིང་ཡིག་རྫི་དང་བཅས་པ་བྲི། ཟན་ལིང་དང་བཅས་པ་རྣམས་བཤམས། དེ་ནི་བཅའ་ཐབས་རྒྱས་པ་རྣམས་ཡིན་ནོ། །དེ་ཙམ་མི་ཐུབ་ན་ཐམས་ཅད་ལ་ཤི་སྲི་ཤ་བའི་མགོ་ཅན་གྱི་སྙིང་གར་རྨི་ཏྲ་དུ། ཡན་ལག་བཞི་ལ་ཛཿཧཱུྃ་བྃ་ཧོཿདང་ཉིང་ལག་བཞིར་ཞ་བཞི། ལིངྒའི་མཐར། གནོད་བྱེད་དར་སྲི། ཕོ་སྲི། མོ་སི། ཆེ་སྲི། ཆུང་སྲི། རྒན་སྲི། གཞོན་སྲི། འགགས་སྲི། མདའ་གྲི་མདུང་གྲི་སོགས་གང་ཡིན་ཁུག་མ་རཱཡ་ཛཿ ཞེས་བྲིས་པ་དང་ཤིང་བྱང་ལྔས་ཆོག །ཤིན་ཏུ་བསྡུ་ན་ནི་ཤིང་བྱང་ལ་རྨི་ཏྲ་ཛཿ ཞེས་བྲིས་པ་གཅིག་དང་ཟན་ལིང་ཙམ་ལ་བརྟེན་ཀྱང་རུང་ངོ་། །དེ་ཅིའི་ཕྱིར་ཞེ་ན། གཅོད་ནི་དམིགས་པ་གཙོ་ཆེ་བས་སོ། །དེ་ནས་གཅོད་ཚོགས་སམ། ཁྲོས་མའི་གཞུང་བསྲངས་ལ། ཚོགས་ལས་སྐབས་སུ་གཤེད་འདུལ་འདི་བྱའོ།། ཕཊ། རང་ཉིད་སྐད་ཅིག་གིས་ངོ་བོ་མ་གཅིག་ལ་རྣམ་པ་ཁྲོས་མ་སྐུ་མདོག་དམར་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། སྤྱན་གཡས་ཉི་མ། གཡོན་ཟླ་བ། དབུས་ཉི་ཟླ་སྤེལ་མའི་དཀྱིལ་འཁོར་གྱིས་སྲིད་པ་གསུམ་གཟིགས་པ། དབུ་སྐྲ་ཕྱེད་བཅིངས་པའི་ཟར་བུ་ལ་ལྕགས་སྲེག་གི་ཕུར་པ་རེ་རེས་བརྒྱན་པ། དུར་ཁྲོད་ཀྱི་ཆེས་

[Full Size]

བརྒྱད་ཀྱིས་བརྒྱན་ཅིང་ཞབས་གཡས་བསྐུམས་པས་རི་རབ་རྩེ་ནས་མནན་ཅིང་། ཞབས་གཡོན་བརྐྱངས་པས་རྒྱ་མཚོ་གཏིང་ནས་དཀྲུགས་པ། སྤྱི་བོ་ནས་ཕག་རྒོད་ཀྱི་ཞལ་ནས་ངུར་སྒྲ་བསྒྲོགས་པས་ལྷ་སྲིན་སྡེ་བརྒྱད་བྲན་དུ་ཁོལ་བ། ཕྱག་གཡས་མི་ལྤགས་ཀྱི་གཡང་གཞི་དང་གཡོན་མི་རྐང་གི་གླིང་བུ་འབུད་པ། འཁོར་རང་དང་འདྲ་བའི་མཁའ་འགྲོ་སྡེ་ལྔས་བསྐོར་བའི་དབུ་གཙུག་གི་ནམ་མཁའ་ལ་སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་མཁའ་འགྲོའི་ཚོགས་ཐམས་ཅད་གཟུ་དང་དཔང་པོ་དྲང་ཤན་གྱི་ཚུལ་དུ་བཞུགས་པར་གྱུར། ཕཊ། ཀྱི། དགོངས་ཤིག་སྐྱབས་གནས་དཀོན་མཆོག་གསུམ། །གསོན་ཅིག་ཡི་དམ་ཌཱཀིའི་ཚོགས། །ཉོན་ཅིག་འཇིག་རྟེན་དྲེགས་པའི་ཚོགས། །ང་ནི་མ་ཉེས་མ་ལན་ནོ། །དང་པོ་བདག་གི་སེམས་མ་ཉེས། །བར་དུ་བདག་གི་ཁ་མ་ཉེས། །ཐ་མར་བདག་གི་ལག་མ་ཉེས། །མ་ཉེས་གཟུ་དཔང་དཀོན་མཆོག་བཞུགས། །དཀོན་མཆོག་གཟུ་དཔང་མི་མཛད་རྒྱུས། །སྐྱབས་མགོན་རེ་ས་གཞན་ན་མེད། །ཡི་དམ་ལྷ་ཚོགས་གཟུ་དང་དཔང་། །ཡི་དམ་གཟུ་དཔང་མི་མཛད་རྒྱུས། །དངོས་གྲུབ་རེ་ས་གཞན་

[Full Size]

ན་མེད། །མཁའ་འགྲོ་ཆོས་སྐྱོང་གཟུ་དང་དཔང་། །ཌཱ་ཀི་གཟུ་དཔང་མི་མཛད་རྒྱུས། །ཕྲིན་ལས་སྒྲུབ་མཁན་གཞན་ན་མེད། །ལྷ་སྲིན་སྡེ་བརྒྱད་གཟུ་དང་། དཔང་། །སྡེ་བརྒྱད་གཟུ་དཔང་མི་མཛད་རྒྱུས། །དྲང་ཤན་འབྱེད་མི་ལོག་ན་མེད། །དམ་ཉམས་གཤེད་པོ་ལས་ངན་འདིས། །སངས་རྒྱས་བསྟན་པ་གཉེན་པོ་བཤིག ། དཀོན་མཆོག་གསུམ་གྱི་དབུ་འཕང་སྨད། །བླ་མ་དམ་པའི་སྐུ་ལ་བསྡོས། །གསང་སྔགས་ཟབ་མོའི་ཆོས་ལ་སྨད། །དམ་ཚིག་གཉན་པོ་ཁྱད་དུ་བསད། །དགེ་བ་བཅུ་པོ་རྒྱབ་ཏུ་མི་དགེ་བཅུ་པོ་དང་དུ་བླང་། །ཕུག་གི་ལྷ་ལ་མནོལ་ལྕགས་ཕབ། །བར་གྱི་མི་ཡི་ཚེ་སྲོག་བརྐུས། །སྒོ་ཡི་ནོར་ལ་གོད་ཁ་བྱས། །ཞིང་གི་ལོ་ལ་སད་སེར་བཏང་། །ཞིམ་མངར་ཟས་ཀྱི་གཡང་ལ་བརྐུས། །བསམ་པའི་དོན་ལ་སྟབས་བསྣོལ་བྱས། །ཏིང་ངེ་འཛིན་ལ་བྱིང་རྒོད་བཏང་། །ཁྱོད་ཀྱིས་ལས་ངན་སྣ་ཚོགས་བྱས། །དེ་བས་བསྒྲལ་བའི་ཞིང་དུ་གྱུར། །ཞིང་བཅུ་ཚང་བའི་ཤི་གཤེད་ཁྱོད། །བསྒྲལ་བའི་ཆོ་ག་བྱེད་པ་འདི། །ངན་སོང་གནས་ནས་འདྲེན་པའི་རྟགས། །མོན་རས་ལག་ལྕིབས་བྱས་པ་འདི། །

[Full Size]

ཁྱོད་བདེ་ཆེན་ལམ་ལ་འགོད་པའི་རྟགས། །དུག་ཤོག་ངོས་ལ་བྲིས་པ་འདི། །ལས་ངན་སྒྲིབ་པ་སྦྱོང་བའི་རྟགས། །སྒོ་རྐང་སྨྱུག་གུས་བྲིས་པ་འདི། །ཐུགས་རྗེའི་ལྕགས་ཀྱུས་འཛིན་པའི་རྟགས། །ཁྲག་སྣའི་སྣག་ཚས་བྲིས་པ་འདི། །ཐར་པའི་ལམ་དུ་ཁྲིད་པའི་རྟགས། །འདུག་ས་ཧོམ་ཁུང་བཅས་པ་འདི། །གཞལ་ཡས་ཁང་དུ་བཀོད་པའི་རྟགས། །དུག་ཤིང་རྩང་གིས་བསྐོར་བ་འདི། །དུག་ལྔའི་སྒྲིབ་པ་སྦྱོང་བའི་རྟགས། །ཟུར་གསུམ་མདའ་གསུམ་མདའ་ཁྲི་བྱས། །དུག་གསུམ་གཏན་ནས་སྦྱོང་བའི་རྟགས། །རྫས་སྣ་སྣ་ཚོགས་བསགས་པ་འདི། །རྟེན་འབྲེལ་ཐབས་ལ་མཁས་པའི་རྟགས། །ཨེ་མ་གཤིན་པོ་སྙིང་རེ་རྗེ། །མི་དགེ་བཅུ་པོ་སྤྱད་སྤྱད་ནས། །སྲོག་གཅོད་དབུགས་ལེན་བྱས་བྱས་ནས། །ངན་སོང་གསུམ་པོར་ལྟུང་གིས་དོགས། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །བསྒྲལ་ནས་གྲོལ་བར་བྱ་བའི་ཕྱིར། །ལྷ་དང་སྲུང་མ་ཐམས་ཅད་ཀྱིས། །རྣལ་འབྱོར་བདག་གི་སྡོང་གྲོགས་མཛོད། །ཅེས་བརྗོད་ལ་གཤེད་པོའི་རྒྱབ་རྟེན་ཐམས་ཅད་དང་བྲལ་བར་བསམས་ལ། ཕཊཿ བྱའོ།། དེ་ནས་འདུལ་ཆས་དམིགས་པ་ནི། །

[Full Size]

ཕཊཿ གཤེད་གཞི་མི་ལྤགས་ཀྱི་གཡང་གཞི་ས་གཞི་ཁྱབ་པའི་སྟེང་དུ། གཉན་རྡོ་མི་མགོའི་སྒྱེད་པུ་གསུམ་གྱི་སྟེང་དུ། སླ་ང་དམྱལ་བའི་ཟངས་དམར་ཁྲོ་ཆུ་ཁོལ་མས་གང་བ། གཤེད་སྒྲོ་མི་ལྤགས་ཀྱི་རྨིད་བུ་རླུང་ཐུབ་པ། གཤེད་བྲེང་བ་སུ་ཏའི་ཞགས་པ་འདོམ་པ་དགུ་པ། གཞན་ཡང་གཅོད་པའི་སྟ་རེ། བརྔ་བའི་ཟོར་བ། རྒྱབ་པའི་མདའ་མདུང་། གཡབ་པའི་རྔ་མ། བརྡུང་བའི་ཐོ་བ། བྲབ་པའི་ཐུན་རྫས། འདེབས་པའི་ཕུར་པ། བརྡུང་ཤ་ལག་པ་དང་བཅས་པ་ཐམས་ཅད་མེ་འབར་ཞིང་ཚྭ་ཚྭ་འཕྲོ་བ་རེག་པ་ཙམ་གྱིས་རྡུལ་དུ་བརླག་པའི་ནུས་པ་དང་ལྡན་པར་གྱུར། ཕཊཿ ལིངྒ་མི་དམིགས་པ་ལས་ཤི་སྲི་མཛོ་མོའམ་སོགས་གང་བྲིས། མགོ་ཅན་མིག་ཤི་མིག་ལག་པ་གཡས་པས་བྲང་བརྡུང་ཞིང་གཡོན་པས་སྐུ་སྦར་བ། རྐང་པ་ལྕགས་སུ་བཅུག་པ་བུ་ག་དགུ་ནས་ཁྲག་འཛག་པ། སྔོ་ལ་ཧམ་པ་སྐེམ་ལ་རིད་པ་གཅེར་བུ་འདར་ཕྲི་ལི་ལི་བྱེད་པ། དེའི་སྙིང་གའི་སྲོག་ཡིག་ལས་འོད་ཟེར་འཕྲོས་པས་ཟ་འདྲེ་ཤི་གཤེད་ཐམས་ཅད་ཤ་རུལ་ལ་སྦྲང་མ་ལྟར་འདུས་ནས་སིབ་སིབ་ཐིམ་པའི་རང་བཞིན་ཅན་དུ་གྱུར། ཕཊཿ ན་མོ་རྗེ་བཙུན་གྲུབ་ཐོབ་

[Full Size]

གཅོད་ཡུལ་བརྒྱུད་པའི་བླ་མ་རྣམས་ཀྱི་བཀའ་བདེན་པ་དང་། དཀོན་མཆོག་གསུམ་གྱི་བཀའ་བདེན་པ་དང་། མ་ཆོས་སྐུ་ཡེ་ཤེས་ཀྱི་མཁའ་འགྲོ་ཡུམ་ཆེན་མོའི་ལྷ་ཚོགས་འཁོར་དང་བཅས་པའི་བཀའ་བདེན་པ་དང་། ལོངས་སྐུ་ཡེ་ཤེས་ཀྱི་མཁའ་འགྲོ་ཐུགས་རྗེ་ཁྲོས་མ་ནག་མོའི་ལྷ་ཚོགས་རྣམས་ཀྱི་བཀའ་བདེན་པ་དང་། སྤྲུལ་སྐུ་ཡེ་ཤེས་ཀྱི་མཁའ་འགྲོ་ཨ་མ་ལབ་ཀྱི་སྒྲོན་མའི་བཀའ་བདེན་པ་དང་། བདེན་པ་ཆེན་པོའི་མཐུས། སྤྱིར་སངས་རྒྱས་བསྟན་པའི་སྤྱི་དགྲ། དཔལ་ལྡན་བླ་མའི་སྐུ་དགྲ། རྣལ་འབྱོར་པ་བདག་གི་སྒོས་དགྲ། ཁྱད་པར་དུ་ཡང་ཚེ་ལས་འདས་པ་རྨི་མོ་ཞེས་བྱ་བའི་དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚངབཅའ་བ། ཐ་མ་ནད་ཀྱིས་སྲོག་འཕྲོག་པ། གཤིན་པོ་གནས་མི་བདེ་ཞིང་གསོན་པོ་བཀྲ་མི་ཤིས་པར་བྱེད་པའི་ཟ་འདྲེ་ཤི་གཤེད། སྲོག་གཅོད་དབུགས་ལེན། ཚེ་ལེན་མདངས་འཕྲོག །གསོན་བདུད་གཤིན་ལྕགས། ཆེ་སྲི་ཆུང་སྲི་དར་སྲི་དུར་སྲི་སྒབ་འདྲེ་གནོད་བྱེད་གང་ཡིན་པ་ཐམས་ཅད། མཐོ་རི་བོའི་རྩེ། དམའ་རྒྱ་མཚོའི་གཏིང་། ས་འོག་ས་སྟེང་ས་བླ་སྲིད་པ་བར་མ་གསུམ་གར་གནས་ཀྱང་སྐད་ཅིག་རང་དབང་

[Full Size]

མེད་པར་གཟུགས་ལིངྒ་མིང་བྱང་བུ་འདི་ལ་ཁུག་ཅིག །བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྤོ་ཊ་པཾ། བཛྲ་གནྡྷེ་ཧོ༔ བཛྲ་ཨཱ་ཝེ་ཤ་ཡ་ཨ༔ ཕཊ་ཕཊ་ཕཊཿ ཅེས་རྐང་དུང་འབུད་ཌཱ་དྲིལ་དྲག་ཏུ་འཁྲོལ། འགུགས་གཞུག་གསུམ་བྱས་ལ་ལིངྒ་བྱང་བུ་རྡེའུ་རྣམས་སྒྲོ་བར་བཅུག་ནས་སེ་ཆིངས་མདུད་པ་བྱས་གཅོད་གཡོག་པས་སྟཱ་རེ་ཕྲག་པ་གཡོན་ལ་བཟར། བྲིང་པ་གྲུ་མོ་གཡོན་ལ་བཀོན། ཟོར་བ་ལག་པ་གཡོན་དུ་ཐོགས་ལ། ལག་གཡས་གཤེད་སྒྲོ་བཟུང་ནས་ལངས་ཏེ་འདུག །ཁ་ཤར་དུ་རྒྱུ། ཧཱུྃ། ང་ནི་ཁྲོས་མ་ནག་མོའི་སྐུ། །སྲིད་གསུམ་འདུལ་བའི་མཐུ་མོ་ཆེ། །ཕག་ཞལ་གཟུགས་མེད་ཁམས་སུ་ངུར། །སྐུ་སྟོད་གཟུགས་ཁམས་གནས་སུ་འགྱིང་། །སྐུ་སྨད་འདོད་ཁམས་གནས་སུ་རོལ། །ཞབས་ཀྱི་ངན་སོང་གསུམ་པོ་མནན། །མི་ཤ་གཤེད་ལ་བདའ་བའི་ཕྱིར། །སྤྲུལ་པའི་ཕོ་ཉས་སྟོང་གསུམ་གང་། །སྐུ་ལས་སྤྲུལ་པའི་ཕོ་ཉ་ནི། །ལྕགས་ཀྱི་སྤྱང་ཀི་སྔོན་མོ་ལ། །དུང་གི་བུད་མེད་དཀར་མོས་ཆིབས། །བླ་བྱ་དཀར་པོ་ཀླད་ན་ལྡིང་། །བླ་ཁྱི་དཀར་པོ་རོལ་དུ་ཁྲིད། །བླ་འཛིན་དྲ་བ་རྒྱབ་ཏུ་ཁུར། །གཤེད་སྟ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ན་ཐོགས། །གཤེད་

[Full Size]

སྒྲོ་རླུང་ཐུབ་ལག་ཏུ་ཐོགས། །གཤེད་བྲིང་འདོམ་དགུ་གྲུ་ལ་བཀོན། །མི་ཤ་གཤེད་ལ་བདའ་བའི་ཕྱིར། །གནོད་བྱེད་ཟ་འདྲེ་ཤི་གཤེད་འདི། །ཤར་གྱི་ཕྱོགས་ནས་ཁུག་ལ་ཤོག །མི་ལྤགས་གཡང་གཞིས་རྡོབ་ལ་ཤོག །གཤེད་སྟ་ཁ་ཆེས་རྒྱོབ་ལ་ཤོག །གཤེད་ཟོར་འགུགས་མོས་ཟུང་ལ་ཤོག །གཤེད་སྒྲོ་རླུང་ཐུབ་ནང་དུ་ཆུག །གཤེད་བྲིང་འདོམ་དགུས་སྡོམ་ལ་ཤོག །བླ་འཛིན་དྲྭ་བས་དྲིལ་ལ་ཤོག །སྐད་ཅིག་ཉིད་ལ་འདིར་ཁུག་ཅིག །ༀ་བཛྲ་བྷ་ར་ཧཱི་ཀྲོ་ཏི་ཀཱ་ལཱི་ཧ་རི་ནི་ས་གནོད་བྱེད་ཟ་འདྲེ་ཤི་གཤེད་སྲོག་གཅོད་དབུགས་ལེན་ཤི་འདྲེ་ཤི་སྲི་གསོན་བདུད་གཤིན་ལྕགས་ཐམས་ཅད་རྨི་ཏྲི་ཨངྐུ་ཤ་ཛཿཛཿ ཕཊ་ཕཊ་ཕཊ། ཅེས་ཤར་ཕྱོགས་སུ་གཤེད་སྒྲོ་བརྡབ་བཅོལ་ནས་སླ་ངའི་ཁ་ནས་གྲི་གཅིག་སོ་ཡར་བསྟན་པའི་སྟེང་དུ་བྱོ་བར་བྱའོ། །ཚེ་འདས་ཀྱི་མིང་རྡེའུ་དང་གཟུགས་བརྙན་ཡོད་ན་ཡར་གཞིའི་འགྲམ་དུ་བཞག །བྱང་བུ་རྣམས་ཕོ་ཡིན་ན་ཁ་སྦུབས་པ་རྣམས་ཁུག་པ་ཡིན། མོ་ཡིན་ན་ཁ་ཡར་བསྟན་པ་རྣམས་ཁུག་པ་ཡིན། ཁུག་པ་ཧོམ་ཁུང་དུ་བཅུག་པ་སྟེ། ཕཊ། བྲུབ་ཁུང་གནམ་ལྕགས་ཀྱི་ཁང་སྒྲོམ་ཁ་དོག་ཅིང་མཐིལ་ཡངས་པ་ཞེ་སྡང་གི་མེ་འབར་བ། གཏི་མུག་གི་མུན་པ་འཐིབ་པ། ཟིན་ནས་ཐར་ས་མེད་པའི་ནང་

[Full Size]

དུ་གནོད་བྱེད་ཟ་འདྲེ་ཤི་གཤེད་ཐམས་ཅད་ཚུད་ནས། རྩང་རྣམས་ལས་བྱེད་མཁའ་འགྲོ་མར་གྱུར་པས་བསྲུངས་ནས་བྲོས་དབང་མེད་པར་གྱུར། ཕཊ་ཕཊ་ཕཊ་ཅེས་བྲུབ་ཁུང་དུ་བཅུག་ཤོག་ལིང་ཡང་བཅུག །སླར་ཟན་ལིང་གཅིག་དང་བྱང་བུ་ལྷག་མ་རྣམས་སྒྲོ་བར་བཅུག་ལ། སྔར་ལྟར་ལྷོ་རུ། ཧཱུྃ། མ་གཅིག་ཁྲོས་མ་ནག་མོ་ཡི། །ཡོན་ཏན་སྤྲུལ་པའི་ཕོ་ཉ་ནི། །ལྕགས་ཀྱི་སྤྱང་ཀི་སྔོན་མོ་ལ། །གསེར་གྱི་བུད་མེད་སེར་མོས་ཆིབས། །བླ་བྱ་སེར་པོ་ཀླད་ན་ལྡིང། །བླ་ཁྱི་སེར་པོ་རོལ་དུ་ཁྲིད། །བླ་འཛིན་དྲ་བ་རྒྱབ་ཏུ་ཁུར། །གཤེད་ས་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ན་ཐོགས། །གཤེད་སྒྲོ་རླུང་ཐུབ་མཆན་དུ་བཅུག །གཤེད་བྲིང་འདོམ་དགུ་གྲུ་ལ་བཀོན། །མི་ཤ་གཤེད་ལ་བདའ་བའི་ཕྱིར། །གནོད་བྱེད་ཟ་འདྲེ་ཤི་གཤེད་འདི། །ལྷོ་ཡི་ཕྱོགས་ནས་ཁུག་ནས་ཤོག །མི་ལྤགས་གཡང་གཞིས་རྡོབ་ལ་ཤོག །གཤེད་ལྟ་ཁ་ཆེས་རྒྱོབ་ལ་ཤོག །གཤེད་ཟོར་འགུགས་མོས་ཟུང་ལ་ཤོག །གཤེད་སྒྲོ་རླུང་ཐུབ་ནང་དུ་ཆུག །གཤེད་བྲིང་འདོམ་དགུས་སྡོམ་ལ་ཤོག །བླ་འཛིན་དྲྭ་བས་དྲིལ་ལ་ཤོག །སྐད་ཅིག་ཉིད་ལ་འདིར་ཁུག་ཅིག ། །

[Full Size]

ཨོཾ་བཛྲ་བྷ་ར་ཧཱི་ཀྲོ་ཏི་ཀཱ་ལཱི་ཧ་རི་ནི་ས་གནོད་བྱེད་ཟ་འདྲེ་ཤི་གཤེད་སྲོག་གཅོད་དབུགས་ལེན་ཤི་འདྲེ་ཤི་སྲི་གསོན་བདུད་གཤིན་ལྕགས་ཐམས་ཅད་རྨི་ཏྲི་ཨངྐུ་ཤ་ཛཿཛཿ ཕཊཿཕཊ་ཿཕཊ། གོང་ལྟར་དང་། བྱོས་ནས་གྲུ་བ་རྣམས་ཧོམ་ཁུང་དུ་བླུགས། མ་གྱུ་བ་རྣམས་སྔར་ལྟར་ནུབ་ཏུ། །ཧཱུྃ། མ་གཅིག་ཁྲོས་མ་ནག་མོ་ཡི། །གསུང་ལས་སྤྲུལ་པའི་ཕོ་ཉ་ནི། །ལྕགས་ཀྱི་སྤྱང་ཀི་སྔོན་མོ་ལ། །བྱུ་རུའི་བུད་མེད་དམར་མོས་ཆིབས། །བླ་བྱ་དམར་པོ་ཀླད་ན་ལྡིང་། །བླ་ཁྱི་དམར་པོ་རོལ་དུ་ཁྲིད། །བླ་འཛིན་དྲྭ་བ་རྒྱབ་ཏུ་ཁུར། །གཤེད་སྟ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ན་ཐོགས། །གཤེད་སྒྲོ་རླུང་ཐུབ་མཆན་དུ་ཐོགས། །གཤེད་བྲིང་འདོམ་དགུ་གྲུ་ལ་བཀོན། །མི་ཤ་གཤེད་ལ་བདའ་བའི་ཕྱིར། །གནོད་བྱེད་ཟ་འདྲེ་ཤི་གཤེད་འདི། །ནུབ་ཀྱི་ཕྱོགས་ནས་ཁུག་ལ་ཤོག །མི་ལྤགས་གཡང་གཞིས་རྡོབ་ལ་ཤོག །གཤེད་སྟ་ཁ་ཆེས་བ་ལ་ཤོག །གཤེད་ཟོར་འགུགས་མོས་ཟུང་ལ་ཤོག །གཤེད་སྒྲོ་རླུང་ཐུབ་ནང་དུ་ཆུག །གཤེད་བྲིང་འདོམ་དགུས་སྡོམ་ལ་ཤོག །བླ་འཛིན་དྲྭ་བས་དྲིལ་ལ་ཤོག །སྐད་ཅིག་ཉིད་ལ་འདིར་ཁུག་ཅིག །ཨོཾ་བཛྲ་བྷ་ར་

[Full Size]

ཧཱི་ཀྲོ་ཏི་ཀཱ་ལཱི་ཧ་རི་ནི་ས་གནོད་བྱེད་ཟ་འདྲེ་ཤི་གཤེད་སྲོག་གཅོད་དབུགས་ལེན་ཤི་འདྲེ་ཤི་སྲི་གསོན་བདུད་གཤིན་ལྕགས་ཐམས་ཅད་རྨི་ཏྲི་ཨངྐུ་ཤ་ཛཛཿ ཕཊ་ཕཊ་ཕཊ། གྲུ་བ་རྣམས་ཧོམ་ཁུང་དུ་བཅུག་མ་རྒྱུ་བ་རྣམས་སྔར་ལྟར་བྱང་དུ། ཧཱུྃ། མ་གཅིག་ཁྲོས་མ་ནག་མོ་ཡི། །ཕྲིན་ལས་སྤྲུལ་པའི་ཕོ་ཉ་ནི། །ལྕགས་ཀྱི་སྤྱང་ཀི་སྔོན་མོ་ལ། །གཡུ་ཡི་བུད་མེད་ལྗང་མོས་ཆིབས། །བླ་བྱ་ལྗང་གུ་ཀླད་ན་ལྡིང་། །བླ་ཁྱི་ལྗང་གུ་རོལ་དུ་ཁྲིད། །བླ་འཛིན་དྲ་བ་རྒྱབ་ཏུ་ཁུར། །གཤེད་སྟུ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ན་ཐོགས། །གཤེད་སྒྲོ་རླུང་ཐུབ་མཆན་དུ་བཅུག །གཤེད་བྲིང་འདོམ་དགུ་གྲུ་ལ་བཀོན། །མི་ཤ་གཤེད་ལ་བདའ་བའི་ཕྱིར། །གནོད་བྱེད་ཟ་འདྲེ་ཤི་གཤེད་འདི། །བྱང་གི་ཕྱོགས་ནས་ཁུག་ལ་ཤོག །མི་ལྤགས་གཡང་གཞིས་རྡོབ་ལ་ཤོག །གཤེད་ལྟ་ཁ་ཆེས་རྒྱོབ་ལ་ཤོག །གཤེད་ཟོར་འགུགས་མོས་ཟུང་ལ་ཤོག །གཤེད་སྒྲོ་རླུང་ཐུབ་ནང་དུ་ཆུག །གཤེད་འབྲེང་འདོམ་དགུས་སྡོམ་ལ་ཤོག །བླ་འཛིན་དྲྭ་བས་དྲིལ་ལ་ཤོག །སྐད་ཅིག་ཉིད་ལ་འདིར་ཁུག་ཅིག །ཨོཾ་བཛྲ་བྷ་ར་ཧཱི་ཀྲོ་ཏི་ཀཱ་ལཱི་ཧ་རི་ནི་ས་

[Full Size]

གནོད་བྱེད་ཟ་འདྲེ་ཤི་གཤེད་སྲོག་གཅོད་དབུགས་ལེན་ཤི་འདྲེ་ཤི་སྲི་གསོན་བདུད་གཤིན་ལྕགས་ཐམས་ཅད་རྨི་ཏྲི་ཨངྐུ་ཤ་ཛརཿ ཕཊ་ཕཊ་ཕཊ། མཚམས་བཞི་སྟེང་འོག་ཏུ། ཧཱུྃ། །མ་གཅིག་ཁྲོས་མ་ནག་མོ་ཡི། །ཐུགས་ལས་སྤྲུལ་པའི་ཕོ་ཉ་ནི། །ལྕགས་ཀྱི་སྤྱང་ཀི་སྔོན་མོ་ལ། །མཐིང་གི་བུད་མེད་སྔོན་མོས་ཆིབས། །བླ་བྱ་སྔོན་མོ་ཀླད་ན་ལྡིང་། །བླ་ཁྱི་སྔོན་མོ་རོལ་དུ་ཁྲིད། །བླ་འཛིན་དྲ་བ་རྒྱབ་ཏུ་ཁུར། །གཤེད་སྟུ་ཁ་ཆེ་ཕྲག་ལ་གཟར། །གཤེད་ཟོར་འགུགས་མོ་ལག་ན་ཐོགས། །གཤེད་སྒྲོ་རླུང་ཐུབ་མཆན་དུ་བཅུག ། གཤེད་འབྲེང་འདོམ་དགུ་གྲུ་ལ་བཀོན། །མི་ཤ་གཤེད་ལ་བདའ་བའི་ཕྱིར། །གནོད་བྱེད་ཟ་འདྲེ་ཤི་གཤེད་འདི། །མཚམས་བཞི་སྟེང་འོག་ཀུན་ནས་ཁུག །མི་ལྤགས་གཡང་གཞིས་རྡོབ་ལ་ཤོག །གཤེད་སྨཱ་ཁ་ཆེས་རྒྱོབ་ལ་ཤོག །གཤེད་ཟོར་འགུགས་མོས་ཟུང་ལ་ཤོག །གཤེད་སྒྲོ་རླུང་ཐུབ་ནང་དུ་ཆུག །གཤེད་བྲིང་འདོམ་དགུས་སྡོམ་ལ་ཤོག །བླ་འཛིན་དྲྭ་བས་དྲིལ་ལ་ཤོག །སྐད་ཅིག་ཉིད་ལ་འདིར་ཁུག་ཅིག །ཨོཾ་བཛྲ་བྷ་ར་ཧཱི་ཀྲོ་ཏི་ཀཱ་ལཱི་ཧ་རི་ནི་ས་གནོད་བྱེད་ཟ་འདྲེ་ཤི་གཤེད་སྲོག་གཅོད་དབུགས་ལེན་ཤི་འདྲེ་ཤི་སྲི་

[Full Size]

གསོན་བདུད་གཤིན་ལྕགས་ཐམས་ཅད་རྨི་ཏྲི་ཨངྐུ་ཤ་ཛཿཛཿ ཕཊ་ཕཊ་ཕཊ། ད་དུང་བྱང་བུ་མ་ཁུག་པ་གང་འདུག་ན་ཟན་ལིང་སྒྲོ་བར་བཅུག་ལ་གབ་སྐུང་ཕུད་ཕྱིར་ཁྱིམ་མགོ་མཇུག་ཐམས་ཅད་བརྡབ་བཅོལ་ཞིང་འདི་སྐད་གྱེར་རོ། །ཧཱུྃ། ང་ནི་ཁྲོས་མ་ནག་མོའི་སྐུ། །ཁམས་གསུམ་འདི་ན་ང་དབང་ཆེ། །གཤེད་པོ་ལས་ངན་སྡིག་ཅན་ཁྱོད། །ཁྱོད་ལ་སྐུང་བའི་ཡུལ་ཡང་མེད། །ཁྱོད་ལ་གབ་པའི་ས་ཡང་མེད། །ཁྱོད་ས་ཡི་ཁམས་སུ་གབ་སྙམ་ན། །སེར་པོའི་རིགས་ལ་སྐུང་སྙམ་ན། །ས་འདི་ཡུམ་ཆེན་སངས་རྒྱས་སྤྱན། །དེ་ཡང་ང་ཡི་སྤྲུལ་པ་ཡིན། །མཁའ་འགྲོ་མང་པོ་ས་ལྟར་གཡོས། །སེར་མོ་རིན་ཆེན་མཁའ་འགྲོ་མ། །ཁྲི་འབུམ་བྱེ་བ་ས་ཡའི་ཚོགས། །ཁྱོད་ཀྱི་ཐུགས་དམ་དུས་ལ་བབ། །གཤེད་པོ་གབ་པའི་གབ་སྐུང་ཕུད། །ལྕགས་ཀྱུ་འབར་བས་སྙིང་ནས་ཟུངས། །ཞགས་པ་འབར་བས་མགུལ་ནས་སྡོམས། །ལྕགས་སྒྲོག་འབར་བས་ཡན་ལག་ཆིངས། །དྲིལ་བུ་འབར་བའི་མྱོས་སུ་ཆུག །ལས་ཀྱི་རླུང་གིས་རྒྱབ་ནས་དེད། །བསྐལ་པའི་མུན་པས་མདུན་ནས་སུས། །གཟུགས་བརྙན་ལིངྒ་འདི་ལ་ཁུག །མིང་ཡིག་བྱང་བུ་འདི་ལ་སྟིམས། །རང་དབང་

[Full Size]

མེད་པར་འདིར་ཁུག་ཅིག །ཕཊཿ ཧཱུྃ། ང་ནི་ཁྲོས་མ་ནག་མོའི་སྐུ། །ཁམས་གསུམ་འདི་ན་ང་དབང་ཆེ། །གཤེད་པོ་ལས་ངན་སྡིག་ཅན་ཁྱོད། །ཁྱོད་ལ་སྐུང་བའི་ཡུལ་ཡང་མེད། །ཁྱོད་ལ་གབ་པའི་ས་ཡང་མེད། །ཁྱོད་ཆུ་ཡི་ཁམས་སུ་གབ་སྙམ་ན། །སྔོན་མོའི་རིགས་ལ་སྐུང་སྙམ་ན། །ཆུ་འདི་ཡུམ་ཆེན་མཱ་མ་ཀཱི། །དེ་ཡང་ང་ཡི་སྤྲུལ་པ་ཡིན། །མཁའ་འགྲོ་མང་པོ་ཆུ་ལྟར་འཁྲུགས། །སྔོན་མོ་རྡོ་རྗེ་མཁའ་འགྲོ་མ། །ཁྲི་འབུམ་བྱེ་བ་ས་ཡའི་ཚོགས། ཁྱོད་ཀྱི་ཐུགས་དམ་དུས་ལ་བབ། །གཤེད་པོ་གབ་པའི་གབ་སྐུང་ཕུད། །ལྕགས་ཀྱུ་འབར་བས་སྙིང་ནས་ཟུངས། །ཞགས་པ་འབར་བས་མགུལ་ནས་སྡོམས། །ལྕགས་སྒྲོག་འབར་བས་ཡན་ལག་ཆིངས། །དྲིལ་བུ་འབར་བས་མྱོས་སུ་ཆུག །ལས་ཀྱི་རླུང་གིས་རྒྱབ་ནས་དེད། །བསྐལ་པའི་མུན་པས་མདུན་ནས་སུས། །གཟུགས་བརྙན་ལིངྒ་འདི་ལ་ཁུག །མིང་ཡིག་བྱང་བུ་འདི་ལ་སྟིམས། །རང་དབང་མེད་པར་འདིར་ཁུག་ཅིག །ཕཊཿ ཧཱུྃ། ང་ནི་ཁྲོས་མ་ནག་མོའི་སྐུ། །ཁམས་གསུམ་འདི་ན་ང་དབང་ཆེ། །གཤེད་པོ་ལས་ངན་སྡིག་ཅན་ཁྱོད། །ཁྱོད་ལ་སྐུང་བའི་ཡུལ་ཡང་

[Full Size]

མེད། །ཁྱོད་ལ་གབ་པའི་ས་ཡང་མེད། །ཁྱོད་མེ་ཡི་ཁམས་སུ་གབ་སྙམ་ན། །དམར་མོའི་རིགས་ལ་སྐུང་སྙམ་ན། །མེ་འདི་ཡུམ་ཆེན་གོས་དཀར་མོ། །དེ་ཡང་ང་ཡི་སྤྲུལ་པ་ཡིན། །མཁའ་འགྲོ་མང་པོ་མེ་ལྟར་འབར། །དམར་མོ་པདྨ་མཁའ་འགྲོ་མ། །ཁྲི་འབུམ་བྱེ་བ་ས་ཡའི་ཚོགས། ཁྱོད་ཀྱི་ཐུགས་དམ་དུས་ལ་བབ། །གཤེད་པོ་གབ་པའི་གབ་སྐུང་ཕུད། །ལྕགས་ཀྱུ་འབར་བས་སྙིང་ནས་ཟུངས། །ཞགས་པ་འབར་བས་མགུལ་ནས་སྡོམས། །ལྕགས་སྒྲོག་འབར་བས་ཡན་ལག་ཆིངས། །དྲིལ་བུ་འབར་བས་མྱོས་སུ་ཆུག །ལས་ཀྱི་རླུང་གིས་རྒྱབ་ནས་དེད། །བསྐལ་པའི་མུན་པས་མདུན་ནས་སུས། །གཟུགས་བརྙན་ལིངྒ་འདི་ལ་ཁུག །མིང་ཡིག་བྱང་བུ་འདི་ལ་སྟིམས། །རང་དབང་མེད་པར་འདིར་ཁུག་ཅིག །ཕཊཿ ཧཱུྃ། ང་ནི་ཁྲོས་མ་ནག་མོའི་སྐུ། །ཁམས་གསུམ་འདི་ན་ང་དབང་ཆེ། །གཤེད་པོ་ལས་ངན་སྡིག་ཅན་ཁྱོད། །ཁྱོད་ལ་སྐུང་བའི་ཡུལ་ཡང་མེད། །ཁྱོད་ལ་གབ་པའི་ས་ཡང་མེད། །ཁྱོད་རླུང་གི་ཁམས་སུ་གབ་སྙམ་ན། །ལྗང་གུའི་རིགས་ལ་སྐུང་སྙམ་ན། །རླུང་འདི་ཡུམ་ཆེན་དམ་ཚིག་སྒྲོལ། །དེ་

[Full Size]

ཡང་ང་ཡི་སྤྲུལ་པའི་གབ་སྐུང་ཕུད། །ལྕགས་ཀྱི་འབབ་ནས་དེད། །བསྐལ་པའི་མུན་པ་མའི་སྐུ། །ཁམས་གསུམ་འདི་ན་ང་རིགས་ལ་སྐུང་སྙམ་ན། ཨ་རཱ་གའི་བཀའོ་འབུམ། ཡང་ང་ཡི་སྤྲུལ་པ་ཡིན། །མཁའ་འགྲོ་མང་པོ་རླུང་ལྟར་འཚུབ། །ལྗང་གུ་ལས་ཀྱི་མཁའ་འགྲོ་མ། །ཁྲི་འབུམ་བྱེ་བ་ས་ཡའི་ཚོགས། །ཁྱོད་ཀྱི་ཐུགས་དམ་དུས་ལ་བབ།། གཤེད་པོ་གབ་པའི་གབ་སྐུང་ཕུད། །ལྕགས་ཀྱུ་འབར་བས་སྙིང་ནས་ཟུངས། །ཞགས་པ་འབར་བས་མགུལ་ནས་སྡོམས། །ལྕགས་སྒྲོག་འབར་བས་ཡན་ལག་ཆིངས། །དྲིལ་བུ་འབར་བས་མྱོས་སུ་ཆུག །ལས་ཀྱི་རླུང་གིས་རྒྱབ་ནས་དེད། །བསྐལ་པའི་མུན་པས་མདུན་ནས་སུས། །གཟུགས་བརྙན་ལིངྒ་འདི་ལ་ཁུག །མིང་ཡིག་བྱང་བུ་འདི་ལ་སྟིམས། །རང་དབང་མེད་པར་འདིར་ཁུག་ཅིག །ཕཊཿ ཧཱུྃ། ང་ནི་ཁྲོས་མ་ནག་མོའི་སྐུ། །ཁམས་གསུམ་འདི་ན་ང་དབང་ཆེ། །གཤེད་པོ་ལས་ངན་སྡིག་ཅན་ཁྱོད། །ཁྱོད་ལ་སྐུང་བའི་ཡུལ་ཡང་མེད། །ཁྱོད་ལ་གབ་པའི་ས་ཡང་མེད། །ཁྱོད་ནམ་མཁའི་ཁམས་སུ་གབ་སྙམ་ན། །སྟོང་པའི་རིགས་ལ་སྐུང་སྙམ་ན། །ནམ་མཁའི་ཡུམ་ཆེན་དབྱིངས་ཕྱུག་མ། །དེ་ཡང་ང་ཡི་སྤྲུལ་པ་ཡིན། །མཁའ་འགྲོ་མང་པོ་མཁའ་ལྟར་ཁྱབ། །དཀར་མོ་སངས་རྒྱས་མཁའ་འགྲོ་མ། །ཁྲི་འབུམ་བྱེ་བ་ས་ཡའི་ཚོགས། ཁྱོད་ཀྱི་

[Full Size]

ཐུགས་དམ་དུས་ལ་བབ། །གཤེད་པོ་གབ་པའི་གབ་སྐུང་ཕུད། །ལྕགས་ཀྱུ་འབར་བས་སྙིང་ནས་ཟུངས། །ཞགས་པ་འབར་བས་མགུལ་ནས་སྡོམས། །ལྕགས་སྒྲོག་འབར་བས་ཡན་ལག་ཆིངས། །དྲིལ་བུ་འབར་བས་མྱོས་སུ་ཆུག །ལས་ཀྱི་རླུང་གིས་རྒྱབ་ནས་དེད། །བསྐལ་པའི་མུན་པས་མདུན་ནས་སུས། །གཟུགས་བརྙན་ལིངྒ་འདི་ལ་ཁུག །མིང་ཡིག་བྱང་བུ་འདི་ལ་སྟིམས། །རང་དབང་མེད་པར་འདིར་ཁུག་ཅིག །ཕཊཿ ཅེས་གབ་སྐུང་ཕུད་པར་བྱའོ། །ད་རུང་ཡང་མ་ཁུག་པར་གདའ་ན་ཡར་ཆུག །ད་རུང་ཟན་ལིང་གཅིག་དང་ཤོག་ལིང་ཡང་སླ་ང་ནང་ནས་སྒྲོ་བར་བཅུག་ལ་གདོང་ཆེན་བཞིའི་བསྐུལ་གྱིས་བཀུག་ཅིང་བསྒྲལ་བ་ནི། གཤེད་སྒྲོ་དེ་གཤེད་བྲིང་གིས་བཅིངས་ལ་མི་རུས་མི་གཅིག་པ་གཉིས་ཀྱིས་ཕར་འཐེན་ཚུར་འཐེན་བྱེད་བྲེང་པའི་སྣེ་མོ་ནས་འཐེན་ཅིང་ཕྱོགས་བཞིར་བརྡེབ་བཅུག་སྟེ། གདོང་ཅན་རྣམས་ཀྱིས་ཕྱོགས་སོ་སོ་ནས་གཡང་གཞི་བརྡབ་ཅིང་དེད་ནས་བྱུང་བ་ལས་བྱེད་དམར་མོ་ཟངས་ཞགས་འཛིན་པ་གཉིས་ཀྱིས་ཞགས་པ་འཕང་བས་སྐེ་ལ་ཐེབས་ནས་ཕར་འཐེན་ཚུར་འཐེན་བྱས་པས་སྐད་ངན་ཙེ་རེ་རེ་བྱེད་པར་སྒོམ་ཞིང་འདི་སྐད་དོ། །ཧཱུྃ། མ་ཡུམ་ཆེན་ཐུགས་ལས་སྤྲུལ་པའི་སྲས། །མ་གཅིག་ཇོ་མོ་རྣལ་འབྱོར་མ། །ཕ་རོལ་ཕྱིན་པའི་གྲུབ་ཐོབ་

[Full Size]

ལྡན་ཡོངས་ཀྱི་རྒྱུད་གྲོལ་མ། །ཐུགས་དམ་བསྐུལ་ལོ་མཁའ་འགྲོའི་ཚོགས། །སངས་རྒྱས་མཁའ་འགྲོའི་དུས་ལ་བབ། །ཁྲོས་མ་ནག་མོའི་དུས་ལ་བབ། །དུར་ཁྲོད་བདག་མོའི་དུས་ལ་བབ། །ཤར་ཕྱོགས་དུར་ཁྲོད་གཞལ་ཡས་ནས། །རྡོ་རྗེ་རིགས་ཀྱི་མཁའ་འགྲོ་མ། །དཀར་མོ་ཆེན་མོ་སེང་གེའི་གདོང་། །ཤར་ནས་དཀར་མོ་སེང་གདོང་མ། །ལྷོ་ནས་སེར་མོ་སེང་གདོང་མ། །ནུབ་ནས་དམར་མོ་སེང་གདོང་མ། །བྱང་ནས་ལྗང་མོ་སེང་གདོང་མ། །ཤར་ཕྱོགས་མཁའ་འགྲོ་སྡེ་ལྔ་ཡང་། །ཕྱག་གཡས་ཞིང་ཆེན་གཡང་གཞི་རྡེབ། །གཡོན་པས་འགུགས་པའི་ལྕགས་ཀྱུ་བསྣམས། །ཤར་ཕྱོགས་མཁའ་འགྲོའི་དུས་ལ་བབ། །སྲོག་གཅོད་དབུགས་ལེན་འགུགས་པའི་དུས་ལ་བབ། །ཟ་འདྲེ་ཤི་གཤེད་འགུགས་པའི་དུས་ལ་བབ། །བཀུག་ནས་བསྒྲལ་བའི་དུས་ལ་བབ། །དུས་ལ་བབ་བོ་ས་མ་ཡ། །ཕཊ་ཕཊ་ཕཊཿ ཅེས་ཤར་དུ་རྡེབ། ཧཱུྃ། ལྷོ་ཕྱོགས་དུར་ཁྲོད་གཞལ་ཡས་ནས། །རིན་ཆེན་རིགས་ཀྱི་མཁའ་འགྲོ་མ། །སེར་མོ་ཆེན་མོ་སྟག་གདོང་མ། །ཤར་ནས་དཀར་མོ་སྟག་གདོང་མ། །ལྷོ་ནས་སེར་མོ་སྟག་གདོང་མ། །ནུབ་ནས་དམར་མོ་

[Full Size]

སྟག་གདོང་མ། །བྱང་ནས་ལྗང་མོ་སྟག་གདོང་མ། །ལྷོ་ཕྱོགས་མཁའ་འགྲོ་སྡེ་ལྔ་ཡང་། །ཕྱག་གཡས་ཞིང་ཆེན་གཡང་གཞི་རྡེབ། །གཡོན་པས་འགུགས་པའི་ལྕགས་ཀྱུ་བསྣམས། །ལྷོ་ཕྱོགས་མཁའ་འགྲོའི་དུས་ལ་བབ། །སྲོག་གཅོད་དབུགས་ལེན་འགུགས་པའི་དུས་ལ་བབ། །ཟ་འདྲེ་ཤི་གཤེད་འགུགས་པའི་དུས་ལ་བབ། །འགུགས་ནས་བསྒྲལ་བའི་དུས་ལ་བབ། །དུས་ལ་བབ་བོ་ས་མ་ཡ། །ཕཊ་ཕཊ་ཕཊཿ ཅེས་ལྷོ་རུ་རྡེབ། ཧཱུྃ། ནུབ་ཕྱོགས་དུར་ཁྲོད་གཞལ་ཡས་ནས། །པདྨ་རིགས་ཀྱི་མཁའ་འགྲོ་མ། །དམར་མོ་ཆེན་མོ་ཆུ་སྲིན་གདོང་། །ཤར་ནས་དཀར་མོ་ཆུ་སྲིན་གདོང་། །ལྷོ་ནས་སེར་མོ་ཆུ་སྲིན་གདོང་། །ནུབ་ནས་དམར་མོ་ཆུ་སྲིན་གདོང་། །བྱང་ནས་ལྗང་མོ་ཆུ་སྲིན་གདོང་། །བྱང་ཕྱོགས་མཁའ་འགྲོ་སྡེ་ལྔ་ཡང་། །ཕྱག་གཡས་ཞིང་ཆེན་གཡང་གཞི་རྡེབ། །གཡོན་པས་འགུགས་པའི་ལྕགས་ཀྱུ་བསྣམས། །ནུབ་ཕྱོགས་མཁའ་འགྲོའི་དུས་ལ་བབ། །སྲོག་གཅོད་དབུགས་ལེན་འགུགས་པའི་དུས་ལ་བབ། །ཟ་འདྲེ་ཤི་གཤེད་འགུགས་པའི་དུས་ལ་བབ། །བཀུག་ནས་བསྒྲལ་བའི་དུས་ལ་བབ། །དུས་ལ་བབ་

[Full Size]

བོ་ས་མ་ཡ། །ཕཊ་ཕཊ་ཕཊཿ ཅེས་ནུབ་ཏུ་རྡེབ། ཧཱུྃ། བྱང་ཕྱོགས་དུར་ཁྲོད་གཞལ་ཡས་ནས། །ལས་ཀྱི་རིགས་ཀྱི་མཁའ་འགྲོ་མ། །ལྗང་མོ་ཆེན་མོ་འབྲུག་གདོང་མ། །ཤར་ནས་དཀར་མོ་འབྲུག་གདོང་མ། །ལྷོ་ནས་སེར་མོ་འབྲུག་གདོང་མ། །ནུབ་ནས་དམར་མོ་འབྲུག་གདོང་མ། །བྱང་ནས་ལྗང་མོ་འབྲུག་གདོང་མ། །བྱང་ཕྱོགས་མཁའ་འགྲོ་སྡེ་ལྔ་ཡང་། །ཕྱག་གཡས་ཞིང་ཆེན་གཡང་གཞི་རྡེབ། །གཡོན་པས་འགུགས་པའི་ལྕགས་ཀྱུ་བསྣམས། །བྱང་ཕྱོགས་མཁའ་འགྲོའི་དུས་ལ་བབ། །སྲོག་གཅོད་དབུགས་ལེན་འགུགས་པའི་དུས་ལ་བབ། །ཟ་འདྲེ་ཤི་གཤེད་འགུགས་པའི་དུས་ལ་བབ། །བཀུག་ནས་བསྒྲལ་བའི་དུས་ལ་བབ། །དུས་ལ་བབ་བོ་ས་མ་ཡ། །ཕཊ་ཕཊ་ཕཊཿ ཅེས་བྱང་དུ་རྡེབ། དེ་ནས་ཐམས་ཅད་སླ་ངའི་ནང་དུ་བྱོས་ལ་འབྲོས་ལམ་བཅད་པ་ནི། མི་ཐམས་ཅད་ཀྱིས་འདུལ་ཆས་མདའ་གཞུ་མདུང་གྲི་ཐོ་བ་རྔ་མ་ཤ་ལག་རྣམས་བཟུང་ནས་སླ་ང་བསྐོར་ལ། ཧཱུྃ། ང་ནི་ཁྲོས་མ་ནག་མོའི་སྐུ། །སྣང་སྲིད་ཐམས་ཅད་ང་ལས་བྱུང་། །གནོད་བྱེད་ཟ་འདྲེ་ཤི་གཤེད་ཁྱོད། །ཤར་གྱི་ཕྱོགས་སུ་མ་བྲོས་ཤིག །ཤར་གྱི་ཕྱོགས་སུ་འབྲོས་སྙམ་ན། །ཤར་ཕྱོགས་རྡོ་རྗེ་མཁའ་འགྲོ་

[Full Size]

མ། །དེ་ཡང་ང་ཡི་ཕོ་ཉ་ཡིན། །གཤེད་པོ་ཤར་གྱི་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །ལྷོ་ཡི་ཕྱོགས་སུ་མ་བྲོས་ཤིག །ལྷོ་ཡི་ཕྱོགས་སུ་འབྲོས་སྙམ་ན། །ལྷོ་ཕྱོགས་རིན་ཆེན་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་ལྷོ་ཡི་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །ནུབ་ཀྱི་ཕྱོགས་སུ་མ་བྲོས་ཤིག །ནུབ་ཀྱི་ཕྱོགས་སུ་འབྲོས་སྙམ་ན། །ནུབ་ཕྱོགས་པདྨ་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་ནུབ་ཀྱི་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །བྱང་གི་ཕྱོགས་སུ་མ་བྲོས་ཤིག །བྱང་གི་ཕྱོགས་སུ་འབྲོས་སྙམ་ན། །བྱུང་ཕྱོགས་ལས་ཀྱི་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་བྱང་གི་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །ཤར་ལྷོ་མཚམས་སུ་མ་བྲོས་ཤིག །ཤར་ལྷོ་མཚམས་སུ་འབྲོས་སྙམ་ན། །ཤར་ལྷོ་དམ་ཚིག་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་ཤར་ལྷོའི་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །ལྷོ་ནུབ་མཚམས་སུ་མ་བྲོས་ཤིག །ལྷོ་ནུབ་མཚམས་སུ་འབྲོས་སྙམ་ན། །

[Full Size]

ལྷོ་ནུབ་སྣ་ཚོགས་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་ལྷོ་ནུབ་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །ནུབ་བྱང་མཚམས་སུ་མ་བྲོས་ཤིག །ནུབ་བྱང་མཚམས་སུ་འབྲོས་སྙམ་ན། །ནུབ་བྱང་འཇིག་རྟེན་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་ནུབ་བྱང་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །བྱང་ཤར་མཚམས་སུ་མ་བྲོས་ཤིག །བྱང་ཤར་མཚམས་སུ་འབྲོས་གྱུར་ན། །བྱང་ཤར་ཐམས་ཅད་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་བྱང་ཤར་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །སྟེང་གི་ཕྱོགས་སུ་མ་བྲོས་ཤིག །སྟེང་གི་ཕྱོགས་སུ་འབྲོས་སྙམ་ན། །སྟེང་ནི་མཁའ་སྤྱོད་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་སྟེང་གི་འབྲོས་ལམ་ཆོད། །གནོད་བྱེད་ཟ་འདྲེ་ཤི་གཤེད་ཁྱོད། །འོག་གི་ཕྱོགས་སུ་མ་བྲོས་ཤིག །འོག་གི་ཕྱོགས་སུ་འབྲོས་སྙམ་ན། །འོག་ནི་ས་སྤྱོད་མཁའ་འགྲོ་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་འོག་གི་འབྲོས་ལམ་ཆོད། །ཧཱུྃ། ང་ནི་ཁྲོས་མ་ནག་མོའི་སྐུ། །གཤེད་པོ་ལས་ངན་སྡིག་ཅན་ཁྱོད། །ནམ་

[Full Size]

ལངས་དུས་སུ་མ་བྲོས་ཤིག །ནམ་ལངས་དུས་སུ་འབྲོས་སྙམ་ན། །ནམ་ལངས་དཀར་མོ་སེང་གེའི་གདོང་། །དེ་ཡང་ང་ཡི་ཕོ་ཉ་ཡིན། །གཤེད་པོ་ཁུག་ལ་འབྲོས་ལམ་ཆོད། །གཤེད་པོ་ལས་ངན་སྡིག་ཅན་ཁྱོད། །ཉི་དྲོས་དུས་སུ་མ་བྲོས་ཤིག །ཉི་དྲོས་དུས་སུ་འབྲོས་སྙམ་ན། །ཉི་དྲོས་སེར་མོ་ཅེ་སྤྱང་གདོང་། །དེ་ཡང་ང་ཡི་ཕོ་ཉ་ཡིན། །གཤེད་པོ་ཁུག་ལ་འབྲོས་ལམ་ཆོད། །གཤེད་པོ་ལས་ངན་སྡིག་ཅན་ཁྱོད། །ཉིན་གུང་དུས་སུ་མ་བྲོས་ཤིག །ཉིན་གུང་དུས་སུ་འབྲོས་སྙམ་ན། །ཉིན་གུང་དཀར་སེར་བྱ་རྒོད་གདོང་། །དེ་ཡང་ང་ཡི་ཕོ་ཉ་ཡིན། །གཤེད་པོ་ཁུག་ལ་འབྲོས་ལམ་ཆོད། །གཤེད་པོ་ལས་ངན་སྡིག་ཅན་ཁྱོད། །དགོང་མོའི་དུས་སུ་མ་བྲོས་ཤིག །དགོང་མོའི་དུས་སུ་འབྲོས་སྙམ་ན། །དགོང་མོ་སྔོན་མོ་བྱ་རོག་གདོང་། །དེ་ཡང་ང་ཡི་ཕོ་ཉ་ཡིན། །གཤེད་པོ་ཁུག་ལ་འབྲོས་ལམ་ཆོད། །གཤེད་པོ་ལས་ངན་སྡིག་ཅན་ཁྱོད། །སྲོད་ཀྱི་དུས་སུ་མ་ཁྲོས་ཤིག །སྲོད་ཀྱི་དུས་སུ་འབྲོས་སྙམ་ན། །སྲོད་དུས་དམར་མོ་ཝ་ཡི་གདོང་། །དེ་ཡང་ང་ཡི་ཕོ་ཉ་ཡིན། །གཤེད་པོ་ཁུག་ལ་འབྲོས་ལམ་ཆོད། །གཤེད་པོ་ལས་

[Full Size]

ངན་སྡིག་ཅན་ཁྱོད། །ནམ་གུང་དུས་སུ་མ་བྲོས་ཤིག །ནམ་གུང་དུས་སུ་འབྲོས་སྙམ་ན། །ནམ་གུང་ནག་མོ་སྟག་གི་གདོང་། །དེ་ཡང་ང་ཡི་ཕོ་ཉ་ཡིན། །གཤེད་པོ་ཁུག་ལ་འབྲོས་ལམ་ཆོད། །གཤེད་པོ་ལས་ངན་སྡིག་ཅན་ཁྱོད། །ཐོ་རངས་དུས་སུ་མ་བྲོས་ཤིག །ཐོ་རངས་དུས་སུ་འབྲོས་སྙམ་ན། །ཐོ་རངས་ལྗང་མོ་ཕག་གདོང་མ། །དེ་ཡང་ང་ཡི་ཕོ་ཉ་ཡིན། །གཤེད་པོ་ཁུག་ལ་བྲོས་ལམ་ཆོད། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལཱི་ཧ་རི་ནི་ས་གནོད་བྱེད་ཟ་འདྲེ་ཤི་གཤེད་ཐམས་ཅད་བྷནྡ་བྷན་ཧ་ན་ཧ་ན་ཧཱུྃ་ཕཊ། ཕཊ་ཕཊ་ཕཊ། ཅེས་མི་ཐམས་ཅད་ཀྱི་འདུལ་ཆས་རྣམས་རྒྱབ་བཅུག །ཕཊཿ དྲག་ཏུ་བརྗོད་ཌཱ་དྲིལ་འཁྲོལ་ལོ། །དེ་ནས་བདེན་པའི་ཆོས་བཤད་པ་ནི། སྙིང་རྗེ་ཆེན་པོས་འདི་སྐད་དོ། །ཨེ་མ་སེམས་ཅན་སྙིང་རེ་རྗེ། །འཁོར་བའི་རྒྱ་མཚོ་གཏིང་རེ་ཟབ། །ངན་སོང་གསུམ་པོ་ཡ་རེ་ང་། །གཤེད་པོ་ལས་ངན་སྡིག་ཅན་ཁྱོད། །དྲག་པོའི་དབང་གིས་མི་བཏུལ་རྒྱུས། །ཁྱོད་སྲོག་གཅོད་དབུགས་ལེན་བྱེད་ཀྱིས་དོགས། །ཧོམ་ཁུང་ལིངྒ་མི་བཅའ་རྒྱུས། །ཁྱོད་ངན་སོང་གསུམ་དུ་སྐྱེ་ཡིས་དོགས། །སྔགས་དང་ཕྱག་རྒྱས་མི་བཅིངས་རྒྱུས། །ཁྱོད་བཀའ་དང་དམ་ལ་འདའ་

[Full Size]

ཡིས་དོགས། །རྣོན་པོ་རྩང་གིས་མི་བསྐོར་རྒྱུས། །ཁྱོད་ལོག་པའི་ལམ་དུ་འཁྱམས་ཀྱིས་དོགས། །ཟ་འདྲེ་གཤེད་པོ་ལས་ངན་ཁྱོད། །ལིངྒའི་གདན་ལ་བཞག་ཙམ་ན། །པད་ཟླའི་གདན་ལ་བཞག་པར་བསྒོམ། །ཚོན་སྐུད་སྣ་ལྔས་བཅིངས་ཙམ་ན། །ཡེ་ཤེས་ལྔ་དང་འཕྲད་པར་བསྒོམ། །གྲུ་གསུམ་ནང་དུ་བཅུག་ཙམ་ན། །གཞལ་ཡས་ཁང་དུ་ཕྱིན་པར་བསྒོམ། །དམར་ནག་རྩང་གིས་བསྐོར་ཙམ་ན། །དཔའ་བོ་མཁའ་འགྲོས་བསྐོར་བར་བསྒོམ། །ཧཱུྃ་དང་ཕཊ་ཀྱིས་གཟིར་ཙམ་ན། །དབུ་མའི་དམ་ཆོས་བཤད་པར་བསྒོམ། །དྲག་པོ་ཐུན་གྱིས་བྲབ་ཙམ་ན། །ལས་ངན་སྒྲིབ་པ་དག་པར་བསྒོམ། །ཟུར་གསུམ་ཕུར་པ་བཏབ་ཙམ་ན། །སྐུ་གསུམ་འབྲས་བུ་ཐོབ་པར་བསྒོམ། །ཁྱོད་སྔོན་གྱི་ལས་ངན་ཐམས་ཅད་ལ། །འཕྲལ་དུ་འགྱོད་སེམས་དྲག་པོ་གྱིས། །ལུས་ངག་ཡིད་གསུམ་ཡོན་དུ་འབུལ། །ཁྱོད་བསད་ཅིང་མནན་པ་མ་ཡིན་ཏེ། །མ་རིག་འཁོར་བའི་རྒྱུན་བཅད་ནས། །དག་པའི་ཞིང་དུ་བསྐྱལ་བ་ཡིན། །བྱམས་པ་མགོན་པོའི་བསྟན་པ་ལ། །ཁྱོད་ཀྱིས་བྱང་ཆུབ་ཐོབ་པར་ཤོག །ཕཊ་ཕཊ་ཕཊཿ རྨི་ལམ་དུ་སེམས་ཅན་དེད་པ་

[Full Size]

བཟུང་བ་བཀྱིགས་པ་ལྕགས་བླུགས་པ། ལྷམ་ཁྲོད་རེ་བ་གཏོར་བ་རྙེད་པ་རྣམས་གཤེད་ཁུག་རྟགས་སློང་ཚད་ཡིན། དེ་ནས་ཕུར་པ་འདེབས་པ་ནི། ཧཱུྃ་ཡིག་ལས་བྱུང་ཁྲོས་མ་ནག་མོ་ནི། །མཐིང་ནག་རབ་འཇིགས་གྲི་གུག་ཐོད་ཁྲག་བསྣམས། །སྐུ་སྨད་གནམ་ལྕགས་ཕུར་པ་རྣོ་དབལ་ཅན། །གནོད་བྱེད་དགྲ་བགེགས་སྙིང་ལ་ཏ་ལ་ལ། །ཟ་འདྲེ་ཤི་གཤེད་སྙིང་ལ་མཱ་ར་ཡ། །དམ་ཉམས་གཤེད་པོ་ལས་ངན་སྡིག་ཅན་གྱི། །བལྟ་བྱེད་མིག་ལ་བཛྲ་ཀཱི་ལ་ཡ། །སྣོམ་བྱེད་སྣ་ལ་བཛྲ་ཀཱི་ལ་ཡ། །ཉན་བྱེད་རྣ་བར་བཛྲ་ཀཱི་ལ་ཡ། །སྨྲ་བྱེད་ལྕེ་ལ་བཛྲ་ཀཱི་ལ་ཡ། །བསམ་བྱེད་སྙིང་ལ་བཛྲ་ཀཱི་ལ་ཡ། །སྙབ་བྱེད་ལག་ལ་བཛྲ་ཀཱི་ལ་ཡ། །འགྲོ་བྱེད་རྐང་ལ་བཛྲ་ཀཱི་ལ་ཡ། །སྲོག་ཡིག་ཏྲི་ལ་བཛྲ་ཀཱི་ལ་ཡ། །སྟོབས་ནུས་རྡུལ་དུ་བརླག་པའི་དུས་ལ་བབ། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་བཛྲ་ཀཱི་ལི་ཀཱི་ལ་ཡ་གནོད་བྱེད་ཟ་འདྲེ་ཤི་སྲི་མཱ་ར་ཡ་ཧཱུྃ་ཕཊ། ཕཊ། ཅེས་ཕུར་པ་བཏབ་པས། སྲོག་ཡིག་ཏྲི་དམར་ནག་མར་མེ་ལྟ་བུ་དེ་ནག་སེམས་སེ་སོང་བར་བསྒོམ། ཁོའི་སེམས་ཉིད་བདེ་བར་གཤེགས་པའི་སྙིང་པོ་ཨ་དཀར་པོ་གཅིག་ཏུ་གྱུར་ནས་ཕུར་པའི་ཁོང་སེང་ནས་བརྒྱུད་སྤྱི་བོ་ནས་ཐོན་ཏེ་འོག་མིན་གྱི་འཇིག་རྟེན་ཁམས་སུ་མདའ་འཕངས་བ་ལྟར་སོང་ནས་སངས་

[Full Size]

རྒྱས་ཏེ་ཡུམ་ཆེན་མོའི་སྐུ་མཐེ་བོང་ཙམ་ཞིག་ཏུ་གྱུར་པར་བསྒོམ། ཕཊ་ཕཊ་ཕཊཿ ཁོའི་ཚེ་བསོད་ནམས་ཐམས་ཅད་ཚྭ་ལྗང་གུར་གྱུར་ནས་རང་ལ་ཐིམ་པས་བཀྲག་མདངས་རྒྱས་པར་བསྒོམ། ཕཊ་ཕཊ་ཕཊཿ དེ་ནས་གྲི་གུག་དང་ལྕགས་ཀྱུ་མེད་ན་གྲི་དང་ཟོར་བ་ཐོགས་ལ། ཕཊཿ རང་ཉིད་ཁྲོས་མའི་ཐུགས་ཀ་ནས། །ལས་བྱེད་དམར་མོ་འཇིགས་པའི་གཟུགས། །ཕྱག་ན་གྲི་གུག་ལྕགས་ཀྱུ་འཛིན། །ལས་ངན་གཤེད་པོ་དམ་ཉམས་འདི། །ལྕགས་ཀྱུ་འབར་བས་སྙིང་ནས་ཟུངས། །ཕྱག་གཡས་གྲི་གུག་འབར་བ་ཡིས། །ཟ་འདྲེ་མགོ་ལུས་དུམ་བུར་ཕྲོལ། །ཡན་ལག་གཟུགས་བཞི་སིལ་བུར་ཐོངས། །ཤ་དང་རུས་པ་ད་ཕྱེས་ཤིག །སྲོག་རྩ་དམར་པོ་རྦད་ཀྱིས་ཆོད། །ཐལ་བ་རྡུལ་དུ་བརླག་པར་མཛོད། །ཨོཾ་བཛྲ་བྷ་ར་ཧི་ཀྲོ་ཏི་ཀཱ་ལཱི་ཧ་རི་ནི་ས་གནོད་བྱེད་ཟ་འདྲེ་ཤི་གཤེད་ཐམས་ཅད་ད་ཧ་ད་ཧ་མཱ་ར་ཡ་ཧཱུྃ་ཕཊ་ཕཊ་ཕཊཿ དེ་ནས་འདུལ་ཆས་རྣམས་གཅོད་གཡོག་ལ་རྒྱབ་བཅུག་པ་འམ་རང་གིས་རྒྱབ་ཅིང་འདི་སྐད་དོ། །ཧཱུྃ། ཐུགས་རྗེ་ཁྲོས་མ་ནག་མོ་ཡི། །བཀའ་ཡི་ཕོ་ཉ་ལས་མཁན་ནི། །རིགས་བཞི་མཁའ་འགྲོ་བྱེ་བ་འབུམ། །དབུ་སྐྲ་ཐོར་ཚུགས་ལྡེམས་སེ་ལྡེམ། །རིན་ཆེན་རྒྱན་ཆ་སི་ལི་ལི། །རུས་པའི་རྒྱན་

[Full Size]

ཆ་ཁྲོ་ལོ་ལོ། །དར་གྱི་ཅོད་པན་པུ་རུ་རུ། །དུར་ཁྲོད་རྒྱན་ཆ་སྤུངས་སེ་སྤུང་། །ཕྱག་ན་མཚོན་ཆ་ཅིར་ཡང་སྤྲུལ། །དོན་ལ་སངས་རྒྱས་ཡིན་མོད་ཀྱང་། །མ་ཁྱོད་ཀྱི་ཐུགས་དམ་དུས་ལ་བབ། །གཤེད་པོ་བསྒྲལ་བའི་དུས་ལ་བབ། །ཟ་འདྲེ་འདུལ་བའི་ཕྲིན་ལས་མཛོད། །ཧཱུྃ། སྔོན་གྱི་བསྐལ་པའི་དང་པོ་ལ། །བཅོམ་ལྡན་ཁྲོས་མ་ནག་མོ་དང་། །དཔའ་བོ་རྟ་མགྲིན་ཡབ་ཡུམ་གྱིས། །བདུད་ཕོ་རུ་ཏྲ་ནག་པོ་བཏུལ། །རུ་ཏྲ་བསྒྲལ་བའི་ཕུང་པོ་ལ། །རང་གཤེད་དྲག་པོའི་འདུལ་ཆས་བྱུང་། །རུ་ཏྲ་བཏུལ་བའི་པགས་པ་ལ། །དེ་ལས་གཤེད་གཞི་ནག་པོ་བྱུང་། །རུ་ཏྲ་བསྒྲལ་བའི་སྒང་པ་ལ། །དེ་ལས་གཤེད་སྒྲོ་རླུང་ཐུབ་བྱུང་། །གཤེད་པོའི་དབུགས་ཀྱི་རྒྱུན་ཐག་ཆོད། །རུ་ཏྲ་བསྒྲལ་བའི་རྒྱུ་མ་ལ། །དེ་ལ་གཤེད་བྲིང་འདོམ་དགུ་བྱུང་། །གཤེད་པོའི་ཡན་ལག་ད་ཆིངས་ཤིག །རུ་ཏྲ་བསྒྲལ་བའི་མ་ཁ་ལ། །དེ་ལས་གཤེད་ཟོར་འགུག་མོ་བྱུང་། །གཤེད་པོའི་ཉིང་ལག་ད་བྲོག་ཅིག །རུ་ཏྲ་བསྒྲལ་བའི་རྩིབ་རུས་ལ། །དེ་ལས་གཤེད་གཞུ་འགུགས་མོ་བྱུང་། །གཤེད་པོའི་གཞུ་རྒྱུད་རྩད་ནས་ཆོད། །རུ་ཏྲ་བསྒྲལ་བའི་སྲོག་རྩ་ལ། །དེ་

[Full Size]

ལས་གཤེད་མདའ་ལྟོང་བཟང་བྱུང་། །གཤེད་པོའི་སྙིང་ལ་ད་རྒྱོབ་ཅིག །རུ་ཏྲ་བསྒྲལ་བའི་མགོ་བོ་ལ། །གཤེད་པོ་བརྡུང་བའི་ཐོ་བ་བྱུང་། །གཤེད་པོའི་མགོ་ལ་ད་རྒྱོབ་ཅིག །རུ་ཏྲ་བསྒྲལ་བའི་སོག་པ་ལ། །དེ་ལས་གཤེད་སྟ་ཁ་ཆེ་བྱུང་། །གཤེད་པོའི་གཟུགས་བཞི་ད་ཆོད་ཅིག །རུ་ཏྲ་བསྒྲལ་བའི་གཞུང་པ་ལ། །དེ་ལས་གཤེད་མདུང་མཚམས་རིང་བྱུང་། །གཤེད་པོའི་ཤ་རུས་ད་ཕུག་ཅིག །རུ་ཏྲ་བསྒྲལ་བའི་ལྕེ་ལ་ནི། །གཤེད་པོ་གཅོད་པའི་རལ་གྲི་བྱུང་། །གཤེད་པོའི་མགོ་ལུས་ད་གཏུབ་ཅིག །རུ་ཏྲ་བསྒྲལ་བའི་ཁ་སོ་ལ། །དེ་ལས་དྲག་པོའི་ཐུན་རྫས་བྱུང་། །གཤེད་པོའི་ལུས་ལ་ད་བྲོབས་ཤིག །རུ་ཏྲ་བསྒྲལ་བའི་ལག་པ་ལ། །གཤེད་ཀྱི་བརྡུང་ཤ་ལག་པ་བྱུང་། །གཤེད་པོ་ལས་ངན་ད་རྡུངས་ཤིག །རུ་ཏྲ་བསྒྲལ་བའི་མཁལ་མ་ལ། །དེ་ལ་གཤེད་རྡོ་དཀར་ནག་བྱུང་། །གཤེད་པོ་རྡུང་ཞིང་ནོན་པར་གྱིས། །རུ་ཏྲ་བསྒྲལ་བའི་མགོ་ལྤགས་ལ། །དེ་ལ་གཤེད་སླང་ནག་པོ་བྱུང་། །གཤེད་པོ་མུན་ནག་འཐིབས་སུ་ཆུག །རུ་ཏྲ་བསྒྲལ་བའི་རལ་པ་ལ། །གཤེད་པོ་གཡབ་པའི་རྔ་མ་བྱུང་། །གཤེད་པོའི་མགོ་ལ་ད་

[Full Size]

གཡོབ་ཅིག །རུ་ཏྲ་བསྒྲལ་བའི་བྲང་རུས་ལ། །དེ་ལས་གྲུ་གསུམ་ཧོམ་ཁུང་བྱུང་། །ལན་ངན་ཁྱོད་ཀྱི་འདུག་གནས་ཡིན། །རུ་ཏྲ་བསྒྲལ་བའི་ཙིཏྟ་ལ། །དེ་ལས་དམར་གྱི་གཏོར་མ་བྱུང་། །གཤེད་པོ་གཟིར་བའི་དུས་ལ་བབ། །ༀ་བཛྲ་བྷ་ར་ཧི་ཀྲོ་ཏི་ཀཱ་ལི་ཧ་རི་ནི་ས་གནོད་བྱེད་ཟ་འདྲེ་ཤི་སྲི་ཐམས་ཅད་ཧ་ན་ཧ་ན་ད་ཧ་ད་ཧ་པ་ཙ་པ་ཙ་དི་ན་མི་ཀེ་ན་མཱ་ར་ཡ་ཧཱུཾ་ཕཊ་ཕཊ་ཕཊཿ ཅེས་སྔགས་འདོན་ཅིང་ཐམས་ཅད་རིམ་པར་བརྒྱབ། འདུལ་ཆས་བརྒྱབ་དུས་ཆུས་ཤི་ན་དུག་ཆུའི་རྦ་རླབས། གྲིར་ཤི་ན་རལ་གྲིའི་ཆར་པ། མདས་ཤི་ན་མདའི་ཆར་པ། འགག་གྲི་ལ་དུག་ཆུ། དུག་ལ་དུག་གི་ཞགས་པ་སོགས་རང་གཤེད་འབེབས་པའི་དམིགས་པ་དང་། ཕོ་གདོན་ལ་མེ་དཔུང་། མོ་གདོན་ལ་ཁྲག་ཐུན། ཀླུ་གདོན་ལ་དུག་ཐུན་དུ་དམིགས་སོ། །དེ་ནས་འདུལ་ཆས་རྣམས་ཧོམ་ཁུང་གི་གཡས་གཡོན་དུ་བཞག་གོ །སླ་ང་ལིང་རོ་དང་བཅས་པ་མཆོད་གཡོག་གིས་བཀྱགས་ལ། ཕྱོགས་བཞིར་དབུས་དང་ལྔར་བསྟབ་པ་བྱེད་པ་ནི། མཁའ་འགྲོ་རྣམས་ཀྱིས་ཟ་འདྲེའི་ཤ་ཁྲག་ཧབ་ཐོབ་ཏུ་གསོལ་བར་བསྒོམ། ཧཱུྃ། ཁྲོས་མ་ནག་མོ་ཞལ་ཕྱེས་ཤིག །གདོན་གཏི་མུག་བསྒྲལ་བའི་ཕུང་པོ་འདི། །མ་ཁྲོས་མ་ནག་མོའི་ཞལ་དུ་བསྟབ། །གཟུགས་ཤ་ཁྲག་རུས་པའི་མཆོད་པ་བཞེས། །སེམས་སྐྱེ་མེད་ཆོས་ཀྱི་དབྱིངས་སུ་

[Full Size]

དྲོངས། །ཆོས་དབྱིངས་ཡེ་ཤེས་དངོས་གྲུབ་སྩོལ། །ཨོཾ་བཛྲ་བྷ་རཱ་ཧི་ཀྲོ་ཏི་ཀཱ་ལི་གནོད་བྱེད་ཟ་འདྲེ་ཤི་གཤེད་མ་ཧཱ་མཱཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཀིཾ་ནི་རི་ཏི་ལ་ཁཱ་ཧི། ཕཊ་ཕཊ་ཕཊཿ ཅེས་རོལ་མོ་དང་བཅས་པས་ནམ་མཁར་བཏབ་བོ། །ཤར་རྡོ་རྗེ་མཁའ་འགྲོ་ཞལ་ཕྱེས་ཤིག །གདོན་ཞེ་སྡང་བསྒྲལ་བའི་ཕུང་པོ་འདི། །མ་རྡོ་རྗེ་མཁའ་འགྲོའི་ཞལ་དུ་བསྟབ། །གཟུགས་ཤ་ཁྲག་རུས་པའི་མཆོད་པ་བཞེས། །སེམས་སྐྱེ་མེད་ཆོས་ཀྱི་དབྱིངས་སུ་དྲོངས། །མེ་ལོང་ཡེ་ཤེས་དངོས་གྲུབ་སྩོལ། །ཧ་བཛྲ་ཌཱ་ཀི་ནཱི་གནོད་བྱེད་ཟ་འདྲེ་ཤི་གཤེད་མ་ཧཱ་མཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཀི་ནི་རི་ཏི་ལ་ཁཱ་ཧི། ཕཊ་ཕཊ་ཕཊཿ ལྷོ་རིན་ཆེན་མཁའ་འགྲོ་ཞལ་ཕྱེས་ཤིག །གདོན་ང་རྒྱལ་བསྒྲལ་བའི་ཕུང་པོ་འདི། །མ་རིན་ཆེན་མཁའ་འགྲོའི་ཞལ་དུ་བསྟབ། །གཟུགས་ཤ་ཁྲག་རུས་པའི་མཆོད་པ་བཞེས། །སེམས་སྐྱེ་མེད་ཆོས་ཀྱི་དབྱིངས་སུ་དྲོངས། །མཉམ་ཉིད་ཡེ་ཤེས་དངོས་གྲུབ་སྩོལ། །རི་རཏྣ་ཊཱ་ཀི་ནཱི་གནོད་བྱེད་ཟ་འདྲེ་ཤི་གཤེད་མ་ཧཱ་མཾ་ས་ལ་ལཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཀི་ནི་རི་ཏི་ལ་ཁཱ་ཧི། ཕཊ་ཕཊ་ཕཊཿ ནུབ་པདྨ་

[Full Size]

མཁའ་འགྲོ་ཞལ་ཕྱེས་ཤིག །གདོན་འདོད་ཆགས་བསྒྲལ་བའི་ཕུང་པོ་འདི། །མ་པདྨ་མཁའ་འགྲོའི་ཞལ་དུ་བསྟབ། །གཟུགས་ཤ་ཁྲག་རུས་པའི་མཆོད་པ་བཞེས། །སེམས་སྐྱེ་མེད་ཆོས་ཀྱི་དབྱིངས་སུ་དྲོངས། །སོར་རྟོག་ཡེ་ཤེས་དངོས་གྲུབ་སྩོལ། །ནཱི་པདྨ་ཊཱ་ཀི་ནཱི་གནོད་བྱེད་ཟ་འདྲེ་ཤི་གཤེད་མ་ཧཱ་མཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཀི་ནི་རི་ཏི་ལ་ཁཱ་ཧི། ཕཊ་ཕཊ་ཕཊཿ བྱང་ལས་ཀྱི་མཁའ་འགྲོ་ཞལ་ཕྱེས་ཤིག །གདོན་ཕྲག་དོག་བསྒྲལ་བའི་ཕུང་པོ་འདི། །མ་ལས་ཀྱི་མཁའ་འགྲོའི་ཞལ་དུ་བསྟབ། །གཟུགས་ཤ་ཁྲག་རུས་པའི་མཆོད་པ་བཞེས། །སེམས་སྐྱེ་མེད་ཆོས་ཀྱི་དབྱིངས་སུ་དྲོངས། །བྱ་གྲུབ་ཡེ་ཤེས་དངོས་གྲུབ་སྩོལ། །ས་ཀརྨ་ཊཱ་ཀི་ནཱི་གནོད་བྱེད་ཟ་འདྲེ་ཤི་གཤེད་མ་ཧཱ་ཡཱཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཀིཾ་ནི་རི་ཏི་ལ་ཁཱ་ཧི། ཕཊ་ཕཊ་ཕཊཿ དེ་ནས་ཟན་ལིང་ཅུང་ཟད་གཅིག་དམར་གཏོར་ནང་དུ་བཞག། །གཞན་ལིངྒ་བྱང་བུ་ཐམས་ཅད་བྲུབ་ཁུང་དུ་བླུགས། ཕཊཿ ཟ་འདྲེ་ཤི་གཤེད་ཐམས་ཅད་ལྕགས་ཁང་འབར་བའི་ནང་དུ་ཚུད། གནམ་ལྕགས་ཀྱི་འཁོར་ལོ་རྩིབས་བརྒྱད་པས་ཁ་བཅད་མི་ལྤགས་ཀྱི་གཡང་གཞི་འབར་བས་བཀབ་མུན་པ་ནག་པོ་

[Full Size]

དགུ་རིམ་གྱིས་གཡོགས་པར་གྱུར། སླ་ང་དེས་འགེབ་སྟངས་རེ་དང་ཕཊ་རེ་སྤྱད་ལ། ཕཊ་ཕཊ་ཕཊཿ ཕཊ་ཕཊ་ཕཊཿ ཕཊ་ཕཊ་ཕཊཿ ཧོམ་ཁུང་སྟེང་དུ་ཕུར་པ་བཙུགས། དེའི་སྟེང་དུ་མདའ་གསུམ་ཨོ་བྱས་པའི་སྟེང་དུ་ཡི་དམ་གྱི་དམར་གཏོར་གཅིག་བཞག །རྒྱུན་དུ་བཞག་མི་བདེ་ན་ནུབ་མོ་བླང་ལ་གཏོར་སྒམ་ནང་དུ་བཞག་ནས་ཉིན་མོ་ཨོ་ཁ་ན་བཞག་ཆོག །ཕཊཿ བྲུབ་ཁུང་སྟེང་དུ་མ་གཅིག་ཁྲོས་མ་ནག་མོ་འཇིགས་སུ་རུང་བ་གཅིག་གིས་སྐུ་སྨད་གནམ་ལྕགས་ཀྱི་ཕུར་པས་ཟ་འདྲེ་གཟིར་བའི་ལས་བྱེད་པར་གྱུར། ཞེས་ཕུར་པ་གཏོར་མ་གཉིས་ཀ་དབྱེར་མེད་དུ་བསྒོམ་མོ། །ཡང་ན་ཕུར་པ་ཁྲོས་མའི་གཏོར་མ་ཡི་དམ་བཞིན་དུ་བསྒོམ་ཡང་རུང་། དེ་ལྟར་ནུབ་དང་པོ་ལ་དེ་ལྟར་བྱས་ནས། རྒྱུན་དུ་དགོང་ཁའམ་ནུབ་མོ་དེ་ལྟར་འདུལ་གཞུང་ཚར་རེ་འདོན་དགོས་ཀྱང་ཤོག་ལིང་དང་ཤིང་བྱང་རྣམས་ཧོམ་ཁུང་ནང་ནས་མི་ལེན་རྒྱུན་དུ་ཟན་ལིང་རེ་སྒྲོ་བར་བཅུག་ནས་རྡེབ་པ་སོགས་བྱེད། གླུ་མ་གྲུ་བརྟག་མི་དགོས། སླ་ང་ནང་དུ་ཡང་ཟན་ལིང་གཅིག་བཞག་ནས་བསྒྲལ་ལ། དེ་ནུབ་དམར་གཏོར་ནང་དུ་བཞག་ལ་འབུལ། སྒྲོ་བ་ནང་གི་ཟན་ལིང་ཕྱེ་མོ་སླ་ངར་བྱོས་ལ་ཧོམ་ཁུང་དུ་བླུགས་ལ་ཁ་བཅད་དོ། །ཐུན་དྲུག་ཏྟེན་ཐོ་རངས་སྟག་སྐྱ་བོ་ཁ་གདངས་དུས། ཉི་དྲོས་རུས་སྦལ་རྒྱ་བོ་དང་ཁ་བསྐྱེད་དུས། ཉིན་གུང་སྲིན་མོ་ལྟོ་ལ་འཁོར་དུས། དགོང་མོ་རི་བོས་གསེར་ཞུ་གྱོན་དུས། སྲོད་ལ་དམག་ཆེན་ཁྲོམ་ཚོགས་བྱེད་དུས། ནམ་ཕྱེད་མཁའ་འགྲོ་མས་

[Full Size]

ལས་བྱེད་དུས་དང་འདི་དྲུག་གདོན་འདུལ་དུས་ཡིན་པས་དེ་དུས་དུར་གཅོད་དམིགས་པ་འདི་རྣམས་གང་རུང་རེ་རེ་ལན་བདུན་བདུན་ཙམ་བཟུང་ངོ་། །ཕཊཿ བྲུབ་ཁུང་ནང་དུ་གནམ་ལྕགས་ཀྱི་འཁོར་ལོ་རྩིབས་སྟོང་རྣོ་ངར་དང་ལྡན་པ་གཡོན་དུ་དྲག་ཏུ་འཁོར་བས་ཟ་འདྲེ་ཤི་གཤེད་ཐམས་ཅད་དམར་མྱ་ལ་ལ་གཏུབ་པར་གྱུར། ཕཊཿ རང་གི་རིག་པ་ཁྲོས་མར་གྱུར་པས་བེམ་ཤུན་སྟེང་དུ་ཤ་ཁྲག་སྤུངས་པས་གནོད་བྱེད་ཟ་འདྲེ་རྣམས་ཀྱིས་ཟོས་ཤིང་འཐུང་བས་ལན་ཆགས་བྱང་། གཡང་གཞི་རྩ་བཞི་ནས་བསྡུས་ནམ་མཁར་ཕྱར་ནས་ལྕགས་སྲེག་གི་ས་གཞི་ལ་བརྒྱབས་པས་གཞོབ་ཐུལ་གྱིས་སོང་བར་བསྒོམ། ཡང་ཁྲོ་ཆུའི་ཕ་བོང་ལ་དེ་ལྟར་བརྡབས་པས་སྐད་ངན་ཙེ་རེ་རེ་ཁས་བླངས་དམ་བཅས་སྲོག་གི་སྙིང་པོ་ཕུལ་བར་བསམ། ཕཊཿཕཊཿ རང་ཉིད་ཁྲོས་མས་ཕྱག་གཡས་གནམ་ལྕགས་ཀྱི་རྡོ་རྗེ་ཐོག་དམར་འཕྲོ་བ་ཕྱར་བས་གནོད་བྱེད་ཟ་འདྲེ་ལ་བརྒྱབ། གཡོན་གནམ་ལྕགས་ཀྱི་འཁོར་ལོ་རྩིབས་བརྒྱད་པ་ཇོ་འཁོར་ལྟར་ཟ་འདྲེ་ཤི་གཤེད་ཀྱི་སྟེང་དུ་འཁོར་བས་གནོད་བྱེད་ཐམས་ཅད་ཤ་དུམ་ཁྲག་ཐིགས་ཙམ་དུ་གཏུབས་པ་ཁྲོས་མ་གྲངས་མེད་པས་གསོལ་བར་བསྒོམ། ཕཊཿ རང་ཉིད་ཁྲོས་མ་དམར་མོ་སྤྱི་གཙུག་ཏུ་སྟག་ཞལ་ངུར་སྒྲ་སྒྲོགས་པའི་ཐུགས་ཀ་ནས་མཁའ་འགྲོ་མ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོགས་པ་གྲངས་མེད་པ་འཕྲོས། ཟ་འདྲེ་ཤི་སྲི་ཐམས་ཅད་རང་དབང་མེད་པར་བཀུག་ནས་ཧོམ་ཁུང་དུ་བཅུག །ཕོ་རྣམས་ཁ་སྦུབ་མོ་རྣམས་གན་རྐྱལ་འགྱེལ་བའི་སྙིང་ནང་དུ། གནམ་ལྕགས་ཀྱི་

[Full Size]

འཁོར་ལོ་རྩིབས་བརྒྱད་གཡོན་དུ་དྲག་ཏུ་འཁོར་བས་ཤ་ཁྲག་དམར་ཉི་ལི་ལི་གཏུབ་པར་གྱུར། ཕཊ། རང་ཉིད་ཁྲོས་མའི་ཐུགས་ཀ་ནས་ཁྲོས་མ་ཤར་དུ་དཀར་མོ་ལྕགས་ཀྱུ་ཐོགས་པ་འབུམ། ལྷོ་རུ་སེར་མོ་གྲི་གུག་ཐོགས་པ་འབུམ། ནུབ་ཏུ་དམར་མོ་སོག་ལེ་ཅན་འབུམ། བྱང་དུ་ལྗང་མོ་སྟག་གདོང་གྲི་གུག་ཅན་འབུམ། མཚམས་བཞིར་མཁའ་འགྲོ་མ་སྣ་ཚོགས་དང་སྟེང་ན་ནག་མོ་གསེར་གྱི་རྡོ་རྗེ་ལས་ཐོག་སེར་འབེབས་པ། འོག་ཏུ་སྔོན་མོ་དྲེད་གདོང་སྤྱན་གཅིག་རླུང་གི་འཁོར་ལོ་འཛིན་པ་ཐམས་ཅད་ཀྱང་རུས་རྒྱན་ཅན་འབུམ་ཕྲག་འབུམ་ཕྲག་འཕྲོས་ནས་གནོད་བྱེད་དུར་སྲི་ཤི་སྲི་ཐམས་ཅད་རང་དབང་མེད་པར་བཀུག་ནས་ལིངྒ་ལ་བསྟིམ་མོ། །ཕཊཿ བདག་དང་བསྲུང་བྱའི་རིག་པ་ཨ་དམར་པོ་དེ་སྤྱི་བོར་ཕ་དམ་པའི་ཐུགས་ཀར་བསྲེས། རང་དང་བསྲུང་བྱའི་བེམ་པོ་ལུས་གདོན་དང་བཅས་པ་དེ་ལྕགས་ཁང་ནང་དུ་འཕངས་པས་ཁྲག་གི་རྒྱ་མཚོ་རུལ་ལ་བཙོག་པར་གྱུར་ནས་གནོད་བྱེད་ཤི་སྲི་ཐམས་ཅད་སུབ་ཅིང་འཚུབས་ནས་སྐད་ངན་རྩེ་རེ་རེ་ཁས་བླངས་པར་བསམ། ཚར་ཚད་བྱུང་ན་དཀར་གསུམ་བདུད་རྩིའི་རྒྱ་མཚོར་གྱུར་ནས་ལོངས་སྤྱོད་བདེ་སྐྱིད་དང་ལྡན་པར་བསྒོམ། ཕཊཿ བདག་ཡུམ་ཆེན་མོས་གཡང་གཞི་བརྡབས་པས་ཟ་འདྲེ་ཐམས་ཅད་འདུས། གཡང་གཞིའི་སྟེང་དུ་ཤ་ཁྲག་སྟོན་མོར་བྱིན་ནས་བདག་ཡུམ་ཆེན་གྱི་གཟི་བརྗིད་དེ་མ་བཟོད་ནས་རང་དབང་མེད་པར་ཆོས་ལ་ཚུད་པར་བསམས་ལ་ཆོས་བཤད། སྡིག་པ་ཅི་ཡང་མི་བྱ་ཞིང་། །ཞེས་སོགས་བརྗོད། ཕཊཿ

[Full Size]

རང་ཉིད་དམ་པ་མཐིང་ནག་སྤྱན་གསུམ་མཆེ་བ་བཞི་གཙིགས་པ། དུར་ཁྲོད་ཀྱི་ཆས་བརྒྱད་གསོལ་བ། ཕྱག་གཡས་ཌཱ་མ་རུ་འཁྲོལ་ཞིང་གཡོན་རྐང་གླིང་འབུད་པའི་དབུ་ཐད་ཀྱི་ནམ་མཁར་བམ་རོ་གསལ་རྙིང་གི་ཁྲི་ལ་རྗེ་བཙུན་མ་དམར་མོ་གཞུང་ལྟ་བུ་ལ་གྲུ་མོ་གཡོན་དུ་ཟངས་ཀྱི་ཞགས་པ་བཀོན་པ། གཡས་སུ་དུར་ཁྲོད་མཁའ་འགྲོ་ནག་མོ་ལྕགས་ཀྱུ་ཐོད་ཁྲག་བསྣམས་པ། གཡོན་དུ་ལས་ཀྱི་མཁའ་འགྲོ་ལྗང་གུ་རལ་གྲི་ཐོད་ཁྲག་བསྣམས་པ་དེ་གསུམ་མཁའ་འགྲོ་མ་དཔག་ཏུ་མེད་པས་བསྐོར་བར་བསམ། ཕཊ། བརྗོད་པས་འོད་ཟེར་ལྕགས་ཀྱུ་ལྟར་འཕྲོས་པས་གྲི་སྲིའམ་ཤི་སྲི་ཐམས་ཅད་སྙིང་དཀར་ནག་མཚམས་སུ་འོད་ཟེར་གྱི་ལྕགས་ཀྱུས་བཀུག་ནས་ཁ་བ་བུ་ཡུག་རླུང་གིས་དེད་པ་བཞིན་ཚུབ་ཉི་ལི་ལི་བྱུང་ནས་འཁོད་པ་ལ། ཕྱི་ནས་རང་འདྲ་བའི་དམ་པ་གྲངས་མེད་པས་ཧབ་སྒྲ་ཕཊཿསྒྲ་དི་རི་རི་བསྐོར་ནས་ཡོད་པ་ལ། སྙིང་རྗེ་ཚད་མེད་པས་ཤ་ཁྲག་གི་སྦྱིན་པ་བཏང་ངོ་། །དེ་ནས་རང་གི་ཐུགས་ཀ་ནས་ཧཱུྃ་མཐིང་ནག་གྲངས་མེད་པ་འཕྲོས་ནས་གནམ་ས་བར་སྣང་ས་རྡོ་རི་བྲག་ཐམས་ཅད་ལ་ཕོག་པས། ཐམས་ཅད་མཁའ་འགྲོ་མ་དམར་མོ་ལྕགས་ཀྱུ་དང་བྷནྡྲ་འཛིན་པར་

[Full Size]

གྱུར་ནས། སྟོང་གསུམ་འཇིག་རྟེན་ཁམས་ཀྱི་ཚེ་བསོད་བཀྲག་མདངས་གཟི་བརྗིད་ཐམས་ཅད་དང་འབྱུང་བའི་བཅུད་ཐམས་ཅད་བསྡུས་ནས་ཐོད་པའི་ཞལ་བུར་ལྟེམ་གྱིས་གང་། མཁའ་འགྲོ་མ་ཐམས་ཅད་གཅིག་ལ་གཅིག་ཐིམ་ནས་མཐར་རང་ལ་བསྟིམས་པས་བཀྲག་མདངས་གཟི་བརྗིད་རྒྱས་པར་བསྒོམ། ཕཊཿ རང་ཉིད་རྗེ་བཙུན་མ་དམར་མོའི་ཕྱག་གཡས་ཐུགས་རྗེའི་ལྕགས་ཀྱུ་བསྣམས་པའི་རྩེ་ལས་འོད་ཟེར་འཕྲོས། འཇིག་རྟེན་ཁམས་ཀྱི་ལྷ་འདྲེ་མི་གསུམ་འགྲོ་བ་ཕོ་མོ་དང་གཉན་སའི་ལྷ་འདྲེ་དང་ཁྱད་པར་དུ་ཤི་སྲི་དུར་སྲི་གནོད་བྱེད་ཐམས་ཅད་ཀྱི་ཚེ་བསོད་ནམས་བཀྲག་གཟི་བརྗིད་ཐམས་ཅད་བསྡུས་ནས་རང་ལ་ཐིམ། ཕྱག་གཡོན་ཐོད་པ་ལྕང་ལོ་ཅན་དཔྲལ་བ་རང་ལ་བསྟན་པའི་ནང་དུ་འོད་ཀྱི་ཐིག་ལེ་དཀར་དམར་མཐིང་གསུམ་གྱིས་བཀང་བ་ལས་འོད་ཟེར་གྱིས་སྐྱེ་འགྲོ་རིགས་དྲུག་ཐམས་ཅད་ཀྱི་བཅུད་བསྡུས་ནས་བདག་ལ་དངོས་གྲུབ་ཏུ་གནང་ནས་བདག་གིས་དངོས་གྲུབ་ཐོབ། རང་གི་གནས་ཁང་དེ་རིན་པོ་ཆེ་འབར་བ་གྱེན་དུ་ལངས་པ་འདྲ་བའི་ནང་དུ་འདོད་དགུ་ལོངས་སྤྱོད་ཟས་གོས་ནོར་གསུམ་ཆར་ལྟར་བབ་ནས་དངོས་གྲུབ་ཐམས་ཅད་ཐོབ་

[Full Size]

པར་བསྒོམ། ཕཊ། དམིགས་པ་འདི་གཉིས་བྱས་ན་དུར་གཅོད་ཅི་བྱས་ཀྱང་གཅོད་པ་མི་དབུལ་ཞིང་ལོངས་སྤྱོད་འཕེལ་བའི་མན་ངག་གོ །དེ་ནས་ཚེ་འདས་ཟ་འདྲེ་དང་ཕྲལ་ནས་ལམ་སྟོན་དགོས་ཏེ། དེ་ཡང་ལས་ཀྱི་དབང་གིས་ཟ་འདྲེ་དང་ཚེ་འདས་གཉིས་འབྲལ་མེད་དུ་ཡོད་པས་ཕྱེ་ཐབས་ནི། གཞི་དཀར་པོ་གཅིག་གི་སྟེང་དུ་རྡུལ་ཚོན་ནམ་རྩམ་པས་མཆོད་རྟེན་བང་རིམ་བཞི། བུམ་པ་ཏོག་དང་བཅས་པ་བྲི། སྨྱུག་རྒོད་དམ་མདའ་འམ་ཤིང་གཙང་མ་ལ་ཆེ་འདས་ཀྱི་མིང་བྱང་གཟུགས་གྲོ་ཤོག་ལ་བྲིའམ། དེ་མི་བདེ་ན་ཤིང་བྱང་ནི་ཡིག་འདྲ་ཡིན་ཟེར་བ་མཁས་གྲུབ་ཐམས་ཅད་ཀྱིས་གསུང་ལས་བྱུང་། ཧཱུྃ་ཡིག་མིང་དང་བཅས་པ་བྲིས་ལ་བཏགས། ཡོད་ན་མེ་ལོང་དར་པན་ཚེ་འདས་ཀྱི་ལུས་ལ་འབྱར་བའི་ཕྲེང་བ་ལྟ་བུའི་སེར་དུམ་གཅིག་ཀྱང་བཏགས། ཕྱེ་མར་ཇ་ཆང་སོགས་འདོད་ཡོན་དང་། བླ་གླུད་ངར་མི་ཆངས་བུས་བསྐོར་བའམ། ལྕོག་རྡོག་ངར་མི་ཆངས་བུས་བསྐོར་བའམ། ལྕོག་རྡོག་ཆངས་བུ་ཏིང་ལོ་གང་རུང་ཡང་སྣོད་གཅིག་ཏུ་བཤམས། ཟན་ནམ་སའམ་ཡུངས་ལ་པདྨ་འདབ་བརྒྱད་བྱས་པ་ལ་མིང་བྱང་བཙུགས་ནས་མཆོད་རྟེན་གདན་ཁྲིའི་འོག་དེར་བཞག་ལ། ཕཊ་རང་ཉིད་ཁྲོས་མ་དམར་ནག་ཕག་རྒོད་ཀྱི་དབུ་ཅན་ཕྱག་གཡས་གནམ་ལྕགས་ཀྱི་ཐོག་རྒོད་རྩེ་དགུ་མེ་འབར་བ་ཕྱར་ཞིང་། ཕྱག་གཡོན་ཐོད་ཁྲག་འཛིན་པ་རྫུ་འཕྲུལ་དྲག་རྩལ་དང་ལྡན་པའི་འོད་ཟེར་གྱིས་ཟ་འདྲེ་ཤི་གཤེད་ཐམས་ཅད་བཀུག་ནས་ལྕགས་ཁང་གི་ལིངྒ་ལ་ཐིམ་པས་ཁྲོས་མ་འབུམ་གྱིས་བསྐོར་ནས་བྲོས་དབང་མེད་

[Full Size]

པར་གྱུར། ཕཊཿ ཕྱག་གཡས་གནམ་ལྕགས་ཀྱི་ཐོག་ཆེན་འཕངས་བས་ཟ་འདྲེ་གཤིན་ལྕགས་ཐམས་ཅད་ཐལ་བ་བུན་ནེ་སོང་བར་གྱུར། ཕཊཿ རང་ལུས་འདི་གསེར་གྱི་མཆོད་རྟེན་བང་རིམ་བཞི་པ་འགྲོ་བ་རིགས་དྲུག་གི་གནས་དང་ཐ་དད་མེད་པའི་བུམ་པར་ཨ་ཡིག་དཀར་པོ་ཡོངས་སུ་གྱུར་པ་ལས་རང་ཉིད་ཁྲོས་མ་སྐུ་མདོག་དཀར་མོ་ཞི་ཞིང་བཞད་པ། ཕྱག་གཡས་ཡེ་སྒོ་ཤེས་ཀྱི་བུམ་པས་ཚེ་འདས་ཀྱི་ལས་སྒྲིབ་འཁྱུད་པ། ཕྱག་གཡོན་བྱམས་པའི་ལྕགས་ཀྱུས་ཚེ་འདས་འདྲེན་པ། འཁོར་མཁའ་འགྲོ་མ་སྡེ་བཞི་ཡང་རང་དང་མཚུངས་པའོ། །རང་གི་དཔྲལ་བར་རྣམ་སྣང་ཡབ་ཡུམ། མགྲིན་པར་སྣང་བ་མཐའ་ཡས་ཡབ་ཡུམ། ཐུགས་ཀར་རྡོ་རྗེ་སེམས་དཔའ་ཡབ་ཡུམ། ལྟེ་བར་རིན་ཆེན་འབྱུང་ལྡན་ཡབ་ཡུམ། གསང་བར་དོན་ཡོད་གྲུབ་པ་ཡབ་ཡུམ། དབུ་རྒྱན་དུ་མི་བསྐྱོད་པ་ཡབ་ཡུམ་རྣམས་རྒྱན་ཆ་ལུགས་དང་ལྡན་པ། ཐུགས་ཀའི་ས་བོན་ཨོཾ་ཨཱཿཧཱུྃ་སྭཱ་ཧཱ་ཨ་ཧ་རི་ནི་ས་རྣམས་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས་གཉིས་སུ་མེད་པར་ཐིམ་པར་གྱུར། ཨརྒྷཾ་སོགས། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་བཞིན་དུ་སོ་སོར་

[Full Size]

གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེགས་ལ་ཕྱག་འཚལ་ལོ། །ཕཊཿ ཟ་འདྲེ་ཤི་གཤེད་ཐམས་ཅད་མཆོད་རྟེན་གྱི་ཞབས་སུ་ཚུད་ནས་མགུལ་དབང་མེད་པར་གྱུར། ཕཊཿ བསྲུང་བྱ་ཐམས་ཅད་མཆོད་རྟེན་གྱི་བུམ་པར་ཚུད་ནས་མཁའ་འགྲོ་སྡེ་བཞིས་སྲུང་སྐྱོབ་མཛད་པར་གྱུར། ཕཊཿ རང་གི་ཕྱག་གཡོན་བྱམས་པའི་ལྕགས་ཀྱུ་ལས་ཐུགས་རྗེའི་འོད་ཟེར་ལྕགས་ཀྱུ་ལྟ་བུས་ཚེ་འདས་རིགས་དྲུག་བར་མ་དོ་གང་ན་ཡོད་ཀྱང་མདུན་དུ་བཀུག་པར་གྱུར། ཀྱེ་མ་ཉོན་ཅིག་ཚེ་འདས་རིགས་ཀྱི་བུ། །ང་ནི་ཡེ་ཤེས་མཁའ་འགྲོ་ཡིན། །ང་ནི་ཆོས་སྐུ་ཡུམ་ཆེན་ཡིན། །དུས་གསུམ་སངས་རྒྱས་ང་ལས་བྱུང་། །རིགས་ལྔའི་སངས་རྒྱས་སྐུ་ལ་རྫོགས། །མཁའ་འགྲོ་སྡེ་བཞི་འཁོར་གྱིས་བསྐོར། །ཕ་རོལ་ཕྱིན་དྲུག་དོན་དང་ལྡན། །ཡེ་ཤེས་ལྔ་ཡི་འོད་ཟེར་འཕྲོས། །རིགས་དྲུག་འདྲེན་པའི་སངས་རྒྱས་ཡིན། །ཐར་པའི་ལམ་སྟོན་སློབ་དཔོན་ཡིན། །སངས་རྒྱས་རྣམས་ཀྱི་ཕྲིན་ལས་ཡིན། །བྱང་ཆུབ་སེམས་དཔའི་ཕོ་ཉ་ཡིན། །ང་ནི་ཁྱོད་ཀྱི་སུན་མ་ཡིན། །དཀོན་མཆོག་གསུམ་གྱི་བདེན་པ་དང་། །སྔགས་དང་ཏིང་འཛིན་བྱིན་རླབས་ཀྱིས། །ཚེ་འདས་གནས་འདིར་མྱུར་དུ་ཤོག །བདེན་པའི་

[Full Size]

ངག་ལ་ཁྱོད་ཀྱང་ཉོན། །གཤེད་དང་བྲལ་བའི་དུས་ལ་བབ། །གསོན་གཤིན་ཕྲལ་བའི་དུས་ལ་བབ། །བླ་ཁྱེར་བསླུ་བའི་དུས་ལ་བབ། །བླ་གླུད་བཏང་བའི་དུས་ལ་བབ། །བླ་ཡིད་བཀྲོལ་བའི་དུས་ལ་བབ། །གསོན་གཤིན་འཇལ་བའི་དུས་ལ་བབ། །གཤིན་ཟས་གཏད་པའི་དུས་ལ་བབ། །སྒྲིབ་པ་སྦྱོང་བའི་དུས་ལ་བབ། །ཐར་ལམ་བསྟན་པའི་དུས་ལ་བབ། །དུས་ལ་བབ་པོ་ཚེ་འདས་ཁྱོད། །འབོད་པའི་གནས་འདིར་མྱུར་དུ་ཤོག །ཨ་ཧ་རི་ནི་ས། ཀྲྀ་བཛྲ་ཨཾ་ཀུ་ཤ་ཛ་ཛཿ ལྕགས་ཀྱུས་ཕྱག་རྒྱ་དང་། ཕཊ་ཕཊ་ཕཊཿ ཅེས་བརྗོད། ཀྱེ་མ་ཚེ་འདས་ཀྱི་རིགས་ཀྱི་བུ། །ཐུགས་རྗེའི་ལྕགས་ཀྱུ་འདི་ལ་འཇུས། །ཤེས་རབ་སྒྲོན་མེ་འདི་ལ་ལྟོས། །གཟུགས་བརྙན་འདི་ནི་སྐུ་ཡི་རྟེན། །མིང་བྱང་འདི་ནི་གསུང་གི་རྟེན། །མེ་ལོང་འདི་ནི་ཐུགས་ཀྱི་རྟེན། །དར་པན་འདི་ནི་ལུས་ཀྱི་རྟེན། །མདའ་སྨྱུག་འདི་ནི་འཇུ་བའི་ཤིང་། །གདུགས་ཆུང་འདི་ནི་གཞལ་ཡས་ཁང་། །གདན་དཀར་པདྨ་སྡོད་པའི་གདན། །ཉེ་དུ་འདི་ནི་སྔར་གྱི་གཤིས། །དྲི་མ་འདི་ནི་གོས་ཀྱི་རྟེན། །ཚེ་འདས་རྒྱལ་བའི་སྲས་པོ་ཁྱོད། །སྐྱེ་ཤི་མཚམས་སུ་དབུ་ཡར་

[Full Size]

ཁྱོགས། །ཡོད་མེད་མཚམས་ནས་ཞལ་ཚུར་སྟོན། །སྣང་སྲིད་མཚམས་ནས་སྙན་ཚུར་གསོན། །ཀྱེ་མ་སེམས་ཅན་སྙིང་རེ་རྗེ། །འཁོར་བའི་གནས་སུ་ཡུན་རེ་རིང་། །ལས་ཀྱི་རྒྱ་མཚོ་གཏིང་རེ་ཟབ། །སྲིད་པའི་འཁོར་ལོ་དབང་རེ་ཆེ། །ལོག་པའི་རྣམ་ཤེས་ཁས་རེ་དྲག །འཁྲུལ་པའི་བག་ཆགས་སྤང་རེ་དཀའ། །དམྱལ་བའི་སྡུག་བསྔལ་ཡ་རེ་ང་། །ལུས་བརྗེས་བར་དོ་ཉོན་རེ་མོངས། །ཀྱེ་མ་ཚེ་འདས་རིགས་ཀྱི་བུ། །འཁོར་བའི་གནས་སུ་ཡུན་རིང་ལ། །ཐུགས་རྗེའི་ལྕགས་ཀྱུ་དྲན་པར་གྱིས། །ལས་ཀྱི་རྒྱ་མཚོ་གཏིང་ཟབ་ལ། །བརྩོན་འགྲུས་གྲུ་གཟིངས་དྲན་པར་གྱིས། །སྲིད་པའི་འཁོར་ལོ་དབང་ཆེན་ལ། །རྟེན་འབྲེལ་སྒྱུ་མ་དྲན་པར་གྱིས། །ལོག་པའི་རྣམ་ཤེས་ཁས་དྲག་ལ། །བཀའ་དང་དམ་ཚིག་དྲན་པར་གྱིས། །འཁྲུལ་པའི་བག་ཆགས་སྤང་དཀའ་ལ། །ཆོས་ཉིད་བདེན་པ་དྲན་པར་གྱིས། །དམྱལ་བའི་སྡུག་བསྔལ་མི་བཟོད་ལ། །ཚད་མེད་གོ་ཆ་དྲན་པར་གྱིས། །རྒྱུ་དྲུག་གནས་སུ་འཁོར་བ་ལ། །ཕ་རོལ་ཕྱིན་དྲུག་དྲན་པར་གྱིས། །མི་དགེ་བཅུ་པོ་སྡིག་བྱས་ལ། །དགེ་བ་བཅུ་པོ་དྲན་པར་གྱིས། །ལུས་རྗེས་ཕུང་པོ་

[Full Size]

ཉོན་མོངས་ལ། །ལྷ་ལུས་བདེ་བ་དྲན་པར་གྱིས། །ཡུམ་ཆེན་རྒྱལ་བའི་དཀྱིལ་འཁོར་ལ། །དད་པའི་སེམས་ཀྱིས་ཕྱག་འཚོལ་ཞིག །གུས་པའི་ཡིད་ཀྱིས་སྐྱབས་གསོལ་ཞིག །ཨ་ཧ་རི་ནི་ས་རྣོ་ས་མ་ཡ་ཏིཥྛ་ལྷན། ཕཊ་ཕཊ་ཕཊཿ ཅེས་མིང་བྱང་ལ་བསྟིམས་ལ་ཚེ་འདས་དངོས་སུ་བསམ། ཕཊཿ རིན་པོ་ཆེའི་སྣོད་ཀྱི་ནང་དུ་གླུད་ཀྱི་གཏོར་མ་ལ། འདོད་པའི་ཡོན་ཏན་ལྔ་དང་ལྡན་པར་གྱུར་པ་འདི་ཚེ་ལས་འདས་པ་སྒོ་མོ་ཞེས་བགྱི་བ་ལ་ཚེ་རབས་དཔག་ཏུ་མེད་པ་ནས་ལན་ཆགས་པའི་ལན་ཆགས། ད་ལྟ་བླ་ཡིད་རྣམ་ཤེས་ལ་བདག་ཏུ་བཟུང་ནས་གཤིན་པོ་ཐར་པ་ཐོབ་ཏུ་མི་བཅུག་པ། ཚེ་འདས་ལ་བརྫུ་ཞིང་གསོན་པོ་བཀྲ་མི་ཤིས་པར་བྱེད་པའི་ལན་ཆགས་ཟ་འདྲེ་འབྱུང་པོ་རྣམས་ལ་བསྔོའོ། །སྦྱིན་ནོ། །ལན་ཆགས་བྱང་། བུ་ལོན་འཁོར་ཤ་འཁོན་དག་ནས་བྱང་ཆུབ་ཀྱི་སེམས་དང་ལྡན་པར་གྱུར་ཅིག །ཨོཾ་ཨ་ཀཱ་རོ་སོགས་བརྗོད། ཧཱུྃ། ང་ནི་ཡེ་ཤེས་ཁྲོས་མའི་སྐུ། །སྟོབས་ཆེན་བདུད་འདུལ་ཆེན་མོ་ཡིན། །ཉོན་ཅིག་བགེགས་དང་འབྱུང་པོའི་ཚོགས། །གཤིན་གྱི་བླ་གླད་འདི་ལོངས་ལ། །ཚེ་འདས་ཐར་པའི་གེགས་མ་བྱེད། །བཟུང་བ་ཐོངས་ལ་

[Full Size]

བཅིངས་བ་ཁྲོལ། །བསྡམ་པ་གློད་ལ་མནན་པ་ཁྱོག །བུ་ལོན་ལན་ཆགས་བྱང་གྱུར་ཅིག །ཧཱུྃ། ཤར་ཕྱོགས་དྲི་ཟའི་གདོན་ཚོགས་དང་། །ལྷོ་ཕྱོགས་གཤིན་རྗེའི་གདོན་ཚོགས་དང་། །ནུབ་ཕྱོགས་ཀླུ་ཡི་གདོན་ཚོགས་དང་། །བྱང་ཕྱོགས་གནོད་སྦྱིན་གདོན་ཚོགས་རྣམས། །གཤིན་གྱི་བླ་གླུད་འདི་ལོངས་ལ། །ཚེ་འདས་ཐར་པའི་གེགས་མ་བྱེད། །བཟུང་བ་ཐོངས་ལ་བཅིངས་བ་ཁྲོལ། །བསྡམ་པ་གློད་ལ་མནན་པ་ཁྱོག །བུ་ལོན་ལན་ཆགས་བྱང་གྱུར་ཅིག །ཧཱུྃ། ཤར་ལྷོ་མེ་ལྷའི་གདོན་ཚོགས་དང་། །ལྷོ་ནུབ་སྲིན་པོའི་གདོན་ཚོགས་དང་། ནུབ་བྱང་རླུང་ལྷའི་གདོན་ཚོགས་དང་། །བྱང་ཤར་དབང་ལྡན་གདོན་ཚོགས་རྣམས། །གཤིན་གྱི་བླ་གླུད་འདི་ལོངས་ལ། །ཚེ་འདས་ཐར་པའི་གེགས་མ་བྱེད། །བཟུང་བ་ཐོངས་ལ་བཅིངས་པ་ཁྲོལ། །བསྡམ་པ་གློད་ལ་མནན་པ་ཁྱོག །བུ་ལོན་ལན་ཆགས་བྱང་གྱུར་ཅིག །ཧཱུྃ། སྟེང་ཕྱོགས་ལྷ་ཡི་གདོན་ཚོགས་དང་། །འོག་ཕྱོགས་ས་བདག་གདོན་ཚོགས་དང་། །སྡེ་བརྒྱད་ཡུལ་ལྷ་མཐུ་ཆེན་དང་། །སྣང་སྲིད་ལྷ་འདྲེ་ཐམས་ཅད་ཀུན། །གཤིན་གྱི་བླ་གླུད་འདི་ལོངས་ལ། །ཚེ་འདས་ཐར་པའི་

[Full Size]

གེགས་མ་བྱེད། །བཟུང་བ་ཐོངས་ལ་བཅིངས་པ་ཁྲོལ། །བསྡམ་པ་གློད་ལ་མནན་པ་ཁྱོག །བུ་ལོན་ལན་ཆགས་བྱང་གྱུར་ཅིག །ཧཱུྃ། ང་ནི་ཁྲོ་ཆེན་འབར་བའི་སྐུ། །ཚེ་འདས་འདི་ཡི་བླ་ཁྱེར་ནས། །གཤིན་ལྕགས་བྱེད་པའི་འབྱུང་པོ་རྣམས། །བླ་གླུད་བཟང་པོ་འདི་ཁྱེར་ལ། །ཉི་མ་དེ་རིང་ཕྱིན་ཆད་ནས། །ཚེ་འདས་རིགས་ཀྱི་བུ་འདི་ལ། །མ་ཉེ་མ་གནོད་མ་འཁོར་ཅིག །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །བཀའ་དང་དམ་ལ་མ་འདའ་བར། །སོ་སོ་རང་རང་གནས་སུ་དེངས། །གལ་ཏེ་བཀའ་ལ་ཁྱོད་འདའ་ན། །ལས་ཀྱི་ཊཱ་ཀིས་སྙིང་ཁྲག་འཐུང་། །མནར་མེད་དམྱལ་བའི་སྡུག་བསྔལ་མྱོང་། །དེ་བས་མ་གནོད་གཞན་དུ་དེངས། །ཨོཾ་བཛྲ་བྷ་ར་ཧི་ཀྲོ་ཏི་ཀ་ལི་ཧ་རི་ནི་ས་གནོད་བྱེད་གཤིན་ལྕགས་བླ་ཁྱེར་ཐམས་ཅད་ཨུ་ཙ་ཏ་ཡ་ཕཊ་ཕཊ་ཕཊཿ ཅེས་རོལ་མོ་དང་བཅས་བླ་གླུད་ཕྱིར་དོར་རོ། །དེ་ནས་རིགས་དྲུག་གནས་འདྲེན་ནི། མཚན་བྱང་མཆོད་རྟེན་བང་རིམ་འོག་མའི་སྟེང་དུ་བཞག་ལ། ཧཱུྃ། བདག་ལུས་གསེར་གྱི་མཆོད་རྟེན་གྱི། །ཞབས་སུ་ཟ་འདྲེ་ཤི་གཤེད་མནན། །མཆོད་རྟེན་བང་རིམ་དང་པོ་ལ། །རླུང་གི་

[Full Size]

འཁོར་ལོ་རྩིབས་དགུའི་སྟེང་། །ཚེ་འདས་ཞེ་སྡང་ངོ་བོ་དེ། །དུཡིག་ནག་པོ་གཉིས་རེ་ལས། །ཚ་དམྱལ་གྲང་དམྱལ་བཅོ་བརྒྱད་ཆགས། །ཉོན་ཅིག་ཚེ་འདས་རིགས་ཀྱི་བུ། །ཞེ་སྡང་དྲག་པོའི་ལས་དབང་གིས། །དམྱལ་བའི་གནས་སུ་སྐྱེ་སྲིད་པས། །མ་གཅིག་ང་ཡི་དབུ་གཙུག་ན། །བཅོམ་ལྡན་མི་བསྐྱོད་སྐུ་མདོག་མཐིང་། །ས་གནོན་མཉམ་བཞག་སྐྱིལ་ཀྲུང་བཞུགས། །ཡུམ་ཆེན་མཱ་མ་ཀི་དང་འཁྲིལ། །ལོངས་སྤྱོད་རྫོགས་སྐུ་མཚན་དཔེ་རྫོགས། །ཚེ་འདས་རིགས་ཀྱི་བུ་ཁྱོད་ཀྱང་། །བཅོམ་ལྡན་དེ་ལ་ཕྱག་འཚལ་ཞིང་། །བཅོམ་ལྡན་དེ་ལ་སྐྱབས་ཞུས་ཤིག །བཅོམ་ལྡན་ཐུགས་རྗེའི་འོད་ཟེར་གྱིས། །ཞེ་སྡང་དམྱལ་བ་སྟོང་པར་སྦྱངས། །ཧཱུྃ་བཛྲ་དྷིཀྲ་ཨ་ཧ་རི་ནི་ས་ཚེ་འདས་ཞེ་སྡང་གི་ལས་སྒྲིབ་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཕཊ་ཕཊ་ཕཊཿ ཚེ་འདས་ཞེ་སྡང་སྒྲིབ་པ་དག །ཚ་གྲང་སྡུག་བསྔལ་རང་སར་ཞི། །བཟོད་པའི་ཕར་ཕྱིན་ཡོངས་སུ་རྫོགས། །རྣམ་ཤེས་ཕུང་པོ་ཆུ་ཁམས་དག །མི་བསྐྱོད་ཡབ་ཡུམ་སྐུ་ཐོབ་གྱུར། །མ་གཅིག་ཐུགས་རྗེའི་ལྕགས་ཀྱུ་ཡིས། །བང་རིམ་གཉིས་པའི་ཐོག་ཏུ་དྲོངས། །ཉི་མ་དེ་རིང་ཕྱིན་ཆད་

[Full Size]

ནས། །དམྱལ་བའི་སྐྱེ་སྒོ་ཆོད་པར་ཤོག །ཕཊ་ཕཊ་ཕཊཿ བང་རིམ་གཉིས་པར་བཞག་ལ། ཧཱུྃ། མཆོད་རྟེན་བང་རིམ་གཉིས་པ་ལ། །མེ་ཡི་འཁོར་ལོ་རྩིབས་གསུམ་སྟེང་། །ཚེ་འདས་སེར་སྣའི་ངོ་བོ་དེ། །པྲཡིག་གཉིས་རེ་ཡོངས་གྱུར་ལས། །ཡི་དྭགས་གྲོང་ཁྱེར་དཔག་མེད་གསལ། །ཉོན་ཅིག་ཚེ་འདས་རིགས་ཀྱི་བུ། །སེར་སྣ་དྲག་པོའི་ལས་དབང་གིས། །ཡི་དྭགས་གནས་སུ་སྐྱེ་སྲིད་པས། །ཡུམ་ཆེན་སྤྲུལ་པའི་འཁོར་ལོ་ན། །བཅོམ་ལྡན་རིན་འབྱུང་སྐུ་མདོག་སེར། །མཆོད་སྦྱིན་མཉམ་གཞག་སྐྱིལ་ཀྲུང་བཞུགས། །ཡུམ་ཆེན་སངས་རྒྱས་སྤྱན་མ་འཁྲིལ། །ལོངས་སྤྱོད་རྫོགས་པའི་མཚན་དཔེ་རྫོགས། །ཚེ་འདས་རིགས་ཀྱི་བུ་ཁྱོད་ཀྱང་། །བཅོམ་ལྡན་དེ་ལ་ཕྱག་འཚལ་ཞིང་། །བཅོམ་ལྡན་དེ་ལ་སྐྱབས་ཞུས་ཤིག །བཅོམ་ལྡན་ཐུགས་རྗེའི་འོད་ཟེར་གྱིས། །སེར་སྣ་ཡི་དྭགས་སྟོང་པར་སྦྱངས། །སཱ་རཏྣ་དྷིཀྲ་ཨ་ཧ་རི་ནི་ས་ཚེ་འདས་སེར་སྣའི་ལས་སྒྲིབ་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཕཊ་ཕཊ་ཕཊཿ ཚེ་འདས་སེར་སྣའི་སྒྲིབ་པ་དག །བཀྲེས་སྐོམ་སྡུག་བསྔལ་རང་སར་ཞི། །སྦྱིན་པའི་ཕར་ཕྱིན་ཡོངས་སུ་རྫོགས། །

[Full Size]

ཚོར་ཕུང་ས་ཁམས་རྣམ་པར་དག །རིན་འབྱུང་ཡབ་ཡུམ་སྐུ་ཐོབ་ཤོག །མ་གཅིག་ཐུགས་རྗེའི་ལྕགས་ཀྱུ་ཡིས། །བང་རིམ་གསུམ་པའི་སྟེང་དུ་དྲོངས། །ཉི་མ་དེ་རིང་ཕྱིན་ཆད་ནས། །ཡི་དྭགས་སྐྱེ་སྒོ་ཆོད་པར་ཤོག །ཕཊ་ཕཊ་ཕཊཿ བང་རིམ་གསུམ་པར་བཞག་ལ། ཧཱུྃ། མཆོད་རྟེན་བང་རིམ་གསུམ་པ་ལ། ཆུ་ཡི་འཁོར་ལོ་རྩིབས་གསུམ་ལ། །ཚེ་འདས་གཏི་མུག་ངོ་བོ་དེ། །ཏྲི་ཡིག་གཉིས་རེ་ཡོངས་གྱུར་ལ། །དུད་འགྲོའི་རིགས་ནི་དཔག་མེད་གསལ། །ཉོན་ཅིག་ཚེ་འདས་རིགས་ཀྱི་བུ། །གཏི་མུག་དྲག་པོའི་ལས་དབང་གིས། །དུད་འགྲོའི་གནས་སུ་སྐྱེ་སྲིད་པས། །ཡུམ་ཆེན་དཔྲལ་བའི་དབྱིངས་རུམ་ན། །བཅོམ་ལྡན་རྣམ་སྣང་སྐུ་མདོག་དཀར། །བྱང་ཆུབ་ཕྱག་རྒྱ་སྐྱིལ་ཀྲུང་བཞུགས། །ཡུམ་ཆེན་དབྱིངས་ཕྱུག་མ་དང་འཁྲིལ། །ལོངས་སྤྱོད་རྫོགས་པའི་མཚན་དཔེ་རྫོགས། །ཚེ་འདས་རིགས་ཀྱི་བུ་ཁྱོད་ཀྱང་། །བཅོམ་ལྡན་དེ་ལ་ཕྱག་འཚལ་ཞིང་། །བཅོམ་ལྡན་དེ་ལ་སྐྱབས་ཞུས་ཤིག །བཅོམ་ལྡན་ཐུགས་རྗེའི་འོད་ཟེར་གྱིས། །གཏི་མུག་བྱོལ་སོང་སྟོང་པར་སྦྱངས། །ཨོཾ་ཛི་ན་ཛིཀྲ་ཨ་ཧ་རི་ནི་ས་ཚེ་འདས་གཏི་མུག་ལས་སྒྲིབ་ཤུདྡྷེ་ཤུདྡྷེ་བི་

[Full Size]

ཤུདྡྷེ་སྭཱ་ཧཱ། ཕཊ་ཕཊ་ཕཊཿ ཚེ་འདས་གཏི་མུག་སྒྲིབ་པ་དག །གླེན་ལྐུགས་སྡུག་བསྔལ་རང་སར་ཞི། །ཤེས་རབ་ཕར་ཕྱིན་ཡོངས་སུ་རྫོགས། །གཟུགས་ཕུང་ནམ་མཁའ་རྣམ་པར་དག །རྣམ་སྣང་ཡབ་ཡུམ་སྐུ་ཐོབ་གྱུར། །མ་གཅིག་ཐུགས་རྗེའི་ལྕགས་ཀྱུ་ཡིས། །བང་རིམ་བཞི་པའི་སྟེང་དུ་དྲོངས། །ཉི་མ་དེ་རིང་ཕྱིན་ཆད་ནས། །དུད་འགྲོའི་སྐྱེ་སྒོ་ཆོད་པར་ཤོག །ཕཊ་ཕཊ་ཕཊཿ བང་རིམ་བཞི་པར་བཞག་ལ། ཧཱུྃ། མཆོད་རྟེན་བང་རིམ་བཞི་པ་ལ། །ས་ཡི་འཁོར་ལོ་རྩིབས་བཞིའི་སྟེང་། །ཚེ་འདས་འདོད་ཆགས་ངོ་བོ་དེ། །ནི་ཡིག་ལྗང་གུ་གཉིས་རེ་ལས། །གླིང་བཞི་མི་ཡི་འཇིག་རྟེན་གསལ། །ཉོན་ཅིག་ཚེ་འདས་རིགས་ཀྱི་བུ། །འདོད་ཆགས་དྲག་པོའི་ལས་དབང་། མི་ཡི་གནས་སུ་སྐྱེ་སྲིད་པས། །མ་གཅིག་ལོངས་སྤྱོད་འཁོར་ལོ་ན། །བཅོམ་ལྡན་སྣང་བ་མཐའ་ཡས་དམར། །མཉམ་གཞག་ཕྱག་རྒྱ་སྐྱིལ་ཀྲུང་བཞུགས། །ཡུམ་ཆེན་ན་བཟའ་དཀར་མོ་འཁྲིལ། །ལོངས་སྤྱོད་རྫོགས་པའི་མཚན་དཔེ་རྫོགས། །ཚེ་འདས་རིགས་ཀྱི་བུ་ཁྱོད་ཀྱང་། །བཅོམ་ལྡན་དེ་ལ་ཕྱག་འཚལ་ཞིང་། །བཅོམ་ལྡན་དེ་ལ་

[Full Size]

སྐྱབས་ཞུས་ཤིག །བཅོམ་ལྡན་ཐུགས་རྗེའི་འོད་ཟེར་གྱིས། །འདོད་ཆགས་གླིང་བཞི་སྟོང་པར་སྦྱངས། །ཨཾ་ཨཱ་རོ་ལིཀྲ་ཨ་ཧ་རི་ནི་ས་ཚེ་འདས་འདོད་ཆགས་ཀྱི་ལས་སྒྲིབ་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཕཊ་ཕཊ་ཕཊཿ དེ་ནས་གསུར་བྱ། ཕྱེ་མར་ཇ་ཆང་ཟས་སྣ་རྣམས་བྲན་ལ། ཕཊཿ སྟོང་པའི་ངང་ལས་རིན་པོ་ཆེའི་སྣོད་དུ་ཟས་གོས་བཟའ་བཏུང་ཕུན་སུམ་ཚོགས་པར་གྱུར། ན་མསརྦ་ཏ་ཐཱ་ག་ཏ་བྷོ་བི་ཤྭ་མུ་ཁེ་བྷ་སརྦ་ཐཱ་ཁཾ་ཨུཏྤ་ཏེ་སྤ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཀྱེ་མ་ཉོན་ཅིག་ཚེ་འདས་ལུས་བརྗེས་རིགས་ཀྱི་བུ། །སྔོན་ཚེ་རྒྱལ་སྲས་དྲི་མེད་གྲགས་པ་དེ། །གདན་མེད་ཐང་ལ་འཁྱམས་ཚེ་ལྷ་རྣམས་ཀྱིས། །རྫུ་འཕྲུལ་སེང་གེའི་ཁྲི་གདན་བཏིང་བ་ལྟར། །ལས་ཀྱི་འབྲེལ་བའི་ཉེ་དུ་བརྩེ་བ་ཡིས། །སྣམ་རས་ཕྱིང་དཀར་གཙང་མའི་གདན་བཟང་འདི། །ཚེ་འདས་ཁྱོད་ལ་གདན་གྱི་སྐལ་བར་བསྔོ། །ཚ་གྲང་སྡུག་བསྔལ་ཐམས་ཅད་རབ་ཞི་ནས། །བདེ་ལྡན་བྱང་ཆུབ་འབྲས་བུ་ཐོབ་པར་ཤོག །སྔོན་ཚེ་རྒྱལ་བུ་བདེ་ལྡན་མུན་པར་འཁྱམས། །སྤྱན་རས་གཟིགས་ཀྱི་ཡེ་ཤེས་སྒྲོན་མེ་ཡིས། །མ་རིག་མུན་པ་བསལ་བ་དེ་བཞིན་དུ། །ལས་ཀྱིས་འབྲེལ་བའི་ཉེ་དུ་

[Full Size]

བརྩེ་བ་ཡིས། །ཡེ་ཤེས་གསལ་བའི་སྒྲོན་མེ་འདི་བལྟམས་ནས། །ཚེ་འདས་ཁྱོད་ཀྱི་མུན་པ་སེལ་ཕྱིར་བསྔོ། །མ་རིག་མུན་པ་གཏན་ནས་སངས་གྱུར་ཏེ། །ཡེ་ཤེས་གསལ་བའི་འོད་ལ་བདེ་བར་ཤོག །སྔོན་ཚེ་མོའུ་འགའ་བུ་ཡིས་ཡུམ་ལ་ཟས། །བསྔོས་པས་ངན་སོང་གནས་ནས་ཐར་བ་ལྟར། །བརྩེ་ཞིང་བྱམས་པའི་ཉེ་འབྲེལ་འདི་དག་ཚུ་གིས། །ཞལ་ཟས་བཟའ་བཅའ་ཞིམ་མངར་སྣ་ཚོགས་འདི། །ཚེ་འདས་ཁྱོད་ལ་ཟས་ཀྱི་སྐལ་པར་བསྔོ། །ཟག་མེད་ཏིང་འཛིན་ཟས་ལ་སྤྱོད་པར་ཤོག །སྔོན་ཚེ་རྒྱལ་བུ་དགེ་མཐོང་ཚེ་ལས་འདས། །སྲིང་མོ་ལྷ་མོ་བདེ་ལྡན་ཞེས་བྱ་བས། །འབྲས་ཆང་དྭངས་པ་བདུད་རྩི་མངར་དང་ལྡན། །བསྔོས་པས་ཚ་གྲང་སྡུག་བསྔལ་ཞི་བ་ལྟར། །བརྩེ་གདུང་ཡིད་ལ་ཆགས་པའི་གཉེན་འདུན་གྱིས། །ཇ་ཆང་འོ་ཞོ་བཏུང་བ་སྣ་ཚོགས་ཀྱིས། །ཚེ་འདས་ཁྱོད་ལ་སྐོམ་གྱི་སྐལ་བར་བསྔོ། །ཚེ་འདས་སྐོམ་གྱི་སྡུག་བསྔལ་ཞི་གྱུར་ཅིག །བླ་མེད་བྱང་ཆུབ་བརླན་དང་འཕྲད་པར་ཤོག །སྔོན་ཚེ་བྲམ་ཟེའི་བུ་མོ་འཕགས་པའི་ཡུམ། །སེར་སྣའི་དབང་གིས་ཡི་དྭགས་ཡུལ་དུ་འཁྱམས། །བུ་མཆོག་སྤྱན་རས་གཟིགས་ཀྱི་

[Full Size]

ཐུགས་རྗེ་ཡིས། །བྱིན་གྱིས་བརླབས་པའི་ན་བཟའ་བྱིན་པ་ལྟར། །བརྩེ་གདུང་ཡིད་ལ་ཆགས་པའི་གཉེན་བཤེས་ཀྱིས། །ཚ་བའི་བསིལ་གཡབ་གྲང་བའི་སྐྱབས་གྱུར་པའི། །ཞྭ་གོས་སྣམ་ཕྱིང་བལ་དང་དར་རས་སོགས། །ཚེ་འདས་ཁྱོད་ལ་གོས་ཀྱི་སྐལ་བོར་བསྔོ། །ནམ་ཡང་ཚ་གྲང་སྡུག་བསྔལ་མི་འབྱུང་ཞིང་། །ཡུན་དུ་བདེ་སྐྱིད་ཕུན་སུམ་ཚོགས་པར་ཤོག །བདེ་གཤེགས་རིན་ཆེན་མང་དུ་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །དེ་བཞིན་གཤེགས་པ་ཁྱེད་རྣམས་བདེན་པའི་མཐུས། །ཚེ་འདས་འདོད་ཡོན་ལོངས་སྤྱོད་ཀུན་ཐོབ་ནས། །སྐྱེ་བ་གཏན་གྱི་ལོངས་སྤྱོད་འབྱུང་བར་ཤོག །ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏི་ཨོཾ་སཾ་བྷ་ར་སཾ་བྷ་ར་ཧཱུྃ། ཞེས་བསྔོས་པའི་ཟས་གོས་སྤྲང་པོ་དང་བྱ་ཁྱི་སོགས་ཉམ་ཐག་ལ་སྦྱིན་པ་བཏང་ངོ་། །ཧཱུྃ། ཚེ་འདས་འདོད་ཆགས་སྒྲིབ་པ་དག །བྲེལ་ཕོངས་སྡུག་བསྔལ་རང་སར་ཞི། །ཚུལ་ཁྲིམས་ཕར་ཕྱིན་ཡོངས་སུ་རྫོགས། །འདུ་ཤེས་མེ་ཁམས་རྣམ་པར་དག །སྣང་མཐའ་ཡབ་ཡུམ་སྐུ་ཐོབ་གྱུར། །མ་གཅིག་ཐུགས་རྗེའི་ལྕགས་ཀྱུ་ཡིས། །མཆོད་རྟེན་བུམ་པའི་ནང་དུ་དྲོངས། །ཉི་མ་དེ་

[Full Size]

རིང་ཕྱིན་ཆད་ནས། །བྲེལ་ཕོངས་སྐྱེ་སྒོ་ཆོད་པར་ཤོག །ཕཊ་ཕཊ་ཕཊཿ བུམ་པའི་སྟེང་སྨད་དུ་བཞག །ཧཱུྃ། བུམ་མཐིལ་གསེར་འཁོར་རྩིབས་བརྒྱད་ལ། །ཚེ་འདས་ཕྲག་དོག་ངོ་བོ་དེ། །སཿཡིག་གཉིས་རེ་ཡོངས་གྱུར་ལས། །ལྷ་མིན་འཐབ་རྩོད་གྲོང་ཁྱེར་གསལ། །ཉོན་ཅིག་ཚེ་འདས་རིགས་ཀྱི་བུ། །ཕྲག་དོག་དྲག་པོའི་ལས་དབང་གིས། །ལྷ་མིན་གནས་སུ་སྐྱེ་སྲིད་པས། །ཡུམ་ཆེན་བདེ་སྤྱོད་འཁོར་ལོ་ནས། །བཅོམ་ལྡན་དོན་ཡོད་གྲུབ་པ་ལྗང་། །མཆོག་སྦྱིན་མཉམ་བཞག་སྐྱིལ་ཀྲུང་བཞུགས། །ཡུམ་ཆེན་དམ་ཚིག་སྒྲོལ་མ་འཁྲིལ། །ལོངས་སྤྱོད་རྫོགས་པའི་མཚན་དཔེ་རྫོགས། །ཚེ་འདས་རིགས་ཀྱི་བུ་ཁྱོད་ཀྱང་། །བཅོམ་ལྡན་དེ་ལ་ཕྱག་འཚལ་ཞིང་། །བཅོམ་ལྡན་དེ་ལ་སྐྱབས་ཞུས་ཤིག །བཅོམ་ལྡན་ཐུགས་རྗེའི་འོད་ཟེར་གྱིས། །ཕྲག་དོག་ལྷ་མིན་སྟོང་པར་སྦྱངས། །ཧ་པྲཛྙཱ་དྷཱིཀྲ་ཨ་ཧ་རི་ནི་ས་ཚེ་འདས་ཕྲག་དོག་གི་ལས་སྒྲིབ་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཕཊ་ཕཊ་ཕཊཿ ཚེ་འདས་ཕྲག་དོག་སྒྲིབ་པ་དག །འཐབ་རྩོད་སྡུག་བསྔལ་རང་སར་ཞི། །བསམ་གཏན་ཕར་ཕྱིན་ཡོངས་སུ་རྫོགས། །འདུ་བྱེད་རླུང་ཁམས་རྣམ་པར་

[Full Size]

དག །དོན་གྲུབ་ཡབ་ཡུམ་སྐུ་ཐོབ་གྱུར། །མ་གཅིག་ཐུགས་རྗེའི་ལྕགས་ཀྱུ་ཡིས། །མཆོད་རྟེན་དབུ་རྩེའི་གནས་སུ་དྲོངས། །ཉི་མ་དེ་རིང་ཕྱིན་ཆད་ནས། །ལྷ་མིན་སྐྱེ་སྒོ་ཆོད་པར་ཤོག །ཕཊ་ཕཊ་ཕཊཿ དབུ་རྩེའི་སྟེང་དུ་བྱང་བུ་བཞག་ལ། ཧཱུྃ། གསེར་གྱི་མཆོད་རྟེན་དབུ་རྩེ་ན། །འཁོར་ལོ་སྔོ་སྐྱ་རྩིབས་བརྒྱད་སྟེང་། །ཚེ་འདས་ང་རྒྱལ་ངོ་བོ་དེ། །ཨ་ཡིག་དཀར་པོ་ཡོངས་གྱུར་ལས། །ལྷ་ཁམས་གནས་རིས་ཐམས་ཅད་གསལ། །ཉོན་ཅིག་ཚེ་འདས་རིགས་ཀྱི་བུ། །ང་རྒྱལ་དྲག་པོའི་ལས་དབང་གིས། །ལྷ་ཡི་གནས་སུ་སྐྱེ་སྲིད་པས། །ཡུམ་ཆེན་ཆོས་ཀྱི་འཁོར་ལོ་ན། །བཅོམ་ལྡན་རྡོར་སེམས་ཤེལ་གྱི་མདོག །རྡོ་རྗེ་དྲིལ་འཛིན་སེམས་དཔའི་སྐྱིལ། །ཡུམ་ཆེན་རྡོ་རྗེ་སྙེམས་མ་འཁྲིལ། །ལོངས་སྤྱོད་རྫོགས་པའི་མཚན་དཔེ་རྫོགས། །ཚེ་འདས་རིགས་ཀྱི་བུ་ཁྱོད་ཀྱང་། །བཅོམ་ལྡན་དེ་ལ་ཕྱག་འཚལ་ཞིང་། །བཅོམ་ལྡན་དེ་ལ་སྐྱབས་ཞུས་ཤིག །བཅོམ་ལྡན་ཐུགས་རྗེའི་འོད་ཟེར་གྱིས། །ང་རྒྱལ་ལྷ་ཁམས་སྟོང་པར་སྦྱངས། །ཨོཾ་བཛྲ་སཏྭ་ཧཱུྃ་ཨ་ཧ་རི་ནི་ས་ཚེ་འདས་ང་རྒྱལ་གྱི་ལས་སྒྲིབ་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ། ཕཊ་ཕཊ་

[Full Size]

ཕཊཿ ཚེ་འདས་ང་རྒྱལ་སྒྲིབ་པ་དག །འཕོ་ལྟུང་སྡུག་བསྔལ་རང་སར་ཞི། །བརྩོན་འགྲུས་ཕར་ཕྱིན་ཡོངས་སུ་རྫོགས། །ཡིད་དང་ཆོས་ཁམས་རྣམ་པར་དག །རྡོར་སེམས་ཡབ་ཡུམ་སྐུ་ཐོབ་ཤོག །མ་གཅིག་ཐུགས་རྗེའི་ལྕགས་ཀྱུ་ཡིས། །མཆོད་རྟེན་དབུ་རྩེའི་སྟེང་དུ་དྲོངས། །ཉི་མ་དེ་རིང་ཕྱིན་ཆད་ནས། །ལྷ་ཡི་སྐྱེ་སྒོ་ཆོད་པར་ཤོག །ཕཊ་ཕཊ་ཕཊཿ དེ་ནས་བར་དོ་ངོ་སྤྲོད་འཁོར་བ་དང་འབྲེལ་ཐག་བཅད་ནས་ལམ་སྟོན་པ་ནི། ཕཊཿ ཚེ་ལས་འདས་པའི་སྟེང་གི་ནམ་མཁའི་ཐད་ན་དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་མ་གཅིག་ལབ་ཀྱི་སྒྲོན་མ་སྐུ་ཆུང་ལ་ཡན་ལག་དོད་པ། ཟླ་བའི་གདན་ལ་སྐུ་གར་སྟབས་ལིང་ལིང་། ཕྱག་ཌཱ་དྲིལ་སིལ་སིལ། གསུང་སྙན་པའི་དབྱངས་ཀྱིས་རིགས་ཀྱི་བུ་ཡར་ཤོག །དག་པ་མཁའ་སྤྱོད་ཀྱི་ཞིང་དུ་འགྲོ་དགའོ་སྐྱིད་དོ་གསུངས་པར་གྱུར། ཀྱེ་མ་ཚེ་འདས་རིགས་ཀྱི་བུ། །ཁྱོད་ནི་ཚེ་ལས་འདས་པ་ཡིན། །འཇིག་རྟེན་འདི་ནས་ཕ་རོལ་སོང་། །སྣང་མུན་བར་དོའི་མཚམས་ན་ཡོད། །བསམ་པ་ཙམ་གྱིས་སྟོང་གསུམ་འཁོར། །ཐོགས་མེད་རྫུ་འཕྲུལ་སྟོབས་དང་ལྡན། །ཉི་ཟླའི་གྲིབ་

[Full Size]

མར་རྐང་རྗེས་མེད། །གནས་ལ་ངེས་མེད་ཀུན་ཏུ་འཁྱམས། །གྲོགས་ནི་ཤི་གསོན་ཅིར་ཡང་འགྲོགས། །ཟས་ནི་བསྔོས་པ་ཙམ་གྱིས་ཚིམ། །ཆུ་བྲག་རྩིགས་པར་ཐོགས་པ་མེད། །བར་དོ་ཡིན་ནོ་རིགས་ཀྱི་བུ། །ཁྱོད་ཉིད་གཅིག་པུ་ཤི་བ་མིན། །ཐམས་ཅད་འཆི་བའི་ཆོས་ཅན་ཡིན། །མ་སྡུག་མ་བསྔངས་རིགས་ཀྱི་བུ། །སྒྲ་འོད་ཟེར་དང་རྒྱོབ་སོད་སྒྲ། །ཐམས་ཅད་རང་སྣང་འཁྲུལ་པ་ཡིན། །ལོག་ནས་བྱུང་བ་གཅིག་ཀྱང་མེད། །མ་འཇིགས་མ་སྐག་རིགས་ཀྱི་བུ། །ཁྲག་འཐུང་ཁྲོ་བོ་མགོ་བརྙན་ཚོགས། །འུར་སྒྲ་ཆོམ་སྒྲ་མཚོན་ཆའི་ཆར། །ཐམས་ཅད་ཡི་དམ་སུན་མ་ཡིན། །མ་བསྔངས་མ་བྲོས་རིགས་ཀྱི་བུ། །འཁོར་བའི་གནས་ན་བདེ་བ་མེད། །ཡུལ་དང་ཞིང་ཁང་ནོར་རྫས་དང་། །གཉེན་དང་ཉེ་དུ་རང་ལུས་རྣམས། །སྒྱུ་མ་རྨི་ལམ་ཇི་བཞིན་དུ། །མི་རྟག་འབྲལ་བའི་ཆོས་ཅན་ཡིན། །རྟག་པར་གནས་པ་གཅིག་ཀྱང་མེད། །མ་ཆགས་མ་ཞེན་རིགས་ཀྱི་བུ། །ཁྱོད་ལ་ཤ་ཁྲག་ལུས་པོ་མེད། །ཡིད་ལུས་མིང་གཞི་ཙམ་ལ་བརྟེན། །བར་དོའི་རྣམ་པར་ཤེས་པ་དེ། །འོད་ཀྱི་ཐིག་ལེ་ལྕོང་སྒོང་ཙམ། །ཡི་གེ་ཨ་ཡིས་མཚན་པར་

[Full Size]

བསྒོམ། །མ་གཅིག་ལབ་སྒྲོན་ཐུགས་ཀ་རུ། །ཐེ་ཚོམ་མེད་པར་རྒྱངས་སེ་ཕོངས། །དབྱེ་བ་མེད་པ་ཁྲུགས་སེ་བསྲེས། །མ་གཅིག་རྩལ་ཆེན་མདའ་འཕངས་བཞིན། །བདེ་བ་ཅན་གྱི་ཞིང་དུ་གཤེགས། །མེ་ཏོག་པདྨའི་སྦུབས་སུ་ཐིམ། །པདྨ་རྒྱས་པའི་ཟེའུ་འབྲུ་ལ། །རྫུས་སྐྱེས་སྤྲུལ་སྐུ་ཐོབ་པར་ཤོག །ཕཊ་ཕཊ་ཕཊཿ ཅེས་རྣམ་ཤེས་སྤར་རོ། །དེ་ནས་རང་སེམས་ཁྲོས་མ་དང་ལུས་གསེར་གྱི་མཆོད་རྟེན་གཉིས་ཀ་མི་དམིགས་པར་གྱུར། ཕཊ་ཕཊ་ཕཊཿ ཅེས་གཞི་བསྡུའོ། །འདི་ནི་ཉིན་རེ་ཚར་རེ་ཐོན་ན་བསོད་ནམས་ཆེ་སྟེ། དོན་ལ་གཅོད་ལུགས་ཀྱི་ཚེ་འདས་གནས་འདྲེན་ཡང་ཡིན། ཟ་འདྲེ་བཀུག་པས་ཚེ་འདས་ཀྱང་མཉམ་དུ་འོང་བས། ཟ་འདྲེ་དང་ཁ་ཕྲལ་ནས་ལམ་བསྟན་པ་འདི་གལ་ཆེའོ། །དེ་ལྟར་གཅོད་ཚོགས་ལུས་སྦྱིན་ལ་གཞུང་བཟུང་། །འདུལ་གཞུང་འདི་ལ་ཉིན་རེ་ཚར་རེ་ཐོན་པར་བྱེད། དུས་དྲུག་ཏུ་དམིགས་པ་བཟུང་བས། གཅན་གཟན་འཕར་སྤྱང་དོམ་སྤྲེལ་དྲེད་གླ་བ་སྲེག་པ་དུར་བྱ་སོགས་གདོན་རིགས་རྣམས་བསད་པ་མནན་པ་བཅིངས་པ་རང་རྒྱལ་ཁ་ཐོབ་པ་དངོས་གྲུབ་སྟེར་བར་ཁས་ལེན་བྱེད་པ་སོགས་ཚར་ཚད་བྱུང་ན། རྒྱས་པར་ན་མེ་མཆོད་རྒྱས་པར་བྱའོ། །བསྡུ་ན་ས་སྟེགས་སམ། གཡམ་པ་ལ་རྡུལ་ཚོན་ནམ། བཙག་གམ་སོལ་བས་གྲུ་གསུམ་རཾ་ཡིག་མཚན་པར་བྲི། དེའི་སྟེང་དུ་ཚེར་མ་གྲུ་

[Full Size]

གསུམ་དུ་བརྩེགས་ལ་མེ་སྦར། ཕཊ་ཕཊ་ཕཊཿ གྲུ་གསུམ་དམར་ནག་མེ་དཔུང་གི་དབུས་སུ་མ་ཡུམ་ཆེན་ཡེ་ཤེས་ཀྱི་མཁའ་འགྲོ་མ་སྐུ་མདོག་དམར་ནག་མེའི་རང་བཞིན་གྲི་གུག་ཐོད་ཁྲག་ཁཊྭཱཾ་བསྣམས་ནས་གར་ཐབས་སུ་བཞུགས་པ། འཁོར་རིགས་བཞིའི་མཁའ་འགྲོ་ཡང་གཙོ་མོ་ལྟ་བུ། ཐམས་ཅད་ཀྱི་སྤྱི་གཙུག་ནས་ཕག་རྒོད་ཀྱི་ཞལ་ནས་ངུར་སྒྲ་སྒྲོག་པ། སྤྱན་གསུམ་ཉི་ཟླ་ཙམ་བསྒྲད་ཅིང་ཞལ་གནམ་ས་ཙམ་གདངས་པའི་ནང་ནས་བསྐལ་པའི་མེ་དཔུང་འབར་བ་ཡེ་ཤེས་པ་དང་དམ་ཚིག་པ་དབྱེར་མེད་པར་གྱུར། ཕཊཿ དེའི་སྟེང་གི་ནམ་མཁར་རང་ཉིད་ཁྲོས་མ་ནག་མོ་གཟི་བརྗིད་དང་ལྡན་པའི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་དཔག་ཏུ་མེད་པ་འཕྲོས་ནས་ཟ་འདྲེ་ཤི་གཤེད་ཐམས་ཅད་རང་དབང་མེད་པར་བཀུག་ནས། ཡེ་ཤེས་མཁའ་འགྲོའི་ཞལ་མེ་དཔུང་གི་ནང་དུ་མེ་ལྕེ་ཁའི་སྦྲང་མ་བཞིན་དུ་སོང་བར་གྱུར། ཕཊ་ཕཊ་ཕཊཿ ཧཱུྃ། དུས་གསུམ་སངས་རྒྱས་བསྐྱེད་པའི་ཡུམ། །དམག་ནག་མེ་དཔུང་ཀློང་ན་འགྱིང་། །སྤྱན་བགྲད་ཞལ་གདངས་མཆེ་བ་གཙིགསས། །གྲི་གུག་ཐོད་ཁྲག་ཁཊྭཱཾ་བསྣམས། །གར་ཐབས་དུར་ཁྲོད་ཆས་ཀྱིས་བརྒྱན། །རང་འདྲ་

[Full Size]

རིགས་བཞི་མཁའ་འགྲོས་བསྐོར། །ཕག་ཞལ་ངུར་སྒྲས་ཁམས་གསུམ་གཡོ། །ཞལ་ནས་བསྐལ་པའི་མེ་ཆེན་འབར། །གནོད་བྱེད་ཟ་འདྲེ་ཤི་གཤེད་རྣམས། །ཞལ་དུ་བསྟབ་བོ་ཛྭ་ལ་རཾ། །སྟོང་པ་ཉིད་ཀྱི་ངང་དུ་བསྲེགས། །གཏི་མུག་ལས་གྱུར་གདོན་དང་བགེགས། །སངས་རྒྱས་མཁའ་འགྲོའི་ཞལ་དུ་བསྟབ། །ཞལ་དུ་བསྟབ་བོ་ཛྭ་ལ་རོ། །ཆོས་དབྱིངས་ཡེ་ཤེས་ངང་དུ་བསྲེགས། །ཞེ་སྡང་ལས་གྱུར་གདོན་དང་བགེགས། །རྡོ་རྗེ་མཁའ་འགྲོའི་ཞལ་དུ་བསྟབ། །ཞལ་དུ་བསྟབ་བོ་ཛྭ་ལ་རྃ། །མེ་ལོང་ཡེ་ཤེས་ངང་དུ་བསྲེགས། །ང་རྒྱལ་ལས་གྱུར་གདོན་དང་བགེགས། །རིན་ཆེན་མཁའ་འགྲོའི་ཞལ་དུ་བསྟབ། །ཞལ་དུ་བསྟབ་བོ་ཛྭ་ལ་རཾ། །མཉམ་ཉིད་ཡེ་ཤེས་ངང་དུ་བསྲེགས། །འདོད་ཆགས་ལས་གྱུར་གདོན་དང་བགེགས། །པདྨ་མཁའ་འགྲོའི་ཞལ་དུ་བསྟབ། །ཞལ་དུ་བསྟབ་བོ་ཛྭ་ལ་རཾ། །སོར་རྟོག་ཡེ་ཤེས་ངང་དུ་བསྲེགས། །ཕྲག་དོག་ལས་གྱུར་གདོན་དང་བགེགས། །ལས་ཀྱི་མཁའ་འགྲོའི་ཞལ་དུ་བསྟབ། །ཞལ་དུ་བསྟབ་བོ་ཛྭ་ལ་རཾ། །བྱ་གྲུབ་ཡེ་ཤེས་ངང་དུ་བསྲེགས། །རྣམ་ཤེས་ཆོས་ཀྱི་དབྱིངས་སུ་དྲོངས།

[Full Size]

ཕཊ་ཕཊ་ཕཊཿ ཅེས་བརྗོད་ཧོམ་ཁུང་ནང་གི་ཤིང་བྱང་དང་ཟན་ལིང་རྩང་ཐུར་དང་བཅས་པ་ཐམས་ཅད་བསྲེག་ཅིང་སྔགས་རེ་དང་སྤྲད་ལ་འཕེན། ཐཾ་ཧ་རི་ནི་ས་ཛྭ་ལ་རཾ་གནོད་བྱེད་ཟ་འདྲེ་ཤི་གཤེད་སརྦ་ཤ་ཏྲོ་མཱ་ར་ཡ་རྦད་ནན། ཞེས་བསྲེག་ཅིང་མནན་པ་མི་བྱེད་ན་ཤོག་ལིང་ཡང་བསྲེག་གོ །མནན་པ་བྱེད་ན་ཤོག་ལིང་ཡང་བཞག་དགོས་སོ། །ཚེ་འདས་མིང་བྱང་ཡང་མེ་ནང་དུ་འཕང་ལ། ཧཱུྃ། མ་ཡུམ་ཆེན་མཁའ་འགྲོ་སྡེ་ལྔ་ལས། །ཡེ་ཤེས་ལྔ་ཡི་མེ་འབར་བས། །སྣང་ཞིང་སྲིད་པའི་འཇིག་རྟེན་གྱི། །མ་དག་འཁྲུལ་པ་ཐམས་ཅད་བསྲེག །སྣོད་བཅུད་ཐམས་ཅད་འོད་དུ་ཞུ། །ཡུམ་ཆེན་ལྔ་ཡི་སྐུ་ལ་ཐིམ། །སྐུ་ལྔ་འོད་ཞུ་པཾ་ཡིག་དམར། །པཾ་ཡིག་བདག་ཉིད་ཁྲོས་མར་ཐིམ། །ཁྲོས་མ་འོད་ཞུ་ནམ་མཁར་ཡལ། །ནམ་མཁས་གར་ཁྱབ་སེམས་ཀྱིས་ཁྱབ། །སེམས་ཀྱིས་གར་ཁྱབ་ཆོས་སྐུས་ཁྱབ། །ཆོས་སྐུ་ཡུམ་ཆེན་ཕ་རོལ་ཕྱིན། །འཁོར་འདས་ཀུན་ཁྱབ་བདེ་ཆེན་ངང་། །འགྲོ་ཀུན་སངས་རྒྱས་ཐོབ་པར་ཤོག །ཕཊ་ཕཊ་ཕཊ། ཅེས་དམིགས་མེད་དུ་བཞག །མནན་པ་མི་བྱེད་ན་ཐལ་སོལ་དེ་མ་ཎི་བརྒྱ་མཁར་འོག་གམ་ལམ་རྒྱ་གྲམ་དུ་བླུག་པས་མནན་པར་འགྲོ་ལ། མནན་པ་བྱེད་པའི་བཅའ་ཏི་བྱེད་དམ། བསྡུ་ན་ཤོག་ལིང་དེ་སྐུད་པ་སྔོ་དམར་གྱིས་རྒྱ་གྲམ་དུ་བཅིངས་ལ། ཁྱི་

[Full Size]

ཐོད་དམ་གཅན་ཐོད་དམ་མཛོ་རུ་སོགས་རང་གི་ནོར་མ་ཡིན་པའི་རྭ་ཅོའམ་གོད་བྱུང་བའི་རྭ་བོར་བཅུག་ལ། རི་སྣའམ་བྲག་སྣའམ་ལྷ་འདྲེ་གཉན་པོ་གནས་པའི་འོག་ཏུ་མནན་ཏེ། ཤོག་ལིང་མེད་ན་ཤིང་བྱང་རྣམས་རེ་བས་དྲིལ་ཚོན་སྐུད་ཀྱིས་བཅིངས་ལ་མནན་ཆོག། །ཟན་ལིང་རྣམས་བསྲེག་གོ །གྲི་གུག་གམ་ཟོར་བས་རྒྱ་གྲམ་ས་ལ་བྲིས་དོང་བརྐོ་བཅུག་ལ་དེ་ནས་བྲུབ་ཁུང་དེར་དངོས་སུ་བཞག་ན་ལེགས། ཕཊཿ རང་ཉིད་ཁྲོས་མར་གསལ་བས་གྲི་གུག་བརྒྱབས་པས་ས་གས་ནས་རྒྱུ་མཚོ་སྔོ་ཧ་རེ་བྱུང་བའི་ནང་དུ་གནམ་ལྕགས་ཀྱི་ཁང་སྒྲོམ་འབར་བའི་ནང་དུ་གནོད་བྱེད་ཟ་འདྲེ་ཤི་གཤེད་ཐམས་ཅད་ཚུད་པར་གྱུར། བདེན་བརྡར་འགུགས་གཞུག་ལན་གསུམ་བྱེད། ས་རིམ་པ་དགུས་གཡོགས་ནས་སྡིགས་མཛུབ་ཀྱིས་འཁོར་ལོ་རྩིབས་བརྒྱད་བྲིས་ལ། ཕཊཿ གནམ་ལྕགས་ཀྱི་འཁོར་ལོ་རྩིབས་སྟོང་དང་ལྡན་པ་གཉིས་སྟེང་འོག་གཉིས་སུ་རྒྱུན་ཆད་མེད་པར་འཁོར་བས་གནོད་བྱེད་བསྐལ་པའི་བར་དུ་མི་ཐར་བར་གྱུར། དེ་ནས་ལྷ་འདྲེ་ཐམས་ཅད་ལ་འབོད་པར་བྱས་ནས། ལོ་ཡུལ་འདིར་གནས་པའི་ལྷ་འདྲེ་ཁྱེད་རྣམས་ལ་གནོད་བྱེད་ཟ་འདྲེ་ཤི་གཤེད་འདི་གཏད་པ་ཡིན་པས་མ་ཤོར་ཅིག །ཁྱེད་རྣམས་ལ་མཐུ་དང་ནུས་པ་ཅི་གདའ་བལྟའོ། །གལ་ཏེ་ཟ་འདྲེ་ཤི་སྲི་འདི་ཤོར་བྱུང་ན། ངས་ནམ་མཁའ་འདི་གདན་དུ་བཏིང་། ས་གཞི་འདི་གདུགས་ལྟར་ཕུབ། རི་ཆེན་ཟབ་ཏུ་བསྒྲིལ། རི་

[Full Size]

ཆུང་ཚོགས་པོར་འཕེན། ས་འདི་ན་མཛེ་ཤའི་ཐང་མ་བརྡལ། མཛེ་ཁྲག་གི་རྒྱ་མཚོར་བསྐྱིལ། དཀར་ཐབ་དམར་ཐབ་ཁྲག་ཐབ་བརྫོགས། ཁྱེད་སྣང་སྲིད་ལྷ་འདྲེ་རྩ་བ་ནས་སྐམ། ད་ལས་དེ་ལ་མ་ཐུག་པར་ཟ་འདྲེ་ཤི་སྲི་འདི་མ་བཏང་བར་ཟུངས་ཤིག །ཆིངས་ཤིག །སྡོམས་ཤིག །ནོན་ཅིག །ཕཊ་ཕཊ་ཕཊཿ དེ་ནས་རྐང་པས་ས་ལ་བཅག་ཅིང་བྲོ་མནན་རྒྱས་པའམ། བསྡུ་ན། ཧཱུྃ། དབུས་ཕྱོགས་སངས་རྒྱས་མཁའ་འགྲོས་བྲོ་བརྡུངས་པས། །གདོན་གཏི་མུག་མགོ་ལ་ཆེམས་སེ་ཆེམ། །སྐུ་འཁོར་ལོའི་གོམ་སྟབས་ཤིགས་སེ་ཤིག །གདོན་གཏི་མུག་ཆོས་ཀྱི་དབྱིངས་སུ་ནོན། །ཤར་རྡོ་རྗེ་མཁའ་འགྲོས་བྲོ་བརྡུངས་བས། །གདོན་ཞེ་སྡང་མགོ་ལ་ཆེམས་སེ་ཆེམ། །སྐུ་རྡོ་རྗེའི་གོམ་སྟབས་ཤིགས་སེ་ཤིག །གདོན་ཞེ་སྡང་མེ་ལོང་ངང་དུ་ནོན། །ལྷོ་རིན་ཆེན་མཁའ་འགྲོས་བྲོ་བརྡུངས་བས། །གདོན་ང་རྒྱལ་མགོ་ལ་ཆེམས་སེ་ཆེམ། །སྐུ་རིན་ཆེན་གོམ་སྟབས་ཤིགས་སེ་ཤིག །གདོན་ང་རྒྱལ་མཉམ་ཉིད་ངང་དུ་ནོན། །ནུབ་པདྨ་མཁའ་འགྲོས་བྲོ་བརྡུངས་བས། །གདོན་འདོད་ཆགས་མགོ་ལ་ཆེམས་སེ་ཆེམ། །སྐུ་པདྨའི་གོམ་སྟབས་ཤིགས་སེ་

[Full Size]

ཤིག །གདོན་འདོད་ཆགས་སོར་རྟོག་ངང་དུ་ནོན། །བྱང་ལས་ཀྱི་མཁའ་འགྲོས་བྲོ་བརྡུངས་བས། །གདོན་ཕྲག་དོག་མགོ་ལ་ཆེམས་སེ་ཆེམ། །སྐུ་རྒྱ་གྲམ་གར་སྟབས་ཤིགས་སེ་ཤིག །གདོན་ཕྲག་དོག་བྱ་གྲུབ་ངང་དུ་ནོན། །ༀ་ལཾ། ཨཱཿལཾ། ཧཱུྃ་ལཾ། སཱ་ལཾ། ཧཱ་ལཾ། གནོད་བྱེད་སྟེ་བྷ་ཡ་ནན། ཕཊ་ཕཊ་ཕཊཿ དེ་ནས་སྟེང་དུ་རྡོ་བ་ཅུང་ཟད་བརྩེགས་ཏེ་ཆེར་མ་ཡང་བཙུགས། མ་བྱས་ཀྱང་རུང་། ཕཊཿ ལྕགས་ཁང་གི་སྟེང་དུ་གནམ་ལྕགས་ཀྱི་མཆོད་རྟེན་བང་རིམ་དགུ་པ་མུན་པའི་ན་བུན་འཐིབས་པ། ཆེ་ལ་བརྗིད་པ། སྲ་ལ་བརྟན་པ། གཡོ་འགུལ་མེད་པ་གཅིག་གིས་མནན་པར་གྱུར། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཕཊ་ཕཊ་ཕཊཿ ཅེས་མནན་ལ་ཕྱི་མིག་མི་བལྟ་བར་འོང་ངོ་། །དེ་ཡང་ཚར་ཚད་ཁས་ལེན་དམ་བཅའ་བྱུང་ན་མནན་པ་མི་དགོས་སོ། །ཐུབ་རྟགས་མི་གསལ་ན་མནན་པ་གལ་ཆེའོ། །དེ་ནས་ཡོན་བདག་གི་ཁྱིམ་དུ་འོང་རྒྱུ་ཡིན་ན་སླར་ཡང་གཏང་རག་གཅོད་ཚོགས་ཚར་གཅིག་བྱེད། ཁྱིམ་དུ་འོང་རྒྱུ་མིན་ན་མི་དགོས་སོ། །རང་ཁྱིམ་དུ་འོང་རྒྱུ་ཡིན་ན་ས་མཚམས་གཉན་ས་ཞིག་ཏུ་ཁལ་ཕོག་ལ་ཡུད་ཙམ་བསྡད། རང་ཁྲོས་མར་བསྒོམས་ལ་དབང་སྡུད་བྱེད། དཀར་འགྱེད་དམར་འགྱེད་དམིགས་པ་ཡུད་ཙམ་བྱས་ནས། འཽ། ས་ཆ་འདི་ན་

[Full Size]

གནས་པའི་ལྷ་འདྲེ་ཁྱེད་རྣམས་ཀྱིས་ང་ཡི་རྗེས་སུ་འབྲང་བའི་སྒབ་འདྲེ་སྒབ་སྲི་ཟ་འདྲེ་ལྟོགས་འགོང་དབུལ་སྲི་འབྱུང་པོ་རྗེས་ཁྱི་འདི་རྣམས་མ་བཏང་བར་ཟུངས་ཤིག །ཁྱེད་ལ་མཐུ་ནུས་ཅི་འདུག་ལྟའོ། །ཞེས་བརྗོད། དེ་ནས་ཚུར་ཟད་དུ་ཐོ་ཆུང་བྱེད་དམ་ཚེར་ལྕགས་གཅིག་བཙུགས་ལ། ཕཊཿ ཡེ་ཤེས་ཀྱི་བྱ་ཁྱུང་འཇིགས་སུ་རུང་བ་གཅིག་ཞལ་ཕྱིར་གྲུ་ནས་རྗེས་གཅོད་པར་གྱུར། ཕཊ་ཕཊ་ཕཊཿ འདི་ལྟར་རྗེས་གཅོད་མ་བྱས་ན་ཟ་འདྲེ་རྗེས་སུ་འབྲངས་བས་ཟས་ནོར་གྱི་ས་ཕན་མི་ཐོགས་ཤིང་རང་གཞན་གྱི་རིམ་གྲོ་སྒབ་མི་དྲོ་བ་ཡིན་པས་འདི་གལ་ཆེའོ། །ཞེས་པ་འདི་ནི་དུར་གཅོད་བླ་འགུགས་དང་། དུར་གཅོད་གསེར་སྒྲོམ་དང་། དྲག་ལས་ཕྲིན་ལས་རྒྱ་མཚོ་དང་། དུར་གཅོད་ལས་བྱུང་། དུར་གཅོད་གསེར་གྱི་སྟ་རེ་དང་། དུར་གཅོད་གནས་སྦྱང་དྲུག་པ་དང་། གཅོད་ཀྱི་གཤེད་འདུལ། དུར་གཅོད་རྒྱས་བསྡུས་གཉིས་དང་། འཐོར་བུ་མང་པོའི་དོན་བསྡུས་ཁྱེར་བདེ་བ་ངག་འདོན་འགྲིགས་ཆགས་སུ་ཨ་རཱ་གས་བཀོད་པ་ལ་ཉེས་འགལ་མཆིས་ན་ཌཱཀིའི་ཚོགས་ལ་བཤགས་ཤིང་། དགེ་བས་འདི་ལ་འབྲེལ་བའི་ཡོན་བདག་ཐམས་ཅད་བཀྲ་ཤིས་པ་དང་ཡུམ་ཆེན་གྱི་དོན་རྟོགས་པ་དང་། ཚེ་འདས་བདེ་བ་ཅན་དུ་སྐྱེ་བའི་རྒྱུར་གྱུར་ཅིག །སརྦ་མངྒ་ལཾ། །ཤུ་བྷཾ།། །། ༈ སྲི་ཁྱིམ་བཅུ་གསུམ་ནི། གང་འདོད་བསྒྱུར་བ་ཡིན་ཀྱང་དམིགས་ན་དགྲ་སྲི་ཟེར་བ་དཀར་རྣམས་

[Full Size]