མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། འི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

གཅོད་ལུགས་ཕུན་སུམ་ཚོགས་པའི་མེ་མཆོད་བལྟས་ཆོག་ཏུ་བཀོད་པ།

[Full Size]

༼ཝ༽ གཅོད་ལུགས་ཕུན་སུམ་ཚོགས་པའི་མེ་མཆོད་བལྟས་ཆོག་ཏུ་བཀོད་པ་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏཱ་ཡེ། ཡུམ་ཆེན་ཌཱ་ཀིའི་ཚོགས་ལ་ཕྱག་འཚལ་ནས། །གཅོད་ཀྱི་མེ་མཆོད་སྤྱི་དྲིལ་བསྡུས་པ་བྲི། །ཆོས་བདག་ཊཱཀིས་བཀའ་ཡི་གནང་བ་སྩོལ། །དེ་ཡང་ཤི་སྒབ་གཅོད་དམ། གོད་ཁ་གཅོད་དམ། ནད་པ་གདོན་ཆེན་འདུལ་ལམ། དམེ་གས་བཙོག་ནལ་སོགས་ཁྱིམ་གཙང་མར་བྱེད་དམ། གཉའ་བ་བཅིངས་སོགས་ཁྱིམ་འདྲེ་ཅན་གྱི་གདོན་ཕུད་དམ། བདེ་རིམ་ལ་ཡང་རྐྱེན་ཁ་ཆེན་པོ་སེལ་ལམ། གང་ལ་ཡང་རུང་ངོ་། །ལོ་ལེགས་པ། ཕྱུགས་སྒབ་འཕེལ་བ་ལ་ཡང་ཟབ་སྟེ། འབྲུ་སྣ་རྣམས་གཙོ་གང་ཆེ་མང་དུ་འབུལ་བའོ། །གཅོད་ལུགས་ཡིན་པས་ཚེས་གྲངས་ཐེབ་ལྡོག་བརྩི་མི་དགོས། ཁ་རྒྱུ་ཕྱོགས་ལྔ་སེར་དང་མཁའ་འགྲོ་གཟའི་རྒྱུ་ལྡོག་བརྩི་མི་དགོས་སོ། །འདི་གཅོད་ཚོགས་ཞག་མང་བྱས་རྗེས་

[Full Size]

ཡིན་ན་བཟང་། ཞག་རེ་གཅོད་ཚོགས་བྱེད་ཞོར་ཡང་རུང་སྟེ། འདི་ལ་ཞི་རྒྱས་དབང་དྲག་རིགས་མང་ན་ཡང་། འདི་དྲག་པོ་གཙོ་ཆེ་བའི་ངོས་ནས་ལས་བཞི་ཀ་སྒྲུབ་པ་ཕུན་སུམ་ཚོགས་པའི་མེ་མཆོད་ཡིན་ཏེ། དཀྱིལ་འཁོར་རྒྱས་པ་བྲི་ན་ས་སྟེགས་ཟླུམ་པོ་ཕུབ་ཆེ་ཤོས་ཙམ་བཅག །བསྡུས་པ་བྱེད་ན་ས་སྟེགས་གྲུ་གསུམ་མདའ་ཚད་བས་མི་ཆུང་བ་གཅིག་བཅག །ཤིན་ཏུ་འཇམ་པ་དབུས་ཅུང་ཙམ་འབུར་ཞད་ཡོད་པར་བྱ། དེ་ལ་སོལ་ཕྱེ་བཏབ་ལ་ནག་པོ་བྱ། ཡང་ན་ཐལ་དཀར་བཏབ་ལ་བྱུག་གོ །དེ་ནས་ས་སྟེགས་སྟེང་དུ་ཐེབ་ཙེར་དཀར་གཏོར་གཅིག་བཤམས་ལ། ཕཊཿ རང་གི་སྙིང་གར་རྣམ་ཤེས་ཚེ་བསོད་ཀྱི། །ངོ་བོ་ཕག་མོ་མཐིང་ནག་ཚོན་གང་ཙམ། །དབུ་མའི་ལམ་ནས་ཚངས་པའི་བུ་གར་

[Full Size]

ཐོན། །སྐུ་ལུས་ཆེར་སྐྱེས་ཁྲོས་མ་རི་རབ་ཙམ། །ས་བདག་ལྷ་འདྲེ་ཟིལ་གྱིས་ནོན་པར་གྱུར། །བསྲུང་བྱ་རྣམས་ཀྱི་རྣམ་པར་ཤེས་པ་ཡང་། །འོད་ཀྱི་ཐིག་ལེ་དབུ་མའི་ལམ་ནས་བརྒྱུད། །རྒྱངས་སེ་ཐོན་ཏེ་བདག་གི་ཐུགས་ཀར་ཐིམ། །བདག་དང་བསྲུང་བྱ་རྣམས་ཀྱི་བེམ་པོ་དང་། །དབྱེར་མེད་དཀར་གསུམ་བདུད་རྩིའི་རྒྱ་མཚོ་ཡིས། །ས་ཕྱོགས་ཐམས་ཅད་མེར་གྱིས་གང་བར་གྱུར། །ཕཊ། འོ་འོ། མཐོ་སྲིད་རྩེ་ནས་མནར་མེད་ཡན་ཆོད་ཀྱི། །ལོ་ཟླ་ཞག་དུས་ཕྱོགས་མཚམས་རྒྱུ་བ་ཡི། །གཟའ་ཆེན་བརྒྱད་དང་། རྣལ་འབྱོར་མ་བརྒྱད་དང་། །བིབྷི་བ་དན་ཁྲ་བོ་ཧལ་ཁྱི་དང་། །ས་གཞི་ཁྱབ་པའི་ས་བདག་ལྟོ་འཕྱེ་དང་། །ས་འཛིན་ལག་པ་ལྷ་མོ་བརྟན་མ་དང་། །ལོ་ཟླ་ཞག་ལ་རྒྱུ་བའི་ལྔ་སེར་དང་། །ཁྱད་པར་ས་ཆ་ཡུལ་རིས་འདིར་གནས་པའི། །ས་བདག་ཀླུ་གཉན་ཀོ་ལོང་བསྡམས་པ་ཀུན། །ས་གླུད་བེམ་པོ་བདུད་རྩིའི་རྒྱ་མཚོ་དང་། །དབྱེར་མེད་དཀར་གསུམ་གཏོར་མ་འདི་བཞེས་ལ། །བདག་གིས་མེ་མཆོད་བསྲེག་བླུགས་བྱེད་པ་ལ། །ཀོ་ལོང་རུ་ང་ཕྲག་དོག་མ་བྱེད་ཅིག །ས་འདི་གཡོར་ལ་ཁྱེད་རྣམས་གཞན་དུ་གཟུར། །

[Full Size]

གལ་ཏེ་མི་གཟུར་ཁྱེད་ཅག་ཐམས་ཅད་ལ། །ཕོག་ཐུག་ཐབ་གཞོབ་གནོད་འཚེ་བྱུང་བ་ན། །བདག་ནི་མ་ལེན་ལུས་གདོན་གནོད་བྱེད་ལན། །ཀོ་ལོང་རུ་ང་གནོད་བྱེད་བགེགས་ལ་མཛོད། །ཡེ་ཤེས་མཁའ་འགྲོའི་བཀའ་ལས་མ་འདའ་བར། །དོ་ནུབ་རྣལ་འབྱོར་བདག་གི་སྡོང་གྲོགས་མཛོད། །ཨོཾ་སརྦ་ལོ་ཀ་པཱ་ལ་པྲ་བི་དེ་ཝི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཙྩ་གཙྪ། ། ཕཊ། ཕཊ། ཅེས་གཏོར་མ་ཕྱི་རོལ་དུ་ཕུལ་ལོ། །དེ་ནས་ཐིག་སྐུད་དང་ཚོན་སྣ་ལྔ་མདུན་དུ་བཤམས་ལ། ཕཊཿ ཐིག་དང་ཚོན་རྣམས་སྐད་ཅིག་དྲན་རྫོགས་ལ། །མ་གཅིག་མཁའ་འགྲོ་སྡེ་ལྔའི་སྐུར་གྱུར་ཏེ། །འོག་མིན་གནས་ནས་ཡེ་ཤེས་ལྔ་པོ་ཡང་། །འཇའ་ཚོན་ཚུལ་དུ་མཁའ་འགྲོ་ལྔ་ལ་ཐིམ། །མཁའ་འགྲོ་ལྔ་པོ་འོད་དུ་ཞུ་བ་ལས། །ཐིག་དང་ཚོན་རིགས་ཁ་དོག་ལྔ་རུ་གྱུར། །ཨོཾ་ཧཱུྃ་ཏྲཱཾ་ཧྲཱིཿཨཱཿ ཕཊ། ཕཊ། ཕཊ། ཕཊ། ཕཊ། དེ་ནས་ཐིག་ཆེན་བརྒྱད་དང་ཟུར་ཐིག་བཞི་གདབ་བོ། །རྒྱས་པར་བྲི་ན་དབུས་སུ་པདྨ་འདབ་བཞི་ཕྱོགས་མཚམས་ལ་ཚོན་སྤུང་ངམ་གྲི་གུག་རིགས་ལྔ་སོ་སོའི་ཕྱག་མཚན་གྱིས་མཚན་པ། དེ་རྒྱབ་ཆོས་འབྱུང་སྔོན་པོ་ཟུར་དྲུག་རེ་ཁ་དཀར་པོ། དེ་རྒྱབ་ཟླ་གམ་དམར་པོ། དེ་རྒྱབ་ཟླུམ་པོ་དཀར་པོ། དེ་

[Full Size]

རྒྱབ་གྲུ་བཞི་སེར་པོ། དེ་རྒྱབ་གྲུ་གསུམ་ནག་པོ། རེ་རེ་ལ་ཁ་ཁྱེར་སོར་བཞི་ལ་སོ་སོའི་ཕྱག་མཚན། དེ་རྒྱབ་དུར་ཁྲོད་བརྒྱད་བྲི་སྟེ་དཔེའུ་རིས་ལྟར་རོ། །བསྡུས་པ་བྱེད་ན་ཆོས་འབྱུང་ཟུར་དྲུག་གི་དབུས་སུ་པདྨ་འདབ་བཞི་ཕྱོགས་མདོག་བྲིས་པས་ཆོག་གོ །དེའི་སྟེང་དུ་ཤིང་གང་རྙེད་ཟུར་དྲུག་ཏུ་བརྩི་གས། མེ་ཚང་བཅས་ལ། ཡོད་ན་མདའ་དར་ཕྱོགས་མདོག་ལྔ་བཙུགས། མེད་ན་གང་རྙེད་གཅིག་བཙུགས། རང་ཁང་པ་དེ་ལ་ས་དགྲ་ཡོད་ན་དེར་ཁ་རྒྱུ། ཡང་ན་གནོད་པའི་ལྷ་འདྲེ་ཡོད་ཕྱོགས་སུ་ཁ་གྱུ། རང་གི་གཡས་ཕྱོགས་སུ་གཞི་དཀར་པོའི་སྟེང་དུ་ཁྲོས་མ་མེ་ལྷའི་གཏོར་མ་ཆེ་བ་གཅིག །འཇིག་རྟེན་མེ་ལྷའི་གཏོར་མ་ཆུང་བ་གཅིག །གཉིས་ཀ་ཟུར་གསུམ་ཤ་དང་མར་རྒྱན་ལེགས་པ། མཆོད་པ་རྣམ་ལྔ་ནང་མཆོད་བཤམས། གཡོན་དུ་གཞི་ནག་པོ་ལ་སྐྱེར་པའམ་འོམ་བུ་སིལ་ཤིང་སེ་བ་ཤིང་གང་རྙེད་ལ་ཡམ་ཤིང་སོར་བརྒྱད་པ་བརྒྱ་དང་བརྒྱད། ལིངྒ་པར་བཏབ་པ་ཆུང་ངུ་བརྒྱ་དང་བརྒྱད། དེ་རེ་རེ་ལ་ཤ་དུམ་རླན། ཁྲག་ཐིགས་བྱུག་པ། ཡུངས་དཀར། སྲན་མ། ནས་རྣམས་བཤམ། རང་མདུན་དུ་མར་ཁུའི་སྣོད་དང་དགང་གཟར་རྡོར་དྲིལ་བཞག །སྣོད་ཀ་ཊོ་རའམ་བཙོ་མ་གཞོང་པ་སོགས་སུ་མེ་ཧོམ་གྱི་ཕྱོགས་བཞིར་མཆོད་པ་བཞི་བཤམས་ཏེ། དེ་དང་མཉམ་དུ་རིགས་བཞིའི་མཁའ་འགྲོའི་གཏོར་མ་ཡང་བཤམས་ཏེ། ཤར་དུ་གཏོར་མ་ཟླུམ་པོ་དང་། ཏིལ་དང་། གྲོ་དང་། སྨན་སྣ་ཚོགས་བཤམས། ལྷོར་གཏོར་མ་གྲུ་བཞི་དང་། འབྲས་དང་། སོ་བ་དང་། ཞོ་ཟན་ལ་ཟས་སྣ་

[Full Size]

ཚོགས་བཏབ་པ་དང་དྲུར་ཝ་བཤམས། ནུབ་ཏུ་གཏོར་མ་སྟོད་ཟུར་གཉིས་པ་ཅན་དང་། སྲན་མ་དང་། ནས་དང་། མེ་ཏོག་སྣ་ཚོགས་བཤམས། བྱང་དུ་གཏོར་མ་ཟུར་གསུམ་དང་། ཀུ་ཤ་དང་། ཤིང་ཐོག་སྣ་ཚོགས། ཆུར་བ་དང་གྲོ་མ་བསྲེས་པ་མངར་གསུམ། ཇ་ཕུད་རྣམས་བཤམས། ཡོད་ན་དར་རམ་རས་ཀྱི་དུམ་བུའམ་ཕྲུག་ལ་བ་གཙང་མའི་དུམ་བུ་རྣམས་བཤམས། དེ་ནས་རང་གདན་ལ་འདུག །མ་རལ་དབུ་རྒྱན་གྱོན། ལིངྒ་རྒྱས་པར་ན་ཤོག་ལིང་གཏུབ་རྒྱུ་ཆེ་གཅིག་དང་ཟན་ལིང་བརྒྱ་རྩ་བརྒྱད། འབྲིང་ཤོག་ལིང་མེད་ཀྱང་ཆོག །ཐ་ན་ལིང་ཆུང་གིས་པར་མེད་ན་ཟན་ལིང་ཆེན་པོ་གཅིག་བྱོས་ལ་གཏུབ་ཆོག་སྟེ། དང་པོ་ལིངྒ་རྣམས་ལ་ཁྲག་གམ་ཕུད་རྒོད་ཀྱིས་བྲན་ལ། ཕཊ། སྐད་ཅིག་གིས་རང་ཉིད་ཁྲོས་མ་ནག་མོ་ཞལ་གཅིག་ཕྱག་གཉིས་གྲི་གུག་དང་ཐོད་ཁྲག་བསྣམས་ཤིང་ཁཊཾ་ག་ལ་འཁྱུད་ནས་གར་བྱེད་པ། སྐུ་ལ་དུར་ཁྲོད་ཀྱི་ཆས་བརྒྱད་གསོལ་ཞིང་མེ་དཔུང་འབར་བའི་སྐུར་གྱུར། ན་མོ་གྲུབ་ཐོབ་གཅོད་ཡུལ་བརྒྱུད་པའི་བླ་མ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཡི་དམ་ཁྲོས་མ་ནག་མོ་ལྷ་ལྔའི་བདེན་པ་དང་། བདེན་པ་ཆེན་པོའི་མཐུས། སྤྱིར་སངས་རྒྱས་ཀྱི་བསྟན་པ་བཤིག་པ། དཀོན་མཆོག་གི་དབུ་འཕང་སྨད་པ། བླ་མའི་སྐུ་ལ་བསྡོ་བ། ཁྱད་

[Full Size]

པར་དུ་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་གདོན་བགེགས། ལུས་གདོན་ནད་འདྲེ་གཅོང་སྲི། རྒྱལ་བསེན་དམ་སྲི། འགོང་པོ་བསེ་རག །གོད་འདྲེ་གོད་སྲི། ཟ་འདྲེ་ཤི་གཤེད། བཀའ་དང་དམ་ལ་མི་གནས་པ། འགྱུ་ལོག་འཕར་ལྡང་མགོ་གཡོགས་མགོ་བསྐོར་བྱེད་པ་གང་ཡིན་པའི་བླ་སྲོག་རྣམ་པར་ཤེས་པ་སྐད་ཅིག་རང་དབང་མེད་པར་གཟུགས་ལིང་འདི་ལ་ཁུག་ཅིག །ཨ་ཧ་རི་ནི་ས་གནོད་བྱེད་བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྥོ་ཊ་བཾ། བཛྲ་གནྡྷེ་ཧོཿ ཏཱི་ཛཿཧཱུྃ་བཾ་ཧོཿ ཕཊ་ཕཊཿ ཅེས་ལན་གསུམ་མམ་བདུན་བཀུག་ནས། གྲི་གུག་ཡོད་དམ་མེད་ན་གྲི་གྲི་གུག་གི་ཚུལ་དུ་བཟུང་ནས། ཧཱུྃ། ང་ནི་ཁྲོས་མ་ནག་མོའི་སྐུ། །ཕག་ཞལ་སྲིད་གསུམ་རྩེ་ནས་བལྟ། །ཕག་སྐད་ངུར་སྒྲ་དི་རི་རི། །ཞལ་ནི་གཟུགས་མེད་ཁམས་ཡར་བགྲད། །ཧཱུྃ་དང་ཕཊ་སྒྲ་འུ་རུ་རུ། །སྐུ་སྟོད་གཟུགས་ཁམས་གནས་སུ་སླེབ། །སྟེང་གི་ལྷ་ཁམས་ཟིལ་གྱིས་ནོན། །སྐེད་པ་འདོད་ཁམས་གནས་སུ་འགྱིང་། །བར་གྱི་སྡེ་བརྒྱད་དབང་དུ་སྡུད། །ཞབས་གཉིས་དམྱལ་ཁམས་བཅོ་བརྒྱད་མནན། །ངན་སོང་གསུམ་པོ་རྡོག་པས་

[Full Size]

ནོན། །ཁ་ཊྭཱཾ་རྩེ་གསུམ་མཆན་དུ་བཅུག །དཔའ་བོ་ཕོ་ཚོགས་དབང་དུ་སྡུད། །ཐོད་ཁྲག་འབར་བ་གཡོན་ན་བསྣམས། །མ་མོ་མཁའ་འགྲོ་དབང་དུ་སྡུད། །དུར་ཁྲོད་ཆས་བརྒྱད་སྐུ་ལ་རྫོགས། །དུར་ཁྲོད་མཁའ་འགྲོ་ལས་ལ་འགྱེད། །ཕྱག་གཡས་གྲི་གུག་འབར་བ་ཕྱར། །ཡར་རྩེ་རྡོ་རྗེ་རྩེ་ལྔ་ནི། །དུག་ལྔ་ཡེ་ཤེས་ལྔ་རུ་བསྒྲལ། །ཆང་ཟུང་ཟླུམ་པོ་ཆོས་ཀྱི་དབྱིངས། །འཁོར་བ་མྱང་འདས་གནས་སུ་སྒྲོལ། །མར་རྩེ་གནམ་ལྕགས་གདུག་པའི་མཚོན། །བཀའ་འདས་དམ་ཉམས་སྲོག་རྩ་གཅོད། །ཕྱུར་བ་ཙམ་གྱིས་ཁམས་གསུམ་སྒྲོལ། །བཏབ་ན་ལྷ་ཡང་རླག་པར་བྱེད། །གནོད་བྱེད་བགེགས་ལ་སྨོས་ཅི་དགོས། །འབྱུང་པོ་ཕོ་གཏུབ་གཡས་སུ་གཏུབས། །འབྱུང་པོ་མོ་གཏུབ་གཡོན་དུ་གཏུབས། །གནོད་བྱེད་དགྲ་བགེགས་སྙིང་དཀྱིལ་གཏུབས། །རྐང་པ་གཡོན་པའི་སེན་རྩེ་ནས། །སྤྱི་གཙུག་སྐུ་ཡི་རྩེ་མོའི་བར། །ཏིལ་ཙམ་དུ་ནི་གཏུབ་པར་མཛོད། །མཱ་ར་ཡ་ཡི་དུས་ལ་བབས། །ཨ་ཧ་རི་ནི་ས་གནོད་བྱེད་དགྲ་བགེགས་ཐམས་ཅད་ཀྱི་ལུས་མཱ་ར་ཡ་ཕཊཿ ངག་མཱ་ར་ཡ་ཕཊཿ ཡིད་མཱ་ར་ཡ་ཕཊ། སྟོབས་དང་ནུས་

[Full Size]

པ་མཱ་ར་ཡ་ཕཊ། བླ་སྲོག་རྣམ་པར་ཤེས་པ་མཱ་ར་ཡ་ཕཊ་ཕཊ། རྣམ་པར་ཤེས་པ་ཆོས་ཀྱི་དབྱིངས་སུ་ཕཊ་ཕཊ་ཕཊཿ ཅེས་ལིང་ཆུང་གཏུབ་ཚུལ་བྱ། ཤོག་ལིང་ཡོད་ན་གཏུབ། ཟན་ལིང་ཡིན་ན་བརྒྱ་དང་བརྒྱད་ཙམ་དུ་གཏུབ་ལ་ཤ་དུམ་བརླན། ཁྲག་ཐིགས་བྱུགས་ལ་སྣོད་གཅིག་ཏུ་བཞག་པ་དང་། བསྲེག་རྫས་ཐམས་ཅད་ནང་མཆོད་ཀྱིས་བྲན་ལ། ཨོཾ་ཀརྨ་ཌཱ་ཀི་ནི་ཧཱུྃ་ཕཊ། ཨོཾ་སྭ་བྷཱ་ཝ་སོགས། སྟོང་པའི་ངང་ལས་བྷནྡྷ་ལྕང་ལོ་ཅན་གྱི་ནང་དུ། དགྲ་བགེགས་བསྒྲལ་བའི་ཤ་ཁྲག་ངོ་བོ་ཡེ་ཤེས་ཀྱི་བདུད་རྩིར་གྱུར་པ་རྣམས་དང་། ཤར་དུ་དངུལ་གཞོང་དུ་ཞི་བའི་བསྲེག་རྫས་སྣ་ཚོགས། ལྷོར་གསེར་གཞོང་དུ་རྒྱས་པའི་བསྲེག་རྫས་སྣ་ཚོགས། ནུབ་ཏུ་ཟངས་གཞོང་དུ་དབང་གི་བསྲེག་རྫས་སྣ་ཚོགས། བྱང་དུ་ལྕགས་གཞོང་དུ་དྲག་པོའི་བསྲེག་རྫས་སྣ་ཚོགས། །ཐམས་ཅད་དངས་ཤིང་ཐོགས་པ་མེད་པ་ངོ་བོ་ཡེ་ཤེས་ཀྱི་བདུད་རྩི། ལས་སོ་སོ་བསྒྲུབ་པའི་ནུས་པ་དང་ལྡན་པར་གྱུར། ཕཊ་ཕཊ་ཕཊཿ རྡོར་དྲིལ་དང་བཅས་དགང་གཟར་བླུགས་ཁ་སྦྱར་བའམ་མེད་ན་དགང་གཟར་ཁ་སྦྱར་བའི་ཕྱག་རྒྱས་རེག་ཅིང་། ཨོཾ་ཨཱཿཧཱུྃ། ཨོཾ་ཋཿཋཿཋཿཋཿཋཿཋཿཋཿ ཞེས་ཐམས་ཅད་ལ་རེག །ཨོཾ་སྭཱ་ཧཱ། ཞེས་ཐམས་ཅད་ལ་རེག་པས་བཀྲུས་པས་བསམ། ཨོཾ་ཤྲཱིཾ་སྭཱ་ཧཱ།

[Full Size]

ཞེས་ཡམ་ཤིང་ལ་རེག །ཨོཾ་ཨཱཿསྭཱ་ཧཱ། ཞེས་མར་ཁུ་ལ་རེག །ཨོཾ་ཛྲིཾ་སྭཱ་ཧཱ། ཞེས་འབྲུ་ཐམས་ཅད་ལ་རེག །ཨོཾ་ཀུ་རུ་ཀུ་རུ་སྭཱ་ཧཱ། །ཞེས་རྫས་ཐམས་ཅད་ལ་རེག་གོ །དེ་ནས་ཌཱ་དྲིལ་དང་བཅས་ཐབ་ལ་བསྐོར་ནས་འཆམ་སྟབས་བྱ་ཞིང་། ཀྱཻ། མ་མི་མིན་ཡེ་ཤེས་མཁའ་འགྲོ་མ། །ཕ་རོལ་ཕྱིན་པའི་གྲུབ་ཐོབ་མ། །སྐལ་ལྡན་ཡོངས་ཀྱི་རྒྱུད་གྲོལ་མ། །མ་མི་མངོན་དབྱིངས་ནས་འདིར་གཤེགས་ལ། །ས་འདི་ལ་བྱིན་གྱིས་བརླབ་ཏུ་གསོལ། །ཨུ་རྒྱན་ཡུལ་གྱི་ཤར་ཕྱོགས་ན། །གཏུམ་དྲག་ཅན་གྱི་དུར་ཁྲོད་དེ། །ཞི་བའི་མེ་མཆོད་ས་གཞི་ཡིན། །རང་བྱུང་མེ་ཆེན་དེ་ན་འབར། །རྡོ་རྗེ་མཁའ་འགྲོ་དེ་ན་འདུ། །དོ་ནུབ་མེ་མཆོད་ས་གཞི་འདི། །གཏུམ་དྲག་གནས་སུ་བྱིན་གྱིས་རློབས། །ས་འདི་ལ་ཕྲག་དོག་མ་བྱེད་ཅིག །ཨུ་རྒྱན་ཡུལ་གྱི་ལྷོ་ཕྱོགས་ན། །གད་རྒྱངས་སྒྲོགས་པའི་དུར་ཁྲོད་དེ། །རྒྱས་པའི་མེ་མཆོད་ས་གཞི་ཡིན། །རང་བྱུང་མེ་ཆེན་དེ་ན་འབར། །རིན་ཆེན་མཁའ་འགྲོ་དེ་ན་འདུ། །དོ་ནུབ་མེ་མཆོད་ས་གཞི་འདི། །གད་རྒྱངས་གནས་སུ་བྱིན་གྱིས་རློབས། །ས་འདི་ལ་ཕྲག་དོག་མ་བྱེད་ཅིག །ཨུ་རྒྱན་ཡུལ་གྱི་ནུབ་ཕྱོགས་ན། །པདྨ་འཁྱིལ་

[Full Size]

བའི་དུར་ཁྲོད་དེ། །དབང་གི་མེ་མཆོད་ས་གཞི་ཡིན། །རང་བྱུང་མེ་ཆེན་དེ་ན་འབར། །པདྨ་མཁའ་འགྲོ་དེ་ན་འདུ། །དོ་ནུབ་མེ་མཆོད་ས་གཞི་འདི། །པདྨ་འཁྱིལ་པར་བྱིན་གྱིས་རློབས། །ས་འདི་ལ་ཕྲག་དོག་མ་བྱེད་ཅིག །ཨུ་རྒྱན་ཡུལ་གྱི་བྱང་ཕྱོགས་ན། །ཀཱི་ལ་སྒྲོགས་པའི་དུར་ཁྲོད་དེ། །དྲག་པོའི་མེ་མཆོད་ས་གཞི་ཡིན། །རང་བྱུང་མེ་ཆེན་དེ་ན་འབར། །ལས་ཀྱི་མཁའ་འགྲོ་དེ་ན་འདུ། །དོ་ནུབ་མེ་མཆོད་ས་གཞི་འདི། །ཀཱི་ལ་སྒྲོགས་པར་བྱིན་གྱིས་རློབས། །ས་འདི་ལ་ཕྲག་དོག་མ་བྱེད་ཅིག །ཨུ་རྒྱན་ཡུལ་གྱི་དབུས་ཕྱོགས་ན། །གསང་ཆེན་རབ་འཇིགས་དུར་ཁྲོད་དེ། །སྣ་ཚོགས་མེ་མཆོད་ས་གཞི་ཡིན། །རང་བྱུང་མེ་ཆེན་དེ་ན་འབར། །ཡེ་ཤེས་མཁའ་འགྲོ་དེ་ན་འདུ། །དོ་ནུབ་མེ་མཆོད་ས་གཞི་འདི། །ཨུ་རྒྱུན་གནས་སུ་བྱིན་གྱིས་རློབས། །ས་འདི་ལ་ཕྲག་དོག་མ་བྱེད་ཅིག །དེ་ནས་ལག་ཏུ་ཤིང་མགལ་ཆུང་ངུ་ལྔ་ཐོགས་ལ་སྐོར་བ་བྱེད་ཅིང་། ཧཱུྃ། ཤར་ལྷོ་མཚམས་ནས་ཤིང་ཐུ་མ། །སྐུ་མདོག་དཀར་མོ་རྡོ་རྗེའི་རིགས། །ཙནྡན་དཀར་སོགས་ཞི་བའི་ཤིང་། །དྲང་སྲོང་ཡུལ་ནས་ཤིང་ཐུས་ལ། །ཞི་བའི་མེ་ནི་འབར་བར་མཛོད། །འཇིགས་

[Full Size]

བརྒྱུད་ཞི་བའི་ལས་སྒྲུབས་ཤིག །ཧཱུྃ། ལྷོ་ནུབ་མཚམས་ནས་ཤིང་ཐུ་མ། །སྐུ་མདོག་སེར་མོ་རིན་ཆེན་རིགས། །ཡུངས་ཤིང་ལ་སོགས་རྒྱས་པའི་ཤིང་། ། སྲིན་པོའི་ཡུལ་ནས་ཤིང་ཐུས་ལ། །རྒྱས་པའི་མེ་ནི་སྦར་བར་མཛོད། །ཚེ་བསོད་རྒྱས་པའི་ལས་སྒྲུབས་ཤིག །ཧཱུྃ། ནུབ་བྱང་མཚམས་ནས་ཤིང་ཐུ་མ། །སྐུ་མདོག་དམར་མོ་པདྨའི་རིགས། །ཙནྡན་དམར་སོགས་དབང་གི་ཤིང་། །རླུང་ལྷའི་ཡུལ་ནས་ཤིང་ཐུས་ལ། །དབང་གི་མེ་ནི་སྦྱར་བར་མཛོད། །ཁམས་གསུམ་དབང་སྡུད་ལས་སྒྲུབས་ཤིག །ཧཱུྃ། བྱང་ཤར་མཚམས་ནས་ཤིང་ཐུ་མ། །སྐུ་མདོག་ལྗང་མོ་ལས་ཀྱི་རིགས། །སེང་ལྡེང་ཚེར་ནག་དྲག་པོའི་ཤིང་། །དབང་ལྡན་ཡུལ་ནས་ཤིང་ཐུས་ལ། །དྲག་པོའི་མེ་ནི་སྦྱར་བར་མཛོད། །དགྲ་བགེགས་ཚར་གཅོད་ལས་སྒྲུབས་ཤིག །ཧཱུྃ། དབུས་ཀྱི་ཕྱོགས་ནས་ཤིང་ཐུ་མ། །སྐུ་མདོག་སྔོན་མོ་སངས་རྒྱས་རིགས། །བྱང་ཆུབ་ཤིང་དང་དཔག་བསམ་ཤིང་། །རི་རབ་རྩེ་ནས་ཤིང་ཐུས་ལ། །ཡེ་ཤེས་མེ་ནི་སྦར་བར་མཛོད། །བྱང་ཆུབ་ཐོབ་པའི་ལས་སྒྲུབས་ཤིག །ཀུ་ཤ་ཆུན་པོ་ཐོགས་ལ། ཨོཾ། ཀུ་ཤ་འདི་ནི་གཙང་ཞིང་

[Full Size]

དགེ། །ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་པོ་མཉེས་བྱེད་པ། །ས་ལས་སྐྱེས་པ་འདབ་མའི་སྙིང་། །བདག་གི་བགེགས་རྣམས་ཐམས་ཅད་ནི། །ཞི་ཞིང་བདེ་ལེགས་མཛད་དུ་གསོལ། །ཨོཾ་བཛྲ་སཏྭ་ཨཱ༔ ཞེས་རྩེ་མོ་གཡས་ཕྱོགས་སུ་བསྟན་ནས་ཁ་ཁྱེར་དུ་གཡས་བསྐོར་དུ་བཀོད། དབུས་སུ་རྒྱ་གྲམ་གཅིག་བཞག་གོ །དེ་ནས་མེ་རུ་ལྔའམ་གཅིག་ཐོགས་ལ། །ཧཱུྃ༔ ཤར་ཕྱོགས་ཞི་བ་ཆེན་པོའི་ཕོ་བྲང་ནས། །བུད་མེད་དཀར་མོ་དུང་གི་སྦྱད་རུ་མཆུ། །ཕྱག་མཚན་ཕྱག་ན་རྡོ་རྗེ་མེ་འབར་བསྣམས། །ཁ་བརྒྱ་མེ་འབར་ལག་བརྒྱས་མགལ་པ་བསྒུལ། །ཞི་བའི་མེ་སྦར་ལྷ་མོས་མེ་སྦྱོར་ལ། །མེ་ལོང་ཡེ་ཤེས་མེ་ནི་འབར་བར་མཛོད། །ཧ་ཤཱནྟིཾ་ཀུ་རུ་ཡེ་ཛྭ་ལ་རཾ། ཧཱུྃ། ལྷོ་ཕྱོགས་རྒྱས་པ་ཆེན་པོའི་ཕོ་བྲང་ནས། །བུད་མེད་སེར་མོ་གསེར་གྱི་སྦུད་རུ་མཆུ། །ཕྱག་མཚན་ཕྱག་ན་རིན་ཆེན་མེ་འབར་བསྣམས། །ཁ་བརྒྱ་མེ་འབར་ལག་བརྒྱས་མགལ་པ་བསྐུལ། །རྒྱས་པའི་མེ་སྦར་ལྷ་མོས་མེ་སྦྱོར་ལ། །མཉམ་ཉིད་ཡེ་ཤེས་མེ་ནི་འབར་བར་མཛོད། །རི་པུཥྚིཾ་ཀུ་རུ་ཡེ་ཛྭ་ལ་རཾ། ཧཱུྃ། ནུབ་ཕྱོགས་དབང་སྡུད་ཆེན་པོའི་ཕོ་བྲང་ནས། །བུད་མེད་དམར་མོ་ཟངས་ཀྱི་

[Full Size]

སྦྱད་རུ་མཆུ། །ཕྱག་མཚན་ཕྱག་ན་པདྨ་མེ་འབར་བསྣམས། །ཁ་བརྒྱ་མེ་འབར་ལག་བརྒྱས་མགལ་པ་བསྒུལ། །དབང་གི་མེ་སྦར་ལྷ་མོས་མེ་སྦོར་ལ། །སོར་རྟོག་ཡེ་ཤེས་མེ་ནི་འབར་བར་མཛོད། །ནི་པ་ཤཾ་ཀུ་རུ་ཡེ་ཛྭ་ལ་རཾ། ཧཱུཾ། བྱང་ཕྱོགས་མངོན་སྤྱོད་དྲག་པོའི་ཕོ་བྲང་ནས། །བུད་མེད་ལྗང་མོ་གཡུ་ཡི་སྦྱད་རུ་མཆུ། །ཕྱག་མཚན་ཕྱག་ན་རྒྱ་གྲམ་མེ་འབར་བསྣམས། །ཁ་བརྒྱ་མེ་འབར་ལག་བརྒྱས་མགལ་པ་བསྒྲལ། །དྲག་པོའི་མེ་སྦྱར་ལྷ་མོས་མེ་སྦྱོར་ལ། །བྱ་གྲུབ་ཡེ་ཤེས་མེ་ནི་འབར་བར་མཛོད། །ས་མཱ་ར་ཡ་ཛྭ་ལ་རཾ། ཧཱུྃ། དབུས་ཕྱོགས་ཐམས་ཅད་ལྷུན་གྲུབ་ཕོ་བྲང་ནས། །བུད་མེད་སྔོན་མོ་མུ་མེན་སྦྱད་རུ་མཆུ། །ཕྱག་མཚན་ཕྱག་ན་འཁོར་ལོ་མེ་འབར་བསྣམས། །ཁ་བརྒྱ་མེ་འབར་ལག་བརྒྱས་མགལ་པ་བསྐུལ། །ཡེ་ཤེས་མེ་སྦར་ལྷ་མོས་མེ་སྦྱོར་ལ། །ཆོས་དབྱིངས་ཡེ་ཤེས་མེ་ནི་འབར་བར་མཛོད། །ཨ་ཛྷཱ་ན་ཛྭ་ལ་རཾ། དེ་ནས་མེ་དར་ལྔའམ་གཅིག་གང་ཡོད་གཡུག་ཅིང་བསྐོར་བ་བྱ་ཞིང་། ཧཱུྃ། མེ་ལོང་ཡེ་ཤེས་མེ་ཕུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་བར། །མེ་ལྕེ་ཤར་དུ་མ་འཕྲོ་ཞིག་

[Full Size]

མེ་ལྕེ་ཤར་དུ་འཕྲོས་གྱུར་ན། །ཤར་ལྷ་དཀར་པོ་ཚིག་དོགས་ཡོད། །དེ་ཕྱིར་ཤར་དུ་མ་འཕྲོ་ཞིག །མེ་དར་དཀར་པོ་འདི་ཡིས་གཡབ། །ཧཱུྃ། མཉམ་ཉིད་ཡེ་ཤེས་མེ་ཕུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་ལྷོ་རུ་མ་འཕྲོ་ཞིག །མེ་ལྕེ་ལྷོ་རུ་འཕྲོས་གྱུར་ན། །ལྷོ་ལྷ་སེར་པོ་ཚིག་དོགས་ཡོད། །དེ་ཕྱིར་ལྷོ་རུ་མ་འཕྲོ་ཞིག །མེ་དར་སེར་པོ་འདི་ཡིས་གཡབ། །ཧཱུྃ། སོར་རྟོག་ཡེ་ཤེས་མེ་ཕུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་ནུབ་ཏུ་མ་འཕྲོ་ཞིག །མེ་ལྕེ་ནུབ་ཏུ་འཕྲོས་གྱུར་ན། །ནུབ་ལྷ་དམར་པོ་ཚིག་དོགས་ཡོད། །དེ་ཕྱིར་ནུབ་ཏུ་མ་འཕྲོ་ཞིག །མེ་དར་དམར་པོ་འདི་ཡིས་གཡབ། །ཧཱུྃ།། བྱ་གྲུབ་ཡེ་ཤེས་མེ་ཕུང་འབར་བ་འདི་། །དུར་ཁྲོད་མེ་ཡི་མཆོད་པ་མ་རྫོགས་བར། །མེ་ལྕེ་བྱང་དུ་མ་འཕྲོ་ཞིག །མེ་ལྕེ་བྱང་དུ་འཕྲོས་གྱུར་ན། །བྱང་ལྷ་ལྗང་གུ་ཚིག་དོགས་ཡོད། །དེ་ཕྱིར་བྱང་དུ་མ་འཕྲོ་ཞིག །མེ་དར་ལྗང་གུ་འདི་ཡིས་གཡབ། །ཧཱུྃ། ཆོས་དབྱིངས་ཡེ་ཤེས་མེ་ཕུང་འབར་བ་འདི། །དུར་ཁྲོད་མེ་ཡི་མཆོད་པ་མ་རྫོགས་པར། །མེ་ལྕེ་སྟེང་དུ་མ་འཕྲོ་ཞིག །མེ་

[Full Size]

ལྕེ་སྟེང་དུ་འཕྲོས་གྱུར་ན། །དགུང་ལྷ་སྔོན་པོ་ཚིག་དོགས་ཡོད། །མེ་ལྕེ་ས་ལ་མ་འཁྱིལ་ཅིག །མེ་ལྕེ་ས་ལ་འཁྱིལ་བ་ན། །ས་ལྷ་སེར་པོ་ཚིག་དོགས་ཡོད། །དེ་ཕྱིར་སྟེང་འོག་མ་འཕྲོ་ཞིག །མེ་དར་མཐིང་ག་འདི་ཡིས་གཡབ། །བདག་གི་བསམ་པ་འགྲུབ་པར་མཛོད། །ཨོཾ་ཨཱཿཧཱུྃ། ཞེས་གཡབ་བོ། །ལས་སྣ་ཚོགས་ཀྱི་མེ་མཆོད་འདི་ལ་མེ་པྲ་མི་བཟུངས་བས། མེ་པྲ་བརྟག་པ་ནི་མི་དགོས་སོ། །ཨོཾ་ཀརྨ་ཊཱཀི་ནི་ཧཱུྃ་ཕཊཿ ཨོཾ་སྭ་བྷ་ཝ་སོགས། སྟོང་པའི་ངང་ལས་མེ་རི་རྡོ་ར་དུར་ཁྲོད་ཆེན་པོ་བརྒྱད་ཀྱིས་བསྐོར་བའི་དབུས་སུ། དྲག་པོའི་མེ་ཐབ་གྲུ་གསུམ་ནག་པོ་ཁ་ཁྱེར་རལ་གྲིས་མཚན་པ། དེའི་ནང་དུ་རྒྱས་པའི་མེ་ཐབ་སེར་པོ་གྲུ་བཞི་ཁ་ཁྱེར་རིན་པོ་ཆེས་མཚན་པ། དེའི་ནང་དུ་ཞི་བའི་མེ་ཐབ་དཀར་པོ་ཟླུམ་པོ་ཁ་ཁྱེར་རྡོ་རྗེ་དཀར་པོས་མཚན་པ། དེའི་ནང་དུ་དབང་གི་མེ་ཐབ་ཟླ་གམ་དམར་པོ་ཁ་ཁྱེར་ལྕགས་ཀྱུས་མཚན་པ། དེའི་ནང་དུ་མེ་ཡི་ཆོས་འབྱུང་དམར་ནག་བསྣོལ་མ་ཟུར་དྲུག་པ། རྩ་བ་ཕྲ་བ་ཐུར་དུ་ཟུག་པ། ཁ་གདེངས་ཆེ་བ་གྱེན་དུ་བསྟན་པ་ཡངས་ཤིང་རྒྱ་ཆེ་བའི་དབུས། པདྨ་དང་ཉི་ཟླའི་གདན་ལ་རཾ་དམར་ནག་ཡོངས་སུ་གྱུར་པ་ལས་འཇིག་རྟེན་

[Full Size]

དབང་ཕྱུག་མེ་ལྷའི་རྒྱལ་པོ། སྐུ་མདོག་དམར་སྐྱ་ཞལ་གཅིག་སྤྱན་གསུམ་ཨག་ཚོམ་འཕྱང་བ། ཕྱག་བཞིའི་གཡས་རིལ་བ་དང་བ་དན། གཡོན་རྩེ་གསུམ་དང་བགྲང་ཕྲེང་འཛིན་པ། ཚངས་སྐུད་དཀར་པོ་འཕྱང་བ། དྲང་སྲོང་གི་ཆ་བྱད་ཅན། ར་སྐྱེས་ཁམ་པའི་སྟེང་ན་ཕྱེད་སྐྱིལ་གྱིས་བཞུགས་པའི་ལྟོ་བ་ཡངས་ཤིང་རྒྱ་ཆེ་བའི་དབུས་སུ། ཆོས་འབྱུང་ཟུར་དྲུག་གདན་ཐབས་སུ་བཏིང་བའི་དབུས་སུ། སྣ་ཚོགས་པདྨ་འདབ་བཞིའི་ལྟེ་བར་པད་ཉི་རོའི་གདན་ལ། ཨ་མཐིང་ནག་དང་། ཧ་རི་ནི་ས་ཡོངས་སུ་གྱུར་པ་ལས། ངོ་བོ་ནི་མ་གཅིག་ལབ་ཀྱི་སྒྲོན་མ་ཡིན་པ་ལ། རྣམ་པ་ཁྲོས་མ་རིགས་ལྔའི་སྐུར་གྱུར་པ་ནི། དབུས་སུ་བདུད་འདུལ་ཁྲོས་མ་ནག་མོ་ཕྱག་གཡས་རྡོ་རྗེས་མཚན་པའི་གྲི་གུག་འཕྱར་བ། ཤར་ན་བདེ་ཆེན་དཀར་མོ་ཕྱག་གཡས་འཁོར་ལོས་མཚན་པའི་གྲི་གུག །ལྷོར་སེར་མོ་དོན་གྲུབ་ཕྱག་གཡས་རིན་པོ་ཆེས་མཚན་པའི་གྲི་གུག །ནུབ་ཏུ་དམར་མོ་སྒྲ་སྒྲོགས་ཕྱག་གཡས་པདྨས་མཚན་པའི་གྲི་གུག །བྱང་དུ་སྣ་ཚོགས་མཐར་ཕྱིན་ལྗང་གུ་ཕྱག་གཡས་རྒྱ་གྲམ་གྱིས་མཚན་པའི་གྲི་གུག་ཕྱིར་བ། ཐམས་ཅད་ཀྱང་ཞལ་གཅིག་ཕྱག་གཉིས་སྤྱན་གསུམ་བགྲད་

[Full Size]

པ། དབུ་སྐྲ་ཐོར་ཚུགས་ཀྱི་རྩེར་རང་རང་གི་མདོག་དང་མཚུངས་པའི་ཕག་ཞལ་གྱེན་དུ་ངུར་བ། རུས་པའི་རྒྱན་དྲུག་དང་དུར་ཁྲོད་ཀྱི་ཆས་བརྒྱད་གསོལ་བ། གྲུ་མོ་ན་ཁཊཾ་བརྟེན་ཅིང་ཐོད་ཁྲག་ཐུགས་ཀར་འཛིན་པ། ཞབས་གར་ཐབས་སུ་དབུགས་བྲལ་གྱི་སྙིང་གར་མནན་པ། ལྷ་དྲུག་ཀ་ཡང་མེ་དཔུང་འབར་བའི་ཀློང་ན་བཞུགས་ཤིང་། །ཞལ་རབ་ཏུ་གདངས་པའི་ནང་ནས་མེ་འབར་བ། ལྷ་ཐམས་ཅད་ཀྱི་གནས་གསུམ་ཡི་གེ་གསུམ་དང་། ཁྲོས་མ་རིགས་ལྔའི་ཐུགས་ཀར་ཨ་ཧ་རི་ནི་ས། མེ་ལྷའི་ཐུགས་ཀར་རཾ། །དེ་རྣམས་ལས་འོད་ཟེར་འཕྲོས་པས་ཨུ་རྒྱན་གྱི་གནས་ནས་ཁྲོས་མ་རིགས་ལྔ་དང་། འཇིག་རྟེན་གྱི་ཤར་ལྷོ་ནས་མེ་ལྷ་དྲང་སྲོང་སྤྱན་དྲངས། བཛྲ་ས་མཱ་ཛཿཧཱུྃ། སྟོང་ཉིད་ཆོས་ཀྱི་དབྱིངས་ཀྱི་ཕོ་བྲང་ནས། །ཐུགས་རྗེ་ཁྲོས་མ་ནག་མོ་གཤེགས་སུ་གསོལ། །མི་འགྱུར་གནས་པའི་གཞལ་ཡས་ནས། །བདེ་ཆེན་དཀར་མོ་གཤེགས་སུ་གསོལ། །གཏེར་འབྱུང་ཡིད་བཞིན་གཞལ་ཡས་ནས། །སེར་མོ་དོན་གྲུབ་གཤེགས་སུ་གསོལ། །ཤེས་རབ་བཙུན་མོའི་བྷ་ག་ནས། །དམར་མོ་སྒྲ་སྒྲོགས་གཤེགས་སུ་གསོལ། །ཕྲིན་ལས་

[Full Size]

ཐོགས་མེད་ཕོ་བྲང་ནས། །སྣ་ཚོགས་མཐར་ཕྱིན་གཤེགས་སུ་གསོལ། །མཁའ་འགྲོའི་ཚོགས་རྣམས་གཤེགས་ཙམ་ན། །རིན་ཆེན་རུས་རྒྱན་ཁྲ་ལ་ལ། །དབུ་རྒྱན་ཐོར་ཚུགས་ལྡེམས་སེ་ལྡེམ། །རོལ་མོ་སིལ་སྙན་སི་ལི་ལི། །གླུ་ལེན་གར་བྱེད་ཁྱུགས་སེ་ཁྱུག །ཧཱུཾ་དང་ཕཊ་སྒྲ་དི་རི་རི། །བྱིན་རླབས་དངོས་གྲུབ་ཐིབས་སེ་ཐིབ། །བྱིན་གྱིས་བརླབ་ཕྱིར་གཤེགས་སུ་གསོལ། །ཨོཾ། ཚུར་སྤྱོན་ཚུར་སྤྱོན་འབྱུང་པོ་ཆེ། །ལྷ་ཡི་དྲང་སྲོང་གཉིས་སྐྱེས་མཆོག །བསྲེག་བླུགས་ཞལ་ཟས་བཞེས་སླད་དུ། །འདིར་ནི་ཡང་དག་བསྙེན་པར་མཛོད། །གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་རབ་བསྒྲུབ་པ། །ཐུགས་རྗེས་སེམས་ཅན་དོན་གྱི་ཕྱིར། །འདི་ཉིད་དུ་ནི་གཤེགས་སུ་གསོལ། །ཛཿཧཱུྃ་བཾ་ཧོཿ བཛྲ་ཌཱ་ཀི་ནི། ས་མ་ཡ་ཧོ། ས་མ་ཡ་སྟྭཾ། དྲྀ་ཤྱ་ཧོཿ ཨེ་ཨཱ་ར་ལི་ཕེཾ་ཕེཾ། ཨོཾ་ཌཱ་ཀི་ཧཱུྃ་ཛཿ ཧཱུྃ། ཉོན་མོངས་ཡེ་ཤེས་གཉིས་སུ་མེད་པའི་ངང་། །སྤངས་རྟོགས་བྲལ་བའི་འཁོར་འདས་མཉམ་པ་ཉིད། །དམ་ཚིག་ཡེ་ཤེས་ཆུ་ལ་ཆུ་བཞག་བཞིན། །གཉིས་མེད་ཟུང་འཇུག་བརྟན་པར་བྱ་བའི་ཕྱིར། །ཚོགས་ཁང་དུར་ཁྲོད་འབར་བའི་ཕོ་བྲང་

[Full Size]

འདི། །སྣ་ཚོགས་པད་ཉི་རོ་ཡི་གདན་སྟེང་དུ། །ཐུགས་རྗེ་ཁྲོས་མ་ནག་མོའི་ལྷ་ཚོགས་རྣམས། །བྱིན་རླབས་དངོས་གྲུབ་འབེབས་ཕྱིར་བཞུགས་སུ་གསོལ། །ཧཱུྃ། གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་རབ་བསྒྲུབ་པ། །ཐུགས་རྗེས་སེམས་ཅན་དོན་གྱི་ཕྱིར། །འབར་བའི་གདན་ལ་བཞུགས་སུ་གསོལ། །བཛྲ་ཌཱ་ཀི་ནཱི་ཨགེ་དེ་ཝ་ས་མ་ཡ་ཏིཥྛ་ལྷན། དབང་ལྷ་སྤྱན་དྲངས་དབང་བསྐུར་དྲི་མ་དག །ཆུ་ལྷག་ཡར་ལུད་མེ་ལྷར་རྣམ་སྣང་དང་། །མཁའ་འགྲོ་ལྔ་ལ་རིགས་ལྔས་དབུར་བརྒྱན་གྱུར། ། ཨོཾ་ཧཱུྃ་ཏྲཱཾ་ཧྲཱིཿཨཱ༔ ཨ་བྷི་ཥིཉྩ་ཧཱུྃ། ཧཱུྃ། དུག་ལྔ་གནས་དག་ཡེ་ཤེས་ལྔ་ཡི་ངང་། །ཁྲོས་མ་རིགས་ལྔའི་སྐུ་ལ་ཕྱག་འཚལ་ལོ། །ལྷ་རྣམས་ཀུན་གྱི་ཞལ་དང་གཉིས་སུ་མེད། །འབར་བ་མེ་ཡི་ལྷ་ལ་ཕྱག་འཚལ་ལོ། །ཉེར་སྤྱོད་བདུན་དང་འདོད་པའི་ཡོན་ཏན་ལྔ། །རྒྱལ་སྲིད་རིན་ཆེན་བདུན་དང་བཀྲ་ཤིས་བརྒྱད། །སྨན་རཀ་གཏོར་གསུམ་ཤ་ལྔ་བདུད་རྩི་་ལྔ། །སྦྱོར་སྒྲོལ་བདེ་སྟོང་སྐྱེ་མེད་དོན་དམ་སོགས། །དངོས་འབྱོར་ཡིད་སྤྲུལ་མཆོད་པ་དཔག་མེད་པ། །ཁྲོས་མ་རིགས་ལྔ་མེ་ལྷ་བཅས་ལ་འབུལ། །ཕྲིན་ལས་རྣམ་བཞི་

[Full Size]

འགྲུབ་པར་མཛད་དུ་གསོལ། །ཨ་ཧ་རི་ནི་སཿཨགྣེ་དེ་ཝ་ཨརྒྷ་ནས་ཤབྟ་པྲ་ཏིཙྪ་ཨཱཿཧཱུྃ། ཞེས་མཆོད་པ་ལྔ་ཡི་ཕུད་མེར་འབུལ་ཞིང་། ཨོཾ་བཛྲ་ཨརྒྷཾ་ཨཱཿཧཱུྃ། ཞེས་སོགས་བརྗོད། མེ་ལྷ་ཁྱོད་ཉིད་མེ་འབར་བ་དང་གཉིས་སུ་མེད་པར་བཞུགས་ལ། བསྲེག་བླུགས་ཀྱི་མཆོད་པ་འདི་རྣམས། ཁྲོས་མ་རིགས་ལྔའི་ཞལ་དུ་བསྟོབ་པའི་ཕྲིན་ལས་མཛོད་ཅིག །དགང་བླུགས་ཀྱི་ཁར་ཧཱུྃ་དང་མེ་ལྷ་ཞལ་གདང་བའི་ལྗགས་རཾ་ཡིག་གིས་མཚན་པས་བསྲེག་རྫས་བདུད་རྩི་བཞེས་པར་གྱུར། ཡམ་ཤིང་ཀུ་ཤ་སོགས་སྐུ་ཡི་མེ་ཕུང་དུ་ཕུལ་བར་བསམས་ལ། ཨ་ཧ་རི་ནི་ས་ཨགྣེ་དེ་ཝ་བྷོ་དྷི་བྲིཀྵ་ཡེ་གཟི་བརྗིད་ཕུན་སུམ་ཚོགས་པ་སརྦ་སིདྡྷི་སྭཱ་ཧཱ། ཞེས་བརྒྱ་རྩ་བརྒྱད་དམ་ཉུང་ན་ཉེར་གཅིག་གིས་ཆོག །དགང་གཟར་བླུགས་ཡོད་ན་རབ། མེད་ན་ལག་པ་གཡས་མཐེ་བོང་གིས་མཛུབ་མོ་མནན། སོར་མོ་གསུམ་བསྒྲིགས་ལ་ཅུང་ཟད་གུག་པ་བླུགས་གཟར་དང་། ལག་གཡོན་མཐེ་བོང་མཛུབ་ཆུང་གོང་མཛུབ་གསུམ་བསྐུམ། སྲིན་མཛུབ་དཀྱིལ་མཛུབ་བརྐྱང་། ལག་མཐིལ་གུམ་གུམ་བྱ་བ་དགང་གཟར་གྱི་ཕྱག་རྒྱ་བྱས་ལ། ལྕགས་ཁེམ་ལ་ཡུ་བ་རིང་པོ་སྦྱར་བས་མཆོད། ཡང་ན་མར་གྱི་བསྲོ་ལྡག་ཆེན་པོ་བྱས་ལ། མར་ཁུ་ཅུང་ཟད་འཐིག་བཅུག་པའི་སྲོལ་ཡོད་དོ། །ཨ་ཧ་རི་ནི་ས་ཨགེ་དེ་ཝ་ཨགེ་ཡེ་འབྱོར་བ་ཕུན་སུམ་ཚོགས་པ་སརྦ་སིདྡྷི་སྭཱ་ཧཱ། ཞེས་

[Full Size]

བརྒྱ་རྩ་བརྒྱད་དམ། ཉེར་གཅིག་ལས་མི་ཉུང་བ་འབུལ་ཏེ་མཆོད་གཡོག་པས་གྲངས་བཟུང་ངོ་། །དེ་ནས་ལིངྒ་ཤ་དུམ་ཧོམ་གཟར་དུ་རེ་རེ་ནས་བཞག་ལ་བླུགས་གཟར་གྱིས་ཁྲག་ཆུ་ཆང་གསུམ་གྱིས་བྲན་ལ་ཕུལ་བ་ཡིན་ཀྱང་། ཧོམ་གཟར་མེད་ན། རང་གི་ལག་པ་གཙང་བར་བཀྲུས་ནས་རེ་རེ་ནས་བླངས་ལ་འབུལ་བ་ནི་དྲག་ལས་ཆེན་པོ་ཡིན་པར་བཤད། ལྷ་རྣམས་ཞལ་ཤིན་ཏུ་གདང་བའི་ནང་དུ་གནོད་བྱེད་ཐམས་ཅད་རྐང་མཐིལ་སྐྱ་ལྷག་ལྷག་སོང་ནས། རྣམ་ཤེས་ཐུགས་ཆོས་ཉིད་ཀྱི་ངང་དུ་ཐིམ་ནས་སངས་རྒྱས་པར་བསྒོམས་ལ། ཧཱུྃ། དྲང་སྲོང་ཆེན་པོ་མེ་ཡི་ལྷ། །སྔོན་གྱི་དམ་བཅས་མནའ་དོར་བ། །ལྷ་རྣམས་ཞལ་ནི་མེ་ཡིན་ཏེ།། །སྦྱིན་སྲེག་དེ་ནི་མེ་ལ་གནས། །སྦྱིན་སྲེག་མཆོད་པ་འདི་བཞེས་ལ། །ལས་ཀུན་འགྲུབ་པའི་གྲོགས་མཛོད་ཅིག །ཨོཾ་ཨཀྵེ་དྷེ་ཝ་གནོད་བྱེད་གདོན་བགེགས་སརྦ་མཱ་ར་ཡ་ཛྭ་ལ་རཾ་ཁཱ་ཧི། ཞེས་ལིངྒ་བདུན་ཕུལ་ལ། མེ་ལྷའི་ཐུགས་ལས་སྤྲུལ་པའི་མེ་ལྷ་གཅིག །བྱོན་ནས་ལྟོ་བར་བཞུགས་པའི་ལྷ་རྣམས་ལ། །མཆོད་རྫས་འབུལ་བའི་ཕྱག་ཚང་མཛད་པར་གྱུར། །དེ་ནས་ལིངྒ་མང་མ་འབུལ། ཨོཾ་བཛྲ་བྷ་ར་ཧི་ཀྲོ་དྷི་ཀཱ་ལི་གནོད་བྱེད་གདོན་བགེགས་སརྦ་མཱ་ར་ཡ་ཛྭ་ལ་རཾ་ཁཱ་ཧི། ཅེས་བརྒྱ་རྩ་བརྒྱད་འབུལ་ལོ། །ཞི་བ་གཙོ་ཆེ་ན་ཉེར་གཅིག་གིས་ཆོག །ཨོཾ་བཛྲ་བྷ་ར་ཧི་ཀྲོ་ཏི་ཀཱ་

[Full Size]

ལཱི། སརྦ་ཨརྦ་སིདྡྷི་ཡེ་གནོད་བྱེད་གདོན་བགེགས་ཐམས་ཅད་སརྦ་མཱ་ར་ཡ་ཧཱུྃ་ཕཊ་སྭཱ་ཧཱ། ཞེས་ཡུངས་དཀར་ཕུལ། ཨོཾ་བཛྲ་བྷ་ར་ཧི་ཀྲོ་དྷཱི་ཀཱ་ལཱི། མ་ཧཱ་བ་ལཱ་ཡ་གནོད་བྱེད་གདོན་བགེགས་ཀྱི་སྟོབས་སརྦ་མཱ་ར་ཡ་ཧཱུྃ་ཕཊ་སྭཱ་ཧཱ། ཞེས་སྲན་མ་འབུལ། ༀ་བཛྲ་བྷ་ར་ཧི་ཀྲོ་དྷི་ཀཱ་ལཱི། མ་ཧཱ་བེ་གྲྭ་ཡ་གནོད་བྱེད་གདོན་བགེགས་ཀྱི་ཤུགས་སརྦ་མཱ་ར་ཡ་ཧཱུྃ་ཕཊ་སྭ་ཧཱ། །ཞེས་ནས་ཕུལ། དེ་ནས་མེ་ལྷའི་གཏོར་མ་ཆེ་བ་གཅིག་དེ་བདུད་རྩིས་བྲན་ལ་བཟུང་བཅོལ། ཨ་ལས་བྷན་ལྕང་ལོ་ཅན་དུ་གཏོར་མ་གདོན་བགེགས་ཀྱི་ཤ་ཁྲག་བདུད་རྩིའི་རང་བཞིན་དུ་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿསྭཱ་ཧཱ། ཨོཾབཛྲ་བྷ་རཱ་ཧཱི་ཀྲོ་དྷི་ཀཱ་ལི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྔགས་ལན་གསུམ། ཧཱུྃ། མ་བཅོས་ཆོས་དབྱིངས་སྐྱེ་བ་མེད་པ་ལས། །རང་བྱུང་ལོངས་སྐུ་ཐུགས་རྗེ་ཁྲོས་མའི་སྐུ། །སྐུ་མདོག་མཐིང་ནག་ཁྲོ་མོའི་ཆ་བྱད་ཅན། །གཅེར་བུ་རྟོག་བྲལ་དབུ་སྐྲ་ཐུར་དུ་གྲོལ། །ཁྲོ་གཉེར་གསུམ་ལྡན་མཆེ་བ་རབ་ཏུ་གཙིགས། །སྤྱི་གཙུག་ཕག་ཞལ་སྲིད་གསུམ་རྩེ་ནས་བལྟ། །ཕག་མོའི་ངུར་སྒྲས་སྟོང་གསུམ་ཟིལ་གྱིས་གནོན། །གྲི་གུག་ཐོད་ཁྲག་གཡས་གཡོན་ཕྱག་ན་འཛིན། །དུར་ཁྲོད་ཆས་བརྒྱད་ཁཊྭཱཾ་གྲུ་མོར་བརྟེན། །

[Full Size]

ཕྱག་རྒྱ་ལྔ་དང་དུར་ཁྲོད་ཆས་ཀྱིས་བརྒྱན། །མེ་ཕུང་ཀློང་ན་ཞབས་གཉིས་བརྐྱང་བསྐུམ་གྱིས། །པད་ཉི་དུས་མཚན་རོ་ཡི་སྟེང་ན་མནན། །བདེ་སྟོང་ཉམས་ལྡན་འབར་བའི་གར་གྱིས་བཞུགས། །ཐུགས་རྗེ་ཁྲོས་མའི་སྐུ་ལ་ཕྱག་འཚལ་ལོ། །ཧཱུྃ་ཧཱུྃ། སྟོང་ཉིད་རང་སྒྲ་རྣམ་པར་དག་པ་ཡི། །ཨཱ་ལི་ཀཱ་ལིའི་ངོ་བོ་ཡོངས་རྫོགས་ཤར། །ཨཱ་ར་ལི་ཞེས་བཞད་པའི་གད་རྒྱང་སྒྲོགས། །ཕོ་གྱི་སྒྲ་ཡིས་མཁའ་འགྲོ་དབང་དུ་སྡུད། །ཧཱུ་གི་ང་རོས་བདུད་དཔུང་འཇོམས་པར་བྱེད། །སྟོང་ཉིད་ཆོས་སྒྲས་འཁོར་བ་དབྱིངས་སུ་སྒྲོལ། །ཕཊ་ཀྱི་འབྲུག་སྒྲས་ལོག་ལྟ་ཚར་གཅོད་མཛད། །བདེ་བ་རབ་རྒྱས་ཨ་ཧཾ་སྒྲ་འབྱིན་ཅིང་། །གསུང་དབྱངས་དྲུག་ཅུས་འགྲོ་བ་ཐབས་ཀྱིས་འདུལ། །ཐུགས་རྗེ་ཁྲོས་མའི་གསུང་ལ་ཕྱག་འཚལ་བསྟོད། །ཧཱུྃ་ཧཱུྃ། དོན་དམ་སྟོང་ཉིད་བདེ་གསལ་དག་པའི་ཐུགས། །ཁ་དོག་མཚན་མ་བརྗོད་པའི་ཡུལ་ལས་འདས། །ཉོན་མོངས་རྣམ་དག་ཡེ་ཤེས་ཆེན་པོ་ཉིད། །གདོད་ནས་མ་སྐྱེས་སྤྲོས་བྲལ་དོན་སྟོན་མ། །འཁོར་བའི་སྐྱོན་བྲལ་ཤེས་རབ་ཕ་རོལ་ཕྱིན། །བདེ་སྟོང་གཉིས་མེད་ཟུང་འཇུག་རང་བཞིན་ཅན། །མཐོང་

[Full Size]

ཐོས་དྲན་པས་འགྲོ་བ་ཐམས་ཅད་ལ། །འབར་བ་གསུམ་གྱི་དངོས་གྲུབ་སྟེར་མཛད་ཅིང་། །དགའ་བདེ་གཉིས་མེད་ཡེ་ཤེས་འཆར་མཛད་མ། །ཐུགས་རྗེ་ཁྲོས་མའི་ཐུགས་ལ་ཕྱག་འཚལ་བསྟོད། ། །ཧཱུྃ་ཧཱུྃ། དོན་དམ་ཆོས་དབྱིངས་ངང་ལས་མ་གཡོས་ཀྱང་། །སྣང་སྟོང་དབྱེར་མེད་འཇའ་ལུས་གཟུགས་སྐུའི་ཚུལ། །རྣམ་དག་སྐུ་ལ་ཡོན་ཏན་རབ་རྒྱས་ཤིང་། །འགགས་མེད་གསུང་གིས་གདུལ་བྱ་སྨིན་གྲོལ་མཛད། །སྤྲོས་བྲལ་ཐུགས་ཀྱིས་འཁོར་བའི་རྒྱ་མཚོ་སྐེམ། །ཡོན་ཏན་ཕྱོགས་བཅུར་སྒྲོགས་པས་དངོས་གྲུབ་སྟེར། །ཕྲིན་ལས་ཐུགས་རྗེས་འགྲོ་བ་ཐབས་ཀྱིས་འདུལ། །ཐུགས་རྗེས་ཁྲོས་མ་བདེ་ཆེན་རྣལ་འབྱོར་མ། །འཁོར་ལོ་ལྔ་རྫོགས་ཕྲིན་ལས་ཀུན་གྱི་བདག །མཆོག་དང་ཐུན་མོང་དངོས་གྲུབ་གཏེར་འཆང་མ། །ཡེ་ཤེས་མཁའ་འགྲོ་བདེ་གཤེགས་ཀུན་གྱི་ཡུམ། །རྡོ་རྗེ་ཕག་མོའི་སྐུ་ལ་ཕྱག་འཚལ་བསྟོད། །ཤ་ཁྲག་དམར་གྱིས་བརྒྱན་པའི་གཏོར་མ་དང་། །འབར་བ་མེ་ཡི་མཆོད་པ་འདི་བཞེས་ལ། །གནོད་བྱེད་གདོན་བགེགས་འབྱུང་པོ་ཚར་གཅོད་ཅིག །བཅོལ་བའི་ཕྲིན་ལས་ཐམས་ཅད་འགྲུབ་པར་མཛོད། །གཏོར་མ་ཆེན་པོ་ཡོད་ན་རྩེ་དེ་

[Full Size]

མེ་ནང་དུ་མཆོད། ཆུང་ན་ཐམས་ཅད་འཕང་ལ། ཕཊ་སྒྲ་དྲག་པོ་དང་ཌཱ་དྲིལ་འཁྲོལ་ལོ། ༈ །།དེ་ནས་བདེ་ཆེན་དཀར་མོ་ཞལ་ཅུང་ཟད་གདངས་པའི་ནང་དུ་ཞི་བའི་བསྲེག་རྫས་རྣམས་འབུལ་ཏེ། རང་གི་མཐེབ་མཛུབ་ཀྱིས་བཏབ་ཅིང་། ཧ་བཛྲ་ཌཱ་ཀི་ནཱི་སརྦ་པ་པཾ་ད་ཧ་ན་བཛྲ་ཡ་སྡིག་པ་དང་སྒྲིབ་པ་སརྦ་ཤཱནྟིཾ་ཀུ་རུ་སྭཱ་ཧཱ། ཞེས་ཏི་ལ་ཕུལ། མ་རྙེད་ན་ངས་གཞིའོ། །སྡིག་པ་སྦྱངས་ན་འདི་ལ་བརྒྱ་རྩ་བརྒྱད་འབུལ། གཞན་བདུན་ནམ་ཉེར་གཅིག་ཙམ་མོ། །ཧ་བཛྲ་ཌཱ་ཀི་ནི་བཛྲ་གྷསྨ་རི་ནད་སརྦ་ཤཱནྟིཾ་ཀུ་རུ་སྭཱ་ཧཱ། ཞེས་གྲོ་འབུལ། ནད་པའི་དོན་ཡིན་ན་འདི་ལ་བརྒྱ་རྩ་བརྒྱད། གཞན་ཅི་ལྕོགས་ཆོག །ཧ་བཛྲ་ཌཱ་ཀི་ནཱི་ཨོ་ཥ་དྷི་ནད་ཐམས་ཅད་སརྦ་ཤཱནྟིཾ་ཀུ་རུ་སྭཱ་ཧཱ། སྨན་སྣ་ཚོགས་ཕུལ། ནས་རློན་པ་ལ་སྨན་བཏབ་པ་བྱ་སྟེ་མང་ཉུང་གྲོ་དང་འདྲའོ། །དེ་ནས་གཏོར་མ་ཟླུམ་པོ་འོ་མས་བྲན་ལ་བཟུང་བཅུག་ནས། བྷྲཱུཾ་ལས་དངུལ་གྱི་སྣོད་དུ་གཏོར་མ་དཀར་གསུམ་མངར་གསུམ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། ཧ་བཛྲ་ཌཱ་ཀི་ནཱི་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྔགས་ལན་གསུམ། ཧཱུྃ་ཧཱུྃ། ཧ་ལས་བྱུང་བའི་བདེ་ཆེན་དཀར་མོ་ནི། །ཞེ་སྡང་རྣམ་དག་མེ་ལོང་ཡེ་ཤེས་སྐུ། །ཞི་བའི་ལས་མཛད་རྡོ་རྗེ་རྣལ་འབྱོར་མ། །དཀར་མོ་དུང་མདོག་རྡོ་རྗེ་རིགས་ཀྱི་གཙོ། །རྡོ་རྗེའི་

[Full Size]

རིགས་མཚན་རྡོ་རྗེའི་དབུ་རྒྱན་ཅན། །རྡོ་རྗེའི་གྲི་གུག་ཐོད་ཁྲག་ཕྱག་ན་བསྣམས། །ཞེ་སྡང་རྩད་གཅོད་ཉོན་མོངས་ཞལ་དུ་གསོལ། །བཅུ་དྲུག་ལོ་ལོན་ཁཊཾ་གྲུ་མོར་བརྟེན། །གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱན། །ཐོད་སྐམ་དབུ་རྒྱན་ཐོད་རློན་དོ་ཤལ་མཛད། །ཞབས་གཉིས་བརྐྱང་བསྐུམ་རོ་ཡི་གདན་ལ་བཞུགས། །བཛྲ་ཌཱ་ཀི་ཧ་ཡི་སྒྲ་འབྱིན་ཅིང་། །རྡོ་རྗེ་མཁའ་འགྲོ་འབུམ་གྱི་འཁོར་དང་བཅས། །བདེ་ཆེན་དཀར་མོའི་སྐུ་ལ་ཕྱག་འཚལ་བསྟོད། །དམ་རྫས་དཀར་གསུམ་བརྒྱན་པའི་གཏོར་མ་དང་། །འབར་བ་མེ་ཡི་མཆོད་པ་འདི་བཞེས་ལ། །སྡིག་སྒྲིབ་ནད་གདོན་འཇིགས་བརྒྱད་ཞི་བར་མཛོད། །བཅོལ་བའི་ཕྲིན་ལས་ཐམས་ཅད་འགྲུབ་པར་མཛོད། །གཏོར་མ་རིལ་པོའམ་རྩེ་མོ་མཆོད་ལ། ཕཊ་སྒྲ་དལ་ཞིང་འཇམ་པར་བརྗོད། རོལ་མོ་བྱའོ། །དེ་ནས་རང་ཉིད་ལྷོ་ཕྱོགས་སུ་འགྲོའམ། རང་གིས་འདོན་ཅིང་མཆོད་གཡོག་གིས་ལྷོ་ཕྱོགས་ནས་བསྲེག་རྫས་ཕུལ་ཡང་རུང་སྟེ། སེར་མོ་དོན་གྲུབ་ཀྱི་ཞལ་དུ་ཕུལ་བར་བསམས་ལ། རི་རཏྣ་ཌཱ་ཀི་ནི་སརྦ་སམྦ་དེ་བདེ་ལེགས་ཕུན་སུམ་ཚོགས་པ་སརྦ་པུཥྚིཾ་ཀུ་རུ་ཨོཾ། ཞེས་ཞོ་ཟན་ལ་ཟས་སྣ་ཚོགས་བསྲེས་པ་མང་ཉུང་ཅི་རིགས་པ་ཕུལ། རི་རཏྣ་ཊཱ་ཀི་ནཱི་བཛྲ་ཨ་ཡུ་ཥེ་ཚེ་ཕུན་སུམ་ཚོགས་པ་

[Full Size]

སརྦ་པུཥྚིཾ་ཀུ་རུ་ཨོཾ། ཞེས་དུར་ཝ་ཅི་རིགས་པ་ཕུལ། རི་རཏྣ་ཊཱ་ཀི་ནི་བཛྲ་བི་ཛ་ཡ་ནོར་དང་འབྲུ་ཕུན་སུམ་ཚོགས་པ་སརྦ་པུཥྚིཾ་ཀུ་རུ་ཨོཾ། ཞེས་སོ་བ་ཕུལ་ཏེ་ནོར་དང་ཞིང་གི་རིམ་གྲོ་འདི་མང་བར་བྱ། རི་རཏྣ་ཊཱ་ཀི་ནཱི་བཛྲ་པུཥྛ་ཡ་བསོད་ནམས་ཕུན་སུམ་ཚོགས་པ་སརྦ་པུཏྟིཾ་ཀུ་རུ་ཨོཾ། ཞེས་འབྲས་མང་ཉུང་ཅི་རིགས་ཕུལ། དེ་ནས་གཏོར་མ་གྲུ་བཞི་བདུད་རྩིས་བྲན་ལ། བྷྲཱུཾ་ལས་རིན་པོ་ཆེ་གསེར་གྱི་སྣོད་དུ་ཟས་སྣ་ཚོགས་ཕུན་སུམ་ཚོགས་པའི་གཏོར་མ་རོ་བརྒྱ་ནུས་པ་སྟོང་དང་ལྡན་པར་གྱུར། ཨོཾ་བཛྲ་སྤ་ར་ཎ་ཁཾ། རི་རཏྣ་ཊཱ་ཀི་ནཱི་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཧཱུྃ་ཧཱུྃ། རི་ལས་བྱུང་བའི་སེར་མོ་དོན་གྲུབ་ནི། །ང་རྒྱལ་རྣམ་དག་མཉམ་ཉིད་ཡེ་ཤེས་སྐུ། །རྒྱས་པའི་ལས་མཛད་རིན་ཆེན་རྣལ་འབྱོར་མ། །སེར་མོ་གསེར་མདོག་རིན་ཆེན་རིགས་ཀྱི་གཙོ། །རིན་ཆེན་རིགས་མཚོན་རིན་ཆེན་དབུ་རྒྱན་ཅན། །རིན་ཆེན་གྲི་གུག་ཐོད་ཁྲག་ཕྱག་ན་བསྣམས། །ང་རྒྱལ་རྩད་གཅོད་ཉོན་མོངས་ཞལ་དུ་གསོལ། །བཅུ་དྲུག་ལོ་ལོན་ཁ་ཊཾ་གྲུ་མོར་བརྟེན། །གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱན། །ཐོད་སྐམ་དབུ་རྒྱན་ཐོད་རློན་དོ་ཤལ་མཛད། །ཞབས་གཉིས་བརྐྱང་བསྐུམ་རོ་ཡི་གདན་ལ་

[Full Size]

བཞུགས། །རཏྣ་ཊཱ་ཀི་རི་ཡི་སྒྲ་འབྱིན་ཅིང་། །རིན་ཆེན་མཁའ་འགྲོ་སེར་མོ་འབུམ་དང་བཅས། །སེར་མོ་དོན་གྲུབ་སྐུ་ལ་ཕྱག་འཚལ་བསྟོད། །དམ་རྫས་ཟས་སྣ་ཚོགས་པའི་གཏོར་མ་དང་། །འབར་བ་མེ་ཡི་མཆོད་པ་འདི་བཞེས་ལ། །ཚེ་དང་བསོད་ནམས་ལོངས་སྤྱོད་རྒྱས་པར་སྤེལ། །བཅོལ་བའི་ཕྲིན་ལས་ཐམས་ཅད་འགྲུབ་པར་མཛོད། །གཏོར་མའི་རྩེ་མེ་ནང་དུ་ཕུལ། ལྷག་མ་དངོས་གྲུབ་བྱའོ། །ཕཊ་སྒྲ་ཆེ་ཞིང་ལྷུག་འབོལ་འབྲོང་གི་རྔ་མ་ལྟར་བརྗོད་དོ། །དེ་ནས་ནུབ་ནས་དམར་མོ་སྒྲ་སྒྲོགས་ཞལ་དུ་འབུལ་ཏེ། ནི་པདྨ་ཊཱ་ཀི་ནི་མ་ཧཱ་བ་ལ་ཡ་སྟོབས་ཕུན་སུམ་ཚོགས་པ་སརྦ་པ་ཤཾ་ཀུ་རུ་ཧོ། ཞེས་སྲན་མ་ཅི་རིགས་ཕུལ། ནི་པདྨ་ཊཱ་ཀི་ནཱི་མ་ཧཱ་བེ་ག་ཡ་ཤུགས་ཕུན་སུམ་ཚོགས་པ་སརྦ་པ་ཤཾ་ཀུ་རུ་ཧོ། ཞེས་ནས་ཕུལ། གྲངས་ཅི་རིགས་སོ། །ནི་པདྨ་ཊཱཀི་ནི་བཛྲ་པུཥྛ་ཁ་དོག་དང་གཟི་བརྗིད་ཕུན་སུམ་ཚོགས་པ་སརྦ་པ་ཤཾ་ཀུ་རུ་ཧོ། དེ་ནས་མེ་ཏོག་ཅི་རིགས་ཕུལ། དེ་ནས་གཏོར་མ་ཟླ་གམ་དེ་ཆང་གིས་བྲན་ནས་བཟུང་བཅོལ་ཏེ། ཧཱུྃ་ལས་ཟངས་ཀྱི་སྣོད་དུ་ཆང་སྣ་ཚོགས་དང་ལྡན་པའི་གཏོར་མ་བདུད་རྩིའི་རང་བཞིན་དུ་གྱུར། ཨོཾ་སརྦ་པཉྩ་ཨཱཧཱུཾ། ནི་པདྨ་ཊཱ་ཀི་ནཱི་ཨི་དཾ་བྷ་ལི་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་གསུམ། ཧཱུྃ་ཧཱུྃ། ནི་

[Full Size]

ལས་བྱུང་བའི་དམར་མོ་སྒྲ་སྒྲོགས་ནི། །འདོད་ཆགས་རྣམ་དག་སོར་རྟོག་ཡེ་ཤེས་སྐུ། །དབང་གི་ལས་མཛད་པདྨ་རྣལ་འབྱོར་མ། །དམར་མོ་ཟངས་མདོག་པདྨ་རིགས་ཀྱི་གཙོ། །པདྨའི་རིགས་མཚོན་པདྨའི་དབུ་རྒྱན་ཅན། །པདྨའི་གྲི་གུག་ཐོད་ཁྲག་ཕྱག་ན་བསྣམས། །འདོད་ཆགས་རྩད་གཅོད་ཉོན་མོངས་ཞལ་དུ་གསོལ། །བཅུ་དྲུག་ལོ་ལོན་ཁཊྭཱཾ་གྲུ་མོར་བརྟེན། །གཅེར་བུ་སྐུ་གྲོལ་རུས་པའི་རྒྱན་གྱིས་བརྒྱན། །ཐོད་སྐམ་དབུ་རྒྱན་ཐོད་རློན་དོ་ཤལ་མཛད། །ཞབས་གཉིས་བརྐྱང་བསྐུམ་རོ་ཡི་གདན་ལ་བཞུགས། །པདྨ་ཊཱ་ཀི་ནཱི་ཡི་སྒྲ་འབྱིན་ཅིང་། །པདྨ་མཁའ་འགྲོ་དམར་མོ་འབུམ་དང་བཅས། །དམར་མོ་སྒྲ་སྒྲོགས་སྐུ་ལ་ཕྱག་འཚལ་བསྟོད། །དམ་རྫས་ཆང་སྣ་ཚོགས་པའི་གཏོར་མ་དང་། །འབར་བ་མེ་ཡི་མཆོད་པ་འདི་བཞེས་ལ། །ཁམས་གསུམ་སྲིད་གསུམ་སྣང་བ་དབང་དུ་སྡུས། །བཅོལ་བའི་ཕྲིན་ལས་ཐམས་ཅད་འགྲུབ་པར་མཛོད། །ཅེས་གཏོར་མའི་ཕུད་འབུལ་ལོ། །ཕཊ་སྒྲ་སྙན་འགྱུར་དབྱངས་སུ་བརྗོད་དོ། །དེ་ནས་བྱང་ནས་བསྲེག་རྫས་རྣམས་སྣ་ཚོགས་མཐར་ཕྱིན་ཞལ་དུ་འབུལ་ཏེ། ས་ཀརྨ་ཊཱ་ཀི་ནི་བཛྲ་ཤྲཱི་བཱ་ཡ་རིགས་རྒྱུད་ཕུན་སུམ་ཚོགས་པ་སརྦ་

[Full Size]

སིདྡྷི་སྭཱ་ཧཱ། ཤིང་ཐོགས་སྣ་ཚོགས་འབུལ། བྱིས་པའི་དོན་ལ་འདི་མང་དུ་བཅུག །ས་ཀརྨ་ཊཱ་ཀི་ནཱི་བཛྲ་མ་ལེ་པུཥཱ་ཡེ་ཤེས་རབ་ཕུན་སུམ་ཚོགས་པ་སརྦ་སིདྡྷི་སྭཱ་ཧཱ། ཞེས་ཐུད་དང་ཆུར་བའམ་གྲོ་མ་ཕུལ། འདི་དྲག་པོ་གཙོ་ཆེ་ཕྱིར་ཞོ་དང་འོ་མ་མི་རུང་ངོ་། །ས་ཀརྨ་ཊཱ་ཀི་ནཱི་བཛྲ་ཝསྐྱ་ཡ་རྒྱན་དང་གོས་ཕུན་སུམ་ཚོགས་པ་སརྦ་སིདྡྷི་སྭཱ་ཧཱ། གོས་དར་སྣ་ཚོགས་ཕུལ། ས་ཀརྨ་ཊཱ་ཀི་ནི་ཏམྦ་ཡ་བཀྲ་ཤིས་ཕུན་སུམ་ཚོགས་པ་སརྦ་སིདྡྷི་སྭཱ་ཧཱ། ཞེས་ཇ་ཕུད་ཕུལ། ས་ཀརྨ་ཊཱ་ཀི་ནཱི་ཨ་པྲ་ཏི་ཧ་ཏ་བཛྲ་ཡ་སྲུང་བ་ཕུན་སུམ་ཚོགས་པ་སརྦ་སིདྡྷི་སྭཱ་ཧཱ། ཀུ་ཤ་འབུལ་ཏེ་སྲུང་བ་བདེ་རིམ་ལ་འདི་མང་བཅུག །དེ་ནས་གཏོར་མ་ཟུར་གསུམ་དེ་ཁྲག་གིས་བྲན་ནས་བཟུང་བཅུག་ལ། ཨ་ཡིག་ལས་ཐོད་པའི་སྣོད་དུ་ཤ་སྣ་ཚོགས་པའི་གཏོར་མ་བདུད་རྩིའི་རང་བཞིན་དུ་གྱུར། ཨོཾ་མ་ཧཱི་མཱི་ས་ཨཱཿཧཱུྃ། །ས་ཀརྨ་ཊཱ་ཀི་ནཱི་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། ཧཱུྃ་ཧཱུྃ། ། ས་ལས་བྱུང་བའི་སྣ་ཚོགས་མཐར་ཕྱིན་མ། །ཕྲག་དོག་རྣམ་དག་ནན་ཏན་ཡེ་ཤེས་སྐུ། །དྲག་པོའི་ལས་མཛད་ལས་ཀྱི་རྣལ་འབྱོར་མ། །སྔོན་མོ་སྐུ་མདོག་ལས་ཀྱི་རིགས་ཀྱི་གཙོ། །ལས་ཀྱི་རིགས་མཚོན་རྒྱ་གྲམ་དབུ་རྒྱན་ཅན། །རྒྱ་གྲམ་གྲི་གུག་ཐོད་ཁྲག་ཕྱག་ན་བསྣམས། །

[Full Size]

ཕྲག་དོག་རྩད་གཅོད་ཉོན་མོངས་ཞལ་དུ་གསོལ། །བཅུ་དྲུག་ལོ་ལོན་ཁཊཾ་གྲུ་མོར་བརྟེན། །གཅེར་བུ་སྐྲ་གྲོལ་རུས་པའི་རྒྱན་གྱིས་བརྒྱན། །ཐོད་སྐམ་དབུ་རྒྱན་ཐོད་རློན་དོ་ཤལ་མཛད། །ཞབས་གཉིས་བརྐྱང་བསྐུམ་རོ་ཡི་གདན་ལ་བཞུགས། །ཀརྨ་ཊཱ་ཀི་ས་ཡི་སྒྲ་འབྱིན་ཅིང་། །ལས་ཀྱི་མཁའ་འགྲོ་འབུམ་གྱི་འཁོར་དང་བཅས། །སྣ་ཚོགས་མཐར་ཕྱིན་སྐུ་ལ་ཕྱག་འཚལ་བསྟོད། །དམ་རྫས་ཤ་སྣ་ཚོགས་པའི་གཏོར་མ་དང་། །འབར་བ་མེ་ཡི་མཆོད་པ་འདི་བཞེས་ལ། །དངོས་གྲུབ་ཕྲིན་ལས་སྣ་ཚོགས་མྱུར་དུ་སྒྲུབས། །བཅོལ་བའི་ཕྲིན་ལས་ཐམས་ཅད་འགྲུབ་པར་མཛོད། །ཅེས་གཏོར་མ་མེར་ཕུལ། ཕཊ་སྒྲ་ཆེ་ཆུང་རིང་ཐུང་མང་དུ་བརྗོད་དོ། །དེ་ནས་མེ་ལྷ་འཇིག་རྟེན་པའི་གཏོར་མ་མར་ཁུས་བྲན་ལ་སྦྱིན་བདག་གིས་ཐབ་ཀྱི་གཡོན་ངོས་སུ་བཀྱག་ལ། བྷྲཱུཾ་ལས་རིན་པོ་ཆེའི་སྣོད་དུ་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ནཾ་ཨ་དྱ་ནུཏྤན་ན་ཏོ་ཏ་ཨོཾ་ཨཱཿཧཱུྃ་ཕཊ་སྭཱ་ཧྭ། ལན་གསུམ། ཨོཾ་ཨགྣེ་ཡེ་དེ་ཝ་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། ཧཱུྃ། ཚངས་པ་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་པོ་

[Full Size]

ཡོངས་ལ་བསྐྱབ་པའི་ཕྱིར། །ཐུགས་རྗེའི་དབང་གིས་སྐུ་སྤྲུལ་པའི། །རིག་སྔགས་གྲུབ་པའི་དྲང་སྲོང་མཆོག །ཕྲིན་ལས་སྒྲུབ་པའི་མངའ་བདག་ཏེ། །བསྐལ་པའི་མེ་ལྟར་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱི་ཐེག་མཆོག་ར་སྐྱེས་ཆིབས། །བགྲང་ཕྲེང་འཛིན་ཅིང་རིག་སྔགས་གསུང་། །བདུད་རྩི་བཅུད་ལྡན་གྷནྡྷེ་བསྣམས། །ཆོས་ཀྱི་བདུད་རྩི་ཡོངས་ལ་བསིལ། །ཉེས་པའི་སྐྱོན་བྲལ་ཚངས་པར་སྤྱོད། །འཇིག་རྟེན་གནས་ཀྱང་མྱ་ངན་འདས། །ཞི་བ་བརྙེས་ཀྱང་ཐུགས་རྗེ་ཆེ། །དེ་ལ་བསྟོད་དེ་ཕྱག་ཀྱང་འཚལ། །འདི་མན་ཡོན་བདག་སོགས་དེར་ཡོད་པ་ཀུན་རྗེས་ཟློས་བྱེད་བཅུག་ཅིང་། དམ་རྫས་གཏོར་མ་འདི་བཞེས་ལ། །བདག་ཅག་ཡོན་མཆོད་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་

[Full Size]

མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་བ། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཚིག་རྗེས་མ་གསུམ་བརྗོད་ལ་མེ་ནང་དུ་ཕུལ། ཕཊ་སྒྲ་སྣ་ཚོགས་བརྗོད། དེ་ནས་ནད་པ་རྣམས་གོས་སྤུ་མེད་གྱོན་མེ་ཐབ་མདུན་དང་གཡས་གཡོན་དུ་འཁོད། རང་ཉིད་ལངས་ལ་སྦྱང་མ་མེར་བརྔོས་ནས་བཏག་པའི་ཞིབ་པོ་ཐོགས་ལ། ཁྲོས་མ་རིགས་ལྔའི་སྐུ་ལས་མེ་ཕུང་འཕྲོ་བར་བསྒོམ་སྟེ། ད་ཁྱེད་རང་རྣམས་མ་ཡེངས་པར་དམིགས་པ་འདི་བཞིན་དུ་སྒོམ་མཛོད། དུར་ཁྲོད་མེ་ཕུང་འབར་བའི་ཀློང་དཀྱིལ་ནས། །མ་ཡུམ་ཆེན་ཁྲོས་མ་རིགས་ལྔའི་སྐུ་ལས་ཡེ་ཤེས་ལྔ་ཡི་མེ་ཕུང་ཁ་དོག་ལྔ་འཕྲོས་པའི་རྩེ་མོ་ལ། ལས་བྱེད་ཀྱི་མཁའ་འགྲོ་མ་སྨེ་བརྩེགས་ལག་ན་མེའི་མཚོན་ཆ་སྣ་ཚོགས་ཐོགས་པ་འཕྲོས། མེ་ཞགས་བརྒྱབ་པའི་ཚེ་ཁྱེད་རང་རྣམས་ཀྱི་ལུས་ངག་ཡིད་གསུམ་གྱི་ནད་གདོན་སྡིག་སྒྲིབ་རྐྱེན་ངན་བར་ཆད་དུག་ལྔ་དུག་གསུམ་གཟུང་འཛིན་གྱི་རྣམ་རྟོག་གྲིབ་དང་མི་གཙང་བ། རྣམ་སྨིན་གྱི་ལུས་གདོས་བཅས་དང་བཅས་པ་གཞོབ་ཐུལ་གྱིས་བསྲེགས། སེམས་རིག་སྟོང་ཡི་

[Full Size]

བྱ་གྲུབ་ཡེ་ཤེས་མི་དགཡང་སྤྲུལ་ཚྭ་ཚྭ་སྐར་ལྟར་འཁྲུགས། །སྣ་ཚོགས་མ་བདག་ལ་ལས་ཀྱི་དངོས་གྲུབ་སྩོལ། །ས་ཀམ་ཀནཱགནསོར་རྟོག་ཡེ་ཤེས་མེ་དཔུང་འབར་དམ་ཁྲོས་མ་རིགས་ལྔ་དང་དབྱེར་མེད་པར་གྱུར་པའི་མོས་པ་མཛོད་ཅིག །འདི་ཡང་དམག་ཐབས་ཡིན་པས་མཇུག་ནས་འདོན་ཏེ། ཧཱུྃ། བྱང་ཕྱོགས་ལས་ཀྱི་རིགས་ཀྱི་དུར་ཁྲོད་ཆེན་པོ་ནས། །བྱ་གྲུབ་ཡེ་ཤེས་མེ་དཔུང་འབར་བ་འདི། །ལན་གཅིག་གནོད་བྱེད་སྟེང་དུ་འཕྲོས། །མེ་ལྕེ་ལྗང་གུས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །སྣ་ཚོགས་མཐར་ཕྱིན་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆོད་དུ། །ཕྲིན་ལས་སྣ་ཚོགས་འགྲུབ་པའི་ལས་མཛོད་ཅིག །རྣལ་འབྱོར་བདག་ལ་ལས་ཀྱི་དངོས་གྲུབ་སྩོལ། །ས་ཀརྨ་ཊཱ་ཀི་ནི་གནོད་བྱེད་ཨུ་ཙ་ཏ་ཡ་ཧཱུྃ་ཕཊ། ཅེས་ཕཊ་སྒྲ་ཆེན་པོས་མེ་ཞགས་གཅིག་བརྒྱབ། སྣ་ཚོགས་མཐར་ཕྱིན་བྲན་དང་འཁོར་ལའོ། །དེ་བཞིན་དུ། ཧཱུྃ། ནུབ་ཕྱོགས་པདྨ་རིགས་ཀྱི་དུར་ཁྲོད་ཆེན་པོ་ནས། །སོར་རྟོག་ཡེ་ཤེས་མེ་དཔུང་འབར་བ་འདི། ། ལན་གཅིག་གནོད་བྱེད་སྟེང་དུ་འཕྲོས། །མེ་ལྕེ་དམར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་

[Full Size]

འཁྲུགས། །དམར་མོ་སྒྲ་སྒྲོགས་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆོད་དུ། །ཐམས་ཅད་དབང་དུ་འདུ་བའི་ཕྲིན་ལས་མཛོད། །རྣལ་འབྱོར་བདག་ལ་དབང་གི་དངོས་གྲུབ་སྩོལ། །ནི་པདྨ་ཊཱ་ཀི་ནཱི་གནོད་བྱེད་ཨུ་ཙ་ཏ་ཡ་ཧཱུྃ་ཕཊ། དམར་མོ་སྒྲ་སྒྲོགས་ནད་མེད་ཚོང་དཔོན་སོགས་དང་མི་ཀུན་ལ་བརྒྱབ། ཧཱུྃ། ལྷོ་ཕྱོགས་རིན་ཆེན་རིགས་ཀྱི་དུར་ཁྲོད་ཆེན་པོ་ནས། །མཉམ་ཉིད་ཡེ་ཤེས་མེ་དཔུང་འབར་བ་འདི། །ལན་གཅིག་གནོད་བྱེད་སྟེང་དུ་འཕྲོས། །མེ་ལྕེ་སེར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །སེར་མོ་དོན་གྲུབ་ཚོགས་ཀྱང་དེ་འདྲ་སྟེ། ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆོད་དུ། །ཚེ་བསོད་རྒྱས་པའི་ལས་མཛོད་ཅིག །རྣལ་འབྱོར་བདག་ལ་རྒྱས་པའི་དངོས་གྲུབ་སྩོལ། །རི་རཏྣ་ཊཱ་ཀི་ནི་གནོད་བྱེད་ཨུ་ཙ་ཏ་ཡ་ཧཱུྃ་ཕཊ། འདི་ནད་མེད་ཁྱིམ་བདག་མོ་ལ་བརྒྱབ་བོ། །ཧཱུཾ། ཤར་ཕྱོགས་རྡོ་རྗེ་རིགས་ཀྱི་དུར་ཁྲོད་ཆེན་པོ་ནས། །མེ་ལོང་ཡེ་ཤེས་མེ་དཔུང་འབར་བ་འདི།

[Full Size]

ལན་གཅིག་གནོད་བྱེད་སྟེང་དུ་འཕྲོས། །མེ་ལྕེ་དཀར་པོས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །བདེ་ཆེན་དཀར་མོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆོད་དུ། །ནད་གདོན་སྡིག་སྒྲིབ་ཞི་བའི་ཕྲིན་ལས་མཛོད། །རྣལ་འབྱོར་བདག་ལ་ཞི་བའི་དངོས་གྲུབ་སྩོལ། །ཧ་བཛྲ་ཌཱ་ཀི་ནི་གནོད་བྱེད་ཨུ་ཙ་ཏ་ཡ་ཧཱུྃ་ཕཊ། ཅེས་རྒན་རྒོན་དང་གཅོང་ནད་ཅན་བྱིས་པ་ལའོ། །ཧཱུྃ། དབུས་ཕྱོགས་དེ་བཞིན་རིགས་ཀྱི་དུར་ཁྲོད་ཆེན་པོ་ནས། །ཆོས་དབྱིངས་ཡེ་ཤེས་མེ་དཔུང་འབར་བ་འདི། །ལན་གཅིག་གནོད་བྱེད་སྟེང་དུ་འཕྲོས། །མེ་ལྕེ་མཐིང་གས་སྟོང་གསུམ་གང་། །ཡེ་ཤེས་མེ་སྒྲ་འབྲུག་ལྟར་ལྡིར། །སྤྲུལ་པའི་མེ་ལྕེ་གློག་ལྟར་འཁྱུག །ཡང་སྤྲུལ་ཚྭ་ཚྭ་སྐར་ལྟར་འཁྲུགས། །ཁྲོས་མ་ནག་མོའི་ཚོགས་ཀྱང་དེ་འདྲ་སྟེ། །ཚངས་པའི་འཇིག་རྟེན་མན་ཆད་དང་། །ས་འོག་ལྟོ་འཕྱེ་ཡན་ཆོད་དུ། །ལུས་གདོན་ཚར་གཅོད་ལས་མཛོད་ཅིག །རྣལ་འབྱོར་བདག་ལ་མཆོག་གི་དངོས་གྲུབ་སྩོལ། །ཨོཾ་བཛྲ་བྷ་ར་ཧི་ཀྲོ་དྷི་ཀཱ་ལི་གནོད་

[Full Size]

བྱེད་ཨུ་ཙ་ཏ་ཡ་ཧཱུྃ་ཕཊ། ཅེས་ནད་པ་སོགས་གལ་ཆེ་བ་ལ་བརྒྱབས་ནས། སླ་ངའི་ཡུ་བ་རིང་པོ་ཅན་དུ་སྦྱིན་སྲེག་གི་མེ་ཅུང་ཟད་བླུགས་ལ། སུ་རུའམ་ཤིང་གཤག་མང་དུ་སྦྱར་ལ། ཁྱིམ་ཐམས་ཅད་དུ་འགྲོ་གྲབ་བྱས་ལ། མེ་ཡིས་མཚམས་གཅོད་པ་ནི། ཧཱུྃ། གཏི་མུག་འཇོམས་པའི་མེ་ནི་སྨུག་ནག་འབར། །ཞེ་སྡང་འཇོམས་པའི་མེ་ནི་མཐིང་ནག་འབར། །ང་རྒྱལ་འཇོམས་པའི་མེ་ནི་སེར་ནག་འབར། །འདོད་ཆགས་འཇོམས་པའི་མེ་ནི་དམར་ནག་འབར། །ཕྲག་དོག་འཇོམས་པའི་མེ་ནི་ལྗང་ནག་འབར། །སྟེང་ཡང་མེ་ཡི་གུར་ཁང་ལ། །མེ་ཡི་ཐོག་དང་སེར་ཆེན་འབེབས། །འོག་ཀྱང་མེ་ཡི་ས་གཞི་བརྡལ། །མེ་ཡི་ཚྭ་ཚྭ་སྐར་ལྟར་འཁྲུགས། །ཕྱོགས་མཚམས་ཡེ་ཤེས་མེ་དཔུང་འབར། །ཁྲོ་མོ་སྨེ་བརྩེགས་ཧཱུཾ་ཕཊ་སྒྲོགས། །བར་ཆད་འབྱུང་པོ་རྡུལ་དུ་རློག །ནད་འདྲེ་གཅོང་སྲི་རྡུལ་དུ་རློག །ཟ་འདྲེ་ཤི་གཤེད་རྡུལ་དུ་རློག །གོད་འདྲེ་བསེ་རག་རྡུལ་དུ་རློག །མི་གཙང་བཙོག་གྲིབ་གཞོབ་ཏུ་སྲེགས། །དམེ་གྲིབ་ཡུགས་གྲིབ་གཞོབ་ཏུ་སྲེགས། །དམ་སྲི་ཆུང་སྲི་གཞོབ་ཏུ་སྲེགས། །རྣལ་འབྱོར་བདག་ལ་ཕྲིན་ལས་ཐོགས་མེད་དངོས་གྲུབ་སྩོལ། །ཨ་ཧ་རི་ནི་ས། ཨོ་ཁར་ཁཾ་ཛིར་ཁཾ་བྷི་

[Full Size]

མ་ལ་སེ་ཨུ་ཙུཥཱ་ཀྲོ་དྷ་ཧཱུྃ་ཕཊ། གནོད་བྱེད་སརྦ་ཨུ་ཙ་ཏ་ཡ་ཧཱུྃ་ཕཊ། ཅེས་ཁྱིམ་ཀུན་ཏུ་མེ་ཞགས་བརྒྱབས་ནས། སླ་ངའི་མེ་སྦྱིན་སྲེག་ནང་དུ་བྱོ། །མེ་མགལ་མེ་དུམ་ཡང་མ་ལུས་པར་ཐབ་ཏུ་བསྡུས་ལ། རང་ཉིད་འཆམས་སམ་མཆོད་གཡོག་དུ་ཡོད་དབུ་རྒྱན་ཌཱ་དྲིལ་དང་བཅས་མེ་ཐབ་བསྐོར་ཞིང་མེ་བྲོ་བརྡུང་བཅུག་ལ། ཧཱུྃ། དབུས་ཕྱོགས་ལྷུན་གྲུབ་ས་གཞི་ལ། །བུདྡྷཱ་རིགས་ཀྱི་བྲོ་བརྡུངས་པས། །བྲོ་དཔོན་ཁྲོས་མ་ནག་མོས་བྱས། །བྲོ་པ་སངས་རྒྱས་མཁའ་འགྲོའི་ཚོགས། །དཔའ་བོའི་བྲོ་བརྡུང་ཁྲིགས་སེ་ཁྲིག །དཔའ་མོའི་གླུ་ལེན་ཀྱུ་རུ་རུ། །མཁའ་འགྲོའི་བརྡ་སྐད་དི་རི་རི། །དཔའ་བོའི་བཤུག་གླུ་ཀྱུ་རུ་རུ། །བྲོ་ར་ཟུར་དྲུག་བསྐོར་བ་ནི། །མཆོག་གི་དངོས་གྲུབ་ཐོབ་པའི་བྲོ། །ཞབས་གཡས་ཡར་ལ་བསྐུམ་པ་ནི། །མཁའ་སྤྱོད་གནས་སུ་འདྲེན་པའི་བྲོ། །ཞབས་གཡོན་མར་ལ་བརྐྱང་བ་ནི། །ཁམས་གསུམ་ཟིལ་གྱིས་གནོན་པའི་བྲོ། །མཆོག་གི་དངོས་གྲུབ་ཐོབ་གྱུར་ཅིག །ༀ་བཛྲ་བྷ་ར་ཧི་ཀྲོ་དྷི་ཀཱ་ལི་ཛྷཱ་ན་སིདྡྷི་སྭཱ་ཧཱ། ། ཧཱུྃ༔ ཤར་ཕྱོགས་ཞི་བའི་ས་གཞི་ལ། །རྡོ་རྗེ་མཁའ་འགྲོས་བྲོ་བརྡུངས་བས། །བྲོ་དཔོན་བདེ་ཆེན་དཀར་མོས་བྱས། །བྲོ་པ་རྡོ་རྗེ་མཁའ་འགྲོའི་ཚོགས། །དཔའ་བོའི་བྲོ་

[Full Size]

བརྡུང་ཁྲིགས་སེ་ཁྲིག །དཔའ་མོའི་གླུ་ལེན་ཀྱུ་རུ་རུ། །མཁའ་འགྲོའི་བརྡ་སྐད་དི་རི་རི། །དཔའ་བོའི་བཤུག་གླུ་ཀྱུ་རུ་རུ། །བྲོ་ར་ཟླུམ་པོར་བསྐོར་བ་ནི། །ཞི་བའི་ཕྲིན་ལས་འགྲུབ་པའི་བྲོ། །ཞབས་གཡས་ཡར་ལ་བསྐུམ་པ་ནི། །མཐོ་རིས་ཐར་ལམ་འབྱེད་པའི་བྲོ། །ཞབས་གཡོན་མར་ལ་བརྐྱང་བ་ནི། །ངན་སོང་རྡོག་པས་ནོན་པའི་བྲོ། །ནད་གདོན་སྡིག་སྒྲིབ་ཞི་གྱུར་ཅིག །ཧ་བཛྲ་ཌཱ་ཀི་ནཱི་ཤཱནྟཾ་ཀུ་རུ་ཡེ་སྭཱ་ཧཱ། ཧཱུྃ། ལྷོ་ཕྱོགས་རྒྱས་པའི་ས་གཞི་ལ། །རིན་ཆེན་རིགས་ཀྱིས་བྲོ་བརྡུངས་པས། །བྲོ་དཔོན་༡། སེར་མོ་དོན་གྲུབ་བྱས། །བྲོ་པ་རིན་ཆེན་མཁའ་འགྲོའི་ཚོགས། །དཔའ་བོའི་བྲོ་བརྡུང་ཁྲིགས་སེ་ཁྲིག །དཔའ་མོ་གླུ་ལེན་ཀྱུ་རུ་རུ། །མཁའ་འགྲོའི་བརྡ་སྐད་དི་རི་རི། དཔའ་བོའི་བཤུག་གླུ་ཀྱུ་རུ་རུ། །བྲོ་ར་གྲུ་བཞི་བསྐོར་བ་ནི། །རྒྱས་པའི་ཕྲིན་ལས་འགྲུབ་པའི་བྲོ། །ཞབས་གཡས་ཡར་ལ་བསྐུམ་པ་ནི། །ཚེ་བསོད་ཡར་ལ་བསྐྱེད་པའི་བྲོ། །ཞབས་གཡོན་མར་ལ་བརྐྱང་བ་ནི། །གོད་འདྲེ་རྡོག་པས་མནན་པའི་བྲོ། །ཚེ་དང་བསོད་ནམས་རྒྱས་གྱུར་ཅིག །རི་རཏྣ་ཊཱ་ཀི་ནཱི་པུཊྚི་ཀུ་རུ་ཡེ་སྭཱ་ཧཱ། ཧཱུྃ། ནུབ་ཕྱོགས་

[Full Size]

དབང་གི་ས་གཞི་ལ། །པདྨ་རིགས་ཀྱི་བྲོ་བརྡུངས་པས། །བྲོ་དཔོན་དམར་མོ་སྒྲ་སྒྲོགས་བྱས། །བྲོ་པ་པདྨ་མཁའ་འགྲོའི་ཚོགས། །དཔའ་བོའི་བྲོ་བརྡུང་ཁྲིགས་སེ་ཁྲིག །དཔའ་མོའི་གླུ་ལེན་ཀྱུ་རུ་རུ། །མཁའ་འགྲོའི་བརྡ་སྐད་དི་རི་རི། །དཔའ་བོའི་བཤུག་གླུ་ཀྱུ་རུ་རུ། །བྲོ་ར་ཟླ་གམ་བསྐོར་བ་ནི། །དབང་གི་ཕྲིན་ལས་འགྲུབ་པའི་བྲོ། །ཞབས་གཡས་ཡར་ལ་བསྐུམ་པ་ནི། །སྣང་སྲིད་དབང་དུ་འདུས་པའི་བྲོ། །ཞབས་གཡོན་མར་ལ་བརྐྱང་བ་ནི། །བྱུར་འདྲེ་རྡོག་པས་ནོན་པའི་བྲོ། །ཁམས་གསུམ་དབང་དུ་འདུས་གྱུར་ཅིག །ནི་པདྨ་ཊཱ་ཀི་ནཱི་པ་ཤཾ་ཀུ་རུ་ཡེ་སྭཱ་ཧཱ། ཧཱུྃ། བྱང་ཕྱོགས་དྲག་པོའི་ས་གཞི་ལ། །ཀརྨ་རིགས་ཀྱིས་བྲོ་བརྡུངས་པས། །བྲོ་དཔོན་སྣ་ཚོགས་མཐར་ཕྱིན་བྱས། །བྲོ་པ་ལས་ཀྱི་མཁའ་འགྲོའི་ཚོགས། །དཔའ་བོའི་བྲོ་བརྡུང་ཁྲིགས་སེ་ཁྲིག །དཔའ་མོའི་གླུ་ལེན་ཀྱུ་རུ་རུ། །མཁའ་འགྲོའི་བརྡ་སྐད་དི་རི་རི། །དཔའ་བོའི་བཤུག་གླུ་ཀྱུ་རུ་རུ། ། བྲོ་ར་གྲུ་གསུམ་བསྐོར་བ་ནི། དྲག་པོའི་ཕྲིན་ལས་འགྲུབ་པའི་བྲོ། །ཞབས་གཡས་ཡར་ལ་བསྐུམ་པ་ནི། །རྣམ་ཤེས་དབྱིངས་སུ་འདྲེན་པའི་བྲོ། །ཞབས་གཡོན་མར་ལ་བརྐྱང་

[Full Size]

བ་ནི། །དམ་སྲི་རྡོག་པས་ནོན་པའི་བྲོ། །དགྲ་བགེགས་དམ་སྲི་ཚར་ཆོད་ཅིག །ས་ཀརྨ་ཊཱ་ཀི་ནཱི་མཱ་ར་ཡ་ཧཱུྃ་ཕཊ། ཅེས་བྲོ་བརྡུང་། དེ་ནས་མེ་ལྷའི་གཏོར་མའི་ལྷག་མ་ལ། རྒྱས་པའི་མེ་ལྷའི་གཏོར་མ་དང་། འཇིག་རྟེན་མེ་ལྷའི་གཏོར་མ་ཕྱི་རྒྱབ་མི་ལ་མི་སྦྱིན། དབང་གི་མེ་ལྷའི་གཏོར་མ་དང་། དྲག་པོའི་མེ་ལྷ་གཏོར་མ་སོགས་གཞན་ཐམས་ཅད་ཚོགས་བྱས་ནས། ཚོགས་དུམ་རེ་དང་མཉམ་དུ་ཐམས་ཅད་ལ་སྤེལ་ནས་རང་ཡང་བཟའ་སྟེ། ནས་འཐོར་ཞིང་བཀྲ་ཤིས་བརྗོད་དེ། བླ་མ་རྣམས་ཀྱིས་ལེགས་བྱིན་པའི། །རྟག་ཏུ་ཡེ་ཤེས་ཐུགས་རྗེ་ཡིས། །གཟིགས་ཤིང་ཆོས་སྐུར་ངོ་སྤྲོད་པའི། །བྱིན་རླབས་མཆོག་གི་བཀྲ་ཤིས་ཤོག །ཁྲོས་མ་ནག་མོས་ལེགས་བྱིན་པའི། །གསང་སྔགས་མཆོག་གི་ཆོ་ག་ལ། །ལུས་ངག་ཡིད་གསུམ་མཐུ་གྲུབ་པའི། །དངོས་གྲུབ་མཆོག་གི་བཀྲ་ཤིས་ཤོག །བདེ་ཆེན་དཀར་མོས་ལེགས་བྱིན་པའི། །སེམས་ཉིད་འོད་གསལ་འདུས་མ་བྱས། །གཉིས་མེད་དཔེ་བྲལ་དོན་རྟོགས་པའི། །ཕྱག་རྒྱ་ཆེན་པོའི་བཀྲ་ཤིས་ཤོག །སེར་མོ་དོན་འགྲུབ་ལེགས་བྱིན་པའི། །ཡོན་ཏན་དཔག་ཏུ་མེད་པས་བརྒྱན། །ནད་དང་གདོན་ལས་ཐར་བ་ཡི། །བསམ་པ་འགྲུབ་པའི་བཀྲ་ཤིས་ཤོག །དམར་མོ་

[Full Size]

སྒྲ་སྒྲོགས་ལེགས་བྱིན་པའི། །ཐབས་དང་ཤེས་རབ་གཉིས་མེད་སྦྱོར། །བདེ་ཆེན་ཡེ་ཤེས་ཐབས་ཀྱི་མཆོག །གསང་བ་ཤེས་རབ་བཀྲ་ཤིས་ཤོག །སྣ་ཚོགས་མཐར་ཕྱིན་ལེགས་བྱིན་པའི། །རྣལ་འབྱོར་དམ་ཚིག་ལྡན་པ་ལ། །ཞི་དང་རྒྱས་ལ་སོགས་པ་ཡི། ། །ལས་རྣམས་འགྲུབ་པའི་བཀྲ་ཤིས་ཤོག །བསོད་ནམས་རི་བོ་བཞིན་དུ་བརྟན་པ་དང་། །རྒྱུད་འཛིན་ཉི་ཟླ་བཞིན་དུ་གསལ་བ་དང་། །སྙན་གྲགས་ནམ་མཁའ་བཞིན་དུ་ཁྱབ་པ་ཡི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཅེས་བཀྲ་ཤིས་མཁའ་འགྲོ་རྣམས་ཀྱིས་ཀྱང་བརྗོད་པར་བསམ་སྟེ། དངོས་གྲུབ་ལེན་ཆོག་དང་བཀྲ་ཤིས་གཉིས་ཀའོ། །དེ་ནས་རྗེས་ཆོག །ཨ་ཧ་རི་ནི་ས་ཨགྷ་ཡེ་ཨརྒྷཾ་ནས་ཤབྡ་པྲ་ཏིཙྪ་སྭཱ་ཧཱ། ཞེས་ཚར་གང་འགྲུབ་བརྗོད་ཅིང་བསྲེག་རྫས་ལྷག་མ་ཐམས་ཅད་མེ་ནང་དུ་བཏབ་ལ། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུང་ཐུགས། །འགྲོ་བ་སྐྱོབ་ལ་ཕྱག་འཚལ་བསྟོད། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱ་ཀིས་དབང་བསྐུར་བ། །ཤེས་རབ་མཆོག་གི་ཉོན་མོངས་ཐམས་ཅད་བསྲེག །འཛིན་བྱེད་མེ་ལྷ་ཉིད་ལ་

[Full Size]

རྣམ་པར་འདུད། །ཨོཾ་མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་བགྱིད་བརྩལ་བ། །དེ་ཀུན་དྲང་སྲོང་བཟོད་པར་གསོལ། །ཨོཾ་བཛྲ་སཏཱ་ས་མ་ཡ་སོགས་ཡིག་བརྒྱ་བརྗོད། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སོ་སོའི་ཡུལ་དུ་གཤེགས་སུ་གསོལ། །སོ་སོའི་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །མེ་ལྷ་ཡེ་ཤེས་པ་ཁྲོས་མ་ལྷ་ལྔ་ཨུ་རྒྱན་གྱི་གནས་སུ་གཤེགས། འཇིག་རྟེན་པའི་མེ་ལྷ་ཤར་ལྷོའི་མཚམས་སུ་གཤེགས་པར་གྱུར། ཨ་ཧ་རི་ནི་ས་ཨགེ་ཡེ་བཛྲ་མུ་དམ་ཚིག་པའི་མཁའ་འགྲོ་ལྔ་བདག་ཉིད་ལ་ཐིམ། མེ་ལྷ་དམ་ཚིག་པ་མེ་འབར་བའི་རང་བཞིན་དུ་གྱུར། དགེ་བ་འདི་ཡིས་མྱུར་དུ་བདག །ཆོས་སྐུ་ཡུམ་ཆེན་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་བརྗོད་སྟོང་ཉིད་ཀྱིས་རྒྱས་བཏབ། ཚོགས་ཀྱི་ལྷག་མ་འབུལ། གཏོར་འབུལ་མན་ཆད་གཞུང་ལྟར་བྱའོ། །འདི་གཅོད་ཚོགས་ཕག་ཁྲོས་གུར་དྲག་གང་ལའང་སྦྱར་ཀྱང་ཚོགས་ཐོན་ནས་ཚོགས་མ་སྤེལ་བ་ལ་བྱའོ། །གཅོད་ཚོགས་ལུས་སྦྱིན་ལ་སྦྱར་ན་གཅོད་ལུགས་

[Full Size]

ཡིན་པས་ལྔ་སེར་དང་མཁའ་འགྲོ་རྒྱུ་ལྡོག་སོགས་བརྩི་མི་དགོས། ཕག་ཁྲོས་གུར་དྲག་ལ་སྦྱར་ན་སྔགས་ལུགས་ཡིན་པས་བརྩི་དགོས། ཕག་མོ་གུར་དྲག་སོགས་ལ་སྦྱར་ན་རང་ཉིད་གནས་འགྱུར་ནས་སྐད་ཅིག་ལ་ཁྲོས་མར་བསྐྱེད་ལ་བྱའོ། །གུར་དྲག་གི་ཡུམ་ཁྲོས་མ་ཡིན། འཁོར་ལྷ་ཡང་ཡིན། ཌཱ་ཀི་ཡོན་ཏན་སྒྲུབ་པ་ཡང་དོན་ལ་གཅིག་པས་གུར་དྲག་གི་ལས་མཐའ་ལ་སྦྱར་རུང་བའོ། །གཙོ་ཆེར་ལྷ་ལྔ་འདི་ཇོ་མོ་ལུགས་ཡིན་པས་གཅོད་ལུགས་རང་ཡིན་ནོ། །ཨེ་མ། གཅོད་ལུགས་མེ་མཆོད་འདི་ཉིད་གྲགས་ཆེ་ཡང་། །ཡིག་ཆ་རྣམས་ལ་ཧ་ཅང་གསལ་ཁ་མེད། །ཕྱོགས་མགོ་རེ་ཙམ་གསུངས་པ་ལག་ལེན་དཀའ། །སྔོན་གྱི་བླ་མ་དམ་པའི་གསུང་རྣམས་ཀྱང་། །རྒྱུད་ཚིག་རྡོ་རྗེའི་གསུང་རྣམས་གོ་བར་དཀའ། མཁས་དང་མི་མཁས་བླ་མ་འགའ་རེ་ཡིས། །ཟིན་བྲིས་མཛད་ཀྱང་ཕལ་ཆེར་ཆ་མ་ཚང་། །གཞན་ནས་སབ་དགོས་མང་བས་འགྲིགས་མི་ཐུབ། །ལ་ལས་མེ་མཆོད་དང་ནི་སྦྱིན་སྲེག་གཉིས། །གསར་རྙིང་སྐད་དོད་ཡིན་པར་མ་རྟོགས་ནས། །སྦྱིན་སྲེག་རྣམ་དབྱེ་མེད་པའི་མེ་མཆོད་བྱེད། །ལ་ལས་ཉང་གི་གཏེར་མའི་སྦྱིན་སྲེག་དེ། །གཅོད་ལ་ཁ་འགེབས་གཅོད་དང་ཡེ་མ་མཐུན། །གཅོད་ལུགས་སོར་བཞག་མེ་མཆོད་ཤེས་པ་དཀོན། །དེ་ཕྱིར་མ་འོངས་འགྲོ་ལ་ཕན་སེམས་ཀྱིས། །རཱ་གའི་མིང་ཅན་བདག་གིས་བལྟས་ཆོག་བཀོད། །ཕྱི་རབས་གཅོད་ལ་མོས་པའི་ཉམ་ཆུང་རྣམས། །བདག་གིས་བཀའ་དྲིན་ཆེན་པོ་བཞག་ཡོད་པས། །ཡིད་བཞིན་ནོར་ལྟར་གུས་པས་སྤྱི་བོར་ལོངས། །རྒྱུད་གཞུང་

[Full Size]

མན་ངག་དུ་མའི་བཅུད་ཡིན་པས། །རང་བཟོ་ཡིན་སྙམ་ལོག་ལྟ་མ་བསྒོམས་ལ། །ཟབ་དང་མི་ཟབ་ཉམས་སུ་ལོངས་ལ་ལྟོས། །ལེགས་དང་མི་ལེགས་ཕྱག་ལེན་གྱིས་ལ་ལྟོས། །འདི་བྲིས་གལ་ཏེ་ཉེས་པ་མཆིས་སྲིད་ན། །ཁྲོས་མ་ལྷ་ལྔ་མེ་ཡི་ལྷ་ལ་བཤགས། །དགེ་བས་འགྲོ་བའི་དུག་ལྔ་ཀུན་བསྲེགས་ནས། །ཡེ་ཤེས་ལྔ་ཡི་མེ་དཔུང་རྒྱས་པར་ཤོག །སརྦ་མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ལུགས་ཕུན་སུམ་ཚོགས་པའི་མེ་མཆོད་ཀྱི་ཐབ་ཐིག་དཔེའུ་རིས།

[Full Size]

གཅོད་ལུགས་ཕུན་སུམ་ཚོགས་པའི་མེ་མཆོད་ཀྱི་ཐབ་ཐིག་དཔེའུ་རིས་བཞུགས་སོ། །

[Full Size]

བཀོད་པ་ལས་ལྟེ་བར་སྔོ་འདབ་བཞི་ཕྱོགས་ཚོན་ལ་སྤུང་ངམ་དབུས་སུ་གྲི་གུག་ཤར་དུ་འཁོར་ལོ་ལྷོར་རིན་ཆེན་ནུབ་ཏུ་པདྨ་བྱང་དུ་རྒྱ་གྲམ་གྱིས་མཚན་པའི་གྲི་གུག་རྣམས་དགོད་དོ། ཕུན་སུམ་ཚོགས་པའི་མེ་ཐབ་བསྡུས་པའི་དཔེ་རིས།

[Full Size]

རི་མོ་ཡོད།

རྗེ་དཀོན་མཆོག་འབངས་ཀྱིས་མཛད་པའི་གཅོད་ཁྲིད་ལ་ཉེ་བར་མཁོ་བའི་རི་འགྲིམ་གྱི་དམིགས་རིམ་བསྡུས་པ།

[Full Size]

༼ཞ༽ རྗེ་དཀོན་མཆོག་འབངས་ཀྱིས་མཛད་པའི་གཅོད་ཁྲིད་ལ་ཉེ་བར་མཁོ་བའི་རི་འགྲིམ་གྱི་དམིགས་རིམ་བསྡུས་པ་བཞུགས་སོ།།

[Full Size]

ན་མོ་པྲཛྙཱ་པཱ་ར་མི་ཏཱ་ཡེ། ཤེས་རབ་ཕ་རོལ་ཕྱིན་མ་ལ་བཏུད་ནས། །རི་འགྲིམ་མན་ངག་དམིགས་རིམ་ཅུང་ཟད་བཀོད། །མ་གཅིག་ཌཱ་ཀིས་བཀའ་གནང་བྱིན་གྱིས་རློབས། །དེ་ཡང་རྗེ་བཙུན་དཀོན་མཆོག་འབངས་ཀྱིས་བསྩལ་བའི་གཅོད་ཁྲིད་འདི་ལ་ཐམས་ཅད་ཚང་བར་ཡོད་ཀྱང་། འདི་ལ་ཉེར་བར་མཁོ་བའི་དམིགས་རིམ་ཅུང་ཟད་ནི། དང་པོ་འགྲོ་ཁ་རང་ཉིད་ཡུམ་ཆེན་མོར་སྐད་ཅིག་གིས་བསྐྱེད་ནས་རྐང་དུང་གསུམ་བུས་པས། ལུས་གདོན་དང་གནས་དེའི་ལྷ་འདྲེ་འཐོར་བ་བྱེར་བ་ཡེངས་བ་ཐམས་ཅད་རང་དབང་མེད་པར་བསྡུས་ནས་རིའམ་གཉན་ས་དེ་ལ་སིབ་ཀྱིས་

[Full Size]

བསྟིམ་པ་དབང་སྡུད་དོ། །དེ་ནས་རང་ཡུམ་ཆེན་མོའི་ཐུགས་ཀར་གསེར་གྱི་རྡོ་རྗེ་རྩེ་དགུ་པ་ཚོན་གང་བ་བསྐྱེད། ཕཊཿ རང་གི་སྙིང་ག་ནས་གསེར་གྱི་རྡོ་རྗེ་སོགས་གཞུང་ལྟར་བརྗོད་པས། སྙིང་ཁ་ནས་རྡོ་རྗེ་འཕྲོས་གཉན་སའི་སྟེང་དུ་བབ། དེ་ཆེར་བསྐྱེད་ནས་སྟོང་གསུམ་ཁྱབ་ཅིང་སླར་ཡང་རྡོ་རྗེ་དེ་ལས་རྡོ་རྗེ་གྲངས་མེད་པ་འཕྲོས་པས། གཉན་སའི་ས་སྐོར་དེ་ལ་གནས་པའི་ལྷ་འདྲེ་རྒྱལ་བློན་འབངས་འཁོར་ཐམས་ཅད་རང་དབང་མེད་པར་གྲམ་པ་འཁྱག་གིས་བཀབ་པ་ལྟར་གཡོགས། བལ་འདབ་ཆུའི་མནན་པ་ལྟར་མྱོས་ཏེ། སེར་ཞམ་མེ་བཀབ་ནས་གར་ཡང་འབྲོས་

[Full Size]

དབང་ཐར་ས་མེད་པར་བསྒོམ་པ་ནི། གསེར་གྱི་རྡོ་རྗེའི་རྒྱང་ནོན་འཕེན་པ་ཞེས་བྱའོ། ༧ །དེ་ནས་འགྲོ་ལུགས་གཞུང་ལྟར་བྱ་ཞིང་རང་ཉིད་ཡུམ་ཆེན་སེང་གེ་སྲབ་མེད་ལ་ཆིབས་ཤིང་ནམ་མཁའ་ལ་བྱོན་པའི་གཡས་ཕྱོགས་ཐམས་ཅད་ལྕགས་ཀྱི་རྡོ་རྗེ། གཡོན་ཐམས་ཅད་ཟངས་ཀྱི་རྡོ་རྗེ། རྒྱབ་ཏུ་དངུལ་གྱི་རྡོ་རྗེ། སྟེང་གསེར་གྱི་རྡོ་རྗེ་རྣམས་སྒྲོམ་བུའི་ཚུལ་ལ། ། རང་གི་ཐུགས་ཀའི་རྡོ་རྗེ་དང་གཉན་སའི་རྡོ་རྗེ་གཉིས་དམ་ཚིག་པ་དང་ཡེ་ཤེས་པའི་ཚུལ་དུ་བར་དུ་བ་དག་ལྟ་བུའི་འོད་ཟེར་གཅིག་སེར་ཏང་ངེར་འབྲེལ་བར་བསྒོམས་ནས་འགྲོ་སྟེ། རྡོ་རྗེ་བཞི་སྒྲོམ་རྡོ་རྗེ་ལུ་གུ་རྒྱུད་ཀྱི་དམིགས་པའོ། ༧ །དེ་ནས་རང་དང་བསྲུང་བྱའི་ཁྱིམ་སྒོ་ལམ་སྲང་དུ་གནོད་ཅིང་འཚེ་བའི་གདོན་བགེགས་ཐམས་ཅད། བདག་པོའི་ཕྱི་ན་ཁྱི་འབྲང་བ་བཞིན་དུ་རང་དབང་མེད་པར་ཁྲིད་ནས་གཉན་སའི་རི་ལ་བསྟིམ། ཕཊཿ གཡས་གཡོན་མདུན་རྒྱབ་ཅེས་སོགས་གཞུང་ལྟར་དང་། ཁྱད་པར་དུ་གཉན་ས་དེའི་མིག་རིགས་ཚུན་ཆད་ཀྱི་ལམ་དུ་བྲག་ཟུར་ས་རལ་བྲ་མ་ནེའུ་སིང་གྲོགས་ཕུག་ཆུ་མིག་ཕ་བོང་ཤིང་སྤྱན་སོགས་དངོས་རྟགས་ཅན་ཐམས་ཅད་ལ་གནས་པ་ཐམས་ཅད་རང་ཉིད་ཡུམ་ཆེན་གྱི་འོད་དང་གཟི་བརྗིད་མ་

[Full Size]

བཟོད་ནས་རང་དབང་མེད་པར་བསྡུས་ནས་དེད། ཟིལ་ཆེ་བ་རྣམས་ཐུགས་ཀ་ནས་ལྕགས་གྱི་རྡོ་རྗེས་གཟིར་ཞིང་དེད་ནས་རིའམ་གཉན་ས་དེར་བསྟིམས། དེ་ནི་ལམ་གྱི་སོ་ཕ་གཟིར་བའོ། ༧ །དེ་ནས་གཉན་སར་ཕྱིན་ནས་རྡོ་རྗེ་ཐམས་ཅད་རྡོ་རྗེ་གཙོ་བོ་ལ་བསྡུས་ཏེ། རང་གི་སྙིང་གར་སྤྲུལ་གཞིའི་རྡོ་རྗེ་ལ་བསྟིམ་མོ། ༧ །དེ་ནས་རང་ཉིད་སྐད་ཅིག་གིས་ཁྲོས་མ་ནག་མོ་མངོན་རྟོགས་ལྟར་བསྐྱེད་པའི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་ལྕགས་ཀྱུ་ཞགས་པ་ཐོགས་པ་གྲངས་མེད་པ་སྤྲོས་ཏེ། གནས་གདོན་ལུས་གདོན་ཐམས་ཅད་རང་དབང་མེད་པར་བཀུག་པར་དམིགས་ལ་བདེན་བརྡར་དང་བཀུག་གཞུག་དྲག་ཏུ་བྱེད། གཡང་གཞི་རྩ་སྡུད་སོགས་གྱེར་ལ་ཕྱོགས་བཞིར་རྐང་གླིང་གསུམ་རེ་བུས་པས་གཉན་ས་དེའི་རྩ་རྩ་ལག་འབྲེལ་འབྲེལ་པ། ཐོག་ཐོག་བདག་དང་བཅས་པ། ཕྱོགས་མཚམས་སྟེང་འོག་གར་གནས་ཀྱང་སྨུག་པ་རླུང་གིས་དེད་པ་ལྟར་བསྡུས་ནས་རིའམ་གཉན་ས་དེ་ལ་བསྟིམ། ༧ དེ་ནས་རང་ཉིད་ཁྲོས་མ་རིགས་ལྔ་མཁའ་འགྲོ་དང་བཅས་པས་བྲོ་བརྡུང་གར་སྟབས་འཆམས་པས། གཉན་ས་དེ་བྱེ་མའི་ཕུང་པོ་ལ་གྱད་བརྡེག་པ་ལྟར་ཉིལ་གྱིས་སོང་

[Full Size]

བར་བསྒོམ་ཞིང་། ཕཊཿ དེ་རིང་བདུད་བཞི་སོགས་གཞུང་ལྟར་བརྗོད་ཅིང་། ཕཊཿ གདབ་ཅིང་དྲག་ཏུ་འཆམས་ཤིང་ཌཱ་དྲིལ་དཀྲོལ། དེ་ནས་ཕྱོགས་བཞིར་རྡོ་ཟུར་ཅན་རྡོ་རྒོད་བཞི་ཟོར་གྱི་ཚུལ་དུ་འཕངས་ནས། ཡེ་ཤེས་ཀྱི་རྡོ་རྗེ་མེ་འབར་བ་རི་རབ་ཙམ་ཐོག་རྒོད་ལྟར་སོང་ནས་གནས་བདག་དང་དེའི་ཁང་པ་དེའི་གཞིས་རྩ་ལག་གཅིག་ཀྱང་མ་ལུས་པ་ཐལ་བ་བུན་གྱིས་ཚིག་ཅིང་ཞིག་ནས། འོག་གཞི་རླུང་རྡོ་རྗེ་རྒྱ་གྲམ་གྱི་བར་དུ་སྟོང་སང་ངེ་སོང་བར་བསྒོམ་པ་ནི། གནས་བདག་རྩ་ལག་བཤིག་པའོ། ༧ །དེ་ནས་གཉན་སའི་དམིགས་པ་གཅོད་གཞུང་ལྟར་ནོན་པར་བྱས་ཏེ། དེ་ཡང་རྒྱབ་རི་ལྷ་དང་། གཡོན་རི་རང་གི་སོ་པ་ཡིན་པས་མཐོ་བ་གལ་ཆེ། གལ་ཏེ་དམའ་ན་རྡོ་རྗེའི་གཟིང་བསྟོད། གཡས་རི་དང་མདུན་རི་གཉིས་དགྲ་འདྲེའི་སོ་པ་ཡིན་པས་དམའ་དགོས། གལ་ཏེ་མཐོ་ན་ཁྲོས་མས་གཟིར། དེ་ནི་སོ་པ་བཞི་ཡིས་ཤན་འབྱེད་ཡིན་ནོ། ༧ །དེ་ནས་ཕཊམཁའ་འགྲོ་སྡེ་བཞིའི་ཅོག་པུའི་ཕུར་པ་སོགས། གཞུང་ལྟར་དམིགས་པ་དང་ཅོག་པུ་ཕུབ། སྒོ་ཡང་གནས་པོ་དེའི་རི་ཟུར་དང་རྣོ་སོ་ལ་བསྟན་ནོ། །དེ་ཡང་རྣལ་འབྱོར་པ་འཕགས་པའི་ས་མ་ཐོབ་ཀྱི་བར་དུ་ཐོགས་ཡིན་པས་མཐོ་བ་གལ་ཆེ། གསན

[Full Size]

བཅས་ཀྱི་བདུད་བཅད་བྱ་མིན། བཅད་ཀྱང་མི་ཆོད་པས་གཡང་ཁ་གཤའ་སྣ་རྦབ་སྒོ་སོགས་སུ་མི་སྡོད། སྒོ་ཡང་མི་སྟོན། །དེ་ནི་བྲང་ཁང་བཅའ་བའོ། ༧ །དེ་ནས་གཉན་སའི་རྡེའུ་གཅིག་གནམ་གྱིས་མ་མཐོང་བར་བླང་། དེ་རྡོ་རྗེ་རྒྱ་གྲམ་གྱིས་མནན་པ་སྦྲུལ་ནག་གིས་དཀྲིས་ནས་གཡང་གཞིས་དྲིལ་བར་བསྒོམས་ལ། སྤྲོ་ན་ཏྲི་སོགས་སྲོག་ཡིག་བྲི། ཚོན་སྐུད་ཀྱིས་བཅིངས་ལ་ཤོག་བུ་ལྟ་བུས་དྲིལ་ལ་ཉལ་འོག་ཏུ་བཅུག་པ་ས་བླ་བཟུང་བའོ། ༧ །དེ་ནས་མལ་ས་བཅའ་བ་ནི། རང་ཉིད་ཁྲོས་མའི་འོག་གཞི་རླུང་གི་རྡོ་རྗེ་རྒྱ་གྲམ་གྱི་ལྟེ་བར། གནམ་ལྕགས་ཀྱི་ཁང་སྒྲོམ་ཕྱི་གྲུ་བཞི་སྒོ་བཞི་ལ། ནང་གྲུ་གསུམ་སྒོ་མེད་པ་དེའི་ནང་དུ་གནས་གདོན་འཁོར་དང་བཅས་པ། དེའི་སྟེང་དུ་ལུས་གདོན་འཁོར་དང་བཅས་པ་བསྡུས་ལ། དེ་ཐམས་ཅད་ལ་རང་དང་བསྲུང་བྱའི་ཤ་ཁྲག་གིས་གཏིབ་སྙིལ་མི་ལྤགས་གཡང་གཞིའི་ཁ་བཀབ་པར་དམིགས་ལ་གདན་བཏིང་སྟེ། མི་ལྤགས་གཡང་གཞིའི་གདན་གྱི་སོགས་གཞུང་ལྟར་དམིགས་སོ། །ཕྱོགས་བཞིར་ཐོ་བཞི་བྱས་ལ་དེ་དང་དུས་མཉམ་དུ་རང་གི་ཐུགས་ཀ་ནས་ཁྲོས་མ་གྲངས་མེད་པ་སྤྲོས་ཏེ་རི་དེ་དཀྱིལ་གྱིས་བསྐོར། ཕྱོགས་བཞིར་

[Full Size]

རིགས་བཞིའི་མཁའ་འགྲོ་སྐུ་ཆེ་ལ་ཡན་ལག་རགས་པ་འཇིགས་སུ་རུང་བ་བཞི་བསྒོམས་པས། དེའི་སྤྲུལ་པའི་ཌཱ་ཀི་གྲངས་མེད་པས་གནས་གདོན་ལུས་གདོན་ཐམས་ཅད་བཀུག་ནས་མི་ལྤགས་ཀྱི་གཡང་གཞིས་རྒྱབ་ཅིང་དེད་ནས་རང་འོག་ལྕགས་ཁང་ནང་དུ་བཙུད་པར་བསྒོམ་སྟེ། ཕྱོགས་བཞིའི་མཁའ་འགྲོས་བསྲུངས་ནས་བྲོས་དབང་མེད་པར་སྒོམ་པ་མཁའ་འགྲོའི་དམག་བསྐོར་དང་། མ་སྟོབས་ལྡན་མཁའ་འགྲོའི་གར་འདེབས་ཞེས་བྱའོ། །དེ་ནས་རང་གི་གཉན་ས་ཁྱོན་ཅི་ཙམ་གཅུན་པའི་རི་དང་ས་སྐོར་དེ་ཉིད་ཁོལ་དུ་བཀོལ་ཏེ། སྦྲུལ་ནག་གི་ཞགས་པ་ལ་ཐོད་པ་སྐམ་པོའི་ཕྲེང་བ་བརྒྱུས་པ་ཞིག་གིས་དཀྱིལ་ལེ་བསྐོར་ནི་ཡོད་པར་བསྒོམ། འདི་གཉན་སའི་ས་མཚམས་དབྱེ་བའོ། ༧ །དེ་ནས་རྒྱུན་དུ་དམིགས་པ་དང་སྟོང་ཉིད་ལ་མ་ཡེངས་བར་ཐུན་དྲུག་ཏུ་ལུས་སྦྱིན་བྱ་ཞིང་། སྡོམ་པ་དམ་ཚིག་ཕྲའུ་ལ་ཡང་མིག་འབྲས་ལྟར་བསྲུང་། འཇིག་རྟེན་གྱི་འཁྲི་བ་བཅད་གཅེས་འཛིན་སྤངས། གཅོད་ཡུལ་མཐར་འདོན་པའི་ཞེ་བཅད་དྲག་པོ་བྱ། རྒྱས་པར་ནི་དྲི་བ་ལྔ་བཅུ་པ་དང་། བརྡའ་ཆོས་བརྒྱ་རྩ་ལས་ཤེས་སོ། ༧ །དེ་ནས་དངོས་གཞི་ལ། ཕྱི་མིའི་འགྲུལ་ཐག་བཅད། སྟན་ལ་འདུག་

[Full Size]

སྟེ། སྐྱབས་སེམས་ཚོགས་ཞིང་སོགས་གཞུང་ཚིགས་བཅད་ལྟར་དཀར་འགྱེད་དམར་འགྱེད་ཁྲ་འགྱེད་སོགས་བྱ། དེ་ནས་ཕཊབརྗོད་པས་རང་དང་བསྲུང་བྱ་གཅིག་ཏུ་བསྲེས་པའི་རྣམ་ཤེས་སྤར། རིག་པ་དེ་ཁྲོས་མ་ནག་མོའི་སྐུ་སྨད་གནམ་ལྕགས་ཀྱི་ཕུར་པ་རྣོ་ངར་དང་ལྡན་པས་གནོད་བྱེད་ཀྱི་སྙིང་དཀར་ནག་མཚམས་ཀྱི་སྲོག་ཡིག་གི་དཀྱིལ་དུ་གཟིར་བར་བསྒོམ། དེའི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོགས་པ་དཔག་ཏུ་མེད་པ་འཕྲོས། གནས་གདོན་ལུས་གདོན་གནོད་བྱེད་ཐམས་ཅད་ལྕགས་ཀྱུས་སྙིང་ནས་བཟུང་། ཞགས་པས་མགུལ་ནས་ཁྲིད་ནས་རང་དབང་མེད་པར་བྱིའུ་ཁྲས་དེད་པ་ལྟར་བྱུང་། ལྕགས་སྒྲོག་གིས་ཡན་ལག་བསྡམས། དྲིལ་བུས་སྨྱོས་པར་བྱས་ཏེ། རང་གི་འོག་གཞི་རླུང་རྡོ་རྗེ་རྒྱ་གྲམ་གྱི་ལྟེ་བར་གནམ་ལྕགས་ཀྱི་ཁང་སྒྲོམ་ནང་མ་ཟུར་གསུམ་དུ་བཅུག །ཁ་སྒྲོམ་ཕྱི་མའི་སྒོ་བཞི་ནས་ཁྲོས་མ་བཞིས་བསྲུང་ཞིང་། གནོད་བྱེད་རྣམས་ཀྱི་སྟེང་དུ་རང་དང་བསྲུང་བྱའི་བེམ་པོའི་ཤ་ཁྲག་དམར་ཉོགས་སེ་བསྟིམ་བསྙིལ་བྱ། སྐུ་སྨད་ཕུར་རྩེའི་སྙིང་གར་འཁོར་ལོའི་ལྟེ་བའི་ཁུང་ནས་ཟུག་པ། ཁང་སྒྲོམ་གྱི་སྟེང་དུ་གནམ་

[Full Size]

ལྕགས་ཀྱི་འཁོར་ལོ་རྩིབས་བརྒྱད་པ་རྡོ་རྗེ་རྒྱ་གྲམ་གྱིས་མཚན་པས་ཁ་བཅད། གཡང་གཞི་ཁྲག་འཛག་པ་བཞིས་བསྣོལ་མར་བཀབ། སྦྲུལ་ནག་རེ་འབྱམས་གསུམ་གྱིས་གྲུ་གུ་ལྟར་དཀྲིས་ཏེ་བཅིང་བར་བསྒོམ་པ་ནི། མགྲོན་ཁང་དུ་ཞབས་ཏོག་བྱ་བ་དང་གནམ་ལྕགས་འཁོར་ལོའི་ཁ་ཆོད་དང་གཡང་གཞི་བསྣོལ་འགེབ་མའོ། ༧ །དེ་ནས་རང་ལུས་གནམ་ལྕགས་ཀྱི་རྡོ་རྗེ་སྲ་ཞིང་མཁྲེགས་པ་ལ་མེ་འབར་བ་རི་རབ་ཙམ། དེ་ལས་ལྕགས་ཀྱི་རྡོ་རྗེ་རྩེ་གཅིག་ནམ་མཁར་ཤད་ཀྱིས་སོང་བས་ཐོག་ཐོག་བདག་མགར་བ་མགར་ཚང་དང་བཅས་པ་སྟོར་ནས་མཐའི་རྒྱ་མཚོའི་ཕར་འགྲམ་དུ་འཕང་། གནས་གདོན་ལུས་གདོན་རྣམས་ལྕགས་ཀྱི་རྡོ་རྗེ་སེར་བ་ལྟར་བབས་པས་བརྡུང་བར་བསྒོམ་སྟེ་ཐོག་ཚང་གཏོར་བའོ། ༧ །དེ་ནས་རྡོ་རྗེ་དེ་ཐམས་ཅད་གཅིག་ཏུ་འདུས་པ་ལས་གཞི་ལུས་གནམ་ལྕགས་ཀྱི་རྡོ་རྗེ་རྩེ་དགུ་པ། ཡར་རྩེ་ལྷ་གནས་སུ་ཐུག་པ། མར་རྩེ་ས་འོག་རླུང་རྡོ་རྗེ་རྒྱ་གྲམ་གྱི་ལྟེ་བར་ཐུག་པ། རྡོ་རྗེ་ཡར་གྱི་རྭ་དབུས་མར་རྣམ་སྣང་། ཕྱོགས་མཚམས་རྭ་བརྒྱད་ལ་རིགས་བཞི་ཡབ་ཡུམ་བཞི། རྡོ་རྗེའི་ལྟེ་བར་རང་ཉིད་ཁྲོས་མ། དེའི་སྤྱི་བོར་མ་གཅིག་ཐུབ་པ་ཡུམ་ཆེན་དམ་པ་རྗེ་བཙུན་སོགས་

[Full Size]

སྐྱབས་གནས་ལྔ་བརྩེགས། སྟེང་ཟངས་ཀྱི་འཁོར་ལོའི་ལྟེ་བར་ཕག་མོ། རྩིབས་སྟོང་ལ་རྗེ་བཙུན་མ་སྟོང་། དེ་སྟེང་གསེར་གྱི་འཁོར་ལོའི་ལྟེ་བར་ཐུབ་པ། །རྩིབས་སྟོང་ལ་སངས་རྒྱས་སྟོང་། དེའི་སྟེང་དུ་གསེར་གྱི་འཁོར་ལོ་ལ་ཡུམ་ཆེན་རྩིབས་སྟོང་ལ་ཡུམ་ཆེན་སྟོང་། རང་གི་འོག་ཏུ་ཡང་ཟངས་ཀྱི་འཁོར་ལོ་རྩིབས་སྟོང་ལ་ཕག་མོ་དམར་མོ་སྟོང་། དེ་འོག་ལྕགས་ཀྱི་འཁོར་ལོ་རྩིབས་སྟོང་ལ་ཁྲོས་མ་ནག་མོ་སྟོང་། དེའི་ཕྱི་རོལ་སྟེང་དུ་བྱ་ཁྱུང་གཤོག་རྡང་འཁྲིགས་པའི་གུར། དེའི་ཕྱི་རོལ་རྡོ་རྗེའི་རྭ་གུར་བར་མཚམས་མེད་པར་བསྒོམས་པའི་ནང་དུ་བསྲུང་བྱ་རྣམས་བཙུད། དེའི་ཕྱི་རོལ་ཁྲ་ཐེར་ནི་གསེར་གྱི་མཆོད་རྟེན་བང་རིམ་བཅུ་གསུམ་པ་ཏོག་ཆར་ཁེབས་དང་བཅས་པ། དེའི་སྟེང་དུ་ཤཱཀྱ་ཐུབ་པ། ཁམས་གསུམ་ཟིལ་གྱིས་གནོན་པ་ལ་སངས་རྒྱས་སྟོང་རྩ་གཉིས་ཀྱིས་བསྐོར་བ། གུང་ཤིང་ཡུམ་ཆེན་མོ། ཀ་བ་གཡས་དམ་པ། གཡོན་མ་གཅིག །ཆོན་ཆེན་སྦྲུལ་ནག་རེ་འབྱམས་ཆོན་ཕུར་ཁྲོས་མ་རིགས་བཞི། ཆོན་ཆུང་འོད་ཟེར་ཞགས་པ། ཆོན་ཕུར་རྗེ་བཙུན་མ་རྣམས་ཕྱག་སྦྲེལ་བ། དེ་ཐམས་ཅད་སྐུ་སྨད་གནམ་ལྕགས་ཀྱི་ཕུར་པས་གཟིར་བར་

[Full Size]

དམིགས་པ་ནི། སྐྱབས་ཡུལ་ལྔ་བརྩེགས་བསྒོམ་པ། སྟེང་ཁྱབ་བྱེད་ཀྱི་ཕྱག་རྒྱ་ལས་བྱེད་ཀྱི་དབང་དུ་སྡུད་པ། བར་འགུགས་བྱེད་ཀྱི་ཕྱག་རྒྱུ་དང་། འོག་སྡོམ་བྱེད་ཀྱི་ཕྱག་རྒྱ་དང་། ཕྱག་རྒྱ་གསུམ་གྱིས་ཁོག་ཕུབ་པའོ། ༧ །དེ་ནས་ལྷོང་མ་ཐུབ་ན་དམིགས་པ་ནི་མང་དུ་ཡོད་ཀྱང་བསྡུ་ན། སྐབས་སྐབས་སུ་དམ་པའི་གསོལ་འདེབས་བྱེད་ཅིང་། རང་ཉིད་དམ་པ་རྒྱ་གར་དུ་བསྒོམས་པའི་ཐུགས་ཀ་ནས་ཡི་གེ་ཕཊ༔དམར་ནག་བྱ་ཆེན་གྱི་སྒོ་ང་ཙམ་གྲངས་མེད་པར་རང་སྒྲ་དང་བཅས་པ་ཚུབ་ཚུབ་འཕྲོས་པས། གཉན་ས་རི་བྲག་གནོད་བྱེད་ཐམས་ཅད་ཐལ་བྱུང་དུ་ཕུག་ནས་བུན་བུན་བཏང་བར་བསྒོམ། ཕ་དམ་པའི་ཕཊ༔དམར་ནག་མའོ། ༧ །ཡང་རང་གི་རིག་པ་མ་གཅིག་ལབ་སྒྲོན་སྐུ་མདོག་དཀར་མོ་སྐུ་གཅེར་བུ་རུས་པའི་རྒྱན་དྲུག་ཅན། ཌཱ་དྲིལ་དཀྲོལ་ཞིང་ཕཊ་སྒྲ་སྒྲོག་པ། དེ་ལས་རང་འདྲ་བ་དཔག་ཏུ་མེད་པ་འཕྲོས། ཕཊཿསྒྲ་དང་ཌ་དྲིལ་དཀྲོལ་ཞིང་བྲོ་གར་འཆམས་པས། ས་གཞི་ཐམས་ཅད་ཤིང་ལོ་རླུང་གིས་བསྐྱོད་པ་ལྟར་འདར་ཡེང་ཡེང་བྱེད་པར་བསྒོམ་པ་ནི། མ་གཅིག་རུས་པའི་རྒྱན་དྲུག་ལྷོང་བྱེད་དཀར་མོའི་དམིགས་པའོ། ༧ །ཡང་གཉན་ས་ཆེན་པོ་འཁྲེབ་ནས་མ་

[Full Size]

ཆུན་ན། རང་ཉིད་རྣམ་སྣང་ཕྱོགས་བཞིར་རིགས་བཞི་ཐམས་ཅད་སྐུ་སྨད་གནམ་ལྕགས་ཀྱི་ཕུར་པའི་དབལ་དང་ལྡན་པ། ཕྱག་ན་གནམ་ལྕགས་ཀྱི་ཕུར་པ་རེ་རེ་འཛིན་ནས་བྲོ་བརྡུངས་བས། ས་གཞི་ཐམས་ཅད་དཀྲུག །གནོད་བྱེད་ཐམས་ཅད་གཙག་ནས་སྲོག་ཡིག་ཐམས་ཅད་རང་གི་ཧཱུྃ་ལ་ཐིམ་པས་གཟི་བརྗིད་རྒྱས། ཁོང་རྣམས་ནག་རྡེལ་གྱིས་སོང་བར་དམིགས་པ། ཡབ་རིགས་ལྔ་འདོམ་སྐོར། རང་ཉིད་ཁྲོས་མ་རིགས་ལྔའི་སྐུ་སྨད་ཕུར་པ་ཅན་གྱིས་དེ་ལྟར་བྱེད་པ་ནི་ཡུམ་རིགས་ལྔའི་འདོམ་སྐོར་ཡིན་ནོ། ༧ །ཡང་རང་ཉིད་དམ་ཚིག་གི་ཁྲོས་མ་ནག་མོ་དང་། ཕྱི་རོལ་ལྕགས་རིའི་ཁར་ཡེ་ཤེས་ཀྱི་ཁྲོས་མ་སྟེ། གཉིས་ཀ་སྟོང་གསུམ་ཁྱབ་པར་བསྒོམས་ལ། གཉན་སའི་རི་བྲག་ལྷ་འདྲེ་དང་བཅས་པ་ཙེན་གྱིས་བླངས་ནས་འཕངས་བས། ཕྱི་རོལ་གྱི་ཁྲོས་མས་ཚུར་འཕང་། དེ་འདྲ་ལན་འགའ་ཟུང་བྱ་མང་མི་རུང་ངོ་། །དེ་ནི་ཁྲོས་མའི་འབོར་ལེན་ཞེས་བྱའོ། ༧ །ཡང་རང་ཉིད་དམ་ཚིག་གི་སྡིག་པ་ནག་པོ་གནམ་ལྕགས་ངར་མ་ལས་གྲུབ་པ། ལུས་ལ་མེ་དང་མཚོན་ཆའི་བུ་ཡུག་འཚུབ་པ་གཅིག་ཏུ་བསྐྱེད་ནས་ཕྱི་རོལ་ལྕགས་རིའི་ཁར་ཡང་དེ་འདྲ་བའི་ཡེ་ཤེས་ཀྱི་སྡིག་པ་བསྐྱེད་

[Full Size]

ལ་རང་གི་རྭ་རྩེས་གཉན་ས་ལྷ་འདྲེ་དང་བཅས་པ་བལ་འདབ་བླངས་པ་ལྟར་ཡེ་རེ་རེ་བླངས་སྐར་མདའ་ལྟར་འཕངས། ཡེ་ཤེས་ཀྱི་སྡིག་པས་བླང་སྟེ་ཚུར་འཕངས་བས་དམིགས་པ་ལན་ཁ་ཡར་བྱེད་པ་སྡིག་པའི་རྭ་རྫོགས་ཞེས་བྱའོ། ༧ །ཡང་རང་ཉིད་ཁྲོས་མ་ནག་མོའི་གཉན་ས་དེ་ཤིང་སྤྱན་སྤུན་བལ་བ་ལྟར་སྒོར་གྱིས་བཀོག །ཅེན་གྱིས་བཏེག་སྟེ་སྲིད་པའི་རྩེར་ཁྱེར། མོར་བརྡབས་པས་གསེར་གྱི་ས་གཞི་ལ་ཕོག །ཐལ་བ་བུན་ནེ་རྗེས་ཤུལ་མེད་པར་གྱུར་པར་དམིགས་པ་ནི། རི་བོ་བརྩེགས་འབེབས་ཞེས་བྱའོ། །དམིགས་པ་དེ་ལྟར་བྱས་པས་གནོད་བྱེད་ཐམས་ཅད་སྙིང་རྩ་འདར་ཡེད་ཡེད་སོང་ནས། ཁས་བླངས་དམ་བཅས་སྲོག་སྙིང་ཕུལ་བར་བསྒོམ། ༧ ཡང་གཉན་ས་མ་ཆུན་ནམ་མགོ་བསྐོར་བྱུང་ན། རང་གི་རིག་པ་གནམ་ལྕགས་ཀྱི་ཐོ་ལུམ་མེ་འབར་ཚྭ་ཚྭ་འཕྲོ་བ་དེ་སྤྱི་བོ་ནས་ནམ་མཁར་ཤད་ཀྱིས་ཐོན། མར་ལྷུང་བེམ་པོལུས་གདོན་གཉན་ས་དང་བཅས་པ་གཞོབ་བུན་ནེ་སོང་བར་དམིགས། འདི་ཐམས་ཅད་གག་ཐུག་ན་མ་གཏོགས་མི་རུང་། དམིགས་པ་དེ་ཐམས་ཅད་ཀྱང་མི་དགོས། གཅིག་ལ་ནན་ཏན་བྱས་པས་ཆོག་སྟེ། ལྷོང་བ་སྙིལ་བ་འབྱེད་པ་གསུམ་ཀ་ལྕགས་རྡོར་རི་འགྲིམ་

[Full Size]

མ་ཁོ་ནས་བྱེད་པ་ཕྱག་ལེན་ཡིན་ཞེས་དྲུང་པ་རིན་པོ་ཆེས་གསུངས་སོ། ༧ །དེ་ཡང་དང་པོ་ཚེ་དཀར་འགྱེད་གཙོ་ཆེར་བྱ་ཞིང་ཤ་ཁྲག་ཀྱང་བདུད་རྩིའི་རང་བཞིན་བྱས་ལ་སྦྱིན། དྲག་དམིགས་མང་དུ་མི་བྱེད་པ་བཀུག་གཞུག་ནན་ཏན་བྱེད་དེ། སྔོན་འགྲོ་གཉན་ལྟར་བརྐྱང་བའི་དུས་སོ། ༧ །དེ་ནས་ལྷོང་རྟགས་མ་བྱུང་ན་ལྷོང་བྱེད་གཟེར་བུའི་དམིགས་པ་གང་རུང་བྱེད། ལྷོང་རྟགས་བྱུང་ན་འགུགས་བསྟིམ་དམིགས་པ་ཇེ་ཉུང་དུ་བཏང་། བསྙིལ་བའི་དམིགས་པ་ནན་ཏན་བྱེད་ཅིང་དམར་འགྱེད་རྒྱས་པར་བཏང་བ་དངོས་གཞི་དགྲ་ལྟར་སྦྱང་བའི་དུས་ཡིན་ལ། དེ་ནས་ལྷོང་སྣང་ཅུང་ཟད་ཉམས་པའི་ལྟས་བྱུང་ན། ལྷོང་བསྙེལ་དྲག་དམིགས་རྣམས་ཇེ་ཉུང་དུ་བཏང་། སྒྲིབ་སྦྱོང་དང་སྦྱིན་བཏང་ལ་ནན་ཏན་བྱ་སྟེ་མཇུག་ཏུ་བུ་ལྟར་ཕོག་པའི་དུས་ཡིན། དེ་ཡང་རྟགས་རྣམས་གཞུང་དུ་གསལ་ལོ། ༧ །དེ་ཡང་ལྷ་འདྲེ་ཆོ་འཕྲུལ་བྱུང་དུས་ཤེས་དུས་བཞི་སྟེ། དང་པོ་ལྷ་འདྲེའི་ཆོ་འཕྲུལ་བྱུང་དུས་རང་ཁྲོས་མ་དམ་ཚིག་པར་གསལ་བའི་ཐུགས་ཀ་ནས། མཆོད་པའི་ལྷ་མོ་དཔག་ཏུ་མེད་པ་སྤྲོས་ལ། ལྷ་འདྲེའི་ས་གཡོས་དང་ཆོ་འཕྲུལ་དེ་ཡེ་ཤེས་པ་བྱོན་པ་ལ་མཆོད་ནས་རང་དང་གཉིས་མེད་དུ་

[Full Size]

བཞག་པ་ནི། དང་པོ་ལྷར་ཤེས་པས་བྱོན་སྐྱེམས་འབུལ་བའི་དུས་སུའོ། །ཐུན་དྲུག་གི་མཇུག་ཏུ་སྲུང་འཁོར་བསྒོམ་པ་ནི། གནོད་བྱེད་དུ་ཤེས་པས་སྲུང་འཁོར་བསྒོམ་པའི་དུས་སོ། ༧ །སྙིང་གར་རང་གི་ཚེ་བསོད་ནམས་ཡེ་ཤེས་དང་རིག་པ་དབྱེར་མེད་རྡོ་རྗེ་ནས་འབྲས་ཙམ་ཞིག་དབུ་མའི་ལམ་ནས་སྤྱི་བོར་བཏོན་པ་དེ་ཉིད་ཁྲོས་མར་གྱུར་པས་བེམ་པོ་ལུས་གདོན་དང་བཅས་པ་དེ་རྐང་པ་ནས་བཟུང་སྟེ་ཀླད་ལ་གཡུག་ཅིང་ལྷ་འདྲེའི་དམག་ཚོགས་ཀྱི་དཀྱིལ་དུ་འཕང་བས་ཐམས་ཅད་ཀྱིས་ཧབ་ཐོབ་ཏུ་ཟོས་པར་དམིགས་པ་ནི། ལྷ་སྲིན་དུ་ཤེས་པས་ཤ་ཁྲག་གི་འབེན་སྒྱུར་བྱ་བ་དང་། མཐར་ལྷ་འདྲེའི་ཆོ་འཕྲུལ་སྟོང་ཉིད་དུ་ཤེས་པ་ནི། སྟོང་ཉིད་དུ་ཤེས་པས་མ་བཅོས་མཉམ་པར་བཞག་པའོ། ༧ །ཡང་རང་ཉིད་དམ་པ་རྒྱ་གར་གཟི་བརྗིད་དང་ལྡན་པ་གྲངས་མེད་པས་གཉན་ས་རི་བྲག་ལྷ་འདྲེ་དང་བཅས་པ་གཡོགས་ཤིང་མནན་ཏེ། རྫ་རི་དང་གངས་རིའི་བཏུམ་པ་ལྟར་བསྒོམ་པ་དམ་པའི་མཐིབ་ནོན་ནོ། ༧ །ཡང་རང་ཉིད་གནམ་ལྕགས་ཀྱི་སྡིག་པ་དམར་ནག་འཇིགས་སུ་རུང་བ་སྣང་སྲིད་ཐམས་ཅད་འདར་ཡེད་ཡེད་ནུས་པ་གྲངས་མེད་པས། གཉན་ས་ལྷ་འདྲེ་དང་བཅས་པ་མནན་ཅིང་གཡོགས་པར་བསྒོམ་པ་

[Full Size]

དང་སྡིག་པའི་མཐིབ་ནོན་ནོ། ༧ ཡང་རང་དང་བསྲུང་བྱའི་ཤ་ཡི་རི་བོ་ཆེན་པོ་བསྙིལ། ཁྲག་གི་རྒྱ་མཚོ་ཆེན་པོ་བསྐྱིལ་ཏེ། གཉན་ས་ཐམས་ཅད་ལྡེམ་གྱིས་གང་བར་དམིགས་པ་ཤ་ཁྲག་གི་མཐིབ་ནོན། དེ་རྣམས་ལ་མཐར་སྐྱེ་མེད་སྤྲོས་བྲལ་ངང་དུ་བཞག་པ་ནི། ལྷོང་བ་དེ་བསྙིལ་བའི་དམིགས་པའོ། ༧ །སྐབས་དེར་ནད་པ་སོགས་ཡོད་ན་མཐའ་གཏད་བྱའོ། །ཚར་ཚད་ངེས་པ་ཅན་བྱུང་ནས་ཕྱི་འབྲང་ཡོད་མེད་བརྟགས་ལ། མི་ལྡོག་པར་འདུག་ན་མྱུར་དུ་འགྲོ་ཞིང་འདུག་མི་རུང་ངོ་། །ཕྱི་རོལ་སྒར་འདེབས་ཀྱི་མཁའ་འགྲོ་སྡེ་བཞི་དབུས་རང་ཉིད་ཡུམ་ཆེན་ཐུགས་ཀར་བསྡུ། ཐོ་དང་ཉལ་མལ་ཐབ་ཀ་ཐམས་ཅད་བསྡུས་ཏེ་རྗེས་མི་མངོན་པར་བྱ། །སྤྱད་ཆ་ཅི་ཡང་མ་ལུས་པར་བྱ། ས་བདག་ལ་སྙིང་ཕུར་མི་གདབ་ཅེས་པ་ཕུར་པ་བཏབ་ནས་མི་བཞག །ཕྱི་མིག་མི་བལྟ་བར་གཅོད་ཐོ་མི་མཐོང་བའི་སར་འོང་། ཕྱིན་ཆད་རི་དེ་མི་གཅོད། ཡང་ད་རུང་རྗེས་འབྲང་ཡོད་མེད་ཐེ་ཚོམ་ན། གཉན་སའི་རྡེའུ་གཅིག་གནམ་མ་མཐོང་བར་བླངས་ལ། རྡོ་རྗེ་རྒྱ་གྲམ་དང་སྦྲུལ་ཆིངས་ཀྱིས་བསྡམ་གཡང་གཞིས་དྲིལ་ལ་ཁྱེར་ཏེ། རྒྱུན་དུ་མལ་ཞབས་སུ་བཞག་ལ་ལུས་སྦྱིན་

[Full Size]

སོགས་བྱ་ཁོའི་བླ་བཟུང་བའོ། ༧ །དེ་ནས་རང་གི་ཉལ་མལ་དུ་ཤིང་ལ་མེ་སྦར་ལ། ཕཊགྱིས་རིག་པ་སྤར་ནས་ལུས་ཕུང་པོ་དེའི་ཕུང་ཁམས་སྐྱེ་མཆེད་ཐམས་ཅད་རང་གི་བསོད་ནམས་རྣམ་པར་དག་པ་དང་། རྒྱལ་བ་རྣམས་ཀྱི་ཐུགས་རྗེའི་བྱིན་རླབས་ལས་བྱུང་བའི་ཡེ་ཤེས་ཀྱི་མཁའ་འགྲོ་མ་སྐུ་མདོག་དཀར་ཞིང་རེག་བྱ་བསིལ་བའི་ངད་དང་ལྡན་པ། དེས་བསྲེགས་ཏེ་ལྷག་མ་མེད་པར་བསམ་པ་ནི། རོ་བསྲེགས་ཐལ་བ་རླུང་ཁྱེར་དུ་འཇོག་པའོ། ༧ །ཡང་རྡོ་གྲུ་གསུམ་དུ་བརྩེགས་དེ་ལྕགས་ཁང་དུ་བསྐྱེད་པའི་ནང་དུ་ལྷ་འདྲེ་ཁས་མ་བླངས་བ་རྣམས་བསྡུས་ནས། གནམ་ལྕགས་ཀྱི་འཁོར་ལོ་རྩིབས་བརྒྱད་པས་ཁ་བཅད། ཁྲོས་མ་སྐུ་སྨད་གནམ་ལྕགས་ཀྱི་ཕུར་པ་ཅན་གྱིས་འཛེར་ནས་བཞག་པ་དབང་སྡུད་གཟིར་གནོན་དུ་འཇོག་པའོ། ༧ །ཡང་ཁང་སྒྲོམ་ནང་དུ་ཤ་ཁྲག་གིས་གཏིབ་སྙིལ་བྱེད་ནས་འཇོག་པའམ། ཡང་ན་དབྱིངས་རིག་བསྲེས་ལ་བེམ་པོ་དེ་ཆེར་སྐྱེས་ནས་ཡར་སྲིད་རྩེ་དང་ཕར་ལྕགས་རིའི་ལོགས་ལ་ཁྱབ་སྟེ། ཤགས་ཀྱིས་རལ་བས་གཉན་ས་ཐམས་ཅད་ཁྱབ་སྟེ་ལྷ་འདྲེ་ཐམས་ཅད་ཀྱིས་ཕན་བདེ་ཕུན་སུམ་ཚོགས་པའི་གནས་སུ་བསྒོམ་ལ་འཇོག་པ་ནི་སྦྱིན་བཏང་དུ་འཇོག་

[Full Size]

པའོ། ༧ །ཡང་སྡུད་ཁང་སྟེང་དུ་ཐོ་གྲུ་བཞིར་བརྩེགས་ལ་གསེར་གྱི་མཆོད་རྟེན་བང་རིམ་བཅུ་གསུམ་པ་སྟོང་གསུམ་ཁྱབ་པའི་བུམ་པར་ཡུམ་ཆེན་སྲས་དང་བཅས་པས་ཐེག་པ་ཆེན་པོའི་ཆོས་གསུངས་པ་ལས། ལྷ་འདྲེ་དཀར་ཕྱོགས་ཐམས་ཅད་དད་གུས་ཀྱིས་བཀའ་ཉན་ཅིང་གནས་པར་བསྒོམ་པ་ནི། ཆོས་འཁོར་གྱི་ཚུལ་དུ་བཞག་པ་ཡིན་ནོ། །དེ་རྣམས་ནི་གནས་བརྟན་རྒན་པོ་གཞི་གཉེར་དུ་བཀོད་ཅེས་པའི་དོན་ནོ། །དེ་ལ་ནི་སྒར་འདེབས་ཀྱི་ཁྲོས་མ་མི་བསྡུ། ཐོ་མི་བཤིགས་པ་བཞག་གོ །ཡང་ན་རང་ལུས་སྤྱན་རས་གཟིགས་སུ་བསྒོམ་པ་དང་། ལ་ཆེན་དགུ་སོགས་བསྒོམས་པས་ཕྱི་འབྲང་གཅོད་པ་རྣམས་གཞུང་ལྟར་བྱའོ། ༧ །དེ་ནས་རིག་པའི་ངོ་བོ་ཀེང་རུས་ཀྱི་ཁྲོས་མ་དཀར་མོ་ཕྱག་ན་ཐོད་དབྱུག་སུམ་བརྩེགས་འཛིན་པ། བཞད་པའི་གད་རྒྱངས་ཅུང་ཟད་དང་ལྡན་པ། ནམ་མཁའ་ལ་ཇེ་མཐོ་ཇེ་མཐོར་སོང་ནས་མཐར་དབྱིངས་རིག་བསྲེས་ལ་སྐྱེ་མེད་སྤྲོས་བྲལ་དུ་བཞག་གོ །དེ་ནི་མཁའ་འགྲོའི་གྲིབ་སེལ་ལོ། །དེ་ནས་གཉན་ས་དེའི་ཐོ་མི་མཐོང་བའི་སར་ཐེ་ཚོམ་མ་ཆོད་བར་དུ་བསྡད། གལ་ཏེ་ཕྱི་འབྲང་ཅུང་ཟད་འདུག་ན་སྔ་མའི་གཉན་ས་དེ་ཉིད་དུ་ཡོད་པར་མས་ནི་གནས་བརྟན་བྷནྡབས་པ་ལས། ལྷ་འདྲེ་སྟོད་རྟ་ཐོ་གྲུ་བཞིར་བརྩེགས་ལ་

[Full Size]

དམིགས་ལ། ཚར་ལྷོང་མ་ཆོད་བར་དུ་ཉམས་ལེན་གཞུང་ལྟར་བྱའོ། །མཐར་དབྱིངས་རིག་བསྲེས་ལ་ཕུང་པོ་སྦྱིན་བཏང་དུ་བཞག་པ་ལས་གཞན་ཅི་ཡང་མི་དགོས་སོ། །དེ་ལྟར་ཐོག་མཐའ་བར་གསུམ་གྱི་དམིགས་པ་ཐམས་ཅད་སེམས་ཉིད་སྐྱེ་བ་མེད་པའི་རང་རྩལ་སྣང་སྟོང་འཇའ་ཚོན་ལྟ་བུར་བསྒོམ་པ་གལ་ཆེ་ཞིང་། དངོས་པོ་ལ་ཨ་འཐས་ཅན་ཞེ་སྡང་རང་ཁ་མའི་དམིགས་ངན་བྱས་ན་ངན་སོང་གི་རྒྱུ་ཡིན་པས་མི་རུང་སྟེ། མ་གཅིག་གི་ཞལ་ནས་དམིགས་པ་མཚན་མར་གྲུབ་པ་ལམ་གྱི་ཐ་མལ་ཡིན། ཞེས་གསུངས། དེ་ཡང་མཐའ་གཏད་སྔ་ན་ཚར་ཚད་འོང་དཀའ། འཕྱིས་ན་ལུས་གདོན་ལེན་མི་ནུས་པས་མ་སློང་བར་དུ་མཐའ་གཏད་མི་བྱ། ལྷོང་ཚད་བྱུང་མ་ཐག་ཏུ་མཐའ་གཏད་བྱ་བ་མན་ངག་ཡིན་ཏེ། དྲག་པོའི་གདོང་ལ་མཐའ་ལ་གཏད། །ཅེས་གསུངས་སོ། །བར་བར་ཤེས་པ་གླིང་བཞི་བསྐོར། ཞེས་པ་ཚད་མེད་བཞི་སྒོམ་པ་དང་། བདག་འཛིན་གྱི་འཁྲི་བ་བཅད་ནས་ན་རུང་ཤི་རུང་དུ་བཞག་པ་ནི། །བར་བར་མགོ་བཅད་གཡང་ལ་སྐྱུར། ཞེས་པའི་དོན་དང་། གཡག་ཆད་ཀྱི་རྔ་མ་མི་རྫི། རྟ་རྒོད་སྐྱེས་ཁུག་ནས་མི་ལེན། ཁྱི་འཁྱམ་གུད་ལ་མི་བཙུད། སྡེར་མའི་མདུང་གཏིང་གད་

[Full Size]

ལ་མི་གཏུག །ཁ་མཆུ་དུམ་སྟེང་མི་ཟློག །ཅེས་པ་རྣམས་ཀྱི་དོན་ནི་ཚར་ཚད་ལེགས་པར་བྱུང་ན་འདུག་མི་རུང་སྟེ་མྱུར་དུ་འགྲོ་བར་བྱའོ། །ཞེས་པའི་དོན་ནོ། ། །དེས་ནི་རྗེ་དཀོན་མཆོག་འབངས་ཀྱིས་མཛད་པའི་གཅོད་ཁྲིད་ཟབ་མོ་ལ་ཉེ་བར་མཁོ་བའི་དམིགས་རིམ་གལ་ཆེ་བ་རྣམས་རྗེ་བཙུན་ཚེར་ལུང་དྲུང་པ་ཀུན་དགའ་རྣམ་རྒྱལ་གྱི་གསུང་རྒྱུན་ལས་བྱུང་བའི་ཟིན་བྲིས་འགའ་ཞིག་ལ་གཞིར་བྱས་ཏེ། གོ་བདེ་ཞིང་ཚིག་ཉུང་བར་བསྡུས། བཤད་པའི་ན་ཡམ་དང་ལུང་འདྲེན་སོགས་བཤད་ཆོས་རྣམས་སྤྲོས་པ་སྐྱུང་སྟེ་ཉམས་ལེན་དུ་ཁྱེར་བདེ་བར་བྱས་ཏེ། རྗེ་བཙུན་རིན་པོ་ཆེ་ཀུན་དཀའ་རྣམ་རྒྱལ་གྱི་ཞབས་རྡུལ་སྤྱི་བོར་བླང་ཞིང་། བཀའ་དྲིན་ཅུང་ཟད་ཐོབ་པ། རི་ཁྲོད་པ་༧ ཀརྨ་ཨ་རཱ་གས་བཀོད་པའོ། །འདི་ལ་འགལ་འཁྲུལ་དང་རྩོམ་པའི་ཉེས་པ་ཅི་མཆིས་པ་དང་། མ་རྒན་སེམས་ཅན་ཐམས་ཅད་ཀྱི་སྡིག་སྒྲིབ་ཐམས་ཅད་གཅིག་ཏུ་བསྡུས་ནས་བཤགས་ཤིང་། འདི་ལ་བསོད་ནམས་ཀྱི་ཆ་གང་མཆིས་པ་དེས་སེམས་ཅན་ཐམས་ཅད་ཡུམ་ཆེན་མོའི་གོ་འཕང་དམ་པ་ཐོབ་པའི་རྒྱུར་བསྔོའོ། །འདི་ཉིད་ཉམས་སུ་ལེན་པའི་གང་ཟག་ཐམས་ཅད་བདུད་བཞིའི་གཡུལ་ལས་རྣམ་པར་རྒྱལ་

[Full Size]

ནས་འཇིག་རྟེན་དང་འཇིག་རྟེན་ལས་འདས་པའི་བཀྲ་ཤིས་བདེ་ལེགས་ཐམས་ཅད་འབྱུང་བར་གྱུར་ཅིག། །།མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྗེ་དཀོན་མཆོག་འབངས་ཀྱིས་མཛད་པའི་གཅོད་ཁྲིད་ལ་ཉེ་བར་མཁོ་བའི་ཐོག་དམིགས་ཟབ་མོ།

[Full Size]

༼ཟ༽ རྗེ་དཀོན་མཆོག་འབངས་ཀྱིས་མཛད་པའི་གཅོད་ཁྲིད་ལ་ཉེ་བར་མཁོ་བའི་ཐོག་དམིགས་ཟབ་མོ་བཞུགས་པའི་དབུ་ལགས་སོ།།

[Full Size]

ན་མོ་བཛྲ་ཌཱ་ཀི་ཡེ། མ་གཅིག་སྤྲུལ་པའི་སྐུ་ལ་ཕྱག་འཚལ་ནས། །གཅོད་ཁྲིད་ལྷན་ཐབས་ཐོག་དམིགས་སྐོར་རྣམས་བྲི། །ཡེ་ཤེས་མཁའ་འགྲོས་བཀའ་གནང་བྱིན་གྱིས་རློབས། །དེ་ཡང་གར་དབང་དཀོན་མཆོག་འབངས་ཀྱིས་བསྩལ་བའི་གཅོད་ཁྲིད་ལས། ལྷོ་ཕྱོགས་སུ་སྤྲིན་ནག་པོ་ཞེས་སོགས་མདོར་བསྡུས་གསུངས་པའི་དོན་རྒྱས་པར་སྤྲོ་ན། མགར་ཚང་བཅའ་བ་དང་། མགར་བྱེད་པ་རྨིས་ན་ཕྱི་དྲོ་ཐོག་འོང་། མགར་ཐོན་པ་རྨིས་ན་སྔ་དྲོ་ཐོག་འོང་་། མགར་ཚང་དང་སོལ་ཁང་མཐོང་བ་དང་ལྕགས་བཟོ་བ་དང་མཚོན་ཆ་བརྡུང་ན་ཐོག་ཡོད་རྟགས་སོ། །དེ་རྨི་ལམ་

[Full Size]

བརྟག་པ་ཡིན་ནོ། །ཉམས་སྣང་ལ་ལྕགས་རྡུང་བའི་སྒྲ་ཐོས་སྙམ་བྱེད་པ་དང་། ཚྭ་ཚྭ་འཐུལ་བ་དང་། མགར་བ་མགར་ཚང་མཐོང་བ་ཡང་ཐོག་འོང་རྟགས་ཡིན་ནོ། །དངོས་སུ་ཐོག་སྒྲ་བརྟག་པ་ནི། ནངས་སྔ་ཟ་རི་ཟི་རེ་མི་བདེ་ཙམ་གྲག་པ་འདྲ་ན་དངོས་སུ་རིག་མི་རིག་ཨེ་ཡིན་མི་ཡིན་བསམ་པ་དེ་འདྲ་ནམ་ལངས་བྱུང་ན་སྔ་དྲོ་འོང་། སྔ་དྲོ་བྱུང་ན་ཉིན་ཕྱེད་དམ། དགོང་ཁ་འོང་། ཉིན་ཕྱེད་དང་དགོང་ཁ་རྟགས་དེ་འདྲ་བྱུང་ན། ནམ་ཕྱེད་དམ་ཐོ་རངས་འོང་། ཡང་འབྲུག་སྐད་སྙིང་གཟེར་བའི་ཚ་སྒྲ་ཅན་དང་། ལྕགས་སྲེག་གི་ཚྭ་ཚྭ་འདྲ་བ་དམར་ཤལ་ཤལ་ཚུབ་ཚུབ་

[Full Size]

བྱེད་པ་དང་། སྦྲང་བུའི་སྐད་འདྲ་གཟིར་སྒྲ་དང་། ཅིར་སྒྲ་རྣ་ལམ་དུ་གྲག་ན་ད་ལྟ་ཉིད་དུ་འོང་ངོ་། ༧ །ཡང་ནམ་མཁའ་ལ་སྤྲིན་དང་འབྲུག་མེད་ཅིང་ཉི་མ་དྲོ་བ་ལ། ས་འོག་ནས་སྒྲ་སྐད་མི་སྡུག་པ་དང་། དུད་པ་འཐུལ་བ་དང་ས་འགུལ་བ་དང་། རྐང་མཐིལ་ལྗིད་ཆིལ་ཆིལ་བྱེད་ན། འོག་འཁྱུག་འོང་རྟགས་སོ། །དེ་ལྟར་ཐོག་རྟགས་བྱུང་ན་ཐོག་ཚང་གཏོར་བ་ནི། རང་ཉིད་ཤཱཀྱ་ཐུབ་པར་གསལ་བའི་ཐུགས་ཀ་ནས་གསེར་གྱི་རྡོ་རྗེ་ཞིག་འཕྲོས་ནས་ནམ་མཁའ་ལ་ཤར་གྱིས་སོང་། ཐོག་ཐོག་བདག་མགར་བ་མགར་ཚང་དང་བཅས་པ་ལ་ཕོག །དེ་ཐམས་ཅད་མཐའི་རྒྱ་མཚོའི་ཕ་རིར་འཕང་བར་བསྒོམ་ལ་ཕཊཤར་བྱ། ནམ་མཁའ་ལ་ཕུ་དང་སྡིགས་མཛུབ་བྱའོ། །འདི་ལྟར་བྱས་པས་དྲག་ལས་དུས་ཐོག་བྱུངཡང་། ཉེ་སྐོར་དུ་རྒྱབ་མི་ནུས་པར་ཐག་རིང་དུ་རྒྱོབ་པ་མྱོང་བས་འགྲུབ་བོ། ༧ །ཡང་རང་ཉིད་ཀྱི་སྤྱི་བོར་ཟངས་ཀྱི་འཁོར་ལོ་རྩིབས་སྟོང་རྩིབས་རེ་རེ་ལ་ཁྲོས་མ་རེ་རེ་ཡོད་པ་དེ་ནམ་མཁའ་ལ་འཁོར་ནས། དེ་ཇེ་ཆེ་ཇེ་ཆེར་སོང་ནས་འཁོར་བའི་རྩིབས་དེས་ཐོག་ཐོག་བདག་མགར་བ་མགར་ཚང་དང་བཅས་པ་ལ་བརྒྱབ་ཅིང་དེད་ནས། མཐའི་རྒྱ་མཚོ་ཕར་རི་ལ་བརྡས་

[Full Size]

པར་བསྒོམ་ལ། ཕཊཤར་དྲག་ཏུ་བྱའོ། ༧ །ཡང་རང་ཉིད་རྗེ་བཙུན་མར་བསྐྱེད་ལ། རང་ལུས་ཤ་ཁྲག་རུས་གསུམ་སྲིད་པའི་རྩེ་མོའི་བར་དུ་གང་བ་དེ། རི་བོ་འགྱེལ་བ་བཞིན་དུ་བྱུང་ནས་ཐོག་ཐོག་བདག་སེར་བ་སེར་བྱེད་ཐམས་ཅད་ཤ་ཁྲག་གིས་གཡོག་ཅིང་དེད་ནས། མཐའི་ལྕགས་རི་ལ་གླན་པར་བསམས་ལ། ཕཊཤར་བྱའོ། །དེ་རྣམས་ནི་ཐོག་ཚང་གཏོར་བའོ། །དེ་ཡང་གནམ་ཐེལ་བར་ཐེལ་ས་ཐེལ་གསུམ་བསྡོངས་ནས་སྟེང་ཐོག་འོག་ཐོག་བར་ཐོག་གསུམ་འབྱུང་བ་ཡིན་པས། ཐེའུ་རང་ཁ་བྲལ་བ་ནི། རང་ཉིད་ཁྲོས་མར་གསལ་བའི་སྟེང་གི་ནམ་མཁར་གནམ་ལྕགས་ཀྱི་རལ་གྲི་བསམ་གཅོད་འབར་བའི་འཁོར་ལོ་རྩིབས་བྱེ་བ་འབུམ་དང་ལྡན་པ་ཞིག་གཡས་སུ་དྲག་ཏུ་འཁོར་བས། སྟེང་ཐོག་གི་བདག་པོ་ཐོག་ཐོག་བདག་མགར་བ་མགར་ཚང་དང་བཅས་པ་སིལ་བུར་གཏུབས་ནས་རྡུལ་ཕྲན་བཞིན་དུ་བརླགས་པར་བསྒོམ། ༧ རང་ཉིད་ཁྲོས་མའི་འོག་གི་ས་གཞི་ལ་ལྕགས་སྲེག་གི་རལ་གྲི་བསམ་གཅོད་འབར་བའི་འཁོར་ལོ་རྩིབས་བྱེ་བ་འབུམ་དང་ལྡན་པ་གཅིག་གཡོན་དུ་དྲག་ཏུ་འཁོར་བས། འོག་ཐོག་གི་བདག་པོ་ཐོག་ཐོག་བདག་མགར་བ་མགར་ཚང་དང་བཅས་པ་

[Full Size]

སིལ་བུར་གཏུབས་ནས་རྡུལ་དུ་བརླགས་པར་བསྒོམ། ༧ རང་ཉིད་ཁྲོས་མའི་ཐུགས་ཀ་ནས་རལ་གྲི་བསམ་གཅོད་འབར་བའི་འཁོར་ལོ་ཆེ་ཆུང་སྣ་ཚོགས་གྲངས་མེད་པ་ཕྱོགས་བཞི་མཚམས་བརྒྱད་ཀུན་ཏུ་འཕྲོས་པས། བར་ཐོག་གི་ཐོག་ཐོག་བདག་མགར་བ་མགར་ཚང་དང་བཅས་པ་ཐམས་ཅད་སིལ་བུར་གཏུབས་ནས་རྡུལ་དུ་བརླགས་པར་བསམས་ལ་ཕཊཿཤར་བྱའོ། །དེ་ནི་ཐེའུ་རང་གསུམ་གྱི་ཁ་ཕྲལ་བའོ། ༧ །ཡང་རང་གི་སྟེང་གི་ནམ་མཁར་བྱ་ཁྱུང་གཤོག་རྡང་འཁྲིགས་པའི་གུར་བསྒོམ་པའམ་དབུ་གཙུག་ཏུ་བྱ་ཁྱུང་ཅིག་བསྒོམ་པའི་རྭ་ཅོ་དང་ནོར་བུ་ལས་མེའི་ཞགས་པ་འཕྲོས་ནས་ཐོག་ཐོག་བདག་མགར་བ་མགར་ཚང་དང་བཅས་པ་བྱ་སྒྲོ་མེ་ལ་བསྲེགས་པ་ལྟར་གཞོབ་ཐུལ་གྱིས་སོང་བར་བསྒོམས་ལ་ཕཊབརྗོད་པ་དེ་ནི་ཐོག་ཞུད་ཕྱུང་བའོ། ༧ །ཡང་རང་གི་ཐུགས་ཀ་ནས་གསེར་གྱི་རྡོ་རྗེ་རྩེ་དགུ་པ་མེ་འབར་བ་གཅིག་འཕྲོས་ཏེ་ཐོག་ཐོག་བདག་ཐམས་ཅད་གཞོབ་བུན་གྱིས་བསྲེགས་པར་བསྒོམ་མོ། ༧ ཡང་རང་གི་སྟེང་གི་ནམ་མཁར་བྱ་ཁྱུང་ཆེན་པོ་བསྐྱེད་ལ། ཁྱུང་དེས་ཤར་དུ་ཁ་རྒྱུ་ནས། ཤར་ཕྱོགས་དྲི་ཟའི་གདོན་གྱིས་གཙོར་བྱས་གནོད་བྱེད་དང་། ཐོག་སེར་བཏང་མི་ཐམས་ཅད་

[Full Size]

ཞལ་གྱི་ཐད་དུ་སྦལ་སྤྲུལ་གྱི་གཟུགས་སུ་གནས་པ་ཐམས་ཅད་ཟོས་ནས། བྱ་ཐལ་དེ་ནུབ་ཕྱོགས་ལྕགས་རི་ནག་པོའི་རྒྱབ་ཏུ་སོང་བར་བསྒོམ། དེ་བཞིན་དུ་ལྷོ་གཤིན་རྗེ། ནུབ་ཀླུ། བྱང་གནོད་སྦྱིན། ཤར་ལྷོ་མེ་ལྷ་དྲང་སྲོང་། ལྷོ་ནུབ་སྲིན་པོ། ནུབ་བྱང་རླུང་ལྷ། བྱང་ཤར་བགེགས། སྟེང་གཟའ་སྐར། འོག་ས་བདག་གི་གཙོར་བྱས་བ། པའི་གནོད་བྱེད་ཐམས་ཅད་ཁྱུང་གིས་རིམ་པར་ཟོས་ནས། བྱ་སྐྱག་མཐའི་རྒྱ་མཚོའི་ལྕགས་རིའི་རྒྱབ་ཏུ་དོར་བར་བསྒོམ། ༧ ཡང་དམིགས་པ་དེ་རྣམས་བསྡུས་པ་བྱེད་ན། རང་ཉིད་ཀྱི་ཐུགས་ཀ་ནས་རིག་པའི་ངོ་བོ་དེ་ཟངས་ཀྱི་བྱ་ཁྱུང་གསེར་གྱི་གཤོག་པ་ཅན། རྭ་རྩེ་ལ་མེ་འབར་ཞིང་རྭ་བར་ནོར་བུ་འབར་བ་ཅན། རི་རབ་ལས་ཆེ་བ་ཅིག་འཕྲོས། སྟེང་འོག་གི་གདོན་གཉན་ས་རི་བྲག་ཐོག་ཐོག་བདག་ཐམས་ཅད་ཧབ་སྒྲ་དང་བཅས་པས་འབྱངས་ནས་བྱ་ཐལ་བུན་ནེ་བཏང་བར་བསྒོམ། དེ་ནི་ཁྱུང་གི་ཇུར་འབྱུང་ཞེས་ཀྱང་བྱ། བྱ་ཁྱུང་འབྲུག་དང་འབྲུག་མགོར་སྦྱར་བ་ཡང་ཟེར། ཁྱུང་གི་གནད་འདྲེན་ཡིན་པས། འདི་ཐོག་སེར་གྱི་དམིགས་པ་ཡིན་ན་ཡང་། གཉན་ས་དང་གདོན་མ་ཆུན་ན་ཡང་བྱེད་པ་ཡིན་ནོ། ༧ །ཡང་

[Full Size]

རང་ཉིད་ཁྲོས་མའི་ཐུགས་ཀ་ནས་འོད་ཟེར་དམར་པོའམ་ཡི་གེ་ཛཡིག་གི་རྣམ་པ་དཔག་ཏུ་མེད་པ་འཕྲོས་ལྷ་འདྲེ་གནོད་བྱེད་ཐོག་ཐོག་བདག་ཐམས་ཅད་རྡོ་ཁབ་ལེན་གྱིས་ལྕགས་བསྡུས་པ་ལྟར་རང་གི་སྙིང་ནང་དུ་བསྡུས་ལ་དབྱེར་མེད་དུ་བསྲེས་ཏེ། ཕྱག་རྒྱ་ཆེན་པོའི་ངང་ལ་བཞག་གོ །དེ་ནི་སྟེང་ཐོག་འོག་ཏུ་བསྲེ་བ་ཞེས་བྱ་སྟེ་རང་གི་རང་ལ་ཐོག་མི་རྙེབ་བོ། ༧ །ཡང་ན་རང་གི་འོད་ཟེར་གྱིས་ཐོག་བདག་ལྷ་འདྲེ་ཐམས་ཅད་མར་བཀུག་ནས་རང་གི་མལ་ས་ཡི་འོག་ཏུ་ཧྲུག་གེ་བླུགས་ལ་རང་གི་གཟི་བརྗིད་ཀྱིས་ཟིལ་གྱིས་མནན་ནོ། ༧ །ཡང་ན་རང་གི་འོད་ཟེར་གྱིས་ཐོག་ཐོག་བདག་དང་ལྷ་འདྲེ་ཐམས་ཅད་བསྡུས་ནས་རང་ལ་བསྟིམས་པས་སྟོང་པ་ཉིད་དུ་གྱུར། དེའི་ངང་ལས་རང་ཉིད་གནམ་ལྕགས་ཀྱི་རྡོ་རྗེ་ཡར་གྱི་རྭ་ལྔ་ལ་རྒྱལ་བ་རིགས་ལྔ། མར་སྣེ་དྲིལ་བུ་ལྟ་བུ་མཐའི་རྒྱ་མཚོ་ལ་ཟུག་པའི་ནང་དུ། ལྷ་འདྲེ་ཐོག་ཐོག་བདག་ཐམས་ཅད་ཚུད་ནས་འབྲོས་ས་མེད་ཅིང་། དེའི་ནང་དུ་ཤ་ཁྲག་གི་རྒྱ་མཚོས་བཀང་ནས་མགུལ་དབང་མེད་པར་བསྒོམས་ལ་ཕཊཿབརྗོད། དེ་རྣམས་སྟེང་ཐོག་འོག་ཏུ་བསྲེ་བའི་དམིགས་པའི་སྐོར་ཡིན་ནོ། ༧ །ཡང་རང་ཉིད་ཁྲོས་མ་འཁོར་མཁའ་འགྲོ་འབུམ་དང་བཅས་པའི་སྐུ་

[Full Size]

སྨད་ཕུར་བུ་རྣོ་ངར་དང་ལྡན་པས་བྲོ་འཁྲབས་པས། འོག་ཐོག་གི་བདག་པོ་དང་འོག་གི་གནོད་བྱེད་ཐམས་ཅད་རབ་ཏུ་གཙག་ཅིང་ཕུག་སྨྲས་ནས་ཐམས་ཅད་ནུས་པ་མེད་པར་སྙི་ཉོལ་གྱིས་སོང་བར་བསྒོམ་པ་ནི་གནད་ལ་ཕབ་པ་དང་། རང་ཉིད་ཁྲོས་མའི་སྐུ་སྨད་ཕུར་པའི་ཁོང་སེང་ནས། གནོད་བྱེད་དང་འོག་ཐོག་ཐོག་བདག་དང་བཅས་པའི་སྲོག་ཡིག་བཀྲག་གཟི་མདངས་མཐུ་ནུས་པ་ཐམས་ཅད་སྦུ་གུས་ཆང་འཇིབས་པ་ལྟར་སིབ་ཀྱིས་ཡར་འཇིབས་ནས་རང་གི་ཐུགས་ཀར་ཐིམ་པས་བཀྲག་མདངས་དང་གཟི་བརྗིད་རྒྱས། ཁོང་རྣམས་མཐུ་སྟོབས་དང་བཀྲག་མདངས་ཉམས་ནས་ནག་ཧམ་མེ་སོང་བར་བསྒོམ། དམིགས་པ་འདི་གཉིས་ནི་འོག་ཐོག་སྟེང་དུ་བསྲེ་བ་ཞེས་བྱ་བ་ཐོག་དམིགས་ཁྱད་པར་འོག་ཐོག་གི་དམིགས་པ་ཡིན་ན་ཡང་། གཉན་ས་དང་ལྷ་འདྲེ་མ་ཆུན་ན་བྱའོ། །དེ་ཡང་ཐོག་སེར་འབྲུག་གློག་དང་ལྷ་འདྲེ་གཞི་བདག་གཟའི་དང་ཐེའུ་རང་ཟེར་བ་འདི་ཐམས་ཅད་རང་གི་སེམས་ཀྱི་ཆོ་འཕྲུལ་ཡིན། །རང་སེམས་ལས་གཞན་དུ་གྲུབ་པའི་དངོས་པོ་བདེན་གྲུབ་རྡུལ་ཙམ་ཡང་མེད་ལ། རང་གི་སེམས་ཡང་གདོད་མ་ནས་སྐྱེ་འགག་ཐམས་ཅད་དང་བྲལ་བ་ཆོས་ཀྱི་སྐུར་ཤེས་པར་བྱས་ལ།

[Full Size]

རབ་དུས་ཐམས་ཅད་དུ་སྟོང་ཉིད་ཀྱི་གདེང་དང་མ་བྲལ་བའི་ངང་ནས་དམིགས་རིམ་རྣམས་ཀྱང་བྱེད། དེ་ཙམ་མི་ཐུབ་ན་ཐུན་གྱི་བར་བར་ཐམས་ཅད་དུ་སྟོང་ཉིད་ཀྱི་ངང་ལ་བཞག །བར་དུ་མཉམ་པར་བཞག་པ་ཞེས་བྱ་སྟེ་གལ་ཆེའོ། ༧ །ཡང་བེམ་རིག་ཕྲལ་ལུས་ལ་གཅེས་འཛིན་སྤངས་ལ། རང་གི་རིག་པ་གསེར་གྱི་རྡོ་རྗེ་རྩེ་དགུ་པ་ཞིག་ཏུ་གྱུར། ནམ་མཁའ་ལ་ཤད་ཀྱིས་སོང་སེར་བ་སེར་བྱེད་ཐོག་ཐོག་བདག་མགར་བ་མགར་ཚང་དང་བཅས་པའི་སྟེང་དུ་བརྒྱབས་པས། བྱ་སྤུ་རླུང་གིས་གཏོར་བ་བཞིན་དུ་མཐའི་ལྕགས་རི་ཡི་རྒྱབ་ཟངས་རི་ལ་གླན། རང་གི་བེམ་པོ་ཆུའི་ལྦུ་བའི་ཕུང་པོ་གཅིག་ཏུ་གྱུར་པ་ལས་རྡོ་རྗེ་མར་བྲུལ་རང་ལུས་གཉན་ས་དང་བཅས་པ་ལ་ཕོག །རྡུལ་ཕྲན་བཞིན་དུ་གཏོར་ནས་མལ་ཡང་མེད་པར་བསྒོམ། ། ༈ ཡང་རང་ཉིད་ཕག་མོའི་ཐུགས་ཀ་ནས་གནམ་ལྕགས་ཀྱི་རྡོ་རྗེ་རྩེ་དགུ་པ་གཅིག་ནམ་མཁའ་ལ་ཤད་ཀྱིས་སོང་། ཐོག་ཐོག་བདག་མགར་བ་མགར་ཚང་དང་བཅས་པ་ཐམས་ཅད་རྡོ་རྗེའི་འོད་ཟེར་ལ་ཐིམ། རྡོ་རྗེ་མར་བྲུལ་ནས་རང་འདུག་ས་དང་གཉན་ས་ཐམས་ཅད་རིལ་ཕུང་ལ་སྤྱོད་བརྒྱབ་པ་ལྟར་ཉིལ་གྱིས་ཞིག་པར་བསྒོམ། ༧ ཡང་གསེར་གྱི་རྡོ་རྗེ་འཕྲོས་ནས་དེ་

[Full Size]

ལྟར་བསྒོམ། ཡང་རིག་པ་ལྕགས་སྲེག་གི་ཐོ་ལུམ་འབར་བ་འཕྲོས། ཐོག་ཐོག་བདག་དང་བཅས་པ་མཉམ་དུ་བཀུག་ནས། མར་བྲུལ་རང་ལུས་ས་ཆ་དང་བཅས་པ་ལ་ཕོག་རྡུལ་དུ་བརླགས་ནས་རྗེས་མེད་པར་བསམ། ༧ ཡང་རང་ཉིད་རྗེ་བཙུན་མ་སྐུ་མདོག་དམར་མོའི་སྐུ་ལས་གནམ་ལྕགས་ཀྱི་ཚྭ་ཚྭ་ཐོག་ལྟ་བུ་འཕྲོས། ཐོག་ཐོག་བདག་དང་བཅས་པ་བཀུག་ནས་མཉམ་དུ་མར་བྲུལ། རང་གི་བེམ་པོ་གནས་དང་བཅས་པ་ལ་ཕོག་རྡུལ་དུ་བརླགས་ནས་མེད་པར་བསྒོམ། དེ་རྣམས་ནི་ཐོག་འབོམ་བསལ་བའི་དམིགས་པ་མི་གཅིག་པ་རྣམས་ཡིན་ཏེ། རང་གི་དམིགས་པ་གང་བྱས་པ་དེ་ལྷ་འདྲེ་དེ་དངོས་སུ་གྱུར་སོང་བར་མཐོང་ནས། ཐབ་བས་གཞོབ་སྔ་བའི་དཔེ་རང་ལུས་རང་གི་རིག་པས་ཐོག་བརྒྱབས་ནས་མེད་པར་བྱས་པས་ལྷ་འདྲེ་སྐྱིང་ནས་བྱེད་རྒྱུ་མི་རྙེད་པར་འགྱུར་བའི་གནད་ཡིན་ནོ། ༧ །ཡང་བེམ་རིག་ཕྲལ་ནས་དབྱིངས་རིག་བསྲེས་ཏེ་གཉན་ས་ཡུལ་ཕྱོགས་དེ་ཐམས་ཅད་ཤ་ཁྲག་གི་སྒྲོ་རྒྱ་མཚོ་རྦ་རླབས་རབ་ཏུ་འཁྲུག་པ་གཅིག་བསྒོམ། དེའི་ནང་དུ་གནོད་བྱེད་ཐོག་ཐོག་བདག་དང་བཅས་པ་བཀུག་བསྟིམ་དྲག་ཏུ་བྱས་ཏེ། ཤ་ཁྲག་གི་ནང་དུ་བྱིངས་ནས་མི་ཐར་བར་

[Full Size]

དམིགས་པ་ནི་མནོལ་ཕབ་པ་ཡིན་ནོ། ༧ །ཡང་རང་གི་སྤྱི་བོར་གསེར་གྱི་འཁོར་ལོའི་རྩིབས་སྟོང་ལ་ཐུབ་པ་སྟོང་བསྒོམ། དེ་ཐམས་ཅད་ཕྱག་གཡོན་མི་རྐང་གི་གླིང་བུ་ཚག་ཏིར་ཏིར་འབུད་ཅིང་གཡས་མི་ལྤགས་ཀྱི་གཡང་གཞི་དམར་ཙ་རེ་བ་བརྡབས་པས། གནོད་བྱེད་ཐོག་བདག་ཐམས་ཅད་དཔག་ཚད་རྒྱང་གྲགས་སུ་ཡང་མི་ཆགས་པར་ཕྱིའི་ལྕགས་རིའི་ཕར་རྒྱབ་ཏུ་བདས་པར་དམིགས་པ་ནི། ཕྱག་མཚན་གྱིས་བསྒྱུར་པས་བསྐྲད་ཆོག་བྱེར་གཏོར་གྱི་དམིགས་པའོ། ༧ །ཡང་ནད་པའམ་བསྲུང་བྱ་ལ་སྙེམས་མེད་དམ་ཐོག་དམིགས་ལུང་མེད་པར་ཐོག་ཕོག་ན། རང་གི་སྐྲ་དང་སེན་མོ་བསྲེགས་ནས་བདུག་པས་མནོལ་ཕབ་པས། རང་ཉིད་རྗེ་བཙུན་མ་ནག་མོ་དུར་ཁྲོད་ཀྱི་ཆས་བརྒྱད་གསོལ་བ། གྲི་གུག་ཐོད་ཁྲག་བསྣམས་པ་ཆེ་ལ་འཇིགས་པར་བསྐྱེད་ལ་ལུས་ལ་མ་ཐུག་པར་སྟེང་དུ་ཕར་མཆོངས་ཚུར་མཆོངས་བྱ་ཞིང་། ཕཊཿསྒྲ་དང་རོལ་མོའི་སྒྲ་ཆེ་བར་བྱ། རཱ་ཧུ་ལ་ཐོག་ཐོག་བདག་བཀུག་ལ་བསྟིམས། དེ་ནས་ནད་པའི་ལུས་ལ་ཚོགས་འཁོར་ཡར་མཆོད་མར་སྦྱིན་བྱ། ནད་པ་ལ་རྨ་བྱུང་ནི་གདའ་ན་དྲི་ཆུ་བཏབ་ལ་རྨ་མེད་པར་བསྒོམ། ཡང་ཐོག་ཟེར་ལྟ་བུའམ་གཡས་གཡོན་དུ་ཐོག་བརྒྱབས་

[Full Size]

པས་ནད་པའམ་བསྲུང་བྱ་བརྒྱལ་ནས་དབུགས་མེད་པ་དྲོད་མ་ཡལ་ན། རང་ཉིད་མ་གཅིག་གམ་རྗེ་བཙུན་མར་གསལ་བ་ལས་འོད་ཟེར་ལྕགས་ཀྱུ་ལྟ་བུ་དཔག་ཏུ་མེད་པ་འཕྲོས་ནད་པའི་རྣམ་པར་ཤེས་པ་དེ་བཀུག་ལ་ཡང་ཡང་བསྟིམ། རོལ་མོ་དཀྲོལ་ཅིང་ཕཊསྒྲ་བཏབ་གསོལ་འདེབས་དྲག་པོ་བྱའོ། །དེ་ནས་ཐོག་བསྲུང་དམིགས་པ་རྒྱས་པ་ནི། དང་པོ་ལུས་ལ་ཆགས་ཞེན་མེད་པར་སེམས་ཅན་ཐམས་ཅད་ཀྱི་དོན་དུ་ལུས་བློས་ཐེང་བར་སྦྱིན་པར་བཏང་སྙམ་དུ་སེམས་བསྐྱེད། དེ་ནས་རང་འདུག་ས་དེ་གསེར་གྱི་ས་གཞི་ཆགས་འཇིག་དང་བྲལ་བ་ཆོས་ཀྱི་སྐུའི་རང་བཞིན། དེའི་དབུས་སུ་རང་དང་བསྲུང་བྱ་ཐམས་ཅད་ཀྱི་ཕུང་པོ་ཁམས་དང་སྐྱེ་མཆེད་འོད་དུ་ཞུ་ནས་གསེར་གྱི་རྡོ་རྗེ་རྩེ་ལྔ་པ་ཡོར་གྱི་རྭ་དབུས་མ་དེ་སྲིད་པའི་རྩེ་ལ་བུད་པ། རྭ་ལྔའི་ནང་དུ་ཡུམ་ཆེན་མོ་རྒྱལ་བ་རིགས་ལྔ་སངས་རྒྱས་བྱང་སེམས་ཀྱིས་བསྐོར་བ། འོག་གི་རྭ་དབུས་མ་དེ་མར་གསེར་གྱི་ས་གཞི་ལ་ཐེལ་ཟུག་པའི་རྭའི་ནང་དུ། ཁྲོས་མ་དང་མཁའ་འགྲོ་སྡེ་བཞི་འཁོར་དང་བཅས་པས་གནོད་བྱེད་དམ་ལ་འདོགས་པར་བསྒོམ། རྡོ་རྗེའི་ལྟེ་བ་གསེར་གྱི་གུར་ཁང་ཡངས་ཤིང་རྒྱ་ཆེ་བའི་ནང་དུ་རང་གི་ཡི་དམ་ལྷའི་གཞལ་ཡས་

[Full Size]

ཁང་གི་དབུས་སམ། ཡི་དམ་གྱི་སྤྱི་བོར་སྒོམ་ཡང་རུང་སྟེ་རང་གི་རིག་པ་གསེར་གྱི་བྱ་ཁྱུང་སེར་པོ་སྤྱན་གསུམ་པ་ཀླུ་དང་ས་བདག་ཟས་སུ་ཟ་བ། རང་གི་བུ་སློབ་བསྲུང་བྱ་ཐམས་ཅད་ཀྱང་བྱ་ཁྱུང་རང་དང་འདྲ་བར་གྱུར་ནས། རང་ལ་བསྐོར་ནས་ཡོད་པར་བསྒོམ། དེ་ནི་སྲུང་འཁོར་ཡིན་ལ། དེ་ནས་ཐོག་བཟློག་པའི་དྲག་ལས་དམིགས་པ་ནི། རང་ཉིད་བྱ་ཁྱུང་གི་ཐུགས་ཀར་ཡུམ་ཆེན་མོའི་ས་བོན་ཨ་སེར་པོ། དེ་ལས་འོད་ཟེར་འཕྲོས་པས་གསེར་གྱི་རྡོ་རྗེ་སེར་པོ་རྣོ་ངར་དང་ལྡན་པ་གྲངས་མེད་པ་ནམ་མཁའ་གང་བར་སྤྲོས་ཏེ། གནོད་བྱེད་ཐོག་ཐོག་བདག་མགར་བ་མགར་ཚང་བྲན་གཡོག་འབྲུག་འབྲུག་ཞོན་གཟའ་དང་བཅས་པ་ལ་བརྒྱབ་ཅིང་དེད། མར་གསེར་གྱི་ས་གཞི་ལ་བཅར་ནས་ལུས་གཏོར། རྣམ་ཤེས་རང་གི་ཐུགས་ཀའི་ཡུམ་ཆེན་མོའི་ས་བོན་ལ་བསྲེས་ཏེ། དམིགས་མེད་དུ་བཞག་ལ་དབྱིངས་རིག་བསྲེ། མཐར་བསྔོ་བ་སྨོན་ལམ་རྣམ་པར་དག་པས་རྒྱས་བཏབ་བོ། ༧ །ཡང་ན་ནམ་མཁར་གསེར་གྱི་གདུགས་ཆེན་པོ་ཡུལ་རིས་བསྲུང་བྱ་ཐམས་ཅད་ཁེབས་པ། ཡེ་ཤེས་ཀྱི་མེ་ཆེན་འབར་བས་ཐོག་ཐོག་བདག་སྡེ་བརྒྱད་བསྲེགས་པ་དེའི་འོག་ཏུ་གསེར་གྱི་འཁོར་ལོ་རྩིབས་སྟོང་ཁ་སྦྱོར་

[Full Size]

བའི་ནང་དུ་རང་དང་བསྲུང་བྱ་ཐམས་ཅད་ཚུད་ཅིང་རྩིབས་ལ་མེ་འབར་བས་གནོད་བྱེད་ཐོག་ཐོག་བདག་བསྲེགས་པས། དེའི་དབུས་སུ་རང་ཉིད་མཁའ་འགྲོ་མ་དམར་མོ་བསྒོམས་པའི་ཞབས་འོག་ཏུ་ཐོག་བདག་བཀུག་ལ་འགུལ་དབང་མེད་པར་ཟིལ་ཆེན་པོས་མནན་ནོ། །དེ་ནི་སྟེང་འོག་བར་གསུམ་གྱི་ཐོག་བསྲུང་ངོ་། ༧ །ཡང་ཁྲོས་མའམ་ཡི་དམ་གང་རུང་བསྒོམ་པའི་སྤྱི་བོར་གསེར་གྱི་འཁོར་ལོའི་ལྟེ་བར་ཤཱཀྱ་ཐུབ་པ་སྐུ་ཤིན་ཏུ་ཆེ་བ། མཚན་དང་དཔེ་བྱད་གཟི་བརྗིད་འབར་བ། རྩིབས་སྟོང་ལ་བསྐལ་བཟང་གི་སངས་རྒྱས་སྟོང་ངམ་ཐུབ་པ་སྟོང་བསྒོམ། རང་དང་བསྲུང་བྱ་ཐམས་ཅད་ཀྱི་འོག་ཏུ་རྡོ་རྗེའི་ས་གཞི་གཞོམ་གཞིག་དང་བྲལ་བའི་སྟེང་དུ། གཡུའི་གྲོད་པ་ཆེན་པོ་རང་དང་བསྲུང་བྱའི་འོག་གཞི་ཁྱབ་པ་གཅིག་རྐང་པས་མནན་ཞིང་ཡོད་པ། ཕྱོགས་བཞི་མཚམས་བརྒྱད་ཐམས་ཅད་མཁའ་འགྲོ་མའི་རྭ་གུར་ཏེ། ཤར་དང་ཤར་ལྷོ་ཐམས་ཅད་རྡོ་རྗེ་མཁའ་འགྲོ་མ་དཀར་མོ། ལྷོ་དང་ལྷོ་ནུབ་ཐམས་ཅད་རིན་ཆེན་མཁའ་འགྲོ་མ་སེར་མོ། ནུབ་དང་ནུབ་བྱང་ཐམས་ཅད་པདྨ་མཁའ་འགྲོ་མ་དམར་མོ། བྱང་དང་བྱང་ཤར་ཐམས་ཅད་ལས་ཀྱི་མཁའ་་འགྲོ་མལྗང་མོ་ཐམས་ཅད་ཞལ་

[Full Size]

ཕྱིར་གཟིགས་ནས་གཡང་གཞི་རྡེབ་ཅིང་། རྐང་གླིང་འབུད་པས་ཐོག་སེར་ཟློག་པར་བསྒོམ་སྟེ། འདི་ནི་སྟེང་འོག་བར་གསུམ་གྱི་ཐོག་བསྲུང་ཟབ་མོའོ། །འདི་ནི་སྔོན་ཆད་ཚང་མ་ཡི་གེར་བཀོད་པ་མེད་མོད་ཀྱང་། དེང་འདིར་ཕན་སེམས་ཀྱིས་སྙན་བརྒྱུད་ཡི་གེར་བཀོད་པའོ། ༧ །ཡང་དམིགས་པ་རྒྱ་ཆེན་པོ་མ་ཟིན་པའམ་རང་ཁོ་ནའི་ཐོག་བསྲུང་ལ། རང་ཉིད་ཡི་དམ་དམ་ཁྲོས་མའི་དབུ་ཐོག་ཏུ་གསེར་གྱི་འཁོར་ལོ་རྩིབས་བརྒྱད་པའི་སྟེང་དུ་ཐུབ་པ་སྐུ་ཤིན་ཏུ་ཆེ་བ། རང་དང་གནས་ཁང་ཁེབས་པ། ཕྱོགས་བཞི་མཚམས་བརྒྱད་དུ་མཁའ་འགྲོ་ཤུགས་འགྲོ་བརྒྱད་ཞལ་ཕྱིར་གཟིགས་པ་རང་གི་རྐང་ཞབས་སུ་གཡུའི་གྲོད་པ་གཅིག་མནན་ནས་ཡོད་པར་བསྒོམས་པས་ཆོག །ཡང་ཤིན་ཏུ་དྲག་དམིགས་གནམ་ས་གོ་ལྡོག་གི་སྒོ་ནས། །སྟེང་ཐོག་འོག་ཐོག་བསྲུང་བ་ནི། ཧ་ཅང་ཉེས་པ་ཆེ་བས་འདིར་མ་བཀོད། ཞལ་དུ་གབ་བོ། ༧ །སྒྲ་གྲག་ཅན་སྤྱི་བོར་གྲག་ཙམ་ན། རང་རྩལ་སེང་གེ་དཀར་མོའི་དཔའ་རྩལ་མ་ཤེས་ན་དེ་ཡང་རི་འགྲིམ་ཅུང་ཞིག་དཀའ། ཞེས་པའི་དོན་འབྲུག་སྐད་བཅག་པ་ནི། རང་གི་རིག་པའི་ངོ་བོ་དེ་སེང་གེ་རྔམ་ཞིང་བརྗིད་པ། སྤྱན་མིག་ཉི་མ་དང་ཟླ་བ། སོ་དང་སེན་

[Full Size]

མོ་གནམ་ལྕགས་འབར་བ་ལས་གྲུབ་པ་དེ། འབྲུག་གྲག་མ་ཐག་ཏུ་ནམ་མཁའ་ལ་མཆོངས་ནས་འབྲུག་ས་ལ་ཕབ། འབྲུག་སྐེ་རྦད་ཀྱིས་བཅད་ཨོལ་ཁྲོང་ཙར་གྱིས་བཏོན་ནས་ཟོས། རི་བྲག་དང་ལྷ་འདྲེ་ཐམས་ཅད་ཀྱང་རྗེས་མེད་དུ་བཏང་བར་བསྒོམ། ༧ ཡང་རང་ཉིད་རྗེ་བཙུན་མའི་ཐུགས་ཀ་ནས་འོད་ཟེར་གྱི་ཞགས་པ་མདའ་འཕང་བ་ལྟར་སོང་། འབྲུག་དེ་བཀུག་ཅིང་བཀུག་ནས་རང་གི་ཞབས་སུ་ཚུད། དེ་མ་ཐག་ཏུ་རང་ཉིད་སེང་གེ་ཆེན་པོ་རི་རབ་ཙམ་ས་གཞི་བར་སྣང་གང་བས་གཟི་བརྗིད་ཆེན་པོས་འབྲུག་མནན་ཅིང་སེང་གེའི་ངར་སྐད་བསྒྲགས་པར་བསྒོམ། དམིགས་པ་དེ་གཉིས་ནི་འབྲུག་སྒྲ་ཆེ་ནས་མ་བཟོད་ན་བྱའི་གཞན་ལ་མི་དགོས་སོ། ༧ །ཡང་རང་ཉིད་རྗེ་བཙུན་མ་སྐུ་མདོག་དམར་འོད་ལྡེམས་སེ་བའི་ཐུགས་ཀ་ནས། རྡོ་རྗེའི་ཞགས་པའམ་འོད་ཟེར་ཞགས་པ་ལྟ་བུ་དཔག་ཏུ་མེད་པ་ན་ར་ར་འཕྲོས་ནས། འབྲུག་གི་མཚུལ་པ་གློག་དང་བཅས་པ་བཅིངས། སྐེ་ཡན་ཆད་སྣལ་མས་འཕང་དཀྲིས་པ་ལྟར་དྲིལ་ནས། མར་བཀུག་ནས་འབྲུག་གི་མཚུལ་པ་གློག་དང་བཅས་པ་རང་གི་གདན་འོག་ཏུ་ཚུད་པར་བསྒོམ། དེ་ནི་གློག་ལྕེ་བཅིངས་བ་སྟེ་གློག་དམར་མི་

[Full Size]

བཟོད་པ་དང་། རི་མཐོན་པོའི་རྩེ་ལྟ་བུ་ན་གློག་ཞགས་ཀྱི་མི་རྦབ་ལ་འཕེན་པ་འོང་བས་དེ་འདྲ་ལ་བྱའི་གཞན་ལ་མི་དགོས་སོ། ༧ །ཡང་ཐོག་འབྲུག་གློག་གསུམ་ལ་དམིགས་པ་གཅིག་ཆོག་མ་ནི། རང་ཉིད་རྗེ་བཙུན་མ་དམར་མོའི་ཐུགས་ཀ་ནས་གནམ་ལྕགས་ཀྱི་རྡོ་རྗེ་གཅིག་འཕྲོས། ཐོག་འབྲུག་གི་ལྕེ་དང་མཚུལ་པ་རྣམས་བསྒྱུར་ནས་ནམ་མཁར་སོང་། ཡང་མར་བྱུང་འབྲུག་གི་མཚུལ་པ་བསྒྱུར། ཐོག་འབྲུག་གློག་གསུམ་རྡོ་རྗེའི་འོད་ལ་ཐིམ། རྡོ་རྗེ་མར་བྲུལ་གཉན་སའི་རི་བྲག་ལ་བརྒྱབས་པས་ཕྱོགས་བཅུར་ཐར་རེ་གཏོར་བའམ། མར་བབ་རང་ལ་ཐིམ་པས་སྟོང་པ་ཉིད་དུ་གྱུར་པར་བསྒོམ། ༧ ཡང་གཉན་སའི་ཐོག་སེར་འོང་ཁར་གདོན་ཆེན་པོའི་གཟི་བྱིན་གྱི་ཆོ་འཕྲུལ་གྱི་ཟིལ་གྱིས་གནོན་ནས། ཚ་ངབ་ངབ་འཇིགས་འབ་འུབ་སྐྲག་ཛབ་ཛབ་པ་བ་སྤུ་ལང་བ་གློ་སྙིང་འདར་བ་སྟག་ཁུང་ཚ་འུར་འུར་བྱེད་པ་སོགས་བྱུང་ན་གཟི་བརྗིད་ཕྲལ་བ་ནི། རང་གི་ཐུགས་ཀ་ནས་འོད་ཀྱི་འཁོར་ལོ་སྦྲ་ཙམ་མམ་ཕུབ་ཙམ་པ་ཞིག་འཕྲོས་པས། ལྷ་འདྲེ་སྡེ་བརྒྱད་ཐམས་ཅད་ཀྱི་སྲོག་ཡིག་ཞྭ་དམར་ནག་གི་གཟུགས་སུ་ཡོད་པ་ཐམས་ཅད་རྡོ་ཁབ་ལེན་གྱིས་ལྕགས་བླང་པ་ལྟར་འོད་འཁོར་དེ་ལ་སིབ་ཀྱིས་ཐིམ་པས་

[Full Size]

ཁོང་རྣམས་བཀྲག་མདངས་ཉམས་ནས་ནག་ཧམ་གྱིས་སོང་། འོད་ཀྱི་འཁོར་ལོ་རང་ལ་ཐིམ་པས་རང་ཉིད་མཐུ་སྟོབས་དང་གཟི་བརྗིད་རབ་ཏུ་རྒྱས་པར་བསྒོམ་མོ། ༧ །དེ་ཡང་རྔ་རྐང་དུང་ངམ་དྲིལ་བུའམ་དུང་དཀར་ལ་སོགས་ལ་ཐོག་སྔགས་འདི་བྲིས་པའམ་གྲོ་ཤོག་ལ་བྲིས་ཏེ་རང་སྔགས་བརྒྱ་རྩ་བརྒྱད་སོགས་ཀྱིས་རབ་གནས་བྱས་ཏེ་རོལ་མོ་ལ་བཏགས་ནས་འབུད་བཀྲོལ་བྱས་པས་ཐོག་མི་འོང་བའི་གདམས་ངག་མ་གཅིག་གི་གཅོད་ལུགས་ལས་བྱུང་བའོ། །ཨོཾ་གྷ་ཧུ་ར་ཧུ་པ་ཧེ་ཛ་ལ་དྷ་ཐཱཿ དེ་དག་ནི་གཅོད་ལུགས་ཁོ་ན་ཡིན་ལ། ། གཅོད་ལུགས་མ་ཡིན་པའི་མདོ་ལུགས་གསེར་འོད་དམ་པ་ནས་གསུངས་པ་དང་། སྔགས་གསར་རྙིང་དུ་མ་ནས་ཐོག་སྔགས་དང་། ཐོག་དམིགས་དང་ཐོག་བསྲུང་གི་རྫས་དང་ཙཀྲ་སོགས་འབྱུང་བ་ནི་འདིར་སྐབས་དོན་མིན་པས་མ་བྲིས་སོ་སོའི་སྐབས་སུ་ཤེས་སོ། ༧ །དེ་ཡང་ཨུ་རྒྱན་རིན་པོ་ཆེའི་ལུང་བསྟན་ལས། དེང་སང་བཞི་བཅུ་ཁ་རལ་ཕྱིན་དུས་འདིར། །ཐོག་དང་ས་གཡོས་དམག་དང་མུ་གེ་འབྱུང་། །ཞེས་དང་། འཁྱུག་དང་གནམ་རྡོ་མང་དུ་སློང་། །ཞེས་གསུངས་པས། གཉན་ཐོག་མི་གཅོད་ན་ཡང་། ཐོག་དམིགས་རྣམས་ཤེས་དགོས་

[Full Size]

སོ། །དེ་ཡང་སྟེང་ཐོག་ནི་སྤྲིན་ནག་འབྲུག་སྒྲ་དང་བཅས་པའི་ནང་ནས་འབྱུང་སྟེ། སྡེ་བརྒྱད་གང་རུང་གིས་བསྐུལ་ནས་དམ་ཅན་གྱིས་ཐོག་བརྡུང་སྟེ། གཟའ་བདུད་ལ་གཏད་པས་རྭ་ཝཱཧུ་ལ་འབྲུག་ལ་ཞོན་ནས་འཕེན་པ་སྟེ། ཕུར་སོ་མ་ཞེས་གར་བརྒྱབ་དེ་གཅིག་པུ་ལ་ཕོག་པ་ཞིག་ཡོད་དེ། འདི་ནི་ཕལ་ཆེར་ཤིང་སོགས་བཅག་ནས་འགྲོ་སྟེ། ཚ་རེག་ཆུང་ལ་ཤེད་དྲག་པོ་ཅན་ནོ། །སྦྱང་ཐལ་མ་ནི་མེའི་རང་བཞིན་འཐོར་ཞིང་འཐོར་ཞིང་འོང་བས་ཟེར་མ་མང་སྟེ་ཟེར་མ་སྐྱ་རྩེ་བརྒྱར་གཤག་ཙམ་ཕོག་ཀྱང་ལུས་ཐམས་ཅད་རྫུར་ནས་འགྲོ་སྟེ་འཆི་བར་བྱེད་དོ། །ཐོག་དངོས་ཕོག་ན་ཤིང་ལ་སོགས་པ་བསྲེགས་ནས་འགྲོ་བ་ཡིན་ནོ། །དེ་གཉིས་ཀ་ཡང་འཇིག་རྟེན་པའི་ཁ་ངག་ལས་མཐུ་ཐོག་གཉིས་པོ་ཟུར་ལ་འགྲོ་ཞེས་པས། རི་དང་བྲག་དང་ཐང་དང་ཁང་པ་དང་ཐ་ན་དར་ཁ་གང་བཞག་ཀྱང་དེའི་ཟུར་ལ་རྒྱབ་ཀྱི་དཀྱིལ་དུ་ཕོག་པ་ཉུང་བའི་ཕྱིར་ཐོག་འོང་གྲབས་བྱུང་ན་ཁང་བའི་གཞིས་འོག་དང་། ཐང་གི་ཟུར་རྣམས་སུ་མི་འདུག །དམིགས་པ་བཟུང་ཞིང་ཐོག་སྔགས་ལ་ཕཊསྒྲ་བཏབ་ཅིང་ཕར་རྒྱུག་ཚུར་བརྒྱུགས་བྱས་པས། འབེན་རྒྱུགས་ན་མདའ་གཏད་མི་བདེ་བ་ལྟར་མི་ཕོག་པའི་གནད་ཡོད་ཅེས་སློབ་

[Full Size]

དཔོན་གྱི་ཞལ་ཤེས་སྙན་བརྒྱུད་ལ་ཡོད་དོ། ༧ །དེ་ཡང་སྟོང་པ་ཉིད་ཀྱི་ལྟ་བ་དང་མ་བྲལ་བ་དང་། ཡི་དམ་གྱི་བསྐྱེད་རིམ་གསལ་བ་དང་ཐོག་དམིགས་ཟིན་ན་མི་རྒྱབ། གལ་ཏེ་ཕོག་ཀྱང་སྐྱོན་ཆེར་མི་འབྱུང་ངོ་། །སྟོན་པའི་སྐུ་ཆགས་ཚད་ལྡན་ཞིང་རབ་གནས་ཅན་ལ་མི་རྒྱག་བརྒྱབ་ཀྱང་རྟེན་ནོ། །རྒེ་བེའམ་བལ་ཕྱིང་ཆུས་བང་བས་ཅུང་ཟད་རྟེན་ནོ། །ནས་ཀྱི་ཕུབ་རྒོད་དྲ་མ་ཁོ་ན་མང་བ་དེས་ཡུད་ཙམ་རྟེན་ནོ། །བྱིན་རླབས་རྟེན་དང་སྲུང་འཁོར་ཟབ་མོའི་ཅུང་ཟད་ཕན་ནོ། །འོག་ཐོག་ནི་འོག་འཁྱུག་སྟེ་ས་འོག་ནས་འོང་སྟེ་སྟེང་ཐོག་བས་ཅུང་ཟད་ནུས་པ་ཆུང་ཟེར་རོ། །བར་ཐོག་ནི་རི་མགོ་ལྟ་བུ་ནས་འཕྲད་དུ་མདའ་ལྟར་འོང་བ་དང་། རླུང་ཐོག་ཆེན་པོས་ཁང་པ་དང་སྦྲ་གུར་ཁྱེར་བ་དང་། མི་གཡང་ལ་འཕེན་།པ་དང་། རླུང་འཚུབ་དྲག་པོས་ཕ་བོང་དང་རྡོ་ཆེན་པོ་ནམ་མཁར་ཁྱེར་ནས་བརྡེག་པ་རྣམས་ཀྱང་བར་ཐོག་གི་བྱེ་བྲག་ཡིན་ནོ། །དེ་ལྟར་སྟེང་འོག་བར་གསུམ་གྱི་ཐོག་ལྟས་ཉམས་རྨི་ལམ་དུ་བྱུང་ན་དམིགས་པས་གཅུན་པ་དང་། དུས་མིན་དུ་འབྲུག་སྒྲ་དྲག་པོ་དང་། ཚྭ་ཚྭ་གློག་ཞགས་སོགས་བྱུང་ན་ཡང་ཐོག་དམིགས་བཟུང་དགོས་ཏེ། དུས་ངན་པའི་རྟགས་སུ་དུས་མིན་

[Full Size]

འབྱུང་སྲིད་པའི་ཕྱིར་རོ། ༧ །དེ་ལྟར་རི་འགྲིམ་ཆར་འབོད་སེར་སྲུང་སོགས་གང་ལ་ཡང་ཉེ་བར་མཁོ་བའི་ཐོག་དམིགས་ཀྱི་རིམ་པ། ༧ རྗེ་བཙུན་དྲུང་པ་ཀུན་དགའ་རྣམ་རྒྱལ་གྱི་གསུང་རྒྱུན་ཟིན་བྲིས་ལ་གཞིར་བྱས་ཤིང་། གཞན་ཡང་མ་གཅིག་གི་དམིགས་འབུམ་རྣམས་དང་སློབ་དཔོན་གྱི་གསུང་རྒྱུན་སྙན་དུ་བརྒྱུད་པ་འགའ་ཟུང་ཡོད་པ་རྣམས། ཕྱོགས་གཅིག་ཏུ་བསྡེབས་ཏེ་རཱ་ག་ཨ་སྱས་གབ་སྦས་མེད་པར་བཀོད་པའོ། །འདི་བྲིས་འགལ་འཁྲུལ་ཉེས་པའི་ཚོགས་ཐམས་ཅད། །རྒྱལ་བ་སྲས་དང་བཅས་པ་ལ་བཤགས་ཤིང་། །དགེ་བ་མཆིས་ན་མ་རྒན་སེམས་ཅན་རྣམས། །བླ་མེད་བྱང་ཆུབ་དམ་པ་ཐོབ་ཕྱིར་བསྔོ། །དམིགས་རིམ་འདི་རྣམས་ཉམས་སུ་སུས་བླངས་བསྲུང་བྱ་དང་བཅས་པ་ཐམས་ཅད་འཆི་མེད་རྡོ་རྗེའི་སྐུ་ཐོབ་ནས། བཀྲ་ཤིས་དགེ་མཚན་དུ་འབྱུང་བར་ཤོག །མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཀྱི་སྒོ་ནས་སེར་བ་སྲུང་བའི་གདམས་པ་ཟབ་མོ།

[Full Size]

༼འ༽ གཅོད་ཀྱི་སྒོ་ནས་སེར་བ་སྲུང་བའི་གདམས་པ་ཟབ་མོ་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏཱ་ཡེ། མ་གཅིག་སྤྲུལ་པའི་སྐུ་ལ་ཕྱག་འཚལ་ནས། །གཅོད་ཀྱི་སེར་སྲུང་གདམས་པ་ཅུང་ཟད་བྲི། །མ་གཅིག་ཌཱ་ཀིས་བཀའ་གནང་བྱིན་གྱིས་རློབས། །སེར་བསང་ཐོན་རྗེས་སམ། སེར་ཐོ་བྱེད་དུས་སམ། སེར་བ་འོང་དོགས་ཡོད་དུས་སམ། དུས་ནམ་ཡང་རུང་སྟེ། ཕཊ། རང་ཉིད་སྐད་ཅིག་གིས་དུར་ཁྲོད་ཀྱི་བདག་མོ་ཁྲོས་མ་ནག་མོ། སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ། སྤྱན་གཡས་ཉི་མའི་དཀྱིལ་འཁོར་དམར་ཀྱི་ལི་ལི་བྱེད་པ། གཡོན་ཟླ་བའི་དཀྱིལ་འཁོར་ངང་སྒ་ར་ར་བྱེད་པ། དབུས་ཉི་ཟླ་སྤེལ་མའི་དཀྱིལ་འཁོར་དམར་ནག་ཏུ་

[Full Size]

འཁྲུགས་པ། ཞལ་གནམ་ས་ཙམ་གདངས་པ། མཆེ་བ་གངས་རིའི་ཕྲེང་བ་ལྟར་གཙིགས་པ། ལྗགས་གློག་དམར་ལྟར་འཁྱུག་པ། ཕྱག་གཡས་མི་ལྤགས་ཀྱི་གཡང་གཞི་ནམ་མཁའ་ལ་གཡུག་ཅིང་། ས་ལ་བརྡབས་པས་སྣང་སྲིད་ཀྱི་ལྷ་འདྲེ་ཐམས་ཅད་རང་དབང་མེད་པར་དབང་དུ་སྡུད་པ། གཡོན་མི་རྐང་གི་གླིང་བུ་ཙེར་ཙེར་འབུད་པ། སྣང་སྲིད་ཀྱི་ལྷ་འདྲེ་ཐམས་ཅད་ཟིལ་གྱིས་གནོན་ནས་འདར་ཅུམ་ཅུམ་བྱེད་པ། སྐུ་སྨད་ཀྱིས་འདོད་ཁམས་ཁྱབ་པ། སྐུ་སྟོད་ཀྱིས་གཟུགས་ཁམས་ཁྱབ་པ། ཕལ་ཞལ་སྲིད་པའི་རྩེ་ནས་ངུར་སྒྲ་བསྐལ་པའི་འབྲུག་

[Full Size]

ལྟར་སྒྲོག་པ། ཞབས་དམྱལ་ཁམས་རྡོ་རྗེའི་གདན་ན་བྲོ་ཁྲིག་ཁྲིག་བརྡུངས་པ། ཁམས་གསུམ་དབང་དུ་སྡུད་པ། སྲིད་གསུམ་ཟིལ་གྱིས་གནོན་པ། མཐུ་སྟོབས་དང་ལྡན་པ། །གཟི་བརྗིད་དང་ལྡན་པ། སྲིད་པ་གསུམ་ན་དབང་ཆེ་བ། ཆེ་བཙན་འགྲན་ཟླ་དང་བྲལ་བ། སྐུ་ལ་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ། ཡེ་ཤེས་ཀྱི་མེ་རི་མེ་དཔུང་འུ་རུ་རུ་འབར་བའི་སྐུར་གྱུར། ཕ྄ཊ་ཕ྄ཊ་ཕ྄ཊ། ཅེས་རྐང་དུང་ལན་གསུམ་བུས་ལ། ཕ྄ཊ། རང་ཉིད་ཀྱི་ཐུགས་ཀ་ནས་འོད་ཟེར་དབང་སྡུད་ཀྱི་མཁའ་འགྲོ་མ། ལྕགས་ཀྱུ་ཅན། ཞགས་པ་ཅན། ལྕགས་སྒྲོག་ཅན། ཐོ་བ་ཅན། ཕུར་པ་ཅན། གཡང་གཞི་ཅན། དཔག་ཏུ་མེད་པ་འཕྲོས་པས། སེར་བ་སེར་བདག་སྣ་འདྲེན་དང་བཅས་པ། ཐོག་ཐོག་བདག་མགར་བ་མགར་ཚང་དང་བཅས་པ། ཡུལ་ལྷ་གཞི་བདག་དང་བཅས་པ། རླུང་རླུང་ལྷ་དང་བཅས་པ། ཐམས་ཅད་སྐད་ཅིག་རང་དབང་མེད་པར་སྨུག་པ་རླུང་གིས་ཁྱེར་བ་བཞིན་དུ་བསྡུས། ར་ལུག་སེར་བས་དེད་པ་བཞིན་དུ་དེད། སྤུར་མ་རླུང་གིས་ཁྱེར་བ་བཞིན་དུ་འདིར་ཁུག་ཅིག །ཧཱུྃ་ཧཱུྃ་ཧཱུྃ། ཕ྄ཊ་ཕ྄ཊ་ཕ྄ཊཿ ཅེས་རྐང་དུང་ལན་གསུམ་བུས་ལ། འོ་འོ་

[Full Size]

འོ། སྣང་སྲིད་ཀྱི་ལྷ་འདྲེ་ཐམས་ཅད་སྙན་གསན་དུ་གསོལ། མཐོ་སྲིད་པའི་རྩེ་མོ་མན་ཆད་ནས། དམའ་ན་རཀ་དམྱལ་ཁམས་ཡན་ཆད་ཀྱི་ལྷ་འདྲེ་ཐམས་ཅད་ཉོན་ཅིག །གཟའོ་བདུད་ཀྱི་རྒྱལ་པོ་རཱ་ཧུ་ལ་གཟའ་བརྒྱད་གདོང་མོ་བཞི་ལ་སོགས་པ། ཐོག་དང་སེར་བའི་བདག་པོ་ཐམས་ཅད་ཉོན་ཅིག །ཀླུ་བརྒྱད་ཀླུ་རིགས་བཞི་ལ་སོགས་པ་སེར་བའི་བྱུང་ཁུངས་ཐོམས་ཅད་ཉོན་ཅིག །ཕྱོགས་སྐྱོང་བཅུ་འཁོར་དང་བཅས་པ་ལ་སོགས་འཇིག་རྟེན་ན་དབང་ཆེ་བ་ཐམས་ཅད་ཉོན་ཅིག །ཡུལ་ལྷ་གཞི་བདག་བརྟན་མ་མགུལ་ལྷ་ཐམས་ཅད་ཉོན་ཅིག །ཁྱད་པར་གཉན་ཆེན་ཐང་ལྷ་སེར་བདག་བཅོ་བརྒྱད་ཚེ་ཉོན་ཅིག །ཅེས་ཡུལ་ལྷ་གཞི་བདག་གང་ཤེས་མིང་བརྗོད། འདི་རུ་རང་གི་ཡུལ་སོ་སོའི་གཞི་བདག་བཙུད་པར་བྱའོ། །ཡུལ་འདི་ཡི་ལྷ་འདྲེ་ཐམས་ཅད་ཉོན་ཅིག །ཆོས་སྐུ་ཡུམ་ཆེན་མོ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བཀའ། ཕོ་གཅིག་དམ་པ་སངས་རྒྱས། མ་གཅིག་ལབ་ཀྱི་སྒྲོན་མ་ལ་སོགས་པ་གཅོད་ཡུལ་བརྒྱུད་པའི་བླ་མ་རྣམས་ཀྱི་བཀའ། ཐུགས་རྗེ་ཁྲོས་མ་ནག་མོ་ལ་སོགས་པ་ཡི་དམ་རྒྱུད་སྡེ་བཞིའི་བཀའ། ཡུམ་རྡོ་རྗེ་

[Full Size]

ཕག་མོ་མཁའ་འགྲོ་བྱེ་བ་འབུམ་གྱི་བཀའ། མ་མགོན་ལྕམ་དྲལ་ལ་སོགས་བཀའ་སྲུང་ཆོས་སྐྱོང་ཐམས་ཅད་ཀྱི་བཀའ། ཞེས་པ་འདི་ན་རང་གི་ཡུལ་སོ་སོའི་གཞི་བདག་བཙུད་པར་བྱའོ། །བདག་གིས་བསྲུང་བའི་ཞིང་འདི་ཐམས་ཅད་ལ་སེར་བ་མ་གཏོང་། ཁྱོད་ལྷ་འདྲེ་རྣམས་ལ་བསྲུང་བཅོལ་བ་ཡིན། སེར་བ་ཐུབ་པར་སྲུངས་ཤིག །ཐུབ་པར་སྲུངས་ཤིག །ང་ཡི་བསྲུང་བའི་ཞིང་འདི་ཐམས་ཅད་ལ་སེར་བ་མ་ཤོར་ཅིག །གལ་ཏེ་ང་ཡིས་བསྲུང་བའི་ཞིང་འདི་རྣམས་ལ་སེར་བ་བབས་ནི་བྱུང་ན། ལེ་ལན་དེ་ཁྱོད་ལྷ་འདྲེ་རྣམས་ལ་འདེད། ཁྱད་པར་ཡུལ་སོ་སོའི་གཞི་བདག་ཁྱེད་རྣམས་ལ་འདེད། ཞིང་སོ་སོའི་ས་བདག་ཁྱེད་རྣམས་ལ་འདེད། ལེ་ལན་ཇི་ལྟར་འདེད་ན། ང་ཇི་སྲིད་འཁོར་བ་མ་སྟོངས་ཀྱི་བར་དུ་གནས་འདི་ན་འདུག །ནམ་མཁའ་འདི་གདན་དུ་བཏིང་། ས་གཞི་འདི་གདུགས་ལྟར་ཕུབ། དབུས་ཀྱི་རི་བོ་མཆོག་རབ་དཔག་བསམ་གྱི་ལྗོན་ཤིང་དང་བཅས་པ་འདི་མ་ཧེ་ནུ་མ་ལྟར་མགོ་ཐུར་དུ་སྟོན། རི་ཆེན་ཚོ་ཟབ་ཏུ་བསྒྲིལ། རི་ཆུང་ཚེ་ཚོགས་པོར་འཕེན། རྒྱ་མཚོ་ཆེན་པོ་འདི་གཏིང་ནས་སྐམོ། བླ་ཤིང་ཚོ་རྩད་ནས་གཅོད། བྲག་རི་ཐམས་ཅད་དེ་བཤིག །

[Full Size]

སྤང་རི་ཐམས་ཅད་དེ་ཕེད། ནེའུ་སིང་ཐམས་ཅད་དེ་སློག །མཛེ་རོ་དང་དམེ་རོ་དང་། ནལ་བུའི་རོ་དེ་བསྲེགས་པའི་རོ་གསུར་གྱིས་ནམ་མཁའ་བཀང་། །མཛེ་ཁྲག་གི་རྒྱ་མཚོ་བསྐྱིལ། མཛེ་ཤའི་ཐང་མ་བརྡལ། མཛེ་རུས་ཀྱི་གྲམ་པ་ཆེན་པོ་སྤུངས། དམར་པོའི་ཁྲག་ཐབ་བརྫོག །དཀར་པོའི་འོ་ཐབ་བརྫོག །སྨུག་པོའི་ཇ་ཐབ་བརྗོག །སྔོན་པོའི་ཆུ་ཐབ་བརྫོག །མཛེ་ཁྲག་དང་ཁྲག་སྣ་ངན་དགུ་དེས་མཚོ་དང་ཆུ་མིག་བཀང་། གནས་འདིར་ཁྲོས་མ་ནག་མོའི་དམག་སྒར་འདེབས། ཡེ་ཤེས་ཁྲོ་བོའི་དམག་ཚོགས་སྡུད། བྱ་ཁྱུང་གི་དམག་ཆེན་འདྲེན། བྱེ་ཚན་གྱི་ཆར་པ་ཕབ། ཁྱེད་སྣང་སྲིད་ཀྱི་ལྷ་འདྲེ་གཞི་བདག་ཐམས་ཅད་རྩད་ནས་བརླག །དྲུང་ནས་འདོན། ང་ན་དགའ་ཤི་སྐྱིད་ཡིན། ཐོད་པ་བོར་ཆོག་ཡིན། ནམ་ཤི་སངས་རྒྱས་ཡིན། ང་ན་ན་དགའ་བས་སྒྲིབ་པ་བྱང་། ཤི་ན་དགའ་བས་སངས་རྒྱས་ཐོབ། ལུས་ཤ་ཁྲག་འདི་གཟན་དུ་སྒྱུར། སེམས་སྟོང་པ་འདི་དབྱིངས་རིག་བསྲེ། ང་ཤི་ཁྱོད་འགྱེལ་བྱེད། གཉན་ཆེན་མཐའ་ལ་གཏད། ཁྱོད་ལྷ་འདྲེ་ཨར་ལ་གཏད། དེ་འདྲ་མི་བྱེད་རེ་ན་ར་ཀན། །

[Full Size]

འོ། དེ་འདྲའི་ལས་ང་ལ་བྱེད་མ་བཅུག །ང་མ་ལན། དོན་ཆུང་ངུ་ལ་ཉེས་ཆེན་པོ་མ་བསྡོ། ང་ཡིས་བསྲུང་བའི་ཞིང་འདི་རྣམས་ལ་སེར་བ་མ་གཏོང་ཞིག །ཁྱོད་ལྷ་འདྲེ་དང་གཞི་བདག་ཐམས་ཅད་ལ་བསྲུང་དུ་བཅོལ་ལོ། །ཁྱད་པར་དུ་ཡུལ་འདི། སོ་སོའི། གཞི་བདག་ལ་བསྲུང་བཅོལ། ཡང་དགོས་ཞིང་སོ་སོའི་གཞི་བདག་ལ་བསྲུང་བཅོལ། ཐུབ་པར་སྲུངས་ཤིག་ས་མ་ཡ། ཁྱེད་ཚོ་ལ་མཐུ་རྩལ་ཅི་གདའ་བལྟའོ། །མ་གཡེལ་ཅིག །ཕ྄ཊ་ཕ྄ཊ་ཕ྄ཊ༔ ཅེས་རྐང་དུང་ལན་གསུམ་བུས། ཕཊ། སེར་བདག་རྣམས་ཀྱིས་སེར་བ་མི་བཏང་བར་ཁས་བླངས་དམ་བཅས། ན་ར་ཀན། ཞེས་ཐ་ཚིག་ཕུལ། ལྷ་འདྲེ་གཞི་བདག་ཐམས་ཅད་ཀྱིས་སེར་བ་བསྲུང་བར་ཁས་བླངས་ན་ར་ཀན། ཞེས་ཐ་ཚིག་ཕུལ་བར་གྱུར། ཕཊ། ཕཊ། ཕཊ། ཕཊ། འོ། འོ། འོ། ཁྱེད་ལྷ་འདྲེ་ཐམས་ཅད་ཀྱིས་ང་ཡིས་བསྲུང་བའི་ཞིང་འདི་རྣམས་ལ་སེར་བ་མི་གཏོང་ཞིག་སེར་བ་ཐུབ་པར་བསྲུངས་ན། ངས་ལུས་དཀར་གསུམ་གྱི་མཆོད་པ་རྒྱ་ཆེན་པོ་བཏང་། ཕུད་གཙང་མའི་བསང་མཆོད་བཏང་། དཀར་གཏོར་རྒྱན་དང་ལྡན་པའི་གཏང་རག་བཟང་པོ་བཏང་། །

[Full Size]

བདེན་པའི་ཆོས་བཤད། བསྔོ་བ་དང་སྨོན་ལམ་གྱིས་རྒྱས་འདེབས། ཁྱེད་ལྷ་འདྲེ་རྣམས་གནས་སྐབས་བདེ་ཞིང་མཐར་ཐུག་སངས་རྒྱས་ཐོབ་པར་འགྱུར་རོ། །དེ་ཅིའི་ཕྱིར་ཞེ་ན། འབུ་སྲིན་ལ་སྲོག་གི་སྦྱིན་པ། ཞིང་བདག་ལ་མི་འཇིགས་པའི་སྦྱིན་པ། མི་རྣམས་ལ་ཟང་ཟིང་གི་སྦྱིན་པ། ཁྱེད་ལྷ་འདྲེ་རྣམས་ལ་ཆོས་ཀྱི་སྦྱིན་པར་འགྱུར་བས། དགེ་བའི་རྩ་བ་དེས་ཁྱེད་ལྷ་འདྲེ་ཐམས་ཅད་བྱང་ཆུབ་ཐོབ་པའི་ཕྱིར་དུ་བདག་གིས་བསྔོ་བ་དང་སྨོན་ལམ་གྱིས་རྒྱས་འདེབས་པར་བྱའོ། །ཞེས་བརྗོད་པའི་ལྷ་འདྲེ་ཐམས་ཅད་དགའ་མགུ་ཡི་རང་ནས་རང་རང་སོ་སོའི་གནས་སུ་བཛྲ་མུཿ ཕཊ་ཕཊ་ཕཊཿ ཅེས་རྐང་དུང་འབུད། དེ་ནས་སྲུང་འཁོར་བསྒོམ་པ་ནི། ཕཊ། བཅོམ་ལྡན་ཤཱཀ་ཐུབ་སྐུ་མདོག་སེར། །ཕྱག་གཉིས་ས་ནོན་མཉམ་གཞག་མཛད། །ཞབས་གཉིས་རྡོ་རྗེའི་སྐྱིལ་ཀྲུང་བཞུགས། །མཚན་དང་དཔེ་བྱད་སྐུ་ལ་རྫོགས། །ཆོས་གོས་རྣམ་གསུམ་སྐུ་ལ་གསོལ། ། སེང་ཁྲི་པད་ཟླའི་གདན་ལ་བཞུགས། །སྐུ་ལས་ཐོག་གི་ཚྭ་ཚྭ་འཕྲོ། །དེ་ཡི་ཐུགས་ཀར་པད་ཟླའི་སྟེང་། །གསེར་གྱི་མཆོད་རྟེན་བུམ་པའི་ནང་། །ཉི་མ་འོག་དང་ཟླ་བ་སྟེང་། །

[Full Size]

ཉི་ཟླའི་གའུ་ཁ་སྦྱོར་ནང་། །ཡངས་ཤིང་རྒྱ་ཆེའི་ནང་དུ་ནི། །བསྲུང་བྱའི་ཞིང་རྣམས་ཚུད་པར་གྱུར། །ཕཊ་ཕཊ་ཕཊ། ཉི་ཟླའི་སྟེང་དུ་བླ་མ་དང་། །ཡི་དམ་མཁའ་འགྲོ་སྤྲིན་ལྟར་འཁྲིགས། །སེར་བའི་གནོད་པ་བསྲུང་དུ་གསོལ། །ཕཊ་ཕཊ་ཕཊ། དེ་ནས་སེར་སྤྲིན་བཤིག་པ་ནི། ཕཊ། རང་ཉིད་ཁྲོས་མའི་དབུ་གཙུག་ཏུ། །བྱ་ཁྱུང་དམར་པོ་རི་རབ་ཙམ། །རབ་ཁྲོས་སྤྲིན་ནག་ལ་གཟིགས་ནས། །སེར་བ་སེར་བདག་སྤྲིན་དང་བཅས། །ཧུབ་ཀྱིས་བཏུང་ནས་ཇུར་མིད་བྱས། །བྱ་སྐྱག་རྒྱ་མཚོའི་ཕ་རོལ་དུ། །སྐྱ་དང་བུན་ནེ་བཏང་བར་གྱུར། །ཕཊ་ཕཊ་ཕཊ། དེ་ནས་ཐོག་བཅས་བྱུང་ན། ཐོག་ཚང་གཏོར་བ་ནི། ཕཊ། རང་ཉིད་ཁྲོས་མའི་ཐུགས་ཀ་ནས། །གསེར་གྱི་རྡོ་རྗེ་རྩེ་དགུ་འཕྲོས། །སྤྲིན་ནག་དཀྱིལ་དུ་བརྒྱབས་པ་ཡིས། །ཐོག་དང་ཐོག་ཚང་ཐོག་བདག་དང་། །མགར་བ་མགར་ཚང་བཅས་པ་རྣམས། །རྒྱ་མཚོའི་ཕར་ཁར་རྐྱངས་སེ་འཕང་། །ཕ྄ཊ་ཕ྄྄ཊ་ཕ྄ཊ། ། ཅེས་དེ་ནས་སྡིགས་མཛུབ་དང་ཕུ་བྱའོ། །ཞེས་ཐོག་དམིགས་ཀྱང་བྱའོ། །ཕཊ། རང་གི་སྤྱི་བོའི་ནམ་མཁའ་ལ། །གསེར་གྱི་འཁོར་ལོ་རྩིབས་སྟོང་གི །ལྟེ་བར་རྒྱལ་བ་ཤཱཀྱ་ཐུབ། །རྩིབས་

[Full Size]

སྟོང་བསྐལ་བཟང་སངས་རྒྱས་སྟོང་། །རང་གི་རྐང་པ་གཉིས་ཀྱི་ཞབས། །གཡུ་ཡི་གྲོད་པ་མནན་པར་གྱུར། །ཕཊ་ཕཊ་ཕཊ། ། ཅེས་དམིགས་པ་དེས་ཆོག་གོ །དུ་ག་ཛ་མུན་ཏི་ཨཱ༔ ཞེས་སྔགས་འདི་གལ་ཆེ་དུས་ཚར་བདུན་ནམ། ཉེར་གཅིག་ཙམ་བརྗོད་པས་ཐུབ་པར་ངེས་སོ། །ཨོཾ་གྷ་ཧུ་ར་ཧུ་པཱ་ཧེ་ཛ་ལ་དྷ་ཐཱ། སྔགས་འདི་བྲིས་རྐང་དུང་ལ་བཏགས་ཏེ་བུས་པས་ཐོག་མི་འོང་། །ཡང་སེར་རྐང་བཙུགས་བྱུང་ན་སེར་བའི་རྐང་པ་བཅག་པ་ནི། ཕཊ། རང་ཉིད་ཁྲོས་མའི་ཐུགས་ཀ་ནས། །ཟངས་ཀྱི་རྡོ་རྗེ་རྒྱ་གྲམ་གྱིས། །མཚན་པའི་ཟངས་ཀྱི་འཁོར་ལོ་གཉིས། །རྩིབས་སྟོང་མེ་དཔུང་འབར་བ་འཕྲོས། །སེར་རྐང་དཀྱིལ་དུ་བརྒྱབ་པ་དང་། །གཡས་གཡོན་དྲག་ཏུ་འཁོར་བ་ཡིས། །སེར་རྐང་གཏོར་ཞིང་མེད་པོར་བྱས། ། ༧ ཕཊ་ཕཊ་ཕཊ། ཅེས་སེར་ལམ་སྟོན་པ་ནི། རང་ཉིད་ཁྲོས་མར་བསྒོམ་ལ་མཛུབ་རིས་བྱ་ཞིང་། གངས་རི་ལ་རྒྱོབ། སྤང་རི་ལ་རྒྱོབ། ནགས་རི་ལ་རྒྱོབ། རྫ་རི་ལ་རྒྱོབ། གཡའ་རི་ལ་རྒྱབ་ཅེས་བརྗོད། ཡང་སེར་བ་བརྒྱབ་བྱུང་ན། ཕཊ། རང་ཉིད་ཡུམ་ཆེན་དམར་ནག་ནི། །མེ་རི་མེ་དཔུང་ཆེན་པོས་བསྐོར། །རང་གིས་བསྲུང་བའི་ཞིང་རྣམས་ཀྱང་། །ཡུམ་

[Full Size]

ཆེན་མེ་དཔུང་ཆེན་པོས་བསྐོར། །སྙེ་མ་རེ་རེ་ཡང་ཁྲོས་མ་རེ། །ནས་འབྲུ་རེ་ཡང་ཧཱུྃ་དུ་གྱུར། །ཕ྄ཊ་ཕ྄ཊ་ཕ྄ཊ། གཅོད་ལུགས་ལ་སྔགས་མི་དགོས་དམིགས་པ་ཁོ་ན་ཡིན་སྔགས་འདོན་ན། ཨོཾ་བཛྲ་བྷ་རཱ་ཧཱི་ཀྲོ་ཏི་ཀཱ་ལི་ཧ་རི་ནི་ས། གནོད་བྱེད་སེར་བ་སེར་བྱེད་སྣ་འདྲེན་དང་བཅས་པ་ཐམས་ཅད། མཱ་ར་ཡ། སྟྭཾ་བྷ་ཡ། ནཱ་ཤ་ཡ། ཧཱུྃ་རཾ་ཕཊ་རཾ་བྷྱོ་རཾ་ཏྲག་རཾ་སེར་བ་རཾ་ཆོད། སྤྲིན་གཏོར། ཏྲག་ཏུ་རཾ་རཾ་ཛྭ་ལ་རཾ་རཾ་ཧཱུྃ་ཕཊ། ཅེས་བརྗོད་ལ་སྔགས་སོ། །ཡང་སེར་བ་ཤིན་ཏུ་དྲག་པོ་བྱུང་ན་གནམ་ས་གོ་ལྡོག་བྱའོ། །སེར་བ་སྔགས་ཚར་ན་ཉམས་ལེན་ཕྱག་ཆེན་ངང་དུ་ཡུད་ཙམ་བཞག །རྗེས་དེ་ནུབ་ལུས་སྦྱིན་བྱའོ། །རང་ཉིད་ཐུགས་རྗེ་ཆེན་པོ་ཁ་སར་པཱ་ཎི་ནམ་མཁའ་ཁྱབ་པར་བསྒོམས་པའི་ཕྱག་མཐིལ་ནས་བདུད་རྩིའི་རྒྱུན་བབས་པས། ལྷ་འདྲེ་ཐམས་ཅད་ཀྱིས་བཏུང་ཞིང་ཁྲུས་བྱས་པས། ན་ཚ་དང་སྡུག་བསྔལ་ཞི། སྣད་ཡར་སྨས་འགྲམ་སོས་ནས་བཀྲག་མདངས་དང་ལྡན་པས་རང་ལ་དད་གུས་ཀྱིས་ཕྱག་དང་བསྐོར་བ་བྱེད་ཅིང་ཐམས་ཅད་ཀྱིས་ཡིག་དྲུག་འདོན་པར་བསྒོམ་ཞིང་ཡིག་དྲུག་འདོན། ཨོཾ་མ་ཎི་པདྨེ་ཧཱུྃ། སྙིང་རྗེ་དྲག་ཏུ་བསྒོམ། དེ་ནས་འབྲེལ་ཐོགས་ལྷ་འདྲེ་ཐམས་ཅད་བྱང་ཆུབ་ཐོབ་པའི་བསྔོ་བ་སྨོན་ལམ་གང་ཤེས་བྱ། ཕྱག་རྒྱ་ཆེན་པོའི་ངང་

[Full Size]

ལྷ་འདྲེ་གསོ་བའོ། །དེ་ལྟར་གཅོད་ལུགས་སེར་སྲུང་བསྡུས་པ་གནམ་རྫོང་གཅོད་པའི་དོན་དུ་༧ ཨ་རཱ་གས་གོ་བདེ་བར་བྱས་པ་ཤུ་བྷཾ་མངྒ་ལཾ།། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ལུགས་ཆར་འབོད་སྙན་བརྒྱུད་ཡི་གེར་བཀོད་པ་འདོན་སྒོམ་ཕྱག་ལེན་དང་བཅས་པ་མཐོང་བས་དོན་གསལ།

[Full Size]

༼ཡ༽ གཅོད་ལུགས་ཆར་འབོད་སྙན་བརྒྱུད་ཡི་གེར་བཀོད་པ་འདོན་སྒོམ་ཕྱག་ལེན་དང་བཅས་པ་མཐོང་བས་དོན་གསལ་བཞུགས་སོ།།

[Full Size]

ན་མོ་པྲཛྙཱ་པཱ་ར་མི་ཏཱ་ཡེ། རྒྱལ་བའི་ཡུམ་ལ་ཕྱག་འཚལ་སྐྱབས་ཞུས་ནས། །འགྲོ་ལ་ཕན་ཕྱིར་ཆར་འབོད་ཉུང་བསྡུས་བྲི། །ཆོས་བདག་སྲུང་མས་བཀའ་ཡི་གནང་བ་སྩོལ། །དང་པོ་གང་དུ་འགྲོ་ས་བརྟག་པ་ནི། །མཚོ་རྔ་ཤར་འབབ་ཆུ་མིག་ཤར་རྒྱུ་ནི། །རྒྱལ་རིགས་དཀར་ཕྱོགས་གནས་ཕྱིར་མྱུར་དུ་འབེབས། །ལྷོར་གྱུ་བྱིང་ཆེ་མང་དུ་འབེབས་པ་ཡིན། །ནུབ་གྲུ་བྲམ་ཟེ་དབུལ་ཏེ་ཅུང་ཟད་འབབ། །བྱང་རྒྱུ་གདོལ་པ་ནག་ཕྱོགས་འབབ་པར་དཀའ། །འོན་ཀྱང་བྲག་དང་ས་མདོག་དཀར་བ་དང་། །སུར་དཀར་ལ་སོགས་བཟང་ཤིང་སྐྱེ་ན་རུང་། །བྱང་གྱུ་ཤིང་ནག་ཚེར་མ་ཅན་སྐྱེས་ཤིང་། །བྲག་དང་ས་མདོག་ནག་ཤས་ཆེ་བ་ནི། །གདོལ་བ་ནག་པོ་འོན་པའི་རིགས་ཡིན་པས།

[Full Size]

ཆར་པ་མི་འབེབས་བར་ཆད་སྣ་ཚོགས་འབྱུང་། །རི་གཉན་ཆུ་མིག་དཔག་མེད་ཡོད་པ་ན། །ཀླུ་རིགས་གཞི་བདག་ཡིན་པས་རི་རྩེར་འགྲོ། །རི་སྐམ་མམ་ནི་ཆུ་མགོ་ཉུང་བ་ན། །རི་དེ་གཉན་ཡང་ཆར་མེད་འགྲོ་མི་རུང་། །གཅོད་ལུགས་ཀླུ་ཡི་ཐེབས་ལྡོག་འབབ་སྐར་སོགས། །གཟན་སྐར་ཚེས་གྲངས་བརྩི་ནི་མི་དགོས་ཀྱང་། །སྤྲིན་ནི་ཤར་དང་ལྷོ་རུ་འགྲོ་བ་དང་། །ཉིན་མོ་འཐིབས་ཤིང་མཚན་མོ་གཡེར་བ་དང་། །ཉི་ནུབ་སྤྲིན་ནི་དམར་རམ་སེར་པོར་འགྲོ། །འདི་དག་ཐན་པའི་སྒང་ཡིན་ཕེབས་པར་དཀའ། །ཆར་ཞུས་འོང་ནུབ་མེ་མཆེད་ལོ་ཉེས་དང་། །སྣོད་སྟོང་ཁུར་བ་རྨིས་ན་མི་ཕེབས་ལྟས། །མི་དེ་མེ་དང་ཚིག་དང་སྐམ་པའི་མིང་། །བྱུང་ན་མི་ཕེབ་རྟེན་འབྲེལ་མ་ལེགས་བརྗོད། །མི་དེ་དཀོན་དང་རིན་པོ་ཆེ་ཡི་མིང་། །བྱུང་ན་

[Full Size]

ཆར་དཀོན་ཕེབས་ཀྱང་ཉུང་དུ་ཙམ། །མཚོ་དང་ཆུ་དང་ཀླུ་ཡི་མིང་ཅན་བཟང་། །དེ་ནས་དེ་ནུབ་བམ་ནི་འགྲོ་ཁ་ནས། །འགྲོ་ས་གསང་ལ་དང་པོ་ཟིལ་གནོན་འཕེན། །ཕཊ། རང་ཉིད་སྐད་ཅིག་ཁྲོས་མར་གསལ་བ་ཡི། །ཐུགས་ཀའི་ཧཱུྃ་ལས་གསེར་གྱི་རྡོ་རྗེ་ནི། །གྲངས་མེད་འཕྲོས་པས་མཚོ་འམ་ཆུ་མིག་དེའི། །མཐའ་བསྐོར་མདའ་རྒྱང་ཙམ་ནས་རྭ་བས་བསྐོར། །ཀླུ་དང་ས་བདག་འབྲོས་ལམ་བཅད་པར་གྱུར། ཕཊ། མཚོའམ་ཆུ་མིག་སྟེང་དུ་པད་ཟླའི་སྟེང་། །གནས་བདག་ཀླུ་དེ་མངོན་སུམ་གསལ་བ་ཡི། །ལུས་དང་པད་གདན་གསེར་གྱི་རྡོ་རྗེས་འཛེར། །གཡོ་མགུལ་མེད་པར་ལྷན་ནེར་གནས་པར་གྱུར། །ཕཊ། རང་གི་ཐུགས་ལས་འོད་ཟེར་ལྕགས་ཀྱུའི་དབྱིབས། །ཕྱོགས་བཅུར་འཕྲོས་པས་སྟོང་གསུམ་འཇིག་རྟེན་གྱི། །ཀླུ་རིགས་ཐམས་ཅད་རང་དབང་མེད་པར་བཀུག །གནས་བདག་ཀླུ་དེ་ཉིད་ལ་ཐིམ་པ་ཡིས། །ཀླུ་རིགས་ཀུན་གྱི་མཐུ་སྟོབས་གཅིག་བསྡུས་གྱུར། །ཅེས་བརྗོད་དམིགས་པ་དེ་ཉིད་བརྒྱ་ཙམ་མམ། །ཐ་ནའང་ཉེར་གཅིག་ཙམ་རེ་བྱ་བ་གཅེས། །དམིགས་པ་ཚར་ནས་འགྲོ་ས་གསང་མི་དགོས། །དེ་ནས་ལམ་དུ་འགྲོ་ཚེ་རྟེན་འབྲེལ་ནི། །ཚུལ་ཁྲིམས་འཆལ་དང་ནད་པ་གཅོང་ནད་ཅན། །རྒན་གོག་ཤི་ལ་ཁད་དང་སྣོད་སྟོང་

[Full Size]

ཁུར། །སྐོམ་དང་ཚིག་དང་མེ་ཡི་ཚིག་སྨྲ་བ། །འཕྲད་ན་དེ་རུ་མི་འགྲོ་གཞན་དུ་འགྲོ། །བཙུན་པ་ཚུལ་ཁྲིམས་ལྡན་དང་སྐྱེས་དར་མ། །ཁྱེའུ་བུ་མོ་གཙང་མ་ཆང་བཟིའི་མི། །ཡུར་བ་བཟོ་དང་ཆུ་ཁྲིད་ཆུར་ཁུར་བ། །དཀར་གསུམ་ཐོགས་དང་བུད་མེད་སྦྲུམ་མ་རྣམས། །འཕྲད་ན་རྟེན་འབྲེལ་ལེགས་པས་ཕེབས་པར་སླ། །དེ་ནས་མཚོའམ་རི་རྩེ་ཆུ་མིག་དེར། །ཌཱ་དྲིལ་འཁྲོལ་ཞིང་ལན་གསུམ་བསྐོར་བ་བྱ། །ཕཊ། སྟོང་གསུམ་འཇིག་རྟེན་རྒྱ་མཚོའི་ཕར་མཐའ་ནས། །བྱ་ཁྱུང་གཤོག་གདང་བསྒྲིགས་པའི་གུར་ཁང་གིས། །ཚུར་ཚུར་བཙུམ་པས་སྟོང་གསུམ་འཇིག་རྟེན་གྱི། །ཀླུ་རིགས་ཐམས་ཅད་གནས་འདིར་སྤུངས་སེ་འདུས། །གནས་བདག་ཀླུ་དང་དབྱེར་མེད་གཅིག་ཏུ་གྱུར། །ཕཊ་ཕཊ་ཕཊ། དེ་ནས་གནས་དེའི་ཕྱོགས་བཞི་མཚམས་བརྒྱད་དང་། །སྟེང་འོག་ཤར་ནུབ་གཉིས་སུ་བྱས་པ་ཡི། །ཐོ་ནི་བཅུ་བྱས་དམིགས་པ་འདོན་སྒོམ་སྦྲགས། །ཧཱུྃ། ཤར་ཕྱོགས་རྡོ་རྗེ་མཁའ་འགྲོ་མ། །འཁོར་ཡང་དཀར་མོ་འབུམ་གྱིས་བསྐོར། །ཁྱུང་དཀར་འབུམ་ནི་རོལ་དུ་ཁྲིད། །ཀླུ་གཉན་ཤར་གྱི་འབྲོས་ལམ་ཆོད། །ཕཊ་ཕཊ་ཕཊ། ཧཱུྃ། སྟེང་ཕྱོགས་སངས་རྒྱས་མཁའ་འགྲོ་མ། །འཁོར་ཡང་སྔོན་མོ་འབུམ་གྱིས་བསྐོར། །ཁྱུང་སྔོན་འབུམ་ནི་རོལ་དུ་ཁྲིད། །ཀླུ་

[Full Size]

གཉན་སྟེང་གི་འབྲོས་ལམ་ཆོད། །ཕཊ་ཕཊ། ཧཱུྃ། ཤར་ལྷོ་དམ་ཚིག་མཁའ་འགྲོ་མ། །འཁོར་ཡང་དཀར་སེར་འབུམ་གྱིས་བསྐོར། །དཀར་སེར་ཁྱུང་རྣམས་རོལ་དུ་ཁྲིད། །ཀླུ་གཉན་ཤར་ལྷོའི་འབྲོས་ལམ་ཆོད། །ཕཊ་ཕཊ། ཧཱུྃ། ལྷོ་ཕྱོགས་རིན་ཆེན་མཁའ་འགྲོ་མ། །འཁོར་ཡང་སེར་མོ་འབུམ་གྱིས་བསྐོར། །ཁྱུང་སེར་འབུམ་ནི་རོལ་དུ་ཁྲིད། །ཀླུ་གཉན་ལྷོ་ཡི་འབྲོས་ལམ་ཆོད། །ཕཊ་ཕཊ། ཧཱུཾ། ལྷོ་ཕྱོགས་སྣ་ཚོགས་མཁའ་འགྲོ་མ། །འཁོར་ཡང་དམར་སེར་འབུམ་གྱིས་བསྐོར། །དམར་སེར་ཁྱུང་རྣམས་རོལ་དུ་ཁྲིད། །ཀླུ་གཉན་ལྷོ་ནུབ་འབྲོས་ལམ་ཆོད། །ཕཊ་ཕཊ། ཧཱུྃ། ནུབ་ཕྱོགས་པདྨ་མཁའ་འགྲོ་མ། །འཁོར་ཡང་དམར་མོ་འབུམ་གྱིས་བསྐོར། །ཁྱུང་དམར་འབུམ་ནི་རོལ་དུ་ཁྲིད། །ཀླུ་གཉན་ནུབ་ཀྱི་འབྲོས་ལམ་ཆོད། །ཕཊ་ཕཊ། ཧཱུྃ། འོག་ཕྱོགས་ཡེ་ཤེས་མཁའ་འགྲོ་མ། །འཁོར་ཡང་ནག་མོ་འབུམ་གྱིས་བསྐོར། །ཁྱུང་ནག་འབུམ་ནི་རོལ་དུ་ཁྲིད། །ཀླུ་གཉན་འོག་གི་གབ་སྐུངས་ཕུད། །ཕཊ་ཕཊ། ཧཱུྃ། ནུབ་བྱང་ཐམས་ཅད་མཁའ་འགྲོ་མ། །འཁོར་ཡང་དམར་ལྗང་འབུམ་གྱིས་བསྐོར། །

[Full Size]

ཁྱུང་ལྗང་འབུམ་ནི་རོལ་དུ་ཁྲིད། ཀླུ་གཉན་ནུབ་བྱང་འབྲོས་ལམ་ཆོད། །ཕཊ་ཕཊ། ཧཱུྃ། བྱང་ཕྱོགས་ལས་ཀྱི་མཁའ་འགྲོ་མ། །འཁོར་ཡང་ལྗང་མོ་འབུམ་གྱིས་བསྐོར། །ཁྱུང་ལྗང་འབུམ་ནི་རོལ་དུ་ཁྲིད། །ཀླུ་གཉན་བྱང་གི་འབྲོས་ལམ་ཆོད། །ཕཊ་ཕཊ། ཧཱུྃ། བྱང་ཤར་འཇིག་རྟེན་མཁའ་འགྲོ་མ། །འཁོར་ཡང་དཀར་ལྗང་འབུམ་གྱིས་བསྐོར། །དཀར་ལྗང་ཁྱུང་རྣམས་རོལ་དུ་ཁྲིད། །ཀླུ་གཉན་བྱང་ཤར་འབྲོས་ལམ་ཆོད། །ཕཊ་ཕཊ། དེ་ནས་རང་ཉིད་འདུག་ས་བཙལ། །ཞིག་ལ་ཁད་ཀྱི་བྲག་རྩེ་དང་། །ཆད་ལ་ཁད་ཀྱི་གད་ཁ་དང་། །བྲུལ་ལ་ཁད་ཀྱི་མཐའ་ཁ་དང་། །བི་སྣ་བཤའ་འུད་རྒྱབ་མལ་རྣམས། །དབྱར་ཁ་ཆུ་ཆེན་ཕྱུར་དུས་ཀྱི། །ཆུ་དེས་ཅི་ཙམ་ཁེབས་པོ་དང་། །མཚོ་ནས་འདོམ་པ་བཅོ་ལྔ་ནས། །ཉེ་བའི་ས་དང་ཆབ་སྒོ་རྣམས། །ཐོགས་བཅས་བདུད་ཡིན་འདུག་མི་རུང་། །ཆུ་མགོ་དེ་ནས་འདོམ་པ་གསུམ། །དེ་བས་ཉེ་བར་མི་བྱའོ། །ས་དཔྱད་ཤེས་ན་དཔྱད་ལ་བསྡད། །མི་ཤེས་ན་ནི་ཌཱ་དྲིལ་འཁྲོལ། །འཆམ་སྟབས་བྱས་ཤིང་བསྐོར་བ་བྱ། །བག་དྲོ་ཚིལ་གྱིས་བྱུང་བའམ། །ཉམས་དགའ་ཡུལ་གྱིས་བྱུང་བའམ། །འཇིགས་སྐྲག་འུབ་ཀྱིས་བྱུང་སར་བསྡད། །དེ་དུས་དམིགས་པ་བྱ་བ་ནི། །ཕཊ། དེ་རིང་བདུད་བཞིའི་གཡུལ་ལས་རྒྱལ་བའི་ཕྱིར། །

[Full Size]

རྣལ་འབྱོར་བདག་གིས་དགའ་བའི་བྲོ་གཅིག་འཁྲབ། །མཁའ་འགྲོ་སྡེ་བཞིའི་གར་བྱེད་ཁྱུགས་སེ་ཁྱུག །མི་ལྤགས་གཡང་གཞིའི་གདན་གྱིས་ས་སྟེང་ཁེབས། །འོག་ཏུ་གདོན་བགེགས་ཐམས་ཅད་ནོན་པར་གྱུར། །ཕཊ་ཕཊ། །ཅེས་བརྗོད་དེ་ནས་རང་གི་མལ་ས་བཅའ། །འགྲོ་ཉིན་བར་དུ་གདན་དེ་བསྒུལ་མི་རུང་། །ཆར་གཡོག་འདུག་ས་རང་ཉིད་འདུག་ས་བས། །ཉིས་འགྱུར་ཙམ་དུ་གཉན་ས་ཆུ་མིག་ནས། །ཐག་ནི་རིང་ཞིང་བཙན་སར་བདེ་བར་བསྡད། །ཐབ་གསུར་མ་ཤོར་ཞེས་བརྗོད་དམ་བསྒྲག་བྱ། །ཕཊ། མཁའ་འགྲོ་སྡེ་བཞིས་ཅོག་པུའི་ཕུར་པ་ཁྱེར། །གླིང་བཞི་གླིང་ཕྲན་ཀུན་ལ་བཏབ་པར་གྱུར། །ཀླད་ཤིང་ཡུམ་ཆེན་ཕྱོགས་བཅུའི་སངས་རྒྱས་དང་། །ཀ་ར་གཡས་པ་དམ་པ་རྒྱ་གར་དང་། །གཡོན་པ་མ་གཅིག་ལབ་ཀྱི་སྒྲོན་མར་གསལ། །ཕཊ་ཕཊ། དེ་ནས་ཆུ་མིག་ཆུ་མགོ་ཆེ་རུ་བསྐྱིལ། །གཙོད་རུ་ཡོད་ན་མཆོག་ཡིན་མེད་ན་ཡང་། །ཤིང་གིས་ཆུ་མགོ་རློག་ཅིང་དམིགས་པ་བྱ། །ཕཊ། རང་ཉིད་ཁྲོས་མ་ནག་མོའི་ཐུགས་ཀ་ནས། །སྤྲུལ་པའི་ཁྱུང་ནག་མང་པོ་ས་འོག་སོང་། །དཔག་ཚད་བརྒྱད་ཁྲི་བཞི་སྟོང་འོག་རོལ་ནས། །ཀླུ་ཡི་རྒྱལ་པོ་མ་ལུས་འཁོར་བཅས་ནི། །སྦྲུལ་ནག་གཟུགས་སུ་སྐྱེ་ནས་སྦར་མོས་བཟུང་། །ས་འོག་

[Full Size]

ནས་དྲངས་བདག་གི་མདུན་དེར་སྤུངས། །ཕཊ་ཕཊ། དེ་ནས་དཀར་ཀླུ་སྨན་ཆུ་མིག་གི །ཕུགས་སུ་བཅུག་ལ་བྱ་ཁྱིས་མི་ལོན་སྦ། །དམར་གཏའ་ཡོད་ན་འདོམ་པ་བཅུ་གསུམ་འོག །ཐོ་ཡི་ནང་དུ་བཅུག་ལ་བཞག་བྱས་ཏེ། །ཞག་རེ་སོང་ཞིང་འདོམ་རེ་ཡར་ཡར་སྤོ། །དེ་ཡན་སྔོན་འགྲོ་སྟ་གོན་རིམ་པ་སྟེ། །དང་པོ་མ་གཏོགས་རྒྱུན་དུ་དགོས་པ་མིན། །ཆར་འབོད་ཚེ་ན་བྱང་སེམས་ཉམས་པ་དང་། །ཁྱི་དང་བུད་མེད་ཆུ་མགོ་རྩར་ཕྱིན་དང་། །ཆར་གཡོག་པ་ཡིས་ཐབ་ལོག་ཤོར་བ་དང་། །རང་གིས་ཤ་ཆང་སྒོག་པ་ཟོས་པ་དང་། །ཆར་འབོད་པ་རྣམས་འཐབ་འཛིན་མནའ་བསྐྱལ་དང་། །བསང་མཆོད་མ་གཙང་ཕུད་འབག་ལྷག་མ་འདྲེས། །གཞན་ལ་དབང་བསྐུར་བྱིན་རླབས་བསྟབས་པ་བྱས། །དེ་རྣམས་བྱུང་ན་ཆར་ཞུད་ཕེབས་པར་དཀའ། །དེ་དག་དམ་ཚིག་ཡིན་པས་འཛེམ་པར་བྱ། །ཆར་གཡོག་མཛེ་རིགས་ཡོད་པ་ཁྲིད་མི་རུང་། ༈ །དེ་ནས་རྒྱུན་གྱི་ཉམས་ལེན་འདོན་སྒོམ་སྦྲགས། །ཕཊ། རང་ཉིད་མ་གཅིག་ཁྲོས་མ་ནག་མོའི་སྐུ། །དབུ་ནི་ལྷ་གནས་སྲིད་པའི་རྩེ་མོར་སླེབ། །སྐུ་སྟོད་གཟུགས་ཁམས་ལྷ་ཡི་ཡུལ་དུ་འགྱིང་། །སྐུ་སྨད་འདོད་ཁམས་གནས་རིགས་དྲུག་ཏུ་འཁྱིལ། །ཞབས་གཉིས་དབང་ཆེན་གསེར་གྱི་ས་གཞི་ལ། །བྲོ་ནི་ཁྲིག་ཁྲིག་བརྡུངས་བས་སྟོང་གསུམ་གཡོ། །ཁྲོ་མོའི་ཆ་ལུགས་དུར་ཁྲོད་ཆས་

[Full Size]

བརྒྱད་གསོལ། །ཕྱག་གཡས་མི་ལྤགས་གཡང་གཞི་ཁྲག་འཛག་པ། །ནམ་མཁར་ཕྱར་ཞིང་ས་ལ་བརྡབས་པ་ཡིས། །སྣང་སྲིད་ལྷ་འདྲེ་ཐམས་ཅད་འདར་ཞིང་བསྔངས། གཡོན་པས་མི་རྐང་གླིང་བུ་ཙེར་ཙེར་འབུད། །ལྷ་འདྲེ་ཐམས་ཅད་དབང་སྡུད་ཟིལ་གནོན་གྱུར། །ཕཊ་ཕཊ། དེ་ནས་རྐང་དུང་ཁ་བརྡེབ་ཅིང་འབུད་པ་ནི། ཕཊ། བདག་གིས་དྲག་པོའི་མི་རྐང་གླིང་བུ་འབུད། །གཟུགས་མེད་འབྱུང་པོ་ཕྲན་བུ་མ་སྔངས་ཤིག །རྐང་དུང་ཕྱོགས་མཚམས་བརྒྱད་དུ་བུས་ནས། །ཕཊ། རང་གི་ཐུགས་ལས་སྤྲུལ་པའི་མཁའ་འགྲོ་མ། །དཀར་སེར་དམར་ལྗང་སེང་གེའི་གདོང་པ་ཅན། །ཁྲོ་མོའི་གཟུགས་ཅན་སྣ་ཚོགས་མཁའ་འགྲོའི་ཚོགས། །བྱེ་བ་དུང་ཕྱུར་འཇིག་རྟེན་ཁྱབ་པར་འཕྲོས། །ཆེར་ལ་དབང་བའི་ཀླུ་གཉན་ས་བདག་དང་། །ཆར་པ་བཀག་པའི་གདོན་བགེགས་འབྱུང་པོ་རྣམས། །ར་དུམ་སེར་བས་དེད་པ་ཇི་བཞིན་དུ། །རང་དབང་མེད་པར་བདག་གི་མདུན་དུ་བཀུག །ཆར་བདག་ཀླུ་གཉན་ཐམས་ཅད་མདུན་དུ་འཚོགས། །ཆར་ལ་བར་ཆད་བྱེད་པའི་རླུང་ལྷ་དང་། །རྒྱལ་འགོང་དམ་སྲི་ཡུལ་འདྲེ་འབྱུང་པོ་རྣམས། །རང་གི་གདན་འོག་གནམ་ལྕགས་

[Full Size]

ཧོམ་ཁུང་ནི། །ཁ་དོག་མཐིལ་ཡང་རྒྱ་ཆེ་རྔམས་འཐུག་པ། །དེ་ནང་ཚུད་ནས་མི་ལྤགས་གཡང་གཞི་ཡིས། །བསྣོལ་མར་བཀབ་ནས་སྦྲུལ་ནག་སྟོང་གིས་བཅིངས། །དེ་སྟེང་རང་ཉིད་ཁྲོས་མས་མནན་པར་གྱུར། །ཕཊ་ཕཊ་ཕཊ། ན་མོ་སྐྱབས་ཀྱི་དམ་པ་དཀོན་མཆོག་གསུམ། །གཅོད་ཡུལ་བརྒྱུད་པའི་ཡི་དམ་ལྷ། །མ་གཅིག་མཁའ་འགྲོའི་ཚོགས་བཅས་བདེན་པའི་མཐུས། །སྟོང་གསུམ་ཁམས་ཀྱི་ཀླུ་གཉན་ས་བདག་དང་། །ཆར་ལ་དབང་བའི་སྣང་སྲིད་ལྷ་འདྲེ་ཀུན། །གནས་འདིར་ཁུག་ལ་བདག་གི་དབང་དུ་སྡུས། །ཆར་ལ་བར་ཆད་བྱེད་པའི་དམ་སྲི་དང་། །རླུང་དང་རླུང་ལྷ་ཡུལ་བདག་འདྲེ་ངན་རྣམས། །འོག་ཕྱོགས་ལྕགས་ཁང་སྒོ་མེད་ནང་དུ་ཁུག །མ་གཅིག་ཁྲོས་མ་མཁའ་འགྲོའི་ཚོགས་ཀྱིས་ནོན། །ཕ྄ཊ་ཕ྄ཊ་ཕ྄ཊ། ཧཱུྃ། ཤར་ནས་རྡོ་རྗེ་མཁའ་འགྲོ་མ། །སྔོན་མོ་སེང་གེའི་གདོང་པ་ཅན། །ཕྱག་གཡས་གཡང་གཞི་མེ་འབར་བསྣམས། །ཤར་ཕྱོགས་ཀླུ་གཉན་ས་བདག་རྣམས། །རང་དབང་མེད་པར་ཁུག་ལ་ཤོག །གཡང་གཞི་རྡེབ་ཅིང་དེད་ལ་ཤོག །ཧཱུ་རཾ་ཟེར་ཞིང་དེད་ལ་ཤོག །ཕ྄ཊ་ཕ྄ཊ། ཧཱུྃ། ལྷོ་

[Full Size]

ཕྱོགས་རིན་ཆེན་མཁའ་འགྲོ་མ། །སེར་མོ་སེང་གེའི་གདོང་པ་ཅན། །ཕྱག་གཡས་གཡང་གཞི་མེ་འབར་བསྣམས། །ལྷོ་ཕྱོགས་ཀླུ་གཉན་ས་བདག་རྣམས། །རང་དབང་མེད་པར་ཁུག་ལ་ཤོག །གཡང་གཞི་རྡེབ་ཅིང་དེད་ལ་ཤོག །ཧཱུྃ་རཾ་ཟེར་ཞིང་དེད་ལ་ཤོག །ཕ྄ཊ་ཕ྄ཊ། ཧཱུྃ། ནུབ་ཕྱོགས་པདྨ་མཁའ་འགྲོ་མ། །དམར་མོ་སེང་གེའི་གདོང་པ་ཅན། །ཕྱག་གཡས་གཡང་གཞི་མེ་འབར་བསྣམས། །ནུབ་ཕྱོགས་ཀླུ་གཉན་ས་བདག་རྣམས། །རང་དབང་མེད་པར་ཁུག་ལ་ཤོག །གཡང་གཞི་རྡེབ་ཅིང་དེད་ལ་ཤོག །ཧཱུྃ་རཾ་ཟེར་ཞིང་དེད་ལ་ཤོག །ཕ྄ཊ་ཕ྄ཊ། ཧཱུྃ། བྱང་ཕྱོགས་ལས་ཀྱི་མཁའ་འགྲོ་མ། །ལྗང་མོ་སེང་གེའི་གདོང་པ་ཅན། །ཕྱག་གཡས་གཡང་གཞི་མེ་འབར་བསྣམས། །བྱང་ཕྱོགས་ཀླུ་གཉན་ས་བདག་རྣམས། །རང་དབང་མེད་པར་ཁུག་ལ་ཤོག །གཡང་གཞི་རྡེབ་ཅིང་དེད་ལ་ཤོག །ཧཱུཾ་རཾ་ཟེར་ཞིང་དེད་ལ་ཤོག །ཕ྄ཊ་ཕ྄ཊ། ཧཱུྃ། སྟེང་ཕྱོགས་སངས་རྒྱས་མཁའ་འགྲོ་མ། །དཀར་མོ་སེང་གེའི་གདོང་པ་ཅན། །ཆར་ལ་དབང་བའི་ལྷ་རིགས་དང་། །ཆར་པ་བཀག་བྱེད་གཟའ་སྐར་རྣམས། །རང་དབང་མེད་པར་ཁུག་ལ་

[Full Size]

ཤོག །གཡང་གཞི་རྡེབ་ཅིང་དེད་ལ་ཤོག །ཧཱུཾ་རཾ་ཟེར་ཞིང་དེད་ལ་ཤོག །ཕཊ་ཕཊ། ཧཱུྃ། མཚམས་བཞི་དང་ནི་འོག་ཕྱོགས་ན། །སྣ་ཚོགས་མཁའ་འགྲོ་སྣ་ཚོགས་མདོག །ཁྲོ་མོའི་ཞལ་ལ་མཆེ་བ་གཙིགས། །མཚམས་བཞི་དང་ནི་འོག་ཕྱོགས་ཀྱི། །ཆར་ལ་དབང་བའི་ཀླུ་གཉན་རྣམས། །རང་དབང་མེད་པར་ཁུག་ལ་ཤོག །གཡང་གཞི་རྡེབ་ཅིང་དེད་ལ་ཤོག །ཧཱུཾ་རཾ་ཟེར་ཞིང་དེད་ལ་ཤོག །ཕཊ་ཕཊ་ཕཊ། ཕཊ། དེ་ནས་གཡང་གཞི་འམ་གཟན་མཐུ་རྡེབ་ཅིང་། ཕཊ། རང་ཉིད་ཁྲོས་མའི་ཕྱག་གཡས་གཡང་གཞི་དེ། །མེ་འབར་ཁྲག་འཛག་དམར་དང་ཝལ་ལེ་བ། །ཧཱུྃ་ཧཱུྃ་བརྗོད་ཅིང་ནམ་མཁར་ཕྱར་ཙམ་གྱིས། །སྣང་སྲིད་ལྷ་འདྲེ་ཐམས་ཅད་གཞའ་ཡུད་ཡུད། །ཧཱུྃ་རཾ་ཟེར་ཞིང་ས་ལ་བརྡབས་པ་ཡིས། །ཚར་ལ་གནོད་པའི་རླུང་ལྷ་གདོན་བགེགས་རྣམས། །འོག་ཕྱོགས་ཧོམ་ཁུང་ནང་དུ་སིབ་སིབ་ཐིམ། །ཧཱུཾ་རཾ་ཟེར་ཞིང་གཡང་གཞི་བརྡབས་པ་ཡིས། །སྣང་སྲིད་ལྷ་འདྲེ་ཆར་གྱི་བདག་པོ་རྣམས། །ཁོག་སྨད་ཐམས་ཅད་ས་ཡི་ནང་དུ་ནུབ། །སྤང་ལ་ཕུར་པ་བཏབ་པ་ཇི་བཞིན་དུ། །ཐམས་ཅད་གཡོ་འགུལ་འབྲོས་པའི་

[Full Size]

དབང་མེད་པར། །བདག་གིས་ཅི་གསུང་བཀའ་ཉན་གསུང་སྡོད་གྱུར། །ཕཊ་ཕཊ་ཕཊ། དེ་ལྟར་དབང་དུ་བསྡུས་ནས་ཟིལ་གྱིས་གནོན་པ་ནི། ཕཊ། རང་ཉིད་ཁྲོས་མའི་དབུ་གཙུག་ནམ་མཁའ་ལ། །གསེར་གྱི་འཁོར་ལོ་རྩིབས་སྟོང་ལྡན་པའི་དབུས། །བཅོམ་ལྡན་རྒྱལ་བ་ཤཱཀྱ་ཐུབ་པ་ནི། །ཉན་རང་འཕགས་པས་བསྐོར་ཞིང་ཆོས་འཁོར་བསྐོར། །དེ་སྟེང་ཆོས་སྐུ་ཡུམ་ཆེན་ཤེར་ཕྱིན་མ། །གཅོད་ཡུལ་བརྒྱུད་པའི་བླ་མ་སྤྲིན་ལྟར་གཏིབས། །རྩིབས་སྟོང་སྟེང་དུ་བསྐལ་བཟང་སངས་རྒྱས་སྟོང་། །སྐྱབས་སྦྱིན་ཕྱག་རྒྱས་བདག་དང་ཆར་གཡོག་སྲུང་། །དེ་སྟེང་སྲིད་པའི་རྩེ་མོའི་ཡང་སྟེང་དུ། །བྱ་ཁྱུང་གྲངས་མེད་གཤོག་འཐབ་ཉི་ལི་ལི། །སྟེང་ཐོག་བཅའ་བའི་གནས་ཀྱང་མེད་པར་གྱུར། །ཕྱི་རོལ་ཕྱོགས་མཚམས་དཔག་ཚད་མང་པོ་ནས། །མཁའ་འགྲོ་དཔག་མེད་ནང་དུ་ཞལ་གཟིགས་གྱུར། །དེ་རྒྱབེ་བྱ་ཁྱུང་གྲངས་མེད་གུར་དུ་གྱུར། །ལྷ་འདྲེ་འབྲོས་ས་མེད་ཅིང་བར་ཐོག་སྲུང་། རང་གི་ཆར་འབོད་དགོས་དང་མི་དགོས་མཚམས། །སྦྲུལ་ནག་མི་མགོ་རློན་པ་ཁྲག་འཛག་པའི། །ཕྲེང་བ་གཅིག་གིས་སྒར་སེར་བསྐོར་གྱུར་ནས། །ཆར་པ་གཞན་དུ་མི་འཆར་

[Full Size]

ལས་གྲུབ་གྱུར། །རང་དང་ཆར་གཡོག་འོག་རྟ་གྲ་ཁལ་གྱི། །འོག་ཏུ་གཡུ་ཡི་གྲོད་པ་ནེམ་མེ་མནན། །རྟེན་འབྲེལ་དམིགས་པས་འོག་ཐོག་བསྲུང་བར་གྱུར། །ཕཊ་ཕཊ་ཕཊ། དེ་ནས་བརྡའ་སྤྲོད་བྱ་ཕྱིར་རྐང་དུང་འབུད། འོ། གསོན་ཅིག་དགོངས་ཤིག་ཡུལ་འདིའི་ལྷ་འདྲེ་རྣམས། །གསོན་ཅིག་དགོངས་ཤིག་སྟོང་གསུམ་ལྷ་འདྲེ་རྣམས། །གསོན་ཅིག་དགོངས་ཤིག་ཀླུ་གཉན་ས་བདག་རྣམས། །གསོན་ཅིག་དགོངས་ཤིག་འདིར་གནས་ལྷ་འདྲེ་རྣམས། །རྣལ་འབྱོར་བདག་ནི་འདི་ན་འོང་བའི་དོན། །སྣང་སྲིད་ལྷ་འདྲེ་དབང་དུ་སྡུད་པའི་དོན། །ཟིལ་གནོན་དམིགས་པས་ཨར་ལ་གཏད་པའི་དོན། །ཁྱེད་ཅག་སྣང་ཞིང་སྲིད་པའི་ལྷ་འདྲེ་རྣམས། །དོ་བསྡོ་ཕོད་བཙུགས་བྱ་ཕྱིར་འོང་བ་མིན། །གནོད་སེམས་གདུག་རྩུབ་སྟོན་ཕྱིར་འོང་བ་མིན། །མཐུ་སྟོབས་ནུས་པ་འགྲན་ཕྱིར་འོང་བ་མིན། །ད་ལྟ་ས་ཆ་ཡུལ་རིས་རྗེ་འདི་རྣམས་སུ། །ལོ་ཏོག་ཐམས་ཅད་ཐན་པས་རབ་ཏུ་སྐམ། །མགོ་ནག་མི་རྣམས་མུ་གེའི་འཇིགས་པས་སྐག །འབུ་སྲིན་སྲོག་ཆགས་རྣམས་ཀྱང་ཚད་པས་གདུང་། །འདི་འདྲའི་དུས་སུ་ཆར་པ་ཕོབ་ཅིག་ཅེས། །ཤཱཀ་

[Full Size]

ཐུབ་གསང་བདག་རྟ་མགྲིན་པདྨ་འབྱུང་། །དམ་པ་སངས་རྒྱས་མ་གཅིག་ལབ་སྒྲོན་སོགས། །རྒྱལ་བའི་བཀའ་དང་ལུང་ལས་རྒྱ་ཆེར་གསུངས། །འདི་དུས་རྣལ་འབྱོར་བྱང་ཆུབ་སེམས་ལྡན་པས། །འགྲོ་ལ་ཕན་ཕྱིར་ཆར་པ་མ་ཕབས་ན། །རྒྱལ་བའི་བཀའ་དང་འགལ་ཞིང་དམ་ཚིག་ཉམས། །སེམས་ཅན་བློས་བཏང་ལྟུང་བས་ངན་འགྲོར་ལྟུང་། །དེ་ཕྱིར་འགྲོ་ལ་ཕན་ཕྱིར་སྙིང་རྗེ་ཡིས། །ཚད་པས་གདུང་ལ་མི་འཇིགས་སྦྱིན་པ་དང་། །མུ་གེས་འཇིགས་ལ་ཟང་ཟིང་སྦྱིན་པ་དང་། །ལྷ་འདྲེ་རྣམས་ལ་ཆོས་སྦྱིན་འབྲེལ་པ་བཞག །གཅེས་ཤིང་ཕོངས་པའི་བདག་ལུས་སྦྱིན་པར་བསྔོ། །ལྷ་འདྲེ་འབྲེལ་ཐོགས་ནམ་ཞིག་བདག་ཁོ་ནས། །བླ་མེད་སངས་རྒྱས་ས་ལ་འགོད་པའི་ཕྱིར། །བདག་ཉིད་འདི་ན་འོང་དོན་དེ་ལྟར་ཡིན། །དེ་ཕྱིར་དེ་ཡི་དོན་དེ་གོ་བྱོས་ལ། །ས་ཕྱོགས་འདི་རུ་ཆར་ཆེན་མྱུར་དུ་ཕོབ། །ཅེས་པ་དང་པོ་ཕྱིན་དུས་ཚར་གསུམ་རེ། །དེ་ནས་ཉིན་རེ་ཚར་རེས་ཆོག་པ་ཡིན།། ཕཊ། རང་ཉིད་རྡོ་རྗེ་འཆང་ཆེན་སྐུ་རུ་གྱུར། །དགུང་སྔོན་དབྱིངས་དང་ནམ་མཁའི་ཕར་མཐའ་ནས། །ཁྱུང་རྣམས་གཤོག་གདང་བསྒྲིགས་ཤིང་གཤོག་འཐབ་བྱེད། །མཆུ་སྡེར་བརྡར་ཞིང་ཁྱུང་

[Full Size]

སྐད་ཏོང་ཏོང་སྒྲོག །ཀླུ་རྣམས་སྔངས་འདར་མིག་ནི་ཧྲིག་ཧྲིག་བྱེད། །བདག་གིས་བྱ་ཁྱུང་འཇིགས་ལས་སྐྱབས་མཛད་ནས། །དམ་ཆོས་བཤད་པ་གུས་པས་ཉན་པར་གྱུར། །ཕཊ། ན་མོ་ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོགས་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། ། །འདི་ནི་སངས་རྒྱས་བསྟན་པ་ཡིན། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །སྦྱིན་པས་བསོད་ནམས་རབ་ཏུ་ཐོབ། །དེ་ཕྱིར་ཀླུ་གཉན་ཁྱེད་རྣམས་ཀྱིས། །ཆར་གྱི་སྦྱིན་པ་མྱུར་དུ་ཐོངས། །ཁྱེད་རྣམས་བྱང་ཆུབ་ཐོབ་གྱུར་ཅེས། །བདག་གིས་སྨོན་ལམ་གདབ་པར་བྱ། །ཕཊ་ཕཊ་ཕཊ། རང་རིག་རང་ལུས་ནས་ཐོན་ཡེ་ཤེས་ཀྱི། །མཁའ་འགྲོ་དཀར་མོ་ཤེལ་གྱི་གྲི་གུག་བསྣམས། །བེམ་པོའི་གཡང་གཞི་བཤུས་ནས་བཏིང་བ་ཡིས། །གཡུ་ཡི་ནེའུ་སིང་ཆུ་མིག་ཁྲོན་པ་ན། །ཆར་འབེབས་ཡུལ་ཕྱོགས་ཐམས་ཅད་ཁྱབ་པའི་སྟེང་། །ཤ་ཁྲག་

[Full Size]

གཏུབས་པས་ཁྲག་རྣམས་འོ་མའི་མཚོ། །ཤ་རྣམས་དཀར་གསུམ་ཀླུ་སྨན་བཟའ་བཏུང་ཚོགས། །རུས་པ་གསེར་དངུལ་རིན་ཆེན་སྣ་ཚོགས་པ། །ཀླུ་ལ་མཁོ་བའི་ཡོ་བྱད་ཟད་མེད་འདི། །རྒྱལ་རིགས་རྗེའུ་རིགས་དམངས་རིགས་བྲམ་ཟེའི་རིགས། །གདོལ་པ་ནག་པོ་ཀླུ་བདུད་ཀླུ་བཙན་དང་། །ཀླུ་སྨན་མཚོ་སྨན་གཉན་རིགས་རྣམས་ལ་སྦྱིན། །ཆར་གྱི་རྒྱུན་ཆེན་ད་ལྟ་ཉིད་དུ་ཕོབ། །ཁྱེད་རྣམས་མཐུ་རྩལ་ཅི་འདུག་ད་ལྟའོ། །གལ་ཏེ་ཆར་ཆེན་མྱུར་དུ་མ་ཕབ་ན། །གསང་བདག་པད་འབྱུང་མ་གཅིག་ལབ་སྒྲོན་སོགས། །རིག་འཛིན་བརྒྱུད་པའི་བླ་མའི་བཀའ་དང་འགལ། །ཁྱེད་ཅག་རྣམས་ལ་དམ་ཚིག་ཆད་པས་བསྡིགས། །ཁྱེད་ཅག་སྣང་སྲིད་ལྷ་འདྲེ་མཐུ་ཆེན་ལ། །མཐུ་དང་ནུས་པ་དྲག་རྩལ་མི་འདུག་ཅེས། །འཇིག་རྟེན་སྐྱེ་བོ་རྣམས་ཀྱིས་འཕྱ་ཞིང་བྲེལ། །ཁྱེད་ལ་དེ་བས་སྨྲ་ཕབ་ཅི་ཞིག་ཡོད། །དེ་ཕྱིར་མཐུ་སྟོབས་ནུས་པ་མྱུར་དུ་སྟོན། །ཕཊ་ཕཊ་ཕཊ། རང་ཉིད་ངོ་བོ་བཅོམ་ལྡན་ཤཱཀ་ཐུབ་ལ། །རྣམ་པ་ཀླུ་རྒྱལ་སངས་རྒྱས་བཅོམ་ལྡན་འདས། །དམར་སེར་ཞལ་གཅིག་ཕྱག་བཞི་ལོངས་སྤྱོད་རྫོགས། །དང་པོས་ཐལ་སྦྱར་བདུད་རྩིའི་བུམ་པ་

[Full Size]

བསྣམས། །འོག་མས་དཔག་བསམ་ཤིང་དང་ཀླུ་ཤིང་གི །གྲིབ་མས་ཀླུ་རྣམས་བྱེ་ཚན་ཁྱུང་ལས་སྐྱབས། །བདུད་རྩིའི་བུམ་པས་ཀླུ་ཡི་སྡིག་སྒྲིབ་ནད། །ཐམས་ཅད་སེལ་ཞིང་ཀླུ་ལ་ཆོས་སྟོན་གྱུར། །ཕཊ། སྟོང་གསུམ་ཁམས་ཀྱི་ཀླུ་རིགས་མ་ལུས་པ། །སྤྲིན་ལ་ཞོན་ནས་ནེའུ་ལེའི་རྐྱལ་པ་ཐོགས། །བདུད་རྩིའི་རིན་ཆེན་དང་འདྲེས་ཆར་པ་ཡིས། །ས་ཕྱོགས་ཐམས་ཅད་ལྟེམ་གྱིས་བཀང་བར་གྱུར། །ཕཊ་ཕཊ་ཕཊ། རང་ཉིད་ཡུམ་ཆེན་དཀར་མོ་ཕྱག་བཞི་པ། །དང་པོའི་ཐུགས་ཀར་ཐལ་སྦྱར་ནོར་བུ་དང་། །འོག་མ་གཉིས་ཀྱིས་བདུད་རྩིའི་བུམ་པ་འཛིན། །ཐུགས་ཀར་ཟླ་སྟེང་ཆུ་ཤེལ་ནོར་བུ་ནི། །ཧཱུྃ་ཡིག་དཀར་པོ་དེ་ཡི་འོད་ཟེར་གྱིས། །སངས་རྒྱས་བྱང་སེམས་ཀུན་གྱི་བྱིན་རླབས་བསྡུས། །གཟི་བརྗིད་རབ་རྒྱས་བདུད་རྩིའི་ཆུ་རྒྱུན་བབས། །རང་ལུས་བ་སྤུའི་བུ་ག་ཧཱུྃ་དཀར་མཚན། །བ་སྤུའི་ཁུང་ནས་བདུད་རྩི་བབས་ཤིང་འཕྱུར། །བདུད་རྩིའི་རྒྱ་མཚོས་སྟོང་གསུམ་དཀར་ལྟེམས་གང་། །ཀླུ་སོགས་འགྲོ་ཀུན་བདེ་ལྡན་སྡུག་བསྔལ་བྲལ། །ཧཱུྃ་ཧཱུྃ། སྟོང་གསུམ་འཇིག་རྟེན་ཁམས་སུ་ཆར་གྱིས་གང་བར་གྱིས་ཤིག །

[Full Size]

ཕ྄ཊ་ཕ྄ཊ་ཕ྄ཊ། རང་ཉིད་ཡུམ་ཆེན་ནག་མོ་ཕྱག་བཞི་པའི། །ཐུགས་ཀར་ཟླ་སྟེང་ཨ་ཡིག་དཀར་པོ་ལས། །འོད་འཕྲོས་ཕྱི་སྣོད་བདེ་བ་ཅན་གྱི་ཞིང་། །ནང་བཅུད་སེམས་ཅན་ཤཱཀྱ་ཐུབ་པའི་སྐུ། །ཐུགས་ཀའི་འོད་ཀྱིས་ཀླུ་བརྒྱད་མདུན་དུ་བཀུག །ཨ་ཨ་ཨ། ཀླུ་རྣམས་སྒྲིབ་དག་སྐུ་མདོག་དཀར་པོར་གྱུར། །ནེའུ་ལེ་ཡི་རྐྱལ་པའི་ཁ་ནང་ནས། །བདུད་རྩི་རིན་ཆེན་སྣ་ལྔ་འདྲེས་པའི་ཆར། །སྟོང་གསུམ་འཇིག་རྟེན་ཐམས་ཅད་ཁྱབ་པར་གྱུར། །ཨ་ཨ་ཨ། ཕཊ་ཕཊ་ཕཊ། རང་རིག་རང་ལུས་ནས་ཐོན་ཁྲོས་མར་གྱུར། །བེམ་པོའི་གཡང་གཞི་བཏིང་བས་ས་སྟེང་ཁྱབ། །དེ་སྟེང་ཀླུ་རིགས་ལྔ་པོ་བྲན་འཁོར་བཅས། །ཁྲོམ་ཚོགས་བཞིན་དུ་སྤུངས་སེ་ཐིབས་སེ་འདུས། །ཁ་མིག་རྣ་བ་སྣ་སོགས་བུ་ག་ནས། །ཆར་དང་ཟིལ་པ་རང་དབང་མེད་པར་འཕྱུར། །འཇིག་རྟེན་ཁམས་ཀུན་ཆར་ཞོད་ཆེན་པོས་ཁྱབ། །ཕཊ་ཕཊ་ཕཊ། ཕཊ། རང་རིག་རང་ལུས་ནས་ཐོན་ཕག་མོར་གྱུར། །རང་ལུས་ཤ་ཁྲག་བདུད་རྩིའི་རང་བཞིན་ནི། །རང་འདྲའི་སྤྲུལ་པ་གྲངས་མེད་སྤྲོས་ནས་མཆོད། །བླ་མ་ཡི་དམ་མཁའ་འགྲོ་ཆོས་སྐྱོང་དང་། །སྣང་སྲིད་

[Full Size]

ལྷ་འདྲེ་ཀླུ་གཉན་ཐམས་ཅད་མཆོད། །དེ་ལྟར་མཆོད་པས་བླ་མ་མཁའ་འགྲོ་དང་། །སྣང་སྲིད་གཞི་བདག་ཀླུ་གཉན་ཐམས་ཅད་ཀྱི། །མིག་ནས་གློག་འགྱུ་སྣ་ནས་འབྲུག་སྒྲ་ལྡིར། །ཁ་སྣ་བ་སྤུ་ཀུན་ནས་ན་བུན་འཕྱུར། །འཇིག་རྟེན་ཁམས་ཀུན་ཚར་མུན་འཁྲིགས་པར་གྱུར། །ཕཊ་ཕཊ་ཕཊ། ན་མོ་ཕྱོགས་བཅུ་དུས་གསུམ་བཞུགས་པ་ཡི། །བཅོམ་ལྡན་སངས་རྒྱས་བདེན་པས་ཆར་ཕོབ་ཅིག །ཆགས་བྲལ་དམ་ཆོས་བདེན་པས་ཆར་ཕོབ་ཅིག །འཕགས་ཚོགས་དགེ་འདུན་བདེན་པས་ཆར་ཕོབ་ཅིག །ཆོས་ཉིད་དོན་དམ་བདེན་པས་ཆར་ཕོབ་ཅིག །ཀུན་རྫོབ་རྒྱུ་འབྲས་བདེན་པས་ཆར་ཕོབ་ཅིག །སྤྲིན་ཆེན་པོ་ཡི་མདོ་སྡེ་ལས་གསུངས་པའི། །སངས་རྒྱས་ཀུན་གྱི་བདེན་པས་ཆར་ཕོབ་ཅིག །ཀླུ་ཡི་རྒྱལ་པོ་སངས་རྒྱས་བཅོམ་ལྡན་འདས། །ཀླུ་དབང་རྒྱལ་པོ་ཀླུ་རིགས་སྒྲོན་མེ་སོགས། །ཀླུ་རིགས་སངས་རྒྱས་བདེན་པས་ཆར་ཕོབ་ཅིག །ལག་འགྲོ་ཆེན་པོ་གཡོག་མཐའ་ཡས་པ་དང་། །ནཱ་ག་རཀྵ་ཀླུ་རྒྱལ་མི་མགོན་དཀར། །དགའ་བོ་འཇོག་པོ་ནོར་རྒྱས་ཀླུ་ཆེན་བརྒྱད། །ཡེ་ཤེས་ཀླུ་རྣམས་བདེན་པས་ཆར་ཕོབ་ཅིག །མལ་གྲོ་གཟི་

[Full Size]

ཆེན་རྡོ་རྗེ་རྒྱལ་པོ་དང་། །ན་ར་སིང་ཧ་ཀླུ་ཆེན་མིང་སྲིང་དང་། །ལེ་ཐོད་དཀར་པོ་བར་བློན་ཆེན་པོ་སོགས། །བོད་ཁམས་ཀླུ་ཡི་བདེན་པས་ཆར་ཕོབ་ཅིག །སྟོང་གསུམ་ཁམས་དང་ཡུལ་འདིར་གནས་པ་ཡི། །ཀླུ་གཉན་ས་བདག་ཡུལ་ལྷ་ཁྱེད་རྣམས་ཀུན། །ཤཱཀ་ཐུབ་གསང་བདག་རྟ་མགྲིན་ཆེ་མཆོག་དང་། །པདྨ་འབྱུང་གནས་དམ་པ་མ་གཅིག་སོགས། རིག་འཛིན་རྒྱལ་བས་བཀའ་བསྒོས་དམ་བཞག་པའི། །དམ་ལས་མ་འདས་ཆར་པ་མྱུར་དུ་ཕོབ། །ཕ྄ཊ་ཕ྄ཊ་ཕ྄ཊ། ཀྱེ་མ་ཀླུ་གཉན་ས་བདག་འདི་རྣམས་ཀུན། །ཚེ་རབས་མང་པོའི་ཕ་མ་སྙིང་རེ་རྗེ། །ཁྱེད་རྣམས་ཀུན་གྱི་སྡིག་སྒྲིབ་སྡུག་བསྔལ་ཀུན། །བདག་ལ་ཐིམ་ནས་ཁྱེད་རྣམས་དུས་རྟག་ཏུ། །མི་འདོད་སྡུག་བསྔལ་ཀུན་དང་བྲལ་གྱུར་ཅིག །བདག་གི་དགེ་རྩ་བདེ་སྐྱིད་ཅི་ཡོད་པ། །ཐམས་ཅད་ཁྱེད་ཅག་རྣམས་ལ་ཐིམ་གྱུར་ནས། །རྟག་ཏུ་བདེ་སྐྱིད་ཕུན་སུམ་ཚོགས་གྱུར་ཅིག །ཅེས་བརྗོད་དབུགས་ཀྱི་དབྱུང་རྔུབས་དང་བསྟུན་ནས། །གཏོང་ལེན་དམིགས་པ་དེ་ཉིད་ལན་བདུན་བསྒོམས། ཕ྄ཊ། རང་ཉིད་སྐད་ཅིག་རྡོ་རྗེ་སེམས་དཔར་གསལ། །ཐུགས་ཀར་ཟླ་སྟེང་ཧཱུྃ་ལ་ཡིག་བརྒྱས་བསྐོར། །དེ་ལས་འོད་

[Full Size]

འཕྲོས་ཀླུ་གཉན་ས་བདག་གི །སྡིག་སྒྲིབ་ཉེས་ལྟུང་ཐམས་ཅད་སྦྱངས་པར་གྱུར། །ཡིག་བརྒྱའམ། ཨོཾ་བཛྲ་སཏྭ་ཧཱུཾ། ཉེར་གཅིག་བརྗོད། ཕཊ། རང་ཉིད་བཅོམ་ལྡན་སྨན་བླ་སྤྲུལ་སྐུའི་ཚུལ། །ཨ་རུ་ར་དང་ལྷུང་བཟེད་བསྣམས་པ་ཡི། །ཐུགས་ཀར་ཧཱུྃ་ལ་སྔགས་ཀྱིས་བསྐོར་བ་ལས། །འོད་འཕྲོས་ཀླུ་གཉན་ཀུན་ལ་ཕོག་པ་ཡིས། །ཀླུ་ཡི་ནད་རྣམས་ཐམས་ཅད་སོས་པར་གྱུར། །ཏདྱ་ཐཱ། ཨོཾ་བྷཻ་ཥ་ཛྱེ་བྷཻ་ཥ་ཛྱེ་མ་ཧཱ་བྷཻ་ཥ་ཛྱེ་རཱ་ཛ་ས་མུཏྒ་ཏེ་སྭཱ་ཧཱ། ཚར་གསུམ་མམ་བདུན། ཕཊ། རང་ཉིད་སྐད་ཅིག་རྡོ་རྗེ་ཕག་མོར་གསལ། །ཐུགས་ལས་སྤྲུལ་པའི་མཁའ་འགྲོ་གྲངས་མེད་སྤྲོས། །འཇིག་རྟེན་ཀླུ་གཉན་ས་བདག་སྡེ་བརྒྱད་ཚོགས། །ཐམས་ཅད་སྲོག་སྙིང་དྲངས་ནས་ལས་ལ་བསྐུལ། །འབྲུག་གློག་འུར་སྒྲས་འཇིག་རྟེན་ཐམས་ཅད་བཀང་། །རང་དབང་མེད་པར་ཆར་ཆེན་ཆུ་ཡི་སྐྱོགས། །གང་དུ་ཕེབས་པའི་ཡུལ་དེར་བྱོས་ལྟར་བབས། །ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཧཱུྃ་ཧཱུྃ་ཧཱུྃ་ཕཊ། ནཱ་ག་ཀ་ལ། ནཱ་ག་ཀ་ལ། བྷ་རི་ཤ་ཡ། བྷ་རི་ཤ་ཡ་སྭཱ་ཧཱ། སྔགས་འདི་བརྒྱ་སྟོང་ཅི་ནུས་བཟླ། །ཀླུ་སྨན་གང་འཛོམ་དཀར་གསུམ་དང་། །གྲོ་ཕྱེ་གཙང་མར་བསྲེས་པ་

[Full Size]

ཡི། །རིལ་བུ་གྲངས་མེད་གྲིབ་སྐམ་མམ། ། །རློན་པ་ཉིད་ཀྱང་རུང་བ་སྟེ། །ཁ་རླངས་མི་བཏང་ཕུ་ཡིས་བསྔགས། །ཆུ་མིག་ཕུག་བཅུག་དཀར་གཏའ་ཡིན། །སྔགས་འདི་ཟབ་ཕྱིར་མང་དུ་འདོན། །ཡི་དམ་གང་ལ་བཏགས་ཀྱང་རུང་། །ཕཊ། རང་ཉིད་སྐད་ཅིག་ཁྲོས་མ་ནག་མོར་གསལ། །རང་འདྲའི་སྤྲུལ་པས་ཀླུ་རྣམས་ལས་ལ་བསྐུལ། །འབྲུག་གློག་འུར་སྒྲ་དང་བཅས་ཆར་འབེབས་གྱུར། །ཨོཾ་བཛྲ་ཝཱ་ར་ཧི་ཀྲོ་དྷཱི་ཀཱ་ལཱི་ཧ་རི་ནི་ས། ཛ་ཧ་རི་ཆར་ཕོབ་ཕོབ་ཧཱུྃ་ཧཱུྃ་ཧཱུྃ། བྷ་རི་ཤ་ཡ་ཕོབ་ཕོབ། འདི་ཡང་བརྒྱ་སྟོང་ཅི་ནུས་བཟླ། །ཆུ་སྣ་འོ་མ་བསྲེས་པ་ནི། །བྲ་མའམ་སྤེན་མས་ནམ་མཁའ་གཏོར། ། །སྔགས་རྣམས་བརྗོད་ཚེ་ངག་བཅད་བྱ། །འདི་ཡན་སྔ་དྲོ་ཐུན་གཉིས་བྱ། །ཐུན་མཚམས་བསང་དང་གཏོར་མ་དང་། །ཁྱད་པར་ཀླུ་གཏོར་མང་དུ་བཏང་། །གཞི་བདག་ལ་ཡང་དཀར་གཏོར་འབུལ། ༈ །དེ་ནས་དགོང་ཁ་དྲག་འབོད་དམིགས་པ་ནི། །འདོན་སྒོམ་སྦྲགས་ཏེ་ཐུན་གཉིས་ཉམས་སུ་བླངས། །དེ་ནས་རྐང་དུང་ལན་གསུམ་འབུད་བྱས་ལ། །ཕཊ། རང་ཉིད་མ་གཅིག་ཁྲོས་མ་ནག་མོ་ནི། །ཁྲོ་མོའི་ཆ་ལུགས་སྐུ་ཡིས་ཁམས་གསུམ་ཁྱབ། །གསུང་ནི་འབྲུག་སྟོང་ལྟ་བུར་ཀུན་ལ་ཐོས། །ལྷ་འདྲེ་ཀུན་ལ་བཀའ་བསྒོ་དམ་བསྒྲགས་མཛད། །རྐང་དུང་དྲག་འབུད་བྱས་ལ་སྐད་ཆེན་པོས། །འོ་འོ། ཁྱོད་

[Full Size]

ཉོན་ཅིག་སྣང་སྲིད་ལྷ་མ་སྲིན། །ཁྱོད་ཉོན་ཅིག་ས་བདག་ཀླུ་གཉན་ཚོགས། །ཁྱོད་ཉོན་ཅིག་གནས་འདིའི་ཀླུ་གཉན་ཚོགས། །ཁྱོད་ཉོན་ཅིག་ཡུལ་འདིའི་གཞི་བདག་ཚོགས། །ད་ཆར་ཆེན་མྱུར་དུ་འབེབས་མི་འབེབས། །ད་ཆར་ཆེན་མྱུར་དུ་མི་འབེབས་ན། །ང་ཇི་སྲིད་འཁོར་བ་མ་སྟོངས་བར། །ང་ས་ཆ་འདི་ནས་འགུལ་རེ་ཤི །ཁྱུང་དཀར་གྱིས་ནམ་མཁའ་མི་བཀང་རེ། །ཁྱུང་དམར་གྱིས་བར་སྣང་མི་བཀང་རེ། །ཁྱུང་ནག་གིས་ས་གཞི་མི་བཀང་རེ། །ཀླུ་ཆེན་ཚོ་ཟས་སུ་མི་ཟ་རེ། །ཀླུ་བྲན་ཀུན་གདན་དུ་མི་བཏིང་རེ། །ཀླུ་འབངས་ཀུན་བྲན་དུ་མི་བཀོལ་རེ། །ཁྱོད་ཀླུ་ཡི་ཕོ་བྲང་མི་བཤིགས་རེ། །བྱེ་ཚན་གྱི་ཆར་པ་མི་ཕབ་རེ། །ཁྲོ་བོའི་དམག་དཔུང་མི་བསྡུ་རེ། །ངས་མཛེ་ཁྲག་ཆུ་ལ་མི་བླུགས་རེ། །མཛེ་ཤ་ཡིས་ཐང་མར་མི་བརྡལ་རེ། །མཛེ་རུས་ཀྱིས་གྲམ་པ་མི་བརྡལ་རེ། །དམེ་རོ་མཛེ་རོ་མི་བསྲེག་རེ། །མཛེ་དུད་ཀྱིས་བར་སྣང་མི་བཀང་རེ། །རི་ཆེན་ཚོ་རྦབ་ལ་མི་བསྒྲིལ་རེ། །རི་ཆུང་ཀུན་ཚོགས་པོར་མི་འཕེན་རེ། །ནམ་མཁའ་འདི་གདན་དུ་མི་བཏིང་རེ། །ས་གཞི་འདི་གདུགས་ལྟར་མི་ཕུབ་རེ། །ཉི་ཟླ་

[Full Size]

གཉིས་བཙོན་དུ་མི་བཟུང་རེ། །ང་ན་ན་དགའ་ལ་ཤི་ན་སྐྱིད། །ལུས་ཤ་ཁྲག་ཕུང་པོ་ཁྱོད་ལ་སྦྱིན། །སེམས་དངོས་མེད་སྟོང་པ་རྒྱལ་བའི་ཡུམ། །སེམས་ཆོས་ཀྱི་སྐུ་ལ་སྐྱེ་ཤི་མེད། །དེ་ཨེ་བདེན་ད་ལྟ་ལྟོས་དང་གསལ། །ཕཊ་ཕཊ་ཕཊ། རང་ཉིད་ཁྲོས་མ་ནག་མོས་གྲི་གུག་གཡུགས། །བྲག་ཐམས་ཅད་བཤིག་ནས་གྲམ་པར་སོང་། །ཤིང་ཐམས་ཅད་བཅད་ནས་ཞབས་སུ་བཏིང་། །སྤང་ཐམས་ཅད་གཏུབས་ནས་ཞིང་དུ་བསྒྱུར། །རྗེ་ཐམས་ཅད་བསྙིལ་ནས་ཐང་ལ་བླུགས། །ཕཊ་ཕཊ་ཕཊ། དེ་བྱས་ནས་ལྷ་འདྲེ་ཐམས་ཅད་བསྔངས། །ད་རྫུ་འཕྲུལ་འདི་འདྲ་མ་མཛད་དང་། །ཆར་ཉིན་དགུ་མཚན་དགུ་མི་ཕབ་རེ། །ཞེས་ཟེར་ཞིང་ཕྱག་འཚལ་མནའ་བསྐྱལ་གྱུར། །ཕཊ་ཕཊ་ཕཊ། རང་ཉིད་ཁྲོས་མ་ནག་མོས་ཧུབ་ཀྱིས་བཏབ། །མཚོ་ཆུ་མིག་གྲམ་པ་སྐྱ་སྒག་སོང་། །ཀླུ་ཆུ་གནས་ཐམས་ཅད་ཕྱག་འཚལ་ནས། །ཆར་ཉིན་དགུ་མཚན་དགུ་མི་འབབས་རེ། །མནའ་འདྲེ་མནའ་ན་ར་ཀན་ཟེར་བས། །ཆུ་ཁམ་འབུ་ནང་ནས་ཕྱིར་བླུགས་པས། །མཚོ་ཆུ་མིག་སྔར་བས་ཆེ་བར་གྱུར། །ཕཊ། རང་ཉིད་ཁྲོས་མའི་ཐུགས་ལས་སྤྲུལ་པ་ཡི། །བྱ་ཁྱུང་

[Full Size]

གྲངས་མེད་སྟོང་གསུམ་ཁྱབ་པར་སྤྲོས། །སྟོང་གསུམ་འཇིག་རྟེན་ཁམས་ཀྱི་ཀླུ་རྣམས་ཀུན། །བསྔངས་སྐྲག་འདར་ཞིང་ཡུལ་ཕྱོགས་འདི་རུ་བསྡུས། །ཀླུ་རྣམས་ཚེ་སྲོག་བྲལ་ལ་ཁད་དུ་སྐྲག །གདུག་པའི་ཀླུ་རྣམས་སྙིང་ནས་སྡེར་མོས་དྲངས། །འབྲུག་གློག་འུར་སྒྲས་འཇིག་རྟེན་ཐམས་ཅད་གང་། །ཆར་དྲགས་རང་དབང་མེད་པར་འབེབས་པར་གྱུར། །ཕཊ་ཕཊ་ཕཊ། རང་ལུས་དངུལ་དཀར་ལས་གྲུབ་རྡོ་རྗེ་ནི། །ཡར་རྩེ་སྲིད་རྩེ་མར་རྩེ་རྒྱ་མཚོར་ཟུག །ཡར་གྱི་རྭ་ལྔའི་ནང་དུ་བླ་མ་དང་། །ཡུམ་ཆེན་ཕྱོགས་བཅུའི་སངས་རྒྱས་བྱང་སེམས་ཚོགས། །ཡི་དམ་ལྷ་ཚོགས་ཐམས་ཅད་སྤྲིན་བཞིན་འཐིབས། །ཐུགས་རྗེས་འཛམ་བུ་གླིང་འདིར་ཆར་འབེབས་ཤིང་། །ཕྲིན་ལས་ཆོས་སྐྱོང་རྣམས་ཀྱིས་བསྒྲུབ་པར་གྱུར། །འོག་གི་རྭ་ལྔའི་ནང་དུ་ཀླུ་རིགས་ལྔའི། །ཕོ་བྲང་རིན་ཆེན་ལས་གྲུབ་གཞལ་ཡས་ཁང་། །ཀླུ་ཡི་དགོས་འདོད་ཐམས་ཅད་ཚང་བའི་ནང་། །ཀླུ་ཆེན་བརྒྱད་སོགས་ཀླུ་རིགས་ཀུན་གྱིས་བསྐོར། །རྡོ་རྗེའི་ལྟེ་བ་ཆོས་འབྱུང་གཞལ་ཡས་ཁང་། །ཡངས་ཤིང་རྒྱ་ཆེ་འཛམ་གླིང་གང་བའི་ནང་། །ཕཊ། རང་རིག་རང་ལུས་ནས་ཐོན་

[Full Size]

ནམ་མཁར་ཐོན། །རང་གི་ཤ་ཁྲག་ཆོས་འབྱུང་གང་བ་ལས། །ཤ་ཁྲག་ཆར་བབས་ཀླུ་ཡི་གྲོང་ཁྱེར་གང་། །འདམ་ནང་ཉ་བཞིན་ཀླུ་རིགས་ཐམས་ཅད་ཀུན། །ཤ་ཁྲག་ནང་དུ་ནུབ་པས་མ་བཟོད་པས། །མྱུར་དུ་ཆར་པ་ཆེན་པོ་འབེབས་པར་གྱུར། །ཕཊ། རང་ཉིད་སྐད་ཅིག་བྱ་ཁྱུང་འབར་བ་ཡི། །རྭ་དང་མཆུ་སྡེར་གནམ་ལྕགས་ལས་གྲུབ་པའི། ། ནམ་མཁའ་ནས་འཇུམ་རྒྱ་མཚོའི་སྟེང་དུ་སོང་། །ཀླུ་རྣམས་ཀུན་གྱི་རྒྱལ་པོ་དབང་ཆེ་བ། །དེ་ཡི་མགོ་ནས་འཇུས་ཏེ་ནམ་མཁར་ཁྱེར། །སྦྲུལ་ནག་འཇིགས་སུ་རུང་བའི་གཟུགས་ཅན་དེ། །ཁྱེར་ནས་རི་རབ་དཔག་བསམ་ཤིང་རྩེར་བབས། །སྦྲུལ་གྱི་སྐེད་པས་རི་བོ་མཆོག་རབ་ལ། །ལན་གསུམ་དཀྲིས་ནས་མཇུགས་མས་རྒྱ་མཚོ་དཀྲུག །ཀླུ་རྒྱལ་སྦྲུལ་ནག་སྐྲགས་ནས་ཀུ་ཅོ་སྒྲོག །འཁོར་གྱི་ཀླུ་རིགས་ཐམས་ཅད་བྱེད་ཅིང་ཧལ། །རང་དབང་མེད་པར་ཆར་ཆེན་འབེབས་པར་གྱུར། །ཕཊ་ཕཊ་ཕཊ། རང་ཉིད་ཁྱུང་ནག་འབར་བས་ཧུབ་ཀྱིས་བཏབ། །མཚོ་དང་ཆུ་མིག་ཐམས་ཅད་སྐམ་བྲག་འབྱངས། ཀླུ་རྣམས་ཅི་འདོད་གསུངས་དང་བཀའ་སྒྲུབ་ཟེར། །འོ་ན་ཆར་ཆེན་མྱུར་དུ་ཕོབ་སྨྲས་ནས། །ཆུ་

[Full Size]

རྣམས་ཁ་ནས་མར་བླུགས་སྔར་བཞིན་གྱུར། །ཕཊ་ཕཊ་ཕཊ། རང་ཉིད་ཁྲོས་མ་སྟོང་གསུམ་ཁྱབ་པའི་སྐུ། །དེ་འོག་པདྨ་འདབ་མ་དྲུག་པ་ཡི། །དབུས་སུ་རླུང་ལྷ་སྔོན་པོ་ཤ་བ་ཞོན། །ཤ་བའི་རྐང་པ་ཆག་ཅིང་དར་མདུང་བསྒྲིལ། །འདབ་མ་དྲུག་ལ་དེ་འདྲ་དྲུག་གསལ་བའི། །འོད་ཀྱིས་ནུབ་བྱང་མཚམས་ནས་རླུང་གི་ལྷ། །རང་འདྲ་སྤྱན་དྲངས་དབྱེར་མེད་གཅིག་ཏུ་ཐིམ། །དེ་ནས་པདྨའི་འདབ་དྲུག་ཁ་ཟླུམ་པའི། །སྟེང་ནས་སངས་རྒྱས་ཤཱཀྱ་ཐུབ་པས་མནན། །དེ་ལ་ཉན་ཐོས་མཆོག་བརྒྱད་ཀྱིས་བསྐོར་གྱུར། །ཕཊ་ཕཊ་ཕཊ། རླུང་གནོན་དམིགས་པ་འདི་ལ་ཡང་ཡང་བསྐྱར། །དམིགས་པ་བཟུང་ཚེ་རླུང་ཡང་ནང་དུ་བཟུང་། །ཕཊ། རང་ཉིད་ཡུམ་ཆེན་ནག་མོ་ཕྱག་བཞི་པ། །སྐུ་ཡིས་ཁམས་གསུམ་ཁྱབ་པའི་ལྟེ་འོག་ན། །ཆོས་འབྱུང་གྲུ་གསུམ་ཡངས་ཤིང་རྒྱ་ཆེ་བ། །བྲུབ་ཁུང་ལྟ་བུར་མངོན་སུམ་གསལ་བར་གྱུར། །བདག་གི་རླུང་གཅིག་ནང་དུ་རྔུབས་པ་ཡིས། །རླུང་ལྷ་སྔོན་པོ་ཤ་ཞོན་མདུང་དར་ཐོགས། །རང་དབང་མེད་པར་བཀུག་ནས་ཤངས་བུག་ཞུགས། །ལྟེ་འོག་ཆོས་འབྱུང་ནང་དུ་མགོ་མཇུག་ལོག །མདུང་དར་ཆོག་ཅིང་ཤ་བའི་

[Full Size]

རྐང་པ་ཆག །ཧོམ་ཁུང་སྟེང་དུ་ཁ་ཆོད་ཚུལ་དུ་ནི། །རི་རབ་པདྨ་ཉི་ཟླ་བརྩེགས་པའི་སྟེང་། རྣམ་པར་སྣང་མཛད་བཞུགས་ནས་མནན་པར་གྱུར། །ཕཊ་ཕཊ་ཕཊ། རང་ཉིད་ཁྲོས་མར་གསལ་བའི་མདུན་ཉིད་དུ། །ཧོམ་ཁུང་ཁ་རུབ་གཏིང་ཟབ་ཐར་མེད་ནང་། །རླུང་ལྷ་ལ་སོགས་ཆེར་པ་བཀག་བྱེད་པའི། །གདོན་བགེགས་ཐམས་ཅད་མངོན་སུམ་ལྟ་བུར་གསལ། །སྤྲུལ་པའི་མཁའ་འགྲོ་མང་པོས་དབང་མེད་དུ། །དེད་ཅིང་བཀུག་དང་ཧོམ་ཁུང་ནང་དུ་ཐིམ། །དེ་སྟེང་གསེར་གྱི་རི་རབ་ཟུར་བརྒྱད་པ། །སྟེང་དུ་རྡོ་རྗེ་རྒྱ་གྲམ་ཡོད་པས་མནན། །དེ་སྟེང་བྱང་ཆུབ་ཆེན་པོའི་མཆོད་རྟེན་ནི། །རྩེ་མོ་དགུང་ལ་རེག་པས་མནན་པར་གྱུར། །ཨོཾ་བཛྲ་ཝ་ར་ཧི་ཀྲོ་དྷི་ཀཱ་ལི་ཧ་རི་ནི་ས། ཨོཾ་ཆར་ཡ་ཆུར་ཡ་བྷ་ཡུ་ནྟཾ་བྷ་ཡ་ནན། རླུང་དགྲ་ཆེ་ན་སྔགས་འདི་མང་དུ་འདོན། །དེ་ལྟར་དྲག་འབོད་དམིགས་པ་དེ་རྣམས་ལ། །དགོང་མོ་ཐུན་གཉིས་འདོན་སྒོམ་སྦྲག་པར་བྱ། །དེ་ལྟར་བྱས་པས་ཞག་གསུམ་ནས་འབབ་གསུངས། །རྟགས་ནི་ངན་རྟགས་བཟང་རྟགས་རྣམ་པ་གཉིས། །སྤྲིན་ནི་བྱང་ནས་ལྷོ་རུ་འགྲོ་བ་དང་། །དེ་བཞིན་ནུབ་ནས་ཤར་དུ་འགྲོ་བ་དང་། །སྤྲིན་རྣམས་དལ་ཞིང་དུམ་བུར་ཆད་པ་དང་། །རྨི་ལམ་ཁང་སྟོང་མཚེར་རྙིང་སྦྲ་སྟོང་དང་། །མེ་ཆེན་འབར་དང་ལོ་

[Full Size]

ཏོག་ཉེས་པ་དང་། །བཀྲེས་སྐོམ་སྤྲང་པོ་རྨིས་ན་ཕེབ་པར་དཀའ། །དེ་ན་ཀླུ་ནི་ནུས་ལྡན་མེད་རྟགས་ཡིན། །གཞན་དུ་སྤོས་ན་ལེགས་པར་གསུངས་པའོ།། །།དེ་ནས་ཆར་པའི་བར་ཆད་བརྟག་པ་ནི། །འབབ་ལ་ཁ་ལ་ཆར་རླུང་འདྲེས་མས་གཏོར། །རླུང་ལྷས་བཀག་པས་རླུང་གནོན་དམིགས་པ་གཟིར། །ཤར་ནས་མཆོད་རྟེན་སྐུ་འདྲ་བསྒྲིག་འདྲའི་སྤྲིན། །བྱུང་ན་རྒྱལ་པོས་བཀག་ཅིང་རྒྱལ་པོར་གཟིར། །ལྷོ་ནས་ཁྲོ་བོའི་རལ་པ་འདྲ་བའི་སྤྲིན། །མ་མོས་བཀག་རྟགས་ཡིན་པས་མ་མོར་གཟིར། །ནུབ་ནས་ཕྱར་དར་རྟ་དམར་འདྲ་བའི་སྤྲིན། །བཙན་གྱིས་བཀག་རྟགས་ཡིན་པས་བཙན་ལ་གཟིར། །བྱང་ནས་ལྷ་གཡག་ཁམ་པ་མཆོངས་འདྲའི་སྤྲིན། །བདུད་ཀྱིས་བཀག་རྟགས་ཡིན་པས་བདུད་ལ་གཟིར། །སྤྲིན་ནི་ཆེ་ཡང་ཆར་པ་མི་འབེབས་ན། ། །ཡུལ་ལྷས་བཀག་ཕྱིར་དེ་ལ་གཟིར་བར་བྱ། །སྤྲིན་ནི་འདུས་ཤིང་བྱེར་ན་གཅོད་པ་རྣམས། །དམ་ཚིག་གཙང་དང་མི་གཙང་འདྲེས་རྟགས་ཡིན། །གཏོར་མཆོད་གཙང་སྦྲ་བྱ་ཞིང་ཡིག་བརྒྱ་འདོན། །ཆར་གཡོག་ལ་ཡང་འདི་ཉིད་འདོན་དུ་བཅུག །ཨོཾ་བཛྲ་སཏྭ་ཧཱུྃ། གནམ་སྔོན་འབྲུག་སྒྲ་ཆེ་ཞིང་རླུང་ཆེ་ན། །རྒྱལ་བསེན་གྱིས་བཀག་དེ་ལ་གཟིར་བར་བྱ། །སྤྲིན་སྲབ་རླུང་འཚུབ་ན་བུན་འཐུལ་བྱེད་ཅིང་། །ཉིན་ཕྱེད་འཐིབས་ཏེ་དེ་ནས་དྭངས་འགྲོ་ན། །རཱ་ཧུ་ལ་ཡིས་བཀག་ཕྱིར་དེ་ལ་གཟིར། །དགོང་མོ་སྤྲིན་དམར་ཆགས་ཤིང་མི་འབབ་ན། །ཀླུ་བསེན་སེར་པོས་བཀག་ཕྱིར་དེ་ལ་གཟིར། །དགོང་ཁ་སྤྲིན་དམར་ཆགས་

[Full Size]

ཤིང་ཁ་དོག་འགྱུར། །སྔོ་ནག་སེར་དང་དུད་ཁ་ནག་པོ་འོང་། །ཀླུ་རྣམས་ཚད་པས་ཚིག་པའི་རྟགས་ཡིན་པས། །ཀླུ་གཏོར་གཏོང་ཞིང་བྱམས་དང་སྙིང་རྗེ་བསྒོམ། །སྤྲིན་ནི་བལ་འདྲ་མཐའ་ནས་བརྗེས་པ་དང་། །སྔ་དྲོ་འཐིབ་ཅིང་ཕྱི་དྲོ་དྭངས་པ་དང་། །བྱང་དང་ནུབ་ནས་རླུང་ལྷག་ཆེ་བ་ནི། །དེ་རྣམས་ཚང་ན་ཆར་པ་མི་འབེབས་ལྟས། །མེ་ལྕེ་འདྲ་དང་སྤྲིན་རྣམས་དུམ་བུར་ཆད། །མཚོ་འམ་ཆུ་མིག་ཆུང་ངུ་སོང་ན་ངན། །ས་ལ་དོང་ནི་ཟབ་མོ་གཅིག་བསྐོས་ནས། །རྡོ་ལེབ་བཀབ་ནས་ས་ཡིས་གཡོགས་བཞག་ནས། །ཕྱིར་ནངས་བལྟས་པས་ཟིལ་པ་ཆགས་ན་འབབ། །སྐམ་པོར་འདུག་ན་ཆར་པ་མེད་རྟགས་ཡིན། །ཆུ་མིག་ལ་སོགས་གཞན་དུ་སྤོ་བར་བྱ། ༈ །དེ་ནས་འབབ་པའི་ལྟས་ནི་འདི་ལྟ་སྟེ། །མཚོ་དང་ཆུ་མིག་ཆེ་རུ་སོང་བ་དང་། །རླངས་པ་བྱུང་དང་སྐམ་གློག་འབྲུག་སྒྲ་གྲག །སྤྲིན་ནི་བྱང་དང་ནུབ་ཏུ་རྒྱུག་པ་དང་། །འབྲུག་དང་ཆུ་སྲིན་སྦྲུལ་མགོ་འདྲ་བའི་སྤྲིན། །རྦ་རླབས་འཁྲུགས་འདྲ་རླུང་ནག་འཚུབ་འདྲ་དང་། །ཀ་ཐོཁྲབ་ཅན་རྒྱུག་འདྲ་ཟད་མེད་རྒྱ་ཆེ་བ། །སྤྲིན་རྣམས་འཁྲུགས་དང་ཁོལ་ཞིང་བྲེལ་ན་འབོབ། །ཟླ་བས་གུར་ཕུབ་ནངས་སྔ་སྤྲིན་དམར་ཆགས། །ནངས་ནུབ་ཉི་མས་འཇའ་ཡི་རྣ་ཚར་བཏགས། །སྤྲིན་ནི་སྔོ་དམར་འཇའ་དང་འུག་པའི་མདོག །ཁ་དོག་སྣ་ཚོགས་སྤྲིན་ནི་མང་བར་འཇོམ། །ན་བུན་རི་རྩེར་ཆགས་ན་འབབ་པའི་ལྟས། །ཉམས་དགའ་བདེ་ཞིང་ཉམས་རྟོགས་འཕེལ་ན་འབབ། །རྨི་ལམ་ཆུ་ཆེན་མཐོང་དང་རབ་ལ་བརྒྱབ། །བུད་མེད་ཆུ་ཆང་བླུད་དང་ཆང་

[Full Size]

བསིང་དང་། །ར་ལུག་འཚོ་དང་རི་དྭགས་བསད་པ་དང་། །ཤིང་ཐུ་ནས་རྔ་ཆང་བཙོས་ཆུ་སྐྱེལ་དང་། །ཁྲལ་བསྡུ་ཡུར་བ་དྲངས་དང་ཟས་ཧུབ་དྲངས། །རང་ཉིད་ཆས་གོས་བཟང་དང་ཤག་ཁ་རྒྱལ། །ཤྭ་ཐོབ་ཁྲོམ་འདུས་ཕྱུག་པོ་འདུ་ལོང་ཆེ། །བུ་ཚ་བུ་མོ་དཔོན་རིགས་དེ་འདུན་བྱེད། །དེ་ཡང་རྨིས་ན་ཆར་པ་ཁུག་རྟགས་སོ། །ནུབ་ནས་འབྲུག་གྲག་དེ་ནུབ་རང་ལ་འབབ། །ལྷོ་ནས་གྲག་ན་ད་ལྟ་ཉིད་ནས་འབབ། །ཤར་ནས་གྲག་ན་ཞག་པོ་གསུམ་ནས་འབབ། །བྱང་ནས་གྲག་ན་དེ་ནུབ་ནམ་ཕྱེད་འབབ། །དེ་རྣམས་རྟགས་བྱུང་སྔར་མུས་དམིགས་པས་ཆོག །བཀག་མཁན་གཟིར་བའི་དམིགས་པ་འདི་ལྟར་ཏེ། །སོ་སོ་གང་ཡིན་དེ་ལ་དམིགས་པ་གཏད། །ཕ྄ཊ། རང་རིག་རང་ལུས་ནས་ཐོན་ཁྲོས་མར་གྱུར། །བེམ་པོའི་གཡང་གཞི་བཏིང་བས་ས་སྟེང་ཁྱབ། །བདག་ལུས་ཤ་ཁྲག་དཔག་མེད་ལོངས་སྤྱོད་རྣམས། །ཆར་པ་བཀག་བྱེད་གནོད་བྱེད་རྣམས་ལ་སྦྱིན། །ཐམས་ཅད་ངོམ་ཞིང་ཚིམས་ཏེ་དགའ་མགུ་ལྡན། །ཕཊ། གཡང་གཞིའི་ནང་དུ་ཆར་བཀག་ལྷ་འདྲེ་གཏུམ། །ཁྲོས་མས་ཀླད་ལ་གཡུག་ཅིང་ས་ལ་བརྡབས། །ཞབས་འོག་མནན་ཏེ་བྲོ་བརྡུང་འདམ་ལྟར་བརྫིས། །ཕ྄ཊ། ཁྲོས་མའི་ཕྱག་གཡས་གནམ་ལ་གཡོན་པ་ས། །གཉིས་ཀ་ཆ་ལང་ཁ་སྦྱར་ལྟ་བུའི་བར། །ཆར་པ་བཀག་བྱེད་

[Full Size]

བརྡུངས་ཤིང་དྲག་ཏུ་བཙིར། །ཐལ་མོ་བརྡབས་པས་དུ་སྒྲ་ཏི་རི་རི། །འདི་འདྲ་མ་བྱེད་ཆར་པ་བཀག་རེ་ཞེས། །ན་ར་ཀན་ཞེས་ཁས་བླངས་དམ་བཅས་གྱུར། །ཕ྄ཊ། གེགས་སེལ་དམིགས་པ་འདི་ཉིད་གལ་ཆེའོ། །ཐན་ཆེན་རབ་ཏུ་འབར་ཞིང་སྤྲིན་མེད་ན། ། །ཕཊ། རང་ཉིད་རྡོ་རྗེ་ཕག་མོ་མེ་འབར་བས། །ནམ་མཁར་གཟིགས་པས་ཕུ་བཏབ་སྤྲིན་རྣམས་གཏོར། སྟོང་གསུམ་འཇིག་རྟེན་ལྕགས་སྲེག་བྱེ་ཚན་གླིང་། །འཇིག་རྟེན་ཐམས་ཅད་ཕག་སྒྲ་དང་བཅས་གས། །དེ་རྣམས་བཤོལ་ཕྱིར་ཀླུ་རྣམས་རེ་རེས་ཀྱང་། །ཆུ་ཡི་རྐྱལ་པ་སྟོང་ཕྲག་མང་པོ་ཐོགས། །ནམ་མཁའི་ཁམས་ནས་ཆར་ཆེན་འབེབས་པར་གྱུར། །ཕཊ་ཕཊ་ཕཊ། གཉན་ས་མ་ནོན་ཆར་པ་མི་སྦྱིན་རྟགས། །བཙན་པོ་མི་ཆེན་ཁ་ཡ་མི་བྱེད་དང་། །ཆོ་འཕྲུལ་ཆེ་ཡང་ཆར་པ་མི་འབེབས་སམ། །གཉན་ས་ཆེ་ཡང་བཟང་ངན་རྟགས་མེད་ན། །མ་སློང་རྟགས་ཡིན་དྲག་ལས་བྱ་བ་ནི། །ཕཊ། བདག་ཉིད་ཁྲོས་མའི་ཐུགས་ལས་སྤྲུལ་པ་ཡི། །ཁྱུང་ནག་མང་པོས་མཚོ་དང་ཆུ་མིག་སོགས། །ས་འོག་རྒྱ་མཚོའི་སྟེང་ནས་ཀླུ་གཉན་རྣམས། །སྦྲུལ་ནག་གཟུགས་སུ་ཡར་དྲངས་མདུན་དུ་སྤུངས། །ཁྱུང་ནག་ལ་ལས་རྒྱ་མཚོའི་གཏིང་ཀུན་དཀྲུགས། །ཀླུ་རྣམས་

[Full Size]

དབང་མེད་ཚར་ལ་དྲག་ཏུ་བསྐུལ། །ཕ྄ཊ་ཕ྄ཊ་ཕ྄ཊ། ཀླུ་ལ་སྙིང་རྗེ་དྲག་པོ་བསྒོམས་བྱས་ལ། །དམིགས་པ་དེ་ཉིད་བཟུང་ཞིང་ཚེར་ལྕགས་ཀྱིས། །མཚོ་དང་ཆུ་མིག་དཀྲུག་ཅིང་བྲབ་པར་བྱ། །གཅེར་བུར་མཆོངས་སྟབས་བྱ་ཞིང་ཌཱ་དྲིལ་འཁྲོལ། །ཨོཾ་བཛྲ་ཝ་ར་ཧི་ཀྲོ་དྷཱི་ཀཱ་ལཱི་ཧ་རི་ནི་ས། །ཨི་ཨི་ཧཱུྃ་ཧཱུྃ་ཛ་ཛ་ཕོབ་ཕོབ། སྔགས་དེ་དྲག་པོར་བརྗོད་པས་དེ་ནུབ་འབབ། །ཡང་ན་ཆུ་མིག་སྔས་སམ་མཚོ་འགྲམ་ཤིང་། །མེད་ན་སུར་དཀར་པན་ནེ་ཤུག་པ་སོགས། །ཤིང་ཉག་གཅིག་ནི་དེ་རུ་བཙུགས་བྱས་ལ། །རང་ཉིད་གཅེར་བུར་སྐེ་ལ་ཐག་པ་བཏགས། །ཤིང་ལ་བཏགས་ནས་ཁ་སྦུབས་ལྟོ་ཉལ་བྱ། །ཕ྄ཊ། རང་སེམས་ཐིག་ལེར་དམར་ནག་སྤྱི་བོར་ཐོན། །ནམ་མཁའི་དབྱིངས་སུ་གསེར་གྱི་རྡོ་རྗེ་ནི། །ཚྭ་ཚྭ་རབ་ཏུ་འཕྲོ་བ་གཅིག་ཏུ་གྱུར། །ཕ྄ཊ། རང་གི་པགས་པ་ལྕགས་སྲེག་ས་གཞི་ནི། དམར་པོ་ཚྭ་ཚྭ་དམར་དང་ཐུལ་ཐུལ་བྱེད། །ཕ྄ཊ། རང་ལུས་ཟོ་ཁོག་རི་བོ་ཆེན་པོའི་ནང་། །ཀླུ་ཡི་གྲོང་ཁྱེར་ཀླུ་རིགས་ཀུན་གྱིས་གང་། །ཡུལ་ཕྱོགས་འདིར་གནས་ཀླུ་དང་དབྱེར་མེད་གྱུར། །ཀླུ་རིགས་ཐམས་ཅད་བཀུག་ནས་ནང་དུ་ཚུད། །ཕ྄ཊ་ཕ྄ཊ། རང་ལུས་ཤ་ཁྲག་ཐམས་ཅད་ཉིལ་གྱིས་ཞིག །ཀླུ་ཡུལ་ཤ་རི་ཁྲག་མཚོར་ལྟེམས་སེ་གང་། །དེ་

[Full Size]

ནས་སྐེ་ཡི་ཐག་པ་ཆད་པ་ཡིས། །གཡང་གཞིའི་པགས་པ་ཐང་ཁུག་བཞིན་དུ་བསྡུས། །མགོ་དེས་ཁ་བཅད་རྒྱུ་མས་ཁ་ཐིག་བྱས། །མགོ་ནས་གནམ་ལྕགས་ཐོག་མདའ་ཚུབས་ཚུབ་འཕྲོས། །ཀླུ་ཡུལ་ཁྲག་མཚོ་ལ་བརྒྱབས་ཁྲག་མཚོ་ཁོལ། །ཁྲག་ཕྱུར་གསུར་དུད་ཐོག་སྒྲས་སྟོང་གསུམ་གང་། །ཀླུ་རྣམས་བུ་ག་དགུ་ནས་ཁྲག་གི་ཆར།། །རང་དབང་མེད་པར་ཕྱུ་རུ་རུ་བབས་གྱུར། །ཕ྄ཊ་ཕ྄ཊ་ཕ྄ཊ། རང་གི་རིག་པ་གསེར་གྱི་རྡོ་རྗེ་ནི། །ནམ་མཁར་ཐིམ་ནས་དངོས་མེད་སྟོང་ཉིད་གྱུར། །ཕ྄ཊ་ཕ྄ཊ་ཕ྄ཊ། ཕྱག་ཆེན་ངང་ལ་ཡུན་རིང་མཉམ་པར་བཞག །ཕ྄ཊ། རང་ཉིད་དམ་པ་སྨུག་ནག་ཁྲོ་ལ་གཏུམ། །སྤྱན་གསུམ་ཁྲོ་ལ་འཇིགས་སུ་རུང་བ་ཡིས། །ཀླུ་དང་གཞི་བདག་སྐྲ་ནས་འཐེན་སྤྲུག་དང་། །ཅོ་དྲུད་བྱས་པས་ཆར་འབེབས་ཁས་བླངས་གྱུར། །ཕཊ་ཕཊ་ཕཊ། ཤིང་གཉན་རྣམས་ཀྱི་ལོ་མ་འཐེན་སྤྲུག་བྱ། །རང་ཉིད་ཁྲོས་མ་ལྗང་ནག་སྟག་གི་དབུ། །སྟག་སྐད་ངར་ཞིང་རྒྱ་སྟ་ངར་མ་ཡིས། །ཤིང་རྣམས་ཕྲ་སྦོམ་མེད་པ་ཐམས་ཅད་བཅད། །གཅིག་ཀྱང་མ་ལུས་ཀླུ་གཉན་ཐམས་ཅད་ངུས། །མཆི་མའི་ཆར་ཆེན་མྱུར་དུ་འབེབས་པར་གྱུར། །ཤིང་གཉན་རྣམས་ནི་སྣར་

[Full Size]

ཁམ་བླང་བྱ་ཡི། །ཤིང་ནི་དངོས་སུ་གཅོད་པར་མི་རུང་ངོ་། །ཤིང་ནི་མང་སར་ཅུང་ཟད་བཅད་ཀྱང་རུང་། །ཤིང་ནི་ཉུང་ན་གཅོད་པར་མི་རུང་ངོ་། ཕ྄ཊ། རང་ཉིད་ཁྲོས་མའི་ཕྱག་གཡས་གནམ་ལྕགས་ཀྱི། །ཕུར་པའི་རྩེ་ལས་འོད་ཟེར་རབ་འཕྲོས་པས། །གཞི་བདག་ཀླུ་གཉན་ཕོ་བྲང་དཀྱིལ་དུ་བརྒྱབ། །ཐོག་བརྒྱབས་བཞིན་དུ་བཅག་བཀྲུག་གནམ་བརྡིབས་བཞིན། །སྐྱོག་བསྔངས་སྙིང་འདར་ཆར་འབེབས་ཁས་བླངས་གྱུར། །ཕ྄ཊ། ཕུར་པ་ཀག་ལེ་སྣ་མགོ་ལ་སོགས་པས། །བྲག་འབུར་རྣམ་ལ་བརྒྱབ་ཅིང་ཅུང་ཟད་བཅག །ཆེན་པོ་བཤིག་དང་བརྐོ་བར་མི་རུང་ངོ་། །ཕ྄ཊ། རང་ཉིད་མཁའ་འགྲོ་དཀར་མོ་འཇིགས་པའི་གཟུགས། །ཕྱག་གཡས་རྡོ་རྗེ་རྩེ་དགུ་རི་རབ་ཙམ། །འོད་ཟེར་ཆེན་པོ་རབ་ཏུ་འབར་བ་ཐོགས། །གཡོན་གྱིས་ཐེང་གསུམ་དཀྲུགས་པས་ཀླུ་རྣམས་བསྔངས། །གཡས་ཀྱིས་ཐེང་གསུམ་དཀྲུགས་པས་བཀའ་ཉན་ཅིང་། །ཆར་པ་མི་འབབ་རེ་ཞེས་མནའ་བསྐྱལ་གྱུར། །ཕ྄ཊ་ཕ྄ཊ་ཕ྄ཊ། མཚོའམ་ཆུ་མིག་ཕུར་པའམ་ཚེར་མས་བྲབས། རང་ཉིད་ཁྲོས་མ་སྨུག་ནག་ནམ་མཁའ་ཁྱབ། །མཛེ་མགོ་རློན་པ་རི་རབ་ཙམ་པ་གསུམ། །སྐྱེད་པུའི་སྟེང་དུ་མཛེ་ཐོད་སྟོང་གསུམ་ཁྱབ། །དེ་ནང་མཛེ་ཁྲག་དམེ་

[Full Size]

ཁྲག་ནལ་བུའི་ཁྲག །རྒྱ་མཚོ་ཆེན་པོ་ཙམ་དུ་འཁྱིལ་པ་དེ། །འོག་ནས་མེ་སྦརི་ཕྱུར་ཞིང་བོ་བ་ཡི། །གསུར་གཞོབ་ཁྲག་དང་བཅས་པས་ཀླུ་ཡུལ་གང་། །ཀླུ་རྣམས་བུ་ག་དགུ་ནས་ཁྲག་གི་ཆར། །ཆར་མུན་འཁྲིགས་ལྟར་འཛམ་གླིང་ཁྱབ་པར་གྱུར། །ཕ྄ཊ་ཕ྄ཊ་ཕ྄ཊ། དམར་རྟ་ཁྲག་སྣ་སྐམ་པོའི་རིལ་བུ་ནི། །ཤོག་ཐུམ་མང་པོ་བརྒྱབ་ནས་རས་ཀྱིས་བཏུམ། །སྒྱེ་ནག་གམ་ནི་རེ་བའི་ནང་དུ་བཅུག །བྲག་གཉན་ཤི་ང་གཉན་ཆུ་མིག་གཡས་གཡོན་རྒྱབ། །ཆུ་མིག་ནང་དུ་རྒྱབ་པར་མི་རུང་ངོ་། །དངོས་སུ་ཁྲག་ཐབ་ནམ་ཡང་བརྫོག་མི་རུང་། །དམིགས་པས་བརྫོགས་པ་བཅོས་རྒྱུ་ཡོད་ཕྱིར་ཡིན། །ཤིན་ཏུ་འུ་ཐུག་གཏོར་མ་རྒྱོབ་དགོས་ན། །དམར་གཏོར་ཟུར་གསུམ་ཤ་ཁྲག་གཙང་མས་བརྒྱན། །ཆར་པ་བཀག་བྱེད་བཀུག་གཞུག་དྲག་ཏུ་བྱེད། །གཅོད་ཚོགས་ནང་གི་མཁའ་འགྲོ་འབུམ་བསྐུལ་ལམ། །ཕག་ཁྲོས་སེང་གསུམ་བསྐུལ་པ་གང་ཤེས་འདོན། །དེ་ནས་གཏོར་མ་ལག་ཏུ་བཟུང་བྱས་ལ། །ཕ྄ཊ། རང་ཉིད་ཁྲོས་མ་ཁམས་གསུམ་ཁྱབ་པ་ཡི། །ཕྱག་ན་ཤ་སྣ་སྙིང་སྣ་ཁྲག་སྣ་དང་། །དུག་ཁྲག་རྫས་ཀྱིས་བརྒྱན་པའི་གཏོར་མ་འདི། །རི་རབ་ལྟར་ཆེ་དུག་རླངས་ན་བུན་འཐིབས། །མཛེ་ཤའི་དར་འཕྱར་མཛེ་ཁྲག་མཚོ་འཁྱིལ་བ། །ཀླུ་ཡི་ཕོ་བྲང་སྟེང་དུ་ཐོག་ལྟར་བརྒྱབ། །ཕོ་བྲང་ཀླུ་གཉན་དང་བཅས་

[Full Size]

མགོ་མཇུག་ལོག །ཀུ་ཅོ་སྐད་ངན་དང་བཅས་བུ་ག་དང་། །བ་སྤུ་ཀུན་ནས་ཁྲག་གི་ཆར་པ་ནི། །ན་བུན་ལྟར་འཕྱུར་འཛམ་གླིང་ཁྱབ་པར་གྱུར། །ཕོབ་ཕོབ་ཡ་ཤ་རི་བྷ་ཧཱུྃ་ཧཱུྃ་ཧཱུྃ། ཕོབ་ཕོབ་ཆར་རི་ཧ་ཛ། ས་ནི་རི་ཧ་ལི་ཀཱ་དྷི་ཀྲོ་ཧི་ར་བྷ་ཛྲབ་ཨོ། འདི་ཚར་བདུན་བརྗོད་ལ་བརྒྱབ། །བརྒྱ་བས་མང་ནི་མི་རུང་ཞིང་། །མཆིལ་མ་ཁོག་ཏུ་བཏང་མི་རུང་། །དེ་ལྟར་ཐམས་ཅད་བྱས་གྱུར་ཀྱང་། །གལ་ཏེ་ཆར་པ་མ་ཁུག་ན། །སེམས་ཅན་བསོད་ནམས་ཟད་པའམ། །ཡུལ་དེར་ལྷ་འདྲེ་མེད་རྟགས་ཡིན། །དེ་མིན་མི་ཁུག་སྲིད་མི་འགྱུར། །དེ་ལྟར་དྲག་ལས་བྱས་པ་ན། །ཐོག་སེར་གཉིས་ཀ་འོང་དོགས་ཡོད། །རྨི་ལམ་མགར་ཚང་བཅའ་བ་དང་། །སོལ་ཁང་མཐོང་དང་མགར་བྱེད་རྨིས། །ཉམས་སྣང་ལྕགས་བརྡུང་སྒྲ་ཐོས་དང་། །སིལ་སྒྲ་ཙིར་སྒྲ་སྦྱང་བུའི་སྐད། །ཚྭ་ཚྭ་འཐུལ་དང་འབྲུག་སྐད་གཟེར། །སྟེང་ཐོག་འོང་བའི་རྟགས་ཡིན་ནོ། །ས་འོག་སྒྲ་གྲག་ས་ཡང་མགུལ། །ས་གཞི་ཙིག་ཙིག་ཁོལ་ན་ནི། །འོག་ཐོག་རྟགས་ཡིན་དམིགས་པ་བྱ། །ཕ྄ཊ། རང་རིག་ནམ་མཁར་སྤུར་བས་ཁྲོས་མར་གྱུར། །གཟའ་སོགས་ཐོག་སེར་བདག་པོ་ཐམས་ཅད་བཀུག །རང་གི་ཉལ་སའི་འོག་ཏུ་ཧྲུག་གེ་བླུག །རང་གི་རྐང་པས་གཡུ་ཡི་གྲོད་པ་མནན། ཨོཾ་གྷུ་ཧུ་ར་ཧུ་པ་ཧེ་ཛ་ལ་དྷ་ཐཱ། སྔགས་འདི་བདུན་ནམ་ཉེར་གཅིག་

[Full Size]

ཤོག་དྲིལ་བྲིས་ལ་རྐང་དུང་དྲིལ་བུར་བཏགས། །གཅོད་གཡོག་པ་ཡིས་དཀྲོལ་ཡང་ཐོག་མི་འོང་། །དྲག་ལས་བྱས་པས་སེར་བ་འོང་དོགས་ན། །སྔོན་ལ་བྱམས་དང་སྙིང་རྗེ་དྲག་པོ་བསྒོམ། །རྗེས་ལ་སྟོང་ཉིད་བསྒོམས་པས་སེར་བ་ཆད། །ལར་ཡང་རང་ཉིད་གྲགས་པ་འདོད་པ་དང་། །ཟས་ནོར་འདོད་དང་ནུས་ལྡན་ང་རྒྱལ་སོགས། །བསམ་པ་ངན་ན་ཆར་པ་ཁུག་པར་དཀའ། །འབུ་སྲིན་སེམས་ཅན་ཡོངས་ལ་སྙིང་རྗེ་དང་། །སྟོང་ཉིད་ལྟ་བའི་ཉམས་ལེན་བཟང་བ་དང་། །དད་གུས་གདམས་ངག་ཐེ་ཚོམ་མེད་པ་གཅེས། །དེ་ནས་ཆར་པ་འབབ་ནས་རྗེས་ཆོག་ནི། །ཁལ་ཚད་རྫ་མ་མི་བརྫི་ཟེར་བའི་དོན། །དེ་ན་ཡུན་རིང་མི་བསྡད་མྱུར་དུ་འགྲོ། །གལ་ཏེ་ཞག་རེ་ཙམ་ཞིག་འདུག་དགོས་ན། །དྲག་དམིགས་སྤངས་ལ་ཞི་དམིགས་ཁོ་ན་བྱ། །ད་རུང་འབབ་འདོད་ཞི་འབོད་དམིགས་པ་བྱ། །དེ་ནས་དྲག་ལས་བྱས་པ་གསོ་བ་ནི། །ཕ྄ཊ། རང་རིག་རང་ལུས་ནས་ཐོན་ཕག་མོར་གྱུར། །རང་ལུས་ཤ་ཁྲག་པགས་པ་ནང་ཁྲོལ་རྣམས། །དཀར་གསུམ་མངར་གསུམ་ཀླུ་སྨན་རིན་ཆེན་ཚོགས། །ཆུ་གནས་རི་དྭགས་གཡག་ལུག་ར་གསུམ་དང་། །རིན་ཆེན་ཁང་བཟང་གཏེར་གྱི་བུམ་པ་སོགས། །ཀླུ་གཉན་གཞི་བདག་ཅི་འདོད་ལོངས་སྤྱོད་རྣམས། །ཟད་མེད་གྱུར་ཏེ་དགའ་མགུ་ཡི་རང་གྱུར། །ཕ྄ཊ་ཕ྄ཊ་ཕ྄ཊ། རང་ཉིད་ཁ་སརྤཱ་ཎྀ་སྤྱན་རས་

[Full Size]

གཟིགས། །སྐུ་སྟོད་གཟུགས་ཁམས་སྐུ་སྨད་འདོད་ཁམས་ཁྱབ། །ཕྱག་གཡས་མཐིལ་ནས་པོ་ཡིག་དཀར་པོ་ལས། །བདུད་རྩིའི་རྒྱུན་བབས་ཀླུ་གཉན་ས་བདག་རྣམས། །བདུད་རྩི་འཐུངས་བས་བཀྲེས་སྐོམ་ཞེ་སྡང་ཞི། །ཁྲུས་བྱས་སྨྲས་འགྲམ་སྣད་ཡར་ཐམས་ཅད་སོས། །སྔར་བས་བཀྲག་མདངས་གཟི་བརྗིད་དགུ་འགྱུར་ཆེ། །རང་ལ་ཕྱག་འཚལ་སྐོར་བ་བྱེད་བཞིན་དུ། །བྱམས་དང་སྙིང་རྗེའི་སེམས་བསྐྱེད་ཡིག་དྲུག་འདོན། །ཕ྄ཊ་ཕ྄ཊ། །དམིགས་པ་འདི་ཉིད་བརྒྱའམ་ཉེར་གཅིག་བདུན། །དྲག་ལས་ཅི་བྱས་ཚོད་དང་སྦྱར་བར་བྱ། །འོ་མའི་ནང་དུ་ཡུངས་ཀར་བཏབ་པའམ། །མ་འཛོམ་འོ་མའམ་ནི་འོ་དཀར་ལ། །སྔགས་བཟླས་ཁ་རླངས་མི་བཏང་ཕུ་ཡིས་གདབ། །ཨོཾ་སྭ་སྟི་བཛྲ་མི་ལི་མི་ལི་སྭཱ་ཧཱ། །བརྒྱ་རྩ་སྔགས་ལ་ཆུ་མགོའི་གཡས་གཡོན་དང་། །དྲག་ལས་གར་བྱས་རྣམས་སུ་གཏོར་བར་བྱ། །བག་ཟན་ནམ་ནི་འདམ་སའི་གླང་ཆེན་ནང་། །ཀླུ་སྨན་རིལ་བུ་བཅུག་སྟེ་ཕྱེ་མའང་རུང་། །ཆུ་མགོའི་འགྲམ་མམ་ཤིང་གཉན་རྩ་ལ་སྤ། །ཕ྄ཊ། གླང་བུ་ཧཱུྃ་ལས་འཛད་མེད་རིན་ཆེན་གཏེར། །ཀླུ་གཉན་རྣམས་ཀྱི་ཚེ་རབས་གཏན་གྱི་ནོར། །ཅི་འདོད་ཐམས་ཅད་ཡིད་བཞིན་འབྱུང་བར་གྱུར། །ཨོཾ་བཛྲ་ས་ར་ཎ་ཁཾ། དེ་ནས་ཀླུ་གཏོར་བསང་མཆོད་

[Full Size]

དཀར་གཏོར་བསྔོ། །ཕ྄ཊ། བདག་གིས་དབང་བསྡུས་ཟིལ་གྱིས་མནན་པ་ཡི། །རླུང་ལྷ་འབྱུང་པོ་ཐམས་ཅད་ཡར་བཞེངས་ཤིག །ཉེས་པ་གང་བྱས་དེ་དག་བཟོད་པར་གསོལ། ཀླུ་གཉན་ས་བདག་རླུང་ལྷ་ལྷ་འདྲེའི་ཚོགས། །ཕྱིན་ཆད་གཞན་ལ་གནོད་པའི་སེམས་སྤོངས་ལ། །ཞི་བ་བྱང་ཆུབ་སེམས་དང་ལྡན་པར་མཛོད། །བདག་དང་བདག་གིས་དབང་བསྡུས་ལྷ་འདྲེ་དང་། །ཆར་བདག་ཆར་པས་ཁྱབ་པའི་སེམས་ཅན་རྣམས། །ཆར་ཞུས་བྱས་པའི་ཡོན་བདག་ཐམས་ཅད་ཀྱང་། །ཚེ་འདིར་ཚེ་རིང་ནད་མེད་ཕུན་སུམ་ཚོགས། །འདི་ནས་འཕོས་ཏེ་བདེ་ཆེན་ཞིང་ཁམས་སུ། །འོད་དཔག་མེད་མགོན་མཆོད་པས་མཉེས་བྱེད་ཤོག །བདག་གིས་ཆར་པ་ཕབ་པའི་དགེ་བ་འདིས། །ཚད་པས་མནར་བའི་འགྲོ་བ་ཐམས་ཅད་ལ། །མི་འཇིགས་སྐྱབས་ཀྱི་སྦྱིན་པར་འགྱུར་བར་ཤོག །མུ་གེའི་འཇིགས་པས་མནར་བའི་འགྲོ་རྣམས་ལ། །ཟང་ཟིང་ལོངས་སྤྱོད་སྦྱིན་པར་འགྱུར་བར་ཤོག ། གཟུགས་མེད་ལྷ་འདྲེ་གཞི་བདག་ཐམས་ཅད་ལ། །དམ་པ་ཆོས་ཀྱི་སྦྱིན་པར་འགྱུར་བར་ཤོག །ད་རེས་འབྲེལ་པ་ཐོབ་ཚད་ལྷ་འདྲེ་རྣམས། །ནམ་ཞིག་བདག་གིས་བྱང་ཆུབ་ཐོབ་

[Full Size]

པའི་ཚེ། །དམ་པའི་ཆོས་ཀྱིས་ཚིམས་པར་བྱས་ནས་ཀྱང་། །མྱུར་དུ་སངས་རྒྱས་ས་ལ་འགོད་པར་ཤོག །ཅེས་བརྗོད་བཀྲ་ཤིས་བརྗོད་ནས་འགྲོ་བའི་ཚེ། །ཆས་ཀ་མི་བསྒྱུར་ཐོ་བསྐྱེལ་ཕུར་པ་ཕུད། །ད་དུང་འབབ་པར་འདོད་ན་ཐོ་མི་བཀྲོལ། །ནང་དུ་གཏོར་རིལ་ཀླུ་སྨན་དམ་པར་སྦ། །བྱ་དང་ཁྱི་ཡིས་མི་ལོན་ངེས་པར་བྱ། །འབབ་འདོད་མེད་ན་ཐོ་བཀྲོལ་མཆོད་པ་དང་། །གཏོར་རིལ་ལ་སོགས་སྐམ་པོར་བྱས་ལ་སྦྱིན། །དེ་ནས་ཚུར་ཟད་ས་སྣ་རི་ཟུར་རམ། །བྲག་དང་ཤིང་སོགས་ལྷ་འདྲེ་གནས་ས་རུ། །ཡུད་ཙམ་བསྡད་ལ་ལུས་སྦྱིན་བསྡུས་པའམ། །ཡང་ན་ཡིད་ཀྱིས་དཀར་འགྱེད་དམར་འགྱེད་བསྒོམ། །ཕཊ། རང་ཉིད་སྐད་ཅིག་ཁྲོས་མ་ནག་མོར་གྱུར། །ས་འདིར་གནས་པའི་ལྷ་འདྲེ་ཁྱེད་རྣམས་ཀྱིས། །ང་ཡི་རྗེས་སུ་འབྲང་བའི་གཉན་ས་ཡི། །ལྷ་འདྲེ་འབྱུང་པོ་རྗེས་ཁྱི་ཐམས་ཅད་ཀུན། །ང་ཡི་རྗེས་སུ་མ་བཏང་ཁྱོད་ཀྱིས་ཟུངས། །གལ་ཏེ་ང་ཡི་རྗེས་སུ་ཤོར་གྱུར་ན། །ལེ་ལན་ཁྱེད་ལ་འདེད་ནས་རྡུལ་དུ་བརླག །ཁྱོད་ལ་མཐུ་ནུས་ཅི་འདུག་ད་རེས་ལྟ། །བཀའ་དང་དམ་ལྟུལ་མ་འདའ་ས་མ་ཡ། །ཕཊ་ཕཊ་ཕཊ། དེ་ནས་ཚུར་ཟད་འོང་ལ་ཐོ་གཅིག་བྱ།། ཕཊ། ཐོ་ནི་ཁྱུང་ནག་མེ་འབར་ཁ་གདངས་པ། །མཆུ་སྡེར་བསྒྲད་ཅིང་རལ་གྲིའི་གཤོག་པ་

[Full Size]

བརྐྱངས། །འབྱུང་པོ་རྗེས་ཁྱིའི་འོང་ལམ་བཅད་པར་གྱུར། །ཕ྄ཊ་ཕ྄ཊ་ཕ྄ཊ། དེ་ནས་དབེན་པའི་སའམ་རང་གི་ཁྱིམ། །གང་དུ་འགྲོ་ཡང་སྐྱོན་མེད་འགྲིམ་སྣ་མེད། །དེ་ལྟར་གཅོད་ལུགས་སོར་བཞག་ཆར་འབོད་ལ། །སྔགས་ལུགས་གདམས་ངག་ཅུང་ཟད་ཁ་ཚར་བཏགས། །གཞུང་ནི་རྒྱ་སྟོན་ལུགས་ཀྱི་གདམས་པ་སྟེ། །ཡི་གེར་མ་གྲགས་སྙན་བརྒྱུད་ཡིན་པ་ལ། །དམིགས་འབུམ་ནང་གི་དམིགས་རིམ་མང་དུ་བསྣན། །གོ་སླ་གྱེར་སྒོམ་བྱས་པས་དམིགས་པ་ཟིན། །ལག་ལེན་མགོ་རྐང་ཚང་བས་ཀུན་གྱིས་ཤེས། །འདི་འདྲ་རིན་ཆེན་གསེར་བས་མི་དཀོན་ནམ། །བ་སྒོ་དབོན་པོ་ཀརྨ་ཆོས་འཕེལ་དང་། །རྟོགས་ལྡན་ཙཱ་རི་བ་སོགས་གཅོད་ལུགས་ལ། །མོས་པ་འགའ་རེས་ཡང་ཡང་བསྐུལ་བ་དང་། །མ་འོངས་འགྲོ་ལ་ཕན་སྙམ་་སེམས་བསྐྱེད་ཀྱིས། །རཱ་གའི་མིང་ཅན་རི་ཁྲོད་པ་དེས་བསྒྲིགས། །འོན་ཀྱང་ཉེས་འགལ་དྲི་མའི་ཆ་མཆིས་སམ། །སྙན་བརྒྱུད་ཡི་གེར་བཀོད་པས་ནོངས་མཆིས་ན། །ཌཱ་ཀི་ཆོས་བདག་ཀླུ་ཡི་ཚོགས་ལ་བཤགས། །དགེ་བས་འགྲོ་ཀུན་མུ་གེའི་འཇིགས་ལས་ཐར། །བདེ་སྐྱིད་ལྡན་ཞིང་བདེ་ཆེན་ཞིང་སྐྱེ་ཤོག །མངྒ་ལཾ།། །།༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

མ་གཅིག་གཅོད་ཀྱི་ཆ་ལག་བྱ་འབོད་སྙན་བརྒྱུད་ཟབ་མོ།

[Full Size]

༼ར༽ མ་གཅིག་གཅོད་ཀྱི་ཆ་ལག་བྱ་འབོད་སྙན་བརྒྱུད་ཟབ་མོ་བཞུགས་སོ། །བྱ་འབོད་ནི། རྒྱས་པར་དུར་གཅོད་ཀྱི་ནང་ལྟར་ཕུང་པོ་ཡོན་འབུལ་ཚོགས་འབུལ་རྒྱས་པར་བྱས་ལ། ཚོགས་ཀྱི་སྐབས་སུ་འདི་ཡང་འདོན། ཕུང་པོའི་ལྟོ་བར། བྷེ་ག་ར་ན་སོ་གད་གླིང་། ཞེས་བྲིའོ། །ཀཾ་ཀ་ནི་དང་དུརྒ་ཏེ། ཨུཊྛི་ཥསོགས་ཀྱིས་སྔགས་པའི་བྱེ་མའམ་ཐལ་ཕྱེ་འདེབས། ཕུང་པོ་བྲན་ལ་བགེགས་བསྐྲད་སུམྦྷ་ནིས་ནས་ལྕགས་བྲབ། རྒྱལ་བ་རྒྱ་མཚོའམ་ཕག་མོའི་ཚོགས་བྱིན་རླབས་དང་། ཚོགས་གཞུང་བཏོན་རྗེས་དམིགས་པ་དང་བཅས། རང་ཉིད་ཕག་མོའི་ཐུགས་ཀ་ནས་འོད་ཟེར་འཕྲོས་པས། ཕྱོགས་བཞི་དབུས་དང་ལྔ་ནས་མཁའ་འགྲོ་འབུམ་སྡེ་ལྔ། བྱ་རྒོད་དཀར་སྔོ་སེར་དམར་ལྗང་ཁུར་སྤྲུལ་ནས། ནམ་མཁའ་བར་སྣང་གང་བར་བྱོན་ཏེ་ཕུང་པོ་བདུད་རྩིའི་རྒྱ་མཚོ་ལྷག་མེད་དུ་རོལ་ནས་གསོལ་བར་བསྒོམས། ཧཱུྃ། ཤར་ནས་རྡོ་རྗེ་མཁའ་འགྲོ་མ། །སྐུ་ལ་དུང་གི་ཐུའི་ལུ་གསོལ། །རྡོ་རྗེའི་མཆུ་དང་གཤོག་པ་ཅན། །འཁོར་དང་སྤྲུལ་པའི་མཁའ་འགྲོ་འབུམ། །བྱ་རྒོད་ཐང་དཀར་འབུམ་དང་བཅས། །རྡོ་རྗེའི་གཤོག་པ་བརྡབས་པ་ཡིས། །དཔག་ཚད་བརྒྱད་ཁྲི་བཞི་སྟོང་ཡང་། །སྐད་ཅིག་ཉིད་ལ་རླབས་ཀྱིས་གཅོད། །འདིར་གཤེགས་ཕུང་པོའི་ཚོགས་མཆོད་བཞེས། །ཟ་འདྲེ་ཤི་གཤེད་འདི་དང་ཕྲོལ། །སྲོག་

[Full Size]

གཅོད་དབུགས་ལེན་འདི་དང་ཕྲོལ། །ཚེ་ལས་འདས་པ་འདི་ཉིད་ཀྱི། །རྣམ་ཤེས་མངོན་དགའི་ཞིང་དུ་དྲོངས། །ཚེ་འདས་ཕུང་པོ་ཡོན་དུ་འབུལ། །ཀེང་རུས་བམ་ཆེན་འདི་ལ་རོལ། །ཧ་བཛྲ་ཌཱ་ཀི་ནཱི། མ་ཧཱ་མཾ་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་ཀི་ནི་རི་ཏི་ལ་ཁཱ་ཧི། མ་ཧཱ་ཞིང་ཆེན་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི། མ་ཧཱ་ག་ཎ་ཙཀྲ་ལ་ཁཱ་ཧི། ཧཱུྃ། ལྷོ་ནས་རིན་ཆེན་མཁའ་འགྲོ་མ། །སྐུ་ལ་གསེར་གྱི་ཐུ་ལུ་གསོལ། །རིན་ཆེན་མཆུ་དང་གཤོག་པ་ཅན། །འཁོར་དང་སྤྲུལ་པའི་མཁའ་འགྲོ་འབུམ། །བྱ་རྒོད་ཐང་སེར་འབུམ་དང་བཅས། །རིན་ཆེན་གཤོག་པ་བརྡབས་པ་ཡིས། །དཔག་ཚད་བརྒྱད་ཁྲི་བཞི་སྟོང་ཡང་། །སྐད་ཅིག་ཉིད་ལ་རླབས་ཀྱིས་གཅོད། །འདིར་གཤེགས་ཕུང་པོའི་ཚོགས་མཆོད་བཞེས། །ཚེ་ལས་འདས་པ་འདི་ཉིད་ཀྱི། །རྣམ་ཤེས་དཔལ་ལྡན་ཞིང་དུ་དྲོངས། །ཟ་འདྲེ་ཤི་གཤེད་འདི་དང་ཕྲོལ། །ཚེ་འདས་ཕུང་པོ་ཡོན་དུ་འབུལ། །བམ་ཆེན་ཚོགས་ཀྱི་མཆོད་པ་བཞེས། །རི་རཏྣ་ཊཱ་ཀི་ནཱི། མ་ཧཱ་ནཱཾ་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་རཀྟ་ལ་ཁཱ་

[Full Size]

ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་ཀི་ནི་རི་ཏི་ལ་ཁཱ་ཧི། མ་ཧཱ་ཞིང་ཆེན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ཧཱ་ག་ཎ་ཙཀྲ་ལ་ཁཱ་ཧི། ཧཱུཾ། ནུབ་ནས་པདྨ་མཁའ་འགྲོ་མ། །དམར་མོ་བྱུ་རུའི་ཐུ་ལུ་ཅན། །པདྨའི་མཆུ་དང་གཤོག་པ་ཅན། །འཁོར་དང་སྤྲུལ་པའི་མཁའ་འགྲོ་འབུམ། །བྱ་རྒོད་ཐང་དམར་འབུམ་དང་བཅས། །པདྨའི་གཤོག་པ་བརྡབས་པ་ཡིས། །དཔག་ཚད་བརྒྱད་ཁྲི་བཞི་སྟོང་ཡང་། །སྐད་ཅིག་ཉིད་ལ་རླབས་ཀྱིས་གཅོད། །འདིར་གཤེགས་ཕུང་པོའི་ཚོགས་མཆོད་བཞེས། །ཚེ་ལས་འདས་པ་འདི་ཉིད་ཀྱི། །རྣམ་ཤེས་བདེ་བ་ཅན་དུ་དྲོངས། །ཟ་འདྲེ་ཤི་གཤེད་འདི་དང་ཕྲོལ། །ཚེ་འདས་ཕུང་པོ་ཡོན་དུ་འབུལ། །བམ་ཆེན་ཚོགས་ཀྱི་མཆོད་པ་བཞེས། །ནི་པདྨ་ཊཱ་ཀི་ནཱི། མ་ཧཱ་མཾ་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་ཀི་ནི་རི་ཏི་ལ་ཁཱ་ཧི། མ་ཧཱ་ཞིང་ཆེན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ཧཱ་ག་ཎ་ཙཀྲ་ལ་ཁཱ་ཧི། ཧཱུྃ། བྱང་ནས་ལས་ཀྱི་མཁའ་འགྲོ་མ། །ལྗང་མོ་གཡུ་ཡི་ཐུ་ལུ་ཅན། །རྒྱ་གྲམ་མཆུ་དང་གཤོག་པ་ཅན། །འཁོར་དང་སྤྲུལ་པའི་་

[Full Size]

མཁའ་འགྲོ་འབུམ། །བྱ་རྒོད་ཐང་ལྗང་འབུམ་དང་བཅས། །རྒྱ་གྲམ་གཤོག་པ་བརྡབས་པ་ཡིས། །དཔག་ཚད་བརྒྱད་ཁྲི་བཞི་སྟོང་ཡང་། །སྐད་ཅིག་ཉིད་ལ་རླབས་ཀྱིས་གཅོད། །འདིར་གཤེགས་ཕུང་པོའི་ཚོགས་མཆོད་བཞེས། །ཚེ་ལས་འདས་པ་འདི་ཉིད་ཀྱི། །རྣམ་ཤེས་ལས་རབ་ཞིང་དུ་དྲོངས། །ཟ་འདྲེ་ཤི་གཤེད་འདི་དང་ཕྲོལ། །ཚེ་འདས་ཕུང་པོ་ཡོན་དུ་འབུལ། །བམ་ཆེན་ཚོགས་ཀྱི་མཆོད་པ་བཞེས། །ས་ཀརྨ་ཊཱ་ཀི་ནི། མ་ཧཱ་མཾ་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་ཀཾ་ནི་རི་ཏི་ལ་ཁཱ་ཧི། མ་ཧཱ་ཞིང་ཆེན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ཧཱ་ག་ཎ་ཙཀྲ་ལ་ཁཱ་ཧི། ཧཱུྃ། དབུས་ནས་སངས་རྒྱས་མཁའ་འགྲོ་མ། །སྔོན་མོ་མུ་མེན་ཐུ་ལུ་ལ་ཅན། །འཁོར་ལོའི་མཆུ་དང་གཤོག་པ་ཅན། །འཁོར་དང་སྤྲུལ་པའི་མཁའ་འགྲོ་འབུམ། །བྱ་རྒོད་ཐང་ནག་འབུམ་དང་བཅས། །འཁོར་ལོའི་གཤོག་པ་བརྡབས་པ་ཡིས། ། དཔག་ཚད་བརྒྱད་ཁྲི་བཞི་སྟོང་ཡང་། །སྐད་ཅིག་ཉིད་ལ་རླབས་ཀྱིས་གཅོད། །འདིར་གཤེགས་ཕུང་པོའི་ཚོགས་མཆོད་བཞེས། །ཚེ་ལས་འདས་པ་འདི་ཉིད་ཀྱི། །རྣམ་ཤེས་

[Full Size]

འོག་མིན་གནས་སུ་དྲོངས། །ཚེ་འདས་ཕུང་པོ་ཡོན་དུ་འབུལ། །བམ་ཆེན་ཚོགས་ཀྱི་མཆོད་པ་བཞེས། །ཟ་འདྲེ་ཤི་གཤེད་འདི་དང་ཕྲོལ། །རྐྱེན་ངན་བར་ཆད་ཐམས་ཅད་ཟློག །མཆོག་དང་ཐུན་མོང་དངོས་གྲུབ་སྩོལ། །ཨཱབུདྡྷ་ཌཱ་ཀི་ནཱི། མ་ཧཱ་མཱི་ས་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། །མ་ཧཱ་ཀི་ནི་རི་ཏི་ལ་ཁཱ་ཧི། མ་ཧཱ་ཞིང་ཆེན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ཧཱ་ག་ཎ་ཙཀྲ་ལ་ཁཱ་ཧི། ཅེས་རྐང་དུང་འབུད་རོལ་མོ་དང་གསུར་དུད་བྱ། ཕྱེ་མར་འདེབས། འདོན་ཆ་ལྟར་མཁའ་འགྲོ་ཐམས་ཅད་བྱ་རྒོད་དུ་སྤྲུལ་ནས། ཕུང་པོ་ཚོགས་འཁོར་དུ་རོལ་ནས། བདག་ལ་དངོས་གྲུབ་སྩོལ། ཟ་འདྲེ་ཁ་ཕྲལ་རྣམ་ཤེས་དྲོངས། ཡོན་བདག་ལ་བཀྲ་ཤིས་བརྗོད་ནས་རང་གནས་ལ་གཤེགས་པར་བསྒོམ། འདི་ནི་སྔགས་འཆང་གྲགས་པ་རིན་ཆེན་དང་། རིག་འཛིན་པྲ་བྷ་ཧ་ཀ་ར་དེས་བདག་རཱ་ག་ཨ་སྱ་ལ་གནང་སྟེ། ངག་རྒྱུན་མ་གཏོགས་སྔར་ཡི་གེ་མེད་པ་ལས། དགོས་པ་གཅིག་བྱུང་ནས་རཱ་ག་ཨ་སྱས་བྲིས། བདག་བྱིས་པའི་དུས་ལན་འགའ་བྱས་པས་འཕྲལ་ཉིད་དུ་ཟོས་སོང་ངོ་། བཀྲ་ཤིས་པར་ཤོག །མངྒ་ལཾ། ། ༈ ཚེ་འདས་ཕུང་པོ་བྱ་འབོད་ལ། ཕུང་པོའི་ཁྲིའི་ཕྱོགས་བཞི་ན་ཐོ་བཞི་བརྩེགས་ལ། དེའི་འོག་ཏུ་བྱ་གཟུགས་བཞག་ལ་གཡབ་གཡུག་རྒྱབ། ཕྱི་ཁུང་ཁ་ཤར་

[Full Size]

དུ་བསྟན་པའི་ས་སྤར་གང་བླངས་ལ། ཕུང་པོ་ལ་གཏོར། རྐང་དུང་བུས་དམིགས་པ་དང་བཅས། ཕྱོགས་བཞི་མཚམས་བརྒྱད་ནས་བྱ་ཐམས་ཅད་འདུས་པར་བསམ། སྔགས་ནི། ནག་པོ་ཆེན་པོ་ཐོབ་ཐོབ། ཡང་གཅིག་ལ་ཐོ་གོང་དང་མཚུངས། ཨོ་ཐོ་ཆུ་ཐོ་ཆུ་བྱ་རྒོད་ཕྱོགས་བཞི་དང་མཚམས་བཞི་ནས་ཁུག་ཅིག །དེ་ནས་རྐང་དུང་བུས་ནས། གཡབ་གཡུག་ཕྱོགས་བཞིར་གཡོབ། རོ་ཡི་སྟེང་དུ་གཡའ་མ་ལ་སྔགས་འདི་བྲིས་ལ་བཞག །ཨོཾ་སྭ་གད་གླིང་སྭཱ་ཧཱ། གོང་གིས་སྔགས་མང་དུ་འདྲེན། ཡང་བྱ་འབོད་ནི། ཨོཾ་རྡོར་ལིང་སྭ་ཧ། བརྒྱ་རེ་མཚམས་སུ་རྐང་དུང་ལ་ཕུ་བཏབ། རང་གི་ཐུགས་ཀ་ནས་འོད་ཟེར་འཕྲོས་པས་བྱ་རྒོད་ཐམས་ཅད་ཀྱི་ཚང་སྤྲུགས་པར་བསམ། བྱ་མྱུར་བར་འབབ་བོ། །ཡང་ཕུང་པོ་ལ་བྱ་འབབ་པའི་ཐབས་ལ། ཨོཾ་ནག་པོ་ལྷབ་ལྷབ་ནག་པོ་ལྷེབ་ལྷེབ། ནག་པོ་ཐིབ་ཐིབ། ཨོ་ག་རུ་ཊ་སརྦ་ཌཱ་ཀི་ནི། ས་མ་ཡ་ཛཿཧཱུྃ་བྃ་ཧོཿ ཞེས་རྡོ་ནག་པོ་ལྔ་ལ་བྱ་རྒོད་ཀྱི་གཟུགས་ཀྱི་ནང་དུ་བྲིས་སྔགས་མང་དུ་བཟླས་ནས་བཏབ་སྟེ་ཕུང་པོ་ལ་ཕྱོགས་ནས་བསྐོར་བར་བཞག །བྱ་ལོ་པའམ་མ་བྱུང་ན་ལོ་གཤེད་མིན་པ་གཅིག་གིས་ཕྱོགས་བཞི་དབུས་ལྔར་ཐོ་བྱེད། རྗེས་སུ་ལན་ཆགས་གཏོར་མས་ཚིམ་པར་བྱའོ། །དེ་ཡིས་བྱ་མྱུར་དུ་འབབ་བོ། །ཤིང་བྱང་ལ་བྲིས་ཕུང་པོ་ལ་གཡས་བསྐོར་གསུམ་བྱ་སྔས་སུ་འཛུགས་སོ། །སརྦ་མངྒ་ལཾ། དགེའོ།། །།

གཅོད་ལུགས་ཀྱི་སྒོ་ནས་གོད་གཅོད་བྱེད་ཐབས།

[Full Size]

གཅོད་ལུགས་ཀྱི་སྒོ་ནས་གོད་གཅོད་བྱེད་ཐབས་བཞུགས་པའི་དབུ་ཕྱོགས་ལགས་སོ།། ༈ ན་མོ་པྲཛྙཱ་པཱ་ར་མི་ཏཱ་ཡེ། གཅོད་ལུགས་ཀྱི་གོད་གཅོད་ནི། གོད་མགོའམ་མ་རྙེད་ན་གོད་རུས་ལ་ཁྲག་གམ་སྣག་ཚ་གཙང་མས་ལིངྒ་བྲི། མི་ཤེས་ན་ཡི་གེ་ཏྲི་ཁུག་ཅིག་ཅེས་བྲིས་ལ་མདུན་དུ་བཞག །ལུས་སྦྱིན་དུས་ནོར་ཕྱུགས་ཐམས་ཅད་རང་དང་དབྱེར་མེད་དུ་བསྲེས་ལ། རྣམ་ཤེས་སྤར་ནས་བེམ་པོ་དཀར་འགྱེད་དམར་འགྱེད་མང་དུ་བྱ། ཚོགས་ཀྱི་ཞབས་སམ་རང་གི་འོག་ཏུ་གོད་ལྤགས་བཏིང་། གོད་ཤས་ཚོགས་ཤ་བྱས་ལ། ཚོགས་ལ་གོད་འདྲེ་འགུགས་གཞུག་བྱས་ལ་ཚོགས་བྱ། གོད་མགོ་ལ་གོད་འདྲེ་འགུགས། གཞུག་ལན་བརྒྱའམ་ཉེར་གཅིག་ཙམ་བྱས་ལ། དེ་ནས་ཤ་མི་འདོད་པོ་དྲུག་ཡོད་དེ། བྲག་སྤྲེའུ་དཀར་པོ་འདྲ་བ། ཁྱི་དཀར་འདྲ་བ། བྱ་དཀར་འདྲ་བ། སྦྲུལ་དཀར་འདྲ་བ། གླང་དཀར་པོ་འདྲ་བ། སྦལ་པ་དཀར་པོ་འདྲ་བའི་བྲག་གམ་ཕ་བོང་གི་འོག་ཕ་རི་ཐད་ནས་ཆུ་སྣ་ཚུར་ལ་བབས་ཤིང་ཆུ་ཤིང་ན་བ་སོགས་དཔལ་ཁ་ཡོད་པ་ལ་གཏད། ས་ཤུལ་དང་ས་བྲག་དམར་པོ་མཐོང་བའི་སར་སྦ་མི་རུང་། དོང་ཧ་ཅང་རིང་ན་རང་ལ་ལྡོག་ཅིང་། ཐུང་ན་ཕན་གནོད་མེད་པའང་བཤད་པས། གྲུ་གང་སོར་བཞིའི་མཚམས་བར་དོང་བརྐོས་ལ། དོང་ནང་ལིངྒ་གན་རྐྱལ་དུ་མགོ་ཕྱིར་བསྟན་ལ་བཞག་ནས། དེ་ནས་དབང་བསྡུད་བྱ་བ་ནི། ཕ྄ཊ། རང་ཉིད་སྐད་ཅིག་གིས་ཁྲོས་མ་ནག་མོ་

[Full Size]

ཞལ་གཅིག་སྤྱན་གསུམ་མཆེ་བ་བཞི་གཙིགས་པ། དབུ་ནི་ལྷ་གནས་སྲིད་པའི་རྩེར་མོར་སླེབས་པ། སྐུ་སྟོད་གཟུགས་ཁམས་ལྷ་ཡི་གནས་སུ་འགྱིང་བ། སྐུ་སྨད་འདོད་ཁམས་ལྷ་གནས་དྲུག་ཏུ་འཁྱིལ་བ། ཞབས་གཉིས་དབང་ཆེན་གསེར་གྱི་ས་གཞི་ལ་བྲོ་ཁྲིག་ཁྲིག་བརྡུངས་བས་སྟོང་གསུམ་གཡོ་བ། ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ། ཁྲོ་མོའི་ཆ་ལུགས་ཐམས་ཅད་དང་ལྡན་ཞིང་དུར་ཁྲོད་ཀྱི་ཆས་བརྒྱད་གསོལ་བ། ཕྱག་གཡས་མི་ལྤགས་ཀྱི་གཡང་གཞི་ནམ་མཁར་ཕྱར་ཞིང་ས་ལ་བརྡབས་པས། སྣང་སྲིད་ཀྱི་ལྷ་འདྲེ་ཐམས་ཅད་འདར་ཞིང་བསྔངས་པ། གཡོན་མི་རྐང་གི་གླིང་བུ་ཙེར་ཙེར་འབུད་པ། སྣང་སྲིད་ཀྱི་ལྷ་འདྲེ་ཐམས་ཅད་དབང་དུ་སྡུད་ཅིང་ཟིལ་གྱིས་གནོན་པ། དེའི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་དཀར་སེར་དམར་ལྗང་ཁྲོ་མོའི་ཚོགས་དཔག་ཏུ་མེད་པ་འཕྲོས་པས་རྨེ་ཚང་གི་ནོར་ལའམ་རྟ་ནོར་ར་ལུག་གང་ཡིན་པ་ལ། གནོད་ཅིང་འཚེ་བའི་གོད་འདྲེ་གོད་སྲི་གོད་བདག་དང་བཅས་པ་ཐམས་ཅད་རང་དབང་མེད་པར་མདུན་དུ་བཀུག་པར་གྱུར། ཕ྄ཊ་ཕ྄ཊ་ཕ྄ཊ། ན་མོ་སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་

[Full Size]

བདེན་པ་དང་། དགེ་འདུན་ཀྱི་བཀའ་བདེན་པ་དང་། མ་གཅིག་ཡེ་ཤེས་ཀྱི་མཁའ་འགྲོ་མ་ཁྲོས་མ་ནག་མོའི་ལྷ་ཚོགས་འཁོར་དང་བཅས་པའི་བཀའ་བདེན་པ་དང་། བདེན་པ་ཆེན་པོའི་མཐུས་གོང་ལྟར་མིང་སྤེལ་ལ་མཚིས་འདྲེ་མཚིས་སྲི་ནད་གདོན་རྒྱབ་རྟེན་བྱེད་པའི་དམ་སྲི་གང་ཡིན་ཁ་བསྒྱུར་ཆོག །གནོད་ཅིང་འཚེ་བའི་གོད་འདྲེ་གོད་སྲི་གང་ཡིན་པ་དེ་དག་ཐམས་ཅད་སྟེང་འོག་ཕྱོགས་མཚམས་གར་གནས་དམིགས་པའི་རྟེན་འདི་ལ་ཁུག་ཅིག །ཧཱུྃ་ཧཱུྃ་ཧཱུྃ། ཛཧཱུྃ་བཾ་ཧོ༔ ལན་གསུམ་མམ་བདུན་ནམ་ཉེར་གཅིག་བརྒྱ་སོགས་གལ་ཆེ་ཆུང་དང་བསྟུན། དེ་ནས་རང་ཁྲོས་མའི་ང་རྒྱལ་གྱིས། འོ་འོ། སྣང་ཞིང་སྲིད་པའི་ལྷ་འདྲེ་ཁྱད་པར་དུ་ཡུལ་ཕྱོགས་འདི་ན་གནས་པའི་གཞི་བདག་རྨེ་ས་ཆ་འདི་ལ་གནས་པ། བྲག་དང་ཕ་བོང་འདི་ལ་གནས་པའི་ལྷ་འདྲེ་མཐུ་བོ་ཆེ་ཁྱེད་རྣམས་ཉོན་ཅིག་རྒེ་ཚང་ལ་གནོད་ཅིང་འཚེ་བའི་གོད་འདྲེ་གོད་སྲི་འདི་གཏད་པ་ཡིན་པས། མ་ཤོར་ཅིག །ཟུངས་ཤིག །མ་གཏང་ཞིག །ཆིངས་ཤིག །ནོན་ཅིག །ཁྱོད་ལ་མཐུ་དང་ནུས་པ་ཅི་འདུག་བལྟའོ། །གལ་སྲིད་གོད་འདྲེ་གོད་སྲི་འདི་བཏང་བྱུང་ན། ང་ཁྲོས་མ་ནག་མོས་མཁའ་འགྲོའི་དམག་དཔུང་བསྡུ། བྱ་ཁྱུང་གིས་

[Full Size]

ནམ་མཁའ་བཀང་། མཛེ་ཁྲག་ཆུ་ལ་བླུགས། མཛེ་ཤས་ཐང་མ་བརྡལ། དམེ་རོ་དང་མཛེ་རོ་བསྲེག །རི་ཆེན་ཚོ་རྦབ་ཏུ་བསྒྲིལ། རི་ཆུང་ཀུན་ཚོགས་པོར་འཕེན། ཁྱོད་ཀྱི་ཕོ་བྲང་གནས་མལ་འདི་རྩད་ནས་བཤིག་ནས། ཁྱོད་ལྷ་འདྲེ་ཨར་ལ་གཏད་ནས་ཡུལ་ཕུད་པ་ཡིན་པས། དེར་མ་སོང་བར་གང་ཡིན་མིང་བསྒྱུར། གོད་འདྲེ་གོད་སྲི་འདི་མ་གཏོང་ཞིག །ནོན་ཅིག །ཆིངས་ཤིག །སྡོམས་ཤིག །གོད་ཀ་འདི་མྱུར་དུ་ཆོད་ཅིག །མ་ཁྲོས་མ་ནག་མོའི་བཀའ་དང་དམ་ལ་མ་འདའ་ཞིག །ས་མ་ཡ་ན་ར་ཀན། ཞེས་ལན་གསུམ་བརྗོད། ས་ཁོད་རིམ་གཅིག་གིས་མནན་པའི་སྟེང་མེ་བླུགས་ཆུ་བླུགས་ས་ཡིས་བཀབ་རོ་སོལ་ལམ་མ་རྙེད་ན་སོལ་བས་རོ་གཡམ་གཅིག་གི་ངོས་ལ་འོག་ཏུ་རྡོ་རྗེ་རྒྱ་གྲམ་བྲི། སྟེང་དུ་རི་རབ་བང་རིམ་བྲིས་པས་མནན། ས་རྡོས་བཀབ་ལ་བཅག་བརྡུངས་བྱས་ལ་མི་མངོན་པར་བྱ། རྡོག་པས་བརྫིས་ལ་རྟ་བྲོ་ནི། ཧཱུྃ། སྟོང་གསུམ་སྟོང་གི་འཇིག་རྟེན་ན། །གནོད་བྱེད་བསྒྲལ་བའི་གདན་སྟེང་དུ། །ཁྲོས་མའི་ལྷ་ཚོགས་བྲོ་བརྡུངས་བས། །དགྲ་ནི་ཐལ་བར་བརླག་པའི་བྲོ། །བགེགས་ནི་ཕྱེ་མར་འཐག་པའི་བྲོ། །རྣལ་འབྱོར་དམ་སྲི་འདུལ་བའི་བྲོ། །བར་ཆད་མེད་པར་བརྡུངབར་བྱ། །ཨོཾ་ལཾ་ཨཱཿལཾ་ཧཱུཾ་ལཾ་

[Full Size]

སིཾ་བྷ་ཡ་མཱ་ར་ཡ་ནན། ཞེས་བྲོ་བརྡུངས་ནས་མི་དམིགས་པར་བཞག །དེ་ནས་ཕྱི་མིག་མི་ལྟ་བར་ནང་དུ་ལོག་གོ །ཞེས་ཨ་རཱ་གས་སོ།། ༈ གལ་ཆེ་ན། །ཕ྄ཊ། རང་རིག་རང་ལུས་ནས་ཐོན་ཁྲོས་མེར་བྱུང་། །བེམ་པོའི་གཡང་གཞི་བཏིང་པས་ས་སྟེང་ཁྱབ། །བདག་ལུས་ཤ་ཁྲག་དཔག་མེད་ལོངས་སྤྱོད་རྣམས། །གོད་འདྲེ་གོད་སྲི་གནོད་བྱེད་རྣམས་ལ་སྦྱིན། །ཐམས་ཅད་ངོམ་ཞིང་ཚིམ་སྟེ་དགའ་མགུར་ལྡན། །ཕ྄ཊ། གཡང་གཞིའི་ནང་དུ་གོད་འདྲེ་གནོད་བྱེད་བཏུམས། །ཁྲོས་མས་ཀླད་ལ་གཡུག་ཅིང་ས་ལ་བརྡབས། །ཞབས་འོག་མནན་ཏེ་བྲོ་བརྡུང་འདམ་ལྟར་བརྫིས། །ཕ྄ཊ་ཕ྄ཊ། འདི་འདྲ་མ་བྱེད་གོད་ཀ་བཏང་རེ་ཞེས། །ན་རེ་ཀན་ཞེས་ཁས་བླངས་དམ་བཅས་གྱུར། ཕ྄྄ཊ་ཕ྄ཊ། དེ་ལྟ་བུའི་འདོན་བསྒོམ་དམིགས་པ་གཅོད་ཚོགས་ལུས་སྦྱིན་སྐབས་སུ་བྱའོ།། མངྒ་ལཾ། དགེའོ།། །།

དམ་ཆོས་བདུད་ཀྱི་གཅོད་ཡུལ་ལས་ལྷ་འདྲེ་ར་མདར་སྦྲན་པའི་མན་ངག

[Full Size]

༼ཤ༽ དམ་ཆོས་བདུད་ཀྱི་གཅོད་ཡུལ་ལས་ལྷ་འདྲེ་ར་མདར་སྦྲན་པའི་མན་ངག་བཞུགས་སོ།། ཕཊཿ ཅེས་བེམ་རིག་ཕྲལ་བེམ་པོ་ཤ་རི་ཁྲག་མཚོར་བསྐྱེད། རང་གི་རིག་པ་ཁྲོས་མ་ནག་མོར་གྱུར་པས་ཕཊ་ཅེས་གཞི་བདག་རྣམས་ར་མདའ་ལ་རྦད་པའི་དོན་དུ་བཀུག་པས། གཞི་བདག་ཐམས་ཅད་སྐྱ་མི་དཀར་སེར་དམར་ལྗང་ཐམས་ཅད་ཀྱང་གསེར་དངུལ་ཟངས་ལྕགས་ཀྱི་ཁྲབ་རྨོག་ཅན་མདའ་གཞུ་དང་མཚོན་ཆ་སྣ་ཚོགས་ཐོགས་པ། གཞན་ཡང་དུད་འགྲོ་དང་གཅན་གཟན་རི་དྭགས་སྣ་ཚོགས་ལ་ཞོན་པ། ཐམས་ཅད་ཀྱང་འགྲོ་བའི་ཚུལ་དུ་མིའི་དམག་ལྟར་སྐད་ཅིག་ལ་འདུས་པར་གྱུར་ཕཊཿ དེ་ལ་ཤ་ཁྲག་རྣམས་དམག་ལྟོའི་ཚུལ་དུ་གཟན་པས་ཞེ་སྡང་དང་ཁྲོ་གཏུམ་ཆེར་སོང་ནས་རྩུབ་ཧྲག་གེ་ཡོད་པ་ལ། ཕཊཿཅེས་དགྲ་ལ་རྦད་པས་དེ་ཐམས་ཅད་སེར་རྒོད་བབ་པ་ལྟར་དགྲའི་སྟེང་དུ་སོང་ནས། མཚོན་ཆའི་ཆར་དང་ལྟས་ངན་སྣ་ཚོགས་དང་ནད་ཀྱི་ཆར་ཕབ་ནས་རྡུལ་དུ་བརླགས་ཏེ་བསྒྲལ་ནས་རྣམ་ཤེས་མཁའ་སྤྱོད་དབྱིངས་སུ་འཕང་ངོ་། །ཨྠྀི། ཕཊ་ཀྱིས་བེམ་རིག་ཕྲལ་ལ་ཤ་ཁྲག་རྒྱ་མཚོར་བསྐྱེད། རང་ཉིད་ཐོག་བདག་ཁྲོས་མ་ནག་མོ་སྐུ་ཆེ་ཞིང་འཇིགས་པ། ཀླུ་རྣམས་ར་མདའི་

[Full Size]

དོན་དུ་བཀུག །ཀླུ་ཐམས་ཅད་སྦྲུལ་མགོའི་གདེངས་ཀ་དང་སྦྲུལ་མཇུག་ལ་ན་བུན་ཁོལ་བ། མིག་ནས་ཁྲག་གི་ཆར་པ་འབེབས་ཤིང་ཁ་ནས་ཀླུ་ནད་སྣ་ཚོགས་ཀྱིས་རླངས་པ་སྔོ་དམར་འཕྱུར་བས་དགྲ་ཡུལ་ཁྱབ་པ། འོག་སྒོ་ནས་སྦལ་སྦྲུལ་སྡིག་པའི་ན་བུན་ཕོ་ཉ་འཕྲོས་པ། རྐང་ཞབས་ནས་ནད་ཀྱི་རླངས་དམར་ལྡང་བ། སྙིང་ནས་གདུག་པའི་མུན་ནག་འཐིབས་པ། ལག་ན་གློག་ཞགས་དང་ནད་ཀྱི་གཡབ་མོ་རྡེབ་པ། སྣ་ནས་སེར་སྤྲིན་འཕྱུར་བ། རྣ་བ་ནས་ཐོག་རྒོད་དང་བ་སྤུ་ནས་ཐོག་སེར་ཚྭ་ཚྭ་འཕྲོ་བ། སྨིན་ཕྲག་ནས་སེར་ཆེན་འབེབས་པ་བུ་ག་ཐམས་ཅད་ནས་འུར་སྒྲ་ཐུམ་ཆོམ་འབྲུག་སྒྲ་རི་སྙིལ་བ་ཙམ་སྒྲོག་པ། ཐམས་ཅད་ཀྱང་མདོག་ནག་ཅིང་སྤྱི་གཙུག་ནས་སྦྲུལ་མགོ་གདེངས་བ། དེ་རྣམས་དང་ལྷ་སྲིན་སྡེ་བརྒྱད་ལ་ཤ་ཁྲག་གཟན་ནས་། ཕ྄ཊ་ཅེས་དགྲ་ལ་རྦད་པས། དེ་རྣམས་དང་མཉམ་དུ་མ་མོ་དྲེལ་ནག་ཞོན་པ་མང་པོ་དང་འགྲོགས་ནས་དགྲ་བོ་ལ་ནད་ཡམས་སྣ་ཚོགས་བཏང་བ་དང་། རྒྱལ་པོ་བཙུན་གཟུགས་ཞྭ་ཐེབ་ཅན་སེང་གེ་དང་རྟ་དཀར་པོ་ཞོན་པ་དང་མཉམ་དུ་སོང་ནས། ནོར་ལ་གོད་ཁ་སྣ་ཚོགས་བཏང་ཞིང་ནོར་གྱི་ཤ་ཁྲག་ཟ་བ་དང་། བཙན་མི་དམར་རྟ་དམར་ཅན་དང་ཤ་

[Full Size]

ཞོན་མང་པོ་མཉམ་དུ་སོང་ནས། ལོ་ཐོག་ལ་བཙའ་དང་སེར་བ་རྒྱབ་པ་དང་། གཞན་ཡང་གཞི་བདག་དང་ཡུལ་འདྲེ་ཐམས་ཅད་མཉམ་དུ་སོང་ནས། མི་རུང་སྣ་དགུས་དགྲ་བོ་དེ་བསྒྲལ་བར་དམིགས་ལ་རྣམ་ཤེས་མཁའ་སྤྱོད་དུ་སྤར་རོ། །འདི་ལ་ཞལ་ཤེས་མང་དུ་ཡོད་པས་ཡི་གེ་མཐོང་ཆོག་གི་དམིགས་ངན་བྱས་ན་རང་ལ་ལྡོག་པས་ཞལ་ཤེས་གལ་ཆེའོ། །འདི་བྲིས་ཉེས་པ་མ་གཅིག་ཉིད་ལ་བཤགས། དགེ་བས་བསྟན་དགྲ་མ་ལུས་རྩད་ནས་གཅོད། །མ་གཅིག་བསྟན་པ་ཕྱོགས་བཅུར་རྒྱས་ཕྱིར་བསྔོ། །ཞེས་རཱ་ག་ཨ་སྱས་སོ། །གདོལ་པ་དཀར་འགྱེད་གཞན་ཚོ་ལ་དམར་འགྱེད་མི་རུང་བ་སོགས་ཞལ་ཤེས་མང་ངོ་།། །།

རྐང་གླིང་མཚན་ཉིད་ཐིག་ལེའི་ཆེ་ཆུང་ཚད།

[Full Size]

༼ས༽ རྐང་གླིང་མཚན་ཉིད་ཐིག་ལེའི་ཆེ་ཆུང་ཚད། མ་གཅིག་གསུང་བཞིན་འདི་རུ་མདོར་བསྡུས་བཞུགས་སོ།། ན་མོ་ཛྙཱ་ན་ཌཱ་ཀི་ཡེ། རྐང་གླིང་མཚན་ཉིད་འདི་ལྟར་ཤེས་པར་བྱ། །དམེ་རྨུགས་ནལ་དང་རབས་ཆད་ཤན་པ་དང་། །ལྕེབ་དང་མུག་ཤི་མཇེ་ཕོ་མཚན་ངན་རྐང་། །དེ་དག་ནམ་ཡང་འཆང་བར་མི་རུང་ངོ་། །བཙུན་པ་སྡོམ་ལྡན་སྐྱེ་བོ་ཡ་རབ་དང་། །བུད་མེད་མཚན་ལྡན་སྐྱེས་པ་གྲིར་ཤིའི་རྐང་། །བཅུ་དྲུག་ནས་ནི་དྲུག་ཅུ་ཚུན་གྱི་རྐང་། །གཞན་གྱིས་འགོམ་ཡུགས་མ་ཕོག་མ་ཉམས་པ། །མགོ་མཇུག་ཚིག་མགོ་གཉིས་དང་བཅས་པ་སྟེ། །སེར་བ་རུས་དང་འབུར་ཆུང་བར་དུ་བཅད། །རུས་འབུར་གཉིས་སུ་མཐེབ་ཆེན་ཙམ་རེ་བྲུ། །རིང་ཞིང་ཅུང་ཟད་གུག་པ་གླང་སྣ་འདྲ། །སྲབ་ལ་ཕྲ་ཞིང་ཧྲིལ་བ་སྒང་ཐུང་འདྲ། །ཧ་མགོ་མི་ཆུང་སེང་གེའི་སྣ་འདྲ་དང་། །ནང་གི་རུས་གདོང་དྲིམ་ཞིང་མ་འཁྱོགས་པ། །མདོག་ནི་དཀར་པོ་རབ་ཡིན་སྨུག་ཀྱང་རུང་། །དེ་འདྲའི་རྐང་གཡས་དཔའ་བོ་འབོད་རྫ་ས་ཡིན། །གཡོན་པ་དག་ནི་དཔའ་མོའི་འབོད་རྫས་ཏེ། །མཁའ་འགྲོ་འབོད་རྫ་ས་བུད་མེད་མཚན་ལྡན་རྐང་། །གྲི་རྐང་དར་མ་དཔའ་བོའི་འབོད་རྫས་ཡིན། །སྐྱ་

[Full Size]

བོ་ཐལ་སྐྱ་སྨུག་ལ་གསུ་བ་དང་། །ཤད་ཤད་པོ་དང་ཧ་ཅང་གུག་དྲགས་དང་། །གདོང་གི་རུས་གདོང་གཡས་གཡོན་འཁྱོགས་པ་དང་། །དུམ་བུར་འཁྱོགས་པ་ཐུམ་པོར་ཉམས་པ་དང་། །ཧ་ཅང་སྦོམ་དང་གས་པོ་སོང་བ་དང་། །ཧ་མགོ་ཆད་དང་ཕག་རྐོས་རྩུབ་པ་དང་། །ལེབ་ལེབ་དང་ནི་ཟུར་མང་མི་མཛེས་པ། །སྐད་ནི་ངར་མེད་སྡོར་སྡོར་འོང་བ་དང་། །ཧ་མགོ་མེད་དང་ཟངས་ལྕགས་ཤིང་སྦྱར་དང་། །ར་ཁ་ཅན་རྣམས་འཆང་དང་འབུད་མི་རུང་། །བུས་ན་སྒྲ་དེ་ལོག་པར་གོ་གྱུར་ནས། །གང་ཐོས་ཡིད་མི་དགའ་ཞིང་གནོད་སེམས་སྐྱེ། །ཡུལ་ཕྱོགས་དེ་རུ་མི་དགེ་སྣ་ཚོགས་འབྱུང་། །དེ་ཕྱིར་ར་ཁ་ལ་སོགས་དེ་རྣམས་སྤངས། །རྐང་གླིང་མཚན་ལྡན་ལན་གསུམ་བྱས་པ་ཡིས། །དང་པོས་ཀྱི་ཐམས་ཅད་ཉོན་ཅིག་ཟེར་བ་ཐོས། །གཉིས་པས་ཐམས་ཅད་འདིར་འདུས་ཟེར་བ་ཐོས། །གསུམ་པས་ཐམས་ཅད་མདུན་དུ་འདུས་པར་དམིགས། །དེ་ནས་རང་གི་བེམ་རིག་ཕྲལ་བའི་ཚེ། །རང་གི་རྣམ་ཤེས་ཐིག་ལེ་དཀར་པོ་ནི། །བྱེ་མ་སར་གྱི་སྒོ་ང་ཙམ་ཞེས་དང་། །བྱིའུ་ལྕོག་ཆུང་སྒོ་ང་ཙམ་ཞེས་པ། །ཆེ་ཆུང་རང་གིས་མཛུབ་ཆུང་མགོ་ཙམ་ལ། །དཀར་འཚེར་སྣུམ་ལ་འདྲིལ་བར་

[Full Size]

བསྒོམས་པས་འཐུས། །འོན་ཀྱང་རི་བོ་པོ་ཏའི་ནགས་གསེབ་ནས། །ལྕོག་ཆུང་ཞེས་བྱ་སྤྲུལ་པའི་བྱིའུ་ཡོད་དེ། །དེ་ཡི་སྒོ་ང་ཤེལ་གྱི་ཁ་དོག་ཅན། །འོད་ཟེར་འབར་བས་འདོམ་གང་མུན་པ་བསལ། །ཡེ་ཤེས་ལྔ་མཚོན་སྒོང་ཆུང་ཁ་དོག་ལྔ། །དེ་དབུས་མཐིང་ཁ་རྡོ་རྗེ་ཡུངས་འབྲུ་ཙམ། །རང་སེམས་སྒོ་ང་དེ་ལ་དམིགས་བྱས་ལ། །འཕོས་ན་བླ་མེད་གོ་འཕང་མྱུར་ཐོབ་གསུངས། །རྐང་གླིང་མཚན་ཉིད་ཐིག་ལེའི་ཆེ་ཆུང་ཚད། །མ་གཅིག་གསུང་བཞིན་འདི་རུ་མདོར་བསྡུས་ནས། །གཅོད་པ་ཀརྨ་ཆོས་འཕེལ་འདོད་དོན་ལྟར། །ཚིག་ཉུང་དོན་གསལ་༧རཱ་གའི་མིང་གིས་བཀོད། །དགེ་བས་ཤེར་ཕྱིན་བསྟན་པ་མཐའ་རྒྱས་ཤོག། །།མངྒ་ལཾ། །

སྙན་བརྒྱུད་གསལ་བའི་མེ་ལོང་། དམིགས་འབུམ་མ་ཡིག

[Full Size]

༼ཧ༽ སྙན་བརྒྱུད་གསལ་བའི་མེ་ལོང་། དམིགས་འབུམ་མ་ཡིག་བཞུགས་པའི་དབུ་ཕྱོགས་ལགས་སོ། །

[Full Size]

བླ་མ་ཡི་དམ་མཁའ་འགྲོའི་ཚོགས་ལ་ཕྱག་འཚལ་ལོ། །སྐྱེ་མེད་ཡུམ་ཆེན་ཐུགས་ཀྱི་བཅུད། །རྒྱལ་བ་བསྒྲོད་པའི་མཐར་ཐུག་ལམ། ། མཁའ་འགྲོའི་སྙིང་གཏམ་རྡོ་རྗེའི་ཚིག །སྙན་བརྒྱུད་ཞལ་གདམས་གེགས་སེལ་འདི། །བླ་མ་ལ་གུས་སྙིང་རྗེ་ལྡན། །སྐྱེ་འཆིར་འཇིགས་ཤིང་ཆོས་ལ་མོས། །རི་ཕུག་དུར་ཁྲོད་འགྲིམ་རྣམས་ལ། །སྙིང་གཏམ་བཤད་ཀྱིས་གུས་པས་ཉོན། ༼༡༽ །དང་པོ་གཉན་ཁྲོད་འགྲིམས་པའི་དུས། ། གཤེགས་ཚུལ་བཞི་ཡི་དམིགས་པ་དགོས། ༼༢༽ །གཉན་སར་སླེབས་ནས་ཉམས་ལེན་ནི། །ཆེ་བ་རྣམ་གསུམ་ཤིན་ཏུ་གཅེས། ༼༣༽ །བག་

[Full Size]

ཆགས་དྲི་མ་འཁྲུད་པ་ལ། །དེ་ལ་སྡིག་སྦྱངས་ནག་འགྱེད་དགོས། ༼༤༽ །ཚོགས་གཉིས་ཟུང་དུ་འབྲེལ་བ་ལ། །དཀར་ཚོགས་ལམ་ཁྱེར་སྐོར་གསུམ་དགོས། ༼༥༽ །ཕྱོགས་མེད་གཉན་ས་འགྲིམ་པ་ལ། །འབྱོན་ལུགས་བཞི་སྐོར་དམིགས་པ་དགོས། ༼༦༽ །ཀླུ་གནས་དུར་ཁྲོད་བསྒྲོད་པའི་ཚེ། །སུམ་གནོན་བསྐོར་གསུམ་ཤིན་ཏུ་གཅེས། ༼༧༽ །སྔ་མས་སྔ་རུ་མ་ནོན་ན། །དགྲ་ངན་དག་ལ་བྱ་ཤོར་འདྲ། །དེ་ལ་ཟིལ་གནོན་གནད་བདུན་དགོས། ༼༢༽ །བར་མས་བར་དུ་མ་ནོན་ན། །དཔའ་བོའི་ལག་གི་མཚོན་ཤོར་འདྲ། །དེ་ལ་རྡོ་རྗེ་སྦྲུལ་ཞགས་

[Full Size]

དགོས། ༩༽ །ཕྱི་མས་ཕྱི་རུ་མ་ནོན་ན། །ནོར་ངན་ཕྱི་རྗེས་ལོག་པ་འདྲ། །དེ་ལ་དམག་དཔོན་ཁྱུང་ནག་དགོས། ༼༡༠༽ །ཁམས་གསུམ་ཟིལ་གྱིས་གནོན་འདོད་ན། ། སྐྱབས་གནས་དམ་པ་སུམ་བརྩེགས་དགོས། ༼༡༡༽ །སྒྱུ་ལུས་གཅེས་འཛིན་ཞིག་ཙམ་ན། །དེ་ལ་མཛེ་ཕོའི་བམ་སྐྱུར་དགོས། ༼༡༢༽ །ཕྱི་ཡི་ས་དགྲ་གཅོད་པ་ལ། །དེ་ལ་འཕེན་ལེན་དམར་འགྱེད་དགོས། ༼༡༣༽ །མཚོ་དཀྱིལ་གངས་ཀྱི་རྩེ་མོ་ལ། །དེ་ལ་གནོད་མེད་ལྕགས་ཀྱུ་དགོས། ༼༡༤༽ །འཁྲུལ་སྣང་སྔོན་ཞེན་གཅོད་པ་ལ། །ཀེང་རུས་ཏི་ཏྲིའི་དམིགས་པ་དགོས། ༡༥༽ །གཉན་ས་གཅིག་ནས་བརྒྱ་རྩ་གཅོད། །སྟོབས་ཆེན་དམར་པོའི་བང་ཆེན་དགོས།༼༡༦༽ །མགྲོན་རྣམས་གཞན་ལ་བྲོས་གྱུར་ན། །དེ་ལ་ཕོ་ཉ་དངུལ་དཀར་བཏང་། ༼༡༧༽ །དེས་ཀྱང་འོང་བར་མ་གྱུར་ན། །དམར་ནག་ལྕགས་ཀྱུའི་དམིགས་པ་དགོས། ༼༡༨༽ །གང་ཞིག་ལུས་སེམས་བག་ཆགས་འཐབ། །ཀུན་རྫོབ་བདེན་པར་འཛིན་པ་ལ། །རྫུན་ཕུག་གཏིབ་པའི་དམིགས་པ་དགོས། ༼༡༩༽ །ཏིང་འཛིན་ཞེན་ནས་མ་སློང་ན། །སློང་བྱེད་དཀར་མོའི་དམིགས་པ་དགོས། ༼༢༠༽ །ཆོ་འཕྲུལ་

[Full Size]

ཆེ་ནས་མ་ནོན་ན། །སྙིལ་བྱེད་ཟིལ་ནོན་དམིགས་པ་དགོས། ༼༢༡༽ །ཆོ་འཕྲུལ་ཆེན་ནས་ཚར་ཚད་དཀོན། །དེ་ལ་ཕྱུག་པོའི་ཐིབ་ནོན་དགོས། ༼༢༢༽ ། །ཚར་ཚད་སླེབས་ནས་མགོ་བསྐོར་ན། །འབྱེད་པ་གསེར་གྱི་ལྡེའུ་མིག་དགོས། ༼༢༣༽ །ཚད་པ་གསར་རྙིང་ན་བ་ལ། ་།བཅུ་གཅིག་འཁོར་ལོའི་དམིགས་པ་དགོས། ༼༢༤༽ །གྲང་ཆགས་གསར་རྙིང་གང་ན་ཡང་། །ཐུ་ལུམ་འབར་བའི་དམིགས་པ་དགོས། ༼༢༥༽ །རླུང་གི་ནད་ལ་གང་བྱུང་ཡང་། །ས་འོག་ཕག་ནག་འབུམ་བསྐོར་དགོས། ༼༢༦༽ མགོ་བོ་ན་ཞིང་གས་ལ་ཐུག །དེ་ལ་མཁའ་ལྡིང་ཀླད་ཁྲག་དགོས། ༼༢༧༽ །མིག་ནད་ལིང་ཏོག་ན་བ་ལ། །དེ་ལ་བྱ་ནག་ཕུས་འདེབས་དགོས། ༼༢༨༽ །ཆམ་པ་ཡ་མས་སྣ་འཚུབས་ན། །དེ་ལ་སྦྲུལ་ནག་ཁྲག་འཇིབ་དགོས། ༼༢༩༽ །རྣ་བ་ན་གཟེར་བྱུང་བ་ན། །དེ་ལ་གནམ་ལྕགས་འབར་བ་དགོས། ༼༣༠༽ །ལྕེ་འབྲུམ་ན་དང་སྐྱུག་པ་ལ། །ཤར་མོ་བཅུ་གཅིག་སྦྱར་དྲུག་དགོས། ༼༣༡༽ །སོ་ནད་སྲིན་བུ་ན་བ་ལ། །དེ་ལ་དོ་ཤལ་བརྒྱན་དྲུག་དགོས། ༼༣༢༽ །གག་པ་ཨུས་འགག་ན་བ་ལ། །ལྕགས་སྤྱང་ཁྱུང་སྦྲུལ་

[Full Size]

དམིགས་པ་དགོས། ༼༣༣༽ །མིད་འཆུས་མིད་སྐྱུག་ན་བ་ན། །དེ་ལ་ཐུ་ལུམ་སྦྲུལ་མགོ་དགོས། ༼༣༤༽ །གློ་རྣག་རོ་སྟོད་ན་བ་ལ། །འདྲེན་བྱེད་སྟག་མོའི་དམིགས་པ་དགོས། ༼༣༥༽ །མཆིན་པ་ན་འམ་རླུང་སྐྱེས་ན། །དམིགས་པ་ཁྱི་ནག་ཟངས་མཆུ་དགོས། ༼༣༦༽ །ཆུ་སྐྲན་དང་ནི་འདྲེ་སྲིན་ལ། །དམིགས་པ་ཁྱུང་ནག་སེང་ཞོན་དགོས། ༼༣༧༽ །སྙིང་རླུང་ཤེས་པ་དྲན་སྟོང་ལ། །གུར་ཁང་ལྷ་མོའི་རྡོ་རྗེ་དགོས། ༼༣༨༽ །ཕོ་ནད་ཟས་མི་འཇུ་བ་ལ། །ཤ་སྦྲང་རླུང་ཞོན་དམིགས་པ་དགོས། ༼༣༩༽ །གང་ཞིག་མཚེར་པ་ན་བ་ཚུལ། །དམིགས་པ་གནམ་ལྕགས་འཁོར་ལོ་དགོས། ༼༤༠༽ །རྒྱུ་ནད་ཁྲག་བཤལ་བཟོད་མེད་ལ། །དེ་ལ་བྱ་རོག་སྔ་སྡེ་དགོས། ༼༤༡༽ །ལོང་སྲིན་ལོང་དུག་ན་བ་ལ། དམིགས་པ་ལྕགས་སྤྱང་འཁོར་ལོ་དགོས། ༼༤༢༽ །མཁལ་ནད་གྲང་མཁལ་ན་བ་ལ། །དམིགས་པ་ཁྱུང་དམར་གཤོག་རྡེབ་དགོས། ༼༤༣༽ །རྡེལ་དང་རྡེལ་ནད་ན་བ་ལ། ། མི་རྒོད་དཔའ་བོ་སྤུན་གཉིས་དགོས། ༼༤༤༽ །རྩ་ཆུ་འགགས་པའི་ནད་བྱུང་ན། །བྱ་ཁྱུང་རིགས་ལྔའི་སྐུ་མཁར་དགོས། ༼༤༥༽ །བསེན་མོས་ཐིག་ལེ་འཕྲོག་པ་ལ། །དམིགས་

[Full Size]

པ་ཐེའུ་རང་ཁ་ཆིངས་དགོས། ༼༤༦༽ །གཞང་འབྲུམ་གཉའ་མ་ཟ་བ་ལ། །དུར་བྱ་ལྕགས་མཆུའི་དམིགས་པ་དགོས། ༼༤༧༽ །རྐང་ལག་ལྷུ་ཚིགས་ན་བ་ལ། ། །དམིགས་པ་སྦྲུལ་ཆིངས་ནག་པོ་དགོས། ༼༤༨༽ །རུས་རྐང་དམར་པོ་ཁོལ་བ་ལ། །ཁྱུང་དམར་སྤྲུལ་གྱི་རྟ་ལ་ཞོན། ༼༤༩༽ །མོ་ནད་དམིགས་པ་བྱེད་འདོད་ན། །མཛེས་མ་མདའ་གཞུའི་དམིགས་པ་དགོས། ༼༥༠༽ །གཞུང་པར་ཆུ་སེར་ཞུགས་པ་ལ། །དམིགས་པ་ཉི་མ་འབུམ་བསྐོར་དགོས། ༼༥༡༽ །སྲོག་རླུང་གྱེན་དུ་ལོག་པ་ལ། །དྲེད་མོང་ལག་རིང་དམིགས་པ་དགོས། (༥༢༽ །མཁྲིས་ནད་མཁྲིས་པ་མིག་སེར་ལ། །མི་ནག་མགོ་འབུམ་དམིགས་པ་དགོས། ༼༥༢༽ །གང་ཞིག་བད་ཀན་ན་བ་ལ། །ཨཱཿདཀར་འོད་ལྡན་དམིགས་པ་དགོས། ༼༥༤༽ །མཛེ་དང་ཕོལ་མིག་ན་བ་ལ། །སྦྲུལ་ནག་དུག་སྦྱོར་དམིགས་པ་དགོས། ༼༥༥༽ །མཛེ་ཕོའི་ཕྱི་རྗེས་གཅོད་པ་ལ། །དམར་ནག་ཁྱུང་གི་ཡང་ཞུན་དགོས་༼༥༦༽ །རྨ་ཤུ་རྨ་རོ་བམ་ནད་ལ། །རྡོལ་བ་ནག་པོའི་དམིགས་པ་དགོས། ༼༥༧༽ །རྒྱལ་འགོང་ནད་ཀྱིས་ཟིན་པ་ལ། །དཔའ་བོ་སྟག་གི་དམ་སྤྲུག་དགོས། །

[Full Size]

༼༥༨༽ །དམུ་བདུད་བཙན་གྱིས་ཟིན་པ་ལ། །འབྲོང་ཆེན་མེ་དབལ་དམིགས་པ་དགོས། ༼༥༩༽ །ས་བདག་གཉན་གྱིས་ཟིན་པ་ལ། །གླང་དམར་སྦལ་ཆིངས་དམིགས་པ་དགོས། ༼༦༠༽ །དྲང་སྲོང་ནད་ཀྱིས་ཟིན་པ་ལ། །གཟའ་བདུད་ནག་པོའི་ཐིབ་ནོན་དགོས། ༼༦༡༽ །གློ་བུར་ལྷོག་རྒོད་ན་བ་ལ། །དྲག་པོ་ལྕགས་ཀྱི་རྡོ་རྗེ་དགོས། ༼༦༢༽ །འབྲུམ་བུའི་ནད་རྣམས་ཐམས་ཅད་ལ། །སྨྱོན་པ་ཁ་ཡན་དམིགས་པ་དགོས། ༼༦༣༽ །མི་འགོར་སྒོ་འདན་ལྟ་བུ་ལ། །མི་ལྡོག་གཟེར་དགུའི་དམིགས་པ་དགོས། ༼༦༤༽ །མཐའ་གཏད་གཉན་སའི་དམིགས་པ་ནི། །མེ་རླུང་གོ་ལྡོག་ཆེན་མོ་དགོས། ༼༦༥༽ །བྲག་དམར་སློང་བའི་དམིགས་པ་ནི། །དམིགས་པ་སྟོབས་ལྡན་གྲ་བཞི་དགོས། ༼༦༦༽ །རི་བོ་ཆེན་པོ་མ་སློང་ན། །དམིགས་པ་སེངྒེ་འགྱིང་བ་དགོས། ༼༦༧༽ །མཚོ་མོ་མ་བསླང་མཐའ་གཏད་ནི། །དམིགས་པ་ཁྱུང་ཆེན་གཤོག་རྒྱ་ཡོད། ༼༦༨༽ །ཤིང་གཅིག་གཉན་པོ་མ་སློང་ན། །དམིགས་པ་རྒྱ་སྟ་ངར་མ་དགོས། ༼༦༩༽ །ཤིང་ནག་འཐུག་པོ་མ་སློང་ན། །དེ་ལ་རལ་གྲི་འབུམ་བསྐོར་དགོས། ༼༧༽ །ཆུ་མིག་མ་བསླང་མཐའ་གཏད་ན། །ཆུ་

[Full Size]

འབྱུང་ལྷ་མོའི་དམིགས་པ་དགོས། ༼༧༡༽ །ས་ཕུག་བྲག་ཕུག་མ་སློང་ན། །དམིགས་པ་ཨ་ཐུང་དམར་པོ་དགོས། ༼༧༢༽ །ལམ་སྲང་གོང་བུ་མ་སློང་ན། །མ་ཧཱ་བཛྲ་དམིགས་པ་དགོས། ༼༧༣༽ །མདོ་གསུམ་ཐང་ཆེན་མ་སློང་ན། །སྟོབས་ལྡན་ཁྲོ་བོའི་དམིགས་པ་དགོས། ༼༧༽ །དུར་ཁྲོད་ཆེན་པོ་མ་སློང་ན། །གནམ་ལྕགས་གཟེར་བུའི་དམིགས་པ་དགོས། ༼༧༽ །སྟེང་གདོན་དྲག་པོ་མ་སློང་ན། །སྲོག་བྱེད་དམར་པོའི་དམིགས་པ་དགོས། ༼༧༦༽ །འོག་གདོན་མ་བསླང་དམིགས་པ་ནི། །ཀླུ་སྦྲུལ་ཐག་ནག་དམིགས་པ་དགོས། ༼༧༧༽ །བདུད་དང་གཤིན་རྗེའི་ཟིན་གྱུར་ན། །དྲག་པོ་མགོ་ཟླུམ་དམིགས་པ་དགོས། ༼༧༨༽ །གཅོད་ལོག་སྣ་ཁྲག་འོང་བ་ན། །གར་མཁན་ཆེན་པོའི་དམིགས་པ་དགོས། ༼༧༩༽ །གཉན་སར་ཕོ་ལྡོག་བྱུང་གྱུར་ན། །ཁྲུས་ཆུས་བྲན་ལ་ངར་འདོན་དགོས། ༼༢༠༽ །ཆུ་ཐོར་འབྲུམ་བུ་བྱུང་གྱུར་ན། །ཀླུ་ཚང་ངག་གཅོད་དམིགས་པ་དགོས། ༼༨༡༽ །གློ་བུར་གཟེར་ནད་བྱུང་བ་ལ། །བླ་རྡོ་ནག་པོའི་ལག་ལེན་དགོས། ༼༨༢༽ །སྐྲན་དང་དམུ་ཆུ་ན་བ་ལ། །སྲེག་བྱེད་ཆུ་འབྱུང་དམིགས་པ་དགོས། །

[Full Size]

༼༨༣༽ །གློ་བུར་མེ་དབལ་བྱུང་བ་ན། །བསིལ་བྱེད་དཀར་མོའི་དམིགས་པ་དགོས། ༼༨༤༽ །གློ་བུར་གྲང་རྡུལ་བྱུང་བ་ལ། །སྟག་ཆུང་འོད་འཕྲོའི་དམིགས་པ་དགོས། ༼༨༥༽ ། ཁོལ་བུའི་ནད་དང་སྲང་འབུར་ལ། །འབྲུ་གསུམ་ཕོ་ཉའི་དམིགས་པ་དགོས། ། ༼༨༦༽ །སྐྱུགས་རྗེས་མ་ཆོད་དམིགས་པ་ནི། །འདབ་ཆགས་ཁྲག་འཐུང་དམིགས་པ་དགོས། །༼༨༧༽ །བཤལ་རྗེས་མ་ཆོད་དམིགས་པ་ནི། །བཙན་ཞགས་དམར་པོའི་དམིགས་པ་དགོས། ༼༨༨༽ །གདོན་ཆེན་བྱིན་རླབས་དགོས་བྱུང་ན། །བསྲེ་བ་ལྔ་བསྒྲིལ་དམིགས་པ་དགོས། ༼༨༩༽ །རྒྱལ་པོའི་མགོ་བསྐོར་བྱུང་བ་ན། །གཉིས་མེད་ཆོས་ཀྱི་ཏིང་འཛིན་དགོས། ༼༩༠༽ །ས་བདག་མགོ་བསྐོར་བྱུང་སྲིད་ན། །ཐིབ་ནོན་དམར་པོའི་དམིགས་པ་དགོས། ༼༡༽ །བཙན་གྱིས་མོག་བསྐོར་བྱུང་སྲིད་ན། །དཔའ་བོ་གློག་འགྱུའི་དམིགས་པ་དགོས། ༼༩༢༽ །མཛེ་ལོག་ཤི་ལ་ཐུག་པ་ལ། །ལུས་རྟེན་དགུ་བསྐོར་ཟ་བྱེད་༼༩༣༽ །གཟའ་ལོག་འབྲས་ལོག་ནད་པ་ཡང་། །འཇོམས་བྱེད་ལྕགས་མཆུའི་དམིགས་པ་དགོས། ༼༩༤༽ །རིམས་ནད་ལ་སོགས་འགོས་ནད་ལ། །འདུ་ཏི་ལས་སྦྱོར་

[Full Size]

དམིགས་པ་དགོས། ༼༩༽ །གལ་ཏེ་ལྷ་འདྲེའི་རྗེས་བསྙེགས་ན། །དེ་ལ་རིག་པའི་མདུང་བསྐོར་དགོས། ༼༦༽ །ཁྱི་དང་གཅན་གཟན་དངོས་བྱུང་ན། །སྙིང་རྗེའི་གཏན་འབེབས་དམིགས་པ་དགོས། ༼༧༽ །གལ་ཏེ་མི་གཅོད་བྱེད་འདོད་ན། །སུམ་སྒྲིལ་གཅིག་ཆོད་དམིགས་པ་དགོས། ༩༨༽ །མི་རོ་དག་ལ་གཅོད་པའི་དུས། །འཕྲུལ་གཅོད་སྤུ་གྲིའི་དམིགས་པ་དགོས། ༼༩༩༽ །གལ་ཏེ་ཆུ་བོའི་ཁུར་བ་ལ། །སྟོབས་ཆེན་སྦྱོར་བའི་དམིགས་པ་དགོས། ༼༡༠༠༽ །གལ་ཏེ་མེ་གཅོད་བྱེད་འདོད་ན། ། གཉིས་མེད་སྙོམ་པའི་དམིགས་པ་དགོས། ༼༡༠༡༽ །གཡང་ལ་ལྷུང་བ་རྦབ་ཤོར་ན། །འཇམ་གཅོད་རིག་པའི་མཁའ་ལྡིང་དགོས། ༼༡༠༢༽ །གནམ་ལྕགས་ཐོག་གིས་འཇིག་དོགས་ན། །དམིགས་པ་ཕ་ལམ་སྟོབས་ལྡན་དགོས། ༼༡༠༣༽ །ཐོག་སེར་སྦྲག་མའི་དམིགས་པ་ནི། །དམིགས་པ་ཉི་ཟླ་ཁ་སྦྱོར་དགོས། ༧ ༼ཀ༽ ༼༡༽ །རྣལ་འབྱོར་རི་ཁྲོད་འགྲིམ་པ་ལ། །སེམས་ཅན་ཆོམ་རྐུན་ཏིང་འཛིན་འཕྲོག །བསྟན་དགྲ་སེར་མོ་ཡོངས་ལ་འཚེ། །དེ་ལ་ནག་སྦྱོར་རྟོག་མེད་དགོས། །དགྲ་བོ་གློ་བུར་བྱུང་བ་ན། །དེ་ལ་གཉེན་པོ་

[Full Size]

ཨར་གཏད་དགོས། ༼༢༽ །དགྲ་ཁྱིམ་ཐན་གྱིས་འགེང་འདོད་ན། །སྡེ་བཞི་དབང་སྡུད་དམར་པོ་དགོས། ༣༽ །དགྲ་བོ་ཀླུ་ལ་གཏད་འདོད་ན། །འདྲིལ་བ་ནག་པོ་ཁ་སྦྱོར་དགོས། ༼༤༽ །དགྲ་ཡུལ་ཐོག་གིས་བཤིག་འདོད་ན། །དམར་ནག་སྤུན་དགུའི་ཨར་གཏད་དགོས། ༢༽ །དགྲ་ལ་སྨྱོ་འབོག་བཏང་འདོད་ན། །གཟའ་རྒོད་སྤུན་དགུའི་ལོ་ཉ་དགོས། ༼༦༽ །དགྲ་བོ་ཞ་རིང་བཏང་འདོད་ན། །སྦྲུལ་ནག་མེ་འབར་དམིགས་པ་དགོས། ༼༧༽ །དགྲ་ཞིང་སེར་བས་བརླག་འདོད་ན། །དྲག་པོའི་སྡེ་བརྒྱད་སྒོ་ནོན་དགོས། ༼༢༽ །དགྲ་ལ་སེར་རྒོད་བཏང་འདོད་ན། །དྲག་པོའི་སྙིང་གཟེར་དམིགས་པ་དགོས། ༩༽ །དགྲ་བོ་འོན་ལོང་ལྐུགས་འདོད་ན། །རྒྱ་མཚོ་གཏིང་ལྡོག་དམིགས་པ་དགོས། ༼༡༠༽ །དགྲ་བོ་ཕ་ཚན་ཕྱེ་འདོད་ན། །ཁྱུང་སྤྲུལ་ཁ་ཐམ་དམིགས་པ་དགོས། ༡༡༽ །དགྲ་བོའི་རིགས་རྒྱུད་གཅོད་འདོད་ན། །ཉི་ཟླ་ཁ་འཐམ་དྲག་པོ་དགོས། ༼༡༢༽ །བྱད་མ་ནང་འདྲས་བྱུང་བ་ན། །སྙིང་རྗེའི་སྔགས་ནག་ཨར་གཏད་དགོས། ༼༡༣༽ །བྱད་གཅོད་ཐོག་ཏུ་འགེལ་བ་ལ། །གཤིན་རྗེའི་འཕྲུལ་འཁོར་དམིགས་པ་དགོས།

[Full Size]

༼༡༤༽ བྱད་མ་ནག་པོ་གསོད་འདོད་ན། །རི་བོ་གཏིང་ལྡོག་དམིགས་པ་དགོས། ༼༡༥༽ །བྱད་མའི་བདུན་རྒྱུད་གཅོད་འདོད་ན། །རྒྱ་མཚོ་འདབས་པའི་དམིགས་པ་དགོས། །རྒྱུད་རྡོ་རྗེའི་ཚིག་རྐང་འདི། །མཁའ་འགྲོ་རྣམས་ཀྱི་སྙིང་གཏམ་ཡིན། །རྒྱུ་ལུས་གེགས་སེལ་ཆེན་མོ་ཡིན། །གང་ཐོས་རྡོ་རྗེའི་ཕ་ལམ་ཡིན། །སུས་བསྟན་སྤུ་གྲི་ངར་མ་ཡིན། །ཐོ་ཅོ་ཅན་ལ་ཅི་ཆ་མེད། །ཀྱེ་མ་དུས་ངན་སྙིགས་མ་འདི། །གཉུག་མ་འོད་གསལ་མི་ཤེས་པའི། །ང་རྒྱལ་ཆེ་བའི་སྒོམ་ཆེན་དང་། །གནད་ཀྱི་གྲོལ་ལུགས་མི་ཤེས་པས། །སངས་རྒྱས་སྒྲུབ་པའི་ཁས་ལེན་དང་། །འཁྲུལ་པ་རང་སར་མ་ཆོད་པས། །གཅོད་མཁན་ཡིན་ཟེར་ཁས་ལེན་གསུམ། །ས་འོག་འཆི་བདག་དག་དང་མཚུངས། །ཡར་ལ་འཐེན་ཀྱང་ཕྱིར་ལ་འཕེན། །སྙིང་རྗེ་ཆེ་ཡང་བྱེད་ཐབས་མེད། །རང་དོན་སྨིན་ཅིང་གཞན་དོན་སྒྲུབ། །རི་ཁྲོད་འགྲིམ་པའི་རྣལ་འབྱོར་པས། །ཚེ་འདིར་འདུན་པ་རྒྱབ་ཏུ་སྐྱུར། །ཕྱི་མ་དང་ལེན་གཉན་ཁྲོད་འགྲིམ། །བྱང་ཆུབ་སེམས་དཔའི་རིགས་དེ་ལ། །མན་ངག་འདི་ནི་དྲིལ་ནས་བྱིན། །ཆོས་ལ་བསྟོད་ཅིང་སློབ་དཔོན་སྨད། །ཡིག་ནག་བཟུང་ནས་ཉམས་

[Full Size]

ལེན་མེད། །དུག་ལྔ་རང་གར་སྤྱད་ནས་ཀྱང་། །ཆོས་མཁན་ཡིན་ཟེར་སྟོང་སྡེར་བྱེད། །དེ་ལ་མན་ངག་འདི་བྱིན་ན། །ཤན་པ་སྲིན་པོ་དག་དང་མཚུངས། །མཁའ་འགྲོ་རྣམས་ཀྱིས་ཆད་པ་ཆོད། །དེ་ལ་ཤིན་ཏུ་གསང་བར་གྱིས། །ཐོ་ཅོ་ཅན་གྱིས་མཐོང་མི་རུང་། །ས་མ་ཡ། རྒྱ་རྒྱ་རྒྱུ། ཞེས་ཁྱུང་དམར་གཤོག་རྡེབ་སོགས་མཐའ་གཏད་དང་ཨར་གཏད་དྲག་པོའི་རིགས་ལ་སྦྱིན་གཏོང་མི་བྱེད་མན་ངག་གོ །གཅོད་ཀྱི་ནང་ནས་ཡང་གཅོད་འདི། །གསང་གཅོད་ནང་ནས་སྙན་བརྒྱུད་ཡིན། །བླ་མ་མཆོག་ལས་རྣམ་རྒྱལ་གྱིས། །བདག་རྒྱུད་འཛིན་མའི་དགོངས་ནས་ནི། །ཐུགས་ཀྱི་ཙིཏྟའི་མཆོག་འདི་ནི། །སྙིང་དུ་སྦོས་ཤིག་ས་མ་ཡ། །སྙན་བརྒྱུད་དྲི་མེད་ས་བཅད་རྫོགས། །ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མ། ཡང་དག་རྫོགས་པའི་སངས་རྒྱས། འཇམ་དཔལ་སྨྲ་བའི་སེངྒེ། ཨཱརྱ་དེ་ཝ། ཕ་དམ་སངས་རྒྱས། སྐྱོ་སྟོན་བསོད་ནམས་བླ་མ། མ་ལབ་སྒྲོན། སྲས་ཁུ་སྒོམ་ཆོས་སེང་། རྗེ་སྐྱེ་མེད་ཆེན་པོ། རྒྱ་ནག་གཅེར་བུ། སངས་རྒྱས་རབ་སྟོན། ཁུ་སྒོམ་ཆེན་པོ། ཐམས་ཅད་མཁྱེན་པ། བླ་མ་སུམ་པ་ཆེན་པོ། རྒྱལ་བ་བཙན་འཕྲང་བ། སྤྲུལ་

[Full Size]

སྐུ་སེམས་དཔའ་རྣམ་གཉིས་། མཚན་ལྡན་བྱང་ཆུབ་རྒྱལ་མཚན། མཁས་གྲུབ་སུརྱ་སེང་ཧ། ཆོས་རྗེ་དཔལ་ལྡན། དེས་བདག་ལའོ། །སརྦ་མངྒ་ལཾ། །། །༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

སྙན་བརྒྱུད་གསལ་བའི་མེ་ལོང་འདིའི་ལུང་མ་ཐོབ་པར་གཞན་ལ་བསྟན་ན་ཆོས་སྐྱོང་བྱ་རོག་གདོང་དང་ལས་མགོན་རྣམས་ཀྱིས་ཕྲག་དོག་འོང་། དམིགས་འབུམ་བུ་ཡིག

[Full Size]

༼ཧེ༽ །སྙན་བརྒྱུད་གསལ་བའི་མེ་ལོང་འདིའི་ལུང་མ་ཐོབ་པར་གཞན་ལ་བསྟན་ན་ཆོས་སྐྱོང་བྱ་རོག་གདོང་དང་ལས་མགོན་རྣམས་ཀྱིས་ཕྲག་དོག་འོང་། དམིགས་འབུམ་བུ་ཡིག་ལགས། །

[Full Size]

ན་མོ་གུ་རུ། །སྐྱེ་མེད་འགག་མེད་རྒྱལ་བའི་ཡུམ། །བདེ་ཆེན་ངང་ལས་ཌཱཀྐི་མ། །དྲི་མེད་ཐུགས་སྤྲུལ་ལབ་སྒྲོན་ཞབས། །སྒོ་གསུམ་གུས་པས་ཕྱག་འཚལ་ལོ། །དགོས་མེད་ཞེན་མེད་གཏེར་ལ་སྤྱོད། །མི་ཟད་འཕགས་པའི་ནོར་གྱིས་ཕྱུག །མ་ནོར་ལམ་མཆོག་སྟོན་མཛད་པའི། །ཕ་ཡིད་བཞིན་ནོར་བུའི་ཞབས་ལ་འདུད། །སྙན་བརྒྱུད་ཞལ་གདམས་བདུད་རྩི་འདི། །བྲག་སེང་གེའི་གདོང་གི་མཐའ་རྩ་རུ། །མ་གཅིག་ཇོ་མོ་ལབ་སྒྲོན་གྱིས། །ཚོགས་ཀྱི་འཁོར་ལོ་རྒྱ་ཆེན་བཤམས། །རྒྱལ་བའི་ཡུམ་ལ་གསོལ་བ་བཏབ། །ཡུམ་སྤྲུལ་རྡོ་རྗེ་རྣལ་འབྱོར་མས། །

[Full Size]

དངོས་སུ་མ་གཅིག་ཉིད་ལ་གནང་། །ཡུམ་གྱིས་ཐོད་སྨྱོན་ལ་སོགས་པ། །ཕ་མདོ་སྟོན་རྒྱལ་པོ་ཡན་ཆད་ལ། །སྙན་ནས་སྙན་དུ་བརྒྱུད་པའི་ཆོས། །མ་ལྔ་བུ་བརྒྱ་སུམ་ཅུ་ཡི། །གསེར་ཕྲེང་ཞལ་གདམས་བཅོ་བརྒྱད་དང་། །རིན་ཆེན་སྒྲོན་མ་སྐོར་གསུམ་དང་། །ཟབ་དོན་ཐུགས་སྙིང་འཕྲུལ་གཅོད་དང་། །སྙིང་ཚིམ་ལེའུ་ཡན་ལག་བརྒྱད། །རིག་པ་འཕྲུལ་གྱི་ལྡེའུ་མིག་དང་། །བློ་དམན་འདུལ་ཕྱིར་ཐོར་བུ་ཡོད། ། ཁྲིག་ཆགས་ཚང་བའི་ཡིག་རིས་མེད། །སྙན་བརྒྱུད་གསལ་བའི་མེ་ལོང་འདི། །དད་ལྡན་རྣམས་ཀྱིས་བསྐུལ་བའི་ངོར། །ཡི་དམ་མ་གཅིག་སངས་

[Full Size]

རྒྱས་དང་། །ཌཱ་ཀིའི་ཚོགས་ལ་གསོལ་བ་བཏབ། །སྲོད་ལ་ཌཱ་ཀིའི་ཚོགས་འདུས་ནས། །དུང་དཀར་གཡས་གཡོན་དབུས་སུ་བསྒྲགས། །དངོས་སུ་སྐྱེས་བུ་དུང་བུས་གསུངས། ། རྐང་གླིང་བླངས་ནས་ལན་གསུམ་བུས། །ཐོ་རངས་བུད་མེད་མཛེས་མ་གསུམ། །བྱུང་ནས་ཤོག་སྡེབ་བཅུ་གསུམ་དང་། །ཞོ་ཕོར་གང་གནང་མཁའ་ལ་འཕུར། །བརྡའ་རུ་གོ་ནས་བྲིས་པ་འདི། །མ་གཅིག་སངས་རྒྱས་མཁའ་འགྲོ་དང་། །ཌཱ་ཀིའི་ཚོགས་ལ་བཟོད་པར་གསོལ། ༼༡༽ །དང་པོ་གཉན་ཁྲོད་འགྲིམ་པའི་དུས། །ལུས་འདི་རོ་ཡི་ཚུལ་དུ་འགྲོ། རིག་པ་རོ་ཁུར་ཚུལ་དུ་འགྲོ། །གཉན་ས་དུར་ཁྲོད་ཚུལ་དུ་བསམ། །ལྷ་འདྲེ་གཅན་སྤྱང་ཚུལ་དུ་དམིགས། ༼༢༽ །སླེབས་ནས་དམིགས་པ་འདི་གསུམ་བྱ། །གཏོང་ཕོད་བློས་སྒྱུར་ཆེ་བ་ནི། །ལུས་ལ་མ་ཆགས་ལྟོས་མེད་སྦྱིན། །སྟོང་ཉིད་རྒྱ་ཆེན་ཆེ་བ་ནི། ། །སྐྱེ་མེད་རྟོགས་མེད་ངང་ལ་བཞག །ཉམས་ལེན་ཞེ་ཕུག་ཆེ་བ་ནི། །ཡེངས་མེད་སྙེམས་མེད་བརྩོན་འགྲུས་གཅེས། །རྒྱུན་གྱི་དམིགས་པ་རྣམ་གསུམ་ཡིན། ༼༣༽ །བློ་དམན་འགྲོ་སྔོན་དམིགས་པ་ནི། །རང་ཉིད་ཐ་མལ་ཡོད་པ་ཡི། །སྤྱི་བོར་པདྨ་ཉི་ཟླའི་སྟེང་། །མ་གཅིག་

[Full Size]

བསྐྱེད་པའི་སྐུ་ལས་ནི། །བདུད་རྩི་བྱུང་ནས་རང་ལུས་གང་། །རང་གི་ནད་གདོན་སྡིག་སྒྲིབ་རྣམས། །ལྷ་འདྲེ་རྣམས་ལ་ནག་འགྱེད་བྱ། །མང་བྱས་མཐར་ནི་རང་ལུས་བསྐྱེད། །དགའ་མགུར་གྱུར་ནས་རང་སར་ཡལ། །སྐྱེ་མེད་སྟོང་པའི་ངང་དུ་བཞག ༼༤༽ །དེ་ནས་དཀར་ཚོགས་དམིགས་པ་ནི།་་་ཚོགས་གཉིས་ཟུང་དུ་འབྲེལ་བ་གཞི་བདག་རིགས་དྲུག་ལ་དཀར་འགྱེད་དཀར་ཚོགས་དམིགས་པ། མཆན། །དང་པོ་སྟོན་འབྱེད་བྱ་བ་ནི། །རང་ལུས་ཚོ་སྣུམ་བར་སྣང་གང་།་་་ཤཱཀྱ་ཐུབ་པ་ལ་འདས་མ་འོངས་ད་ལྟ་དུས་གསུམ། གཡས་སུ་ཡུམ་ཆེན་ལ་རིགས་ལྔ་དང་དམ་པ་མ་གཅིག་ཁྲོས་མ་ནག་མོ་མཁའ་འགྲོ་བཞིའི་བསྐོར་བ། མཆན། །དེ་ནས་ཟིལ་ནོན་ནམ་མཁའ་གང་། །དེ་ནས་འཆིང་བྱེད་ས་གཞི་གང་། །འདྲེན་ལུགས་བླ་མའི་ཞལ་ལས་ཤེས། ༼༥༽ །ཕྱོགས་མེད་གཉན་ཁྲོད་འགྲིམས་པའི་དུས། །འགྲོ་ལུགས་རྣམ་བཞིའི་ཤེས་པ་གཅེས། །དེ་ཡང་དཔའ་བོའི་འགྱིང་འགྲོས་ནི། །ཁྲོ་བོ་སྟོབས་ཆེན་འགྱིང་ནས་འགྲོ། །རྣལ་འབྱོར་པ་ཡི་གདིང་འགྲོས་ནི། །ལམ་གྱི་སོ་པ་གཟིར་ཞིང་འགྲོ། །མཁའ་འགྲོ་མ་ཡི་གར་འགྲོས་ནི། །ལྷ་འདྲེ་ལུས་ལ་བསྟིམ་ཞིང་འགྲོ། །སྦྲུལ་ནག་འཁྱུག་འགྲོས་བྱ་བ་ནི། །ས་བདག་ཀླུ་

[Full Size]

གཉན་མ་ལུས་རྣམས། །གནས་དང་བཅས་པ་ཕྱག་ན་ཁྱེར། །འདྲ་བ་གསུམ་གྱི་མན་ངག་ལགས། ༼༦༽ དྲུག་པའི་ལེན་མི་འདུག མཆན། ༼༧༽ །སྔ་མས་སྔ་རུ་མ་ནོན་ན། །དགྲ་ངན་དག་ལ་བྱ་ཤོར་འདྲ། །ཞེས་པས། སྔ་མས་ཟིལ་གནོན་བཏང་བ་ཡིན། །དེ་ལ་དམིགས་པ་བདུན་དུ་ཡོད། །རི་ལ་སེང་གེའི་ཟིལ་གནོན་བཏང་། །བྲག་ལ་གསེར་གྱི་རྡོ་རྗེ་བཏང་། །ཆུ་དང་མཚོ་ལ་མེ་ཡི་བྱ་ཁྱུང་བཏང་། །ལམ་དང་ཐང་ལ་རྡོ་རྗེ་རྒྱ་གྲམ་བཏང་། །ལྷ་ཁང་ཕུག་པ་མཆོད་རྟེན་ལ། །མེ་ཡི་ཐོ་ལུམ་འབར་བས་མནན། །ལུང་སྟོང་ཐང་ཆེན་རྡོ་རྗེའི་བྲག་རིས་བཅད། །ཤིང་གཅིག་ནགས་ཚལ་རྒྱ་སྟ་ངར་མས་བཅད། ༼༢༽ །བར་མས་བར་དུ་མ་ནོན་ན། །དཔའ་བོའི་ལག་གི་མཚོན་ཤོར་འདྲ། །རྡོ་དང་ཤིང་བུ་ཁྱེར་བ་ཡིན། །རྡོ་དང་ཤིང་བུ་གང་རུང་ལ་ཧཱུྃ་ཡིག་བྲིས་ལ། དེ་ལ་ཁམས་གསུམ་གྱི་ལྷ་འདྲེ་བསྡུས་ལ་བསྟིམ། དེ་ནས་ཡུལ་སོ་སོར་ཕཊ་བྱ། ས་ཆ་གང་ལ་འདུག་ཀྱང་དེའི་ལྷ་འདྲེ་བསྡུས་ལ་མལ་འོག་ཏུ་ལྕགས་ཀྱི་ཁང་པ་སྒོ་དང་སྲུབ་མེད་པ་ཞིག་གི་ནང་དུ་བཅུག་ནས་རྡོ་རྗེའི་སྦྲུལ་ཞགས་དེས་བསྣོལ་མལ་རྒྱ་གྲམ་གྱིས་བཅིང་བར་བསམ། ༼༩༽ །ཕྱི་མས་ཕྱི་རུ་མ་ནོན་ན། །ནོར་ངན་ཕྱི་རྗེས་འབྲང་བ་འདྲ། །ཕྱི་མས་ཡར་བར་མིག་མཐོང་

[Full Size]

སར། །ཐོ་བརྩེགས་སྙིང་ཁར་བྱ་ཁྱུང་བཞག །དེ་ནི་གནད་ཀྱི་དམིགས་པ་ཡིན། ༼༡༠༽ །ད་ནི་གཞུང་ལྔའི་དང་པོ་ལ། །སྐྱབས་གནས་དམ་པ་སུམ་བརྩེགས་ནི། །རང་ལུས་སྟོང་གསུམ་གང་བའི་སྟེང་། །གདན་བཞི་རོ་མགོ་གཡོན་བསྟན་དབུས། །རྡོ་རྗེ་རྣལ་འབྱོར་སྐུ་མདོག་དམར། །སྤྱན་གསུམ་དམར་ཟླུམ་རབ་ཏུ་འདྲིལ། །ཕྱག་གཉིས་གྲི་ཐོད་གར་སྟབས་བཞུགས། །གཡོན་བརྐྱང་རོ་ཡི་འཕོངས་སྟེང་མནན། །གཡས་བསྐུམ་རྟིང་པ་བྷ་གར་གཏད། །སྐེད་ཕྲ་ཁ་ཊཾ་གྲུ་མོར་བརྟེན། །ཐོད་སྐམ་ལྔ་ཡིས་དབུ་ལ་བརྒྱན། །རློན་པ་དོ་ཤལ་རྒྱུན་དྲུག་གསོལ། །གཡས་སུ་དམ་པ་དམར་སྨུག་ལ། །གསེར་གྱི་རྡོ་རྗེ་རྒྱན་དྲུག་མཛེས། །སྐྱིལ་ཀྲུང་ཅང་ཏེའུ་རྐང་གླིང་འཛིན། །ཤངས་ཟུར་སྤྱན་རྩ་དམར་ལ་འཁྲུག །གཡོན་ན་མ་གཅིག་ཌ་དྲིལ་བསྣམས། །ཕ་རྒྱུད་མ་རྒྱུད་མཁའ་འགྲོའི་ཚོགས། །གྲངས་ལས་འདས་པས་བསྐོར་ནས་བཞུགས། །དེ་སྟེང་གཞུ་འདོམ་གང་བའི་སར། །ཉི་ཟླ་པདྨའི་གདན་སྟེང་དུ། །བསྟན་པའི་བདག་པོ་འཁོར་བཅས་བསྐྱེད། །དེ་སྟེང་གདན་གསུམ་སྟེང་དུ་ནི། །ཡུམ་ཆེན་གསང་སྔགས་ལྷ་ཚོགས་བསྐྱེད། །དེ་ནས་རིག་པ་

[Full Size]

སྙིང་ཁར་བསྟིམ། །བསྡུས་པའི་སྤྱི་བོར་ཟང་ཐལ་དམིགས། །ཕཊཀྱིས་རིག་པ་ཌཱཀྐིར་བསྐྱེད། །ཌཀྐི་མ་ཡི་ཐུགས་ཀ་ནས། །ལས་ཀྱི་ཊཱཀྐི་བྱུང་ནས་སུ། །མི་མགོའི་སྒྱེད་པུ་གསུམ་བཙུགས་ནས། །བྷནྡྲ་བྲེག་ནས་དེ་སྟེང་བཀལ། །ནང་དུ་རང་གི་ལུས་པོ་བཅུག །འབྲུ་གསུམ་བརྗོད་པས་རྒྱ་ཆེར་བསྐྱེད། །བེམ་པོ་གྲི་གུག་དག་གིས་གཏུབ། །སྙིང་བླངས་གཏོར་མའི་ཚུལ་དུ་བྱ། །ཤ་ཁྲག་རུས་གསུམ་གཏོར་མར་བརྒྱན། །ཐབ་འོག་ཡཾ་རླུང་རཾ་མེ་གཡོས། །བདུད་རྩི་ཁོལ་ནས་འཕྱུར་བ་དང་། །ལས་མཁན་གྲི་གུག་ལན་གསུམ་དཀྲུགས། །ལྦུ་བ་མི་གཙང་ལྷན་གྱིས་བོ། །དྭངས་མའི་སྟེང་གི་ལྷ་ཚོགས་ཀྱིས། །ལྗགས་ཀྱི་སྦུ་གུས་བདུད་རྩི་གསོལ། །དེ་ནི་ཌཱཀྐི་གྲངས་མེད་སྤྲུལ། །རིགས་དྲུག་མགྲོན་ལྟར་ཡོད་པ་ལ། །འདོད་དགུའི་དཔག་མེད་བསྐྱེད་བར་བསམ། །སྐྱེད་པུའི་ཡི་གེ་གསུམ་དུ་གྱུར། །ཐོད་པར་ཐིམ་པས་ཨ་རུ་གྱུར། །ཨ་ཡང་རིགས་དྲུག་ཌཱ་ཀིར་ཐིམ། །མཁའ་འགྲོ་འབུམ་ཡང་ཏྟཀིར་ཐིམ། །ཌཀྱི་གཙོ་མོ་ཉིད་ལ་ཐིམ། །འཁོར་ཡང་གཙོ་མོ་ཉིད་ལ་ཐིམ། །ཡུམ་ཆེན་འཁོར་ཡང་ཡུམ་ལ་ཐིམ། །ཡུམ་ནི་ཐུབ་པ་ཉིད་ལ་འདུས། །ཐུབ་པའི་འཁོར་

[Full Size]

རྣམས་ཐུབ་པ་ཉིད། །དེ་ཡང་རྣལ་འབྱོར་མ་ལའོ། །རྣལ་འབྱོར་མ་ཡང་འཇའ་ལྟར་ཡལ། །ཕཊཀྱིས་སྐྱེ་མེད་ངང་དུ་བཞག །བསྔོ་བ་སྨོན་ལམ་རྒྱ་ཡིས་གདབ། ༼༡༡༽ །སྒྱུ་ལུས་གཅེས་འཛིན་ཞིག་པ་ལ། །བེམ་པོ་བསྐྱུར་བའི་དམིགས་པ་ནི། །བདག་ལུས་ཤིན་ཏུ་ཆེ་བར་བསམ། །མགོ་རྐང་ལུང་པ་ཕུ་མདའ་ཁེངས། །གཞོགས་ཀྱིས་ལུང་པའི་གཡས་གཡོན་མནན། །གསང་གནས་ནས་ནི་སྤྱི་བོའི་བར། །རྩ་གསུམ་གཡས་དཀར་གཡོན་དམར་དང་། །དབུས་མཐིང་མདའ་སྨྱུག་ལང་བ་འདྲ། །འདུས་མདོར་རིག་པའི་ངོ་བོ་ནི། །འོད་ཀྱི་རང་བཞིན་བྱ་སྒོང་ཙམ། །ཤེས་གཏད་རླུང་བཟུང་ཕཊཀྱིས་ཕུད། །དབུས་མཐིང་བརྒྱུད་ནས་སྤྱི་བོར་ཐིམ། །འཕར་འཕར་ལིང་ལིང་འཕར་བ་ལས། །ཤེས་པ་གཏད་ཕཊ་ཀྱི་ནམ་མཁའ་དང་། །ངོ་བོ་དབྱེར་མེད་བསྲེས་པར་བསམ། །ཤིན་ཏུ་ཆེ་བའི་ལུས་པོ་འདི། །སྣང་སྲིད་ལྷ་འདྲེའི་ཧབ་ཐོབ་ཟོས། །སྐྱེ་མེད་ངང་ལ་མ་བཅོས་བཞག །བསྔོ་བ་སྨོན་ལམ་རྒྱ་ཡིས་གདབ། ༼༡༢༽ །འཕེན་ལེན་ཕྱི་ཡི་དམིགས་པ་ནི། །རང་ལུས་ཚོ་སྣུམ་ཆེ་བར་དམིགས། །སྤྱི་བོ་ཉི་ཟླའི་གདན་སྟེང་དུ། །ཌཱཀྐི་དཀར་མོ་རུས་རྒྱན་

[Full Size]

གསོལ། །གྲི་གུག་ཁ་ཊཾ་ཐོད་པ་བསྣམས། །སྤྱན་གསུམ་ཞབས་གཉིས་གར་སྟབས་ཅན། །འཁོར་དུ་རིགས་བཞིའི་མཁའ་འགྲོས་བསྐོར། །རང་གི་སྙིང་ནས་སྤྱི་གཙུག་བར། །དབུ་མ་ཁྲུ་གང་གསལ་བ་ཡི། །ཤེས་པའི་ངོ་བོ་ཕཊ་ཀྱིས་ཕུད། །རྗེ་བཙུན་མ་དང་དབྱེར་མེད་གྱུར། །བེམ་པོ་ཤིན་ཏུ་ཆེ་བ་དེ། །ཌ་ཀིས་ཕྱག་གི་གྲི་གུག་གིས། །གཏུབས་ནས་ཤ་རི་ཁྲག་མཚོར་བསྒོམ། །ཌཀྐི་ཐུགས་ཀྱི་འོད་ཟེར་འཕྲོས། །དམར་མོ་ལྕགས་ཀྱུས་ཕཊ་ཀྱིས་ཕུད། །སྣང་སྲིད་ལྷ་འདྲེ་མ་ལུས་རྣམས། །གྲངས་མེད་ཟོས་འཐུང་བཅོམ་པར་བསམ། །འདོད་དགུར་མཉེས་ནས་ཚིམ་པར་བསམ། །མ་བཅོས་གཉུག་མའི་ངང་ལ་བཞག ༼༡༣༽ །ཕྱི་ཡི་ས་དགྲ་འཕེན་ལེན་ནི། །ཆུ་དང་བྲག་དང་ཤིང་དགྲ་དང་། །མཚོ་དཀྱིལ་གངས་ཀྱི་རྩེ་མོ་ལ། །ཕར་ཕྱིན་དམིགས་པའི་ལུས་སྦྱིན་བྱ། །མཚོ་དང་གངས་ལ་ཕཊ་སྒྲ་བྱ། །རང་སེམས་རྣལ་འབྱོར་མ་རུ་གྱུར། །དེ་ཡིས་རང་གི་པགས་པ་བཤུས། །གངས་བྲག་ཤི་དང་མཚོ་དཀྱིལ་དབུས། །སྒལ་ཚིགས་ཀྱིས་ནི་ཀ་བ་ལ། །མི་མགོ་སུམ་བརྩེགས་ཀྱི་ནི་ཏོག །རྐང་ལག་བརྒྱད་ཀྱི་ཆོན་ཕུར་བྱས། །རྒྱུ་མའི་ཆོན་ཐག་བཅས་པར་བསྒོམ། །དེ་ཡི་

[Full Size]

འོག་ཏུ་རང་ལུས་ཀྱིས། །འཇིག་རྟེན་ཁེངས་པར་བསྒོམ་པར་བྱ། །ཡང་ན་ལྕགས་ཀྱུས་་་་་རང་རྣལ་འབྱོར་མར་བསྒོམ་ལ་ལྕགས་ཀྱུས་རང་དབང་མེད་པར། མཆན། བཀུག་ལ་སྦྱིན། ༼༡༤༽ །ཀེང་རུས་ཆེན་པོའི་དམིགས་པ་ནི། །སྙིང་ནང་རྩ་གནས་གོང་དང་འདྲ། །རིག་པ་གོང་ལྟར་ཕཊ་ཀྱིས་ཕུད། །རྒྱང་གྲགས་གཅིག་གི་ནམ་མཁའ་ལ། །ཕ྄ཊ་ཀྱིས་ཕུད་ལ་ནམ་མཁར་བསྲེས། །བེམ་པོ་ཤིན་ཏུ་ཆེ་བ་དེ། །ཉ་ཚོས་རོ་དཀྲུག་ཇི་བཞིན་དུ། །ཤ་ཁྲག་རུས་རྣམས་ཁ་ཁར་ཕྱེས། །ཤ་ཁྲག་ལྷ་འདྲེས་ཧབ་ཐོབ་བྱས། །དཔེར་ན་ཞོ་རྐྱལ་བྱོས་པ་བཞིན། །ཚིལ་བུ་ཞག་གིས་ལྷ་འདྲེ་ཚིམས། །དེ་ནས་རུས་པའི་ཐོད་ཕོར་ལ། །ཤེས་གཏད་ཕཊ་ཀྱིས་ཐོད་ཕོར་སྦྱར། །གྲངས་མེད་གཏོང་ལ་དམིགས་མེད་བཞག །བུ་ལོན་ལན་ཆགས་བྱང་བར་བསམ། ༼༡༥༽ །གཉན་ས་གཅིག་་་་གཉན་ས་ཡི་ཤིང་བུ་རྡེའུ་བུ་རིམ་བཞིན་དུ་ཤེས་པར་བྱ། མཆན། ནས་བརྒྱ་གཅོད་ན། །ལུས་བསྐྱེད་རྩ་གནས་གོང་དང་འདྲ། །རིག་པ་སྤྱི་གཙུག་ཕཊ་ཀྱིས་ཕུད། །ནམ་མཁར་རྗེ་བཙུན་དམར་མོར་གྱུར། །གྲི་གུག་ཐོད་པ་ཁ་ཊཾ་འཛིན། །སྤྱན་གསུམ་མཆེ་བ་ཅུང་ཟད་གཙིགས། །མདུན་དུ་ཐོད་པའི་སྒྱེད་པུ་

[Full Size]

བཙུགས། །ཡྃ་རྃ་ཀྃ་གྱིས་བོན་བཞག །རང་གི་ལུས་ལ་ཕོག་ནས་བཀས། །ནང་དུ་བེམ་པོ་གཏུབས་ནས་བླུག །ཡྃ་རྃ་ཁྃ་གིས་སྦྱོར་བ་ལ། །རྫས་རྣམས་ཞུ་ནས་ལྷན་གྱིས་བོ། །རི་བྲོག་གཉན་ས་དུར་ཁྲོད་ཀྱི། །རྟེན་གནས་གྲི་གུག་དག་གིས་བཅད། །ཆུ་མཚོ་ཀ་པཱ་ལ་ཡིས་བཅུས། །བདུད་རྩིར་བླུགས་ནས་སྦྱང་པ་ཡིས། །གཉིས་མེད་འདྲེས་པའི་རྒྱ་མཚོར་བསམ། །ཨོཾ་ཨཱཿཧཱུྃ་གིས་བྱིན་གྱིས་རློབས། །རྗེ་བཙུན་མ་དང་མཁའ་སྤྱོད་ལས། །ཊཱཀྐི་གྲངས་མེད་བྱོན་ནས་གསོལ། །ལན་གསུམ་དག་ལས་མང་མི་བྱ། །ལྷག་མ་ལྷ་འདྲེ་ཡོངས་ལ་བཀྱེ། །སྟོང་གསུམ་ལྷ་འདྲེ་མ་ལུས་རྣམས། །རྗེ་བཙུན་མ་ལ་བསྡུས་ནས་སུ། །ཕཊ་ཀྱིས་སྟོང་པའི་ངང་ལ་བཞག ༼༡༦༽ །དབང་བསྡུས་མགྲོན་འགུགས་ལ་ཡང་གཉིས། །ཞི་བ་དང་ནི་དྲག་པོ་དང་། །ཞི་བ་ལ་ནི་འདི་ལྟར་རོ། །རང་ཉིད་མ་གཅིག་ཐུགས་ཀ་ནས། །འོད་དཀར་ལྕགས་ཀྱུ་ལྟ་བུར་འཕྲོས། །སྣང་སྲིད་ལྷ་འདྲེ་མ་ལུས་བསྡུས། །ཕ྄ཊ་ཀྱིས་རང་འོག་བསྡུས་པར་བསམ། །ལན་གསུམ་བྱས་ནས་ལུས་སྦྱིན་བྱ། །སྙིང་རྗེ་སེམས་ལྡན་སྟོང་ཉིད་བསྒོམ། ༼༡༧༽ །དྲག་པོའི་བྲོས་བཀུག་དབང་སྡུད་ནི། །རང་ཉིད་ཁྲོས་མ་ནག་

[Full Size]

མོར་བསྒོམ། །ཕཊ་ཀྱིས་འོད་ཟེར་སྙིང་གར་བསྡུ། །འོད་ཟེར་རྡོ་རྗེའི་ཚྭ་ཚྭ་དང་། །ལྕགས་ཀྱུ་ནག་པོའི་རང་བཞིན་འཕྲོས། །འཇིག་རྟེན་ཁམས་ཀྱི་ལྷ་འདྲེ་རྣམས། །གནས་དང་བཅས་པ་བཀུག་པར་བསམ། །རང་དབང་མེད་པར་འདི་རུ་བསྡུས། །ཕ་མར་དམིགས་ལ་ལུས་སྦྱིན་བྱ། །གསུམ་ལས་མི་མང་སྐྱེ་མེད་བསྒོམ། ༼༡༨༽ །གལ་ཏེ་ལུས་སེམས་བག་ཆགས་ཐབས། །ཀུན་རྫོབ་བདེན་པར་འཛིན་པ་སྟེ། །རྫུན་ཕུག་གཏིབ་པའི་དམིགས་པ་གཅེས། །ཕུག་སྟོང་ཁང་སྟོང་འཇིགས་ས་རུ། །ཕྱི་ན་དུར་ཁྲོད་ཆེན་པོར་དམིགས། །འདྲེ་རྒོད་རོལ་ཆས་བསུ་བར་བྱེད། །རོ་རུལ་མགོ་སྡུམ་བམ་པ་དང་། །ཟོས་དང་ཕྱེད་ཟོས་ཀེང་རུས་རྣམས། །བསམ་མེད་མགོ་བོ་བཏེགས་ནས་བལྟ། །རང་ཉིད་དཀྱིལ་བསྡད་ཚུར་ལ་ནུར། །རོ་ལ་རྔམ་པའི་འདྲེ་རྒོད་དང་། །གཅན་སྤྱང་དུག་སྦྲུལ་སྲེ་མོང་རྣམས། །མི་ནག་མགོ་བོ་བཅུ་གཅིག་པ། །ལག་པ་བཅུ་གཅིག་སེང་གེ་ཞོན། །བམ་གཉིས་སྔ་ཤ་ཕྱི་ཤ་བྱས། །ཁ་མིག་མཆེ་གཙིགས་ཁྲག་གིས་བརྒྱན། །མདུན་དུ་ལག་པས་ཉུལ་ཉུལ་བྱེད། །གཡས་སུ་སྟག་ཞོན་དེ་དང་མཚུངས། །གཡོན་དུ་དོམ་ཞོན་ལྕགས་

[Full Size]

སྡེར་རྣོ། །རྒྱབ་ཏུ་དྲེད་ཞོན་སྤུ་གྲི་ཅན། །འཇིགས་གཟུགས་དཔག་མེད་བསྟན་བསམས་ནས། །ཕཊ་ཀྱིས་ཤེས་པ་དབྱིངས་སུ་བསྲེ། །བེམ་པོ་ཧབ་ཐོབ་བྱས་པར་དམིགས། །བདུན་ནམ་བཅུ་གཅིག་བར་དུ་བྱ། །ཕཊ་ཀྱིས་དམིགས་མེད་ཆེན་པོར་བཞག ༼༡༩༽ །རྣལ་འབྱོར་ཏིང་འཛིན་ཞེན་པ་ལ། །མ་ལྷོང་ལྷོང་བའི་དམིགས་པ་དགོས། །རང་ཉིད་མ་གཅིག་གར་སྟབས་ཅན། །གྲངས་མེད་ནམ་མཁའ་ས་གཞི་གང་། །ཕཊ་ཀྱིས་ས་གཞི་འདར་གཡེང་བར། །གར་སྟབས་ཕཊ་ཀྱིས་ཞལ་ཤེས་དྲིས། །དེས་ནི་ལྷོང་བར་ཐེ་ཚོམ་མེད། ། ༼༢༠༽ །ཕཊ་མེད་གོང་གི་དམིགས་པ་ནི། །མ་ནོན་བསྙིལ་བ་ང་རང་ཤེས། ༼༢༡༽ །ཆོ་འཕྲུལ་ཆེ་ནས་ཚར་ཚད་དཀོན། །དེ་ལ་ཕྱུག་པོའི་ཐིབ་ནོན་བྱ། །རིག་པ་དབྱིངས་དང་། བསྲེས་ནས་སུ། །བེམ་པོ་ཤིན་ཏུ་ཆེ་བར་དམིགས། །བེམ་པོ་ཤ་རུལ་ཁྲག་རུལ་གྱིས། །མི་མ་ཡིན་རྣམས་གཡོགས་ནས་སྤང་། །འདྲེས་ནས་ལང་མི་ནུས་པར་བསམ། །དེ་ནི་ཚར་ཚད་མྱུར་དུ་འོང་། ༼༢༢༽ །ཆོ་འཕྲུལ་འདྲེས་ནས་མགོ་བསྐོར་ན། །དེ་ལ་གསེར་གྱི་ལྡེའུ་མིག་དགོས། །རིག་པ་ཕུད་ལ་ཊཱཀྐིར་བསྐྱེད། །བེམ་པོའི་རྐང་ལག་གསུམ་བཅད་

[Full Size]

ནས། །སྐྱེད་དུ་བཙུགས་ལ་ཡུལ་ཆེན་བཀང་། །གཉན་སའི་རི་བྲག་པས་རི་བོ་ལྔ་ནི་གངས་རི་དང་བྲག་རི་གཡའ་རི་སྤང་རི་ནགས་རི་དང་ལྔའོ། མཆན། གྲི་གུག་གཏུབ། །ཆུ་མཚོ་ཀ་པཱ་ལ་ཡིས་བཅུས། །བེམ་པོ་དང་བཅས་སྤེལ་ནས་སུ། །མགྲོན་རྣམས་ཐམས་ཅད་ཌཱཀྐིར་དམིགས། །མཆོད་སྦྱིན་གོང་ལྟར་བསྐྱེད་པ་ནི། །ཆོ་འཕྲུལ་ཚར་ཚད་འདྲེས་པ་རྣམས། །དེ་ཡིས་སེལ་བར་ཐེ་ཚོམ་མེད། །མ་ཆོད་ཆོད་པའི་མཆོག་ཡིན་ནོ། །སྙན་བརྒྱུད་ཁོང་ཆུང་གདེང་ཐོབ་ཀྱིས། །རང་གཞན་གང་ཡང་རུང་བ་ལ། །དུག་ལྔ་མ་རིག་འཁྲུལ་པའི་ནད། །འབྲས་བུ་སྡུག་བསྔལ་ན་ཚ་རྣམས། །སྒྱུ་ལུས་ཕུང་པོ་མ་ཞིག་ན། །འཇིག་རྟེན་སྒྱུ་མར་མ་མཐོང་ཚེ། །རྨི་ལམ་དུས་ཀྱི་མཚན་ཉིད་བཞིན། །གཅེས་ཀྱང་ན་ཚ་བྱུང་གྱུར་ན། །ཟ་འདོད་སྨན་པ་སུན་མི་འབྱིན། །སྙན་བརྒྱུད་ནད་གདོན་དམིགས་པ་བྱ། །བཞི་བརྒྱ་རྩ་བཞིའི་ནད་རྣམས་ཀྱང་། །བསྡུ་ན་གསུམ་དུ་འདུས་པ་ཡིན། །རླུང་མཁྲིས་བད་ཀན་གསུམ་དུ་འདུས། ༼༢༣༽ །ཚད་པའི་ནད་ལ་འདི་ལྟར་བྱེད། །སྐྱབས་འགྲོ་སེམས་བསྐྱེད་ཉེར་གཅིག་བྱ། །ཤེས་པ་ཆོས་ཉིད་གཏེར་དུ་སྦས། །བེམ་པོའི་མདུན་དུ་སེང་ཞོན་དམིགས། །

[Full Size]

མགོ་བོ་བཅུ་གཅིག་མིག་གིས་གང་། །ལག་པ་བཅུ་ཡི་ལྷུ་ཚིགས་ངར། །ན་སར་ཟངས་སྨྱུག་རྒྱབ་ལ་འབྱུང་། །ལྷག་མ་མི་མིན་ཡོངས་ལ་བཀྱེ། །ཁ་ཟས་དྲོད་ཆེན་ཤ་ཆང་བསྟེན། །བར་བར་འཁྱག་པའི་དཀྱིལ་དུ་དམིགས། །ཡང་གཅིག་ཁ་བསྒྱུར་འདི་ལྟར་བྱ། །ནང་གི་འབྱུང་བ་ལྔ་པོ་འདི། །ཕྱི་ཡི་འབྱུང་བ་ལྔ་ལ་བསྟིམས། །ངོ་བོ་ག་པུར་ལས་བྱུང་བའི། །ཆུ་ཡི་འཁོར་ལོས་རོ་སྟོད་གང་། །འཁྱག་ཅིང་འདར་ལ་ཤེས་པ་གཏད། །ནད་འཇོམས་དགེ་བའི་གྲོགས་སུ་བཟང་། ༼༢༤༽ །གྲང་བའི་ནད་ལ་དམིགས་པ་གཉིས། །སྐྱབས་འགྲོ་ལུས་སྦྱིན་གོང་དང་འདྲ། །ལྟེ་འོག་ཐེར་ཞབས་རྒྱུ་ཐིལ་དུ། །སྔར་གྱི་སེང་ཞོན་མགོ་མང་གིས། །ལྕགས་སྲེག་ཐོ་ལུམ་འབར་བ་བརྒྱབས། །གྲང་བའི་རིགས་བྱེད་མ་ལུས་བསྲེགས། །རླངས་པ་སྔོ་དམར་འབྱུང་བར་བསམ། །མ་ཡེངས་ཤེས་གཏད་རླུང་སྦྱོར་བཟུང་། །ཡང་གཅིག་མེ་ཡི་དཀྱིལ་འཁོར་ལ། །བདག་ཉིད་ཚུད་ལ་ཚིག་ལ་ཐུག །རིག་པ་ནང་གཅུན་ཕྱིར་མི་ཕྱུང་། །ཏིང་འཛིན་གསལ་ན་གྲང་བའི་ནད། །མ་ལུས་སེལ་བར་ཐེ་ཚོམ་མེད། ༼༢༥༽ །རླུང་གི་ནད་ལ་དམིགས་པ་གཉིས། །ཆགས་སེམས་སྤང་ལ་ཤེས་པ་

[Full Size]

ཀློད། །མ་རུངས་སེང་ཞོན་མགོ་བྱས་ཀྱིས། །ཕུང་ཁམས་སྐྱེ་མཆེད་ས་འོག་ཁྱེར། །ཕག་ནག་འབུམ་གྱིས་ཟོས་པར་དམིགས། །དབང་པོ་ཤེས་པ་ཀློད་ལ་ཞོག །ཡང་གཅིག་ཕྱི་ཡི་འབྱུང་བ་ལྔ། །ནང་གི་འབྱུང་བ་ལྔ་ལ་བསྡུ། །ཤེས་པ་འོག་སྒོར་ལྟ་སྟངས་མཐུར། །རི་ཁྲོད་འགྲིམས་ན་ཤིན་ཏུ་གཅེས། ༼༢༦༽ །མགོ་བོ་ན་ཞིང་མ་བདེ་ན། །མགོ་བོ་པདྨ་སྟོང་དུ་གས། །ཁ་ཁར་གྱེས་ལ་ཤེས་པ་གཏད། །ཀླད་པ་བྱ་ཁྱུང་གྲངས་མེད་ཀྱིས། །ཟོས་ཤིང་མལ་ཡང་མེད་པར་བསྒོམ། ༼༢༧༽ །མིག་ནད་ལིང་ཏོག་ཅི་བྱུང་ཡང་། །འཇིགས་པའི་སེང་ཞོན་མགོ་མང་གིས། །མིག་གཉིས་བྲུས་ནས་བྱ་ལ་བྱིན། །ཤུལ་དུ་ཕུས་བཏབ་ལྟག་པ་ཡི། །བདུད་སྒོ་བར་དུ་ཧ་རེར་དམིགས། །བེམ་པོ་བྱིན་ནས་སྐྱེ་མེད་སྒོམ། ༼༢༨༽ །ཆམ་པ་ཡ་མས་སྣ་འཚུབས་ན། །སྦྲུལ་ནག་གདུག་པ་གཉིས་ཀྱིས་ནི། །སྣ་བུག་གཉིས་ནས་འཛུལ་བ་ཡིས། །མཚུལ་ཁུང་སྣ་ནད་མ་ལུས་རྣམས། །ཟོས་འཇིབ་རང་སར་ཡལ་བར་བསམ། །སྐྱེ་མེད་ངང་ལ་མ་བཅོས་བཞག ༼༢༩༽ །རྣ་བ་འོན་དང་གཟེར་ལ་སོགས། །འཇིགས་པའི་སེང་ཞོན་རྒྱབ་ནས་བྱུང་། །སྡིགས་མཛུབ་ལྕགས་

[Full Size]

སྲེག་འབར་བ་ཡིས། །རྣ་བ་གཡོན་ནས་བརྒྱབས་པ་ཡིས། །ཕར་ཐར་ཚུལ་ཐར་དྲང་བར་བསམ། །ལུས་པོ་སྦྱིན་ལ་སྤྲོས་མེད་བཞག ༼༣༠༽ །གང་ཞིག་ལྕེ་མཆུ་ན་དང་ལྷུགས། །སྟག་ཞོན་མགོ་མང་མདུན་དུ་བྱུང་། །ལྕེ་ནི་ཤར་མོ་བཅུ་གཅིག་བྱ། །བཅུ་གཅིག་ཁ་རུ་བཅུག་ནས་འཇིབ། །ལུས་སྦྱིན་བྱིན་ནས་སྤྲོས་མེད་བཞག ༼༣༡༽ །སོ་ལ་སྲིན་བུ་བྱུང་བ་ལ། །སེང་ཞོན་མགོ་མང་འཇིགས་པ་ལྔས། །སོ་ལ་ཕྲེང་བ་དོ་ཤལ་བྱས། །ལྷག་མ་ལྷ་འདྲེ་ཡོངས་ལ་བཀྱེ། །ལུས་སྦྱིན་སྟོང་ཉིད་ངང་ལ་བཞག ༼༣༢༽ །གག་པ་ན་ན་འདི་བཞིན་བྱ། །བྱ་ཁྱུང་མེ་ཡི་གཤོག་པ་ཅན། །སྤྱང་ཀི་སྔོན་མོ་ལྕགས་ཀྱི་མགོ །ཕོ་རོག་ནག་པོ་གསེར་མིག་ཅན། །སྦྲུལ་ནག་གདུག་པ་ལྕེ་དུག་ཅན། །དེ་བཞིས་མགོས་བྱས་བསམ་འདས་ཀྱིས། །ནད་དང་ཤ་ཁྲག་བཅས་པ་ཟོས། །ཤུལ་ཡང་མ་ལུས་སྐྱེ་མེད་བསྒོམ། ༼༣༣༽ །མིད་འཆུས་མིད་སྐྱུགས་ན་བ་ལ། །མི་ནག་ཞེ་སྡང་སྦྲུལ་གྱི་མགོ །ཁ་ནས་འཛུལ་ཞིང་ཕོ་བར་སླེབ། །ཕོ་བ་མིད་ཐག་བཅས་པ་ཟོས། །ཐོ་ལུམ་ཕུལ་ནས་ཤུལ་ཡང་བསྲེག །ལྷག་མ་ཁྱུང་གིས་མ་ལུས་ཟོས། །མིད་འཆུས་ཕན་པར་ཐེ་ཚོམ་མེད། །

[Full Size]

༼༣༤༽ །གློ་བ་རྣག་གིས་ཁེངས་པ་ན། །མི་ནག་གྲངས་མེད་སྟག་ཞོན་གྱིས། །ཨོལ་ཁུང་རྣག་ཁྲག་འཇིབ་ནས་འཐུང་། །ཁོ་དགའ་ཡ་ལེ་ཤེས་པ་གཏད། །སྟོད་ཀྱི་གཟེར་མིག་ཕྲོལ་ཚག་དམིགས། །བུ་གར་ནད་རྣམས་སྔོ་དམར་བྱུང་། །ལུད་པ་མཆིལ་མ་གདོན་ལ་བསྔོ། ༼༣༥༽ །མཆིན་པ་ནའམ་རླུང་སྐྱེས་ན། །གནམ་ལྕགས་རྡོ་རྗེ་རྒྱ་གྲམ་གྱིས། །མར་ལ་ལྕགས་སྲེག་རྒྱབ་པ་བཞིན། །མཆིན་པའི་དཀྱིལ་དུ་བསྐོར་བ་ཡིས། །མེར་གྱིས་ཞུ་ནས་ཁྲག་ཏུ་གྱུར། །མཁའ་ལ་སེང་ཞོན་སྟག་ཞོན་གྱིས། །ཟངས་གྱི་སྦུ་གུས་བརྒྱུད་ནས་འཇིབ་། །རེས་འགའ་ཁྱི་ནག་འབུམ་གྱིས་ཟོས། ༼༣༦༽ །སྐྲུན་ལ་མི་ནག་མགོ་མང་གིས། །ཐོ་ལུམ་འབར་བས་བརྒྱབས་ནས་བཞུས། །སེང་ཞོན་མི་ཁྱིའི་ཟ་འཐུང་དང་། །ཁྱུང་དང་སྦྲུལ་ལ་ཟ་རེས་བབས། ༼༣༧༽ །སྙིང་ནད་སྙིང་རླུང་སྙིང་འདྲེ་ཞུགས། །སྨྱོ་འདར་ཤེས་པར་དྲན་སྟོར་ན། །སྙིང་ནི་ཚོན་སྐུད་སྣ་ལྔས་དཀྲིས། །སེམས་ནི་མར་མེ་ལྟ་བུར་བསམ། །དེ་ལ་མ་ཡེངས་ཤེས་པ་གཏད། །ཡང་གཅིག་འཇའ་ཚོན་སྣ་ལྔའི་གུར། །དེ་ནང་མ་གཅིག་མཚོན་གང་བསྐྱེད། །མ་གཅིག་ཐུགས་ཀར་གསེར་གྱི་ནི། །རྡོ་རྗེ་ལངས་ནས་

[Full Size]

ཡོད་པ་ལ། །རིག་པ་གཏད་ལ་སྙིང་རྗེ་བསྐྱེད། །སྙིང་ནད་འཇོམས་པར་ཐེ་ཚོམ་མེད། ༼༣༨༽ །ཕོ་ནད་ཟས་མི་འཇུ་བ་ལ། །མི་ནག་མགོ་མང་འཇིགས་པ་ཡིས། །ཕོ་བ་རུལ་ནས་འཇིབ་པར་བྱེད། །བར་བར་ཤ་སྦྲང་ཕོ་བ་ཁེངས། །ཕོ་བའི་ནད་ཀུན་ཟོས་པར་དམིགས། །རླུང་གཉིས་བཟུང་ལ་སྐྱེ་མེད་བསྒོམ། ༼༣༩༽ །མཚེར་ནད་དམིགས་པ་འདི་བཞིན་ནོ། །མཚེར་པར་ལྕགས་ཀྱི་འཁོར་ལོ་བསྐོར། །ཞུགས་ནས་དོམ་ཞོན་སྦུ་གུས་འཇིབ། །དེ་ཡང་མང་བྱས་རྟོག་མེད་གཅེས། ༼༤༠༽ །རྒྱུ་མ་ཁྲག་བཤལ་བཟོད་མེད་ལ། །རང་ཉིད་སྤྲོས་བྲལ་ངང་ལ་བཞག །མདུན་དུ་ཁྱི་ནག་ཕོ་རོག་གིས། །རྒྱུ་མ་ཕར་འཐེན་ཚུར་འཐེན་བྱེད། །རྩི་ཤིང་བྲག་ཟེར་དག་ལ་བསྒྲེས། །རླུང་གཉིས་ཁ་སྦྱོར་མཆོང་འཁྲབ་བྱེད། །ནད་ཞི་སྐྱེ་མེད་གདེང་དང་ལྡན། ༼༤༡༽ །ལོང་སྲིན་ལོང་དུག་ན་བ་ལ། །ལྕགས་སྲེག་འཁོར་ལོ་རྩིབས་བརྒྱད་པ། །རྣོ་བའི་ངར་ལྡན་ལོང་ཕུག་འཁོར། །ནད་དང་ལོང་ཀ་བཅས་པ་བཞུས། །ལྕགས་སྤྱང་འབུམ་གྱིས་འཐུང་ནས་དགྱེས། ༼༤༢༽ །མཁལ་ནད་མཁལ་རྩེ་གྲང་མཁལ་ལ། །བྱ་ཁྱུང་མེ་ཡི་གཤོག་པ་ཅན། །མཁལ་མ་ཚིལ་དང་བཅས་པ་

[Full Size]

ཟོས། །གཤོག་པ་བརྡབས་པས་བཤུལ་ཡང་མེད། །རྩ་རྒྱུས་ནང་དུ་མི་དམིགས་གཏད། །དེས་ནི་ཞི་བར་ཐེ་ཚོམ་མེད། ༼༤༣༽ །ལྷོང་དང་རྡེལ་ནད་རླིག་རླག་ལ། །སེང་ཞོན་འཇིགས་པའི་མི་ནག་གིས། །འབྲས་བུ་གཉིས་ཕྱུང་ཁྱི་ལ་བྱིན། །ཤུལ་དུ་ལྕགས་སྒོང་གཉིས་བཙུག་ནས། །ཁོག་སྨད་ལྕགས་སྲེག་དམར་རྔམ་རྔམ། །ཤེས་གཏད་རླུང་བཟུང་ཐེ་ཚོམ་མེད། ༼༤༤༽ །རྩ་ཆུ་འགག་པའི་ནད་བྱུང་ན། །འདུས་མདོར་ཁྱུང་ལྔའི་མཁར་ལྔ་བརྩེགས། །བ་གམ་ནོར་བུའི་བརྒྱན་པ་གཅེས། །རྟེན་དུ་བཞུགས་པར་གསོལ་བ་འདེབས། །དེ་ཡིས་སང་བར་ཐེ་ཚོམ་མེད། ༼༤༥༽ །བསེན་མོས་ཐིག་ལེ་འཕྲོག་པ་ལ། །ནོར་བུས་འཇིག་རྟེན་གང་བར་བསམ། །བསེན་མོ་ནོར་བུའི་རྩེ་ལ་བསྐྱོན། །ནོར་བུ་ལང་བོའི་རྩེ་ལ་ཁྱེར། །ནམ་མཁའི་དབྱིངས་ནས་བཞོན་མཛེས་ཏེ། །རྒྱ་མཚོའི་སྟེང་དུ་འཕངས་ནས་བཏང་། །ཆུ་ཡི་ངོགས་སུ་དངོས་མེད་སོང་། །ཡང་གཅིག་གོང་གི་མཛེས་མར་བསྐྱེད། །གཏན་དུ་མཛའ་རོགས་བྱེད་པར་བསམ། །ལྷན་ཅིག་ཉལ་ནས་ལུས་སྦྱིན་བྱ། །ཡིད་ལ་ཆགས་ནས་སྐྱེ་མེད་བསྒོམ། །བར་བར་རྡོ་རྗེའི་དམིགས་པ་བྱ། །དེས་མི་

[Full Size]

འཕྲོག་པའི་ཉམས་མྱོང་ཡོད། ༼༤༦༽ །གཞང་འབྲུམ་གཉའ་མར་ཟ་ཞིང་ཁོལ། །རྐུབ་ནང་གཉའ་དམར་སྲིན་བུ་ནི། །སེར་པོ་མགོ་མང་གྲངས་མེད་འཕྲོས། །གཉའ་མ་སྲིན་བུ་བཅས་པ་རྣམས། །ཁྱུང་གིས་བྲུས་པར་ཡང་ཡང་དམིགས། ༼༤༧༽ །རྐང་ལག་ལྷུ་ཚིགས་ན་བ་ལ། །སྦྲུལ་ནག་འདོམ་དགུ་པ་གཅིག་གིས། །གར་ནའི་རྐང་ལག་བཅིངས་བར་བསམ། །བར་བར་ལུས་སྦྱིན་དམིགས་པ་བསྒོམ། ༼༤༨༽ །རྐང་དང་ཆུ་རྒྱུས་ཁོལ་བོ་ལ། །འཇིགས་པ་མགོ་དམང་ལྷུ་རགས་ཀྱིས། །གནམ་ལྕགས་སྟ་རེ་བརྒྱབས་ནས་གཏུབས། །རྐང་མར་རུས་དང་བཅས་པ་རྣམས། །སྣང་སྲིད་ལྷ་འདྲེ་ཡོངས་ལ་བཀྱེ། །རྗེས་མེད་སྤྲོས་བྲལ་ངང་ལ་བཞག །ཡང་གཅིག་རྐང་ལག་ཞ་ནད་གཞུག་གཅོད་ནི། །དམིགས་པ་སྦྲུལ་གྱི་གདམས་པ་སྟེ། །བྱ་ཁྱུང་དམར་ནག་དཔག་མེད་ཀྱིས། །སྦྲུལ་ནག་རྐང་ལག་ལྷན་ཅིག་ཟོས། །ལྷག་མ་མ་ལུས་སྒྱུ་ལ་སྦྱོངས། ༼༤༩༽ །གང་ཞིག་མོ་ནད་ན་བ་ལ། །བུ་སྣོད་ནང་དུ་ཟླ་བ་བསམ། །ཟླ་བ་ཞུ་ནས་བདུད་རྩིར་གྱུར། །རྩེ་དབུས་འགྲིམས་ནས་ལུས་ཀུན་གང་། །སྦྱིན་པ་ལུས་མཆོད་ཡང་ཡང་བྱ། ༼༥༠༽ །གཞུང་པར་ཆུ་སེར་

[Full Size]

ཞུགས་པ་ལ། །ཧཱི༔ལས་ནང་དུ་ཉི་མ་འབུམ། །ཆུ་སེར་ཉི་མའི་འོད་ལ་ཐིམ། །ལུས་སྦྱིན་སྐྱེ་མེད་ངང་ལ་བཞག ༼༥༡༽ །སྲོག་རླུང་སྲོག་རྩ་འཆུས་པ་ལ། །དྲེད་ཞོན་ལག་རིང་བྱུང་ནས་སུ། །བཤང་ལམ་དག་ཏུ་ལག་པ་བརྐྱང་། །སྲོག་རྩ་ཐེན་ནས་ས་འོག་ཁྱེར། །གསེར་གྱི་ས་གཞི་སྟེང་དུ་ཟོས། །ས་འོག་ལྷ་འདྲེ་སྣ་དྲངས་གཡོས། །ལུས་ཀུན་ཟོས་ནས་ས་འོག་སོང་། །སྲོག་རླུང་འཇོམས་པར་ཐེ་ཚོམ་མེད། ༼༥༢༽ །མཁྲིས་ནད་མཁྲིས་པ་མིག་སེར་ལ། །མི་ནག་བྱ་མགོ་ལྕགས་མཆུ་ཅན། །མཆིན་ཁར་བཏབ་པས་མཆིན་མཁྲི་འཇིབ། །ལྷག་མ་བྱ་ནག་འབུམ་གྱིས་ཟོས། །སྐྱེ་མེད་བསྒོམ་པ་མན་ངག་ཡིན། ༼༥༣༽ །བད་ཀན་སྤྱི་ཁྱབ་ན་བ་ལ། །ཨ་དཀར་དག་གིས་ལུས་ཀུན་ཁེང་། །ལུས་སྦྱིན་དཀར་ཚོགས་མཆོག་ཏུ་ཤེས། ༼༥༤༽ །མཛེ་ཕོ་སོགས་ལ་འདི་ལྟར་རོ། །ལུས་གདོན་གཙོར་བྱས་སེམས་ཅན་རྣམས། །སྙིང་རྗེ་ལུས་སྦྱིན་གྲངས་མེད་བྱས། །དེ་ནས་རང་ལུས་མགོ་མཇུག་ནས། །སྦྲུལ་ནག་ལྕགས་ཀྱི་ཟེ་བ་ཅན། །གཡས་གཡོན་སྦྲུལ་གཉིས་སྔོ་སེར་གཉིས། །མདུན་རྒྱབ་སྦལ་པ་དཀར་ནག་གཉིས། །བྱ་ཁྱུང་བསམ་གྱིས་མི་ཁྱབ་

[Full Size]

དང་། །གཅན་གཟན་དཔག་མེད་འདུས་ནས་སུ། །རེས་མོས་བྱས་ནས་ཟོས་པར་བསམ། །སློབ་དཔོན་ཏིང་འཛིན་ལྡན་པ་ཡིས། །ནད་པའི་སེམས་དང་རང་སེམས་གཉིས། ། དབྱེར་མེད་ཆོས་ཀྱི་དབྱིངས་སུ་སྦ། ༼༥༽ །རྗེས་གཅོད་དམིགས་པ་འདི་བཞིན་བྱ། །ཁྱུང་དམར་མེ་ཡི་གཤོག་པ་ཅན། །གྲངས་མེད་དགུ་ལ་དྲག་པོའི་སྦྱིན། །ནད་ཀྱི་རིགས་དང་མགྲོན་རིགས་རྣམས། །ཁ་དོག་བསྒྱུར་བ་ཤིན་ཏུ་གཅེས། ༼༥༦༽ །རྨ་ཤུ་རྨ་རོ་བེམ་པོ་ལ། །ཀླུ་ཚང་དམིགས་ལ་སྙིང་རྗེ་བྷེ། ༼༥༧༽ །རྒྱལ་འགོང་སྙིགས་མའི་དུས་འདིར་དར། །དེ་གཅོད་མན་ངག་ཤིན་ཏུ་གཅེས། །བཙུན་ཆེན་མི་རིང་དགུ་འབུམ་དང་། །ཤན་པ་སྤུ་གྲི་ཐོགས་པ་འབུམ། །གཅན་གཟན་སྟག་གཟིག་བསམ་ལས་འདས། །ལུས་སྦྱིན་སྙིང་རྗེ་དྲག་པོ་སྐྱེས། །རང་སར་ཡལ་ནས་སྐྱེ་མེད་བྷོ། ༼༥༨༽ །དམུ་བདུད་བཙན་གྱི་ནད་བྱུང་ན། །གྲི་ཐོགས་ཤན་པ་གྲངས་མེད་དང་། གཡག་ནག་རྭ་ལ་མེ་སྟག་འཕྲོ། ། བརྡུང་ཞིང་ཤ་རུས་ཕྱེ་མར་བཏང་། །མི་ནག་གྲི་ཐོགས་འབུམ་ཕྲག་དང་། །རྟ་དམར་ཞོན་པ་འབུམ་ཕྲག་གིས། །ཟོས་ནས་ཤུལ་ཡང་མེད་པར་དམིགས། ༼༥༩༽ །གཉན་དང་ས་

[Full Size]

བདག་ནད་ལ་ནི། །གླང་དམར་མེ་སྟག་འཕྲོ་བ་གཅིག །སྦལ་པ་ཁྲ་མོ་སྟོབས་ཆེན་གསུམ། །སྦྲུལ་ནག་གདུག་པའི་ལྕེ་དུག་ཅན། །གླང་དམར་རྭ་ཡིས་བརྡུངས་ནས་སུ། །སྦལ་སྦྲུལ་བཞི་པོའི་མགོ་བྱས་རྣམས། །སྣང་སྲིད་ལྷ་འདྲེས་ཟོས་པར་བསྒོམ། །སྙིང་རྗེ་དཔག་མེད་སྐྱེ་མེད་བསྒོམ། ༼༦༽ །དྲང་སྲོང་ནད་ཀྱིས་ཟིན་པ་ལ། །གཟའ་བདུད་ནག་མོ་མགོ་དགུ་པ། །ཉི་མ་ཟླ་བ་གཟའ་ཆེན་བརྒྱད། །རྒྱུ་སྐར་ཉི་ཤུ་རྩ་བརྒྱད་དང་། །གདོང་མོ་མཆེད་བརྒྱད་ལ་སོགས་དང་། །སྡོང་ཟླ་ལྷ་སྲིན་སྡེ་བརྒྱད་ལ། །ལུས་པོ་གཏུབས་ནས་ཡང་ཡང་སྦྱིན། །སྐྱེ་མེད་སྤྲོས་བྲལ་ངང་ལ་བཞག ༼༦༡༽ །ལྷོག་རྒོད་བྱུང་ན་འདི་ལྟར་བྱ། །རང་ལུས་ལྕགས་ཀྱི་རྡོ་རྗེར་བསམ། །ལྷ་འདྲེ་རང་དང་དབྱེར་མེད་བསྒོམ། །འོ་དོད་བོས་ཤིང་དྲག་པོས་བཏུལ། ༼༦༢༽ །འབྲུམ་པ་བྱུང་ན་ལུས་སྦྱིན་བྱ། །རྩེ་མོ་བཏོག་ནས་ཁ་རུ་བཅུག །ཁ་ཟས་མི་འཛེམ་ཆུ་རུ་ཉལ། །རྟོག་མེད་ངང་ལ་ཉམ་ངང་མེད། །ད་ནི་གཅོད་ལོག་བཅོས་ཐབས་ནི། །བླ་མའི་སྙན་བརྒྱུད་མ་མཐོང་བར། །སྤྱོད་པ་རྩིང་ཞིང་དྲག་ལས་བྱེད། །ཉམས་ལེན་དོར་ནས་ཡིག་ནག་འཛིན། །སྤྱི་གཅོད་ཐོ་ཅོ་

[Full Size]

ཤན་པ་འདྲ། །དམ་ཚིག་མི་བསྲུང་འཆོལ་བར་སྤྱོད། །ཆོ་འཕྲུལ་བྱུང་ན་ཉམ་ང་བྱེད། །སྨྱོ་དང་ན་ཚ་ཤེས་པ་འདར། །དེ་སོགས་མི་འདོད་དཔག་མེད་འབྱུང་། །དེ་ནས་ལོག་པར་བྱ་བ་མིན། །གཞན་ཡང་ལོག་པ་འདི་ལྟར་རོ། །སངས་རྒྱས་བསྒྲུབ་པར་མ་ཤེས་ན། །མཐུ་རྩལ་གཏམ་སྙན་ཁེ་དྲག་བསྒྲུབ། །འདྲེ་ནད་གཉིས་ལ་ཕན་འདོད་ན། ། །དེ་ནི་ལོག་པ་ཆེན་པོ་ཡིན། ༼༦༣༽ །མི་ལྡོག་སྒོ་གཏན་ལྟ་བུ་ནི། །སྔར་གྱིས་གཉན་སར་ལོག་ནས་འགྲོ། །བློ་ཡི་ཆོས་ལ་ནན་ཏན་བསྐྱེད། །ལྷ་འདྲེའི་ཆོ་འཕྲུལཾ་སེམས་སུ་བཅད། །སྐྱེ་མེད་ངང་ལ་མ་བཅོས་བཞག ༼༦༤༽ །གཞན་ཡང་མཐའ་གཏད་དམིགས་པ་ནི། །རིག་པ་ཕུད་ལ་ཌཱ་ཀིར་བསྐྱེད། །ཕཊཿབརྗོད་ཌཱ་ཀི་ཐུགས་ཀ་ནས། །མཁའ་འགྲོ་དམར་མོ་གཡས་ཐོ་བ། །གཡོན་པས་ལྕགས་ཀྱུ་བཟུང་བ་དང་། །གྲངས་མེད་འཕྲོས་པས་སྡེ་བརྒྱད་རྣམས། །ལྕགས་ཀྱུས་བཟུང་ནས་ཐོ་བས་བཅོམ། །བུག་པ་སྒོ་དགུ་ཧ་རེ་བ། །ཚུད་ནས་རྃ་དམར་རེ་རེས་བཅད། །ནད་པའི་ལུས་དང་འདྲེས་པར་བསམ། །རྩ་རྣམས་རཾ་གྱི་ཕྲེང་བར་བསམ། །འོག་སྒོ་གཉིས་ནས་རཾ་གཉིས་དང་། །མཐེ་བོང་གཉིས་ནས་ཡཾ་གཉིས་

[Full Size]

བསྒོམ། །ཡཾ་རཾ་བརྗོད་པས་ཌཱ་ཀི་མས། །ཐུགས་ཀའི་ཡཾ་རཾ་ཟུང་གཅིག་འཕྲོས། །དེ་ལ་ཕོག་པས་ཡཾ་རཾ་གཉིས། །མེ་རླུང་སྦྱོར་བས་ཐལ་བར་བཏང་། །ཐུན་ཏིང་ཌཱ་ཀིའི་ཐུགས་ཀ་ནས། །ཡཾ་བྱུང་རླུང་གིས་གཏོར་ནས་སུ། །ཐཾ་བྱུང་ཆུས་བཀྲུས་སྐྱེ་མེད་བསྒོམ། །སྲོག་ལ་ཐུག་ན་མིན་པ་མི་བྱའོ། ༼༦༥༽ །བྲག་དམར་སློང་བའི་དམིགས་པ་ནི། །རང་གི་རིག་པའི་ངོ་བོ་ནི། །གསེར་གྱི་རྡོ་རྗེ་རྒྱ་གྲམ་གྱིས། །བྲག་རི་རྨིང་ནས་བཤིག་པར་བསམ། །གནས་པའི་ལྷ་འདྲེ་མ་ལུས་ཀུན། །རང་དབང་མེད་པར་ཞབས་སུ་བཅུག །བཀའ་ཉན་གསུང་སྡོད་བྱེད་པར་བསམ། ༼༦༦༽ །རི་བོ་ཆེན་པོ་མ་སློང་ན། །སེངྒེ་སྟོབས་ཆེན་འགྱིང་བ་ཡི། །རི་རྒྱལ་རྩེ་ནས་རྨིང་དུ་བཤིགས། །གནས་པའི་འོག་ཏུ་ལྷ་འདྲེ་བསྡུ། །བཀའ་ཉན་གསུང་སྡོད་བྱེད་པར་བསམ། །སྙིང་རྗེ་ལུས་སྦྱིན་ཀུན་ལ་འདྲེས། ༼༦༧༽ །མཚོ་མོ་མ་བསླང་དམིགས་པ་ནི། །རིག་པ་ཁྲོས་པས་བྱ་ཁྱུང་གྱུར། །གཤོག་པ་སེར་པོ་མེ་རུ་འབར། །མཚོ་ལ་ཧུབ་བཏབ་གྲམ་པར་སོང་། །གནས་པ་ཆུ་སྲིན་དབང་དུ་འདུས། །སྙིང་རྗེ་ཆེན་པོའི་ལུས་སྦྱིན་བྱ། ༼༦༨༽ །ཤིང་གཅིག་གཉེན་པོ་མ་སློང་ན། །

[Full Size]

རིག་པ་རྒྱ་སྟ་ངར་མར་གྱུར། །ཤིང་སྡོང་ཤིང་ཕུང་རྩད་ནས་བཅད། །ལྷ་འདྲེ་ཞབས་སུ་ཚུད་པར་བསམ། །བཀའ་ཉན་གསུང་སྡོད་བྱེད་པར་བསམ། ༼༦༩༽ །ཤིང་ནག་འཐུག་པོར་འདུག་པའི་དུས། །རིག་པ་རྒྱ་སཱུ་ངར་མ་ཡིས། །ཕྲ་གཅོད་སྦོམ་གཅོད་ཤུལ་ཡང་མེད། །གནས་པའི་ལྷ་འདྲེ་འོག་ཏུ་བསྡུས། །སྙིང་རྗེ་དྲག་པོའི་ལུས་སྦྱིན་བྱ། ༼༧༠༽ །ཆུ་མིག་མ་སློང་མཐའ་གཏད་ནི། །རིག་པ་རྗེ་བཙུན་དམར་མོ་ཡིས། །ཆུ་མིག་དཀྲུགས་ནས་ཧུབ་ཀྱིས་འདེབས། །ཡུལ་མི་གཅིག་པར་སྤྲོ་བར་བསམ། །ཤུལ་མེད་གྲམ་པ་སྐམ་པོར་བསམ། །ཀླུ་ཆེན་འོག་བསྡུས་ཆོས་ཉན་བསྐྱེད། ༼༧༡༽ །ས་ཕུག་གད་ཕུག་དག་ཏུ་ནི། །རིག་པ་ཐུ་ལུམ་འབར་བ་ཡིས། །རྨིང་ནས་བཤིག་པས་འདུས་པར་བསམ། །སྙིང་རྗེ་དྲག་པོའི་ལུས་སྦྱིན་བྱ། ༼༧༢༽ །ལམ་སྲུང་བྲག་སྲང་རྒྱ་གྲམ་བཏང་། །གོང་བུ་དམར་སྟོང་དག་དང་ནི། །རིག་པ་རྡོ་རྗེ་བྲག་རི་གྱུར། །ཁྲག་སྲང་རྒྱུ་ལམ་ཐམས་ཅད་བཅད། ། གནས་པའི་ལྷ་འདྲེ་དབང་དུ་བསྡུས། ༼༧༣༽ །ལུང་གསུམ་མདོ་རུ་འདུག་པའི་དུས། །རིག་པ་ཁྲོ་བོ་སྟོབས་ཆེན་གྱུར། །སྤྲུལ་པ་རྫུ་འཕྲུལ་དཔག་མེད་ཀྱིས། །རི་རྒྱལ་རྩེ་མོ་མན་

[Full Size]

ཆད་དང་། །གནམ་ས་རི་བྲག་ཐམས་ཅད་ཀྱི། །སྡེ་བརྒྱད་ཐམས་ཅད་དབང་དུ་གྱུར། །བཀའ་ཉན་གསུང་སྡོད་བྱེད་པར་བསམ། ༼༧༤༽ །དུར་ཁྲོད་ཆེན་པོའི་དམིགས་པ་ནི། །རིག་པ་རྡོ་རྗེ་རྩེ་དགུ་ཡིས། །ཕར་ཐལ་ཚུར་ཐལ་ཐར་བར་བཏང་། །རྡུལ་དུ་སོང་ནས་ལྷ་འདྲེ་རྣམས། །རང་གི་འོག་ཏུ་འདུས་པར་བསམ། ༼༧༥ ༧༦༽ །སྟེང་གདོན་འོག་གདོན་མཐའ་གཏད་ནི། །ནད་པའི་སྐེ་ལ་ཡུགས་ས་ཡི། །སྐྲ་ཤད་ཐོག་ནག་བརྒྱབ་པར་དམིགས། །ཆུ་དང་མཚོ་ཡི་དཀྱིལ་དུ་ནི། །ཀླུ་རྒྱལ་རྣམས་ལ་སྣེ་མོ་གཏད། །གདུག་པ་ཀླུ་དང་ཕྲལ་བར་བྱ། །རིག་པ་བེམ་པོའི་པགས་པ་བཤུས། །མཚོ་རུ་བཏིང་བས་ལྕགས་སྲེག་གི །ས་གཞིར་གྱུར་པའི་སྟེང་དུ་ནི། །ཤ་ཁྲག་རུས་གསུམ་མ་ལུས་བླུག ། གཟའ་ཀླུ་ས་བདག་སྟེང་དུ་བསོ། །ཐམས་ཅད་ཕུལ་བས་ཚིམ་པར་བསམ། །བྲག་ཤིང་ལྷ་ཁང་ཕ་བོང་རྣམས། །ཐག་ཞགས་དམིགས་པ་སྔར་དང་འདྲ། །སྦྲེལ་ནས་གཏན་དུ་སྐྱེ་མེད་གཅེས། ༼༧༧༽ །དྲག་པོ་མགོ་ཟླུམ་དམིགས་པ་ནི། །པགས་པ་ལྕགས་སྲེག་འུབ་ཀྱིས་བསྡུས། །རྒྱུ་མ་སྦྲུལ་གྱི་ཆུན་པོས་བརྡལ། །ནང་དུ་ཐུ་ལུམ་འབར་བ་ཡིས། །ཤ་ཁྲག་

[Full Size]

བཙོ་བཀོལ་བྱས་པར་དམིགས། །རྗེས་ནི་དམིགས་མེད་ངང་ལ་བཞག ༼༧༨༽ །གཅོང་ལོག་སྣ་ཁྲག་མ་ཆོད་ན། །སྣ་ཁྲག་བྱུང་ཚད་གཏོར་མར་བསྔོ། །ལུས་དང་བཅས་པ་སྦྱིན་པར་བྱ། །རྒྱབ་ལག་བྱས་ལ་མཆོང་འཁྲབ་བྱ། ། །མཐའ་གཏད་གོང་གི་དྲག་པོ་བྱ། ༼༧༩༽ །གཉན་སར་ཕོ་ལྷོག་བྱུང་བ་ཡི། །ལོག་པའི་རྟགས་ཡིན་ཆུ་རུ་བཀྲུ། །ཁྲུས་ཆུ་རི་བྲག་ཤིང་ལ་གཏོར། ༼༢༠༽ །གློ་བུར་ཆུ་ཐོར་བྱུང་བ་ན། །ལོག་པའི་རྟགས་ཡིན་དེ་ཡི་གྲངས། །རྡེའུ་ཆུ་མིག་ནང་དུ་བཀུར། ༼༨༡༽ །ཡང་གཅིག་གློ་བུར་གཟེར་ནད་བྱུང་། །མལ་འོག་རྡོ་བླང་གཟེར་སར་སླན། །མ་ཞི་མཐའ་གཏད་དམིགས་པ་བྱ། ༼༨༢༽ །གློ་བུར་སྐྲུན་དང་ཆུ་འགག་ནི། །ཐུ་ལུམ་འབར་བས་ལུས་པོ་ཀུན། །ཟངས་ཐལ་ཕུག་ནས་ཟག་པར་བསམ། །ལྷག་མ་བྱིན་དང་སྐྱེ་མེད་གཅེས། །༼༨༣༽ །གློ་བུར་མེ་དབལ་ཚད་པ་ལ། །སྙིང་ནང་འཁྱག་པ་མཐེ་བོང་ཙམ། །ཇེ་ཆེར་སོང་བས་མགོ་ལུས་ཁེངས། ། འཁྱག་པར་དམིགས་ལ་ཧ་རིང་བཏོན། ༼༨༤༽ །གློ་བུར་གྲང་བའི་ནད་བྱུང་ན། །དྲུག་མདོར་མེ་ལྕེ་རྣོན་པོར་བསྒོམ། །ཆེ་རུ་འབར་བས་བྱང་ཁོག་གང་། །མགར་གྱི་ཚྭ་ཚྭ་འཕྲོ་

[Full Size]

བར་བསམ། །དེ་གཉིས་མཐའ་གཏད་གོ་ལྡོག་བྱ། ༼༨༥༽ །ཁོལ་བུའི་ནད་ལ་བུག་པར་དམིགས། །ཨོཾ་ཨཱཿཧཱུྃ་གསུམ་ཟངས་ཐལ་དུ། །ཕར་འགྲོ་ཚུར་འགྲོ་ཤེས་པ་གཏད། །ལུས་སྦྱིན་སྐྱེ་མེད་ངང་ལ་བཞག ༼༢༦༽ །སྐྱུགས་ནས་ཟས་མི་ལེན་པ་ལ། །མིད་ནང་ཤ་ཡིས་བཅད་པར་བསམ། །ཕོ་བ་ཤ་སྦྲང་རྣམས་ཀྱིས་ཟོས། །ལུས་སྦྱིན་བྱས་ལ་ནད་ལ་བལྟ། ༼༨༧༽ །བཤལ་རྗེས་མ་ཆོད་ལོག་ནོན་ནི། །རྒྱུ་ཞབས་རྒྱུ་མ་བཅིང་བར་བསམ། །དེ་རྣམས་མཐའ་གཏད་ལོག་གནོན་བྱ། ༼༨༨༽ །གདོན་ཆེན་དག་ལ་བྱིན་རླབས་ན། །བླ་མར་མོས་གུས་ཡི་དམ་བསྒོམ། །སོར་མོ་གཅན་གཟན་ལྔ་རུ་བསྒོམ། །མགོར་བཞག་ནད་པའི་ལུས་ཟོས་ནས། །སེམས་ནི་རང་སེམས་དག་ལ་བསྟིམ། །བྱིས་པ་བུད་མེད་དུད་འགྲོ་རྣམས། །དམིགས་པ་རང་གི་བེམ་རིག་བྲལ། །ཤ་ཁྲག་ལྷ་འདྲེ་ཡོངས་ལ་བཀྱེ། །གཅན་གཟན་མང་པོས་གཅོད་པར་བསྒོམ། །གནད་ཀྱི་དམིགས་པ་ཞལ་ལས་ཤེས། ༼༨༩༽ །རྒྱལ་པོའི་མགོ་བསྐོར་བྱུང་བ་ན། །རིག་པ་རྗེ་བཙུན་དམར་མོར་བསྐྱེད། །ཐོད་པ་གྲི་གུག་དག་གིས་གཏུབ། །གདོན་དང་ལུས་པོ་བཅས་པ་དེ། །ཆད་ཆད་

[Full Size]

བཅད་ནས་ཐོད་པར་བླུག །རྨི་ལམ་གང་བྱུང་ཐོད་པར་སྦྱར། །བྱིན་རླབས་སྔར་བཞིན་གསོལ་བར་བསྒོམ། ༼༩༠༽ །ས་བདག་མགོ་བསྐོར་བྱུང་བ་ན། །རིག་པ་ཌཀྐི་གོང་དང་འདྲ། །བེམ་པོ་གྲི་གུག་དག་གིས་བཤས། །ཤ་རུས་གཏུབས་ནས་གཏོར་བ་འདི། །གཉན་ས་ཤ་ཁྲག་རུས་ལྤགས་ཀྱི། །གཏིབས་ནས་འགུལ་སྤྱོད་མེད་པར་བསམ། །བདུན་ལས་མང་བར་མི་རུང་ངོ་། ༼༩༡༽ །བཙན་གྱི་མགོ་བསྐོར་བྱུང་བ་ན། །བེམ་རིག་མི་ཕྲལ་ལིང་དཀྱུར་བྱ། །ཁ་དོག་འདོད་པས་ཚིམས་པར་བསམ། །གྲངས་མང་བྱས་པས་མྱུར་དུ་ཆོད། ༼༩༢༽ །མཛེ་ལོག་ཤི་ལ་ཐུག་པ་ན། །སྦལ་སྦྲུལ་གཉིས་དང་ཉ་ལྕོང་གཉིས། །སྡིག་སྡོམ་གཉིས་དང་དྲུག་པོ་ནི། །གཡས་གཉིས་ཡན་ལག་གཞོགས་རྣམས་ཟོས། །མདུན་རྒྱབ་སྡིག་པ་དཀར་ནག་གཉིས། །སྦྲུལ་ནག་མགོ་དགུ་པ་གཅིག་གིས། །མགོ་ནས་ཟོས་ཤིང་རྟིང་པར་ཐུག །ལུས་ནི་གྲ་བའི་ཚུལ་དུ་བཏང་། །འཕྲོ་མ་ཟ་མཁན་བཅས་པ་རྣམས། །མེ་ཡི་བྱ་ཁྱུང་བསམ་འདས་ཀྱིས། །ཟོས་ཤིང་ཤུལ་ཡང་མེད་པར་བསྒོམ། །མཛེ་ནད་ལ་སོགས་མི་སྲིད་དོ། ༼༩༣༽ །འབྲས་དང་གཟའ་ལྷོག་དམིགས་པ་ནི། །ན་

[Full Size]

སར་རྡོ་རྗེ་རྒྱ་གྲམ་བསྒོམ། །རྒྱ་གྲམ་དཀྱིལ་དུ་སྦུ་གུ་དོད། །ཁྲག་རུལ་ཆུ་སེར་རྣག་ཁྲག་རྣམས། །འགུལ་སྤྱོད་བྱས་པས་བབ་པར་བསྒོམ། །རྡོ་རྗེ་རྣོན་པོ་འཁོར་བར་དམིགས། །ལུས་སྦྱིན་བྱས་ཤིང་སྐྱེ་མེད་བསྒོམ། ༼༩༤༽ །མགོ་ནད་མི་འགོའི་དམིགས་པ་ནི། །རྟོག་པ་མི་བྱ་གཉིས་མེད་དུ། །ནད་དྲིས་ཁ་རླངས་རྡུབ་ནས་སུ། །དབུ་མར་ཐིམ་ཞིང་ཁེངས་ནས་ཀྱང་། །ལུས་དང་བཅས་པ་ཡལ་བར་བསམ། །རྟོག་པ་མི་བྱེད་མཆན་དུ་ཉལ། །ན་ཡུལ་ན་མཁན་ངོ་བོ་གསུམ། །སྟོང་པའི་ངང་ལ་ཕྱལ་གྱིས་བཞག ༼༥༽ །གལ་ཏེ་རྗེས་གཅོད་བྱུང་བ་ན། །རྗེས་ཀྱི་བྲག་དང་རི་དང་ནི། །རིག་པ་གསེར་གྱི་རྡོ་རྗེ་འབུམ། །ཕཊ་ཀྱིས་ཕུད་ནས་རི་བྲག་རྣམས། །ཟངས་ཐལ་དྲྭ་བར་བཏང་བར་དམིགས།ཆུ་མཚོ་རི་བྲག་རྩི་ཤིང་རྣམས། །རྡུལ་དུ་བརླགས་པའི་དམིགས་པ་བྱ། །སྙིང་རྗེའི་ལུས་སྦྱིན་ཤིན་ཏུ་གཅེས། །གསུམ་ལས་མང་བར་མི་རུང་ངོ་། ༩༦༽ །ཁྱི་དང་གཅན་གཟན་དངོས་གདོན་ན། །གཅེས་འཛིན་གློད་ལ་མདུན་དུ་ཉལ། །ཁྱི་སྤྱང་ཕ་མ་དངོས་སུ་བསམ། །བེམ་པོ་སྟོང་པའི་ངང་ལ་བཞག །སྙིང་རྗེ་འཇིགས་ཚུལ་རྟེན་ལ་དབབ། ༼༩༧༽ །མི་

[Full Size]

གཅོད་དམིགས་པ་བསྡུས་པ་ནི། །མདའ་མདུང་མཚོན་ཆའི་ཆར་ཕབ་ཀྱང་། །བེམ་རིག་བྲལ་ལ་སྟོང་པར་སྦྱང་། །མདའ་རྡོ་འོད་གསལ་རང་གི་སེམས། །ཟློག་མཁན་སྟོང་གཟུགས་བདེ་བའི་དབྱིངས། །ཕཊཀྱིས་གཉིས་མེད་རོ་སྙོམས་ངང་། །དེ་ཡིས་ཆོད་པར་ཐེ་ཚོམ་མེད། ༼༩༨༽ །རོ་གཅོད་་་་་་གཅེར་མོ་རོ་ཞོན་ནས། ལྟག་སྤུ་ནས་བཟུང་ཐེན་ནས་འཕང་ལ་བརྡེག །ལག་པ་གཡས་པ་བཀོག་ལ་ལྕགས་སུ་བྱས་ནས་རོ་ལ་བྲབ། རོ་ལང་བྱུང་གིས་དོགས་ན་རོ་ལ་ཁབ་བམ་མཚོན་གྱིས་རྨ་བཅོལ། མཆན། དམིགས་པ་དྲིལ་བ་ནི། །རང་ཉིད་ཁྲོས་མ་རོ་ཡི་ཐོག །ཕར་མཆོངས་ཚུར་མཆོངས་ཕཊ་ཀྱིས་གཡེངས། །དེ་ནི་རོ་འདུལ་དམིགས་པའོ། །དེ་ནས་བཏུམ་ནས་ཉམས་ལེན་སྐྱོངས། །ཕཊཿཀྱིས་རིག་པ་གཏེར་དུ་སྦ། །མི་རོ་རང་རོ་གཅིག་ཏུ་བསྲེས། །ལྷ་འདྲེ་ཡོངས་ལ་ཚིམ་པར་བྱིན། །འཇིགས་ན་རང་གི་རོ་ལ་འཇིགས། །འཇིགས་ཡུལ་འཇིགས་མཁན་རྩད་ནས་གཅོད། །འཁྲུལ་པ་བདེན་མེད་སྒྱུ་མར་བསྒོམ། །སྟོང་ཉིད་རིག་པའི་རྩལ་སྦྱོངས་གཅེས། །མཚོ་དཀྱིལ་དམིགས་པ་གཏད་ལུགས་ནི། ༼༩༩༽ །མཚོ་དཀྱིལ་རྡོ་རྗེ་བྲག་ཆེན་བསྐོར། །སྟེང་དུ་འགྱུར་མེད་ཕོ་བྲང་གདབ། །པུ་ཤུ་འབྲུག་ལ་བ་གམ་

[Full Size]

ཁྱུང་། །ཉི་ཟླའི་འཕེན་ལ་གསེར་ཏོག་འབུམ། །ནང་དུ་སྦྱིན་བདག་གར་མིས་གང་། །ཀླུ་བདུད་ལྷ་འདྲེ་མ་ལུས་བསྡུས། །ཚོགས་འཁོར་སྣང་སྲིད་འགྲོ་ལ་བསྔོ། །གཏན་དུ་བཞུགས་ནས་སྐྱེ་མེད་བསྒོམ། །ཆུ་བོས་ཁྱེར་དང་བྱིང་བ་ན། །རྨི་ལམ་གྱི་ནི་མཚན་ཉིད་བཞིན། །སྟོང་ཉིད་རིག་པའི་མདུང་བསྐོར་བྱ། །རླུང་བཟུང་ཕཊ་ཀྱིས་རིག་པ་ཕུད། །འཁྲུལ་སྣང་སྒྱུ་མ་བདེན་མེད་བསྒོམ། ༼༡༠༠༽ །མེ་ལ་གཅོད་དགོས་བྱུང་བ་ན། །མེ་དང་རང་གཉིས་སྟོང་པར་བསྒོམ། །མེ་ལྕེ་ཚ་ཟེར་ཕོག་པའི་ཚེ། །ཆོས་ཉིད་རང་སྒྲ་སྟོང་པར་བསྲེ། ། །མེ་སྒྲ་གཞོམ་བུན་སྒྲ་རུ་བསྒོམ། །སྙེམ་མེད་སྟོང་པའི་ངང་ལ་བཞག །དེ་ཡིས་ཆོད་པར་ཡིན་ནོ་གསུངས། ༼༡༠༡༽ །གཡང་ལ་ལྷུང་ན་ཕཊ་ཀྱིས་ཕུད། །བེམ་པོ་བལ་གྱི་ཕུང་པོར་བསམ། །གར་བབ་བལ་གྱི་ཐང་དུ་བསམ། །སྙེམ་མེད་སྟོང་པའི་ངང་ལ་བཞག ༼༡༠༢༽ །གནམ་ལྕགས་ཐོག་གི་དམིགས་པ་ནི། །རང་གི་རིག་པའི་ངོ་བོ་དེ། །གསེར་གྱི་རྡོ་རྗེ་རྩེ་དགུ་དམིགས། །ཕཊ་ཀྱིས་ནམ་མཁའི་དབྱིངས་སུ་ཕུད། །ཐོག་དང་ཐོག་མདའ་ཐོག་བྱེད་བཅས། །ཕར་འཛུལ་ཚུར་འཛུལ་དྲ་བར་བཏང་། །རྡོ་རྗེའི་འོད་ལ་མ་

[Full Size]

ལུས་བསྟིམ། །ཡལ་ནས་སྟོང་པའི་ངང་ལ་བཞག །ཡང་གཅིག་རང་ཉིད་ཌཱཀྐིར་བསྐྱེད། །ཕཊ་ཀྱིས་ཐུགས་ཀར་ལྕགས་ཀྱི་ནི། །རྡོ་རྗེ་རྩེ་དགུ་མཁའ་ལ་སོང་། །ཐོག་མཁན་ཐོག་དང་ཐོག་བྱེད་རྣམས། །རྡོ་རྗེའི་འོད་ལ་ཐིམ་ནས་བབས། །གདུག་པའི་ཐོག་བདག་གང་ཡིན་ལ། །ནས་ཕུང་དཀྱིལ་དུ་གྱད་བརྒྱབ་བཞིན། །ཉིལ་གྱིས་སོང་བར་གྲངས་མེད་བསམ། །ཡང་ན་ཐུ་ལུམ་འབར་བ་ཡིས། །རང་རང་གཉན་ས་ལྷན་དུ་བརྡལ། །སྟོང་ཉིད་མ་བཅོས་ངང་ལ་བཞག ༼༡༠༣༽ །ཐོག་སེར་སྦྲགས་མའི་དམིགས་པ་ནི། །འོག་ཏུ་ཉི་མ་ཟླ་བའི་སྟེང་། །ཉི་ཟླ་གའུ་ཁ་སྦྱོར་ནང་། །རང་དང་ཡུལ་གཞིས་འཁོར་བཅས་རྣམས། །ལྷ་འདྲེ་དང་བཅས་གང་བར་དམིགས། །ཟླ་བའི་སྟེང་དུ་མ་གཅིག་དང་། །ཡི་དམ་སངས་རྒྱས་མཁའ་འགྲོའི་ཚོགས། །སྤྲིན་ལྟར་གཏིབས་ནས་ཤེས་པ་ཕུད། །དཀར་ཚོགས་ལུས་སྦྱིན་གོང་དང་འདྲ། །གློག་འབྲུག་ཐོག་འོད་སྟོང་པར་བསྒོམ། །དེས་ནི་འོང་བར་མི་སྲིད་དོ། །ད་ནི་སྤྱི་ཆིང་ཉམས་ལེན་ནི། །སེམས་བྱུང་རྣམ་རྟོག་གང་སྐྱེས་ནི། །སྟོང་ཉིད་ཡོ་ལང་ཆོ་འཕྲུལ་ཡིན། །རང་སེམས་སོ་མ་ཉིད་དུ་ཞོག །རྩ་བྲལ་གཞི་མེད་རང་སར་གྲོལ་

[Full Size]

བར་ངེས། །ཆགས་ཤིང་སྡང་བ་ཉོན་མོངས་གང་བྱུང་ཡང་། །གང་ཤར་ངོ་བོར་བཟུང་ལ་ཕཊ་ཀྱིས་བཅད། །དེ་རང་འཛིན་མེད་མ་བཅོས་པ་ལ་བཞག །མ་ཡེངས་ཀློད་པས་རང་སར་དག་པར་ངེས། །མ་རུངས་ལྷ་འདྲེའི་ཆོ་འཕྲུལ་ཅི་བྱུང་ཡང་། །རང་སེམས་འཁྲུལ་པའི་སྣང་བ་བདེན་མེད་ཡིན། །བདེན་འཛིན་ཐོངས་ལ་ལུས་པོ་ལྟོས་མེད་སྦྱིན། འཇིགས་དང་ཡ་ང་བག་ཚ་བྲལ་བར་ངེས། །ན་ཚ་ཟུག་ཟེར་སྡུག་བསྔལ་ཅི་བྱུང་ཡང་། །སྔོན་གྱི་ལས་འབྲས་སྒྱུ་མ་ལྟ་བུ་ཡིན། །གཞན་གྱི་སྡུག་བསྔལ་ཞི་བའི་སྨོན་ལམ་བཏབ། །སྐྱོན་དག་ཡོན་ཏན་དག་དང་མཇལ་བར་ངེས། །འབྱུང་བ་འཁྲུགས་པའི་ན་ཚ་ཅི་བྱུང་ཡང་། །རྗེ་ལ་གསོལ་བ་ཐོབ་ལ་ནད་ལ་ལྟོས། །བལྟས་པས་མི་མཐོང་ནམ་མཁའ་སྟོང་པ་འདྲ། །སྐྱེ་མེད་གྲོགས་སུ་འབར་བར་ངེས་པར་གྱིས། །འཆིའོ་སྙམ་པ་རྣམ་རྟོག་ཁོ་ན་ཡིན། །སྙེམས་མེད་ཡོ་ལང་རྟོག་པ་རང་སར་གྲོལ། །སྐྱེ་མེད་ཆོས་སྐུའི་ངོ་བོར་ལྷུན་གྱིས་གྲུབ། །གཉིས་མེད་འོད་གསལ་མ་བུ་ཕྲད་པ་ཡིན། །དེ་རྣམས་རྟོགས་པའི་རྣལ་འབྱོར་རི་ཁྲོད་པས། །དགག་སྒྲུབ་གཅོད་པས་རེ་དོགས་སྤང་བ་དེ། །འཁོར་བའི་བཙོན་རར་ཐར་བའི་གྲོགས་

[Full Size]

མཆོག་སླེབ། །སྐུ་གསུམ་འགྱུར་མེད་རྒྱལ་ས་ཟིན་པ་ཡིན། ། །བོགས་འདོན་འདོད་པས་རྣལ་འབྱོར་སྒོམ་ཆེན་ཚོ། །བོགས་འདོན་མཆོག་སྟེ་ངོས་སྤྱོད་རྒྱལ་པོ་ཡིན། །སྙིང་གཏམ་མཆོག་སྟེ་གེགས་སེལ་མཐར་ཐུག་ཡིན། །གཞན་ལ་མ་བསྟན་རང་གིས་ཉམས་སུ་ལོངས། །ལྔ་བརྒྱར་གྱུར་པའི་སེམས་ཅན་ཞེ་སྡང་ཆེ། །སྣོད་ལྡན་དཀོན་པས་ལྷ་འདྲེ་ཐུབ་ཆོད་བྱེད། །རང་སྡིག་མ་བསགས་ཙིཏྟའི་དཀྱིལ་དུ་སྦོས། །སྙིགས་མའི་དུས་འདིར་གཅོད་པར་མིང་བཏགས་ནས། །རང་གིས་རང་བསླས་གཞན་ཡང་བསླུ་བ་ཡིན། །རང་གྲོལ་གཉུག་མའི་འོད་གསལ་མ་ཤེས་པར། །སྒོམ་ཆེན་ཡིན་ཟེར་ཉོན་མོངས་ཕྱིར་ཕྱིར་འབྲངས། །རིག་པའི་གནད་ཀྱི་གྲོལ་ཚུལ་མི་ཤེས་ནའང་། །རྫོགས་པའི་སངས་རྒྱས་སྒྲུབ་པར་ཁས་ལེན་བྱེད། །རྣམ་རྟོག་འཁྲུལ་པ་རང་སར་མ་ཆོད་པས། །གཅོད་མཁན་ཡིན་ཟེར་ལྷ་འདྲེ་ཨར་ལ་གཏད། །སྨྱོ་གཅོད་སྲིན་པོའི་སྤྱོད་པ་དག་དང་མཚུངས། །དེ་རྣམས་སྣོད་མིན་ཤིན་ཏུ་གསང་བར་བྱ། །འོ་ན་བསྟན་པའི་སྣོད་ལ་གང་ཞེ་ན། །གདུང་སེམས་དད་ལྡན་སྙིང་རྗེ་ཅན་ལ་བསྟན། །རང་ཆེ་དྲག་འདོད་ཆགས་སྡང་ཅན་ལ་གསང་། །ཞེན་ལོག་དཀའ་ཐུབ་སྙིང་

[Full Size]

རུས་ཅན་ལ་གཏད། །ནང་སྟོང་ཕྱི་གདེང་ཟབ་པོའི་རིགས་ལ་གསང་། །སྙན་བརྒྱུད་གཞུང་ལྔ་ཡན་ལག་བརྒྱ་སུམ་བརྒྱ། །ཁྲིག་ཆགས་ཚང་བའི་ཡིག་རིས་མེད་ན་ཡང་། །བྷུདྡྷ་ཛྷཱ་ནས་གསུངས་པ་ཇི་བཞིན་དུ། །ལྷག་ཆད་མེད་པའི་ཡིག་རིས་བརྗེད་ཐོ་འདི། །རིག་ལྡན་དང་བཅས་བསམ་གཏན་སེང་གེ་དང་། །མོས་གྱུར་འགྱུར་མེད་བྱང་སེམས་གཞོན་རིན་དང་། །སྙིང་རྗེའི་རྒྱུད་བརླན་ཡིད་གཞུངས་ཤེས་བཟང་དང་། །སྒྲུབ་པའི་དཔལ་མགོན་རྟོགས་ལྡན་ཡེ་བློ་དང་། །ཟབ་པའི་ཐུགས་བཅུད་བླ་མ་རིན་བཟང་དང་། །ཞེན་ལོག་འཁྲི་ཆོད་ཉང་བསྒོམ་དྲག་རྒྱལ་དྲུག །མོས་གུས་གདུང་ཤུགས་དད་པའི་སེམས་ལྡན་པའི། །འགྲོ་དྲུག་ཕ་མར་བརྩེ་ཕྱིར་མགྲིན་གཅིག་ཏུ། །ཡང་ཡང་བསྐུལ་བའི་གསུང་ངོ་མ་ཆོག་པར། །དགོས་མེད་ཟེར་ཡང་སྒོམ་ཆེན་སྤྱང་པོའི་བྲིས། །འདི་བྲིས་དགེ་བས་དྲིན་ཆེན་ཕ་མ་རྣམས། །སྲིད་པའི་ཉེས་ཚོགས་མ་ལུས་ཐམས་ཅད་ལས། །བསྒལ་ནས་མྱ་ངན་འདས་པའི་གྲོང་ཞུགས་ཏེ། །ཟག་མེད་དགའ་བདེའི་དཔལ་ལ་སྤྱོད་པར་ཤོག །འདི་རུ་དམིགས་པ་བརྒྱ་དང་ཉི་ཤུ་ཡོད། །ནག་སྦྱོར་ཧ་ལ་ནག་པོ་ཡི། །དམིགས་པ་གཞན་དུ་ཤེས་པར་

[Full Size]

བྱ། །དྲག་པོའི་ཡི་གེ་འབྲུ་གཉིས་པོ། །གཅིག་ཏུ་དྲིལ་ནས་དྲག་པོར་བརྗོད། །ཕཊ་ཅེས་བྱ་བའི་སྒྲ་བྱུང་ན། །དམིགས་པ་ཀུན་གྱི་གསལ་འདེབས་ཡིན། །དམ་ཆོས་གཅོད་ཀྱི་གསལ་འཛིན་ཡིན། །ཤེས་པར་གྱིས་ཤིག་སྐལ་ལྡན་རིག་པ་ཅན། །དོན་དམ་གོ་བར་གྱིས་ཤིག་ཨེ་མ་ཧོ། །ཞེས་པ་ཡེ་ཤེས་ལབ་སྒྲོན་གསུངས། །ཕྱི་ཡུལ་དུ་ཆགས་སྡང་སྐྱེས་ན་ཕཊ། །ནང་འཛིན་པའི་ཡུལ་དུ་ཉོན་མོངས་སྐྱེས་ན་ཕཊ། །གསང་བ་སྒོམ་པའི་དུས་སུ་བྱིང་རྨུགས་བྱུང་ན་ཕཊ། །དམ་པ་སངས་རྒྱས་ཀ་མ་ལ་ཤི་གསུངས། །དངོས་པོ་སེམས་ཀྱི་ཕཊ་སྒྲ་ནི། །དངོས་པོ་ཕྱིན་ཅི་ལོག་ལ་གདབ། །གདབ་དང་མི་གདབ་བརྗོད་ལས་འདས། །མ་ནོར་གསང་སྔགས་དོན་ལ་བཀོད། །ལོག་རྟོག་བསལ་བའི་ཕཊ་ཅེས་བྱ། །ཨོ་རྒྱན་རིན་པོ་ཆེའི་གསུངས་ལས། །བདག་ལ་གཅེས་འཛིན་བྱུང་བ་ན། །ཤ་ཁྲག་གཟན་དུ་སྒྱུར་བའི་ཕཊ། །བདག་འཛིན་ཞགས་པའི་གནད་དང་སྦྱར། །ཅེས་གསུངས་སོ། །ཞེས་པ་འདི་ནི་ཀརྨ་པ་རང་བྱུང་རྡོ་རྗེའི་བུ་ཆེན་མཁས་གྲུབ་ཤེས་རབ་ཏིང་འཛིན་གྱི་གསུང་རྒྱུན་རྣམས་ལ་གཞིར་བྱས་ཏེ་གཅོད་ཀྱི་དམིགས་འབུམ་ཟབ་དོན་ཐུགས་སྙིང་དང་། གསེར་ཕྲེང་ཞལ་

[Full Size]

གདམས་བཅོ་བརྒྱད་དང་། །བརྡ་ཆོས་བརྒྱ་རྩ་གསེར་ཞུན་མ། །རིག་པ་འཕྲུལ་གྱི་མེ་ལོང་དང་། །གསང་ཁྲིད་རིམ་ལྔའི་བང་མཛོད་དང་། །དམིགས་འབུམ་བརྒྱ་རྩ་ཞེས་བྱའི་དོན། །ཀུན་གྱིས་བཅུད་བསྡུས་ཁོང་བཅུད་འདི། །༧ རཱ་གའི་མིང་ཅན་དགེ་སློང་གིས། །ཕྱི་རབས་སློབ་བུ་རྣམས་ཀྱི་དོན། །བཀའ་དྲིན་ཆེན་པོ་བཞག་ཡོད་པས། །ཡིད་བཞིན་ནོར་ལྟར་སྤྱི་བོར་ལོངས། །དམ་མེད་ལག་ཏུ་མ་ཤོར་ཅིག །མ་གཅིག་དམ་ལ་མ་འདའ་ས་མཱ་ཡ། །འདི་རྣམས་ཉམས་སུ་ལེན་པའི་གང་ཟག་རྣམས། །ཚེ་འདིར་བར་ཆད་བདུད་བཞིའི་གཡུལ་ལས་རྒྱལ། །ནམ་ཞིག་འཕོས་ཚེ་ཌཱ་ཀིའི་ཚོགས་རྣམས་ཀྱིས། །མེ་ཏོག་ཆར་འབེབས་རོལ་མོའི་སྒྲ་དང་བཅས། །བདེ་བ་ཅན་གྱི་ཞིང་དེར་ཁྲིད་བྱེད་ཅིང་། །ཆོས་སྐུ་འོད་དཔག་མེད་པའི་ཞལ་མཐོང་ནས། །བྱང་ཆུབ་རྒྱ་ཆེར་སྤྱད་པ་སྤྱོད་གྱུར་ཅིག །སརྦ་མངྒ་ལཾ།། །།༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཀྱི་ཚོགས་ལས་རིན་པོ་ཆེའི་ཕྲེང་བ་ལས། སྙན་བརྒྱུད་ནག་སྦྱོར་གྱི་དམིགས་པ་བཅོ་ལྔའི་མ་ཡིག་བཙན་དུག་ཧ་ལ་ནག་པོ་བཀའ་རྒྱ་ཅན།

[Full Size]

༼ཨ༽ གཅོད་ཀྱི་ཚོགས་ལས་རིན་པོ་ཆེའི་ཕྲེང་བ་ལས། སྙན་བརྒྱུད་ནག་སྦྱོར་གྱི་དམིགས་པ་བཅོ་ལྔའི་མ་ཡིག་བཙན་དུག་ཧ་ལ་ནག་པོ་བཀའ་རྒྱ་ཅན་བཞུགས་སོ། །མ་ཡིག་གཅིག་པའོ། །

[Full Size]

ན་མོ་གུ་རུ། བདག་འདྲ་མཁའ་འགྲོ་ལབ་སྒྲོན་གྱིས། ། །ཚེ་སྟོད་དག་ལ་སྡུག་བསྔལ་བྱས། །ཚེ་སྐད་དག་ལ་འཁོར་བ་སྤོང་། ། སྐྱོ་སྟོན་བསོད་ནམས་བླ་མ་ཡིས། །དབང་བཞི་ཡོངས་སུ་རྫོགས་པར་བསྐུར། །ཕར་ཕྱིན་ནམ་མཁའ་སྒོ་འབྱེད་གནང་། །སྡོང་པོ་གསེར་ལྟག་ལ་སོགས་པའི། །གཉན་ཁྲོད་བརྒྱ་ཡི་ལུང་བསྟན་བྱུང་། །བྱ་བ་བཏང་ནས་རི་ཁྲོད་འགྲིམ། །བརྒྱ་རྩ་ཆོད་པའི་རྟིང་པ་ལ། ། །ཟངས་རི་བྲག་དམར་སེང་གདོང་ན། །གཅིག་པུར་སྒོམས་ཤིང་ཡོད་པ་ལ། །སྲོད་ལ་རྗེ་བཙུན་སྒྲོལ་མ་ཡིས། །དཀར་སྦྱོར་མན་ངག་ལྔ་བཅུ་གནང་། །གུང་ལ་སུ་ཁ་

[Full Size]

སིདྡྷི་ཡིས། །བགེགས་སེལ་ལྔ་བཅུ་ཐམ་པ་གནང་། །ཐོ་རངས་ཁྲོས་མ་ནག་མོ་ཡིས། །ནག་སྦྱོར་དམིགས་པ་བཅོ་ལྔ་གནང་། ། ཡི་གེ་མེད་པའི་སྐོར་རྣམས་གནང་། །མཁའ་འགྲོ་གསུམ་གྱི་ཞལ་གདམས་འདི། །སྲས་རྒྱུད་སོགས་ལ་མ་གནང་ནས། །ཟབ་ཕྱིར་གཡོག་མོ་ཁྱོད་ལ་གཏད། །མི་རབས་བདུན་ལ་སྙན་བརྒྱུད་གྱིས། །དེ་ཕྱིར་དཔེ་རུ་འདེབས་ན་ཡང་། །གཅིག་བརྒྱུད་མ་གཏོགས་བསྟན་གྱུར་ན། །སྟོང་གསུམ་མཁའ་འགྲོས་ཆད་པ་འོང་། །ཁྱད་པར་ཆོས་འདིའི་བཀའ་སྲུང་སྟེ། །སྲོག་བདག་མི་དང་ལྕེ་སྤྱང་མ། །གནས་འདིར་བཞུགས་པའི་གནས་པོ་དང་། །

[Full Size]

ལས་མཁན་མདུང་དམར་མཆེད་བདུན་གྱིས། །མན་ངག་འདི་ཡི་བཀའ་སྲུང་གྱིས། །ཚུལ་དང་མི་མཐུན་བརླག་པར་མཛོད། །གསུངས་ནས་བཀའ་རྒྱ་ལན་གསུམ་གདབ། །མ་གཅིག་གིས་ཇོ་མོ་འབུམ་ལྕམ་མ་ལ་གནང་། དེས་གྲུབ་ཐོབ་སྙིང་པོ་ལ། དེས་འབྲི་སྒོམ་རྟོག་མེད་ལ། དེས་མདོ་སྟོན་གྲགས་པ་ལ། དེས་སྙིལ་སྒོམ་ཡོན་པོ་ལ། དེས་ཨ་གཉེན་དམ་པ་ལ། དེས་གུ་རུམ་གྱི་རི་ཁྲོད་པ་ཡི་གེར་བཏབ། དེ་དང་འདི་ཡི་བུ་ཡིག་འཁོར་ལོ་མ་ཚང་ནས། འབྲི་གུང་ཕག་མོ་གྲུབ་པས། མདོ་སྟོན་གྲགས་པ་རང་ལ་གཏུག་ནས། ཐོད་པ་བཟང་པོ་དུམ་གཅིག་དང་། གསེར་སྲང་གང་དང་། གོས་ཡུག་གཅིག་ཕུལ་ནས་ཞུས། བཀའ་རྒྱ་མཛད་ནས་གནང་བ་ལགས། དེ་ནི་ལོ་རྒྱུས་སོ། །དེ་ནས་ནག་སྦྱོར་ཧ་ལ་ནག་པོའི་མ་ཡིག་བསྟན་པ་ནི། ༈ ཨེ་མ་ཧོ། སྐྱེ་མེད་ངང་ལས་མ་གཡོས་ཀྱང་། །འགགས་མེད་ཤུགས་འབྱུང་ལྷུན་གྱིས་གྲུབ། །གཏད་མེད་སྙིགས་མའི་འགྲོ་བ་འདྲེན། ། མཐའི་བྲལ་ལབ་སྒྲོན་ཞབས་ལ་འདུད། །སྙན་བརྒྱུད་གསུམ་གྱི་ཞལ་གདམས་ནི། །ཕ་མདོ་སྟོན་ཞལ་གདམས་གསུངས་པ་བཞིན། །ཡུམ་ཆེན་ཌཱཀི་བཀའ་བརྒྱུད་རྣམས། །བདག་

[Full Size]

ལ་བྱིན་གྱིས་བརླབ་ཏུ་གསོལ། ༼ཀ༽ །རྣལ་འབྱོར་རི་ཁྲོད་འགྲིམ་པ་ལ། །ཇག་རྐུན་ཆོམ་སོགས་ཏིང་འཛིན་འཕྲོག །བསྟན་དགྲ་སེར་མོ་ཡོངས་ལ་གནོད། ། དེ་ལ་ནག་སྦྱོར་ལྡོག་མེད་དགོས། །གློ་བུར་དགྲ་བྱུང་གཉན་སར་འགྲོ། །གོས་ཕུད་ཁྲོས་མ་ནག་མོར་བསྐྱེད། །གོས་ཀྱི་ནང་དུ་ལྷས་སྦྱིན་བསམ། །སྡེ་བརྒྱད་བཀུག་ལ་གནས་པོར་བསྟིམ། །གོས་ཀྱིས་གནས་པོའི་མགོ་ལ་བརྡེག །གོས་ནང་ལྷ་སྦྱིན་ཤ་ཁྲག་བསམ། །གནས་ལ་བརྡབས་པས་ཞེ་སྡང་འབར། །དགྲ་ལ་དམག་དྲངས་བརླག་པར་བསམ། །དེས་ནི་འཇོམ་པར་ཐེ་ཚོམ་མེད། །ཡང་ཟབ་སློབ་དཔོན་ཞལ་ལ་དྲིས། ༼ཁ༽ །གཉིས་པ་དགྲ་ཁྱིམ་ཐན་གྱིས་འགེང་འདོད་ན། །ཤོག་བུ་གྲུ་གང་གྲུ་བཞི་ལ། །དཀྱིལ་ན་དགྲ་ཡི་མིང་རུས་བྲི། །མཐའ་མར་ཐན་གཟུགས་ཤེས་ཚད་བྲི། །བསྐྱེད་བསྟིམ་མང་བྱས་དངོས་སུ་བསམ། །རང་ཉིད་ཁྲོས་མའི་འོག་ཏུ་ནི། །ཆོས་འབྱུང་བྲུས་ལ་དེ་ནང་བཞག །ཆོས་འབྱུང་དགྲ་ཡུལ་དངོས་སུ་བསྒོམ། །གཟུགས་ལྡན་གཟའ་ཀླུ་བདུད་བཙན་བཞིའི། །བླ་རྡོ་བླང་ལ་བཀུག་གཞུག་བྱ། །དྲག་གཅོད་བྱ་ཞིང་དགྲ་བོ་དང་། །ལྷ་འདྲེ་གཉིས་མེད་མནན་པོར་

[Full Size]

བྱ། །འཁྲུལ་ནས་འཕར་འདར་བྱེད་པར་བསམ། །ཤེས་གཏད་ཕཊ་ཀྱིས་བརྟུལ་ཞུགས་བྱ། །བ་ལིང་ཉ་བོ་ཟོར་དུ་འཕོང་། །དམིགས་པ་དྲག་པོ་ཞལ་ལ་ཤེས། །ཨྠྀི། ༼ག༽། ། གསུམ་པ་དགྲ་བོ་ཀླུ་ལ་གཏད་འདོད་ན། །ལིངྒ་བྲིས་ལ་མཛེ་ཁྲག་བྱུག །གཉན་སའི་འོག་ཏུ་ཞག་གསུམ་བཏིང་། །སྡེབ་བཞི་དབང་སྡུད་ལུས་སྦྱིན་བྱ། །ཏི་པ་ཙ་མི་ཁ་སྦྱོར་བྱ། །ནུབ་ཕྱོགས་འབྱུང་པོའི་ཁ་རུ་བཅུག །དམིགས་པ་འཇུག་ལུགས་ཞལ་ལ་དྲིས། །ཨྠྀི། ༼ང༽ །བཞི་པ་དགྲ་མཁར་ཐོག་གིས་བཤིག་འདོད་ན། །རང་ཉིད་ཁྲོས་མའི་མདུན་དུ་ནི། །དགྲ་བོའི་ཁང་ཁྱིམ་རྣམ་པར་བརྩེགས། །ནང་དུ་ལིངྒ་མིང་རུས་བཞག །དངོས་སུ་བསམ་ལ་བསྐྱེད་བསྟིམ་བྱ། །སྟེང་དུ་རས་དམར་སྤུ་འབྲུ་བཙུགས། །ཇེ་ཆེར་སོང་ནས་དགུ་རུ་མཆེད། །དགྲ་བོའི་ཡུལ་བཅས་ཐལ་བར་བརླག །ཞག་གསུམ་གཉན་སར་དམིགས་པ་གཟིར། །དེ་ནས་ལིང་ག་ཕྱུང་ནས་སུ། །བྱང་ཕྱོགས་འབྱུང་པོའི་ལག་ཏུ་གཏད། ། མཐའ་གཏད་བྱ་ཞིང་འབྱུང་པོ་གཟིར། །ཐོད་ཟོར་འཕངས་ཤིང་དམོད་བཅོལ་བྱ། །སྟེང་དུ་དམིགས་པ་རྣམ་གསུམ་བྱ། ༼ཅ༽ །ལྔ་པ་དགྲ་ལ་སྨྱོ་འབོག་བཏང་འདོད་ན། །ལིང་ག་

[Full Size]

མིང་བཅས་ཚང་བར་བྲི།་་་སྨྱོ་ཁྲག་དང་གཙོད་ཁྲག་བྱུག །བཀུག་གཞུག་བྱས་ཤིང་མལ་འོག་བཞག །སྣང་སྲིད་ལྷ་འདྲེ་མ་ལུས་རྣམས། །ཞག་བདུན་དབང་སྡུད་དྲག་ཏུ་བྱ། །དེ་ནས་ལིང་ག་བཏོན་ནས་སུ། །ཤར་ཕྱོགས་འབྱུང་པོའི་སྙིང་གར་བཅུག །གཟའ་བདུད་ཁྱབ་འཇུག་མིག་དམར་དང་། །འཇིགས་པའི་སྟག་ཞོན་སེང་ཞོན་པ། །ཡང་ཡང་བསྟིམ་ལ་དྲག་དམིགས་བྱ་་་མར་མེ་བསད། །དགྲ་བོ་སྨྱོ་བར་ཐེ་ཚོམ་མེད། །མན་ངག་སློབ་དཔོན་ཞལ་ལ་དྲིས། །སྤྱི། ༼ཆ༽ །དྲུག་པ་དགྲ་ལ་ཞ་རིང་བཏང་འདོད་ན། །ལིངྒ་མིང་བཅས་ཚང་བར་བྲི། །བིལ་རློན་ལུག་གུས་མཆིན་ཁྲག་བྱུག །ཛདམར་རམ་གྱི་དྲ་ནས་བསྐོར། །ཆུ་མིག་ལྐུག་པའི་ནང་དུ་མནན། །ཕྱོགས་བཞི་མཚམས་བརྒྱད་སྦྲུལ་ཆིང་བྱ། །སྟེང་དུ་ཀླུ་ཡི་ཕོ་བྲང་བཏབ། །ཁྱུང་དམར་མེ་གཤོག་དམིགས་པ་བྱ། །དགྲ་བོ་ཞི་བར་ཐེ་ཚོམ་མེད། །དམིགས་པ་སློབ་དཔོན་ཞལ་ལ་དྲིས། ༼ཇ༽ །བདུན་པ་དགྲ་ཞིང་སེར་བས་འཇོམ་འདོད་ན། །ཡུལ་དང་ཞིང་གི་མིང་བྲིས་ལ། །སྟེང་དུ་ཀླུ་བདུད་བཙན་གསུམ་གྱི། །བླ་རྡོ་བཞག་ལ་དངོས་སུ་བསྐྱེད། །སྣང་སྲིད་ལྷ་འདྲེ་མ་ལུས་བསྟིམ། །ཞག་

[Full Size]

གསུམ་ལུས་སྦྱིན་དམར་འགྱེད་བྱ། །ཆུ་མིག་གཉན་པོའི་ནང་དུ་མནན། །ཚེར་མ་ཆུ་རིས་བཙུགས་པར་བཅོས། །ཁྱུང་དམར་འཇུ་འབྱང་དམིགས་པ་བྱ། །དགྲ་ཡུལ་སེར་བས་བརླགས་པར་བསམ། །དགྲ་ཡུལ་འཇོམས་པར་ཐེ་ཚོམ་མེད། །མན་ངག་གནད་ཡིག་ཞལ་ལས་ཤེས། ༼ཉི༽ །བརྒྱད་པ་དགྲ་ལ་གཟེར་རྒོད་གཏོང་འདོད་ན། །ཕུང་ཤུལ་ས་ལ་རུ་པ་བྱ། །སྙིང་གར་མིང་ཡིག་གང་ཡོད་བྲི། །གན་རྐྱལ་བཞག་ལ་བཀུག་གཞུག་བྱ། །གྲི་ཁྲག་སྐྱེར་ཆུང་རྩེ་ལ་བྱུག །སྐྱེར་ཕུར་ལིངྒ་སྙིང་འཛེར་བཏབ། །སྐྱེར་ཕུར་གཟའ་བདུད་དངོས་སུ་བསམ། །དེ་ལ་སྣང་སྲིད་ལྷ་འདྲེ་བསྟིམ། །རང་ཉིད་ཁྲོས་མས་ལྷ་འདྲེ་གཟིར། །ལྷ་འདྲེ་དགྲ་བོའི་སྙིང་གར་གཟིར། །རྡོ་གྲམ་ནང་དུ་མནན་པར་བྱ། །ལུས་སྦྱིན་བཏང་བ་ཤིན་ཏུ་གཅེས། །དགྲ་བོ་གཟིར་བར་ཐེ་ཚོམ་མེད། ༼ཏེ། །དགུ་པ་དགྲ་ལ་འོན་ལོང་ལྐུགས་འདོད་ན། །ལིངྒར་བསྐྱེད་བསྟིམ་ལྷ་དབྱེ་བྱ། །བྱ་རིགས་ཁྲག་དང་སྦལ་པའི་ཁྲག །ཕ་བོང་ར་ཁྲག་ནག་པོ་བྱུག །ལོང་བར་འདོད་ན་མིག་ལ་རཾ། །འོན་པར་འདོད་ན་རྣ་བར་བྷྱོ། །ལྐུགས་པར་འདོད་ན་ལྕེ་ལ་བྷྱོ་ནན། །གཉན་ས་གསུམ་དུ་གདན་དུ་

[Full Size]

བཏིང་། །དེ་ནས་ལིང་ག་བྱུག་ཕྱུང་ནས། །ལྷོ་ཕྱོགས་འབྱུང་པོ་དམིགས་སུ་མནན། །རྡོ་རྗེ་ངག་མནན་དམིགས་པ་བྱ། །ལས་དེ་འགྲུབ་པར་ཐེ་ཚོམ་མེད། ༼ཐ༽ །བཅུ་པ་དགྲ་བོ་ཕ་ཚན་ཕྱེ་འདོད་ན། །ལིངྒ་བྲིས་ལ་རྒྱབ་སྤྲོད་བྱ། །འུག་པ་ཕོ་རོག་གཉིས་ཀྱི་ཁྲག །བྱུག་ནས་གཉན་སའི་འོག་ཏུ་བཏིང་། །རང་ཕྱོགས་དག་ལ་བྱ་ཁྱུང་དང་། །གཞན་ཕྱོགས་དག་ལ་སྦྲུལ་ནག་བསྙིལ། །གཞན་ཡང་ལྷ་འདྲེ་མང་པོ་བསྟིམ། །བསྐུལ་པ་གསུམ་འདམ་དམིགས་པ་བྱ། །དེ་ནི་རྒྱ་གྲམ་ལམ་དུ་མནན། །སྟེང་དུ་སྡེ་ལྔའི་སྟངས་སྟབས་བྱ། །གཅེར་བུ་ཕཊ་ཀྱིས་ས་གཞི་འདུལ། །དགྲ་བོ་ཕ་གཅིག་བུ་གཅིག་ཡིན་ཡང་འཁོན། །མན་ངག་གནད་ཡིག་ཞལ་ལ་དྲིས། ༼ད༽ །བཅུ་གཅིག་དགྲ་བོའི་རིགས་རྒྱུད་གཅོད་འདོད་ན། །མ་ནི་སྲིན་མོ་དམར་མོར་བསྐྱེད། །དར་ཁང་ནང་དུ་གཟའ་རྒོད་བསྐྱེད། །མ་ཐེམ་འོག་ཏུ་ཟླ་བས་བརྒྱན། །ཡ་ཐེམ་རྩེ་ལ་ཉི་མ་ཤར། །ཉི་ཟླའི་ཚ་ཟེར་འཕྲོས་པ་ལས། །གཟའ་རྒོད་སྤུན་བདུན་མ་རྟོགས་པ། གཞན་གྱིས་བསྒྲོད་པར་མི་ནུས་བསམ། །མིང་ཡིག་ལིང་ག་བྲིས་པ་ནི། །སྟེང་འོག་གཟའ་བདུད་མགོ་དགུར་

[Full Size]

བསམ། །མཚན་མ་རཾ་དང་བཻ་གྱིས་བརྒྱན། །ཕ་མ་མིང་ཡིག་སྙིང་གར་བཅུག །ཕུང་བྱེད་མགོ་ལ་རྡོ་རྗེ་བསྣོལ། །དང་པོ་ཕ་ལ་བསྐྱེད་བསྟིམ་བྱ། །དེ་ནས་སྣང་སྲིད་ལྷ་འདྲེ་བསྟིམ། །གཟིར་བའི་དམིགས་པ་ཁ་ཡར་བྱ། །དེ་ནས་མཛོ་རྭའི་ནང་དུ་བཅུག །ནུབ་ཕྱོགས་འབྱུང་པོའི་ཆུ་སོར་མནན། །རྒྱ་མཚོ་སྟེང་ལྡོག་དམིགས་པ་བྱ། །མན་ངག་སློབ་དཔོན་ཞལ་ལ་ཤེས། །ཨྠྀི། ༼ན༽ །བཅུ་གཉིས་བྱད་མ་ནང་དགྲས་བྱུང་བ་ན། །གཏད་ཁྲམ་བྱས་པའི་ས་ཕྱོགས་དམིགས། །ཡང་ན་དེ་རུ་ཕྱིན་པར་བསྐྱེད། །མ་རིག་འཁྲུལ་པའི་སྔགས་མཁན་འདིས། །སྡེ་བརྒྱད་སྒྲུབ་ནས་བར་ཆད་བྱེད། །མནར་མེད་འགྲོ་བ་ཕ་མ་འདི། །ཁོ་རང་སྲུང་མ་བཅས་པ་ལ། །སྙིང་རྗེ་དྲག་པོས་ལུས་སྦྱིན་བྱ། །ཁོ་ཡི་སྲུང་མའི་སོ་སེམས་དང་ནི། །རང་སེམས་གཉིས་མེད་སྤྲོས་བྲལ་བསྒོམ། །བྱད་མའི་ཆོ་འཕྲུལ་ཅི་བྱུང་ཡང་། །སྙིང་རྗེ་ཆེན་པོའི་སྐྱེ་མེད་བསྒོམ། །གཏོར་སྟེགས་འོག་ཏུ་ཉལ་བར་བསྒོམ། །དེས་ནི་ཚུགས་པར་མི་འགྱུར་རོ། ༼པ༽ །བཅུ་གསུམ་བྱེད་གཅོད་ཐོག་ཏུ་འགེལ་བ་ནི། །རང་ཉིད་གནམ་ལྕགས་ཉིལ་ནས་ནི། །གཤིན་རྗེའི་གཟུགས་ཅན་ཆེ་བར་བསྐྱེད། །བྱུང་

[Full Size]

སྟེང་བྱད་མའི་ཕོ་བྲང་བསྐྱེད། །ལུས་སྦྱིན་ཉི་ཤུ་རྩ་གཅིག་བྱ། །བྱད་མ་ཕོ་བྲང་བཅས་པ་རྣམས། །སུམ་ཅུ་རྩ་གསུམ་བར་ཁྱེར་ནས། །ཁ་ཞིབ་ལྡོག་ནས་ས་ལ་བརྡབ། །རྡུལ་ཕྲན་བཞིན་དུ་བརླག་པར་བསམ། །སྐྱེ་མེད་ངང་ལ་མ་བཅོས་བཞག ༼ཕ༽ །བཅུ་བཞི་རི་རབ་སྟེང་ལྡོག་ནི། །རང་ཉིད་ཁྲོས་མ་ནག་མོར་བསྒོམ། །དགྲ་བོ་ཡུལ་ཞིང་བཅས་པ་རྣམས། །ཕྱག་མཐིལ་བཞག་ནས་ནམ་མཁར་ཁྱེར། །ནམ་མཁའི་དབྱིངས་སུ་ཕྱར་བ་ཡིས། །དབང་ཆེན་གསེར་གྱི་ས་གཞིར་བརྡབ། །རྡུལ་ཕྲན་བཞིན་དུ་བརླག་པར་བསམ། །སྐྱེ་མེད་ངང་ལ་མ་བཅོས་བཞག །བྱད་མ་བཟློག་པར་ཐེ་ཚོམ་མེད། །ཨྠྀི་རྒྱ། ༼བ༽ །བཅོ་ལྔ་རྒྱ་མཚོ་ཧུབ་འདེབས་ནི། །རང་ཉིད་བྱ་ཁྱུང་ཆེན་པོར་བསྒོམ། །སྙིང་གར་ལྕགས་ཀྱི་རྡོ་རྗེ་བསྒོམ། །བྱད་མ་ཞེ་སྡང་སྦྲུལ་དུ་བསྒོམ། །བྱད་མའི་སྙིང་གར་ནི་ཅིག་བསམ། །རང་ཉིད་རི་རབ་རྩེ་མོར་བསམ། །སྦྲུལ་ནི་རྒྱ་མཚོའི་གཏིང་དུ་བསྒོམ། །རང་གི་སྙིང་གའི་རྡོ་རྗེ་དེས། །ཚ་ཟེར་རབ་ལྡན་སོང་ནས་སུ། །ཁོ་ཡི་སྙིང་གའི་རྨི་ལ་བརྒྱབ། །རྡུལ་ཕྲན་བཞིན་དུ་བརླག་པར་བསམ། །རང་ཉིད་བྱ་ཁྱུང་རྒྱལ་པོ་ཡིས། །རྒྱ་མཚོ་

[Full Size]

ཧུབ་ཀྱིས་བཏབ་ནས་འཐུང་། །སྦྲུལ་དང་བྱད་མར་གྱུར་ཏེ་མིད། །སྙིང་རྗེ་བསྒོམ་ཞིང་སྨོན་ལམ་བཏབ། །སྐྱེ་མེད་ངང་ལས་མ་གཡོས་བཞག །ནག་སྦྱོར་འདི་དག་ཐམས་ཅད་ལ། །བསྔོ་བ་སྨོན་ལམ་རྒྱ་ཡིས་གདབ། །སྙན་བརྒྱུད་ནག་སྦྱོར་བཅོ་ལྔ་འདི། །བཙན་དུག་ཧ་ལ་ནག་པོ་ཡིན། །ཐོ་ཅོ་ཅན་གྱིས་ཐོས་མི་རུང་། །རང་དོན་མེད་ཅིང་གཞན་དོན་རྫོགས། །རི་ཁྲོད་འགྲིམས་པའི་རྣལ་འབྱོར་པ། །ཚེ་འདིར་འདུན་མར་ཞེན་པ་ལོག །ཕྱི་མ་དང་ལེན་གཉན་ཁྲོད་འགྲིམ། །བྱང་ཆུབ་སེམས་དཔའི་རིགས་ཅན་ལ། །ངན་སྔགས་འདི་དག་སྦྱིན་པར་བྱ། །གཅིག་བརྒྱུད་མིན་པར་མ་སྤེལ་ཅིག །བདག་འདྲ་ཨ་གཉན་དམ་པ་ཡིས། །གཅོད་ཀྱི་གྲུབ་མཐའ་འཛིན་པ་ཡི། །བླ་མ་བརྒྱ་དང་ལྔ་ལ་གཏུག །གཞུང་དང་མན་ངག་ཐོར་བུ་ཡི། །གདམས་པ་དཔག་མེད་ཞུས་དོན་དུ། །བསྟན་པ་སྲུང་བའི་མཚོན་ཆ་སྟེ། །མན་ངག་ནག་སྦྱོར་མ་རྙེད་ནས། །ཟིལ་བསྒོམ་ཡོན་ཏན་མགོན་པོའི་དྲུང་། །ལོ་གསུམ་འབྲེལ་བས་གནང་བ་ལགས། །དེ་ནས་ཨ་གཉན་དམ་པ་ཡིས། །གུ་རུམ་རི་ཁྲོད་དབེན་གནས་སུ། །ཡི་གེའི་རིས་སུ་བྲིས་པ་དགེ །གཞན་ལ་མ་སྤེལ་བཀའ་རྒྱ་ཡོད། །

[Full Size]

གསེར་སྲང་བརྒྱ་དང་ཁྱད་པར་མེད། །གཅིག་བརྒྱུད་སྤེལ་ཀྱང་བཀའ་རྒྱ་ནི། །གསེར་སྲང་གང་གིས་བཀའ་རྒྱ་བཀྲོལ། །དེ་ལ་མནའ་རྒྱ་གདམས་ལ་གཏད། དཔེ་ཚང་སུམ་ཅུའི་མཚམས་ནས་སུ། །བརྒྱུད་པ་ནི། ཨ་གཉན་ནས། ཨ་ནན་ཏ་བི་ཛ། དེས་ཨ་རཱ་ག་ལ། རཱ་གས་ཅུང་ཟད་ཙམ་གསལ་བར་བཀོད་པའོ། །མནྟྲ་རྒྱ། བཀའ་གསང་རྒྱུ།། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

སྙན་བརྒྱུད་ནག་སྦྱོར་དམིགས་པ་བཅོ་ལྔ་ཡི་སྤྱི་ཐེམ་གནད་ཀྱི་མན་ངག

[Full Size]

སྙན་བརྒྱུད་ནག་སྦྱོར་དམིགས་པ་བཅོ་ལྔ་ཡི། །སྤྱི་ཐེམ་གནད་ཀྱི་མན་ངག་བཞུགས་སོ།། ༈ སྐྱེ་མེད་ནམ་མཁའི་དབྱིངས་ཉིད་ལས། །འགག་མེད་ཉི་ཟླའི་འོད་ཟེར་གྱིས། །ཐོག་མེད་འགྲོ་བའི་མུན་སེལ་བ། །སྤྲུལ་སྐུ་ལབ་སྒྲོན་ཞབས་ལ་འདུད། །གོང་གི་ནག་སྦྱོར་མཐའ་དག་ལ། །སྔོན་དུ་སྐྱབས་འགྲོ་བརྒྱ་རྩ་བྱ། །བར་དུ་ལུས་སྦྱིན་བརྒྱ་རྩ་བྱ། །ཐ་མ་ལས་ལ་སྦྱར་བའི་དུས། །རང་ཉིད་ཁྲོས་མར་བསྐྱེད་པ་ནི། ཕཊཿ རང་ཉིད་སྐད་ཅིག་གིས་ཁྲོས་མ་ནག་མོ་ཞལ་གཅིག་ཕྱག་གཉིས་སྤྱན་གསུམ་གཡས་ཉི་མ་གཡོན་ཟླ་བ། དབུས་ཉི་ཟླ་སྤེལ་མ་ལས་གྲུབ་པ་སྤྱན་ཐུར་གཟིགས་པ། རལ་པ་དམར་ནག་བར་སྣང་ཁྱབ་པ། དབུ་ཚངས་པའི་འཇིག་རྟེན་དུ་སླེབ་པ། ཞབས་ན་རག་དམྱལ་ཁམས་མནན་པ། །ཕྱག་གཡས་གྲི་གུག་རྣོ་ངར་དང་ལྡན་པ་ནམ་མཁའ་ལ་ཕྱར་བ། གཡོན་བྷནྡྷ་ལྕང་ལོ་ཅན་སྡེ་བརྒྱད་ཀྱི་སྙིང་ཁྲག་བཀང་བར་ཐུགས་ཀར་འཛིན་པ། སྤྱི་གཙུག་ཏུ་རྟོགས་མེད་ཀྱི་ཕག་ཞལ་མཐིང་ནག་ནམ་མཁར་དུར་བ། སྣང་སྲིད་ལྷ་ཨ་འདྲེ་ཐམས་ཅད་བསྲང་ཞིང་བརྒྱལ་བ། རྡོ་རྗེའི་ཁྱུང་གཤོག་ལྡིང་བ་སྤྲུག་པ་ལས། ཁྱུང་དམར་རྡོ་རྗེའི་སེར་བ་འབེབས་པ། སྐུ་ལ་མི་ལྤགས་གཡང་གཞི་ཁྲག་དམར་ཛ་རེ་བ་

[Full Size]

མནབ་པ། སྦྲུལ་ནག་གི་མགུལ་ཆིངས་ཁྱུག་ཁྱུག་བྱེད་པ། སྤྱན་ནས་གནམ་ལྕགས་ཐོག་རྒོད་དམར་ཕྲོམ་ཕྲོམ་བྱེད་པ་ཞལ་ནས་ཧཱུྃ་འབྲུག་གི་སྒྲ་ཆེན་དི་རི་རི་སྒྲོག་པ། སྲིད་གསུམ་ཐམས་ཅད་གཡོ་འགུལ་ཁྱུག་ཁྱུག་བྱེད་པ་བ་སྤུའི་བུ་ག་ཐམས་ཅད་ནས་གནམ་ལྕགས་རྡོ་རྗེ་རྩུབ་ངར་དང་ལྡན་པ་ཕྱིར་འཕྲོས། ཕྱིར་གྱུ་བ་ལས་དེ་འདྲ་གྲངས་མེད་འཕྲོ་འདུའི་ལྷ་འདྲེ་སྡེ་བརྒྱད་གཟིར་བས། དེ་ཡི་ཐུགས་ཀར་ཉི་མའི་དཀྱིལ་འཁོར་སྟེང་དུ་ཧཱུྃ་མཐིང་ནག་མེ་འོད་འཕྲོ་ཞིང་། མེ་ཞག་འཕྲོ་བས་འཇིག་རྟེན་ཁམས་ཐམས་ཅད་བསྲེགས་པ། མེ་ཞག་གི་སྣ་ལ་ཁྲོས་མ་ནག་མོ་ཉི་ཟེར་རྡུལ་བཞིན་དུ་འཚུབས་པ། དེ་རྣམས་ཀྱིས་མི་ལྤགས་གཡང་གཞི། མི་རྐང་གླིང་བུ། སྦྲུལ་གྱི་ཞགས་པ། གནམ་ལྕགས་ཀྱི་ཐོག་མདའ་དམར་པོ། འགུགས་བྱེད་ལྕགས་ཀྱུ། འཆིང་བྱེད་ཞགས་པ། སྡོམ་བྱེད་ལྕགས་སྒྲོག །དབང་སྡུད་ཀྱི་དྲིལ་བུ། གཟེར་བྱེད་གྱི་ཕུར་པ། རྡོ་རྗེ་རལ་གྲི་ལ་སོགས་པའི་མཚོན་ཆ་སྣ་ཚོགས་ཐོགས་པ་དཔག་ཏུ་མེད་པ་སྤྲོས་པས་དེ་རྣམས་ཀྱིས་དགྲ་བོ་དགུག་པའི་རྣམ་པ་ཅན་དུ་གྱུར། ཕཊཿ ཅེས་དེ་ནས་བདེན་པའི་སྟོབས་བརྗོད་ལ། དང་པོ་དམིགས་རྟེན་དགྲ་བོ་བཀུག་ལ་

[Full Size]

བསྟིམ། དེ་ནས་བར་དུ་སྣང་སྲིད་ལྷ་འདྲེ་བཀུག་ལ་བསྟིམ། དེ་ནས་ལྷ་འདྲེ་དགྲ་བོ་གཉིས་ཀྱི་སྟེང་དུ། རང་གི་ཤ་ཁྲག་བསྟིམ་ནས་སྦྱིན། ཟ་རུ་མ་འདོད་པ་རྣམས་ལ། ལས་བྱེད་མཁའ་འགྲོ་རྣམས་ཀྱིས་གྲི་གུག་དང་ཟངས་ཕུར་གྱིས་ཁ་ལ་བཏབ་པས་མ་བཟོད་ནི། ལེ་ལན་ཁོ་རང་ལ་དེད་ནས། སོ་སོར་ལས་བཅོལ་ནས་ཕྲིན་ལས་བསྒྲུབ་པར་བསམ། སྟེང་གི་ནམ་མཁར་རིགས་ལྔའི་སངས་རྒྱས་བཞུགས་པ། དམ་པ་སངས་རྒྱས། མ་གཅིག་ལབ་སྒྲོན་ལ་སོགས་པ་བརྒྱུད་པའི་བླ་མ་རྣམས་ཀྱིས་གཅེར་བུར་ཌཱ་དྲིལ་མཛད་པ། དེ་འོག་བར་སྣང་ལ་ཕྱག་རྡོར། གཤིན་རྗེ། རྟ་མགྲིན་ལ་སོགས་པ་ཁྲོ་བོ་མཚོན་ཆ་ཐོགས་པས་གང་བ། རང་གི་མདུན་རྒྱབ་ཐམས་ཅད་རྣམ་ཐོས་སྲས་ཀྱིས་ལྕགས་ཀྱི་མཆོད་རྟེན་གྱི་ནང་ནས་སྡེ་བརྒྱད་ཀྱི་དམག་གིས་གང་ནས་འཛིན་པ། མ་མགོན་མགར་གསུམ་དུར་ཁྲོད་བདག་པོ་ཡབ་ཡུམ། སྤྱང་ཞོན་མཆེད་གསུམ་ལ་སོགས་ཆོས་སྐྱོང་འཇིགས་གཟུགས་ཅན་གྱིས་གང་བ། འོག་གི་ཕྱོགས་ཐམས་ཅད་གནས་སོ། །ལྷ་སྲིན་སྡེ་བརྒྱད་ཐམས་ཅད། རྨ་ཆེན་སྤོམ་ར་ལ་སོགས་མགུལ་ལྷ་བཅུ་གསུམ། གཉན་ཆེན་ཐང་ལྷ། ཤམ་པོ་གཟའ་བདུད། ཟངས་རི་འཁྱིལ་པ་ལ་སོགས་པ། འཇིག་རྟེན་ཁམས་ཀྱི་ལྷ་འདྲེས་གང་བ། དེ་རྣམས་ཀྱིས་གང་བཅོལ་ཕྲིན་ལས་ཐམས་ཅད་བསྒྲུབ་པར་བསམ། དེ་ནས་དབང་སྡུད། བཀུག་གཞུག་གཉན་འབོད་རྣམས་ཀྱང་བྱ། མཐར་དྲག་གཏོར་བསྐྱེད་བསྟིམས་བྱས་ལ་འབུལ། མཁའ་འགྲོ་རིགས་དྲུག་གི་བསྐུལ་པ་བྱ།

[Full Size]

གཞན་དྲག་གཅོད་འགྲན་བཞིན་བྱ། འདི་ནི་སྤྱི་ཐེམ་གནད་ཀྱི་ཡན་ལག་ཡིན། འདི་ཡི་ལག་ལེན་བྱ་ཐབས་ཁ་ཚར་བུ་ཡིག་ནང་དུ་གསལ་གསུངས་སོ། །ས་མ་ཡ། གཞུང་དང་འགའ་ཨ་གཉེན་ནས་བརྒྱུད་པ་ཨ་ནན་ཏ་བཱི་ཛ་ལ་བརྒྱུད་པ། བདག་ཨ་རཱ་གས་དག་པར་གསལ་བར་བཀོད་པའོ། །མངྒ་ལཾ།། །།

སྙན་བརྒྱུད་ནག་སྦྱོར་དམིགས་པ་བཅོ་ལྔའི་བུ་ཡིག་བཀའ་རྒྱ་ཅན་བཙན་དུག་ཧ་ལ་ནག་པོ་དགྲ་སྲོག་གཅོད་པའི་སྤུ་གྲི།

[Full Size]

༼ཨ༽ གཅོད་ཀྱི་ཚོགས་ལས་རིན་པོ་ཆེའི་ཕྲེང་བ་ལས། མ་གཅིག་ཐུགས་ཀྱི་མན་ངག་ལས། སྙན་བརྒྱུད་ནག་སྦྱོར་དམིགས་པ་བཅོ་ལྔའི་བུ་ཡིག་བཀའ་རྒྱ་ཅན། བཙན་དུག་ཧ་ལ་ནག་པོ་དགྲ་སྲོག་གཅོད་པའི་སྤུ་གྲི་བཞུགས་སོ། །

[Full Size]

མ་ཧཱ་ཀཱ་ལི་ཡེ་ན་མོ། འདིར་སྙན་བརྒྱུད་ནག་སྦྱོར་གྱི་ཐོག་མར་བུ་ཡིག་ལྷན་ཐབས་ལ། ཀ༽ གློ་བུར་དགྲ་བྱུང་གཉན་སར་འགྲོ་བའི་མན་ངག་ལ། རྣལ་འབྱོར་པས་ལ་བཙས་ལ་ཕྲིན་ལས་བཅོལ་བར་འདོད་ན། གཉན་ས་གང་དང་གང་དུ་འགྲོ་ན་ཡང་། ངག་ཏུ་མི་བརྗོད་མིན་ངག་ཡིན། །གནས་དེར་འགྲོ་བའི་དུས་སུ་ནི། །སེམས་བསྐྱེད་ནམ་མཁའ་སྒོ་འབྱེད་བྱ། །རང་ཉིད་ཁྲོས་མའི་ཐུགས་ཀ་རུ། །གནམ་ལྕགས་རྡོ་རྗེ་རྩེ་དགུ་བསམ། །ཕཊ་ཅེས་བརྗོད་པས་དེ་ནས་ནི། །རྩེ་གསུམོ་རྩེ་ལྔ་རྩེ་དགུ་པ། །རྡོ་རྗེ་གྲངས་མེད་འཕྲོས་ནས་ནི། །བསྙིལ་ཞིང་མནན་པར་བྱ་

[Full Size]

བ་ནི། །མཛེར་ནས་བྲོས་དབང་མེད་པར་བསམ། །གནས་དེར་མ་ཕྱིན་བར་དུ་ནི། །དེ་ལྟར་དམིགས་པ་ཡང་ཡང་བྱ། །ལས་ལ་བཏང་བའི་མན་ངག་གོ །དེ་ནས་གཉན་སར་ཕྱིན་པའི་དུས། །ཐོག་མར་དབང་སྡུད་བྱས་ཀྱང་རུང་། །ཁྲོས་མར་གསལ་བས་གཉན་འབོད་དང་། །སྐྱབས་འགྲོ་སེམས་བསྐྱེད་ལུས་སྦྱིན་བྱ། །དེ་ནས་རང་ཉིད་ཁྲོས་མ་ཡི། །ཐུགས་ཀར་པདྨ་འདབ་བཞིའི་སྟེང་། །ཉི་མའི་སྟེང་དུ་མཁའ་འགྲོ་བཞི། །ལྕགས་ཀྱུ་ལ་སོགས་འཛིན་པ་རྣམས། །ཕྱོགས་བཞིར་སྤྲོས་ལ་ལྷ་འདྲེ་དང་། །སྡེ་བརྒྱད་བསྡུས་ལ་གནས་པོར་བསྟིམ། །དེ་ནས་

[Full Size]

ལས་སྦྱོར་བྱ་བ་ནི། །རང་ཉིད་ཁྲོས་མར་གསལ་བའི་གོས་དེ་ནི། མི་ལྤགས་གཡང་གཞི་མགོ་སུག་ཚང་བ་གཅིག་ཏུ་བསམ། རང་ཉིད་ནུབ་བྱང་མཚམས་སུ་ཁ་བསྟན་ནས་རྡེལ་བུ་ནག་པོ་གཅིག་བླང་ལ། དེ་ལ་ཡི་གེ་དུ་གཅིག་བྲི། རྡེལ་བུ་དགྲ་བོའི་རྗེས་སུ་དྲི་མ་རྟ་སྤུ་གང་རྙེད་དང་། མཉམ་དུ་གོས་ནང་བཏུམ། རྡེལ་བུ་དེ་བདུད་ལྷས་སྦྱིན་ཁ་དོག་སེར་ནག་མིག་གསུམ་ཡོད་པ། སྐྲ་སེར་ནག་གྱེན་དུ་འབར་བ་ལག་ན་རེ་བའི་བ་དན་དང་། ཁཊཾ་རྩེ་གསུམ་བཟུང་བ་གཅིག་ཏུ་བསྒོམ། དེ་ལ་དུག་ལྔ་ལས་གྲུབ་པའི་བདུད་ཐམས་ཅད་ཡང་ཡང་བཀུག་ནས་བསྟིམ། དེའི་སྟེང་དུ་རང་གི་ཤ་ཁྲག་ཉིལ་ནས་རྒྱུ་མ་སྦྲུལ་ནག་གི་ཞགས་པ་ཡིན་པར་བསམ། སྐེ་རགས་ཀྱིས་བཅིང་། དགྲ་བོ་བཀུག་ལ་གོས་ནང་གི་ཟག་རྫས་ལ་བསྟིམ། དེ་ནས་རང་ཉིད་ཁྲོས་མར་གསལ་ནས། མི་ལྤགས་ཀྱི་གཡང་གཞི་ལྷས་སྦྱིན་དགྲ་བོ་དང་བཅས་པ། ཡར་སུམ་ཅུ་རྩ་གསུམ་ལྷ་གནས་སུ་གཡུགས་པས། རི་རབ་ཀྱི་རྩེ་ལ་གནམ་ལྕགས་ཀྱི་འཁོར་ལོ་རྩིབས་འབུམ་དང་ལྡན་པ། མཚོན་ཆ་སྣ་ཚོགས་ཀྱིས་ཆར་འབབ་པར། གཡོན་ཕྱོགས་སུ་དམ་སྒ་ར་ར་འཁོར་བའི་རྩིབས་ལ་བརྒྱབས་པས། ལྷས་སྦྱིན་གྱི་

[Full Size]

དགྲ་བོའི་ཤ་ཁྲག་དམར་ཉི་ལི་ལི་བྱེད་པར་བསམ། ལན་གཉིས་གཡུགས་པས་བར་སྣང་སྟོང་པ་ཁྲག་གི་རྦ་ཀློང་འཁྲུགས་པ། དེ་ལ་ནད་ཀྱི་ཆར་པ་འབེབས་པ། དེའི་དཀྱིལ་དུ་བརྒྱབ་པ་ལྷས་སྦྱིན་དང་དགྲ་བོ་མྱོས་ཤིང་འཐིབ་པར་བསམས་ལ། ལན་གསུམ་གཡུགས་པས་ས་གཞི་དུག་གི་རྒྱ་མཚོའི་སྟེང་དུ་དུག་གི་མེ་འབར་བའི་དབུས་སུ། ལ་བཙས་དེ་ཉིད་ལྷ་འདྲེའི་དབེན་གནས་ཁྲ་ལམ་མེ་བ་ཉམས་དགའ་བ་ཡིད་དུ་འོང་བ། །དེའི་ནང་དུ་ལྷ་སྲིན་སྡེ་བརྒྱད་དམག་ཚོགས་ལྟར་འདུ་བ། དེའི་སྟེང་དུ་གཡང་གཞིའི་སྟེང་དུ་བཀབ་པས། དབེན་གནས་དེ་ཉིད་ཐལ་ཕུང་ལ་སྒྲོ་གཡབ་བརྡབ་པ་བཞིན་སྟོར་བར་བསམ། སྡེ་བརྒྱད་དང་ལྷ་འདྲེ་གནས་ས་མེད་ནས། ཤ་ཁྲག་གི་ལྷས་སྦྱིན་དང་། སྡེ་བརྒྱད་ལྷ་འདྲེ་རྣམས་སྐྱོལ་ཉོག་ཏུ་བཏང་བས་འཁྲུགས་ཏེ། འོད་རྣམས་ཤར་ཙམ་གྱིས་སྡུད་ནས། བདུད་ལྷས་སྦྱིན་གྱིས་སྣ་དྲངས་ནས་སྡེ་བརྒྱད་དང་ལྷ་འདྲེའི་དམག་ཚོགས་སོང་ནས། དགྲ་བོའི་སྲུང་འཁོར་ཞིང་བཅོམ་གསོད་པའི་མཚོན་ཆ་ཅགས། སྡེ་བརྒྱད་ཀྱི་ཐུགས་ཀ་ནས་མཚོན་ཆའི་ཆར་བབས་ནས་དུམ་བུར་གཏུབ་སྟེ། བདུད་དང་སྡེ་བརྒྱད་ལྷ་འདྲེའི་དམག་ཚོགས་རྣམས་ཀྱིས་ཧབ་ཐོབ་ཏུ་

[Full Size]

ཟོས་པར་བསམ། ལྷག་མ་རྗེས་ཤུལ་ཐམས་ཅད་བདུད་ཀྱིས་ཁྱེར་ནས། འོག་ཏུ་བཙུད་ནས་སྟེང་དུ་བདུད་ཀྱི་ཕོ་བྲང་བཏབ་པར་བསམ། སྡེ་བརྒྱད་ཀྱི་གནས་མལ་བདུད་ཀྱི་འཕྲོག་ནས། སླར་སྡེ་བརྒྱད་འོང་ས་མ་རྙེད་ནས། དེའི་ལེ་ལན་ཁོ་ལ་དད་ནས། དགྲ་ཡུལ་དུ་སྡེ་བརྒྱད་ཀྱི་ཕོ་བྲང་བཏབ་པར་བྱ། དེ་ནས་གཉན་དམིགས་སུ། དགྲ་བོའི་ཟག་རྫས་རྣམས་དང་བཅས་པ་མནན། དགྲ་བོ་བཀུག་ལ་བསྟིམ། དེའི་སྟེང་དུ་ཁོའི་ལྷན་ཅིག་སྐྱེས་པའི་ལྷ་དང་། འོག་ཏུ་མཉམ་པོར་འོང་བའི་བདུད་གཉིས་ཀྱི་ངོ་བོ་སྡིག་པ་དམར་ནག་གཉིས་ཀྱིས་བཅིང་། དེའི་ཕྱི་རོལ་དུ་སྦྲུལ་ནག་གི་ཞགས་པས་བཅིང་། སྡིག་པ་གཉིས་ལས་སྡིག་པའི་དམག་ཚོགས་དཔག་ཏུ་མེད་པ་འཕྲོས། དགྲ་བོའི་སྤྱི་གཙུག་དང་གསང་གནས་གཉིས་ལ་ཞུགས། སྙིང་གར་ཕྱིན་ནས་སྲོག་རྩ་བཅད་ནས་ཁྲག་ལྷུད་ལྷུད་ཀྱིས་སོང་བར་བསམ། དེའི་རླངས་པ་ནི་ལ་ཕོག་པས་རླངས་པ་མ་བཟོད་ནས་རྨི་མིག་ཏུ་ཁོའི་སྒོམ་པའི་ལྷ་ཁྲོས་ནས་དབང་ཕྱུག་ཆེན་པོ་དུག་གི་མཆུ་ཅན་དུག་གི་སྤུ་གྲི་ཐོགས་པ་གཅིག་གིས། དུག་མཆུའི་སེམས་མར་མེ་ལྟ་བུ་དེ་གཙག་ནས་ནག་སྐེམ་སྐེམ་སོང་ནས་བཏང་། སྤུ་གྲིའི་རྨི་དང་སྲོག་རྩ་བཅད་ནས་

[Full Size]

སྙིང་ཁྲག་འབྱང་བར་བསམ། དེའི་སྟེང་དུ་རྡེལ་བུ་མནན་པས་བདུད་ལྷས་སྦྱིན་གྱིས་ཕོ་བྲང་བཏབ་པར་བསམ། དེའི་སྟེང་དུ་རང་གི་ཤ་ཁྲག་གཏིབ་བསྙིལ་བྱ། དེ་ནས་སྟོང་ཉིད་ཀྱི་བསྲེ་བ་གསལ་བཏབ། ཕྱི་ལྟས་མི་བྱ་བར་རང་གནས་སུ་ལོག །ནག་སྦྱོར་བུ་ཡིག་དང་པོའོ།། ༼ཁ༽ གཉིས་པ་དགྲ་ཁྱིམ་ཐན་གྱིས་འགེང་འདོད་ན། འཁོར་ལོ་དཔེའུ་རིས་ལྟར་བྲི། གཟའི་བླ་རྡོ་རི་རྩེ་མཐོ་ནས་བླང་དེ་ལ་ཛབྲི། བདུད་ཀྱི་བླ་རྡོ་བྲག་ནག་ནས་བླང་དེ་ལ་དུབྲི། བཙན་གྱི་བླ་རྡོ་བྲག་དམར་ནས་བླང་དེ་ལ་རུབྲི། ཀླུའི་བླ་རྡོ་མཚོའམ་ཆུ་མིག་ནས་བླང་དེ་ལ་ནབྲི། རང་གི་མདུན་དུ་གཉན་དམིགས་སུ་གྲུ་གསུམ་བྲུས་པའི་ནང་དུ་ལིངྒ་བཞག །ལིངྒའི་སྟེང་དུ་བླ་རྡོ་བཞག །གྲུ་གསུམ་དགྲ་ཡུལ་དུ་བསམ། དེ་ནས་དབང་སྡུད་མང་དུ་བྱས་ལ་དགྲ་བོ་བཀུག་ལ་ལིངྒ་ལ་བསྟིམ། གཟའ་ཀླུ་བདུད་བཙན་རྣམས་བཀུག་ལ་བླ་རྡོ་ལ་བསྟིམ། གཞན་ཡང་གནས་པོ་དང་ལྷ་འདྲེ་ཐམས་ཅད་བཀུག་ལ་བསྟིམ། དེ་རྣམས་ཀྱི་སྟེང་དུ་རང་གི་ཤ་ཁྲག་སྙིལ། གྲུ་གསུམ་གྱི་ཁ་དེ་ལྕགས་སྲེག་གི་རྡོ་རྗེ་རྒྱ་གྲམ་གྱིས་བཅད་པར་བསམ། རང་གི་ཐུགས་ཀའི་ཧཱུཾ་ལས་འོད་ཟེར་དམར་ནག་མང་དུ་

[Full Size]

འཕྲོས། གྲུ་གསུམ་ཁའི་རྡོ་རྗེ་ལ་ཕོག །རྡོ་རྗེ་དེ་ལས་ལྕགས་ཀྱི་རྡོ་རྗེ་སེར་རྒོད་ལྟར་བབས་པས་གཟའ་ཀླུ་བདུད་བཙན་རྣམས་རྡུལ་དུ་བརླག་པར་བསམ། དེ་རྣམས་ཀྱི་ལེ་ལན་དགྲ་ལ་དེད་ནས་ལྟས་ངན་སྣ་ཚོགས་བཏང་བར་བསམ། ཆོ་འཕྲུལ་བྱུང་ཚུགས་ཟ་ལམ་བསྟན། གཏོར་མ་ཟོར་འཕང་ལིངྒ་དེ་ཉིད་ལམ་དེ་རུ་མནན། ནག་སྦྱོར་བུ་ཡིག་གཉིས་པའོ།། ༼ག༽ གསུམ་པ་དགྲ་བོ་ཀླུ་ལ་གཏད་འདོད་ན། ལིངྒ་དཔེའུ་རིས་ལྟར་བྲི། །ཀླུ་བདུད་ཕོ་མོའི་བར་དུ་བསྟིམ། །ཚོན་སྐུད་སྣ་ལྔས་རྒྱ་གྲམ་བཅིངས། །དེ་ནི་གླང་རུ་ནང་དུ་བཅུག །ལིངྒ་ལ་ནི་དུག་ཁྲག་ཕྱུག །ཀླུ་ལ་དཀར་གསུམ་མངར་གསུམ་བྱུག །ལིངྒར་ཟག་རྫས་རྗེས་ས་བྱུག །གླང་རུའི་ཁ་ནི་ལ་ཆས་བཅད། །གཉན་སའི་མིག་སུ་གྲུ་གསུམ་བྲུས། །དེ་ཡི་ནང་དུ་གླང་རུ་བཅུག །དེ་སྟེང་རང་གི་མལ་ས་བཅའ། །དོང་དེ་རྒྱ་མཚོ་ཆེན་པོ་ཡི། །ནང་དུ་ཀླུ་ཡི་ཕོ་བྲང་བསམ། །གླང་རུ་དགྲ་ཡི་ཁང་པར་བསམ། །དེ་ཡི་ནང་དུ་དགྲ་བོ་བསྐྱེད། །དབང་སྡུད་དྲག་པོས་དགྲ་བོ་བསྟིམ། །དེ་ནས་གནས་པོ་ཀླུ་རྣམས་བསྟིམ། །དེ་ནས་རང་གི་ཤ་ཁྲག་བསྙིལ། །མལ་འོག་རྒྱ་མཚོའི་ལྟེམ་གང་ལ། །ཀླུ་རྣམས་རབ་ཏུ་འཁྲུགས་ནས་

[Full Size]

སུ། །ལེ་ལན་ཁོ་ལ་དེད་པར་བསམ། །དེ་སྟེང་རང་ཉིད་ཁྲོས་མར་བསྐྱེད་པའི་ཐུགས་ཀ་ནས། ལྕགས་སྲེག་གི་ཐུ་ལུམ་སེར་དྲག་ལྟར་བབས་ནས། རྒྱ་མཚོ་སྟེང་ལྡོག་ནས་ཀླུ་རྣམས་ཤ་རུས་སྐྱ་སི་ལི་ལི་བཏང་བར་བསམ། ཁོ་ལ་ཁྲོས་ནས་ཀླུ་བདུད་ཕོ་མོ་མགོ་དགུ་གཉིས་ཀྱིས་སྔོན་རྒྱབ་གཉིས་ཟོས། སྡིག་པ་ནག་པོ་མགོ་དགུ་པ་ཞིག་གིས་སྤྱི་བོ་ནས་ཟོས། སྦལ་ནག་ལག་པ་དགུ་པ་ཞིག་གིས་གསང་ནས་ཟོས། སྦྲུལ་རིགས་བཞི་ཡིས་ཡན་ལག་བཞི་ཟོས་པར་བསམ། ཀླུའི་དུག་གི་ཁོ་མྱོས་ཤིང་འཐིབ། རུལ་ཤིང་ཟག་པར་བསམ། དེ་ལྟར་ཞག་བདུན་ཐུན་དྲུག་གཟིར། དེ་ནས་ལིངྒ་བཏོན་ལ་རྡོ་ཕ་ཝང་ལོང་བུ་དང་མཉམ་དུ་ཡུགས་སའི་སྒྲས་ཁ་བཅིང་། རི་བྲག་དམར་པོ་ཁ་ནུབ་ཏུ་གྱུའམ། ཆུ་མིག་ཁ་ནུབ་ཏུ་གྱུ་བ་ལ་མནན་པ་བྱ། རྒྱ་མཚོའི་གཏིང་དུ་ཀླུ་བདུད་ཀྱི་ཁར་བཅུག་པར་བསམ། གསེར་གྱི་ཕ་བོང་འང་བསྒྲིལ་ནས་ཀླུའི་གྲེ་བ་བཅད་པར་བསམ། རང་གི་རྗེས་སུ་ཚེར་མང་གིས་བསྡུས་ལ་གོམ་པ་དགུ་འགྲོ། དེ་ནས་རང་ཉིད་ཁྲོས་མ་ནག་པོ་བྱ་ཁྱུང་གི་གཤོག་པ་ཅན་དུ་བསམ། དེ་མཁའ་སྤྱོད་གནས་སུ་འགྲོ་བར་བསམས་ལ་འཕུར་སྟངས་བྱའོ། །ཕྱི་མིག་མི་

[Full Size]

ལྟ་བར་འོང་བ་ནི་མན་ངག་ཡིན། ནག་སྦྱོར་བུ་ཡིག་གསུམ་པའོ། ༼ང་༽ །བཞི་པ་དགྲ་ཡུལ་ཐོག་གིས་གཞིག་འདོད་ན། རི་གཉན་གྱི་ས་དང་། ཆུ་གཉན་གྱི་རྡེའུ། གསེར་རྡོ་དང་། ལྕགས་རྡོ། ཟངས་རྡོ་དང་། དགྲ་བོའི་ཁང་ས་ཞིང་ས་དུར་ས་དང་། དེ་གཉིས་བསྲེས་ལ་མཁར་ཐོག་ཁ་གཉིས་བརྩེགས་བྱ། འོག་ཁང་དུ་དགྲ་བོའི་ལིངྒ་དཔེའུ་རིས་ལྟར་བཅུག གཟའ་་་་་རྫ་རི། བདུད་བྲག་་་ནག་ཀླུ་་་ཆུ་མིག བཙན་་་་་བྲག་དམར་གྱི་བླ་རྡོ་བླང་ལ། དེ་ལ་སོ་སོའི་ས་བོན་བྲི། །དེ་ནི་ཐོག་ཁང་ནང་དུ་བཅུག །གཉན་ས་དམའ་བ་གཅིག་ཏུ་འགྲོ། །མཁོར་དེ་རང་མདུན་བཞག་པར་བྱ། །དེ་ཉིད་དགྲ་བོའི་ཁང་ཁྱིམ་བསམ། ། །འོག་ཁང་དགྲ་བོ་འཁོར་བཅས་བསམ། །དེ་ནས་ཁང་ཁྱིམ་འཁོར་བཅས་བསྟིམ། །སྟེང་དུ་གཟའ་བདུད་མགོ་དགུ་བསམ། །ཕ་སྲིན་པོ་མགོ་དགུ་བསམ། །མ་ཀླུ་མོ་ཁྲག་མིག་མ་བསམ། །དང་པོ་དགྲ་བོ་བཀུག་ལ་བསྟིམ། །དེ་ནས་གཟའ་བཀུག་བསྟིམ་བྱ། །དེ་ནས་རང་གི་ཤ་ཁྲག་བསྙིལ། །རང་ཉིད་ཁྲོས་མའི་ཐུགས་ཀ་ནས། །ཡི་གེ་རཾ་འཕྲོས་མཁར་སྟེང་བབ། །རཾ་ལས་རཾ་འཕྲོས་རཾ་དགུ་གྱུར། །དེ་ལས་མེ་འབར་གཟའ་བདུད་དང་། །

[Full Size]

དགྲ་བོ་རྡུལ་དུ་བརླག་པར་བསམ། །རང་ཉིད་ཁྲོས་མའི་ཐུགས་ཀ་ནས། །རྡོ་རྗེའི་ཐོག་ཕབ་གཟའ་ཡི་སྤྱི་བོ་རྒྱབ། །ཞབས་སུ་ཕུད་ཅིང་ཕུང་པོ་དྲྭ་བར་བཏང་། །དེ་ཡི་ལེ་ལན་ཁོ་ལ་དེད་ནས་སུ། །ཐོག་སེར་ཕབ་ནས་རྡུལ་དུ་བརླག་པར་བསམ། །བསྐལ་པ་གསུམ་དུ་ཐུན་དྲུག་གཟིར། །དེ་ནས་ལིངྒ་ཕྱུང་ནས་ནི། ཆུ་མིག་ཁ་བྱང་དུ་རྒྱུ་བའམ།་་་་་རྫ་རི་མཐོན་པོའི་ནུབ་བྱང་མཚམས་སུ་རི་ཟུར་རམ། ལག་པ་གཡས་པ་མནན་པར་བྱ། །མཁར་དང་བླ་རྡོ་དྲག་གཏོར་རྣམས། །དགྲ་བོའི་ཕྱོགས་སུ་ཟོར་དུ་འཕང་། །གོས་ནང་གཟའ་བདུད་བསྐྱེད་པ་ལ། །ས་ལ་བརྡབས་པས་བུ་ག་དགུ་ནས་ནི། །ཐོག་སེར་འབེབས་པར་བསམ་ལ་བསྲེགས་བསྲེས་འདྲ། །ནག་སྦྱོར་བུ་ཡིག་བཞི་པའོ། ༼ཅ༽ །ལྔ་པ་དགྲ་ལ་སྨྱོ་འབོག་བཏང་འདོད་ན། །ལིངྒ་དཔེའུ་རིས་ལྟར་བྲི། །གཉན་ས་རྒྱ་གྲམ་ལམ་དུ་བཅའ། །རང་མདུན་གྲུ་གསུམ་བྲུས་པའི་ནང་། །མི་ནོར་ཁྱི་གསུམ་གང་རྙེད་རབ་སྤྲེལ་ཐོད་མ་ཡིན། །སྨྱོ་ཐོད་ནང་དུ་ལིངྒ་བཅུག །ཐོད་པ་ལྕགས་ཁང་གཅིག་ཏུ་བྷོ། །དེ་ཡི་ནང་དུ་དགྲ་བོ་བསྐྱེད། །དབང་སྡུད་དྲག་པོས་ཡང་ཡང་བསྟིམ། །དེ་ནས་སྨྱོ་འདྲེ་བཀུག་ལ་

[Full Size]

བསྟིམ། །པེ་ཀར་སེང་གེ་ཞོན་པ་དང་། །རྩང་བཙན་སྟག་ལ་ཞོན་པ་དང་། །གཟའ་བདུད་གདུག་པའི་ངན་སེམས་ཅན། །གནས་དེར་འགྲིམ་ཚད་ཐམས་ཅད་རྣམས། །ལྷ་ཁང་ནང་དུ་ཧྲིག་གེ་བཙུད། །དགྲ་སྙིང་སྒོ་ང་ལྟ་བུར་བསམ། རྣམ་ཤེས་མར་མེ་ལྟ་བུ་དེ། །ལམ་ལམ་འབར་བ་ཞིག་ཏུ་བསྒོམ། །དེ་ནས་རང་གི་ཤ་ཁྲག་གིས། །ལྷ་ཁང་བཀང་ཞིང་ཡང་ཡང་སྦྱིན། །བར་བར་དམིགས་པའི་འཕྲོ་འདུ་ནི། །ཐོད་པ་ལྕགས་སྲེག་ཁང་པར་བྷཻ། །རང་ཉིད་ཁྲོས་མའི་ཐུགས་ཀ་ནས། །ལྕགས་ཀྱི་རྡོ་རྗེ་སེར་ལྟར་འབེབས། །མགྲོན་རྣམས་རྡུལ་དུ་བརླག་པར་བསམ། །དེ་ཡི་ལེ་ལན་ཁོ་ལ་དེད། །རྣམ་ཤེས་མར་མེ་ལྟ་བུ་བསད། །མགྲོན་རྣམས་སྙིང་གི་དཀྱིལ་དུ་ཞུགས། །དགྲ་ལ་སྨྱོ་འབོག་བཏང་བོར་བསམ། ། བསྐལ་པ་བདུན་ལ་ཐུན་དྲུག་གཟིར། དེ་ནས་རི་བྲག་དམར་པོ་སྤྲེའུ་ལྟ་བུའི་ཁ་ལྷོ་ཕྱོགས་སུ་ལྟ་བའི་འོག་་་་་།ཆུ་མིག་དགུའི་སྙིང་གར་མནན། །ཡང་ན་ལྷ་ཁང་ལྡེར་སོར་ཤེས། །ནག་སྦྱོར་བུ་ཡིག་ལྔ་པའོ། ༼ཆ༽ །དྲུག་པ་དགྲ་ལ་ཞ་རིང་བཏང་འདོད་ན། །ལིངྒ་དཔེའུ་རིས་ལྟར་བྲི། །འདབ་ཆགས་ཞ་བོའི་རིལ་མ་བླུག །རང་མདུན་གྲུ་གསུམ་ནང་དུ་བཞག །

[Full Size]

དང་པོ་དགྲ་བོ་བཀུག་ལ་བསྟིམ། །དེ་ནས་ཀླུ་རྣམས་བཀུག་ལ་བསྟིམ། །དེ་སྟེང་རང་གི་ཤ་ཁྲག་བསྙིལ། །རང་ཉིད་ཁྲོས་མའི་ཐུགས་ཀ་ནས། །ཁྱུང་དམར་མེ་ཡི་གཤོག་པ་ཅན། །དཔག་མེད་འཕྲོས་ནས་ཀླུ་རྣམས་ཟོས། །དེ་ཡི་ལེ་ལན་ཁོ་ལ་དེད། །སྦྲུལ་བཞིའི་ཡན་ལག་དམ་བཅིངས་ནས། །ནམ་ཡང་གཡོ་འགུལ་མེད་པར་བྷོ། །གྲུ་གསུམ་རྒྱ་མཚོ་ཆེན་པོར་བསམ། །དེ་ནས་ལིངྒ་ཕྱུང་ནས་ནི། །ཆུ་མིག་བྱང་གྱུ་ལྐུགས་པ་ཡི། །རྐང་པ་གཡས་པའི་འོག་ཏུ་མནན། །དེ་ནས་ལན་གསུམ་སྤོག་པར་བྷེ། །མནན་པ་ཁ་གསུམ་དག་ཏུ་བྱ། །ནག་སྦྱོར་བུ་ཡིག་དྲུག་པའོ། ༼ཇ༽ །བདུན་པ་དགྲ་ཞིང་སེར་བས་འཇོམས་འདོད་ན། །ཡུལ་ཞིང་དབྱིབས་དང་མཐུན་པར་བྲི། །སྟེང་དུ་ཀླུ་བདུད་བཙན་གསུམ་བཞག །གཞན་ཡང་གནས་པོ་ཐམས་ཅད་ནི། །ཞིག་རལ་བྱུང་བའི་ས་ཞིག་དང་། །རི་རྒོད་ངར་མའི་དུར་ས་དང་། །ནུས་ལྡན་སྔགས་པའི་ཧོམ་ས་དང་། །དགྲ་བོའི་ཞིང་ཁང་དུར་ས་དང་། །ཁྱི་དུག་ར་དུག་ཐང་ཕྲོམ་དང་། །དེ་རྣམས་གཅིག་ཏུ་བསྡུས་བྱས་ལ། །ཤ་བོ་རྟ་ནག་ཕུག་རོན་གྱི། །ཁྲག་སྦྲུས་རིལ་བུ་སེར་བའི་ཚད། །དབྱིབས་ཀྱང་དེ་དང་

[Full Size]

མཚུངས་པར་བྱས། །ཕུང་ཤུལ་རེ་བ་ནག་པོས་གཏུམ། །དེ་ཡང་གོང་དང་ལྷན་ཅིག་བཞག །དགྲ་བོའི་ཡུལ་འགོ་མཐོང་སར་འགྲོ། །གཉན་ཁྲོད་ཆུ་མིག་གཅིག་ཏུ་བཅུག །འདོམ་གང་ས་ན་རང་ཉིད་འདུག །གྲུ་གང་ས་ན་རྫིང་བུ་བསྐྱིལ། །གོང་གི་རྫས་རྣམས་དེ་རུ་བཞག །བྲ་མ་ཁེར་སྐྱེས་མགུལ་པ་ན། །སྡེ་བརྒྱད་སྲོག་ཡིག་བྲིས་ལ་བཏགས། །དེ་ཡང་དེ་ཡི་དཀྱིལ་དུ་བཙུགས། །ཕྱོགས་བཞིར་ཐོ་བཞི་ཁྲོ་བཞི་བྲི། །ཁྲོ་བཞི་བྱ་ཁྱུང་རྣམ་བཞི་བསྐྱེད། །རྫིང་དེ་རྒྱ་མཚོ་ཆེན་པོ་བྷེ། །དེའི་དཀྱིལ་དགྲ་བོའི་ཡུལ་ཞིང་བྷེ། །དེ་རྒྱབ་ཀླུ་བདུད་བཙན་གསུམ་བྷོ། །དེ་རྒྱབ་སྡེ་བརྒྱད་ཐམས་ཅད་བྷེ། །དེ་ནས་དབང་སྡུད་དྲག་པོ་བྱ། །དང་པོ་དགྲ་བོ་བཀུག་ལ་བསྟིམ། །དེ་ནས་སྡེ་བརྒྱད་བཀུག་ལ་བསྟིམ། །དེ་སྟེང་རང་གི་ཤ་ཁྲག་བསྙེལ། །འཚུབ་མ་དམར་པོ་གཡོན་ཕྱོགས་འཁོར། །སྡེ་བརྒྱད་ཐམས་ཅད་མྱོས་ཤིང་འཚུབས། །དེ་ཡི་ལེ་ལན་ཁོ་ལ་དེད། །ཀུན་གྱི་ཁ་སྣ་མིག་གསུམ་ནས། །ཁྲག་གི་སེར་བ་དྲག་ཏུ་འབེབས། །དགྲ་ཞིང་ཐལ་བར་བརླག་པར་བྷེ། །དེ་ནས་དམིགས་པའི་འཕྲོ་འདུ་ནི། །རང་ཉིད་བྱ་ཁྱུང་དམར་པོ་ཡིས། །འོག་གི་རྒྱ་མཚོ་ཁྲོག་གིས་འཐུང་། །ལྷ་

[Full Size]

སྲིན་སྡེ་བརྒྱད་ཡོས་ལྟར་བརྔོ། །ལེ་ལན་ཐོག་སེར་འབེབས་པར་བྷཻཾ། །དེ་ཡི་ལེ་ལན་ཁོ་ལ་དེད། །བར་བར་ཁྲོས་མ་ནག་མོ་ཡིས། །མཚོ་མཐའ་ཁྱབ་པར་སྐོར་ནས་ནི། །ཕྱག་ན་རྡོ་རྗེ་རྒྱུན་བྷེཾ་ཞིང་། །ཞལ་ནས་དྲག་སྔགས་འདི་བརྗོད་པས། །ལྷ་འདྲེ་སྡེ་བརྒྱད་བསྲང་ཞིང་རྒྱལ། །སེར་བ་དཔག་མེད་འབེབས་པར་བྷཻཾ། །ཧྲཱིཿམཿཧཿརིཿནིཿསཿ ཨཿཡཿམཿདུཿརུཿཙཿཤཿནཿརཿགཿམོཿསེཿརཿབཿཕོཿབཿཕོཿབཿ སེར་རྫས་རྣམས་ཀྱང་འདི་ཡིས་སྔགས། །སེར་བས་བྲབ་པའི་དམིགས་པ་ནི། །འོག་གི་རྒྱ་མཚོའི་དབུས་དེ་ན། །ལྗོན་ཤིང་། སྐྱེས་པའི་མགུལ་པ་ན། །ལྷ་ཁང་བརྒྱན་ཅན་བཅས་པ་བྷེ། །དེ་ཡི་ནང་དུ་སྡེ་བརྒྱད་བསམ། །ཡང་ཡང་བསྟིམ་ཤིང་བསྲེས་ནས་ནི། །ཀླད་ལ་གཡུགས་ནས་རྒྱ་མཚོར་བརྡབ། །ཤ་ཁྲག་ཐར་གྱིས་སོང་བར་བྷཻཾ། །ལེ་ལན་སེར་བ་དབབ་པར་བྷཻཾ། །ཉིན་གཅིག་དྲག་ཆར་དག་ཏུ་འགྲོ། །བསྐལ་པ་གསུམ་ལ་ཐུན་དྲུག་གཟིར། །ལིངྒ་བླ་རྡོ་ལམ་དུ་མནན། །སེར་རྟའི་རིལ་བུ་རེ་རེ་བཞིན། །གཉན་སའི་ཆུ་མིག་ཀུན་ལ་སྦ། །འཆང་ན་ཕྱིས་ཀྱང་ཆོག་པ་ཡིན། །ཁྲ་མ་བརྡབ་ཅིང་དྲག་སྔགས་བརྗོད། །ཁྲ་མ་ཞིང་གི་དབུས་སུ་བཙུགས། །

[Full Size]

འབེབས་འགྱུར་འདི་ལ་ཐེ་ཚོམ་མེད། །དེ་ནས་རང་ཉིད་མགུལ་སར་འགྲོ། །ཐོག་བསྲུང་བྱ་ཞིང་ཞག་གཅིག་ཉལ། །ནག་སྦྱོར་བུ་ཡིག་བདུན་པའོ། ༼ཉ༽ །བརྒྱད་པ་དགྲ་ལ་གཟེར་རྒོད་བཏང་འདོད་ན། །ཡུལ་ཆེན་ས་དང་ཚང་སྙིབ་ས། །ཕུང་ས་རྣམས་ལ་རུ་པ་བྱ། །དགྲ་བོའི་རྗེས་ས་དྲི་མ་བསྲེས། །དེ་ཡི་སྙིང་གར་སྐྱེར་ཕུར་བཙུགས། །གཉན་ས་ཝ་དམར་ཁ་ལ་བཅའ། །མདུན་དུ་དོང་བྲུས་རུ་པ་བཞག །དོང་དེ་དགྲ་བོའི་ཡུལ་དུ་བསམ། །གཟུགས་དེ་དགྲ་བོ་དངོས་སུ་བསམ། །ཕུར་པ་གཟའ་བདུད་དངོས་སུ་བསམ། །དང་པོ་དགྲ་བོ་བཀུག་ལ་བསྟིམ། །དེ་ནས་སྡེ་བརྒྱད་བཀུག་ལ་བསྟིམ། །དེ་སྟེང་རང་གི་ཤ་ཁྲག་བསྙིལ། །བར་བར་དམིགས་པའི་འཕྲོ་འདུ་ནི། །རང་ཉིད་ཁྲོས་མར་གསལ་བ་ཡི། །ཕྱག་གི་གནམ་ལྕགས་ཕུར་པ་ཡིས། །གཟའ་བདུད་སྙིང་ལ་རབ་གཟིར་ནས། །གཟའ་བདུད་སྡེ་བརྒྱད་ཐམས་ཅད་འཁྲུགས། །དེ་ལ་ཕུར་ཐོགས་གྲངས་མེད་འཕྲོས། །དགྲ་བོ་རྡུལ་དུ་བརླག་པར་བསམ། །བསྐལ་ཕྲན་དྲུག་ལ་ཐུན་དྲུག་གཟིར། །དེ་ནས་ཝ་ཤའི་མདའ་ལ་རྡོ་གྲམ་བྱས་ལ་མནན། །ནག་སྦྱོར་བུ་ཡིག་བརྒྱད་པའོ། ༼ཏ༽ །དགུ་པ་དགྲ་ལ་འོན་

[Full Size]

ལོང་ལྐུགས་པ་བཏང་འདོད་ན། ་།ལིངྒ་དཔེའུ་རིས་ལྟར་བྲི། །ཕུག་རོན་ལྤགས་པའི་ནང་དུ་གཏུམ། །ལྐུགས་པའི་སྐྲ་ཡིས་རྒྱ་གྲམ་བཅིང་། །དེ་ཡང་རང་གི་ཞབས་སུ་མནན། །ལིངྒ་དགྲ་བོ་དངོས་སུ་བསམ། །ལྕེ་ཡི་བྲང་ཁེབས་སྟེང་དུ་ནི། །སྣང་སྲིད་ལྷ་འདྲེའི་དམག་ཚོགས་བསམ། །དང་པོ་དགྲ་བོ་བཀུག་ལ་བསྟིམ། །དེ་ནས་ལྷ་འདྲེ་བཀུག་ལ་བསྟིམ། །དེ་སྟེང་རང་གི་ཤ་ཁྲག་བསྙིལ། །དེ་ནས་དམིགས་པའི་འཕྲོ་འདུ་ནི། །རང་ཉིད་ཁྲོས་མའི་ཐུགས་ཀ་ནས། །གནམ་ལྕགས་རྡོ་རྗེ་རྒྱ་གྲམ་འཕྲོས། །ལྷ་འདྲེའི་ལྕེ་ཡི་སྟེང་དུ་ཕོག །ངག་གི་རྩ་རྣམས་བསྡམས་པར་བྷེ། །དེ་ཡི་ལེ་ལན་ཁོ་ལ་དེད། །གཟའ་ཀླུ་ལྐུགས་པའི་རིགས་ཅན་གྱིས། །ལག་ན་སྦྲུལ་གྱི་ཞགས་པས་ནི། །ཁོ་ཡི་མགྲིན་པ་བཅིང་པར་བསམ། །གཉན་ཁྲོད་གསུམ་ན་ཐུན་དྲུག་གཟིར། །དེ་ནས་ལིངྒ་ཕྱུང་ནས་སུ། །ཆུ་མིག་ལྐུགས་པ་མགོ་དགུའི་མིག་གཡོན་པའམ། །ཡང་ན་ཕུག་རོན་གནས་པའི་བྲག་ལ་སྦས། །ནག་སྦྱོར་བུ་ཡིག་དགུ་པའོ། ༼ཐ༽ །བཅུ་པ་དགྲ་བོ་ཕ་ཚན་ཕྱེ་འདོད་ན། །ལིངྒ་དཔེའུ་རིས་ལྟར་བྲི། །གཉན་ས་མི་མཐུན་གཟུགས་ལ་བསྟིམ། །རང་གི་མདུན་དུ་

[Full Size]

ལིངྒ་བཞག །དབང་སྡུད་དྲག་པོས་དགྲ་བོ་བསྟིམ།། །དེ་ནས་སྣང་སྲིད་ལྷ་འདྲེའི་ཚོགས། །བདུད་ནག་ཕོ་རོག་མགོ་ཅན་དང་། །བྲག་བཙན་འུག་པའི་མགོ་ཅན་སོགས། །ལྷ་འདྲེ་གྲངས་མེད་ཡང་ཡང་བསྟིམ། །དེ་སྟེང་རང་གི་ཤ་ཁྲག་བསྙིལ། །དེ་ལ་དམིགས་པའི་འཕྲོ་འདུ་ནི། །རང་ཉིད་ཁྲོས་མའི་ཐུགས་ཀ་ནས། །ཁྲོ་ལས་བྱ་ཁྱུང་གྲངས་མེད་འཕྲོས། །རང་ཕྱོགས་ལིངྒ་ཁྲོ་ལ་བསྟིམ། །ཀླུ་དང་སྡེ་བརྒྱད་སྦྲུལ་དུ་གྱུར། །གཞན་ཕྱོགས་ལིངྒ་ན་ལ་ཐིམ། །རང་གི་ཤ་ཁྲག་ཐམས་ཅད་ཀྱང་། །རུས་སུམ་བཻ་ཞིང་མྱོས་པར་བསམ། །བསྐལ་པ་གསུམ་ལ་ཐུན་དྲུག་གཟིར། །དེ་ནས་ལིངྒ་རྒྱ་གྲམ་ལམ་དུ་མནན། །ནག་སྦྱོར་བུ་ཡིག་བཅུ་པའོ། ༼ད༽ །བཅུ་གཅིག་དགྲ་བོའི་རིགས་རྒྱུད་གཅོད་འདོད་ན། །ལིང་དཔེའུ་རིས་ལྟར་བྲི། །མཛོ་དང་དྲེའུ་ཁྲག་གིས་བྱུག །རབས་ཆད་ཕོ་མོའི་གོས་ཀྱིས་གཏུམ། །གཉན་ས་དྲག་པོ་གཅིག་ལ་འགྲོ། །རང་གི་མདུན་དུ་གྲུ་གསུམ་བྲུས། །དེ་ཡི་ནང་དུ་ལིངྒ་བཞག །བྲག་ཕུག་བྱང་གྱུའི་རྡོ་གཅིག་ལ། །ཏྲི་གཅིག་བྲིས་ལ་དེ་སྟེང་བཞག །དོང་དེ་དགྲ་བོའི་ཁྱིམ་དུ་བསམ། །ལིངྒ་བུད་མེད་དངོས་སུ་བསམ། །དེ་ཡང་སྲིན་མོ་དམར་

[Full Size]

མོའི་དབྱིབས་སུ་བསམ། །ལྟོ་བ་དར་དམར་གུར་དུ་བསམ། །མོ་མཚན་གུར་གྱི་སྒོ་རུ་བསམ། །སྒོ་དེའི་ཡ་ཐེམ་ཟླ་བ་སྲིད། །མ་ཐེམ་དག་ལ་ཉི་མས་བརྒྱན། །ཚ་ཟེར་འོད་སྟོང་ལྡན་པར་བསམ། །དེ་ཡི་གཟི་བརྗིད་ཚ་ཟེར་ལས། །གཟའ་དང་ཐེའུ་རང་མ་གཏོགས་པ། །རིགས་དྲུག་སེམས་ཅན་ཐམས་ཅད་ཀྱི། །རྣམ་ཤེས་ཉེ་བར་མ་ནུས་ནས། །ཚ་ཟེར་འདི་ལ་བྲོས་པར་བསམ། །གུར་ནང་གཟའ་དང་ཐེའུ་རང་བསྐྱེད། །དང་པོ་དགྲ་བོ་བཀུག་ནས་བསྟིམ། །དེ་ནས་གཟའ་དང་ཐེའུ་རང་བསྟིམ། །དེ་སྟེང་རང་གི་ཤ་ཁྲག་བསྙིལ། །དེ་ནས་དམིགས་པའི་འཕྲོ་འདུ་ནི། །རང་ཉིད་ཁྲོས་མའི་ཐུགས་ཀ་ནས། །རོ་གཅིག་འཕྲོས་པས་གུར་སྒོར་ཕོག །དེ་ལས་མེ་དཔུང་སྨུག་ནག་འབར། །དགྲ་བགེགས་གུར་དང་བཅས་པ་རྣམས། །ཐེའུ་རང་གཟའ་དང་བཅས་པ་བསྲེགས། །དེ་ཡི་ལེ་ལན་ཁོ་ལ་དེད། །མངལ་སྡོམ་སྐྱེ་རྒྱུད་བཅད་པར་བསམ། །བསྐལ་པ་བདུན་ལ་ཐུན་དྲུག་བཀུང་གཟིར། །དེ་ནས་མཛོ་རའི་ནང་དུ་བཅུག །ནུབ་གླུ་ཆུ་མགོ་ཆུ་བོའམ། །ཡང་ན་ཕུག་པ་ནུབ་རྒྱུ་ཡི། །བད་ཆུའི་ཞབས་སུ་མནན་པར་བྱ། །མནན་དུས་དམིགས་པའི་རིམ་པ་

[Full Size]

ནི། །མནན་པར་བྱ་བ་དངོས་ལ་ནི། །རྒྱ་མཚོ་ནག་ལ་ཟབ་པའི་ནང་། །ཀླུ་དང་གཟའ་དང་ཐེའུ་རང་བསྐྱེད། །དེ་ཡི་ནང་དུ་དགྲ་བོ་བསྐྱེད། །བཀུག་ཅིང་བསྟིམ་པ་མན་ངག་ཡིན། །རང་ཉིད་ཁྲོས་མས་མཚོ་ཡར་བཀྱག །ཁ་ཞབས་ལྡོག་ནས་མནན་པར་བསམ། །དེ་སྟེང་འབྱུང་བ་རིམ་བརྩེགས་བྱ། །གནམ་ལྕགས་རི་ཡིས་མནན་པར་བསམ། །ནག་སྦྱོར་བུ་ཡིག་བཅུ་གཅིག་པའོ། །ཟབ་རྒྱ། །སྤྱི། གསང་རྒྱ། དེ་ལྟར་ནག་སྦྱོར་མན་ངག་ལས། །བུ་ཡིག་ཡོད་པ་བཅུ་གཅིག་དང་། །བྱེད་གཅོད་བཞི་དང་བཅོ་ལྔ་ཡོད། །སྤྱི་ཐེམ་གཅིག་དང་བཅུ་དྲུག་ཡོད། །བསྟན་པ་སྲུང་བའི་མཚོན་ཆ་འདི། །སྔོན་ཚེ་མ་གཅིག་ལབ་སྒྲོན་ལ། །བྲག་ཕུག་བྲག་དཀར་སེང་རྫོང་ན། །ཁྲོས་མ་ནག་མོས་དངོས་སུ་གནང་། །མས་ཀྱང་རྡོ་རྗེ་འབུམ་མེར་གཏད། །ད་ལྟ་མདོ་སྟོན་ང་ལ་ཡོད། །སྔོན་གྱི་ཟིལ་སྒོམ་ལ་སོགས་པས། །དད་ལྡན་སློབ་མ་མང་ན་ཡང་། །ཧ་ལའི་མ་ཡིག་མ་གཏོགས་པ། །བུ་ཡིག་འཁོར་དུ་བསྟན་པ་ཡང་། །བླ་མ་མཁའ་འགྲོ་དཔང་པོར་བཞུགས། །ད་ལྟ་ཨ་གཉན་དམ་པར་གཏད། །ཁྱོད་ཀྱང་སློབ་མའི་སྣོད་བརྟག་ལ། །གཅིག་བརྒྱུད་ཙམ་ལ་

[Full Size]

མ་གཏོགས་པར། །དམ་ཉམས་ལག་ཏུ་མ་ཤོར་ཅིག །ཆོས་མཐུན་གཅིག་ལ་བསྟན་ན་ཡང་། །བླ་མ་མཉེས་པའི་མཎྜལ་དང་། །མཁའ་འགྲོ་མཉེས་པའི་ཚོགས་འཁོར་དང་། །མདུང་དམར་ཅན་ལ་བ་ལིང་ཚོགས། །གསེར་སྲང་གང་སོགས་ཡོན་དུ་ཕུལ། །གཉན་ས་བརྒྱ་རྩའི་དམ་བཅའ་འཚལ། །དེས་ཀྱང་གདམས་ངག་གསང་ལ་སྤྱོད། །སངས་རྒྱས་བསྟན་ལ་ཐུག་པ་དང་། །བླ་མའི་སྐུ་ལ་བསྡོ་བ་དང་། །རྣལ་འབྱོར་རི་ཁྲོད་བཅོམ་བསད་དང་། །རང་གི་སྒྲུབ་བརྒྱག་ཤོར་བ་དང་། །མ་ཉེས་བརྙས་བཅོས་བྱས་བྱུང་ན། །ནག་སྦྱོར་མཚོན་ཆ་འདི་ཕྱུང་རྒྱོབ། །བྲེ་ཞོ་ཙམ་ལ་ལྟུང་གྱུར་ན། །རིགས་རྒྱུད་ཚིག་པར་འགྱུར་ཏ་རེ། །ཚུལ་དང་མི་མཐུན་སྤྱོད་གྱུར་ན། །ཤན་པ་མདུང་དམར་མཆེད་གཉིས་ཀྱིས། །སྡོང་གྲོགས་མི་བྱེད་འཁུ་ལྡོག་འབྱུང་། །དམ་ལྡན་ཚུལ་བཞིན་སྒྲུབ་པ་ལ། །ཇི་ལྟར་ཕྲིན་ལས་བཅོལ་བ་རྣམས། །ཐུབ་པར་སྲུངས་ཤིག་ས་མ་ཡ། །ཞེས་པ་མདོ་ལ་སྟོན་གྲགས་པ་རྒྱལ་མཚན་གྱིས་བཀའ་རྒྱ་དང་བཅས་པ་ཨ་གཉན་དམ་པ་ལ་གནང་། དེས་སྙན་བརྒྱུད་ཡི་གེར་བཀོད་ནས། རིམ་པར་བརྒྱུད་ནས་གཅིག་བརྒྱུད་ནས་ཨ་ནན་ཏ་བཱི་ཛ་ལ་

[Full Size]

བརྒྱུད་ནས་སྦས་རྒྱ་བྱས་ནས། ཨ་རཱ་ག་ལ་གནང་། བདག་རཱ་ག་ཨ་སྱས་ཅུང་ཟད་གསལ་བར་བསྒྲིགས་ནས། ཐེམ་མེད་གུད་དུ་སྦས་ནས་བཞག་པའོ། །ཏྲི་ཤུ་ལ་ཨ་མུ་ཀ་མཱ་ར་ཡ་ཆད་སོད། མངྒ་ལཾ། གསང་རྒྱ། བཀའ་རྒྱ། མནྡྲ་ཨ་གཉན་ནས་དྲུང་ཨ་ནནྟ་བི་ཛ། དེས་ཨ་རཱ་ག །དེས་ཀུན་དགའ་རྒྱ་མཚོ། དེས་སྔགས་འཆང་པེཎྱེ་ལཀྵ། དེས་མ་ཏིང་ཨ་སཾ་གྷ་སིཅུ་དྷ་ཤྲཱི་བྷ་དྲ་ནས་ལུང་ཐོབ། །༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

སྙན་བརྒྱུད་ནག་སྦྱོར་གྱི་འཁོར་ལོ་དང་ལིངྒའི་དཔེའུ་རིས། ཀླུ་གཏད་ཆུ་མིག་གི་ཆགས་ཚད་གསལ་བྱེད།

[Full Size]

སྙན་བརྒྱུད་ནག་སྦྱོར་གྱི་འཁོར་ལོ་དང་ལིངྒའི་དཔེའུ་རིས། ཀླུ་གཏད་ཆུ་མིག་གི་ཆགས་ཚད་གསལ་བྱེད་བཞུགས་སོ།།

[Full Size]

རི་མོ་ཡོད། ༈ རྒྱལ་རིགས་ལ་སྙིང་ལ་གཏད་ན་མྱུར་དུ་གྲི་ཁར་འཆི༔ རྗེ་རིགས་ལ་མིག་ལ་གཏད་མ༔ གདོལ་པ༔ བྲམ་ཟེ་མཆན་ཁུང་ལ་གཏད༔ དམངས་རིགས་ཡན་ལག་བཞི་ལ་གཏད་ནཱ་ཞ་གྲུམ་འོང་༔ ཆུ་མིག་འབབ་པའི་གཡས་དང་གཡོན་དུ་མཐོ་རེ་ཡོད་སར་གཏད་ན་གྲི་ཐབས་འོང་༔ ཨྠྀི སྐུ་རྒྱ༔ གསུང་རྒྱ༔ ཐུགས་རྒྱཿདབྱརྒདནུགམཚམའི་ངཞཐོ་རིང་།

[Full Size]

རི་མོ་ཡོད། ༼ཁ༽ ༈ དགྲ་ཁྱིམ་ཐན་གྱི་འགེང་བའི་དཔེའུ་རིས་ཏེ་གཉིས་པའོ། །འདིའི་རྒྱབ་ཏུ་ཐན་གཟུགས་སྣ་ཚོགས་བྲིས། ཛ་ཁྲམ་ཉེར་གཅིག་གིས་བསྐོར། རི་མོ་ཡོད། ༼ག༽ དགྲ་བོ་ཀླུ་ལ་གཏད་པའི་ཙཀྲ་དཔེའུ་རིས་གསུམ་པའོ།

[Full Size]

༼ག༽ ཀླུ་ཕོ་མོ་གཉིས་ཀྱི་བར་དུ་གཏེམ་པའོ། །འདི་འདྲ་གཉིས་དགོས།

[Full Size]

རི་མོ་ཡོད། ༼ང༽ དགྲ་མཁར་ཐོག་གིས་བཤིག་པའི་དཔེའུ་རིས་ཏེ་བཞི་པའོ། ༈ དགྲ་མཁར་ཐོག་གིས་བཤིག་པའི་འཁོར་ལོ་དཔེའུ་རིས་ཏེ་བཞི་པའོ། ། རི་མོ་ཡོད།

[Full Size]

༈ དགྲ་ལ་སྨྱོ་འབོག་གཏོང་བའི་དཔེའུ་རིས་ཏེ་ལྔ་པའོ༔ ༼ཅ༽ རི་མོ་ཡོད། སྨྱོན་པའི་ཐོད་པ་རབ། ཡང་ན་སེམས་ཅན་གང་རུང་དགོས།

[Full Size]

རི་མོ་ཡོད། ༈ ༼ཆ༽ དགྲ་ལ་ཞ་རེང་གཏོར་དང་དཔེའུ་རིས་ཏེ་དྲུག་པའོ།

[Full Size]

རི་མོ་ཡོད། ༼ཇ༽ དགྲ་ཞིང་སེར་བས་འཇོམས་པའི་དཔེའུ་རིས་ཏེ་བདུན་པའོ།

[Full Size]

༼ཉ༽ དགྲ་བོ་མ་རུངས་པ་ལ་གཟེར་ནད་གཏོང་དཔེའུ་རིས་ཏེ་བརྒྱད་པའོ། རིན་མོ་ཡོད། ༼ཏ༽ དགྲ་བོ་འོན་ལོང་ལྐུགས་པའི་དཔེའུ་རིས་ཏེ་དགུ་པའོ།

[Full Size]

རི་མོ་ཡོད། ༼ཐ༽ ༈ དགྲ་བོ་ཕ་མཚན་འབྱེད་པའི་འཁོར་ལོའི་དཔེའུ་རིས་ཏེ་བཅུ་པའོ༔ ལིང་ག་བསྣོལ་རྒྱབ་སྤྲོད་བྱས་ལ་རང་ཕྱོགས་སྟེང་དང་དགྲ་ཕྱོགས་འོག་ཏུ་བསྟན་པའོ། །ལིངྒ་ཁྲམ་ལམ་རྒྱ་ལམ་བཞི་མདོར་མནན། །སྟེང་དུ་དགྲ་བོ་བཀུག་ལ་བསྟིམ། །དེ་སྟེང་སྣང་སྲིད་ལྷ་འདྲེ་བསྟིམ། །དེ་ནས་རང་གི་ཤ་ཁྲག་བསྟིམ། །དེ་སྟེང་འབྱུང་བ་རིམ་བརྩེགས་བྷཻ༔ ཨྠྀི༔

[Full Size]

རི་མོ་ཡོད། དོང་ནང་དུ་དགྲ་ལིང་བཞག་ལ་དུས་བཞིར་ལུས་སྦྱིན་དང་གཟའ་བདུད་སྡེ་བརྒྱད་བདུད་དམག་བྱེ་བ་འབུམ་འཁོར་དང་བཅས་པའི་སྟེང་དུ། དགྲ་བོ་གང་ཡིན་གྱི་མི་ནོར་དང་ཚེ་སྲོག་ཐམས་ཅད་དང་རང་གི་ཤ་ཁྲག་གི་འདོམས་རྫ་བ་ལ་བཅུག་ནས་སྡུག་བསྔལ་བར་བསམ་པ་ནི་ཐེག་པ་ཆེན་པོ་ཕུང་པོ་གཟན་སྒྱུར་ལ་མ་གསུང་པ་ནམ་ཡང་མི་རུང་ངོ་། །འོ་ན་གདོན་བརྒྱུད་སངས་རྒྱས་པའི་ཆེད་དུ་ལུས་སྦྱིན་ཡིན་ནོ། གདོན་བརྒྱད་ཀྱི་གཅིག་དགྲ་ཡིན་ནོ།ས་ག་

[Full Size]

རི་མོ་ཡོད། ༼ཀ༽ མདོ་རྒྱུད་ཀུན་གྱི་དོན་བསྡུས་གཅོད་གྱི་གཞུང་། །ལས་མཐའི་ནག་སྦྱོར་དམིགས་པ་བཅོལྔ་ཡི། །དཔེའུ་རིས་འདི་ཉིད་དྷརྨ་ཀཱིཏྟཾ་ངས། །བདག་གིས་འདི་ཉིད་ལེགས་པར་གཟབ་ནས་བྲིས། །འདི་ཡི་དགེ་བས་ལོག་འདྲེན་དགྲ་བགེགས་རྣམས། །རྩད་ཆད་ཐམས་ཅད་བསྟན་པའི་རྒྱལ་མཚན་འདི། །ཕྱོགས་མཐར་ཀུན་ཏུདར་རྒྱས་འཛུགས་པར་ཤོག །སྡོམ་གསུམ་མཐར་ཕྱིན་བསླབ་གསུམ་བརྒྱན་སྤྲས་པ། དགེ་སློང་རཱ་ག་ཨ་སྱས་ལེགས་པར་གཟབ་ནས་བྲིས་སོ། །འདི་སྔགས་འཆང་པདྨ་བཛྲ་གྱིས་སངས་རྒྱས་བསྟན་པ་དང་རང་གི་རྒྱུད་འཛིན་སོགས་ལ་ཕན་སྙམ་པར་བརྩོན་འགྲུས་ཆེན་པོས་བྲིས་པའོ།། མངྒ་ལཾ། ཨྠྀིཿ

དམ་པ་རྒྱ་གར་ལྕགས་དྲྭ།

[Full Size]

དམ་པ་རྒྱ་གར་ལྕགས་དྲྭ། ན་མོ་ཀ་མ་ལ་ཤྲི་ཡེ། དམ་པའི་ལྕགས་དྲྭའི་དམིགས་པ་ནི། །རང་ཉིད་དམ་པ་རྒྱ་གར་ནི། །ཨ་ཙ་ར་ཡི་གཟུགས་འཇིགས་བསྒོམ། །ཕྱག་གཡོན་ལྕགས་ཀྱི་དྲྭ་བའི་ནང་། སྨྱོན་པ་དེ་ཉིད་བཟུང་ནས་བཅུག །ཕྱག་གཡས་གནམ་ལྕགས་ཐོ་ཆེན་ཕྱར། །དྲྭ་བ་སྨྱོན་པ་བཅས་པ་བརྡུང་། །ཤ་སྐྱོ་ཁྲག་སྐྱོ་བྱས་པར་བསྒོམ། །སྐབས་སུ་གདོན་ལ་སྙིང་རྗེ་བསྒོམ། །སྐབས་སུ་དམིགས་མེད་ངང་ལ་བཞག །དེ་འདྲ་ལན་མང་བསྒོམས་ནས་ནི། །སྨྱོན་པ་འགྲོ་དོགས་མི་དགོས་སོ། །རང་ཉིད་དམ་པའི་སྐུ་ལུས་སྒྱུ་ལས། །མེ་ཆེན་འུར་སྒྲ་བཅས་པ་འཕྲོས། །ནད་པ་གདོན་དང་ནད་བཅོས་པ། །རྩྭ་སྦྱར་བཞིན་ཏུ་གཞོབ་ཏུ་བསྲེགས། །ཡང་ནི་རང་གི་སྐུ་ལུས་ལས། །རླུང་ནག་འཚུབ་མ་ཆེན་པོ་འཕྲོས། །ནད་པ་ཚིག་པའི་གཞོབ་ཐལ་རྣམས། །རྒྱ་མཚོའི་ཕ་རོལ་ཙམ་དུ་གཏོར། །དེ་ནས་དམིགས་མེད་ངང་དུ་བཞག །ནད་པའི་སྙིང་གི་དཀྱིལ་དུ་ནི། །མ་གཅིག་ལབ་སྒྲོན་མཐེ་བོང་ཙམ། །སྐྱིལ་ཀྲུང་མཉམ་བཞག་འོད་འབར་བསྒོམ། །སྙིང་ལ་འཇའ་ཚོན་སྣ་ལྔ་ཡི། །སྐུད་པ་ཕུར་པ་ལྟར་དུ་དཀྲིས། །མ་གཅིག་སྐུ་ལས་བདུད་རྩི་བབ། །སྙིང་ནི་བདུད་

[Full Size]

རྩིའི་གང་བར་བསྒོམ། །ཡང་ཡང་དམིགས་པ་གསལ་བ་ན། །སྲོག་རླུང་ཕན་པའི་ལག་བླང་མང་། །ཀརྨ་ཤཱཀྱས་བསྐུལ་བྱས་ནས། རཱ་ག་ཨ་སྱས་འཕརླ་དུ་བྲིས། དམ་པས་གསང་བར་བྱ།།

རི་ཆོས་མཚམས་ཀྱི་ཞལ་གདམས་ལས། ཀུ་སཱ་ལིའི་ཚོགས་གསོག་དང་འབྲེལ་པ་ལ་བཙས་གཟའ་འབྱེད་དང་སྨྱོ་གཅོད་དམ་པའི་ལྕགས་དྲྭ།

[Full Size]

རི་ཆོས་མཚམས་ཀྱི་ཞལ་གདམས་ལས། ཀུ་སཱ་ལིའི་ཚོགས་གསོག་དང་འབྲེལ་པ་ལ་བཙས་གཟའ་འབྱེད་དང་སྨྱོ་གཅོད་དམ་པའི་ལྕགས་དྲྭ་བཞུགས་སོ།

[Full Size]

ན་མོ་གུ་རུ་ཀ་མ་ལ་ཤཱི་ཌཱ་ཀི་ནཱི་ཡེ། འདི་རུ་གཅོད་ཀྱི་ཟབ་གནད་དམིགས་ཕྲན་བྲི། །ཕ་གཅིག་དམ་པ་མ་གཅིག་ལབ་སྒྲོན་གྱིས། །བུ་གཅིག་བདག་དང་བརྒྱུད་འཛིན་བྱིན་གྱིས་རློབས། །དུས་ངན་སྙིགས་མར་རྒྱལ་འགོང་དམ་སྲི་དར། །མི་ཕྱེད་སྨྱོན་པར་འགྲོ་བའི་དུས་ལ་ཕྱིན། །ཕལ་ཆེར་རང་སྲོག་རང་གིས་བཅད་ནས་འཆི། །ནད་པ་གདོན་ཅན་ལུས་ངན་སྙིང་རྗེའི་གནས། །དེ་ལ་ནང་དུ་སྙིང་རྗེའི་སེམས་བསྐྱེད་ནས། །ཕྱི་རུ་དྲག་ཅིང་རྩུབ་པའི་དམིགས་པས་འདུལ། །རང་ཉིད་དྲན་རྫོགས་དམ་པ་ནག་པོའི་སྐུ། །ཨ་ཙ་ར་ཡི་གཟུགས་ཅན་འཇིགས་པར་

[Full Size]

བསྒོམས། །སྐུ་ལས་མེ་འབར་ནད་པ་གདོན་བཅས་རྣམས། །ལན་བདུན་བར་དུ་བསྲེགས་པའི་ཐལ་བ་དེ། །རླུང་ནག་འཕྲོས་ནས་གཏོར་ཏེ་མི་དམིགས་བསམ། །དེ་རྗེས་གདོན་ལ་སྙིང་རྗེ་ཐུན་གཅིག་བསྒོམ། །དེ་ནས་ནད་པ་ལྕགས་ཀྱི་དྲྭ་བ་ནི། །སྨན་སྒོའི་དབྱིབས་ཅན་གཅིག་གི་ནང་དུ་ཚུད། །རང་གི་ཕྱག་གཡོན་དེ་ཡི་ཁ་བཟུང་བསམ། །དམིགས་པ་གསལ་ན་བྱ་བླག་མི་མང་ཞིང་། །ཆུ་དང་གཡང་ས་སོགས་ལ་མཆོང་མི་འགྱུར། །དེ་ཉིད་ཕྱག་གཡོན་ལྕགས་སྲེག་ཏི་ཚར་བཞག །ཕྱག་གཡས་ལྕགས་སྲེག་ཐོ་བ་མེ་འབར་བསམ། །ཡུངས་སད་རྡུང་ལྟར་དྲག་ཏུ་

[Full Size]

བརྡུངས་པ་ཡིས། །གདོན་དང་ནད་པའི་ལུས་པོ་དབྱེར་མེད་པར། །ཤ་སྐྱོ་ཁྲག་སྐྱོ་རུས་ཕྱེར་གྱུར་པར་བསམ། །དེ་འདྲའི་དམིགས་པ་ཚར་གྲངས་བདུན་རེའི་མཐར། །གདོན་ལ་སྙིང་རྗེ་དྲག་པོ་ཐུན་གཅིག་བསྒོམ། །དེ་རྗེས་སྙིང་རྗེའི་ངང་ལ་ཐུན་གཅིག་བཞག །དེ་ཉིད་རྩེ་གཅིག་བར་མེད་བསྒོམས་བྱས་ནས། །རབ་ནི་ཞག་གཅིག་འབྲིང་ནི་ཞག་པོ་གཉིས། །ཐ་མ་ཞག་གསུམ་མི་འགོར་སྨྱོ་རྒོད་ཐུལ། །ནུབ་མོའི་སྲོད་ལ་ཐུན་རེ་བསྒོམས་པས་ཀྱང་། །སྲོག་རླུང་ཅན་འགར་ཕན་པ་མྱོང་བས་གྲུབ། །རང་ཉིད་གཅིག་པུར་རི་ལ་འདུག་པའི་ཚེ། །སྒོམ་ཁང་བཞག་ནས་དོན་གཉེར་འགྲོ་བའི་དུས། །རང་ཉིད་སྒོར་བུད་རྐང་དུང་ལན་གསུམ་འབུད། །རང་ཉིད་ཁྲོས་མ་ནག་མོའི་ཏིང་འཛིན་གྱིས། །ཡུལ་དེའི་ལྷ་འདྲེ་དྲག་རྩལ་གང་ཆེ་འབོད། །རང་ཉིད་དོན་གཉེར་ཚུར་ལ་མ་འཁོར་བར། །ང་ཡི་སྒོམ་ཁང་ཀ་ཆར་བཅས་པ་ལ། །མི་ངན་ཇག་རྐུན་འཚེ་བ་མ་བཏང་སྲུངས། །ང་ཡི་ཀ་ཆ་ཐམས་ཅད་ཁྱོད་ལ་བཅོལ། །གལ་ཏེ་མ་ཐུབ་ཀ་ཆ་ཁྱེར་འདུག་ན། །ལེ་ལན་ཁྱོད་དང་གནས་བདག་གཉིས་ལ་འདེད། །ང་ཉིད་ཇི་སྲིད་འཁོར་བ་མ་སྟོངས་བར། །ཁྱོད་ཉིད་གནས་པའི་ཕོ་བྲང་རྩེ་དེར་

[Full Size]

འདུག །རི་བྲག་ཀུན་བཤིག་མཚོ་དང་ཆུ་མིག་བསྐམ། །ཤིང་གཉན་ཀུན་གཅོད་མཛེ་རོ་དམེ་རོ་བསྲེག །དཀར་ཐབ་དམར་ཐབ་སྔོ་ཐབ་དུག་ཐབ་བརྫོག །མཛེ་ཁྲག་མཚོར་བསྐྱིལ་མཛེ་ཤ་ཐང་མར་བརྡལ། །ཁྱོད་ཉིད་རྩད་ནས་བརླག་ཅིང་དྲུང་ནས་ཕྱུང་། །རྡུལ་དུ་མི་བརླག་རེ་ནི་ན་ར་ཀན། །ཁྱོད་ལ་མཐུ་རྩལ་ཅི་འདུག་ད་རེས་བལྟ། །དེ་སྐད་སྨྲས་པ་གནས་བདག་ལྷ་འདྲེ་དེས། །ཅི་བགྱིས་བཀའ་ཉན་ཁས་བླངས་དམ་བཅས་ནས། །གནས་དེ་སྲུང་ཞིང་སྦེད་དེ་སྐྱོབ་པར་བསམ། །སྒོ་རྩ་དེ་རུ་ཐལ་རྒྱ་བྲིས་ཏེ་འགྲོ། །བྱེས་སུ་འགྲོ་ཚེ་ཇག་རྐུན་བཅིང་བ་ནི། །རང་གི་ཞབས་འོག་ལྕགས་སྲེག་ཁང་སྒྲོམ་ནི། །རྒྱ་ཆེ་གཏིང་ཟབ་མུན་ནག་འཁྲིགས་པའི་ནང་། །ཇག་རྐུན་ཐམས་ཅད་དེའི་ནང་ཚུད་པ་ལ། །ཁ་ལེབ་ལྕགས་སྲེག་དྲྭ་བས་བཀབ་པ་ཡིས། །དྲ་བའི་ནང་དུ་ཁོང་རྣམས་རྐང་པ་འཐོགས། །ཐམས་ཅད་མགོ་མཐུར་བསྟན་ཏེ་མཆོང་བ་ཡི། །དེ་སྟེང་མི་ལྤགས་གཡང་གཞིས་བསྣོལ་མར་བཀབ། །དེ་སྟེང་རང་ཉིད་ཁྲོས་མའི་ཞབས་གཡོན་མནན། །དམིགས་པ་གསལ་ན་དེ་ཀས་ཆོག་པར་བཤད། །ཆོ་འཕྲུལ་འབེབས་པ་ཀ་ཆ་ཤོར་མ་ཐག །རང་ཉིད་ཕག་མོའམ་

[Full Size]

ནི་ཁྲོས་མའི་ང་རྒྱལ་གྱིས། །ལྷ་འདྲེ་དབང་དུ་བསྡུས་ནས་དམར་འགྱེད་བྱ། །དེ་ཟོས་ཆང་སྨྱོན་ཅན་གྱིས་ཆང་འཐུང་ལྟར། །ཐམས་ཅད་ཁྲོས་འཁྲུགས་ཞེ་སྡང་མེ་ལྟར་འབར། །ཡུན་རིང་མི་འགོར་ཉེས་བྱེད་དགྲ་འདི་ལ། །ཆོ་འཕྲུལ་དྲག་པོ་མངོན་སུམ་མི་བཏང་ཞིང་། །ཀ་ཆ་འདི་དག་མྱུར་དུ་མ་ལོན་ན། །ལྷ་འདྲེ་ཁྱེད་ཉིད་རྩད་ནས་མི་སྐམ་རེ། །དེ་སྐད་མཁའ་འགྲོས་གསུངས་བསམ་འོ་དོད་བྱ། །ཤིང་གཉན་འཐེན་སྤྲུགས་ལྷ་འདྲེའི་སྐྲ་འཐེན་བསམ། །རྡོ་རྗེའི་ཐོག་ཕབ་གནས་ཁང་བཤིག་བསྒོམ་ལ། །བྲག་དང་མཚོ་གཉན་རྣམས་ལ་རྡོ་འཐག་བྱ། །ལྷ་འདྲེའི་དམག་ཚོགས་མི་ཡི་དམག་གཤར་ལྟར། །གོ་གྱོན་མཚོན་ཐོགས་རིང་ནས་རྒྱུག་པར་བསམ། །ཀི་སྒྲ་བསྲོ་སྒྲ་དར་འཕྲུ་རླུང་ལྟར་འཚུབ། །ཀླུ་བདུད་རྣམས་ནི་ཁྲོ་གཟུགས་གདེང་ཀ་ཅན། །སྤྲིན་ནག་འབྲུག་སྒྲ་ཐོག་སེར་དྲག་པོར་བཅས། །དགྲ་ཡི་ཡུལ་སོང་ཐོག་སེར་ལྟས་ངན་ཚོགས། །མི་རུང་སྣ་དགུ་ཆར་མུན་འཁྲིགས་ལྟར་བསྒོམ། །ལ་བཙས་གཉན་པོ་དགྲ་བོ་དངོས་སུ་བསྒོམ། །གཅེར་བུར་བུད་ནས་ཕཊ་སྒྲ་རྐང་དུང་འབུད། །དེ་ལ་ཁོ་ཉིད་བཀུག་གཞུག་ལན་གསུམ་བྱས། །དེ་ཉིད་ཁྲོས་མའི་གྲི་གུག་གིས་གཏུབ་

[Full Size]

བསམ། །དགྲ་བོའི་མགོ་བཅད་འཕང་བསམ་རྩེ་ཡི་རྡོ། །དགྲ་ཕྱོགས་འཕངས་རྗེས་ལ་བཙས་ཕྱོགས་མཚམས་གཏོར། །ལ་ཁར་དགྲ་བོ་བཤས་ནས་བཞག་པ་ཟདེ། །ལྷ་འདྲེ་ཀུན་གྱིས་ཟ་སྐལ་བྱེད་པར་བསམ། །དེས་ནི་ལ་བཙས་གཟའ་འབྱེད་ཅེས་བྱ་སྟེ། །དྲིན་ཆེན་སློབ་དཔོན་གྱིས་གསུང་སྙན་བརྒྱད་ཡིན། །རྟགས་བྱུང་ནས་ནི་ལ་བཙས་སྔར་ལྟར་བརྩིག །རིན་ཆེན་སྣ་བཞི་ལས་གྲུབ་སྐུ་མཁར་ནི། །འདོད་ཡོན་རྣམ་པ་སྣ་ཚོགས་ཀྱིས་བཀང་བ།། །ལྷ་འདྲེ་ཐམས་ཅད་དགའ་ཞིང་མགུ་བར་བསམ། །ནང་དུ་འབྲུ་དང་རིན་ཆེན་ཅུང་ཟད་བླུག །བཀྲ་ཤིས་ཚིགས་བཅད་བརྗོད་ནས་བཞག་པ་ཡིན། །དམར་འགྱེད་བྱེད་སྐབས་པགས་པ་དེ་ཉིད་ནི། །ས་ཕྱོགས་གང་འདོད་ཁྱབ་པ་དེ་ཡི་སྟེང་། །ཡུལ་དེའི་སྐྱེས་པ་བུད་མེད་ཁྲོམ་ལྟར་འཚོགས། །རང་ཉིད་ཕག་མོའི་འོད་ཟེར་དམར་པོ་ཡིས། །དེ་རྣམས་བླ་ཡིད་ཚེ་སྲོག་ལོངས་སྤྱོད་ནོར། །འོད་ཟེར་རྣམ་ལྔར་བསྡུས་ཏེ་རང་ལ་བསྟིམ་། །རང་ཉིད་བཀྲག་མདངས་གཟི་བརྗིད་ཇེ་ཆེར་བསྒོམས། །ཁོང་རྣམས་དད་གུས་ཕྱག་བསྐོར་བྱེད་པར་བསམ། །རྗེས་སུ་དམིགས་མེད་ངང་ལ་བཞག་པར་བྱ། །རྒྱུན་ཁྱེར་

[Full Size]

བསྒོམ་པའི་དང་པོ་རྨི་ལམ་དང་། །ཕྱིས་ནས་མངོན་སུམ་དབང་དུ་བསྒོམ་ལྟར་འདུ། །ཀུ་སཱ་ལི་ཡི་ཚོགས་གསོག་ལས་ཚོགས་སྐོར། གཞན་ལ་སྤེལ་ན་མི་དགེ་གནོད་སེམས་རྒྱུ། །དེ་ཕྱིར་འདི་ཡང་ཐེམ་མེད་གུད་དུ་བཀོད། །ཚར་ཚད་སློང་ཚད་འགའ་ཞིག་ཉམས་མྱོང་བའི། །གཅོད་མཁན་རཱ་ག་ཨ་སྱ་ཞེས་བྱ་བས། །མ་གཅིག་བྱིན་གྱིས་བརླབས་པའི་རྟགས་མཚན་ཡང་། །ལན་འགའ་བྱུང་བས་ཉེས་འགལ་མེད་སྙམ་ནས། །རུ་པའི་གཅོད་རྒྱུད་ཀརྨ་བཱིརྱར་གདམས། །ཉེས་འགལ་མཆིས་བཤགས་དགེ་བ་བྱང་ཆུབ་བསྔོ། །མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཁྲིད་གདན་ཐོག་གཅིག་མའི་སྒྲུབ་ཐབས་དངོས་གྲུབ་སྒོ་འབྱེད་ཀྱི་ཟིན་བྲིས།

[Full Size]

གཅོད་ཁྲིད་གདན་ཐོག་གཅིག་མའི་སྒྲུབ་ཐབས་དངོས་གྲུབ་སྒོ་འབྱེད་ཀྱི་ཟིན་བྲིས་བཞུགས་སོ། །

[Full Size]

རང་རིག་ཡེ་ཤེས་སྟོན་མཛད་པ། །ཀུན་དགའི་མཚན་ཅན་ཞབས་ལ་འདུད། །རང་གཞན་ཕན་ཕྱིར་སྒྲུབ་ཐབས་བྲི། །མཁའ་འགྲོའི་ཚོགས་ཀྱིས་གནང་བ་སྩོལ། །འདི་རྗེ་ཐམས་ཅད་མཁྱེན་པ་དམ་པ་རྒྱ་གར་གྱི་སྤྲུལ་པར་ཉིད་ཀྱི་ཞལ་གྱིས་བཞེས་པ་ཀརྨ་པ་མི་བསྐྱོད་རྡོ་རྗེས་མཛད་པའི་ཚིགས་བཅད་མ་དང་། ། དེའི་ཁྲིད་རིམ་རྒྱས་པ་ཞྭ་དམར་ལྔ་པས་མཛད་པའི་ཉེ་བར་མཁོ་བའི་མན་ངག་སྒྲུབ་ཐབས་དངོས་གྲུབ་སྒོ་འབྱེད་ཀྱི་ཟིན་བྲིས་ལ། དབེན་པའི་གནས་སུ་མཎྜལ་གྲུ་བཞི་པ་ལ་པདྨ་འདབ་བཞི་ཕྱོགས་མཚོན། དབུས་མ་མཐིང་ག །མུ་ཁྱུད་དཀར་པོ། ལྟེ་བར་ཐཾ། ཤར་དུ་ཧ། ལྷོར་རི། ནུབ་ཏུ་ནི། བྱང་དུ་ས་བྲིས་པ་ལ། མེ་ཏོག་གི་ཚོམ་བུ་བཀོད་པའི་དབུས་སུ་མཉྫིའི་ཁར་ཟངས་

[Full Size]

གཞོང་ནས་ཀྱིས་བཀང་བའི་སྟེང་དུ་ཀ་པཱ་ལ་ཆང་གིས་བཀང་བར་བདུད་རྩི་རིལ་བུ་བཏབ་ལ་བཞག །དེའི་སྟེང་མེ་ལོང་ལ་སིནྡྷུ་ར་བྱུགས་ལ། ལབ་ཀྱི་སྒྲོལ་མ་ཁྲོས་མའི་ཆ་ལུགས་སུ་བྲིས་ལ་བཞག །མཐར་མཆོད་པས་བསྐོར། ཚོགས་དང་གཏོར་མ་བཤམས། ཌ་དྲིལ་དང་རྐང་གླིང་ཡང་རང་མདུན་དུ་བཀོད། མཚམས་དམ་དུ་བཅད་ལ། ན་མོ་གུ་རུ་དེང་ནས་བཟུང་སྟེ་བླ་མ་དཀོན་མཆོག་གསུམ། །ངེས་པར་སྙིང་ནས་སྐྱབས་གསོལ་སེམས་ཅན་རྣམས། །ཚད་མེད་བཞི་པོ་རྒྱུད་ལ་སྐྱེ་བ་ནས། །བདག་གི་རྫོགས་བྱང་ཉིད་ལ་འགོད་པར་བྱ། །ཞེས་ལན་གསུམ་བརྗོད། ཕྱི་ནང་ཆོས་ཀུན་སྟོང་པའི་རང་བཞིན་ལས། །རང་ཉིད་མ་

[Full Size]

གཅིག་ལབ་སྒྲོན་སྐུ་མདོག་མཐིང་། །ཞལ་གཅིག་སྤྱན་གསུམ་ནམ་མཁའི་མཐོངས་ལ་གཟིགས། །སྐུ་ལུས་གཅེར་བུ་རུས་པའི་རྒྱན་དྲུག་གསོལ། །ཕྱག་གཡས་སེང་ལྡེང་ཌཱ་རུ་ཏིང་ཤག་སྒྲོག །ཕྱག་གཡོན་བྷནྡྲ་ཁ་ཊཾ་དཀུ་ལ་བརྟེན། །དབུ་སྐྲ་སིལ་མའི་གསེབ་ནས་ཕག་ཞལ་ངུར། །སྐྱིལ་ཀྲུང་ཕྱེད་པའི་སྟབས་ཀྱིས་པད་ཉིར་བཞུགས། །རང་ཉིད་ལྷར་གསལ་གནས་གསུམ་འབྲུ་གསུམ་ལས། །འོད་འཕྲོས་རང་བཞིན་གནས་ནས་མ་གཅིག་མ། །ཛཿཧཱུྃ་བཾ་ཧོཿས་གཉིས་སུ་མེད་པར་གྱུར། །ཕཊཿ རང་གི་ཐུགས་ཀར་ཨ་ཡིག་སྔོན་པོ་ལས། །འོད་འཕྲོས་སྤྱི་བོའི་གཙུག་ནས་ཡར་སོང་ནས། །མེ་ལོང་ནང་དང་མདུན་གྱི་བར་སྣང་ལ། །བླ་མ་མ་གཅིག་ལབ་སྒྲོན་སྐུ་མདོག་མཐིང་། །ཞལ་གཅིག་སྤྱན་གསུམ་ནམ་མཁའི་མཐོངས་ལ་གཟིགས། །སྐུ་ལུས་གཅེར་བུ་རུས་པའི་རྒྱན་དྲུག་གསོལ། །ཕྱག་གཡས་སེང་ལྡེང་ཌཱ་རུ་ཏིང་ཤག་སྒྲོག །ཕྱག་གཡོན་བྷནྡྷ་ཁ་ཊཾ་དཀུ་ལ་བརྟེན། ། དབུ་སྐྲ་སིལ་མའི་གསེབ་ནས་ཕག་ཞལ་ངུར། །སྐྱིལ་ཀྲུང་ཕྱེད་པའི་སྟབས་ཀྱིས་མཁའ་ལ་གར། །རིགས་བཞིའི་མཁའ་འགྲོ་འབུམ་གྱི་དབུས་ན་རོལ། །ལྷ་ཚོགས་དེ་དག་གནས་

[Full Size]

གསུམ་འབྲུ་གསུམ་ལས། །འོད་འཕྲོས་རང་བཞིན་གནས་ནས་མ་གཅིག་མ། །བཀའ་བརྒྱུད་ཡི་དམ་ཆོས་སྐྱོང་སྤྱན་དྲངས་གྱུར།། ཧཱུྃ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །མ་གཅིག་ལབ་སྒྲོན་འཁོར་བཅས་གཤེགས་སུ་གསོལ། །ཛཿཧཱུྃ་བཾ་ཧོ༔གཉིས་སུ་མེད་པར་གྱུར། །དབང་ལྷ་རིགས་ལྔ་སྤྱན་དྲངས་དབང་བསྐུར་ནས། །དབང་རྟགས་མི་བསྐྱོད་པ་ཡིས་དབུ་བརྒྱན་གྱུར། །བདག་མདུན་མཁའ་འགྲོ་མ་རྣམས་ཐམས་ཅད་ཀྱི། །སྤྱི་བོར་ཨོཾ་དཀར་མགྲིན་པར་ཨཱཿདམར་པོ། །ཐུགས་ཀར་ཧཱུྃ་མཐིང་ལྟེ་བར་བཻ་དམར་པོ། །དེ་བཞིའི་མཐའ་མར་ཧ་རི་ནི་ས་དང་། །དེ་ཡི་ཐ་མར་སྔགས་ཀྱིས་བསྐོར་བར་གྱུར། །རང་གི་སྙིང་གའི་སྔགས་ལས་འོད་འཕྲོས་ནས། །མདུན་བསྐྱེད་དང་ནི་མེ་ལོང་ལྷ་ལ་ཐིམ། །དེ་ལས་འོད་འཕྲོས་ཕྱོགས་བཅུའི་རྒྱལ་བ་དང་། ། དཔའ་བོ་མཁའ་འགྲོའི་བྱིན་རླབས་ཐམས་ཅད་བསྡུས། །མདུན་བསྐྱེད་དང་ནི་མེ་ལོང་ལྷ་ལ་ཐིམ། །དེ་ཡི་ཐུགས་ལས་བྱིན་རླབས་དངོས་གྲུབ་ཀུན། །འོད་ཟེར་ཚུར་འདུས་རང་

[Full Size]

ལ་ཐིམ་པར་གྱུར། །དམིགས་པ་དེའི་ངང་ནས་བསྙེན་པ་བྱ་སྟེ། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། ཞེས་མང་དུ་བཟླས་ལ་ཐུན་མཚམས་སུ་མཆོད་པ་འབུལ་བ་ནི། དངོས་འབྱོར་ཡིད་ཀྱིས་རྣམ་སྤྲུལ་པའི། །ལྷ་རྫས་དག་པའི་ཉེར་སྤྱོད་རྣམས། །བླ་མ་མཁའ་འགྲོའི་ཚོགས་ལ་འབུལ། །གཟུགས་སྒྲ་དྲི་རོ་རེག་བྱ་རྣམ་དག་པའི། །ཟག་མེད་བདེ་ཆེན་མཆོད་སྤྲིན་རྒྱ་མཚོ་འབུལ། །ཨོཾ་མ་ཧཱ་གུ་རུ་ཌཱ་ཀི་ནཱི་ཧ་རི་ནི་ས་པུལླེ་དྷུ་པེ་ཨཱ་ལོ་ཀེ་གནྡྷེ་ནེ་ཝི་དུ་ཤབྡ་ཨཱཿཧཱུྃ། རང་རིག་ཡེ་ཤེས་སྟོན་མཛད་པའི། །བླ་མ་རྣམས་ལ་ཕྱག་འཚལ་བསྟོད། །མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོན་མ་དེ་ལ་ཕྱག་འཚལ་བསྟོད། །རིགས་བཞི་མཁའ་འགྲོའི་ཚོགས་ལ་ཕྱག་འཚལ་བསྟོད། །མཁའ་འགྲོ་བྱེ་བ་འབུམ་ལ་ཕྱག་འཚལ་བསྟོད། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཐུན་མཚམས་འདི་དག་ཏུ་གཅོད་ཚོགས་གཞུང་ལེགས་པར་བསྲང་། གཅོད་ཀྱི་གཏོར་བསྔོས་དང་གཏོར་འབུལ་བྱ། མཚམས་གྲོལ་ཁ་མེ་མཆོད་ཅི་རིགས་བྱ། སྒྲུབ་པ་ཐོན་ནས་མེ་ལོང་ནང་གི་མཁའ་འགྲོ་མ་ནམ་མཁའི་མཁའ་འགྲོ་མ་རྣམས་ལ་ཐིམ་པར་བསྒོམ། དེ་ནས་མེ་ལོང་ཐོད་པའི་ནང་གི་ཆང་གིས་བཀྲུ་ནས་འཐུང་། མེ་ལོང་ནང་གི་མ་གཅིག་མཁའ་འགྲོ་རྣམས། །མདུན་བསྐྱེད་མཁའ་འགྲོ་

[Full Size]

ལྔ་ལ་ཐིམ་གྱུར་ནས། །མདུན་བསྐྱེད་མ་གཅིག་མཁའ་འགྲོ་སྡེ་ལྔར་བཅས། །འོད་ཞུ་རང་གི་སྙིང་གར་ཐིམ་པར་གྱུར། །དེ་ནས་བཀྲ་ཤིས་བསྔོ་བ་སྨོན་ལམ་བྱ་སྟེ། མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོན་མ་དེ་ཡི་བཀྲ་ཤིས་ཤོག །དགེ་བ་འདི་ཡིས་མྱུར་དུ་བདག །ལབ་ཀྱི་སྒྲོན་མ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །དེ་ནས་མཚམས་གྲོལ་ནས་གསང་སྤྱོད་ཞག་བདུན་ལ་བྱ་སྟེ། རང་ཉིད་ལྷ་མོ་ཁྲོ་མོ་སྐུ་མདོག་ནག །སྤྱི་བོར་ཤཱཀྱ་ཐུབ་པ་དཀོན་མཆོག་གསུམ། །མགྲིན་པར་བླ་མ་དམ་པ་རྒྱ་གར་སྐུ། །སྙིང་གར་ཡི་དམ་མཁའ་འགྲོ་སྡེ་ལྔ་དང་། །ལྟེ་བར་ལས་ཀྱི་མཁའ་འགྲོ་ལྗང་གུ་གསལ། །བདག་ཉིད་མཁའ་འགྲོ་ལབ་སྒྲོན་དངོས་ཡིན་ཕྱིར། །ཕྱི་རུ་ཡ་ང་བག་ཚ་འཇིགས་སྐག་མེད། །ནང་དུ་ཆགས་སྡང་བདེ་སྡུག་ཆོས་བརྒྱད་མེད། །དགྲ་གཉེན་ཁྱད་མེད་ཕ་མ་ཡིན་པར་མཉམ། །ལྷ་འདྲེ་ཁྱད་མེད་རྣམ་རྟོག་ཡིན་པར་མཉམ། །གཙང་བཙོག་ཁྱད་མེད་བདུད་རྩི་ཡིན་པར་མཉམ། །སྐྱིད་སྡུག་ཁྱད་མེད་རང་སེམས་ཡིན་པར་མཉམ། །འདི་ཕྱི་ཁྱད་མེད་ནམ་འཆི་སངས་རྒྱས་ཡིན། །རང་སེམས་སྐྱེ་མེད་མ་

[Full Size]

གཅིག་ལབ་སྒྲོན་ཡིན། །འདི་ཉིད་མ་བཅོས་བཞག་པ་ཆོས་སྐུ་ཡིན། །ཆོས་སྐུ་རང་ལ་རྙེད་པས་ང་རེ་དགའ། །སྣང་བ་འདི་ཀུན་བདེན་མེད་སྟོང་པ་ཡིན། །དཔེར་ན་རྨི་ལམ་ལྷརྨིས་དང་ཁྱད་པར་མེད། །ཅེས་བརྗོད་ལ་ཌ་རུ་འཁྲོལ་ཞིང་བྲོ་བརྡུང་། མཆོངས་འཁྲབ་གར་རྒྱུག་བྱེད་པ་ལ་སོགས་སྨྱོན་པའི་བརྟུལ་ཞུགས་བྱེད། གཅེར་བུར་བུད་ལ་ཟས་གཙང་བཙོག་མི་བྱ་བར་ཟ། ངག་ཏུ་གླུ་དབྱངས་འོ་དོད་དུ་འབོད་སྣ་ཚོགས་བྱ། ནང་དུ་རང་སེམས་མ་ཡེངས་པར་བལྟའོ། །དེ་ལྟར་བྱས་པས་ལུས་ངག་ཡིད་གསུམ་མཁའ་འགྲོ་མས་བྱིན་གྱིས་བརླབས་ནས། ལུས་ལ་ཅི་བྱས་ཀྱང་སྐྱོན་མི་འབྱུང་། བདེ་བ་འཆར་ངག་ནུས་མཐུ་དང་ལྡན། །སེམས་ལ་བདེ་སྟོང་གི་ཉམས་སྐྱེའོ། །དེའང་མ་གཅིག་གི་ཞལ་ནས། ང་ལ་འགྲོ་འོང་མི་གདའ་སྟེ། །ང་བསྒོམ་གསོལ་བ་འདེབས་པ་དང་། །ཡི་གེ་བཅུ་གསུམ་བཟླས་པ་ལ། །དུས་གསུམ་སངས་རྒྱས་སྲས་བཅས་དང་། །དབྱིངས་ཀྱི་ཡུམ་ཆེན་ང་ཉིད་དང་། །ཡེ་ཤེས་མཁའ་འགྲོ་དཔའ་བོའི་ཚོགས། །ཞེ་ནས་བྱིན་གྱིས་མི་བརླབ་རེ། །དངོས་གྲུབ་རྣམ་གཉིས་མི་སྟེར་རེ། །ཅི་བསམ་དགོས་འདོད་མི་འབྱུང་རེ། །ཞེས་གསུངས་སོ། །གཅོད་ཁྲིད་གདན་ཐོག་གཅིག་མའི་སྒྲུབ་ཐབས་ཟིན་བྲིས་མདོར་བསྡུས་བལྟས་ཆོག་ཏུ་བཀོད་པ་ཀརྨ་ཨ་རཱ་གས་སྦྱར་བའོ། །འདི་ལ་ཉེས་འགལ་གང་མཆིས་པ། །མ་གཅིག་མཁའ་འགྲོའི་ཚོགས་ལ་བཤགས། །དགེ་བས་ཡུམ་ཆེན་དོན་རྟོགས་ཤོག །ཨྠྀི། མངྒ་ལཾ།། །།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ དམ་པ་མ་གཅིག་སྦྲགས་སྒྲུབ།

[Full Size]

ཨྃཿ གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ དམ་པ་མ་གཅིག་སྦྲགས་སྒྲུབ་བཞུགས་སོ༔ གནམ་ཆོས་ཐུགས་ཀྱི་གཏེར་ཁ་ལས་བྱུང་བའི༔ དམ་པ་མ་གཅིག་སྦྲགས་སྒྲུབ་ནི༔ མདུན་དུ་མ་གཅིག་ཞལ་ཐང་ངམ༔ ཙཀླི་གཏོར་མའི་རྩེ་ལ་བཙུགས་མེད་ན་གཏོར་རྩེར་ལྷ་སྒོམ་ཆོག༔ དབུས་སུ་བླ་མ་གཏོར་མ་ཟླུམ༔ གཡོན་དུ་མ་གཅིག་སྟོད་ཟུར་གསུམ༔ གཡས་སུ་མགོན་པོ་ཟུར་གསུམ་པ༔ སྣོད་གཅིག་ནང་དུ་བཤམས་པའི་མདུན༔ སྨན་རཀ་ཚོགས་གཏོར་མཆོད་པ་བཤམས༔ རང་མདུན་ཌ་དྲིལ་རྐང་གླིང་བཞག༔ དུས་བཞིར་གནམ་ཆོས་ལས་བྱང་བཏང༔ ལྷ་བསྐྱེད་སྐབས་སུ་འདི་ཉིད་བཙུད༔ རང་ཉིད་དམ་པ་རྒྱ་ལ། ལྷགར་ནི༔ སྐུ་མདོག་སྨུག་ནག་ཞལ་གཅིག་པ༔ ཕྱག་གཉིས་ཕྱག་མཚན་འདི་ལྟར་རོ༔ ཌཱ་མ་རུ་དང་རྐང་གླིང་འཛིན༔ དབུ་སྐྲ་རལ་པ་ཐོར་ཚུགས་བཅིངས༔ སྐུ་ལ་རུས་པའི་རྒྱན་དྲུག་གསོལ༔ སྐུ་སྨད་རེས་དཀར་ཨོཾ་རིག་ཅན༔ ཕྱག་གཡོན་རྟེན་འབྲེལ་གལ་ཏ་བཀལ༔ གྲུབ་ཐོབ་ཆ་ལུགས་ཚུལ་དུ་བསྐྱེད༔ ཐུགས་ཀར་ཉི་མའི་དཀྱིལ་འཁོར་སྟེང་༔ ཧཱུཾ་མཐར་སྔགས་ཕྲེང་གཡས་སུ་བསྐོར༔ མདུན་དུ་མ་གཅིག་ལབ་སྒྲོན་དཀར༔ ཞལ་གཅིག་ཕྱག་གཉིས་དར་དཀར་གསོལ༔ གཡས་པས་སེང་ལྡེང་ཌ་རུ་དཀྲོལ༔ གཡོན་པས་

[Full Size]

དྲིལ་བུ་དཀུ་ལ་བརྟེན༔ ཞབས་གཉིས་དཔའ་མོའི་གར་སྟབས་མཛད༔ དབུ་སྐྲ་སིལ་མས་སྐུ་རྒྱབ་ཁེབས༔ རྒྱན་དྲུག་གསོལ་ཞིང་རིན་ཆེན་བརྒྱན༔ རིན་པོ་ཆེ་ཡི་དབུ་རྒྱན་དང་༔ སྙན་ཆ་ཕྱག་གདུབ་ཞབས་གདུབ་མཛེས༔ ཕོད་ཁ་ལྷུབ་གྱོན་མཛད་ནས་ཀྱང་༔ པད་ཟླའི་སྟེང་དུ་གར་སྟབས་བསྒྱུར༔ ཐུགས་ཀར་ཟླ་བའི་དཀྱིལ་འཁོར་སྟེང་།བྷིལ་སྔགས་ཕྲེང་གཡོན་དུ་འཁོར༔ ཡེ་ཤེས་སྤྱན་དྲངས་བདག་མདུན་ཐིམ༔ དེ་ནས་སྤྱན་འདྲེན་མཆོད་བསྟོད་རྣམས༔་གནམ་ཆོས་གཞུང་ལས་བྱུང་ལྟར་བྱ༔ བདག་ཉིད་དམ་པའི་ཐུགས་ཀ་ཡི༔ ཧཱུྃ་མཐར་སྔགས་ཕྲེང་གཡས་འཁོར་བས༔ འོད་ཟེར་སྣ་ཚོགས་ཕྱོགས་བཅུར་འཕྲོས༔ འོག་མིན་མཁའ་སྤྱོད་ལ་སོགས་པ༔ སངས་རྒྱས་ཞིང་ཁམས་ཐམས་ཅད་ནས༔ དམ་པའི་སྐུ་དང་སྔགས་ཕྲེང་དང་༔ ཧཱུྃ་ཡིག་མཐིང་ག་དཔག་མེད་པ༔ ཁ་བ་བུ་ཡུག་འཚུབ་བཞིན་བྱོན༔ བདག་ལ་རྒྱུན་ཆད་མེད་པར་ཐིམ༔ སྐུ་གསུང་ཐུགས་ཀྱི་བྱིན་རླབས་ཞུགས༔ ལུས་ལ་བདེ་དྲོད་འབར་བ་དང་༔ ངག་ལ་ནུས་པ་འབར་བ་དང་༔ སེམས་ལ་རྟོགས་པ་འཆར་བར་བསྒོམ༔ ཨོཾ་ཀ་མ་ལ་ཤྲི་ཧཱུྃ་ཧ་སྭཱ་ཧཱ༔ ཐུན་གྱི་ཚེ་ལ་ཅི་ནུས་བཟླ༔ ༈ དེ་ནས་རང་གི་ཐུགས་ཀའི་འོད༔ མདུན་གྱི་

[Full Size]

མ་གཅིག་ལ་ཕོག་པས༔ མ་གཅིག་ཐུགས་ཀའི་སྔགས་ཕྲེང་ལས༔ འོད་ཟེར་སྣ་ཚོགས་ནུབ་ཕྱོགས་འཕྲོས༔ ཨོ་རྒྱན་སྤྲུལ་པའི་གནས་མཆོག་ནས༔ མ་གཅིག་མཁའ་འགྲོ་མང་པོར་བཅས༔ སྤོས་དུད་རོལ་མོའི་སྒྲ་དང་བཅས༔ ་སྤྲིན་ཕུང་གཏིབས་པ་བཞིན་དུ་བྱོན༔ ཡང་ཡང་མདུན་དུ་བསྐྱེད་ལ་ཐིམ༔ མ་གཅིག་དཔྲལ་བའི་ཨོ་དཀོར་ལས༔ འོད་ཟེར་དཀར་པོ་ཨོཾ་གྱིས་མཚན༔ རང་གི་དཔྲལ་བར་ཐིམ་པ་དང་༔ མ་གཅིག་མགྲིན་པའི་ཨཱདམར་ལས༔ འོད་དམར་ཨཱས་མཚན་རང་མགྲིན་ཐིམ༔ མ་གཅིག་ཐུགས་ཀའི་ཧཱུྃ་མཐིང་ལས༔ འོད་མཐིང་ཧཱུྃ་མཚན་རང་སྙིང་ཐིམ༔ མ་གཅིག་ལྟེ་བའི་སྭ་སེར་ལས༔ འོད་ཟེར་སྭས་མཚན་རང་ལྟེར་ཐིམ༔ མ་གཅིག་གསང་གནས་ཧཱ་ལྗང་ལས༔ འོད་ལྗང་ཧཱས་མཚན་རང་གསང་ཐིམ༔ མ་གཅིག་ལབ་སྒྲོན་སྐུ་གསུང་ཐུགས༔ ཡོན་ཏན་ཕྲིན་ལས་བྱིན་རླབས་དང་༔ དངོས་གྲུབ་བདག་གིས་ཐོབ་པར་བསྒོམ༔ ཨོཾ་ཛྙཱ་ན་ཌཱཀི་སཾ་གྷ་ཧཱུྃ་སྭཱ་ཧཱ༔ སྔགས་དེ་རྩེ་གཅིག་བཟླ་བར་བྱ༔ དེ་ནས་གཞུང་གི་མཆོད་བསྟོད་བྱ་དེ་ནས་མགོན་པོ་ཨ་གྷོ་རའི༔ མངོན་རྟོགས་ལས་བྱང་བཅས་པ་འདོན༔ མགོན་པོའི་སྔགས་དེ་ཕྲེང་སྐོར་བསྙེན༔ དེ་ལྟར་ཞོགས་པ་སྔ་དྲོ་དང་༔ ཉིན་གུང་གསུམ་ལ་ཐུན་གསུམ་བྱ༔ སྤྲོ་ན་དེ་དག་ཐུན་མཚམས་སུ༔ ཡབ་བསྟོད་ཡུམ་

[Full Size]

བསྟོད་གང་འདོད་འདོན༔ དགོང་མོའི་ཐུན་ལ་སྔོན་བཞིན་ཏེ༔ ཚོགས་དང་གཏོར་འབུལ་ཆེད་མདོ་དང་༔ བཀྲ་ཤིས་རྗེས་ཆོག་ཚང་བར་བྱ༔ མཚན་མོ་རང་གི་ཆག་མེད་རིགས༔ ཡི་དམ་གཏོར་བསྔོས་ལ་སོགས་བྱ༔ ཉལ་ཁ་ལུས་སྦྱིན་རྒྱས་པའམ༔ ཀུ་ས་ལི་ཡི་ཚོགས་གསོག་བྱ༔ མཚན་མོའི་བར་སྐབས་ཐམས་ཅད་དུ༔ མ་གཅིག་བསྙེན་ཅིང་སེམས་ངོ་སྐྱོང་༔ དེ་ལྟར་ཞག་བདུན་བསྒྲུབས་བྱས་པས༔ ཨ་ཙ་ར་དང་གྲུབ་ཐོབ་དང་༔ དགེ་བཤེས་བཟང་པོ་མཇལ་བ་དང་༔ གླེགས་བམ་ཌ་དྲིལ་རྐང་དུང་རྙེད༔ བུད་མེད་ཆེས་བཟང་བུ་མོའི་ཚོགས༔ གླུ་ལེན་བྲོ་བརྡུང་དངོས་གྲུབ་སྟེར༔ འཇའ་འོད་སྤོས་དྲི་མེ་ཏོག་ཆར༔ ཉམས་དང་རྨི་ལམ་ལྟས་བཟང་འཆར༔ དངོས་སུ་ཉམས་དགའ་བག་དྲོ་ཞིང་༔ ཉམས་དང་རྟོགས་པ་བཟང་པོ་སྐྱེ༔ བྱ་ནག་གཡག་ནག་ཁྱི་ནག་སོགས༔ མགོན་པོའི་རྟགས་ཀྱང་འབྱུང་བར་སྲིད༔ དེ་ལྟར་ཞག་བདུན་ཡན་ཆད་ཀྱི༔ སྒྲུབ་པ་རིང་ཐུང་གང་བྱེད་ཀྱང་༔ ཕྱིར་ནངས་ལས་བྱང་ཚོགས་གཏོར་སོགས༔ ཐམས་ཅད་ཚར་གཅིག་བཏང་བ་དེས༔ བསྙེན་པ་ཕྲེང་སྐོར་རེ་རེས་ཆོག༔ མདུན་བསྐྱེད་རྟེན་ལ་བསྟིམ་པའམ༔ མེད་ན་རང་ལ་ཐིམ་པར་དམིགས༔ གཏོར་མ་རང་གི་སྤྱི་བོར་བཞག༔ མགོན་པོ་རྟེན་ལ་ཐིམ་པའམ། མེད་ན་རང་གནས་གཤེགས་པར་བསམ༔ བཀྲ་ཤིས་ལ་སོགས་རྗེས་ཆོག་རྣམས༔ གནམ་ཆོས་གཞུང་ལྟར་བྱས་པས་འཐུས༔ འདི་ཡི་བསྙེན་པ་ཐོན་པ་ན་ཞི་བྱེད་གཞུང་དང་གཅོད་གཞུང་ནས༔ གསུངས་པའི་དམིགས་པ་ཐམས་ཅད་

[Full Size]

ཀུན༔ གང་བྱས་ལམ་འགྲོ་ཕན་ཐོགས་ཆེ༔ བརྒྱུད་པ་ཉེ་ཞིང་ཟབ་པའི་ཕྱིར༔ ཧ་ཅང་བསྒྲུབ་ཡུན་རིང་མི་དགོས༔ གནམ་ཆོས་གཞུང་ནས་གསུངས་པའི་དོན༔ དགེ་སློང་སྟོབས་བཅུའི་དོན་དུ་བྲིས༔ ཉེས་འགལ་བཀའ་སྲུང་རྣམས་ལ་བཤགས༔ དགེ་བས་འདི་ཉིད་འབྲེལ་ཚད་ཀུན༔ དམ་པ་མ་གཅིག་འགྲུབ་གྱུར་ནས༔ཟིན་བྲིས་ཉམས་སུ་བླངས་བདེ་འདི༔ བདུད་བཞིའི་གཡུལ་ལས་རྒྱལ་བར་ཤོག༔ མངྒ་ལཾ།། །།

གཅོད་ཀྱི་ཚོགས་ལས་རིན་ཆེན་ཕྲེང་བ་ཞེས་བྱ་བའི་རྔ་མཚམས་རོལ་མོ་དང་འདོན་ཐབས།

[Full Size]

གཅོད་ཀྱི་ཚོགས་ལས་རིན་ཆེན་ཕྲེང་བ་ཞེས་བྱ་བའི་རྔ་མཚམས་རོལ་མོ་དང་འདོན་ཐབས་བཞུགས་སོ། །ན་མོ་ཌཱཀིའི་ཚོགས་ལ་ཕྱག་འཚལ་ལོ། །སྔོན་གྱི་གཅོད་མཁན་ཆོས་བརྒྱུད་མ་མཐོང་བ་རྣམས་པ་འགས། བརྒྱུད་པ་ཕྱག་ལེན་ཀུན་ལ་མི་འཐད་པའི་གཅོད་ཀྱི་མགོ་མཐའ་བར་ལ། ཇོ་ཅི་ཡིན་གང་ཡིན་མེད་པའི་སྔགས་ནག་གཏོ་མཁན་མིག་ལྟོས་ཡིན་ཞེས་ཟེར། ཞར་བའི་མིག་མཐོང་བཞིན་དུ་རིག་པ་མ་རིག་མཐོང་འདུག་པ་ལ། རྔ་བརྡུང་དང་འདོན་ལུགས་ནི། བདེ་མཆོག་དང་། ཕག་མོ། རྒྱལ་བ་རྒྱ་མཚོ་སོགས་ལས་ཀྱང་། མཆོད་རོལ་དང་མཚམས་རྒྱག་མ་གཏོགས་རྔ་བརྡུང་བའི་འོས་མེད། འདི་ཡང་ཆོ་གའི་དབྱིབས་ལྟར་གསོལ་འདེབས་ལུས་སྦྱིན་དམིགས་རིམ་ཡིན་པས་གལ་ཆེ་བ་ནི་དོན་ཡིད་ཤིང་ལ་འདྲེས་ངེས་དང་། རྟོགས་པ་དང་སྟོང་ཉིད་མེད་ན། ཁ་ནག་ཡིག་ནག་སྤྱད་པ་ཙམ་གྱིས་ཕན་པ་མེད་པས། སྤྲང་པོ་ང་ཡི་ཆོས་ལུགས་ལ་མི་འཐད་དོ། །མ་གཅིག་གི་རྣམ་ཐར་ལས། རྒྱུད་ཀུན་ནས་ཌ་དྲིལ་རྐང་གླིང་གསུངས་པ་བྱིན་རླབས་ཤིན་ཏུ་ཆེ། རྣལ་འབྱོར་པ་སྤྲོས་པ་ལ་བརྡ་ཙམ་དགའ་ན། དགའ་བྲོད་ཀྱི་བདུད་ཚར་གཅོད་པའི་ཕྱིར། རོལ་མོ་

[Full Size]

འདོད་ན། མཆོད་པ་བྱིན་རླབས་ཀྱིས་མཚོན་འཚམ་རྒྱག་ཏུ། ཨཱཧཱུྃ་ཟེར་མཚམས་དེར། ཌཱ་དྲིལ་རོལ་མོ་འུར་བརྡུང་དང་། ཧཱུྃ་ཧཱུྃ་ཧཱུྃ་ནས་འུར་བརྡུང་དང་། ཧཱུྃ་ང་ནི་ཁྲོས་མ་ནག་མོ་སོགས་ཞེས་པ་དྲག་པོའི་བསྐུལ་ཡིན་པས་གཟི་བྱིན་བསྐྱེད་ཕྱིར་འུར་བརྡུང་བདུན་བརྡུང་དགུ་བརྡུང་བྱ། དཀར་པོ་དགེ་བ་ལ་གནས་པའི་བར་དུ་བརྡུང་ཆོག་གོ །དེ་ནས་སྤྱན་འདྲེན་མཚམས་སུ་རོལ་མོ་ཆེན་པོ་དང་། ཧཱུྃ། མ་ལུས་སེམས་ཅན་ཀུན་གྱི་སོགས་ནས། མཆོད་པ་བསྟོད་པ་རྣམས་ལ་མི་འགལ་གསུངས། བཟླས་དམིགས་མཎྜལ་ལུས་སྦྱིན་ཀུན་དཀར་འགྱེད་དམར་འགྱེད་ལ་མི་བརྡུང་། ཚོགས་ཀྱི་སྤྱན་འདྲེན་ལ་རྔ་བརྡུང་བ་རྒྱུད་ནས་གསུངས། རྔ་སྒྲ་དུང་སྒྲ་འུ་རུ་རུ་ཞེས་པས་བྱ། དེ་ཕྱིན་གདོན་ཚོགས་དགུ་མ་སོགས་ལ་མི་བྱ། །བསྐང་བ་གཏོར་འབུལ་སོགས་ལ་རྔ་བརྡུང་། རྟ་བྲོ་བཅས་ལ་བྱའོ། །དེ་ཡི་རོལ་མོ་མཚམས་འཛིན་མ་ཤེས་ན། སྨོན་པ་ཕྲུ་གུ་ལྟར་གྱིས་ཅི་བྱ་དེ་བྱེད་མེད་པའི་དབྱུག་པ་དང་འདྲ། ཕོར་ཁ་སྣོད་ཁ་བརྡུངས་བས་འབྲས་བུ་མེད་བཞིན་བྱ་བར་མ་མཛད་གོ་བར་གྱིས། རོལ་མོ་ཆོས་ལུགས་ལྟར་བྱས་ན་དཀྱིལ་འཁོར་གྱི་ལྷ་མཉེས། མཆོད་རྫས་ལ་བྱིན་ཆགས། རྣལ་

[Full Size]

འབྱོར་པ་ཚོགས་རྫོགས། ཡོན་བདག་རྐྱེན་འགྱུར། ཡོན་ཏན་དུ་མ་དང་ལྡན་པོ་རྒྱུད་དང་ཕྱག་བཞེས་ཐམས་ཅད་ནས་གསུངས། ཕྲུག་འགའ་ལ་གདམས་པ་ཉམ་ཆུང་འགའ་ལ་ཕན་ཐོགས་པར་ཤོག །དགེའོ། །བཀྲ་ཤིས་ཤོག། །།

རྗེ་རང་བྱུང་རྡོ་རྗེས་མཛད་པའི་གཅོད་ཀྱི་ཚོགས་མཆོད་རིན་ཆེན་དོན་བསྡུས་ཡིད་བཞིན་གཏེར་འབྱུང་།

[Full Size]

རྗེ་རང་བྱུང་རྡོ་རྗེས་མཛད་པའི་གཅོད་ཀྱི་ཚོགས་མཆོད་རིན་ཆེན་དོན་བསྡུས་ཡིད་བཞིན་གཏེར་འབྱུང་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏ་ཡེ། ཡུམ་ཆེན་མཁའ་འགྲོའི་ཚོགས་ལ་ཕྱག་འཚལ་ལོ། །སྤྲོས་མེད་རྣལ་འབྱོར་ཀུན་གྱི་སྤྱོད་ཡུལ་ལྟར། །གཅོད་ཀྱི་ཚོགས་མཆོད་བརྒྱ་སྟོང་བསག་ལ་མཁོ། །གཅོད་ཚོགས་མདོ་རུ་བསྡུས་པའི་ཚོགས་མཆོད་བཏང་ཚུལ་ལོ། །མཆོད་རྫས་གང་འཛོམས་བཤམས། སྐྱབས་ཡུལ་མདུན་གྱི་ནམ་མཁར་བསམས་ལ། མདུན་གྱི་ནམ་མཁར་མ་གཅིག་ལབ་ཀྱི་སྒྲོན་མ་ལ་ཕྱོགས་བཅུའི་སྐྱབས་ཡུལ་རྩ་གསུམ་རྒྱ་མཚོས་བསྐོར་བ་གསལ་བར་གྱུར། བདག་གཞན་འགྲོ་རྣམས་སྐྱབས་མཆི་སེམས་བསྐྱེད་དོ། །ལུས་ངག་ཡིད་ཀྱིས་ཕྱག་འཚལ་མཆོད་པ་འབུལ། །ཉམས་ཆག་སྡིག་ལྟུང་སྙིང་ནས་འགྱོད་པས་བཤགས། །དགེ་

[Full Size]

ལ་ཡི་རང་ཆོས་འཁོར་བསྐོར་བར་བསྐུལ། །བཞུགས་གསོལ་འདེབས་སོ་དགེ་རྩ་བྱང་ཆུབ་བསྔོ། །འགྲོ་ཀུན་འཁོར་བ་དོང་ནས་སྤྲུགས་ནས་ཀྱང་། །མ་གཅིག་ལབ་སྒྲོན་གོ་འཕང་མྱུར་ཐོབ་ཤོག །ཚོགས་བསགས་ཡན་ལག་བདུན་པའོ། །རང་མདུན་ནམ་མཁར་དག་པའི་ཞིང་ཁམས་དབུས། །རིན་ཆེན་སེང་ཁྲི་པདྨ་ཉི་ཟླའི་སྟེང་། །རྩ་བའི་བླ་མ་མ་གཅིག་ལབ་ཀྱི་སྒྲོན། །དཀར་གསལ་མཛེས་འཛུམ་དར་དང་རིན་ཆེན་བརྒྱན། །དབུ་སྐྲ་ཐོར་ཚུགས་ཟལ་བུ་སྐུ་རྒྱབ་གྲོལ། །ཕྱག་གཡས་སེང་ལྡེང་ཌཱ་རུ་ནམ་མཁར་འཁྲོལ། །གཡོན་པས་དངུལ་དཀར་དྲིལ་བུ་དཀུ་

[Full Size]

ལ་བརྟེན། །ཞབས་གཉིས་སྐྱིལ་ཀྲུང་ཕྱེད་པའི་གར་གྱིས་རོལ། །སྙན་གོང་གཡས་ཕྱོགས་དམ་པ་རྒྱ་གར་ལ། །ཕ་རྒྱུད་ཐབས་ཀྱི་བརྒྱུད་པའི་བླ་མས་བསྐོར། །གཡོན་དུ་རྗེ་བཙུན་ཕག་མོ་ལྷ་ལྔ་ལ། །མ་རྒྱུད་ཤེས་རབ་བརྒྱུད་པའི་བླ་མས་བསྐོར། །སྟེང་དུ་ཡུམ་ཆེན་རྒྱལ་བ་ཤཱཀ་ཐུབ་ལ། །གཉིས་མེད་དོན་གྱི་བརྒྱུད་པའི་བླ་མས་བསྐོར། །གདན་ཁྲིའི་མཐའ་བསྐོར་གཅོད་ཡུལ་བཀའ་སྲུང་ཚོགས། །མགོན་པོ་ཡོན་ཏན་མགྲོན་རིགས་དེ་རྒྱབ་ཏུ། །ལན་ཆགས་ཤ་འཁོན་སྙིང་རྗེའི་མགྲོན་ཀུན་གསལ། །མ་གཅིག་གནས་གསུམ་འབྲུ་གསུམ་འོད་ཟེར་གྱིས། །འོག་མིན་གནས་ནས་གཅོད་ཡུལ་བརྒྱུད་པའི་ཚོགས། །མདུན་གྱི་ནམ་མཁར་སྤྱན་དྲངས་བྱོན་པར་གྱུར། །བཛྲ་ས་མ་ཡ་ཛ༔ སྤོས་བདུག་ལ། ཧཱུྃ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །ཡུམ་ཆེན་འཁོར་བཅས་གནས་འདིར་གཤེགས་སུ་གསོལ། །ཛཿཧཱུྃ་བཾ་ཧོཿགཉིས་སུ་མེད་པར་གྱུར། །ཞེས་དང་། ་སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་

[Full Size]

བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །པདྨ་ཀཱ་མ་ལུ་སྟྭཾ། ཞེས་སྤྱན་དྲངས་པར་བཞུགས་གསོལ་ཕྱག་འཚལ་མཆོད་པ་ནི། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་སྣང་གསལ་དྲི་བཟང་ཆབ། །ཞལ་ཟས་རོལ་མོ་ཇི་སྙེད་པ། །བདག་གིས་གུས་པས་བཤམས་པ་འདི། །ཡུམ་ཆེན་འཁོར་དང་བཅས་ལ་འབུལ། །རྒྱལ་སྲིད་བཀྲ་ཤིས་རྫས་རྟགས་བརྒྱད། །འདོད་པའི་ཡོན་ཏན་རྣམ་པ་ལྔ། །ཕྱི་ནང་སྒེག་སོགས་ལྷ་མོ་བཅས། །ཡུམ་ཆེན་འཁོར་དང་བཅས་ལ་འབུལ། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུར་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཆེན་པོར་བསྔོ། །བསགས་སྦྱངས་སྤེལ་གསུམ་སྤྱི་ལྟར་ལ། བྱེ་བྲག་ཏུ་མཎྜལ་འབུལ་བ་ལ། ཐོག་མར་ནམ་མཁའ་སྒོ་འབྱེད་དུ་འཕོ་བ་ལ། བདག་ལུས་དབུ་མ་སྙིང་གི་པད་མོར་ཟུག །རྣམ་ཤེས་འུབ་འདུས་འོད་ཀྱི་ཐིག་ལེར་འདྲིལ། ་།ཚངས་བུག་ནས་འཕོས་མ་གཅིག་ཐུགས་ཀར་ཐིམ། །དགོངས་པ་མཉམ་ཉིད་ངང་དུ་རོ་

[Full Size]

གཅིག་གྱུར། །ཕཊ་ཕཊ་ཕཊ། ཅེས་སྤྲོས་བྲལ་དུ་བཞག །མ་གཅིག་ཐུགས་ལས་རང་རིག་གི །ཕག་མོ་དམར་མོ་ཕྱིར་འཕྲོས་པས། །དེ་ཡིས་བེམ་པོ་བཤས་གྱུར་པའི། ། པགས་པ་གསེར་གྱི་ས་གཞི་ལ། །རང་ལུས་རི་མཆོག་ཉི་ཟླས་བརྒྱན། །སྡེབ་བཞི་གླིང་བཞི་འཁོར་ཡུག་བཅས། །ལུས་མཎྜལ་ཡོངས་སུ་རྫོགས་པ་འདི། །ཡུམ་ཆེན་རྒྱལ་བའི་དཀྱིལ་འཁོར་ལ། །ཀུན་ནས་དད་པས་བདག་འབུལ་ལོ། །ཕཊ་ཕཊ་ཕཊ། ཅེས་དང་། སླར་ཡང་བེམ་རིག་ཕྲལ་ནས་མཆོད་མགྲོན་ལ་ལུས་ཀྱི་ཚོགས་འབུལ་བ་ནི། ཕཊ། རང་རིག་རང་ལུས་ནས་ཐོན་ནམ་མཁར་འཕངས། །མཁའ་འགྲོ་མ་རུ་གྱུར་ནས་ཕྱག་གཡས་ཀྱི། །གྲི་གུག་བེམ་པོའི་ཐོད་པར་ཚད་ཙམ་གྱིས། །བྲེག་ནས་རང་བྱུང་ཐོད་སྐྱེད་སྟེང་དུ་བཙུགས། །དེ་ནང་བེམ་པོ་བཅུག་པར་མེ་རླུང་གཡོས། །ཞུ་ཞིང་ཁོལ་ནས་འབྲུ་གསུམ་བྱིན་བརླབས་པས། །རང་རང་ཅི་འདོད་མཆོད་པའི་སྤྲིན་འཕྲོ་བ། །ཟག་མེད་བདུད་རྩིའི་རྒྱ་མཚོར་གྱུར་པ་འདི། །བླ་མ་ཡི་དམ་དཀོན་མཆོག་སྲིད་ཞུའི་མགྲོན། །ཕྲིན་ལས་མགྲོན་དང་གནོད་བྱེད་ཤ་འཁོན་མགྲོན། །རིགས་དྲུག་བྱམས་དང་སྙིང་རྗེའི་མགྲོན་།

[Full Size]

རྣམས་ལ། །བདག་ལུས་ཟག་མེད་བདུད་རྩིའི་ཚོགས་མཆོད་འབུལ། །རྩ་གསུམ་ཆོས་སྐྱོང་ཐུགས་དམ་བསྐང་གྱུར་ཅིག །བགེགས་རིགས་ལན་ཆགས་ཤ་འཁོན་བྱང་གྱུར་ནས། །གནོད་སེམས་ཀུན་ཞི་ཕན་སེམས་ལྡན་གྱུར་ཅིག །རིགས་དྲུག་ཀུན་ཚིམ་སྡུག་བསྔལ་ཞི་གྱུར་ཅིག །ཐམས་ཅད་སངས་རྒྱས་གོ་འཕང་ཐོབ་གྱུར་ཅིག ། ཕཊ་ཕཊ་ཕཊ། ཅེས་དཀར་འགྱེད་དང་དམར་འགྱེད་ཕུང་པོ་ཤ་ཁྱེར་ཁྲག་ཁྱེར་ལ་ཐོག་མར་ཟིལ་གནོན་དབང་སྡུད་ནི། ཕཊ། རང་ཉིད་སྐད་ཅིག་ཁྲོས་མ་ནག་མོར་གསལ། །ཐུགས་ལས་འོད་འཕྲོས་སྣང་སྲིད་ལྷ་འདྲེ་ཀུན། །སྐད་ཅིག་དབང་སྡུད་རང་མདུན་ཁྲོམ་ལྟར་འཚོགས། །ཐམས་ཅད་མ་ལུས་ཟིལ་གྱིས་གནོན་པར་གྱུར། །ཕཊ་ཕཊ་ཕཊ། རྐང་དུང་དྲག་འབུད་ལན་གསུམ་བྱ། ཀྱེ་མ། འདུས་ཤིག་འདུས་ཤིག་ཤ་ཟ་འདུས། །དབུགས་ལེན་ཐམས་ཅད་འདིར་འདུས་ཤིག །བཤའ་བཤུས་རོ་ཡི་རྩ་འདིར་འདུས། །ཤ་བགོས་རོགས་ལ་སླེབ་པར་གྱིས། །འདྲེ་ཁྱེད་རྣམས་བདག་གི་ཕ་མ་ཡིན། །བུ་ཡི་ཤ་ཁྲག་རོལ་དུ་ཤོག །ཁྱེད་རྣམས་དྲིན་ཆེན་ཕ་མ་ཡིན། །ད་རེས་བཟང་ལེན་ལེན་དུ་ཤོག །སྔོན་ཆད་ལུས་འདི་

[Full Size]

གཅེས་པར་བཟུང་། །རྒྱུ་དེས་ད་རུང་འཁོར་བར་འཁྱམས། །ད་ནི་མི་ཆགས་སྟོན་མོ་འགྱེད། །མགྲོན་རིགས་སྲིད་རྩེ་མན་ཆད་ནས། །ན་རཀ་དམྱལ་བ་ཡན་ཆད་ཀྱི། །གནས་པའི་ལྷ་དང་ལྷ་མ་སྲིན། །ཕོ་བདུད་ལས་ཀྱི་རྒྱལ་འགོང་འདུས། །མོ་བདུད་ལས་ཀྱི་འདྲེ་མོ་འདུས། །ཕོ་བདུད་རྒྱལ་འགོང་སྲོག་བདག་འདུས། །མོ་བདུད་འདྲེ་མོ་བསེན་མོ་འདུས། །སྲིད་པ་ཡི་ནི་འདྲེ་དགུ་འདུས། །གཙུག་ལག་ཁང་གི་གདོན་བཅུ་འདུས། །གཙོ་བོ་གདོན་ཆེན་བཅོ་ལྔ་འདུས། །བགེགས་རིགས་སྟོང་ཕྲག་བརྒྱད་ཅུ་འདུས། །བྱིས་པའི་གདོན་ཆེན་བཅོ་ལྔ་འདུས། །གློ་བུར་དགུ་བཅུ་རྩ་གཅིག་འདུས། །ཡེ་འདྲོགས་སུམ་བརྒྱ་དྲུག་ཅུ་འདུས། །འདིར་ཤོག་འདིར་འདུས་ཤ་ཁྲག་རོལ། །སྤྱི་བོ་ཚངས་བུག་མན་ཆད་ནས། །རྐང་མཐིལ་སེན་མོ་ཡན་ཆད་ཀྱི། །ལུས་འདི་ཕྱི་ནང་ཐམས་ཅད་ལ། །ཁོ་བོས་ཆགས་ཞེན་མི་བྱེད་དོ། །ཤ་ཟོ་ཁྲག་འཐུང་རུས་པ་མུར། །། མགོ་བོ་ཡན་ལག་དོན་སྙིང་ཁྱེར། །ཐམས་ཅད་བག་ཕོབ་ཚིམ་པར་རོལ། །ཞི་བར་གྱིས་ཤིག་བརླག་པར་གྱིས། །ཕུང་བར་གྱིས་ཤིག་རྩ་བ་ཆོད། །ཐུལ་ཅིག་ཆོམས་ཤིག་མཱ་ར་

[Full Size]

ཡ། །ཕཊ་ཕཊ་ཕཊ། ཅེས་བློ་སྦྱོང་མཚོན་ཆའི་འཁོར་ལོ་ལས་བྱུང་བའོ། །དེ་ནས་གཅོད་ཡུལ་བརྒྱུད་པའི་བླ་མ་ལ་གསོལ་བ་འདེབས་པ་ནི། ན་མོ་གུ་རུ། གནས་འོག་མིན་ཆོས་། དབྱིངས་ཕོ་བྲང་ནས། །ཡུམ་ཆེན་ཤེར་ཕྱིན་བཅོམ་ལྡན་ཤཱཀྱ་ཐུབ། །འཇམ་དཔལ་སྨྲ་སེང་ཨརྱ་དེ་ཝ་དང་། །དམ་པ་རྒྱ་གར་ཨ་མ་ལབ་ཀྱི་སྒྲོན། །ཁམ་བུ་ཡ་ལེ་གྲུབ་ཆེན་ཡེ་ཤེས་འབར། །གནམ་མཚོ་བ་དང་རང་བྱུང་གཡུང་སྟོན་ཞབས། །རོལ་པའི་རྡོ་རྗེ་དར་རྒྱལ་མཁའ་སྤྱོད་དབང་། །དེ་བཞིན་གཤེགས་པ་རིན་ཆེན་བཟང་པོ་དང་། །མཐོང་བ་དོན་ལྡན་ཀུན་མཁྱེན་འཇམ་དཔལ་བཟང་། །སངས་རྒྱས་མཉན་པ་འཇིགས་མེད་མི་བསྐྱོད་རྗེ། །མཚུངས་མེད་རྒྱལ་བ་དཀོན་མཆོག་ཡན་ལག་དང་། །དབང་ཕྱུག་རྡོ་རྗེ་ཆོས་ཀྱི་དབང་ཕྱུག་ཞབས། །ཀུན་དགའ་རྣམ་རྒྱལ་ཀརྨ་ཆགས་མེད་སོགས། །གྲུབ་ཐོབ་གཅོད་ཡུལ་བརྒྱུད་པའི་བླ་མ་ལ། །གསོལ་བ་འདེབས་སོ་ཡུམ་ཆེན་མོས་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཕཊ་ཕཊ་ཕཊ། དེ་ནས་ལྷ་ཚོགས་རྣམས་ལ་བསྟོད་པ་ནི། ཕཊ། རང་རིག་ཡེ་ཤེས་སྟོན་མཛད་པའི། །ཕ་བླ་མ་རྣམས་ལ་ཕྱག་

[Full Size]

འཚལ་བསྟོད། །དངོས་གྲུབ་ངེས་པར་སྩོལ་མཛད་པའི། །ཡི་དམ་ལྷ་ཚོགས་རྣམས་ལ་ཕྱག་འཚལ་བསྟོད། །བར་ཆད་ཐམས་ཅད་སེལ་མཛད་པའི། །མཁའ་འགྲོ་ཆོས་སྐྱོང་རྣམས་ལ་ཕྱག་འཚལ་བསྟོད། །སྐྱེ་བ་བདུན་ལ་འགྲོ་དོན་མཛད། །དམ་པ་རྒྱ་གར་སྐུ་ལ་ཕྱག་འཚལ་བསྟོད། །མ་མི་མིན་ཡེ་ཤེས་ཀྱི་མཁའ་འགྲོ་མ། །ལབ་ཀྱི་སྒྲོན་མ་དེ་ལ་ཕྱག་འཚལ་བསྟོད། །གང་ལ་གང་འདུལ་འགྲོ་དོན་མཛད། །ཕ་གྲུབ་ཐོབ་གཅོད་ཡུལ་བརྒྱུད་པ་ལ་ཕྱག་འཚལ་བསྟོད། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་བསྟོད། །ཕཊ་ཕཊ་ཕཊ། བསྙེན་པ་ནི། ཕཊ། ཡུམ་ཆེན་ཐུགས་ཀར་པད་ཟླའི་སྟེང་། །ཨ་ཡིག་མཐའ་མར་གཱ་ཏེའི་སྔགས། །གཡོན་དུ་འཁོར་བས་སྣོད་བཅུད་ཀུན། །དག་པ་གསུམ་གྱི་རང་བཞིན་གྱུར། །ཏདྱ་ཐཱ། ཨོཾ་གཱ་ཏེ་གཱ་ཏེ་པ་ར་ག་ཏེ་པཱ་ར་སཾ་ག་ཏེ་བོ་དྷི་སྭཱ་ཧཱ། ཅི་འགྲུབ་བཟླ་བར་བྱའོ། །དེ་ནས་ཚོགས་བསང་ཆུས་བྲན་ལ། ཨོཾ་ཨཱཿཧཱུྃ། ལན་གསུམ། ཕཊ། མདུན་གྱི་གཅོད་ཡུལ་བརྒྱུད་པ་ཐམས་ཅད་ཀྱི། །སྐུ་ལས་འོད་ཟེར་དཔག་

[Full Size]

ཏུ་མེད་པ་འཕྲོས། །ཡུལ་དེར་ཕོག་པས་ཨོ་རྒྱན་ཡུལ་དུ་གྱུར། །གནས་ཁང་ལ་ཕོག་གཞལ་ཡས་ཁང་དུ་གྱུར། །མགྲོན་ལ་ཕོག་པས་དཔའ་བོ་དཔའ་མོར་གྱུར། །སྣོད་བཅུད་ལ་ཕོག་པདྨ་བྷཉྫར་གྱུར། །ཚོགས་རྫས་ལ་ཕོག་ཡེ་ཤེས་བདུད་རྩིར་གྱུར། །ཕཊ་ཕཊ་ཕཊ། གནས་འོག་མིན་ཆོས་དབྱིངས་ཕོ་བྲང་ནས། །གཅོད་ཡུལ་གྱི་གྲུབ་ཐོབ་བརྒྱུད་པ་རྣམས། །དཔའ་བོ་དང་དཔའ་མོའི་དབུས་ན་བཞུགས། །ཚོགས་ལ་སྤྱན་འདྲེན་གཤེགས་སུ་གསོལ། །ཨོཾ་ཨཱཿཧཱུྃ་གིས་བྱིན་གྱིས་རློབས། །གཞོང་པ་ཉི་ཟླའི་གཏོར་གཞུང་དུ། །ཚོགས་ཀྱང་འོད་དུ་ལྟེམས་སེ་ཞུ། །འོད་ཕུང་འབར་བའི་ཚོགས་མཆོད་འདི། །བླ་མ་ཡི་དམ་མཁའ་འགྲོ་དང་། །རྒྱལ་བའི་དཀྱིལ་འཁོར་མཉེས་གྱུར་ཅིག །ཕཊ་ཕཊ། ཚོགས་མཆོད་བདུད་རྩིའི་ཕུད་རླངས་ལས། །མཆོད་ལྷ་བཅུ་དྲུག་བར་སྣང་གང་། །བཀྲ་ཤིས་རྟགས་བརྒྱད་རྒྱལ་སྲིད་བདུན། །ཕྱི་ནང་གསང་མཆོད་འདོད་ཡོན་ལྔ། །ཟག་མེད་བདེ་སྟོང་མཆོད་པ་འབུལ། །ཕཊ་ཕཊ་ཕཊ། རྡོ་རྗེ་འཆང་ཆེན་མན་ཆད་ནས། །རྩ་བའི་བླ་མ་ཡན་ཆད་བཅས། །མ་ལུས་འཁོར་བཅས་

[Full Size]

ཚོགས་ལ་རོལ། །ཡི་དམ་ལྷ་ཚོགས་མན་ཆད་ནས། །དཔའ་བོ་མཁའ་འགྲོ་ཡན་ཆད་བཅས། །མ་ལུས་འཁོར་བཅས་ཚོགས་ལ་རོལ། །རྡོ་རྗེ་ཕག་མོ་མན་ཆད་ནས། །རིགས་བཞིའི་མཁའ་འགྲོ་ཡན་ཆད་བཅས། །མ་ལུས་འཁོར་བཅས་ཚོགས་ལ་རོལ། །ཆོས་སྐྱོང་མ་མགོན་མན་ཆད་ནས། །དཀྱིལ་འཁོར་མཐའ་སྐྱོང་ཡན་ཆད་བཅས། །མ་ལུས་འཁོར་བཅས་ཚོགས་ལ་རོལ། །ཤཱཀྱ་ཐུབ་པ་མན་ཆད་ནས། །དམྱལ་ཁམས་བཅོ་བརྒྱད་ཡན་ཆད་བཅས། །མ་ལུས་འཁོར་བཅས་ཚོགས་ལ་རོལ། །སྟོང་གསུམ་གཞི་བདག་མན་ཆད་ནས། །གནས་པོ་དགེ་བསྙེན་ཡན་ཆད་བཅས། །མ་ལུས་འཁོར་བཅས་ཚོགས་ལ་རོལ། །ལ་ལ་ཕྱི་ཡི་ཚོགས་ལ་རོལ། །ལ་ལ་ནང་གི་ཚོགས་ལ་རོལ། །ལ་ལ་གསང་བའི་ཚོགས་ལ་རོལ། །དེ་ཁོ་ན་ཉིད་ཀྱི་ཚོགས་ལ་རོལ། །ཨ་ཨ་ལ་ལ་སྟེ་དགྱེས་པར་མཛོད། །ཕཊ་ཕཊ་ཕཊ། དབུས་དང་ཕྱོགས་བཅུའི་གཙོ་མོ་རེ་རེ་ལ། །མཁའ་འགྲོ་འབུམ་ཕྲག་རེ་རེའི་མཐའ་བསྐོར་དུ། །ཕྱོགས་མཚམས་སོ་སོའི་ལྷ་འདྲེ་ཀུན་གྱིས་བསྐོར། །ལས་བྱེད་མཁའ་འགྲོ་འབུམ་ཚོ་འབུམ་ཚོ་ཡིས། །ཕྱོགས་བཅུའི་མགྲོན་

[Full Size]

རྣམས་ཀུན་ལ་སོ་སོར་མཆོད། །ཐམས་ཅད་མཉེས་ཤིང་དགའ་མགུ་ཡི་རང་གྱུར། །ཕཊ་ཕཊ་ཕཊ། གཏོར་བསྔོས་ལས་རིམ་ནི། ཕཊ། ཡཾ་ལས་རླུང་དང་རཾ་ལས་མེ། །ཀཾ་ལས་ཐོད་སྐྱེད་གསུམ་གྱི་སྟེང་། །གཏོར་སྣོད་ཨ་ལས་ཀ་པཱ་ལར། །གཏོར་མ་ཤ་ལྔ་བདུད་རྩི་ལྔ། །མེ་སྦར་སྣོད་དྲོས་རྫས་རྣམས་ཁོལ། །ཡེ་ཤེས་བདུད་རྩིའི་རྒྱ་མཚོར་གྱུར། །ཨོཾ་ཨཱཿཧཱུྃ། ལན་གསུམ། ཕོ་ཕོ་ཡེ། ན་མོ་པྲཛྙཱ་པཱ་ར་མི་ཏ་སརྦ་ཏ་ཐཱ་ག་ཏ་གུ་རུ་དྷེ་ཝ་ཌཱཀི་ནི་དྷརྨ་པཱ་ལ་བ་སུ་དེ་ཝ་སརྦ་ལོ་ཀ་པཱ་ལ་ནཱ་ག་རཱ་ཛ་བྷུ་མི་པཱ་ཏི་ས་པ་རི་ཝ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སངས་རྒྱས་ཐམས་ཅད་ཀྱི་སྙིང་པོ་གཅོད་ཡུལ་ཕྱག་རྒྱ་ཆེན་པོ་དར་ཞིང་རྒྱས་པ་དང་། རྣལ་འབྱོར་པ་བདག་གི་ཕྲིན་ལས་རྣམ་པ་བཞི་ཐོགས་པ་མེད་པར་བསྒྲུབས་པའི་ཕྲིན་ལས་མཛོད་ཅིག །དེ་ནས་བསྔོ་བ་ནི། ཨོཾ་ཨཱཿཧཱུྃ། ཁམས་གསུམ་མ་ལུས་སྐུ་གསུང་ཐུགས། །སྐུ་གསུམ་འཁོར་འདས་ཐུགས་རྗེའི་མགྲོན། །སྟོང་གསུམ་བདུད་རྩིས་ཁེངས་པའི་རྫས། །གཏོར་མ་འདོད་ཡོན་ལྔ་རུ་བསྔོ། །ཕྱི་སྣོད་འཇིག་རྟེན་གཏོར་གཞོང་དུ། །ནང་བཅུད་སེམས་ཅན་གཏོར་མས་བསྐང་། །སྐྱེ་འཆི་མེད་

[Full Size]

པར་བཞེས་སུ་གསོལ། །ཀ་པཱ་ལ་ཡི་གཏོར་གཞོང་དུ། །ཤ་ཁྲག་དོན་སྙིང་གཏོར་མས་བཀང་། །ཆགས་ཞེན་མེད་པའི་མཆོད་པ་བཞེས། །དོན་གཉིས་ལྷུན་གྱིས་གྲུབ་པར་མཛོད། །ཕཊ་ཕཊ་ཕཊ། དེ་ནས་བསྐང་བ་ནི། ཧཱུྃ། བེམ་ཤུན་རང་བྱུང་ལྷུན་གྲུབ་མཎྜལ་ཆེ། །ཡན་ལག་གླིང་བཞི་མིག་གཉིས་ཉི་ཟླ་སྟེ།། །སྒལ་ཚིགས་རི་རབ་མགོ་བོ་རྣམ་རྒྱལ་ཁང་། །རྣམ་ཤེས་ཚོགས་བརྒྱད་འདོད་ཡོན་ལྷ་མོ་འཕྲོ། །ཀུན་བཟང་མཆོད་སྤྲིན་ཟག་མེད་སྐོང་རྫ་ས་འདིས། །གྲུབ་ཐོབ་གཅོད་ཡུལ་བརྒྱུད་པའི་ཐུགས་དམ་བསྐང་། །ཡི་དམ་དཔའ་བོ་མཁའ་འགྲོའི་ཐུགས་དམ་བསྐང་། །གཅོད་ཡུལ་བཀའ་སྲུང་དམ་ཅན་ཐུགས་དམ་བསྐང་། །སྣང་སྲིད་ལྷ་འདྲེ་ཀུན་གྱི་ཐུགས་དམ་བསྐང་། །དེ་ལྟར་ཐུགས་དམ་བསྐང་བའི་བྱིན་རླབས་ཀྱིས། །ལོངས་སྤྱོད་འཛད་མེད་ཆུ་བོའི་རྒྱུན་བཞིན་སྩོལ། །གཞི་བྱེས་ལམ་གསུམ་གར་འགྲོ་གར་འདུག་ཀྱང་། །སྐྱེལ་བསུ་རོགས་དན་ཁ་འཛིན་མ་གཡེལ་ཅིག །ཉིན་མཚན་བྱ་ར་མེལ་ཚེ་མགོན་སྐྱབས་མཛོད། །བཀྲ་ཤིས་བདེ་ལེགས་འགྲུབ་པར་མཛད་དུ་གསོལ། །བཤགས་པ་ནི། ཕཊ། མཐོལ་ལོ་བཤགས་སོ་ཡེ་ཤེས་

[Full Size]

མཁའ་འགྲོ་མ། །གནོང་ངོ་འགྱོད་དོ་གཅོད་ཡུལ་བརྒྱུད་པ་རྣམས། །དག་ཚངས་སྐུ་གསུང་ཐུགས་ཀྱི་དངོས་གྲུབ་སྩོལ། །ལམ་མ་ནོར་ཆོས་ཀྱི་དབྱིངས་སུ་དྲོངས། །མི་ལྡོག་བདེ་ཆེན་གྱི་ས་ལ་འགོད་གྱུར་ཅིག །ཕཊ་ཕཊ་ཕཊ། དེ་ནས་ཚོགས་ལ་རོལ་ཞིང་ལྷག་མ་ནི། ཨོཾ་ཨཱཿཧཱུྃ། བྷནྡྷའི་སྣོད་དུ་ལྷག་མའི་གཏོར་མ་ནི། །འདོད་ཡོན་ལྔ་ལྡན་ཡེ་ཤེས་བདུད་རྩིར་གྱུར། །ལས་བྱེད་མཁའ་འགྲོའི་སྤྲུལ་པ་ཀེང་རུས་ཀྱི། །གཟུགས་ཅན་མཁའ་འགྲོ་མང་པོས་ལྷག་གཏོར་ཁྱེར། །ལྷག་སྡུད་འཇིག་རྟེན་རིགས་ཀྱི་ཌཱཀི་ལྔ། །རང་རང་མདོག་མཚུངས་ཐོར་ཚུགས་རལ་པ་ཅན། །ལག་ན་རང་རྟགས་གྲི་གུག་ཐོད་ཁྲག་བསྣམས། །ཤ་ཟ་ཞིང་སྐྱོང་ལྷག་མགྲོན་འཁོར་བཅས་ལ། །སོ་སོར་ཅི་འདོད་སྦྱིན་པས་དགྱེས་པར་རོལ། །དགྲ་བགེགས་བསྒྲལ་བའི་ཕྲིན་ལས་མཛད་དུ་གསོལ། །ཨོཾ་ཨུཙྪིཥྛ་བྷཀྵ་བྷཀྵ་སྭཱ་ཧཱ། ཕཊ། ལྷག་མ་གཙང་སར་བླུག །དེ་ནས་གཏོར་མ་འབུལ་བ་ནི། ། དཀོན་མཆོག་གསུམ་དང་གཅོད་ཡུལ་བརྒྱུད་པའི་བླ་མ་ཡི་དམ་མཁའ་འགྲོ་ཆོས་སྐྱོང་རྣམས་ཀྱི་བདེན་པས་དགྲ་བགེགས་གནོད་བྱེད་ཐམས་ཅད་གཏོར་མ་ལིངྒང་འདི་ཉིད་ལ་ཁུག་ཅིག །

[Full Size]

ཛཿཧཱུྃ་བཾ་ཧོཿ ཨོཾ་ཨཱཿཧཱུྃ། ཧཱུྃ། མ་གཅིག་ཁྲོས་མ་ནག་མོ་ནི། །ཤ་ཟ་ཌཱཀི་འཁོར་དང་བཅས། །གཞན་ཡང་གཅོད་ཡུལ་བརྒྱུད་པ་ཡི། །བསྟན་སྲུང་དམ་ཅན་རྒྱ་མཚོ་རྣམས། །འདིར་གཤེགས་བརྒྱན་པའི་གཏོར་མ་བཞེས། །མ་གཅིག་ལབ་སྒྲོན་སྤྱན་སྔ་རུ། །ཁས་བླངས་དམ་བཅས་དྲན་མཛོད་ལ། །གཅོད་ཡུལ་བསྟན་པ་སྲུང་བ་དང་། །གཅོད་མཁན་བདག་གི་སྡོང་གྲོགས་མཛོད། །ཡིད་ལ་མནག་པའི་དགྲ་བགེགས་སྒྲོལ། །བཅོལ་བའི་ཕྲིན་ལས་འགྲུབ་པར་མཛོད། །སྦྱོ། འཇིག་རྟེན་བོད་ཀྱི་ཞིང་ཁམས་། སྐྱོང་མཛད་བརྟན་མ་བཅུ་གཉིས་ནི། །ནམ་མཁའི་མཐོངས་ནས་འདིར་གཤེགས་ལ། །དམ་རྫས་བདུད་རྩིའི་བཤལ་ཆུ་བཞེས། །ལབ་སྒྲོན་སྤྱན་སྔར་ཁས་བླངས་བཞིན། །བོད་ཁམས་བདེ་བའི་ཕྲིན་ལས་མཛོད། །ཅེས་དམིགས་པའི་ཕྱོགས་སམ་ཕྱི་རོལ་དུ་ཕུལ་གཏོར་གཞོང་སྦུབ་ལ་རྡོ་རྗེ་རྒྱ་གྲམ་གྱིས་མནན་ལ། ཕཊ། གནོད་བྱེད་དམ་སྲི་ཐམས་ཅད་གཏོར་གཞོང་རི་རབ་འབར་བའི་འོག་ཏུ་ཁུག་ཅིག །ཕཊ། ཕྱོགས་བཞི་འཁོར་ལོའི་རྩིབས་སྟེང་དུ། །རིགས་བཞི་མཁའ་འགྲོས་བྲོ་བརྡུངས་བས། །དཔའ་བོས་བྲོ་བརྡུང་ཁྲིགས་སེ་

[Full Size]

ཁྲིག །དཔའ་མོས་གར་བྱེད་ཁྱུགས་སེ་ཁྱུག །རྣལ་འབྱོར་བདག་གིས་བྲོ་བརྡུངས་བས། །དགྲ་དམ་སྲིའི་མགོ་ལ་ཆེམས་སེ་ཆེམ། །དུག་གསུམ་མགོ་ལ་ནེམས་སེ་ནེམ། །དུག་ལྔའི་མགོ་ལ་ད་རོལ་ཅིག །ཨོཾ་ལཾ་ཨཱལཾ་ཧཱུཾ་ལཾ་ཙཱ་བྷ་ཡ་ནན། དེ་ནས་མགྲོན་རྣམས་འཁོན་སེམས་སྦྱང་ཞིང་གསོ་བ་ནི། བདག་ཉིད་ཐུགས་རྗེ་ཆེན་པོ་སྐུ་མདོག་དཀར། །ཐུགས་ཀར་ཟླ་སྟེང་ཧྲིལ་ཡིག་དྲུག་བསྐོར། །སྐུ་ལས་བདུད་རྩི་བབས་པས་མགྲོན་རྣམས་འཐུང་། །གདུག་རྩུབ་ཀུན་ཞི་སྤྱན་གཟིགས་སྐུར་གྱུར་ནས། །ཐམས་ཅད་མགྲིན་གཅིག་ཡིག་དྲུག་འདོན་པར་གྱུར། །ཡི་གེ་དྲུག་པ་ཅི་ནུས་བཟླ། ཕཊ། ལུས་སྦྱིན་ཚོགས་འཁོར་འདི་ཕུལ་བས། །བདག་སོགས་སེམས་ཅན་ཐམས་ཅད་ཀྱི། །ལན་ཆགས་བུ་ལོན་ཤ་འཁོན་བྱང་། །ཐམས་ཅད་སངས་རྒྱས་ཐོབ་པར་ཤོག །ཕཊ་ཕཊ་ཕཊ། ན་མོ། ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས།་།རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་

[Full Size]

ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བར་ཆད་མེད་པའི་ལམ་བསྒྲོད་ནས། །མ་ཡུམ་ཆེན་གོ་འཕང་ཐོབ་པར་ཤོག །ཕཊ་ཕཊ་ཕཊ། དེ་ནས་རྗེས་ཆོག་ནི། གུ་རུ་དྷེ་ཝ་ཌཱཀི་ནཱི་སརྦ་དྷརྨ་པཱ་ལ་ས་པ་རི་ཝཱ་ར་ཨབྷཾ་སོགས་ནས་ཤརྡ་པྲ་ཏིཙྪ་ཧོས་མཆོད། །བསྟོད་པར་འོས་པ་ཐམས་ཅད་ལ་སོགས་ཀྱིས་བསྟོད། མ་འབྱོར་པ་དང་སོགས། ཡི་གེ་བརྒྱ་པ་བརྗོད། བསྔོ་བ་ནི། ཡུམ་ཆེན་རྩ་གསུམ་ལྷ་ཚོགས་དགོངས། །འཕགས་པ་སོ་སོའི་སྐྱེ་བོ་ཡིས། །དགེ་བ་ཀུན་ལ་རྗེས་ཡི་རང་། །དེ་ཡི་དགེ་བའི་རྩ་བ་དང་། །ཚོགས་འཁོར་ཕུལ་བའི་དགེ་བ་རྣམས། །ཡུམ་ཆེན་སྲས་བཅས་སྤྱན་སྔར་འབུལ། །ཀུན་བཟང་མཆོད་སྤྲིན་འབྱུང་གྱུར་ཅིག །དེ་ཡི་དགེ་བས་གནོད་བྱེད་གཙོས། །སེམས་ཅན་བདེ་ལྡན་སྡུག་བསྔལ་བྲལ། །མྱུར་དུ་མངོན་སངས་རྒྱས་གྱུར་ཅིག །དགེ་རྩ་བདག་དང་བསྲུང་བྱར་སྨིན། །ནད་གདོན་བར་ཆད་ཀུན་བྱང་ནས། །ཚེ་བསོད་ཉམས་དང་རྟོགས་པ་འཕེལ། །མཆོག་གི་དངོས་གྲུབ་ཐོབ་གྱུར་ཅིག །ནམ་ཞིག་འཆི་བའི་དུས་བྱུང་ཚེ། །བདེ་བ་ཅན་

[Full Size]

དུ་སྐྱེ་གྱུར་ཅིག །དེ་ནས་བཀྲ་ཤིས་ནི། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་གྱི་བཀྲ་ཤིས་ཤོག །མི་འགྱུར་ལྷུན་པོ་སྐུ་ཡི་བཀྲ་ཤིས་ཤོག །ཡན་ལག་དྲུག་ཅུའི་གསུང་གི་བཀྲ་ཤིས་ཤོག །མཐའ་བྲལ་འཁྲུལ་མེད་ཐུགས་ཀྱི་བཀྲ་ཤིས་ཤོག །རྒྱལ་བའི་སྐུ་གསུང་ཐུགས་ཀྱི་བཀྲ་ཤིས་ཤོག །དམ་ཆོས་བདུད་ཀྱི་གཅོད་ཡུལ་འདི། །མཁའ་ལ་ཉི་མ་ཤར་བ་བཞིན། །ཕྱོགས་དུས་ཀུན་ཏུ་ཁྱབ་གྱུར་ཅིག །ཕཊ་ཕཊ་ཕཊ། སྦྱིན་པ་རྒྱ་ཆེན་གྱུར་པ་འདི་ཡིས་མཐུས། །འགྲོ་བའི་དོན་དུ་རང་བྱུང་སངས་རྒྱས་ཤོག །སྔོན་གྱི་རྒྱལ་བ་རྣམས་ཀྱིས་མ་བསྒྲལ་བའི། །སྐྱེ་འགྲོའི་ཚོགས་རྣམས་སྦྱིན་པས་གྲོལ་གྱུར་ཅིག །འཇིག་རྟེན་ཆོས་སྐྱོང་སྲུང་མ་རྣམས། །སོ་སོའི་ཡུལ་དུ་གཤེགས་སུ་གསོལ། །སོ་སོའི་ཡུལ་དུ་གཤེགས་ནས་ཀྱང་། ། སེམས་ཅན་རྣམས་ཀྱི་དོན་གྱི་ཕྱིར། །སླར་ཡང་འབྱོན་པར་མཛད་དུ་གསོལ། །བཛྲ་མུ༔ རྣམ་ཤེས་དབབ་པ་ནི། ཕཊ། མ་གཅིག་ཐུགས་ཀ་ནས་རང་གི་རྣམ་ཤེས་ཀྱི་ངོ་བོ་ཐིག་

[Full Size]

ལེ་དཀར་པོ་མར་བབས། །རང་གི་ཚངས་བུག་ནས་ཞུགས། །སྙིང་གི་དབུས་སུ་ཐིམ་པར་གྱུར། ཕཊ་ཕཊ་ཕཊ། དེ་ནས་བྱིན་རླབས་ཞུ་བ་ནི། ཕཊ། མ་གཅིག་ཐུགས་ལས་འོད་ཟེར་དཀར་དམར་མཐིང་། །འཕྲོས་པས་བདག་དང་བསྲུང་བྱའི་སྒོ་གསུམ་ལ། །སྐུ་གསུང་ཐུགས་ཀྱི་བྱིན་རླབས་ཞུགས་པར་གྱུར། །མ་གཅིག་འོད་ཞུ་རང་ལ་ཐིམ་པར་གྱུར། །ཡེ་སྟོང་ཐིག་ལེ་ཆེན་པོའི་ངང་དུ་ཕཊ། །ཕཊ་ཕཊ་ཕཊ། ཅེས་དང་། སེམས་ཀ་དག་ངང་ལ་མཉམ་པར་བཞག་གོ །དགེ་བ་འདི་ཡིས་མྱུར་དུ་བདག །གཅོད་ཡུལ་ཕྱག་རྒྱ་ཆེན་པོ་འགྲུབ་གྱུར་ནས། །འགྲོ་བ་སེམས་ཅན་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །སླར་ཡང་ལྷ་སྐུ་སྒྱུ་མ་ལྟ་བུའི་སྤྱོད་ལམ་ལ་འཇུག་པར་བྱའོ། །ཞེས་པ་འདི་ནང་ཆེན་གཅོད་ཚིག་མའི་བརྒྱུད་འཛིན་གཅོད་ཀྱི་རྣལ་འབྱོར་པ་པདྨ་དབང་དྲག་ནས་འདི་ལྟར་དགོས་ཞེས་ཡང་ཡང་བསྐུལ་ངོར་གཅོད་རྒན་ཨ་རཱ་གས་མདོར་བསྡུས་བྲིས་པས་གཅོད་ཡུལ་ཕྱག་རྒྱ་ཆེན་པོའི་བསྟན་པ་དར་ཞིང་རྒྱས་ལ་ཡུན་རིང་དུ་བརྟན་པར་གྱུར་ཅིག །དགེའོ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

[Full Size]

རྡོ་ཁྲམ་གཅོད་པ་གྲགས་པ་ལ་གནང་བའི་གཅོད་ཀྱི་ཞལ་གདམས་བཞུགས་སོ།། ན་མོ་པྲཛྙཱ་པཱ་ར་མི་ཏ་ཡེ། ཡུམ་ཆེན་ཤེར་ཕྱིན་ཞབས་ལ་ཕྱག་འཚལ་ནས། །དེང་སང་གཅོད་ཡུལ་ཕྱག་རྒྱ་ཆེན་པོ་ལ། །མངའ་བརྙེས་རྡོ་ཁྲམ་གཅོད་པ་གྲགས་པ་ཁྱེད། །དེང་འདིར་བདག་གི་ཕུག་སྒོར་བྱོན་པ་ལེགས། །ངག་བཅད་དམ་ཕྱིར་གསུང་གླེང་ཡི་གེར་བྲི། །ཁྱེད་ནི་བླ་མ་མང་བསྟེན་ཁྲིད་མང་ཞུས། །ད་ལྟ་ཡུམ་ཆེན་ཤེར་ཕྱིན་མངོན་སུམ་རྟོགས། །ད་ཡང་གཅོད་ལུགས་འདི་ལྟར་བཅད་ན་ལེགས། །མི་རྟག་འཆི་བ་དྲན་པས་བདག་འཛིན་གཅོད། །ནམ་འཆི་ངེས་མེད་དྲན་པས་ལེ་ལོ་གཅོད། །བློ་སྣ་བཏུང་བས་ཆོས་ལ་ཕྱི་གཤོལ་གཅོད། །ལས་འབྲས་བསླུ་མེད་དྲན་པས་སྤྱོད་ཅིང་གཅོད། །ངན་འགྲོའི་སྡུག་བསྔལ་དྲན་པས་སྡིག་ལྟུང་གཅོད། །འཁོར་བའི་ཉེས་དམིགས་དྲན་པས་ཞེན་ཚིགས་གཅོད། །དལ་འབྱོར་ཆུད་ཟོས་རྙེད་དཀའ་དྲན་པས་གཅོད། །སྐྱབས་འགྲོ་ངེས་ཤེས་འཁོར་བའི་འཇིགས་པ་གཅོད། །སེམས་བསྐྱེད་བརྟན་པོས་ཐེག་དམན་གོལ་ས་གཅོད། །བཤགས་སྦྱངས་དྲག་པོས་སྡིག་སྒྲིབ་ཐམས་ཅད་གཅོད། །མཎྜལ་མཆོད་པས་བསོད་ནམས་ཆུང་བ་གཅོད། །

[Full Size]

ཉམས་རྟོགས་གེགས་སྐྱོན་གསོལ་འདེབས་དྲག་པོས་གཅོད། །རྣམ་རྟོག་འཕྲོ་རྒོད་ཞི་གནས་འཐུག་པོས་གཅོད། །མི་གསལ་བྱིང་འཐིབ་རིག་པ་ངར་གྱིས་གཅོད། །གང་ཤར་ཐམས་ཅད་རང་ངོ་ལྟ་བས་གཅོད། །ཞེ་སྡང་མེ་ལོང་ཡེ་ཤེས་ངང་དུ་གཅོད། །ང་རྒྱལ་མཉམ་ཉིད་ཡེ་ཤེས་ངང་དུ་གཅོད། །འདོད་ཆགས་སོར་རྟོག་ཡེ་ཤེས་ངང་དུ་གཅོད། །ཕྲག་དོག་བྱ་གྲུབ་ཡེ་ཤེས་ངང་དུ་གཅོད། །གཏི་མུག་ཆོས་དབྱིངས་ཡེ་ཤེས་ངང་དུ་གཅོད། །གཟུགས་རྣམས་ཐམས་ཅད་སྣང་སྟོང་ངང་དུ་གཅོད། །སྒྲ་རྣམས་ཐམས་ཅད་གྲག་སྟོང་ངང་དུ་གཅོད། །དྲི་རྣམས་ཐམས་ཅད་ཚོར་སྟོང་ངང་དུ་གཅོད། །རོ་རྣམས་ཐམས་ཅད་མྱང་སྟོང་ངང་དུ་གཅོད། །རེག་རྣམས་ཐམས་ཅད་རེག་སྟོང་ངང་དུ་གཅོད། །བདེ་གསལ་མི་རྟོག་ཉམས་ལ་ཞེན་ཆགས་གཅོད། །བཟང་པོའི་རྟགས་ལ་དགའ་བྲོད་མེད་པར་གཅོད། །ངན་པའི་རྟགས་ལ་རྣམ་རྟོག་མེད་པར་གཅོད། །ཐ་མལ་རྣམ་རྟོག་བྱུང་གནས་རྩད་རྗེས་གཅོད། །འབྲིང་གིས་ཉམས་རྟོགས་ཐུག་འཕྲད་རང་གྲོལ་གཅོད། །རབ་ཀྱིས་རྣམ་རྟོག་མ་བཅོས་རང་གར་གཅོད། །དུས་རྣམས་ཀུན་ཏུ་དྲན་པའི་རྒྱང་སོས་གཅོད། །ཐ་མལ་སྣང་བ་བསྐྱེད་རིམ་བསྒོམས་

[Full Size]

པས་གཅོད། །ཐ་མལ་ངག་འཆལ་བསྙེན་སྒྲུབ་བཟླས་པས་གཅོད། །སྟོང་ཉིད་སྙིང་རྗེ་འབྲེལ་བའི་ལམ་གོལ་གཅོད། །མཁའ་འགྲོ་ཆོས་སྐྱོང་མཆོད་པས་རྐྱེན་ངན་གཅོད། །ནད་ཀྱི་ཟུག་གཟེར་ཚོར་སྟོང་ངང་དུ་གཅོད། །གདོན་གྱི་ཆོ་འཕྲུལ་བྱམས་དང་སྙིང་རྗེས་གཅོད། །ནམ་ཞིག་ཚེ་ཟད་འཆི་བའི་དུས་བྱུང་ཚེ། །འབྱུང་བཞིའི་ཐིམ་སྡུད་རང་ངོར་བལྟས་པས་གཅོད། །དཀར་ལམ་ཤར་ཚེ་གསལ་སྟོང་ངང་དུ་གཅོད། །དམར་ལམ་ཤར་ཚེ་བདེ་སྟོང་ངང་དུ་གཅོད། ་།ནག་ལམ་ཤར་ཚེ་རིག་སྟོང་ངང་དུ་གཅོད། །འོད་གསལ་ཤར་ཚེ་རང་ངོ་ཤེས་པར་གཅོད། །ཡུན་གྱི་རིང་ཐུང་འཆི་ཁ་ཕན་པས་གཅོད། །བར་དོ་ཤར་ནས་རང་ངོ་ཤེས་པས་གཅོད། །འཁོར་བའི་གནས་ལ་ཆགས་ཞེན་སྤངས་བས་གཅོད། ། སྨོན་ལམ་བསྔོ་བས་འཁོར་བའི་གཡང་ས་གཅོད། །སྤྲུལ་སྐུའི་འགྲོ་བ་ཀུན་གྱི་སྡུག་བསྔལ་གཅོད། །དེ་ལྟར་བཅད་ནི་གཅོད་པ་མཆོག་ཏུ་འགྱུར། །དེ་སྐད་གདམས་པ་རཱ་ག་ཨ་སྱ་ཡིས། །འཕྲལ་དུ་ཡིད་ལ་གང་དྲན་སྨྲས་པ་རྫོགས། །སརྦ་མངྒ་ལཾ། དགེའོ།། །།

མི་བསྐྱོད་རྡོ་རྗེས་མཛད་པའི་གཅོད་ཚིགས་བཅད་མའི་དམིགས་རིམ་མདོར་བསྡུས་དང་དམིགས་པ་ཉེར་མཁོ་འགའ་ཞིག

[Full Size]

མི་བསྐྱོད་རྡོ་རྗེས་མཛད་པའི་གཅོད་ཚིགས་བཅད་མའི་དམིགས་རིམ་མདོར་བསྡུས་དང་དམིགས་པ་ཉེར་མཁོ་འགའ་ཞིག་བཞུགས་སོ། །

[Full Size]

ན་མོ་ཛྙཱ་ན་ཌཱ་ཀི་ཡེ། ཡེ་ཤེས་མཁའ་འགྲོ་མ་གཅིག་ཞབས་ལ་འདུད། །མ་གཅིག་གིས་མཛད་གཅོད་ཀྱི་གདམས་པ་ནི། །ཟབ་ཅིང་རྒྱ་ཆེ་ཉི་ཟླ་ལྟར་གྲགས་ཀྱང་། །སྨོན་ལམ་དབང་གིས་ཧོར་མོ་ཅོག་ལ་སྒྲོན། །ཕོ་བདུད་ཐོད་པ་བྷ་ར་ལ་སོགས་པས། །གཅོད་ལོག་རྩོམ་མཁན་བདུད་སྤྲུལ་མང་པོའི་དཀྲུག །ཤ་སྤུ་རྟ་སྤུ་འདྲེས་ལྟར་དབྱེ་གསལ་དཀའ། །ཤར་གཅོད་ལ་སོགས་ཚད་ལྡན་འགའ་ལ་ཡང་། །ཟླ་བ་ལ་སོགས་དམ་སྲི་སྒབ་འདྲེ་དང་། །ལ་ལ་བར་སྐབས་དམ་སེལ་བརྒྱུད་པ་ཆད། །ལ་ལ་མཁས་བླུན་མང་པོས་བཅོས་པས་བསླད། །དེ་ཕྱིར་གཅོད་དཔེ་ཕལ་ལ་བློ་

[Full Size]

གཏད་མེད། །མ་གཅིག་ཉིད་ནས་ད་ལྟ་ཡན་ཆད་དུ། །སངས་རྒྱས་སྤྲུལ་པ་གྲུབ་ཐོབ་བརྒྱུད་པ་ནི། །བར་མ་ཆད་པའི་བརྒྱུད་པ་ཀཾ་ཚང་ཡིན། །སྔགས་ལུགས་གཅོད་ཀྱི་བརྒྱུད་པ་པཀི་སྟེ། །མདོ་སྔགས་ཟུང་འཇུག་གཅོད་ཀྱི་བཀའ་བབས་ནི། །རང་བྱུང་རྡོ་རྗེས་གཉན་ཐོག་བརྒྱ་རྩ་བཅད། །རི་གཉན་ཕལ་ཆེར་མགོ་ལ་བཞུགས་མལ་ཡོད། །དེ་ཡི་གཞུང་ལུགས་མན་ངག་བཅུད་བསྡུས་ནས། །མི་བསྐྱོད་རྡོ་རྗེས་ཚིགས་བཅད་མ་འདི་མཛད། །བརྒྱུད་པ་ཁུངས་བཙུན་དོན་འདུས་བྱིན་རླབས་ཆེ། །རྩ་བ་རྡོ་རྗེའི་ཚིག་རྐང་རྒྱུད་དང་འདྲ། །འདི་ཡི་རི་འགྲིམ་དཀོན་མཆོག་ཡན་

[Full Size]

ལག་གིས། །མཛད་ཀྱང་གཉན་ཐོག་གཅོད་མཁན་དེང་སང་དཀོན། །འདི་ཡི་འགྲེལ་པ་སིདྡྷཱ་སྤྲུལ་སྐུ་དང་། །ཚེར་ལུང་པ་ཡིས་མཛད་ངེས་ཡོད་ན་ཡང་། །ཧ་ཅང་སྒོམ་ཆེ་ཕལ་པས་ཉམས་ལེན་དཀའ། །ཧ་ཅང་དམིགས་པ་མང་ནའང་ཟིན་དཀའ་བས། །གཞན་ནས་ཁ་སབ་ལ་སོགས་མི་བྱེད་པར། །གཞུང་ཚིག་ཁོ་ན་རྡོ་རྗེའི་གསུངས་ཡིན་པས། །གཞུང་འདི་ཁོ་ན་འདོན་སྒོམ་སྦྲགས་པས་འཐུས། །རྒྱུན་དུ་གར་འདུག་གནས་དེར་ལུས་སྦྱིན་བྱ། །གཉན་ས་རང་གི་མལ་ས་གྲུ་བཞི་གཉན། །གཅོད་རྒྱུ་ལུས་ཀྱི་ན་ཚ་ལུས་གདོན་དང་། །བདུད་བཞིའི་བར་ཆད་སེམས་ཀྱི་དུག་ལྔ་གཅོད། །ཆོད་ཚད་ནད་ཞི་གདོན་ཞི་ཉམས་རྟོགས་འཕེལ། །ས་ཆ་གར་ཕྱིན་དེ་རུ་གནས་འབྲེལ་ཚུལ། །ལུས་སྦྱིན་བྱས་པས་གཉན་ཐོག་བརྒྱ་རྩ་་མ། །བཅད་དང་འདྲ་བར་ཡིན་ཞེས་གསུང་རྒྱུན་ཐོས། །གནས་འབྲེལ་ལུས་སྦྱིན་ཚར་ལྷོང་མ་འགྲིགས་ཀྱང་། །ཉེས་སྐྱོན་མེད་ཅིང་རྗེས་གཅོད་མི་དགོས་གསུངས། །དེས་ན་མང་ཉུང་འཚམས་ཤིང་བྱིན་རླབས་ཅན། །ཚིགས་བཅད་མ་འདིའི་དམིགས་རིམ་མདོར་བསྡུས་ནི། །མདུན་གྱི་ནམ་མཁར་སྐད་ཅིག་དྲན་རྫོགས་ཀྱིས། །མ་གཅིག་ལ་སོགས་རྩ་བརྒྱུད་བློ་མ་

[Full Size]

དང་། །སངས་རྒྱས་ཆོས་དང་དགེ་འདུན་ལ་སོགས་པ། །སྐུ་མདོག་ཆ་ལུགས་ལ་སོགས་བསྒོམ་མི་དགོས། །ནམ་མཁའི་སྤྲིན་ལྟར་ནམ་མཁའ་གང་བར་མོས། །བདག་དང་གནོད་བྱེད་གཙོར་བྱས་སེམས་ཅན་ཀུན། །ཁ་ཞེ་མེད་པར་སྙིང་ནས་དད་པ་ཡིས། །ཐལ་མོ་སྦྱར་ནས་སྐྱབས་འགྲོ་དི་རི་རི། །རང་གིས་རིམ་བུ་བཀྱག་ཚུལ་བྱེད་པ་ཡིན། །བྱམས་དང་སྙིང་རྗེ་དགའ་བ་བཏང་སྙོམས་ཏེ། །ཚད་མེད་བཞི་པོ་གནོད་བྱེད་གཙོར་བྱས་པའི། །སེམས་ཅན་ཀུན་གྱི་རྒྱུད་ལ་སྐྱེ་བར་བསྒོམ། །ཁྱད་པར་བདག་གི་གདོན་གྱིས་གཙོར་བྱས་པ། །འགྲོ་ཀུན་སངས་རྒྱས་ས་ལ་འགོད་སྙམ་པའི། །སེམས་བསྐྱེད་དང་ནི་དམ་བཅའ་དྲག་པོ་ཡིས། །ན་མོ་གུ་རུ། དེང་ནས་བཟུང་སྟེ་ཞེས་པ་ནས། །རྫོགས་བྱང་ཉིད་ལ་འགོད་པར་བྱ་ཡན་གྱིས། །ཤོ་ལོ་ཀ་དེ་དམིགས་པ་མ་ཟིན་བར། །གསུམ་ལྔ་བདུན་སོགས་དབྱངས་དང་བཅས་པ་བྱ། །འཇམ་པོའི་ཕཊ་རིང་བརྗོད་ཀྱང་འགལ་བ་མེད། །དེ་ནས་ཆོས་ཀུན་རང་བཞིན་སྟོང་པ་ཉིད། །དྲན་པར་བྱས་རྗེས་ནམ་མཁར་ཤཱཀྱ་ཐུབ། །ཆོས་སྐུ་ཡུམ་ཆེན་ལོངས་སྐུ་རྣམ་པར་སྣང་། །ཉེ་སྲས་བརྒྱད་སོགས་འཁོར་རྣམས་མོས་པ་ཙམ། །

[Full Size]

གཙོ་བོ་ཐུབ་པའི་སྐུ་ནི་གསལ་བར་བསྒོམ། །དེ་འོག་མ་གཅིག་གཅོད་ཡུལ་བརྒྱུད་པ་དང་། །རྩ་བརྒྱུད་བླ་མ་ཡི་དམ་མཁའ་འགྲོ་དང་། །མ་མགོན་ལ་སོགས་ཆོས་སྐྱོང་སྲུང་མའི་ཚོགས། །འཁོར་རྣམས་མོས་ཙམ་གཙོ་མོ་གསལ་བར་བསྒོམ། །ཡེ་ཤེས་སེམས་དཔའ་སྤྱན་དྲངས་དབྱེར་མེད་བསྟིམ། །ཡིད་ལས་སྤྲུལ་པའི་མཆོད་པའི་ལྷ་མོ་དང་། །སྣང་སྲིད་ཐམས་ཅད་མཆོད་པའི་སྤྲིན་དུ་གྱུར། །ཕྱི་ནང་གསང་གསུམ་མཆོད་པས་མཆོད་པར་དམིགས། །ཕྱི་ནང་ཆོས་ཀུན་ནས་བཟུང་འབུལ་གྱི་བར། །དམིགས་པ་མ་ཟིན་བར་དུ་དབྱངས་བཅས་ཝིག །སྐབས་སུ་དོལ་ཞིང་འཇམ་པའི་ཕཊ་མང་བརྗོད། །དེ་ནས་རང་དང་ནད་པའི་ལུས་དབུས་སུ། །དབུ་མ་ཁང་སྟོང་ཀ་བ་བཙུགས་འདྲ་བསྒོམ། །རྐང་མཐིལ་གཉིས་སུ་ཐིག་ལེ་དཀར་དམར་ནི། །སྲན་མ་ཙམ་གཉིས་ཡར་འཕར་གསང་གནས་སུ།། །འདྲེས་པས་མ་སར་བྱ་ཡི་སྒོ་ང་ཙམ། །རང་གི་རྐང་པའི་མཐེ་བོང་རྩེ་ཙམ་ཡིན། །དེ་ཡང་ཁ་དོག་ལྔ་ལྡན་བཀྲག་མདངས་ཅན། །རང་གི་ཚེ་བསོད་རྣམ་ཤེས་ཡེ་ཤེས་དང་། །བྱིན་རླབས་ནུས་པ་ལྷ་སྒོམ་སྔགས་བཟླས་པའི། །བྱིན་རླབས་ལུས་ལྷ་ཐམས་ཅད་དབྱེར་མེད་བསྒོམ། །དེ་ལྟར་མ་ཤེས་

[Full Size]

ལུས་སྦྱིན་བྱས་པ་ན། །ལུས་ལྷ་གཏུབ་ཕྱིར་གསང་སྔགས་རྩ་ལྟུང་ཕོག །སྔགས་ནུས་ཉམས་ཤིང་རང་གིས་རང་བྲུབ་ཡིན། །དེ་ལྟར་ཤེས་ན་གསང་སྔགས་བསྙེན་སྒྲུབ་ཀྱི། །ཐུན་སྐབས་ནུབ་མོ་ལུས་སྦྱིན་བྱས་ཀྱང་རུང་། །འདི་ལ་གནད་ཆེན་ཡོད་དོ་སྔགས་གཅོད་ཀུན། །དེ་ནས་ཐིག་ལེ་སྐར་ཁུང་མདའ་འཕང་ལྟར་། །སྤྱི་བོར་རྒྱངས་སེ་ཐོན་ནས་དེ་མ་ཐག །ཐིག་ལེ་རྡོ་རྗེ་ཕག་མོར་གྱུར་པར་བསྒོམ། །འདི་ལ་གོམས་པས་འཕོ་བ་ཞོར་ལ་འབྱོངས། །ལུས་ལ་ཆགས་ཞེན་ཆུང་ཞིང་འཆི་དུས་ཀྱང་། །གོམས་པའི་སྟོབས་ཀྱིས་ཆགས་ཞེན་ཆུང་བར་འགྱུར། །དེ་ནས་རང་ཉིད་ཕག་མོ་ཆེར་སྐྱེས་ཏེ། །སྐུ་ཚད་སྲིད་པའི་རྩེ་ལ་སླེབ་པ་ཡིན། །ཕྱག་གཡས་གྲི་གུག་བེམ་པོར་ཚད་ཙམ་གྱིས། །པགས་པ་བཤུས་པས་གསེར་གྱི་ས་གཞི་དང་། །མགོ་བོ་རི་རབ་ལ་སོགས་གཞུང་ཚིག་ལྟར། །གླིང་བཞི་ལྷ་མི་ལོངས་སྤྱོད་དཔག་མེད་བཅས། །དེ་ཡང་དེ་འདྲ་ཆ་ཚང་གྲངས་མེད་པ། །སྟོང་ངམ་ལྔ་བརྒྱ་ལ་སོགས་སྐད་ཅིག་གིས། །རྨི་ལམ་སྒྱུ་མ་བཞིན་དུ་ཡིད་ཀྱིས་སྤྲུལ། །སྔོན་དུ་བསྒོམས་པའི་ཐུབ་པ་མ་གཅིག་སོགས། །སྐྱབས་ཡུལ་ཚོགས་ཞིང་རྣམས་ལ་འབུལ་བར་དམིགས། །བདག་ལས་

[Full Size]

སྤྲུལ་པའི་མཁའ་འགྲོ་གྲངས་མེད་དང་། །གདོན་དང་ནད་པ་སེམས་ཅན་ཐམས་ཅད་ཀྱིས། །ཕྱག་འཚལ་སྔར་བྱས་སྡིག་པ་བཤགས་པ་དང་། །རྒྱལ་བ་སྲས་བཅས་དགེ་བ་གང་མཛད་ལ། །རྗེས་སུ་ཡི་རང་འབུལ་ཞིང་སངས་རྒྱས་རྣམས། །ཆོས་མི་གསུང་ལ་ཆོས་གསུངས་ཞུ་བ་འབུལ། །མྱ་ངན་འདའ་བར་བཞེད་པའི་སངས་རྒྱས་རྣམས། །བསྐལ་པའི་བར་དུ་བཞུགས་པར་གསོལ་བ་འདེབས། །དེ་ལྟར་བྱས་པའི་དགེ་བས་རྡོ་རྗེ་འཆང་། །རྒྱ་གར་གྲུབ་ཆེན་ཀུ་ཀུ་རི་པར་སྤྲུལ། །དེ་ཉིད་བོད་དུ་སངས་རྒྱས་མཉན་པ་སྟེ། །ཧེ་རུ་ཀ་དེ་འགྲུབ་པའི་ཕྱིར་དུ་བསྔོ། །བསམ་པ་དང་བཅས་རང་རིག་རང་ལུས་ནས། །འགྲུབ་གྱུར་ཅིག་གི་བར་དུ་ལན་གསུམ་སྟེ། །དམིགས་པ་མ་ཟིན་བར་དུ་ཕཊ་རེ་བརྗོད། །དེ་ནས་ནམ་མཁར་ཐུབ་པ་མ་གཅིག་ལ། །རྩ་བརྒྱུད་བླ་མ་ཡི་དམ་ལྷ་ཚོགས་ཀྱིས། །བསྐོར་བ་སྔོན་ནས་སྒོམ་ནི་ཡོད་པ་ཡི། །ལྷ་ཚོགས་རྣམས་ལས་འོད་ཟེར་འཕྲོས་པ་ཡིས། །ཕྱོགས་བཅུའི་རྒྱལ་བ་སྲས་བཅས་བྱིན་རླབས་བསྡུས། །ཐུབ་དབང་ལ་ཐིམ་སྐུ་ལས་བདུད་རྩི་བབས། །མ་གཅིག་སྤྱི་བོ་ནས་ཞུགས་སྐུ་ལུས་གང་། །ཞབས་གཡོན་མཐེ་བོང་ནས་ནི་ངང་རྒྱང་རྒྱང་། །བབས་པས་བདག་དང་ནད་པའི་

[Full Size]

སྤྱི་བོ་ནས། །ཞུགས་ཏེ་ལུས་གང་ནད་གདོན་སྡིག་སྒྲིབ་རྣམས། །དུད་ཁུ་སོལ་ཁུ་ལྟར་ཐོན་ས་འོག་སོང་། །ལུས་ཀུན་ཤེལ་སྒོང་གཡའ་དག་ལྟ་བུར་གྱུར། །དེ་ལྟར་དམིགས་ནས་གནས་སྤྱི་ཞེས་སོགས་ནས། །ཡུམ་ཆེན་བྱིན་གྱིས་རློབས་བར་གསུམ་ལྔ་བདུན། །གསོལ་འདེབས་བྱའམ་ཕཊ་རིང་ཅི་མང་ནི། །དམིགས་པ་གསལ་བར་མ་ཟིན་བར་དུ་བརྗོད། །དེ་ནས་ཐུབ་དབང་མ་གཅིག་དང་བཅས་པ། །རང་དང་བསྲུང་བྱ་ལ་ཐིམ་སྟོང་པར་ཡལ། །ཉམས་ལེན་སྟོང་པའི་ཏིང་འཛིན་དལ་གཅིག་བསྒོམ། །དེ་ནས་བདག་ལུས་གཞན་ལུས་བསྲེ་བ་དང་། །གཞན་ལུས་ཚོགས་འཁོར་བསྲེ་བའི་ཉམས་མྱོང་གནད། །རྟོགས་པ་མཐོ་ན་བདག་དང་བསྲུང་བྱ་ཡི། །ལུས་ངག་ཡིད་གསུམ་དབྱེར་མེད་གཅིག་ཏུ་དམིགས། ། རྟོགས་པ་དམའ་ན་རང་ལ་གྲིབ་འོང་བས། །བདག་གཞན་སོ་སོར་རྣམ་ཤེས་སྤར་བྱས་ནས། །སེམས་ནི་གཅིག་བསྲེ་ཕག་མོར་བསྒོམ་པ་སྟེ། །སླར་ལུགས་གོང་ལྟར་སྤར་བའི་རྣམ་ཤེས་ནི། །ཕག་མོ་དམར་མོ་རི་རབ་ལས་ཆེ་བསམ། །གྲི་གུག་ཚད་པས་བེམ་པོའི་པགས་པ་བཤུས། །སྟོང་གསུམ་ཁྱབ་སྟེང་བེམ་པོར་གྲི་གུག་དེ། །ཚད་ཙམ་བྱས་པས་ཤ་རི་ཁྲག་གི་མཚོ། །

[Full Size]

སྟོང་གསུམ་འཇིག་རྟེན་དམར་དང་ལྟེམ་མེ་གང་། །འབྲུ་གསུམ་བརྗོད་པས་རྣམ་པ་ཤ་ཁྲག་ལ། །ངོ་བོ་ཟག་མེད་བདུད་རྩིའི་རྒྱ་མཚོ་སྟེ། །ཕྱི་ཤ་ནང་ཁྲོལ་རྐང་ཀླད་རྒྱུས་པ་སོགས། །གང་འདོད་ཁྱེར་དམིགས་སྤུས་འདོད་མ་ཞེས་གྲགས། །ཤ་ཁྲག་ཚིལ་རུས་ནང་ཆ་སྣ་ཚང་བར། །རྒྱུ་སྐར་བགོས་ལྟར་ཁྱེར་དམིགས་སྤྱང་སྟོན་མ། །པགས་པའི་སྟེང་དུ་གྲི་གུག་ཚད་ཙམ་གྱིས། །བང་བའི་མིག་ལྟར་རེ་ཆོད་བྱས་པ་ལ། །ལ་ལ་ཤ་དང་ལ་ལ་ཁྲག་གིས་གང་། །ལ་ལ་རུས་པ་ལ་ལ་ནང་ཆོས་བཀང་། །ལ་ལ་གསེར་གཡུ་ལ་སོགས་རིན་པོ་ཆེ། །ལ་ལ་འབྲུ་སྣ་ལ་ལ་སྨན་སྣ་དང་། །ལ་ལ་དར་ཟབ་ལ་ལ་གོ་ཁྲབ་གང་། །སུ་ལ་སུ་འདོད་ཁྱེར་དམིགས་བང་མིག་མ། །ཁྱད་པར་རང་གཞན་ན་བར་གྱུར་པ་ལ། །མིག་དང་རྣ་བ་མགོ་དང་རྐང་པ་སོགས། །གང་ནའི་ཤ་དེ་འཇིག་རྟེན་གང་བ་ལ། །ལྷ་འདྲེ་རྣམས་ཀྱིས་ཡོས་ལྟར་འགམ་པར་དམིགས། །དེ་ནས་རྐང་དུང་འབུད་པ་འདི་ལྟ་སྟེ། །དེ་ཡང་ཐོག་མར་ཁ་རྡེབ་ལན་གསུམ་རེ། །མ་འཇིགས་མ་སྐྲག་མ་དངངས་སྒྲ་རུ་བསམ། །རྐང་དུང་ལན་གསུམ་འབུད་པའི་སྒྲ་ལ་ནི། །འདུས་ཤིག་མྱུར་དུ་འདུས་ཤིག་ད་ལྟ་འདུས། །སྲིད་རྩེ་མནར་མེད་བར་

[Full Size]

དུ་ཐོས་པར་བསམ། །འོ་མཐོ་སྲིད་རྩེ་ནས་འཁྱེར་བར་གྱིས་ཀྱི་བར། །དམིགས་པ་གསལ་བར་མ་ཟིན་བར་དུ་ནི། །འདོན་སྒོམ་སྦྲགས་ཤིང་ཝིག་ལ་འདོན་པ་དང་། །ཕཊ་སྒྲ་ཐུང་ལ་དྲག་པ་ཅི་མང་བརྗོད། །སླར་ཡང་ཁས་ཞེན་དབང་ཆུང་བང་བུལ་བ། །རྣམས་ལ་ལྷག་རོལ་བྱིན་པས་ལྷག་མེད་བསམ། །སྔ་མ་ཞེས་ནས་དོན་དུ་བསྔོ་བའི་བར། །ལན་གཅིག་གམ་ནི་གསུམ་བརྗོད་སྟོང་ཉིད་བསྒོམ། །ཕཊ་ཀྱང་སྟོང་ཉིད་མ་གསལ་བར་དུའོ། །དེ་ཡན་དམར་འགྱེད་མདོ་ལུགས་ཉམས་ལེན་ཏེ། །སྟག་མོ་ལུས་སྦྱིན་སོགས་ཀྱི་དགོངས་པ་ཡིན། །བྱང་ཆུབ་སེམས་དཔའི་ས་ནི་མ་ཐོབ་བར། །དངོས་སུ་ལུས་ནི་སྦྱིན་པར་མི་རུང་སྟེ། །ཡིད་ཀྱིས་བྱིན་པས་དངོས་དང་བསོད་ནམས་མཉམ། །དེ་ནས་བསྲེ་ལུགས་རྣམ་ཤེས་སྤར་ལུགས་འདྲ། །རང་ཉིད་ཕག་མོ་ནམ་མཁའ་མཉམ་པའི་སྐུ། །བེམ་པོ་ཆེ་ཚོ་མདངས་རྒྱས་འཛམ་གླིང་གང་། །གྲི་གུག་ཚད་པས་ཐོད་པ་སྒར་གྱིས་ཀོག །མི་མགོའི་སྐྱེད་པུ་རང་བྱུང་རི་རབ་ཙམ། །གསུམ་གྱི་སྟེང་དུ་ཐོད་པ་བཞུགས་པ་ཡི། །རྒྱ་ཁྱོན་སྟོང་གསུམ་འཇིག་རྟེན་ཚད་དང་མཉམ། །དེ་ནང་གྲི་གུག་རྩེ་ཡིས་བེམ་པོ་བསྒྱུར། །གྲི་གུག་ཚད་

[Full Size]

པས་ཤ་ཁྲག་སིལ་བུ་སོང་། །འོག་ནས་རླུང་གཡོས་མེ་འབར་ཞུ་ཞིང་ཁོལ། །བྱང་སེམས་དཀར་དམར་འདྲེས་པས་ཡེ་ཤེས་ཀྱི། །བདུད་རྩི་དཀར་ལ་དམར་མདངས་ཆགས་པ་ཡིས། ། ཐོད་པ་གང་བས་རྒྱ་མཚོ་འདྲ་བར་གྱུར། །ནམ་མཁའི་ཁམས་སུ་བཀའ་བརྒྱུད་གྲུབ་ཐོབ་ཚོགས། །བར་སྣང་མཐོ་སར་ཡི་དམ་རྒྱུད་སྡེའི་ལྷ། །དེ་འོག་ཡེ་ཤེས་འཇིག་རྟེན་ཆོས་སྐྱོང་དང་། །བྱང་སེམས་ཉན་རང་ས་གཞིར་གནོད་བྱེད་དང་། །ལན་ཆགས་བདག་པོ་ལ་སོགས་ཐེམ་འགག་གང་། །རང་གི་ཐུགས་ལས་ཌཱ་ཀི་དཀར་སེར་དམར། །ལྗང་མོ་ལ་སོགས་བྱེ་བ་དུང་ཕྱུར་འཕྲོས། །ཐོད་པའི་སྐྱོགས་ཀྱིས་བདུད་རྩིའི་རྒྱ་མཚོ་ནས། །བཅུས་ཤིང་མགྲོན་རྣམས་ཀུན་གྱི་ཕྱག་ཏུ་བཞག །གསོལ་བས་ཐམས་ཅད་མཉེས་ཤིང་ཚིམ་པ་དང་། །བུམ་པ་ཐོགས་པ་ཌཱ་ཀི་མང་པོ་ཡིས། །བདུད་རྩི་བཅུས་ནས་རིགས་དྲུག་སེམས་ཅན་ལ། །སོ་སོའི་གནས་སུ་བྱིན་པས་སྡུག་བསྔལ་ཞི། །དེ་ནི་ཐོད་ཞལ་མ་ཡི་དམིགས་པ་སྟེ། །མགྲོན་རྣམས་རང་རང་སོ་སོའི་གང་དགྱེས་པའི། །བཀྲ་ཤིས་རྫ་ས་རྟགས་མཆོད་པ་སྣ་བདུན་དང་། །འདོད་ཡོན་ལྔ་དང་སྒྲུབ་རྫས་བསྐང་བའི་རྫས། །རིན་ཆེན་འབྲུ་སྨན་དར་ཟབ་གོ་ཁྲབ་སོགས། །

[Full Size]

བདུད་རྩི་བཅུས་ནས་གང་འདོད་དེར་གྱུར་ཏེ། །ཀླུ་ལ་དཀར་གསུམ་མངར་གསུམ་གྱུར་དམིགས་ནས། །ཐམས་ཅད་མཉེས་ཚིམ་དགའ་མགུ་ཡི་རང་གྱུར། །གནོད་བྱེད་ཐམས་ཅད་བདུད་རྩི་མྱོང་ཙམ་གྱིས། །བྱམས་དང་སྙིང་རྗེ་བྱང་ཆུབ་སེམས་ལྡན་གྱུར། ། །རང་གི་དགེ་རྩ་བདེ་སྐྱིད་ཐམས་ཅད་ནི། །རིགས་དྲུག་གནོད་བྱེད་རྣམས་ལ་སིབ་སིབ་ཐིམ། །ཁོང་རྣམས་བདེ་བ་ཚད་མེད་རྒྱུད་ལ་སྐྱེས། །གདོན་གྱིས་གཙོར་བྱས་སེམས་ཅན་ཐམས་ཅད་ཀྱི། །ནད་དང་སྡིག་སྒྲིབ་སྡུག་བསྔལ་མ་ལུས་པ། །རང་ལ་སིབ་སིབ་ཐིམ་པས་ཁོང་རྣམས་ཀུན། །སྡུག་བསྔལ་སྡིག་སྒྲིབ་ཀུན་དང་བྲལ་བར་དམིགས། །དེ་ལྟར་ལུས་ནི་ཚོགས་ཀྱི་འཁོར་ལོར་ཕུལ། །བདག་གཞན་བརྗེ་བའི་བྱམས་དང་སྙིང་རྗེ་དེས། །འགྲོ་བའི་དོན་དུ་རྫོགས་པའི་བྱང་ཆུབ་མཆོག །བདག་གིས་མྱུར་དུ་ཐོབ་པར་ཤོག་སྙམ་པའི། །དམིགས་པ་མ་ཡེངས་ངང་ནས་རང་རིག་ནས། །རྒྱུར་གྱུར་ཅིག་བར་ལན་གསུམ་ཝིག་པ་དང་། །ཕཊ་ནི་ཅི་མང་དམིགས་པ་ཟིན་ངེས་བྱ། །དེ་ནི་སྔགས་ལུགས་དོན་བསྡུས་རང་གི་ལུས། །ཚོགས་ཀྱི་འཁོར་ལོ་བྱ་བའི་མན་ངག་སྟེ། །དམ་ཚིག་ཉམས་ཆག་བསྐང་བའི་མཆོག་ཡིན་ཅིང་། །

[Full Size]

ཆོས་སྐྱོང་འཁུ་ལྡོག་ཞི་བའི་ཐབས་ཀྱི་མཆོག །དམིགས་པ་དེ་ཉིད་བརྒྱ་རྩ་སོགས་བྱས་ན། །རྐྱེན་ཟློག་འཆི་བ་བསླུ་བའི་གདམས་ངག་ཟབ། །རང་ཉིད་ཚབས་ཆེན་ན་བར་གྱུར་པའི་དུས། །ངག་ནས་ལུས་སྦྱིན་འདོན་པར་མི་ནུས་ན། །ཡིད་ཀྱིས་དམིགས་པ་ལོ་གྲངས་སམ་བརྒྱ་རྩ་སོགས། །བསྒོམ་ཞིང་ཕཊ་ནི་ཅུང་ཟད་བརྗོད་པ་ཡིས། །ནད་ལས་འཕྲལ་དུ་གྲོལ་བ་མྱོང་བས་གྲུབ། །ནད་པ་གཞན་ལ་དེ་དང་ཁྱད་པར་མེད། །དེ་ནས་བསྲེ་བའི་དམིགས་རིམ་ཟབ་མོ་ནི། །ནམ་མཁར་དམ་པ་མ་གཅིག་པཀྴི་གསུམ། །ཐོ་བརྩེགས་སམ་ནི་གྲངས་སུ་བཞུགས་པ་ནི། །སངས་རྒྱས་ཀུན་དང་དབྱེར་མེད་ངོ་བོ་བསྒོམ། །རྟོགས་པ་མཐོ་ན་བདག་གཞན་ལུས་སེམས་བསྲེ། །དམའ་ན་སོ་སོར་བསྒོམ་པར་བྱ་བ་ཡིན། །ལུས་དང་སེམས་དང་ནད་གདོན་དབྱེར་མེད་པར། །ཡི་གེ་ཨ་ཡིག་དཀར་པོ་ཞིག་ཏུ་བསྒོམ། །ཡར་འཕྲོས་དམ་པ་རྒྱ་གར་ཐུགས་ཀར་ཐིམ། །དམ་པ་མ་གཅིག་ལ་ཐིམ་པཀྴིར་ཐིམ། །པཀྴི་ནམ་མཁར་ཐིམ་པས་ནམ་མཁའ་དང་། །དབྱེར་མེད་ནམ་མཁས་གར་ཁྱབ་རིག་པས་ཁྱབ། །རིག་པས་གར་ཁྱབ་ཆོས་སྐུས་ཁྱབ་པར་དམིགས། །དེ་ལྟར་དམིགས་པ་དབང་པོ་ཐ་མ་ཡིན། །འབྲིང་

[Full Size]

གིས་དེ་ལྟར་བསྒོམས་པས་དེ་ལྟར་མཐོང་། །རབ་ཀྱིས་ཡེ་ནས་སྣང་སྲིད་དེ་ལྟར་རྟོགས། །དེ་ལྟར་རྟོགས་ཚེ་ནད་གདོན་སྡུག་བསྔལ་སོགས། །ཡེ་ནས་མ་གྲུབ་ཆོས་སྐུ་རྗེན་པར་མཐོང་། །དེ་ལྟར་མ་རྟོགས་མ་རྒན་སེམས་ཅན་ལ། །འཁྲུལ་པའི་དབང་གིས་ནད་གདོན་ན་ཚ་བྱུང་། །དེ་ཚེ་མེད་བཞིན་སྣང་བའི་སེམས་ཅན་ལ། །ཤུགས་འབྱུང་དམིགས་མེད་སྙིང་རྗེ་རང་ཤུགས་སྐྱེ། །སྙིང་རྗེ་གཟུགས་ཀྱི་སྐུ་ཡི་རྒྱུ་ཡིན་ཕྱིར། །སྟོང་པ་ཉིད་དེ་གཟུགས་ཀྱི་སྐུར་བཞེངས་ཏེ། །ནམ་མཁའ་ཐམས་ཅད་དམ་པ་རྒྱ་གར་སྐུ། །ས་གཞི་ཐམས་ཅད་མ་གཅིག་ལབ་སྒྲོན་སྐུ། །བྱེ་བ་དུང་ཕྱུར་གྱུར་པས་ཐམས་ཅད་གང་། །སྐུ་ཡི་གར་སྟབས་ཌཱ་དྲིལ་ཕཊ་སྒྲ་ཡིས། །སྟོང་གསུམ་འཇིག་རྟེན་ཤིག་ཤིག་ཡོམ་ཡོམ་འགུལ། །སྣོད་བཅུད་སྣང་སྲིད་འོད་ཞུ་ལྷ་ལ་ཐིམ། །ལྷ་རྣམས་གཅིག་ལ་གཅིག་ཐིམ་མ་གཅིག་ཐིམ། །མ་གཅིག་བདག་དང་བསྲུང་བྱ་ལ་ཐིམ་པས། །བདག་དང་བསྲུང་བྱ་དངོས་མེད་སྟོང་པར་ཡལ། །ནད་གདོན་མ་གྲུབ་སྟོང་ཉིད་ངོ་བོར་བལྟ། །དེ་ཡི་དགེ་བས་སེམས་ཅན་ཐམས་ཅད་ཀུན། །སྟོང་ཉིད་མངོན་སུམ་རྟོགས་ནས་ཡུམ་ཆེན་གྱི། །གོ་འཕང་མྱུར་དུ་ཐོབ་པར་ཤོག་

[Full Size]

སྙམ་ནས། །འཇིག་རྟེན་ན་ནད་གདོན་གྱི་གནོད་སོགས་ནས། །གཏན་ནས་ཐར་གྱུར་ཅིག་གི་བར་དུ་ནི། །ལན་གྲངས་གསུམ་ལྔ་བདུན་དགུ་བཅུ་ལ་སོགས། །ཝིག་ཅིང་དམིགས་པ་རྩེ་གཅིག་གཟེར་བ་ན། །ནད་གདོན་ཐམས་ཅད་སེལ་བའི་བསྲེ་བ་མཆོག །དེ་བས་རྒྱུན་ཁྱེར་ཆག་མེད་ལུས་སྦྱིན་ལ། །རྟོགས་པ་མཐོ་ན་མགྲོན་རྣམས་རང་ལ་བསྟིམ། །ཉམས་ལེན་བསྐྱོངས་བས་བོགས་ཆེན་ཚར་ལྟོང་འབྱུང་། །རྟོགས་པ་དམའ་ན་རྩུབ་ཅིང་སེམས་མི་བདེ། །དེ་ཕྱིར་མགྲོན་རྣམས་དགའ་མགུ་བཞད་དེ་རི། །སོ་སོ་རང་རང་གནས་སུ་སོང་བར་བསྒོམ། །ནད་པ་སྲིའུ་གསོ་དང་གདོན་གཅོད་དང་། །དུར་གཅོད་ལ་སོགས་གཅོད་ལ་གཞུང་བཟུང་ནས། །ཞོགས་པ་ཉིན་ཕྱེད་དགོང་མོ་སྲོད་དང་བཞི། །ཉལ་ཁ་ཐོ་རངས་དུས་དྲུག་ལུས་སྦྱིན་ནི། །གོང་ལྟར་དམིགས་རིམ་མ་འཆོལ་ཐུན་དྲུག་བྱ། །སྔ་དྲོ་བསང་དང་གཏོར་མ་ལ་སོགས་དང་། །ཕག་མོ་ཁྲོས་མ་ལ་སོགས་ལྷ་གཞུང་དང་། །དགོང་མོ་བསྐང་བ་གཅོད་ཚོགས་ལ་སོགས་བྱོ། །ནུབ་མོ་གཏོར་འབུལ་བསྟབ་པ་ལ་སོགས་བྱ། །མཐའ་གཏད་མི་བྱེད་ཁ་མེད་བྱེད་དགོས་ན། །སྲོད་ལ་བྱ་བ་ཕྱག་ལེན་ཐམས་ཅད་མཐུན། །བར་སྐབས་ཐུན་

[Full Size]

མཚམས་གསེབ་དམིགས་བཏང་ཞེས་པ། །ནད་གདོན་གང་ཡིན་དམིགས་པ་སོ་སོར་གཟེར། །དེང་སང་གཉན་ཐོག་གཅོད་མཁན་ཤིན་ཏུ་དཀོན། །རང་སེམས་སྟོང་ཉིད་དངོས་སུ་རྟོགས་ན་ཡང་། །སྣང་བ་སེམས་སུ་མ་རྟོགས་གང་ཟག་གི །གཉན་ཐོག་བཅད་ན་སྣང་བ་སེམས་སུ་ཆོད། །བོགས་ཆེན་འབྱུང་སྟེ་སྐབས་སུ་བབས་པ་ཡིན། །སྣང་བ་ངེས་པར་སེམས་སུ་རྟོགས་པ་ལ། །གཉན་ཐོག་གཅོད་རྒྱུ་མེད་པས་དགོས་རྒྱུ་མེད། །རང་སེམས་སྟོང་ཉིད་དངོས་སུ་མ་རྟོགས་པར། །གཉན་ཐོག་གཅོད་པ་བར་ཆད་འབྱུང་བའི་གཞི། །དེང་སང་ནད་གདོན་གཅོད་མཁན་ཤིན་ཏུ་མང་། །དེ་ཕྱིར་ནད་དང་གདོན་ལ་ཕན་པ་ཡི། །དམིགས་པ་ཉེར་མཁོ་འགའ་ཞིག་བཤད་པ་ནི། །ནད་པ་གདོན་ཆེན་བྱིན་རླབས་ལ་སོགས་དུས། །རང་ཉིད་སྐད་ཅིག་དམ་པ་རྒྱ་གར་བསྒོམ། །སྐུ་དང་ཕྱག་མཚན་ལས་ནི་མེ་དཔུང་འཕྲོས། །ནད་པའི་ནད་གདོན་ལུས་དང་བཅས་པ་རྣམས། །ཐུལ་གྱིས་བསྲེགས་རྗེས་རང་ལས་རླུང་ནག་འཕྲོས། །བསྲེགས་པའི་ཐལ་བ་གཏོར་ནས་སྟོང་པར་གྱུར། །དེ་འདྲའི་དམིགས་པ་ལན་བདུན་ཚར་རྗེས་སུ། །ནད་པ་གདོན་དང་བཅས་ལ་སྙིང་རྗེ་བསྒོམ། །

[Full Size]

དེ་ནས་ཉམས་ལེན་སྟོང་ཉིད་ངང་ལ་བཞག །ཡང་ན་རང་ཉིད་མ་གཅིག་སེར་མོ་ནི། །ཌཱ་དྲིལ་འཁྲོལ་བས་གར་སྟབས་བྱེད་པར་བསྒོམ། །ཧ་ཕཊ་དྲག་པོ་ལན་གསུམ་བརྗོད་པ་ཡིས། །རང་ལས་རླུང་འཚུབ་འདྲ་བའི་འོད་ཟེར་འཕྲོས། །ནད་པའི་ལུས་གདོན་ནད་དང་བཅས་པ་དེ། །ན་བུན་རླུང་འཚུབ་ཆེན་པོས་དེད་པ་ལྟར། །རྒྱ་མཚོའི་ཕར་འགྲམ་མུན་པར་སེབས་སེ་སོང་། །དེ་རྗེས་སྟོང་ཉིད་ངང་ལ་བཞག་པར་བྱ། །བགེགས་བསྲེགས་དམིགས་པ་ཡབ་ཡུམ་གཉིས་ཀྱི་ལུགས། །ཟབ་བོ་ཨྠྀི་སྙིང་ལ་འཆང་བར་བྱ། ། །རང་ངམ་གཞན་གྱི་ལུས་པོ་གང་ན་སར། །སེམས་ཅན་ཀུན་གྱི་ནད་གདོན་ཐམས་ཅད་བསྟིམ། །ཐིམ་པས་རྡུལ་བ་ལྟར་གྱུར་ཁྲག་གི་རྒྱུན། །བབས་པས་ས་ཕྱོགས་རི་ཀླུང་ཁྲག་གིས་གང་། །ལན་ཆགས་གདོན་བགེགས་ཀུན་གྱིས་ཁྲག་འཐུང་བས། །དགའ་མགུ་ལན་ཆགས་བུ་ལོན་བྱང་བར་བསྒོམ། །ཨྠྀི། །རྐང་ལག་བཞི་པོ་གང་རུང་ན་བ་ལ། །རྐང་མཐིང་ལག་མཐིལ་གཉིས་ཀྱི་དཀྱིལ་དེ་རུ། །ཡི་གེ་རཾ་ཡིག་དམར་སེར་མེ་འབར་ནས། །སྤོས་ཐུར་སྦར་ལྟར་བེམ་པོར་མ་ཐུག་པར། །རྐང་ལག་གང་ན་ཚིག་ནས་མེད་པར་བསྒོམ། །ནད་གཅོད་དམིགས་པའི་གཏར་བསྲེགས་

[Full Size]

ཟབ་མོ་རྒྱ། །སྟོད་འཚང་ལ་སོགས་བཤུལ་རྒྱུད་ན་བ་ལ། །དེ་རུ་ནོར་བུའི་དབྱིབས་ཅན་བུག་པ་གསུམ། །དེ་ནས་ནད་གདོན་སྔོ་དམར་དུ་བ་དང་། །རླངས་པའི་ཚུལ་དུ་ནམ་མཁར་ཐོན་པར་བསྒོམ། །ཕོ་བ་ན་ན་ཕོ་བར་ཁུང་བུག་ནས། །ནད་དང་བད་སྣབས་ཐམས་ཅད་རྡོ་རོ་རོ། །ཝ་ཆུ་ལྟ་བུར་བབས་པས་ས་ཕྱོགས་གང་། །གདོན་དང་ནད་བདག་རྣམས་ཀྱིས་འཐུང་བར་དམིགས། །བད་ཀན་སྐྱ་བོ་ཟས་མི་འཇུ་བ་ལ། །ཤ་སྦྲང་ལྕགས་ཀྱི་མཆུ་ཅན་མང་པོ་ཡིས། །ཕོ་བ་བད་ཀན་བཅས་པ་ཟོས་པར་བསྒོམ། །བད་ཀན་སྨུག་པོ་ལ་སོགས་གཅོང་ནད་ལ། །ཕོ་བ་ལ་སོགས་ལུས་ཀྱི་ནད་ཐམས་ཅད། །ཡི་གེ་ཨ་ཡིག་དཀར་པོ་མང་པོ་ཡིས། །ལུས་ཀྱི་ནང་ཀུན་ཐམས་ཅད་གང་བར་བསྒོམ། །ཚད་པའི་ནད་ལ་སྙིང་དཀྱིལ་བཾ་ཡིག་དཀར། །དེ་ལས་ག་པུར་རང་བཞིན་ཆུ་འཁྱག་བབས། །ལུས་གང་ཚད་ནད་ཐམས་ཅད་བཤལ་ཞིང་དག །འོག་སྒོ་ནས་ཐོན་ས་འོག་སོང་བར་དམིགས། །གྲང་བའི་ནད་ལ་ལྟེ་འོག་སུམ་མདོ་ནས། །རཾ་ཡིག་དམར་པོ་ཞིག་ལས་མེ་འབར་བས། །ལུས་གང་ལུས་ནང་ཐམས་ཅད་ལྕགས་སྲེག་མདོག །དམར་དང་ལྷང་ངེ་རབ་ཏུ་ཚ་བར་བསྒོམ། །

[Full Size]

དམུ་ཆུ་ལ་སོགས་གྲང་བའི་ནད་སེལ་ལོ། །ཆམ་པས་སྣ་དང་གྲེ་བ་འགག་པ་ལ། །མགོ་བོ་ཤེལ་གྱི་བུམ་པ་སྣ་ནི་མཆུ། །ནད་རྣམས་བདུད་རྩི་དཀར་ལ་སེར་མདངས་ཅན། །མཆུ་ནས་བབས་པས་ས་ཕྱོགས་གང་བ་ལ། །ནད་བདག་རྣམས་ཀྱིས་འཐུངས་བས་ཚིམ་པར་བསྒོམ། །མིག་ནད་རིམས་ལ་ལུས་སེམས་ཕྲལ་བྱས་ཏེ། །མིག་གི་ཐང་མས་འཇིག་རྟེན་གང་བར་གདལ། །ལྷ་འདྲེ་རྣམས་ཀྱིས་ཡོས་ལྟར་འགམ་པ་དང་། །མིག་ནི་བྲུས་པ་བྱ་རོག་རྣམས་ལ་བྱིན། །མིག་ལས་སྟོང་པ་ལྟག་ཁུང་བར་དུ་ནི། །བུག་པ་ཧ་རེ་ཡོད་པར་བསྒོམ་པར་བྱ། །སོ་ནད་མི་ནག་ལྕགས་ཀྱི་སྐམ་ཐོགས་པས། །སོ་ཕུད་ཆུ་རྡོའི་བར་དུ་བརྡུངས་ནས་ཀྱང་། །ཐལ་བ་རླུང་བསྐུར་རྗེས་ཀྱང་མེད་པར་བསྒོམ། །གཉན་དང་ལྷོག་པ་སྐྲང་པོའི་རིགས་རྣམས་ལ། །ལུས་སྦྱིན་བྱས་རྗེས་ཤ་ཁྲག་ལྷག་མ་རྣམས། །བྱ་ཁྱུང་མེ་ཡི་གཤོག་པ་ཅན་གྱིས་ཟོས། །མེ་གཤོག་བརྡབས་པས་བསྲེགས་ནས་རྗེས་མེད་བསྒོམ། །མི་ནོར་གང་ལའང་ཕན་པའི་དམིགས་པ་ནི། །ཐོད་པ་ཡངས་ཤིང་རྒྱ་ཆེའི་ནང་དུ་ནི། །ནད་པའི་ནོར་ལུག་ལ་སོགས་བསྒོམ་པ་ལ། །མ་གཅིག་ཕྱག་ནས་བདུད་རྩི་བྷན་ཡིས། །བདུད་རྩི་བླུགས་པས་ཁྲུས་

[Full Size]

བྱས་ནད་གདོན་དག །བྷན་ཁྲུས་ཆུས་གང་བ་བདུད་རྩི་ཡི། །རྒྱ་མཚོར་གྱུར་པ་གནོད་བྱེད་གདོན་གྱིས་འཐུང་། །བུ་ལོན་ལན་ཆགས་བྱང་ནས་དགའ་མགུ་བསྒོམ། །བློ་སེམས་མ་བདེ་སྙིང་གི་དཀྱིལ་དེ་རུ། །མ་གཅིག་རྡོ་རྗེ་སྐྱིལ་ཀྲུང་མཉམ་བཞག་ཅན། །སྙིང་གི་རྒྱབ་ནས་འོད་ཟེར་ཁ་དོག་ལྔ། །སྣལ་མ་འདྲ་བས་ཕུད་པ་ལྟར་དཀྲིས་བསྒོམ། །གོང་གི་དམར་འགྱེད་སྐབས་སུ་གཟའ་རྒྱལ་པོ། །འདྲེ་མོ་བཙན་བདུད་ཀླུ་དང་ཐེའུ་རང་སོགས། །གང་འདོད་མི་ཡི་ཁྲོམ་ལྟར་འཚོགས་པ་ལ། །ཤ་ཁྲག་རི་རབ་རྒྱ་མཚོ་ལྟར་བྱིན་ཕྱི་པས། །ངོམ་ཞིང་ཚིམས་ནས་དགའ་མགུ་ཡི་རང་བར། །བསྒོམས་པས་གང་གནོད་ལན་ཆགས་བྲལ་ཞིང་ཞི། །སྤྱིར་ནི་ལུས་སྦྱིན་ཁོ་ནར་འབད་པས་ཆོག །ཤིང་གཉན་གཅོད་དང་ཁྲག་ཐབ་རྫོགས་པ་དང་། །རོ་བཤའི་དུས་སུ་མི་ཤ་ཟ་བ་དང་། །རོ་ཡི་ཁྲག་ལོ་འཐུང་དང་ལྡག་པ་དང་། །ཆུ་མིག་ནང་དུ་ཁྲག་བླུག་རྡོ་བསྲེགས་འཕེན། །དེ་དག་བྱེད་པའི་གཅོད་ལོག་བདུད་ཀྱི་ལས། །ཡོན་བདག་ཡུལ་ཕྱོགས་བཅས་ལ་གནོད་པ་ཆེ། །རང་ཉིད་མནར་མེད་དམྱལ་བའི་བུད་ཤིང་སྟེ། །ཕོ་བདུད་ཐོད་པ་བྷ་ར་ཞེས་བྱ་དང་། །ཧོར་མོ་ཅོག་ལ་སྒྲོན་

[Full Size]

གྱི་གཅོད་ལོག་ཡིན། །ལྷ་འདྲེའི་སྟེང་དུ་ཞེ་སྡང་ཐུབ་ཐུབ་བྱེད། །དེ་ཡང་གཅོད་ལོག་ཡིན་པས་ཤེས་པར་གྱིས། ༈ །ནད་པ་གདོན་ཆེན་ལྷ་འདྲེ་ཐམས་ཅད་ནི། །སྐྱེ་བ་དུ་མའི་ཕ་དང་མ་ཡིན་པས། །ཕན་པར་འདོད་པའི་བྱམས་དང་སྙིང་རྗེ་ཡིས། །ཤ་ཁྲག་སྦྱིན་པར་བསྔོ་ཞིང་བཟང་འབྲེལ་བཞག །བསྔོ་བ་སྨོན་ལམ་བཟང་པོས་རྒྱས་བཏབ་སྟེ། །ལྷ་འདྲེ་དགྲ་རུ་མི་ལྟ་སློབ་མ་དང་། །ཡོན་བདག་འདྲེས་ཆེན་ལྟ་བུར་བྱམས་པ་བསྒོམ། །དེ་ནི་མ་གཅིག་ལབ་སྒྲོན་ལུགས་ཡིན་ནོ། །ལྷ་འདྲེ་ནད་གདོན་ལ་སོགས་མི་མཐུན་ཕྱོགས། །གང་བྱུང་ཉམས་ལེན་ཉིད་དང་བསྲེས་བྱས་ཏེ། །བོགས་སུ་ཐོན་པར་བྱེད་པ་མ་གཅིག་གཅོད། །དམ་པའི་ཞི་བྱེད་ནཱ་རོའི་རོ་སྙོམས་དང་། །ཨོ་རྒྱན་འཕྲུལ་གཅོད་ལ་སོགས་དགོངས་པ་ཡིན། །ཀུན་གྱི་དོན་འདུས་མི་བསྐྱོད་རྒྱལ་བས་གསུངས། །ཚིག་ཉུང་དོན་ཆེན་ཅུང་ཟད་གོ་དཀའ་བ། །རྨོངས་པ་རྣམས་ཀྱིས་ཉམས་ལེན་བདེ་བའི་ཕྱིར། །དགེ་སློང་ཕུན་ཚོགས་ཁོང་དང་གཅོད་ཆུང་སོགས། །འགའ་རེའི་བསྐུལ་ནས་རཱ་ག་ཨ་སྱ་ཡིས། །འཕྲལ་དུ་བྲིས་པས་གཅོད་པ་འགའ་རེ་ལ། །ཕན་ཐོགས་འགྲོ་དོན་དཔག་མེད་འབྱུང་བར་ཤོག །སརྦ་མངྒ་ལཾ། །

རྗེ་ཐམས་ཅད་མཁྱེན་པ་རང་བྱུང་རྡོ་རྗེས་མཛད་པའི་གཅོད་ཚོགས་ལ་ཉེ་བར་མཁོ་བའི་དམིགས་རིམ་གོ་བདེ་བར་བཀོད་པ།

[Full Size]

རྗེ་ཐམས་ཅད་མཁྱེན་པ་རང་བྱུང་རྡོ་རྗེས་མཛད་པའི་གཅོད་ཚོགས་ལ་ཉེ་བར་མཁོ་བའི་དམིགས་རིམ་གོ་བདེ་བར་བཀོད་པ་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏ་ཡེ། མ་གཅིག་ཌཱཀིའི་ཚོགས་ལ་ཕྱག་འཚལ་ནས། །གཅོད་ཚོགས་དམིགས་རིམ་མདོར་བསྡུས་འདིར་བཀོད་བྱ། །ཆོས་བདག་ཌཱ་ཀི་ཚོགས་ཀྱིས་གནང་བ་སྩོལ། །དེ་ལ་ཡིད་དང་མཐུན་པའི་གནས་སུ་དཀོན་མཆོག་གི་རྟེན་བཤམས། མཆོད་གཏོར་མཐོང་བ་བརྒྱུད་པ་ལྟར་དང་། ནང་མཆོད་རྡོར་དྲིལ་ཌཱ་མ་རུ་རྐང་གླིང་རྣམས་འཚོགས་པར་བྱས་ལ་སྟན་ལ་འདུག །དེ་ནས་དཀར་བགེགས་སོགས་མི་དགོས། བདུད་རྩི་བྱིན་རླབས་དང་མཆོད་པ་བྱིན་རླབས་གཉིས་ཕག་མོ་ནས་ཁ་སབ་སྲོལ་ཡོད་ནའང་། རྒྱལ་བ་རྒྱ་མཚོ་ལྟར་བྱས་ཀྱང་རུང་། དེ་ནས་རིང་ཡུམ་

[Full Size]

ཆེན་བསྒོམ་པ། རྐང་དུང་གི་ཁ་ལག་མཐིལ་དུ་ལན་གསུམ་བརྡབས་པས། འབྱུང་པོ་ཕྲན་བུ་ཐམས་ཅད་མ་སྐྲག་མ་སྔངས། ཤིན་ཏུ་མ་སྔངས་ཤིག་ཟེར་བའི་བརྡའ་སྟེ། རྐང་དུང་ཁ་བརྡབ་ཀྱི་དམིགས་པ་སྐོར་གསུམ་ཡིན་ནོ། །དེ་ནས་རྐང་དུང་སྐད་རིང་ཐུང་གསུམ་བཏང་བས་ཐ་མལ་པའི་སྒྲ་སྐད་མ་ཡིན་པར་ཡུམ་ཆེན་མོའི་ཆོས་ཀྱི་སྐུའི་ཆོས་ཉིད་སྐྱེ་བ་མེད་པའི་སྒྲས། ཀྱེ་ཡ་ཀི་སྲིད་རྩེ་ནས་མནར་མེད་ཡན་ཆད་སེམས་ཅན་ཐམས་ཅད་ཉོན་ཅིག །ཅེས་པའི་སྒྲ་ཐོས་ནས་ཐམས་ཅད་དུང་ངེ་ཉན་པར་བསམ། གཉིས་པས་འདུས་ཤིག་བྱས་པས་ཐམས་ཅད་འདུས། གསུམ་པས་

[Full Size]

མྱུར་བར་འདུས་ཤིག་ཟེར་བས་མྱུར་དུ་འུབ་ཀྱིས་འདུས་པར་བསམ། དེ་ནི་ཞི་སྡུད་ཡིན་པས་བདག་ཉིད་ཡུམ་ཆེན་གྱི་ཐུགས་རྗེ་དང་བྱིན་རླབས་ཀྱིས་བསྐུལ་ནས། ཐམས་ཅད་དད་ཅིང་གུས་པས་འདུས་ནས་འཁོད་ཅིང་བཀའ་ཉན་གསུང་སྡོད་པར་བསམ་སྟེ། བདེ་རིམ་དང་རྒྱུན་དུ་འདི་ཁོ་ནས་ཆོག །ཕཊཀྱང་དལ་ལ་རིང་བ་གསུམ་གདབ་སྟེ། དམིགས་པ་རྐང་དུང་དང་འདྲའོ། །དེ་ཡང་སྨྱོ་འདུལ་དང་གཉན་ས་གཅོད་དམ། ནད་གདོན་དྲག་པོ་འདུལ་ན། རང་ཉིད་སྐད་ཅིག་གིས་ཁྲོས་མ་ནག་མོ་ཕྱག་གཡས་མི་ལྤགས་ཀྱི་གཡང་གཞི་དང་། །གཡོན་མི་རྐང་གི་གླིང་བུ་འཛིན་པ་རྒྱན་ཆ་ལུགས་ཡོངས་སུ་རྫོགས་པ། ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པར་བསྒོམ། དེ་ཡི་ཐུགས་ཀ་ནས་ལས་བྱེད་ཀྱི་མཁའ་འགྲོ་མ་དཔག་ཏུ་མེད་པ་འཕྲོས་པས། གནོད་བྱེད་ཀྱིས་གཙོར་བྱས་ལྷ་སྲིན་སྡེ་བརྒྱད་ཐམས་ཅད་བྱིའུ་ཁྲས་གཅུམ་པ་བཞིན་དུ་བསྡུས་ཤིང་དེད་ནས་རང་དབང་མེད་པར་རང་གི་འཁོར་དུ་བཞག་སྟེ། རང་ཉིད་གཙོ་མོ་ལ་སྐྲག་ཅིང་ཟིལ་གྱིས་ནོན་ནས་གནས་པར་བསམ། རྐང་དུང་གསུམ་དང་ཕཊསྒྲ་བྱའོ། །མགྲོན་རིགས་ལ་ཞིབ་ཏུ་ཕྱེ་ན་མང་དུ་ཡོད་ཀྱང་བསྡུ་

[Full Size]

ན་བཞིར་འདུས་པས། རང་གི་སྨིན་མཚམས་ཡན་ཆད་ཀྱི་ནམ་མཁའ་ལ་དཀོན་མཆོག་སྲིད་ཞུའི་མགྲོན་ཐམས་ཅད་ནམ་མཁའ་ཁྱབ་པར་བསྒོམ་པ་ཟིལ་གནོན་ཡིན་ནོ། །རང་གི་གཡས་གཡོན་དུ་ཕ་མས་གཙོར་བྱས་རིགས་དྲུག་སྙིང་རྗེའི་མགྲོན་ཐམས་ཅད་རང་ལས་ཅུང་ཟད་དམའ་བའི་ཕྱི་རོལ་དུ་མགོན་པོ་ཡོན་ཏན་གྱི་མགྲོན་དཔལ་མགོན་བདུན་ཅུ་ལ་སོགས། རང་གི་འོག་ཕྱོགས་ཀྱི་མདུན་དུ། དམིགས་ཡུལ་གནོད་བྱེད་གང་ཡིན་དེ་ལན་ཆགས་བུ་ལོན་གྱི་མགྲོན་བགེགས་རིགས་སྟོང་ཕྲག་བརྒྱད་ཅུ་སོགས་གནོད་བྱེད་ཐམས་ཅད་ཀྱིས་བསྐོར་བར་བསྒོམ། མགྲོན་ཕྱི་ནང་གི་དབྱེ་བ་བསྒོམ་ལུགས་ནི། ནད་གདོན་ཞི་བའི་ཆེད་དུ་ཡིན་ན་ནང་ལུས་གདོན་འཁོར་བཅས་ནང་མགྲོན། གནས་གདོན་བར་མགྲོན། ལས་གདོན་ཕྱི་མགྲོན་ཡིན་ནོ། །ཡང་གནས་གདོན་འདུལ་ལམ་གནས་བདག་ལ་ཕྲིན་ལས་བཅོལ་ན་གནས་གདོན་ནང་། ལུས་གདོན་བར། ལས་གདོན་ཕྱི་མགྲོན་ནོ། །སྤྱིར་ནི་སྐྱབས་ཡུལ་ནང་མགྲོན། ཀླུ་གཞི་བདག་རིགས་དྲུག་ལན་ཆགས་བར་མགྲོན། ལྷ་འདྲེ་ནག་ཕྱོགས་ཕྱི་མགྲོན། དེ་མདོར་ན་གལ་ཤིན་ཏུ་ཆེ་བ་ནང་། ཅུང་ཟད་ཆེ་བ་བར། གལ་ཆུང་བ་ཕྱི་མགྲོན་

[Full Size]

དུ་བསྐྱེད་དོ། །དེ་ནས་སྐྱབས་ཡུལ་རྒྱས་པར་བསྐྱེད་ཅིང་སྤྱན་འདྲེན་མཆོད་བསྟོད་བྱ་བ་རྣམ་བཤད་ནས་གསུངས་ཀྱང་། ཕྱག་ལེན་ལ་ནི། ཡུམ་ཆེན་མོ་སྲས་འཁོར་དང་བཅས་པ་སྐད་ལྟཅིག་ལ་མདུན་གྱི་ནམ་མཁའ་ལ་སྤྲིན་འཁྲིགས་པ་ལྟར་བསྐྱེད་ལ། ན་མོ་ཕྱོགས་བཅུ་ན་བཞུགས་པའི་ཞེས་སོགས་སྙན་གསན་ཞུས་ནས་སེམས་ཅན་ཐམས་ཅད་འཁོར་བ་དང་ངན་སོང་ལས་སྐྱབས་པར་དཀོན་མཆོག་རིན་ཆེན་ཁྱེད་མཁྱེན་སྙམ་པས། རང་དང་གནོད་བྱེད་ཀྱིས་གཙོར་བྱས་རིགས་དྲུག་ཐམས་ཅད་ཀྱིས་སྐྱབས་འགྲོ་འུར་དི་རི་རི་བྱེད་པར་བསམ་ལ་སྐྱབས་འགྲོ་བརྒྱའམ་ཉེར་གཅིག་གམ་ཐ་མའང་གསུམ་བྱ་སྟེ། བདག་ཅག་རྣམས་ལ་སྡང་བར་བྱེད་པའི་དགྲ། ཞེས་པ་ནས། དགེ་འདུན་ལ་སྐྱབས་སུ་མཆིའོ། །བར་ཕྱིའི་སྐྱབས་འགྲོ། །ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཅེས་པ་ནས། རིགས་གསུམ་གྱི་མགོན་པོ་རྣམས་ཞེས་པའི་བར་ནང་གི་སྐྱབས་འགྲོ། བླ་མ་རྡོ་རྗེ་མཁའ་འགྲོ་ཞེས་པ་ནས་དྲིན་ཆེན་རྩ་བའི་བླ་མ་ཞེས་པའི་བར་ནི་གསང་བའི་སྐྱབས་འགྲོ། རང་སེམས་སྐྱེ་བ་མེད་པ་ཞེས་སོགས་ཀྱི་དེ་ཁོ་ན་ཉིད་ཀྱི་སྐྱབས་འགྲོ་ཡིན་ཏེ། དེ་རྣམས་ཁ་ཙམ་མ་

[Full Size]

ཡིན་པར་སྙིང་ཁུང་རུས་པའི་གཏིང་ནས་བློ་ཁེལ་ངེས་སུ་བྱ་ཞིང་། སྐྱབས་སུ་གསོལ་ཞེས་བརྗོད་དེ་སྐྱབས་ཡུལ་རྣམས་ཀྱི་ངེས་པར་སྐྱོབ་པར་ཞལ་བཞེས་གནང་ནས། སྐུ་གསུང་ཐུགས་ལས་འོད་ཟེར་བྱུང་བས་བདག་གཞན་ཐམས་ཅད་ཀྱི་སྒོ་གསུམ་ལ་ཕོག་པས་སྡིག་སྒྲིབ་ཐམས་ཅད་དག་སྟེ་ལུས་ཤེལ་སྒོང་ལྟར་སོང་། དཀོན་མཆོག་སྐྱབས་འོག་དམ་པར་ཚུད་ཨང་སྙམ་པའི་ངེས་ཤེས་བརྟན་པོས། རང་སར་དག་པར་གྱུར་ཅིག་སོགས་བརྗོད། ཉེས་ཚོགས་ཞི་བར་གསོལ་བ་འདེབས་པ་ནི། དེའི་ངང་ལས་སྐྱབས་ཡུལ་སྐྱོབ་མཁན་སྐྱབས་འགྲོ་གསུམ་ཀ་དོན་དམ་པའི་ངང་ལ་བཞག་ཅིང་། རང་སར་སྟོང་པར་གྱུར་ཅིག །མཐར་ཐུག་དོན་གྱི་སྐྱབས་འགྲོ་ཡིན་ལ། དེ་ཡང་རང་གཞན་ན་དོགས་འཆི་དོགས་འདྲེས་ཁྱེར་དོགས་པ་ནས་སྐྱབས་འགྲོ་བྱས་ན་གཅོད་ལུགས་ལ་འགལ་བས། སེམས་ཅན་ཐམས་ཅད་ཀྱི་དོན་དུ་བདག་འཛིན་བློས་ཐེང་འགལ་རྐྱེན་ལམ་དུ་སློང་། བདེ་སྡུག་རོ་སྙོམས་གཅོད་ཡུལ་མཐར་ཕྱིན་པའི་དོན་དུ་སྐྱབས་སུ་འགྲོ་བ་ཡིན་ནོ། །དེ་ནས་རང་གཞན་ཐམས་ཅད་ཀྱིས་དཀོན་མཆོག་ལ་ཕྱག་འཚལ་ཞིང་མཆོད། སྡིག་སྒྲིབ་ཐམས་ཅད་བཤགས། དགེ་བ་ཐམས་ཅད་ལ་ཡི་

[Full Size]

རང་བསྒོམ། ང་པ་རྣམས་ཀྱི་དང་པོར་བྱང་ཆུབ་པས་གསུམ་མགོན་པོ་རྣམས་ཞི་བ་ཆབ་ཀྱིས་རང་དང་བསྲུང་བྱ་མགྲོན་ལ་འཕོ་བར་བྱེད་དོ། །འདིར་ལུགས་བསྐྱེད་ལ་དོན་གྱིས་ཐམས་ཅན་གྱི་དོན་དུ་བྱའོ་སྙམ་ནས་དོན་དམ་སེམས་བསྐྱེད་བསླབ་བྱ་བརྗེས་འདི་མཛད་གསུངས་རང་བསྒོམ།་བྱང་ཆུབ་ཏུ་སེམས་བསྐྱེད་སྙམ་པས། དཀོན་མཆོག་གསུམ་ལ་ཕྱག་འཚལ་ལོ་ཞེས་པ་ནས། སངས་རྒྱས་འགྲུབ་པར་ཤོག་གི་བར་བརྗོད། ཇི་ལྟར་དུས་གསུམ་གྱི་རྒྱལ་བ་སྲས་དང་བཅས་པ་རྣམས་ཀྱི་དང་པོར་བྱང་ཆུབ་ཏུ་ཐུགས་བསྐྱེད་ཅིང་། བར་དུ་བསྐལ་པ་གྲངས་མེད་པར་ཕར་ཕྱིན་དྲུག་ལ་བསླབ་པ་ལྟར། བདག་གིས་ཀྱང་དེ་ལྟར་སེམས་བསྐྱེད་ནས་སེམས་ཅན་གྱི་དོན་དུ་བྱའོ་སྙམ་ནས། ཇི་ལྟར་དུས་གསུམ་མགོན་པོ་རྣམས་ཞེས་པ་ནས་བསྐྱེད་པར་བགྱི་ཡི་བར་གྱི་ཀུན་རྫོབ་སེམས་བསྐྱེད་དང་། བསྐྱེད་པ་རྣམས་ནི་དྲན་པར་བགྱི། ཞེས་སོགས་ཚིག་གཉིས་ཀྱིས་དོན་དམ་སེམས་བསྐྱེད་བསླབ་བྱ་བཟུང་། དེ་ཡང་རབ་ཀྱིས་རང་དང་བསྲུང་བྱ་མགྲོན་རིགས་ཐམས་ཅད་སྐྱབས་འགྲོ་དུས་ནས་སྟོང་ཉིད་ཀྱི་ངང་དུ་དབྱེར་མེད་དུ་བསྲེ། འབྲིང་འཕོ་བའི་སྐབས་ནས་བསྲེ། དྲུང་པ་རིན་པོ་ཆེས་འདི་མཛད་གསུངས་ཐ་མས་རང་གཞན་ཐ་དད་དུ་འཕོ་བར་བྱེད་དོ། །འདིར་ལུགས་མི་གཅིག་པ་མང་ན་ཡང་། སྐྱབས་ཡུལ་རྣམས་སྤྲོས་མེད་བཏང་སྙོམས་སུ་བཞག་པས་ཆོག༔ རང་ལ་བསྡུས་བ་དང་གཤེགས་པ་སོགས་མི་དགོས། ཚད་མེད་བཞི་ནི་གོང་གིས་སེམས་བསྐྱེད་ལ་དོན་གྱིས་

[Full Size]

འཐུས་པས་འདིར་མི་དགོས་སོ། །ཏྲི་མཎྜལ་ཞེས་པས་འདིར་དཀྱིལ་འཁོར་གྱི་བརྡའ་དོན་ཡིན་གཞལ་ཡས་ཁང་བསྐྱེད་ན་ལེགས་འདིར་ཁམས་གསུམ་ཟིལ་གྱིས་གནོན་ཕྱིར་ལྷ་ཐོ་བརྩེགས་ཡིན་པས་གཞལ་ཡས་ཁང་མ་བསྐྱེད་ཀྱང་རུང་། མ་གཅིག་གི་ཞལ་ནས་རང་ཐ་མལ་དུ་གནས་པའི་སྤྱི་བོར་ཆོག་པས་བསྐྱེད་གསུངས་པས། བདག་བསྐྱེད་མི་བསྐྱེད་པ་ལེགས་སོ། །རང་ཉིད་ཐ་མལ་དུ་གནས་པའི་སྤྱི་བོར་ཁྲུ་གང་གི་ཐད། མདུན་གྱི་ནམ་མཁར་འོག་མིན་ཆོས་དབྱིངས་དག་པའི་ཞིང་ཁམས་ཕུན་སུམ་ཚོགས་པའི་དབུས་སུ་ཧཱུྃ་ལས་རིན་པོ་ཆེའི་ཁྲི་ཡངས་ཤིང་རྒྱ་ཆེ་བ་ལྷ་རྫས་ཀྱི་གོས་ཀྱིས་བཀབ་པ། དེ་ཡི་སྟེང་དུ་པཾ་ལས་སྣ་ཚོགས་པདྨ་འདབ་མ་མཐའ་ཡས་ཤིང་རྒྱ་ཆེ་བའི་གདན། དེ་ཡི་སྟེང་དུ་མ་ལས་ཉི་མ་དང་ཨ་ལས་ཟླ་བའི་གདན་ཡངས་ཤིང་རྒྱ་ཆེ་བ་དང་། ལྷ་ཐམས་ཅད་ལ་ཡང་རང་རང་ཇི་ལྟར་འོས་པའི་གདན་བསྒོམ། མཎྜལ་ཞེས་པ་ནས། ཙཎྜ་མཎྜལའི་བར་བརྗོད་པས་གདན་བསྐྱེད་པའོ། ། དེ་ཡི་ལྷ་གནས་སུ་མས་རིམ་ལྟར་རིགས་ལྔ་ལ་བྷྲཱུྃ་ཧཱུྃ་ཨོཾ་ཛིཾ་ཁཾ་དང་ཡུམ་ཆེན་དང་ཐུབ་པར་སུཾ་ཡིག་དམར་སེར་མཁའ་འགྲོ་སྡེ་ལྔ་ལ་ཧྲཱིཿཧ་རི་ནི་ས་དང་མ་གཅིག་ལ་ཧཱུྃ་དཀར་བསྒོམ་པ་ནི་ས་བོན་

[Full Size]

བཀོད་པའོ། །དེ་ཡང་གདན་འོག་མའི་ས་བོན་ཧཱུྃ་ཡིག་ཞུ་བས། མ་གཅིག་ལ་གནས་གསུམ་མཁའ་འགྲོས་བསྐོར་བ། དེ་ཡི་སྙན་གོང་གཡས་སུ་དམ་པ་སངས་རྒྱས་ལ་གྲུབ་ཆེན་བརྒྱད་ཅུ་སོགས་ཀྱིས་བསྐོར་བ། གཡོན་དུ་པད་ཉི་རོའི་གདན་ལ་ས་བོན་ཧྲཱིཿརྣམས་ལས་ཕག་མོ་ལྷ་ལྔ་ལ་མ་རྒྱུད་ཀྱི་ལྷ་ཚོགས་ཀྱིས་བསྐོར་བ། མ་གཅིག་གི་དབུ་སྟེང་གི་ཁྲི་གདན་ལ་ས་བོན་ལས། བསྟན་པའི་བདག་པོ་ལ་བསྐལ་བཟང་གི་སངས་རྒྱས་སྟོང་རྩ་བྱང་སེམས་ཉན་རང་ཐམས་ཅད་ཀྱིས་བསྐོར་བ། དེའི་སྟེང་གི་ཁྲི་གདན་ལ་ས་བོན་ལས་ཡུམ་ཆེན་མོ་ལ་སྲས་ཕྱོགས་བཅུ་དུས་གསུམ་གྱི་སངས་རྒྱས་བྱང་སེམས་རྣམས་ཀྱིས་བསྐོར་བ། དེའི་སྟེང་གི་ཟླ་གདན་ལ་ས་བོན་ལས་རྒྱལ་བ་རིགས་ལྔ། ཡུམ་ཆེན་གྱི་མདུན་གྱི་ནམ་མཁར་པད་ཉི་ཟླ་གདན་གྱི་སྟེང་དུ་འཕགས་མ་སྒྲོལ་མ། དེ་དག་གི་རྒྱབ་ཕྱོགས་ཀྱི་གདན་ལ་གངས་ཅན་མཚོ་རྒྱལ། གཞན་ཡང་གཡས་སུ་དཔའ་བོ་གཡོན་དུ་དཔའ་མོ་ལ་སོགས་དེ་དག་ཐམས་ཅད་ཆ་ལུགས་སོགས་གཞུང་ལྟར་ཡོངས་སུ་རྫོགས་པ་ཏིལ་གྱི་སྒང་བུ་ཁ་བྱེ་བ་ལྟར་བསྒོམ། མ་གཅིག་གི་གདན་ལས་ཅུང་ཟད་དམའ་བའི་ཕྱོགས་མཚམས་སུ་པད་ཉི་རོའི་གདན་ལ་གཡས་སུ་ཆོས་སྐྱོང་ཕོ་རྒྱུད། །

[Full Size]

གཡོན་དུ་མོ་རྒྱུད་ཐམས་ཅད་གཟི་བརྗིད་དང་ལྡན་པ། དེ་ཡི་འོག་ཏུ་ཕྱི་རྒྱུད་འཇིག་རྟེན་པའི་པའི་ཆོས་སྐྱོང་སྲུང་མ་ཐམས་ཅད་དང་། ཕྱོགས་བཞིར་རྒྱལ་ཆེན་སྡེ་བཞི་སོགས་ནམ་མཁའ་ལ་སྤྲིན་འཁྲིགས་པ་ལྟར་བསྐྱེད་པ་ནི་ལྷ་བསྐྱེད་དོ། །དེ་ནས་ལྷ་ཚོགས་དེ་དག་ཐམས་ཅད་ཀྱི་དཔྲལ་བར་སྐུ་རྡོ་རྗེ་དང་ལུས་ཀྱི་ངོ་བོ་ཨོ་དཀར་པོ། མགྲིན་པར་གསུང་རྡོ་རྗེ་དང་ངག་གི་རང་བཞིན་ཨཱདམར་པོ། ཐུགས་ཀར་ཐུགས་རྡོ་རྗེ་དང་སེམས་ཀྱི་ངོ་བོ་ཧཱུཾ་སྔོན་པོ། སྙིང་ཁའི་དབུས་སུ་ཡེ་ཤེས་པ་ཐམས་ཅད་རང་རང་ཐུགས་སྲོག་ས་བོན། འཇིག་རྟེན་པ་ཐམས་ཅད་ལ་ཡང་རང་རང་གི་མིང་ཡིག་དང་པོ་ཐིག་ལེས་མཚན་པར་བསྒོམ་པ་ནི་གནས་གསུམ་བྱིན་གྱིས་རླབས་པའོ། །དེ་རྣམས་ནི་དམ་ཚིག་འཁོར་ལོ་བསྒོམ་པ་ཞེས་བྱ་བ་སྟེ། ཡེ་ཤེས་ཀྱི་འཁོར་ལོ་བཞུགས་པ་ནི། དྷེ་ཝ་ཌཱཀི་ནི་ཛཧཱུྃ་སོགས་བརྗོད་པས་ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་སྣ་ཚོགས་པ་ལྕགས་ཀྱུ་ལྟ་བུ་འཕྲོས་པས། འོག་མིན་ཆོས་ཀྱི་དབྱིངས་ནས་ཡུམ་ཆེན་མོ་འཁོར་དང་བཅས་པ་དང་། ཤར་ཕྱོགས་མངོན་པར་དགའ་བ། ལྷོ་དཔལ་དང་ལྡན་པ། ནུབ་བདེ་བ་ཅན། བྱང་ཕྱོགས་ལས་རབ་རྫོགས་པ། དབུས་

[Full Size]

ཕྱོགས་འཐུག་པོ་བཀོད་པའི་ཞིང་ནས་རྒྱལ་བ་རིགས་ལྔ་དང་། ནུབ་ཕྱོགས་ཨུ་རྒྱན་གྱི་གནས་ནས་ཡུམ་རྡོ་རྗེ་ཕག་མོ་དང་མ་གཅིག་ལབ་ཀྱི་སྒྲོན་མ་མཁའ་འགྲོ་འབུམ་དང་བཅས་པ་དང་། །རིག་འཛིན་གྱི་གནས་དང་སངས་རྒྱས་ཀྱི་ཞིང་ཁམས་ཐམས་ཅད་ནས་སངས་རྒྱས་བྱང་སེམས་གྲུབ་ཐོབ་བརྒྱུད་པའི་བླ་མ་ཐམས་ཅད་དང་། ཡུལ་ཉི་ཤུ་རྩ་བཞི་དུར་ཁྲོད་ཆེན་པོ་བརྒྱད་ལ་སོགས་པ་ནས་དཔའ་བོ་ཌཱཀི་ཆོས་སྐྱོང་ཐམས་ཅད་འོད་ཟེར་གྱིས་བསྐུལ་ནས། སྔོན་གྱི་ཐུགས་དམ་དང་སྨོན་ལམ་གྱི་དབང་གིས་རང་དབང་མེད་པར་ཤོག་སྐྱ་རླུང་གིས་བསྐྱོད་པའམ་བྱ་ཁྱུ་འགྲོགས་པ་བཞིན་དུ་མདུན་གྱི་ནམ་མཁར་བྱོན་པར་བསྒོམ་ཞིང་། ཧཱུྃ། མ་ལུས་སེམས་ཅན་ཀུན་སོགས་ནས། གཤེགས་སུ་གསོལ་གྱི་བར་བརྗོད་ལ། ཡིད་ཀྱིས་ཕྱག་འཚལ་མཆོད་པ་འབུལ་བར་དམིགས་ལ་ཛཿཞེས་པས་ལྷ་དམ་ཚིག་པ་རྣམས་ཀྱི་སྤྱི་བོར་བྱོན། ཧཱུྃ་ཞེས་པས་ཡེ་ཤེས་པ་རྣམས་ཆུ་ལ་ཆུ་ཐིམ་པར་ལྟར་ཞུགས། བོ་ཞེས་པས་དེ་གཉིས་དབྱེར་མེད་དུ་གྱུར། ཧོཞེས་པས་ཤིན་ཏུ་དགྱེས་པར་བསམ། དེ་ལྟར་ལྷ་རྣམས་བྱོན་པས་རང་ཡིད་དགའ་ཞིང་། དེ་ནས་དེ་རྣམས་རང་རང་གི་གདན་ལ་བདག་གིས་ཚོགས་མཆོད་ཀྱི་བྱ་བ་མ་གྲུབ་

[Full Size]

བར་དུ་བཞུགས་པར་བསམ། ཡུམ་ཆེན་འདིར་ནི་བྱོན་པ་ལེགས་སོགས་དང་། ཀཱ་མ་ལཱ་ཡ་ཧཱུྃ། ཞེས་པའི་བར་བྱ་བ་ནི་སྤྱན་དྲངས་དང་བྱོན་ལེགས་གདན་འབུལ་བཞུགས་གསོལ། དེ་ནས་མཆོད་པ་ནི་མཆོད་རྫས་རྣམས་དམིགས་རྟེན་དུ་བྱ་སྟེ། རང་གི་ཐུགས་ཀ་ནས་ལྷ་མོ་དཀར་སེར་དམར་ལྗང་མཆོད་རྫས་ཐོགས་པ་རེ་རེ་ལ་ཡང་གྲངས་མེད་ནམ་མཁའ་བར་སྣང་ཁྱབ་པ་དང་། རྒྱལ་སྲིད་སྣ་བདུན་དང་བཀྲ་ཤིས་རྫས་བརྒྱད་སོགས་ལྷ་དང་མིའི་ལོངས་སྤྱོད་ཕུན་སུམ་ཚོགས་པས་མཆོད་པར་བསམ་ལ། ཡོན་ཆབ་ཁྲུས་ཆབ་ནས། །འཁོར་དང་བཅས་ལ་འབུལ་ཞེས་པའི་བར་ཚིགས་བཅད་གསུམ་བརྗོད་པ་ནི། ཕྱི་ཡི་མཆོད་པའོ། །སྟོང་གསུམ་རབ་འབྱམས་མཐའ་ཡས་མུ་མེད་པའི། གཟུགས་སྒྲ་དྲི་རོ་རེག་བྱའི་ངོ་བོ་ཐམས་ཅད་རྣམ་པ་འདོད་ཡོན་གྱི་ལྷ་མོ་དཔག་ཏུ་མེད་པར་དམིགས་ནས་འབུལ་ཞིང་། གཟུགས་དང་སྒྲ་དང་དྲི་དང་སོགས་ཤོ་ལོ་ཀ་གཅིག་བརྗོད་པ་ནང་གི་མཆོད་པའོ། །ཡང་རང་གི་ཐུགས་ཀ་ནས་གསང་བའི་རིག་མ་སྒེག་མོ་དཀར་མོ་སོགས་གྲངས་མེད་པ་སྤྲོས་ནས་ཕུལ་བས། ལྷ་ཚོགས་ཐམས་ཅད་ལ་ཟག་མེད་དགའ་བདེའི་མཆོད་པས་མཉེས་ཤིང་། སེམས་ཅན་

[Full Size]

ཐམས་ཅད་ཀྱང་ཐ་མལ་སྙོམས་འཇུག་གི་ཟག་པ་ལས་གྲོལ་བར་བསམ་ལ། སྒེག་མོ་ཕྲེང་བ་སོགས་ཚིགས་བཅད་གཅིག་བརྗོད་པ་གསང་མཆོད་ཡིན་ལ། ཕྱི་སྣོད་གླིང་བཞི་རི་རབ་ཉི་ཟླ་དང་བཅས་པ། ནང་བཅུད་ལྷ་དང་མི་ཡི་ལོངས་སྤྱོད་དང་། ལུས་ཁ་རྗེ་དབང་ཐང་དུས་གསུམ་བསགས་པའི་དགེ་བ་དང་བཅས་པ་ཐམས་ཅད་བློས་བླངས་ཏེ་མཎྜལ་དུ་འབུལ་བར་བསམས་ལ། ས་གཞི་སྤོས་ཆུས་སོགས་བརྗོད། དེ་ལྟར་མཆོད་པ་ཕུལ་བས་རང་གཞན་སེམས་ཅན་ཐམས་ཅད་ཀྱི་ཚོགས་རྫོགས་ཤིང་སྒྲིབ་པ་བྱང་ནས་རྣམ་མཁྱེན་རྫོགས་པའི་བྱང་ཆུབ་བདེ་བླག་ཏུ་འགྲུབ་པར་བསམ་ཞིང་སྤྲོས་བྲལ་མཉམ་པ་ཉིད་དོན་དམ་པའི་མཆོད་པ་ལ་མཉམ་པར་བཞག་གོ །དེ་ནས་བསྟོད་པ་ནི། གང་གི་དྲིན་གྱིས་སོགས་བླ་མའི་བསྟོད་པ། སངས་རྒྱས་ཀུན་གྱི་རང་བཞིན་སོགས་ཡི་དམ་དཀྱིལ་འཁོར་ལྷ་ཚོགས་ལ་བསྟོད་པ། སྨྲ་བསམ་བརྗོད་མེད་སོགས་ཆོས་སྐུ་ཡུམ་ཆེན་མོ་ལ་བསྟོད་པ། ལྟ་བས་མི་ངོམས་སོགས་གཟུགས་སྐུ་ཡུམ་ཆེན་ལ་བསྟོད་པ། ཞིང་ཁམས་ཐམས་ཅད་སོགས་སྒྲོལ་མ་ལ་བསྟོད་པ། སྤྲོ་ན་སྐབས་འདིར་ཆོས་སྐུ་ནམ་མཁའ་མ་སོགས་ཀྱིས་རིགས་ལྔ་ལ་བསྟོད་པ་ཤོ་ལོ་ཀ་བཙུད། མགོན་

[Full Size]

པོ་ཐུགས་རྗེ་སོགས་ནས་དགེ་འདུན་རྣམས་ལ་ཞེས་པའི་བར་གྱི་དཀོན་མཆོག་གསུམ་ལ་བསྟོད་པ། སྐབས་འདིར་སྤྲོ་ན་དམ་པ་རྗེ་བཙུན་མ་གཅིག་གསུམ་གྱི་བསྟོད་པ་ཚིགས་བཅད་གང་རུང་རེས་བསྟོད། བྱ་སྤྱོད་རྣལ་འབྱོར་རྒྱུད་སྡེ་བཞི་ཞེས་སོགས་ཀྱིས་ཡི་དམ་བཞི། སྟོན་པའི་བསྟན་པ་ཞེས་སོགས་ཆོས་སྐྱོང་བཞི། ཐམས་ཅད་སྤྱི་ལ་ཕྱག་བྱར་འོས་པ་སོགས་ཀྱིས་རང་གཞན་ཀུན་གྱིས་རྩེ་གཅིག་ཏུ་བསྟོད་ནས། སླར་ཡང་ཕྱག་འཚལ་བ་དང་ཞེས་སོགས་ཚིགས་བཅད་ཀྱིས་ཡན་ལག་བདུན་པ་བསྡུས་པ་ཙམ་འབུལ་ལོ། །དེ་ནས་བཟླས་པ་ནི། མ་གཅིག་གི་ས་བོན་ཨ་དཀར་པོ་ལ་སྔགས་ཕྲེང་གཡོན་དུ་སྐོར་བ་བྱེད་པ་ཡོད་ཀྱང་། ཡུམ་ཆེན་གྱི་ཐུགས་ཀར་པད་ཟླའི་སྟེང་དུ་ཧཱུྃ་དཀར་པོའི་མཐར་ག་ཏེའི་སྔགས་ཕྲེང་སེར་པོ་གཡས་སུ་བཀོད་ཅིང་གཡོན་དུ་ཀྱི་ལི་ལི་འཁོར་བར་དམིགས་ནས་ཐམས་ཅད་ཀྱིས་སྔགས་ཀྱི་སྒྲ་འུར་དི་རི་རི་སྒྲོག་པར་བསམས་ལ། སྒྲ་གྲག་སྟོང་བྲག་ཆ་ལྟ་བུའི་དོན་ཤེས་པའི་ངང་ནས་བརྒྱ་སྟོང་ཅི་ནུས་བཟླའོ། །ཡང་ན་མ་གཅིག་གི་ཐུགས་ཀར་ཧཱུྃ་གི་མཐར་གཡས་བསྐོར་དུ་ག་ཏེའི་སྔགས་ཕྲེང་དཀར་པོ་གཡས་སུ་བསྐོར་བར་དམིགས་ཏེ་བཟླས་ན་ཡང་ལེགས་ཏེ། དྲུང་

[Full Size]

པ་རིན་པོ་ཆེས་བཞེད་པ་ཡིན་ནོ། །དེ་ནི་ས་བོན་བཀོད་ཅིང་བཟླས་པ་བྱ་ཚུལ་ལོ། །དེ་ནས་བྱིན་རླབས་བསྡུ་བའི་དམིགས་པ་ནི། ཕཊབརྗོད་པས་མ་གཅིག་གི་ཐུགས་ཀའི་སྔགས་ཕྲེང་ས་བོན་དང་བཅས་པ་ལས་འོད་ཟེར་འཕྲོས་པས་དཀྱིལ་འཁོར་གྱི་ལྷ་ཚོགས་ལ་ཕོག །དེ་དག་གི་འོད་ཟེར་ཡུམ་ཆེན་ལ་ཕོག །ཡུམ་ཆེན་གྱི་འོད་ཀྱིས་འོག་མིན་ནས་ཡུམ་ཆེན་ཕྱོགས་བཅུའི་རྒྱལ་བ་སྲས་བཅས་ཐམས་ཅད་ཀྱི་སྐུ་གསུང་ཐུགས་ཀྱི་ཐུགས་རྗེའི་བྱིན་རླབས་ནུས་མཐུ་ཐམས་ཅད་འོད་ཟེར་སྣ་ཚོགས་ཀྱི་རྣམ་པར་འདུས་མ་གཅིག་གི་ཐུགས་ཀར་སིབ་ཀྱིས་ཐིམ། །སླར་ཡང་འོད་ཟེར་འཕྲོས་པས་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱིས་བྱིན་རླབས་མཐུ་སྟོབས་རྣམས་ཡུམ་ཆེན་གྱི་ཐུགས་ཀར་ཐིམ་པས། །ངོ་བོ་སྐྱབས་གནས་རྣམས་ཀྱི་ཐུགས་རྗེ་དང་བྱིན་རླབས་ལ་རྣམ་པ་ཟག་མེད་ཡེ་ཤེས་ཀྱི་བདུད་རྩི་དཀར་པོ་འོ་མ་ལྟ་བུའི་མ་གཅིག་གི་སྐུ་ཐམས་ཅད་ཁྲིག་གིས་གང་བར་བསམ། འདི་དྲུང་པའི་བཞེད་པ་ཡིན་ལ། གཞན་རྣམས་ཀྱི་བྱིན་རླབས་ཡུམ་ཆེན་ལ་བསྡུས་པ་ཡིན་ཏེ། དེ་གཉིས་གང་བྱེད་སྔགས་ཕྲེང་བསྙེན་པ་གང་ལ་བྱས་པ་དེ་ལ་བྱིན་རླབས་བསྡུ་བ་འཐད་ཅིང་ཁྱད་མེད་པ་ཡིན་ནོ། །དེ་ནས་སྒྲིབ་པ་སྦྱོང་བའི་

[Full Size]

དམིགས་པ་ནི། ཡུམ་ཆེན་མོའམ་མ་གཅིག་གི་ཞབས་གཡོན་པའི་མཐེབ་སྲིན་ནས་བདུད་རྩིའི་རྒྱུན་ན་ན་ར་བྱུང་ནས། རང་དང་བསྲུང་བྱའི་སྤྱི་བོའི་ཚངས་བུག་ནས་ཞུགས། ཕྱི་ལུས་ཀྱི་སྡིག་སྒྲིབ་ནང་སེམས་ཀྱི་སྡིག་སྒྲིབ་ཐམས་ཅད་འོག་སྒོ་རྐང་སེན་གྱི་རྒྱུད་བ་སྤུའི་བུ་ག་ནས་སངས་ཀྱིས་ཐོན་ནས་དབང་ཆེན་གསེར་གྱི་ས་གཞི་ལ་ཐིམ། ལུས་ཀྱི་རྩ་་གནས་ཐམས་ཅད་ཟག་མེད་ཡེ་ཤེས་ཀྱི་བདུད་རྩིས་གང་སྟེ་ལུས་སྟོང་གསལ་ཤེལ་སྒོང་ལྟར་སོང་ཞིང་། དེ་དང་མཉམ་དུ་སེམས་ཅན་ཐམས་ཅད་ཀྱི་སྡིག་སྒྲིབ་དག་པར་བསམ་མོ། །དེ་ནས་ལན་ཆགས་འཇལ་བའི་དམིགས་པ་ནི་ནད་པ་ལ་བྱ་སྟེ་གཞན་ལ་མི་དགོས། དེ་ཡང་ལུས་བཀྲུས་པའི་ཁུ་བ་དེ་ངོ་བོ་བདུད་རྩི་ལ། རྣམ་པ་འདོད་ཡོན་བཟའ་བཏུང་སྣ་ཚོགས་སུ་གྱུར་ནས་རང་གི་འོག་ཏུ་ལུས་གདོན་ཡོད་པའི་ཁར་སོང་བས་ལན་ཆགས་བུ་ལོན་བྱང་། གནོད་སེམས་ཞི་ནས་ཕན་སེམས་དང་ལྡན་པར་བསྒོམ། འདིར་ནག་འགྱེད་དང་དུག་དང་ནད་དང་ཁྲོ་ཆུར་བསྒོམས་ནས་སྦྱིན་པ་སོགས་ནི། གཅོད་ལོག་ཡིན་པས་མི་རུང་ཞེས་རྗེ་བཙུན་ཀུན་དགའ་རྣམ་རྒྱལ་གྱིས་གསུངས་སོ། །དེ་ཡན་སྔོན་འགྲོའི་དམིགས་རིམ་མོ།། ༈ ད་

[Full Size]

དངོས་གཞི་ལ། གཅོད་རབ་དྲན་པ་མེད་ཅིང་ཡིད་ལ་བྱར་མེད་པ་སྟེ། ལུས་དང་སེམས་དང་མགྲོན་སོགས་ཆོས་ཐམས་ཅད་རང་བཞིན་གྱི་རྣམ་པར་དག་པ་སྟོང་ཉིད་ཕྱག་རྒྱ་ཆེན་པོའི་ངང་དུ་བཞག་ནས། འཕོ་བྱ་འཕོ་བྱེད་དང་ལུས་དང་མགྲོན་སོགས་མི་དམིགས་པའོ། །གཅོད་འབྲིང་ནམ་མཁའ་སྒོ་འབྱེད་ནི། རང་རང་བསྲུང་བྱའི་ལུས་ཕྱི་ནང་མི་སྒྲིབ་པར་ཕྲུ་མ་ཕུས་བཏབ་པ་ལྟར་བསྒོམས་པའི་དབུས་སུ། རྩ་དབུ་མ་ཕྱི་དཀར་ལ་ནང་དམར་བ་མཚན་ཉིད་བཞི་དང་ལྡན་པ་ཕྲ་སྦོམ་སྦ་ལྕག་འབྲིང་པོ་ཙམ། ཡར་སྣེ་ཚངས་བུག་ཏུ་ཟུག་པ་སྐར་ཁུང་ལྟ་བུ་ལ། མར་སྣེ་ལྟེ་འོག་སྙིང་ཁར་པདྨ་འདབ་བརྒྱད་དཀར་ཞིང་ལྟེ་བ་མཐིང་ཁའི་དབུས་སུ་ཟུག་ཅིང་འདབ་མ་ཅུང་ཟད་ནོན་པར་གསལ་བཏབ། སྙིང་ཁའི་པདྨའི་དབུས་སུ་རླུང་སེམས་ཀྱི་ངོ་བོ་འོད་ཀྱི་ཐིག་ལེ་བྱ་མ་སར་གྱི་སྒོ་ང་ལྟར་ཁ་དོག་སྣ་ཚོགས་དང་ལྡན་ཞིང་འོད་ཟེར་འཚེར་བ་ཐེའུ་ཆུང་གི་མགོ་ཙམ་བསྒོམ། ཐིག་ལེ་དེ་འཕར་འདར་ལིང་ངེ་ཡོད་པ་དེ་ཕཊ་བརྗོད་པས་རླུང་དྲག་པོའི་ཤུགས་ཀྱིས་སྤྱི་བོར་རྒྱང་གིས་ཐོན་པར་བསྒོམ་སྟེ། སྐབས་འདིར་བསྲུང་བྱ་རྣམས་དང་བསྲེ་སྟེ། རང་གཞན་གྱི་ལུས་གཅིག་ཏུ་བསྲེ། བསྲུང་བྱའི་རླུང་སེམས་ཐིག་ལེ་སྤར་བ་

[Full Size]

ནམ་མཁར་རང་གི་ཐིག་ལེ་དང་བསྲེ། དེ་གཉིས་དབྱེར་མེད་པ་ཡུམ་ཆེན་མོའམ་མ་གཅིག་གི་ཐུགས་ཀར་བསྟིམས་ནས་ཐུགས་ཆོས་ཉིད་ཀྱི་ནམ་མཁའ་དང་རང་སེམས་གཅིག་ཏུ་བསྲེས་ཏེ་ཁྱབ་གདལ་དུ་བཞག་གོ །འདིར་འཕོ་ལུགས་ཡིག་འབྲུ་འཕོ་བ་དང་རིམ་པར་འཕོ་བ་སོགས་མང་ན་ཡང་ཚོགས་དུས་འདི་རང་བྱའོ། །ཡང་ན་བསྲུང་བྱའི་རྣམ་ཤེས་རང་གི་སྙིང་ཁར་བསྟིམས་ལ་དབྱེར་མེད་དུ་བསྲེས་པའི་ངོ་བོ་འོད་ཀྱི་ཐིག་ལེ་དམིགས་ནས་མ་གཅིག་གི་ཐུགས་ཀར་བསྟིམ། ཡང་ན་གཅིག་ཆར་དུ་འཕོས་ལ་དབྱིངས་རིག་ཏུ་བསྲེ་བ་དྲུང་པའི་བཞེད་པ་ཨཱརྱ་དེ་ཝའི་རྒྱ་གཞུང་དང་མཐུན་ནོ། །དེ་ནི་བེམ་རིག་ཕྲལ་ཞིང་དབྱིངས་རིག་བསྲེ་བའི་དམིགས་པའོ། །ད་མཎྜལ་དུ་འབུལ་བ་ནི་ཕྱི་ནང་གསང་གསུམ་ལས། ཕྱི་སྣང་བ་རྒྱན་གྱི་སོགས་ཚིག་རྐང་བདུན་གྱིས་འབུལ་བ་ཕྱིའི་མཎྜལ་ལོ། །གོང་དུ་ལུས་སེམས་ཕྲལ་བའི་སྟོང་གསུམ་གང་བ་ལ་ཡུམ་ཆེན་གྱི་ཐུགས་ཀ་ནས་རང་གི་རིག་པ་དེ་ཧྲི༔ཡིག་དམར་པོ་ཞིག་ཏུ་བྱུང་བ་དེ་ཉིད་རྡོ་རྗེ་ཕག་མོར་གྱུར། ཕཊབྱས་པས་པགས་པ་ཤག་གིས་རལ་བ་ལས་གསེར་གྱི་ས་གཞིའི་སྟེང་དུ་ཞག་དང་། ཆུ་སེར་སྤོས་ཆུས་ཆག་ཆག་གདབ་ཅིང་བཻཌཱུརྱ་ཞུན་མས་མིག་

[Full Size]

མང་རིས་སུ་བྲིས་པ། སོར་མཛུབ་ལྕགས་རི་ཡན་ལག་གླིང་བཞི་ཉིང་ལག་གླིང་ཕྲན་བརྒྱད། ཁོག་ཟོམ་རི་རབ་མགོ་བོ་རྣམ་པར་རྒྱལ་བའི་ཁང་བཟང་། མིག་གཉིས་ཉི་མ་དང་ཟླ་བ། །རྒྱུ་མ་དཀར་ནག་གསེར་གྱི་རི་བདུན། ཁྲག་རོལ་པའི་མཚོ་བདུན། སོ་རྣམས་རྒྱུ་སྐར། རྣ་བ་གཉིས་གདུགས་དང་རྒྱལ་མཚན། ལྕེ་རྔ་ཡབ་དང་བ་དན་ཀླད་སྤྱི་མཆིན་ཀྲི་ནི་ལྷའི་གོས་སྣ་ཚོགས་བླ་བྲེ་དང་ཡོལ་བ། ཨོལ་ཀྲོང་ཕྲེང་བ་དང་རང་བྱུང་ཤེལ་གྱི་མཆོད་རྟེན་བརྒྱད། སྙིང་ཡིད་བཞིན་ནོར་བུ། གློ་བ་ཅང་ཤེས་ཀྱི་རྟ། མིག་སྤྱི་སྲོག་རྩ་དཔག་བསམ་གྱི་ཤིང་། མཚེར་པ་འདོད་འཇོའི་བ། །ཕོ་བ་གཏེར་གྱི་བུམ་པ། དེ་ལ་སོགས་རང་གི་ཕུང་པོ་ལས་གྲུབ་པའི་ལོངས་སྤྱོད་ཕུན་སུམ་ཚོགས་པ་མ་ཚང་བ་མེད་པ་བསྒོམས་ནས་འབུལ་ཏེ། པགས་པ་གསེར་གྱི་ས་གཞིའི་དབུས་ཞེས་སོགས་བརྗོད་པ་ནང་གི་མཎྜལ་ལོ། །བདག་དང་མཎྜལ་དང་མཆོད་ཡུལ་གསུམ་ཀ་དམིགས་མེད་སྟོང་ཉིད་ངང་དུ་བཞག་ལ། གསང་བ་ཆོས་ཉིད་ཀྱི་མཎྜལ་ལ། ཞེས་སོགས་དང་ཕཊཿ ཀྱིས་གདབ་བོ། །དེ་ནི་གསང་བའི་མཎྜལ་ལོ། །མཆོད་སྦྱིན་སྐབས་སུ་ཕཊཿནི་ལྷུག་པ་སྦོམ་པོ་འབྲོང་གི་རྔ་མ་ལྟ་བུ་འཇམ་ཞིང་སྙན་པར་

[Full Size]

བརྗོད། དེ་ནི་དམིགས་པ་འདི་ཐམས་ཅད་ལ་འཕོ་བའི་སྐབས་ལྟར་བེམ་རིག་ཕྲལ་ནས་ཡུམ་ཆེན་ནམ་མ་གཅིག་ལ་བསྟིམ་པ་དང་། སྒྱུ་ལུས་ནི་ཁྲོལ་གྱིས་འགྱེལ་བས་དཀར་ལ་སྣུམ་པ། སྙི་ལ་འབོལ་བ། མངར་ལ་ཞིམ་པ། ཆེ་ལ་ཚོ་བ་རོ་མཆོག་བརྒྱད་དང་ལྡན་པ། ཆེ་ཆུང་ནི་སྟོང་གསུམ་མམ་གཉིས་སམ་གཅིག་གམ་འཛམ་བུའི་གླིང་ངམ། ཐ་ན་རང་གི་ཡུལ་ཕྱོགས་དང་གཉན་ས་ཐམས་ཅད་ཁྱབ་པར་བསྒོམ་སྟེ། འདི་ནི་ཀུན་ལ་སྤྱི་འགྲོ་ཡིན་ལ། མཆོད་ཡུལ་ལ་མཆོད་ལུགས་ཀྱི་དམིགས་པ་དུ་མ་ཡོད་དེ། དེ་ལྟར་སྒྱུ་ལུས་ཕུང་པོ་མཛེས་ཤིང་བཀྲག་མདངས་དང་ལྡན་པ་སྟོང་གསུམ་གང་བར་གནས་པ་ལས། ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་འཕྲོས་པས། ཕུང་པོ་ལ་ཕོག་ནས་མི་གཙང་བའི་དྲི་མ་ཐམས་ཅད་སྦྱང་ནས། རྣམ་པར་དག་པའི་རླངས་པ་ལས་མཆོད་སྤྲིན་སྣ་ཚོགས་འཕྲོ་བ་ངོ་བོ་ཟག་མེད་ཤ་ལྔ་བདུད་རྩི་ལྔའི་རང་བཞིན་དུ་དམིགས་ལ། ལྷ་ཚོགས་དེ་ཐམས་ཅད་ཀྱི་ལྗགས་རང་རང་གིས་ཕྱག་མཚན་གྱི་དབྱིབས་ཅན་གྱིས་རྩེ་མོ་འོད་ཀྱི་སྦུ་གུ་ཟུག་ནས་བཞེས་པས། སྐུ་གསུང་ཐུགས་མཉེས་པར་བསྒོམ། ཕཊཿ འདི་བསྡུས་པ་བམ་རིལ་མའོ།།

[Full Size]

ཡང་ཡུམ་ཆེན་ནམ་མ་གཅིག་གི་ཐུགས་ཀ་ནས། རང་རིག་དེ་ལས་བྱེད་ཀྱི་མཁའ་འགྲོ་མ་རྡོ་རྗེ་རྣལ་འབྱོར་མའི་སྐུར་བྱོན་པའི་ཐུགས་ཀ་དང་བ་སྤུ་ཐམས་ཅད་ནས་མཁའ་འགྲོ་གྲངས་མེད་པ་སྤྲོས་ནས། བེམ་པོས་པགས་པ་ཤག་གིས་རལ་བ་ལས། བྷནྡྷའི་སྣོད་སྟོང་གསུམ་ཁྱབ་པའི་ནང་དུ་ཤ་ཁྲག་ཐམས་ཅད་ཉིལ་གྱིས་ཞིག་པའི་སྟེང་དུ་ཨོཾ་ཨཱཿཧཱུྃ་གསུམ་བསྒོམ། རྗེ་བཙུན་མའི་གྲི་གུག་གིས་ལན་གསུམ་དཀྲུགས་ནས་ཡི་གེ་གསུམ་ཞུ་བས་ཡེ་ཤེས་ཀྱི་བདུད་རྩི་རྣམ་པར་དག་པ། ཤ་ལྔ་བདུད་རྩི་ལྔའི་རང་བཞིན་རླངས་པ་མཆོད་པའི་སྤྲིན་ཕུང་འཕྲོ་བ་ལ། ལས་བྱེད་སྤྲུལ་པའི་མཁའ་འགྲོ་མ་རྣམས་ཀྱིས་ཐོད་པའི་ཞལ་བུས་བཅུས་ཏེ་ལྷ་ཚོགས་རྣམས་ལ་ཕུལ་བར་དམིགས། ཕཊཿ དེ་འབྲིང་བ་བདུད་རྩི་དཀར་འགྱེད་དོ།། ༈ ཡང་རང་རིག་པའི་ངོ་བོ་རྗེ་བཙུན་མ་དམར་མོ་གྲི་གུག་ཐོད་པ་འཛིན་ཅིང་སྤྱན་ནམ་མཁའ་ལ་གཟིགས་པ། དེའི་ཐུགས་ཀ་ནས་རང་འདྲ་བ་དཔག་ཏུ་མེད་པ་འཕྲོས། ཕཊཿ རང་བྱུང་གི་ཐོད་སྐྱེད་གསུམ། ཕཊཿ ཀ་པཱ་ལ་འཕར་ནས་ཐོད་སྐྱེད་གསུམ་གནས་པའི་སྟེང་དུ་བཙུགས་པའི་ནང་དུ་ལུས་འཕར་བའི་ཤ་ཁྲག་རྣམས་ཉིལ་གྱིས་ཞིག་པ་རྗེ་བཙུན་མའི་གྲི་གུག་གིས་དཀྲུགས་

[Full Size]

པས། ཤ་ལྔ་བདུད་རྩི་ལྔ་དམ་ཚིག་གི་བདུད་རྩིར་གྱུར་པའི་སྟེང་དུ་ཨོཾ་ཨཱཿཧཱུྃ་གནས་པས། སླར་ཡང་གྲི་གུག་གིས་དཀྲུགས་པས་ཡི་གེ་རྣམས་ཞུ་བ་དང་ཟག་མེད་ཡེ་ཤེས་ཀྱི་བདུད་རྩི་རླངས་པ་ཀུན་བཟང་གིས་མཆོད་སྤྲིན་ལྟ་བུར་འཕྲོ་བ་དྭངས་མ་བདུད་རྩིའི་རྒྱ་མཚོའོ། །སྙིགས་མ་ཤ་ལྔའི་རོ་མཆོག་བཅུད་ཕུན་སུམ་ཚོགས་པར་བསམ། ལྷ་ཚོགས་ཐམས་ཅད་གཞུ་འདོམ་ཉེར་ལྔའི་ནམ་མཁའ་ལ་འཕགས་ནས་བཞུགས་པ་ལ། མཁའ་འགྲོ་རྣམས་ཀྱིས་གཡས་ཐོད་པ་དང་གཡོན་རང་རྟགས་ཀྱི་ཕྱག་མཚན་བསྣམས་པ་རྣམས་ཀྱིས་ཐོད་པའི་བདུད་རྩི་བཅུས་ནས། དང་པོ་ཡུམ་ཆེན་ལ་ལན་གསུམ་ཕུལ། དེ་ནས་ཐུབ་པ་འཁོར་བཅས་དང་། དེ་ནས་དམ་པ་དང་། མ་གཅིག་དང་། ཕག་མོ་ལྷ་ལྔ་རྣམས་ལ་གསུམ་རེ་འབུལ་འདོད་གསོལ་བྱ། དེ་ལྟར་ཚན་ལྔ་པོ་དེ་ལ་དམར་འགྱེད་བྱེད་སྲོལ་ནི་ནམ་ཡང་མེད་དོ། །དེ་ནས་ཆོས་སྐྱོང་ཕོ་རྒྱུད་མོ་རྒྱུད་ལ་འབུལ་ཕྲིན་ལས་བཅོལ། རྒྱས་པ་ཐོད་ཞལ་མའོ། ༈ ཡང་མ་མགོན་རྣམས་ལ་དམར་འགྱེད་བྱེད་ན། ཕུང་པོ་དེ་ཉིད་འབྲུ་གསུམ་གྱི་བྱིན་གྱིས་བརླབས་ལ་ངོ་བོ་ཡེ་ཤེས་བདུད་རྩི་ལ། རྣམ་པ་ཤ་ཁྲག་ཏུ་དམིགས་ནས་

[Full Size]

ཕུལ་ལ་ཕྲིན་ལས་བཅོལ་ལོ། །ཕྱི་རྒྱུད་སྲུང་མ་རྣམས་ལ་གོང་ལྟར་བདུད་རྩི་འབུལ་ཏེ་དམར་འགྱེད་མི་བྱའོ། །དེ་ཡན་དཀར་འགྱེད་ཡིན་ལ། དེ་ནས་བེམ་རིག་ཕྲལ་ལ་བྱིན་རླབས་སྔར་ལྟར་རོ། །ཡང་ན་སྔར་གྱི་ལྷག་མ་ལ་དམིགས་ཀྱང་རུང་བས། ངོ་བོ་བདུད་རྩིའི་རང་བཞིན་ལ་རྣམ་པ་ཀུན་བཟང་མཆོད་པའི་སྤྲིན་ཕུང་ལྟ་བུ་སྟེ། ཡོན་ཆབ་ལ་སོགས་མཆོད་པའི་ལྷ་མོ། གཟུགས་རྡོ་རྗེ་མ་སོགས་འདོད་ཡོན་གྱི་ལྷ་མོ་སྒེག་སོགས་བརྒྱད་ལ་སོགས་པ་ཐམས་ཅད་སྐུ་ཕྱག་རྒྱ་གར་སྟབས་བདེ་བའི་ཉམས་སྣ་ཚོགས། གསུང་གླུ་དབྱངས་སྣ་ཚོགས་སྙན་པའི་ཉམས་དང་བཅས། རེ་རེ་ལའང་གྲངས་མེད་པ་རྣམས་དང་། རྒྱལ་སྲིད་སྣ་བདུན། བཀྲ་ཤིས་རྫ་ས་རྟགས་བརྒྱད་ལ་སོགས་ལྷ་མའི་མཆོད་རྫས་སྣ་ཚོགས་ཏེ་ཕྱི་མཆོད་དང་། །རིགས་ལྔའི་རིག་མ་དཔག་ཏུ་མེད་པས་གཡོན་རང་རྟགས་ཀྱི་ཕྱག་མཚན་དང་། གཡས་ཐོད་པ་ཤ་ལྔ་དང་བདུད་རྩི་ལྔས་གང་བ་ཐོགས་པ། ནང་གི་མཆོད་པ་དང་། རིག་མ་དེ་དག་གིས་ཐབས་ཤེས་གཉིས་མེད་བདེ་སྟོང་སྒྱུ་མ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་གསང་བའི་མཆོད་པ་རྣམས་རིམ་པར་འབུལ་ལོ།། ༈ ཡང་གཟུགས་སྣང་ཐམས་ཅད་

[Full Size]

སངས་རྒྱས་མཁའ་འགྲོ། སྒྲ་གྲག་ཐམས་ཅད་རྡོ་རྗེ་མཁའ་འགྲོ། དྲི་ཚོར་ཐམས་ཅད་རིན་ཆེན་མཁའ་འགྲོ། རོ་ཚོར་ཐམས་ཅད་པདྨ་མཁའ་འགྲོ། རེག་བྱ་ཐམས་ཅད་ལས་ཀྱི་མཁའ་འགྲོ་བསྒོམ་པའམ། བསྡུ་ན་གཟུགས་སྣང་ཐམས་ཅད་སྐུའི་ལྷ་མོ་དཀར་མོ་མེ་ལོང་ཐོགས་པ། སྒྲ་གྲག་ཐམས་ཅད་ནི་གསུང་གི་ལྷ་མོ་དམར་མོ་པི་ཝང་ཐོགས་པ། །དྲན་རྟོག་ཐམས་ཅད་ཐུགས་ཀྱི་ལྷ་མོ་མཐིང་ཁ་ཆོས་འབྱུང་བསྣམས་པ། དཔག་ཏུ་མེད་པས་རྒྱལ་བ་རྣམས་ཀྱི་སྐུ་གསུང་ཐུགས་ལ་སྣང་སྟོང་། གྲག་སྟོང་། དྲན་སྟོང་། ། བདེ་བ་ཆེན་པོས་མཆོད་པས་དགྱེས་པ་བསྐྱེད་པས་ཐུགས་རྗེ་དང་། བདག་གིས་དགེ་རྩ་ཐམས་ཅད་ཀྱང་སེམས་ཅན་ཐམས་ཅད་ཀྱི་ལུས་ངག་ཡིད་གསུམ་ལ་སྨིན་པས། གནས་སྐབས་དང་མཐར་ཐུག་གི་ཉེས་སྐྱོན་ཐམས་ཅད་ལས་གྲོལ་ནས་མཆོག་གི་བདེ་བ་ཐོབ། དེ་དག་གི་སྡིག་ལྟུང་དང་། སྡུག་བསྔལ་ཐམས་ཅད་བདག་གི་རྒྱུད་ལ་སྨིན་གྱུར་ཅིག །སྙམ་པར་བྱས་ལ། སྟོང་གསུམ་རབ་འབྱམས་ཐམས་ཅད་ཀྱིས། ཞེས་སོགས་བརྗོད་ཅིང་། དམིགས་མེད་དུ་བཞག་གོ །དེ་རྣམས་ནི་ལུས་མཆོད་པར་འབུལ་བ་ཡིན་ནོ། །དེ་ནས་སྦྱིན་པ་ནི། རིགས་དྲུག་

[Full Size]

སྙིང་རྗེའི་མགྲོན་དང་། ལན་ཆགས་བགེགས་རིགས་ཀྱི་མགྲོན་ཐམས་ཅད་མཉམ་དུ་སྦྱིན་པ་ཡིན་ཏེ། བེམ་རིག་ཕྲལ་བ་སོགས་སྔར་ལྟར་བྱས་ནས། ཚེ་ཚོ་རོ་བཅུད་ལྡན་པའི་བེམ་པོ་དེ་བདག་མེད་དུ་ཁྲོལ་ལེ་བསྐྱུར་བས། མགྲོན་རིགས་ཐམས་ཅད་ཀྱི་བདུད་རྩི་རྣམ་པར་ལོངས་སྤྱོད་པར་བསམས་ལ། སྤྱི་བཏང་བསྡུས་པ་ཡིན་ལ། རྒྱས་པ་ནི། ཐོད་པ་དཀར་པོ་ཡངས་ཤིང་རྒྱ་ཆེ་བའི་སྣོད་དུ་ཕུང་པོ་ཆེ་བ་སྟོང་གསུམ་ཙམ་མམ། ཆུང་ན་ཡང་དཔག་ཚད་ལྔ་བརྒྱ་ཁྱབ་པར་དམིགས་ལ་དེ་ཉིལ་གྱིས་ཞིག་པ་ལས། ལས་བྱེད་ཀྱི་ཌཱཀྐིས་གྲི་གུག་གིས་དཀྲུགས་པས་ཉེས་སྐྱོན་ཐམས་ཅད་བྱང་ནས་ངོ་བོ་ཟག་མེད་ཀྱི་བདུད་རྩི་དཀར་གསུམ་མངར་གསུམ་གྱི་རང་བཞིན་ལ། རྣམ་པ་བདུད་རྩི་ཁ་དོག་དཀར་པོ་འོ་མའི་རྒྱ་མཚོ་ལྟ་བུ་ལས། །མགྲོན་རིགས་ཐམས་ཅད་ཀྱིས་རང་རང་གིས་ཇི་ལྟར་འདོད་པའི་ལོངས་སྤྱོད་ཕུན་སུམ་ཚོགས་པ། མཐོང་བ་ཙམ་གྱིས་དབང་པོ་རབ་ཏུ་ཚིམ་པར་བྱེད་པར་བསམས་ལ། ལས་བྱེད་ཀྱི་ཌཀྐི་མ་རྣམས་ཀྱིས་ཐོད་སྐྱོགས་ཀྱིས་བཅུས་ནས། ལུས་གདོན་དང་ལན་ཆགས་ཀྱི་བདག་པོ་བགེགས་རིགས་ཐམས་ཅད་ལ་བྱིན་པས། དགའ་མགུ་ཡི་རང་ནས་ལན་ཆགས་བྱང་བུ་ལོན་

[Full Size]

སོད། སྡིག་པ་དག་ནས་ཞི་བ་བྱང་ཆུབ་ཀྱི་སེམས་དང་ལྡན་པར་བསམ། དེ་ནས་རིགས་དྲུག་གི་སེམས་ཅན་ཐམས་ཅད་ལ་བྱིན་པས་སོ་སོའི་སྡུག་བསྔལ་ཞི་ནས་བྱང་ཆུབ་ཀྱི་ས་བོན་ཐོབ། གཞི་བདག་དཀར་ཕྱོགས་དང་ཀླུ་རྒྱལ་རིགས་རྗེ་རིགས་དམངས་རིགས་བྲམ་ཟེའི་རིགས་ཐམས་ཅད་ལ་བྱིན་པས། སོ་སོའི་ནད་དང་སྡུག་བསྔལ་རྣམས་ཞི་ཞིང་གུད་པ་དབུལ་ཞིང་ཕོངས་པ་ཐམས་ཅད་ཞི་ནས། བྱང་ཆུབ་ཀྱི་སེམས་རྒྱུད་ལ་སྐྱེ་བར་བསམ། དེ་དཀར་འགྱེད་དོ།། ༈ དེ་ནས་གཟུགས་ཅན་གྱི་དགྲ་དང་གཟུགས་མེད་ཀྱི་བགེགས་ལྷ་འདྲེ་ནག་ཕྱོགས་དང་། དེའི་རྒྱབ་ཏུ་ཀླུ་གདོལ་པས་བསྐོར་བ་རྣམས་ལ། ངོ་བོ་བདུད་རྩི་ལ་རྣམ་པ་ཤ་ཁྲག་གི་ངོ་བོ་དྲོད་རླངས་པ་དང་བཅས་པ་བྱིན་པས། གནོད་སེམས་ཀཾདང་གདུག་རྩུབ་ཐམས་ཅད་ཞི་ནས་དགའ་བདེ་དང་བྱང་ཆུབ་ཀྱི་སེམས་རྒྱུད་ལ་སྐྱེ་བར་བསམ་པ་དམར་འགྱེད་དོ། །དེ་ནས་རང་གི་སྤྱི་བོར་མ་གཅིག་གསལ་བཏབ་ནས། རང་གི་སྤྱི་བོར་ལྷའི་ས་བོན་ཨོཾ་དཀར་པོ། མགྲིན་པར་ལྷ་མ་ཡིན་གྱི་ས་བོན་ཨ་དམར་པོ། སྙིང་གར་མིའི་ས་བོན་ཧཱུྃ་ལྗང་ཁུ། ལྟེ་བར་བྱོལ་སོང་གི་ས་བོན་དྭ་སྐྱ་བོ། གསང་གནས་སུ་ཡི་དྭགས་ས་

[Full Size]

བོན་ར་སེར་པོ། རྐང་ཞབས་དམྱལ་བའི་ས་བོན་ཏྲི་ནག་པོ་བསྒོམས་ལ། ཡི་གེ་དེ་དག་ལས་རང་མདོག་གི་འོད་ཟེར་འཕྲོས་པས། རིགས་དྲུག་རང་རང་གི་སེམས་ཅན་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་སིབ་ཀྱིས་བསྡུས་ནས་ཡི་གེ་རང་རང་ལ་ཐིམ་པས་དབྱེར་མེད་དུ་གྱུར། རང་ལུས་ཆེར་སྐྱེས་ཏེ་ཡར་སྲིད་པའི་རྩེ་མོ་དང་། ཕར་ལྕགས་རི་ལ་ཁྱབ་པས། རྐང་ཞབས་ཀྱི་དམྱལ་བའི་ས་བོན་དེ་འོད་ཀྱི་གོང་བུ་ཡུངས་འབྲུ་ཙམ་དུ་གྱུར་ནས་ཡར་འཕྲོས། གསང་གནས་སུ་ཡི་དྭགས་ཀྱི་ས་བོན་དང་འདྲེས་པས་སྲན་འབྲུ་ཙམ་དུ་གྱུར། དེ་ཡར་འཕྲོས་ཏེ་ལྟེ་བའི་དུད་འགྲོའི་ས་བོན་དང་འདྲེས་པས་རྒྱ་སྲན་ཙམ་དུ་གྱུར། ཡར་འཕྲོས་སྙིང་ཁར་མིའི་ས་བོན་དང་འདྲེས་ནས་བྱིའུ་སྒོང་ཙམ་དུ་གྱུར། ཡར་འཕྲོས་མགྲིན་པའི་ལྷ་མ་ཡིན་གྱི་ས་བོན་དང་འདྲེས་པས་བྱ་མ་སར་གྱི་སྒོ་ང་ཙམ་དུ་གྱུར། ཡར་འཕྲོས་ལྷའི་ས་བོན་དང་འདྲེས་པས་བྱ་ཆེན་གྱི་སྒོ་ང་ཙམ་དུ་གྱུར། དེ་ལྟར་རང་དང་རིགས་དྲུག་གི་རྣམ་ཤེས་རྣམས་དབྱེར་མེད་ཀྱི་ངོ་བོ་དེ་རྒྱང་གིས་ཐོན་ནས་མ་གཅིག་གམ་ཡུམ་ཆེན་གྱི་ཐུགས་ཀར་བསྟིམ། ཕུང་པོ་དེའི་བདུད་རྩིའི་རྒྱ་མཚོ་འཇིག་རྟེན་གྱི་ཁམས་ཐམས་ཅད་གང་བར་གྱུར་ནས་རིགས་དྲུག་

[Full Size]

སོ་སོའི་ལན་ཆགས་རྣམས་ཅི་འདོད་དུ་ལོངས་སྤྱོད་པས་རང་རང་གི་སྡིག་སྒྲིབ་སྡུག་བསྔལ་ཐམས་ཅད་ལས་གྲོལ་ནས། རྣམ་མཁྱེན་སངས་རྒྱས་ཀྱི་གོ་འཕང་ཐོབ་ནས་རིགས་དྲུག་གི་གནས་སྟོང་པར་བསྒོམས་ལོ། སྐྱེ་མེད་ཀྱི་ངང་ལ་ལྷན་ནེ་བཞག་གོ །དེ་ནི་རིགས་དྲུག་གིས་རྟེན་ནས་སྦྱང་བའི་དམིགས་པའོ། །དེ་ནས་ཐོད་པའི་ནང་དུ་སྔར་གྱི་ལྷག་མ་དེའམ་རོ་གསར་པ་བྱིན་རླབས་སོགས་བྱས་ལ། བདུད་རྩིའི་རྒྱ་མཚོའི་རླངས་པ་ལ་མགྲོན་རིགས་རྣམས་རང་རང་གི་ཇི་ལྟར་འདོད་པ་ལ་ལོངས་སྤྱོད་པ་དང་། དྭངས་མ་བདུད་རྩི་ལ་སྙིགས་མ་སོ་སོའི་ཞལ་ཟས་སྣ་ཚོགས་སུ་དམིགས་ལ། ལས་བྱེད་རྣམས་ཀྱིས་ལན་ཆགས་དང་། ཀླུ་གཞི་བདག་རིགས་རྣམས་ལ། ཅི་འདོད་གང་དགྱེས་སྣ་ཚོགས་རང་རང་ཡིད་དང་མཐུན་པར་བྱིན་ཅིང་། སྡང་དགྲ་གནོད་བྱེད་ཀླུ་གདོལ་པ་སོགས། ནག་ཕྱོགས་རྣམས་ལ་ཤ་ཁྲག་དྲོད་རླངས་དང་བཅས་པའི་རྣམ་པར་བྱིན་པ་ནི། མགྲོན་འགྱེད་མའོ། །ཡང་བེམ་པོའི་པགས་པ་ཤག་གིས་རལ་བ། རང་རིག་ཕག་མོར་གྱུར་པས་ཕྱལ་གྱིས་བཏིང་བས་སྟོང་གསུམ་ཁྱབ། དེ་ལ་གྲི་གུག་གིས་མིག་མང་རིས་སུ་བྲིས་པས། གྲུ་ཆོད་བང་བའི་

[Full Size]

གཤག་མིག་ལྟ་བུའི་ནང་དུ་པད་སྣོད་རེ་རེ་ལ་དེར་རྗེ་བཙུན་མས་གྲི་གུག་གིས་ཤ་ཁྲག་ཐམས་ཅད་བླུག་པའི་སྟེང་དུ་ཨོཾ་ཨཱཿཧཱུྃ་གསུམ་གསལ་བས། དེ་ཞུ་ཞིང་འདྲེས་པས། སྣོད་ལ་ལ་ནི་དཀར་གསུམ་གྱིས་གང་། ལ་ལ་ནི་མངར་གསུམ་གྱིས་གང་། འགའ་རེ་སྨན་སྣ་ཚོགས། འགའ་ཞིག་འབྲུ་སྣ་ཚོགས། ལ་ལ་ནི་རིན་པོ་ཆེ་སྣ་ཚོགས་པ། དར་ཟབ་དང་འདོད་ཡོན་རྣམ་པ་སྣ་ཚོགས་སུ་བསྐྱེད་ནས་བྱིན་པ་ནི། བང་མིག་མའོ། །དེ་ལ་ལས་བྱེད་མཁའ་འགྲོས་སོ་སོར་བཀྱེ་བ་མགྲོན་ཐབས་མའོ། །མགྲོན་རང་རང་གིས་གང་དགའ་བ་རང་བྱིན་བྱེད་པ་ལ། ཧབ་ཐོབ་མའོ། །དེ་ནས་སྔོན་གྱི་ལྷག་མ་དེ་ལ་བམ་རོ་གསར་པ་གཅིག་དམིགས་ལ་དཀར་གསུམ་མངར་གསུམ་སྨན་སྣ་ཚོགས། དར་ཟབ་བལ་ཚོན་ནམ་མཁའ་མདའ་འཕོང་། རིན་ཆེན་སྣ་ཚོགས་འབྲུ་སྣ་བྱ་རིགས་གཅན་གཟན་རི་དྭགས་གོ་མཚོན། གསེར་བྲེ་དངུལ་བྲེ་ཟངས་སྤྱད་མེ་ཏོག་ཤིང་ཐོག །ཡུལ་མཁར་ཤིང་རྩི་སྣ་ཚོགས་སུ་དམིགས་ལ་གཞི་བདག་རྣམས་ལ་བྱིན་པས། དགའ་མགུ་ཡི་རང་ནས། སྔར་བས་ཀྱང་མདངས་གསལ། ཞི་དུལ་དད་གུས་སྐྱེས་ནས་ཕྲིན་ལས་གང་བཅོལ་སྒྲུབ་ཅིང་། བྱང་ཆུབ་ཀྱི་སེམས་

[Full Size]

དང་ལྡན་པར་བསམ། དེ་གཞི་བདག་གཏོར་མའོ། །ཡང་བེམ་རིག་ཕྲལ་ལམ། ལྷག་མ་དེ་ལ་རོ་གསར་པ་གཅིག་བསྐྱེད་ལ། བེམ་རོ་དེ་ཉིད་སིལ་བུར་གྱུར་པ་ལས། རང་གི་ཐུགས་ཀའི་འོད་ཟེར་ཕོག་པས་མི་གཙང་བ་ཐམས་ཅད་སྦྱངས་ནས། ཤ་འཆི་མེད་ཀྱི་བདུད་རྩི་ཁྲག་འོ་མའི་རྒྱ་མཚོ་ལ་སོགས་པ་སྟེ། མཚོ་དང་རྫིང་བུ་ནེའུ་སིང་ཆུ་མིག །རིན་པོ་ཆེའི་རི་དང་ཁང་བཟང་རིན་པོ་ཆེ་སྣ་ཚོགས། ཀླུ་སྨན་སྣ་ཚོགས། ཤིང་རྩི་མེ་ཏོག་ཆུ་གནས་ཆུ་བྱ་སྣ་ཚོགས་ཏེ། ཀླུའི་འདོད་ཡོན་སྣ་ཚོགས་སུ་དམིགས་ལ། ཀླུ་ལ་བྱིན་པས། ནད་སྡུག་བསྔལ་ཐམས་ཅད་ཞི་ནས་བཀྲག་མདངས་དང་ལྡན་ནས་དད་གུས་དང་བྱང་ཆུབ་སེམས་བསྐྱེད་དེ། ཕྲིན་ལས་གང་བཅོལ་མྱུར་དུ་འགྲུབ་པར་བསམ་ལ། ཀླུ་གཏོར་རོ། །འདིར་ཀཱ་དང་གཞི་བདག་གི་དག་དམིགས་ནི་ལོགས་ས་གབ་བོ། དང་གཞི་བདག་གི་དྲག་དམིགས་ནི་ལོགས་སུ་གབ་བོ། །དེ་རྣམས་ནི་ཁྲ་འགྱེད་ཡིན་ནོ། དེ་ནས་དམར་འགྱེད་ལ་བེམ་རིག་ཕྲལ་བ་དབྱིངས་རིག་བསྲེ་བ་ལ་སོགས་སྔར་ལྟར་བྱས་པ་ཐམས་ཅད་འདྲ་སྟེ། བེམ་པོ་ཆེ་བ་ཚོ་བ་བཀྲག་མདངས་ཆེ་བ། རོ་མཆོག་ཞིམ་ཞིང་བཅུད་དང་ལྡན་པས། དེ་མཐོང་བ་ཙམ་གྱིས་ལྷ་འདྲེ་ཐམས་ཅད་

[Full Size]

ཀྱི་སེམས་ཚིམ་ཞིང་ཡིད་འཕྲོག་པས། གདུག་རྩུབ་ཐམས་ཅད་རང་བཞིན་གྱིས་ཞི་ནུས་པར་དམིགས་ནས། མགྲོན་རྣམས་ཀྱི་དཀྱིལ་དུ་བདག་མེད་དུ་བསྐྱར་བས་ཧབ་དི་རི་རི་ཟོས་པས་ལྷག་མ་མེད་ཅིང་ཚིམ་པར་བསམ་པ་ནི། བེམ་བསྒྱུར་མའོ། །ཡང་རང་ཉིད་རྗེ་བཙུན་མས། བེམ་པོ་དེའི་ལག་པ་གཡས་པ་བཅད་ནས་ཤར་དུ་འཕངས་བས། ཤར་ཕྱོགས་ཀྱི་ལྷ་འདྲེ་ཐམས་ཅད་ཀྱིས་ཟོས་ཤིང་ཚིམ། དེ་བཞིན་དུ་ལག་གཡོན་པ་ལྷོ། རྐང་པ་གཡས་ནུབ། གཡོན་བྱང་རྣམས་སུ་འཕངས་བས་ཕྱོགས་དེའི་ལྷ་འདྲེ་ཚིམ། བེམ་སྒོག་དབུས་དང་སྟེང་འོག་སོགས་ཚིམ་པར་བསམ་པ་ནི། གླིང་བཞི་མའོ། །ཡང་བེམ་ཤུན་སྟོང་གསུམ་ཁྱབ་པ་དེ་ཡི་སྟེང་དུ། ཤ་ཁྲག་ཐམས་ཅད་སོ་སོར་བཤམས་པའི་གློ་སྙིང་ཤ་ཁྲག་ཐམས་ཅད་གང་འདོད་ཁྱེར་བསམ་པ། སྤོས་འདོད་མ་ཟེར། ཡང་བེམ་པོ་གཏུབས་ནས་ཤ་དུམ་ཁྲག་ཐིགས་རེ་རུས་པ་དུམ་རེ་བྱས་ནས། ཐམས་ཅད་ལ་སྣ་ཚང་རེ་བྱིན་པ་ནི། སྤང་སྟོན་མ་ཟེར་རོ།། །ཡང་རིག་པའི་ངོ་བོ་ཧྲིལས་རྗེ་བཙུན་རྡོ་རྗེ་རྣལ་འབྱོར་མ། ཁམས་གསུམ་ཁྱབ་པའི་ཐུགས་ཀ་ནས། ལས་བྱེད་ཀྱི་མཁའ་འགྲོ་མ་དཔག་མེད་འཕྲོས་ནས། བེམ་པོ་

[Full Size]

གདེས་གླིང་བཞིའམ་འཛམ་གླིང་ཁྱབ་པའི་ཀ་པཱ་ལ་མདུན་དུ་འབར་བའི་ནང་དུ། རོ་དེ་ལ་མཁའ་འགྲོ་མས་གྲི་གུག་ཚད་པ་ཙམ་གྱིས། ཤ་ཁྲག་རུས་གསུམ་སིལ་བུར་སོང་། ཤ་རི་ཁྲག་མཚོ་རུས་པའི་གྲམ་ཁྲོད་ནམ་མཁའ་དང་མཉམ་པར་བསམས་ལ། ལས་བྱེད་མ་རྣམས་ཀྱིས་གཉན་འབོད་རིང་ཐུང་བྱས་པས་ལྷ་འདྲེ་ཐམས་ཅད་སྤྲིན་དང་ཆར་དྲག་རླུང་འཚུབ་པ་ལྟར་འདུས་པར་དམིགས་ལ། ན་མོ། གཉན་ས་འདིར་གནས་སོགས་བྱ་ཞིང་། ལུས་གདོན་གནོད་སྦྱིན་བགེགས་རིགས་གནས་གདོན་རྣམས་དང་། རིགས་དྲུག་སོགས་མགྲོན་ཐམས་ཅད་ལ། སོ་སོའི་ཡིད་མཐུན་གྱི་ཡོ་བྱད་དུ་དམིགས་ནས། ལས་བྱེད་རྣམས་ཀྱིས་བྱིན་པས། དགའ་ཞིང་ཚིམ་པར་བསམ་པ་བསྡུས་པའོ། །ཡང་ཕཊརེ་རེའི་རིམ་པ་ལྟར། ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅུར། མགྲོན་རིགས་ལ་བྱིན་པར་དམིགས་པ་ནི་ཕཊ་བཅུ་བཟླའོ། །འབྲིང་བའོ། །ཡང་མཁའ་འགྲོ་འབུམ་ཚོ་འབུམ་ཚོས། མགྲོན་རིགས་ཀྱང་འབུམ་ཚོ་འབུམ་ཚོར་བསྐྱེས་ནས་སྦྱིན་ཏེ། ཀླུ་བྲམ་ཟེ་སོགས་དཀར་ཕྱོགས་རྣམས་ལ། རྣམ་པ་ཤ་ཁྲག་ལ་ངོ་བོ་བདུད་རྩིར་བསྒོམ། ནག་ཕྱོགས་ལྷ་

[Full Size]

འདྲེ་དང་གདོལ་པ་ལ། ངོ་བོ་དང་རྣམ་པ་གཉིས་ཀ་ཤ་ཁྲག་ཏུ་དམིགས་ལ་བདུད་རྩི་མི་བསྲེ་བར་སྦྱིན་པ་ཡིན་ནོ། །དེ་གསུམ་ནི་གཟན་འགྱེད་མ་རྒྱས་འབྲིང་བསྡུས་གསུམ་ཡིན་ནོ། །ཡང་རང་ཉིད་རྡོ་རྗེ་རྣལ་འབྱོར་མས། བེམ་པོ་ལ་གྲི་གུག་གིས་བཏབ་ནས། ཁྲག་གི་རྒྱ་མཚོ་ཆེན་པོར་གྱུར་པའི་དབུས་སུ། རྐང་དང་རུས་པ་རྣམས་དར་ཡུ་ལྟར་བཙུགས་པ་ལ། ཤ་རྣམས་དར་ཡུག་ལྟར་རུས་པའི་རྩེར་བསྐྱོན་པས་བ་དན་ལྟ་བུ་ལ། ཤ་ཁྲག་ཟག་མེད་ཀྱི་རྒྱུན་བབས་པ་ལྷ་འདྲེ་རྣམས་ཀྱིས་ལོངས་སྤྱོད་པར་དམིགས་པ་ནི། བ་དན་མའོ། །ཡང་རྣལ་འབྱོར་མས། །བེམ་པོའི་རྐང་པ་ནས་བཟུང་སྟེ་ནམ་མཁར་ཁྱེར་ནས་དཀྲུགས་པས། ཉ་རོ་ཚོས་པ་ལྟར་ཤ་ཁྲག་རྣམས་སིལ་བུར་སོང་། མཐར་རུས་པ་ཡང་འཕངས་བས། ཤ་ཁྲག་རུས་གསུམ་གྱི་རྒྱ་མཚོར་གྱུར་པ། ལྷ་འདྲེ་རྣམས་ཀྱི་ཟོས་པར་དམིགས་པ་ནི། །རུས་དཀྲུག་མའོ། །ཡང་རོ་སོ་མ་དང་རླུང་རྙིང་ལ་སོགས་འབུམ་ཚོ་གཅིག་བསྐྱེད་ལ་རོ་རེ་རེ་ལ་ཡང་། ལས་བྱེད་མཁའ་འགྲོ་མ་རེ་རེས་བཀྱེ་བ་དང་། རོ་འབུམ་ཚོ་གྲངས་མེད་དུ་གྱུར་པ། ལྷ་འདྲེ་རྣམས་ཀྱིས་ཧབ་ཐོབ་ཟོས་པར་བསྒོམ་པ། རོ་འགྱེད་མའོ། །ཡང་

[Full Size]

རང་ཉིད་རྡོ་རྗེ་རྣལ་འབྱོར་མས། བེམ་པོའི་རྐང་པ་ནས་བཟུང་སྟེ་ནམ་མཁར་ཁྱེར་ནས་ལྷ་འདྲེ་རྣམས་ཀྱིས་འོག་ནས་ཁ་ཡར་ཟེད་ཡོད་པའི་ཁར། དམར་ལྗིབ་ལྡིབ་ཟོས་པར་བསྒོམ་པའོ། །ཡང་ཁྲོ་ཆུའི་ཕ་བོང་སྟོང་གསུམ་ཙམ་གྱི་སྟེང་དུ་བརྡབས་པས། ཤ་ཁྲག་དམར་ཐེར་རེ་སོང་བ། ཕ་བོང་གི་འདབ་ནས་ལྷ་འདྲེ་རྣམས་ཀྱིས་ཟོས་པར་བསྒོམ། འདི་གཉིས་རྡེབ་མ་ཟེར་ཏེ་ཅུང་ཟད་རྩུབ་པས། ནད་པ་གདོན་ཅན་ལ་ལན་རེ་ཙམ་བྱ་ཡི་རྒྱུན་དུ་མི་རུང་ངོ་། །དམིགས་པ་དེ་ཐམས་ཅད་ལ་དང་པོ་བསམ་པ་རྣམ་པར་དག་པ་སེམས་ཅན་ཐམས་ཅད་བྱང་ཆུབ་ཐོབ་པའི་ཕྱིར། ལུས་ཤ་ཁྲག་འདི་སྦྱིན་བསམ་པའི་སེམས་བསྐྱེད། བར་དུ་ལྷ་འདྲེ་ཐམས་ཅད་ཕ་མ་དྲིན་ཆེན་དུ་ཤེས་པས། བྱམས་སྙིང་རྗེ་དང་སྦྱིན་པ་རྣམ་པར་དག་པ་དང་། སེམས་ཅན་སྦྱིན་པ་དང་མཇུག་ཏུ་བདག་དང་ལྷ་འདྲེ་ལུས་དང་གསུམ། དམིགས་མེད་སྟོང་ཉིད་བསྲེ་བ་དང་། དེ་ལྟར་བྱིན་པའི་ལན་དུ་ནད་གདོན་ཞི་བའམ། དངོས་གྲུབ་ཐོབ་པའམ། སྦྱིན་འབྲས་འདོད་པ་སོགས། ལན་དང་རེ་བ་མེད་པར་སྟོང་ཉིད་སྙིང་རྗེའི་ངང་ནས་བྱ་སྟེ། འོག་གི་གསོལ་འདེབས་ཐམས་ཅད་ངག་ཏུ་བྱེད་ཅིང་སེམས་ཀྱིས་ལུས་

[Full Size]

སྦྱིན་གྱི་དམིགས་པ་མི་གཅིག་པ་འདི་རྣམས་རྩེ་གཅིག་ཏུ་བྱེད། སྔར་ནས་ཕྱག་ལེན་གྱི་རྒྱུན་ལ་ཡོད་དོ། །དེ་ཡང་གནས་རྣམ་དག་གི་སོགས། གསོལ་བ་འདེབས་ཡུལ་དེ་ཉིད་ལ། དཀྱིལ་འཁོར་གྱི་ལྷ་ཚོགས་ཐམས་ཅད་ཀྱིས་བསྐོར་ནས་བཞུགས་པ་ལ། རང་གཞན་ཐམས་ཅད་ཀྱིས་རྩེ་གཅིག་ཏུ་འུར་ཏི་རི་རི་གསོལ་བ་འདེབས་པར་མོས་ལ། རྩ་བའི་བླ་མའི་བར་བཀའ་བརྒྱུད་གསོལ་འདེབས་དང་། རྗེ་བླ་མ་རྣམས་ལ་སོགས། ཧཱུྃ་ཕ་ནག་པོ་ཆེན་པོ་སོགས། ཕ་རྒྱུད་མ་རྒྱུད་གཉིས་མེད་ཉམས་རྒྱུད་སོགས། གཞུང་ལྟར་འདོན། གསོལ་འདེབས་དམིགས་པའོ། །དེ་ལྟར་གསོལ་བ་བཏབ་པས་ལྷ་ཚོགས་དེ་དག་གི་གནས་གསུམ་ནས་སྐུ་གསུང་ཐུགས་ཀྱི་ངོ་བོ་ཨོ་དཀར་པོ། ཨཱཿདམར་པོ། ཧཱུཾ་སྔོན་པོ་དཔག་ཏུ་མེད་པ་བྱུང་། རང་གཞན་ཐམས་ཅད་ཀྱི་གནས་གསུམ་དུ་ཐིམ་པས་སྐུ་གསུང་ཐུགས་ཀྱི་བྱིན་རླབས་དཔག་ཏུ་མེད་པ་ཐོབ་པར་བསྒོམ། དེ་ནི་བྱིན་རླབས་ཞུ་བའི་དམིགས་པའོ། །དེ་ནས་ཀྱི་མ་མི་མིན་ཡེ་ཤེས་མཁའ་འགྲོ་མ། །དབུས་ཕྱོགས་དེ་བཞིན་རིགས་ཀྱི་ཌཱཀི་འབུམ། །ཞེས་སོགས་རང་རང་གི་ཚིགས་བཅད་རྣམས་འདོན་དུས་སུ། ལྷ་ཚོགས་རྣམས་ཀྱི་ཐུགས་ཀ་ནས། །

[Full Size]

འོད་ཟེར་བྱུང་སྟེ་ཡུམ་ཆེན་ལ་ཕོག །ཡུམ་ཆེན་ལས་འོད་འཕྲོས་མ་གཅིག་ལ་ཕོག །མ་གཅིག་གི་ཐུགས་ཀ་ནས་འོད་ཟེར་འཕྲོས་པས། རིགས་ལྔའི་མཁའ་འགྲོ་རྣམས་ལ། འཁོར་འབུམ་སྡེ་འབུམ་སྡེའི་བསྐོར་ནས། རང་བཞིན་གྱི་སྤྱི་བོར་བྱོན་པར་བསྒོམ། དེ་ནི་ཌཀི་འབུམ་ལས་ལ་བསྐུལ་བའི་དམིགས་པའོ། །ཐུགས་རྗེ་རྒྱུན་ཆད་མེད་པར་དགོངས་མཛོད་ལ། །ཞེས་སོགས་བརྗོད་པའི་ཚེ་ཌཀི་རྣམས་ཐམས་ཅད་ས་ལ་ཆིལ་གྱིས་བབས། མ་གཅིག་ནི་སྤྱི་བོར་བཞུགས་པར་བསམ། དེ་དག་གི་འོད་ཟེར་གྱི་ཡུལ་དེ་ཨོ་རྒྱན་རང་བྱུང་གི་དུར་ཁྲོད། གནས་ཁང་དེ་གཞལ་ཡས་ཁང་། སྣོད་ཐམས་ཅད་བྷནྡྷ། བཅུད་ཐམས་ཅད་ཟག་མེད་ཀྱི་ཚོགས་རྫས། རྣལ་འབྱོར་ཕོ་མོ་ཐམས་ཅད་དཔའ་བོ་དང་དཔའ་མོར་བྱིན་གྱིས་བརླབས་ནས། མཆོག་ཐུན་མོང་གི་དངོས་གྲུབ་ཐམས་ཅད་སྩོལ་ཞིང་། རང་རང་གི་ཕྱོགས་ན་བཞུགས་པ་ལ། ལས་བྱེད་མའི་ཐུགས་ཀ་ནས་ཡང་ཡང་སྤྲུལ། ལས་བྱེད་རིགས་ལྔའི་མཁའ་འགྲོ་རྣམས་འཕྲོས་ནས། བདུད་རྩི་མཆོད་ཅིང་ཐམས་ཅད་དགྱེས་ནས་ཕྲིན་ལས་ཐོགས་མེད་དུ་སྒྲུབ། མཐར་ཡེ་ཤེས་ཀྱི་ཌཀྐི་འབུམ་ཕྲག་བཅུ། ཡང་འབུམ་

[Full Size]

ཕྲག་འབུམ་གཅིག་ཏུ་ཐིམ། དེ་དག་ཀྱང་རང་རིག་དང་དབྱེར་མེད་དུ་གྱུར་པའི་འབུམ་ཕྲག་བཅུའི་ཞིང་ཁམས་ཐམས་ཅད་ལ་སྔར་ལྟར། རིམ་བཞིན་ཕུལ་ཞིང་ཚིགས་བཅད་རྣམས་ཀྱང་ཌཱཀི་འབུམ་སྡེ་རྣམས་ཀྱིས་འུར་ཏིར་རི་རི་འདོན་པར་བསྒོམ་པ་ནི། བྱིན་འབེབས་ཀྱི་དམིགས་པ་ཡིན་ནོ། །ཡང་ན་ཌཀྐི་འབུམ་བསྐོར་འདི། མ་རྒྱུད་ཀྱི་གསོལ་འདེབས་ཡིན་པས་གསོལ་བ་འདེབས་ཡུལ་ཚོགས་ཞིང་གི་སྙན་གོང་གཡོན་གྱི། རྗེ་བཙུན་ཕག་མོ་ལྷ་ལྔ་དེ་ལ་གསོལ་བ་འདེབས་ནས། མཆོད་སྦྱིན་གྱི་རིམ་པ་ཙམ་ལས་བྱིན་འབེབས་ལྷག་ཏུ་མི་བྱེད་དོ། །མགྲོན་ནི་རིགས་ལྔའི་བསྲེ་བ་སྐོར་གསུམ་བྱས་ནས་ཚོགས་ལས་ཀྱི་སྐབས་ནས། ཚོགས་ལྷ་རིགས་ལྔ་ཡེ་ཤེས་པ་སྤྱན་དྲངས་པའི་ཐུགས་ཀ་ནས། འོད་ཟེར་སྤྲོ་བསྡུའི་གནས་ཁང་རྣལ་འབྱོར་ཕོ་མོ་ཚོགས་རྫས་དང་བཅས་པ་ལ་བྱིན་འབེབས་རྣམ་བཞི་དང་། སྦྱིན་ཡུལ་གྱི་ཚོགས་མགྲོན་རྣམས་ཀྱང་འགུགས་གཞུག་བྱས་ནས། ཀ་པཱ་ལའི་ནང་དུ་ལས་ཚོགས་དབྱེར་མེད་པ་དེ་ཉིད། གསེར་གྱི་རྡོ་རྗེ་རྩེ་དགུ་པ་ཡི་གེ་གསུམ་གྱིས་མཚན་པ་སོགས་དང་། དེ་ནས་ལས་བྱེད་རིགས་ལྔས་བསྟན་པར་དམིགས་པ་ནི་དྲུང་པ་རིན་པོ་ཆེས་བཞེད་གསུངས་

[Full Size]

སོ། །དེ་ནས་ཚོགས་ལ་ཆུ་གཙང་དང་བདུད་རྩིས་བྲན་ལ། ཨོཾ་ཨཱཿཧཱུྃ་དང་གཱ་ཏེའི་སྔགས་བརྗོད་པས་ནི་ཚོགས་བསང་བའོ། །དེ་ནས་ཀྱེ་མ་མི་མིན་ཡེ་ཤེས་མཁའ་འགྲོ་མ། །དབུས་ཕྱོགས་དེ་བཞིན་རིགས་ཀྱི་སོགས་ནས། བཞུགས་སུ་གསོལ་གྱི་བར་ཚིག་རྐང་བདུན་པོའི་བསྒོམ་བྱ་ནི། དཀྱིལ་འཁོར་གྱི་ལྷ་ཚོགས་རྣམས་ཀྱི་ཐུགས་ཀ་ནས། འོད་ཟེར་བྱུང་བ་ཡུམ་ཆེན་ལ་ཕོག །དེ་ལས་འོད་ཟེར་བྱུང་བ་མ་གཅིག་ལ་ཐིམ། མ་གཅིག་ལ་ཕྱོགས་བཅུའི་ཆ་ཀི་འབུམ་གྱིས་བསྐོར་ནས། ཚོགས་ཀྱི་སྟེང་གི་ནམ་མཁའ་ལ་བཞུགས་པའི་ཐུགས་ཀ་ནས་འོད་ཟེར་འཕྲོས་པས། ཨོ་རྒྱན་དག་པ་མཁའ་སྤྱོད་ཀྱི་གནས་ནས། རིགས་ལྔ་མཁའ་འགྲོ་རྣམས་རང་རང་གི་འཁོར་ཌཱཀི་འབུམ་སྡེ་འབུམ་སྡེས་བསྐོར་བ་ཡུམ་ཆེན་སྤྱན་དྲངས་ནས་མདུན་གྱི་ནམ་མཁའ་ལ་བྱོན་ནས། སྤྲིན་འཁྲིགས་པ་ལྟར་བསྒོམ་སྟེ། དེ་རྣམས་ཀྱང་རིན་པོ་ཆེའི་སྙན་ཆ་དང་གདུབ་བུ་སོགས་རྒྱན་དང་ཆ་ལུགས་ཡོངས་སུ་རྫོགས་ཏེ། རིན་པོ་ཆེའི་སྙན་ཆ་ཁྲ་ལ་ལ། སོགས་ཚིག་རྐང་བདུན་དང་། དུག་ལྔ་གཅོད་ཕྱིར་པད་ཟླའི་གདན་འབུལ་ལ། བཞུགས་པར་བསམ་པ་གདན་འབུལ་གཟུགས་སྒྲ་དྲི་རོ་སོགས། །

[Full Size]

འདོད་ཡོན་རྣམ་པ་ལྔའི་ཚོགས་མཆོད་འབུལ་བ་མཆོད་འབུལ་དང་། སྟོང་ཉིད་བཅོ་བརྒྱད་ཅེས་པས། ལུས་རྡུལ་སྙེད་དུ་སྤྲུལ་ནས་ཕྱག་འཚལ་བའོ། །དེ་རྣམས་ནི་ཚོགས་ལྷ་རྣམས་སྤྱན་ལྟའདྲེན་དམིགས་པ་ཡིན་ལ། བྱིན་འབེབས་པ་ནི། ལྷ་ཚོགས་རྣམས་ཀྱི་འོད་ཟེར་གྱིས་བསྐུལ་ཏེ། ཀི་རྣམས་ཀྱི་ཐུགས་ཀ་ནས་འོད་ཟེར་འཕྲོས་པ་གནས་ལ་ཕོག་པས། ས་ཆ་དེ་ཨོ་རྒྱན་རང་བྱུང་གི་དུར་ཁྲོད་དུ་གྱུར་པར་བསྒོམ་པ་གནས་ཁང་བྱིན་དབབ་པའོ། །གནས་ཁང་ལ་འོད་ཟེར་ཕོག་པས། རང་བཞིན་ལྷུན་གྱིས་གྲུབ་པའི་གཞལ་ཡས་ཁང་། ཐོད་པ་སྐམ་རློན་གྱི་རྩིགས་པ་བྱས་པ། སྒོ་བཞི་གྲུ་བཞི་རྟ་བབས་སོགས་ཡོངས་སུ་རྫོགས་པ། ནམ་མཁའ་ཐམས་ཅད་ནི་འཇའ་སྤྲིན་སྣ་ཚོགས་ཀྱི་གུར་དང་། བླ་བྲེ་ལོང་ལོང་དུ་འཁྲིགས་པ། བར་སྣང་ཐམས་ཅད་མེ་ཏོག་པུཎྜ་རི་ཀ་དང་། ཙམ་པ་ཀ་ལ་སོགས་པའི་ཆར་བུན་ལང་ལོང་བབས་པ། ས་གཞི་ཡང་འདོད་ཡོན་སྣ་ཚོགས། མཆོད་རྫས་བཟང་ཞིང་རྒྱ་ཆེ་བ་གཅལ་དུ་བཀྲམ་པས་གང་བ། ལྷའི་བུ་མོ་མཆོད་པའི་ལྷ་མོ་ཐམས་ཅད་ཀྱི་གླུ་གར་རོལ་མོ་རྩེད་འཇོ་སྣ་ཚོགས་དང་བཅས་ཏེ་ནམ་མཁའ་བར་སྣང་གང་བ། དཔེར་ན་བདེ་བ་ཅན་གྱི་ཞིང་ཁམས་

[Full Size]

ལྟར། བཀོད་པ་ཕུན་སུམ་ཚོགས་པར་དམིགས་ཤིང་། ཀྱི་ཚོགས་ཁང་གཞལ་ཡས་སོགས་བརྗོད་པས་གནས་ཁང་ལ་བྱིན་ཕབ་པའོ། །འོད་ཟེར་རྣལ་འབྱོར་ཕོ་མོ་ལ་ཕོག་པས། ཐམས་ཅད་དཔའ་བོ་དང་དཔའ་མོར་བྱིན་གྱིས་བརླབས་པར་བསམས་ལ། འདིར་ཚོགས་སྐྱེས་བུ་སོགས་བརྗོད་པས། རྣལ་འབྱོར་ཕོ་མོ་ལ་བྱིན་ཕབ་པའོ། །སྣོད་རྣམས་ལ་འོད་ཟེར་ཕོག་པས་ཐམས་ཅད་བྷནྡྷ་མཚན་ལྡན་དང་པད་སྣོད་ལྕང་ལོ་ཅན་དུ་གྱུར་པར་དམིགས་ནས། རིན་ཆེན་ཞེས་སོགས་བརྗོད་པ་སྣོད་བྱིན་ཕབ་པའོ། །འོད་ཟེར་བཅུད་ཚོགས་རྫས་རྣམས་ལ་ཕོག་པས་ཤ་ལྔའི་བདུད་རྩི་ལྔའི་རང་བཞིན་དུ་བསམ་སྟེ། བཅུད་ཀྱི་ཞལ་ཟས་སོགས་བརྗོད་པ་བཅུད་ཚོགས་ལ་བྱིན་ཕབ་པའོ། །འོད་ཟེར་མཎྜལ་ལ་ཕོག་པས། རྒྱན་དང་བཀོད་པ་ཕུན་སུམ་ཚོགས་པར་དམིགས་ལ། མཎྜལ་འདི་ལ་སོགས་མཎྜལ་ལ་བྱིན་ཕབ་པའོ། །འོད་ཟེར་མཆོད་རྫས་ལ་ཕོག་པས། སྣང་སྟོང་རྡོ་རྗེའི་མཆོད་སྦྱིན་ལྟ་བུར་བསམས་ལ། མར་མེ་འདི་ལ་སོགས་མཆོད་རྫོ་ས་ལ་བྱིན་ཕབ་པའོ། །འོད་ཟེར་གནོད་བྱེད་གཙོར་བྱས། མགྲོན་རིགས་སྦྱིན་ཡུལ་རྣམས་ལ་ཕོག་པས། མ་དག་པའི་སྡིག་སྒྲིབ་ཐམས་ཅད་

[Full Size]

དག་ནས་སྐུ་བཞིའི་ས་བོན་རྒྱུད་ལ་བཞག་པར་བསམ་ལ། སློབ་མ་རྣམས་ལ་ཞེས་སོགས་མགྲོན་ལ་བྱིན་ཕབ་པའོ། ༈ །དེ་ནས་བདག་ལུས་དང་བསྲུང་བྱའི་ལུས་དབྱེར་མེད་དུ་བསྲེ། རྣམ་ཤེས་གཉིས་དབྱེར་མེད་དུ་བསྲེས་ནས་ཐིག་ལེའམ་ཧཱུྃ་དུ་བསྒྱུར། དེ་ཚངས་བུག་ནས་སྤར་ཏེ། བར་སྣང་སྟོང་པ་དང་དབྱིངས་རིག་དབྱེར་མེད་དུ་བསྲེ། ལས་བྱེད་མཁའ་འགྲོ་མས་བེམ་པོ་བླངས་ནས་ཚོགས་ནང་དུ་བཅུག །གྲི་གུག་གིས་དཀྲུགས་པས་དབྱེར་མེད་དུ་བསྲེ་བའི་བསྲེ་བ་བཞི་ཡིན་ནོ། །ཡང་བསྡུ་ན་བསྲུང་བྱའི་རྣམ་ཤེས་འོད་ཀྱི་ཐིག་ལེ་རང་གི་སྙིང་ཁར་ཐིམ་ནས་བསྲེ། ལུས་ཚོགས་གཉིས་ཀྱང་རང་བཞིན་དུ་དབྱེར་མེད་དུ་བསྲེ་བ་ཙམ་གྱིས་ཆོག །ཅེས་དྲུང་པ་རིན་པོ་ཆེས་གསུངས་སོ། །འདིར་མན་ངག་ཁ་བསྒྱུར་གྱི་གནད་བསྲེ་བ་མང་དུ་ཡོད་ཀྱང་ལོགས་སུ་གབ་པས་གསེར་གྱི་མཎྜལ་དང་། ཚོགས་ཀྱི་འཁོར་ལོས་བཀའ་རྒྱ་བཀྲོལ་བར་བྱོས་ཤིག །དེ་ནས་གཞོང་པ་ཉི་ཟླའི་གཏོར་གཞོང་དུ་ཞེས་པའི་དུས་སུ། ཚོགས་ཀྱི་སྣོད་དེ་ཀ་པཱ་ལ་ཕྱི་དཀར་ལ་ཟླ་བ། ནང་དམར་བ་ཉི་མ་སྟེ། སྐུ་གསུམ་དང་ཐབས་ཤེས་དབྱེར་མེད་པའི་རང་བཞིན། དེའི་ནང་དུ་ཚོགས་རྫས་དང་ཕུང་པོ་དབྱེར་

[Full Size]

མེད་པ་སྟོང་གསུམ་ཁྱབ་པ། རང་བཞིན་མཚན་ཉིད་རྣམ་པར་དག་པར་བསྐྱེད་ལ། དེའི་སྟེང་དུ་དམ་ཚིག་གི་བདུད་རྩི་ལ་ས་བོན་ཨོཾ་ཨཱཿཧཱུྃ་བརྩེགས་མར་བསྒོམ་པའམ། ཡང་ན་རྡོ་རྗེའི་རྩ་རྩེ་རྣམས་ཡེ་ཤེས་གསུམ་བསྒོམ་དེ་ནས་ཡེ་ཤེས་ཀྱི་བདུད་རྩི་བཀུག་པ་ནི། མ་གཅིག་གི་གནས་གསུམ་དུའང་ཡིག་འབྲུ་གསུམ་གསལ་བར་བསྐྱེད་ལ། ཨོཾ་མ་གཅིག་མ་ལ་སོགས། གསོལ་བ་ལན་གསུམ་བཏབ་པས། དཀར་པོ་ཨོ་གྱིས་སོགས། བརྗོད་པས་རང་གི་ཡི་གེ་རྣམས་ལས་འོད་ཟེར་དང་། ཡི་གེ་རྣམས་འཕྲོས་པས། ཚོགས་སྟེང་གི་ཡི་གེ་རྣམས་ལ་སོ་སོར་ཐིམ། དེ་ནས་མ་གཅིག་གི་ཡི་གེ་རྣམས་ལ་རིམ་པ་བཞིན་དུ། སྐུ་གསུང་ཐུགས་ཀྱི་རང་བཞིན་བདུད་རྩི་དཀར་དམར་མཐིང་གསུམ་བྱུང་ནས། འོག་གི་ཡི་གེ་རྣམས་ལ་སོ་སོར་ཐིམ་ཞིང་། མཐར་དེ་རྣམས་སོ་སོར་ཞུ་ནས་ཚོགས་དང་དབྱེར་མེད་དུ་འདྲེས་པས། ཟག་མེད་ཡེ་ཤེས་ཀྱི་བདུད་རྩི་དཀར་ལ་དམར་བའི་མདངས་ཅན་ཅུང་ཟད་སྔོ་བའི་རྣམ་པ་ཅན་ལ། འདོད་ཡོན་གྱི་མཆོད་པ་དཔག་ཏུ་མེད་པར་འཕྲོ་བར་དམིགས་པ་ནི། ཡེ་ཤེས་ཀྱི་བདུད་རྩི་བཀུག་ནས་བྱིན་གྱིས་བརླབས་པའོ། །དེ་ནས་ཚོགས་བསྟབ་པ་ནི། །

[Full Size]

ཧཱུྃ། དྲུག་པ་རྡོ་རྗེ་འཆང་ཆེན་སོགས། སྔར་ལུས་སྦྱིན་དུས་ཀྱི་དམིགས་པ་དང་མཚུངས་པར་སོ་སོར་ཕུལ་བར་དམིགས། ཁྱད་པར་དུ་ནད་པ་སོགས་རང་ལུས་གདོན་ཅན་ལ་སྤར་བཏབ་བྱེད་དགོས་ན། བསྲེ་བ་བསྐོར་བཞི་བྱིན་རླབས་དང་བཅས་པ་སླར་གསལ་བཏབ་ནས། རང་གི་མདུན་དུ་ནད་པ་བསྙལ་ལ། ལག་པ་གཉིས་ཀྱིས་ཕུང་པོ་ལ་སྤར་བས་བཅད་ནས། མཆོད་པ་དང་སྦྱིན་པ་བྱ་བའི་ཚུལ་བྱ་ཞིང་། དམིགས་པ་ནི། རང་གི་སོར་མོ་བཅུ་པོ་རིགས་ལྔའི་མཁའ་འགྲོ་དཀར་སེར་དམར་ལྗང་འཁོར་ཁྲི་ཕྲག་རེ་རེས་བསྐོར་བ་དང་། །རང་ཉིད་འཁོར་འབུམ་ཕྲག་གཅིག་གིས་མཆོད་པའི་བྱེ་བྲག །ཉེར་སྤྱོད་ལྔ་རོལ་མོ་དང་བཅས་པ། འདོད་ཡོན་ལྔ་ལ་སོགས་དང་བདག་པོས་མ་བཟུང་བ་དང་། ནང་བདག་པོས་བཟུང་བའི་ལྷ་མིའི་ལོངས་སྤྱོད་དཔལ་འབྱོར་ཕུན་སུམ་ཚོགས་པ་ཐམས་ཅད། ཡི་དམ་སངས་རྒྱས་བྱང་སེམས་ཐམས་ཅད་ལ་ཕུལ་བར་དམིགས་པ་ནི་ཕྱིའི་ཚོགས་མཆོད། ཤ་ལྔ་བདུད་རྩི་ལྔ་ཡི་རང་བཞིན། ཚོགས་དང་གཏོར་མ་རྣམས་མཆོད་པར་དམིགས་པ་ནི་ནང་གི་ཚོགས་མཆོད། རིགས་ལྔའི་རིགས་ཅན་གྱི། རིག་མ་མཚན་ལྡན་རྣམས་ཕུལ་བ། ཐབས་ཤེས་གཉིས་

[Full Size]

མེད་བདེ་སྟོང་གི་དམ་རྫས། བྱང་སེམས་དཀར་དམར་གྱི་མཆོད་པ་ནི་གསང་བའི་ཚོགས་མཆོད། དོན་དམ་ཕྱག་རྒྱ་ཆེན་པོའི་ངང་ལ་བཞག་པ་ཡང་དག་དོན་གྱི་ཚོགས་མཆོད་དོ། །བཀའ་སྲུང་རྣམས་ལ་ཡང་དེ་ལྟར་འབུལ་ཞིང་། ཁྱད་པར་དུ་མཆོད་རྫས་བསྐང་རྫས་རྟེན་རྫས་སུ་འབུལ། རིགས་དྲུག་ཀླུ་གཞི་བདག་རྣམས་ལའང་། ལུས་སྦྱིན་དུས་ལྟར་རང་རང་ཇི་ལྟར་འདོད་པའི་ལོངས་སྤྱོད་དུ་དམིགས་ལ་སྦྱིན། རྒྱན་ཆ་ན་བཟའ་སོགས། ཡོ་བྱད་ཕུན་སུམ་ཚོགས་པ་དང་། ནང་བདུད་རྩི་རྒྱ་མཚོ་ཟག་མེད་ཀྱི་བདེ་བ་བསྐྱེད་པ། གསང་བ་ཕོ་མོ་གཞོན་ཞིང་ལང་ཚོ་ཅན། མཛེས་ཤིང་ཡིད་དུ་འོང་བ་བསམ། བྱང་སེམས་དཀར་དམར་གྱི་ཕུང་པོ། དེ་ཁོ་ན་ཉིད་དུས་གསུམ་བསགས་ཡོད་ཀྱི་དགེ་རྩ་ཐམས་ཅད་ལྟོས་མེད་དུ་སྦྱིན་ནོ། །སྡང་དགྲ་གནོད་བྱེད་ལ་ཤ་ཁྲག་གི་ཚུལ་དུ་བསྟབ་པ་ནི། རང་ཉིད་ཁྲོས་མ་ནག་མོའི་མངོན་རྟོགས་བསྒོམས་ནས་རྐང་དུང་ལན་གསུམ་འབུད། བདག་མདུན་གྱི་ཐུགས་ཀ་ནས་འོད་ཟེར་དང་། ལས་བྱེད་ཀྱི་ཌཱཀི་མང་པོ་སྤྲོས་པས། གནོད་བྱེད་ཐམས་ཅད་མདུན་དུ་བཀུག་པར་དམིགས་ལ། འགུགས་གཞུག་ལན་གསུམ་བྱ། རང་ཉིད་གཙོ་

[Full Size]

འཁོར་རྣམས་ཀྱིས་འབོད་པ་བྱེད་པར་བསམས་ལ། ཀྱཻ་འདུས་ཤིག་འདུས་ཤིག་ཤ་ཟ་འདུས་སོགས་གྱེར་ནས་གོང་དུ་བཤད་པའི་དམར་འགྱེད་ཕཊ་བཅུ་མའམ། ཤིན་ཏུ་དྲག་པོར་བྱེད་ན། དམར་འགྱེད་རྡེབ་པ་མ་ལྟ་བུ་བྱས་ཏེ། རྣམ་པ་དྲག་པོར་སྣང་ཡང་། ངོ་བོ་བྱང་ཆུབ་ཀྱི་སེམས་དང་ལྡན་པས། སྟོང་ཉིད་སྐྱེ་འགག་བྲལ་བའི་ངང་ལ་བཞག་གོ །ཡང་གནོད་བྱེད་བེམ་རོའི་ནང་དུ་བསྡུས་ལ། རང་རང་ཤ་རང་སྦྱིན་སོགས་བྱེད་པ་ནི་ཉེས་པ་ཤིན་ཏུ་ཆེ་བས་མི་རུང་ཞེས་དྲུང་པ་རིན་པོ་ཆེས་གསུངས་སོ། །དེ་ནས་ཚོགས་ཕུད་གཏོར་མར་བླུགས་ལ། བདུད་རྩིས་བྲན་ནས། འབུལ་ལུགས་ནི་རང་གཞུང་གི་ཕྱི་སྣོད་འཇིག་རྟེན་གཏོར་གཞོང་མའམ། ཡང་ན་དེང་སང་ཕྱག་ལེན་རྒྱུན་མ་ནི། གཏོར་བསྔོས་མགོན་པོ་དང་བཅས་པ་རྒྱས་པར་བྱ། བསྐང་བ་ཡང་བསྐང་ཆེན་བཞི་སོགས་ཅི་མང་བྱས་ལ། ཁ་ཅིག་གིས་འདི་རྣམས་མི་འབྲེལ་ཟེར་ཡང་སྐྱོན་མེད། སྤྱིར་ཚོགས་འདི་ཡང་། བླ་མ་ཡི་དམ་ཆོས་སྐྱོང་སོགས་འཁོར་བཅས་ཐམས་ཅད་ལ། མཆོད་སྦྱིན་གྱི་རིམ་པ་ཡིན་ཅིང་། ཁྱད་པར་དུ་བདག་འཇིག་རྟེན་གྱི་དབང་གིས་གནོད་པ་བསྲུང་ཕྱིར་མིན་ལ། སེམས་ཅན་ཐམས་ཅད་བྱང་ཆུབ་

[Full Size]

སྒྲུབ་པའི་ཆེད་ཡིན་པས། དེ་ནས་ཚོགས་སྤེལ། ཕུད་ལྷག་བཞག་ནས། རང་ཉིད་ལྷར་གསལ་ནས། མཆོད་པའི་ཚུལ་དུ་རོལ་ཏེ། ཚོགས་ཀྱི་དམ་ཚིག་རྣམས་དང་མ་འགལ་བར་བྱའོ། །དེ་ནས་ལྷག་མའི་མགྲོན་ནི། དཀྱིལ་འཁོར་དུ་མི་འཇུག་མི་དབང་བ་དང་། མཆོད་སྦྱིན་གྱིས་བསྐལ་པ་མི་དབང་བ། ཁས་ཉན་དབང་ཆུང་རྣམས་དང་། དེ་ལྟར་དབང་ཡང་། །སྔོན་གྱི་དམ་ཚིག་གི་དབང་གིས་བྲན་གྱི་ཚུལ་བཟུང་ནས་ལྷག་མ་ལ་དབང་བའི་མ་མོ་མཁའ་འགྲོ་ཤ་ཟ་ཞིང་སྐྱོང་རྣམས་ཡིན་ནོ། །ལྷག་མ་བྱིན་རླབས་ནི་བདུད་རྩིས་བྲན་ལ། ཨ་ཀཱ་རོ་བརྗོད་པས་། བྷནྡའི་སྣོད་དུ་ཕུད་ལྷག་གི་གཏོར་མ་ཤ་ཁྲག་གི་ཕུང་པོ་འདོད་ཡོན་སྣ་ཚོགས་ཀྱི་རྒྱ་མཚོར་གྱུར། དེ་ནས་ལྷག་མ་འབུལ་བའི་དམིགས་པ་ནི། ལས་བྱེད་མའམ་སྤྲུལ་པ་ཀེང་རུས་ཀྱི་ཌཱཀྐི་མ་གཞུང་ལྟར་བསྐྱེད་ལ། དེས་ལྷག་མ་འདོད་ཡོན་གྱི་རྒྱ་མཚོ་ནས་ཁྱེར་ནས། རིགས་ལྔའི་མཁའ་འགྲོ་ཁ་དོག་ལྔའི་རལ་པ་ཅན། དུང་དང་གསེར་དང་། བྱི་རུ་གཡུ་མུ་མིན་སོགས་ཀྱི་ཐོར་ཚུགས་ཅན། རང་རྟགས་ཀྱི་མཚན་པའི་སྦྲུལ་ཞགས་དང་ཐོད་ཁྲག་བསྣམས་པ། དེ་ཡི་འཁོར་དུ་ཤ་ཟ་ཞིང་སྐྱོང་སོགས། ལྷག་མགྲོན་ཐམས་

[Full Size]

ཅད་ཀྱིས་བསྐོར་བ་ལ། སོ་སོར་ཅི་འདོད་པ་བྱིན་པས། དགྱེས་པར་རོལ་ནས་ཚིམ་པར་བསྒོམ་མོ།། ཧཱུྃ། ཕྱོགས་བཞི་འཇིགས་པའི་སོགས། །དེ་ནས་ཕྲིན་ལས་བཅོལ་བ་ནི།། དེ་ལྟར་གཏོར་མ་ཤ་ཁྲག་གི་རྒྱ་མཚོ་རྣམས་ཕུལ་བས་དགྱེས་ཏེ། དམིགས་བྱ་གང་ཡིན་དེ་ལ་མནག་པས། ཡེ་ཤེས་ཀྱི་མཁའ་འགྲོ་མ་རྣམས་ཐུགས་ཁྲོས། འཁོར་ཤ་ཟ་དང་འཇིག་རྟེན་མ་མོའི་ཚོགས་རྣམས་ཤིན་ཏུ་ཁྲོས་ནས། སྟག་གཟིག་དོམ་དྲེད་སོགས་མགོ་བརྙན་སྣ་ཚོགས་དང་ལྡན་པས། གདུག་པའི་དགྲ་དང་བཅས། མཚོན་ཆ་སྣ་ཚོགས་ཐོགས་ནས། གསོད་གཅོད་ཀྱི་ལས་བྱེད་ཅིང་། ཡང་འཁོར་ལྷ་སྲིན་འབྱུང་པོའི་ཚོགས་དང་བཅས་པས། གང་ལ་དམིགས་པ་དེ་སྐད་ཅིག་ལ་ནག་ཐུམ་གྱིས་བཏང་བར་བསམས་ལ། རྒྱུན་དུ་སྟོང་ཉིད་སྙིང་རྗེའི་གདང་མ་ཤོར་བ་བྱའོ། །འདི་རྒྱུན་དུ་མི་བྱེད་དེ། དགོས་པ་ཡོད་ན་ཞལ་ཤེས་ལྟར་བྱའོ། །ཡང་འགའ་ཞིག་གིས། ལྷག་གཏོར་དམིགས་བྱའི་ཤ་ཁྲག་ཏུ་དམིགས་ནས་འབུལ་ཟེར་ཡང་། འདི་རང་གི་ལུགས་ལ་མ་ཡིན་གསུངས་སོ། །དེ་ནས་གཏོར་འབུལ་ནི། གཅོད་ཀྱི་བཀའ་སྲུང་རིགས་ལྔའི་མཁའ་འགྲོ་ཤུགས་འགྲོ་དབང་ཕྱུག་ཉེར་བརྒྱད། །

[Full Size]

བརྟན་མ་བཅུ་གཉིས་རྣམས་ལ་འབུལ་བ་སྟེ། བདུད་རྩིའི་བྲན་ལ། ཨོཾ་ཨཱཿཧཱུྃ་བརྗོད་པས་བྷནྡྷའི་ནང་དུ་གཏོར་མ་ངོ་བོ་ཡེ་ཤེས་ཀྱི་བདུད་རྩི་ལ། རྣམ་པ་ཤ་ལྔ་བདུད་རྩི་ལྔའི་རང་བཞིན་དུ་དམིགས་ལ། ལས་བྱེད་རྣམས་ཀྱིས་གང་ཅི་འདོད་དུ་ཕུལ་བར་བསམ། དེ་སྤྱིར་འབུལ་བ་ཡིན་ལ་ཁ་བསྒྱུར་གྱི་དམིགས་པ་ལོགས་སུ་གབ་བོ། །དེས་དངོས་གཞིའི་དམིགས་རིམ་ཚར་རོ། །དེ་ནས་རྗེས་ཀྱི་དམིགས་པ་ལ། ཨརྒྷཾ་སོགས་ཀྱིས་སྔགས་མཆོད་དང་། བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་ཞལ་དུ་ཁཱ་ཧི། སོགས་ནང་མཆོད་དང་། བཀའ་བརྒྱུད་བླ་མ་རྣམས་ལ་ཕྱག་འཚལ་ལོ། །ཞེས་སོགས་གསུངས། སྨྲ་བསམ་བརྗོད་མེད་སོགས་བསྟོད་པ་བསྡུས་པ་གཅིག་བྱ། ཆོ་ག་ལྷག་ཆད་སོགས། །སེམས་ཅན་ཐམས་ཅད་ཀྱི་སྡིག་སྒྲིབ་བྱང་བའི་བློས་གཞུང་གི་བཤགས་པ་བྱ། མཐར་ལྷ་སྔགས་ཏིང་ངེ་འཛིན་གྱི་གནོང་པ་བཤགས་ཕྱིར་ཡིག་བརྒྱ་འདོན། དེ་ལྟ་བུའི་ཚོགས་མཆོད་ཀྱི་ཆོ་གའི་དགེ་བས་མཚོན་ཏེ། དུས་གསུམ་བསགས་པའི་དགེ་རྩ་ཐམས་ཅད། སེམས་ཅན་ཐམས་ཅད་བྱང་ཆུབ་འཐོབ་པའི་ཕྱིར་དུ། བསྔོ་བ་སྨོན་ལམ་རྣམ་བཤད་ནས་གསུངས་པ་སོགས་

[Full Size]

རྒྱ་ཆེར་གདབ་ཅིང་། དཀྱིལ་འཁོར་གྱི་ལྷ་ཚོགས་རྣམས་ཀྱིས་མཐུན་འགྱུར་དཔང་པོ་མཛད་པར་བསྒོམ། བཀྲ་ཤིས་ནི་རང་གིས་བརྗོད་པ་ལྟར། ལྷ་ཚོགས་ཐམས་ཅད་ཀྱིས་མཉམ་དུ་གསུངས་པར་བསྒོམས་ལ་གང་རུང་བརྗོད། རྣམ་ཤེས་ཕབ་པ་ནི། སྔར་ལྷའི་ཐུགས་ཀར་རྣམ་ཤེས་འཕོས་པ་དེ། ལྷའི་ཐུགས་ཀ་ནས་རང་དང་བསྲུང་བྱའི་རྣམ་པར་ཤེས་པའི་ངོ་བོ་འོད་ཀྱི་གོང་བུའི་དབུས་སུ། མ་གཅིག་ལབ་སྒྲོན་ཚོན་གང་དཀར་གསལ་འཛུམ་བག་དང་ལྡན་པ། གར་ཐབས་ཁྱུག་ཁྱུག་བྱེད་པ་ཅིག་ཚངས་བུག་ནས་ཞུགས། དབུ་མར་བརྒྱུད་དེ་སྙིང་པདྨ་འདབ་བརྒྱད་ཀྱི་དབུས་སུ་ཞུགས་པས། པདྨ་དེ་ཉིད་ཁ་གྱེན་དུ་ཟླུམ་པས་བུམ་སྐུའི་དབྱིབས་ལྟར་བསྒོམ། དེ་ནས་བྱིན་རླབས་ཞུ་བ་ནི། དཀྱིལ་འཁོར་གྱི་ལྷ་ཚོགས་རྣམས་ཀྱི། སྐུ་གསུང་ཐུགས་ལས་འོད་ཟེར་འཕྲོས་ཡུམ་ཆེན་ལ་ཕོག །ཡུམ་ཆེན་གྱི་འོད་ཟེར་འཕྲོས་པས་མ་གཅིག་གི་ཐུགས་རྒྱུད་བསྐུལ། དེ་ནས་འོད་ཀྱིས་རིགས་ལྔའི་མཁའ་འགྲོ་རྣམས་བསྐུལ་བས་དེ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད། བདག་གི་ལུས་ངག་ཡིད་གསུམ་ལ་སིབ་སིབ་ཐིམ་པར་བསྒོམ། དེ་ནས་དབང་བླངས་བ་ནི། མ་གཅིག་སོགས། ལྷ་

[Full Size]

ཚོགས་ཐམས་ཅད་ཀྱི་དཔྲལ་བའི་ཨོ་ལས་འོད་ཟེར་དཀར་པོ་འཕྲོས། རང་དང་བསྲུང་བྱའི་ཚངས་བུག་ནས་ཞུགས་པས། ལུས་ཀྱི་སྒྲིབ་པ་དག །ལུས་འོད་ཟེར་དཀར་པོས་མེར་གྱིས་གང་། ཕྱི་བུམ་པའི་དབང་ཐོབ། མགྲིན་པའི་ཡིག་དམར་པོ་ལས་འོད་ཟེར་འཕྲོས། བདག་དང་བསྲུང་བྱའི་མགྲིན་པར་ཐིམ། ངག་གི་སྒྲིབ་པ་དང་དིག་ལྐུགས་ཐམས་ཅད་བྱང་། ལུས་འོད་ཟེར་དམར་པོས་གང་། ནང་གསང་བའི་དབང་ཐོབ། ལྷ་ཚོགས་རྣམས་ཀྱི་ཐུགས་ཀ་ནས། ཧཱུཾ་སྔོན་པོ་ལས་འོད་ཟེར་མཐིང་ཁ་ཀྱུ་རུ་རུ་འཕྲོས། །བདག་དང་བསྲུང་བྱའི་སྙིང་ཁར་ཐིམ། སེམས་ཀྱི་སྒྲིབ་པ་དང་སྨྱོ་འབོག་ཐམས་ཅད་དག །ལུས་འོད་ཟེར་སྔོན་པོས་མེར་གྱིས་གང་། གསང་བ་ཤེས་རབ་ཡེ་ཤེས་ཀྱི་དབང་ཐོབ། ལྷ་ཚོགས་རྣམས་ཀྱི་སྐུའི་གནས་ཐམས་ཅད་ནས། འོད་ཟེར་ཁ་དོག་སྣ་ཚོགས་འཕྲོས། བདག་དང་བསྲུང་བྱའི་ལུས་ཐམས་ཅད་ལ་ཐིམ། སྒོ་གསུམ་ཆ་མཉམ་གྱི་སྒྲིབ་པ་ཐམས་ཅད་དག་ནས། ནད་གདོན་སྡིག་སྒྲིབ་དུད་ཁུ་སོལ་ཁུ། ཉ་ལྕོང་སྦལ་སྦྲུལ་སྔོ་དམར་གྱི་རྣམ་པར་ནག་ཉིལ་གྱིས་བུད། ལུས་འོད་ཟེར་སྣ་ཚོགས་ཀྱིས་མེར་གྱིས་གང་། དབང་བཞི་ཡོངས་སུ་

[Full Size]

རྫོགས་པ་ཐོབ། མ་གཅིག་གྲུབ་ཐོབ་བརྒྱུད་པའི་བླ་མ་རྣམས་ཀྱི། སྐུ་དང་རང་གི་ལུས་དབྱེར་མེད་དུ་འདྲེས། གསུང་དང་ངག་འདྲེས། ཐུགས་དང་སེམས་འདྲེས། བདག་གཞན་དབྱེར་མེད་ཆོས་ཀྱི་སྐུར་ལམ་ཤིག་སོང་བར་བསྒོམ། མདུན་བསྐྱེད་ཡེ་ཤེས་པ་བཛྲ་མུས་གཤེགས་སམ་རྟེན་ལ་བསྟིམ་མམ་བརྟན་བཞུགས་བྱ། དཀྱིལ་འཁོར་གྱི་དམ་ཚིག་པ་ཐམས་ཅད་ཡུམ་ཆེན་ལ་བསྟིམ། ཡུམ་ཆེན་རང་ལ་བསྟིམས་ནས། དམིགས་མེད་ཕ་རོལ་ཏུ་ཕྱིན་པའི་ངང་ལ་བཞག །སྐབས་འདིར་འགའ་ཞིག་གིས་ཐུགས་རྗེ་ཆེན་པོའི་སྒོམ་བཟླས་བྱེད་སྲོལ་ཡང་ཡོད་གསུངས། ཕཊ་བྱས་པས། སྦྱིན་ཡུལ་གྱི་མགྲོན་ཐམས་ཅད་མགྲོན་པོ་རང་ཁྱིམ་དུ་སོང་བ་ལྟར། སོ་སོའི་གནས་སུ་སོང་བར་བསམས་ལ། སརྦ་བྷུ་ཏ་གཙྩ་བརྗོད་ཀྱང་རུང་། ཕཊ་ཀྱིས་ཀྱང་ཆོག་གོ༔ དེ་ནས་རང་ཉིད་སྤྲོས་བྲལ་གྱི་ངང་ལ་ཡུན་རིང་བཞག་གོ །སླར་ཡང་ལྷའི་སྐུ་སྒྱུ་མ་ལྟ་བུར་བཞེངས་ལ། སྤྱོད་ལམ་ལ་འཇུག་པར་གསུངས་སོ། །ཞེས་པ་འདི་ནི་རྗེ་རང་བྱུང་བས་མཛད་པའི་ཚོགས་ལས་ཀྱི་དམིགས་རིམ། བཤད་པ་རྒྱས་པར་དབོན་པོ་རཏྣ་སེངྷས་མཛད་པ་ལས། རྗེ་དྲུང་པ་རིན་པོ་ཆེ་ཀུན་དགའ་རྣམ་རྒྱལ་གྱིས་ཅུང་ཟད་བསྡུས་

[Full Size]

ཏེ། ཞལ་ཤེས་འགའ་ཞིག་མཆན་བུ་བྱས་ནས་མཛད་མོད་ཀྱི། དེ་ནི་བཤད་པ་དང་ས་བཅད་དམིགས་རིམ་གསུམ་ཀ་མཉམ་དུ་གསུངས་པས། རྨོངས་པ་རྣམས་ཀྱིས་གོ་དཀའ་ཞིང་། དམིགས་རིམ་ཟིན་དཀའ་བར་མཐོང་ནས། དམིགས་རིམ་ཉེ་བར་མཁོ་བ་རྣམས་གོ་བདེ་བར་བཀོད་ཅིང་། དེར་མ་འཐུས་པ་དང་གཞན་ན་ཁ་འཕང་བ་རྣམས་ཁ་བཀང་ཅུང་ཟད་སྦ་འོས་པ་རྣམས་གཞུང་འདི་ལ་བཀོད་པར་ལོགས་སུ་སྦས་ཏེ། ཤིན་ཏུ་རྨོངས་པ་རྣམས་ཀྱིས་ཀྱང་གོ་བདེ་བར་རྗེ་བཙུན་ཀུན་དགའ་རྣམ་རྒྱལ་གྱི་ཞལ་རྡུལ་སྤྱི་བོར་བླངས་ཤིང་བཀའ་དྲིན་ཅུང་ཟད་ཐོབ་པ་། གཅོད་ཡུལ་མོས་པ་ལམ་དུ་བྱེད་ཅིང་ངེས་ཤེས་ཀྱི་མྱོང་བ་ཅུང་ཟད་རྙེད་པའི་རི་ཁྲོད་པ། ཨ་རཱ་གས་སྟག་ལོ་སྣོན་ཟླ་བའི་ནག་པོའི་ཚེས་བཅུ་ནས་བརྩམས་ཏེ། ཉི་མ་བཞིའི་ཐུན་བར་རྣམས་སུ་བཀོད་པའོ། །འདི་ལ་འགལ་འཁྲུལ་ནོངས་པ་ཅི་མཆིས་པ། །མ་གཅིག་གྲུབ་ཐོབ་བརྒྱུད་པ་རྣམས་ལ་བཤགས། །དགེ་བས་བདུད་བཞིའི་གཡུལ་ལས་རབ་རྒྱལ་བས། །འགྲོ་ཀུན་ཆོས་སྐུའི་ཡུམ་ཆེན་ཉིད་ཐོབ་ཤོག །ཁྱད་པར་བདག་དང་སློབ་མ་བརྒྱུད་པར་བཅས། །འདི་ཉིད་མཐོང་ཐོས་དྲན་རེག་འགྲོ་བ་རྣམས། །

[Full Size]

ནམ་ཞིག་འཕོས་ཚེ་གནས་གསུམ་ཌཀི་ཡིས། །སྣ་ཚོགས་མཆོད་པའི་སྤྲིན་གྱིས་མདུན་བསུས་ཏེ། །ནུབ་ཕྱོགས་བདེ་ཆེན་ཞིང་དེར་ཁྲིད་ཕྱིར་བསྔོ། །འདི་བྲིས་དཀར་པོ་དགེ་རྩ་དྲི་མེད་ཀྱིས། །ཕ་མས་གཙོར་བྱས་མཁའ་མཉམ་སེམས་ཅན་ཀུན། །ཚེ་འདིར་བདུད་བཞིའི་གཡུལ་ལས་རབ་རྒྱལ་ཞིང་། །ཕྱི་མར་ཡུམ་ཆེན་གོ་འཕང་མྱུར་ཐོབ་སྟེ། །རྣམ་མཁྱེན་རྫོགས་པའི་སངས་རྒྱས་ཐོབ་ཕྱིར་བསྔོ། །མངྒ་ལཾ། །བྷ་ཝནྟུ། །༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

སྤྲུལ་སྐུ་རཱ་ག་ཨ་སྱས་གཅོད་ཀྱི་དམིགས་པ་ཚིག་ཉུང་འདོན་བདེ་བར་བཀོད་པ།

[Full Size]

སྤྲུལ་སྐུ་རཱ་ག་ཨ་སྱས་གཅོད་ཀྱི་དམིགས་པ་ཚིག་ཉུང་འདོན་བདེ་བར་བཀོད་པ་ནི། ཕཊཿ མདུན་གྱི་ནམ་མཁར་ཆོས་སྐུ་ཡུམ་ཆེན་མོ་ལ་སྲས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའི་ཚོགས་ཐམས་ཅད་ཀྱིས་བསྐོར་བ། མདུན་དུ་སྣང་ཞིང་སྲིད་པའི་ལྷ་འདྲེ་བཀའ་ལྷ་མ་སྲིན་སྡེ་བརྒྱད། ནད་འདྲེ་ལན་ཆགས་དང་བཅས་འཁོད་པར་གྱུར། ཕཊཿ བདག་ཅག་ཤཱརྣམས་ལ་སྡང་བར་བྱེད་པའི་དགྲ། གནོད་པར་བྱེད་པའི་བགེགས། བར་དུ་གཅོད་པའི་རྐྱེན། འཆི་བདག་གི་བདུད། གནས་གདོན་ལུས་གདོན། དྲིན་ཆེན་ཕ་མས་ཐོག་དྲངས་ཕྱི་མ་ནམ་མཁའ་དང་མཉམ་པའི་སེམས་ཅན་ཐམས་ཅད། བླ་མ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཀའ་གྲུབ་ཐོབ་གཅོད་ཡུལ་བརྒྱུད་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །མ་གནས་གསུམ་གྱི་མཁའ་འགྲོ་མ་རྣམས་ལ་སྐྱབས་སུ་མཆིའོ། །ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་རྣམས་ལ་སྐྱབས་སུ་མཆིའོ། །རིགས་ལྔའི་བདེ་བར་གཤེགས་པ་རྣམས་ལ་སྐྱབས་སུ་མཆིའོ། །རིགས་གསུམ་གྱི་མགོན་པོ་

[Full Size]

རྣམས་ལ་སྐྱབས་སུ་མཆིའོ། །བླ་མ་རྡོ་རྗེ་མཁའ་འགྲོ་འཁོར་དང་བཅས་པ་རྣམས་ལ་སྐྱབས་སུ་མཆིའོ། །བཀའ་བརྒྱུད་པའི་བླ་མ་མཁའ་འགྲོ་འཁོར་དང་བཅས་པ་རྣམས་ལ་སྐྱབས་ཆིའོ། །དྲིན་ཆེན་རྩ་བའི་བླ་མ་མཁའ་འགྲོ་འཁོར་དང་བཅས་པ་རྣམས་ལ་སྐྱབས་སུ་མཆིའོ། །རང་སེམས་སྟོང་པ་སྐྱེ་བ་མེད་པ་ཆོས་ཀྱི་སྐུ་ལ་སྐྱབས་སུ་མཆིའོ། །བསྐྱབ་ཏུ་གསོལ། སྐྱབས་འོག་དམ་པ་རུ་ཚུད་པར་མཛད་དུ་གསོལ། བདག་གཞན་སེམས་ཅན་ཐམས་ཅད་སངས་རྒྱས་ལ་བརྟེན་ནོ། །ཆོས་ལ་བརྟེན་ནོ། །དགེ་འདུན་ལ་བརྟེན་ནོ། །སེམས་ཅན་ཐམས་ཅད་ཀྱི་ལུས་དགེ་བར་གྱུར་ཅིག །ངག་དགེ་བར་གྱུར་ཅིག །ཡིད་དགེ་བར་གྱུར་ཅིག །ནད་རིགས་བཞི་བརྒྱ་རྩ་བཞི་བྱང་བར་གྱུར་ཅིག །གློ་བུར་དགུ་བཅུ་རྩ་གཅིག་ལས་ཐར་བར་གྱུར་ཅིག །ཡེ་འདྲོགས་སུམ་བརྒྱ་དྲུག་ཅུས་མི་ཚུགས་པར་གྱུར་ཅིག །བགེགས་རིགས་སྟོང་ཕྲག་བརྒྱད་ཅུ་རང་སར་ཞི་བར་གྱུར་ཅིག །རང་སར་དག་པར་གྱུར་ཅིག །རང་སར་སྟོང་པར་གྱུར་ཅིག །ཕཊཿ ཉེ་འཁོར་དུ་གནས་པའི་འབྱུང་པོ་ཕྲན་བུ་ཉམ་ཆུང་བ་རྣམས་མ་སྐག་ཅིག །མ་སྔངས་ཤིག །ཤིན་ཏུ་མ་སྔངས་ཤིག །ཕཊ་ཕཊ་ཕཊཿ

ལུས་སྦྱིན།

[Full Size]

ན་མོ་གུ་རུ། ང་ཐོག་མེད་དུས་ནས་འཁོར་བར་འཁྱམས། །ལུས་གདོས་བཅས་ཤ་ཁྲག་རི་བོ་ཙམ། །དེ་དོན་མེད་བར་མ་དོ་རུ་སྐྱུར། །དུས་ད་རེས་ལུས་འདི་སྦྱིན་པར་གཏོང་། །ཕཊ། རང་སྙིང་དབུས་རང་སེམས་ཕག་མོའི་སྐུ། །སྐུ་ཚོན་གང་ཙམ་དེ་དབུ་མའི་ལམ། །གནས་ཚངས་པའི་བུག་ནས་རྒྱངས་སེ་ཐོན། །དེ་ཆེར་སྐྱེས་ནམ་མཁའ་ཁྱབ་པར་གྱུར། །ཕཊ་ཕཊ་ཕཊ། ཕྱག་གྲི་གུག་བེམ་རོས་བྷནྡྷ་བཅད། །དེ་སྟོང་གསུམ་ཙམ་གྱི་སྣོད་དུ་གྱུར། །ལུས་བེམ་པོ་དེ་ཡི་ནང་དུ་བཅུག །ཕྱག་གཡས་པས་གྲི་གུག་ཚད་ཙམ་གྱིས། །ཕཊ་ཕཊ་ཕཊ། ལུས་ཤ་ཁྲག་རྒྱ་མཚོ་བྷན་གང་། །སྔགས་ཨོཾ་ཨཱཿཧཱུྃ་གིས་བྱིན་གྱིས་རླབས། །བཅུད་ཟག་མེད་ཡེ་ཤེས་བདུད་རྩིར་གྱུར། །ཕཊ་ཕཊ་ཕཊ། མཐོ་ནམ་མཁའ་བར་སྣང་ས་གཞི་ཀུན། །མགྲོན་རྣམ་བཞི་སྤྲིན་འཁྲིགས་ཁྲོམ་དུ་ཚོགས། །ཕཊ་ཕཊ་ཕཊ། རང་ཐུགས་ལས་སྤྲུལ་པའི་ཌཀི་མ། །ཕྱག་བྷནྡ་ཐོགས་པ་གྲངས་མེད་སྤྲོས། །བཅུད་བདུད་རྩི་བཅུས་ཤིང་མགྲོན་ལ་མཆོད། །ཕཊ་ཕཊ་ཕཊ། ཕོ་རྩ་བརྒྱུད་བླ་མ་ཡི་དམ་ལྷ། །མ་མཁའ་འགྲོ་དམ་ཅན་རྒྱ་མཚོ་ལ། །

[Full Size]

ལུས་ཤ་ཁྲག་བདུད་རྩིའི་མཆོད་པ་འབུལ། །བདག་ཚོགས་རྫོགས་དངོས་གྲུབ་ཐོབ་གྱུར་ཅིག །ཕཊ་ཕཊ་ཕཊ། དཔལ་གཙང་རིས་མགོན་པོ་བདུན་ཅུ་གཉིས། །ཀླུ་ས་བདག་ཡུལ་ལྷ་གཞི་བདག་ལ། །ལུས་དཀར་གསུམ་བདུད་རྩིའི་མཆོད་པ་འབུལ། །རྐྱེན་ཕྱི་ནང་བར་ཆད་ཞི་བར་ཤོག །ཕཊ་ཕཊ་ཕཊ། སྤྱིར་འགྲོ་དྲུག་སེམས་ཅན་ཐམས་ཅད་དང་། །སྒོས་གནོད་བྱེད་གདོན་བགེགས་ཐམས་ཅད་ལ། །ལུས་བདུད་རྩི་ཡིད་མཐུན་ལོངས་སྤྱོད་འབུལ། །དྲིན་འཁོར་ཞིང་ལན་ཆགས་བྱང་གྱུར་ཅིག །ཕཊ་ཕཊ་ཕཊ། ལུས་ཤ་ཁྲག་མཆོད་སྦྱིན་འདི་བསྔོས་པས། །གདོན་བྱང་ཆུབ་སེམས་དང་ལྡན་གྱུར་ཅིག །ཁྱོད་ཕྱིན་ཆད་གཞན་ལ་མ་འཚེ་བར། །ལས་དགེ་བ་སྤྱོད་དང་བདེ་བ་ཐོབ། །མི་བདག་དང་བདག་ལུས་ལྷ་དང་འདྲེ། །དོན་དབྱེར་མེད་སྟོང་ཉིད་ཆོས་ཀྱི་དབྱིངས། །ཡུམ་ཤེས་རབ་ཕ་རོལ་ཕྱིན་མའི་ཐུགས། །དོན་རང་སེམས་གསལ་སྟོང་རྗེན་པར་བུད། །ཨ་ཨ། ཕཊ་ཕཊ་ཕཊ། ཅེས་པ་ཤཱཀྱའི་དགེ་སློང་བརྩོན་འགྲུས་ཀྱིས་བསྐུལ་ནས། ཨ་རཱ་གས་འཕྲལ་དུ་བྲིས་པའོ། །དགེ་ལེགས་འཕེལ།། །།

ཀུ་སཱ་ལའི་ཚོགས་བསགས་ཞེས་བྱ་བའི་ལུས་སྦྱིན།

[Full Size]

ཀུ་སཱ་ལའི་ཚོགས་བསགས་ཞེས་བྱ་བའི་ལུས་སྦྱིན་བཞུགས་སོ།། ན་མོ་པྲཛྙཱ་པཱ་ར་མི་ཏ་ཡེ། ཉལ་ཁ་ཀུ་སཱ་ལུའི་ཚོགས་གསོག་ནི། །དམིགས་རིམ་བསྡུས་པའི་འདོན་སྒོམ་སྦྲགས་པ་ནི། །བདག་འཛིན་གཅོད་པའི་སཱུ་རེ་འདི་ལྟ་སྟེ། ༈ ན་མོ་གུ་རུ། གཅེས་ཤིང་འཕངས་བའི་བདག་ལུས་ཕུང་པོ་འདི། །འགྲོ་ཀུན་བྱང་ཆུབ་འཐོབ་ཕྱིར་སྦྱིན་པར་གཏོང་། །ཕཊཿ རང་སེམས་སྙིང་དབུས་རྡོ་རྗེ་ཕག་མོ་ནི། །དབུ་མའི་ལམ་ནས་གཤེགས་ཏེ་ནམ་མཁར་བྱོན། །ཕཊ་ཕཊ་ཕཊཿ གྲི་གུག་ཚད་པས་ཐོད་པ་སྒར་གྱིས་འཕངས། །ཀེཾ་ལས་རང་བྱུང་ཐོད་སྐྱེད་སྟེང་དུ་བཙུགས། །ཚད་ནི་རྒྱ་ཁྱོན་སྟོང་གསུམ་མཉམ་པའི་ནང་། །དེ་ནང་གྲི་གུག་རྩེ་མོས་བེམ་རོ་འཕངས། །དེ་ལ་གྲི་གུག་ཚད་ཙམ་བྱས་པ་ཡིས། །ཤ་ཁྲག་དམར་ཉིལ་བྷནྡྷ་དམར་ལྟེམ་གང་། །ཡྃ་ལས་རླུང་གཡོས་རྃ་ལས་མེ་འབར་ཁོལ། །གྲི་གུག་གིས་དཀྲུག་ཤ་ལྔ་བདུད་རྩི་ལྔ། །ཟག་མེད་བདུད་རྩི་དཀར་ལ་དམར་མདངས་ཆགས། །རོ་བརྒྱ་ནུས་པ་སྟོང་དང་ལྡན་པར་གྱུར། །ཨོཾ་ཨཱཿཧཱུྃ་གིས་ཡེ་ཤེས་བདུད་རྩིར་གྱུར། །ཕཊ་ཕཊ་ཕཊཿ རང་ལས་སྤྲུལ་པའི་མཁའ་འགྲོ་གྲངས་མེད་པ། །སྐུ་མདོག་སྣ་ཚོགས་ཕྱག་

[Full Size]

མཚན་བྷནྡྷའི་སྐྱོགས། །འཛིན་པ་རྣམས་ཀྱིས་བདུད་རྩི་ནས་བཅུས་ཏེ། །ནམ་མཁའ་ས་གཞི་མགྲོན་གྱིས་གང་བར་མཆོད། །ཕཊ་ཕཊ་ཕཊཿ བཀའ་བརྒྱུད་བླ་མ་ཡི་དམ་ལྷ་ཡི་ཚོགས། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་ལ། །བདག་ལུས་ཚོགས་མཆོད་བདུད་རྩི་འདི་འབུལ་བས། །ཚོགས་རྫོགས་སྒྲིབ་བྱང་ཉམས་ཆག་བསྐང་གྱུར་ཅིག །ཕཊ་ཕཊ་ཕཊཿ དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས། །དཔལ་མགོན་བདུན་ཅུ་དགེ་བསྙེན་བརྟན་མར་བཅས། །བདག་ལུས་ཚོགས་མཆོད་བདུད་རྩིའི་ཐུགས་དམ་བསྐང་། །ཕྱི་ནང་བར་ཆད་མ་ལུས་ཞི་བར་མཛོད། །ཕཊ་ཕཊ་ཕཊཿ འགྲོ་དྲུག་སེམས་ཅན་མ་ལུས་ཐམས་ཅད་ལ། །བདག་ལུས་ཚོགས་མཆོད་བདུད་རྩི་འདི་བསྔོས་པས། །ལན་ཆགས་བུ་ལོན་བྱང་ནས་ལས་སྒྲིབ་དག །ཀུན་ཀྱང་རྣམ་མཁྱེན་སངས་རྒྱས་ཐོབ་པར་ཤོག །ཕཊ་ཕཊ་ཕཊཿ གནོད་བྱེད་འབྱུང་པོ་རྦད་འདྲེ་གཞི་བདག་ལ། །བདག་ལུས་ཚོགས་མཆོད་བདུད་རྩིས་མགུ་གྱིས་ལ། །གནོད་འཚེ་ཞེ་སྡང་གདུག་རྩུབ་རབ་སྤངས་ནས། །ཕན་བདེ་བྱམས་པའི་སེམས་དང་ལྡན་གྱུར་ཅིག །ཕཊ་ཕཊ་

[Full Size]

ཕཊཿ བདུད་རྩིའི་ལྷག་མ་ཤ་རི་ཁྲོག་གི་མཚོ། །རུས་པའི་གྲམ་ཁྲོད་ལྷ་འདྲེས་ཟོས་ཁྱེར་གྱུར། །ཕཊ་ཕཊ་ཕཊཿ དཀར་གསུམ་མངར་གསུམ་བདུད་རྩིས་འཇིག་རྟེན་གང་། །དམར་ལ་མི་དགྱེས་ལྷ་འདྲེ་ཐམས་ཅད་ཚིམ། །ཕཊཿཕཊཿཕཊཿ མགྲོན་རྣམས་ཐམས་ཅད་དགའ་མགུ་བཀྲག་མདངས་ལྡན། །བདག་དང་མགྲོན་དང་བདག་ལུས་ཚོགས་མཆོད་བཅས། །གདོད་ནས་མི་དམིགས་རང་བཞིན་རྫོགས་པ་ཆེ། །དགེ་བས་འགྲོ་ཀུན་སངས་རྒྱས་མྱུར་ཐོབ་ཤོག །ཕཊ་ཕཊ་ཕཊ། དམིགས་མེད་ངང་ལ་ཡུན་རིང་བཞག་ཅེས་པ་ཉལ་ཁ་ཀུ་སཱ་ལུ་ཡི་ཚོགས་གསོག་བདག་འཛིན་གཅོད་པའི་སྭཱ་རེ་ཞེས་བྱ་བ་འདི་རི་ཁྲོད་འགྲིམ་པ་རྣམས་ཀྱི་དོན་དུ་ཨ་རཱ་གས་སྦྱར་བའོ།། མངྒ་ལཾ།། །་

བདག་འཛིན་རྣམ་རྟོག་འཆིང་གཅོད།

[Full Size]

བདག་འཛིན་རྣམ་རྟོག་འཆིང་གཅོད་ཅེས་བྱ་བ་བཞུགས། ཕཊཿ རང་གི་སྙིང་ཁར་རང་གི་རྣམ་ཤེས་ནི། །རྡོ་རྗེ་ཕག་མོ་ཆེ་ཆུང་ཚོན་གང་ཙམ། །དབུ་མའི་ལམ་ནས་སྤྱི་བོར་རྒྱངས་སེ་ཐོན། །དེ་ཉིད་ཆེར་བསྐྱེད་སྐུ་ཡིས་ཁམས་གསུམ་ཁྱབ། །ཕྱག་གཡས་གྲི་གུག་བེམ་རོའི་ཐོད་པ་བཅད། །རང་བྱུང་སྣོད་མཆོག་སྟོང་གསུམ་ཁྱབ་པའི་ནང་། །རང་ལུས་ཤ་ཁྲག་རུས་པ་བདུད་རྩིར་སྒྱུར། །ཨོཾ་ཨཱཿཧཱུྃ་གིས་ཡེ་ཤེས་བདུད་རྩིར་གྱུར། །ལན་གསུམ། ཕཊ་ཕཊ་ཕཊཿ རང་ལས་སྤྲུལ་པའི་མཁའ་འགྲོ་གྲངས་མེད་ཀྱིས། །ཐོད་པའི་བདུད་རྩི་བཅུས་ནས་མགྲོན་རྣམས་མཆོད། །རྩ་བརྒྱུད་བླ་མ་གྲུབ་ཐོབ་རྒྱ་མཚོ་ལ། །ཤ་ཁྲག་ལུས་ཀྱི་ཚོགས་མཆོད་འདི་འབུལ་ལོ། །ཕཊཿ ཡི་དམ་ཐེག་པ་རིམ་དགུའི་ལྷ་ཚོགས་ལ། །ཤ་ཁྲག་ལུས་ཀྱི་ཚོགས་མཆོད་འདི་འབུལ་ལོ། །ཕཊཿ གནས་གསུམ་དཔའ་བོ་མཁའ་འགྲོ་ཐམས་ཅད་ལ། །ཤ་ཁྲག་ལུས་ཀྱི་ཚོགས་མཆོད་འདི་འབུལ་ལོ། །ཕཊཿ བཀའ་སྲུང་དམ་ཅན་རྒྱ་མཚོ་ཐམས་ཅད་ལ། །ཤ་ཁྲག་ལུས་ཀྱི་ཚོགས་མཆོད་འདི་འབུལ་ལོ། །ཕཊཿ འགྲོ་བ་རིགས་དྲུག་སེམས་ཅན་ཐམས་ཅད་ལ། །ཤ་ཁྲག་

[Full Size]

ལུས་ཀྱི་ཚོགས་མཆོད་འདི་འབུལ་ལོ། །ཕཊཿ གནོད་བྱེད་བགེགས་རིགས་ལན་ཆགས་ཐམས་ཅད་ལ། །ཤ་ཁྲག་ལུས་ཀྱི་ཚོགས་མཆོད་འདི་འབུལ་ལོ། །ཕཊཿ བདག་དང་མགྲོན་དང་བདག་ལུས་མཆོད་པ་བཅས། །གདོད་ནས་མི་དམིགས་རང་བཞིན་རྫོགས་པ་ཆེ། །སྟོང་ཞིང་སྤྲོས་བྲལ་ཆེན་པོ་མངོན་དུ་གྱུར། །དགེ་བས་འགྲོ་ཀུན་བླ་མེད་བྱང་ཆུབ་ཤོག །ཅེས་སྤྲུལ་སྐུའི་གསུང་གིས་བསྐུལ་ནས། ཨ་རཱ་གས་བྲིས་པའོ། །འགྲོ་བ་སེམས་ཅན་ཐམས་ཅད་ལ་ཕན་ཐོགས་རྒྱ་ཆེ་བར་གྱུར་ཅིག། །།

རྗེ་ཞྭ་དམར་ལྔ་པས་བསྩལ་བའི་གཅོད་ཁྲིད་ལ་མཁོ་བའི་མེ་མཆོད་ཤིན་ཏུ་བསྡུས་པའི་ཟིན་བྲིས།

[Full Size]

རྗེ་ཞྭ་དམར་ལྔ་པས་བསྩལ་བའི་གཅོད་ཁྲིད་ལ་མཁོ་བའི་མེ་མཆོད་ཤིན་ཏུ་བསྡུས་པའི་ཟིན་བྲིས་བཞུགས་སོ། །ན་མོ་གུ་རུ་དེ་བ་ཌཱ་ཀི་ནཱི་ཡེ། བླ་མ་དང་ལབ་ཀྱི་སྒྲོན་མ་ལ་ཕྱག་འཚལ་ལོ། །འདིར་གཅོད་ཀྱི་མེ་མཆོད་ཤིན་ཏུ་བསྡུས་པ་བྱ་ཚུལ་ནི། འོག་ཏུ་ཤིང་སྤུན་ནམ་རྡོ་ལེབ་བཀོད། དེའི་སྟེང་དུ་ས་བཀོད་པ་འཇམ་པོར་བརྡུངས་ལ། རྡུལ་ཚོན་གྱིས་ཟླུམ་པོ་གྲུ་བཞི་ཟླ་གམ་གྲུ་གསུམ་བརྩེགས་མར་བྲིས་པའམ། ཡང་ན་ཆོས་འབྱུང་ཟུར་དྲུག་དམར་པོའམ། ནག་པོའི་ཕྱིར་རི་མོ་དཀར་པོ་བྲི། དེའི་ནང་དུ་པདྨ་འདབ་བཞི་ཕྱོགས་མདོག་དབུས་མཐིང་ག་བྲི། དབུས་སུ་པཾ་ཡིག་མཐིང་ནག །ཤར་དུ་ཧ་དཀར་པོ། ལྷོར་རི་སེར་པོ། ནུབ་ཏུ་ནི་དམར་པོ། བྱང་དུ་ས་ལྗང་གུ་བྲིས། དེའི་སྟེང་དུ་ཐབ་ཇི་ལྟར་བྲིས་པའི་དབྱིབས་སུ་ཤིང་སྣ་ཚོགས་བརྩེགས། རང་གི་གཡས་སུ་ཤིང་སྣ་གང་འཛོམ་གྱི་ཡམ་ཤིང་བརྒྱའམ་ཉེར་གཅིག །མདུན་དུ་མར་ཁུ། གཡས་སུ་ཟངས་གཞོང་ནང་དུ། སྨན་སྣ་འབྲུ་སྣ་དར་ཟབ་མེ་ཏོག་ཟས་སྣ་རྣམས་བསྲེས་ནས་བཤམ། དེ་ཉིད་དུ་ཚོགས་བྱ་བའམ་མིན་ན་སྔར་གྱི་ཚོགས་ཕུད་ཀྱང་བསྲེ། གཏོར་མ་བཤམ། དེ་ཐམས་ཅད་བྲན་ལ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭ་བྷ་ཝ་སོགས། ཕྱི་ནང་ཆོས་ཀུན་སྟོང་པའི་རང་བཞིན་ལས། །ལས་བཞི་ཕུན་སུམ་ཚོགས་པའི་མེ་ཐབ་དབུས། །རཾ་ལས་མེ་ལྷ་དྲང་སྲོང་ར་སྐྱེས་བཅིབས། །བགྲང་ཕྲེང་རིལ་བ་བསྣམས་པའི་ལྟོ་བ་རུ། །

[Full Size]

བླ་མ་མ་གཅིག་ལབ་སྒྲོན་སྐུ་མདོག་མཐིང་། །ཞལ་གཅིག་སྤྱན་གསུམ་ནམ་མཁའི་མཐོངས་ལ་གཟིགས། །སྐུ་ལུས་གཅེར་བུ་རུས་པའི་རྒྱན་དྲུག་གསོལ། །ཕྱག་གཡས་སེང་ལྡེང་ཌཱ་རུ་ཏིང་ཤག་སྒྲོག །ཕྱག་གཡོན་བྷན་ཁ་ཊཾ་དཀུ་ལ་བརྟེན། །དབུ་སྐྲ་སིལ་མའི་གསེབ་ནས་ཕག་ཞལ་ངུར། །སྐྱིལ་ཀྲུང་ཕྱེད་པའི་སྟབས་ཀྱིས་མཁའ་ལ་གར། །རིགས་བཞིའི་མཁའ་འགྲོ་འབུམ་གྱི་དབུས་ན་རོལ། །ལྷ་ཚོགས་དེ་དག་གནས་གསུམ་འབྲུ་གསུམ་ལས། །འོད་འཕྲོས་རང་བཞིན་གནས་ནས་མ་གཅིག་མ། །བཀའ་བརྒྱུད་ཡི་དམ་ཆོས་སྐྱོང་སྤྱན་དྲངས་གྱུར། །ཧཱུྃ། མ་ལུས་སེམས་ཅན་ཀུན་གྱི་མགོན་གྱུར་ཅིང་། ། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །མ་གཅིག་ལབ་སྒྲོན་འཁོར་བཅས་གཤེགས་སུ་གསོལ། །ཛཿཧཱུྃ་བཾ་ཧོཿགཉིས་སུ་མེད་པར་གྱུར། །དབང་ལྷ་རིགས་ལྔ་སྤྱན་དྲངས་དབང་བསྐུར་ནས། །དབང་རྟོགས་མི་བསྐྱོད་པ་ཡིས་དབུར་བརྒྱན་གྱུར། །དེ་ནས། ཨོཾ་བཛྲ་ཛྭ་ལ་ཛྭ་ལ་ཧཱུྃ། ཞེས་ཐབ་ཀྱི་ཤར་ལྷོ་ནས་མེ་སྦར། དགང་གཟར་བླུགས་གཟར་ཀྱིས་རེག་ཅིང་བསྲེག་རྫས་ཐམས་ཅད་བྱིན་གྱིས་བརླབ་པ་ནི། ཨོཾ་ཨཱཿཧཱུྃ། ཨོཾ་ཋ་

[Full Size]

ཋ་ཋ་ཋ་ཋ་ཋ་ཋ། དེ་ནས་རྫས་ཐམས་ཅད་བཀྲུ་བར་བསམས་ལ། ཨོཾ་ཨཱཿཧཱུྃ་སྭཱ་ཧཱ། ཡམ་ཤིང་ལ། ཨོཾ་ཤྲཱི་སྭཱ་ཧཱ། མར་ཁུ་ལ། ཨོཾ་ཨཱཿསྭཱ་ཧཱ། འབྲུ་སྣ་ལ། ཨོཾ་ཛྲིཾ་སྭཱ་ཧཱ། རྫས་ཐམས་ཅད་ལ། ཨོཾ་ཀུ་རུ་ཀུ་རུ་སྭཱ་ཧཱ། དངོས་འབྱོར་ཡིད་ཀྱིས་སྤྲུལ་པ་ཡི། །ལྷ་རྫས་དག་པའི་ཉེར་སྤྱོད་རྣམས། །བླ་མ་མཁའ་འགྲོའི་ཚོགས་ལ་འབུལ། །གཟུགས་སྒྲ་དྲི་རོ་རེག་བྱ་རྣམ་དག་པའི། །ཟག་མེད་བདེ་ཆེན་མཆོད་སྤྲིན་རྒྱ་མཚོ་འབུལ། །ཨོཾ་མ་ཧཱ་གུ་རུ་བྃ་ཌཱ་ཀི་ནཱི་ཧ་རི་ནི་ས་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་ཏྱཱ་ཤབྡ་ཨཱཿཧཱུྃ། དེ་ནས་ཡམ་ཤིང་བརྒྱའམ་ཉེར་གཅིག་གམ་བདུན་འབུལ་ཏེ། ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་ཨགྣེ་ཡེ་བོ་དྷི་བྲིཀྵ་ཡེ་གཟི་བརྗིད་ཕུན་སུམ་ཚོགས་པ་སིདྡྷི་ཧཱུྃ། དེ་ནས་མར་ཁུ་བརྒྱའམ་ཉེར་གཅིག་གམ་བདུན་འབུལ་ཏེ། ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་ཨགྷེ་ཡེ་ཨགྷེ་ཡེ་འབྱོར་བ་ཕུན་སུམ་ཚོགས་པ་སིདྡྷི་ཧཱུྃ། དེ་ནས་རྫས་ཐམས་ཅད་ལ་སྔགས་འདི་ཁོ་ནས་བརྒྱ་རྩ་བརྒྱད་རེ་འབུལ་ལོ། །ཨོཾ་ཨཱཿཧཱུྃ་གུ་རུ་དྷེ་ཝ་ཀི་ནཱི་བཾ་ཧ་རི་ནི་ས་ཛྭ་ལ་རཾ་ཨགྷ་ཡེ་པཱུ་ཛ་ཧོཿ དེ་ནས་གཏོར་མ་བྲན་ལ། ཨོཾ་ཨཱཿཧཱུྃ་སྐུ་གསུང་ཐུགས་ཀྱི་བདུད་རྩིར་གྱུར། ཨོཾ་ཨཱཿཧཱུྃ་བོ་གུ་རུ་ཧ་རི་ནི་ས་ཨག་ཡེ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་ཕུལ། ཧཱུྃ། འབར་བ་མེ་ཡི་དཀྱིལ་འཁོར་

[Full Size]

དུ། །བླ་མ་ལབ་སྒྲོན་མཁའ་འགྲོའི་ཚོགས། །སྣ་ཚོགས་བསྲེག་རྫས་འདི་བཞེས་ལ། །ནད་གདོན་བར་ཆད་ཞི་བར་མཛོད། །ཨོཾ་ཤཱནྟཾ་ཀུ་རུ་ཡེ་སྭཱ་ཧཱ། ཚེ་བསོད་དཔལ་འབྱོར་རྒྱས་པར་མཛོད། །བྷྲཱུཾ་པུཥྚིཾ་ཀུ་རུ་ཡེ་སྭཱ་ཧཱ། སྣང་སྲིད་དབང་དུ་འདུ་བར་མཛོད། །ཧྲཱིཿབ་ཤཾ་ཀུ་རུ་ཡེ་སྭཱ་ཧཱ། དགྲ་བགེགས་གནོད་བྱེད་ཚར་ཆོད་ཅིག །ཧཱུྃ་མཱ་ར་ཡ་ཕཊ། རོལ་མོ་བྱ། །རང་རིག་ཡེ་ཤེས་སྟོན་མཛད་པ། །ཕ་བླ་མ་རྣམས་ལ་ཕྱག་འཚལ་བསྟོད། །མ་མི་མིན་ཡེ་ཤེས་མཁའ་འགྲོ་མ། །ལབ་ཀྱི་སྒྲོན་མ་དེ་ལ་ཕྱག་འཚལ་བསྟོད། །རིགས་བཞིའི་མཁའ་ཚེའགྲོའི་ཚོགས་ལ་ཕྱག་འཚལ་བསྟོད། །མཁའ་འགྲོ་བྱེ་བ་འབུམ་ལ་ཕྱག་འཚལ་བསྟོད། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །དེ་ནས་མཆོད་རྫས་ལྷག་མ་རྣམས་ཅུང་ཟད་ཕུལ་ཏེ། ཨོཾ་ཨཱཿཧཱུྃ་གུ་རུ་དྷེ་ཝ་ཌཱ་ཀི་ནཱི་བཾ་ཧ་རི་ནི་ས་ཛྭ་ལ་རཾ། ཨགྷ་ཡེ་པཱུ་ཛ་ཧཱུྃ། ཞེས་ཕུལ། ལྷ་རྣམས་ནོངས་པ་གང་མཆིས་བཟོད་པར་གསོལ། །ཡེ་ཤེས་པ་གཤེགས་དམ་ཚིག་པ་རང་ཐིམ། །འཇིག་རྟེན་འཇིག་རྟེན་འདས་པའི་དགེ་ལེགས་གང་། །གོང་ནས་གོང་དུ་འཕེལ་བའི་བཀྲ་ཤིས་ཤོག །ཐལ་བ་གཙང་སར་དོར་རོ། །ཞེས་པ་ཀརྨ་ཨ་རཱ་གས་བཀོད་པའོ། །མངྒ་ལཾ།། །།

ཨོ་རྒྱན་རྗེ་དང་རང་བྱུང་རྡོ་རྗེའི་ལུགས་ཀྱི་གཅོད་ཀྱི་མན་ངག་འཐོར་བུ་འགའ་རེ།

[Full Size]

ཨོ་རྒྱན་རྗེ་དང་རང་བྱུང་རྡོ་རྗེའི་ལུགས་ཀྱི་གཅོད་ཀྱི་མན་ངག་འཐོར་བུ་འགའ་རེ་འདི་ཨ་རཱ་གས་མཛད་པ་བཞུགས། གཅོད་ཀྱི་མན་ངག་འཐོར་བུ་འགའ་རེ་ཡོད། རྟེན་མེད་རིག་པ་འདི་མཁའ་ལ་འཕུར། །ཆག་མེད་ཀྱི་ལུས་འདི་སྦྱིན་པར་ཐོངས། །ཐེ་ཚོམ་མ་ཟ་ཨ་མའི་བུ། །ཞེས་གསུངས་སོ། །ཡང་མ་གཅིག་གི་ཞལ་ནས། ཕྱི་སྣང་བ་བརྒྱན་གྱི་མཎྜ་ལ། །འབྱུང་བ་བཞི་ཡིས་ཆག་ཆག་གདབ། །རིགས་དྲུག་སེམས་ཅན་ཚོམ་བུར་བཀོད། །ཟད་མེད་རིན་ཆེན་གཏེར་དང་བཅས། །སྐྱབས་གནས་དཀོན་མཆོག་གསུམ་པོ་དང་། །བླ་མ་ཡི་དམ་མཁའ་འགྲོ་ལ། །སྣང་བ་བརྒྱན་གྱི་མཎྜལ་འབུལ། །བཞེས་ནས་བྱིན་གྱིས་བརླབ་ཏུ་གསོལ། །ཞེས་གསུངས་སོ།། ༈ ཡང་ཚོགས་བྱིན་གྱིས་རླབས་པ་ལ། ཚོགས་ཚོགས་སུ་འབུལ་བ་དང་། ཕུང་པོ་ཚོགས་སུ་འབུལ་བ་དང་། གཉན་ས་ཚོགས་སུ་འབུལ་བ་དང་། ལུས་གདོན་ཚོགས་སུ་འབུལ་བ་དང་། ལུས་ཚོགས་དབྱེར་མེད་དུ་འབུལ་བ་དང་ལྔ་བཤད་ཀྱང་། གཉན་ས་དང་ལུས་གདོན་འབུལ་བ་གཉིས་ནི། བུ་ཡི་ཤ་བཅད་ནས་མ་ལ་བྱིན་པ་དང་འདྲ་བས། བྱང་ཆུབ་སྒྲུབ་པ་རྣམས་ཀྱིས་མི་རུང་བླ་མས་གསུངས་སོ། །འདི་དག་ནི་ལུས་ཚོགས་དབྱེར་མེད་དུ་འབུལ་བའི་

[Full Size]

སྐབས་སོ།། ༈ བཞི་པ་བསྟབ་པ་བྱེད་པ་ལ། རྒྱལ་བ་རིགས་ལྔ་ལ་མཆོད་པའི་ཚུལ་དུ་བསྟབ་པ། ཆོས་སྐྱོང་ལ་བསྐང་རྫས་ཚུལ་དུ། རིགས་དྲུག་ལ་སྦྱིན་གཏོང་གི་ཚུལ་དུ། ལན་ཆགས་ལ་བུ་ལོན་གྱི་ཚུལ་དུ། དགྲ་བགེགས་ལ་ཤ་ཁྲག་སྲོག་དབུགས་ཀྱི་ཚུལ་དུ་བསྟབ་པ་རྣམས་སོ། །ལར་ནི་བསྟབ་པ་བཞི་ལ་འདུས་སོ།། ༈ དེ་ལ་ཕྱི་ཡི་ཚོགས་ནི། དངོས་འཛིན་རྣམ་རྟོག་དག་སྣང་སྟོང་མཆོད་པའི་ཚོགས། ནང་གི་ཚོགས་ནི། ཉོན་མོངས་འབྱུང་བ་རྣམ་དག་གསལ་སྟོང་བདུད་རྩིའི་ཚོགས། གསང་བའི་ཚོགས་ནི། ཕུང་པོ་ཆགས་སྡང་རྣམ་དག །རྒྱུ་ཁམས་དཀར་དམར༔ བདེ་སྟོང་གི་ཡེ་ཤེས་ལ་ཤར་བའི། རིག་མ་དཀར་སེར་དམར་ལྗང་རྣམས་འཕྲོས་ནས་ལྷ་ཚོགས་ཡབ་ཡུམ་རྣམས་གཉིས་མེད་ཀྱི་སྦྱོར་བ་མཛད་པས། དགའ་བཞིའི་བདེ་བ་ལ་རོལ་ནས་ཟད་མེད་ཀྱི་ཡེ་ཤེས་རྒྱས་པར་བསམ། ༈ བཞི་པ་དེ་ཁོ་ན་ཉིད་ཀྱི་ཚོགས་ནི། གཟུང་འཛིན་སྙེམས་རྟོག་རྣམ་པར་དག་པའི་རང་བྱུང་ཡེ་ཤེས་ལས་ཤར་བའི་སྟོང་དེ་ཕྱག་རྒྱ་ཆེན་པོའི་གདང་མ་འགགས་པར་འགྲོ་དྲུག་ལ་སྙིང་རྗེ་བརྩེ་བ་དང་ལྡན་པའི་ངང་ནས། ཚོགས་འབུལ་བའི་ཡུལ། འབུལ་རྒྱུའི་དངོས་པོ། འབུལ་མཁན་གྱིས་བདག་ཀྱང་མི་དམིགས་པའི་ངང་

[Full Size]

ནས། མཐའ་བྲལ་བློ་འདས་ཀྱི་ངང་ལ་མཉམ་པར་བཞག་པའོ།། ༈ ཡང་བསྲེ་བ་རྣམ་པ་བཞི་ནི། རང་ལུས་དང་གཞན་ལུས་བསྲེ། རང་སེམས་དང་གཞན་སེམས་བསྲེ། རང་རིག་དང་དབྱིངས་རིག་བསྲེ། ཕུང་པོ་དང་ཚོགས་མཆོད་བསྲེ་བའོ།། གཅོད་ཁྲིད་ཟབ་མོ་བཞུགས་སོ། །སྤྲོས་དང་བྲལ་བའི་ངོ་བོ་ཉིད། །མཚུངས་མེད་བླ་མའི་སྐུ་གསུང་ཐུགས། །ཡུམ་ཆེན་ཤེར་ཕྱིན་ལ་བཏུད་ནས། །གཅོད་ཀྱི་ཁྲིད་རིམ་བྲི་བར་བྱ། །དེ་ལ་གང་གཅོད་པ་བདུད་ཀྱི་ངོས་འཛིན། དེ་ཚུལ་ཇི་ལྟར་གཅོད་ཚུལ་གཉིས། དང་པོ་མ་གཅིག་གི་ཞལ་ནས། ཐོགས་བཅས་བདུད་དང་ཐོགས་མེད་བདུད། །དགའ་བྲོད་བདུད་དང་སྙེམས་བྱེད་བདུད། །ཅེས་གསུངས་པ་ལྟར་བཞིའི་དང་པོ་ནི། དབང་པོ་ལྔའི་ཡུལ་དུ་སྣང་བའི་མེ་ཆུ་དུག་མཚོན་གཅན་གཟན་སོགས་སོ། །ཐོགས་མེད་བདུད་ནི། ཕྱིའི་དབང་དུ་ལྷ་འདྲེ་མི་ཡི་མིག་ལམ་དུ་མི་སྣང་བའི་མཁའ་ལ་རྒྱུ་བ་རྣམས་སོ། །ནང་གི་དབང་དུ་ནི། ཉོན་མོངས་ན་ཚ་སྡུག་བསྔལ་སོགས་སོ། །དགའ་བྲོད་བདུད་ནི། འབྲས་བུ་དང་ཕན་ཡོན་ལ་ཐོབ་ཏུ་རེ་བའི་འདུན་པ་བྱེད་པའོ། །སྙེམས་བྱེད་བདུད་ནི། རྣམ་པར་རྟོག་པ་སྣ་ཚོགས་སུ་འཕྲོ་བའོ།། ༈ གཉིས་

[Full Size]

པ་མ་བསླང་བ་སློང་བར་བྱེད་པའི་ཐབས། སློང་བ་ནོན་པར་བྱེད་པའི་ཐབས། ནོན་ནས་སྦྱིན་པ་གཏོང་བའི་ཐབས། རྗེས་གཅོད་ཞོར་བྱུང་བསྟན་པ་དང་བཞིའི་དང་པོ་ལ། གཅོད་བྱེད་པ་པོ་ལ། རྐང་དུང་ཐོད་པ་ཌཱ་དྲིལ་མི་ལྤགས་སོགས་ཀྱི་གདན་ཆུང་། དོམ་ར་སོར་བཞི་པ་རྣམས་སོ།། ༈ གསུམ་པ་ནི། སྒང་གིས་གཤོང་དང་གཤོང་གིས་སྒང་། སྐེམས་ཆེ་བའི་རློན། །རློན་ཆེ་བའི་སྐེམས། སྒང་རྩེའི་གྲིབ་མ་གར་ཕོག་གི་ས། བྲག་རིའི་ཟེ་དང་། དུར་ཁྲོད་ལུང་སྟོང་། ཤིང་གཅིག །ཆུ་མིག་མགོ་དགུ་པ། བདུན་པ། ལྔ་པ་གསུམ་པ་ས་ཆུ་བྲན་ཆུ་འཁྱིལ་སོགས་ཉི་མ་མི་ཕོག་པའི་ས་རྣམས་སོ། །མདོར་ན་གང་འཇིགས་བསམ་པའི་ས་དེ་གཉན་ས་ཡིན་ལ། ཆུ་མིག་མགོ་དགུ་པ་ལ་ཀླུ་གདོལ་པ་གནས། བདུན་པར་བྲམ་ཟེ། ལྔ་པ་ལ་རྒྱལ་རིགས། གསུམ་པ་ལ་རྗེའུ་རིགས་དང་དམངས་རིགས་གནས། ཆུ་ཉི་མ་མི་ཤར་བར་ཀླུ་བྲན། མཚོ་དང་ལུ་མོ་ཤིང་གཅིག་བྲ་མ་ནེའུ་སིང་ཆུ་འཛིང་རྣམས་སུ་གཉན་གནས་སོ། །ཕ་བོང་སྟག་སྦྲུལ་སྦལ་པ་བྱ་ཕག་སོགས་འདྲ་ན་ས་བདག་གནས། བྲག་གདོང་རི་གདོང་རུས་སྦལ་སྡིག་པ་གཡག་གླང་རྔ་མོང་མ་ཧེ་འདྲ་ན་ས་བདག་ཀླུ་གཉན་ཆེན་པོ། བྲག་

[Full Size]

གདོང་མེ་རི་དང་རལ་གྲི་དང་འདྲ་ན། རི་སྣ་གད་པའི་གདོང་དང་ས་ཕྱོགས་ཁྲག་གི་རལ་པ་འདྲ་ན་བཙན་གནས། ནགས་ཚང་ཚིང་དུ་བདུད་གནས། བྲག་སྐྱིབ་གཅོང་རོང་གད་ཕུག་གངས་ཕྲུག་རྣམས་སུ་དམ་སྲི་དང་ཐེའུ་རང་གནས། སྲིན་མོ་གནས། ཁང་སྟོང་ཕུང་ཤུལ་འབྲོག་པའི་ཤུལ་སྲང་མདོ་ཚོང་འདུས་རྣམས་སུ་བསེ་རག་དང་གྲི་བོ་གྲི་མོ་གནས། །དུར་ཁྲོད་རོ་ཁང་བཙོན་ཁང་ཤི་ཤུལ་དཔའ་བོ་གཡུལ་དུ་བསད་པའི་ཤུལ་རྣམས་སུ་མ་མོ་དང་སྲོག་བདག་གནས། ལྷ་ཁང་གི་ཁྱམས་དཀོར་ཁང་གི་ཁྱམས་དགོན་རྙིང་དང་ཁང་སྒོག་སྒྲུབ་ཁང་དབེན་ས་རྣམས་སུ་རྒྱལ་པོ་དང་དཀོར་བདག་སོགས་གནས་སོ།། ༈ བཞི་པ་ནི།། རྣལ་འབྱོར་པའི་གདེང་འགྲོས་ནི། ཤེས་པ་ལྟ་ལྟོ་བྱས་ནས་འགྲོ། མཁའ་འགྲོ་མའི་བརྡ་འགྲོས་ནི། རྐང་པས་ཡང་གར་ཐབས་སུ་འགྲོའོ། །སྦྲུལ་ནག་འཁྱུགས་འགྲོས་ནི། ཤེས་པ་ཕར་འཁྱོག་ཚུར་འཁྱོགས་བྱས་ནས་འགྲོ། གླང་ཆེན་སྨྱོ་འགྲོས་ནི། ཤེས་པ་རེས་མགྱོགས་རེས་བུལ་བར་འགྲོའོ།། ༈ འགྲོ་བའི་དུས་ནི་གཉན་སར་སྲོད་དང་ནམ་གུང་ལ་འགྲོའོ། །ཚུར་འོང་དུས་ཐོ་རངས་འོང་བ་ཕྱག་ལེན་ཡིན་ནོ།། ༈ ལྔ་པ་ལ་སྤྱི་དང་བྱེ་བྲག་གཉིས། དང་པོ་ནི། སྤྱིར་

[Full Size]

གཉན་སར་གཅོད་ནུས་པ་ལ། ཆེ་བ་རྣམ་བཞི་དང་ལྡན་དགོས་ཏེ། རྟོགས་པ་ནམ་མཁའ་དང་མཉམ་པ་སྟོང་ཉིད་ཀྱི་རྒྱབ་ཚན་ཆེ་བ། སྙིང་རྗེ་ཆེ་ཞིང་ཞེན་ཆགས་ཆུང་བའི་གཏོང་ཕོད་ཀྱི་བློས་སྒྱུར་ཆེ་བ། དམ་པའི་ཆོས་ཀྱི་གནད་མ་ལུས་པ་གོ་བས་གདམས་ཀྱི་ཐོས་རྒྱ་ཆེ་བ། བརྩོན་འགྲུས་ལ་ལེ་བར་མེད་པའི་ཉམས་ལེན་གྱི་ཞེ་ཕུག་ཆེ་བ་ཞིག་དགོས་སོ།། ༈ ཡང་ཟིལ་གནོན་གྱི་དམིགས་རིམ་དང་། སློང་བའི་དམིགས་པ་དངོས་གཉིས། དང་པོ་ནི་དངོས་དང་ཞོར་བྱུང་གཉིས། དང་པོ་ནི་མི་འགྲོ་བའི་སྔ་རོལ་དུ། ཕཊཿ རང་གི་སྙིང་ཁར་ང་གྱི་རྡོ་རྗེ་ཞིག །བྱ་ལྟར་འཕུར་ནས་གཉན་སའི་དཀྱིལ་དུ་བབ། །དེ་ལས་རྡོ་རྗེ་ལྕགས་ཀྱུས་ཚོགས་སྤྲོས་ནས། །ས་དེར་གནས་པའི་གདོན་ཚོགས་རབ་བཀུག་སྟེ། །ལྕགས་སྒྲོག་འབར་བས་རབ་ཏུ་བསྡམ་པར་གྱུར། །འགྲོ་བར་ཞུགས་པ་ན། རྐང་དུང་བུས་ནས། གཡས་གཡོན་མདུན་རྒྱབ་སྟེང་འོག་ཕྱོགས་བཅུའི། རི་དང་ལྗོན་པོ་ཆུ་མིག་ལ་སོགས་ལ། །གནས་པའི་གདོན་གྱིས་ཚོགས་རྣམས་ངའི་ཕྱིར་ཤོག །ང་ཡིས་ཁྱེད་རྣམས་འདོད་པས་ཚིམ་པར་བྱ། གཉན་སར་སླེབ་པ་དང་། ཕྱོགས་བཞིར་གར་ཐབས་ཀྱིས་འགྲོ་ཞིང་། རྐང་དུང་

[Full Size]

བུས་ནས། ཕཊཿ དེ་རིང་བདུད་བཞིའི་དཔུང་རྣམས་གཞོམ་པའི་ཕྱིར། །རྣལ་འབྱོར་བདག་ནི་དགའ་བའི་བྲོ་ཞིག་འཁྲབ། །མཁའ་འགྲོ་སྡེ་བཞིའི་གར་ནི་ཁྱུགས་སེ་ཁྱུག །བདུད་བཞི་རྣམ་རྟོག་འཇོམས་པ་ཨ་ལ་ལ། །དེ་ནས་ཅོག་པུ་ཕུབ་པ་དང་། གདན་བཏིང་བའི་ཚེ། ཕཊཿ བརྗོད། དེ་ནས་འོག་སྡུག་སོགས་གཞུང་ལྟར་རོ། །ད་ནི་གཉན་ས་གནས་ཀྱི་མཚན་ཉིད་ནི། སོ་སོའི་གནས་ལ་བརྟག་པ་སྟེ། །རི་དང་མཚོ་དང་ཆུ་མིག་དང་། །ཤིང་བྲག་ཕ་བོང་ས་ཡི་གནད། །སོ་སོའི་བྱེ་བྲག་གཉན་ས་བརྟེན། །རི་མགོ་གཉན་སའི་མཐོ་བ་ནི། །དཀར་ནག་དམར་སྔོ་སེར་དང་སྨུག །རིགས་ནི་མི་མཐུན་བྱེ་བྲག་སྟེ། །གདུག་པ་ཅན་རྣམས་གནས་པར་བཤད། །འདྲེས་ནས་སྣང་ན་མཐོ་བ་གཉན། །རྩེ་གཤིབ་སྣང་ན་བར་མ་གཉན། །མཚམས་ནི་སྣང་ན་མདུང་རྩེ་གཉན། །གཅིག་སྤུར་སྣང་ན་ཆུ་མིག་གཉན། །དེ་ཡང་རི་བོའི་མཚན་ཉིད་ནི། །དཀར་ལ་སྣུམ་ན་ལས་མི་རུང་། །དམར་ལ་རྒོ་བ་འཁུ་ལྡོག་ཆེ། །ནག་ལ་རྩུབ་པ་ཤིན་ཏུ་ལེགས། །སེར་ལ་ཕྲ་བ་ཚར་སློང་མྱུར། །སྨུག་པོ་མགོ་ཟླུམ་རྨུག་ཅིང་འཐིབས། །རི་ཡི་མཚན་ཉིད་འདི་འདྲ་བ། །འདུག་

[Full Size]

སའི་གནད་མིག་བསྟན་པ་ནི། །དཀར་ལ་ཟླུམ་པའི་ཤར་ཕྱོགས་གཉན། །དམར་པོ་དག་གི་ནུབ་ཕྱོགས་གཉན། །ནག་ལ་རྩུབ་པའི་ལྷོ་ཕྱོགས་གཉན། །སེར་ལ་ཕྲ་བའི་བྱང་ཕྱོགས་གཉན། །སྨུག་པོ་དག་གི་རྩེ་མོ་གཉན། །རྩེ་རུ་ཕྱིན་ན་ཀུན་ལ་ཤིས། །རི་དང་མཚོ་དང་ཆུ་མིག་ནི། །འདྲེས་ནས་སྣང་ན་ཤིན་ཏུ་གཉན། །རི་འདུས་མཚོ་སྙིང་ཆུ་མིག་མགོ །དང་པོ་རི་ལ་བར་དུ་མཚོ། །ཐ་མ་བསྲེག་གཟིར་ཆུ་མིག་གཉན། །ཟླ་གམ་འདྲ་ན་མདུན་ཕྱོགས་གཉན། །ཟུར་གསུམ་གཏིང་ཟབ་རྩེ་མོ་གཉན། །གྲུ་བཞི་ས་ཡི་གནད་དང་བསྟུན། །ཉ་ལྕོང་སྦལ་སྦྲུལ་སྤེལ་འདྲ་ན། །མགོ་བོ་གཉན་པས་ཤེས་པར་བྱ། །ཤར་བལྟས་དག་གི་མཚོ་མཇུག་གཉན། །བྱང་བལྟས་དག་གི་མགོ་བོ་གཉན། །ནུབ་བལྟས་དག་གི་སྲིབ་ངོས་གཉན། །ལྷོ་བལྟས་དག་གི་ཉིན་ངོས་གཉན་ནོ།། ༈ གསུམ་པ་ཆུ་མིག་གནས་ལུགས་ནི། །རྒྱལ་རིགས་ཤར་ལ་རྗེ་རིགས་ལྷོ། །བྲམ་ཟེ་ནུབ་ལ་གདོལ་པ་བྱང་། །དམངས་རིགས་འཐོར་བུ་ཀུན་ཏུ་རྒྱུའོ། །འདུག་སའི་གནས་མལ་གཞན་ཏུ་གསལ།།་༈ ཡང་ཀླུ་རིགས་ལྔ་ལ་སྡོང་ཟླ་ལྔ། །རྒྱལ་རིགས་རྒྱལ་པོ་དག་དང་བསྡོང་། །རྗེ་རིགས་གཉན་གྱི་རིགས་དང་

[Full Size]

བསྡོང་། །བྲམ་ཟེ་ས་བདག་བཙན་དང་བསྡོང་། །དམངས་རིགས་མ་མོའི་ཚོགས་དང་བསྡོང་། །གདོལ་པ་ཐེའུ་རང་ཚོགས་དང་བསྡོང་། །སྡོང་ཟླའི་མཚན་ཉིད་དེ་དག་ནི། །ཆོ་འཕྲུལ་དེ་དང་འདྲ་བ་འོང་། །དམིགས་པ་དེ་དང་སྟོན་པར་བྱ།། ༈ ནམ་ཟླ་བཞི་ཡི་འགྱུར་ལུགས་ནི། །དགུན་ཟླ་གསུམ་ལ་ཤར་ཕྱོགས་གཉན། །དཔྱིད་ཟླ་གསུམ་ལ་བྱང་ཕྱོགས་གཉན། །དབྱར་ཟླ་གསུམ་ལ་ནུབ་ཕྱོགས་གཉན། །སྟོན་ཟླ་གསུམ་ལ་ལྷོ་ཕྱོགས་གཉན། །ས་ཆུ་དྲོས་དུས་མགོ་བོ་གཉན། །ས་ཆུ་འཁྱགས་དུས་རྩ་བ་གཉན།། ༈ བཞི་པ་བྲག་གི་མཚན་ཉིད་ནི། །ཁྲག་ནག་དཔུང་པ་བདུད་ཀྱི་གནས། །བྲག་དཀར་ཟང་ཟིང་ལྷ་རི་སྟེ། །དམར་མདོག་ཆགས་ན་ལྷ་བཙན་གནས། །དཀར་སྔོ་དག་ལ་གཉན་གནས་སོ། །དམར་ནག་འདྲེས་ན་བཙན་བདུད་གནས། །བྲག་དམར་མེ་རི་རལ་གྲི་གནས། །དེ་ལ་བཙན་རིགས་གནས་པར་བཤད།། ༈ ལྔ་པ་ཤིང་གི་མཚན་ཉིད་ནི། །ཤིང་གཅིག་པ་ཡི་གཉའ་ངོས་གཉན། ། ཤིང་གཉིས་པ་ཡི་བར་དུ་གཉན། །ཤིང་གསུམ་པ་ཡི་བར་མ་གཉན། །ཤིང་བཞི་པ་ཡི་བར་མ་གཉན། །རོགས་མེད་ལྔ་དྲུག་རིགས་པས་དཔྱད།། ༈ དྲུག་པ་ཕ་བོང་མཚན་ཉིད་ནི། །

[Full Size]

སྟག་སྤྲུལ་བྱ་དང་ཕག་འདྲ་བ། །རུས་སྦལ་སྡིག་པ་ཤོ་འདྲ་དང་། །གཉན་ཆེན་སྡེ་བཞི་གནས་པ་ཡིན། །དེ་སོགས་གཉན་སའི་ས་དཔྱད་རྣམས། །རིགས་པས་དཔྱད་ཅིང་འདུག་པ་སྟེ། ༈ །སྤྱིར་གཉན་སར་ཉལ་བའི་དུས། །ལྷ་འདྲེ་ཀུན་ལ་སྙིང་རྗེ་བསྒོམ། །འོ་ལྷ་འདྲེ་ཁྱོད་ཀྱིས་མ་རིག་པས། །ཉོན་མོངས་དུག་ལྔ་རང་ཁར་སྤྱོད། །ཁྱོད་ཀྱི་དུག་ལྔ་འདུལ་བའི་ཕྱིར། །དྲག་པོའི་དམིགས་པ་བདུན་ཉེར་གཅིག་བྱ། །དེ་ནས་སེམས་རྒྱུད་འདི་ལྟར་བྱ། །ལྷ་འདྲེ་ཁྱོད་ཀྱིས་མ་རིག་པས། །ངས་ནི་ཁྱོད་ལ་ཡང་དག་བསྟན་དུ་འོང་། །ཁྱེད་རྣམས་རྫོགས་པའི་སངས་རྒྱས་མ་ཐོབ་པར། །ང་ཡང་གར་ཡང་མི་འགྲོ་བར། །ཁྱོད་ལ་བཀའ་ཡི་འཁོར་ལོ་བསྐོར། །ལུས་པོ་ཆག་མེད་སྦྱིན་པ་བྱེད། །ཁྱོད་ཀྱིས་ཀུན་ལ་སྦྱིན་ཐོང་ལ། །མ་ཐོག་མྱུར་དུ་འདིར་འདུས་ཤིག །ཡང་དག་བདེན་པའི་ཆོས་བཤད་དོ།། །ངག་ཏུ་བརྗོད་ཅིང་ཡིད་ལ་བསམ། །སེམས་དམིགས་པ་མེད་པར་ཀློད་ལ་བཞག །ལུས་ཀྱི་སྦྱིན་པ་བརྒྱ་རྩ་་བྱ། །དེ་ནས་གཉན་ས་བཟུང་བའོ། །གཉན་སར་ལུས་གང་བདེར་འདུག་ནས། སྤྱི་བོར་སྔར་བཞིན་མ་གཅིག་བསྒོམ། མདུན་དུ་གནོད་བྱེད་ལྷ་འདྲེ་གཞི་བདག་གིས་གཙོར་བྱས་

[Full Size]

སེམས་ཅན་ཐམས་ཅད་ཀྱིས་གསོལ་བ་གདབ་པར་བསམས་ལ། གོང་བཞིན་གསོལ་བ་གདབ་པར་བྱའོ། །དེ་ནས་ལུས་ཀྱི་རྩ་བཞི་སློད་ནས་ལུས་ཆེན་པོ་མགོ་བོ་རི་བོའི་རྩེ། རྐང་པ་ལུང་པའི་མདའ། རྩིབ་ལོགས་གཡས་གཡོན་གྱི་ལུང་པ་མནན་པར་བསམ། ངག་ཏུ་འཁོར་བའི་རྒྱ་མཚོ་མ་སྟོངས་ཀྱི་བར་དུ་གནས་འདི་ནས་སྤོ་འཚམས་མི་བྱའོ།། བརྗོད། ། ༈ ཡང་ཐོག་སྲུང་ལ། རང་ཉིད་སྤྱི་བོའི་ནམ་མཁའ་ལ། གསེར་གྱི་འཁོར་ལོ་རྩིབས་སྟོང་དང་། ལྡན་པའི་ལྟེ་བར་ཤཱཀྱ་ཐུབ་པ། རྩིབས་སྟོང་ལ་བསྐལ་བཟང་གི་སངས་རྒྱས་སྟོང་། དེ་ནི་སྟེང་ཐོག་བསྲུང་བའི་གདམས་ངག་གོ །རང་གི་རྐང་འོག་གཡུ་ཡི་གྲོད་པ་ཞིག །ནེམ་ནེམ་མནན་པ་དམིགས་པས་འོག་ཐོག་བསྲུང་། །ཕྱོགས་མཚམས་རྡོ་རྭ་ཁྲོ་བོ་ཁྲོ་མོའི་གུར། །བསྒོམས་པས་བར་ཐོག་བསྲུང་བའི་གདམས་ངག་ཡིན། །ནི་ནཱ་ག་ཛ་མུན་ཏི་ཨཱཿཨུ་རྒྱན་རྗེ་དང་རང་བྱུང་རྡོ་རྗེའི་ལུགས། །དྲན་རྫོགས་ཐོག་སྔགས་ལན་བདུན་བརྗོད་པས་ཐུབ། ཨོགྷཧུརཧུསཧེཛལདྷཐཱ༔ བདུན་ཙམ་བརྗོད་པ་དང་། ཤོག་དྲིལ་བྲིས་ལ་རྐང་དུང་ངམ་དྲིལ་བུ་ལ་བཏགས་ནས་དཀྲོལ། ༈ འདྲེ་བརྡུང་འབོད་བྱས་པས། ནད་པ་ཡོད་ན་ཡང་། ཕན་པ་ཆུང་

[Full Size]

བའི་སྟེང་དུ་གདོན་པ་ཅུང་ཟད་ཆེ་སྟེ། དཔེར་ན། གཞན་ཡང་མི་ཉེས་པ་མེད་པ་གཅིག་ལ། དང་པོ་བརྡུང་བརྟག་ལ་སོགས་གནོད་པ་ཆེན་པོ་བྱས་ན། ཕྱིས་ཁ་འཇམ་པོས་བདག་ལ་གནོད་པ་མ་བྱེད་ཅིག་བྱས་ཀྱང་ཕན་པ་ཆུང་ཞིང་། འཁོན་འཆང་བ་དང་འདྲའོ། །ཀླུ་གདོལ་པས་སྐྱེ་བདུན་ལ་ཞེ་འཁོན་འཆང་བར་བཤད་འདུག་པ་དེ་མ་གཟིགས་སམ། ༈ བྱ་མ་སར་ནི། རྒྱ་གར་པོ་ཏ་རི་ཡི་ལྷོ་ངོས་ཀྱི་བྲག་ཕུག་ན། ཙནྡན་གྱི་ནགས་ཚལ་ཡོད་ས་དེར། མདོག་སྔོ་ལྗང་གཤོག་པ་གཉིས་དཀར་པོ། མཇུག་སྒྲོ་ལྔ་ཡོད་པ་ཁ་དོག་སྣ་ལྔ། རྐང་པ་ཉ་ཕྱིས་འདྲ་བོ། སེན་མོ་དང་མཆུ་དཀར་པོ། མིག་དམར་པོ། མགྲིན་པ་ཡན་ཆད་རྨ་བྱ་དང་འདྲ་བ། སྤྱི་བོར་སྒྲོ་འཇིག་གསུམ་ཡོད་པ། སྲོག་གཅོད་སྤང་བ། རྐང་པ་ས་ལ་མི་འཇོགས་པ། ངག་ཏུ་ཏཱ་རེ་དང་ཏུ་རེའི་སྔགས་བགྲང་བ་ཞིག་ཡོད་དེ། བྱ་དེ་རྗེ་བཙུན་སྒྲོལ་མའི་སྤྲུལ་པར་གྲགས། བྱ་དེ་ཡི་སྐད་ཐོས་པ་དང་། ཤ་ཁྲག་དྲི་ཚོར་ཁར་རག་པ་ཙམ་གྱིས། ནད་རིགས་བཞི་བརྒྱ་རྩ་བཞི་དང་། བགེགས་རིགས་སྟོང་ཕྲག་བརྒྱད་ཅུ་འཇོམས་པ་དང་། ཐམས་ཅད་འཁོར་བ་ལས་ཐར་ནས་བྱང་ཆུབ་ཐོབ་པར་གསུངས་སོ། །༧ ཀརྨ་རཱ་གས་སྦྱར་བའོ། །མངྒ་ལཾ།། །།

རྗེ་མཆོག་གི་སྤྲུལ་སྐུ་རང་བྱུང་རྡོ་རྗེས་བསྩལ་བའི་གཅོད་གདོན་ཚོགས་དགུ་མ་ལ་ཉེ་བར་མཁོ་བའི་ཟིན་བྲིས་ལས་བྱེད་གཅོད་ཀྱི་སྐོར་གྱི་དམིགས་པ་འགའ་རེ།

[Full Size]

རྗེ་མཆོག་གི་སྤྲུལ་སྐུ་རང་བྱུང་རྡོ་རྗེས་བསྩལ་བའི་གཅོད་གདོན་ཚོགས་དགུ་མ་ལ་ཉེ་བར་མཁོ་བའི་ཟིན་བྲིས་ལས་བྱེད་གཅོད་ཀྱི་སྐོར་གྱི་དམིགས་པ་འགའ་རེ་བཞུགས་སོ། །

[Full Size]

ན་མོ་གུ་རུ་ཡེ། རང་སེམས་སྨྲ་བསམ་བརྗོད་ལས་འདས། །རྒྱལ་ཡུམ་ལབ་ཀྱི་སྒྲོན་མ་དང་། །བླ་མ་དམ་པ་སངས་རྒྱས་ལ། །རྩེ་གཅིག་གུས་པས་ཕྱག་འཚལ་ནས། །རང་གཞན་འགའ་ལ་ཕན་པའི་ཕྱིར། །བྱེད་གཅོད་མན་ངག་ཅུང་ཞིག་བྲི། །སྙིགས་མ་ལྔ་བདོའི་ཐ་མ་ལ། །བན་བོན་སྔགས་ནག་ཞེ་སྡང་ཆེ། །ཕྲག་དོག་མཐུ་གཏད་ངན་སྔགས་བསྒྲུབ། །དེ་དུས་གདམས་ངག་འདི་མེད་ན། །རང་གཞན་དོན་ཆེན་མི་འགྲུབ་པས། །མན་ངག་འདི་ལ་ནན་ཏན་གཅེས། །དེ་ལ་དངོས་སུ་བྱད་མའི་ཆོ་འཕྲུལ་ལམ། །མཐུ་རྟགས་ལྟས་ངན་ཆེན་པོ་འབབ་པ་དང་། །ཤི་ཁ་བྱེ་

[Full Size]

བ་དང་། ཉམས་དང་རྨི་ལམ་དུ་མདའ་དང་མཚོན་ཆ་སྣ་ཚོགས་ཀྱིས་ཆར་བབ་པ་ཆབ་ཀྱིས་དེད་པ། ཐོག་བརྒྱབ་པ་དང་བརྒྱབ་ལ་ཁད་བྱེད། འབྲུག་དང་གློག་དང་སེར་བ་དྲག་པོ་བརྒྱབ་ལ་ཁད་དང་རྒྱབ་པ་དང་། ཧོ་ཁུང་ནང་དུ་ཕྱིན་པ་དང་། རང་བཙོན་དུ་བཟུང་བ་བཀྱིག་པ། །དོང་དུ་ཚུད་པ། ལྕགས་བླུགས་པ་དེ་ལ་སོགས་བྱེད་ཁ་དྲག་པོའི་ལྟས་ངན་བྱུང་ན། དུས་དེ་དེར་ལུས་སྦྱིན་བྱ། གཅོད་ཚོགས་ལ་གཞུང་བཟུང་ནས། ཐུན་མཚམས་ཐམས་ཅད་དུ་དམིགས་པ་འདི་བཞིན་བཟུང་ངོ་།། ༈ ཕཊཿ སྐད་ཅིག་གིས་རང་གི་ལུས་གནམ་ལྕགས་ལས་གྲུབ་པའི་

[Full Size]

རྡོ་རྗེ་རྩེ་དགུ་པ་དབུས་ཀྱི་རི་བོ་མཆོག་རབ་ཙམ་དུ་བྷཻཾ། བྱད་མ་ཐམས་ཅད་རང་དབང་མེད་པར་བཀུག་ནས་རང་གི་མདུན་དུ་ཡོད་པར་བསམ། །དེ་ནས་རྡོ་རྗེའི་ཡར་གྱི་རྭ་དགུ་ལ་གནམ་ལྕགས་ཀྱི་ཐོག་རྒོད་དུས་རེ་རེ་ལ་ཡང་འབུམ་ཕྲག་རེ་ཡར་འཕྲོས་ཤིང་མར་བྱེད་མ་ལ་བརྒྱབས་པས། སྐད་ངན་ཙེ་རེ་རེ་བྱེད་ཅིང་གཞོབ་གསུར་གྱིས་སོང་བར་བསམ། མར་གྱི་རྭ་དགུ་ལས་མཚོན་ཆ་སྣ་ཚོགས་ཀྱི་ཆར་ཉི་ལི་ལི་འཕྲོས་ནས་བྱད་མ་དུམ་བུ་ཕྱེ་མར་གཏུབ། རྡོ་རྗེའི་ལྟེ་བའི་ཧཱུྃ་ལས་ཧཱུྃ་ནག་པོ་རྣོ་ངར་ཐོག་ལྟ་བུ་འཕྲོས་ནས་བྱད་མ་རྣམས་ཕུག་ཅིང་བརྡུངས་ནས་དྲྭ་ཟློབ་དྲ་ཚིག་ལྟར་བྱས་ནས་བརླག་པར་བྷཻ། བྱད་ཟློག་རྡོ་རྗེའི་གོ་ཁྲབ་ཨྠྀི། ༈ ཡང་མཐུ་གཅོད་རི་བོ་རྩེ་ཟློག་ནི། རང་ཕག་མོའམ་ཁྲོས་མར་བྷཻ། མདུན་དུ་རི་བོ་མཆོག་རབ་ཀྱི་སྟེང་དུ་བྱད་མ་ལྷ་སྲུང་འཁོར་ལོངས་སྤྱོད་ཞིང་ཁང་དང་བཅས་པ་དམིགས་ལ། ཁོ་རང་དབང་མེད་པར་བཀུག་གཞུག་དྲག་པོ་བྱས་ལ། རི་བོ་དང་བཅས་པ་རང་གི་ལག་མཐིལ་གཡས་སུ་བླངས་ལ་སྲིད་པའི་རྩེར་བཀྱག་ནས་མགོ་མཇུག་ལྡོག་སྟེ། དབང་ཆེན་གསེར་གྱི་ས་གཞི་ལ་བརྡབས་པས། དམར་ཆལ་གྱིས་སོང་ཤ་ཁྲག་ཐམས་ཅད་ཕག་མོའམ་ཁྲོས་མ་རང་དང་འདྲ་

[Full Size]

བས་ཟོས་པར་བྷཻཾ། ཕཊ་ཕཊཿ ཕྱག་རྒྱ་ཆེན་པོའི་ངང་ལ་བཞག །ཟབ་ཨྠྀི། ༈ རང་རང་གི་བེམ་རིག་ཕྲལ་ལ་རིག་པ་ཐིག་ལེ་ལྗང་ནག་ཚྭ་ཚྭ་འཁྲུགས་པ་ནམ་མཁའ་ལ་སྤར་ནས་བཞག །བེམ་པོ་དེ་ཤ་གཏན་ནས་མེད་པའི་ཀེང་རུས་ངང་སེང་ངེ་བ་བསམ་གྱིས་མི་ཁྱབ་པ་ཞིག་གན་རྐྱལ་ཡོད་པའི་བྲང་དཀྱིལ་དུ་ཧོ་ཁུང་ཆེན་པོ་ཡོད་པའི་ནང་དུ་བྱད་མ་ཡོད་པར་དམིགས་ལ་འོད་ཟེར་གྱིས་བཀུག་ལ་བསྟིམ། དེ་ནས་ཀེང་རུས་དེ་བྱིས་ཤ་མེད་རླུང་གིས་ཁྱེར་བ་ནམ་མཁའི་དབྱིངས་སུ་ཡར་ཁྱེར། མར་ཁ་སྦུབས་སུ་གསེར་གྱི་ས་གཞི་ལ་བརྡབས་པས། བྱད་མ་དེ་ས་འོག་ཏུ་ཀླུ་བདུད་ཁ་གདང་བའི་ནང་དུ་ནག་སྐེམ་གྱིས་སོང་བར་བསམ། ཁོའི་རྣམ་ཤེས་དང་རང་གི་རྣམ་ཤེས་བསྲེས་ལ་ཕྱག་རྒྱ་ཆེན་པོའི་ངང་ལ་བཞག །དེ་ཐུན་གྱིས་འཇུག་ལ་ལན་རེ་བྱའོ། །ཟབ་ཨྠྀི། ༈ ཡང་བྱད་བཟློག་ལ། རང་ཉིད་མ་གཅིག་ཁྲོས་མའི་མདུན་དུ་རྣག་ཁྲག་གི་རྒྱ་མཚོ་ཁོལ་མ་རྦ་རླབས་འཁྲུགས་པའི་དབུས་སུ་རི་བོ་ནག་པོ་མུན་པའི་མདོག་ཅན་ཟུར་གསུམ་ལ་མཚོན་ཆ་སྣ་ཚོགས་སྐྱེས་པ། ངོས་གསུམ་ལས་མེ་འབར་བ་རྩེ་ལ་ཚྭ་ཚྭ་ཁོལ་ཞིང་དུད་པའི་ཕྱིར་རྩེར་བྱད་མ་ལྷ་སྲུང་ཡུལ་ཞིང་མི་ནོར་ཐམས་ཅད་

[Full Size]

ཡོད་པར་དམིགས། རང་གི་ཐུགས་ཀའི་འོད་ཟེར་ལྕགས་ཀྱུ་ལྟ་བུའི་བཀུག་ལ་བསྟིམ། བཀུག་གཞུག་བདེན་བདར་བྱ། རི་དེ་ཕྱག་གཡས་པས་ནམ་མཁའི་དབྱིངས་སུ་བཏེགས་ནས། མགོ་སྟེང་ཟློག་སྟེ་རྒྱ་མཚོའི་དཀྱིལ་དུ་བརྒྱབས་པས་དབང་ཆེན་གསེར་གྱི་ས་གཞི་ལ་འཛེར་ནས་རྗེས་མེད་དུ་སོང་བར་བྷེ་ལ་ཕཊ་ཕཊཿ དེ་ནས་སྟོང་ཉིད་སྙིང་རྗེ་བྷེ། ཨྠྀི། ༈ ཡང་རང་གི་རྣམ་ཤེས་དམ་པ་རྒྱ་གར་མཐིང་ནག་འཇིགས་སུ་རུང་བའི་མདུན་དུ། དུག་ཁྲག་གི་རྒྱ་མཚོ་ཁོལ་མའི་དབུས་སུ། ལྗོན་ཤིང་ཆེན་པོ་ཡལ་ག་ཐམས་ཅད་མཚོན་ཆ་སྣ་ཚོགས་པ་ལོ་མ་ཐམས་ཅད་དུག་ཧ་ལ་ཆེན་པོ་ལས་གྲུབ་པའི་རྩེ་ཀོག་ཏུ་བྱད་མ་ལྷ་སྲུང་མཆོད་ཁང་དཀྱིལ་འཁོར་དང་བཅས་པ་དམིགས། ཡིད་ཀྱིས་བཀུག་གཞུག་བྱས་ལ་བསྟིམ། རང་གིས་བེམ་པོ་དེ་དཀྱིལ་འཁོར་དེའི་སྟེང་དུ་འཕང་བས་ཤ་ཁྲག་གི་ཉིལ་གྱིས་གང་ནས། རང་དམ་ཚིག་ཅན་གྱི་ཤ་ཁྲག་ལ་ཁོའི་ལྷ་ཐམས་ཅད་བྲོས་ཏེ། ཁོ་དམ་ཚིག་ཉམས་ནས་ལྷ་ཐམས་ཅད་ཀྱིས་སྤང་སྟེ། སྐྱེ་སྟོང་བསྒྱུར་བ་ལྟར། དེ་ནས་རང་གི་ཕྱག་གཡས་ཀྱིས་ལྗོན་ཤིང་དེ་བཏེགས་ནས་ནམ་མཁའི་དབྱིངས་སུ་ཁྱེར།། མགོ་སྟེང་ལྡོག་ནས་རྣག་ཁྲག་རྒྱ་མཚོ་ཁོལ་མ་དེ་

[Full Size]

ལ་བརྒྱབས་པས་དབང་ཆེན་གསེར་གྱི་ས་གཞི་ལ་གཏུག །རྩ་བ་རྡོ་རྗེ་རྒྱ་གྲམ་དང་རི་རབ་གླིང་བཞིའི་མནན་པར་བསམ། ཕཊ་ཕཊཿ སྟོང་ཉིད་ངང་ལ་བཞག་གོ། ཨྠྀི། ༈ ཡང་བྱེད་མའི་སྲོག་གི་སྤུ་གྲི་སྔགས་པ་སྟོང་གིས་ཟློག་པ་བས་དམིགས་ཐུན་རེ་བཟུང་བར་དགའ་བའི་གདམས་ངག་སྙིང་ཁུ་ནི། རང་གི་བེམ་རིག་ཕྲལ་ནས་རྣམ་ཤེས་ཁྲོས་མར་བྷེ་པའི་མདུན་དུ་གཏི་མུག་གི་རྒྱ་མཚོ་ནག་མེ་རེ་རེ་ཁོལ་བའི་དཀྱིལ་དུ་ཞེ་སྡང་གི་བྲག་རི་ཟུར་གསུམ་པ་ཤིན་ཏུ་ཆེ་བ་རྣོ་ངར་དང་ལྡན་པ།། དེའི་རྩེ་མོ་ན་བྱད་མའི་དགྲ་ཁོ་རང་དམིགས། ཁོ་ཡི་སྤྱི་བོར་པད་ཟླ་ལ་ཁོའི་བླ་མ། ཁོའི་མདུན་དུ་ཡི་དམ་ཆོས་སྐྱོང་། གཡས་སུ་བུ་དང་སྤུན་ཟླ། གཡོན་དུ་ཡོན་བདག །རྒྱབ་ཏུ་ཟས་ནོར་རྣམས། ཁོ་བཀུག་ལ་བསྟིམ༔ ཕཊ་ཕཊཿ རང་གི་ཤ་ཁྲག་སྦྱིན་པ་བཏང་དུས་ཁོའི་སྒྲུབ་ཁང་དེ་རང་ཤ་ཁྲག་གིས་ལྟེམ་གྱིས་གང་ནས་ཁྲག་གི་ལྦུ་བ་རླུང་འཚུབ་ལྟར་གྱུར་ནས་འུར་སྒྲ་དང་བཅས་པ་གཡོན་སྐོར་དུ་ཀྱི་ལི་ལི་འཁོར་ནས། ཁོའི་བླ་མ་ཡི་དམ་ཆོས་སྐྱོང་ཐམས་ཅད་ཁྲག་གི་འཚུབས་མས་ཁ་ཕྱིན་ཆུར་བསྐོར་བས་ཁོ་དང་ཞེ་འགྲས་ནས། བླ་མ་ཡི་དམ་ཆོས་སྐྱོང་ཁྲོ་བོ་ཁྲོ་མོ་བྲན་གཡོག་ཤ་

[Full Size]

ཉེ་ཡོན་བདག་ཟས་ནོར་ཐམས་ཅད་ཀྱང་ཁོ་དང་ཕྱེས་ཏེ་ནམ་མཁའི་ཕ་མཐར་ན་སོང་བར་བསམ། གདོན་ལ་བྱེད་ན་ཡང་གདོན་དེའི་རྒྱབ་རྟེན་དང་ཕྱེས་པར་བསམ། ཕཊཿ །ཨྠྀི། རང་གི་ཕྱག་གཡས་པས་རི་རོབ་དེ་རྒྱ་མཚོའི་འོག་ནས་བླང་སྟེ་ནམ་མཁའི་དབྱིངས་སུ་ཁྱེར་ནས། མར་ས་གཞི་ལ་བརྒྱབས་པས། རི་རབ་ཀྱི་རྩེ་མོས་ཁོའི་སྲོག་སྙིང་འཛེར་ཤ་ཁྲག་དམར་ཐ་རེ་འཐོར། རྣམ་ཤེས་ཆོས་ཀྱི་དབྱིངས་སུ་ཐིམ་པར་བསམས་ལ་ཕྱག་རྒྱ་ཆེན་པོའི་ངང་ལ་བཞག་གོ །སྙིང་རྗེ་རང་ཤུགས་ལ་སྐྱེས་ན་ཚར་ཚད་ཡིན་ནོ། །ཆོ་འཕྲུལ་ཆེར་སོང་ཡང་བཟང་ད་རུང་དམིགས་པས་གཅུན་ནོ། །དགྲ་ལ་བྱེད་ན་ནི་ལས་བྱེད་མའི་མལ་དུ་དགྲ་བོ་བསྐྱེད། གདོན་དང་འབྱུང་པོ་ལ་བྱེད་ན་རི་རབ་རྩེར་མཆོད་ཁང་ནང་དུ་ཏྲི་ལས་གདོན་དེ་བསྐྱེད། །སྨྱོན་པ་ལ་བྱེད་ན་ལུས་དེ་ལྷ་ཁང་ནང་དུ་སྨྱོ་འདྲེར་བསྐྱེད། ཆོ་འཕྲུལ་དང་ན་ཚ་ཆེར་སོང་ན་བཟང་བས་དམིགས་པ་ནན་གཏན་དུ་བཟུང་། ནུབ་གཅིག་གཉིས་ནས་ཆོ་འཕྲུལ་ཞི་ནས་འགྲོའོ། །ཚར་ཚད་བྱུང་ན་བྱམས་སྙིང་རྗེ་བྷེ་པ་གལ་ཆེའོ། །འདི་ཡོངས་སུ་གྲགས་པའི་གདམས་ངག་ཆེན་པོ་ཡིན་ནོ།། །། ༈ ཡང་བཟློག་པའི་དམིགས་པ་ནི། རང་ཉིད་མ་

[Full Size]

གཅིག་ཁྲོས་མ་ནག་མོའི་ཕྱག་གཡས་གཡོན་གཉིས་སུ་རི་རབ་གཉིས་བྷེ། བྱད་མ་ལྷ་སྲུང་དང་བཅས་པ་རི་རབ་ཀྱི་ཁར་ཡོད་པར་བསམས་ལ་དམིགས་པས་བཀུག་ལ་བསྟིམ། རི་རབ་གཉིས་ཁ་བརྡབས་པའི་བར་དུ་ཐལ་བར་བརླགས་པར་བསམས་ལ་ཕཊ༔ཅེས་ཐལ་མོ་བརྡབ། དེ་ནས་སྟོང་ཉིད་ངང་དུ་བཞག །ཟབ་ཨྠྀི། ༈ ཡངསྐབས་ཕལ་གྱི་དམིགས་པ་ནི་རང་གཞན་བེམ་རིག་ཕྲལ་བའི་ཤ་ཁྲག་རྒྱ་མཚོ་ཆེན་པོར་བསམས་ལ། བན་དེ་ཆེན་པོ་བརྒྱ་ཕྲག་མང་པོ་དང་། བོན་པོ་ཆེན་པོ་སྟོང་ཕྲག་མང་པོ་དང་། ལས་མཁན་ཤན་པ་སྤུ་གྲི་ཐོགས་པ་འབུམ་ཕྲག་མང་པོ་དང་། ལས་མཁན་ལས་བྱེད་དཔག་ཏུ་མེད་པ་དང་། བྱད་མ་ལྷ་སྲུང་དང་བཅས་པས་ཟོས་ངོམས་ཤིང་ཚིམས། དགའ་ཞིང་མགུ་ནས། །ལན་ཆགས་བུ་ལོན་ཤ་འཁོན་ཐམས་ཅད་བྱང་བར་བྷེ་ལ། བན་ཆེན་བརྒྱ་དང་བོན་ཆེན་སྟོང་ཞེས་སོགས་ཚིགས་བཅད་དམིགས་པ་ཡང་དང་ཡང་དུ་བྷེ་པར་བྱའོ། །ཨྠྀི། ༈ གཅོད་ཀྱི་ལས་ཕྲན་ལས་ཚོགས་བཞུགས། མ་གཅིག་ཡུམ་ཆེན་ལ་ན་མོ། དམ་ཆོས་བདུད་ཀྱི་གཅོད་ཡུལ་ཉམས་སུ་ལེན་པའི་རྣལ་འབྱོར་པས། ལས་ཕྲན་ལས་ཚོགས་བྱ་བ་ནི། སྐྱབས་

[Full Size]

སེམས་བྱས་ལ། རྡོ་ལེབ་ཟུར་གསུམ་གཅིག་ལ་ཐེག་རིས་བསྣོལ་མ་ཅིག་བྲིས་ལ། དེ་ཉིད་མ་གཅིག་ལབ་སྒྲོན་ཁྲོམ་མ་ནག་མོའི་ཆ་ལུགས་ཅན། གཅེར་བུ་སྤུན་གསུམ་བསྒྲད་པ་མཆེ་བ་གཞི་གཙིགས་པའི་ཕྱག་གཉིས་དྲག་པོའི་ཐོག་རྒོད་འབར་བ་བསྣམས་ནས། ཞོ་ལད་དང་ཆང་འདྲེ་ལ་བརྡེག་པར་བྷེ་ལ་ཕཊཿ དེ་ནས་རྡོ་དེ་ཞོ་ཆང་གི་སྟེང་དུ་བཞག་པས་ཞོ་ལད་པ་ཚང་ལད་པ་ཐུབ་པར་ངེས་སོ། །ཨྠྀི། ༈ གཅོད་ཚོགས་ལས་ཚོགས་ཆ་དྲུག་གི་མན་ངག་བཞུགས་སོ། །ན་མོ་གུ་རུ་ཌཱཀི་ནཱི་ཡེ། ཆ་དྲུག་གི་མན་ངག་ལ། གཅོད་ཚོགས་གཞུང་བཞིན་ཞག་གསུམ་བདུན་ལྔ་སོགས་སོང་ནས། གཏོར་ཆུང་དམར་གཏོར་བྱ། ཚོགས་གཅིག །ནད་པའི་ལུས་བཀྲུས་པའི་དྲི་ཆུ་ཡང་སྣོད་གཅིག་ཏུ་བཞག །དེས་སྦྲུས་པའི་ལིང་ག་ཆེ་བ་གཅིག་བྱ། ནད་པའི་ཆངས་བུ་དྲུག་བྱས་ལ་བཞག །གཅོད་ཚོགས་གཞུང་ལྟར་གྱེར་ལ། ཚོགས་ལས་སྐབས་སུ་ཆ་དྲུག་གི་བསྐྱེད་ཆོག་སྤྱན་འདྲེན་བྱ། ནད་པའི་རྣམ་ཤེས་ནམ་མཁའ་ལ་སྤར། ནད་པའི་ཕུང་པོ་དེ་དང་ཚོགས་གཉིས་དབྱེར་མེད་དུ་ཚོགས་ལས་བྱ། དེ་ནས་ཡང་ནད་པའི་རྣམ་ཤེས་སྤར་ལ་ནམ་མཁའ་ལ་འདྲེས། རོ་དེ་དང་ལིང་ག་དེ་དབྱེར་མེད་

[Full Size]

དུ་དམིགས་ལ་གནོད་བྱེད་ཐམས་ཅད་བཀུག་གཞུག་བྱས་ལ་བསྟིམ། དེ་ནས་དེ་ལ་གྲི་གུག་གིས་བུམ་བུ་དྲུག་ཏུ་གཏུབ་སྟེ་མགོ་དང་གཅིག །ཡན་ལག་བཞི་དང་ལྔ། ཅིང་ཁོག་དང་དྲུག་བྱས་ལ། ནད་པའི་ཤ་ཁྲག་གནོད་བྱད་དང་དབྱེར་མེད་པའི་གཏོར་མ་ཤ་ཁྲག་བདུད་རྩིའི་རང་བཞིན་དུ་བྷེ་ལ། དང་པོ་མགོ་དེ་དང་དམར་གཏོར་གཅིག་ཚངས་བུ་གཅིག་རྣམས་སྐྱོགས་སམ་གཟར་བུ་ནང་དུ་བླུག་ནད་པའི་དྲི་མ་བཀྲུས་པའི་ཁུ་བས་མང་བར་བྲན་ལ། ༈ ཧཱུྃ་ཐོད་པ་དམར་སྨུག་ཅེས་སོ། །འགྲོ་དྲུག་མ་ལུས་ཚིམས་གྱུར་ཅིག །ཕཊ་ཕཊ་ཕཊཿ ཅེས་ནམ་མཁའ་ལ་གཏོར་བཅུག་སྟེ་མ་ཁྲོས་མ་ནག་མོ་དང་འཁོར་སྟེང་ཕྱོགས་ཀྱི་ལྷ་སྣང་སྲིད་ལྷ་འདྲེ་ཐམས་ཅད་ཞལ་གདངས་བའི་ནང་དུ་ནད་གདོན་ལུས་ཤ་ཁྲག་གཏོར་མ་དང་བཅས་པ་བསྟབས་པས་ཐམས་ཅད་ཀྱིས་ཧབ་དི་རེ་ཟོས་ནས་མཉེས་ཤིང་ཚིམ་པར་བསམ། དེ་བཞིན་ཏུ་ལག་པ་གཡས་རྡོ་རྗེ་མཁའ་འགྲོ་དང་ཤར་ཕྱོགས་ཀྱི་ལྷ་འདྲེ། ལག་པ་གཡོན་རིན་ཆེན་མཁའ་འགྲོ་དང་ལྷོ་ཕྱོགས་ཀྱི་ལྷ་འདྲེ། རྐང་པ་གཡོན་པདྨ་མཁའ་འགྲོ་དང་ནུབ་ཕྱོགས་ཀྱི་ལྷ་འདྲེ། རྐང་པ་གཡས་ལས་ཀྱི་མཁའ་འགྲོ་དང་བྱང་ཕྱོགས་ཀྱི་ལྷ་འདྲེ།

[Full Size]

ཅིང་ཁོག་དེ་སངས་རྒྱས་མཁའ་འགྲོ་དང་འོག་ཕྱོགས་ཀྱི་ལྷ་འདྲེས་ཟོས་པར་བསམས་ལ་ཕྱོགས་སོ་སོར་འཕངས་ཤིང་། དེ་འཕེན་བཅུག་པའི་ཚེ། རང་གིས་ཌ་དྲིལ་རྐང་དུང་བཅས་པས་ནད་པ་ཆེ་གེ་མོའི་ལུས་གདོན་ལུས་དང་བཅས་པ། ནད་ནད་འདྲེ་དང་བཅས་པ། གདོན་སྣ་འདྲེན་དང་བཅས་པ་ཐམས་ཅད། ཁྲོས་མ་ནག་མོ་དང་སྟེང་ཕྱོགས་ཀྱི་སྣང་སྲིད་ལྷ་འདྲེ་ཐམས་ཅད་ཀྱིས་ཟོ་ཞིག །ཁྱེར་ཅིག་ཕཊ་ཕཊཿ ཅེས་རོལ་མོ་བྱའོ། །དེ་བཞིན་དུ་ཕྱོགས་དྲུག་ཀ་ལ་འགྲེས་སུ་ཤེས་པར་བྱའོ། །འདི་ནི་ཆ་དྲུག་གི་མཐའ་གཏད་ཡིན་ཏེ་ཤིན་ཏུ་གཉན་ཅིང་ཆོད་ཆེ་བ་ཡིན་ནོ། །ཆ་དྲུག་འདི་མན་ངག་བརྒྱུད་པ་ལྟར། རྗེ་རང་བྱུང་རྡོ་རྗེའི་ལུགས་གཅོད་ཚོགས་བུ་ཡིག་ཏུ་ཀརྨ་ཨ་རཱ་གས་བྲིས་པའོ། །འདི་ལ་ཉེས་པ་གང་མཆིས་མ་གཅིག ༈ ཉིད་ལ་བཤགས། །དགེ་བས་འགྲོ་ཀུན་ཡུམ་ཆེན་ཉིད་ཐོབ་ཤོག །ཨྠྀི། ༈ དུར་གཅོད་བསྡུས་པ་བཞུགས་སོ།། མ་གཅིག་སྤྲུལ་པའི་སྐུ་ལ་ཕྱག་འཚལ་ལོ། །དུར་གཅོད་བསྡུས་པ་ནི། དང་པོ་ཚེ་འདས་རྣམ་ཤེས་སྤར། ཕུང་པོ་ཡོན་འབུལ་བྱ། རོ་དེ་བྲན་ཚོགས་གཞུང་དེ་ཚར་གཅིག་བྱ། ཚོགས་ལུང་མ་བྱུང་ཡང་ཆོག །དུར་གཅོད་ཀྱི་དམིགས་

[Full Size]

པ་ནང་གསེས་དམིགས་བཏང་། དེ་ནས་རོ་ཁུར་ཁ་ཕཊཿ རང་རྡོ་རྗེ་རྣལ་འབྱོར་མ་དཀར་མོ་གཅིག་ཏུ་བསམ། ཕཊཿ རང་གི་འོད་ཟེར་གྱིས་སངས་རྒྱས་བྱང་སེམས་ལ་མཆོད་པ་ཕུལ་བས། བྱིན་རླབས་དང་ནུས་མཐུ་ཐམས་ཅད་ཚུར་བསྡུས་ནས་རང་ལ་ཐིམ་ནས། རང་གི་སྐུ་ལུས་ལས་ཡེ་ཤེས་ཀྱི་བདུད་རྩིའི་རྒྱུན་ངང་ན་ར་ར་བབ་ནས་རོ་ལ་ཐིམ་པས། རོ་དེ་བདུད་རྩི་རྐྱལ་པ་གང་དུ་བྷཻཾ། ཕཊཿ རང་མ་ལབ་སྒྲོན་དམར་མོ་གཅིག་ཏུ་རེད་པར་བྷཻཾ། ཌཱ་དྲིལ་དཀྲོལ་ཞིང་ཕག་ཤར་རེ་དང་བཅས་པས། རོ་དེའི་རོ་སྟོད་ལ་རྡོག་ཐོ་གསུམ་བརྒྱབ། མཁར་ཁུང་གཉིས་ན་ལན་གསུམ་རེ། གཡས་ངོས་ན་གཅིག །གཡོན་ངོས་ན་གཅིག་བརྡེག་སྟེ། སྐོར་བ་དང་འཆམ་སྟབས་བྱེད་ཅིང་རྒྱོབ། དེ་ནས་བདུད་རྩི་རྐྱལ་པ་གང་ཁུར་བར་བྷཻཾ་ལ། ཁུར་བཅོལ་བའི་ཁུར་བར་བྱ། ༈ འགོས་ནད་ཀྱི་རོ་ཡིན་ན་ཚེ་འདས་རྣམ་ཤེས་རང་ལ་བསྡུས་ནས་ནམ་མཁར་མ་གཅིག་གི་ཐུགས་ཀར་འཕང་། ནད་འགོས་སམ་མི་འགོས་བསམ་པའི་རྣམ་རྟོག་མི་བྱ་བར་སྟོང་ཉིད་ངང་ལ་བཞག་ལ་ཁུར་རོ། །དེ་ནས་གཉན་སར་ཕྱིན་ནས་རོ་ལ་རྣམ་ཤེས་བཀུག་ལ་རང་ལ་བསྡུས་ནས་ནམ་

[Full Size]

མཁར་སྤར། གཉིས་མེད་བསྲེས་ལ་ཡར་མཆོད་མར་སྦྱིན་བསྔོ་བ་སྨོན་ལམ་བྱའོ། །རོ་ཁྱེར་དུས་ཀྱི་དམིགས་པ་འདི་རྣམས་གསལ་བར་ཟིན་ནས་ཕྱོགས་དང་སྐརྨ་མ་བརྩིས་ཀྱང་སྐྱོན་མེད་བདུད་རྩིའི་རྐྱལ་པ་ཁུར་བ་ཡིན་པའི་ཕྱིར། ཟབ་ཨྠྀི། ས་མ་ཡ་རྒྱ་རྒྱ་རྒྱ་ཁ་ཐཾ། ༈ གཅོད་ཀྱི་བསད་དམིགས་བཞུགས་སོ།། མ་གཅིག་ལབ་ཀྱི་སྒྲོན་མ་ལ་ཕྱག་འཚལ་ལོ། །བསད་པ་དྲག་སྔགས་རིང་མོའི་དམིགས་པ་ལ། བསྟན་དགྲ་དམ་ཉམས་འདི་མ་བསྒྲལ་ན། འདིས་མི་དགེ་བཅུ་དང་སྡིག་ཆེན་པོ་འཕེལ་ནས་ཐར་དུས་མེད་པས་སྙིང་རེ་རྗེ། ད་སངས་རྒྱས་ཀྱི་བསྟན་པ་བསྲུང་བའི་ཕྱིར་དུ་ཁོ་ཡི་བེམ་རིག་ཕྲལ་ལ་སྡིག་འཕྲོ་གཅོད་ནས་སངས་རྒྱས་ཀྱི་གོ་འཕང་ཐོབ་པར་བྱའོ། །ཞེས་བསམས་ལ།། ཕཊཿ རང་རིག་བེམ་རིག་ཕྲལ་ལ་བེམ་པོ་འབྱུང་བ་ལྔ་ལ་ཐིམ། རང་གི་རིག་པ་འོད་ཀྱི་ཐིག་ལེ་ལྕགས་སྲེག་ལྟ་བུ་ཚྭ་ཚྭ་འཕྲོ་བ་ཞིག །ཁོའི་ཐེད་ནམ་མཁའི་མདུང་གར་སོར་བཞག །ཕཊཿ དེ་ལས་བྱུང་བའི་འོད་ཟེར་དམར་ནག་དེས་ཁོའི་སྙིང་དེ་ཤག་གིས་བཀས། ཁོའི་རྣམ་ཤེས་དེ་ཐག་གིས་བླངས་ནས་རང་གི་ཐིག་ལེ་དེ་ལ་བསྟིམས་པས། ཁོ་སྐྱེ་སྟོང་བཞིན་དུ་ནག་ལྷེབ་ཀྱིས་སོང་བར་བསམ། །

[Full Size]

དམིགས་པ་དེ་ཐུན་རེ་ལ་ཡང་བརྒྱ་རྩ་རེ་བྱ། དེས་ལས་འགྲུབ་པར་ཐེ་ཚོམ་མེད་དོ། །ཨྠྀི། ཡང་རང་ཉིད་མ་གཅིག་སྨུག་ནག་འཇིགས་སུ་རུང་བ་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ། སྐུ་ལས་མེ་དཔུང་འབར་བར་བྷེ། རང་གི་མདུན་དུ་རྣག་ཁྲག་གི་རྒྱ་མཚོའི་སྟེང་དུ་ལྕགས་སྲེག་གི་ས་གཞིའི་དཀྱིལ་ན། ལྕགས་སྲེག་གི་རི་བོ་ཟུར་གསུམ་པ་མཚོན་ཆ་སྣ་ཚོགས་སྐྱེས་པའི་རྩེ་ལ་དགྲ་བགེགས་དམིགས་བཀུག་གཞུག་བྱས་ལ་བསྟིམ། རང་གི་ཕྱག་གཡས་པས་ལྕགས་སྲེག་གི་ས་གཞི་དང་བཅས་པ་ནམ་མཁའི་དབྱིངས་སུ་བཏེགས་ནས་རྣག་ཁྲག་གི་རྒྱ་མཚོ་ལ་བརྒྱབས་པས། འོག་གསེར་གྱི་ས་གཞི་ལ་གཏུགས་ནས་རྗེས་མེད་དུ་སོང་བར་བསམ། ཕཊཿ རྗེས་སུ་སྟོང་ཉིད་བྷེ། །ཨྠྀི། ༈ ཡང་རང་ཉིད་མ་གཅིག་ཁྲོས་མའི་མདུན་དུ་རྒྱ་མཚོ་ནག་ལ་འཇིགས་པ་ཞིག་སྟེ། རང་གི་ཕྱག་གཡས་པས་དགྲ་བོ་དེ་ཐག་གིས་བླངས་ནས་ནམ་མཁའི་དབྱིངས་སུ་ཁྱེར་ནས། སྐད་ཅིག་ལ་རྒྱ་མཚོ་ལ་བརྒྱབས་པས་ལྟེམ་མེ་སོང་། དེའི་སྟེང་དུ་གསེར་གྱི་ས་གཞི་སྐད་དེ་ཆགས། དེའི་སྟེང་དུ་གསེར་གྱི་རྡོ་རྗེ་རྒྱ་གྲམ་བསམ་གྱིས་མི་ཁྱབ་པ་ཞིག་གིས་མནན། རྡོ་རྗེའི་ལྟེ་བའི་སྟེང་དུ་རང་

[Full Size]

ཉིད་མ་གཅིག་བཞུགས་ནས་མནན་པར་བྷཻཾ། ཕཊ་ཕཊ་ཕཊ། ཕྱག་རྒྱ་ཆེན་པོའི་ངང་ལ་བཞག་གོ །ཟབ་ཨྠྀི། ༈ ཡང་རང་ཉིད་མ་གཅིག་ཁྲོས་མའི་སྐུར་བྷོ་པའི་མདུན་དུ། དགྲ་ཡིན་ན་ནི་འདྲེ་ཡིན་ན་ཏྲཿལས་མངོན་སུམ་ལྟ་བུར་བསྐྱེད་ལ་དམིགས་པས་ཡང་ཡང་བཀུག་ལ་བསྟིམ། རང་གི་ཕྱག་གཡས་པས་ཁོའི་རྐང་པ་གཉིས་ནས་བཟུང་ནས་ཀླད་ལ་བསྐོར་ནས། འོག་ལྕགས་སྲེག་གི་ས་གཞི་ལ་བརྒྱབས་པས། ཀླད་ཁྲག་ཐ་རེ་གཞོབ་བུན་ནེ་སོང་བར་བསམ་ཕཊ་ཕཊ་ཕཊཿ མཐར་ཕྱག་རྒྱ་ཆེན་པོའི་ངང་ལ་བཞག་གོ །འདི་ནི་དགྲ་དང་གདོན་གང་ལ་ཡང་བྱེད་ཆོག་གོ །ཨྠྀི། ༈ ཡང་རང་ཉིད་ཁྲོས་མར་བསྐྱེད་པའི་ཕྱག་གཡོན་མཐིལ་དུ་ལྕགས་སྲེག་གི་བྲུབ་ཁུང་མེ་འབར་ཚྭ་ཚྭ་འཕྲོ་བའི་ནང་དུ། དམིགས་བྱའི་དགྲ་བགེགས་གང་ཡིན་པ་རང་གི་ཐུགས་ཀའི་འོད་ཟེར་ལྕགས་ལྟ་བུས་བཀུག་ནས་ངུ་སྒྲ་ཙི་རི་རི་བྲུབ་ཁུང་ནང་དུ་ཚུད་པར་བྷཻཾ། ཕྱག་གཡས་མཐིལ་དུ་གནམ་ལྕགས་རི་རབ་ཟུར་གསུམ་རྣོ་ངར་དང་ལྡན་པ་མེ་དཔུང་འབར་ཞིང་ཚྭ་ཚྭ་འཕྲོ་བ་ཞིག་བྷེ། ལག་པ་གཉིས་བརྡབས་པས་དགྲ་བོ་ཧོ་ཁུང་བཅས་པ་གནམ་ལྕགས་ཐོག་རྒོད་འབར་བའི་རི་རབ་དེས་འཛེར་གཞོབ་དཔུང་ངེ་

[Full Size]

སོང་ནས་ཁོའི་རྣམ་ཤེས་ཚེ་བསོད་ཐམས་ཅད་འོད་ཟེར་གྱི་ཚུལ་དུ་རང་ལ་ཐིམ་པར་བྷེ་ལ་ཕྱག་རྒྱ་ཆེན་པོའི་ངང་ལ་བཞག་གོ །བསད་པ་སྲོག་གི་སྤུ་གྲི་ཨྠྀི། ༈ གཅོད་ཚོགས་མན་ངག་ཉེར་མཁོ་བཞུགས། ན་མོ་གུ་རུ། གཅོད་ཚོགས་མན་ངག་ལ། རང་གི་གྲ་མལ་གྱི་འོག་མདུན་ངོས་སུ་གྲུ་གསུམ་བྲུས་པའི་ནང་དུ་རྡོ་ལེབ་ཀྱིས་ཧོ་ཁུང་གི་གཟུགས་བྱས་ལ་ནང་དུ་ཁྲག་གམ་སོལ་བ་བྱུག །དེའི་ནང་དུ་མི་ཤི་བའི་དུར་གཅོད་ཡིན་ན་ཟ་འདྲེའི་ལིང་ག །གོད་གཅོད་ཡིན་ན་གོད་འདྲེའི་ལིང་ག །བྱིས་སྦ་ཤི་བ་ཡིན་ན་ཆུང་སྲིའི་ལིང་ག །བྱད་ཁ་ཟློག་ན་བྱད་མའི་ལིང་ག །མཐུ་གཏད་བྱེད་ན་དགྲའི་ལིང་ག་དེ་གང་ཡིན་པ་ཤོག་བུ་ལ་མིང་བྲིས་ཟན་ལིང་ནང་དུ་བཅུག་ལ། དེ་ཧོ་ཁུང་དེར་བཅུག་ལ་དེའི་སྟེང་དུ་གདན་བཏིང་ལ་རང་ཉལ་ས་བྱས་གཅོད་ཚོགས་གཞུང་ལྟར་བྱས་ལ། ཚོགས་ལས་ཚར་ནས་བསྒྲལ་ཚོགས་སྐབས་སུ་ཚོགས་ཟན་ལ་ལིང་ག་བྱས་ལ་འགུགས་གཞུག་དང་བསྒྲལ་ལས་བསྟབས་པ་བྱས་ནས། གཏོར་མར་འབུལ། ཐུན་མཚམས་ཐམས་ཅད་དུ་རང་མ་གཅིག་ཁྲོས་མའི་ཆ་ལུགས་སུ་བསྐྱེད་ལ་ཕྱག་གཡས་པའི་ལྕགས་ཀྱུ་ལས་འོད་ཟེར་ཉི་ཟེར་ལྟ་བུ་འཕྲོས་

[Full Size]

ནས། གནོད་བྱེད་གང་ཡིན་གྱི་སྙིང་ནས་བཟུང་སྟེ་རང་གི་ཧོ་ཁུང་གྲུ་གསུམ་ཕྱི་ནག་པོ་མུན་པ་འཐིབ་པ། ནང་དམར་བ་ཁ་རུབ་ལ་ཟབ་པ་ཟིན་ནས་ཐར་ས་མེད་པའི་ནང་དུ་ལིང་ག་ལ་ཡང་ཡང་བསྟིམ། གང་ཡིན་དེའི་བླ་ཚེ་སྲོག་གསུམ་བཀུག་ལ་བསྟིམ། དེ་རྨི་ལམ་དུ་ཚར་ཚད་མ་བྱུང་བར་དུ་གཅུན། ཚད་ཚད་བྱུང་ནས་བསྒྲལ་ལས་བྱས་ལ་གཏོར་མའི་ནང་དུ་བཞག་ལ། གནོད་བྱེད་ཀྱི་ཤ་ཁྲག་སྲོག་སྙིང་ཐམས་ཅད་མཁའ་འགྲོ་དང་ལྷ་འདྲེ་ཐམས་ཅད་ཀྱིས་ཟོས་པར་བྷེ་ལ་གཏོར་འབུལ་བྱ། གཏོར་མ་དགྲ་དང་བྱད་མ་ཡོད་ན་དེ་ཕྱོགས་སུ་གཟར་བུས་འཕངས་ལ་བཞེས་འབོད་བྱེད་ལིང་རོ་དང་ཤོག་ལིང་དེ་དགྲ་ཡིན་ན་ས་ངན་སར་མནན། ཟ་འདྲེ་དང་ཆུང་སྲི་གོད་འདྲེ་ཡིན་ན་གཅོད་ཐོན་ནས་འོང་ཁ་གྲ་མལ་ཞབས་ཀྱི་དོང་དེར་མནན་ས་རིམ་རེ་རྒྱ་གྲམ་དགུ་བྲི། ཆུ་ཐིགས་རེ། མེ་ཁྲོལ་རེ་བཞག་པའི་ཁར་རྡོ་ལེབ་ལ་སོལ་བས་རྒྱ་གྲམ་བྲིས་པར་མར་ཁ་སྦུབས་ལ་མནན། ཟ་འདྲེའམ་གོད་འདྲེ་སྨྱོ་འདྲེ་ཆུངཧྲི་སོགས་གང་ཡིན་པ། གཉན་ས་འདིའི་ལྷ་འདྲེ་གཞི་བདག་ཁྱེད་རྣམས་ལ་གཏད་དོ་མ་ཤོར་ཅིག །ཅེས་འབོད་པ་བྱ། སྟེང་དུ་གཞུང་གི་བྲོ་དེ་བརྡུང་ངོ་། །གོད་གཅོད་ལྟ་བུ་ལ་གོད་མགོ་ལ་ལིང་ག་

[Full Size]

བྲིས་ནས་ས་དཔལ་བཟང་སར་ཡང་དེ་ལྟར་གཏད་དོ། །མི་ཤི་བའི་དུར་གཅོད་ཡིན་ན་ཚོགས་ལས་བསྒྲལ་ཚོགས་སྐབས་དེར་གཤེད་སྒྲོ་རྡེབ་པ་དང་གདོང་ཅན་བཞི་བསྐུལ་སོགས་བྱེད་ཅིང་ལིང་ག་སླ་ང་ནང་དུ་བྱོ་ནས། ཡང་སླ་ང་ནང་གི་ལིང་ག་ལ་ཡང་བསྒྲལ་ལས་བྱས་ནས། ལིང་རོ་རང་གི་གྲྭ་མལ་འོག་གི་ཧོ་ཁུང་དུ་བླུག་པ་དེ་འདྲ་ཉིན་རེ་བཞིན་དུ་བྱའོ། །སླར་ལིང་རོ་ཅུང་ཟད་ཅིག་འབུལ་གཏོར་ནང་དུ་བླུག་དེ་འཕྲོ་མལ་དེར་བླུགས་ལ་མནན་ནོ། །གྲུབ་ཁུང་ཁ་དེར་རི་རབ་གླིང་བཞིའི་མནན་པའི་སྟེང་དུ་གསེར་གྱི་ཁྲི་འཕང་དགུ་པ་ཞིག་གིས་མནན་པར་བྷེ། རྗེ་རང་བྱུང་བས་མཛད་པའི་དྲག་པོའི་གཅོད་ཚོགས་ཀྱི་མན་ངག་ཟུར་འདེབས་ཡིག་ཆུང་ཀརྨ་ཨ་རཱ་གས་བཀོད་པའོ། །འདི་ལ་ཉེས་འགལ་གང་མཆིས་མ་གཅིག་སྤྲུལ་པའི་སྐུ་ལ་བཤགས། དགེ་བས་འགྲོ་ཀུན་ཡུམ་ཆེན་མ་གཅིག་ཞལ་མཐོང་ནས། སྲིད་ཞི་མི་གནས་རང་བྱུང་རྡོ་རྗེ་ཀརྨ་པ་ཉིད་འགྲུབ་པར་ཤོག །རྒྱལ་བའི་ཡུམ་ཆེན་མ་གཅིག་མཁའ་འགྲོ་རྒྱ་མཚོའི་བཀྲ་ཤིས་འདིར་འབྱུང་ཤོག །མངྒ་ལཾ།། །། ༈ ནང་ཆེན་བཟོ་རིག་གནས་མདོ་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

མཚན་ལྡན་གླིང་བུའི་བརྟག་ཐབས།

[Full Size]

མཚན་ལྡན་གླིང་བུའི་བརྟག་ཐབས་བཞུགས་པའི་དབུ་ཕྱོགས་ལགས་སོ།། རྐང་དུང་ལ་དབྱེ་བ་དོན་བཞི་སྟེ། འཆང་རུང་བ་བསྟན་པ་དང་། མི་རུང་བ་དང་། དཔའ་བོ་དང་དཔའ་མོའི་འབོད་རྫ་ས་བསྟན་པ་དང་། འཆང་བའི་ཚུལ་བསྟན་པ་དང་བཞིའོ། །དང་པོ་འཆང་དུ་རུང་བ་ལ་མཚན་ཉིད་བཞི་དང་ལྡན་པ་སྟེ། རྒྱུ་རྐྱེན་གྱི་མཚན་ཉིད། ཁ་དོག་གི་མཚན་ཉིད། དབྱིབས་ཀྱི་མཚན་ཉིད། སྐད་ཀྱི་མཚན་ཉིད། དང་པོ་རྒྱུ་རྐྱེན་མཚན་ཉིད་ལ་གསུམ་སྟེ། མ་ཤི་ཡན་ཆད་དུ། བཙུན་པ་དམ་ཚིག་གཙང་ཞིང་མ་ཉམས་པ་དང་། །སྐྱེ་བོ་རིགས་བཟང་སྐྱེ་བ་མཐོ་བ་ཆོས་ལ་དད་པ་དང་། བུད་མེད་རིགས་བཟང་ཞིང་མཚན་ཉིད་དང་ལྡན་པའོ། །དེ་རྣམས་སྔོན་ལ་ཞི་ཞིང་དུལ་བ་དང་རྒྱུད་བཟང་བ་ནི་ཁྱད་པར་དུ་འཕགས་པའོ། །ལོ་གྲངས་ཡང་བཅུ་དྲུག་ཡན་ཆད་ནས་ལོ་དྲུག་ཅུ་མ་བརྒལ་བ་དེ། ཁྱད་པར་དར་ལ་བབ་སྟེ། དེ་ཡང་སྐྱེས་བུ་ཞེ་སྡང་ཆེན་པོ་སྐྱེས་ཤིང་ཞེ་སྡང་དེ་རབ་ཏུ་འཁྲུགས་ཤིང་འབར་ཏེ། རབ་ཏུ་རྔམ་པའི་དར་མ་དེ། ཞེ་སྡང་ངར་མ་དེ་ཞི་མ་ཁོམ་པ་དང་། འགྱོད་སེམས་ལ་སོགས་རྟོག་པ་གཞན་གྱི་བར་མ་ཆོད་པ་དེ། མཚོན་ཆ་རྣོན་པོས་སྐད་ཅིག་དེ་ཉིད་དུ་

[Full Size]

བསད་པ་དེ་ཉིད་དགོས་པའོ། །ཆུ་ལ་སོགས་པ་ཁ་ཟས་ཟོས་ནས་ཤི་བ་དང་། ཞག་དུ་ལོན་ནས་ཤི་བ་དང་། དེ་རྣམས་ནི་གྲི་ལྐུགས་ཟེར་ཏེ་ཅུང་ཟད་ཉམས་པ་ཡིན་ཏེ། མི་མ་ཡིན་ཕལ་པ་འབོད་རྫས་ཙམ་ལ་འཆང་དུ་རུང་བ་ཙམ་ཡིན་ལ། མཆོག་ཏུ་གྱུར་པ་ཙམ་ནི་མ་ཡིན་ནོ། །རོ་དེ་ཡང་ཞག་མ་ལོན་པ་ཤི་མ་ཐག་པ་དེ་བཟང་ངོ་། །བཅད་པའི་ཚུལ་ནི་དང་པོའི་སེར་བ་རིལ་རིལ་པོ། །དེའི་འོག་འབུར་ཆུང་བ་གཉིས་ཡི་བར་དུ་བཅད་དོ། །ཚིགས་མགོ་ལ་སོགས་ལ་གྲི་རྨ་ལ་སོགས་པས་མ་ཉམས་པ་ཤིན་ཏུ་གལ་ཆེ་སྟེ། བཅད་པའི་འཕྲོ་དེ་གླང་པོ་ཆེའི་སྣ་གུང་ལྟ་བུ་བྱ་སྟེ། དེ་ནི་འབུད་པའི་ཁའོ། །ཚིགས་མགོ་འོག་མ་གཉིས་པོ་འབུར་འབུར་གཉིས་པོའི་གདོང་ལ་ལག་པའི་ཐེབ་ཆེན་གླན་པའི་མལ་གྱི་ཚད་ཙམ་བྲུས་ལ་སེང་གེའི་སྣ་སྤོར་ལྟ་བུ་བྱའོ། །རྐང་གྲིས་བཞོགས་པ་དང་ཕུག་པ་སོགས་ནི་སྟོབས་ཉམས་པར་གྱུར་པས་མི་བྱའོ།། ༈ གཉིས་པ་ཁ་དོག་ནི། དཀར་པོ་རབ་ཡིན། སྨུག་འབྲིང་། སེར་པོ་དང་ཁྲ་བོ་ཐ་མའོ།། ༈ གསུམ་པ་དབྱིབས་ནི། ཅུང་ཟད་གུག་པ་ལ། གདོང་གི་རུས་པ་ཀྲིང་ཀྲིང་པོ་དེ་དྲང་ཞིང་ཅུང་ཟད་གུག་པ་གཅིག་དགོས། མདོར་ན་ཕྲ་སྦོམ་རན་པ།

[Full Size]

རིང་ཐུང་རན་པ། དགྱེ་རྒུ་རན་པ། སྲབ་འཐུག་རན་པ། ཕྲ་ཞིང་དྭངས་བ་ལ་སོགས་པ། མིག་ལམ་དུ་ཡིད་དུ་འོང་བ་ཞིག་དགོས་པའོ།། ། ༈ བཞི་པ་སྐད་ནི། གདང་ཆེ་ལ་ངར་ཡོད་པ་དང་། ཕྲ་ལ་གྲིམ་ཞིང་སྙན་ཆ་ཆེ་བ་གཉིས་ཏེ། དང་པོ་སྐད་གདང་ཆེ་བ་དེའི་ནང་ནས།།་སྐད་སྙན་ཆེ་ལ་གྲིམ་པའི་ངར་སྒྲ་གྲག་པ་ཞིག་དགོས་པའོ།། ༈ གཉིས་པ་ཕྲ་ལ་གྲིམ་པ་དང་། རྒྱ་གླིང་བུས་པ་འདྲ་བ་ལ། སྙན་པའི་ངར་སྐད་ཡིད་འཕྲོག་པ་ཞིག་དགོས་པའོ།། ༈ གཉིས་པ་འཆང་དུ་རུང་བ་ལ་ཡང་། །རྒྱུ་རྐྱེན་ཁ་དོག་ངན་པ་དང་བཞི་སྟེ། དང་པོ་རྒྱུ་རྐྱེན་ནི། རང་གིས་རང་བསད་པ། དམེ་བྱས་པ། མུ་གེ་ནད་དྲིལ་ཤི་བ་དང་། རབས་ཆད་ཤན་པ་མཛེ་ཕོ། དམ་ཚིག་ཉམས་པ་སྨོན་པ་མཚན་ངན་གཟའ་རོ། །དེ་རྣམས་གཞན་ཡང་རྐང་བུའི་སྐེ་ལ་རྭ་ཅོ་ནག་པོ་བྱས་པའི་རྭ་ཁ་ཅན་དང་། དེ་བཞིན་དུ་ལྕགས་དང་ཤིང་དང་ཟངས་ལ་བྱས་ཏེ་གླན་པ་རྣམས་པ་ནི། ལྷ་འདྲེ་སྐད་ཐོས་ཚད་རྣམས་ལ་གནོད་པ་ཆེན་པོ་འབྱུང་བས། རྟེན་ནས་འཆང་མི་རུང་བ་ཡིན་ནོ། །གཉིས་པ་ཁ་དོག་ནི། ནག་པོ་དང་སྐྱ་ཐལ་ལ་སོགས་པ་རྣམས་སྤང་ངོ་། །གསུམ་

[Full Size]

པ་དབྱིབས་ནི། གཡས་དང་གཡོན་དུ་འཁྱོག་པ། དུམ་བུ་དུམ་བུར་འཁྱོགས་པ་དང་། ཐུམ་པོར་ཉག་པ་དང་། འཐུག་ལ་གསུ་བ་དང་། གས་པོ་ཅན་དང་། ཤིན་ཏུ་རྒྱུད་གུར་ལྟ། གུར་པོ་དང་། ཤིན་ཏུ་དྲང་བ་ཤད་ཤད་པོ་དང་། སྣ་སྤོར་ཡང་ལ་ཧང་ཆུང་བའི་ལིས་ལིས་པོ་དང་། ཧ་ཅང་ཡང་སྦོམ་རགས་པའི་སྟོད་སྨད་ཤན་མི་འབྱེད་པ་དང་། ཧ་ཅང་ཡང་ཕྲ་རགས་པ་དང་། རྐང་གི་དཀྱུས་སུ་རྩུབ་གཤོང་མང་པོ་དང་། ཕག་རྐོས་ཅན་དང་། འབུར་འབུར་མང་བའི་རྩུབ། ལོང་ལོང་པོ་དང་། ཟུར་མང་བ་དང་། ལེབ་ལེབ་པོ་ལ་སོགས་མདོར་ན་མདོར་ན་མིག་ལམ་དུ་མི་འོང་བ་ཐམས་ཅད་སྤང་ངོ་། ། ༈ བཞི་པ་སྐད་གྲིམ་པའི་སྙན་ཆའི་ངར་མེད་པའི་སྐད་ཧོར་ཧོར་པོ་དང་། ཕྲ་ལ་ངན་པའི་མྱངམྱང་པོ་དང་། །ཙེར་ཙེར་པོ་རྣམས་འཆང་དུ་མི་རུང་ངོ་།། ༈ གསུམ་པ་དཔའ་བོ་དཔའ་མོའི་འབོད་རྫས་དབྱེ་བ་ནི། མཚན་ཉིད་བཞི་ལྡན་གྱི་སྐྱེས་པ་ཕོའི་གྲི་རྐང་གཡས་པ་ནི། དཔའ་བོའི་འབོད་རྫས་ཏེ། ཆོས་སྐྱོང་ཕོ་རྒྱུད་ཐམས་ཅད་ཀྱི་རྟེན་རྫས་སོ། བུད་མེད་མཚན་རིགས་བཟང་བའི་རྐང་དུང་གཡོན་པ་ནི། དཔའ་མོའི་འབོད་རྫས་ཡིན་ཏེ། མཁའ་འགྲོ་མོ་རྒྱུད་རྣམས་

[Full Size]

ཀྱི་རྟེན་རྫས་སོ། །བུད་མེད་མཚན་གྱི་སྐད་ནི། གྲིར་ཤི་བ་མ་ཡིན་ཀྱང་། འཆང་དུ་རུང་བ་ཡིན་ནོ། །གལ་ཏེ་ཕོ་མོའི་རྐང་མཉམ་དུ་འཛོམས་ན། ཕོ་ཁོ་ན་བའི་རྐང་ཡིན་ཀྱང་། གཡས་པ་ནི་དཔའ་བོའི་འབོད་རྫས་དང་། གཡོན་པ་ནི་དཔའ་མོའི་འབོད་རྗེ་ས་ཡིན་ནོ། །ཞེས་པ་རྣམས་ལས་གསུངས་སོ། །དེའི་ཤུགས་ལ་བུད་མེད་ཀྱི་གཡས་པ་དཔའ་བོའི་འབོད་རྫ་ས་དང་གཡོན་པ་དཔའ་མོའི་འབོད་རྫས་ཡིན་པར་བརྟག་གོ །སྐད་ལ་ཡང་། སྡོམ་ལ་ངར་སྐད་ཆེ་བ་དཔའ་བོའི་འབོད་རྫ་ས་དང་། ཕྲ་ལ་སྙན་ཆ་ཆེ་བ་དཔའ་མོའི་འབོད་རྫས་སོ། །བཞི་པ་འཆང་ཚུལ་ནི། ས་རྗེན་ལ་མི་བཞག །མེ་དང་ཆུའི་ཁར་མི་ཁྱེར། མི་ལག་མི་བརྒྱུད་པར་བྱའོ། །དེ་ལྟར་འཆང་བའི་རྐང་དུང་དེ། གློ་བུར་དུ་བུས་ན་། ཉེ་འཁོར་དུ་གནས་པའི་འདྲེ་གདོན་ཕྲའུ་བརྒྱལ་བའི་ཉེས་པ་ཡོད་པས། དེ་དག་བརྡ་བཏང་པའི་ཕྱིར་དུ། དང་པོ་རྐང་དུང་གི་ཁ་ལག་མཐིལ་དུ་གཏུག་གཏུག་ལན་གསུམ་བྱའོ། ། དེ་ནས་རྐང་དུང་དེ་ཐེངས་གསུམ་འབུད་པར་བྱ་སྟེ། དེ་ལ་ཡང་དམིགས་པ་ཡང་གསུམ་བྱའོ། །དང་པོ་སྐད་ཆེ་ལ་རིང་བ་གཅིག་བཏང་སྟེ། དམིགས་པ་ནི་འདི་ལྟར་བྱའོ། །ཁམས་

[Full Size]

གསུམ་ན་གནས་པའི་ལྷ་འདྲེ་སེམས་ཅན་ཐམས་ཅད་ཉོན་ཅིག །ཅེས་སྒྲ་བཏང་བར་བྱའོ། །དེ་ནས་རྐང་དུང་སྐད་སྙན་པ་དེས་ཁམས་གསུམ་པོ་ཐམས་ཅད་ཀྱིས་སངས་སེ་ཐོས་པས། །ཐམས་ཅད་ཀྱང་རྣམ་གཡེང་ལ་སོགས་སོ་སོའི་ལས་སྣ་ཚོགས་ལ་སྤྱོད་ཅིང་མི་ཁོམ་པར་ཡོད་ཀྱང་ལས་ཀྱི་འཕྲོ་རྣམས་བཅད། རྣ་བ་ཀྲོག་གེ །རིག་པ་སང་ངེ་། གཉན་ས་དེར་འགྲོའམ་སྙམ་པའི། སེམས་རབ་ཏུ་སྤྲོ་བ་ཤུན་ཤུན་སྐྱེས་པར་བསམ། དུང་གཉིས་པ་ནི། དུང་སྐད་སྔོན་མ་བས་ཅུང་ཟད་ཐུང་བ། སྐད་འགྱུར་གཅིག་གཉིས་དང་ལྡན་པ་གཅིག་བཏང་སྟེ། དམིགས་པ་ནི། ཀྱི་ཁམས་གསུམ་དང་སྟེང་འོག་ཕྱོགས་བཞི་མཚམས་བརྒྱད་ན་གནས་པའི་ལྷ་འདྲེ་མགྲོན་རིགས་ཐམས་ཅད་གཉན་ས་འདིར་འདུས་ཤིག །ཅེས་པའི་སྒྲ་ཐམས་ཅད་ཀྱིས་ཐོས་པར་བསམ། དེ་མ་ཐག་ཏུ་མགྲོན་རིགས་ཐམས་ཅད་སྤྲོ་དགའ་དང་ལྡན་པས་རང་རང་གི་ཕྱོགས་ཐམས་ཅད་ནས་འུ་རུ་རུ་བྱུང་བར་བསམ། དུང་གསུམ་པ་ནི། སྔ་མ་དུང་གཉིས་པོ་དེ་ནས་ཅུང་ཟད་ཅིག་ཐུང་བ་སྐད་དྲག་ལ་ཐུང་བ་གྲེ་འགྱུར་གཏུང་གཏུང་བ་གསུམ་དང་ལྡན་པ་གཅིག་བྱའོ། །དམིགས་པ་ཐམས་ཅད་མ་ཐོག་པ་མྱུར་བ་ཉིད་དུ་འདུས་ཤིག་འདུས་ཤིག །

[Full Size]

ཅེས་པའི་སྒྲ་ཐོས་པར་བསམ། སྐད་ཅིག་དེ་མ་ཐག་ཏུ་མགྲོན་ཐམས་ཅད་མགྱོགས་པར་འུར་ཏེ། ཤིག་ཆེན་པོ་བྱེད་པ་ལ་མིའི་ཁྲོམ་བརྡའ་སྐད་བཏང་དགོས་པ་ཡིན་ཏེ། ཕཊ་ཕཊ་ཕཊཿ རིང་པོ་གསུམ་བརྡབ་པར་བྱ་སྟེ། ཕཊ་ཉོན་དང་། །གཉིས་པས་འདུས་ཤིག་དང་། གསུམ་པས་མྱུར་དུ་འདུས་ཤིག་སོགས། གོང་དུ་དུང་དང་པོའི་སྐབས་ཀྱི་དམིགས་པ་གསུམ་པོ་དེ་ཇི་ལྟ་བ་བཞིན་དུ་བྱའོ། །ཞི་དྲག་གཉིས་དང་། མཆོད་སྦྱིན་གསུམ་གྱིས་ཕཊ་གྱི་དབྱེ་བ་དང་། ཕཊ་ཀྱིས་ཡན་ལག་ཧ་དང་ཧཱུྃ་གཉིས་པོ་དེ་དག་གི་དབྱེ་བ་ནི། མ་གཅིག་གི་ཞལ་ནས། དྲག་པོའི་ཡི་གེ་འབྲུ་མ་གཉིས། །གཅིག་ཏུ་དྲིལ་ནས་དྲག་པོར་བརྗོད། །ཕཊ་ཅེས་བྱུང་བའི་སྒྲ་བྱུང་བ། །གོ་དོན་ཐ་དད་མི་འདྲ་བས། །དམིགས་པ་ཀུན་གྱི་གསལ་གདབ་ཡིན་ནོ། །མཚན་ལྡན་གླིང་བུའི་བརྟག་ཐབས་རཱ་ག་ཨ་སྱས་སྦྱར་བའོ། །

གཅོད་ཁྲུས་བྱ་ཚུལ་ཟུར་ཕྱུངས་ཞལ་རྒྱུན་ཟུར་རྒྱན་རིམ་པ།

[Full Size]

གཅོད་ཁྲུས་བྱ་ཚུལ་ཟུར་ཕྱུངས་ཞལ་རྒྱུན་ཟུར་རྒྱན་རིམ་པ་བཞུགས་སོ། །ན་མོ་གུ་རུ་ཝེ། སྒྲིབ་སྦྱངས་ཡེ་ཤེས་ཆུ་རྒྱུན་ལས། །མཐའ་གཏད་དང་་ཆངས་བུ་བརྒྱ་རྩ་སོགས་ལ་ཁྲུས་དང་ལན་ཆགས་བཅའ་དགོས་པ་ལ། ནད་པ་མདུན་དུ་འདུག་ལ་བསྟབས་པའི་འོག་ཏུ་སྦྱར་བས་ཆོག །མ་གཅིག་ལབ་ཀྱི་སྒྲོན་མའི་ཐུགས་ཀར་པདྨ་དང་ཟླ་བའི་སྟེང་དུ་ག་ཏེའི་སྔགས་གཡོན་ཕྱོགས་སུ་འཁོར་བར་བསམ། གྲྭ་ཏེའི་སྔགས་མང་དུ་བཟླས་ལ་ཁྲུས་ཆུ་ལ་ཕུ་བྱ་དེ་ནས། ཕྱི་ལུས་ཀྱི་སྒྲིབ་པ་ནང་སེམས་ཀྱི་སྡུག་བསྔལ་གསང་བ་དུག་ལྔའི་རྣམ་རྟོག་མདོར་ན་མི་ཤེས་པ། མ་རིག་པ་ཐར་པ་དང་ཐམས་ཅད་མཁྱེན་པ་མི་ཐོབ་པར་བྱེད་པའི་བར་ཆད་ཀྱི་བགེགས་ཐམས་ཅད་ཨོཾ་གཱ་ཏེ་གཱ་ཏེ་པ་ར་ག་ཏེ་སོགས་བརྗོད་ནས་ཁྲུས་བྱ། སྟེང་གདོན་གཟའ་དང་དྲང་སྲོང་གི་གནོད་པ། འོག་གདོན་ཀླུ་དང་ས་བདག་གི་གནོད་པ། བར་གདོན་གཉན་དང་ཐེའུ་རང་གི་གནོད་པ། ཤར་དྲི་ཟའི་གནོད་པ། ལྷོ་གཤིན་རྗེའི་གནོད་པ།། ནུབ་ཆུ་ལྷའི་གནོད་པ། བྱང་གནོད་སྦྱིན་གྱི་གནོད་པ། ཤར་ལྷོ་མེ་ལྷའི་གནོད་པ། ལྷོ་ནུབ་ཏུ་སྲིན་པོའི་གནོད་པ། ནུབ་བྱང་དུ་རླུང་ལྷའི་གནོད་པ། བྱང་ཤར་དུ་དབང་ལྡན་གྱི་གནོད་པ། ཟས་ངན་ཁ་རུ་ཟོས་པའི་ཟས་

[Full Size]

གྲིབ། གོས་ངན་རྒྱབ་ལ་གྱོན་པའི་གོས་གྲིབ། རྨེ་གྲིབ་རོ་གྲིབ་རྒྱལ་པོ་དང་འདྲེ་མོའི་གནོད་པ། ཀླུ་ས་བདག་གི་གནོད་པ། བཙན་ཐེའུ་རང་གི་གནོད་པ། གཟའ་དང་མ་མོའི་གནོད་པ། ཚེ་འཁོར་བ་ཐོག་མ་མེད་པ་ནས་བསགས་པའི་ནད་གདོན་སྡིག་སྒྲིབ་ལོ་སྐག་རྨིས་ལྟས་ངན་པ་ཐམས་ཅད། ཏདྱ་ཐཱ། ཨོཾ་ག་ཏེ་ག་ཏེ་པ་ར་ག་ཏེ་པ་ར་སཾ་ག་ཏེ་བོ་དྷི་སྭཱ་ཧཱ། ཞེས་ཁྲུས་ཅི་ནུས་བྱ། སྤྲོ་ན་ཚིག་མཚམས་རེ་རེ་ལ་གཱ་ཏེ་བརྗོད་བསྡུ་ན་འདི་ཡིས་ཆོག ༈ །གང་ལྟར་ཡང་ནད་པའམ་བསྲུང་བྱའི་ལུས་ལ་ཟན་དུམ་དྲུད་ཅིང་། མགོ་ཐོག་ནས་གསེར་གྱི་རི་བོ་ལས་ལྕི་བ། སྙིང་ག་ནས་དངུལ་གྱི་རྡོ་རྗེ་ལས་སྲ་བ། རྐང་ཞབས་ནས་ཟངས་ཀྱི་ཚེར་མ་ལས་རྩུབ་པ། ན་ས་ལ་ཕྱིན་པ། དུར་ས་ལ་ཕྱིན་པ། བརྒྱ་ལན་ཚིགས་ཀྱི་བདག་པོ། སྟོང་ཤ་འཁོན་གྱི་བདག་མོ། ཚེ་རབས་འཁོར་བ་ཐོག་མ་མེད་པ་ནས་བསགས་པའི་ནད་གདོན་སྡིག་སྒྲིབ་ལོ་སྐག་ཟླ་སྐག་རྨིས་ལྟས་མཚན་མ་ངན་པ་ཐམས་ཅད་དང་། ལུས་ཀྱི་ན་ཚ་སེམས་ཀྱི་སྡུག་བསྔལ་བསམ་པའི་བར་ཆད་མདོར་ན། མི་ཤེས་པ་མ་རིག་པ། ཐར་པ་དང་ཐམས་ཅད་མཁྱེན་པའི་ས་ཐོབ་མི་བཅུག་པར་བྱེད་པའི་བར་ཆད་ཀྱི་བགེགས་ཐམས་ཅད་རྡོ་ཁབ་

[Full Size]

ལེན་གྱིས་ལྕགས་ཕྱེ་བསྡུས་པ་བཞིན་དུ། ཕཊ་ཕཊ་ཕཊ། བུ་ལན་ཆགས་སོགས་བཅའ་དགོས་པའི་དཔེ་ཆ་དགོས་འདུག་པས་མཁས་གྲུབ་རཱ་ག་ཨ་སྱས་སྦྱར་བའོ།། ཅེས་བརྗོད་ལ་ཟན་ལ་ཆངས་བུ་བཅའ་རུ་བཅུག །སྒྲིབ་སྦྱང་ཡེ་ཤེས་ཆུ་རྒྱུན་སྐབས་སུ་ཞལ་རྒྱུན་ཡིན་པས། །།

གཅོད་ལུགས་ཉེར་མཁོ་ཆངས་བུ་བརྒྱ་རྩའི་ལག་ལེན་འགྲིགས་ཆགས་སུ་བཀོད་པ།

[Full Size]

གཅོད་ལུགས་ཉེར་མཁོ་ཆངས་བུ་བརྒྱ་རྩའི་ལག་ལེན་འགྲིགས་ཆགས་སུ་བཀོད་པ་བཞུགས་སོ། །ན་མོ་པྲཛྙཱ་པཱ་ར་མི་ཏ་ཡེ། ཡུམ་ཆེན་མཁའ་འགྲོའི་ཚོགས་ལ་ཕྱག་འཚལ་ནས། །ཆངས་བུ་བརྒྱ་རྩའི་འདོན་ཆོག་བཀོད་པ་ལ། །དགོངས་པ་གྲོལ་ཞིང་བཀའ་གནང་བྱིན་གྱིས་རློབས། །དེ་ཡང་ནད་པའི་ལུས་བཀྲུས་པའི་དྲི་ཆུས་སྦྲུས་པའི་ཆངས་བུ་བརྒྱ་རྩ་བརྒྱད་བྱས་ལ་དེ་ལ་ཤ་དུམ་གླན་ལ། སྣོད་གཅིག་ཏུ་ནད་པའི་ཁྲུས་ཆུ་བཞག་ནས་གཅོད་ཚོགས་ཡིན་ན་བསྟབ་པའི་སྐབས་སུ་བྱ། འཕྲལ་དུ་ཡིན་ན་ལུས་སྦྱིན་དཀར་འགྱེད་དམར་འགྱེད་མང་ཞིག་གི་མཐར། ཕཊཿ སྐད་ཅིག་གིས་སྟོང་གསུམ་འདི་ཨོ་རྒྱན་རང་བྱུང་གི་དུར་ཁྲོད་དུ་གྱུར་པའི་དབུས་སུ། རང་ཉིད་རིག་པའི་ངོ་བོ་མ་གཅིག་ཁྲོས་མ་ནག་མོ་ཕྱག་གཡས་མི་ལྤགས་ཀྱི་གཡང་གཞི་བརྡེབས་པས་སྣང་སྲིད་དབང་དུ་སྡུད་པ། གཡོན་མི་རྐང་གི་གླིང་བུ་འབུད་པས་སྲིད་གསུམ་ཟིལ་གྱིས་གནོན་ཅིང་ཁམས་གསུམ་ལས་རྣམ་པར་རྒྱལ་བའི་སྐུར་གྱུར། མདུན་གྱི་ནམ་མཁར་མ་གཅིག་ལབ་ཀྱི་སྒྲོན་མ་སྐུ་མདོག་དཀར་མོ་དར་དཀར་གྱི་རལ་ག་གསོལ་བ། དབུ་སྐྲ་སིལ་མས་སྐུ་རྒྱབ་ཁེབས་པ། ཕྱག་གཡས་ཌཱ་མ་རུ་འཁྲོལ་ཞིང་། གཡོན་དྲིལ་བུ་དཀུར་བརྟེན་པ། པདྨ་དང་ཟླ་བའི་

[Full Size]

གདན་ལ་གར་སྟབས་ཀྱིས་བཞུགས་པ། དེ་ལ་མ་གཅིག་དང་རིགས་ལྔའི་མཁའ་འགྲོ་སོགས་གཅོད་ཡུལ་བརྒྱུད་པའི་བླ་མས་བསྐོར་བ། དེའི་མཐའ་བསྐོར་དུ་ནད་པ་འདིའི་ལུས་གདོན། གནས་གདོན། ནད་ནད་བདག་དང་བཅས་པ་གདོན་སྣ་འདྲེན་དང་བཅས་པ། བགེགས་རིགས་ལན་ཆགས་ཤ་འཁོན་ཡུལ་འདྲེ་དང་བཅས་པས་ས་གཞི་གང་ནས་འཁོད་པར་གྱུར། །ཕཊ་ཕཊ་ཕཊ། ནད་པའི་སྙིང་ཁར་རྣམ་པར་ཤེས་པའི་ངོ་བོ་ཨ་དཀར་པོ་གསལ་བ་དབུ་མའི་ལམ་ནས་ཐོན། རང་ཉིད་ཁྲོས་མའི་ཐུགས་ཀར་ཐིམ་པར་གྱུར། ཕཊ་ཕཊ་ཕཊ། ན་མོ་གྲུབ་ཐོབ་གཅོད་ཡུལ་བརྒྱུད་པའི་བླ་མ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཡི་དམ་ཁྲོས་མ་ནག་མོའི་བདེན་པ་དང་། མ་གཅིག་ལབ་ཀྱི་སྒྲོན་མ་རིགས་ལྔའི་བདེན་པ་དང་། རིགས་ཀྱི་མཁའ་འགྲོ་བྱེ་བ་འབུམ་དང་བཅས་པའི་བདེན་པ་དང་། བདེན་པ་ཆེན་པོའི་མཐུས། ནད་པ་འདི་ལ་དང་པོ་ནད་ཀྱིས་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པ། ཚེ་ལ་རྐུ་བ། སྲོག་ལ་འཇབ་པ། ཡིད་ལ་རློམས་པ། བླ་ལ་ཁྱེར་བར་

[Full Size]

བྱེད་པའི་ལུས་གདོན་རྒྱབ་རྟེན་དང་བཅས་པ། ནད་ནད་བདག་དང་བཅས་པ། གདོན་སྣ་འདྲེན་དང་བཅས་པ་ཐམས་ཅད་ནད་པའི་བེམ་པོ་དང་དབྱེར་མེད་པའི་དྲི་གླུད་ཆངས་བུ་ཤ་དུམ་ཁྲུས་ཆུ་དང་བཅས་པ་འདི་རྣམས་ལ་ཁུག་ཅིག །ཧཱུྃ་ཧཱུྃ་ཧཱུྃ། ཛཿཧཱུྃ་བཾ་ཧོཿ ཕཊ་ཕཊ་ཕཊ། རྐང་དུང་འབུད་ཌཱ་དྲིལ་དྲག་ཏུ་བྱའོ།། ཕཊཿ ནད་པའི་བེམ་པོ་དང་གཉིས་སུ་མེད་པའི་དྲི་ཆུ་ཆངས་བུ་ཤ་དུམ་འདི་ཉིད་ངོ་བོ་ཡེ་ཤེས་ཀྱི་བདུད་རྩི་ལ། རྣམ་པ་ནད་པ་དངོས་དང་འདྲ་བ། དངོས་ལས་ལྷག་པ་ཕུང་ཁམས་སྐྱེ་མཆེད་ཚང་བ། རེ་རེ་ལའང་བརྒྱ་སྟོང་གྲངས་མེད་འཕྲོ་བ་འདི་ཉིད་མ་གཅིག་རིགས་ལྔ་མཁའ་འགྲོ་བྱེ་བ་འབུམ་དང་བཅས་པ། ཕྱོགས་བཅུའི་ལྷ་འདྲེ་འབྱུང་པོ་ལན་ཆགས་ཀྱི་བདག་པོ་བདག་མོ་ཐམས་ཅད་ལ་སྦྱིན་ནོ། །འབུལ་ལོ། །བསྔོའོ། །ཕཊ་ཕཊ་ཕཊ། མཉེས་ཤིང་ཚིམས་ནས་འཁོར་བ་ཐོག་མ་མེད་པ་ནས་བསགས་པའི་ལན་ཆགས་བུ་ལོན་ཤ་འཁོན་ཐམས་ཅད་བྱང་ནས་བྱང་ཆུབ་ཀྱི་སེམས་དང་ལྡན་པར་གྱུར་ཅིག །ཕཊ་ཕཊ་ཕཊ། དེ་ནས་ཁྱིམ་དུ་ཡིན་ན་ཕུད་སྐྱོགས་ཀྱི་ནང་དུ་ཆངས་བུ་ཤ་དུམ་དྲི་ཁུའི་བྲན་ནས་མཆོད་གཡོག་པས་བཟུང་ལ། ཕཊཿ བེམ་པོ་

[Full Size]

ལུས་གདོན་དབྱེར་མེད་པའི། །ཤ་ཁྲག་བདུད་རྩིའི་རྒྱ་མཚོ་འདི། །མཁའ་འགྲོ་འབུམ་སྡེའི་ཞལ་དུ་བསྟབ། བཞེས་ཤིག་རོལ་ཅིག་ལུས་གདོན་ཕྲོལ། །གླུད་ཟན་དྲི་ཁུའི་རྒྱ་མཚོ་འདི། །ལྷན་ཅིག་སྐྱེས་པའི་བདུད་རྣམས་དང་། །བགེགས་རིགས་སྟོང་ཕྲག་བརྒྱད་ཅུ་དང་། །བྱིས་པའི་གདོན་ཆེན་བཅོ་ལྔ་དང་། །ཕོ་མོའི་ནད་བདག་རིམས་ཡམས་བདག །གྲི་བོ་གྲི་མོ་ཐེའུ་རང་འགོང་། །ལན་ཆགས་བདག་པོ་ཐམས་ཅད་ལ། །དགོས་འདོད་མཁོ་དགུར་གྱུར་ནས་ཀྱང་། །ཟད་མེད་ལོངས་སྤྱོད་ཐོབ་གྱུར་ཅིག །ཕཊ་ཕཊ་ཕཊཿ དེ་ལྟར་ཁྲུས་ཆུ་དང་ཆངས་བུ་སྣོད་གཅིག་ཏུ་གསོག །དེ་ལྟར་ལན་གྲངས་བརྒྱ་རྩ་བརྒྱད་སོང་ནས། ཕཊཿ མདུན་གྱི་མ་གཅིག་མི་དམིགས་འཇའ་ལྟར་ཡལ། །བདག་དང་བསྲུང་བྱའི་སེམས་དང་མ་གཅིག་ཐུགས། །དབྱེར་མེད་ཆོས་དབྱིངས་ནམ་མཁའི་དབྱིངས་ལ་ཐིམ། །སྐྱེ་མེད་ཡུམ་ཆེན་དགོངས་པ་མངོན་གྱུར་ཤོག །ཕཊ་ཕཊ་ཕཊ། དེ་ནས་ཁྲུས་ཆུ་དང་ཆངས་བུ་དུར་ཁྲོད་གཅིག་ཏུ་གཏོར། གཉན་སར་ཡིན་ན་འཕྲལ་དུ་ཕྱོགས་ཕྱོགས་གཏོར། དེ་ཡང་མཐའ་གཏད་སྤུར་གཟུགས་བསྲེགས་པ་དང་། མེའི་མཐའ་གཏད་སོགས་ལ་ཆངས་བུ་བརྒྱ་རྩ་དགོས་པ་དེ་ཉིད་ཆངས་བུ་བརྒྱ་རྩ་ཡིན་པར་འདོད་པ་མི་འཐད་

[Full Size]

དེ། གཉན་ཆེན་མཐའ་གཏད། མེ་ཆུའི་མཐའ་གཏད། འབྱུང་བའི་གཟེར་བུ་དང་བཞི་ནི་མཐའ་གཏད་ཡིན། ཚོགས་ཀྱི་བསྟབ་པ་དྲག་པོ་དང་བསྟབ་པ་ཆ་དྲུག །ཆངས་བུ་བརྒྱ་རྩ་གསུམ་ནི་བསྟབ་པ་ཡིན་ལ། དེ་ཡང་རང་རེའི་ན་ཚ་སྡུག་བསྔལ་གྱི་རྒྱུ་འདི་རྣམས་སྔོན་གྱི་ལན་ཆགས་ཤ་འཁོན་གྱིས་སྒྲིབ་པ་ཁོ་ན་ཡིན་པས་འདི་ལྟར་འབད་པས་ལན་ཆགས་ཤ་འཁོན་བྱང་ཞིང་ལྷ་འདྲེའི་འཁུ་ལྡོག་ཞི་ཞིང་། གང་ལ་གང་ཡང་རུང་ཞིང་། འཇམ་པས་ཕན་ཡོན་ཆེ། ཟུར་མང་ལུགས་ཀྱི་དམིགས་འབུམ་ཆེན་པོ་ནས་འདིའི་དམིགས་རིམ་གྱི་རྩ་བ་ཡོད་ཀྱང་། ཕྱག་ལེན་རྒྱུན་འདྲ་མིན་མང་པོ་འདུག །འདོན་ཆ་གསལ་པོ་མ་བྱུང་བས། འཕྲལ་དུ་དགོས་པ་ཞིག་གི་ཆེད་དུ། དགེ་སློང་རཱ་ག་ཨ་སྱས་བསྒྲིགས་པ་ལ་ཉེས་འགལ་ཅི་མཆིས་ཌཱ་ཀིའི་ཚོགས་ལ་བཤགས་ཤིང་། དགེ་བས་འགྲོ་ཕན་རྒྱ་ཆེན་པོར་གྱུར་ཅིག །སརྦ་མངྒ་ལཾ།། །།

ཆངས་བུ་ཁྲུས་ཆུ་གཉན་ས་དུར་ཁྲོད་ལ་གཏོར་བའི་ཐབས།

[Full Size]

ཆངས་བུ་ཁྲུས་ཆུ་གཉན་ས་དུར་ཁྲོད་ལ་གཏོར་བའི་ཐབས་ལ་འདི་ལྟ་སྟེ། བེམ་པོ་ལུས་གདོན་དབྱེར་མེད་པའི་ངོ་བོ་དྲི་ཆུ་ཆངས་བུ་ཤ་དུམ་འདི་ཉིད་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་ནད་པ་དངོས་དང་འདྲ་བ་དངོས་ལས་ལྷག་པའི་ཕུང་ཁམས་སྐྱེ་མཆེད་ཚང་བ། རེ་རེ་ལའང་བརྒྱ་ཕྲག་སྟོང་ཕྲག་འཕྲོ་བ་གྲངས་མེད་པ་འདི། གནོད་བྱེད་ཀྱི་གདོན་རྣམས་དང་། གྲིབ་གནོན་གྱི་གདོན་རྣམས་དང་། སྨྱོ་བྱེད་ཀྱི་གདོན་རྣམས་དང་། ལུས་སྲུལ་པོའི་གདོན་རྣམས་དང་། མཚན་མོ་ནག་མོའི་གདོན་རྣམས་ལ། དགོས་འདོད་མཁོ་དགུར་གྱུར་ནས་ཀྱང་། ཟད་མེད་ལོངས་སྤྱོད་ཐོབ་པར་ཤོག །མཉེས་ཤིང་ཚིམས་པས་འཁོར་བ་ཐོག་མ་མེད་པ་ནས་བསགས་པའི་བུ་ལོན་ལན་ཆགས་ཐམས་ཅད་བྱང་ནས་བྱང་ཆུབ་ཀྱི་སེམས་དང་ལྡན་པར་གྱུར་ཅིག །ཕཊ་ཕཊ་ཕཊ། ཕཊ། བེམ་པོ་ལུས་གདོན་དབྱེར་མེད་པའི་ངོ་བོ་དྲི་ཆུ་ཆངས་བུ་ཤ་དུམ་འདི་ཉིད་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་ནད་པ་དངོས་དང་འདྲ་བ་དངོས་ལས་ལྷག་པའི་ཕུང་ཁམས་སྐྱེ་མཆེད་ཚང་བ། རེ་རེ་ལའང་བརྒྱ་ཕྲག་སྟོང་ཕྲག་འཕྲོ་བ་གྲངས་མེད་པ་འདི་ཉིད། ཟ་འདྲེ་ཤི་གཤེད། ཉེ་དུ་ཉེ་འབྲེལ་གྱི་གཤེད་ཁ། །

[Full Size]

ཟ་རེ་འཐུང་སྐོམ་བྱེད་པ། ཤི་གསོན་གཉིས་ཀྱི་དཀོར་ནོར་གྱི་རྗེས་སུ་འབྲང་བ། དོན་མེད་ཀྱི་འདྲེ་གཏོགས་གཤེད་འཁྱམས་དང་གཏོང་བཞིན་དུ་བླ་ལ་བཏགས་པ། ཐག་ནག་བཞིན་དུ་རྒྱུད་ལ་འཕྲི་བ། ཤ་ཁྱི་བཞིན་དུ་རྗེས་སུ་འབྲང་བ། ཡས་དང་གླུད་ལ་རེ་ཆེ་བ་ཐམས་ཅད་ལ་དགོས་འདོད་མཁོ་དགུར་གྱུར་ནས་ཀྱང་། ཟད་མེད་ལོངས་སྤྱོད་ཐོབ་པར་ཤོག མཉེས་ཤིང་ཚིམས་ནས་འཁོར་བ་ཐོག་མ་མེད་པ་ནས་བསགས་པའི་བུ་ལོན་ལན་ཆགས་ཐམས་ཅད་བྱང་ཞིང་དག་ནས་བྱང་ཆུབ་ཀྱི་སེམས་དང་ལྡན་པར་གྱུར་ཅིག །ཕཊ་ཕཊ་ཕཊ། བེམ་པོ་ལུས་གདོན་དབྱེར་མེད་པའི་ངོ་བོ་དྲི་ཆུ་ཚངས་བུ་ཤ་དུམ་འདི་རྣམས། ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་ནད་པ་དངོས་དང་འདྲ་བ་དངོས་ལས་ལྷག་པ། ཕུང་ཁམས་སྐྱེ་མཆེད་ཚང་བ་རེ་རེ་ལ་ཡང་བརྒྱ་ཕྲག་སྟོང་ཕྲག་གྲངས་མེད་པ་འཕྲོ་བ་འདི་ཉིད། བདག་ཅག་དཔོན་སློབ་རྣམས་ཀྱི་ཚེ་རབས་ཐོག་མ་མེད་པ་ནས་སྐྱེ་བ་སྔ་མ་ནས་ལན་ཆགས་འཁོར་བ། ཕྱི་མ་ནས་ལན་ཆགས་པ། ད་ལྟའི་ལན་ཆགས་པ། ལན་ཆགས་ཀྱི་བདག་པོ་བདག་མོ་བསད་བསད་བཅད་བཅད་ཚེ་ཐུང་བའི་ལན་ཆགས། །རྒྱབ་རྒྱབ་

[Full Size]

བརྡུང་བརྡུང་ནད་མང་བའི་ལན་ཆགས། བརྐུས་བརྐུས་འཕྲོག་འཕྲོག་ནོར་དབུལ་བའི་ལན་ཆགས། བརྒྱ་ལན་དང་སྟོང་ལན། སྔ་མའི་ལན་ཆགས་པའི་ལན་ཆགས། གདོན་བགེགས་ཀྱི་རིགས་སུ་གྱུར་པ་རྣམས་ལ་དགོས་འདོད་མཁོ་དགུར་གྱུར་ནས་ཀྱང་། ཟད་མེད་ལོངས་སྤྱོད་ཐོབ་པར་ཤོག །མཉེས་ཤིང་ཚིམས་ནས་འཁོར་བ་ཐོག་མ་མེད་པ་ནས་བསགས་པའི་ལན་ཆགས་བུ་ལོན་ཐམས་ཅད་བྱང་ནས་བྱང་ཆུབ་ཀྱི་སེམས་དང་ལྡན་པར་གྱུར་ཅིག །ཕཊ་ཕཊ་ཕཊ། བེམ་པོ་ལུས་གདོན་དབྱེར་མེད་པའི་ངོ་བོ་དྲི་ཆུ་ཆངས་བུ་ཤ་དུམ་འདི་ཉིད་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་ནད་པ་དངོས་དང་འདྲ་བ་དངོས་ལས་ལྷག་པའི་ཕུང་ཁམས་སྐྱེ་མཆེད་ཚང་བ། རེ་རེ་ལའང་བརྒྱ་ཕྲག་སྟོང་ཕྲག་གྲངས་མེད་པ་འཕྲོ་བ་འདི་ཉིད་བདག་ཅག་ཡོན་མཆོད་འཁོར་དང་བཅས་པ་རྣམས་ལ་དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པ། ཚེ་ལ་རྐུ་བ། སྲོག་ལ་འཇབ་པར་བྱེད་པ། བླ་ལ་ཁྱེར་བ། ཡིད་ལ་རློམ་པ། ལུས་གདོན་རྒྱབ་རྟེན། ནད་ནད་བདག་དང་བཅས་པ། གདོན་སྣ་འདྲེན་དང་བཅས་པ་རྣམས་

[Full Size]

ལ་དགོས་འདོད་མཁོ་དགུར་གྱུར་ནས་ཀྱང་། ཟད་མེད་ལོངས་སྤྱོད་ཐོབ་པར་ཤོག །ཕཊ་ཕཊ་ཕཊཿ མཉེས་ཤིང་ཚིམས་ནས་འཁོར་བ་ཐོག་མ་མེད་པ་ནས་བསགས་པའི་ལན་ཆགས་བུ་ལོན་ཐམས་ཅད་བྱང་ནས་བྱང་ཆུབ་ཀྱི་སེམས་དང་ལྡན་པར་གྱུར་ཅིག །དེ་བཞིན་གཤེགས་པ་བཞི་ཡི་མཚན་དང་། སཾ་བྷ་ར་སོགས་ཀྱིས་བསྔོས། ཆངས་བུ་གཉན་སའམ། དུར་ཁྲོད་དམ་གང་གནོད་པའི་ཕྱོགས་སུ་གཏོར། ༧ རཱ་ག་ཨ་སྱས་ཉེ་འཁོར་རྣམས་ལ་ཆག་ཆེ་ཉམ་ང་འཚུབ་པ་ཆེ་སྐབས་བྲིས་པས་ཕན་པ་རྒྱ་ཆེན་པོ་འབྱུང་བར་གྱུར་ཅིག། །།

གཅོད་ཀྱི་བསང་ཡིག་དངོས་གྲུབ་ཀུན་འབྱུང་།

[Full Size]

གཅོད་ཀྱི་བསང་ཡིག་དངོས་གྲུབ་ཀུན་འབྱུང་ཞེས་བྱ་བ་བཞུགས་སོ། །

[Full Size]

གཅོད་ཀྱི་བསང་མཆོད་འབུལ་བ་ལ༔ སྐྱབས་འགྲོ་སེམས་བསྐྱེད་བྱ༔ ཚད་མེད་བཞི་བསྒོམ༔ སེམས་ཅན་ཐམས་ཅད་སངས་རྒྱས་ལ་སྐྱབས་སུ་སོང་བར་བསྒོམས་ལ༔ བདག་སོགས་སེམས་ཅན་ཐམས་ཅད་བླ་མ་སྐྱབས་སུ་མཆིའོ༔ སངས་རྒྱས་ལ་སྐྱབས་སུ་མཆིའོ༔ ཆོས་ལ་སྐྱབས་སུ་མཆིའོ༔ དགེ་འདུན་ལ་སྐྱབས་སུ་མཆིའོ༔ མ་གཅིག་ཡུམ་ཆེན་མཁའ་འགྲོ་སྡེ་བཞིའི་ཚོགས་དང་བཅས་པ་རྣམས་ལ་སྐྱབས་སུ་མཆིའོ༔ སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས་ལན་གསུམ་བརྗོད༔ ཨོཾ་སྭ་བྷ་ཝ༴ སྟོང་པ་ཉིད་དུ་གྱུར༔ སྟོང་པའི་ངང་ལས་རང་ཉིད་སྐད་ཅིག་གིས་ཆོས་སྐུ་ཡུམ་ཆེན་

[Full Size]

མོ་སྐུ་མདོག་གསེར་བཙོ་མའི་མདོག་ལྟ་བུ༔ ཞལ་གཅིག་ཕྱག་བཞི་མ༔ གཡས་རྡོ་རྗེ་དང་ས་གནོན༔ གཡོན་པོ་ཏི་དང་མཉམ་བཞག་གི་ཕྱག་རྒྱ་མཛད་པ༔ སྐུ་ལ་དར་དང་རིན་པོ་ཆེ་སྣ་ཚོགས་ཀྱིས་བརྒྱན་པ༔ མཚན་དང་དཔེ་བྱད་ཀྱིས་སྤྲས་པ༔ ཞབས་རྡོ་རྗེ་སྐྱིལ་མོ་ཀྲུང་གིས་བཞུགས་པའོ༔ མདུན་གྱི་ནམ་མཁར་པདྨ་ཉི་ཟླའི་གདན་གྱི་སྟེང་དུ་མ་གཅིག་ལབ་ཀྱི་སྒྲོན་མ་སྐུ་མདོག་དཀར་མོ༔ ཞལ་གཅིག་ཕྱག་གཉིས་གཡས་པས་ཌཱ་མ་རུ་ནམ་མཁར་དཀྲོལ་བ༔ གཡོན་པས་དངུལ་དཀར་གྱི་དྲིལ་བུ་སྐུ་སྐྱེད་ལ་བརྟེན་པ༔ སྐུ་ལ་དར་དཀར་པོའི་རལ་ག་

[Full Size]

གསོལ་བ༔ དམར་པོའི་སྐ་རགས་བཅིང་བ༔ དབུ་སྐྲ་སིལ་མས་སྐུ་རྒྱབ་ཁེབས་པ༔ སྤྱན་གསུམ་བར་སྣང་ལ་གཟིགས་པ༔ མཚན་བཟང་པོ་དང་དཔེ་བྱད་ཀྱིས་བརྒྱན་པ༔ ཞབས་གཡས་བསྐུམ་གཡོན་བརྐྱང་བ༔ གར་སྟབས་ཀྱི་ཚུལ་དུ་བཞུགས་པར་གྱུར༔ དེའི་སྙན་གོང་གཡས་ཕྱོགས་སུ༔ ཕ་གཅིག་དམ་པ་སྐུ་མདོག་སྨུག་ནག་ཨ་ཙ་རའི་ཚུལ༔ གཡས་པས་སེང་ལྡེང་ཌཱ་རུ་དཀྲོལ་པེ༔ གཡོན་པས་མི་རྐང་གི་གླིང་བུ་འབུད་པ༔ སྐུ་ལ་བལ་ཐུལ་དཀར་པོ་གསོལ་བ༔ རྒྱ་གར་གྲུབ་ཆེན་བརྒྱད་ཅུའི་བསྐོར་བ༔ དེའི་སྙན་གོང་གཡོན་ཕྱོགས་སུ༔ རྗེ་བཙུན་རྡོ་རྗེ་ཕག་མོ་ཞལ་གཅིག་ཕྱག་གཉིས༔ གཡས་གྲི་གུག་དང་གཡོན་ཐོད་ཁྲག་འཛིན་པ༔ ཁ་ཊཾ་རྩེ་གསུམ་གྲུ་མོ་ལ་བརྟེན་པ༔ ཞབས་བརྐྱང་བསྐུམ་གྱི་ཚུལ་དུ་ཉི་ཟླ་པདྨའི་གདན་ལ་བཞུགས་པ༔ རིགས་བཞིའི་མཁའ་འགྲོའི་བསྐོར་བ༔ ཇོ་མོའི་དབུ་ཐོག་ཏུ་རྫོགས་པའི་སངས་རྒྱས་ཤཱཀྱ་ཐུབ་པ༔ སྐུ་མདོག་གསེར་བཙོ་མའི་མདོག་ལྟ་བུ༔ ཞལ་གཅིག་ཕྱག་གཉིས་གཡས་ས་གནོན༔ གཡོན་མཉམ་བཞག་གི་ཕྱག་རྒྱ་མཛད་པ་ཞབས་རྡོ་རྗེ་སྐྱིལ་མོ་ཀྲུང་གིས་བཞུགས་པ༔ མཚན་བཟང་པོ་སུམ་

[Full Size]

ཅུ་རྩ་གཉིས༔ དཔེ་བྱད་བཟང་པོ་བརྒྱད་ཅུའི་སྤྲུས་པ༔ དེའི་དབུ་ཐོག་ཏུ་རྣམ་པར་སྣང་མཛད༔ གཡས་སུ་དཔའ་བོ༔ གཡོན་དུ་དཔའ་མོ༔ མདུན་དུ་སྒྲོལ་མ༔ རྒྱབ་ཏུ་གངས་ཅན་མཚོ་རྒྱལ༔ སྟོད་ཀྱི་ཆ་ལ་བཀའ་བརྒྱུད་ཀྱི་བླ་མ༔ བར་གྱི་ཆ་ལ་ཡི་དམ་ལྷ་ཚོགས༔ སྨད་ཀྱི་ཆ་ལ་དཔའ་བོ་མཁའ་འགྲོ༔ ཆོས་སྐྱོང་གཏེར་དོར་ལྷ་དཀར་ཕྱོགས༔ ཡུལ་ལྷ་གཞི་བདག་རྣམས་ཀྱིས་བསྐོར་བའི་ལྷ་ཚོགས་ཐམས་ཅད་ཀྱི༔ དཔྲལ་བར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པར་ག་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་འོག་མིན་གྱི་གནས་ནས་མ་གཅིག་དང་ཡུམ་ཆེན་མོ་འཁོར་དང་བཅས་པ་སྤྱན་དྲངས་པར་གྱུར༔ ཧཱུྃ༔ མ་ལུས་ཀུན་གྱི་མགོན་གྱུར་ཅིང་༔ བདུད་སྡེ་དཔུང་བཅས་མི་བཟད་འཇོམས་མཛད་ལྷ༔ དངོས་རྣམས་མ་ལུས་ཇི་བཞིན་མཁྱེན་གྱུར་པ༔ ཡུམ་ཆེན་འཁོར་བཅས་གནས་འདིར་སྤྱན་འདྲེན་གཤེགས༔ ཡུམ་ཆེན་འདིར་ནི་བྱོན་པ་ལེགས༔ བདག་ཅག་བསོད་ནམས་སྐལ་པར་ལྡན༔ བདག་གི་མཆོད་ཡོན་བཞེས་སླད་དུ༔ སེང་གེ་པད་ཟླའི་གདན་

[Full Size]

སྟེང་དུ༔ ཅི་བདེ་བར་ནི་བཞུགས་སུ་གསོལ༔ བཞུགས་ནས་བྱིན་གྱིས་བརླབ་ཏུ་གསོལ༔ མཆོད་ཡོན་ཁྲུས་ཆབ་བདུག་སྤོས་དང་༔ མེ་ཏོག་མར་མེ་ཕྲེང་བ་དང་༔ གཟུགས་སྒྲ་དྲི་རོ་ཞལ་ཟས་འདི༔ ཡུམ་ཆེན་འཁོར་དང་བཅས་ལ་འབུལ༔ ཐུགས་རྗེས་འགྲོ་བའི་དོན་དུ་བཞེས་སུ་གསོལ༔ ཇི་ལྟར་བལྟམས་པ་ཙམ་གྱིས་ནི་ལྷ་རྣམས་སོགས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ༔ ཧཱུྃ༔ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས༔ གྲུབ་ཐོབ་བླ་མ་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ སྐུ་དང་ཡེ་ཤེས་ཞིང་ཁམས་ནས༔ ཡི་དམ་ལྷ་ཚོགས་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ ཧཱུྃ༔ སྟོང་ཉིད་ཆོས་ཀྱི་དབྱིངས་ཀྱི་ཕོ་བྲང་ནས༔ ཐུགས་རྗེ་ཁྲོས་མ་ནག་མོ་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ ཤར་ཕྱོགས་མི་འགྱུར་གནས་པའི་ཞིང་ཁམས་ནས༔ བདེ་ཆེན་དཀར་མོ་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ ལྷོ་ཕྱོགས་གཏེར་འབྱུང་ཡིད་བཞིན་ཞིང་ཁམས་ནས༔ སེར་མོ་དོན་གྲུབ་གཤེགས་སུ་གསོལ༔

[Full Size]

བསངས་ལ་སྤྱན་འདྲེན་གཤེགས་སུ་གསོལ༔ ནུབ་ཕྱོགས་ཤེས་རབ་བཙུན་མོའི་བྷ་ག་ནས༔ དམར་མོ་སྒྲ་སྒྲོགས་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ བྱང་ཕྱོགས་ཕྲིན་ལས་ཐོགས་མེད་ཕོ་བྲང་ནས༔ སྣ་ཚོགས་མཐར་ཕྱིན་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ ཕྱོགས་བཞི་དུར་ཁྲོད་གཞལ་ཡས་ནས༔ མཁའ་འགྲོ་སྡེ་བཞི་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ མཚམས་བཞི་དུར་ཁྲོད་གཞལ་ཡས་ནས༔ ཤུགས་འགྲོ་སྡེ་བཞི་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ ཧཱུྃ༔ བསྐལ་པ་མེ་ལྟར་འབར་བའི་དཀྱིལ་འཁོར་ནས༔ དཔལ་ཆེན་ཁྲོ་བོ་རྟ་མགྲིན་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ ཧཱུྃ༔ བྱང་ཤར་རླུང་ནག་འཚུབ་མའི་གཞལ་ཡས་ནས༔ དཔལ་ལྡན་ལྷ་མོ་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ ལྕང་ལོ་ཅན་གྱི་ཕོ་བྲང་ནས༔ ནོར་ལྷ་འཁོར་བཅས་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ འཇིག་རྟེན་རང་རང་

[Full Size]

གྲུབ་པའི་གཞལ་ཡས་ནས༔ ལྷ་ཀླུ་གཞི་བདག་གཤེགས་སུ་གསོལ༔ བསངས་ལ་སྤྱན་འདྲེན་གཤེགས་སུ་གསོལ༔ གནམ་ལ་སྐར་མ་དེ་རིང་བཟང་༔ ས་ལ་ཚེས་གྲངས་དུས་ཚོད་དེ་རིང་བཟང་༔ སངས་རྒྱས་རྫུ་འཕྲུལ་དེ་རིང་དཀོན་མཆོག་གསུམ་གྱི་བདེན་པའི་མཆོག༔ བསང་གི་རྒྱུད་བྱུང་གང་ནས་བྱུང་༔ བསང་གི་རྒྱུད་བྱུང་གནམ་ནས་བྱུང་༔ ཕ་གནམ་ལ་འབྲུག་ཆེན་རྡར་མ་རྡིལ༔ མ་ས་ལ་གློག་ལྕམ་འགྱུ་མ་འགྱུར༔ བུ་རྒྱ་མཚོ་ཆུ་ཡི་ལྦུ་བ་དང་༔ མ་ཕམ་མཚོ་ཡི་ཁ་ཞབས་དང་༔ བཟང་དྲུག་སྨན་གྱི་ནུས་པ་དང་༔ གསེར་ལོ་འབར་བའི་སྟག་པ་དང་༔ གཡུ་ལོ་འབར་བའི་ཤུག་པ་དང་༔ དུང་ལོ་འབར་བའི་སུར་དཀར་དང་༔ ཤིང་སྤོས་ཆེན་མཁན་པ་ཨ་ག་རུ་ཤིང་བདུད་རྩི་ཅན་གྱི་དུད་པས་བསང་༔ ཉེས་གྲིབ་ཐམས་ཅད་དེ་རིང་བསང་༔ བཙོག་གྲིབ་ཐམས་ཅད་དེ་རིང་བསང་༔ ཟས་ངན་ལྟོ་རུ་ཟོས་པ་དེ་རིང་བསང་༔ གོས་ངན་རྒྱབ་ལ་གྱོན་པ་དེ་རིང་བསང་༔ གསོན་པོའི་བང་གྲིབ་ཕོག་པ་དེ་རིང་བསང་༔ ཤི་ཕོའི་རོ་གྲིབ་ཕོག་པ་དེ་རིང་བསང་༔ མི་གཙང་མགོ་ནས་གཡོགས་པ་བསང་༔ དབང་པོའི་སྒོ་ལྔ་འགགས་པ་

[Full Size]

བསང་༔ ལོ་ཟླ་ཞག་དུས་འཁྲུགས་པ་བསང་༔ ལྷ་སྲིན་སྡེ་བརྒྱད་འཁྲུགས་པ་བསང་༔ ཡུལ་ལྷས་ཀོ་ལོང་བྱས་པ་བསང་༔ ལྷ་དང་སྲུང་མ་དམ་ཚིག་ཅན༔ འཚོ་བྱེད་ལྷ་སྲུང་ཕྲག་མ་དོག༔ བཀའ་སྲུང་ཕོ་ཉ་རྒྱང་མ་རིང་༔ དམ་ཉམས་དགྲ་ལ་མཐུ་མ་ཆུང་༔ བཅོལ་བའི་ཕྲིན་ལས་འགྲུབ་པར་མཛོད༔ ཨོཾ་བཛྲ་ཨརྒྷཾ་སོགས། ཤབྡ་ཨཱཿཧཱུྃ༔ མཆོད་པ་འབུལ་ལོ༔ གནས་འོག་མིན་ཆོས་དབྱིངས་ཕོ་བྲང་ནས༔ ཆོས་སྐུ་ཡུམ་ཆེན་ལྷ་ཚོགས་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ བཅོམ་ལྡན་ཤཱཀྱ་ཐུབ་པ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ འཇམ་དཔལ་སྨྲ་བའི་སེང་གེ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ མཚན་ལྡན་རྗེ་བཙུན་སྒྲོལ་མ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ མཁའ་འགྲོ་སུ་ཁ་སིདྡྷི་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ མཁས་པ་ཨཱརྱ་དེ་ཝ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་

[Full Size]

མར་གསུར་གྱི་མཆོད་པ་འབུལ༔ སྤྲུལ་སྐུ་དམ་པ་སངས་རྒྱས་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ སྐྱོ་སྟོན་བསོད་ནམས་བླ་མ་ལ༔ གཡུ་ཤུག་སྔོན་པོའི་དུད་པས་བསང༔ ཕྱེ་མར་གསུར་གྱི་མཆོད་པ་འབུལ༔ མ་གཅིག་ལབ་ཀྱི་སྒྲོན་མ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ སྲས་མཆོག་རྒྱལ་བ་དོན་གྲུབ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ གྲུབ་ཐོབ་རྒྱ་ནག་གཅེར་བུ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ སུམ་སྒོམ་རས་པ་ཆེན་པོ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ མཁས་པ་རྣལ་འབྱོར་ཆེན་པོ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ འབྲི་སྒོམ་རྟོག་མེད་ཆེན་པོ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ གྲུབ་ཐོབ་གཅོད་ཡུལ་བརྒྱུད་པ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ

[Full Size]

དྲིན་ཆེན་རྩ་བའི་བླ་མ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ གྲུབ་ཆེན་ཀརྨ་པཀྴི་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ ཆོས་རྗེ་རང་བྱུང་རྡོ་རྗེ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ རུ་སྟོན་ཀརྨ་རིགས་ལྡན་དང་༔ རྣལ་འབྱོར་ད་ལྟར་ཡན་ཆད་དང་༔ མཆོད་བསྒྲུབས་བྱས་པའི་ལྷ་རྣམས་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ ཕ་མྱེས་རྒྱུད་ཀྱི་སྲུང་མ་ཆེ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ མ་ཡུམ་ཆེན་ཁྲོས་མ་ནག་མོ་ནི༔ ཞལ་གཅིག་ཕྱག་གཉིས་སྤྱན་གསུམ་པ༔ གཡས་པས་གྲི་གུག་དགྲ་བགེགས་སྲོག་རྩ་གཅོད༔ གཡོན་པས་ཐོད་ཁྲག་བདུད་ཁྲག་འཐུང་༔ སྤྱི་གཙུག་ཕག་སྐད་སྒྲ་སྒྲོགས་པ༔ མཁའ་འགྲོའི་ཚོགས་རྣམས་ཕོ་ཉར་འགྱེད༔ ཁྱེད་ཀྱིས་སྤྲུལ་པ་མཛད་ཙམ་ན༔ ལྷ་མོའི་ལུས་ལ་རས་དཀར་གསོལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ བདེ་ཆེན་

[Full Size]

དཀར་མོ་སེར་མོ་དོན་གྲུབ་དང་༔ དམར་མོ་སྒྲ་སྒྲོགས་སྣ་ཚོགས་མཐར་ཕྱིན་དང་༔ འདབ་མ་བཞི་ཡི་མཁའ་འགྲོ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ རྡོ་རྗེ་མཁའ་འགྲོ་རིན་ཆེན་མཁའ་འགྲོ་དང་༔ པདྨ་མཁའ་འགྲོ་ལས་ཀྱི་མཁའ་འགྲོ་དང་༔ ཕྱོགས་བཞིའི་མཁའ་འགྲོ་སྡེ་བཞི་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ དམ་ཚིག་མཁའ་འགྲོ་སྣ་ཚོགས་མཁའ་འགྲོ་དང་༔ ཐམས་ཅད་མཁའ་འགྲོ་འཇིག་རྟེན་མཁའ་འགྲོ་མ༔ མཚམས་བཞིའི་མཁའ་འགྲོ་སྡེ་བཞི་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ ཡུམ་ཆེན་ཁྲོས་མ་ནག་མོ་ཡི༔ སྐུ་གསུང་ཐུགས་ཀྱི་སྤྲུལ་པ་ལས༔ ཤར་ཕྱོགས་སེང་གེའི་གདོང་དང་ལྷོ་ཕྱོགས་སྟག་གདོང་དང་༔ ནུབ་ཕྱོགས་ཆུ་སྲིན་གདོང་དང་བྱང་ཕྱོགས་འབྲུག་གདོང་མ༔ གདོང་ཆེན་བཞི་ཡི་མཁའ་འགྲོ་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ བདག་གི་བཅོལ་བའི་ཕྲིན་ལས་འགྲུབ་པར་མཛོད༔ སློབ་དཔོན་ལས་ཀྱི་སྲུང་མ་ཆེ༔ ཡི་དམ་རྡོ་རྗེ་ཕག་

[Full Size]

མོ་ལ༔ འཁོར་དུ་མཁའ་འགྲོ་རིགས་བཞིའི་བསྐོར༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ བདག་གི་ཕྲིན་ལས་འགྲུབ་པར་མཛོད༔ དབེན་གནས་གཉན་གྱི་སྲུང་མ་ཚེ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ བདག་གི་ཕྲིན་ལས་འགྲུབ་པར་མཛོད༔ དཔལ་ཆེན་ཁྲོ་བོ་རྟ་མགྲིན་ནི༔ ཞལ་གཅིག་ཕྱག་གཉིས་སྤྱན་གསུམ་པ༔ གཡས་པས་རལ་གྲིས་དགྲ་སྲོག་གཅོད༔ གཡོན་པས་ལྕགས་ཀྱུ་ཞགས་པ་འཛིན༔ དགྲ་བགེགས་ཀུན་གྱི་ཡན་ལག་འཆིང་༔ སྤྱི་གཙུག་རྟ་སྐད་ནམ་མཁར་འཚེར༔ ཁྱེད་ཀྱི་སྤྲུལ་པ་མཛད་ཙམ་ན༔ ལུས་ལ་མེ་ཡི་ཚྭ་ཚྭ་འཕྲོ༔ ཀླུ་གཉན་ས་བདག་ཆོ་འཕྲུལ་ཟློག༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ སྐུ་ཡི་རྟ་མགྲིན་དཀར་པོ་དང་༔ གསུང་གི་རྟ་མགྲིན་དམར་པོ་དང་༔ ཐུགས་ཀྱི་རྟ་མགྲིན་ནག་པོ་དང་༔ ཡོན་ཏན་རྟ་མགྲིན་སེར་པོ་དང་༔ ཕྲིན་ལས་རྟ་མགྲིན་ལྗང་གུ་དང་༔ དབང་ཆེན་རིགས་ལྔའི་ལྷ་ཚོགས་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་

[Full Size]

འབུལ༔ སྐུ་སྤྲུལ་རྟ་མགྲིན་སེང་ཞོན་དང་༔ གསུང་སྤྲུལ་རྟ་མགྲིན་སྟག་ཞོན་དང་༔ ཐུགས་སྤྲུལ་རྟ་མགྲིན་འབྲུག་ཞོན་དང་༔ ནག་པོ་ཀུན་རྒྱུག་ལྷ་ཚོགས་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ དཀར་དམར་བརྒྱན་པའི་གཏོར་མ་འབུལ༔ ཕྲིན་ལས་རྣམ་བཞི་འགྲུབ་པར་མཛོད༔ ཉ་སྟོང་དུས་དྲུག་སྲུང་མ་ཆེ༔ བླ་མ་ཡི་དམ་མཁའ་འགྲོ་དང་༔ ཁྲོ་བོའི་ཚོགས་དང་ཁྲོ་མོའི་ཚོགས༔ བཀའ་སྲུང་ཚོགས་རྣམས་ཐམས་ཅད་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ བདག་ལ་དངོས་གྲུབ་བསྩལ་དུ་གསོལ༔ བོས་ན་འདི་ཡི་སྲུང་མ་ཆེ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ དཔལ་ལྡན་ལྷ་མོ་དུད་སོལ་མ༔ ཞལ་གཅིག་ཕྱག་བཞིའི་བསྟན་པའི་དགྲ་བགེགས་སྒྲོལ༔ མ་ཧཱ་ཀཱ་ལ་དམ་ཅན་དུད་སོལ་མ༔ ཀླུ་བདུད་ཆོ་འཕྲུལ་བསྟན་པའི་ཚེ། ཕྱག་གཡས་རལ་གྲིས་དགྲ་སྲོག་གཅོད༔ ཀླུ་བདུད་ཆོ་འཕྲུལ་རང་སར་ཞི༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ ལྷ་སྲིན་ཆོ་

[Full Size]

འཕྲུལ་བསྟན་པའི་ཚེ༔ བུད་མེད་མཛེས་མའི་ཆ་ལུགས་ཅན༔ ཕྱག་ན་ཕྲེང་བ་རིན་ཆེན་གྱིས༔ འདྲེ་སྲིན་ཆོ་འཕྲུལ་རང་སར་ཞི༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ འཁོར་དུ་ཕོ་ཉ་ལས་མཁན་རྣམས༔ བདུད་མོ་བཞི་དང་སྒོ་མ་བཞི༔ ཕྲ་མེན་བརྒྱད་ལ་སོགས་པ་ཡི༔ ཤ་ཟ་འབུམ་སྡེ་འཁོར་བཅས་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ ཕྲིན་ལས་རྣམ་བཞི་འགྲུབ་པར་མཛོད༔ ཚེ་རབས་ལས་ཀྱི་སྲུང་མ་ཚེ༔ ཛམ་དཀར་ཛམ་སེར་ཛམ་དམར་དང་༔ ཛམ་ནག་ལ་སོགས་ནོར་ལྷའི་ཚོགས༔ ནོར་སྲུང་བརྒྱད་པོ་འཁོར་བཅས་ལ༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ དངོས་གྲུབ་མ་ལུས་བསྩལ་དུ་གསོལ༔ རྦད་ན་མཁའ་འགྲོའི་སྲུང་མ་ཆེ༔ མ་ལས་མ་མོ་སྲོག་གི་བདག་མོ་ནི༔ སྐུ་མདོག་མཐིང་ནག་གཅེར་བུ་སྟག་ཤམ་ཅན༔ ཕྱག་ན་གྲི་གུག་ཐོད་ཁྲག་འཛིན༔ ལྕགས་ཀྱི་སྤྱང་མོ་མགོ་དགུ་ཆིབས༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ བྷྱོཿལས་སྲིན་

[Full Size]

མོ་ཚེ་ཡི་བདག་མོ་ནི༔ དམར་ནག་གཅེར་བུ་སྟག་གི་ཤམ་ཐབས་ཅན༔ ཕྱག་ན་སྤུ་གྲི་བཙན་ཞགས་འཛིན༔ མཚལ་གྱི་སྟག་མོ་མགོ་དགུ་ཆིབས༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ ཛཿལས་བདུད་མོ་དབུགས་ཀྱི་བདག་མོ་ནི༔ སྔོ་ནག་གཟེར་བུ་གཟིག་གི་ཤམ་ཐབས་ཅན༔ ཕྱག་ན་སྤུ་གྲི་བཙན་ཞགས་འཛིན༔ ཟངས་ཀྱི་འཕར་བ་མགོ་དགུ་ཆིབས༔ མྱུར་མགྱོགས་གློག་ལྟར་འཁྱུགས་པའི་ཁྲི་སྟེང་ནས༔ བཅོམ་ལྡན་རྡོ་རྗེ་ཕག་མོའི་བཀའ་ཉན་མ༔ གསང་སྔགས་བཀའ་ཡི་བསྟན་པ་སྲུང་མཛད་མ༔ སྐུ་མདོག་དམར་ནག་དུར་ཁྲོད་ཆས་ཀྱིས་བརྒྱན༔ མཁའ་འགྲོ་མི་བསྲུན་ཁྲག་གི་རལ་པ་ཅན༔ ཕྱག་ན་གྲི་གུག་ཐོད་ཁྲག་ཞགས་པ་བསྣམས༔ དགྲ་བགེགས་སྙིང་ཁྲག་མཁའ་འགྲོ་འཁོར་བཅས་ཀྱིས༔ མྱུར་དུ་འཐུང་ལ་ལུས་སྲོག་ཕྲོལ་ལ་ཤོག༔ གཡུ་ཤུག་སྔོན་པོའི་དུད་པས་བསང་༔ ཕྱེ་མར་གསུར་གྱི་མཆོད་པ་འབུལ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་པ་འདི་དགེ་སློང་རཱ་ག་ཨ་སྱས་སྦྱར་བའོ།། །། ༈ ཁམས་སྟོད་བཟོ་རིག་གནས་མདོ་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །

གཅོད་བསང་བསྡུས་པ།

[Full Size]

གཅོད་བསང་བསྡུས་པ་བཞུགས་སོ།། ན་མོ་དཀོན་མཆོག་གསུམ་དང་རྩ་བ་གསུམ། །སྐྱབས་གནས་རྣམས་ལ་སྐྱབས་སུ་མཆི། །འགྲོ་ཀུན་བདེ་ལྡན་སྡུག་བསྔལ་བྲལ། །བདེ་བའི་སངས་རྒྱས་སར་འགོད་ཤོག །ཀ་དག་ཀློང་ནས་སྤྲུལ་པ་ཡི། །གནམ་ས་གང་བའི་མཆོད་སྤྲིན་འཁྲིགས། །བསངས་དུད་འདོད་ཡོན་ལོངས་སྤྱོད་གྱུར། །ཨོཾ་ཨཱཿཧཱུྃ་ཧ་ཧོ་ཧྲཱིཿ བསང་མཆོད་འདོད་ཡོན་ལྔ་ལྡན་འདིས། །གཅོད་ཡུལ་བརྒྱུད་པའི་བླ་མ་རྡོ་རྗེ་འཆང་། །བཀའ་བརྒྱུད་བླ་མ་ཐམས་ཅད་བསང་། །ཆོས་སྐུའི་ཡུམ་ཆེན་ཕྱོགས་བཅུའི་སངས་རྒྱས་བསང་། །ཤཱཀྱ་ཐུབ་པ་བསྐལ་བཟང་སངས་རྒྱས་བསང་། །དམ་པ་སངས་རྒྱས་གྲུབ་ཆེན་བརྒྱད་ཅུ་བསང་། །རྡོ་རྗེ་ཕག་མོ་མཁའ་འགྲོ་སྡེ་ལྔ་བསང་། །མ་གཅིག་ལབ་སྒྲོན་བཀའ་བབ་བུ་ཆེན་བསང་། །ཁྲོས་མ་ནག་མོ་རིགས་བཞི་མཁའ་འགྲོ་དང་། །གདོང་ཅན་བཞི་ཡི་མཁའ་འགྲོ་འཁོར་བཅས་བསང་། །བྱ་རྒྱུད་སྤྱོད་རྒྱུད་རྣལ་འབྱོར་བླ་མེད་རྒྱུད། །གཅོད་ཡུལ་བརྒྱུད་པའི་བླ་མའི་ལྷ་ཚོགས་བསང་། །མྱུར་མཛད་མགོན་པོ་ཡུམ་ཆེན་རེ་མ་ཏི། །ཨ་གྷོ་ར་སོགས་དུར་ཁྲོད་བདག་པོ་བསང་། །སྤྱང་ཞོན་ལྷ་མོ་

[Full Size]

མཆེད་གསུམ་དམག་གི་རྒྱལ། །གཅོད་ཡུལ་བཀའ་སྲུང་བསྟན་འཛིན་ཐམས་ཅད་བསང་། །རཱ་ཧུ་ལ་དང་གདོང་མོ་མཆེད་སྡེ་བཞི། །ཡེ་ཤེས་གཟའ་ཆེན་འཁོར་བཅས་ཐམས་ཅད་བསང་། །བཙན་རྒོད་འབར་མ་མ་རུངས་མཆེད་སྡེ་བདུན། །ཡམ་ཤུད་བཙན་གྱི་རིགས་རྒྱུད་ཐམས་ཅད་བསང་། །ནོར་ལྷ་མཆེད་བརྒྱད་རྒྱལ་ཆེན་སྡེ་བཞི་སོགས། །ཛཾ་ལྷ་རིགས་ལྔ་ལྷ་མོ་ནོར་རྒྱུན་བསང་། །ཚངས་པ་བརྒྱ་བྱིན་ལྷ་མོ་བརྟན་མ་སོགས། །ས་བདག་ཀླུ་རིགས་དགེ་བསྙེན་ཐམས་ཅད་བསང་། །ཐང་ལྷ་ཡར་ཞུད་འོད་དེ་གུང་རྒྱལ་དང་། །སྐུ་ལྷ་མཁའ་རི་ཡར་ལྷ་ཤམ་པོ་སོགས། །ཀླུ་རྒྱལ་དྲག་པོ་ཟླ་སྐྱོང་ཐམས་ཅད་བསང་། །མགུར་ལྷ་བཅུ་གསུམ་བརྟེན་མ་བཅུ་གཉིས་དང་། །ལྷ་ཀླུ་གཉན་སོགས་སྣང་སྲིད་ཐམས་ཅད་བསང་། །ཕྱོགས་བཞི་མཚམས་བརྒྱད་སྟེང་འོག་ཐམས་ཅད་ན། །གཅོད་ཡུལ་བཀའ་དང་འཁོར་དུ་གཏོགས་ཚད་བསང་། །དངོས་འབྱོར་ཡིད་སྤྲུལ་གཟུགས་སྒྲ་དྲི་རོ་རེག །ཕུན་སུམ་ཚོགས་པའི་མཆོད་པ་ཕུལ་བའི་མཐུས། །དམ་པ་མ་གཅིག་ལབ་སྒྲོན་དམ་བཞག་ལྟར། །གཅོད་ཡུལ་བསྟན་ལ་གནོད་པའི་དགྲ་བགེགས་སྒྲོལ། །

[Full Size]

རིགས་དྲུག་ལན་ཆགས་བུ་ལོན་བྱང་གྱུར་ཅིག །ནམ་མཁས་ཁྱབ་པའི་སེམས་ཅན་ཐམས་ཅད་ལ།། །བདེ་སྐྱིད་ཕུན་ཚོགས་བསྟན་པ་དར་བ་དང་། །ཚེ་རིང་ནད་མེད་ལོ་ལེགས་ཕྱུགས་འཕེལ་ཞིང་། །དགོས་འདོད་ཆར་ལྟར་འབེབས་པའི་དངོས་གྲུབ་སྩོལ། །ཕྱི་མར་ཐར་པའི་ལམ་མཆོག་ཐོབ་པར་ཤོག །གཅོད་ཡུལ་བསྟན་པ་ཕྱོགས་བཅུར་རྒྱས་པ་དང་། །མི་ནུབ་བསྟན་པའི་རྒྱལ་མཚན་འཛུགས་གྱུར་ཅིག །སངས་རྒྱས་བསྟན་པ་དར་བ་ཡི། །དགེ་འདུན་སྡེ་ཚོགས་འཕེལ་གྱུར་ཅིག །བཀྲ་ཤིས་དོན་དང་ལྡན་གྱུར་ཅིག །རཱ་ག་ཨ་སྱས་སྦྱར་བའོ།། །།

བླ་བསླུའི་ཆོ་ག་ཁམས་གསུམ་འགུགས་པའི་ལྕགས་ཀྱུ།

[Full Size]

བླ་བསླུའི་ཆོ་ག་ཁམས་གསུམ་འགུགས་པའི་ལྕགས་ཀྱུ་ཞེས་བྱ་བ་བཞུགས་སོ། །

[Full Size]

ན་མོ་པྲཛྙཱ་པཱ་ར་མི་ཏ་ཡེ། ཡུམ་ཆེན་ཌཱཀིའི་ཚོགས་ལ་ཕྱག་འཚལ་ནས། །བླ་བསླུའི་ཆོ་ག་འགུགས་པའི་ལྕགས་ཀྱུ་ལ། །དགོངས་པ་གྲོལ་ཞིང་བཀའ་གནང་བྱིན་གྱིས་རློབས། །དེ་ཡང་དང་པོ་རང་དང་ནད་པ་གང་ཡིན་བླ་རྟགས་གང་ཡིན་མ་འཁྲུལ་བར་ཤེས་པའི་དངོས་སམ་གཟུགས་སུ་བྱ། རྒྱ་གཡུ་དྲུག་དཀར་རམ་དྲུག་དམར་དང་། མདའ་དར་སྣ་ལྔ་མེ་ལོང་། །འགུགས་པའི་ལུག་ཤ་ལག་གཡས་དང་། མདའ་དར། དཀར་སེར་དམར་ལྗང་སྔོ་ནག་པོ་སོགས་རིམ་བཞིན་མཛེས་པར་བཀོད། ནད་པའི་གོས་དང་ཞྭ་ལ་སོགས། བླ་གླུད་བཞིན་བསག་པར་བྱའོ། །ཚོགས་ལས་སྔོན་དུ་འགྲོ་བའི་གཞུང་བཞིན་དུ་བཤམས་པའི་སྐབས་སུ་ཤིན་ཏུ་ལེགས་ལ་འདི་བསྟབས་པའི་སྐབས་

[Full Size]

སུ་བྱའོ། །རང་ཉིད་ཁྲོས་མའི་སྐུར་གྱུར་ནས། ལྷའི་ང་རྒྱལ་དང་ལྡན་པས། རྐང་གླིང་འབུད། ཌཱ་དྲིལ་དང་དྲག་རོལ་བྱ། གཡང་གཞི་རྡེབས་ནས། ཕཊ། ཕཊཿ རང་ཉིད་སྐད་ཅིག་གིས་ཁྲོས་མ་ནག་མོ་ཕྱག་གཡས་མི་ལྤགས་ཀྱི་གཡང་གཞི་བརྡབས་པས་སྣང་སྲིད་ཀྱི་ལྷ་འདྲེ་གདུག་པ་ཅན་རྣམས་དབང་དུ་སྡུས་ཤིང་། གཡོན་མི་རྐང་གླིང་བུ་བུས་པས་སྲིད་གསུམ་ཟིལ་གྱིས་གནོན་ཅིང་། ལྷ་འདྲེ་རྣམས་བྲན་དུ་བཀུག་ཅིང་འཁོལ་བ། ཁམས་གསུམ་ལས་རྣམ་པར་རྒྱལ་བའི་སྐུར་གྱུར། དེའི་དབུ་གཙུག་ནམ་མཁའ་ལ་སངས་རྒྱས་བྱང་ཆུབ་སེམས་དཔའ་བླ་མ་ཡི་དམ་མཁའ་འགྲོ་ཆོས་སྐྱོང་

[Full Size]

རྣམས་སྤྲིན་འཁྲིགས་པ་བཞིན་བདག་གི་སྡོང་གྲོགས་མཛད་ནས་རྒྱུ་སྦྱོར་ཡོན་བདག་གི་མིང་སོགས་ཁ་བསྒྱུར་བྱ། བླ་ཚེ་རྐུས་པ་དང་བླ་ཐང་ལ་འཁྱམས་པ། བླ་གཤིན་ཡུལ་དུ་འཁྱམས་པ། བླ་དགྲ་ཡུལ་དུ་འཁྱམས་པ། བླ་སྡེ་བརྒྱད་ཀྱིས་ཁྱེར་བ། ཡར་བ་ཁྱེར་བ་འཐོར་བ་ཐམས་ཅད་རྡོ་ཁབ་ལེན་ལ་ལྕགས་ཕྱེ་འབྱར་བ་ལྟ་བུར། བླ་གཡུ་དང་། ཚེའི་མདའ་དར་བླ་རྟགས། གང་ཡིན་གོང་བཞིན། འདི་རྣམས་ལ་ཐིམ་པར་གྱུར། ཕཊཿ བླ་རྐང་སྲོག་ཆགས་ཤ་བ། གནའ་བ། གླ་བ། གཡག །ར་ལུག །རྟ་སོགས་གང་ཡིན་ལ་བྱ། སྣོད་ཆུའི་བཀང་ལ་དེའི་སྟེང་དུ་བཞག །མགུར་དུ་དེར་སྣ་ལྔའི་སྐུད་པ་བཏགས་ལ། དང་པོ་ཤར་དུ་བཞག་ལ་མདའ་དར་དཀར་པོ་དང་། ལུག་ཤ་ལག་པ་གཡས་པ་བཟུང་བཅུག་ལ། ཕཊཿ འོག་མིན་ཆོས་དབྱིངས་ཞིང་ཁམས་ནས། །གྲུབ་ཐོབ་བླ་མ་གཤེགས་སུ་གསོལ། །སྐུ་དང་ཡེ་ཤེས་ཞིང་ཁམས་ནས། །ཡི་དམ་ལྷ་ཚོགས་གཤེགས་སུ་གསོལ། །སྟོང་ཉིད་ཆོས་དབྱིངས་ཞིང་ཁམས་ནས། ། ཁྲོས་མ་ནག་མོ་གཤེགས་སུ་གསོལ། །མི་འགྱུར་གནས་པའི་གཞལ་ཡས་ནས། །བདེ་ཆེན་དཀར་མོ་གཤེགས་སུ་གསོལ། །གཤེགས་ཤིག་གཤེགས་ཤིག་གནས་འདིར་

[Full Size]

གཤེགས། །རྣལ་འབྱོར་བདག་ཅག་འཁོར་བཅས་ཀྱི། །བླ་ཚེ་ཤར་དུ་འཁྱམས་ཙ་ན། །དར་དཀར་གཡབ་མོས་བླ་ཁུག་ཅིག །བླ་སྲོག་དྲི་ཟས་ཁྱེར་ཙ་ན། །ཕྱག་གཡས་ལྕགས་ཀྱུས་བླ་ཁུག་ཅིག །བླ་སྲོག་ཐང་ལ་འཁྱམས་ཙ་ན། ། །དམིགས་པའི་བླ་རྟེན་འདི་ལ་ཁུག །བླ་སྲོག་དུར་དུ་ཞུགས་ཙ་ན། །བླ་གཡུ་འདི་ལ་བླ་ཁུག་ཅིག །བླ་སྲོག་དགྲ་ཡུལ་འཁྱམས་ཙ་ན། །ཤ་ལག་གཡས་པས་བླ་ཁུག་ཅིག །བླ་སྲོག་གཏད་དུ་སྦས་ཙ་ན། །མེ་ལོང་གསལ་བས་བླ་ཁུག་ཅིག །སྐུ་མདོག་དཀར་པོ་རབ་ཏུ་འཚེར་བ་ལས། །ཞེ་སྡང་རྩད་ནས་གཅོད་པའི་བླ་ཁུག་ཅིག །བན་བོན་ངན་པས་བློ་རྐུས་ན། །ཁྲོས་མ་ནག་མོས་བླ་ཁུག་ཅིག །མ་ཁྱོད་ཀྱི་ཐུགས་དམ་དུས་ལ་བབ། ། བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། བླ་རྟགས་ཆུ་དང་བཅས་པ་ལྷོ་རུ་བཞག །མདའ་དར་སེར་པོ་ཤ་ལག་རྣམས་བཟུང་ལ། མཆོད་གཡོག་པ་ལྷོ་རུ་ཁ་གྲུ་ལ། །ཕཊཿ འོག་མིན་ཆོས་དབྱིངས་ཞིང་ཁམས་ནས། །གྲུབ་ཐོབ་བླ་མ་གཤེགས་སུ་གསོལ། །སྐུ་དང་ཡེ་ཤེས་ཞིང་ཁམས་ནས། །ཡི་དམ་ལྷ་ཚོགས་གཤེགས་སུ་གསོལ། །སྟོང་

[Full Size]

ཉིད་ཆོས་དབྱིངས་མཁའ་ཀློང་ནས། །ཁྲོས་མ་ནག་མོ་གཤེགས་སུ་གསོལ། །གཏེར་འབྱུང་ཡིད་བཞིན་ཞིང་ཁམས་ནས། །སེར་མོ་དོན་གྲུབ་གཤེགས་སུ་གསོལ། གཤེགས་ཤིག་གཤེགས་ཤིག་གནས་འདིར་གཤེགས། །རྣལ་འབྱོར་བདག་ཅག་འཁོར་བཅས་ཀྱི། །བླ་ཚེ་ལྷོ་རུ་འཁྱམས་པ་ན། །མདའ་དར་སེར་པོས་བླ་ཁུག་ཅིག །བླ་སྲོག་གཤིན་རྗེས་ཁྱེར་ཙ་ན། །ཕྱག་གཡས་ཞགས་པས་བླ་ཁུག་ཅིག །བླ་སྲོག་ཐང་ལ་འཁྱམས་ཙ་ན། །བླ་རྟགས་འདི་ལ་མྱུར་དུ་ཁུག །བླ་སྲོག་དུར་དུ་ཞུགས་ཙ་ན། །བླ་གཡུ་འདི་ལ་བླ་ཁུག་ཅིག །བླ་སྲོག་དགྲ་ཡུལ་འཁྱམས་ཙ་ན། །ཤ་ལག་གཡས་པས་བླ་ཁུག་ཅིག །བླ་སྲོག་གཏད་དུ་སྦས་ཙ་ན། །མེ་ལོང་གསལ་བས་བླ་ཁུག་ཅིག །སྐུ་མདོག་སེར་པོ་རབ་ཏུ་རྒྱས་པ་ལ། །ང་རྒྱལ་རྩད་ནསཾ་གཅོད་པའི་བླ་ཁུག་ཅིག །བན་བོན་ངན་པས་བླ་རྐུས་ན། །ཁྲོས་མ་ནག་མོས་བླ་ཁུག་ཅིག །མ་ཁྱོད་ཀྱི་ཐུགས་དམ་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། དེ་ནས་བླ་རྟགས་ཆུ་དང་བཅས་པ་ནུབ་ཏུ་བཞག །མདའ་དར་དམར་པོ་དང་ཤ་ལག་རྣམས་བཟུང་། མཆོད་གཡོག་པ་ཁ་ནུབ་

[Full Size]

ཏུ་རྒྱུ་ནས། ཕཊཿ གནས་འོག་མིན་ཆོས་དབྱིངས་ཞིང་ཁམས་ནས། །གྲུབ་ཐོབ་བླ་མ་གཤེགས་སུ་གསོལ། །སྐུ་དང་ཡེ་ཤེས་ཞིང་ཁམས་ནས། །ཡི་དམ་ལྷ་ཚོགས་གཤེགས་སུ་གསོལ། །སྟོང་ཉིད་ཆོས་དབྱིངས་ཞིང་ཁམས་ནས། །ཁྲོས་མ་ནག་མོ་གཤེགས་སུ་གསོལ། །ཤེས་རབ་བཙུན་མོའི་བྷ་ག་ནས། །དམར་མོ་སྒྲ་སྒྲོགས་གཤེགས་སུ་གསོལ། །གཤེགས་ཤིག་གཤེགས་ཤིག་གནས་འདིར་གཤེགས། །རྣལ་འབྱོར་བདག་ཅག་འཁོར་བཅས་ཀྱི། །བླ་ཚེ་ནུབ་ཏུ་འཁྱམས་ཙ་ན། །མདའ་དར་དམར་པོས་བླ་ཁུག་ཅིག །བླ་སྲོག་ཀླུ་བདུད་ཁྱེར་ཙ་ན། །ཕྱག་གཡས་ལྕགས་སྒྲོག་བློ་ཁུག་ཅིག། །བླ་སྲོག་ཐང་ལ་འཁྱམས་ཙ་ན། །དམིགས་པའི་བླ་རྟགས་འདི་ལ་ཁུག །བླ་སྲོག་དུར་དུ་ཞུགས་ཙ་ན། །བླ་གཡུ་འདི་ལུ་བླ་ཁུག་ཅིག །བླ་སྲོག་དགྲ་ཡུལ་འཁྱམས་ཙ་ན། །ཤ་ལག་གཡས་པས་བླ་ཁུག་ཅིག །བླ་སྲོག་གཏད་དུ་སྦས་ཙ་ན། །མེ་ལོང་། གསལ་བས་བླ་ཁུག་ཅིག །སྐུ་མདོག་དམར་མོ་མདངས་དང་ལྡན་པ་ལ། །འདོད་ཆགས་རྩད་ནས་གཅོད་པའི་བླ་ཁུག་ཅིག །བན་བོན་ངན་པས་བླ་རྐུས་ན། །ཁྲོས་མ་ནག་མོས་

[Full Size]

བླ་ཁུག་ཅིག །མ་ཁྱོད་ཀྱི་ཐུགས་དམ་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། བླ་རྟགས་ཆུ་དང་བཅས་པ་བྱུང་དུ་བཞག །མདའ་དར་ལྗང་གུ་ཤ་ལག་རྣམས་བཟུང་ལ། མཆོད་གཡོག་པ་ཁ་བྱང་དུ་རྒྱུ་ལ། ཕཊཿ འོག་མིན་ཆོས་དབྱིངས་ཞིང་ཁམས་ནས། །གྲུབ་ཐོབ་བླ་མ་གཤེགས་སུ་གསོལ། །སྐུ་དང་ཡེ་ཤེས་ཞིང་ཁམས་ནས། །ཡི་དམ་ལྷ་ཚོགས་གཤེགས་སུ་གསོལ། །སྟོང་ཉིད་ཆོས་དབྱིངས་ཞིང་ཁམས་ནས། །ཁྲོས་མ་ནག་མོ་གཤེགས་སུ་གསོལ། །ཕྲིན་ལས་ཐོགས་མེད་ཕོ་བྲང་ནས། །སྣ་ཚོགས་མཐར་ཕྱིན་གཤེགས་སུ་གསོལ། །གཤེགས་ཤིག་གཤེགས་ཤིག་གནས་འདིར་གཤེགས། །རྣལ་འབྱོར་བདག་ཅག་འཁོར་བཅས་ཀྱི། །བླ་ཚེ་བྱང་དུ་འཁྱམས་ཙ་ན། །མདའ་དར་ལྗང་གུས་བླ་ཁུག་ཅིག །བླ་སྲོག་གདོན་གྱིས་ཁྱེར་ཙ་ན། །ཕྱག་གཡས་དྲིལ་བུས་བླ་ཁུག་ཅིག །བླ་སྲོག་ཐང་ལ་འཁྱམས་ཙ་ན། །བླ་རྟགས་འདི་ལ་བླ་ཁུག་ཅིག །བླ་སྲོག་དུར་དུ་ཞུགས་ཙ་ན། །བླ་གཡུ་འདི་ལ་བླ་ཁུག་ཅིག །བླ་སྲོག་དགྲ་ཡུལ་འཁྱམས་ཙ་ན། །ཤ་ལག་གཡས་པས་བླ་ཁུག་ཅིག །བླ་སྲོག་གཏད་

[Full Size]

དུ་སྦས་ཙ་ན། །མེ་ལོང་གསལ་བས་བླ་ཁུག་ཅིག །སྐུ་མདོག་ལྗང་གུ་རབ་ཏུ་བརྗིད་པ་ལ། །ཕྲག་དོག་རྩད་ནས་གཅོད་པའི་བླ་ཁུག་ཅིག །བན་བོན་ངན་པས་བླ་རྐུས་ན། །ཁྲོས་མ་ནག་མོས་བླ་ཁུག་ཅིག །མ་ཁྱོད་ཀྱི་ཐུགས་དམ་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། ། བླ་རྟགས་ཆུ་དང་བཅས་པ་གནམ་སྒོ་རུ་བཞག །མདའ་དར་སྔོན་པོ་ཤ་ལག་རྣམས་བཟུང་ནས། མཆོད་གཡོག་པ་ཁ་སྟེང་དུ་རྒྱུ་ལ། ཕཊཿ འོག་མིན་ཆོས་དབྱིངས་ཞིང་ཁམས་ནས། །གྲུབ་ཐོབ་བླ་མ་གཤེགས་སུ་གསོལ། །སྐུ་དང་ཡེ་ཤེས་ཞིང་ཁམས་ནས། །ཡི་དམ་ལྷ་ཚོགས་གཤེགས་སུ་གསོལ། །སྟོང་ཉིད་ཆོས་དབྱིངས་ཞིང་ཁམས་ནས། །ཁྲོས་མ་ནག་མོ་གཤེགས་སུ་གསོལ། །མཁའ་དབྱིངས་བདེ་ཆེན་ཕོ་བྲང་ནས། །མ་གཅིག་ལབ་སྒྲོན་གཤེགས་སུ་གསོལ། །གཤེགས་ཤིག་གཤེགས་ཤིག་གནས་འདིར་གཤེགས། །རྣལ་འབྱོར་བདག་ཅག་འཁོར་བཅས་ཀྱི། །བླ་ཚེ་སྟེང་དུ་འཁྱམས་ཙ་ན། །མདའ་དར་སྔོན་པོས་བླ་ཁུག་ཅིག །བླ་སྲོག་བརྒྱ་བྱིན་ཁྱེར་ཙ་ན། །སྟོང་ཉིད་སྙིང་རྗེས་བླ་ཁུག་ཅིག །བླ་སྲོག་ཐང་

[Full Size]

ལ་འཁྱམས་ཙ་ན། །བླ་རྟེན་འདི་ལ་བླ་ཁུག་ཅིག །བླ་སྲོག་དུར་དུ་ཞུགས་ཙ་ན། །བླ་གཡུ་འདི་ལ་བླ་ཁུག་ཅིག །བླ་སྲོག་དགྲ་ཡུལ་འཁྱམས་ཙ་ན། །ཤ་ལག་གཡས་པས་བླ་ཁུག་ཅིག །བླ་སྲོག་གཏད་དུ་སྦས་ཙ་ན། །མེ་ལོང་གསལ་བས་བླ་ཁུག་ཅིག །སྐུ་མདོག་དཀར་མོ་སྤྱན་གསུམ་ལྡན་པ་ལ། །དུག་གསུམ་རྩད་ནས་གཅོད་ཕྱིར་བླ་ཁུག་ཅིག །བན་བོན་ངན་པས་བླ་བརྐུས་ན། །ཁྲོས་མ་ནག་མོས་བླ་ཁུག་ཅིག །མ་ཁྱོད་ཀྱི་ཐུགས་དམ་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། བླ་རྟགས་ཆུ་དང་བཅས་པ་སྒོ་རུ་བཞག །མདའ་དར་ནག་པོ་དང་ཤ་ལག་བཟུང་ལ། མཆོད་གཡོག་པ་ཁ་ཕྱིར་རྒྱུ་ལ། །ཕཊཿ འོག་མིན་ཆོས་དབྱིངས་ཞིང་ཁམས་ནས། །གྲུབ་ཐོབ་བླ་མ་གཤེགས་སུ་གསོལ། །སྐུ་དང་ཡེ་ཤེས་ཞིང་ཁམས་ནས། །ཡི་དམ་ལྷ་ཚོགས་གཤེགས་སུ་གསོལ། །སྟོང་ཉིད་ཆོས་དབྱིངས་ཞིང་ཁམས་ནས། །ཁྲོས་མ་ནག་མོ་གཤེགས་སུ་གསོལ། །ཕྱོགས་བཞི་མཚམས་བརྒྱད་དུར་ཁྲོད་ནས། །མཁའ་འགྲོ་རྣམ་བརྒྱད་གཤེགས་སུ་གསོལ། །གཤེགས་ཤིག་གཤེགས་ཤིག་གནས་འདིར་གཤེགས། །རྣལ་འབྱོར་

[Full Size]

བདག་ཅག་འཁོར་བཅས་ཀྱི། །བླ་ཚེ་འོག་ཏུ་འཁྱམས་ཙ་ན། །མདའ་དར་ནག་པོས་བླ་ཁུག་ཅིག །བླ་སྲོག་ཀླུ་ཡིས་ཁྱེར་ཙ་ན། །བྱ་ཁྱུང་རྒྱལ་པོས་བླ་ཁུག་ཅིག ༈ བླ་སྲོག་ཐང་ལ་འཁྱམས་ཙ་ན། །བླ་རྟགས་འདི་ལ་མྱུར་དུ་ཁུག །བླ་སྲོག་དུར་དུ་ཞུགས་ཙ་ན། །བླ་གཡུ་འདི་ལ་བླ་ཁུག་ཅིག །བླ་སྲོག་དགྲ་ཡུལ་འཁྱམས་ཙ་ན། །ཤ་ལག་གཡས་པས་བླ་ཁུག་ཅིག །བླ་སྲོག་གཏད་དུ་སྦས་ཙ་ན། །མེ་ལོང་གསལ་བས་བླ་ཁུག་ཅིག །སྐུ་མདོག་ནག་པོ་ཁྲོ་གཉེར་བསྡུས་པ་ལ། །དམ་ཉམས་དགྲ་བོ་འདུལ་ཕྱིར་བླ་ཁུག་ཅིག །བན་བོན་ངན་པས་བླ་བརྐུས་ན། །ཁྲོས་མ་ནག་མོས་བླ་ཁུག་ཅིག །མ་ཁྱོད་ཀྱི་ཐུགས་དམ་དུས་ལ་བབ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། བླ་ཁུག་པའི་རྟགས་བྱུང་མ་བྱུང་བརྟག་ནས་ཤྭ་བརྒྱབ་སྟེ། ཤཱ་མིག་གཅིག་གཉིས་གསུམ་སོགས་རིམ་པ་བཞིན། ཤར་ཕྱོགས་དང་དེ་བཞིན་དུ་ལྷོ་ཕྱོགས་ནུབ་ཕྱོགས་སོགས་སུ་མ་འཁྱམས་རྟགས་ཡིན། གོང་གི་བླ་འགུགས་གསུངས་པ་གལ་ཆེ། དེ་ནས་བླ་ཁུག་ནས་གོས་མ་རལ་གྱོན། རིགས་ལྔས་བརྒྱན་ཅིང་། ཌཱ་དྲིལ་རྔ་རོལ་གང་རུང་བྱ་ཞིང་དབྱངས་སྙན་པོའི་སྒོ་ནས་འདི་སྐད་དོ། །ཀྱཻ། མ་མི་མིན་ཡེ་

[Full Size]

ཤེས་ཀྱི་མཁའ་འགྲོ་མ། །མ་ཤར་ནས་གོམ་གསུམ་བྱོན་ཙ་ན། །སྐུ་ཤ་ཆུང་ལ་སྐུ་མདོག་དཀར། །ཕྱག་གཡས་ཚེ་ཡི་མདའ་དར་འཛིན། །གཡོན་པས་ཚེ་ཡི་བུམ་པ་འཛིན། །རྡོ་རྗེ་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་སྤུང་ཐིབས་སེ་ཐིབ། །བྱིན་རླབས་ན་བུན་ཐུ་ལུ་ལུ། །དངོས་གྲུབ་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་འབྲལ་མེད་བཞུགས། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །ཚེ་དཔལ་བསྐྱེད་ཅིག་མ་གཅིག་ཚེམ། །བླ་སྲོག་བརྟན་ཅིག་མ་གཅིག་མ། །རླུང་རྟ་བསྐྱེད་ཅིག་མ་གཅིག་མ། །བླ་གཡུ་འདི་ལ་རྟེན་ཆོས་ཤིག །མི་ཡི་བླ་འདི་གཡུ་ལ་བརྟེན། །གཡུ་ལ་བླ་སྲོག་འཁོར་བར་མཛོད། །ཧ་བཛྲ་ཌཱ་ཀི་ནཱི་ཨཱ་ཡུ་སིདྡྷི་ཕ་ལ་ཧོཿ གཡུ་ལ་རྟེན་འབྲེལ་སྙིང་པོས་རབ་གནས་བྱ་ཞིང་འདི་སྐད་དོ། །ཀྱེ། མ་མི་མིན་ཡེ་ཤེས་ཀྱི་མཁའ་འགྲོ་མ། །མ་ལྷོ་ནས་གོམ་གསུམ་བྱོན་ཙ་ན། །སྐུ་ཤ་ཆུང་ལ་སྐུ་མདོག་སེར། །ཕྱག་གཡས་ཚེ་ཡི་མདའ་དར་འཛིན། །གཡོན་པས་ཚེ་ཡི་བུམ་པ་འཛིན། །རིན་ཆེན་མཁའ་འགྲོ་འབུམ་གྱིས་བསྐོར། །ཆོས་ཉིད་

[Full Size]

ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་སྤུང་ཐིབས་སེ་ཐིབ། །བྱིན་རླབས་ན་བུན་ཐུ་ལུ་ལུ། །དངོས་གྲུབ་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་འབྲལ་མེད་བཞུགས། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །ཚེ་དཔལ་བསྐྱེད་ཅིག་མ་གཅིག་མ། །བླ་སྲོག་བརྟན་ཅིག་མ་གཅིག་མ། །རླུང་རྟ་བསྐྱེད་ཅིག་མ་གཅིག་མ། །བླ་གཡུ་འདི་ལ་རྟེན་ཆོས་ཤིག །མི་ཡི་བླ་འདི་གཡུ་ལ་བརྟེན། །གཡུ་ལ་བླ་སྲོག་འཁོར་བར་མཛོད། །རི་རཏྣ་ཊཱ་ཀི་ནཱི་ཨ་ཡུ་སིདྡྷི་ཕ་ལ་ཧོཿ གོང་ལྟར་བྱ་ཞིང་། ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །མ་ནུབ་ནས་གོམ་གསུམ་བྱོན་ཙ་ན། །སྐུ་ཤ་ཆུང་ལ་སྐུ་མདོག་དམར། །ཕྱག་གཡས་ཚེ་ཡི་མདའ་དར་འཛིན། །གཡོན་པས་ཚེ་ཡི་བུམ་པ་འཛིན། །པདྨ་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་སྤུང་ཐིབས་སེ་ཐིབ། །བྱིན་རླབས་ན་བུན་ཐུ་ལུ་ལུ། །དངོས་གྲུབ་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་འབྲལ་མེད་བཞུགས། །བྱིན་གྱིས་བརླབ་པར་མཛད་དུ་གསོལ། །བྱིན་

[Full Size]

གྱིས་རློབས་ཤིག་མ་གཅིག་མ། །ཚེ་དཔལ་བསྐྱེད་ཅིག་མ་གཅིག་མ། །བླ་སྲོག་བརྟན་ཅིག་མ་གཅིག་མ། །རླུང་རྟ་བསྐྱེད་ཅིག་མ་གཅིག་མ། །བླ་གཡུ་འདི་ལ་རྟེན་ཆོས་ཤིག །མི་ཡི་བླ་འདི་གཡུ་ལ་བརྟེན། །གཡུ་ལ་བླ་སྲོག་འཁོར་བར་མཛོད། །ནི་པདྨ་ཊཱཀྐི་ནཱི་ཨཱ་ཡུ་སིདྡྷི་ཕ་ལ་ཧོ་གོང་ལྟར་བྱ་ཞིང་། ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །མ་བྱང་ནས་གོམ་གསུམ་བྱོན་ཙ་ན། །སྐུ་ཤ་ཆུང་ལ་སྐུ་མདོག་ལྗང་། །ཕྱག་གཡས་ཚེ་ཡི་མདའ་དར་འཛིན། །གཡོན་པས་ཚེ་ཡི་བུམ་པ་འཛིན། །ལས་ཀྱི་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་སྤུང་ཐིབས་སེ་ཐིབ། །བྱིན་བརླབ་ན་བུན་ཐུ་ལུ་ལུ། །དངོས་གྲུབ་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་འབྲལ་མེད་བཞུགས། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །ཚེ་དཔལ་བསྐྱེད་ཅིག་མ་གཅིག་མ། །བླ་སྲོག་བརྟན་ཅིག་མ་གཅིག་མ། །རླུང་རྟ་བསྐྱེད་ཅིག་མ་གཅིག་མ། །བླ་གཡུ་འདི་ལ་རྟེན་ཆོས་ཤིག །མི་ཡི་བླ་འདི་གཡུ་ལ་བརྟེན། །གཡུ་ལ་བླ་སྲོག་འཁོར་བར་མཛོད། །ས་ཀརྨ་

[Full Size]

ཌཱཀྐི་ནཱི་ཨཱ་ཡུ་སིདྡྷི་ཕ་ལ་ཧོཿ གོང་ལྟར་བྱ་ཞིང་། ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །མ་དབུས་ནས་གོམ་གསུམ་བྱོན་ཙ་ན། །སྐུ་ཤ་ཆུང་ལ་སྐུ་མདོག་སྔོ། །ཕྱག་གཡས་ཚེ་ཡི་མདའ་དར་འཛིན། །གཡོན་པས་ཚེ་ཡི་བུམ་པ་འཛིན། །སངས་རྒྱས་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་སྤུང་ཐིབས་སེ་ཐིབ། །བྱིན་རླབས་ན་བུན་ཐུ་ལུ་ལུ། །དངོས་གྲུབ་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་འབྲལ་མེད་བཞུགས། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །ཚེ་དཔལ་བསྐྱེད་ཅིག་མ་གཅིག་མ། །བླ་སྲོག་བརྟན་ཅིག་མ་གཅིག་མ། །རླུང་རྟ་བསྐྱེད་ཅིག་མ་གཅིག་མ། །བླ་གཡུ་འདི་ལ་རྟེན་ཆོས་ཤིག །མི་ཡི་བླ་འདི་གཡུ་ལ་བརྟེན། །གཡུ་ལ་བླ་སྲོག་འཁོར་བར་མཛོད། །ཐཾ་བུདྡྷཱ་ཌཱཀྐི་ནཱི་ཨཱ་ཡུ་སིདྡྷི་ཕ་ལ་ཧོཿ གོང་ལྟར་བྱ་ཞིང་། ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །འོག་ས་སྤྱོད་རིགས་ཀྱི་མཁའ་འགྲོ་མ། །མ་འོག་ནས་གོམ་གསུམ་བྱོན་ཙ་ན། །སྐུ་ཤ་ཆུང་ལ་སྐུ་མདོག་ནག །ཕྱག་གཡས་ཚེ་ཡི་མདའ་དར་

[Full Size]

འཛིན། །གཡོན་པས་ཚེ་ཡི་བུམ་པ་འཛིན། །འཇིག་རྟེན་མཁའ་འགྲོ་འབུམ་གྱིས་བསྐོར། །ཆོས་ཉིད་ནམ་མཁའི་ཀློང་ཡངས་ནས། །ཐུགས་རྗེའི་སྤྲིན་སྤུང་ཐིབས་སེ་ཐིབ། །བྱིན་རླབས་ན་བུན་ཐུ་ལུ་ལུ། །དངོས་གྲུབ་ཆར་རྒྱུན་སི་ལི་ལི། །མ་སྤྱི་གཙུག་རྒྱན་འདིར་འབྲལ་མེད་བཞུགས། །བྱིན་གྱིས་བརླབ་པར་མཛད་དུ་གསོལ། །བྱིན་གྱིས་རློབས་ཤིག་མ་གཅིག་མ། །ཚེ་དཔལ་བསྐྱེད་ཅིག་མ་གཅིག་མ། །བླ་སྲོག་བརྟན་ཅིག་མ་གཅིག་མ། །རླུང་རྟ་བསྐྱེད་ཅིག་མ་གཅིག་མ། །བླ་གཡུ་འདི་ལ་རྟེན་ཆོས་ཤིག །མི་ཡི་བླ་འདི་གཡུ་ལ་བརྟེན། །གཡུ་ལ་བླ་སྲོག་འཁོར་བར་མཛོད། །ས་ལོ་ཀ་ཌཱཀྐི་ནཱི་ཨཱ་ཡུ་སིདྡྷི་ཕ་ལ་ཧོ་གོང་ལྟར་བྱ་ཞིང་གཡུ་བསྲུང་བྱའི་མགུལ་དུ་བཏགས། བླ་རྟགས་གཡང་སྐྱེ་དང་གཡང་སྒམ་ནང་དུ་བཅུག །ཤ་ལག་མི་ལ་མི་སྟེར་བ་གསུངས་སོ། །རྡོ་རྗེ་རིན་པདྨ་ལས། །སངས་རྒྱས་ས་སྤྱོད་མཁའ་འགྲོ་དྲུག །བདག་གི་བསྲུང་བྱའི་མི་འདི་ལ། །ཕ་ཡིས་བུ་བཞིན་སྲུང་སྐྱོབ་མཛོད། །བཛྲ་རཀྵ་རཀྵ། འདི་ཡི་མཚམས་ནས་བླ་གླུད་བཏང་ལ། ངར་གླུད་ཀྱི་ཞྭ་གོས་རྣམས་ཡོན་བདག་གིས་བདག་ཏུ་བཟུང་བར་མི་བྱའོ། །མཁས་འདོད་མ་ཡིན་རང་གཞན་ཀུན་ལ་ཡང་། །མོ་རྩིས་བཏབ་ནས་བྱུང་བ་

[Full Size]

འགའ་རེ་གདའ། །ཆ་མ་མཆིས་པའི་དཔེ་རུལ་མ་གཏོགས་པ། །ལག་ལེན་འཁྲུལ་མེད་ངེས་ཤེས་ཡོད་པར་དཀའ། །སྔགས་པ་ཕལ་གྱིས་ཅི་བྱ་མ་མཆིས་པས། །བླ་བསླུ་བླ་གླུད་ནོར་བ་འགའ་རེ་མཆིས།་།འདི་ནི་གཅོད་ཀྱི་ལུགས་སུ་བཀོད་པ་ཡིན། །ཆོས་ཀྱི་རྩ་བ་ཕ་རོལ་ཕྱིན་དྲུག་ཡིན། །བྱིན་རླབས་མྱུར་ཞིང་ཆོས་འདིས་བརྒྱུད་པ་བཟང་། །དེ་ཕྱིར་དགེ་སློང་རཱ་ག་ཨ་སྱ་ཡིས། །འབྲུག་ཟླ་རྒྱལ་གྱི་ཉིན་པར་སྦྱར་བ་འདིས། །ཉེས་འགལ་མཆིས་ན་མཁའ་འགྲོའི་ཚོགས་ལ་བཤགས། །ཡི་གེ་པ་ནི་བརྩོན་འགྲུས་རྒྱ་མཚོའོ། །དགེ་བས་ཡུམ་ཆེན་དགོངས་པ་མངོན་རྟོགས་ཤོག །སརྦ་མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཅོད་ཟློག

[Full Size]

གཅོད་ཟློག་བཞུགས་སོ།། བྷྱོ་བྷྱོཿ ཕྱོགས་ཕྱོགས་དག་ཀྱང་ཕ་ཀི་ན། །ཉི་མ་ནུབ་ཕྱོགས་ཕ་ཀི་ན། །ཨོ་རྒྱན་ཡུལ་གྱི་ལྷོ་ནུབ་མཚམས། །ཨུ་ཙ་ལ་ཡི་དུར་ཁྲོད་ནས། །རི་བོ་ཐམས་ཅད་རུས་པའི་རི། །རྩི་ཤིང་ཐམས་ཅད་མདའ་དང་མདུང་། །འབབ་ཆུ་ཐམས་ཅད་ཁྲག་དང་རྣག །སྒྲ་སྐད་ཐམས་ཅད་བྷྱོ་དང་ཧཱུྃ། །ཁྲོ་བཅུ་རྒྱུ་བར་མི་ནུས་ཤིང་། །ཕྱག་ན་རྡོ་རྗེ་འཇིགས་པའི་སར། །རིགས་ལྔ་སངས་རྒྱས་བྱོན་པའི་གནས། །དེ་ལྟར་འཇིགས་པའི་དུར་ཁྲོད་ནས། །དབང་ཕྱུག་བདེ་གཤེགས་ཀུན་གྱི་ཡུམ། ། གཙོ་མཆོག་ཁྲོས་མ་གཤེགས་སུ་གསོལ། །རྡོ་རྗེ་ཕག་མོ་གཤེགས་སུ་གསོལ། །བདེ་ཆེན་དཀར་མོ་གཤེགས་སུ་གསོལ། །སེར་མོ་དོན་གྲུབ་གཤེགས་སུ་གསོལ། །དམར་མོ་སྒྲ་སྒྲོགས་གཤེགས་སུ་གསོལ། །སྣ་ཚོགས་མཐར་ཕྱིན་གཤེགས་སུ་གསོལ། །སངས་རྒྱས་མཁའ་འགྲོ་གཤེགས་སུ་གསོལ། །རྡོ་རྗེ་མཁའ་འགྲོ་གཤེགས་སུ་གསོལ། །རིན་ཆེན་མཁའ་འགྲོ་གཤེགས་སུ་གསོལ། །པདྨ་མཁའ་འགྲོ་གཤེགས་སུ་གསོལ། །ལས་ཀྱི་མཁའ་འགྲོ་གཤེགས་སུ་གསོལ། །དམ་ཚིག་མཁའ་འགྲོ་གཤེགས་སུ་གསོལ། །

[Full Size]

ཐམས་ཅད་མཁའ་འགྲོ་གཤེགས་སུ་གསོལ། །འཇིག་རྟེན་མཁའ་འགྲོ་གཤེགས་སུ་གསོལ། །བདེ་གཤེགས་མཁའ་འགྲོ་གཤེགས་སུ་གསོལ། །ཞིང་སྐྱོང་མཁའ་འགྲོ་གཤེགས་སུ་གསོལ། །ཤ་ཟ་མཁའ་འགྲོ་གཤེགས་སུ་གསོལ། །ལས་བྱེད་མཁའ་འགྲོ་གཤེགས་སུ་གསོལ། །ཁྲག་འཐུང་མཁའ་འགྲོ་གཤེགས་སུ་གསོལ། །མ་གཅིག་ལྷ་མོ་གཤེགས་སུ་གསོལ། །རྡོ་རྗེ་ལྷ་མོ་གཤེགས་སུ་གསོལ། །མ་གཅིག་སྲུང་མ་གཤེགས་སུ་གསོལ། །མ་གཅིག་ལབ་སྒྲོན་གཤེགས་སུ་གསོལ། །དམ་ཉམས་དགྲ་བགེགས་ཤ་ཁྲག་འདི་བཞེས་ལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཧཱུྃ། རྒྱ་གར་ཡུལ་གྱི་ཚུ་རོལ་ན། །བལ་བོད་ཡུལ་གྱི་ཕ་རོལ་ན། །ཤིང་གཉན་ན་ལ་གནས་ར་ནས། །མ་གཅིག་ལྷ་མོ་མེ་རུ་རྩེས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། ནཱ་ལེནྡ་ཡི་གནས་ར་ནས། །མ་གཅིག་ལྷ་མོ་རིན་ཆེན་མས། །

[Full Size]

སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །ཁྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། ཤིང་ལེ་ཁང་གི་གནས་ར་ནས། །མ་གཅིག་ལྷ་མོ་རིན་ཆེན་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། བཅོམ་ལྡན་རྡོ་རྗེ་ཕག་མོའི་སྤྱན་སྔར་ཌཱཀི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། །རྒྱ་གར་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུལ་བྱོན། །བྱད་ཁ་ཕུར་ཁ་ཟློག་པའི་ཕྲིན་

[Full Size]

ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། ས་རྡོར་གནས་པའི་ཌཱཀི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། མ་གྷར་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། ཨོ་རྒྱན་ཡུལ་གྱི་ཌཱཀྐི་མས། །སྔོན་ཡི་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། སྲིན་ཡུལ་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་

[Full Size]

ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། ཤར་ཕྱོགས་དུར་ཁྲོད་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །ཁྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་པོ་ཁཱ་རཾ་ཁཱ་ཧི། ཧཱུྃ། ལྷོ་ཕྱོགས་དུར་ཁྲོད་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། ནུབ་ཕྱོགས་དུར་ཁྲོད་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་

[Full Size]

བསྟབ་བོ་ཁཱ་རཾ་ཁཱ་ཧི། ཧཱུྃ། བྱང་ཕྱོགས་དུར་ཁྲོད་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། ཤར་ལྷོར་དུར་ཁྲོད་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། ལྷོ་ནུབ་དུར་ཁྲོད་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། ། ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། །ནུབ་བྱང་དུར་ཁྲོད་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་

[Full Size]

འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་ཁཱ་རཾ་ཁཱ་ཧི། ཧཱུྃ། བྱང་ཤར་དུར་ཁྲོད་གནས་པའི་ཌཱཀྐི་མས། །སྔོན་ཚེ་རྡོ་རྗེ་ཕག་མོའི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །མཆོད་ཅིང་འབོད་དོ་ད་ཚུར་བྱོན། །བྱད་ཁ་ཕུར་ཁ་ཟློག་པའི་ཕྲིན་ལས་མཛོད། །དབང་པོ་དོན་སྙིང་སྲོག་དབུགས་རྣམས། །ཞལ་དུ་བསྟབ་བོ་བཞེས་ཤིག་ཁཱ་རཾ་ཁཱ་ཧི། གཏོར་ཆུང་རེ་བཀྱག་ལ། ཧཱུྃ། དེ་ལྟར་བོས་ཤིང་མཚན་བསྟོད་ནས། །ད་ནི་བཟློག་བསྒྱུར་དུས་ལ་བབ། །བཟློག་ཅིག་མ་མོའི་མཐུ་བྱེད་ཟློག །བྱད་མ་རང་གཤེད་རང་ལ་ཕོབ། །དགྲ་བགེགས་བདུན་རྒྱུད་རྩད་ནས་ཆོད། །ཁྱད་མ་རང་གཤེད་རང་ལ་ཟློག །གདོན་བགེགས་ཐལ་བ་རྡུལ་དུ་རློག །སྣང་སྲིད་ལྷ་འདྲེའི་གདུག་རྩུབ་ཟློག །གཤིན་རྗེས་འཁོར་ལོ་བསྐོར་བ་ཟློག །མ་མོས་ཐུན་ཟོར་འཕེན་པ་ཟློག །ཡུངས་ཀར་ཁྲོ་བོས་རྦབ་ཟེར་ཟློག །བྱད་མ་ལྷ་དང་བཅས་པ་ཟློག །བནྡེས་སྔགས་ཟོར་འཕེན་པ་ཟློག །མགོན་པོས་འཁོར་ལོ་བསྐོར་བ་ཟློག །ཞང་ཞུང་ཛོ་དམར་

[Full Size]

འཕེན་པ་ཟློག །བོན་པོས་མཐུ་སྒྲུབ་བྱེད་པ་ཟློག །སྔགས་པས་གཏོར་ཟོར་འཕེན་པ་ཟློག །སྐྱེ་བོས་མདའ་ཟོར་འཕེན་པ་ཟློག །བུད་མེད་ནག་མོའི་དུག་ཟོར་ཟློག །མུ་སྟེགས་ངན་སྔགས་བྱེད་པ་ཟློག །བལ་པོའི་ངན་སྔགས་དམོད་པ་ཟློག །རྒྱ་གར་ཆོས་ཀྱི་ཐུན་ཟོར་ཟློག །རྒྱ་ནག་སྲིན་ཡུན་སུན་མ་ཟློག །དྲང་སྲོང་དམོད་པ་བྱེད་པ་ཟློག །ལམ་གྱི་ཕྲ་མེན་གཏོང་བ་ཟློག །སུམ་པའི་གླང་དམར་དམོད་པ་ཟློག །བོད་ཀྱི་ཆོད་གཏོང་བྱེད་པ་ཟློག །བྲམ་ཟེའི་སྔགས་རྒོད་དམོད་པ་ཟློག །དྲི་ཟས་མྱོས་ཤིང་འཐབ་པ་ཟློག །རྒྱལ་པོས་སྤོ་འབོག་གཏོང་བ་ཟློག །སྲིན་པོས་ཤཱ་ཁ་གཏོང་བ་ཟློག །ཀླུ་ཡིས་བྱེད་དུ་བཅུག་པ་ཟློག །བདུད་ཀྱིས་ཁྲམ་ལ་འདེབས་པ་ཟློག །བཙན་གྱིས་ཞགས་པ་འཕེན་པ་ཟློག །གནོད་སྦྱིན་རྩིས་ལ་འདེབས་པ་ཟློག །འབྱུང་པོས་བར་ཆད་བྱེད་པ་ཟློག །ཚེ་ཟོར་ཡུངས་ཟོར་འཕེན་པ་ཟློག །ཐེའུ་རང་སྲི་ལེ་རྐུ་བ་ཟློག །གློ་བུར་ཡེ་འདྲོགས་བྱེད་པ་ཟློག །བསེ་རག་སྲིད་ལ་རྐུ་བ་ཟློག །ཕ་ཚན་ནང་གི་རྒྱབ་འདྲེ་ཟློག །མ་ཚན་ནང་གི་སྟོང་འདྲེ་ཟློག །ཉེ་བ་ནང་གི་སྒེན་འདྲེ་ཟློག །ཁྱིམ་མཚེས་ངན་པའི་

[Full Size]

གནོད་འདྲེ་ཟློག །རྟ་ཕོ་སྲོད་ལ་འཚེར་བ་ཟློག །མཛོ་ཕོ་ང་དུར་བྱེད་པ་ཟློག །ཕྱུགས་ལ་ལྟས་ངན་ཁྲིད་པ་ཟློག །སྒོ་ཁྱིས་ངུ་ཟུག་བྱེད་པ་ཟློག །ཉིན་ཕྱེད་ཝ་མོ་བརྒྱལ་བ་ཟློག །འག་པས་ཧ་ཧ་ཟེར་བ་ཟློག །བཟའ་ཚང་འཐབ་རྩོད་བྱེད་པ་ཟློག །ཞལ་ལྕེ་ཁ་ཡོག་བྱེད་པ་ཟློག །ནད་མཚོན་གྲུ་གུ་འགྲིལ་བ་ཟློག །རང་མཚོན་རང་ལ་ཟུག་པ་ཟློག །རང་སྲོག་རང་གིས་གཅོད་པ་ཟློག །དགྲ་འཐབ་ཡུལ་གྱི་ལྟས་ངན་ཟློག །བདུད་བཙན་ཡོངས་ཀྱི་ལྟས་ངན་ཟློག །མ་མོའི་རིམས་ནད་གཏོང་བ་ཟློག །ཡམས་ནད་གག་ལྷོག་གཟེར་གསུམ་ཟློག །མི་ནད་ཡམས་ནད་སྣ་ཚོགས་ཟློག །རྟ་ནད་འཚེར་བཅུ་ཐམས་ཅད་ཟློག །ཕྱུགས་ཀྱི་གོད་ཡམས་ཐམས་ཅད་ཟློག ། ཡས་ནས་བདུད་ཁ་གཡོས་པ་ཟློག །མས་ནས་སྲི་ཁ་ལང་པ་ཟློག །ཕ་ཁུའི་དར་སྲི་ལང་བ་ཟློག །མ་སྲུའི་སྒབ་འདྲེ་ལང་བ་ཟློག །བྱིས་སྦའི་ཆུང་སྲི་ལང་བ་ཟློག །གསོན་པོའི་བདུད་ཁ་གཡོས་པ་ཟློག །གཤེད་ཀྱི་དུར་ས་ཕོག་པ་ཟློག །ཕོ་རུས་ཕྱོགས་ལ་འཐོར་བ་ཟློག །སྒྲུབ་ལ་མཚེ་ངན་འཐབ་པ་ཟློག །རྟ་ནད་ནོར་ནད་ཐམས་ཅད་ཟློག །

[Full Size]

ལོ་ནད་བཙའ་སད་སེར་གསུམ་ཟློག །ཡེ་འདྲོགས་སུམ་བརྒྱ་དྲུག་ཅུ་ཟློག །ནད་རིགས་བཞི་བརྒྱ་རྩ་བཞི་ཟློག །སྐག་རིགས་བདུན་བརྒྱ་ཉི་ཤུ་ཟློག །ལྟས་ངན་ཉི་ཁྲི་གཅིག ། སྟོང་ཟློག །བགེགས་རིགས་སྟོང་ཕྲག་བརྒྱད་ཅུ་ཟློག །དུས་མིན་འཆི་བ་བརྒྱད་ཅུ་ཟློག །རྨིས་ལྟས་མཚན་མ་ངན་པ་ཟློག །ཕྱི་ཡི་ལྟས་ངན་བརྒྱད་ཅུ་ཟློག །ནང་གི་ལྟས་ངན་བརྒྱད་ཅུ་ཟློག །བྷྱོ་བྷྱོ་ཟློག་ཟློག །སྡང་དགྲ་དམ་ཉམས་གྱི་སྟེང་དུ་ཐུན་ཟོར་ཕོབ་ཅིག །བྷྱོ་བྷྱོ་ཟློག་ཟློག །གཏོར་ཆུང་གཅིག་ལ་དཔལ་འབར་དང་བཅས་ཕྱོགས་གཙང་སར་དགྲ་ཕྱོགས་སུ་འབུལ་ལོ། །རཱ་ག་ཨ་སྱས་བྲིས་པ་དགེ། མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

དགྲ་ཕྱོགས་སུ་གཏོར་མ་འཕངས་ནས་དམོད་བཅོལ་བྱ་བ།

[Full Size]

དགྲ་ཕྱོགས་སུ་གཏོར་མ་འཕངས་ནས་དམོད་བཅོལ་བྱ་བ་ནི། འོ། མ་མཁའ་འགྲོ་ཆེན་མོ་ཁྱེད་རྣམས་ཀྱིས། དམ་ཉམས་པའི་དགྲ་བོ་ཆེ་གེ་མོའི་སྲོག་ཆོད་དབུགས་ལོང་། ཤ་ཟོ་ཁྲག་འཐུང་དགྲ་མཁར་ཤིག །དགྲ་ལ་ལྟས་ངན་ཐོངས། འོ་དོད་གནམ་ལ་འབོད་དུ་ཆུག །རྐང་ལག་སྡེར་བཞི་ས་ལ་གཡབ་ཏུ་ཆུག །རྒན་པ་སྡོང་རོལ་མེ་ཚིག་བཞིན་དུ་ཐོངས། བུ་སྲིང་ཧ་ལོ་སད་པ་བཞིན་དུ་ཐོངས། གཞོན་ནུ་ལྕུག་ཕྲན་བརྔས་པ་བཞིན་དུ་ཐོངས། བྲན་གཡོག་སྲན་ཕུང་གཏོར་བ་བཞིན་དུ་ཐོངས། ནོར་རྫས་ཐལ་བ་རླུང་ཆེར་བཞིན་དུ་ཐོངས། ཕོ་རྒྱུད་རྩད་ནས་ཆོད་ལ་ཤོག །མོ་རྒྱུད་མངལ་ནས་སྐེམ་ལ་ཤོག །ཡུགས་སས་རལ་ནག་བཤིག་ཏུ་ཆུག །བུ་ཚ་མིང་སྲིང་སྡུག་ཡུས་སྦྱང་དུ་ཆུག །ནད་ཀྱི་བདག་མོས་ནད་ཁ་ཆེ་ལ་ཐོངས། །རིམས་ཀྱི་བདག་མོས་རིམས་ཁ་ཤད་ལ་ཐོངས། །དལ་གྱི་བདག་མོས་དལ་ཀ་དགྲ་ལ་ཕོབ། །དགྲ་བོས་ཚོགས་དྲུག་ཡུལ་མཁར་ཁྱིམ་ལ་ཟོ། །ཉི་ཟླ་གཟའ་ཡིས་བཟུང་ལྟར་མདངས་དང་ཕྲོལ། །ལོ་ཏོག་ཟོར་བས་བྲེག་ལྟར་མགོ་བོ་ཆོད། །རྩི་ཐོག་སད་ཀྱིས་ཁྱེར་ལྟར་ཉམས་ཀྱིས་ཐོངས། །ར་ལ་སྤྱང་ཤོར་ལྟ་བུར་

[Full Size]

གཏོགས་ཀྱིས་ཁྱེར། །ནགས་ཚལ་ཡེལ་གྱིས་བརྡབ་ལྟར་བཀའ་ཆད་ཐོངས། ས་གཞི་ཐོག་གི་ཕུག་བཞིན་བདུན་རྒྱུད་ཆོད། །སྤང་ལ་མེ་ཆེན་ཤོར་ལྟར་རྗེས་མེད་ཐོངས། །ལུག་ཁྱུ་སྤྱང་ཀའི་གཏོར་ལྟར་ཕྱོགས་བཅུར་གཏོར། །བྱ་བྲན་ཁྲ་ཡིས་གཏོར་ལྟར་དུམ་བུར་ཐོངས། །རྒྱལ་པོའི་ཆད་པས་བཅད་ལྟར་མཐའ་ལ་སྤྱག །དགུ་སྦྲུལ་མེ་ཡིས་གཞོབ་ལྟར་རྗེས་མེད་ཐོངས། །ཆུ་གླིང་ཀླུ་དང་བྲལ་ལྟར་སྐྱབས་དང་ཕྲོལ། །སྐྱབས་བྲལ་གཤེད་མས་དེད་བཞིན་སྙིང་རྒལ་ཐོངས། །བོང་བ་རྦབ་པས་འགྲེལ་བཞིན་རྗེས་མེད་ཐོངས། །བདག་དང་འགྲས་པའི་སྡང་དགྲ་གནོད་བྱེད་རྣམས། །རྩད་ནས་ཆོད་ཅིག་དྲུང་ནས་མྱུར་དུ་ཕྱུང་། །བཅོལ་བའི་ལས་ལ་མཐུ་རྩལ་དྲག་ཏུ་བསྐྱེད། །བསྐལ་བའི་ལས་ལ་མ་གཡེལ་བརྩོན་འགྲུས་བསྐྱེད། །མངག་པའི་ལས་ལ་མགྱོག་ཐོབ་བང་མ་བུལ། །བཀའ་ཆད་མེ་སྟག་ཆུ་ལ་ཡལ་བཞིན་ཐོངས། །ལྷ་གང་ཡིན་གྱི་སྔགས་ལ་འདི་བཏགས། མ་མ་ཏྲག་རཀྵ་མ་ཏྲ་རུ་ཏྲ་སྙིང་ཁ་རག་ཐུན་བྷོ། སརྦ་དྷཱ་ཀི་ནི་རག་མོ་ཁ་ལ་ཁ་ཚེ། དགྲ་བོ་མཱ་ར་ཡ་ཐུན་བྷོ། དགྲ་བོའི་སྙིང་ཁྲག་ཚལ་པ་ཐུན་བྷོ། དགྲ་བོའི་སྙིང་ཁྲག་བམ་རིལ་ཐུན་བྷོ། དགྲ་བོའི་

[Full Size]

སྙིང་ཁྲག་ཧུར་ཐུམ་ཐུན་བྷོ། ཟློག་ཟློག ༈ འཕང་བསྲེགས་ལས་རིམ་ཚར་བའི་རྗེས་ལ། དགྲ་བགེགས་འགུགས་ཤིང་མནན་པ་ནི། སྡང་བར་བྱེད་པའི་དགྲ། གནོད་པར་། བྱེད་པའི་བགེགས། རྒྱལ་བསེན་དམ་སྲི་འགོང་པོ། སྒབ་འདྲེ་ཡུལ་འདྲེ་ཟ་འདྲེ་ཤི་གཤེད། ཐད་དུ་ལང་བའི་དགྲ་བོ་བྱད་མ་རྦད་འདྲེ་རྦོད་གཏོང་ཐམས་ཅད་གཏོར་གཞོང་རི་རབ་ཆེན་པོའི་འོག །རྒྱ་མཚོ་ཆེན་པོའི་གཏིང་། ཀླུ་རྒྱལ་ཆེན་པོའི་ཁ། སྡིག་པ་ནག་པོའི་ལྟོ་བར་ཁུག །ཛཿཧཱུྃ་བཾ་ཧོཿ དེའི་ཕྱི་ནས་གནམ་ལྕགས་ཀྱི་སྡིག་པ་ཕོ་མོ་གཉིས་ལྟོ་སྦྱར་བའི་ཕྱི་རིམ། སྦྲུལ་ནག་འདོམ་པ་དགུ་བརྒྱ་དང་བཅུ་གསུམ་གྲུ་གུ་ཆིངས་སུ་བཅིང་བར་གྱུར། དེའི་ཕྱི་རིམ་གནམ་ལྕགས་འཁོར་ལོ་རྩིབས་བརྒྱད་པ། ཞབས་སུ་ཟངས་ཀྱི་འཁོར་ལོ་རྩིབས་བརྒྱད་པ་གཉིས་ཁ་རྩེ་བསྣོལ་བའི་ཕྱི་རིམ། རྡོ་རྗེ་ནག་པོའི་ཐག་པས་གྲུ་གུ་ཆིངས་སུ་དཀྲིས་པར་གྱུར། སྟེང་དུ་ཟླ་བའི་དཀྱིལ་འཁོར་རྩིབས་འབུམ་དང་ལྡན་པ་ལ་ཆུ་ཁོལ་བ། འོག་ཏུ་ཉི་མའི་དཀྱིལ་འཁོར་རྩིབས་འབུམ་དང་ལྡན་པ་ལ་མེ་འབར་བ། དེ་གཉིས་ཉི་ཟླ་གའུ་ཁ་སྦྱོར་བའི་ཕྱི་རིམ་འོད་ཟེར་ཁ་དོག་སྣ་ཚོགས་ལྔས་གྲུ་གུ་བཞིན་དུ་བཅིང་།

[Full Size]

བར་གྱུར། དེའི་སྟེང་དུ་གནམ་ལྕགས་ཀྱི་རྡོ་རྗེ་རྒྱ་གྲམ་གཉིས་རྩེ་བསྣོལ་བའི་ཕྱི་རིམ། རྡོ་རྗེ་ནག་པོའི་ཐག་པས་གྲུ་གུ་བཞིན་དུ་བཅིང་བར་བསྒོམ། ཕཊཿ དེའི་སྟེང་དུ་ཡཾ་ལས་རླུང་གི་དཀྱིལ་འཁོར་ཟླ་གམ་ལྗང་གུ་སྟོང་གསུམ་དང་མཉམ་པ། དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་གྲུ་གསུམ་སྟོང་གསུམ་དང་མཉམ་པ། དེའི་སྟེང་དུ་ཁཾ་ལས་དབང་ཆེན་གསེར་གྱི་ས་གཞི་དཀྱིལ་འཁོར་གྲུ་བཞི་སེར་པོ་སྟོང་གསུམ་དང་མཉམ་པ། དེའི་སྟེང་དུ་ཧཱུྃ་ལས་ལྕགས་ཀྱི་རི་རབ་ནག་པོ་མཆོད་རྟེན་གྱི་རྣམ་པ་ཅན་ཁ་དོག་དང་བཅས་པ། །སྟོད་ན་ཡི་དམ་ལྷ་ཚོགས། བར་ན་ཡེ་ཤེས་ཀྱི་མཁའ་འགྲོའི་ཚོགས། སྨད་ན་འཇིག་རྟེན་སྲུང་མའི་ལྷ་ཚོགས་ཐམས་ཅད་བྲོ་གར་ཁྲིག་ཁྲིག་བྱེད་པར་གྱུར། ཧཱུྃ། ཁྲོ་བོ་ཁྲོ་མོས་བྲོ་བརྡུང་ཆེམས་སེ་ཆེམ། །དྲག་པོ་སྔགས་ཀྱི་སྒྲ་སྐད་དི་རི་རི། །མ་མོ་མཁའ་འགྲོས་གར་བྱེད་ཤིགས་སེ་ཤིག །ཕོ་ཉ་ལས་མཁན་རྒྱུག་སྡང་སྤྲེངས་སེ་སྤྲེང་། །དགྲ་བགེགས་ཤ་ཁྲག་དུམ་བུ་ཐ་ར་ར། །མཆེད་ལྕམ་རོལ་པའི་འཆམ་སྟབས་ལམས་སེ་ལམ། །མནན་ཅིང་གཟིར་བ་ལས་ཀྱི་དོན་ཆེན་འགྲུབ། །ཇི་སྲིད་སངས་རྒྱས་བསྟན་པ་གནས་ཀྱི་བར། །

[Full Size]

དེ་སྲིད་དགྲ་བགེགས་གནོད་བྱེད་གདུག་པ་ཅན། །བསྐལ་པ་སྟོང་གི་བར་དུ་མ་སྐྱེ་ཅིག །མ་སྡང་ཞིག །སརྦ་ཤ་ཏྲུཾ་ཨ་མུ་ཀ །ཨོཾ་ལཾ་ཐུཾ་དང་། སྟྭཾ་བྷ་ཡ། ནཱ་ཤ་ཡ། མཱ་ར་ཡ་ཧཱུྃ་ཕཊཿ གཅིག་ནི་ཐིག་ལེ་ཉག་གཅིག་རྒྱ། །གཉིས་ནི་ཐབས་ཤེས་ཟུང་འཇུག་རྒྱ། །གསུམ་ནི་སྐུ་གསུམ་ལྷུན་གྲུབ་རྒྱ། །བཞི་ནི་ཚད་མེད་བཞི་ཡི་རྒྱ། །ལྔ་ནི་ཡེ་ཤེས་ལྔ་ཡི་རྒྱ། །དྲུག་ནི་ཕ་རོལ་ཕྱིན་དྲུག་རྒྱ། །བདུན་པ་ཡན་ལག་བདུན་གྱི་རྒྱ། །བརྒྱད་ནི་རྣམ་ཐར་བརྒྱད་ཀྱི་རྒྱ། །དགུ་ནི་ཐེག་པ་དགུ་ཡི་རྒྱ། །བཅུ་ནི་ས་བཅུ་ནོན་པའི་རྒྱ། །དོན་རྟག་གཉིས་མེད་རྒྱས་གདབ་བོ། །ཞེས་མི་དམིགས་པས་རྒྱས་གདབ་བོ། །ཞེས་རཱ་ག་ཨ་སྱས་མཛད་པའོ།། །།

ཟངས་རི་འབར་བ་མཆེད་བདུན་གྱི་གསོལ་ཁ་མཆོད་འབུལ།

[Full Size]

ཟངས་རི་འབར་བ་མཆེད་བདུན་གྱི་གསོལ་ཁ་མཆོད་འབུལ་བཞུགས་སོ།། རང་ཉིད་དབྱིངས་ཕྱུག་མཁའ་འགྲོར་གསལ་བའི་མདུན། །བྷྲཱུཾ་ལས་བཙན་མཁར་ཟུར་བཞི་ལོགས་བརྒྱད་པ། །ཕྱི་རོལ་དུར་ཁྲོད་ཁྲག་མཚོ་མེ་རླུང་འཚུབ། །དུར་ཕག་ཁྱི་སྤྱང་གཅན་གཟན་ངར་སྐད་འདོན། །ཤན་པ་ལས་བྱེད་མཚོན་ཐོགས་རྔམ་ཞིང་རྒྱུག །དུར་བྱ་ཤ་ཟན་མཁའ་ལ་ལྡིང་ཞིང་རྔམས། །དེ་དབུས་ཕོ་བྲང་འབར་བའི་ནང་ཤེད་ན། །པད་ཉི་རུ་ཏྲ་དགྲ་བགེགས་བསྣོལ་བའི་སྟེང་། །ཆོས་སྐྱོང་རྒྱལ་པོ་ཟངས་རི་འབར་བ་ནི། །དྲག་པོ་བཙན་གྱི་རྒྱལ་པོ་མདུང་དམར་ཅན། །སྐུ་མདོག་དམར་པོ་ཁྲག་ལྟར་དམར་བའི་འོད། །ཞལ་གདངས་ལྗགས་འདྲིལ་སྤྱན་བགྲད་མཆེ་བ་གཙིགས། །དབུ་སྐྲ་དམར་སེར་གྱེན་བརྫེས་སྦྲུལ་གྱིས་བཅིངས། །གཡས་གཡོན་བཙན་མདུང་ཞགས་པ་མདའ་གཞུ་འགེངས། །གསེར་ཁྲབ་རྨོག་ཞུ་སྟག་རལ་གཟིག་ཤུབས་དང་། །འཁོར་གསུམ་བརྗིད་ལྡན་དར་དམར་བེར་ཆེན་གསོལ། །བཙན་རྟ་དམར་པོ་རླུང་གཤོག་རྒྱན་ལྡན་ལ། །མི་ལྕགས་སྟག་ལྤགས་བསེ་སྒྲ་གཡུ་མཐུར་དང་། །གསེར་སྲབ་སྦྲུལ་ནག་གློ་འཁྱུད་གོང་སྨད་བྱས། །རྩིས་བྱང་

[Full Size]

ཁྲམ་ཤིང་མགོ་སྙིང་ནང་ཁྲོལ་རྒྱན། །འཁོར་ཚོགས་སྡེ་བརྒྱད་དྲེགས་པ་འབུམ་གྱིས་བསྐོར། །དེ་ལྟར་གསལ་བའི་གནས་གསུམ་འབྲུ་གསུམ་ལས། །འོད་འཕྲོས་ཕོ་བྲང་ཟངས་ལྟརིའི་གནས་མཆོག་ནས། །འབར་བ་སྤུན་བདུན་སྡེ་བརྒྱད་དྲེགས་པའི་ཚོགས། །སྤྱན་དྲངས་དམ་ཚིག་ཡེ་ཤེས་དབྱེར་མེད་གྱུར། །ཨ་ཡ་མ་དུ་རུ་ཙ་ཤ་ནི་ས་མ་ཡ་ཛཿཛཿ སྤྱན་འདྲེན་པ་ནི། །བྷྱོཿ ཕྱོགས་ཕྱོགས་དག་ཀྱང་ཕ་ཀི་ན། །རི་གཉན་ཟངས་རི་འཁྱིལ་པ་ནས། །བཙན་རྒོད་འབར་བ་སྤུན་བདུན་ནི། །རྗེ་བཙུན་ལབ་སྒྲོན་བཀའ་ཉན་པོ། །ཆོས་སྐྱོང་རྒྱལ་པོ་མདུང་དམར་ཅན། །ལྷ་སྲིན་སྡེ་བརྒྱད་དཔུང་དང་བཅས། །སངས་རྒྱས་བསྟན་པ་བསྲུང་བ་དང་། །རྣལ་འབྱོར་ཕྲིན་ལས་བཅོལ་བའི་ཕྱིར། །མ་ལུས་འདིར་གཤེགས་སྤྱནའདྲེན་ནོ། །མ་ཐོགས་མྱུར་དུ་སྤྱན་འདྲེན་ནོ། །ཨ་ཡ་མ་དུ་རུ་ཙ་ཤ་ན་ས་པཱ་རི་ཝ་ར་བཛྲ་ས་མ་ཛཿ བཞུགས་སུ་གསོལ་བ་ནི། བྷྱོཿ ཟངས་རི་བཙན་རྒོད་མདུང་དམར་ཅན། །དམག་དཔོན་ཆེན་པོ་སྐུ་མཆེད་བདུན། །སངས་རྒྱས་བསྟན་པ་བསྲུང་ཕྱིར་དང་། །རྣལ་འབྱོར་ཕྲིན་ལས་བཅོལ་བའི་ཕྱིར། །ལྷ་སྲིན་སྡེ་བརྒྱད་དཔུང་དང་

[Full Size]

བཅས། །དུར་ཁྲོད་བཙན་མཁར་ཕོ་བྲང་འདིར། །དགྱེས་ཤིང་མི་གཡོ་བརྟན་པར་བཞུགས། །བཛྲ་ས་མ་ཡ་ཏིཥྛ་ལྷན། ཕྱི་ཡི་མཆོད་པ་འབུལ་བ་ནི། ཧཱུྃ། ། ཟངས་རི་བཙན་རྒོད་མདུང་དམར་ཅན། །དམག་དཔོན་ཆེན་པོ་འཁོར་བཅས་ལ། །ཕྱི་ཡི་མཆོད་པ་འབུལ་བ་ནི། །མེ་ཏོག་བདུག་སྤོས་མར་མེ་དྲི། །ཞལ་ཟས་སྒྲ་སྙན་རོལ་མོ་སོགས། །ཕྱི་ཡི་མཆོད་པ་སྣ་ཚོགས་འབུལ། །ཨོཾ་བཛྲ་པུཥྤེ་ནས་ཤབྡ་ཨཱཿཧཱུྃ། བར་བརྗོད། ནང་མཆོད་ནི། ཧཱུྃ། ཟངས་རི་བཙན་རྒོད་མདུང་དམར་ཅན། །དམག་དཔོན་ཆེན་པོ་འཁོར་བཅས་ལ། །ནང་གི་མཆོད་པ་འབུལ་བ་ནི། །སྨན་རཀ་བདུད་རྩིའི་གཏོར་མ་དང་། །དྲི་ཆེན་དྲི་ཆུ་གསུར་ཆེན་དང་། །རྐང་གླིང་ཐོད་པའི་རྔ་སྒྲ་སོགས། །ནང་གི་མཆོད་པ་སྣ་ཚོགས་འབུལ། །མ་ཧཱ་པཉྩ་པཱུ་ཛ་ཧོ། གསང་མཆོད་འབུལ་བ་ནི། ཧཱུྃ། ཟངས་རི་བཙན་རྒོད་མདུང་དམར་ཅན། །དམག་དཔོན་ཆེན་པོ་འཁོར་བཅས་ལ། །གསང་བའི་མཆོད་པ་འབུལ་བ་ནི། །མི་ཤ་རྟ་ཤ་ཁྱི་ཤ་དང་། །གློ་སྙིང་ནང་གྲོལ་སྲོག་དབུགས་དང་། །བྱང་སེམས་དཀར་དམར་ལ་སོགས་པ། །གསང་བའི་མཆོད་པ་སྣ་ཚོགས་

[Full Size]

འབུལ། །བོ་དྷི་ཙིཏྟ་པཱུ་ཛ་ཧོ༔ ཧཱུྃ། སངས་རྒྱས་བསྟན་པ་སྲུང་བ་དང་། །རྣལ་འབྱོར་ཚེ་སྲོག་བསྲིང་ཕྱིར་དང་། །སྒྲུབ་པའི་བར་ཆད་བསལ་བའི་ཕྱིར། །དམ་ཉམས་དགྲ་བོ་འདུལ་བའི་ཕྱིར། །ཕྱི་ནང་གསང་བའི་མཆོད་པ་བཞེས། །སྐུ་གསུང་ཐུགས་ཀྱི་རྒྱུད་མཉེས་ནས། །སྔོན་ཚེ་ལབ་སྒྲོན་བཀའ་བཞིན་དུ། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་ཨཱཿཧཱུྃ་མ་ཧཱ་མཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་ཀཾ་ནི་རི་ཏི་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ལྟ་ཧཱ་ཨ་མྲྀ་ཏ་ལ་ཁཱ་ཧི། མ་ཧཱ་བ་ལིཾ་ཏ་ལ་ཁཱ་ཧི། མ་ཧཱ་པཱུ་ཛ་ལ་ཁཱ་ཧི། མ་ཧཱ་ག་ཎ་ཙཀྲ་ལ་ཁཱ་ཧི། དེ་ནས་བསྟོད་པ་ནི། བྷྱོཿ ཟངས་རི་བཙན་རྒོད་མདུང་དམར་ཅན། །དམག་དཔོན་ཆེན་པོ་སྐུ་མཆེད་བདུན། །ལྷ་སྲིན་སྡེ་བརྒྱད་དཔུང་དང་བཅས། །སངས་རྒྱས་བསྟན་པ་སྲུང་བ་དང་། །རྣལ་འབྱོར་སྐུ་ཚེ་བསྲིང་བ་དང་། །དམ་ཉམས་དགྲ་བགེགས་བསྒྲལ་བའི་ཕྱིར། །དམག་དཔོན་འཁོར་དང་བཅས་ལ་བསྟོད། །དེ་ནས་གཏོར་མ་འབུལ་བ་ནི་དམར་གཏོར་ཆེ་བ་གཅིག་ལ་ཆུང་བ་དྲུག་གིས་བསྐོར་མཐར་མཐེབ་སྐྱུ་དང་ཤ་སྣ་སྙིང་སྣས་བརྒྱན། བདུད་རྩི་ས་བྲན་

[Full Size]

ལ། ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་གཏོར་མ་སྨན་རཀ །དགྲ་བགེགས་བསྒྲལ་བ་ལ་སོགས་པ་ལས་བྱུང་བའི་གཏི་མུག་ཤའི་རི་བོ། །འདོད་ཆགས་ཁྲག་གི་རྒྱ་མཚོ། ཞེ་སྡང་རུས་པའི་བྲག་རི། འདོད་པའི་ཡོན་ཏན་ལྔ་དང་ལྡན་པ་རབ་ཏུ་གཙང་ཞིང་ཡིད་དུ་འོང་བ་འདི་བསྔོ་ཞིང་འབུལ་བའི་གནས་སུ་གྱུར་པ་ནི། །མ་གཅིག་ལབ་ཀྱི་སྒྲོལ་མའི་བཀའ་སྲུང་ཆེན་པོ་ཟངས་རི་འབར་བ་དམག་དཔོན་ཆེན་པོ་མཆེད་བདུན། བཙན་འཁོར་སུམ་བརྒྱ་དྲུག་ཅུ། ཡང་འཁོར་ལྷ་མ་སྲིན་སྡེ་བརྒྱད། གཡའ་བཙན། བྲག་བཙན། ཆུ་བཙན། སྤང་བཙན། གངས་བཙན། གཉན་བཙན། ལ་བཙན། ལུང་བཙན་ལ་སོགས་པ་བཙན་གྱི་སྡེ་ཚོགས་མ་ལུས་པའི་ཞལ་དུ་འབུལ་ལོ། །ཕ་རོལ་གྱི་མི་དང་མི་མ་ཡིན་གྱིས་བསམ་ངན་འཆང་བའི་བྱད་མ་དཀོར་ནོར་རྐུ་འཕྲོག་བཅོམ་གསུམ་བྱེད་པའི་དགྲ་བགེགས་ཀྱི་མི་ནོར་རྟ་ཕྱུགས་དང་བཅས་པའི་ཤ་ཁྲག་རུས་གསུམ་ལ་ཨི་དཾ་བ་ལིཾ་ཏ་ཁ་ཁ་ཁཱ་ཧི། ཨོཾ་ཨཱཿཧཱུྃ་ཧ་ཧོ་ཧྲཱིཿསྭཱ་ཧཱཿ ལན་གསུམ་བརྗོད་ལ་འབུལ་བ་ནི། ཨ་ཡ་མ་དུ་རུ་ཙ་ཤ་ན་ས་མ་ཡ་དགྲ་བགེགས་ཀྱི་མ་ཧཱ་མཾ་ས་ལ་ཁཱ་ཧི། མ་ཧཱ་རཀྟ་

[Full Size]

ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་ཀཾ་ནི་རི་ཏི་ལ་ཁཱ་ཧི། མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ཧཱ་ཨ་མྲྀ་ཏ་ལ་ཁཱ་ཧི། མ་ཧཱ་བ་ལིཾ་ཏ་ལ་ཁཱ་ཧི། མ་ཧཱ་པཱུ་ཛ་ལ་ཁཱ་ཧི། མ་ཧཱ་ག་ཎ་ཙཀྲ་ལ་ཁཱ་ཧི། བཞེས་ལ་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་གྱི་སྡེ་སྐྱོངས། དམ་པའི་ཆོས་མི་ནུབ་པའི་རྒྱལ་མཚན་ཕྱོར། རྣལ་འབྱོར་བདག་ཅག་དཔོན་སློབ་ཡོན་མཆོད་ཀྱི་མི་ནོར་རྟ་ཕྱུགས་དང་བཅས་པའི་རྐྱེན་ཕྱི་ནང་གི་ནད་གདོན་བར་ཆད་ཞི་བ་དང་། མཐུན་རྐྱེན་ཚེ་བསོད་དཔལ་འབྱོར་ཐམས་ཅད་འཕེལ་ཞིང་རྒྱས་པ་དང་། ཁྱད་པར་དུ་རྔོག་ཆགས་རྟ་རྣམས་འཕེལ་ཞིང་རྒྱས་པ་དང་། དར་ཞིང་རྒྱས་ལ་ཡུན་རིང་དུ་གནས་པ་དང་། སངས་རྒྱས་ཀྱི་བསྟན་པའི་སྙིང་པོ་ཐམས་ཅད་གཅིག་ཏུ་འདུས་པ་གཅོད་ཡུལ་ཕྱག་རྒྱ་ཆེན་པོའི་བསྟན་པ་དར་ཞིང་རྒྱས་པ་དང་། དེ་དག་ལ་བར་དུ་གཅོད་པར་བྱེད་པའི་གཟུགས་ཅན་གཟུགས་མེད་ཀྱི་དགྲ་ཇག་ཆོམ་རྐུན་ཅེ་སྤྱང་ལ་སོགས་ཀྱི་ཉེར་འཚེ་ལོག་འདྲེན་གྱི་གནོད་པ་ཐམས་ཅད་བསྲུང་བ་དང་། ཟློག་པ་དང་། ཚར་གཅོད་པའི་ཕྲིན་ལས་ཐམས་ཅད་ཡིད་བཞིན་དུ་བསྒྲུབ་།

[Full Size]

ཏུ་གསོལ། ཞེས་ཟངས་རི་མཆེད་བདུན་གྱི་གསོལ་མཆོད་བསྟན་དགྲ་ཚར་གཅོད་འདི། ཨ་རཱ་གས་སྦྱར་བའོ། །བྷ་ཝནྟུ།། །།༈ གཏོར་མ་དམར་གཏོར་ཞིག་ལ་གཙོ་འཁོར་བདུན་གྱིས་བསྐོར་བ་བྱའོ།། ཧཱུྃ། བཙན་རྒོད་འབར་བ་མི་སྲུན་པ། །མི་དམར་རྟ་དམར་དམག་ཆས་ཅན། །བ་དན་མདུང་དམར་མེ་ལྟར་འབར། །བཙན་རྟ་དམར་པོ་རླུང་ལྟར་མགྱོགས། །ཟངས་རི་འབར་བ་སྤུན་བདུན་པོ། །བཙན་འཁོར་སུམ་བརྒྱ་དྲུག་ཅུ་བཅས། །འབྲུག་སྒྲ་ལྡིར་ཞིང་གློག་འོད་འཁྱུག །ཐོག་སྒྲ་ཆེམ་ཆེམ་སེར་བ་འབེབས། །འདིར་གཤེགས་བརྒྱན་པའི་གཏོར་མ་བཞེས། །མ་གཅིག་ལབ་སྒྲོན་སྤྱན་སྔར་རུ། །ཁས་བླངས་དམ་བཅའ་དྲན་མཛོད་ལ། །གཅོད་ཡུལ་བསྟན་པ་སྲུང་བ་དང་། །གཅོད་མཁན་བདག་གིས་སྡོང་གྲོགས་མཛོད། །ཡིད་ལ་གནག་པའི་དགྲ་བོ་ལ། །མི་སྡུག་རྟགས་དང་ཆོ་འཕྲུལ་སྟོན། །བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་འདི་འང་ཨ་རཱ་གས་མཛད་པའོ། །ཤུ་བྷཾ། །

ཟངས་རིའི་བསྐུལ་བ།

[Full Size]

ན་མོ་གུ་རུ་དེ་ཝ་ཌཱཀི་ཡེ། འདིར་རྣལ་འབྱོར་པ་ལ་བསྟན་དགྲ་གློ་བུར་དུ་བྱུང་ན། གཅོད་ཚོགས་ཞག་གཅིག་གཉིས་བྱས་ནས་ཚོགས་ཀྱི་ལྷག་མའི་སྐབས་སུ། ལྷག་མ་དེ་དང་དགྲ་བོ་དབྱེར་མེད་དུ་བསམས་ལ། ལྷག་མའི་ནང་དུ་ཟངས་རི་བཙན་རྒོད་འབར་བ་སྤུན་བདུན་ལ་བཙན་དམག་དུང་ཕྱུར་གྱིས་བསྐོར་བ། དེ་རྣམས་མངའ་གསོལ་དུས་གཏོར་མ་གཅིག །ལྷག་མ་དང་བཅས་ཟངས་ཐེབ་ནང་དུ་བཞག །གཏོར་མ་དེའི་སྟེང་དུ་བཙན་བྱ་དམར་པོ། མདུན་དུ་བཙན་མི་དམར་ཅན་ཁ་ཤོ །རྒྱབ་ཏུ་ཁྱི་དམར། བཟང་དྲུག་དང་མཚལ་ལམ་གྲི་ཁྲག་གིས་ངར་བླུད་ལ། ར་ཤ་ར་ཁྲག་ར་ཚིལ་གྱིས་དུད་པ་བཅས་བཏང་ལ། རང་བསྲུང་། བདག་བསྐྱེད་ནི། ཨ་མྲྀ་ཏས་བསང་། །སྲ་བྷ་ཝས་སྦྱང་། སྟོང་པའི་ངང་ལས་རང་ཉིད་རྗེ་བཙུན་རྡོ་རྗེ་རྣལ་འབྱོར་མར་བསྒོམ་པའི་སྤྱི་བོར། མ་གཅིག་མ་བསྐྱེད་པའི་ཐུགས་ཀའི་རྩ་དམར་པོ་ལས་འོད་ཟེར་ལྕགས་ཀྱུ་ལྟར་ཏུ་འཕྲོས་པས། ཟངས་རི་བཙན་རྒོད་སྐུ་མདོག་དམར་པོ་ཞལ་གཅིག་ཕྱག་གཉིས་པ། ཟངས་ཀྱི་མདུང་ཐུང་བསྣམས་པ། ཆིབས་སུ་ཟངས་རྟ་དམར་པོ་ལ་ཆིབས་པ། སྐུ་ལ་བསེ་ཁྲབ་དང་། དབུ་ལ་བསྲེ་རྨོག་བྱ་རུའི་འཕྲུ་བཙུགས་པ། མི་དམར་སྔོན་དུ་འབྲང་བ། བྱ་དམར་ཀླད་ན་ལྡིང་བ། ཁྱི་དམར་རོལ་དུ་ཁྲིད་པ། དེ་འདྲ་བའི་འཁོར་ཚོགས་དཔག་ཏུ་

[Full Size]

མེད་པ་དགྲ་བོའི་སྟེང་དུ་རྒྱུག་པར་བསམས་ལ། དེ་ལ་འབོད་རྦད་བསད་གསུམ་གྱི་སྔགས་འདི་ཉེར་གཅིག །བདུན་གཉིས་བདུན་ནམ་གང་རུང་བཟླས་མཚམས་བཙན་མངོན་སུམ་དུ་རང་མདུན་དུ་འབྱུང་བར་བསམ་ཞིང་། བླ་འགུགས་པ་ནི། ན་མོ། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། མ་གཅིག་ལབ་ཀྱི་སྒྲོལ་མའི་བཀའ་བདེན་པ་དང་། གྲུབ་ཐོབ་གཅོད་ཡུལ་བརྒྱུད་པའི་ལྷ་ཚོགས་འཁོར་དང་བཅས་པ་རྣམས་ཀྱི་བཀའ་བདེན་པ་དང་། རྣལ་འབྱོར་བདག་གི་སྔགས་དང་ཕྱག་རྒྱ་ཏིང་ངེ་འཛིན་དང་། ཆོས་ཉིད་འགྱུར་བ་མེད་ཅིང་རྒྱུ་འབྲས་བསླུ་བ་མེད་པའི་བཀའ་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས། དམ་ཉམས་དགྲ་བོ་འདི་གར་གནས་གར་ཡོད་ཀྱང་དྲག་པོ་ལས་ཀྱི་གཏོར་མ་འདི་དང་གཉིས་སུ་མེད་པར། བླ་སྲོག་རྣམ་པར་ཤེས་པ་འདིར་ཁུག་ཅིག ཛཿཧཱུྃ་བཾ་ཧོཿ ལན་གསུམ་གྱིས་བཀུག་གཞུག་བྱ། དེ་ནས་དགྲ་བོ་དེའི་བླ་སྲོག་རྣམ་པར་ཤེས་པ་དེ། བཙན་རྒོད་འབར་བས་མངོན་སུམ་དུ་ཟ་བར་བསམས་ལ། སྔགས་འདི་ལན་བདུན་བཟླ། ཨོ་ཙ་ཏྲི་ཧུར་ཐུམ་ཕཊཿ དེ་ནས་འབོད་སྔགས་ནི་འདིའོ།། ཏྲིག་ཧུར་ཐུམ་ཕཊཿ ཟད་སྔགས་སོ།། ཏྲིག་ཧུར་ཐུམ་མཱ་ར་ཡ་ཕཊཿ བསད་

[Full Size]

སོ། །ཨོཾ་ཙ་ཏྲི་ཧུར་ཐུམ་ན་ན་ཏྲི་ནན། མཱ་ར་ཡ་ནན་ཕཊཿ ཨེ་ཧུར་ཐོ་ཧྲིལ་རྦད་རྦད་སྭཱ་ཧཱ། ཞུགས་སྔགས་སོ།། ཨོ་ཙ་ཏྲ་ཧུར་ཐུམ་ཨི་དཾ་བ་ལི་ཏ་ལ་ཁ་ཁ་ཁཱ་ཧི་ཁཱ་ཧི། །ཟས་སྔགས་འདི་བཟླ་ཚེ། དགྲ་བོ་དེའི་སྙིང་ཁྲག་ཟངས་ཀྱི་སྤུ་གུས་འཐུང་ཞིང་། དོན་སྙིང་ཙིཏྟ་ཁྱེར་བ་དང་། ལྤགས་གཞི་དམར་པོ་ས་ལ་བརྡབ་པ་སོགས་དམིགས་པ་གལ་ཆེ། དེ་ནས་འདི་སྐད་དོ། ཧཱུྃ། གནས་ཟངས་རི་མཁར་དམར་གྱི་དགོན་པ་ནས། །སྲོག་གཟན་ཤན་པ་མཆེད་གཉིས་ལ། །བཙན་རྒོད་དམར་པོ་མདུང་ཐུང་ཅན། །ཆིབས་སུ་བཙན་རྟ་དམར་པོ་ཆིབས། །སྐུ་ལ་བསྲེ་ཁྲབ་དམར་པོ་གསོལ། །དབུ་ལ་བསྲེ་རྨོག་དམར་པོ་གསོལ། །རྨོག་ཕོར་བྱ་རྒོད་དང་རུ་བཙུགས། །ཀླད་ན་བྱ་དམར་ལིངས་སེ་ལིང་། །མདུན་ན་མི་དམར་འབྲངས་སེ་འབྲང་། །རྒྱབ་ན་ཁྱི་དམར་ཁངས་སེ་ཁང་། །བཙན་ཆས་འཁོར་གསུམ་དགྲ་ལ་ཡ། །བཙན་ཞགས་དམར་པོ་རྒྱངས་སེ་ང་། །བཙན་མདུང་དམར་པོ་ལྷབས་སེ་ལྷབ། །བཙན་རྟ་དམར་པོ་རྒྱངས་སེ་རྒྱང་། །བཙན་བྱ་དམར་པོ་ཟངས་སེ་ཟང་། །བཙན་ཁྱི་དམར་པོ་ཁངས་སེ་ཁང་། །བཙན་དམག་བྱེ་བ་དུང་ཕྱུར་བཅོས། །དམར་གྱི་གཏོར་མ་འདི་བཞེས་ལ།

[Full Size]

སྔོན་ཚེ་ཡུམ་གྱི་བཀའ་ལུང་བཞིན། །སྡང་བྱེད་དགྲ་ལ་རྟགས་ཕྱུངས་ཤིག །གནོད་བྱེད་བགེགས་ལ་ལས་མཛོད་ཅིག །ཡིད་ལ་བརྣག་པའི་དགྲ་བོ་ལ། །གློ་ཚད་དྲག་པོ་ཐུང་ལ་ཤོག །སྙིང་ཁྲག་དྲོན་མོ་ཞལ་དུ་གསོལ། །དོན་སྙིང་དམར་ཙར་ཁྱེར་ལ་ཤོག །པགས་གཞི་དམར་པོ་ས་ལ་རྡོབ། །ཀླད་ཁྲག་འདྲེས་མ་ཞལ་དུ་གསོལ། །ཞག་གསུམ་ཕན་ལ་མི་འགྱང་བར། །ཞག་གསུམ་ཚུན་ལ་འགྱང་གྱུར་ན། །མ་དང་ང་ཡི་བཀའ་ལས་འདས། །བཀའ་ལ་མ་འདའ་ས་མ་ཡ། །རི་ཁྲོད་འགྲིམ་པའི་གྲོགས་དན་མཛོད། །མོས་གུས་ཅན་གྱི་བུ་སློབ་སྐྱོང་། །སྟོང་ཉིད་བསྒོམ་པའི་ཡོན་བདག་མཛོད། །གནོད་ཅིང་འཚེ་བའི་དགྲ་བོ་སྒྲོལ། །བཅོལ་བའི་ཕྲིན་ལས་འགྲུབ་པར་མཛོད། །ཅེས་འབོད་རྦད་བསད་གསུམ་གྱི་སྔགས་བཟླའོ། །དེ་ལྟར་བྱས་པས་དགྲ་བོ་དེ་ལོ་ཟླ་མ་འགྱང་བར་བཙན་གྱིས་གློ་ཚད་དྲག་པོ་བཏང་ནས་མྱུར་དུ་འཆི་བར་འགྱུར་རོ། །སྡུག་ཐུག་མ་གཏོགས་མི་བྱའོ། །ཤིན་ཏུ་བཀའ་གཉེན་པོ་གཅོད་ཀྱི་ལྷག་མའི་སྐབས་སུ་དམིགས་པ་མཚོན་ཆ་ལྟ་བུ་ཤིན་ཏུ་སྡིག་ཆེ་བས་གནས་སུ་སྦས་ཡོད། རྗེ་དྲུང་སྐྱིད་ཀུན་དགའ་རྣམ་རྒྱལ་གྱིས་གསུངས་ཀྱང་བདག་སྔགས་འཆང་རཱ་ག་ཨ་སྱས་མིང་གིས་བསྟན་དགྲ་འདུལ་བའི་སླད་དུ་ཁོལ་དུ་ཕྱུང་བ་ཡིན། གསེར་སྲང་གང་གི་བཀའ་རྒྱ་ཡོད། མངྒ་ལཾ། །

གཅོད་ཀྱི་ལྷག་མའི་ལས་བྱང་།

[Full Size]

གཅོད་ཀྱི་ལྷག་མའི་ལས་བྱང་བཞུགས་སོ། །འདིར་གཅོད་ཀྱི་ལྷག་མའི་མཚམས་སུ་ལས་བྱང་དང་བསྐུལ་བ་ཤིན་ཏུ་གནད་ཆེ་བ་མན་ངག་ཞལ་ཤེས་ཡིན་ལ། སྐྱེ་མེད་སྤྲོས་བྲལ་གྱི་ངང་ནས་འདི་སྐད་དོ། །ན་མོ་གུ་རུ། དེང་ནས་བཟུང་སྟེ་བླ་མ་དཀོན་མཆོག་གསུམ། །ངེས་པར་སྙིང་ནས་སྐྱབས་གསོལ་སེམས་བསྐྱེད་ནས། །ཚད་མེད་བཞི་པོས་སྣང་སྲིད་ཟིལ་གྱིས་གནོན། །བདག་གིས་རྫོགས་བྱང་ཉིད་ལ་འགོད་པར་བྱ། །ཕཊ་ཕཊཿ ཕྱི་ནང་ཆོས་རྣམས་སྟོང་པའི་རང་བཞིན་ལ། །རང་ཉིད་མ་གཅིག་ལབ་སྒྲོན་སྐུ་མདོག་དམར། །ཞལ་གཅིག་སྤྱན་གསུམ་ནམ་མཁའི་མཐོངས་ལ་གཟིགས། །སྐུ་ལུས་གཅེར་བུར་རུས་པའི་རྒྱན་དྲུག་གསོལ། །ཕྱག་གཡས་ལྕགས་ཀྱུས་ཁམས་གསུམ་དབང་དུ་སྡུད། །གཡོན་པས་ཁ་ཊྭཱཾ་མི་རྐང་གླིང་བུ་འབུད། །བུས་པས་སྣང་སྲིད་ལྷ་འདྲེ་དབང་དུ་སྡུད། །དབུ་སྐྲ་སིལ་མའི་གསེབ་ནས་ཕག་ཞལ་ངུར། །སྐྱིལ་ཀྲུང་ཕྱེད་པའི་སྟབས་ཀྱིས་བཾ་གདན་བཞུགས། །རིགས་བཞིའི་མཁའ་འགྲོ་འབུམ་གྱི་དབུས་ན་རོལ། །རང་ཉིད་ལྷར་གསལ་གནས་གསུམ་འབྲུ་གསུམ་ལས། །འོད་འཕྲོས་རང་བཞིན་གནས་ནས་མ་གཅིག་མ། །ཛཿཧཱུྃ་བཾ་ཧོཿས་

[Full Size]

གཉིས་སུ་མེད་པར་གྱུར། །མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མ་ལུས་འཇོམས་མཛད་པའི། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །མ་གཅིག་འཁོར་བཅས་གནས་འདིར་གཤེགས་སུ་གསོལ། །ཛཿཧཱུྃ་བཾ་ཧོཿདམ་ཚིག་གཉིས་མེད་གྱུར། །དབང་ལྷ་རིགས་ལྔ་སྤྱན་དྲངས་དབང་བསྐུར་ནས། །དབང་རྟག་མི་བསྐྱོད་པ་ཡིས་དབུ་བརྒྱན་གྱུར། །རང་ཉིད་མཁའ་འགྲོ་མ་རྣམས་ཐམས་ཅད་ཀྱི། །སྤྱི་བོར་ཨོཾ་དཀར་མགྲིན་པར་ཨཱཿདམར་པོ། །ཐུགས་ཀར་ཧཱུྃ་མཐིང་ལྟེ་བར་ཐཾ་དམར་པོ། །དེ་བཞིའི་མཐའ་མར་ཧ་རི་ནི་ས་དང་། །མཐའ་མར་སྔགས་ཀྱིས་གཡས་སུ་བསྐོར་བར་གྱུར། །རང་གི་ཐུགས་ཀའི་ཧཱུྃ་ལས་འོད་འཕྲོས་པས། །ཕྱོགས་བཅུའི་རྒྱལ་བ་སྲས་བཅས་མ་ལུས་དང་། །དཔའ་བོ་མཁའ་འགྲོ་ཀུན་གྱིས་བྱིན་རླབས་བསྡུས། །འོད་ཟེར་ཚུར་འདུས་རང་ལ་ཐིམ་པར་གྱུར། །དམིགས་པ་དེ་ཡི་ངང་ལས་བསྙེན་པ་བྱ། །ཨོཾ་ཨཱཿཧཱུྃ་བཾ་གུ་རུ་ཧ་རི་ནི་ས་སིདྡྷི་ཧཱུྃ། མ་ཡེངས་པར་བཟླ། རྟོགས་ཚད་ལྡན་པའི་རྣལ་འབྱོར་པས། མཁའ་འགྲོ་སྡེ་བརྒྱད་ཀྱི་བསྐུལ་བ་བྱེད་ན། ལྷག་མ་ལ་བདེན་སྟོབས་དྲག་ཏུ་བརྗོད་ལ། བྷན་དྷའི་སྣོད་དུ་ལྷག་གཏོར་ཤ་

[Full Size]

ཁྲག་གི །ཕུང་པོ་འདོད་ཡོན་ལྔ་ལྡན་རྒྱ་མཚོར་གྱུར། ཕཊ་ཕཊཿ ཧཱུྃ། མ་ཡུམ་ཆེན་ཐུགས་ལས་སྤྲུལ་པའི་ལྷ། །མ་གཅིག་ཇོ་མོ་རྣལ་འབྱོར་མ། །ཕ་རོལ་ཕྱིན་པའི་གྲུབ་ཐོབ་མ། །སྐལ་ལྡན་ཀུན་གྱི་རྒྱུད་གྲོལ་མ། །མ་ཐུགས་དམ་བསྐུལ་ལོ་ཕྲིན་ལས་མཛོད། །ཀྱཻ། མ་སངས་རྒྱས་མཁའ་འགྲོ་གཤིན་རྗེ་མོ། །དཀར་མོ་ཀེང་རུས་མཆེ་བ་གཙིགས། །ཕྱག་ན་ཟངས་ཀྱི་ཐོད་ཁྲག་བསྣམས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །ཀྱཻ། མ་ཤར་ཕྱོགས་གཏུམ་དྲག་དུར་ཁྲོད་ནས། །རྡོ་རྗེ་མཁའ་འགྲོ་འཇིགས་གཟུགས་ཅན། །དཀར་མོ་ཀེང་རུས་བྲོ་བརྡུང་ཞིང་། །ཕྱག་ན་གྲི་གུག་ཐོད་ཁྲག་བསྣམས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །ཀྱཻ། ལྷོ་ཕྱོགས་གད་རྒྱངས་དུར་ཁྲོད་ནས། །རིན་ཆེན་མཁའ་འགྲོ་གཟི་བརྗིད་ཅན། །སེར་མོ་ཀེང་རུས་བརྐྱང་བསྐུམ་བཞུགས། །ཕྱག་ན་རིན་ཆེན་ཐོད་ཁྲག་བསྣམས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །ཀྱཻ། ནུབ་ཕྱོགས་

[Full Size]

པདྨ་འཁྱིལ་བའི་དུར་ཁྲོད་ནས། །པདྨ་མཁའ་འགྲོ་དྲི་མེད་མ། །དམར་མོ་ཀེང་རུས་ཕྱེད་སྐྱིལ་བཞུགས། །ཕྱག་ན་པདྨ་ཐོད་ཁྲག་བསྣམས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །ཀྱཻ། བྱང་ཕྱོགས་ཀི་ལ་སྒྲོགས་པའི་དུར་ཁྲོད་ནས། །ལས་ཀྱི་མཁའ་འགྲོ་བདེ་བ་ཅན། །ལྗང་མོ་ཀེང་རུས་འདོར་ཐབས་བཞུགས། །ཕྱག་ན་རྒྱ་གྲམ་ཐོད་ཁྲག་བསྣམས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །ཤར་ལྷོ་རབ་འཇིགས་དུར་ཁྲོད་ནས། །དམ་ཚིག་མཁའ་འགྲོ་དམིགས་པ་ཅན། །དཀར་སེར་ཀེང་རུས་བརྐྱང་བསྐུམ་བཞུགས། །ཕྱག་ན་ལྕགས་ཀྱུ་ཐོད་ཁྲག་བསྣམས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །ལྷོ་ནུབ་གཏུམ་པོའི་དུར་ཁྲོད་ནས། །སྣ་ཚོགས་མཁའ་འགྲོ་མི་ཐུབ་མ། །དམར་སེར་ཀེང་རུས་བརྐྱང་བསྐུམ་བཞུགས། །ཕྱག་ན་ཐོད་དབྱུག་བྷནྡ་ཐོགས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །ནུབ་བྱང་རབ་རྒྱུའི་དུར་ཁྲོད་ན། །

[Full Size]

ཐམས་ཅད་མཁའ་འགྲོ་ཀུན་རྒྱུ་མ། །དམར་ལྗང་ཀེང་རུས་མཆེ་བ་གཙིགས། །ཕྱག་ན་ཐོ་བ་བྷནྡྷ་ཐོགས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །བྱང་ཤར་གཏུམ་དྲག་དུར་ཁྲོད་ནས། །རྒྱུད་འཛིན་འཇིག་རྟེན་མཁའ་འགྲོ་མ། །དཀར་ལྗང་ཀེང་རུས་བརྐྱང་བསྐུམ་བཞུགས། །ཕྱག་ན་ཁ་ཊཾ་བྷན་བསྣམས། །ལྷག་མའི་གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །སྲིད་པའི་མ་མོ་བྱེ་བ་འབུམ། །དམག་དཔུང་བསྐྱེད་ལ་རུ་མཚོན་ཕྱིར། །ལྷག་མའི་བདག་མོ་སྐུ་སྐྱོད་ཅིག །འཁོར་གྱི་མཁའ་འགྲོ་ཅི་ལ་སྡོད། །སྲིད་པའི་མཁའ་འགྲོ་ཅི་ལ་སྡོད། །སྣང་སྲིད་མཁའ་འགྲོ་ཅི་ལ་སྡོད། །མཁའ་འགྲོ་ཅི་ལ་སྡོད། །དགྲ་བོའི་ཡུལ་དུ་ལྷག་གཏོར་ཁྱེར། །དགྲ་བོའི་ཡུལ་མཁར་རྨིང་ནས་བསྐྱེལ། །དགྲ་བོའི་བདུན་རྒྱུད་རྩད་ནས་ཆོད། །སྟེང་གི་ཕོ་ལ་ལྷག་ག་ཁྱེར། །འོག་གི་མོ་ལ་ལྷག་གཏོར་ཁྱེར། །མཆེན་གྱི་བུ་ལ་ལྷག་གཏོར་ཁྱེར། །སྒོ་ཡི་ནོར་ལ་ལྷག་གཏོར་ཁྱེར། །དགྲ་བོའི་བདུན་རྒྱུད་རྩད་ནས་ཆོད། །ལྷག་གཏོར་འདི་དང་

[Full Size]

དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །བཻ་ཌཱཀྐི་རག་མོ་ཁ་ལ་དུན་རྩེ་ཨུཙིཏྟཾ་བྷཀྵ་ཁ་དུན་ཨི་དཾ་བྷ་ལི་ཏ་ཁཱ་ཧི་ཁཱ་ཧི། ཞེས་ལྷག་མའི་བསྐུལ་པ་འདི། ཤུལ་གསང་། །དུག་མཚོན་འདྲ་བའི་མན་ངག་འདི། །སྔགས་རྒན་རཱ་ག་ཨ་སྱས་སྦྱར་བའོ། །ཉེས་འགལ་མཆིས་ན་མཁའ་འགྲོའི་ཚོགས་ལ་བཤགས། །དགེ་བས་ཡུམ་ཆེན་གོ་འཕང་མྱུར་ཐོབ་ཤོག །སརྦ་མངྒ་ལཾ།།

གཅོད་ཀྱི་ལྷག་མའི་མན་ངག་མཐའ་གཏད་བསྟན་དགྲ་ཚར་གཅོད།

[Full Size]

གཅོད་ཀྱི་ལྷག་མའི་མན་ངག་མཐའ་གཏད་བསྟན་དགྲ་ཚར་གཅོད་བཞུགས་སོ། །ན་མོ་པྲཛྙཱ་པཱ་ར་མི་ཏ་ཡེ། མ་གཅིག་ཌཱཀྐིས་བཀའ་གནང་བྱིན་གྱིས་རློབས། །ཤ་ཟ་དམ་ཚིག་འཇིག་རྟེན་མཁའ་འགྲོ་དང་། །ལས་བྱེད་ཌཱཀྐི་མཁའ་འགྲོ་རྣམས་ལ་འདུད། །གཅོད་ཀྱི་ཚོགས་ལས་ལྷག་མའི་ཞལ་ཤེས་ལ། །གཅོད་ནི་ཕ་རྒྱུད་མ་རྒྱུད་རྒྱུད་སྡེ་མང་ཡོད་ཀྱང་། །ལྷག་མའི་ལས་ཚོགས་དམིགས་རིམ་ཉུང་བསྡུས་པ། །དང་པོ་གཉན་ཁྲོད་འགྲིམ་པ་གཅེས། །གཉན་ཁྲོད་བརྒྱ་རྩ་མ་འགྲིམས་ན། །ཤ་ཟ་མཁའ་འགྲོ་ལས་ལ་བསྐུལ་མི་ནུས། །བསྐུལ་ན་རང་གཞན་གཉིས་ཀ་ཕུང་ཉན་ཡོད། །དམ་ཚིག་མེད་པའི་མི་ལ་བསྟན་གྱུར་ན། །མཁའ་འགྲོ་ཆོས་སྐྱོང་ཟངས་རི་ཟླ་སྐྱོང་དང་། །བཀའ་སྲུང་རྣམས་ལ་གཏད་དོ་ཐུབ་པར་སྲུངས། །དམ་ལ་མ་འདའ་རྡོ་རྗེ་དམྱལ་བར་ལྟུང་། །མ་གཅིག་དམ་ལ་མ་འདའ་ས་མ་ཡ། །དང་པོ་གཅོད་ཚོགས་གཞུང་ལྟར་བྱས་ནས། ཚོགས་བརྒྱ་ལ་ལྷག་མ་བརྒྱ། ལིང་བརྒྱ་ལ་ཆེ་བ་གཅིག་གི་ས་ཁོག་ཏུ་དུག་ཤོག་སོར་བརྒྱད་ལས་མི་ཆུང་བ་ཞིག་ལ་ལིངྒ་གཞུང་ལྟར་བྲིས་ལ་སྙིང་ཁར་རྨི་ཡིག་གི་མཐར། སངས་རྒྱས་བསྟན་ལ་གནོད་པ། བླ་མའི་སྐུ་ལ་བསྡོ་བའི་དགྲ་བོ། རྣལ་འབྱོར་བདག་ལ་ལྷ་མེད་ཟེར་བ། དོ་བསྡོ་བ་ཕོད་བཙུགས་པའི་དམ་ཉམས་པའི་དགྲ་བོ་ཐམས་ཅད་ལྷག་མའི་ལིངྒ་འདི་ལ་ཁུག་ཅིག །ཛཿ ཤ་ཟ་མཁའ་འགྲོ་རྣམས་ཀྱིས་ཤ་ཟ་ཞིང་།

[Full Size]

ཚོགས་ལྷག་མའི་ལིངྒ་འདི་ལ་ཁུག་ཅིག །ཨཾ་ཀུ་ཤ་ཛཿ ཁྲག་འཐུང་མཁའ་འགྲོ་རྣམས་ཀྱི་ཁྲག་འཐུང་ཞིང་ལྷག་མའི་ལིངྒ་འདི་ལ་ཁུག་ཅིག །ཨོཾ་ཀུ་ཤ་ཛ་ཛདབང་ཕྱུག་མ་མོ་རྣམས་ཀྱིས་ཁྲོམ་ལ་ཐོབ་ཅིག་ལྷག་མའི་ལིངྒ་འདི་ལ་ཁུག་ཅིག །ཨོཾ་ཀུ་ཤ་ཛ་ཛ༔ ཤ་ཏྲི་ཛ་རྣ་ཏྲི་ཁུག །སྒེའི་སེམས་དང་བག་ཆགས་ངནཔ་ཐམས་ཅད་མཱ་ར་ཡ་ཕཊ། ལྟེབ་ཁུག་གང་བདེ་བྱས་ལ་ལིངྒ་ཆེ་བའི་ཁོག་པར་བཅུག་ལ་ལིངྒ་ལ་ཟག་རྫས་རྙེད་ཚད་བྱུག་ལ། རྒྱུན་དུ་ལྷག་མ་དགུ་བཅུ་གོ་དགུར་འགུགས་གཞུག་ལྷ་དབྱེ་འགུགས་བསྟིམས་མང་དུ་བྱ་ཞིང་། ལས་བྱེད་མ་ཡི་སྤྲུལ་པ་ཀེང་རུས་ཀྱི་གཟུགས་ཅན་གྱི་སྤྲུལ་པ་མགོ་བརྙན་ཅན་ཕྱག་གཡས་གཡོན་གཉིས་ཀྱིས་ཐོད་ཁྲག་དང་དམ་ཉམས་སྙིང་ཁྲག་འཐུང་བས་སྟེང་འོག་ཕྱོགས་མཚམས་ཁྱབ་པར་སྤྲོས་ལྷག་མའི་དགྲ་བོ་གར་གནས་ཀྱང་ལྷག་མ་ལ་ཐིམ་པར་དམིགས། འོག་མིན་མཁའ་སྤྱོད་ནས་ཤ་ཟ་མཁའ་འགྲོ་མས་ལྷག་གཏོར་དགྲ་བོར་དམིགས་ནས་ཁྱེར་བར་དམིགས། རྡོ་རྗེ་རིགས་ཀྱི་ལས་བྱེད་མ་ཀེང་རུས་ཀྱི་གཟུགས་ཅན། རིན་ཆེན་རིགས་ཀྱི་ཁྲག་འཐུང་མ་ཀེང་རུས་ཀྱི་གཟུགས་ཅན། པདྨ་རིགས་ཀྱི་ལས་བྱེད་མ་ཀེང་རུས་ཀྱི་གཟུགས་ཅན། ལས་ཀྱི་རིགས་ཀྱི་ལས་བྱེད་མ་ཀེང་རུས་ཀྱི་གཟུགས་ཅན་མ་མང་པོས་ལྷག་གཏོར་དགྲ་བོ་གཉིས་སུ་མེད་པར་ཟ་ཞིང་ལས་བྱེད་པར་བསམ། རྒྱས་པར་བྱེད་ན་ཀེང་རུས་མ་བརྒྱད་བསྐུལ་པ་བྱ། དེ་མི་བྱེད་ན་ཤ་ཟ་ཁྲག་འཐུང་གསོད་

[Full Size]

བྱེད་ལས་བྱེད་ཀེང་རུས་ཀྱི་གཟུགས་ཅན་མང་པོས་ལྷག་གཏོར་དང་དགྲ་བོ་ལྷག་མ་མེད་པར་བཞེས་པར་བསམ། རྗེས་ནས་ཚོགས་མཆོད་བསྐང་བ་བཤགས་པ་ཡིག་བརྒྱ་མང་དུ་བྱ་ཞིང་ཉམས་ལེན་གྱི་ངོ་བོ་སྐྱོངས་བ་གལ་ཆེའོ། །ཤིན་ཏུ་གཉན་པ་ལྷག་མའི་བསད་ལས་དྲུང་པ་རིན་པོ་ཆེའི་ཐུགས་བཞེད་དམ་ཚིག་མི་ལྡན་པ་སྣོད་དང་མི་ལྡན་པ། དམ་ཉམས་སྡིག་ཅན་གྱི་ལག་ཏུ་འཆར་ཉེན་ཡོད་དགོངས་ནས་གཅོད་ཀྱི་ལྷག་མའི་ལས་མཐའ་མང་ན་རང་གཞན་གཉིས་ཀ་དམ་ཚིག་ཉམས་ནས་རྡོ་རྗེ་དམྱལ་བར་འགྲོ། མཁའ་འགྲོའི་བསད་སྔགས་འདི་ལྷག་མའི་གོང་དུ་དམིགས་པ་དང་ལྡན་པས་བརྒྱ་སྟོང་བཟླ་བ་མན་ངག་གོ །མི་ཡི་གོ་མི་རུང་བ་དམ་ཚིག་གོ །ཨ་ཧ་རི་ནི་ས་ཏྲི་མཱ་ར་ཡ་ཆད་ཙིཏྟ་ཙིཏྟ་ཡ་མ་ཁྲག་ཚལ་པ་བཻ་རིལ་ནག་པོ་ཏི་པ་རཀྟ་སོད། སྙིང་ལ་ཧུར་ཐུ་རཀྟ་སོད། ཀཱི་ལ་ཡ་རྦད་རྦད་སོད་སོད། མོ་ཧ་ཡ་ར་སོད་སོད། རྨེའི་ཤ་རུས་ཁྲག་ལ་རྦད་རྦད། །ཙིཏྟ་ཕྱུང་ཕྱུང་མཱ་ར་ཡ་ཛ་ཛཿ ཞེས་དམིགས་པ་དང་བཅས་པས་བརྒྱ་སྟོང་བཟླ་ཞིང་ལྷག་མའི་དམིགས་རིམ་གཞུང་ལྟར་བྱས་ནས་ཚངས་པའི་ཚེ་དང་ལྡན་ན་ཡང་། ཟླ་བ་གཅིག་ལས་འགྱང་མི་སྲིད། ཤ་ཟ་མཁའ་འགྲོའི་དམ་ཚིག་དང་། འཇིག་རྟེན་མཁའ་འགྲོ་ལས་བྱེད་མཁའ་འགྲོ་དབང་ཕྱུག་མ་རྣམས་ཀྱིས་ལྷག་མ་དང་མཉམ་དུ་མཁའ་སྤྱོད་དུ་ཁྱེར་ནས་མ་མོ་མཁའ་འགྲོ་རྣམས་ཀྱིས་རྨི་ལམ་དུ་ལུང་བསྟན་སྙམ། རྨི་ལམ་ངེས་པ་མེད་ཀྱང་ལྷག་མའི་ལྟ་བ་དང་ལྡན། །

[Full Size]

མ་མོ་ཡི་སྲོག་སྔགས་འདི། དམིགས་པ་དང་ལྡན་པས་གཞུང་བཞིན་བྱས་ན་སྒྲོལ་བར་ངེས་པ་ཐེ་ཚོམ་མེད། ཆོས་མཛད་སྐྱེས་བུ་གཉོམ་ཆུང་འགའ་ལ་ཕན་ཕྱིར་རཱ་ག་ཨ་སྱས་སྦྱར་བའོ། །ཉེས་འགལ་མཆིས་ན་མཁའ་འགྲོ་རྣམས་ལ་བཤགས་ཤིང་། བསྟན་དགྲ་ལོག་འདྲེན་ཐམས་ཅད་ཚར་བཅད་ནས། དགེ་བས་བདེ་ཆེན་ཞིང་ཁམས་བགྲོད་པར་ཤོག སུ་ལ་མ་བསྟན་མཁའ་འགྲོའི་བཀའ་ཆད་འོང་། །ཨྠྀི།

གཅོད་ལུགས་ཆར་འབེབས་ཟབ་ཅིང་སྟབས་བདེ་བ།

[Full Size]

མཚོ་རྒྱལ་མ་གཅིག་བླ་མ་རྗེ་ལ་འདུད། །གཅོད་ལུགས་ཆར་འབེབས་ཟབ་ཅིང་སྟབས་བདེ་བ། །ལུས་སྦྱིན་དམིགས་པ་དམར་འགྱེད་མང་དུ་བྱ། །རང་གི་པགས་པ་བཏིང་ནས་འཛམ་གླིང་ཁྱབ། །དེའི་སྟེང་དུ་ཀླུ་དང་གཞི་བདག་ལྷ་འདྲེ་ཐམས་ཅད་ཁྲོམ་ལྟར་འདུས་པ་ལ། ཤ་ཁྲག་རང་རང་གི་ཅི་འདོད་པའི་ལོངས་སྤྱོད་དུ་གྱུར་ནས་བྱིན་པས་དགའ་མགུ་ཡི་རང་། རང་ཁྲོས་མའམ་ཕག་མོ་རི་རབ་ཙམ་དུ་གྱུར་པའི་ཞལ་ནས་ད་ལྟ་ཆར་ཕོབ། ཅེས་བཀའ་བསྒོས་པས། ལྷ་འདྲེ་ཐམས་ཅད་ཀྱི་བུ་ག་ཐམས་ཅད་དང་བ་སྤུ་ཐམས་ཅད་ནས། །ན་བུན་དང་ཆར་ཞོད་ཕྱུ་རུ་རུ་བྱུང་། འཇིག་རྟེན་སྤྱི་དང་རང་གི་འདོད་པའི་ས་དེར། ཆུ་སྐྱོགས་ཆེན་པོའི་སྔོ་ལྟེམ་མེ་གང་བར་བྷེ། དམིགས་པ་གསལ་ཞིང་བརྟན་ན། ཞག་གསུམ་ལས་འགྱང་མི་སྲིད་པར་གསུངས་སོ། །དགོང་མོ་རང་སེང་གདོང་མར་སྒོམ་པའི་ཞབས་འོག་ན་རླུང་ལྷ་དང་ཚོར་བཀག་པའི་འདྲེ་ངན་ཐམས་ཅད་ཚུད་པ་ཞབས་ཀྱི་འོག་ཏུ་མནན་པས། ཁབ་ས་ལ་བརྡབས་པ་ལྟར། རིམ་དགུ་སའི་འོག་ཏུ་སོང་བར་བསྒོམ། སེང་གདོང་མའི་སྔགས་ཕྲེང་སྐོར་དང་ཐབ་བརྡེབ་བྱ། ཆར་བབས་ནས་གཏང་རག་དཀར་གཏོར་ཕུལ། རང་

[Full Size]

སྤྱན་རས་གཟིགས་ནམ་མཁའ་ཁྱབ་པའི་ཕྱག་གཡས་ནས་བདུད་རྩི་འོ་མ་ལྟ་བུ་ཆུ་ཆེན་ལྟར་བབས་ཀླུ་དང་གཞི་བདག་ཐམས་ཅད་ཀྱིས་ཁྲུས་བྱས་པ་དང་འཐུང་པས། སོ་སོའི་ནད་དང་སྡུག་བསྔལ་ཐམས་ཅད་ཞི། བདེ་སྐྱིད་བཀྲག་མདངས་ཕུན་སུམ་ཚོགས། དགའ་ཞིང་ཡིག་དྲུག་འདོན་ཏེ་རང་གནས་སུ་སོང་བར་བསྒོམ། རྟོགས་ལྡན་དར་རྒྱས་དང་། སྟོབས་བཅུ་སོགས་ལ་ཕན་པའི་ཕྱིར། ཟབ་ཅིང་དོན་བསྡུས་གོ་བདེ་བར། རཱ་ག་ཨ་སྱས་ངག་ནས་སྨོས་པ་ལྟར། བེ་ཁྲོ་དཀར་པོས་བྲིས་པས་འགྲོ་ཕན་དཔག་ཏུ་མེད་པར་གྱུར་ཅིག། །།

གཅོད་ཀྱི་ས་འབེབས་བཀྲ་ཤིས་དགེ་ལེགས་རབ་རྒྱས།

[Full Size]

གཅོད་ཀྱི་ས་འབེབས་བཀྲ་ཤིས་དགེ་ལེགས་རབ་རྒྱས་ཞེས་བྱ་བ་བཞུགས་སོ། །མ་གཅིག་ལབ་ཀྱི་སྒྲོལ་མའི་སྐུ་ལ་འདུད། མ་ཎི་ཚ་ཁང་གཤིན་དུར་ཐུན་མོང་དུ་ས་འབེབས་བྱེད་པ་ལ། ས་མིག་ལེགས་པར་བཙལ་ནས། དང་པོ་དཀར་འགྱེད་དམར་འགྱེད་དམིགས་པ་བྱ། དེ་ནས་མདའ་དར་གཡས་དང་། འཇོར་གཡོན་དར་སྣ་སྲོག་དང་མཐུན་པས་སྐད་དར་རྒྱབ་ཅིང་། ཤར་རམ་ལྷོ་ཕྱོགས་ལ་ཁ་རྒྱུ་ནས་འདོན་སྒོམ་སྦྲགས། ཕཊཿ རང་ཉིད་སྐད་ཅིག་གིས་ཁྲོས་མ་ནག་མོ་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་ཤིང་སྐུ་གྲོལ་བ། དུར་ཁྲོད་ཆས་བརྒྱད་དང་ལྡན་པའི་ཐུགས་ཀ་ནས། །རང་འདྲ་བའི་ས་འོག་སྤྱོད་པའི་ལྷ་མོ་གསེར་གྱི་མདངས་དང་ལྡན་པ་ཞིག་འཕྲོས། ས་འོག་ཏུ་སྤྱོད་པས་ས་འདིར་གནས་པ་རྣམས་གོམ་པ་དགུ་དགུའི་སར་དགྱེས་པར་འཁོད། ས་འོག་རྒྱ་མཚོའི་ཁ་ནས་ས་གཡང་ཀླུའི་ནོར་བུ་བསམ་འགྲུབ་རྒྱ་མཚོ་འོད་འབར་བ་གཅིག་ཡར་གྱི་ས་ལ་ཐིམ་པར་གྱུར། ཕཊ་ཕཊ་ཕཊཿ རྐང་པ་གཡོན་པས་ས་མིག་ནས་མནན་ཏེ། ཕཊཿ རང་ཉིད་ཁྲོས་མའི་སྐུ་སྨད་གསེར་གྱི་ཕུར་པ་ལ་ཡེ་ཤེས་ལྔ་ཡི་འོད་འབར་བ་ཞིག་ཏུ་གྱུར། ས་མིག་འདི་ལ་སྒབ་འདྲེ་བྱེད་པའི་ས་སྲིན་གནོད་བྱེད་སྡིག་པ་རྭ་ཅན་གྱི་གཟུགས་ཅན་དེ་ལ་

[Full Size]

བདག་དང་ཡོན་བདག་གི་ནད་གདོན་བར་ཆད་ཐམས་ཅད་ཐིམ་པར་གྱུར། སྐུ་སྨད་ཕུར་པའི་དབལ་གྱིས་འཛེར་ནས་དུག་ལྔ་ཡེ་ཤེས་ལྔའི་འོད་ཀྱིས་བསྲེགས། ཕུར་ཤམ་ནས་རླུང་བུས་པས་འབྱུང་བ་བཞི་བརྩེགས་ས་ཡི་འོག་ཏུ་བཏང་། ཕཊ་ཕཊ་ཕཊཿ རང་གཞན་མཁའ་འགྲོ་རིགས་ལྔའི་གཙོ་དང་འཁོར། །རིམ་པར་བསྐུལ་ནས་ཤར་ནས་གཡས་བསྐོར་གྱིས། །ཀྱཻ། མ་ཤར་རྡོ་རྗེ་རིགས་ཀྱི་མཁའ་འགྲོ་མ། །དཀར་མོ་དུང་གི་ཐོར་ཚུགས་ཅན། །དར་དང་ཆེན་རུས་པའི་རྒྱན་གྱིས་སྤྲས། །འཁོར་ཡང་དཀར་མོ་འབུམ་གྱིས་བསྐོར། །མ་མཁའ་འགྲོའི་མཐུ་དང་བྱིན་རླབས་ཀྱིས། །ཤར་ཕྱོགས་ས་གཡང་དངོས་གྲུབ་རྣམས། །འོད་དཀར་པོའི་རྣམ་པར་བཅུད་བསྡུས་ལ། །ས་གཞི་འདི་ལ་ཐིམ་པར་གྱུར། །ཕཊ་ཕཊ་ཕཊཿ ཀྱཻ། མ་ལྷོ་རིན་ཆེན་རིགས་ཀྱི་མཁའ་འགྲོ་མ། །སེར་མོ་གསེར་གྱི་ཐོར་ཙུགས་ཅན། །དར་དང་རིན་ཆེན་རུས་པའི་རྒྱན་གྱིས་སྤྲས། །འཁོར་ཡང་སེར་མོ་འབུམ་གྱིས་བསྐོར། །མ་མཁའ་་འགྲོའི་མཐུ་དང་བྱིན་རླབས་ཀྱིས། །ལྷོ་ཕྱོགས་ས་པ་ཡང་དངོས་གྲུབ་རྣམས། །འོད་སེར་པོའི་རྣམ་པར་བཅུད་བསྡུས་ལ། །ས་གཞི་འདི་ལ་ཐིམ་པར་གྱུར། །ཕཊ་ཕཊ་ཕཊཿ ཀྱཻ།

[Full Size]

མ་ནུབ་པདྨ་རིགས་ཀྱི་མཁའ་འགྲོ་མ། །དམར་མོ་བྱི་རུའི་ཐོར་ཚུགས་ཅན། །དར་དང་རིན་ཆེན་རུས་པའི་རྒྱན་གྱིས་སྤྲས། །འཁོར་ཡང་དམར་མོ་འབུམ་གྱིས་བསྐོར། །མ་མཁའ་འགྲོའི་མཐུ་དང་བྱིན་རླབས་ཀྱིས། །ནུབ་ཕྱོགས་ས་གཡང་དངོས་གྲུབ་རྣམས། །འོད་དམར་པོའི་རྣམ་པར་བཅུད་བསྡུས་ལ། །ས་གཞི་འདི་ལ་ཐིམ་པར་མཛོད། །ཕཊ་ཕཊ་ཕཊཿ ཀྱཻ། མ་བྱང་ལས་ཀྱི་རིགས་ཀྱི་མཁའ་འགྲོ་མ།་།ལྗང་མོ་གཡུ་ཡི་ཐོར་ཚུགས་ཅན། །དར་དང་རིན་ཆེན་རུས་པའི་རྒྱན་གྱིས་སྤྲས། །འཁོར་ཡང་ལྗང་མོ་འབུམ་གྱིས་བསྐོར། །མ་མཁའ་འགྲོའི་མཐུ་དང་བྱིན་རླབས་ཀྱིས། །བྱང་ཕྱོགས་ས་གཡང་དངོས་གྲུབ་རྣམས། །འོད་ལྗང་གུའི་རྣམ་པར་བཅུད་བསྡུས་ལ། །ས་གཞི་འདི་ལ་ཐིམ་པར་མཛོད། །ཕཊ་ཕཊ་ཕཊཿ ཀྱཻ། མ་དབུས་སངས་རྒྱས་རིགས་ཀྱི་མཁའ་འགྲོ་མ། །སྔོན་མོ་མུ་མིན་ཐོར་ཚུགས་ཅན། །དར་དང་རིན་ཆེན་རུས་པའི་རྒྱན་གྱིས་སྤྲས། །འཁོར་དུ་སྔོན་མོ་འབུམ་གྱིས་བསྐོར། །མ་མཁའ་འགྲོའི་མཐུ་དང་བྱིན་རླབས་ཀྱིས། །དབུས་ཕྱོགས་ས་གཡང་དངོས་གྲུབ་རྣམས། །འོད་སྔོན་པོའི་རྣམ་པར་བཅུད་བསྡུས་ལ། །

[Full Size]

ས་གཞི་འདི་ལ་ཐིམ་པར་གྱུར། །ཕཊ་ཕཊ་ཕཊཿ ས་འདི་གསེར་གྱི་ཕུང་པོ་འོད་འབར་བ་ཞིག་ཏུ་གྱུར། །ཕཊ་ཕཊ་ཕཊཿ དམིགས་པ་ནི་རང་གི་རྐང་མཐིལ་གཡོན་འོག་ཐིམ་ནས་ས་བཅུད་འབྱུང་བ་ལྔའི་སྙིང་པོ་འོད་ཟེར་ལྔའི་མདངས་ལྡན་གྱེན་དུ་དྲངས་ནས་སྤྱི་བོ་མན་ཆད་གང་བས་ཚེ་བསོད་རྒྱས་ཤིང་འཆི་མེད་ལུས་ཐོབ་པར་བསམ། ཟན་གྱི་རུས་སྦལ་གཟུགས་དང་ས་སྙིང་རྣམས་འདོན་ཞིང་། ཡོན་བདག་དེ་ཁ་ཤར་དུ་རྒྱུ་ལ་གྲུ་གང་སོ་ནས་དོང་ནང་དུ་འཕེན་བཅུག །རུསྩལ་དེ་ལག་ཏུ་ཐོགས་ལ། ཀྱཻ། མ་ཧཱ་གསེར་གྱི་རུས་སྦལ་འདི། །སྲིད་པ་གཉེན་པོའི་ཞལ་ངོ་ཡིན། །ཤར་དུ་བསྟན་ན་བར་ཆད་ཞི། །ལྷོ་རུ་བསྟན་ན་ཚེ་བསོད་རྒྱས། །ནུབ་ཏུ་གཤིན་ལ་མ་བལྟ་ཞིག །བྱང་གི་དགྲ་ལ་མ་འབོད་ཅིག །ཤར་ལྷོ་མཚམས་སུ་དགའ་བདེའོ། །ཨོཾ་མ་ཧཱ་གསེར་གྱི་རུས་སྦལ་བྷྲཱུཾ་རཀྵ་སྭཱ་ཧཱ། ཞེས་འཕང་། ཁ་གྲུ་ཕྱོགས་ཡག་ན་མི་འགུལ་བར་བཞག །ངན་ན་ལན་གསུམ་འཕེན་ལ། ལྷོར་ཁ་བལྟས་བཞག །རིན་ཆེན་སྣ་ལྔ་དང་འབྲུ་སྣ་སྨན་སྣ་བཏབ། ཀྱི། མ་ཧཱ་གསེར་གྱི་རུས་སྦལ་འདི། །དབང་ཆེན་ས་ཡི་བདག་པོ་ཡིན། །མགོན་བྱེད་སྐྱོབ་བྱེད་ལོ་ལྷ་ཡིན། །ས་ཡི་གདན་དུ་བཏིང་བས་ན། །སྟེང་གི་གཟའ་སྐར་མ་འཁྲུགས་ཤིག །འོག་གི་འབྱུང་བ་མ་འཁྲུགས་ཤིག་

[Full Size]

བར་གྱི་སྡེ་བརྒྱད་མ་འཁྲུགས་ཤིག །ལྷ་ཀླུ་གཞི་བདག་མ་འཁྲུགས་ཤིག །ཀུན་གྱི་བསྲུང་དུ་འགྱུར་བར་ཤོག །ཅེས་བརྗོད་པས་མདའ་དར་གཡབ། ས་ཆས་ས་མཁན་པ་རང་གིས་ཁྱེར། ཚས་ཀ་ལ་སོགས་ལྷག་མེད་བྱས། དེ་ནས་མཉམ་པར་བཞག་པའོ། །དཀྱིལ་འཁོར་ལ་སོགས་དགོས་པ་ན། འདི་དུས་ས་རྐོ་ཐབས་ལྟོ་འཕྱེ་བརྟག་ལ་ཕྱོགས་གཞན་ཀྱང་འཛེམ། དྲེད་དང་ཕྱི་བའི་སྦལ་མོའི་བྲད། དེ་ནས་ཀག་ལེ་རྒྱབ། རུས་སྤལ་ལ་སོགས་འཛོམས་ན་ལེགས། གཞན་ཡང་སྣང་བརྒྱད་དང་ཉེས་པ་ཀུན་སེལ་སོགས་སྤྱི་མཐུན་བཞིན་དུ་ཐོན་ན་ལེགས། དེ་རོ་བཤའ་དུར་གཅོད་བྱེད་དུས་དེ་དགོས་པ་མིན་ཀྱང་སྔགས་སྤྱོད་ཟུང་འཇུག་ལ་གལ་མི་ཆེ་ཀརྨ་ཨ་རཱ་ག་ཨ་སྱ་ཡིས། །དགོང་མོ་ཐུན་མཚམས་མར་མེའི་ངོགས། །བརྩོན་འགྲུས་རྒྱ་མཚོས་ཡི་གེར་བཀོད། །ཉེས་འགལ་མཆིས་ན་གཅོད་ཡུལ་བརྒྱུད་པ་དང་། །མ་རྒྱུད་མཁའ་འགྲོའི་དྲུང་དུ་བཤགས། །དགེ་བས་འགྲོ་ཀུན་ཨོ་རྒྱན་གནས་སུ་དྲོངས། །ས་ནི་རྐོ་དགོས་གསོན་གཤིན་རྩིས། །གང་ཡིན་དེ་ཡང་འདི་བཞིན་དུ། །ལྟོ་འཕྱེ་འཁོར་ཐབས་དཔྱིད་གསུམ་བྱང་། །དབྱར་གསུམ་ཤར་ལ་སྟོན་གསུམ་ལྷོ། །དགུན་གསུམ་ནུབ་ཏུ་ཁ་གྲུ་ཀོ། །ཚེས་གྲངས་བཅུ་གཉིས་ས་རྐོ་སྤངས། །ཐེ་སེ་སྤྲེལ་ཁོག་རྒྱུ་བས་ངན། །དེ་དུས་ཕྱིར་ནངས་རྐོས་པས་འགྲུབ། །སྔགས་གཅོད་ཟུང་འཇུག་ལུགས་ཀྱི་ཆ་ལགས་སོ། །ཕཊཿ ཨོ་རྒྱན་དག་པ་མཁའ་སྤྱོད་ཞིང་ཁམས་ནས། །

[Full Size]

ཡུམ་ཆེན་མ་གཅིག་སྤྲུལ་པའི་མཁའ་འགྲོ་མ། །རྡོ་རྗེ་ཕག་མོ་གྲི་ཐོད་ཁ་ཊྭཱཾ་འཆང་། །དུར་ཁྲོད་ཆས་རྫོགས་ཞབས་གཉིས་བདུད་བཞི་མནན། །སྲིད་གསུམ་ཟིལ་གནོན་བམ་ཆེན་གདན་ལ་འགྱིང་། །མཁའ་འགྲོ་སྡེ་ལྔ་འཁོར་ཚོགས་འབུམ་སྡེར་བཅས། །སྡེ་ལྔའི་སྐུ་གསུང་ཐུགས་ཀྱི་བྱིན་རླབས་ཀྱིས། །གསེར་གཡུ་དུང་སོགས་དར་ཟབ་སྣ་ཚོགས་དང་། །འབྲུ་སྣ་ཤེལ་ཚིགས་ཁྲི་དཀར་སྟོང་ནག་འདིས། །ཚེ་འདས་ཟད་མེད་གཏེར་ལ་ལོངས་སྤྱོད་ཤོག །རྟེན་འབྲེལ་དམུ་ཐག་དཀར་པོ་ཡར་ལ་འཐེན། །མཐོ་རིས་ཐར་ལམ་དར་ཐག་དཀར་པོས་བསུས། །ཐབས་མཁས་ཐུགས་རྗེས་རིགས་དྲུག་གནས་ནས་དྲོངས། །ཚེ་འདས་བདེ་ཆེན་ཞིང་ཁམས་མྱུར་ཐོབ་ཤོག །སྦྱིན་བདག་ཚེ་བསོད་དཔལ་འབྱོར་གོང་འཕེལ་ཤོག །གཅོད་པ་བདུད་བཞིའི་གཡུ་ལས་རྣམ་རྒྱལ་ནས། །འབྲེལ་ཚད་དོན་ལྡན་འཇའ་ལུས་འགྲུབ་པར་ཤོག །ཕཊ། ཅེས་བརྗོད་ནས་གསེར་གཡུ་དུང་སོགས་ས་དམིགས་ལ་སྦས་སོ། །འབྲུ་སྣ་ཤེལ་ཚིགས་རྣམས་ས་དམིགས་དབྱིབས་ཉེ་ཕྱོགས་སུ་བཏབ་བོ། །དར་རས་གང་འཛོམ་དེ་མདའ་དར་དབྱིབས་ཅན་ལ་འཛུགས་སོ། །དམུ་ཐག་ཡར་ལ་འཐེན་ནོ། །ཨ་རཱ་གས་གཅོད་གཞུང་ཡིག་རྙིང་མང་པོའི་དོན་བསྡུས་སུ་སྦྱར་བའོ།། །།

གཉན་འབོད་ལ་རི་འགྲིམ་སྐབས་ས་གཉན་ཆུ་གཉན་སོགས་བྱ་རྒྱུ་ཁྱད་པར་ཅན།

[Full Size]

གཉན་འབོད་ལ་རི་འགྲིམ་སྐབས་ས་གཉན་ཆུ་གཉན་སོགས་བྱ་རྒྱུ་ཁྱད་པར་ཅན་བཞུགས་སོ།། ཨོཾ་མ་ཎི་པདྨེ་ཧཱུཾ་ཧྲཱིཿ ལྷ་འདྲེ་ལ་འབོད་པ་ནི། ཕཊ་ཕཊ་ཕཊཿ སྤྱིར་ཞིང་སྲིད་པའི་ལྷ་འདྲེ་དང་། །སྒོས་གཉན་ས་འདིར་གནས་ཀྱི་ལྷ་འདྲེ་སྟེ། །ཡང་སྒོས་རྣལ་འབྱོར་བདག་ལ་ཆོ་འཕྲུལ་སྟོན་པའི་ལྷ་འདྲེ་སོགས། །ལྷ་འདྲེ་སྡེ་བརྒྱད་མ་ལུས་འདིར་འདུས་ཤིག །དེ་ནས་ལན་གསུམ་བྱ། དངོས་གཞི་ལ། ༀ་མ་ཎི་པདྨེ་ཧཱུྃ་ཧཱུྃ༔ ཕཊ་ཕཊ་ཕཊཿ འོ་ཉོན་ཉོན་ལྷ་འདྲེའི་རིགས་གྱུར་ཉོན། །ཤོག་ཤོག་ལྷ་འདྲེ་སྡེ་བརྒྱད་ཤོག །རྒྱུག་རྒྱག་གནོད་བྱེད་འབྱུང་པོ་རྒྱུག །འཚོགས་འཚོགས་ཡུལ་ལྷ་གཞི་བདག་འཚོགས། །འདུས་འདུས་ལྷ་འདྲེ་ཡོད་ཚད་འདུས། །སྟོན་སྟོན་ཆོ་འཕྲུལ་ཡོད་ཚད་སྟོན། །གདོངས་གདོངས་ཁ་སྣ་མིག་གསུམ་གདོངས། །མཆོངས་མཆོངས་ང་ཡི་ཐོག་ཏུ་མཆོངས། །འཇུས་འཇུས་བདག་གི་ལུས་ལ་འཇུས། །ཆོད་ཆོད་འདྲེར་འཛིན་གྱི་རྩ་བ་ཆོད། །ཆད་ཆད་རྣམ་རྟོག་གི་སྙིང་ལ་རྦད། །སོད་སོད་དགྲར་སྣང་གི་གཉིས་འཛིན་སོད། །གཏུབ་གཏུབ་གཅེས་འཛིན་གྱི་ལུས་འདི་གཏུབ། །བརྡུང་བརྡུང་བདག་འཛིན་གྱི་མགོ་བོ་བརྡུང་། །

[Full Size]

ཕོད་ཕོད་ལྟོ་བའི་དཀྱིལ་ནས་ཕོད། །གཏོར་གཏོར་གློ་སྙིང་བྲང་གསུམ་གཏོར། །འཐེན་འཐེན་ནང་ཆ་བུ་དགུ་འཐེན། །ཟོ་ཟོ་ཕྱི་ཤ་གཟུགས་དྲུག་ཟོ། །འཐུང་འཐུང་ཁྲུག་དང་ཆུ་སེར་འཐུང་། །འཇིབ་འཇིབ་རྐང་དང་སླ་བ་འཇིབ། །མུར་མུར་ཚིལ་དང་རུས་པ་མུར། །རོལ་རོལ་མ་ལུས་མེད་པར་རོལ། །གྱོན་གྱོན་པགས་པ་བཤུས་ལ་གྱོན། །དྲུད་དྲུད་ད་ལྟ་དངོས་སུ་དྲུད། །རྩལ་ཆེན་ཡོད་ན་ད་སོད་ཅིག །སྟོབས་ཆེན་ཡོད་ན་ད་འཇོག་ཅིག །ཤད་ཆེན་ཡོད་ན་ད་ཁུག་ཅིག །ང་སེམས་སྐྱེ་མེད་ལྡན་པའི་རྣལ་འབྱོར་གྱིས། །ཁྱོད་ལྷ་འདྲེ་རྣམས་ལ་སྙིང་རྗེ་ནས། །ལུས་ཤ་ཁྲག་སྦྱིན་པ་གཏོང་བ་ཡིན། །སྤྱི་གཙུག་མན་དང་རྐང་མཐིལ་ཡན། །ཤ་ཁྲག་རུས་གསུམ་ཅི་མཆིས་རྣམས། །རྡུལ་ཙམ་མེད་པར་ད་འཐུང་ཞིག །བདག་གི་ཤ་ཁྲག་འདི་ཟོས་ནས། །སེམས་ཅན་ཡོངས་ལ་གནོད་མ་བྱེད། །བྱང་ཆུབ་སེམས་དང་ལྡན་པར་མཛོད། །ཕཊ་ཕཊཿ ཧ་ཧ། སྟོང་གསུམ་ལྷ་འདྲེ་བྱུང་ན་དགའ་བ་ལ། །གཟུགས་དང་ཆོ་འཕྲུལ་སྟོན་ན་མཚར་བ་ལ། །ཕུང་པོ་དངོས་སུ་ཁྱེར་ན་སྐྱིད་པ་ལ། །ལྷ་འདྲེ་རྣམས་ལ་ང་མི་སྐྲག །ལྷ་འདྲེ་རྣམས་ལ་ང་སྐྲག་ན། །

[Full Size]

གཉན་ས་འདི་རུ་ཅི་ལ་འོང་། །ལྷ་འདྲེ་འདིར་ཤོག་ཅི་ལ་ཟེར། །རང་ལུས་ལྷ་འདྲེར་ཅི་ལ་སྦྱིན། །འདྲེ་བརྒྱ་བས་མི་ཚད་སྟོང་བྱུང་ན། ང་སྟོང་ཉིད་རྟོགས་པའི་རྣལ་འབྱོར་ལ། །དགའ་ཞིང་སྤྲོ་ལ་ངོ་མཚར་ཆེ། །སྟོང་ཉིད་ཆོས་སྐུའི་རང་བཞིན་ལ། །གཅིག་ཀྱང་ང་ཡིས་མ་མཐོང་བར། །ལྷ་འདྲེའི་གནོད་པ་སུ་ལ་བྱ། །བདག་དང་ལྷ་འདྲེ་གཉིས་མེད་པར། །འོད་གསལ་ཆོས་སྐུའི་ངང་དུ་བཞག །ཅེས་གཉན་འབོད་འདི་རཱ་ག་ཨ་སྱས་སྦྱར་བ། གདོན་ཚོགས་དགུ་མ་དང་ས་བདག་དྲུག་སྦྱོར་སོགས་ལ་རི་འགྲིམས་དུས་གཉན་སར་ལྷ་འདྲེ་སློང་མ་སྒྱུ་ཐུབ་ན། ལྷན་ཐབས་གབ་སྤྲད་འདི་འགྲོ་བ་ཀུན་ལ་ཕན་ཐོགས་རྒྱ་ཆེན་ཤོག། །།

གཅོད་ཀྱི་ལས་མཐའ་ནག་སྦྱོར་དམིགས་པ་བཅོ་ལྔའི་ལས་བྱང་། བསྐུལ་པ་བླ་མའི་ཕྱག་ལེན་ཞལ་ཤེས་རྣལ་འབྱོར་མཚོན་ཆ་དགྲ་བོ་སྲོག་གི་སྤུ་གྲི་ངར་མ་ཞེས་བྱ་བ་བཀའ་རྒྱ་ཅན།

[Full Size]

གཅོད་ཀྱི་ལས་མཐའ་ནག་སྦྱོར་དམིགས་པ་བཅོ་ལྔའི་ལས་བྱང་། བསྐུལ་པ་བླ་མའི་ཕྱག་ལེན་ཞལ་ཤེས་རྣལ་འབྱོར་མཚོན་ཆ་དགྲ་བོ་སྲོག་གི་སྤུ་གྲི་ངར་མ་ཞེས་བྱ་བ་བཀའ་རྒྱ་ཅན་བཞུགས་སོ། ། ཧཱུྃཿ ང་ནི་ཁྲོས་མ་ནག་མོའི་སྐུ། །ང་ནི་སྐྱེ་མེད་དབྱིངས་ཀྱི་ཡུམ། །ང་ནི་འགགས་མེད་ལབ་ཀྱི་སྒྲོན། །འཇིག་རྟེན་འདི་ན་སུ་ཡང་རུང་། །འཇིག་རྟེན་དྲེགས་པའི་ཚོགས་རྣམས་ཀུན། །བཀའ་ལས་མ་འདའ་དམ་ལ་འདུས། །དེ་རིང་དགྲ་ལ་དམག་གཅིག་འདྲེན། །དམག་སྣ་དགྲ་ལ་དྲང་དུ་གསོལ། །དེ་རིང་དགྲ་ལ་ཇག་ཅིག་འགྱེད། །ཇག་སྣ་དགྲ་ལ་དྲང་དུ་གསོལ། །དེ་རིང་དགྲ་ལ་ཟོར་ཞིག་འཕེན། །ཟོར་སྣ་དགྲ་ལ་བསྟན་དུ་གསོལ། །དུར་ཁྲོད་སོ་ས་གླིང་གི་དཀྱིལ་འཁོར་ནས། །ཐུགས་རྗེ་ཁྲོས་མའི་ལྷ་ཚོགས་དགྲ་ལ་བྷྱོ། །ནུབ་ཕྱོགས་པདྨ་དབང་གི་དཀྱིལ་འཁོར་ནས། །དཔལ་ཆེན་ཁྲོ་རྒྱལ་རྟ་མགྲིན་དགྲ་ལ་བྷྱོ། །བྱང་ཕྱོགས་ལྕང་ལོ་ཅན་གྱི་གནས་མཆོག་ནས། །དཔལ་ཆེན་ཕྱག་ན་རྡོ་རྗེ་དགྲ་ལ་བྷྱོ། །ཞེ་སྡང་མེ་དཔུང་འབར་བའི་དཀྱིལ་འཁོར་ནས། །རྡོ་རྗེ་མཁའ་འགྲོའི་དམག་ཚོགས་དགྲ་ལ་བྷྱོ། །ང་རྒྱལ་ཤིང་ལྟར་རྒྱས་པའི་དཀྱིལ་འཁོར་ནས། །རིན་

[Full Size]

ཆེན་མཁའ་འགྲོའི་དམག་ཚོགས་དགྲ་ལ་བྷྱོ། །འདོད་ཆགས་ཆུ་ལྟར་འཁྲུགས་པའི་དཀྱིལ་འཁོར་ནས། །པདྨ་མཁའ་འགྲོའི་དམག་ཚོགས་དགྲ་ལ་བྷྱོ། །ཕྲག་དོག་རླུང་ལྟར་འཚུབ་པའི་དཀྱིལ་འཁོར་ནས། །ལས་ཀྱི་མཁའ་འགྲོའི་དམག་ཚོགས་དགྲ་ལ་བྷྱོ། །ཉོན་མོངས་མུན་ལྟར་འཐིབས་པའི་དཀྱིལ་འཁོར་ནས། །གནས་པོ་ལྷ་སྲིན་སྡེ་བརྒྱད་དགྲ་ལ་བྷྱོ། །དྲང་སྲོང་ལྷ་ཡི་རྨོད་པ་དགྲ་ལ་བྷྱོ། །འཆི་བདག་གཤིན་རྗེའི་ཁྲམ་ཁ་དགྲ་ལ་བྷྱོ། །ནག་པོ་བདུད་ཀྱི་དམག་ཚོགས་དགྲ་ལ་བྷྱོ། །དམར་པོ་བཙན་གྱི་ཇག་པ་དགྲ་ལ་བྷྱོ། །སྣང་སྲིད་མ་མོའི་ཁྲག་ཟོར་དགྲ་ལ་བྷོ། །གཏོར་ཁ་གནོད་སྦྱིན་ཟ་ཁ་དགྲ་ལ་བྷྱོ། །ས་བདག་ཀླུ་ཡི་གཏད་ཁྲམ་དགྲ་ལ་བྷྱོ། །བར་སྣང་གཟའ་ཡི་གདུག་གཟེར་དགྲ་ལ་བྷྱོ། །འགོང་པོ་ཐེའུ་རང་གོད་ཁ་དགྲ་ལ་བྷྱོ། །ཡུལ་འདྲེ་བསེ་རག་སྲི་རྐུན་དགྲ་ལ་བྷྱོ། །གཉན་ས་འདི་ཡི་ཆོ་འཕྲུལ་དགྲ་ལ་བྷྱོ། །སེམས་ཀྱི་ཐག་ཆོད་རྣལ་འབྱོར་བདག་འདྲ་ཡིས། །འཕགས་པ་མཆོད་ཅིང་སེམས་ཅན་འདྲེན་པའི་ཕྱིར། །ཆོས་ཀྱི་སྒོར་ཞུགས་དཀོན་མཆོག་གསུམ་ལ་བརྟེན། །ཉན་ཐོས་སྒོར་ཞུགས་འདུལ་ཁྲིམས་ཟབ་མོ་བསྲུང་། །

[Full Size]

བྱང་སེམས་སྒོར་ཞུགས་སྙིང་རྗེ་ཕྱོགས་མེད་བསྐྱེད། །གསང་སྔགས་སྒོར་ཞུགས་དམ་ཚིག་མིག་ལྟར་བལྟ། །ཡུམ་གྱི་སྒོར་ཞུགས་ཏིང་འཛིན་ཟབ་མོ་བསྒོམ། །གཉན་ཁྲོད་འགྲིམ་ཞིང་བྲག་ཕུག་ཞྭ་ལྟར་གྱོན། །ལུས་སྲོག་འབེན་བཙུགས་ཤ་ཁྲག་གཟན་དུ་བོར། །ཞི་གནས་ལྷག་མཐོང་བསྒོམ་ཞིང་འབྲེལ་བའི་ཚེ། །མཐའ་བྲལ་དབུ་མ་རྟོགས་རྒྱུ་ཡིན་པ་ལ། །གཟུགས་ཅན་དགྲ་འདིས་བསྒོམ་དུ་མ་སྟེར་ཞིང་། །གཟུགས་མེད་བགེགས་ཀྱིས་བསྒྲུབ་ཏུ་མ་སྟེར་བས། །འདི་ལ་ཀུན་མཁྱེན་མགོན་པོས་དཔང་མཛོད་ལ། །ཚད་མེད་ཐུགས་རྗེ་བསྐྱེད་པ་དོན་མ་ཆུང་། །རྩེ་གཅིག་ཉམས་མྱོང་སྐྱོང་བ་དོན་མ་ཆུང་། །གཉན་ས་རི་ཁྲོད་འགྲིམ་པ་དོན་མ་ཆུང་། །ལྷ་འདྲེ་མ་རུ་སྒོམ་པ་དོན་མ་ཆུང་། །ཡེ་ཤེས་དབྱིངས་ཀྱི་མཁའ་འགྲོ་མན་ཆད་དང་། །གནས་པོ་ལྷ་སྲིན་སྡེ་བརྒྱད་ཡན་ཆད་རྣམས། །སེང་གེ་ཚངས་པའི་ཤ་ལ་རོལ་པ་བཞིན། །དམ་ཉམས་དགྲ་བོའི་ཤ་ལ་ད་རོལ་ཅིག །སྐྱ་ཁྲ་དར་མ་གཟན་ལ་འཇུམ་པ་བཞིན། །དམ་ཉམས་དགྲ་བོའི་ཁྲག་ལ་ད་འཐུངས་ཤིག །སྒང་གསུམ་ལྕུག་ཕྲན་རླུང་གིས་བསྐྱོད་པ་བཞིན། །སྤྲུལ་པ་

[Full Size]

འཁོར་གྱི་ཚོགས་རྣམས་ད་ཆོས་ཤིག །བར་སྣང་གློག་དམར་འབྲུག་གིས་བསྐུལ་པ་བཞིན། །རྫུ་འཕྲུལ་རྩལ་དང་བཅས་ཏེ་ད་རྒྱུག་ཅིག །ཧཱུྃ། བསྟན་སྲུང་རྒྱལ་ཆེན་རྣམ་ཐོས་སྲས། །ཕྱག་ན་ལྕགས་ཀྱི་མཆོད་རྟེན་བསྣམས། །མཆོད་རྟེན་ནང་ནས་དམག་ཚོགས་སྤྲུལ། །སྡང་བའི་དགྲ་ལ་དམག་སྣ་དྲོངས། །སྤྱང་ཞོན་ལྷ་མོ་མཆེད་གསུམ་དང་། །ཟངས་རི་བཙན་རྒོད་མདུང་དམར་ཅན། །སྲོག་གི་ཤན་པ་མཆེད་གཉིས་ཀྱིས། །དགྲ་ལ་དམག་སྣ་དྲང་དུ་གསོལ། །དགྲ་མཁར་ཐོག་གིས་ད་ཤིག་ཅིག །དགྲ་ཡུལ་སེར་བས་ད་ཕུང་ཞིག །དགྲ་ཁྱིམ་ཐན་གྱིས་ད་ཁེངས་ཤིག །དགྲ་བོ་ཕ་ཚན་ད་ཕྱེས་ཤིག །དགྲ་ལ་གཟེར་རྒོད་ད་ཐོངས་ཤིག །སྙིང་གི་སྒོ་ང་ད་ཆོགས་ཤིག །སེམས་ཀྱི་མར་མེ་ད་སོད་ཅིག །ལེ་ལན་དགྲ་ལ་ད་སོད་ཅིག །གཡུལ་ངོ་དགྲ་ལ་ད་ཚུགས་ཤིག །འོ་དོད་ལྷང་ལྷང་ད་བོས་ཤིག །རྣལ་འབྱོར་མིང་ནས་ད་ཐོན་ཅིག །བཅོལ་བའི་ཕྲིན་ལས་འགྲུབ་པར་མཛོད། །རང་ཉིད་ཁྲོས་མ་ནག་མོར་བསྒོམས་ལ། །ཀེང་རུས་ཁྲག་ཁྲོལ་བརྩེགས་པའི་ཁྲི་སྟེང་ནས། །ལྷ་ཆེན་ལས་ལ་འགྱེད་པའི་མཁའ་འགྲོ་འབུམ། །སྐུ་སྟོད་ཞིང་ཆེན་

[Full Size]

གཡང་གཞི་ལ། །སྐུ་སྨད་སྟག་གི་ཤམ་ཐབས་ཅན། །དུར་ཁྲོད་ཆས་བརྒྱད་སྐུ་ལ་གསོལ། །དབུ་ལ་ཐོར་ཚུགས་ལྡེམས་སེ་ལྡེམ། །ཕྱག་གཡས་མི་ལྤགས་གཡང་གཞི་རྡེབ། །མི་ལྤགས་གཡང་གཞི་རྡེབ་ཙ་ན། །སྣང་སྲིད་ལྷ་འདྲེ་ལས་ལ་འདུས། །གཡོན་པས་དངུལ་དཀར་དྲིལ་བུ་དཀྲོལ། །དངུལ་དཀར་དྲིལ་བུ་དཀྲོལ་ཙ་ན། །མ་སྲིང་མཁའ་འགྲོ་དམ་ལ་འདུས། །ཐོད་པ་སྐམ་རློན་བརྩེགས་པའི་ཁྲི་སྟེང་ནས། །ཁྲག་ནད་རྒྱུ་གཟེར་གཏོང་བའི་མཁའ་འགྲོ་འབུམ། །དུར་ཁྲོད་བརྒྱད་ཀྱི་ཆས་སུ་ཞུགས། །སྐུ་སྟོད་རུས་རྒྱན་ཁྲ་ལ་ལ། །སྐུ་སྨད་ཅོད་པན་པུ་རུ་རུ། །ཕྱག་གཡས་རྒྱུ་ཞགས་འདོམ་དགུ་བསྣམས། །རྒྱུ་ཞགས་འདོམ་དགུ་བསྣམས་ཙ་ན། །ཀླུ་གདོན་ཕོ་མོ་ལས་ལ་འདུས། །གཡོན་པས་མི་རྐང་གླིང་བུ་འབུད། །མི་རྐང་གླིང་བུ་བུས་ཙ་ན། །ལྷ་སྲིན་སྡེ་བརྒྱད་ལས་ལ་འདུ། །མི་ལྤགས་གཡང་གཞི་བསྣོལ་བའི་ཁྲི་སྟེང་ནས། །སྣང་སྲིད་དབང་དུ་བསྡུ་བའི་མཁའ་འགྲོ་འབུམ། །གཡུ་ཡི་ཕྲ་མེན་སི་ལི་ལི། །གསེར་གྱི་ཨ་ལོང་ཝངས་སེ་ཝང་། །གཡས་ན་གསེར་གྱི་ཀླུ་རུ་ཁྲ་ལ་ལ། །གསེར་གྱི་ཌཱ་རུ་ཁྲོལ་ཙ་ན། །

[Full Size]

དྲེགས་པ་ཕོ་རྒྱུད་ལས་ལ་འདུས། །གཡོན་པས་དངུལ་དཀར་དྲིལ་བུ་འཁྲོལ། །དངུལ་དཀར་དྲིལ་བུ་དཀྲོལ་ཙ་ན། །དྲེགས་པ་མོ་རྒྱུད་ལས་ལ་འདུས། །མི་རོ་བམ་ཆེན་བསྣོལ་བའི་ཁྲི་སྟེང་ནས། །སྡེ་བརྒྱད་ལས་ལ་འགྱེད་པའི་མཁའ་འགྲོ་འབུམ། །ཁྲོ་མོའི་ཆ་ལུགས་མཆེ་བ་གཙིགས། །སྐུ་སྟོད་དར་ནག་འཇོ་བེར་གསོལ། །སྐུ་སྨད་སྟག་གི་ཤམ་ཐབས་ཅན། །ཕྱག་གཡས་བྷན་ལྟག་སྤྱོད་བསྣམས། །བྷནྡ་ལྟག་སྤྲོད་བསྣམས་ཙ་ན། །རེ་སྡེ་མགོ་ཡག་ལས་ལ་འདུས། །གཡོན་པས་ཐོད་ཁྲག་ཞལ་དུ་གསོལ། །ཐོད་ཁྲག་ཞལ་དུ་གསོལ་ཙ་ན། །བདུད་ཀྱི་རྒྱལ་མོ་ལས་ལ་འདུ། །རྟ་རོ་དམར་པོ་བསྣོལ་བའི་ཁྲི་སྟེང་ན། །བཙན་ཚོགས་ཕོ་ཉར་འགྱེད་པའི་མཁའ་འགྲོ་འབུམ། །ཁྲག་གི་ཁ་ཕྲུ་ཕྱོགས་བཅུར་གཏོར། །སྐུ་སྟོད་སྲིན་པོའི་གཡང་གཞི་གསོལ། །སྐུ་སྨད་སྟག་གི་ཤམ་ཐབས་གསོལ། །ཕྱག་གཡས་བཙན་ཞགས་དམར་པོ་བསྣམས། །བཙན་ཞགས་དམར་པོ་བསྣམས་ཙ་ན། །ཁ་བཞི་གདོང་བརྒྱད་ལས་ལ་འདུ། །གཡོན་པས་ཁྲག་གི་ཀོང་ཟོར་ཐོགས། །ཁྲག་གི་ཀོང་ཟོར་ཐོགས་ཙ་ན། །སྲོག་བདག་ནག་པོ་ལས་ལ་འདུ། །གཉན་

[Full Size]

རྡོ་རི་རབ་ཆེན་པོའི་ཁྲི་སྟེང་ན། །པགས་པ་ལྕགས་སྲེག་གཡང་གཞིའི་གདན་སྟེང་ན། །དམ་ཉམས་དགྲ་བོ་གསོད་པའི་མཁའ་འགྲོ་འབུམ། །དམ་ཉམས་རྩད་ནས་གཅོད་པའི་ལས་མཛད་མ། །སྐུ་སྟོད་རུས་སྦལ་ལྤགས་པ་མནབ། །སྐུ་སྨད་རེ་འབྱམས་ཆུན་པོས་བརྒྱན། །ཕྱག་གཡས་གྲི་གུག་ངར་མ་བསྣམས། །གྲི་གུག་ངར་མ་བསྣམས་ཙ་ན། །དགྲ་བོ་ཕོ་རྒྱུད་རྩད་ནས་གཅོད། །གཡོན་པས་གནམ་ལྕགས་ཐོག་རྒོད་འཕེན། །གནམ་ལྕགས་ཐོག་རྒོད་འཕེན་ཙ་ན། །དགྲ་བོའི་ཡུལ་ཁམས་གཏན་ནས་བརླག །མཁའ་འགྲོ་ཆེན་མོ་ཁྱེད་རྣམས་ཀྱིས། །དགྲ་ཤ་ཟོ་ལ་དགྲ་ཁྲག་འཐུང་། །དགྲ་མཁར་ཤིག་ལ་དགྲ་ཡུལ་སྤྲུག །དགྲ་ལ་ལྟས་ངན་སྣ་ཚོགས་ཐོངས། །ཁ་ནས་འོ་དོད་གནམ་དུ་འབོད་དུ་ཆུགས། །ལག་པ་སྡེར་བཞི་ས་འབྲུ་གཡབ་ཏུ་ཆུགས། །རྒན་པོ་གདོང་རུལ་མེས་ཚིག་བཞིན་དུ་ཐོངས། །གཞོན་པ་ལྕུག་ཕྲན་བརྔས་པ་བཞིན་དུ་ཐོངས། །བུ་ཆུང་སྨྱུ་གུ་བྲེག་པ་བཞིན་དུ་ཐོངས། །མནའ་མ་མཛོ་མོ་སྐམ་པ་བཞིན་དུ་ཐོངས། །བུ་སྲིང་ཧ་ལོ་སད་ཀྱིས་ཁྱེར་བཞིན་ཐོངས། །བྲན་འཁོར་སྲན་ཕུང་གཏོར་བ་

[Full Size]

བཞིན་དུ་ཐོངས། །ནོར་རྫས་ཐལ་བ་རླུང་ཁྱེར་བཞིན་དུ་ཐོངས། །ཕོ་རྒྱུད་རྩད་ནས་ཆོད་ལ་ཤོག །མོ་རྒྱུད་མངལ་ནས་སྐེམ་ལ་ཤོག །ཡུགས་ས་རལ་ནག་འཛིན་དུ་ཆུགས། །བུ་ཚ་མིང་སྲིང་སྡུག་བསྔལ་མྱོང་དུ་ཆུགས། །མཆི་མ་ཐུ་ལེ་མྱུར་དུ་སོད། །ཀླད་པ་དཀར་པོ་ཞོ་ལྟར་དཀྲུགས། །གཞུང་པ་དཀར་པོའི་རྒྱུན་ཐག་ཆོད། །མིག་འབྲས་གཟི་བྱུར་དུ་བ་ཡི། །དཔྲལ་བའི་དཀྱིལ་ནས་ད་དྲོངས་ཤིག །རྣམ་ཤེས་དྲན་པའི་ཙིཏྟ་དེ། །དབང་པོའི་དཀྱིལ་ནས་ད་དྲོངས་ཤིག །ཙིཏྟ་དམར་པོ་ལོང་ཐང་འདྲ་བ་དེ། །མཆན་ཁུང་གཡོན་ནས་ད་དྲོངས་ཤིག །སྲོག་རྩ་གསེར་གྱི་སྦུ་གུ་དེ། །གསང་བའི་གནས་ནས་ད་དྲོངས་ཤིག །མཁལ་མ་གཡུ་ཡི་བྱིས་ཆུང་དེ། །ཚིག་གི་རྒལ་ནས་ད་དྲོངས་ཤིག །དབང་པོ་རྣམ་ལྔ་ད་དྲོངས་ཤིག །སྡང་བའི་དགྲ་བོ་ལས་ངན་འདིའི། །གནམ་གྱི་འཇུ་ཐག་ད་ཆོད་ཅིག །ས་ཡི་བརྟེན་ཕུར་དེ་ཕུད་ཅིག །འགོ་བའི་ལྷ་དང་ད་ཕྱེས་ཤིག །འཇིགས་པའི་དགྲ་དང་ད་སྤྱོད་ཅིག །གཟུགས་ཀྱི་ཕུང་པོ་མེད་པར་གྱིས། །དཀོན་པའི་ཚེ་སྲོག་ད་ཕྲོལ་ཞིག །རྣམ་ཤེས་མར་མེ་ད་སོད་ཅིག །མིང་དང་གཟུགས་སུ་བྲིས་པ་འདྲ་བས་ད་ངས་ཤིག །སྲོག་རྩ་གསེར་གྱི་སྒྲ་ལས་ངན་འདིའི། །གནམ་གྱི་འཇུ་ཐག་དག་ཕྲོལ་ཞིག །རྣམ་ཤེས་མར་

[Full Size]

ཡི། །དགྲ་བོ་བྱད་མ་མནའ་ཟན་འདི། །ལོ་དང་ཟླ་བར་མ་བཞག་པར། །ཞག་དང་ཟ་མའི་ནང་དུ་སོད། །དགྲ་བོའི་སྙིང་ལ་རྟགས་ཕྱུངས་ཤིག །ཐལ་བ་རྡུལ་ཕྲན་བཞིན་དུ་རློགས། །ཕཊ་ཕཊ་ཕཊཿ ཅེས་གཏོར་ཟོར་བརྒྱབ་ལ་དགྲ་བོ་ལན་དང་མི་ལན་བརྟག་པར་བྱའོ། གལ་ཆེན་རང་དང་བསྟན་དགྲ་མ་གཏོགས་མི་རུང་མཁའ་འགྲོའི་ཆད་པ་བཀའ་རྒྱ་ཡོད། གསང་རྒྱ། གཞུང་གི་རྣམ་བཤད་ནས་ཅུང་ཟད་གསལ་བར་ཨ་རཱ་གས་བྲིས་པའོ། ཐེམ་མེད་གུད་དུ་སྦས་པ་༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

བདུད་རྩི་བྱིན་རླབས།

[Full Size]

བདུད་རྩི་བྱིན་རླབས་འདིའི་གོང་དུ། འགའ་ཞིག་གིས་དཀྱིལ་འཁོར་གཞན་གྱི་སྔོན་འགྲོ་ལ་ལྟོས་ནས། དཀར་གཏོར་དང་བགེགས་གཏོར་བྱེད་པར་འདུག་སྟེ། དེའི་དོན་འདི་སྐད་དུ། དཀར་གཏོར་ནི་གཞི་བདག་ལ་བྱོན་སྐྱེམས་དང་བགེགས་གཏོར་ནི་ཁྲོས་མའི་དཀྱིལ་ཆོག་ལ་ཡོད་པས་འདིར་འང་བྱེད་པའོ་ཟེར་མཁན་འདུག་སྟེ། དེ་ནི་གཏན་ནས་མི་འཐད་དོ། །དཀར་གཏོར་ནི་སྐྱོན་ཅུང་ཟད་ཆུང་སྟེ་འོན་ཀྱང་གཞི་བདག་ལ་བྱོན་སྐྱེམས་དགོས་ན། སྐྱབས་གནས་ལ་སོགས་མགྲོན་གཞན་རྣམས་ལ་ཡང་བྱོན་སྐྱེམས་དགོས་པའི་སྐྱོན་དུ་འགྱུར་རོ། །མཁའ་འགྲོའི་དཀྱིལ་ཆོག་གསང་སྔགས་ཀྱི་ལུགས་འགའ་ཞིག་ཏུ་བགེགས་གཏོར་གསུངས་ཀྱང་དེ་དག་གི་གཙོ་བོ་ཕུང་པོ་གཟན་སྒྱུར་ལ་མི་བྱེད་ཅིང་། སྔགས་ལུགས་ཀྱི་ལས་བཞི་དང་འབྲེལ་བ་ཡིན་པས་འདིར་གཅོད་ཚོགས་ལ་སྔར་དུ་མི་རུང་སྟེ་གཅོད་ལ་མི་མཐུན་ཐམས་ཅད་གྲོགས་སུ་འཁྱེར་བའི་ཕྱིར། བགེགས་བསྐད་པ་ནི་གཅོད་ཀྱི་དམ་ཚིག་དང་མངོན་སུམ་དུ་འགལ་བ་ཡིན་ཏེ། ཅིའི་ཕྱིར་ན་ཁྱེད་ཀྱི་བགེགས་གཏོར་བཏང་ནས་མཚམས་གཅོད་བྱེད་པའི་ཕྱི་རོལ་གྱི་ལྷ་འདྲེ་ལ་བྱེད་དམ། ལུས་གདོན་ལ་དམིགས་ནས་བྱེད། ཕྱི་རོལ་གྱི་

[Full Size]

ལྷ་འདྲེ་ལ་བྱེད་ན་ཁྱེད་ཀྱི་དབང་སྡུད་བྱེད་ཅིང་མགྲོན་བསྡུ་ནས་ཕུང་པོ་གཟན་སྒྱུར་བྱེད་པ་དགོས་མེད་ཐལ། མཚམས་གཅོད་བྱས་ཏེ་ལྷ་འདྲེ་ལྕགས་རིའི་ཕ་རོལ་དུ་བསྐྲད་དེ་མེད་པའི་ཕྱིར་བསྐྲད་ཀྱང་སླར་དབང་དུ་བསྡུ་བས་ཆོག་ཟེར་ནས། འོ་ན་བགེགས་གཏོར་བྱས་པ་རེ་དོན་མེད་དུ་སོང་བ་ཡིན་ཏེ་མངོན་དགའ་ཡིན་ནོ། །ལུས་གདོན་ལ་དམིགས་ནས་བྱེད་ན། བགེགས་གཏོར་བྱས་པའི་རྗེས་སུ་ལུས་གདོན་ལ་ཕུང་པོ་གཟན་སྒྱུར་གྱི་ལན་ཆགས་འཇལ་དགོས་སམ་མི་དགོས། དགོས་ན་བགེགས་གཏོར་བཏང་བ་དོན་མེད་དུ་ཐལ་ལོ། །ལན་ཆགས་མ་བྱང་བའི་ཕྱིར་མི་དགོས་ན་ཕུང་པོ་གཟན་སྐྱུར་གྱི་སྦྱིན་པ་བཏང་བ་དོན་མེད་ཐལ། སྦྱིན་པའི་ཡུལ་ལྷ་འདྲེ་ལུས་གདོན་བསྐད་དེ་མེད་པའི་ཕྱིར། ཡང་ཁྱེད་ཀྱི་བགེགས་གཏོར་གྱི་ཤམ་དུ་རང་ཁྲོ་བོར་བསྒོམས་ནས། ནས་ལྕགས་ལ་སོགས་པ་མཚོན་ལ་སོགས་པར་དམིགས་ནས་བགེགས་ཐམས་ཅད་ཚར་བཅད་ནས་བརླག་པར་བསྒོམས་པས་མི་བསྒོམ་ན་བགེགས་གཏོར་བཏང་བ་དོན་མེད་དུ་ཐལ། བགེགས་བསྐྲད་མ་ཐུབ་ཅིང་ཚར་མ་ཆོད་པའི་ཕྱིར་བསྒོམ་ན་ཁྱོད་ཀྱི་ལུས་མཆོད་སྦྱིན་བྱས་པའི་རྗེས་སུ་ལྷ་འདྲེ་ཁྱེད་རྣམས་ང་ཡི་ཕ་མ་ཡིན་པས་སྙིང་རེ་རྗེ་ཟེར་

[Full Size]

ནས་སྙིང་རྗེ་བསྒོམ་པ་དེ་དོན་མེད་དུ་ཐལ། མཚམས་གཅོད་ཀྱི་སྐབས་སུ་འདྲེ་གདོན་མགོ་ཆགས་རྐང་གྲུག་དང་བཅད་གཏུབས་བྱས་ཤིང་གནོད་པ་བསྐྱལ་བའི་ཕྱིར་ཡང་ཁྱེད་ཀྱི་རང་དང་ནས་ལྕགས་ལ་ཁྲོ་བོ་མི་བསྐྱེད་ཅིང་ལྟ་བ་ཆོས་ཉིད་ཀྱི་ཟིལ་གནོན་གྱི་ངང་ནས། བགེགས་བསྐྲད་པས་བགེགས་རང་ཞིར་འགྲོ་བར་བཞེད་པ་ཡིན་ནམ། དེ་ལྟར་མིན་ན་གདོས་བཅས་ཀྱི་ཕུང་པོ་འདི་གཅེས་འཛིན་དང་ཕྲལ་ནས་འདྲེ་གདོན་ལ་སྦྱིན་པ་བཏང་ནས། རྟེན་མེད་ཀྱི་རིག་པ་དབྱིངས་དང་བསྲེ་ཞིང་ཆོས་ཉིད་སྐྱེ་བ་མེད་པ་མེད་ངང་ལ་གནས་པ་དེ་ཆོས་ཉིད་ལྟ་བའི་ཟིལ་གནོན་མཆོག་ཏུ་གྱུར། ཅེས་གཅོད་གཞུང་རྒྱ་མཚོ་རྣམས་ལས་གསུངས་པ་དེ་གཟིགས་སམ། འདྲེ་བརྡུངས་འབོད་བྱས་པས་ནད་པ་ཡོད་ནའང་ཕན་པ་ཆུང་བའི་སྟེང་དུ་རྗེས་ཀྱང་མི་འཛོམ་སྟེ་དཔེར་ན་གཞན་མི་ཉེས་པ་མེད་པ་གཅིག་ལ་དང་པོ་བརྡུངས་བརྡེགས་དང་གནོད་པ་ཆེན་པོ་བྱས་ནས་ཕྱིས་ཁ་འཇམ་པོས་བདག་ལ་གནོད་པ་མ་བྱེད་ཅིག་བྱས་ཀྱང་ཕན་པ་ཆུང་ཞིང་འཁོན་འཆང་བ་དང་འདྲའོ། །ཀླུ་གདོན་པས་སྐྱེ་བ་བདུན་ལ་འཁོན་འཆང་བར་བཤད་འདུག་པ་དེ་མ་གཟིགས་སམ། དེ་ཡང་སྔར་འཁོན་ཀྱང་ཕྱིས་ལུས་སྦྱིན་བྱེད་ཅིང་དུམ་

[Full Size]

བྱེད་པར་འདོད་པ་ཡིན་ནམ། འོ་ན་སྔོན་དུ་འཁོན་མེད་པར་བདེ་བར་མེད་པ་ལ་ལུས་སྦྱིན་གཏོང་བྱེད་པ་དེ་འདྲེ་ལ་ཕན་སྟོབས་ཆེ་ཞིང་རྗེས་སུ་ཀྱང་བཟང་བར་མི་འདུག དག་གམ་ལེགས་པར་སྤྱོད་ཅིང་གཞན་བགེགས་གཏོར་མི་འཐད་པའི་ལུགས་རིགས་མང་དུ་ཡོད་ཀྱང་ཡི་གེ་མང་གིས་དོགས་པས་རེ་ཞིག་མ་བྲིས་སོ། །གཞན་ཡང་ཁྱེད་ཀྱི་དགོངས་པ་ལ་གཅོད་པ་འགའ་ཞིག་གིས་ཐོག་མར་དམིགས་ངན་སྣ་ཚོགས་ཀྱི་ལྷ་འདྲེ་ཆམ་ལ་ཕབ་ནས་རྗེས་ཚར་ཚད་འབུལ་ཞིང་རྗེས་ཀྱང་འཕར་ལྡང་མི་འོང་བར་འདུག་པས། གཅོད་ཐབས་དེ་ཟབ་པ་གཅིག་ཡིན་པར་བཞེད་པ་ཡིན་ནོ། །དེ་ནི་མ་གཅིག་གི་དགོངས་བཞེད་རྣམ་པར་དག་པའི་གཅོད་ལུགས་མ་ཡིན་ཏེ་ཤན་པས་རྣོ་ཚོན་ཐོགས་པ་དང་འདྲ་བར་གསུངས་པས། ཚེ་འདི་ཡང་བཀྲ་མི་ཤིས་པ་དང་ཕྱི་མ་ངན་སོང་གིས་གཏིང་རྡོ་བྱེད་པས། ཐར་པ་དོན་དུ་གཉེར་བའི་གང་ཟག་རྣམས་ཀྱིས་དུག་སྦྲུལ་དང་སྲོག་གཅོད་པའི་ཤན་པ་ལ་འབྲོས་པ་བཞིན་དུ་ཞེ་ཟོན་ཆེན་པོ་བྱེད་དགོས་པ་ཡིན་ནོ།། །།