མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། རི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

འཕགས་པ་ཐུགས་རྗེ་ཆེན་པོའི་དམར་ཁྲིད་ཕྱག་རྫོགས་ཟུང་འཇུག་གི་དོན་འདུས་གོ་བདེར་བཀོད་པ་རྒན་མོ་མཛུབ་ཚུགས།

[Full Size]

འཕགས་པ་ཐུགས་རྗེ་ཆེན་པོའི་དམར་ཁྲིད་ཕྱག་རྫོགས་ཟུང་འཇུག་གི་དོན་འདུས་གོ་བདེར་བཀོད་པ་རྒན་མོ་མཛུབ་ཚུགས་ཞེས་བྱ་བ་བཞུགས་སོ། །འདི་ཉིན་རེ་ཆོས་ཐུན་རེ་རེ་བཤད་དེ། དེ་ཡང་ལན་གཅིག་རྣ་བར་འགྲིམ་ཙམ་གྱིས་མི་ཆོག་པས་ཚར་གསུམ་བཤད་ནས་གོ་ངེས་བྱ། ཕྱིར་ཉིན་ཆོས་ཐུན་གྱི་བར་ལ་དེའི་དོན་རྩེ་གཅིག་ཏུ་བསྒོམ་འཇུག །ཕྱིར་ནངས་དེའི་དོན་གོའམ་འདྲི་ཐོན་ན་ལེགས་སོ། །

[Full Size]

ན་མོ་གུ་རུ་ལོ་ཀི་ཤྭ་ར་དྷེ་ཝ་ཌཱཀི་ནཱི་ཧཱུྃ། རྩ་གསུམ་ཀུན་འདུས་དྷརྨེ་ཤྭ་ར་ལ། །ཕྱག་འཚལ་བཀའ་གནང་བྱིན་གྱིས་བརླབ་ཏུ་གསོལ། །དམར་ཁྲིད་ཕྱག་རྫོགས་ཟུང་འཇུག་ཁྲིད་ཆེན་གྱི། །དོན་བསྡུས་གོ་བདེ་རྒན་མོ་མཛུབ་ཚུགས་ནི། །དང་པོ་བླ་མའི་མཚན་ཉིད་མང་དུ་གསུངས་ཀྱང་། བླ་མའི་མཚན་ཉིད་རྣམས་བདག་ལ་མི་ལྡན་ན་ཡང་། དུས་སྙིགས་མའི་སྐབས་སུ་སྐྱོན་མེད་ཡོན་ཏན་ལྡན་པའི་བླ་མ་དཀོན་ཏེ། དོན་དམ་བསྙེན་པ་ལས། སྙིགས་དུས་དབང་གིས་བླ་མའི་སྐྱོན་དང་ཡོན་ཏན་འདྲེས། །རྣམ་པ་ཀུན་ཏུ་སྡིག་པ་མེད་པ་ཡོད་མ་ཡིན། །

[Full Size]

གང་ཞིག་ཡོན་ཏན་ལྡན་པ་ཡང་ནི་ལེགས་དཔྱད་ནས། །བུ་རྣམས་ཀྱིས་ནི་དེ་ལ་བསྟེན་པར་འགྱུར་བའོ། །ཞེས་གསུངས་སོ། །དེ་ལ་དགོངས་ནས་བཀའ་གདམས་བླ་མ་རྣམས་ཀྱིས། གང་ཟག་སྐྱོན་གྱིས་ཆོས་ལ་མི་གོས། ཞེས་གསུངས། ནཱ་རོ་པའི་གསུངས་ལས། བླ་མའི་མཚན་ཉིད་བརྒྱུད་པར་ལྡན། །ཞེས་དང་། རྡོ་རྗེའི་གསུངས་དགོངས་པ་གཅིག་པ་ལས། དམ་ཆོས་བརྒྱུད་པར་འབྲེལ་པ་ཉིད་ཟབ། ཅེས་གསུངས་པས། ཆོས་འདི་ནི་རྟོགས་པ་དོན་གྱི་བརྒྱུད་པ་བྱིན་རླབས་ཀྱི་འཕོ་བ་ཅན། སངས་རྒྱས་ཀྱི་ཕྲེང་བ་བར་མ་ཆད་པ་

[Full Size]

སྟེ། རྡོ་རྗེ་འཆང་ཏཻ་ལོ། ནཱ་རོ། མར་མི་དྭགས་གསུམ་ནས། དབང་ཕྱུག་རྡོ་རྗེ། འོད་དཔག་མེད་མིའི་གཟུགས་འཛིན་པ་ཆོས་ཀྱི་དབང་ཕྱུག །དེའི་ཞབས་དྲུང་ནས་བདག་རཱ་ག་ཨ་སྱའི་ཕྱག་རྒྱ་ཆེན་པོའི་ཁྲིད་ཟླ་བ་གཅིག །ལྔ་ལྡན་གྱི་རྒྱས་བཤད་དགོངས་པ་གཅིག་པ་བདུན་གཉིས་ཙམ་ཐོབ་པས། འཇམ་དབྱངས་ཀླུ་སྒྲུབ་ནས་བརྒྱུད་པའི་ཟབ་མོ་ལྟ་རྒྱུད། བྱམས་པ་ཐོག་མེད་ནས་བརྒྱུད་པའི་རྒྱ་ཆེན་སྤྱོད་རྒྱུད། འཇམ་དབྱངས་ཞི་བ་ལྷ་གསེར་གླིང་པ་ནས་བརྒྱུད་པའི་བློ་སྦྱོང་དང་། དུས་མཁྱེན་གྱིས་བླ་མ་བྲག་དཀར་བ་ལ་རྫོགས་ཆེན་ཨ་རོ་སྙན་བརྒྱུད་གསན། ཀརྨ་པཀྴིས་ཀཿཐོག་པ་བྱམས་པ་འབུམ་ལ་མདོ་སྒྱུ་སེམས་གསུམ་ཞུས་ནས་མཁས་པར་སྦྱངས་ནས་ཉིད་ཀྱི་མཛད་ཆོས་རྣམས་ཀྱང་ཕྱག་རྫོགས་ཟུང་འཇུག་མཛད། རང་བྱུང་རྡོ་རྗེས་པདྨ་ལས་འབྲེལ་རྩལ་མཁའ་འགྲོ་སྙིང་ཐིག་ཞུས་པས། དེས་ན་རྫོགས་ཆེན་གྱི་དོན་བརྒྱུད་ཡང་བརྒྱུད་པ་འདི་ལ་འདུས། ཐུགས་རྗེ་ཆེན་པོའི་དམར་ཁྲིད་སྐུ་གསུམ་ངོ་སྤྲོད། ཐུགས་རྗེ་ཆེན་པོ་མི་ཏྲ་ལུགས་ཀྱི་དམར་ཁྲིད། ཐུགས་རྗེ་ཆེན་པོ་ཡང་གསང་བླ་མེད་ཀྱི་དམར་ཁྲིད་སེམས་ཉིད་ངལ་གསོ། ཐུགས་རྗེ་

[Full Size]

ཆེན་པོ་གསང་བ་འདུས་པའི་དམར་ཁྲིད། དཔལ་མོ་ལུགས་ཀྱི་དམར་ཁྲིད། ཚེམ་བུ་ལུགས་ཀྱི་དམར་ཁྲིད་དང་། ཐུགས་རྗེ་ཆེན་པོ་ངན་སོང་རང་གྲོལ། ཐུགས་རྗེ་ཆེན་པོ་དོན་ཏྲིག །དེ་ཐམས་ཅད་ཀྱི་དོན་གྱི་རྩ་བ་ནི་ཟུང་འཇུག་བརྒྱུད་རིམ་འདི་ལ་འདུས། གྲུབ་ཆེན་རྨ་སེ་ནས་ཚེར་ལུང་དྲུང་སྐྱིད་ཀུན་དགའ་རྣམ་རྒྱལ། དེའི་དྲུང་ནས་བདག་རཱ་ག་ཨ་སྱའི་ཕྱག་རྒྱ་ཆེན་པོའི་ཁྲིད་ཞག་བཅོ་བརྒྱད་ཐོབ་སྟེ། གྲུབ་ཆེན་ཀརྨ་པཀྵིའི་ཞལ་ནས། མིང་ཡོངས་སུ་གྲགས་པ་ཀརྨ་པ་དང་ཐུགས་རྗེ་ཆེན་པོའི་བར་ན་བརྒྱུད་པ་གཞན་ཡོད་ཀྱང་ཉན། མེད་ཀྱང་ཉན་གསུངས་པས། རྗེ་བཅུ་པའི་ཞལ་སྔ་ནས། ཐུགས་རྗེ་ཆེན་པོའི་བསྒོམ་ལུང་བླ་མའི་རྣལ་འབྱོར་ཕྱག་ཆེན་ངོ་སྤྲོད་རྣམས་ཐོབ། མི་འགྱུར་རྡོ་རྗེའི་ཆོས་བདག་གཏེར་བློན་དུ་ལུང་བསྟན་ཅིང་། ལོ་གསུམ་གཟིམ་མ་གཅིག་ཏུ་བྱས་ནས། རྫོགས་ཆེན་ཁྲིད་སངས་རྒྱས་ལག་འཆང་དང་། ཐུགས་རྗེ་ཆེན་པོའི་དམར་ཁྲིད་ཆོས་འབྲུ་བདུན་པ་སོགས་གནམ་ཆོས་རྣམས་ཞུས། བདུད་འདུལ་རྡོ་རྗེའི་དྲུང་ནས་ཐེག་པ་སྤྱིའི་ཁྲིད་དང་། རྫོགས་ཆེན་དང་འབྲེལ་བའི་དབང་ལུང་མང་དུ་ཐོབ་ཅིང་། ཆོས་

[Full Size]

བདག་ཡིན་པའི་ལུང་བསྟན་དང་དམ་རྫས་ཨ་རྒྱ་ཅན་གནང་ནས། རྫོགས་ཆེན་རང་གི་ཉམས་ལེན་དང་གཞན་ལ་སྟོན་པ་སོགས་གལ་ཆེ་ཚུལ་ཞལ་གདམས་མང་དུ་གནང་། དེ་དག་ནི་ཁྲིད་ཀྱི་བརྒྱུད་པ་ཡིན་ལ། གཞན་ཡང་དབང་ལུང་ཆོས་འབྲེལ་བླ་མ་བཞི་བཅུ་ཞེ་དགུ་ཙམ་ལས་མཐའ་ཡས་པ་ཞིག་ཐོབ་བོ། །དེ་ཐམས་ཅད་ཀྱི་དོན་གྱི་སྙིང་པོ་ཁྲིད་འདི་ལ་འདུས་ཐུགས་རྗེ་ཆེན་པོའི་དམར་ཁྲིད་ཚེམ་བུ་ལུགས། དཔལ་མོ་ལུགས། མི་ཏྲ་ལུགས། ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྐུ་གསུམ་ངོ་སྤྲོད། ཐུགས་རྗེ་ཆེན་པོ་ཡང་གསང་བླ་མེད་ཀྱི་ཁྲིད་སེམས་ཉིད་ངལ་གསོ། ཐུགས་རྗེ་ཆེན་པོ་གསང་འདུས་དམར་ཁྲིད། མ་ཎི་བཀའ་འབུམ། ཡང་སྙིང་འདུས་པ། ངན་སོང་རང་གྲོལ། དེ་རྣམས་ཀྱི་ལུང་ཐོབ་པའི་དོན་ཡང་འདིར་འདུས་པས། དམ་ཆོས་བརྒྱུད་པར་འབྲེལ་བ་ཡིན་ནོ། །རིག་འཛིན་ཀློང་གསལ་སྙིང་པོས་ཁོང་གི་གཏེར་ཆོས་ཐམས་ཅད་ཀྱི་དབང་ལུང་གི་བརྒྱུད་པ་གཏད་པ་ཡིན་པས། དངོས་སུ་མཇལ་མི་དགོས། རང་གི་ཉམས་ལེན་དང་གཞན་ལ་གང་འཕེལ་གྱིས་གསུངས་ནས་བཀའ་ཤོག་གནང་བ་དང་དུས་མཉམ་དུ་རྟགས་མཚན་བཟང་པོ་

[Full Size]

ཡང་བྱུང་བས། མཁའ་འགྲོ་གཏད་རྒྱ་བརྒྱུད་པ་ཡང་འདི་ལ་ཚང་། བཀའ་བབ་དོན་གྱི་བརྒྱུད་པ་ནི། ས་ཆེན་ཀུན་དགའ་སྙིང་པོས། འཇམ་དབྱངས་ཞལ་གཟིགས་ནས་ཆོས་ཚིག་བཞི་གནང་བ་ལ་བརྟེན་ནས་ཞེན་པ་བཞི་བྲལ་གྱི་ཁྲིད་མཛད། གཙང་པ་རྒྱ་རས་ཀྱིས་སངས་རྒྱས་རབས་བདུན་ཞལ་གཟིགས་ནས་ཆོས་ཤོ་ལོ་ཀ་འགའ་ཟུང་གནང་བ་ལ་བརྟེན་ནས། རྟེན་འབྲེལ་ཁོ་བོ་ལུགས་ཀྱི་ཁྲིད་མཛད། ཕག་གྲུ་ལ་སོགས་བཀའ་བརྒྱུད་གོང་མ་རྣམས་ཀྱིས། སེམས་བསྐྱེད་རྨི་ལམ་མ། ཞི་བྱེད་རྨང་ལམ་མ། །གསང་སྤྱོད་རྣལ་ལམ་མ་སོགས་མང་དུ་མཛད། དེ་རྣམས་ལ་འགྲན་ཟླ་མེད་ནའང་། བདག་རཱ་ག་ཨ་སྱས་ཐུགས་རྗེ་ཆེན་པོ་ལ་ལོ་བཅུ་གསུམ་སྒྲུབ་པའི་དམ་བཅའ་ལ་གནས་པའི་ཅིག་ཉམས་ཀྱི་སྣང་བ་ལ། མདུན་གྱི་བར་སྣང་ལ་སེང་གེ་གཡུ་རལ་སྤྲིན་ལྟར་གཏིབས་པ་གཅིག་ལ། སྲིན་པོ་སྨུག་ནག་སྐུ་གཅེར་བུ་འཇིགས་སུ་རུང་བ། མ་མཆེ་སྨིན་མཚམས་དང་། ཡ་མཆེ་བྲང་དུ་སླེབ་པ་གཅིག་གིས་སེང་གེ་ཆིབས་པའི་ལུས་སྒུར་པོར་འདུག །དེའི་སྟེང་ན་ཨོ་རྒྱན་རིན་པོ་ཆེའི་སྐུ་གཅེར་བུ་སྨུག་ནག །ཕྱག་འགག་གཡོན་

[Full Size]

དུ་གསེར་གྱི་ཕྱག་གདུབ་འོད་འབར་བས་བརྒྱན་པ། ཕྱག་གཉིས་སྲིན་པོའི་དཔུང་པ་གཉིས་ལ་འཇུས་ནས་འགུལ་མི་འཇུག་པ། ཞལ་ཁྲོ་གཉེར་དང་བཅས་པ་ཨོཾ་གཙིགས་བསྡམས་པ། དབུ་ལ་པད་ཞྭ་ངུར་སྨྲིག་གསོལ་བ་གཅིག་གསལ་པོར་མཇལ། དེ་ནས་མི་སྣང་བར་གྱུར་མ་ཐག །དཔེ་ཆ་གཅིག་ལག་ཏུ་བཞག་བྱུང་། འཁྲུལ་པ་ཡིན་སྙམ་ནས་མ་བལྟས་ཛ། །ལྡེབ་མ་དུང་གི་མདོག་ཅན། མཚལ་མགོ་དང་བྲིས་ཤིན་ཏུ་ལེགས་པ་གཅིག་མིག་གི་ཐད་དུ་བསྟན་ནས་བྱུང་། དེ་ལ་བལྟས་པས་ཁྲིད་འདིའི་རྩ་ཚིག་རྡོ་རྗེའི་ཚིག་རྐང་བཞི་འདུག །ཕྱིར་ནངས་ཡི་གེར་བྲིས་ནས་བལྟས་པས། ཐུགས་རྗེ་ཆེན་པོའི་དམར་ཁྲིད་དང་ཕྱག་རྫོགས་གཉིས་ཀའི་དོན་འདུས་པར་གོ །ཡང་རྨི་ལམ་དུ་གདོང་མཁའ་སྤྱོད་པ་དང་མཇལ་བས། ཕྱག་རྒྱ་ཆེན་པོའི་ངོ་སྤྲོད་གནང་། དེ་དག་ནི་བཀའ་བབ་བྱིན་རླབས་ཀྱི་བརྒྱུད་པར་རློམ་སྟེ། ཁྲིད་འདིའི་རྩ་བའོ། །དཀོན་མཆོག་བརྩེགས་པ་ལས། མི་རྣམས་གང་ཞིག་གང་གཱའི་བྱེ་སྙེད་ཀྱི། །འཇིག་རྟེན་ཁམས་མཆོག་རིན་ཆེན་བཀང་བྱས་ཏེ། །དགེ་མཆོག་སེམས་ཀྱིས་རྒྱལ་ལ་ཕུལ་བ་བས། །གང་གིས་སེམས་ཅན་གཅིག་ལ་

[Full Size]

ཚིགས་བཅད་བྱིན། །རིན་ཆེན་སྦྱིན་པ་རྒྱ་ཆེན་བྱིན་པ་དེས། །ཚིགས་བཅད་བྱིན་པ་སྙིང་རྗེ་བསྒྲུབ་དེ་ལ། །ཆར་ཡང་མི་ཕོད་གྲངས་སུ་ཡང་མ་ཡིན་ནོ། །ཞེས་དང་། ཡང་དཀོན་མཆོག་བརྩེགས་པ་ལས། དགེ་བ་དང་ནི་སྡིག་པའི་ཆོས། །མ་ཐོས་པས་ནི་ཤེས་མི་འགྱུར། །ཐོས་ནས་ཆོས་རྣམས་རྣམ་པར་ཤེས། །ཐོས་ནས་སྡིག་པ་བརྟེན་མི་བྱེད། །ཐོས་ནས་སྡིག་པ་སྤང་བར་བྱེད། །ཐོས་ནས་མྱ་ངན་འདས་པ་ཐོབ། །ཐོས་ནས་ཤེས་རབ་འཕེལ་བར་འགྱུར། །ཤེས་རབ་ཀྱིས་ནི་དོན་རྣམས་སྤྱོད། །དོན་མཐོང་ནས་ནི་བདེ་ཐོབ་འགྱུར། །དོན་ཐོས་དེ་ནི་ཡིད་གཞུངས་ཏེ། །ཚེ་འདི་ལ་ནི་མྱ་ངན་འདའ། །ཞེས་གསུངས་པས་ཆོས་ཐོས་པའི་ཕན་ཡོན་དཔག་ཏུ་མེད་པའི་ཕྱིར། སེམས་མ་ཡེངས་པར་རྩེ་གཅིག་ཏུ་ཉོན། ཆོས་དབུ་འཛུགས་སོ།། །།ཆོས་ཐུན། ༼༡༽ ཐུགས་རྗེ་ཆེན་པོའི་གདམས་ངག །བློ་ཆོས་སུ་འགྲོ་ཞིང་མི་ལུས་ཐོབ་པ་དོན་མེད་སྟོང་ལོག་ཏུ་མི་འགྲོ་བའི་ཐབས། དལ་འབྱོར་རྙེད་དཀའ་བ་བསྒོམ་པར་བྱ་སྟེ། སྤྱན་རས་གཟིགས་ཀྱིས་གསུངས་པའི་རྡོ་རྗེའི་ཚིག་རྐང་ལས། གང་གིས་མི་ལུས་རིན་

[Full Size]

ཆེན་འདི། །རྒྱུ་འབྲས་ངོ་བོ་དེ་དོན་གྱི། །དལ་འབྱོར་རྙེད་དཀའི་དོན་བསྒོམ་ཞིང་། །བརྩོན་འགྲུས་ཆེར་བསྐྱེད་ཉམས་ལེན་བྱ། །ཞེས་གསུངས། སྙིང་རྗེ་པདྨ་དཀར་པོའི་མདོ་ལས། ཀྱེ་མ་མིར་སྐྱེ་བ་ཡང་རྙེད་པར་དཀའ། །དལ་བ་ཕུན་སུམ་ཚོགས་པའང་རྙེད་པར་དཀའ། །སངས་རྒྱས་འཇིག་རྟེན་དུ་འབྱོན་པའང་རྙེད་པར་དཀའ། །དགེ་བའི་ཆོས་ལ་འདུན་པའང་རྙེད་པར་དཀའ། །ཞེས་གསུངས་སོ། །དེ་ལ་དལ་འབྱོར་གྱི་མི་ལུས་ཐོབ་དཀའ་བ་དངོས་སུ་བལྟ་རྒྱུ་ཡོད་པ་འདི་ལ་ལྟོས་དང་། འགྲོ་བ་རིགས་དྲུག་གི་ནང་ནས་དུད་འགྲོ་རིགས་གཅིག་ཡིན། དུད་འགྲོ་ལ་རིགས་མི་གཅིག་པ་བྱེ་བ་ཕྲག་བཅོ་བརྒྱད་ཡོད་པར་བཤད། དེའི་ནང་ནས་འབུ་སྲིན་ནི་རིགས་གཅིག་ཡིན། ལུང་པ་རེ་ན་མི་དུ་ཙམ་ཡོད། འབུ་སྲིན་དུ་ཙམ་འདུག་བསམ་མནོ་ཐོངས་དང་། གྲོང་པ་རེ་དང་ཁྱིམ་རེ་ན་མི་དུ་ཙམ་གདའ། འབུ་སྲིན་དུ་ཙམ་གདའ་ལྟོས་དང་། ཤིག་དང་ལྗི་བ་དང་སྲིན་བུ་བ་ཤ་ཀ་དང་། གྲོག་སྦུར་ཡན་ཆད་འདི་ཚོ་ཡང་རང་རེ་ཚོ་བས་ལྷག་ཙམ་གྱིས་མི་ལ་ཡང་སྐྱེ་མྱོང་ཚོད་རེད་དེ། ཆོས་མ་བྱས་པས་འདི་འདྲ་བ་གཅིག་རེད་གདའ་བ་ཨེ་མཐོང་། རྔ་བོ་

[Full Size]

ཆེའི་མདོ་ལས་ཀྱང་། རྒྱ་གྲོག་གི་ཚང་ཆེ་བ་རེ་ལ་འབུམ་ཕྲག་གསུམ་ཡོད། འབྲིང་བ་ལ་ཁྲི་ཕྲག་གསུམ་ཡོད། ཐ་མ་ལ་སྟོང་ཕྲག་གསུམ་ཡོད་པར་བཤད། ། སྡེ་ཆེན་པོ་གཅིག་གི་མངའ་འོག་ན་ཡང་མི་ལུས་ཐོབ་ཚད་ལ་ཡང་འབུམ་ཕྲག་གསུམ་ཨེ་ཡོད་ཆ་མེད། མི་ལུས་ཐོབ་ཨེ་དཀའ་དེ་ཚོ་བསམ་མནོ་ཐོང་ལ་ལྟོས་དང་གསལ་ལོ། །དེ་ཚོ་ཡང་ཐོས་གཏམ་དང་ངན་དཔྱད་མིན། ཐུབ་པ་དང་ཨོ་རྒྱན་གྱི་གསུངས་གཉིས་ཀ་ལས། དཀའ་འམ་མི་དཀའ་སེམས་ཅན་གྲངས་ལ་ལྟོས། །ཞེས་གསུངས་པའི་དོན་ཡིན་ནོ།། ༼༢༽ ཐུགས་རྗེ་ཆེན་པོའི་གདམས་ངག་ཟབ་མོ། ཆོས་མྱུར་དུ་འགྲུབ་པའི་ཐབས། འཆི་བ་མི་རྟག་པ་བསྒོམ་པ་ནི། བཅོམ་ལྡན་འདས་ཀྱི་ཞལ་ནས། དགེ་སློང་དག་འདུས་བྱས་ཐམས་ཅད་ནི་མི་རྟག་པའོ། །ཞེས་གསུངས་སོ། །ཆེད་དུ་བརྗོད་པའི་ཚོམས་ལས། བསགས་པའི་མཐའ་ནི་འཛད་པ་སྟེ། །བསླང་བའི་མཐའ་ནི་འགྱེལ་བར་འབྱུང་། །ཕྲད་པའི་མཐའ་ནི་བྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་གསུངས་སོ། །སྤྱོད་འཇུག་ལས། དེ་རིང་ཁོ་ན་མི་འཆི་ཞེས། །བདེ་བར་འདུག་

[Full Size]

པ་རིག་མ་ཡིན། །བདག་ནི་མེད་པར་འགྱུར་བའི་དུས། །དེ་ནི་གདོན་མི་ཟ་བར་འབྱུང་། །བདག་ལ་མི་འཇིགས་སུ་ཡིས་བྱིན། །འདི་ལས་ཇི་ལྟར་ངེས་ཐར་འགྱུར། །གདོན་མི་ཟ་བར་མེད་འགྱུར་ན། །ཇི་ལྟར་བདག་ཡིད་བདེ་བར་འགྱུར། །ཞེས་གསུངས་སོ། །འཆི་བ་མི་རྟག་པ་མིག་གིས་བལྟ་རྒྱུ་ཡོད་པ་འདི་ལ་ལྟོས་དང་། རང་དང་ས་ཕྱོགས་གཅིག་པ་དང་། གྲོང་གཅིག་པ་དང་། ངོ་ཤེས་པ་དང་ཉེ་དུ་རྣམས་སོ་ནམ་དང་ལས་དཀའ་མང་པོ་བྱེད་འཕྲོ་ལ་ཤི་སོང་དུས། རང་གིས་ཀྱང་བྱ་བ་མང་པོ་བསྒྲུབ་བསམས་ཀྱང་ལོང་མེད་པར་ཤེས་པར་གྱིས། རང་དང་ན་མཉམ་པ་དང་། དེ་བས་གཞོན་པ་ཤི་བ་མཐོང་བའི་ཚེ། ན་སོ་གཞོན་ཀྱང་མི་འཆི་བའི་གདེང་མེད་པ་གོ་བར་གྱིས། བཅོམ་ལྡན་འདས་ཀྱི་ཞལ་ནས། ནང་པ་སངས་རྒྱས་པས་བསྒོམ་པའི་འདུ་ཤེས་རྣམས་ཀྱི་ནང་ནས་མི་རྟག་པ་བསྒོམ་པའི་འདུ་ཤེས་ཁོ་ན་མཆོག་ཡིན་ནོ། །ཞེས་གསུངས་སོ།། ༼༣༽ ཐུགས་རྗེ་ཆེན་པོའི་གདམས་ངག་ཟབ་མོ། སྡུག་བསྔལ་སྤང་ཞིང་བདེ་བ་ཐོབ་པའི་ཐབས། ལས་རྒྱུ་འབྲས་ཤེས་པར་བྱ་སྟེ། ལས་བརྒྱ་པ་ལས། ལས་རྣམས་ཀྱང་ནི་སྣ་ཚོགས་

[Full Size]

ལས། །དེ་ཡིས་འགྲོ་འདི་སྣ་ཚོགས་བྱས། །ཞེས་གསུངས་སོ། །སྤྱན་རས་གཟིགས་ཀྱི་རྡོ་རྗེའི་ཚིག་རྐང་ལས། མི་དགེའི་འབྲས་བུས་སྡུག་བསྔལ་ཏེ། །དགེ་བའི་ལས་ཀྱིས་བདེ་བ་ཐོབ། །འདྲེས་ལས་བདེ་སྡུག་འདྲེས་འབྱུང་བས། །དགེ་སྡིག་ཆུང་ནས་བླང་དོར་བྱ། །ཞེས་གསུངས་སོ། །རིན་ཆེན་ཕྲེང་བ་ལས། འདོད་ཆགས་ཞེ་སྡང་གཏི་མུག་སྟེ། །དེས་བསྐྱེད་ལས་ནི་མི་དགེ་བ། །མི་དགེ་བ་ལས་སྡུག་བསྔལ་ཏེ། །དེ་བཞིན་ངན་འགྲོ་ཐམས་ཅད་དོ། །མ་ཆགས་ཞེ་སྡང་གཏི་མུག་མེད། །དེས་བསྐྱེད་ལས་ནི་དགེ་བ་ཡིན། །དགེ་ལས་བདེ་འགྲོ་ཐམས་ཅད་དང་། །སྐྱེ་བ་ཀུན་ཏུ་བདེ་བ་དག །ཅེས་གསུངས་སོ། །གོ་བདེ་བར་བཤད་ན། སྲོག་བཅད་པའི་རྣམ་པར་སྨིན་པའི་འབྲས་བུ་ནི་དམྱལ་བར་སྐྱེ། རྒྱུ་མཐུན་གྱི་འབྲས་བུ་གལ་ཏེ་མིར་སྐྱེས་ནའང་ཚེ་ཐུང་ཞིང་ནད་མང་། དབང་གི་འབྲས་བུ་ཡུལ་བཀྲ་མི་ཤིས་སར་སྐྱེ། མ་བྱིན་པ་བླངས་པའི་རྣམ་སྨིན་གྱི་འབྲས་བུ་ཡི་དྭགས་སུ་སྐྱེ། རྒྱུ་མཐུན་གྱི་འབྲས་བུ་མིར་སྐྱེས་ཀྱང་དབུལ་པོར་འགྱུར། དབང་གི་འབྲས་བུ་ཡུལ་སད་སེར་མང་སར་སྐྱེ། འདོད་ལོག་སྤྱད་པའི་

[Full Size]

རྣམ་སྨིན་གྱི་འབྲས་བུ་ཡི་དྭགས་སུ་སྐྱེ། རྒྱུ་མཐུན་གྱི་འབྲས་བུ་དགྲ་སྡང་བའི་ཆུང་མར་སྐྱེ། དབང་གི་འབྲས་བུ་ཡུལ་ཚད་རོང་དུ་སྲོག་ཆགས་སྤུ་མེད་པའི་རིགས་སུ་སྐྱེ། རྫུན་སྨྲ་བའི་རྣམ་སྨིན་དུད་འགྲོར་སྐྱེ། རྒྱུ་མཐུན་གྱི་འབྲས་བུ་མིར་སྐྱེས་ནའང་མི་ཁ་སྡང་། དབང་གི་འབྲས་བུ་དྲི་མི་ཞིམ་སར་སྐྱེ། ཕྲ་མའི་རྣམ་པར་སྨིན་པའི་འབྲས་བུ་དམྱལ་བར་སྐྱེ། །རྒྱུ་མཐུན་གྱི་འབྲས་བུ་མཛའ་བོ་དང་བྲལ། དབང་གི་འབྲས་བུ་ཡུལ་མཐོ་དམན་ཆེ་སར་སྐྱེ། ཚིག་རྩུབ་ཀྱི་རྣམ་སྨིན་གྱི་འབྲས་བུ་དམྱལ་བར་སྐྱེ། རྒྱུ་མཐུན་གྱི་འབྲས་བུ་མི་ཁ་སྡང་། དབང་གི་འབྲས་བུ་ཡུལ་ཆུ་དཀོན་ཚྭ་སྒོ་ཅན་སྡིག་ཤས་ཅན་དུ་སྐྱེ། །ངག་འཁྱལ་གྱི་རྣམ་པར་སྨིན་པའི་དུད་འགྲོར་སྐྱེ། རྒྱུ་མཐུན་གྱི་འབྲས་བུ་ཚིག་མི་བཙུན་པར་འགྱུར། དབང་གི་འབྲས་བུ་དབྱར་དགུན་གོ་ལོག་སར་སྐྱེ། བརྣབ་སེམས་ཀྱི་རྣམ་སྨིན་གྱིས་ཡི་དྭགས་སུ་སྐྱེ། རྒྱུ་མཐུན་གྱི་འབྲས་བུ་ཆགས་པ་ཤས་ཆེ་བར་འགྱུར། དབང་གི་འབྲས་བུ་ཡུལ་འབྲུ་ངན་སར་སྐྱེ། གནོད་སེམས་ཀྱི་རྣམ་སྨིན་གྱིས་དམྱལ་བར་སྐྱེ། རྒྱུ་མཐུན་གྱི་འབྲས་བུ་ཞེ་སྡང་ཤས་ཆེ་བར་འགྱུར། དབང་གི་འབྲས་བུ་ཟས་ཁ་ཞིང་རྩུབ་པའི་སར་སྐྱེ།

[Full Size]

ལོག་ལྟའི་རྣམ་པར་སྨིན་པས་དུད་འགྲོར་སྐྱེ། རྒྱུ་མཐུན་འབྲས་བུ་མིར་སྐྱེས་ཀྱང་གཏི་མུག་ཤས་ཆེ། དབང་གི་འབྲས་བུ་ཡོ་བྱད་ཡེ་མེད་སར་སྐྱེ། དེ་ཡང་མི་དགེ་བ་དེ་དག་ཞེ་སྡང་གི་སྒོ་ནས་སྤྱད་ན་དམྱལ་བ། འདོད་ཆགས་ཀྱི་སྒོ་ནས་སྤྱད་ན་ཡི་དྭགས། གཏི་མུག་གི་སྒོ་ནས་སྤྱད་ན་དུད་འགྲོ། ཆེན་པོར་སྤྱད་པས་དམྱལ་བ། འབྲིང་སྤྱད་པས་ཡི་དྭགས། ཆུང་ངུར་སྤྱད་པས་དུད་འགྲོ། ཡུལ་མཐོན་པོ་ལ་སྤྱད་ན་དམྱལ་བ། འབྲིང་ལ་ཡི་དྭགས། ཐ་མ་ལ་སྤྱད་ན་དུད་འགྲོར་སྐྱེའོ། །མི་དགེ་བ་བཅུ་སྤངས་པ་ནི་དགེ་བ་བཅུ་ཡིན་ཏེ། ཕན་ཡོན་ནི་གོང་གི་སྐྱོན་དེ་དག་ལས་ལྡོག་གོ །མི་གཡོ་བའི་ལས་རྒྱུ་འབྲས་ནི། ཞི་གནས་ཀྱི་བསམ་གཏན་བསྒོམས་པས་ཞི་གནས་ཆེ་ཆུང་གི་ཚོད་ཀྱིས། གཟུགས་ཁམས་གནས་རིགས་བཅུ་བདུན་དང་། །གཟུགས་མེད་སྐྱེ་མཆེད་མུ་བཞིའི་ལྷར་སྐྱེ་སྟེ། ལས་རྒྱུ་འབྲས་མིག་གི་ལྟ་རྒྱུ་ཡོད་པ་འདི་རྣམས་ལ་ལྟོས་དང་། མིའི་ལུས་ཐོབ་པ་འདྲ་འདྲ་ལ། ཚེ་རིང་ཐུང་མི་འདྲ། ནད་དཀོན་མོད་མི་འདྲ། ཕྱུག་དབུལ་མི་འདྲ་བ། ཕ་མ་གཅིག་པའི་སྤུན་ཟླ་ལ་ཡང་ཚེ་རིང་ཐུང་དང་སྐྱིད་སྡུག་མི་འདྲ་བ་འདི་

[Full Size]

རྣམས། ཕོ་རྒོད་ཞན་མ་ཡིན། ཚེ་སྔོན་དགེ་སྡིག་གང་བྱས་ལས་ཀྱི་ཁྱད་ཡིན་ཏེ། སྔ་མ་གང་བྱས་ད་ལྟའི་ལུས་འདི་ལ་ལྟོས། ཞེས་གསུངས་སོ། །འོ་ན་ཡུལ་མཐོན་པོ་རྣམས་རྒྱུ་འབྲས་ལ་མི་འཛེམ་པར་འདུག་པས་སྐྱོན་མེད་དམ་སྙམ་ན། རྟོགས་པ་མཆོག་ཐོབ་པ་རྣམས་ཀྱིས་ཇི་ལྟར་མཛད་ཀྱང་བྱང་ཆུབ་ཀྱི་གྲོགས་སུ་འགྲོ་སྟེ། དུག་ལྔ་ལམ་དུ་ཁྱེར་ཐུབ་པའི་ཕྱིར། སྦྱོང་རྒྱུད་ལས། རྡོ་རྗེ་སེམས་དཔའི་གནས་འདུག་ནས། །ཐམས་ཅད་ཟོས་ཤིང་ཀུན་སྤྱད་ཀྱང་། །འགྲུབ་འགྱུར་ཉེས་པར་མི་འགྱུར་ན། །སྙིང་རྗེར་ལྡན་ལ་སྨོས་ཅི་དགོས། །ཞེས་གསུངས་སོ།། ༼༤༽ ཐུགས་རྗེ་ཆེན་པོའི་གདམས་ངག་ཟབ་མོ། གཏན་བདེའི་འདུན་མ་སྒྲུབ་པའི་ཐབས། འཁོར་བའི་ཉེས་དམིགས་བསྒོམ་པར་བྱ་སྟེ། སྤྱན་རས་གཟིགས་ཀྱི་རྡོ་རྗེའི་ཚིག་རྐང་ལས། །གང་ཚེ་འཁོར་བ་གར་གནས་ཀྱང་། །སྡུག་བསྔལ་གསུམ་ལས་མ་འདས་པས། །དེ་ལས་ངེས་པར་འབྱུང་འདོད་གང་། །བདེན་དོན་ཚུལ་བཞིན་བསྒོམ་པར་བྱ། །ཞེས་དང་། མདོ་དྲན་པ་ཉེར་བཞག་ལས། སེམས་ཅན་དམྱལ་བ་དམྱལ་མེས་ཉམས། །ཡི་དྭགས་བཀྲེས་ཤིང་སྐོམ་པས་

[Full Size]

ཉམས། །དུད་འགྲོ་གཅིག་ལ་གཅིག་ཟས་ཉམས། །མི་དག་འཚོ་བ་ཐུང་བས་ཉམས། །ལྷ་རྣམས་བག་མེད་པ་ཡིས་ཉམས། །ལྷ་མིན་འཐབ་ཅིང་རྩོད་པས་ཉམས། །འཁོར་བ་ཁབ་ཀྱི་རྩེ་ཙམ་ལ། །བདེ་བ་ནམ་ཡང་ཡོད་མ་ཡིན། །ཞེས་གསུངས་སོ། །མཛོད་ལས། ཏིལ་སྦྱངས་ནང་ནས་ལོ་བརྒྱ་ཞིང་། །ཏིལ་གཅིག་ཕྱུངས་བས་ཟད་གྱུར་པ། །ཆུ་བུར་ཅན་གྱི་ཚེ་ཚད་ཡིན། །གཞན་གྱི་ཚེ་ནི་ཉི་ཤུས་འགྱུར། །ཞེས་གསུངས། བཤེས་སྤྲིངས་ལས། སེམས་ཅན་ཉེས་པ་སྤྱད་པ་སྤྱོད་པ་རྣམས། །ཡང་སོས་ཐིག་ནག་རབ་ཏུ་ཚ་བ་དང་། །བསྡུས་འཇོམས་ངུ་འབོད་མནར་མེད་ལ་སོགས་པ། །དམྱལ་བ་རྣམས་སུ་རབ་ཏུ་སྡུག་བསྔལ་འགྱུར། །འདི་ན་མི་དག་མདུང་ཐུང་ལྔ་བརྒྱ་ཡིས། །རབ་ཏུ་དྲག་བཏབ་སྡུག་བསྔལ་གང་ལགས་པ། །དེ་ནི་དམྱལ་བའི་སྡུག་བསྔལ་ཆུང་ངུ་ཡི། །འོལ་ཡང་མ་ཡིན་ཆར་ཡང་མི་ཕོད་དེ། །དམྱལ་བ་བྲིས་པ་མཐོང་དང་ཐོས་པ་དང་། །དྲན་ནམ་བཀླགས་སམ་གཟུགས་སུ་བགྱིས་པས་ཀྱང་། །སྡུག་བསྔལ་སྐྱེ་བར་འགྱུར་ན་མི་བཟོད་པའི། །རྣམ་སྨིན་ཉམས་སུ་མྱོང་ན་སྨོས་ཅི་དགོས། །ཞེས་གསུངས་

[Full Size]

སོ། །ཡི་དྭགས་ནི། བཤེས་སྤྲིངས་ལས། ཡི་དྭགས་ན་ཡང་འདོད་པས་ཕོངས་པ་ཡིས། །བསྐྱེད་པའི་སྡུག་བསྔལ་རྒྱུན་ཆད་མ་མཆིས་སོ། །བཀྲེས་སྐོམ་དྲོ་གྲང་ངལ་དང་འཇིགས་པ་ཡིས། །བསྐྱེད་པ་ཤིན་ཏུ་མི་བཟད་བསྟེན་འཚལ་ལོ། །ཁ་ཅིག་ཁ་ནི་ཁབ་ཀྱི་མིག་ཙམ་ལ། །ལྟོ་བ་རི་ཡི་ལྟོས་ཙམ་བཀྲེས་པས་ཉན། །མི་གཙང་གྱི་ནར་བོར་བ་ཅུང་ཟད་ཀྱང་། །འཚལ་བའི་མཐུ་དང་ལྡན་པ་མ་ལགས་སོ། །ཁ་ཅིག་ལྤགས་རུས་འདུས་ཏེ་ལུས་ཤིང་གཅེར་བུ་སྟེ། །ཏ་ལའི་ཡལ་ཐོག་སྐམ་པ་ལྟ་བུ་ལགས། །ཁ་ཅིག་འཚལ་ཞིང་ཁ་ནས་འབར་བ་སྟེ། །ཟས་སུ་འབར་བ་ཁར་འབབ་སྡུག་བསྔལ་ཙམ། །དམངས་རིགས་འགས་ནི་རྣག་དང་ཕྱི་ས་དང་། །ཁྲག་སོགས་མི་གཙང་བ་ཡང་མི་རྙེད་དེ། །ཕན་ཚུན་འཚོགས་པར་བྱེད་ཅིང་མགྲིན་པ་ནས། །ལྦ་བ་ལས་བྱུང་སྨིན་པའི་རྣག་འཚལ་ལོ། །འདི་དག་རྣམས་ལ་སོས་ཀའི་དུས་སུ་ནི། །ཟླ་བའང་ཚ་ལ་དགུན་ནི་ཉི་མའང་གྲོང་། ། ལྗོན་ཤིང་འབྲས་བུ་མེད་འགྱུར་འདི་དག་ནི། །བལྟས་པ་ཙམ་གྱིས་ཀླུང་ཡང་སྐམ་པར་འགྱུར། །ཞེས་གསུངས་སོ། །དུད་འགྲོ་ནི། མཛོད་ལས། དུད་འགྲོ་ཕན་ཚུན་སྡང་

[Full Size]

དང་སྲོག རང་དབང་མེད་པར་བསད་སོགས་ཀྱི། །རྟག་ཏུ་སྡུག་བསྔལ་གྱིས་གདུང་ལ། །ཕལ་ཆེར་དམྱལ་བ་དག་དང་མཚུངས། །ཞེས་དང་། བཤེས་སྤྲིངས་ལས། དུད་འགྲོའི་སྐྱེ་གནས་ན་ཡང་བསད་པ་དང་། །བཅིང་དང་བརྡེག་སོགས་སྡུག་བསྔལ་སྣ་ཚོགས་པ། །ཞི་གྱུར་དགེ་བ་སྤང་བ་རྣམས་ལ་ནི། །གཅིག་ལ་གཅིག་ཟ་ཤིན་ཏུ་མི་བཟད་པས། །ཁ་ཅིག་མུ་ཏིག་བལ་དང་རུས་པ་དང་། །ཤ་དང་པས་པའི་ཆེད་དུ་གསོད་པར་འགྱུར། །དབང་མེད་གཞན་དག་རྡོག་པ་ལག་པ་དང་། །ལྕགས་དང་ལྕགས་ཀྱུ་རྣོན་པོས་བཏབ་སྟེ་བཀོལ། །ཞེས་གསུངས་སོ། །མི་ལ་ཡང་སྐྱེ་རྒ་ན་འཆིའི་སྡུག་བསྔལ་ཡོད་དེ། མདོ་དྲན་པ་ཉེར་བཞག་ལས། སྡུག་བསྔལ་བརྒྱད་ཅུ་པོ་འདིས་ལུས་ཅན་རྣམས་ལ་ཁྱབ་མོད་ཀྱིས། གཙོ་བོར་མིའི་སྡུག་བསྔལ་ལོ། །ལྷ་མིན་དག་ནི་རང་བཞིན་གྱིས་ལྷའི་དཔལ་ལ་སྡང་ཕྱིར་ཡིད་ཀྱི་སྡུག་བསྔལ་ཆེ། ཞེས་གསུངས་སོ། །འདོད་ཁམས་པའི་ལྷ་ལ་ཡང་། ལྷའི་བུ་འཆི་བ་ནི། ལྟས་རྣམ་པ་ལྔ་འབྱུང་སྟེ། གོས་ལ་དྲི་མ་ཆགས་པར་འགྱུར། མེ་ཏོག་ཕྲེང་བ་རྙིང་པར་འགྱུར། མཚན་ཁུང་གཉིས་ནས་

[Full Size]

རྔུལ་འབྱུང་བར་འགྱུར། ལུས་ལ་དྲི་ངན་པ་འབྱུང་བར་འགྱུར། ལྷའི་བུ་རང་གི་རྟེན་ལ་མི་དགའ་བར་འགྱུར། ཞེས་གསུངས་སོ། །རྒྱ་ཆེ་རོལ་པ་ལས། བྱིས་པ་རྣམས་འཁོར་བ་འདི་ལ་ཆགས་ཤིང་དགའ་བ་ནི་ཕག་མི་གཙང་བ་ལ་ཆགས་པ་ལྟ་བུའོ། །འདི་ན་སེམས་ཅན་རྣམས་ལྟུང་བ་ནི་ཕྱེ་མ་ལེབ་མར་མེར་ལྟུང་བ་ལྟ་བུའོ། །འདི་ན་སེམས་ཅན་རྣམས་བཏུམ་པ་ནི་ཉ་རྒྱ་ཡིས་བཏུམ་པ་ལྟ་བུའོ། །འདི་ན་སེམས་ཅན་རྣམས་འཁོར་བ་ནི་རྫ་མཁན་གྱི་འཁོར་ལོ་ལྟ་བུའོ། །འདི་ན་སེམས་ཅན་རྣམས་བསླུས་པ་ནི་གཡོ་ཅན་གྱིས་བྱིས་པ་བྲིད་པ་ལྟ་བུའོ། །ཞེས་གསུངས་སོ། །འཁོར་བའི་སྡུག་བསྔལ་མིག་གིས་ལྟ་རྒྱུ་ཡོད་དེ། ངན་སོང་གསུམ་གྱི་ནང་ནས་དུད་འགྲོ་སྡུག་བསྔལ་ཆུང་། ཀླུ་མ་གཏོགས་པའི་དུད་འགྲོའི་ནང་ནས་རི་དྭགས་གཡུང་དྭགས་འདི་ཚོ་སྐྱིད་ཤོས་ཡིན་ཏེ། རི་དྭགས་རྣམས་གཅན་གཟན་རྣམས་དང་རྔོན་པས་གསོད་ལུགས་ལ་ལྟོས་དང་། སྡུག་བསྔལ་དེ་འདྲ་རང་ཐོག་ཏུ་བབ་ན་བཟོད་ཐབས་ཨེ་གདའ། གཡུང་དྭགས་རྣམས་ཚོང་པས་བཤའ་བ་ན་ལྟོས་དང་། དེ་འདྲ་རང་ལ་བྱས་བྱུང་ན་སྡུག་བསྔལ་ཅི་ཙམ་འོང་ལེ་གདའ། དེ་འདྲ་ལ་མི་སྐྱེ་

[Full Size]

བའི་གདེང་ཚོད་ཅི་ཡོད། དགུན་སྒང་ཞག་གཅིག་གོས་མེད་ན་ཅི་ཙམ་འཁྱག །གྲང་དམྱལ་ན་སྐྱེས་ན་ཅི་འདྲ་བྱེད། མེ་སྟག་ཕོག་ན་བྱབས་སྔ་ཕྱི་ཨེ་མི་གདའ། །ཚ་དམྱལ་ན་སྐྱེས་ན་བསྒྱུར་ཨེ་ཚུགས། ཞག་གཉིས་གསུམ་ཞིག་ཟས་སྐོམ་མ་རག་ན་ཅི་འདྲ་ཞིག་འོངས། ཡི་དྭགས་སུ་སྐྱེས་ན་ཅི་འཁམས། བྲེལ་ཟིང་གི་འུར་ཆེན་པོ་ལངས་བ་ན་སྐྲག་སྔངས་ཅི་ཙམ་འོང་དེ། ལྷ་མ་ཡིན་དུ་སྐྱེས་ན་ཅི་འདྲ་བྱེད། རང་ལ་གང་ཡོད་ཀྱི་སྦྲ་གཞིས་ཞིང་ཁང་རྒྱུ་ཟས་ཅི་ཡོད་དགྲ་ལ་ཤོར་ནས་རང་སྤྲང་འཁྱམས་དགོས་བྱུང་ན་སྡུག་བསྔལ་ཆེན་པོར་བརྩི་སྟེ། དེ་བས་ལྷ་ཕམ་ལྟུང་གི་སྡུག་བསྔལ་བརྒྱ་སྟོང་གི་འགྱུར་ཆེ། དེ་ཚོ་ལ་བལྟ་རྒྱུ་འདུག་པ་མ་མཐོང་ན་ལོང་བ་ཡིན། དེ་ཚོ་མཐོང་ཡང་སེམས་ལ་ནེམ་འབབ་མི་ཐུབ་པ་འདི་སྙིང་རྡོ་ལས་གྲུབ་པ་ཡིན་ནམ།། ༼༥༽ ཐུགས་རྗེ་ཆེན་པོའི་གདམས་ངག་ཟབ་མོ་འཁོར་བའི་སྡུག་བསྔལ་ལས་སྐྱོབ་པའི་ཐབས། སྐྱབས་འགྲོ་གལ་ཆེ་སྟེ། སྤྱན་རས་གཟིགས་ཀྱི་རྡོ་རྗེའི་ཚིག་རྐང་ལས། འཁོར་བའི་སྡུག་བསྔལ་གྱིས་འཇིགས་རྣམས། །རིན་ཆེན་གསུམ་ལ་སྐྱབས་འགྲོ་ཞིང་། །དེ་ཡི་བསླབ་བྱ་བསྲུང་བ་ལ། །

[Full Size]

རང་གི་ལུས་ལྟར་གཅེས་པར་བསྲུང་། །ཞེས་དང་། སྐྱབས་འགྲོ་བདུན་ཅུ་པ་ལས། སངས་རྒྱས་ཆོས་དང་དགེ་འདུན་ཏེ། །ཐར་པ་འདོད་པ་རྣམས་ཀྱི་སྐྱབས། །སྐྱབས་དེ་ལ་ནི་བརྟེན་ནས་ནི། །འཇིགས་པ་ཀུན་ལས་ཐར་བར་འགྱུར། །ཞེས་དང་། ཨོ་རྒྱན་རིན་པོ་ཆེའི་ཞལ་ནས། ཡིད་ཁྱེད་ཤེས་ཀྱི་བློ་མ་བཀལ་ན། དཀོན་མཆོག་གསུམ་གྱི་བྱིན་རླབས་རྒྱང་རིང་། ཡིད་ཁྱེད་ཤེས་ཀྱི་དད་པ་བརྟན་པར་གྱིས། བློ་དཀོན་མཆོག་གསུམ་ལ་གཏོད། ཅེས་གསུངས། ད་མདུན་གྱི་ནམ་མཁར་རིན་པོ་ཆེའི་ཁྲི་དང་པདྨ་དང་ཟླ་བའི་གདན་ལ། རྩ་བའི་བླ་མ་དང་དབྱེར་མེད་པའི་སངས་རྒྱས་འོད་དཔག་མེད་སྐུ་མདོག་དམར་པོ་ཆོས་གོས་རྣམ་གསུམ་གསོལ་བ། རྡོ་རྗེ་སྐྱིལ་ཀྲུང་གིས་བཞུགས་ཤིང་མཉམ་བཞག་གི་ཕྱག་རྒྱས་ལྷུང་བཟེད་འཛིན་པ། ཞལ་འཛུམ་པ་མཛོད་དུ་དཀར་པོ་ཅན། སྤྱན་ཞི་བས་བདག་ལ་གཟིགས་པར་བསྒོམ། དེ་ཡང་སྐུ་དགེ་འདུན་ཀུན་འདུས། གསུང་དམ་ཆོས་ཀུན་འདུས། ཐུགས་སངས་རྒྱས་ཀུན་འདུས། ཡོན་ཏན་ཡི་དམ་ཀུན་འདུས། ཕྲིན་ལས་མཁའ་འགྲོ་ཆོས་སྐྱོང་ཀུན་འདུས་སུ་བསྒོམ་ལ། ཚེ་འདི་ཕྱི་བར་གསུམ་ལ་ཅི་

[Full Size]

མཛད་ཁྱེད་ཤེས་ཀྱི་བློ་ལིངས་ཀྱིས་གཏད་ལ། བླ་མ་དཀོན་མཆོག་གསུམ་ལ་སྐྱབས་སུ་མཆི། ཞེས་པ་དེ་ཚར་བརྒྱ་ཙམ་འདོན། དེ་ནས་སྐྱབས་ཡུལ་དེ་འོད་དུ་ཞུ་ནས་རང་ལ་ཐིམ་པས། རང་གི་ལུས་ངག་ཡིད་གསུམ་དང་སྐྱབས་ཡུལ་གྱི་སྐུ་གསུང་ཐུགས་དབྱེར་མེད་དུ་འདྲེས་པར་བསྒོམ། དེ་ལྟར་སྒོམ་མཁན་གྱི་སེམས་ལ་བལྟས་པས། ངོ་བོ་སྟོང་ཞིང་རང་བཞིན་གསལ་བ། ཐུགས་རྗེ་འགགས་མེད་ཅིར་ཡང་འཆར་བ། དེ་ནི་དོན་དམ་པའི་སྐྱབས་འགྲོ་ཡིན་ཏེ། མ་གཅིག་ལབ་སྒྲོན་གྱིས། རང་སེམས་སྟོང་པ་ཆོས་ཀྱི་སྐུ་ལ་སྐྱབས་སུ་མཆིའོ། །ཞེས་དང་། ཨོ་རྒྱན་རིན་པོ་ཆེས། ཡེ་ནས་སྟོང་ཞིང་སྤྲོས་དང་བྲལ་བ་ལ། །སྤྲོས་མེད་སྤྲོས་བྲལ་འདུས་མ་བྱས་པའི་ངང་། །འཛིན་མེད་བློ་འདས་ངང་དུ་སྐྱབས་སུ་མཆི། །ངོ་བོ་རང་བཞིན་ཐུགས་རྗེ་ཀ་ནས་དག །མཉམ་རྫོགས་ཀློང་ཡངས་ཆེན་པོའི་རང་བཞིན་ལ། །རྟོག་མེད་རང་གསལ་རྗེན་པར་སྐྱབས་སུ་མཆི། །ཞེས་དང་། ཐར་རྒྱན་ལས། ཆོས་ཐམས་ཅད་གདོད་མ་ནས་བདག་མེད་ཅིང་། ཅིའི་ངོ་བོར་ཡང་མ་གྲུབ་པས། སངས་རྒྱས་ཆོས་དང་དགེ་འདུན་ཡང་དེ་བཞིན་དུ་

[Full Size]

མཐོང་བར་བྱ་སྟེ། དེ་ནི་མི་ཟད་པའི་སྐྱབས། རྟོག་པའི་སྐྱབས། གཡུང་དྲུང་གི་སྐྱབས་ཡིན་ནོ། །ཞེས་གསུངས་སོ། །རྒྱུད་སྡེ་རྣམས་ནས་ཀྱང་། རང་སེམས་སྐྱབས་ཀྱི་མཆོག་ཏུ་གསུངས་པའི་ཕྱིར། ཁྱེད་ཁྲིད་ཐོབ་པ་རྣམས་ཀྱིས་དེ་ལྟར་ཉམས་སུ་ལོངས། གསར་པ་རྣམས་ཀྱིས་ཀྱང་། །སྐྱབས་ཡུལ་བསྒོམསནས་སྐྱབས་འགྲོ་བརྒྱ་ཚར་དང་། །སྐྱབས་ཡུལ་རང་ལ་བསྟིམསནས་སེམས་ལ་བལྟ་བ་དེ་ལན་མང་དུ་གྱིས་དང་དེས་འཐུས་སོ།། ༼༦༽ ཐུགས་རྗེ་ཆེན་པོའི་གདམས་ངག་ཟབ་མོ། ཅི་བྱས་བྱང་ཆུབ་ཀྱི་ལམ་དུ་འགྲོ་བའི་ཐབས། བྱམས་སྙིང་རྗེ་བྱང་ཆུབ་ཀྱི་སེམས་བསྒོམ་པར་བྱ་སྟེ། སྤྱན་རས་གཟིགས་ཀྱི་རྡོ་རྗེའི་ཚིག་རྐང་ལས། མཁའ་ཁྱབ་འགྲོ་བ་ཀུན་དོན་དུ། །བྱང་ཆུབ་མཆོག་ཏུ་སེམས་བསྐྱེད་ཅིང་། །ཕ་རོལ་ཕྱིན་དྲུག་བསླབ་བྱ་ལ། །རྒྱལ་བའི་སྲས་ཀྱིས་རྟག་ཏུ་བསླབ། །ཅེས་གསུངས་སོ། །དཔལ་སྦྱིན་གྱིས་ཞུས་པའི་མདོར། གང་གཱའི་བྱེ་མའི་གྲངས་སྙེད་ཀྱི། ། །སངས་རྒྱས་ཞིང་ཀུན་མི་གང་གིས། །རིན་ཆེན་བདུན་གྱིས་ཡོངས་བཀང་ཞིང་། །འཇིག་རྟེན་མགོན་ལ་ཕུལ་བ་བས། །གང་གིས་ཐལ་མོ་སྦྱར་བྱས་ཏེ། །

[Full Size]

བྱང་ཆུབ་སེམས་ནི་བསྐྱེད་པ་ན། །མཆོད་པ་འདི་ནི་ཁྱད་འཕགས་ཏེ། །དེ་ལ་མཐའ་ནི་མ་མཆིས་སོ། །ཞེས་གསུངས་སོ། །དེ་ལ་སྡོམ་པ་དབང་གི་ཞོར་ལ་ཡང་ཐོབ་པས་དེས་ཆོག །བྱང་སྡོམ་གྱི་བསྲུང་བྱ་མང་དུ་ཡོད་ཀྱང་། ཐ་མལ་པ་རྣམས་ཀྱིས་ཤེས་དཀའ་ཞིང་སྲུང་བར་མི་ནུས་པས། རང་གི་དགེ་རྩ་ཆེ་ཕྲ་ཅི་བྱས་ཀྱང་། །སེམས་ཅན་ཐམས་ཅད་ཀྱི་དོན་དུ་འདི་བྱེད་བསམ་པའི་སེམས་བསྐྱེད་དང་། རྗེས་ནས་དགེ་བ་འདི་ཡིས་སེམས་ཅན་ཐམས་ཅད་གྱི་དོན་དུ་བདག་སངས་རྒྱས་ཐོབ་པར་ཤོག་བསམ་པ་དེས་འཐུས་ཏེ། མདོ་ལས། རྒྱལ་པོ་ཆེན་པོ་ཁྱོད་ནི་བྱ་བ་མང་ཞིང་བྱེད་པ་མང་བས་ཁྱོད་ཀྱིས་བྱང་ཆུབ་སེམས་དཔའི་བྱ་བ་མཐའ་དག་བསྒྲུབ་པར་མི་ནུས་ཀྱི། ཁྱེད་ནི་འགྲོའམ་འགྲེང་ངམ་འདུག་ཀྱང་རུང་སྟེ། བྱང་ཆུབ་ཀྱི་སེམས་ཡིད་ལ་བྱེད་པ་དང་མ་བྲལ་བར་གྱིས་ཤིག །ཁྱེད་ཀྱི་བྱང་ཆུབ་སེམས་དཔའི་སྤྱོད་པ་ལེགས་པར་སྤྱད་པར་འགྱུར་རོ། །ཞེས་དང་། བསྒོམ་རྒྱུའི་དམིགས་པ་ནི་བྱམས་སྙིང་རྗེ་གཙོ་བོ་ཡིན་པས། གཏོང་ལེན་བསྒོམ་པ་འདི་ནི་ཤིན་ཏུ་གལ་ཆེ་བ་ཡིན། དམིགས་པ་ནི། མདུན་གྱི་ནམ་མཁར་རིན་པོ་ཆེའི་

[Full Size]

ཁྲི་དང་པད་ཟླའི་སྟེང་དུ། རྩ་བའི་བླ་མ་དང་དབྱེར་མེད་པ། སྟོན་པ་ཆོས་སྐུ་སྣང་བ་མཐའ་ཡས། སྐུ་མདོག་དམར་པོ་དབུ་གཙུག་ཏོར་ཞབས་འཁོར་ལོ། མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་སྤྲས་པ། སྐུ་ལ་ཆོས་གོས་རྣམ་གསུམ་གསོལ་ཞིང་རྡོ་རྗེའི་སྐྱིལ་ཀྲུང་གིས་བཞུགས་པ། ཕྱག་མཉམ་བཞག་གི་སྟེང་ན་ལྷུང་བཟེད་བདུད་རྩིས་བཀང་བ་བསྣམས་པ། དེའི་གཡས་སུ་བྱང་ཆུབ་སེམས་དཔའ་སྤྱན་རས་གཟིགས་དཀར་པོ། གཡོན་དུ་མཐུ་ཆེན་ཐོབ་སྔོན་པོ། གཉིས་ཀ་བྱང་ཆུབ་སེམས་དཔའི་ཆ་ལུགས་ཅན། དེའི་དྲུང་དུ་དད་གུས་རྩེ་གཅིག་པས། སངས་རྒྱས་ཆོས་ཚོགས་མ་ཚར་མང་དུ་བརྗོད་པས་བྱང་སྡོམ་སྐྱེ་བར་དཔལ་གཙུག་ལག་ཕྲེང་བས་གསུངས། དེ་ཡང་ཤེས་དཀའ་བས། བླ་མ་དཀོན་མཆོག་གསུམ་ལ་སྐྱབས་སུ་མཆི། །འགྲོ་བའི་དོན་དུ་བྱང་ཆུབ་སེམས་བསྐྱེད་དོ། །ཞེས་པ་འདི་བརྒྱ་ཚར་ཙམ་འདོན། མཐར་ནམ་མཁའི་སྐྱབས་ཡུལ་འོད་དུ་ཞུ་ནས། རང་ལ་ཐིམ་པས། རང་ཉིད་ཐུགས་རྗེ་ཆེན་པོ་དཀར་པོ་ཞལ་གཅིག་ཕྱག་བཞི་གཞུང་ལྟར་བསྒོམ། དེ་ནས་རླུང་ཕར་བུས་པས། རང་གི་བདེ་སྐྱིད་དང་

[Full Size]

དགེ་བའི་རྩ་བ་ཅི་ཡོད་པ་ཐམས་ཅད་སེམས་ཅན་ཐམས་ཅད་ལ་སིབ་ཀྱིས་ཐིམ་ནས། སེམས་ཅན་ཐམས་ཅད་བདེ་སྐྱིད་ཕུན་སུམ་ཚོགས་པ་དང་ལྡན། བདེ་བའི་རྒྱུ་བསོད་ནམས་ཡེ་ཤེས་ཀྱི་ཚོགས་གཉིས་དང་ལྡན་པར་བསྒོམ་ལ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག ཅེས་བརྗོད་པ་ནི་སྙིང་རྗེ་བསྒོམ་པ་ཡིན་ལ། རླུང་ནང་དུ་རྔུབ་པའི་ཚེ། སེམས་ཅན་ཐམས་ཅད་ཀྱི་སྡུག་བསྔལ་དང་སྡིག་སྒྲིབ་ཅི་ཡོད་པ་ཐམས་ཅད་སིབས་སེ་རང་ལ་ཐིམ་པས། མེ་ལ་ཤིང་བསྣན་པ་ལྟར། རང་ཉིད་ཐུགས་རྗེ་ཆེན་པོ་བཀྲག་མདངས་སྔར་ལས་རྒྱས། སེམས་ཅན་ཐམས་ཅད་རིགས་དྲུག་སོ་སོའི་སྡུག་བསྔལ་གྱི་རྒྱུ་སྡིག་སྒྲིབ་ཐམས་ཅད་དང་བྲལ་བར་བྷེ། སེམས་ཅན་ཐམས་ཅད་སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །ཅེས་བརྗོད་པ་ནི་སྙིང་རྗེ་བྷཻཾ་པ་སྟེ། དེ་ཡང་བྱམས་སྙིང་རྗེའི་དབང་གིས་མཆི་མ་འཁྲུགས་པ་བྱུང་ན། བྱམས་པ་ཆེན་པོ་དང་སྙིང་རྗེ་ཆེན་པོ་ཡིན་ནོ། །དེ་ཡང་དགྲ་གཉེན་དང་ཕྱོགས་རིས་མེད་པར་སེམས་ཅན་ཐམས་ཅད་ལ་མཉམ་ན། བྱམས་པ་ཚད་མེད་དང་སྙིང་རྗེ་ཚད་མེད་ཡིན། གཏོང་

[Full Size]

ལེན་དམིགས་པ་དེ་གཉིས་ལ་ཐུན་རེར་བརྒྱ་རེའམ། རང་གི་ལོ་གྲངས་སམ། ཉེར་གཅིག་ཙམ་རེ་བསྒོམ། དེ་ནས་སྒོམ་མཁན་གྱི་སེམས་ལ་བལྟས་པས། བསོད་ནམས་དགེ་རྩ་ཕར་བཏང་བ་དང་། སྡིག་སྒྲིབ་ཚུར་བླང་བ། དེ་ཐམས་ཅད་སེམས་ཡིན། སེམས་ནི་གདོད་མ་ནས་མ་སྐྱེས་པ་ནམ་མཁའ་ལྟ་བུ། སྟོང་པ་ཉིད་ཀྱི་ངོ་བོ་ཡེ་ནས་འོད་གསལ་བ་ཡིན་ཏེ། སེམས་བསྐྱེད་ཆེན་པོའི་མདོ་ལས། འོད་སྲུང་ཆོས་ཐམས་ཅད་ནི་མཁའ་ལྟར་མཚན་ཉིད་མེད་ཅིང་ཡེ་ནས་འོད་གསལ་བ་རྣམ་པར་དག་པ་དེ་ལ་ནི་བྱང་ཆུབ་ཏུ་སེམས་བསྐྱེད་པ་ཞེས་བྱའོ། །ཞེས་གསུངས་པའི་ཕྱིར། ཁྱེད་རང་ཉམས་ལེན་ཡོད་པ་རྣམས་ཀྱིས་སེམས་ངོ་མ་ཡེངས་པའི་ངང་ནས། གཏོང་ལེན་གྱི་དམིགས་པ་བསྒོམ་དང་། བྱམས་པ་ནི་བྱམས་ཆེན་གཉུག་མའི་ཏིང་ངེ་འཛིན་དང་། སྙིང་རྗེ་ནི་སྟོང་ཉིད་སྙིང་པོ་ཅན་ཡིན་པས། དེ་ལས་ཟབ་པའི་ཆོས་མདོ་ལུགས་ལ་མེད་པ་ཡིན། གསར་བུ་རྣམས་ཀྱིས་ཀྱང་གཏོང་ལེན་དེ་ཡུན་རིང་བསྒོམ་རྗེས། དེ་ནས་སྒོམ་མཁན་གྱི་སེམས་དེ་ལ་ལྟོས་ནི་སྡོད་དང་། ལས་འཕྲོ་ཡོད་ན་འདི་སྐབས་ནས་ཉམས་རྟོགས་བཟང་པོ་སྐྱེ་ཡང་སྲིད་པ་ཡིན། །

[Full Size]

གཏོང་ལེན་གྱི་དམིགས་པ་དེ་ཐུན་རེ་རྒྱུན་དུ་བསྒོམ་ན། བར་ཆད་གང་གིས་ཀྱང་མི་ཚུགས་ཏེ་སྲུང་བའི་མཆོག་ཡིན། གདོན་གྱིས་གནོད་པ་ཡང་གདོན་དེ་རང་ལ་བྱམས་སྙིང་རྗེ་གཏོང་ལེན་གྱི་དམིགས་པ་ཕུར་ཚུགས་སུ་བྱས་ན། གདོན་དེ་དམ་ལ་ཐོག །རང་ཉིད་ནད་ཀྱིས་བཏབ་ན་ཡང་། སེམས་ཅན་ཐམས་ཅད་ཀྱི་ནད་དང་སྡུག་བསྔལ་རང་གི་ན་སར་བསྟིམས་ལ། གཏོང་ལེན་གྱི་དམིགས་པ་དེ་ལ་ཕུར་ཚུགས་སུ་སྒོམས་པས། ལས་ཀྱི་རྣམ་པར་སྨིན་པ་མ་གཏོགས་པའི་ནད་ཐམས་ཅད་ཕན། གལ་ཏེ་ལས་ནད་ཡིན་ནས་མ་ཕན་ན་ཡང་། དམིགས་པ་དེ་བསྒོམས་པས། ན་བའི་ཟུག་གཟེར་དེས། ཚེ་སྔོན་གྱི་སྡིག་སྒྲིབ་ཅི་ཡོད་པ་དག་པར་འགྱུར་ཏེ། དེ་བཞིན་དུ་རང་ལ་སྡུག་བསྔལ་ཅི་བྱུང་ཡང་རུང་སྟེ། སེམས་ཅན་ཐམས་ཅད་ཀྱི་སྡུག་བསྔལ་དེ་རང་གི་སྡུག་བསྔལ་དེ་ལ་བསྟིམ་ནས། གཏོང་ལེན་གྱི་དམིགས་པ་དེ་བསྒོམས་པས། སྡུག་བསྔལ་ཅི་བྱུང་ཡང་བྱང་ཆུབ་ཀྱི་ལམ་དུ་འགྱུར་རོ། །དེ་བཞིན་དུ་མ་ཉེས་པའི་ཁ་ཡོག་གཤེ་སྐུར་སྨད་བབ་གཏམ་ངན། སེམས་ལ་མི་བཟོད་པ་གང་བྱུང་ཚད། ནད་བརྒྱ་སྨན་གཅིག་ལྟར་གཏོང་ལེན་དེ་ཁོ་

[Full Size]

ན་བསྒོམས་པས། སྡིག་སྒྲིབ་ཐམས་ཅད་རྩད་ནས་གཅོད་དེ། དུས་སྙིགས་མ་ལྔ་འདི་བྱང་ཆུབ་ཀྱི་ལམ་དུ་འགྱུར་བའི་ཐབས། ཇོ་བོ་གསེར་གླིང་པ་ནས་ཨ་ཏི་ཤ་ལ་བརྒྱུད་པའི་གདམས་ངག བཀའ་སྡེ་སྣོད་གསུམ་གྱི་སྙིང་པོ། གང་ཟག་མཆོག་དམན་སུས་ཀྱང་ཉམས་སུ་བླངས་བདེ་བ་ཡིན་པས་ཉམས་སུ་ལོངས་ཤིག ལྔ་ལྡན་རྩ་བ་ལས། བྱང་ཆུབ་སེམས་ཀྱི་རྟ་ཕོ་ལ། །གཞན་ཕན་གྱི་དཀྱུས་ཐག་མ་བཅད་ན། །ཁྲོམ་ལྷ་མིའི་བདེ་སྐྱིད་མི་འབྱུང་བས། །ལམ་སེམས་བསྐྱེད་འདི་ལ་ནན་ཏན་མཛོད། །ཅེས་གསུངས་སོ།། ༼༧༽ ཐུགས་རྗེ་ཆེན་པོའི་གདམས་ངག་ཟབ་མོ། སྡིག་སྒྲིབ་ཉེས་ལྟུང་སྦྱངས་བའི་ཐབས། སྟོབས་བཞིའི་སྒོ་ནས་བཤགས་པ་གལ་ཆེ་སྟེ། ཚེ་རབས་ཐམས་ཅད་དུ་གནོད་པ་ནི་སྡིག་སྒྲིབ་ཡིན། དེ་བཤགས་ན་དག །མ་བཤགས་ན་དུས་ནམ་ཞིག་ངེས་པར་སྨིན་དགོས་པ་ཡིན་ཏེ། སྤྱོད་འཇུག་ལས་ཀྱང་། མི་དགེ་བ་ལས་སྡུག་བསྔལ་འབྱུང་། །འདི་ལས་ཇི་ལྟར་ངེས་ཐར་ཞེས། །ཉིན་མཚན་རྟག་ཏུ་བདག་གིས་ནི། །འདི་ཉིད་འབའ་ཞིག་བསམ་པར་རིགས། །ཞེས་གསུངས་སོ། །རང་རེ་རྣམས་དམ་པའི་ཆོས་སྤངས།

[Full Size]

དཀོན་མཆོག་གསུམ་དང་གནམ་ས་རྒྱ་དབུས། ཇོ་བོ་སོགས་རྟེན་གསུམ་མྱུ་གུས་བྲིས་ཚད་ཟེར་བ་དང་། །རང་དད་པ་གང་ཆེའི་དགོན་པ་དང་བླ་མ་ལ་ཚད་བཙུགས་པའི་མནའ་འདི་ཞོར་ལ་འགྲོ་བ་འདི་ཡང་སྡིག་ཆེ་སྟེ། ཏིང་འཛིན་རྒྱལ་པོ་ལས། གང་གི་འཛམ་བུ་གླིང་འདི་ཡི། །མཆོད་རྟེན་ཐམས་ཅད་བཤིགས་བྱེད་པས། །གང་གིས་མདོ་སྡེ་དཔང་བྱེད་པ། །སྡིག་པ་འདི་ནི་ཆེས་ཁྱད་འཕགས། །ཞེས་གསུངས་སོ། །དེང་སང་ཆོས་པ་འགའ་ཞིག་ཆོས་འགོ་མ་ཐོན་པ་ལ་བརྟེན་ནས། ཆོས་པ་འདི་ཚོ་སྒོམ་ཆེན་འདི་ཚོ་ཟེར་ནས་ཆོས་པ་སྤྱི་ལ་སྐུར་འདེབས་བྱེད་པ། མཚམས་མེད་ལྔ་ལས་ཀྱང་ཐུ་སྟེ། །ཐར་པ་ཆེན་པོའི་མདོ་ལས། གང་ཞིག་བསྒོམ་ལ་སྐུར་བ་དང་། །དགེ་འདུན་དཀྲུགས་པར་བྱེད་པ་ནི། །སྟོང་ཁམས་གསུམ་པོ་གང་བ་ཡི། །མི་རྣམས་ཀྱི་ནི་སྲོག་བཅད་དང་། །སྲོག་ཆགས་ཐམས་ཅད་བསད་དང་འདྲ། །དེའི་སྡིག་པ་ཡང་དེ་བཞིན་ནོ། །གང་ཞིག་དགེ་སྦྱོངས་མཐོང་བ་ལ། །སྐུར་པ་འདེབས་ཤིང་མ་དད་ན། །དཀོན་མཆོག་གསུམ་གྱི་རིགས་གཅོད་པས། །དེ་ནི་རྒྱལ་བའི་ལན་མི་ལོན། །ཞེས་དང་།

[Full Size]

དེང་སང་སྐྱེས་བུ་དམ་པ་ཡུལ་མཐོན་པོ་རྣམས་ཀྱི། མཛད་སྤྱོད་ལ་རང་ཅུང་ཟད་མ་མགུ་ནས། སྐུར་པོ་ཆེན་པོ་འདེབས་པ་འདི། ཁོང་རྣམས་ལ་ནི་གནོད་མི་ནུས། རང་གི་ལྕེ་གླང་དོར་ལྔ་བརྒྱས་རྨོ་སྟེ། རྣམ་པར་ངེས་པ་ཆོ་འཕྲུལ་གྱི་མདོ་ལས། །བསྐལ་པ་དག་ནི་དུ་མར་ཡང་། །ལུས་ནི་དཔག་ཚད་ལྔ་བརྒྱར་འགྱུར། །དེ་ལ་མགོ་ཡང་ལྔ་བརྒྱ་སྟེ། མགོ་རྣམས་རེ་རེ་དག་ལ་ཡང་། །ལྔ་བརྒྱའི་ལྕེ་ལས་མི་ཉུང་སྟེ། །ལྕེ་གཅིག་ཉིད་ལ་ཐོང་གཤོལ་ནི། །ལྔ་བརྒྱ་ཚང་སྟེ་མི་ཉུང་བ། །རབ་ཏུ་འབར་བས་རྨོ་བར་བྱེད། །སྐུར་འདེབས་སྡིག་པའི་ལས་ཀྱིས་སོ། །ཞེས་གསུངས་སོ། །བོན་དང་མུ་སྟེགས་པ་ལ་དད་གུས་ཡང་མི་རུང་སྟེ། སྐུར་པ་འདེབས་ཡང་མི་རུང་ན། རབ་ཏུ་བྱུང་བ་རྣམས་ལ་ག་ལ་རུང་སྟེ། རྣམ་སྣང་མངོན་བྱང་ལས། གྲུབ་པའི་མཐའ་ཡི་བློ་བསྐྱེད་ཕྱིར། །ཕྱི་རོལ་པ་ལ་ཡང་ལམ་ཚོལ་ཞུགས། །དེ་ཕྱིར་དེ་ལ་སྨད་མི་བྱ། །ཉན་ཐོས་ལམ་ཞུགས་སྨོས་ཅི་དགོས། །ཞེས་གསུངས་སོ། ཁྱད་པར་རང་རེ་ཆོས་སྒོར་ཞུགས་པ་རྣམས། སྐྱབས་འགྲོའི་བསླབ་པ་དགུ། དགེ་བསྙེན་གྱི་ཁྲིམས་ལྔ། དགེ་ཚུལ་གྱི་ཁྲིམས་བཅུ། དགེ་

[Full Size]

སློང་གི་ཁྲིམས་ཉིས་བརྒྱ་དང་ལྔ་བཅུ་རྩ་གསུམ། བྱང་ཆུབ་སེམས་དཔའི་སྡོམ་པ་ཉི་ཤུ། གསང་སྔགས་ཀྱི་རྩ་ལྟུང་བཅུ་བཞི། སྦོམ་པོ་བརྒྱད། རྙིང་མའི་རྩ་བ་སྐུ་གསུང་ཐུགས། ཡན་ལག་ཉི་ཤུ་རྩ་ལྔ། རྒྱས་པར་ས་ཡ་འབུམ་སྡེ། དེ་ཚུར་བསྡུས་ན་ཉི་ཤུ་རྩ་བརྒྱད་རྣམས་བསྲུང་དགོས་ཏེ། རྩ་བ་རྣམས་མ་ཉམས་ན་རབ་ཡིན། ཕྲ་ཞིབ་རྣམས་ཤེས་པར་ཡང་དཀའ་བསྲུང་བར་དཀའ་སྟེ། དེས་མི་གནོད་རྟོགས་པ་མཐོ་བསམ་མི་རུང་བཤགས་པ་དགོས་ཏེ། རྒྱ་མཚོས་ཞུས་པ་ལས། བཅོམ་ལྡན་འདས་ཀྱིས་བཀའ་སྩལ་པ། ཀླུའི་བདག་པོ་གང་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་ཚུལ་ཁྲིམས་ཡང་དག་པར་རྫོགས་པར་མ་བྱས་ཏེ། ཆོ་ག་ཉམས་པ་དང་། འཚོ་བ་ཉམས་པ་དང་ཚུལ་ཁྲིམས་ནི་ཡོངས་སུ་རྫོགས་པར་མ་བྱས་ལ་དེ་དག་གི་ལྟ་བ་དྲང་པོར་གྱུར་ཏེ། དེ་སེམས་ཅན་དམྱལ་བ་རྣམས་སུ་མི་སྐྱེ་ཤིང་། ཤི་འཕོས་ནས་ཀླུའི་སྐྱེ་ཤོ །གནས་རྣམས་སུ་སྐྱེ་བར་འགྱུར་ཏེ། ཞེས་གསུངས་སོ། །དེས་ན་ཕྲ་ཞིབ་རྣམས་ལ་བཤགས་པ་འདི་གལ་ཆེ། བཤགས་ན་དག་གམ་སྙམ་ན། མདོ་སྡེ་མྱ་ངན་འདས་ཆེན་

[Full Size]

ལས། སྡིག་པ་བྱས་ནས་ཀྱང་ཕྱིས་འགྱོད་དེ་ཕྱིར་བཅོས་ན། ཆུ་རྙོགས་མ་ཅན་ནོར་བུ་ཆུ་དྭངས་ཀྱིས་དྭངས་བའམ། སྤྲིན་དང་བྲལ་ནས་ཟླ་བ་གསལ་བ་དང་འདྲའོ། །བཤགས་ལུགས་ཇི་ལྟར་བཤགས་ན། སྟོབས་རྣམ་པ་བཞིའི་སྒོ་ནས་བཤགས་སོ། །རྣམ་པར་སུན་འབྱིན་པའི་སྟོབས་ནི་སྡིག་པ་སྔར་བྱས་པ་ལ་འགྱོད་པ། གཉེན་པོ་ཀུན་ཏུ་སྤྱོད་པའི་སྟོབས་ནི། སྡིག་པའི་གཉེན་པོར་དགེ་བ་སྤྱོད་པའོ། །ཉེས་པ་ལས་ལྡོག་པའི་སྟོབས་ནི། ཕྱིན་ཆད་འཕྲོ་བཅད་དེ་བསྡམས་པའོ། །རྟེན་གྱི་སྟོབས་ནི། དཀོན་མཆོག་ལ་སྐྱབས་ཞུ་བའོ། །སྔོན་སོར་ཕྲེང་ཅན་གྱིས་མི་དགུ་བརྒྱ་དང་དགུ་བཅུ་གོ་དགུ་བསད་པ་དང་། ཁྱེའུ་བདེ་བྱེད་ཀྱིས་མ་བསད་པ། ཅུང་དགའ་བོ་བུད་མེད་ལ་ཆགས་པ། རྒྱལ་བུ་མཐོང་ལྡན་གྱིས་ཕ་བསད་པ། རྒྱལ་བུ་དགེ་མཐོང་གིས་མི་སུམ་སྟོང་བསད་པ་ཡང་བཤགས་པས་དག །དེ་ལྟར་ཡང་། གང་ཞིག་སྔོན་ཆད་བག་མེད་གྱུར་པ་ལས། །ཕྱིས་ནས་བག་དང་ལྡན་པར་གྱུར་དེ་ཡང་། །ཟླ་བ་སྤྲིན་བྲལ་བཞིན་དུ་རྣམ་མཛེས་ཏེ། །དགའ་བོ་སོར་ཕྲེང་མཐོང་ལྡན་བདེ་བྱེད་བཞིན། །ཞེས་གསུངས་སོ། །སྤྱན་རས་གཟིགས་ཀྱིས་

[Full Size]

གསུངས་པའི་རྡོ་རྗེའི་ཚིག་རྐང་ལས། རང་བཞིན་བཅས་པའི་སྡིག་པའི་ཚོགས། །དེ་དག་ཀུན་རྫོབ་དོན་དམ་གྱི། །བཤགས་པའི་ཐབས་ཤེས་ལ་མཁས་པས། །ཧཱི༔ཡིག་བཞི་སྦྱོར་གདམས་པ་བསྒོམ། །ཞེས་གསུངས་པ་ལྟར། རང་ཐ་མལ་པར་གནས་པའི་སྤྱི་གཙུག་ཏུ་ཧྲིདཀར་པོ་ཚེག་དྲག་དང་བཅས་པ་ལས་འོད་ཟེར་འཕྲོ་བའི་རང་བཞིན་ཅན་དུ་བསམ། དེ་ལས་བདུད་རྩི་འོ་མ་ལྟ་བུ་བབས་པས། ལུས་ཀྱི་ནང་གི་སྡིག་པ་དང་སྒྲིབ་པ་ཐམས་ཅད་བཀྲུས། བ་སྤུའི་བུ་ག་དང་རྩ་སྒོ་ཆུ་སྒོ་ཞབས་སེན་མོའི་བར་ནས་དུད་པ་དང་སོལ་ཁུའི་རྣམ་པར་ནུ་རུ་རུ་བུད་པར་བསམ་ལ་ལུས་ཀྱི་ནང་ཐམས་ཅད་ཡེ་ཤེས་ཀྱི་བདུད་རྩིས་དཀར་ལྟེམ་གྱིས་གང་བར་བསམ་པ་ནི། སྡིག་པ་དག་པར་བྱེད་པའི་སྦྱོར་བའོ། །སྡིག་སྒྲིབ་ཐམས་ཅད་སྦྱང་བར་བྱེད་པ་འོད་ཟེར་སྤྲོ་བསྡུའི་སྦྱོར་བ་ནི། ཧྲཱིཿ ཡིག་ལས་འོད་ཟེར་ཁ་དོག་ལྔ་དང་ལྡན་པ་ཉི་མ་སྟོང་གི་འོད་ལྟ་བུ་འཕྲོས་པས་ལུས་ཀྱི་ནང་གི་སྡིག་སྒྲིབ་ཐམས་ཅད་དག་ནས་མུན་པ་ལ་ཉི་མ་ཤར་བ་ལྟ་བུར་སྦྱངས། ལུས་ཀྱི་ནང་འོད་ཟེར་གྱིས་གང་འོད་ཟེར་སྣ་ལྔ་ཕྱིར་འཕྲོས་སེམས་ཅན་ཐམས་ཅད་ཀྱི་ནད་གདོན་སྡིག་

[Full Size]

སྒྲིབ་ཐམས་ཅད་དག་པར་བསྒོམ་པ་ནི་སྒྲིབ་པ་སྦྱོང་བར་བྱེད་པའི་སྦྱོར་བའོ། །དེ་དག་གི་སྐབས་སུ་ངག་ཏུ་ཡང་ཧྲཱིཿའདོན་པར་བྱའོ། །མཐར་རང་ལུས་འོད་དུ་ཞུ་ནས་ཧཱུྃ་ལ་ཐིམ། །ཧྲཱིཿ ཡིག་ཡང་ར་ཏ་ལ། ར་ཏ་ཧ་ཁོག་ལ། དེ་གི་གུ་ལ། དེ་རིམ་གྱིས་ནམ་མཁའ་ལ་འཇའ་ཡལ་བ་ལྟར་དམིགས་མེད་ཀྱི་ངང་ལ་འཇོགས་པ་ནི། སྦྱོང་བྱེད་ཆེན་པོའོ། །ཞེས་གསུངས་པ་ལྟར་བསྒོམ། རྗེས་ནས་སྒོམ་མཁན་གྱི་སེམས་ལ་བལྟས་པ་དོན་དམ་པའི་བཤགས་པ་ཡིན་ཏེ། ལས་རྣམ་པར་དག་པའི་མདོ་ལས། གང་ཞིག་བཤགས་པ་བྱེད་འདོད་པ། །དྲང་པོར་འདུག་ལ་ཡང་དག་ལྟོས། །ཡང་དག་ཉིད་ལ་ཡང་དག་ལྟ། །དི་ནི་འགྱོད་ཚངས་མཆོག་ཡིན་ནོ། །ཞེས་གསུངས་སོ།། ༼༨༽ ཐུགས་རྗེ་ཆེན་པོའི་གདམས་ངག་ཟབ་མོ། བསོད་ནམས་ཀྱི་ཚོགས་བསགས་པའི་ཐབས། མཎྜལ་མཆོད་པ་འབུལ་བ་ནི། སྤྱན་རས་གཟིགས་ཀྱིས་གསུངས་པའི་རྡོ་རྗེའི་ཚིག་རྐང་ལས། ཡན་ལག་བདུན་དང་རབ་ལྡན་པ། །མཎྜལ་ཕྱི་ནང་གསང་གསུམ་འབུལ། །ཆོས་ཀུན་སྒྱུ་འདྲར་རབ་ཤེས་པའི། །ཡེ་ཤེས་ཚོགས་ལའང་བསླབ་པར་བྱ། །ཞེས་དང་། ཀློང་

[Full Size]

གསལ་འབར་མའི་རྒྱུད་ལས། ས་ཤིང་རིན་ཆེན་མཎྜལ་ལ། །དམིགས་རྟེན་བྱས་ལ་སྐུ་གསུམ་གྱི། །མཎྜལ་རྒྱས་བསྡུས་མང་པོ་འབུལ། །དེ་ཡིས་བདག་རྒྱུད་ཚོགས་གཉིས་རྫོགས། །གནས་སྐབས་རིག་སྣང་རང་ངོ་འཕྲོད། །མཐར་ཐུག་གདོད་མར་རང་ཚུགས་ཐུབ། །ཅེས་དང་། མཆོད་པ་མཎྜལ་དངོས་སུ་མ་འབྱོར་ན། །ཡིད་ཀྱིས་སྤྲུལ་ནས་མཆོད་པས་ཆོག་པ་སྟེ། །ཕྱེ་མ་ཕུར་མ་རི་རབ་མཉམ་པ་དང་། །ཞེས་སོགས་གསུངས་པ་ཡིད་སྤྲུལ་ཡིན་གྱིས། དངོས་སུ་དེ་འདྲ་ག་ལ་སྲིད། སངས་རྒྱས་ཞིང་ཁམས་རྣམས་དང་། འཇིག་རྟེན་གྱི་ཁམས་རྣམས་སུ། རང་གྲུབ་ཏུ་ཡོད་ངེས་རྣམས་ཀྱང་། བློ་ཡིས་བླངས་ནས་འབུལ་ཏེ། སྤྱོད་འཇུག་ལས། འཇིག་རྟེན་རིན་ཆེན་ཇི་སྙེད་ཡོད་པ་དང་། །ཆུ་གཙང་ཡིད་དུ་འོང་བ་ཅི་ཡོད་དང་། །རིན་ཆེན་རི་བོ་དང་ནི་དེ་བཞིན་དུ། །ནགས་ཚལ་ས་ཕྱོགས་དབེན་ཞིང་ཉམས་དགའ་དང་། །ཞེས་སོགས་གསུངས་པས། མདུན་གྱི་ནམ་མཁར་པད་ཟླའི་གདན་ལ། བླ་མ་ཐམས་ཅད་འདུས་པའི་ངོ་བོ། སངས་རྒྱས་འོད་དཔག་མེད་སྐུ་མདོག་བྱི་རུ་ལྟར་དམར་བ། དབུ་གཙུག་ཏོར་

[Full Size]

མཛོད་སྤུ་དཀར་པོ་སོགས་མཚན་དང་དཔེ་བྱད་ཡོངས་སུ་རྫོགས་ཤིང་། ཆོས་གོས་རྣམ་གསུམ་གསོལ་ནས་རྡོ་རྗེའི་སྐྱིལ་ཀྲུང་གིས་བཞུགས་པ་ཕྱག་གཉིས་མཉམ་བཞག་གི་སྟེང་ལ་། བདུད་རྩིས་བཀང་བ་བསྣམས་པ། དེ་ལྟ་བུ་གཅིག་མཎྜལ་དང་མཆོད་པ་ནམ་འབུལ་གྱི་དུས་སུ་ནམ་མཁར་ལམ་ལམ་གསལ་བཏབ། དེའི་མདུན་སྐྱེ་བ་སྔ་མ་ཐམས་ཅད་དང་ཕྱི་མ་ཐམས་ཅད་ཀྱིས། ལུས་ལོངས་སྤྱོད་དགེ་བའི་རྩ་བ་དང་བཅས་པ་ཕུལ། གླིང་བཞི་རི་རབ་དང་བཅས་པ། སྟེང་ལྷའི་ལོངས་སྤྱོད། འོག་ཀླུའི་ལོངས་སྤྱོད། བར་མིའི་ལོངས་སྤྱོད། དབྱར་ཁའི་མེ་ཏོག་ཐམས་ཅད། སྟོན་ཀའི་ལོ་ཐོག ལྷ་ཡི་ཡུལ་དུ་བདུད་རྩི་ཁ་དོག་ལྔ་ཡོད་པར་བཤད་པ་ཐམས་ཅད་རང་གི་བློ་ཡིས་བླངས་ཏེ་ཕུལ་བར་བསྒོམ། མཎྜལ་གྱི་ཚིགས་བཅད་ཤེས་སམ། མེད་ན་དམིགས་པ་བསྒོམ་ཞིང་ཡིག་དྲུག་འདོན་པས་ཆོག་སྟེ། རྒྱལ་པོ་སྲོང་བཙན་སྒམ་པོས་གསུངས་པའི། །སྣང་བ་ཚོགས་ལམ་གྱི་གཏོར་མ་ཞེས་པའི་དོན་ཡང་དེ་ཡིན་ཏེ། དཔའ་ཡིད་ལ་ཡོད་ན་མཚོན་གོར་མོ་རྡོ་ཡིས་ཆོག་ཟེར་བའི་དཔེ། དེ་ལྟར་བསྒོམ་ཤེས་ན་ཚོགས་རྫོགས་པ་ལ་དཀའ་

[Full Size]

ཚེགས་མེད་གསུངས། དེ་ནས་མཆོད་པའི་ཡུལ་གྱི་ལྷ་ཚོགས་རང་ལ་བསྟིམ་ནས། ལུས་ངག་ཡིད་གསུམ་མ་བཅོས་པའི་ངང་ལ་མཉམ་པར་འཇོག་པ་ནི་ཡེ་ཤེས་ཀྱི་ཚོགས་སོ། །ཞེས་གྲུབ་ཆེན་མི་ཏྲ་ཛ་ཀིས་གསུངས་ཏེ། བདུད་རྩི་གསང་བའི་རྒྱུད་ལས་ཀྱང་། །མཉེས་པ་དོན་གྱི་མཆོད་པ་སྟེ། །སྤོས་སོགས་ཕུལ་བས་མཉེས་པ་མེད། །རང་སེམས་ལས་སུ་རུང་བ་དག མཉེས་པའི་མཆོད་པ་ཆེན་པོ་ལགས། །ཞེས་གསུངས་སོ། །མཎྜལ་སྐབས་འདིར་ཚེ་བུམ་བདུད་རྩིས་བཀང་བ་མང་པོ་སྤྲུལ་ཏེ་ཕུལ་བས་ཚེ་རིང་། ཤེས་རབ་ཀྱི་རལ་གྲི་མང་པོ་དང་གླེགས་བམ་མང་པོ་སྤྲུལ་ཏེ་ཕུལ་བས་ཤེས་རབ་ཆེ། བཟང་དྲུག་སྨན་མང་པོ་སྤྲུལ་ཏེ་ཕུལ་བས་ནད་ཞི། རྒྱལ་སྲིད་སྣ་བདུན་དང་། ། རྒྱལ་པོ་ལ་འོས་པའི་ཉེར་སྤྱོད། གདུགས་བླ་བྲེ་རྟེན་མང་པོ་སྤྲུལ་ཏེ་ཕུལ་བས་མངའ་ཐང་འཕེལ། རིམ་གྲོའི་མཆོག་ཀྱང་ཡིན་ཏེ། གྲུབ་ཆེན་ཀརྨ་པཀྵིའི་ཞལ་ནས། མདོས་དང་མཎྜལ་དང་བསྐང་བ་རྣམས་དོན་གཅིག་གསུངས། སྔོན་གླིང་རས་ལ་མཎྜལ་འབུལ་བཅུག་པའི་རྗེས་སུ་གདམས་ངག་བསྟན་པས་རྟོགས་པ་མཆོག་ཏུ་གྱུར། དེས་ན་ལས་འཕྲོ་ཅན་

[Full Size]

ལ་འདི་ཡི་སྐབས་སུ་རྟོགས་པ་སྐྱེ་ཡང་སྲིད། མཎྜལ་འདི་ནི་བརྒྱ་སྟོང་ཁྲི་འབུམ་ཙམ་ཕུལ་ན། བསོད་ནམས་འཕྲལ་དུ་བསྐྱེད་པའི་མན་ངག་ཟབ་མོ་ཡིན། ང་བསོད་ནམས་ཆུང་ཟེར་ནས་རྨོང་ད་མང་པོ་བྱས་པས་ཅི་ལ་ཕན། ཚོགས་བསགས་ཀྱི་ཆོས་ཐུན་དེ་ཉམས་སུ་ལོངས།། ༼༩༽ ཐུགས་རྗེ་ཆེན་པོའི་མན་ངག་ཟབ་མོ། བྱིན་རླབས་མྱུར་དུ་འཇུག་པའི་ཐབས་བླ་མའི་རྣལ་འབྱོར་ནི། སློབ་དཔོན་མཚན་ཉིད་དང་ལྡན་པ་རྙེད་ན། བླ་མ་དེ་ཉིད་དངོས་ཀྱི་སྐུར་བསྒོམ་ནས་གསོལ་བ་འདེབས་རུང་སྟེ། རྗེ་མི་བསྐྱོད་ཞབས་ཀྱི་གསུངས་ལས། བླ་མ་ཡང་བླ་མ་མིན་པ་བླ་མར་བཅོས་པ་ལ་མི་ཟེར། བླ་མ་ཡིན་པ་བླ་མར་བྱོན་པ་ཞིག་དགོས་ཞེས་གསུངས། བླ་མ་དེ་ལྟ་བུ་མ་རྙེད་ན། བླ་མ་དེ་ཉིད་རྡོ་རྗེ་འཆང་སོགས་ལྷའི་སྐུར་བསྒོམ་ལ་གསོལ་བ་བཏབ་ན། བླ་མ་སོ་སོའི་སྐྱེ་བོ་འཆིང་བ་དང་ལྡན་པ་ཞིག་ཡིན་ཀྱང་། སངས་རྒྱས་དངོས་ཀྱི་མོས་གུས་ཕུལ་ན། སློབ་བུ་དད་ལྡན་དེ་རྗེས་སུ་བཟུང་བའི་ཕྱིར་སངས་རྒྱས་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་བླ་མ་དེ་ལ་ཞུགས་ཏེ། སངས་རྒྱས་ཀྱི་མཛད་པ་སྟོན་ནུས་པར་གསུངས། ཡང་ཁྲིད་ཀྱི་ལུང་རྒྱུན་

[Full Size]

ཐོབ་ནས། སྔར་གྱི་བཀའ་བརྒྱུད་གོང་མའི་བླ་མ་གང་དང་གང་ལ་མོས་ཤིང་དད་ན་དེ་ཉིད་རང་གི་རྩ་བའི་བླ་མར་འགྱུར་ཞིང་། བྱིན་རླབས་འཇུག་པར་ངེས་པས་ཚིག་བརྒྱུད་མི་དགོས། དོན་བརྒྱུད་འདི་ཁོ་བོ་རང་ལ་དད་ཆོག་ཅེས། སྒམ་པོ་པ། དུས་གསུམ་མཁྱེན་པ། ཀརྨ་པཀྵི། ཞང་གཡུ་བྲག་པ། རྗེ་རྒོད་ཚང་པ་སོགས་ཀྱིས་གསུངས་པས། དེ་ལྟར་བྱའོ། །དམ་ཚིག་གསུམ་བཀོད་པའི་རྒྱུད་ལས། རྟོགས་པ་བྱིན་རླབས་ལས་སྐྱེ་སྟེ། །དེ་ཡི་རྩ་བ་མོས་གུས་ཡིན། །སེམས་ལ་མོས་གུས་མེད་པ་ལ། །བླ་མའི་བྱིན་རླབས་མི་འཇུག་སྟེ། །མཆོག་གི་ལམ་དང་བྲལ་བ་ཡིན། །ཞེས་གསུངས། ས་སྐྱ་པཎྜི་ཏས། ཉི་མའི་དཀྱིལ་འཁོར་རབ་ཚ་ཡང་། །མེ་ཤེལ་མེད་པར་མེ་མི་འབྱུང་། །དེ་བཞིན་སངས་རྒྱས་ཡོན་ཏན་ཡང་། །བླ་མ་མེད་པར་འབྱིན་མི་ནུས། །ཞེས་གསུངས་སོ། །ཡིད་བཞིན་མཆོག་གི་རྒྱུད་ལས། རང་གི་བླ་མ་ལ་འདུན་པའི་ལྷ། །སྤྱི་བོའི་གཙུག་ཏུ་བསྒོམ་པ་ཡི། །སངས་རྒྱས་དཀྱིལ་འཁོར་སྟོང་ཕྲག་ཉིད། །ལག་མཐིལ་བཞག་ནས་སྟོང་གསུམ་བསྐོར། །སྙིང་ཁར་ལན་གསུམ་བསྟིམས་བྱས་

[Full Size]

པས། །བརྒྱ་སྟོང་རྒྱུད་དང་ཆེར་མི་ཕོད། །དེ་བས་རྟག་ཏུ་དྲན་པ་ཡི། །སྤྱི་གཙུག་འཁོར་ལོའི་རྒྱན་ཉིད་དུ། །དཔལ་ལྡན་བླ་མ་བསམ་པར་བྱ། །ཞེས་གསུངས་སོ། །རྫོགས་ཆེན་ཀློང་གསལ་འབར་མའི་རྒྱུད་ལས། བླ་མ་སངས་རྒྱས་ཀུན་གྱི་ཚབ། །མོས་གུས་གདུང་བས་གསོལ་བཏབ་ན། །སྒྲུབ་ཐབས་གཞན་ཚོ་ག་ལ་དགོས། །དངོས་གྲུབ་ཆེན་པོ་དུས་གཅིག་འབྱུང་། །ཞེས་གསུངས་པས། བླ་མ་ལྷ་གང་འདོད་དུ་བསྒོམ་ནས་གསོལ་བ་བཏབ་པས་ལྷ་དེ་འགྲུབ་པའི་ཕྱིར་སྒྲུབ་ཐབས་གཞན་མི་དགོས་ཏེ། གྲུབ་ཆེན་མི་ཏྲ་ཛཱ་ཀིའི་ཞལ་ནས། མཆོག་འདོད་པས་བླ་མ་རྡོ་རྗེ་འཆང་། ཤེས་རབ་འདོད་པས་བླ་མ་འཇམ་དབྱངས་སུ་བསྒོམ། བྱམས་སྙིང་རྗེ་འདོད་པས་བླ་མ་སྤྱན་རས་གཟིགས། མཐུ་སྟོབས་ཆེ་བར་འདོད་པས་ཕྱག་ན་རྡོ་རྗེ། འཇིགས་སྐྱོབ་ལ་སྒྲོལ་མ། ཚེ་རིང་བར་འདོད་པས་ཚེ་དཔག་མེད། ནད་ཞི་བར་འདོད་པས་སྨན་བླ། ལོངས་སྤྱོད་ཆེ་བར་འདོད་པས་རྣམ་སྲས་རིན་འབྱུང་། ཞི་བ་ལ་རྡོ་རྗེ་སེམས་དཔའ། རྒྱས་པ་ལ་རིན་ཆེན་འབྱུང་ལྡན། དབང་ལ་འོད་དཔག་མེད་དང་ཀུ་རུ་ཀུལླེ། དྲག་པོ་ལ་རྡོ་རྗེ་འཇིགས་བྱེད་དང་ཆོས་སྐྱོང་

[Full Size]

དུ་བསྒོམ་ནས། འདོད་པའི་གསོལ་འདེབས་བྱས་པས། སོ་སོའི་ལས་འགྲུབ་པ་ཡིན་གསུངས། ཁྱད་པར་དུ་ཨོ་རྒྱན་རིན་པོ་ཆེ་བསྒོམ་ན་ཐུགས་རྗེ་བྱིན་རླབས་མྱུར་ཏེ། ཨོ་རྒྱན་རིན་པོ་ཆེའི་ཞལ་ནས། ཁྱད་པར་བྱིན་རླབས་དངོས་གྲུབ་མྱུར་འདོད་ན། །རྡོ་རྗེ་དྲག་རྩལ་པདྨ་ང་ཉིད་བསྒོམ། །དུས་གསུམ་སངས་རྒྱས་ཡོན་ཏན་བདག་ལ་རྫོགས། །རྒྱལ་བ་ཞི་ཁྲོ་གསང་སྔགས་ཕྱི་ནང་དང་། །དཔའ་བོ་མཁའ་འགྲོའི་དངོས་གྲུབ་བྱིན་རླབས་རྣམས། །ནོར་བུ་རིན་ཆེན་ཡོན་ཏན་ཀུན་རྫོགས་ལྟར། །དེ་དག་ཐམས་ཅད་མ་ལུས་བདག་ལ་རྫོགས། །ང་ཉིད་བསྒོམ་དང་དྲན་པ་ཙམ་གྱིས་ཀྱང་། །རྒྱལ་བ་སྲས་བཅས་དེ་ལ་ཐུགས་རྗེས་གཟིགས། །གསང་སྔགས་ཕྱི་ནང་ལྷ་ཚོགས་ཐམས་ཅད་ཀྱིས། །དབང་བསྐུར་བྱིན་རླབས་དངོས་གྲུབ་སྟེར་བར་བྱེད། །ཡོན་ཏན་ཐམས་ཅད་ང་ཉིད་བསྒོམས་པས་འབྱུང་། །དངོས་གྲུབ་ཐམས་ཅད་ང་ཉིད་བསྒོམས་པས་ཐོབ། །ཕྲིན་ལས་ཐམས་ཅད་ང་ཉིད་བསྒོམས་པས་འགྲུབ། །ཅེས་གསུངས་པས། རང་གི་སྤྱི་གཙུག་ཁྲུ་གང་ཙམ་གྱི་ནམ་མཁར། པདྨ་འདབ་མ་སྟོང་དང་ལྡན་པའི་གེ་སར་གྱི་སྟེང་དུ། ཉི་

[Full Size]

མ་ཟླ་བའི་སྟེང་དུ་རྩ་བའི་བླ་མ་ཨོ་རྒྱན་པདྨ་པཎྜི་ཏ་བཅུ་དྲུག་ལོན་པའི་ཚུལ་ཅན། དཀར་དམར་མདངས་དང་ལྡན་པ། ཆོས་གོས་གསེར་གྱི་པ་ཏྲ་ཅན། ཟ་འོག་གི་བེར་དང་པད་ཞུ་པདྨ་ཞྭ་ཁ་ཕྱེས་པ་ལྟ་བུ་ལ། རྒོད་སྒྲོ་དར་སྣ་ཉི་ཟླ་རྒྱ་གྲམ་གྱིས་མཚན་པ། ཕྱག་གཡས་གསེར་གྱི་རྡོ་རྗེ་ཐུགས་ཀར་འཛིན་པ། གཡོན་པས་ཡེ་ཤེས་ཀྱི་བདུད་རྩིས་བཀང་བའི་བྷནྡྷ་བསྣམས་པ། ཁ་ཊཱཾ་གཡོན་གྱི་མཆན་དུ་བཅུག་པ། འོད་ཟེར་སྟོང་གསུམ་ཁེངས་པར་བསྒོམ། ཕྱོགས་བཅུའི་བླ་མ་ཡི་དམ་སངས་རྒྱས་བྱང་སེམས་ཐམས་ཅད་ཁ་བ་བུ་ཡུག་ལྟར་བྱོན་ནས་དེ་ལ་ཐིམ། དེ་ལ་དད་གུས་རྩེ་གཅིག་གི་ངང་ནས། གུ་རུ་པདྨ་འབྱུང་གནས་ལ་གསོལ་བ་འདེབས་སོ། །ཞེས་པ་བརྒྱ་ཚར་བརྗོད་པའམ། ཡི་གེ་བཅུ་གཅིག་སྔགས་ཀྱི་ཕྲེང་བ་འདི། །ཕྱི་ལྟར་གསོལ་བ་འདེབས་པའི་སྙིང་པོ་ཡིན། །ཞེས་གསུངས་པས། བཛྲ་གུ་རུ་སྟོང་ཚར་རམ་ལྔ་བརྒྱ་ཙམ་བཟླས། དེ་ནས་ཨོ་རྒྱན་འོད་དུ་ཞུ་ནས་རང་ལ་ཐིམ་པས། རང་དང་དབྱེར་མེད་དུ་འདྲེས། རང་གི་སེམས་ལ་སེམས་ཀྱིས་བལྟ་བ་ཙམ་མ་གཏོགས་བཅོས་བསླད་མེད་པར་བྱིན་རླབས་ལས་བྱུང་བའི་ཉམས་མྱོང་དེ་སྐྱོང་སྟེ་

[Full Size]

ཨོ་རྒྱན་རིན་པོ་ཆེས་གསུངས་པའི་བླ་མ་ཆོས་སྐུའི་སྒྲུབ་ཐབས་ལས། གཉིས་མེད་ཐུགས་རྒྱུད་འཕོས་པའི་ངང་དེ་ལ། །སྟོན་སེར་ནམ་མཁའ་བཞིན་དུ་གསལ་དྭངས་བཞག སྨྲར་མེད་ཡིད་ཆེས་འདི་ཞེས་བརྗོད་བྱ་བྲལ། །འདི་འདྲའི་ཡིན་ལུགས་མ་མཐོང་མཐོང་རྒྱུ་གཅིག །ས་ལེ་རང་གསལ་རྟོག་མེད་རྗེན་ནེ་བ། །དེ་ཚེ་རང་བྱུང་བླ་མའི་རང་ཞལ་མཇལ། །འགྲོ་མགོན་བླ་མའི་བྱིན་རླབས་དེ་ཚེ་ཞུགས། །དེ་ཡི་དོན་རྟོགས་རྒྱུན་དུ་དེ་ལྟར་བསྒོམ། །ཞེས་གསུངས་སོ། །དཔལ་ཕག་མོ་གྲུ་པའི་ཞལ་ནས། །དོན་དམ་བློ་འདས་སེམས་ཉིད་ཆོས་ཀྱི་སྐུ། །གདོད་ནས་རྣམ་དག་མ་སྐྱེས་འདུས་མ་བྱས། །རང་བཞིན་འོད་གསལ་ལྷུན་གྲུབ་དེ་བཞིན་ཉིད། །གློ་བུར་རྟོག་པའི་དྲི་མས་མ་བསླད་ཅིང་། །མི་རྟོག་ཟག་མེད་བདེ་ཆེན་ཞི་བའི་ངང་། །བསྒོམ་བྱ་སྒོམ་བྱེད་རྩོལ་བ་རྣམས་སྤངས་ཏེ། །འབད་མེད་ཆེན་པོར་མ་བཅོས་ལྷུག་པར་བཞག །བརྗོད་བྲལ་བློ་འདས་ཕྱག་རྒྱ་ཆེན་པོ་ནི། །སྐུ་གསུམ་དབྱེར་མེད་བླ་མ་དམ་པ་སྟེ། །དེས་ནི་བདུད་དང་ཉོན་མོངས་ལས་རྒྱལ་ཞིང་། །དཔག་མེད་ཡོན་ཏན་རྒྱ་མཚོའི་བདག་ཉིད་དེ། །བསྒྲུབ་མཆོག་

[Full Size]

བླ་ན་མེད་པར་རྒྱལ་བས་བཤད། །ཅེས་གསུངས་སོ། །དེ་ལྟར་རྩེ་གཅིག་ཏུ་བསྒོམས་པས། ཉམས་རྟོགས་ངེས་པར་སྐྱེ་སྟེ། དེ་ལ་ངོ་སྤྲོད་ཡང་མི་དགོས་སོ། །གེགས་དང་། གོལ་ས་ཡང་མེད་པར། མོས་གུས་ཆེན་པོའི་ཁྲིད་ལས་གསུངས། ལྔ་ལྡན་གྱི་ཡང་རྩ་བ་ཡིན་ཏེ། བླ་མ་སྐུ་བཞིའི་གངས་རི་ལ། །མོས་གུས་ཀྱི་ཉི་མ་མ་ཤར་ན། །བྱིན་རླབས་ཀྱི་ཆུ་བོ་མི་འབབ་པས། །སེམས་མོས་གུས་འདི་ལ་ནན་ཏན་མཛོད། །ཅེས་གསུངས་པས་ཉམས་སུ་ལོངས་ཤིག། ༼༡༠༽ ཐུགས་རྗེ་ཆེན་པོའི་མན་ངག་ཟབ་མོ། །བྱང་ཆུབ་མྱུར་དུ་ཐོབ་པའི་ཐབས། བསྐྱེད་རིམ་བསྒོམ་པ་ནི། གསང་སྔགས་ཀྱི་ཁྱད་ཆོས་ཡིན་པས། མདོ་ལུགས་ལས་ཀྱང་ཁྱད་པར་འཕགས་ཏེ། སཾ་བྷུ་ཏྲི་ལས། མདོར་བསྡུས་ན་ནི་སངས་རྒྱས་ཉིད། །བསྐལ་པ་བྱེ་བ་གྲངས་མེད་པས། །ཇི་སྲིད་སངས་རྒྱས་མ་ཐོབ་པར། །གང་གིས་དམ་པས་བདེ་བ་ཁྱོད། །སྐྱེ་བ་འདིས་ནི་འཐོབ་པར་འགྱུར། །ཡང་ན་རྡོ་རྗེ་འཛིན་པ་ཉིད། །ཡང་ན་འཁོར་ལོས་སྒྱུར་བའམ། །འདི་ཡི་དངོས་གྲུབ་ཆེན་པོ་བརྒྱད། །གཞན་ཡང་ཡིད་ལ་འདོད་པ་ཐོབ། །ཅེས་གསུངས། །ཕ་

[Full Size]

རོལ་ཏུ་ཕྱིན་པའི་ལམ་གྱིས། བསྐལ་པ་གྲངས་མེད་བདུན་དང་ལྔ་དང་གསུམ་ལས་ཉེ་བར་སངས་རྒྱས་ཐོབ་པའི་ཐབས་མེད་ལ། གསང་སྔགས་ལུགས་ཀྱི་རབ་ཚེ་འདི་འབྲིང་བར་དོ་ཐ་མ་སྐྱེ་བ་གསུམ་དང་བདུན་དང་བཅུ་དྲུག་ལས་མི་འགྱང་བར་སངས་རྒྱས་ཐོབ་པ་ནི། དཔེར་ན་ལོ་དང་ཟླ་བ་འགོར་བའི་ལམ་རྐང་མགྱོགས་འགྲུབ་པས་ཉིན་ལྷ་གཅིག་གིས་བགྲོད་པ་ལྟར། ཡི་དམ་གྱི་ལྷ་དང་རང་གཉིས་དབྱེར་མེད་མཉམ་པ་ཉིད་དུ་བསྒོམ་པའི་མཐུ་ཡིན་ཏེ། སློབ་དཔོན་ཛྙཱ་ན་ས་ག་རས། དཔེར་ན་སྐྱེས་བུ་སྟོབས་ཆུང་བའམ། །ཕྱུགས་ཀྱི་ཤིང་རྟས་ཡུན་རིང་གིས། །བགྲོད་པར་བྱ་བའི་གནས་དེར་ནི། །རྐང་མགྱོགས་གྲུབ་པའི་ཉི་ཟླས་ནི། །མྱུར་བ་ཉིད་དུ་འགྲོ་བར་འགྱུར། །དེ་བཞིན་ཕ་རོལ་ཕྱིན་པའམ། །ལམ་གཞན་དག་ལ་བརྟེན་ནས་ནི། །ཡུན་རིང་འཇུག་པར་འགྱུར་བ་དེས། །སྔགས་པས་ཚེ་འདིར་འཇུག་པ་ནི། །མཉམ་ཉིད་མཐུ་ལ་བརྟེན་ཕྱིར་རོ། །ཞེས་གསུངས། གྲུབ་ཆེན་ཀརྨ་པཀྵིའི་ཞལ་ནས། ཡི་གེ་མི་ཤེས་པ་རྣམས་སྐད་ཅིག་དྲན་རྫོགས་ཀྱི་རྣལ་འབྱོར་བྱའོ། །ཞེས་གསུངས་སོ། །དཔལ་ཕག་མོ་གྲུ་པའི་ཞལ་ནས།

[Full Size]

འཇའ་ཚོན་ལྟ་བུའི་ལྷ་སྐུ་བསྒོམ། །དགོངས་པ་ཐ་མལ་ཞེན་པ་སྤོངས། །ཞེས་གསུངས་པས། ལར་གསང་སྔགས་ཀྱི་ཉམས་ལེན་ལ་དབང་ཐོབ་དགོས། མ་ཐོབ་ན་མི་རུང་ན་ཡང་། གྲུབ་ཆེན་ཀརྨ་པཀི་ལ། ཐུགས་རྗེ་ཆེན་པོའི་ལུང་བསྟན་ཅིང་གནང་བའི་རྒྱལ་བ་རྒྱ་མཚོ་ཁྲོམ་ཆོས་མ་འདི་དབང་མ་ཐོབ་ན་ཡང་རུང་སྟེ། དབང་མ་ཐོབ་པ་དང་། ལུང་མ་མནོས་པ་དང་། སློབ་དཔོན་གྱིས་ཆོས་མ་རྫོགས་པ་རྣམས་ཀྱང་ཕྲིན་ལས་ཐུགས་རྗེ་ཆེན་པོ་དང་མཉམ་པར་གྱུར་ཅིག །ཀརྨ་པའི་ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྒྲུབ་ཐབས་ལགས་པས་ཀུན་གྱིས་བྲིས་ཤིག །སྒྲུབས་ཤིག །དབང་བསྐུར་ཅིག །ཁྲོམ་ཆོས་རྒྱུ་ཆེན་པོས་གཞན་དོན་གྱིས་ཤིག །བླ་མ་ཡི་དམ་མཁའ་འགྲོའི་བྱིན་རླབས་ཀྱིས་ལུང་མ་མནོས་ཀྱང་། དཔེ་འདི་གང་གིས་བྲིས་པ་དང་མཐོང་བར་གྱུར་པ་རྣམས་ཀྱང་རང་གཞན་གྱི་དོན་ཉི་མ་ཤར་བ་ལྟ་བུར་གྱུར་ཅིག །ཅེས་གསུངས་སོ། །འདི་ཡབ་སྲས་རྣམས་དབུ་ཞྭ་བཞེས་དུས་ཁྲོམ་ཆོས་སུ་གནང་བ་སྟེ། དེ་ཉིད་རྗེ་དཀོན་མཆོག་ཡན་ལག་གིས་ཚིགས་བཅད་དུ་ཕབ་པ་འདི། རཱ་ག་ཨ་སྱའི་ཡབ་སྲས་གསུམ་ཀའི་དྲུང་ནས་ལན་བཞི་བཅུ་ཞེ་བསྒང་

[Full Size]

ཙམ་ཐོབ་པས། བྱིན་རླབས་ལྷག་པར་ཆེ་བ་ཡིན་ཏེ། བྱང་ཆུབ་མཆོག་ཏུ་སེམས་བསྐྱེད་ཅིང་། །རང་གི་རྣམ་ཤེས་ཧཱི༔ཡིག་དཀར། །འོད་ཟེར་དཀར་པོ་འཕྲོས་པ་ཡིས། །སེམས་ཅན་ཀུན་གྱི་སྡིག་སྒྲིབ་དག །ཕྱི་སྣོད་ནང་བཅུད་གཞལ་ཡས་ལྷ། །འོད་ཟེར་ཚུར་འདུས་ཧྲིལ་ཐིམ། །པདྨ་ཉི་ཟླའི་གདན་གྱི་སྟེང་། །ཧྲཱིཿཡིག་འོད་དུ་ཞུ་བ་ལས། །རང་ཉིད་ཐུགས་རྗེ་ཆེན་པོར་གྱུར། །སྐུ་མདོག་དཀར་པོ་ཞལ་གཅིག་པ། །པདྨ་རྒྱས་ལྟར་འཛུམ་མདངས་ཅན། །རལ་པའི་ཐོར་ཚུགས་བཅིངས་པ་ལ། །རིན་ཆེན་ལྔ་ཡི་རྩེ་བྲན་དང་། །དར་གྱི་ཅོད་པན་གྱིས་བརྒྱན་པ། །ཕྱག་བཞིའི་དང་པོས་ཐལ་མོ་སྦྱར། །གཡས་འོག་མུ་ཏིག་ཕྲེང་བ་འཛིན། །གཡོན་གྱི་འོག་མས་པདྨ་འཛིན། །རིན་ཆེན་སྣ་ཚོགས་མགུལ་དོ་དང་། །སེ་མོ་དོ་དང་དོ་ཤལ་དང་། །དོ་ཤལ་ཕྱེད་པས་ཡང་དག་བརྒྱན། །ཕྱི་དང་ནང་གི་སྒྲིབ་མེད་གསལ། །ཞབས་གཉིས་སྐྱིལ་མོ་ཀྲུང་གིས་བཞུགས། །འོད་ཟེར་སྣ་ཚོགས་འཕྲོ་བ་ནི། །དམ་ཚིག་སེམས་དཔའི་རང་བཞིན་ནོ། །ཐུགས་ཀར་ཟླ་བའི་དཀྱིལ་འཁོར་སྟེང་། །ཧྲཱིཿཡི་ཡི་གེ་དཀར་པོ་ལ། །ཡི་

[Full Size]

གེ་དྲུག་པས་གཡས་སུ་བསྐོར། །དེ་ནི་ཏིང་འཛིན་སེམས་དཔའོ། །ཨོཾ་མ་ཎི་པདྨེ་ཧཱུྃ། ཞེས་པ་ངག་ཏུ་བརྗོད་པའི་མཐུས། །དུས་གསུམ་བདེར་གཤེགས་ཐམས་ཅད་ནི། །ཐུགས་རྗེ་ཆེན་པོའི་ངོ་བོ་རུ། །གྱུར་ནས་ཆར་ལྟར་རང་ལ་ཐིམ། །ཡེ་ཤེས་སེམས་དཔའ་ཡོངས་རྫོགས་པའོ། །སྣོད་བཅུད་ཐམས་ཅད་ལྷ་རུ་གྱུར། །སྣང་བ་སྐུ་ཡི་ཁྱེར་སོ་ཡིན། །སྒྲ་སྐད་ཐམས་ཅད་ཡི་གེ་དྲུག །གྲག་པ་གསུང་གི་ཁྱེར་སོ་ཡིན། །སེམས་ནི་ཟུང་འཇུག་རང་བྱུང་སྟེ། །དྲན་རྟོག་ཐུགས་ཀྱི་ཁྱེར་སོ་ཡིན། །ཞེས་གསུངས་སོ། །གྲུབ་ཆེན་མི་ཏྲ་ཛཱ་ཀིའི་ཞལ་ནས། སྙིང་ཁར་པདྨ་དམར་པོ་འདབ་མ་བརྒྱད་པའི་ལྟེ་བར་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿཚེག་དྲག་དང་བཅས་པའི་མཐར། ཡི་གེ་དྲུག་པ་གཡས་སུ་འཁོར་བ་ལས། འོད་ཟེར་སྣ་ལྔ་འཕྲོས་པས་ལུས་ཀྱི་ནང་གང་། སླར་འོད་ཟེར་ཕྱིར་འཕྲོས། ཕྱི་སྣོད་འཇིག་རྟེན་ལ་ཕོག །ཞིང་ཁམས་བདེ་བ་ཅན་དུ་བྱས། ནང་བཅུད་ཀྱི་སེམས་ཅན་ཐམས་ཅད་ལ་ཕོག །སྤྱན་རས་གཟིགས་སུ་གྱུར། ཐམས་ཅད་ཀྱི་ཞལ་ནས་སྔགས་འདྲེན་པར་བསམ་ལ། ཁང་པའི་ནང་དུ་ཚོར་ཙམ་དུ་འདོན་པའོ། །རང་ཉིད་

[Full Size]

སྤྱན་རས་གཟིགས་སུ་གསལ་བར་བསྐྱེད་པའི་སྙིང་ཁའི་ཧྲིལས་འོད་ཟེར་འཕྲོས། ལུས་ཀྱི་ཕྱི་ནང་བ་སྤུའི་བུ་ག་དང་བཅས་པ་ཐམས་ཅད་ཐུགས་རྗེ་ཆེན་པོས་གང་། ཕྱི་སྣོད་ཀྱི་འཇིག་རྟེན་གྱི་ཁམས་ལ་ཕོག་པས་བདེ་བ་ཅན་དུ་བྱས། ནང་བཅུད་ཀྱི་སེམས་ཅན་ཐམས་ཅད་ལ་ཕོག་པས་ཐམས་ཅད་སྤྱན་རས་གཟིགས་སུ་གྱུར། མདོར་ན་གཟུགས་སྣང་ཐམས་ཅད་སྤྱན་རས་གཟིགས་ཀྱི་སྐུར་གྱུར། སྒྲ་གྲག་པ་ཐམས་ཅད་ཡི་གེ་དྲུག་པར་གསལ་བཏབ་ནས། ཡིད་ཀྱི་བཟླས་པ་བྱེད་པའོ། །ཞེས་གསུངས་སོ། །ཡང་ཤེས་རབ་ཆུང་བ་རྣམས་ཀྱིས་དེ་ལྟར་བསྒོམ་མི་ཤེས་ན། རང་ཉིད་ཐུགས་རྗེ་ཆེན་པོ་སྐུ་མདོག་དཀར་པོ་ཞལ་གཅིག་ཕྱག་བཞི་པ། རྒྱན་ཆ་ལུགས་དང་ལྡན་པ་གཅིག་ཡིན་བསམ་པའི་ངེས་ཤེས་ཀྱིས། དེའི་ཐུགས་ཀར་ཟླ་བའི་སྟེང་དུ་ཧྲཱིཿདཀར་པོའི་མཐར་ཡིག་དྲུག་གཡས་སུ་འཁོར་ཞིང་ཡོད་པར་བསྒོམ། དེ་ལས་འོད་ཟེར་ཕྱོགས་ཐམས་ཅད་དུ་འཕྲོས་པས་ཕྱོགས་བཅུའི་སངས་རྒྱས་བྱང་སེམས་ཐམས་ཅད་ལ་འོད་ཟེར་དེས་མཆོད། དེ་ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས་ཆར་བབ་པ་ལྟར་བྱོན་ཏེ། རང་ལ་སིབ་སིབ་ཐིམ་པར་

[Full Size]

བསྒོམ། ཡང་རང་གི་འོད་དེས་ཕོག་པས། སེམས་ཅན་ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས་ཡིག་དྲུག་འདོན་པར་བསྒོམ། སྐབས་སུ་སྒོམ་མཁན་སེམས་ལ་ཡང་ལྟ་སྟེ། ཀྱེའི་རྡོ་རྗེ་ལས། བསྒོམ་མེད་བསྒོམ་པ་པོ་ཡང་མེད། །ལྷ་མེད་སྔགས་ཀྱང་ཡོད་མ་ཡིན། །སྤྲོས་པ་མེད་པའི་རང་བཞིན་ལ། །ལྷ་དང་སྔགས་རྣམས་ཡང་དག་གནས། །རྣམ་སྣང་མི་བསྐྱོད་དོན་འགྲུབ་དང་། །རིན་ཆེན་དཔག་མེད་སེམས་དཔའོ། །ཞེས་གསུངས་སོ། །ལྔ་ལྡན་ལས། རང་ལུས་ལྷ་སྐུའི་རྒྱལ་པོ་ལ། །འགྱུར་མེད་ཀྱི་བཙན་ས་མ་ཟིན་ན། །མ་མཁའ་འགྲོའི་འཁོར་ཚོགས་མི་འདུ་བས། །ལུས་ཡི་དམ་ལྷ་ལ་འབད་ཀྱང་འཚལ།། ༼༡༡༽ ཐུགས་རྗེ་ཆེན་པོའི་མན་ངག་ཟབ་མོ། རང་གི་སེམས་འདུལ་བའི་ཐབས། ཞི་གནས་བསྒོམ་པར་བྱ་སྟེ། དགའ་བོ་མངལ་གནས་ཀྱི་མདོ་ལས། གང་ལ་མཉམ་བཞག་སེམས་མེད་པས། །རྣམ་དག་ཡེ་ཤེས་མེད་པ་སྟེ། །ཟག་པ་རྣམས་ནི་སྤངས་མི་འགྱུར། །དེ་བས་ཁྱོད་ཀྱིས་ནན་ཏན་སྒྲུབས། །ཞེས་དང་། པདྨ་དྲྭ་བའི་རྒྱུད་ལས། ཤིན་ཏུ་འཇམ་པའི་སྟན་ལ་ནི། །རྡོ་རྗེ་སྐྱིལ་ཀྲུང་

[Full Size]

གིས་གནས་ནས། །བསྲང་སྟེ་མིག་ནི་སྣ་རྩེར་ཕབ། །དལ་བའི་རླུང་ལྡན་རྐན་ལ་ནི། །ལྕེ་ཡིས་ཅུང་ཟད་རེག་པར་བྱས། །ལྟེ་བ་ཅུང་ཟད་བཀུག་པ་ཡིས། །སེམས་ནི་བག་ཡོད་གནས་པར་བྱ། །དེ་ལྟར་ལུས་བསམ་གཏན་གྱི་ཆོས་ལྔའམ་བདུན་བཅས་པས་དུག་ལྔ་རང་ཞིར་འགྲོ་ཞིང་། རླུང་སེམས་རང་བཞིན་གྱིས་དྷུ་ཏིར་ཚུད་ནས། རྟོག་པ་ཐམས་ཅད་རང་འགག་ལ་འབོལ་ལེ་ཤིག་གེ་དྭངས་སང་ངེ་འགྲོ་ཞིང་། རྟོགས་པ་མྱུར་དུ་འཆར་བས་ལུས་གནད་གལ་ཆེ། སྙིང་གི་དཀྱིལ་དུ་ཐིག་ལེ་དཀར་པོ་སྲན་མ་ཙམ་འོད་དང་ལྡན་པ་ཞིག་ལ་རིག་པ་གཏད་ལ་གནས་ཅི་ཐུབ་བྱ། དེ་ལ་མི་གནས་ན་ཡིད་ལ་ཅི་ཡང་མི་བསམ་པར་སེམས་ལྷོད་དེ་བཞག་སྟེ། དུས་གསུམ་གྱི་རྣམ་རྟོག་འཕྲོ་བཅད་དེ། སེམས་སེམས་ཐོག་ཏུ་བསྡུས་ནས་ལས་མེད་དུ་ལྷོད་ཤིག་གེ་བཞག །རྩ་ཚིག་ལས། རང་གི་སེམས་ལ་རང་གིས་ལྟོས། །ཞེས་དང་། ཁྲིད་ཆེན་རྩ་ཚིག་ལས། ཕྱོགས་ལུས་གནད་བསམ་གཏན་ཆོས་བདུན་སྐྱོན་མེད་བཅའ། །སེམས་གནད་དུས་གསུམ་རྟོག་པའི་སྤྲོས་པ་བཅད། །གང་ཤར་ངང་དུ་མ་ཡེངས་རྩོལ་མེད་བཞག །ཅེས་གསུངས་པ་

[Full Size]

ལྟར་སེམས་རང་བབས་སུ་གནས་ཅི་ཐུབ་བྱའོ།། ཐུགས་རྗེ་ཆེན་པོའི་མན་ངག་ཟབ་མོ། འཁོར་བ་ནས་ཐར་ཞིང་། འཕགས་ལམ་ཐོབ་པའི་ཐབས། ལྷག་མཐོང་གི་ཤེས་རབ་བསྐྱེད་པར་བྱ་སྟེ། རང་ཅག་རྣམས་འཁོར་བར་འཁྱམས་པ་ཅི་ཡི་སྐྱོན་ཡིན་ན། བདག་མེད་པ་ལ་བདག་ཏུ་བཟུང་བའི་སྐྱོན་ཡིན་ཏེ། འཕགས་པ་དཀོན་མཆོག་སྤྲིན་ལས་སེམས་ནི་ཆོས་ཐམས་ཅད་ཀྱི་སྔོན་དུ་འགྲོ་བས་ཏེ། སེམས་ཡོངས་སུ་ཤེས་ན་ཆོས་ཐམས་ཅད་ཡོངས་སུ་ཤེས་པར་འགྱུར་རོ། །ཞེས་དང་། ཆོས་ཀྱི་དབྱིངས་དབྱེར་མེད་པའི་ལེའུ་ལས། སེམས་འདི་ནི་སྔོན་པོའམ། སེར་པོའམ། དམར་པོའམ། དཀར་པོའམ། བཙོད་ཁའམ། ཤེལ་གྱི་ཁ་དོག་ལྟ་བུའམ། ཡང་དག་པའམ། ཡང་དག་པ་མ་ཡིན་པའམ། རྟག་ཅེས་བྱ་བའམ། མི་རྟག་ཅེས་བྱ་བའམ། གཟུགས་ཅན་ནམ། གཟུགས་ཅན་མ་ཡིན་པ་ཞིག་ཅེས་སོ་སོར་རྟོགས་ཤིག །ཅེས་གསུངས་སོ། །འོད་སྲུང་གིས་ཞུས་པའི་ལེའུ་ལས། འདི་ལྟར་སེམས་ཡོངས་སུ་ཚོལ་ཏེ། འདི་ལྟར་འདོད་ཆགས་པའམ། ཞེ་སྡང་བར་འགྱུར་བའམ། གཏི་མུག་པར་གྱུར་པའི་སེམས་དེ་གང་

[Full Size]

ཡིན། ཞེས་འདས་པའམ་མ་འོངས་པའམ། ད་ལྟར་བྱུང་བ་ཞིག་ཡིན་ནམ། ཞེས་སོགས་རྒྱ་ཆེར་གསུངས་སོ། །རྫོགས་ཆེན་ཀློང་གསལ་འབར་མའི་རྒྱུད་ལས། སེམས་ཀྱི་རུ་ཤན་ཕྱེ་བའི་ཕྱིར། །བསམ་མནོ་འདི་ལ་ཉག་གཅིག་བྱ། །རིག་པ་སྤྲོས་མེད་ཆོས་ཀྱི་སྐུ། །འདི་ལ་བྱུང་གནས་འགྲོ་གསུམ་མེད། །སེམས་ཞེས་བྱ་བའི་འགྱུ་འགྱུ་པོ། །འོལ་འོལ་ཕྲིག་ཕྲིག་ཡུད་ཡུད་འདི། །དང་པོ་གང་ལས་བྱུང་བ་དང་། །བར་དུ་གནས་དང་ཐ་མར་འགྲོ། །དབྱིབས་དང་ཁ་དོག་ཇི་ལྟ་བུ། །ཕྱི་ནང་བར་གསུམ་བཤིག་འབྲེལ་བལྟ། །ཞེས་དང་། ཐལ་འགྱུར་ལས། དང་པོ་སེམས་ཀྱི་བྱུང་ས་དང་། །བར་དུ་གནས་དང་ཐ་མ་འགྲོ། །གསུམ་ལ་ངེས་པར་བརྟགས་བསྐྱེད་ན། ། སེམས་སྦྱངས་སེམས་ལ་ཕན་པའོ། །ཞེས་དང་། །དྲུང་སྒམ་པོ་པའི་ཞལ་ནས། དེ་དག་ཐམས་ཅད་གོ་ཡུལ་གྱིས་མི་ཕན། རྣ་ཟག་དང་ཁ་སྐད་བཟང་པོ་སྟོང་པ་ཡིན། མ་གྲུབ་པ་ཡིན། མེད་པ་ཡིན་ཟེར་བ་སོགས་དེ་རྣམས་ཡིན་པ་ལས་འོས་མེད། དེ་རྣམས་ཁྱེད་ལ་མི་དྲི། ད་ལན་གང་དྲི་ན། སེམས་ལ་འདི་འདྲ་ཞིག་འདུག་ཟེར་བ་གཅིག་འདོད་

[Full Size]

པ་ཡིན་པས་ཐག་ཆོད་པ་གཅིག་མཛོད། ཅི་ཡང་མ་ཡིན་པའི་ཕུང་གསུམ་ཤོ་རེ་མི་འོང་བས། ཆོས་སྐད་ཅིག་ཀྱང་མི་འདོད། བླུན་ཚིག་རྐྱང་པས་མི་ཆོག་པས། ངས་འདི་ལྟར་བསྒོམས་པས་འདི་རེད། འདི་འདྲ་བ་ཅིག་འདུག །འདི་འདྲ་ཞིག་བྱུང་གསུངས་པ་འདོད་པ་ཡིན། འབད་ལ་བསྒོམ། གྲོགས་མཆེད་ལ་ཡང་དྲི་རྟོགས་མ་བྱེད། འདི་ལ་སོ་གཅིག་མ་ཐེབ་ན།། ཁྱེད་ལ་བསྒོམ་སྐྱེས་ན་ཕ་བཀའ་བརྒྱུད་རྣམས་མི་བདེན་པའི་ཐག་ངས་གཅོད། ཁྱེད་རང་ཡང་དེ་ལྟར་སོམ་མཛོད། སང་ཉིན་ཆོས་ཐུན་མ་བྱུང་ཚུན་འདི་ལ། །སྐད་ཅིག་ཀྱང་མ་ཡེངས་པར་སེམས་ཚོལ་བ་གལ་ཆེ་སྟེ། ཏཻ་ལོའི་ཞལ་ནས། དཔེར་ན་ལྗོན་ཤིང་སྡོང་པོ་ཡལ་ག་ལོ་འདབ་རྒྱས། །རྩ་བ་གཅིག་བཅད་ཡལ་ག་ཁྲི་འབུམ་སྐམ། །དེ་བཞིན་སེམས་ཀྱི་རྩ་བ་བཅད་པས་འཁོར་བའི་ལོ་འདབ་སྐམ། །ཞེས་གསུངས། དེས་ན་སེམས་ཚོལ་བ་གལ་ཆེ་གནད་ཆེ་བས། སང་ཉིན་བར་ལ་མ་ཡེངས་མ་རྙེད་བར་ཚོལ། སང་ནམ་ལངས་ནས་ཁྲིད་གཉེར་པ་རྣམས་ལ་ཞུ་དགོས། མ་རྙེད་ན་མ་རྙེད་པའི་ལུགས་དེ་ཤོད་དང་ཆོག །སེམས་ངོ་རྟོགས་མི་རྟོགས་འདི་ལ་རིག་ལས། ཁྱེད་ཁྲིད་

[Full Size]

ཐོབ་པ་རྣམས་ཀྱིས་ཀྱང་ཚོལ་དང་། འབྲུག་ལུགས་ལ། རྩེ་གཅིག་ཆེན་པོ་རྟོགས་རྗེས་སླར་སེམས་ཚོལ་བྱས་པས་སྤྲོས་བྲལ་རྟོགས་པར་བཤད། འདི་ཡི་ཕྱིར་ཉིན་གསར་བུ་རྣམས་ཀྱི་རྟོགས་འབུལ་གལ་ཆེ།། ༼༡༣༽ ཐུགས་རྗེ་ཆེན་པོའི་མན་ངག་ཟབ་མོ། རང་གི་སེམས་ཉིད་འདི། ཕྱག་རྒྱ་ཆེན་པོ་དང་། རྫོགས་པ་ཆེན་པོ་གཞི་ཁྲེགས་ཆོད་ངོ་སྤྱད་པ་ནི། བྲམ་ཟེ་ཆེན་པོས། བུ་ལྟོས་ཤིག་རང་གི་སེམས་ལ་ལྟོས། །བལྟས་པས་སེམས་ལ་གྲུབ་པ་མེད། །གྲུབ་པ་མེད་པའི་སེམས་འདི་ཉིད། །སྣ་ཚོགས་སུ་སྣང་བ་ངོ་མཚར་ཆེ། །རང་སེམས་སྐྱེ་མེད་ཆོས་ཀྱི་སྐུ། །ཞེས་གསུངས། རྣམ་སྣང་མངོན་བྱང་ལས། སེམས་དེ་ནི་དེ་བཞིན་གཤེགས་པས་ཀྱང་མ་གཟིགས་མི་གཟིགས་གཟིགས་པར་མི་འགྱུར་རོ། །ཁ་དོག་མ་ཡིན། དབྱིབས་སུ་མ་ཡིན། སྣང་བ་མ་ཡིན། མུན་པ་མ་ཡིན། སྐྱེས་པ་མ་ཡིན། བུད་མེད་མ་ཡིན། མ་ནིང་མ་ཡིན་ནོ། །ཞེས་དང་། །བྱང་ཆུབ་སེམས་འགྲེལ་ལས། ནང་ངམ་དེ་བཞིན་ཕྱི་རོལ་ལམ། །ཡང་ན་གཉིས་ཀའི་བར་དག་ཏུ། །རྒྱལ་བ་རྣམས་ཀྱི་སེམས་མ་རྙེད། །ཅེས་དང་། བྱམས་པས་ཞུས་པ་

[Full Size]

ལས། སེམས་ནི་དབྱིབས་མེད་པ། ཁ་དོག་མེད་པ། གནས་མེད་པ་ནམ་མཁའ་ལྟ་བུའོ། །ཞེས་དང་། ཏཻ་ལོ་པས། དཔེར་ན་ནམ་མཁའ་སྟོང་པར་ཐ་སྙད་རབ་བརྟོགས་ཀྱང་། །ནམ་མཁའ་ལ་ནི་འདི་འདྲ་བརྗོད་དུ་མེད། །དེ་བཞིན་རང་སེམས་འོད་གསལ་བརྗོད་གྱུར་ཀྱང་། །བརྗོད་པས་འདི་འདྲ་གྲུབ་ཅེས་གདག་གཞི་མེད། །ཅེས་དང་། །སེམས་ནི་ནམ་མཁའི་དཀྱིལ་ལྟར་བསམ་པའི་ཡུལ་ལས་འདས། །དེ་ངང་བཏང་བཞག་མེད་པར་ཀློད་ལ་ཞོག །སེམས་ལ་གཏད་སོ་མེད་པས་ཕྱག་རྒྱ་ཆེན་པོ་ཡིན། །དེ་ལ་གོམས་པས་བླ་མེད་བྱང་ཆུབ་ཐོབ། །ཅེས་དང་། ས་ར་ཧས། འཁོར་འདས་ཀུན་གྱི་རྩ་བ་སེམས་ཀྱི་རང་བཞིན་ཏེ། །རྟོགས་ན་བསྒོམ་དུ་མེད་ཅིང་མ་བཅོས་ལྷུག་པར་ཞོག །རང་ལ་བཞག་ནས་གཞན་ལ་ཚོལ་བ་ཨ་རེ་འཁྲུལ། །འདི་ཡིན་འདི་མིན་མེད་དོ་ཐམས་ཅད་གཉུག་མའི་ངང་། །ཞེས་དང་། མཁའ་འགྲོ་སྙིང་ཏིག་ལས། དང་པོ་བྱུང་ས་མེད་དེ་ཆོས་ཀྱི་སྐུ། །བར་དུ་གནས་ས་མེད་པས་ལོངས་སྤྱོད་རྫོགས། །ཐ་མ་འགྲོ་ས་མེད་པ་སྤྲུལ་པའི་སྐུ། །ཞེས་གསུངས་པས། སེམས་ཉིད་སྐུ་གསུམ་གྱི་རང་བཞིན་དུ་རང་གྲོལ་

[Full Size]

བའོ། །ཞེས་དང་། རྩ་ཚིག་ལས། རང་གི་སེམས་ཀྱི་ངོ་བོ་ལ་ལྟོས། ཅིའི་ངོ་བོར་ཡང་མ་གྲུབ་ཅེས་དང་། རྗེ་རང་བྱུང་རྡོ་རྗེའི་ཞལ་ནས། དུས་གསུམ་སངས་རྒྱས་ཀྱི་དགོངས་པ། དམ་པ་རྣམས་ཀྱི་དོན་དུ་གཉེར་བ། ཆོས་སྐུ་ཕྱག་རྒྱ་ཆེན་པོ་ཟེར་བའི་སྒྲ་བོ་ཆེ། གཡེར་པོ་ཆེ་དེ་རང་གི་སེམས་ལ་ཟེར་བ་ཡིན། རང་སེམས་ངོ་མ་ཤེས་ན་ངའི་སེམས་ངའི་སེམས་ཟེར་བའི་མི་དྲན་དགུ་དྲན་དེ་ཡིན། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཀྱང་། རིག་པ་འདི་རང་ལས་མ་འདས། སྡེ་སྣོད་མདོ་རྒྱུད་ཀྱི་བཅུད་ཀྱང་འདི་ཡིན་འདི་ཉམས་སུ་ལེན་ན་བསྒོམ་རྒྱུ་ཅི་ཡང་མེད། རིག་པ་འདི་ཧྲིག་གེ་རང་སལ་ཞོག །དེ་ཕྱག་རྒྱ་ཆེན་པོ་ཡིན་ནམ་མ་ཡིན་སྙམ་པའི་ཐེ་ཚོམ་མི་དགོས། ཡགས་སུ་རེ་བ་དང་། ཉེས་པའི་དོགས་པ་ཡེ་མ་བྱེད། རྟོགས་པ་སྤྱན་སྤུན་མང་པོའི་རྗེས་སུ་མ་འབྲང་། རིག་པ་ཧྲིག་གེ་རང་གི་ཐོག་ཏུ་ཞོག །ལྷོད་དེ་ཀློད་ལ་ཞོག །བསྒོམ་རྒྱུ་ཅི་ཡང་མི་བདོག་གོ །དེ་ལྟར་ཡང་ནས་ཡང་དུ་བསྒོམས་པས་དུས་ཚོད་གཅིག་ནས་རྣམ་རྟོག་རང་ངོ་ཤེས་ནས། སྐད་ཅིག་ལ་བག་ཆགས་མུན་པ་དྲུང་ནས་ཕྱུངས་ཏེ། དེ་ཉིད་

[Full Size]

སངས་རྒྱས་ཞེས་བྱའོ། །སྐད་ཅིག་གཅིག་གིས་བྱེ་བྲག་ཕྱེད། ཕྱག་རྒྱ་ཆེན་པོའི་སྙིང་གཏམ་ཚིག་གཅིག་མ་བླ་མ་དམ་པ་གྲུབ་ཐོབ་རྣམས་ཀྱི་མན་ངག་མཐར་ཐུག་དེ་ལས་ཡོད་རེ་ཤི། ཞེས་གསུངས་སོ། །ཇོ་འབྲོམ་ཞུས་ལེན་ལས། རྗེ་ཡང་ཡང་བཙལ་ཞིང་མ་རྙེད་ན། །འབྲོམ་རང་ལུགས་ཡང་ཡང་མཐོང་བ་ཡིན། །རྗེ་མ་རྙེད་པ་ལ་བཞག་ལགས་སམ། །འབྲོམ་ལྷོད་དེ་ཀློད་ན་དམ་པ་ཡིན། །ཞེས་དང་། འཇིག་རྟེན་གསུམ་མགོན་གྱི་ཞལ་ནས། རང་གི་རིག་པ་རིག་རིག་ཏུར་ཏུར་པོ་འདི་ལ་བལྟས་པའི་དུས་སུ། གང་ཡང་མ་མཐོང་བ་དེ་ནི་དེ་ཁོ་ན་ཉིད་མཐོང་བའོ། །ཞེས་གསུངས་སོ། །དོན་ལ་སེམས་མི་འཕྲོ་བར་ཀྱི་ལེ་གནས་པ་དེ་ཞི་གནས་ཡིན། དེའི་ངོ་བོ་ལ་བལྟས་པས་སྟོང་པ་ཉིད་དུ་ལྷག་གིས་མཐོང་བ་དེ་གནས་པའི་སྟེང་ནས་ལྷག་མཐོང་ཤར་བ་ཡིན། སེམས་ཅུང་ཟད་མ་གནས་ན་མི་མཐོང་བས། སེམས་སྣ་ཚོགས་སུ་འཕྲོ་བ་མཐོང་བ་དེ་ཞི་གནས་ཡིན། དེའི་ངོ་བོ་ལ་བལྟས་པས་སྟོང་པར་མཐོང་བ་དེ་འགྱུ་བའི་སྟེང་ནས་ལྷག་མཐོང་ཤར་བ་ཡིན། ལྔ་ལྡན་རྩ་བ་ལས། སེམས་མི་རྟོགས་ཆོས་སྐུའི་ནམ་མཁའ་ལ། །རྣམ་རྟོག་གི་སྤྲིན་

[Full Size]

ཚོགས་མ་དྭངས་ན། །མཁྱེན་གཉིས་ཀྱི་ཉི་ཟླ་མི་གསལ་བས། །བསྒོམ་གཉུག་མ་འདི་ལ་ནན་ཏན་མཛོད། །ངོ་སྤྲོད་ཚར།། ༼༡༤༽ ཐུགས་རྗེ་ཆེན་པོའི་མན་ངག་ཟབ་མོ། ངོ་སྤྲོད་པའི་དོན་དམ་ཉམས་སུ་ལེན་པའི་ཐབས། བྲམ་ཟེ་ཆེན་པོས། འཇུར་བུས་བཅིང་བའི་སེམས་ཉིད་འདི། །ཀློད་ན་གྲོལ་བར་ཐེ་ཚོམ་མེད། །ཅེས་དང་། སྤྱན་རས་གཟིགས་ཀྱིས་མི་ཏྲ་ཛཱ་ཀི་ལ་གདམས་པ་ལས། གང་སྐྱེས་གཞུག་མ་ཉིད་ཡིན་ཕྱིར། །གང་ཤར་དྲན་པས་མ་བརྗེད་ན། །དེ་ཤར་སྟོང་པ་ཉིད་བདག་ཏུ། །རྣལ་འབྱོར་རྒྱལ་པོ་གདོན་མི་ཟ། །ཞེས་གསུངས། མཻ་ཏྲི་པས། མ་སྐྱེས་པ་ལ་རྣམ་རྟོག་གློ་བུར་བ། །རྣམ་རྟོག་དེ་ཡང་ཆོས་ཀྱི་དབྱིངས་ཉིད་དེ། །དེ་གཉིས་ཐ་དད་མེད་པར་གང་གིས་ཤེས། །དེ་ཉིད་ཟུང་དུ་འཇུག་པར་ངས་སྨྲའོ། །ཞེས་གསུངས་སོ། །ཤ་ཝ་རི་པས། ཡིད་ལ་བྱར་མེད་ཕྱག་རྒྱ་ཆེན་པོ་ལ། །བསྒོམ་རྒྱུ་རྡུལ་ཙམ་མེད་པས་མི་བསྒོམ་སྟེ། །སྒོམ་མེད་དོན་དང་འབྲལ་མེད་བསྒོམ་པའི་མཆོག །ཅེས་དང་། རྗེ་བཙུན་གྲགས་པ་རྒྱལ་མཚན་གྱི་ཞལ་ནས། སེམས་མེད་སེམས་ཀྱི་སེམས་ལ་ལྟོས། ། ཅེས་དང་། སྤྱན་རས་གཟིགང་ན་མི་ཟ། །ཞེས་གསྲུངས། །ཞེས་གསུངས་སོ། །བྷ་ཝ་གྲོ་བ་ལ་རྒྱལ་

[Full Size]

མཐོང་རྒྱུ་བྱུང་ན་སེམས་ཉིད་མིན། །མཐོང་མེད་མཐོང་ན་སེམས་ཉིད་མཐོང་། །མཐོང་མེད་སེམས་ལ་མ་ཡེངས་ཞོག །ཅེས་དང་། རྒྱུ་སྟོན་ཆོས་ཀྱི་བཟང་པོའི་ཞལ་ནས། གང་ཤར་གང་བྱུང་ངོ་བོ་ལྟོས། །ལྟ་མཁན་འདུག་ན་དེ་ལ་ལྟོས། །བདེ་ན་བདེ་བའི་ངོ་བོ་ལྟོས། །ལྟ་མཁན་འདུག་ན་དེ་ལ་ལྟོས། །སྡུག་ན་སྡུག་པའི་ངོ་བོ་ལྟོས། །ལྟ་མཁན་འདུག་ན་དེ་ལ་ལྟོས། །བལྟས་པས་ལྟ་རྒྱུ་མ་རྙེད་ན། །དེ་ཡང་མ་འཛིན་ཕྱལ་བར་སྐྱུར། །ལྟ་མཁན་རང་ཡང་མ་རྙེད་ན། །དེ་ཡང་མ་འཛིན་ཕྱལ་བར་སྐྱུར། །ཞེས་གསུངས་སོ། །དྲུང་ཆེན་ཀུན་དགའ་རྣམ་རྒྱལ་གྱི་ཞལ་ནས། ཏིང་འཛིན་གྱི་གནད་ལ་སེམས་རང་ལུགས་སུ་ཀློད་ལ་ཞོག །ཀློད་པའི་སེམས་ཀྱི་ངོ་བོ་ལ་རྗེན་ལྷང་གིས་ལྟོས། མ་ཡེངས་པ་ཙམ་གྱི་དྲན་པ་རྒྱུན་ཆགས་སུ་བརྟེན། རྣམ་རྟོག་ཅི་ཤར་ཡོང་ཆེད་དུ་སྤང་བླང་དང་བཅས་བཅོས་གང་ཡང་མ་བྱེད་པར་རང་ངོ་ལ་ལྟོས། ཞེས་གསུངས་སོ། །བསྒོམ་སྐྱེ་བའི་རེ་བ། མི་སྐྱེ་བའི་དོགས་པ། ཡགས་སུ་རེ་བ། ཉམས་རྟོགས་བཟང་པོའི་རེ་བ། གེགས་དང་གོལ་སར་ཤོར་བའི་དོགས་པ་སྤུ་རྩེ་ཙམ་ཡང་མ་བྱེད་པར། བསྒོམ་རྒྱུ་ཅི་ཡང་

[Full Size]

མེད་པར་མ་ཡེངས་ཙམ་གྱི་དྲན་རྫི་བརྟེན་པར་མཛོད་ཅིག། ༼༡༥༽ ཐུགས་རྗེ་ཆེན་པོའི་མན་ངག་ཟབ་མོ། ཉམས་རྟོགས་ཇི་ལྟར་འཆར་ཚུལ་ནི། ཡུན་རིང་མི་འགོར་བར་རྟགས་ཐམས་ཅད་དུས་གཅིག་ལ་འཆར་བ་ནི། སྔོན་གྱི་ལས་འཕྲོ་ཅན་གང་ཟག་ཅིག་ཆར་བ་ཞེས་བྱ་སྟེ་དཀོན། རྟོགས་རྣམས་མ་ངེས་པར་འཆར་ཞིང་མཐོ་དམན་ཆེ་བ་ནི། གང་ཟག་འབྲིང་ཐོད་རྒལ་བའི་རིགས་ཡིན་པས་བསྒོམ་ན་རྩལ་ཆེ་སྟེ། རྐྱེན་གྱིས་ཁྱེར་ན་ཐ་མལ་པར་འགྲོ་ཉེན་ཡོད། རིམ་སྐྱེས་པ་ནི་རྟགས་འོང་དཀའ་སྟེ། །གཉུག་བསྲིང་ནས་བསྒོམས་པས་མུས་ཀྱི་འོངས། སྔོན་འགྲོ་རྣམས་བསྒོམ་པའི་རྟགས་ཀྱང་ནམ་འོང་ངེས་པ་རང་མེད། རིམ་པ་ལྟར་འོང་བ་དང་འཆར་ནས་འོང་བར་མ་ངེས་ཏེ། །རྟགས་བཟང་བ་ལ་ཧ་ཅང་དགའ་བྲོད་ཀྱང་མི་བྱ། རྟགས་མ་ཐོན་ན་སྒྲིབ་པ་འཐུག་པའི་རྟགས་ཡིན་པས་བརྩོན་འགྲུས་བསྐྱེད། རྟགས་ངན་པ་བྱུང་ན་སྒྲིབ་པ་དག་པའི་རྟགས་སུ་ཤེས་པར་བྱ། དེ་ལ་རྣམ་རྟོག་མི་བྱ། དང་པོ་སྔོན་འགྲོའི་རྟགས་ནི། རྒོད་ཚང་པའི་ཞལ་ནས། ཕ་ཡུལ་འབྲེལ་ཐག་ཆོད་པ་དང་། །ཉེ་འབྲེལ་དབྱར་རྩི་གོག་པ་དང་། །

[Full Size]

ཟས་ནོར་འཁྲི་བ་ཆོད་པ་གསུམ། །འཆི་བ་མི་རྟག་བསྒོམ་ན་ཡོང་། །དོན་མེད་བྱ་བ་མི་བྱེད་ཅིང་། །ཉིན་མཚན་ཆོས་ཀྱི་ལས་ལ་བརྩོན། །སྡིག་པའི་གྲོགས་པོ་སྤངས་པ་གསུམ། །དལ་འབྱོར་རྙེད་དཀའ་བསྒོམ་ན་ཡོང་། །འདོད་པའི་ཡོན་ཏན་བྱུར་དུ་མཐོང་། །དཀོན་མཆོག་གསུམ་ལ་བློ་གཏད་བསྐུར། །འཇིག་རྟེན་ཆོས་ལ་ཞེན་པ་ལོག །འཁོར་བའི་ཉེས་དམིགས་བསྒོམ་ན་ཡོང་། ཞེས་གསུངས་སོ། །གསོལ་བ་བཏབ་པས་བྱིན་རླབས་ཞུགས་པའི་རྟགས། མོས་གུས་ཀྱི་གདུང་ཤུགས་ཚད་མེད། ཉམས་འབར། །ཤེས་པ་གསལ་སྟོང་རྗེན་པ་རུ་འཆར། བླ་མ་དང་ཞལ་མཇལ་བ། དབང་བསྐུར་བ། ཆོས་བཤད་པ། འོད་ཟེར་གྱི་འཕྲོ་འདུ་བྱས་པ་རྣམས་ཡིན་ནོ། །ཧཱུབཟླས་པས་སྡིག་པ་དག་པའི་རྟགས་སུ། ལུས་ཡང་བ། གཉིད་ཆུང་བ། ཁམས་བདེ་བ། སྙིང་དགའ་ཡལ་བ་འབྱུང་། རྨིས་རྟགས་སུ་ཡང་། ཁྲུས་བྱས་པ། གཅེར་བུ་ཐོན་པ། ལུས་ལ་རྣག་ཁྲག་ཟག་པ། འཁྲུ་བ། སྐྱུགས་པ། གོས་དཀར་པོ་གྱོན་པ་འབྱུང་ངོ་། །མཎྜལ་འབུལ་བས་ཚོགས་རྫོགས་པའི་རྟགས་སུ། ཁམས་བདེ་བ། ཉམས་དགའ་བ། །

[Full Size]

ཟས་མ་ཟོས་ཀྱང་མི་རྟོགས་པ། ཤེས་རབ་མཆེད་འགྲོ་བ་འོང་བ། རྨིས་རྟགས་སུ་ཉི་ཟླ་ཤར་བ། གྱེན་ལ་འཛེགས་པ། མེ་ཏོག་གི་ཐང་ལ་ཕྱིན་པ་དང་། ། བུད་མེད་བཟང་མོས་ཟས་བྱིན་པ་དང་། མེ་ལོང་ལ་བལྟས་པ་ལ་སོགས་པ་འབྱུང་ངོ་། །ཞི་གནས་བསྒོམ་པའི་རྟགས་ནི། རྣམ་པར་རྟོགས་པ་ཐམས་ཅད་རང་སར་ཞི་ནས། །སེམས་གར་གཏད་དུ་གནས་པ། དེ་ཡང་གསལ་སིང་ངེ་གནས་ན་ཞི་གནས་སྐྱོན་མེད་ཡིན། དྲན་མེད་དུ་གཉིད་འཐུག་པོ་ལྟར་ནག་ཐིབས་སེ་སོང་ན། འགོགས་པ་ཆ་མཐུན་ཏེ། །ཕྱི་བས་བསྒོམ་ཤེས་པ་དེ་ཡིན། ཡང་སེམས་ནག་ཐིབས་སེ་མ་སོང་ཡང་སེམས་ལ་དྲན་རྟོག་མེད། ལུས་འགུལ་བསྐྱོད་མི་ཤེས་པར་ལུས་པ་དེ་ཞི་གནས་ཡིན་ཏེ། དེའི་ལག་པ་ནས་བསྡུས་ཏེ་བསློང་བ་སོགས་མི་རུང་། རྣ་བར་ཏིང་ཤག་བརྡུངས། སྣ་ལ་སྤོས་བདུག །ངོ་ལ་ཆུ་བཏབ་པས་གཉིད་སད་པ་ལྟར་འོང་། སེམས་ལ་རྣམ་རྟོག་ཅི་ཡང་མི་འགྱུ་ལྟ་བར་དྲན་མེད་དུ་གནས་པ་ལ། ཕྱག་རྒྱ་ཆེན་པོ་ཡིན་པར་བྱེད་པ་ནི། རྒྱ་ནག་ཧྭ་ཤང་གི་བལྟ་བ་དང་། མུ་སྟེགས་པའི་ལུགས་ཡིན་ཏེ། ས་སྐྱ་པཎྜི་ཏའི་ཞལ་ནས། ཚོགས་

[Full Size]

བརྒྱད་འགགས་པའི་ཞི་གནས་ནི། །ཉན་ཐོས་འགོག་པ་ཆ་མཐུན་ཏེ། །དུད་འགྲོར་སྐྱེ་བའི་རྒྱུ་རྐྱེན་ཡིན། །ཞེས་དང་། རྒོད་ཚང་པའི་ཞལ་ནས། ང་ནི་རྣམ་རྟོག་བཀག་ནས་བསྒོམ་པ་འདི་འདྲ། མུ་སྟེགས་པ་རང་ཡིན་སྙམ་གསུངས། གཞན་ཡང་ཞི་གནས་ཀྱི་སྐབས་འདིར་གསལ་བའི་ཉམས་ལ། རྩ་རིགས་བཟང་ན་རྟགས་བཅུ་ཆ་མཐུན་པ། མིག་གི་ཡུལ་དུ་དུ་བ་དང་། མེ་ཁྱེར་དང་། སྨིག་སྒྱུ་དང་། མར་མེ་དང་། ཟླ་བ། ཉི་མ། མེ་འོད་ལྟ་བུ་དང་། ཐིག་ལེ་དང་། འོད་ཀྱི་གོང་བུ་དང་། འཇའ་ཚོན་སོགས་དང་། གཞན་ཡང་མིག་བཙུམ་ཡང་གསལ་པོར་མཐོང་བ་དང་། འགྲོ་བ་དང་། གཟུགས་སྒྲ་དྲི་རོ་རེག་སོགས་དུ་མ་མཐོང་ཞིང་མྱོང་བར་འབྱུང་སྟེ། ལང་ཀའི་མདོ་ལས། བྱིས་པ་ཉེར་སྤྱོད་བསམ་གཏན་དང་། །དོན་རབ་འབྱེད་པའི་བསམ་གཏན་དང་། །དེ་བཞིན་ཉིད་དམིགས་བསམ་གཏན་དང་། །དེ་བཞིན་གཤེགས་དགེའི་བསམ་གཏན་རྣམས། །རྣལ་འབྱོར་ཅན་གྱི་བརྩོན་བྱས་ཏེ། །ཉི་མ་ཟླ་བའི་དབྱིབས་འདྲ་དང་། །འོད་དང་པདྨོ་ལྟ་བུ་དང་། །རི་མོ་ནམ་མཁའ་མེ་འདྲ་མཐོང་། །མཚན་མ་སྣ་ཚོགས་

[Full Size]

དེ་དག་གིས། །མུ་སྟེགས་ཅན་ལམ་ཁྲིད་པར་བྱེད། །ཉན་ཐོས་དག་དང་རང་རྒྱལ་གྱི། །སྤྱོད་ཡུལ་དུ་ཡང་ལྟུང་བར་བྱེད། །དེ་དག་ཐམས་ཅད་རྣམས་སྤངས་ཤིང་། །སྣང་བ་མེད་པར་ནམ་གྱུར་པ། །དེ་ཚེ་སངས་རྒྱས་ལྷ་ཡི་ཕྱག །ཐམས་ཅད་ཞི་གནས་འབྱུང་བ་ཡི། །དེ་ཡི་མགོ་ལ་བྱུག་མཛད་དེ། །ཡང་དག་རྗེས་སུ་འགྲོ་བའི་ལྟས། །ཞེས་གསུགངས་པས་ངོ་མཚར་བའི་མཐོང་སྣང་ཅི་བྱུང་ཡང་། ཞི་གནས་ཀྱི་རྟགས་ཕྲན་བུ་ཡིན་གྱི། བསྒོམ་དངོས་ནི་མ་ཡིན་ནོ། །དེ་ནས་གནས་པ་དང་པོ་འཆར་ཏེ། གཙུག་ན་རིན་ཆེན་གྱིས་ཞུས་པའི་མདོ་ལས། རིགས་ཀྱི་བུ་གཞན་ཡང་མགྱོགས་པ་རབ་ཏུ་མགྱོགས་པ། མི་གནས་པར་རྒྱུ་བ། སྤྲེའུ་དང་རླུང་དང་འདྲ་བ་འབབ་ཆུའི་རྒྱུན་དང་། འབྲུ་མར་གྱི་མར་མེ་འདྲ་བ། རྒྱང་རིང་པོར་འགྲོ་བ། ལུས་མེད་པ། ཡུལ་ལ་བསྐམ་པ། སྐྱེ་མཆེད་དྲུག་ལ་སྤྱོད་ཡུལ་བ། གཞན་གྱི་སེམས་ཤེས་པ་དང་ལྡན་པའི་སེམས། གནས་པར་རྩེ་གཅིག་པ། མི་འཕྲོ་བ། ཞི་གནས་ལ་རྩེ་གཅིག་པ། གཡེང་བ་མེད་པ་འདི་ནི་སེམས་གནས་པའོ། །ཞེས་དང་། ཏེ་ལོ་པའི་ཞལ་ནས། ལས་

[Full Size]

ནི་དང་པོ་གཅོང་རོང་ཆུ་དང་འདྲ། །ཞེས་དང་། ཞང་རིན་པོ་ཆེའི་ཞལ་ནས། གནས་པ་དང་པོ་བྱུང་དུས་སུ། །རི་གཟར་ལོག་ལ་རྦབ་འདྲིལ་འདྲ། །རྣམ་རྟོག་ཟམ་མི་ཆད་པ་འབྱུང་། །བསྒོམ་ཉམས་མེད་དམ་སྙམ་པ་འོང་། །རྣམ་རྟོག་བྱུང་ཚད་ཚོར་བ་དེ། །ཤེས་པ་ཅུང་ཟད་གནས་པ་ཡིན། །གནས་པ་མེད་པའི་གོང་རོལ་ན། །རྣམ་རྟོག་རང་གར་ཤོར་བ་ཡིན། །རྟག་པར་འགྱུས་ཀྱང་ངོ་མ་ཤེས། །ཞེས་དང་། ངེས་དོན་རྒྱ་མཚོ་དང་། གྲུབ་ཐོབ་བརྒྱུད་པའི་ཞལ་ལུང་གཉིས་ཀ་ནས། དང་པོར་དམིགས་པ་ལ་སེམས་དམ་དུམ་གནས་པ་འདྲ་བ་གཅིག་ཡོད་དེ་སྣ་ཟིན་ཙམ་ཡིན། དེ་ནས་རིམ་པར་བག་ཙམ་དང་། རྩ་ན་རྟོགས་པ་སྔར་བས་མང་དུ་སོང་བ་དང་འདྲ་ཞིང་བྱུང་ན་དེ་མང་དུ་སོང་བ་མིན། སྔར་ཕན་ཆད་མ་བསྒོམ་པས་རྣམ་རྟོག་བྱུང་ཡང་མ་ཚོར། ད་ལྟར་སེམས་མཉམ་པར་བཞག་སྟེ་རིག་པ་དྭངས་བས་ཚོར་བ་ཡིན། དེ་ལ་རྟོགས་པའི་སྣ་མ་བསྐྱིལ། རྗེས་སུ་མ་འབྲང་བར་བཞག་པ་རྟོགས་པ་འོག་འགྱུ་མ་འཆོར་བར་སྐྱེས་ཚད་ངོས་ཟིན། ཐུན་བཏུང་མི་དགོས་པར་རིག་པ་སྤྱན་སི་ལི་ལི་འགྲོ་བ་འདྲ་ཞིག་འདུག་ཀྱང་བསྒོམ་གྱི་རྒྱུན་དེ་མ་

[Full Size]

ཆད་པར་བྱུང་ན། གནས་པ་དང་པོ་རི་གཟར་གྱི་ཁ་ནས་ཆུ་འབབ་པ་འདྲ་བ་ཟེར་བ་དེ་ཡིན། ཏེ་ལོ་པའི་ཞལ་ནས། བར་པ་ཆུ་བོ་གང་གཱ་དལ་གྱི་གཡོ། །ཞེས་དང་། ཞང་རིན་པོ་ཆེས། དེ་ནས་དལ་འབབ་ཆུ་བོ་བཞིན། །ཤེས་པ་དལ་ཞིང་རྣམ་རྟོག་ཉུང་། །ཞེས་གསུངས་སོ། །དེའི་དོན་ངེས་དོན་རྒྱ་མཚོ་དང་། གྲུབ་ཐོབ་བརྒྱུད་པའི་ཞལ་ལུང་གཉིས་ཀ་ལས། དེ་ལ་ལྟ་བ་སྐྱོངས་ལུགས་གོང་ལྟར་བྱས་པས་རྣམ་རྟོག་དེ་ཕྲ་ཉལ་གྱིས་སོང་ནས་མི་རྟོག་པའི་ངང་ལ་འགྲོ། སྐབས་སྐབས་སུ་རྟོག་པ་རེ་ཏོལ་གྱིས་འབྱུང་ཡང་རྒྱུན་མི་འབྲལ་བར་རྡོ་ཚན་ལ་ཁ་བ་བབས་པ་ལྟར་ཡལ་འགྲོ། རྟོག་པ་ཅི་འགྱུས་སྤུ་རིས་དང་གྲངས་སུ་ཐེབ་པ་ཡོང་ཞིང་རང་གི་བསྒོམ་རྒྱུན་དེ་ན་ར་ར་འགྲོ་བ་ཞིག་བྱུང་ན་གནས་པ་བར་པ་ཆུ་ཀླུང་དལ་གྱིས་འབབ་པ་ལྟ་བུ་ཟེར། འདི་སྐབས་སུ་ཉམས་གཉིས་པ་གཅོང་རོང་གི་ཆུ་འབབ་འདྲ་ཞེས་པ། བླ་མ་དམ་པ་རྣམས་ཀྱི་གསུང་རྒྱུན་ལས་བྱུང་སྟེ། རེས་འགའ་ཀྱི་ལེ་མེ་རེ་གནས། རེས་འགའ་ཚུབ་ཚུབ་ཚུབ་འཕྲོ་སྟེ། འཕྲོ་བའི་ཚེ་ལྷོད་ཅིང་ལྟ། གནས་ཚེ་ཅུང་ཟད་བསྒྲིམ་ལ་དེའི་ངང་ལ་བཞག །འདི་སྐྱེ་མཁན་ཡང་མང་བར་

[Full Size]

སྣང་། ཏེ་ལོ་པའི་ཞལ་ནས། ཐ་མ་ཆུ་རྣམས་མ་བུ་འཕྲད་པ་འདྲ། །ཞེས་དང་། ཞང་རིན་པོ་ཆེའི་ཞལ་ནས། དེ་ནས་རྒྱ་མཚོའི་གཏིང་བཞིན་དུ། །ཤེས་པ་མི་གཡོ་བརྟན་པར་གནས། །ཞེས་དང་། ངེས་དོན་རྒྱ་མཚོ་དང་གྲུབ་ཐོབ་གོང་མའི་ཞལ་ལུང་གཉིས་ཀ་ལས། དེ་ལ་གོང་བཞིན་སྐྱོང་བར་ཕྲ་རགས་ཀྱི་རྣམ་རྟོག་རྒྱུན་ཆད་དེ་མི་རྟོག་པའི་ངང་ལ་མེ་རེ་གནས། ལུས་བདེ་བའམ་ཡོད་དུ་མི་ཚོར། རླུང་འགྲོ་འོང་དང་འགགས་པའང་མི་ཚོར། སེམས་བདེ་གསལ་མི་རྟོག་པ་ཕྱམ་ཕྱམ་འགྲོ། རྗེས་ཐོབ་དུའང་ལེགས་པར་མ་སྤྱད་ན་ཡུལ་གྱི་སྤུ་རིས་མི་ཟིན། རྣམ་གཡེང་ལ་བློ་མི་འཇུག །བརྗེད་ངེས་ཆེར་སོང་བ་འདྲ་བ། མ་བསྒོམས་ཀྱང་བསྒོམ་དུ་ཕྱམ་ཕྱམ་འགྲོ། དྭངས་ཆ་ཡོད་པ་སྤྲིན་མེད་པའི་ནམ་མཁའ་དྭངས་པའི་དཀྱིལ་ལྟ་བུ་ལ་ཁ་གཏིང་མེད་པ་གསལ་མེར་རེ་བྱུང་ན་གནས་པ་ཐ་མ་མི་གཡོ་བ་རྒྱ་མཚོ་ལྟ་བུ་བྱ་བ་ཡིན། འདི་རྣམས་བསམ་གཏན་གྱི་དངོས་གཞི་ཡིན་པས་རྒྱུན་བསྲིང་ན་མངོན་ཤེས་སོགས་འཆར་ཞིང་བདེན་པ་མཐོང་བའི་རྟེན་བྱེད་དོ། །དེ་ཡན་ཆད་ཅི་སྐྱེས་པ་ཐམས་ཅད་ཞི་གནས་ཡིན་པས། ཕྱི་ནང་ཐུན་མོང་། བན་བོན་ཐུན་མོང་

[Full Size]

ཐེག་པ་ཆེ་ཆུང་ཐུན་མོང་གི་ལམ་ཡིན། དེ་བསྒོམ་ཕྱག་རྒྱ་ཆེན་པོ་ནི་མ་ཡིན་ཏེ། དཔལ་ཕག་མོ་གྲུ་པའི་ཞལ་ནས། བླ་མ་དམ་པའི་རྩར་ཕྱིན་ནས། །གདམས་ངག་གང་རུང་ཉམས་བླངས་ན། །བདེ་བས་ལུས་སེམས་གང་བ་འབྱུང་། །ཞེན་ཅིང་ཆགས་པ་སྐྱེས་གྱུར་པས། །འདོད་ཁམས་གནས་སུ་གོལ་བར་འགྱུར། །གསལ་བ་དྭངས་པ་མཁའ་ལྟ་བུ། །ཕྱི་ནང་ཟླ་བ་ཤར་བ་འདྲ། །ཕྱེ་དང་བཙུམ་ལ་ཁྱད་པར་མེད། །དེ་ལ་ཞེན་ཅིང་ཆགས་པ་ཡིས། །སྒྲུབ་པ་པོ་ཡིས་སྐྱོངས་གྱུར་ན། །གཟུགས་ཀྱི་ཁམས་སུ་གོལ་བར་འགྱུར། །ཕྱི་དང་ནང་དུ་བལྟས་གྱུར་ཀྱང་། །རྟོག་པ་ཕྲ་བ་ཙམ་ཡང་མེད། །རྡུལ་བྲལ་ཆོས་སྐུ་བལྟས་བྱས་པས། །དགའ་དང་མི་དགའ་ཡིད་བསམ་པའི། །ཉམས་དེ་ལེགས་པར་སྐྱོང་གྱུར་ན། །གཟུགས་མེད་ཁམས་སུ་གོལ་བར་འགྱུར། །བདེ་དང་གསལ་དང་མི་རྟོག་གསུམ། །ཞེན་པ་བྲལ་བར་བསྒོམས་བྱས་ཀྱང་། །ཉན་ཐོས་རང་རྒྱལ་པ་ཡང་སྲིད། །ཅེས་དང་། རྗེ་འཇིག་རྟེན་མགོན་པོའི་ཞལ་ནས། བདེ་དང་གསལ་དང་མི་རྟོག་གསུམ། །འདི་གསུམ་བསྒོམ་གྱི་གོལ་ས་ཡིན། །ཞེས་

[Full Size]

དང་། དེ་ཡང་ཇི་ལྟར་བྱ་ཞེ་ན། རྗེ་རིན་པོ་ཆེ་སྒམ་པོ་པའི་ཞལ་ནས། གནས་པ་དང་རྟོག་པ་གཉིས་ལ་གནས་པ་གཙོ་ཆེར་མི་བྱ། གནས་པ་ནི་བརྒྱལ་བ་དང་ར་རོ་བ་དང་། །གཉིད་འཐུག་པོ་ལའང་ཡོད་དེ། རྟོག་པ་མིན་པའི་ཕྱིར་རོ། །ཞེས་གསུངས་སོ། །འོ་ན་ཞི་གནས་དེ་སྐྱེ་མི་རུང་བའི་ངན་པ་གཅིག་ཡིན་ནམ་སྙམ་ན། དེ་ནི་མ་ཡིན་ཏེ། ཕྱག་རྒྱ་ཆེན་པོ་སྐྱེ་བའི་གཞི་དང་རྟེན་ཡིན་ཏེ། དགའ་བོ་མངལ་གནས་ཀྱི་མདོ་ལས། གང་ལ་མཉམ་བཞག་སེམས་མེད་པར། །ཟག་པ་རྣམས་ནི་སྤངས་མི་འགྱུར། །ཞེས་དང་། གྲུབ་ཐོབ་བརྒྱུད་པའི་ཞལ་ལུང་ལས། གནས་པ་གསུམ་པོ་དེ་དག་གང་སྐྱེས་འདུག་ཀྱང་དེ་ཙམ་ནས་ངོ་སྤྲད་པར་རང་ངོ་ཤེས། དྲོད་ཁ་རྙེད། སྒྲོ་འདོགས་ཆོད། མ་སྐྱེས་པ་ལ་ངོ་སྤྲད་ན། དེ་ལྟར་འོང་བར་འདོད་ནས་ཉམས་ལེན་འཆུག །དེ་ལའང་གནས་པ་དང་པོ་དེས་ཅུང་གྲུལ་མི་ཐུབ། ཁྲིད་ཐེང་གཅིག་ལ་ཐ་ནའང་གནས་པ་བར་པ་ཙམ་མ་སྐྱེས་པའི་ཐབས་མེད། ཅེས་གསུངས་པས། ཁྲིད་གཉུག་རིང་ཐུང་གང་ཡིན་ཡང་གནས་པ་འབྲིང་ངམ་ཐ་མ་ཙམ་ངེས་པར་སྐྱེ་བས། དེ་ལ་ལྷག་མཐོང་ངོ་སྤྲད་ནས་བསྒོམས་པས། རྩེ་

[Full Size]

གཅིག་ལམ་སྣེ་ཟིན་པ་ཡིན་ནོ། །དེ་ལ་རྗེ་མི་ཕམ་པདྨ་དཀར་པོ་སོགས། འབྲུག་ལུགས་ཁ་ཅིག་གིས་ནི། རྩེ་གཅིག་རབ་འབྲིང་ཐ་གསུམ་ཞི་གནས་ཁ་རྐྱང་ཡིན་ཞིང་། དེ་ནས་སེམས་ཚོལ་ཞིང་ལྷག་མཐོང་ངོ་སྤྲད་པས། སྤྲོས་བྲལ་གྱི་རྟོག་པ་སྐྱེ་བར་བཤད་དེ། རྩེ་གཅིག་རབ་མ་སྐྱེས་ཀྱི་བར་ལྷག་མཐོང་ངོ་མི་སྤྱད་པ་ནི། ཞི་གནས་རབ་དང་ལྡན་པའི་ལྷག་མཐོང་གི་ཞེས་པ་མདོ་ལུགས་བཀའ་གདམས་ལམ་རིམ་གྱི་ལུགས་ཡིན། ཕྱག་རྫོགས་ཀྱི་ལུགས་མ་ཡིན་ཏེ། མཉམ་མེད་དྭགས་པོས་བསྒོམ་ཚུལ་ལ་ཁྱད་ཆོས་སུ་གནང་བ། རྣལ་འབྱོར་བཞིའི་ཞལ་གདམས་དང་། འཇིག་རྟེན་གསུམ་མགོན། ཞང་རིན་པོ་ཆེ། རྒྱ་རས་གསུམ་གྱི་དགོངས་པ་དང་། ཡང་དགོན་པ་ཉིད་ཀྱི་མྱོང་བ་དང་བསྟུན་པའི། རྣལ་འབྱོར་བཞི་རིམ་ལས། རྣལ་འབྱོར་ཅེས་པ་ནི་ཐབས་དང་ཤེས་རབ་བམ། ཞི་གནས་ལྷག་མཐོང་མཉམ་པོར་སྦྱོར་བས་རྣལ་འབྱོར་དེ་དག་དང་གང་གིས་སྦྱོར་བར་ནུས་པ་དེ་ལ་རྣལ་འབྱོར་ཞེས་བྱ་བ་ཡིན་གསུངས། སྔ་འགྱུར་གསང་བ་བསམ་གྱིས་མི་ཁྱབ་པའི་རྒྱུད་དང་། ཕྱི་འགྱུར་ཨཱ་ལི་ཀཱ་ལིའི་ཆུ་ཀླུང་ཆེན་པོའི་རྒྱུད་ལས། སེང་

[Full Size]

གེ་རྣམ་པར་འགྱིང་བའི་ཏིང་འཛིན་གྱིས། །རྩེ་གཅིག་མི་གཡོ་དྭངས་པས་ཤེས་པ་གསལ། །རང་བྱུང་ཡེ་ཤེས་ཁོང་ན་སད་པར་བྱེད། །བཟོད་པ་བརྟན་པོས་ངན་སོང་སྡུག་བསྔལ་སྤོངས། །ཞེས་དང་། ཡང་དགོན་པའི་ཞལ་ནས། དང་པོ་ངང་ལ་གནས་པ་རྩེ་གཅིག་གི་རྣལ་འབྱོར་ཏེ། དེ་ལ་ཡང་གནས་པའི་ཏིང་ངེ་འཛིན་ཞི་གནས་རྐྱང་པ་ཡིན་ལ། །འདིར་རྣལ་འབྱོར་ཅེས་པས། ཞི་གནས་དང་ལྷག་མཐོང་ཟུང་དུ་འབྲེལ་དགོས་ཏེ། ཕྲ་རགས་ཀྱི་རྣམ་རྟོག་རང་སར་ཞི་ནས། སེམས་གསལ་སྟོང་ནམ་མཁའ་དྭངས་པའི་དཀྱིལ་ལྟ་བུར་གསལ་སེང་ངེ་གནས་པ་ལ། རྟོག་མེད་དུ་ངེས་ཤེས་སྐྱེས་པ་ནི། ལྷག་མཐོང་གི་ཉམས་ཡིན་པས། ཞི་གནས་དང་ལྷག་མཐོང་ཟུང་དུ་འབྲེལ་བའི་བསྒོམ་དེ། བསྒོམ་བཟང་པོའི་དུས་ན་རྟོག་མེད་ཀྱི་ཤེས་པ། བདེ་གསལ་དུ་སེང་གེ་ཡེ་རེ། རྗེན་ནེ་ལྷང་ངེ་གནས་པ་ནི། བདེ་གསལ་གྱི་ངོ་བོ་མཐོང་བ་སྟེ། རེས་བསྒོམས་ཀྱང་མི་འོང་། རེས་མ་བསྒོམས་ཀྱང་འོང་བ། རྩེ་གཅིག་ཆུང་ངུ་ཡིན་ནོ། །ཞེས་དང་། རྒྱལ་དབང་ཆོས་རྗེས་གསུངས་པ། འདིར་བཤད་ན་རྩེ་གཅིག་གི་རྩེ་གཅིག་ནི། རྣམ་གཡེང་གི་རྟོག་པ་ཞི་

[Full Size]

བའི་ངང་དུ་རྩེ་གཅིག་ཏུ་གནས་པ་དེ་ཡིན། རྩེ་གཅིག་གི་སྤྲོས་བྲལ་ནི། གནས་པ་དེའི་ངོས་ནས་མཚན་མའི་སྤྲོས་པ་དེ་མི་དམིགས་པ་དེ་ཡིན། རྩེ་གཅིག་གི་རོ་གཅིག་ནི། མི་རྟོག་པ་དང་རྣམ་པ་བདེ་བ་དང་གསལ་བ་དེ་ལ། ཉམས་ཀྱི་བདེ་གསལ་མི་རྟོག་པ་གསུམ་རོ་གཅིག་ཏུ་འདྲེས་པ་ཡིན། རྩེ་གཅིག་གི་བསྒོམ་མེད་ནི། དེ་ལ་བརྟན་པ་ཐོབ་ནས་ཉིན་མཚན་འཁོར་ཡུག་ཏུ་སོང་བ་དེ་ཡིན། ཞེས་གསུངས་སོ། །བཀའ་བརྒྱུད་སྤྱིའི་ལུགས་ལ། འདི་ཙམ་ངོ་འཕྲོད་ནས། དེ་ཡན་ཆད་ས་མཚམས་མི་ཕྱེ་བ་སྐྱོང་འཇུག་པ་ཡིན། ས་མཚམས་ཕྱེས་ཀྱང་ཞུ་ཤེས་མི་ཤེས་ཀྱི་དབང་གིས་ས་མཚམས་འབྱེད་པར་དཀའ། གོལ་ས་རྣམས་ནི་ཞི་གནས་ཀྱི་སྐབས་ནས་ཡིན་གྱི། ལྷག་མཐོང་ངོ་འཕྲོད་ནས་གོལ་ས་མེད། རྩེ་གཅིག་གི་སྣེ་ཟིན་ནས་ཕྱག་རྒྱ་ཆེན་པོའི་ལམ་སྣེ་ཟིན་པ་ཡིན་པས། མི་སྐྱུར་བར་སྐྱོང་བ་རང་གིས་ཆོག །བོགས་འདོན་ཡང་ལོག་ནས་མི་དགོས་ཏེ། མོས་གུས་དང་གསོལ་འདེབས་ཁོ་ནས་ཆོག །གཞན་ལ་དྲི་རྟོགས་དང་བཅས་བཅོས་ཡང་མི་དགོས་ཏེ། མོས་གུས་དྲག་པོས་གསོལ་བ་བཏབ་ནས། བླ་མ་རང་ལ་བསྟིམ་སྟེ། །

[Full Size]

སེམས་ལ་བལྟས་པས། གང་ཤར་བའི་རྟོགས་པ་དེ་ལ། གེགས་དང་གོལ་ས་ཅི་ཡང་མེད་པས། དེ་ལ་ངོ་སྤྲོད་ཀྱང་མི་དགོས། ས་ལམ་ཐམས་ཅད་མོས་གུས་ཀྱི་སྟོབས་ལས་སྐྱེས་པའི་ཉམས་རྟོགས་དེས་བསྒྲོད་པ་ནི། རྡོ་རྗེ་ཕག་མོས་རྒོད་ཚང་བ་ལ་གནང་བའི་མོས་གུས་ཕྱག་རྒྱ་ཆེན་པོ་ཡིན་ནོ། །ཚར་རོ།། ༼༡༦༽ འདི་སྐབས་གནས་འགྱུ་ངོ་སྤྲོད་དྲི། ཐུགས་རྗེ་ཆེན་པོའི་མན་ངག་ཟབ་མོ། ཆུ་བུར་མིག་གིས་བལྟས་པས། ཡེ་ཤེས་ཀྱི་སྤྱན་ཤར་བའི་གདམས་ངག །རྫོགས་པ་ཆེན་པོ་འོད་གསལ་ཐོད་རྒལ་གྱི་ཁྲིད་འདི་ཡང་ཐུགས་རྗེ་ཆེན་པོའི་དམར་ཁྲིད་དང་། འབྲེལ་ཆེ་བ་ཡིན་པས་རྒྱལ་པོ་སྲོང་བཙན་སྒམ་པོའི་ཞལ་ནས། ཐུགས་རྗེ་ཆེན་པོའི་ཆོས་འདི་རྫོགས་པ་ཆེན་པོ་ཡང་ཡིན་ཏེ། ཞེས་སོགས་རྒྱ་ཆེར་གསུངས། སྤྱིར་རྫོགས་ཆེན་འདི་ཐེག་པ་དགུའི་ཡང་རྩེ་མཁའ་འགྲོའི་སྙིང་ཁྲག་མན་ངག་གི་ཆོས། བཀའ་སྲུང་མ་གཟའ་དམ་གསུམ་ཡོད་པས་ཤིན་ཏུ་གཉན་པའི་ཕྱིར། གཅིག་བརྒྱུད་མ་གཏོགས་ཁྲོམ་ཆོས་སུ་བཤད་མི་རུང་ནའང་། ཀརྨ་གླིང་པའི་གཏེར་ཁ། ཐུགས་རྗེ་ཆེན་པོ་པདྨ་ཞི་ཁྲོ་དང་། དགོངས་པ་རང་གྲོལ་གཉིས་ཀའི་ཐུན་མོང་གི་ཆོས།

[Full Size]

བར་དོ་ཁྲིད་དྲུག་གི་ནང་ནས། སྒྲོན་མ་དྲུག་གི་ངོ་སྤྲོད། ཤེས་རིག་རང་གྲོལ་དང་། ཆོས་ཉིད་བར་དོའི་ངོ་སྤྲོད་མཐོང་བ་རང་གྲོལ་ལས། ལྔ་པ་ཉི་ཟེར་འོད་། ཟེར་ངོ་སྤྲོད་ཀྱིས། །སྐུ་གསུམ་དག་པའི་ཞིང་ཁམས་ངོ་སྤྲོད་བྱ། །ཞེས་གསུངས་པ་དེ་བཤད། འདི་ནི་འགྲོ་དོན་ཆོས་ཡིན་པས་ཁྲོམ་ཆོས་རུང་བར་བཤད། དེ་བཤད་པ་ལ་ཐོག་མར་རྫོགས་ཆེན་དང་འབྲེལ་པའི་དབང་ཞིག་ཐོབ་དགོས། རྫོགས་ཆེན་དང་འབྲེལ་བའི་དབང་ཞིག་སྔོན་དུ་བསྐུར་ཡོད་པ་དེས་འཐུས། དམིགས་པ་འདི་ལྟར་སྒོམས་ཤིག །ཁྱེད་རང་རྣམས་ཀྱི་རྐང་མཐིལ་གཡས་སུ་ཡི་གེ་དུ་ནག་པོ་གཅིག་ལ་བདག་དང་སེམས་ཅན་ཐམས་ཅད་ཚ་དམྱལ་དུ་སྐྱེ་བའི་སྡིག་སྒྲིབ་ཐམས་ཅད་ཐིམ་པས། མེ་ལོང་ལ་གཟུགས་བརྙན་འཆར་བ་ལྟར། ཚ་དམྱལ་བརྒྱད་དུ་གྱུར། དེའི་ནང་དུ་རང་ཚུད་ནས་སྡུག་བསྔལ་དཔག་ཏུ་མེད་པ་ཡོད་པར་བསྒོམས་ལ། རཾ་ན་ར་ཀ །ལན་བདུན་ནམ་གསུམ་ཙམ་བརྗོད་ཅིང་། ད་དེ་སྒོམ་མཁན་གྱི་སེམས་ལ་ལྟོས། ཅི་ཡི་ངོ་བོར་ཡང་མ་གྲུབ། ད་རྐང་མཐིལ་གཡོན་དུ་ཡི་གེ་དུ་ནག་པོ་གཅིག་ལ། གྲང་དམྱལ་དུ་སྐྱེ་བའི་སྡིག་སྒྲིབ་ཐམས་ཅད་ཐིམ་པས་གྲོང་

[Full Size]

དམྱལ་དུ་གྱུར། དེའི་ནང་དུ་རང་ཚུད་ནས་ཤིན་ཏུ་འཁྱག་ཅིང་ལུས་གས་པར་བསྒོམས་ལ། ཁཾ་ན་ར་ཀ །ལན་བདུན་བརྗོད་ཅིང་། དེ་སྒོམ་མཁན་གྱི་སེམས་ཀྱི་ངོ་བོ་ལ་ལྟོས། །གསང་གནས་སུ་ཡི་གེ་སྦེ་དམར་པོ་ལ་ཡི་དྭགས་སུ་སྐྱེ་བའི་སྡིག་སྒྲིབ་ཐམས་ཅད་ཐིམ་པས་ཡི་དྭགས་ཀྱི་གླིང་དུ་གྱུར། དེའི་ནང་དུ་རང་ཚུད་པས་བཀྲེས་སྐོམ་གྱི་སྡུག་བསྔལ་དཔག་ཏུ་མེད་པ་ཡོད་པར་བསྒོམས་ལ། སརྦ་པྲ་ཏ་ཀ །ལན་བདུན་བརྗོད། ད་སེམས་ལ་ལྟོས། ལྟེ་བར་ཡི་གེ་ཏྲི་དམར་ནག་གཅིག་ལ་དུད་འགྲོར་སྐྱེ་བའི་སྡིག་སྒྲིབ་ཐམས་ཅད་ཐིམ་པས་དུད་འགྲོའི་གླིང་དུ་གྱུར། གླེན་ཞིང་ལྐུགས་པ་བསྒོམས་ལ། སརྦ་ཏིདྨ་ཀ་ལན་བདུན་བརྗོད། ད་སེམས་ལ་ལྟོས། སྙིང་གར་ཡི་གེ་ནི་ལྗང་ཁུ་གཅིག་ལ་མིར་སྐྱེ་བའི་རྒྱུ་ཐམས་ཅད་ཐིམ་པས་གླིང་བཞི་མི་ཡི་འཇིག་རྟེན་དུ་གྱུར། སྐྱེ་རྒས་ན་འཆིའི་སྡུག་བསྔལ་ཐམས་ཅད་བསྒོམས་ལ། སརྦ་མ་ནུ་ཁེ་ལན་བདུན་བརྗོད། དེ་ནས་སེམས་ལ་ལྟོས། །མགྲིན་པར་ཡི་གེ་སུ་སེར་པོ་གཅིག་ལ་ལྷ་མིན་དུ་སྐྱེ་བའི་སྡིག་སྒྲིབ་ཐམས་ཅད་ཐིམ་པས་ལྷ་མིན་འཐབ་རྩོད་ཀྱི་གནས་སུ་གྱུར། རང་དེའི་ནང་དུ་ཚུད་ནས་འཐབ་རྩོད་སྡུག་བསྔལ་སྐྲག་

[Full Size]

སྔངས་ཡོད་པར་བསྒོམས་ལ། སརྦ་ཨ་སུ་ར་ལན་བདུན་བརྗོད། དེ་སྒོམ་མཁན་སེམས་ལ་ལྟོས། སྤྱི་བོར་ཡི་གེ་ཨ་དཀར་པོ་གཅིག་ལ་ལྷར་སྐྱེ་བའི་རྒྱུ་ཐམས་ཅད་ཐིམ་པས། འདོད་ལྷ་རིགས་དྲུག་སོགས་ལྷའི་གནས་སུ་གྱུར། རང་དེའི་ནང་དུ་སྐྱེས་ནས་ཕམ་ལྟུང་གི་སྡུག་བསྔལ་མྱོང་བར་བསྒོམས་ལ། སརྦ་དེ་ཝ་ལན་བདུན་བརྗོད། །དེ་ལྟར་སྒོམ་མཁན་སེམས་ལ་ལྟོས། སེམས་སྟོང་པ་ཉིད་ཡིན། སྟོང་པ་ཉིད་ལ་བདེ་བ་དང་སྡུག་བསྔལ་ཞེས་བྱ་བ་མ་གྲུབ་བོ། །དེ་ལྟར་བསྒོམས་པས་རིགས་དྲུག་གི་སྐྱེ་སྒོ་ཆོད་པའི་གདམས་ངག་ཡིན། ད་སྐྱེ་སྒོ་གཅོད་པའི་སྔགས་འདི་འུར་འདོན་མཛོད། འཿཨཿཤཿསཿམཿ ད་ཁྱེད་རང་རྣམས་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ་གསུམ་བསྒོམ། དེ་ལ་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་ཐིམ་པས་ཡེ་ཤེས་ཀྱི་མེ་ཁ་དོག་ལྔ་ལྡན་དུ་འབར། ལུས་ཀྱི་རྩ་ལྷ། གནས་དྲུག་གི་རིགས་དྲུག་གི་གྲོང་ཁྱེར་ས་བོན་ཡིག་འབྲུ་དང་བཅས་པ་བསྲེགས་ནས་རིགས་དྲུག་གི་གནས་སྟོང་པར་བསྒོམས་ལ། ཨོཾ་ཨཱཿཧཱུྃ་ལ་འུར་འདོན་གཅིག་མཛོད། དེ་ནས་

[Full Size]

ཁྱེད་རང་རྣམས་དགེ་འདུན་དཀོན་མཆོག་གི་ངོ་བོ་དགེ་སློང་མ་ཕམ་པ་ཡིན་པར་བསྒོམས་ལ་ན་མཿསཾ་གྷ་ཡ་ལན་གསུམ་བརྗོད། ད་ཁྱེད་རང་རྣམས་ཆོས་དཀོན་མཆོག་གི་ངོ་བོ་ཡུམ་ཆེན་མོ་ཡིན་པར་བསྒོམས་ལ་ན་མོ་དྷརྨཱ་ཡ་ལན་གསུམ་བརྗོད། དེ་ནས་ཁྱེད་རང་རྣམས་སངས་རྒྱས་ཤཱཀྱ་ཐུབ་པའི་སྐུར་བསྒོམས་ལ། ན་མོ་བུདྡྷ་ཡ་ལན་གསུམ་བརྗོད། དེ་ནས་ཁྱེད་རང་རྣམས་ཞི་བ་ཐུགས་རྗེ་ཆེན་པོའི་སྐུར་བསྒོམས་ལ། ཡིག་དྲུག་ལན་གསུམ་བརྗོད། ཁྲོ་བོ་རྟ་མགྲིན་གྱི་སྐུར་བསྒོམས་ལ་ཨོ་རྒྱ་གྲི་ཝ་ཧཱུྃ་ཕཊ། ལན་གསུམ་བརྗོད། ལུས་འདི་ཡང་འབྱུང་བ་ལྔ་ལས་གྲུབ། ཕྱིའི་འབྱུང་བ་ལྔ་ཡང་ནང་རིག་པ་སེམས་ཉིད་ཀྱི་རྩལ་ཡིན་པར་འདུག་བསམ་པ་གྱིས་ལ་རྗེས་ཟློས་ལན་གསུམ་མཛོད། ཨེ་ཡཾ་རཾ་བཾ་ལཾ། ད་ཁྱེད་རང་རྣམས་སྐྱིལ་ཀྲུང་དང་ལུས་དྲང་པོར་བསྲང་ལ་སྤྱི་བོར་ཐལ་མོ་སྦྱོར། ལུས་འདི་གསེར་གྱི་རྡོ་རྗེ་རྩེ་ལྔ་པ་ལྟེ་བར་ཡི་གེ་ཧཱུྃ་སྔོན་པོས་མཚན་པ། དེ་ལས་ཧཱུྃ་སྔོན་པོ་ཐུགས་ཀ་ནས་འཕྲོས། འཇིག་རྟེན་ཐམས་ཅད་ཧཱུྃ་སྔོན་པོས་གང་། ཚུར་འདུས་ནམ་མཁར་ཧཱུྃ་སྔོན་པོ་ཁྲུ་གང་ཙམ་ཞིག་བསྒོམ། ལུས་ཀྱི་ནང་ཐམས་ཅད་ཀྱང་ཧཱུྃ་སྔོན་པོ་མང་པོས་གང་བར་

[Full Size]

བསྒོམས་ལ། ཧཱུྃ་རིང་ལན་གསུམ་ལ་དབྱངས་དང་། ཧཱུྃ་ཐུང་འུར་འདོན་གཅིག་མཛོད། ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ། དེ་ལྟར་ཁམས་གསུམ་འཁོར་བའི་རུ་ཤན་ཕྱེ་བས། འཁོར་བར་མི་འཁྱམས་པའི་གདམས་ངག་ཡིན་ཏེ། ལུས་གནད་ཅི་བདེར་བཅས། ངག་ཅི་ཡང་མི་སྨྲ། སེམས་བསམ་བརྗོད་བྲལ་བའི་ངང་ལ་མ་ཡེངས་པར་བཞག །དེ་ནས་དངོས་གཞི་སྒྲོན་མ་དྲུག་གི་ངོ་སྤྲོད་གོ་བར་བཤད་ན། སྒྲོན་མའི་ངོ་བོ་ནི། རང་གི་རིག་པའི་ངོ་བོ། སྒྲོན་མའི་རང་བཞིན་ནི་སྟོང་པ་ཉིད། སྒྲོན་མའི་མཚན་ཉིད་ནི། །གསལ་སྟོང་གཉིས་སུ་མེད་པ་སྟེ། དེ་དག་ནི་སྔོན་ངོ་སྤྲོད་ཀྱི་སྐབས་སུ་སོང་བས་འདིར་བཤད་མི་དགོས། ངེས་ཚིག་ནི་སྤྱིར་གཞི་བདེ་གཤེགས་སྙིང་པོ་ལ་གནས་པ་གཞིའི་སྒྲོན་མ་ཞེས་བྱ་བ། དེ་དག་ནི་རྫོགས་པ་ཆེན་པོའི་གཞི་ཁྲེགས་ཆོད་ཅེས་བྱ་སྟེ། ཕྱག་རྒྱ་ཆེན་པོ་དང་དོན་གཅིག །རྫོགས་ཆེན་སེམས་སྡེའི་སྐོར་ཡིན། གཞི་རྟོགས་པར་བྱས་ནས་ལམ་ཐོད་རྒལ་གྱིས་བསྒྲོད་པ་ནི། རྫོགས་ཆེན་ཀློང་སྡེ་དང་མན་ངག་གི་སྡེ་ཞེས་བྱ་བ་སྟེ། ཕྱག་ཆེན་ལས་ཀྱང་ཐེག་པ་མཐོ་བར་བཤད་པ་ཡིན། ཙིཏྟ་ཤའི་སྒྲོན་མ་ཞེས་བྱ་བ་ནི།

[Full Size]

གནས་ལུགས་ཀྱི་དོན་དེ་སྤྱིར་ལུས་ལ་གནས་ཤིང་ཁྱད་པར་དུ་ཡང་སྙིང་གི་ནང་ན་གནས་ཏེ། རིག་པ་སྙིང་དཀྱིལ་དུ་གནས་པ་ལ། །ཙིཏྟ་ཤའི་སྒྲོན་མ་ཞེས་བྱའོ། །དཀར་འཇམ་རྩའི་སྒྲོན་མ་ཞེས་བྱ་བ་ནི། སྙིང་དང་མིག་གཉིས་འབྲེལ་བའི་རྩ་སྐྱོན་མེད་དབང་པོ་དྭངས་བྱེད་ཀྱི་རྩ་ཞེས་བྱའོ། །ཞེས་དང་། ནང་ན་ཁྲག་དང་ཆུ་སེར་མེད་པའི་སྟོང་གསལ་གཅིག་ཡོད་པ་སྟེ། རིག་པ་འགྱུར་བ་མེད་པ་ཡིན། དེ་ལ་ནི་དཀར་འཇམ་རྩའི་སྒྲོན་མ་ཞེས་བྱ་སྟེ། རྒྱང་ཞགས་ཆུའི་སྒྲོན་མ་ཞེས་བྱ་བ་ནི། མིག་ཆུའི་དཀྱིལ་འཁོར་ནས། །མཐོང་བ་མ་འགགས་པར་གསལ་ཏེ། མིག་གིས་མཐོང་བ་མ་འགགས་པར་གསལ་བ་འདི་རྒྱང་ཞགས་ཆུའི་སྒྲོན་མ་ཞེས་བྱའོ། །ངོ་སྤྲོད་མཐོང་བ་རང་གྲོལ་ཨོ་རྒྱན་གྱི་གསུངས་པ་ལོས། སྔ་དྲོའམ་དགོང་མོ་ནམ་མཁའ་ཉི་ཟེར་གསལ་བའི་དུས་སུ། སློབ་བུ་ཐམས་ཅད་ཕྱེད་བསྙེས་སུ་ཉི་མ་ལ་མིག་ཟིམ་བུས་བལྟས་པས། འདིར་བལྟ་བཅུག་ཀྱང་རུང་། དེ་དག་ཀྱང་རྨ་བྱའི་མདངས་ལྟ་བུའམ། ཕུབ་ཀྱི་ཆ་འཁོར་ལྟ་བུའམ། འཇའ་འོད་མུ་ཁྱུད་ལྔ་ལྡན་ནང་ན་བཞུགས་པ་ནི། རྣམ་དག་ཆོས་དབྱིངས་སྒྲོན་མ། དེ་དག་གི་ཟེར་དང་

[Full Size]

མདངས་ལས་འོད་ཟེར་ཕྱོགས་ཐམས་ཅད་དུ་འཕྲོ་ཞིང་གསལ་བ། འོད་ཟེར་དེ་དག་གི་ནང་ནས་ཐིག་ལེ་ཐིག་ཕྲན་བསམ་གྱིས་མི་ཁྱབ་པ། ཉ་མིག་ལྟ་བུ་དང་། །གི་དྲྭ་བ་ལྟ་བུའི་བར་དུ། དྲ་བ་དྲྭ་ཕྱེད། ལུ་གུ་རྒྱུད་དུ་འབྲེལ་ཞིང་འགུལ་བ་དང་། འཕྲིག་པར་སྣང་བ། ཉི་མ་ལ་མིག་ཟིམ་བུར་བལྟས་པས། ཉི་མའི་ཟེར་མཚོན་ཆ་གཤིབ་པ་འདྲ་བ་དང་། མདུང་རྩེ་གཤིབས་པ་འདྲ་བ་དང་། བ་དག་གཟེང་བ་འདྲ་བ་འོང་སྟེ། དེ་ནི་ཆོས་ཉིད་བར་དོར་འོད་ཟེར་མཚོན་ཆའི་ཆར་འབབ་པ་འདྲ་བ། རང་གི་ཐོག་ཏུ་ཟུག་ནས་འོང་བའི་སྣང་བ་འཆར་ནས་འོང་སྟེ། དེ་ནི་མཚོན་ཆ་མ་ཡིན་ཏེ། ཡེ་ཤེས་གསལ་བའི་ཟེར་ཡིན་ཏེ། དེ་ལ་མ་སྐག་པར་རང་སྣང་ངོ་ཤེས་པར་གྱིས་ཤིག །འོད་ཁ་དོག་ལྔ་སྣང་བ་འདི། ངོ་མ་ཤེས་ན་ཉོན་མོངས་པ་དུག་ལྔ་ཡིན། འོད་ལྔ་ངོ་ཤེས་ན་རྒྱལ་བ་རིགས་ལྔ་སྟེ། འོད་ཟེར་མཐིང་ཀ་རྡོ་རྗེ་སེམས་དཔའ། འོད་ཟེར་དཀར་པོ་རྣམ་ཕྱོགས་པར་སྣང་མཛད་ཡིན། འོད་ཟེར་སེར་པོ་རིན་ཆེན་འབྱུང་ལྡན་ཡིན། འོད་ཟེར་དམར་པོ་སྣང་བ་མཐའ་ཡས་ཡིན། འོད་ཟེར་ལྗང་ཁུ་དོན་ཡོད་གྲུབ་པ་ཡིན། ངོ་མ་ཤེས་ན་ཕུང་

[Full Size]

པོ་ལྔ་ཡིན་ནོ། །འོད་ལྔའི་དོན་རྟོགས་ན་ཡུམ་ལྔ་ཡིན་ཏེ། འོད་ཟེར་མཐིང་ཀ་ནམ་མཁའི་དབྱིངས་ཕྱུག་མ། འོད་ཟེར་དཀར་པོ་སངས་རྒྱས་སྤྱན་མ་ཡིན། འོད་ཟེར་སེར་པོ་ཡུམ་མཆོག་མཱ་མ་ཀཱི། །འོད་ཟེར་དམར་པོ་ཡུམ་མཆོག་གོས་དཀར་མོ། །འོད་ཟེར་ལྗང་ཁུ་དམ་ཚིག་སྒྲོལ་མའོ། །ངོ་མ་ཤེས་ན་འབྱུང་བ་ལྔ་ཡིན་ནོ། །འོད་ལྔའི་དོན་ཤེས་ན་ཞིང་ཁམས་ལྔ་ཡིན་ཏེ། འོད་ཟེར་མཐིང་ཁ་འཐུག་པོ་བཀོད་པའི་ཞིང་། འོད་ཟེར་དཀར་པོ་མངོན་པར་དགའ་བའི་ཞིང་། འོད་ཟེར་སེར་པོ་དཔལ་དང་ལྡན་པའི་ཞིང་། འོད་ཟེར་དམར་པོ་བདེ་བ་ཅན་གྱི་ཞིང་། འོད་ཟེར་ལྗང་ཁུ་ལས་རབ་རྫོགས་པའི་ཞིང་། ངོ་མ་ཤེས་ན་འོད་ལྔ་ཕྱོགས་ལྔའོ། །འོད་ལྔའི་དོན་ཤེས་ན་ཁྲག་འཐུང་རིགས་ལྔའི་སྐུ། འོད་མཐིང་ཀ་བཛྲ་ཧེ་རུ་ཀ །དཀར་པོ་བྷུདྡྷ་ཧེ་རུ་ཀ །སེར་པོ་རཏྣ་ཧེ་རུ་ཀ །དམར་པོ་པདྨ་ཧེ་རུ་ཀ །ལྗང་ཁུ་ཀརྨ་ཧེ་རུ་ཀ །ངོ་མ་ཤེས་ན་ཉོན་མོངས་བདུད་ལྔའོ། །འོད་ལྔ་ཤེས་ན་མཁའ་འགྲོ་སྡེ་ལྔ་སྟེ། འོད་ཟེར་མཐིང་ཀ་རྡོ་རྗེ་མཁའ་འགྲོ་ཡིན། འོད་ཟེར་དཀར་པོ་སངས་རྒྱས་མཁའ་འགྲོ་ཡིན། འོད་ཟེར་སེར་པོ་རིན་ཆེན་མཁའ་འགྲོ་ཡིན། འོད་

[Full Size]

ཟེར་དམར་པོ་པདྨ་མཁའ་འགྲོ་ཡིན། འོད་ཟེར་ལྗང་གུ་ལས་ཀྱི་མཁའ་འགྲོ་ཡིན། ངོ་ཤེས་པར་གྱིས་ཤིག །མ་འཁྲུལ་ཞིག །མ་སྐྲག་ཅིག །ངོ་ཤེས་པར་གྱིས་ཤིག །རྒྱ་མཚོ་ཨར་གཏད་ངོ་སྤྲོད་ནི། མིག་གཉིས་མཛུབ་མོ་ཡིས་མནན་པས་འོད་སྐོར་བུ་འོང་སྟེ། ད་ལྟ་སྙིང་གི་དཀྱིལ་ན་ཞི་བའི་སྐུ། འཇའ་འོད་ཀྱི་ར་བ་ན་ཡོད་པའི་རྟགས་ཡིན་པས་ཤེས་པར་གྱིས་ཤིག །རྒྱ་མཚོའི་རྦ་ཀློང་ངོ་སྤྲོད་ནི། རྣ་བ་གཉིས་མཛུབ་མོས་མནན་པས། སྟེང་ནས་འུར་ཏིང་སྒྲ་འབྱུང་སྟེ། ཆོས་ཉིད་བར་དོར་ཆོས་ཉིད་ཀྱི་རང་སྒྲ་འབྲུག་སྟོང་ལྡིར་བ་ཙམ་འོང་བའི་རྟགས་ཡིན་ནོ། །ཆོས་ཉིད་ཟེར་གྱི་ངོ་སྤྲོད་ནི། མིག་གཉིས་ཀ་ཡུན་རིང་མཛུབ་མོས་བཙིར་བས། ཟེར་དང་ཐིག་ལེ་ལུ་གུ་རྒྱུད་དུ་རྒྱ་ཆེ་བར། འགུལ་འཕྲིག །ཡེ་ཤེས་ཤིག་འཕྲོ་བ་སྟེ། ཆོས་ཉིད་བར་དོར་ཟེར་གྱི་སྣང་བ་འཆར་བས། དེའི་རྟགས་ཡིན་པར་ཤེས་པར་གྱིས་ཤིག །འོ་ན་འཇའ་འོད་འདི་བལྟས་པས་ཅི་ལ་ཕན་ཞེ་ན། བར་དོ་དུས་ཀྱི་སྒྲོན་མ་ཞེས་བྱ་བ། ཆོས་ཉིད་བར་དོར་འཇའ་འོད་ཐིག་ལེ་ཐིག་ཕྲན་འདི་ལྟ་བུས་གང་ནས་འཆར། དེའི་ནང་ནས་ཞི་བ་དང་ཁྲོ་བོའི་སྐུ་

[Full Size]

དཔག་ཏུ་མེད་པ་འཆར་བའི་ཚེ་ད་ལྟ་ངོ་སྤྲད་པའི་དོན་དྲན་ནས་འཇིགས་སྐྲག་དང་བྲལ་ནས་དག་པའི་ཞིང་ཁམས་སུ་སྐྱེ་བར་གསུངས་སོ། །སྐབས་འདིར་ཡེ་ཤེས་འོད་ལམ་གྱི་སྨོན་ལམ་རྣམ་པར་དག་པ་གདབ་པར་བྱའོ། །ཞེས་གསུངས་པས། དུག་ལྔ་དྲག་པོས་འཁོར་བར་འཁྱམས་པའི་ཚེ། །ཡེ་ཤེས་བཞི་སྦྱོར་གསལ་བའི་འོད་ལམ་ལ། །བཅོམ་ལྡན་རྒྱལ་བ་རིགས་ལྔས་ལམ་སྣ་དྲོངས། །ཡུམ་མཆོག་རིགས་ལྔ་མཁའ་འགྲོས་རྒྱབ་ནས་སྐྱོལ། །བར་དོ་འཇིགས་པའི་འཕྲང་ནས་བསྒྲལ་དུ་གསོལ། །ཡང་དག་རྫོགས་པའི་སངས་རྒྱས་ས་རུ་སྐྱོལ། །སྒྲ་འོད་ཟེར་གསུམ་སྒྲ་རུ་མི་སྡང་ཞིང་། །ཞི་ཁྲོ་རབ་འབྱམས་ཞིང་ཁམས་མཐོང་བར་ཤོག །འོ་ད་ནང་ནུབ་ནམ་མཁའ་ལ་དུས་རྒྱུན་དུ་ལྟོས་དང་། ངོ་མཚར་ཅན་གྱི་མཐོང་རྒྱུ་མང་པོ་ཡོད། འོད་ཁ་དོག་ལྔ་མཐོང་བ་ཡང་འཛའ་མཐོང་བ་དང་མི་འདྲ། ཡེ་ཤེས་ལྔ་དངོས་སུ་མཐོང་བ་ཡིན་པས། དོན་ལ་རྒྱལ་བ་རིགས་ལྔ་མཇལ་བ་དང་ཁྱད་པར་མེད། ལས་དག་པ་ལ་རྒྱལ་བ་རིགས་ལྔ་དང་། ཐུགས་རྗེ་ཆེན་པོ་དང་ཨོ་རྒྱན་ལ་སོགས་པ་ཞི་བའི་ལྷ་མང་པོ་དང་། རྟ་མགྲིན་ལ་སོགས་པ་ཁྲོ་བོ་མང་པོ་ཡང་དངོས་སུ་

[Full Size]

མཇལ་རྒྱུ་ཡོད་དེ། དེ་དག་མཇལ་ན་ཡང་བླ་མ་དང་མཆེད་གྲོགས་མ་གཏོགས་ལ་བཤད་མི་རུང་གསང་དགོས། མ་གསང་ན་བཀའ་སྲུང་མ་གཟའ་དམ་གསུམ་གཉན་དྲག་པས་རང་ལ་ན་བ་སོགས་འོང་བས་གསང་བར་མཛོད།། ༼༡༧༽ ཐུགས་རྗེ་ཆེན་པོའི་མན་ངག་ཟབ་མོ། རྗེས་ཞལ་གདམས་དང་བསྔོ་བས་རྒྱས་འདེབས་པ་ནི། རྒྱལ་བ་ཡང་དགོན་པའི་ཞལ་ནས། ཆོས་རྫོགས་པ་ཆེན་པོ་ཡིན་པས་མི་ཕན། གང་ཟག་རྫོགས་པ་ཆེན་པོར་འགྲོ་དགོས། ཆོས་སྐད་ལ་རྟ་རི་བ་བྱས་ཀྱང་། གང་ཟག་ལ་ཁྱི་མི་རི་བ་མང་པོ་མཐོང་། ཆོས་ལ་ཚིག་ཤེས་པ་དང་བློ་ཡུལ་དུ་གོ་བ་རྐྱང་པས་མི་ཕན། ཚིག་མིང་རྐྱང་དང་ལག་ལེན་མི་རྒན་དུ་སོང་ནས། ཚིག་ཟིན་སྐམ་པོ་སྒྲིགས་སྐྱེད་ཐམས་ཅད་ནེ་ཚོའི་འདོན་པ། པཀའི་གླུ་དང་ཁྱད་མེད། ཆོས་གཅིག་གོ་གཉིས་གོ་ཐམས་ཅད་ལག་ལེན་ལ་འདེབས་པ་ཞིག་དགོས། གཅིག་ཤེས་གཉིས་ཤེས་རང་རྒྱུད་ལ་སྦྱོར་བ་ཞིག་དགོས། ཆོས་རང་གི་རྒྱུད་ཐོག་ཏུ་མ་བྱོན། སེམས་དང་ཆོས་ཀྱི་ཕྱེ་ཆུ་མ་འདྲེས་པར། ཆོས་དང་གང་ཟག་གི་བར་ན་ཧམ་དཔག་མི་ཤོང་བ་ཙམ་བྱས། ཆོས་གློ་བའི་ཚོད་མ་

[Full Size]

བཞིན་ཁ་ན་ཡམ་མེ་བྱས་པ་དེས། ཆོས་ཀྱིས་དོན་བྱེད་མ་ནུས་པ་ལགས་མོད། ཅེས་གསུངས་པས། ད་རེས་ངས་བཤད་པའི་དོན་དེ་དག་རང་གི་ཆེ་གོ་ཆུང་གོ་དེ་མི་སྐྱུར་བར་ཉམས་སུ་ལེན་པ་གལ་ཆེ། དེ་ལྟར་ཉམས་སུ་བླངས་བའི་ཕན་ཡོན་ནི། རྟོགས་ཆེན་གྱི་མདོ་ལས། ཐང་ཅིག་ཏིང་འཛིན་སྒོར་ཞུགས་ན། །ཁམས་གསུམ་གང་བའི་མི་རྣམས་ལ། །སྲོག་བྱིན་པས་ནི་འདི་དོན་ཆེ། །ཞེས་དང་། ཐར་ཆེན་ལས། གང་གི་ཆོས་འདི་འཇིག་པའི་ཚེ། །རྒྱལ་བའི་དྲིན་ལེན་ལོན་འདོད་པས། །སྐད་ཅིག་ཡུད་ཙམ་སྒོམ་བྱེད་པ། །སྟོང་ཁམས་གང་བའི་སེམས་ཅན་ལ། །སྲོག་གི་སྦྱིན་པ་བཏང་བ་བས། །བསམ་གཏན་བསྒོམ་པ་བསོད་ནམས་ཆེ། །ཞེས་དང་། དམ་པ་འཇུག་པའི་མདོ་ལས། སེམས་ཅན་ཐམས་ཅད་ལ་ཇི་སྲིད་འཚོའི་བར་དུ། འཚོ་བའི་ཡོ་བྱད་ཀྱིས་ཚོགས་བསགས་པ་བས། སྟོང་པ་ཉིད་ཐུན་གཅིག་བསྒོམ་པ་བསོད་ནམས་ཆེའོ། །ཞེས་དང་། གཙུག་ཏོར་ཆེན་པོའི་མདོ་ལས། བསྐལ་པ་མང་པོར་ཐོས་པ་བསགས་པ་བས་ནི། ཉིན་གཅིག་ཆོས་ཉིད་ཀྱི་དོན་བསྒོམ་པ་བསོད་ནམས་ཆེའོ། །དེ་ཅིའི་ཕྱིར་ཞེ་ན། སྐྱེ་ཤིའི་ལམ་དང་

[Full Size]

རིང་དུ་བྱེད་པའི་ཕྱིར་རོ། །ཞེས་དང་། ཏེ་ལོ་པའི་ཞལ་ནས། དཔེར་ན་བསྐལ་པ་སྟོང་དུ་བསགས་པའི་མུན་པ་ཡང་། །སྒྲོན་མེ་གཅིག་གིས་མུན་པའི་ཚོགས་རྣམས་སེལ། །དེ་བཞིན་རང་སེམས་འོད་གསལ་སྐད་ཅིག་གིས། །བསྐལ་པར་བསགས་པའི་མ་རིག་སྡིག་སྒྲིབ་སེལ། །ཞེས་གསུངས་པས། དེ་ལྟར་ཉམས་ལེན་བྱས་པ་ལ་ཕན་ཡོན་དཔག་ཏུ་མེད་པ་ཡོད་ཅིང་། རབ་ཚེ་གཅིག་ལུས་གཅིག་ལ་སངས་རྒྱ། ཡང་ན་ཕྱི་དབུགས་ཆད་ཙ་ན་འཆི་བ་ཆོས་ཀྱི་སྐུར་སངས་རྒྱས། བར་དོ་ལོངས་སྤྱོད་རྫོགས་པའི་སྐུ་ཡི་དམ་གྱི་ལྷ་དང་དབྱེར་མེད་དུ་སངས་རྒྱ་བ་སོགས། གང་ཟག་དབང་པོའི་བྱེ་བྲག་གིས་འབྲས་བུ་སངས་རྒྱས་ཐོབ་ལུགས་ཉི་ཤུ་རྩ་གཅིག་གསུངས་པའི་ནང་ནས། ཐ་མའི་ཡང་ཐ་ནི། སྤྲུལ་སྐུའི་ཞིང་ཁམས་དག་པར་དབུགས་དབྱུང་བ་ཞེས་བྱ་སྟེ། སྨོན་ལམ་གར་བཏབ་པའི་སངས་རྒྱས་ཀྱི་ཞིང་ཁམས་སུ་སྐྱེ་བར་གསུངས། དེ་ལ་མ་གཅིག་ལབ་སྒྲོན་གྱི་ཞལ་ནས། བདེ་བ་ཅན་མ་གཏོགས་པའི་ཞིང་ཁམས་རབ་རྣམས་སུ། ས་བརྒྱད་པ་མ་ཐོབ་བར་མི་སྐྱེ། ཞིང་ཁམས་འབྲིང་རྣམས་སུ་ཉོན་སྒྲིབ་ཕྲ་བ་ཡང་སྤངས་ནས་སྒོམ་ལམ་

[Full Size]

ཡན་ཆད་ཐོབ་དགོས། དེ་མིན་མི་སྐྱེ། གཙང་མའི་གནས་ལྔ་འོག་མིན་སོགས་དང་ལྕང་ལོ་ཅན་སོགས་ནའང་བདག་འཛིན་རྩ་བ་ནས་ཆོད་ནས་ཆོས་ཉིད་ཀྱི་བདེན་པ་མཐོང་བའི་མཐོང་ལམ་ཐོབ་དགོས། དེ་མིན་ན་མི་སྐྱེ། འོན་ཏེ་མཐོང་ལམ་མ་ཐོབ་པར་དམ་ཚིག་སྡོམ་པ་ལ་སྐྱོན་ཕྲ་མོ་ཡང་མེད་ཅིང་། དགེ་བ་ཁོ་ན་དང་སྨོན་ལམ་ལ་འབད་ན་དགའ་ལྡན་སོགས་ཞིང་ཁམས་ཆུང་ངུ་འགའ་ཞིག་ཏུ་སྐྱེ་རུང་ཙམ་སྟེ་དཀའ་བར་གདའོ། །དེས་ན་གང་ཟག་ཉོན་མོངས་པ་ཅན་རྣམས་སངས་རྒྱས་ཀྱི་ཞིང་ཁམས་སུ་སྐྱེ་བའི་རེ་བ་ཡོད་པ་མི་སྲིད་པ་ཡིན་ཏེ། འོན་ཀྱང་མགོན་པོ་འོད་དཔག་མེད་ཀྱི་སྨོན་ལམ་གྱི་དབང་གིས་ཞིང་དེ་རུ་སྐྱེ་བར་མགོན་པོ་ཉིད་ཀྱི་ཞལ་གྱིས་བཞེས་པ་ཡིན་པས་ན། བདེ་བ་ཅན་གྱི་ཞིང་དུ་སྐྱེ་བའི་སྨོན་ལམ་ལ་སྒོ་ཐམས་ཅད་ནས་འབད་དགོས་སོ། །དེ་ལ་ཐེ་ཚོམ་དང་སོམ་ཉི་ལེ་ལོ་སྤངས་ཏེ། ངེས་ཤེས་དང་བརྩོན་འགྲུས་དྲག་ལ་མྱུར་བའི་སྒོ་ནས་བདེ་བ་ཅན་གྱི་ཞིང་ཁམས་ཀྱི་བཀོད་པ་དང་། ཕན་ཡོན་རྣམས་དྲན་པ་བྱས་ལ་སྨོན་ལམ་བཏབ་པར་བྱའོ། །བདེ་བ་ཅན་ནི་སངས་རྒྱས་གཞན་གྱི་ཞིང་ཁམས་ལས་ཁྱད་པར་ལྷག་སྟེ། ཐ་མལ་པ་ཉོན་མོངས་པ་

[Full Size]

དང་བཅས་པའི་གང་ཟག་རྣམས་སྐྱེ་རུང་བས་ལྷག་པ་དང་། དེར་སྐྱེས་ནས་བསམ་པའི་དོན་ཐམས་ཅད་ཀྱང་བསམ་མ་ཐག་ནས་འགྲུབ་ཅིང་ཉོན་མོངས་ཀྱི་སྒྲིབ་པ་ཕྲ་བས་ཀྱང་མི་གོས་པ་དང་། གཞན་སངས་རྒྱས་ཀྱི་ཞིང་དུ་འགྲོ་བས་ཆོག་པས་ལྷག་པ་དང་། གཞན་གྱི་ཞིང་ཁམས་ལས་སངས་རྒྱས་པ་ཡང་མྱུར་བ་ལ་སོགས་པའི་ཕན་ཡོན་བསམ་གྱིས་མི་ཁྱབ་པ་དང་ལྡན་པའི་བདེ་བ་ཅན་ལས་ཟུང་ཐག་ཉེ་བའི་ཞིང་ཁམས་གཞན་མེད་པས། བདེ་བ་ཅན་དུ་སྐྱེ་བའི་སྨོན་ལམ་ལ་འབད་པ་ཤིན་ཏུ་གལ་ཆེ། ཞེས་གསུངས་སོ། །དེ་ལྟར་བདེ་བ་ཅན་གྱི་བཀོད་པའི་མདོ་དང་། དཀོན་མཆོག་བརྩེགས་པའི་ལེའུ་འོད་དཔག་མེད་ཀྱི་མདོ་དང་། པདྨ་དཀར་པོའི་མདོ་དང་། རྔ་སྒྲའི་གཟུངས་དང་། །ཨོ་རྒྱན་རིན་པོ་ཆེའི་གསུངས་རྣམས་མཐུན་པར། མཚམས་མེད་པ་ལྔ་དང་། ཆོས་སྤང་བ་མ་གཏོགས་སེམས་རྩེ་གཅིག་གིས་ཞིང་ཁམས་དེར་སྨོན་ལམ་བཏབ་ན། བདེ་བ་ཅན་གྱི་ཞིང་ཁམས་སུ་སྐྱེ་ཐུབ་པར་གསུངས། དེ་ཡང་ཞེ་ཐག་པ་ནས་སྨོན་ལམ་བཅུ་བཏབ་ན་སྐྱེ་གསུངས། དེ་ནི་སངས་རྒྱས་འོད་དཔག་མེད་ཀྱི་སངས་རྒྱས་ཀྱི་སྨོན་ལམ་གྱི་མཐུས་ཡིན། །

[Full Size]

དེ་ཕྱིར་ཞིང་ཁམས་དེར་སྨོན་ལམ་འདེབས་པ་གལ་ཆེ། ། བསྔོ་བ་སྨོན་ལམ་གྱིས་རྟ་ཁ་སྲབ་ཀྱིས་བསྒྱུར་བ་དང་འདྲ། བསྔོ་བས་ནི་རང་དོན་དང་གཞན་དོན་ཐམས་ཅད་འགྲུབ་སྟེ། །དཀོན་བརྩེགས་ལས། བྱང་ཆུབ་སེམས་དཔའི་སྦྱིན་བཏང་བས། །བྱང་ཆུབ་ཏུ་ནི་བསྔོ་བྱེད་ན། །སེམས་ཅན་ཀུན་ལ་ཕན་བྱེད་ཅིང་། །རང་དོན་དཔག་མེད་འཐོབ་པར་འགྱུར། །ཞེས་དང་། བསྔོ་བ་བྱས་པས་དགེ་བ་ཆུང་ངུ་གཅིག་ཡིན་ཡང་། སངས་རྒྱས་མ་ཐོབ་ཀྱི་བར་དུ་མི་ཟད་པ་དང་། ཞག་རེ་སོང་ཞིང་སྐྱིད་རེ་འཕེལ་བས་ཆུང་ངུ་ལ་ཆེན་པོར་འགྱུར་བ་དང་། མཐར་ཐུག་འབྲས་བུ་སངས་རྒྱས་ཐོབ་པར་འགྱུར་བས་ཤིན་ཏུ་གལ་ཆེ། དེ་ཡང་སེམས་ངོ་མ་ཡེངས་པའི་ངང་ནས་བསྔོ་བ་བྱས་ན། འཁོར་གསུམ་ཡོངས་དག་གི་བསྔོ་བར་འགྱུར་བས་ཤིན་ཏུ་ཕན་ཡོན་ཆེ་སྟེ། མངོན་རྟོགས་རྒྱན་ལས། ཡོངས་སུ་བསྔོ་བ་ཁྱད་པར་ཅན། །དེ་ཡི་བྱེད་པ་མཆོག་ཡིན་ནོ། །དེ་ནི་དམིགས་མེད་རྣམ་པ་ཅན། །ཕྱིན་ཅི་མ་ལོག་མཚན་ཉིད་དོ། །ཞེས་གསུངས། ལྔ་ལྡན་རྩ་བ་ལས། ཚོགས་གཉིས་ཡིད་བཞིན་ནོར་བུ་ལ། །སྨོན་ལམ་གྱི་བྱི་དོར་མོ་བྱས་ན། །དགོས་འདོད་ཀྱི་

[Full Size]

འབྲས་བུ་མི་འབྱུང་བས། །རྗེས་བསྔོ་བ་འདི་ལ་འབད་ཀྱང་འཚལ། །ཞེས་གསུངས་སོ། །དེས་ན་དགེ་སྦྱོར་གང་བྱེད་ཀྱང་སེམས་ཅན་ཐམས་ཅད་ཀྱི་དོན་དུ། །དགེ་སྦྱོར་འདི་བྱའོ་སྙམ་པའི་བསམ་པ་བཟང་པོའི་སེམས་བསྐྱེད་དང་། དངོས་གཞིའི་ཚེ་ཡང་། དལ་འབྱོར་རྙེད་དཀའ་བ། འཆི་བ་མི་རྟག་པ། ལས་རྒྱུ་འབྲས། འཁོར་བའི་ཉེས་དམིགས་རྣམས་དྲན་པར་བྱ། སྐྱབས་འགྲོ་སེམས་བསྐྱེད། རྡོར་སེམས། མཎྜལ། བླ་མའི་རྣལ་འབྱོར་རྣམས་ཀྱི་དམིགས་པ་ཐུན་རེ་བྱ། དེ་ནས་རང་ཉིད་ཡི་དམ་ཐུགས་རྗེ་ཆེན་པོར་སྒོམ། སྤྱི་བོར་བླ་མ་ཀུན་འདུས་འོད་དཔག་མེད་ཀྱི་སྐུ་གཅིག་བསྒོམ། བླ་མ་ཐམས་ཅད་སྤྱན་དྲངས་དེ་ལ་བསྟིམ་ནས། བླ་མ་ཀུན་འདུས་སུ་བསྒོམ། ཡི་དམ་ཐམས་ཅད་སྤྱན་དྲངས་ནས་རང་ལ་བསྟིམས་པས། རང་ཉིད་ཡི་དམ་ཀུན་འདུས་སུ་བསྒོམ། རང་གི་ཐུགས་ཀར་ཟླ་བའི་སྟེང་དུ། ཧྲཱིཿཡིག་ལ་ཡིག་དྲུག་གིས་གཡས་སུ་བསྐོར་བ། དེ་གསང་སྔགས་རིག་སྔགས་གཟུངས་སྔགས་ཀུན་འདུས་སུ་བསྒོམ། དེ་ལྷ་གཅིག་བསྒྲུབས་པས་ཐམས་ཅད་འགྲུབ་པའི་གདམས་ངག་ཟབ་མོ་ཡིན། རང་གི་ཐུགས་

[Full Size]

ཀ་ནས་འོད་ཟེར་འཕྲོས་པས། སྣོད་ཀྱི་འཇིག་རྟེན་བདེ་བ་ཅན་གྱི་ཞིང་ཁམས་སུ་བྱས། བཅུད་ཀྱི་སེམས་ཅན་ཐམས་ཅད་ཐུགས་རྗེ་ཆེན་པོའི་སྐུར་གྱུར་པར་བསྒོམ། དེ་སྣང་བ་སྐུ་ཡི་ཁྱེར་སོ་ཡིན། དེ་རྣམས་ཀྱིས་རང་གི་རམ་བུ་བཀྱག་ནས་ཡིག་དྲུག་དི་རི་རི་འདོན་པར་བསྒོམ། སྒྲ་སྐད་ཐོས་ཚད་ཡི་གེ་དྲུག་པར་བསྒོམ། དེ་གྲག་པ་གསུང་གི་ཁྱེར་སོ་ཡིན་པས། སྐད་ཅིག་ལ་ཡང་དུང་ཕྱུར་མང་པོ་འགྲོ་བའི་གདམས་ངག་ཡིན། སེམས་ལ་བཟང་ངན་གྱི་རྟོག་པ་ཅི་ཤར་ཡང་དགག་སྒྲུབ་མེད་པར་དེའི་ངོ་བོ་བལྟས་ནས་མ་བཅོས་པར་བཞག་པ་ནི། དྲན་རྟོག་ཐུགས་ཀྱི་ཁྱེར་སོ་སྟེ། ཕྱག་རྒྱ་ཆེན་པོ་དང་། རྫོགས་པ་ཆེན་པོ་གཞི་ཁྲེགས་ཆོད་ཀྱི་ཉམས་ལེན་ཡིན། དེ་གསུམ་ཀ་མི་ཤོར་བ་བྱུང་ན་བསྐྱེད་རྫོགས་ཟུང་འཇུག་གི་ཉམས་ལེན་མཆོག་ཡིན། ཐ་ན་ཡང་དེ་གསུམ་གཅིག་དང་རྒྱུན་དུ་མི་འབྲལ་བར་བྱ། ཉི་མ་རྩེ་ཤར་དང་ནུབ་ཁ་ཟེར་གཉིས་ལ་རྫོགས་པ་ཆེན་པོ་འོད་གསལ་ཐོད་རྒལ་གྱི་དོན་ལ་བལྟ། ཞོགས་པ་ནམ་ལངས་དུས་སམ་ནུབ་མོ་སྲོད་ཀྱི་དུས། གཏོང་ལེན་གྱི་དམིགས་པ་ཐུན་རེ་མ་ཆག་པར་བསྒོམ། ཉལ་ཁ་དུས་དེ་རིང་དགེ་སྦྱོར་གང་འགྲུབ་ཐམས་

[Full Size]

ཅད། སེམས་ཅན་ཐམས་ཅད་རྫོགས་པའི་སངས་རྒྱས་ཐོབ་པར་བྱ། དེའི་ཕྱིར་དུ་བདག་མངོན་པར་རྫོགས་པར་སངས་རྒྱས་པར་བྱ། དེ་ཡང་བར་ཆད་མེད་ཅིང་མྱུར་དུ་སངས་རྒྱས་ཐོབ་པའི་ཕྱིར། །འདི་ནས་ཚེ་འཕོས་མ་ཐག་ཏུ་བདེ་བ་ཅན་གྱི་ཞིང་ཁམས་སུ་སྐྱེ་བར་གྱུར་ཅིག་བསམ་པ་བྱས་ནས་ཤེས་ན་བདེ་བ་ཅན་དུ་སྐྱེ་བའི་བསྔོ་བ་དང་བདེ་སྨོན་བཟང་སྤྱོད་སོགས་འདོན། མི་ཤེས་ན་བདེ་བ་ཅན་དུ་སྐྱེ་བར་ཤོག་ཟེར་བ་དེ་རང་གིས་ཆོག །ནམ་འཆི་བའི་ཚེ་བདེ་བ་ཅན་དུ་འགྲོ་བསམ་པའི་ཐག་རྦད་གཅོད་བྱ། །མཚམས་མེད་ལྔ་དང་ཆོས་སྤངས་པ་མ་གཏོགས་དེར་སྐྱེ་ངེས་པ་ནི། སངས་རྒྱས་ཀྱི་སྨོན་ལམ་གྱི་སྟོབས་ཡིན། ཕ་མ་དང་རྩ་བའི་བླ་མ་རྡོ་རྗེ་སློབ་དཔོན་དང་། འཕགས་པ་དགྲ་བཅོམ་པ་རྣམས་བསད་པ་དང་། རྫོགས་པའི་སངས་རྒྱས་གཅིག་དགྲོངས་པའམ་དགྲོང་ཤོམ་བྱས་ན་མཚམས་མེད་ཡིན་ཏེ། དེ་འདྲ་བྱེད་མཁན་ནི་སུ་མེད་དམ། དམ་པའི་ཆོས་སྤང་ན་མི་སྐྱེ་སྟེ། ཆོས་ནི་མ་སྤང་བར་ཅི་འགྲུབ་བྱེད་པའི་རྩིས་ཡིན་ལ། སྐྱེའམ་མི་སྐྱེ་བསམ་པའི་ཐེ་ཚོམ་མི་རུང་། ཐེ་ཚོམ་བྱས་ན་ཞིང་དེར་སྐྱེས་ནའང་། མེ་ཏོག་གི་ཁ་མི་བྱེ་

[Full Size]

བས་སངས་རྒྱས་ཞལ་མཐོང་འཕྱི་བའི་སྐྱོན་ཡོད་གསུངས། དེ་ཕྱིར་སྐྱེའམ་མི་སྐྱེ་བསམ་པའི་ཐེ་ཚོམ་མི་བྱ། དེར་སྐྱེས་ན་ཅི་དགའ་སྙམ་ན། ཞིང་དེར་སྐྱེ་བའི་སྡུག་བསྔལ་མེད་དེ། མེ་ཏོག་པདྨའི་སྦུབས་ལ་བརྫུས་སྐྱེས་སྐད་ཅིག་ལ་ལུས་གྲུབ་པ་ཡིན། དེར་སྐྱེས་ཚད་ལ་སྐུ་གསེར་གྱི་མདོག་ཅན་མཚན་དང་དཔེ་བྱད་ཀྱིས་བརྒྱན་པ། མངོན་ཤེས་དང་རྫུ་འཕྲུལ་དཔག་ཏུ་མེད་པ་དང་ལྡན་པ་ཁོ་ན་ཡིན། ཞིང་ཁམས་དེ་ན་ནད་དང་གདོན་དང་དགྲ་དང་མུ་གེ་ལ་སོགས་པའི་སྡུག་བསྔལ་གང་ཡང་རྣ་བས་ཀྱང་མི་ཐོས། འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་སྟེ། དུག་ལྔ་ནི་དེར་སྐྱེས་ཚད་ལ་མེད། ཞིང་ཁམས་འདིའི་བསྐལ་པ་གཅིག་གི་ཡུན་ནི་བདེ་བ་ཅན་གྱི་ཞིང་གི་ཞག་གཅིག་ཡིན། དེའི་རྩིས་བྱས་པའི་ལོ་གྲངས་བྱེ་བ་དུང་ཕྱུར་ལ་ཡང་འཆི་རྒྱུ་མེད། ན་རྒྱུ་མེད། རྒས་རྒྱུ་མེད། ཅི་འདོད་པའི་ཟས་གོས་ལོངས་སྤྱོད་དང་། སངས་རྒྱས་ལ་མཆོད་པ་འབུལ་རྒྱུ་རྣམས་བསམ་པ་ཙམ་གྱིས་ལྷུན་གྲུབ་ཏུ་འོངས། དེ་ལ་རྩོལ་སྒྲུབ་དང་ཉ་ར་འཚོ་སྐྱོང་མི་དགོས། ད་ལྟའི་སྡིག་སྒྲིབ་ཐམས་ཅད་རྣམ་སྨིན་གྱི་སྡུག་བསྔལ་མྱོང་མི་དགོས་པར། འོད་དཔག་མེད་ཀྱི་

[Full Size]

ཞལ་མཇལ་ཕྱག་ཕུལ་བསྐོར་བ་བྱེད། མཆོད་པ་འབུལ་ཆོས་ཉན་པས་དག་པར་འགྱུར། རྫུ་འཕྲུལ་དང་མངོན་ཤེས་ལ་ཐོགས་པ་མེད་པས། སངས་རྒྱས་ཀྱི་ཞིང་ཁམས་ཐམས་ཅད་དུ་འགྲོ་ནས་སངས་རྒྱས་མཇལ་ཆོས་ཉན། འབྲེལ་ཐོགས་ཀྱི་སེམས་ཅན་རྣམས་འདྲེན། དེ་དགོང་སླར་བདེ་བ་ཅན་དུ་ཚུར་སླེབས་པའི་རྫུ་འཕྲུལ་ལ་ཐོགས་པ་མེད། དེ་ལྟར་བདེ་སྐྱིད་ཕུན་སུམ་ཚོགས་པའི་ངང་ནས་སངས་རྒྱས་ལ་ཆོས་ཉན་མཆོད་པ་འབུལ། བསྐལ་པ་གྲངས་མེད་པར་ཏིང་ངེ་འཛིན་གྱི་རྩལ་སྦྱངས་བས། མདོ་ལུགས་ཀྱི་ས་བཅུ་ལམ་ལྔ། སྔགས་ལུགས་ཀྱི་བཅུ་གསུམ་རྡོ་རྗེ་འཛིན་པའི་ས། རྫོགས་ཆེན་ལུགས་ཀྱི་བཅུ་དྲུག་ཡེ་ཤེས་བླ་མའི་ས་ཐོབ་སྟེ། མཐར་ནམ་ཞིག་ཚེ་འཕོས་མ་ཐག་ཏུ་སངས་རྒྱས་ཐམས་ཅད་ཀྱི་སྐུ་གསུང་ཐུགས་དང་དབྱེར་མེད་དུ་སངས་རྒྱས་པར་བཤད་དོ། །དེས་ན་ཁྲིད་འདི་ཐོབ་ནས་ཚིག་རྣམས་ཡིད་ལ་མི་ཟིན་ཀྱང་། དོན་གྱི་རྩ་བ་རྣམས་ཡིད་ལ་ལ་བཟུང་ནས་བརྩོན་འགྲུས་ཀྱིས་ཉམས་སུ་བླངས་ན་བདེ་བ་ཅན་དུ་སྐྱེ་བར་ཐེ་ཚོམ་མེད་དེ། མདོ་རྒྱུད་དང་ཨོ་རྒྱན་གྱི་གསུངས་ལ་དཔང་པོ་ཡིན་ཅིང་། བདག་རཱ་ག་ཨ་སྱས་ཁྲིད་ཡིག་

[Full Size]

འདི་བསྒྲིགས་ན་འགྲོ་དོན་འོང་ངམ་མི་འོངས་ཞེས། ཐུགས་རྗེ་ཆེན་པོ་ལ་གསོལ་བ་རྩེ་གཅིག་ཏུ་བཏབ། ཚོགས་དང་མཆོད་པ་མཎྜལ་བརྒྱ་རྩ་ཕུལ་ནས་བརྟགས་པ་བྱས་ནུབ། ཉམས་དང་རྨི་ལམ་གྱི་མཚམས་སུ་དུང་ཕྱུར་བདུན་བདེ་བ་ཅན་དུ་འགྲོ་ཟེར་ནས་ལུང་བསྟན་པའི་སྣང་བ་བྱུང་། འདི་ཉིད་བྲི་བའི་ཚེ་ཡང་ཆོས་བདག་ཡེ་ཤེས་ཀྱི་མཁའ་འགྲོ་མ་རྣམས་འདུ་ཞིང་། བྱིན་གྱིས་རླབས་པའི་རྨི་ལྟས་ཡང་མང་དུ་བྱུང་བས། ཁྱེད་ཁྲིད་ཕྲུག་རྣམས་ལ་ཡང་ཕན་ཐོགས་པའི་རྟེན་འབྲེལ་བཟང་པོ་ཡོད་དོ།། ༼༡༨༽ དེང་སང་མཆོག་དམན་སྐྱ་སེར་ཕལ་ཆེར་རྣམས། །ཕྱག་རྫོགས་ལམ་འབྲས་ཆོས་དྲུག་སྦྱོར་དྲུག་སོགས། །མིང་ཆེན་ཁྲིད་རིམ་མང་དུ་ཐོབ་པ་དང་། །གསར་རྙིང་དབང་ལུང་རྒྱ་མཚོ་ཙམ་ཐོབ་ཅིང་། །ཁྲིད་གཅིག་ལོ་གསུམ་བར་དུ་མི་རྫོགས་པའི། །ཁྲིད་ཆེན་ལན་གྲངས་དུ་མར་ཐོབ་རྣམས་ཀྱང་། །དེ་དག་ཐོབ་པའི་ཕན་ཡོན་ཙམ་ཞིག་ལས། །དམིགས་པའི་རྐང་གྲངས་ཙམ་ཡང་ཡིད་ལ་མེད། །ཉམས་ལེན་ཐུགས་རྗེ་ཆེན་པོའི་སྒོམ་བཟླས་དང་། །སེམས་ངོ་སྐྱོངས་པ་ཁོ་ནའི་སྟེང་དུ་འབབ། །ཐུགས་རྗེ་ཆེན་པོའི་དམར་ཁྲིད་རིགས་མང་ཡང་། །རྩ་ཚིག་ཙམ་ལས་རྒྱས་པར་བཤད་པ་མེད། །དེ་ཕྱིར་ཐུགས་རྗེ་ཆེན་པོའི་དམར་ཁྲིད་ལ། །ཁོག་ཕུབ་ཕྱག་རྫོགས་ཟུང་འཇུག་ཁྲིད་ཆེན་འདི། །ཁྲིད་དང་ཉམས་ལེན་ཐ་དད་མ་ཡིན་

[Full Size]

པར། །ཁྲིད་དོན་ཉམས་སུ་ལེན་པས་ཀུན་ལ་ཕན། །དེ་ཕྱིར་མཁས་འདོད་རང་འདོད་མ་ཡིན་ཏེ། །རང་གིས་སློབ་བུ་དམ་ཚིག་གཙང་བ་དང་། །ཐུགས་རྗེ་ཆེན་པོ་ཡི་དམ་ལྷར་བཟུང་ནས། །ཕྱག་རྫོགས་ཉམས་རྟོགས་ལེགས་པོ་ཡོད་པའི་ཕྱིར། །གཞན་ལ་བཤད་ཀྱང་རུང་བ་མ་མཆིས་ཀྱང་། །ཤེས་རབ་ཆུང་ཞིང་སློབ་གཉེར་མ་བྱས་པས། །བཤད་རྒྱུའི་ཚིག་གི་ལུང་འདྲེན་དཀོན་པར་མཆིས། །ལུང་འདྲེན་ཤེས་ཀྱང་སྐབས་སུ་གང་བབ་དང་། །ཆོས་ཐུན་མང་ཉུང་ཚོད་ཀྱང་ཟིན་དཀའ་བས། །གབ་སྦས་མེད་པར་བཀླག་པས་ཆོག་པ་འདི། །མཁས་བཙུན་མཐོན་པོ་སུས་ཀྱང་མི་གསན་ཏེ། །སྤྲང་པོ་བྱ་བྲལ་རྒན་འཁོག་མང་པོ་ལ། །གཏན་བདེའི་འདུན་མ་འགྲུབ་པར་འགྱུར་བསམ་བྲིས། །དེ་ལྟར་དམར་ཁྲིད་ཆོས་ཐུན་བཅོ་བརྒྱད་ཀྱི། །དོན་བསྡུས་རྩ་བ་གོ་བདེར་བཀོད་པ་འདི། །རིག་འཛིན་ཆེན་པོ་ཀརྨ་འདུལ་བ་ཡི། །གསུང་གིས་བསྐུལ་ཕྱིར་ལེགས་པར་བསྡུས་པ་ཡིན། །འདི་ལ་འགལ་འཁྲུལ་ཉེས་པ་མཆིས་ན་བཤགས། །དགེ་བས་འདི་ལ་འབྲེལ་བ་ཐོགས་ཚད་ཀུན། །ཚེ་འདིར་ཐུགས་རྗེ་ཆེན་པོ་འགྲུབ་གྱུར་ནས། །ཕྱི་མ་བདེ་ཆེན་ཞིང་ཁམས་བགྲོད་ནས་ཀྱང་། །ལུས་རྟེན་དེ་ལ་ས་བཅུ་ཐོབ་གྱུར་ཏེ། །སྤྲུལ་པས་ཕྱོགས་བཅུར་འགྲོ་བ་འདྲེན་པར་ཤོག །སརྦ་མངྒ་ལཾ། ཞལ་གྲོ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཕྱག་རྫོགས་ཟུང་འཇུག་ཐུགས་རྗེ་ཆེན་པོའི་དམར་ཁྲིད་ཀྱི་རྒྱབ་ཆོས་རྒན་མོ་མཛུབ་ཚུགས།

[Full Size]

ཕྱག་རྫོགས་ཟུང་འཇུག་ཐུགས་རྗེ་ཆེན་པོའི་དམར་ཁྲིད་ཀྱི་རྒྱབ་ཆོས་རྒན་མོ་མཛུབ་ཚུགས་ཞེས་བྱ་བ་བཞུགས་སོ།།

[Full Size]

ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ་འདིའི་རྒྱབ་ཆོས་ནི། སྔོན་དུ་སྐྱབས་འགྲོ་སེམས་བསྐྱེད་བཤད་ནས་དོན་གོ་བར་བྱས་ཏེ། དེ་ནས་སྡོམ་པ་ཞུས་པས་ཚད་ལྡན་སྐྱེ་བ་ཡིན་ལ། ལས་རྒྱུ་འབྲས་འདི་ལག་ཏུ་ལོན་དཀའ་བ་རྗེས་ནས་ནན་ཏན་དུ་བཤད་པ་དང་། གནས་འགྱུ་སྲུང་ཤེས་པ་དེ་ཐེ་ཚོམ་སྐྱེས་ནས་སྐྱུར་དོགས་ཡོད་པས་ངོ་སྤྲོད་ལ་ནན་ཏན་དང་། དེ་ཀ་སྐྱེད་འཕེལ་འབྱུང་བའི་ཕྱིར་བོགས་འདོན་དང་། གོ་བ་སྐྱེ་ཕྱིར་གཞི་ལམ་འབྲས་གསུམ་དང་། ཉམས་ལེན་བདེ་ཕྱིར་བསྡུ་དོན་རྣམས་ཡིན། དང་པོ་སྐྱབས་

[Full Size]

སེམས་ཀྱི་སྡོམ་པ་ནི། སྐྱ་སེར་ཀུན་ལ་རུང་སྟེ། གཡས་ཕྱོགས་སུ་སངས་རྒྱས་ཀྱི་སྐུ་གཟུགས། དེའི་མདུན་དུ་མཆོད་པ་སྣ་བདུན་མཎྜལ་སོགས་བཤམས། རྒྱབ་ཆོས་འདི་ལ་ད་རེས་ཐེག་པ་ཆེན་པོའི་སྐྱབས་སྡོམ་ཡིན། མདུན་གྱི་ནམ་མཁར་རིན་པོ་ཆེའི་ཁྲི་པདྨ་དང་ཟླ་བའི་དབུས་སུ་འོད་དཔག་མེད་ལོངས་སྤྱོད་རྫོགས་པའི་སྐུའི་ཆ་ལུགས་སུ་བཞུགས་པ། ཕྱོགས་བཅུ་ན་བཞུགས་པའི་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་ཐམས་ཅད་སྤྲིན་ལྟར་གཏིབས་པ་ལྟར་བཞུགས་པའི་མོས་པ་མཛོད། ཆུ་ཟླ་བཞིན་དུ་གར་དམིགས་དེར་སྣང་བ་ཞེས་གསུངས།

[Full Size]

ཐེག་པ་ཆེན་པོའི་སྐྱབས་སྡོམ་ཞུ་བསམ་པའི་འདུན་པ་རྩེ་གཅིག་པས་འདི་ཡི་རྗེས་ཟློས་ལན་གསུམ་གྱིས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། སློབ་དཔོན་བདག་ལ་དགོངས་སུ་གསོལ། བདག་དུས་འདི་ནས་བཟུང་སྟེ། སྙིང་པོ་བྱང་ཆུབ་ལ་མཆིས་ཀྱི་བར་དུ། རྐང་གཉིས་རྣམས་ཀྱི་མཆོག་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །ཆགས་པ་དང་བྲལ་བ་རྣམས་ཀྱི་མཆོག །དམ་པའི་ཆོས་རྣམས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག །འཕགས་པ་ཕྱིར་མི་ལྡོག་པའི་དགེ་འདུན་རྣམས་ལ་སྐྱབས་སུ་མཆིའོ། །ལན་གསུམ། ལེགས་སོ་ཟློས། སློབ་དཔོན་གྱིས་ཐབས་ཡིན་ནོ་བརྗོད། དེས་ཐེག་པ་ཆེན་པོའི་སྐྱབས་སྡོམ་ཐོབ་པ་ཡིན་ནོ། །དེ་ནས་ཐེག་པ་ཆེན་པོའི་སེམས་བསྐྱེད་ཞུ་བ་ལ། སྨོན་འཇུག་སྟབས་གཅིག་ཏུ་ལེན་པའི་ཆོ་ག །འཇམ་དབྱངས་ནས་ཀླུ་སྒྲུབ་ལ་བརྒྱུད་པ། སུ་ལ་ཡང་སྐྱེ་བ་ཡིན་པས། ད་རེས་དེའི་ལུགས་ཡིན། དེ་ལ་སེམས་བསྐྱེད་པའི་རྟེན་ཚོགས་བསགས་དགོས་ཏེ། ད་འདིའི་རྗེས་ཟློས་ལན་གསུམ་མཛོད། ཕྱག་འཚལ་བ་དང་མཆོད་ཅིང་བཤགས་

[Full Size]

པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཆེན་པོར་བསྔོ། །དངོས་གཞི་ནི། བྱང་ཆུབ་ཏུ་སེམས་བསྐྱེད་སྙམ་པའི་རྗེས་ཟློས་ལན་གསུམ་མཛོད། ཕྱོགས་བཅུ་ན་བཞུགས་པའི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། སློབ་དཔོན་བདག་ལ་དགོངས་སུ་གསོལ། བདག་དུས་དེང་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ། སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་འི་བསླེབ་པ་ལ། །དེ་དག་རིམ་བཞིན་བསླབ་པ་ལྟར། །དེ་བཞིན་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལའང་། །རིམ་པ་བཞིན་དུ་བསླབ་པར་བགྱི། །ལན་གསུམ། ལེགས་སོ་ཟློས། བདག་དགའ་བ་སྒོམ་པའི་རྗེས་ཟློས་མཛོད། དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་།

[Full Size]

པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །སྨོན་པའི་བསླབ་བྱ་བསྡུས་པ་ནི། །སེམས་ཅན་གྱི་དོན་དུ་སངས་རྒྱས་ཐོབ་པར་བྱ་བསམ་པར་གྱིས་ལ་རྗེས་ཟློས་མཛོད། ད་ནི་བདག་གིས་ཅི་ནས་ཀྱང་། །རིགས་དང་མཐུན་པའི་ལས་བརྩམས་ཏེ། །སྐྱོན་མེད་བཙུན་པའི་རིགས་འདི་ལ། །རྟོགས་པར་མི་འགྱུར་དེ་ལྟར་བྱ། །གཞན་ལ་དགའ་བ་བསྒོམ་པ་ནི། བདག་གིས་དེ་རིང་སྐྱོབ་པ་ཐམས་ཅད་ཀྱིས། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱི། །ལྷ་དང་ལྷ་མིན་ལ་སོགས་དགའ་བར་གྱིས། །ད་སྨོན་ལམ་འདེབས་པ་འདི་ཡི་རྗེས་ཟློས་མཛོད། བྱང་ཆུབ་སེམས་ནི་རིན་པོ་ཆེ། །མ་སྐྱེས་པ་རྣམས་སྐྱེས་གྱུར་ཅིག །སྐྱེས་པ་ཉམས་པ་མེད་པ་དང་། །གོང་ནས་གོང་དུ་འཕེལ་བར་ཤོག །བྱང་ཆུབ་སེམས་དང་མི་འབྲལ་ཞིང་། །བྱང་ཆུབ་སྤྱོད་ལ་གཞོལ་བ་དང་། །སངས་རྒྱས་རྣམས་ཀྱིས་ཡོངས་བཟུང་ཞིང་། །བདུད་ཀྱི་ལས་ཀྱང་སྤོངས་བར་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་

[Full Size]

ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག །སེམས་ཅན་ཐམས་ཅད་བདེ་དང་ལྡན་གྱུར་ཅིག །ངན་འགྲོ་ཐམས་ཅད་རྟག་ཏུ་སྟོངས་པར་ཤོག་བྱང་ཆུབ་སེམས་དཔའ་གང་དག་སར་བཞུགས་པ། །དེ་དག་ཀུན་གྱི་སྨོན་ལམ་འགྲུབ་པར་ཤོག །འོ་དེས་བྱང་ཆུབ་སེམས་བསྐྱེད་ཀྱི་སྡོམ་པ་ཐོབ་པ་ཡིན་པས། ཕན་ཡོན་དུ་མ་ཞིག་ནམ་མཁའ་དང་མཉམ་པར་རབ་ཏུ་འབྱུང་། །ཞེས་གསུངས་སོ། །འདི་ཡི་བསླབ་བྱ་མདོར་བསྡུས་པ། དགེ་བའི་བྱ་བ་ཆེ་ཆུང་གང་བྱེད་ཀྱང་། རང་གི་དོན་ཁོ་ན་མ་ཡིན་པར། སེམས་ཅན་ཐམས་ཅད་ཀྱི་དོན་དུ་དམིགས་པ་དང་། རྗེས་ནས་ཀྱང་སེམས་ཅན་གྱི་དོན་བྱ་བའི་ཕྱིར། རང་ཉིད་མངོན་པར་རྫོགས་པར་སངས་རྒྱས་པར་བྱ་བསམ་པ་བྱས་ལ་བསྔོ་བ་སོགས་བྱ།། ༼༡༩༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། ལས་རྒྱུ་འབྲས་གཏམ་རྒྱུད་མདོ་སྡེ་ལས་རྣམ་འབྱེད་ཀྱི་དོན་བསྡུས་ཏེ་བཤད་ན། བཤས་མང་དུ་བྱས་པ་ནི། རང་ཚང་མའི་སྒོ་ནོར་དུ་སྐྱེས་ནས་ལན་མང་དུ་བཤའ་བར་འགྱུར་རོ། །སྟོན་པ་ཤཱཀྱ་ཐུབ་པས། དཀོན་མཆོག་གསུམ་དང་ཕ་།

[Full Size]

མ་མཁན་སློབ་ལ་བཀུར་སྟི་གལ་ཆེ་བར་གསུངས་ཏེ། ང་ལ་ཅི་ལྟར་བྱས་པ་དང་། ཕ་མ་དང་མཁན་པོ་དང་སློབ་དཔོན་ལ་ཅི་བྱས་པ། དེ་དག་ནི་བྱེ་བྲག་མེད་ཅིང་མཚུངས་ཏེ་ཚེ་འདི་དང་ཕྱི་མ་ལ་རྣམ་པར་སྨིན་པ་མི་མཉམ་པ་མེད་དོ། །ཞེས་བཅོམ་ལྡན་འདས་ཀྱིས་གསུངས་སོ། །ཁྱིམ་བདག་དབུལ་པོ་ཞིག་ཁྱིམ་ལ་སེམས་ཆགས་ཤིང་ཤི་ནས། ཁྱིམ་དེ་ལ་གླང་རྒལ་པ་ཅན་གཅིག་ཡོད་པའི་བུར་སྐྱེས་ཏེ། སྐྱེས་མ་ཐག་བྱ་རོག་གིས་ཟོས། དེ་ལྟར་ལན་བདུན་དེར་སྐྱེས་ཤིང་ཟོས་སོ། །སངས་རྒྱས་འོད་སྲུང་གི་ཚེ་དགེ་སློང་དགྲ་བཅོམ་པ་རྒན་པོ་སྐད་མི་སྙན་པ་ཞིག་དང་། གཞོན་ནུ་སྐད་སྙན་པ་གཉིས་འདོན་པ་དབྱངས་བྱེད་པ་དང་། གཞོན་པས་ཁྱེད་ཀྱིས་དབྱངས་ནི་ཁྱི་ཟུག་པ་དང་འདྲ་དོ་སྨྲས་པས། བཤགས་པོ་བྱས་ཀྱང་སྐྱེ་བ་ལྔ་བརྒྱ་ལ་ཁྱིར་སྐྱེས་ཏེ། མདོ་སྡེ་མཛངས་བླུན་ནས་གསུངས་པའི་དོན་བསྡུས་ཏེ་བཤད་ན། སྔོན་སངས་རྒྱས་འོད་སྲུང་གི་བསྟན་པའི་མཇུག་ཏུ། བྲམ་ཟེ་གཉིས་བསྙེན་གནས་བསྲུང་བ་ལ། གཅིག་གིས་རྒྱལ་པོར་སྐྱེ་བའི་སྨོན་ལམ་བཏབ་པས་རྒྱལ་པོར་སྐྱེས། གཅིག་གིས་ལྷར་སྐྱེ་བའི་སྨོན་ལམ་བཏབ་ཀྱང་དེ་ནུབ་ཆུང་མས་དགོང་མི་

[Full Size]

ཟ་ཁ་མེད་བྱས་ནས་ཟོས་པས་ཀླུར་སྐྱེས། རྒྱལ་པོ་ཚངས་སྦྱིན་ཁྲོས་ཏེ་བཙོན་དུ་བཟུང་ནས་བསད་པར་ཤོམ་པ་བློན་པོས་རྒྱལ་པོ་ལ་ཞུས་ནས་མ་བསད་དེ་གཡོག་བྱེད་བཅུག །དེ་ལྟར་སྲོག་སྐྱབས་བྱས་པ་བློན་པོ་དེ་གར་སྐྱེས་ཀྱང་ཚེ་ལ་བར་ཆད་ཀྱིས་མི་ཚུགས་པར་དགྲ་བཅོམ་ཐོབ་བོ། །ཡང་སྔོན་སངས་རྒྱས་གསེར་ཐུབ་ཀྱི་བསྟན་པ་ལ། མི་དབུལ་པོ་ཞིག་གིས་དགེ་འདུན་ལ་དད་པས་ཕྱགས་དར་བྱས། སྤང་ནས་མེ་ཏོག་བཏུས་ཏེ་གཏོར་ནས་སྨོན་ལམ་བཏབ་པས། བསྐལ་པ་དགུ་བཅུ་རྩ་གཅིག་ཏུ་གར་སྐྱེས་ཀྱང་གཟུགས་བཟང་ཞིང་མཛེས་པ། བཟའ་བཏུང་ཁྲི་སྟན་ཕུན་སུམ་ཚོགས་པར་གྱུར་ཏེ་དགྲ་བཅོམ་ཐོབ་བོ། །ཡང་སྔོན་སངས་རྒྱས་གསེར་ཐུབ་ཀྱི་བསྟན་པ་ལ། མི་དབུལ་པོ་ཞིག་གིས་ཡིད་རང་ཞིང་རྡེའུ་དཀར་རྒྱུ་ལས་བྱས་པའི་ནོར་བུ་སྤར་གང་དགེ་འདུན་ལ་གཏོར་ཞིང་སྨོན་ལམ་བཏབ་པས་བསྐལ་པ་དགུ་བཅུ་རྩ་གཅིག་ཏུ་ནོར་བུ་དང་ཟས་གོས་དང་ལོངས་སྤྱོད་ལྷུན་གྱིས་གྲུབ་པར་གྱུར་ཏེ་དགྲ་བཅོམ་པ་ཐོབ་བོ། །རྒན་མོ་གཅིག་ཟས་གོས་ནི་མེད། རྒས་དྲགས་ཀྱང་ལས་ཀ་ནི་དགོས། འཆི་རྒྱུ་མེད་པ་སྙམ་ནས་ཆུ་ལེན་ས་ན་ངུ་འབོད་བྱེད་

[Full Size]

ཅིང་ཡོད་ཛ། དེར་འཕགས་པ་ཀ་ཏ་ཡ་ན་བྱོན་ནས་ཆུ་ལྷུང་བཟེད་གང་ཕུལ་གསུངས་ནས་ཕུལ། དེ་ལ་བསྔོ་བ་ཤོ་ལོ་ཀ་གཅིག་མཛད་པས་ལྷའི་བུ་མོར་སྐྱེས་སོ། །སྔོན་སངས་རྒྱས་འོད་སྲུང་འདས་ནས་མཆོད་རྟེན་བརྩེགས། ཕྱིས་དེ་རྣམས་ཞིག །དགེ་སློང་ཞིག་ཡོད་པས་ཞིག་སོས་སྔར་བཞིན་བྱས་ནས་སྨོན་ལམ་བཏབ་པས། ཕྱིས་ཡུལ་དེར་སའི་རྒྱལ་པོ་ཀ་པི་ན་ཆེན་པོར་སྐྱེས་ཏེ། ཡོ་བྱད་བཏང་བ་ནི་དེ་འཁོར་རྒྱལ་ཕྲན་ཁྲི་བརྒྱད་སྟོང་དུ་སྐྱེས་ནས་ཤིན་ཏུ་སྟོབས་ཆེ། རྒྱལ་པོ་དེ་རབ་ཏུ་བྱུང་ནས་དགྲ་བཅོམ་པ་ཐོབ་བོ། །སྔོན་དགེ་སློང་ལྔ་བརྒྱ་དབེན་པ་བསྟེན་པ་ནི། དགེ་སློང་གཅིག་གིས་བསོད་སྙོམས་བྱས་ཏེ་འཚོ་བ་སྦྱར་བས། བསོད་སྙོམས་པ་དེས་བསྐལ་པ་དྲུག་ཅུ་རྩ་གཅིག་ཏུ་ལྷ་དང་མིའི་ལོངས་སྤྱོད་ཆེན་པོར་གྱུར། ཕྱིས་བཅོམ་ལྡན་འདས་ལ་རབ་ཏུ་བྱུང་ནས་དགྲ་བཅོམ་ཐོབ་བོ། །མཉན་ཡོད་ན་བུད་མེད་བསྙེན་དགའ་མོ་ཞེས་བྱ་བ་དབུལ་ཞིང་འཕང་པ་ཞིག་སྤྲང་སྤྲང་བས་མར་ཅུང་ཟད་རྙེད་པ་བཅོམ་ལྡན་འདས་ལ་མར་མེ་ཆུང་ངུ་གཅིག་བྱས་ཏེ་ཕུལ་བ་མར་མེ་འཛིན་ནས་ཕྱིར་ནངས་མ་དམའ། སངས་རྒྱས་མར་མེའི་འོད་དུ་ལུང་བསྟན་ནོ། །དགེ་སློང་

[Full Size]

སར་པས་དགེ་སློང་གཅིག་ཡུར་བ་ལ་མཆོང་བ་ལ། མཆོང་རྐྱེན་སྤྲེའུར་དང་འདྲ་དོ་སྨྲས་པ་ལ། བཤགས་པ་བྱས་ཀྱང་སྐྱེ་བ་ལྔ་བརྒྱར་སྤྲེའུ་སྐྱེས་ཏེ། ངག་འཁྱལ་བསྲུང་བ་གལ་ཆེ་གསུངས་སོ། །ཡང་བཅོམ་ལྡན་འདས་ཀྱིས་ཆོས་གསུངས་པའི་ཚེ་ནམ་མཁའ་ལ་ངང་པ་ལྔ་བརྒྱ་འཕུར་བས་ཐོས་ནས་ཡིད་དགའ་སྟེ་འབབ་འདོད་པ་ལ་རྔོན་པས་རྒྱ་བྲེས་ཏེ་ཟིན་ནས་བསད་མ་ཐག་སུམ་ཅུ་རྩ་གསུམ་པའི་ལྷར་སྐྱེས། སེང་གེ་ཡི་དམ་བརྟེན་གྱིས་རྔོན་པ་ངུར་སྨྲིག་ཅན་ལ་གུས་པར་བྱས་པས་བསྐལ་པ་ཁྲི་ཕྲག་བཅུའི་བར་དུ་འཁོར་ལོས་སྒྱུར་རྒྱལ་དུ་གྱུར་ནས་མཐར་སངས་རྒྱས་སོ།། ༼༢༠༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། སྔོན་འགྲོ་ལ་ལས་རྒྱུ་འབྲས་ཆེ་ལོང་ཙམ་ཞིག་བཤད་མོད་ཀྱང་གོ་དཀའ་སྟེ། རོ་གཅིག་དུ་མར་ཤར་བའི་རྟོགས་པ་མ་འཁྲུངས་ཀྱི་བར་དུ། རྒྱུ་འབྲས་ཕྲ་ཞིབ་མི་ཕྱེད་པས། སྐྱེ་ཤི་འཁོར་བའི་ལེའུ་ལས། །ཁམས་གསུམ་གང་ན་སྐྱེས་སོ་ཅོག །སྐྱེས་སོ་ཅོག་ཀྱང་ལས་ཀྱི་དབང་། །ལས་སོ་ཅོག་ཀྱང་སྔོན་བྱས་དོན། །ཤིའོ་ཅོག་ཀྱང་ལས་ཀྱི་དབང་། །སྐྱེ་ཤི་ཆོས་ཀྱི་དུས་

[Full Size]

བབ་ན། །གནམ་ས་རིམ་པའི་ལྷ་རྣམས་ལྟུང་། །འཕྲུལ་ཆེན་མཐུ་མང་འདུག་དབང་མེད། །ཅེས་གསུངས་སོ། །མདོ་སྡེ་ལས་རྣམ་འབྱེད་ལས། དེ་ལ་ངེས་པར་སྐྱེ་བར་འགྱུར་བའི་ལས་གང་ཞེ་ན། དགེ་བའི་ལས་གང་ཡིན་བྱས་ནས་འདིས་ནི་བདག་འདི་ལྟ་བུ་གཅིག་ཏུ་སྐྱེ་བར་གྱུར་ཅིག །ཅེས་ངེས་པར་བསྔོ་བ་དང་། མཚམས་མེད་པ་ལྔ་བྱས་པ་འདི་ནི་སྐྱེ་བར་འགྱུར་བའོ། །ཡང་དགེ་བའི་རྩ་བ་བསགས་ཀྱང་། ནམ་ཞིག་སྨིན་ནི་སྨིན་གྱི། སྨོན་ལམ་མ་བཏབ་ན་ཅི་ལྟར་སྨིན་ངེས་པ་མེད་དེ། ལས་རྣམ་འབྱེད་ལས། དེ་ལ་སྐྱེ་བར་འགྱུར་བ་མ་ངེས་པའི་ལས་གང་ཞེ་ན། དགེ་བའི་ལས་གང་བྱས་ནས་ཅིར་ཡོངས་སུ་མི་བསྔོ་བའོ། །དགེ་སྡིག་གང་ཡང་ལས་ཚབས་ཆེན་སྤྱད་ན། དགོངས་གཅིག་རྡོ་རྗེའི་གསུངས་ལས། ད་ལྟའི་ལས་འབྲས་ད་ལྟ་སྨིན་པ་ཡང་ཡོད་གསུངས། ལས་གང་ཡང་ཡུལ་འདིར་མི་སྨིན་པར་ཡུལ་གཞན་དུ་སོང་ན་སྨིན་པའང་ཡོད་དེ། སྡིག་པ་བྱས་ནས། དེ་ལ་འགྱོད་བཤགས་ཕྱིན་ཆད་མི་བྱེད་པར་བསྡོམ་ན། ལས་བྱས་ནས་མ་བསགས་པའོ། །དགེ་སྡིག་གང་ཡང་སེམས་ཀྱིས་ཚང་བར་བྱས་ཤིང་། ལུས་

[Full Size]

ཀྱིས་ནི་མ་བྱས། ངག་གིས་ནི་མི་བྱའོ་སྨྲས་ན། བསགས་ལ་མ་བྱས་པའོ། །སྡིག་པ་མི་འཛེམ་འགྱོད་པ་མེད་པས་མི་བཤགས། །འཕྲོ་མི་གཅོད་ན་ལས་བྱས་ལ་བསགས་པའོ། །དགེ་སྡིག་མ་བྱས་པ་ནི། མབྱས་མ་བསགས་པའོ། །དམྱལ་བར་སྐྱེ་བའི་ལས་བྱས་ལ། མི་བཤགས་མི་འགྱོད་སྡོམ་པར་མི་བྱེད་པ་ནི། དམྱལ་བར་སྐྱེས་ནས་ཚེ་ཚད་མ་རྫོགས་ཀྱི་བར་དུ་མི་ཐར། ཅུང་ཟད་འཛེམ་པ་དང་བཤགས་པ་དང་བསྡོམས་པར་བྱས་ན། ཚེ་ཚད་ཕྱེད་རྫོགས་ནས་ཐར་རོ།། །ཤིན་ཏུ་འགྱོད་ནས་བཤགས་པ་ཆེན་པོ་དང་། ཕྱིན་ཆད་རབ་ཏུ་བསྡོམས་ན། དམྱལ་བར་སྐྱེས་མ་ཐག་ནས་ཐར་རོ། །སྦྱིན་པ་ལ་སེམས་དགའ་ཞིང་སྦྱིན་པ་དང་འབུལ་བ་སོགས་བྱས་ནས། རྗེས་ནས་སེར་སྣ་སྐྱེས་ཏེ་འགྱོད་པ་སྐྱེས་ན། ཕྱུག་པོ་ལོངས་སྤྱོད་ཅན་གྱི་བུར་སྐྱེས་ཏེ་ཚེ་སྟོད་བདེ་སྐྱིད་ལོངས་སྤྱོད་ཆེ་ཞིང་། ཚེ་སྨད་དབུལ་ཕོངས་སྡུག་བསྔལ་ཅན་དུ་འགྱུར། དང་པོ་མི་འདོད་ཅིང་། ཚར་ནས་སེམས་དགའ་ཞིང་འགྱོད་པ་མེད་ན། མི་དབུལ་པོའི་བུར་སྐྱེས་ཏེ། དཀའ་ལས་ཆེན་པོ་ཟོག་བཙལ་བས་རྙེད་དེ། དེ་འཕེལ་ཞིང་རྒྱས་ནས་ཚེ་སྨད་ཕྱུག །

[Full Size]

སྦྱིན་པ་དང་དབུལ་བ་སོགས་དང་པོ་ཡིད་དགའ་ཞིང་དད་པའི་སྒོ་ནས་བྱས། རྗེས་ནས་སེར་སྣའི་འགྱོད་པ་མ་ཤོར་ན། ཕྱུག་པོའི་བུར་སྐྱེ་སྟེ། ལོངས་སྤྱོད་འཕེལ་ཞིང་རྒྱས་ནས་མི་ཚེར་ཕྱུག །འབུལ་བ་དང་ནི་སྦྱིན་པ་གཅིག་ཀྱང་མ་བྱས་ལ། གདན་གཅིག་སོགས་སྡོམ་པ་ཅུང་ཟད་བསྲུང་ན། མི་དབུལ་པོའི་ཁྱིམ་དུ་སྐྱེས་ཏེ། མི་ཚེ་ལ་ལྟོགས་ཤིང་དབུལ་ནས་སྡུག་བསྔལ་བར་འགྱུར་རོ། །ཞིང་དག་པ་ལ་འབུལ་བ་དང་སྦྱིན་པ་ཆེན་པོ་བྱས་ན། ཕྱུག་པོར་གྱུར་ནས་སེར་སྣ་ཆུང་ཞིང་ཆོས་ཕྱོགས་ལ་གཏོང་ནུས་པ་འབྱུང་། འབུལ་བ་དང་སྦྱིན་པ་ཆུང་ངུ་བྱས་པས། ཕྱུག་པོར་གྱུར་ཀྱང་སེར་སྣ་ཆེ་བས། ཆོས་ཕྱོགས་སུ་གཏོང་མི་ནུས་པ་འབྱུང་། ཞིང་མ་དག་པ་ལ་འབུལ་བ་དང་སྦྱིན་པ་མང་དུ་བྱས་པས་ལོངས་སྤྱོད་ཆེན་པོ་མེད་པར་འགྱུར་ཞིང་ཅི་ཡོད་ཆོས་ལ་གཏོང་ནུས་ཏེ་ཟད་ཅིང་དབུལ་པོར་འགྱུར་རོ། །ཚོགས་ཆེན་པོ་བསགས་པའི་སོ་སོའི་སྐྱེ་བོ་ནི། རྒྱལ་པོ་ཆེན་པོར་སྐྱེས་ཏེ། དེའི་ལུས་ནི་བདེ་སྟེ། སེམས་ནི་མི་བདེ། བསོད་ནམས་མ་བསགས་པ་ལ་རྟོགས་པ་མཆོག་ཐོབ་པ། ལུས་མི་བདེ་བ་སེམས་བདེ་བ་ཡིན་ནོ། །སྔོན་ཚོགས་བསགས་ཤིང་ད་ལྟ་

[Full Size]

རྟོགས་པ་མཆོག་ཐོབ་པ་ནི། ལུས་སེམས་གཉིས་ཀ་བདེ་བ་དང་ལྡན་ནོ། །སྔོན་ཚོགས་ཀྱང་མ་བསགས་ད་ལྟར་རྟོགས་པ་ཡང་མི་ཐོབ་པ་ནི། ལུས་སེམས་གཉིས་ཀ་མི་བདེ་སྟེ། འགྲོ་བ་རིགས་དྲུག་གང་ཡང་འདྲ་སྟེ། ཤི་ནས་ཡང་དེར་སྐྱེ་དགོས་པ་ནི། ཚེ་ཟད་ཀྱང་ལས་མ་ཟད་པའོ། །དང་པོ་བདེ་སྐྱིད་ལྡན་པ་ལ་ཚེ་སྨད་ནས་སྡུག་བསྔལ་ཅན་དུ་གྱུར་པ་དང་། ཚེ་སྟོད་དབུལ་ཕོངས་སྡུག་བསྔལ་ཅན་ཡིན་པ་ལ། ཚེ་སྨད་བདེ་སྐྱིད་ལོངས་སྤྱོད་ཅན་དུ་གྱུར་པ་ནི། ལས་ཟད་ལ་ཚེ་ཟད་པའོ། །ཤི་ནས་དེར་མི་སྐྱེ་བར་རིགས་དྲུག་གཞན་ཞིག་ཏུ་སྐྱེ་བ་ནི། ཚེ་ཡང་ཟད་ལ་ལས་ཀྱང་ཟད་པའོ། །དགྲ་བཅོམ་པའམ། རང་སངས་རྒྱས་ཐོབ་པ་ནི། ཚེ་མ་ཟད་ལས་མ་ཟད་ཉོན་མོངས་པ་ཟད་པའོ། །ངན་སོང་གི་ལུས་སུ་སྐྱེས་ན་ཡང་། གཟུགས་མཛེས་ཤིང་ཡིད་དུ་འོང་བ་ནི། ཞེ་སྡང་གི་ཀུན་ནས་བསླང་ནས་ཚུལ་ཁྲིམས་བསྲུང་བའོ། །མདོག་ངན་ཞིང་གཟུགས་མི་སྡུག་པ་ནི། ཞེ་སྡང་གིས་ཀུན་ནས་བསླང་ནས་ཚུལ་ཁྲིམས་འཆལ་པའི་ལས་འབྲས་སོ། །དུད་འགྲོ་སོགས་དྲི་མི་ཞིམ་དབང་པོ་མི་གསལ་བ་ནི། གཏི་མུག་གི་སྒོ་ནས་ཚུལ་

[Full Size]

ཁྲིམས་འཆལ་པའི་ལས་འབྲས་སོ། །གཞན་ལ་གནོད་པའི་བསམས་པས། དགེ་བ་བྱས་པ་ནི་དགེ་བའི་ལས་ལ་འབྲས་བུས་སྡུག་བསྔལ་འབྱུང་བའི་ལས་སོ། །བྱང་ཆུབ་སེམས་ཀྱིས་ཀུན་ནས་བསླང་ནས། རྩ་བ་བཞི་སོགས་མི་དགེ་བ་བྱེད་པ་ནི། སྡིག་པའི་ལས་ལ་འབྲས་བུ་བདེ་བ་འབྱུང་སྟེ། དཔེར་ན་གསང་སྔགས་ཀྱི་སྦྱོར་སྒྲོལ་སོགས་ཀྱང་འདི་ལ་དགོངས་པའོ། །སྡིག་པའི་སེམས་ཀྱིས་སྡིག་པའི་ལས་ལ་འབྲས་བུ་སྡུག་བསྔལ་འབྱུང་བ་ཉིད་དོ། །བསམ་པ་བྱང་ཆུབ་སེམས་ཀྱི་དགེ་བ་བསྒྲུབ་པ་ནི། དགེ་བའི་ལས་ཀྱི་འབྲས་བུས་བདེ་བ་འབྱུང་སྟེ། ཀུན་བསླང་མུ་བཞི། བསམ་པ་དགེ་བས་སྦྱོར་བ་སྡིག་པ་སྤྱད་ན། མཐོ་རིས་སུ་སྐྱེས་ཀྱང་དབུལ་ཕོངས་དང་། དཀའ་ལས་སྐྱིད་སྡུག་དང་། ན་ཚ་སོགས་སྡུག་བསྔལ་མྱོང་། བསམ་པ་སྡིག་པའི་ལས་ཀྱིས་སྦྱོར་བ་དགེ་བ་བྱས་ན། ངན་སོང་དུ་སྐྱེས་ཀྱང་ལོངས་སྤྱོད་དང་ལྡན་པ་སྟེ། ཀླུའི་རྒྱལ་པོ་ལྟ་བུའོ། །སྡིག་པའི་བསམ་པས་སྡིག་པ་བསགས་ན། ངན་སོང་དུ་སྐྱེས་ནས་སྡུག་བསྔལ་ཚབས་ཆེན་མྱོང་སྟེ། བསམ་པ་དགེ་བས་སྦྱོར་བ་དགེ་བ་སྤྱད་ན། མཐོ་རིས་སུ་སྐྱེས་ནས་བདེ་སྐྱིད་ཕུན་སུམ་ཚོགས།

[Full Size]

ཞིང་དག་པ་ལ་བསམ་པ་ངན་པས། གནོད་པའི་མི་དགེ་བ་ཆུང་ངུ་བྱས་ཀྱང་། འབྲས་བུ་སྡུག་བསྔལ་རྒྱ་ཆེན་པོ་མྱོང་དགོས། ཞིང་དག་པ་ལ་བསམ་པ་དད་གུས་ཀྱིས་བཀུར་སྟི་སོགས་དགེ་བ་ཅུང་ཟད་བྱས་པས། འབྲས་བུ་བདེ་སྐྱིད་རྒྱ་ཆེན་པོ་འབྱུང་། སྡིག་པའི་ལས་ལ་འགྱོད་པ་དང་བཤགས་པ་དྲག་པོས་དེ་རྩ་བ་ནས་དག་ཐུབ་ན་མ་གཏོགས། དུས་ནམ་ཞིག་བསླུ་བ་མེད་པར་ངེས་པར་རང་གིས་མྱོང་དགོས་ཏེ། འདུལ་བ་ལུང་ལས། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་ཞིང་ཚོགས་དང་དུས། །རྙེད་ནས་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །ཅེས་གསུངས། སྡིག་པ་བྱས་ནས་བཤགས་པ་མ་བྱས་ན། ཞག་རེ་སོང་ཞིང་སྐྱེད་རེ་འགྱུར་བས། སྡིག་པ་ཆུང་ཡང་ཆེན་པོར་འགྱུར། བཤགས་པ་བྱས་ན་རྩ་བ་ནས་མ་དག་ཀྱང་སྐྱེད་དེ་མི་འགྲོ། སྔོན་ལ་གང་སྨིན་ཞེ་ན། སྟོབས་གང་ཆེ་བ་དེ་སྔོན་ལ་སྨིན། དགེ་སྟོབས་སྡིག་སྟོབས་གཉིས་མཉམ་ན། གོམས་པའི་གཤིས་གང་ཆེ་བ་སྔོན་ལ་སྨིན། དེ་ཡང་མཉམ་ན་འཆི་ཁའི་སེམས་ལ་གང་གསལ་བ་དེ་སྔོན་ལ་སྨིན་ཏེ། སྡིག་པ་བྱས་པ་

[Full Size]

རྣམས་བདེ་སྐྱིད་ལྡན་པ་ནི། ཚེ་སྔ་མ། དགེ་བ་བྱས་པའི་འབྲས་བུ་ཚེ་འདིར་སྨིན་ནས། བསོད་ནམས་ཐམས་ཅད་ཚེ་འདིར་རྫོགས་ཏེ། ཕྱི་མ་ཐར་མེད་པའི་གནས་སུ་འགྲོ། །དེ་ལ་ཚེ་འདི་ཝ་ཟེར། ཡང་ཆོས་དང་དགེ་བ་བྱས་པས་ཚེ་འདིར་སྡུག་བསྔལ་འབྱུང་བ་ནི། སྐྱེ་བ་སྔ་མ་སྡིག་པ་བྱས་པའི་འབྲས་བུ་ཚེ་འདིར་མྱོང་བ་ཡིན་ལ། ཚེ་འདིར་དགེ་བ་དང་ཆོས་བྱས་པའི་འབྲས་བུ་མ་འོངས་པའི་ཚེ་རབས་རྣམས་སུ་བདེ་སྐྱིད་རྒྱ་ཆེན་པོ་ཐོབ་པར་འགྱུར། ཆོས་བསྒྲུབ་པའི་ཉམས་ལེན་རྩེ་གཅིག་བྱས་པའམ། དགེ་བའི་རྩ་བ་རླབས་པོ་ཆེ་བསྒྲུབས་པས། ཚེ་རབས་སྐྱེ་བ་སྔ་མའི་ལས་ངན་སྡིག་སྒྲིབ་ཅི་ཡོད་བླངས་ནས། ཚེ་རབས་གཞན་དུ་ངན་སོང་གི་སྡུག་བསྔལ་རྒྱ་ཆེན་པོ་མྱོང་རྒྱུ་ཐམས་ཅད། ཚེ་འདིར་ནད་ཀྱིས་མནར་བ་ཙམ་གྱིས་བྱང་བར་གྱུར་ནས། ཚེ་ཕྱི་མ་ཕན་ཆད་བདེ་བ་ནས་བདེ་བའི་མཆོག་ཐོབ། མྱ་ངན་འདས་མདོ་ལས། དམ་པའི་ཆོས་འདོད་པའི་རིགས་ཀྱི་བུའམ་རིགས་ཀྱི་བུ་མོ་དེ་དག་ནི་སྡིག་པའི་ལས་གྲངས་མེད་པ་བྱས་པ་རྣམས། ཀླད་པ་ན་བ་དང་། རིམས་ཀྱིས་བཏབ་པ་དང་། ནད་དང་ཟུག་རྔུ་དང་། གཞན་གྱིས་སྐུར་པ་བཏབ་པ་ཙམ་གྱིས་

[Full Size]

བྱང་བར་འགྱུར་ལ་མྱུར་དུ་བླ་ན་མེད་པའི་བྱང་ཆུབ་ཀྱང་ཐོབ་པར་འགྱུར་རོ། །ཞེས་གསུངས་སོ། །ཨོ་རྒྱན་རིན་པོ་ཆེའི་ཞལ་ནས། གསང་སྔགས་ཀྱི་བསྒྲུབ་པ་ཟབ་མོ་རྣམས་བྱས་པས། ནད་དང་སྡུག་བསྔལ་སོགས་མི་ཤིས་པ་མང་པོ་བྱུང་བ་ནི། སྣོད་བཀྲུས་པས་དྲི་མ་ལྡང་བ་ལྟར། སྒྲིབ་པ་དག་པའི་ལས་སློང་ཡིན་ཚུལ་རྒྱ་ཆེར་གསུངས། ཡང་མི་ཚེར་ཆོས་དང་བསྒྲུབ་པ་རྩེ་གཅིག་བྱས། ཉམས་རྟོགས་བཟང་པོ་ཡོད་པའི་ས་གནས་ཀྱི་སེམས་དཔའ་ཆེན་པོ་རྣམས་ཀྱང་། འདས་ཁ་གནད་གཅོད་ཀྱི་སྡུག་བསྔལ་དྲག་པོ་ཡུན་རིང་དུ་སྦྱངས་པ་དང་། བཟོད་གླགས་མེད་པའི་ཟུག་ཟེར་དྲག་པོ་འབྱུང་བ་ནི། ལས་ཀྱི་སྒྲིབ་པའི་ལྷག་མ་ཅི་ཡོད་པ་ཐམས་ཅད་འཆི་ཁ་དེར་སྦྱངས་ནས། འཆི་བ་ཆོས་ཀྱི་སྐུར་སངས་རྒྱས་པའམ། དག་པའི་ཞིང་ཁམས་སུ་གཤེགས་པའི་སྔ་ལྟས་ཡིན། རྗེ་བཙུན་མི་ལ་ལ་གསོལ་བའི་ཟུག་གཟེར་དྲག་པོ་བྱུང་། རྗེ་ཕག་གྲུ་དང་། འབྲོམ་སྟོན་པ་སོགས་ལ་མཛེ་ནད་བྱུང་། དོན་དེ་འདྲ་ལ་དགོངས་ནས། རྗེ་དེ་བཞིན་གཤེགས་པས། ངན་སོང་གསུམ་སོགས་མི་ཟད་འཁོར་བ་ཡི། །མི་ཁོམ་འཇིག་རྟེན་རྣམས་སུ་སྐྱེ་

[Full Size]

འགྱུར་ལས། །གང་དེ་ཚེ་འདི་ཉིད་ལ་རབ་སྨིན་ནས། །ལན་གྲངས་གཞན་དུ་མྱོང་བར་མ་གྱུར་ཅིག །ཅེས་སྨོན་ལམ་འདེབས་པ་མཛད་ནས་འགྲུབ་པ་སྟེ། སྣེའུ་རྫོང་ནག་པས་དབུ་བསིལ་བ་ཡང་མཁྱེན་བཞིན་དུ་དེར་བྱོན་པ་ལྟ་བུའོ། །དེས་ན་ཆོས་པ་རྣམ་དག་ལ་འཆི་ཁའི་མཚམས་སྦྱོར་ངན་པ་བྱུང་ཡང་ངན་པའི་ངེས་པ་མེད་དེ། བྱང་ཆུབ་སེམས་དཔའ་མེ་ཏོག་ཟླ་མཛེས་ཉེས་མེད་དུ་བཀྲོངས་བས། ཀ་ལིང་ཀའི་རྒྱལ་པོས་ང་ཡི་ཡན་ལག་དང་ཉིང་ལག་བཅད་ཀྱང་། ཞེ་སྡང་གི་རྟོག་པ་མ་བྱུང་གསུངས་པ་ལྟ་བུའོ། །ཚེ་སྔ་མའི་ཡང་སྔ་མ་དགེ་བའམ་སྡིག་པ་ཚབས་ཆེན་ཞིག་བྱས་པ། ཚེ་འདི་ལ་ངེས་པར་སྨིན་དགོས་པ་ཅིག་ཡོད་ན། ཚེ་འདིར་ཚེ་རིང་བ་དང་ནད་མེད་པའི་སྔོན་གྱི་ལས་སྨིན་པ་དེ་ལ། མུ་སྟེགས་དང་བོན་གྱི་དྲང་སྲོང་དམོད་པ་གྲུབ་པ་སྟོང་གིས་བྲུབ་ཀྱང་གནོད་མི་ནུས། ལོངས་སྤྱོད་དང་མངའ་ཐང་ཆེ་བའི་ལས་སྨིན་པ་དེ་ལ། ཕྱོགས་བཞི་ནས་དགྲ་ལངས་ཀྱང་དེའི་མངའ་ཐང་འཕྲོག་པར་མི་ནུས། ཚེ་ཐུང་ནད་མང་བའི་ལས་སྨིན་པ་དེ་དྲང་སྲོང་བདེན་ཚིག་གྲུབ་པ་སྟོང་གིས་བསྲུང་བར་བྱས། འཚོ་མཛད་གཞོན་ནུ་སྨན་པ་བོས་ཀྱང་མི་ཕན། །

[Full Size]

ལོངས་སྤྱོད་དང་མངའ་ཐང་ཉམས་པའི་ལས་སྨིན་པ་དེ་ལ། ཟས་ནོར་ལོངས་སྤྱོད་ཐམས་ཅད་གྲམ་གསེང་དུ་ཆུ་བླུགས་པ་དང་འདྲ། སྙིང་དང་འདྲ་བའི་ཉེ་དུ་དང་། འཁོར་གཡོག་རྣམས་དགྲ་དང་བསྡོང་ནས་འོང་བ་ཡིན། དེ་ནི་དཀོན་མཆོག་གི་ཐུགས་རྗེས་ཡང་མི་སྐྱོབས་པས། གཞན་གྱིས་སྐྱོབ་པ་ལྟ་ཅི་སྨོས་ཏེ། སྔགས་ཀྱི་ཕན་ཡོན་ཀུན་ལ་ཡང་། སྔོན་གྱི་ལས་ཀྱི་རྣམ་པར་སྨིན་པ་ནི་གང་ལ་ཡང་མ་གཏོགས་སོ། །ཞེས་གསུངས། སྡིག་པ་ཚབས་ཆེན་དང་། དགེ་བ་ཚབས་ཆེན་ནི། སྐྱེ་བ་སྔོན་གཞན་གྱི་བར་མཚམས་མི་ཆོད་པར་སྐྱེ་བ་རྒྱབ་རེས་ངེས་པར་སྨིན་པས། མཚམས་མེད་པ་དགེ་སྡིག་འབྲིང་ཙམ་རྣམས་ནི། སྐྱེ་བ་རྒྱབ་མའི་རྒྱབ་མ་ངེས་པར་སྨིན་པ་ནི། སྐྱེ་གནས་མྱོང་འགྱུར་གྱི་ལས་སོ། །དགེ་སྡིག་ཆུང་ངུ་གང་ཡང་རྐྱེན་གྱིས་བསྐུལ་ན་ཚེ་འདིར་སྨིན་ཡང་སྲིད། རྐྱེན་དང་མ་འཕྲད་ན་བསྐལ་པ་བརྒྱ་སྟོང་དུ་ལུས་ཀྱང་སྲིད། ཆུད་མི་ཟ་བར་ནམ་ཞིག་ངེས་པར་སྨིན་དགོས་པ་ནི། ལན་གྲངས་གཞན་དུ་མྱོང་གྱུར་གྱི་ལས་ཏེ། ཚེ་ཐུང་ནད་མང་སོགས་ལས་ངན་གདོན་གྱིས་བསྐུལ་ནས། ཚེ་འདིར་སྨིན་པ་ལས་རིམ་གྲོ་དང་སྨན་

[Full Size]

དཔྱད་ཀྱིས་ཟློག །ཚེ་རིང་ནད་མེད་ལོངས་སྤྱོད་ཆེ་བའི་ལས། འཇིག་རྟེན་གྱི་ལྷ་མཆོད་ཅིང་བསྒྲུབས་པས་ཚུར་འཐེན་ནས་ཚེ་འདི་ལ་སྨིན། ཡེ་ཤེས་ཀྱི་ལྷའི་དངོས་གྲུབ་ནི་དེ་ལྟར་མ་ཡིན་ཏེ། ལྷ་དེའི་སྔོན་གྱི་སྨོན་ལམ་དང་ཐུགས་རྗེའི་སྟོབས་ལས་བྱུང་བའོ། །མྱོང་བར་མ་ངེས་པའི་ལས་ནི། དགྲ་བཅོམ་པའི་རྒྱུད་ཀྱི་ལས་ལྟ་བུ་གསུང་སྟེ། དཔེར་ན་ཤཱཀྱ་ཐུབ་པ་སངས་རྒྱས་མ་སྔ་ན། འཁོར་ལོས་སྒྱུར་བའི་རྒྱལ་པོ་ལྔ་བརྒྱར་སྐྱེ་དགོས་པ། དེར་སྐྱེ་ལོང་མ་བྱུང་བར་སངས་རྒྱས་པས། དེའི་བསོད་ནམས་ཉན་ཐོས་རྣམས་ཀྱི་འཚོ་བ་ལ་བསྔོ་བར་མཛད་པས། མུ་ཏིག་བྲེ་གང་གིས་འབྲས་བྲེ་གང་ལས་མི་ཁུག་པའི་དུས་བྱུང་ཡང་། ངའི་ཉན་ཐོས་རྣམས་འཚོ་བས་མི་འཕང་གསུངས་པས། རང་རེ་རབ་ཏུ་བྱུང་བ་རྣམས་སྡོམ་པ་དམ་ཚིག་གཙང་མ་བསྲུང་བ་ན། ཆོས་བརྒྱག་གི་ཐབས་མི་ཆགས་པའི་གནད་ཆེན་པོ་གཅིག་འདི་ཡིན་ནོ། །འདོད་ཁམས་ཀྱི་དགེ་བ་ནི། བསོད་ནམས་ཀྱི་ལས་ཡིན། འདོད་ཁམས་ཀྱི་མི་དགེ་བ་ནི་བསོད་ནམས་མ་ཡིན་པའི་ལས་ཡིན། གཟུགས་ཁམས་དང་གཟུགས་མེད་ཀྱི་དགེ་བ་ནི་མི་གཡོ་བའི་ལས་ཡིན་ནོ། །ཁམས་གོང་མའི་དགེ་

[Full Size]

བ་ནི་གཅིག་ཏུ་དཀར་བའི་ལས། འདོད་པའི་མི་དགེ་བ་ནི་གཅིག་ཏུ་མནག་པའི་ལས། འདོད་པའི་དགེ་བ་ནི་འདྲེས་པའི་ལས་སོ། །ཟག་མེད་ཀྱི་དགེ་བ་ནི་རྣམ་སྨིན་ཟད་བྱེད་ཀྱི་ལས་ཡིན་ཏེ། དེད་དཔོན་སྙིང་རྗེ་ཆེན་པོས་མི་ལྔ་བརྒྱའི་སྲོག་ཤུགས་པའི་ཕྱིར། བདུད་མི་ནག་མདུང་ཐུང་ཅན་བསད་པ་དང་། ལྷ་ལུང་དཔལ་གྱི་རྡོ་རྗེས་བསྟན་པའི་དོན་དུ་རྒྱལ་པོ་གླང་དར་བསད་པ་ལྟ་བུ་ནི། བསམ་པ་དཀར་ལ་སྦྱོར་བ་ནག་པའི་ལས་སོ། །སྲོག་གཅོད་པའི་ཕྱིར་སྦྱིན་པ་བཏང་བ་ལྟ་བུ་ནི། བསམ་པ་ནག་ལ་སྦྱོར་བ་དཀར་བའི་ལས་སོ། །བསམ་པ་དག་པས་སྦྱིན་པ་བཏང་བ་ལྟ་བུ་ནི། བསམ་པ་དཀར་ལ་སྦྱོར་བ་དཀར་བའི་ལས་སོ། །ཤ་ཟ་བའི་ཕྱིར་སྲོག་གཅོད་པ་ལྟ་བུ་ནི། བསམ་པ་ནག་ལ་སྦྱོར་བ་ནག་པའི་ལས་སོ། །ཡང་འདོད་པའི་ཁམས་ནས་བསམ་གཏན་གསུམ་པའི་བར་གྱི་དགེ་བའི་ལས་ནི། བདེ་བ་མྱོང་གྱུར་གྱི་ལས་སོ། །འདོད་པའི་ཁམས་ཀྱི་མི་དགེ་བ་ནི་སྡུག་བསྔལ་མྱོང་འགྱུར་གྱི་ལས་སོ། །བསམ་གཏན་གསུམ་པ་ཡན་ཆོད་དགེ་བ་ནི། བཏང་སྙོམས་མྱོང་འགྱུར་གྱི་ལས་སོ། །ཡང་ཟག་བཅས་ཟག་མེད་ཀྱི་

[Full Size]

དགེ་བ་བཅུ་ནི་དགེ་བའི་ལས། མི་དགེ་བ་བཅུ་ནི་མི་དགེ་བའི་ལས། ཐར་པ་དང་མྱ་ངན་ལས་འདས་པ་ནི། ལུང་མ་བསྟན་གྱི་ལས། ཡང་ཁམས་གོང་གི་ཉོན་མོངས་པ་ཅན་གྱི་ལས་ནི། སྒྲིབ་པ་ཅན་གྱི་ལུང་མ་བསྟན་གྱི་ལས་སོ། །བཟོ་བྱེད་པ་ལྟ་བུ་ནི། མ་བསྒྲིབས་ལུང་མ་བསྟན་གྱི་ལས། སྣོད་ཀྱི་འཇིག་རྟེན་གྲུབ་བྱེད་ཀྱི་ལས་ནི། སེམས་ཅན་སྤྱི་མཐུན་ཐུན་མོང་གི་ལས་སོ། །བཅུད་ཀྱི་སེམས་ཅན་གྲུབ་བྱེད་ཀྱི་ལས་ནི། ཐུན་མོང་མ་ཡིན་པའི་ལས་སོ། །མདོར་བསྡུས་ན། བདག་གི་དོན་དུ་དཀོན་མཆོག་དང་སེམས་ཅན་ལ་གནོད་པ་བྱེད་པའི་ནང་དུ་མི་དགེ་བ་ཐམས་ཅད་འདུས། དཀོན་མཆོག་དང་སེམས་ཅན་ལ་བདག་གི་ཕན་པ་དང་བདེ་བ་བསྒྲུབ་པའི་ནང་དུ་དགེ་བ་ཐམས་ཅད་འདུས་ཏེ། ། ༈ དེ་ཡང་མི་དགེ་བ་ལས་སྡུག་བསྔལ་ཐམས་ཅད་འབྱུང་བས་སྡུག་བསྔལ་གྱི་རྒྱུ་མི་དགེ་བ་ཆུང་ངུ་ནས་སྤངས་དགོས་སྙམ་དུ་བསམ་པ་དང་། བདེ་བ་མཐའ་དག་དགེ་བ་ལས་འབྱུང་བ་ཆུང་ངུ་ནས་རྒྱ་ཆེན་པོ་བསགས་དགོས་སྙམ་དུ་བསམ་ནས་ཉིན་མཚན་ཐམས་ཅད་དུ་སྡིག་པ་བཤགས་ཤིང་སྤང་བ་དང་དགེ་བ་ནན་ཏན་དུ་བསྒྲུབ་པར་བྱའོ།། ༢༡༽ ཐུགས་

[Full Size]

རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། རང་གི་སེམས་ཉིད་ཆོས་སྐུར་དཔེ་དང་དོན་སྦྱར་ཏེ་ངོ་སྤྲད་པ་ནི། ཨོ་རྒྱན་གྱི་ཡུལ་དབུས་སུ་རྒྱལ་པོ་ནམ་མཁའི་སྙིང་པོ་ཞེས་བྱ་བ། སྲས་རྒྱལ་བུ་འོད་ཟེར་བྱ་བ་བློན་པོ་རིག་པ་ཅན། ཉི་མའི་འོད་ཟེར་བྱ་བ། རྒྱལ་བུ་འོད་ཟེར་ལྟད་མོ་གཟིགས་སུ་བྱོན་པ་ལས། འཁྱམས་ཏེ། རང་ཡུལ་བརྗེད། གྲོང་ཁྱེར་ཐམས་ཅད་ཀྱི་སྒོར། སྤང་ཟས་ཟོས། སྤང་གོས་ངན་པ་གྱོན། སྤང་སྒོ་སྒོ་ཁང་ཀུན་ཏུ་ཉལ། ལོ་ཟླ་མང་པོ་ལོན། རྒྱལ་སྲིད་ཀྱང་རྒྱལ་བུ་གཏོར་བས་ཞིག་ཏུ་ཉེ། བློན་པོ་རིག་པ་ཅན་ཉི་མའི་འོད་ཟེར་ཅན་གྱི་སྒོ་རྩར་འཁོར་བ་ལ། འོ་སྔོན་ངེད་ཀྱི་རྒྱལ་བུ་གཏོར་བ་འདི་བྱུང་། ཕོ་བྲང་དུ་འདོངས་ཟེར་ཏེ་ཁྲིད་པ་ལས། ང་ནི་རྒྱལ་བུ་མ་ཡིན་ནོ། །དྲན་པ་རྙེད་ནས་སྤྲང་པོ་ཁོ་ན་ཡིན་ཏེ། ཕོ་བྲང་དུ་ཁྲིད་ཀྱང་རྒྱལ་པོ་མི་གཏུབ། མི་འགྲོ་ཟེར་བ་ལ། གལ་ཏེ་ཁྱོད་རྒྱལ་བུ་མ་ཡིན་ན། ཁྱེད་ཀྱི་ཡུལ་གང་ཡིན། ཕོ་བྲང་གང་ཡིན། གྲོང་གང་ཡིན། ཁྱིམ་གང་ཡིན། རིགས་གང་ཡིན། ཕ་མ་གང་ཡིན། འཁོར་གང་ཡིན། བྱེད་སྤྱོད་གང་ཡིན་དྲིས་

[Full Size]

པས། སྤྲང་པོས་སྨྲ་རྒྱུ་མ་རྙེད། འོ་ན་ང་ཡི་ཡིན་ལུགས་ཞིབ་ཏུ་སྨྲོས་ལ་སྤྱོད་ཅིག །བློན་པོས་དེ་ཐམས་ཅད་བརྗོད་དེ། རྒྱལ་སྲིད་གཏད། ཡབ་འདྲ་བར་གྱུར་ཏེ། བདེ་སྐྱིད་ཕུན་སུམ་ཚོགས་པར་གྱུར་སྐད། རྒྱལ་བུས་རང་རྒྱལ་བུ་ཡིན་པར་མ་ཤེས་ནས་སྤྲང་པོར་གྱུར་པ་ལྟར། རང་གི་སེམས་ཉིད་ཆོས་སྐུ་ཡིན་པར་ངོ་མ་ཤེས་ནས་འཁོར་བར་འཁྱམ་པ། བློན་པོས་རྒྱལ་བུ་ངོ་ཤེས་ནས་རྒྱལ་སར་བཏོན་པ་ལྟར། བླ་མས་སེམས་ཉིད་ཆོས་སྐུར་ངོ་སྤྲད་པས། འཁོར་བའི་སྡུག་བསྔལ་ལས་ཐར་ནས་སངས་རྒྱས་ཀྱི་ཡོན་ཏན་ཐོབ་པའོ། །སྔོན་རྒྱ་གར་གྱི་ཡུལ་ན། དེད་དཔོན་གཅིག་ཡོད་པས། དེའི་དགོས་འདོད་ཐམས་ཅད་ནོར་བུ་ལས་འབྱུང་བ་ལས། དེད་དཔོན་དེ་ཤི་བར་གྱུར་ཏེ། དེའི་མ་སྨད་ཀུན་གྱིས་ལོངས་སྤྱོད་དེ་ཟད་པས་སྤྱང་དུ་ཕྱིན་པས། དེད་དཔོན་དེའི་གྲོགས་པོ་བུ་དང་ཕྲད། དེ་ན་རེ། ཁྱོད་ལ་འཕང་བ་འོང་མི་སྲིད། ཁྱིམ་ན་དངོས་པོའི་རིགས་ཅི་འདུག་དྲིས་པས། དངོས་པོ་གཞན་ཅི་ཡང་མེད། རས་ཀྱི་དུག་པོ་གཅིག་གི་གསེབ་ན་བཏུམ་པོ་འཇམ་པོ་གཅིག་འདུག་ཟེར། ཁྱིམ་དུ་ཕྱིན་པས་ནོར་བུ་དེ་སྔས་འོག་ན་ས་དང་བསྲེས་འདུག་བླ་མས་སེམས་ཉིད་སྤྲང་པོར་གྱུར་པ་ལྟར། རང་གི་སེམས་རྒྱལ་སྲིད་གཏད།

[Full Size]

པས། དེས་དྲི་བཟང་གིས་ཁྲུས་བྱས་ཤིང་། རྒྱལ་མཚན་གྱི་རྩེ་ལ་ཕྱར་ནས་མཆོད་ཅིང་བསྟོད་གསོལ་བ་བཏབ་པས། དགོས་འདོད་ཕུན་སུམ་ཚོགས་པ་བྱུང་སྐད། དཔེ་དེ་བཞིན་དུ། སེམས་ཉིད་ལྷན་ཅིག་སྐྱེས་པའི་ཆོས་སྐུ་རང་སར་ཡེ་ནས་གནས་ཀྱང་། ནོར་བུ་སྔས་འོག་ཏུ་ལུས་པ་དང་འདྲའོ། །གྲོགས་པོ་དེས་ནོར་བུ་ངོས་བཟུང་ནས་མཆོད་པ་བྱས་པ་བཞིན་དུ། འདིར་བླ་མ་དམ་པས་ངོ་སྤྲད་པས། རང་གི་སེམས་ཉིད་ཆོས་སྐུར་རྟོགས་ནས། རང་གཞན་གྱི་དོན་ཕུན་སུམ་ཚོགས་པ་འབྱུང་ངོ་། །སྔོན་རྒྱ་ཚོ་གར་གྱི་ཡུལ་དུ་རྒྱལ་པོ་ཆེན་པོ་གཅིག་ཡོད་པ་གྲོངས་ནས། རྒྱལ་བུ་ད་འུར་ལུས་པ་བློན་པོས་བརྐུས་ནས་རྨང་གི་ཁྲོད་དུ་བསྒྱུར་ནས། གོས་དང་ཁ་ཟས་དང་གནས་མལ་གྱིས་ཤིན་ཏུ་བཀྲེས་པར་གྱུར་ཏེ། ནམ་ཞིག་གི་ཚེ་ན་བྲམ་ཟེ་མཚན་མཁན་གཅིག་གིས་མཚན་བཏགས་ལས། རྒྱལ་སར་བསྐོས་པས། རྨོངས་ཐམས་ཅད་བདེ་སྐྱིད་བྱུང་བར་གྱུར་ཏོ། །དེ་བཞིན་དུ་རང་གི་སེམས་ཉིད་འདི་ཡེ་གདོད་མ་ནས་ཆོས་སྐུ་ལྷུན་གྱིས་གྲུབ་པར་གནས་ཀྱང་། ངོ་མ་ཤེས་པར་འཁོར་བར་འཁྱམས་པ་ལས། བླ་མ་དམ་པས་ངོ་སྤྲད་པས། འཁོར་

[Full Size]

བར་འཁྱམས་པའི་སྡུག་བསྔལ་ལས་གྲོལ་ལོ། །ཡུལ་གཅིག་ན་རྒན་རྒོག་གཉིས་ཡོད་པ་ལས། ལུང་པ་དེ་ཡི་མདའ་རུ་ལྟད་མོ་ཆེན་པོ་གཅིག་ཡོད་པ་ལ། རྒད་པོ་ལྟད་མོ་ལ་བཏང་བས། ཐ་གུ་སྔོ་དམར་གཅིག་ཁོའི་རྐང་པ་ལ་བཏགས་ནས་བཏང་བ་ལ། ཁོ་ལྟད་མོ་ལ་ཡེངས་པ་རང་ལ་རྐང་པའི་ཐ་གུ་ཆད་ནས། གཞན་ཐམས་ཅད་ལ་ཀྱེའོ་བདག་སུ་ལགས། བྱས་པས་ཁྱོད་འཆལ་པ་གཅིག་འདུག །ཁྱོད་ཁྱོད་རང་ཡིན་མོད་ཟེར་ཡང་། ད་ངོ་མ་ཤེས་པ་འདི་ཁྱོད་ལེན་པ་ཡིན་ཟེར་ནས། རྒན་མོ་བརྡུངས་ཁྱེད་ཀྱི་ངོ་བོ་ལྷས་སྟོན་པར་འགྱུར་གྱིས། ལྷ་ལ་ཕྱག་འཚོལ་ཅིག་བྱས་ནས། ལྷ་ལ་ཕྱག་མང་པོ་འཚལ་དུ་བཅུག་པས། ཁོ་ཐང་ཆད་ནས་གཉིད་དུ་སོང་སྟེ། ཁོའི་རྐང་པ་ལ་ཐ་གུ་སྔོ་དམར་གཅིག་བཏགས་ནས་བཞག་པས། ཁོ་གཉིད་སད་པ་དང་། ད་ང་རང་འདུག་ཟེར་ནས་ཁོ་རང་ངོ་ཤེས་པར་གྱུར་སྐད། འཁྲུལ་དོན་མེད་པའི་དོན་ལ་འཁྲུལ་པ་ཡིན། རང་གི་སེམས་ཉིད་གདོད་མ་ནས་ཆོས་ཀྱི་སྐུར་བཞུགས་བཞིན་དུ། ངོ་མ་ཤེས་པས་འཁོར་བར་འཁྱམས། རྒད་པོའི་རྐང་པ་ལ་ཐ་གུ་བཏགས་པས། ཁོས་ཁོ་རང་ངོ་ཤེས་པ་བཞིན་དུ།

[Full Size]

གདམས་ངག་ཟབ་མོ་ངོ་སྤྲད་པས་ཆོས་སྐུའི་རང་ཞལ་མཐོང་བའོ། །རྩྭའི་ཁྲོད་ན་ཐག་པ་ཁྲ་བོ་གཅིག་ཁྱུག་གེར་ཡོད་པ་ལ། སྦྲུལ་དུ་འདུག་གོ་སྙམ་པའི་རྟོགས་པ་བྱུང་བ་ལ། མི་གཞན་ཞིག་གིས། འདི་སྦྲུལ་མ་ཡིན་ཐག་པ་ཡིན། ཞེས་ལག་ཏུ་བླངས་ནས་བསྟན་པས། དུག་སྦྲུལ་གྱི་འཇིགས་པ་ལས་གྲོལ། དཔེ་དེ་བཞིན་དུ། སེམས་ཉིད་ཆོས་ཀྱི་སྐུར་རང་ངོ་མ་ཤེས། སེམས་ཀྱི་ངོ་བོ་བསྟན་པའི་དུས་སུ། ཆོས་སྐུའི་རང་ཞལ་བསྟན་པས་འཁོར་བར་འཁྱམས་པར་མི་འགྱུར་རོ། །ཡང་སྔོན་རྒྱ་གར་གྱི་ཡུལ་ན། ཆོས་སྤྱོད་པའི་རྒྱལ་པོ་གཅིག་ལ། བུ་ཆོས་ལ་མི་དགའ་བ་གཅིག་བྱུང་། རྒྱལ་པོས་སྒྱུ་མ་མཁན་བོས་ནས། ཁྱོད་ཀྱི་སྒྱུ་མ་སྟོན་ལ་ངའི་བུ་འདི་ཆོས་ལ་དགའ་བའི་ཐབས་ཤིག་གྱིས་ཟེར། བུ་རྟ་ལ་མཉེས་པས། སྒྱུ་མ་མཁན་གྱིས་རྟ་བཟང་པོ་སྒ་སྲབ་ཀྱིས་བརྒྱན་པ་ཞིག་ཁྱེར་ནས་འོང་ནས་ཨི་ཉོ་ཟེར། རྒྱུག་ཚད་ཅིག་བྱེད་ཟེར་ནས། རྟ་དེ་ལ་ཆིབས་པས། ལ་དགུའི་ལུང་དགུའི་ཕ་རོལ་ཐོ་ཁྱེར། རྒྱ་མཚོའི་འགྲམ་བྱང་སྟོང་ཞིག་ཏུ་རྟ་ལས་བྲུལ་ནས་རྟ་ཡང་རྒྱ་མཚོའི་ནང་དུ་སོང་། རང་ཡུལ་དུ་སླེབས་པའི་ཐབས་ནི་

[Full Size]

མེད། མི་གཅིག་ཀྱང་མི་གདའ་སྐྲག་ཅིང་སྡུག་ཙམ་ན། ག་ཤེད་ནས་རྒན་མོ་གཅིག་བྱུང་། འདི་མཐའ་ཡི་རྒྱ་མཚོའི་འགྲམ་ཡིན། སྡེ་དང་མི་གཅིག་ཀྱང་མེད། ང་ལ་བུ་མོ་གཅིག་ཡོད་པ་དང་མཉམ་དུ་ཨེ་འདུག་ཟེར་ནས་མཉམ་དུ་བསྡད། ཡུན་རིང་དུ་སོང་ཞིང་བུ་བུ་མོ་གཉིས་ཀྱང་བྱུང་། རྒན་མོ་ཤི་བས་རོ་རི་ལ་བསྐྱལ་དུ་སོང་ཙ་ན། བུད་མེད་དེ་ཡང་མ་ཡི་སེམས་ནད་ཀྱིས་ཆུ་ལ་ལྕེབས་སོང་། དེ་ཨེ་ལོན་ལྟར་སོང་ཚེ། བུ་མོ་ཆུང་ངུ་ཡང་ལྕེབས་ནས་ཆུས་ཁྱེར་བྱུང་། བུ་ཆུང་ངུ་ཡང་བསྙལ་ནས་ཡོད་པ་ལ་སྤྱང་ཀིས་ཁྱེར་སོང་། སྡུག་བསྔལ་དྲགས་ནས་ངུ་ཞིང་བྲང་བརྡུངས་སྐུ་འབར་བས། རྒས་ནས་སྐྲ་ཡང་དཀར་པོར་གྱུར་འདུག །དེ་ཙམ་ན་སྒྱུ་མ་མཁན་གྱི་སྒྱུ་མ་བཤིགས་པས། རྒྱལ་བུ་ཡུས་ཀྱིས་མནང་ནས་བློན་པོ་རྣམས་འདུས་དང་སྐྱིད་སྡུག་གི་བླ་བོ་བཤད་རྒྱུ་ཡོད་ཟེར། ཁྱེད་ལ་སྐྱིད་སྡུག་དེ་ཙམ་མ་བྱུང་། གདན་ཁྲི་ལས་མ་གཡོས། མདུན་དུ་གསོལ་བ་དྲངས་བར་ཡོད་པའང་འདི་གང་ལགས། ཞེས་སྨྲས་ཀྱང་མི་ཉན། ལོ་རྒྱུས་རྣམས་ཞིབ་ཏུ་བཤད་ནས། ཅིས་ཀྱང་དགོས་པ་མི་འདུག་ཟེར་ནས། རྒྱལ་སྲིད་སྤངས་ཏེ་ཆོས་སྒོར་ཞུགས་སྐད་

[Full Size]

དོ། །དཔེ་དེ་བཞིན་དུ། སེམས་ཉིད་བདེར་གཤེགས་སྙིང་པོ་ཡང་། རང་ངོ་རང་གིས་མ་ཤེས་ཏེ། འཁོར་བར་འཁྱམས་ཤིང་སྡུག་བསྔལ་ཡུན་རིང་དུ་མྱོང་། འཁོར་བར་འཁྱམས་པའི་ཚེ་ན་ཡང་། རྒྱུ་བདེ་གཤེགས་སྙིང་པོ་དེ་ངན་དུ་མ་སོང་སྟེ། དཔེར་ན། གསེར་ལྷད་མེད་ལ། ཁྱིའི་སྣོད་དང་མི་གཙང་བ་ཕྱགས་པའི་དབྱག་པ་བྱས་པས་བཙོག་པར་གྱུར་ལ། རྣ་རྒྱན་དང་གདུག་གུ་འགུ་ཡ་སོགས་བྱས་ན་མཛེས་པའི་རྒྱན་དུ་འགྱུར་ལ། དེ་བཤིགས་ནས་སངས་རྒྱས་ཀྱི་སྐུ་གཟུགས་བཞེངས་ནས་རབ་གནས་བྱས་ན་ཀུན་གྱིས་ཕྱག་དང་མཆོད་པའི་གནས་སུ་འགྱུར་ཏེ། བཟང་ངན་གསུམ་དུ་བྱུང་ཡང་། ངོ་བོ་གསེར་ལ་འགྱུར་བ་མེད་པ་ལྟར། འཁོར་བར་འཁྱམས་པ་དང་། ས་ལམ་ཐོབ་པ་དང་། མཐར་ཐུག་སངས་རྒྱས་དུས་ཀྱང་། སེམས་ཀྱི་ངོ་བོ་དེ་ལ་འགྱུར་བ་མེད་དོ། །དཔེར་ན། རྡོ་ཕལ་པ་བསྲེགས་ཀྱང་དངུལ་མི་འབྱུང་བ་ལྟར། རྒྱུ་སེམས་ཅན་གྱི་རྒྱུད་ལ་སངས་རྒྱས་ཀྱི་སྙིང་པོ་དེ་མེད་ན། ཆོས་བྱས་ཀྱང་འབྲས་བུ་སངས་རྒྱས་མི་འགྲུབ་སྟེ། དངུལ་རྡོ་ཡི་ནང་ན་དངུལ་ཡོད་པ་དེ་བཞུས་ན། དང་པོ་དངུལ་ཁྲེབ་དང་དེ་

[Full Size]

ནས་དངུལ་ལིང་མ་དང་མཐར་རྒྱ་དངུལ་དུ་འགྱུར་བ་ལྟར། སེམས་ཅན་གྱི་རྒྱུད་ལ་རྒྱུ་བདེ་གཤེགས་སྙིང་པོ་ཡོད་པས། དེ་ཤེས་པར་བྱས་ནས་ཉམས་སུ་བླངས་ན། དང་པོ་ཉམས་རྟོགས་སྐྱེ། རིམ་པར་ས་ལམ་བགྲོད། མཐར་སངས་རྒྱ་བ་ཡིན་ཏེ། སེམས་ཉིད་དེ་ངོ་འཕྲོད་ན། གང་ཤར་གྱི་ངོ་བོ་སྐྱོང་བ་དེ་རང་གིས་ཆོག་གོ །བུ་རམ་གྱི་གཟུགས་ཐ་དད་ཐམས་ཅད་མངར་བ་རོ་གཅིག་པ་དང་འདྲའོ།། ༼༢༢༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། ཁྲིད་འདི་ཐོབ་པའི་ལ་དོན། །སེམས་ངོ་ཤེས་པ་གལ་ཆེ། འདི་སྒྲིབ་པ་སྦྱངས་བའི་མཆོག་ཡིན་ཏེ། ཆོས་ཀྱི་རྒྱལ་པོའི་མདོ་ལས། སེམས་གཅིག་དང་གཉིས་མེད་པར་ཤེས་ན། དཔེར་ན་མེ་ལོང་གི་སྟེང་དུ་ལོ་སྟོང་གི་རྡུལ་ཆགས་པ། གོས་ཀྱིས་ཕྱིས་པས་རྡུལ་མེད་པ་དང་འདྲའོ། །མཚུངས་སོ། །བསྐལ་པ་གྲངས་མེད་པར་བསགས་པའི་སྡིག་པ་སྐད་ཅིག་གིས་འདག་གོ །དེ་བཞིན་གཤེགས་པའི་སྙིང་པོའི་མདོ་ལས། དེ་བཞིན་གཤེགས་པའི་སྙིང་པོ་སེམས་ཉིད་འོད་གསལ་བ་དེ། ཉོན་མོངས་དྲི་མས་སྦག་ནས་འཁོར་བའི་སེམས་ཅན་ཐམས་ཅད་ཀྱི་ལུས་ལ་

[Full Size]

གནས་ཀྱང་མ་ཤེས་པ་ལ། དགེ་བའི་བཤེས་གཉེན་བསྟེན་ནས། དེ་རྟོགས་པར་བྱས་ན་རང་ཡང་འཁོར་བ་ལས་ཐར་ལ། གཞན་གྲོལ་བར་བྱེད་དོ། །ཞེས་ཡི་གསུངས་སོ། །བསམ་པ་རྣམ་པར་དག་པའི་མདོ་ལས། སེམས་ངོ་ཤེས་པའི་རྣལ་འབྱོར་པས། །ཇི་ལྟར་བྱས་ཀྱང་བསྒོམ་པའི་ངང་། །གཉུག་མའི་དོན་ལ་གནས་པ་ཡིན། །ཏིང་ངེ་འཛིན་ནི་ཉམས་སུ་བཤད། །ཅེས་གསུངས་སོ། །ཚངས་པས་ཞུས་པའི་མདོ་ལས། དྲན་པ་རྣམ་རྟོག་ཡིན་པས་ཚོར་བ་ཡིན་ཞེས་བསམ་མི་བྱ། །བསམ་མེད་ཡེ་ཤེས་ཡིན་གྱི་མ་སྤངས་གསལ་བར་ཤོག །དེ་ལས་གཞན་དུ་བོགས་མི་ཐོན། ཞེས་གསུངས། ངད་པ་གིར་ཡིན་གྱི་ཞུས་པའི་མདོ་ལས། མ་ཡེངས་ན་ཆོས་ཉིད་ཀྱི་དགོངས་པ་ཡིན་པར་ཤེས་པར་བྱའོ། །ཞེས་གསུངས་སོ། །བྱམས་སེམས་ཞུས་པའི་མདོ་ལས། སྣང་བ་གཅེར་གྱིས་མཐོང་བ་དེ་ལ་མི་རྟོག་ཞོག །དེ་ཙམ་ཉིད་ནས་བསྒོམ་པའི་མཆོག །ཅེས་གསུངས། བདེ་བ་བློ་གྲོས་ཀྱིས་ཞུས་པའི་མདོ་ལས། གང་ཡང་མི་བསམ་པ་ནི་བསྒོམ་པ་ཆེན་པོར་བཤད། ཅེས་གསུངས། བྲམ་ཟེས་ཞུས་པའི་མདོ་ལས། ཆོས་རྣམས་

[Full Size]

ཐམས་ཅད་རང་བཞིན་གྱིས་འོད་གསལ་བ་ཞེས་བྱ་བ་ནི། བྱིང་རྒོད་དང་བྲལ་བའི་རིག་པ་གཉུག་མ་ལ་བྱའོ། །དེ་ཅིའི་ཕྱིར་ཞེ་ན། རིག་པ་སྐྱེ་འགགས་མེད་པ་གཉུག་མ་ཡིན་པའི་ཕྱིར། ཞེས་གསུངས། དགེ་བའི་རྩ་བ་ཡོངས་སུ་འཛིན་པའི་མདོ་ལས། རང་གི་ཡེ་ཤེས་ནི་གང་ལ་ཡང་མི་རྟོགས་པ་ལ། ཤེས་པ་གསལ་བ་དེ་ཆོས་སྐུར་ངོས་འཛིན་པ་ཡིན་ནོ། །ཞེས་གསུངས། དྲིན་ལེན་བསབ་པའི་ནང་ནས། ཡུལ་སེམས་ཀྱི་ཕར་ལ་མི་དཔྱོད། ཡིད་ཀྱིས་ཚུར་ལ་མི་བསམ་པ་ནི་བསམ་གཏན་གྱི་མཆོག་ཡིན་ནོ། །ཞེས་གསུངས། རྒྱལ་པོ་བཀའ་སྩལ་གྱིས་ཞུས་པའི་མདོ་ལས། བལྟ་བ་ཞེས་བྱ་བ་ནི་རང་གི་སེམས་ལ་མི་དཔྱོད་པ་ཡིན་ཏེ། དོན་དེ་ཉམས་སུ་མྱོང་བའི་མཆོག་ཡིན་ནོ། །ཞེས་གསུངས། རྒྱལ་པོ་བདེ་བས་ཞུས་པའི་མདོ་ལས། སེམས་ཀྱིས་སེམས་ལ་བལྟ་བ་ཤེས་པ་ནི་རྣལ་འབྱོར་པ་ཡི་མཆོག་ཡིན་ནོ། །ཞེས་གསུངས། རྒྱལ་པོ་བདེ་བ་ཞུ་བྱིན་གྱིས་ཞུས་པའི་མདོ་ལས། རང་གི་སེམས་ནི་མི་སྡུད་ནས་རང་ལུགས་སུ་བཞག་པ་ནི་བསྒོམ་པའི་མཆོག་ཡིན་ནོ། །ཞེས་གསུངས། ཚངས་པས་ཞུས་པའི་མདོ་ལས། སེམས་ལ་

[Full Size]

སེམས་མཉམ་པར་བཞག་པ་སྟེ། སེམས་ཀྱིས་སེམས་མི་དམིགས་སོ། །ཞེས་གསུངས། ཡེ་ཤེས་ཌཱཀི་མའི་ཞལ་ནས། ཏེ་ལོ་པ་སེམས་ཀྱི་སེམས་ལ་བལྟས་ཙ་ན། ལྟ་བར་བྱེད་པའི་མཁན་པོ་ཡང་རང་གི་སེམས། བལྟ་རྒྱུ་ཡང་རང་གི་སེམས། དེ་ལྟར་སེམས་ལ་བལྟས་ཙ་ན། ནམ་མཁའ་མཐོང་བ་མེད་པ་ལྟར། བལྟ་མཁན་བལྟ་རྒྱུ་གཉིས་ཀ་དག་ནས། ས་ལེ་སེང་ངེ་བ་དེ་རྟོགས་པའི་དུས་ན། ་ལྷུན་གྱིས་གྲུབ་པའི་སངས་རྒྱས་ཡང་དེ་ཡིན། ལམ་དུ་ཞུགས་པའི་སངས་རྒྱས་ཡང་དེ་ཡིན། རྟོགས་པ་མངོན་གྱུར་གྱི་སངས་རྒྱས་ཡང་དེ་ཡིན། ཏེ་ལོ་པ་ཤེས་པར་གྱིས། ཞེས་གསུངས། ཐུགས་རྗེ་ཆེན་པོ་དོན་ཏྲིག་འགྲོ་བ་ཀུན་སྒྲོལ་རྒྱུད་ལས། རང་གི་སེམས་དེ་དང་པོ་གང་ནས་བྱུང་། ད་ལྟ་གར་གནས། ཐ་མ་གར་འགྲོ་བལྟས་ཀྱང་ཐམས་ཅད་སྟོང་པ་ཉིད་དེ་གང་ཡང་མ་གྲུབ། དེ་གའི་ངང་ལས་སེམས་མ་བཅོས་པར་ཀློད་པར་བྱའོ། །ཞེས་གསུངས་སོ། །ཐུགས་རྗེ་ཆེན་པོའི་འོད་མཆོག་གི་ཁྲིད་གཞུང་ལས། རྣམ་རྟོག་རང་གི་སེམས་སུ་ཤེས། སེམས་ལས་ཤར། སེམས་སུ་གྲོལ། སེམས་ཀྱིས་བྱས་པ་ཤེས་ནས་སེམས་

[Full Size]

སུ་རིག་ཅིང་ཅི་ལྟར་ཤར་ཡང་དགག་སྒྲུབ་མེད་པར་རང་གི་སེམས་སུ་ངོ་ཤེས་པ་ནི། མ་རིག་པའི་སྤྲུལ་སྐུ་ཤར་བ་ཡིན་ཏེ། ཅུང་ཟད་བདེ་སང་བ་སྟོང་ཕྱམ་པ་འོངས། དངོས་མེད་རང་གསལ་རིག་པའི་ངོ་བོ་གཅེར་བུར་རྟེན་མེད་དུ་ཇི་ལྟར་བྱས་ཀྱང་གསལ་འགྲིབ་མེད་པར་ལྷག་གེ་བ་འདི་ཆོས་སྐུ་ཡིན། ཞེས་གསུངས། ཨོ་རྒྱན་རིན་པོ་ཆེ་པདྨ་འབྱུང་གནས་ཀྱིས་གསུངས་པ། དེ་ཡང་སེམས་ཞེས་བྱ་བ་དྲན་ཞིང་རིག་པ་ཉམས་སུ་མྱོང་བ་གཅིག་ཡོད་དེ་སེམས་དེ་ཕྱི་རུ་མ་བལྟ་ནང་དུ་ལྟོས། སེམས་ཀྱིས་སེམས་ཚོལ་སེམས་ཀྱི་སེམས་ཉིད་གཏན་ལ་ཕོབ། སེམས་དེ་ལ་ཕྱི་ནང་དང་བལྟ་མཁན་དང་ལྟ་བྱེད་མེད་པས། ཡེ་ཤེས་རང་ལུགས་སུ་རང་ལ་གནས་པ་དེ། ངོ་ཤེས་པ་དེ་ལྟ་བ་ཡིན་པ་ལ་རྦད་ཀྱིས་ཆོད་ཅིག་གསུངས། ཇོ་མོ་ལ་གདམས་པ། སེམས་ལ་ངོ་བོ་མེད་པ་ཡིན་པས། རྣལ་མ་མ་བཅོས་པ་ལྷུན་གྱིས་གྲུབ་པའི་ངང་དུ་བསྒོམ་དུ་མེད་པའི་ངང་དུ་མ་ཡེངས་པར་ཞོག་ཅིག །དེའི་ངང་ལ་གནས་པས་སེམས་ཉིད་རང་བཞིན་གྱིས་གྲོལ་བར་འགྱུར་རོ། །སངས་རྒྱས་པ་ཡིན་ནོ། །ཞེས་གསུངས། བེ་རོ་ཙཱ་ན་ལ་གདམས་པ་དང་། ཆོས་ཐམས་ཅད་སེམས་

[Full Size]

ལས་བྱུང་། སེམས་ངོས་བཟུང་མེད་པ་མཐའ་དང་དབུས་མེད་པ་འདུ་འབྲལ་མེད་པ། མ་བཅོས་པར་མཉམ་པ་ཆེན་པོའི་ངང་དུ་མ་ཡེངས་པར་ཞོག་ཅིག །དེ་ལྟར་བསྒོམས་པས་རྣམ་རྟོག་ཡེ་ཤེས་སུ་འཆར། སངས་རྒྱས་དེ་ཉིད་ཡིན་ནོ། །ཞེས་གསུངས། དཔལ་གྱི་དབང་ཕྱུག་ཉོན་ཅིག །སེམས་ཡེ་ནས་དངོས་པོ་མེད་པ་བསྒོམ་དུ་མེད་པ། བློ་ལ་མ་གྲུབ་ཅིང་མ་བཅོས་པ། རང་བྱུང་རང་གསལ་དུ་ཞོག་ཅིག །དེའི་ངང་ལ་གནས་ན་འཁོར་བ་མ་སྤངས་པར་སངས་རྒྱས་པ་ཡིན་ནོ། །ཞེས་གསུངས། རྨི་རིན་ཆེན་མཆོག་ལ་གདམས་པ། སེམས་ངོ་བོ་ཅི་ཡང་མ་ཡིན་པ། བཞག་ཅིང་བསྒོམ་དུ་མེད་པ། མ་བཅོས་རང་བྱུང་སོ་མ་རང་། ཡེ་ནས་ལྷུན་གྱིས་གྲུབ་པའི་ངང་དུ་ཞོག་ལ་ལྷན་ནེ་སྒོམས་ཤིག །དེའི་ངང་ལས་ཡིད་གཡོ་འགུལ་དང་བྲལ་བར་འགྱུར་ཏེ། དེ་ལས་འབྲས་བུ་གཞན་མེད་དོ། །ཞེས་གསུངས། རྒྱལ་སྲས་ཐོགས་མེད་པའི་ཞལ་ནས། །སེམས་རྟོགས་མེད་ཀྱི་ངང་ལ་གསལ་སེང་ངེ་བ་དེའི་ངོ་བོ་ལ་བལྟས་ན་ཅིར་ཡང་མ་གྲུབ་པ་སྟོང་སང་ངེར་གནས་པ་དེ་ལ། རིག་པ་གསལ་སྟོང་འཛིན་མེད་ཟེར་བ་ཡིན། དེ་དང་པོ་

[Full Size]

ནས་ཐམས་ཅད་ལ་ཡོད་མོད་ཀྱི། གཟུགས་འཛིན་གྱི་རྣམ་པར་རྟོག་པས་བསྒྲིབ་ནས་ངོ་མ་ཤེས་པ་ཡིན། ཁྱེད་རང་ཉམས་ལེན་སྟོབས་ཀྱིས་ངོ་བོ་མཐོང་བ་ཡིན་པས། སེམས་ཀྱི་ངོ་བོ་སྟོང་པར་འདུག་པ་དེ་ལ་ལེགས་པར་སྒྲོ་འདོགས་ཆོད་པ་ལྟོས་མཛོད། ཡོན་ཏན་གྱི་འཆར་ཚུལ་གོང་ནས་གོང་དུ་འབྱུང་ཞིང་། མཆོག་གི་དངོས་གྲུབ་ཀྱི་རྒྱུར་འགྱུར་བའི་ལམ་ཡིན་པས། དགའ་བ་བསྒོམ་ཞིང་ཉམས་སུ་ལོངས་མཛོད། ཅེས་གསུངས། ཐུགས་རྗེ་ཆེན་པོ་ཡང་སྙིང་འདུས་པ་ལས། དྲན་རྟོག་རང་གྲོལ་ཐུགས་སུ་ཁྱེར། ཞེས་པས་འདས་མ་འོངས་ད་ལྟར་གྱི་རྟོག་པ་གང་དྲན་ཡང་། དྲན་ཡུལ་དྲན་མཁན་རང་ཤར་དྲན་བདོ་ལ་སྟོང་སྟེ། རང་བཞིན་མེད་པར་གྲོལ་བ་ནི་བདེ་གཤེགས་ཐུགས་ཏེ་ཆོས་རྣམས་དྲན་སྟོང་ཐུགས་ཀྱི་ལམ་ཁྱེར་རོ།། ༼༢༣༽ ཐུགས་རྗེ་ཆེན་པོ་ལ་ཕྱག་འཚལ་ལོ། ཐུགས་རྗེ་ཆེན་པོའི་མན་ངག་ཟབ་མོ། རང་གི་སེམས་ཉིད་དང་རིག་པ་འདི་ཕྱག་རྒྱ་ཆེན་པོར་ངོ་སྤྲད་པ་དེ་ངེས་ཤེས་བསྐྱེད་པར་བྱ་སྟེ། དཔལ་འཇིགས་བྱེད་ཀྱི་རྒྱུད་ལས། ཆོས་རྣམས་ཀུན་གྱི་རྩ་བ་ནི། །རང་གི་སེམས་ཉིད་མ་གཏོགས་ན། །ཐོས་བསམ་བསྒོམ་པར་རབ་

[Full Size]

སྦྱངས་ཀྱང་། །འབྲས་བུ་ཐོབ་པར་མི་འགྱུར་ཏེ། །དམུས་ལོང་མིག་བུ་མེད་པ་འདྲ། །དེ་ཕྱིར་རང་སེམས་རྟོགས་པར་གྱིས། །ཞེས་གསུངས་སོ། །ཐིག་ལེ་གཉིས་པའི་རྒྱུད་ལས། སེམས་ཉིད་རྟོགས་པའི་དོན་མེད་ན། །དཀྱིལ་འཁོར་མ་ལུས་བྲིས་ཀྱང་སངས་མི་རྒྱ། །ཞེས་གསུངས། རྡོ་རྗེ་སེམས་དཔའ་མངོན་པར་བྱང་ཆུབ་པའི་རྒྱུད་ལས། འཁོར་བ་མྱ་ངན་འདས་པའི་ཆོས། །རྩ་བ་རང་གི་སེམས་ཡིན་ཏེ། །སེམས་ལས་དྲན་རྟོག་ཅིར་སྣང་ཡང་། །དངོས་པོ་ཙམ་དུ་མ་གྲུབ་པས། །དཔེར་ན་ནམ་མཁའི་སེར་བུ་བཞིན། །ཁ་དོག་དང་ནི་དབྱིབས་སུ་མེད། །སངས་རྒྱས་ཡེ་ཤེས་སྤྱན་གྱིས་ཀྱང་། །རྡུལ་ཙམ་དུ་ཡང་མི་གཟིགས་སོ། །ཞེས་གསུངས། རང་བྱུང་རིག་པ་ངོ་སྤྱོད་གྱི་རྒྱུད་ལས། བལྟ་བ་རང་གི་སེམས་ལ་ལྟ། །དེ་ཕྱིར་ཡུལ་མེད་ཆོས་སྐུར་གསལ། །དེ་ཉིད་མ་བྲལ་རྒྱུན་གནས་ན། །དོན་ལ་འགྱུར་བ་རྡུལ་ཙམ་མེད། །ཅེས་གསུངས། རང་བྱུང་བདེ་བའི་རྒྱུད་ལས། རང་རིག་ངེས་པའི་ལྟ་བ་ལ། །ཡེངས་བ་མེད་པར་ཡིད་ཀྱིས་བལྟ། །དེ་ཡང་ཡུལ་ཅན་མ་ཡིན་ཏེ། །རང་ལ་རང་བལྟས་ཡིད་ཀྱིས་

[Full Size]

གསལ། །ཞེས་གསུངས། ནམ་མཁའ་དང་མཉམ་པའི་རྒྱུད་ལས། རྣམ་པར་རྟོག་པའི་མཚན་མ་ཅི་བྱུང་ཡང་། །མ་བཀག་རང་བྱུང་རང་ཞི་ཆེན་པོ་སྟེ། །མ་བཅོས་མ་བྱས་རང་བཞིན་ངང་གིས་གསལ། །བཏང་སྙོམས་ཆེན་པོར་མ་བཅོས་ངང་བཞག་ན། །ཐ་སྙད་ཙམ་དུ་བསྒོམ་ཞེས་དེ་ལ་བྱ། །ཞེས་གསུངས། རང་བྱུང་བདེ་བའི་རྒྱུད་ལས། །རང་སེམས་ཆོས་སྐུར་ངོ་སྤྲད་པས། །དམིགས་འཛིན་མེད་པར་ངང་གིས་གསལ། །གཉུག་མར་གནས་པ་འཕེལ་འགྲིབ་མེད། །ལུས་སེམས་གཉིས་ལ་སྤྱོད་དང་བྲལ། །རང་རིག་བྱ་ར་དངོས་མེད་བྲལ། །དྲན་པ་མི་འཆུག་འགྲོ་འོང་མེད། །དྲན་པ་རིག་པ་ཅི་བྱུང་ཡང་། །དེ་ཉིད་དུས་ན་དངོས་པོ་མེད། །ཅེས་གསུངས། བསམ་གཏན་མཆོག་གི་རྒྱུད་ལས། ཤེས་པ་རང་ལུགས་སོ་མ་ལ། །གཞན་དུ་མི་གཡོ་སེམས་ལ་བལྟ། །བལྟས་པས་དངོས་མེད་ཤེས་པ་གསལ། །དེ་ཉིད་རྒྱུན་དུ་མ་ཡེངས་ཏེ། །དེ་ལས་བསྒོམ་དུ་བཙལ་དུ་མེད། །ཅེས་གསུངས། ནམ་མཁའ་དང་མཉམ་པའི་རྒྱུད་ལས། འཁྲུལ་དང་མ་འཁྲུལ་ངོ་བོ་གཅིག །འགྲོ་ལ་སེམས་རྒྱུད་གཉིས་མི་འཆང་། །འོད་གསལ་རིག་པ་

[Full Size]

འདི་རང་ཡིན། །མ་བཅོས་རིག་པ་ཅོག་གེར་ཞོག །ཅེས་གསུངས། རྡོ་རྗེ་མཁའ་འགྲོ་གསང་བའི་རྒྱུད་ལས། རང་སེམས་རང་གིས་རྟོགས་པས་ན། །སེམས་ཅན་གདོད་ནས་སངས་རྒྱས་སོ། །ཞེས་གསུངས་སོ། །འབང་རྡོ་ཧ་བརྒྱ་དྲུག་ཅུ་པ་ལས། ཀྱེ་ཧོ་རྨོངས་པ་སེམས་ཀྱི་སེམས་ནི་རྟོགས་ནས་ནི། །ལྟ་བ་ངན་པ་ཐམས་ཅད་ལ་ནི་རང་གྲོལ་འགྱུར། །མཆོག་ཏུ་བདེ་བ་ཆེན་པོའི་དབང་གིས་ནི། །དེ་ལ་གནས་ན་དངོས་གྲུབ་དམ་པའོ། །ཞེས་གསུངས་སོ། །དཔལ་རི་ཁྲོད་པ་ས་ར་ཧའི་དྷོ་ཧ་ལས། །ཀྱེ་ཧོ་མ་ཡེངས་སེམས་ཀྱིས་རང་གིས་རང་ལ་ལྟོས། །རང་གི་སེམས་ཉིད་རང་གིས་རྟོགས་གྱུར་ན། །ཡེངས་བའི་སེམས་ཀྱང་ཕྱག་རྒྱ་ཆེན་པོར་འཆར། །མཚན་མ་རང་གྲོལ་བདེ་བ་ཆེན་པོའི་ངང་། །ཞེས་གསུངས་སོ། །བིར་ཝ་པའི་དྷོ་ཧ་ལས། སེམས་ཀྱི་ཆོས་ཉིད་ཀློང་ལ་འདི་ཡིན་མེད་པས་ན། །དེ་ལ་སྒོམ་དང་བསྒོམ་པར་བྱ་བ་གཉིས་སུ་མེད། །ཡོད་མེད་ཅི་ཡང་མི་རྟོག་ངང་ལ་མ་ཡེངས་བཞག །ཅེས་གསུངས། མེ་ཏྲི་པའི་དྷོ་ཧ་ལས། ཐུགས་ཕྲད་སེམས་སུ་ཤེས་ན་ཡི་དམ་ལྷ། །ཤེས་པ་མ་བཀུག་རྟོག་པ་རིམ་གྱིས་

[Full Size]

སྤངས། །སེམས་ལ་རྣམ་རྟོག་བྱུང་ན་རྣལ་འབྱོར་པས། །རས་བལ་བཞིན་དུ་མ་བཅོས་ཀློད་ལ་ཞོག །བྱ་བ་སྤངས་ལ་རང་སེམས་རང་གིས་ལྟོས། །ཞེས་གསུངས། ཕྱག་རྒྱ་ཆེན་པོ་གང་གཱ་མ་ལས། སེམས་ནི་ནམ་མཁའི་དཀྱིལ་ལྟར་བསམ་པའི་ཡུལ་ལས་འདས། །དེ་ཡི་ངང་ལ་བཏང་བཞག་མེད་པར་ཀློད་ལ་ཞོག །སེམས་ལ་གཏད་སོ་མེད་ན་ཕྱག་རྒྱ་ཆེན་པོ་ཡིན། །སེམས་ནི་ནམ་མཁའི་དཀྱིལ་ལྟར་བསམ་པའི་ཡུལ་ལས་འདས། །དེ་ཡི་ངང་ལ་བཏང་བཞག་མེད་པར་ཀློད་ལ་ཞོག །སེམས་ལ་གཏད་སོ་མེད་ན་ཕྱག་རྒྱ་ཆེན་པོ་ཡིན། །དེ་ལ་གོམས་ཤིང་འདྲིས་ན་བླ་མེད་བྱང་ཆུབ་ཐོབ། །ཅེས་གསུངས། པཎ་ཆེན་ཤཱཀྱ་ཤྲཱིའི་རིན་ཆེན་འབྲུ་དགུ་ལས། ཅིར་སྣང་རང་གསལ་བཞག་ན་བྱ་བྲལ་ལྷུན་གྲུབ་ཡིན། །གང་ཤར་ངོ་བོ་བཟུང་ནས་རིག་པ་རང་སར་གྲོལ། །འགྱུ་བའི་རྩད་རྗེས་བཅད་ན་དྲན་རྟོག་དབྱིངས་སུ་ཡལ། །འདི་གསུམ་རང་སེམས་གནས་ལུགས་ཡིན་པས་དངོས་གཞིར་བསྒོམ། །ཞེས་གསུངས། མཁའ་འགྲོ་ཀློང་གསལ་འབར་མའི་རྒྱུད་ལས། རིག་པ་རིག་པ་ཅེས་པ་ནི། །རིག་ཅིང་གསལ་བས་རིག་པ་ཡིན། །རྣམ་རྟོག་སྔ་མ་རང་

[Full Size]

སར་གྲོལ། །ཕྱི་མའི་རྗེས་འཛིན་མ་ཤོར་བ། །བར་དེར་གཉེན་པོས་བཅོས་སླད་བྲལ། །དྲི་བྲལ་སེང་དང་བྱེད་པ་འདི། །རིག་པ་ཡིན་པར་ངོས་ཟུངས་ཤིག །ངོ་བོ་སྟོང་པ་རང་བཞིན་གསལ། །ཐུགས་རྗེ་ཀུན་ལ་སྣང་ནུས་པ། །དེ་ནི་རིག་པའི་གནས་ལུགས་ཡིན། །ཞེས་གསུངས། སྐྱེ་མེད་ཞང་རིན་པོ་ཆེའི་ཞལ་ནས། ཕྱག་རྒྱ་ཆེན་པོ་བསྒོམ་པ་ལ། །འདི་བྱའི་ཏིག་པོ་མི་འདོག་གིས། །སྔོན་འགྲོ་དངོས་གཞི་རྗེས་གསུམ་གྱི། །གོ་རིམ་ཇི་བཞིན་གྲངས་མེད་ངེས། །དུས་ཚོད་ཚེས་གྲངས་བརྩི་མི་དགོས། །ནམ་དྲན་དུས་སུ་ཀློད་ལ་ཞོག །དང་པོ་བར་དང་ཐ་མ་མེད། །རང་སེམས་སྐྱེ་མེད་རྒྱུན་མི་ཆད། །ཅེས་གསུངས། གསེར་གླིང་པས་གསུངས་པའི་མཐའ་འཁོབ་འདུལ་བའི་ཆོས་བཞི་ལས། རྒྱངས་ཀྱིས་སྒྱུར་ལ་ལྷོད་ཀྱིས་ཀློད། །ཤིག་གིས་ཤིག་ལ་འབོལ་ལེ་ཞོག །ཅེས་གསུངས། དཔལ་ལྡན་ས་སྐྱ་པ་གྲགས་པ་རྒྱལ་མཚན་གྱི་ཞལ་ནས། སེམས་མེད་སེམས་ཀྱི་སེམས་ལ་ལྟོས། །མཐོང་རྒྱུ་བྱུང་ན་སེམས་ཉིད་མིན། །མཐོང་མེད་མཐོང་བས་སེམས་ཉིད་མཐོང་། །མཐོང་མེད་སེམས་ལ་མ་ཡེངས་ཞོག །ཅེས་གསུངས། །

[Full Size]

རྗེ་སྒམ་པོ་པས། སྣང་རིག་ངོ་བོ་སྟོང་གསལ་འདི། །ཆོས་སྐུ་ཡིན་པར་ད་གཟོད་ཤེས། ཞེས་དང་། སྣང་གྲག་སེམས་སུ་ཤེས་པ་ཡི། །དགའ་བ་སྤྲོ་བ་རྒྱུན་ཆད་མེད། །བདེ་བ་ཆེན་པོའི་གནད་ཅིག་རྙེད། །ཅེས་གསུངས། ཀརྨ་པཀིས། རང་སེམས་ཕྱག་རྒྱ་ཆེན་པོ་འདི། །སྐུ་གསུམ་མ་བསྒྲུབས་ལྷུན་གྲུབ་ཏུ། །གཞི་ལ་རྙེད་པས་བཙལ་མི་དགོས། །ཞེས་གསུངས། རང་བྱུང་རྡོ་རྗེས། ལར་ལྟ་བ་ལྟ་བ་ཟེར་ཙམ་ན། །ལྟ་བ་རང་གི་སེམས་ལ་ལྟོས། །བལྟས་པས་མཐོང་རྒྱུ་མ་བྱུང་ན། །མཐོང་བའི་རྒྱལ་པོ་དེ་ཀ་རང་། །ཞེས་གསུངས། རོལ་པའི་རྡོ་རྗེས། དང་པོ་ཐ་མལ་ཤེས་པ་འདི། །ཆོས་སྐུ་ཡིན་པར་ཤེས་པར་མཛོད། །མི་དྲན་དགུ་དྲན་རྟོག་པ་འདི། །ཡེ་ཤེས་ཡིན་པར་ཤེས་པར་མཛོད། །ཅེས་གསུངས། མཁའ་སྤྱོད་དབང་པོས། རང་སེམས་རང་ངོ་ཤེས་ན་སངས་རྒྱས་རང་། །ཐ་སྙད་ཐོས་བསམ་མང་པོས་ཅི་ཞིག་བྱ། །གཞུང་ལུགས་རྟོག་པའི་དྲི་མ་ཡལ་དུ་ཆུག །གཅེར་མཐོང་རང་གྲོལ་འདི་ནི་བྱང་ཆུབ་ལམ། །ཞེས་གསུངས་སོ།། ༼༢༤༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་

[Full Size]

ཟབ་མོ། རྫོགས་པ་ཆེན་པོའི་ཁྲེགས་ཆོད། ཐོད་རྒལ་གཉིས་ལས། ཟུང་འཇུག་དགོས་པའི་རྒྱུ་མཚན། མཁའ་འགྲོ་ཀློང་གསལ་འབར་བ་ཉི་མའི་གསང་རྒྱུད་ལས། ཁྲེགས་མ་ཆོད་ན་ཐོད་མི་རྒལ། །ཐོད་མ་རྒལ་བར་ཁྲེགས་མི་ཆོད། །ཅེས་གསུངས། མུ་ཏིག་ཕྲེང་བ་ལས། ལུས་ཀྱི་ལས་ནི་རྣམ་གསུམ་ལས། །སེང་གེའི་ཚུལ་དང་གླང་ཆེན་ཚུལ། །དྲང་སྲོང་ཙོག་པུར་གནས་པ་དང་། །ཞེས་གསུངས་པས། ཁྲིད་ཞུ་བ་མང་ན་ནི། སྤྲུལ་སྐུའི་འདུག་སྟངས་ཀྱིས་ཆོག་སྟེ། ཐུགས་རྗེ་ཆེན་པོ་འོད་མཆོག་གི་དཀར་ཁྲིད་ཉིན་མོའི་རྣལ་འབྱོར་ལས། སྐབས་སུ་སྤྲུལ་སྐུའི་འདུག་སྟངས་དྲང་སྲོང་ཙོག་པུ་བྱ། ཞེས་གསུངས་པས། སྤྲུལ་སྐུའི་འདུག་སྟངས་དྲང་སྲོང་ཙོག་པུ་ནི། ། ལུས་ཙོག་པུ་བྱས་ལ་རྐང་པའི་ལོང་བུ་གཉིས་གཤིབ་རྐང་མཐིལ་གཉིས་ས་ལ་ཕབ་ཅུང་ཆ་བསྲང་། པུས་མོ་གཉིས་བྲང་ལ་སྦྱར། ལག་པའི་མཁྲིགས་གཉིས་བསྣོལ་ལ་པུས་མོ་ལ་འཁྱུད། སྒལ་ཚིགས་དྲང་པོར་བསྲངས་སོ། །འདི་ལྟར་ལུས་གནད་རྣམ་གསུམ་གཟིར་བས། ལུས་ལ་རིག་པའི་ཡེ་ཤེས་ཡོད་པ་དེ། གནད་གཟིར་བས་མངོན་སུམ་དུ་མཐོང་

[Full Size]

ཉི་མ་གསུམ་བཞི་ལ་མི་སྨྲ་བར་ཇེ་ཉུང་ཇེ་ཉུང་བཅད་པར་བྱའོ། །གཞན་ཚིག་གིས་མ་འདྲེས་པར་ངག་ཁྲིགས་གིས་བཅད་པར་བྱའོ། །ཅི་ཡང་མི་བརྗོད་པར་ལྐུགས་པ་ལྟར་བརྟན་པར་བྱའོ། །རིག་པ་གཞན་དུ་མ་ཡེངས་པར་བྱའོ། །གཏད་པའི་འབེན་དང་བྲལ་བར་བྱའོ། ༈ །དེ་ཡང་ནམ་མཁའ་སྟོང་པ་ལས་ཆགས་པའི་ཡུལ་མིན་པའི་ཕྱིར། ཡུལ་གྱིས་གནད་དབྱིངས་ལ་གཏད་པས་ཡེ་ཤེས་རྒྱུག་པར་གནས་པའི་ཕྱིར་རོ། །རླུང་རང་བབས་སུ་ཤིན་ཏུ་དལ་བར་བྱའོ། །དང་པོ་ཐུན་ཆུང་ལ་གྲངས་མང་བར་བྱའོ། །དེ་ནས་ཐུན་ཇེ་རིང་ཇེ་རིང་ལ་ཡུན་བསྲིང་། ཟླ་བ་ཕྱེད་དང་གཉིས་ཀྱི་འབྱངས་བར་འགྱུར་རོ། །དེ་ལྟར་ཉམས་སུ་བླངས་བས་འཆར་ཚུལ་ནི། མཁའ་འགྲོ་སྙིང་ཐིག་གི་ཁྲིད་ཡིག་རིན་ཆེན་དཔུང་པ་ལས། ཆོས་ཉིད་མངོན་སུམ་གྱི་སྣང་བ་ཆ་ཕྲ་ལ་དང་པོ་གསལ་ལ་འཚེར་བ། རང་བཞིན་བཀྲག་པ། ཉམ་ང་བ། མངོན་སུམ་དུ་འཆར་ཏེ། དག་པ་དབྱིངས་ཀྱི་སྒྲོན་མ། གྱེན་འགྲེང་དང་རྩིབ་ཤར་པ། མདའ་དང་མདུང་རྩེ་ལྟ་བུ། ཉ་མིག་ལྟ་བུ་དང་། མིག་ཚག་ལྟ་བུ་དང་། གྲ་མིག་ལྟ་བུ་དང་། རིན་པོ་ཆེ་འབར་བ་ལྟ་བུ་དང་།

[Full Size]

མཆོད་རྟེན་ལྟ་བུ་དང་། ཐིག་ལེ་དང་ཐིག་ཕྲན་གྱིས་འཁྲིགས་པ། འཇའ་ཚོན་ཁ་དོག་ལྔ་ལྡན་མངོན་སུམ་དུ་འཆར་རོ། །དེ་རྣམས་ཀྱི་ནང་དང་བར་ཐམས་ཅད་དུ། རིག་པའི་ངོ་བོ་རྡོ་རྗེ་ལུ་གུ་རྒྱུད་དུ་གསལ་ལོ། །དེ་ངོས་ཟིན་པར་བྱས་ལ། འགུལ་འཕྲིག་མེད་པར་ཉམས་སུ་བླང་བར་བྱའོ། །ཞེས་གསུངས། ད་ལྟ་འཇའ་འོད་ཐིག་ལེ་བལྟས་པས། བར་དོར་འཇའ་འོད་ཟེར་གསུམ་ཤར་བའི་ཚེ། ཡེ་ཤེས་ལྔ་ངོ་འཕྲོད་ནས་གྲོལ་ཏེ། ཐུགས་རྗེ་ཆེན་པོ་འོད་མཆོག་གི་གསང་ལམ་ངོ་སྤྲོད་རྒྱུད་ལས། རིགས་ཀྱི་བུ་རང་དབུགས་ཆད་པ་དང་སངས་རྒྱས་ཀྱི་ཞིང་ཁམས་རྣམ་པར་དག་པ་མེ་ལོང་ལ་ཉི་མ་ཤར་བ་ལྟ་བུ་དུས་གཅིག་ལ་འཆར་རོ། །དེའི་དུས་སུ་འོད་ཁ་དོག་མཐིང་ཀ་མཐོང་བའི་ཚེ་ན། གསང་བའི་བདག་པོ་དག་སྣང་ཤར་བའི་ཚེ། ཡེ་ཤེས་ལྔ་ངོ་ཤེས་ཤིང་དྲན་པས་སངས་རྒྱས་ཐོབ་བོ། །ཞེས་གསུངས་པའི་ཕྱིར། འཇའ་འོད་ཐིག་ལེ་ཐིག་ཕྲན་འདི་རྒྱུན་དུ་བལྟས་པས་འཁོར་བར་ཕྱིར་མི་ལྡོག་པར་གསུངས་སོ། །ཉམས་གོང་འཕེལ་གྱི་སྣང་བ་འཆར་ཏེ། ཐིག་ལེ་ནང་དུ་སྐུ་རྐྱང་པ་དང་། ཕྱེད་སྐུ་དང་། ལྷ་ཡབ་ཡུམ་གྱི་རྣམ་པ་

[Full Size]

དང་། ལུ་གུ་རྒྱུད་གར་གཏད་དུ་སྡོད་པ་རྣམས་འབྱུང་ངོ་། །ཐེར་མ་དང་རྔ་ཡབ་ལ་སོགས་མིག་བཀག་ནས། བལྟས་པས་ཤིན་ཏུ་ཡང་གསལ་བར་འགྱུར་རོ། །ཞེས་རིག་འཛིན་ཀུ་མ་རཱ་ཛས་གསུངས་སོ། །ཐལ་འགྱུར་ལས། ཉམས་ཀྱི་སྣང་བ་གོང་འཕེལ་ནི། །ཡེ་ཤེས་ཁ་དོག་དབྱིབས་འཆར་ནས། །གྱེན་འགྲེངས་དང་ནི་རྩིབ་ཤར་དང་། །ཐིག་ལེ་སྣ་ཚོགས་སྐུ་གཉིས་དང་། །རིག་པ་སྣང་བའི་ཡུལ་ལ་གསལ། །ཅེས་དང་། འདས་རྗེས་ལས། ཉམས་སྣང་གོང་དུ་འཕེལ་བ་ནི། །བར་དོ་ཡེ་ཤེས་མངོན་དུ་བྱས། །ཞེས་གསུངས་སོ། །མཁའ་འགྲོ་སྙིང་ཐིག་གི་ཁྲིད་ཡིག་རིན་ཆེན་དཔུང་པ་ལས། དེ་ནས་ཉམས་སུ་བླངས་པས། རིག་པ་ཚད་ལ་ཕེབས་པའི་སྣང་བ་འཆར་རོ། ། ཐིག་ལེ་རེ་རེའི་ནང་དུ་རིགས་ལྔ་ཡབ་ཡུམ་གྱི་ཚོམ་བུ་རྫོགས་པ་དང་། སྟོང་གསུམ་ཐམས་ཅད་ཀྱང་ལུ་གུ་རྒྱུད་ཁྲ་ཤིག་ཤིག་པ་དང་། རང་སྣང་རིག་པའི་འཆར་ཚུལ་ལ་དབང་ཐོབ་པའོ། །ཐལ་འགྱུར་ལས། རིག་པ་ཚད་ཕེབས་སྣང་བ་ནི། །ལོངས་སྐུ་མཚན་དཔེར་གསལ་བ་ནི། །མ་ངེས་ཁ་དོག་འཇའ་ཚོན་ལས། །རིགས་ལྔ་ཡབ་དང་ཡུམ་དུ་

[Full Size]

སྣང་། །དེ་ནས་ལྔ་ལྔ་ཟུང་དུ་བཅས། །རབ་ཏུ་གསལ་བའི་ཐིག་ལེ་འབྲེལ། །ཡབ་ཡུམ་སྐུ་ཡི་སྣང་བ་ཅན། །འཁྲུལ་སྣང་ཟད་ནས་ཞིང་ཁམས་སོ། །ཞེས་དང་། འདས་རྗེས་ལས། རིག་པ་ཚད་ཕེབས་སྣང་བ་ཡི། །ལོངས་སྤྱོད་རྫོགས་པའི་སྐུ་ངོས་ཟིན། །ཞེས་གསུངས་སོ། །རྫོགས་ཆེན་རིན་ཆེན་སྤུང་པ་ལས། དེ་ནས་ཆོས་ཉིད་ཟད་པའི་སྣང་བ་འཆར་ཏེ། ཉམས་ཀྱི་འཕེལ་དེ་རྣམས་ཐམས་ཅད་ཟད་ནས། སྐུ་གསུམ་གྱི་འཛིན་པ་རང་སར་སྟོང་སྟེ། རིག་པ་གཞི་ཐོག་ཏུ་ལྷང་ངེར་ཕེབས་ནས། །བསྒོམ་བྱ་སྒོམ་བྱེད་ཀྱི་འཛིན་པ་རང་སར་གྲོལ་ཏེ། མ་རིག་པའི་འཁྲུལ་པ་རྩ་བ་ནས་དག་ནས། ཀ་དག་ཀུན་ཏུ་བཟང་པོའི་དགོངས་པ་ལ་སླེབས་པའོ། །ཐལ་འགྱུར་ལས། ། ཆོས་ཉིད་ཟད་པའི་སྣང་བ་ནི། །ཉམས་ཀྱི་སྣང་བ་སྟོང་པ་ནི། །ལུས་ཟད་དབང་པོའི་ཡུལ་ཡང་ཟད། །རྟོག་ཚོགས་འཁྲུལ་པ་རང་གྲོལ་ནས། །བརྗོད་གཞིའི་ཚིག་དང་བྲལ་བའོ། །ཞེས་དང་། དེ་ལྟར་ལུས་རྒྱུན་ཆད་ནས། ཟག་བཅས་ཀྱི་ཕུང་པོ་མི་སྣང་བར། འདི་ལ་མངོན་པར་སངས་རྒྱས་སོ། །ཞེས་གསུངས། འདས་རྗེས་ལས། ཆོས་

[Full Size]

ཉིད་ཟད་པའི་སྣང་བ་ཡིས། །རྫོགས་ཆེན་བྱ་བྲལ་འབྲས་བུ་ཐོབ། །འདི་ལྟར་གཞི་ལམ་མཐར་ཕྱིན་ནས། །མྱང་འདས་གཞན་ནས་བཙལ་དུ་མེད། །ཅེས་གསུངས་པས། །རབ་ཟག་བཅས་ཀྱི་ཕུང་པོ་འོད་གསལ་དུ་གྲོལ། འབྲིང་ཆོས་ཉིད་བར་དོར་སངས་རྒྱས། ཐ་མ་སྤྲུལ་སྐུའི་ཞིང་ཁམས་ལྔར་བརྫུས་ཏེ་སྐྱེས་ནས་བར་དོ་མེད་པར་སངས་རྒྱས་སོ། །ཞེས་གསུངས་སོ།། ༼༢༥༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། འདི་བསྒོམས་པས་ཉམས་ལེན་མཐར་མ་ཕྱིན་བར་འཆི་བའི་དུས་བྱུང་ན། འཕོ་བ་ལམ་གྱི་སྐྱེལ་མ་འདི་བསྒོམ། དེ་ཡང་ཀུན་བཟང་དགོངས་པ་ཀུན་འདུས་རྒྱུད་ལས། འཆི་རྟགས་མ་བྱུང་བཏབ་གྱུར་ན། །ལྷ་བསད་ཉེས་པ་ཤིན་ཏུ་ཆེ། །སྐྱེ་བ་ལྔ་བརྒྱར་མི་ལུས་བསྒྲིབས། །ཞེས་གསུངས་པས། རིམ་གྲོ་ཅི་འགྲུབ་ལ་འབད། དེས་ཀྱང་མ་ཕན་འཆི་ངེས་པར་གྱུར་ནས། ཐུགས་དམ་མི་ཟིན་དོགས་པའམ། ཟིན་ཀྱང་རོ་བདག་མེད་ཡིན་ན། འཕོ་བ་བསྒོམ་པར་བྱ་སྟེ། ཆགས་ཞེན་མེད་པ་གལ་ཆེ་བས། མདུན་གྱི་ནམ་མཁར་བླ་མ་ཡི་དམ་ཐམས་ཅད་སྐྱབས་འགྲོ་དུས་ལྟར་གསལ་བཏབ་

[Full Size]

ལ། རང་གི་ལུས་ལོངས་སྤྱོད་སྦྲ་གུར་ཁང་པ་ཞིང་ནོར་རྫས་ཉེ་དུ་སོགས། ཆགས་ཞེན་སྐྱེ་བའི་ཡུལ་ཐམས་ཅད་མཎྜལ་གཅིག་ཏུ་བསྡུས་ཏེ། ལན་གསུམ་འབུལ་བར་དམིགས་ཏེ། ས་གཞི་སྤོས་བྱུགས་མ་ཚར་གསུམ་འདོན། ཀརྨ་པཀྵིའི་ཞལ་ནས། ཁྲོམ་ཆོས་ནམ་བྱེད་དོ་ཅོག་གདམས་ངག་འདི་སྤྲོད་པར་བྱའོ། །གཞན་གྱི་ཤི་ཆོས་བྱེད་ན་ཡང་འདི་ཀུན་གྱིས་སྐད་ཆེན་པོར་བསྒྲགས་ནས་འཕོ་བ་བཏབ་ན་སྐད་ཅིག་ཉིད་ལ་སངས་རྒྱས་པར་འགྱུར་རོ། །འཕོ་བ་འདི་མི་རྣམས་ཀུན་ལ་བསྟན་ན་ཕྲིན་ལས་ཤིན་ཏུ་ཆེ་བར་གསུངས་པ་ཡིན་ནོ།། ༈ །རང་ཉིད་ཐུགས་རྗེ་ཆེན་པོ་སྐུ་མདོག་དཀར་པོ་ཞལ་གཅིག་ཕྱག་བཞི་པ། སྐུ་ལུས་ཀྱི་ནང་སྟོང་སང་ངེ་བར་བསྒོམ། འོག་སྒོ་དང་གསང་གནས་དང་ཁ་དང་། ལྟེ་བ་དང་སྣ་བུག་གཉིས་རྣ་བ་གཉིས། སྨིན་མཚམས་ཚངས་སྨེ་རྣམས་ཧྲཱིཿཡིག་དམར་པོ་རེ་རེས་བཀག་པར་བསྒོམ། རང་གི་ལུས་ཀྱི་དབུས་སུ་རྩ་དབུ་མ་ཕྱི་དཀར་ལ་ནང་དམར་བ། ཡར་སྣེ་ཚངས་བུགས་སུ་རིག་དུང་གི་ཁ་ལྟར་ཧད་པོར་ཡོད་པ། མར་སྣེ་ལྟེ་འོག་སུམ་མདོར་ཕཊ་ཀྱིས་བཀག་ནས་ཕུག་རྡུགས་སུ་ཡོད་པར་རང་གི་སྙིང་གར་པདྨ་དང་

[Full Size]

ཟླ་བའི་གདན་ལ། རང་གི་རླུང་སེམས་རྣམ་པར་ཤེས་པའི་ངོ་བོ་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་བཞི་པ་ཚོན་གང་བ་སྐུ་ཆུང་ལ་ཡན་ལག་དོད་པ། བཀྲག་མདངས་གཟི་བརྗིད་དང་ལྡན་པ་ཞིག་བསྒོམ། རང་གི་སྤྱི་བོར་མཐོ་གང་ཙམ་དུ་པདྨ་དམར་པོ་འདབ་མ་སྟོང་ལྡན་དང་ཟླ་བའི་དཀྱིལ་འཁོར་ཉ་གང་བའི་སྟེང་དུ། རྩ་བ་དང་བརྒྱུད་པའི་བླ་མ་ཡི་དམ་སངས་རྒྱས་བྱང་སེམས་ཐམས་ཅད་གཅིག་ཏུ་བསྡུས་པའི་ངོ་བོ་སངས་རྒྱས་འོད་དཔག་ཏུ་མེད་པ་སྐུ་མདོག་པདྨ་རཱ་ག་ལྟར་དམར་བ། ཞལ་གཅིག་ཕྱག་གཉིས་མཉམ་བཞག་གི་སྟེང་ན་བདུད་རྩིས་བཀང་བའི་ལྷུང་བཟེད་བསྣམས་པ། དབུ་གཙུག་ཏོར་ཞབས་འཁོར་ལོ་སོགས་མཚན་དང་དཔེ་བྱད་ཀྱིས་བརྒྱན་ཅིང་ཆོས་གོས་རྣམ་གསུམ་གསོལ་ཞིང་། རྡོ་རྗེའི་སྐྱིལ་ཀྲུང་གིས་བཞུགས་པར་བསྒོམ། བདེ་བ་ཅན་ནས་འོད་དཔག་མེད་དང་། ཕྱོགས་བཅུའི་ཞིང་ཁམས་ནས་བླ་མ་ཡི་དམ་སངས་རྒྱས་བྱང་སེམས་རང་གིས་རེ་ཞིང་ལྟོས་པ་ཐམས་ཅད་ཡིད་ཀྱིས་སྤྱན་དྲངས་ལ་བསྟིམ། དེ་སྐྱབས་གནས་ཀུན་འདུས་སུ་བློ་ཐག་བཅད་ནས། སངས་རྒྱས་འོད་དཔག་མེད་ལ་ཕྱག་འཚལ་ལོ། །ཞེས་ལན་མང་དུ་བརྗོད། །

[Full Size]

དེ་ནས་ཨོཾ་བརྗོད་པ་ཙམ་གྱིས་རང་སེམས་ཐུགས་རྗེ་ཆེན་པོ་དེ་སྤྱི་བོར་རྒྱངས་ཀྱིས་བྱོན་ནས། སྤྱི་གཙུག་ཏུ་སྐུ་མདོག་དཀར་ལྷག་ལྷག་བྱུང་བར་བསྒོམ་མ་ཎི་པདྨེ་ཧཱུྃ། བརྗོད་པས། རང་སེམས་ཐུགས་རྗེ་ཆེན་པོ་དེ་མར་བྱོན་སྙིང་གར་བཞུགས་པར་བསྒོམ། སྔར་ནས་དེ་འདྲ་ལན་འགའ་སྦྱངས་ན་ལེགས། རང་ཉིད་ནམ་འཆི་ལ་ཁད་རེད་པ་དང་། དེར་ཡོད་པ་རྣམས་ལ་ཡིག་དྲུག་སྐད་ཆེན་པོས་དབྱངས་ཐབས་སུ་འདོན་བཅུག་ལ། ཨོ་དྲག་ཏུ་བརྗོད་པ་ཙམ་གྱིས་རང་གི་རྣམ་ཤེས་ཐུགས་རྗེ་ཆེན་པོ་དབུ་མའི་ལམ་ནས་སྤྱི་བོར་རྒྱངས་ཀྱིས་འཕངས་ཏེ་འོད་དཔག་མེད་ཀྱི་ཐུགས་ཀར་བསྟིམ། ཡང་སྙིང་གར་ཐུགས་རྗེ་ཆེན་པོ་བསྒོམ་ཝིག་བྱེད་ལ་སྤར། ཡང་སྤུར་ཝིག་སྤར་ཝིག་བྱ། དབུགས་མ་སོང་གི་བར་དུ་དེ་ལྟར་བསྒོམ་མོ། །འཕོ་བ་ཐེབ་པའི་རྟགས་སུ། དྲོད་སྤྱི་བོར་འདུས་པ་དང་། རླངས་པ་དང་། སྤྱི་བོར་འབུར་བ་འབྱུང་། དེ་དུས་སམ་ཞག་གསུམ་ལྔ་བདུན་སོགས་ཀྱི་སོར། ནམ་མཁའ་ལ་འཇའ་ཚོན་འཁྲིགས་པ་དང་། རྟེན་རིང་བསྲེལ་གང་རུང་འབྱོན་ནོ། །ཡང་ཚེ་འདིར་རྫོགས་ཆེན་ལ་གོམས་འདྲིས་ཆེ། ཐོད་རྒལ་གྱི་ལྷ་སྐུ་རྟག་

[Full Size]

ཏུ་མཐོང་བ་གཅིག་ཡིན་ན། ཐུགས་དམ་འདུག་རྒྱུ་མེད་དེ། ཀློང་གསལ་སྙིང་ཐིག་གི་ངོ་སྤྲོད་ལས། སྐྱེས་བུ་ནད་ཀྱིས་བཏབ་སྟེ། འཆི་བའི་རྟགས་རྣམས་རྫོགས་ཤིང་། །ཁྱད་པར་དུ་འབྱུང་བ་འདུས་ཏེ། དབུགས་ཕྱིར་རིང་ལ་ནང་དུ་སྡུད་དཀའ་བ། སྣང་བ་དཀར་དམར་དུ་འཆར་ཞིང་། ཤེས་པ་ཟིང་ལང་བའི་དུས་དེར། རྡོ་རྗེ་སེམས་དཔའི་གསང་ལམ་ཞེས་བྱ་བ། རང་གི་མདུན་གྱི་ནམ་མཁའ་ལ་རང་གི་ཙཀྵའི་ནང་ནས། འོད་ཀྱི་ཐག་པ་དཀར་པོ་བ་དག་འཐེན་པ་ལྟ་བུའམ་མདུང་ཤིང་བསླང་བ་ལྟ་བུའམ། སྐས་ཁ་ལྟ་བུ་ན་རེ་བ་གཅིག་ནམ་མཁའ་ལ་ཟུག་པར་འཆར་རོ། །འོན་ཏེ་ཁ་དོག་ལྔ་ལྡན་དུ་འབྱུང་ཡང་སྲིད་དོ། །དེའི་དུས་སུ་རང་རིག་དབང་པོ་ལ་གཏད། དབང་པོ་འོད་ཀྱི་ཐག་པ་ལ་པས། རིག་པ་འོད་ལ་ཐིམ་ནས་དུས་དེ་ཉིད་དུ་མངོན་པར་རྫོགས་པར་སངས་རྒྱས་པར་ཐེ་ཚོམ་མེད་དོ། །ཞེས་ཨོ་རྒྱན་ཆེན་པོས་གསུངས། སྒོམ་མེད་རྟོགས་པའི་གང་ཟག་ནི། ཐུགས་དམ་ལ་འདུག་རྒྱུ་མེད་དེ། ཚེ་འདིར་སངས་རྒྱས་ཚར་བའི་ཕྱིར། །རོ་གཅིག་རྟོགས་པའི་གང་ཟག་དེ་ཞག་གསུམ་ལྔ་བདུན་ཙམ་ལས་མི་བཞུགས་ཏེ་འཆི་བ་ཆོས་

[Full Size]

སྐུར་སངས་རྒྱས། སྤྲོས་བྲལ་རྟོགས་པའི་གང་ཟག་དེ་ཡུན་རིང་ཐུང་ཅི་ཙམ་བཞུགས་མི་བཞུགས་རང་དབང་ཆེ་སྟེ། རྩེ་གཅིག་ཆེན་པོ་ནི་ཡུན་རིང་ཞིང་བརྟན་པོ་འོང་སྟེ། རྩེ་གཅིག་འབྲིང་ནི་གནད་གཅོད་འཇམ་ཞིང་བསྐུལ་མ་ཡོད་ན་ཟིན། འཆི་ཁ་ཞག་འདི་ཙམ་འདུག་སྙམ་པའི་དམ་བཅའ་གང་བྱས་སྟེང་དུ་འགྲོ་སྟེ། འཆི་སེམས་སྟོབས་དང་ལྡན་པའི་ཕྱིར་རོ། །རྩེ་གཅིག་ཆུང་ངུ་ནི་མི་ཟིན། ནུས་ན་ལུས་གནད་གཏུམ་མོ་ལྟར་དང་། མ་ནུས་ན་སེང་གེ་ཉལ་སྟབས་བྱས་ལ། སྐྱབས་འགྲོ་ཁྱད་པར་ཅན་བྱ། །བདག་འཆི་བའི་དེ་ཁོ་ན་ཉིད་འོད་གསལ་དོན་དམ་པའི་བདེན་པ་རྟོགས་པ་བྱས་ལ། སེམས་ཅན་ཐམས་ཅད་ཀྱི་དོན་དུ་སྲིད་པ་བར་དོར་ཟུང་འཇུག་ཕྱག་རྒྱ་ཆེན་པོའི་གོ་འཕང་མངོན་དུ་བྱའོ་སྙམ་དུ་སེམས་ཡང་ཡང་བསྐྱེད་འཕེན་པ་དྲག་པོ་བྱ། དེ་ནས་འཆི་བའི་ཚེ་མིག༴ རྣ་བར༴ སྣ༴ ལྕེ༴ ལུས༴ ས༴ ཆུ༴ མེ༴ རླུང་རྣམས་ཐིམ། ནང་རྟགས་དུ་བ་ལྟ་བུ། ཟླ་བ་ཤར་བ་ལྟ་བུ། ནང་རྟགས་སྲིན་བུ་མེ་ཁྱེར་ལྟ་བུ། ཕྱི་རྟགས་ཉི་མ་ཤར་བ་ལྟ་བུ། ནང་རྟགས་མར་མེ་ལྟ་བུ། ཕྱི་རྟགས་མུན་པ་ལྟ་བུ། ཕྱི་རྟགས་

[Full Size]

སྐྱ་རེངས་ཤར་བ་ལྟ་བུ། ནང་རྟགས་ཤེས་པ་ནམ་མཁའ་སྤྲིན་དང་བྲལ་བ་ལྟ་བུ། འོད་གསལ་མཐའ་དབུས་མེད་པ་ཞིག་འཆར་རོ། །འོད་གསལ་ཆོས་སྐུ་མངོན་དུ་གྱུར། ཞེས་གསུངས་སོ། །ཐལ་འགྱུར་ལས། འདིར་ནི་ཆོས་ཉིད་བར་དོར་བཤད། །འཆི་བ་ལས་ནི་ཐར་བའི་ཚེ། །རྣམ་ཤེས་ནམ་མཁའ་དག་ལ་ཐིམ། །ནམ་མཁའ་འོད་གསལ་དག་ལ་ཐིམ་པའི་དུས། །ཕྲ་རགས་སྣང་བ་ཀུན་འགགས་ཏེ། །ཞེས་གསུངས་པས། སྐེ་རྩིས་ཆད་འཕྲོ་མཐེབ་མཛུབ་ཀྱིས་ཅུང་ཟད་མནན་པས། ཐུགས་དམ་ཟིན་པའི་གནད་ཆེའོ། །ཡང་ཐུགས་དམ་མི་ཟིན་དོགས་པའམ། འགྲོགས་དོགས་ན། ཐུགས་དམ་དང་ཆོས་སྐུའི་འཕོ་བ་ཟུང་འཇུག་ནི། དང་པོར་རང་ལུས་སྤྱན་རས་གཟིགས་སོགས་ཡི་དམ་གྱི་སྐུར་བསྒོམ། སྒོ་བརྒྱད་ཧིཡིག་གིས་བཀག །དབུ་མ་གསལ་གདབ། །སྤྱི་བོར་སངས་རྒྱས་འོད་དཔག་མེད་བསྒོམ་ལ། སྙིང་ཁར་རྣམ་ཤེས་ཐིག་ལེ་དཀར་པོ་ཧཱིས་མཚན་པ། སྤྱི་བོར་འོད་དཔག་མེད་ཀྱི་ཐུགས་ཀར་ལན་མང་སྤར། དེ་ནས་ཅི་ཡང་མི་བསྒོམ་པར་རིག་པ་སྙིང་ཁར་གཏད་ནས་ཉམས་ལེན་སེམས་ངོ་སྐྱོང་། དཀར་ལམ་དམར་ལམ་ཅི་ཤར་

[Full Size]

ཡང་གང་ཤར་གྱི་ངོ་བོ་ལ་བལྟས། ཕྱི་དབུགས་ཆད་ཙམ་ནས་གདུང་གཡོགས་པས་གདུང་བཅས་གཟབ། མཐེབ་མཛུབ་ཀྱིས་སྐེ་རྩིས་ཅུང་ཟད་མནན། ཐུགས་ཡི་དམ་གསལ་འདེབས་ཤེས་ན་གང་ཤེས་བྱ། མ་ཤེས་ན་མིང་ནས་བོས་ལ། ཐུགས་དམ་མ་ཡེངས་ཞེས་ལན་གསུམ་བརྗོད། དེས་འོད་གསལ་དང་པོ་ལ་ངོ་འཕྲོད་དེ་གྲོལ་ལོ་གསུངས། ལུས་ཀྱི་གཟུགས་བཟང་ངན་ནི་གདུང་བཅས་པའི་བྱེད་ལས་ཡིན། ལུས་སེང་གེའི་ཉལ་སྟབས་ཡིན་ཀྱང་རུང་སྟེ། ཕུང་པོ་བཀྲག་མདངས་བཟང་བ་དང་། མིག་ཟིམ་བུ་ཁ་འཛུམ་པ་འདྲ། སེམས་ངོ་ཉམས་ལེན་ཡོད་པ་དེ་ཡི་དྲུང་དུ་བསྡད་ན། ཉམས་རྟོགས་བཟང་པོ་འཆར་བ་ནི་ཐུགས་དམ་ཡིན། ཞི་གནས་བདེ་གསལ་མི་རྟོག་པའི་ཉམས་ལ་ཆགས་པའི་རིགས། བཀྲག་མདངས་བཟང་བ་སོགས་ལེགས་པར་འོང་། བསྐྱེད་རིམ་བརྟན་པོས་ཐུགས་ཀའི་ས་བོན་ལ་རིག་པ་གནས་པར་ལྷག་པར་ཐུགས་དམ་བརྟན། དེ་དག་ལ་ལྷག་མཐོང་གི་ངོ་སྤྲོད་ཡང་ཡང་གདབ་ན། གོལ་སར་མི་འཆོར་ལམ་དུ་འགྲོའོ། །ཉམས་ལེན་མེད་ཅིང་ཁྲིད་ཀྱང་ཞུ་མ་མྱོང་ན། ཐུགས་དམ་ལ་བསྡད་པ་འདྲ་བ་འབྱུང་བ་

[Full Size]

ནི། དྲི་ཟ་དང་བགེགས་དང་གཤེད་ཀྱིས་བདག་ཏུ་བཟུང་བ་ཡིན་ཞེས་ཆོས་དྲུག་ཆེན་མོ་ལས་བཤད། འོད་གསལ་ཐུགས་དམ་དེ་ངོས་མ་ཟིན། བེམ་རིག་བྲལ་མ་ཐག །ཡང་འོད་གསལ་གཉིས་པ་འཆར་ཏེ། དེ་ཚེ་ཡང་ཐུགས་དམ་མ་ཡེངས་ཞེས་བརྗོད་ན། བེམ་རིག་བྲལ་ཚར་ཡང་། ཉམས་ལེན་ངོས་ཟིན་ནས་མི་འཁྲུལ་བར་ཡང་སྲིད་གསུངས། བ་བཞོ་ཡུན་དང་ཞག་གཅིག་དང་། །ཕལ་ཆེར་ཞག་གསུམ་ཉི་མའི་དྲོས་བཞིར་གནས། བཀའ་གདམས་གླེགས་བམ་ནས་ལ་ལ་ཞག་བདུན་གནས་པ་ཡང་ཡོད་གསུངས་པས། དེ་ཚུན་ལ་འཕོ་བ་འདེབས་རུང་། དེ་ནས་ཐུགས་དམ་མ་ཟིན་ན་ཇི་ལྟར་འཆར་ཚུལ་ནི། ཐུགས་རྗེ་ཆེན་པོ་ངན་སོང་རང་གྲོལ་ལས་ཀྱང་། སྒོ་གསུམ་གྱི་ཉམས་ལེན་ཐམས་ཅད་དེ་ལ་དུས་བརྒྱ་འགྱུར་གྱིས་གསོལ་བས་ལུས་ལྷའི་ང་རྒྱལ་གྱིས་སྣང་སྲིད་ཐམས་ཅད་འོད་དང་འོད་ཟེར་འདྲེས་པ་ལྟ་བུ་ལྷའི་རྣལ་འབྱོར་དང་། ངག་སྔགས་ཀྱི་རྣལ་འབྱོར་གྱིས་སྒྲ་ཐམས་ཅད་གྲག་སྟོང་ཡི་གེ་དྲུག་པའི་སྒྲ་དབྱངས་བྲག་ཆ་ལྟ་བུ་དང་། སེམས་ཆོས་ཉིད་ཀྱི་རྣལ་འབྱོར་གསལ་སྟོང་དབྱེར་མེད་ཉི་མ་དང་ཉི་མའི་འོད་འབྲལ་མི་ཤེས་པ་ལྟ་བུ་དང་། སྒྲ་དང་འོད་

[Full Size]

དང་ཟེར་དང་གཟུགས་སྣ་ཚོགས་ཅི་ཤར་ཡང་འཇིགས་པ་མེད་པར་རང་ལ་རང་ཤར་དུ་གྲོལ་བས་འདི་ནི་གདམས་པ་མན་ངག་ཟབ་མོ་ཐམས་ཅད་ཀྱི་མཆོག་ཏུ་འགྱུར་རོ། །དེ་ལས་མ་གྲོལ་ན་ཞི་བ་དང་ཁྲོ་བོ་དང་། ཞི་མ་ཁྲོ་ལ་སོགས་པ་ཞི་ཁྲོ་དམ་པ་རིགས་བརྒྱའི་ལྷ་ཚོགས་ཐམས་ཅད་རིམ་གྱིས་འཆར་རོ། །ཞག་བདུན་དང་བཅུ་བཞི། ཉི་ཤུའི་བར་དུ་སྤྲུལ་པའི་སྣང་བ་འཆར་བ། གཟུགས་ལ་འབྲོས། འོད་ལ་སྐྲག །ཐིག་ལེ་ལ་བསྔངས། སྒྲ་ལ་འཇིགས། ཟེར་ཐག་ལ་ལྟར་མི་བཟོད་པའི་དུས་གཅིག་འོང་། །དེའི་དུས་ཇོ་བོ་ཐུགས་རྗེ་ཆེན་པོ་སྒོམས་ཤིག །སྙིང་པོ་ཡི་གེ་དྲུག་པ་སྒྲོངས་ཤིག །འོད་ཐམས་ཅད་རང་འོད། སྒྲ་ཐམས་ཅད་རང་སྒྲ། གཟུགས་ཐམས་ཅད་རང་གཟུགས་སྣང་སྟོང་། ཟེར་ཐམས་ཅད་རང་ཟེར་རང་ཤར་དུ་སྒོམས་ཤིག །ཅེས་དང་། ཐུགས་རྗེ་ཆེན་པོ་པདྨ་ཞི་ཁྲོ་ལས། རབ་དག་པ་མཁའ་སྤྱོད་ཀྱི་གནས་སུ་འགྲོ་བ་ནི། འཕེན་པ་འདི་ལྟ་བུར་བཏང་སྟེ། ཀྱེ་མ་བདག་བསྐལ་པ་གྲངས་མེད་ཚད་མེད་ཐོག་མ་མེད་པའི་དུས་རིང་པོ་དེ་ཙམ་ཞིག་ནས་ད་རུང་ཡང་འཁོར་བའི་འདམ་འདིར་ལུས་པ་ནི་སྐྱོ་བ་ལ། སྔོན་ནས་

[Full Size]

དེ་སྙེད་ཅིག་སངས་རྒྱས་པའི་རིང་ལ་བདག་མ་གྲོལ་བ་འདི་ཨ་ཙ་མ། ད་ནི་འཁོར་བ་ལ་སྐྱུགས་རེ་ལོག །ཞེ་རེ་འཇིགས། གཞུག་རེ་བུད། ད་ནི་བོས་པའི་གྲབ་བྱས་རེ་རན་ནས་འདུག །བདག་རང་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སངས་རྒྱས་སྣང་བ་མཐའ་ཡས་ཀྱི་ཞབས་དྲུང་དུ་མེ་ཏོག་པདྨའི་ཁ་ནས་བརྫུས་ཏེ་སྐྱེ་བ་བྱ་དགོས་སྙམ་པའི་ནུབ་བདེ་བ་ཅན་གྱི་ཞིང་ཁམས་སུ་འདུན་པ་དྲག་ཏུ་གཏད་དོ། །རྩེ་གཅིག་ཏུ་མ་ཡེངས་པར་བྱས། པདྨའི་སྙིང་པོ་ལ་བརྫུས་ཏེ་སྐྱེའོ། །ཞེས་དང་། མཁའ་འགྲོ་ཀུན་གྱི་སྙིང་ཐིག་ཀློང་གསལ་རྒྱུད་ལས། ཀྱི་ལས་དག་པ་དང་། ངོ་སྤྲོད་ཐོབ་པ་རྣམས་དང་། དུས་དེ་ཉིད་ལ་སྣང་བ་འགྱུར་ནས། ནུབ་ཕྱོགས་བདེ་བ་ཅན་གྱི་ཞིང་ཁམས་སུ་ཡར་འགྱུར་ཏེ། དེར་སངས་རྒྱས་སྣང་བ་མཐའ་ཡས་ཀྱི་ཐུགས་ཀར་ཐིམ། ཡུམ་གྱི་པདྨ་ལས་ཐོན་ནས། པདྨ་རིགས་ཀྱི་གཙོ་འཁོར་འགྱུར་ཏེ། སངས་རྒྱས་ནས་འཁོར་བ་དོང་སྤྲུགས་པའོ། །ཞེས་དང་། ཕག་གྲུའི་ཐབས་ལམ་ཚིགས་བཅད་མ་ལས། དེ་ཡང་འཕེན་པ་འདི་བཞིན་བཏང་། །བདེ་བ་ཅན་གྱི་ཞིང་ཁམས་སམ། །པདྨོ་ཅན་གྱི་ཞིང་ཁམས་སུ། །བརྫུས་སྐྱེས་ལ་ཁ་འགྱུར་ནས། ནུབ་སངས་རྒྱས་ནས་འཁོར་བ་བས། །བརྫུས་སྐྱེས་

[Full Size]

སྐྱེ་བ་བསམ་པ་ཡི། །འདུན་པ་དྲག་པོ་བཏང་བར་བྱ། །ཞེས་གསུངས་པ་ལྟར་ཞིང་ཁམས་དེར་འགྲོ་བར་གྱིས་ཤིག། ༼༢༦༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། རྒྱུ་སེམས་ཅན་ལ་འབྲས་བུ་སངས་རྒྱས་སྒྲུབ་པའི་ཐབས། གཞི་ལམ་འབྲས་གསུམ་དུ་བསྡུས་ཏེ་བཤད་ན། མདོ་སྡེ་མྱ་ངན་འདས་ཆེན་ལས་ཀྱང་། དཔེར་ན་འོ་མ་ལ་མར་གྱིས་ཁྱབ་པར་གནས་སོ། །དེ་བཞིན་དུ་དེ་བཞིན་གཤེགས་པའི་སྙིང་པོས་ཀྱང་སེམས་ཅན་ཡོངས་ལ་ཁྱབ་པར་གནས་སོ། །ཞེས་དང་། མདོ་སྡེ་རྒྱན་ལས་ཀྱང་། དེ་བཞིན་ཉིད་ནི་ཐམས་ཅད་ལ། །ཁྱད་པར་མེད་པ་དག་གྱུར་པ། །དེ་བཞིན་གཤེགས་ཉིད་དེ་ཡི་ཕྱིར། །འགྲོ་ཀུན་དེ་ཡི་སྙིང་པོ་ཅན། ། ཞེས་གསུངས། རྡོ་རྗེ་གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་དང་། ཀྱེ་རྡོ་རྗེ་ལས། སེམས་ཅན་རྣམས་ནི་སངས་རྒྱས་ཉིད། །འོན་ཀྱང་གློ་བུར་དྲི་མས་བསྒྲིབ། །ཅེས་གསུངས་སོ། །གློ་བུར་དྲི་མ་དེ་བསལ་ནས། ཚེ་གཅིག་ལུས་གཅིག་ལ་སངས་རྒྱས་པའི་ཐབས། ཕྱག་རྫོགས་

[Full Size]

ཟུང་འཇུག་འདི་ཉིད་ཉམས་སུ་བླངས་བས་ལམ་བགྲོད་དེ། གླིང་རས་ཀྱི་ཞལ་ནས། བཞི་གསུམ་བཅུ་གཉིས་ཚོགས་ཀྱི་ལམ། །རྟོགས་པ་གཅིག་གིས་བགྲོད་པ་ཡིན། །ཞེས་གསུངས། ཁྲིད་ཡིག་ཆེན་མོ་ལས། རྩེ་གཅིག་ཚོགས་སྦྱོར་སྤྲོས་བྲལ་མཐོང་བའི་ལམ། །རོ་གཅིག་སྒོམ་མེད་འབྲིང་མན་བསྒོམ་ལམ་སྟེ། །སྒོམ་མེད་ཆེན་པོ་རྫོགས་པའི་སངས་རྒྱས་སོ། །ཞེས་གསུངས་སོ། །དེ་ལ་ས་ལམ་དེ་ཡང་ཐོབ་མཁན་ཡང་མང་ན། དངོས་སུ་རྟགས་དང་ཡོན་ཏན་མེད་པ་ཅི་ཞེ་ན། བྱམས་པ་ལུང་བསྟན་པའི་མདོ་ལས། །དགེ་སློང་མ་ཕམ་འདི་བསྐལ་བཟང་སངས་རྒྱས་ལྔ་པར་ལུང་བསྟན་ན། འདི་ལ་རྟགས་དང་ཡོན་ཏན་ཅི་ཡང་མི་འདུག་པས། འདི་རྒྱལ་བ་བྱམས་པར་འགྱུར་སྲིད་དམ་ཞེས་དགེ་སློང་རྣམས་ཐེ་ཚོམ་དུ་གྱུར་པས། བཅོམ་ལྡན་འདས་ཀྱིས་བྱམས་པ་ལུང་བསྟན་གྱི་མདོ་གསུངས་པ་དེས། རྟགས་དང་ཡོན་ཏན་ཡོད་མེད་ཀྱིས་རྟོགས་པ་མཐོ་དམན་གྱི་ཚོད་མི་ཟིན་པ་དེ་གསལ། རྗེ་ཕག་མོ་གྲུ་པའི་ཞལ་ནས། འདི་ལ་ཐེ་ཚོམ་མི་དགོས་ཏེ། །ཉི་མ་ཤར་བ་ཙམ་གྱིས་ནི། །ས་གཞི་དྲོ་བར་མི་ནུས་ཀྱང་། །རིམ་གྱིས་འོད་ཟེར་རྒྱས་ནས་

[Full Size]

གྲོལ། །མདོ་སྔགས་ཀྱི་འབྲས་བུ་སངས་རྒྱས་དོན་དུ་གཉེར་བ་ཡིན་པས། གནས་སྐབས་ཀྱི་རྟགས་དང་ཡོན་ཏན་ཡོད་མེད་ལ་མ་ལྟོས། མཁའ་ལ་རྒྱུ་བའི་ཡི་ལ་དྭགས་དང་འབྱུང་པོ། བྱ་དང་གཅན་གཟན་འགའ་ཞིག་ལའང་ཡོད་པར། ཞི་གནས་ཁ་རྐྱང་ལ་བརྟེན་པའི་མངོན་ཤེས་གྲུབ་རྟགས་ནི། མུ་སྟེགས་པ་དང་བོན་པོ་ལ་ཡང་ཡོད་པས། གླིང་རྗེ་རས་པས། གྲུབ་ཆེན་བརྒྱད་ལ་མངའ་བརྙེས་ཀྱང་། །ངོ་མཚར་ཆེ་ཙམ་མ་རྟོགས་པ། །བྱང་ཆུབ་ཐོབ་ལ་ཕན་རྒྱུ་ཆུང་། །ཞེས་གསུངས་སོ། །འདི་སྐབས་མདོ་སྔགས་འབྲས་བུའི་ཁྱད་པར་ནི། དགེ་བའི་བཤེས་གཉེན་འགའ་ཞིག་གི་བཞེད་པ་ལ། མདོ་ལུགས་ཁོ་ནས་སངས་རྒྱས་མི་ཐོབ་པར། ས་བརྒྱད་ཡན་ནས་སྔགས་ལ་འཇུག་དགོས་ཟེར། ལ་ལས་ས་བཅུའི་མཇུག་ཏུ། ཕྱོགས་བཅུའི་སངས་རྒྱས་ཀྱི་འོད་ཟེར་ཆེན་པོས་དབང་བསྐུར་བ་དེས་ཆོག་སྔགས་ལ་འཇུག་མི་དགོས་པ་མདོ་ལུགས་ཀྱིས་སངས་རྒྱས་ཡོད་ཟེར། མི་བསྐྱོད་རྡོ་རྗེས། རང་ལུགས་མདོ་ལུགས་ཀྱིས་སངས་རྒྱས་བསྒྲུབ་པས། སྔགས་ལུགས་ཀྱིས་སངས་རྒྱས་ཞོར་འབྱུང་དུ་མི་ཐོབ་ལ། སྔགས་ལུགས་ཀྱིས་སངས་

[Full Size]

རྒྱས་བསྒྲུབ་པས་མདོ་ལུགས་ཀྱིས་སངས་རྒྱས་ཞོར་འབྱུང་དུ་འགྲུབ་པར་བཞེད་དོ། །དེ་བཞིན་དུ་ཨོ་རྒྱན་རིན་པོ་ཆེའི་ཞལ་ནས། དེ་ཡང་རྫོགས་ཆེན་གྱི་ཆོས་ཉིད་ཟད་པ་དང་། མདོ་ལུགས་ཀྱི་ལམ་ལྔ་ལས། མཐར་ཕྱིན་པའི་ལམ་དང་། ཡོན་ཏན་མཉམ་མོ་སྙམ་ན། གཏན་ནས་མི་མཉམ་སྟེ། མདོ་ལུགས་ཁོ་རང་གིས་ས་བཅུ་ལམ་ལྔའི། ཡོན་ཏན་བརྒྱ་ཕྲག་དྲུག་ཅུའི་རྩལ་རྫོགས་ནས་མཐར་ཕྱིན་པ་ཡིན་ཀྱང་། ད་རུང་སྔགས་ཀྱི་ཡོན་ཏན་དང་རྩལ་མ་མཐོང་ཞིང་མ་རྫོགས་པའི་ཕྱིར་རོ། །ཆོས་ཉིད་ཟད་ས་དང་། མཐར་ཕྱིན་པའི་ལམ་གཉིས། ཁྱད་པར་ཤིན་ཏུ་གལ་ཆེའོ། །དེ་ཡང་ཕྱག་རྫོགས་ཟུང་འཇུག་ཐུགས་རྗེ་ཆེན་པོའི་དམར་ཁྲིད་འདི་ནི། ཐེག་པ་དགུའི་ཉམས་ལེན་ཐམས་ཅད་ཚང་བ་ཡིན་པས། ས་ལམ་དང་འབྲས་བུ་ཡང་། གྲུབ་ཆེན་ཀརྨ་པཀྵིའི་ཞལ་ནས། ཐེག་དགུའི་སྒྲ་དོན་རྟོགས་པ་དང་། །ནཱ་རོའི་བརྒྱུད་པས་བྱིན་བརླབ་ཅིང་། །རྣལ་འབྱོར་རང་བྱུང་རྡོ་རྗེ་ཡང་། །དག་སྣང་ས་ར་ཧ་དང་མཇལ། །སངས་རྒྱས་རྣམས་ཀྱི་བསྟན་པ་ནི། །རྒྱ་མཚོ་མཐའ་ཡས་གཏིང་དཔག་དཀའ། །དབང་པོ་རབ་འབྲིང་ཐ་མ་རྣམས། །འགའ་

[Full Size]

ཞིག་བསྒྲོད་ནས་མངོན་སངས་རྒྱས། །གཅིག་ཆར་བ་ཡི་གང་ཟག་རྣམས། །རྟོགས་ཐོབ་དུས་མཚུངས་ཀུན་ཏུ་བཟང་། །ས་ལམ་བསྒྲོད་དང་མི་བསྒྲོད་པའི། །འཁོར་འདས་ཀུན་ལ་ཁྱབ་པར་ཡང་། །ས་ལམ་རིམ་པ་ཉི་ཤུ་གཅིག །ཡང་དག་དོན་གྱི་འོག་མིན་དུ། །ཐམས་ཅད་རྫོགས་པ་སྤྱི་གཅིག་ས། །གནས་ལུགས་ཀུན་བཟང་ཆོས་ཀྱི་དབྱིངས། །རྫོགས་ཆེན་ཨ་ཏི་ཡོ་ག་ནི། །ཐེག་པ་ཀུན་ལས་འདས་པ་སྟེ། །ས་ལམ་རིམ་པ་བཅུ་དྲུག་ཀྱང་། །ཡང་དག་དོན་གྱི་འོག་མིན་དུ། །གདོད་ནས་ཐམས་ཅད་རང་བཞིན་རྫོགས། །འབྲས་བུ་ལམ་རྟགས་བྱེ་བྲག་རྣམས། །རྩོལ་མེད་ལྷུན་གྱིས་གྲུབ་པ་ཡི། །རང་རིག་འོག་མིན་གནས་སུ་རྫོགས། །ཞེས་གསུངས།། ༼༢༧༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། འདི་ཉིད་བསྒོམས་པས་ས་ལམ་ཇི་ལྟར་བགྲོད་པའི་ཚུལ། ཁྲིད་ཆེན་རྩ་ཚིག་ལས། རྩེ་གཅིག་ཞི་ལྷག་དབྱེར་མེད་དོན་ལ་གནས། །ཞེས་གསུངས། དྭགས་པོ་རིན་པོ་ཆེས། རྩེ་གཅིག་གི་རྣལ་འབྱོར་ནི། གསལ་ལ་མ་འགགས་པ། སྐད་ཅིག་མའི་ཤེས་པ་དེ་ཡིན་གསུངས། །

[Full Size]

ཀླུ་སྒྲུབ་ཀྱི་རིམ་ལྔ་ནས་གསུངས་པའི་སེམས་དབེན་དང་། ལྭ་ཝ་པོས་གསུངས་པའི་ལྷུན་གྱིས་གྲུབ་པའི་རྣལ་འབྱོར་དང་། ཤ་ཝ་རི་པས་ཏིང་འཛིན་ཉམས་སུ་མྱོང་བའི་རྣལ་འབྱོར་དང་། མེ་ཏྲི་པས་སྒྲོ་འདོགས་ཆོད་པའི་དུས་དང་། ལང་ཀར་གཤེགས་པའི་མདོ་ལས། བདག་མེད་ཀྱི་རྣལ་འབྱོར་དང་། བྱིས་པ་ཉེར་སྤྱོད་བསམ་གཏན་ཆོས་དྲུག་གི་ཟིན་པ་དང་། བུམ་དབང་གི་དོན་དེ་རྣམས་དོན་གཅིག་པར་བཞེད། ཕག་མོ་གྲུ་པས། རྩེ་གཅིག་འབྲིང་པོའི་ཏིང་ངེ་འཛིན་ལ་དབང་ཐོབ་གསུངས། རྩེ་གཅིག་འབྲིང་གསལ་སྟོང་འདྲ་ཟློབ་དྲན་པས་ཟིན་ན། རྒྱུན་དུ་མ་ཟིན་ནའང་རེས་ཡོངས་བ་དེར་སྦྱོར་ལམ་དྲོད་རྩེ་ཟེར་ཏེ། མྱོང་བ་བརྟན་དུ་སོང་ནས་གསལ་སྟོང་དེ་དྲན་པས་ཟིན་ན་རྒྱུན་དུ་ལོང་ངོ་། །རེས་མ་ཟིན་ཡང་ཡོང་ངོ་། །ཕག་གྲུའི་ཞལ་ནས། རྩེ་གཅིག་ཆེན་པོ་ཉམས་ཀྱི་འཁོར་ཡུག་ཏུ་སོང་བའོ། །ཞེས་དང་། གྲུབ་ཐོབ་བརྒྱུད་པའི་ཞལ་ལུང་ལས། ཉམས་ཀྱི་སྒོམ་མེད་ཡིན་ཀྱང་། རྟོགས་པའི་རྣལ་འབྱོར་བཞིའི་རྩེ་གཅིག་གི་རྣལ་འབྱོར་ཡིན། ཞེས་གསུངས་པ་དང་། བདག་གི་སློབ་དཔོན་མཁས་པ་ཆེན་པོ་རྒྱལ་རོང་པའི་ཞལ་ནས། སྦྱོར་ལམ་

[Full Size]

ཆོས་མཆོག་གི་སྐབས་སུ། སྟོང་ཉིད་མངོན་དུ་རྫོགས་སྙམ་བྱུང་ཡང་། ད་རུང་སྟོང་ཉིད་རྫོགས་པ་ནི་མིན་གསུངས། དེ་རྣམས་དོན་གཅིག་པར་སྣང་། རྩེ་གཅིག་དང་སྤྲོས་བྲལ་གྱི་ཁྱད་པར་ནི། རྣམ་རྟོག་ཆོས་སྐུར་ཤར་མ་ཤར་ཡིན་ནོ། །ཨཱ་ལི་ཀཱ་ལི་ཆུ་ཀླུང་ཆེན་པོའི་མདོ་ལས། གཉིས་པ་སྒྱུ་མ་ལྟ་བུའི་ཏིང་འཛིན་གྱིས། །སྤྲོས་དང་བྲལ་བའི་མཉམ་བཞག་ཆེན་པོ་ལས། །བསམ་གྱིས་མི་ཁྱབ་ཏིང་འཛིན་རྩལ་དུ་ཤར། །དྲོད་ཐོབ་ནས་ནི་སྐྱེ་བ་རང་དབང་འགྱུར། །ཞེས་གསུང་སོ། །རྗེ་དྭགས་པོ་རིན་པོ་ཆེས། སྤྲོས་བྲལ་གྱི་རྣལ་འབྱོར་ནི། རིག་པའི་ངོ་བོ་སྐྱེ་མེད་དུ་མཐོང་ནས། ཡར་སངས་རྒྱས་ལ་མི་རེ། མར་འཁོར་བ་ལ་མི་དོགས། བར་དུ་སྣང་བ་ལ་མི་འཛིན། །གཞན་གྱིས་བསྒྱུར་དུ་མི་མཏུབ་པའོ། །ཞེས་དང་། རིམ་ལྔ་ལས། འོད་གསལ་དང་། ལྭ་བ་པས། བསམ་གྱིས་མི་ཁྱབ་དང་། ཤ་ཝ་རི་པས་རྣལ་འབྱོར་དང་། མཻ་ཏྲི་པས་དབང་ཐོབ་པའི་དུས་དང་། ལང་ཀར་གཤེགས་པའི་མདོ་ལས། གཟུགས་མེད་ཀྱི་རྣལ་འབྱོར་དང་། དོན་རབ་འབྱེད་པའི་བསམ་གཏན་དང་། གསང་དབང་གི་དོན་

[Full Size]

རྣམས་གཅིག་པར་བཞེད། སྤྲོས་བྲལ་ངོ་བོ་མཐོང་བ་ཡིན་ཏེ། སྡུད་པ་ལས། གཟུགས་རྣམས་མི་མཐོང་ཚོར་བ་དག་ཀྱང་མི་མཐོང་ཞིང་། །ཀུན་ཤེས་མཐོང་བ་མེད་པ་སེམས་དཔའ་ཡང་མི་མཐོང་། །གང་ལ་རྣམ་པར་ཤེས་དང་ཡིད་སེམས་མཐོང་མེད་པ། །འདི་ནི་ཆོས་མཐོང་ཡིན་ཞེས་འདྲེན་པས་རབ་ཏུ་བཤད། །མཐོང་བ་དཔེ་གཞན་གྱིས་ནི་རྙེད་པར་ནུས་མ་ཡིན། །ནམ་མཁའ་མཐོང་ཞེས་སེམས་ཅན་ཚིག་ཏུ་རབ་ཏུ་བརྗོད། །ནམ་མཁའ་ཅི་ལྟར་མཐོང་བ་དེའི་དོན་དེ་བསམ་པར་གྱིས། །དེ་ལྟར་ཆོས་མཐོང་བ་དེ་བཞིན་གཤེགས་པས་བསྟན། །ཞེས་པའི་དོན་ནོ། །ཡང་དགོན་པས། དེ་ལྟར་གསལ་སྟོང་གི་ངོ་བོ་མཐོང་ཡང་། སྟོང་འཛིན་ངེས་ཤེས་ཀྱི་འཛིན་པའི་འཁྲིས་ཤིག་མ་བྲལ་བར་འདུག་ན། ཉམས་རྟོགས་ཀྱི་ཤན་མ་ཕྱེད་པས། སྤྲོས་བྲལ་ཆུང་ངུ་ཡིན།། ཞེས་དང་། རྗེ་ཕག་གྲུས་འབྲིང་པོས་རྩ་བྲལ་རྟོགས། ཞེས་དང་། དོ་ཧ་ལས། རྩ་བ་བྲལ་བ་དེ་ཉིད་སུས་ཤེས་པ། བླ་མའི་བཀའ་དྲིན་ཐོབ་པ་དེ་ཡི་མཆོག །ཅེས་གསུངས། རྗེ་ཕག་མོ་གྲུ་པས། སྤྲོས་བྲལ་ཆེན་པོས་ཕྱི་ནང་གི་ཆོས་ལ་སྒྲོ་འདོགས་ཆོད་པའོ། །ཞེས་

[Full Size]

གསུངས། རྒྱལ་དབང་ཆོས་རྗེས། སྤྲོས་བྲལ་གྱི་རྩེ་གཅིག་ནི། གང་ཤར་གྱི་ངོ་བོ་ལ་ཡང་དག་གིས་དྲན་པས་མ་ཡེངས་པར། རྩེ་གཅིག་ཏུ་ལྟ་བ་དེ་ཡིན། སྤྲོས་བྲལ་གྱི་སྤྲོས་བྲལ་ནི། བལྟས་པའི་ཚེ་ན་སྤྲོས་པའི་མཐའ་གང་ལ་ཡང་མ་གྲུབ་པ་དེ་ཡིན། སྤྲོས་བྲལ་གྱི་རོ་གཅིག་ནི། ཐམས་ཅད་སྟོང་ཉིད་ཀྱི་ངང་དུ་རོ་གཅིག་པ་དེ་ཡིན། སྤྲོས་བྲལ་གྱི་སྒོམ་མེད་ནི་དེ་ལས་བརྟན་པ་ཐོབ་ནས་ཉིན་མཚན་ཁོར་ཡུག་ཏུ་སོང་བ་དེ་ཡིན། ཞེས་གསུངས་པས། ཉམས་ཀྱི་སྤྲོས་བྲལ་ཆེ་འབྲིང་སོགས་ནི་སྐྱེ་མཁན་ཡང་མང་བས། རང་ཕོར་ངོས་ལེན་གྱི་ཚུལ་དུ་སོ་སོའི་ཉམས་རྟོགས་ངོ་ཤེས་པར་གྱིས་ལ། སོ་སོའི་སྐབས་སུ་གསུངས་པའི་ཉམས་ལེན་ལ་འབུངས་ཞུ། ༼༢༨༽་ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། གཞི་ཁྲེགས་ཆོད་ཕྱག་རྒྱ་ཆེན་པོ་ཉམས་སུ་བླངས་པས། ས་ལམ་བགྲོད་ཚུལ། འདི་ཡན་ཆད་ཉམས་ཐོག་ནས་བཤད་པར་དཀའ་ཞིང་། ཨཱ་ལི་ཀཱ་ལི་ཆུ་ཀླུང་ཆེན་པོའི་རྒྱུད་ལས། གསུམ་པ་དཔའ་བར་འགྲོ་བའི་ཏིང་འཛིན་གྱིས། །དུ་མ་རོ་གཅིག་ས་བཅུའི་རྟོགས་པ་འཆར། །དུས་

[Full Size]

གསུམ་རྒྱལ་བའི་སྲས་པོས་འགྲོ་དོན་མཛད། །རྩེ་ཐོབ་ནས་ནི་འཕེལ་བ་རྒྱུན་མི་འཆད། །ཅེས་དང་། ནཱ་རོ་པཎ་ཆེན་གྱི་ཞལ་ནས། གསུམ་པ་རོ་གཅིག་རྣལ་འབྱོར་འཆར། །ཞེས་གསུངས་ཏེ། དྭགས་པོ་རིན་པོ་ཆེས། རོ་གཅིག་གི་རྣལ་འབྱོར་ནི་སྣང་སྟོང་དབྱེར་མེད་དུ་རྟོགས་པའོ། །ཞེས་དང་། རིམ་ལྔ་ལས་སློབ་པའི་ཟུང་འཇུག་དང་། ལྭ་བ་པས་ཟུང་དུ་འཇུག་པ་དང་། མེ་ཏྲི་པས་གདེང་ཐོབ་པའི་དུས་དང་། ལང་ཀར་གཤེགས་པའི་མདོ་ལས། འཛིན་མེད་ཀྱི་རྣལ་འབྱོར་དང་། དེ་བཞིན་ཉིད་དམིགས་བསམ་གཏན་དང་། དབང་གསུམ་པའི་དོན་དང་། དེ་རྣམས་དོན་གཅིག་པའོ། །ཕག་མོ་གྲུ་པས། རོ་གཅིག་དུས་འཁོར་འདས་གཅིག་ཏུ་འདྲེས་གསུངས། ཡང་དགོན་པའི་ཞལ་ནས་། །རོ་གཅིག་འབྲིང་པོས་གཟུང་འཛིན་རྩ་བ་རྦད་ཀྱིས་ཆོད་པ་ནི། རྟོགས་པ་དེ་བརྟན་དུ་སོང་བས་རྟོགས་མཁན་དེ་དུ་མ་རོ་གཅིག་ཏུ་འདྲེས་ཏེ། ཡུལ་འཛིན་རྩ་བ་ནས་དག་པས་བེམ་པོ་ཕྱི་རུ་མ་ལུས། རིག་པ་ནང་དུ་མ་ལུས། སྣང་སེམས་གཅིག་ཏུ་ཀྲོང་ངེ་བ་དེ། རོ་གཅིག་འབྲིང་པོ་ཡིད་ལ་མི་བྱེད་པ་མཚན་ཉིད་པ་དེ་མངོན་དུ་གྱུར་པའོ་གསུངས། རྗེ་ཕག་མོ་

[Full Size]

གྲུ་པས། རོ་གཅིག་ཆེན་པོ་ཆོས་རྣམས་མཉམ་པ་ཉིད་ཀྱི་ངང་དུ་ཞི་བའོ་གསུངས། རྒོད་ཚང་པས། རོ་གཅིག་པ་ནི་བརྒྱད་པ་ཡིན། །ཞེས་གསུངས། །རྒྱལ་དབང་ཆོས་རྗེས། རོ་གཅིག་གི་རྩེ་གཅིག་ནི། སྣང་གྲག་གི་ཆོས་ཐམས་ཅད་མཉམ་པ་ཉིད་ཀྱི་ངང་དུ་སྒྲོ་འདོགས་ཆོད་པ་དེ་ཡིན། རོ་གཅིག་གི་སྤྲོས་བྲལ་ནི། ཐ་དད་དམ་གཉིས་སུ་འཛིན་པའི་སྤྲོས་བྲལ་ཐམས་ཅད་མཉམ་པ་ཉིད་དེའི་ངང་དུ་འབྲལ་བ་མེད་པ་དེ་ཡིན། རོ་གཅིག་གི་རོ་གཅིག་ནི། མཉམ་པ་ཉིད་དེས་ཆོས་ཐམས་ཅད་ལ་ལོངས་སྤྱོད་པའམ། འཇུག་པའམ། ཐམས་ཅད་ལ་ཁྱབ་པར་རོལ་པ་ཡིན། རོ་གཅིག་གི་སྒོམ་མེད་ནི། དེ་ལ་བརྟན་པ་ཐོབ་ནས་ཉིན་མཚན་ཁོར་ཡུག་ཏུ་སོང་བ་དེ་ཡིན། རྗེ་ནཱ་རོ་པས། བཞི་པ་སྒོམ་མེད་རྣལ་འབྱོར་འཚར་གསུངས་པའི་དོན། གསང་བ་བསམ་གྱིས་མི་ཁྱབ་པའི་རྒྱུད་དང་། ཆུ་ཀླུང་ཆེན་པོའི་རྒྱུད་གཉིས་ཀ་ནས། བཞི་པ་རྡོ་རྗེ་ལྟ་བུའི་ཏིང་སྒྱུ་འཛིན་གྱིས། །བསྒོམ་དུ་མེད་པའི་ཉམས་ལེན་བརྩོན་པ་ལ། །རྣམ་མཁྱེན་སངས་རྒྱས་ཞིང་ཁམས་དཔག་མེད་མཐོང་། །མ་བཙལ་ལྷུན་གྲུབ་ཆོས་མཆོག་ཆེན་པོ་ཡིན། །ཞེས་

[Full Size]

གསུངས། རྗེ་དྭགས་པོ་རིན་པོ་ཆེས། སྒོམ་མེད་ཀྱི་རྣལ་འབྱོར་ནི། ཅི་སྣང་ལྷན་སྐྱེས་ངོ་བོ་གཅིག་ཏུ་ཤར་བས། དྲན་རྟོག་ཐམས་ཅད་བསྒོམ་དུ་སོང་བ་ཡིན་གསུངས། རིམ་ལྔ་ལས་མི་སློབ་པའི་ཟུང་འཇུག །ལ་བ་པས་རྣམ་པར་དག་པ། ཤ་བ་རི་པས་རྣལ་འབྱོར་ཆེན་པོ། མེ་ཏྲི་པས་དེ་ཉིད་དུ་གྲོལ་བའི་དུས། ལང་ཀར་གཤེགས་པའི་མདོ་ལས། སྤྲོས་མེད་ཀྱི་རྣལ་འབྱོར་དང་། དེ་བཞིན་གཤེགས་པའི་བསམ་གཏན། དབང་བཞི་པའི་དོན་རྣམས་གཅིག་པར་བཞེད། རྗེ་ཕག་མོ་གྲུ་པས། སྒོམ་མེད་ཆུང་ངུའི་བསྒོམ་བྱ་སྒོམ་བྱེད་དང་བྲལ་གསུངས། རྗེ་ཕག་མོ་གྲུ་པས། སྒོམ་མེད་འབྲིང་པོས་ལྷུན་གྲུབ་ཀྱི་རང་ས་ཟིན་གསུངས། རྗེ་རྒོད་ཚང་པས། ཉིན་མོའི་དུས་སུ་ཡང་རྗེས་སྣང་སྒྱུ་མ་ཙམ་མངོན་ཡུན་སེ་གོལ་གཏོགས་པ་ཙམ་འདུག་ཀྱང་དྲན་པས་བཟུང་རྒྱུའི་ཐ་སྙད་མེད་པར་དེ་ཉིད་ངོ་བོ་རང་དགས་སུ་འགྲོ་གསུངས། རྗེ་ཕག་གྲུའི་ཞལ་ནས། སྒོམ་མེད་ཆེན་པོ་འོད་གསལ་གཉིས་འདྲེས་པའོ་གསུངས། རྒྱལ་དབང་ཆོས་རྗེས། སྒོམ་མེད་ཀྱི་རྩེ་གཅིག་ནི། བསྒོམ་བྱ་སྒོམ་བྱེད་དང་བྲལ་བའི་ངང་ལ་རྩེ་གཅིག་ཏུ་མཉམ་པར་བཞག་པ་དེ་

[Full Size]

ཡིན། སྒོམ་མེད་ཀྱི་སྤྲོས་བྲལ་ནི། བློ་ལས་འདས་པ་སྟེ། བློ་ཡི་སྤྲོས་པ་ཐམས་ཅད་དང་བྲལ་བ་དེ་ཡིན། སྒོམ་མེད་ཀྱི་རོ་གཅིག་ནི། སྲིད་པ་དང་ཞི་བ་ཐམས་ཅད་སྒོམ་མེད་དེའི་དབྱིངས་སུ་རོ་གཅིག་པ་དེ་ལས་དབྱེར་རྒྱུ་རྡུལ་ཙམ་མེད་པ་དེ་ཡིན། སྒོམ་མེད་ཀྱི་སྒོམ་མེད་ནི། དེ་ལ་བརྟན་པ་ཐོབ་པ་དེ་ཡིན་ཏེ། རོ་གཅིག་མན་ཆད་ཀྱི་བརྟན་པ་ཐོབ་པ་ནི། གནས་སྐབས་ཀྱི་མཉམ་རྗེས་མེད་པ་ཡིན་ལ། སྒོམ་མེད་ཀྱི་བརྟན་པ་ཐོབ་པའི་ཚེ། མཐར་ཐུག་གི་མཉམ་རྗེས་མེད་པའོ། །དཔེར་ན་བསྐྱེད་རིམ་ལ་བརྟན་པ་ཐོབ་པ་དང་། རྫོགས་རིམ་ལ་བརྟན་པ་ཐོབ་པ་ལྟ་བུའོ།། ༼༢༩༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོ། ཕྱག་རྫོགས་ཟུང་འཇུག་གི་ཁྲིད་དོན་བསྡུ་དགོས་ཏེ། ཨོ་རྒྱན་རིན་པོ་ཆེའི་ཞལ་ནས། གཏམ་ལ་དགའ་བ་བསྡུ་དོན་ཡིན་ཞེས་གསུངས། དེ་ལ་བྱང་ཆུབ་སེམས་ང་ཡི་དམ་ལྷ། །བླ་མ་ཕྱག་རྒྱ་ཆེན་པོར་བསྒོམ། །བསྔོ་བའི་ཆོས་ཉིད་ཉམས་སུ་བླངས། །ཞེས་གསུངས་པས། དོན་ལྔ་པོ་དེའི་ནང་དུ་གསར་མའི་ལུགས་ཀྱི་མདོ་སྔགས་ཀྱི་ཉམས་ལེན་གྱི་རིགས་ཅི་

[Full Size]

ཡང་མ་ཚང་བ་མེད་པ་ཡིན། ཁྲིད་འདི་ཡི་ལུགས་ཀྱིས་དེའི་སྟེང་དུ་རྫོགས་པ་ཆེན་པོ་ཐོད་རྒལ་བསྣན་པས། ཐེག་པ་དགུའི་ཉམས་ལེན་རྫོགས་པ་ཡིན། དེ་ཡང་གདན་ཐོག་གཅིག་གམ་ཐུན་གཅིག་ཉམས་སུ་ལེན་དགོས་ཏེ། དེ་ལྟར་ཡི་དམ་ཕྱག་ཆེན་བླ་མ་སེམས་བསྐྱེད། འོད་གསལ་བསྔོ་བ་དང་དྲུག་པོ་འདི། རྒྱུན་དུ་ཉམས་སུ་ལེན་དགོས། མཚམས་ལ་འདུག་ཀྱང་ཉམས་ལེན་འདི་ཡིན། རྒྱུན་ཁྱེར་དུ་ཐུན་བཞིའམ་གསུམ་མམ་སྔ་དྲོ་དགོང་མོ་ཐུན་གཉིས་སམ། ཐ་ན་ཉིན་རེར་ཐུན་རེ་བས་ཉམས་སུ་ལེན་ལོང་མེད་ན། ཡང་སྒོམ་རྒྱུ་འདི་ཡིན་ནོ། །དེའི་བསྒོམ་ལུགས་ཅི་ལྟ་བུ་ཞེ་ན། བདེ་བའི་སྟན་ལ་རྣམ་སྣང་ཆོས་བདུན་རབ། དེ་མི་ནུས་ན་མེ་ཐབས་དྲུག་ཆིངས་བྱས་ཀྱང་རུང་སྟེ། ཀྱེ་མ་ཐམས་ཅད་མི་རྟག་པའི་ཆོས་ཉིད་ཡིན་ཏེ། དེ་རིང་དགེ་སྦྱོར་ཡིད་ཚིམས་པ་ཞིག་བྱ་དགོས། སང་ཕྱི་ནས་ཅི་ཆ་བསམ་པ་བྱས་པས། སེམས་ཅན་ཐམས་ཅད་ཀྱི་དོན་དུ་བདག་གིས་རྫོགས་པའི་སངས་རྒྱས་ཐོབ་པར་བྱ། དེའི་ཆེད་དུ་བསྐྱེད་རྫོགས་ཟབ་མོ་ཉམས་སུ་བླངས་བསམ་པའི་ཀུན་སློང་བཟང་པོས། རང་གི་ལུས་འདི་ཐུགས་རྗེ་ཆེན་པོའི་སྐུར་ཝལ་གྱིས་བསྒོམ་སྟེ། །

[Full Size]

དེའི་སྐུའི་ནང་སྟོང་སང་ངེ་བའི་ཐུགས་ཀར་ཟླ་བའི་དཀྱིལ་འཁོར་ཉ་རྒྱས་པའི་དབུས་སུ་ཧཱི༔ཡིག་དཀར་པོ་འགྲེང་སྟེ་གནས་པ། དེའི་མཐར་ཡི་གེ་དྲུག་པ་དཀར་པོ་གཡས་ཕྱོགས་སུ་འཁོར་བ། དེ་ལས་འོད་ཟེར་ཁ་དོག་སྣ་ཚོགས་འཇའ་ཟེར་ལྟ་བུར་ཕྱོགས་བཅུར་འཕྲོས་པས། ཕྱོགས་བཅུ་དུས་གསུམ་ན་བཞུགས་པའི་བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་ཐམས་ཅད་ཁ་བ་བུ་ཡུག་འཚུབ་པ་ལྟར་ཀྱི་ལི་ལི་བྱོན་ནས། རྩ་བ་དང་བརྒྱུད་པའི་བླ་མ་ཐམས་ཅད་རིགས་བདག་འོད་དཔག་མེད་ལ་ཐིམ་པས་བླ་མ་ཀུན་འདུས། ཡི་དམ་སངས་རྒྱས་བྱང་སེམས་ཐམས་ཅད་རང་ཉིད་ཡི་དམ་ཐུགས་རྗེ་ཆེན་པོ་ལ་ཐིམ་པས་ཡི་དམ་ཀུན་འདུས། དེ་རྣམས་ཀྱི་རྩ་སྔགས་དང་སྙིང་པོ་དང་ཉེ་སྙིང་ཐམས་ཅད་སྙིང་ཁའི་ཡིག་འབྲུ་དྲུག་ལ་ཐིམ་པས། གསང་སྔགས་དང་རིག་སྔགས་དང་གཟུངས་སྔགས་ཀུན་འདུས་སུ་བསྒོམ། དེ་ཡང་ལན་གཅིག་མིན་པར་ནན་ཏན་དུ་བསྒོམས་པས། བླ་མ་གཅིག་དང་ལྷ་གཅིག་དང་སྔགས་གཅིག་གིས་ཐམས་ཅད་འགྲུབ་པའི་མན་ངག་ཡིན། དེ་ནས་ཡིག་འབྲུ་འཁོར་བཞིན་པ་ལས་འོད་ཟེར་འཕྲོས་པས། ཕྱི་སྣོད་ཀྱི་འཇིག་རྟེན་

[Full Size]

ཐམས་ཅད་བདེ་བ་ཅན་གྱི་ཞིང་ཁམས་སུ་གྱུར། ནང་བཅུད་འགྲོ་དྲུག་གི་སེམས་ཅན་ཐམས་ཅད་ཐུགས་རྗེ་ཆེན་པོའི་སྐུར་གྱུར། སྐྱེ་འགྲོ་མིག་གིས་མཐོང་ཚད་ཐུགས་རྗེ་ཆེན་པོའི་སྐུར་ལམ་ལམ་བསྒོམ། གལ་ཏེ་གསལ་པོར་མ་ཟིན་ན་ཡང་། ཐུགས་རྗེ་ཆེན་པོ་ཡིན་སྙམ་པའི་མོས་པ་བྱ། དེ་སྣང་བ་སྐུའི་ཁྱེར་སོ་ཡིན་ཏེ། དེ་གསལ་ན་མཚམས་མ་ཐོན་ཀྱང་བཟོད། ཡི་གེ་དྲུག་པ་བུང་བའི་སྐད་ཙམ་སི་ལི་ལི་བཟླས། རང་གི་རམ་བུ་བཀྱག་པའི་ཚུལ་དུ་རིགས་དྲུག་གི་སེམས་ཅན་ཐམས་ཅད་ཀྱིས་ཡི་གེ་དྲུག་པ་འུ་རུ་རུ་བཟླས་པར་བསྒོམ། སྒྲ་སྐད་ཐམས་ཅད་ཡི་གེ་དྲུག་པའི་སྒྲར་བསྒོམ། དེ་གྲག་པ་གསུང་གི་ཁྱེར་སོ་ཡིན། དེ་གསལ་ན་སྐད་ཅིག་ལ་དུང་ཕྱུར་མང་པོ་འགྲོ་བས། སྔགས་བརྒྱ་རྩས་འཕགས་པ་འགྲུབ་པའི་གདམ་ངག །ངག་བཅད་མ་གྲུབ་ཀྱང་བཟོད། ཕྲེང་བ་ལ་སློབ་སོང་ཚད་ཀྱང་ཆད་ལྷག་ཁ་བཀང་དེས་འོང་བར་གསུངས། །དེ་ཡང་ཉམས་ལེན་བཟང་ན་དམིགས་པ་དེ་དག་སེམས་ངོ་མ་ཡེངས་པའི་ངང་ནས་བསྒོམ་ན་བསྐྱེད་རྫོགས་ཟུང་འཇུག་མཆོག་ཡིན། རྣམ་རྟོག་བསྒོམ་དུ་ཤར་ནས་དེ་འོང་བ་ཡིན་ཏེ། འགྱུ་བ་དེ་ཉིད་བསྒོམ་དུ་ཤར་བའི་ཚེ་

[Full Size]

ཟུང་དུ་འཇུག་པ་ཡིན། ལས་དང་པོ་པས་དེས་ཟུང་འཇུག་མ་ཐུབ་ན། དང་པོ་བསྐྱེད་རིམ་གྱི་དམིགས་པ་དེ་དག་རྩེ་གཅིག་ཏུ་བསྒོམས་པས། དམིགས་པ་དེ་ལ་སེམས་གནས་པ་ཞི་གནས་ཡིན་པས། དེ་སྒོམ་མཁན་གྱི་སེམས་ལ་སེམས་ཀྱིས་ཧྲིག་གེར་བལྟས་པས། ཅིར་ཡང་མ་གྲུབ་པའི་སྟོང་པ་ཉིད་དུ་ལྷག་གེར་མཐོང་བ་དེ་ལྷག་མཐོང་ཡིན། དེའི་ངང་ལ་ཅི་གནས་སུ་མཉམ་པར་བཞག །ཡང་རྣམ་རྟོག་འཕྲོ་བ་དེའི་ངོ་བོ་ལ་བལྟས་ནས་རང་གྲོལ་དུ་བཞག་གོ །དེ་ལ་གོམས་ནས་རྣམ་རྟོག་གི་ངོ་བོར་གཅེར་རེ་ལྟ་མི་དགོས། གནས་པའི་ངང་ནས་འགྱུ་བ་ཅུང་ཟད་བྱུང་ཡང་གནས་པ་ལ་མི་གནོད། གནས་པའི་ངང་དུ་ཐིམ་པ་འབྱུང་། དེ་ལ་གོམས་པས་རྣམ་རྟོག་བསྒོམ་དུ་འཆར། ད་དུང་སེམས་ལ་ལྟ་རྒྱུ་གཅིག་ཡོད་པས་ངོ་བོ་མ་མཐོང་བ་ཡིན། དེ་ནས་ལྟ་མི་དང་ལྟ་རྒྱུ་གཉིས་གཅིག་ཏུ་འདྲེས། གསལ་སེང་ངེ་བདེ་མེ་རེ་བ་སྟོང་ཕྱམ་མེ་བ་སོགས་ལ་ངེས་ཤེས་དང་འཆང་རྒྱུ་ཡོད་པ་དེ་ཞིག །འདི་ཡིན་ཅི་ཡང་མེད་འདི་བསྒོམ་ཅི་ཡང་མེད་པ། སྔོན་དུས་དང་མི་འདྲ་བས་རང་ཡང་ཐེ་ཚོམ་སྐྱེ་བ། མ་ཡེངས་ཙམ་དུ་ཁ་རོག་བསྡད་པ་ལས་བྱ་རྒྱུ་ཅི་

[Full Size]

ཡང་མེད་པ། དེ་བྱུང་ན་ཐ་མལ་གྱི་ཤེས་པ་ངོ་བོ་མཐོང་བ་ཡིན། དེའི་དྲན་རྫི་དང་བྲལ་ན་ཐ་མལ་དུ་འཁྲུལ་འགྲོ་བས་མ་ཡེངས་པའི་དྲན་རྫི་དང་མ་བྲལ་བ་ཙམ་བྱ། ཏཻ་ལོ་པའི་ཞལ་ནས། སེམས་ལ་གཏད་སོ་མེད་ན་ཕྱག་རྒྱ་ཆེན་པོ་ཡིན། །དེ་ལ་གོམས་ཤིང་འདྲིས་ན་བླ་མེད་བྱང་ཆུབ་ཐོབ། ཅེས་གསུངས་པ་ད་ཡིན་ནོ། །དེའི་གགས་དང་གོལ་ས་གཅོད་པ་དང་བོགས་འདོན་པའི་མཆོག་བླ་མའི་རྣལ་འབྱོར་ཡིན་པས། རང་ཐུགས་རྗེ་ཆེན་པོའི་སྤྱི་གཙུག་གི་རིགས་བདག་འོད་དཔག་མེད་དེ། དྲན་རྫོགས་སུ་གསལ་གདབ་སྟེ། རྩ་བརྒྱུད་ཀྱི་བླ་མ་ཐམས་ཅད་སྤྱན་དྲངས་དེ་ལ་བསྟིམ། རང་གིས་གསོལ་འདེབས་གང་ཤེས་སམ། ཡིག་དྲུག་གསོལ་འདེབས་ཀྱི་ཚུལ་དུ་བཟླས་པའམ། མོས་གུས་ཀྱི་གདུང་ཤུགས་དྲག་པོས་བ་སྤུ་ལྡང་ཞིང་མཆི་མ་འཁྲུགས་པར་བྱའོ། །གསོལ་འདེབས་ཀྱང་ལན་ཁ་ཡར་རྒྱང་འབོད་ཀྱི་ཚུལ་དུ་བྱ། དེ་ལྟར་གསོལ་བ་བཏབ་པས་བྱིན་རླབས་ཀྱི་སྟོབས་ལས་ཉམས་གང་ཤར་དེ་བསྐྱངས་པས། གེགས་དང་གོལ་ས་གཅིག་ཀྱང་མེད་གསུངས། དེ་ནས་སེམས་བསྐྱེད་བྱམས་སྙིང་རྗེ་ལ་བརྟེན་ནས་བོགས་འདོན་པ་ནི། འགྲོ་བ་རིགས་དྲུག་

[Full Size]

གི་སེམས་ཅན་ཐམས་ཅད་ལན་དུ་མར་ཕ་མ་བྱས་པའི་མ་དྲིན་ཆེན་ཡིན་ན་རིགས་དྲུག་གི་སྡུག་བསྔལ་འདི་ལས་ཐར་དུས་མེད་པ་ལ་སྙིང་རྗེ་དྲག་པོ་བསྐྱེད་ནས། སྣ་བུག་ནས་རླུང་ཞིག་ཕར་བུས་པ་དང་མཉམ་དུ། རང་གི་བསོད་ནམས་དང་དགེ་རྩ་ཅི་ཡོད་པ། སེམས་ཅན་ཐམས་ཅད་ལ་སིབས་སེ་ཐིམ་པས། སེམས་ཅན་ཐམས་ཅད་བདེ་སྐྱིད་ཚད་མེད་པ་ཐོབ། བདེ་བའི་རྒྱུ་བསོད་ནམས་དཔག་ཏུ་མེད་པ་དང་ལྡན་པར་བསྒོམས་ལ། ངག་གམ་ཡིད་ཀྱིས་སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག་བརྗོད། རླུང་ཚུར་རྔུབ་པ་དང་མཉམ་དུ། སེམས་ཅན་ཐམས་ཅད་ཀྱི་སྡུག་བསྔལ་དང་སྡིག་སྒྲིབ་ཅི་ཡོད་པ་ཐམས་ཅད་སིབས་སེ་བསྡུས་ནས་རང་ལ་བསྟིམས་པས། རང་ཉིད་སྤྱན་རས་གཟིགས་ཀྱི་སྐུ་དེ་མེ་ལ་ཤིང་བསྣན་པ་ལྟར་གཟི་བརྗིད་ཆེར་འབར། སེམས་ཅན་ཐམས་ཅད་རིགས་དྲུག་སོ་སོའི་སྡུག་བསྔལ་དང་བྲལ། སྡུག་བསྔལ་གྱི་རྒྱུ་སྡིག་སྒྲིབ་ཐམས་ཅད་དང་བྲལ་བར་བསྒོམས་ལ། སེམས་ཅན་ཐམས་ཅད་སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །ཅེས་ངག་གམ་ཡིད་ཀྱིས་བརྗོད། དེ་ཡང་སེམས་

[Full Size]

ངོའི་ཉམས་ལེན་མ་ཡེངས་པའི་ངང་ནས་བསྒོམ་ཐུབ་ན། བྱམས་ཆེན་གཉུག་མའི་ཏིང་ངེ་འཛིན་དང་། སྟོང་ཉིད་སྙིང་རྗེའི་སྙིང་པོ་ཅན་ཡིན་པས། རང་གི་ཚོགས་རྫོགས་པ་དང་། སྒྲིབ་པ་སྦྱང་བ་དང་། སྲུང་འཁོར་ལ་ཡང་འདི་ལས་ཟབ་པ་མེད་གསུངས། འོད་གསལ་ཐོད་རྒལ་འདི་ནི་མ་བསྒོམས་པར་སངས་རྒྱས་པའི་གདམ་ངག །བལྟས་པས་གྲོལ་བའི་གདམ་ངག་ཟབ་མོ་ཡིན། འོད་ཁ་དོག་ལྔ་མཐོང་བ་འདི་ཡང་འཇའ་མཐོང་བ་དང་མི་འདྲ། ཡེ་ཤེས་ལྔ་མངོན་སུམ་དུ་མཐོང་བ་ཡིན། རྒྱལ་བ་རིགས་ལྔ་དངོས་སུ་མཇལ་བ་དང་ཁྱད་མེད་གསུངས། དང་པོ་ལྟ་དུས་དང་མི་འདྲ་བར་བཀྲག་མདངས་ངོ་མཚར་ཅན་གཅིག་མཐོང་རྒྱུ་ཡོད། དེ་མཐོང་ན་རབ་བར་དོར་ཞི་ཁྲོའི་ལྷ་ཚོགས་འཆར་བའི་ཚེ་བར་དོར་ངེས་པར་གྲོལ་བར་གསུངས་པས། འདི་ལས་ལམ་ཐག་ཉེ་བ་མེད། རྒྱུན་དུ་བལྟས་ན་རྒྱལ་བ་རིགས་ལྔ་སོགས་ཞི་ཁྲོའི་ལྷ་མང་པོ་མཐོང་འོང་། དེ་མཐོང་ན་བར་དོ་བསྒྲོད་མི་དགོས་པར་གསུངས་པས། ཁྱེད་རྣམས་ཀྱིས་རྒྱུན་དུ་ལྟ་བ་གལ་ཆེའོ། །དེ་དགོང་ཉལ་ཁ་དེ་རིང་བྱས་པའི་དགེ་སྦྱོར་གང་འགྲུབ་བསྔོ་བ་སྨོན་ལམ་རྒྱས་འདེབས་དགོས་

[Full Size]

ཏེ། བསྔོ་མི་དང་བསྔོ་རྒྱུ་དང་བསྔོ་ས་གསུམ་པོ་དངོས་པོར་འཛིན་པས་བསྔོས་ན་བསྔོ་བ་དུག་ཅན་ཡིན་པས་བྱང་ཆུབ་ཀྱི་ལམ་དུ་མི་འགྲོ། སེམས་ངོ་མ་ཡེངས་པའི་ངང་ནས་བསྔོ་བ་བྱེད་པ་ནི་འཁོར་གསུམ་ཡོངས་དག་གི་བསྔོ་བ་ཡིན་པས་བྱང་ཆུབ་ལམ་དུ་འགྲོ། དེ་ལ་ཆོས་དང་དགེ་སྦྱོར་གང་བྱེད་ཀྱང་མཇུག་ཏུ་སེམས་མ་ཡེངས་པར་བསྔོ་བ་སྨོན་ལམ་གང་བྱས་པ་དེ་ཕྱི་མ་འགྲུབ་ངེས་པ་ཡིན་པས། བསྔོ་བ་སྨོན་ལམ་ཡང་གོ་མ་ལོག་པ་གལ་ཆེ་ཆེ། བདེ་བ་ཅན་དུ་སྐྱེ་བར་ཤོག་ཟེར་བ་དེས་འཐུས། ཤི་ནས་ཞག་བདུན་གཉིས་ཡོལ་ཙམ་ནས་རང་ཤི་བ་ཡང་ཐག་ཆོད། གར་འགྲོ་རང་དབང་ཆེ་བའི་དུས་ཤིག་འོང་། དེ་དུས་སངས་རྒྱས་འོད་དཔག་མེད་ཡིད་ལ་མ་བརྗེད་པར་གྱིས་ལ་བདེ་བ་ཅན་དུ་སོང་ཞིག །བསམ་པ་ཙམ་གྱིས་ཕྱིན་པར་ཐེ་ཚོམ་མེད་དོ། །ད་རེས་ཆོས་ཞུས་པའི་དོན་དེ་མ་བརྗེད་རེམ་རེམ། དེ་སུས་ཀྱང་ཉམས་སུ་ལོན་ངེས་པའི་ཆོས་གཏམ་དམའུ་ཡིན། །བཀའ་མདོ་རྒྱུད་གསར་རྙིང་གཏེར་གསུམ་གྱི་ཆོས་ཀྱི་སྙིང་པོ་ཡིན། སློབ་དཔོན་པདྨའི་བཀྲ་ཤིས་ཤོག །ཐུགས་རྗེ་ཆེན་པོའི་བཀྲ་ཤིས་ཤོག །དཔའ་བོ་རྒྱ་མཚོའི་བཀྲ་ཤིས་

[Full Size]

ཤོག །དཔའ་མོ་རྒྱ་མཚོའི་བཀྲ་ཤིས་ཤོག །དམ་ཅན་རྒྱ་མཚོའི་བཀྲ་ཤིས་ཤོག་།ཆོས་ཐུན་སུམ་ཅུ་པ་འགྲུབ་བོ། །འདི་ནི་སྤྱན་རས་གཟིགས་ཀྱི་ཐུགས་རྗེས་མཐུས། སྙིགས་མའི་དུས་ཐུགས་རྗེ་ཆེན་པོའི་རྣལ་འབྱོར་པ། ༧ རཱ་ག་ཨ་སྱས་ལེགས་པར་བསྒྲིགས་པ་ལ། དགེ་སློང་བརྩོན་འགྲུས་ཞེས་བྱས་ཡི་གེར་བཀོད།། ༼༣༠༽ ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་མན་ངག་ཟབ་མོའི་རྒྱབ་ཆོས། བདེ་བ་ལ་བརྟེན་ནས་བོགས་འདོན་པ་ནི། རང་ཉིད་ཐུགས་རྗེ་ཆེན་པོ་སྐུ་མདོག་དཀར་པོ་ཞལ་གཅིག་ཕྱག་བཞི་པ། ཕྱི་དར་དཀར་གྱི་གུར་ཕུབ་པ་ལྟ་བུ། །ནང་སྟོང་པ་ཕྲུ་མ་ཕུས་བཏབ་པ་ལྟ་བུ། དེའི་དབུས་སུ་རྩ་དབུ་མ་མཐིང་ཁ་མདའ་སྨྱུག་འབྲིང་པོ་ཙམ་པ། ཡར་སྣེ་སྤྱི་གཙུག་དང་མར་སྣེ་གསང་གནས་སུ་ཟུག་པ། གསང་བའི་སྦུབས་དང་ཅུང་ཟད་མ་འབྲེལ་བར། གཡས་སུ་རོ་མ་དམར་པོ་གཡོན་དུ་རྐྱང་མ་དཀར་པོ་གཉིས་མདའ་སྨྱུག་ཕྲ་ཤོས་ཙམ། ཡར་སྣེ་ཀླད་རྒྱའི་སྟེང་ནས་ཐུར་དུ་སྣ་བུག་གཉིས་སུ་ཟུག་པ། མར་སྣེ་ལྟེ་འོག་སོར་བཞི་ནས་ཡི་གེ་ཆའི་འཕོང་ལྟར་དབུ་མ་དང་གཅིག་ཏུ་གྱུར་པ། སྤྱི་བོ་བདེ་ཆེན་གྱི་འཁོར་ལོའི་རྩ་འདབ་སུམ་ཅུ་སོ་གཉིས། ཁ་དོག་དཀར་པོ་གྲོ་

[Full Size]

སོག་འབྲིང་པོ་ཙམ་གདུགས་ཕུབ་པ་ལྟ་བུ། དབུས་སུ་ཧཱུྃ་ཡིག་དཀར་པོ་མགོ་ཐུར་བསྟན་ཡིག་དྲུག་དཀར་པོས་བསྐོར་བ། མགྲིན་པའི་རྩ་འདབ་དྲུག་ཅུ་དམར་པོ་རྩ་སྣེ་ཅུང་ཟད་གྱེན་དུ་ཕྱོགས་པའི་དབུས་སུ། ཨཱཿདམར་པོ་ལ་ཡིག་དྲུག་དམར་པོས་བསྐོར་བ། སྙིང་ཁ་ཆོས་ཀྱི་འཁོར་ལོའི་རྩ་འདབ་བརྒྱད་ཀ་ཁ་དོག་སྔོན་པོ་གུར་ཕུབ་པ་ལྟ་བུའི་དབུས་སུ་ཧཱུྃ་མཐིང་ནག་ལ་ཡིག་དྲུག་མཐིང་གས་བསྐོར་བ། ལྟེ་བ་སྤྲུལ་པའི་འཁོར་ལོའི་རྩ་འདབ་དྲུག་ཅུ་རྩ་བཞི་ཁ་དོག་སྣ་ཚོགས་རྩ་སྣེ་ཅུང་ཟད་གྱེན་དུ་ཕྱོགས་པ། ལྟེ་བར་ཨོཾ་སྣ་ཚོགས་མདོག་ཅན་ལ་ཡིག་འབྲུ་ཁ་དོག་སྣ་ཚོགས་པས་བསྐོར་བ། རྩ་གསུམ་འདུས་མདོར་ཡི་གེ་ཨཱཡིག་དམར་པོ་ལྕགས་སྲེག་མདོག་ལྟར་རེག་བྱ་ཤིན་ཏུ་ཚ་བ་གཅིག་བསྒོམ། རླུང་སྣ་བུག་གཡས་ནས་རྒྱུ་དུས་ཕོ་རླུང་ཉོན་མོངས་པ་ཡིན་པས་མི་བཟུང་། བཟུང་ན་རླུང་སྐྱོན་འོངས། གཡོན་ནས་རྒྱུ་དུས་མོ་རླུང་ཡེ་ཤེས་ཀྱི་རླུང་ཡིན་པས་བཟུང་། སྣ་བུག་གཉིས་ཀ་ནས་རྒྱུ་དུས་ཆོས་སྐུའི་རླུང་ཡིན་པས་ངོ་བོ་སྐྱོང་། རླུང་རོ་ཞི་དྲག་སྙོམས་གསུམ་དུ་གཡས་གཡོན་དུ་མཉམ་དུ་ལན་དགུ་བུས། དེ་ནས་དལ་བུས་རྡུབས་ཏེ། ལྟོ་བ་བཀང་བས་རོ་

[Full Size]

རྐྱང་གཉིས་ནས་ལྟེ་འོག་གི་ཡིག་ལ་ཕོག་པས། མེ་ལ་སྦྱད་པ་བརྒྱབ་པ་ལྟར་མེ་འབར་ཏེ། རྩ་གནས་ཐམས་ཅད་རིམ་གྱིས་གང་། མཐར་ལུས་ཐམས་ཅད་གང་ཞིང་བ་སྤུའི་བུ་ཟུག་ནས་མེ་ལྕེ་ཕྱིར་འཕྲོས། ལུས་ཀྱི་ཕྱིར་མེ་དཔུང་ཆེན་པོ་འབར། སྡིག་སྒྲིབ་མ་དག་པའི་ཕུང་ཁམས་སྐྱེ་མཆེད་ཐམས་ཅད་ཡེ་ཤེས་ཀྱི་མེས་བསྲེགས། དག་པ་ཡེ་ཤེས་ཀྱི་ལུས་སུ་གྱུར། སྤྱི་བོར་ཧཾ་ཡིག་ལས་བྱང་སེམས་དཀར་པོའི་རྒྱུན་བབས། སྤྱི་བོ་མགྲིན་པའི་རྩ་གནས་གང་། དགའ་བའི་ཡེ་ཤེས་སྐྱེས། སྙིང་གའི་རྩ་གནས་གང་བས་མཆོག་དགའི་ཡེ་ཤེས་སྐྱེས། ལྟེ་བའི་རྩ་གནས་གང་བས་དགའ་བྲལ་གྱི་ཡེ་ཤེས་སྐྱེས། དགའ་བ་ཞེས་པ་ནི་ལུས་ལ་བདེ་བ་སྐྱེས་པ་དེ་ཡིན། ཡེ་ཤེས་ཞེས་པ་ནི་བདེ་བའི་ངོ་བོ་ལ་བལྟས་པས་སྟོང་པར་མཐོང་བ་དེ་ཡིན། དེ་ནས་བྱང་སེམས་གསང་བའི་རྩར་བར་བབས་པས། དེའི་ངོ་བོ་ལ་མ་བལྟས་ན་ཉོན་མོངས་པ་ཆགས་པ་རང་ཁ་མ་ཡིན། ངོ་བོ་ལ་བལྟས་པས་བདེ་བ་དང་སྟོང་པ་དབྱེར་མེད་དུ་འདྲེས་པ་དེ། ལྷན་ཅིག་སྐྱེས་པའི་ཡེ་ཤེས་ཡིན། དེ་ནས་གསང་བའི་བུ་ག་ཧཱུྃ་གཅིག་གིས་བགགས་པས་ཐིག་ལེ་བཟུང་། ལྕེ་ཡ་རྐན་ལ་སྦྱར། མིག་

[Full Size]

གྱེན་ལ་ལྡོག །རིག་པ་སྤྱི་བོའི་ཧཾ་ཡིག་ལ་གཏད། ཧྲིང་ཧྲིང་དྲག་ཏུ་བརྗོད། ཐིག་ལེ་ཆུའི་རླབས་ལོག་པ་ལྟར་སྐྱ་ཆི་ལི་ལི་གསང་གནས་ནས་ལྟེ་བར་ཡར་ལོག་མས་བསྟན་གྱི་དགའ་བ་དང་པོ་དང་། སྙིང་གར་ལོག་པས་གཉིས་པ། མགྲིན་པར་ལོག་པས་གསུམ་པ། སྤྱི་བོར་ལོག་པས་བཞི་པ། དེ་ནས་ཐིག་ལེ་ཐམས་ཅད་སྤྱི་བོའི་ཧཾ་ཡིག་ལ་ཐིམ་པར་བསྒོམས་ལ། སེམས་ཀ་དག་གི་ངང་ལ་དལ་གཅིག་བཞག །དེ་ནས་སྤྱི་བོའི་ཧཾ་ལ་རིག་པ་གཏད་ནས་ལུས་རྟའི་སྤྲུགས་སིལ་འདྲ་བ་ཞིག་བྱས་པས། སྤྱི་བོའི་ཧཾ་ལས་བདུད་རྩི་བྱང་སེམས་དཀར་ལ་དམར་བའི་མདངས་ཆགས་པ་ལྟར་བབ་པས། ལུས་ལྡེམས་སེ་གང་བར་བསྒོམས་ལ། ཉམས་ལེན་སེམས་ངོ་སྐྱོང་བས་བདེ་སྟོང་འདྲེས་པའི་ཉམས་བཟང་པོ་འཆར་ཏེ། ཐུགས་རྗེ་ཆེན་པོ་ངན་སོང་རང་གྲོལ་ལས། དམ་ཆོས་གཞན་ལས་ཁྱད་པར་འཕགས། ཡང་རླུང་བཟུང་བའི་སྐབས་སུ་རྣམ་སྣང་ཆོས་བདུན་མེ་དང་ཐིག་ལེ་བསྒོམ་ལ་མེ་ཐབས་དྲུག་ཆིང་བྱ། གཞན་འཁྲུལ་འཁོར་ཤེས་ཀྱང་ལེགས་ལ་མ་ཤེས་ཀྱང་མི་དགོས་ཏེ། སྲོང་བཙན་སྒམ་པོས་ཀྱང་མ་གསུངས་སོ། །ཐུན་དངོས་གཞི་

[Full Size]

ལ་དག་པའི་སྒྱུ་ལུས་སྦྱང་བ་ནི། སྣང་བ་ཐམས་ཅད་ཐུགས་རྗེ་ཆེན་པོར་བསྒོམ། སྒྲ་གྲག་ཐམས་ཅད་ཡི་གེ་དྲུག་པའི་སྒྲ་དི་རི་རི་གྲག་པར་བསྒོམ། ལྷ་འདི་དག་ནི་གང་ནས་མ་བྱུང་གར་ཡང་མི་འགྲོ། གང་དུ་ཡང་མི་གནས་རང་གི་སེམས་སྣང་ཙམ་དུ་རྨི་ལམ་སྒྱུ་མ་ཡིན་ནོ་སྙམ་དུ་བསྒོམས་ལ་སྤྲོས་བྲལ་དུ་བཞག་གོ །གོམས་ནས་འགྱུ་བས་བསྒོམས་ལ་མི་གནོད་པའི་དུས་ན། ཉམས་ལེན་སེམས་ངོ་སྐྱོང་བའི་གཤིས་མ་ཤོར་བའི་ངང་ནས། རང་ལུས་ལྷའི་སྐུ་གསལ་སྟོང་འཇའ་ཚོན་ལྟ་བུར་བསྒོམ་སྟེ། དེའི་བསྐྱེད་རྫོགས་ཟུང་འཇུག་ཉམས་ལེན་གྱི་གཙོ་བོ་ཡིན་ཏེ། སྒྱུ་ལུས་ལམ་གྱི་གཞུང་ཤིང་ཞེས་གྲགས། དེ་ལྟར་བསྐྱེད་རྫོགས་ཟུང་འཇུག་འདི། གསང་སྔགས་རྡོ་རྗེ་ཐེག་པའི་བསྟན་པ་དངོས་ཡིན་ཏེ། །བསྐྱེད་པ་ཡི་ནི་རིམ་པ་དང་། །རྫོགས་པ་ཡི་ནི་རིམ་པ་གཉིས། །རིམ་གཉིས་མཉམ་པར་གང་བཞག་པ། །འདི་ནི་སངས་རྒྱས་བསྟན་པ་ཡིན། །ཞེས་གསུངས་སོ། །མི་རྟོག་པ་ལ་བརྟེན་ནས་བོགས་འདོན་པ་ནི། ཉལ་དུས་སེང་གེ་ཉལ་སྟབས་བྱས་ལ། བླ་མ་སྤྱི་བོར་བསྒོམས་ལ། ཏིང་ངེ་འཛིན་གྱི་དབང་བསྐུར་ཞུ། རྨི་ལམ་ཟིན་པར་གསོལ་བ་

[Full Size]

བཏབ། དེ་ནས་རང་གི་མགྲིན་པར་པདྨ་དམར་པོ་འདབ་མ་བརྒྱད་པའི་ལྟེ་བར་ཐིག་ལེ་དམར་པོ་འོད་ཟེར་དང་བཅས་པ་ལ། སེམས་བཟུང་ནས་གཉིད་ལོག་པས་ཟིན་ནོ། །རྨི་ལམ་རྨི་ལམ་དུ་ངོ་ཤེས་པ་ནི་ཟིན་པ་ཡིན་ཏེ། ཉིན་པར་གྱི་ཉམས་ལེན་སྐྱོངས། རང་ཐུགས་རྗེ་ཆེན་པོ་ཕྱི་གསལ་ནང་གསལ་དུ་བསྒོམ་པའི་ཐུགས་ཀར་ཟླ་བའི་སྟེང་ཀར་པོ་ཚེག་དྲག་དང་བཅས་པ་ལས། འོད་ཟེར་ཉི་མ་འབུམ་ལས་ལྷག་པར་འཕྲོས་པས། ལུས་ཀྱི་ཕྱི་ནང་དང་གླིང་བཞི་སྟོང་གསུམ་ཐམས་ཅད་ཕྱི་གསལ་ནང་གསལ་དུ་གྱུར་པ་ལ་དམིགས་པ་བཟུང་ནས་གཉིད་ལོག་པས་འོད་གསལ་ཟིན་པར་འགྱུར་རོ། །དོན་ལ་གཉིད་ལ་སོང་རྨི་ལམ་མ་རྨིས་པའི་བར་དེར་ཉམས་ལེན་སེམས་ངོ་ཟིན་པ་ནི་གཉིད་ཀྱི་འོད་གསལ་ཡིན། རྨི་ལམ་རྨི་ལམ་དུ་ངོ་ཤེས་པས་ཉམས་ལེན་སེམས་ངོ་ཟིན་པ་རྨི་ལམ་གྱི་འོད་གསལ་ཡིན། ཐུགས་རྗེ་ཆེན་པོ་མི་ཏྲའི་དམར་ཁྲིད་ཀྱི་སྒྱུ་ལུས་དང་རྨི་ལམ་འོད་གསལ་སོགས་ཀྱི་སྔོན་འགྲོ་ཡང་ཡིན་ལ། ཚོགས་བསགས་པ་དང་ཉམས་ཆག་བསྐང་བ་དང་། ནད་དང་གདོན་གྱི་གེགས་སེལ། བདག་འཛིན་རྩ་བ་གཅོད་པའི་ཐབས། ཀུ་སཱ་

[Full Size]

ལུའི་ཚོགས་གསོག་ཡིན་ཏེ་རང་གི་སྤྱི་གཙུག་ནམ་མཁར་ཡེ་ཤེས་ཀྱི་མཁའ་འགྲོ་མ་དཀར་མོ་གཡས་གྲི་གུག །གཡོན་ཐོད་ཁྲག་འཛིན་པ་གར་སྟབས་ཀྱིས་བཞུགས་པ་རིན་པོ་ཆེ་དང་རུས་པའི་རྒྱན་གྱིས་བརྒྱན་པ་ཞིག་སྒོམས་ལ། རང་གི་རྣམ་པར་ཤེས་པའི་ངོ་བོ་ཨ་དཀར་པོ་ཞིག་ཏུ་གྱུར་ནས་གསང་གནས་སུ་གནས་པ་དེ་སྤྱི་བོ་ཚངས་བུག་ནས་སྐར་མདའ་འཕང་བ་ལྟར་ཐོན་ནས་ལྷ་མོའི་ཐུགས་ཀར་ཐིམ་པར་བསྒོམ། དེ་ནས་རང་ཉིད་ཡེ་ཤེས་ཀྱི་མཁའ་འགྲོ་མར་གྱུར་པ་དེས་མདུན་དུ་ཐོད་པའི་སྒྱེད་པུ་གསུམ་སྤྲུལ་པའི་སྟེང་དུ། རང་གི་མགོ་བོ་སྨིན་མཚམས་ནས་བཅད་པའི་ཀ་པཱ་ལ་ཕྱི་དཀར་ལ་ནང་དམར་བ་སྟོང་གསུམ་གྱི་ཚད་ཙམ་དུ་གསལ་བའི་ནང་དུ་རང་གི་ཤ་ཁྲག །དུམ་བུར་གཏུབས་ནས་བླུགས་པའི་འོག་ནས་མེ་སྦར་ཨོཾ་ཨཱཿཧཱུྃ་ཞེས་བརྗོད་པས་ཤ་ཁྲག་ཐམས་ཅད་བདུད་རྩིར་མེར་གྱིས་ཞུ་ནས་ཡང་། ཨོཾ་ཨཱཿཧཱུྃ་ཞེས་བརྗོད་པས་ཡེ་ཤེས་ཀྱི་བདུད་རྩིར་བྱིན་གྱིས་བརླབས། རང་གི་ཐུགས་ཀར་བསམ་དེ་ལས་འོད་ཟེར་ཞགས་པ་དང་ལྕགས་ཀྱུ་ལྟ་བུ་དཔག་ཏུ་མེད་པ་འཕྲོས། ཕྱོགས་བཅུའི་རྩ་བརྒྱུད་ཀྱི་བླ་མ། རྒྱུད་སྡེ་བཞིའི་ལྷ་ཚོགས་སངས་རྒྱས་ཆོས་དགེ་འདུན་མཁའ་

[Full Size]

འགྲོ་ཆོས་སྐྱོང་སྲུང་མ་ཐམས་ཅད་དང་། འགྲོ་བ་རིགས་དྲུག་གི་གནས་ཐམས་ཅད་ལ་ཕོག་པས་ཐུགས་རྗེ་ཆེན་པོར་གྱུར་པའི་ཐུགས་ཀ་ནས་འོད་ཟེར་གྱིས་བཀུག་སྟེ། རང་གི་མདུན་དུ་བཞུགས་པའི་ཞལ་དུ་བདུད་རྩི་དཀར་སིབ་སིབ་དྲངས་བས་སྐུ་ལུས་ཐམས་ཅད་ཟག་མེད་ཀྱི་བདེ་བས་གང་བར་བསམས་ནས། རྩ་བརྒྱུད་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཡི་དམ་ལྷ་ཚོགས་རྣམས་ཀྱི་ཞལ་དུ་ཨོཾ་ཨཱཿཧཱུྃ། སངས་རྒྱས་དཀོན་མཆོག་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཆོས་དཀོན་མཆོག་རྣམས་ཀྱི་ཞལ་དུ་ཨོཾ་ཨཱཿཧཱུྃ། དགེ་འདུན་དཀོན་མཆོག་རྣམས་ཀྱི་ཞལ་དུ་ཨོཾ་ཨཱཿཧཱུྃ། བྱང་སེམས་རྣམས་ཀྱི་ཞལ་དུ་ཨོཾ་ཨཱཿཧཱུྃ། དཔའ་བོ་མཁའ་འགྲོ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཆོས་སྐྱོང་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཞི་བདག་རྣམས་ཀྱི་ཞལ་དུ་ཨོཾ་ཨཱཿཧཱུྃ། འགྲོ་བ་རིགས་དྲུག་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཞེས་བརྗོད་པས་ཐམས་ཅད་ཚིམས་པར་བསམ་ཞིང་དེ་དག་ཐམས་ཅད་སྤྱན་རས་གཟིགས་ཀྱི་སྐུ་དང་སྒྲོལ་མར་གྱུར་ནས་ཡི་གེ་དྲུག་པའི་སྒྲ་དི་རི་རི་འདོན་པར་བསྒོམ་པ་འདི་དག་ཐམས་ཅད་ཀྱང་སྒྱུ་མ་ཡིན། རྨི་ལམ་ཡིན་སྙམ་དུ་བསྒོམ་ཞིང་དེ་ཉིད་རང་གི་བློས་

[Full Size]

བཀོད་པ་མ་གཏོགས་པ་ལོགས་སུ་གྲུབ་པ་མེད། བདེན་མེད་ཀྱི་ངང་ལ་ཉམས་སུ་བླང་བར་བྱའོ། །ཡང་གོང་ལྟར་བེམ་རིག་ཕྲལ་ཏེ་རང་མཁའ་འགྲོ་མར་གསལ་བས། ཕྱག་གཡས་གྲི་གུག་ཚད་ཙམ་བྱས་པས། པགས་པ་དབང་ཆེན་གསེར་གྱི་ས་གཞི། བེམ་པོ་གླིང་བཞི་རི་རབ་བྱེ་བ་ཕྲག་བརྒྱ། ཤ་ཁྲག་དོན་སྙིང་ནང་རོལ་ཐམས་ཅད། ཚེའི་བུམ་པ་འཆི་མེད་བདུད་རྩིའི་བཀང་བ་དང་། དངུལ་ཆུ་གྲུབ་པའི་རྫས་དང་། འཆི་མེད་གྲུབ་པའི་ཚེ་རིལ་དང་ཚེ་ཆུ། ཚེའི་རིགས་ལ་གྲུབ་པའི་ཚེ་ཟས་གསེར་ལྷད་མེད། སྒྲ་མི་སྙན་གྱི་ཚེ་ཆུ། ཚེའི་རིག་འཛིན་དྲང་སྲོང་ལྷ་མོ་དཔག་ཏུ་མེད་པ། བླ་མ་ཡི་དམ་སངས་རྒྱས་བྱང་སེམས་ཐམས་ཅད་ཚེ་དཔག་མེད་ཀྱི་སྐུར་གྱུར་པ་སྤྱན་དྲངས་ནམ་མཁའ་གང་བར་བཞུགས་པ་ལ་འབུལ། བདུད་རྩི་རྣམས་ཀྱང་གསོལ་བར་བསྒོམས་པས། ཚེའི་བར་ཆད་བཟློག་པར་རང་གི་ཕུང་པོ་དེ་རྒྱལ་སྲིད་སྣ་བདུན། བཀྲ་ཤིས་པའི་རྟགས་བརྒྱད། ནོར་བུ་ཆ་བདུན། རིན་པོ་ཆེ་སྣ་ཚོགས། འབྲུ་སྣ་ཚོགས། ཟས་སྣ་ཚོགས། གོས་སྣ་ཚོགས། རྟ་དྲེལ་ནོར་ཕྱུགས་སོགས། ལྷ་མིའི་ལོངས་སྤྱོད་དཔག་ཏུ་མེད་པར་སྤྲུལ་ནས་རང་གི་

[Full Size]

ཐུགས་ཀའི་འོད་ཟེར་གྱིས་རྩ་བརྒྱུད་བླ་མ་ཡི་དམ་སངས་རྒྱས་བྱང་སེམས། ཛམ་བྷ་ལ་རིགས་ལྔ། རྣམ་སྲས་སེར་ལྗང་དམར་གསུམ། ནོར་རྒྱུན་མ་མཆེད་ལྔའི་སྐུར་གྱུར་པ་སྤྱན་དྲངས་ཏེ་ནམ་མཁའ་གང་བར་བཞུགས་པ་ལ་ཕུལ་བས། ལོངས་སྤྱོད་ཐམས་ཅད་བཞེས་པར་བསྒོམས་ལ། ཆོས་བསྒྲུབ་པའི་མཐུན་རྐྱེན་དཀོན་པའི་གེགས་སེལ། ནོར་སྒྲུབ་ཀྱི་མཆོག་ཏུ་འགྱུར་ཏེ། ཡང་གོང་ལྟར་བེམ་རིག་ཕྲལ་ལ། རང་གི་ཕུང་པོ་དེ་མཁས་པ་པཎྜི་ཏའི་ཚོགས་དང་། མཆོད་པའི་ལྷ་མོ་དབྱངས་ཅན་མ་དཀར་སེར་དམར་ལྗང་བྱེ་བ་དུང་ཕྱུར་དཔག་ཏུ་མེད་པས་ལག་ན་མཆོད་རྫས་ཐོགས་པ་དང་། སྡེ་སྣོད་གསུམ་རྒྱུད་སྡེ་བཞི་བཀའ་བསྟན་བཅོས་ཀྱི་གླེགས་བམ་དཔག་ཏུ་མེད་པ་མཛེས་ཤིང་ཡིད་དུ་འོང་བ་སྤྱིར་སྙུག་མཚལ་སྣག །ཤོག་བུ་ཤེས་རབ་ཀྱི་རལ་གྲི་མེ་འབར་བ། ཤེས་རབ་གྲུབ་པའི་རྫས་ཀྱི་རིགས་དཀར་གསུམ་མངར་གསུམ་དཔག་ཏུ་མེད་པར་དམིགས་ལ། །རང་གི་ཐུགས་ཀའི་འོད་ཟེར་གྱིས་བླ་མ་སངས་རྒྱས་བྱང་སེམས་ཐམས་ཅད་འཇམ་དབྱངས་རིགས་ལྔའི་སྐུར་གྱུར་པ་སྤྱན་དྲངས་ནམ་མཁའ་གང་བར་བཞུགས་པ་ལ་དེ་དག་ཕུལ་བས་མཉེས་

[Full Size]

ཤིང་མཆོད་པའི་ལྷ་མོ་རྣམས་ཀྱིས་ཚངས་པའི་དབྱངས་ཀྱི། སྙན་ངག་གིས་བསྟོད་པ་དཔག་ཏུ་མེད་པས་བསྟོད་པར་བསྒོམས་པས། ཤེས་རབ་དང་གོ་བ་ཆུང་བའི་གེགས་སེལ་ཏེ། སྐྱེ་བ་འདི་དང་ཚེ་རབས་ཀུན་ཏུ་འཆད་རྩོད་རྩོམ་གསུམ་ལ་མཁས་པར་འགྱུར། དེ་བཞིན་དུ་རང་ལུས་ཨ་རུ་ར་རྣམ་པར་རྒྱལ་བ་དང་། ནད་སེལ་སྨན་གྱི་བདུད་རྩིའི་བཀང་བའི་ལྷུང་བཟེད་དང་། སྨན་གྱི་ཚོགས་དཔག་ཏུ་མེད་པར་སྤྲུལ་ཏེ། དཀོན་མཆོག་རྣམས་སངས་རྒྱས་སྨན་བླའི་སྐུར་གྱུར་པ་ནམ་མཁར་སྤྱན་དྲངས་ལ་ཕུལ་བས། ནད་མང་བའི་གེགས་སེལ་བ་སོགས་གོང་གི་རིགས་འགྲེས་སོ། །གོང་ལྟར་བེམ་རིག་ཕྲལ་བའི་བེམ་པོ་ལ། རང་ལ་གནོད་པའི་གདོན་བགེགས་ཐམས་ཅད་བསྟིམས། དེ་གོང་ལྟར་བྷནྡྷའི་ནང་དུ་བདུད་རྩིར་བསྒྱུར་བ། མགྲོན་རྣམས་ཡི་དམ་ཁྲོ་བོ་དང་ཁྲོས་མ་ནག་མོ་སོགས་ཁྲོ་མོའི་ཚོགས་ཀྱི་ཞལ་དུ་ཕུལ་ནས་ལྷག་མ་མ་ལུས་པར་བསྒོམས་པས། །གདོན་གྱིས་གནོད་པའི་བགེགས་ཐམས་ཅད་སེལ་བའི་མཆོག་སྟེ། གཅོད་ལུགས་བསྟབ་པ་ཀུན་གྱི་དོན་འདུས་སོ། །དེ་ཐམས་ཅད་ལ་མགྲོན་གཤེགས་པ་སོགས་མི་དགོས། དམིགས་མེད་ཉམས་ལེན་

[Full Size]

གྱི་ངང་དུ་བཞག་གོ །བོགས་འདོན་གྱི་གཙོ་བོ་གསུམ་དང་། གེགས་སེལ་ཕྲན་བུ་ཚར་རོ། །འདི་ཁྲོམ་ལ་བཤད་མི་རུང་སློབ་མ་ཁྲིད་འཛུགས་རེ་ཡོད་པ་རྣམས་ལ་ཉུང་ཆོས་སུ་བཤད་པར་བྱའོ།། ཐུགས་རྗེ་ཆེན་པོ་ལ་ཕྱག་འཚལ་ལོ། ཐུགས་རྗེ་ཆེན་པོའི་མན་ངག་ཟབ་མོ། འདི་གཞན་ལ་འཆད་རུང་ངམ་མི་རུང་ནི། །རྩ་བའི་སྡོམ་པ་དམ་ཚིག་ལ་སྐྱོན་མེད་ཅིང་། ཐུགས་རྗེ་ཆེན་པོ་ཡི་དམ་དུ་བཟུང་ནས་བསྙེན་སྒྲུབ་ཐེམ་པ། རྟོགས་པ་རབ་རོ་གཅིག །འབྲིང་སྤྲོས་བྲལ། ཐ་མ་རྩེ་གཅིག་ཆེན་པོ་རྟོགས་ནས། སེམས་ཅན་ལ་ཕན་འདོད་ཀྱི་སྙིང་རྗེ་ཆེ་བ། དེ་ལྟ་བུ་ཞིག་དགོས་ཏེ། རྒྱན་སྟུག་པོ་བཀོད་པ་ལས། ཡིད་ཆེས་ལུང་དང་མི་ལྡན་པར། །ཆོས་རྣམས་སྟོན་པར་བྱེད་པ་ནི། །རྣལ་འབྱོར་རྟོགས་པའི་བདག་ཉིད་དེ། །རང་ཉིད་ཆུད་ཟོས་གཞན་ཆུད་གསན། །ཞེས་གསུངས། སངས་རྒྱས་མཛོད་ཀྱི་མདོ་ལས། འཇིག་རྟེན་གྱི་དགྲས་ནི་སྲོག་ཙམ་འཕྲོག་གིས་ལུས་གཅིག་སྟོང་དུ་ཟད་དེ། མི་གཏི་མུག་ཅན་གྱིས་ཆོས་བཤད་ན། བསྐལ་པ་བརྒྱད་ཁྲི་བཞི་སྟོང་གི་བར་དུ་དམྱལ་བར་སྐྱེའོ། །ཞེས་གསུངས་སོ། །

[Full Size]

འཇམ་དཔལ་རྣམ་པར་འཕྲུལ་པའི་མདོ་ལས། ཆོས་སྟོན་ཀྱང་ཆོས་ཉན་པ་རྣམས་ལ་སྙིང་རྗེ་ཆེན་པོ་མི་བསྐྱེད་པ་ནི་བདུད་ཀྱི་ལས་སོ། །ཞེས་དང་། མང་དུ་ཐོས་ཀྱང་གཞན་གྱིས་ཤེས་ཀྱི་དོགས་ནས་ཆོས་ལ་སློབ་དཔོན་གྱི་དཔེ་འཁྱུད་བྱེད་པ་ཡང་བདུད་ཀྱི་ལས་སོ། །ཞེས་དང་། དགོངས་འགྲེལ་ལས། བླ་མ་བཟང་པོའི་མཚན་ཉིད་དུས་ཀྱི་དབང་གིས་ཚང་བར་དཀའ་ཡང་། རང་རྒྱུད་ལ་ལེགས་པར་བརྟགས་ནས། ངན་པའི་མཚན་ཉིད་རྣམས་ཤས་ཆེ་བ་མ་ཚང་བ་གལ་ཆེ། འགའ་ཞིག་ཚང་བར་འདུག་ན། རང་གི་རྒྱུད་རང་གིས་ལེགས་པར་བཅོས་ཏེ་མེད་པར་བྱས། སྐྱོན་དེ་དག་གི་རྩ་བ་ཡང་། འཇིག་རྟེན་ཆོས་བརྒྱད་ཀྱི་རྟོགས་པ་དང་། སྙན་གྲགས་དང་བཀུར་སྟི་འདོད་པ་ཁོ་ནའི་སྐྱོན་ཡིན་ཞིང་། དེ་དག་བསམ་བསྒྱུར་ཤེས་ན་བཅོས་སླ་བ་ཡིན་ཏེ། འཇིག་རྟེན་ཆོས་བརྒྱུད་བཀུར་སྟི་དང་གྲགས་པ་འདོད་ཕྱིར་ཆོས་བཤད་ན་ངན་སོང་གི་རྒྱུ། བྱམས་སྙིང་རྗེས་ཀུན་ནས་བསླང་ནས་གཞན་ཕན་ཆོས་བཤད་ན་ཕན་ཡོན་ཆེ། དེ་ལྟར་ཕན་ཡོན་ཉེས་དམིགས་ཀྱང་བྱེད་ལུགས་འདྲ་སྟེ་བསམ་པའི་ཁྱད་པར་རོ། དེ་ཡང་མི་ལ་བཤད་པའི་ཆོས་དེ་རང་གིས་ཉམས་སུ་ལེན་

[Full Size]

དགོས་ཏེ། མྱ་ངན་འདས་མདོ་ལས། ཀོ་ཀ་ལི་ཀ་དང་། ལེགས་པའི་ཀརྨས། མདོ་སྡེ་བཅུ་གཉིས་བཤད་ཤེས་ཀྱང་དོན་མ་གོ་བས། གསོན་པོར་དམྱལ་བར་ས་ཡི་བར་མཐོང་བྱེ་ནས་སོང་བར་བཤད་དོ། །རང་གིས་བཀུར་སྟི་ལ་ཞེ་འདོད་གཏིང་ནས་མེད་པར་བྱས་ལ། དབང་ཆོས་ཁྲིད་སོགས་ཀྱི་ཡོན་དུ་འབུལ་བ་ཆེ་ཕྲ་ཅི་བྱུང་ཡང་། ཆོས་ཀྱི་ཆེ་བ་ཡིན་པས་རང་ལ་དཀོར་སྒྲིབ་མི་འབྱུང་ཞིང་། ཁོང་རང་རྣམས་ཀྱི་ཚོགས་རྫོགས་བསོད་ནམས་དཔག་ཏུ་མེད་པ་ཐོབ། རིག་སྔགས་བསྒྲུབ་པ་ལ་བར་ཆད་བྱེད་པའི་བགེགས་འདི་དག་གི་གཙོར་བྱས་བགེགས་རིགས་སྟོང་ཕྲག་བརྒྱད་ཅུ་སོགས། བྱང་ཆུབ་བསྒྲུབ་པ་ལ་བར་ཆད་བྱེད་པ་ཐམས་ཅད་ཡིན་ནོ། །དེ་རྣམས་ལ་དམིགས་ལ་བགེགས་གཏོར་བསྔོས། རྒྱལ་མགྱོགས་བསྡུས་པ་གྲུབ་ན་ཡང་ལེགས། རང་ཉིད་རྟ་མགྲིན་བསྒོམས་ལ། བཀའ་བསྒོས་མཚམས་གཅོད་བྱས། སྤྲུལ་པའི་ཁྲོ་ཆུང་གིས་བགེགས་རྣམས་རྒྱ་མཚོའི་ཕར་འགྲམ་དུ་བསྐད་ནས། སྲུང་འཁོར་བསྒོམ་པ་ནི། རྡོ་རྗེའི་ས་གཞི་བརྟན་པ་མནར་མེད་པ་ཁྱབ་པ་ལ། སྟེང་དང་འོག་རྣམས་སུ་རྡོ་རྗེའི་ར་གུར། །

[Full Size]

དེ་རྒྱབ་མེ་རི་ཁ་དོག་ལྔ་ལྡན་གྱི་གུར་དང་། སྟེང་འོག་རྡོ་རྗེའི་ས་གཞི་ར་གུར་གྱི་རྒྱབ་ཏུ་གསེར་གྱི་འཁོར་ལོ་ཞྭ་ཐེབ་ཁ་སྦྱོར་བ་ལྟ་བུ་རྩིབས་བྱེ་བ་གྲངས་མེད་སྤུ་གྲི་ལྟར་རྣོ་བ་གཡས་སུ་འཁོར་བའམ། འཁོར་ལོ་གཉིས་ཁ་སྦྱོར་རྩིབས་སོ་འཐབ་གཡས་གཡོན་དུ་འཁོར་བའི་བར་མཚམས་སུ་གནོད་བྱེད་གཏུབས་པའམ། འཁོར་ལོ་རྩིབས་བརྒྱད་པ་ཆུང་ངུ་གྲངས་མེད་པའི་ས་གཞི་དྲྭ་བ་རྭ་བ་གུར་དུ་གྱུར་པ་ཐམས་ཅད་སོ་སོར་གསོལ་ལོ་ལྟར་འཁོར་བའི་བར་མཚམས་སུ་གནོད་བྱེད་གཏུབ་པ་སྟེ། གསུམ་པོ་གང་འདོད་ཡིན་ལ། དེ་རྒྱབ་རལ་གྲིའི་ཡུ་བ་ཅན་གྱི་ས་གཞི་དྲྭ་བ་ར་བ་སྟེ། འདི་དག་རལ་གྲི་རྣམས་རྒྱ་གྲམ་འཁོར་བ་འདྲ་བའི་བར་རྣམས་སུ་དེ་བས་ཆུང་བ་གཏམས་པའོ། །དེ་རྒྱབ་པདྨས་མཚན་པའི་དབྱུག་ཏོའི་ར་གུར་རོ། །དེ་རྒྱབ་སྣ་ཚོགས་རྡོ་རྗེ་རྣོ་དབལ་ཅན་ཁ་གདངས་ཤིང་དྲག་ཏུ་འཁོར་བའི་ས་གཞི་ར་གུར་རོ། །དེ་སྒྲུབ་ཕུར་པའི་ས་གཞི་ར་གུར་དྲྭ་བ་ར་བ། དེ་རྒྱབ་མཚོན་ཆ་སྣ་ཚོགས་རྩེ་ཕྱིར་བསྟན་པ་སྟེ། དགྲ་སྟ་སྤུ་གྲི་ཆུ་གྲི་མདའ་མདུང་སྟ་རེ་ཐོ་བ་ཞགས་པ་ལ་སོགས་པ་བར་མཚམས་མེད་ཅིང་རྩ་བ་གཅིག་ཏུ་གྱུར་པ་དྲག་ཏུ་འཁོར་བའོ། །དེ་རྒྱབ་མེ་ཁ་དོག་ལྔ་

[Full Size]

ལྡན་འུར་རྒྱང་དུས་མཐའི་མེ་ལྟར་འབར་ནས་སྒོ་ང་ལྟར་སྲུབ་མེད་ཅིང་ལྟ་བར་མི་བཟོད་པ་དུམ་བུ་གཅིག་ཏུ་གྱུར་པའོ། །དེ་ནས་རྟ་མགྲིན་གྱི་ཚོགས་སྔར་སྤྲོས་པའི་ཁྲོ་བོ་དེ་དག་ཚུར་འདུས་པས་སྲུང་འཁོར་གྱི་བར་མཚམས་རྣམས་སུ་ཞལ་ཕྱིར་གྲུ་བའི་ཁྲོ་ཆུང་དཔག་མེད་ཧཱུྃ་ཕཊ་ཀྱི་སྒྲས་ཟློག་པའི་ལས་མཛད་པ། འཁོར་ལོའི་རྩིབས་ནང་དུ་གཟིགས་པ་རྣམས་རཀྟ་ཞེས་སྲུང་སྔགས་དང་བསྲུང་བའི་ལས་མཛད་པར་བསྒོམ་པ་སྟེ་ཁྲོ་བོ་གཉིས་གཅིག་ཏུ་བརྩིས་པ་སྲུང་འཁོར་དགུ་རིམ། སྲུང་འཁོར་གྱི་ནང་དུ་ཆོས་ར་དེར་བྱས་ཚར་བ་དང་འདུ་རྒྱུ་ཐམས་ཅད་ཚུད་པར་བསྒོམ། ཁྲོམ་ལ་རིམས་ནད་མི་འབྱུང་བའི་རྟེན་འབྲེལ་དུ་ལོ་མ་གྱོན་མའི་རྗེས་གནང་བྱས་ལ། ཨོཾ་པི་ཤ་ཙི་སྭཱ་ཧཱ། ཞེས་པ་ཉིན་གཅིག་བཞིན་ཁྲོམ་ལ་ཕྲེང་སྐོར་ཡ་ཟུང་འུར་འདོན་བཅུག །དེ་ནས་ཁྲོམ་ནང་ལ་སྡིག་ཅན་གྲིབ་ཅན་དམ་ཚིག་ཉམས་པ་ཡང་འགའ་རེ་ཡོད་པས། དེའི་གྲིབ་ཀྱིས་གཞན་ལ་མི་གནོད་པའི་ཕྱིར། །ཁྲོ་བོ་རྨེ་བརྩེགས་ཀྱི་རྗེས་གནང་བྱེད། རང་ཉིད་ལའང་ཁྲོམ་གྲིབ་མི་འོང་ཕྱིར། ནངས་སྔ་ལོ་མ་གྱོན་མ་དང་། སྨེ་བརྩེགས་རྒྱུན་བསྙེན་རེ་བྱ། རང་རྟོག་པ་མཐོ་བར་ཡོད་ན་

[Full Size]

སངས་རྒྱས་ཐམས་ཅད་ཀྱི་ཐུགས་དང་སེམས་ཅན་ཐམས་ཅད་ཀྱི་སེམས་རྒྱུད་དང་རང་གི་སེམས་ཉིད་དང་། དེ་གསུམ་ངོ་བོ་དབྱེར་མེད་རྟོག་ན་ཁྲོམ་མང་ལ་གསང་སྔགས་ཟབ་མོ་བཤད་ཀྱང་རང་ལ་གསང་སྒྲོག་མི་འབྱུང་། ཁྲོམ་ཕན་ཚུན་རྣམས་དབང་ཆོས་མཉམ་པར་ཐོབ་ནས་མཆེད་གྲོགས་ཡིན་ཀྱང་དམ་ཚིག་བསྲུང་དཀའ་བས་ཁྲོམ་རེ་རེ་བཞིན་དུ་སོ་སོར་རྡོ་རྗེའི་གུར་ཁང་རེ་རེའི་ནང་དུ་ཚུད་པར་བསྒོམ། དེ་ནི་འདུལ་བ་ནས་ཐག་གྲ་བཤད་པ་དང་མཚུངས། དེ་ཉིད་བྱུང་ཚད་དོ་ནུབ་བསྡུས་ལ་ཚོགས་འཁོར་རྒྱུན་དུ་བྱ། དེས་ཚོགས་རྫོགས་པ་དང་སྐུ་རིམ་ཉམས་རྟོགས་སྐྱེ་བའི་གནད་ཆེ་འབུལ་བ་སོགས་གང་བྱུང་ཉམས་ལེན་མ་ཡེངས་པར་བསྔོ་བས་རྒྱས་བཏབ། འབྲུ་དང་རིན་པོ་ཆེ་སོགས་སྐམ་དཔྱད་གང་བྱུང་རྣམས་མཎྜལ་དུ་དམིགས་ལ་མཎྜལ་ཤོ་ལོ་ཀ་རེས་ཕུལ། གོ་མཚོན་དང་རྐང་བཞི་བྱུང་ཚད་བསྐང་རྫས་དམིགས་ལ་གཏོར་བསྔོས་ཞོར་ལ་བསྐང་ཐུང་འདོན། འོ་ཞོ་སོགས་འཕྲལ་དུ་ལོངས་སྤྱོད་དགོས་པའི་ཟས་བྱུང་ཚད་བྲན་ལ། ཐུགས་རྗེ་ཆེན་པོ་དང་ལོ་མ་ཅན་དང་ཛཾ་བྷ་ལའི་སྔགས་ལ་ཁཱ་ཧི་བཏགས་ནས་ཕུལ་བས་དཀོར་སྒྲིབ་ཆུང་། བར་ཆད་ཞི་ཚོགས་

[Full Size]

རྫོགས་དངོས་གྲུབ་འབྱུང་། བཟའ་བཏུང་གང་བྱུང་ཚད་ནང་གི་ཚོགས་འཁོར་ལྟར་ལོངས་སྤྱོད་གཞན་ཟང་ཟིང་ཆོས་ཕྱོགས་ལ་ཅི་ཐེང་བྱ། འབྲེལ་པ་ཐོགས་ཚད་ལ་བསྔོ་བ་རྒྱས་པ། བཀྲ་ཤིས་བར་བརྗོད་ལ་མེ་ཏོག་འཐོར། དེ་ནས་ཁྲོམ་གྲོལ་ནས་གཞི་བདག་རྣམས་ལ་གཏང་རག་གིས་དཀར་གཏོར་ཞིག་འབུལ། གཟུགས་མེད་པའི་ཆོས་ཉན་པ་རྣམས་གྲོལ་བར་བསྒོམ། གནས་བདག་ལ་ཡང་བསྔོ་བ་སྨོན་ལམ་བྱ། སྲུང་འཁོར་གྱི་དམིགས་པ་ཡང་བསྡུས་ཏེ། ཉམས་ལེན་སྟོང་ཉིད་ངང་ལ་ཡུན་རིང་བཞག །འགྲོ་དོན་བྱུང་ན་ཐུགས་དམ་ཆག་བསམ་པར་མི་བྱ། ཐུགས་དམ་ནི་བྱང་ཆུབ་བསྒྲུབ་པ་ལས་ལྷག་པའི་ཐུགས་དམ་བྱ་རྒྱུ་མེད་ཅིང་སེམས་ཅན་ལ་ཕན་ཐོགས་ནུས་ན་བྱང་ཆུབ་ཀྱི་རྩ་བ་དེ་ཡིན། སངས་རྒྱས་ནས་འགྲོ་དོན་མ་གཏོགས་བྱ་རྒྱུ་གཞན་མེད་པའི་ཕྱིར་སངས་རྒྱས་རྣམས་ཀྱང་དེ་ལ་མཉེས་སོ། །བཀུར་སྟི་དང་དད་གུས་ཀྱིས་མི་ཆེན་དང་བླ་ཆེན་རྣམས་དབུ་རྒུ་བའི་ཚེ། རང་ཉིད་རང་མཐོ་ང་རྒྱལ་སྐྱེ་ཞིང་རྒྱུ་རྩིས་དང་ཆགས་འཛིན་ཕྲག་དོག་དང་འགྲན་སེམས་སྐྱེས་ན་ལྷའི་བདུད་ཞུགས་པ་ཡིན། གདུལ་བྱ་འགྲོ་དོན་ཆེ་ཚུལ་ངན། རང་

[Full Size]

དམན་ས་འཛིན་ཅིང་ང་རྒྱལ་མེད་པ་ཉམས་རྟོགས་ཇེ་འཕེལ་དུ་སོང་ན་དངོས་གྲུབ་ཡིན། འོན་ཀྱང་ཟང་ཟིང་མི་འོང་བསམ་པའི་འདོད་པ་གཏན་ནས་སྤངས་ཏེ། སེར་མོ་ཤེས་རབ་ཅན་རྣམས་ལ་དབང་རྒྱུན་དང་ལུང་རྒྱུན་མང་དུ་འཕེལ་ན། སངས་རྒྱས་བསྟན་པ་ཇི་སྲིད་གནས་ཀྱི་བར་གནས་པར་འགྱུར་བས་ལུང་གི་བསྟན་པ་ཡིན་ལ། སེར་མོ་བ་རྣམས་ལ་ཉམས་དང་རྟོགས་པ་སྐྱེས་ནས་ཁྲིད་འཛུགས་ཐུབ་པ་བྱུང་ན། དེའི་རྒྱུན་འཕེལ་ཐུབ་ན་རྟོགས་པ་དོན་བརྒྱུད་དུ་འགྱུར་ལ། ཁྲིད་གཞན་ལ་འཕེལ་མ་ཐུབ་ཀྱང་རང་ཉམས་ལེན་བསྒྲུབ་པར་བྱེད་པ་བྱུང་ན་ཉམས་སུ་ལེན་པ་སྒྲུབ་པའི་བསྟན་པ་ཡིན་ཏེ། ཐུབ་པའི་བསྟན་པ་རྣམ་གཉིས་ཏེ། །ལུང་དང་རྟོགས་པའི་བདག་ཉིད་ཡིན། །དེ་འཛིན་བྱེད་པ་སྨྲ་བྱེད་པ། །སྒྲུབ་པར་བྱེད་པ་ཁོ་ནའོ། །ཞེས་གསུངས། ཐ་མལ་བ་རྣམས་ལ་ཡང་དགེ་སྒྲུབ་སྡིག་སྤང་བྱེད་པ་དང་། བསྙེན་གནས་ངག་བཅད་ཡིག་དྲུག་འདོན་པ་སོགས་དགེ་བ་ལ་བློ་ཁ་འགྱུར་བ་དང་། ཞི་ལྷག་གི་ཏིང་ངེ་འཛིན་སྐྱོང་ཤེས་པ་མང་དུ་འོང་བས། དེའི་ཕན་ཡོན་ཁོ་ན་ལ་བསམ་པར་བྱའོ། །དེ་དག་ལ་ཚོགས་བཤད་ཀྱི་སྡེ་སྣོད་ཅེས་བྱ་སྟེ། ཁྲོམ་ཆོས་

[Full Size]

སུ་རུང་བ་ཡིན། གནད་ཀྱི་ངོ་སྤྲོད་ཟབ་མོ་དང་། གེགས་སེལ་བོགས་འདོན་ཁྱད་པར་ཅན་ནི་རྟོག་འབུལ་གཅིག་ཞུས་པའི་སྐབས་སུ་གང་ལ་གང་ཕན་ཚིག་རེ་རེ་བཤད་པར་བྱའོ། །ཁྲོམ་ཆོས་དང་འབྱམས་བཤད་མི་རུང་ངོ་། །དེས་ཀྱང་མི་ཕན་གནོད་ཆེ་བའི་ཕྱིར་རོ། །དེ་ལྟར་སེམས་བསྐྱེད་དང་ལྡན་པས་སྤེལ་མཁས་པར་བྱས་ན་རང་ཉིད་ཀྱང་བསྟན་འཛིན་གྱི་གྲལ་ཚུད་ཅིང་། ལུང་དང་རྟོགས་པའི་བསྟན་པ་ཡུན་རིང་དུ་གནས་པར་འགྱུར་རོ། །ཁྲིད་ཀྱི་རྒྱབ་ཆོས་གྱི་ལེའུ་ཐ་མ་རྫོགས་སོ། །འདི་བྲིས་ཉེས་པའི་ཆ་རྣམས་གང་མཆིས་པ། །རྩ་གསུམ་ཆོས་བདག་སྲུང་མའི་ཚོགས་ལ་བཤགས། །འདི་བྲིས་དགེ་བའི་རྩ་བ་གང་མཆིས་དེས། །ཐུགས་རྗེ་ཆེན་པོའི་བསྟན་པ་མཐའ་རྒྱས་ནས། །འདི་ལ་འབྲེལ་བ་ཐོགས་ཚད་འགྲོ་བ་ཀུན། །བདེ་ཆེན་དག་པའི་ཞིང་དུ་སྐྱེ་གྱུར་ཅིག །སརྦ་མངྒ་ལཾ། ཞལ་དྲོ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

འཕགས་པ་ཐུགས་རྗེ་ཆེན་པོའི་དམར་ཁྲིད་ཕྱག་རྫོགས་ཟུང་འཇུག་གི་ཉམས་ལེན་སྙིང་པོ་བསྡུས་པ།

[Full Size]

འཕགས་པ་ཐུགས་རྗེ་ཆེན་པོའི་དམར་ཁྲིད་ཕྱག་རྫོགས་ཟུང་འཇུག་གི་ཉམས་ལེན་སྙིང་པོ་བསྡུས་པ་བཞུགས་སོ། །གནས་མདོ་བཀའ་བརྒྱུད་ཀྱི་ཟབ་ཆོས་ཡང་དག་པའོ། །

[Full Size]

ན་མོ་མ་ཧཱ་ཀཱ་རུ་ཎི་ཀཱ་ཡེ། མདོ་རྒྱུད་གཞུང་ལུགས་རྒྱ་ཆེ་གྲངས་མང་ཡང་། །ཚེ་ཐུང་ཤེས་རབ་ཆུང་བས་མཐའ་ཆོད་དཀའ། །མང་དུ་ཤེས་ཀྱང་ཉམས་སུ་མ་བླངས་ན། །རྒྱ་མཚོའི་འགྲམ་དུ་སྐོམ་གྲིར་ཤི་དང་འདྲ། །མཁས་པའི་མལ་དུ་ཐ་མལ་རོ་འབྱུང་སྲིད། །མདོ་རྒྱུད་ལུང་དང་རྒྱ་བོད་མཁས་གྲུབ་གསུང་། །བྱིན་རླབས་ཆེ་ཡང་ཕལ་པས་གོ་བ་དཀའ། །གྲྭ་སར་བཤད་པ་བྱེད་ན་མཁོ་ལགས་ཀྱང་། །རྩེ་གཅིག་ཉམས་སུ་ལེན་ལ་དགོས་པ་ཆུང་། །དེ་བས་རྒན་མོ་མཛུབ་ཚུགས་སེམས་ལ་ཕན། །ཕྱག་རྫོགས་ལ་སོགས་ཟབ་ཆོས་དཔག་མེད་རྣམས། །སོ་

[Full Size]

སོའི་རང་གཞུང་མ་འཕྱུགས་ངེས་པ་ཅན། །ཆོས་བརྒྱུད་སློབ་མར་སྤེལ་ན་མཁོ་ལགས་ཀྱང་། །རང་དོན་ཕྱི་མའི་དོན་གཉེར་ཉམས་ལེན་ལ། །ཐམས་ཅད་གཅིག་ཏུ་དྲིལ་ནས་ཉམས་ལེན་ཟབ། །ཆོས་ལུགས་མ་འཆོལ་ཁ་གཙང་ཚུགས་བཟང་བ། །གྲུབ་མཐའ་བསྟན་པ་འཛིན་ལ་དགོས་མོད་ཀྱི། །ཕྱི་མའི་དོན་གཅིག་ཁོ་ན་བསམ་པ་ན། །ཕྱོགས་རིས་མེད་པ་དག་སྣང་སྦྱང་ན་ཟབ། །བླ་མ་གཅིག་ལ་གཅིག་ཆོག་བློ་གཏད་པ། །དེ་ཡི་བུ་ཆེན་བྱེད་ན་དགོས་ལགས་ཀྱང་། །རང་ལ་ཉམས་རྟོགས་ཡོན་ཏན་སྐྱེ་འདོད་ན། །འབྲེལ་ཐོགས་བླ་མ་ཐམས་ཅད་

[Full Size]

གཅིག་ཏུ་བསྡུས། །རིགས་ཀྱི་བདག་པོར་བསྒོམས་ནས་གསོལ་འདེབས་ཟབ། །ཡི་དམ་རྒྱུད་སྡེའི་ལྷ་ཚོགས་མང་པོ་ཡི། །བསྐྱེད་རིམ་སོ་སོའི་བསྙེན་སྒྲུབ་སོ་སོ་ནི། །བླ་ཆེན་དབང་སྐུར་བྱེད་ལ་མཁོ་ལགས་ཀྱང་། །སྒྲིབ་པ་སྦྱོང་ཞིང་དངོས་གྲུབ་ཐོབ་པའི་ཐབས། །ཐམས་ཅད་ཀུན་འདུས་ལྷ་གཅིག་སྔགས་གཅིག་ཟབ། །རྫོགས་རིམ་དམིགས་བཅས་དམིགས་མེད་མང་པོ་རྣམས། །ཁྲིད་ཁ་མང་པོ་འཆད་ལ་མཁོ་ལགས་ཀྱང་། །རང་ལ་ཉམས་རྟོགས་ཡོན་ཏན་སྐྱེ་བའི་ཐབས། །ཐམས་ཅད་གཅིག་བསྡུས་ངོ་བོ་སྐྱོང་བ་ཟབ། །སྤྲོས་པ་ཕྱི་ནས་གཅོད་དང་ནང་ནས་གཅོད། །ལྟ་བའི་སྟོན་ལུགས་མི་གཅིག་མང་ན་ཡང་། །ཐབ་ཀྱི་མེ་བསད་དུ་བ་རང་འགགས་ལྟར། །ནང་དུ་རང་སེམས་རྩ་བ་གཅོད་པ་ཟབ། །མཚན་བཅས་མཚན་མེད་སྒོམ་ལུགས་མང་ན་ཡང་། །གསལ་སྟོང་ཟུང་འཇུག་བསྐྱེད་རིམ་དྲན་རྫོགས་ཟབ། །སྤྱོད་པ་མཐོ་དམན་རྩིང་ཞིབ་མང་ན་ཡང་། །དགེ་སྒྲུབ་སྡིག་སྤང་ཅི་ནུས་འབད་པ་ཟབ། །འབྲས་བུ་ཐོབ་དུས་ཐོབ་ལུགས་མང་བཤད་ཀྱང་། །ལྟ་སྒོམ་སྤྱོད་པ་མ་འཁྲུལ་ཉམས་བླངས་ན། །ངེས་པར་ཐོབ་པར་ངེས་ཤེས་ལྡན་པ་ཟབ། །

[Full Size]

བསྟན་ལ་ཕན་ཕྱིར་ཚབས་ཆེན་སྡིག་ལྟུང་སོགས། །ས་ཐོབ་སེམས་དཔའ་རྣམས་ལ་མི་སྒྲིབ་ཀྱང་། །རང་རེ་ངན་སོང་གསུམ་ལ་སྐྲག་པའི་ཕྱིར། །སྡིག་ལྟུང་ཐེ་འབགས་མེད་པར་འཛེམ་པ་ཟབ། །ཡར་མཆོད་མར་སྦྱིན་འབྲི་དང་ཀློག་པ་སོགས། །རང་དོན་མིན་པར་འགྲོ་བ་སྤྱི་ཡི་དོན། །འཁོར་གསུམ་དམིགས་མེད་བསྔོ་བས་རྒྱས་འདེབས་ཟབ། །ཟབ་ཆོས་གདམས་པའི་གླུ་སྟེ་དང་པོའོ།། །།ཀྱེ་མ་ཧོ། བསྐལ་པ་མང་སྟེ་དམ་ཆོས་དར་བ་དཀོན། །ཞིང་ཁམས་མང་ཡང་སངས་རྒྱས་འབྱོན་པ་དཀོན། །སངས་རྒྱས་བྱོན་ཡང་བསྟན་པ་གནས་པ་དཀོན། །འགྲོ་དྲུག་ནང་ནས་མི་ལུས་ཐོབ་པ་དཀོན། །གླིང་བཞིའི་ནང་ནས་འཛམ་གླིང་སྐྱེ་བ་དཀོན། །འཛམ་གླིང་ནང་ནས་དམ་ཆོས་དར་བ་དཀོན། །དེ་རུ་སྐྱེས་ཀྱང་དབང་པོ་ཚང་བ་དཀོན། །དབང་པོ་ཚང་ཡང་དམ་ཆོས་དྲན་པ་དཀོན། །དམ་ཆོས་འདོད་ཀྱང་བླ་མ་མཚན་ལྡན་དཀོན། །དེ་དང་མཇལ་ཡང་ཉམས་ཁྲིད་ཐོབ་པ་དཀོན། །གལ་ཏེ་ཐོབ་ཀྱང་དབང་གིས་སྨིན་པ་དཀོན། །དེ་གཉིས་འཛོམ་ཡང་རང་ངོ་འཕྲོད་པ་དཀོན། །དཀོན་ཚད་ཐམས་ཅད་ད་རེས་

[Full Size]

རྙེད་པ་འདི། །སྟབས་ལེགས་མ་ཡིན་སྔོན་གྱི་སྨོན་ལམ་ཡིན། །ད་རེས་འཁོར་བ་འདི་དང་རྒྱབ་གྱེས་ཤིག །མ་ཐུབ་ན་ནི་རིན་ཆེན་གླིང་ནས་ནི། །ལག་པ་སྟོང་པ་འོང་བས་ལོད་པར་ངེས། །ཕྱིས་ནས་འདི་འདྲ་འཛོམ་པ་ཨི་སྲིད་ཙམ། །ཁྱད་པར་གསང་སྔགས་བླ་མེད་རྡོ་རྗེ་ཐེག །བྱམས་པ་མན་ཆད་སངས་རྒྱས་སྟོང་གིས་ནི། །གསུངས་པར་མི་འགྱུར་ཐོབ་པའི་རེ་བ་མེད། །ད་རེས་ཐོབ་དཀའི་མི་ལུས་རིན་ཆེན་འདི། །ཐོབ་པའི་ལ་དོན་བེད་ཅིག་མ་ཆོད་ན། །རིང་པོར་མི་ཐོགས་བསྒྱུར་ནས་འཇོག་པ་སྟེ། །ཟའམ་མེ་ཡིས་བསྲེག་རྒྱུ་ཡིན། །ད་རེས་སྙིང་པོ་མེད་ལ་སྙིང་པོ་ལོངས། །ཞུས་པའི་སྡོམ་པ་དམ་ཚིག་གཙང་མར་སྲུངས། །ཉ་སྟོང་བརྒྱད་སོགས་བསྙེན་གནས་སྡོམ་སྲུངས། །ལག་པས་བེད་བཅད་བརྒྱ་ཕྱག་རྒྱུན་དུ་འཚོལ། །རྐང་པས་བེད་བཅད་རྟེན་ལ་བསྐོར་བ་མཛོད། །ལྕེ་ཡིས་བྱེད་བཅད་ཆོས་སྤྱོད་ཡིག་དྲུག་འབུངས། །ལོངས་སྤྱོད་བེད་བཅད་མཆོད་སྦྱིན་ཚོགས་གསོག་འབད། །སེམས་ལ་བེད་བཅད་སྟོང་ཉིད་སྙིང་རྗེ་བསྒོམ། །ད་ལྟ་འབྱུང་བཞི་གཡར་བའི་སྒྱུ་ལུས་འདི། །བེད་བཅད་བྱས་ནས་གཏོང་དགོས་བྱུང་ཡང་་

[Full Size]

བཟོད། །རྟ་ཁལ་ལམ་རྒྱགས་བཟང་བའི་མགྲོན་པོ་བཞིན། །འགྲོ་དགོས་བྱུང་ཡང་སྡུག་བསྔལ་མེད་པ་ཡིན། །ཐོབ་དཀའི་མི་ལུས་ལ་སྙིང་པོ་ལེན་པའི་གླུ་སྟེ་གཉིས་པའོ།། །།ཀྱེ་མ་ཀྱེ་ཧུད་ཨ་ཙ་མ་ན་ཨང་། །སྣོད་ཀྱི་འཇིག་རྟེན་ནམ་ཞིག་མེ་ཆུས་འཇིག་།ལོ་ཡང་མི་རྟག་ལོ་སྐོར་རིམ་པར་འཕོ། །ནམ་ཟླ་དུས་བཞི་དྲོ་གྲང་ས་མདོག་རྗེ། །ཉི་མ་ཤར་ནུབ་དུས་ཚོད་ཡད་ཡུད་འགྲོ། །བཅུད་ཀྱི་སེམས་ཅན་སྐྱེ་རྒ་ན་དང་འཆི། །མི་རྟག་འགྱུར་བ་ཆུ་ཡི་གཉེར་མ་འདྲ། །དངོས་པོར་གྲུབ་པའི་འདུས་བྱས་ཐམས་ཅད་ལ། །གཅིག་ཀྱང་རྟག་པར་གནས་པ་མི་སྲིད་དེ། །སྐྱེ་མཐའ་འཆི་དང་བརྩེགས་པའི་མཐའ་ནི་འགྱེལ། །དར་མཐའ་རྒུད་དང་་བསགས་པའི་མཐའ་ནི་འཛད། །འདུས་མཐའ་བྲལ་བ་འདི་ནི་ཟློག་ཐབས་མེད། །རྫོགས་སངས་རྒྱས་དང་རང་རྒྱལ་དགྲ་བཅོམ་པ། །མཆོག་དང་ཐུན་མོང་གྲུབ་པ་ཐོབ་རྣམས་ཀྱང་། །ཐམས་ཅད་མཐའི་རུ་ལུས་ནི་སྤང་དགོས་ན། །དེ་ལས་ལྷག་པ་སུ་ཞིག་གང་དུ་ཡོད། །ཚངས་པ་བརྒྱ་བྱིན་འཁོར་ལོས་སྒྱུར་རྒྱལ་དང་། །གླིང་ཕྱེད་དབང་དང་རྒྱ་བོད་ཧོར་སོག་གི །རྒྱལ་པོ་ཆེན་པོ་རྣམས་

[Full Size]

ཀྱང་འཆི་དགོས་ན། །བསོད་ཆུང་ཕལ་པ་ནམ་འཆི་ཅི་ཆ་ཡོད། །ནད་རིགས་བཞི་བརྒྱ་བགེགས་རིགས་སྟོང་ཕྲག་བརྒྱད། །ཚེ་དང་སྲོག་ལ་གནོད་བྱེད་དཔག་ཏུ་མེད། །རླུང་གསེབ་མར་མེ་འདྲ་འདི་ནམ་འདའ་ཨང་། །དཔེར་ན་གསོད་སར་ཁྲིད་པའི་བཙོན་བཞིན་དུ། །ལོ་ཟླ་ཞག་དུས་སོང་ཞིང་འཆི་དང་ཉེ། །འཆི་བདག་གཤིན་རྗེ་དེ་དང་ནམ་ཐུག་ཨང་། །སྨན་དང་སྲུང་བ་རིམ་གྲོའི་ནུས་པ་རྡུགས། །ཏུག་གི་ཐུགས་པའི་དུས་ཤིག་ནམ་འོང་ཨང་། །ཉི་མ་ནུབ་རིའི་རྩེ་ལ་ཕྱིན་པ་ལྟར། །བཤོལ་ཐབས་མེད་པའི་དུས་ཤིག་ནམ་འོང་ཨང་། །ཉེ་དུ་འཁོར་གཡོག་མང་ཡང་ཁྲིད་དབང་མེད། །གཅིག་པུར་འགྲོ་བའི་དུས་ཤིག་ནམ་འོང་ཨང་། །ལོངས་སྤྱོད་ཆེ་ཡང་ཞག་བརྒྱགས་ཁྱེར་དབང་མེད། །ལག་སྟོང་འགྲོ་བའི་དུས་ཤིག་ནམ་འོང་ཨང་། །ཆ་མེད་ཡུལ་དུ་རྒྱུས་མེད་གཅིག་པུར་འཁྱམས། །གར་འགྲོ་ཆ་མེད་དུས་ཤིག་ནམ་འོང་ཨང་། །ན་ཚ་ཟུག་གཟེར་ཆེ་ཡང་བགོ་ཐབས་མེད། །སྡུག་རེས་གཅིག་ལ་བབ་དུས་ནམ་འོང་ཨང་། །ཐིམ་རིམ་སྣང་མཆེད་འོད་གསལ་ངོས་མི་ཟིན། །ཅི་བྱ་གཏོལ་མེད་དུས་ཤིག་ནམ་འོང་ཨང་། །སྒྲ་འོད་ཟེར་

[Full Size]

གསུམ་ཞི་ཁྲོའི་ལྷ་ཚོགས་འཆར། །ཉེས་ཆེན་མི་གཅིག་དམག་གིས་བསྐོར་བ་ལྟར། །དངངས་སྐྲག་འཇིགས་སྣང་ཆེན་པོ་ནམ་འོང་ཨང་། །འཇིགས་ཤིང་ཡ་ང་གཤིན་རྗེའི་ཕོ་ཉས་ཁྲིད། །ལྷན་སྐྱེས་ལྷ་དང་འདྲེ་ཡིས་དགེ་སྡིག་བཤད། །རྫུན་གྱིས་མི་ཕན་མེ་ལོང་ཡིག་ཆུང་གསལ། །སྔར་བྱས་འགྱོད་པ་དུས་ཤིག་ནམ་འོང་ཨང་། །དགེ་བ་འདོད་ཀྱང་ཉོ་སྐྱི་ཚོལ་ཁུང་མེད། །གཤིན་རྗེའི་རྒྱལ་པོས་དཀར་ནག་ཤན་འབྱེད་བྱེད། །དེ་དུས་འགྱོད་མེད་ད་ལྟ་མ་བསྒྲུབས་ན། །རང་གིས་རང་བསླུས་མདོ་མེད་སྙིང་མེད་ཡིན། །ད་ལྟ་མེ་སྟག་ཕོག་པ་མི་བཟོད་ན། །མི་ཡི་མེ་ལས་དམྱལ་མེ་བདུན་འགྱུར་ཚ། །འཆི་རྒྱུ་མེད་པར་བསྐལ་པར་བཙོ་དང་སྲེག །བྱེད་པར་ཤེས་ན་ཅི་བྱ་སེམས་ལ་དྲིས། །དགུན་ཁ་ཞག་གཅིག་གོས་སྲབ་མི་བཟོད་ན། །བསྐལ་པར་གོས་མེད་འཁྱག་པའི་སྦུབས་སུ་འབྱར། །འཆི་རྒྱུ་མེད་པར་བྱུང་ན་ཅི་འདྲ་བྱེད། །ད་ལྟར་ངག་བཅད་བསྲུང་ཤུན་ཀླད་ཡུ་འཁོར། །ལོ་གྲངས་སྟོང་ཕྲག་ཟས་སྐོམ་སྒྲ་མི་གྲགས། །འོན་ཀྱང་འཆི་མི་ནུས་ན་ཅི་འདྲ་ཡོད། །ད་ལྟ་ཁྱི་རྒན་ཟེར་ན་གྲི་མགོ་འཕུར། །དངོས་སུ་ཁྱི་ལུས་བླང་ན་ཅི་

[Full Size]

འདྲ་བྱེད། །ད་ལྟ་དམག་དང་དགྲ་ལ་བྲོས་པས་ཆོག །ལྷ་མིན་ཡུལ་དུ་སྐྱེས་ན་ཇི་ལྟར་བྱེད། །ད་ལྟ་གྲལ་ཙམ་དམའ་ན་ཟུག་སྐྱེ། །ལྷ་ལུས་ལྟུང་ན་སྡུག་བསྔལ་བཟོད་པར་དཀའ། །ངན་སོང་གསུམ་ན་སྡུག་བསྔལ་བཟོད་བླག་མེད། །ལྷ་མིའི་བདེ་བ་མི་རྟག་འགྱུར་ལྡོག་ཆེ། །སྐྱེ་རྒ་ན་འཆི་ཆུ་བོའི་གཉེར་མ་འདྲ། །འཁོར་བའི་སྡུག་བསྔལ་རྒྱ་ཆེ་གཏིང་ཟབ་པ། །མཐའ་མེད་ཐར་དུས་མེད་པའི་འཇིགས་རུང་བ། །འདི་ལ་སྐྲག་ཕྱིར་སྡིག་ལ་དུག་ལྟར་འཛེམ། །འདི་ལ་ཕན་པའི་དམ་ཆོས་སྨན་ལྟར་བརྟེན། །འདི་ལ་སྐྱོབ་པའི་དཀོན་མཆོག་དཔོན་དུ་ཁུར། །དེ་ལྟར་བཤད་པའི་དོན་དེ་མ་གོ་ན། །མངོན་སུམ་བལྟ་རྒྱུ་གདའ་བ་འདི་རྣམས་ལྟོས། །དེ་ཡང་རྒྱལ་པོ་ཆེན་པོའི་དམག་བསྡུས་ཀྱང་། །ཁྲི་ཕྲག་བཅུ་ལས་མང་བ་འདུས་དཀའ་སྟེ། །མངའ་ཞབས་ན་ཡང་མི་ལུས་ཐོབ་ཚད་ལ། །འབུམ་ཕྲག་བཅུ་ལས་མང་བ་ཡོད་ཤས་ཆུང་། །དབྱར་ཁ་རི་ལོགས་རེ་ཡི་འབུ་སྲིན་གྲངས། །རྒྱལ་པོ་ཆེན་པོའི་མངའ་ཞབས་མི་བས་མང་། །རྒྱ་གྲོག་རེ་རེའི་ཚང་གི་གྲོག་མ་ཡང་། །རྒྱལ་པོ་ཆེན་པོའི་དམག་དཔུང་བས་ཀྱང་མང་། །མི་ལུས་ཐོབ་དེ་ཨེ་དཀའ་

[Full Size]

དེ་ལ་ལྟོས། །ཕ་མ་གཅིག་ཅིང་རྒོད་ཞན་མཉམ་པའི་སྤུན། །ལ་ལ་ཕྱུག་ཅིང་ལ་ལ་དབུལ་དང་ཕོངས། །ལ་ལ་ཚེ་ཐུང་ནད་མང་སྡུག་བསྔལ་ཆེ། །ལ་ལ་ནད་དཀོན་ཚེ་རིང་ཡུན་རིང་བདེ། །མི་ལུས་རིན་ཆེན་ཐོབ་པ་འདྲ་འདྲ་ལ། །ལ་ལ་བཙན་ཞིང་ལ་ལ་ཉམ་ཆུང་བ། །ལ་ལ་ཕྱུག་ཅིང་ལ་ལ་ལྟོགས་ཤིང་མུག །རྒོད་ཞན་མ་ཡིན་མཁས་དང་མི་མཁས་མིན། །ཚེ་སྔོན་ལས་འབྲས་ཨི་བདེན་དེ་ལ་ལྟོས། །བསྐལ་པ་ཆགས་ནས་ད་ལྟ་ཡན་གྱི་མི། །སུས་ཀྱང་འཆི་བ་འཚེར་ཏེ་ཐབས་མ་རྙེད། །གཅིག་ཀྱང་ཚེ་ཐར་ལུས་པ་མི་གདའ་ན། །རང་གི་ངོ་ཤེས་ཤི་བ་རྩིས་བསྒང་ཐོངས། །ན་ཉིན་དུ་ཤི་ད་ལོ་དུ་ཤི་བ། །རང་ཡང་དེ་བས་ལྷག་དོན་ཅུང་ཟད་མེད། །ཤི་བ་ཤེས་ཀྱང་དེ་དུས་ཆོས་མཁོ་བ། །ཀུན་གྱིས་ཤེས་ཀྱང་ལོང་མེད་བསམས་པས་བསླུས། །དེང་སང་ཚེ་ཚད་བཞི་བཅུ་ཁ་རལ་གསུངས། །རང་དང་ན་མཉམ་རང་བས་གཞོན་པའི་མི། །དུ་ཤི་ཡིད་ལ་སོམ་ལ་བསམ་བློ་ཐོངས། །དེ་ཚོས་ཀྱང་ནི་ད་རུང་མི་འཆི་བསམ། །དགྲ་འདུལ་གཉེན་སྐྱོང་འདུག་ཆེས་སྡིག་འགའ་བྱས། །བསམ་ཐོག་མ་སོང་ཁོང་རྣམས་འཆི་བདག་ཁྱེར། །

[Full Size]

རང་ཡང་དེ་དང་འདྲ་བས་དམ་ཆོས་མཛོད། །ཆོས་མ་དྲན་པས་ཆོས་ལ་འཛུད་པ་དང་། །ཆོས་ལ་ཞུགས་པ་མཐའ་རུ་ཕྱིན་པའི་ཐབས། །འཆི་བ་སྙིང་ནས་དྲན་པ་ཟབ་ཆོས་ཡིན། །གལ་ཏེ་འཆི་བ་སྙིང་ལ་མ་གཟེར་ན། །དམ་ཆོས་བྱས་ཀྱང་ཆེ་ཐབས་རིམ་གྲོར་གོལ། །དེ་ཕྱིར་འཆི་བ་ཉིན་རེ་ལན་གསུམ་དུ། །སྙིང་ལ་གཟེར་བར་དྲན་པ་ཟབ་ཆོས་སོ། །མི་རྟག་པ་དང་རྒྱུ་འབྲས་བསམ་པའི་གླུ་སྟེ་གསུམ་པའོ།། །།ཨེ་མ་དངོས་གཞི་དམིགས་པའི་སྐོར་འདི་ལ། །གོ་རྒྱུ་རེ་དང་བསྒོམ་རྒྱུ་སོ་སོར་ཡོད། །དང་པོ་གོ་རྒྱུ་འདི་ཚོ་གོ་བ་ལོང་། །དེ་ནས་བསྒོམ་རྒྱུའི་དམིགས་ཐུན་ཅི་ནུས་བསྒོམ། །འཁོར་བའི་སྡུག་བསྔལ་གཞན་གྱིས་མི་སྐྱོབས་པས། ། །བསླུ་མེད་དཀོན་མཆོག་གསུམ་ལ་བློ་གཏད་བཅའ། །མདོ་ལུགས་སངས་རྒྱས་ཆོས་དང་དགེ་འདུན་གསུམ། །སྔགས་ལུགས་བླ་མ་ཡི་དམ་མཁའ་འགྲོ་གསུམ། །དོན་ལ་བླ་མའི་སྐུ་གསུང་ཐུགས་སུ་འདུས། །ཅི་མཛད་ཁྱེད་ཤེས་བློ་གཏད་སྐྱབས་འགྲོ་ཡིན། །རང་ཉིད་སངས་རྒྱས་ཐོབ་པས་མི་ཆོག་སྟེ། །སེམས་ཅན་ཐམས་ཅད་ཕ་མ་དྲིན་ཅན་ཡིན། །དེ་དག་ཐམས་ཅད་སངས་རྒྱས་སར་འགོད་

[Full Size]

པའི། །སེམས་བསྐྱེད་རྒྱ་ཆེན་སངས་རྒྱས་བོན་ཡིན། །རང་ཉིད་རྫོགས་པའི་སངས་རྒྱས་བསྒྲུབ་པ་ལ། །སངས་རྒྱས་སེམས་ཅན་གཉིས་པོ་བཀའ་དྲིན་མཉམ། །ཕ་རོལ་ཕྱིན་དྲུག་ཉམས་སུ་མ་བླངས་པར། །རྫོགས་པའི་སངས་རྒྱས་ཐོབ་པའི་ཐབས་མེད་པས། །སྦྱིན་པ་གཏོང་ཡུལ་སེམས་ཅན་དབུལ་ཕོངས་ཅན། །སྙིང་རྗེ་བསྒོམ་ཡུལ་སེམས་ཅན་སྡུག་བསྔལ་ཅན། །ཕན་ལན་གནོད་སྐྱེལ་དགྲ་བགེགས་ཐམས་ཅད་ཀྱང་། །བཟོད་པ་བསྒོམ་པའི་རྟེན་ཏེ་བྱང་ཆུབ་གྲོགས། །དེ་ལྟར་ཤེས་པས་ཕྱོགས་དང་རིས་མེད་པའི། །འགྲོ་ཀུན་བདག་ཉིད་ཁོ་ནས་སངས་རྒྱས་སར། །བཀོད་པའི་བསམ་བཟང་བློ་སྟོབས་བསྐྱེད་པ་ནི། །བྱང་ཆུབ་སེམས་བསྐྱེད་ཅེས་བྱའི་ཟབ་ཆོས་ཡིན། ། མ་བཤགས་སྡིག་པ་ཆུང་ཡང་ལྡི་བ་སྟེ། །ཞག་རེ་སོང་ཞིང་སྐྱེད་རེ་འགྲོ་བས་འཕེལ། །སྙིང་ནས་བཤགས་ན་མི་དག་སྡིག་པ་མེད། །མི་གཙང་འགོས་ཀྱང་ཆུ་ཡིས་བཀྲུ་དང་མཚུངས། །སྔར་བྱས་སྡིག་པ་བཙན་དུག་ཁོང་ཤོར་ལྟར། །འགྱོད་པ་སྐྱེས་ན་དག་པར་སླ་བ་ཡིན། །དེ་ཐུབ་བསམ་པའི་ང་རྒྱལ་དག་པར་དཀའ། །ཕྱིན་ཆད་མི་བྱའི་དམ་

[Full Size]

བཅའ་དྲག་པོ་བྱ། །བྱས་ཀྱང་སྐྱོན་མེད་བཤགས་ཆོག་བསམ་པ་ན། །དེ་ཡིས་དག་པར་མི་འགྱུར་རྒྱལ་བས་གསུངས། །དཀོན་མཆོག་ཀུན་འདུས་བླ་མ་སྤྱི་བོར་བསྒོམ། །དེ་དྲུང་བཤགས་པ་རྟེན་གྱི་སྟོབས་ཞེས་བྱ། །བཤགས་ཐབས་མང་ཡང་ཡིག་དྲུག་ཟབ་པའོ། །ཚོགས་བསགས་གང་ཡང་ཅི་ནུས་འབད་བྱ་སྟེ། །བྱ་སླ་བསོད་ནམས་ཆེ་བའི་མཎྜལ་འབུལ། །ཕྱོགས་བཅུའི་སངས་རྒྱས་བྱང་སེམས་གྲུབ་ཐོབ་ཚོགས། །དཔག་ཏུ་མེད་ཀྱང་མཇལ་བའི་ལས་དབང་མེད། །རང་ལ་དབང་བསྐུར་རྒྱུད་བཤད་མན་ངག་གནང་། །སངས་རྒྱས་ཀུན་བས་བླ་མ་བཀའ་དྲིན་ཆེ། །བླ་མ་ཐ་མལ་པ་ཞིག་ཡིན་ན་ཡང་། །རྡོ་རྗེ་འཆང་དུ་མོས་པས་གསོལ་བཏབ་ན། །ཉམས་རྟོགས་ཡོན་ཏན་སྐྱེ་ཞིང་འཕེལ་བ་ཡིན། །སངས་རྒྱས་ཀུན་གྱི་ཐུགས་རྗེ་ཡིན་པར་བཤད། །དེ་ཕྱིར་བླ་མ་བསྒོམས་ནས་གསོལ་བ་བཏབ། །ཆོས་ཀྱི་སྒོར་ཞུགས་དབང་ལུང་ཁྲིད་ཐོབ་ནས། །སྡོམ་པ་དམ་ཚིག་བསྲུང་བར་མ་བྱས་ན། །སྨན་དཔྱད་དུག་ཏུ་སོང་ལྟར་ཕུང་བར་བྱེད། །སྲུང་ཚུལ་ཞིབ་པར་མི་ཤེས་བསྲུང་དཀའ་ཡང་། །དོན་རྩ་གཅིག་ཏུ་བསྡུས་ནས་བསྲུངས་པས་འཐུས། །

[Full Size]

ཅི་མཛད་ཁྱེད་ཤེས་དཀོན་མཆོག་བློ་ཁེལ་ནི། །སྐྱབས་འགྲོའི་སྡོམ་པ་ཐམས་ཅད་དེ་ལ་འདུས། །གཞན་ལ་གནོད་པ་ནམ་ཡང་་མི་སྐྱེལ་ན། །འདུལ་ཁྲིམས་སོ་ཐར་སྡོམ་པ་དེ་ལ་འདུས། །དགེ་བ་ཐམས་ཅད་འགྲོ་བ་སྤྱི་ལ་བསྔོ། །རང་གི་ཅི་ནུས་གཞན་ལ་ཕན་གདགས་ན། །བྱང་ཆུབ་སེམས་དཔའི་སྡོམ་པ་དེ་ལ་འདུས། །རྩ་བའི་བླ་མ་ཡི་དམ་དབྱེར་མེད་ལྟ། །དེ་ལ་ལོག་ལྟ་ནམ་ཡང་མ་བྱས་ན། །གསང་སྔགས་དམ་ཚིག་ཐམས་ཅད་དེ་ལ་འདུས། །དེ་ལྟར་སྡོམ་པ་དམ་ཚིག་ལྡན་པ་ལ། །བླ་མས་བྱིན་རླབས་ཡི་དམ་དངོས་གྲུབ་སྟེར། །མཁའ་འགྲོ་ཆོས་སྐྱོང་བར་ཆད་སེལ་བར་ངེས། །དེ་ལྟར་གོ་ནས་སྒོམ་རྒྱུའི་དམིགས་ཐུན་ནི། །རང་གི་སྤྱི་བོར་པདྨ་ཟླ་བའི་སྟེང་། །འབྲེལ་ཐོགས་རྩ་བརྒྱུད་བླ་མ་དཀོན་མཆོག་གསུམ། །ཐམས་ཅད་གཅིག་བསྡུས་འོད་དཔག་མེད་པ་བསྒོམ། །སྐྱབས་འགྲོ་སེམས་བསྐྱེད་རྒྱས་བསྡུས་གང་ཤེས་བྱ། །བདག་གི་ལུས་དང་ལོངས་སྤྱོད་དགེ་རྩར་བཅས། །གླིང་བཞི་རི་རབ་རིན་ཆེན་སྣ་ཚོགས་ནི། །འབུལ་བར་དམིགས་ཏེ་མཎྜལ་ཚིགས་བཅད་བརྗོད། །སྔར་བྱས་སྡིག་པ་འགྱོད་པས་བཤགས་

[Full Size]

ཚིག་དང་། །ཡིག་དྲུག་བཟླས་པས་འོད་དཔག་མེད་པ་ཡི། །སྐུ་ལས་བདུད་རྩི་འོ་མ་འདྲ་བ་བབས། །ཚངས་བུག་ནས་ཞུགས་ལུས་ཀུན་གང་བ་ཡིས། །དུད་ཁུ་ལྟ་བུའི་སྡིག་སྒྲིབ་མ་ལུས་པ། །འོག་སྒོ་དང་ནི་རྐང་པའི་མཐིལ་ནས་ཐོན། །ས་འོག་སོང་བས་འཆི་བདག་གཤིན་རྗེས་འཐུང་། །ངོམ་ཞིང་ཚིམས་པས་ཚེ་སྐྱིན་སྲོག་གླུད་གྱུར། །རང་ལུས་དྲི་མེད་ཤེལ་སྒོང་ལྟ་བུར་གྱུར། །དེ་ནས་སྤྱི་བོའི་བླ་མ་སངས་རྒྱས་དེར། །དད་གུས་བསྐྱེད་ལ་གསོལ་འདེབས་གང་ཤེས་སམ། །གསོལ་འདེབས་སྙིང་པོ་བཛྲ་གུ་རུ་བཟླ། །བླ་མ་དཀོན་མཆོག་ཀུན་འདུས་འོད་དཔག་མེད། །འོད་དུ་ཞུ་ནས་རང་ལ་དབྱེར་མེད་ཐིམ། །སྐུ་གསུང་ཐུགས་དང་ལུས་ངག་ཡིད་གསུམ་པོ། །དབྱེར་མེད་ཆུ་དང་འོ་མ་འདྲེས་ལྟར་དུ། །དབང་དང་བྱིན་རླབས་ཐམས་ཅད་ཐོབ་པར་བསྒོམ། །དམིགས་ཐུན་གྱིགླུ་སྟེ་བཞི་པའོ།། །།དོན་གྱི་རྩ་བ་བསྐྱེད་རྫོགས་ཟུང་འཇུག་ལ། །འདི་ལ་གོ་རྒྱུ་བསྒོམ་རྒྱུ་གཉིས་ཡོད་དེ། །སེམས་ཅན་ཀུན་གྱི་སེམས་ཉིད་ངོ་བོ་ནི། །ཡེ་ནས་སངས་རྒྱས་ངོ་བོར་བཞུགས་པ་སྟེ། །ངོ་བོ་སྟོང་པ་ཆོས་སྐུ་སྐྱེ་མེད་ཉིད། །རྣམ་པ་གསལ་ལ་མ་

[Full Size]

འདྲེས་ལོངས་སྤྱོད་རྫོགས། །ཐུགས་རྗེ་འགགས་མེད་སྣ་ཚོགས་སྤྲུལ་པའི་སྐུ། །དེ་གསུམ་དབྱེར་མེད་ཟུང་འཇུག་ངོ་བོ་ཉིད། །ནམ་ཡང་འགྱུར་མེད་བདེ་བ་ཆེན་པོའི་སྐུ། །ཡེ་ནས་རང་ཆས་རང་ལ་བཞུགས་པ་དེ། །སངས་རྒྱས་ཐུགས་རྗེ་བླ་མའི་བྱིན་རླབས་དང་། །ཆོས་ཀྱི་ཟབ་ཁྱད་གནད་ཀྱིས་བྱུང་བ་མིན། །ཡེ་ཐོག་གདོད་ནས་དེ་ལྟར་ཡོད་པ་ཡིན། །དེ་དོན་མདོ་སྔགས་ཐམས་ཅད་བཤད་པ་མཐུན། །འོ་ན་འཁོར་བར་ཅིའི་ཕྱིརའཁྱམས་ཞེ་ན། །རང་གི་རང་ངོ་མ་ཤེས་འཁྲུལ་པས་ལེན། །དཔེར་ན་གསེར་གྱི་སྐྱེད་པུ་ཡོད་པའི་མིའི། །གསེར་དངུལ་མ་ཤེས་ལྟོགས་སྡུག་མཐོང་དང་འདྲ། །དེ་ཉིད་བླ་མས་ངོ་སྤྲོད་དཀའ་དྲིན་ཆེ། །གསེར་ངོ་སྤྱད་ཀྱང་ལྟོགས་པར་མི་ཕན་ཏེ། ། དེ་ཉིད་བཙོང་དང་ཟས་བསྒྲུབ་རྔོ་བཏགས་དང་། །བཙོ་གཡོ་བྱས་ནས་ཟོས་ན་བཀྲེས་པ་འགྲང་། །དེ་བཞིན་བླ་མས་ངོ་སྤྲོད་བྱས་པ་དེ། །ཉམས་སུ་བླང་ན་འཁྲུལ་པ་སེལ་ཏེ་གྲོལ། །དེ་ལྟར་རང་སེམས་སངས་རྒྱས་ཡིན་པ་ནི། །ཐེག་ཆེན་མདོ་དང་གསང་སྔགས་རྒྱུད་སྡེ་མཐུན། །འོན་ཀྱང་མདོ་ནས་རང་ལུས་སངས་རྒྱས་སུ། །ངོ་སྤྲོད་མེད་ལས་ལམ་

[Full Size]

ཐག་རིང་བ་སྟེ། །བསྐལ་པ་གྲངས་མེད་གསུམ་ནས་སངས་རྒྱས་ཐོབ། །བླ་མེད་ཚེ་གཅིག་སངས་རྒྱས་ཐོབ་པའི་ཐབས། །རང་ལུས་ལྷ་རུ་ངོ་སྤྲད་པ་དེ་ཟབ། །དེ་ཕྱིར་རང་ལུས་ལྷ་ཡི་དཀྱིལ་འཁོར་དུ། །བདེ་མཆོག་གསང་འདུས་བཀའ་བརྒྱད་ལ་སོགས་པ། །བླ་མེད་རྒྱུད་སྡེ་ཀུན་ནས་རྒྱས་པར་གསུངས། །མདོར་བསྡུས་ཕུང་པོ་ལྔ་ནི་རིགས་ལྔ་སྟེ། །ཁམས་ལྔ་ཡུམ་ལྔ་ཚོགས་བརྒྱད་སེམས་དཔའ་བརྒྱད། །ཡུལ་བརྒྱད་སེམས་མ་བརྒྱད་དུ་གསར་རྙིང་མཐུན། །ཁྱད་པར་སྙིང་དབུས་ཞི་བ་བཞི་བཅུ་གཉིས། །མགྲིན་པའི་གནས་སུ་དག་པ་རིག་འཛིན་ཚོགས། །ཀླད་པའི་ནང་དུ་ཁྲག་འཐུང་ལྔ་བཅུ་བརྒྱད། །རྩ་རླུང་ཐིག་ལེའི་ཚུལ་དུ་དངོས་སུ་བཞུགས། །དེ་ལྟར་སྙིང་དང་མིག་གི་རྩ་འབྲེལ་ནས། རྫོགས་ཆེན་ནམ་མཁར་འཇའ་འོད་ཐིག་ལེ་འཆར། །འཆི་དུས་ལུས་ཀྱི་ལྷ་ཚོགས་ལུས་ནས་ཐོན། །ནམ་མཁའ་བར་སྣང་གང་བར་དངོས་སུ་འཆར། །དེ་ཉིད་ལྷ་རུ་མ་ཤེས་གཤིན་རྗེར་མཐོང་། །སྔངས་སྐྲག་འཇིགས་སྣང་རྒྱལ་འབོགས་ངན་སོང་ལྟུང་། །དཔེར་ན་དགྲ་འཇིགས་ཆེ་བའི་ལམ་སོ་ན། །བསུ་མི་འོང་བ་དགྲ་ཡིན་སྙམ་ནས་བྲོས། །

[Full Size]

རྗེས་སུ་བསྙགས་པས་དེད་པར་མཐོང་ནས་སྐྱག །ངོ་ཤེས་ན་ནི་སྐྲག་མེད་དགའ་བ་ལྟར། །ཡི་དམ་ལྷ་རུ་ཤེས་ན་ཞིང་ཁམས་བགྲོད། །དེ་ཉིད་ད་ལྟ་གོམས་འདྲིས་བྱ་བའི་ཕྱིར། །ཐོད་རྒལ་ཐིག་ལེ་ཐིག་ཕྲན་བལྟ་བའོ། །དཔེར་ན་དངུལ་རྡོ་དངུལ་ནི་ཡིན་ན་ཡང་། །བཞུ་བཏུལ་མ་བྱས་དངུལ་གོ་མི་ཆོད་ལྟར། །རང་ལུས་ཡི་དམ་ལྷ་ཡི་དཀྱིལ་འཁོར་དུ། །ཤེས་པས་མི་ཆོག་བསྒོམས་པས་དངོས་སུ་གྲུབ། །དཔེར་ན་འོ་མ་མར་གྱིས་ཁྱབ་མོད་ཀྱང་། །མ་བཤིགས་ན་ནི་མར་དུ་མི་འགྱུར་ལྟར། །རང་སེམས་སངས་རྒྱས་ཡིན་པར་གོ་ན་ཡང་། །མ་བསྒོམས་པ་ལ་སངས་རྒྱས་མི་འགྱུར་རོ། །དེ་དོན་ཤེས་པར་མཛོད་ལ་ཉམས་སུ་ལོངས། །ཡི་དམ་མང་ཡང་འཕགས་པ་སྤྱན་རས་གཟིགས། །ཡི་དམ་ཀུན་འདུས་བོད་ཀྱི་ལྷ་སྐལ་ཡིན། །བསྐྱེད་ལུགས་རྒྱས་བསྡུས་མང་ཡང་དྲན་རྫོགས་འདི། །ཉམས་སུ་ལེན་བདེ་ཤེས་པར་སླ་བ་ནི། །དེ་ཕྱིར་རང་ལུས་ཐུགས་རྗེ་ཆེན་པོའི་སྐུ། །དཀར་པོ་ཞལ་གཅིག་ཕྱག་བཞི་གཞུང་ལྟར་བསྒོམ། །ཐུགས་ཀར་པདྨ་དཀར་པོ་འདབ་དྲུག་ཏུ། །ལྟེ་བར་ཧྲིདང་འདབ་དྲུག་ཡི་གེ་དྲུག །ཐམས་ཅད་

[Full Size]

ལངས་ནས་ཁྲ་དང་ཧྲབ་བེ་བསྒོམ། །ཧྲཱིཿཡིག་མི་འགུལ་ཡིག་དྲུག་གཡས་སུ་འཁོར། །དེ་ལས་འོད་ཟེར་ཕྱོགས་བཅུར་འཕྲོས་པ་ཡིས། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་མཆོད། །ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས། །ཆར་ལྟར་བབས་ནས་རང་ལ་སིབ་སིབ་ཐིམ། །སླར་ཡང་ཡི་གེ་དྲུག་ལས་འོད་ཟེར་འཕྲོས། །རིགས་དྲུག་སེམས་ཅན་ཀུན་གྱི་སྡིག་སྒྲིབ་སྦྱངས། །ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས། །ཀུན་གྱིས་ཡི་གེ་དྲུག་པ་འུར་དིར་དིར། །སྣོད་ཀྱི་འཇིག་རྟེན་བདེ་ཆེན་ཞིང་དུ་བསྒྱུར། །རེས་འགའ་ཧྲཱིཿལ་དམིགས་པ་རྩེ་གཅིག་བཟུང་། །གཞན་དུ་མི་འཕྲོ་ཡུན་རིང་སེམས་གནས་ན། །དམིགས་བཅས་ཞི་གནས་བསྐྱེད་རིམ་ཟུང་འཇུག་གོ །དེ་ནས་དེ་ལྟར་སྒོམ་མཁན་སེམས་དེ་ལ། །ཧྲིག་གེ་བལྟས་པས་བསྒོམ་ཚད་སྟོང་པར་ཡལ། །སེམས་ལ་གཟུགས་དང་ཁ་དོག་དངོས་པོ་མེད། །ལུས་ཀྱི་ཕྱི་དང་ནང་དང་བར་ནའང་མེད། །ཕྱོགས་བཅུ་ཀུན་ཏུ་བཙལ་ཡང་དངོས་པོ་མེད། །གང་ནས་སྐྱེས་དང་གར་གནས་གར་འགྲོ་མེད། །མེད་པའང་མ་ཡིན་རང་སེམས་གསལ་ཧྲིག་གེ །གཅིག་པུ་མ་ཡིན་སྣ་ཚོགས་ཅི་

[Full Size]

ཡང་འཆར། །ཐ་དད་མ་ཡིན་ཐམས་ཅད་ངོ་བོ་གཅིག །ཁོ་ཡི་ངོ་བོ་སུས་ཀྱང་བརྗོད་མི་ཤེས། །ཕྱོགས་མཐུན་བརྗོད་ན་བརྗོད་རྒྱུ་ཟད་པ་མེད། །མིང་ནི་སེམས་ཉིད་བདག་དང་ཀུན་གཞི་སོགས། །ཐ་སྙད་རྣམ་གྲངས་མང་པོ་བཏགས་མོད་ཀྱང་། །དོན་ལ་ད་ལྟའི་ཤེས་པ་འདི་ཀ་རང་། །འཁོར་འདས་ཀུན་གྱི་རྩ་བ་འདི་རང་ཡིན། །སངས་རྒྱས་ཐོབ་དང་ངན་སོང་ལྟུང་བ་དང་། །བར་དོར་འཁྱམས་དང་སྐྱེ་བ་བཟང་ངན་དང་། །ཞེ་སྡང་ཁོང་ཁྲོ་ཆགས་སེམས་ཞེན་ཆགས་དང་། །དད་པ་དག་སྣང་བྱམས་དང་སྙིང་རྗེ་དང་། །ཉམས་རྟོགས་ཡོན་ཏན་ས་ལམ་ཐོབ་པ་སོགས། །ཐམས་ཅད་བྱེད་མཁན་སེམས་ཉིད་འདི་ཉིད་རང་། །ཀུན་གྱི་འཆིང་རྩ་ཕུང་རྩ་འདི་ཡིན་པས། །སྲོག་རྩ་བཅད་ན་དབང་པོ་ཀུན་འགགས་ལྟར། །འདི་དོན་རྟོགས་ཤིང་ཉམས་སུ་སུས་བླངས་པ། །ཆོས་རྣམས་ཐམས་ཅད་དེ་རུ་མ་འདུས་མེད། །འདི་ལ་བསྒོམ་རྒྱུ་སྤུ་ཙམ་མེད་པ་སྟེ། །མ་ཡེངས་ཁོ་རང་ངོ་བོ་བལྟས་པས་ཆོག །ལེགས་སུ་རེ་དང་མ་ཉེན་དོགས་པ་དང་། །ཡིན་ནམ་མིན་ནམ་གང་ཡང་མི་སེམས་པར། །གནས་སམ་འགྱུའམ་གསལ་ལམ་མི་གསལ་

[Full Size]

རུང་། །གང་ཤར་དེ་ཡི་ངོ་བོར་ཧྲིག་གེར་བལྟ། །དངོས་གཞི་དེ་ལྟར་བསྒོམ་པའི་དུས་དེ་རུ། །མི་འཕྲོ་ཀྱི་ལེར་གནས་པ་གནས་པ་སྟེ། །མི་སྡོད་ཕྱོགས་བཅུར་རྒྱུག་པ་འགྱུ་བ་ཡིན། །གནས་འགྱུ་གང་ཤར་རིག་པས་རིག་པ་སྟེ། །སོ་སོར་འཆར་ཡང་ངོ་བོ་གཅིག་ཉིད་ཡིན། །གནས་པ་ཆོས་སྐུ་འགྱུ་བ་སྤྲུལ་པའི་སྐུ། །རིག་པ་ལོངས་སྐུ་དབྱེར་མེད་ངོ་བོ་ཉིད། །སྐུ་གསུམ་འགྲུབ་པའི་རྒྱུའམ་ས་བོན་ཡིན། །དེ་ལྟར་གནས་འགྱུ་གཉིས་ལ་བཟང་ངན་མེད། །དེ་ཕྱིར་གདམས་ཀ་མ་བྱེད་གང་ཤར་སྐྱོང་། །དང་པོ་ཡུན་ཐུང་གྲངས་མང་ཡང་ཡང་བལྟ། །དེ་ནས་རིམ་པར་ཡུན་ནི་ཇེ་རིང་བལྟ། །ལས་དང་པོ་པས་བསྐྱེད་རྫོགས་ལ་བཙན་ཐབས་སུ་བསླབ་པའི་གླུ་སྟེ་ལྔ་པའོ།། །།ཨེ་མ་ཧོ། དེང་སང་ཁྲིད་ཆུང་སྟོན་མཁན་མང་བའི་མཐུས། །ཕྱོགས་མགོ་རེ་ཙམ་ཤེས་པ་མང་ལགས་ཀྱང་། །ཚེ་འདིའི་སྣང་བ་བསླུ་མཁས་ཉམས་དགའ་ཞིང་། །མི་རྟག་འཆི་བ་སྙིང་ལ་མ་གཟེར་བས། །ཤེས་ཙམ་དེ་ལ་ལུས་པ་ཤིན་ཏུ་མང་། །ཁྲིད་མང་ཞུས་ཀྱང་གོ་དྲེད་སླར་ལ་འཁྲེབ། །སྡིག་ལ་མི་འཛེམ་སྤྱོད་པ་ཕལ་ལས་ལོད། །ཁྲིད་ཞུས་པ་ལ་གཞན་གྱིས་

[Full Size]

མཚང་འབྲུ་བྱེད། །ཞེན་ལོག་སྒོམ་གྱི་རྐང་པ་མེད་པས་ལེན། །ལམ་སྣེ་ཤེས་ཀྱང་འགྲོ་བར་མ་བྱས་ན། །ཇོ་བོ་ལ་སོགས་མཇལ་ཐབས་མེད་དང་འདྲ། །དེ་ལ་དབང་པོ་རབ་འབྲིང་ཐ་མ་གསུམ། །རབ་ལ་འཇིག་རྟེན་བྱ་བ་སྤང་མི་དགོས། །འཇིག་རྟེན་བྱ་བ་ཉམས་ལེན་བསྲེ་ཞིང་བསྒོམ། །འདོད་ཡོན་མ་སྤངས་ལམ་དུ་ཁྱེར་བ་སྟེ། །རྒྱལ་པོ་ཨིནྡྲ་བོ་དྷི་ལྟ་བུ་ཡིན། །འབྲིང་ལ་འཇིག་རྟེན་བྱ་བ་ཕལ་ཆེར་སྤངས། །རབ་བྱུང་ངང་ཚུགས་བཟུང་ལ་ཉམས་སུ་ལེན། །བཟའ་བཏུང་ཟས་གོས་འབྱོར་པར་བྱ་བ་སྟེ། །རྒྱ་བོད་པཎ་གྲུབ་བླ་མ་ཕལ་ཆེར་ཡིན། །ཐ་མས་བློ་རྩེ་གཉིས་ཀྱིས་དོན་མི་འགྲུབ། །ཆོས་དང་འཇིག་རྟེན་བྱ་བ་གཉིས་མི་ལྕོགས། །ཚེ་འདི་བློས་གཏང་ལྟོ་གོས་རྒྱབ་བསྐྱུར་བསྒོམ། །མི་ལ་རྒོད་ཚང་ལ་སོགས་རྣམ་ཐར་ཡིན། །དེ་གསུམ་གང་ལྟར་བྱེད་ཀྱང་གཉུག་བསྲིང་ན། །མི་བསྐྱུར་ཉམས་སུ་བླང་བས་ཉམས་རྟོགས་འཆར། །དེ་ཡང་གང་ཟག་ཁམས་དང་དབང་པོ་ཡིས། །གཅིག་ལ་འཆར་བ་ཀུན་ལ་མི་འཆར་ཏེ། །ལ་ལ་དད་ནས་ཉམས་རྟོགས་མཐོན་པོར་འཆར། །ལ་ལ་རེས་འཆར་རེས་ནི་ཐབས་རྡུགས་འབྱུང་། །

[Full Size]

ལ་ལ་རིམ་པར་ཇེ་དྲག་ཇེ་དྲག་འཆར། །འོན་ཀྱང་ཤར་ལུགས་རིམ་གྱིས་བཤད་པར་བྱ། །དང་པོ་སེམས་ནི་སྐད་ཅིག་སྡོད་མི་ཉན། །གར་ཡང་རྒྱུག་ཅིང་མི་དྲན་དགུ་ཡང་དྲན། དེ་ཚེ་ལུས་གནད་བསྲང་ལ་ལྷོད་དེ་ཀློད། །གར་འགྲོ་བལྟས་ལ་རྒྱང་སོ་བཙུགས་པས་ནི། །ཚུར་ལ་འཁོར་ནས་ཅུང་ཟད་གནས་པ་འོང་། །གནས་དང་འགྱུ་བ་གཉིས་ཀ་ཞི་གནས་ཏེ། །ངོ་བོ་སྟོང་པར་རྟོགས་པ་ལྷག་མཐོང་ཡིན། །གནས་སམ་འགྱུ་འམ་སྟོང་པ་དེ་ཉིད་ནི། །དབྱེར་མེད་གཅིག་ཏུ་རྟོགས་ན་ཟུང་འཇུག་གོ །དེ་ལྟར་རྟོགས་ནས་ཉམས་སུ་ལེན་པའི་ཚེ། །རེས་འགའ་མེ་རེ་ཀྱི་ལེར་གནས་པའི་ཚེ། །འདི་ཉིད་རང་སེམས་རེད་སྙམ་དགའ་བ་སྐྱེ། །རེས་འགའ་མི་གནས་རླུང་ལྟར་འཚུབས་ཤིང་རྒོད། །བལྟས་ཀྱང་བལྟ་རྒྱུ་མི་རྙེད་བན་བུན་ཚུབས། །མ་རེད་འདི་ཡིན་མེད་སྙམ་ཞེ་མི་དགའ། །དེ་དུས་རྣམ་རྟོག་གང་ཤར་གཅིག་ངོས་བཟུང་། །དེ་ཉིད་གང་ནས་བྱུང་དང་གར་འགྲོ་དང་། །གར་གནས་བལྟས་པས་མི་རྙེད་སྟོང་པ་ཉིད། །དཔེར་ན་སྨྱུག་གཅིག་བཅད་ནས་བལྟས་པ་ན། །སྨྱུག་མ་ཐམས་ཅད་ནང་གི་སྟོང་པར་ཤེས། །དེ་བཞིན་རྣམ་རྟོག་གཅིག་ནི་སྟོང་།

[Full Size]

པར་རྟོགས། །རྣམ་རྟོག་ཐམས་ཅད་དེ་དང་འདྲ་བའི་ཕྱིར། །གནས་ན་དགའ་དང་འགྱུ་ན་མི་དགའ་མེད། །ཆུ་དང་ཆུ་རླབས་གཉིས་ལ་ཁྱད་མེད་ལྟར། །གནས་འགྱུ་ཁྱད་མེད་གང་ཤར་ངོ་བོ་བལྟ། །དེ་ཡང་རྒོད་ཅིང་འཚུབ་ན་ལུས་སེམས་ཀློད། །བྱིང་ཞིང་མི་གསལ་རྨུགས་ན་བསྒྲིམ་ལ་བལྟ། །དེ་ནས་སྐབས་ཤིག་འགྱུ་བ་ཉུང་དུ་འགྲོ། །མེ་རེ་ཀྱི་ལེ་གནས་ཞིང་རེས་འགའ་འཕྲོ། །འཕྲོས་ཀྱང་མྱུར་དུ་གནས་པའི་སྟེང་དུ་སླེབས། །དེ་ལ་གནས་པ་ཆགས་ཞེས་མིང་དུ་བཏགས། །དེ་ནས་ཉམས་ལེན་དེ་ཉིད་སྐྱོང་བའི་ཚེ། །ས་ལེ་སེང་ངེ་ཧྲིག་གེ་ཡེ་རེ་བ། །དཔེར་ན་མཚོ་ལ་རླབས་ཀྱིས་མི་གནོད་ལྟར། །འགྱུ་བ་ཅུང་ཟད་ཤར་ཡང་མི་གནོད་པ། །དེ་འདྲ་རེས་འབྱུང་རེས་ནི་མི་འབྱུང་ལ། །རེས་འགའ་བསྒོམ་ཞིང་ལུས་གནད་བཅས་ཀྱང་དཀའ། །རེས་འགའ་མ་སྒོམ་ན་ཡང་དེ་ལྟར་འཆར། །དེ་ནས་ལུས་བདེ་སེམས་བདེ་ཀྱི་ལེར་གནས། །འགྲོ་འདུག་སྤྱོད་ལམ་ཕལ་གྱིས་དེ་མི་གནོད། །སྒོམ་པར་འདོད་པའི་བྲོད་པ་དེ་ནས་རྙེད། །རེས་འགའ་རྨི་ལམ་དུ་ཡང་ཟིན་པར་འབྱུང་། །ང་ཡི་ཉམས་རྟོགས་བཟང་པོ་ཡིན་སྙམ་ན། །དེ་

[Full Size]

ལ་ཆགས་ཞེན་འཛིན་པ་དམ་པོར་སྐྱེ། །དེ་ལ་ཆགས་ཞེན་མི་བྱ་ངོ་བོར་བལྟ། །རྣམ་པ་བདེ་དང་ངོ་བོ་སྟོང་པ་གཉིས། །དབྱེར་མེད་བདེ་སྟོང་ཕྱག་རྒྱ་ཆེན་པོ་འཆར། །ཆགས་ཤིང་ཞེན་ན་འདོད་ལྷར་སྐྱེ་བའི་རྒྱུ། །ལ་ལ་རྣམ་རྟོག་དགྲ་རུ་བལྟས་ནས་ནི། །ཅི་ཡང་མི་དྲན་པ་དེ་སྒོམ་ཡིན་སྙམ། །དེ་ནི་རྒྱ་ནག་ཧྭ་ཤང་ལྟ་བ་ཟེར། །ཅི་ཡང་མི་དྲན་ཐོམ་མེ་ལུས་པ་ནི། །འགོག་པ་ཆ་མཐུན་དུད་འགྲོར་སྐྱེ་བའི་རྒྱུ། །དྲན་རྒྱུ་ཡོད་ཀྱང་དྲན་ནི་མི་བཅུག་པར། །རྣམ་ཤེས་སྙིང་ཁར་བསྡུས་ནས་གནས་པ་ནི། །འགོག་པ་ཞེས་བྱ་ཉན་ཐོས་ལམ་ཡིན་ནོ། །དེ་ཕྱིར་འགྱུ་བ་ཆེད་དུ་མི་དགག་ཅིང་། །ཆེད་དུ་མི་སྤྲོ་གང་ཤར་ངོ་བོར་བལྟ། །བལྟས་པས་དངོས་པོ་ཅི་ཡང་མ་མཐོང་བ། །དེ་ཚེ་སྟོང་ཉིད་དོན་དམ་མཐོང་བ་ནི་ཡིན། །མ་མཐོང་ངང་ལ་མཐོང་རྒྱུ་མེད་པར་བལྟ། །རེས་འགའ་བལྟས་ཀྱང་མི་གསལ་བུན་ནེ་བ། །འགྱུ་བ་བན་བུན་འཚུབས་ཤིང་སྙིང་མི་དགའ། །སྒོམ་ལུགས་འདི་ཡང་རྐྱལ་གཏད་མེད་པ་འདྲ། །བསམ་པའི་ཐེ་ཚོམ་རྟོག་པ་འགའ་རེ་འོང་། །དེ་ཉིད་རྩུབ་ཉམས་ཡིན་པས་ངན་རྒྱུ་མེད། །ལུས་སེམས་ཀློད་ལ་ལྟ་སྟངས་ནམ་མཁར་གཏད། །ནམ་

[Full Size]

མཁའ་སྔོ་སང་རང་སེམས་བསྲེས་ལ་བལྟ། །སེམས་ཀྱི་དྭངས་སྙིགས་ཕྱེད་དེ་གསལ་སྟོང་འཆར། །རེས་འགའ་གསལ་རིག་སྟོང་གསུམ་རྗེན་ལྷང་ངེ་། །རྟོགས་པ་མཐོན་པོ་ཡིན་སྙམ་ང་རྒྱལ་སྐྱེ། །སུས་ཀྱང་བློ་མི་འགྱུར་བའི་ངེས་ཤེས་སྐྱེ། །དེ་དུས་ངེས་ཤེས་ང་རྒྱལ་དབང་སོང་ན། །གཟུགས་ཁམས་ལྷ་ཡི་གནས་སུ་སྐྱེ་བའི་རྒྱུ། །གསལ་བའི་ངོ་བོ་བལྟས་པས་སྟོང་པ་ཉིད། །གསལ་སྟོང་ཟུང་འཇུག་ཕྱག་རྒྱ་ཆེན་པོར་འཆར། །རེས་འགའ་ལུས་སེམས་ཐམས་ཅད་སྟོང་པ་ཉིད། །ཐམས་ཅད་སྟོང་པར་མཐོང་ནས་ཆོས་གཏམ་མཐོ། །ནམ་མཁའ་སྟོང་པར་ཅིས་ཀྱང་མི་གོས་ལྟར། །དགེ་སྡིག་ཕན་གནོད་ཡོད་དོ་མི་འདུག་སྙམ། །སྤྱོད་པ་རྩིང་ཞིང་དགེ་བ་མི་སྒྲུབ་ན། །སྟོང་ལྟ་ཧད་པོ་ངན་སོང་འགྲོ་བའི་རྒྱུ། །སྟོང་པ་ཉིད་ལ་ལྟ་ཉེས་དེ་ལ་ཟེར། །དེ་ལྟར་ཐམས་ཅད་སྟོང་པར་མཐོང་ན་ཡང་། །ངོ་བོ་སྐྱོང་ཞིང་རྒྱུ་འབྲས་བླང་དོར་འབད། །དེ་ལྟར་ཉམས་ཀྱི་རིམ་པ་དེ་དག་ཀྱང་། །ཡུན་རིང་གནས་དང་ཐུང་ངུར་ཡལ་བ་སོགས། །གཅིག་ཏུ་མི་སྡོད་ནམ་མཁའ་འགྱུར་ལྡོག་འདྲ། །དེ་ནས་རྣམ་རྟོག་ཉུང་དུ་མ་སོང་ཡང་། །རྣམ་རྟོག་མང་

[Full Size]

ཡང་སྒོམ་ལ་མི་གནོད་པ། །མཚོ་ལ་ཆར་པ་བབ་བཞིན་སྒོམ་དུ་འཆར། །དེ་ནས་བསྐྱེད་རྫོགས་རེས་འཇོག་མི་དགོས་ཏེ། །ཉམས་ལེན་སྟོང་པའི་རྩི་དང་མ་བྲལ་བར། །རང་ལུས་ཡི་དམ་ཐུགས་རྗེ་ཆེན་པོའི་སྐུ། །ནམ་མཁའ་ལ་ནི་འཇའ་ཚོན་ཤར་ལྟར་བསྒོམ། །ཡི་གེ་དྲུག་པོ་གོང་བས་ཐོས་ཙམ་བཟླ། །གསུམ་ཀ་མི་ཤོལ་ཉམས་ལེན་བདེ་བ་ཡིན། །སྒོམ་པའི་དུས་ཀྱང་དཀའ་ཚེགས་མེད་པ་རུ། །དྲན་པ་ཙམ་ནས་ཉམས་ལེན་སྟེང་དུ་སླེབས། །དེ་ལ་ཉམས་ལེན་སྐྱོང་བདེ་ཞེས་བྱའོ། །དེ་ན་ས་རྡོ་རི་བྲག་ལ་སོགས་པ། །བལྟས་པས་ཐམས་ཅད་ན་བུན་ཇི་བཞིན་དུ། །སོ་སོར་གསལ་ཡང་ངོ་བོ་སྟོང་པར་མཐོང་། །སེམས་དང་ནམ་མཁའ་དབྱེར་མེད་གཅིག་འདྲེས་ནས། །ནམ་མཁས་གར་ཁྱབ་སེམས་ཀྱིས་ཁྱབ་སྙམ་བྱེད། །ཐམས་ཅད་སེམས་ཡིན་སེམས་ལ་ངོ་བོ་མེད། །ཅི་ཡང་མེད་པའི་སྟོང་ཉིད་ཡིན་སྙམ་བྱེད། །ཡོད་པ་མ་ཡིན་དངོས་པོ་རྡུལ་ཙམ་མེད། །མེད་པ་མ་ཡིན་སྣ་ཚོགས་ཅིར་ཡང་འཆར། །ཡོད་མིན་མེད་མིན་གཅིག་ནི་ཡིན་སྙམ་བྱེད། །དེ་དག་འཛིན་པ་དམ་པོས་བཅིངས་ན་ནི། །གཟུགས་མེད་སྐྱེ་མཆེད་མུ་བཞིར་གོལ་བ་

[Full Size]

སྟེ། །གང་ལའང་འཛིན་པའི་ངེས་ཤེས་མི་བྱ་བར། །འཛིན་མེད་གང་ཤར་ངོ་བོར་ལྷུག་གེར་བལྟ། །དེ་ནས་བལྟ་རྒྱུ་ལྟ་མཁན་གཅིག་ཏུ་འདྲེས། །འདི་བལྟ་དེ་ལྟ་འདི་སྒོམ་དེ་བསྒོམ་མེད། །འདི་ཡིན་དེ་ཡིན་མེད་པའི་ཐ་མལ་འདྲ། །རེས་འགའ་ཐ་མལ་ཉིད་དུ་བཞག་པ་ལས། །གང་ཡང་བྱ་རྒྱུ་ཟད་པའི་དུས་ཞིག་འབྱུང་། །སྔར་གྱི་བདེ་གསལ་མི་རྟོག་དེ་ཡང་མེད། །ཐོས་པ་ཆུང་བས་ང་ཡི་སྒོམ་བོར་སྙམ། །སྔར་ལྟར་ཨེ་འོང་ཚད་ཀྱང་མི་འབྱུང་སྡུག །ཧམ་པ་ཆེ་ན་སྒོམ་མེད་ཡིན་ནམ་སྙམ། །དེ་ནི་ངོ་བོ་མཐོང་བ་ཞེས་བྱ་སྟེ། །ཐ་མལ་ཤེས་པ་རྗེན་པ་རྟོགས་པ་ཡིན། །ཆོས་ཀུན་རང་གི་སེམས་སུ་ཐག་ཆོད་ཅིང་། །སེམས་ནི་སྟོང་ཉིད་སྨྲ་བསམ་བརྗོད་དང་བྲལ། །མ་བཅོས་རང་གར་བཞག་པ་མ་གཏོགས་པ། །བྱ་རྒྱུ་མེད་ཀྱང་སྐབས་སུ་ཡེངས་བའི་དུས། །རང་ངོ་མི་མཐོང་ཐ་མལ་འཁྲུལ་པར་འཆོར། །ཡེངས་འདུག་སྙམ་དུ་འགྱོད་སེམས་དྲན་པས་ཟིན་། དྲན་པས་མ་ཟིན་བར་དུ་ཐ་མལ་པ། །དྲན་པས་ཟིན་ཙམ་ཉམས་ལེན་ཉིད་དུ་འཆར། །འདི་དུས་དྲན་པས་ཡང་ཡང་གསལ་འདེབས་བྱ། །ལྟ་སྟངས་ཡང་ཡང་བྱས་

[Full Size]

པས་གསལ་ཆ་ཆེ། །རེས་འགའ་རྩེ་གཅིག་དབེན་པར་བསྒོམ་པ་དང་། །རེས་འགའ་སྤྱོད་ལམ་ཀུན་ཏུ་བསྲེ་ཞིང་བསྒོམ། །འདི་ནས་མདོ་རྒྱུད་གྲུབ་ཐོབ་གསུངས་རྣམས་ཀུན། ། །དཔེ་ཆ་བལྟས་པས་སེམས་ངོ་འཕྲོད་པ་འོང་། །བརྩོན་འགྲུས་ཆེ་ན་རྨི་ལམ་ཡང་ཡང་ཟིན། །བརྩོན་འགྲུས་ཆུང་ན་ཟིན་གྲངས་ཉུང་དུ་འགྲོ། །དེ་ནས་ཕྱི་རོལ་སྣོད་བཅུད་ཐམས་ཅད་ཀུན། །རྣམ་པ་སོ་སོར་མ་འདྲེས་གསལ་ན་ཡང་། །ངོ་བོ་ཆབ་རོམ་ཆུ་རུ་ཞུ་བ་ལྟར། །ཐམས་ཅད་སྟོང་ཉིད་སེམས་དང་དབྱེར་མེད་འདྲེས། །སྒོམ་པའང་སེམས་ཡིན་མ་བསྒོམས་པ་ཡང་སེམས། །སེམས་ནི་ཡེ་ནས་མ་གྲུབ་སྟོང་པ་ཉིད། །སྒོམ་དང་མ་བསྒོམས་ཡེངས་དང་མ་ཡེངས་སོགས། །ཁྱད་མེད་ཡེ་ནས་སྟོང་ཉིད་གནས་ཤིང་རྟོགས། །སངས་རྒྱས་ཀུན་གྱི་ཐུགས་དང་འགྲོ་དྲུག་སེམས། །ཡེ་ནས་ངོ་བོ་དབྱེར་མེད་སྟོང་པ་ཉིད། །ལྟ་བ་འཁོར་འདས་དབྱེར་མེད་དོན་དེ་ནི། །དཔེ་རྒྱུད་བལྟས་དང་བླ་མས་གསུངས་པ་ཡི། །གོ་བ་སྐམ་པོ་མིན་པ་རང་རྒྱུད་ལ། །ནང་ནས་ཚུར་ལ་འཆར་བ་འགྱུ་བ་ཡིན། །དེ་ཙམ་བྱུང་ན་རྟོགས་ལྡན་མིང་ཐོགས་ཙམ། །དེ་ཙམ་མཐོན་པོ་ཡིན་པར་མི་སེམས་

[Full Size]

ཏེ། །རང་ཉམས་ཤར་ཚོད་ཕན་པའི་སེམས་ཀྱིས་བཤད། །གསང་སྒྲོག་གྱུར་ན་ལྷ་དང་བླ་མ་བཤགས། །དེ་ཡན་ཕྱིན་མ་མྱོང་བའི་རྣ་ཐོས་ཀྱི། །ས་རྒྱུས་འདོད་ན་དཔེ་རྒྱུད་རྣམས་ལ་ལྟོས། །དེ་ལྟར་ཟག་བཅས་ཟག་མེད་དགེ་བ་རྣམས། །དཔེར་ན་རྟ་ཁ་སྲབ་ཀྱིས་བསྒྱུར་བ་ལྟར། །འཁོར་གསུམ་ཡང་དག་བསྔོ་བས་རྒྱས་འདེབས་གཅེས། །འཁོར་གསུམ་ཡོངས་དག་བཤད་ལུགས་མང་ན་ཡང་། །ཉམས་ལེན་དེ་ཡི་ངང་ནས་བསྔོ་བས་མཐུས། །སྐྱེ་བ་སླ་ཞིང་ཕན་ཡོན་རྒྱ་ཆེ་བ། །བདེ་བ་ཅན་དུ་སྐྱེ་བའི་བསྔོ་སྨོན་མཛོད། །སྐྱེའམ་མི་སྐྱེ་སྙམ་པའི་ཐེ་ཚོམ་སྤངས། །སྐྱེ་བར་ངེས་པ་སངས་རྒྱས་སྨོན་ལམ་ཡིན། །ནམ་ཞིག་བར་དོར་འཁྱམས་པར་ངོ་ཤེས་ཚེ། །ཞིང་ཁམས་དེ་རུ་འགྲོ་བར་ཐག་ཆོད་པའི། །ད་ལྟའི་དུས་ནས་ཡིད་ལ་དུང་ངེ་མཛོད། །བར་དོ་དྲན་མ་ཐག་ནས་སླེབ་པ་ཡིན། །ཉམས་འཆར་ལུགས་གེགས་སེལ་གྱི་གླུ་སྟེ་དྲུག་པའོ།། །།བླ་མ་རང་སེམས་ངོ་བོ་དབྱེར་མེད་ཅིང་། །སྟོང་ཉིད་ཆོས་ཀྱི་དབྱིངས་སུ་རོ་གཅིག་ཀྱང་། །རིག་རྩལ་མ་འགགས་བླ་མ་འོད་དཔག་མེད། །སྤྱི་བོར་བསྒོམ་ལ་གསོལ་བ་བཏབ་

[Full Size]

པས་ན། །བྱིན་རླབས་ཤུགས་ཀྱིས་རྟོགས་པ་བོགས་སྐྱེད་འོང་། །དེ་ཕྱིར་བླ་མའི་རྣལ་འབྱོར་རྒྱུན་དུ་བསྒོམ། །ཡི་དམ་རང་སེམས་སྣང་ཆ་ཡིན་རྟོགས་ཀྱང་། །རང་ལུས་ཡི་དམ་ཐུགས་རྗེ་ཆེན་པོའི་སྐུ། །སྣང་སྟོང་དབྱེར་མེད་བསྒོམ་ལ་ཡིག་དྲུག་བཟླ། །གཟུགས་སྐུའི་ས་བོན་ཐོབ་པའི་རྟེན་འབྲེལ་དང་། །བསྐྱེད་རྫོགས་ཟུང་འཇུག་གསང་སྔགས་བསྟན་པ་ཡིན། །འགྲོ་དྲུག་སེམས་ཅན་རང་བཞིན་མ་གྲུབ་ཀྱང་། །མ་གཏོགས་འཁོར་བར་འཁྱམས་པའི་སེམས་ཅན་ལ། །ཤུགས་འབྱུང་བྱམས་དང་སྙིང་རྗེ་ཆེན་པོ་ཡིས། །འགྲོ་དྲུག་སེམས་ཅན་སྡིག་དང་སྡུག་བསྔལ་ཀུན། །རླུང་གིས་རྔུབས་ལ་ཐམས་ཅད་རང་ལ་བསྟིམ། །སེམས་ཅན་ཐམས་ཅད་སྡུག་བསྔལ་དང་བྲལ་བསྒོམ། །རང་གི་བསོད་ནམས་དགེ་རྩ་ཅི་ཡོད་པ། །དབུགས་ཕྱིར་བཏང་དང་མཉམ་དུ་འགྲོ་ལ་བསྟིམ། །འགྲོ་ཀུན་བདེ་སྐྱིད་ཚད་མེད་ཐོབ་པར་བསྒོམ། །སངས་རྒྱས་ཐོབ་པའི་ཐབས་ལ་མེད་ཀ་མེད། །བཏང་ལེན་དམིགས་པ་ཟབ་ཆོས་སྙིང་པོ་ཡིན། །སྔ་དྲོ་དགོང་མོ་སཱུརྱའི་འོད་ཟེར་ལ། །ཟིམ་བུར་ཙཀྟས་བལྟས་པས་འཇའ་འོད་ཟེར། །ཐིག་ལེ་ཐིག་ཕྲན་ཡིག་འབྲུ་ལྷ་སྐུ་འཆར། །དེ་

[Full Size]

དང་ཉམས་ལེན་སེམས་ངོ་བསྲེས་ལ་བལྟ། །གསལ་སྟོང་ཟུང་འཇུག་ལོངས་སྐུའི་ཞིང་ཁམས་མཐོང་། །ལྟ་བ་ཡིད་དཔྱོད་ཙམ་དུ་མ་ལུས་པའི། །མངོན་སུམ་བལྟ་ཆོག་རྫོགས་ཆེན་ཟབ་གནད་ཡིན། །བོགས་འདོན་གྱི་གླུ་སྟེ་བདུན་པའོ།། །།ཨེ་མ་ཧོ། བླ་མ་བསྟེན་ཅིང་དམ་ཆོས་བྱས་པའི་དོན། །འཆི་དུས་འདི་བྱེད་ཁྲིག་གེར་ཡོད་པ་དགོས། །དེ་མིན་དགྲ་བྱུང་བློ་སྟོར་ཅི་ཆ་མེད། །ནམ་འཆི་ཆ་མེད་རྒྱུན་དུ་ཡིད་ལ་བཞག །ཆགས་པ་ཆེ་ཆུང་མེད་པར་ཆགས་ན་འཆིང་། །ལྷན་ཅིག་སྐྱེས་པའི་ཤ་རུས་བསྒྱུར་དགོས་ན། །གཉེན་དང་ནོར་ལ་ཆགས་པ་སེམས་མེད་རང་། །གཉེན་དང་ཉེ་དུ་ནོར་རྫས་རང་ལུས་བཅས། །བླ་མ་དཀོན་མཆོག་གསུམ་ལ་ཡིད་ཀྱིས་ཕུལ། །འབུལ་བ་ཚར་ནས་བདག་པོ་མེད་པ་ལྟར། །སུས་ཁྱེར་སུས་བདག་ཡིད་ལ་འཕྲེང་དོན་མེད། །རང་ལུས་ཡི་དམ་ཐུགས་རྗེ་ཆེན་པོར་བསྒོམ། །སྤྱི་བོར་བླ་མ་དཀོན་མཆོག་ཀུན་འདུས་པ། །འོད་དཔག་མེད་མགོན་བསྒོམ་ལ་གསོལ་བ་བཏབ། །བུ་ག་བརྒྱུད་པོ་ཧྲཱིཿཡིག་རེ་རེས་བཀག །ལུས་དབུས་དབུ་མ་མདའ་སྨྱུག་འབྲིང་པོ་ཙམ། །སྙིང་དབུས་རང་སེམས་

[Full Size]

ཧྲཱིཿཡིག་དཀར་པོ་ཞིག །ཡར་སྤར་འོད་དཔག་མེད་པའི་ཐུགས་ཀར་བསྟིམ། །དེ་འདྲའི་དམིགས་པ་བརྒྱའམ་ཉེར་གཅིག་ཙམ། །དེ་ནས་ཡིད་ལ་ཅི་ཡང་མི་བསམ་པ། །ཉམས་ལེན་སེམས་ངོའི་སྟེང་དུ་ས་ལེར་བཞག །སྣང་མཆེད་ཐོབ་གསུམ་ཐིམ་རིམ་ཅི་ཤར་ཡང་། །སོ་སོར་འདི་ཡིན་ངོས་བཟུང་བྱ་མི་དགོས། །རང་སེམས་མིན་པར་ཅི་ཡང་འཆར་རྒྱུ་མེད། །གང་ཤར་དེ་ཡི་ངོ་བོ་ཉིད་ལ་བལྟ། །ཕྱི་དབུགས་ཆད་ནས་ནང་དབུགས་མ་ཆད་ཙམ། །གཞི་ཡི་འོད་གསལ་སྤྲིན་མེད་ནམ་མཁའ་ལྟར། །ཚུར་ལ་འཆར་དུས་དེ་ཡི་ངང་ལ་བཞག །ཡུན་རིང་གནས་ན་ཐུགས་དམ་ཟིན་པ་ཡིན། །རྟགས་ནི་མདོག་ལེགས་མིག་ནི་ཟིམ་བུ་འདྲ། །ཁ་ཡང་འཛུམ་པ་འདྲ་ན་ཟིན་པར་བཤད། །ཙོག་པུ་སྐྱིལ་ཀྲུང་སེང་གེའི་ཉལ་སྟབས་སོགས། །གདུང་གཡོག་པ་ཡིས་གང་བྱུང་མ་གཏོགས་པ། །དོན་ལ་ཉལ་དང་ལངས་ལ་ཁྱད་པར་མེད། །གལ་ཏེ་མ་ཟིན་པའམ་འགྲོག་ན་ཡང་། །འཆི་ཁར་འཕོ་བའི་དམིགས་པ་བྱས་པ་དེས། །རྣམ་ཤེས་ཚངས་བུག་ཐོན་པས་ཕན་ཡོན་ཆེ། །ཆོས་སྐུའི་འཕོ་བ་ཐུགས་དམ་དོན་གཅིག་པས། །གཉིས་མི་འགལ་འདི་གནོད་ཆེ་བརླིང་བ་

[Full Size]

ཡིན། །དེ་ནས་བར་དོར་འཁྱམས་པར་གྱུར་ན་ཡང་། །གང་ཤར་དེ་ཡི་ངོ་བོར་བལྟས་པ་ཡིས། །རང་སེམས་འཁྲུལ་པའི་སྟོང་གཟུགས་ཉིད་ལས་གཞན། །ཞི་བ་ཁྲོ་བོ་གཤིན་རྗེ་གཅིག་ཀྱང་མེད། །དེ་ནས་སྐྱེ་བ་ལེན་པའི་གྲབས་བྱུང་ན། །འཁོར་བ་ཐོག་མ་མེད་ནས་ད་ལྟའི་བར། །རིགས་དྲུག་སྐྱེ་བ་རྫི་བོའི་རེས་ལྟར་འཁོར། །སྐྱེ་རྒ་ན་འཆི་འཕྲེང་རྡོག་བཞིན་དུ་བསྒྲངས། །དེས་ན་འཁོར་བར་སུན་དྲག་ཞེ་བཅད་དྲག །ངན་སོང་སྡུག་བསྔལ་དེ་ནི་བསམ་མི་ཚུགས། །ལྷ་དང་མི་ཡང་སྐྱེ་འཆིའི་འཁོར་ལོར་འཁོར། །ད་ནི་སྡུག་བསྔལ་ཀུན་བྲལ་བདེ་བའི་གནས། །ནུབ་ཕྱོགས་བདེ་བ་ཅན་གྱི་ཞིང་ཁམས་སུ། །འོད་དཔག་མེད་ལ་དམ་ཆོས་ཉན་དུ་འགྲོ། །བསམས་པར་བྱས་ཏེ་མ་ཆགས་ཞེན་སྤངས་ལ་འགྲོ། །ད་ལྟ་བཞིན་དུ་གོམ་པས་འགྲོ་མི་དགོས། །བྱ་བཞིན་གཤོག་པས་འཕུར་ཡང་མི་དགོས་ཏེ། །ཡིད་ཀྱི་ལུས་དེས་དྲན་མ་ཐག་ནས་སླེབ། །དེ་སྐྱེས་གཏན་དུ་བདེ་ཞིང་སྡུག་བསྔལ་མེད། །འགྲོ་བ་སེམས་ཅན་དོན་ཡང་འབྱུང་བ་སྟེ། །ས་ཐོབ་ནས་ནི་སྤྲུལ་པས་གཞན་དོན་བྱེད། །འཆི་བ་ལམ་ཁྱེར་གྱི་གླུ་སྟེ་བརྒྱད་པའོ།། །།

[Full Size]

དེ་ལྟར་ཉམས་ལེན་གླུ་ཆུང་ལེའུ་བརྒྱད། །དད་ལྡན་ཚོང་དཔོན་བུ་ལུ་ཞེས་བྱ་བས། །ཤོག་བུ་ཕུལ་བའི་བལྡབ་ལེན་ལ་དམིགས་ནས། །ཞག་གསུམ་ཁྲིད་ཆུང་བཤད་པའི་བརྗེད་ཐོ་ལ། །སྟག་ལོ་ས་ག་ཟླ་བའི་ཚེས་གཉིས་ཉིན། །རྫོགས་པར་བྲིས་འདི་རཱ་ག་ཨ་སྱས་ཡིས། །འཕྲལ་དུ་ཡིད་ལ་གང་ཤར་བྲིས་པ་ལ། །འགལ་བ་མཆིས་ན་མཁས་པ་རྣམས་ལ་་བཤགས། །དགེ་བ་བདེ་བ་ཅན་དུ་སྐྱེ་ཕྱིར་བསྔོ། །ཐུགས་རྗེ་ཆེན་པོའི་དམར་ཁྲིད་རྫོགས་སོ།། །།སརྦ་མངྒ་ལཾ། དགེའོ།། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཐུགས་རྗེ་ཆེན་པོ་སྐྱེའུ་ལུགས་ཀྱི་དམར་ཁྲིད་ཆོས་འབྲུ་བདུན་པ་ཇི་ལྟར་འཆད་པའི་པྲ་ཁྲིད་དང་བརྩམས་དོན།

[Full Size]

ཐུགས་རྗེ་ཆེན་པོ་སྐྱེའུ་ལུགས་ཀྱི་དམར་ཁྲིད་ཆོས་འབྲུ་བདུན་པ་ཇི་ལྟར་འཆད་པའི་པྲ་ཁྲིད་དང་བརྩམས་དོན་བཞུགས་སོ༔

[Full Size]

མ་ཧཱ་ཀཱ་རུ་ཎི་ཀ་ཡེ་ན་མཿ འདི་ལ་མདོ་ལུགས་ལྟར་ཁྲོམ་ཆོས་བྱ་ཚུལ་དང་༔ སྔགས་ལུགས་ལྟར་ཉུང་ཁྲིད་བྱ་ཚུལ་དང་གསང་སྔགས་རྙིང་མ་ལུགས་ལྟར་དབང་ཁྲིད་སྤེལ་མ་བྱ་ཚུལ་དང་གསུམ་མོ༔ དང་པོ་ནི༔ གནས་དེར་བསང་དང་གསེར་སྐྱེམས་གྲུབ་ན་རབ༔ མ་གྲུབ་ན་གཞི་བདག་ལ་དཀར་གཏོར་བསྔོ་བགེགས་ལ་གླུད་གཏོར་སྦྱིན་ལ་བསྐྲད་དེ་སྲུང་འཁོར་བསྒོམ་མོ༔ ཁྲོམ་ཅུང་ཟད་མ་རྫོགས་ཚེ་ལ་སྐྱེའུ་བའི་རྣམ་ཐར་ལུང་དང་༔ རིམས་ནད་ཞི་བའི་ཕྱིར་ལོ་མ་གྱོན་མའི་རྗེས་གནང་གྲུབ་ན་ལེགས༔ མ་འགྲུབ་ཀྱང་སྒོམ་ལུང་བྱིན་ལ་སྔགས་འུར་འདོན་བྱ་བ་ཁྲོམ་གྱི་སྲུང་

[Full Size]

བའོ༔ དེ་ནས་བདུན་གསུམ་བྱེད་ན་ཆོས་ཐུན་རེ་རེ་ཉི་མ་གསུམ་ལ་བཤད་ཝིག་བྱེད་ཅིང་༔ ཉིན་གསུམ་རེས་མོས་སུ་ལུང་འདྲེན་རྣམས་ལ་འགྲེལ་པ་རྒྱབ་ཅིང་བཤད་དེ༔ བདུན་གཉིས་བྱེད་ན་ཉི་མ་གཉིས་ལ་ཆོས་ཐུན་རེ་རེ་བཤད་ཝིག་དང་འགྲེལ་པ་གང་འོས་བཤད༔ བདུན་ཁྲིད་གཅིག་ལས་མི་ཚུགས་ན་ཉིན་རེ་རེ་ལ་ཆོས་ཐུན་རེ་རེ་སྟེ༔ མཇུག་གི་དམིགས་མེད་དེ་ལན་གཉིས་སམ་གསུམ་རྣམས་ཝིག་ལ་ཟུན་ངེས་བྱའོ༔ མཇུག་ཉིན་གཅིག་གནས་ཆོས་ལྟར་ཚོགས་ཆེན་དང་ཚེ་དབང་འགྲུབ་ན་ལེགས༔ མ་གྲུབ་ན་བསྔོ་བ་བཀྲ་ཤིས་ཕྱག་ནས་འཐོར་བ་སོགས་བྱའོ༔ གོང་

[Full Size]

དུ་དང་པོ་ཐུགས་རྗེ་ཆེན་པོ་འགྲོ་འདུལ་ལམ་རྒྱལ་བ་རྒྱ་མཚོ་ལྟ་བུའི་རྗེས་གནང་གྲུབ་ན་ལེགས༔ མ་གྲུབ་ན་གནམ་ཆོས་འབུ་སུ་ཀུའི་ཏིང་འཛིན་གྱི་དབང་ནི་ངེས་པར་དགོས་སོ༔ ༈ ཉུང་ཁྲིད་བྱེད་ན་དང་པོ་སྐྱེའུ་པའི་རྣམ་ཐར་ལུང་བྱ༔ སྐྱེའུ་ལུགས་ཀྱི་དབང་བསྐུར་གཞུང་ལྟར་རྒྱས་པར་བྱའོ༔ གལ་ཏེ་མ་གྲུབ་ན་ལྷ་ལྔའམ༔ སྐྱེའུ་ལུགས་གཟུངས་དབང་དུ་བཅུག་ཀྱང་མི་འགལ༔ དེ་ནས་བདུན་ཁྲིད་བྱེད་མཚན་པ་རེ་རེ༔ བདུན་གཉིས་སམ་གསུམ་བྱེད་ན་ཡང་གོང་ལྟར་ཝིག༔ དེ་ཚེ་བཀའ་སྲུང་ལ་གཏོར་མ་བསྔོ༔ རྗེས་ནས་བསྔོ་བ་བཀྲ་ཤིས་སོགས་བྱའོ༔ ༈ དབང་ཁྲིད་སྦྲེལ་ན་ཆོས་བདག་སུ་ངེས་ཤིང་བརྒྱུད་པ་གསར་དུ་ཡོད་པའི་གནད་ཀྱིས་ཐུགས་རྗེ་ཆེན་པོ་གསང་འདུས་ཀྱི་སྒྲུབ་ཆེན་ལོགས་སུ་མངོན་རྟོགས་སྐྱེའུ་ལུགས་ལ་ལས་བྱང་གནམ་ཆོས་རྩ་གསུམ་ལས་བྱང་༔ བཀའ་སྲུང་གནམ་ཆོས་ཀྱི་བཀའ་སྲུང་བྱེད་པ་མ་གཏོགས་གསང་འདུས་ལྟར་བྱ༔ སྔགས་རྒྱུན་འཛོམས་ན་རབ་མེད་ན་དམིགས་པ་འབོགས་ནས་ཡིག་བཅུ་འུར་འདོན་བྱ༔ ཡུན་རིང་ཐུང་དང་དཔག་ལ་དབང་ཚན་པ་རེ་རེ་གཉིས་རེ་གང་འོས་བྱ་ཞིང་༔ ཆོས་མཐུན་རེ་རེ་བསྒྲག་པར་བྱའོ༔ རྒྱལ་ཐོ་ནས་ཚེ་འགུགས་ཡན་།

[Full Size]

སྒྲུབ་ཆེན་ཇི་ལྟ་བ་བྱའོ༔ འདི་ནི་ཅུང་ཞིག་གཉེན་ནོ༔ ཕྱི་མདོ་ལུགས་ཀྱི་ཁྲོམ་ཆོས་ནི་འགྲོ་དོན་ཆེ་རྩུབ་ཆ་ནི་མེད་དོ༔ ༈ ཡང་འདི་ལ་པཎྜི་ཏའི་དཔེ་ཁྲིད་སྒོམ་ཆེན་གྱི་དམར་ཁྲིད༔ རྒན་མོའི་མཛུབ་ཁྲིད༔ སྐུ་ཆེན་གྱི་སྤོམ་ཁྲིད༔ འདོད་པོ་ཆེའི་དཔུང་ཁྲིད་གང་ཡང་རུང་སྟེ༔ སློབ་མ་ཆོས་སྤྱིའི་དོན་ལ་མཁས་པ་རིག་པའི་གནས་ཀུན་ལ་རྟོགས་པ་བཅུག་པ་གོ་བ་ཤེས་རབ་ཕུན་སུམ་ཚོགས་པ་དག་ལ་ཆོས་ཐུན་རེ་བཤད་ནས་དཔེ་ལག་ཏུ་མ་བཞག་པས་མི་ཚིམས༔ ཆོས་ཐུན་རེ་རེ་དེ་བཤད་ནས་དེས་སྟག་སྐྲུན་ཐ་མཚམས་སུ་བྱས་ནས་གཏད་པ་དང་༔ སློབ་མ་དེས་དེའི་དོན་རྣམས་ལེགས་པར་དཔྱད་ནས་མ་གོ་བ་ལ་སྤྱི་རྟགས་བྱས༔ གཞུང་ཚིག་བློར་བཟུང་༔ དེ་ནས་སློབ་དཔོན་ལ་འདི་ཡི་དོན་འདི་སྐད་བྱ་བ་ཡིན་ནམ་ཞེས་ཡར་ཞུས༔ མ་གོ་བ་དེ་ཅི་ལགས་འདྲི༔ སློབ་དཔོན་དེས་ཀྱང་ཡར་ཞུར་པས་མ་རྟོགས་པ་དང་ལོགས་པར་རྟོག་པ་དང་ཕྱོགས་ཙམ་རྟོགས་པ་གང་འདུག་བཅོས༔ སླར་ཆོས་ཐུན་གཅིག་བཤད་དཔེ་བསྐུར་ལ་བལྟ་བཅུག༔ དེས་བལྟས་པ་ན་གཞུང་ཚིག་ལ་སྐྱོན་འདུག་སྙམ་པ་དང་༔ མདོ་རྒྱུད་དར་མི་མཐུན་པར་གོ་བ་དང་༔ རིགས་པས་ཚོ་མི་ཐུབ་བར་

[Full Size]

འདུག་སྙམ་པ་གང་བྱུང་སློབ་དཔོན་ཞུ༔ དེ་རྣམས་ཀྱི་གོ་བ་བསྐྱེད༔ དེལ་གཞན་དག་དེ་སྐད་ཟེར་ན་ལན་འདི་སྨྲོས་ཟེར་བ་དེ་བསླབ༔ དེའི་མི་ལ་ཆོས་ཐུན་རྣམས་བཤད་པས༔ ཁྲིད་རྫོགས་པ་དང་སློབ་མས་གཞན་ལ་བཤད་ཀྱང་སློབ་དཔོན་བྱ་ཆོག་པ་ཞིག་འོང་བ་དེ་ལ་པཎྜི་ཏའི་དཔེ་ཁྲིད་ཟེར༔ དེང་སང་མཚན་ཉིད་པའི་འཆད་ཉན་བཏང་ཟེར་བ་དེ་ཡིན་ཏེ༔ འོན་ཀྱང་གོ་བ་ཙམ་ལས་ཉམས་རྟོགས་སྐྱེ་དཀའ་བ་ཡིན་ནོ༔ སྒོམ་ཆེན་གྱི་དམར་ཁྲིད་ཅཞེས་པ་བླ་མ་དེ་ཡང་རྣམ་གཡེང་སྤངས་ནས་མཚམས་ཡུན་རིང་ལྟ་བུ་བཞུགས་པའམ༔ སློབ་མ་ཆོས་དད་ཆེ་བས་ཡུན་རིང་རྗེས་སུ་འབྲངས་ན༔ ཆོས་ཐུན་རེ་རེ་བཤད་ནས་དེའི་དོན་རྒྱུད་ལ་མ་སྐྱེས་བར་དུ་བསྒོམས་མ་གསལ་ན་སྐབས་སུ་གསལ་འདེབས༔ དེ་ནས་སློབ་མས་རྟོགས་པ་རེ་རེ་ཕུལ༔ དེ་མ་ལེགས་ན་བཅོས༔ གོ་བ་མིན་པར་རྒྱུད་ལ་སྐྱེ་ངེས་རེད་ན་ཡང་ཆོས་ཐུན་རྗེས་མ་བཤད༔ དེ་ལྟར་ཁྲིད་ལོ་ཟླར་བསྐྱངས་བ་ནི་ཁྲིད་རྫོགས་པ་དང་མཉམ་དུ་རྟོགས་པ་རྒྱུད་ལ་སྐྱེས་པ་དུས་མཉམ་དུ་འོང་བ་ཡིན་པར་འདུག་སྟེ༔ རྗེ་གོང་མ་དབང་དྲག་རྒྱ་མཚོ་སོགས་ཀྱིས་དེ་ལྟར་མཛད་ཅིང་ཀཿཐོག་ངོས་ན་སློབ་གཉེར་གཞན་མི་བྱེད་པ༔ ལོ་གསུམ་ཁྲིད་ཞུ་དེ་ནས་ལོ་

[Full Size]

གསུམ་སྒྲུབ་པ་བྱེད་དེ་ནས་བླ་མའི་མིང་འདོགས་པ་ཡིན་སྐད་དེ་ལེགས་པར་གདའོ༔ རྒན་མོའི་མཛུབ་ཁྲིད་ཅེས་པ་བླ་མ་རྟོགས་པར་ལྡན་ཡང་སློབ་གཉེར་བྱས་པས་རྒྱུད་ལུང་འཆད་མི་དགོངས་པའམ༔ དགོངས་ཀྱང་སློབ་མ་མི་ནག་ཐ་མལ་པས་གསུང་རབ་ཀྱི་སྐད་དོན་ཡེ་མི་གོ་བའི་རིགས་ལ་ལུང་འདྲེན་མེད་པར་ཐ་མལ་གྱི་ཁ་དལ་ལྟར་གང་དྲན་དྲན་ངོ་སྤྲོད་དང་གསལ་འདེབས་བྱས་པས༔ བླུན་ཚིག་འདྲ་བར་གྱུར་ཀྱང་ཕ་རོལ་པོས་དོན་གོ་ཞིང་ཉམས་རྟོགས་ཀྱང་སྐྱེ་བར་འདུག་པ་དེང་སང་རྒྱུད་པའི་བྱ་བྲལ་ཕལ་ཆེར་ཁྲིད་འཛུགས་ཡང་དེ་ལྟར་དུ་སྣང་ངོ་༔ སྐུ་ཆེན་གྱི་སྤོམ་ཁྲིད་ནི་བླ་ཆེན་དང་སྡེ་དཔོན་དང་སྐུ་སྐྱེ་སོགས་ཁྲིད་ཐོབ་ཐོབ་མང་དུ་འདོད་ཀྱང་ཉན་མི་ཁོམ་པ་དག་ལ༔ ཁྲིད་དཔེའི་ལུང་ཞིག་བྱས་ཏེ༔ གལ་ཆེ་རྣམས་ངག་ནས་ཀྱང་གསལ་བཏབ༔ མཇུག་ཏུ་དོན་གྱི་དམིགས་རིམ་འདི་རྣམས་སྒོམས་ཤིག་བརྗོད་ནས་འགགས་བསྡུ༔ སློབ་མས་ཀྱང་ཁྲིད་དཔེ་བཅད་ནས་དཔེ་ཐོག་ནས་ཉམས་ལེན་གང་འགྲུབ་དང་གཞན་ལའང་ཆད་པའོ༔ འདོད་པོ་ཆེའི་དཔུང་ཁྲིད་ནི་ཡོན་ཏན་རྒྱ་ཆེ་བའི་དགེ་བཤེས་དག༔ ཁྲིད་ཀྱི་རྣམ་གྲངས་དཔག་ཏུ་མེད་པ་དག་ཐོབ་པར་འདོད༔ དཔེ་མང་པོའི་ལུང་ཡང་

[Full Size]

ཉན་མི་ཁོམ་པ་ལ༔ ཁྲིད་རྣམས་ཀྱི་རྩ་ཚིག་ལུང་བྱས༔ ཁྲིད་དཔེ་རྒྱས་པའི་དཔེ་དབང་བྱུང་ཡང་ལེགས་མེད་ཀྱང་ཆོག་སྟེ༔ ཁྲིད་ཀྱི་དོན་ངག་ནས་ཀྱང་ངོ་སྤྲོད་ཧྲག་སྡུས་བྱས་པས་ཁྲིད་མང་པོ་དུས་གཅིག་ཐོབ་པ་སྟེ༔ རང་གིས་ཉམས་སུ་ལེན་དང་གཞན་ལ་ཆད་པའི་ཁྲིད་རྒྱུན་མ་ཆད་ཙམ་པ་ཀླག་ལུང་ལས་ལྷག་པ་ཙམ་འོང་བ་ཡིན༔ དེ་ལ་འགའ་ཞིག་གིས་བཀླག་ལུང་ཐོབ་པས་ཁྲིད་རྒྱུན་མེད་ན་ཁྲིད་འཛུགས་པ་མི་འཐད་ཟེར༔ དེའི་བཀག་པ་ལུང་ཚད་ལྡན་ལས་ནི་མ་མཐོང་ལ༔ ཁྲིད་གང་རུང་ཞིག་ལ་སེམས་ཀྱི་ངོ་བོ་གསལ་པོར་མཐོང་ནས༔ ཁྲིད་དཔེ་ལུང་ཐོབ་ཚད་འཇུག་རུང་བ་དང་༔ དེ་ཡང་རྩ་ཚིག་ཐོབ་ནས་རྒྱས་བཤད་བློ་ནས་སམ་དཔེ་ཐོག་ནས་འཆད་རུང་བ་དེང་སང་བསྟན་པ་སྤྱིའི་ཕྱག་ལེན་ནོ༔ དེ་ལ་ཡང་བླ་མ་དེས་སྒོམ་མེད་རྟོགས་ན་སློབ་མས་གསལ་བ་བཏབ་པ་དང་ཞལ་མཐོང་བ་ཙམ་ནས་རྟོགས་པ་སྐྱེ་ནུས༔ རོ་གཅིག་རྟོགས་ནའང་རྒྱས་པར་བཤད་མི་དགོས་བརྡའམ༔ ཅུང་ཟད་ཆོས་བཤད་ཙམ་གྱིས་རྟོགས་པ་སྐྱེ༔ སྤྲོས་བྲལ་རྟོགས་ནས་ཁྲིད་རྒྱས་པར་བཤད་པས་རྟོགས་པ་སྐྱེ་བ་ཡིན༔ རྩེ་གཅིག་ཙམ་གྱིས་རྒྱུད་བྱིན་གྱིས་བརླབས་མི་ནུས་ངོ་བོ་མ་མཐོང་བས་ཁྲིད་འཆད་ཀྱང་མི་ལ་མི་

[Full Size]

ཕན༔ རང་གི་ཉམས་རྟོགས་སྐྱེ་འཕེལ་འགགས་པའི་རྒྱུ་ཡིན་པས་དུས་ལ་མ་བབས་པར་མི་བཤད༔ འོན་ཀྱང་གཞན་ཕན་གྱི་སེམས་བསྐྱེད་བཟང་ན་འོན་པས་དུང་བུས་པ་ལྟར་གཞན་ལ་ཅུང་ཟད་ཕན་ཡང་སྲིད་པར་གསུངས༔ ཉམས་རྟོགས་བཟང་ན་ཤུགས་འབྱུང་གིས་བྱམས་སྙིང་རྗེ་སྐྱེ་མོད༔ ཉམས་རྟོགས་མེད་ཅིང་ཟང་ཟིང་དོན་དུ་གཉེར་བས་ཁྲིད་དཔེ་གང་མཐོང་ཐ་ན་ལུང་རྒྱུན་ཡང་མེད་པར་འཆད་པ་དག་ནི་ཆོས་བཙོང་པ་དང་སེམས་ཅན་མགོ་བསྐོར་བའི་ཉེས་པས་མནར་མེད་དུ་ལྟུང་སྟེ༔ བདུད་ཀྱི་ལས་ཡིན་པར་ཤེས་པར་བྱའོ༔ དབང་ལུང་གི་རྒྱུན་མེད་པར་དབང་ལུང་བྱེད་པ་ཡང་དེ་དང་འདྲའོ༔ དེས་ན་འདི་ལྟར་མཁར་འགྲོའི་ཁ་རླངས་མ་ཡལ་བའི་ཁྲིད་ནི་ཤིན་ཏུ་ཟབ་བོ༔ འདི་བཤད་ཆོས་མ་ཡིན་ཉམས་ལེན་གྱི་ཆོས་ཡིན་པས་འདོད་བཞེད་མང་པོ་དང་༔ དགག་བཞག་དང་ས་བཅད་མང་དུ་བྱེད་རྒྱུ་ཡོད་ཀྱང་མ་བྱས་པར༔ ཡོན་ཏན་ཅན་རྣམས་མགུ་ཕྱིར་མདོ་རྒྱུད་ཀྱི་ལུང་སྐབས་སུ་འབྱོར་ངེས་སུ་བཀོད༔ རྨོངས་པས་ཟིན་སླ་ཕྱིར་དམིགས་པ་བསྡུས་ཏེ་བཀོད་དོ༔ སྤྲུལ་སྐུས་སློབ་དཔོན་ཆགས་མེད་ཁྱོད་སྡོན་སྐྱེའུ་པའི་སློབ་མ་ཡིན་ཀྱང་ཐུགས་རྗེ་ཆེན་པོ་འདི་ལ་ཉམས་ལེན་ཆེར་མ་

[Full Size]

བྱས༔ ད་ལམ་མོས་པར་འདུག་པས་གྱིས་གསུང་ཕྱིར༔ ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་ཁྱད་པར་ཆོས་འབྲུ་བདུན་པ་གོ་རྟོགས་ཅུང་ཟད་བྱུང་བ་ལ་གཞིར་བྱས་ཏེ༔ བཀའ་གཏེར་གྱི་ལུང་གིས་བརྒྱན་ནས་རང་གཞན་ལ་ཕན་པའི་ཆེད་དུ་བཀོད་པ་སྟེ༔ འདི་ལ་བརྟེན་ནས་གནམ་ཆོས་ཐུགས་ཀྱི་གཏེར་ཁའི་སྒྲུབ་བརྒྱུད་འཕེལ་ཞིང་རྒྱས་ལ་ཡུན་རིང་དུ་གནས་པ་དང་༔ སྤྲུལ་སྐུ་རིན་པོ་ཆེ་ཞབས་པད་བརྟན་ཞིང་ཕྲིན་ལས་རྒྱས་པར་གྱུར་ཅིག༔ མངྒ་ལཾ༔ ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ ཐུགས་རྗེ་ཆེན་པོའི་དམར་ཁྲིད་ཆོས་འབྲུ་བདུན་པའི་ཁྲིད་རྒྱས་པ།

ཤོག་ལྷེབ་ ༢༤༩ ནས་་ ༣༠༠ བར།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ ཐུགས་རྗེ་ཆེན་པོའི་དམར་ཁྲིད་ཆོས་འབྲུ་བདུན་པའི་ཁྲིད་རྒྱས་པ་བཞུགས་སོ༔

[Full Size]

ན་མོ་གུ་རུ་དྷེ་ཝ་ལོ་ཀི་ཤྭ་ར་ཛྙཱ་ན་ཌཱ་ཀི་སརྦ་སིདྡྷི་ཧཱུྃ༔ རིའོ་ན་ད་ལམ་ཁྱེད་རྣམས་ལ་ཐུགས་རྗེ་ཆེན་པོའི་དམར་ཁྲིད་འཆད་པ་ལ༔ ཐོག་མར་བླ་མ་བརྒྱུད་པའི་ལོ་རྒྱུས་ནི་རྒྱས་པར་རྣམ་ཐར་མགུར་འབུམ་དབང་བཤད་སོགས་ནས་གསལ་ལྟར་ཡིན་ལ༔ ཁྲིད་འདི་ཡི་རྩ་ཚིག་ལས༔ ཧེ་ཧེ་ཞེས་པའི་དོན་ནི༔ བདེ་མཆོག་གི་རྩ་བ་དང་བཤད་པའི་རྒྱུད་རྣམས་ནས༔ ཧེ་ནི་རྒྱུ་སོགས་སྟོང་པ་ཉིད༔ ཅེས་གསུངས་པ་ལྟར༔ གང་ཟག་དང་ཆོས་ཀྱི་བདག་མེད་གཉིས་མཚོན་པ་ཡིན་ནོ༔ རྗེ་བླ་མ་རྣམས་ལ་ཞེས་པའི་དོན་ནི༔ ཆོས་ཁུངས་བཙུན་པར་སྟོན་ཏེ

[Full Size]

དམ་ཆོས་བརྒྱུད་པར་འབྲེལ་པ་ཉིད་ཟབ༔ ཅེས་གསུངས་པ་ལྟར༔ ཆོས་འདི་དྲུག་པ་རྡོ་རྗེ་འཆང་ཆེན་པོ་ནས༔ ས་བཅུའི་སེམས་དཔའི་བུདྡྷ་པ་བྱ་བ་ལ་གསུངས༔ དེས་མཆོག་གི་གྲུབ་ཆེན་རྫ་དྲ་པ་ལ་གནང་༔ དེས་གྲུབ་ཆེན་སྐྱེའུ་པ་ལ་གནང་༔ དེས་ཨོ་རྒྱན་པདྨ་འབྱུང་གནས་ལ་གནང་༔ དེས་སྤྲུལ་སྐུ་མི་འགྱུར་རྡོ་རྗེ་ལ་དངོས་སུ་གནང་བའོ༔ དེ་ལྟར་བརྒྱུད་པ་ཉེ་ཞིང་མཁའ་འགྲོའི་ཁ་རླངས་མ་ཡལ་བས་བྱིན་རླབས་ཀྱི་བཀའ་བབ་ཆེན་པོ་ཡིན་ནོ༔ གསོལ་བ་འདེབས་པ་ཞེས་པའི་དོན་ནི་དེ་ལྟ་བུའི་བརྒྱུད་པ་དང་བླ་མ་དང་ཆོས་ལ་དད་པ་དགོས་པར་

[Full Size]

བསྟན་ཏོ༔ ཆོས་བཅུ་པའི་མདོ་ལས༔ དད་པ་མེད་པའི་མི་རྣམས་ལ༔ དཀར་པོའི་ཆོས་རྣམས་མི་འབྱུང་སྟེ༔ ས་བོན་མེ་ཡིས་ཚིག་པ་ལ༔ མྱུ་གུ་སྔོན་པོ་ཇི་བཞིན་ནོ༔ ཞེས་གསུངས་སོ༔ དེ་བཞིན་དུ་སངས་རྒྱས་ཕལ་པོ་ཆེ་ལས༔ སྲིད་པའི་གནས་ཆེན་དད་པ་ཆུང་བ་ཡིས༔ སངས་རྒྱས་བྱང་ཆུབ་འཐོབ་པར་མི་ནུས་སོ༔ ཞེས་གསུངས་པས༔ དད་པ་མེད་ན་ཆོས་ཟབ་ཀྱང་ཉམས་རྟོགས་མི་སྐྱེའོ༔ དེས་ན་དད་པ་གལ་ཆེ་སྟེ༔ མདོ་རྒྱ་ཆེ་རོལ་པ་ལས༔ ཀུན་དགའ་བོ་དད་པ་ལ་སྦྱོར་བར་གྱིས་ཤིག༔ འདི་ནི་དེ་བཞིན་གཤེགས་པས་གསོལ་བ་འདེབས་པའོ༔ ཞེས་གསུངས་སོ༔ དད་པ་ཡོད་ན་ཉམས་རྟོགས་སྐྱེ་སྟེ༔ དཀོན་མཆོག་ཏ་ལ་ལའི་གཟུངས་ལས༔ རྒྱལ་དང་རྒྱལ་བའི་ཆོས་ལ་དད་གྱུར་ཅིང་༔ སངས་རྒྱས་སྲས་ཀྱི་སྤྱོད་ལ་དད་བྱེད་ནས༔ བྱང་ཆུབ་བླ་ན་མེད་ལ་དད་གྱུར་ན༔ སྐྱེས་བུ་ཆེན་པོ་རྣམས་ཀྱི་སེམས་སྐྱེའོ༔ ཞེས་གསུངས་སོ༔ དེས་བླ་མ་བརྒྱུད་པ་ལ་ཡིད་དྭངས་བའི་དད་པ་སངས་རྒྱས་ཀྱི་བྱང་ཆུབ་དེ་འཐོབ་པར་འདོད་པའི་དད་པ༔ ཆོས་ལ་ཡིད་ཆེས་པའི་དད་པ༔ ཆོས་སྒྲུབ་པ་ལ་རྐྱེན་བར་ཆད་ཅི་བྱུང་ཡང་ཆོས་ལ་

[Full Size]

ཕྱིར་མི་ལྡོག་པའི་དད་པ་བྱའོ༔ དེ་ལ་ཆོས་ཉན་པ་ཁོ་ན་ལ་ཡང་ཕན་ཡོན་རྒྱ་ཆེ་སྟེ༔ སྔོན་དགེ་སློང་ཨུ་པ་གུཔས་ཆོས་འཆད་པའི་སྒྲ་ཁྱི་ཞིག་གིས་ཐོས་པས་སྒྲིབ་པ་བསྲབས་ནས་ཚེ་འཕོས་མ་ཐག༔ གཞན་འཕྲུལ་དབང་བྱེད་ཀྱི་ལྷར་སྐྱེས་པ་དང་༔ རྒྱ་གར་ན་དགེ་སློང་ཞིག་གིས་མདོ་སྡུད་པ་ཞལ་ཐོན་མཛད་པའི་སྒྲ་བྱ་ཐེ་བ་ཞིག་གིས་ཐོས་པས༔ སྒྲིབ་པ་བསྲབས་ནས་ཚེ་འཕོས་མ་ཐག་མི་ལུས་ཐོབ༔ རབ་ཏུ་བྱུང་བས་སྡུད་པ་བཟུང་མ་དགོས་པར་བློ་ལ་ཡོད་པར་བྱུང་བ་དང་༔ དགེ་སློང་གཅིག་གིས་ནམ་མཁའ་ནས་ཆོས་བཤད་པའི་སྒྲ་སྦལ་པ་ཞིག་གིས་ཐོས་པས་སྒྲིབ་པ་བསྲབས་ནས༔ ཚེ་འཕོས་མ་ཐག་སུམ་ཅུ་རྩ་གསུམ་གྱི་ལྷར་སྐྱེས་པའི་ལོ་རྒྱུས་ཀྱང་ཡོད་དོ༔ བཅོམ་ལྡན་འདས་ཀྱི་ཞལ་ནས། ཐོས་པས་ཆོས་རྣམས་ཤེས་པར་བྱ༔ ཐོས་པས་སྡིག་ལས་ལྡོག་པར་བྱེད༔ ཐོས་པས་དོན་མ་ཡིན་པ་སྤང་༔ ཐོས་པས་མྱ་ངན་འདས་པ་ཐོབ༔ ཅེས་གསུངས་པས་ཆོས་ལ་དད་གུས་རྩེ་གཅིག་པས་ཉོན་ཅིག༔ དེ་ཡང་འདིའི་གཞུང་ལས༔ སྤྲང་པོས་ཆོས་བཤད་མ་འོས་ཀྱང་༔ བདག་གིས་ཆོས་ཤིག་བཤད་པ་ན༔ ཞེས་པས་བླ་མའི་མཚན་ཉིད་སྟོན་

[Full Size]

ཏེ༔ རྡོ་རྗེ་མཁའ་འགྲོའི་རྒྱུད་ལས༔ གང་ཡང་ཁྲོ་དང་སྤུ་ཅན་དང་༔ ངག་ནི་ཤིན་ཏུ་རྩུབ་པ་དང་༔ ཡོན་ཏན་དག་གི་ཆོག་ཤེས་པ༔ དེ་ནི་བླ་མར་བསྟེན་མི་བྱ༔ ཞེས་གསུངས་པས་བླ་མ་བརྟག་དགོས་ཏེ༔ བླ་མ་ལྔ་བཅུ་པ་ལས༔ བླ་མ་དང་ནི་སློབ་མ་དག༔ མཚུངས་པར་དམ་ཚིག་ཉམས་གྱུར་ན༔ དཔའ་བོས་དང་པོ་སློབ་དཔོན་དང་༔ སློབ་མའི་འབྲེལ་པ་བརྟག་པར་བྱ༔ ཞེས་གསུངས་སོ༔ འོ་ན་སློབ་དཔོན་གྱི་མཚན་ཉིད་ཇི་ལྟ་བུ་ཞེ་ན༔ རྡོ་རྗེ་གུར་ལས༔ རྡོ་རྗེ་སློབ་དཔོན་མཚན་ཉིད་ལྔ་ལྡན་ཉིད༔ དེ་ཡིས་ཉེ་བར་བསྟན་པ་བསྔགས༔ སྒྲུབ་པ་པོ་ལ་དངོས་གྲུབ་སྐྱེ༔ བསྟན་ཞིང་ཟབ་མོའི་ཆོས་ལྡན་དང་རིག་པའི་གནས་རྣམས་ཀུན་ལ་མཁས༔ སྦྱིན་སྲེག་དཀྱིལ་འཁོར་སྔགས་ཤེས་ཤིང་༔ རབ་གནས་གཏོར་མའི་ཕ་རོལ་སོན༔ དེ་ཉིད་བཅུ་པོ་རྣམ་པར་རིག༔ ཉན་ཐོས་སྤྱོད་པ་སྐྱོང་བྱེད་ཅིང་༔ སྔགས་ཀྱི་ཐེག་པ་རིམ་པར་གུས༔ གཟུགས་ལྡན་མཐོང་ན་དགའ་བ་དང་༔ དཀྱིལ་འཁོར་འབྲི་མཁས་བཟླས་པར་ལྡན༔ རྩ་བའི་ལྟུང་བ་རབ་འཇོམས་ཤིང་༔ སྔགས་དང་རྒྱུད་ཀྱི་རབ་སྦྱོར་གྱིས༔ སེམས་ཅན་རྣམས་ལ་

[Full Size]

བདེ་སྟེར་བ༔ དེ་འདྲ་བླ་མ་དངོས་བྱས་ན༔ བདག་གིས་ཀྱང་ནི་སྨད་མི་བྱ༔ ཞེས་དང་༔ གདན་བཞི་ལས༔ དུལ་ཞིང་ཞི་བའི་ཆ་བྱད་ཅན༔ སེམས་ཅན་རྣམས་ལ་མི་འཇིག་སྦྱིན༔ སྔགས་དང་རྒྱུད་ཀྱི་སྦྱོར་ཤེས་ཤིང་༔ སྦྱོར་དང་བཟོད་དང་ཐབས་དག་དང་༔ ཐམས་ཅད་དུ་ནི་ངག་འཇམ་ཞིང་༔ སེམས་ཅན་རྣམས་ལ་བུ་གཅིག་བཞིན༔ རྣལ་འབྱོར་བསམ་གཏན་ཆོག་སྦྱོར་ན༔ སྙིང་རྗེ་ཕན་པའི་སེམས་ཀྱིས་ནི༔ བདེན་པར་སྨྲ་ཞིང་གསོད་མི་བྱ༔ དེ་ཉིད་བཅུ་པོ་ཡོངས་ཤེས་ན༔ དེ་ཉིད་སློབ་དཔོན་དུ་བསྟེན་ནོ༔ ཞེས་གསུངས་སོ༔ གལ་ཏེ་དེ་ལྟར་མཚན་ཉིད་ལྡན་པ་མ་རྙེད་ན་སྐྱོན་དང་ཡོན་ཏན་གཉིས་ཡོན་ཏན་ཆ་ཆེ་བར་འདུག་ན་རུང་སྟེ༔ དོན་དམ་བསྙེན་པ་ལས། སྙིགས་དུས་དབང་གིས་བླ་མའི་སྐྱོན་དང་ཡོན་ཏན་འདྲེས༔ རྣམ་པ་ཀུན་ཏུ་སྡིག་པ་མེད་པ་ཡོད་མ་ཡིན༔ གང་གི་ཡོན་ཏན་ལྷག་པ་ཡོངས་ནི་ལེགས་སྤྱད་ནས༔ བུ་རྣམས་ཀྱིས་ནི་དེ་ལ་བསྟེན་པར་འགྱུར་བའོ༔ ཞེས་གསུངས་ཤིང་༔ ཁྱད་པར་དུ་ཨོ་རྒྱན་རིན་པོ་ཆེའི་ལུང་གིས་ཟིན་པ་ནི་མཆོག་ཡིན་ཏེ༔ ནང་གི་སྐྱོན་དང་ཡོན་ཏན་མངོན་ཤེས་མེད་པས་མི་

[Full Size]

ཤེས་པའི་ཕྱིར་རོ༔ དེ་ལྟར་ཐ་ནའང་ཡོན་ཏན་གྱི་ཆ་ཆེ་ཙམ་ནི་དགོས་ཀྱི༔ ལོག་པའི་བཤེས་གཉེན་ལ་ནི་འཛེམ་པར་བྱ་སྟེ༔ སངས་རྒྱས་མཛོད་ཀྱི་མདོ་ལས༔ འཇིག་རྟེན་གྱི་དགྲས་ནི་ལུས་སྲོག་ཙམ་འཕྲོག་གི༔ ལུས་ཤིག་གཏོང་དུ་ཟད་དོ༔ མི་གཏི་མུག་ཅན་གྱིས་ཆོས་བཤད་ན༔ བསྐལ་པ་བརྒྱད་ཁྲི་བཞི་སྟོང་གི་བར་དུ་དམྱལ་བར་སྐྱེའོ༔ ཞེས་གསུངས་སོ༔ དེ་ཡང་གཞུང་ལས༔ རྒྱལ་བུ་ཡོད་ཀྱང་ཆོས་འདི་ཉོན༔ ཞེས་པས་སློབ་མའི་མཚན་ཉིད་དང་༔ བླ་མ་བསྟེན་ལུགས་ཆོས་ཉན་པའི་ཀུན་སྤྱོད་རྣམས་བསྟན་ཏེ༔ སྒྱུ་འཕྲུལ་དྲྭ་བ་ལས༔ དགེ་དང་སྒོམ་ལ་དགའ་བ་དང་༔ རྟག་ཏུ་བླ་མ་ལ་གུས་དང་༔ རྒྱུན་དུ་ལྷ་རྣམས་མཆོད་བྱེད་པའི༔ ཡོན་ཏན་ལྡན་ན་སློབ་མ་ཡིན༔ ཞེས་དང་༔ དུར་ཁྲོད་རྒྱན་གྱི་རྒྱུད་ལས༔ དཔའ་ཞིང་དུལ་ལ་བློ་གྲོས་ལྡན་བཟོད་ལྡན་དྲང་ལ་གཡོ་སྒྱུ་མེད༔ དད་ལྡན་རིགས་ལྡན་གཏོང་ཕོད་ཆེ༔ ཐོས་མང་དམ་ཚིག་ལྡན་ལ་སྦྱིན༔ ཞེས་དང་༔ བཤད་རྒྱུད་རྡོ་རྗེ་ཕྲེང་བ་ལས༔ ཇི་ལྟར་སེང་གེའི་འོ་མ་ནི༔ ས་ཡི་སྣོད་དུ་བཞག་མི་བྱ༔ དེ་བཞིན་རྣལ་འབྱོར་ཆེན་པོའི་རྒྱུད༔ སྣོད་མིན་རྣམས་ལ་སྦྱིན་མི་བྱ

[Full Size]

ཞེས་གསུངས་སོ༔ དེ་ལྟ་བུའི་སློབ་མ་ལ་གསང་སྔགས་བླ་ན་མེད་པའི་གདམས་པ་ཐམས་ཅད་སྦྱིན་པར་བྱ་ཞིང་༔ ཨོ་རྒྱན་རིན་པོ་ཆེས༔ མདོར་ན་གསང་སྔགས་རྡོ་རྗེ་ཐེག་པ་ལ༔ གང་འབྲེལ་ཐམས་ཅད་བྱང་ཆུབ་ཐོབ་པའི་ཕྱིར༔ འདི་གྲོལ་འདི་མ་གྲོལ་ཞེས་རྣམ་དབྱེ་བྲལ༔ འབྲེལ་ཚད་དོན་དང་ལྡན་ཞེས་དེ་ལ་བྱ༔ ཞེས་གསུངས་པའི་ཕན་ཡོན་ལ་བསམ་ཞིང་༔ སྣོད་མིན་ལ་ཡང་འབྲེལ་པ་ཐོབ་ཙམ་བྱ་སྟེ༔ ཨོ་རྒྱན་ཆེན་པོས༔ འབྲེལ་ཡོད་ཙམ་རེ་བློས་མི་སྤང་༔ ཞེས་གསུངས་སོ༔ བླ་མ་བསྟེན་ཚུལ་ནི༔ སྒྱུ་འཕྲུལ་དྲྭ་བའི་རྒྱུད་ལས༔ སློབ་དཔོན་ཇི་ལྟར་བལྟ་ཞེ་ན༔ བླ་མ་སངས་རྒྱས་ཀུན་དང་མཉམ༔ དེ་ཉིད་རྟག་ཏུ་རྡོ་རྗེ་འཆང་༔ དེ་བཞིན་གཤེགས་པ་རིན་ཆེན་ཏོག༔ དེ་ནི་ཡེ་ཤེས་རྒྱ་མཚོ་སྟེ༔ ཡིད་བཞིན་ནོར་བུ་རིན་ཆེན་བཞིན༔ སློབ་དཔོན་གྱིས་ནི་ཡོན་ཏན་བཟུང་སྐྱོན་རྣམས་ནམ་ཡང་མ་ཡིན་ནོ༔ ཡོན་ཏན་བཟུང་བས་དངོས་གྲུབ་ཐོབ༔ སྐྱོན་རྣམས་ཀྱིས་ནི་དངོས་གྲུབ་ཉམས༔ དེ་ཡི་གྲིབ་མའང་མི་འགོང་སྟེ༔ མཆོད་རྟེན་བཤིག་དང་འདྲ་བར་གསུངས་ཞེས་དང་༔ སྡོམ་འབྱུང་ལས༔ གལ་

[Full Size]

ཏེ་ལྷ་ནི་མཉེས་འདོད་ན༔ འབད་པས་བླ་མ་མཉེས་པར་བྱ༔ བླ་མ་མཉེས་པར་མ་བྱས་པའི༔ དངོས་གྲུབ་སྨིག་རྒྱུའི་ཆུ་དང་མཚུངས༔ ཞེས་དང་༔ དོན་དམ་བསྙེན་པ་ལས༔ ཐུན་མཚམས་གསུམ་དུ་ཤིན་ཏུ་རྣམ་པར་དག་པ་ཡི༔ ཁ་དང་ལག་པ་རྐང་པ་དག་ནི་ཁྲུས་བྱ་སྟེ༔ མེ་ཏོག་ཡང་དག་བླང་ནས་བླ་མའི་སྤྱན་སྔར་ནི༔ རྒྱལ་བ་རྣམས་ཀྱི་དཀྱིལ་འཁོར་ཤིན་ཏུ་ཟླུམ་པོར་བྱ༔ བླ་མའི་ཞབས་ཀྱི་ཆུ་སྐྱེས་མེ་ཏོག་གིས་མཆོད་ཅིང་༔ ཤིན་ཏུ་གུས་པས་སྤྱི་བོར་ལག་པས་ཕྱག་བྱའོ༔ ཞེས་གསུངས་པས་རྒྱལ་བུ་ལ་སོགས་པ་རིགས་མཐོ་བ་དང་༔ རིག་གནས་ལ་མཁས་པ་སོ་སོའི་ང་རྒྱལ་བཅགས་ནས་གུས་པས་བླ་མ་བསྟེན་དགོས་སོ༔ དེ་ཡང་སྣོད་ཁ་སྦུབ་ལྟ་བུ་དོན་ཡེ་མི་གོ་བ་དང་༔ ཞབས་རྡོལ་ལྟ་བུ་གོ་ཡང་ཡིད་ལ་མི་བཟུང་བ་དང་༔ དུག་ཅན་ལྟ་བུ་འགྲན་སེམས་དང་ཚོད་ལྟ་སོགས་མ་ཡིན་པར༔ བླ་མ་ལ་སྨན་པ་ལྟ་བུ༔ ཆོས་ལ་སྨན་ལྟ་བུ༔ ཆོས་ཉན་ཅིང་ཉམས་སུ་བླངས་པས་སྨན་གྱིས་ནད་སེལ་བ་ལྟར༔ འཁོར་བའི་སྡུག་བསྔལ་མཐའ་དག་སེལ་བའི་འདུ་ཤེས་ཀྱིས་ཉན་འཚལ༔ དེ་ལ་ཁྲིད་ཀྱི་གོ་རིམ་གཞུང་ལས་བསྐྱེད་རིམ་དང་༔ སྒྲིབ་

[Full Size]

སྦྱོང་༔ ཞི་གནས་དང་ལྷག་མཐོང་༔ བྱམས་པ་དང་སྙིང་རྗེ༔ དལ་འབྱོར་རྙེད་དཀའ་དང་མི་རྟག་པ་སྟེ༔ གོ་རིམ་འཆོལ་བ་ལྟར་གསུངས་པའི་དོན་ཡང་གཉིས་ཏེ༔ དང་པོ་བཞི་རྩ་བ་ཡིན་ལ༔ ཕྱི་མ་གསུམ་ནི༔ གེགས་སེལ་དང་བོགས་འདོན་དུ་འགྱུར་བ་ཡིན་ལ༔ དེ་ནི་སྔོན་དུ་ཆོས་སྒོར་ཞུགས་ཤིང་ཁྲིད་ཀྱང་ཐོབ་བ་ཞིག་ལ་བོགས་འདོན་དུ་དེ་ལྟར་ཟབ་པར་དགོངས་ལ༔ ལས་དང་པོ་པ་ལ་གོ་རིམ་བསྒྲིགས་དགོས་ཏེ༔ གཞུང་ཉིད་དུ་མ་བསྒྲིགས་པ་ནི་སྙིགས་དུས་སྐྱེ་བོ་སྤྱི་བརྟོལ་བ་སློབ་དཔོན་མི་བསྟེན་པ་འབྱུང་བ་རྣམས་དགག་པའི་དོན་ནོ༔ དེ་ལ་འདིར་གོ་རིམ་བསྒྲིགས་ཏེ་འཆད་པ་ལ༔ གཞུང་ལས༔ ད་རེས་མི་ལུས་ཐོབ་པ་ན༔ དེ་ལྟར་ཆོས་ལ་བརྩོན་འགྲུས་དགོས་ཞེས་གསུངས་པའི་དོན་བཤད་ན༔ ཐོག་མར་འཆི་བ་མི་རྟག་པ་བསྒོམ་དགོས་ཏེ༔ རྒྱ་ཆེ་རོལ་པ་ལས༔ སྲིད་གསུམ་མི་རྟག་སྟོན་ཀའི་སྤྲིན་དང་འདྲ༔ འགྲོ་བའི་སྐྱེ་འཆི་གར་ལ་བལྟ་དང་མཚུངས༔ སྐྱེས་བུའི་ཚེ་སྲོག་ནམ་མཁའི་གློག་འདྲ་སྟེ༔ རི་གཟར་འབབས་ཆུ་བཞིན་དུ་མྱུར་མགྱོགས་འགྲོ༔ ཞེས་དང་༔ མྱ་ངན་འདས་མདོར༔ འདུས་བྱས་རྟག་

[Full Size]

པར་གྱུར་པ་ཡི༔ གནས་འདི་རྙེད་པར་མི་འགྱུར་བས༔ འདུས་བྱས་ཐམས་ཅད་མི་རྟག་གིས༔ མྱ་ངན་མ་བྱེད་ཀུན་དགའ་བོ༔ ཞེས་དང་༔ འདུལ་བ་ལུང་ལས་བསགས་པ་ཀུན་གྱི་མཐའ་འཛད་ཅིང་༔ མཐོན་པོ་རྣམས་ནི་མཐར་ལྟུང་ལགས༔ འཕྲད་པའི་མཐའ་ནི་བྲལ་བ་སྟེ༔ གསོན་པའི་མཐའ་ནི་འཆི་བ་ཡིན༔ ཞེས་དང་༔ འདི་ན་མཐུ་ཆེན་གནས་མཐོ་བར༔ གནས་པའི་ལྷ་ཚེ་རིང་པོ་ཡང་དེ་ལས་ཚེ་ཚད་ཉམས་གྱུར་ན༔ འཆི་བ་འདི་ལ་སུ་ཞིག་ཐར༔ ཞེས་དང་༔ མྱ་ངན་འདས་མདོར༔ སྐྱེ་བ་ཡོད་ན་འཆི་བ་ཡོད༔ དར་བ་ཡོད་ན་རྒུད་པ་ཡོད༔ ལང་ཚོ་དེ་ཡང་མི་རྟག་སྟེ༔ དར་བའི་མདོག་ཀྱང་ནད་ཀྱིས་འཕྲོག༔ འཚོ་བའི་ཚེ་ཡང་འཆི་བས་འཕྲོག༔ རྟག་པའི་ཆོས་ནི་གང་ཡང་མེད༔ ཅེས་དང་༔ རྒྱ་ཆེ་རོལ་པ་ལས༔ གང་དུ་གནས་ཀྱང་འཆི་བས་མི་ཚུགས་པའི༔ ས་ཕྱོགས་དེ་ནི་གང་དུའང་ཡོད་མིན་ཏེ༔ བར་སྣང་ན་མེད་རྒྱ་མཚོའི་སྟེང་ནའང་མེད༔ རི་བོ་རྣམས་ཀྱི་ཕུགས་ནའང་ཡོད་མ་ཡིན༔ ཞེས་དང་༔ མི་རྟག་པའི་ཚོམ་ལས༔ གང་ཡང་སངས་རྒྱས་རང་སངས་རྒྱས༔ སངས་རྒྱས་རྣམས་ཀྱིས་ཉན་ཐོས་

[Full Size]

ཀྱང་༔ སྐུ་ལུས་འདི་ནི་སྤང་མཛད་ན༔ སྐྱེ་བོ་ཕལ་པ་སྨོས་ཅི་དགོས༔ ཞེས་དང་༔ སྐྱེས་པ་བུད་མེད་མང་པོ་ཡང་དར་ལ་བབ་པའང་འཆི་གྱུར་ན། དེ་ལ་མི་འདི་གཞོན་ཞེས་ཏེ༔ གསོན་པའི་གདེང་གྲོགས་ཅི་ཞིག་ཡོད༔ ཁ་ཅིག་མངལ་དུ་འཆི་བར་འགྱུར༔ དེ་བཞིན་ཁ་ཅིག་བཙས་པའི་སར༔ དེ་བཞིན་ཁ་ཅིག་གོག་ཙམ་ལ་ལ་རྒས་དང་ལ་ལ་གཞོན༔ ལ་ལ་དར་ལ་བབ་པའི་མི༔ རིམ་གྱིས་རབ་ཏུ་འགྲོ་འགྱུར་ཏེ༔ འབྲས་བུ་སྨིན་པ་ལྟུང་བ་བཞིན༔ ཞེས་དང་༔ སྔ་དྲོ་སྐྱེ་བོ་མང་མཐོང་༔ ཕྱི་དྲོ་ཁ་ཅིག་མཐོང་མི་འགྱུར༔ ཕྱི་དྲོ་སྐྱེ་བོ་མང་མཐོང་བ༔ སྔ་དྲོ་ཁ་ཅིག་མཐོང་མི་འགྱུར༔ ཞེས་དང་༔ ཨོ་རྒྱན་རིན་པོ་ཆེའི་ཞལ་ནས༔ སྐྱེས་ཕན་ཆད་འཆི་ངེས་པར་འདུག༔ དེ་མི་རྟག་པའི་ངོ་བོ་ཡིན་ཏེ༔ དོན་སྙིང་ལ་མཚོན་ཕོག་པའི་སྐྱེས་བུ་དང་འདྲ༔ དེ་ཡང་ནམ་འཆི་ངེས་པ་མི་འདུག༔ དེ་ཀ་མི་རྟག་པའི་མཚན་ཉིད་ཡིན་ཏེ༔ རྩྭ་ཁའི་ཟིལ་པ་དང་འདྲ༔ འཆི་བ་ལ་ཅེས་ཀྱང་མི་ཕན་པར་འདུག༔ དེ་ཀ་མི་རྟག་པའི་བྱེད་ཆོས་ཡིན་ཏེ། ཉི་མ་རྒས་པའི་གྲིབ་སོ་དང་འདྲའོ༔ དང་པོ་འཆི་ངེས་པའི་རྒྱུ་མཚན་ལ་

[Full Size]

གསུམ་སྟེ༔ སྔར་སྐྱེས་པ་ལ་ལུས་པ་མེད་པ་དང་༔ ཚེ་སྣོན་པ་མེད་ཅིང་འཕྲི་བ་ཡོད་པ་དང་༔ ལུས་སེམས་འདུས་བྱས་ཡིན་པས་འཆི་ངེས་སོ༔ གཉིས་པ་ནམ་འཆི་ངེས་པ་མེད་པ་ལ་རྒྱུ་མཚན་གསུམ་སྟེ༔ ཚེ་ལ་དུས་བཏབ་མེད་པ་དང་༔ འཆི་རྐྱེན་མང་བ་དང་༔ འདུས་བྱས་འཇིག་པའི་རང་བཞིན་ཅན་ཡིན་པས་ནམ་འཆི་ངེས་པ་མེད་པའོ༔ གསུམ་པ་འཆི་བ་ལ་ཅིས་ཀྱང་མི་ཕན་པ་ལ་རྒྱུ་མཚན་གསུམ་སྟེ༔ བསགས་པའི་ནོར༔ འབྲེལ་བའི་གཉེན༔ བརྩིགས་པའི་མཁར་གྱིས་ཀྱང་མི་ཕན་པའོ༔ ཞེས་དང་༔ ཨོ་རྒྱན་རིན་པོ་ཆེའི་ཞལ་ཆེམས་ལས༔ བོད་ཀྱི་བརྩོན་འགྲུས་ཚེ་འདིར་ཚེ༔ སང་བྱེད་གནང་བྱེད་མི་ཚེ་ཟད༔ ད་ལྟ་འཆི་ཡང་ཆོས་མི་དྲན༔ དགོས་ངོ་ཤེས་པ་དེ་ཡིན་ཏེ༔ ཁ་ཡེངས་མིག་ཡེངས་ངང་ལ་བརྗེད་བཞག་ནས་འགྲོ་ན་ང་ཕྱིར་ཤོག༔ སེར་སྣའི་གྲོལ་ཐབས་དེ་ལས་མེད༔ ཅེས་གསུངས་པ་ལྟར༔ དེ་སྔ་ཚེ་ཐར་དུ་ལུས་པ་གཅིག་ཀྱང་མི་གདའ༔ རང་ལ་མི་འཆི་བའི་གདེང་ཅི་ཡོད༔ རང་དང་ན་མཉམ་དང་དེ་ལས་གཞོན་པ་དུ་ཤི་ཡིད་ལ་རྩིས་བགྲང་མཛོད༔ ཤི་བས་མི་ཆོག་ཤི་ཐོན་ནས་བར་དོའི་འཇིགས་སྐྲག༔ བར་དོ་འཇིགས་པའི་

[Full Size]

སྒྲ་བཞི༔ ཡ་ང་བའི་འཕྲང་བརྒྱད་འགྲིམས་དགོས༔ དེས་མི་ཆོག་ལས་ཀྱི་དབང་གིས་སྐྱེ་བ་ལེན་དགོས་ཏེ༔ སྡོམ་གསུམ་བསྟན་པའི་མདོ་ལས༔ ཅི་འདྲ་བ་ཡི་ལས་བྱས་པ༔ རྣམ་པར་སྨིན་པ་དེ་འདྲར་འགྱུར༔ བསྐལ་པ་བྱེ་བ་ཕྲག་བརྒྱར་ཡང་༔ དེ་ནི་ཆུད་ཟོར་འགྱུར་བ་མེད༔ ཅེས་དང་༔ དེས་པས་ཞུས་པའི་མདོ་ལས༔ ས་བོན་ཚ་བ་རྣམས་ལ་ནི༔ འབྲས་བུ་ཚ་བ་སྨིན་པར་འགྱུར༔ ས་བོན་མངར་བ་རྣམས་ལ་ནི༔ འབྲས་བུ་མངར་བ་སྐྱེ་བར་འགྱུར༔ དཔེ་ཟླར་བྱས་པ་འདི་ཡིས་ནི༔ སྡིག་པའི་ལས་ལ་སྡུག་བསྔལ་དང་༔ དགེ་བའི་ལས་ལ་བདེ་བ་སྟེ༔ ཁྱེད་ཀྱིས་དེ་ལྟར་ཤེས་པར་གྱིས༔ ཞེས་དང་༔ མདོ་སྡེ་ལས་བརྒྱ་པ་ལས༔ ལས་རྣམས་ཀྱང་ནི་སྣ་ཚོགས་ལས༔ དེ་ཡིས་འགྲོ་འདི་སྣ་ཚོགས་བྱས༔ ཞེས་དང་༔ སྙིང་རྗེ་པདྨ་དཀར་པོ་ལས་འཇིག་རྟེན་ནི་ལས་ཀྱིས་བྱས་པ་ལས་ཀྱི་སྤྲུལ་པའོ༔ སེམས་ཅན་རྣམས་ནི་ལས་ཀྱིས་བྱས་པ་ལས་ཀྱི་རྒྱུ་ལས་བྱུང་༔ ལས་ཀྱིས་རབ་ཏུ་ཕྱེ་བའོ༔ ཞེས་དང་༔ དྲན་པ་ཉེར་བཞག་ལས༔ མེ་ནི་གྲོང་བར་འགྱུར་ཡོང་སྲིད༔ རླུང་ནི་ཞགས་པས་འཆིང་ཡང་སྲིད༔

[Full Size]

ཉི་ཟླ་ཐང་ལ་ལྷུང་ཡང་སྲིད༔ ལས་ཀྱི་རྣམ་སྨིན་བསླུ་མི་སྲིད༔ ཅེས་དང་༔ དཀོན་མཆོག་བརྩེགས་པ་ལས༔ ཅི་འདྲ་བ་ཡི་ལས་བྱས་པ༔ རྣམ་པར་སྨིན་པའང་དེ་འདྲར་འགྱུར༔ བསྐལ་པ་བྱེ་བ་བརྒྱར་ཡང་ནི༔ དེ་ནི་ཅུང་ཟད་འགྱུར་བ་མེད༔ ཅེས་དང་༔ རྡོ་རྗེ་ཕྲེང་བ་ལས༔ བཅོམ་ལྡན་འདས་ཀྱིས་བཀའ་སྩལ་པ༔ གསང་བའི་བདག་པོ་ཉོན་ཅིག༔ ལུས་ཀྱིས་ཉེས་པར་སྤྱོད་པ་ནི་རྣམ་པ་གསུམ་མོ༔ ངག་གིས་ཉེས་པར་སྤྱོད་པ་ནི་རྣམ་པ་བཞིའོ༔ ཡིད་ཀྱི་ལས་ནི་རྣམ་པ་གསུམ་སྟེ༔ དེ་དག་ཉོན་མོངས་པ་གསུམ་གྱིས་སེམས་ཅན་དམྱལ་བ་དང་༔ ཡི་དྭགས་དང་དུད་འགྲོའི་སྐྱེ་གནས་སུ་ལྟུང་བར་འགྱུར་རོ༔ ཞེས་དང་༔ ཨོ་རྒྱན་རིན་པོ་ཆེའི་ཞལ་ནས༔ ལས་རྒྱུ་འབྲས་ལ་གསུམ་སྟེ༔ ལས་ཀྱི་ངོ་བོ་ངོས་བཟུང་བ་དང་༔ ས་མཚམས་དབྱེ་བ་རྣམ་གྲངས་སོ༔ དང་པོ་ནི་གང་ཉེས་པ་དངོས་སམ་བརྒྱུད་ནས་སྡུག་བསྔལ་བསྐྱེད་པ་ནི༔ སྡིག་ཏོ་མི་དགེ་བའི་ལས་སོ༔ དེ་ལ་རང་བཞིན་གྱི་ཁ་ན་མ་ཐོ་བ་ཉིད་སྡིག་ཏུ་གྱུར་པ༔ མཚམས་མེད་པ་ལྔ་དེ་དང་ཉེ་བ་ལྔ་མི་དགེ་བ་བཅུའོ༔ བཅས་པའི་ཁ་ན་མ་ཐོ་བ་བཅས་པ་ཉིད་ལས་ལྟུང་བར་འགྱུར་

[Full Size]

སྡོམ་པ་གསུམ་གྱི་ཉེས་པ༔ འཇིག་རྟེན་གྱི་ཁ་ན་མ་ཐོ་བ་གཞན་གྱི་སྡིག་ཆེན་བྱེད་པ༔ མི་ཤེས་པ་བག་མེད་པ་མ་གུས་པ་ཉོན་མོངས་པ་མང་བའོ། གང་ལེགས་པར་སྤྱོད་པ་དང་དངོས་སམ་བརྒྱུད་ནས་བདེ་བ་བསྐྱེད་པ་ནི་དགེ་བའོ༔ དེ་ལ་གསུམ་སྟེ་འཁོར་གསུམ་དམིགས་པ་དང་བཅས་ནས་གཏོང་བ་བསོད་ནམས་ཆ་མཐུན་གྱི་དགེ་བའོ༔ ངེས་འབྱུང་གིས་ཀུན་ནས་བསླངས་ཏེ་གཏོང་བ་ཐར་པ་ཆ་མཐུན་གྱི་དགེ་བ༔ འཁོར་གསུམ་ཡང་དག་མི་དམིགས་པར་ཤེས་པ་ཐར་པ་བླ་ན་མེད་པའི་དགེ་བའོ༔ དགེ་སྡིག་གཉིས་ཀ་མ་ཡིན་པས་གཉིས་ཀ་མི་བསྐྱེད་པ་ནི་ལུང་མ་བསྟན་གྱི་ལས་སོ༔ གཉིས་པ་ལས་ཀྱི་ས་མཚམས་དབྱེ་བ་ལ་བརྒྱད་ལས༔ དང་པོ་དོན་གྱི་གནས་ལུགས་དགེ་བ་འདུས་མ་བྱས༔ དོན་གྱི་དགེ་བ་འདུས་བྱས་འཁོར་བའི་ཆོས༔ རང་བཞིན་གྱི་དགེ་བ་ཡེ་ཤེས༔ རང་བཞིན་གྱི་མི་དགེ་བ་ཉོན་མོངས་པ་དུག་ལྔའོ༔ གཤིས་དགེ་བ་ཆོས་ཉིད་སྟོང་པ༔ གཤིས་མི་དགེ་བ་མ་རིག་པ༔ ཡང་དག་པའི་དགེ་བ་བློ་ལས་འདས་པ༔ ཡང་དག་པའི་མི་དགེ་བ་ཡིད་ཀྱིས་བསླད་པའོ༔ ཡིད་ལ་མི་བྱེད་ན་མྱང་འདས་ཏེ་དགེ་བ༔

[Full Size]

ཡིད་ལ་བྱེད་པ་ནི་འཁོར་བ་སྟེ་མི་དགེ་བའོ༔ དུག་གསུམ་ཆ་ཕྲ་མོས་སྦགས་པའི་དགེ་བས་མཐོ་རིས་གསུམ༔ དུག་གསུམ་གྱིས་ཀུན་ནས་བསླངས་བའི་མི་དགེ་བས་ངན་སོང་གསུམ་དུ་སྐྱེའོ༔ ཐབས་ཤེས་གཉིས་མེད་ཀྱི་དགེ་བས་མི་གནས་པའི་མྱ་ངན་ལས་འདའ༔ ཐབས་ཅི་རིགས་པའི་དགེ་བས་ཕྱོགས་གཅིག་པའི་མྱ་ངན་ལས་འདས་སོ། གསུམ་པ་ལས་ཀྱི་རྣམ་གྲངས་ལ༔ གཅིག་ཏུ་དཀར་བའི་ལས༔ ནག་པའི་ལས༔ འདྲེས་མའི་ལས༔ བསམ་པ་དཀར་ལ་སྦྱོར་བ་ནག་པ༔ བསམ་པ་ནག་ལ་སྦྱོར་བ་དཀར་བ༔ བསམ་སྦྱོར་གཉིས་ཀ་དཀར་བ༔ བསམ་སྦྱོར་གཉིས་ཀ་ནག་པ༔ མཐོང་ཆོས་འབྲས་བུ་ཅན༔ སྐྱེས་ནས་མྱོང་འགྱུར༔ ལན་གྲངས་གཞན་ལ་མྱོང་བ༔ ལས་དཀར་རྣམ་སྨིན་དཀར་བ༔ ལས་ནག་རྣམ་སྨིན་ནག་པ༔ འཕེན་བྱེད་དགེ་བ་རྫོགས་བྱེད་དགེ་བ༔ འཕེན་བྱེད་མི་དགེ་བ་རྫོགས་བྱེད་མི་དགེ་བ༔ འཕེན་བྱེད་དགེ་བ་རྫོགས་བྱེད་མི་དགེ་བ་སོགས༔ རྒྱས་པར་གཞན་དུ་བལྟའོ༔ བདག་གིས་བྱས་པའི་ལས་གཞན་ལ་མི་སྨིན༔ གཞན་གྱིས་བྱས་པ་བདག་ལ་མི་སྨིན༔ ལས་མ་བྱས་པ་དང་མི་འཕྲད༔ བྱས་པ་ཆུད་

[Full Size]

མི་ཟ༔ དཀར་ནག་མི་འཆོལ་བས༔ ཤིན་ཏུ་ཆ་ཕྲ་མོ་ནས་འདོར་ལེན་བྱའོ༔ ཞེས་གསུངས་སོ༔ དེས་ན་མི་དགེ་བའི་ལས་ཀྱིས་ངན་སོང་དུ་སྐྱེས་ན་སྡུག་བསྔལ་དཔག་ཏུ་མེད༔ དེར་མི་སྐྱེ་བའི་ལས་དགེ་བ་ཁོ་ན་བྱས་པ་ཡང་དཀོན་པས་ཡ་ང་སྟེ༔ མངོན་པ་མཛོད་ལས༔ འདི་འོག་སྟོང་ཕྲག་ཉི་ཤུ་ན༔ མནར་མེད་པའོ་དེ་ཙམ་མོ༔ དེ་ཡི་སྟེང་ན་དམྱལ་བ་བདུན༔ ཞེས་གསུངས་ཏེ༔ ཚ་བའི་དམྱལ་བ་བརྒྱད་དེ༔ ཡང་སོས་དང་༔ ཐིག་ནག་དང་༔ བསྡུས་འཇོམས་དང་༔ ངུ་འབོད་དང་༔ དུ་འབོད་ཆེན་པོ་དང་༔ ཚ་བ་དང་༔ རབ་ཏུ་ཚ་བ་དང་༔ མནར་མེད་པ་སྟེ༔ རིག་འཛིན་ནཱ་གརྫུ་ནས༔ སེམས་ཅན་ཉེས་པའི་ལས་ལ་སྤྱོད་རྣམས་ནི༔ ཡང་སོས་ཐིག་ནག་ཚ་དང་རབ་ཏུ་ཚ༔ ངུ་འབོད་བསྡུས་འཇོམས་མནར་མེད་ལ་སོགས་པའི༔ དམྱལ་བ་རྣམས་སུ་རྟག་ཏུ་འཁོར་བར་འགྱུར༔ ཞེས་དང་༔ འཇིག་རྟེན་བཞག་པ་ལས༔ གང་ཕྱིར་ལོ་ནི་སྟོང་ཕྲག་དག༔ མང་པོར་ཡང་ནི་དེ་དག་ཏུ༔ བྲེག་ཅིང་གཤགས་ནས་ཡང་འཚོ་བས༔ དེ་ཕྱིར་ཡང་སོས་ཡིན་པར་བཤད༔ གང་ཕྱིར་དེ་ནི་ཤིང་བཞིན་དུ༔ ཐིག་

[Full Size]

ནག་བཏབ་ནས་སོག་ལེ་དག༔ འབར་བ་ཡིས་ནི་གཤག་པར་བྱེད༔ དེ་ཕྱིར་ཐིག་ནག་ཡིན་པར་བཤད༔ གང་ཕྱིར་བསྡུས་ནས་དེར་འདོར་དང་༔ བརྡུངས་དང་སྲེག་པར་བྱེད་པ་ནི༔ དེ་ཡི་ཕྱིར་ན་བསྡུས་འཇོམས་ཏེ༔ དེ་ལྟར་མིང་ནི་དོན་མཐུན་གྲགས༔ གང་དག་གཞན་གྱི་ནོར་ཕྲོགས་པས༔ དེ་དག་ལྕགས་ཀྱི་ཐོ་ལུམ་ནི༔ ཚ་བ་དག་ཀྱང་ཟ་བ་དང་༔ ཡང་དང་ཡང་དུ་ཟས་སྐོམ་འབྱུང་༔ དེར་ནི་དྲེགས་པའི་མི་དག་གིས༔ རྒྱུན་མི་ཆད་པར་བསྲེག་པ་ནི༔ གང་ཕྱིར་སྐད་ནི་རབ་ཏུ་འབྱིན༔ དེ་ཕྱིར་དེ་ནི་ངུ་འབོད་ཡིན༔ མེས་བསྲེགས་པས་ནི་དྲག་ཕྱིར་དང་༔ ངུ་འབོད་པ་ཡང་ཆེ་ཕྱིར་དང་༔ ལྗི་ཞིང་ཆེ་བ་ཉིད་ཀྱི་ཕྱིར༔ དེ་ནི་ངུ་འབོད་ཆེན་པོ་ཡིན༔ གང་ཕྱིར་རྟག་ཏུ་ཚ་བའི་མེ༔ གདུང་བ་དྲག་པོ་སྐྱེས་པའི་ཕྱིར༔ འཇིག་རྟེན་དུ་ནི་ཚ་བའི་མིང་༔ དོན་དང་མཐུན་པར་གྲགས་པ་ཡིན༔ མེ་ནི་རབ་ཏུ་དྲག་པ་ཡིས༔ དེར་འཁོར་སེམས་ཅན་སྲེག་པར་བྱེད༔ ཚ་བ་ཕུལ་དུ་བྱུང་བ་སྟེ༔ དེ་ཕྱིར་རབ་ཏུ་ཚ་བར་གསུངས༔ གསལ་ཞིང་རྣོ་དང་སླ་ང་དང་༔ རྫ་བུམ་འབར་བར་སྲེག་བྱེད་པས༔ ཚ་བ་ཕུལ་དུ་བྱུང་བ་སྟེ༔ དེ་ཕྱིར་རབ་ཏུ་ཚ་

[Full Size]

བར་བཤད༔ མེ་དྲག་དེ་ཡིས་ལུས་ཅན་གྱི༔ རུས་པ་རྣམས་ཀྱང་བརླག་པར་འགྱུར༔ གང་ཕྱིར་བདེ་བའི་སྐབས་མེད་པའི༔ དེ་ཕྱིར་མནར་མེད་ཡིན་པར་བཤད་ཅེས་ཚ་དམྱལ་བརྒྱད་དང་༔ ཉེ་འཁོར་བའི་དམྱལ་བ་ནི་མདོ་དེ་ཉིད་ལས༔ གང་ཞིག་བརྟུལ་ཞུགས་བཟང་མནོས་ནས༔ ལེགས་པར་བསྲུང་བར་མི་བྱེད་པ༔ དེ་ནི་ངེས་པར་ཤ་དང་རུས༔ འཇིགས་པའི་མེ་མ་མུར་དུ་བསྲེགས༔ གང་དུ་འཚོ་བ་ལ་སོགས་པའི༔ ཅུང་ཟད་ཙམ་གྱིས་འཚོ་བྱེད་པ༔ དེ་ནི་རོ་མྱག་འདམ་རྫབས་སུ༔ ནུབ་ཡི་འགྱུར་སྲིན་བུ་རྣམས་ཀྱིས་ཟ༔ གང་ཞིག་ཆོས་ཀྱི་སྡིག་འཛིན་ཅིང་༔ ཡང་དག་མ་ཡིན་ལམ་སྨྲ་བའི༔ མི་དེ་དག་ནི་སྤུ་གྲིའི་སོས༔ གཏུམ་པའི་ལམ་དུ་འགྲོ་བར་འགྱུར༔ བག་ཕབ་པ་ལ་གནོད་བྱེད་པ༔ ནགས་ཚལ་རལ་གྲིའི་འདབ་ཅན་དུ༔ གཏུབ་ཅིང་བྱ་རྒོད་འུག་པ་དང་༔ བྱ་རོག་དག་གིས་ཟ་བར་འགྱུར༔ འདོད་ལོག་སྤྱོད་པ་ཤལ་མ་རི༔ ལྕགས་ཀྱི་ཚེར་མ་རྩེ་མོ་འབར༔ སོར་ནི་བཅུ་དྲུག་ཡོད་པ་ལ༔ ཡར་ལ་འཛེག་ཅིང་མར་ལ་དྲུད༔ ཆུ་སྐྱེས་ཉ་སོགས་བསད་པ་ནི༔ ཆུ་བོ་རབ་མེད་འབར་བ་ཡི༔ འཇིགས་སུ་

[Full Size]

རུང་བའི་གནས་སུ་འགྲོ༔ མི་དེ་དེར་ནི་མནར་བར་འགྱུར༔ ཞེས་གསུངས་ཤིང་༔ ལས་ངན་མ་ཟད་ཀྱི་བར་དུ་ཚེ་ཚད་རྫོགས་ཀྱང་དེར་སྐྱེས་ཏེ༔ གསུང་གི་རིག་འཛིན་ནཱ་གརྫུ་ནའི་གསུངས་ལས༔ དེ་ལྟར་སྡུག་བསྔལ་ཤིན་ཏུ་མི་བཟད་པས༔ བྱེ་བ་ཕྲག་བརྒྱར་ཉམས་སུ་མྱོང་ཡང་ནི༔ ཇི་སྲིད་ལས་དེ་ཟད་པར་མ་གྱུར་བར༔ དེ་སྲིད་སྲོག་དང་བྲལ་བར་མི་འགྱུར་རོ༔ ཞེས་གསུངས་སོ༔ གྲང་དམྱལ་བརྒྱད་དང་གཞན་ཁ་འཐོར་བའི་ཉེ་ཚེའི་དམྱལ་བ་སོགས་དཔག་ཏུ་མེད་དོ༔ དྲན་པ་ཉེར་བཞག་ལས༔ བླ་མ་དགེ་འདུན་སྐུ་གསུང་ཐུགས་རྟེན་གྱི་ན་བཟའ་བཤུས་དང་ཤིག་ནི་ལྷག་པོར་སོགས༔ སེམས་ཅན་གྲང་བས་ཉན་ནས་གང་བསད་པའི་མི་དེ་ངེས་པར་གྲང་དམྱལ་བརྒྱད་དུ་སྐྱེ༔ ཞེས་གསུངས་པས་ཆུ་བུར་ཅན་དང་༔ ཆུ་བུར་རྡོལ་བ་དང་༔ ཨ་ཆུ་ཟེར་བ་དང་༔ ཀྱི་ཧུད་ཟེར་བ་དང་༔ སོ་འཐམ་པ་དང་༔ པདྨ་ལྟར་གས་པ་དང་༔ ཨུཏྤལ་ལྟར་གས་པ་དང་༔ པདྨ་ལྟར་ཆེར་གས་པ་སྟེ༔ མངོན་པ་མཛོད་ལས༔ ཏིལ་སྦྱང་ནང་ནས་ལོ་བརྒྱར་ནི༔ ཏིལ་གཅིག་ཕྱུང་བས་ཟད་གྱུར་པ༔ ཆུ་བུར་ཅན་གྱི་ཚེ་ཡིན་ཏེ༔ གཞན་གྱི་

[Full Size]

ཚེ་ནི་ཉི་ཤུས་འགྱུར༔ ཞེས་གསུངས་པས༔ ཚེ་ཚད་ཀྱང་ཤིན་ཏུ་རིང་ངོ་༔ ཁྱད་པར་སྐུར་པ་འདེབས་པ་ནི་སྡིག་ཆེ་སྟེ༔ རྣམ་པར་ངེས་པ་ཆོ་འཕྲུལ་གྱི་མདོ་བསྐལ་པ་དག་ནི་དུ་མར་ཡང་༔ ལུས་ནི་དཔག་ཚད་ལྔ་བརྒྱར་འགྱུར༔ དེ་ལ་མགོ་ཡང་ལྔ་བརྒྱ་སྟེ༔ མགོ་རྣམས་རེ་རེ་དག་ལ་ཡང་༔ ལྔ་བརྒྱའི་ལྕེ་ལས་མི་ཉུང་འགྱུར༔ ལྕེ་གཅིག་ཉིད་ལ་ཐོང་གཤོལ་ནི༔ ལྔ་བརྒྱ་ཚང་སྟེ་མི་ཉུང་བ༔ རབ་ཏུ་འབར་བས་རྨོ་བར་བྱེད༔ སྐུར་འདེབས་སྡིག་པའི་ལས་ཀྱིས་སོ༔ ཞེས་གསུངས་པ་དང་༔ ཁྱད་པར་གསང་སྔགས་ཀྱི་དམ་ཚིག་ཉམས་པ་ནི༔ དམྱལ་བ་དེ་ཐམས་ཅད་ལས་བདུན་འགྱུར་གྱི་སྡུག་བསྔལ་ཆེ་བ་རྡོ་རྗེ་དམྱལ་བ་ཞེས་བྱ་བར་སྐྱེ་སྟེ༔ འཇམ་དཔལ་སྒྱུ་འཕྲུལ་དྲྭ་བའི་རྒྱུད་ལས༔ ཕྱི་ཡི་རྒྱ་མཚོ་ཆེན་པོ་ཡི༔ ཆུ་དེ་ས་ཡིས་གཏོར་ནུས་པ༔ དེ་ཡི་ཚད་དུ་སྡུག་བསྔལ་མྱོང་༔ རྡོ་རྗེ་དམྱལ་བར་གྲགས་པ་ཡིན༔ ཞེས་གསུངས་ཤིང་༔ དམྱལ་བའི་སྡུག་བསྔལ་ཆུང་ངུ་ཡང་མིའི་སྡུག་བསྔལ་གང་ལས་ཀྱང་ཆེ་སྟེ༔ འཕགས་པ་ཀླུ་སྒྲུབ་ཀྱིས༔ འདི་ན་མི་གཅིག་མདུང་ཐུང་སུམ་བརྒྱ་ཡིས༔ རབ་ཏུ་དྲག་བཏབ་སྡུག་བསྔལ་མི་

[Full Size]

བཟད་པ༔ དེ་ནི་དམྱལ་བའི་སྡུག་བསྔལ་ཆུང་ངུ་ཡང་༔ འོལ་ཀྱང་མི་འགྲོ་ཆར་ཡང་མི་ཕོད་དོ༔ ཞེས་གསུངས་སོ༔ ཡི་དྭགས་ཀྱི་སྡུག་བསྔལ་ཡང་༔ འཕགས་པ་ཀླུ་སྒྲུབ་ཀྱི་གསུངས་ལས༔ ཡི་དྭགས་རྣམས་ནི་འདོད་པས་ཕོངས་པ་སྟེ༔ བསྐྱེད་པའི་སྡུག་བསྔལ་རྒྱུན་ཆད་མི་བཟོད་པ༔ བཀྲེས་སྐོམ་གྲང་ལ་ངལ་དང་འཇིགས་པ་ཡིས༔ བསྐྱེད་པ་ཤིན་ཏུ་མི་བཟད་བསྟེན་འཚལ་ལོ༔ ཞེས་དང་༔ ཡི་དྭགས་རྣམས་ནི་སོས་ཀའི་དུས་སུ་ནི༔ ཟླ་བའང་ཚ་ལ་དགུན་ནི་ཉི་མའང་གྲང་༔ ལྗོན་ཤིང་ལོ་འབྲས་མེད་གྱུར་དེ་དག་གིས༔ བལྟས་པ་ཙམ་གྱིས་ཆུ་ཀླུང་འང་སྐམ་པར་འགྱུར༔ ཁ་ཅིག་ཁ་ནི་ཁབ་ཀྱི་མིག་ཙམ་ལ༔ ལྟོ་བ་རི་ཡི་ལྗོང་ཙམ་བཀྲེས་པས་ཉེན༔ མི་གཙང་གྱི་ནར་བོར་བ་ཆུང་ངུ་ཡང་༔ འཚལ་བའི་མཐུ་དང་ལྡན་པ་མ་མཆིས་སོ༔ ཞེས་ཕྱི་དང་ནང་གི་སྒྲིབ་པ་ཅན་དང་༔ ཁ་ཅིག་མཚོན་བཞིན་ཁ་ནས་མེ་འབར་ཏེ༔ ཟས་སུ་འབར་བའི་ཁར་བཅས་བྱེ་མ་འཚལ༔ རྨེན་རིགས་འགས་ནི་རྣག་དང་ཕྱི་ས་དང་༔ ཁྲག་སོགས་མི་གཙང་བ་ཡང་མི་རྙེད་པ༔ ཕན་ཚུན་སྡོང་དུམ་ཚིག་འདྲ་མགྲིན་པ་ནས༔ ཝ་བ་འབྱུང་བ་སྨིན་པའི་རྣག་འཚལ་ལོ༔ ཞེས་

[Full Size]

གསུངས་པ་ལྟར་ཡིན་ལ༔ ཚེ་ཚད་ཀྱང་མི་ཡི་ཟླ་བ་རེ་ཞག་རེར་བརྩི་བའི་རང་ལོ་ལྔ་བརྒྱ་ཐུབ་པར་གསུངས་སོ༔ དུད་འགྲོ་ལ་རིགས་མི་འདྲ་བ་བྱེ་བ་སུམ་ཅུ་རྩ་བཞིར་གསུངས་ཏེ༔ དབང་མེད་གཞན་དག་རྡོག་པས་བརྡེག་པ་དང༔ ལྕགས་དང་ལྕགས་ཀྱུས་གདག་པས་བཏབ་སྟེ་བསྐོལ༔ ཁ་ཅིག་མུ་ཏིག་བལ་དང་རུས་པ་ཁྲག༔ ཤ་དང་པགས་པའི་ཕྱིར་དུ་འཆི་བར་འགྱུར༔ ཞེས་ཁ་འཐོར་བའི་སྡུག་བསྔལ་དང་༔ ཁ་ཅིག་ཟས་སུ་གདོང་དུ་གང་བབ་བྲ༔ ཞེས་གནས་ཀྱི་སྡུག་བསྔལ་དང་༔ ཚེ་ནི་མ་ངེས་ཏེ་རིང་བས་བསྐལ་པར་ཡང་ཐུབ་བོ༔ དེ་ལྟར་ངན་སོང་གསུམ་ལ་སྡུག་བསྔལ་མངོན་དུ་གྱུར་པ་དང་༔ ལྷ་དང་མི་དང་ལྷ་མ་ཡིན་གསུམ་ལ་ཡང་གནས་སྐབས་བདེ་བ་བག་ཙམ་ཡོད་དེ༔ མི་རྟག་འགྱུར་བའི་སྡུག་བསྔལ་དཔག་ཏུ་མེད་དོ༔ མདོར་ན་རིགས་དྲུག་གར་སྐྱེས་ཀྱང་སྡུག་བསྔལ་ཁོ་ན་ཏེ༔ རིག་འཛིན་ནཱ་གརྫུ་ནས༔ འཁོར་བ་ཁབ་ཀྱི་རྩེ་ཙམ་ནའང་༔ བདེ་བ་ནམ་ཡང་ཡོད་མ་ཡིན༔ མི་གཙང་བ་ལ་དྲི་ཞིམ་མེད༔ འཁོར་བའི་གནས་ན་བདེ་བ་མེད༔ མེ་ཡི་རང་བཞིན་ཚ་བ་ཡིན་པ་ལྟར༔ འཁོར་བའི་རང་བཞིན་སྡུག་བསྔལ་ཡིན་

[Full Size]

པར་མཚོན༔ ཞེས་གསུངས་སོ༔ དེ་ལྟར་སྡུག་བསྔལ་དེ་ལས་སྐྱོབ་པའི་སྐྱབས་གནས་ཞིག་ཚོལ་དགོས་པ་ལས༔ ལྷ་གཞན་གྱིས་འཁོར་བའི་སྡུག་བསྔལ་ལས་སྐྱོབ་མི་ནུས་ཏེ། རྒྱལ་མཚན་དམ་པའི་མདོ་ལས༔ འཇིགས་པས་སྐག་པའི་མི་རྣམས་ནི༔ ཕལ་ཆེར་རི་དང་ནགས་ཚལ་དང་༔ ཀུན་དགའ་དང་ནི་མཆོད་གནས་ཀྱིས༔ ལྗོན་ཤིང་དག་ལ་སྐྱབས་འགྲོ་བ༔ སྐྱབས་དེ་གཙོ་བོ་མ་ཡིན་ཞིང་༔ སྐྱབས་དེ་མཆོག་གྱུར་མ་ཡིན་པས༔ སྐྱབས་དེ་ལ་ནི་བསྟེན་ནས་ནི༔ འཇིགས་པ་ཀུན་ལས་མི་གྲོལ་ལོ༔ ཞེས་གསུངས༔ འོ་ན་སུས་སྐྱོབས་ན༔ འཇམ་དཔལ་རྣམ་པར་རོལ་པའི་མདོ་ལས༔ འཇིགས་གྱུར་འཇིགས་པ་སེལ་མཛད་ཕྱིར༔ སྐྱབས་མེད་སྐྱོབ་པའི་སངས་རྒྱས་དང་༔ ཆོས་དང་ཚོགས་མཆོག་དགེ་འདུན་ལ༔ རྟག་པར་སྐྱབས་སུ་འགྲོ་བར་གྱིས༔ གང་དག་དེ་ལ་སྐྱབས་སོང་བ༔ འཇིགས་པ་ཀུན་ལས་ཐར་བར་འགྱུར༔ ཞེས་དང་༔ ཡོན་ཏན་བཀོད་པའི་མདོ་ལས༔ གང་ཞིག་སངས་རྒྱས་དག་ལ་སྐྱབས་སོང་ན༔ ལྷ་དང་དྲི་ཟ་ལྷ་མ་ཡིན༔ ཀླུ་དང་གནོད་སྦྱིན་ལ་སོགས་པ༔ འཇིགས་པ་ཀུན་ལས་ཐར་བར་འགྱུར༔ ཞེས་

[Full Size]

ལྕགསུངས་པའི་དོན༔ ཕྱིའི་དཀོན་མཆོག་གསུམ་ནི་སངས་རྒྱས་ཆོས་དང་དགེ་འདུན་གསུམ༔ ནང་གི་དཀོན་མཆོག་གསུམ་ནི་བླ་མ་ཡི་དམ་མཁའ་འགྲོ་གསུམ༔ གསང་བ་རྩ་རླུང་ཐིག་ལེ་གསུམ༔ དེ་ཁོ་ན་ཉིད་ཀྱི་ངོ་བོ་རང་བཞིན་ཐུགས་རྗེ་གསུམ་ཡིན་ཏེ༔ དེ་ཐམས་ཅད་ངོ་བོ་ནི་བླ་མ་ཨོ་རྒྱན་རིན་པོ་ཆེ་ལ་འདུས་པ་ཡིན་ཏེ༔ ཐུགས་སངས་རྒྱས་གསུང་དམ་ཆོས་སྐུ་དགེ་འདུན་ནོ༔ ཡོན་ཏན་ཡི་དམ་ཕྲིན་ལས་མཁའ་འགྲོ་ཆོས་སྐྱོང་སྟེ་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་རྒྱན་གྱི་འཁོར་ལོའི་རང་བཞིན་ཡིན་ནོ༔ དེས་ན་མདུན་གྱི་ནམ་མཁར་པདྨའི་སྡོང་པོ་འདབ་མ་ལྔར་གྱེས་པ་རྒྱ་ཁྱོན་བསམ་ལས་འདས་པའི་ལྟེ་བའི་ཟེའུ་འབྲུར༔ རྩ་བའི་བླ་མ་དང་དབྱེར་མེད་པའི་ཨོ་རྒྱན་ཆེན་པོ་པདྨ་འབྱུང་གནས་སྐུ་མདོག་དཀར་ལ་དམར་བའི་མདངས་ཆགས་པ༔ ཞལ་གཅིག་ཁྲོ་འཛུམ་གྱི་སྤྱན་རང་ལ་གཟིགས་པ༔ དབུ་ལ་པད་ཞུ་པདྨ་མཐོང་གྲོལ་གསོལ་བ༔ ཕྱག་གཡས་པས་གསེར་གྱི་རྡོ་རྗེ་ཐུགས་ཀར་འཛིན་ཅིང་གཡོན་བྷན་དང་ཚེ་བུམ་ལྟེ་བར་འཛིན་པ༔ སྐུ་ལ་ཟ་འོག་གི་བེར་དང་ཆོས་གོས་གསེར་གྱི་ཧ་རིས་ཅན་གསོལ་བ༔ གྲུ་མོ་ན་ཁ་ཊཾ་རྩེ་གསུམ་པ་བརྟེན་

[Full Size]

ཞིང་རྡོ་རྗེའི་སྐྱིལ་ཀྲུང་གིས་བཞུགས་པ༔ སྐུ་གཟི་བརྗིད་འོད་དུ་འབར་བའི་སྤྱི་གཙུག་ནས་ཡར་ལ༔ གྲུབ་ཆེན་སྐྱེའུ་པ༔ རྫ་དྲ་པ༔ སངས་རྒྱས་པ༔ རྡོ་རྗེ་འཆང་ཆེན་པོ་ཀུན་ཏུ་བཟང་པོ་རྣམས་ཐོ་བརྩེགས་ལ༔ རྒྱ་གར་གྱི་རིག་འཛིན་བརྒྱད་དང་༔ དགའ་རབ་ཤྲཱི་སེང་རྗེ་འབངས་ཉི་ཤུ་རྩ་ལ༔ གཏེར་སྟོན་བརྒྱ་རྩ་བརྒྱད་ལ་སོགས་པ་སྤྲིན་ལྟར་གཏིབས་པར་བསྒོམ༔ གཡས་ཀྱི་འདབ་མ་ལ་ཨོ་རྒྱན་རིན་པོ་ཆེ་བླ་མ་དམ་པ་དེའི་ཐུགས་མི་ཟད་རྒྱན་གྱི་འཁོར་ལོའི་ངོ་བོ་བཅོམ་ལྡན་འདས་ཤཱཀྱ་ཐུབ་པ་རྒྱལ་བ་རིགས་ལྔ་སངས་རྒྱས་སྟོང་ལ་སོགས་པས་བསྐོར་བ་ཐམས་ཅད་སྤྲུལ་སྐུའི་ཆ་ལུགས་མཚན་དང་དཔེ་བྱད་ཀྱིས་སྤྲས་པ༔ རྒྱབ་ཏུ་བླ་མའི་གསུང་མི་ཟད་རྒྱན་གྱི་འཁོར་ལོའི་ངོ་བོ་ཐེག་པ་ཆེན་པོའི་མདོ་རྒྱུད་ཐམས་ཅད་གླེགས་བམ་གསེར་གདོང་ཁྲ་ཆེམ་མེར་བཞུགས་པ༔ གཡོན་དུ་བླ་མའི་སྐུ་མི་ཟད་རྒྱན་གྱི་འཁོར་ལོའི་ངོ་བོ་འཕགས་པ་བྱམས་པ་ལ་དགེ་སློང་གི་དགེ་འདུན་དང་ས་ལ་གནས་པའི་བྱང་ཆུབ་སེམས་དཔའ་ཐམས་ཅད་ཆ་ལུགས་དབུ་རེག་ཞབས་རྗེན་ཆོས་གོས་གསུམ་དང་ལྡན་པ༔ མདུན་གྱི་འདབ་མ་ལ་བླ་མའི་ཡོན་ཏན་གྱི་ངོ་བོ་ཡི་དམ་ཐུགས་རྗེ་ཆེན་

[Full Size]

པོ་ལ་རྒྱུད་སྡེ་དྲུག་གི་ལྷ་ཚོགས་ཐམས་ཅད་ལོངས་སྤྱོད་རྫོགས་སྐུའི་རྣམ་པར་བཞུགས་པ༔ མེ་ཏོག་པདྨའི་འོག་པད་སྡོང་གི་ཕྱོགས་མཚམས་ཐམས་ཅད་དུ་དཔལ་མགོན་མ་ནིང་ནག་པོ་དང་༔ ལྷ་མོ་རེ་མ་ཏི་ལ་ཡེ་ཤེས་ཀྱི་ཆོས་སྐྱོང་༔ གནས་དང་ཡུལ་གྱི་དཔའ་བོ་ཌཱཀི་ཐམས་ཅད་ན་བུན་འཐིབས་པ་ལྟར་བཞུགས་པར་སྒོམས༔ གང་ཞིག་སངས་རྒྱས་ཡིད་བྱེད་པ༔ དེ་ཡི་མདུན་ན་ཐུབ་པ་བཞུགས༔ ཞེས་གསུངས་པས༔ སྤྱན་འདྲེན་མི་དགོས་དམ་ཡེ་དབྱེར་མེད་དུ་སྒོམས༔ དེ་ཡི་མདུན་དུ་རང་གི་གཙོས་བྱས་སེམས་ཅན་ཐམས་ཅད་སྐྱབས་ཞུ་བའི་མོས་པས༔ རང་གི་རམ་བུ་སེམས་ཅན་ཐམས་ཅད་ཀྱིས་དི་རི་རི་བཀྱག་པར་བསྒོམས་ནས༔ བཀའ་གཏེར་སྤྱིའི་སྐྱབས་འགྲོ༔ མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ཀུན་ཁྱབ་ཆོས་ཀྱི་སྐུ་ལ་སྐྱབས་སུ་མཆིའོ༔ མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་བདེ་ཆེན་ལོངས་སྤྱོད་རྫོགས་པའི་སྐུ་ལ་སྐྱབས་སུ་མཆིའོ༔ མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ཐུགས་རྗེ་སྤྲུལ་པའི་སྐུ་ལ་སྐྱབས་སུ་མཆིའོ༔ མ་ནམ་མཁའ་དང་མཉམ་པའི་

[Full Size]

སེམས་ཅན་ཐམས་ཅད་བླ་མ་སངས་རྒྱས་རིན་པོ་ཆེ་ལ་སྐྱབས་སུ་མཆིའོ༔ ཞེས་དད་གུས་ཚད་མེད་ཅིང་ཅི་མཛད་ཁྱེད་ཤེས་ཀྱི་བློས་སྐྱབས་འགྲོ་ཅི་མང་བྱའོ༔ འདི་སྐབས་དམིགས་པ་དང་བཅས་ཚར་གསུམ་མམ་རྗེས་ཟློས་བཅོལ་ལ༔ དེ་ནས་སྐྱབས་ཡུལ་གཞན་ཐམས་ཅད་འོད་དུ་ཞུ་ནས་བླ་མ་ཨོ་རྒྱན་རིན་པོ་ཆེ་ལ་ཐིམ༔ དེ་འོད་དུ་ཞུ་ནས་རང་ལ་ཐིམ་པས༔ སྐྱབས་གནས་བླ་མ་དཀོན་མཆོག་དང་རང་གི་ལུས་ངག་ཡིད་གསུམ་དབྱེར་མེད་ཁྲུག་གིས་འདྲེས་པར་བསྒོམས་ལ༔ སེམས་རང་ལུགས་སུ་ཡིད་ལ་ཅི་ཡང་མི་བསམ་པར་ཀློད་དེ་ལྷོད་ལ་ཞོག་ཅིག༔ དེའི་དོན་མ་དྲོས་པས་ཞུས་པའི་མདོ་ལས༔ བྱང་ཆུབ་སེམས་དཔའ་ཆོས་བདག་མེད་པ༔ སེམས་ཅན་མེད་པ་སྲོག་མེད་པ་གང་ཟག་མེད་པར་ཤེས༔ གཟུགས་སུ་མ་ཡིན་པ༔ མཚན་མ་ཡང་མ་ཡིན༔ ཆོས་སུ་མ་ཡིན་པར་དེ་བཞིན་དུ་ཡང་དག་པར་རྗེས་སུ་མཐོང་བ་དེ་ལྟ་བུ་ནི༔ ཟང་ཟིང་མེད་པའི་སེམས་ཀྱིས་སངས་རྒྱས་ལ་སྐྱབས་སུ་སོང་བ་ཡིན་ནོ༔ དེ་བཞིན་གཤེགས་པའི་ཆོས་ཉིད་གང་ཡིན་པ་དེ་ནི༔ ཆོས་ཀྱི་དབྱིངས་སོ༔ ཆོས་ཀྱི་དབྱིངས་གང་ཡིན་པ་དེ་ནི་ཆོས་ཐམས་ཅད་ཀྱི་རྗེས་སུ་སོང་བ་ཞེས་བྱ་སྟེ༔ དེ་ལྟར་ཆོས་ཐམས་

[Full Size]

ཅད་ཀྱི་དབྱིངས་སུ་སོང་བ་མཐོང་སྟེ༔ དེ་ལྟར་མཐོང་བ་དེ་ལྟ་བུ་ནི་ཟང་ཟིང་མེད་པའི་སེམས་ཀྱིས་ཆོས་ལ་སྐྱབས་སུ་སོང་བ་ཡིན༔ གང་ཆོས་ཀྱི་དབྱིངས་འདུས་མ་བྱས་པར་སྒོམ་པ་དང་༔ ཉན་ཐོས་ཀྱི་ཐེག་པ་ལྟར་འདུས་མ་བྱས་པར་བསྟན་པ་དང་༔ ་འདུས་བྱས་དང་འདུས་མ་བྱས་པ་གཉིས་སུ་མེད་པ་འདི་ལྟ་བུ་ནི༔ ཟང་ཟིང་མེད་པའི་སེམས་ཀྱིས་དགེ་འདུན་ལ་སྐྱབས་སུ་སོང་བ་ཡིན་ནོ༔ ཞེས་གསུངས་པ་དང་༔ ཨོ་རྒྱན་རིན་པོ་ཆེའི་ཞལ་ནས༔ དཀོན་མཆོག་གསུམ་རང་གི་སེམས་སུ་གྲུབ་པར་ཤེས་པ་ནི་དོན་དུ་གཉེར་བའི་སྐྱབས་འགྲོའོ༔ ཞེས་དང་༔ སེམས་དེ་དཀོན་མཆོག་གསུམ་གྱི་རང་བཞིན་དེ་དང་༔ གཅིག་དང་དུ་མ་དང་བྲལ་ཞིང་མཐའ་གང་ལ་ཡང་མི་གནས་པས༔ གཉིས་མེད་རང་གྲོལ་དུ་རྟོགས་པ་ནི་ཡང་དག་བླ་ན་མེད་པའི་སྐྱབས་འགྲོའོ༔ ཞེས་གསུངས་པས་སོ༔ དེ་ལྟར་ངེད་རང་རྣམས་ནམ་འཆི་ཆ་མེད༔ ཤི་ནས་གར་འགྲོ་ལས་དབང་ཆེ་བས༔ བར་དོ་དང་ངན་སོང་གི་འཇིགས་སྐྲག་དེས་ན་སྡིག་པ་ལ་དུག་ལྟར་འཛེམ་དགོས༔ རིགས་དྲུག་གར་སྐྱེས་ཀྱང་སྡུག་བསྔལ་གྱི་རང་བཞིན་ཡིན༔ དེ་ལས་སྐྱོབ་པ་ནི་

[Full Size]

བླ་མ་དཀོན་མཆོག་གསུམ་ཡིན་པས་དེ་ལ་སྐྱབས་ཞུ་བའི་དམིགས་ཐུན་དང་བཅས་པ་དེས་ཆོས་འབྲུ་དང་པོ་སོང་བ་ཡིན་པས༔ དམིགས་ཐུན་དེ་རྩེ་གཅིག་ཏུ་སྒོམས་ཤིག༔ ཅེས་མ་གསལ་ན་ཝིག་ནས་ཉི་མ་གསུམ་ཙམ་ལ་དལ་ཁོམ་དང་བསྟུན་ནོ༔ ཆོས་ཐུན་དང་པོའོ༔ རྡ་ཡིག་ཡོད། དེ་ནས་ཆོས་ཐུན་གཉིས་པ་ནི༔ གཞུང་ལས༔ མི་ལུས་རིན་ཆེན་གཙང་མ་འདི་ད་རེས་མིན་པ་ཐོབ་དུས་མེད༔ ཅེས་གསུངས་པའི་དོན་བཤད་ན༔ སྙིང་རྗེ་པདྨ་དཀར་པོའི་མདོ་ལས༔ མིར་སྐྱེས་པའང་རྙེད་པར་དཀའ༔ དལ་བ་ཕུན་སུམ་ཚོགས་པའང་རྙེད་པར་དཀའ༔ སངས་རྒྱས་འཇིག་རྟེན་དུ་འབྱོན་པའང་རྙེད་པར་དཀའ༔ དགེ་བའི་ཆོས་ལ་འདུན་པའང་རྙེད་པར་དཀའ༔ ཡང་དག་པའི་སྨོན་ལམ་ཡང་རྙེད་པར་དཀའ༔ ཞེས་དང་༔ འཕགས་པ་སྡོང་པོ་བཀོད་པའི་མདོ་ལས༔ མི་ཁོམ་བརྒྱད་ལས་ལྡོག་པའང་རྙེད་པར་དཀའ༔ མིར་གྱུར་པ་ཡང་རྙེད་པར་དཀའ༔ དལ་བ་ཕུན་སུམ་ཚོགས་པའང་རྙེད་པར་དཀའ༔ སངས་རྒྱས་འབྱུང་བའང་རྙེད་པར་དཀའ༔ དབང་པོ་མ་ཚང་བ་མེད་པའང་རྙེད་པར་དཀའ༔ སངས་རྒྱས་

[Full Size]

ཀྱི་ཆོས་ཉན་པའང་རྙེད་པར་དཀའ༔ སྐྱེས་བུ་དམ་པ་དང་འགྲོགས་པའང་རྙེད་པར་དཀའ༔ ཡང་དག་པའི་དགེ་བའི་བཤེས་གཉེན་རྣམས་ཀྱང་རྙེད་པར་དཀའ༔ ཡང་དག་པའི་རྗེས་སུ་བསྟན་པ་ཉེ་བར་བསྒྲུབ་པའང་རྙེད་པར་དཀའ༔ ཡང་དག་པར་འཚོ་བའང་རྙེད་པར་དཀའ༔ མིའི་འཇིག་རྟེན་ན་ཆོས་དང་མཐུན་པའི་ས་ལ་ནན་ཏན་བྱེད་པའང་རྙེད་པར་དཀའ༔ ཞེས་དང་༔ ཉི་མའི་སྙིང་པོའི་མདོ་ལས༔ སྟོན་པའི་བསྟན་པའང་རྙེད་པར་དཀའ༔ དལ་བ་འདི་འདྲ་རྙེད་པར་དཀའ༔ དགེ་བྱེད་རབ་ཏུ་རྙེད་པར་དཀའ༔ དེ་ལྟར་ཁྱོད་ཀྱིས་གུས་བྱས་ཏེ༔ བྱང་ཆུབ་ཏུ་ནི་འདུན་པ་བསྐྱེད༔ ཅེས་དང་༔ གསང་བ་བསམ་གྱིས་མི་ཁྱབ་པའི་མདོ་ལས༔ སངས་རྒྱས་འབྱུང་བ་བརྒྱ་ལམ་རྙེད་པར་དཀའ༔ མིར་སྐྱེ་བ་ཡང་ཤིན་ཏུ་རྙེད་དཀའ་སྟེ༔ གྲོགས་པོ་གང་དག་དད་དང་ཆོས་ཉན་པ༔ འདི་འདྲ་བསྐལ་པ་བརྒྱར་ཡང་རྙེད་མི་འགྱུར༔ ཞེས་དང་༔ དཀོན་བརྩེགས་གསང་བ་བསམ་གྱིས་མི་ཁྱབ་པའི་མདོ་ལས༔ སངས་རྒྱས་འབྱུང་བ་རབ་ཏུ་རྙེད་པར་དཀའ༔ ཕ་དང་མ་དག་ཆོས་ལ་གནས་པ་དང་༔ དལ་དང་འབྱོར་དང་ཆོས་

[Full Size]

མཐུན་གྲོགས་པོ་དང་༔ མཐུན་པར་གནས་པ་བསྟན་ལ་རབ་དད་དཀོན༔ དེ་རྙེད་ནས་ནི་བྱང་ཆུབ་མ་ཐོབ་བར༔ མཁས་པས་ཆོས་ནི་ནམ་ཡང་མི་གཏོང་ངོ་༔ ཞེས་གསུངས་ཏེ༔ མདོ་ལས༔ དམྱལ་བ་ཡི་དྭགས་དུད་འགྲོ་དང་༔ ཀླ་ཀློ་ཚེ་རིང་ལྷ་དང་ནི༔ ལོག་ལྟ་སངས་རྒྱས་ཀྱིས་སྟོང་པ༔ ལྐུགས་པ་འདི་དག་མི་ཁོམས་བརྒྱད༔ ཅེས་པ་དེ་རྣམས་སྤངས་པ་དལ་བ་བརྒྱད་དང་༔ མི་ཉིད་དབུས་སྐྱེས་དབང་པོ་ཚང་༔ ལས་མཐའ་མ་ལོག་གནས་ལ་དད༔ སངས་རྒྱས་བྱོན་དང་དེས་ཆོས་གསུངས༔ བསྟན་པ་གནས་དང་དེ་རྗེས་འཇུག༔ གཞན་ཕྱིར་སྙིང་ནི་བརྩེ་བའོ༔ ཞེས་རང་གཞན་གྱི་འབྱོར་པ་ལྔ་ལྔ་སྟེ་བཅོ་བརྒྱད་ཚང་བའི་མི་ལུས་རིན་པོ་ཆེ་གཙང་མ་འདི་ཐོབ་དཀའོ༔ འདི་ལྟ་བུ་ཐོབ་པའི་དུས་འདིར་སྐྱེ་བ་གཏན་གྱི་སོ་ནམ་ཚོགས་བསགས་པ་ལ་འབད་དགོས་ཏེ༔ དེ་ཡང་ལུས་ལ་སྙིང་པོ་ལེན་པའི་ཐབས༔ རབ་ཏུ་བྱུང་བ་ཡིན་ན་རང་གི་གང་ཞུས་པའི་སྡོམ་པ་དང་དམ་ཚིག་བསྲུང་བ་གལ་ཆེ་སྟེ༔ པདྨ་གསུང་གི་རིག་འཛིན་ནཱ་གརྫུ་ནས༔ ཁྲིམས་ནི་རྒྱུ་དང་མི་རྒྱུའི་ས་བཞིན་དུ༔ ཡོན་ཏན་ཀུན་གྱི་གཞི་རྟེན་ལེགས་པར་ཐུབ་པས་གསུངས༔ ཞེས་

[Full Size]

པས་ཆོས་ཀྱི་གཞི་ཡིན༔ དེ་ལ་སྐྱབས་གསུམ་འཛིན་པའི་སྡོམ་པ་ནི་ཁྱིམ་པ་དང་རབ་བྱུང་གཉིས་ཀའི་ཐུན་མོང་ཡིན་པས༔ ཐོག་མར་སྐྱབས་སྡོམ་གྱི་བསླབ་པ་བསྲུང་བ་གལ་ཆེ་སྟེ༔ སངས་རྒྱས་ལ་སྐྱབས་སུ་སོང་ནས་ཕྱི་རོལ་མུ་སྟེགས་པའི་ལྷ་ལ་ཕྱག་མི་འཚལ༔ ཆོས་ལ་སྐྱབས་སུ་སོང་ནས་སེམས་ཅན་ལ་གནོད་འཚེའི་བསམ་སྦྱོར་དྲག་པོ་མི་བྱ༔ དགེ་འདུན་ལ་སྐྱབས་སུ་སོང་ནས་གྲོགས་མུ་སྟེགས་ཅན་མི་བསྟེན༔ དེ་གསུམ་ནི་ཁྱད་པར་གྱི་བསླབ་བྱ་གསུམ་ཡིན་ལ༔ སངས་རྒྱས་ལ་སྐྱབས་སུ་སོང་ནས་སངས་རྒྱས་ཀྱི་སྐུ་སཱཙྪདུམ་བུ་ལ་ཡང་གུས་པ༔ ཆོས་ལ་སྐྱབས་སུ་སོང་ནས་ཡི་གེ་འབྲུ་རེ་རེ་ལ་ཡང་གུས་པ༔ དགེ་འདུན་ལ་སྐྱབས་སུ་སོང་ནས་ལྷན་པ་སེར་པོ་བཏབ་པ་ཡན་ལ་གུས་པ༔ དེ་གསུམ་ནི་ཆ་མཐུན་གྱི་བསླབ་བྱ་གསུམ་ཡིན་ཞིང་༔ ནང་ནུབ་སྐྱབས་འགྲོ་ལ་བརྩོན་པ་བཟའ་གཏུང་ཕུད་ཀྱིས་དཀོན་མཆོག་གསུམ་མཆོད་པ༔ ནད་དང་སྡུག་བསྔལ་ཅི་བྱུང་ཡང་དཀོན་མཆོག་གསུམ་ལས་གཞན་པའི་སྐྱབས་མི་ཚོལ་བ་དང་གསུམ་ནི་ཐུན་མོང་གི་བསླབ་བྱ་གསུམ་སྟེ༔ འདི་དགུ་མ་བསྲུངས་ན་ནང་པ་སངས་རྒྱས་པའི་གྲར་མི་ཚུད༔ དཀོན་

[Full Size]

མཆོག་གི་བྱིན་རླབས་ཀྱང་མི་འཇུག་པས་བསྲུང་བ་གལ་ཆེ༔ འདི་ལ་སེམས་ཅན་ལ་དོན་མེད་པའི་གནོད་འཚེ་ནི་དུག་ལྟར་སྤུངས་དགྲ་ལྟ་བུ་མ་རུངས་པ་ལའང་༔ ནམ་ཞིག་སྐྱེ་བ་ཕྱི་མ་ཚུན་ཆོད་ལ་བདག་གི་ཕན་འདོགས་སྙམ་པའི་གཏིང་ནས་བསམ་པ་མ་ངན་པར་བྱ༔ སེར་མོ་བ་ཤིན་ཏུ་མ་རུངས་ཞིག་ལའང་༔ འདིའི་གོས་འདི་དགེ་འདུན་གྱི་ན་བཟའ་ཡིན༔ བསྟན་པ་ནུབ་པའི་ཚེ་སེར་གོས་ཐམས་ཅད་བསྡུས་ནས་ལྷ་རྣམས་ཀྱིས་མཆོད་པ་བྱེད་པར་བཤད་ན༔ འདི་གྱོན་པ་ལ་ཡོན་ཏན་སྣ་གཅིག་མེད་པ་མི་སྲིད༔ རང་སྣང་བ་མ་ལོག་ན་བསོད་ནམས་འཕེལ་ཏེ༔ བཅོམ་ལྡན་འདས་སེང་གེ་ཡི་དམ་བརྟན་དུ་སྐྱེས་པ་ན་རྔོན་པས་ཆོས་གོས་གྱོན་ཏེ༔ དུག་མདའ་རྒྱབ་པ་ལ་སེམས་དད་ནས་ལེན་མ་བྱས་པས་བསོད་ནམས་རྒྱ་ཆེན་པོ་ཐོབ་པ་དང་འདྲ༔ ཁོ་རང་ཡང་རེ་ཞིག་ངན་སོང་དུ་ལྟུང་ཡང་༔ སངས་རྒྱས་མོས་པའི་བསྟན་ཞུགས་སུ་གྲོལ་བ་ཐུབ་པའི་སྨོན་ལམ་ཡིན་པས་མཐའ་ཡོད༔ དེས་ན་སྐྱེ་བོ་ཕལ་པའི་དོ་ཟླ་མིན་སྙམ་པ་གལ་ཆེ༔ བསླབ་བྱ་གཞན་བདུན་པོ་བསྲུང་སླའོ༔ ཁྱིམ་པ་རྣམས་ནི་བསྙེན་གནས་ཡན་ལག་བརྒྱད་པ་འདི་བསྲུང་བ་གལ་ཆེ་སྟེ༔ མདོ་

[Full Size]

སྡེ་འཇིག་རྟེན་བཞག་པ་ལས༔ བརྒྱ་བྱིན་གྱིས་སྨྲས་པ༔ ཟླ་བ་ཡར་གྱི་ཚེས་བརྒྱད་དང་༔ ཆོ་འཕྲུལ་གྱི་ནི་ཟླ་བ་ལ༔ བསྙེན་གནས་ཡན་ལག་བརྒྱད་བསྲུངས་ན༔ དེ་ནི་ང་དང་འདྲ་བར་འགྱུར༔ ཞེས་སྨྲས་པ་ལ༔ བཅོམ་ལྡན་འདས་ཀྱིས་བཀའ་སྩལ་པ༔ ཀོའུ་ཤི་ཀ་དེ་སྐད་མ་ཟེར་ཅིག༔ ཟླ་བ་ཡར་གྱི་ཚེས་བརྒྱད་དང་༔ ཆོ་འཕྲུལ་གྱི་ནི་ཟླ་བ་ལ༔ བསྙེན་གནས་ཡན་ལག་བརྒྱད་བསྲུངས་ན༔ དེ་ནི་ང་དང་འདྲ་བར་འགྱུར༔ ཞེས་དང་༔ བྱམས་པས་ལུང་བསྟན་པའི་མདོ་ལས༔ བྱམས་པ་ཉིད་ཀྱིས་གསུངས་པ༔ ཤཱཀྱ་ཐུབ་པའི་བསྟན་པ་ལ༔ གང་ལ་གང་གིས་ཆོས་ཉན་ཅིང་༔ བསྙེན་གནས་ཡན་ལག་བརྒྱད་བསྲུང་ན༔ ང་ཡི་འཁོར་དུ་སྐྱེ་བར་འགྱུར༔ ཞེས་གསུངས་པ་དང་༔ མདོ་ཏིང་འཛིན་རྒྱལ་པོའི་ལེའུ་སོ་དྲུག་པ་ལས༔ བསྐལ་པ་བྱེ་བ་གངྒའི་བྱེ་སྙེད་དུ༔ དངས་པའི་སེམས་ཀྱིས་ཟས་དང་སྐོམ་རྣམས་དང་༔ གདུགས་དང་བ་དན་མར་མེའི་ཕྲེང་བ་ཡིས༔ སངས་རྒྱས་བྱེ་བ་ཁྲག་ཁྲིག་རིམ་གྲོ་བྱས༔ གང་གིས་དམ་ཆོས་རབ་ཏུ་འཇིག་པ་དང་༔ བདེ་གཤེགས་བསྟན་པ་འགགས་པར་གྱུར་པའི་ཚེ༔ ཉིན་

[Full Size]

མཚན་དུ་ནི་བསླབ་པ་གཅིག་སྤྱོད་པ༔ བསོད་ནམས་འདི་ནི་དེ་ལས་ཁྱད་པར་འཕགས༔ ཞེས་དང་༔ ཟླ་བ་སྒྲོན་མའི་མདོ་ལས་དེང་སང་ཡན་ལག་བརྒྱད་པའི་ཚུལ་ཁྲིམས་ཉིན་ཞག་གཅིག་བསྲུང་ན༔ མཚོན་གྱི་བསྐལ་པའི་ནང་དུ་སྐྱེ་བར་མི་འགྱུར༔ གང་གིས་བསྐལ་པ་གངྒའི་བྱེ་སྙེད་དུ༔ དང་པའི་སེམས་ཀྱིས་ཟས་དང་སྐོམ་རྣམས་དང་༔ གདུགས་དང་རྒྱལ་མཚན་མར་མེའི་ཕྲེང་བ་ཡི༔ སངས་རྒྱས་བྱེ་བ་ཁྲག་ཁྲག་བསྙེན་བཀུར་བས༔ གང་གིས་དམ་ཆོས་རབ་ཏུ་འཇིག་པ་དང་༔ སངས་རྒྱས་བསྟན་པ་འགགས་པར་གྱུར་པའི་ཚེ༔ ཉིན་མཚན་དུ་ནི་བསླབ་པ་གཅིག་སྤྱོད་པ༔ བསོད་ནམས་དེ་ནི་དེ་ལས་ཁྱད་པར་འཕགས༔ ཞེས་དང་༔ ཁང་བུ་བརྩེགས་པའི་མདོ་ལས༔ དེང་སང་ཡན་ལག་བརྒྱད་པའི་ཚུལ་ཁྲིམས་ཉིན་ཞག་གཅིག་བསྲུང་ན༔ མཚོན་གྱི་བསྐལ་པའི་ནང་དུ་སྐྱེ་བར་མི་འགྱུར༔ གོང་གི་ཕྱི་དྲོའི་ཁ་ཟས་ཉི་མ་གཅིག་བསྲུངས་ན༔ མུ་གེའི་བསྐལ་པ་ལས་ཐར་བར་འགྱུར་རོ༔ ཞེས་གསུངས་པས་བསྙེན་གནས་བསྲུང་བར་བྱ་ཞིང་༔ གལ་ཏེ་དགེ་བསྙེན་དང་༔ དགེ་བསྙེན་མ་ཞུས་པས་བསྙེན་གནས་དུས་བཟང་དུས་བསྲུང་ན༔

[Full Size]

གསོ་སྦྱོང་དུ་འགྱུར་བས་ཉེས་བྱས་ཕྲ་མོ་ཉམས་པ་དག་པ་ཡིན་ལ༔ དགེ་ཚུལ་སློང་བར་མ་རབ་བྱུང་སོགས་ཀྱིས་ནི་བསྲུང་བར་མ་བཤད་དེ༔ གདནོ་གཅིག་པར་བཞེས་པ་དང་དེ་གཉིས་དོན་མི་གཅིག་གོ༔ དེ་ལ་རབ་ཏུ་བྱུང་ནས་སྡོམ་པ་གང་ཞུས་བསྲུང་བ་དང་བྱང་སྡོམ་ཞུས་ནས་དེའི་བསླབ་བྱ་བསྲུང་བ་དང་༔ སྔགས་སྡོམ་ཞུས་ནས་དེའི་དམ་ཚིག་བསྲུང་བ་རྣམས་ནི་ཚུལ་ཁྲིམས་ཡིན་ལ༔ སྔགས་སྡོམ་ནང་ན་འོག་མ་གཉིས་ཀྱང་དོན་གྱིས་ཚང་བར་ཡོད་དེ༔ གཞན་གནོད་གཞི་དང་བཅས་པ་སྤངས་པས་སོ་ཐར་ཚང་༔ གཞན་ཕན་གཞི་དང་བཅས་པ་བསྒྲུབས་པས་བྱང་སྡོམ་ཚང་༔ རྩ་བ་སྐུ་གསུང་ཐུགས་ཀྱི་དམ་ཚིག་ནི་སྔགས་སྡོམ་སྟེ༔ དེ་རྣམས་མ་བསྲུངས་ན་མི་ལུས་ཐོབ་པ་ཆུད་ཟོས་ཡིན༔ བསྲུངས་ན་མི་ལུས་ལ་སྙིང་པོ་ལོན་པ་ཡིན༔ རང་གསང་སྔགས་པ་ཡིན་ནོ་སྙམ་དུ་སྤྱོད་པ་རྩིང་མི་རུང་སྡོམ་པ་དང་དམ་ཚིག་བསྲུང་བ་གལ་ཆེ་སྟེ༔ འཇམ་དཔལ་རྩ་རྒྱུད་ལས༔ ཟློས་པ་འདི་ལ་ཚུལ་ཁྲིམས་ཉམས༔ དེ་ལ་གྲུབ་པ་མཆོག་མེད་ཅིང་༔ གྲུབ་པ་འབྲིང་ཡང་ཡང་མེད་དེ༔ གྲུབ་པ་ཐ་མའང་ཡོད་མ་ཡིན༔ ཚུལ་ཁྲིམས་འཆལ་ལ་ཐུབ་

[Full Size]

དབང་གིས༔ གསང་སྔགས་འགྲུབ་པར་མ་གསུངས་ཏེ༔ མྱ་ངན་འདས་གྲོང་འགྲོ་བ་ཡི༔ ཡུལ་དང་ཕྱོགས་ཀྱང་མ་ཡིན་ནོ༔ བྱིས་པ་ངན་པ་འདི་ལ་ནི༔ སྔགས་འགྲུབ་པ་ནི་སོད༔ སྐྱེ་བོ་ཚུལ་ཁྲིམས་འཆལ་འདི་ལ༔ དེ་ལ་བདེ་འགྲོ་ག་ལ་ཡོད༔ མཐོ་རིས་སུ་ཡང་མི་འགྱུར་ཞིང་༔ བདེ་བ་མཆོག་ཏུ་མི་འགྱུར་ན༔ རྒྱལ་བས་གསུངས་པའི་སྔགས་རྣམས་ནི༔ འགྲུབ་པར་འགྱུར་བ་སྨོས་ཅི་དགོས༔ ཞེས་གསུངས་སོ༔ དེ་ཡང་ཐོབ་དཀའི་མི་ལུས་ཐོབ་པ་དོན་དང་ལྡན་པའི་ཐབས་བྱང་ཆུབ་སེམས་བསྐྱེད་གལ་ཆེ་སྟེ༔ གསང་བ་བསམ་གྱིས་མི་ཁྱབ་པའི་མདོ་ལས༔ བྱང་ཆུབ་སེམས་ལས་མ་གཏོགས་པ༔ སངས་རྒྱས་ཀྱིས་སྔགས་ཐབས་མ་གཟིགས༔ བྱང་ཆུབ་སེམས་བསྐྱེད་ཙམ་གྱིས་ནི༔ བསོད་ནམས་ཕུང་པོ་གང་ཐོབ་པ༔ གལ་ཏེ་དེ་ནི་གཟུགས་མཆིས་ན༔ ནམ་མཁའི་ཁམས་ནི་ཀུན་བཀང་སྟེ༔ དེ་ནི་དེ་བས་ལྷག་པར་འགྱུར༔ ཞེས་པ་དང་༔ དཔལ་སྦྱིན་གྱིས་ཞུས་པའི་མདོ་ལས༔ བྱང་ཆུབ་སེམས་ཀྱི་བསོད་ནམས་གང་༔ གལ་ཏེ་དེ་ལ་གཟུགས་མཆིས་ན་ནམ་མཁའི་ཁམས་ནི་ཀུན་བཀང་སྟེ༔ དེ་ནི་དེ་བས་ལྷག་པར་

[Full Size]

འགྱུར༔ ཞེས་དང་༔ གང་གཱའི་བྱེ་མའི་གྲངས་སྙེད་ཀྱི༔ སངས་རྒྱས་ཞིང་རྣམས་མི་གང་གིས༔ རིན་ཆེན་དག་གིས་ཡོངས་བཀང་སྟེ༔ བདེ་བར་གཤེགས་ལ་ཕུལ་བ་བས༔ གང་གིས་ཐལ་མོ་སྦྱར་བགྱིས་ཏེ༔ བྱང་ཆུབ་ཏུ་ནི་སེམས་བཏུད་ན༔ མཆོད་པ་འདི་ནི་ཁྱད་པར་འཕགས༔ དེ་ལ་མཐའ་ནི་མ་མཆིས་སོ༔ ཞེས་གསུངས་པ་དང་༔ ངེས་པ་དང་མ་ངེས་པ་ལ་འཇུག་པ་ཕྱག་རྒྱ་ཆེན་པོའི་མདོ་ལས། འཇམ་དཔལ་གང་དང་གང་གིས་བྱང་ཆུབ་ཏུ་སེམས་བསྐྱེད་པའི་ཚེ༔ སེམས་དེ་ལས་མི་དགེ་བའི་ལས་རྣམ་པར་མ་སྤངས་བ་ཞིག་མེད་ལ༔ དེས་སངས་རྒྱས་ཀྱི་ཆོས་རྣམས་མ་བཟུང་བ་གང་ཡང་མེད་པའི་ཕྱིར༔ འཇམ་དཔལ་བྱང་ཆུབ་སེམས་དཔའ་རྣམས་ནི་རྒྱུ་དང་འབྲས་བུའི་ཡོན་ཏན་བསམ་གྱིས་མི་ཁྱབ་པ་དང་ལྡན་པ་ཡིན་ནོ༔ ཞེས་དང་། སྡོང་པོ་རྒྱན་པའི་མདོ་ལས༔ བྱང་ཆུབ་ཀྱི་སེམས་ནི་ཉོན་མོངས་པ་ཐམས་ཅད་མེད་པར་བྱེད་པ་ལ་གསེར་འགྱུར་གྱི་རྩི་ལྟ་བུའོ༔ སྒྲིབ་པའི་བུད་ཤིང་ཐམས་ཅད་སྲེག་པར་བྱེད་པས་མེ་ལྟ་བུའོ༔ ཞེས་དང་༔ གཞན་ཡང་བླ་མེད་རྒྱུད་སྡེ་དུ་མ་ནས་ཀྱང་གསང་སྔགས་ཀྱི་རྩ་བ་སེམས་བསྐྱེད་ཡིན་ཞིང་

[Full Size]

དེ་མེད་ན་དབང་གི་སྣོད་དུ་ཡང་མི་རུང་ན་ཉམས་ལེན་ལྟ་ཅི་སྨོས༔ དེས་ན་བྱང་ཆུབ་སེམས་བསྐྱེད་དགོས༔ སེམས་བསྐྱེད་པའི་རྟེན་ལ་བསོད་ནམས་དགེ་བའི་རྩ་བ་ཅུང་ཟད་ཅིག་དགོས་ཏེ༔ དེ་ལ་སླ་ཞིང་ཕན་ཡོན་ཆེ་བ་མཎྜལ་ཡིན་ཏེ༔ གསང་སྔགས་སྔ་འགྱུར་གྱི་རྒྱུད་ལུང་ལས༔ ཕན་ཡོན་རྒྱ་ཆེར་བསྐྱེད་པ་ཡི༔ མཎྜལ་ཕུལ་བའི་དགེ་བ་གང་འཕགས་པས་ཀྱང་ནི་བརྗོད་མི་ལོང་༔ ཞེས་དང་༔ ཨོ་རྒྱན་རིན་པོ་ཆེས༔ དུས་ཁྱད་པར་ཅན་ནམ༔ བླ་མ་དཀོན་མཆོག་སོགས་རྟེན་ཁྱད་པར་ཅན་གྱི་དྲུང་དུ༔ གུས་པ་དང་ལྡན་པས་མཎྜལ་ཚར་གཅིག་ཕུལ་བའི་བསོད་ནམས་ཀྱི་ཕུང་པོ་ནི་བསྐལ་པ་དཔག་ཏུ་མེད་པའི་བདེ་བར་གཤེགས་པའི་ཚོགས་དང་བཅས་པ་ལ་ཕྱི་ནང་གི་མཆོད་གསོལ་རྒྱ་ཆེན་པོ་བྱས་པ་བས་ལྷག་པའི་བསོད་ནམས་ཀྱི་དཔལ་འབྱོར་ཐོབ་པར་འགྱུར་རོ༔ ཅི་བསམ་པའི་དོན་ཐམས་ཅད་འགྲུབ་བོ༔ བསྐལ་པ་ནས་བསྐལ་པར་བསགས་པའི་སྡིག་སྒྲིབ་ཉེས་ལྟུང་གི་ཚོགས་ཐམས་ཅད་བྱང་ཞིང་དག་པར་འགྱུར༔ མཎྜལ་ཚར་གཅིག་ཕུལ་ནས་ཡིད་དད་པས་སྨོན་ལམ་ཇི་ལྟར་བཏབ་པ་ཐམས་ཅད་འབད་མེད་དུ་འགྲུབ༔ ཆོས་སྤྱོད་གཞན་ཐམས་

[Full Size]

ཅད་གཅིག་ཏུ་དྲིལ་བའི་བསོད་ནམས་ལས༔ མཎྜལ་ཕུལ་བའི་བསོད་ནམས་ཁྱད་པར་ཆེ་ཞིང་༔ ཏིང་ངེ་འཛིན་དང་རྟོགས་པ་ཁྱད་པར་ཅན་རྒྱུད་ལ་སྐྱེ༔ ཚེ་ཕྱི་མ་ལ་སོགས་པའི་མཐར་ཐུག་རང་ཉིད་ཇི་ལྟར་འདོད་པའི་ལོངས་སྤྱོད་དང་༔ དཔལ་འབྱོར་ཐོབ་ཅིང་ཞིང་ཁམས་བགྲོད་པར་འགྱུར༔ བདེ་བར་གཤེགས་པ་ཐམས་ཅད་ཀྱི་དགོངས་པར་འགྱུར་བ་ལ་སོགས་པའི༔ བསོད་ནམས་ཀྱི་ཕུང་པོ་གང་གིས་ཀྱང་དཔག་པར་མི་ནུས་སོ༔ ཞེས་གསུངས་སོ༔ དེ་ལྟར་མཎྜལ་འབུལ་བའི་དུས་ལ་ངེས་པ་མེད་དེ༔ སྔ་འགྱུར་རྒྱུད་ལུང་ལས༔ ལྷ་དང་བླ་མ་ནམ་དྲན་དུས་ཉིད་དམ༔ ཚོགས་པ་རྒྱ་མཚོའི་དབུས་དང་ཆོས་འཕེལ་ཚེ༔ ཆོས་སྤྱོད་ཀུན་རྫོགས་གཙོ་བོར་མཎྜལ་འབུལ༔ ཞེས་གསུངས་པ་ལྟར་རོ༔ མཎྜལ་དངོས་སུ་མ་འབྱོར་ན་ཡིད་ཀྱིས་འབུལ་བར་བྱ་སྟེ༔ ཨོ་རྒྱན་རིན་པོ་ཆེའི་ཞལ་ནས༔ གདུང་ཤུགས་མོས་གུས་ཕུ་དུད་ལྡན་པས་མཎྜལ་དངོས་སུ་འབྱོར་བའམ༔ མ་འབྱོར་ཡང་ཡིད་ཀྱིས་སྤྲུལ་པར་དམིགས་ཤིང་འབུལ་བར་བྱ༔ ཞེས་གསུངས་ཏེ༔ དངོས་སུ་མཆོད་པ་དང་ཡིད་ཀྱིས་སྤྲུལ་ནས་མཆོད་པ་གཉིས་ཀྱང་བསོད་ནམས་

[Full Size]

མཉམ་སྟེ༔ རྒྱལ་བ་བྱམས་པས༔ རབ་དྭངས་སེམས་དང་ལྡན་པ་ཡིས༔ ཚོགས་གཉིས་རྫོགས་པར་བྱ་བའི་ཕྱིར༔ སངས་རྒྱས་རྣམས་ལ་གོས་ལ་སོགས༔ མངོན་སུམ་མངོན་སུམ་མིན་པར་མཆོད༔ ཅེས་གསུངས་སོ༔ དེས་ན་མདུན་དུ་སྒྲུབ་པའི་མཎྜལ་ཡོད་ན་བཟང་ཞིང་ལེགས་པ་ཞིག་ལ་ཚོམ་བུ་ལྔ་བཀོད་དེ་སྟེགས་མཐོ་བ་ལ་བཞག༔ མེད་ན་མདུན་གྱི་ནམ་མཁར་དམིགས་པས་ཆོག་ལ་མཆོད་པའི་མཎྜལ་ཡང་ཡོད་ན་དངོས་སུ་འབུལ༔ མེད་ན་ལག་པའི་ཕྱག་རྒྱུ་ཙམ་ལ་བརྟེན་ནས་ཡིད་ཀྱིས་དམིགས་ཏེ་འབུལ་བས་ཆོག་མཎྜལ་འབུལ་བ་དང་སེམས་བསྐྱེད་ལེན་པ་ཡོད་ན་བླ་མ་དང་རྟེན་ཁྱད་པར་ཅན་གྱི་དྲུང་དུ་བྱ༔ མ་འཛོམས་ན་ཡིད་ཀྱིས་དམིགས་པས་ཆོག་སྟེ༔ སངས་རྒྱས་ཐམས་ཅད་ལ་རྡོ་རྗེའི་སྤྱན་དང་སྙན་མངའ་བས་དང་༔ འཇིག་རྟེན་ཐམས་ཅད་ལ༔ སེམས་ཅན་སོ་སོ་ནས་སངས་རྒྱས་ཀྱི་སྤྱན་གྱིས་ཉིན་མཚན་དུས་དྲུག་ཏུ་གཟིག་གས་པ་དང་༔ ཐུགས་ཀྱིས་འཁོར་འདས་ཐམས་ཅད་ཁྱབ་པར་བཞུགས་པས༔ ཡིད་ཀྱིས་གང་དུ་དམིགས་པ་དེར་སངས་རྒྱས་དངོས་སུ་བཞུགས་པ་ཡིན་ནོ༔ དེས་ན་སེམས་བསྐྱེད་ཞུ་ཡུལ་དང་དེའི་རྟེན་མཎྜལ་

[Full Size]

གྱི་ཚོགས་བསགས་པའི་རྟེན་མདུན་གྱི་ནམ་མཁར་རིན་པོ་ཆེ་དང་པདྨ་དང་ཟླ་བའི་གདན་ལྔ་ཚོམ་གྱི་དབུས་མར་ཨོ་རྒྱན་ཆེན་པོ་དང་བླ་མ་དང་ཐ་དད་མེད་པ་ལ་རིག་འཛིན་གྲུབ་ཐོབ་ཐམས་ཅད་ཀྱིས་བསྐོར་བ༔ གཡས་སུ་ཤཱཀྱ་ཐུབ་པ་ལ་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱིས་བསྐོར་བ༔ རྒྱབ་ཏུ་མདོ་རྒྱུད་ཀྱི་ཆོས་ཐམས་ཅད་གླེགས་བམ་གྱི་ཚུལ་དུ་རི་རབ་ཙམ་པ༔ གཡོན་དུ་བྱང་ཆུབ་སེམས་དཔའ་བྱམས་པ་ལ་ས་དང་ལམ་ལ་གནས་ཤིང་ཕྱིར་མི་ལྡོག་པའི་སེམས་དཔའ་དང་༔ གསང་སྔགས་རིག་འཛིན་རྒྱ་མཚོས་བསྐོར་བ༔ མདུན་དུ་ཐུགས་རྗེ་ཆེན་པོ་ལ་རྒྱུད་སྡེ་དྲུག་གི་ལྷ་ཚོགས་ཀྱིས་བསྐོར་བ༔ གདན་གྱི་བར་མཚམས་སུ་དཔའ་བོ་མཁའ་འགྲོ་ཆོས་སྐྱོང་གི་ཚོགས་ཐམས་ཅད་སྤྲིན་འཁྲིགས་པ་ལྟ་བཞིནབསྒོམས༔ ད་དུང་དངོས་སུ་མི་བཞུགས་སྙམ་པའི་རྣམ་པར་རྟོག་པ་དག་པའི་ཕྱིར༔ ཕྱོགས་བཅུའི་ཞིང་ཐམས་ཅད་ནས་ཀྱང་ཁ་བ་བུ་ཡུག་ལྟར་བྱོན་ནས་དབྱེར་མེད་དུ་ཐིམ་པར་དམིགས༔ དེའི་དྲུང་དུ་ཕྱི་གླིང་བཞི་རི་རབ་བྱེ་བ་ཕྲག་བརྒྱ་ལྷ་མིའི་ལོངས་སྤྱོད་དང་བཅས་པ༔ ནང་རང་གི་ལུས་རྩ་རླུང་གི་ཁམས་དག་པའི་ཞིང་ཁམས་མཆོད་པའི་

[Full Size]

ལྷ་མོ་དང་བཅས་པ༔ གཞན་ཡང་ལོངས་སྤྱོད་དགེ་རྩ་ཅི་ཡོད་པ་ཐམས་ཅད་བླ་མ་དཀོན་མཆོག་གི་དྲུང་དུ༔ མཎྜལ་གཅིག་ཏུ་བསྡུས་ཏེ་འབུལ་ཞིང་བྱང་ཆུབ་མཆོག་ཏུ་སེམས་བསྐྱེད་སྙམ་པ་གྱིས་ལ་འདི་ཡི་རྗེས་ཟློས་མཛོད༔ ལི་ཡི་མཎྜལ་རིན་ཆེན་བསྒྱུར་བྱས་ནས༔ ནས་རྣམས་ཀུན་ཀྱང་གསེར་གཡུར་བསྒྱུར་ནས་ཀྱང་༔ བླ་མ་ཐུགས་རྗེ་སྤྲུལ་པའི་སྐུ་གཅིག་ལ༔ དད་པས་འབུལ་ལོ་ཐུགས་རྗེས་བདག་གཞན་གཟིགས༔ ས་གཞི་སྤོས་སོགས་བྱ༔ ད་སྐྱབས་ཡུལ་ཕྱི་ནང་གསང་བའི་བླ་མ་དཀོན་མཆོག་གི་དྲུང་དུ༔ དུས་ད་ནས་བཟུང་སྟེ་བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ་ཞིང་༔ ཕ་མ་སེམས་ཅན་ཐམས་ཅད་བདག་ཁོ་ནས་བླ་ན་མེད་པའི་སངས་རྒྱས་ཀྱི་ས་ལ་བཀོད་པར་བྱའོ༔ སྙམ་པའི་བསམ་པ་རྣམ་པར་དག་པས་འདིའི་རྗེས་ཟློས་ལན་གསུམ་མཛོད༔ ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ཐོབ་བྱའི་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ དེས་བྱང་ཆུབ་སེམས་བསྐྱེད་ཀྱང་ཐོབ་པ་ཡིན༔ དེ་ནས་མདུན་དུ་བསྐྱེད་པའི་ལྷ་ཚོགས་ཐམས་ཅད་རང་ལ་ཐིམ་པར་བསྒོམས་ལ༔

[Full Size]

སེམས་མ་བཅོས་པར་ཀློད་ལ་ཞོག་ཅིག༔ སེམས་བསྐྱེད་ཆེན་པོའི་མདོ་ལས༔ འོད་སྲུང་ཆོས་ཐམས་ཅད་ནམ་མཁའ་ལྟར་མཚན་ཉིད་མེད་ཅིང་ཡེ་ནས་འོད་གསལ་བ་རྣམ་པར་དག་པ་དེ་ལ་ནི་བྱང་ཆུབ་ཏུ་སེམས་བསྐྱེད་པ་ཞེས་བྱའོ༔ ཞེས་དང་༔ ཡབ་སྲས་མཇལ་བའི་མདོ་ལས༔ སྟོང་ཉིད་ཆོས་ལ་བསྟེན་བགྱིད་ཅིང་༔ སངས་རྒྱས་སྤྱོད་ཡུལ་གང་མོས་པ༔ དེ་དག་སྟོན་པ་མཆོད་པ་སྟེ༔ མཆོད་པ་འདི་ནི་བླ་ན་མེད༔ ཅེས་དང་༔ བདུད་རྩི་གསང་བའི་རྒྱུད་ལས༔ མཉེས་པའི་དོན་གྱི་མཆོད་པ་སྟེ༔ སྤོས་སོགས་ཕུལ་བས་མཉེས་པ་མེད༔ རང་སེམས་ལས་སུ་རུང་བ་དག༔ མཉེས་པའི་མཆོད་པ་ཆེན་པོའོ་ཞེས་གསུངས་པས༔ སེམས་མ་བཅོས་པར་བཞག་པ་དེ་མཎྜལ་དང་མཆོད་པའི་རྒྱལ་པོ༔ དོན་དམ་བྱང་ཆུབ་ཏུ་སེམས་བསྐྱེད་པ་ཡང་ཡིན་པས༔ དེ་ལྟར་མཎྜལ་དང་སེམས་བསྐྱེད་ཀྱི་དམིགས་རིམ་དེ་ཐུན་དུ་ཆོད་ལ་ཅི་མང་དུ་སྒོམས་ཤིག༔ དེ་ལྟར་བྱང་ཆུབ་ཏུ་སེམས་བསྐྱེད་ནས་དེའི་བསླབ་པ་བསྲུང་དགོས་ཏེ༔ འདི་སྨོན་འཇུག་གཉིས་ཀ་སྟབས་གཅིག་ཏུ༔ བླངས་པ་ཡིན་པས་གཉིས་ཀའི་བསླབ་པ་བསྲུང་དགོས་དེ་

[Full Size]

ཡང་ཉམས་སུ་ལེན་བདེ་ཕྱིར་བསྡུས་ཏེ་བཤད་ན༔ མ་དྲོས་པས་ཞུས་པའི་མདོ་ལས༔ བྱང་ཆུབ་སེམས་དཔའ་ཆོས་གཅིག་དང་ལྡན་ན༔ རྣམ་པ་ཐམས་ཅད་ཀྱི་མཆོག་དང་ལྡན་པའི་སངས་རྒྱས་ཀྱི་ཆོས་རྣམས་ཡོངས་སུ་འཛིན་ཏོ༔ ཆོས་གཅིག་པོ་དེ་གང་ཞེ་ན༔ སེམས་ཅན་བློས་ཡོངས་སུ་མི་གཏོང་བའི་སེམས་སོ༔ ཞེས་གསུངས་པས་སེམས་ཅན་ཐམས་ཅད་བློས་གཏོང་བ་ནི་ཁྲ་དང་སྤྱང་ཀི་ལ་ཡང་མེད་དེ༔ རང་ལ་གནོད་པ་ཚན་ཆེན་བྱེད་པའི་སེམས་ཅན་ཡང་བློས་མི་གཏོང་བར༔ ནམ་ཞིག་འདི་བདག་གིས་སངས་རྒྱས་ཀྱི་ས་ལ་དགོད་པར་བྱ་སྙམ་དུ་བྱ་བ་གལ་ཆེའོ། སེམས་བསྐྱེད་པའི་བྱང་ཆུབ་སེམས་དཔའ་ལ་ཞེ་སྡང་གིས་སྐུར་པ་མི་གདབ༔ གཞན་གྱི་ཆོས་དང་བསོད་ནམས་བྱས་པ་ལ་འགྱོད་པ་མི་བསྐྱེད༔ བླ་མ་དང་སྐྱེས་བུ་དམ་པ་ལ་བསླུ་བའི་བསམ་སྦྱོར་སྤང་༔ སེམས་ཅན་ལ་གཡོ་སྒྱུའི་མགོ་མི་བསྐོར་བ་ནི་ནག་པོའི་ཆོས་བཞི་སྤངས་བ་ཡིན་ལ༔ དཀར་པོའི་ཆོས་བཞི་སོགས་རྣམ་གྲངས་མང་དུ་ཡོད་ཀྱང་༔ མདོར་བསྡུས་ན་དགེ་བའི་བྱ་བ་ཅི་བྱེད་ཀྱང་༔ ཐོག་མར་སེམས་ཅན་ཐམས་ཅད་སངས་རྒྱས་ཐོབ་པའི་ཕྱིར་དུ་བྱའོ་སྙམ་པའི་སེམས་

[Full Size]

བསྐྱེད༔ མཇུག་ཏུ་དགེ་བའི་རྩ་བ་འདིས་སེམས་ཅན་ཐམས་ཅད་ཀྱི་དོན་དུ་བླ་ན་མེད་པའི་བྱང་ཆུབ་རིན་པོ་ཆེ་མྱུར་དུ་ཐོབ་ནས༔ སེམས་ཅན་གྱི་དོན་འབད་མེད་ལྷུན་གྲུབ་ཏུ་འབྱུང་བར་གྱུར་ཅིག་སྙམ་པ་འདི་ལ་འདུས་པ་ཡིན་ནོ༔ སྐབས་སུ་སེམས་བསྐྱེད་ཀྱི་ཕན་ཡོན་དྲན་པར་བྱ་ཞིང་ཡང་ཡང་བསྒོམ་དགོས་པས༔ རྒྱལ་བ་བྱམས་པའི་ཞལ་ནས༔ རིགས་ཀྱི་བུ་བྱང་ཆུབ་ཀྱི་སེམས་ནི༔ སངས་རྒྱས་ཀྱི་ཆོས་ཐམས་ཅད་ཀྱི་ས་བོན་ལྟ་བུའོ༔ དཀར་པོའི་ཆོས་ཐམས་ཅད་འཕེལ་བར་བྱེད་པ་ཞིང་ས་ལྟ་བུའོ༔ འཇིག་རྟེན་ཐམས་ཅད་བརྟེན་པ་ས་ལྟ་བུའོ༔ དབུལ་བ་ཐམས་ཅད་ཡང་དག་པར་གཅོད་པས་རྣམ་ཐོས་ཀྱི་བུ་ལྟ་བུའོ༔ རེ་བ་ཐམས་ཅད་སྐོང་བས་དཔག་བསམ་གྱི་ཤིང་ལྟ་བུའོ༔ དོན་ཐམས་ཅད་འགྲུབ་པས་ཡིད་བཞིན་ནོར་བུ་ལྟ་བུའོ༔ ཞེས་སོགས་དང་༔ བྱམས་པས་ཞུས་པའི་མདོ་ལས༔ བྱང་ཆུབ་སེམས་དཔའ་ཆོས་གཅིག་དང་ལྡན་ན༔ ངན་སོང་ཐམས་ཅད་སྤངས་ཤིང་༔ སྡིག་པའི་གྲོགས་པོའི་ལག་ཏུ་མི་འགྲོ་ལ༔ མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་སྟེ༔ ཆོས་གཅིག་པོ་དེ་གང་

[Full Size]

ཞེ་ན་འདི་ལྟ་སྟེ༔ ལྷག་པའི་བསམ་པ་ཕུན་སུམ་ཚོགས་པའི་བྱང་ཆུབ་ཀྱི་སེམས་སོ༔ ཞེས་དང་༔ བསོད་ནམས་ཐམས་ཅད་བསྡུས་པའི་མདོ་ལས༔ སྲེད་མེད་ཀྱི་བུ་དཔེར་ན་ཆུ་ཀླུང་དང་ཆུ་མིག་དང་ཆུ་བྲན་དང་འབབས་ཆུ་ཐམས་ཅད་ནི་རྒྱ་མཚོ་ཆེན་པོའི་ཁོང་དུ་འདུ་ཞིང་རྗེས་སུ་ཞུགས་པར་རིགས་པར་བྱའོ༔ དེ་བཞིན་དུ་བསོད་ནམས་བྱ་བའི་དངོས་པོ་གང་ཅི་ཡང་རུང་བ༔ སྦྱིན་པ་ལས་བྱུང་བ་དང་ཚུལ་ཁྲིམས་དང་བསྒོམ་པ་ལས་བྱུང་བ་དང་༔ ཟག་པ་དང་བཅས་པ་དང་༔ ཟག་པ་མེད་པ་དང་༔ འཇིག་རྟེན་དང་འཇིག་རྟེ་ལས་འདས་པའི་བསོད་ནམས་ཇི་སྙེད་དེ་དག་ཐམཾས་ཅད་བྱང་ཆུབ་ཀྱི་སེམས་ཀྱི་ཁོངས་སུ་འདུ་ཞིང་རྗེས་སུ་ཞུགས་པ་དག་གོ༔ སྲེད་མེད་ཀྱི་བུ་དེའི་ཕྱིར་བསོད་ནམས་ཐམས་ཅད་ཡོངས་སུ་བཟུང་བར་འདོད་པའི་རིགས་ཀྱི་བུའམ་རིགས་ཀྱི་བུ་མོས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བྱའོ༔ ཞེས་དང་༔ ཕལ་པོ་ཆེ་ལས༔ སེམས་དེ་ནི་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཐོབ་པར་ཤོག་ཅིག༔ ཅེས་བྱ་བར་བསྐྱེད་པ་དེ༔ དེ་ནི་འདས་པ་དང་མ་འོངས་པ་དང་ད་ལྟར་བྱུང་བའི་སངས་རྒྱས་

[Full Size]

བཅོམ་ལྡན་འདས་རྣམས་དང་ཉེ་བ་ཡིན༔ དུས་གསུམ་གྱི་སངས་རྒྱས་རྣམས་ཀྱི་དེ་བཞིན་ཉིད་མཉམ་པ་ཡིན༔ དུས་གསུམ་གྱི་སངས་རྒྱས་ཐམས་ཅད་ཀྱི་ཡེ་ཤེས་དང་འགྲོགས་པ་ཡིན་ནོ༔ ཞེས་དང་༔ སངས་རྒྱས་ཕལ་པོ་ཆེ་ལས༔ གང་ཞིག་ཕྱོགས་བཅུའི་རྒྱལ་བ་བལྟ་བར་འདོད་པ་དང་༔ གང་ཞིག་སྦྱིན་གཏོང་བསོད་ནམས་མི་ཟད་མཛོད་འདོད་དང་༔ འགྲོ་བ་ཀུན་གྱི་སྡུག་བསྔལ་མི་ཟད་གྲོལ་འདོད་ན༔ དེས་ནི་ཡོན་ཏན་མི་ཟད་བྱང་ཆུབ་སེམས་བསྐྱེད་བྱ༔ ཞེས་དང་༔ ཀླུའི་རྒྱལ་པོ་རྒྱ་མཚོས་ཞུས་པའི་མདོ་ལས༔ འོད་སྲུང་ལྷག་པའི་བསམ་པ་ལ་ཞུགས་པ་ལས༔ བྱང་ཆུབ་འགྲུབ་པར་དཀའ་བ་མ་མཆིས་སོ༔ དེ་ཅིའི་ཕྱིར་ཞེ་ན༔ བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་སེམས་བསྐྱེད་པ་ལ་རགས་ལས་ཏེ༔ བྱང་ཆུབ་ཏུ་སེམས་བསྐྱེད་མ་ཐག་ཏུ༔ སངས་རྒྱས་དང་སངས་རྒྱས་ཀྱི་ཆོས་རྣམས་བཟུང་བར་འགྱུར་རོ༔ ཞེས་དང་༔ དགེ་བའི་རྩ་བ་ཡོངས་སུ་འཛིན་པའི་མདོ་ལས༔ འོད་སྲུང་དཔེར་ན་འཛམ་བུ་གླིང་དང་གླིང་བཞི་པ་དང་༔ སྟོང་དང་པོ་དང་༔ སྟོང་གཉིས་པ་དང་༔ སྟོང་གསུམ་གྱི་སྟོང་ཆེན་པོ་

[Full Size]

འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་འཕགས་པ་དགྲ་བཅོམ་པ་ཤ་སྟག་ཏུ་གྱུར་ཏེ༔ དགྲ་བཅོམ་པ་དེ་དག་ཐམས་ཅད་ལ་ཉི་མ་རེ་རེ་བཞིན་ལྷའི་ཞལ་ཟས་དང་༔ ཆོས་གོས་དང་མལ་ཆ་དང་ན་བའི་གསོས་སྨན་ལ་སོགས་པ་རྣམས་ཀྱིས་བསྙེན་བཀུར་ན་བསོད་ནམས་ཆེའམ༔ བཅོམ་ལྡན་འདས་དེ་ནི་བསོད་ནམས་རིམ་པ་བཞིན་དུ་ཆེ་ཞིང་བསམ་གྱིས་མི་ཁྱབ་བོ༔ འོད་སྲུང་དེ་བས་ཀྱང་གང་ཟག་གཅིག་བྱང་ཆུབ་ཏུ་སེམས་བསྐྱེད་པ་ལ་བཀོད་ན་བསོད་ནམས་ཁྱད་པར་ཅན་དུ་ཆེ་ཞིང་དཔག་ཏུ་མེད་དོ༔ དེ་ཅིའི་ཕྱིར་ཞེ་ན༔ དཀོན་མཆོག་གསུམ་གྱི་གདུང་རྒྱུད་མི་འཆད་པའི་ཕྱིར་རོ༔ ཞེས་དང་༔ སངས་རྒྱས་ཕལ་པོ་ཆེ་ལས༔ དཔེར་ན་དངུལ་ཆུའི་རང་བཞིན་གསེར་དུ་སྣང་བ་ཞེས་བྱ་བ་ཡོད་དེ༔ དེ་སྲང་གཅིག་གིས་ཀྱང་ལྕགས་སྲང་སྟོང་གསེར་དུ་འགྱུར་རོ༔ དངུལ་ཆུ་དེ་ལྕགས་སྲང་སྟོང་པོ་དེས་ཟད་པར་བྱ་བའམ༔ ལྕགས་སུ་བསྒྱུར་བར་མི་ནུས་སོ༔ དེ་བཞིན་དུ་ཐམས་ཅད་མཁྱེན་པ་ཉིད་དུ་སེམས་བསྐྱེད་པའི་ཡེ་ཤེས་ཀྱིས་ལས་དང་ཉོན་མོངས་པའི་སྒྲིབ་པའི་ལྕགས་ཐམས་ཅད་ཟད་པར་བྱས་ཏེ་ཐམས་ཅད་མཁྱེན་པ་ཉིད་ཀྱི་ཁ་དོག་ཏུ་བྱེད་དོ༔ བྱང་

ཤོག་ལྷེབ་ ༣༠༡ ནས་་ ༤༠༠ བར།

[Full Size]

ཆུབ་ཀྱི་སེམས་དེ་ནི་ལས་དང་ཉོན་མོངས་པས་ཟད་པར་བྱ་བའམ་ཉོན་མོངས་པར་མི་ནུས་སོ༔ ཞེས་གསུངས་པས༔ དེ་ལྟར་བྱང་ཆུབ་ཀྱི་སེམས་ཀྱིས་ཀུན་སློང་བཟང་པོ་དང་མ་བྲལ་ན་དགེ་བའི་བྱ་བ་ཅི་བྱས་ཚད་བྱང་ཆུབ་ཀྱི་ལམ་དུ་འགྲོ་བས་ཆོས་ལམ་དུ་སོང་བ་ཡིན༔ དེ་མེད་ན་སྟོང་ཉིད་ཀྱི་ལྟ་བ་བཟང་ཡང་ཐེག་དམན་དུ་གོལ༔ བསྐྱེད་རིམ་གསལ་ཞིང་སྔགས་ཀྱི་ནུས་པ་ཐོན་ཡང་སྲིན་པོ་དང་རཱུ་ཏྲར་གོལ༔ འདི་ཐེག་ཆེན་གྱི་རྩ་བ་དང་ཆོས་ཀྱི་གེགས་སེལ་ཡང་ཡིན༔ རྩ་བ་དེ་མ་འཕྱུགས་ན་དྲག་སྔགས་ལ་སོགས་པ་ཕྲིན་ལས་གང་སྒྲུབ་ཀྱང་སངས་རྒྱས་ཐོབ་པའི་ལམ་དུ་འགྲོ་བ་ཡིན༔ དེ་ལྟ་བུའི་སེམས་བསྐྱེད་དང་ལྡན་པར་ཕ་རོལ་ཏུ་ཕྱིན་པ་དྲུག་ལ་ཅི་ནུས་སུ་འབྲེལ་པ་འཇོག་པར་བྱ་སྟེ༔ དྲི་མ་མེད་པར་གྲགས་པ་བསྟན་པའི་མདོ་ལས༔ དབུལ་པོ་རྣམས་ནི་སྦྱིན་པས་སྡུད་དོ༔ འཆལ་བ་རྣམས་ནི་ཚུལ་ཁྲིམས་ཀྱིས་སྡུད་དོ༔ ཁོང་ཁྲོ་བ་ཅན་རྣམས་ནི་བཟོད་པས་སྡུད་དོ༔ ལེ་ལོ་ཅན་རྣམས་ནི་བརྩོན་འགྲུས་ཀྱིས་སྡུད་དོ༔ སེམས་རྣམ་པར་གཡེང་བ་རྣམས་ནི་བསམ་གཏན་གྱིས་སྡུད་དོ༔ ཤེས་རབ་འཆལ་བ་རྣམས་ནི་ཤེས་རབ་ཀྱིས་སྡུད་དོ༔ ཞེས་

[Full Size]

གསུངས་སོ༔ དེས་ན་ཆོས་ཀྱི་སྦྱིན་པ་ནི་སྦྱིན་པའི་མཆོག་དང་༔ ཡི་དྭགས་ལ་ཆུ་གཏོར་དང་༔ དབུལ་ཕོངས་ལ་ཟས་སྦྱིན་པ་སོགས་དང་༔ ཁྱིམ་པ་ཡིན་ན་བསྙེན་གནས་རབ་བྱུང་ལ་སྡོམ་པ༔ སྔགས་པ་ལ་དམ་ཚིག་སོགས་ཚུལ་ཁྲིམས་དང་༔ ཆོས་བྱེད་པ་ལ་དཀའ་ཚེགས་བཟོད་པ་དང་༔ གནོད་པ་ལ་བསྲན་པའི་བཟོད་པ་དང་༔ ལུས་ངག་ཡིད་གསུམ་ཐོས་བསམ་སྒོམ་གསུམ་ལ་བརྩོན་པ་དང་༔ བསྐྱེད་རིམ་སོགས་བསྒོམ་བྱ་གང་ཡིན་རྩེ་གཅིག་ཏུ་ནན་ཏན་བྱ་བ་དང་༔ ཐུན་མོང་གི་ཤེས་རབ་སློབ་གཉེར་དང་མདོ་རྒྱུད་ལྟ་བ་དང་༔ དོན་དམ་པའི་ཤེས་རབ་བཀའ་རྫོགས་པ་ཆེན་པོ་བསྒོམ་པ་ལ་སོགས་ལ་བརྩོན་པར་བྱེད་དགོས་སོ༔ དེ་ལྟར་བསམ་པ་རྣམ་པར་དག་པས་དགེ་བ་ཅུང་ཟད་བྱས་ཤིང་སྨོན་ལམ་བཏབ་ན་ཡང་ཕན་ཡོན་རྒྱ་ཆེན་པོ་འབྱུང་སྟེ༔ མདོ་སྡེ་མཛངས་བླུན་ནས་རྒྱ་ཆེར་གསུངས་པའི་དོན་བསྡུས་ཏེ་བཤད་ན༔ སྔོན་སངས་རྒྱས་འོད་སྲུང་གི་བསྟན་མཇུག་ཏུ་བྲམ་ཟེ་གཉིས་ཀྱིས་བསྙེན་གནས་གཅིག་བསྲུང་བའི་འབྲས་བུས་གཅིག་མིའི་རྒྱལ་པོར་སྨོན་ལམ་བཏབ་བཞིན་སྐྱེས༔ གཅིག་དེས་ལྷར་སྐྱེ་བར་སྨོན་ལམ་བཏབ་ཀྱང་༔ དེ་ནུབ་དགོང་ཟོས་

[Full Size]

པས་ཀླུའི་རྒྱལ་པོ་ཞིག་ཏུ་སྐྱེས་ནས་ཐུབ་པ་མཇལ་ཏེ་རྒྱུན་ཞུགས་ཀྱི་འབྲས་བུ་ཐོབ་པ་དང་༔ སྔོན་རྒྱལ་པོ་ཚངས་སྦྱིན་གྱིས་མི་གཅིག་བཟུང་ནས་གསོད་པར་ཤོམ་པ་བློན་པོས་སྲོག་སྐྱབས་བྱས་ཏེ་རབ་ཏུ་བྱུང་བཅུག་པས༔ བློན་པོ་དེ་སྐྱེ་བ་ཐམས་ཅད་དུ་ལྷ་དང་མིའི་ལུས་ཕུན་སུམ་ཚོགས་པ་ཐོབ་པ་ཕྱིས་བློན་པོའི་བུར་སྐྱེས་པ་ན་གཡང་ས་དང་ཆུ་དང་དུག་དང་མདའ་ལ་སོགས་པ་གང་གིས་ཀྱང་མ་ཚུགས་ཏེ༔ ཐུབ་པ་མཇལ་ནས་དགྲ་བཅོམ་ཐོབ་བོ༔ སྔོན་མི་དབུལ་པོ་ཞིག་གིས་ཤིང་བཙོངས་པས་གསེར་གྱི་དོང་ཙེ་གཉིས་ཁུག་པ༔ སངས་རྒྱས་གསེར་ཐུབ་དགེ་འདུན་དང་བཅས་པ་ལ་ཕུལ་བས༔ བསྐལ་པ་དགུ་བཅུ་རྩ་གཅིག་ཏུ་མིར་སྐྱེས་ཤིང་༔ གར་སྐྱེས་ཀྱང་གསེར་གྱི་དོང་ཙེ་ཡོད་པར་འགྱུར། ཕྱུག་ཅིང་ལོངས་སྤྱོད་ཆེན་པོ་དང་ལྡན་ཏེ༔ ཕྱིས་རྒྱལ་པོའི་ཁབ་ཏུ་སྐྱེས་མ་ཐག་ལག་ཏུ་གསེར་གྱི་དོང་ཙེ་ཡོད་པ་དེ་བླང་ཙམ་ནས་གསེར་གྱིས་མཛོད་གང་ཡང་ལག་གི་དོང་ཙེ་མ་ཟད༔ ཐུབ་པའི་དྲུང་དུ་རབ་ཏུ་བྱུང་བས་དགྲ་བཅོམ་པ་ཐོབ་པས་དགེ་སློང་གསེར་གྱི་དབྱིག་ཅེས་བྱའོ༔ སངས་རྒྱས་གསེར་ཐུབ་ཀྱི་བསྟན་པ་ལ༔ མི་དབུལ་པོ་ཞིག་གིས་དགེ་

[Full Size]

འདུན་བཞུགས་སར་ཕྱུགས་མ་བརྒྱབ་མེ་ཏོག་བཏུས་ནས་གཏོར་བས༔ བསྐལ་པ་དགུ་བཅུ་རྩ་གཅིག་ཏུ་གར་སྐྱེས་ཀྱང་གཟུགས་མཛེས་པ་དང་བཟའ་བཏུང་དང་ཁྲི་གདན་ཕུན་སུམ་ཚོགས་པར་གྱུར༔ ཕྱིས་མཉན་ཡོད་ན་ཁྱིམ་བདག་ཆེ་ཞིང་མཐོ་བའི་བུར་སྐྱེས་མ་ཐག་མེ་ཏོག་གི་ཆར་བབ༔ ཐུབ་པ་སྤྱན་དྲངས་ནས་རིན་པོ་ཆེའི་ཁྲི་གདན་དང་ཞལ་ཟས་ཐམས་ཅད་བསམ་པ་ཙམ་ནས་བྱུང་༔ རབ་ཏུ་བྱུང་བས་དགྲ་བཅོམ་པ་ཐོབ་བོ༔ བསམ་པ་དག་ན་དགེ་བ་ཆུང་ངུ་རེ་ལའང་དེ་ལྟར་འབྱུང་བ་ཡིན༔ ཡང་སྔོན་སངས་རྒྱས་གསེར་ཐུབ་ཀྱི་བསྟན་པ་ལ༔ མི་དབུལ་པོ་ཞིག་གིས་རྡེའུ་དཀར་རྒྱུ་ལས་བྱས་པའི་ནོར་བུ་སྤར་གང་དགེ་འདུན་ལ་གཏོར་ནས་སྨོན་ལམ་བཏབ་པས༔ བསྐལ་པ་དགུ་བཅུ་རྩ་གཅིག་ཏུ་ནོར་བུ་དང་ཟས་གོས་ལོངས་སྤྱོད་ལྷུན་གྱིས་གྲུབ་པར་གྱུར་ཏེ༔ མཉན་ཡོད་དུ་ཁྱིམ་བདག་གི་བུར་སྐྱེས་མ་ཐག༔ ནམ་མཁའ་ནས་རིན་པོ་ཆེ་སྣ་བདུན་ཆར་བཞིན་བབས་ནས་ཁྱིམ་གང་༔ རབ་ཏུ་བྱུང་བས་དགྲ་བཅོམ་པ་ཐོབ་བོ༔་ཡང་སངས་རྒྱས་བསོད་སྐྱབས་བཞུགས་པའི་ཚེ༔ དགེ་སློང་གཅིག་དགེ་བསྐུལ་བྱོན་པ་ན༔ བུད་མེད་ཁྱོ་ཤུགས་གཉིས་ལ་རས་ཡུག་གཅིག་

[Full Size]

ལས་གོས་སོགས་ཅི་ཡང་མེད་པ་དེ་ཕུལ་བས༔ རྒྱལ་པོ་དང་བཙུན་མོས་ཁོང་གཉིས་ལ་གོས་རྒྱན་ཕུད་དེ་གནང་ངོ་༔ བསྐལ་པ་དགུ་བཅུ་རྩ་གཅིར་ཀྱང་རས་གོས་དང་བཅས་ཏེ་སྐྱེས་ཤིང་ལོངས་སྤྱོད་དང་ལྡན་ནོ༔ མཉན་ཡོད་དུ་ཁྱིམ་བདག་གི་བུ་མོ་ལྟ་བས་ཆོག་མི་ཤེས་པ་སོགས་དང་བཅས་པར་སྐྱེས་ཏེ༔ སྟོན་པ་ལ་དགེ་སློང་མར་ཞུས་ནས་དགྲ་བཅོམ་པ་ཐོབ་བོ༔ ཡང་རྒན་མོ་དབུལ་ཕོངས་འཆི་མ་ནུས་ཤིང་ངུ་བ་ཞིག་གིས༔ འཕགས་པ་ཀ་ཏ་ཡ་ན་ལ་ཆུ་ལྟུང་བཟེད་གང་ཕུལ་ནས༔ ཆོས་དང་བསྔོ་བ་ཤོ་ལོ་ཀ་རེ་གནང་བས༔ དེ་སུམ་ཅུ་རྩ་གསུམ་པའི་ལྷར་སྐྱེས་ནས་འཁོར་ལྔ་བརྒྱ་དང་བཅས་ཀ་ཏ་ཡ་ན་ལས་ཆོས་ཞུས་པས་འབྲས་བུ་ཐོབ་བོ༔ དེས་ན་བསམ་པ་རྣམ་པར་དག་པ༔ བསོད་ནམས་བསགས་པ་ལ་འབད་ཅིང་ཁྱད་པར་དུ༔ མཎྜལ་དང་བྱང་ཆུབ་སེམས་བསྐྱེད་ལ་འབུངས་མཛོད༔ དེས་ཆོས་འབྲུ་གཉིས་པའོ༔ ལས་ནས་ཆོས་འབྲུ་གསུམ་པ་ནི༔ གཞུང་ལས༔ ཁྱོད་ཀྱི་བདེ་སྐྱིད་དགེ་བ་རྣམས༔ སེམས་ཅན་རྣམས་ལ་ཐིམ་པར་བསྒོམས་སེམས་ཅན་སྡུག་བསྔལ་སྡིག་སྒྲིབ་རྣམས༔ ཁྱེད་

[Full Size]

ཀྱི་ལུས་ལ་སིབ་སིབ་ཐིམ༔ བསམ་ཞིང་ཡིག་བཅུ་བརྗོད་པར་བྱའོ་ཞེས་གསུངས་པའི་དོན་ཚིག་དང་པོ་གཉིས་ཀྱིས་བྱམས་པ༔ ཕྱི་མ་གཉིས་ཀྱིས་སྙིང་རྗེ༔ རྗེས་མས་བྱམས་སྙིང་རྗེའི་སྙིང་པོ་བསྟན་པ་སྟེ༔ དེ་དག་གི་དོན་རྒྱས་པར་བཤད་པ་ནི༔ དཀོན་མཆོག་བརྩེགས་པའི་མདོ་ལས་མཆོད་པ་ཇི་སྙེད་ཚད་མེད་པ༔ ཞིང་གི་བྱེ་བ་ཁྲག་ཁྲིག་ཏུ་སྐྱེས་བུ་མཆོག་ལ་མཆོད་པས་ཀྱང་༔ བྱམས་པའི་སེམས་ལ་ཆར་མི་ཕོད༔ ཅེས་དང་༔ ལྷ་མི་བྱམས་པར་འགྱུར་བ་དང་༔ དེ་རྣམས་ཀུན་གྱིས་སྲུང་བ་དང་༔ ཡིད་བདེ་བ་དང་བདེ་མང་དང་༔ དུག་དང་མཚོན་གྱི་གནོད་པ་མེད༔ འབད་པ་མེད་པར་ཐོབ་པ་དང་༔ ཚངས་པའི་འཇིག་རྟེན་སྐྱེ་གྱུར་ཏེ༔ གལ་ཏེ་གྲོལ་བར་མ་གྱུར་ཀྱང་༔ བྱམས་ཆོས་ཡོན་ཏན་བརྒྱད་ཐོབ་བོ༔ ཞེས་དང་༔ ཐར་པ་ཆེན་པོའི་མདོ་ལས༔ གང་ཞིག་འཇིག་རྟེན་རྣམ་དག་ཏུ༔ བསྐལ་པ་གཅིག་གི་བར་དག་ཏུ༔ ཚུལ་ཁྲིམས་རྣམ་དག་བསྲུང་བ་བས༔ སྐྱེས་བུ་གཅིག་གིས་སྐད་ཅིག་ཏུ༔ བྱམས་པའི་སྤྱད་པ་སྤྱོད་པའི་མཆོག༔ གང་ཞིག་འཇིག་རྟེན་ཁམས་འདི་རུ༔ ལུས་ངག་ཡིད་ཀྱི་སྡིག་སྤྱོད་པ༔ ངན་སོང་གསུམ་

[Full Size]

དུ་ལྟུང་ངེས་ཀྱང་༔ བྱམས་པའི་སེམས་དེས་འཕྲལ་དུ་འབྱོངས༔ ཞེས་དང་༔ མདོ་རྒྱ་ཆེར་རོལ་པ་ལས༔ བྱང་སེམས་ལྡན་ལ་དུག་དང་མཚོན་མི་ཚུགས། རོ་ལངས་དང་ནི་འཇིགས་པ་གཞན་མི་འབྱུང་༔ བྱང་སེམས་ལྡན་ལ་གཞན་གྱིས་གནོད་མི་འགྱུར༔ དཔུང་བཅས་བདུད་རྣམས་རྒྱལ་མཚན་སྡེར་བཅས་པ༔ ནག་པོའི་རྩ་ལག་བྱམས་པའི་སྟོབས་ཀྱིས་འཇོམས༔ བླ་མེད་བྱང་ཆུབ་ཞི་བར་འཚང་ཡང་རྒྱ༔ ཞེས་དང་༔ རིན་ཆེན་ཕྲེང་བར༔ རྗེའུ་ཚོད་སུམ་བརྒྱའི་ཁ་ཟས་དག༔ ཉིན་རེ་དུས་གསུམ་བྱིན་པས་ཀྱང་༔ བྱམས་པ་ཡུད་ཙམ་ཐང་གཅིག་གིས༔ བསོད་ནམས་དག་ལ་ཆར་མི་ཕོད༔ ཅེས་དང་༔ འཇམ་དཔལ་ཞིང་གི་བཀོད་པ་ལས༔ བྱང་ཤར་གྱིས་མཚམས་ན་སངས་རྒྱས་དབང་ཕྱུག་ཆེན་པོའི་རྒྱལ་པོའི་འཇིག་རྟེན་གྱི་ཁམས་སྟོང་གིས་བརྒྱན་པ་ཞེས་བྱ་བ་དེ་ན༔ དགེ་སློང་འགོག་པ་ལ་ཞུགས་པའི་བདེ་བ་བཞིན་དུ་སེམས་ཅན་ཐམས་ཅད་ཀྱང་བདེ་བ་དང་ལྡན་ནོ༔ དེར་ལོ་བྱེ་བ་བརྒྱ་སྟོང་དུ་ཚངས་པར་སྤྱད་པ་སྤྱོད་པ་བས་ནི༔ ཞིང་འདིར་ཐ་ན་སེ་གོལ་ཏོག་པའི་ཡུན་ཙམ་དུ་སེམས་ཅན་ཐམས་ཅད་ལ་བྱམས་པའི་སེམས་

[Full Size]

བསྐྱེད་ན༔ སྔ་མ་ལས་བསོད་ནམས་ཆེས་མང་དུ་བསྐྱེད་ན༔ ཉིན་མཚན་དུ་གནས་པ་ལྟ་ཅི་སྨོས༔ ཞེས་གསུངས་པས༔ བྱམས་པ་བསྒོམ་པའི་ཕན་ཡོན་མཐའ་ཡས་ཤིང་བྱམས་པ་ལ་བརྟེན་ནས་སྙིང་རྗེ་སྐྱེ༔ སྙིང་རྗེ་ལ་བརྟེན་ནས་བྱང་ཆུབ་ཀྱི་སེམས་སྐྱེ༔ བྱང་ཆུབ་ཀྱི་སེམས་ལ་བརྟེན་ནས་འཚང་རྒྱ་བ་ཡིན་ནོ༔ གཉིས་པ་སྙིང་རྗེའི་ཕན་ཡོན་ནི༔ རྣམ་སྣང་མངོན་པར་བྱང་ཆུབ་པའི་རྒྱུད་ལས༔ གསང་བའི་བདག་པོ་རྣམ་པ་ཐམས་ཅད་མཁྱེན་པ་ཉིད་ཐོབ་པའི་རྩ་བ་ནི་སྙིང་རྗེ་ཆེན་པོའོ༔ རྒྱུ་ནི་བྱང་ཆུབ་ཀྱི་སེམས་སོ༔ ཞེས་དང་༔ སྡུད་པ་ལས༔ མི་ཡི་འཇིག་རྟེན་འབྱུང་པོའི་གདོན་དང་ནད་མང་བ༔ ཕན་དང་སྙིང་བརྩེར་ལྡན་པའི་བྱིན་གྱིས་མེ་ཡི་ཕུང་པོ་ནི༔ ཞེས་དང་༔ སྙིང་རྗེ་པད་དཀར་ལས༔ བྱང་ཆུབ་སེམས་དཔའ་ཆོས་གཅིག་དང་ལྡན་ན༔ དེའི་ལག་ཏུ་སངས་རྒྱས་ཀྱི་ཆོས་ཐམས་ཅད་མཆིས་པར་འགྱུར་ཏེ༔ ཆོས་གཅིག་པོ་དེ་གང་ཞེ་ན༔ འདི་ལྟ་སྟེ་སྙིང་རྗེ་ཆེན་པོའོ༔ དེ་ལྟ་བུ་ཐེག་ཆེན་གྱི་རྩ་བ་གསང་སྔགས་ཀྱི་གཞི་བྱམས་སྙིང་རྗེ་བསྒོམ་པའི་ཚུལ་ནི༔ ཨོ་རྒྱན་རིན་པོ་ཆེའི་ཞལ་ནས༔ སྙིང་རྗེ་བྱམས་པའི་གཙོ་བོ་ནི་ལུས་བསྐྱེད་པའི་

[Full Size]

མ་ཡིན་ལ༔ དེའི་དྲིན་ནི་འཁོར་བའི་ཚད་མེད་མུ་མེད་པས་འདི་ལ་བྱམས་སྙིང་རྗེ་ཚད་མེད་པ་བསྒོམ་སྟེ༔ ཐོག་མར་ང་ཡི་མ་སྡུག་མ་འདི༔ བདག་ལུས་ལ་ས་ལྟོ་ཟོས་ཀྱང་ཁོག་པར་མི་ཤོང་༔ མ་ཟོས་ཀྱང་སྦོས་ནས་རྒྱང་ངེ་བྱས༔ ཁས་ཧུས་འདེབས་མཆུ་སྐམ་སྲིད༔ སྣ་དྲག་ཆོམ་མེ་བྱས་གདོང་པ་བཀྲག་མེད་སྐྱ་ཧད་དི༔ ལུས་དང་རིག་པ་གཉིས་ཀ་ཤེད་ཆགས༔ རྐང་ལག་ཕྲ་ཉད་ཉད་བྱས་པས་འོ་རེ་བརྒྱལ༔ ངའི་མ་འདི་སྙིང་རེ་རྗེ་བསམ་པ་སྙིང་ནས་བསྒོམ༔ དེ་ནས་ཡང་ཆེར་རེད་པ་དང་༔ ལས་བྱས་དུས་ངལ་དུབ༔ སྐོམ་རྐན་ཅུང་ཟད་རེ་བྱུང་དུས་ཀྱང་དབུགས་བརྣངས་པ་ཙམ་འོང་༔ རྐང་ལག་རུས་ཚིགས་ན༔ ཡར་མི་འོང་མར་སྐྱུགས་ཐབས་སུ་སྡོད༔ དགྱེ་དགུ་མི་ཤེས་ད་རུང་ལུས་ཀྱི་སྤྱོད་ལམ་དྲག་ལས་ཐམས་ཅད་ང་ལ་གནོད་ཀྱིས་དོགས་ནས་ཟོན་ཆེན་པོ་བྱེད༔ འགུལ་བ་མ་ཚོར་ན་ངའི་དེ་ཅི་ཉེས་ཤིའམ་སྙམ་སྡུག་བསྔལ་བྱེད་པ་སྙིང་རེ་རང་རྗེ་དྲིན་རེ་རང་ཆེ་ན་བསམ༔ དེ་ནས་སྐྱེ་ནད་ཀྱིས་ཟིན་རྐང་ལག་རུས་ཚིགས་ཐམས་ཅད་བྲལ་ནས་ཞིག༔ རོ་སྨད་ཆད་འགྲོ་བ་ཙམ་བྱས་ཁོ་ཏང་ཏང་༔ སྐ་རེའི་རྩེ་ནས་རྡུལ་རེ་

[Full Size]

ཐིགས༔ མི་ཚུག་པར་འགྲེ་ལོག་ལོག༔ ཨ་ཚ་ཨ་ནའི་སྐད་ཙིར་ཙིར་སྔས་ལ་སེན་མོ་ཐམ་ཐམ་རུས་པ་ཚིག་མིག་ཐམས་ཅད་ཞིག་པའི་ངང་ལ་སྐྱེ་བ་སྙིང་རེ་རྗེ་ན༔ དེ་ནས་ཉལ་སྟན་ཁར་བྲུལ་དུས་རང་ནད་ཟུག་དེ་འདྲ་བའི་ཁུད་ནས་ཀྱང་སྙིང་གིས་མ་ཚུགས་པར༔ ཙན་གྱིས་བླང་ནས་བྲང་ལ་གཅར༔ ད་རུང་གཉིད་བདེ་མོར་ཉལ་མི་ནུས་ངའི་དེ་སུབ་བམ་ཅི་ཉེས་སམ་སྙམ༔ ཙིར་བ་རེ་ངུས་ན་ཡང་ནའམ་ཚའམ་འདྲེ་བྱུང་ངམ་ཅི་ཉེས་སམ་འཆིའམ་སྙམ༔ སྙིང་ལ་ལྷང་ལྷང་གཅིན་རྟག་ཚོ་ལག་གིས་ཕྱགས༔ སྣབ་ཁས་འཇིབས༔ ཁ་ལ་གླན་བྲང་ལ་གཅར་ནས་བརྩེ་བ་དེ་ཙམ་གྱི་སྐྱོང་བའི་མ་སྡུག་མ་འདི་སྙིང་རེ་རང་རྗེ་ན༔ དྲིན་རེ་ཆེ་ན་བསམ་དུ་བསྒོམ༔ ད་དུང་དུ་ལྟོ་ཁས་སྙོད་ཞིམ་དགུ་ང་ལ་བྱིན་ནས་མ་སྡུག་སྲན་ཚད་སྲན༔ འཇམ་དགུ་ང་ལ་བསྐོན་ལས་བྱེད་འཕྲོ་ལའང་ང་ཡི་དེ་ལྟོགས་སམ་སྐོམ་མམ་འཁྱགས་སམ་ལྷུང་ངམ་ཆུར་ཚུད་དམ་ཅི་ཉེས་སྙམ་ནས་ལུས་ངལ་དུབ་རུང་རྒྱུག་ནས་ཁ་ལ་ཁ་སྤུན༔ ལྟོ་སྐོམ་བྱིན་ལབ་དང་གོ་རྒྱུ་མེད་ཀྱང་གཏམ་མང་པོ་ལབ་བརྩེ་བ་དེ་ལྟ་བུས་བསྐྱངས་པ་སྙིང་རེ་རྗེ་བསྒོམ༔ ད་དུང་དུ་ཅུང་ཟད་མ་བདེ་ན༔ སྙིང་འདར་ཐུག་གེ་ཁ་

[Full Size]

ནག་ཀད་དེ༔ རིམ་གྲོ་སྨན་བཅོས་བྱེད༔ ན་སོགས་བྱུང་ན་ཅི་དྲག་ལ་ཐུག༔ འདི་སོས་ན་ཅི་སྟེར་ཅི་བྱེད་སྤྲང་དགོས་བྱུང་ན་བྱུང་སྙམ༔ པྲད་ཕྲད་ཅི་ཕན་ཅི་དྲག་དེ་ལྟ་བུས་བསྐྱངས་པ་སྙིང་རེ་རྗེ་ན༔ བདག་གི་དྲིན་གྱིས་གཞལ་ཐབས་གང་གི་བདེ་བ་ལ་སྐྱར་སྙམ་དུ་སྙིང་ནས་བསྒོམ༔ ཡང་བདག་གི་ཕ་མ་དྲིན་ཅན་འདིས་བདག་གི་དོན་དུ་ངའི་བུ་བུ་མོ་འདི་ཀུན་ནོར་གོས་གཞིས་གྲགས་པ་གཅིག་མ་བྱུང་དོགས༔ ལྟོགས་འཁྱག་ལ་མ་བརྩིས༔ ངལ་དུབ་ལ་མ་བརྩིས༔ གཏམ་དང་ངོ་ཚ་ལ་མ་བརྩིས༔ དོན་ལ་སྲོག་ལ་མ་བརྩིས་པར་ངའི་དོན་གཅིག་པུར་འབུངས་བ་སྙིང་རེ་རྗེ་དྲིན་རེ་ཆེ༔ དེར་མ་ཟད་བདག་གི་ཕྱིར་སྐྱིད་སྡུག་དཀའ་སྤྱད་ཅི་ཙམ་བྱས༔ ཁྱད་པར་དུ་ངའི་ལུས་ལ་འབུ་ལུག་འདྲ་བ་དེ་ད་དྲན་ཤེས་སྟོབས་དང་ལྡན་པར་གསོས་པས༔ ཡུལ་ཆོས་ལྡན་དུ་སྐྱེས་ད་ལྟ་རྒྱུ་འབྲས་ངོ་ཤེས་བླ་མ་སངས་རྒྱས་དང་འཕྲད༔ ད་ཆོས་བྱར་ཡོད་པ་འདི་ལྟ་བུའི་དྲིན་གྱིས་བསྐྱངས་པའི་ཕ་མ་དྲིན་རེ་ཆེ༔ སྙིང་རེ་རྗེ་སྙམ་དུ་ཡང་ཡང་བསྒོམ༔ ཞེས་གསུངས་པ་ལྟར་བསྒོམ་མོ༔ དེ་ཡང་སེམས་ཅན་ཐམས་ཅད་མ་མ་བྱས་པ་གཅིག་ཀྱང་མེད༔ དེ་ཡང་ལན་

[Full Size]

གཅིག་མ་ཡིན་ཏེ་གྲངས་མེད༔ མ་བྱས་རིང་གི་ད་ལྟའི་མ་དང་འདྲ་བར་དྲིན་ཆེ་སྟེ༔ འཁོར་བ་ཐོག་མ་མེད་པའི་མདོ་ལས༔ རེ་རེའི་བདག་ཉིད་རུས་པའི་ཕུང་པོ་ནི༔ ལྷུན་པོ་མཉམ་པ་རྙེད་ཅིག་འདས་གྱུར་ཀྱང་༔ མ་ཡི་ཐོག་མཐའ་རྒྱ་ཤུག་ཚི་གུ་ཙམ༔ རིལ་བུ་བྱས་ཀྱང་ས་ཡིས་ལོང་མི་འགྱུར༔ ཞེས་དང་༔ གང་གིས་བདག་གི་མ་བྱས་ཤིང་༔ མ་ཡི་ནུ་ཞོ་འཐུང་བ་ཙམ༔ རྒྱ་མཚོ་བཞི་ཡི་ཆུ་ལའང་མེད༔ གང་གིས་བདག་གི་ཕ་བྱས་ཤིང་༔ རྟ་དང་གླང་པོ་བྱིན་པ་ཡང་༔ ཚངས་པའི་འཇིག་རྟེན་ལས་ཀྱང་ཐལ༔ ཞེས་དང་༔ སྤྱོད་འཇུག་ལས༔ གང་གིས་ལྟོར་མ་ཉལ་བའི་སེམས་ཅན་གཅིག་མེད་ཅིང་༔ གང་གི་ནོར་རྫས་བྱིན་དང་བསྲུང་ལ་སོགས༔ བདག་གི་དོན་དུ་དཀའ་བ་མ་སྤྱད་སེམས་ཅན་ནི༔ གཅིག་ཀྱང་མེད་ཕྱིར་ཀུན་ལ་སྙམ་པར་བྱ༔ ཞེས་གསུངས་པའི་ཕྱིར་སེམས་ཅན་ཐམས་ཅད་ཕ་མ་ཤ་སྟག་ཡིན་པས་དེ་ཐམས་ཅད་ལ་བྱམས་སྙིང་རྗེ་བསྒོམ་དགོས་ཏེ༔ བསྒོམ་ལུགས་ནི་ཨོ་རྒྱན་རིན་པོ་ཆེས་གསུངས་པ༔ དབེན་པར་མཉམ་བཞག་ཐལ་འགེལ་ཕྱག་རྒྱ་་་མྱ་ངན་ཕྱག་རྒྱ་ཡིན་ནོ༔ རྐང་གཡས་བསླང་བའི་སྟེང་གྲུ་མོ་བཙུགས་པས་འདན་པ་སྐྱོར།

[Full Size]

རྐང་གཡོན་བསྙལ༔ བྱས་ལ༔ ངན་སོང་གསུམ་གྱི་སྡུག་བསྔལ་ལ་བྱམས་དང་སྙིང་རྗེ་བསྒོམས་ཏེ༔ ཀྱེ་མ་ཚ་བའི་དམྱལ་བ་ལ༔ ལྕགས་ཁང་སུམ་རིམ་གྱི་ནང་དུ་ཕྱོགས་བཞི་ནས་མེ་ཆེན་པོ་འབུད་ཅིང་ལོ་གྲངས་མེད་པར་བསྲེགས་ཤིང་ལུས་ནག་རུལ་རུལ་དམར་ཁོག་ཁོག་སོང་རུང་ལས་ཀྱིས་འཆི་རྒྱུ་མེད་པར༔ ཕ་འབོད་མ་འབོད་བཟའ་རོགས་བུ་ཚ་ཉེ་རིང་ལ་འབོད༔ ཨ་ཙ་མ་རིང་རིང་བྱེད་ཀྱང་ཕན་པ་མེད༔ བྱ་ཐབས་མེད་པར་སྙིང་རེ་རང་རྗེ་ན༔ ངས་ཐབས་གང་གིས་ཕན་ན་སྙིང་རེ་རང་རྗེ་ན༔ ཡེང་གྲང་བའི་དམྱལ་བ་ནི་གངས་སྟོང་རི་བྲག་འཁྱག་ཁྲོད་ཆུ་གླིང་རྣམས་ན་ལུས་འཁྱགས་ཚལ་པར་གས༔ ནང་ཁྲོལ་ཕྱིར་ཐོན་འཁྱགས་རུམ་རུམ་ཚེར་ཚེར༔ དོན་སྙིང་རྣམས་ཚལ་པར་ཤིག་ཤིག༔ ཁ་འཐམ་སོ་འགྲིགས་ཁྲུ་རེ་ཙམ་འཕར་ཞིང་འདར༔ མིག་སྐྱ་ལོག་ལོག་པ་ལ་སྐབས་སུ་ཨ་ཤུ་ཨ་ཙ་མ་ཙིར་ཙིར་ལ༔ ལོ་དང་ཁུང་མེད་བསྐལ་བར་སྡོད་དགོས་པ་སྙིང་རེ་རང་རྗེ་ན༔ ཐབས་གང་གིས་ཕན་པར་ནུས་ན་བསམ་བདག་གི་ཤུལ་ཞིག་ཞུགས་ནུས་པའི་སྙིང་རྗེ་དྲག་པོ་ཁ་ཙམ་མིན་པར་བསྒོམ་མོ༔ དེ་ལ་སོགས་པ་ཤལ་མ་རིའི་སྡོང་པོ་དང་

[Full Size]

ཐལ་ཚན་རབ་མེད་རལ་གྲིའི་ནགས་ཚལ༔ ཡང་ཤི་ཡང་སོས་ལ་སོགས་ཆོས་སྤྱི་ལྟར་སྤོས་ཏེ་བྱེད་ན་བླ་མས་ཤེས་པར་བྱའོ༔ དེ་ནས་ཡང་ནི་ཡི་དྭགས་ཀྱི་སྡུག་བསྔལ་ལ་སྙིང་རྗེ་བསྒོམས་ཏེ༔ ཡི་དྭགས་ནི་ལུས་ཀྱི་བབ་ཁང་པ་ཆེན་པོ་ཙམ་མགོ་རྫ་ཟོམ་ཙམ༔ གྲེ་བ་ཁབ་ཙམ་ཟས་བསྐལ་པར་མི་རྙེད་ཅིང་སྡུག་བསྔལ༔ བཀྲེས་སྐོམ་པས་ཕྱོགས་ཀུན་ཏུ་རྒྱུག༔ བརྒྱ་ལམ་རྙེད་ཀྱང་རྐེ་ལ་མི་འགྲོ༔ ཅུང་ཟད་ཙམ་སོང་ཡང་ཁོག་པ་ནས་ཁྲོ་ཆུར་སོང་བས་མེ་འབར་ནས་དེ་བས་ཀྱང་སྡུག་བསྔལ་ཆེ་བ་སྙིང་རེ་རང་རྗེ་བསམ་དུ་མ་ཡེངས་པར་བསྒོམས༔ ཡང་ཟས་དང་ཆུའི་དྲི་དང་སྐད་ཚོར་ནས་ལུང་པ་མང་པོར་ཉིན་མཚན་ལོ་ཟླར་བཙལ་ཡང་མི་རྙེད་པར་ཤིན་ཏུ་ཡང་ལུས་དུབ་སྡུག་བསྔལ་ཆོ་ངེས་འདེབས་ཤིང་ཤར་འཆིར་མི་བཏུབ་པ་སྙིང་རེ་རང་རྗེ་ན་ཅི་རང་ཕན་ན་བསམ་མི་ཚུགས་པ་བསྒོམ་སྟེ༔ ཡང་རིགས་གཅིག་ནི་བསྒྲེས་སྐོམ་ཉམ་ཐག་ཕྱོགས་མཐའ་དག་ཏུ་སོང་བས་རྒྱང་རིང་པོ་ནས་ཟས་མཐོང་བས༔ ལྟོགས་སྐོམ་ངལ་དུབ་དུབ་རྩར་ཕྱིན་པ་དང་མེ་དཔུང་དང་མཚོན་ཆ་ཐོགས་པས་བསྲུངས་ནས་མི་ཐོབ་དེ་ཡི་མུག་ཟུང་དང་བྲལ་བརྒྱལ་ནས་འགྲོ༔ ཡང་ཆུ་མཐོང་

[Full Size]

ནས་འགྲོ་རྒྱུ་མེད་བཞིན་བསྙགས་བསྙགས་པས་སླེབས་པ་དང་རྣག་ཁྲག་རེད་པ་དང་༔ ཡང་ས་འོག་ཏུ་ཐིམ་སྐད་ཐོས་པ་ཉན་ཞིང་ལག་པས་བྲེད་པས་མཇུག་མགོ་རུས་པ་ལ་ཐུག་པར་བྲད་ཀྱང་ཇེ་དམར་སོང་ཁོག་པ་ནི་སྐོམ་ཁ་ནས་ནི་མེ་འབར་ཤིན་ཏུ་སྡུག་བསྔལ་བ་ལ་འཆིར་མི་བཏུབ་པ་ལོ་དང་བསྐལ་པར་སྡོད་པ་སྙིང་རེ་རང་རྗེ་ན་བསམ་དུ་སྙིང་ནས་བསྒོམ༔ དེ་ནས་ཡང་དུད་འགྲོ་ལ་སྙིང་རྗེ་བསྒོམ་པ་ནི༔ ཡང་དུད་འགྲོའི་རིགས་འདི་དག་མ་རིག་པ་གཏི་མུག་གིས་སྨྲས་པའི་གཏམ་མི་གོ༔ དཀོན་མཆོག་གསུམ་གྱི་སྒྲ་མི་གྲགས༔ རྨོས་རྨོ་སྤུ་བྲེག་རྒས་འཁོག་ཀྱང་མི་ཐེག་པའི་ཁལ་འགེལ༔ འཕོངས་ཤ་བརྩོགས་རུས་པ་བརྩོགས་སུ་བརྡུང་༔ རྐེད་པ་ཉག་ཉག་འཕང་ཅོག་ཅོག་འུ་ཐུག་ནས་འགྱེལ༔ ཉལ་རུང་རང་དབང་མེད་པར་བརྡུང་བ་སྙིང་རེ་རང་རྗེ་ན་སྙམ་དུ་སྙིང་ནས་བསྒོམ༔ ཡང་རིགས་གཅིག་ནི་ནད་ཅུང་ཟད་དེ་ཙམ་མེད་པར་ཧྲིལ་གྱིས་བསྒྲིལ༔ སྟེང་དུ་ཞོན་སྙིང་ལ་གྲི་རྒྱག་སུག་བཞི་ཡོབ་ཡོབ༔ ཁ་ཏང་ཏང་མིག་སྐྱ་ལོག་ལོག་བྱེད་སྔངས་ན་ཚ་ནི་ཆེ་བྱ་ཐབས་ནི་མེད༔ སྒེ་ཁུག་ཁུག་འཆི་དགོས་པ་ཨ་ཙ་མ་ན་སྙིང་རེ་རང་རྗེ་ན་སྙམ་དུ་མི་བཟོད་པ་

[Full Size]

བསྒོམ༔ ཡང་རི་དྭགས་རྣམས་ནི་མི་ཁྱི་མང་པོས་རི་མེད་ཀླུང་མེད་དུ་དེད་ཤ་ཆད་སྤུ་ཆད་བྲེད་སྔངས༔ སྙིང་གས་པར་བྲོས་ཀྱང་གསོད༔ ཡང་འགའ་ཞིག་ནི་གཞོན་ནས་མ་རྒས་བར་དུ་རྨོས་རྨོ༔ སྤུ་དང་ཞོ་བྱིན་བཟའ་ཁྱིམ་གང་དཀར་མེ་རེ་སྣུམ་ཧྲུག་གེ་བསྐྱངས་བའི་ལན་ཏུ་རྒས་པ་དང་བཙོང་༔ རང་ཡུལ་གྱི་འདུ་ཤེས་སྐྱེས་ནས་བྲོས་འོང་ཡང་བརླག་གོ༔ ཡང་རྒས་ནས་ཁ་བྲ་བེད་མེད་ཟེར་ནས་དྲིན་མ་དང་མཉམ་ཡང་གསོད༔ ལར་སྡུག་བསྔལ་རྣམས་སྣ་རེ་ནས་བསམ་ཡང་སྙིང་རེ་རང་རྗེ་ན་བསམ་དུ་བསྒོམ༔ དེ་ནས་བྱིངས་ལ་གནས་པ་དུད་འགྲོ་ལ༔ རི་རབ་ཀྱི་ཟོམ་དང་ཕྱིའི་རྒྱ་མཚོ་རྣམས་ན་ཆེ་བས་ཆུང་བ་ཐམས་ཅད་ཧབ་རེ་ལ་ཟ༔ ཆུང་བ་ཐམས་ཅད་ཀྱིས་ཆེ་བ་ལ་རུབ་ནས་ཟ༔ གཏི་མུག་ཉིན་མཚན་ངོ་མི་ཤིས་སྨྲ་མི་ཤེས་དོན་མི་གོ༔ སླར་ཡང་སྡུག་བསྔལ་མཐའ་མེད་དུ་འཁྱམས་པ་སྙིང་རེ་རང་རྗེ་ན་སྙམ་པ་བསྒོམ༔ དེ་ལྟར་རིགས་དྲུག་གི་སྡུག་བསྔལ་རྣམས་ལ་རང་གི་ཕ་དང་མར་མ་གྱུར་པ་མི་གཅིག་ཀྱང་མེད་ན༔ མ་རིག་པ་འདི་རྣམས་སྙིང་རེ་རང་རྗེ་ན༔ ཚེ་སྟོད་ཀྱི་བུ་ཚེ་སྨད་ཀྱི་དགྲ་ཚེ་སྟོད་དགྲ་ཚེ་སྨད་ཀྱི་བུ་ཚ༔ དེ་བཞིན་དུ་ཚེ་སྟོད་ཀྱི་ཕ་མ་ཚེ་སྨད་ཀྱི་

[Full Size]

དགྲ༔ གནས་སྐབས་ཀྱི་དགྲ་གཉེན་ཅི་ལྟར་བཟུང་རུང་ཐམས་ཅད་བདག་གི་ཕ་མར་མ་གྱུར་པ་ནི་མེད༔ དེ་བས་སེམས་ཅན་རེ་རེས་ཕ་མ་བྱས་པ་ཡང་གྲངས་མེད་ན༔ བདག་གི་ཕ་མ་དྲིན་ཆེན་འདི་རྣམས་ཐབས་གང་གིས་བདེ་བ་ལ་སྦྱར༔ ངན་སོང་གི་སྡུག་བསྔལ་ལ་རྟག་ཏུ་སྤྱོད་པའི་ཕ་མ་དྲིན་ཆེན་རྣམས་སྙིང་རེ་རྗེ༔ སྙིང་རེ་རང་རྗེ་སྙམ་དུ་ཡང་ཡང་བསྒོམ་མོ༔ དེའི་ཚེ་སྙིང་རྗེ་དང་བྱང་སེམས་མ་སྐྱེས་ན༔ རང་ལ་ཞེ་ཁྲེལ་བདའ་སྟེ༔ ཁྱོད་ཀྱིས་སྤྱིར་ཕ་མ་རིགས་དྲུག༔ སྒོས་སུ་ད་ལྟའི་ཕ་མ་དྲིན་ཆེན་འདི་ཀུན་གྱིས་དཀའ་བ་དང་དྲིན་དེ་ཙམ་གྱིས་བསྐྱངས་རུང་ཁྱོད་ཞེ་ཐག་པའི་བྱམས་པ་དང་སྙིང་རྗེ་མི་སྐྱེ་བ༔ ཁྱོད་འདྲ་བ་གདིང་མེད་པོ་ཁྲེལ་མེད་པོ་ངོ་ཚ་མེད༔ ཕྱི་ཐག་མེད༔ དྲན་དུ་མི་བཟོ་ཁ་ཆོས་ཞེ་ངན་པོ༔ ཁྱོད་རེ་སྡུག་ཞེ་རེ་ཁྲེལ་ལས་རེ་ངན་དཀོན་མཆོག་གིས་རེ་ཁྲེལ་བྱས་ལ༔ སྙིང་ནས་བྱམས་སྙིང་རྗེ་བསྒོམ༔ ཞེས་གསུངས་པ་ལྟར་དུ་བསྒོམ་སྟེ༔ དེ་ཡང་མན་ངག་གི་བསྒོམ་ལུགས་ནི་སེམས་ཅན་ཚོགས་མ་བསགས་པ་ལ་ལ་དག༔ ད་ལྟ་རྩ་བའི་ཕ་མ་ལ་སྙིང་རྗེ་མི་སྐྱེ་བས༔ རང་ལ་ཡིད་མཐུན་པའི་མི་ཞིག་ལ་དམིགས་

[Full Size]

ནས་བྱམས་སྙིང་རྗེ་བསྒོམས་པས་སྐྱེ་སླ༔ དེ་ནས་རྩ་བའི་མ་ལ་བསྒོམ༔ དེ་ནས་ཕ་ལ་བསྒོམ༔ དེ་ནས་ཉེ་དུ་ཤ་བརྩེ་བ་རྣམས་ལ༔ དེ་ནས་མཐུན་ཕྱོགས་ཐམས་ཅད་ལ༔ དེ་ནས་ས་ཕྱོགས་གཅིག་པ་ལ༔ དེ་ནས་བོད་ཁམས་ཐམས་ཅད་ལ༔ དེ་ནས་འཛམ་གླིང་སྤྱི་ལ༔ དེ་ལ་བྱམས་སྙིང་རྗེ་སྐྱེ་ན༔ བྱེ་བྲག་རང་དང་མི་མཐུན་པ་རྣམས་ལ༔ དེ་ནས་དགྲ་ལ་བྱམས་སྙིང་རྗེ་བསྒོམ༔ དེ་འབྱོངས་ནས་གླིང་བཞི་དང་སྟོང་གསུམ་དང་༔ འགྲོ་བ་རིགས་དྲུག་དང་༔ དེ་ནས་ནམ་མཁས་ཁྱབ་པའི་སེམས་ཅན་ཐམས་ཅད་ལ་བསྒོམ༔ དེ་ལ་ཕྱོགས་རིས་མེད་པར་སེམས་མཉམ་པར་གྱུར་ན་བྱམས་པ་ཆེན་པོ་དང་སྙིང་རྗེ་ཆེན་པོ་བསྒོམ༔ བྱམས་པ་དང་སྙིང་རྗེའི་དབང་གིས་རང་དབང་མེད་པར་འཆི་མ་འཁྲུགས་པ་དང་༔ བ་སྤུ་གཡོ་ནུས་ན་བྱམས་པ་དང་སྙིང་རྗེ་ཆེན་པོ་ཡིན་པར་བཤད༔ འདི་ནི་ལས་དང་པོ་པའི་བསྒོམ་བྱ་སེམས་ཅན་ལ་དམིགས་པའི་བྱམས་སྙིང་རྗེ་ཡིན་ཏེ༔ སངས་རྒྱས་ཐོབ་པ་ལ་དང་པོ་ས་བོན་ལྟར་མེད་ཐབས་མེད༔ བར་དུ་ཆུ་ལུད་ལྟར་གལ་ཆེ༔ ཐ་མར་སྟོན་ཐོག་ཕུན་སུམ་ཚོགས་པ་ལྟར་སངས་རྒྱས་ནས་སེམས་ཅན་ལ་ཕན་པ་རྒྱ་ཆེན་

[Full Size]

པོ་འབྱུང་བ་ཡིན་ཏེ༔ འཇུག་པ་ལས༔ གང་ཕྱིར་བརྩེ་ཉིད་རྒྱལ་བའི་ལོ་ཏོག་ཕུན་ཚོགས་འདི༔ ས་བོན་དང་ནི་སྤེལ་ལ་ཆུ་འདྲ་ཡུན་རིང་དུ༔ ལོངས་སྤྱོད་གནས་ལ་སྨིན་པ་ལྟ་བུར་འདོད་གྱུར་པ༔ དེ་ཕྱིར་བདག་གིས་ཐོག་མར་སྙིང་རྗེ་བསྟོད་པར་བགྱི༔ ཞེས་དང་༔ བསླབ་བཏུས་ལས༔ འདི་ཉིད་དེ་བཞིན་གཤེགས་པ་མཉེས་བྱེད་ཡིན༔ སེམས་ཅན་མགུ་བར་བྱེད་པའང་འདི་ཉིད་དེ༔ རང་དོན་ཡང་དག་བསྒྲུབ་པའང་འདི་ཉིད་དོ༔ ཞེས་དང་༔ བློ་གྲོས་རྒྱ་མཚོས་ཞུས་པའི་མདོར༔ གསུམ་པོ་འདི་དག་ནི་དེ་བཞིན་གཤེགས་པ་ལ་མཆོད་པ་བླ་ན་མེད་པ་སྟེ༔ བྱང་ཆུབ་ཏུ་སེམས་བསྐྱེད་པ་དང་༔ དམ་པའི་ཆོས་འཛིན་པ་དང་༔ སྲོག་ཆགས་རྣམས་ལ་སྙིང་བརྩེ་བའོ༔ ཞེས་གསུངས༔ དེ་ལྟར་བྱང་ཆུབ་ཏུ་སེམས་བསྐྱེད་བྱམས་སྙིང་རྗེ་བསྒོམ་པས་རང་གཞན་གྱི་དོན་ཐམས་ཅད་འགྲུབ་སྟེ༔ སྤྱོད་འཇུག་ལས༔ དེང་ནས་བཟུང་སྟེ་གཉིད་ལོག་གམ༔ བག་མེད་གྱུར་ཀྱང་བསོད་ནམས་ཤུགས༔ རྒྱུན་མི་ཆད་པ་དུ་མ་ཞིག༔ ནམ་མཁར་མཉམ་པ་རབ་ཏུ་འབྱུང་༔ རྒྱལ་སྲས་རྣམས་ལ་དོ་གལ་ཆེན་པོས་ཀྱང་༔ སྡིག་པ་མི་འབྱུང་

[Full Size]

དགེ་བ་ངང་གིས་འཕེལ༔ དེ་ཚེ་བདག་གི་འབྲས་བུ་ཡོད༔ མི་ཡི་སྲིད་པ་ལེགས་པར་ཐོབ། དེ་རིང་སངས་རྒྱས་རིགས་སུ་སྐྱེ༔ སངས་རྒྱས་སྲས་སུ་ད་གྱུར་ཏོ༔ འདི་ནི་བྱང་ཆུབ་སེམས་སྟོབས་ཀྱི༔ སྔོན་གྱི་བསོད་ནམས་ཀུན་གྱི་གཏེར༔ དེ་ནི་རྒྱལ་སྲས་ཆགས་མེད་རབ་ཏུ་ཐོབ༔ ཅེས་དང་༔ བྱང་ཆུབ་སེམས་བསྐྱེད་གྱུར་པའི་སྐད་ཅིག་ལ༔ འཁོར་བའི་བཙོན་རར་བསྡོམ་པའི་ཉམ་ཐག་རྣམས༔ རྒྱལ་བ་རྣམས་ཀྱི་སྲས་ཞེས་རབ་བརྗོད་དེ༔ འཇིག་རྟེན་ལྷ་མིར་བཅས་པས་ཕྱག་བྱར་འགྱུར༔ གསེར་འགྱུར་རྩི་ཡི་རྣམ་པ་མཆོག་ལྟ་བུ༔ མི་གཙང་ལུས་འདི་བོར་ནས་རྒྱལ་བའི་སྐུ༔ རིན་ཆེན་རིན་ཐང་མེད་པར་བསྒྱུར་བས་ན༔ བྱང་ཆུབ་སེམས་ཞེས་བྱ་བ་རབ་བརྟན་བཟུང་༔ དགེ་བ་གཞན་ཀུན་ཆུ་ཤིང་བཞིན་དུ་ནི༔ འབྲས་བུ་བསྐྱེད་ནས་ཟད་པར་འགྱུར་བ་ཉིད༔ བྱང་ཆུབ་སེམས་ཀྱི་ལྗོན་ཤིང་རྟག་པར་ཡང་༔ འབྲས་བུ་སྦྱིན་ཅིང་མི་ཟད་འཕེལ་བར་འགྱུར༔ སྡིག་པ་ཤིན་ཏུ་མི་བཟད་བྱས་ན་ཡང་༔ དཔའ་ལ་བརྟེན་ནས་འཇིགས་པ་ཆེན་པོ་ལྟར༔ གང་ལ་བསྟེན་ན་ཡུད་ཀྱིས་སྒྲོལ་གྱུར་པ༔ དེ་ལ་བག་ཅན་རྣམས་ཀྱིས་ཅིས་མི་བསྟེན༔ དེས་

[Full Size]

ནི་དུས་མཐའི་མེ་བཞིན་སྡིག་ཅན་རྣམས༔ སྐད་ཅིག་གཅིག་གིས་ངེས་པར་སྲེག་པར་བྱེད༔ འགྲོ་བའི་འཆི་བདག་འཇོམས་བྱེད་པའི༔ བདུད་རྩིའི་མཆོག་ཀྱང་འདི་ཉིད་ཡིན༔ འགྲོ་བའི་དབུལ་བ་སེལ་བྱེད་པའི༔ མི་ཟད་གཏེར་ཡང་འདི་ཉིད་ཡིན༔ འགྲོ་བའི་ཉོན་མོངས་གདུང་སེལ་བའི༔ སེམས་ཀྱི་ཟླ་བ་ཤར་བ་ཡིན༔ འགྲོ་བའི་ཤེས་རབ་རིབ་དག༔ དཔྱིས་འབྱིན་ཉི་མ་ཆེན་པོ་ཡིན༔ ཞེས་གསུངས་སོ༔ འདི་ལྟར་བྱམས་སྙིང་རྗེ་མེད་ན་སྟོང་ཉིད་ཁོ་ན་བསྒོམས་ཀྱང་རྫོགས་པའི་སངས་རྒྱས་མི་ཐོབ་སྟེ༔ ཐེག་དམན་ཉན་རང་གི་ལམ་དུ་ལྟུང་བས་གེགས་སེལ་གྱི་གཙོ་བོ་ཡང་ཡིན་ཏེ༔ དཀོན་མཆོག་བརྩེགས་པ་ལས༔ དཔེར་ན་ནམ་མཁའ་ལ་ནི་ས་བོན་སྐྱེ་བ་ནི༔ འདས་དང་མ་འོངས་ད་ལྟ་བྱུང་བ་མེད༔ དེ་བཞིན་འདུས་མ་བྱས་ལ་སངས་རྒྱས་ཆོས༔ སྐྱེ་བ་གོང་དུའང་མ་བྱུང་འབྱུང་མི་འགྱུར༔ ཞེས་གསུངས༔ དེ་བཞིན་དུ་དྲི་མ་མེད་པར་གྲགས་པའི་མདོ་ལས༔ རིགས་ཀྱི་བུ་འདི་ལྟ་སྟེ་དཔེར་ན༔ དགོན་པ་དུངས་པའི་ས་ཕྱོགས་སུ་མེ་ཏོག་ཨུཏྤལ་དང་པདྨ་དང་ཀུ་མུ་ཏ་ལ་སོགས་པ་མི་སྐྱེ་སྟེ༔ འདམ་རྫབ་དང་ཆུ་གླིང་དུ་བསྐྱེད་།

[Full Size]

པ་ན་དེ་རྣམས་སྐྱེའོ༔ རིགས་ཀྱི་བུ་དེ་བཞིན་དུ་འདུས་མ་བྱས་ངེས་པར་ཐོབ་པའི་སེམས་ལ་སངས་རྒྱས་ཀྱི་ཆོས་རྣམས་མི་སྐྱེ༔ ཞེས་གསུངས༔ དེ་ལྟར་རིགས་དྲུག་གི་སེམས་ཅན་སྡུག་བསྔལ་བ་ལ་ཤ་ཚ་ཞིང་མི་བཟོད་པས་ཐབས་ཡོད་ན་རང་དེའི་མལ་དུ་ཞུགས་ནས་གཞན་ཐར་བར་བྱེད་ནུས་པ་ཙམ་དུ་བསྒོམ་པ་སེམས་ཅན་ལ་དམིགས་པའི་བྱམས་སྙིང་རྗེ་ལས་དང་པོ་པའི་བསྒོམ་བྱ་ཡིན་ལ༔ སྣང་སྲིད་ཀྱི་ཆོས་ཐམས་ཅད་སྒྱུ་མ་རྨི་ལམ་ཆུ་ཟླ་ལྟར་རྟོགས་པ་ན༔ དེ་ལྟར་མ་རྟོགས་ནས་འཁྲུལ་པས་སྡུག་བསྔལ་བ་ལ་སྙིང་རྗེ་བསྒོམ་པ་ནི་ཆོས་ལ་དམིགས་པའི་བྱམས་སྙིང་རྗེ༔ སེམས་ཅན་ཐམས་ཅད་ངོ་བོ་མ་གྲུབ་པ་བདག་གཞན་དབྱེར་མེད་པའི་ལྟ་བ་རྟོགས་པའི་ངང་ནས་མ་རྟོགས་འཁྲུལ་པའི་འགྲོ་བ་ལ་སྙིང་རྗེ་ངང་གིས་འཆར་བ་དམིགས་པ་མེད་པའི་སྙིང་རྗེ་དང་༔ བྱམས་ཆེན་གཉུག་མའི་ཏིང་ངེ་འཛིན་ཞེས་བྱ་བ་ཡིན་པར་གསུངས་ན་ཡང་༔ རེ་ཞིག་དང་པོ་བསྒོམ་བྱ་ཡིན་པས༔ ཨོ་རྒྱན་རིན་པོ་ཆེས༔ བདག་གི་ལུས་ལོངས་སྤྱོད་བསགས་པའི་དགེ་བ་བདེ་སྟོང་གི་ཉམས་ལུས་ངག་ཡིད་ཀྱི་བདེ་བ་ཐམས་ཅད༔ བདག་གི་ཕ་མ་དྲིན་ཆེན་རྣམས་ཀྱིས་ཐོབ་པར་གྱུར་ཅིག༔ ཕ་

[Full Size]

མ་དྲིན་ཆེན་གྱི་ལུས་ངག་ཡིད་གསུམ་གྱི་མི་དགེ་བ་ན་ཚ་སྡུག་བསྔལ༔ ལས་ངན་ཐམས་ཅད་བདག་ལ་སྨིན་པར་གྱུར་ཅིག༔ ཅེས་ཡིད་ཀྱིས་བསྔོ་ངག་ཏུ་ཡང་མདོར་ན་མི་བཟོད་པའི་སྙིང་རྗེ་བྱམས་པས་བདག་གཞན་ངེས་པར་བརྗེ་ཕོད་པར་བསྒོམ་མོ༔ ཞེས་གསུངས་པ་དང་༔ སྤྱོད་འཇུག་ལས༔ བདག་བདེ་གཞན་གྱི་སྡུག་བསྔལ་དག༔ ཡང་དག་བརྗེ་བར་མ་བྱས་ན༔ སངས་རྒྱས་ཉིད་དུ་མི་འགྲུབ་པས༔ འཁོར་བ་ན་ཡང་བདེ་བ་མེད༔ ཅེས་གསུངས་ཤིང་འདིའི་ལུགས་བྱམས་སྙིང་རྗེ་དུས་གཅིག་ཏུ་བསྒོམ་པ་རླུང་དང་བསྲེ་བ་གཏོང་ལེན་གྱི་དམིགས་པ་ཡིན་ཏེ༔ ལུས་བསྲང་ལ་རླུང་རོ་ཞིག་བུས་ཏེ༔ སྣ་བུག་ནས་རླུང་ཕར་འགྲོ་བའི་ཚེ༔ རང་གི་བདེ་སྐྱིད་དང་དགེ་བའི་རྩ་བ་ཅི་ཡོད་པ་ཐམས་ཅད༔ ཕ་མ་སེམས་ཅན་ཐམས་ཅད་ལ་སིབ་ཀྱིས་ཐིམ་པས༔ ཁོང་རྣམས་བདེ་བ་ཚད་མེད་པ་དང་ལྡན་ཞིང་བདེ་བའི་རྒྱུ་ལུས་ངག་ཡིད་གསུམ་ཟག་མེད་ཀྱི་དགེ་བ་ལ་སྤྱོད་པར་བསྒོམས་པ་ནི་བྱམས་པའོ༔ རླུང་ཚུར་རྔུབ་པའི་ཚེ་ན་ཕ་མ་སེམས་ཅན་ཐམས་ཅད་ཀྱི༔ ་སྡུག་བསྔལ་སྡིག་སྒྲིབ་ཅི་ཡོད་པ་ཐམས་ཅད་ཚུར་རང་ལ་སིབ་སིབ་ཐིམ་པས༔

[Full Size]

ཁོང་རྣམས་ཀྱི་སྡུག་བསྔལ་ཅི་ཡོད་པ་ཐམས་ཅད་དང་བྲལ༔ སྡུག་བསྔལ་གྱི་རྒྱུ་སྡིག་སྒྲིབ་ཐམས་ཅད་དང་བྲལ་བར་བསྒོམ་པ་ནི་སྙིང་རྗེའོ༔ དེ་ངག་ཏུ་བརྗོད་ན༔ སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག༔ སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག༔ ཅེས་བརྗོད་དེ༔ དེ་ལྟ་བུ་ཐུན་རེ་ལ་དེ་དམིགས་པ་རླུང་དང་སྦྲགས་པ་བརྒྱའམ་ཉེར་གཅིག་ཙམ་རེ་བྱ༔ ཁྲིད་ཀྱི་ཚེ་ཐུན་བཞིའམ་དྲུག་ཏུ་བསྒོམ༔ དེ་ལྟར་བསྒོམས་པས་རང་ལ་མི་རུང་བའི་སྡུག་བསྔལ་འབྱུང་དོགས་ན་མི་སྲིད་དེ༔ སྡུག་བསྔལ་ནི་སྡིག་སྒྲིབ་ལས་འབྱུང་བ་ཡིན༔ བདེ་སྐྱིད་ནི་དགེ་བས་འབྱུང་ན༔ དེ་ནི་དགེ་བའི་མཆོག་ཡིན་པས་སྡུག་བསྔལ་བསྐྱེད་པ་མི་སྲིད༔ དེར་མ་ཟད་དགྲ་དང་གདོན་དང་ལྷ་འདྲེ་གདུག་པ་ཅན་ལ་ཡང་བྱེ་བྲག་དེ་ལ་དམིགས་ནས་བསྒོམས་པས་གནོད་པ་ཞི༔ གདོན་ཡིན་ཀྱང་དམ་ལ་ཐོག་ནས་སྲུང་མར་འོང་བ་ཡིན་ཏེ༔ བཅོམ་ལྡན་འདས་ཀྱིས་ཀྱང་བྱམས་པའི་ཏིང་ངེ་འཛིན་གྱིས་བདུད་བཏུལ་བ་ཡིན་ལ༔ སངས་རྒྱས་རྣམས་ལ་དད་གུས་ཅན་རྗེས་སུ་འཛིན་སྙམ་པའི་རྣམ་པར་རྟོག་པ་མི་མངའ་ཡང་༔ སྔོན་བྱང་ཆུབ་སེམས་

[Full Size]

དཔའི་ཚེ་བྱམས་སྙིང་རྗེ་ལ་གོམས་ཤིང་སྨོན་ལམ་བཏབ་པས་དེང་སང་སངས་རྒྱས་དྲན་པ་ལ་ཡང་ཐུགས་རྗེ་དང་བྱིན་རླབས་འཇུག་པ་སྟེ༔ སྔོན་རྒྱལ་པོ་གསོལ་རྒྱལ་གྱི་བུ་མོ་རྡོ་རྗེ་བྱ་བ་གཟུགས་ངན་པས་རྒྱལ་པོའི་མཚང་དུ་གྱུར་ནས་མཛོད་དགུ་རིམ་གྱི་མུན་ཁང་དུ་སྦས་པས༔ སངས་རྒྱས་ལ་དད་པ་སྐྱེས་ཏེ་ཡིད་ལ་བྱས་པས་བཅོམ་ལྡན་འདས་དེར་བྱོན་ནས་འོད་ཟེར་ཕོག་པས༔ མོ་གཟུགས་ལྟ་ན་སྡུག་པར་གྱུར་པ་ཡང་སངས་རྒྱས་དེར་བྱོན་པ་མེད་ཀྱང་བྱམས་སྙིང་རྗེ་ལ་གོམས་པའི་མཐུ་ཡིན་པར་གསུངས་པ་དང་༔ མཐའ་འཁོབ་ཀྱི་རྒྱལ་པོ་འཕགས་སྐྱེས་པོས་ཤཱཀྱའི་བུ་མོ་མང་པོ་སྐྱིད་པ་བྲེག་ནས་གྲོགས་རོངས་སུ་བསྒྱུར་བ་ན༔ སངས་རྒྱས་ལ་གསོལ་བ་བཏབ་པས་ཐུབ་པ་དེར་བྱོན་ཏེ་རྨ་རྣམས་བཀྲུས་ནས་སྨན་བྱུག་སྟེ་ཕན་པར་མཛད་པ་ཡང་བྱམས་པ་དང་སྙིང་རྗེའི་མཐུ་ཡིན་གྱི་སངས་རྒྱས་དེར་བྱོན་པ་ཡང་མེད་གསུངས༔ དེ་ལྟ་བུ་བྱམས་སྙིང་རྗེ་གཏོང་ལེན་གྱི་དམིགས་པ་བསྒོམས་པས་མཛེ་དང་རིམས་ལ་སོགས་པ་འགོ་བའི་ནད་དང་༔ བྱད་ཁ་རྦོད་གཏོང་ཀག་དང་སྲི་ལ་སོགས་པས་ཀྱང་མི་ཚུགས་པར་བསྲུང་བའི་མཆོག་དམ་པ་ཡིན་ཏེ༔ སྒྱུ་འཕྲུལ་དྲྭ་བ་

[Full Size]

ལས་བྱམས་པའི་གོ་ཆ་ཆས་པ་སྟེ༔ སྙིང་རྗེ་ཡི་ནི་ཡ་ལད་བགོས༔ ཞེས་དང་༔ ཨོ་རྒྱན་རིན་པོ་ཆེས༔ བྱང་ཆུབ་མཆོག་ཏུ་སེམས་བསྐྱེད་པའི་སྲུང་བ་ནི༔ ལུས་ཅན་རྣམས་ཀྱི་བྱང་ཆུབ་མཆོག་ཐོབ་བསྒོམ་ཞེས་པ་ནི༔ སྐྱེ་འགྲོ་དབུགས་ཀྱིས་བསྡུས་ཤིང་ཤེས་པས་ཟིན་པས་ཁྱད་པར་གནོད་བྱེད་ཀྱིས་གཙོ་བྱས་ཐམས་ཅད༔ བདེ་བ་དང་ལྡན་སྡུག་བསྔལ་དང་བྲལ་ནས་སངས་རྒྱས་སྐུ་གསུམ་གྱི་གོ་འཕང་ཐོབ་པར་བྱེད་པ་དེའི་ཆེད་དུ་ལྷ་སྒོམ་སྔགས་བཟླས་ལུས་ངག་ཡིད་གསུམ་དགེ་བ་ལ་བཀོད་སྙམ་དུ་བསམ་མོ༔ དེས་ནི་བསྲུང་བ་ཀུན་གྱི་མཆོག་ཡིན་ནོ༔ གནོད་བྱེད་ཁོ་རང་གི་དོན་དུ་སྒྲུབ་པ་བྱེད་པ་ལ་ཁོ་རང་གི་བར་དུ་མི་གཅོད་པའོ་ཞེས་གསུངས་སོ༔ དེ་ལྟར་བསྒོམ་པ་དེ་ནི་ཕྱི་མདོ་ལུགས་དང་ཐུན་མོང་གི་བྱམས་སྙིང་རྗེ་བསྒོམ་པ་ཡིན་ལ༔ ནང་སྔགས་ཀྱི་ལུགས་སུ་བྱམས་སྙིང་རྗེ་བསྒོམ་པ་ནི༔ བདག་ལུས་བྱམས་སྙིང་རྗེའི་ལྷ་ཐུགས་རྗེ་ཆེན་པོ་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་བཞི་པར་བསྒོམ་པའི་སྐུ་ལས་འོད་ཟེར་དཀར་པོ་འཕྲོས་པས་སེམས་ཅན་ཐམས་ཅད་ལ་ཕོག་ནས་བདེ་བ་ཚད་མེད་པ་དང་ལྡན་པར་བྱས༔ སྐུ་ལས་འོད་ཟེར་

[Full Size]

སེར་པོ་འཕྲོས་ནས་ཕོག་པས་སེམས་ཅན་ཐམས་ཅད་ཀྱི་སྡུག་བསྔལ་ཐམས་ཅད་བ་མོ་ལ་ཉི་ཟེར་ཕོག་པ་ལྟར་བསྒོམས་ལ་ཡི་གེ་དྲུག་པ་བཟླས་སོ༔ ཡང་སྔགས་བླ་མེད་ལྟར་ན་རང་ཉིད་ཐུགས་རྗེ་ཆེན་པོ་སྐུ་མདོག་དམར་པོར་བསྒོམས་ལ༔ སེམས་ཅན་ལ་བྱམས་སྙིང་རྗེ་བསྒོམས་པས༔ རང་གི་ཐུགས་ཀ་ནས་སངས་རྒྱས་ཐམས་ཅད་ཀྱི་སྙིང་རྗེ་ཆེན་པོའི་རང་གཟུགས་ལྷ་མོ་དཀར་མོ་ལྕགས་ཀྱུ་ཐོགས་པ་གྲངས་མེད་པ་སྤྲོས་ནས༔ ཐུགས་རྗེའི་ལྕགས་ཀྱུས་སྙིང་ཁ་ནས་བཟུང་སྟེ་འཁོར་བ་སྡུག་བསྔལ་གྱི་གནས་ནས་དྲངས་ཏེ་སྡུག་བསྔལ་དང་བྲལ་བ་བདེ་བ་དམ་པའི་ས་ལ་བཞག་པར་བསམས་ལ་རླུང་ཚུར་རྔུབ་པ་དང་སྤྲུལ་པ་རང་ལ་བསྡུ༔ རླུང་ཕར་བཏང་བ་དང་རང་རང་གི་ཐུགས་ཀ་ནས་སངས་རྒྱས་ཐམས་ཅད་ཀྱི་བྱམས་པ་ཚད་མེད་པའི་རང་གཟུགས༔ ལྷ་མོ་སེར་མོ་ཞགས་པ་ཐོགས་པ་གྲངས་མེད་པ་སྤྲོས་ཏེ༔ སེམས་ཅན་ཐམས་ཅད་ཀྱི་ལུས་ངག་ཡིད་གསུམ་བྱམས་པའི་ཞགས་པས་བཅིངས་བས་བདེ་བ་ཚད་མེད་པ་དང་ལྡན་པར་བསྒོམ༔ རླུང་ཚུར་རྔུབ་པ་དང་ལྷ་མོ་རྣམས་རང་ལ་བསྡུའོ༔ ཡང་རང་ཉིད་ཐུགས་རྗེ་ཆེན་པོ་དཀར་དམར་གང་བདེ་

[Full Size]

བསྒོམས་ལ་འགྲོ་དྲུག་གི་སེམས་ཅན་ཐམས་ཅད་ལ་སྙིང་རྗེ་ཚད་མེད་པར་བསྒོམས་པས༔ རླུང་ཕྱིར་རྒྱུ་བ་དང་བསྟུན་རང་གི་ཐུགས་ཀ་ནས་འོད་ཟེར་དཀར་པོ་དཔག་ཏུ་མེད་པ་འཕྲོས་པས༔ སེམས་ཅན་ཐམས་ཅད་ལ་ཕོག་པས་སེམས་ཅན་ཐམས་ཅད་ཀྱི་སྡུག་བསྔལ་དང་སྡིག་སྒྲིབ་ཐམས་ཅད་སིབས་སེ་བསྡུས་ནས་རང་ལ་བསྟིམས་པས༔ མེ་ལ་ཤིང་བསྣན་པ་ལྟར་རང་ཉིད་སྐུ་གཟི་མདངས་འོད་དུ་འབར་བར་བསྒོམས་ལ་མི་དམིགས་པར་བཞག༔ རླུང་ཕྱིར་རྒྱུ་བ་དང་བསྟུན་སྐུ་ལས་འོད་ཟེར་སེར་པོ་འཕྲོས་ནས་སེམས་ཅན་ཐམས་ཅད་ལ་ཕོག་པས་བསོད་ནམས་དང་ཡེ་ཤེས་རྒྱས་ཏེ་བདེ་སྐྱིད་ཚད་མེད་པ་དང་ལྡན་ཏེ་མངོན་པར་སངས་རྒྱས་པ་ལ་ཚེགས་མེད་པར་ས་བཅུའི་སེམས་དཔའི་གོ་འཕང་ཐོབ་པར་བསྒོམས་ལ་མི་དམིགས་པར་བཞག༔ དམིགས་པ་དེ་རྣམས་གང་བསྒོམས་ཀྱང་མཐར་སེམས་མ་བཅོས་པར་ཀློད་ལ་ཡིད་ལ་ཅི་ཡང་མི་བསམ་པར་དམིགས་མེད་དུ་བཞག་སྟེ༔ མདོ་ལས༔ བཅོམ་ལྡན་འདས་སྙིང་རྗེ་ཆེན་པོ་ཞེས་བགྱི་བ་ཇི་ལྟར་ལགས༔ བཀའ་སྩལ་པ་བདག་དང་སེམས་ཅན་དང་སྙིང་རྗེ་གསུམ་དུ་དམིགས་པ་ནི་སྙིང་རྗེ་ཆུང་ངུ་ཡིན་ནོ༔ བདག་དང་

[Full Size]

སེམས་ཅན་སྙིང་རྗེ་རྣམས་མ་མཐོང་བར་ཐམས་ཅད་མཉམ་པ་ཉིད་དུ་ཤེས་པ་ནི་སྙིང་རྗེ་ཆེན་པོའོ༔ ཞེས་གསུངས་པའོ༔ དེ་ལྟར་དམིགས་པ་གང་བྱེད་ཀྱང་བྱམས་སྙིང་རྗེའི་སྙིང་པོ་ཡི་གེ་བཅུ་པའོ༔ དྲུག་པ་འདི་བཟླ་བར་བྱ་སྟེ༔ ཟ་མ་ཏོག་བཀོད་པའི་མདོ་ལས༔ སངས་རྒྱས་དམར་པོ་མཆོག་གིས་བཀའ་སྩལ་པ༔ རིགས་ཀྱི་བུའམ་རིགས་ཀྱི་བུ་མོ་ལ་ལ་ཞིག་གིས་ཡི་གེ་དྲུག་པའི་རིག་སྔགས་འདི་བཟླ་བར་བྱེད་ན༔ སྤོབས་པ་མི་ཟད་པར་འགྱུར་རོ༔ ཡེ་ཤེས་ཀྱི་ཕུང་པོ་རྣམ་པར་དག་པར་འགྱུར་རོ༔ བྱམས་པ་ཆེན་པོ་དང་སྙིང་རྗེ་ཆེན་པོ་དང་ལྡན་པར་འགྱུར་རོ༔ ཉི་མ་རེ་རེ་ཞིང་ཡང་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ༔ བྱང་ཆུབ་སེམས་དཔའ་ཕྱིར་མི་ལྡོག་པར་འགྱུར་རོ༔ བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ༔ ཡི་གེ་དྲུག་པའི་རིག་སྔགས་འདི་བརྗོད་ཅིང་རྟག་ཏུ་བཟླས་བརྗོད་ལ་བརྩོན་པ་དེ་དག་ནི་བསོད་ནམས་དང་ལྡན་པ་ཡིན་ནོ༔ དེ་དག་བཟླས་པ་བྱེད་པའི་ཚེ༔ སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་དགུ་འདུ་བར་འགྱུར་རོ༔ རིགས་

[Full Size]

ཀྱི་བུ་དེའི་བ་སྤུའི་ཁུང་བུ་རེ་རེ་ལ་ཡང་དེ་བཞིན་གཤེགས་པ་དག་བཞུགས་སོ༔ བཞུགས་ནས་ཀྱང་རིགས་ཀྱི་བུ་ཁྱོད་ལ་འདི་འདྲ་བའི་ཡིད་བཞིན་གྱི་ནོར་བུ་རྙེད་པ་ཐོབ་པར་འགྱུར་རོ༔ རིགས་ཀྱི་བུ་ཁྱོད་ཀྱིས་རིགས་བདུན་ཐར་བར་བྱས་པ་ཡིན་ནོ༔ ལེགས་སོ༔ རིགས་ཀྱི་བུ་ཁྱོད་ཀྱི་ལྟོ་བ་ན་སྲོག་ཆགས་གནས་པ་དེ་དག་ཀྱང་བྱང་ཆུབ་སེམས་དཔའ་ཕྱིར་མི་ལྡོག་པར་འགྱུར་རོ༔ ལེགས་སོ་ཞེས་བྱ་བ་བྱིན་པར་འགྱུར་རོ༔ ཞེས་དང་༔ ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས༔ ཡང་སྙིང་ཡིད་ལ་སུས་བྱེད་ཚད༔ ཐུགས་རྗེ་ཆེན་པོ་དེ་ཡིན་ཕྱིར༔ བར་ཆད་སེལ་ཞིང་འགྲོ་བ་འདུལ༔ ཞེས་དང་༔ སྤྲུལ་པའི་རྒྱལ་པོས་ཀྱང་ཨོ་བྱམས་པ་ཚད་མེད༔ མ་སྙིང་རྗེ་ཚད་མེད་སོགས་ཚད་མེད་བཞི་དང་༔ ཨོཾ་སྨོན་པ་སེམས་བསྐྱེད་མ་འཇུག་པ་སེམས་བསྐྱེད་སོགས༔ བྱམས་སྙིང་རྗེ་བྱང་ཆུབ་ཀྱི་སེམས་ཐམས་ཅད་ཀྱང་ཡི་གེ་དྲུག་པ་འདི་ལ་ཚང་བར་གསུངས་ཤིང་༔ དེའི་གནད་ཀྱིས་འདིའི་གཞུང་ཉིད་ནས་ཀྱང་བྱམས་སྙིང་རྗེ་གཉིས་གཏོང་ལེན་གྱི་དམིགས་པ་དང་སྦྲགས་ནས་ཡི་གེ་དྲུག་གམ་བཅུ་པ་འདོན་པར་གསུངས་པའོ༔ དེས་ན་བྱམས་སྙིང་རྗེ་དེ་ད་ལམ་ཁྲིད་

[Full Size]

སྐབས་འདིར་རྩེ་གཅིག་ཏུ་བསྒོམས་ལ་རྒྱུན་དུ་ཡང་ཐུན་རེ་མ་ཆག་པ་གལ་ཆེ༔ བསྒོམ་ལུགས་མདོ་སྔགས་ཐུན་མོང་བ་དང་སྔགས་ལུགས་དང་རྗེས་སུ་ཟུང་འཇུག་དང་དེ་རྣམས་གང་རུང་བསྒོམས་པས་འཐུས་ལ༔ ད་རུང་བྱམས་སྙིང་རྗེ་མ་འབྱོངས་བས་གདོན་དེ་དག་སོགས་ཀྱི་རྣམ་རྟོག་མ་ཆོད་ན༔ དམིགས་པ་རྗེས་མ་དེ་ལེགས་ཤིང་ཟབ་པ་ཡིན་པས་དེ་ལྟར་བསྒོམ་ཞིང་སྙིང་པོ་སྒྲོངས་མཛོད༔ རྣ་བའི་ཡུལ་དུ་གོ་ཙམ་དང་ཡིད་ཀྱི་གོ་ཡུལ་ཙམ་དུ་མ་སོང་བར་སེམས་ལ་བྱམས་སྙིང་རྗེའི་བརླན་གཅིག་འབབས་དགོས་པས་རྩེ་གཅིག་ཏུ་བསྒོམ༔ ངན་སོང་གི་སྡུག་བསྔལ་དང་སེམས་ཅན་སྡུག་བསྔལ་ཅན་མཐོང་བ་ཚོ་ཡིད་ལ་ཁོད་ལ་སྙིང་རྗེ་ཨེ་སྐྱེ་གྱིས༔ སྡུག་བསྔལ་དེ་འདྲ་རང་ལ་བྱུང་ན་ཇི་ལྟར་མཆིས་སྙམ་དུ་དཔེ་རང་ལུས་ཁོབ་ལ་སྙིང་རྗེ་བསྒོམ༔ བྱམས་སྙིང་རྗེ་ཨན་ཙམ་སྐྱེ་མ་འདོད་ན་ཐེག་པ་ཆེན་པོའི་ཆོས་ཀྱི་སྐལ་བ་མེད་པས་ཤིན་ཏུ་གལ་ཆེ་བས་ཞེ་ཐག་པ་ནས་སྒོམས་ཤིག༔ ཆོས་འབྲུ་གསུམ་པའོ༔ ༒ དེ་ནས་ཆོས་འབྲུ་བཞི་པ་ནི༔ གཞུང་ལས༔ ཡང་ནི་ཁྱེད་རང་སྤྱན་རས་གཟིགས༔ རྒྱལ་བ་རྒྱ་མཚོ་གོང་བཞིན་བསྒོམ༔

[Full Size]

ཐུགས་ཀར་ཧྲཱིཿདམར་ཚེག་དྲག་བཅས༔ བདུད་རྩིའི་རྒྱུན་བབས་སྡིག་སྒྲིབ་ཀུན༔ མ་ལུས་དག་ནས་དུང་ཕྱིས་ལྟ་བུར་གྱུར༔ ཨོཾ་ཨཱཿཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ༔ ཞེས་གསུངས་པའི་དོན་བཤད་ན་སྡིག་པ་བཤགས་དགོས་ཏེ༔ ཚེ་འདིར་ཡང་ཉོན་མོངས་པ་དུག་ལྔའི་སྒོ་ནས་ལུས་དང་ངག་དང་ཡིད་ཀྱི་མི་དགེ་བ་དུ་མ་ཞིག་ཞོར་ལ་སོགས༔ ཚེ་འདི་ལ་སྡིག་པ་ཆེ་བར་མ་བྱས་བསམ་ན་ཡང་༔ དེང་སང་རབ་ཏུ་བྱུང་བ་དང་བླ་མ་ཐམས་ཅད་བྱང་ཆུབ་སེམས་བསྐྱེད་མ་ཞུས་པ་ནི་མེད་ལ༔ སར་གནས་ཀྱི་སེམས་དཔའ་ཡང་གང་དུ་བཞུགས་མི་ཤེས༔ དེ་དག་སྤྱོད་པ་བཙུན་པ་ངེས་པ་ཡང་མེད་སྦས་ཚུལ་དུ་བཞུགས་པ་མང་བས༔ ངག་འཁྱལ་དང་སྐུར་འདེབས་འདི་ཞོར་ལ་འགྲོ་དོ་བ་ཁོ་ནས་སྡིག་སྒྲིབ་ལ་ཆོག་པར་ཡོད་དོ༔ དད་པའི་སྟོབས་བསྐྱེད་པའི་མདོ་ལས༔ འཇམ་དཔལ་གང་ཟག་གང་ལ་ལ་ཞིག་གིས་སེམས་བསྐྱེད་པའི་བྱང་ཆུབ་སེམས་དཔའ་ལ་སྐྱོན་གང་ཡང་རུང་བས་ཁྱད་དུ་བསད་དེ༔ སྤྲོ་བར་བྱེད་པ་དེ་དག་གིས་ནི་སེམས་ཅན་དམྱལ་བ་ཆེན་པོ་ངུ་འབོད་དུ་སྐྱེས་ཏེ༔ ལུས་དཔག་ཚད་ལྔ་བརྒྱ་ལ་མགོ་ལྔ་བརྒྱ་ཡོད་པ༔ མགོ་རེ་རེ་ལ་ཁ་ལྔ་བརྒྱ་ཡོད་པ༔ ཁ་རེ་རེ་ལ་

[Full Size]

ལྕེ་ལྔ་བརྒྱ་ཡོད་པ༔ ལྕེ་རེ་རེ་ལའང་ལྕགས་ཀྱི་ཐོང་གཤོལ་འབར་བ་ལྔ་བརྒྱས་རྨོ་བར་འགྱུར་རོ༔ འཇམ་དཔལ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་སེམས་ཅན་ཐམས་ཅད་ལ་དབྱུག་པ་དང་མཚོན་ཆས་བསྣུན་ཏེ་བསད་པ་དང་༔ དེ་དག་ཐམས་ཅད་དགྲ་བཅོམ་པ་ཤ་སྟག་ཏུ་གྱུར་པ་དེ་རྣམས་ཐམས་ཅད་ཀྱི་སྲོག་བཅད་པ་དང་༔ འཇིག་རྟེན་གྱི་ཁམས་ཐམས་ཅད་རིན་པོ་ཆེའི་སྟེགས་བུས་བསྐོར་ཏེ༔ གདུགས་དང་རྒྱལ་མཚན་དང་བ་དན་བསྒྲེང་བ་བཤིགས་བ་བས༔ གང་གིས་ཐེག་པ་ཆེན་པོ་ལ་མོས་པའི་བྱང་ཆུབ་སེམས་དཔའ་ལ་ཐེག་པ་ཆེན་པོ་ཉིད་ལ་སྒྲོ་བཏགས་ཏེ༔ རྐྱེན་གང་ཡང་རུང་བས་ཁྲོས་ཤིང་གཤེ་བ་དང་༔ མི་སྙན་པ་ཟེར་བ་དང་༔ ཁྱད་དུ་གསོད་པར་བྱེད་པ་འདི་ནི་སྔ་མ་བས་སྡིག་པ་ཆེས་གྲངས་མེད་པ་བསྐྱེད་དོ༔ ཞེས་དང་༔ སེམས་བསྐྱེད་པའི་བྱང་ཆུབ་སེམས་དཔའ་ལ་བརྙས་ན་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་བསད་པ་དང་༔ སེམས་ཅན་དེ་དག་ཐམས་ཅད་དགྲ་བཅོམ་པར་གྱུར་པའི་སྲོག་བཅད་པ་དང་༔ འཇིག་རྟེན་གྱི་ཁམས་དེ་ཐམས་ཅད་མཆོད་རྟེན་གྱིས་གང་བ་

[Full Size]

བཤིགས་པ་བས་སྡིག་ཆེའོ༔ ཞེས་དང་༔ རབ་ཏུ་ཞི་བ་རྣམ་པར་ངེས་པ་ཆོ་འཕྲུལ་གྱི་མདོ་ལས༔ འཛམ་བུའི་གླིང་གི་སེམས་ཅན་ཐམས་ཅད་ཀྱི་སྲོག་བཅད་དམ༔ བདོག་པ་ཐམས་ཅད་ཕྲོག་པ་བས༔ བྱང་སེམས་ཀྱིས་ཐ་ན་དུད་འགྲོ་ལ་ཟན་ཆང་ཞིག་བྱིན་པའི་དགེ་བ་ལ་བར་ཆད་བྱས་ན་སྡིག་ཆེས་གྲངས་མེད་དེ༔ ཞེས་གསུངས་པས་དགེ་བའི་ཁ་བཀག་པ་དང་ཆོས་ཤུལ་ཅུང་ཟད་རེ་ལའང་དེ་ལྟར་དང་༔ དེང་སང་རང་རེ་ཡོན་ཏན་ཤེས་པར་རློམ་པ་ཀུན་ཡང་ཆོས་ལ་ཕྱོགས་རིས་བྱེད་པ་དང་༔ རང་མཁས་པའི་ང་རྒྱལ་གྱིས་རྒྱལ་བའི་གསུང་ལ་ཡང་དག་མ་དག་ཤན་འབྱེད་པ་སྐད་བྱེད་པ་འདི་ཡང་རང་རེ་ཆོས་ཀྱི་སྤྱན་དང་མངོན་ཤེས་རྒྱ་ཆེན་པོ་མ་ཐོབ་པས་ཡག་ཉེས་ཆེན་པོ་ཞིག་གདའ་སྟེ༔ རྣམ་པར་འཐག་པ་བསྡུད་པའི་མདོ་ལས༔ སྐྱེས་བུ་གླེན་པ་ལ་ལ་དག་དེ་བཞིན་གཤེགས་པའི་ཐབས་ལ་མཁས་པ་མི་ཤེས༔ ཁོང་དུ་མ་ཆུད་པར་ངའི་ལྡེམ་པོའི་ངག་ལ་འདི་སྐད་དུ༔ འདི་ནི་རུང་ངོ༔ འདི་ནི་མི་རུང་ངོ་ཞེས་ཟེར་ཏེ༔ དེ་དག་ནི་ཆོས་སྤངས་པ་ཡིན༔ དེ་བཞིན་གཤེགས་པ་ལ་སྐུར་པ་འདེབས་པ་ཡིན་ནོ༔ རྣམ་གྲངས་འདི་དག་ནི་ངེས་པར་སེམས་ཅན་དམྱལ་བར་

[Full Size]

འགྲོའོ༔ ཞེས་གསུངས་སོ༔ དེ་བཞིན་དུ་ཐ་སྙད་ལ་ཅུང་ཟད་སྦྱངས་བདག་གིས་བཀའ་རྫོགས་པ་ཆེན་པོ་ལ་སོགས་པའི་རྒྱུད་སྡེ་ཆེན་པོ་རྣམས་བཀའ་མིན་རྒྱུད་མིན་དུ་བསྒྲུབ་པ་དང་༔ བཀའ་རྫོགས་པ་ཆེན་པོ་ལ་སོགས་པའི་ཟབ་ཁྲིད་སྟོན་པ་ལ་འཕྱ་བ་དང་སྨོད་པར་བྱེད་པ་ཡང་རང་རང་ངན་སོང་དུ་འཕེན་པ་ལ་དེ་ཁོ་ནས་ཆོག་སྟེ༔ རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལས༔ གསང་བའི་བདག་པོ་ངས་ཁྱོད་ལ་བསྒོ་བར་བྱའོ༔ ཤེས་པར་བྱའོ༔ མ་འོངས་པའི་དུས་ན་མི་བླུན་པོ་དམིགས་པ་ཅན་ལ་ལྟ་བ༔ འཇིགས་ཚོགས་ལ་ལྟ་བ་མངོན་པར་ཞེན་པ༔ བློ་ཕྱིན་ཅི་ལོག་ཏུ་གྱུར་པ༔ བདག་གི་སེམས་ཀྱིས་གནས་གཏན་ལ་མ་ཕེབས་པ་རྣམས་འཁྲུལ་ནས༔ འདི་སྐད་དུ་ནི་སངས་རྒྱས་ཀྱི་གསུང་མ་ཡིན་གྱིས༔ འདི་དག་ནི་རང་བཟོ་ཅན་གྱིས་རང་བཟོ་བྱས་པ་ཡིན་ནོ༔ ཞེས་ཟེར་བ་དག་འབྱུང་བར་འགྱུར་རོ༔ གསང་བའི་བདག་པོ་མི་བླུན་པོ་དེ་དག་ནི་འགྲོ་བ་གཉིས་སུ་འགྲོ་བར་རིག་པར་བྱ་སྟེ༔ གཉིས་གང་ཞེ་ན༔ འདི་ལྟ་སྟེ་སེམས་ཅན་དམྱལ་བ་དང་༔ དུད་འགྲོའོ༔ གསང་བའི་བདག་པོ་དེ་དག་ལ་ནི་དགེ་བའི་རྩ་བ་རྒྱུ་ཅུང་

[Full Size]

ཟད་ཀྱང་ཡོད་པར་མི་སྨྲའོ༔ དེ་ཅིའི་ཕྱིར་ཞེ་ན༔ དགེ་བའི་རྩ་བ་ཆད་པར་བྱེད་པ་ལ་ཞུགས་པ་སྟེ༔ སངས་རྒྱས་ཀྱི་བྱང་ཆུབ་ལ་བར་དུ་གཅོད་པར་བྱེད་པ་བདུད་ཀྱི་ཟིལ་གྱིས་གནོན་པ༔ ཤེས་རབ་འཆལ་པའི་རང་བཞིན་ཅན༔ ཐེག་པ་ཆེན་པོ་ལ་གོམས་པར་མ་བྱས་པ༔ ཉན་ཐོས་ཀྱི་ཐེག་པ་ལ་སྙིང་པོར་འདུ་ཤེས་པ་རྣམས་འབྱུང་བར་འགྱུར་རོ༔ རིགས་ཀྱི་བུའམ་རིགས་ཀྱི་བུ་མོ་གང་དག་ཆོས་ཀྱི་རྣམ་གྲངས་འདི་ལ་མངོན་པར་བརྩོན་པར་འགྱུར་བ་དེ་དག་ཚུལ་ཁྲིམས་འཆལ་བ་སྡིག་པའི་ཆོས་སྤྱོད་པ་དེ་དག་ལ་སངས་རྒྱས་ཀྱི་བྱང་ཆུབ་ག་ལ་ཡོད༔ ཅེས་མི་སྙན་པ་སྨྲ་བར་འགྱུར་ཏེ༔ མི་བླུན་པོ་དེ་དག་འདི་ལྟར་བཅོམ་ལྡན་འདས་ཐམས་ཅད་མཁྱེན་པ་དེས༔ སེམས་ཅན་རྣམས་ལ་ཕན་གདགས་པའི་ཕྱིར་འདི་དག་ཐམས་ཅད་གསུངས་སོ༔ དེ་དག་ལ་སྡང་བའི་སེམས་བསྐྱེད་པས་སྡུག་བསྔལ་སྔོན་གྱི་སྐལ་པ་ཅན་དུ་འགྱུར་རོ༔ ཞེས་དང་༔ འདུལ་བ་ལུང་ལས༔ གང་ཞིག་ཆོས་ནི་དྲི་མེད་ལ༔ ཆོས་མ་ཡིན་པར་སྟོན་པ་སྟེ༔ ཆུ་ལ་གནས་པའི་ཉ་བཞིན་དུ༔ དེ་ལ་ལྕེ་ནི་མ་མཆིས་འགྱུར༔ ཞེས་དང་༔ རྣམ་པར་འཐག་པ་ཐམས་ཅད་བསྡུས་པའི་མདོ་

[Full Size]

ལས༔ འཇམ་དཔལ་དམ་པའི་ཆོས་སྤངས་པའི་སྒྲིབ་པ་ཤིན་ཏུ་ཕྲ་སྟེ༔ དེ་བཞིན་གཤེགས་པས་གསུངས་པའི་ཆོས་ལ་ལ་ནི་བཟང་བར་འདུ་ཤེས༔ ལ་ལ་ནི་ངན་པར་འདུ་ཤེས་ན་དམ་པའི་ཆོས་སྤངས་པའོ༔ དེ་བཞིན་དུ་འདི་ནི་རིགས་སོ་འདི་ནི་མི་རིགས་སོ་ཞེས་སྨྲ་བ་དང་༔ འདི་ནི་བྱང་ཆུབ་སེམས་དཔའི་བསླབ་པའོ༔ འདི་ནི་བྱང་ཆུབ་སེམས་དཔའི་བསླབ་པ་མ་ཡིན་པའོ༔ ཞེས་སྨྲ་བ་དང་༔ གང་ཟག་འདི་ནི་ཆོས་སྨྲ་བ་ལ་སྤོབས་པ་ཡོད་དོ༔ འདི་ནི་སྤོབས་པ་མེད་དོ་ཟེར་ན་ཆོས་སྤངས་པའོ༔ དེ་བཞིན་དུ་ཆོས་སྨྲ་བའི་སྤྱོད་པ་སུན་འབྱིན་པ་དང་༔ ཆོས་སྨྲ་བ་ནི་སྒྲུབ་པ་ཕུན་སུམ་ཚོགས་པ་མ་ཡིན་ཟེར་བ་དང་༔ ཆོས་སྨྲ་བ་ལ་སྤྱོད་པ་ཉམས་པ་དང་༔ ཚུལ་ཁྲིམས་ཉམས་པ་གླེང་བ་དང་༔ ཚིག་དང་ཚིག་ལ་འགལ་བར་བྱས་སོ་ཟེར་བ་དང་༔ ཆོས་ཀྱི་དོན་ལ་ལ་ནི་བདག་ཉིད་མོས་སོ༔ ལ་ལ་ནི་བདག་མི་མོས་ཟེར་བ་དང་༔ གཞན་ཆོས་སྨྲ་བའི་ཚེ་གཏམ་གཞན་དུ་བསྒྱུར་བ་དང་༔ དེའི་དཀྲུགས་མ་བྱེད་ན་ཆོས་སྤངས་པ་ཡིན་ནོ༔ འཇམ་དཔལ་གང་ལ་ལ་ཞིག་གི་དམ་པའི་ཆོས་སྤངས་པ་དེ་ནི༔ དེ་བཞིན་གཤེགས་པ་རྣམས་ལ་སྐུར་

[Full Size]

པ་བཏབ་པ་ཡིན་ནོ༔ དགེ་འདུན་ལ་ངན་དུ་བརྗོད་པ་ཡིན་ནོ༔ དེ་ནི་སངས་རྒྱས་མཐོང་བ་མི་འདོད་པ་ཡིན་ནོ༔ དེ་ནི་སེམས་ཅན་དམྱལ་བ་ན་གནས་པ་དེ་མཐར་ཕྱིན་པར་ངས་མི་སྨྲའོ༔ ཞེས་གསུངས་ཏེ༔ བཀའ་གཏེར་གྱི་ཆོས་ཐམས་ཅད་སེམས་ཅན་གང་ལ་གང་འདུལ་དུ་གསུངས་པ་ཡིན་ཀྱང་རང་རེའི་ཡིད་དང་མ་མཐུན་ཙམ་ན་བཟང་ངན་དུ་འཛིན་པ་འདི་ཡང་སྐྱོན་ཆེན་པོ་ཞིག་གདའ༔ ཆོས་སྨྲ་བ་ལ་འཕྱ་བ་ཡང་སྐྱོན་ཆེའོ༔ དམ་པའི་ཆོས་སྤང་ཟེར་བའི་མནའ་འདི་ཡང་ཁ་ལ་བཏགས་པ་འདྲ་ཞིག་གདའ་བས༔ བཤགས་པ་མ་ཐེངས་ན་འདིས་ཀྱང་ཆོག་གདའ༔ ཁྱད་པར་རང་རེ་རྣམས་ཆོས་སྒོར་ཞུགས་དབང་ཁྲིད་ཞུ་བླ་མ་བསྟེན་པ་འདི་ཆོས་ཀྱི་རྩ་བ་ཡིན་ཏེ༔ འདི་ལ་ཡང་བླ་མའི་ཡོན་ཏན་རྒྱ་མཚོ་ལྟ་བུ་ཡོད་ཀྱང་མི་མཐོང་༔ སྐྱོན་ཅུང་ཟད་རེ་གདའ་ན་དེའི་སོ་པ་ལ་བཞག་པ་འདྲ་ཞིག་བྱེད༔ དད་གུས་ཡོད་ཀྱང་བགས་ཀྱིས་ཚོད་ཡོད་དང་བརྙས་བཅོས་ཀྱི་མཉམ་གྲོགས་སུ་སོང་ན་ཡང་ཉེས་པ་ཞིག་ཞོར་ལ་སོགས་ཉན་ཆེ་སྟེ༔ རྡོ་རྗེ་རྩེ་མོའི་རྒྱུད་ལས༔ བྱང་ཆུབ་སེམས་ནི་མ་བསྐྱེད་དང་༔ ཐེ་ཚོམ་ཡོད་དང་བཀའ་སྩལ་སྤང་༔ མ་དད་པས་ནི་མི་འགྲུབ་བོ༔

[Full Size]

འཇིག་རྟེན་ན་ནི་གང་ཟག་བཞི༔ བསྐལ་པ་བརྒྱར་ནི་བརྩོན་བྱས་ཀྱང་༔ དེ་དག་འགྲུབ་པར་ཡང་མི་འགྱུར༔ ཞེས་དང་༔ རྩེ་མོ་ལས༔ འདི་ལྟ་སྟེ་དཔེར་ན་འདོད་ཁམས་དང་གཟུགས་ཁམས་དང་གཟུགས་མེད་པའི་ཁམས་ཀྱི་སེམས་ཅན་ཐམས་ཅད་དུས་གཅིག་ལ་བསད་པ་བས་ནི༔ རྡོ་རྗེ་སློབ་དཔོན་གྱི་བ་སྤུའི་ཁུང་གཅིག་ལ་སྨོད་པའི་བརྒྱ་སྟོང་གི་གྲངས་སུ་མི་འགྲོའོ༔ ཞེས་དང་༔ སྤྱན་རས་གཟིགས་བསྙེན་བཀུར་གཅིག་པའི་རྒྱུད་ལས༔ སློབ་དཔོན་ལ་ནི་དངོས་གྲུབ་ཐོབ༔ གལ་ཏེ་དེ་ལ་བརྙས་བྱེད་ན། བསྐལ་པ་བྱེ་བ་བརྒྱ་དག་ཏུ༔ དམ་ཆོས་མིང་ཡང་མི་ཐོས་ན༔ གསང་སྔགས་བྱང་ཆུབ་སྨོས་ཅི་དགོས༔ ཞེས་དང་༔ དཔལ་མཆོག་དང་པོ་ལས༔ སློབ་དཔོན་ལ་ནི་གང་སྨོད་པ༔ དེས་ནི་སངས་རྒྱས་ཀུན་སྨོད་པས༔ རྟག་ཏུ་སྡུག་བསྔལ་ཐོབ་པར་འགྱུར༔ ཞེས་གསུངས་པ་དང་༔ ཚེ་འདི་ལ་སྡིག་ལྟུང་མེད་དམ་སྙམ་ཡང་ཚེ་རབས་དཔག་ཏུ་མེད་པ་ནས༔ ལུས་དཔག་ཏུ་མེད་པ་བླང་བའི་ཚེ་སྡིག་པ་བྱས་པ་ནི་མང་༔ དགེ་བ་ནི་ལྟུང་སྡིག་པ་དེ་དག་བཤགས་པས་མ་ཐེངས་ན་ནམ་ཡང་ཆུད་མི་ཟ་བར་རང་ལ་སྨིན་དགོས་ཏེ༔ དྲི་

[Full Size]

མེད་རྒྱལ་པོ་བཤགས་པའི་རྒྱུད་ལས༔ བསྐལ་པ་དཔག་མེད་སྐྱེ་བ་ཇི་སྙེད་དུ༔ རྡོས་བཅས་ལུས་བླངས་གྲངས་མེད་ཞིག་གྱུར་ཏེ༔ ཤ་རུས་བསགས་ན་འཇིག་རྟེན་ལྟོས་དང་མཉམ༔ རྣག་ཁྲག་བསགས་ན་རྒྱ་མཚོ་ཆེན་པོ་ཙམ༔ ལས་འཕྲོ་བསགས་ན་བསམ་འདས་བརྗོད་མི་ལངས༔ ཞེས་གསུངས་སོ༔ དེ་ལྟ་བུའི་སྡིག་པའི་ལས་དེ་དག་མ་བཤགས་ན་ཆུད་མི་ཟ་དུས་ནམ་ཞིག་རང་ལ་སྨིན་ངེས་ཏེ༔ བཅོམ་ལྡན་འདས་ཀྱི་ཞལ་ནས༔ ལུས་ཅན་རྣམས་ཀྱི་ལས་དག་ནི༔ བསྐལ་པ་བརྒྱར་ཡང་ཆུད་མི་ཟྭ༔ ཚོགས་ཤིང་དུས་ལ་བབ་པ་ན༔ འབྲས་བུ་ཉིད་དུ་སྨིན་པར་འགྱུར༔ ཞེས་གསུངས་སོ༔ སྡིག་པ་བཤགས་པའི་ཐབས་ཤེས་ནས་བཤགས་ན་འདག་སྟེ༔ གསང་ཆེན་ཐབས་ལ་མཁས་པའི་མདོ་ལས༔ རིགས་ཀྱི་བུ་ཡོངས་སུ་བརྟག་པ་བཟུང་ནི༔ གལ་ཏེ་རབ་ཏུ་བྱུང་བའི་བྱང་ཆུབ་སེམས་དཔའ་དེ༔ རྩ་བའི་ལྟུང་བ་བཞི་པོ་ཐམས་ཅད་ལས་འདས་པར་གྱུར་ཀྱང་༔ ཐབས་མཁས་པ་འདིས་སྦྱོང་བར་བྱེད་ན་བྱང་ཆུབ་སེམས་དཔའི་ལྟུང་བར་མི་འགྱུར་བར་ངས་བཤད་དོ༔ ཞེས་གསུངས་སོ༔ དེ་ལྟར་བཤགས་པའི་གདམས་པ་ཤེས་ན༔ བཤགས་པ་རེ་

[Full Size]

རེས་ཀྱང་སྡིག་པ་མང་པོ་འཛོམས་ཏེ༔ མྱ་ངན་འདས་ཆེན་ལས༔ དགེ་བ་གཅིག་བྱས་ཀྱང་སྡིག་པ་མང་པོ་འཇོམས་ཏེ༔ ཞེས་དང་༔ རྡོ་རྗེ་ཆུང་ངུས་རི་རབ་བམ༔ མེ་ཆུང་ངུས་རྩི་ཤིང་ངམ༔ དུག་ཆུང་ངུས་སེམས་ཅན་འཇོམས་པ་ལྟར༔ དགེ་བ་ཆུང་ངུས་ཀྱང་སྡིག་པ་ཆེན་པོ་འཇོམས་པ་ནི་དོན་དུ་གཉེར་བ་ཆེན་པོ་ཉིད་དོ༔ ཞེས་དང་༔ གསེར་འོད་དམ་པའི་མདོ་ལས༔ གང་གི་བསྐལ་པ་སྟོང་རྣམས་སུ༔ སྡིག་པ་ཤིན་ཏུ་མི་བཟད་བགྱིད༔ ལན་གཅིག་རབ་ཏུ་བཤགས་པ་ཡིས༔ དེ་དག་ཐམས་ཅད་བྱང་བར་འགྱུར༔ ཞེས་གསུངས་སོ༔ བཤགས་པའི་ཐབས་ནི་སྟོབས་བཞི་སྟེ༔ ཆོས་བཞི་བསྟན་པ་སྙིང་པོའི་མདོ་ལས༔ བྱམས་པ་བྱང་ཆུབ་སེམས་དཔའི་ཆོས་བཞི་དང་ལྡན་ན༔ སྡིག་པ་བྱས་ཤིང་བསགས་པ་ཐམས་ཅད་ཟིལ་གྱིས་གནོན་པར་འགྱུར་རོ༔ བཞི་གང་ཞེ་ན་འདི་ལྟ་སྟེ་རྣམ་པར་སུན་འབྱིན་པའི་སྟོབས་དང་༔ གཉེན་པོ་ཀུན་ཏུ་སྤྱོད་པའི་སྟོབས་དང་༔ ཉེས་པ་ལས་ངེས་པར་ལྡོག་པའི་སྟོབས་དང་༔ རྟེན་གྱི་སྟོབས་སོ༔ དེ་ལ་རྣམ་པར་སུན་འབྱིན་པ་ནི་སྡིག་པ་མི་དགེ་བའི་ལས་ལ་འགྱོད་པ་དང་ལྡན་པ།

[Full Size]

གཉེན་པོ་ཀུན་ཏུ་སྤྱོད་པའི་སྟོབས་ནི་བཤགས་པ་ལ་བརྩོན་པ༔ ཉེས་པ་ལས་ལྡོག་པ་ནི་སྡིག་པ་ཕྱིན་ཆད་མི་བྱེད་པའི་སྡོམ་པ་ཡང་དག་པར་བསྲུངས་བ༔ རྟེན་ནི་སངས་རྒྱས་དང་ཆོས་དང་དགེ་འདུན་དང་རྟག་ཏུ་མི་འབྲལ་བའོ༔ བྱམས་པ་བྱང་ཆུབ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན༔ སྡིག་པ་ཐམས་ཅད་ཟིལ་གྱིས་གནོན་ཅིང་སྤང་བར་འགྱུར་རོ༔ ཞེས་གསུངས་སོ༔ དེ་ནས་སྟོབས་བཞི་གཅིག་ཏུ་བསྡུས་ནས་ཉམས་སུ་ལེན་ཏེ༔ ཚེ་རབས་ཐོག་མེད་ནས་བསགས་པའི་སྡིག་ལྟུང་ཐམས་ཅད་བཙན་དུག་ཁོག་ཏུ་ཤོར་བ་ལྟར་འགྱོད་པ་དྲག་པོ་དང་༔ ཕྱིན་ཆད་དེ་ལྟར་མི་བྱ་བར་སེམས་ཡི་དམ་དུ་བྱས་ལ༔ རྟེན་གྱི་སྟོབས་ནི་དཀོན་མཆོག་ཀུན་འདུས་ཐུགས་རྗེ་ཆེན་པོ་བསྒོམ༔ གཉེན་པོའི་སྟོབས་ནི་ཡི་གེ་བཅུ་པའམ་དྲུག་པ་བཟླས་པ་ཡིན་ཏེ༔ ཐུགས་རྗེ་ཆེན་པོ་བསྒོམས་པས་སྡིག་པ་འདག་པ་ནི༔ ཕྱག་སྟོང་སྤྱན་སྟོང་གི་གཟུངས་ལས༔ སྤྱན་རས་གཟིགས་ཀྱི་མཚན་ནས་བརྗོད་ན་ཡང་སྡིག་སྒྲིབ་གྲངས་མེད་པ་འབྱོང་ཞིང་༔ བསོད་ནམས་དཔག་ཏུ་མེད་པ་ཐོབ་སྟེ་འདི་ནས་འཆི་འཕོས་ནས་ཀྱང་བདེ་བ་ཅན་དུ་སྐྱེ་བར་འགྱུར་རོ༔ ཞེས་དང་༔ གདོང་

[Full Size]

བཅུ་གཅིག་པའི་མདོ་ལས༔ ང་ཡི་མིང་ནས་བརྗོད་ཅིང་དྲན་པར་གྱུར་ན༔ གནོད་པ་ཐམས་ཅད་དང་བྲལ་བར་འགྱུར༔ སྡིག་སྒྲིབ་ཐམས་ཅད་བྱང་བར་འགྱུར་རོ༔ འཇིགས་པ་ཐམས་ཅད་ལས་ཐར་བར་འགྱུར་རོ༔ གདོན་བགེགས་ཐམས་ཅད་ལས་ཐར་ཞིང་སྐྱོབ་པར་འགྱུར་རོ༔ ལེགས་པའི་ཡོན་ཏན་ཐམས་ཅད་འཕེལ་བར་འགྱུར༔ བཀྲ་མི་ཤིས་པ་ཐམས་ཅད་ནུབ་པར་འགྱུར༔ ཞེས་དང་༔ པདྨ་རྒྱལ་པོའི་རྒྱུད་ལས༔ ཐུགས་རྗེ་ཆེན་པོའི་སྐུ་བསྒོམ་ཚུལ་གསུངས་ནས༔ བསྒོམ་དང་ཡིད་ལ་དྲན་པས་ཀྱང་༔ མཚམས་མེད་སྒྲིབ་པ་དག་པར་བྱེད༔ ཅེས་དང་༔ འཕགས་པ་སྤྱན་རས་གཟིགས་ཞལ་བཅུ་གཅིག་པའི་གཟུངས་ལས༔ བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གསོལ་པ༔ བཅོམ་ལྡན་འདས་བདག་གི་མིང་འཛིན་པ་དེ་ནི་དོན་མཆིས་ཏེ༔ སངས་རྒྱས་བྱེ་བ་ཕྲག་འབུམ་གྱི་མིང་འཛིན་པ་བས་ལྷག་གོ༔ བདག་གི་མིང་འཛིན་པའི་སེམས་ཅན་ཐམས་ཅད་ནི་ཕྱིར་མི་ལྡོག་པ་ཉིད་ལ་གནས་པར་འགྱུར་རོ༔ བྲོ་ནད་ཐམས་ཅད་ལས་ཡོངས་སུ་ཐར་བར་འགྱུར་རོ༔ སྒྲིབ་པ་ཐམས་ཅད་དང་ལུས་ངག་

[Full Size]

ཡིད་གསུམ་གྱི་ཉེས་པར་སྤྱོད་པ་ཐམས་ཅད་ལས་ཡོངས་སུ་ཐར་བར་འགྱུར་བ་ལགས་སོ༔ ཞེས་གསུངས་ཤིང་༔ ་སྔགས་རྣམས་གང་ཡིན་མིང་དེ་ཉིད༔ ཅེས་པས་ཡི་གེ་དྲུག་པ་སྒྲ་འགྱུར་ལྟར་བྱས་ན་ནོར་བུ་པདྨ་འཛིན་པ་སྟེ་ཐུགས་རྗེ་ཆེན་པོའི་མཚན་ཡིན་ལ༔ དེ་ལྟར་ཐུགས་རྗེ་ཆེན་པོ་ཡིད་ལ་དྲན་ཞིང་བསྒོམ་པ་ནི་སྡིག་པ་བཤགས་པའི་རྟེན་གྱི་སྟོབས་མཆོག་ཡིན་ལ༔ སྤྱིར་དགེ་བ་གང་བྱས་ཀྱང་སྡིག་པའི་གཉེན་པོ་ཡིན་མོད་ཀྱི༔ ཁྱད་པར་ཡི་གེ་བཅུ་པའམ་དྲུག་པའི་རིག་སྔགས་ཆེན་པོ་འདི་ནི༔ སྡིག་པ་བཤགས་པའི་གཉེན་པོ་ཀུན་ནས་སྤྱོད་པའི་སྟོབས་ཀྱི་མཆོག་དམ་པ་ཡིན་ཏེ༔ ཐུགས་རྗེ་ཆེན་པོ་པདྨ་རྒྱལ་པོའི་རྒྱུད་ལས༔ ཨོཾ་མ་ཎི་པདྨེ་ཧཱུྃ༔ ཐེབ་གཅིག་མོས་པས་བརྗོད་པ་ན༔ སེམས་ཅན་དམྱལ་བའི་ནད་ལས་ཐར༔ ཐེབ་གཉིས་བརྗོད་པས་ཡི་དྭགས་ཀྱི༔ འགྲོ་བའི་སྒོ་ཡང་འགགས་པར་འགྱུར༔ གསུམ་བརྗོད་དུད་འགྲོའི་འགྲོ་བ་འགགས༔ འདོད་པའི་ཡོན་ཏན་ལྔ་སྐྱེད་ཀྱང་༔ འདི་དང་མ་བྲལ་གཙང་མར་གནས༔ ཞེས་དང་༔ མཚན་བརྒྱ་རྩ་བརྒྱད་པའི་མདོ་ལས༔ བཅོམ་ལྡན་འདས་ཀྱིས་བཀའ་སྩལ་པ་རིགས་ཀྱི་བུའམ་རིགས་ཀྱི་བུ་མོ་གང་

[Full Size]

ལ་ལ་ཞིག་གིས་འཕགས་པ་སྤྱན་རས་གཟིགས་ཡིད་ལ་བྱས་ནས༔ ཨོཾ་མ་ཎི་པདྨེ་ཧཱུྃ༔ ཞེས་བཟླས་བརྗོད་བྱས་ན་ངན་སོང་གསུམ་དུ་མི་སྐྱེ༔ མནར་མེད་པར་མི་འགྲོའོ༔ དེའི་ལུས་ལ་མཛེ་དང་ཤུ་བ་དང་གཡེམ་པ་དང་འབྲོས་དང་བས་ལྡག་དང་གློ་བ་ན་བ་དང་དབུགས་མི་བདེ་བ་དང་ནད་ཐམས་ཅད་ལས་ཐར་བར་འགྱུར་རོ་སྐྱེས་སོ་ཅོག་ཏུ་སྐྱེ་བ་དྲན་པར་འགྱུར་རོ༔ འཆི་བའི་ཚེ་བདེ་བ་ཅན་དུ་སྐྱེ་བར་འགྱུར་རོ༔ ཞེས་དང་༔ མདོ་སྡེ་ཟ་མ་ཏོག་བཀོད་པ་ཆེན་པོ་ལས༔ བཅོམ་ལྡན་འདས་ཤཱཀྱ་ཐུབ་པས་བཀའ་སྩལ་པ༔ གང་དག་ཕ་རོལ་གྱི་བུད་མེད་ལ་ཆགས་ནས་འདོད་ལོག་སྤྱོད་པ་དང་༔ སྲོག་གཅོད་པའི་ལས་དང་༔ ཕ་མ་གསོད་པ་དང་༔ དགྲ་བཅོམ་པ་གསོད་པ་དང་༔ དགེ་སློང་མ་སུན་ཕྱུང་བ་དང་༔ མཆོད་རྟེན་བཤིག་པ་དང་༔ གཙུག་ལག་ཁང་བཤིག་པ་དང་དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་ཕྱུང་བ་དང་༔ མཚམས་མེད་པའི་པ་ཐམས་ཅད་ཀྱང་༔ ཟ་མ་ཏོག་བཀོད་པའི་ཡི་གེ་དྲུག་པ་འདིས་རྩ་བ་ནས་དག་པར་བྱེད་དོ༔ ཞེས་དང་༔ ཟ་མ་ཏོག་གི་སྒྲུབ་ཐབས་རྒྱ་གཞུང་ལས༔ ཨོཾ་མ་ཎི་

[Full Size]

པདྨེ་ཧཱུྃ༔ ཡི་གེ་འབུམ་དུ་བཟླས་སོ༔ གཉིས་པ་དང་གསུམ་པས་སྡིག་པ་དག་པར་འགྱུར་རོ༔ མཚམས་མེད་པ་ལྔ་བྱས་པས་ཀྱང་བྱེ་བ་བཟླས་པས་དངོས་གྲུབ་ཏུ་འགྱུར་རོ༔ ཞེས་དང་༔ འཇིག་རྟེན་འདི་སྒྲུབ་ཐབས་རྒྱ་གཞུང་ལས༔ ཨོཾ་མ་ཎི་པདྨེ་ཧཱུྃ༔ ཡི་གེ་འབུམ་བཟླས་པས་སྡིག་པ་དག་པར་འགྱུར་རོ༔ གཉིས་པ་དང་གསུམ་གྱིས་རྨི་ལམ་དུ་མཐོང་བར་འགྱུར་རོ༔ བྱེ་བ་བཟླས་ནས་མཚམས་མེད་པ་ལྔ་བྱས་པས་ཀྱང་འགྲུབ་པར་འགྱུར་རོ༔ ཞེས་དང་༔ པདྨ་ཟབ་པའི་རྒྱུད་དང་གྲུབ་ཆེན་ཛ་ལེནྡྷ་རའི་རྒྱ་གཞུང་གཉིས་ཀ་ལས༔ ལྷ་ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་༔ སྔགས་ཡི་གེ་དྲུག་པའམ་བཅུ་པ་གསུངས་ནས༔ དེ་ལྟར་བསྒོམ་པའི་བྱིན་རླབས་ནི༔ བདེ་བར་གཤེགས་པ་ཐམས་ཅད་ཀྱིས༔ བྱིན་གྱིས་བརླབ་པ་རྒྱུན་མི་འཆད༔ ལུས་ངག་ཡིད་གསུམ་བདེ་བ་དང་༔ ནམ་ཡང་འབྲལ་བར་མི་འགྱུར་རོ༔ ལྟུང་བ་རྣམས་ཀྱིས་མི་གོས་སོ༔ ཆོས་ཀྱི་རྩ་བ་འདི་ཟིན་ནས༔ ཡན་ལག་ཐམས་ཅད་འདུས་པ་ཡིན༔ ཞེས་གསུངས་པའི་ཕྱིར་རོ༔ དེ་ལ་འདི་ཁྲོམ་ཆོས་སུ་བྱེད་ན་ཐུགས་རྗེ་ཆེན་པོ་འབུ་སུ་ཀུའི་ཏིང་ངེ་འཛིན་གྱི་དབང་བསྐུར་ཏེ༔ འགྲོ་འདུལ་

[Full Size]

དཀར་པོ་ཕྱག་བཞི་པར་བསྒོམས་པས་འཕྲུག་ཡངས་ཏེ་ཟ་མ་ཏོག་ལ་སོགས་པ་ཕྱི་མདོ་ལུགས་དང་མཐུན་པས་སྔགས་ཀྱང་ཡི་གེ་དྲུག་པར་བཟླས་ཏེ༔ ཐུགས་རྗེ་ཆེན་པོ་གསང་འདུས་རྒྱུད་ལས༔ ཕྱི་ལྟར་བཟླས་པས་ཡི་གེ་དྲུག༔ སྙན་འཇམ་རྨ་བྱའི་མགྲིན་ལྟར་བཟླས༔ ཨོཾ་མ་ཎི་པདྨེ་ཧཱུྃ༔ མདོ་ཡི་ལུགས་སུ་ཤེས་པར་བྱ༔ ཞེས་གསུངས་སོ༔ འདི་ཉུང་ཁྲིད་དུ་བྱེད་ན་ཐུགས་རྗེ་ཆེན་པོ་སྐྱེའུ་པའི་ལུགས་ཀྱི་དབང་རྒྱས་པར་བསྐུར་ནས༔ ལྷ་རྒྱལ་བ་རྒྱ་མཚོ་བཞེངས་ཐབས་རང་གཞུང་ལྟར་དུ་བསྒོམ་པར་བྱའོ༔ རྒྱལ་བ་རྒྱ་མཚོ་ལྷ་ལྔའི་དབང་ཙམ་བསྐུར་ནས་རྒྱལ་བ་རྒྱ་མཚོ་སྐྱིལ་ཀྲུང་ཅན་བསྒོམས་ལ༔ དེ་གཉིས་གང་བྱེད་ཀྱང་སྔགས་ཡི་གེ་བཅུ་པ་བཟླས་ཏེ༔ འདི་ཅུང་ཞིག་གཉན་པའང་ཡིན་ཏེ༔ ནང་ལྟར་ཟབ་མོ་ཡི་གེ་བཅུ༔ འབྲུག་སྟོང་ལྡིར་བ་ལྟ་བུར་བཟླས༔ ༀ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ༔ གསང་སྔགས་ནང་ལྟར་ཤེས་པར་བྱ༔ ཞེས་གསུངས་སོ༔ དེ་ལ་དམིགས་པ་རྒྱས་བསྡུས་གཉིས་ཏེ༔ དབང་པོ་རྣོན་པོས་རྒྱས་པར་བསྒོམ་པ་ནི༔ རང་གིས་ཐུགས་རྗེ་ཆེན་པོ་ལ་དད་གུས་རྩེ་གཅིག་པས༔ མ་ལུས་སེམས་ཅན་སོགས་སྤྱན་

[Full Size]

འདྲེན་ཤོ་ལོ་ཀའམ་མེད་ཀྱང་རུང་༔ ཨོཾ་མ་ཎི་པདྨེ་ཧཱུྃ་བཛྲ་ས་མཱ་ཛ༔ ཞེས་ལག་པ་བསྣོལ་ཏེ་སེ་གོལ་བརྡབས་ནས་མཛུབ་མོ་ལྕགས་ཀྱུ་ལྟར་དཔུང་པར་གདེང་བ་རྡོ་རྗེ་བསྡུ་བའི་སྔགས་རྒྱ་བྱས་པས༔ བདེ་བ་ཅན་དང་པོ་ཏ་ལ་སོགས་པ་སངས་རྒྱས་ཀྱི་ཞིང་ཁམས་ཐམས་ཅད་ནས༔ འཕགས་པ་སྤྱན་རས་གཟིགས་དཔག་ཏུ་མེད་པ་བྱོན་ནས༔ སྐུ་གཅིག་ཏུ་གི་སྤྱི་བོར་བཞེངས་ཐབས་སུ་བཞུགས་པར་གྱུར་པ་ནི༔ སྐུ་མདོག་དཀར་པོའམ༔ དམར་པོ་ཞལ་གཅིག་ཞི་ཞིང་འཛུམ་པ་རལ་པའི་ཐོར་ཚུགས་ཀྱི་རྩེར་སྣང་བ་མཐའ་ཡས་བཞུགས་པ༔ ཕྱག་བཞི་དང་པོ་གཉིས་ཐལ་མོ་སྦྱར་བ༔ འོག་མ་གཉིས་ཕྲེང་བ་དང་པདྨ་འཛིན་པ༔ དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང་འོད་ཟེར་འབར་བའི་ཐུགས་ཀར་ཟླ་བ་ལ་ཧྲི༔ཡིག་སྔགས་ཀྱིས་བསྐོར་བར་བསྒོམས་ལ༔ དེའི་དྲུང་དུ་སྡིག་ལྟུང་ཐམས་ཅད་བཤགས་པའི་བསམས་པས༔ བཅོམ་ལྡན་རྩ་བ་གསུམ་པོ་ལ༔ འཁོར་བའི་ཉོན་མོངས་དབང་གྱུར་པས༔ མི་ཤེས་ཐུགས་དང་འགལ་གྱུར་ཏེ༔ མཐོལ་ལོ་བཤགས་སོ་ས་མ་ཡ༔ ཞེས་ལུས་ཀྱི་ལས་ནི་རྣམ་པ་གསུམ༔ ཞེས་སོགས་བཤགས་ཚིག་

[Full Size]

གང་ཤེས་བརྗོད༔ ཁྲོམ་ལ་རྗེས་ཟློས་ཡང་ལན་གསུམ་བཅུག༔ དེ་ལྟར་གསོལ་བ་བཏབ་པས་ཧྲཱིཿཡིག་སྔགས་ཕྲེང་དང་བཅས་པ་ལས་བདུད་རྩིའི་རྒྱུན་ངང་ཁྲ་ལ་ལ་བབ༔ སྐུ་ལུས་ལྟེམ་གྱིས་གང་ཞབས་ཀྱི་མཐེ་བོང་ནས་ཆང་རྫ་འི་ཐེམ་བུ་རྡོལ་བ་ལྟར་ངང་རྒྱང་རྒྱང་བབས་པས༔ རང་གི་སྤྱི་བོ་ཚངས་བུག་ནས་ཞུགས་པས་ལུས་ཐམས་ཅད་གང་༔ ཕྱི་ནས་ཀྱང་མར་ཞམ་པས་ཕྱི་ནང་གཉིས་ཀ་ནས་བཀྲུས་པས༔ སྡིག་སྒྲིབ་ནད་གདོན་ཉམས་ཆག་ཅི་ཡོད་པ་ཐམས་ཅད་དུད་ཁུའམ་སོལ་ཁུ་ལྟར་འོག་གི་སྒོ་གཉིས་དང་བ་སྤུའི་བུ་ག༔ རྐང་པའི་སེན་ཕྲག་ནས་ནག་ནུ་རུ་རུ་ཐོན༔ ས་རིམ་པ་དགུའི་འོག་ཏུ་མར་སོང་ནས༔ ལས་ཀྱི་གཤིན་རྗེ་ཁ་གདངས་པའི་ནང་དུ་སོང་བས་ངོམས་ཤིང་ཚིམ་སྟེ་ཚེ་སྐྱིན་སྲོག་གླུད་དུ་གྱུར༔ ལུས་བདུད་རྩིས་གང་བས་ལུས་ཤེལ་སྒོང་གཡའ་དག་པ་ལྟར་གྱུར་ནས༔ ཐ་མལ་པའི་ལུས་མ་ཡིན་ཐུགས་རྗེ་ཆེན་པོ་སྐུའི་རྣམ་པར་གྱུར༔ བདུད་རྩི་ཡར་འཁྱིལ་པས་ཐུགས་རྗེ་ཆེན་པོའི་ཞབས་ལ་རེག་པ་དང་༔ ཐུགས་རྗེ་ཆེན་པོས་རིགས་ཀྱི་བུ་ཁྱོད་ཀྱི་སྡིག་ལྟུང་ཐམས་ཅད་དག་གོ་ཞེས་དབུགས་དབྱུང་བའི་གསུང་བྱོན་པ་དང་ལྷན་ཅིག་

[Full Size]

ཚངས་བུག་ནས་ཞུགས་ཏེ༔ སྙིང་གར་ཞུགས་པ་ལས༔ སྐུའི་རྣམ་པ་འོད་དུ་ཞུ་ནས༔ ཟླ་བའི་དཀྱིལ་འཁོར་ཉ་རྒྱས་པའི་ལྟེ་བར་ཧཱུྃཡིག་དམར་པོའམ་དཀར་པོ་ལ༔ ཡི་གེ་བཅུ་པའམ་དྲུག་གིས་རམ་མེར་བསྐོར་བར་གྱུར་ཏེ༔ དེ་ཡང་ཧྲཱིཿཡིག་གི་སྟོད་སྨད་བར་གསུམ་དུ་སྔགས་ཕྲེང་དཀར་དམར་མཐིང་ག་གསུམ་གྱིས་བསྐོར་བར་བསྒོམས༔ དང་པོ་སྔགས་ཕྲེང་དཀར་པོ་ལས་འོད་ཟེར་དཀར་པོ་འཕྲོས༔ ལུས་གང་བས་ལུས་ཀྱི་སྒོ་ནས་བསགས་པའི་སྡིག་སྒྲིབ་ཐམས་ཅད་མུན་པ་ལ་ཟླ་བ་ཤར་བ་ལྟར་དག༔ འོད་ཟེར་དཀར་པོ་ཕྱོགས་བཅུར་འཕྲོས་སངས་རྒྱས་བྱང་སེམས་བླ་མ་ཡི་དམ་མཁའ་འགྲོ་ཆོས་སྐྱོང་ཐམས་ཅད་ལ་ཕོག༔ སྐུའི་དམ་ཚིག་ཉམས་ཆག་ཐམས་ཅད་བསྐང་༔ སྐུའི་བྱིན་རླབས་དངོས་གྲུབ་བསྡུས་ནས་རང་གི་ལུས་ལ་ཐིམ་པས་ལུས་འཆི་བ་མེད་པའི་དངོས་གྲུབ་ཐོབ༔ ཡང་འོད་ཟེར་དཀར་པོ་འཕྲོས་སེམས་ཅན་ཐམས་ཅད་ལ་ཕོག་པས་ལུས་ཀྱི་སྒོ་ནས་བསགས་པའི་སྡིག་སྒྲིབ་ཐམས་ཅད་སངས་སེ་དག༔ ཐམས་ཅད་ལུས་བདེ་བ་དང་ལྡན་པར་གྱུར༔ སྔགས་ཕྲེང་དམར་པོ་ལས་འོད་ཟེར་དམར་པོ་འཕྲོས་ལུས་གང་བས་ངག་གི་སྒོ་ནས་བསགས་པའི་སྡིག་

[Full Size]

སྒྲིབ་མུན་པ་ལ་ཉི་མ་ཤར་བ་ལྟར་དག༔ འོད་ཟེར་ཕྱིར་འཕྲོས་པས་སངས་རྒྱས་བྱང་སེམས་བླ་མ་ཡི་དམ་མཁའ་འགྲོ་ཆོས་སྐྱོང་ཐམས་ཅད་ལ་ཕོག་པས་གསུང་གི་ཉམས་ཆག་ཐམས་ཅད་བསྐང་༔ གསུང་གི་བྱིན་རླབས་དངོས་གྲུབ་བསྡུས་ནས་རང་གི་ངག་ལ་ཐིམ་པས༔ འགགས་མེད་གསུང་གི་དངོས་གྲུབ་ཐོབ༔ ཡང་འོད་ཟེར་དམར་པོ་འཕྲོས་ནས་སེམས་ཅན་ཐམས་ཅད་ལ་ཕོག་པས༔ ངག་གི་སྒོ་ནས་བསགས་པའི་སྡིག་སྒྲིབ་ཐམས་ཅད་དག༔ ངག་ཆོས་སྨྲ་བར་གྱུར༔ ཡང་སྔགས་ཕྲེང་མཐིང་ག་ལས་འོད་ཟེར་མཐིང་ག་འཕྲོས༔ ལུས་གང་བས་སེམས་ཀྱི་སྒོ་ནས་བསགས་པའི་སྡིག་སྒྲིབ་ཐམས་ཅད་ནམ་མཁའ་སྤྲིན་དང་བྲལ་བ་ལྟར་དག༔ འོད་ཟེར་ཕྱིར་འཕྲོས་སངས་རྒྱས་བྱང་སེམས་བླ་མ་ཡི་དམ་མཁའ་འགྲོ་ཆོས་སྐྱོང་ཐམས་ཅད་ལ་ཕོག་པས་ཐུགས་ཀྱི་དམ་ཚིག་ཉམས་ཆག་བསྐང་༔ ཐུགས་ཀྱི་བྱིན་རླབས་དངོས་གྲུབ་ཐམས་ཅད་བསྡུས་ནས་རང་གི་སེམས་ལ་ཐིམ་པས་འཁྲུལ་མེད་ཐུགས་ཀྱི་དངོས་གྲུབ་ཐོབ༔ ཡང་འོད་ཟེར་སྔོན་པོ་འཕྲོས་པས་སེམས་ཅན་ཐམས་ཅད་ལ་ཕོག་པས་སེམས་ཀྱི་སྒོ་ནས་བསགས་པའི་སྡིག་སྒྲིབ་ཐམས་ཅད་དག༔ སེམས་

[Full Size]

བདེ་སྟོང་གི་ཏིང་ངེ་འཛིན་སྐྱེས༔ འོད་ཟེར་དཀར་དམར་མཐིང་གསུམ་པོ་ཚུར་འདུས་སྔགས་ཕྲེང་གསུམ་ལ་ཐིམ་པས༔ སྔགས་ཕྲེང་གསུམ་གཅིག་ཏུ་འདྲེས་ཏེ་དཀར་དམར་སྔོ་བའི་མདངས་ཅན་དུ་གྱུར༔ དེ་ལས་བདུད་རྩིའི་རྒྱུན་ངང་ཁྲ་ལ་ལ་བབས་པས་ལུས་གང་༔ སྡིག་སྒྲིབ་ཉམས་ཆག་ཐམས་ཅད་འོག་སྒོ་གཉིས་དང་བ་སྤུའི་བུ་ག་ནས་ནག་ཉིལ་ཉིལ་ཕྱིར་ཐོན༔ ལུས་ཤེལ་སྒོང་ལྟར་ཕྱི་གསལ་ནང་གསལ་གཟི་བརྗིད་འོད་དུ་འབར་བར་བསྒོམ་པ་ནི་རྒྱས་པའོ༔ ཡང་བློ་རྨོངས་པ་དག་གི་དམིགས་པ་མང་ན་ཟིན་དཀའ་ཞིང་གང་ཞིག་སངས་རྒྱས་ཡིད་བྱེད་པ་ཞེས་སྤྱན་འདྲེན་ཡང་མི་དགོས་པས༔ རང་ལུས་ཐུགས་རྗེ་ཆེན་པོའི་སྐུ་ཡིན་སྙམ་པའི་མོས་པ་ཙམ་བྱས་ལ་རང་གི་སྙིང་གར་ཟླ་བའི་སྟེང་དུ་ཧྲཱི༔ཡིག་དཀར་ལ་དམར་བའི་མདངས་ཅན་གྱི་མཐར་སྔགས་ཡི་གེ་དྲུག་པས་བྲམ་མེར་བསྐོར་བ་དེ་ཉིད་ཐུགས་རྗེ་ཆེན་པོ་དངོས་ཡིན་པའི་ངེས་ཤེས་བྱས་ལ༔ དེའི་དྲུང་དུ་སྡིག་ལྟུང་ཐམས་ཅད་བཤགས་བསམ་པ་བྱས་པས་ཧྲཱི༔ཡིག་སྔགས་ཕྲེང་དང་བཅས་པ་ལས་བདུད་རྩིའི་རྒྱུན་འོ་མ་ལྟ་བུ་བབ༔ རང་ལུས་ཐམས་ཅད་ངང་ལྡེམས་སེ་གང་བས་སྡིག་སྒྲིབ་ནད་གདོན་ཐམས་ཅད་ནག་ནུ་རུ་

[Full Size]

རུ་འོག་སྒོ་དང་རྐང་ཞབས་ནས་ཐོན་ཏེ་ས་འོག་ཏུ་སོང་བས༔ རང་ལུས་དྲི་མ་མེད་པ་ཤེལ་སྒོང་ལྟར་གྱུར་པར་བསྒོམ་མོ༔ དེ་དག་གི་ཚེ་ཡིག་བཅུའམ་ཡིག་དྲུག་སྐབས་སུ་གང་བབ་བརྒྱ་སྟོང་ལ་སོགས་པ་ཐུན་རེ་ལ་བཟླས་ནས༔ ཐུན་མཚམས་སུ་རང་ལུས་ཐུགས་རྗེ་ཆེན་པོ་འོད་དུ་ཞུ་ནས་སྔགས་ཕྲེང་ལ་ཐིམ༔ སྔགས་ཕྲེང་ཧྲཱིཿལ་ཐིམ༔ ཧྲ྄ཱིཿཡིག་ཚེག་དྲག་ར་བཏགས་ལ༔ ར་བཏགས་ཧ་ཁོག་ལ༔ ཧ་ཁོག་གི་གུ་ལ༔ གི་གུ་ཡང་ཞུ་ནས་ཐིག་ལེ་དཀར་དམར་ཡུངས་ཀར་ཙམ་ལ་སེམས་ཡུན་རིང་བཟུང་༔ དེའང་ཇེ་ཆུང་དུ་ཡལ་ནས་སྟོང་པ་ཉིད་དུ་གྱུར་པའི་ངང་ལ་སེམས་མ་བཅོས་པར་རང་ལུགས་སུ་བཞག་སྟེ༔ ལས་རྣམ་པར་དག་པའི་མདོ་ལས༔ གང་ཞིག་བཤགས་པ་བྱེད་འདོད་ན༔ དྲང་པོར་འདུག་ལ་ཡང་དག་ལྟོས༔ ཡང་དག་ཉིད་ལ་ཡང་དག་བལྟ༔ འདི་ནི་འགྱོད་ཚང་མཆོག་ཡིན་ནོ༔ ཞེས་དང་༔ ཐར་པ་ཆེན་པོའི་མདོ་ལས༔ བཅོམ་ལྡན་འདས་ཀྱིས་བཀའ་སྩལ་པ༔ སྡིག་པའི་རང་བཞིན་ནང་ན་ཡང་མི་གནས༔ ཕྱི་རོལ་ན་ཡང་མི་གནས༔ བར་ན་ཡང་མི་གནས་ཏ༔ སེམས་རྣམ་པར་གྲོལ་བའི་ཕྱིར༔ སྡིག་པའི་རང་

[Full Size]

བཞིན་རྣམ་པར་གྲོལ་ལོ༔ སེམས་སྟོང་པ་ཉིད་ཀྱི་ཕྱིར་སྡིག་པའི་རང་བཞིན་ནི་སྟོང་པ་ཉིད་དོ༔ དད་པའི་མཐུ་ཆེ་བའི་ཕྱིར་བསོད་ནམས་ཀྱི་མཐུ་ཡང་ཆེའོ༔ ཞེས་གསུངས་སོ། དེ་ལྟར་ཐུན་བཞིའམ་དྲུག་ཏུ་སྒོམས་ལ་ཡི་གེ་དྲུག་པའམ་བཅུ་པ་ཟློས་ཤིག༔ དམིགས་པ་མ་ཡེངས་པར་འབུམ་ཕྲག་གཅིག་གམ་གཉིས་སམ་དྲུག་གམ་བྱེ་བ་བཟླས་ན་སྡིག་པ་མཚམས་མེད་ཀྱང་དག་པར་བཤད་དེ༔ འདིའི་བྱེ་བ་ནི་མངོན་པ་ནས་གསུངས་པའི་བྱེ་ཆེན་ཡིན་ཏེ༔ བརྒྱ་ཚོ་བཅུ་ནི་སྟོང་ཚོ༔ སྟོང་ཚོ་བཅུ་ནི་ཁྲི་ཚོ༔ ཁྲི་ཚོ་བཅུ་ནི་འབུམ་ཚོ༔ འབུམ་ཚོ་བཅུ་ནི་ས་ཡ༔ ས་ཡ་བཅུ་ནི་བྱེ་ཆེན༔ དེ་ཙམ་བཟླས་ན་སྡིག་པ་དག་པའི་རྟགས་འབྱུང་སྟེ༔ བསྐུལ་བྱེད་ཀྱི་གཟུངས་ལས༔ རྨི་ལམ་ན་ཡང་ཟས་ངན་སྐྱུགས་པ་དང་༔ ཞོ་དང་འོ་མ་འཐུང་བ་དང་༔ སྐྱགས་པ་དང་༔ ཉི་མ་དང་ཟླ་བ་མཐོང་བ་དང་༔ ནམ་མཁའ་ལ་འགྲོ་བ༔ མེ་འབར་བ༔ མ་ཧེ་དང་མི་ནག་ཐུབ་པ༔ དགེ་སློང་དང་དགེ་སློང་མའི་དགེ་འདུན་མཐོང་བ་དང་༔ འོ་མ་འབྱུང་བའི་ཤིང་དང་༔ གླང་པོ་ཆེ་དང་ཁྱུ་མཆོག་དང་༔ རི་དང་སེང་གེའི་ཁྲི་དང་ཁང་བཟང་དག་གི་སྟེང་དུ་འཛེགས་པ་དང་༔ ཆོས་ཉན་

[Full Size]

པ་རྨིས་ན་སྡིག་པ་དང་བྲལ་བར་འགྱུར་རོ༔ ཞེས་གསུངས་སོ༔ དེ་ཡང་སྡིག་པ་བཤགས་ན་དག་པའི་ལོ་རྒྱུས་ནི༔ རྒྱལ་བུ་དགེ་མཐོང་གིས་མི་སུམ་སྟོང་ཀླུ་བསད་པ་དང་༔ ཁྱེའུ་བདེ་བྱེད་ཀྱིས་མ་བསད་པ་དང་༔ ཅུང་དགའ་བོ་བུད་མེད་ལ་ལྷག་པར་ཆགས་པ་དང་༔ རྒྱལ་བུ་མཐོང་ལྡན་གྱིས་ཕ་བསད་པ་དང་༔ སོར་ཕྲེང་ཅན་གྱིས་མི་དགུ་བརྒྱ་དང་གོ་དགུ་བསད་པ་རྣམས་ཀྱང་༔ སྟོབས་བཞི་པོ་རེ་རེས་དག་ནས་ཡོན་ཏན་ཐོབ་པར་བཤད་ན༔ སྟོབས་བཞི་གཅིག་ཏུ་དྲིལ་བ་འདི་ལྟར་ཉམས་སུ་བླངས་ན་སྨོས་ཅི་དགོས་ཏེ༔ བཤེས་སྤྲིང་ལས༔ གང་ཞིག་སྔོན་ཆད་བག་མེད་གྱུར་པ་ལ༔ ཕྱི་ནས་བག་དང་ལྡན་པར་གྱུར་དེ་ཡང་༔ ཟླ་བ་སྤྲིན་བྲལ་ལྟ་བུར་རྣམ་མཛེས་ཏེ༔ དགའ་བོ་སོར་ཕྲེང་མཐོང་ལྡན་བདེ་བྱེད་བཞིན༔ ཞེས་གསུངས་སོ༔ དཔུང་བཟང་གིས་ཞུས་པ་ལས༔ སོས་ཀ་ནགས་མེ་མཆེད་པའི་མེ་ལྕེ་ཡིས༔ མ་བསྒྲིབས་བཞིན་དུ་ཚང་ཚིང་ཀུན་སྲེག་ལྟར༔ བཟླས་བརྗོད་མེ་ལ་ཚུལ་ཁྲིམས་རླུང་གིས་སྦྱར༔ བརྩོན་འགྲུས་ཆེན་པོའི་མེ་ཡིས་སྡིག་པ་བསྲེག༔ ཇི་ལྟར་གངས་ལ་ཉི་མའི་འོད་ཟེར་གྱིས༔ གདུང་ན་གཟི་བརྗིད་མི་

[Full Size]

བཟོད་འགྱུ་བ་བཞིན༔ ཚུལ་ཁྲིམས་ཉི་མའི་འོད་ཟེར་བཟླས་བརྗོད་ཀྱིས༔ གདུང་ན་སྡིག་པའི་གངས་ཀྱང་ཟད་པར་འགྱུར༔ མུན་ནག་སྨག་ལ་མར་མེ་ཕྱུང་བ་ཡིས༔ མུན་ནག་མ་ལུས་སེལ་བར་བྱེད་པ་བཞིན༔ ཚེ་རབས་སྟོང་ནས་བསགས་པའི་སྡིག་པའི་མུན༔ བཟླས་བརྗོད་མར་མེས་མྱུར་དུ་སེལ་བར་བྱེད༔ ཅེས་གསུངས༔ དེ་ལྟར་བཤགས་པའི་ཐབས་མཁས་ན་སྡིག་པ་ཆེ་ཡང་བྱང་སླ་སྟེ༔ དཔེར་ན་ལྕགས་ཆེན་པོ་ལེབ་མོ་སླ་ང་ལྟ་བུར་བརྡུང་ན་ཆུའི་ཁ་ན་ལྡིང་བ་དང་འདྲ་ལ༔ བཤགས་མ་ཤེས་ན་སྡིག་པ་ཆུང་ཡང་ངན་སོང་དུ་ལྟུང་བ་སྟེ༔ ལྕགས་ཀྱི་རིལ་བུ་སྲན་མ་ཙམ་ཡང་ཆུའི་ཞབས་སུ་འགྲོ་བ་ལྟ་བུ་སྟེ༔ བཅོམ་ལྡན་འདས་ཀྱི་ཞལ་ནས༔ མཁས་ལ་སྡིག་པ་བྱས་པའི་རྣམ་སྨིན་འཕྲལ་ལ་འཛོམས༔ མི་མཁས་སྡིག་པ་བྱས་པ་དེ་ཉིད་ཐུར་དུ་འགྲོ༔ ལྕགས་ཀྱི་གོང་བུ་ཆུང་ཡང་ཆུ་ཡི་གཏིང་དུ་འགྲོ༔ དེ་ཉིད་སྣོད་དུ་བྱས་ན་ཆེ་ཡང་ཁ་ན་འཕྱོ༔ ཞེས་གསུངས་སོ༔ མཁས་པས་ཀྱང་སྡིག་ལྟུང་བྱས་ཀྱང་ཨའུ་ཙི་བཤགས་ཆོག་སྙམ་ཞིང་བྱས་ན་ནི་མ་ཤེས་པས་བྱས་པ་ལས་ཀྱང་ལྕི་བས་དག་དཀའ་སྟེ༔ ལུང་ལས༔ མཁས་པས་སྡིག་པ་བྱས་པ་རྣམས་

[Full Size]

བཀའ་སོགས་བསླུས་པས་ཤིན་ཏུ་ལྗི༔ བླུན་པོས་སྡིག་བྱས་ལྕི་བ་ཡོད༔ རང་བཞིན་བླུན་པ་ཉིད་ཀྱིས་སོ༔ ཞེས་དང་༔ དེ་གཉིས་ཀྱི་དོན་རྒྱ་གར་གྱི་པཎྜི་ཏ་མཚོ་སྐྱེས་ཀྱི་གསུངས་ལས༔ ཕྱིར་ཞིང་སྡོམ་ལ་དགའ་བ་ནི༔ ཉེས་པ་ཆེ་ཡང་ཡང་བར་བཤད༔ བཤགས་ཀྱང་འདོད་པར་འཛིན་བྱེད་ན༔ ཉེས་པ་ཆུང་ཡང་ལྡི་བར་བཤད། ཁྱད་དུ་བསད་ནས་མ་བཤགས་ན༔ ཉེས་པ་ཆུང་ཡང་ལྗི་བར་བཤད༔ རྟག་ཏུ་འཛེམ་ཞིང་འཇིགས་གྱུར་ན༔ ཉོན་མོངས་ཟིལ་གནོན་ཉེས་བྱུང་ཡང་༔ ཉེས་པ་ཆེ་བར་མི་འགྱུར་རོ༔ ཞེས་གསུངས་སོ༔ དེ་ཡང་ཆོས་སྒོར་ཞུགས་ནས་ཉེས་ལྟུང་གིས་མ་གོས་ན་མཆོག་ཡིན་གྱི༔ གལ་ཏེ་ཉེས་ལྟུང་ཕྲ་ཞིབ་བྱུང་ན་བཤགས་པར་བྱ་བ་གལ་ཆེ་སྟེ༔ ས་ཡི་སྙིང་པོ་འཁོར་ལོ་བཅུ་པའི་མདོ་ལས༔ ང་ཡི་བསྟན་པ་ལ་སྐྱེས་བུ་དམ་པ་གཉིས་ཡོད་དེ༔ གཅིག་ནི་རང་བཞིན་གྱིས་དག་པས་དང་པོ་ནས་མི་དགེ་བ་མི་བྱེད་པའོ༔ གཅིག་ནི་བྱས་སུ་ཟིན་ཡང་འཛེམ་པ་དང་ངོ་ཚ་བས་སོ་སོར་འཆགས་པའོ༔ ཞེས་གསུངས་སོ༔ དེ་ཡང་ཉེས་ལྟུང་ཕྲ་ཞིབ་བྱུང་བ་ཡང་འདི་ཙམ་མི་ཏོ་སྙམ་དུ་མི་བཞག་འཕྲལ་དུ་སྦྱང་དགོས་ཏེ༔ ལྟ་

[Full Size]

བ་རྣམ་པར་དག་ཀྱང་སྤྱོད་པ་ཕྲ་ཞིབ་ཉམས་པས་ཀླུར་སྐྱེ་བ་རྒྱ་མཚོས་ཞུས་པའི་མདོ་ལས་གསུངས་པ་དང་༔ བཤགས་པ་མ་ཐེངས་ན་སྡིག་ལྟུང་གང་ཡིན་དེ་ཞག་རེ་ལ་སྐྱེད་རེ་འགྲོ་བས་ཆུང་ངུ་ཡང་ཆེན་པོར་འགྲོ་བའོ༔ ནམ་འཆི་ཆ་མེད་པས་ཀྱང་མྱུར་དུ་བཤགས་དགོས་ཏེ་སྤྱོད་འཇུག་ལས་བདག་ནི་སྡིག་པ་མ་བྱང་བར༔ སྔོན་དུ་གུམ་པར་འགྱུར་དུ་མཆི༔ ཞེས་གསུངས་སོ༔ དེ་ལྟར་སྡིག་པ་བཤགས་པའི་ཐབས་ཟབ་མོ་འདི་གེགས་སེལ་ཀྱི་མཆོག་ཀྱང་ཡིན་ཏེ༔ ཆོས་ཉམས་སུ་ལེན་པ་ན་ནད་གདོན་གེགས་གོལ་ས་ཐམས་ཅད་སྡིག་སྒྲིབ་ལས་འབྱུང་བ་ཡིན་པས༔ སྒྲིབ་པ་ལེགས་པར་བྱང་ན་བར་ཆད་ཅི་ཡང་མེད་པས་སྡིག་བྱང་སྔགས་དང་དམིགས་པ་ནི༔ ད་ལམ་ཞག་རྩེ་གཅིག་དང་༔ རྗེས་ནས་ཀྱང་རྒྱུན་དུ་མ་ཆག་པ་དང་༔་ཁྲིད་ཡུན་རིང་བྱེད་ན་འདི་རང་ལ་རྟགས་ཐོན་པ་དགོས་རྒྱུ་ཡིན་ནོ༔ དཔེར་ན་ཚོས་བྱེད་ན་ཡང་ལྭ་བ་མ་བཀྲུས་པར་ཚོས་མི་ཟ་བ་བཞིན་དུ༔ སྡིག་སྒྲིབ་གཅིག་ཨན་ཙམ་མ་བྱང་ན༔ རྟོགས་པ་མི་སྐྱེ་ངོ་སྤྱད་ཀྱང་མི་འཕྲོད༔ ཉམས་ཅུང་ཟད་སྐྱེས་པ་ཡང་གེགས་དང་གོལ་སར་འཆོར་བས་རེ་ཞིག་འདི་རང་སྒོམ་བཟླས་མཛོད༔ དེས་

[Full Size]

ཆོས་འབྲུ་བཞི་པ་སོང་ངོ་༔ ༒ དེ་ནས་ཆོས་འབྲུ་ལྔ་པ་ནི༔ གཞུང་ལས༔ ཁྱེད་རང་རྒྱལ་བ་རྒྱ་མཚོ་ནི༔ དམར་པོ་ཞལ་གཅིག་ཕྱག་བཞི་པ༔ གཡས་གཡོན་ཕྲེང་པ་པདྨ་དང་༔ འོག་གཉིས་ཐལ་མོ་སྦྱར་བ་ནི༔ བཞེངས་པའི་སྟབས་བསྒོམ་ཡིག་དྲུག་བརྗོད༔ ཅེས་གསུངས་པའི་དོན་བཤད་ན༔ སེམས་སྟོང་ཉིད་བསྒོམ་པ་དང་༔ ལམ་ཕར་ཕྱིན་དྲུག་ལ་སྤྱོད་ཀྱང་༔ རྒྱུའི་ཐེག་པས་བསྐལ་པ་གྲངས་མེད་གསུམ་དུ་བླ་མེད་བྱང་ཆུབ་མི་ཐོབ་པ་ནི༔ ཡི་དམ་ལྷའི་བསྐྱེད་རིམ་མེད་པས་ལམ་ཐག་རིང་བ་ཡིན༔ དེས་ན་ཐབས་མང་བ་དང་དཀའ་ཚེགས་མེད་པ་དང་དབང་པོ་རྣོ་བ་སོགས་ཁྱད་པར་གསུམ་གྱི་མདོ་ལས་སྔགས་ཁྱད་པར་དུ་འཕགས་ཏེ༔ ཚུལ་གསུམ་སྒྲོན་མ་ལས༔ དོན་གཅིག་ནའང་མ་རྨོངས་དང་༔ ཐབས་མང་དཀའ་བ་མེད་པ་དང་༔ དབང་པོ་རྣོན་པོའི་དབང་བྱས་ན༔ སྔགས་ཀྱི་ཐེག་པ་ཁྱད་པར་འཕགས༔ ཞེས་གསུངས༔ དེ་ཡང་སྔགས་ཕྱི་པ་བྱ་སྤྱོད་རྣལ་འབྱོར་རྒྱུད་གསུམ་ནའང་ལྷའི་རྣམ་པ་བསྒོམ་ཙམ་ཡོད་ཀྱང་༔ ཕུང་ཁམས་སྐྱེ་མཆེད་གདོད་ནས་ལྷའི་རང་བཞིན་དུ་

[Full Size]

མ་རྟོགས་ནས་སྐྱེ་བ་དྲུག་ཅུ་དང་བཅུ་དྲུག་དང་བདུན་སོགས་འགོར་ལ༔ གསང་སྔགས་བླ་མེད་འདི་ལ་ནི་ལམ་ཤིན་ཏུ་ཉེ་བ་སྟེ༔ སངས་རྒྱས་མཉམ་སྦྱོར་གྱི་རྒྱུད་ལས༔ བསྐལ་པ་བྱེ་བར་རྙེད་དཀའ་བའི༔ སངས་རྒྱས་ཉིད་ཀྱང་བརྩོན་ལྡན་ལཚེ་འདི་ཉིད་ལ་སྟེར་བས་ན༔ འབྲས་བུ་ཅན་གྱི་མིང་ནས་འབོད༔ ཅེས་དང་༔ སཾ་བྷུ་ཊི་ལས༔ མདོར་བསྡུས་ནས་ནི་སངས་རྒྱས་ཉིད༔ བསྐལ་པ་བྱེ་བ་གྲངས་མེད་པས༔ ཇི་སྲིད་སངས་རྒྱས་གང་ཐོབ་པ༔ གང་གི་དམ་པའི་བདེ་བ་ཁྱོད༔ སྐྱེ་བ་འདིས་ནི་ཐོབ་པར་འགྱུར༔ ཡང་ན་རྡོ་རྗེ་འཛིན་པ་ཉིད༔ ཡང་ན་འཁོར་ལོས་སྒྱུར་བའོ༔ འདིས་ནི་དངོས་གྲུབ་ཆེན་པོ་བརྒྱད༔ གཞན་ཡང་ཡིད་ལ་འདོད་པ་ཐོབ༔ ཅེས་གསུངས་སོ༔ གལ་ཏེ་བརྩོན་འགྲུས་ཆུང་བས་ཚེ་འདིར་མཆོག་གི་དངོས་གྲུབ་མ་ཐོབ་ནའང་༔ བར་དོ་ན་ངེས་པར་ལྷ་སྐུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་སྟེ༔ ཡེ་ཤེས་ཐིག་ལེ་ལས༔ ཡང་ན་ལུས་འདི་སྤང་མ་ཐག༔ བརྩོན་པ་མི་ལྡན་པས་ཀྱང་འགྲུབ༔ ཅེས་གསུངས་སོ༔ ཚེ་སྟོད་སྡིག་པ་ཆེན་པོ་བྱས་ཀྱང་འདི་ལྟ་བུའི་ཆོས་སྒོར་ཞུགས་ནས་རྩེ་གཅིག་ཏུ་ཉམས་སུ་བླངས་ན་ཚེ་

[Full Size]

འདི་ལའང་སངས་རྒྱས་ཐོབ་ནུས་ཏེ༔ དུས་འཁོར་རྩ་རྒྱུད་ལས༔ གདོལ་པ་སྨིག་མ་མཁན་ལ་སོགས༔ མཚམས་མེད་ལྔ་ནི་བྱེད་པ་རྣམས༔ སྔགས་ཀྱི་སྤྱོད་པ་རྗེས་སྤྱོད་ན༔ སྐྱེ་བ་འདི་ལ་སངས་རྒྱས་འགྱུར༔ ཞེས་དང་གསང་བ་འདུས་པར༔ སེམས་ཅན་མཚམས་མེད་ལྔ་ལ་སོགས༔ སྡིག་པ་ཆེན་པོ་བྱས་པས་ཀྱང་༔ རྡོ་རྗེ་ཐེག་པ་རྒྱ་མཚོ་སྟེ༔ ཐེག་མཆོག་འདི་ལ་འགྲུབ་པར་འགྱུར༔ ཞེས་གསུངས་སོ༔ འདི་བླ་མེད་རྡོ་རྗེ་ཐེག་པའི་ལུགས་རང་ལུས་ཕུང་ཁམས་སྐྱེ་མཆེད་ཐམས་ཅད་ཡི་དམ་གྱི་ལྷར་ངོ་སྤྱོད་པ་སྟེ༔ ཡེ་ཤེས་རྔམ་གློག་གི་རྒྱུད་ལས༔ ཕུང་པོ་ལྔ་དོན་སངས་རྒྱས་ལྔ༔ འབྱུང་བ་ལྔ་དོན་དབྱིངས་ཕྱུག་ཡུམ༔ ཁམས་དང་སྐྱེ་མཆེད་མང་པོ་ཀུན༔ སེམས་དཔའ་སེམས་མའི་དཀྱིལ་འཁོར་ཡིན༔ དེས་ན་སྲིད་གསུམ་དཀྱིལ་འཁོར་ཆེ༔ ཞེས་དང་གསང་བ་འདུས་པ་ལས༔ མདོར་ན་ཕུང་པོ་ལྔ་རྣམས་ནི་སངས་རྒྱས་ལྔར་ནི་རབ་ཏུ་གྲགས༔ རྡོ་རྗེ་སྐྱེ་མཆེད་ཉིད་དག་ཀྱང་༔ བྱང་ཆུབ་སེམས་ཀྱི་དཀྱིལ་འཁོར་མཆོག༔ ས་ནི་སངས་རྒྱས་སྤྱན་མ་ཡིན༔ ཆུ་ཡི་ཁམས་ནི་མ་མཱ་ཀི༔ དཀར་དང་སྒྲོན་མ་ཞེས་བྱ་

[Full Size]

བར༔ མེ་དང་རླུང་དུ་རབ་ཏུ་གྲགས༔ མཁའ་དབྱིངས་རྡོ་རྗེའི་དམ་ཚིག་ནི༔ རྡོ་རྗེ་འཛིན་པ་དེ་ཉིད་ཡིན༔ ཞེས་དང་༔ རྡོ་རྗེ་མཁའ་འགྲོའི་རྒྱུད་ལས༔ ལུས་ནི་སངས་རྒྱུས་རང་བཞིན་སྐུ༔ ཆ་ཤས་བྱང་ཆུབ་ཡན་ལག་ནས༔ དེ་ཡི་བ་སྤུ་དགྲ་བཅོམ་པ༔ ཅོད་པན་རིགས་བདག་ལ་སོགས་པའོ༔ ཞེས་དང་༔ བདེ་བ་དམ་པ་རྟོགས་པར་བྱེད་པའི་རྒྱུད་ལས༔ སངས་རྒྱས་ཐམས་ཅད་ལུས་ལ་གནས༔ ལུས་ལས་གཞན་དུ་ཡོད་མ་ཡིན༔ ཞེས་དང་༔ སཾ་བྷུ་ཊི་ལས༔ རང་གི་ལུས་ལ་སངས་རྒྱས་བཞུགས༔ གཞན་དུ་གང་དུའང་སངས་རྒྱས་མེད༔ ལུས་ལས་གཞན་དུ་སངས་རྒྱས་ཉིད༔ མི་ཤེས་པ་ཡི་སྒྲིབ་པར་འདོད༔ ཅེས་གསུངས་སོ༔ དེ་ལྟར་ཡིན་པ་ལ་ཡིན་པར་ཤེས་པས༔ བསྒོམ་པ་ན་དེ་དངོས་སུ་འགྲུབ་པ་ཡིན་ཏེ༔ ལྷ་མོ་བཞིས་ཞུས་པའི་རྒྱུད་ལས༔ ཕུང་པོ་ལ་སོགས་སངས་རྒྱས་ལྔའི༔ རང་བཞིན་དངོས་ཞེས་བཤད་པ་ཡིན༔ དངོས་དེ་ངེས་པར་བསྒོམས་པ་ཡིས༔ རང་སེམས་མཐུ་ཡི་སངས་རྒྱས་འགྱུར༔ ཞེས་དང་༔ རྡོ་རྗེ་གུར་ལས༔ སངས་རྒྱས་ང་རྒྱལ་རྣལ་འབྱོར་གྱི༔ སངས་རྒྱས་ཉིད་ཡུན་རིང་མི་འགྱུར

[Full Size]

སྟོན་པ་སུམ་ཅུ་རྩ་གཉིས་མཚན༔ མངའ་བདག་དཔེ་བྱད་བརྒྱད་ཅུར་ལྡན༔ དེ་ཕྱིར་ཐབས་དེས་བསྒྲུབ་བྱ་སྟེ༔ ཐབས་ནི་སྟོན་པའི་གཟུགས་ཅན་ནོ༔ ཞེས་དང་༔ ངེས་བརྗོད་བླ་མར༔ ལྷ་ཡི་རྣལ་འབྱོར་མངོན་སྦྱོར་བས༔ གཉིས་སུ་མེད་པའི་ཡེ་ཤེས་འགྱུར༔ དེ་མ་ཐག་ཏུ་བྱང་ཆུབ་སྟེ༔ མཆོག་གི་ངེས་པ་རྙེད་པར་འགྱུར་ཞེས་གསུངས་སོ༔ ལྷ་མདུན་བསྐྱེད་སོགས་ལས་ཀྱང་བདག་བསྐྱེད་ཟབ་པ་སྟེ༔ རྡོ་རྗེ་མཁའ་འགྲོའི་རྒྱུད་ལས༔ འདི་ནི་རང་བྱུང་བཅོམ་ལྡན་འདས༔ གཅིག་པུ་བདག་ཉིད་ཆེ་བའི་ལྷ༔ རྟག་ཏུ་ཕྱག་དང་མཆོད་སོགས་བྱ༔ རྡོ་ཤིང་འདག་པ་ལ་སོགས་དང་༔ རས་དང་ཚོན་གྱི་གཟུགས་བརྙན་ལ༔ བྱིན་རླབས་ཡེ་ཤེས་དབབ་བྱས་ནས༔ ལྷ་ཡིན་ཟེར་ནས་མཆོད་སོགས་བྱེད༔ བཅོས་མ་ལ་ཡང་དེ་ལྟར་ན༔ བདག་ཉིད་ཡེ་ནས་སངས་རྒྱས་ལ༔ ཅི་ཕྱིར་ཞེ་ན་མཆོད་མི་བྱེད༔ ཅེས་གསུངས་པས་རང་གི་ཕུང་པོ་ལྔ་རིགས་ལྔའི་སྤྱན་རས་གཟིགས༔ ཁམས་ལྔ་ཡུམ་ལྔ་ཚོགས་བརྒྱད་སེམས་དཔའ་ཡུལ་བརྒྱད་སེམས་མ༔ སོགས་སུ་ཤེས་པར་གྱིས་ལ་ཐ་མལ་དུ་འཛིན་པ་སྤང་ཅི་ཐུབགལ་ཆེའོ༔ དེ་ལྟར་ལུས་

[Full Size]

ཀྱི་གནས་ལུགས་ཧང་ཙམ་མ་གོ་ན་ལྷའི་གཟུགས་ཙམ་བསྒོམས་ཤེས་ཀྱང་བླ་མེད་ཀྱི་བསྐྱེད་རིམ་གོ་མི་ཆོད་པ་ཡིན་ནོ༔ དེས་ན་བསྐྱེད་རིམ་རྒྱས་པ་ཡན་ལག་དྲུག་གི་སྒོ་ནས་བསྐྱེད་པ་དང་༔ མངོན་བྱང་ལྔས་བསྐྱེད་པ་དང་༔ ཆོ་ག་ཡན་ལག་བཞིས་བསྐྱེད་པ་སོགས་མང་དུ་ཡོད་ནའང་༔ སྡོམ་པའི་རྒྱུད་ལས༔ སྐད་ཅིག་རྣམ་པས་ལྷར་བསྒོམ་བྱ༔ ཞེས་སོགས་དང་༔ རྒྱལ་བ་རྒྱ་མཚོའི་ཡང་སྙིང་ལས༔ སྐྱེ་བོ་ཕོ་མོ་ཡི་གེ་མི་ཤེས་པ་རྣམས་ལ་སྐད་ཅིག་དྲན་རྫོགས་སུ་བསྒོམ་ན་ཟིན་སླ་བར་གསུངས་པ་ལྟར་འདིར་སྐད་ཅིག་ལ་ལྷར་བསྐྱེད་པ་ཡིན་ཏེ་སུ་བྷ་ཝ་སོགས་མི་དགོས་རང་ཉིད་ཐུགས་རྗེ་ཆེན་པོ་སྐུ་མདོག་དཀར་པོའམ༔ དམར་པོ་ཞལ་གཅིག་ཞི་ཞིང་འཛུམ་པ༔ ཕྱག་བཞིའི་དང་པོ་གཉིས་ཐུགས་ཀར་ཐལ་མོ་སྦྱར་བ༔ གཡས་འོག་མས་མུ་ཏིག་གི་ཕྲེང་བ་དང་གཡོན་མེ་ཏོག་པདྨ་རང་གི་སྐུ་མདོག་དང་མཚུངས་པ་འཛིན་པ༔ ཞབས་གཉིས་རྡོ་རྗེའི་སྐྱིལ་ཀྲུང་ངམ༔ དྲང་པོར་བཞེངས་པ༔ རིན་པོ་ཆེའི་དབུ་རྒྱན་སྙན་ཆ་མགུལ་རྒྱན་དོ་ཤལ་ཕྱག་གདུབ་ཞབས་གདུབ་སྐེ་རགས་སེ་མོ་དོ་ལ་སོགས་པ་རྒྱན་ཐམས་ཅད་ཀྱིས་བརྒྱན་པ༔ དར་སྣ་ཚོགས་ཀྱིས་སྟོད་གཡོགས་

[Full Size]

དང་སྨད་དཀྲིས་ཅན༔ སྣ་ཚོགས་པདྨ་དང་ཟླ་བའི་གདན་ལ་བཞུགས་པ༔ དེ་རང་གི་ལུས་དང་དབྱེར་མེད་དུ་བསྒོམ་པ་ནི་དམ་ཚིག་སེམས་དཔའོ༔ དེའི་ཐུགས་ཀར་ཟླ་བའི་གདན་ལ་ཧྲི༔ཡིག་ལ་བཟླ་བྱའི་སྔགས་ཀྱི་ཡི་གེའི་ངོ་ཕྱིར་བསྟན་ནས་གཡོན་དུ་བཀོད་པ་ལས༔ ཧྲི༔ཡིག་མི་འགུལ་བར་སྔགས་ཕྲེང་གཡས་སུ་ཀྱི་ལི་ལི་འཁོར་བར་བསྒོམ་པ་ཡེ་ཤེས་སེམས་དཔའ་སྟེ༔ རང་གི་སེམས་དང་དབྱེར་མེད་པར་བསྒོམས༔ དེ་ནས་སྔགས་ཕྲེང་ལས་འོད་ཟེར་སྣ་ཚོགས་ཕྱོགས་བཅུར་འཕྲོས་པས༔ སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད༔ དེ་ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས་ཁ་བ་བུ་ཡུག་ལྟར་བྱོན་ཏེ་མཚོ་ལ་ཆར་ཆེན་པོ་བབ་པ་ལྟར་རང་ལ་སིབ་སིབ་ཐིམ་པར་བསྒོམས་པ་ནི༔ ཡེ་ཤེས་པ་སྤྱན་འདྲེན་པ་དང་དབང་བསྐུར་བ་ཡང་ཡིན༔ བྱིན་རླབས་སྡུད་པའི་དམིགས་པ་ཤིན་ཏུ་ཟབ་མོ་ཡིན་ནོ༔ དེ་ཡང་འོད་ཟེར་དེས་གྲུབ་ཆེན་བརྒྱད་ཅུ་རིག་འཛིན་བརྒྱད་ལ་སོགས་པ་དང་༔ རྗེ་འབངས་ཉེར་ལྔ་ལ་སོགས་མཆོད་ནས༔ དེ་ཐམས་ཅད་ཐུགས་རྗེ་ཆེན་པོའི་སྐུར་གྱུར་པ་ཆར་ལྟར་བབས་ནས་རང་ལ་ཐིམ་པ་དང་༔ ཡི་

[Full Size]

དམ་རྒྱུད་སྡེ་དྲུག་དང་བཀའ་དགོངས་ཕུར་གསུམ༔ སངས་རྒྱས་བྱང་སེམས་གང་དང་གང་ལ་མོས་པ་ཐམས་ཅད་ལ་མཆོད་པས༔ དེ་ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས་རང་ལ་ཐིམ་པར་བསྒོམ་པ་དང་༔ དེ་བཞིན་དུ་དཔའ་བོ་རྟ་མགྲིན་གིང་སྡེ་བཞི་མཁའ་འགྲོ་ལྔ་སོགས་དང་༔ ཡེ་ཤེས་ཀྱི་ཆོས་སྐྱོང་ཐམས་ཅད་ལའང་དེ་ལྟར་བྱས་ཏེ༔ པདྨ་རྒྱལ་པོའི་རྒྱུད་ལས༔ སངས་རྒྱས་ཐམས་ཅད་འདུས་པ་ནི༔ མགོན་པོ་སྤྱན་རས་གཟིགས་སྐུ་ཡིན༔ དྲན་པ་ཙམ་གྱིས་འཁོར་བ་ཡི༔ རྟོག་པ་ཐམས་ཅད་འགགས་པར་འགྱུར༔ མྱ་ངན་འདས་པ་ཐམས་ཅད་ཀྱི༔ སྙིང་པོ་མ་ལུས་ལེགས་པར་འགྱུར༔ ཞེས་དང་༔ ལྷ་ལྕམ་མན་དཱ་ར་བ་གྲུབ་པའི་རྒྱལ་མོ་ཞེས་གསུངས༔ བྷཾ་ག་ལའི་ཕག་མོའི་གསུངས་ལས་འདི་རྒྱུད་སྡེ་བཞིའི་ཕྱི་སྒྲུབ་ཡིན་གསུངས་པའི་དོན་ཏེ༔ ལྷ་གཅིག་དང་སྔགས་གཅིག་གིས་རྒྱུད་སྡེའི་ལྷ་ཚོགས་ཐམས་ཅད་དུས་གཅིག་ལ་གྲུབ་པའི་གདམས་ངག་ཟབ་མོ་ངོ་མཚར་ཅན་ཡིན་ཏེ༔ དེ་ཡང་ན་སོ་གཞོན་པ་རླུང་ཆུན་པས་ནི་རླུང་དང་བསྲེ༔ ཕར་བཏང་དུས་འོད་ཟེར་སྤྲོ༔ ཚུར་རྔུབ་དུས་བྱིན་རླབས་བསྡུ༔ ཁོག་པར་བསྐྱིལ་ཚེ་སྔགས་འཁོར་ལ་

[Full Size]

དམིགས་པ་གཏད་པའམ༔ དམིགས་མེད་དུ་བཞག་ལ་སྔགས་ཡིད་བཟླས་བྱའོ༔ བསྐྱེད་རིམ་དང་སྔགས་བཟླས་པ་ཁོ་ན་ལ་མོས་ན་སྔགས་སིལ་བུར་བུང་བའི་སྐད་ཙམ་དག་པར་བཟླ་ཞིང་དམིགས་པ་སྤྲོ་བསྡུ་ཁོ་ན་བྱའོ༔ དེ་ནི་བླ་མ་ཡི་དམ་དང་བསྲེ་བ༔ མཁའ་འགྲོ་ཆོས་སྐྱོང་དང་བསྲེ་བ་ཞེས་ཟབ་ཆོས་བླ་ན་མེད་པའོ༔ དེ་ནས་རང་གི་ཐུགས་ཀའི་སྔགས་ཕྲེང་ལས་འོད་ཟེར་མཐིང་ག་འཕྲོས༔ ཞེ་སྡང་གི་སྒྲིབ་པ་དག་ནས་ཕྱིར་འཕྲོས་ནས་དམྱལ་བའི་ཡུལ་དུ་སོང་བས་ཚ་གྲང་གི་སྡུག་བསྔལ་ཐམས་ཅད་ཞི༔ དམྱལ་བའི་འཇིག་རྟེན་མངོན་པར་དགའ་བའི་ཞིང་དང་དམྱལ་བའི་སེམས་ཅན་ཐམས་ཅད་རྡོ་རྗེ་སྤྱན་རིས་གཟིགས་སྐུ་མདོག་སྔོན་པོ་ཞལ་གཅིག་ཕྱག་བཞི་པར་གྱུར་ནས་ཐམས་ཅད་ཡིག་དྲུག་དི་རི་རི་བཟླ་བར་བསྒོམ༔ དེ་བཞིན་དུ་ཐུགས་ཀའི་སྔགས་ཕྲེང་ལས་འོད་ཟེར་དམར་པོ་འཕྲོས་འདོད་ཆགས་ཀྱི་སྒྲིབ་པ་སྦྱངས་ཡི་དྭགས་ཀྱི་འཇིག་རྟེན་བདེ་བ་ཅན་དང་སེམས་ཅན་ཐམས་ཅད་པདྨ་སྤྱན་རས་གཟིགས་དམར་པོར་བསྒྱུར་བ་དང་༔ འོད་ཟེར་དཀར་པོས་གཏི་མུག་གི་སྒྲིབ་པ་སྦྱངས་ནས་དུད་འགྲོའི་འཇིག་རྟེན་སྟུག་པོ་བཀོད་དང་སེམས་ཅན་ཐམས་

[Full Size]

ཅད་རྣམ་སྣང་སྤྱན་རས་གཟིགས་དཀར་པོར་བསྒྱུར་བ་དང་༔ འོད་ཟེར་སེར་པོས་ང་རྒྱལ་སྦྱངས་ནས་ལྷ་དང་མིའི་འཇིག་རྟེན་དཔལ་དང་ལྡན་པ་དང་སེམས་ཅན་ཐམས་ཅད་རིན་ཆེན་སྤྱན་རས་གཟིགས་སེར་པོར་བསྒྱུར་བ་དང་༔ འོད་ཟེར་ལྗང་གུས་ཕྲག་དོག་སྦྱངས་ནས་ལྷ་མ་ཡིན་གྱི་འཇིག་རྟེན་ལས་རབ་རྫོགས་དང་སེམས་ཅན་ཐམས་ཅད་ཀརྨ་སྤྱན་རས་གཟིགས་ལྗང་གུར་བསྒྱུར༔ དེ་ལྟར་སྣོད་ཀྱི་འཇིག་རྟེན་དག་པའི་ཞིང་ཁམས༔ སེམས་ཅན་ཐམས་ཅད་ཐུགས་རྗེ་ཆེན་པོར་གྱུར་པས་ཡི་གེ་དྲུག་པ་བཟླ་རོགས་འུ་རུ་རུ་བསྒོམས་ལ་དམིགས་པ་གསལ་ན་སྐད་ཅིག་རེར་ཡང་དུང་ཕྱུར་མང་པོརའགྲོ་བར་དམར་ཁྲིད་ཚེམ་བུ་ལུགས་སོགས་ནས་བཤད་དོ༔ དེ་ནི་སྣང་བ་སྐུའི་ཁྱེར་སོ་ཡིན་ལ༔ མེ་ཆུ་རླུང་སོགས་འབྱུང་བའི་སྒྲ་དང་༔ སྲོག་ཆགས་ཀྱི་སྐད་གང་ཐོས་ཐམས་ཅད་ཡི་གེ་དྲུག་གམ་བཅུར་བསྒོམ་པ་ནི་གྲག་པ་གསུང་གི་ཁྱེར་སོ་ཞེས་བྱའོ༔ དེ་ལྟ་བུའི་ངང་ནས་བཟླས་པའི་ཕན་ཡོན་ནི༔ མདོ་སྡེ་ཟ་མ་ཏོག་བཀོད་པ་ལས༔ བཅོམ་ལྡན་འདས་ཤཱཀྱ་ཐུབ་པས་བཀའ་སྩལ་པ༔ རྣལ་འབྱོར་པ་གཞན་རྣམས་ནི་འབྲས་ཀྱི་ཕུབ་མ་དང་འདྲའོ༔ རྣལ་འབྱོར་པ་ཐམས་ཅད་ཀྱི་ནང་

[Full Size]

ནས་ཡི་གེ་དྲུག་པའི་རིག་སྔགས་ཀྱི་རྒྱལ་མོ་འདི་ནི་འབྲས་ཀྱི་སྙིང་པོར་གྱུར་པའོ༔ རིགས་ཀྱི་བུ་སྦྱིན་པའི་ཕ་རོལ་ཏུ་ཕྱིན་པ་དང་༔ ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་༔ བཟོད་པའི་ཕ་རོལ་ཏུ་ཕྱིན་པ་དང་༔ བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་༔ བསམ་གཏན་གྱི་ཕ་རོལ་ཏུ་ཕྱིན་པ་དང་༔ ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་ཕྱིར་རོ༔ ཨོཾ་མ་ཎི་པདྨེ་ཧཱུྃ༔ ཞེས་ལན་གསུམ་བརྗོད་པས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ༔ ཞེས་གསུངས་པས་བྱང་ཆུབ་སྨོན་པ་སེམས་བསྐྱེད་ཀྱི་ཉམས་ལེན་ཕར་ཕྱིན་དྲུག་ཀྱང་འདི་ལ་འཐུས་ལ༔ མཆོད་པ་ཐམས་ཅད་ཀྱང་དེ་ལ་ཚང་སྟེ༔ མདོ་དེ་ཉིད་ལས༔ ཡི་གེ་དྲུག་པ་ལན་གཅིག་བཟུང་ནས༔ དེ་བཞིན་གཤེགས་པ་ཐམས་ཅད་ལ་ན་བཟའ་དང་བཤོས་དང་མལ་སྟན་དང་ན་བའི་རྐྱེན་སྨན་དང་ཡོ་བྱད་ཐམས་ཅད་ཀྱིས་བཀུར་སྟི་བྱས་པར་འགྱུར་རོ༔ ཞེས་དང་༔ ཐུགས་རྗེ་ཆེན་པོ་གསང་འདུས་རྒྱུད་ལས༔ འཇིག་རྟེན་སེམས་ཅན་སྲོག་བཏོན་པའི༔ བསོད་ནམས་འཕགས་པས་བགྲང་བར་ནུས༔ ཡིག་བདུན་ལན་བདུན་བཟླས་པ་ཡི༔ ཡོན་ཏན་བརྗོད་པར་ག་ལ་

[Full Size]

ནུས༔ ཁམས་གསུམ་སེམས་ཅན་མ་ལུས་པ༔ སངས་རྒྱས་སར་བཀོད་བསོད་ནམས་ནི༔ བགྲང་བར་ནུས་ཀྱི་ཡི་གེ་བདུན༔ གཅིག་བརྗོད་ཡོན་ཏན་བགྲང་མི་ནུས༔ རྒྱལ་བ་ནམ་མཁའ་གང་བ་ལ༔ མཆོད་པ་ཕུལ་བའི་བསོད་ནམས་ཚོགས༔ བགྲང་བར་ནུས་ཀྱི་ཡིག་བདུན་པ༔ གཅིག་བརྗོད་ཡོན་ཏན་བགྲང་མི་ནུས༔ ཡིག་བདུན་ཡིད་ལ་སུས་བྱེད་ཚད༔ ཐུགས་རྗེ་ཆེན་པོ་དེ་ཡིན་ཕྱིར༔ བར་ཆད་སེལ་ཞིང་འགྲོ་བ་འདུལ༔ ཞེས་དང་༔ སྤྲུལ་པའི་རྒྱལ་པོ་སྲོང་བཙན་སྒམ་པོའི་ཞལ་ནས༔ ཨོཾཿཐུགས་རྗེ་ཆེན་པོ་སྐུའི་སྙིང་པོ༔ ཨཱཿགསུང་གི་སྙིང་པོ༔ ཧཱུྃཿཐུགས་ཀྱི་སྙིང་པོ༔ ཧྲཱིཿཡང་སྙིང་་ཡི་གེ་དྲུག་པ་ཉེ་བའི་སྙིང་པོའོ༔ ཞེས་གསུངས་སོ༔ དོན་ཏིག་འགྲོ་བ་ཀུན་གྲོལ་རྒྱུད་ལས༔ རྡོ་རྗེ་གངས་ཆེན་མཚོས་བཀའ་སྩལ་པ༔ མཆོག་དང་ཐུན་མོང་གྲུབ་ཆེན་བརྒྱད༔ འབྱུང་བ་བཞི་ཡི་ཕྲིན་ལས་བཞི༔ ཡི་གེ་བཅུ་པ་བཟུང་བས་འགྲུབ༔ ཅེས་དང་༔ མདོ་སྡེ་ཟ་མ་ཏོག་ལས༔ སྔོན་སངས་རྒྱས་གཙུག་ལྡན་ལས་ཐུབ་པས་གསན་པ༔ གང་འཇིག་རྟེན་གྱི་ཁམས་ན་སྤྱན་རས་གཟིགས་དབང་པོའི་མིང་དྲན་པ་དེའི་བསོད་ནམས་དེ་དག་ནི་བདེ་བ་

[Full Size]

དང་ལྡན་པ་ཡིན་ནོ༔ དེ་དག་ནི་རྒས་པ་དང་ན་བ་དང་འཆི་བའི་སྡུག་བསྔལ་ལས་ཡོངས་སུ་ཐར་བ་ཡིན་ནོ༔ དེ་དག་འཁོར་བའི་ཐ་མ་གཞན་མེད་པའི་སྡུག་བསྔལ་བར་མི་འགྱུར་རོ༔ དེ་དག་ནི་གོས་དཀར་པོ་སྐྱ་བོ་བཞིན་དུ༔ བྱ་ངང་པའི་རྒྱལ་པོ་མགྱོགས་པ་དང་༔ རླུང་གི་ཤུགས་འོང་བ་བཞིན་དུ་བདེ་བ་ཅན་གྱི་ཞིང་ཁམས་སུ་དེ་བཞིན་གཤེགས་པ་སྣང་བ་མཐའ་ཡས་ལ་ཆོས་མངོན་སུམ་དུ་ཉན་པའི་ཕྱིར་འགྲོའོ༔ ཐོས་ནས་ཀྱང་དེ་དག་གིས་ལུས་ལ་འཁོར་བའི་སྡུག་བསྔལ་མི་འབྱུང་༔ འདོད་ཆགས་དང་ཞེ་སྡང་དང་གཏི་མུག་མི་འབྱུང་༔ རྒས་པ་དང་ཤི་བར་མི་འགྱུར༔ དེ་དག་གི་ལུས་ལ་བཀྲེས་པར་མི་འགྱུར༔ མངལ་ན་གནས་པའི་སྡུག་བསྔལ་བ་ཤེས་པར་མི་འགྱུར་ཏེ༔ ཆོས་ཀྱི་རོས་བསྐྱེད་ནས་དེ་ཉིད་དུ་པདྨོའི་ནང་དུ་སྐྱེ་བར་འགྱུར་ཏེ༔ བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོའི་ཡི་དམ་བརྟན་པོ་རྫོགས་པ་དང་༔ སེམས་ཅན་ཐམས་ཅད་ཐར་པ་ལ་གཞོག་གི་བར་དུ་འཇིག་རྟེན་གྱི་ཁམས་དེ་ན་རྟག་ཏུ་འཛིན་ཅིང་གནས་སོ༔ གསུངས་སོ༔ སྤྱིར་ཐུགས་རྗེ་ཆེན་པོ་བོད་ཁ་བ་ཅན་གྱི་ལྷ་སྐལ་ཡིན་

[Full Size]

ཞིང་སྙིང་པོ་ཡི་གེ་དྲུག་པ་ལྷག་པར་ངེད་རང་ཁམས་ཕྱོགས་སུ་བཀའ་བབས་པས་འགྲུབ་སླ་སྟེ༔ ཨོ་རྒྱན་རིན་པོ་ཆེའི་ཞལ་ནས༔ ཐུགས་རྗེ་ཆེན་པོ་འཕགས་པ་སྤྱན་རས་གཟིགས༔ བོད་ཡུལ་ཁ་བ་ཅན་གྱི་ལྷ་ཡིན་ཞིང་༔ ཁྱད་པར་ཆོས་འདི་ཁམས་ཀོང་ཕྱོགས་སུ་དར༔ ཡིག་དྲུག་བསྟན་པ་མདོ་ཁམས་ཕོ་མོས་འཛིན༔ ཞེས་གསུངས་པ་དང་༔ དུས་ཤིན་ཏུ་སྙིགས་མ་འབྱུང་ཚུལ་ལུང་བསྟན་སྐབས༔ རྒྱལ་པོ་ཁྲི་སྲོང་ལྡེའུ་བཙན་གྱིས༔ དེ་དུས་ཆོས་བྱས་ན་འབྲས་བུ་ཨེ་ཡོད་ལྷ་གང་ཐུགས་རྗེ་ཆེ་ཞུས་པས༔ དམ་ཆོས་བྱས་ན་འབྲས་བུ་དེ་དུས་ཆེ༔ ལྷ་ཚོགས་ཐུགས་རྗེ་སྤྱན་རས་གཟིགས་ཀྱི་ཆེ༔ ཆོས་ཀྱི་མཇུག་མ་ཡི་གེ་དྲུག་པས་སྡུད༔ ཅེས་གསུངས་པས་དུས་ལ་བབས་པའི་ཆོས་ཡིན་པས་བྱིན་རླབས་མྱུར་ཞིང་༔ ཨོ་རྒྱན་རིན་པོ་ཆེའི་ཞལ་ཆེམས་ལས༔ ལྷ་ཐུགས་རྗེ་ཆེན་པོ་སྒོམས་ཤིག༔ ཆོས་ཡི་གེ་དྲུག་པ་ཟློས་ཤིག༔ ཆོས་དེ་ལས་ཟབ་པ་ནི་པདྨ་འབྱུང་གནས་བདག་གིས་ཀྱང་གསུངས་མི་ཤེས་སོ༔ ཞེས་གསུངས་པས༔ འདིའི་བསྐྱེད་རྫོགས་ཇི་ལྟ་བ་ཞིག་ཤེས་ན་དེ་ལས་ཟབ་པ་ནི་གཅིག་ཀྱང་མེད་དོ༔ དེས་དམིགས་པ་བསྐྱེད་རིམ་སྐོར་དངོས་གཞི་སོང་བ་ཡིན་

[Full Size]

བསྐྱེད་རིམ་འདིའི་ཆ་ལག་རིགས་བདག་བསྒོམ་པ་དང་བླ་མའི་རྣལ་འབྱོར་བསྒོམ་པ་གཅིག་ཏུ་བསྡུས་ཏེ་སྟོན་པ་ནི་གཞུང་ལས༔ རྗེ་བླ་མ་རྣམས་ལ་གསོལ་བ་འདེབས༔ ཞེས་གསུངས་པའི་དོན་བཤད་ན་འདི་ལྟ་སྟེ༔ རྟོགས་པ་མ་སྐྱེས་པ་སྐྱེ་བའི་ཐབས་སྐྱེས་པ་བོགས་འདོན་པའི་ཐབས༔ ས་ལམ་གྱི་བར་ཆད་ཞི་བ་ཐམས་ཅད་ལ་བླ་མའི་རྣལ་འབྱོར་བསྒོམ་པ་གལ་ཆེ༔ དེ་ལས་སོ་སོ་སྐྱེ་བོའི་དགེ་བའི་བཤེས་གཉེན་ཐ་མལ་པ་ཡིན་ཀྱང་དེ་སངས་རྒྱས་ཐམས་ཅད་ལས་བཀའ་དྲིན་ཆེ་སྟེ༔ སངས་རྒྱས་ཡེ་ཤེས་ཀྱི་སྐུ་ཅན་རང་རེ་ཐ་མལ་པས་མཇལ་བའི་སྐལ་བ་ཙམ་ཡང་མེད་ན༔ ཆོས་ཐོས་པ་ལྟ་ཅི་སྨོས༔ རྡོ་རྗེ་སློབ་དཔོན་སོ་སོ་སྐྱེ་བོ་ཡིན་ཀྱང་དབང་བསྐུར་ཆོས་བཤད་པའི་ཚེ་སེམས་ཅན་དེ་རྣམས་རྗེས་སུ་འཛིན་པའི་ཕྱིར་དུ་སངས་རྒྱས་བྱང་སེམས་རྣམས་དེའི་རྒྱུད་ལ་ཞུགས་ནས་དད་པ་ཅན་རྣམས་རྗེས་སུ་འཛིན་པར་ཡང་བཤད་དེ༔ དབང་ལུང་གི་རྒྱུན་ཙམ་ལའང་ཉམས་སུ་བླངས་ན་བྱིན་རླབས་འབྱུང་བའང་དེའི་གནད་ཡིན་ལ༔ ཁྱད་པར་རྡོ་རྗེ་སློབ་དཔོན་མཚན་ཉིད་དང་ལྡན་པ་ནི་སངས་རྒྱས་ཐམས་ཅད་དང་དབྱེར་མེད་ཅིང་༔ སངས་རྒྱས་ཐམས་

[Full Size]

ཅད་ལས་ཀྱང་གཉེན་པ་ཡིན་ཏེ༔ མཁའ་འགྲོ་རྡོ་རྗེ་གུར་གྱི་རྒྱུད་ལས༔ གང་ཕྱིར་རྡོ་རྗེ་འཛིན་པ་ཞེས༔ དེ་ཉིད་སློབ་དཔོན་གཟུགས་སུ་འཛིན༔ སེམས་ཅན་ཕན་གདགས་དམིགས་ནས་ནི༔ ཐ་མལ་པ་ཡི་གཟུགས་སུ་གནས༔ ཞེས་དང་༔ འཇམ་དཔལ་རྩ་རྒྱུད་ལས༔ འདས་དང་མ་བྱོན་ད་ལྟར་གྱི༔ སངས་རྒྱས་རྣམས་ནི་འཇིག་རྟེན་དུ༔ མི་ཡི་གཟུགས་སུ་ཡང་དག་འབྱུང་༔ ཞེས་དང་༔ གཉིས་མེད་རྣམ་རྒྱལ་རྒྱུད་ལས༔ ལྷ་དང་མི་ཡི་སྟོན་པ་གང་༔ རྐང་གཉིས་ཐམས་ཅད་མཁྱེན་པ་སྟེ༔ མ་འོངས་བླ་མའི་གཟུགས་སུ་གནས༔ དེ་ཉིད་ཚུལ་འདི་བསྟན་པའོ༔ ཞེས་དང་༔ དགོངས་འདུས་ལས༔ བླ་མ་མེད་པའི་གོང་རོལ་ནས༔ སངས་རྒྱས་བྱ་བའི་མིང་ཡང་མེད༔ བསྐལ་པ་འབུམ་གྱི་སངས་རྒྱས་ཀྱང་༔ བླ་མ་དག་ལ་བརྟེན་ནས་འབྱུང་༔ ཞེས་གསུངས་སོ༔ དེ་ལྟ་བུའི་བླ་མའི་རྣལ་འབྱོར་བསྒོམ་དགོས་པ་ཡང་༔ ཨ་ཏི་བཀོད་པའི་རྒྱུད་ལས༔ དྲིན་དང་ལྡན་པའི་བླ་མ་དེ༔ སྤྱི་བོའི་གཙུག་གམ་སྙིང་གི་དབུས༔ ཡན་ལག་མཐིལ་དུ་གང་བསྒོམ་པོ་སངས་རྒྱས་སྟོང་གི་ཡོན་ཏན་ཀྱང་༔ གང་ཟག་དེ་ཡིས་འཛིན་པར་འགྱུར

[Full Size]

ཞེས་དང་༔ དེ་བསྒོམས་ན་ཉམས་རྟོགས་སྐྱེ་བ་སྟེ༔ མཁའ་འགྲོ་མ་ཀུན་ཏུ་སྤྱོད་པའི་རྒྱུད་ལས༔ གང་གི་དྲིན་གྱིས་བདེ་ཆེན་ཉིད༔ སྐད་ཅིག་ཉིད་ལ་འཆར་བ་གང་༔ བླ་མ་རིན་ཆེན་ལྟ་བུའི་སྐུ༔ རྡོ་རྗེ་ཅན་ཞབས་པད་ལ་འདུད༔ ཅེས་གསུངས་སོ༔ བླ་མའི་རྣལ་འབྱོར་མ་བསྒོམས་པར་ཉམས་རྟོགས་མི་སྐྱེ་སྟེ༔ བརྟག་གཉིས་ལས༔ སྐྱ་བ་འཛིན་པ་མེད་པར་ནི༔ གྲུ་ཡིས་ཕ་རོལ་སྒྲོལ་མི་ནུས༔ ཡོན་ཏན་ཐམས་ཅད་རབ་རྫོགས་ཀྱང་༔ བླ་མ་མེད་པར་སྲིད་ཐར་མིན་ཞེས་གསུངས་སོ༔ ལྷ་གཞན་སྒོམ་པ་དང་རྩ་རླུང་བསྒོམ་པ་ལས་ཀྱང་བླ་མ་བསྒོམ་པ་ལྷག་སྟེ༔ ཡེ་ཤེས་གསང་བ་སྒྲོན་མའི་རྒྱུད་ལས༔ མཚན་དང་དཔེ་བྱད་ལྡན་པའི་ལྷ༔ བསྐལ་པའི་བར་དུ་བསྒོམ་པ་བས༔ བླ་མ་དྲན་པ་བསོད་ནམས་ཆེ༔ ཞེས་དང་༔ དམ་ཚིག་བཀོད་པ་རྒྱ་མཚོའི་རྒྱུད་ལས༔ རྫོགས་པའི་རིམ་པ་བསྐལ་པའི་བར་དུ་ནི༔ འདུ་འཛི་རྣམ་གཡེང་སྤངས་ནས་བསྒོམས་པ་བས༔ བླ་མ་རང་སེམས་དཀྱིལ་དུ་དལ་ཅིག་ཤར་བ་ཙམ༔ འབུམ་ཕྲག་ཉི་ཤུའི་ཆར་ཡང་མི་ཕོད་དོ༔ ཞེས་གསུངས་སོ༔ ཉམས་དང་རྟོགས་པ་སྐྱེ་བ་དང་ས་ལམ་

[Full Size]

གྱི་ཡོན་ཏན་གོང་འཕེལ་དུ་འགྲོ་བ་ལ་ཡང་བླ་མའི་རྣལ་འབྱོར་འདི་གལ་ཆེ་བ་སྟེ༔ ཀྱེའི་རྡོ་རྗེའི་རྒྱུད་ལས༔ གཞན་གྱིས་བརྗོད་མིན་ལྷན་ཅིག་སྐྱེས༔ གང་དུ་ཡང་ནི་མི་རྙེད་དེ༔ བླ་མའི་དུས་ཐབས་བསྟན་པ་དང་༔ བདག་གི་བསོད་ནམས་ལས་ཤེས་བྱ༔ ཞེས་དང་༔ ཡེ་ཤེས་མངོན་འབྱུང་གི་རྒྱུད་ལས༔ ས་དང་ལམ་གྱི་རིམ་པ་རྣམས༔ བླ་མའི་མོས་གུས་ལ་ཟླས་བགྲོད༔ བླ་མའི་སྣང་བ་མ་བྲལ་ན༔ སངས་རྒྱས་རྣམས་དང་འབྲལ་མེད་གནས༔ ཞེས་གསུངས་སོ༔ དེ་ལྟ་བུའི་བླ་མ་ལ་རབ་བསྒྲུབ་པའི་མཆོད་པ་སྟེ་བླ་མས་གང་གནང་བའི་ཆོས་དེ་རྟགས་ཐོན་པར་ཉམས་སུ་ལེན་པ་དང་༔ གཞན་ལ་ཡང་སྤེལ་ཞིང་བསྟན་པ་འཛིན་པ་དང་༔ འབྲིང་ལུས་ངག་གི་མཆོད་པ་སྟེ་ལུས་ཀྱིས་བླ་མའི་བྱ་བ་ལས་ཀ་གང་དགོས་སྐྱོ་ངལ་མེད་པར་བསྒྲུབ་ཅིང་དེས་རང་གི་སྒྲིབ་པ་དག་པ་དང་ཚོགས་རྫོགས་པའི་དགའ་བ་བསྒོམ་པ་ལ༔ ཡུས་དང་དྲིན་མི་རྩི༔ རང་གི་བླ་མའི་ཡོན་ཏན་དང་བསྔགས་པ་ཕྱོགས་ཀུན་ཏུ་སྒྲོགས་པའོ༔ ཐ་མ་ཟང་ཟིང་གི་མཆོད་པ་རང་གིས་ཅི་འབྱོར་པ་སེར་སྣ་མེད་པར་ཕུལ་བས༔ ཚོགས་རྫོགས་པའི་དགའ་བ་ལས་དེའི་ཡུས་མི་བསྒོམ༔ དངོས་སུ་མ་

[Full Size]

འབྱོར་ནའང་ཡིད་ཀྱིས་རང་གི་ལུས་ལོངས་སྤྱོད་དགེ་བའི་རྩ་བ་དང་བཅས་པ་འབུལ་ཏེ་མཎྜལ་གྱི་ཚིག་བརྗོད༔ རང་གི་སྲུང་ཟློག་གི་བྱ་བ་གང་བྱེད་ཐམས་ཅད་ཀྱང་གཙོ་བོར་བླ་མའི་སྐུ་རིམ་དུ་དམིགས༔ དེ་ལྟར་བྱས་ན་བསོད་ནམས་དཔག་ཏུ་མེད་པ་ཐོབ་ཅིང་བྱིན་རླབས་ཤུགས་ལས་འབྱུང་བ་རྟེན་འབྲེལ་གྱི་གནད་ཡིན་ཏེ༔ སྡོམ་འབྱུང་ལས༔ མཆོད་པ་ཐམས་ཅད་ཡོངས་སྤངས་ལ༔ བླ་མ་མཆོད་པ་བརྩམ་པར་བྱ༔ དེ་མཉེས་པས་ནི་ཀུན་མཁྱེན་དག༔ གོ་འཕང་དམ་པ་ཐོབ་པར་འགྱུར༔ ཞེས་དང་༔ མཁའ་འགྲོ་མ་ཟིལ་གནོན་གྱི་རྒྱུད་ལས༔ སངས་རྒྱས་བྱང་ཆུབ་སེམས་དཔའ་གངྒའི་བྱེ་མ་སྙེད་པ༔ བསྐལ་པ་གངྒའི་བྱེ་མ་སྙེད་དུ་བསྐུར་བ་ལས༔ རྡོ་རྗེ་སློབ་དཔོན་གྱི་བ་སྤུའི་བུ་ག་གཅིག་གེ༔ ལ་ཏིལ་མར་གྱིས་བྱུག་པ་བསོད་ནམས་ཆེས་ཁྱད་པར་དུ་འཕགས་སོ༔ ཞེས་དང་༔ དཔལ་སཾ་བྷུ་ཊི་ལས༔ གང་ཕྱིར་ཕྱོགས་བཅུའི་སངས་རྒྱས་དང་༔ བྱང་ཆུབ་སེམས་དཔའི་བསོད་ནམས་ལས༔ སློབ་དཔོན་བ་སྤུའི་ཁུང་བུ་མཆོག༔ དེ་བྱིན་བསོད་ནམས་ཁྱད་པར་འཕགས༔ ཞེས་དང་༔ འཁོར་ལོ་བཀོད་པའི་རྒྱུད་ལས༔ རིག་པ་ཆེན་པོ་སངས་

[Full Size]

རྒྱས་ཐམས་ཅད་ཉོན་ཅིག༔ གང་ཟག་ལ་ལས༔ རྡོ་རྗེ་སློབ་དཔོན་གྱི་བྱ་བ་བྱེད་ཅིང་༔ སློབ་དཔོན་ལ་ཕྱག་དང་བསྐོར་བ་བྱེད་པ་དང་༔ མེ་ཏོག་འཐོར༔ རང་གི་དབང་བའི་ཡུལ་མཁར་སྤྱོད་ཡུལ་དུ་འོང་བ་དག་ཕུལ་ཞིང་༔ མ་གུས་པ་དག་སྤང་པ་དེ་ནི་དམ་ཚིག་ཅན་རྣམས་ཀྱིས་བསྲུང་བ་དང་༔ སྐྱོབ་པར་བྱེད་ཅིང་དངོས་གྲུབ་སྟེར་བ་དང་༔ དེ་བཞིན་གཤེགས་པ་ཐམས་ཅད་ཀྱིས་ལུང་སྟོན་པ་དང་༔ བདུད་ཐམས་ཅད་ཀྱིས་མི་ཚུགས་པ་དང་༔ སངས་རྒྱས་ཀྱི་ཡོན་ཏན་ཐམས་ཅད་མྱུར་དུ་འབྱུང་བར་འགྱུར་རོ༔ ཞེས་དང་༔ གསང་བ་འདུས་པའི་རྒྱུད་ལས༔ རིགས་ཀྱི་བུ་སངས་རྒྱས་བཅོམ་ལྡན་འདས་ཕྱོགས་བཅུ་ན་ཇི་སྙེད་བཞུགས་པ་དང་༔ སངས་རྒྱས་བཅོམ་ལྡན་འདས་དེ་རྣམས་ཀྱི་སྐུ་རྡོ་རྗེ་གསུང་རྡོ་རྗེ་ཐུགས་རྡོ་རྗེ་ལས་བྱུང་བའི་བསོད་ནམས་ཀྱི་ཕུང་པོ་ཇི་སྙེད་པ་དེ་བས་ཀྱང་སློབ་དཔོན་གྱི་བ་སྤུའི་བུ་ག་གཅིག་གིས་བསོད་ནམས་ཁྱད་པར་དུ་འཕགས༔ ཞེས་གསུངས་སོ༔ ཡོན་ཏན་དང་ཡེ་ཤེས་བསམ་གྱིས་མི་ཁྱབ་པ་བསྟན་པའི་མདོ་ལས༔ འཇམ་དཔལ་དགེ་བའི་བཤེས་གཉེན་ལ་བསྙེན་བཀུར་བྱེད་པའི་བྱང་ཆུབ་སེམས་དཔའ་དེ་ནི༔ སྔོན་གྱི་སངས་རྒྱས་

[Full Size]

བྱེ་བ་ཁྲག་ཁྲིག་འབུམ་ཕྲག་དཔག་ཏུ་མེད་པ་ལ་དགེ་བའི་རྩ་བ་བསྐྱེད་པ་དང་༔ སྦྱིན་པ་ལས་བྱུང་བ་དང་༔ མཆོད་པ་ལས་བྱུང་བ་དང་༔ དེ་དག་གི་ཐད་ནས་བསླབ་པ་བཟུང་བ་ལས་བྱུང་བ་རྣམས༔ སྔོན་འགྲོ་གཅིག་གི་ཟིལ་གྱིས་གནོན་ཏེ༔ དེ་ལས་དགེ་བའི་བཤེས་གཉེན་ལ་བསྙེན་བཀུར་བྱས་པ་ནི་ཡོན་ཏན་བསམ་གྱིས་མི་ཁྱབ་པའོ༔ ཞེས་གསུངས་སོ༔ བླ་མ་ལ་གསོལ་བ་བཏབ་ན་བྱིན་རླབས་དང་དངོས་གྲུབ་གང་འདོད་པ་འབྱུང་བ་དང་༔ དེ་བསྙེན་སྒྲུབ་བཟླས་བརྗོད་གཞན་ལས་ལྷག་སྟེ༔ གསང་འདུས་འབུམ་པ་ལས༔ བླ་མ་ལ་གུས་སློབ་མ་ཡིས༔ སྒྲ་རིང་གསལ་བའི་སྐད་གསང་གིས༔ ཐོན་པས་གསོལ་བ་འདེབས་པ་ན༔ དེ་ལ་ང་ཡིས་དངོས་གྲུབ་སྟེར༔ ཞེས་དང་༔ དེ་ཡང་རྒྱང་འབོད་དབྱངས་སོགས་བྱ་བ་ཡང་སྤྱོད་འཇུག་ལས༔ སྤྱན་རིས་གཟིགས་མགོན་དེ་ལ་ཡང་༔ ཉམ་ཐག་ང་རོས་འོ་དོད་འབོད༔ ཅེས་དང་༔ སྐྱབས་ཚོལ་སྙིང་ནས་འོ་དོད་འབོད༔ ཅེས་གསུངས༔ བཀོད་པ་ཆེན་པོའི་རྒྱུད་ལས༔ བསྙེན་སྒྲུབ་བཟླས་པ་ས་ཡ་བས༔ བླ་མའི་གསོལ་འདེབས་གཅིག་བརྗོད་ན༔ ནུས་པ་འབུམ་ཕྲག་ཆར་མི་

[Full Size]

ཕོད༔ ཅེས་དང་། ཨོ་རྒྱན་རིན་པོ་ཆེའི་ཞལ་ནས༔ མཚན་ཉིད་དང་ལྡན་པའི་བླ་མ་དེ་རྡོ་རྗེ་སེམས་དཔའ་དངོས་ཡིན་ཏེ༔ དེ་ལ་སངས་རྒྱས་དངོས་ཀྱི་མོས་གུས་དང་འབྲལ་མི་རུང་ཞིང་༔ ལུས་ངག་ཡིད་གསུམ་གྱི་སྒོ་ནས་ཅི་མཉེས་ཀྱི་ཞབས་ཏོག་བྱ་ཞིང་༔ རབ་སྒྲུབ་པའི་ཞབས་ཏོག༔ འབྲིང་ལུས་ངག་ཡིད་གསུམ༔ ཐ་མ་དངོས་པོ་དང་ལོངས་སྤྱོད་ལ་སོགས་པ་ཞེ་ཐག་པ་ནས་ཞབས་ཏོག་ཅི་མཉེས་བྱ་ཞིང་༔ ཅི་གསུང་གི་བཀའ་ཉན་པ་ཨ་ཅང་ཆེ་སྟེ༔ སེམས་ཅན་བརྒྱའི་སྲོག་གཅོད་གསུངས་ཀྱང་སྤྲོ་བཞིན་དུ་བྱེད་པ་གཅིག་དགོས༔ རང་གི་རྩ་བའི་བླ་མ་ནི་སངས་རྒྱས་ལས་ཀྱང་ལྷག་པར་མཆོད་པ་རྒྱུད་བཀའ་ལུང་མཐའ་དག་ནས་གསུངས་ཤིང་༔ ཐེག་པ་ཆེན་པོ་ཚེ་གཅིག་གིས་སངས་རྒྱས་ཐོབ་པར་བྱེད་པ་ཡང་༔ བླ་མའི་བྱིན་རླབས་ཐུགས་ཆུད་ཀྱི་བཀའ་བབས་ལ་བརྟེན་ནས་ཐོབ་པ་ཡིན་པས༔ འདི་ཁོ་ནས་མཉེས་པར་བྱེད་པ་གལ་ཆེ་སྟེ༔ འདི་ཉིད་མཆོད་པའི་བསོད་ནམས་ཀྱི་ཚད་ནི༔ སངས་རྒྱས་མཉམ་སྦྱོར་རྒྱུད་ལས༔ སྟོང་གསུམ་གང་བའི་བྱེ་སྙེད་ཀྱི༔ རྒྱལ་བ་མཆོད་པའི་བསོད་ནམས་ཀྱིས༔ བླ་མའི་བ་སྤུ་གཅིག་མཆོད་པའི༔ བསོད་

[Full Size]

ནམས་དེ་ནི་ཆར་མི་ཉེ༔ ཞེས་པས་དེ་ལྟར་བླ་མ་མཆོད་ཅིང་༔ མཚན་ཉིད་དང་ལྡན་པའི་བླ་མ་དེ་ཡི་ཕྱི་རོལ་གྱི་སྤྱོད་ལམ་ཐུགས་རྒྱུད་དམ༔ བཀའ་བཀྱོན་དང་མཛད་སྤྱོད་ཅི་ལྟར་མཛད་ཀྱང་༔ ནང་གི་ཐུགས་དགོངས་མི་རྟོགས་པས་དེ་ལ་མ་དད་པའམ༔ ལོག་ལྟ་སྐྱེར་མི་རུང་ཞིང་༔ ཅི་མཛད་བརྡའ་དང་ཆོས་སུ་གོ་བར་བྱ་ཞིང་༔ སྤྱིར་ཡང་གང་ཟག་གི་ཚོད་བཟུང་བར་དཀའ་ཞིང་༔ ཁྱད་པར་སྦས་པའི་རྣལ་འབྱོར་པ་ནང་གི་དགོངས་པ་མི་རྟོག་ཅིང་ཕྱིའི་མཛད་སྤྱོད་མི་ངེས་ལ༔ རང་ཐ་མལ་པའི་ཤེས་རྒྱུད་མ་དག་པའི་སྣང་བ་ཡིན་པས༔ དཔེར་ན་མིག་སྐྱོན་ཅན་གྱིས་གངས་དང་དུང་ལ་སེར་པོར་མཐོང་བ་དང་མཚུངས་སོ༔ གལ་ཏེ་རྩ་བའི་བླ་མ་ལ་མ་དད་ན༔ དངོས་གྲུབ་ཀྱི་སྒོ་འགགས་ཏེ༔ ལས་ཀྱིས་དམྱལ་བར་ལྟུང་ཞིང་ཤེས་བྱ་ཀུན་ལ་མ་རྨོངས་ཀྱང་ཕན་པར་མི་འགྱུར་ཏེ༔ གསང་འདུས་ལས༔ རྩ་བའི་བླ་མ་འདྲེན་པའི་གཙོ༔ འདི་ལ་མ་དད་ལོག་ལྟ་བ༔ ཤེས་བྱ་ཀུན་ལ་མ་རྨོངས་ཀྱང་༔ ཐར་པའི་ལམ་འགགས་དོན་དང་འགལ༔ ཞེས་པས་བླ་མ་བསྟེན་ཚུལ་དེ་ལྟར་བྱའོ་གསུངས་སོ༔ དེ་ལ་བླ་མ་ཐོ་བརྩེགས་སུ་བསྒོམ་པ་དང་ཁྲོམ་

[Full Size]

ཚོགས་སུ་བསྒོམ་པ་དང་༔ ཀུན་འདུས་སུ་བསྒོམ་པ་གསུམ་ལས་འདི་ཀུན་འདུས་སུ་བསྒོམས་པས་ཟིན་སླ༔ དེ་ལ་བླ་མ་སྐུ་དངོས་སུ་བསྒོམ་པ་དང་ལྷའི་སྐུ་བསྒོམ་པ་གཉིས་ལས༔ འདིར་ལྷའི་སྐུར་བསྒོམ་པ་གལ་ཆེ་སྟེ་བླ་མ་ལ་སྐྱོན་གྱི་རྣམ་གྲངས་བག་ཙམ་ཡོད་ཀྱང་བླ་མའི་སྐྱོན་མི་འཇུག་བྱིན་རླབས་འཇུག་པའི་གནད་ཡོད་པ་དང་༔ ལྷ་ཡང་འདི་སྣང་བ་མཐའ་ཡས་བསྒོམས་པས་ཐུགས་རྗེ་ཆེན་པོའི་རིགས་བདག་ཡིན་པས་འབྲེལ་ཆེ་བས༔ ཚེ་རིང་བ་དང་ཕྱི་མ་བདེ་བ་ཅན་དུ་སྐྱེ་བ་སོགས་གནད་མང་དུ་ཡོད་པ་ཡིན་ནོ༔ དེ་ནས་དམིགས་པ་དངོས་ནི་རང་ཉིད་ཐུགས་རྗེ་ཆེན་པོ་རྒྱལ་བ་རྒྱ་མཚོའམ་འགྲོ་འདུལ་དུ་བསྒོམ་པའི་སྤྱི་བོར་པདྨ་འདབ་མ་སྟོང་ལྡན་གྱི་ཟེའུ་འབྲུར་ཟླ་བའི་དཀྱིལ་འཁོར་གྱི་དབུས་སུ༔ ངོ་བོ་རང་གི་རྩ་བའི་བླ་མ་ཡིན་པ་ལ་རྣམ་པ་སངས་རྒྱས་སྣང་བ་མཐའ་ཡས་སྐུ་མདོག་བྱི་རུ་ལྟར་དམར་ཞིང་ཉི་མའི་དཀྱིལ་འཁོར་ལྟར་འོད་འབར་བ༔ ཞལ་གཅིག་ཞི་ཞིང་འཛུམ་པ་ལ་མཛོད་སྤུ་དཀར་པོས་བརྒྱན་པ༔ ཕྱག་གཉིས་མཉམ་གཞག་གི་སྟེང་དུ་འཆི་མེད་ཚེའི་བདུད་རྩིས་བཀང་བའི་ལྷུང་བཟེད་བསྣམས་པ༔ སྐུ་ལ་མཚན་བཟང་པོ་སུམ་ཅུ་རྩ་གཉིས་དཔེ་བྱད་བཟང་

[Full Size]

པོ་བརྒྱད་ཅུས་སྤྲས་ཤིང་ཆོས་གོས་རྣམ་པ་གསུམ་གསོལ་ནས་རྡོ་རྗེའི་སྐྱིལ་ཀྲུང་གིས་བཞུགས་པར་བསྒོམས༔ དེའི་དཔྲལ་བར་ཨོཾ་དཀར་པོ༔ མགྲིན་པར་ཨཱཿདམར་པོ༔ ཐུགས་ཀར་ཧཱུྃ་མཐིང་ག༔ ཐུགས་ཀའི་དབུས་སུ་ཟླ་བ་ལ་ཧྲཱིཿཡིག་དམར་པོས་མཚན་པ་ལས་འོད་དམར་ཕྱོགས་བཅུར་འཕྲོས་པས༔ རྒྱ་གར་གྱི་རིག་འཛིན་བརྒྱད་གྲུབ་ཆེན་བརྒྱད་ཅུ་རྩ་ལྔ༔ ཨོ་རྒྱན་རིན་པོ་ཆེ་རྗེ་འབངས་ཉི་ཤུ་རྩ་ལྔ་གཏེར་སྟོན་བརྒྱ་དང་རྩ་བརྒྱད༔ ཁྱད་པར་རང་གི་དད་པ་གང་ལ་ཡོད་པ་དང་དབང་ལུང་གི་འབྲེལ་བ་ཐོབ་པའི་རྩ་བ་དང་བརྒྱུད་པའི་བླ་མ་ཐམས་ཅད་ཁ་བ་བུ་ཡུག་ལྟར་སྤྱན་དྲངས་ནས་སྣང་བ་མཐའ་ཡས་ལ་ཐིམ་པས་བླ་མ་ཀུན་འདུས་སུ་བསྒོམ༔ མཎྜལ་རྒྱས་པར་འབུལ་བའམ༔ ལུས་དང་ལོངས་སྤྱོད་དགེ་བའི་རྩ་བ་བཅས༔ རང་གཞན་རྒྱུད་ཀྱིས་བསྡུས་པའི་གོ་ས་ནས༔ ཀུན་བཟང་མཆོད་པའི་སྤྲིན་དང་བདེ་ཆེན་རོས༔ ཟག་མེད་བླ་མའི་དགོངས་པ་རྫོགས་ཕྱིར་མཆོད༔ ཅེས་གསུངས་ས་གཞི་སྤོས་བྱུག་མ་བྱ༔ སྐུ་གསུམ་གསོལ་འདེབས་ལེའུ་བདུན་མ་ལྟར་རམ༔ མ་ནམ་མཁའ་མི་གསོལ་བ་འདེབས་སོ་ལ་བསྒྱུར༔ ཡི་གེ་དྲུག་པ་ལ་

[Full Size]

གསོལ་འདེབས་ཐམས་ཅད་ཚང་བར་སྤྲུལ་པའི་རྒྱལ་པོས་གསུངས་པ་དང་༔ བཛྲ་གུ་རུ་ཡང་ཕྱི་ལྟར་གསོལ་འདེབས་ཀྱི་སྙིང་པོ་ཡིན་པར་གསུངས་པས༔ དེ་གཉིས་གང་རུང་ཕྲེང་སྐོར་རེ་ཙམ་བཟླའོ༔ དེ་ནས་དབང་བླང་བ་ནི༔ ཡེ་ཤེས་རྒྱ་མཚོའི་རྒྱུད་ལས༔ བླ་མའི་སྐུ་ཡི་དཀྱིལ་འཁོར་ལས༔ དབང་བཞི་ཡོངས་རྫོགས་བླང་གྱུར་ན༔ ས་ལམ་མ་ལུས་ཚེ་འདིར་བགྲོད༔ ཅེས་གསུངས་པས༔ བླ་མ་སངས་རྒྱས་སྣང་བ་མཐའ་ཡས་ཀྱི་དཔྲལ་བ་ནས་འོད་ཟེར་དཀར་པོ་བྱུང་༔ རང་གི་དཔྲལ་བར་ཐིམ༔ སྐུའི་བྱིན་རླབས་ཞུགས༔ མགྲིན་པ་ནས་འོད་ཟེར་དམར་པོ་བྱུང་རང་གི་མགྲིན་པར་ཐིམ་པས་གསུང་གི་བྱིན་རླབས་ཞུགས༔ བླ་མའི་ཐུགས་ཀ་ནས་འོད་ཟེར་སྔོན་པོ་བྱུང་རང་གི་སྙིང་གར་ཐིམ་པས་ཐུགས་ཀྱི་བྱིན་རླབས་ཞུགས༔ བླ་མའི་སྐུའི་ཆ་ཐམས་ཅད་ནས་འོད་ཟེར་སྣ་ཚོགས་བྱུང་ནས་རང་གི་ལུས་ཐམས་ཅད་ལ་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་དང་བྱིན་རླབས་ཐོབ༔ སྡིག་སྒྲིབ་ཐམས་ཅད་དག་པར་བསྒོམ་པ་དང་༔ བླ་མའི་དཔྲལ་བའི་ཨོ་ལས་ཨོཾ་ཡིག་དཀར་པོ་འཕྲོས་རང་གི་སྤྱི་བོར་ཐིམ་པ་དང་དེ་བཞིན་དུ་མགྲིན་པ་ནས་

[Full Size]

ཨཱཿཡིག་དམར་པོ་དང་༔ ཐུགས་ཀ་ནས་ཧཱུྃ་ཡིག་སྔོན་པོ་དང་༔ ལྟེ་བ་ནས་ཧྲཱིཿཡིག་ལྗང་གུ་རྣམས་འཕྲོས་ནས་རང་གི་སྤྱི་མགྲིན་སྙིང་ག་ལྟེ་བ་རྣམས་སུ་ཐིམ་པས་སྒྲིབ་པ་བཞི་དག་དབང་བཞི་ཐོབ་པར་བསྒོམ་པ་དང་༔ བླ་མའི་སྐུ་ལས་བདུད་རྩིའི་རྒྱུན་བབས་པས་རང་གི་ཚངས་བུག་ནས་ཞུགས་ཏེ༔ དཔྲལ་བ་གང་བས་ལུས་སྒྲིབ་དག་བུམ་དབང་ཐོབ༔ མགྲིན་པ་གང་བས་ངག་སྒྲིབ་དག་གསང་དབང་ཐོབ༔ སྙིང་ག་གང་བས་ཡིད་སྒྲིབ་དག་ཤེས་རབ་ཡེ་ཤེས་ཀྱི་དབང་ཐོབ༔ ལུས་ཐམས་ཅད་ལྟེམ་གྱིས་གང་བས་སྒོ་གསུམ་ཆ་སྙོམས་ཀྱི་སྒྲིབ་པ་དག༔ ཚིག་དབང་རིན་པོ་ཆེ་ཐོབ་པར་བསྒོམ༔ དམིགས་པ་ཟིན་དཀའ་ན་རྗེས་མ་འདི་ཡིས་ཆོག༔ དེ་ཡང་བདུད་རྩི་དེ་ག་པུར་གྱི་ཆུའི་རང་བཞིན་བསིལ་ངད་ཅན་བསྒོམས་པས་ཚད་པའི་ནད་སེལ༔ བདུད་རྩི་དམར་པོ་ཁྲོ་ཆུ་ལྟར་བསྒོམས་པས་གྲང་བ་སེལ༔ སེར་པོ་འབྲི་མར་ཁུ་བ་ལྟར་སྣུམ་བཅུད་ལྡན་པར་བསྒོམས་པས་རླུང་ནད་སེལ༔ ཕྱག་གི་ལྷུང་བཟེད་ནས་ཚེའི་བདུད་རྩི་ལུད་པ་དང་སྦྲགས་པས་ཚེའི་བར་ཆད་སེལ་ལོ༔ དེ་ནས་ཐུན་མཚམས་སུ་བླ་མ་འོད་དུ་ཞུ་ནས་རང་ལ་ཐིམ་པས༔ རྩ་བ་དང་

[Full Size]

བརྒྱུད་པའི་བླ་མ་རྣམས་ཀྱི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་ཆུ་དང་འོ་མ་འདྲེས་པ་ལྟར་གྱུར༔ ཕྱི་སྣོད་འཇིག་རྟེན་སངས་རྒྱས་ཀྱི་ཞིང་ཁམས་སུ་བསྒོམ་པ་ནང་བཅུད་སེམས་ཅན་ལ་ཐིམ༔ སེམས་ཅན་ཐམས་ཅད་ཐུགས་རྗེ་ཆེན་པོ་རིགས་ལྔར་གསལ་བ་རང་ལ་ཐིམ༔ རང་ཐུགས་ཀའི་སྔགས་ཕྲེང་ལ་ཐིམ༔ སྔགས་ཕྲེང་ཧྲཱིཿལ་ཐིམ༔ ཧྲཱིཿཡང་ཇེ་ཕྲ་ནམ་མཁའ་ལ་འཇལ་ཡལ་བ་ལྟར་ཅི་ཡང་མི་བསྒོམ་པར་སེམས་རང་ལུགས་སུ་ཀློད་ལ་བཞག༔ གཉིད་ཁ་དེ་ལྟར་བསྒོམས་པས་གཉིད་འོད་གསལ་དུ་འགྲོ་བ་དང་འཆི་ཁ་ཡང་དེ་ལྟར་བསྒོམས་པས་འཆི་དུས་ཐུགས་དམ་འོད་གསལ་འཛིན་ལུགས་ཀྱང་དེ་ལྟར་ཡིན་ལ༔ དེ་ལྟར་གནས་ན་ལྷ་བསྒོམ་པ་དང་ཕྱག་བསྐོར་བ་སོགས་བླ་མ་མཆོད་པ་ཡང་དེ་ཡིན་ཏེ༔ བླ་མ་ཆོས་སྐུའི་རྣལ་འབྱོར་ཞེས་བྱའོ༔ ཀྱེའི་རྡོ་རྗེའི་རྒྱུད་ལས༔ བསྒོམ་མེད་སྒོམ་པ་པོ་ཡང་མེད༔ ལྷ་མེད་སྔགས་ཀྱང་ཡོད་མ་ཡིན༔ སྤྲོས་པ་མེད་པའི་རང་བཞིན་ལ༔ ལྷ་དང་སྔགས་རྣམས་ཡང་དག་གནས༔ རྣམ་སྣང་མི་བསྐྱོད་དོན་གྲུབ་དང་༔ རིན་ཆེན་དཔག་མེད་སེམས་དཔའོ༔ ཞེས་དང་༔ རྡོ་རྗེ་རྩེ་མོ་ལས༔ སྔགས་རྣམས་ཀྱི་

[Full Size]

ནི་མཚན་ཉིད་ནི༔ སངས་རྒྱས་ཀུན་གྱི་ཐུགས་ཡིན་ཏེ༔ ཆོས་ཀྱི་སྙིང་པོ་སྒྲུབ་བྱེད་ཡིན༔ ཆོས་ཀྱི་དབྱིངས་དང་ཡང་དག་ལྡན༔ སྔགས་ཀྱི་མཚན་ཉིད་ཡིན་པར་བརྗོད༔ ཅེས་དང་༔ ནམ་མཁའ་རིན་པོ་ཆེའི་མདོ་ལས༔ ཇི་ལྟར་ཆུ་ལ་ཆུ་བཞག་དང་༔ ཇི་ལྟར་མར་ལ་མར་བཞག་ལྟར༔ རང་གིས་རང་གི་ཡེ་ཤེས་འདི༔ ལེགས་མཐོང་གང་ཡིན་འདིར་ཕྱག་ཡིན༔ ཞེས་གསུངས་པས་སེམས་མ་བཅོས་པར་ཞོག་ཅིག༔ དེས་ཆོས་འབྲུ་ལྔ་པ་སོང་༔ ༒ དེ་ནས་ཆོས་འབྲུ་དྲུག་པ་ནི་གཞུང་ལས༔ དེ་ནས་སེམས་ལ་ཕར་ལྟོས་དང་༔ ཅི་ཡང་མི་དྲན་གཏི་མུག་འདྲ༔ དེ་ལ་གནས་པ་ངོས་བཟུང་ངོ་༔ ཞེས་གསུངས་པའི་དོན་བཤད་ན༔ དང་པོ་མ་བསྒོམ་པའི་ཉེས་དམིགས་བསྒོམ་པའི་ཕན་ཡོན་བསྒོམ་རྒྱུ་གང་ཡིན་ངོས་བཟུང་༔ དམིགས་ཐུན་དངོས་དང་བཞི་ལས༔ དང་པོ་ནི་ཆོས་ཤེས་ནས་མ་བསྒོམས་ན་རྒྱ་མཚོའི་འགྲམ་དུ་སྐོམ་ནས་ཤི་བ་དང་འདྲ་སྟེ༔ འཕགས་པ་སྡོང་པོ་བཀོད་པའི་མདོ་ལས༔ ཡང་དག་སངས་རྒྱས་བསྟན་པ་འདི༔ ཐོས་པ་ཙམ་གྱིས་མི་འགྲུབ་བོ༔ དཔེར་ན་ལ་ལ་ཆུ་

[Full Size]

ཀླུང་གིས༔ སྟོབས་མེད་ནན་གྱིས་ཁྱེར་བ་དག༔ སྐོམ་པས་ཤི་བར་གྱུར་པ་བཞིན༔ མ་བསྒོམས་ཆོས་ཀྱང་དེ་བཞིན་ནོ༔ ཞེས་དང་༔ དཀོན་མཆོག་བརྩེགས་པ་ལས༔ འོད་སྲུང་འདི་ལྟ་སྟེ་དཔེར་ན་མི་ལ་ལ་ཞིག་རྒྱ་མཚོའམ་ཆུ་བོ་ཆེན་པོས་ཁྱེར་ལ་ཆུས་སྐོམ་བཞིན་དུ་འཆི་བའི་དུས་བྱེད་པ་བཞིན་དུ༔ འོད་སྲུང་འདི་ལ་དགེ་སྦྱོང་དང་བྲམ་ཟེ་མང་པོ་ཁ་ཅིག་ཆོས་མང་པོ་བསླབས་ནས་ཀུན་ཆུབ་པར་བྱས་ཀྱང་༔ འདོད་ཆགས་ལ་སྲེད་པ་མི་སེལ༔ ཞེ་སྡང་ལ་སྲེད་པ་མི་སེལ༔ གཏི་མུག་ལ་སྲེད་པ་མི་སེལ་བ་དེ་དག༔ ཆོས་ཀྱི་རྒྱ་མཚོས་ཁྱེར་ལ་ཉོན་མོངས་པའི་སྐོམ་པས་འཆི་བའི་དུས་བྱེད་པར་འགྱུར་ཏེ༔ ངན་འགྲོར་འགྲོ་བར་འགྱུར་རོ༔ ཞེས་དང་༔ འོད་སྲུང་གིས་ཞུས་པའི་མདོ་ལས༔ མི་གཅིག་རྒྱ་མཚོའི་ནང་དུ་སྐོམ་ནས་འཆི་བ་བཞིན་དུ༔ དགེ་སློང་མང་དུ་ཐོས་པ་ཡང་ཐོས་པས་བརྒྱགས་ནས༔ ཉོན་མོངས་པ་མི་སྤང་ན་ངན་སོང་དུ་སྐྱེའོ༔ ཞེས་དང་༔ འཕགས་པ་སྡོང་རྒྱན་ལས༔ ཆོས་མང་དུ་ཐོས་ནས་ཉམས་སུ་མི་ལེན་པ་ནི་དཔེར་ན་མི་དབུལ་པོས་ལས་སུ་མིའི་ནོར་བགྲང་ཡང་བདག་ལ་གཅིག་ཀྱང་བྱར་མེད་པ་དང་འདྲའོ༔ ཞེས་དང་༔ མདོ་

[Full Size]

ཐལས༔ ཆོས་རྣམས་ཡོངས་སུ་མ་བསྒོམས་པར༔ ཆོས་ཉིད་མཐོང་བར་མི་འགྱུར་ཏེ༔ ཆུ་ནི་མཐོང་དང་ཐོས་པ་ཡི༔ མ་འཐུང་སྐོམ་པ་སེལ་མི་འགྱུར༔ ཞེས་དང་༔ སྡོང་པོ་བཀོད་པ་ལས༔ ཇི་ལྟར་འགྲོ་བ་མང་པོ་ལ༔ ཟས་དང་སྐོམ་དག་སྦྱིན་བྱས་ཀྱང་༔ བདག་ཉིད་བཀྲེས་ནས་ཤི་བ་ལྟར༔ མ་བསྒོམས་ཆོས་ཀྱང་དེ་དང་འདྲ༔ ཇི་ལྟར་དབྱིག་གི་བང་མཛོད་དུ༔ རིན་ཆེན་མང་པོ་བགྲང་བྱེད་ཀྱང་༔ བག་ཞད་ཙམ་ཡང་མི་འཐོབ་བཞིན༔ ཆོས་ལ་མ་བསྒོམས་དེ་དང་འདྲ༔ ཞེས་དང་༔ ཐལ་ཆེན་ལས༔ དཔེར་ན་འོན་པ་རོལ་མོ་མཁན༔ གཞན་དག་དེ་ཡིས་དགའ་བྱེད་ཀྱང་༔ བདག་ཉིད་ཀྱིས་ནི་མི་ཐོས་ན༔ མ་བསྒོམས་ཆོས་ཀྱང་དེ་བཞིན་ནོ༔ ཆུ་བོ་དག་གང་རྒྱ་མཚོ་ལས༔ གྲུ་དང་གཟིང་བཅས་མཉན་པ་ཡི༔ གཞན་དག་དེ་ཡིས་སྒྲོལ་བྱེད་ཀྱང་༔ བདག་ཉིད་ཆུ་ལ་ཤི་བ་ལྟར༔ མ་བསྒོམས་ཆོས་ཀྱང་དེ་བཞིན་ནོ༔ ཞེས་གསུངས་པས༔ ཆོས་ལ་མཁས་ཀྱང་རང་གིས་མ་བསྒོམས་ན་མི་ཕན་ལ༔ ཐ་མལ་པ་རྣམས་ཀྱང་ཁྲིད་ཐོབ་བཞིན་མ་འཁྲེབ་པར་ཉམས་སུ་ལེན་པ་གལ་ཆེའོ༔ གཉིས་པ་བསྒོམས་པའི་ཕན་

[Full Size]

ཡོན་ནི༔ ཏིང་འཛིན་རྒྱལ་པོ་ལས༔ ཁམས་གསུམ་གྱི་སེམས་ཅན་ཐམས་ཅད་དགེ་བ་བཅུའི་ལམ་ལ་བཙུད་པ་བས༔ ཆོས་བདག་མེད་པ་ལ་མོས་ནས་དགོན་པའི་ཕྱོགས་སུ་གོམ་པ་བདུན་བོར་བ་བསོད་ནམས་ཆེའོ༔ ཞེས་དང་༔ དེ་ཁོ་ན་ཉིད་ངེས་པར་བསྟན་པའི་མདོ་ལས༔ ཤཱ་རིའི་བུ་གང་གིས་བསྐལ་པ་བཅུའི་བར་དུ་མཉན་པ་བས༔ གང་གིས་སེ་གོལ་ཏོག་པའི་ཡུད་ཙམ་དུ་དེ་ཁོ་ན་ཉིད་ཀྱི་དོན་བསྒོམས་ན་དེས་བསོད་ནམས་མང་དུ་འཕེལ་ལོ༔ ཤཱ་རིའི་བུ་དེ་ལྟ་བས་ན་དེ་ཁོ་ན་ཉིད་ཀྱི་ཏིང་ངེ་འཛིན་འདི་གཞན་དག་ལ་ནན་ཏན་གྱིས་གདམས་པར་བྱའོ༔ ཤཱ་རིའི་བུ་གང་སངས་རྒྱས་ཀྱི་བསྟན་པའི་བྱང་ཆུབ་སེམས་དཔའ་ཐམས་ཅད་ཀྱང་ཏིང་ངེ་འཛིན་འདི་ལ་གནས་པ་ཤ་སྟག་གོ༔ གསུངས་སོ༔ རྟོག་པ་ཆེན་པོའི་མདོ་ལས༔ ཐང་གཅིག་བསམ་གཏན་ཐུན་ཞུགས་ན༔ ཁམས་གསུམ་གང་བའི་མི་རྣམས་ལ༔ སྲོག་བྱིན་པས་ནི་འདི་དོན་མ༔ ཞེས་དང་༔ དམ་པ་འཇུག་པའི་མདོ་ལས༔ སེམས་ཅན་ཐམས་ཅད་ལ་ཇི་སྲིད་འཚོའི་བར་དུ༔ འཚོ་བའི་ཡོ་བྱད་ཀྱི་ཚོགས་བསགས་པ་བས༔ སྟོང་པ་ཉིད་ཐུན་གཅིག་བསྒོམ་པ་བསོད་ནམས་ཆེའོ༔ ཞེས་དང་༔

[Full Size]

ཉི་ཁྲི་ལས༔ སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་ཇི་སྙེད་ཅིག་འཁོད་པ་དེ་དག་སྦྱིན་པས་ཡོངས་སུ་ཚིམས་པར་བྱས༔ ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དང་རྣམ་པར་གྲོལ་བ་དང་རྣམ་པར་གྲོལ་བའི་ཡེ་ཤེས་མཐོང་བ་དང་༔ རྒྱུན་དུ་ཞུགས་པ་དང་རང་བྱང་ཆུབ་ལ་བཀོད་པ་བས༔ གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སེ་གོལ་གཏོགས་པ་ཙམ་ཞིག་བསྒོམ་པ་བསོད་ནམས་ཆེས་མང་དུ་འཕེལ་ལོ༔ ཞེས་དང་༔ གཙུག་ཏོར་ཆེན་པོའི་མདོ་ལས༔ བསྐལ་པ་མང་པོའི་བར་དུ་ཐོས་པ་བསགས་པ་བས༔ ཉིན་གཅིག་ཆོས་ཉིད་ཀྱི་དོན་བསྒོམ་པ་བསོད་ནམས་ཆེའོ༔ དེ་ཅིའི་ཕྱིར་ཞེ་ན༔ སྐྱེ་ཤིའི་ལམ་དང་རིང་དུ་བྱེད་པའི་ཕྱིར་རོ༔ ཞེས་དང་༔ ས་ཆེན་གྱི་མདོ་ལས༔ རྣལ་འབྱོར་སློབ་པར་འདོད་པས་དོན་ཉམས་སུ་བླང་བ་ལ་བསླབ་པར་བྱའོ༔ བརྟགས་པའི་ཐ་སྙད་ཇི་ཙམ་སྙེད་ཅིག་ཤེས་ཀྱང་ཚིག་གི་དོན་རྟོགས་པོ་དང་མི་འདྲའོ༔ ཞེས་དང་༔ ཏིང་ངེ་འཛིན་མཆོག་དམ་པའི་མདོ་ལས་བཅོམ་ལྡན་འདས་ཀྱིས་བཀའ་སྩལ་པ༔ གཞན་ཡང་མི་གཅིག་གིས་གོང་དུ་སྨོས་པའི་བསོད་ནམས་ཐམས་ཅད་

[Full Size]

སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་བར་བྱེད་ནུས་ལ༔ མདོ་སྡེ་བཅུ་གཉིས་དང་བསྟན་བཅོས་པོ་ཏི་བཅོ་ལྔ་རྙེད་ཀྱང་ཁ་ཐོན་དུ་འདོན་ཅིང་འཆད་ནུས་ཏེ༔ ཚུལ་ཁྲིམས་དང་བཟོད་པ་དང་བྱམས་པ་ལ་སོགས་པ་ཡང་སྤྱོད༔ སྦྱིན་པར་བྱེད༔ མང་དུ་ཐོས་པའི་མཆོག་ཏུ་གྱུར་ལ་ཆོས་སྟོང་ཞིང་ཞི་བའི་དོན་ཡང་སྟོན་ཏེ༔ ཉན་པའི་མངོན་པར་ཤེས་པ་ལྔ་ཐོབ་པར་བྱེད༔ དེ་ལྟར་ཕན་པ་དང་བདེ་བའི་དོན་བྱས་ཀྱང་༔ དེ་བས་མི་ཞིག་ཉིན་གཅིག་གམ་མཚན་གཅིག་ཏིང་ངེ་འཛིན་ལ་ཞུགས་པ་ཙམ་མི་ཕོད་དོ༔ དེ་ཅིའི་ཕྱིར་ཞེ་ན༔ མང་དུ་ཐོས་པའི་གང་ཟག་ནི༔ རིའམ་རྒྱ་མཚོ་ལྟར་ང་རྒྱལ་གྱི་སེམས་ཆེའོ༔ དེ་ལྟར་ང་རྒྱལ་གྱི་སེམས་ཆེ་བ་ནི༔ ངན་སོང་དུ་བསྐལ་པ་དཔག་མེད་ཀྱི་བར་དུ་སྡུག་བསྔལ་མྱོང་བར་འགྱུར་རོ༔ ཞེས་དང་༔ ཏིང་ངེ་འཛིན་མཆོག་དམ་པའི་མདོ་ལས༔ གང་ལ་བསམ་གཏན་ཏིང་ངེ་འཛིན་ཡོད་པ་ནི༔ སྐྱེ་ཤི་འཁོར་བའི་སྡིག་ཁ་ན་མ་ཐོ་བའི་ལྕི་བ་ཡང་འབྱོང་བར་འགྱུར་རོ༔ བསམ་གཏན་གྱི་ཏིང་ངེ་འཛིན་ནི་རྒྱ་མཚོ་དང་འདྲ་སྟེ༔ ངས་བསམ་གཏན་དང་ཏིང་ངེ་འཛིན་གྱི་བསོད་ནམས་དང་ཕན་ཡོན་བཤད་ན་ཟད་པའི་མཐའ་

[Full Size]

མེད་དེ༔ བསྐལ་པར་ཡང་མི་རྫོགས་སོ༔ ཞེས་སོགས་རྒྱ་ཆེར་གསུངས་སོ༔ འོ་ན་དེ་ལྟར་ཕན་ཡོན་ཆེན་པོ་དང་ལྡན་པའི་ཏིང་ངེ་འཛིན་དེ་གང་ཡིན་ཞེ་ན༔ ང་འཇུག་ཡིན་ནོ༔ དེ་ལ་པཎྜི་ཏའི་དཔྱད་སྒོམ་ཞེས་པ་སྒྲོ་འདོགས་ཕྱི་ནས་བཅད༔ རྒྱལ་བའི་བཀའ་མདོ་རྒྱུད་ལ་ཐོས་བསམ་རྒྱ་ཆེན་པོ་བྱས་ཏེ༔ ལུང་དང་རིགས་པའི་སྒོ་ནས་ལྟ་བའི་གནས་ལུགས་གཏན་ལ་ཕབ་ནས༔ ད་གཟོད་བསྒོམ་དགོས་ཏེ་དམིགས་པ་དེ་མིན་ཡང་གོལ་ས་སོགས་སུ་འཆོར་བའི་ཉན་ཡོད་ཅེས་བཤད་ཀྱང་༔ ཀུ་སཱ་ལའི་འཇོག་སྒོམ་ནི་སྤྲོས་པ་ནང་ནས་གཅོད་པ་སྟེ༔ དེ་ལྟར་ཐོས་བསམ་བྱས་ཀྱང་ནམ་མཁའ་ལ་འདོམ་འཇལ་བྱས་པ་དང་འདྲ་བས་མཐའ་ཆོད་པ་མི་སྲིད༔ ཚེ་ལ་ལོང་མེད་པས་བླ་མའི་གསུངས་བཞིན་ཉམས་སུ་བླངས་པས༔ ཞི་གནས་དང་ལྷག་མཐོང་དང་ཟུང་འཇུག་རྣམས་རིམ་གྱིས་འཆར་བས་ཐབ་ཀྱི་མེ་བསད་ན་སྐར་ཁུང་གི་དུ་བ་རང་འགགས་སུ་འགྲོ་བ་དང་འདྲ་གསུངས་ཏེ༔ ཨོ་རྒྱན་རིན་པོ་ཆེས༔ འདི་ཉིད་མ་རྟོགས་པཎྜི་ཏ་ཡང་འཁྲུལ༔ འདི་ཉིད་རྟོགས་ན་བ་ལང་རྫི་ཡང་གྲོལ༔ རང་གི་ཁ་རུ་མྱོང་བའི་བུ་རམ་ལ༔ དེ་ལ་གཞན་

[Full Size]

གྱིས་རོ་བཤད་མི་དགོས་ལྟར༔ བཤད་མི་ཤེས་ཀྱང་མངོན་སུམ་གཏན་ལ་ཕེབ༔ ཅེས་གསུངས་པས་འདིར་ཀུ་སཱ་ལའི་འཇོག་སྒོམ་དུ་བྱ་བ་ཡིན༔ འདིར་དང་པོ་ཞི་གནས་ཀྱི་ཁྲིད་བཏབ་པས་རིམ་གྱིས་ལྷག་མཐོང་ངོ་འཕྲོད་དེ༔ སྒོམ་ཐོག་ནས་ལྟ་བ་བཙལ་བས་རྟོགས་པ་བསྟན་པ་ཡིན༔ འགའ་ཞིག་སྔོན་དུ་ཁྲིད་ཐོབ་པས་ལྷག་མཐོང་ཅུང་ཟད་ངོ་འཕྲོད་ཀྱང་ཞི་གནས་ཀྱི་ཉམས་མ་སྐྱེས་ན་རྩལ་དང་ཡོན་ཏན་མི་རྫོགས་པས་འདིར་བོགས་འདོན་དུ་ཡང་འགྱུར་བ་སྟེ༔ མྱ་ངན་འདས་ཆེན་ལས༔ ཞི་གནས་དང་ལྡན་པ་ལྷག་མཐོང་གིས་གྲོལ་བ་དང་༔ ལྷག་མཐོང་དང་ལྡན་པ་ཞི་གནས་ཀྱིས་གྲོལ་བར་གསུངས་སོ༔ དེ་ལ་ཞི་གནས་སྐྱེ་བའི་རྒྱུ་ལུས་ངག་ཡིད་གསུམ་དབེན་པ་ལས་འབྱུང་བ་སྟེ༔ སྤྱོད་འཇུག་ལས༔ ལུས་དང་སེམས་ནི་དབེན་པ་ལས༔ རྣམ་པར་རྟོག་པ་མི་འབྱུང་ངོ་༔ ཞེས་གསུངས་སོ༔ དེ་ནས་དབེན་པར་སྟན་བདེ་བ་ལ་ལུས་གནད་བཅའ་དགོས་ཏེ༔ རྒྱུད་ཀྱི་རྒྱལ་པོ་རྙོགས་པ་མེད་པ་ལས༔ དེ་ནས་སྐྱིལ་ཀྲུང་བཅས་ནས་ནི༔ སྣ་ཡི་རྩེ་མོར་བལྟས་ནས་ཀྱང་༔ རང་གི་རང་བཞིན་རྣལ་འབྱོར་གྱིས༔ དེ་ཉིད་མཐོང་བས་བཞག་པར་བྱ༔ སྙིང་གའི་

[Full Size]

གནད་དུ་ལག་པ་གཉིས་དཔུང་པ་ཤད་ཤད་ལ་ཟེར། འབད་པས་མཉམ་པར་བཞག་བྱས་ནས༔ མི་རྟོག་པ་ཡི་རང་བཞིན་དུ༔ གང་ཚེ་སེམས་ནི་རབ་རྒྱུ་བ༔ སངས་རྒྱས་ཐམས་ཅད་འདུས་པའི་བདག༔ དེ་ཚེ་དེ་ལ་སྐྱེ་བར་འགྱུར༔ ཞེས་དང་༔ གདན་བཞི་ལས༔ ཡིད་དུ་འོང་བའི་ས་ཕྱོགས་སུ༔ དབེན་པའི་སྟན་ལ་གནས་ནས་སེམས་དཔའི་སྐྱིལ་ཀྲུང་བཅས་ནས་ནི༔ ལག་གཉིས་གསང་བའི་གནས་སུ་བཞག༔ མིག་ནི་སྣ་རྩེར་བལྟས་ནས་སུ༔ དབུགས་ནི་ལྟེ་བའི་རྩ་བར་བཟུང་༔ ཐད་ཀ་ཀུན་ཡངས་པ་ནི༔ ཞེས་དང་༔ རྒྱན་སྟུག་པོ་བཀོད་པ་ལས༔ པདྨོའི་གནས་སུ་སྟན་བཅས་ཏེ༔ སྐྱིལ་མོ་ཀྲུང་དང་མཉམ་བཞག་ཅིང་༔ རྟག་ཏུ་རྣལ་འབྱོར་སྦྱོང་བར་གྱིས༔ འདོད་ཆགས་བདེ་ལས་རྣམ་པར་དབེན༔ དབང་པོ་དབང་པོའི་དོན་རྣམས་ཀྱིཿ་་་ཆགས་པ་ལ་ཟེར། ཐམས་ཅད་ལས་ཀྱང་ཕྱིར་བཟློག་ཅིང་༔ ལྕགས་ཀྱུས་གླང་པོ་ཇི་བཞིན་དུ༔ སེམས་ནི་མཉམ་པར་གཞག་པར་གྱིས༔ ཞེས་དང་༔ པདྨ་གསུང་གི་རིག་འཛིན་ཆེན་པོ་ནཱ་གརྫུ་ནའི་ཞལ་ནས༔ སྐུ་ནི་དགྱེ་བ་མ་ཡིན་ནོ༔ རྒུ་བ་ཡང་ནི་མ་ཡིན་ནོ།

[Full Size]

དབུགས་བཏང་པ་དང་རྔུབ་པ་མིན༔ གསུང་པ་མ་ཡིན་མི་གསུང་མིན༔ སྤྱན་བཟང་བཙུམ་པ་མ་ཡིན་ལ༔ ཕྱེ་བ་ཡང་ནི་མ་ཡིན་ནོ༔ ཞེས་གསུངས་པ་ལྟར་རྣམ་སྣང་གི་ཆོས་བདུན་བྱ་སྟེ༔ རྐང་པ་རྡོ་རྗེའི་སྐྱིལ་ཀྲུང་ངམ་སེམས་སྐྱིལ་གང་རུང་ལ་རྐང་པ་གཡས་སྟེང་དུ་བྱས་འོག་རླུང་ཅུང་ཟད་སྡོམ་པའི་གནད་ཀྱིས་ཐུར་སེལ་གྱི་རླུང་ཟིར༔ ཐིག་ལེ་བརྟན་ཞིང་ཟོ་མདོག་བདེ༔ སྒལ་པ་གསེར་གྱི་ཏོང་ཙེ་ལྟར་བསྲང་རྐེད་པ་ཅུང་ཟད་འཐེན་གསུས་པ་ཨིན་ཙམ་ལྡིར༔ སྐེད་པ་ཉག་བྱས་རོ་སྟོད་ཅུང་ཞིག་དགྱེ་བས་སྲོག་འཛིན་གྱི་རླུང་དང་མེ་མཉམ་གྱི་རླུང་ཟིན༔ དྲོད་སྐྱེ་རིག་པ་དང་འབྱུང་བ་སྙོམས་པའི་གནད་ཡོད༔ ལག་པ་མཉམ་བཞག་གཡོན་པའི་སྟེང་དུ་གཡས་བཞག་ལ་སུས་པ་ཅུང་ཟད་བཅར༔ མཐེ་བོང་ལྟོ་གི༔ སྦྱར་བའམ་མཐེ་བོང་གཉིས་ཀྱིས་སྲིན་ལག་གི་འཕར་རྩ་མནན༔ དཔུང་པ་རྒོད་གཤོག་ལྟར་བརྐྱང་ཞྭ་བཞི་ཁྲིམས་བྱ་རྐང་སོར་བསྐུམ༔ དེ་རྣམས་ཀྱི་ཁྱབ་བྱེད་ཀྱི་རླུང་ཟིན་དབུ་མའི་ཁ་འབྱེད་ཐིག་ལེ་ཁྲེམ་ལུས་བདེ་བས་ཁྱབ་བོ༔ མགྲིན་པོ་ཨེན་ཙམ་འགུགས་མཆུ་མི་བསུམ་སོ་བར་ཅུང་ཟད་ཡོད་པར་བྱ༔ མིག་སྣ་རྩེའི་ཐད་ཀྱི་ནམ་མཁའ་ལ་བལྟ་དེ་རྣམས་ཀྱིས་

[Full Size]

གྱེན་རྒྱུའི་རླུང་ཟིན་ཏེ་རླུང་རང་གནས་སུ་འགྲོ༔ ཡོན་ཏན་ཐམས་ཅད་རང་བབས་ལ་སྐྱེ་བ་ཡིན་པས་རྒས་པ་དང་ན་བ་སོགས་ལུས་ཀྱི་མི་ནུས་པ་མེད་པ་རྣམས་ལུས་གནད་འདི་ཤིན་ཏུ་གལ་ཆེའོ༔ དེ་ལ་ཞི་གནས་དེ་ལ་མཚན་བཅས་དང་མཚན་མེད་གཉིས་ཡོད་པ་ལས༔ མཚན་བཅས་མ་དག་པ་ཤིང་བུ་དང་རྡེའུ་ལ་སེམས་འཛིན་པ་བས་དག་པ་ལྷ་སྐུ་ལ་སེམས་འཛིན་པ་ལྷག་ལ༔ དེ་ནི་གོང་དུ་བསྐྱེད་རིམ་བསྒོམ་པ་ལ་འཐུས་པས་འདིར་གུད་དུ་སྟོན་མི་དགོས་ཤིང་༔ འདིར་མཚན་མེད་ཞི་གནས་བསྒོམ་པ་ཡིན་ཏེ༔ རྒྱལ་བའི་ཡུམ་ལས༔ བྱང་ཆུབ་སེམས་དཔའ་ཆེན་པོ་དེ་ནི༔ བསམ་གཏན་ཡིད་ལ་མི་བྱ་བ་ལ་མཁས་པར་རིག་པར་བྱའོ༔ ཞེས་དང་༔ རྡོ་རྗེ་གཙུག་ཏོར་གྱི་རྒྱུད་ལས༔ གསང་བའི་བདག་པོ་དོན་དམ་པའི་བདེན་པ་ནི༔ བདག་མེད་པའི་དངོས་པོ་ཟིལ་གྱིས་མ་གནོན་པ་ཆོས་ཐམས་ཅད་སྟོང་པ་སྟེ༔ འཕེལ་བ་མེད་པ་འགྲིབ་པ་མེད་པ་རྣམ་པར་དག་པ་དེས་ནི་ནམ་མཁའ་དང་མཉམ་པ༔ རང་བཞིན་གྱིས་དག་ཅིང་དྲི་མ་མེད་པའི་ངོ་བོ་ཉིད༔ ཡི་གེ་མེད་པ་ཚིག་མེད་པ་ལུས་དང་ངག་དང་ཡིད་བྲལ་བ༔ ཡོད་པའང་མ་ཡིན་མེད་པའང་མ་

[Full Size]

ཡིན༔ སྤྱོད་པ་ཡང་མ་ཡིན་མི་སྤྱོད་པ་ཡང་མ་ཡིན༔ ཐག་རིང་བ་ཡང་མ་ཡིན་ཉེ་བ་ཡང་མ་ཡིན༔ སྟོང་པ་ཡང་མ་ཡིན་མི་སྟོང་པ་ཡང་མ་ཡིན༔ དབུ་མའང་མ་ཡིན་པ་བློའི་སྤྱོད་ཡུལ་ལས་འདས་པ་འདི་ནི་དོན་དམ་པའི་བདེན་པའོ༔ ཞེས་དང་༔ དགོངས་པ་ལུང་སྟོན་གྱི་རྒྱུད་ལས༔ རང་རིག་ཙམ་གྱི་ཡེ་ཤེས་ནི༔ ནམ་མཁའ་ལྟ་བུར་མཚན་ཉིད་མེད༔ གསུམ་པོ་དེ་ཉིད་གཅིག་གྱུར་བ༔ འགྲོ་བ་མེད་ཅིང་འོང་བ་མེད༔ འགགས་མེད་རབ་ཏུ་ཞི་བ་ཉིད༔ རྟག་དང་ཆད་པ་རྣམ་པར་སྤངས༔ དུས་གསུམ་མཁྱེན་པས་མ་བྱས་པ༔ རྟོགས་པ་ནམ་མཁའ་དབྱེར་མེད་མཚན༔ འདི་ཉིད་ཁོ་ན་དོན་དམ་སྟེ༔ སོ་སོར་རང་རིག་མཚན་ཉིད་དོ༔ ཞེས་དང་༔ ཨོ་རྒྱན་རིན་པོ་ཆེའི་ཞོལ་ནས༔ བཞག་ཐབས་སེམས་ཀྱི་གནད་གསུམ་ནི༔ ཐ་མལ་དུ་མ་ཡེངས་རྟོག་པ་མ་འགྱུས༔ ཡིད་བཟོ་མ་བྱས་པར་ཤེས་པ་རང་ལུགས་སུ་ཕྱ་ལེ་བཞག་གོ༔ དེས་སྒོམ་རང་བབས་སུ་འོང་ལ་ཡེངས་བ་དང་འགྱུས་ན་བསྒོམ་མི་སྐྱེའོ༔ དེ་ལྟར་རང་ལུགས་སུ་བཞག་པས་རྣམ་རྟོག་ཕྲ་རགས་ཐམས་ཅད་རང་སར་ཉལ་ཞིང་ཞི་ནས་སེམས་རང་སར་ལྷན་ནེར་གནས་པ་འོང་བ་དེ་ལ་ཞི་གནས་

[Full Size]

ཟེར༔ ཞེས་གསུངས་པས༔ ཁྱེད་རང་རྣམས་དབེན་པར་སོང་ལ་ལུས་རྣམ་སྣང་གི་ཆོས་བདུན་མཛོད་ལ༔ དང་པོ་རང་ཉིད་ཐུགས་རྗེ་ཆེན་པོ་བསྒོམ་པ་དང་བླ་མའི་རྣལ་འབྱོར་དང་བཅས་པ་ཐུན་ཆུང་ཞིག་བསྒོམ༔ དེ་ནས་བླ་མ་རང་ལ་བསྟིམ་ཐུགས་རྗེ་ཆེན་པོ་འོད་དུ་ཞུ་ནས་ཧྲིཡིག་དང་དེ་ཡང་སྟོང་པར་འཇའ་ཡལ་བ་ལྟར་བསྒོམ༔ དེ་ནས་དམིགས་པ་ཅི་ཡང་མི་བསྒོམ་པ་ནི་མི་དམིགས་པ་ཡིན་ཏེ༔ འདས་པའི་རྗེས་མི་གཅོད་དེ་དེ་རིང་ཕན་ཆད་ཀྱི་སྔར་འདས་པའི་བྱ་བ་གང་ཡང་མི་བསམ༔ མ་འོངས་པའི་མདུན་མི་བསུ་སྟེ༔ ད་ལྟ་ཚུན་ཆད་ཕྱིན་ཆད་ཀྱི་བྱ་བ་ཅི་ཡང་ཡིད་ལ་མི་བསམ༔ ད་ལྟའི་ཤེས་པ་ལ་དགག་སྒྲུབ་མི་བྱ་སྟེ༔ འདི་འདྲ་ཞིག་བསྒོམ་སྙམ་པ་དང་འདི་འདྲ་བ་དྲན་པ་དང་བསྒོམ་པ་མི་རུང་སྙམ་པའི་དགག་སྒྲུབ་མི་བྱེད༔ སེམས་རང་བབས་སུ་ཀློད་ལ་མ་ཡེངས་ཙམ་དུ་བཞག་གོ༔ དེ་ཡང་ལུས་རང་བབས་སུ་ལུས་གནད་ཀྱི་ངང་ནས་ཀློད་དེ་ཤིག་གེ་སོག་ཕོན་ཐག་པ་ཆད་པ་ལྟར་བཞག༔ ངག་རང་བབ་ནི་སྐུ་འདྲའི་ཞལ་ལྟར་ཅི་ཡང་མི་སྨྲ་བར་བཞག༔ ཡིད་རང་བབ་ནི་ཆུ་ཆད་པའི་རང་ཐག་ལྟ་བུ་སྟེ༔ འདི་བྱའི་འདུན་པ་འདུ་

[Full Size]

ཤེས་མེད་པར་ཅམ་མེ་བཞག་གོ༔ དེ་ཡང་ཞི་ཞེས་པ་ནི་རྣམ་རྟོག་སྣ་ཚོགས་འཕྲོ་བ་དེ་ཞི༔ གནས་ཞེས་པ་སེམས་ལྷན་ནེ་གནས་པ་ཞིག་འོང་བས་སེམས་གནས་ཨེ་ཐུབ་ལྟོས། འདི་ལ་ཡང་ཁམས་ཀྱི་རིགས་ལ་སྣ་ཚོགས་འཆར་བར་འདུག་པས༔ ལ་ལ་སེམས་ཁྲིག་གེ་གནས་པ་དེ་སྐྱེ་སླ་བ་ཞིག་འོང་༔ དེ་ལ་སྐྱོན་ཅན་དང་སྐྱོན་མེད་གཉིས་ཡོད་དེ༔ སེམས་གནས་པས་རྣམ་པར་ཤེས་པ་ཚོགས་བརྒྱུད་འགགས་པ་འདྲ་བ་དྲན་པ་གཏོར་ནས་ཅི་ཡང་མི་དྲན༔ མིག་གི་ཡང་གཟུགས་སུ་འཛིན་པའི་ཤེས་པ་མི་གསལ༔ བོས་ཀྱང་མི་ཚོར་ལངས་མི་ཤེས་པར་ཐོམ་མེར་ལུས་པ་ཞིག་འབྱུང་༔ དེ་བསྒོམ་སྐྱེ་བའི་སྔ་ལྟས་ནི་ཡིན་ཀྱང་བསྒོམ་གྱི་གོ་མི་ཆོད་དེ༔ དེ་བསྒོམ་ཡིན་སྙམ་ནས་བསྒོམས་ན་དུད་འགྲོར་སྐྱེ་བའི་རྒྱུ་ཡིན་ཏེ༔ དེ་ལྟ་བུ་ནི་ཕྱི་བ་དྲེད་མོང་ལ་ཡང་ཡོད་པས་དགུན་ཟླ་གསུམ་ལུས་མི་རུལ་མི་འཁྱགས་མི་ལྟོགས་པ་དེའི་ནུས་པ་ཡིན༔ དེ་ལ་འགོག་པ་ཆ་མཐུན་ཟེར༔ ཉན་ཐོས་འགོག་པ་དངོས་ནི་སོ་སོ་སྐྱེ་བོ་ལ་སྐྱེ་དོགས་མེད་ཀྱང་༔ རྣམ་རྟོག་གང་ཡང་ཡིད་ལ་མི་འཕྲོ་བར་སེམས་གར་གཏད་དུ་ལྷན་ནེ་སྡོད་པ་བོས་ན་ཐོས་པས་མིག་སོགས་ཀྱང་གསལ་ཆ་མ་འགག་

ཤོག་ལྷེབ་ ༤༠༡ ནས་་ ༤༤༤ བར།

[Full Size]

དེ་བསྒོམ་པའི་ཚེ་ཉོན་མོངས་པ་དུག་ལྔ་འགགས་པ༔ དེ་ལ་ནམ་འདོད་བར་དུ་གནས་པ་ཞིག་བྱུང་ན་ཉན་ཐོས་དང་ཐུན་མོང་གི་ལམ་འཇིག་རྟེན་པའི་ཞི་གནས་ཡིན༔ འདི་ཇི་ལྟར་ཆགས་ཆེ་བ་བཞིན་རྩལ་དང་ཡོན་ཏན་ཆེ༔ ལ་ལ་དག་ལུས་སེམས་ཐམས་ཅད་དགའ་བ་དང་བདེ་བ་ཆེན་པོས་ཁྱབ༔ སེམས་རང་བཞིན་གྱི་གནས་པ་མཚོ་ཆེན་རླུང་གིས་མི་བསྐྱོད་པ་ལྟ་བུ་མེ་རེ༔ ཀྱི་ལེ་གནས་པ་འོང་༔ བདེ་ཉམས་ཀྱི་ཞི་གནས་ཡིན་པས་དེ་ལའང་ཆགས་ཞེན་མེད་པར་སྐྱོང་ན་ཡོན་ཏན་སྐྱེ༔ དེ་ལ་ཆགས་ཞེན་ཆེན་པོས་བསྒོམས་ན་འདོད་ཁམས་ཀྱི་ལྷར་གོལ་བ་ཡིན༔ ལ་ལ་གསལ་སིང་ངེ་མར་མེ་རླུང་གིས་མ་བསྐྱོད་པ་ལྟ་བུ་སེམས་རྩེ་གཅིག་ཏུ་གནས་པ་ཞིག་འབྱུང་༔ དེ་ཞི་གནས་སྐྱོན་མེད་ཡིན་ཡང་ཆགས་ཞེན་ཆེན་པོས་དེ་བསྒོམ་དུ་འཛིན་ན་གཟུགས་ཁམས་ཀྱི་ལྷར་སྐྱེ་བའི་རྒྱུ་ཡིན༔ ལ་ལས་སེམས་ཅི་ཡང་མེད་པ་འཕྲོ་རྒྱུ་ཡང་མེད་གནས་རྒྱུ་ཡང་མེད་ཅི་ཡང་མི་འདུག་སྟོང་པ་རེད་སྙམ་པའི་དྲན་པ་གཅིག་པུ་དེ་ལ་གནས་ནས་ཅི་ཡང་མི་འཕྲོ་བ་ཞིག་འབྱུང་༔ དེ་ནི་ཅི་ཡང་མེད་པའི་སྐྱེ་མཆེད་སོགས་གཟུགས་མེད་དུ་སྐྱེ་བའི་རྒྱུ་ཡིན༔ དེ་སྒོམ་དུ་

[Full Size]

འཛིན་མི་རུང་༔ འོན་ཀྱང་དེ་རྣམས་སྐྱེ་དགོས་རྒྱུ་ཞིག་ཡིན༔ སྐས་ཐེམ་འོག་མ་ལ་མ་བརྫིས་པར་གོང་མར་མི་སླེབ༔ དེ་ཚོ་ཐམས་ཅད་རིམ་པར་སྐྱེས་ནས་བསྒོམ་པའི་ཡོན་ཏན་དང་སྟོབས་ཆེ་བ་ཡིན༔ ལ་ལ་གནས་ཉམས་ཆུང་འཕྲོ་རྒོད་ཤས་ཆེ༔ སེམས་སྐད་ཅིག་ཀྱང་མི་སྡོད་པར་ཕྱོགས་ཐམས་ཅད་དུ་རླུང་འཚུབ་པ་ལྟར་རྒྱུག༔ ང་ལ་སྒོམ་མི་འོང་བར་གདའ་བསམ་པ་ཞིག་འོང་སྟེ༔ དེ་ཡང་གནས་པ་ཡིན་རྩུབ་ཉམས་ཟེར༔ སེམས་མི་སྡོད་པར་རིག་པ་དེ་རང་གནས་པ་ཡིན༔ སྔོན་བསྐལ་པ་དུ་མ་ནས་སེམས་དེ་ལྟར་ཡོད་དེ་ད་བར་མ་མཐོང་༔ ད་རྐུ་མ་ངོས་ཟིན་པ་དང་འདྲ་བས༔ སེམས་འཕྲོ་དུས་འཕྲོ་མཁན་དང་རྒྱུག་མཁན་དེ་ལ་གཟུགས་དང་ཁ་དོག་དང་དངོས་པོ་ཅི་འདྲ་ཞིག་གདའ་ཧྲིག་གེ་ལྟོས་དང་༔ འདི་མཐོང་མེད་པར་རང་མལ་དུ་འཁོར་འོང་༔ ལར་བསྒྲིམ་དྲགས་ན་མི་སྡོད་པས་ལུས་སེམས་བག་ཀློད་ལ་མ་ཡེངས་ཙམ་དུ་ཞོག་དང་བབས་ཀྱིས་གནས་ནི་འོང་བ་ཡིན༔ ལ་ལ་དག་ལ་སེམས་ཨན་ཙམ་ཀྱི་ལེ་གནས་ད་ལམ་ལེགས་སྙམ་ཛ༔ ག་ཤེད་ཐག་རིང་ཞིག་ཏུ་རྒྱངས་ཀྱིས་འཕྲོ་ནས་འགྲོ༔ དེ་མི་ལེགས་སྙམ་ནས་ཚུར་བཀུག་ནས་བཞག་པས་ཅུང་

[Full Size]

ཟད་གནས༔ དེ་འདྲ་བ་ཡང་ཡང་བྱེད་པ་ཞིག་འོང་༔ དེ་ལ་འཕྲོས་ནི་ཐལ་དུས་ཞིག་ལ་འཕྲོ་བའི་རྣམ་རྟོག་དེ་དང་པོ་གང་ནས་བྱུང་ལྟོས༔ ད་ལྟ་ཅི་འདྲའི་ངོ་བོ་ཞིག་འདུག་ལྟོས༔ ད་ནས་འཕྲོས་པ་དེ་མཐར་གང་དུ་འགྲོ་ལྟོས་དང་དེ་གསུམ་ཁ་རང་བཞིན་མེད་པར་མཐོང་འོང་༔ དཔེར་ན་སྨྱུག་མའི་ནགས་འདབ་ནས་སྨྱུག་གཅིག་བཅད་ནས་བལྟས་པས་ནང་སྟོང་པར་འདུག་པ་མཐོང་ཛ་སྨྱུག་ཐམས་ཅད་དེ་དང་འདྲ་བ་ཤེས་པ་ལྟར༔ རྣམ་རྟོག་ཅིག་རང་བཞིན་མེད་ཅིང་སྐྱེ་འགགས་གནས་གསུམ་དང་བྲལ་བར་རྟོགས་པ་ན༔ རྣམ་རྟོག་ཐམས་ཅད་དེ་དང་འདྲ་བ་ཤེས་པར་བྱའོ༔ ལར་ད་རེས་ཞི་གནས་ཀྱི་སྐབས་ཡིན་པས་རེ་ཞིག་སེམས་མི་འཕྲོ་བར་གནས་ཅི་ཐུབ་གྱིས་ལ༔ གལ་ཏེ་འཕྲོས་ན་ཡང་ཚུར་བཀུག་ལ་གནས་ཅི་ཐུབ་བྱ༔ སེམས་མི་འཕྲོ་བ་ཅི་ཙམ་འདུག་ཐུབ་ལྟོས༔ དེ་ཡང་མི་གསལ་བའི་གཉིད་དང་བྱིང་འཐིབ་མ་ཡིན་པར་སེམས་རྩེ་གཅིག་ཏུ་ས་ལེ་ཡེ་རེ་ཧྲིག་གེ་རྗེན་ནེ་གནས་པ༔ ལུས་སེམས་བགས་ཀྱིས་བདེ་བ་དང་ལྡན་པ་བྱུང་ན་ཐུན་མོང་ཞི་གནས་ཆགས་པ་ཟེར༔ གནས་པ་ཆགས་པ་ཟེར༔ གནས་ཉམས་སྐྱེས་པ་ཟེར༔ ཕ་རོལ་ཏུ་

[Full Size]

ཕྱིན་པ་དྲུག་ལས་བསམ་གཏན་གྱི་ཕ་རོལ་ཏུ་ཕྱིན་པའི་གྲངས་སུ་འགྲོ༔ ལ་ལ་དག་གིས་ཞི་གནས་ལ་འགྲོ་དོགས་ཡོད་ཟེར་ནས་ངན་པ་སྐད་བྱེད་དེ༔ ཞི་གནས་ཅི་ལྟ་བ་བཞིན་སྐྱེས་ན་ཉོན་མོངས་པའི་མགོ་ཡང་དེས་ནོན༔ ཐུན་མོང་གི་མངོན་ཤེས་གྲུབ་པའི་རྟགས་ཐམས་ཅད་དེ་ལས་འབྱུང་བ་སྟེ༔ ཕྱི་རོལ་པའི་དྲང་སྲོང་རྣམས་དཔག་ཚད་ལྔ་བརྒྱར་འཕུར་བ་སོགས་ཟག་བཅས་ཀྱི་མངོན་ཤེས་གྲུབ་རྟགས་མཐའ་ཡས་པ་ཡོད་པར་འདུག་པར་ཡང་ཞི་གནས་ཁོ་ནའི་ནུས་པ་ཡིན༔ སྤྲིན་ཆེན་ཚར་ཆེ་བ་ལྟར༔ ཞི་གནས་ཇི་ལྟར་ཆགས་ཆེ་བ་ལྟར་ལྷག་མཐོང་གི་ཡོན་ཏན་རྩལ་ཆེ་བ་ཡིན༔ སྤྲིན་དུམ་བུ་ཞིག་ལ་ཆར་འབྲུ་འགའ་ཙམ་ལས་མེད་པ་ལྟར༔ ཞི་གནས་མ་ཆགས་ན་ལྷག་མཐོང་ངོ་སྤྲད་ཀྱང་གོ་ཡུལ་སྐམ་པོ་འདྲ་བ་ཞིག་ལས་ཕོ་མི་བྱེད་པ་ཡིན༔ ལར་མཚན་མེད་ཞི་གནས་སེམས་མ་བཅོས་པར་ཞོག་ཟེར་བ་དང་༔ མི་དམིགས་པར་བཞག་ཟེར་བ་འདི་སྔོན་འགྲོ་ལའང་ཡོད༔ ཞི་གནས་ལྷག་མཐོང་གཉིས་ཀའི་དངོས་གཞི་ཡང་ཡིན༔ དེ་སོ་སོ་ལ་སྐབས་དོན་གྱི་གོ་ཚུལ་རེ་ཡང་ཡོད༔ ཚིག་བསྡོམ་ཆེ་བས་ཚིག་དེ་བྱིས་པས་ཀྱང་ཤེས་ཏེ༔ ཉམས་ལེན་དེ་བསྒོམ་ཆེན་རྒས་

[Full Size]

པོས་ཀྱང་དཀའ་བ་ཞིག་ཏུ་ཡོད༔ དེས་ན་སེམས་ལ་ཅི་ཡང་མ་བསམ༔ བཟོ་བཅོས་གང་ཡང་མ་བྱེད་པར་རང་སར་ཞོག་དང་༔ ཅི་ཡང་མི་དྲན་པར་ཐོམ་མེ་ལུས་པ་འདྲ་བ་ལ༔ མི་འཕྲོ་བ་སྡོད་པ་དེ་ཡང་མཐོང་བ༔ དེ་ལ་ཡུན་རིང་དུ་བཞག་ཀྱང་སྡོད་པ༔ དྲན་མེད་པ་རྒྱལ་བ་དང་གཉིད་པ་ལྟ་བུ་ནི་མ་ཡིན་པ་དེ་འདྲ་ཞིག་ཅི་ཙམ་འོང་ཞིང་གནས་ཐུབ་པར་འདུག་ལྟོས༔ གལ་ཏེ་གནས་ཡེ་མ་ཐུབ་ཀྱང་འཆར་ལུགས་ཡིན་པས་དེ་ལ་འགྱོད་པ་དང་སྡུག་བསྔལ་ནི་མི་དགོས༔ ལར་ཞི་གནས་བསྒོམ་པ་འདི་ཕར་ཕྱིན་དྲུག་གི་ནང་ནས་བསམ་གཏན་གྱི་ཕར་ཕྱིན་དེ་ཡིན་ཏེ༔ བྱང་ཆུབ་སེམས་དཔའི་ས་ལས༔ དེ་ལ་བྱང་ཆུབ་སེམས་དཔའ་རྣམས་ཀྱི་བསམ་གཏན་ནི༔ རྣམ་པར་རྟོག་པ་ཐམས་ཅད་དང་བྲལ་བ་ལུས་སེམས་ཤིན་ཏུ་སྦྱངས་པ་བསྐྱེད་པ༔ མཆོག་ཏུ་རབ་ཏུ་ཞི་བ༔ རློམས་སེམས་དང་བྲལ་བ་རོ་མྱང་བ་མེད་པ༔ མཚན་མ་ཐམས་ཅད་དང་བྲལ་བ་གང་ཡིན་པ་དེ་ནི༔ དེ་དག་གི་ཚེ་འདི་ལ་བདེ་བར་གནས་པ་ཡིན་པར་རིག་པར་བྱའོ༔ ཞེས་གསུངས་པས་སེམས་ཡོད་མེད་གནས་མི་གནས་སོགས་རྣམ་རྟོག་མི་འགྱུ་བར་གནས་པ༔ ལུས་ངག་

[Full Size]

གསུམ་ལ་མི་དགེ་བའི་རྟོག་པ་མེད་པ༔ འདི་བསྒོམ་ཡིན་སྙམ་པའི་ང་རྒྱལ་མེད་པ༔ ཞི་གནས་ཀྱིས་ལུས་སེམས་བདེ་བས་ཁྱབ་པ་དེ་ལ་ཆགས་ཞེན་སྲེད་པ་ཡང་མེད་པ༔ དམིགས་པ་གང་ལ་བཟུང་བའི་གཏད་སོ་མེད་པར་སེམས་རང་བཞིན་གྱིས་གནས་ན་ཞི་གནས་ལེགས་པོ་ཡིན་ཏེ༔ པདྨ་ས་རའི་ཞལ་ནས༔ བསྒོམ་རྒྱུ་རྡུལ་ཙམ་མེད་པ་ལ༔ ཡེངས་སུ་སྐད་ཅིག་མི་འདོད་པ༔ ཕྱག་རྒྱ་ཆེན་པོ་བསྒོམ་པ་ཡིན༔ ཞེས་གསུངས་པ་ལྟར༔ ཅི་ཡང་མི་བསམ་པར་མ་ཡེངས་པར་བཞག༔ དེ་ཡང་བསྒྲིམ་དྲག་ན་གནས་མི་འདོད་པས་ལུས་ངག་ཡིད་གསུམ་བག་ཀློད་ལ་བཞག་སྟེ༔ གྲུབ་ཆེན་པདྨ་ས་ར་ཧས༔ འགྱུར་བུས་བཅིངས་པའི་སེམས་ཉིད་འདི༔ ཀློད་ན་གྲོལ་བར་ཐེ་ཚོམ་མེད༔ བྲམ་ཟེས་སྐུད་པ་འཁེལ་བ་བཞིན༔ རྣལ་འབྱོར་ཤེས་པ་ཀློད་ན་བདེ༔ ཞེས་དང་༔ བཅིངས་པ་དག་ན་ཕྱོགས་བཅུར་འཐེན་པ་བརྩོམ༔ ཀློད་པར་གྱུར་ན་མི་གཡོ་བརྟན་པར་གནས་རྔ་མོང་ཐག་པས་གྲོལ་བའི་དཔེ་ཇི་བཞིན༔ ཞེས་གསུངས༔ དེ་ཡང་རྗེ་འབངས་གཉག་ཆེན་ཛཱ་ནའི་སྤྲུལ་སྐུ་གྲུབ་ཆེན་པྲཛྷ་བྷ་དྲའི་གསུངས་ལས༔ འདས་པ་ལ་མི་མནོ༔ མ་

[Full Size]

ཐའོངས་པ་ལ་མི་བསམ༔ ད་ལྟ་བ་ལ་མི་སེམས༔ བློས་མི་སྒོམ༔ རྟོག་པས་མི་དཔྱད༔ སེམས་ནི་ཡང་དག་པར་གྲོལ༔ ཞེས་དང་༔ གྲུབ་ཆེན་ཤ་བ་རིས༔ བསྒོམ་དུ་མེད་པ་ཡིད་ལ་མི་བྱ་སྟེ༔ ཐ་མལ་ཤེས་པ་རང་ལུགས་གཉུག་མ་ལ༔ བཅོས་མའི་དམིགས་པ་དག་གིས་མི་བསླད་དེ༔ རང་བཞིན་དག་པའི་སེམས་ལ་བཅོས་མི་དགོས༔ མ་བཟུང་མ་བཏང་རང་ག་ཉིད་དུ་ཞོག༔ ཅེས་གསུངས་པ་ལྟར་སེམས་མ་བཅོས་པར་རང་ལུགས་སུ་བཞག༔ དེ་ལ་སྐྱོན་མེད་དང་སྐྱོན་ཅན་གཉིས་འོང་སྟེ༔ སྐྱོན་ཅན་ནི༔ མུན་ནེ་བ་ལྷང་ངེ་བ་ལྷོབ་བེ་བ་བྱིངས་རྨུག་གི་རྣམ་པ་གསལ་ཆ་མེད་པར་མི་འཕྲོ་བར་གནས་པ་ཡིན༔ རྒྱུན་དུ་དེ་ལ་མ་ལུས་ན་རེས་འགའ་དེ་ལྟར་བྱུང་བ་ཡང་མི་སྐྱོན་ཁམས་ཀྱི་དགྱེ་རྒུ་ཡིན༔ སེམས་མི་འཕྲོ་བར་གསལ་སེང་ངེ་ཤེལ་སྒོང་ལྟ་བུའམ་མར་མེ་རླུང་གིས་མ་བསྐྱོད་པ་ལྟ་བུ་རྩེ་གཅིག་ཏུ་གནས་པ་དེ་ཞི་གནས་ཡིན༔ དེ་ལ་རྣམ་རྟོག་ཕྱིར་འཕྲོ་བ་ནི་མེད་ཀྱང་༔ དེ་རང་ལ་སྤུ་རིས་འབྱེད་པའི་རྣམ་རྟོག་ཕྲ་བ་འགའ་རེ་ཡོད་པ་དེ༔ གསལ་སེང་ངེ་གནས་སོ་མི་འཕྲོའོ་ཞི་གནས་ཡིན་ནོ་བསམ་པའང་དེ་ལ་རྟོག་དཔྱོད་ཞད་

[Full Size]

ཙམ་རེ་ཡོད་པ་དེ་ནི་བསམ་གཏན་དང་པོ་ཞེས་བྱའོ༔ རྟོག་དཔྱོད་ཕྲ་ཞིབ་ཡང་འགའ་མི་རྒྱུ་ལ༔ གནས་པ་དེས་སེམས་རྩ་དང་ཡིད་དགའ་བའི་འཛིན་པ་ཞིག་ཡོད་པ་ནི་བསམ་གཏན་གཉིས་པའོ༔ སེམས་གནས་པ་དེས་དགའ་བའི་འཛིན་པ་ནི་མེད་ཀྱང་༔ ལུས་བདེ་བ་ཡང་བ་འདུག་འདོད་པ་སེམས་བདེ་བ་ཚད་མེད་པས་ཕྱིའི་འདོད་ཡོན་གང་ལ་ཡང་བློ་མི་འཇུག་པ་བདེ་མེ་རེ་གནས་པ་ནི་བསམ་གཏན་གསུམ་པའོ༔ སེམས་གནས་པ་དེ་ལ་དགའ་བ་དང་བདེ་བའི་ཚོར་བ་ཡང་མེད༔ མི་དགའ་བ་དང་མི་བདེ་བ་ཡང་མེད་སེམས་ཁྲིག་གེ་གནས་པ་ནི་བསམ་གཏན་བཞི་པའོ༔ བསམ་གཏན་བཞི་པོ་དེ་ནི་རྣམ་གཡེང་སྤང་ཞིང་ཚུལ་ཁྲིམས་གཙང་ལ་རྩེ་གཅིག་ཏུ་བསྒོམ་པ་ལ་སྐྱེ་ལ་གང་ཡིན་ལ་སྐྱེ་བ་ནི་མ་ཡིན་ཏེ༔ འཇིག་རྟེན་པའི་ལམ་གཟུགས་ཁམས་ཀྱི་ལྷར་སྐྱེ་བའི་རྒྱུ་ཡིན་ཏེ༔ ཕྱི་རོལ་པ་དང་ཐུན་མོང་གི་ལམ་ས༔ ཕྱི་པའི་དྲང་སྲོང་རྣམས་ཀྱི་ཉམས་ལེན་གཙོ་བོ་ཡིན༔ དེ་རང་ནང་པའི་ནི་བསྒོམ་གྱི་གཞི་ཙམ་ཡིན་གྱི་ཉམས་ལེན་དངོས་དེ་མ་ཡིན་ཏེ༔ རིག་འཛིན་ནཱ་གརྫུ་ནས༔ འདོད་སྤྱོད་བདེ་དང་དགའ་དང་སྡུག་བསྔལ་དག༔ རྣམ་པར་སྤང་བའི་བསམ་གཏན་བཞི་པོ་ཡིས༔

[Full Size]

ཚངས་དང་འོད་གསལ་དག་དང་དགེ་རྒྱས་དང་༔ འབྲས་བུ་ཆེ་བ་རྣམས་དང་སྐལ་མཉམ་འཐོབ༔ ཅེས་གསུངས་སོ༔ དེ་ཡང་སེམས་གནས་པ་དེ་ལུས་ཀྱི་ནང་དུ་སེམས་གནས་པས་ཕྱི་རོལ་དུ་འཕྲོ་ན་དེ་བཀག་དགོས་པས༔ འཕྲོ་དོག་གི་འཛིན་པ་ཅུང་ཟད་ཞིག་ཡོད་པ་ནི༔ ཉན་ཐོས་ལུགས་ཀྱི་འགོགས་པ་ཆ་མཐུན་གྱི་ཞི་གནས་ཏེ་འདི་བརྟན་པོ་སྐྱེས་ན་ལོ་ཟླ་ཡང་ཡུད་ཙམ་ལས་མ་སོང་སྙམ་པ༔ དེ་ཚོ་ཆགས་པ་དང་སྡང་བ་ལ་སོགས་པའི་ཉོན་མོངས་དང་སྲེད་པ་མི་སྐྱེ་བ་སྟེ༔ སྔོན་ས་ར་ཧས་བྲམ་ཟེའི་བུ་མོ་ཞིག་ཁྲིད་ནས་དབེན་པ་ལ་བསྒོམས་པས༔ དེས་སྔོ་ཚོད་གཅིག་འདྲེན་བདོ་ས་ར་ཧ་འགོག་པའི་ཞི་གནས་ལ་སོང་སྟེ༔ ལོ་བཅུ་གཉིས་བར་མ་ས༔ ལོ་བཅུ་གཉིས་སོང་བ་དང་སད་ནས་སྔོ་ཚོད་ག་རེ་གསུངས་པས༔ ཁྱེད་ཏིང་ངེ་འཛིན་ལོ་བཅུ་གཉིས་སོང་དེང་སང་དཔྱིད་དུ་སོང་བས་ཚོད་མ་མེད་ལོ་བཅུ་གཉིས་བསྒོམས་པས་ཚོད་མའི་རྣམ་རྟོག་གཅིག་ཙམ་མ་ཆོད་ན་དགོས་པ་ཅི་ཡོད་ཟེར་བས་བདེན་སྙམ་ནས་མ་ཞུགས་པར་སྤྱོད་པ་མཛད་ཟེར་བའི་གཏམ་རྒྱུད་ལྟ་བུ་ཡིན་ཏེ༔ དྲང་སྲོང་ཉན་ཐོས་འགོག་པ་ལ་ཞུགས་པ་ནས་ལུས་སྐམ་ཡང་འཆི་

[Full Size]

བ་མེད་པར་བྱམས་པའི་བསྟན་པ་ལ་ལངས་ནས་ཆོས་ཉན་པ་དག་མང་དུ་ཡོད་པར་བཤད་པ་རྣམས་ཀྱང་༔ སེམས་ནང་དུ་བསྡུས་ནས་ཕྱིར་མི་འཕྲོ་བ་ལ་ནང་དུ་ཡང་རྣམ་རྟོག་ཅི་ཡང་མི་འགྱུ་བར་གནས་པ་དེ་ལྟ་བུ་ལ་བརྟན་པ་ཐོབ་པ་ཡིན་པར་སྣང་༔ དེ་ལ་ཡང་ལུས་མ་སྐམ་བར་དུ་རྣམ་པར་ཤེས་པ་ཚོགས་བརྒྱད་འགགས་པ་ནི་མིན་ཞིང་དབུགས་རྒྱུ་བ་ཡང་ཡོད་ལ༔ ལུས་སྐམ་ནས་དབུགས་མི་རྒྱུ་ཡང་རྣམ་ཤེས་སྙིང་གི་དཀྱིལ་དུ་ཏིང་ངེ་འཛིན་དེའི་ནུས་པས་རླན་ཅུང་ཟད་ཡོད་པ་ལ་གནས་པ་ཡིན་ཟེར་རོ༔ དེ་ལྟ་བུ་རྒྱ་ནག་གླང་ཆེན་འགྱིང་རིའི་ལྷ་ཁང་ནང་དུ་མཇལ་རྒྱུ་ཡང་ཡོད་སྐད༔ ཞི་གནས་དེ་ལྟར་སྐྱེས་པ་ནི་ཉན་ཐོས་འགོག་པ་ཡིན་ལ༔ དེ་ཙམ་སྐྱེ་དཀའ་ཡང་ཆ་འདྲ་ཅུང་ཟད་སྐྱེ་སྲིད་པ་ཡིན་ཏེ༔ ཉི་མ་གར་སོང་མི་ཚོར་བ་འདྲ་འོང་བ་ཡིན༔ དེ་འདྲ་བྱུང་ན་ཡང་ལྷག་མཐོང་ལ་ཕན་པ་ཆེ་བ་ཡིན༔ ཡང་ཁྲིད་ཞུས་པས་ལུས་བསྲང་ནས་མིག་བཙུམ་ནས་ཉན་པས་སེམས་དྲན་མེད་དུ་སོང་བ་རྣ་བས་བོས་ཀྱང་མ་ཐོས་པར་གཞན་རྣམས་བྱེར་ན་ཡང་ལང་རྒྱུ་མེད་པ་གཉིད་འཐུག་པོ་འདྲ་བ་ཞིག་འོང་བ་དེ་ཞི་གནས་འཐོམ་པོ་ཡིན༔ དེ་ལ་སྒོམ་སྐྱེ་བའི་བག་ཆགས་ཡོད་རྟགས་ཡིན་

[Full Size]

ཀྱང་དེ་རྒྱུན་དུ་བསྒོམ་ན་དུད་འགྲོར་སྐྱེ་བའི་རྒྱུ་ཡིན་པས་ངོ་ལ་ཆུ་བཏབ་པས་སད་འོང་ངོ༔ ལ་ལ་ཁྲིད་ཞུས་པས་ངུ་བ་དང་དགོད་པ་དང་འཕར་བ་དང་འདར་བ་དང་རང་དབང་མེད་ཅིང་ཡིད་ལ་དྲན་པས་ཡེ་མི་ཟིན་པར་འབྱུང་བ་ནི༔ དབང་བསྐུར་བ་དང་སྔ་མའི་བྱིན་རླབས་ཀྱི་ཉམས་འཕར་བ་ཡིན་ན་སེམས་རྩ་དགའ་ཞིང་ལུས་བདེ་སྐྱོ་ཤས་དང་རྣལ་མ་ཞིག་འོང་བའི་རྟགས་ཡིན་ཏེ༔ དབུ་འཛུག་ལས༔ གང་ཞིག་གང་གི་སྟོང་པ་ཉིད་ཐོས་ནི༔ ནང་དུ་རབ་ཏུ་དགའ་བ་ཡང་ནས་ཡང་དུ་འབྱུང་༔ རབ་ཏུ་དགའ་བ་ལས་བྱུང་མཆི་མས་མིག་བརླན་ཅིང་༔ ལུས་ཀྱི་བ་སྤུ་ལྡང་བར་གྱུར་པ་གང་ཡིན་པ༔ དེ་ལ་རྫོགས་པའི་བྱང་ཆུབ་བློ་ཡི་ས་བོན་རྒྱུ༔ དེ་ཉིད་རབ་ཏུ་བརྟན་པའི་སྣོད་ནི་དེ་ཡིན་ནོ༔ དེ་ལ་དམ་པའི་དོན་གྱི་བདེན་པ་བསྟན་པར་བྱ༔ ཞེས་གསུངས་སོ༔ དེ་ལ་ཡང་ནོར་ས་ཡོད་དེ་འགའ་ཞིག་དེ་ལྟར་འཕར་འདར་ངུ་དགོད་བྱེད་ཅིང་བློ་མི་བདེ་བ༔ རྗེས་ནས་ཀྱང་ཆོས་ལ་བློ་འགྲོ་བ་མེད་ཅིང་སེམས་རྒྱུད་རྩུབ་པ༔ འདུ་ཚོགས་ནམ་ཆེ་དེ་ལྡང་བ་ནི་གདོན་ཞུགས་པ་ཡིན་ལ༔ དེ་འདྲ་བ་མང་པོ་དུས་རེ་ལའང་ནི་འཁྲབ་པ་ནི་གདོན་

[Full Size]

བྱིན་ཆེན་ཞིག་གིས་རྗེས་སུ་འབྲངས་ནས་བྱིན་གྱིས་བརླབས་པ་སྟེ༔ བགེགས་བསྐྲད་ཀྱི་དམིགས་པ་དྲག་པོས་བསྐྲད་པར་བྱའོ༔ གལ་ཏེ་བཟང་ངན་མ་འབྱེད་ན་གུ་རུ་དྲག་པོའམ་རྡོ་རྗེ་གྲོ་ལོད་དཔག་མེད་སྤྱན་དྲངས་ལ་བསྟིམ་པའི་དམིགས་པ་བྱས་པས༔ ཞི་སོང་ན་གདོན་དང་མ་ཞི་ན་བྱིན་འབེབས་ཀྱི་ཉམས་འཕར་ཡིན་ནོ༔་ཞི་གནས་སྐྱོན་མེད་སེམས་རྩེ་གཅིག་ཏུ་གནས་པ་དེ་ལ་ཡང་༔ ནང་དུ་རྟོག་པ་ཕྲའུ་རེ་འབྱུང་བས༔ ནང་ན་ཡང་མི་གནས་ཏེ་ཁྱབ་པར་ནམ་མཁའ་ལྟར་གནས་སོ་སྙམ་པའི་འཛིན་པ་དེ་ལས་སེམས་གནས་པ་ནམ་མཁའ་མཐའ་ཡས་ཀྱི་སྐྱེ་མཆེད༔ སེམས་གནས་པ་དེ་ནི་སེམས་ཏེ་དེ་ལ་ཕྱི་ནང་དང་མཐའ་དབུས་མེད་དེ་མཐའ་ཡས་སོ་སྙམ་པའི་འཛིན་པ་གཅིག་པུ་ལ་སེམས་གནས་པ་རྣམ་ཤེས་མཐའ་ཡས་སྐྱེ་མཆེད༔ དེ་ལྟར་གནས་པའི་སེམས་དེ་ལ་ནི་གཟུགས་ཁ་དོག་དངོས་པོ་ཅི་ཡང་མེད་དོ་སྙམ་པའི་འཛིན་པ་གཅིག་པུ་ལ་སེམས་གནས་པ་ཅི་ཡང་མེད་པའི་སྐྱེ་མཆེད་སེམས་གནས་པ་དེ་ནི་སེམས་ཡིན་ལ་དེ་ནི་ཡོད་པ་ཡང་མ་ཡིན་མེད་པ་ཡང་མ་ཡིན་ནོ་སྙམ་པའི་འཛིན་པ་གཅིག་པུ་ལ་སེམས་གནས་པ་ནི་ཡོད་མིན་མེད་མིན་གྱི་སྐྱེ་མཆེད་དེ༔ དེ་དག་

[Full Size]

ལ་ཡུད་རེ་ཙམ་སྐྱེ་བ་བྱུང་ན་ཡང་ལེགས༔ སྔོན་བྱང་ཆུབ་སེམས་དཔའ་རྒྱལ་བུ་དོན་འགྲུབ་ལོ་དྲུག་ཏུ་དཀའ་བ་སྤྱད་ཚེ་ཡང་དེ་རྣམས་བསྒོམ་པ་ཡིན་པར་འདུག༔ ནེ་རཉྫནའི་འགྲམ་དུ་ལོ་དྲུག་ཏུ༔ དཀའ་བ་སྤྱད་མཛད་བརྩོན་འགྲུས་མཐར་ཕྱིན་པ༔ བསམ་གཏན་མཆོག་བརྙེས་མཛད་ལ་ཕྱག་འཚལ་ལོ༔ ཞེས་གསུངས་སོ༔ དེ་རྣམས་འཇིག་རྟེན་པའི་བསམ་གཏན་གྱི་མཆོག་ཡིན་པས༔ དེ་ཁོ་ན་བསྒོམས་ན་སྲིད་པའི་རྩེ་མོ་གཟུགས་མེད་ཁམས་སུ་སྐྱེ་བའི་རྒྱུ་ཡིན་པར་གཟིགས་ནས༔ སྟོན་པས་དེ་བསྐྱུར་ཏེ་འོ་ཐུག་གསོལ་ནས་སླར་རྡོ་རྗེ་ལྟ་བུའི་ཏིང་ངེ་འཛིན་ལ་བརྟེན་ནས་སངས་རྒྱས་པ་ཡིན་ལ༔ དེ་དག་ཀྱང་བསོད་ནམས་བསགས་པ་དང་བརྩོན་འགྲུས་ཅན་གྱི་སྐྱེས་བུ་མིན་པ་ལ་མི་སྐྱེ་ནའང་ཕྱོགས་མཐུན་རེ་སྐྱེས་ནའང་ཉོན་མོངས་པའི་མགོ་ནོན་པ་དང་༔ དམིགས་པ་གར་གཏད་དུ་གནས་ནུས་པས་རྟགས་ཐོན་པ་དང་༔ འཇིག་རྟེན་ལས་འདས་པའི་ཡོན་ཏན་གྱི་རྟེན་བྱེད༔ ཤིན་ཏུ་རྒྱ་ཆེར་སྐྱེས་ནས་ཟག་བཅས་ཀྱི་མངོན་ཤེས་གྲུབ་པའི་རྟགས་ཀྱང་འབྱུང་སྟེ༔ འདི་དག་ལྷག་མཐོང་ངོ་འཕྲོད་སྟེང་རྩེ་གཅིག་གི་སྐབས་སུ་ཡང་སྐྱེ་བ་ཡོད་དོ༔ འདི་

[Full Size]

རྣམས་དང་པོ་སྐྱེ་དགོས་པ་ཡིན༔ དེ་ལ་མ་ཆགས་མ་ཞེན་པར་རིམ་གྱིས་བགྲོད་པས་བྱང་ཆུབ་འཐོབ་སྟེ༔ བསམ་གཏན་གྱི་ཕ་རོལ་ཏུ་ཕྱིན་པ་མེད་པར་ཡང་སངས་རྒྱས་པའི་ཐབས་མེད་པ་ཡིན་པས༔ ཞི་གནས་དང་ཟེར་ནས་ནོར་མི་ཉན་སྙམ་དུ་གནད་ཆུང་མི་བྱ་བར་གནས་ཅི་ཐུབ་བྱ་བ་གལ་ཆེ་སྟེ༔ བྱང་ཆུབ་སེམས་དཔའི་ས་ལས༔ བྱང་ཆུབ་སེམས་དཔའི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པ་སངས་རྒྱས་སོ༔ མངོན་པར་རྫོགས་པར་འཚང་རྒྱ་བར་འགྱུར་རོ༔ མངོན་པར་རྫོགས་པར་འཚང་རྒྱའོ་ཞེས་གསུངས་སོ༔ འོ་ན་ཞི་གནས་དེ་གང་ལྷག་མཐོང་དེ་གང་ཡིན་སྙམ་ན་རྒྱལ་བ་བྱམས་པས༔ ཡང་དག་གནས་པ་ལ་བརྟེན་ནས༔ སེམས་ལ་སེམས་ནི་འཇོག་ཕྱིར་དང་༔ ཆོས་རྣམས་རབ་ཏུ་འབྱེད་པའི་ཕྱིར༔ ཞི་གནས་དང་ནི་ལྷག་མཐོང་ཡིན༔ ཞེས་གསུངས་པས༔ སེམས་ལ་སེམས་མཉམ་པར་བཞག་པས་གང་དུ་ཡང་མི་འཕྲོ་བར་རང་སར་གནས་པ་ལྷན་ནེ་ཁྲིག་གེ་མེ་རེ་གནས་པ་དེ་ཡིན་ལ༔ སེམས་མི་འཕྲོ་བར་གནས་གང་ཐུབ་མཛད༔ དེས་ཆོས་འབྲུ་དྲུག་པ་

[Full Size]

སོང་བ་ཡིན་ནོ༔ འདི་ལ་ཡུན་རིང་རབ་ཞིག་བསྒོམས་ན་ལེགས་པ་ཡིན་ནོ༔ ༒ དེ་ནས་ཆོས་འབྲུ་བདུན་པ་ནི༔ གཞུང་ལས༔ ཀུན་ལ་འཕྲོ་བ་ཐ་མལ་སེམས༔ གྲུ་བ་ཞེས་བྱར་ངོས་བཟུང་ངོ་༔ ཐ་མལ་སེམས་དང་མི་འདྲ་བའི༔ དེ་རྣམས་ཧྲིག་གེར་མཐོང་བ་དེ༔ རིག་པ་ཞེས་འབྱར་ངོས་བཟུང་ངོ་༔ ཞེས་གསུངས་པའི་དོན་བཤད་ན༔ འདིར་དང་པོ་ལྷག་མཐོང་དང་ཕྱིས་ནས་ཞི་ལྷག་ཟུང་འཇུག་ཏུ་ངོ་སྤྱོད་པ་ཡིན་ཏེ༔ གང་དུ་སེམས་མི་འཕྲོ་བར་ཀྱི་ལེ་གནས་པ་ཞི་ནས༔ གནས་པ་དེའི་ངོ་བོ་ལ་བལྟས་པས་གཟུགས་ཁ་དོག་དངོས་པོ་ཅིར་ཡང་མ་གྲུབ་པར་ལྷག་གིས་མཐོང་བ་ལྷག་མཐོང་༔ མ་གྲུབ་བཞིན་ས་ལེ་སིང་ངེ་གནས་གནས་ཀྱང་ངོ་བོ་མ་གྲུབ་པ་དེ་གཉིས་དབྱེར་མེད་པ་དེ་ཞི་ལྷག་ཟུང་འཇུག༔ སེམས་རང་སར་བཞག་པས་མི་སྡོད་པར་འཕྲོ་བ་དེ་འགྱུ་བ་སྟེ༔ དེ་མཐོང་བ་ཞི་གནས༔ འགྱུ་བའི་ངོ་བོ་ལ་བལྟས་པས་རང་བཞིན་མ་གྲུབ་པར་ཆུ་དང་རླབས་ལྟར་ཞི་བ་ལྷག་མཐོང་༔ འགྱུ་བ་དང་འགྱུ་བའི་ངོ་བོ་སྟོང་བ་གཉིས་དབྱེར་མེད་པ་ཞི་ལྷག་ཟུང་འཇུག་ཡིན་ཏེ༔ ཨོ་རྒྱན་ཆེན་

[Full Size]

པོའི་ཞལ་ནས༔ དེའི་གདངས་མ་འགགས་པ་ཡུལ་མེད་རང་གསལ་དུ་རྗེན་ནེ་ལྷག་གེ་བ་ཞིག་འོང་༔ དེ་དག་ལ་ལྷག་མཐོང་ཟེར༔ དེ་གཉིས་ཤེས་པ་སྐད་ཅིག་དབྱེར་མེད་གཅིག༔ གི་ངོ་བོ་ཧྲིག་གེ་གནས་པ་ཞིག་འོང་༔ དེ་ལ་ཞི་གནས་ལྷག་མཐོང་ཟུང་འཇུག་ཟེར་བ་ཡིན་ནོ༔ ཞེས་གསུངས་སོ༔ གཞན་ཡང་དེ་སྟོན་པའི་ལུང་ནི༔ རྒྱུད་རྡོ་རྗེ་རྩེ་མོ་ལས་ཆོས་ཀུན་དངོས་པོ་མེད་པ་སྟེ༔ མཚན་ཉིད་མེད་ཅིང་སྐྱེ་བ་མེད༔ མཚན་ཉིད་མེད་ཅིང་ནམ་མཁའ་མཚུངས༔ དམིགས་པ་ཐམས་ཅད་རྣམ་པར་སྤང་༔ ཞེས་དང་༔ རྡོ་རྗེ་འཆང་གི་ཞལ་ནས༔ ངེས་པའི་འབྲས་བུའི་སངས་རྒྱས་ནི༔ རྣམ་དག་ཆོས་སྐུའི་རང་བཞིན་ཤེས༔ དེ་ཙམ་ཉིད་ན་སངས་རྒྱས་ཏེ༔ ཀུན་བཟང་ཉིད་ཀྱི་དགོངས་པ་ཡིན་ཞེས་དང་༔ གྲུབ་ཆེན་པདྨ་ས་ར་ཧས༔ གང་སྨྲས་རྫུན་པས་ལོག་པ་དེ་བོར་ལ༔ གང་ལ་ཞེན་པ་ཡོད་ན་དེ་ཡང་ཐོང་༔ རྟོག་པར་གྱུར་ན་ཐམས་ཅད་དེ་ཡིན་ཏེ༔ དེ་ལས་གཞན་ཞིག་སུས་ཀྱང་ཤེས་མི་འགྱུར༔ ཞེས་དང་༔ མ་བཅོས་བཞག་པའི་སེམས་ནི་སངས་རྒྱས་ཏེ༔ འགྲོ་འཆགས་ཉལ་འདུག་ཐམས་ཅད་ལྷུག་པར་ཞོག༔ རྣམ་རྟོག་ཀུན་གྱི་

[Full Size]

རྩ་བ་སེམས་ཡིན་ཕྱིར༔ སེམས་མེད་ཕྱིར་ན་རྣམ་རྟོག་ཡོད་མ་ཡིན༔ ཞེས་དང་༔ ཆོས་རྣམས་ཐམས་ཅད་རང་གི་སེམས་ཡིན་ཏེ༔ སེམས་ལས་མ་གཏོགས་ཆོས་གཞན་རྡུལ་ཙམ་མེད༔ གང་གིས་གདོད་ནས་སེམས་མེད་རྟོགས་པ་ཡི༔ དུས་གསུམ་རྒྱལ་བའི་དགོངས་པ་དམ་པ་རྙེད༔ ཅེས་དང་༔ ཁ་ཅིག་བློ་ཡི་དབྱེ་བས་རྨོངས་རྣམས་བཅིངས༔ བདག་པོ་ཁྱིམ་དུ་བཞག་ནས་གཞན་དུ་ཚོལ༔ ཁ་ཅིག་གཟུགས་བརྙན་དག་ལ་དོན་དུ་འཛིན༔ ཁ་ཅིག་རྩ་བ་བོར་ནས་ལོ་འདབ་བྲེག་ཇི་ལྟར་བྱས་ཀྱང་བསླུས་པ་མ་ཚོར་རམ་ཀྱེ་ཧོ་བྱིས་པ་རྣམས་ཀྱི་དེ་ཉིད་མ་རིག་ཀྱང་༔ དེ་ཉིད་ངང་ལ་གཡོ་མེད་ང་ཡིས་རྟོགས༔ ང་ཡིས་ང་ཡི་ཐོག་མཐའ་ཤེས་གྱུར་པས༔ ང་ཡི་ང་མཐོང་རང་ཉིད་ཀླུ༔ གཅིག་པུའི་ལུས༔ ཞེས་དང་༔ པདྨ་བིརླ་པས༔ སེམས་ཉིད་མིང་སྟོང་སྤྲོས་བྲལ་ཕྱག་རྒྱ་ཆེན་པོ་སྟེ༔ ནམ་མཁའི་རང་བཞིན་གདོད་ནས་མིང་སྟོང་ཡིན་དང་མཚུངས༔ ངོ་བོ་ཉིད་ཀྱི་མ་སྐྱེས་མཚན་མའི་དངོས་དང་བྲལ༔ མཁའ་ལྟར་ཀུན་ལ་ཁྱབ་ཅིང་འཕོ་དང་འགྱུར་བ་མེད༔ ཅེས་དང་༔ སློབ་དཔོན་ཆེན་པོ་པདྨ་འབྱུང་གནས་ཀྱི་དངོས་སློབ་པཎྜི་ཏ་ཀ་

[Full Size]

མ་ལ་ཤཱི་ལ་ཞེས་པ་ཕྱིས་དམ་པ་རྒྱ་གར་དུ་གྲགས་པའི་ཞལ་ནས༔ ཆོས་སྐུ་སྐྱེ་མེད་ཉི་མའི་སྙིང་པོ་འདྲ༔ འོད་གསལ་གསལ་འགྲིབ་མེད་དོ་དིང་རི་བ༔ རྣམ་རྟོག་རྒྱུན་ལམ་ཁོང་སྟོང་རྐུན་མ་འདྲ༔ དོན་ལ་ཐོབ་ཤོར་མེད་དོ་དིང་རི་བ༔ ཚོར་བ་རྗེས་མེད་ཆུ་ཡི་རི་མོ་འདྲ༔ འཁྲུལ་སྣང་རྗེས་འཛིན་མེད་དོ་དིང་རི་བ༔ བག་ཆགས་དྲན་པ་ནམ་མཁའི་འཇའ་ཚོན་འདྲ༔ ཞེན་ཚད་ངོས་བཟུང་མེད་དོ་དིང་རི་བ༔ འགྱུ་བ་དངོས་སོང་བར་སྣང་འཇའ་ཚོན་འདྲ༔ སེམས་ལ་གཟའ་གཏད་མེད་དོ་དིང་རི་བ༔ འཛིན་མེད་རང་གྲོལ་སྤྱི་སེར་ལྷག་པ་འདྲ༔ ཡུལ་གཞན་འཛིན་པ་མེད་དོ་དིང་རི་བ༔ རིག་པ་དངོས་མེད་ནམ་མཁའི་བྱ་ལམ་འདྲ༔ ཉམས་ལ་ཐོག་རྡུགས་མེད་དོ་དིང་རི་བ༔ སེམས་ཉིད་དོན་མཐོང་ལྷགས་པའི་རྨི་ལམ་འདྲ༔ ཚིག་དང་ཐ་སྙད་བྲལ་ལོ་དིང་རི་བ༔ ཞེས་དང་༔ བརྒྱད་སྟོང་པ་ལས༔ སེམས་ལ་སེམས་མ་མཆིས་ཏེ་སེམས་ཀྱི་རང་བཞིན་འོད་གསལ་བ་ལགས་སོ༔ ཞེས་དང་༔ རྒྱན་སྟུག་པོ་བཀོད་པ་ལས༔ སེམས་ཉིད་བདེ་སྟོང་ལྷན་ཅིག་སྐྱེས༔ འོག་མིན་གཙང་མའི་གནས་མཆོག་གོ༔ ཞེས་དང་༔ མཁའ་འགྲོ་མ་རླུང་གཤོག་ཅན་

[Full Size]

གྱིས༔ ཀྱེ་ཧོ་རང་རིག་རྒྱལ་པོ་འདི་མཐོང་ན༔ ཐམས་ཅད་ཐམས་ཅད་ཐར་པའི་ལམ༔ རང་རིག་འདི་ཉིད་མ་རྟོགས་ན༔ གྲོལ་བ་ནམ་ཡང་ཡོད་མ་ཡིན༔ ཞེས་དང་༔ གཤེད་དམར་རྒྱུད་དང་༔ ནམ་མཁའི་རང་བཞིན་གྱི་མདོ་དང་༔ མངོན་རྟོགས་རྒྱན་གསུམ་ཀ་ནས༔ འདི་ལ་བསལ་བྱ་ཅི་ཡང་མེད༔ བཞག་པར་བྱ་བ་ཅུང་ཟད་མེད༔ ཡང་དག་ཉིད་ལ་ཡང་དག་ལྟ༔ ཡང་དག་མཐོང་ན་རྣམ་པར་གྲོལ༔ ཞེས་དང་༔ གསང་བ་སྙིང་པོ་ལས༔ བཅིངས་མེད་རྣམ་པར་གྲོལ་མེད་པའི༔ ཡེ་ནས་ལྷུན་རྫོགས་སངས་རྒྱས་ཆོས༔ ཞེས་དང་༔ གྲུབ་ཆེན་པདྨ་ས་ར་ཧས༔ བུ་ལྟོས་ཤིག་རང་གི་སེམས་ལ་ལྟོས༔ བལྟས་པས་སེམས་ལ་གྲུབ་པ་མེད༔ གྲུབ་པ་མེད་པའི་སེམས་ཉིད་འདི༔ སྣ་ཚོགས་སྣང་བ་ངོ་མཚར་ཆེ༔ རང་སེམས་སྐྱེ་མེད་ཆོས་ཀྱི་སྐུ༔ ཆོས་ཀྱི་སྐུ་ལ་སྐྱེ་འཇིག་མེད༔ སྐྱེ་མེད་བདེ་བ་ཆེན་པོའི་སྐུ༔ རང་ལ་ཡོད་པ་ངོ་མཚར་ཆེ༔ རང་སེམས་ཆོས་སྐུའི་མེ་ལོང་ལ༔ གཉིས་མེད་ཡེ་ཤེས་འོད་དུ་ཤར༔ ཤར་ཙམ་ཉིད་ནས་གྲུབ་པ་མེད༔ བདེ་ཆེན་ལྷན་ཅིག་སྐྱེས་པ་ཡིན༔ གསུངས་སོ༔ སུམ་ཅུ་རྩ་གསུམ་པའི་

[Full Size]

ལེའུ་ལས༔ སྲིད་གསུམ་ཐམས་ཅད་སེམས་ལས་བྱུང་བར་འགྱུར༔ སེམས་དེ་ཉིད་ཀྱང་འདི་ཞེས་བསྟན་དུ་མེད༔ གཟུགས་མེད་ལུང་དུ་མ་བསྟན་སྒྱུ་མ་འདྲ༔ མཁས་པ་དེས་ནི་སེམས་ཀྱི་ཆོས་ཉིད་ཚོལ༔ དེ་ནི་སེམས་ཀྱི་ཆོས་ཉིད་ཚོལ་བ་ན༔ སེམས་དང་སེམས་ཀྱི་ཆོས་ཉིད་མཐོང་བ་མེད༔ སེམས་དེ་སེམས་གང་གིས་ནི་ཚོལ་བྱེད་པའི༔ སེམས་དེ་ཡི་ནི་རང་བཞིན་མཐོང་བ་མེད༔ ཅེས་དང་༔ རྣམ་སྣང་མངོན་བྱང་ལས༔ སེམས་དེ་ནི་དེ་བཞིན་གཤེགས་པས་ཀྱང་མ་གཟིགས་མི་གཟིགས་གཟིགས་པར་མི་འགྱུར་རོ༔ ཞེས་དང་༔ བྱང་ཆུབ་སེམས་འགྲེལ་ལས༔ ནོང་ངམ་དེ་བཞིན་ཕྱི་རོལ་ལམ༔ ཡང་ན་གཉིས་ཀའི་བར་དག་ཏུ༔ རྒྱལ་བ་རྣམས་ཀྱིས་སེམས་མ་རྙེད༔ ཅེས་དང་༔ འོད་སྲུང་གིས་ཞུས་པའི་མདོ་ལས༔ འོད་སྲུང་སེམས་ནི་ནང་ན་ཡང་མེད༔ ཕྱི་རོལ་ན་ཡང་མེད༔ གཉིས་ཀར་མེད་པ་ཡང་མི་དམིགས་སོ༔ འོད་སྲུང་སེམས་ནི་དཔྱད་དུ་མེད་པ༔ རྟེན་མ་ཡིན་པ་སྣང་བ་མེད་པ་རྣམ་པར་རིག་པ་མེད་པ་གནས་པ་མེད་པའོ༔ འོད་སྲུང་སེམས་ནི་སངས་རྒྱས་ཀྱིས་ཀྱང་མ་གཟིགས་མི་གཟིགས་གཟིགས་པར་མི་འགྱུར་རོ༔ འོད་

[Full Size]

སྲུང་སེམས་ནི་ཀུན་ཏུ་བཙལ་ཡང་མི་རྙེད་དོ༔ གང་མ་རྙེད་པ་དེ་མི་དམིགས་སོ༔ གང་མི་དམིགས་པ་དེ་འདས་པ་ཡང་མ་ཡིན༔ མ་འོངས་པ་མ་ཡིན༔ ད་ལྟར་བྱུང་བ་ཡང་མ་ཡིན་ནོ༔ ཞེས་གསུངས་པས༔ སེམས་ཚོལ་བ་དང་སེམས་ཀྱི་གཟུགས་ཁ་དོག་བརྟགས་པ་སོགས་ཀྱང་ཀ་དཔེ་མ་བྱེད་མི་དགོས་བྱས་ཀྱང་མི་རྙེད༔ མ་རྙེད་པས་བློ་ཆུང་བ་འགའ་ཞིག་སྡུག་ཐག་ཆད་པར་སྣང་འོ་ན་སེམས་དེ་ལ་ཅི་འདྲ་ཞིག་ཡོད་སྙམ་ན༔ བྱམས་པས་ཞུས་པ་ལས༔ བྱམས་པས་གསོལ་བ༔ ནང་གི་སེམས་ཇི་ལྟར་ལྟ་བར་བགྱི༔ བཀའ་སྩལ་བ༔ སེམས་ནི་དབྱིབས་མེད་པ་ཁ་དོག་མེད་པ་གནས་མེད་པ་ནམ་མཁའ་ལྟ་བུའོ༔ ཞེས་དང་༔ སྡུད་པ་ལས༔ གཟུགས་རྣམས་མི་མཐོང་ཚོར་བ་དག་ཀྱང་མི་མཐོང་ལ༔ འདུ་ཤེས་མཐོང་བ་མེད་ལ་སེམས་པ་མི་མཐོང་ཞིང་༔ གང་ལ་རྣམ་པར་ཤེས་དང་སེམས་ཡིད་མཐོང་མེད་པ༔ དེ་ནི་ཆོས་མཐོང་ཡིན་ཞེས་དེ་བཞིན་གཤེགས་པས་བསྟན༔ ཞེས་དང་༔ ནམ་མཁའ་ལྟ་བུའི་ཏིང་ངེ་འཛིན་མདོ་ལས༔ བླ་མ་དམ་པའི་བདུད་རྩི་ཡིས༔ རང་སེམས་ནམ་མཁའ་ལྟ་བུར་ཤེས༔ དེ་ཡི་དོན་ལ་མ་

[Full Size]

ཡེངས་པ༔ དེ་ནི་ཏིང་ངེ་འཛིན་ཞེས་བསྟན༔ ཞེས་དང་༔ ཡེ་ཤེས་རྒྱ་མཚོའི་ཏིང་ངེ་འཛིན་གྱི་མདོ་ལས༔ ཆོས་རྣམས་སེམས་ཀྱིས་རྒྱས་གདབ་ཅིང་༔ སེམས་ལ་དངོས་པོ་མེད་པས་བཏབ༔ སེམས་ངོ་ཤེས་པ་གང་ཡིན་པ༔ དེ་ནི་རྣལ་འབྱོར་སྤྱོད་པ་ཡིན༔ ཞེས་དང་༔ རྒྱལ་མཚན་དམ་པའི་མདོ་ལས༔ ཏིང་འཛིན་བསམ་གྱིས་མི་ཁྱབ་པ༔ རྣལ་འབྱོར་སྤྱོད་པ་རྣམས་ལ་བཤད༔ དེ་དག་ཐམས་ཅད་དོན་གཅིག་སྟེ༔ སེམས་ཉིད་སྟོང་པར་འདུག་པར་བཤད༔ ཅེས་དང་༔ གསང་བ་མཛོད་ཀྱི་མདོ་ལས༔ ཆུ་རྣམས་ཐམས་ཅད་རྒྱ་མཚོར་གཅིག༔ ཏིང་འཛིན་སྣ་ཚོགས་ཐ་དད་པ༔ ཆོས་ཀྱི་དབྱིངས་སུ་རོ་གཅིག་གོ༔ ཏིང་འཛིན་དེ་ལྟར་ཤེས་པར་གྱིས་ཞེས་དང་༔ དཔའ་བར་འགྲོ་བའི་ཏིང་ངེ་འཛིན་གྱི་མདོ་ལས༔ སེམས་ཅན་ཐམས་ཅད་སེམས་གཅིག་སྟེ༔ འོད་གསལ་སྐྱེ་བ་མེད་པའི་དོན༔ ཉོན་མོངས་འཇོམས་པའི་དཔའ་བོ་སྟེ༔ དེ་ཕྱིར་ཏིང་ངེ་འཛིན་ཞེས་བྱ༔ སྤྱན་རས་གཟིགས་རྣམ་པར་རོལ་པའི་མདོ་ལས༔ བྱང་ཆུབ་སེམས་དཔའ་སྤྱན་རིས་གཟིགས་ཀྱིས་གསོལ་པ་དུས་ཀྱི་ཐ་མའི་ཚེ་ལམ་གྱི་མིང་བཏགས་ནས༔ ལོག་པའི་

[Full Size]

ལམ་དུ་ཞུགས་པ་མང་དུ་མཆི་ལགས་ན༔ ཡང་དག་པའི་ལམ་ཞེས་བགྱི་བ་གང་ལགས༔ བཀའ་སྩལ་པ༔ ཡང་དག་པའི་ལམ་ཞེས་བྱ་བ་ནི༔ སེམས་རྣམ་པར་མི་རྟོག་པ་དབུ་མ་མ་ནོར་བ་དེ་ཡིན་ནོ༔ གསོལ་པ་འོ་ན་སངས་རྒྱས་དང་སེམས་ཅན་ཐམས་ཅད་སེམས་ཀྱི་ལམ་ནས་འགྲོ་བ་ལགས་སམ༔ བཀའ་སྩལ་པ༔ ལམ་སྲོལ་ཆེན་པོར་རྒྱལ་པོ་དང་༔ སྤང་པོ་ལ་སོགས་ཀུན་འགྲོ་ལྟར༔ སེམས་ཀྱི་རྒྱ་ལམ་ཆེན་པོ་ནས༔ སངས་རྒྱས་དང་ནི་སེམས་ཅན་ཀུན༔ རྒྱ་ལམ་དེ་ནས་འགྲོ་བ་ཡིན༔ དེས་ན་རྣལ་འབྱོར་སྤྱོད་པ་སྐྱེས༔ སེམས་ཀྱི་ལམ་ལ་ནན་ཏན་བྱ༔ ཞེས་དང་༔ ཀྱེའི་རྡོ་རྗེའི་རྒྱུད་ལས༔ རང་རིག་ཡེ་ཤེས་སྤྲོས་བྲལ་ལ༔ སྒྲ་དང་ཐ་སྙད་འཇུག་ན་འཁྲུལ༔ རང་བཞིན་རང་གི་འོད་གསལ་ལ༔ མ་རིག་མུན་པས་སྒྲིབ་ན་འཁྲུལ༔ དངོས་པོ་སྟོང་པ་རོ་མཉམ་ལ༔ བླང་དང་དོར་བར་བྱེད་ན་འཁྲུལ༔ འདོད་ཡོན་ངང་གིས་འགགས་ན་འཁྲུལ༔ དེ་དག་དཀའ་བས་འགེགས་ན་འཁྲུལ༔ རང་རིག་འདོད་པས་སྟོང་པ་ལ༔ འདོད་ཡོན་ལྔ་ལ་བསྟེན་ན་འཁྲུལ༔ ཆོས་ཉིད་དམན་དང་གྱ་ནོམ་སྤང་༔ སྒྲོ་འདོགས་

[Full Size]

སྐུར་པ་འདེབས་ན་འཁྲུལ༔ བསྒོམ་པ་ཉིད་ཀྱང་རྟོགས་པ་ལ༔ མི་བསྒོམ་པ་ཡང་རྟོགས་པ་སྟེ༔ བསྒོམ་དང་མི་བསྒོམ་འཛིན་ན་འཁྲུལ༔ སངས་རྒྱས་སེམས་ཅན་གཉིས་མེད་ལ༔ དེ་དག་གཉིས་སུ་འཛིན་ན་འཁྲུལ༔ ཀུན་རྫོབ་དོན་དམ་གཉིས་མེད་ལ༔ བདེན་པ་གཉིས་སུ་འཛིན་ན་འཁྲུལ༔ ཞེས་དང་༔ སྒོམ་པ་པོ་མེད་བསྒོམ་བྱ་མེད༔ བསྒོམ་དུ་མེད་པའི་དོན་བསྒོམས་ན༔ མ་སྒོམ་པ་ཉིད་བསྒོམ་པའི་མཆོག༔ རང་སེམས་རང་གིས་མཐོང་གྱུར་ན༔ དངོས་དང་མཚན་མར་ག་ལ་མཐོང་༔ མ་མཐོང་བ་ཉིད་མཐོང་བའི་མཆོག༔ གོང་ལྟར་ལྟོ་ཡང་མི་རུང་བའི༔ བལྟ་རུ་མེད་པའི་དོན་ལ་བལྟ༔ མ་བལྟས་ན་ཡང་ལྟ་བའི་མཆོག༔ རྣམ་རྟོག་ཡེ་ནས་ངང་གིས་སྲེག༔ སྲེག་ཏུ་མེད་པའི་སྦྱིན་སྲེག་བྱ༔ མ་བསྲེགས་པ་ཉིད་སྲེག་པའི་མཆོག༔ མཆོད་པ་པོ་མེད་མཆོད་བྱ་མེད༔ མཆོད་དུ་མེད་པའི་མཆོད་པ་ནི༔ མ་མཆོད་ན་ཡང་མཆོད་པ་སྟེ༔ རང་རིག་མཆོད་པ་མཆོད་པའི་མཆོག༔ དཀའ་བ་མེད་པའི་དཀའ་ཐུབ་བྱས༔ སྟོང་པའི་དཀའ་ཐུབ་དཀའ་ཐུབ་མཆོག༔ སྲུང་དུ་མེད་པའི་དོན་སྲུང་སྟེ༔ རང་རིག་བརྟུལ་ཞུགས་བརྟུལ་ཞུགས་མཆོག་

[Full Size]

སྦྱིན་དུ་མེད་པའི་སྦྱིན་པ་བཏང་༔ སེམས་ཀྱི་སྦྱིན་པ་སྦྱིན་པའི་མཆོག༔ ཚུལ་ཁྲིམས་ལ་སོགས་དེ་བཞིན་ནོ༔ དེ་ལྟར་གྱུར་པའི་མཁས་པ་ལ༔ སྟོང་པར་མི་འགྱུར་གང་ཡང་མེད༔ ཅེས་དང་༔ བརྟག་གཉིས་ལས༔ ལུས་ལ་ཡེ་ཤེས་ཆེན་པོ་གནས༔ རྟོག་པ་ཐམས་ཅད་ཡང་དག་སྤང་༔ དངོས་པོ་ཀུན་ལ་ཁྱབ་པ་པོ༔ ལུས་གནས་ལུས་ལས་མ་སྐྱེས་པའོ༔ ཞེས་དང་༔ གསང་བ་འདུས་པ་ལས༔ དངོས་པོ་ཐམས་ཅད་དང་བྲལ་བ༔ ཕུང་པོ་ཁམས་དང་སྐྱེ་མཆེད་དང་༔ གཟུང་དང་འཛིན་པ་རྣམ་པར་སྤང་༔ ཆོས་བདག་མེད་པ་མཉམ་པ་ཉིད༔ རང་སེམས་གདོད་ནས་མ་སྐྱེས་པ༔ སྟོང་པ་ཉིད་ཀྱི་རང་བཞིན་ནོ༔ ཞེས་དང་། དགོངས་འདུས་ལས༔ སེམས་ཅན་སངས་རྒྱས་ཡིན་པ་ལ༔ རྟོག་པས་སྒྲིབ་པ་དེ་མ་ཤེས༔ རྟོག་པ་ཉིད་ནི་རྟོགས་མེད་ཕྱིར༔ བདེ་གཤེགས་སྙིང་པོ་གཞན་ན་མེད༔ ཅེས་དང་༔ སྡོམ་འབྱུང་ལས༔ ཆོས་ཀུན་ཡོངས་སུ་ཤེས་པའི་དོན༔ བསྒོམ་པ་དེ་ཉིད་བསྒོམ་དུ་མེད༔ རྫོགས་པའི་བྱང་ཆུབ་བདེ་བ་ཆེ༔ ཕྱག་རྒྱ་ཆེན་པོའི་མཆོག་དེ་ཡིན༔ ཞེས་དང་༔ ངེས་བརྗོད་བླ་མར་

[Full Size]

གཟུང་དང་འཛིན་པ་མི་དམིགས་པའི༔ དེ་བཞིན་ཉིད་ལ་སེམས་གནས་ན༔ བདེ་ལ་དགའ་བའི་དངོས་གྲུབ་འཆར༔ ཐབས་དང་ཤེས་རབ་གཉིས་མེད་པ༔ ཕྱག་རྒྱ་ཆེ་ལ་ངེས་པར་རོལ༔ ཞེས་དང་༔ འཀི་སེང་གདོང་མས༔ ཀྱེ་ཧོ་ཡོད་དོ་བྱས་ན་ངོས་གཟུང་མེད༔ མེད་དོ་བྱས་ན་སྣ་ཚོགས་འཆར༔ ཡོད་མེད་མཐའ་དང་བྲལ་བ་ལ༔ འདི་ཞེས་གང་གིས་མཚོན་མི་ནུས༔ ཞེས་དང་༔ སྟོབས་པོ་ཆེའི་རྒྱུད་ལས༔ ཇི་ལྟར་གླང་པོ་རྙེད་གྱུར་ནས༔ གླང་པོའི་རྗེས་ནི་མི་ཚོལ་ལྟར༔ སེམས་ཀྱི་དེ་ཉིད་རྙེད་གྱུར་ནས༔ རྣམ་རྟོག་གང་ཡང་མི་ཚོལ་ལོ༔ ཞེས་དང་༔ མཁའ་འགྲོ་མ་ཐུགས་ཀྱི་གསང་མཛོད་ལས༔ ཡིད་ཀྱི་བསམ་མནོ་བཀག་པ་ལ༔ ཡིད་ལ་མི་བྱེད་ཟེར་བ་ཡིན༔ གང་འདིར་ཡིད་ལ་བྱེད་པ་ཡི༔ གསལ་བ་བདག་མེད་རྟོག་པ་ལ༔ ཡིད་ལ་མི་བྱེད་ཅེས་བྱའོ༔ ཞེས་དང་༔ སྙན་བརྒྱུད་རྡོ་རྗེའི་ཚིག་རྐང་ལས༔ གཞི་ནས་མ་བཅོས་ཡེ་ནས་ལྷུན་གྲུབ་ལ༔ ཐ་མལ་རང་ལུགས་ཆེན་པོར་བཞག་པ་ན༔ འཕོ་འགྱུར་མེད་པ་ནམ་མཁའི་ཀློང་ཡངས་སུ༔ སྐྱེ་འཆི་མེད་པ་ཆོས་སྐུའི་ལུས་ཐོབ་འགྱུར༔ ཞེས་དང་༔ ནམ་མཁའ་དང་མཉམ་པའི་

[Full Size]

རྒྱུད་ལས༔ འཁྲུལ་དང་མ་འཁྲུལ་ངོ་བོ་གཅིག་འགྲོ་ལ་སེམས་རྒྱུད་གཉིས་མི་འཆར༔ མ་བཅོས་རིག་པ་འདི་རང་ཡིན༔ འོད་གསལ་རིག་པ་ཅོག་གེ་ཞོག༔ ཅེས་དང་༔ རབ་ཏུ་མི་གནས་པའི་རྒྱུད་ལས༔ སེམས་ནི་སྐྱེ་མེད་ཤེས་ནས་ཀྱང་༔ བསྒོམ་པར་བྱ་བ་མ་ཡིན་ཏེ༔ རང་གར་བཞག་ན་བདེ་བ་ཆེ༔ གོམས་པའི་སྟོབས་ཀྱི་འབྲས་བུ་མཆོག༔ ཅེས་དང་༔ ནམ་མཁའ་རྣམ་པར་དག་པའི་རང་བཞིན་ལས༔ སྤྲིན་ཚོགས་གློ་བུར་ཉིད་དུ་བྱུང་གྱུར་ན༔ དེ་ཉིད་ཡིན་ཏེ་ནམ་མཁའ་ཉིད་ཀྱི་ངང་༔ སེམས་ཉིད་གནས་པ་རྡོ་རྗེ་ཡེ་ཤེས་ལ༔ བྱེད་སྒོ་ཐ་དད་རྟོག་པའི་ཚུལ་སྣང་ཡང་༔ དེ་ཉིད་དོན་ལས་གཞན་པ་ཡོད་མ་ཡིན༔ ཞེས་དང་༔ ཨོ་རྒྱན་རིན་པོ་ཆེས་ནམ་མཁའི་སྤྲིན་བཞིན་རང་བྱུང་རང་ཐིམ༔ བར་སྣང་རླུང་བཞིན་འགྱུ་བ་རྗེས་མེད༔ བྲམ་ཟེའི་སྐུད་པ་བཞིན་དུ་མི་བསྒྲིམས་མི་ཀློད་མེད་པར་ཆ་སྙོམ་དུ་བཞག༔ སེམས་གསལ་དུ་རེ་བའི་ཤེས་པས་མི་བཅོས༔ གསལ་པོའི་རྟོག་པ་མི་བཞུགས༔ ཞི་གནས་སྡོང་པོའི་རྟོག་པ་འོག་འགྱུས༔ བསྒོམ་བྱུང་དང་མ་བྱུང་གི་འཛིན་རྟོག་མ་ཞུགས་པར་བཞག༔

[Full Size]

དོན་ལ་ངོ་བོ་རང་གི་རང་རིག་ཙམ་དུ་གནས་ལ་ཁད་ཀྱིས་བཞག་གོ༔ མི་གནས་ན་འགྲོ་སར་བཏང་བས་དཔེར་ན་སེང་གེ་ཡང་རྩལ་འཕྱོས་ཀྱང་གངས་ལས་མ་འདས༔ ཉི་མས་འཇིག་རྟེན་ཁྱབ་ཀྱང་རྒས་དུས་ཉི་མའི་དཀྱིལ་འཁོར་ལས་མ་འདས༔ ཉ་གར་འཕྱོས་ཀྱང་ཆུ་ལས་མ་འདས༔ རྒྱ་མཚོའི་བྱ་རོག་གར་འཕྱོས་ཀྱང་རྫོང་ལས་མ་འདས་པ་བཞིན་དུ༔ སེམས་འཕྲོ་རྟོག་ཅི་ལྟར་མང་ཡང་༔ དེ་སེམས་ཉིད་རང་ལས་མ་འདས་ཏེ༔ དེས་ན་མི་གནས་པའི་ངོ་བོ་ཁོ་རང་དྲན་པས་རྩིས་ཟིན་ཙམ༔ བཟང་ངན་གྱི་རྟོག་པས་མ་བཅིང་ཙམ་པ་དེ་ཀའི་སྟེང་དུ་ཀློད་ཤེས་ན༔ མི་གནས་པ་ཁོ་ན་གནས་པ་ཆེན་པོ་ཡིན༔ ཞེས་དང་༔ ཉན་ཐོས་པ་བཞིན་དུ་དགག་ཀྱང་མི་བགགས༔ སོ་སོ་སྐྱེ་བོ་བཞིན་དུ་མཚན་མའི་རྗེས་སུ་མི་འབྲང་༔ མུ་སྟེགས་རྟག་ལྟ་བཞིན་དུ་ཏིང་ངེ་འཛིན་གྱི་རོ་ལ་མི་ཆགས༔ དོན་ལ་མ་བཅོས་པ་ཁོ་རང་གི་ངོ་བོ་རང་བྱུང་དང་དངོས་སུ་བཞག༔ ཅེས་གསུངས་པ་དང་༔ ངོ་བོ་སྟོང་སེང་ངེ་བ༔ རང་བཞིན་གསལ་རྗེན་ནེ་བ༔ རྩལ་གཏད་མེད་དུ་ཐ་ལེ་བ༔ གསལ་རིག་སྟོང་གསུམ་ངང་གནས་པ་དེ་ལ་སྐྱོན་མེད་ཀྱི་ཕྱག་རྒྱ་ཆེན་པོ་ཡིན༔ ཞེས་

[Full Size]

ཐགསུངས་པ་ལྟར་ཉམས་སུ་ལེན་ནོ༔ དེ་ལྟར་བརྩོན་འགྲུས་དང་ལྡན་པས་བསྒོམས་ན་རབ་གཅིག་ཆར་འབྲིང་ཐོད་རྒལ་ཐ་མ་རིམ་སྐྱེས་སུ་རྟོགས་པ་འཆར་ཏེ༔ བང་མཛོད་ལས༔ སེམས་ཀྱི་རང་བཞིན་གཅིག་མོད་ཀྱང་༔ སེམས་ཀྱི་མཚན་ཉིད་མི་འདྲ་སྟེ༔ དབང་པོ་རབ་འབྲིང་གསུམ་དུ་འབྱུང་༔ ཞེས་གསུངས་སོ༔ དེ་ལ་རབ་ལ་ཡང་རབ་དང་རབ་གཉིས༔ ཡང་རབ་ནི་ནམ་མཁའ་ཀློང་ཡངས་ལས༔ དབང་པོ་རབ་ཀྱི་དོན་དུ་ནི༔ བསྟན་པ་ཙམ་གྱི་རྟོགས་པའི་ཆོས༔ ཐིག་ལེ་ཉག་གཅིག་ཆོས་ཀྱི་སྐུ༔ ཤེས་པ་ཙམ་གྱིས་འཚང་རྒྱ་ངེས༔ ཞེས་གསུངས་སོ༔་རབ་ནི་རྟོགས་པའི་དོན་ལ་གནས་པ་ཙམ་གྱིས་གྲོལ་ཏེ༔ ཡེ་ཤེས་ཀློང་ཡངས་ལས༔ རང་སེམས་རྟོགས་པའི་སྐད་ཅིག་ལ༔ བཏུད་དེ་གཅིག་ཆར་འཇུག་ནུས་ན༔ བསྒོམ་པའི་ཡུན་ལ་རིང་ཐུང་མེད༔ ནམ་འགྲུབ་བསམ་པའི་ཁར་མ་ལུས༔ གསུངས་སོ༔ རླུང་སེམས་གཉིས་མེད་རྒྱ་གཞུང་ལས༔ རབ་གཅིག་ཆར་དུ་སྐྱེ་སྟེ་མཉམ་རྗེས་མེད་པར་ཐམས་ཅད་ཆོས་ཉིད་ཀྱི་ངང་༔ ཞེས་གསུངས་སོ༔ འབྲིང་ནི་ཉམས་སྒྲོན་ལས༔ ཐོད་རྒལ་སྒོམས་ལ་ངེས་མེད་དོ༔

[Full Size]

འགའ་ཞིག་གནས་ནས་མཐར་ཕྱིན་ཡོང་༔ ལ་ལ་མི་གཡོ་མཉམ་ཉིད་གནས༔ མཐར་ཕྱིན་ཡོན་ཏན་རྫོགས་པ་ཡོད༔ ལ་ལ་དང་པོ་གནས་མ་ཐོབ༔ ཉམས་དང་དྲོད་རྟགས་མཐོ་དམན་ཚེ༔ གོ་རིམ་ངེས་མེད་མཐར་ཕྱིན་ཡོད༔ ལ་ལ་གོ་རིམ་ཅན་སྐྱེ་ལ༔ སྐབས་སུ་ཐོད་རྒལ་སྐྱེ་བ་ཡོད༔ ཅེས་གསུངས་ཏེ་ཐོད་རྒལ་བ་འདི་བརྩོན་འགྲུས་ཆེ་ན་བོགས་ཆེ་རྟོགས་པ་མཆོག་སྐྱེ༔ བརྩོན་འགྲུས་ཞན་ན་ཆོས་མགོ་ཡང་མི་ཐོན་ཐ་མལ་པར་གྱུར་པ་ཡིན་ནོ༔ ཐ་མ་རིམ་གྱིས་སྐྱེ་བ་ནི༔ དགའ་རབ་རྡོ་རྗེས༔ དང་པོར་གནས་པའི་ཏིང་ངེ་འཛིན༔ གཉིས་པ་ལ་ནི་མི་གཡོ་བ༔ གསུམ་པ་མཉམ་པ་ཉིད་དུ་གྱུར༔ བཞི་པོ་ཡེ་ཤེས་ལྷུན་གྱིས་གྲུབ༔ ཅེས་གསུངས༔ དེ་ལ་དང་པོ་འདི་ལ་ཕྱག་རྒྱ་ཆེན་པོ་རྩེ་གཅིག་ཟེར༔ རྫོགས་ཆེན་ཁྲེགས་ཆོད་པས་གནས་པའི་ཏིང་ངེ་འཛིན་ཟེར༔ གསུང་རབ་སྤྱི་ལས་སེང་གེ་རྣམ་རོལ་འགྱིང་བའི་ཏིང་ངེ་འཛིན་ཟེར༔ དཔེར་ན་སེང་གེ་འགྱིང་བའི་ཚེ་རང་གི་ལུས་ལ་ཚུར་བལྟ་བ་ལྟར༔ རང་གི་སེམས་ལ་རང་གིས་ཚུར་བལྟ་བ་ཡིན་ཏེ༔ གསང་བ་བསམ་གྱིས་མི་ཁྱབ་པ་དང་ཆུ་ཀླུང་ཆེན་པོའི་རྒྱུད་ལས༔ སེང་གེ་རྣམ་པར་འགྱིང་

[Full Size]

བའི་ཏིང་ངེ་འཛིན་གྱིས༔ མི་གཡོ་རྩེ་གཅིག་དང་མའི་ཤེས་པ་གསལ༔ ཞེས་གསུངས་པས་སེམས་བདེ་གསལ་མི་རྟོག་པའི་ངོ་བོ་ལ་རྩེ་གཅིག་ཏུ་གནས་པས་རྩེ་གཅིག་ཟེར་རོ༔ འདི་ལ་ཡང་ཅུང་ཟད་བརྟན་པ་རབ་ཏུ་བརྟན་པ་རང་དབང་ཐོབ་པ་རྣམས་ལ་ཆེ་འབྲིང་ཆུང་གསུམ་དུ་འཇོག༔ འདི་སྐབས་ཁམས་གསུམ་གྱི་གོལ་ས་གཅོད་དགོས་ཏེ༔ ཞི་གནས་སྐབས་དང་འདིར་ལྷག་མཐོང་གཉིས་ཆ་འདྲ་ཡང་དོན་མི་འདྲ༔ ཞི་གནས་ཁ་རྐྱང་ལ་བདེ་གསལ་མི་རྟོག་པ་སྐྱེས་ཀྱང་ངོ་བོ་སྟོང་པར་མ་རྟོགས༔ འདིར་ངོ་བོ་སྟོང་པར་རྟོགས་པས་ཞི་ལྷག་ཟུང་འཇུག་ཡིན་ཡང་ད་དུང་བདེ་ཉམས་ལ་ཆགས་ཞེན་དང་གསལ་ཉམས་ལ་མཆོག་འཛིན་གྱིས་འཛིན་པའི་ངེས་ཤེས་དེ་ལ་ཞེན་ན་འདོད་ཁམས་དང་གཟུགས་ཁམས་སུ་གོལ་བ་ཡིན༔ སེམས་ཀྱི་ངོ་བོ་སྟོང་པ་གཟུགས་ཁ་དོག་དངོས་པོ་མེད་པ་ལ་མེད་བཞིན་དུ་མཐོང་མོད་ཀྱི༔ ནམ་མཁའ་ལྟ་བུ་ཡིན་ནོ་སྙམ་པ་དང་༔ སེམས་སམ་རྣམ་ཤེས་ནི་མཐའ་ཡས་ཏེ་དཔག་པར་དཀའོ་སྙམ་པ་དང་༔ སེམས་ནི་ཡོད་པ་མ་ཡིན་ཏེ་དངོས་པོ་མེད༔ མེད་པ་མ་ཡིན་ཅིར་ཡང་འཆར་བས་ཡོད་མེད་གཉིས་ཀ་མ་ཡིན་ནོ་

[Full Size]

སྙམ་པ་དང་༔ སེམས་ནི་ཅིའི་ངོ་བོར་ཡང་མ་གྲུབ་པས་མེད་ཅིང་སྟོང་པ་ཡིན་ནོ་སྙམ་པའི་ངེས་ཤེས་ཀྱི་འཛིན་པ་དམ་པོ་ཡོད་ན་གཟུགས་མེད་ཁམས་བཞིར་གོལ་བ་ཡིན༔ འཛིན་པ་དེ་རྣམས་ཀྱང་ཉམས་ཡིན་ཏེ་དང་པོ་སྐྱེ་དགོས༔ དེ་ནས་དེ་ལ་མཆོག་ཏུ་མི་འཛིན་པར་ཞེན་མེད་དུ་སྐྱོང་དགོས་པ་ཡིན༔ ལམ་ཁ་བྲག་གི་མཚམས་སུ་ཕྱིན་དགོས༔ ཕྱིན་ནས་མ་ནོར་དགོས་པ་དང་འདྲ༔ ཤོར་ས་གསུམ་ཡང་འདི་སྐབས་སུ་འོང་སྟེ༔ གསུང་རབ་ཀྱི་དོན་ལ་ཐོས་བསམ་བྱས་པས་ཆོས་ཐམས་ཅད་སྟོང་ཞིང་བདག་མེད་པ་ཡིན་ནོ་སྙམ་པའི་གོ་བ་སྐམ་པོས་ནི་སྒོམ་གོ་མི་ཆོད་དེ་གཤིས་ལ་ཤོར་བ་ཡིན༔ དེ་ཡོན་ཏན་ཅན་ལ་འོང་གཞན་ལ་མི་འོང་༔ སྭ་བྷ་ཝ་དང་ཤུ་ནྱ་ཏའི་སྔགས་བརྗོད་པས་ཆོས་ཐམས་ཅད་སྟོང་པ་ཉིད་ནམ་མཁའ་ལྟ་བུར་གྱུར་སོང་བར་བསྒོམ་པ་རྒྱས་འདེབས་སུ་ཤོར་བ་ཡིན་ཏེ་བསྒོམ་གོ་མི་ཆོད༔ དེ་སྔགས་པ་ཁྲིད་ཞུ་མ་མྱོང་བ་ལ་འོང་༔ ཉོན་མོངས་པ་དུག་ལྔ་ནི་འཁོར་བའི་བཙོན་རར་ཁྲིད་པའི་དགྲ་ཡིན་པས༔ དགྲ་དེ་འཇོམས་པའི་ཐབས་ནི་སྟོང་པ་ཉིད་ཡིན་སྙམ་ནས་བསྒོམ་པ་ནི་གཉེན་པོར་ཤོར་བ་ཡིན་ཏེ༔ འདི་ཉན་ཐོས་གཙོ་བོར་བྱེད་པའི་དགེ་བཤེས་ལ་

[Full Size]

འོང་༔ འདིར་གསང་སྔགས་ལུགས་དུག་ལྔ་མི་སྤང་བ་དམ་ཚིག་ཏུ་གསུངས་པས༔ དུག་ལྔའི་རང་ངོ་བལྟས་པས་ཡེ་ཤེས་ལྔ་ཡིན་ངོ་ཤེས་མ་ཤེས་ལས་དོན་གཅིག་པས་དགྲར་མི་ལྟའོ༔ དེ་བཞིན་དུ་སེམས་སྟོང་པ་ཉིད་ལ་དགེ་སྡིག་གིས་མི་གོས་སྙམ་པའི་ལས་རྒྱུ་འབྲས་ལ་མི་འཛེམ་པ་ནག་པོ་ཁ་འབྱམས་བདུད་ཀྱི་ལྟ་བ་ཡིན་པས༔ རིག་འཛིན་ནཱ་གརྫུ་ནས༔ སྟོང་པ་ཉིད་ལ་བལྟ་ཉེས་ན༔ ཤེས་རབ་དམན་རྣམས་ཕུང་བར་འགྱུར༔ ཞེས་པ་དེ་ཡིན་པས་འདི་ཕྱག་རྫོགས་སུ་ཁས་ལེན་པ་རྣམས་ལ་འོང་ཉེན་ཆེ་བས་སྤྱོད་པ་ཞིབ་པ་གལ་ཆེ༔ རྣམ་རྟོག་མང་པོ་འཕྲོ་བ་ལ་མི་དགའ་བར་མི་བྱ་སྟེ༔ རྣམ་རྟོག་བཀག་ནས་ཅི་ཡང་མི་དྲན་པ་དེ་བསྒོམ་དུ་འཛིན་པ་ཧྭ་ཤང་ལྟ་བ་ཡིན༔ འདིར་རྣམ་རྟོག་པ་གང་ཤར་ངོ་བོ་ལ་བལྟ་བ་ཡིན་པས༔ གནས་འགྱུ་ལ་འདམ་ཀ་མི་བྱ༔ སྔོན་འགྲོ་ནས་བཟུང་སྟེ་ལན་དུ་མར་སེམས་མ་བཅོས་པར་ཞོག་སྨྲས་མོད༔ བསྡོམ་པོར་བྱས་ན་དེ་བས་བཅོས་ཆེ་ཅི་ཡོད༔ ཀློད་ལ་ཞོག་ཟེར་བ་སེམས་འཕྲོས་ཀྱང་མ་བཀག་ཟེར་བ་ཡིན༔ དེ་ལྟར་བདེ་གསལ་མི་རྟོག་པ་ལ་ཆགས་ཞེན་མེད་ཀྱང་བདེ་གསལ་མི་རྟོག་པ་གསུམ་ཀ་ཚང་

[Full Size]

བ༔ སེང་ངེ་ཡེ་རེ་རྗེན་ནེ་གནས་པའི་ངོ་བོ་སྟོང་པར་རྟོགས་པ༔ འཕྲོ་ནའང་ཆུ་དང་རླབས་བཞིན་དུ་རང་སར་ཞི་བ་དེ་ལ་རྩེ་གཅིག་དང་གནས་པའི་ཏིང་ངེ་འཛིན་ཏེ༔ དེའི་རྟགས་དང་ཕན་ཡོན་དང་དེ་ལྟ་བུ་ཞིག་ཤི་ན་གར་སྐྱེ་བ་རྣམས་རིག་འཛིན་དགའ་རབ་རྡོ་རྗེས་གསུངས་པ་ནི༔ འཁོར་བའི་འདུ་འཛི་སྤངས་ནས་ནི༔ དགོན་པར་མཉམ་པར་བཞག་པའི་ཚེ༔ སྐྱོན་གྱི་ཚོགས་རྣམས་མ་བྱུང་བར༔ ཇི་སྲིད་གནས་ལ་གནས་ཞེས་བྱ༔ དཔེར་ན་སྐྱེས་བུ་འཇིགས་བཅས་ཞིག༔ ལམ་ལ་ཤིན་ཏུ་བསྒྲོད་པའི་ཚེ༔ རང་ཡུལ་སྣང་བ་མཐོང་སླེབས་ནས༔ འཇིགས་པའི་རྟོགས་པ་མེད་དང་འདྲ༔ འཁོར་བའི་ཆོས་ལ་སྐྱོ་བ་དང་༔ སེམས་ཅན་རྣམས་ལ་སྙིང་རྗེ་སྐྱེ༔ རང་གི་གནས་ལ་མི་ཆགས་ཤིང་༔ ཐག་རིང་གཞན་དུ་འགྲོ་བར་འདོད༔ རྣལ་འབྱོར་པ་དེ་འགོགས་པའི་ཚེ༔ ངེས་པར་མི་ལུས་ཐོབ་ནས་ནི༔ ཆོས་སྤྱོད་པ་དང་ལྡན་གྱུར་ནས༔ དེ་ཚེ་ཆོས་ཉིད་བདེན་པ་མཐོང་༔ ཞེས་གསུངས་སོ༔ དེའི་སྐབས་སུ་ཆོས་ཐམས་ཅད་སེམས་ཡིན་པའི་གོ་བ་ཙམ་སྐྱེ༔ སེམས་སྟོང་པ་ཡིན་པར་རྟོགས་ཀྱང་༔ བལྟ་བྱ་ལྟ་བྱེད་ཀྱི་འཛིན་པ་ཞིག་ཡོད༔ བྱ་བ་ཐེང་བ་

[Full Size]

དང་ཉོན་མོངས་མགོ་ནོན་པ་དང་སྐྱོ་ཤས་ངེས་འབྱུང་དེ་དུས་ཆེ༔ བླ་མ་ལ་དད་པ་སྐྱེ་སེམས་ཅན་ལ་དམིགས་པའི་སྙིང་རྗེ་དང་བྱམས་པ་ཡང་འདི་སྐབས་སུ་བསྒོམ་དགོས་རྒྱུར་འདུག༔ དེ་ནས་རྫོགས་ཆེན་ལུགས་འདི་ལ་མི་གཡོ་བའི་ཏིང་ངེ་འཛིན་ཟེར༔ ཕྱག་ཆེན་པས་སྤྲོས་བྲལ༔ ཆོས་སྤྱི་ལས་དཔའ་བར་འགྲོ་བའི་ཏིང་ངེ་འཛིན་དུ་གསུངས་ཏེ༔ བདེ་གསལ་མི་རྟོག་པའི་ཉམས་ཐམས་ཅད་འཇའ་ཡལ་བ་བཞིན་སོང་༔ འདི་སྒོམ་གྱི་གཏད་སོ་དང་ངེས་ཤེས་ཀྱི་འཛིན་པ་དེ་ཞིག༔ བལྟ་བྱ་དང་ལྟ་བྱེད་གཅིག་ཏུ་འདྲེས༔ འདི་བསྒོམ་དེ་བསྒོམ་མེད༔ འདི་ལྟ་དེ་ལྟ་མེད་པར་སྔར་གྱི་བསྒོམ་དེ་བོར་ཤོར་བ་འདྲ་ཞིག་འོང་༔ འདི་སྐབས་ཐོས་པ་ཆུང་ན་བསྒོམ་བོར་ཤོར་བ་སྙམ་ནས་སྡུག་བསྔལ་བྱེད༔ སྔར་ལྟར་ཨེ་འོང་བརྩོན་འགྲུས་བྱས་ཀྱང་མི་འོང་༔ ཧམ་པ་ཆེ་ན་བསྒོམ་མེད་ཡིན་སྙམ་ནས་སྟོང་སྐད་མང་པོ་འདོན༔ བསྒོམ་རྒྱུ་མེད་རང་བཞིན་ཤེས་པས་ཆོག་ཟེར་ནས་གཞི་ཕྱག་རྒྱ་ཆེན་པོའི་གོ་བ་སྐམ་པོ་ཞིག་ལ་བློ་གཏད་ནས༔ སྤྱོད་པ་གང་མིན་བྱེད་ཅིང་སྡོད་ཉེན་ཡོད༔ ལ་ལས་འདི་ཡིན་མི་འདུག་མེད་སོང་སྙམ་ནས་སྐྱུར་ཉེན་ཆེ༔ བླ་མས་ངོ་སྤྲོད་གལ་

[Full Size]

ཆེ་བླ་མ་མེད་ན་གྲུབ་ཆེན་རྣམས་ཀྱི་གསུངས་ལ་བལྟས་པས་ངོ་ཤེས་འཕྲད་པ་ལྟར་འོང་༔ འདི་ངོ་བོ་མཐོང་བ་དང་༔ ཐ་མལ་གྱི་ཤེས་པ་རྗེན་པར་རྟོགས་པ་དང་༔ སྤྲོས་བྲལ་ངོ་མཐོང་ཙམ་ཡིན༔ འདི་བསྒོམ་གཏད་སོ་མེད་ཀྱང་མ་ཡེངས་པའི་དྲན་རྗེས་ཡང་ཡང་གསལ་འདེབས་པ་གལ་ཆེ༔ སྟོང་ཉིད་ཀྱི་ངོ་སྤྲོད་ཐམས་ཅད་འདི་སྐབས་སུ་གོ་འོང་༔ སྨྲ་བསམ་བརྗོད་མེད་ཡང་འདི་ཡིན༔ གང་ཟག་གི་བདག་མེད་ཡང་འདི་ཡིན༔ འདི་སྐབས་མོས་གུས་དང་གསོལ་འདེབས་གལ་ཆེ་ཞིང་༔ རེས་འགའ་དབེན་པ་བསྟེན་ཏེ་རེས་འགའ་རྣམ་གཡེང་དང་བསྲེ་བས་བོགས་འབྱུང་༔ རྣམ་རྟོག་ཉུང་དུ་མ་སོང་ཡང་རྣམ་རྟོག་གིས་བསྒོམ་ལ་མི་གནོད་དེ་ཆུ་དང་ཆུ་རླབས་ལྟར་ཐིམ་པས་རྣམ་རྟོག་སོ་སོར་ངོ་བོ་ལྟ་མི་དགོས༔ འགྱུ་བ་དེ་ལྟར་མང་ཡང་མཚོ་ལ་ཁ་བ་བབས་པ་ལྟར་ཁོ་རང་གི་ངང་དུ་ཐིམ༔ རྣམ་རྟོག་བསྒོམ་དུ་ཤར་བས་བསྐྱེད་རྫོགས་ཟུང་དུ་འཇུག་པ་གོ་བ་སྐམ་པོ་གཅིག་མིན་པ་ཞིག་འཆར་ཏེ༔ ཉམས་ལེན་སྟོང་ཉིད་ཀྱི་རྩི་དང་མ་བྲལ་བར་ནམ་མཁའ་ལ་འཇའ་ཤར་བ་ལྟར་ཡི་དམ་གྱི་ལྷ་དང་བླ་མ་བསྒོམ་པ་ཐུབ་འོང་༔ ནང་འཛིན་པའི་སེམས་སྟོང་པར་རྟོགས་

[Full Size]

པས་རྣམ་ཤེས་ཚོགས་བརྒྱད་དེ༔ གཟུགས་མཐོང་མཁན་སྒྲ་ཐོས་དྲི་ཚོར་མཁན་རོ་མྱོང་མཁན་ཐམས་ཅད་ཀྱི་འགྱུ་བ་མ་འགགས་པར་གསལ་ཡང་ངོ་བོ་སྟོང་པར་རྟོགས་དེར་འཛིན་གྱི་མཚན་མ་ཞིག༔ འདི་ལ་ཆུང་འབྲིང་ཆེ་གསུམ་དང་༔ བརྟན་པ་ཐོབ་མ་ཐོབ་རྩལ་རྫོགས་མ་རྫོགས་ཡོན་ཏན་སྐྱེས་མ་སྐྱེས་སོགས༔ དེ་ལ་ཡང་རྣམ་གྲངས་དཔག་ཏུ་མེད་པ་ཡོད་ལ༔ གཅིག་ལ་འཆར་ཀུན་ལ་མི་འཆར་ཞིང་༔ སེམས་ཀྱི་ཁམས་དང་དབང་པོའི་བྱེ་བྲག་མཐའ་ཡས་པས་འཆར་ཚུལ་ཡང་དེ་དང་མཚུངས་པ་ཡིན་པར་སྣང་ཡང་༔ ལ་ཆེན་གྱི་བབ་ནི་གཅིག་པས་ཤེས་པར་བྱའོ༔ དེའི་དོན་གསང་བ་བསམ་གྱིས་མི་ཁྱབ་དང་ཆུ་ཀླུང་ཆེན་པོའི་གསང་རྒྱུད་ལས༔ གཉིས་པ་དཔའ་བར་འགྲོ་བའི་ཏིང་ངེ་འཛིན་གྱིས༔ སྤྲོས་དང་བྲལ་བའི་མཉམ་བཞག་ཆེན་པོ་ལ༔ བསམ་གྱིས་མི་ཁྱབ་ཏིང་འཛིན་རྩལ་དུ་ཤར༔ རྟོགས་པ་ཐོབ་ནས་སྐྱེ་ལ་དབང་བ་ཡིན༔ ཞེས་གསུངས་ཏེ༔ རྒྱུད་ལ་ལ་ནས་འདི་ལ་སྒྱུ་མ་ལྟ་བུར་བཤད་པ་ཡང་སྣང་སྟེ་མིང་གང་བཏགས་ཀྱང་འདྲ༔ དེའི་རྟགས་དང་འབྲས་བུ་ཡང་སློབ་དཔོན་དགའ་རབ་རྡོ་རྗེས༔ རྫོགས་ཆེན་པྲ་ཁྲིད་ཀྱི་རྒྱ་གཞུང་

[Full Size]

ཆེན་པོ་ལས༔ ཇི་སྲིད་མཉམ་པར་བཞག་པའི་ཚེ༔ སྐྱོན་གྱི་རྣམ་པ་གང་འགོགས་ནས༔ རང་བྱུང་ཡེ་ཤེས་དྲོད་དང་ལྡན༔ ཉིན་མཚན་འདས་ཀྱི་བར་དུ་གནས༔ མི་རྟོག་ཐིག་ལེའི་ངང་ལ་གནས་པ་ཡིན༔ མི་བསྐྱོད་དྭངས་པའི་རྒྱ་མཚོ་ཆེན་པོ་དང་༔ མི་གཡོ་གསལ་བ་ཏིལ་གྱི་མར་མེ་འདྲ༔ དེ་ནི་ཡེ་ཤེས་བདེ་བ་དྲོད་ཅེས་བྱ༔ དེ་ཚེ་ཟས་དང་གོས་ཀྱི་འདུ་ཤེས་ཆུང་༔ ཉོན་མོངས་ལ་སོགས་ཆགས་སྡང་ཆུང་༔ སྙིང་རྗེ་ཕན་སེམས་རབ་ཏུ་ཆེ༔ རྨི་ལམ་རྟགས་བཟང་རབ་ཏུ་འབྱུང་༔ དེ་ལྟ་བུ་ཡི་རྣལ་འབྱོར་པ༔ འབྱུང་བ་ལྔ་པོ་ཞིག་པའི་ཚེ༔ ལྷ་ཡི་རིག་འཛིན་ཆེན་པོ་ཐོབ༔ ཚེ་འདི་ཉིད་ལ་མངོན་སངས་རྒྱས༔ ཞེས་གསུངས་སོ༔ དེ་ནས་རྫོགས་ཆེན་ལུགས་ལ་མཉམ་པ་ཉིད་ཀྱི་ཏིང་ངེ་འཛིན༔ ཕྱག་ཆེན་པས་རོ་གཅིག༔ ཆོས་སྤྱི་ལ་སྒྱུ་མ་ལྟ་བུའི་ཏིང་ངེ་འཛིན་ཞེས་བྱ་བ་དེ་འཆར་ཏེ༔ ཕྱི་རོལ་གྱི་ས་རྡོ་རི་བྲག་སྐྱེ་འགྲོ་ཡུལ་དང་གྲོང་ཁྱེར་སོགས་གང་མཐོང་བ་ཐམས་ཅད་རྣམ་པ་སོ་སོར་གསལ་ཡང་ངོ་བོ་སྟོང་པར་རོ་གཅིག་ཏུ་འདྲེས༔ སངས་རྒྱས་ཐམས་ཅད་ཀྱི་ཐུགས་རྒྱུད་སེམས་ཅན་ཐམས་ཅད་ཀྱི་སེམས་རྒྱུད༔ རྣལ་འབྱོར་པ་རང་གི་སེམས་གསུམ་དབྱེར་

[Full Size]

མེད་རོ་གཅིག་སྟོང་པ་ཉིད་དུ་འདྲེས་ཏེ༔ དེ་ཡང་རེས་འགའ་དེ་ལྟར་སྣང་ངོ་སྙམ་པ་ལ་རེས་མི་འཆར་ན་ཉམས་ཡིན་ལ༔ དྲན་པས་ནམ་ཟིན་ལ་དེ་ལྟར་སྣང་ན་རྟོགས་པ་ཡིན༔ ནམ་མཁས་ཁྱབ་ཚད་ཀྱི་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ངོ་བོ་སྟོང་པ་ཉིད་དུ་རོ་གཅིག༔ རང་བཞིན་སོ་སོར་གསལ་སྣང་མ་འགགས་པར་རོ་གཅིག༔ རྩལ་རྟེན་འབྲེལ་གྱི་འཆར་སྒོ་སྣ་ཚོགས་སུ་འཆར་བར་རོ་གཅིག་པ་སྟེ༔ གོ་བ་ཙམ་དང་བློས་བཅོས་ཏེ་བཟོས་པ་མ་ཡིན་པར་ཤུགས་འབྱུང་དུ་རྟོགས་པ་གཅིག་ཡིན་ཏེ༔ གསང་བ་བསམ་གྱིས་མི་ཁྱབ་པའི་རྒྱུད་ལས༔ གསུམ་པ་སྒྱུ་མ་ལྟ་བུའི་ཏིང་འཛིན་གྱིས༔ དུ་མ་རོ་གཅིག་ས་བཅུའི་རྟོགས་པ་འཆར༔ དུས་གསུམ་རྒྱལ་བའི་སྲས་པོས་གཞན་དོན་མཛད༔ རྩེ་མོར་ཕྱིན་ནས་འཕེལ་བ་རྒྱུན་མི་ཆད༔ ཅེས་དང་༔ དགའ་རབ་རྡོ་རྗེས༔ འཁོར་བ་མྱ་ངན་འདས་པའི་ཆོས༔ ཇི་ལྟ་བུར་ཡང་མི་གཟིགས་ཏེ༔ ཐམས་ཅད་མཉམ་པ་ཉིད་དུ་གསལ༔ ལོ་ཟླར་འདས་ཀྱང་དེ་བཞིན་གནས༔ མཉམ་ཉིད་མི་གཡོ་ཆོས་ཀྱི་སྐུ༔ བཟུང་བས་མི་ཟིན་ཆུ་ཟླ་འདྲ༔ རྟོག་མེད་མཉམ་པ་དེ་ཉིད་ནི༔ ཁྱུང་ཆེན་

[Full Size]

ནམ་མཁར་ལྡིང་དང་མཚུངས༔ ཡོ་བྱད་འདུ་ཤེས་ཐམས་ཅད་འགོགས༔ དགེ་དང་མི་དགེའི་རྣམ་རྟོག་མེད༔ ཉོན་མོངས་སྒྲིབ་པ་རྣམ་པར་དག༔ ཉམས་ཀྱི་རྨི་ལྟས་སྣ་ཚོགས་འབྱུང་༔ མཉམ་པ་ཉིད་ཀྱི་ངོ་བོ་ལས༔ ལམ་དང་ས་ཡི་རིག་འཛིན་ཐོབ༔ དེ་ཡང་བགྲོད་དུ་མེད་པ་སྟེ༔ དེ་ཚེ་ཉིད་ལ་མངོན་སངས་རྒྱ༔ ཞེས་གསུངས་སོ༔ དེ་ལ་པཎྜི་ཏའི་དཔྱད་བསྒོམ་དང་ཁྲིད་ལ་ལ་ནས་གཞི་ལྟ་བའི་གནས་ལུགས་ངོ་སྤྲད་ནས་ལམ་བསྒོམ་པའི་རིམ་པ་ཉམས་སུ་ལེན་པ་ཡིན་ཡང་༔ བསྒོམས་པས་ཉམས་སུ་མ་བླངས་ན་ལྟ་བ་གོ་ཡུལ་ཙམ་དུ་ལུས༔ དང་པོ་ནས་བསྒོམས་པས་ལྟ་བ་དངོས་སུ་རྟོགས༔ གཞི་དངོས་པོའི་གནས་ལུགས་དང་ལྟ་བ་དོན་གཅིག༔ གཞིའི་གནས་ལུགས་དེ་མངོན་དུ་གྱུར་པ་འབྲས་བུ་ཡིན་པས༔ སཾ་བྷུ་ཊི་ལས༔ འཁོར་བ་དང་ནི་མྱ་ངན་འདས༔ ཐ་དད་ཡོད་པ་མ་ཡིན་ཏེ༔ འཁོར་བའི་རང་བཞིན་ཤེས་པ་ལ༔ མྱ་ངན་འདས་ཞེས་བརྗོད་པ་ཡིན༔ ཞེས་དང་༔ དུས་འཁོར་བསྡུས་རྒྱུད་ལས༔ སེམས་ཅན་རྣམས་ནི་སངས་རྒྱས་ཉིད་ཡིན་ཏེ༔ སངས་རྒྱས་ཆེན་པོ་གཞན་འདིར་འཇིག་རྟེན་ཁམས་ན་ཡོད་པ་མ་ཡིན༔ ཅེས་དང་

[Full Size]

ཀྱེའི་རྡོ་རྗེ་ལས༔ འདི་ཉིད་འཁོར་བ་ཞེས་བྱ་སྟེ༔ འདི་ཉིད་མྱ་ངན་འདས་པ་ཉིད༔ རྨོངས་ཕྱིར་འཁོར་བའི་གཟུགས་ཅན་ཏེ༔ རྨོངས་མེད་འཁོར་བ་དག་པ་སྟེ༔ འཁོར་བ་མྱ་ངན་འདས་པར་འགྱུར༔ ཞེས་དང་༔ གསང་བ་མཛོད་ལས༔ སངས་རྒྱས་སེམས་ཅན་གཉིས་མེད་ལ༔ དེ་དག་གཉིས་སུ་འཛིན་ན་འཁྲུལ༔ ཞེས་དང་༔ རྡོ་རྗེ་འཆང་གི་ཞལ་ནས༔ ཐོག་མ་ཐ་མ་དང་བར་དུ༔ གཞི་ཉིད་ཤེས་པས་འབྲལ་མེད་ཕྱིར༔ ལམ་དང་འབྲས་བུ་ཤུགས་ལ་ཚང་༔ དེ་ཕྱིར་རྒྱུ་འབྲས་རོ་གཅིག་པ། ལམ་དང་གཉེན་པོ་བསྒྲུབ་རྒྱུ་མེད༔ དེ་ཕྱི་བྱ་བྲལ་འཛིན་མེད་ཀློང་༔ ཞེས་དང་༔ བྲམ་ཟེ་ཆེན་པོ་པདྨ་ས་ར་ཧས༔ ཆོས་རྣམས་ཐམས་ཅད་རང་གི་སེམས་ཡིན་ཏེ༔ སེམས་ལས་མ་གཏོགས་ཆོས་གཞན་རྡུལ་ཙམ་མེད༔ གང་གིས་གདོད་ནས་སྐྱེ་མེད་རྟོགས་གྱུར་ནས༔ དུས་གསུམ་རྒྱལ་བའི་དགོངས་པ་དམ་པ་རྙེད༔ ཅེས་སོགས་དང་༔ རྫོགས་པ་ཆེན་པོ་ཀློང་གསལ་ལས༔ མ་གྲུབ་ཐོག་མིན་གང་དག་ནས༔ དངོས་པོ་གཤིས་ཀྱི་འདུག་ཚུལ་ནི༔ ངོ་བོ་སྟོང་པར་རང་བཞིན་གསལ༔ ཐུགས་རྗེ་ཀུན་ལ་སྣང་ནུས་པ༔ བྱས་

[Full Size]

པ་མེད་ཅིང་རང་གསལ་བར༔ ཡེ་ཉིད་ནས་ནི་རང་བཞིན་གནས༔ སྟོང་པའི་ངོས་ནས་རྟག་མཐའ་བྲལ༔ གསལ་བའི་ངང་ནས་ཆད་མཐའ་བྲལ༔ གསལ་སྟོང་ངོས་ནས་འཛིན་ཆ་བྲལ༔ ཐོག་མའི་ཀ་དག་གསལ་སྟོང་ཁྱབ༔ སུས་ཀྱང་བྱས་པ་མེད་པ་ཡིན༔ དེ་ནི་ཐོག་མའི་སྤྱི་གཞིའོ༔ ཞེས་དང་༔ རྒྱ་རུ་མེད་པའི་སངས་རྒྱས་དང་༔ འདའ་རུ་མེད་པའི་མྱང་འདས་གཉིས༔ ཡང་དག་སངས་རྒྱས་མངོན་སངས་རྒྱས༔ མངོན་སངས་རྒྱས་པ་དེར་སངས་རྒྱས༔ སྤྲུལ་པ་པོ་རྣམས་ཡང་སངས་རྒྱས༔ རིག་རྩལ་ཡེ་ཤེས་ངང་ལ་འོད་ལྔ་སྟོང་གསལ་ངང་ལ་ཐིམ༔ སྟོང་གསལ་མ་འགགས་རང་རྩལ་རྫོགས༔ ཡོན་ཏན་འབྲས་བུའི་ཐོབ་ཚུལ་ལོ༔ ཞེས་དང་༔ གསང་བ་བསམ་གྱིས་མི་ཁྱབ་པའི་རྒྱུད་ལས༔ བཞི་པ་རྡོ་རྗེ་ལྟ་བུའི་ཏིང་འཛིན་གྱིས༔ བསྒོམ་དུ་མེད་པའི་མཉམ་བཞག་ཆེན་པོ་ལ༔ མཁྱེན་པའི་ཡེ་ཤེས་སངས་རྒྱས་ཞིང་ཁམས་མཐོང་༔ མ་བཅོས་ལྷུན་གྲུབ་ཆོས་མཆོག་ཆེན་པོའི་ངང་༔ ཞེས་དང་༔ དགའ་རབ་རྡོ་རྗེའི་པྲ་ཁྲིད་ལས༔ རང་གི་ངོ་བོ་ཆོས་ཀྱི་སྐུ༔ དཔེ་མེད་དཔེ་ནི་ནམ་མཁའ་འདྲ༔ རྟགས་ནི་སངས་རྒྱས་ཆོ་འཕྲུལ་

[Full Size]

འབྱུང་༔ འབྲས་བུ་སངས་རྒྱས་དེ་ཉིད་དོ༔ ཞེས་གསུང་ཞིང་སྒོམ་མེད་ཅེས་པའི་དོན་དྲན་རྫི་བརྟེན་མི་དགོས་པ་ཡིན༔ རླུང་སེམས་གཉིས་མེད་ལས་གསུངས༔ དེ་ཡང་གཞིའི་གོ་བ་སྐམ་པོ་མ་ཡིན་པར་ཡེངས་མ་ཡེངས་དྲན་མ་དྲན་མེད་པར་ངོ་བོའི་ཀློང་དུ་ཕྲིལ་གྱིས་འགྲོ་བ་ཞིག་ཡོད་པར་གྲུབ་ཆེན་རྣམས་ཀྱིས་གསུངས་པར་གདའ༔ དེ་ཡང་རྟོགས་པ་ཙམ་དང་༔ རྩལ་རྫོགས་པ་ཙམ་དང་༔ མཐར་ཕྱིན་ཁོར་ཡུག་ཏུ་སོང་བ་གསུམ་ལ་ཆུང་འབྲིང་ཆེ་གསུམ་དུ་བཞེད་པར་སྣང་སྟེ༔ སྒོམ་མེད་ཆེན་པོ་དེ་རྟོགས་ན་གསང་སྔགས་ནས་ཚེ་གཅིག་ལ་སངས་རྒྱས་ཟེར་བ་དེ་ཡིན་པར་བཤད་དོ༔ དེ་ཡང་སེམས་ཆོས་སྐུར་སངས་རྒྱས་ནས་ལུས་མི་སྣང་ཡང་ལུས་བྲལ་ཙམ་ནས་ཐུགས་སངས་རྒྱས་ཐམས་ཅད་དང་དབྱེར་མེད་དུ་སངས་རྒྱས་ནས༔ གཟུགས་སྐུ་གང་འདུལ་དུ་སོ་སོར་སྣང་བས་ཕྲིན་ལས་འཁོར་བ་ཇི་སྲིད་དུ་འབད་མེད་ཀྱིས་འགྲོ་དོན་འབྱུང་བར་གསུངས་སོ༔ དེ་ཡང་གཞུང་ལས༔ སྔོན་སྐྱེའུ་པས་གསུངས་པའི་ཆོས་འབྲུ་བདུན་པ་མེ་སྤྲེལ་ས་གའི་ཚེས་ལྔའི་ཉིན་ཨོ་རྒྱན་རིན་པོ་ཆེས་སྤྲུལ་སྐུ་མི་འགྱུར་རྡོ་རྗེ་ལ་དངོས་སུ་གསུངས་པའོ༔ ཞེས་པའི་ཁྲིད་

[Full Size]

དངོས་རྫོགས་པས༔ རྒྱུན་དུ་རང་ལུས་ཡི་དམ་ཀུན་འདུས་ཐུགས་རྗེ་ཆེན་པོ༔ སྤྱི་བོར་བླ་མ་ཀུན་འདུས་འོད་དཔག་མེད་བསྒོམ་པ༔ སྒྲིབ་སྦྱང་ཀུན་འདུས་ཡི་གེ་དྲུག་པ་བཟླ་བ་བཏང་ལེན་བྱམས་སྙིང་རྗེ༔ ཞི་ལྷག་ཟུང་འཇུག་གི་ཏིང་ངེ་འཛིན་བསྒོམ་ཞིང་༔ ལུས་འདི་ལྟར་ཐོབ་དཀའ་བ་དོན་ཡོད་པའི་ཕྱིར་དགེ་བ་བསྒྲུབ༔ ནམ་འཆི་ཆ་མེད་བསམས་ནས་སྡིག་པ་སྤྱང་བ་རྣམས་བསྡུས་དོན་ཡིན་པས་ཉམས་སུ་ལོངས་ཤིག༔ ཅེས་པ་ཆོས་བདག་ཏུ་གསུངས་ཕྱིར་རང་གཞན་ལ་ཕན་པའི་ཆེད་དུ་རཱ་ག་ཨ་སྱས་སྦྱར་བ་ལ༔ འགལ་འཁྲུལ་གང་མཆིས་རྩ་བ་གསུམ་ལ་བཤགས་ཤིང་༔ དགེ་བས་སེམས་ཅན་ཐམས་ཅད་ཐུགས་རྗེ་ཆེན་པོའི་གོ་འཕང་ཐོབ་པར་གྱུར་ཅིག༔ མངྒ་ལཾ༔ ཤུ་བྷཾ༔ ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

ཁྲོ་བོ་རོ་ཟ་སྒྲུབ་པའི་རྒྱུན་ཁྱེར།

[Full Size]

ཤམ༔ གུ་རུ་རིན་པོ་ཆེ་ལ་ཕྱག་འཚལ་ལོ༔ ཁྲོ་བོ་རོ་ཟ་བསྒྲུབ་པ་ནི༔ རྒྱུན་ཁྱེར་སྒྲུབ་རྫས་མི་དགོས་ཏེ༔ དམིགས་པ་འདི་ཉིད་འདོན་བསྒོམ་བྱ༔ ན་མོ༔ དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ རང་ཉིད་སྐད་ཅིག་དྲན་རྫོགས་སུ༔ དམ་ཚིག་ཡེ་ཤེས་དབྱེར་མེད་པ༔ ཁྲོ་བོ་རོ་ཟ་སྐུ་མདོག་མཐིང་༔ ཞལ་གཅིག་དང་ནི་ཕྱག་བཞི་པ༔ དང་པོ་གཉིས་ཀྱིས་ཐལ་མོ་སྦྱར༔ སྤྱན་རས་གཟིགས་ཀྱི་པའི་རྟགས་སུ་ཤེས༔ དེ་འོག་གཉིས་ཀྱིས་ཐལ་མོ་རྡེབ༔ བྱད་ལ་སོགས་པ་ཟློག་པའི་ཚུལ༔ ཁྲོ་བོའི་ཆས་རྣམས་ཡོངས་སུ་རྫོགས༔ པད་ཉིར་བྱད་སྟེང་ཞབས་བསྒྲད་དོ༔ བསྐལ་པའི་མེ་དཔུང་ཀློང་ན་བཞུགས༔ ཐུགས་ཀར་ཉི་སྟེང་ཧཱུྃ་གི་མཐར༔ སྔགས་ཕྲེང་གཡས་སུ་འཁོར་བ་ལས༔ འོད་ཟེར་ཕྱོགས་བཅུར་འཕྲོས་པ་ཡིས༔ རྩ་གསུམ་ལྷ་ཚོགས་ཐམས་ཅད་མཆོད༔ ཀུན་ཀྱང་ཁྲོ་བོ་རོ་ཟའི་སྐུ༔ གྱུར་ནས་ཆར་བཞིན་བདག་ལ་ཐིམ༔ དབང་དང་བྱིན་རླབས་དངོས་གྲུབ་ཐོབ༔ བདེ་དྲོད་མེ་ལྟར་འབར་བ་དང་༔ སེམས་ཉིད་

[Full Size]

ཆོས་སྐུར་རྗེན་པར་རྟོགས༔ དེ་ལྟར་བསྒོམ་ཞིང་སྔགས་འདི་བཟླས༔ ཨོཾ་ཨཱཿཧཱུྃ་ལོ་ཀ་ཤྭ་ར་ཀྲོ་དྷ་ཧཱུྃ་ཕཊ༔ ཐེ་ཚོམ་མེད་པར་ཉམས་བླངས་ནས༔ སྲུང་དང་ཟློག་པའི་མཆོག་ཡིན་ཅིང་༔ བཀྲ་ཤིས་བདེ་སྐྱིད་ཚེ་རིང་ངོ་༔ ངན་སོང་གསུམ་དུ་འགྲོ་མི་སྲིད༔ འདི་ཕྱིའི་དོན་ཀུན་འགྲུབ་པའོ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ ཤུ་ཐཾ༔ ཤན༔ ཅེས་གཞུང་སྒྲུབ་ཞལ་གདམས་ཀྱིས་བརྒྱན་ཏེ༔ གཏེར་བློན་རཱ་ག་ཨ་སྱས་མཛད་པའོ༔ མངྒ་ལཾ༔

རོ་ཟ་སྒྲུབ་པའི་སྟ་གོན་རྒྱས་བསྡུས།

[Full Size]

ན་མོ་ལོ་ཀི་ཤྭ་ར་ཀྲོ་དྷ་ཡེ། ཐུགས་རྗེ་ཆེན་པོ་ཁྲོ་བོའི་སྐུ། །རོ་ཟ་བསྒྲུབ་པའི་སྟ་གོན་ནི། །རྒྱས་པ་དང་ནི་བསྡུས་པ་གཉིས། །རྒྱས་པ་དཀྱིལ་འཁོར་བཤམས་པའི་སྟེང་། །དབང་ཆོག་ནང་ནས་འབྱུང་བ་ལྟར། །བུམ་པ་གཉིས་དང་གཏོར་མ་གསུམ། །གསོལ་ཀའི་གཏོར་མ་དང་བཅས་བཤམས། །སྨན་རཀ་མཆོད་པ་བསྐོར་བཤམས་དང་། །ཐིག་རྩ་ཚང་བའི་སྐུ་ཡང་བཤམས། ༈ །བསྡུས་པ་དཀྱིལ་འཁོར་སྟེང་ཉིད་དུ། །གསོལ་ཀའི་གཏོར་མ་ཁོ་ན་དང་། །དེ་མདུན་མཆོད་པ་རྣམ་ལྔ་བཤམས། །ཙག་ལི་འམ་སྐུ་གཟུགས་གཏོར་མར་གཟུགས། ༈ །ཆོ་ག་ལ་ཡང་རྒྱས་བསྡུས་གསུམ། །རྒྱས་པ་གནམ་ཆོས་གཞུང་ལྟར་དུ། །གནམ་ཆོས་སྔོན་འགྲོ་འདོན་པའི་རྗེས། །རྩ་གསུམ་སྤྱི་ཡི་ལས་བྱང་གི །ལྷ་བསྐྱེད་སྐབས་སུ་རོ་ཟ་ཡི། །གཏེར་གཞུང་མངོན་རྟོགས་གཙོ་རྐྱང་བཙུད། །སྤྱན་འདྲེན་མཆོད་པ་ཚར་བའི་རྗེས། །གནམ་ཆོས་སྤྱི་ཡི་མཆོད་བསྟོད་སྦྱར། །སླར་ཡང་རོ་ཟའི་བསྐང་གསོལ་དེ། །མདུན་བསྐྱེད་བྱས་ནས་འདོན་པ་མིན། །དེ་ནས་བསྙེན་པ་ཅི་འགྲུབ་བྱ། །དགོང་ཐུན་ཚོགས་དང་ཆད་མདོ་སོགས། །གནམ་ཆོས་གཞུང་ལྟར་བྱ་བ་ཡིན། །གྲོལ་ཁ་རྗེས་ཆོག་བཀྲ་ཤིས་སོགས། །གནམ་ཆོས་གཞུང་གི་བསྒྲིགས་ཆོག་སྦྱར། ༈ །དེ་ནས་འདོན་ལུགས་འབྲིང་པོ་ནི། །བསྐང་གསོལ་སྦྲགས་མ་དེ་ཉིད་ཀྱིས། །བདག་མདུན་དུས་གཅིག་བསྐྱེད་ལ་འདོན། །དེ་ཉིད་ཁོ་ན་ཐུན་བཞི་ཡིས་ཆོག །ཚོགས་དང་གཏོར་འབུལ་མི་དགོས་སོ། །གྲོལ་ཁ་དེ་

[Full Size]

ཉིད་དབུལ་དུས་ཀྱིསང་། །གཏོར་མ་གཙང་སར་དབུལ་བའི་ཚེ། །སྡེ་བརྒྱད་རིང་གནས་གཤེགས་པར་བསྒོམ་ལ། ཨཿཡཿམཿདུཿཋཿརུཿཙཿཤཿནཿབཛྲ་མུཿ ཐང་ཀ་སོགས་ལ་རྒྱལ་ཆེན་བཞིའི། །སྐུ་གཟུགས་ཡོད་ལྟན་རྒྱལ་ཆེན་བསྟིམ། །མེད་ན་སྐུ་འདྲ་ལ་སོགས་ཀྱི། །པད་གདན་དེ་ལ་ཐིམ་པར་བསེམ། །རྒྱལ་ཆེན་སྤྱན་དྲངས་ཡིན་གཤེགས་མི་རུང་། །མདུན་བསྐྱེད་གཙོ་བོ་བདག་ལ་ཐིམ། །བདག་ཀྱང་ཐུགས་ཀའི་ཧཱུྃ་ལ་ཐིམ། །ཧཱུྃ་ཡང་གྱེན་རྫོགས་སྟོང་པར་ཡལ། །ངོ་བོ་རྗེན་པའི་སྟེང་དུ་བཞག ༈ །ཤིན་ཏུ་བསྡུས་པ་སྤྲོས་མེད་ནི། །དཀྱིལ་འཁོར་དབུས་སུ་གཏོར་མ་གཅིག །རྩེ་ལ་སྐུ་གཟུགས་ཙཀ་ལི་གཟུགས། །དེ་ཉིད་དམིགས་པའི་རྟེན་ཙམ་སྟེ། །བདག་མདུན་གཉིས་ཀ་གཙོ་རྐྱང་བྷོ། །རོ་ཟའི་མངོན་རྟོགས་ཉུང་ངུ་དེ། །དྲན་རྫོགས་དམ་དབྱེར་མེད་བྷོ། །སྤྱན་འདྲེན་མཆོད་བསྟོད་མི་དགོས་སོ། །རྗེས་ཆོག་སེམས་ངོ་སྐྱོང་བས་འཐུས། །སྒྲུབ་པ་རྒྱུས་འབྲིང་དམིགས་པ་འདྲ། །བདག་མདུན་གཙོ་བོའི་ཐུགས་ཀ་རུ། །ཉི་སྟེང་ཧཱུྃ་ཡིག་ནག་པོའི་མཐར། །སྔགས་ཕྲེང་མཐིང་ནག་གཡས་སུ་འཁོར། །དེ་ལས་འོད་ཟེར་འཕྲོས་པ་ཡིས། །འཛམ་གླིང་ཉི་མ་ལྷོ་ཡི་ཕྱོགས། །པོ་ཊ་ལ་ཡི་རྩེ་མོ་ན། །ཐུགས་རྗེ་ཆེན་པོའི་ཐུགས་ཀར་ཕོག །དེ་ཡི་སྐུ་ལས་སྤྲུལ་པ་ཡི། །ཁྲོ་བོ་རོ་ཟ་དཔག་མེད་པ། །སྐུ་ལས་མེ་ཕུང་རབ་

[Full Size]

འབར་ཞིང་། །སྔགས་སྒྲ་འབྲུག་ལྟར་སྒྲོག་ཅིང་བྱོན། །མཚོ་ལ་ཆར་པ་འབབ་པ་བཞིན། །བདག་མདུན་རྣམས་ལ་སིབ་སིབ་ཐིམ། །བདེ་དྲོད་མེ་ལྟར་འབར་བ་དང་། །མཆོག་གི་དངོས་གྲུབ་ཐོབ་པར་བྷེཾ། །སླར་ཡང་ཐུགས་ཀའི་སྔགས་ཕྲེང་ལས། །འོད་ཟེར་སྣ་ཚོགས་ཕྱོགས་བཅུར་འཕྲོས། །ཕྱོགས་བཅུའི་ཞིང་ཀུན་བཞུགས་པ་ཡི། རྒྱུསངས་རྒྱས་བྱང་སེམས་ཡི་དམ་ལྷ། །ཁྲོ་བོ་ཁྲོ་མོ་ཐམས་ཅད་ལ། །འོད་དེས་མཆོད་པར་གྱུར་པས་མཉེས། །དེ་དག་ཀུན་གྱི་བྱིན་རླབས་དང་། །མཐུ་སྟོབས་འོད་དེས་ཚུར་བསྡུས་ནས། །རང་ལ་ཐིམ་པས་དངོས་གྲུབ་ཐོབ། །སླར་ཡང་འོད་ཟེར་འཕྲོས་པ་ཡིས། །སེམས་ཅན་ཀུན་གྱི་སྡིག་སྒྲིབ་རྣམས། །བ་མོར་ཉི་ཟེར་ཕོག་ལྟར་དག །འགྲོ་བ་ཀུན་གྱི་ཚེ་བསོད་བཅུད། །འོད་དེས་ཚུར་བསྡུས་རང་ལ་ཐིམ། །བཀྲག་དང་གཟི་མདངས་ཇེ་ཆེར་འབར། །དེ་ནི་བསྙེན་པའི་དམིགས་པའོ། །རང་གི་ཐུགས་ཀའི་སྔགས་ཕྲེང་ལས། །འོད་ཟེར་ཁ་དོག་ལྔ་ལྡན་པ། །སྟོང་སྐུད་གཤིབ་པ་བཞིན་དུ་འཕྲོས། །བདག་གི་ཞལ་ནས་མདུན་བསྐྱེད་ཀྱི། །ཞལ་ཞུགས་ཐུགས་ཀའི་སྔགས་ཕྲེང་ལ། །ཕོག་པས་ཐུགས་རྗེ་ཐུགས་དམ་

[Full Size]

བསྐུལ། །འོད་དེ་མདུན་བསྐྱེད་ལྟེ་བ་ནས། །ཚུར་བྱུང་རང་གི་ལྟེ་བར་ཞུགས། །ཐུགས་ཀར་ཐིམ་པས་དངོས་གྲུབ་ཐོབ། །དེ་ལྟར་རྒྱུན་དུ་འཁོར་བར་དམིགས། །ཕར་ལ་འཕྲོས་པ་མཆོད་པ་དང་། །ཚུར་ཐིམ་དངོས་གྲུབ་གནང་ཚུལ་ཏེ། །དེ་ནས་འོད་ཟེར་སྔགས་ཕྲེང་འགྱུར། །སྔགས་ཕྲེང་ཁ་དོག་མཐིང་ནག་སྟེ། །འོད་ལྔའི་ཟེར་དང་ལྡན་པར་འཁོར། །བདག་མདུན་བར་གྱི་སྔགས་ཕྲེང་ལས། །འོད་ཟེར་སྣ་ཚོགས་ཕྱོགས་བཅུར་འཕྲོས། །བླ་མ་ཡི་དམ་མཁའ་འགྲོ་དང་། །སངས་རྒྱས་བྱང་སེམས་ཐམས་ཅད་མཆོད། །དེ་དག་ཀུན་གྱི་སྐུ་གསུང་ཐུགས། །ཁྲོ་བོའི་སྐུ་དང་སྔགས་ཕྲེང་དང་། །ཧཱུྃ་ཡིག་མཐིང་ནག་དཔག་མེད་པ། །དཔེར་ན་ཆར་དྲག་བབས་པ་བཞིན། །རྒྱུན་ཆད་མེད་པར་བྱོན་པ་དེ། །བདག་མདུན་རྣམས་ལ་སིབ་སིབ་ཐིམ། །དེ་ནི་བསྒྲུབ་པའི་དམིགས་པ་ཡིན། །བདག་ཉིད་ཐུགས་ཀའི་སྔགས་འཁོར་ལས། །མེ་འབར་ལུས་ཀྱི་ནང་ཀུན་གང་། །ནད་གདོན་སྡིག་སྒྲིབ་ཐམས་ཅད་བསྲེག །བདག་མདུན་སྐུ་ལས་ཡེ་ཤེས་མེ། །ཇེ་ཆེ་ཇེ་ཆེར་མཆེད་ཅིང་འབར། །གནོད་ཅིང་འཚེ་བའི་བདུད་དང་བགེགས། །ཐམས་ཅད་ནམ་མཁའི་ཕར་མཐའ་བྲོས། །གང་དག་མི་འགྲོ་གདུག་པ་ཅན། །ལུས་ངག་

[Full Size]

སྟོབས་ནུས་གཞོབ་ཏུ་བསྲེགས། །མེ་དཔུང་འཇིག་རྟེན་ཁྱབ་པར་འབར། །སེམས་ཅན་ཀུན་གྱི་སྡིག་སྒྲིབ་བསྲེགས། །དཀར་ཕྱོགས་རྣམས་ནི་གཟི་བརྗིད་བསྐྱེད། །ནག་ཕྱོགས་བདུད་བགེགས་སྟོབས་ནུས་བསྲེགས། །མེ་དཔུང་ཚུར་འདུས་བདག་མདུན་ཐིམ། །དེ་ནི་ལས་སྦྱོར་དམིགས་པའོ། །བཅའ་ཚོགས་རྒྱས་བསྡུས་གསུམ་ཀ་ལ། །དམིགས་པ་དེ་རྣམས་ཐུན་རེ་རེ། །ཡང་ན་ཞག་རེར་རྫོགས་པར་བྱ། །བཅའ་ཚོགས་རྒྱས་འབྲིང་གཉིས་ལ་ནི། །མདུན་བསྐྱེད་འཁོར་མང་བསྒོམ་ཡོད་པས། །བདག་གི་ཐུགས་ཀའི་འོད་ཟེར་ནི། །མདུན་བསྐྱེད་གཙོ་འཁོར་ཀུན་ལ་ཕོག །སྔོན་གྱི་དམ་ཚིག་དྲན་ནས་ཀྱང་། །བོདག་ལ་གུས་འདུད་དང་བཅས་ནས། །རྣལ་འབྱོར་ཁྱོད་ཀྱིས་གང་བཅོལ་བའི། །ཕྲིན་ལས་ངེད་ཅག་རྣམས་ཀྱིས་སྒྲུབས། །ཟེར་ནས་ཁས་བླངས་དམ་བཅས་བྷེ། །དེ་ལྟར་ཞོགས་པ་སྔ་དྲོ་དང་། །ཉིང་དགུང་དགོང་ཁ་ཐུན་བཞིར་བྱ། །མུན་རུབ་ཐུགས་དམ་དགེ་སྦྱོར་རིགས། །ཆག་མེད་གང་དགོས་བྱས་པའི་རྗེས། །རླུང་ཁྲིད་བཞིན་དུ་གཏུམ་མོ་ཡི། །དམིགས་པ་བྷེ་ཞིང་སྔགས་བཟླའོ། །བསྙེན་ཚད་ཞག་པོ་བདུན་ཡིན་ཏེ། །དེ་ཡན་རང་གི་འདོད་དང་བསྟུན། །འདི་ཡི་བསྙེན་པ་མང་སོང་ནས། །གཞུང་གི་ལས་ཚོགས་དེ་ཀུན་འགྲུབ། །སྔོན་གྱི་ལས་ངན་མ་ཡིན་པའི། །ནད་རིགས་གདོན་རིགས་

[Full Size]

ཐམས་ཅད་ཕན། །ལུས་ལ་བདེ་དྲོད་མེ་ལྟར་འབར། །ངག་ལ་ནུས་པ་ཐོགས་མེད་འབྱུང་། །སེམས་ལ་བདེ་སྟོང་ཏིང་འཛིན་སྐྱེ། །རྨི་ལམ་དག་སྣང་དཔག་མེད་དང་། །གདོན་བགེགས་ཐུལ་རྟགས་ལ་སོགས་འབྱུང་། །མདོར་ན་ཁྲོ་བོ་འདི་ཉིད་ལ། །བསྙེན་སྒྲུབ་ལེགས་པར་ཐེམས་བྱས་ན། །འདི་ཕྱིའི་དོན་ཆེན་འགྲུབ་པར་ངེས། །དགེ་སློང་ཨོ་རྒྱན་རིག་འཛིན་གྱིས། །བསྐུལ་ཕྱིར་རཱ་ག་ཨ་སྱ་ཡིས། །འཕྲལ་དུ་ངག་ནས་སྨྲས་པ་ལྟར། །དགེ་སློང་སྦྱིན་པས་ཡི་གེར་བཀོད། །འགལ་མཆིས་བཀའ་སྲུང་རྣམས་ལ་བཤགས། །དགེ་བས་འདི་ཉིད་ཆེར་འཕེལ་ནས། །འབྲེལ་ཚད་བདེ་སྟོང་ཟུང་འཇུག་པ། །རྡོ་རྗེ་འཆང་གི་སྐུ་འགྲུབ་ཤོག །མངྒ་ལཾ།། །།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་འཕགས་པ་སྤྱན་རས་གཟིགས་ཁྲོས་པ་ཁྲོ་བོ་རོ་ཟའི་ལས་བྱང་གསོལ་མཆོད་བསྐང་བཟློག་སྦྲག་མ།

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ འཕགས་པ་སྤྱན་རས་གཟིགས་ཁྲོས་པ་ཁྲོ་བོ་རོ་ཟའི་ལས་བྱང་གསོལ་མཆོད་བསྐང་བཟློག་སྦྲག་མ་ཡོད་ལགས་སོ༔

[Full Size]

བླ་མ་དཀོན་མཆོག་གསུམ་རྣམས་ལ༔ བདག་ནི་རྟག་པར་སྐྱབས་སུ་མཆི༔ མི་དགེ་བཅུ་དང་མཚམས་མེད་ལྔ༔ སྡིག་བྱས་ཐམས་ཅད་མཐོལ་ལོ་བཤགས༔ འགྲོ་བ་སེམས་ཅན་ཐམས་ཅད་ཀྱི༔ དགེ་བྱས་ཀུན་ལ་རྗེས་ཡི་རང་༔ ཕྱོགས་བཅུར་བཞུགས་པའི་སངས་རྒྱས་རྣམས༔ ཆོས་སྟོན་མཛད་པར་བདག་གིས་བསྐུལ༔ རྫོགས་པའི་སངས་རྒྱས་ཐམས་ཅད་ནི༔ མྱ་ངན་མི་འདའ་བཞུགས་པར་འཚལ༔ བདག་གིས་དེ་ལྟར་གསོལ་བཏབ་པའི༔ དགེ་བ་སེམས་ཅན་ཀུན་ལ་བསྔོ༔ ཨ༔ སྟོང་པའི་ངང་ལས་པཾ་ཡིག་ལས༔ པདྨ་མཚོན་ཆའི་སོ་འདྲ་

[Full Size]

ཤིན་ཏུ་ནག་པ་ཟུར་གསུམ་གཟུགས༔ དེ་སྟེང་སུར་ལས་ཉི་མའིགདན༔ ཚ་ཞིང་གཟི་བརྗིད་རབ་ཆེ་བ༔ ཉི་མའི་འོད་ཟེར་རེ་རེ་ཡང་༔ མདའ་མདུང་རལ་གྲི་མཚོན་ཆ་རེ༔ དེ་སྟེང་བམ་ལས་མི་རོ་ནི༔ སྲ་ཞིང་རིང་བ་ཁྲག་རྒྱུན་ཅན༔ དེ་སྟེང་ཁྲོ་བོ་རོ་ཟ་ནི༔ སྐུ་མདོག་ནག་པོ་ཆར་སྤྲིན་མདོག༔ ཞལ་ནི་ཟུར་གསུམ་རྟག་ཏུ་གདངས༔ ལྗགས་ནི་ཟུར་གསུམ་གློག་ལྟར་འཁྱུག༔ མཆེ་བ་ཟུར་གསུམ་བཞི་པོ་ཡིས༔ བདུད་བཞི་ཆེམ་ཆེམ་ཉིལ་ཉིལ་གསོལ༔ སོ་ཞིབ་ཟུར་གསུམ་བཞི་བཅུ་ཡིས༔ མི་རོ་རེངས་པ་ཁར་བཅུག་ནས༔ ཆེམ་ཆེམ་ཆིལ་

[Full Size]

ཆིལ་གསོལ་བར་བྱེད༔ ཤངས་ནི་ཟུར་གསུམ་དྲག་པོ་ཡིས༔ ཤངས་རླུང་ཐོག་དང་སེར་བ་འབེབས༔ སྤྱན་གསུམ་ཟུར་གསུམ་གཟིགས་ཙམ་གྱིས༔ འཇིག་རྟེན་ཐམས་ཅད་ཡམ་ཡམ་བྱེད༔ སྙན་ནི་ཟུར་གསུམ་བསྟན་ཙམ་གྱིས༔ རི་རབ་དེ་ཡང་ཡམ་ཡམ་ནུས༔ དབུ་སྐྲ་ཉག་མ་རེ་རེ་ཡང་ཟུར་གསུམ་ཚྭ་ཚྭ་སི་ལི་ལི༔ ནམ་མཁའི་དབྱིངས་སུ་གཟིགས་པ་ན༔ ལྷ་རྣམས་བལྟ་བར་མི་བཟོད་དོ༔ ཨག་ཙོམ་ཉག་མ་རེ་རེ་ཡང་༔ ཟུར་གསུམ་མེ་འབར་ཡ་ལ་ལ༔ ཕྱག་ནི་གཡས་གཡོན་ཟུར་དང་ལྡན༔ ཕྱག་ཞབས་མཛུབ་གུ་ཟུར་གསུམ་ལ༔ དང་པོ་གཉིས་ཀྱིས་ཐལ་མོ་སྦྱར༔ ཐལ་མོ་སྦྱར་བ་ཟུར་གསུམ་གཟུགས༔ དེ་འོག་གཉིས་ཀྱིས་ཐུགས་ཀ་རུ༔ ཐལ་མོ་བརྡབས་པས་དགྲ་བགེགས་བརླགས༔ ཞལ་ནི་ཟུར་གསུམ་བརྗེས་པ་ཡིས༔ སྣང་སྲིད་ཐམས་ཅད་ཡོ་ཡོ་ནུས༔ སྐུ་རྒྱུན་སྦྲུལ་ནི་ཟུར་གསུམ་བརྒྱན༔ རྒྱུ་མ་ཟུར་གསུམ་དོ་ཤལ་ལ༔ དགྲ་མགོ་ཁམ་པས་རབ་ཏུ་བརྒྱན༔ དགྲ་མགོའི་ཁ་ནི་ཟུར་གསུམ་ལས༔ མེ་ཡི་ཚྭ་ཚྭ་སི་ལི་ལི༔ དབུ་ལ་ཐོད་སྐམ་ལྔ་ཡིས་བརྒྱན༔ སྟག་ཤམ་ཟུར་གསུམ་གཟུགས་སུ་མནབ༔ མི་ལྤགས་གླང་

[Full Size]

ལྤགས་ཟུར་གསུམ་གཟུགས༔ སྐུ་ལ་མནབས་ཤིང་ཕྱ་ར་ར༔ སྐུ་ལས་མེ་དཔུང་འབར་བ་ཡང་༔ མེ་ལྕེ་ཟུར་གསུམ་གཟུགས་སུ་ལྡན༔ ཕྱོགས་བཞིར་རྒྱལ་པོ་ཆེན་པོ་བཞི༔ ཕྱོགས་མཚམས་སྡེ་བརྒྱད་འཁོར་གྱིས་བསྐོར༔ བདག་མདུན་ཐུགས་ཀར་ཧཱུྃ་མཐིང་ནག༔ དེ་ལས་འོད་ཟེར་དཔག་མེད་འཕྲོས༔ དཔེར་ན་ཉི་མའི་འོད་ཟེར་བཞིན༔ དུ་མ་འཕྲོས་པས་རོ་ཟ་ནི༔ བསྒོམ་པ་འདྲ་བ་དུ་མ་རྣམས༔ སྤྱན་དྲངས་བདག་མདུན་རྣམས་ལ་ཐིམ༔ བཛྲ་ཨ་ཝེ་ཤ་ཡ་ཨཱ༔ ཛ༔ཧཱུྃ་བཾ་ཧོ༔ ཏིཥྛ་ལྷན༔ ཨ་ཏི་པཱུ་ཧོ༔ པྲ་ཏི་ཛ་ཧོ༔ གཏོར་མ་འདོད་ཡོན་ཕུན་ཚོགས་གྱུར༔ ཨོཾ་ཨཱཿཧཱུྃ་ཧ་ཧོ་ཧྲཱིཿ ཨོཾ་ཨཱཿཧཱུྃ་ལོ་ཀེ་ཤྭ་ར་ཀྲོ་དྷ་ཧཱུྃ་ཕཊ༔ ཨོཾ་དྷྲིཥྚཱ་རཱཥྚཱ་ཡ༔ བེ་རུ་ཌྷ་ཀཱ་ཡ༔ བི་རུ་པཀྵ་ཡ༔ བཻ་ཤྲ་མ་ཎ་ཡ༔ ཨ་ཡ་མ་དུ་རུ་ཙ་ཤ་ན༔ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ གསུམ༔ ཨ་མྲྀ་ཏ་རཀྟ་ཁཱ་ཧི༔ ཨརྒྷཾ་སོགས༔ ཧཱུྃ༔ བཅོམ་ལྡན་ཁྲོ་བོ་རོ་ཟ་ནི༔ ཞལ་གཅིག་ཕྱག་བཞི་ཁྲོ་བོའི་གཟུགས༔ དང་པོས་ཐལ་སྦྱར་འོག་མ་ཡིས༔ ཐལ་མོ་རྡེབ་པ་མངོན་སུམ་གསལ༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་

[Full Size]

ཐུགས་དམ་བསྐང་༔ བདེ་དྲོད་མེ་ལྟར་འབར་བ་དང་༔ མཆོག་གི་དངོས་གྲུབ་བསྩལ་དུ་གསོལ༔ ཧཱུྃ༔ ཤར་ཕྱོགས་རྒྱལ་ཆེན་ཡུལ་འཁོར་སྲུང་༔ ཤེལ་གྱི་ཁྲབ་རྨོག་ཟངས་སེ་ཟང་༔ གཡས་ན་ཤེལ་གྱི་པི་ཝང་འཛིན༔ གཡོན་ན་ཤེལ་གྱི་ཕུར་པ་འཛིན༔ ཞབས་ལ་རིན་ཆེན་ཤེལ་ལྷམ་གསོལ༔ དབུ་ལ་མེ་འབར་ལམས་སེ་ལམ༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཕྱི་ནང་འཁྲུག་རྩོད་ཞི་བར་མཛོད༔ ཧཱུྃ༔ ལྷོ་ཕྱོགས་གཤིན་རྗེ་འཕགས་སྐྱེས་པོ༔ བཻཌཱུར་ཁྲབ་རྨོག་ཟངས་སེ་ཟང་༔ གཡས་ན་བཻཌཱུར་རལ་གྲི་བསྣམས༔ གཡོན་ན་བཻཌཱུར་ཕུར་པ་འཛིན༔ བཻཌཱུར་ཨག་ཙམ་རིང་དང་ལྡན༔ ཞབས་ལ་བཻཌཱུར་ཡ་ཡི་ལྷམ༔ དབུ་ལ་མེ་འབར་ཡ་ལ་ལ༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ དུས་མིན་འཆི་བ་བཟློག་ཏུ་གསོལ༔ ཧཱུྃ༔ ནུབ་ཕྱོགས་ཀླུ་རྒྱལ་སྤྱན་མི་བཟང་༔ བྱི་རུའི་ཁྲབ་རྨོག་ཟངས་སེ་ཟང་༔ གཡས་ན་བྱི་རུའི་སྦྲུལ་ཞགས་བསྣམས༔ གཡོན་ན་བྱི་རུའི་ཕུར་པ་བསྣམས༔ སྤྱན་མིག་བྱི་རུའི་མདངས་དང་ལྡན༔ ཞབས་ལ་

[Full Size]

བྱི་རུའི་ལྷམ་གསོལ་བ༔ དབུ་ལ་མེ་འབར་ལམས་སེ་ལམ༔ འདིར་གཤེགས་བརྒྱན་པའི་གཏོར་མ་བཞེས། གསོལ་ལོ་མཆོད་དོ་ཐུགས་དམ་བསྐང་༔ བཀྲ་ཤིས་ནོར་ཕྱུགས་འཕེལ་བ་མཛོད༔ ཧཱུྃ༔ བྱང་ཕྱོགས་གནོད་སྦྱིན་རྣམ་ཐོས་སྲས༔ གསེར་གྱི་ཁྲབ་རྨོག་ཟངས་སེ་ཟང་༔ གཡས་ན་གསེར་གྱི་རྒྱལ་མཚན་འཛིན༔ གཡོན་ན་གསེར་གྱི་ཕུར་པ་འཛིན༔ རྨོག་རྩེར་གསེར་གྱི་ཁྱུང་ཆེན་ལྡིང་༔ ཞབས་ལ་རིན་ཆེན་གསེར་ལྷམ་གསོལ༔ དབུ་ལ་མེ་འབར་ལམས་སེ་ལམ༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ བསོད་ནམས་ལོངས་སྤྱོད་རྒྱས་པར་མཛོད༔ ཧཱུྃ༔ ཤར་ཕྱོགས་ལྷ་ཡི་རྒྱལ་པོ་སྟེ༔ དངུལ་གྱི་བེར་ཆེན་ལྷུབས་སེ་ལྷུབ༔ གཡས་ན་དངུལ་གྱི་ཨ་ཡིག་འཛིན༔ གཡོན་གྱི་དངུལ་གྱི་ཕུར་པ་འཛིན་དངུལ་གྱི་ལྷ་གཡག་ལ་ཞོན་ནས༔ ལྷ་རྣམས་ཀུན་གྱི་རྒྱལ་པོ་བྱེད༔ འདིར་གཤེགས་བརྒྱན་གྱི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ལྷ་ཡི་རྩུབ་རིམས་ཞི་བར་མཛོད༔ ཧཱུྃ༔ ལྷོ་ཕྱོགས་གཤིན་རྗེའི་རྒྱལ་པོ་སྟེ༔ བེཌཱུར་བེར་ཆེན་ལྷུབས་

[Full Size]

སེ་ལྷུབ༔ གཡས་ན་བེཌཱུར་རལ་གྲི་འཛིན༔ གཡོན་ན་བེཌཱུར་ཕུར་པ་བསྣམས༔ བེཌཱུར་ཡ་ཡི་མ་ཧེ་ཞོན༔ ཞོན་ནས་གཤིན་རྗེའི་རྒྱལ་པོ་བྱེད༔ འདིར་གཤེགས་བརྒྱན་གྱི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ གཤིན་རྗེའི་ཁྲམ་ཁ་བཟློག་ཏུ་གསོལ༔ ཧཱུྃ༔ ནུབ་ཕྱོགས་མ་མོའི་རྒྱལ་པོ་སྟེ༔ ཤེལ་གྱི་བེར་ཆེན་ལྷུབས་སེ་ལྷུབ༔ གཡས་ན་ཤེལ་གྱི་མེ་ལོང་བསྣམས༔ གཡོན་ན་ཤེལ་གྱི་ཕུར་པ་བསྣམས༔ ཤེལ་གྱི་འབྲུག་གི་སྟེང་བཞུགས་ནས༔ མ་མོ་ཀུན་གྱི་རྒྱལ་མོ་བྱེད༔ འདིར་གཤེགས་བརྒྱན་གྱི་གཏོར་མ་བཞེས་གསོལ་ལོ་མཆོད་དོ་ཐུགས་དམ་བསྐང་༔ མ་མོའི་རིམས་ནད་ཞི་བར་མཛོད༔ ཧཱུྃ༔ བྱང་ཕྱོགས་བདུད་ཀྱི་རྒྱལ་པོ་སྟེ༔ རྡོ་སོལ་བེར་ཆེན་ལྷུབས་སེ་ལྷུབ༔ གཡས་ན་རྡོ་སོལ་ཁྲམ་ཤིང་འཛིན་གཡོན་ན་རྡོ་སོལ་ཕུར་པ་འཛིན༔ ཆིབས་སུ་རྡོ་སོལ་རྟ་ནག་ཆིབས༔ བདུད་ཀྱི་ཚོགས་ཀྱི་རྒྱལ་པོ་བྱེད༔ འདིར་གཤེགས་བརྒྱན་གྱི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ བདུད་ཀྱི་ཞགས་པ་འདེབས་པ་ཟློག༔ ཧཱུྃ༔ ཤར་ལྷོར་བཙན་གྱི་རྒྱལ་པོ་སྟེ༔ ཟངས་ཀྱི་བེར་ཆེན་

[Full Size]

ལྷུབས་སེ་ལྷུབ༔ གཡས་ན་ཟངས་ཀྱི་མདའ་གཞུ་འཛིན༔ གཡོན་ན་ཟངས་ཀྱི་ཕུར་པ་འཛིན༔ ཟངས་ཀྱི་རྟ་དམར་ལ་ཞོན་ནས༔ བཙན་རྣམས་ཀུན་གྱི་རྒྱལ་པོ་བྱེད༔ འདིར་གཤེགས་བརྒྱན་གྱི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ བཙན་གྱི་ཤྭ་རྡེལ་གཏོར་བ་ཟློག༔ ཧཱུྃ༔ ལྷོ་ནུབ་རྒྱལ་པོ་བེ་དཀར་ཁྱོད༔ དུང་གི་བེར་ཆེན་ལྷུབས་སེ་ལྷུབ༔ གཡས་ན་དུང་གི་གསེར་སྤར་འཛིན༔ གཡོན་ན་དུང་གི་ཕུར་པ་འཛིན་དུང་སེང་དཀར་མོའི་སྟེང་བཞུགས་ནས༔ རྒྱལ་པོ་ཀུན་གྱིའང་རྒྱལ་པོ་བྱེད༔ འདིར་གཤེགས་བརྒྱན་གྱི་གཏོར་མ་བཞེས་གསོལ་ལོ་མཆོད་དོ་ཐུགས་དམ་བསྐང་༔ རྒྱལ་པོའི་སྨྱོ་འབོག་གཏོང་བ་ཟློག༔ ཧཱུྃ༔ ནུབ་བྱང་གནོད་སྦྱིན་རྒྱལ་པོ་སྟེ༔ སྤོས་ཤེལ་བེར་ཆེན་ལྷུབས་སེ་ལྷུབ༔ གཡས་ན་སྤོས་ཤེལ་ཤ་ཡིག་འཛིན༔ གཡོན་ན་སྤོས་ཤེལ་ཕུར་པ་བསྣམས༔ སྤོས་ཤེལ་སྟག་མོ་ལ་ཞོན་ནས༔ གནོད་སྦྱིན་ཀུན་གྱི་རྒྱལ་པོ་བྱེད༔ འདིར་གཤེགས་བརྒྱན་གྱི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ གནོད་སྦྱིན་གཟེར་ནད་བཟློག་ཏུ་གསོལ༔ ཧཱུྃ༔ བྱང་ཤར་ཀླུ་ཡི་

[Full Size]

རྒྱལ་པོ་སྟེ༔ མར་གད་བེར་ཆེན་ལྷུབས་སེ་ལྷུབ༔ གཡས་ན་མར་གད་སྦྲུལ་ཞགས་འཛིན་༔ གཡོན་ན་མར་གད་ཕུར་པ་བསྣམས༔ མར་གད་ཆུ་སྲིན་རྣམས་ཀུན་གྱི་རྒྱལ་པོ་བྱེད༔ འདིར་གཤེགས་བརྒྱན་པའི་གཏོར་མ་བཞེས༔ གསོལ་ལོ་མཆོད་དོ་ཐུགས་དམ་བསྐང་༔ ཀླུ་ཡི་ཞ་གྲུམ་མཛེ་ནད་ཟློག༔ ཧཱུྃ༔ རོ་ཟ་ནི༔ སྐུ་སྟོད་བར་སྣང་ཁམས་སུ་ཁྱབ༔ དབུ་ཡིས་ཚངས་པ་བརྒྱ་བྱིན་ཡང་༔ མྱུར་དུ་ཟིལ་གྱིས་གནོན་པར་བྱེད༔ སྐུ་སྨད་བར་པས་ས་གཞི་ཁྱབ༔ ཞབས་ཀྱིས་དམྱལ་ཁམས་དཀྲུག་པར་བྱེད༔ བདག་ཅག་རྣམས་ལ་གནོད་པ་ཡི༔ གནོད་བྱེད་རྒྱ་མཚོའི་ཕ་རོལ་སྒྲོལ༔ མ་ཉན་བཀའ་ལས་འདས་གྱུར་ན༔ དཔལ་ཆེན་ཁྲོ་བོ་རོ་ཟ་ཡི༔ ཞལ་ནི་ཟུར་གསུམ་ཧཾ་ཁུང་དུ༔ ཆེམ་ཆེམ་ཉིལ་ཉིལ་ཟ་བར་བྱེད༔ དེ་བས་མ་འདུག་ཕྱིར་དེངས་ཤིག༔ གལ་ཏེ་དམ་ལས་འདས་ནས་ནི༔ བསྐལ་པའི་མེ་འདིས་སྲེག་པར་བྱེད༔ རྒྱལ་ཆེན་བཞི་ཡི་མེ་དཔུང་གིས༔ ཡན་ལག་བཞི་ནི་མུས་མུས་བསྲེག༔ ཁྲོ་བོ་རོ་ཟའི་མེ་དཔུང་གིས༔ མགོ་བོ་ནས་ནི་མྱུར་དུ་བསྲེག༔ རྡོ་རྗེ་དམྱལ་བར་ལྟུང་བར་བྱེད༔

[Full Size]

རིགས་དྲུག་ཚ་དམྱལ་བརྒྱད་དང་ནི༔ གྲང་དམྱལ་བརྒྱད་དང་དམྱལ་ཕྲན་སོགས༔ ཐམས་ཅད་ཁྱོད་ཀྱིས་བསྐྱོད་པར་དགོས༔ དེ་བས་དམ་ལ་མ་འདའ་ཞིག༔ ས་མ་ཡཱ༔ ས་མ་ཡ༔ གནོད་བྱེད་ཨུ་ཙ་ཏ་ཡ་ཕཊ༔ བདག་བསྐྱེད་གཙོ་རྐྱང་མདུན་བསྐྱེད་འཁོར་མང་བྷཻཾ༔ ཚར་གྲངས་བརྒྱ་རྩ་ལོ་གྲངས་ཉེར་གཅིག་གམགང་འགྲུབ་བཏོན་ནས་གཙང་སར་ཕུལ་བའོ༔ རྒྱུན་ཁྱེར་ཡི་དམ་བྱས་ན་ཤིན་ཏུ་ལེགས༔ བླ་མ་ཡི་དམ་དབྱེར་མེད་སྤྱན་རས་གཟིགས༔ རྒྱལ་ཆེན་སྡེ་བཞིའི་སྟོབས་དང་མངའ་ཐང་བསྐྱེད༔ སྡེ་བརྒྱད་རྣོ་མྱུར་ཕྲིན་ལས་མྱུར་དུ་འགྲུབ༔ རང་གཞན་འདི་ཕྱིའི་དོན་གཉིས་འདི་ཀས་འགྲུབ་འདི་ནི་རླུང་ཁྲིད་འཛུགས་དང་དབྱེར་མེད་སོགས༔ འདི་ཡི་ལས་ཚོགས་གང་དང་གང་བསྒྲུབ་ཀྱང་༔ འདི་ཡི་གསོལ་མཆོད་ཤིན་ཏུ་གལ་ཆེ་བས༔ དེ་སྔོན་ལན་གཉིས་བསྒྲིགས་ཀྱང་དཔེ་ཆ་རྣམས༔ སློབ་བུ་སོ་སོས་ཁྱེར་བས་འདིར་མ་མཆིས༔ སྔ་ཕྱི་ཚིག་ཟུར་འདྲ་མིན་བྱུང་སྲིད་ཀྱང་༔ དོན་ལ་ཁྱད་མེད་ཐེ་ཚོམ་སྤང་བར་བྱ༔ གཏོར་མ་བཅའ་ཐབས་དཔེའུ་རིས་ལྟར་རོ༔ འབྲི་གུང་ཡང་ཟབ་ལས་བྱང་མེད་པ་ལ༔ གཏེར་སྟོན་ཉིད་ཀྱིས་གསར་དུ་བསྒྲིགས་པ་ལྟར༔ འདི་ཡང་གཏེར་བློན་ར་ག་ཨ་སྱས་བསྒྲིགས༔ དགེའོ༔ ༔ ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གནམ་ཆོས་ཐུགས་ཀྱི་གཏེར་ཁ་ལས་སྙན་བརྒྱུད་ཟབ་མོའི་སྐོར་ལས་གཏུམ་མོའི་ཁྲིད་བདེ་དྲོད་རང་འབར།

ཤོག་ལྷེབ་ ༤༦༥ ནས་་ ༥༠༠ བར།

[Full Size]

གནམ་ཆོས་ཐུགས་ཀྱི་གཏེར་ཁ་ལས་སྙན་བརྒྱུད་ཟབ་མོའི་སྐོར་ལས་གཏུམ་མོའི་ཁྲིད་བདེ་དྲོད་རང་འབར་བཞུགས་སོ༔ ༔

[Full Size]

ན་མོ་ལོ་ཀེ་ཤྭ་ར་སརྦ་སིདྡྷི་ཧཱུྃ༔ འཕགས་པ་ཐུགས་རྗེ་ཆེན་པོ་རིག་འཛིན་གྲུབ་ཐོབ་རྒྱ་མཚོའི་ཚོགས་དང་བཅས་པ་ལ་ཕྱག་འཚལ་ཞིང་སྐྱབས་སུ་མཆིའོ༔ འདིར་རིག་འཛིན་ཆེན་པོ་དེ་ཉིད་ཀྱི་གསུང་གིས་བསྐུལ་ཕྱིར་ཁྲིད་ཀྱི་འགྲེལ་པ་ཅུང་ཟད་ཞིག་བྲི་བར་བྱ་སྟེ༔ མམཤམཛྙ།༔ འདི་ལྟར་ཡིག་འབྲུ་ལྔ་བྱུང་བ་ནི༔ མཁའ་འགྲོའི་བཀའ་རྟགས་ཀྱི་ཡི་གེ་སྟེ༔ ཨུ་རྒྱན་མཁའ་འགྲོའི་ཡི་གེ་དང་སྐད་ལ་འདི་ལྟར་ཡོད་ཅེས་ཁུངས་བཙན་པར་བསྟན་ཏེ༔ འོན་ཀྱང་ལོ་ཙཱ་བས་བསྒྱུར་བ་ནི་མ་ཡིན་ཏེ༔ སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་པ་མེ་སྤྲེལ་གྱི་

[Full Size]

ལོ་སྨིན་དྲུག་ཟླ་བའི་ཉི་ཤུ་ནུབ་ཁྲོ་བོ་ཉིད་ཞལ་གཟིགས་ནས་དངོས་སུ་གསུངས་པའི་ཕྱིར་ལོ་ཙཱ་བའི་ཚིག་ལྷད་མེད་ཅིང་བོད་སྐད་ཉིད་དུ་གསུངས་སོ༔ ཁྲོ་བོ་རོ་ཟ་ལ་ཕྱག་འཚལ་ལོ༔ ཞེས་པ་ནི་མཚན་ལ་བརྟེན་ནས་དོན་གོ་བར་བྱ་བ་སྟེ༔ ལྷ་འདི་ཐུགས་རྗེ་ཆེན་པོ་འགྲོ་འདུལ་ཡིན་ལ༔ དེ་ལ་རོ་ཟ་ཟེར་བའི་དོན་ཡང་ཕྱི་ནང་གསང་གསུམ་སྟེ༔ སྔོན་གྱི་དུས་ན་བདུད་ཀྱི་རྒྱལ་པོ་གུར་ཎ་པ་ཞེས་ཤིན་ཏུ་མ་རུངས་པ་ཞིག་འདུལ་བའི་ཚེ༔ ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ཁྲོ་བོར་སྤྲུལ་ནས༔ བདུད་དེ་བསྒྲལ་ནས་བདུད་ཀྱི་རོ་དེ་ཇུར་མིད་མཛད་པས་

[Full Size]

ཁྲོ་བོ་རོ་ཟ་ཞེས་གྲགས་སོ༔ དེ་བཞིན་དུ་བདུད་དང་ལོག་འདྲེན་ཐམས་ཅད་ཁྲོ་བོ་འདིས་དཔེར་ན་སྟག་དང་སེང་གེས་མི་རོ་མཐོང་བ་ལྟར་ཟ་བར་བྱེད་པས་རོ་ཟ་ཞེས་བྱའོ༔ ནང་ལྟར་ན་སྣང་བ་ཐབས་ཀྱི་ཆ་ལ་རང་ལུས་ཁྲོ་བོའི་སྐུར་གསལ་སྟོང་འཇའ་ཚོན་ལྟ་བུར་སྒོམས༔ ཤེས་རབ་སྟོང་པའི་ཆ་ལ་ལྟེ་བར་གཏུམ་མོའི་མེ་བསྒོམས་པས༔ ལས་དང་ཉོན་མོངས་པའི་སྒྲིབ་པ་དང་༔ མ་དག་པའི་ཕུང་ཁམས་སྐྱེད་མཆེད་ཐམས་ཅད་བསྲེག་པའམ་ཟ་བར་བྱས་ཏེ༔ དག་པ་ཡེ་ཤེས་ཀྱི་ལུས་སུ་བསྒྱུར་བས་ན༔ ཟ་བྱེད་རྡོ་རྗེ་མཁའ་འགྲོ་ཞེས་སམ༔ ཁྲོ་བོ་རོ་ཟ་ཞེས་བྱ་བའོ༔ གསང་བ་ལྟར་ན་མཆོག་གི་དབུ་མ་ཞེས་སམ༔ ཨ་ཝ་དྷུ་ཏིའི་ནང་དུ་རླུང་སེམས་ཚུད་པའམ༔ ཞུགས་པའམ༔ དབུ་མས་ཟོས་པས་ན༔ མཆོག་ཏུ་མི་འགྱུར་བ་འཕོ་མེད་བདེ་བ་ཆེན་པོ་འགྲུབ་པས་ན་རོ་ཟའོ༔ འདི་ལྟ་བུའི་གདམས་པོ་སྟོན་པ་ལ་ནི༔ ཐོག་མར་བླ་མ་མཚན་ཉིད་དང་ལྡན་པ་ཞིག་གལ་ཆེ་སྟེ༔ དྲི་མེད་རྒྱལ་པོའི་རྒྱུད་ལས༔ ཕྱི་སྒྲོ་འདོགས་ཡོངས་སུ་གཅོད་པར་བྱེད་པའི་བླ་མ་དམ་པ་དང་༔ ནང་རང་བྱུང་གི་ཡེ་ཤེས་སྟོན་པར་བྱེད་པའི་བླ་མ་དམ་པ་དང་༔ གསང་བ་ལྷན་ཅིག་སྐྱེས་

[Full Size]

པའི་ཡེ་ཤེས་སྟོན་པར་བྱེད་པའི་བླ་མ་དམ་པ་དང་༔ མཐར་ཐུག་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་སྟོན་པར་བྱེད་པའི་བླ་མ་དམ་པའོ༔ ཞེས་གསུངས་པའི་ནང་ནས་འདིར་ནི་སྐབས་སུ་བབ་པ་ནང་དང་གསང་བའི་བླ་མའོ༔ དེ་ལྟ་བུའི་བླ་མའི་མཚན་ཉིད་ཅི་ལྟ་བུ་ཞེ་ན༔ རྒྱུད་དེ་ཉིད་ལས༔ དབང་གི་ཆུ་བོ་མ་ནུབ་པ་དང་༔ བྱིན་རླབས་ཀྱི་བརྒྱུད་པ་མ་ཉམས་པ་དང་༔ གདམས་པའི་སྣ་ཁ་མ་ལོག་པ་དང་༔ མོས་གུས་ཀྱིས་བསམ་པ་ཚིམ་པར་ནུས་པ༔ ཞེས་གསུངས་པའི་དོན་ཐམས་ཅད་འདི་ལ་ཚང་སྟེ༔ ཡི་དམ་གྱི་ལྷས་དངོས་སུ་དབང་བསྐུར་བས་དབང་གི་ཆུ་བོའི་མགོ་ལྟ་བུ་ཡིན་པ་དང་༔ བརྒྱུད་པ་ཉེ་བས་བྱིན་རླབས་ཀྱིས་བརྒྱུད་པ་མ་ཉམས༔ སྨིན་བྱེད་ཀྱི་དབང་དང་གྲོལ་བྱེད་ཀྱི་ལམ་བསྐྱེད་རྫོགས་ཆ་ཚང་བར་ཡོད་པས་གདམས་པའི་སྣ་ཁ་མ་ལོག༔ སྤྲུལ་སྐུ་དེ་ཉིད་པདྨ་བཀའ་ཐང་སྡེ་ལྔ་སོགས་གཏེར་རྙིང་དུ་མ་ནས་ལུང་བསྟན་གསལ་བས་མོས་གུས་ཀྱིས་བསམ་པ་ཚིམ་པར་ནུས་པའོ༔ དེ་ལྟ་བུའི་བླ་མ་དངོས་སམ་དེའི་བརྒྱུད་པ་ཚད་ལྡན་ལ་གདམས་པ་འདི་ཞུ་བ་ལ་ཡང་དབང་ཐོབ་དགོས་ཏེ༔ ཆོས་དྲུག་ལྟ་བུའི་རྫོགས་

[Full Size]

འཚམས་པ་ནི༔ བླ་མེད་གང་རུང་གི་དབང་བཞི་ཐོབ་ནས་སྒོམ་རུང་བར་བཤད་ཀྱང་༔ འདི་ནི་སྔོན་ཆད་འཛམ་གླིང་མི་ལ་མ་གྲགས་པ་ཞིག་ཡིན་པས༔ འདི་རང་གི་དབང་ཞུ་དགོས༔ དེ་ཡང་འདིའི་བསྐྱེད་རྫོགས་མཐའ་དག་ཉམས་སུ་ལེན་པ་ལ་དབང་རྒྱས་པར་བསྐུར༔ བསྐྱེད་རིམ་བསྙེན་སྒྲུབ་ལས་ཚོགས་སོགས་དོན་མི་གཉེར་བར་ཉམས་ལེན་གྱིས་བོགས་འདོན་གཏུམ་མོ་སྒོམ་འདོད་པ་ལ་ནི་གཟུངས་དབང་ཙམ་བསྐུར་ན་ཆོག་སྟེ༔ དབང་རྒྱས་པ་སྡེ་བརྒྱད་སྲོག་དབང་དང་འབྲེལ་བས་གཉེན་པའོ༔ དེ་ནས་གདམས་པ་དངོས་ལ་སྔོན་འགྲོ་དངོས་གཞི་རྗེས་གསུམ་གྱིས༔ སྔོན་འགྲོ་ལ་ཡང་ཐུན་མོང་དང་ཐུན་མོང་མ་ཡིན་པ་གཉིས་ཏེ༔ དེ་དག་ཕལ་སྔོན་དུ་སོང་བ་ལ་ཁྲིད་འདི་མི་སྟོན་པས༔ རྒྱས་པར་སངས་རྒྱས་ལག་འཆང་གི་ཁྲིད་ལྟར་ཡིན་ལ༔ འདིར་ཡང་ས་བཅད་མ་སྟོང་ཙམ་གསལ་གདབ་པར་བྱ་སྟེ༔ དལ་བ་བརྒྱད་དང་འབྱོར་པ་བཅུ་ལྡན་པའི་མི་ལུས་འདི་ནི༔ ཤིན་ཏུ་རྙེད་དཀའ་ཞིང་ད་རེས་ཁོ་ན་ཙམ་ཡིན༔ ད་རེས་འདི་ལ་སྙིང་པོ་གཅིག་མ་ལོན་ན་རིན་པོ་ཆེའི་གླིང་དུ་ཕྱིན་ནས་ལག་པ་སྟོང་པ་ལོག་པ་དང་ཁྱད་མེད༔ དེ་ལ་སྙིང་པོ་ལེན་པ་ལ་

[Full Size]

དམ་པའི་ཆོས་ཤིག་བྱེད་དགོས༔ དེ་ཡང་བྱེད་བསམ་ཡོད་པས་མི་ཆོག་ད་ལྟ་རང་དུ་མ་བསྒྲུབས་ན༔ ཚེ་ལ་ལོང་མེད་འཆི་བའི་རྐྱེན་མང་༔ ཆོས་ཐོས་བསམ་སྒོམ་གསུམ་ལས་ཀྱང་༔ སྒྲུབ་པ་གལ་ཆེ༔ ཉམས་སུ་མ་བླངས་ན་ཚིག་ཐ་སྙད་གླང་པོའི་རྒྱབ་ཁལ་ཙམ་བློ་ལ་ཡོད་ཀྱང་རང་རྒྱུད་མི་གྲོལ་བར༔ མཁས་པའི་མལ་དུ་ཐ་མལ་པའི་རོ་འབྱུང་ཉན་ཡོད༔ ཆོས་སྒྲུབ་པའི་ལག་ལེན་ཡང་དགེ་སྒྲུབ་སྡིག་སྤང་གི་བླང་དོར་ལག་ལེན་ལ་ཐེབས་པ་ཞིག་གནད་ཚེ༔ མི་དགེ་བ་ལ་དུག་ལྟར་མ་འཛེམ་ན་རང་ཐེག་ཆེན་པ་དང་གསང་སྔགས་པར་རློམས་པ་ལ༔ འགྲོ་ས་ངན་སོང་ལས་མེད་པ་ཞིག་འོང་ཉན་ཡོད༔ ངན་སོང་དུ་ལྟུང་ན་ད་ལྟ་མེ་སྟག་གཅིག་ཕོག་ཀྱང་ཐུང་ཀུམ་ཀུམ་བྱེད་ན༔ མིའི་མེ་ལས་བདུན་འགྱུར་གྱི་ཚ་བའི་དམྱལ་བའི་མེས༔ ལོ་བརྒྱ་སྟོང་བྱེ་བར་བསྲེག་པའམ༔ ད་ལྟ་ནུབ་གཅིག་གོས་སྲབ་ན་གཉིད་མི་རྙེད་ཟེར་བ་ལ༔ ལུས་འཁྱགས་ནས་དུམ་བུ་བརྒྱ་དང་བཅུ་དྲུག་ཏུ་གས་ཀྱང་འཆི་མི་ཐུབ་པར་ལོ་བསྐལ་པར་སྡོད་དགོས་པའམ༔ ད་ལྟ་ཁྱི་རྒན་དང་རྟ་རྒན་དང་བོང་བུ་འདྲ་སོགས་སྨྲས་ན་ཀོ་ལོང་ས་ཆག་པ་འདྲ་བྱེད་དེ༔ དེ་འདྲ་བའི་

[Full Size]

ལུས་དངོས་སུ་བླངས་ན་ཇི་ལྟར་བྱ༔ ལྷ་དང་མི་དང་ལྷ་མ་ཡིན་གསུམ་ལ་གནས་སྐབས་བདེ་བ་རེ་ཡོད་ཀྱང་༔ མི་རྟག་སྡུག་བསྔལ་དུ་འགྱུར༔ དེ་ལྟར་འཁོར་བའི་སྡུག་བསྔལ་དེ་ལས་རང་ཁོ་ན་ཐར་བས་ཀྱང་མི་ཆོག་སེམས་ཅན་ཐམས་ཅད་ཕ་མ་ཤ་སྟག་ཡིན༔ མི་རྟག་སྡུག་བསྔལ་དུ་འགྱུར༔ དེ་རྣམས་འཁོར་བ་ནས་འདྲེན་པ་ལ་རྫོགས་པའི་སངས་རྒྱས་ཐོབ་དགོས༔ སངས་རྒྱས་ཐོབ་པ་ལ་ཡང་རྒྱུ་མཚན་ཉིད་ཐེག་པས་གྲངས་མེད་གསུམ་དང་བྱ་སྤྱོད་རྒྱུད་ལས་སྐྱེ་བ་དྲུག་ཅུ་དང་༔ རྣལ་འབྱོར་རྒྱུད་ཀྱི་སྐྱེ་བ་བཅུ་དྲུག་འགོར་བས་ལམ་རིང་༔ དེ་བས་ཚེ་གཅིག་ལུས་གཅིག་ལ་སངས་རྒྱས་བ་གསང་སྔགས་བླ་ན་མེད་པ༔ ཡི་དམ་ལྷ་གཞན་ལས་ཐུགས་རྗེ་ཆེ་བ་སྤྱན་རས་གཟིགས་ཁྲོས་པའི་རོ་ཟ༔ ལམ་ཟབ་མོ་གཏུམ་མོ་གནད་ཀྱི་གདམས་པ་ཟབ་མོ་སྒོམ་དགོས་ཏེ༔ གནམ་ཆོས་ཐུགས་རྗེ་ཆེན་པོའི་གསུངས་ལས༔ དལ་འབྱོར་ལུས་འདི་ཤིན་ཏུ་རྙེད་པར་དཀའ༔ ཅི་དང་ཅི་ལས་སྐྱེས་ཀྱང་མི་རྟག་འཆི༔ དགེ་བ་ཆོས་ལ་འབད་ན་སངས་རྒྱས་རྒྱུ༔ སྡིག་པ་གང་བྱས་དེ་ལྟའི་རིགས་དྲུག་འཁྱམས༔ ཡི་དྭགས་བཀྲེས་སྐོམ་དུད་འགྲོ་བླུན་པ་དང་༔ དམྱལ་བ་ཚ་གྲང་མི་

[Full Size]

སྐྱེ་རྒས་ན་འཆི༔ ལྷ་མིན་འཐབ་རྩོད་ལྷ་ཡི་སྡུག་བསྔལ་ཡོད༔ ཅེས་གསུངས་པ་དང་༔ སེམས་ཅན་དོན་དུ་བྱང་ཆུབ་སེམས་བསྐྱེད་དོ༔ ཞེས་གསུངས་པའི་དོན་ཡང་དྲན་པར་བྱས་ལ༔ ཁྱད་པར་གྱི་སྔོན་འགྲོ་ཐམས་ཅད་བསྡུས་ཏེ་བསྒོམ་པ་ནི༔ རང་གི་སྤྱི་བོར་པདྨ་འབྱུང་གནས་ལ༔ སངས་རྒྱས་བྱང་སེམས་ཐམས་ཅད་འདུས་པར་བསམ༔ ཆ་ལུགས་པདྨ་ངོ་བོ་རྩ་བའི་བླ་མ༔ དེ་ལ་གསོལ་བ་རྩེ་གཅིག་བཏབ་པ་ཡིས༔ མཐར་ནི་དེ་རྣམས་རང་ལ་ཐིམ་པར་གྱུར༔ ཞེས་པའི་དོན་འདིར་གསང་བའི་དབང་བླངས་པ་སྐབས་སུ་བབ་པ་སྟེ༔ རང་གི་སྤྱི་བོའི་གཙུག་ཁྲུ་གང་ཙམ་གྱི་ནམ་མཁར་པདྨ་འདབ་མ་སྟོང་ལྡན་གྱི་ཟེའུ་འབྲུར་ཟླ་བའི་དཀྱིལ་འཁོར་ཉ་རྒྱས་པའི་སྟེང་དུ༔ རང་གི་རྩ་བའི་བླ་མ་དང་དབྱེར་མེད་པའི་གུ་རུ་རིན་པོ་ཆེ་པདྨ་འབྱུང་གནས་སྐུ་མདོག་དཀར་ལ་དམར་བའི་མདངས་ཆགས་པ༔ ཞལ་གཅིག་སྤྱན་གསུམ་ཁྲོ་ཞིང་འཛུམ་པ༔ དབུ་སྐྲ་ཐོར་ཚུགས་རིན་པོ་ཆེའི་པྲོག་ཞུ་དར་གྱི་ཅོད་པན་བཅིངས་པ༔ ཕྱག་གཉིས་རྡོ་རྗེ་དང་དྲིལ་བུ་བསྣོལ་ཐབས་སུ་ཡུམ་ལ་འཁྱུད་པ༔ སྐུ་གཅེར་བུ་རུས་པའི་རྒྱན་དྲུག་གསོལ་ནས་རྡོ་རྗེའི་སྐྱིལ་ཀྲུང་།

[Full Size]

གིས་བཞུགས་པ༔ ཡུམ་མནྡ་ར་བ་བྱུ་རུའི་མདོག་ཅན༔ ཕྱག་གཡས་ཌ་མ་རུ་ཡབ་ལ་འཁྱུད་ཅིང་༔ གཡོན་ཐོད་པ་བདུད་རྩིས་བཀང་བ་སྟོབ་པ༔ བཅུ་དྲུག་ལོན་པའི་ན་ཚོད་བདེ་བའི་ཉམས་ཀྱིས་ཡབ་དང་ཞལ་སྦྱོར་བ༔ ཡབ་ཡུམ་གཉིས་ཀ་ཡེ་ཤེས་ཀྱི་མེ་དཔུང་འུ་རུ་རུ་འབར་བའི་ཀློང་ན་བཞུགས་པ་གནས་གསུམ་དུ་ཡིག་འབྲུ་གསུམ༔ ཁྱད་པར་ཡབ་ཡུམ་གཉིས་ཀའི་ཐུགས་ཀའི་ཧྲིདམར་པོ་ལས་འོད་ཟེར་འཕྲོས་པས༔ ཕྱོགས་བཅུ་དུས་གསུམ་གྱི་སངས་རྒྱས་བྱང་སེམས༔ ཡི་དམ་མཁའ་འགྲོ་ཆོས་སྐྱོང་རིག་འཛིན་གྲུབ་ཐོབ་ཐམས་ཅད་རང་དབང་མེད་པར་སྤྱན་དྲངས་ནས༔ བུ་ཡུག་འཚུབ་པ་ལྟར་བྱོན་ཏེ༔ ཡབ་ཡུམ་གྱི་སྐུ་ལ་མཚོ་ལ་ཆར་བབ་པ་ལྟར་ཐིམ་པས་སྐྱབས་གནས་ཀུན་འདུས་སུ་བློ་ཐག་རྦད་ཀྱིས་བཅད་ནས༔ སྤྲོ་ན་མ་ནམ་བཞི་སྐོར་གྱི་སྐྱབས་འགྲོ་དང་༔ ལུས་དང་ལོངས་སྤྱོད་དུ་མའི་མཎྜལ་དང་༔ ལུས་ཀྱི་ལས་ནི་རྣམ་པ་གསུམ༔ ཞེས་སོགས་བཤགས་ཚིག་དང་༔ སྐུ་གསུམ་གསོལ་འདེབས་སམ༔ གཏེར་མ་གསོལ་འདེབས་བྱ༔ བསྡུ་ན་བཛྲ་གུ་རུ་བགྲང་ཞིང་ཅི་མཛད་ཁྱེད་ཤེས་ཀྱི་བློ་གཏད་དང་༔ ལུས་ལོངས་སྤྱོད་ཐམས་ཅད་

[Full Size]

མཆོད་པར་འབུལ་བ་དང་༔ ཉམས་ཆག་སྡིག་ལྟུང་ལ་གནོང་འགྱོད་དྲག་པོ་དང་༔ སྙིང་ཁུང་རུས་པའི་གཏིང་ནས་མོས་གུས་བྱའོ༔ དེ་ལྟར་བྱས་པས་ཡབ་ཡུམ་སྙོམས་པར་འཇུག་པའི་སྒྲ༔ ཧ་ཧ་སི་སི་ཞེས་པའི་སྒྲས་ཡི་དམ་སངས་རྒྱས་བྱང་སེམས་ཐམས་ཅད་སྤྱན་དྲངས་ཏེ༔ ཕོ་རིགས་ཐམས་ཅད་ཡབ་དང་༔ མོ་རིགས་ཐམས་ཅད་ཡུམ་གྱི་ཞལ་དུ་ཞུགས༔ སྐུའི་དབྱིབས་བརྒྱུད་པས་འོད་དུ་ཞུ་བ་བདུད་རྩི་བྱང་སེམས་དཀར་དམར་དུ་གྱུར་པ་སྦྱོར་མཚམས་ནས་བབ་སྟེ༔ རང་གི་ཚངས་བུག་ནས་ཞུགས་པས༔ སྤྱི་བོ་གང་བས་བུམ་དབང་༔ མགྲིན་པ་གང་བས་གསང་དབང་༔ སྙིང་ཁ་གང་བས་ཤེས་རབ་ཡེ་ཤེས༔ རྐང་མཐིལ་ཡན་གང་བས་དབང་བཞི་པ་ཐོབ༔ ལྷག་མ་གྱེན་དུ་འཁྱིལ་བས༔ བླ་མ་ཡབ་ཡུམ་གཟི་བརྗིད་ཆེར་འབར་ཏེ་འོད་དུ་ཞུ་ནས་རང་ལ་ཐིམ་པས༔ སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་དུ་གྱུར་ཏེ༔ བྱང་སེམས་བ་སྤུའི་བུ་ག་ནས་ཕྲོམ་མེར་བྱུང་བ་ལ་གསེར་གྱི་རྡོ་རྗེ་ཕྱེད་པར་གྱུར༔ མ་དག་པའི་རྩ་ཐིག་རླུང་གསུམ་དག་པ་ཡེ་ཤེས་ཀྱི་རྩ་ཐིག་རླུང་གསུམ་དུ་བྱིན་གྱིས་བརླབས་པར་བསྒོམས་ལ༔

[Full Size]

སེམས་མ་བཅོས་པར་ཀློད་ལ་བཞག༔ ཐུན་ལས་ལངས་བ་ན༔ དགེ་བ་འདི་ཡིས་མྱུར་དུ་བདག༔ ཐུགས་རྗེ་ཆེན་པོ་འགྲུབ་གྱུར་ནས༔ ཞེས་སོགས་བསྔོ་བས་རྒྱས་གདབ་བོ༔ འདི་སྔོན་འགྲོ་ཡང་ཡིན་ལ་རྩ་གནས་བྱིན་རླབས་དང་ཐིག་ལེ་མི་ཉམས་པའི་གདམས་པ་ཡང་ཡིན་པས༔ འདི་ལ་ངེས་ཤེས་འགྲོང་བ་རེ་སྒོམ་དགོས༔ བྱིན་རླབས་མ་ཞུགས་ན་རྟགས་ཐོན་དཀའ༔ རྟགས་ཐོན་པ་ལ་ནན་ཏན་གྱིས་སྒོམ་དགོས༔ ལན་རེ་དམིགས་པ་གསལ་ཙམ་གྱིས་མི་ཆོག༔ དང་པོ་ཐུན་རེ་ལ་དམིགས་པ་དེ་ཉེར་གཅིག་གམ་བདུན་ནམ་ཐ་ན་གསུམ་རེ་ཙམ་སྒོམས༔ ཉིན་རེ་ཐུན་དྲུག་གམ་བཞིའམ་ཐ་ནའང་གསུམ་རེ་སྒོམས༔ དེ་ལྟར་བྱས་ན་དངོས་ཉམས་རྨི་ལམ་དུ་ཡང་བྱིན་རླབས་འཇུག་པའི་དག་སྣང་རེ་འོང་བ་ཡིན༔ དེ་ཡན་སྔོན་འགྲོའི་ཆོས་ཐུན་བརྒྱད་ཙམ་གཅིག་ཏུ་བསྡོམས་པ་ཡིན་པས་ཞག་ཁ་ཡར་རྩེ་གཅིག་ཏུ་སྒོམས་ཤིག༔ མ་གསལ་ན་ཞག་རེ་བཞིན་ཆོས་ཐུན་དེ་ཉིད་བསྐྱར་ལ་བརྗོད་དོ༔ ཆོས་ཐུན་དང་པོའོ༔ ༒ འདིར་ཆོས་ཐུན་གཉིས་པ་ནི་གཞུང་ལས༔ ཁྲོ་བོ་རོ་ཟའི་གཏུམ་མོ་ནི༔ ཞེས་གསུངས་ཏེ༔ སྤྱིར་བདེ་

[Full Size]

མཆོག་དང་ཀྱེ་རྡོར་སོགས་བཀའ་མ་དང་༔ བཀའ་དགོངས་ཡང་དག་སོགས་གཏེར་མའི་བླ་མེད་རྒྱུད་སྡེ་ཕལ་ཆེར་ནས་རྫོགས་རིམ་གཙོ་བོར་གཏུམ་མོ་འདི་གསུངས་ཤིང་༔ འདིར་བཀའ་གཏེར་གཉིས་ཀའི་ལུང་འདྲེན་རུང་པ་ཡང་༔ དངོས་སུ་གསུང་ཕྱིར་བཀའ་མ་དང་ཐུགས་གཏེར་ཡིན་ཕྱིར་གཏེར་མ་ཡིན་པས་སོ༔ དེ་ལ་ཡང་གོ་བར་བྱ་རྒྱུ་རེ་དང་༔ ཉམས་སུ་བླངས་རྒྱུའི་དམིགས་པ་རེ་སོ་སོར་ཡོད་པས༔ དང་པོ་ནི༔ ཏཻ་ལོ་པས་ནཱ་རོ་ལ་གདམས་པའི་སྙན་བརྒྱུད་ཀྱི་རྩ་ཚིག་ལས༔ དངོས་པོའི་གནས་ཚུལ་ལམ་དང་ནི༔ འབྲས་བུ་སྐྱེ་བའི་རིམ་པའོ༔ ཞེས་གསུངས་པའི་དོན༔ ལུས་དངོས་པོའི་གནས་ཚུལ་དང་༔ སེམས་དངོས་པོའི་གནས་ཚུལ་ལོ༔ སེམས་དངོས་པོའི་གནས་ཚུལ་རྒྱུ་མཚན་ཉིད་ཐེག་པ་དང་རྒྱུད་སྡེ་འོག་མ་རྣམས་ལས་ཀྱང་གསུངས་པས༔ སེམས་སངས་རྒྱས་སུ་ངོ་འཕྲོད་ནས་སྟོང་ཉིད་སྒོམ་པ་ཡོད་ཀྱང་༔ ལུས་སངས་རྒྱས་སུ་མ་རྟོགས་པས་ལམ་ཐག་རིང་བའོ༔ དེ་ལས་ཀྱང་བསྐྱེད་པ་མ་ཧཱ་ཡོ་གའི་རྒྱུད་རྣམས་ནས༔ ཕུང་ཁམས་སྐྱེ་མཆེད་སངས་རྒྱས་སུ་གསུངས་པས་དེའི་དོན་རྟོགས་ཀྱང་༔ གསང་བ་རྩ་རླུང་ཐིག་ལེ་སངས་

[Full Size]

རྒྱས་སུ་མ་རྟོགས་པས་ཅུང་ཞིག་ལམ་ཐག་རིང་པའོ༔ འདིར་ནི་ཕྱི་ནང་སྣོད་བཅུད་ཐམས་ཅད་གསང་བ་རྩ་རླུང་ཐིག་ལེ་གསུམ་དུ་གཏན་ལ་འབེབས་པ་སྟེ༔ ཕྱི་རོལ་ཅི་བཞིན་ནང་དེ་བཞིན་ཞེས་གསུངས་པ་ལྟར༔ སྤྱི་གཙུག་གཟུགས་མེད་ཁམས་ནས་རྐང་མཐིལ་དམྱལ་བའི་གནས་ཡན་ཆད་ཕྱི་རོལ་ན་གང་སྣང་བ་ཐམས་ཅད་ལུས་ལ་ཚང་༔ སྙིང་རྡོ་རྗེ་གདན་རྩ་དབུ་མ་བྱང་ཆུབ་ཀྱི་ཤིང་ལ་སོགས་པ་ཕྱིའི་གནས་ཐམས་ཅད་ཀྱང་ལུས་ལ་ཚང་སྟེ༔ རྩ་གནས་ཉི་ཤུ་རྩ་བཞི་ཡུལ་ཉེར་བཞི༔ དེ་དག་གི་རྩ་མདུད་ཡིག་འབྲུའི་ཚུལ་དུ་ཡོད་པ་ནི་ཏཱཀྐི་ཉེར་བཞི༔ རྩ་དེ་དག་ཏུ་གནས་པའི་ཐིག་ལེ་ནི་དཔའ་བོ༔ སྙིང་ཁ་ཆོས་ཀྱི་འཁོར་ལོ་མངོན་པར་དགའ་བའི་ཞིང་ལ་སོགས་པ་རྩ་འཁོར་ལོ་ལྔ་ནི་དག་པའི་ཞིང་ཁམས་ལྔ༔ དེ་དག་ཏུ་མི་ཤིགས་པའི་ཐིག་ལེ་ཨོཾ་ཧཱུྃ་ཏྲཱཾ་ཧྲཱིཿཨཱཿལྔཿ རིགས་ལྔ༔ སྤྱི་མགྲིན་སྙིང་ལྟེ་གསང་བ་རྐང་མཐིལ་ལམ་སུམ་མདོར༔ ཨ་སུ་ཎི་ཏྲི་པྲེ་དུ་དྲུག་རྩ་ཡིག་ལ་ཡོད་པ་རིགས་དྲུག་གི་གྲོང་ཁྱེར༔ སྙིང་རྒྱལ་པོ་གློ་བ་བཙན་ཕོ་བ་ཐེའུ་རང་རྒྱུ་མ་ལ་ཀླུ་ལ་སོགས་པ་སྡེ་བརྒྱད་དང་གདོན་ཐམས་ཅད་ཀྱང་རྩ་གནས་སུ་ཚང་༔ དབུ་མ་སྒྲ་གཅན་སྤྱི་བོ་དང་ལྟེ་བའི་ཐིག་ལེ་

[Full Size]

དཀར་དམར་ཉི་ཟླ་སོགས་དང་༔ མདོར་ན་ཕྱི་སྣོད་ཀྱི་འཇིག་རྟེན་དང་རིགས་དྲུག་གི་སེམས་ཅན༔ ནང་རྣལ་འབྱོར་པའི་རྡོ་རྗེའི་ལུས་ཀྱི་རྩ་རླུང་ཐིག་ལེ༔ གཞན་དག་པའི་ཞིང་ཁམས་སངས་རྒྱས་བྱང་སེམས་རྣམས་ཀྱི་མཁྱེན་བརྩེའི་ནུས་པ༔ དེ་ཐམས་ཅད་དབྱེར་མེད་པར་བཞུགས་པའི་གནད་ཟབ་མོ་གོ་བ་གལ་ཆེ་སྟེ༔ ཨུ་རྒྱན་རིན་པོ་ཆེའི་ཞལ་ནས༔ ཕྱི་ནང་སྣོད་བཅུད་ཐམས་ཅད་ཡེ་གདོད་མ་ནས་དབྱེར་མེད་པའི་གནད་ཀྱིས༔ ཞེས་སོགས་རྒྱ་ཆེར་གསུངས་ཤིང་༔ བཀའ་གཏེར་གྱི་རྒྱུད་གཞུང་རྣམས་ནས་བརྗོད་བྱའི་གཙོ་བོ་དེ་དག་གི་རྒྱས་བཤད་ཁོ་ན་ཡིན་པས༔ མང་དུ་བཤད་ན་དམིགས་པ་མི་ཟིན་པའི་སྐྱོན་དུ་འགྱུར་བས༔ མདོར་བསྡུ་ན༔ དེ་ལྟར་ཕྱི་ནང་གཞན་གསུམ་ལས༔ ནང་གི་རྩ་རླུང་ཐིག་ལེ་གནད་ཆེ་སྟེ༔ རང་གི་ལུས་ངག་ཡིད་གསུམ་དང་རྩ་རླུང་ཐིག་ལེ་དབྱེར་མེད་དེ༔ ལུས་ནི་རྩ༔ ངག་ནི་རླུང་༔ སེམས་ནི་ཐིག་ལེའི་ངོ་བོ་ཡིན་ལ༔ དེ་གསུམ་དང་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡེ་ནས་དབྱེར་མེད་ལྷུན་གྲུབ་ཏུ་བཞུགས་ཀྱང་༔ ལས་དང་ཉོན་མོངས་པའི་སྒྲིབ་པ་དང་༔ ཐབས་ཟབ་མོས་མ་ཟིན་པས་དངོས་སུ་

[Full Size]

གསལ་བར་མི་སྣང་བ་འདི༔ སྨིན་བྱེད་ཀྱི་དབང་གིས་རྒྱུད་སྨིན་པར་བྱས་ཏེ༔ གྲོལ་བྱེད་ཀྱི་ལམ་རྩ་རླུང་ཐིག་ལེའི་རྣལ་འབྱོར་ཉམས་སུ་བླངས་པས༔ ལས་ཉོན་གྱིས་སྒྲིབ་པའི་རྩ་མདུད་རྣམས་རིམ་པར་གྲོལ༔ མ་དག་པའི་ལས་རླུང་རྣམས་དག་པ་ཡེ་ཤེས་ཀྱི་རླུང་དུ་རིམ་པར་གྱུར༔ རྩ་གནས་རྣམས་མི་ཤིགས་པའི་ཐིག་ལེས་རྣམ་པར་ཁེངས་པ་ལས༔ ལམ་རྟགས་ཀྱི་ཡོན་ཏན་རིམ་པར་འཆར་ཏེ༔ འཕྲིན་ལས་བཞི་རྩོལ་མེད་དུ་འགྲུབ་པ་དང་༔ གྲུབ་པ་བརྒྱད་དང་༔ ཟག་བཅས་ཀྱི་མངོན་ཤེས་རྫུ་འཕྲུལ་ཅི་རིགས་པར་འབྱུང་སྟེ་མཐར་རླུང་དབུ་མར་ཚུད༔ བྱང་སེམས་འཛག་མེད་དུ་འཆིང་ནས་མི་ཤིགས་པའི་ཐིག་ལེར་སྨིན་པ་ན༔ བདེ་སྟོང་ཟུང་འཇུག་རྡོ་རྗེ་འཆང་ཆེན་པོ་འགྲུབ་པ་སྟེ༔ དེ་ཡང་སྐལ་པ་བཟང་ངན་གྱི་ཁྱད་པར་གྱིས༔ ཟླ་བ་དྲུག་གམ༔ ལོ་གསུམ་ཕྱོགས་གསུམ་མམ༔ ལོ་དྲུག་གམ༔ ལོ་བཅུ་གཉིས་སམ༔ ཚེ་གཅིག་གི་སངས་རྒྱས་འགྲུབ་པར་གསུངས་སོ༔ དེ་ལྟ་བུའི་གནད་ཟབ་མོ་ལ་ངེས་ཤེས་དང་སྤྲོ་བ་བསྐྱེད་ནས་བརྩོན་འགྲུས་གལ་ཆེ༔ གཉིས་པ་དམིགས་པ་དངོས་ནི༔ གཞུང་ལས༔ གཏུམ་མོའི་དམིགས་པ་འདི་ལྟ་སྟེ༔ ཞེས་

[Full Size]

གསུངས་ཏེ༔ གཏུམ་ཞེས་བྱ་བ་ནི༔ མི་མཐུན་པའི་ཕྱོགས་ལས་ཉོན་གྱི་སྒྲིབ་པ་ཐམས་ཅད་སྐད་ཅིག་ལ་བསྲེག་པའམ་འཇོམས་པས་ན་གཏུམ༔ མོ་ཞེས་བྱ་བ་ནི༔ ཨ་ཐུང་ཕག་མོའི་ངོ་བོ་སྟེ༔ ཞེས་པས་ལྟེ་འོག་མ་ལས་ཐོབ་པའི་བྱང་སེམས་ཁྲག་ཐམས་ཅད་ཀྱི་དྭངས་མ༔ ཨ་ཐུང་ངུའི་རྣམ་པ་དྲོད་ཐམས་ཅད་བསྐྱེད་པར་བྱེད་པ་དེ་བསྒོམ་པའི་རྟེན་ཡིན་པས་མོ༔ ཞེས་བྱའོ༔ གཞན་དག་གི་རིགས་ལྡན་གྱི་གཞི་བཟུང་བ་ཞེས་ཕྱི་ལུས་ཀྱི་སྟོང་རེ་དང་༔ དཔག་བསམ་གྱི་ཤིང་འཛུགས་པ་ཞེས་ནང་རྩའི་སྟོང་ར་དང་༔ ཆུ་ཟླའི་གར་སྒྱུར་བ་ཞེས་ཐིག་ལེ་བསྒོམ་པ་རྣམས༔ རིམ་པར་སྒོམ་པར་བཤད་ནའང་༔ འདིར་ནི་དུས་གཅིག་ཉིད་དུ་སྒོམ་དགོས་པའི་རྒྱུ་མཚན་ནི༔ སྦྱང་གཞི་ཐལ་མལ་དུས་རྣམ་སྨིན་གྱི་ལུས་ངག་ཡིད་གསུམ༔ རྨི་ལམ་དུ་བག་ཆགས་ཀྱི་ལུས་ངག་ཡིད་གསུམ༔ བར་དོ་ན་ཡིད་ཀྱི་ལུས་ངག་ཡིད་གསུམ༔ དེ་ནམ་ཡང་འབྲལ་བ་མེད་པར་གནས་པས༔ སྦྱོང་བྱེད་རྩ་ཐིག་རླུང་གསུམ་ཡང་རང་ཆས་དུས་མཉམ་དུ་བསྒོམས་པས༔ སྦྱངས་འབྲས་རྡོ་རྗེའི་སྐུ་གསུང་ཐུགས་འགྲུབ་པའི་རྟེན་འབྲེལ་ཡིན་པས་སོ༔ དམིགས་པ་དངོས་ནི༔ ཕྱི་

[Full Size]

ལུས་ཀྱི་སྟོང་ར༔ རང་ཉིད་ཁྲོ་བོ་རོ་ཟ་ནི༔ སྐུ་མདོག་དམར་པོ་ཞི་མ་ཁྲོ༔ ཞབས་གཉིས་བཞེངས་པའི་སྟབས་ཀྱིས་བཞུགས༔ ཕྱག་གཉིས་གཡས་པས་སྙིང་ཞགས་དང་༔ གཡོན་པས་སེ་གོལ་གཏོགས་པར་བྱེད༔ ལྟེ་བའི་ཐད་དུ་དབུ་མ་ནི༔ ཕྱི་ནི་དཀར་ལ་ནང་ནི་དམར༔ སྔོ་སང་སྨྱུག་རྒོད་འབྲིང་པོ་ཙམ༔ དེ་ཡི་དབུས་སུ་རཾ་ཡིག་ལས༔ བསྐྱེད་པའི་མེ་ནི་སྲན་མ་ཙམ༔ འོད་ནི་ཕྲའུ་འབར་བ་ཞིག༔ དེ་རུ་བསམ་ལ་རླུང་བཟུང་པས༔ རླུང་གིས་དྲོད་དེ་ཅུང་སྐྱེད་བསམ༔ དེ་ལ་ཞག་གསུམ་སྦྱངས་ནས་ནི༔ གོས་ཉུང་བཞིན་དུ་དྲོད་ཆེར་འབྱུང་༔ ཞེས་གསུངས་ཏེ༔ འདི་ལ་གོ་བར་བྱ་རྒྱུ་དང་སྒོམ་རྒྱུ་གཉིས་ཡོད་དེ༔ ལུས་ཁྲོ་བོའི་སྐུར་བསྒོམ་པ་ནི་ཕྱི་མཚན་ཉིད་ཐེག་པ་ལས་ཟབ་ཅིང་ཁྱད་པར་དུ་ནང་རྩ་དང་ཐིག་ལེ་བསྒོམ་པ་ནི་བྱ་སྤྱོད་རྣལ་འབྱོར་རྒྱུད་ལས་ཟབ་ཅིང་ཁྱད་པར་དུ་གྱུར་པ་ཡིན་ལ༔ སྤྱིར་རྡོ་རྗེའི་ལུས་ལ་རྩ་བྱེ་བ་ཕྲག་ཕྱེད་དང་བཅུ་ཡོད་པར་བཤད་ཀྱང་བསྡུ་ན་རྩ་གསུམ་འཁོར་ལོ་ལྔར་འདུས་ཤིང་༔ འཁོར་ལོ་ལྔ་ལ་ཡང་སྐྱོན་དང་ཡོན་ཏན་བསྐྱེད་པའི་རྩ་ཟུང་འབྲེལ་དུ་ཡོད་ཅིང་༔ འཁོར་ལོ་ལྔའི་ལྟེ་བ་ཡང་དབུ་མ་ཉིད་ཡིན་

[Full Size]

ཅིང་༔ དབུ་མ་ནི་ཡེ་ཤེས་ཀྱི་རྩ་ཡོན་ཏན་ཁོ་ན་སྐྱེད་བྱེད་ཡིན་པས༔ འདིར་རྩ་དབུ་མ་ཁོ་ན་བསྒོམས་པས་འཁོར་ལོ་ལྔའི་གོ་ཆོད་པ་དང་༔ དབུ་རྐྱང་རོ་གསུམ་ཡང་བདེ་གསལ་མི་རྟོག་པ་སྐྱེད་བྱེད་ཡིན་ལ༔ སྐུ་གསུམ་གྱི་རང་བཞིན་ཡིན་པས༔ དབུ་མའི་ཕྱི་དཀར་བས་རྐྱང་མ་དཀར་ཆ་ཐམས་ཅད་རྒྱུ་བའི་རྩའི་དོན་ཚང་༔ ནང་དམར་བས་རོ་མ་ཁྲག་རྒྱུ་བའི་རྩ་ཐམས་ཅད་ཀྱི་དོན་ཚང་༔ དབུ་མའི་ནང་སྔོ་བས་དབུ་མའི་རིགས་རླུང་རྒྱུ་བའི་རྩ་ཐམས་ཅད་ཀྱི་དོན་ཚང་ཞིང་༔ བདེ་གསལ་མི་རྟོག་གསུམ་སྐྱེ་ཞིང་སྐུ་གསུམ་ཐོབ་པའི་རྟེན་འབྲེལ་ཡིན་པའོ༔ འོ་ན་ལུས་ལ་གནས་ཚུལ་དང་མི་མཚུངས་སོ་སྙམ་ན༔ གནས་ཚུལ་ལ་དབུ་མ་ཡང་མདུད་པ་སོ་གཉིས་ཀྱིས་བསྡམས་ནས་ཡོད་པ་དང་༔ ཡང་ཡ་ཡོ་ཕར་འཁྱོག་ཚུར་འཁྱོག་ཏུ་ཡོད་པ་དང་༔ སྤྱི་བོའི་རྩ་འདབ་ཀྱི་ལུས་སྟོད་སྨད་ཁྱབ་པ་བུམ་པ་རྒྱའི་བཏུམ་པ་ལྟ་བུ་དང་༔ མགྲིན་པའི་རྩ་སྐུད་ཆུན་ལྟ་བུ་དང་༔ སྙིང་ཁའི་རྩ་འདབ་གྲུ་གུ་བསྒྲིལ་བ་ལྟར་དང་༔ ལྟེ་བའི་རྩ་འདབ་བ་ཐག་འཛིང་བ་ལྟར་ཡོད་པར་བཤད་ཀྱང་༔ དེ་དག་པར་བྱ་བ་དང་གྲོལ་བར་བྱ་བ་དང་སྦྱོང་བར་བྱ་བ་ཡིན་པས༔ རྟེན་

[Full Size]

རྩ་ལ་དེ་ལྟར་སྒོམ་ན༔ རླུང་སེམས་ཐིག་ལེའི་འཇུག་པ་སྐྱོན་ཅན་དུ་འགྱུར་ནས་གེགས་དང་གོལ་སར་འཆོར་ཉན་ཡོད་པས༔ འདིར་དབུ་མ་ཁོ་ན་བསྒོམ་པ་ཟབ་བོ༔ རོ་རྐྱང་ཡང་དབུ་མ་དང་དོན་གཅིག་ཏུ་བསྡུས་ཏེ་བསྒོམ་པ་འདི་ཟབ་བོ༔ དབུ་མ་འདི་ལ་ཐབས་ཀྱི་དབུ་མ་གཞུང་པ༔ ཤེས་རབ་ཀྱི་དབུ་མ་སྲོག་རྩ༔ དེ་གཉིས་ཀྱི་བར་དུ་ཡེ་ཤེས་ཀྱི་དབུ་མ་ཡོད་པར་འདོད་པ་དང་༔ སྲོག་རྩའི་སྦུབ་ན་ཡོད་པ་དང་༔ སྲོག་རྩའི་སུལ་ན་ཡོད་པ་དང་༔ ད་ལྟ་དངོས་སུ་ཡོད་ལ་ཤི་ནས་ཡལ་བར་འདོད་པ་སོགས༔ རྒྱུད་དང་གྲུབ་ཆེན་སོ་སོའི་བཤད་པ་མང་དུ་ཡོད་ན་ཡང་༔ དགག་བཞག་གི་སྤྲོས་བ་བསྐྱུངས་ནས༔ འདིའི་ལུགས་ཀྱི་མ་དག་པ་རྣམ་སྨིན་གྱི་ལུས་འདི་ལ་ཡོད་པའི་སྦྱང་གཞིའི་དབུ་མ་ནི་སྲོག་རྩ་ནག་པོ་ཉིད་ཡིན་ལ༔ འོ་ན་ཁྲག་སོགས་མེད་པར་གསུང་པ་དང་འགལ་ལམ་སྙམ་ན༔ འདི་ནི་ཡེ་ཤེས་ཀྱི་དབུ་མ་སྟེ་སྲོག་རྩ་དེ་ལ་གནས་པའོ༔ འདིར་སྦྱང་གཞི་དེ་དམིགས་རྟེན་ཙམ་དུ་བྱས་ནས་སྦྱོང་བྱེད་ཡེ་ཤེས་ཀྱི་དབུ་མ་བསྒོམས་པས༔ སྦྱངས་འབྲས་སྐུ་རྡོ་རྗེ་འགྲུབ་པ་སྟེ༔ དེའི་ཕྱིར་དབུ་མ་ཁོ་ན་བསྒོམས་ཏེ༔ དེ་ཡང་ཐོག་མར་ལྟེ་བར་དབུ་མ་ཐུང་ངུ་ཞིག་

[Full Size]

སྒོམ་པའི་རྒྱུ་མཚན༔ ཐོག་མར་ལུས་ཆགས་པའི་ཚེ་ལྟེ་བ་སྤྲུལ་བའི་འཁོར་ལོའི་དབུས་རྩ་མཆོག་བ་གླང་མིག་ཅེས་བྱ་བ༔ རི་དྭགས་ཨེ་ན་ཡའི་མིག་ལྟ་བུ་བྷ་གའི་རྩ་བདེ་སྟོང་གི་དྲོད་བསྐྱེད་པ་ཞིག་ཆགས༔ དེ་ནི་ཐམས་ཅད་ཀྱི་དབུས་ཡིན་ལ༔ དེས་ལུས་ཡང་མང་དུ་རིམ་པར་བསྐྱེད་པས༔ དབུ་མ་ཞེས་བྱ་བ་ཡིན༔ དེ་དང་མཐུན་པར་འདིར་ཡང་ལྟེ་བར་དབུ་མ་ཐུང་དུ་བསྒོམ་པའོ༔ འོ་ན་རྡོ་རྗེ་ལུས་ལ་གྲུབ་ཚུལ་དང་མི་མཐུན་པར་དབུ་མ་ཐུང་ངུ་བསྒོམ་པ་དང་༔ རོ་རྐྱང་དང་འཁོར་ལོ་གཞན་མི་སྒོམ་པར་དབུ་མ་ཁོ་ན་བསྒོམ་པ་སོགས༔ འཐད་དམ་སྙམ་ན་ཚིག་རིས་དང་བསྒོམ་བྱ་མི་གཅིག་ཀྱང་དོན་ལ་མཐུན་ཏེ༔ སྔོན་གྱི་གྲུབ་ཆེན་རྣམས་ཀྱི་ཁྲིད་ཡིག་ལས་ཀྱང་༔ ལུས་ཀྱི་མཐའ་སོར་མོ་ཚུན་ཆད་དབུ་མས་ཁྱབ་པར་སྒོམ་པར་གསུངས་ཤིང་༔ དེ་ལྟར་བསྒོམས་པས་རྩ་གནས་གང་དུ་རླུང་ཟིན་ཀྱང་ཡོན་ཏན་སྐྱེད་པ་ལས་སྐྱོན་མི་བསྐྱེད་པའི་མན་ངག་སྙན་བརྒྱུད་དུ་བཤད་དོ། དེ་བཞིན་དུ་ཡེ་ཤེས་ཀྱི་དབུ་མས་ནི་སྣང་སྲིད་འཁོར་འདས་ཐམས་ཅད་ཁྱབ་པར་གསུངས་པ་ཡང་༔ ཡེ་ཤེས་ཀྱི་དབུ་མ་ནི་སངས་རྒྱས་ཐམས་ཅད་ཀྱི་སྐུ་རྡོ་རྗེ་མི་ཟད་རྒྱན་གྱི་འཁོར་ལོ་

[Full Size]

ཡིན་ལ༔ དེ་སྒོམ་པའི་རྟེན་ཙམ་དུ་ལུས་ཀྱི་སྲོག་རྩ་ལ་དབུ་མ་ཞེས་འདོགས་པ་ཡིན་གྱིས༔ དིང་སང་འཁྲུལ་འཁོར་བརྒྱབས་ནས་གསུས་པ་ཉག་གེ་བྱས་པས་རྩ་རྒྱུད་སྦོམ་པོ་མཐོང་བ་ལ་དབུ་མ་ཚུགས་བ་ཞེས་ངོ་མཚར་དུ་བྱེད་པ་སོགས་ནི༔ གསང་སྒྲུབ་ཀྱི་རླུང་དང་ཐིག་ལེ་འབྱིན་སྡོམ་ནུས་པའི་རྩ་བོ་ཆེ་ཞིག་ལ་དབུ་མར་མིང་བཏགས་པ་སྟེ༔ དེ་ནི་ཡེ་ཤེས་མཆོག་གི་དབུ་མ་ལྟ་ག་ལ་ཞིག༔ དེ་ནི་སྦྱང་གཞི་མ་དག་པའི་དབུ་མ་ཡང་མིན་པར་མངོན་ཏེ༔ གཞུང་པ་དང་སྲོག་རྩ་ནག་པོ་གང་ཡང་གསུས་པའི་ཕྱིར་མཐོང་མི་སྲིད་པས་སོ༔ དེས་ན་དེ་དབུ་མར་རློམས་པ་ནི༔ བླ་མེད་རྒྱུད་འགྲེལ་གང་ཡང་མ་གཟིགས་པའི་གཏམ་དུ་མངོན་ནོ༔ དེ་ཡན་གྱི་གོ་བ་བསྐྱེད་ནས་བསྒོམ་བྱའི་དམིགས་པ་དངོས་ནི༔ འདིར་སྭ་བྷ་ཝའམ་ཤུ་ནྱ་ཏས་དངོས་འཛིན་སྟོང་པར་སྦྱངས་ཀྱང་རུང་༔ ལྟ་བའི་གོ་རྟོགས་ལེགས་པོར་ཡོད་ན་དངོས་པོ་རྣམས་རང་རང་ངོ་བོས་སྟོང་པར་ཤེས་ན་སྔགས་མི་དགོས་ཏེ། རང་ཉིད་བཅོམ་ལྡན་འདས་ཐུགས་རྗེ་ཆེན་པོ་ཁྲོ་བོར་བཞེངས་པ༔ སྤང་བྱ་མི་མཐུན་ཕྱོགས་ཐམས་ཅད་འཇོམས་ཤིང་ཟ་བར་བྱེད་པ༔ སྐུ་མདོག་པདྨ་རཱ་གའམ་བྱི་རུ་ལྟ་བུ་ལ་ཉི་མའི་སྙིང་

[Full Size]

པོ་ལྟར་འོད་འབར་བ༔ སྤྱན་གསུམ་དང་ལྡན་ཞིང་ཞལ་ཅུང་ཟད་གདངས་པ་བཞད་པའི་ཚུལ་གྱིས་ཞི་མ་ཁྲོ༔ ཞབས་གཉིས་ཡེ་ཤེས་འབེབས་པའི་ཆ་ལུགས་བཞེངས་པའི་སྟབས་ཀྱིས་བཞུགས་པས་མཉེན་ལྕུག་ལྡེམ་པ༔ ཕྱག་གཉིས་གཡས་སྣང་སྲིད་ཀྱི་བཅུད་དང་སྙིང་པོ་ལེན་པའི་བརྡར་སྙིང་དང་༔ དོན་གྱི་འབྲས་བུ་མྱུར་དུ་ལོན་པའི་བརྡར་དོན་ཡོད་པའི་ཞགས་པ་དམར་པོ་གཉིས་ཕྱག་ཐབས་སུ་བསྣམས་ཤིང༔ གཡོན་བག་མེད་པའི་གཉིད་ལས་བསླངས་ནས་སྐད་ཅིག་རེ་རེ་ལ་ཡང་ས་ལམ་གོང་དུ་སྤེལ་བའི་བརྡར་སེ་གོལ་གཏོགས་པར་བྱེད་པ་སྐུ་གཅེར་བུ་ལ་དུར་ཁྲོད་ཀྱི་ཆས་སོགས་ཁྲོ་བོའི་ཉམས་དུ་མ་དང་ལྡན་ཞིང་༔ བར་ཆད་ཀྱི་བགེགས་དཔུངས་བསྲེགས་པའི་བརྡར༔ རང་འོད་བདེ་དྲོད་ཀྱི་མེ་དཔུང་རབ་ཏུ་འབར་བའི་དབུས་སུ་བཞུགས་པ༔ དེ་ཡང་ཞལ་གཅིག་ནི་ཆོས་སྐུ་ཉག་གཅིག༔ ཕྱག་གཉིས་ནི་ཐབས་དང་ཤེས་རབ༔ ཞབས་གཉིས་ནི་བདེན་པ་གཉིས༔ སྤྱན་གསུམ་ནི་སྐུ་གསུམ༔ མཆེ་བ་བཞི་ནི་བདུད་བཞི་བཅོམ་པ༔ སྐུ་མདོག་དམར་ཞིང་འགྲོ་ལ་ཐུགས་རྗེས་ཆགས་པ༔ འཁོར་བའི་འདམ་གྱིས་མ་གོས་པས་པད་

[Full Size]

གདན༔ འགྲོ་བའི་མུན་པ་སེལ་བས་ཉི་གདན༔ སྟོབས་བཅུ་རྫོགས་པས་དཔལ་ཆེས་བཅུ༔ ཚོགས་བརྒྱུད་དག་པས་དུར་ཁྲོད་ཆས་བརྒྱད་ལ་སོགས་པ་ཡང་ཡིན་པར་བརྡ་དོན་ཤེས་པར་བྱས་པས༔ བསྐྱེད་རིམ་གྱི་གོལ་ས་ཆོད༔ སྐུ་ཕྱིའི་ཡས་རིམ་དང་མས་རིམ་ནས་ལེགས་པར་གསལ་གདབ་ནས་མཐར་སྐུ་སྤྱི་ལ་སེམས་བཟུང་༔ དེ་ནས་སྐུའི་ནང་སེན་མོས་རྩེ་ཚུན་ཆད་སྟོང་པ་ཕུ་མ་ཕུས་བཏབ་པ་ལྟ་བུར་སྒོམས༔ ཕྱི་དར་དམར་གྱི་གུར་ཕུབ་པ་ལྟ་བུ་ལྷའི་སྐུ་ལམ་མེ་བ་ལ༔ ནང་སྟོང་སང་ངེ་བ་ལ་རིག་པ་གཏད་པ་ཕྱི་ལུས་ཀྱི་སྟོང་ར་ཞེས་བྱའོ༔ དེ་ལྟར་རང་ཉིད་ཡི་དམ་ལྷའི་སྐུར་གསལ་བའི་སྐུའི་ནང་ལྟེ་བའི་ཐད་དུ༔ ཨ་ཝ་དྷཱུ་ཏི་དང་༔ ཀུན་དར་མ་དང་༔ སྒྲ་གཅན་དང༔ བྱ་རོག་གདོང་དང་ཁ་ཁཱ་མུ་ཁཱ་དང་༔ དུང་ཅན་མ་དང་ཡིད་བཟང་མ་དང་༔ མུན་པ་འབབ་པོ་ཞེས་པ༔ རྒྱུད་སྡེ་སོ་སོ་ནས་མིང་དུ་མའི་སྒོ་ནས་གསུང་ཞིང་༔ ཀུན་དྷརྨའི་དྲན་པ་དང་༔ རྩའི་འཁོར་ལོ་སྡུད་པས་སྨིན༔ ལས་རླུང་བཟློག་ཅིང་ཡེ་ཤེས་འཛིན༔ ཀུན་ནི་སྤྲུལ་སྐུའི་ཡོན་ཏན་གཏེར༔ དྷརྨས་ལོངས་སྐུའི་ཡོན་ཏན་ནོ༔ ལས་ནི་ཆོས་སྐུ་མངོན་དུ་སྟོན༔ འདི་

[Full Size]

ཡི་ཡན་ལག་བཅུ་གཉིས་ལ༔ སྤྲོ་ཞིང་དྲིལ་བ་གནད་ཡིན་ནོ༔ ཞེས་ཌཱཀྐི་གསང་མཛོད་ཕྱི་མ་ལས་གསུངས་པ་ལྟར༔ མཆོག་གི་དབུ་མ་དེ་ཉིད༔ བདེ་བ་མཚོན་པའི་ཕྱིར་ཕྱི་དཀར་བ༔ གསལ་བ་མཚོན་པའི་ཕྱིར་ནང་དམར་བ༔ མི་རྟོག་པ་ཆོས་སྐུ་མཚོན་པའི་ཕྱིར་ནང་སྟོང་པ་སྔོ་སང་ངེ་བ༔ བྱང་ཆུབ་ཀྱི་ལམ་མཚོན་པའི་ཕྱིར་དྲང་བ༔ ཚེ་ཆུང་སྨྱུག་རྒོད་འབྲིང་པོ་ཙམ་པ༔ ཤོག་གུའི་སྦུ་གུ་ལྟ་བུ༔ ཏིལ་གྱི་མར་མེ་ལྟར་གསལ་ཏ་ལེ་བར་བསྒོམ་པ་ནི་ནང་རྩའི་སྟོང་རའོ༔ དེའི་དབུས་སུ་ཡུམ་གསང་བ་ཡེ་ཤེས་ཀྱི་མཁའ་འགྲོ་རྡོ་རྗེ་ཕག་མོའམ་མེའི་ལྷ་མོ་གོས་དཀར་མོའི་ངོ་བོ་རཿཡིག་དམར་པོ་སྲན་ཆུང་ཙམ༔ དེ་ལས་བསྐྱེད་པའི་མེ་ནི་སྲན་མ་ནག་པོ་ཙམ༔ ཁ་དོག་དམར་བ་རེག་བྱ་ཚ་བ་ལྕགས་སྲེག་ཚ༔ ལྟ་བུ་ཞིག་བསྒོམ་པ་ནི་མེའི་ཐིག་ལེ་སྒོམ་པའོ༔ དེ་དག་གསལ་ནས༔ ལུས་རྡོར་སྐྱིལ་ལམ་སེམས་སྐྱིལ་བྱས༔ རྣམ་སྣང་གི་ཆོས་བདུན་ལེགས་པར་བཅས་ལ༔ རླུང་གཡོན་དང་གཡས་དང་གཉིས་ཀ་ནས་ཞི་དྲག་སྙོམས་གསུམ་གྱིས་རླུང་རོ་ལེགས་པར་ལྷག་མ་མ་ལུས་པར་བུས་ཏེ༔ ཚེ་རབས་ཐོག་མེད་ནས་བསགས་པའི་ནད་གདོན་སྡིག་སྒྲིབ་ཐམས་ཅད་སྣ་

[Full Size]

བུག་གཉིས་དང་བ་སྤུའི་ཁུང་ནས་སངས་ཀྱིས་ཐོན་པར་དམིགས༔ དེ་ནས་རླུང་དལ་ལ་རིང་བར་རྔུབ་སྟེ༔ སྣའི་ཐད་སོར་བཅུ་གཉིས་པའི་ནམ་མཁའ་ནས་ཡེ་ཤེས་ལྔའི་རང་བཞིན་རླུང་ཁ་དོག་ལྔ་འོད་ཀྱི་སྟོང་སྐུད་ལྟར་བྱུང་ནས་སྣ་བུག་ནས་ཞུགས༔ ལྟེ་བའི་འོག་དབུ་མའི་ནང་དུ་ཡར་ཞུགས་པས༔ མེ་ལ་སྦྱད་པ་བརྒྱབ་པ་ལྟར་མེའི་ཐིག་ལེ་དེ་ལས༔ འོད་ཀྱི་རང་བཞིན་དངོས་པོར་མ་གྲུབ་པའི་མེ་ལྕེ་ཕྲའུ་ཟངས་མའི་མོ་ཁབ་ཙམ་ཞིག་སོར་ལྔའི་ཚད་ཙམ་དུ་འབར་བ་དེ་ཡང་སྐད་ཅིག་ཀྱང་མི་སྡོད་པར་རྩེ་མོ་ཁྱུག་ཁྱུག་གཡོ་བ་ལ་སེམས་གཏད་ནས་སྒོམ་མོ༔ དེ་ཡང་མེའི་ཐིག་ལེ་དེ་རྩ་བ་བརྟན་པ༔ ཁ་དོག་ཤིན་ཏུ་དམར་བ༔ རེག་བྱ་ཤིན་ཏུ་ཚ་བ༔ མེའི་རྩེ་ཤིན་ཏུ་ཕྲ་ཞིང་རྣོ་བ༔ མི་སྡོད་པར་ཁྱུག་པར་བསྒོམ་པ་རྣམས་གལ་ཆེ་སྟེ༔ སོར་ལྔའི་ཚད་ནི་འབྱུང་བ་ལྔའི་མེ་དང་ལྷ་མོ་ལྔ་དང་མཁའ་འགྲོ་ལྔ་སོགས་མཚོན་ཞིང་༔ གཏུམ་མོའི་རང་ཚད་སོར་ལྔ་ཡིན་པར་བཤད་པས་སོ༔ དབུ་མ་ཡང་རིང་ཐུང་དེ་ཙམ་དུ་བསྒོམ་པར་བྱའོ༔ འདིའི་སྐབས་སུ་འཁྲུལ་འཁོར་ཡན་ལག་ལྔ་སྦྱོང་བྱའོ༔ དེ་ཡང་གནམ་ཆོས་གཏུམ་མོ་འདི་དམིགས་རིམ་གཞན་དང་མི་འདྲ་ཡང་

[Full Size]

འཁྲུལ་འཁོར་སྤྱི་དང་འདྲ་བའི་ཕྱིར་ཐབས་ལམ་གཞན་ནས་འབྱུང་བ་ལྟར་བྱས་ཀྱང་ཆོག་པར་གཞུང་དུ་གསལ་ལོ༔ རླུང་འཛིན་པའི་དུས་གནད་ཀྱང་༔ སྣ་བུག་གཡས་རྐྱང་པ་ནས་དྲག་ཏུ་རྒྱུ་དུས་ཉི་མ་དུག་གི་རླུང་ཡིན་པས་བཟུང་ན་གེགས་སྐྱོན་བསྐྱེད་པས་མི་འཛིན༔ གཡོན་ནས་རྒྱུ་དུས་ཟླ་བ་བདུད་རྩིའི་རླུང་ཡིན་པས་བཟུང་༔ མཉམ་དུ་གཉིས་ཀ་ནས་རྒྱུ་དུས་ཡེ་ཤེས་ཀྱི་རླུང་ཡིན་པས་བཟུང་ན་ཡེ་ཤེས་སྐྱེ་བས་མཆོག་ཡིན་ལ༔ སེམས་ལ་དུག་ལྔ་སོགས་མི་དགེ་བ་སྐྱེ་དུས་རླུང་རོ་ཕྱིར་འབུད་པས་ལས་ཉོན་འཛད༔ དད་གུས་དག་སྣང་དང་བདེ་གསལ་མི་རྟོག་པ་སོགས་འཆར་རྟོག་པ་སོགས་འཆར་དུས་ནང་དུ་རྔུབ་ལ་ཐུབ་ཚད་བཟུང་བས་ཡོན་ཏན་དེ་དག་འཕེལ་བས་བརྟན་པར་འགྱུར་བས་དུས་ཤེས་པར་བྱ༔ རླུང་རོ་འབུད་དུས་རླུང་ལྷག་ལུས་ན་ནད་དུ་འགྱུར་བས་ལྷག་མ་མ་ལུས་པར་སང་སྟེ་བུས༔ རྔུབ་དུས་དྲག་ཏུ་རྔུབ་ན་རྩ་རུ་མ་ཤོང་བས་ཟི་ཐོམ་དང་ནག་ཐོམ་དུ་འགྲོ༔ དེ་ལ་ནན་ཏན་བྱས་ན་ཆུ་ལོག་རླུང་ལོག་ཏུ་འགྲོ་བས༔ དལ་ཞིང་འཇམ་པར་རྔུབ༔ མགྲིན་པ་མན་ཆད་ཁེངས་པར་མནན་ན༔ སྙིང་རླུང་དང་སྟོད་འཚང་དུ་འགྱུར་བས་ལྟེ་འོག་ཏུ་ཧྲིལ་གྱིས་མནན།

[Full Size]

གསུས་པ་ཐེར་བྱ༔ རྐེད་པ་ཉག་གེ་བྱ༔ འོག་རླུང་མ་བསྡམས་ན་དྲི་ཆུ་དང་བྱང་སེམས་འཛགས་པ་སོགས་འབྱུང་པས་སྲིན་ཞལ་དྲག་ཏུ་བསྡོམ་པའམ༔ ཕྱིང་པའམ་གོས་ཀྱི་སྣེ་རྡོག་རྡོག་གཅིག་འོག་སྒོའི་ཞབས་སུ་གཞག་པས་འོག་རླུང་རང་ཤུགས་ལ་ཟིན་པ་མན་ངག་ཡིན༔ རླུང་བཟུང་ཚེ་ལུས་ཀྱོག་ཀྱོག་བྱས་ན་རླུང་ལོག་པའི་རྩར་ཟིན་ནས་གེགས་བསྐྱེད་པས་ལུས་གནད་བསྲང༔ ཁྱད་པར་སྒལ་ཚིགས་བསྲང་བོ་གལ་ཆེ༔ དུ་བ་དང་ཐལ་ཚུབ་ནང་དུ་བཟུང་ན་རྩ་གནས་སུ་སོང་ན་ནད་བསྐྱེད་པས༔ དྭངས་བའི་སར་བཟུང་༔ ཧ་ཅང་འགྲང་ཆེ་དུས་བཟུང་ན་རླུང་མི་ཚུད་པར་རྩ་གནས་གཞན་དུ་འཆོར་བ་དང་༔ ཧ་ཅང་ལྟོགས་དྲག་དུས་བཟུང་ན་རླུང་ནད་བསྐྱེད་པས་འགྲང་ལྟོགས་རན་པའི་དུས་བཟུང་༔ དེ་ལྟར་གཉིད་དང་བཟའ་བཏུང་དུས་མ་གཏོགས་པར་རྩེ་གཅིག་ཏུ་བསྒོམ་ཞིང་༔ རླུང་གི་གཏུམ་མོ་ལས་ནུས་་་་ལ་བུས་པས་དྲོད་ཅུང་ཟད་བསྐྱེད་པར་བསྒོམ་ཞིང་༔ དེ་ལྟ་བུ་ཡང་ཡང་བསམ་ཞིང་རླུང་བཟུང་བ་དང་བཅས་པས༔ དེ་ལྟར་རྩེ་གཅིག་ཏུ་ཞག་གསུམ་སྦྱངས་ནས༔ དམིགས་པ་ཟིན་ཞིང་རླུང་གནད་དུ་སོང་ན་ནི༔ དྲོད་ཅུང་ཟད་སྐྱེས་རིམ་གྱིས་གོས་ཇེ་

[Full Size]

ཉུང་དུ་བྱས་པས་དྲོད་ཇེ་ཆེར་འབྱུང་བར་གསུངས་སོ༔ འདི་ལ་ཞག་གསུམ་སྟེ་དམིགས་པ་མ་གསལ་ན་ཉིན་རེ་བཞིན་གོང་གི་དེ་འདབ་ལ་བཤད༔ ཁྲིད་ཙམ་ལ་རྐང་གྲངས་ཙམ་གྱི་དམིགས་པ་སྤྱོད་པ་དང་༔ རྟགས་ཐོན་པར་བྱེད་ན་དྲོད་ཅུང་ཟད་མ་སྐྱེས་པར་བསྐྱར་བ་དེ་སྐབས་དང་བསྟུན་ནོ༔ ཆོས་ཐུན་གཉིས་པའོ༔ ༒ འོ་ན་ཆོས་ཐུན་གསུམ་པ་འདི་ལ་ཡང་གོ་བ་བསྐྱེད་རྒྱུ་དང་བསྒོམ་རྒྱུ་གཉིས་ཡོད་དེ༔ ད་ལྟ་གཏུམ་མོ་སྡུག་བསྔལ་གྱི་དུས་བྱ་བ་ཡིན༔ རྩ་རྒོད་རླུང་རྒོད་མི་ནོན༔ རིག་པ་འཚུབས་པས་དམིགས་པ་ཟིན་དཀའ༔ ལུས་འཁྲུལ་འཁོར་གྱིས་ཆད་ཅིང་དུབ༔ རྩ་གནས་སྔར་རླུང་ཟིན་མ་མྱོང་བ་རྣམས་སུ་རླུང་ཟིན་པས༔ དངོས་ཉམས་རྨི་ལམ་དུ་འཇིགས་སྐྲག་ཆོ་འཕྲུལ་སྣ་ཚོགས་འོང་༔ མདོར་ན་ཚེ་འཁོར་བ་ཐོག་མ་མེད་པ་ནས༔ བསགས་པའི་སྡིག་སྒྲིབ་ཐམས་ཅད་གདམས་ངག་ཟབ་མོ་བསྒོམས་པས༔ སྣོད་དྲི་མ་ཅན་ཆུ་ཚན་གྱིས་བཀྲུས་ན་དྲི་མ་ལྡང་བ་ལྟར༔ ལུས་སེམས་ལ་བདེ་བའི་ལས་སློང་སྣ་ཚོགས་འབྱུང་བས༔ དེ་རྣམས་སྡིག་སྒྲིབ་དག་པའི་རྟགས་སུ་ཤེས་པར་བྱས་ལ་ངེས་ཤེས་

[Full Size]

དང་དགའ་བ་བསྒོམ་དགོས༔ དཀའ་ལས་ཆེ་བ་ལ་མ་འཚེར༔ ད་ལྟའི་ལུས་ངལ་དུབ་དུམ་པ་ཙམ་འདིས༔ ཚེ་ཐོག་མེད་ནས་བསགས་པའི་སྡིག་སྒྲིབ་འདག་སྟེ༔ འཁྲུལ་འཁོར་ལུས་སྦྱང་ཚར་རེས་ཀྱང་༔ བསྐལ་པ་ཆེན་པོ་རེ་རེའི་སྡིག་སྒྲིབ་འདག་པར་གསུངས༔ ད་ལྟ་ལུས་དང་སེམས་མི་བདེ་བ་བག་ཙམ་རེས༔ བསྐལ་པ་གྲངས་མེད་པར་དམྱལ་བའི་མེས་བསྲེགས་པའི་གོ་ཆོད་པས༔ ཕྱིས་ངན་སོང་དུ་མི་ལྟུང་བའི་གནས་སྦྱངས་ཡིན་པར་བཤད༔ བྱང་ཆུབ་སེམས་དཔའ་རྣམས་ཀྱི་བསྐལ་པ་གྲངས་མེད་པ་གསུམ་དང་བདུན་ལ་སོགས་པར༔ དཀའ་བ་དཔག་ཏུ་མེད་པ་བསྐྱེད་ནས་ཐོབ་པའི་བླ་ན་མེད་པའི་བྱང་ཆུབ་དེ༔ གདམས་ངག་ཟབ་མོའི་གནད་ཀྱིས༔ ཟླ་བ་དྲུག་གམ་ལོ་གསུམ་ཕྱོགས་གསུམ་མམ༔ ལོ་དྲུག་གམ་བཅུ་གཉིས༔ ཐ་ནའང་ཚེ་གཅིག་ལ་ཐོབ་པར་བྱེད་པ་ལ༔ དཀའ་སྤྱད་འདི་ཙམ་ཞིག་ལོས་དགོས་སྙམ་དུ་སེམས་ལ་གོ་ཆ་གྱོན༔ ཟབ་ལམ་འདི་ལྟ་བུ་དང་འཕྲད་པ་སྐྱེ་བ་དཔག་ཏུ་མེད་པ་ནས་ཚོགས་བསགས་སྨོན་ལམ་རྣམ་པར་དག་པའི་འབྲས་བུ་ཡིན་པས་དགའ་བ་སྒོམས༔ དེ་དག་ནི་འདི་སྐབས་ཀྱི་གེགས་སེལ་ཡང་ཡིན་ལ༔ ད་ནི་དབུ་མ་

[Full Size]

དང་མེ་ཡར་བསྲིངས་ནས་སྙིང་གར་དམིགས་པ་གཏད་དགོས་ཏེ༔ སྙིང་གི་དྲན་པ་རྣམ་པར་བཀོད་པ་ན་རྩ་འདབ་སུམ་ཅུ་རྩ་གཉིས༔ དེ་བསྡུ་ན་བརྒྱད་ཡོད་ལ༔ དེ་རྣམས་སུ་རླུང་སེམས་ཟིན་ན་ཤེས་རབ་དང་རྟོགས་པ་སྐྱེ༔ ལོག་ན་སྨྱོ་བ་དང་ཡིད་མི་བདེ་བ་དང་རླུང་ནད་བསྐྱེད་པ་སོགས་སྐྱོན་ཡོན་མང་ཞིང་༔ ཆོས་ཀྱི་འཁོར་ལོའི་ལྟེ་བ་ཡང་སྙིང་ཁའི་ཐད་ཀྱི་དབུ་མ་དེ་ཉིད་ཁོ་ན་ཡིན་པས༔ རྩ་གཞན་ཡིད་ལ་མི་བྱེད་པར༔ དེ་ཁོ་ན་ལ་དམིགས་པ་གཏད་པས་རྟོགས་པ་སྐྱེ་བ་དང་༔ ཤེས་རབ་འཕེལ་བ་སོགས་ཡོན་ཏན་འབྱུང་བ་ཡིན་ནོ༔ དེ་ཡང་འདི་སྐབས་ནས་རླུང་སྦྱོར་གཙོ་བོར་བསྒོམ་དགོས་པས༔ དེ་ལ་གོ་བར་བྱ་རྒྱུ་དང་བསྒོམ་པར་བྱ་རྒྱུ་གཉིས་ཏེ༔ དང་པོ་ནི་འབྱུང་བའི་རླུང་དང་ལས་རླུང་དང་ཡེ་ཤེས་ཀྱི་རླུང་གསུམ་ལས༔ འབྱུང་བའི་རླུང་ནི་ཕྱི་རོལ་གྱི་སྒྲ་གཅན་འདི་ཡིན་ལ༔ ནང་གི་རླུང་ནི་ལས་དང་ཡེ་ཤེས་འདྲེས་མའི་ཚུལ་དུ་གནས་ཏེ༔ སངས་རྒྱས་ཐམས་ཅད་ཀྱི་གསུང་གི་རྡོ་རྗེ་དང་༔ རང་གི་ངག་སྒྲ་དང་ཡི་གེ་ཚིག་རྣམས་དབྱེར་མེད་པར་བཞུགས་པས༔ བདེ་སྡུག་དང་ལེགས་ཉེས་ཐམས་ཅད་རླུང་གིས་བྱེད་དེ༔ ལུས་བསྐྱེད་ཅིང་ཚེ་དང་

[Full Size]

བསོད་ནམས་འཕེལ་བ་དང༔ རྒུད་དེ་ན་རྒས་འཆི་བ་སོགས་འཁོར་བའི་ལེགས་ཉེས༔ བདེ་གསལ་མི་རྟོག་པའི་ཉམས་རྟོགས་དང་༔ ཟག་བཅས་མི་སྣང་བར་སངས་རྒྱས་ཏེ་སྐུ་དང་ཡེ་ཤེས་ཐམས་ཅད་རླུང་གིས་བྱེད་པའོ༔ དེ་ལ་ཡང་རྩ་ལ་རྒྱུ་བའི་རླུང་ཆིག་འབུམ་ཉི་ཁྲི་དྲུག་སྟོང་དྲུག་བརྒྱ༔་་་་ཞེས་དྲུག་བརྒྱ་དག་ཏུ་འགྱུ་བ་ནི༔ འདི་ནས་མཆན། འགྱུ་བ་ཆེན་པོའི་རླུང་དུ་འདོད༔ ཅེས་སོ༔ སློབ་དཔོན་རིན་པོ་ཆེས་བླ་མ་དགོངས་འདུས་ལས༔ རླུང་གི་རྐང་གྲངས་མང་དུ་བཤད་ཀྱང་༔ བསྡུས་པས་ལས་ཀྱི་རླུང་དང་༔ ཡེ་ཤེས་ཀྱི་རླུང་གཉིས་སོ༔ ཡེ་ཤེས་ཀྱི་རླུང་ནི་སེམས་དང་འདྲེས༔ སེམས་ནི་ལས་ཀྱི་རླུང་དང་འདྲེས་ཏེ་དབྱེར་མེད་པའོ༔ ཐལ་འགྱུར་ལས༔ རླུང་སེམས་གཉིས་སུ་འདྲེས་པ་སྟེ༔ དེས་ན་རླུང་གིས་ལས་ཀུན་བྱེད༔ ཅེས་སོ༔ ཡེ་ཤེས་ཀྱི་རླུང་འགྱུ་བ་དང་བྲལ་བ་དེའི་རྩ་ལས་ལུས་གྲུབ་པས༔ ལས་ཀྱི་རླུང་རྩ་གཉིས་ལ་འགྱུ་སྟེ༔ སའི་རླུང་ལྔ་སྟོང་བཞི་བརྒྱ༔ མེ་ཆུ་རླུང་གསུམ་གྱི་རླུང་ལ་ཡང་དེ་ཙམ་རེ་རེ་སྟེ༔ ཉི་ཁྲི་ཆིག་སྟོང་དྲུག་བརྒྱར་འགྱུར་ཏེ༔ ཐལ་འགྱུར་ལས༔ རྩ་ལ་བརྟེན་པའི་རླུང་དག་ནི༔ ཉི་ཁྲི་དང་ནི་སྟོང་ཕྲག་གཅིག༔ ཡང་སེམས་ཀྱི་འགྱུ་བ་ལྟར་ནང་དུ་རླུང་རྩ་ལ་འགྱུ་བ་ནི༔ ཐལ་འགྱུར་ལས༔ རྩ་

[Full Size]

ནས་ངེས་པར་འགྱུ་བ་ནི༔ འབུམ་ཕྲག་གཅིག་དང་ཁྲི་ཕྲག་གཉིས༔ སྟོང་ཕྲག་དྲུག་དང་བརྒྱ་ཕྲག་དྲུག༔ རྩ་ནས་ངེས་པར་འབྱུང་བ་སྟེ༔ རྒྱུ་བ་ཆུང་བའི་རླུང་དུ་འདོད༔ ཅེས་པ་དེའོ༔ དེ་ཡན་མཚན། ཡང་ལུགས་གཅིག་ལ༔ ཡིད་བཞིན་མཛོད་ཀྱི་ཁྲིད་ལས༔ སྲོག་རླུང་། ཁྱབ་བྱེད། མེ་མཉམ། གྱེན་རྒྱུ། ཐུར་སེར། མིག །རྣ་བ། སྣ། ལྕེ། ལུས་ཀྱི་དབང་པོ་ལ་རྒྱུ་བའི་རླུང་སྟེ་བཅུའོ༔ དེ་བསྡུ་ན་རླུང་བཅུ་དང་འབྱུང་བ་ལྔའི་རླུང་ལྔ་དང་རླུང་བཅུ་ནི་རྩ་བའི་རླུང་ལྔ་ནི༔ སྲོག་འཛིན། ཐུར་སེར། གྱེན་རྒྱུ། ཁྱབ་བྱེད། མཉམ་གནས་ཏེ་ལྔ་ཡན་ལག་གི་རླུང་ལྔ་ནི༔ ཀླུ་མིང་ཡིན་རུ་སྦལ། རྩང་བ་ལྷ་བྱིན། ནོར་ལྷ་སྟེ་ལྔའོ༔ རྒྱས་པར་གཞན་ནས་ཤེས་ཏེ་མཚན་འདི་དཔོན་སྤྲུལ་གྱིས་སོ༔ དེ་ཡང་ལས་རླུང་དང་ཡེ་ཤེས་ཀྱི་རླུང་གཉིས་སུ་འདུས་པས་ན༔ རླུང་བཟུང་བས་ལས་རླུང་དག་ནས་ཡེ་ཤེས་ཀྱི་རླུང་དུ་རིམ་པར་འགྱུར་བས་ལམ་རྟགས་ཀྱི་ཡོན་ཏན་རྣམས་འབྱུང་སྟེ༔ ལས་རླུང་ཐམས་ཅད་ཡེ་ཤེས་ཀྱི་རླུང་དུ་གྱུར་ཏེ༔ དབུ་མར་ཚུད་ན་མཆོག་གི་དངོས་གྲུབ་ཐོབ་པར་གསུངས་པས༔ རླུང་བསྒོམ་དགོས་པའི་གནད་དེ་ལྟར་རོ༔ ཐལ་འགྱུར་རྒྱུད་ལས༔ ལུས་ཀྱི་འབྱུང་བ་ཟད་པ་དང་༔ སེམས་ཀྱི་རྟོག་པ་འགག་པ་དང༔ མི་རྟོག་ཡེ་ཤེས་སྐྱེས་བ་

[Full Size]

དང་༔ ཕྱི་ཡི་སྣང་བ་ཟད་པ་དང་༔ རླུང་སེམས་གཉིས་སུ་འདྲེས་པ་སྟེ༔ དེས་ན་རླུང་གི་ལས་ཀུན་བྱེད༔ ཅེས་གསུངས༔ སྔགས་བསྙེན་སྒྲུབ་ཐམས་ཅད་ཀྱང་རླུང་འཇུག་གནས་འགྲོ་གསུམ་ལ་ཚང་སྟེ་ནང་དུ་འཇུག་པ་ཨོཾ༔ ཁོང་དུ་གནས་པ་ཨཱཋསྟེ་ཨ་ནི་ཡི་གེ་ཐམས་ཅད་ཀྱི་སྲོག་ཡིན་པས་དེ་ལ་སྔགས་རིང་ཐུང་ཐམས་ཅད་ཚང་༔ ཕྱིར་འབྱིན་པ་ཧཱུྃ་སྟེ་སྔགས་ཐམས་ཅད་ཀྱི་མཇུག་ཡིན༔ དེ་ལ་སྐུ་གསུམ་ཡང་ཚང་༔ དེའི་གནད་ཤེས་པས་རླུང་འབྱུང་འཇུག་གནས་གསུམ་གཅིག་ཏུ་བྱས་ཏེ༔ ངག་ཏུ་མི་བརྗོད་པར་བསྒྲང་བས་རླུང་རྡོ་རྗེའི་བཟླས་པ་སྟེ༔ ཡི་དམ་ཐམས་ཅད་ཀྱི་བསྙེན་སྒྲུབ་ཐེམ་པ་ཡིན༔ དེ་ཉམས་སུ་བླངས་ནས་ཚེ་སྒྲུབ་ཀྱི་མཆོག་ཀྱང་ཡིན་ཏེ༔ སྡོམ་འབྱུང་ལས༔ རླུང་གི་བདག་ཉིད་མགོན་པོ་ནི༔ སྐུ་གསུམ་པོར་ཡང་ཤེས་པར་བྱ༔ འཇུག་པ་ཆོས་ཀྱི་སྐུ་ཡིན་ཏེ༔ གནས་པ་ལོངས་སྤྱོད་རྫོགས་པའི་སྐུ༔ འབྱུང་བ་སྤྲུལ་པའི་སྐུ་ཞེས་བཤད༔ འདི་དག་སྐུ་ནི་གསུམ་པོར་བཞེད༔ ཅེས་དང་༔ རྣལ་འབྱོར་པས་ནི་མཉམ་གཞག་པས༔ འཇུག་པའི་རླུང་ནི་བགྲང་བར་བྱ༔ ཇི་སྲིད་འབུམ་ལ་སོགས་པའི་གྲངས༔ སྒྲ་དང་བྲལ་བར་རྟག་ཏུ་

[Full Size]

བཟླ༔ སྒྲུབ་པོས་སྒྲ་དང་བྲལ་བར་ནི༔ འབུམ་བཟླས་ཡོངས་སུ་རྫོགས་པ་ན༔ ཚེ་ཡང་ཉམས་པ་ལོ་ལྔ་རུ༔ འཚོ་བར་འདིར་ནི་ཐེ་ཚོམ་མེད༔ རྟག་ཏུ་ནང་པར་ལངས་ནས་རླུང་༔ སྟོང་ཕྲག་གཅིག་ཏུ་བགྲང་བྱ་སྟེ༔ དེ་བས་རླུང་གི་རྣལ་འབྱོར་ལ༔ རྟག་ཏུ་མཉམ་གཞག་གནས་པར་བྱ༔ ཞེས་གསུངས་སོ༔ དེ་ལྟར་རླུང་འབྱུང་གནས་འགྲོ་གསུམ་དེ་རྒྱུན་དུ་བརྩི་མ་འཕྲོད་ཀྱང་༔ འགྲོ་འདུག་སྤྱོད་ལམ་དུས་སུ་ཡང་དེ་ཡིན་ཚུལ་ཤེས་པར་བྱས་ལ་བར་རླུང་བཟུང་བས་རླུང་བཟུང་བའི་གོ་ཆོད་དེ༔ བར་རླུང་ནི་འོག་སྒོ་ཅུང་ཟད་བསྡོམ་ལ་གསུས་པ་ཐེར་ཐེར་བྱས་པ་ཡིན་ནོ༔ ནུབ་ཉལ་ཁ་ཡང་རླུང་འཇུག་པ་ཨོཾ་དང་ཁོང་དུ་གནས་པ་ཨཱཿ ཕྱིར་འབྱིན་པ་ཧཱུྃ་དུ་བསྒོམ་ནས་ཉལ་ན༔ གཉིད་ཚེའི་རླུང་རྒྱུ་གྲངས་དང་མཉམ་པའི་སྔགས་བཟླས་པར་འགྲོ་བས་ནུས་པ་ཆེན་པོ་རྩོལ་བ་མི་དགོས་པར་ཐོབ་པའི་གནད་ཟབ་མོ་ཡིན་ནོ༔ ཉིན་བྲེལ་བའི་སྐབས་བར་རླུང་ཙམ་ཡང་བཟུང་མི་ཁོམ་པའི་ཚེ་ཡང་༔ རླུང་འབྱུང་གནས་འཇུག་གསུམ་ཡིག་འབྲུ་གསུམ་ཡིན་པར་དྲན་ཙམ་དྲན་ཙམ་བྱས་པས་ཀྱང་སྔགས་བགྲང་བའི་གོ་ཆོད་པའི་གནད་ཆེའོ༔ ཁྱད་པར་དུ་

[Full Size]

འདིར་གཏུམ་མོའི་སྐབས་སུ་བསྒོམ་བྱ་རླུང་བུམ་ཅན་ཡིན་ཏེ༔ བུམ་ཆེན་འདི་ལ་བཞེད་པ་གཉིས་ཡོད་དེ༔ མགྲིན་པ་མན་ཆད་གསང་གནས་ཡན་ཏེ་ལུས་རླུང་གིས་གང་བ་བུམ་ཆེན་སྙིང་ཁ་ཡན་ཆད་བཀང་བ་བུམ་འབྲིང་དང་༔ ལྟོ་བ་ཁོ་ན་བཀང་བ་བུམ་ཆུང་ཡིན་པར་བྱེད་པའི་ལུགས་དང་༔ སྐྱིལ་ཀྲུང་བཅས་ཏེ་ཐལ་མོས་དཔྲལ་བ་དང་པུས་མོ་གཉིས་ལ་རེག་ནས་སེ་གོར་གཅིག་བརྡབ་པ་གཅིག་ཏུ་བརྩི་བའི༔ ཡུན་བརྒྱ་རྩ་བརྒྱད་བར་རླུང་ནང་དུ་འཛིན་ཐུབ་པ་བུམ་ཆེན༔ བདུན་ཅུ་དོན་གཉིས་བར་དུ་ཐུབ་ན་བུམ་འབྲིང་༔ སུམ་ཅུ་སོ་དྲུག་ལས་མ་ཐུབ་ན་བུམ་ཆུང་དུ་བཞེད་པ་ཡང་སྣང་༔ སྟེང་རླུང་འོག་ཏུ་མནན་འོག་རླུང་ཡར་བསྡོམས་ནས་ལུས་བཀང་བ་ནི་བུམ་པ་ཅན་ཉིད་དུ་ངེས་ཏེ༔ སྡོམ་འབྱུང་ལས༔ སྟེང་དང་འོག་ཏུ་འགྲོ་བའི་རླུང་༔ ཡིད་ཀྱི་ཁ་སྦྱོར་དུ་བྱས་ཏེ༔ དེ་ཡི་རྣལ་འབྱོར་གོམས་པ་ཡི༔ དེས་ནི་བརྟན་པའི་གོ་འཕང་ཐོབ༔ ཅེས་བུམ་ཆེན་གྱི་སྡོམ་ཚིག་ཏུ་གསུངས་ནས༔ ཡང་ན་བུམ་ཆེན་རྣལ་འབྱོར་གྱིས༔ རྟག་ཏུ་འཆི་བདག་ལས་རྒྱལ་བྱ༔ བདག་ཉིད་རིག་པས་རྐང་མཐིལ་བར༔ ཀུན་ཏུ་རླུང་གི་དགངས་བྱས་ཏེ༔ བུམ་པ་ཅན་ལ་

ཤོག་ལྷེབ་ ༥༠༡ ནས་་ ༦༠༠ བར།

[Full Size]

བརྟེན་བྱས་ནས༔ དབྱེ་བ་གསུམ་གྱིས་གཞོམ་པར་བཤད༔ ཐ་མ་སུམ་ཅུ་རྩ་དྲུག་ཙམ༔ དེ་ཡི་ཉིན་འགྱུར་འབྲིང་དེ་བཞིན༔ སུམ་འགྱུར་ཆེན་པོར་ཤེས་བྱས་ཏེ༔ བུམ་པ་ཅན་དེ་རྒྱལ་བར་བྱ༔ བུམ་པ་ཅན་སྔར་ཤེས་བྱས་ནས༔ བདག་ཉིད་སྐྱིལ་མོ་ཀྲུང་བཅས་ཏེ༔ ལག་པས་ལན་གསུམ་མཉེས་ནས་ནི༔ དེ་ནས་ལན་དྲུག་སེ་གོལ་བརྡབ༔ ཇི་སྲིད་སུམ་ཅུ་རྩ་དྲུག་བར༔ དེ་སྲིད་བུམ་པ་ཅན་གྱི་བྱ༔ སུམ་འགྱུར་ཆེན་པོས་གཞོན་པ་ནི༔ བརྒྱ་ལས་རྩ་བརྒྱད་ལྷག་པས་སོ༔ ཞེས་གསུངས་པ་ལྟར་ན༔ སྐྱིལ་ཀྲུང་བཅས་པའི་པུས་མོ་གཉིས་ལན་གསུམ་རེ་འཕུར༔ དེ་ནས་སེ་གོལ་དྲུག་བརྡབ་པ་གཅིག་ཏུ་བརྩི་བར་གསལ་ནའང་༔ འདིའི་ཡུན་རིང་ཐུང་རླུང་འབྱང་མ་འབྱང་རླུང་ཁུག་རིང་ཐུང་གི་ཚད་དུ་འདོད་པ་དང་༔ བུམ་ཆེན་བུམ་ཆུང་གི་ཚད་དུ་འདོད་པ་གཉིས་སྣང་ངོ་༔ རྟག་ཏུ་འཆི་བདག་ལས་རྒྱལ་བྱ་ཞེས་པ༔ ད་ནངས་སྔ་བར་བུམ་པ་ཅན་གཅིག་བཟུང་ན་སང་ཉིན་དེ་ཚོད་བར་དུ༔ དུས་མ་ཡིན་པར་འཆི་བ་འབྱུང་མི་སྲིད་ལ༔ དེ་ལྟར་རྒྱུན་ཏུ་མ་ཆག་ན་ཚེའི་བར་ཆད་ཐམས་ཅད་སེལ༔ རྒྱུན་དུ་ཤིན་ཏུ་གོམས་པས་འཆི་མེད་ཀྱང་

[Full Size]

འགྲུབ་པ་དང་༔ བུམ་པ་ཅན་ལ་གོམས་བྱས་ན་དུག་དང་རིམས་ཀྱི་ཚད་པ་འཇོམས༔ ཞེས་གསུངས་པས་སྦྱར་དུག་དང་མཚོན་དང་རིམས་ལ་སོགས་པས་མི་ཚུགས་པར་གསུངས་སོ༔ དེ་ལྟར་བུམ་པ་ཅན་བསྒོམ་པ་ལ་ཡང་༔་རྔུབ་དང་དགང་དང་གཞིལ་བ་དང་༔ འཕང་བར་བྱ་དང་རྣམ་པ་བཞི༔ སྦྱོར་བ་བཞི་ལྡན་མ་ཤེས་ན༔ ཡོན་ཏན་སྐྱོན་དུ་འགྱུར་བའི་ཉན༔ ཞེས་གསུངས་པའི༔ དང་པོ་ལྕགས་ཀྱུ་བཞིན་དུ་འགུགས་པར་བྱ་བ་ནི༔ སྒྲ་མེད་དུ་དལ་བུས་རྡུབ༔ བུམ་པ་བཞིན་དུ་དགངས་བ་ནི༔ ལྟེ་འོག་ཏུ་མནན་འོག་རླུང་ཅུང་ཟད་ཡར་འཐེན་ནས་ཁ་སྦྱོར་དུ་འཛིན་རྒྱ་མདུད་བཞིན་དུ་བསྡོམ་པ་ནི༔ མི་ཐུབ་ལ་ཁད་དུ་རྔུབ་ཆུང་བྱས་ལ༔ གྲུ་མོ་གཉིས་ཀྱིས་མཆན་རྡེབ་གཡས་དང་༔ གཡོན་དང་གཉིས་ཀ་མཉམ་དུ་གཅིག་བྱ༔ དམིགས་པ་བ་སྤུའི་ཁུང་ཐམས་ཅད་ནས་སྔོ་སིབ་སིབ་ཕྱིར་སོང་བར་བསྒོམ་པ་ཕྱི་གཞིལ་ཡིན་ཏེ༔ རླུང་ཁུག་རིང་བ་ལ་འདིས་ཕན་ཏེ༔ རླུང་དབུ་མིའི་ནང་དུ་ཐིམ་པར་སྒོམ་པ་ནང་གཞིལ་ཡིན་པས་རྟོགས་པ་སྐྱེ་བ་ལ་འདི་ཟབ༔ དེ་ནི་གཞིལ་བ་ཡིན་ལ༔ མདའ་ལྟར་འཕངས་བ་ནི༔ མ་ཐུབ་པ་དང་སྣ་བུག་གཉིས་

[Full Size]

ནས་དང་པོ་དང་མཇུག་ཏུ་ཤེད་ཆུང་ཞིང་༔ བར་དུ་ཤུགས་ཆེ་བར་སང་གིས་འབུས་པའོ༔ དེ་ནི་འཇམ་རླུང་ཡིན་ལ༔ འཁྱགས་དང་མྱུར་དུ་དྲོད་འདོད་པ་སོགས་གལ་ཆེ་སྐབས་རེ་འགའ་དྲག་རླུང་བཟུང་དགོས་ཏེ༔ དེ་ཡང་འཇམ་རླུང་ལ་རབ་གཅིག་གོམས་ན་དྲག་རླུང་་་་ཨངྒིའི་རྟགས་འདི་རྣམས་དྲག་རླུང་གནད་ལྔ་པར་གྲགས་པའོ༔ བཟུང་ཡང་གེགས་སྐྱོན་མི་འབྱུང་སྟེ༔ སྤྱིར་ནི་སྔོན་དང་འདྲ་བ་ལས༔ རླུང་ལོག་མི་འབྱུང་བ་འབུད་པའི་གནད་རླུང་རོ་ལྷག་མ་མེད་པར་དྲག་ཏུ་འབུད༔ རླུང་རང་གནས་སུ་བཞུགས་པ་རྩུབ་པའི་གནད་རིང་ལ་དྲག་ཏུ་ཁེངས་པར་རྡུབ༔ རླུང་དབང་དུ་འདུ་བ་དགངས་བའི་གནད༔ ལུས་རླུང་གི་བཀང་བ་དྲག་ཏུ་མནན༔ འོག་རླུང་བསྡམ༔ སྟེང་རླུང་ཐུབ་ཚད་མནན༔ རླུང་རྩ་མིག་ཏུ་གདབ་པ་གཞིལ་བའི་གནད༔ བ་སྤུའི་ཁུང་ནས་ཕར་སོང་བར་དམིགས་ལ་རྡུབ་ཆུང་ཡང་ཡང་བརྩེགས་ཤིང་མཆན་བརྡབ་བྱ༔ རླུང་ཕྱི་ནང་བསྲེ་བ་བཏང་བའི་གནད༔ མ་ཐུབ་ངེས་པ་དང་རྣམས་ནས་དྲག་ཏུ་ལྷག་མ་མ་ལུས་པར་འབུད་པ་དང་སྦྲག་སྟེ༔ དབུ་མའི་ལམ་ནས་སྤྱི་གཙུག་ཏུ་སྔོ་ཕྱུར་གྱིས་སོང་བར་བསམ་པ་ཡིན་ནོ༔ འདི་མང་

[Full Size]

ན་འཕོ་བ་བྱང་བར་འགྱུར་ཀྱང་ཚེ་ལ་གནོད་པས་མང་བར་མི་བྱའོ༔ དེ་ལྟར་གོ་བར་བྱ་བ་རྣམས་བཤད་ཟིན་ནས༔ བསྒོམ་རྒྱུའི་དམིགས་པ་དངོས་ནི༔ གཞུང་ལས༔ དེ་ནས་རཾཿལས་རཾཿཐགཅིག་ཆད༔ མེ་ལྕེ་དེ་ཡི་རྩེ་རུ་ཕྱིན༔ དབུ་མ་སྙིང་ཁར་སླེབ་པར་བསམ༔ རླུང་བཟུང་རླུང་གིས་རཾཿལ་བརྒྱབ༔ དེ་ལས་མེ་འབར་ནས་འབྲུ་ནི༔ རིང་ཤོས་ཙམ་གྱི་མེ་འབར་བས༔ དྲོད་ནི་དེ་ལས་རང་ཆེ་བསམ༔ དེ་ལས་གོས་ཉུང་དྲོད་སྐྱེ་ནུས༔ ཞེས་དང་༔ ཞལ་གདམས་ལས༔ ལྟེ་བའི་རཾཿགྱི་རའི་ལག་གཡས་ནས་མེའི་ཞགས་པ་འཕྲོས༔ གྱེན་དུ་སོང་བ་རྩེར་རོ༔ཡིག་ཏུ་གྱུར༔ དེའི་འང་ལག་གི་གཡས་ནས་མེ་ཞགས་གྱེན་དུ་འབར་བ་འགྲེས་སོ༔ ཞེས་གསུངས་པའི་དོན་དབུ་མ་ཡར་ནུད་པ་ནི་མིན་ཏེ་ཡར་བསྲིང་བ་ཡིན་ལ༔ ནས་འབྲུ་རིང་ཤོས་ཞེས་པའང་མེ་ལྕེ་ཕྲེད་ཞེང་ཡིན་ལ༔ ཡར་ནི་དེ་བས་རིང་དགོས་ཏེ་དབུ་མ་དང་མཉམ་དགོས་པས་གསལ་ལོ༔ དྲོད་ནི་དེ་ལས་རབ་ཆེ་བསམ་ཞེས་པ༔ ལྟེ་བ་ནས་སྙིང་ཁ་བར་དབུ་མའི་ནང་དུ་མེ་ཡོད༔ ལུས་གཞན་ལ་མེད་ཀྱང་༔ དཔེར་ན་སྣོད་ཀྱི་མཐིལ་ཚིག་ནས་ལྕགས་སྲེག་ལྟར་སོང་ནས༔ ཁ་གདོང་དང་།

[Full Size]

གཞན་དུ་མེ་མ་ཕོག་ཀྱང་དྲོས་པ་ལྟར༔ ལུས་ཀྱི་དབུས་ཀྱི་མེ་དེས་ལུས་མཐའ་དག་དྲོ་བར་སྒོམ་པའི་དོན་ནོ༔ དེ་ནས་སྔོན་འགྲོ་བླ་མའི་རྣལ་འབྱོར་ཡང་ཡུད་ཙམ་སྒོམས༔ དངོས་གཞིའི་ཕྱི་ལྷའི་སྟོང་ར༔ ནང་རྩའི་སྟོང་ར་རྩ་དབུ་མ་དང་༔ དེའི་ནང་དུ་མེའི་ཐིག་ལེ་རཾཡིག་མེ་འབར་བ་དང་བཅས་པ་གསལ་གདབ༔ དེ་ནས་ལྟེ་བའི་རཾ༔ཡིག་དེ་ལས་རིཡིག་དམར་པོ་ཤིན་ཏུ་ཚ་བའི་རེག་བྱ་ཅན་ཞིག་ཆད་དེ༔ མེ་ལྕེ་དེའི་རྩེ་རུ་ཕྱིན་ནས་བསྡད༔ རྩ་དབུ་མ་ཡང་ཡར་རིང་ནས་སྙིང་ཁ་ཆོས་ཀྱི་འཁོར་ལོ་ཅུང་ཟད་བརྒལ་ཙམ་དུ་སླེབ་པར་བསྒོམ༔ དེ་ནས་རླུང་བཟུང་བས་རླུང་ལྟེ་འོག་ནས་དབུ་མའི་ནང་དུ་ཞུགས༔ ལྟེ་བའི་རཾ༔དང་སྙིང་ཁའི་རཾ༔གཉིས་ཀ་ལ་བརྒྱབ་པས༔ དམར་འུར་གྱིས་དེ་ལས་མེ་འབར་ཏེ༔ ཕྲ་སྦོམ་ནས་འབྲུ་རིང་ཤོས་ཙམ་ཞེང་དུ་དང་༔ དཀྱུས་སུ་དབུ་མ་དང་རིང་ཐུང་མཉམ་པར་འབར་བས༔ དེའི་ཚ་ངད་ཤིན་ཏུ་ཆེ་བས་དྲོད་ནི་ལུས་ཐམས་ཅད་ལ་སྔོན་ལས་ཀྱང་རབ་ཏུ་ཆེ་བར་བསམ་པའི་དམིགས་པ་མ་ཡེངས་པར༔ རླུང་བཟུང་འཁྲུལ་འཁོར་ཡང་༔ ཡན་ལག་ལྔ་སྦྱང་གི་སྟེང་དུ་གཏུམ་མོ་སྤྱིའི་འཁྲུལ་འཁོར༔ དྲུག་སྐོར་བྱ་

[Full Size]

ཞིང་ཐུན་དང་ཐུན་དུ་བཅད་དེ་རྩེ་གཅིག་ཏུ་མ་ཡེངས་པར་བསྒོམས་པས༔ དམིགས་པ་དང་རླུང་དང་འཁྲུལ་འཁོར་གསུམ་སྦྲགས་པ་ཞག་གསུམ་སྦྱངས་པས་དྲོད་སྐྱེ་ཞིང་སྔ་མ་དེ་ལས་ཀྱང་གོས་ཉུང་བས་དྲོས་པ་འབྱུང་གསུངས་པའོ༔ དེ་ཡང་རླུང་རྡུབ་ཚེ་རླུང་བརྒྱབ་པས་མེ་འབར་བར་སྒོམས་པ་དང་༔ རླུང་དགངས་ཚེ་མེ་ལྕེ་ཉིད་ལ་སེམས་བཟུང་བ་དང་༔ གཞིལ་བའི་ཚེ་ཡང་མེ་ལྕེ་ཡོད་ཚུགས་ལ༔ ལྟེ་བའི་རཾཿཡིག་ལ་སེམས་བཟུང་སྟེ༔ དབུ་མའི་ནང་ཁོ་ན་ལ་སེམས་ཡུན་རིང་དུ་ཟིན་པས་དྲོད་སྐྱེ་བའི་གནད་ཡིན་ལ༔ ཐུན་བཞག་ན་འགྲོ་འདུག་སྤྱོད་ལམ་ཚེ་ཡང་ལྟེ་བའི་རོལ་སེམས་གཏད་པ་གནད་ཆེའོ༔ བར་རླུང་བཟུང་ཐུབ་ན་རབ་མ་ལྕོགས་ཀྱང་༔ ལྟེ་བའི་རོལ་དམིགས་པ་ཏུ་རེ་བ་བྱས་པས་ཡོན་ཏན་སྐྱེ་སྟེ༔ གཏུམ་མོ་ཡུལ་གྱི་གནད་བྱ་བ་ལྟེ་བ་ཡིན་པས་སོ༔ ཡང་ལྟེ་འོག་སོར་བཞི་རྩ་གསུམ་འདུས་པར་གཏུམ་མོ་གནས་པར་བཤད་པས་རྒྱུན་ཏུ་དེར་དམིགས་ཀྱང་ལེགས་སོ༔ རྟགས་ཐོན་པར་བྱེད་ན་ཞག་གསུམ་བསྒོམ་ཞིང་མི་གསལ་ན་ཆོས་ཐུན་དེ་ཉིད་བསྐྱར་ཞིང་བྱའོ༔ ཆོས་ཐུན་གསུམ་པའོ༔

[Full Size]

བཞི་པ་འདི་ལ་ཡང་རྩའི་གནད་སོགས་གོ་རྒྱུ་གཅིག་དང་༔ དམིགས་པ་བསྒོམ་རྒྱུ་གཉིས་ཡོད་པའི་དང་པོ་ནི༔ དེ་ཡང་མགྲིན་པ་ལོངས་སྤྱོད་ཀྱི་འཁོར་ལོ་ན་རྩ་མིང་ཅན་བཅུ་དྲུག་དང་༔ དེ་ལས་གྱེས་པའི་རྩ་བྲན་མང་པོ་དང་༔ སྤྱི་བོའི་རྩ་འདབ་རྣམས་ཀྱི་སྣེ་མོ་ཐམས་ཅད་སྦྲུལ་ཆུན་ནམ་སྐུད་ཆུན་ལྟར་ཡོད༔ འདིའི་རྩའི་གཙོ་བོ་རྣམས་སུ་རླུང་ཟིན་པས༔ མ་བསླབ་པར་བརྩམ་དང་༔ སྙན་ངག་དང་ཉམས་མགུར་སོགས་ཟད་པ་མེད་ཅིང་ཅི་སྨྲས་ཆོས་སུ་འོང་བ་དང་༔ ལོག་ན་མཁྲིས་པའི་ནད་དང་དིག་ལྷུགས་སོགས་སྐྱོན་ཡང་མང་བས༔ རྩ་འདབ་རྣམས་ཡིད་ལ་མི་བྱེད་པར་འདིའི་ལུགས་ལ༔ མགྲིན་པ་ལོངས་སྤྱོད་འཁོར་ལོའི་གཙོ་བོ་ནི་ལྟེ་བ་ཉིད་ལ་སེམས་གཏད་པས༔ མགྲིན་པ་ལོངས་སྤྱོད་འཁོར་ལོའི་རྩ་ཁ་བྱེ་བས༔ མ་བསླབ་པར་ཆོས་ཐམས་ཅད་རང་བརྡོལ་དུ་ཤེས་པ་དང་༔ ཅི་སྨྲས་ཆོས་སུ་འོང་བས་གཞན་ལའང་ཕན་ཐོགས་པ་དང་༔ ངག་ནུས་པ་དང་ལྡན་ནས་སྨོན་ལམ་གང་བཏབ་འགྲུབ་ཅིང་བཀའ་བསྒོས་ནད་གདོན་ཞི་ནུས་པ་སོགས་གནས་སྐབས་དང་༔ མཐར་གསུང་རྡོ་རྗེའི་གོ་འཕང་ཐོབ་པའི་གནད༔ གེགས་སྐྱོན་མི་འབྱུང་བར་ཡོན་

[Full Size]

ཏན་ལག་ཏུ་འབྱུང་བའི་ཁྱད་ཆོས་གཞན་ལ་མེད་པ་ཞིག་ཡིན་ནོ༔ དེ་ཡང་ཐབས་ལམ་གཞན་གྱི་ལུགས་ལ་སྟོང་ར་ཞག་མང་དུ་སྦྱངས་པ་ཡིན་ཡང་༔ འདིའི་ལུགས་ལ་དང་པོ་ནས་ཟུང་འབྲེལ་དུ་བསྒོམས་པས༔ མ་སྦྱངས་པའི་སྐྱོན་དུ་འགྱུར་སྲིད་པས་འདིའི་སྐབས་སྐབས་སུ་སྟོང་རའི་རྩལ་སྦྱངས་པ་དང་གོ་བ་རེ་ཡང་སྐྱེད་དགོས༔ ཕྱི་ལུས་ཀྱི་སྟོང་ར་དང་༔ སྐད་ཅིག་དྲན་རྫོགས་ཀྱི་བསྐྱེད་རིམ་དང་༔ སྣང་བརྙན་གྱི་སྐུ་བསྒྲུབ་པ་དང་༔ རིགས་ལྡན་གྱི་གཞི་བཟུང་བ་དང་༔ ཕྱིའི་གཏུམ་མོ་རྣམས་དོན་གཅིག་སྟེ༔ རང་ལུས་ལྷའི་སྐུ་དར་དམར་གྱི་གུར་ཕུབ་པ་ལྟ་བུ་ལ་ནང་སྟོང་པ་ཕྲུ་མ་ཕུས་བཏབ་པ་ལྟར་བསྒོམ་པ་དེ་ཡིན༔ ནང་རྩའི་སྟོང་ར་དང་༔ དཔག་བསམ་གྱི་ཤིང་འཛུགས་པ་དང་༔ ནང་གི་གཏུམ་མོ་རྣམས་དོན་གཅིག་སྟེ༔ ཐབས་ལམ་གཞན་ལ་རྩེ་གསུམ་འཁོར་ལོ་བཞིའམ་ལྔའམ་གཙུག་ཏོར་འཁོར་ལོ་དང་དྲུག་བསྒོམ་པ་སོགས་ཡོད་ཀྱང་༔ འདིའི་ལུགས་ལ་དབུ་མ་ཉིད་བསྒོམས་པ་ལ་རྩ་གསུམ་འཁོར་ལོ་ལྔ་ཡང་འདུས་པས༔ རྩ་དབུ་མ་ཕྱི་དཀར་ལ་ནང་དམར་བ་སྦྱབ་སྟོང་པ་སྔོ་སང་ངེ་བ༔ གསལ་ཞིང་དྲང་པ་ཞིག་སྒོམས་པས་འཐུས༔ གསང་

[Full Size]

བའི་གཏུམ་མོ་དང་༔ ཨ་ཐུང་དང་༔ ཙནྡྲ་ལི་དང་༔ ཆུ་ཟླའི་གར་སྒྱུར་བ་ཐིག་ལེའི་རྣལ་འབྱོར་ཞེས་པ་རྣམས་དོན་གཅིག་སྟེ༔ དང་པོ་ལྟེ་བར་རཾཿབསྒོམ་པ་འདི་ཉིད་ཡིན་ལ༔ རྗེས་ནས་ཨ་ཧཾ་འབར་འཛག་ཀྱང་འབྱུང་མོད༔ དེ་ལ་རྩ་ཁྱིམ་དང་འདྲ༔ ཐིག་ལེ་ནོར་དང་འདྲ༔ རླུང་བདག་པོ་དང་འདྲ༔ རྩ་ནི་སངས་རྒྱས་ཐམས་ཅད་ཀྱི་སྐུ་རང་གི་ལུས་ཀྱི་ངོ་བོ༔ གནས་ཡུལ་གྱི་ལྷ་མོ་མཁའ་འགྲོ་ཐམས་ཅད་དང་དབྱེར་མེད༔ རླུང་ནི་སངས་རྒྱས་ཐམས་ཅད་ཀྱི་གསུང་རྡོ་རྗེ༔ རང་གི་ངག་གི་ངོ་བོ༔ འབྱུང་བ་ལྔའི་རླུང་ལྔ་རིགས་ལྔའི་སངས་རྒྱས་དང་དབྱེར་མེད༔ ཐིག་ལེ་ནི་སངས་རྒྱས་ཐམས་ཅད་ཀྱི་ཐུགས་རྡོ་རྗེ༔ རང་གི་སེམས་ཀྱི་ཡེ་ཤེས་མི་ཤིགས་པ་ཐིག་ལེའི་ངོ་བོ༔ གནས་ཉི་ཤུ་རྩ་བཞིའི་དཔའ་བོ་ཆོས་སྐྱོང་ཐམས་ཅད་དང་དབྱེར་མེད་པ་ཡིན༔ དེས་ན་ནུབ་ཕྱོགས་ཨུ་རྒྱན་ཡུལ་དང་༔ ཤར་ཕྱོགས་ཀ་མ་རུ་པའི་གནས་དང་༔ ལྷོ་ཙཱ་རི་ཏྲ་དང་༔ བྱང་རི་བོ་གངས་ཆེན་ཏི་སེ་དང་༔ དེ་ལ་སོགས་པ་འཛམ་བུའི་གླིང་གི་གནས་ཆེན་ཐམས་ཅད་ཀྱང་རང་གི་ལུས་ཀྱི་རྩ་ལ་ཚང་༔ རྩ་མདུད་ཡིག་འབྲུའི་གཟུགས་ལ་གནས་ཆེན་དེ་རྣམས་ན་

[Full Size]

བཞུགས་པའི་མཁའ་འགྲོ་ཐམས་ཅད་གནས༔ རྩ་མིག་དེ་རྣམས་ཀྱི་ཐིག་ལེ་ལ་གནས་དེ་དག་ན་བཞུགས་པའི་དཔའ་བོ་ཆོས་སྐྱོང་ཐམས་ཅད་གནས༔ དེས་ན་རླུང་འཁྲུལ་འཁོར་ལ་ཉམས་ལེན་བྱས་པས་རྩ་མདུད་དེ་དག་ཅུང་ཟད་ལྷོད་པའམ་གྲོལ༔ རྩ་གནས་ཐིག་ལེའི་དྭངས་མ་འཕེལ་བས༔ དཔའ་བོ་མཁའ་འགྲོ་དེ་དག་གིས་བྱིན་གྱིས་བརླབས་ཤིང་ཐུན་མོང་དང་མཆོག་གི་དངོས་གྲུབ་རིམ་གྱིས་འབྱུང་བ་ཡིན་ནོ༔ དེས་ན་རྒྱ་དཀར་ནག་སོགས་དཀའ་ཚེགས་ཆེན་པོ་ནས་གནས་ཆེན་བརྒྱ་རྩ་བརྒྱད་བསྐོར་བ་ལས་ཀྱང་༔ རྩ་རླུང་གི་རྣལ་འབྱོར་བསྒོམ་ཞིང་འཁྲུལ་འཁོར་ལ་སྦྱོངས་པས་སྒྲིབ་པ་འདག་པ་དང་དངོས་གྲུབ་ཐོབ་པ་དང་བྱིན་རླབས་འཇུག་པ་བརྒྱ་སྟོང་འགྱུར་གྱིས་ལྷག་པར་ཤེས་པར་བྱའོ༔ དེ་ཡང་མི་གསལ་བ་གསལ་བ་དང་༔ མ་ཟིན་པ་ཟིན་པའི་ཐབས༔ མི་གནས་པ་གནས་པའི་ཐབས༔ དེ་ཐམས་ཅད་ལ་སྟོང་ར་བཅའ་དགོས༔ དེ་ཡང་ལྷའི་སྐུ་རང་གི་ལུས་ཚད་བསྒོམ་པའི་ཚེ༔ དབུ་མ་མཚན་ཉིད་བཞི་ལྡན་སྨྱུག་རྒོད་འབྲིང་པོ་ཙམ་བསྒོམ༔ ལྷ་སྐུ་དེ་ཇེ་ཆེར་བསྒོམ་སྟེ་མཁར་ཙམ་ལ་དབུ་མ་ཀ་བ་ཙམ༔ སྐུ་རི་ཙམ་དང་རི་རབ་ཙམ་དང་ནམ་མཁའ་ཁྱབ་

[Full Size]

པ་ལའང་དེ་ལ་དཔག་སྟེ་ཆེ་བར་བསྒོམ་པ་དང་༔ རེས་ཇེ་ཆུང་དུ་བསྒོམས་ཏེ་སྐུ་ཡུངས་འབྲུ་ཙམ་ལ་དབུ་མ་ཡང་སྐུ་རྩེ་བརྒྱར་གཤགས་པའི་ཚད་ཙམ་དུ་ཕྲ་བར་བསྒོམ་པ་སོགས་རྩལ་སྦྱང་ངོ་༔ དེ་ཡང་རླུང་བསྒོམ་ཚེ་བ་སྤུའི་ཁུང་ཐམས་ཅད་ཁྲོལ་ཚག་ལྟར་བསྒོམ་པ་ནས་རླུང་བུན་བུན་འགྲོ་བར་བསམས་པས་རླུང་ཁུག་རིང་༔ མེས་ལུས་བཀང་དུས་བ་སྤུའི་ཁུང་ནས་མེ་ལྕེ་དམར་ཀྱུ་རུ་རུ་ཕྱིར་འབར་བ་གཅིག་ཏུ་འདྲེས་ནས་ཆེར་འབར་བས་ལུས་མེ་དཔུང་གི་ཀློང་དུ་ཚ་འུ་རེ་བསྒོམས་པས་དྲོད་སྐྱེ༔ ཐིག་ལེའི་ལུས་བཀང་ཚེ་བ་སྤུའི་ཁུང་ནས་ཕྲོམ་གྱིས་བྱུང་བ་གསེར་གྱི་རྡོ་རྗེ་ཕྱེད་པ་རེ་རེར་གྱུར་ནས་ཁུང་བཀག་པར་སྒོམ་པས་ཐིག་ལེ་མི་ཉམས་པའི་གནད༔ ཡང་སྐབས་སུ་གེགས་མི་འབྱུང་བ་དང་བར་ཆད་བསྲུང་བའི་ཆེད་དུ༔ རླུང་ཕྱིར་འབྱུང་བ་དང་མཉམ་དུ་ལྟེ་བའི་མེའི་འོད་ཟེར་ལས་གྲུབ་པའི་ཁྲོ་བོ་རོ་ཟ་དམར་པོ་སྐུ་ཆུང་ལ་ཡན་ལག་དོད་པ་དཔག་ཏུ་མེད་པ་འཕྲོས་པ༔ བ་སྤུའི་བུ་ག་ནས་ཕྱིར་ཐོན་ཏེ་འཇིག་རྟེན་ཁྱབ་ནས་གནོད་བྱེད་ཐམས་ཅད་སྤྲིན་ནག་རླུང་གིས་གཏོར་བ་ལྟར་བསྐྱེད༔ རླུང་ཚུར་རྔུབ་པ་དང་མཉམ་དུ་བ་སྤུའི་བུ་ག་ཐམས་ཅད་ནས་ཞལ་གཟིགས་ནས་

[Full Size]

བར་མཚམས་མེད་པར་ཁྲབ་ལྟ་བུར་བསྒོམ་པ་ཡང་བྱའོ༔ འདི་ལྟར་གཏུམ་མོ་བསྒོམ་པའི་ཚེ་ཡང་ལུས་གནད་གལ་ཆེ་སྟེ། སྟན་བདེ་བ་ལ་འདུག་ནས་རྐང་པ་རེ་མིག་ལྟར་བསྣོལ་བའི་གཡས་ཕྱི་དང་གཡོན་ནང་དུ་ཡོད་པར་བྱས་པས་བདེ་དྲོད་སྐྱེ༔ ལག་གཉིས་ལྟེ་འོག་སོར་བཞིར་མཉམ་གཞག་གི་ཚུལ་དུ་ཅུང་ཟད་མནན༔ གྲུ་མོ་ཐུར་དུ་ཐད་ཀར་རྐྱང་པས་གཡོ་བྱེད་ཀྱི་དྲོད་མྱུར་དུ་སྐྱེ༔ སྒལ་ཚིགས་བསྲངས་ལ་མགྲིན་པ་ཅུང་ཟད་བཀུག་ལྕེ་ཡར་རྐན་ལ་སྦྱར་བས་རླུང་གནད་དུ་ཚུད༔ དཔུང་པ་གདེང་ཞིང་ལུས་ཆ་ཆ་ནས་བསྒྲིམ་པས༔ ལྟེ་འོག་གི་རླུང་ཐམས་ཅད་ཆུན་ཅིང་བདེ་དྲོད་སྐྱེ༔ མིག་སྣ་རྩེ་ལ་གཏད་པས་རིག་པ་གསལ་ཞིང་དམིགས་པ་ཟིན༔ དེ་ལྟ་བུའི་ལུས་གནད་བཅས་ལ་རླུང་བཟུང་ལ༔ དམིགས་པ་གསལ་བ་དང་སྐབས་སུ་གང་བབས་སམ་འཁྲུལ་འཁོར་ཚར་རེ་བརྒྱབ་བོ༔ དམིགས་པ་དངོས་ནི༔ གཞུང་ལས༔ དེ་ནི་ཞག་གསུམ་སྦྱངས་ནས་ནི༔ རཾཿལས་ཀྱང་རཾཿའཕྲོས་མེ་ཡི་རྩེར༔ འོད་དང་བཅས་ཏེ་ཕྱིན་པར་བསམ༔ དེ་ནས་རླུང་བཟུང་རླུང་ཕོག་པས༔ མེ་ནི་དེ་བས་རབ་ཆེ་འབར༔ དབུ་མ་མགྲིན་པའི་གནས་སུ་སླེབ༔ མེ་ནི་དེ་ལས་ཆེ་བར་

[Full Size]

བསམ༔ རླུང་བུས་ཕོག་པས་དབུ་མ་གང་༔ དེ་ནི་ཞག་གསུམ་སྦྱངས་བའི་རྟགས༔ ལཱ་འཐུག་གོས་ཀྱིས་དྲོས་པ་འབྱུང་༔ ཞེས་གསུངས་པའི་དོན་རང་ལུས་རང་ཉིད་ཡི་དམ་པདྨ་ཧེ་རུ་ཀ་སྤྱན་རས་གཟིགས་རོ་ཟ་གསལ་བའི༔ ལྟེ་འོག་ནས་སྙིང་ཁའི་སྟོད་བར་དུ་ཡེ་ཤེས་ཀྱི་རྩ་དབུ་མ་གཏུམ་མོའི་མེས་གང་བས༔ མེའི་སྙིང་པོ་ལྟེ་བ་དང་སྙིང་ཁར་རཾཿཡིག་དམར་པོ་རེས་མཚན་པའི༔ སྙིང་ཁའི་རཾཿལས་རཾཿདམར་པོ་གཅིག་ཆད་དེ༔ སྙིང་ཁའི་མེ་ལྕེའི་རྩེ་མོར་ཞུགས་པ་དང་མཉམ་དུ༔ དབུ་མ་ཡང་ཡར་སྐྱེས་ཏེ་མགྲིན་པའི་གོང་ཙམ་དུ་སླེབ༔ རླུང་བཟུང་བས་ལྟེ་འོག་ནས་དབུ་མའི་ནང་དུ་ཞུགས༔ ལྟེ་བ་དང་སྙིང་ཁ་དང་མགྲིན་པའི་འོག་གི་རིལ་བུས་པས༔ དབུ་མ་མེས་གང་༔ ཁྱད་པར་རཾཿགོང་མ་ལས་མེ་ཆེར་འབར༔ མགྲིན་པའི་དབུ་མ་མེས་གང་༔ དེ་ལྟར་ལྟེ་བ་དང་སྙིང་ཁ་དང་མགྲིན་པའི་ཐད་ཀྱི་དབུ་མ་ཡེ་ཤེས་ཀྱི་མེས་གང་བས༔ ལུས་ཀྱི་རྐེད་པ་དང་བྲང་གི་ཐད་དང་མགྲིན་པ་རྣམས་སུ་བདེ་དྲོད་ཆེར་འབར་བར་བསྒོམ་ཞིང་རླུང་བཟུང་༔ དེ་ནི་ཞག་གསུམ་ལ་སོགས་པ་ཅི་རིགས་པར་ཐུན་དུ་བཅད་དེ་བསྒོམས་པས༔ དེའི་རྟགས་ནི་ལྭ་

[Full Size]

བ་འཐུག་པོའི་གོས་གཅིག་རྐྱང་གིས་དགུན་ཡང་དྲོས་པ་འབྱུང་གསུངས་པ་སྟེ༔ དམིགས་པ་རྩ་ཐིག་རླུང་གསུམ་ཡ་མ་བྲལ་བར་སྒོམ་ཡང་༔ འདི་སྐབས་གཙོ་ཆེ་རླུང་དང་འཁྲུལ་འཁོར་གཙོ་བོར་བྱས་པས༔ རླུང་ཟིན་པའི་རྟགས་ལ༔ རླུང་ཕྱིར་རྒྱུ་བ་དང་གྲངས་ཉུང་དུ་སོང་བ་རྒྱུ་བ་ཟིན་པའོ༔ རིང་ཐུང་ཟིན་པ་ནི་ཕྱིར་འབྱུང་དུས་སོར་ཚད་ཐུང་དུ་སོང་བ་ལ་ཟེར༔ ཤུགས་ཟིན་པ་ནི་ཕྱིར་རྒྱུ་བའི་ཤེད་ཆུང་བ་ཡིན་ནོ༔ སྣ་བུག་ནས་འབྱུང་བ་ལྔ་ཡི་རླུང་རྒྱུ་བ་སོ་སོའི་ཁ་དོག་གང་ཡིན་ཤེས་པ་བྱུང་ན་ཁ་དོག་ཟིན་པའོ༔ འབྱུང་བ་སོ་སོའི་ནུས་པ་ཐིམ་ན་སྟོབས་ཟིན་པ་ཡིན་པར་བཤད༔ གཞན་ཡང་རླུང་ཟིན་རྟགས་ལ་ལུས་ལ་དྲོད་སྐྱེ་བ༔ ལུས་འཕར་བ་འདར་བ༔ འགྲོས་མགྱོགས་པ༔ ལུས་ཤིང་བལ་ལྟར་ཡང་བ༔ དབུགས་རྒྱུ་བ་རང་གཞན་ཀྱིས་མི་ཚོར་བ་རླུང་མི་འགྱུ་བ༔ ལྟོ་གོས་ལ་ཞེན་ཆགས་མི་སྐྱེ་བ༔ བདེ་གསལ་མི་རྟོག་པའི་ཉམས་རྒྱུན་ཆད་མེད་པ༔ རང་བྱུང་བདེ་ཆེན་གྱི་རྟོགས་པ་སྐྱེ༔ དེ་ལ་བརྟན་པ་ཆེར་ཐོབ་ན་གཡང་ལ་ལྷུང་ཡང་མི་གནོད༔ ཚུས་མི་ཁྱེར༔ སྣང་བ་ཐམས་ཅད་རྨི་ལམ་སྒྱུ་མ་ལྟ་བུར་ཤུགས་འབྱུང་དུ་རྟོགས༔ རླུང་དང་རིག་པ་

[Full Size]

དབང་དུ་འདུས་པས་ཕྱིའི་སྣང་སྲིད་ཐམས་ཅད་དབང་དུ་འདུས༔ རྡོ་རྗེ་ལྟ་བུའི་ཏིང་ངེ་འཛིན་འཆར་བ་སོགས་ཕན་ཡོན་མཐའ་ཡས་པ་འབྱུང་བར་གསུངས༔ དྲོད་ཅེས་བྱ་བ་ནི་སྤྱིར་ཆོས་གང་ཉམས་སུ་བླངས་ན་ཡང་དེའི་རྟགས་དང་ཕན་ཡོན་དངོས་སུ་བྱུང་བ་ལ་ཟེར་བ་ཡིན་ཡང་༔ འདིར་ནི་གཏུམ་མོའི་མེ་དམིགས་བསྒོམ་པའི་རྟགས་ལུས་ལ་ལྷ་རེག་བྱ་དྲོ་བ་ལ་ཟེར་ཏེ༔ འོན་ཀྱང་ཚ་དྲོད་ཀྱི་དྲོད་མ་བྱུང་ན་ཡང་༔ བདེ་གསལ་མི་རྟོག་པའི་ཏིང་འཛིན་སོགས་རྟགས་དང་ཡོན་ཏན་གཞན་སྐྱེས་ན་དྲོད་སྐྱེས་པ་ཡིན་པར་གསུངས༔ ལུང་ལས༔ བླ་མེད་ཐབས་ཀྱིས་ཁྱད་པར་ཆོས༔ ཤིན་ཏུ་ཟབ་ལ་མྱུར་བས་ན༔ ན་སོ་རྒན་གཞོན་མེད་པ་དང་དེ་བཞིན་སྐྱེ་བོ་ཕོ་མོ་མེད༔ དབང་པོ་རྣོ་བརྟུལ་ཀུན་སངས་རྒྱས༔ ཞེས་གསུངས་པས་ཉམས་ལེན་རྩ་རླུང་འཁྲུལ་འཁོར་ལ་སྦྱངས་ན་ཉམས་རྟོགས་ན་སྐྱེ་ལ༔ རྒས་ནས་དྲོད་སྐྱེ་བ་སོགས་མི་འབྱུང་གི་རྟོགས་པའི་བོགས་ནི་འབྱུང་སྟེ༔ བརྒྱ་ཕྲག་ལ་སོགས་རྒན་པོ་དག༔ འདི་ལ་མོས་ཤིང་འཇུག་སྤྲོ་ན༔ གནས་སྐབས་ནུས་རྟགས་མ་ཐོན་ཀྱང་༔ དོན་གྱི་སྙིང་པོ་རྟོགས་པའི་ཕྱིར༔ འབྲེལ་པ་ཡོད་དེ་

[Full Size]

གདམས་པ་བྱིན༔ ཞེས་ཨུ་རྒྱན་ཆེན་པོའི་གསུངས་སོ༔ དེ་བཞིན་དུ་ཆགས་ལམ་གཞན་ལུས་མི་བསྟེན་ཀྱང་༔ རྩ་རླུང་བསྒོམ་ན་མཆོག་ཡིན་ཏེ༔ དགེ་སྦྱོང་ཚངས་པར་སྤྱོད་གནས་པ༔ བློ་དང་ལྡན་པའི་རིགས་ཅན་ནི༔ མཆོག་ཏུ་འདི་ཡི་སྣོད་དུ་ཤེས༔ ཅི་སྟེ་ཕྱི་ནང་དོན་འཛོམ་ཞིང་༔ ཟབ་མོའི་དོན་ལ་དབང་འབྱོར་པས༔ གནད་ཤེས་རྡོ་རྗེ་འཆང་དངོས་ཡིན་ཞེས་གསུངས་ཤིང་༔ ལོ་བཅོ་ལྔ་ནས་ཉེར་བཞིའི་བར་ནི་གཞོན་ནུ་སྟེ་རྩ་རླུང་ནུས་པ་ཐམས་ཅད་མ་རྫོགས་ལ༔ སྐྱེད་དང་ཟས་གོས་བཟང་ན་བཅོ་བརྒྱད་དམ་ཉི་ཤུ་ནས་རྩ་རླུང་ནུས་པ་རྫོགས་པ་ཡང་ཡོད༔ ཉེར་ལྔ་ནས་ཞེ་ལྔའི་བར་དར་མ་ཏེ་ཉམས་སུ་བླངས་ན་རྟགས་མྱུར་དུ་འབྱུང་སྐལ་ལྡན་ལས་ཅན་ནི་ལོ་བརྒྱད་ལོན་ནས་ཀྱང་བསྒོམ་རུང་བར་གསུངས་སོ༔ ཞེ་ལྔ་འདས་ནས་རྒས་པས་རྩ་རླུང་རྒུད་ཀྱང་༔ ཁམས་ལུས་ཤས་བཟང་པའི་རིགས་ལྔ་བཅུ་ང་ལྔའི་བར་རྩ་རླུང་མི་རྒུད་པ་ཡང་སྲིད་པས༔ རྟགས་ཐོན་པ་ཡང་སྲིད་པ་ཡིན༔ གཅོང་ནད་ཞ་གྲུམ་ཅན་དང་འབྲས་དང་སྐན་དང་རྨ་མཛེ་ཅན་ལ་ནད་ཐུ་བས་མི་བསྒོམ༔ སྨྱོ་འབོག་བརྒྱལ་ནད་གདོན་ཆེན་བར་ཆད་མང་བ་དང༔ བློ་ཆུང་ཐེག་དམན་གྱི་

[Full Size]

བློར་མི་ཤོང་ལོག་ལྟ་སྐྱེ་བ་དང་༔ བཙུན་པ་སྡོམ་ཉམས་ལ་བསྟན་ན་རྩ་རླུང་ལ་ཁ་བཏགས་ནས་བསྟན་པའི་རྐང་འདྲེན་བྱེད་པས་འདིའི་སྣོད་མ་ཡིན་པར་གསུངས་སོ༔ དེས་ན་དེ་ལྟ་བུའི་སྐྱོན་ནི་མེད་ཅིང་ན་སོ་གཞོན་པ༔ དབང་གི་སྨིན་པ་གདམས་ངག་ཟབ་པ༔ སངས་རྒྱས་ལོ་ཟླ་ཙམ་གྱིས་བསྒྲུབ་ཆོག་པ་འདི་ལྟ་བུ་བསྐལ་པ་བྱེ་བ་སྟོང་གི་ནང་དུ་ཡང་ལན་རེ་ཙམ་ལས༔ ཞེས་ཞག་གསུམ་བསྒོམ་ཚེ་ཆོས་ཐུན་དེ་བསྐྱར་རོ༔ ཆོས་ཐུན་བཞི་པའོ༔ ༒ དེ་ནས་ཆོས་ཐུན་ལྔ་པའི་སྐབས་སུ་གོ་རྒྱུ་ནི༔ རྩ་འཁོར་ལོ་དྲུག་དང་བདུན་སོགས་རྒྱུད་སྡེ་ལ་ལ་ནས་བཤད་པ་ལྟར་ན༔ དཔྲལ་བར་ལྷན་ཅིག་སྐྱེས་པའི་འཁོར་ལོ་ཉི་ཟེར་ལྟར་གནས་པར་གསུངས་ཀྱང་༔ དེ་ཐབས་ལམ་གཞན་ལྟར་ན་དབུ་མའི་ཡར་སྣེ་ཀླད་པའི་སྟེང་ནས་ཚུར་འཁྱོག་པ་སྨིན་མཚམས་སུ་ཟུག་པ་ན༔ རུས་པ་གྲུ་གསུམ་གྱི་ནང་དུ་ཐིག་ལེ་བསྒོམ་པ་སོགས་བྱེད་པ་ཡིན་ནའང་༔ འདིའི་ལུགས་ལ་སྨིན་མཚམས་ཀྱི་དབུ་མ་ལ་དམིགས་པ་གཏད་པས༔ སྨིན་མཚམས་ལྷན་ཅིག་སྐྱེས་པའི་རྩ་འཁོར་ལོ་བསྒོམ་པའི་གོ་དོད་པ་ཡིན་ནོ༔ ཡང་འདི་དག་སྐབས་སྐབས་སུ་

[Full Size]

གེགས་སེལ་གྱི་དམིགས་པ་ཕྲན་བུ་རེ་ཡང་ཡིད་ལ་འཇག་པར་མ་བྱས་ན་གེགས་ནམ་འོང་ཆ་མེད༔ དེ་དུས་བླ་མ་དང་དཔེ་བུམ་དྲུང་དུ་ཡོད་པར་ཡང་དཀའ་བས་སོ༔ དེ་ལ་རྩ་རླུང་སྦྱངས་པས་ལས་ངན་དག་པའི་སློང་ལ་གེགས་འབྱུང་བའམ༔ རྒྱུ་སྔོན་གྱི་ལས་ངན་རྐྱེན་གྲིབ་དང་ཟས་སྤྱོད་མ་ལེགས་པ་དང་གདོན་གྱི་འཚེ་བས༔ འབྲས་བུ་ལུས་ལ་ནད་དུ་སྨིན་ཅིང་མི་བདེ་བ་དང་སྡུག་བསྔལ་བསྐྱེད༔ ཆེ་སྟེ་སྲོག་ལ་འོང་༔ འབྲིང་སྟེ་དགེ་སྦྱོར་ཆག༔ ཆུང་སྟེ་དྲོད་རྟགས་ཕྱིར་འགྱངས་བ་སོགས་འབྱུང་བས༔ དེ་སེལ་བ་ལ༔ སྤྱིར་ནི་ལས་ངན་སྦྱང་ཕྱིར་ཐུན་མཚམས་རྡོར་སེམས་སྒོམ་བཟླས་བྱ༔ མི་གཙང་བའི་གྲིབ་ལ་འཛེམ༔ ཟས་སྔོ་རྔད་ཁ་ཚ་རུལ་སུམ་འཛེམ༔ སྤྱོད་ལམ་ཉིན་ལ་གཉིད་པ་དང་མེ་དང་ཉི་མ་ལ་ཧ་ཅང་བསྡད་པ་སྤངས༔ ནུབ་མོ་སྲུང་འཁོར་བསྒོམ་པ་དང་ཀུ་སཱ་ལུའི་ཚོགས་གསོག་ཀྱང་ཐུན་རེ་བསྒོམ་མོ༔ འོ་ན་རྩ་རླུང་ཐིག་ལེ་ཡི་དམ་ལྷར་བསྒོམ་པ་དང་ལུས་སྦྱིན་ཀུ་སཱ་ལུའི་ཚོགས་གསོག་གཉིས་འགལ་ལམ་སྙམ་ན༔ དྭངས་མའི་རྩ་རླུང་ཐིག་ལེ་ཡི་དམ་གྱི་ལྷ་ཡིན་པ་སྟེ༔ རྣམ་ཤེས་སྤར་དུས་ཐིག་ལེའི་ཕག་མོའི་སྐུ་དེ་ཉིད༔ དྭངས་མ་ཡེ་ཤེས་ཀྱི་

[Full Size]

རྩ་རླུང་ཐིག་ལེ་ཐམས་ཅད་འདུས་པའི་ངོ་བོར་བསྒོམས་ནས་སྤར་ཏེ༔ སྙིགས་མ་མ་དག་རྣམ་སྨིན་ཤ་ཁྲག་གི་ཕུང་པོ་དེ་ཉིད༔ བདག་འཛིན་བློས་བཏང་བ་དང་ཚོགས་རྫོགས་པ་དང་བར་ཆད་ཞི་བ་དང་ལྷ་འདྲེ་དབང་དུ་འདུ་བའི་ཆེད་དུ་ལུས་ཚོགས་འཁོར་དུ་དམིགས་ནས་སྦྱིན་པར་དམིགས་པས་མི་འགལ་ཞིང་གཅིག་གྲོགས་གཅིག་གིས་བྱེད་པའི་གནད་གོ་བར་བྱའོ༔ དེ་ལ་གེགས་སེལ་མང་ན་ཡང་༔ སྟོད་ནད་གྱེན་དུ་འདོན་པ༔ སྨད་ནད་ཐུར་དུ་དབབ་པ་བར་ནད་ཐད་དཀར་བསེང་བ་གསུམ་དུ་འདུས༔ དེ་ཡང་བློ་མི་བདེ་བ་དང་སྙིང་རླུང་༔ རླུང་འཐུམ་སྟེ་བརྒྱལ་ལམ་བརྒྱལ་ལ་ཁད་པ༔ རིག་པ་རྣལ་དུ་མི་གནས་པ༔ སྟོད་འཚང་བ་བརྒྱངས་བ༔ རླུང་གིས་སྟོད་གཟེར་བ་རྣམས་ལ༔ སྐྱིལ་ཀྲུང་བཅས་ལག་པས་པུས་མོ་བཀབ༔ མགྲིན་བ་ཅུང་ཙམ་དགྱེ་བར་བྱས་ལ༔ ནམ་མཁར་ཡི་གེ་ཧ་ལྗང་གུ་གཅིག་སྒོམས༔ ཧཱ་ཞེས་རིང་པོ་བརྗོད་པས་རང་གི་སྙིང་ནང་ནས་ཧ་ལྗང་ཁུ་གཅིག་ལས༔ ཧ་ལྗང་ཁུ་བར་མ་ཆད་པར་འཕྲོས་པས་ཁ་ནས་ཐོན་ཏེ༔ ནམ་མཁའི་ཧ་ལ་སིབ་སིབ་ཐིམ་པར་བསྒོམ་ཞིང་༔ ཧ་རིང་པོར་མང་དུ་བརྗོད་ནས༔ མཐར་

[Full Size]

གི་རླུང་རོ་ངན་པ་ཐམས་ཅད་ཧའི་རང་བཞིན་དུ་ཟད་པར་བསམ་པས་སེལ་ལོ༔ ཡང་ན་ཧ་ཐུང་ངུ་མང་པོ་དམིགས་པ་དང་འཁྲུལ་འཁོར་གོང་ལྟར་བྱས་ཏེ༔ དེ་གཉིས་ཀ་ལ་མཇུག་ཏུ་ཧ་ཧ་ཧ་ཞེས་ལུས་སྤྲུགས་དང་མཉམ་དུ་རླུང་རོ་ལྷག་མ་ལུས་པ་ཁ་ནས་འདོན་ནོ༔ ཡང་སྙིང་ཁ་དང་ལུས་སྟོད་ཁོག་པར་དྲོད་ཆེན་པོ་སྐྱེས་ཁ་རླངས་ཡང་ཚ༔ དབུགས་ཐུང་ལ་རྒོད་ལག་པའི་རྩ་ཡང་དྲིལ་ལ་མགྱོགས་པ་ཚད་པ་སྐྱེས་པ་འདྲ་ན་མེ་རླུང་སྟོབས་ཆེ་བ་ཡིན་པས༔ ལུས་བསྲང་ལ་སོ་བསྒྲིགས་པའི་བར་ནས་ཆུ་རླུང་གྲངས་སི་ལི་ལི་རྡུབ་ལ་ཁོག་ཏུ་བཟུང་༔ སྙིང་གི་ནང་དུ་ཡི་གེ་པཾདཀར་པོ་ཤིན་ཏུ་གྲང་བ་འཁྱགས་པ་ལྟ་བུ་ལས༔ ག་པུར་གྱི་རང་བཞིན་ཆུ་འཁྱགས་སི་ལི་ལི་བབ་པས་བྱང་ཁོག་གང་༔ དོན་སྣོད་ཐམས་ཅད་བཤལ་ནས་འོག་སྒོ་ནས་ཕྱིར་ཐོན་པར་སྒོམས༔ ལུས་འདར་བའི་ཚུལ་དུ་སྤྲུགས་པས་སེལ༔ ཟས་མ་ཞུ་པ་ཕོ་བ་གཟེར་བ་ལ༔ རླུང་དྲག་ཏུ་བཟུང་ལ་ཕོ་བར་གཏུམ་མོའི་མེས་གང་བར་བསམས་ལ༔ པུས་མོ་ལ་འཇུས་ནས་ཕོ་སྐོར་གཡས་གཡོན་དུ་ལན་མང་དུ་བྱས་པས་སེལ༔ ཡང་ན་བར་རླུང་ཅུང་ཟད་བཟུང་ནས་ལུས་གན་རྐྱལ་དུ་ཧྲིང་ཉལ་བྱས་ཏེ༔ ལག་

[Full Size]

མཐིལ་མེ་ཡི་དཀྱིལ་འཁོར་དུ་བསམ་པས་ཕོ་བ་གཡས་སྐོར་གཡོན་སྐོར་དུ་ཤད་ཀྱིས་ལན་མང་དུ་བྱས་པས་སེལ་ལོ༔ ཡན་ལག་གི་ཚིགས་ན་བ་ལ༔ ཚིགས་གང་དུ་ན་བ་དེར་བུག་པ་གསུམ་གསུམ་ཡོད་པར་བསམས་ལ་རླུང་ཐམས་ཅད་དུད་པའམ་རླངས་པ་ལྟར་ཐོན་པར་བསྒོམས་ཏེ༔ བཤུལ་ལ་སོགས་པ་ལུས་གར་ན་སར་ཡང་དེ་ལྟར་བསྒོམ་ཞིང་རླུང་བཟུང་ལ་ཕུར་བས་སེལ་ལོ༔ ཡང་སྣང་བ་ཟ་ཟི་རིག་པ་ཕྱ་ཕྱོ༔ རྣ་བ་ཀུ་ཟིང་འགྲོ་འདོད་ཡང་ཛབ་ཛབ་སྡོད་མི་ཚུགས་པ་ནི་རླུང་ལངས་བ་ཡིན་པས༔ མདུན་དུ་ཀཱ་པ་ལ་རྒྱ་ཆེ་བར་བདུད་རྩི་འབྲི་མར་གྱི་ཁུ་བ་སེར་ལྟེམ་མེ་བས་གང་བ་ལ༔ རང་གི་རྐང་མཐེབ་སྦྱ་གུ་ལྟ་བུས་དྲང་སྟེ་ལུས་སེར་ལྟེམ་གྱིས་གང་༔ བ་སྤུའི་བུ་ག་ནས་ཡུངས་འབྲུ་ཙམ་སེར་ཕྲོམ་མེ་བྱུང་བར་དམིགས་ལ༔ འཇམ་རླུང་བཟུང་༔ སྙིང་གི་དཀྱིལ་དུ་གསེར་གྱི་མཆོད་རྟེན་ཤིན་ཏུ་བརྗིད་པ་ལ་སེམས་བཟུང་བས་སེལ་ལོ༔ དེ་ནི་དམིགས་པ་དངོས་ལ༔ གཞུང་ལས་འོད་ནི་དེ་ལ་རླུང་ཕོག་པས༔ དེ་ལས་རཾ་ཆད་མེ་ཡི་སྟེང་༔ འོད་དང་ལྡེམ་ལྡེམ་འགུལ་བར་བསམ༔ དེ་ལས་རླུང་ནི་ཆེར་ཕོག་པས༔ དབུ་མ་སྨིན་མཚམས་གནས་སུ་

[Full Size]

སླེབ༔ དེ་ལས་མེ་ནི་རབ་ཆེ་འབར༔ སྣ་རྩེར་ཕྱིན་དང་ལྟེ་བ་ཡན༔ དབུ་མ་མེ་ཡིས་ཁེངས་པར་བསམ༔ དེ་ནི་ཞག་གསུམ་སྦྱངས་བའི་རྟགས༔ ལྭ་བ་སྲབ་བུས་དྲོས་པ་འབྱུང་༔ ཞེས་གསུངས་པའི་དོན༔ རང་ལུས་ཁྲོ་བོས་སྐུ་སྟོང་གསལ་གྱི་དབུས་དྲང་པོར་ལྟེ་བ་ནས་མགྲིན་པའི་བར་རྩ་དབུ་མ་རཾཡིག་གསུམ་དང་བཅས་པའི་མེས་གང་བ་གསལ་བའི་ངང་ནས༔ རླུང་བཟུང་བས་ལྟེ་འོག་ནས་དབུ་མར་ཞུགས༔ རཾཡིག་གསུམ་ལས་བུས་པས༔ མགྲིན་པའི་རཾལས་རཾགཅིག་ཆད་དེ་མེ་ལྕེའི་རྩེ་དེར་འོད་འབར་བ་དང་བཅས་ལྡེམ་ལྡེམ་སྐད་ཅིག་ཀྱང་མི་སྡོད་པར་འགུལ་བར་དམིགས༔ ཡང་རླུང་བཟུང་ཞིང་སྔར་ལྟར་དབུ་མ་ནང་ནས་ཡར་ཕོག་པས༔ དབུ་མ་ཡང་ཡར་རིང་ནས་སྨིན་མཚམས་ཀྱི་ཐད་སོར་སླེབ༔ ཡང་རླུང་བཟུང་བས༔ རཾཿལས་མེ་འབར་ཏེ༔ དབུ་མིའི་ཡར་སྣེའི་རྩེ་སྨིན་མཚམས་སུ་སླེབ་པ་མན་ཆད༔ ལྟེ་བ་ཡན་ཆད་ལྕགས་སྦྱབ་མེ་ལྕེས་ཁེངས་པ་ལྟར་དབུ་མ་མེས་ཁེངས་པར་བསམ༔ དེ་ལྟར་དབུ་མ་མེས་གང་བས་ཐམས་ཅད་ཀྱང་ཤུགས་ཀྱིས་བདེ་དྲོད་འབར་བར་དམིགས་པ་གསལ་ཞིང་༔ རླུང་བུམ་ཅན་དང་སྦག༔ ལྔ་སྦྱངས་དང་

[Full Size]

དྲུག་སྐོར་གྱི་འཁྲུལ་འཁོར་ལ་འབད་ན་ལྭ་བ་སྲབ་བུ་གཅིག་རྐྱང་གིས་དགུན་ཡང་དྲོས་པ་འབྱུང་བར་གསུངས་པའོ༔ དེ་ཡང་རྩ་གནས་སོ་སོའི་ཐད་དུ་རཾཡིག་བསྒོམ་ཞིང་སྤྲོ་བ་འདི་དང་༔ དབུ་མ་རིང་བ་བསྲིང་ཞིང་བསྒོམ་པ་སོགས༔ ཐབས་ལམ་གཞན་དང་ཅུང་མི་མཐུན་པ་འདྲ་ཡང་ཐེ་ཚོམ་པར་མི་བྱ་སྟེ༔ སྙིང་ཐིག་ཌཱཀྐིའི་གཏུམ་མོ་ལས། ལྟེ་བར་དྲོད་སྐྱེས་པ་དང་༔ སྙིང་ཁ་དང་མགྲིན་པར་སྤར་ལ་བསྒོམས༔ དེ་ནས་སྙིང་ཁར་བདེ་དྲོད་སྐྱེས་པ་དང་༔ མགྲིན་པ་དང་སྤྱི་བོར་སྤར་ལ་སྒོམས༔ དེ་ལྟར་བསྒོམས་པས་རྩ་ཁ་བྱེ༔ རྩ་ཁ་བྱེ་བས་དྭངས་མ་རྒྱས༔ དྭངས་མས་བདེ་བ་རྒྱས་ཏེ༔ ལུས་ལ་བདེ་བ་མེ་ལྟར་འབར༔ ཐིག་ལེ་ཆུ་ལྟར་འབྲུག་ནས་འོང་ངོ་༔ དེས་བདེ་སྟོང་གི་ཡེ་ཤེས་རྟོགས་པར་འགྱུར་བ་དང་༔ ཐུན་མོང་གི་ཡོན་ཏན་དཔག་ཏུ་མེད་པ་འབྱུང་ངོ་༔ གཏུམ་མོ་དང་ཕྱག་རྒྱ་ཆེན་པོ་སྤེལ་ཞིང་བསྒོམ་ན༔ ཚེ་གཅིག་གི་རིག་འཛིན་གྱི་ས་ལ་འཁོད་པར་འབྱུང་ངོ་༔ ཞེས་ཨོ་རྒྱན་ཆེན་པོའི་གསུངས་པ་དང་གནད་གཅིག་ཏུ་འབབ་པར་སྣང་ངོ་༔ གཞན་ཡང་སྨིན་མཚམས་ལྷན་ཅིག་སྐྱེས་པའི་འཁོར་ལོ་ལ་རླུང་སེམས་གཏད་པའི་འདི་དང་

[Full Size]

འབྲེལ་བའི་དམིགས་པ་གཞན་ཡང་སྟོན་ཏེ༔ རང་གི་སྨིན་མཚམས་ཐད་ཀྱི་ནང་དུ་ཆོས་འབྱུང་དཀར་པོ་གྲུ་གསུམ་པ༔ གདེང་ཁ་གྱེན་བསྟན་གྱི་ཟུར་གསུམ་རྣ་བ་གཉིས་དང་སྨིན་ཕྲག་ཏུ་ཟུག་པ༔ རྩ་བ་ཕྲ་བ་ཐུར་དུ་མགྲིན་པའི་ནང་དུ་ཡོད་པ་ཕྱི་ནང་དཀར་སེང་ངེ་བའི་ནང་དབུས་སུ༔ ཨཱཿཡིག་དཀར་པོ་འོད་ཀྱི་རང་བཞིན་ཅན་ལ་ཟག་མེད་བདུད་རྩིའི་རྒྱུན་ངང་ཁྲ་ལ་ལ་བབས་པས་ལུས་ཐམས་ཅད་གང་༔ ཆགསཉམས་སྡིག་སྒྲིབ་ཐམས་ཅད་འོག་གི་སྒོ་གཉིས་དང་བ་སྤུའི་བུ་ག་ནས་ནག་ནུ་རུ་རུ་ཐོན༔ ལུས་ཤེལ་སྒང་ལྟར་གྱུར་པ་སྒོམ་ཞིང་ངག་ཏུ་ཨཱཿབསྒང་༔ དེ་ཡང་ཚད་པའི་ནད་ལ་བདུད་རྩི་དཀར་པོ་ག་པུར་གྱི་རང་བཞིན་གྲང་སི་ལི་ལི་དང་༔ གྲང་བའི་ནད་ཡོད་ན་བདུད་རྩི་དམར་པོ་ཟངས་ཁུ་ལྟར་ཚ་ཆི་ལི་ལི་བ་དང་༔ རླུང་ནད་ལ་བདུད་རྩི་ཞུན་མར་བཅུད་ཅན་སེ་ན་རེ་བ་དང་༔ གདོན་ལ་ངོ་བོ་བདུད་རྩི་ལ་རྣམ་པ་ཁྲོ་ཆུ་ཁོལ་མའི་རྣམ་པར་བསྒོམས་ལ༔ ནད་དང་སྡིག་སྒྲིབ་དྲི་ཁུ་དུད་ཁུའི་རྣམ་པ་དང་༔ གདོན་ནི་འབུ་སྲིན་གྱི་རྣམ་པར་ནག་ཉི་ལི་ལི་བུད་པར་སྒོམས༔ དེ་ལྟར་དམིགས་པ་ཡང་ཡང་བྱས་པས༔ སྡིག་སྒྲིབ་དག་རྟགས་འཁྲུ་སྐྱུགས་དང་ཁྲུས་བྱེད་པ་

[Full Size]

གོས་དཀར་གྱོན་ཕུར་བ་ཉི་ཟླ་ཤར་བ་སོགས་དང་༔ ནད་བུད་རྟགས་རྣག་ཁྲག་མི་གཙང་བ་ཐོན་པ་གོས་རུལ་ཕུད་པ༔ གདོན་ཐོན་རྟགས་ལུས་ལས་སྲོག་ཆགས་ཐོན་པ་སོགས་ཀྱང་ཉམས་རྨི་ལམ་དུ་འབྱུང་ངོ་༔ དེས་གོ་བྱ་དང་བསྒོམ་བྱ་འཕྲོད་དོན་ཞར་བྱུང་དང་བཅས་པའི་ཆོས་ཐུན་ལྔ་སོང་ངོ་༔ ༒ དེ་ནི་ཆོས་ཐུན་དྲུག་པ་འདིའི་གོ་བྱ་ནི༔ སྤྱི་བོ་བདེ་ཆེན་གྱི་འཁོར་ལོ་འདི་ལ་རྩ་འདབ་སུམ་བརྒྱ་དྲུག་ཅུ༔ དེ་བསྡུ་ན་མིང་ཆེན་གྱི་རྩ་འདབ་སུམ་ཅུ་རྩ་གཉིས་ཡོད་དེ༔ རྩ་འདབ་དེ་དག་ཏུ་རླུང་ཟིན་ན་བདེ་སྟོང་གི་ཡེ་ཤེས་སྐྱེ༔ རླུང་ལོག་ན་བད་ཀན་དང་མགོ་ན་བ་སོགས་འབྱུང་བར་བཤད༔ ལ་ལའི་བཞེད་པར་རྩ་འདབ་མ་དེ་དག་བདེ་སྟོང་བསྐྱེད་པའི་རྩ་ཡིན་ལ༔ དེ་དག་གི་རྩ་སྣེ་ཕྲ་བ་རྩ་འདབ་ཕྱི་མ་ལ་བད་ཀན་བསྐྱེད་པའི་རྩ་ཡོད་པར་བཞེད༔ གང་ལྟར་ཡང་སྐྱོན་ཡོན་གཉིས་ལྡན་དུ་མཐུན་པས༔ འདིའི་ལུགས་ལ་བདེ་ཆེན་འཁོར་ལོའི་ལྟེ་བ་ནི་དབུ་མ་ཡིན་ལ༔ དབུ་མ་ནི་ཡོན་ཏན་འབའ་ཞིག་བསྐྱེད་པ་ཡེ་ཤེས་ཀྱི་རྩ་ཡིན་པས༔ བདེ་ཆེན་འཁོར་ལོའི་ལྟེ་བ་དབུ་མ་ཁོ་ན་བསྒོམས་པས་སྐྱོན་མེད་ཡོན་ཏན་ལྡན་པའི་ཁྱད་ཆོས་

[Full Size]

སོ༔ འོ་ན་རྩ་གཞན་མ་བསྒོམ་ན་སྐྱོན་ཁེག་གམ་སྙམ་ན༔ སྤྱིར་ལུས་ལ་རིགས་དྲུག་དང་ལས་ཉོན་གེགས་དང་གོལ་སའི་རྩ་ངན་མང་དུ་ཡོད་ཀྱང་༔ དེ་དག་བསྒོམ་པར་མ་གསུངས་ནས་ཡེ་ཤེས་རྒྱུ་བའི་རྩ་ཐམས་ཅད་ཀྱི་གྲངས་དང་མིང་དང་བསྒོམ་ཚུལ་རྒྱུད་སྡེ་རྣམས་ནས་གསུངས་པ་ཡིན་ལ༔ ལུས་ལ་རྩ་བཟང་ངན་མང་ཡང་བསྒོམ་པའི་སྟོབས་ཀྱིས་དེའི་ནུས་པ་སད་པར་བྱེད་པ་ཡིན་པས༔ དག་པ་ཡེ་ཤེས་ཀྱི་རྩ་ཐིག་རླུང་གསུམ་ཡང་བསྒོམ་པའི་སྟོབས་ཀྱིས་ཇེ་གསར་དུ་འཆར་དགོས་པའི་ཕྱིར་རོ༔ དེ་ཡང་སྤྱི་བོ་བདེ་ཆེན་འཁོར་ལོ་འདི་ཡང་ལ་ལ་དག་ཀླད་པའི་དཀྱིལ་དུ་བཞེད་པ་དང་༔ ཀླད་པའི་དཀྱིལ་སྟོད་དུ་བཞེད་པ་དང་༔ ཀླད་རྒྱའི་སྟེང་དུ་བཞེད་པ་དང་༔ རུས་པ་ཕྱི་ནང་གི་བར་ལྷ་བའི་དཀྱིལ་དུ་ཡོད་པར་བཞེད་པ་དང་༔ རུས་པའི་ཕྱི་པགས་པའི་ནང་ཤའི་གསེབ་ཏུ་བཞེད་པ་སོགས་མང་དུ་འདུག་ཀྱང་༔ གནས་ཚུལ་ལ་གང་ཡིན་ཡང་འདྲ༔ འདི་ལ་གནས་ཚུལ་གཙོ་མི་ཆེ༔ བསྒོམ་ཚུལ་གཙོ་ཆེ་བས་སོ༔ དེ་ལ་འདི་ཡི་ལུགས་ལ་དབུ་མའི་ཡར་སྣེ་ཚངས་བུག་ནི་སྨྱུག་ཚིགས་ཀྱི་ཁ་ལྟ་བུ་ཧད་པོ་སྟེ༔ ཕྱི་ཁྲོ་བོའི་སྐུ་དར་དམར་གྱི་གུར་ཕུབ་པ་ལྟ་བུའི་སྤྱི་བོའི་

[Full Size]

པགས་པ་ལ་མ་རེག་ཙམ་པ་དབུ་མའི་ཡར་སྣེ་ཚངས་བུག་དངོས་ཡིན་ལ༔ ཚངས་བུག་གི་མར་སྣེའི་དབུ་མ་ནི་ཀླད་པའི་དཀྱིལ་སྟོད་ཙམ་མམ་སྨིན་མཚམས་ཀྱི་སྟོད་ཆའི་ཐད་དེ་བདེ་ཆེན་འཁོར་ལོའི་ལྟེ་བ་ངོས་འཛིན་པར་བྱའོ༔ དེ་ཡང་ལུས་ཀྱི་ས་ཚོད་ངོས་འཛིན་ཡིན་གྱི༔ ལྷ་སྐུ་སྟོང་སང་ངེ་ཡིན་གྱི་ཀླད་པ་སྒོམས་པ་མིན་པས་གོ་བར་བྱའོ༔ དེ་ནས་དམིགས་པ་དངོས་ནི༔ དེ་ནས་རླུང་ནི་ཆེར་ཕོག་པས༔ དབུ་མ་ཚངས་པའི་བུག་ཏུ་སླེབ༔ རཾ་ལས་རཾ་འཕྲོས་མེ་སྟེང་ཕྱིན༔ ཡང་ནི་རཾ་ལས་རླུང་ཕོག་པས༔ སྨིན་མཚམས་ཕྱིན་གྱིས་དབུ་མ་ཁེངས༔ དེ་ནི་ཞག་གསུམ་སྦྱངས་བའི་རྟགས༔ རས་གོས་ཐུག་པོས་དྲོས་པ་འབྱུང་༔ ཞེས་པའི་དོན་ནི༔ རང་ལུས་ཡི་དམ་ཧེ་རུ་ཀ་དམར་པོ་དར་དམར་གྱི་གུར་ཕུབ་ལྟ་པ་བུ་ལ༔ ནང་སྟོང་པ་ཕྲུ་མ་ཕུས་བཏབ་པ་ལྟ་བུའི་དབུས་སུ༔ ལྟེ་འོག་སོར་བཞི་ནས་སྨིན་མཚམས་ཐད་བར་དུ་དབུ་མ་ཀ་བ་བཙུགས་པ་ལྟ་བུ་ལ༔ ནང་སྟོང་པའི་ལྟེ་བ་དང་སྙིང་ཁ་དང་མགྲིན་པ་དང་སྨིན་མཚམས་ཐད་རྣམས་སུ་མེའི་ས་བོན་རཾཿཡིག་བཞི་དང་བཅས་པའི་མེས་ཁེངས་བཞིན་ལ༔ རླུང་བཟུང་བས་ལྟེ་འོག་ནས་དབུ་མར་

[Full Size]

ཞུགས་ནས་རཾཿཡིག་བཞི་ལ་རླུང་ཆེན་ཕོག་པས་རྐྱེན་བྱས༔ དབུ་མ་ཡར་སྐྱེས་ཚངས་བུག་ཏུ་ཐལ་གྱིས་སླེབ༔ རཾ་གོང་མ་ལས་རོ་གཅིག་འཕྲོས་མེ་ལྕེའི་སྟེང་དེར་ཕྱིན་ནས་བསྡད། ཡང་རླུང་བཟུང་བས་རོ་དེ་ལ་ཕོག་པས་སྨིན་མཚམས་ཀྱི་སྟོད་ཆའི་ཐད་ལེན་གྱི་དབུ་མ་མེས་ཁེངས༔ མགོ་ལ་བདེ་དྲོད་ཚད་མེད་པ་སྐྱེ་བར་བསྒོམ་ལ༔ རླུང་སྦྱོར་བ་བཞི་ལྡན་དང་འཁྲུལ་འཁོར་ལ་རྩེ་གཅིག་ཏུ་འབད་པས༔ རས་གོས་འཐུག་པོའམ་ཐེར་གཟན་ལྟ་བུ་གཅིག་རྐྱང་གིས་དགུན་ཡང་དྲོས་པར་འབྱུང་བ་གསུངས་པའོ༔ དེ་ལ་བདེ་ཆེན་འཁོར་ལོ་འདིའི་འཕྲོས་དོན་ལ༔ སྤྱིར་རྡོ་རྗེ་ལུས་ཀྱི་རྩ་འཁོར་ལོ་ལྔའི་ལྟེ་བར་མི་ཤིགས་པའི་ཐིག་ལེ་ཨོཾ་ཧཱུྃ་ཏྲཾ་ཧྲཱིཿཨཱཿའི་རྣམ་པར་ཡོད་པ་དང་༔ མ་ཧཱ་རི་ནི་སའི་ཡི་གེ་རྩ་མདུད་ལ་ཡོད་པར་བཤད་པ་དང་༔ བཤད་ཚོད་རྒྱུད་སྡེ་སོ་སོ་ནས་མང་ན་ཡང་༔ ཡོངས་སུ་གྲགས་པ་ལ་སྤྱི་བོ་བདེ་ཆེན་འཁོར་ལོའི་དབུས་ནས་ཕ་ལས་ཐོབ་པའི་བྱང་སེམས་དཀར་པོའི་དྭངས་མ་ཧཾཿཡིག་གི་རྣམ་པ་མགོ་ཐུར་བསྟན་དངུལ་ཆུའི་ཁ་དོག་ལྟ་བུར་ཡོད་དེ༔ དེ་ནི་ཡབ་ཧེ་རུ་ཀ་ཐམས་ཅད་ཀྱི་ངོ་བོ་དང་༔ ལྟེ་འོག་ནས་བྱང་སེམས་མ་ལས་ཐོབ་པ་ཐམས་ཅད་ཀྱི་བཅུད་དང་དྭངས་

[Full Size]

མ་ཨཱཿཡིག་གི་རྣམ་པ་ལུས་ཀྱི་དྲོད་བསྐྱེད་པར་བྱེད་པ་ཡོད་དེ༔ དེ་ནི་ཡུམ་ཕག་མོའམ་གསང་བ་ཡེ་ཤེས་ཀྱི་ངོ་བོ༔ དེ་གཉིས་རྩ་དབུ་མའི་ཡར་སྣེ་མར་སྣེ་བཀག་པའི་བར་ན༔ སྲོག་ལྟ་བུའི་རླུང་ཁ་དོག་ནམ་མཁའ་ལྟ་བུས་གང་བ་ནི་ལས་དང་ཡེ་ཤེས་གཉིས་འདྲེས་པར་གནས་པས་ལུས་སེམས་མི་འབྲལ་བའི་ཟུང་བྱེད་ཅིང་༔ ང་དང་བདག་ཏུ་འཛིན་པའི་དྲན་པ་སྐྱེད་པའི་བརྟན་བྱེད་དེ༔ རླུང་དེ་ཅུང་ཟད་ཙམ་འགུལ་ལམ་ལོག་ན་བརྒྱལ་བ་དང་སྨྱོ་བ་འབྱུང་༔ རླུང་དེ་ལོག་སྟེ་གནས་ཕྱིར་ཤོར་ན་སྲོག་ཆད་པ་ཞེས་འཆི་བར་བྱེད་པས་སྙིང་རྗེ་མེད་པའི་རླུང་ཞེས་བྱ༔ ད་ལྟ་ནི་ཡེ་ཤེས་མགོན་པོ་ཞེས་སམ་སྲོག་རླུང་ཞེས་ཟེར༔ དེ་ཡང་སྤྱིར་རྣམ་ཤེས་ཀྱི་བཞོན་པར་གྱུར་པའི་ལས་རླུང་དང་༔ འགྲོ་འོང་བྲལ་བ་ཡེ་ཤེས་ཀྱི་རླུང་གཉིས་ཏེ༔ ལས་རླུང་གི་ཀུན་གཞིའི་རྣམ་ཤེས་སྤྱོད་པས་ཆུའི་རླབས་ལྟར་རྣམ་པར་རྟོག་པ་དུ་མ་འཕྲོ་སྟེ༔ དེ་དག་གི་རྗེས་སུ་འབྲང་བས་ལས་དང་ཉོན་མོངས་པ་དུ་ཕྱི་མ་བསགས་ནས་འཁོར་བར་འཁྱམས་པ་ཡིན་པས༔ རྒྱུ་མའི་རྟ་ཁ་ནས་བཟུང་ན་མི་དེ་ཡང་འགྲོ་རྒྱུ་མེད་པ་ལྟར༔ རླུང་བཟུང་བས་རྣམ་པར་རྟོག་པ་ཇེ་འགགས་སུ་སོང་ནས༔ མི་

[Full Size]

རྟོག་པ་ཡེ་ཤེས་ཀྱི་རླུང་དུ་འགྱུར་བ་ཡིན་ལ༔ ཐ་མལ་གྱི་ཤེས་པ་འོད་གསལ་ཕྱག་རྒྱ་ཆེན་པོ་དེ་ཉིད་ཡེ་ཤེས་ཀྱི་རླུང་ཡིན་ཏེ༔ སེམས་ཉིད་གསལ་ལ་མི་རྟོག་པ༔ ངོ་བོ་ཡེ་ཤེས་རླུང་ཆེན་པོ༔ ཞེས་གསུངས་སོ། དེས་ན་ཐ་མལ་འཁྲུལ་པའི་རྟོག་པ་ཐམས་ཅད་ལས་རླུང་དང་དོན་གཅིག་པར་བྱུང་༔ རང་རིག་འོད་གསལ་རྣམ་པར་མི་རྟོག་པ་ནི་ཡེ་ཤེས་ཀྱི་རླུང་དང་དོན་གཅིག་པར་བྱུང་། དེ་ལ་རྡོ་རྗེ་ལུས་ཀྱི་བཤད་པ་མཐའ་ཡས་ཀྱང་༔ རྩ་དབུ་མ་ཨ་ཧི་ཐིག་ལེ་གཉིས་དེ་རྩ་བ་ཡིན་པས༔ ཡིད་གཞན་དུ་མ་ཡེངས་པར་ཨ་ཝ་དྷུ་ཏིའི་ནང་དུ་རླུང་སེམས་ཟིན་ན་ཡེ་ཤེས་སྐྱེ་བས༔ དེ་ལ་སེམས་གཏད་པ་གལ་ཆེ༔ དེ་ཡང་ལུས་ཀྱི་དབུས་དྲང་པོར་གནས་པས་ཕལ་ཆེར་དེར་བསྒོམ་ཡང་༔ འདི་ཡེ་ཤེས་ཀྱི་རྩ་ཡིན་པས་བསྒོམ་པ་གཙོ་ཆེ་བའི་ཕྱིར༔ རེས་འགའ་ལུས་ཐམས་ཅད་དབུ་མས་ཁྱབ་པར་བསྒོམས་པས་རྩ་གནས་གང་དུ་རླུང་ཟིན་ཀྱང་ཡོན་ཏན་སྐྱེ་བའི་གནད༔ རེས་འགལ་ནམ་མཁས་གར་ཁྱབ་རྩ་དབུ་མས་ཁྱབ་པར་བསྒོམས་པས་སྣང་སེམས་འདྲེས་པའི་ཉམས་རྟོགས་སྐྱེ་བའི་གནད་ཡོད་དོ༔ དེ་བཞིན་ཏུ་སྤྱི་བོའི་ཧཾ་ཡིག་ལས་བདུད་རྩི་བྱང་སེམས་དཀར་པོའི་རྒྱུན་

[Full Size]

བབས་པས་ལུས་ཐམས་ཅད་གང་བ་བསྒོམས་པས༔ བདེ་ཉམས་སྐྱེ་ཞིང་ཚད་པ་དང་རླུང་ནད་ཞི༔ དེ་བཞིན་ཏུ་སྤྱི་བོའི་ཧཾ་ཡིག་གི་བདུད་རྩི་བྱང་སེམས་དཀར་པོ་བདེ་བའི་ཉམས་དང་ལྡན་པས་ལུས་གང་༔ བ་སྤུའི་བུ་ག་ནས་ཕྱིར་འཕྲོས་པས་ནམ་མཁའ་བར་སྣང་ས་གཞི་ཐམས་ཅད་གང་སྟེ་བདེ་སྟོང་དུ་མེ་རེ་བར་སྒོམ་པས་སྣང་བ་ཐམས་ཅད་བདེ་བར་འཆར༔ ལྟེ་བའི་ཨ་ཐུང་ལས་མེ་འབར་ལུས་ཐམས་ཅད་གང་༔ མ་དག་པའི་ཕུང་ཁམས་སྐྱེ་མཆེད་ལས་ཉོན་དང་བཅས་བསྲེགས་ནས་ཡེ་ཤེས་ཀྱི་ལུས་སུ་བསྒོམ་པས་སྡིག་སྒྲིབ་འདག༔ བདེ་དྲོད་འབར་ཟས་འཇུ༔ གྲང་བའི་ནད་ཞི༔ མེ་ལྕེ་བ་སྤུའི་བུ་ག་ནས་ཕྱིར་འཁོར་ཏེ་གནས་མལ་དང་ཡུལ་ཕྱོགས་ཁྱབ་པར་འབར་བར་བསྒོམས་པས་གདོན་འབྲོས༔ བར་ཆད་ཀྱིས་མི་ཚུགས༔ ནམ་མཁས་གར་ཁྱབ་ཏུ་འབར་ཏེ་སེམས་ཅན་ཐམས་ཅད་ཀྱི་སྡིག་སྒྲིབ་སྲེག་པར་བསྒོམས་པས་བསོད་ནམས་རྒྱ་ཆེན་པོ་ཐོབ༔ དེ་ལྟར་མེ་དང་བྱང་སེམས་ཕྱིར་སྤྲོས་པ་བསྡུས་ནས་མཐར་ལུས་ཀྱི་ཨ་ཧཾ་ལ་བསྟིམ་པར་བྱའོ༔ དེ་དག་དོན་ཡང་དཔལ་དུས་ཀྱི་འཁོར་ལོ་ལས༔ སེམས་ཀྱི་སྣང་བ་ཙམ་སྟེ་རང་གི་ཡིད་ལ་སྐྱེས་པ་མེ་

[Full Size]

ལོང་ནང་གི་གཟུགས་བརྙན་ལྟ་བུ་ཉིད༔ གང་ཞིག་མཐའ་དག་རྒྱལ་བའི་སྲས་དང་སངས་རྒྱས་རྣམས་ཀྱི་བསྟན་པ་རྣལ་འབྱོར་དབང་པོའི་བསྟན་བྱ་སྟེ༔ ཡེ་ཤེས་མེ་ལྕེ་རབ་ཏུ་རྒྱས་པ་དེས་ནི་བདུད་ཚོགས་གཡུལ་དང་བཅས་པ་མཐའ་དག་སྲེག་བྱེད་ཅིང་༔ ལུས་ལ་ཚིགས་པ་ལ་སོགས་ཀྱང་སྟེ་རྣལ་འབྱོར་རྣམས་ལ་ལོ་ཡི་སྦྱོར་བས་བདེ་ཉམས་སྟེར་བའོ༔ ཞེས་གསུངས་སོ༔ དེ་ལ་ལས་ཀྱི་གཏུམ་མོ་དང་༔ རྣལ་འབྱོར་གྱི་གཏུམ་མོ་དང་༔ མཆོག་གི་གཏུམ་མོ་དང་གསུམ་ལས༔ དང་པོ་ནི༔ གསང་བར་གནས་པ་ལས་རྒྱ་སོགས་ལ་བསྟེན་ནས་སྤར་བ་དང་༔ གཉིས་པ་ལྟེ་བར་གནས་པར་རླུང་གཟུང་བས་སྤར་བ་དང་༔ གསུམ་པ་ཡེ་ཤེས་ཀྱིས་མེས་ལས་ཉོན་སྲེག་པའམ༔ ཡང་ན་ལས་ཀྱི་གཏུམ་མོ་དང་༔ ཉམས་ཀྱི་གཏུམ་མོ་དང་༔ མཆོག་གི་གཏུམ་མོ་དང་གསུམ་ལས༔ དང་པོ་ལུས་གནད་དང་ལྡན་པས་རླུང་སྦྱོར་བ་བཞི་ལྡན་དུ་བཟུང་ནས༔ དམིགས་པ་གསལ་བར་བསྒོམ་པ་ཡིན་ཏེ༔ ལུས་སེམས་རླུང་གསུམ་གྱི་ལས་ལ་འབད་དགོས་པས་སོ༔ གཉིས་པ་ལ་ཡང་ཐུན་མོང་དང་ཁྱད་པར་གཉིས་ལས༔ དང་པོ་ནི༔ རླུང་ནི་ཟིན་པར་གྱུར་པ་ཡིས༔ དང་པོ་

[Full Size]

དྲོ་བ་ལྟ་བུ་འབྱུང་༔ གཉིས་པ་བདེ་བ་འཆར་བ་དང་༔ གསུམ་པ་མི་རྟོག་སྐྱེ་བར་འགྱུར༔ དེ་ནས་རྣམ་རྟོག་ཤུགས་ཀྱིས་འགགས༔ དུ་བ་སྨིག་རྒྱུ་མེ་ཁྱེར་དང་༔ སྐྱ་རེངས་ཤར་བ་ཇི་བཞིན་དུ༔ ནམ་མཁའ་སྤྲིན་དག་ལྟ་བུ་འབྱུང་༔ ཞེས་གསུངས་པ་ལྟ་བུའི་རྟགས་ཐོན་པའོ༔ གསུམ་པ་ནི༔ མ་བཅོས་གཉུག་མ་ལྷན་ཅིག་སྐྱེས༔ ཟག་པ་མེད་པའི་ཏིང་འཛིན་གནས༔ ཞེས་པ་ལྟར་རླུང་དབུ་མར་ཐིམ་ནས་མཆོག་གི་དངོས་གྲུབ་ཐོབ་པའོ༔ དེས་འཕྲོས་དོན་དང་བཅས་པའི་ཆོས་ཐུན་དྲུག་པ་སོང་ངོ་༔ ༒ དེ་ནས་ཆོས་ཐུན་བདུན་པ་འདི་ལ་དོགས་གཅོད་གོ་བྱ་དང་བསྒོམ་བྱ་གཉིས༔ ཞོར་ལ་འཕྲོས་དོན་དམིགས་རིམ་གཞན་བསྟན་པ་དང་གསུམ་མོ༔ དེ་ཡང་དབུ་མའི་ཡར་སྣེ་ཚངས་པའི་བུ་ག་ཡིན་པས་ཐམས་ཅད་དགོངས་པ་མཐུན་ལ༔ དེ་ལ་ལ་དག་ན་རེ༔ ཚངས་པའི་བུ་ག་དང་ཚངས་བུག་མི་གཅིག་སྟེ༔ ཚངས་བུག་ནི་བྱིས་པ་རྣམས་ཀྱི་མཚོག་སྨེའི་ཤུལ་དེ་ཡིན་ཏེ༔ དེ་ནི་སྐུ་མཚམས་ནས་སོར་བཞི་ན་ཡོད་ལ༔ ཚངས་པའི་བུ་ག་དབུ་མའི་ཡར་སྣེ་ནི་སྐུ་མཚམས་ནས་སོར་བརྒྱད་ས་ན་

[Full Size]

ཡོད༔ ཚངས་བུག་མཚོག་སྨེ་མི་གཅིག་སྟེ་དེ་ནས་འཕོས་ན་གཟུགས་མེད་ཁམས་སུ་སྐྱེ་ལ༔ དབུ་མའི་ཡར་སྣེ་གཙུག་ཏོར་གྱི་འཁོར་ལོའི་དབུས་ན་ཚངས་པའི་བུ་ག་ཡོད་དེ༔ དེ་ནས་འཕོས་ན་སྡིག་པོ་ཆེ་ཡང་དག་པ་མཁའ་སྤྱོད་དུ་སྐྱེ་བས༔ སྒོ་གཅིག་ཕྱག་རྒྱ་ཆེན་པོའི་ལམ་ཞེས་བྱ་བ་ཡིན༔ དེས་ན་མཚོག་མ་དང་ཚངས་པའི་བུ་ག་མ་ནོར་བ་གནད་ཡིན་ཟེར་རོ༔ ལ་ལའི་བཞེད་པས་དེ་གཉིས་གཅིག་ཡིན་སོར་བརྒྱད་སོ་ན་ཡོད་དེ་དོན་ལ་སྐུ་འཁྱིལ་ས་ན་ཡིན༔ མི་རིགས་ཀྱིས་སོར་བརྒྱད་ངེས་པ་ཁོ་ན་ཡང་མེད་དེ༔ སྒོ་གཅིག་ཀྱང་གདམས་ངག་བསྒོམ་པའི་སྟོབས་ཀྱིས་དེ་ནས་འཕོས་ན་རབ་ལོངས་སྐུའི་ཞིང་ཁམས་བདེ་བ་ཅན་ལྟ་བུ། འབྲིང་ཡང་མཁའ་སྤྱོད་ཆུང་ངུ་སྟེ་དཔའ་བོ་མཁའ་འགྲོ་རིག་འཛིན་གྱི་ཚོགས་གྲལ༔ ཐ་མ་ཡང་ལྷ་མའི་མཐོ་རིས་སུ་ངེས་པར་སྐྱེ་ལ༔ སྒོམ་པའི་ཐབས་ཀྱིས་མ་ཟིན་པར་ལས་དབང་གིས་སྒོ་དེ་ནས་འཕོས་ན་ནི་གཟུགས་མེད་ཁམས་སུ་སྐྱེ་བ་སྟེ་སྒོ་གཅིག་ཡིན༔ སྒོ་བརྒྱད་འཁོར་བའི་སྐར་ཁུང་ཅན༔ སྒོ་གཅིག་ཕྱག་རྒྱ་ཆེན་པོའི་ལམ། ཞེས་པ་ལས༔ སྒོ་བཅུ་ཡོད་པ་གསར་རྙིང་གང་ལས་ཀྱང་མ་བཤད་ཅེས་གསུངས་ཏེ༔ ཕྱི་མ་

[Full Size]

འདི་ཡི་དོན་ལ་གནས་སམ་སྙམ་ཞིང་༔ འདིའི་གཞུང་ལས་དབུ་མའི་ཡར་སྣེ་གསུངས་པ་དེ་ངོས་འཛིན་ཕྱིར་ཡིན་ལ༔ དབུ་མའི་ཡར་སྣེ་རུས་པའི་སྟེང་ཤ་པགས་མཚམས་སུ་གཙུག་ཏོར་གྱི་འཁོར་ལོའི་རྩ་འདབ་བཞིའི་དབུས་ཀྱི་ལྟེ་བ་ཡིན་ཏེ༔ དེ་མི་ཤིགས་པའི་ཐིག་ལེས་གང་ཞིང་རླུང་སེམས་ཟིན་ཞིང་བརྟེན་ན་གཙུག་ཏོར་འགྲུབ་ཅིང་བཅུ་གསུམ་རྡོ་རྗེ་འཆང་གི་ས་ནོན་པར་རྒྱུད་སྡེ་རྣམས་ནས་བཤད་ཅིང་༔ གཙུག་ཏོར་འཁོར་ལོ་བསྒོམ་པར་རྒྱུད་སྡེ་ལ་ལ་ནས་གསུངས་པའི་དོན་ཡང་༔ དབུ་མའི་ཡར་སྣེ་གསལ་བཏབ་པ་འདིས་འཐུས་པའོ༔ དེ་ཡང་ལྷའི་སྐུ་དར་དམར་གྱི་གུར་ལྟར་བུ་སྲབ་སེང་ངེ་བ་ཡིན་གྱི༔ ཤ་རུས་སོགས་སྒོམ་པ་ནི་མིན་ནོ༔ དེ་ཡང་གཞུང་ལས༔ དེ་ནས་དེ་ལ་རླུང་ཕོག་པས༔ ལས་རཾནི་རིང་པོ་ཆད༔ སྔོན་མའི་མེ་ཡི་སྟེང་དུ་ཕྱིན༔ དེ་ལ་ཡང་ནི་རླུང་ཕོག་པས༔ མེ་ནི་ཤིན་ཏུ་ཆེར་འབར་ཏེ༔ དབུ་མའི་ཡར་སྣེ་སླེབ་པར་བསམ༔ དེ་ནི་ཞག་གསུམ་སྦྱངས་བའི་རྟགས༔ རས་གོས་སྲབ་བུས་དྲོས་པ་འབྱུང་༔ ཞེས་གསུངས་པའི་དོན༔ རང་ཉིད་ཡི་དམ་འཕགས་པ་འཇིག་རྟེན་དབང་ཕྱུག་གི་སྐུ་དར་དམར་གྱི་གུར་ལྟ་

[Full Size]

བུའི་ནང་དུ༔ རྩ་དབུ་མ་ལྟེ་འོག་ནས་ཚངས་བུག་གི་བར་དུ་དྲང་སེང་ངེ་ཡོད་པའི༔ ལྟེ་བ་དང་སྙིང་ཁ་དང་མགྲིན་པ་དང་སྨིན་མཚམས་ཀྱི་ཐད་དང་སྤྱི་བོའི་ནང་རྣམས་སུ་རཾ་ཡིག་རེ་རེ་དང་བཅས་པའི་གཏུམ་མོ་ཡེ་ཤེས་ཀྱི་མེས་གང་བཞིན་ལ༔ རླུང་བཟུང་བས་ལྟེ་འོག་ནས་དབུ་མར་ཞུགས༔ རཾ་ཡིག་རྣམས་ལ་ཕོག་པས༔ རཾཿགོང་མ་ལས་རཾཿཡིག་རིང་པོ་གཅིག་ཆད་དེ་སྔོན་མའི་མེའི་སྟེང་དུ་ཕྱིན༔ ཡང་རླུང་བཟུང་བས་དེ་ལའང་རླུང་ཕོག་པས་མེ་ཤིན་ཏུ་ཆེར་འབར་ཏེ༔ དབུ་མའི་ཡར་སྣེའི་བར་མེས་སློབ་ཅིང་གང་བར་བསམ་སྟེ༔ དེ་ལས་མེ་ཆེར་འབར་ཞེས་དང་རཾ་ཡིག་རིང་པོ་འཕྲོས་ཞེས་སོགས་གསུངས་པའི་དོན༔ ལྷ་སྐུ་རང་གི་ལུས་ཚད་སྒོམ་པ་ཡིན་ན་སྤྱི་བོ་དང་ཚངས་བུག་བར་ནས་ཆེར་མེད་ཀྱང་༔ འདི་སྐབས་རྩལ་སྦྱང་ཕྱིར་སྐུ་ཤིན་ཏུ་ཆེ་བ་བློས་ཆུད་ཚད་ཀྱང་བསྒོམ་དགོས་པར་ཤུགས་ལ་བསྟན་པའོ༔ དེ་ཡང་དམིགས་པ་བརྟན་པོར་མི་ཟིན་པ་ལ་རྩ་བའི་དམིགས་པ་གཅིག་ལ་ཡིད་རྩེ་གཅིག་ཏུ་བཟུང་བ་ཟབ་ཀྱང་༔ རྩལ་འབྱོང་ན་དམིགས་པ་ཕྱོགས་གཅིག་དོན་མི་འགྲུབ་ཅེས་གསུངས་པས༔ གཞན་དམིགས་པའི་འཁྲུལ་འཁོར་དཔག་ཏུ་མེད་པ་ཐམས་ཅད་

[Full Size]

ཀྱང་༔ རྩ་བའི་དམིགས་པ་དེའི་ཆ་ལག་གམ་ལས་ཚོགས་ལྟ་བུར་བྱས་ལ་ཉམས་སུ་ལེན་དགོས་པ་ཡིན་ཏེ༔ ཁོག་ཁྲོལ་ན་ཐབས་ལམ་ཐམས་ཅད་གནད་དང་འབབ་ས་གཅིག༔ ཁྲིད་རིམ་གྲོལ་ལམ་ཐམས་ཅད་ཀྱང་གནད་དང་འབབ་སྒོ་གཅིག༔ བླ་མེད་རྒྱུད་ཀྱི་ཡི་དམ་རབ་འབྱམས་ཐམས་ཅད་ཀྱི་བསྐྱེད་རྫོགས་ཐམས་ཅད་ཀྱང་༔ གནད་དང་འབབ་སྒོ་གཅིག་སྟེ༔ བསྐྱེད་པ་ཡི་ནི་རིམ་པ་དང་༔ རྫོགས་པ་ཡི་ནི་རིམ་པ་ཉིད༔ རིམ་གཉིས་མཉམ་པར་གང་གཞག་པ༔ འདི་ནི་སངས་རྒྱས་བསྟན་པ་ཡིན༔ ཞེས་གསུངས་པའོ༔ དེ་ལྟར་ཤེས་ན་གཅིག་བསྒོམ་ཡང་ཐམས་ཅད་འདུས་ཤིང་རྟགས་ཐོན༔ མང་པོ་བསྒོམ་ཡང་ངོ་བོ་གཅིག་པས་སྤང་བླང་དུ་མི་འགྱུར༔ དེལྟར་ཤེས་པ་ལ་ཡང་མྱོང་བ་ཨན་ཙམ་དགོས༔ དེ་མིན་པར་གཅིག་བསྒོམ་དོ་འདི་ལས་གཞན་གཅིག་ཟབ་བམ་སྙམ༔ བྱིས་པས་མེ་ཏོག་ཐུ་བ་ལྟར་བྱས་པས་རྟགས་དང་ཡོན་ཏན་མི་སྐྱེ༔ སྤང་བླང་གི་ལྟུང་བ་ཡང་ཉེ་བ་ཡིན༔ དེས་ན་བྱིན་རླབས་མཚུངས་མེད་བླ་མ་ཡིན༔ དངོས་གྲུབ་སྩོལ་བས་ཡི་དམ་ཡིན༔ བར་ཆད་སེལ་བས་ཆོས་སྐྱོང་ཡིན༔ ཞེས་པ་ལྟར༔ རྒྱ་གར་སྐད་དུ་

[Full Size]

ལོ་ཀེ་ཤྭ་ར༔ བོད་སྐད་དུ༔ འཇིག་རྟེན་དབང་ཕྱུག༔ རྒྱ་གར་སྐད་དུ་ཀྲོ་དྷ༔ བོད་སྐད་དུ་ཁྲོ་བོ་སྟེ༔ འདི་ངོ་བོ་ཨོ་རྒྱན་སྐུ་གསུམ་ཐུགས་རྗེ་ཆེན་པོ་རྟ་མགྲིན་ཐམས་ཅད་ཅིག་ཏུ་འདུས་པ་ཡིན་ལ༔ དེ་སྣང་བ་ཐམས་ཅད་ཀྱི་ཆ་ལ་ཁྲོ་བོའི་སྐུ་དར་དམར་གྱི་གུར་ཕུབ་པ་ལྟ་བུ་གར་གྱི་ཉམས་དགུ་དང་ལྡན་པར་བསྒོམས་པས༔ ཡབ་ཧེ་རུ་ཀ་ཐམས་ཅད་འདུས༔ ཤེས་རབ་ཡུམ་གྱི་ཆ་ལ་ལྟེ་བར་ཨ་ཐུང་ཕག་མོའི་ངོ་བོ་དབྱིངས་ཀྱི་ཐིག་ལེ་གཏུམ་མོ་རཾ་ཡིག་གི་རྣམ་པ་བདེ་དྲོད་ཀྱི་མེ་འབར་བར་བསྒོམ་པས་མ་རྒྱུད་ཊཱཀྐི་ཐམས་ཅད་འདུས་པ་ཤེས་པར་བྱས་ལ༔ ལས་རླུང་འཁྲུལ་བའི་རྣམ་པར་རྟོག་པ་གྲངས་མེད་པ་ཡོད་ཀུང་བས་ན༔ དགེ་མི་དགེ་ལུང་མ་བསྟན་གསུམ་ལས་མེད༔ དེ་གསུམ་ཡང་གཏུམ་མོ་ཡེ་ཤེས་ཀྱི་མེས་སྦྱངས་ནས་སྐུ་གསུམ་དུ་གནས་བསྒྱུར་བ་གལ་ཆེ་སྟེ༔ དེ་ཡང་དགེ་བའི་བསམ་པ་དད་པ་དག་སྣང་ལ་སོགས་པ་ནམ་སྐྱེས་ཀྱང་༔ རང་ཉིད་ལྷ་སྐུ་རྩ་དབུ་མ་རཾ་ཡིག་དང་བཅས་པ་གསལ་བའི་ངང་ལས༔ རླུང་ཕྱིར་བུད་པས་འོད་ཟེར་ཁ་དོག་སྣ་ཚོགས་ལས་གྲུབ་པའི་ཕྱི་ནང་གསང་བའི་མཆོད་སྤྲིན་དཔག་ཏུ་མེད་པར་གྱུར་ཏེ༔ བླ་མ་ཡི་དམ་སངས་རྒྱས་

[Full Size]

བྱང་སེམས་མཁའ་འགྲོ་ཆོས་སྐྱོང་ཐམས་ཅད་མཆོད་པས་རབ་ཏུ་མཉེས་པར་བྱས༔ རླུང་ཚུར་རྔུབ་པ་དང་མཉམ་དུ་དེ་རྣམས་ཀྱི་སྐུ་གསུང་ཐུགས་ཡོན་ཏན་འཕྲིན་ལས་ཀྱི་བྱིན་རླབས་དངོས་གྲུབ་ཐམས་ཅད་ངོ་བོ་བདུད་རྩི་བྱང་སེམས་དཀར་དམར་ལ་རྣམ་པ་འོད་དཀར་དམར་གྱི་རྣམ་པར་ཚུར་བསྡུས་ལྟེ་བའི་མེ་ལ་བསྟིམ་ལ་རླུང་ཐུབ་ཚད་མནན༔ དད་གུས་བསྐྱེད་དོ༔ དེ་ནི་དགེ་བའི་རྟོག་པ་ཐམས་ཅད་ལོངས་སྐུ་དང་བསྲེ་བའོ༔ ཡང་སེམས་ལ་འདོད་ཆགས་དང་༔ ཞེ་སྡང་ལ་སོགས་པ་མི་དགེ་བའི་རྟོག་པ་ནམ་སྐྱེས་པ་དང་༔ རླུང་ཕྱིར་བུད་པས་འོད་ཟེར་དམར་པོ་འཕྲོས་པས༔ ཆགས་པ་དང་སྡང་ཡུལ་དེ་ལ་ཕོག་པས་སྡིག་སྒྲིབ་དག་ནས་ལྷའི་སྐུ་གྱུར༔ ཚུལ་རྡུབས་པས་ཁོའི་ཚེ་དང་བསོད་ནམས་ཁ་རྗེ་དབང་ཐང་ལུས་ངག་ཡིད་ཀྱི་བཅུད་ཐམས་ཅད༔ བདུད་རྩི་བྱང་སེམས་དཀར་དམར་གྱི་ངོ་བོ་ལ་རྣམ་པ་འོད་ཟེར་དཀར་དམར་གྱི་རྣམ་པར་བསྡུས་ལ་ལྟེ་བའི་མེར་བསྟིམ་ལ་བྱམས་སྙིང་རྗེ་བསྒོམ་མོ༔ དེས་ངན་རྟོག་སྤྲུལ་སྐུ་དང་བསྲེ་བ་ཞེས་བྱ་སྟེ་དབང་སྡུད་ཀྱི་མཆོག་ཏུ་འགྱུར་ཞིང་སྒྲིབ་པ་གཞི་མེད་དུ་འགྱུར་རོ༔ དགེ་བ་དང་མི་དགེ་བ་གང་དུ་ཡང་ལུང་མ་

[Full Size]

བསྟན་པའི་རྣམ་རྟོག་བྲང་ཕྲེང་འགྱུ་བའི་ཚེ༔ རང་ལུས་ཡི་དམ་དབུ་མ་མེ་དང་བཅས་པ་འཇའ་ཚོན་ལྟ་བུར་གསལ་བའི་ངང་ནས༔ རླུང་རང་བབས་སུ་བཞག་ལ་གང་ཤར་གྱི་ངོ་བོ་དེ་ལ་བཟོ་བཅོས་མེད་པར་བཞག༔ མ་ཡེངས་པའི་དྲན་རྫི་ཙམ་ལས་གཏད་སོ་མེད་པར་བཞག༔ དེས་ལུང་མ་བསྟན་གྱི་རྟོག་པ་ཆོས་སྐུ་དང་བསྲེ་བ་ཞེས་བྱ་སྟེ་མཆོག་གི་གཏུམ་མོ་ཡིན་ནོ༔ དེ་བཞིན་ཏུ་དུག་ལྔ་སྦྱངས་བའི་གཏུམ་མོ་ཡང་༔ ལྟེ་བར་གནས་པའི་མ་ལས་ཐོབ་པའི་ཐིག་ལེ་དེ་ཉིད་ཡུམ་ཕག་མོ་དང་གསང་བ་ཡེ་ཤེས་དང་༔ ཀྲོ་དྷི་ཤྭ་རི་དང་པདྨ་གཟི་ལྡན་མ་སོགས་ཐམས་ཅད་ཀྱི་ངོ་བོ་ཡིན་པས༔ དེ་གནས་ཚུལ་ཨཐུང་ངུའི་རྣམ་པར་ཡོད་ཀྱང་༔ དྲོད་བསྐྱེད་པ་མེ་གོས་དཀར་མོའི་ངོ་བོ་རཾ་ཡིག་ཏུ་བསྒོམ་པ་དེ༔ ཡུམ་ལྔ་སོ་སོའི་ཁ་དོག་ཏུ་བསྒྱུར་ལ་འཕྲིན་ལས་སོ་སོ་བ་བསྒྲུབས་ཏེ༔ རང་ལུས་འཇིག་རྟེན་དབང་ཕྱུག་པདྨ་ཧེ་རུ་ཀ་རོ་ཟའི་སྐུ་འཇའ་ཚོན་ལྟ་བུའི་ནང་༔ དབུ་མའི་ནང་ལྟེ་བའི་རཾཡིག་དེ་ཁ་དོག་མཐིང་ག་ཡུམ་ནམ་མཁའི་དབྱིངས་ཕྱུག་མའི་ངོ་བོར་སྒོམས༔ རླུང་བཟུང་བས་རཾ་ལ་ཕོག༔ ཆོས་དབྱིངས་ཡེ་ཤེས་ཀྱི་ངོ་བོ་མེ་ལྕེ་མཐིང་ག་འཁོར་ལོའི་དབྱིབས་ཅན་མེ་སྒྲ་བཻ་རོ་ཙ་

[Full Size]

ནའི་སྒྲ་དང་བཅས་པ་འབར༔ ལུས་གང་གཏི་མུག་གི་རྟེན་བྱེད་པའི་རྩ་ཡིག་དང་དུད་འགྲོར་སྐྱེས་པའི་རྩ་ཡིག༔ གཏི་མུག་གི་སྒྲིབ་པ་མ་དག་པའི་གཟུགས་ཕུང་དང་བཅས་པ་བསྲེགས༔ ཆོས་དབྱིངས་ཡེ་ཤེས་བསྐྱེད་བའི་རྩ་ཡིག་ཐམས་ཅད་ཀྱི་ནུས་པ་བསྐྱེད༔ གཟུགས་ཕུང་རྣམ་སྣང་གི་ངོ་བོ་དང་དབྱེར་མེད་པར་བྱས༔ མེ་ལྕེ་ཕྱིར་ནམ་མཁའ་ཁྱབ་པར་འབར༔ སེམས་ཅན་ཐམས་ཅད་ཀྱི་གཏི་མུག་དང་དུད་འགྲོའི་སྡུག་བསྔལ་རྒྱུ་དང་བཅས་པ་བསྲེགས༔ སྣོད་ཀྱི་འཇིག་རྟེན་འཐུག་པོ་བཀོད་དང་བཅུད་ཀྱི་སེམས་ཅན་རྣམ་པར་སྣང་མཛད་ཀྱི་གོ་འཕང་ལ་བཀོད༔ མེ་ཚུར་འདུས་ལྟེ་འོག་གི་རྀལ་ཐིམ་པར་སྒོམས༔ དེ་བཞིན་ཏུ་ཡུམ་མ་མཱ་ཀིའི་ངོ་བོ་རཾདཀར་གསལ་ལས་མེ་ལོང་ཡེ་ཤེས་ཀྱི་མེ་ལྕེ་དཀར་པོ་རྡོ་རྗེའི་དབྱིབས་ཅན་ཨཀོ་བེའི་སྒྲ་དང་བཅས་ཏེ་སྦར་བས༔ ཞེ་སྡང་དང་དམྱལ་བའི་རྩ་ཡིག་བསྲེགས་ནས་མེ་ལོང་ཡེ་ཤེས་བསྐྱེད༔ རྣམ་ཤེས་ཕུང་པོ་བསྲེགས་ནས་རྡོ་རྗེ་སེམས་དཔའི་ངོ་བོར་བྱས༔ མེ་ཕྱིར་འབར་བས་སེམས་ཅན་ཐམས་ཅད་ཀྱི་ཞེ་སྡང་གི་རྒྱུ་འབྲས་དང་དམྱལ་བ་བསྲེགས་ནས་མངོན་པར་དགའ་བ་དང་རྡོ་རྗེ་སེམས་དཔའི་རང་བཞིན་དུ་བྱ་བ་

[Full Size]

དང་༔ ཡུམ་སངས་རྒྱས་སྤྱན་མའི་ངོ་བོ་རཾསེར་པོ་གསེར་ལྟ་བུ་ལ༔ མཉམ་ཉིད་ཡེ་ཤེས་ཀྱི་མེ་གསེར་མདོག་རིན་པོ་ཆེའི་དབྱིབས་སུ་རཏྣ་སམྦྷའི་སྒྲ་དང་བཅས་ཏེ་སྦར་བས༔ ང་རྒྱལ་དང་ལྷ་མིན་རྩ་ཡིག་བསྲེགས་ནས་མཉམ་ཉིད་ཡེ་ཤེས་བསྐྱེད༔ ཚོར་ཕུང་བསྲེགས་ནས་རིན་འབྱུང་གི་ངོ་བོར་བྱས༔ ཕྱིར་འབར་བས་སེམས་ཅན་ཐམས་ཅད་ཀྱི་ང་རྒྱལ་དང་ཕམ་ལྟུང་སྐྱེ་རྒ་ན་འཆིའི་རྒྱུ་འབྲས་བསྲེགས༔ དཔལ་ལྡན་ཞིང་དང་རིན་འབྱུང་གི་གོ་འཕང་ལ་བཞག་པ་དང་༔ ཡུམ་གོས་དཀར་མོའི་ངོ་བོ་རཾཡིག་པདྨ་རཱ་ག་ལྟ་བུ་ལས་སོར་རྟོག་ཡེ་ཤེས་ཀྱི་མེ་པདྨའི་དབྱིབས་པདྨ་དྷ་རའི་སྒྲ་དང་བཅས་ཏེ་འབར་བས༔ འདོད་ཆགས་དང་ཡི་དྭགས་ཀྱི་རྩ་ཡིག་བསྲེགས༔ སོར་རྟོག་ཡེ་ཤེས་བསྐྱེད༔ འདུ་ཤེས་སྣང་མཐའི་ངོ་བོར་བསྒྱུར༔ ཕྱིར་འབར་བས་སེམས་ཅད་ཐམས་ཅད་ཀྱི་འདོད་ཆགས་དང་ཡི་དྭགས་ཀྱི་རྒྱུ་འབྲས་བསྲེགས་ནས༔ བདེ་བ་ཅན་དང་སྣང་མཐའི་གོ་འཕང་ལ་བཀོད་པ་དང་། ཡུམ་དམ་ཚིག་སྒྲོལ་མའི་ངོ་བོ་རཾ་ལྗང་གུ་ཨིནྡྲ་ནཱི་ལ་ལྟ་བུ་ལ༔ བྱ་གྲུབ་ཡེ་ཤེས་ཀྱི་མེ་ལྗང་གུ་རལ་གྲིའི་དབྱིབས་ཨ་མོ་གྷ་སིདྡྷིའི་སྒྲ་དང་བཅས་ཏེ་འབར་བས༔ ལྷ་མིན་དང་ཕྲག་དོག་

[Full Size]

གི་རྩ་ཡིག་ལས་སྒྲིབ་དང་བཅས་པ་བསྲེགས་ནས༔ བྱ་གྲུབ་ཡེ་ཤེས་བསྐྱེད་པའི་རྩ་རླུང་ཐིག་ལེ་ཐམས་ཅད་ཀྱི་ནུས་པ་གསལ་བར་བྱས་པས༔ དོན་ཡོད་གྲུབ་པའི་ངོ་བོར་བྱས་ནས༔ ཕྱིར་འབར་བས་སེམས་ཅན་གྱི་ཕྲག་དོག་དང་ལྷ་མ་ཡིན་གྱི་རྒྱུ་འབྲས་སྡུག་བསྔལ་དང་བཅས་པ་བསྲེགས་ནས༔ ལས་རབ་རྫོགས་པའི་ཞིང་དང་དོན་ཡོད་གྲུབ་པའི་གོ་འཕང་ལ་བཞག་པར་དམིགས་པ་དང་༔ དེ་དག་རླུང་དང་བསྲེ་ཞིང་བསྒོམ་པ་དང་༔ མཐར་མེ་རྣམས་གཞིའི་གཏུམ་མོ་ལྟེ་བའི་རཾ༔ཡིག་ལ་བསྡུའོ༔ དེ་དག་ཀྱང་རབ་བསྐྱེད་རྫོགས་ཟུང་འཇུག་སྟོང་ཉིད་ཀྱི་རྩི་དང་མ་བྲལ་བར་བྱ༔ དེ་ཙམ་མི་འོང་ན་ཐུན་མཚམས་སུ་དམིགས་མེད་ལྟ་བའི་ངང་ལ་བཞག་པ་དང་༔ བདག་ཉིད་མཐོང་ཐོས་དྲན་རེག་གིས་དུག་ལྔ་དང་རིགས་དྲུག་གི་སྡུག་བསྔལ་ཞི་ནུས་པ་དང་༔ བདག་ཉིད་སངས་རྒྱས་པའི་ཞིང་དུ་དུག་ལྔ་དང་རིགས་དྲུག་གི་སྡུག་བསྔལ་མེད་པ་སོགས་བསྔོ་བ་སྨོན་ལམ་ཡང་བྱའོ༔ དེ་ལྟར་ཞོར་བྱུང་འཕྲོས་དོན་བཤད་ནས༔ དངོས་གཞི་དབུ་མའི་ཡར་སྣེ་མན་ཆད་ཡེ་ཤེས་ཀྱི་མེས་གང་བ་དེ་ལ་དམིགས་པ་རྩེ་གཅིག་པས༔ རླུང་སྦྱོར་དང་འཁྲུལ་འཁོར་ལ་བརྩོན་

[Full Size]

ཞག་གསུམ་སྦྱངས་བའི་རྟགས་ལ༔ རྩ་རླུང་དར་ལ་བབ་པ་དག༔ དགུན་ཡང་རིས་གོས་སྲབ་བུས་དྲོས་པ་འབྱུང་ཞེས་གསུངས་པའོ༔ དེས་ཆོས་ཐུན་བདུན་པའི་གོ་བྱ་དང་༔ བསྒོམ་བྱ་འཕྲོས་དོན་བཅས་པ་ལེགས་པར་སོང་ངོ་༔ ། དེ་ནས་ཆོས་ཐུན་བརྒྱད་པ་འདི་ལ་གོ་རྒྱུ་གཅིག་དང་བསྒོམ་རྒྱུའི་དམིགས་པ་དང་གཉིས་དེ་ཡང་སྤྱིར་རྡོ་རྗེའི་ལུས་ལ་རྩ་བྲན་བསམ་གྱིས་མི་ཁྱབ་པ་ཡོད༔ དེ་ཡང་རིགས་རིམ་ཙམ་དུ་ན་རླུང་རྒྱུ་བ་སྟོང་ཕྲག་བདུན་ཅུ་རྩ་གཉིས༔ བྱང་སེམས་འབབ་པ་སྟོང་ཕྲག་བདུན་ཅུ་རྩ་གཉིས་དང་༔ ཁྲག་རྒྱུ་བ་སྟོང་ཕྲག་བདུན་ཅུ་རྩ་གཉིས་ཡོད་དེ༔ རླུང་རྒྱུ་བ་དབུ་མའི་རིགས༔ བྱང་སེམས་རྒྱུ་བ་རྐྱང་མའི་རིགས༔ ཁྲག་རྒྱུ་བ་རོ་མའི་རིགས་སུ་བཤད༔ དེ་དག་གི་རྩ་བྲན་ཕལ་ཆེ་བ་ནི་སྐྱོན་བསྐྱེད་པའི་རྩ་ཁོ་ན་མང་ལ༔ རོ་རྐྱང་གཉིས་དང་འཁོར་ལོ་ལྔ་དང་༔ ཉི་ཤུ་རྩ་བཞིའི་རྩ་རྣམས་ནི་ལམ་དུ་སོང་ན་ཡོན་ཏན་སྐྱེ་ལ། མ་སོང་ན་ནད་དང་སྐྱོན་སྐྱེད་པར་བྱེད་པ་ཡིན་པས༔ འདིའི་ལུགས་ཀྱི་རྩ་འདབ་རྩ་བྲན་རྣམས་ཡིད་ལ་མ་བྱས་པས༔ སྐྱོན་དེ་དག་གི་ནུས་པ་སད་པར་མི་བྱེད་ཅིང་༔ ལྷའི་སྐུའི་

[Full Size]

ནང་ཐམས་ཅད་མེས་བཀང་བས༔ མ་དག་པའི་ཕུང་ཁམས་སྐྱེ་མཆེད་རྩ་ཐིག་རླུང་གསུམ་གྱི་མ་དག་བའི་ཆ་ཐམས་ཅད་བསྲེགས་ནས༔ དག་པ་ཡེ་ཤེས་ཀྱི་རྩ་རླུང་ཐིག་ལེ་གསུམ་དུ་གནས་བསྒྱུར་བ་ཡིན་ནོ༔ དེ་ནས་དམིགས་པ་དངོས་ལ་གཞུང་ལས༔ དེ་ནས་དེ་ལ་རླུང་ཕོག་པས༔ དེ་ལ་རཾཿགཉིས་ཆད་ནས་ནི༔ དབུ་མའི་ཕྱི་ཡི་བར་དུ་ཕྱིར༔ དེ་གཉིས་ལས་ནི་མེ་རབ་འབར༔ དབུ་མའི་ཕྱི་དང་བྱང་ཁོག་བར༔ ཐམས་ཅད་མེ་ཡིས་རབ་ཏུ་ཁེངས༔ དེ་ཡིས་དྲོད་ནི་ཆེ་རུ་འབྱུང་༔ ཞེས་དང་༔ ཞལ་གདམས་ལས༔ དེ་ལ་རི་གཉིས་ཆད་ནས་ནི༔ དབུ་མའི་ཕྱི་ཡི་བར་དུ་ཕྱིན༔ ཅེས་པ་ནི༔ རཾ་ལས་མེ་ལྕེ་སྦོམ་པོར་འབར་བ་དབུ་མའི་རྩེ་ནས་མེ་ཞགས་ཕྲའུ་གཡས་གཡོན་གཉིས་རྒྱུག་སྟེ་ཐུར་དུ་སོང་བའི་མར་རྩེར་རཾ་གཉིས་བརྐྱང་བ་ལྟར་གནས༔ དེ་གཉིས་ལ་མེ་འབར་བས༔ ལུས་ཐམས་ཅད་ཁེངས་བའོ༔ དེ་ནི་རཾཿཁོ་ནའོ༔ གཞུང་གི་ཞལ་གདམས་ལས༔ ཐམས་ཅད་མེའི་རབ་ཏུ་ཁེངས་ཞེས་པ་ནི༔ སྤྱི་བོ་ནས་རྐང་པའི་སེན་རྩེ་ཡན་ནོ༔ ཞེས་གསུངས་པའི་དོན་ནི༔ རང་ལུས་ཁྲོ་བོའི་སྐུ་དར་དམར་གྱི་གུར་ཕུབ་པ་ལྟ་བུ་

[Full Size]

ལ༔ ནང་སྟོང་སང་ངེ་བའི་ལྟེ་འོག་ནས་སྤྱི་བོའི་བར་དུ་དབུ་མ་ལྕགས་སྦུབ་མེའི་གོང་བ་ལྟ་བུའི་དམིགས་པ་གསལ་བའི་ངང་ལ༔ རླུང་བཟུང་བས་ལྟེ་འོག་ནས་དབུ་མར་སོང་ནས་རཾཿཡིག་རྣམས་ལ་རླུང་ཕོག་པས༔ རཾཿཡིག་སྟེང་མ་དེའི་རའི་གཡས་ངོས་ཀྱི་ལག་གི་ལས་རིགཉིས་ཆད་ནས་ནི༔ དབུ་མའི་ཕྱི་སྐུ་ལུས་ཀྱི་ནང་གཡས་གཡོན་གཉིས་སུ་ཕྱིར་སོང་སྟེ༔ དེ་ཡང་མེའི་ཐགོ་པས་དང་པོའི་མེ་དང་འབྲེལ་བར་བསྒོམས་ཏེ༔ དེ་གཉིས་ལ་ནི་ཡེ་ཤེས་ཀྱི་མེ་རབ་ཏུ་འབར་བས༔ དབུ་མའི་ཕྱི་དང་བྱང་ཁོག་བར་ཏེ༔ སྤྱི་བོ་ནས་རྐང་པའི་སེན་རྩེ་ཡན་ཐམས་ཅད་མེས་རབ་ཏུ་ཁེངས་པས༔ ལུས་ཀྱི་མ་དག་པའི་ཕུང་པོ་ཁམས་དང་སྐྱེ་མཆེད་རྩ་རླུང་ཐིག་ལེ་ཐམས་ཅད་བསྲེགས་ནས༔ ཡེ་ཤེས་ཀྱི་ལུས་ཁྲོ་བོའི་སྐུ་དངོས་སུ་གྱུར་པའི་ནང་ཐམས་ཅད་མེའི་རང་བཞིན་དམར་ལྷང་ངེ་༔ དཔེར་ན་རྫ་མ་མེས་རབ་བསྲེགས་པའི་ནང་ལྟ་བུ་དང་༔ དེ་ཡང་སྟོང་པ་མ་ཡིན་པ་མེ་ལྕེས་གང་བ་བསྒོམ་སྟེ༔ རླུང་བཟུང་འཁྲུལ་འཁོར་སོ་བདུན་མ་བྱའོ༔ འདི་སྐབས་སུ་དམིགས་པའི་བསྒྱུར་ཁ་ཅུང་ཟད་ལ་བསྟེན་ན་གེགས་སེལ་བ་ཡང་འབྱུང་སྟེ༔ ལུས་པོའི་སྟོད་སྨད་གང་དུ་ན་བའི་སར་བུག་པ་

[Full Size]

ཅུང་ཟད་ཡོད་པར་བསྒོམས་ལ༔ དེ་ནས་མེ་ལྕེ་དམར་ཀྱུ་རུ་རུ་ཕར་འཕྲོས་པར་དམིགས་པས་ནད་གང་ཡང་ཕན་པ་དང་༔ ལུས་སྟོད་སྨད་གང་དུ་གྲང་བ་དང་འཁྱགས་པའི་སར་དེ་རང་དུ་དམིགས་པ་གཏད་ལ་མེ་འུ་རུ་རུ་འབར་བར་བསྒོམས་པས་དྲོད་སྐྱེ་བ་དང་༔ འཁྲུལ་འཁོར་ཡང་ཕོ་སྐོར་གཡས་སྐོར་གཡོན་དྲུག་གི་ཚེ་ལྟོ་བ་དང་རྐེད་པ་མེས་གང་བ་ལ་རིག་པ་གཏད༔ ཁུ་ཚུར་ཞགས་འཕེན་དུས་ལག་པའི་ནང་སོར་རྩེ་བར་དམར་འུར་འུར༔ རྐང་ལག་འཕྲ་དུས་ཡང་དེ་ལྟར་དང་༔ ལུས་འཕུར་སྤྲུག་དུས་བ་སྤུའི་བུ་ག་ནས་ཀྱང་དམར་ཉུག་ཉུག་པ་དང་༔ རླུང་བཏང་བའི་ཚེ་འཇིག་རྟེན་མེས་ཁེངས་ནས་གནོད་བྱེད་ཐམས་ཅད་སྲེག་པའམ་བསྐད༔ ཚུར་རྔུབ་པའི་ལྟེ་བའམ་ལུས་ཀྱི་མེ་ལ་བསྡུའོ༔ རླུང་བཟུང་དུས་ལུས་གནད་ཆོས་བདུན་གཙོ་ཆེ་ནའང་༔ འདིར་གཏུམ་མོའི་སྐབས་སུ༔ མེ་ཐབ་དྲུག་ཆིངས་སུ་གྲགས་པས༔ ཐབ་འགལ་གྱི་ཕྱི་ནང་གསང་གསུམ་བརྩིས་པས་བཅོ་བརྒྱད་འབྱུང་བར་གསུངས་པ་ནི༔ ལུས་ཙོག་པུ་ལ་རྐང་པ་གཉིས་རྒྱ་གྲམ་གྱི་པུས་སྟེང་དུ་ལག་པ་བསྣོལ་བའི་ཐལ་མོ་གཉིས་ཀྱིས་ཕྲག་གོང་དགབ་པའོ༔ དམིགས་པ་གསལ་

[Full Size]

ནས་པུས་མོ་གཡས་ལ་འཇུས་ནས་གཡས་གཡོན་དུ་ཕོ་བ་ལན་གསུམ་གཡོན་ལ་འཇུས་ནས་ལན་གསུམ་གསུམ་སྐོར༔ དེ་ཚེ་རླུང་དྲག་ཏུ་བཟུང་ཐུབ་ཚད་བཟུང་ནས༔ མཐར་རྟ་རྒོད་སྤྲུག་པ་ལྟར་དྲག་ཏུ་སྤྲུག་ལ་འབེབས་ཆུང་གཅིག་བྱ༔ དེ་འདྲ་གསུམ་གྱི་མཐར་འབེབས་ཆེན་གཅིག་གམ་འབེབས་ཆུང་གསུམ་བྱ༔ རྐང་ལག་མཐིལ་དུ་ཉི་མའི་དཀྱིལ་འཁོར་རེ་རེ་སྒོམས་ལ་ཁ་སྦྱར་བའམ༔ ལུས་ཕུར་བས་མེ་ལྷབ་ལྷབ་འབར་བར་བསྒོམ༔ འདི་དག་གི་སྐབས་སུ་འཁྲུལ་འཁོར་སོ་བདུན་མ་རང་གི་འཐུས་ལ༔ ཡང་གཏེར་མ་བུ་ལྟ་བུ་ཡིན་ཅིང་ཆོས་བདག་ཏུ་ངེས་པའི་གནད་ཀྱིས་རཏྣའི་ཆོས་ཐམས་ཅད་བརྒྱུད་པ་གསར་པ་གནམ་ཆོས་ལུགས་ཀྱང་ཡོད་པའི་ཕྱིར༔ རཏྣའི་གསང་ཁྲིད་རིམ་ལྔའི་འཁྲུལ་འཁོར་ཉི་ཤུ་པ་བྱས་ཀྱང་ཤིན་ཏུ་ལེགས༔ ཡང་གནམ་ཆོས་དང་རང་རྐང་གི་འཁྲུལ་འཁོར་ཞིག་འདོད་ན་སྡེ་ཏུ་པའི་ཆོས་ཚན་ནས་འབྱུང་བའི་བར་ཆད་སེལ་བ་གནམ་ལྕགས་རྡོ་རྗེའི་སྟང་སྟབས་བཅུ་འབྱུང་བ་དེ་དག༔ ཚེས་གྲངས་སོ་སོ་དང་སྔགས་སོ་སོ་བ་མི་དགོས་པར་མི་དམིགས་ངང་ནས་རླུང་བཟུང་ནས་ཚར་གཅིག་བྱས་པས༔ རྩེ་མདུད་གྲོལ་གེགས་སྐྱོན་གྱི་བར་ཆད་སེལ་བར་

[Full Size]

འགྱུར༔ ཅིའི་ཕྱིར་ན་འདི་ནི་གེགས་སེལ་གྱི་འཁྲུལ་འཁོར་ཁྱད་པར་ཅན་དུ་ངེས་པས་སོ༔ ཉལ་བའི་ཚེ་ཡང་ཙོག་པུར་ཉལ་ནས་མེ་ཐབ་དྲུག་ཆིངས་ལྟར་དང་ཡང་ན་ཁྱི་ཉལ་སྒོར་མོར་བྱས་ཏེ་ལག་པ་གཉིས་བསྣོལ་བས་མཁལ་མ་གཉིས་བཀབ་སྟེ་ཉལ་བའོ༔ དེ་ལྟ་དམིགས་པ་རྩེ་གཅིག་ཏུ་འཁྲུལ་འཁོར་ལ་འབད་ན་ཞག་གསུམ་ནས་དགུན་ཡང་རས་རྐྱང་ཐུབ་པའམ༔ རས་ཀྱི་ཆུ་རས་སྐམ་ནུས་པ་སོགས་བདེ་དྲོད་ཀྱི་ནུས་པ་དངོས་སུ་འབྱུང་༔ གལ་ཏེ་དེས་ཀྱང་དྲོད་ཧ་ཀྱང་ཆེ་བ་སྐྱེ་མ་ནུས་ན༔ བོགས་འདོན་པ་ནི་གཞུང་ལས༔ དེས་ཀྱང་དྲོད་ཆེ་མ་ནུས་ན༔ རྩ་ཆེན་རྩ་འབྲིང་རྩ་བྲན་ཀུན༔ ཐམས་ཅད་རཾ་ནི་རྒྱ་གྲོག་ཙམ༔ གྲོག་ཚང་རློག་བཞིན་གྱུར་པར་བསམ༔ རཾ་ནི་རེ་རེའི་འོད་ཟེར་ཚད༔ ཉི་མའི་འོད་ཟེར་ཙམ་པ་བསམ༔ ཞེས་པའི་དོན་ནི༔ བོགས་འདོན་ལ་ལུས་ཀྱི་རྩ་གྲངས་མེད་ཡོད་པ་ཐམས་ཅད་ཡི་གེ་རཾ་ཡིག་དམར་པོ་ཤ་སྟག་ཏུ་གྱུར་ཏེ༔ དཔེར་ན་རྒྱ་གྲོག་གི་ཚང་རློག་པ་ལྟ་བུ་ལ༔ རཾ་ཡིག་རེ་རེ་འོད་ཟེར་དང་ཚ་ངར་ཡང་ཉི་མའི་དཀྱིལ་འཁོར་དང་འོད་ཙམ་དུ་བསྒོམ་ལ༔ རླུང་བཟུང་བས་རཾ་ཡིག་དེ་ཐམས་ཅད་ལས་མེ་འབར་

[Full Size]

བས་ལུས་ཐམས་ཅད་མེའི་ངོ་བོར་དམར་ཝ་ལེར་བསྒོམ་ཞིང་རླུང་དང་འཁྲུལ་འཁོར་གོང་ལྟར་རོ༔ དེས་ནི་ཐེ་ཚོམ་མེད་པར་དྲོད་སྐྱེ་བར་འགྱུར་ཏེ༔ དྲོད་སྐྱེ་ན་ཚོད་མ་བཟུང་བར་རྒྱུན་ཏུ་དེ་ལྟར་བསྒོམས་ན་ཚད་པའི་ནད་འབྱུང་ཉེན་ཡོད་པས་གལ་ཆེ་དུས་མིན་པར་མི་སྒོམ༔ དེའི་དོན་གཞུང་གི་ཞལ་གདམས་ལས༔ རྩ་ཐམས་ཅད་རཾ་ཡིག་ཏུ་གྱུར་པ་དེ་རྒྱུན་ཏུ་བསྒོམས་ན་ཚད་ནད་བསྐྱེད་པས་གལ་ཆེ་དུས་མ་གཏོགས་མི་བྱ༔ ཞེས་གསུངས་སོ༔ གལ་ཏེ་སྒོམ་ཐལ་བའི་སྟོབས་ཀྱིས་གེགས་སུ་གྱུར་ཏེ་ཚད་པ་སྐྱེས་ན་ཡང་དེའི་གེགས་སེལ་ནི༔ གཞུང་ལས༔ དྲོད་ཆེ་དྲག་ན་ཚད་ནད་འོང་༔ མེ་ལྕེ་ཐམས་ཅད་དབུ་མར་ཐིམ༔ དབུ་མའི་ནང་གི་མེ་ལྕེ་ཀུན༔ ཆེ་ཆུང་རན་པར་འབར་བར་བསམ༔ དེ་ནས་ཡང་ནི་མེ་མི་བསམ༔ ཞེས་དང་གཞུང་གི་ཞལ་གདམས་ལས༔ དབུ་མ་ལ་བསྟིམ་ཚར་ནས་དབུ་མའི་ཕྱིའི་མེ་རྣམས་མི་བསམ༔ ཞེས་གསུངས་པའི་དོན༔ རང་ག་མ་ཡིན་པར་མེ་དམིགས༔ སྒོམས་ཐལ་བས་ཚད་པ་བྱུང་ན་མེ་ཐམས་ཅད་དབུ་མའི་ནང་དུ་ཐིམ༔ དབུ་མའི་ནང་དུ་མེ་ལྕེ་ཕྲ་བ་གཅིག་བསམ༔ དབུ་མའི་ཕྱིའི་རཾ་དང་མེ་ཐམས་ཅད་ཡིད་ལ་མི་བྱེད་ཅེས་པའོ༔

[Full Size]

དེ་ཡང་ཨུས་ཐུག་ན་མིན་པ་མེ་དབུ་མ་ལ་མི་བསྟིམ་པར༔ དབུ་མའི་ཕྱིའི་རཾ་ཡིག་ཡིད་ལ་མི་བྱ་བ་ཙམ་གྱིས་ཆོག་གིས༔ བསྟིམ་ན་དེའི་ཕྱི་དྲོད་སྐྱེས་དཀའ་ཞེས་པ་ད་ནི་ཤིན་ཏུ་ཆེ་བ་མིན་ན༔ དབུ་མ་ལ་ནི་མི་བསྟིམ་མོ༔ བསྟིམས་ན་དྲོད་ནི་མི་སྐྱེའོ༔ དབུ་མའི་ཕྱི་ནའང་མེ་མི་བསམ༔ ཞེས་གསུངས་སོ༔ ཡང་དྲོད་ཀྱི་བོགས་འདོན་ལ༔ གཞུང་ལས༔ དྲོད་ནི་མ་སྐྱེས་ཁྲོ་བོར་བསྒོམ༔ ཞེས་དང་༔ ཞལ་གདམས་ལས༔ དྲོད་མ་སྐྱེས་ན་ཁྲོ་བོ་རོ་ཟ་སྐུ་མདོག་ནག་པོ་ཕྱག་བཞི་པ་གཞུང་ལྟར་བསྒོམ༔ ཞེས་གསུངས་ཏེ༔ གཞུང་ལས༔ ཁྲོ་བོ་རོ་ཟ་སྐུ་མདོག་མཐིང་༔ ཞལ་གཅིག་དང་ནི་ཕྱག་བཞི་པ༔ དང་པོ་གཉིས་ཀྱིས་ཐལ་མོ་སྦྱར༔ སྤྱན་རས་གཟིགས་ཀྱི་རྟགས་སུ་ཤེས༔ དེ་འོག་གཉིས་ཀྱིས་ཐལ་མོ་རྡེབ༔ བྱད་ལ་སོགས་པ་བཟློག་པའི་ཚུལ༔ ཁྲོ་བོའི་ཆས་རྣམས་ཡོངས་སུ་རྫོགས༔ པད་ཉི་བྱེད་སྟེང་ཞབས་བགྲད་དོ༔ བསྐལ་པའི་མེ་དཔུང་ཀློང་ན་བཞུགས༔ ཞེས་གསུངས་པ་ལྟར་ཕྱིའི་དབྱིབས་དེ་ལྟར་ལས་ནང་སྟོང་ར་དང་དབུ་མ་དང་རཾལས་མེ་འབར་བ་སྔར་དང་འདྲ་ལ༔ རྩ་ཐམས་ཅད་ནི་རཾ་དུ་གྱུར་པ་ནི་མི་

[Full Size]

བསྒོམ་ལ༔ ལུས་ཐམས་ཅད་མེས་ཁྱབ་པར་བསྒོམ་པ་ལེགས་ཏེ༔ དེ་ཙམ་བསྒོམས་པས་ཚད་ནད་སྐྱེད་པ་མི་ཟབ་ལམ་གང་ནས་ཀྱང་མ་གསུངས་པའི་ཕྱིར་དང་༔ བསྒོམ་རྒྱུའི་དངོས་གཞི་ཡིན་པས་སོ༔ དྲོད་སྐྱེ་བ་ཡང་རྒྱ་ཁབ་ཙམ་དང་སེན་མོ་ཙམ་དང་༔ ལག་མཐིལ་ཙམ་ཆུང་ངུ་ནས་རིམ་པར་སྐྱེ་བ་དང་༔ ལུས་ཁོལ་བུར་སྐྱེ་བ་དང་༔ ཁྱབ་པར་སྐྱེ་བ་དང་བཙན་ཐབས་སུ་སྐྱེ་བ་དང་༔ འདར་ཞིང་སྐྱེ་བ་དང་འཕར་ཞིང་སྐྱེ་བ་དང་༔ འཕར་འདར་མེད་པར་སྐྱེ་བ་དང༔ དྲོད་སྐྱེ་སྣང་གི་ཉམས་སྐྱེ་བ་དང་༔ དྲོད་དངོས་སུ་འབར་བ་དང་༔ ཏིང་ངེ་འཛིན་དང་དྲོད་འདྲེས་མར་སྐྱེ་བ་སོགས་མང་དུ་ཡོད་དེ༔ གོས་སྤུ་མ་གྱོན་ན་དྲོད་སྐྱེས་སམ་མ་སྐྱེས་འབྱེད་དཀའ་བས༔ སྤུ་མེད་པའི་གོས་ཅུང་དྲོས་དཀའ་ཙམ་གྱོན་ནས་སྒོམ་པས་དྲོད་སྐྱེས་སམ་མ་སྐྱེས་གསལ་བ་ཡིན་གྱི་དྲོད་མ་སྐྱེས་བར་ཨུ་ཚུགས་ཀྱིས་འཁྱགས་བསྒྱུར་བྱས་ཀྱང་ངལ་བ་དོན་མེད་ཡིན་ནོ༔ དེའང་ཐོག་མར་མེ་རིམ་པར་སྦར་ཞིང་བསྒོམ་པའི་དོན་ཡང་ཨུ་རྒྱན་ཆེན་པོའི་གསུངས་ལས༔ ལམ་གྱི་ཉམས་རྟོགས་ནི༔ གསང་བར་མེ་སླེབས་པས་ལུས་བདེ་སྙམ་བྱེད༔ མེ་ལྟེ་བར་སླེབས་པས་དྲོད་སྐྱེ༔ སྙིང་གར་

[Full Size]

སླེབས་པས་ཤེས་རབ་སྐྱེ༔ མགྲིན་པར་སླེབས་པས་ཚིགས་སུ་བཅད་པ་མང་པོ་ཤེས༔ དཔྲལ་བར་སླེབས་པས་འོད་གསལ་གྱི་སྣང་བ་འཆར༔ སྤྱི་བོར་སླེབས་པས་མི་རྟོག་པ་སྐྱེ་ཞིང་འཁོར་ལོ་དྲུག་གི་རྩ་མདུད་གྲོལ་བའོ༔ ཞེས་གསུངས་སོ༔ དིས་ཆོས་ཐུན་བརྒྱད་པ་སོང་ངོ་༔ ༒ དེ་ནས་ཆོས་ཐུན་དགུ་པ་ཐིག་ལེ་སྒོམ་པའི་སྐབས་འདིར་གོ་བར་བྱ་རྒྱུ་དང་བསྒོམ་པར་བྱ་རྒྱུ་གཉིས་ཡོད་པ་ལས༔ སྤྱིར་ཐིག་ལེ་ལ་ཀུན་རྫོབ་རྒྱུའི་ཐིག་ལེ་དང་དོན་དམ་ཡེ་ཤེས་ཀྱི་ཐིག་ལེ་གཉིས༔ ཡེ་ཤེས་ཀྱི་ཐིག་ལེ་བདག་རྒྱུད་ལ་ཞུགས་པའི་འགྱུར་མེད་རང་རིག་ཡེ་ཤེས་དེ༔ ངོ་བོ་སྟོང་པ་ཆོས་སྐུའི་རང་བཞིན་གསལ་བ་ལོངས་སྐུ་གདངས་འགགས་མེད་སྤྲུལ་སྐུ་སྟེ༔ དེ་ལ་ཁྱབ་བདག་ཆེན་པོའི་ཐིག་ལེ་དང་༔ སྐུ་ཐམས་ཅད་པའི་ཐིག་ལེ་དང་༔ པདྨ་འདབ་མ་བརྒྱད་པའི་ཐིག་ལེ་དང་༔ མི་ཤིགས་པའི་ཐིག་ལེ་སོགས་མཚན་དུ་མས་རྒྱུད་སྡེ་རྣམས་སུ་གསུངས་པ་དེ་ཉིད་ཀྱི་རྟེན་ས་ལྟ་བུར་གྱུར་པ་རྒྱུའི་ཐིག་ལེ་ལ་ཡང་སྤྱིར་དཀར་ཆ་རྒྱུ་བའི་རྩ་སྟོང་ཕྲག་བདུན་ཅུ་རྩ་གཉིས་དང་༔ ཁྱད་པར་རྩ་གནས་ཉི་ཤུ་རྩ་བཞི་དང་༔ འཁོར་

[Full Size]

ལོའི་རྩ་འདབ་རྣམས་སུ་ནི་ལྷ་སོ་སོའི་ས་བོན་གྱི་རྣམ་པ་དང་༔ ཁྱད་པར་རྩ་གནས་ལྔའི་དབུས་སུ་དང་༔ མཆོག་ཏུ་གྱུར་པ་དབུ་མི་ཡར་སྣེའི་ཧཾ་མགོ་ཐུར་བསྟན་རྣམ་པར་གནས་པ་རྣམས་སུ་ཡོད་པ་ལས༔ རྟེན་དྭངས་མ་དེ་འཕེལ་བས་བརྟན་པ་ཡེ་ཤེས་ཀྱང་སྐྱེ་ལ༔ དེ་ཉམས་པས་བསོད་ནམས་དང་ཡེ་ཤེས་ཀྱང་ཉམས་པར་གསུངས༔ དེ་ལྟར་རྒྱུའི་ཐིག་ལེ་ཉམས་ན་མི་རུང་བ་ནི་མུ་སྟེགས་དང་བོན་གྱི་ལུགས་ནས་ཀྱང་ཡོད་པའི་ལོ་རྒྱུས་འདུག་ལ། དགེ་སློང་དང་དགེ་ཚུལ་ལ་ཉེས་བྱས༔ དགེ་སློང་ལ་ལྷག་མའི་ལྟུང་བ་སྟེ༔ ཐེག་པ་ཐམས་ཅད་ནས་བཤད་ལ༔ ཁྱད་པར་དུ་གཉིས་མེད་རྒྱུད་ནི་ཐིག་ལེ་གཙོ་བོར་སྟོན་པས་ཐིག་ལེ་ལན་གཅིག་ཉམས་ནའང་ཚེ་འདིར་མཆོག་གི་དངོས་གྲུབ་མི་ཐོབ་པ་དང་༔ རྩ་ལྟུང་དུ་ཡང་བཤད་ལ༔ ཕ་རྒྱུད་དང་མ་རྒྱུད་ནས་ནི་ཐིག་ལེ་བསྒོམ་པའི་སྐབས་ཉིད་ན་དེ་ལྟར་ཡིན་གྱི་གཞན་མི་ཏོ་བ་དང་༔ ཆོས་ཀྱི་རྩ་བ་བྱང་ཆུབ་སེམས༔ དེ་སྤངས་པ་ནི་སེམས་ཅན་གྱི་དོན་དུ་སངས་རྒྱས་ཐོབ་འདོད་སྤངས་པ་ལ་ཟེར་གྱིས་རྒྱུའི་ཐིག་ལེ་ཉམས་པ་རྩ་ལྟུང་ཆ་འདྲ་ཡིན་གྱིས་དངོས་མིན་པར་བཞེད་པ་དང་༔ བཤད་པ་མང་ནའང༔ ཐིག་ལེ་

[Full Size]

འཛིན་པའི་གཅེས་སྤྲས་མེད་པར་གལ་མེད་དུ་བཏང་ན་རྩ་ལྟུང་དང་༔ འཛིན་པའི་བསམ་པ་དང་དམིགས་པ་ཡོད་ཀྱང་རླུང་མ་བྱང་བས་ཤོར་ན་དེ་ཉིད་བདུད་རྩིར་ཤེས་པས་དྲོད་མ་བྲལ་བར་བཏུང་བས་རྩ་ལྟུང་མི་འབྱུང་སྟེ༔ བདེ་དགྱེས་ཀྱི་རྒྱུད་རྣམས་ལས༔ མི་འཆི་ལྕེའི་བླངས་བ་ཉིད་ཅེས་སོགས་གསལ་བར་གསུངས་ལ༔ ཐིག་ལེ་འཛིན་པར་ནུས་ཀྱང་གསང་དབང་སྐབས་སློབ་མ་སྨིན་ཕྱིར་དང་༔ རིགས་རྒྱུད་འཇོགས་ནས་བསྟན་པ་འཛིན་ཕྱིར་དང་༔ ཐིག་ལེའི་གེགས་དང་ནད་བྱུང་བ་སེལ་ཕྱིར་དང་༔ དམ་རྫས་ཁྱད་པར་ཅན་སྒྲུབ་པའི་རྫས་ལ་དགོས་པ་སོགས་ལ་གནང་བ་ཡིན་པར་ཤེས་པས་ལྟུང་བ་མི་འབྱུང་༔ དུས་མིན་དུ་སྲོག་ལྟར་བསྲུང་བར་བྱ༔ དེ་ཡང་དྭངས་མའི་ཐིག་ལེ་དངུལ་པའི་ཆུ་ལྟ་བུ་ཕལ་པ་ལ་སྲིད་ཆགས་པའི་ས་བོན་དེ་འཛིན་རྒྱུ་ཡིན་ལ༔ སྙིགས་མ་ནི་ཆགས་པའི་བསམ་པ་དུས་རླན་གྱི་རྣམ་པ་དང་༔ རུལ་བ་དང་ཟག་པ་ལུད་པ་སོགས་ན་ཡང་འདྲེས་པས་བཟུང་མི་བཏུབ་ལ༔ སྙིགས་མའི་དྭངས་མ་དཀར་པོའི་རྣམ་པ་ཕལ་པ་ནི་བཟུང་ན་ཟིན་ཅིང་ལུས་རྒྱས་པ་ཙམ་ལས་ཡོན་ཏན་ཆུང་༔ དྭངས་མ་དང་དངུལ་ཆུ་ལྟ་བུ་ནི་བཟུང་ན་

[Full Size]

ཟིན་ལ༔ ཉམས་དང་ལྟུང་བ་འབྱུང་ཞིང་བསོད་ནམས་ཉམས༔ དེ་མ་ཉམས་འཕེལ་བས་ཡེ་ཤེས་སྐྱེ་བ་ཡིན་ལ༔ དྭངས་མའི་དྭངས་མ་ཧཾ་ཡིག་སོགས་ནི་ཉམས་པ་མེད་དེ༔ དེ་ལྟུང་ན་འཆི་བར་བྱེད་པའོ༔ མདོར་ན་རྒྱུའི་ཐིག་ལེ་དྭངས་མ་དེ་དང་༔ སེམས་ཉིད་སྐྱེ་མེད་ཆོས་སྐུ་དང་སངས་རྒྱས་ཐམས་ཅད་ཀྱི་ཐུགས་རྡོ་རྗེ་གསུམ་དབྱེར་མེད་བཞུགས་པ་ཡིན་པས༔ ཐིག་ལེ་སྦྱངས་པས་མ་དག་པའི་ཐིག་ལེ་དག་ནས༔ དག་པའི་ཐིག་ལེ་འཕེལ་ཏེ་མི་ཤིགས་པའི་ཐིག་ལེ་རྩ་གནས་རྣམས་རིམ་པར་གང་བས་ས་ལམ་གྱི་ཡོན་ཏན་རྣམས་འཆར༔ རྩ་གནས་རྣམས་སུ་ཐིག་ལེ་འཛག་མེད་དུ་བརྟན་པས་བདེན་པ་རིམ་པར་མཐོང་༔ སྤྱི་བོར་བཅིངས་ནུས་ན་སངས་རྒྱུ་བ་སོགས་ཀྱི་དོན་གོ་བར་བྱའོ༔ ཐིག་ལེའི་དམིགས་པ་དངོས་ནི་གཞུང་ལས༔ སྤྱི་བོ་ཚངས་པའི་བུ་ག་ནས༔ དབུ་མ་རིང་ཐུང་མཛུབ་གང་ཙམ༔ སྣ་རྩེའི་བར་དུ་ཡོད་པར་བསམ༔ ཞེས་དང་༔ ཞལ་གདམས་ལས༔ དབུ་མའི་ཡར་སྣེ་མཛུབ་གང་གི་སྣ་རྩེར་སླེབ་པ་ཀླད་པའི་དཀྱིལ་ནས༔ ཞེས་དང་༔ གཞུང་ལས༔ དེ་ནས་ཚངས་པའི་བུ་ག་རུ༔ འཁོར་ལོ་རྩིབས་དྲུག་མུ་ཁྱུད་དང་༔ དེ་རྒྱབ་

[Full Size]

པད་འདབ་བཅུ་དྲུག་བསམ༔ ཞེས་དང་༔ ཞལ་གདམས་ལས༔ སྤྱི་བོ་ཀཱ་པ་ལའི་རུས་པའི་ཕྱི་ནང་གཉིས་ཀྱི་བར་ལྷ་བའི་ནང་དུ་འཁོར་ལོ་སེར་པོ་རྩིབས་དྲུག་ལྟེ་བ་སྔོ་སང་༔ དེ་རྒྱབ་བ་དག་འདྲ་བ་མང་པོས་མུ་ཁྱུད་ལྟར་གཅུད་པ༔ དེ་རྒྱབ་འདབ་མ་སྔོན་པོ་བཅུ་དྲུག༔ དེ་རྣམས་ཞལ་ཐུར་དུ་ལྟ་བའི་རྩིབས་དང་འདབ་མ་རེ་ལ་ཐིག་ལེ་དཀར་པོ་སྲན་མ་རྒྱ་སྲན་ཤིན་ཏུ་ཆུང་ཤོས་ཙམ་རེ་སྒོམས༔ ཞེས་དང་གཞུང་ལས༔ སྣ་རྩེའི་ཐད་ནས་དབུ་མའི་རྩེ༔ མེ་ལྕེ་ཉེར་གསུམ་གྱིས་བགགས་བསམ༔ འདབ་མ་འཁོར་ལོའི་རྩིབས་རྣམས་ནི༔ ཉི་ཤུ་རྩ་གཉིས་ཡོད་པ་ཡི༔ རེ་རེ་ལས་ཀྱང་ཐིག་ལེ་ནི༔ ཉི་ཤུ་རྩེ་གཉིས་ཕྱིར་ལ་བབ༔ ཅེས་དང་༔ ཞལ་གདམས་ལས༔ དེ་ནས་བ་དག་སྣ་རེ་ལ་ཐིག་ལེ་རེ་རེ་འབྱར་བ་ཐུར་དུ་གནར་ནས༔ བཅུ་གཅིག་མགྲིན་པ་བབ་པ་སོགས་གཞུང་ལྟར་བ་དག་དང་ཐིག་ལེ་འབྲེལ་བའོ༔ ཐིག་ལེ་བབ་པ་དེ་མེ་ལྕེའི་རིམ་པ་རེ་རེའི་སྟེང་དུ་བསྡད་པའོ༔ ཞེས་གསུངས་པས༔ འདིའི་ཐིག་ལེ་བསྒོམ་ཚུལ་སྤྱི་དང་མི་འདྲ་སྟེ༔ སྤྱི་ལ་ཨ་ཧཾ་འབར་འཛག་ཁོ་ན་ཙམ་ཡིན་ཀྱང་༔ རྒྱུད་སྡེ་ལ་ལ་ནས༔ རྩ་གནས་རྣམས་སུ་

[Full Size]

ལྷ་གྲངས་ཀྱི་ཐིག་ལེ་བསྒོམ་པ་དང་༔ དེ་ལྟར་བསྒྱུར་བ་མེས་སྲེག་པ༔ ཐིག་ལེས་གསོ་བ་སོགས་བཤད་ལ༔ འདིར་ཡང་ཐིག་ལེ་གཙོ་འཁོར་མང་དུ་བསྒོམ་པའི་དོན་ཡང་། གཙོ་བོ་ཡབ་ཧེ་རུ་ཀ་དང་རྩིབས་དྲུག་གི་ཐིག་ལེ་རིགས་ལྔ་རྡོ་རྗེ་འཆང་དང་དྲུག༔ འདབ་མ་བཅུ་དྲུག་གིས་ཐིག་ལེ་རྫོགས་པ་ཆེན་པོའི་ས་བཅུ་དྲུག་མཚོན་པ་སྟེ༔ དཔེར་ན་ཐབས་ཤེས་གཉིས་ལ་གཟུགས་ཁ་དོག་ངེས་པ་མེད་ཀྱང་ཡབ་ཡུམ་དུ་བསྒོམ་པ་དང་༔ ཐིག་ལེ་ཨ་ཧིཾ་དུ་བསྒོམ་པ་དང་༔ ཡིག་འབྲུ་ཨེ་ཝཾ་དུ་བསྒོམ་པ་དང་༔ ཕྱག་མཚན་རྡོ་དྲིལ་དུ་བསྒོམ་པ་དང་༔ ཚད་མེད་བཞི་ལ་གཟུགས་ཁ་དོག་ངེས་པ་མེད་ནའང་༔ རྟེན་དཀྱིལ་འཁོར་དུས་གྲུ་བཞི་དང་༔ བརྟེན་པ་ལྷ་བསྒོམ་དུས་སྒོ་མ་བཞི་དང་༔ ཡིག་འབྲུ་དུས་ཛཿཧཱུྃ་བཾ་ཧོ༔ ཕྱག་མཚན་དུས་ལྕགས་ཀྱུ་ཞགས་པ་སོགས་བསྒོམ་པ་དང༔ འདིར་ཡང་གསང་སྔགས་རྣམ་པ་ལམ་དུ་བྱེད་པ་ཞེས་བྱ་སྟེ༔ ས་བཅུ་དྲུག་དང་རིགས་དྲུག་སོགས་ཐིག་ལེའི་རྣམ་པར་བསྒོམ་པ་ཡིན་པའི་དོན་གོ་བར་བྱ༔ དཔེར་ན་རྟ་ལ་སོགས་སྲོག་ཆགས་འཆོར་དོགས་ཚེ་བརྟོད་ཐག་རྒྱབ་པ་ལྟར་ཐིག་ལེ་བདག་གིས་འབྲེལ་བར་བསྒོམས་པས་དྭངས་མ་

[Full Size]

མི་ཉམས་པའི་རྟེན་འབྲེལ་དང་བཟུང་སླ་བའོ༔ གལ་ཏེ་རླུང་མ་བྱང་བས་ཤོར་སྲིད་ན་ཡང་གཅེས་སྤྲས་མ་བྱས་པའི་ལྟུང་བར་མི་འགྱུར་བའི་ཆེད་དང་དགོས་ཆེད་གསུམ་ཡོད་དོ༔ དབུ་མ་སྣ་རྩེ་བར་དུ་གསུངས་པ་ཡང་༔ གཏུམ་མོ་དུས་ཡར་སྐྱེས་པའི་དབུ་མ་དེ་མེད་ནས༔ སླར་ཐུར་དུ་སྐྱེ་དགོས་པ་ནི་མིན་ཡང་༔ ཧ་ལམ་པར་ཡོད་པར་དམིགས་པ་ཙམ་གྱིས་མི་ཆོག་པར་སླར་ཐུར་དུ་ཡང་༔ ཐིག་ལེ་བསྒོམ་པ་དང་མཉམ་དུ་གསལ་རིམ་པར་འདེབས་དགོས་པའི་དོན་ནོ༔ རྩ་གནས་རྣམས་སུ་མེས་བགགས་ཟེར་བ་དང་༔ མེ་ལྕེའི་སྟེང་དུ་ཐིག་ལེ་བསྡད་ཟེར་བ་རྣམས་ཀྱང་༔ ཐིག་ལེ་ནི་ཐབས་ཀྱི་ཆ་ཡབ་ཀྱི་ངོ་བོ༔ མེ་ལྕེ་ནི་ཤེས་རབ་ཀྱི་ཆ་ཡུམ་གྱི་ངོ་བོ༔ མེ་ལྕེའི་སྟེང་དུ་བསྡད་པ་ནི་ཡབ་ཡུམ་སྦྱོར་བ་ཐབས་ཤེས་ཟུང་འཇུག་གི་ངོ་བོ༔ དེ་ནས་དབུ་མ་ཕྱིར་ཕྱིར་རིང་བ་དང་༔ ཐིག་ལེ་བ་དག་གི་རིམ་པར་ཕྱིར་ཕྱིར་ནར་བ་ནི༔ འབེབས་པ་རུ་སྦལ་འགྲོས་ཀྱིས་འབེབས་ཞེས་པ་ལྟར༔ དལ་བུས་དབབ་ནས་དགའ་བཞིའི་ཡེ་ཤེས་ངོས་བཟུང་དགོས་པའི་དོན་ནོ༔ གཞུང་ལས༔ དབུ་མ་མགྲིན་པའི་ཐད་དུ་སླེབ༔ དེ་ལའང་མེ་ལྕེས་

[Full Size]

བགགས་པར་བསམ༔ སྣ་རྩེའི་མེ་ལྕེའི་སྟེང་དུ་ནི༔ ཐིག་ལེ་བཅུ་གཅིག་བསྡད་ནས་ནི༔ བཅུ་གཅིག་མགྲིན་པར་བབ་པར་བསམ༔ མགྲིན་པ་ནས་ནི་མཆན་ཞབས་བར༔ དབུ་མ་ཕྱིར་རིང་མེ་ལྕེས་བགགས༔ མགྲིན་པའི་མེ་ལྕེའི་སྟེང་དུ་ནི༔ ཐིག་ལེ་དྲུག་བསྡད་ལྔ་ཕྱིར་བབ༔ མཚན་ཞབས་ཐད་དུ་སླེབ་པར་བསམ༔ དེ་ནས་དབུ་མའི་ཕྱིར་རིང་ནས༔ ལྟེ་བའི་གཉའ་རུ་སླེབ་པར་བསམ༔ དེ་ཡི་མཚམས་ནས་མེ་ཡིས་བགགས༔ ཐིག་ལེ་གསུམ་ནི་སྙིང་ཁར་བསྡད༔ ཐིག་ལེ་གཉིས་ནི་ཕྱིར་ལ་བབ༔ ཡང་ནི་དབུ་མ་ཕྱིར་ལ་རིང་༔ ལྟེ་བའི་ཕྱིར་འོག་དེ་རུ་ལྟེ༔ དེ་ཡི་མཚམས་ན་མེ་ཡིས་བག་གས༔ གཅིག་ནི་ལྟེ་བའི་གཉའ་རུ་ལུས༔ གཅིག་ནི་ལྟེ་བའི་འོག་དེར་སླེབས༔ དེ་དབུས་དབུ་མ་ཕྱིར་ལ་རིང་༔ གསང་གནས་རྩ་བར་ཐུག་ན་ཡང་༔ དེ་ནས་མེ་ཡིས་བགགས་པར་བསམ༔ ཕྱེད་དེ་ལྟེ་བའི་འོག་དེར་བསྡད༔ ཕྱེད་དེ་གསང་གནས་རྩ་བར་བབས༔ དེ་ནས་དབུ་མ་ཤད་ཀྱིས་འོང་༔ དབུ་མའི་སྣེ་ནས་གསང་གནས་རྩེར༔ མེས་ཀྱང་མ་བགགས་ཧང་གྱིས་སོང་༔ སུམ་རུ་གཅིག་ནི་གསང་གནས་ཀྱི༔ རྩ་བར་བསྡད་ཅིང་སུམ་རུ་

[Full Size]

གཅིག༔ གསང་གནས་རྩེ་ནས་ཤད་ཀྱིས་འོང་༔ ཞེས་གསུངས་པའི་དོན་གོ་བདེ་བར་གསུངས་པ་ནི༔ སྤྱི་བོའི་རུས་པ་ཕྱི་ནང་བར་དུ་འཁོར་ལོ་བསྒོམ་པ་ཡང་གནས་ཚུལ་ལ་དེར་གནས་པས་སྒོམ་པའི་ས་ཚོད་དེ་ཙམ་དུ་ཡིན་གྱི༔ རུས་པ་སྒོམ་དགོས་པ་ནི་མིན་པས༔ རང་ལུས་ཧེ་རུ་ཀ་དམར་གསལ་དར་གུར་ལྟ་བུའི་སྤྱི་བོའི་ནང་དེར་འཁོར་ལོ་སྔོན་པོ་རྩིབས་དྲུག་གི་ལྟེ་བ་དང་རྩིབས་ལ་ཐིག་ལེ་རེ་རེ༔ དེའི་བར་དུ་བ་དག་སྟོང་སྐུད་བསྐྱིལ་བ་ལྟ་བུ་སྒོར་མོས་བསྐོར་བ་མུ་ཁྱུད་ལྟ་བུ༔ དེ་རྒྱབ་འདབ་མ་བཅུ་དྲུག་ལ་ཐིག་ལེ་རེ་རེ་སྟེ༔ ཐིག་ལེ་ཐམས་ཅད་བ་དག་རེ་རེ་དང་འབྲེལ་བའི་སྣེ་འཁོར་ལོ་ལ་འབྱར་བའི༔ ལྟེ་བའི་ཐིག་ལེ་ནི་འཕོ་འགྱུར་མེད་པར་བརྟན་པར་སྒོམས༔ རླུང་བཟུང་ཞིང་དབུ་མའི་ནང་དང་ལུས་ཐམས་ཅད་མེའི་རང་བཞིན་དུ་ཡོད་པའི་དྲོད་ཀྱིས་ཐིག་ལེ་གཙོ་བོ་མ་གཏོགས་གཡོས་ཏེ་བྲུལ་བ་ལྟར་བ་དག་དང་བཅས༔ ཐིག་ལེ་ཉི་ཤུ་རྩ་གཉིས་མར་བབ་པ་དང་མཉམ་དུ་དབུ་མ་ཡར་མགྲིན་པའི་བར་དུ་སྔར་བས་ཀྱང་གསལ༔ མགྲིན་པའི་ཐད་ན་མེ་ལྕེ་རིམ་པ་གཅིག་གིས་བགགས༔ སྣ་རྩེའི་ཐད་མེ་ལྕེ་ཉག་མ་ཉེར་གསུམ་ཟངས་ཁབ་གཤིབ་

[Full Size]

པ་ལྟ་བུའི་སྟེང་དུ་ཐིག་ལེ་བཅུ་གཅིག་བསྡད་པས༔ ལུས་སེམས་བདེ་བའི་མགོ་བརྩམས༔ མེ་ལྕེ་དེ་དག་གི་འོད་ཀྱིས་སྤྱི་བོའི་འཁོར་ལོའི་ལྟེ་བའི་ཐིག་ལེ་ཡང་ཅུང་ཟད་ཞུ་སྟེ༔ ཐིག་ལ་ཁད་དུ་གྱུར་ཏེ༔ མེ་ལྕེ་ཉེར་གསུམ་ནི༔ རིགས་ཀྱི་ཡུམ་ལྔ༔ མཁའ་འགྲོ་ལྔ༔ སྐུ་གསུང་ཐུགས་ཡོན་ཏན་འཕྲིན་ལས་ཀྱི་རིགས་མ་ལ༔ འདོད་ཡོན་གྱི་ལྷ་མོ་ལྔ༔ སྐུ་གསུང་ཐུགས་ཀྱི་རྡོ་རྗེ་མ་གསུམ་རྣམས་ཀྱི་ངོ་བོ་སྟེ༔ ཐིག་ལེ་ཅུང་ཟད་ཞུ་བ་ཡབ་ཧེ་རུ་ཀའི་ཐུགས་རྗེས་བསྐུལ་བ༔ ཐིག་ལེ་བཅུ་གཅིག་མེ་དེ་རྣམས་ཀྱིས་བགགས་ཏེ་མ་ལྟུང་བ་ནི༔ ས་བཅུ་ཀུན་ཏུ་འོད་དང་བཅུ་གཅིག་བདེན་པ་ཕྱིར་མི་བཟློག་པ་མཚོན་ནོ༔ དེ་ནས་ཐིག་ལེ་བཅུ་གཅིག་མགྲིན་པར་བབས་པས་མགྲིན་པའི་མེ་ལྕེས་རེག་པས་ལུས་སེམས་ལ་དགའ་བདེ་ལྷང་གིས་སྐྱེས་པར་བསམ༔ དེ་དང་ངོ་བོ་བསྲེས་ལ་དགའ་བའི་ཡེ་ཤེས་སུ་ངོས་བཟུང་༔ མཆན་ཞབས་ཐད་སྙིང་ཁའི་བར་དབུ་མ་གསལ་གདབ་པའི་སྣེ་མེས་བགགས་ནི་ཡོད་པའི་སྟེང་དུ་ཐིག་ལེ་ལྔ་བབ་དྲུག་མལ་དུ་བསྡད༔ ཐིག་ལེ་ལྔ་དང་སྙིང་ཁའི་མེ་འཕྲད་པས་མཆོག་ཏུ་དགའ་བདེ་ཚད་མེད་པ་ལུས་སེམས་གཉིས་ཀ་ལ་སྐྱེས༔ བདེ་བའི་ངོ་བོ་

[Full Size]

ལ་བལྟས་པས་སྟོང་པའི་ཡེ་ཤེས་སུ་འདུག་པར་རྟོགས་པ་མཆོག་དགའི་ཡེ་ཤེས༔ དེ་ནས་ཡང་དབུ་མ་ཕྱིར་རིང་ནས་ལྟེ་བའི་གཉའ་བར་གསལ་བཏབ༔ དེའི་མཚམས་ནས་མེ་རིམ་པ་གཅིག་གིས་བགགས་ལ༔ ཐིག་ལེ་གསུམ་སྙིང་ཁར་བསྡད་ནས་གཉིས་ཕྱིར་ལ་བབས་པས༔ ཡང་དབུ་མ་ཡར་ཕྱིར་རིང་ནས་ལྟེ་བའི་ཕྱིར་འོག་དེ་རུ་སླེབ་པ་གསལ་བའི་མཚམས་མེས་བགགས༔ ཐིག་ལེ་གཅིག་ལྟེ་བའི་གཉའ་རུ་ལུས་ཤིང་གཅིག་ལྟེ་བའི་འོག་དེར་སླེབ༔ དེར་ལྟེ་བའི་དབུས་སུ་ནི་གཏུམ་མོའི་ངོ་བོ་རཾ་ཡིག་ཤིན་ཏུ་ཚ་རེག་ཅན་ཡོད་པའི་མགོ་མཇུག་གཉིས་ཀྱི་ཐིག་ལེ་དཀར་པོ་ལ་རེག་པས༔ ལྕགས་སྲེག་ལ་མར་རེག་པ་ལྟར་ཚེག་སྒྲ་དང་བཅས་མེ་ཆེར་འབར་ཞིང་བདེ་བ་ཚད་མེད་པ་སྐྱེས༔ བདེ་བ་ཚད་མེད་པ་དེ་ལ་རིག་པ་གནས་པས་དགའོ་བདེའོ་སྙམ་པའི་རྣམ་རྟོག་ཀྱང་འགགས་ནས་བདེ་བའི་ངོ་བོ་མི་རྟོག་པར་གནས་པས་དགའ་བྲལ་གྱི་དགའ་བའོ༔ ཁྱད་དགའ་ཡང་ཟེར༔ དེ་ཡང་ན་སོ་གཞོན་པ་ལུས་ཁམས་རྒྱས་པ་ལ་དམིགས་པ་བསྒོམ་པ་ལྟར་དགའ་བདེ་སྐྱེས་ཏེ༔ འདི་ཙམ་ནས་བཟློག་འགྲེམ་བྱའི༔ འབེབས་ཆེས་ནས་འཆོར་ཉན་ཡོད་པའོ༔

[Full Size]

དངོས་སུ་མ་སྐྱེས་དམིགས་པ་ཙམ་ལ་ནི་མ་ངེས་ལ༔ དེ་དག་དབུ་མ་ཕྱིར་རིང་བར་གསལ་གདབ་སྟེ་གསང་གནས་རྩ་བར་ཐུག་ཅིང་༔ དེར་ཡང་མེས་བགགས་པར་བསྒོམ་ལ༔ ལྟེ་འོག་གི་ཐིག་ལེ་གཅིག་དེའི་ཕྱེད་མལ་དུ་གནས་ཕྱེད་དེ་གསང་གནས་རྩ་བར་བབ༔ དེ་ནས་དབུ་མ་ཤད་ཀྱིས་གསང་གནས་ཀྱི་རྩ་བར་གསལ་བཏབ་ཅིང་༔ མེས་ཀྱང་མ་བགགས་པར་བསྒོམས་ཏེ༔ གསང་གནས་རྩ་བའི་ཐིག་ལེ་དེ་ཆ་གསུམ་གྱི་རུ་གཉིས་རྩ་བར་དེར་བསྡད་ཅིང་༔ སུམ་རུ་གཅིག་གསང་གནས་ཀྱི་རྩེར་སོང་སྟེ༔ ཡུངས་ཀར་རྡོག་པོ་ལྟ་བུ་བདེ་བའི་ཚོར་བ་ཅན་དཀར་ཞིང་འོད་འཚེར་བ་དེའི་ཕྱེད་རྡོ་རྗེའི་བུ་ག་དང་༔ ཕྱེད་ཕྱིར་མངོན་པར་བདེ་བ་ཚད་མེད་པར་བསྒོམས་པས་བདེ་བ་སྐྱེ་སྟེ༔ འདི་ལ་སེམས་བཟུང་བ་ཕྲ་མོའི་རྣལ་འབྱོར་ཡང་དོན་ལ་ཡིན༔ དེ་དངོས་སུ་ཐིག་ལེ་དེ་ལྟར་ཕེབས་ན་ལྷན་ཅིག་སྐྱེས་པའི་ཡེ་ཤེས་ཏེ༔ གྲུབ་ཆེན་སོ་སོའི་བཞེད་པས་ཐིག་ལེ་རྡོ་རྗེའི་མགྲིན་པར་སླེབ་དུས་སྐྱེ་བར་བཞེད་པ་དང་༔ ཐིག་ལེའི་ཕྱེད་ཕྱིར་ཐོན་ཕྱེད་ནང་དུ་གནས་དུས་ལྷན་ཅིག་སྐྱེས་དགའ་འཆར་བར་བཞེད་པ་གཉིས་སྣང་༔ དེ་ཡང་རླུང་གི་ནུས་པས་ཕྱེད་ཕྱིར་ཐོན་པས་ཡར་འདྲེན་

[Full Size]

ནུས་ན་རུང་གི་མི་ནུས་ན་ཕྱིར་མི་བཏང་བ་གནད་ཡིན་ནོ༔ དེ་ཡང་ལྷན་ཅིག་སྐྱེས་དགའ་ནི་བདེ་བའི་སྟོབས་ཀྱིས་རྣམ་རྟོག་འགགས་ན་མི་རྟོག་པར་འཆར་བ་དེའི་ངོ་བོ་བལྟས་པས་སྟོང་པར་རྟོགས་ཏེ༔ བདེ་སྟོང་དབྱེར་མེད་དེ་ལ་ལྷན་ཅིག་སྐྱེས་བའི་དགའ་བ་ཞེས་བྱའོ༔ ཐིག་ལེ་འབེབས་པའི་འཁྲུལ་འཁོར་ནི༔ ལུས་ཙོག་པུ་ལ་ལག་པས་པུས་མོ་ལ་འཁྱུད་པའོ༔ དེ་ལྟར་གསང་གནས་སུ་བདེ་བ་སྐྱེས་ཕྲལ་ནས་མྱུར་དུ་མ་བཟློག་ན་འཆོར་བ་དང་༔ རེ་ཞིག་མ་ཤོར་ཡང་རྗེས་ནས་ཆབ་དང་མཉམ་དུ་འོང་བ་དང་༔ རྩ་མིག་དུ་མཁར་ན་ཆུ་བགགས་པ་སོགས་འོང་བས༔ བཟློག་ལུགས་ནི། གཞུང་ལས་གསུངས་པ༔ དེ་ནས་ཡང་ནི་ཡར་ལ་བརྒྱུག༔ གསང་གནས་རྩ་བའི་དེ་དང་བསྡང་༔ མའི་སྣེ་ཡང་དེ་རུ་སླེབ༔ ཐིག་ལེ་ཕྱེད་དེ་ཡར་བརྒྱུག་ནས༔ ལྟེ་འོག་ཕྱེད་ནི་དེ་དང་བསྡོང་༔ དབུ་མའི་མར་སྣེའང་དེ་རུ་སླེབ༔ དེ་བཞིན་ཡར་ལ་བཟློག་པར་བསམ༔ ཞེས་དང་༔ ཞལ་གདམས་ལས༔ ཡར་བཟློག་པ་ནི་གཅིག་ལ་གཅིག་ཐིམ་པ་སྟེ༔ དེ་ཡང་ཐིག་ལེའི་ཆ་ཤས་གཉིས་བསྡོང་ཕྱེད་པའོ༔ ཕྱེད་པོ་གཉིས་བསྡོང་གསོན་པོ་གཅིག༔ དེ་

[Full Size]

ཡར་སོང་སྔ་མ་དང་གཉིས༔ དེ་ཡར་སོང་སྔ་མ་དང་གསུམ་སོགས་རིམ་པས་བཟློག་ནས་དང་པོའི་འཁོར་ལོ་རྩིབས་དང་འདབ་མ་སོ་སོའི་རང་མལ་དུ་ཐིག་ལེ་རྣམས་འབྱར༔ བདག་ཀྱང་ཡར་བཟློག་རྩིབས་ཀྱི་ཕྱི་ནས་སྔར་ལྟར་དཀྲིས་པར་བསྒོམས༔ ཞེས་གསུངས་པའི་དོན་བདེ་བ་རྒྱས་ནས༔ འཆོར་དོགས་ཙམ་ན༔ མིག་གྱེན་དུ་ལྡོག༔ ལྕེ་ཡར་རྐན་ལ་སྦྱར༔ ལྟོ་བ་སྒལ་པ་ལ་སྦྱར༔ འོག་སྒོ་ལྷོད་དེ་ཧཱུྃ་ཧཱུྃ་ཧཱུྃ་ཞེས་རིང་པོ་མང་དུ་བརྩེགས་ཏེ་རླུང་སེམས་གྱེན་དུ་འདྲེན་པ་དང་༔ ཧྲིང་ཧྲིང་ཞེས་སམ་ཧིང་ཧིང་ཞེས་དྲང་ཞིང་༔ གསང་བའི་རྩེའི་ཐིག་ལེ་རྩ་བ་ལ་བསྟིམ༔ རྩ་བའི་དེ་ལྟེ་འོག་གི་ཐིག་ལེ་ལ་བསྟིམ་པས་སྔར་ལྟར་རང་མལ་དུ་ཆེ་བ་དང་༔ ལྟེ་འོག་གི་ལྟེ་བའི་གོང་ལ་བསྟིམ༔ དེ་སྙིང་ཁ་དང་༔ དེ་མགྲིན་པ་དང་༔ དེ་སྨིན་མཚམས་ཀྱི་ཐིག་ལེ་ལ་བསྟིམ་སྟེ༔ བདག་ཀྱང་སྲིན་བུའི་ཁ་ཆུའི་བ་དག་བཟློག་པ་ལྟར་ཡར་ཐུང་༔ དེ་ཡང་གསང་གནས་རྩ་བར་བསྡོམ་པས་མས་བརྟན་གྱི་དགའ་བ༔ ལྟེ་བར་བསྡོམ་པས་མས་བརྟན་གྱི་མཆོག་དགལ༔ སྙིང་ཁར་བསྡོམ་པས་མས་བརྟེན་གྱི་ཁྱད་དགའ༔ སྨིན་མཚམས་སུ་བསྡོམ་པས་མས་བརྟན་གྱི་ལྷན་ཅིག་

[Full Size]

སྐྱེས་དགའ་ཡིན་ཀྱང་༔ ཤེས་པར་བྱའི་ངལ་མི་བསོ་བར་སྐར་མདའ་ལ་སྐར་མདའ་ཐིམ་པ་ལྟར་བཟློག་གོ༔ དེ་ནས་སྨིན་མཚམས་ཐིག་ལེ་རྣམས་ཀྱང་ཡང་རང་མལ་གྱི་རྩིབས་དང་འདབ་མ་ལ་འབྱར༔ བ་དག་རྣམས་ཀྱང་རྩིབས་དང་འདབ་མའི་བར་དུ་འཁོར་ལོའི་མུ་ཁྱུད་དམ་སྐུད་ཆུན་བསྐྱིལ་བ་ལྟར་རང་མལ་དུ་བསྒོམ་པར་བྱའོ༔ དེས་ཆོས་ཐུན་དགུ་སོང་ནས༔ ༒ རྒྱབ་ཆོས་ནི་གཞུང་ལས་གཏུམ་མོ་ཐིག་ལེ་འདྲེན་བཟློག་རྫོགས༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔ ཤ།ཤམདྷ།། འདིའི་ཞལ་གདམས་ལས༔ ཞེས་སོགས་དང་༔ རླུང་རོ་འབུད་པ་དང་རླུང་བཟུང་ལུགས་སྤྱི་ལྟར་རོ༔ ཞེས་དང་༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔ ཞེས་དང་༔ མཆོད་རྫས་སོགས་མི་ཁེངས་པའི་གདམས་པ་དང་༔ རྫས་ཀྱི་གཏུམ་མོ་དང་༔ དེ་དག་གི་ཞལ་གདམས་དང་བཅས་པ་ནི༔ སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་པ་མེ་སྤྲེལ་སྨིན་དྲུག་གི་ཟླ་བའི་ཉི་ཤུ་ནུབ་ཁྲོ་བོ་ཉིད་ཀྱིས་དངོས་སུ་གསུངས་སོ༔ ཞེས་འབྱུང་བ་སྟེ༔ འདི་གསུམ་དུས་གཅིག་གསུངས་པས་མཛད་བྱང་དམ་ལོ་རྒྱུས་གཅིག་ཏུ་མཉམ་

[Full Size]

ཡང་གདམས་ཕྲན་གཉིས་གཞུང་ནས་གསལ་ཕྱིར་འདིར་སྨོས་མ་དགོས་ལ༔ རླུང་བཟུང་ལུགས་སྤྱི་ལྟར་རོ་གསུངས་པའི་དོན་རླུང་འབུད་པ་དགུ་ཕྲུག་དང་༔ སྦྱོར་བ་བཞི་ལྡན་སོགས་ཐབས་ལམ་སྤྱི་དང་མཐུན་ཏེ༔ དེ་བཞིན་དུ་འཁྲུལ་འཁོར་ཡར་སྤྱི་ལ་ཁ་འཕང་བ་སྟེ༔ གོང་དུ་བཤད་བའི་འཁྲུལ་འཁོར་དེ་དག་ལ་འདྲ་མིན་མང་དུ་སྣང་ཡང་༔ རྩ་ཚིག་འདི་ཉིད་དཔང་པོར་བྱ་སྟེ༔ རྩ་ཚིག་ཡིད་ལ་བྱང་བར་ཡང་བྱའོ༔ རྩ་ཁྲུས་ཡན་ལག་ལྔ་སྦྱང་ནི༔ སྐྱིལ་ཀྲུང་རྡོར་སྡོམ་པུས་སྟེང་སྦྱར༔ རླུང་བཟུང་ལག་གཉིས་བརླ་སྟེང་ནས༔ ནུ་སྟེང་རྒྱུད་བཤད་མདུན་དུ་བརྐྱང་༔ ནུ་སྟེང་གཉིས་སུ་ལན་གསུམ་བརྡབ༔ གཡས་གཡོན་ལག་པ་ལན་གསུམ་བཤད༔ ཐལ་མོ་གསུམ་ཕུར་མགོ་བོ་དང་༔ རོ་རྒྱབ་རྒྱབ་མདུན་སྟོད་སྨད་ཕུར༔ མཆན་བརྡབ་བྱས་ལ་རྐང་གཡས་གཡོན༔ བརྐྱང་ལ་ལན་གསུམ་མཉེ་བར་བྱ༔ ཅེས་པ་རླུང་བཟུང་ཚེ་གཙོ་ཆེ་བ་ཡིན་ལ༔ འཁྲུལ་འཁོར་དྲུག་པ་ནི༔ སྐེད་པ་གཡས་སྐོར་གཡོན་སྐོར་གྱིས༔ ལྟེ་བའི་རྩ་མདུད་གྲོལ་བ་ཡིན༔ རོ་སྟོད་གཡས་གཡོན་གཅུད་པ་ཡིས༔ སྙིང་གི་རྩ་མདུད་གྲོལ་བ་ཡིན༔ མགྲིན་པ་བསྐོར་ཞིང་

[Full Size]

དགྱེ་དགུ་ཡིས༔ སྤྱི་བོ་མགྲིན་པའི་རྩ་མདུད་གྲོལ༔ རྐང་ལག་བརྐྱང་བསྐུམ་བྱས་པ་ཡིས༔ ཚིག་གིས་རྩ་མདུད་གྲོལ་བ་ཡིན༔ ལུས་སྤྲུག་ཕུར་སུབ་བྱས་པ་ཡིས༔ རྩ་རྣམས་ཐམས་ཅད་འདུས་པ་ཡིན༔ ཞེས་གསུངས་པ་དང་པོར་ལྟེ་བ་ནས་བཟུང་སྟེ་གཏུམ་མོའི་དམིགས་རིམ་དང་བསྟུན་ལ་འཁྲུལ་འཁོར་བྱ་ཞིང་༔ ཁྲིད་ཀྱི་དམིགས་རིམ་རྫོགས་ནས་ཚང་བར་བརྒྱབ་པ་ཡིན་ལ༔ ལུས་ཐམས་ཅད་མེའི་བཀང་དུས་བོགས་འདོན་སོ་བདུན་མ་ནི༔ ས་ནོན་བྱས་ལ་ཕོ་བ་ནི༔ གཡས་གཡོན་གསུམ་གསུམ་བསྐོར་བ་དྲུག༔ པུས་མོ་གཡས་པར་འཇུས་ནས་ནི༔ དེ་བཞིན་དྲུག་དང་གཡོན་ལའང་དྲུག༔ མཐེ་བོང་སྲིན་རྩ་མནན་ནས་ཀྱང་༔ གཡས་གཡོན་ཁུ་ཚུར་ཞགས་འཕེན་དྲུག༔ གཡས་གཡོན་མདའ་འགེངས་བྱེད་པ་དྲུག༔ གཡས་གཡོན་ལག་པའི་ནང་བཤད་དྲུག༔ ལུས་ཀུན་སྤྲུག་དང་སོ་བདུན་ནོ༔ ཞེས་པ་ཙམ་གྱིས་འཐུས་ཏེ༔ རྒྱས་པར་ཉི་ཤུ་པ་དང་༔ གནམ་ལྕགས་རྡོ་རྗེའི་སྟངས་སྟབས་བཅུ་རྣམས་བྱེད་པ་ཡང་དེའི་གཞུང་དུ་གསལ་བ་ཉིད་དོ༔ འཁྲུལ་འཁོར་འདི་དག་ཁྲིད་དུས་སྐབས་སུ་གང་བབ་སོ་སོར་བྱ་བ་དང་༔ རླུང་ལ་མ་

[Full Size]

བྱང་བར་དུ་འཁྲུལ་འཁོར་རེ་རེའམ་གཉིས་རེའི་བར་དུ་ཡང་རླུང་རོ་ཕྱུང་ཞིང་ངལ་བསོ་རུང་༔ འཁྲུལ་འཁོར་བྱེད་ཚེ་ནི་ངེས་པར་རླུང་བཟུང་དགོས༔ རླུང་དང་དམིགས་པ་བྱས་ནས་རླུང་བཟུང་ནས་ཡན་ལག་ལྔ་སྦྱང་ཚར་གཅིག༔ དེ་ནས་རླུང་བཏང་ངལ་བསོ༔ ཡང་རླུང་བཟུང་ལ་དྲུག་སྐོར་ཚར་གཅིག༔ ཡང་བཏང་ལ་ངལ་བསོ༔ དེ་ནས་བཟུང་ལ་སོ་མ་ཚར་གཅིག༔ དེ་ནས་བཏང་ལ་ངལ་བསོ༔ ཉི་ཤུ་པ་དང་བཅུ་པ་ཡང་དེ་བཞིན་དེ༔ རླུང་བཟུང་འཁྲུལ་འཁོར་བྱེད་ཚེ་དམིགས་པ་གསལ་བ་དང་༔ བཏང་ནས་ངེལ་བསོ་ཚེ་ཉམས་ལེན་དམིགས་མེད་ངང་དུ་བཞག་གོ༔ དེ་ལྟ་བུའི་འཁྲུལ་འཁོར་མ་ཆག་ན་རབ་ཡིན་ཀྱང་༔ དབང་བཞི་མ་ཐོབ་པས་མཐོང་མི་རུང་བ་སོགས་ཀྱིས་མ་ཆག་པ་མ་བྱུང་ཡང་༔ དབེན་པའི་ཚེ་འབད་ཅིང་ཤིན་ཏུ་བྱང་བར་བྱ་ཞིང་༔ དྲོད་སྐྱེད་དགོས་པ་སོགས་དུས་ལ་བབ་དུས་ཚད་མེད་པར་རང་ཤུགས་ཀྱིས་འོང་བ་གཅིག་གལ་ཆེ་ཡི༔ རླུང་དམིགས་པ་འཁྲུལ་འཁོར་གསུམ་བསམ་མནོ་བཏང་ན་འཕྲོད་ཐུབ་ཙམ་གྱིས་མི་ཆོག་གོ༔ རླུང་གིས་ལུས་གནད་ཆོས་བདུན་སྤྱི་ལྟར༔ གཏུམ་མོའི་ལུས་གནད་ཆོས་བདུན་མེ་ཐབས་དྲུག་

[Full Size]

ཆིངས༔ ཐིག་ལེའི་ལུས་གནད་ཙོག་པུ་པུས་འཁྱུད༔ རླུང་གི་འཁྲུལ་འཁོར་ལྔ་སྦྱངས༔ གཏུམ་མོའི་འཁྲུལ་འཁོར་དྲུག་སྐོར་དང་སོ་བདུན་མ༔ ཐིག་ལེ་འདྲེན་པ་ནི་ཉི་ཤུ་པ་ནས་འབྱུང་ལྟར༔ གླང་ཆེན་ཧིང་འདྲེན༔ སྟག་མོའི་ཉག་སྐྱག༔ དྲི་ཟའི་བསྣམས་ཚུལ་རྣམས་སོ༔ ཐིག་ལེ་བཀྲམ་པ་ནི་ལུས་སྤྲུག་དང་༔ སེངྒེ་རྣམ་རོལ་ལ་འཐུས་སོ༔ གོང་དུ་ཁྲིད་ཀྱི་རིམ་པ་དང་མཐུན་པར་ཞག་གསུམ་རེས་རྩ་གནས་སུ་མེ་སྤྲོ་ཞིང་བསྒོམ་པ་དང་༔ ཐིག་ལེ་ཡང་རྣམ་གྲངས་དང་བཅས་ན་འབེབས་པ་སོགསས་རྒྱུན་དུ་ནི་མི་དགོས་ཏེ༔ དེ་དག་ལས་དང་པོ་པ་ཞིག་དམིགས་པ་ཟུན་དཀའ་བ་རིམ་པར་ཁྲིད་པའི་དབང་དུ་ཡིན་པས༔ ཁྲིད་ཚར་ནས་རྩལ་ཅུང་ཟད་འགྱང་པའམ༔ ཐབས་ལམ་གཞན་ལ་གོམས་ཀྱང་འདི་སྒོམ་འདོད་པ་སོགས་ལ་ནི༔ དམིགས་རིམ་དེ་དག་སྐད་ཅིག་གཅིག་ལ་བསྒོམས་ནས་ཐུན་གཅིག་ལ་ཐམས་ཅད་རྫོགས་པར་བྱའོ༔ ཡང་དམིགས་པའི་རྣམ་གྲངས་ཕྲ་ཞིབ་མང་པོ་དེ་རྣམ་རྟོག་གི་ཕྲེང་བ་འདྲ་བ་ཡིན་ཟིན་དཀའ་ཞིང་༔ ཉམས་ལེན་གྱི་རྟོགས་པ་ལེགས་པོར་ཡོད་པ་དག་གིས་ནི༔ རང་ལུས་ཁྲོ་བོའི་སྐུ་དར་དམར་གྱི་གུར་ཕུབ་པ་ལྟ་

[Full Size]

བུའི་དབུས་སུ༔ ཨ་ཝ་དྷུ་ཏི་མར་སྣེ་གསང་གནས་ནས་ཚངས་བུག་གི་བར་དུ་དྲང་སང་ངེ་བ༔ དབུ་མ་ཡང་ནམ་མཁའ་དྭངས་བའི་ནང་ནས་འཇའི་སྦུ་གུ་ཟུག་པ་ལྟ་བུ་སྣང་ལ་རང་བཞིན་མེད་པ་ལྟེ་འོག་སོར་བཞི་ཙམ་དུ་གཏུམ་མོ་ཡེ་ཤེས་ཀྱི་མེ་རཾ་ཡིག་དམར་པོ༔ སྤྱི་བོ་ཚངས་བུག་གི་སྟེང་དུ་འཁོར་ལོ་སྔོན་པོ་རྩིབས་དྲུག་འདབ་མ་བཅུ་དྲུག་གི་ལྟེ་བར་བྱང་སེམས་ཐིག་ལེ་དཀར་པོ༔ རྩིབས་དང་འདབ་མའི་ཐིག་ལེ་ནི་མོས་པ་ཙམ་གྱིས་ཆོག་སྟེ༔ རླུང་བཟུང་བས་རི་ལ་ཕོག་པས་འུར་གྱིས་འབར་ཏེ་ལུས་ཀྱི་ནང་བ་སྤུའི་བུ་ག༔ སེན་རྩེ་ཚུན་ཆད་མེས་གང་༔ དེས་སྤྱི་བོའི་བྱང་སེམས་ཞུ་སྟེ་བདུད་རྩི་བྱང་སེམས་རྒྱ་མཚོ་ལུད་པ་ལྟར་བབས་པས༔ ལུས་ངང་ལྟེམ་གྱིས་གང་༔ མེ་ནི་བྱང་སེམས་དམར་པོའི་རང་བཞིན་ཡིན་པས་མེ་དང་ཐིག་ལེ་འདྲེས་པས༔ བདུད་རྩི་དཀར་ལ་དམར་བའི་མདངས་ཅན་གྱིས་ལུས་ཐམས་ཅད་གང་བས༔ བདེ་དྲོད་གཉིས་ཀ་ཚད་མེད་པ་སྐྱེས་པར་བསྒོམ་སྟེ༔ ནང་དུ་དབུ་མ་ནི་ཡོད་མེད་ཀྱང་འཇའ་ཚོན་ལྟར་ཡིན་པས་མེ་དང་ཐིག་ལེ་མ་བགགས༔ ནང་དུ་དབུ་མ་ཡོད་མོད་ཀྱང་ལུས་ཐམས་ཅད་ཀྱང་དབུ་མས་ཁྱབ་པའམ༔ ནང་གི་དབུ་མ་ཆེར་

[Full Size]

སོང་ནས་ལུས་ཐམས་ཅད་དང་དབྱེར་མེད་དུ་བྱས་ཀྱང་རུང་ངོ་༔ དེ་ལྟ་བུའི་དམིགས་པ་དེ་ཡང་ཉམས་ལེན་སྟོང་ཉིད་ཀྱི་རྩི་དང་མ་བྲལ་བས་བདེ་སྟོང་ཟུང་འཇུག་གམ༔ བསྐྱེད་རྫོགས་ཟུང་འཇུག་ཡིན་ལ༔ དེ་ཙམ་མི་ནུས་ན་དང་པོ་དམིགས་པ་བསྒོམ་པས་བདེ་བ་སྐྱེས་པ་དང་༔ ངོ་བོ་ལ་བལྟས་ནས་སྟོང་པས་རྒྱས་གདབ་པར་བྱའོ༔ དེ་ལས་ཀྱང་བསྡུ་ན་རང་ལུས་དང་དབུ་མ་གསལ་གདབ་ནས༔ སྤྱི་བོའི་ཐིག་ལེ་ལས་ཐིག་ལེ་ཡུངས་ཀར་ཙམ་བར་མ་ཆད་པར་བབ་པ༔ ལྟེ་བའི་རོ་ལ་ཕོག་པས་ལྕགས་སྲེག་མར་ཁུས་བྲན་པ་ལྟར་ཚེག་སྒྲ་དང་བཅས་བདེ་བ་ལྷང་ལྷང་སྐྱེ་ཞིང་མེ་འུར་འབར་བར་བསྒོམ་མོ༔ དེ་ལྟར་རླུང་བཟུང་བ་དང་དམིགས་པ་མ་ཆག་པར་བྱེད་པ་དག་གིས་ནི་རླུང་ལྟས་ཀྱང་བརྟགས་པ་ཐོག་ཏུ་འགྲོ་སྟེ༔ ཟླ་བ་གང་ཡང་རུང་བའི་ཚེས་གཅིག་ནས་བཟུང་སྟེ༔ ནམ་ལངས་ནས་ཉི་ཤར་བར་དུ་ཞག་གསུམ་སྣ་བུག་གཡོན་ནས་རྒྱུ༔ དེ་ནས་བཞི་ལྔ་དྲུག་གསུམ་གཡས་དང་༔ དེ་ལྟར་ཞག་གསུམ་རེས་མོས་མ་འཆུག་པར་རྒྱུ་ན་རང་ལ་བར་ཆད་མེད་ལ༔ བཅུ་དྲུག་བཅུ་བདུན་བཅོ་བརྒྱད་གསུམ་གཡས་ནས་རྒྱུ་བ་དང་༔ དེ་བཞིན་ཞག་གསུམ་རེས་

[Full Size]

མོས་གནམ་གང་བར་དུ་རྒྱུ་བ་ཡིན་པ་སྟེ༔ སྡོམ་འབྱུང་ལས༔ ཐུན་བཞི་ཉིན་མོར་ཤེས་བྱ་སྟེ༔ དེ་བཞིན་མཚན་མོའང་ཐུན་བཞིའོ༔ ཞེས་པ་ནས༔ ཐུན་ནི་ཕྱེད་ཕྱེད་རྟག་ཏུ་རླུང་༔ སྣ་ཡི་བུ་ག་ཡང་དག་རྒྱུ༔ ཡར་ངོའི་ཚེས་གཅིག་ནས་བཟུང་ནས༔ ཉིན་ཞག་གསུམ་དུ་ཐུན་ཕྱེད་ལ༔ ཟླ་བའི་རླུང་ནི་རྒྱུ་བ་སྟེ༔ དེ་ནས་ཞག་གསུམ་ཉི་མའི་རླུང་༔ གོ་རིམ་འདི་ནི་ཇི་སྲིད་དུ༔ ཡར་ཚེས་བཅོ་ལྔའི་བར་དུའོ༔ མར་ངོས་ཚེས་གཅིག་ནས་བཟུང་ནས༔ ཉིན་ཞག་གསུམ་དུ་དྲག་པར་རྒྱུ༔ དེ་བཞིན་ཚེས་གྲངས་བཅོ་ལྔའི་བར༔ ཞེས་བཅུ་དྲུག་ནས་གཡས་ནས་ཞག་གསུམ་རྒྱུ་བ་དང་༔ ཐུན་ནི་ཕྱེད་ཕྱེད་རྒྱུ་བ་ལས༔ ཕྱིན་ཅི་ལོག་ཏུ་འཕོས་གྱུར་ནས༔ རྩོད་པ་ལ་སོགས་ངེས་འགྱུར་བས༔ མཁས་པས་དེ་དག་ཡང་དག་བརྟགས༔ ཉི་མ་གཅིག་གཉིས་གསུམ་དང་བཞི༔ ལྔ་དང་དྲུག་ཏུ་གང་ཚེ་རླུང་ཐ་ཕྱིན་ཅི་ལོག་ཏུ་རྟག་རྒྱུ་ནི༔ དེ་ཚེ་རྩོད་པ་ཆེན་པོར་འགྱུར༔ ཟླ་ཕྱེད་དག་ཏུ་ལོག་པར་རྒྱུ༔ ནད་ནི་ཆེན་པོ་ཡང་དག་འབྱུང་༔ ཟླ་བ་གཅིག་ཏུ་ལོག་པར་རྒྱུ༔ སྙིང་སྡུག་གཉེན་ནི་བརླག་པར་འགྱུར༔ ཕྱེད་དང་གཉིས་སུ་ལོག་པར་རྒྱུ༔ ཟླ་དྲུག་ན་ནི་འཆི་

[Full Size]

བར་འགྱུར༔ ཐུན་མོང་དུ་ནི་ཤེས་པར་བྱ༔ ཞེས་པ་ཐོ་རངས་སྐྱ་རེངས་ནས་ཉི་ཤར་ཕན་ཕལ་ཆེ་བར་བརྟགས་ཏེ༔ གལ་ཏེ་རླུང་ལྟས་ལོག་ནས་རླུང་གང་ན་རྒྱུ་ཕྱོགས་འོག་ཏུ་སྟན་ལ་ལྗིད་ཕབ་ནས་ཉལ་ཏེ༔ ལག་པས་དེ་ངོས་ཀྱི་མཆན་འོག་གི་རྩ་དམ་དུ་མནན་པའམ༔ གོས་ཧྲིལ་པོར་བྱས་པ་མཚན་ཞབས་སུ་བཅུག་ལ༔ སོར་མོས་དེ་ངོས་ཀྱི་སྣ་བུག་བཀག༔ མཐེ་བོང་དེ་ངོས་ཀྱི་སྐེ་རྩ་མནན་ནས་རྒྱང་ཙམ་ཉལ་བས་སོར་ཆུད་དེ༔ ནང་གི་རླུང་ལྟས་སོར་ཆུད་ནས་ཕྱིའི་རྐྱེན་ངན་ཡང་ཞི་བ་ཕྱི་ནང་གནད་གཅིག་པའི་རྟེན་འབྲེལ༔ སྙན་བརྒྱུད་གསེར་གྱི་མཎྜལ་ཅན་ཡིན་ནོ༔ སྤྱིར་སྔ་དྲོ་སོགས་དུས་ངེས་པ་མེད་པ་ནི༔ གཡས་ནས་རྒྱུ་བ་མང་ན་སྡུག་བསྔལ་དང་བར་ཆད་མང་༔ གཡོན་ནས་རྒྱུ་བ་མང་བ་ལ་བསོད་ནམས་དང་བདེ་སྐྱིད་འབྱུང་༔ མཉམ་དུ་རྒྱུ་བ་མང་བ་ལ་ཉམས་རྟོགས་སྐྱེ༔ མཉམ་དུ་རྒྱུ་བ་འགའ་ཡང་མེད་པ་ལ་ཉམས་རྟོགས་སྐྱེ་དཀའ་བ་སྟེ༔ ཡེ་ཤེས་རླུང་ཉུང་བའོ༔ དེ་བཞིན་དུ་གཡོན་ནས་རྒྱུ་ཚེ་ཞི་བ་དང་རྒྱས་པ་དབང་སོགས་ཀྱི་ལས་སྦྱོར་དམིགས་པ་དང་བསྟུན་ན་འགྲུབ་ཅིང་༔ གཡས་ནས་རྒྱུ་ཚེ་བསད་བཟློག་ལ་སོགས་དྲག་ལས་

[Full Size]

ཀྱི་དམིགས་པ་གང་བྱས་འགྲུབ་སྟེ༔ སྡོམ་འབྱུང་ལས༔ རླུང་ནི་བཅོམ་ལྡན་ཧེ་རུ་ཀའི༔ རང་བཞིན་དེ་ཉིད་གསུམ་དུ་འགྱུར༔ གཡོན་པ་ཤེས་རབ་རང་བཞིན་ཏེ༔ གཡས་པ་སྙིང་རྗེའི་བདག་ཉིད་དོ༔ གཉིས་པོ་མི་ཕྱེད་སྦྱོར་བས་ཀྱང་༔ གཉིས་ཀ་གནས་ནི་རྣམ་པར་རྒྱུ༔ དེ་བས་དེ་ཉིད་རིག་པས་དེར༔ མི་དགེ་དགེ་སོགས་ཤེས་པར་བྱ༔ དུག་སོགས་གཞོམ་དང་ལྷག་མ་ནི༔ བཀྲ་ཤིས་དཔལ་ནི་བསྐྱེད་པ་ལ༔ ཤེས་རབ་བདག་ཉིད་རབ་ཏུ་བསྔགས༔ རྟག་ཏུ་དཔལ་ལྡན་སྙིང་རྗེའི་སྟོབས༔ གཡུལ་བཤམས་རོལ་རྩེད་སྟོན་མོ་དང་༔ བཅད་པ་དང་ནི་དབུགས་པ་དང་༔ བསྲེག་དང་བཙོ་བའི་ལས་ལ་ནི༔ སྙིང་རྗེའི་བདག་ཉིད་རབ་ཏུ་བསྔགས༔ གཞན་ཡང་གཉིས་བདག་རྡོ་རྗེ་ཅན༔ ཐེ་ཚོམ་འགྱུར་བར་ཤེས་པར་བྱ༔ ཞེས་གསུངས་པས་མཉམ་དུ་རྒྱུ་དུས་ལས་སྦྱོར་ཐུན་མོང་བ་ཐེ་ཚོམ་དུ་འགྱུར་བས༔ དེ་དུས་མཆོག་སྒྲུབ་པའི་དམིགས་རིམ་མམ་དམིགས་མེད་དུ་བཞག་གོ༔ དེ་བཞིན་དུ་རང་གཞན་གྱི་དོན་འགྲུབ་མི་འགྲུབ་ལེགས་ཉེས་བརྟགས་པ་ཞུ་བ་བྱུང་ན་ཡང་༔ དེ་མ་ཐག་གཡོན་ནས་རྒྱུ་བ་གཡས་སུ་འཕོས་སམ༔ གཡས་ནས་རྒྱུ་བ་གཡོན་

[Full Size]

དུ་འཕོས་ན་ངན་ལ༔ གཡོན་ནས་རྒྱུ་དུས་དྲིས་ཤིང་དྲིས་ནས་ཀྱང་དེར་རྒྱུ་ན་བཟང་༔ གཡས་ནས་རྒྱུ་དུས་དྲིས་ཤིང་དྲིས་ནས་ཀྱང་དེར་གནས་ན་ངན༔ མཉམ་དུ་རྒྱུ་དུས་དྲིས་ཤིང་དྲིས་ནས་ཀྱང་དེར་གནས་ན་ཐེ་ཚོམ་མོ༔ རླུང་ནང་དུ་རྔུབ་དུས་དང་དྲི་བ་དུས་མཉམ་ན་བཟང་༔ ཁོག་ཏུ་གནས་དུས་ཐེ་ཚོམ༔ ཕྱིར་འབྱུང་དུས་ཐུག་ན་ངན་ཏེ༔ མཉམ་དུ་རྒྱུ་བ་ཐེ་ཚོམ་དང་ཐུག་ན༔ དབྱུང་རྔུབ་ཀྱི་བཟང་ངན་དང་བསྟུན༔ དབྱུང་རྔུབ་ཀྱི་གནས་པ་དང་ཐུག་ནས་ཐེ་ཚོམ་ན༔ གཡས་གཡོན་གང་རྒྱུ་བཟང་ངན་བསྟུན༔ གཉིས་ཀ་བཟང་ན་བཟང་ངེས༔ གཉིས་ཀ་ངན་ན་ངན་ངེས༔ གཉིས་ཀ་ཐེ་ཚོམ་ན་ཐག་མི་ཆོད་པར་རྩི་སྟེ༔ སྡོམ་པ་འབྱུང་བར༔ མགོན་པོ་ཅི་སྟེ་ཨཱ་ལིར་རྒྱ༔ གང་ཞིག་ཨཱ་ལིར་གནས་འདྲིའམ༔ ཀཱ་ལི་རྒྱུ་བ་ཨཱ་ལིར་གནས༔ དེ་ཡི་འདོད་དོན་ཉམས་པར་འགྱུར༔ གང་ནས་མགོན་པོ་དེར་རྒྱུ་བར༔ དེར་གནས་འགའ་ཞིག་འདྲི་བྱེད་ན༔ དེ་ཡི་དོན་ཀུན་ཡང་དག་འགྲུབ༔ གཉིས་ཀར་གནས་ལ་ཐེ་ཚོམ་འགྱུར༔ རླུང་གི་བདག་ཉིད་མགོན་པོ་ཡི༔ སྐུ་གསུམ་པོ་ཡང་ཤེས་པར་བྱ༔ འཇུག་པ་ཆོས་སྐུའི་རང་བཞིན་ཏེ༔ གནས་པ་

[Full Size]

ལོངས་སྤྱོད་རྫོགས་པའི་སྐུ༔ འབྱུང་བ་སྤྲུལ་པའི་སྐུ་ཞེས་བཤད༔ འདི་དག་སྐུ་ནི་གསུམ་པོར་བཞེད༔ འདྲི་བ་པོའམ་རང་གིའང་རུང་༔ ཆོས་སྐུའི་ཐམས་ཅད་དགེ་བ་སྟེ༔ ལོངས་སྤྱོད་རྫོགས་པས་ཐེ་ཚོམ་འགྱུར༔ སྤྲུལ་པས་འཐབ་མོ་བསྟན་པའོ༔ ཞེས་གསུངས་སོ༔ ཡུད་ཙམ་ལ་གཡས་གཡོན་དུ་འཕོ་བ་མང་ན་གྲོགས་ལྟས་ཡིན་ཡང་ཟེར་རོ༔ ཞལ་གདམས་མདོར་བསྡུས་པ་ནི༔ དང་བོ་རྩ་རླུང་ཐིག་ལེའི་ཟུག་རྔུ་དང་འཁྲུལ་འཁོར་གྱིས་དུབ་པ་ལ་བཟོད་པར་བྱ༔ ལས་སྒྲིབ་འདག་པའི་དགའ་བ་སྒོམས༔ དེ་ནས་སྡུག་བསྔལ་ཡལ་འཁྲུལ་འཁོར་བྱང་ནས་བདེ་དྲོད་མ་སྐྱེས་བར་དུ་ལེ་ལོ་སྤངས་ལ་བརྩོན་འགྲུས་བསྐྱེད༔ དེ་ནས་བདེ་དྲོད་སྐྱེས་ནས་བདེ་བ་སྐྱེས་པ་ན་ཉོན་མོངས་ཀྱི་དབང་དུ་མི་བཏང་བར་ངོ་བོ་བལྟས་པས་བདེ་སྟོང་བསྲེ༔ ཐིག་ལེ་སྲོག་ལྟར་བསྲུང་༔ ཇི་ལྟར་ཁས་བླངས་པའི་སྡོམ་ཁྲིམས་མ་ཉམས་པར་བསྲུངས༔ དེ་ལྟར་ཁོང་དུ་ཆུད་ནས་དེས་ཆོག་པར་མི་བསྒྱུར་བར་རྒྱུན་ལྡན་དུ་ཉམས་ལེན་ཐུན་རེ་མ་ཆག་པར་བྱ༔ དེ་ལྟར་བྱས་པས་རྩ་མདུད་གྲོལ༔ བདེ་དྲོད་འབར༔ རླུང་ལས་སུ་རུང་༔ ཐིག་ལེ་འབེབས་ལྡོག་བཀྲམ་པ་ལ་རང་དབང་

[Full Size]

ཐོབ༔ རྩ་དབང་དུ་འདུས་པས་ཡུལ་ཁམས་བུད་མེད་དབང་དུ་འདུ༔ ཕྱི་མ་ཞིང་ཁམས་དག་པ་ཐོབ༔ རླུང་དབང་དུ་འདུས་པས་ཕྲིན་ལས་གང་བརྩམ་འགྲུབ། འཆད་རྩོད་རྩོམ་གསུམ་ལ་ཐོགས་པ་མེད༔ ཐིག་ལེ་དབང་དུ་འདུས་པས་སྐྱེས་པ་དང་ནོར་འདུ༔ དེ་ལྟར་རྩ་ཐིག་རླུང་གསུམ་ལ་གནད་དུ་གཅུན་པས༔ གནས་སྐབས་ཕྲིན་ལས་བཞི་དང་གྲུབ་ཆེན་བརྒྱད་སོགས་ཐུན་མོང་གི་དངོས་གྲུབ་དང་༔ མ་དག་པའི་རྩ་ཐིག་རླུང་གསུམ་རིམ་པར་དག་པ༔ རླུང་དབུ་མར་ཚུད་པས་རྟོགས་པ་ནམ་མཁའ་ལྟ་བུར་འཆར༔ ལུས་ངག་ཡིད་གསུམ་པོ་སངས་རྒྱས་ཀྱི་སྐུ་གསུང་ཐུགས་རྡོ་རྗེའི་རང་བཞིན་དུ་སངས་རྒྱས་ནས་བཅུ་དྲུག་ཡེ་ཤེས་བླ་མའི་ས་ཚེ་འདི་ཉིད་ལ་ཐོབ་པར་རྒྱུད་སྡེ་ཆེན་པོ་རྣམས་ནས་གསུངས་རྒྱུས༔ འདིའི་ཞལ་གདམས་ལས༔ རླུང་བཟུང་ཚུལ་སྤྱི་དང་མཐུན་པར་གསུངས་པ་ལྟར༔ དྲོད་ཀྱི་བོགས་འདོན་འཁྲུལ་འཁོར་དང་རྫས་སྦྱོར༔ བདེ་བའི་བོགས་འདོན་བདག་ལུས་དང་གཞན་ལུས༔ མི་རྟོག་པའི་བོགས་འདོན་ལུས་གནས་དང་ལྟ་སྟངས་ལ་སོགས་པ་ནི༔ འོག་སྒོ་བདེ་ཆེན་དང་གསང་ཁྲིད་རིམ་ལྔ་སྙིང་ཐིག་སོགས་རྫོགས་རིམ་སྤྱི་དང་མཐུན་

[Full Size]

པས་འདིར་མ་སྤྲོས་སོ༔ དེ་ལྟར་སྔོན་འགྲོ་དང་རྗེས་གཉིས༔ དངོས་གཞི་བརྒྱད་དང་བཅུ་ལ༔ ཞག་གསུམ་རེ་བྱས་པ་ཟླ་ཁྲིད་གཅིག་སྟེ་ངེས་པར་རྟགས་ཐོན་པར་བྱའོ༔ རྟགས་ཐོན་པར་སྒོམ་མི་ཁོམས་ཀྱང་ཁྲིད་ཐོབ་པར་འདོད་པ་ལ༔ ཉིན་རེ་ཆོས་ཐུན་རེ་བཤད་ནས་ཞག་རེ་ལ་དམིགས་པ་ཟིན་ངེས་རེ་བྱེད་དེ༔ ཞག་བཅུས་ཁྲིད་རྫོགས་པའོ༔ རྟགས་ཐོན་པར་མི་བྱེད་ཀྱང་ཡུན་ཐུང་བར་ཁྲིད་ཐོབ་ཙམ་འདོད་ལ༔ བཀླག་ལུང་ཙམ་གྱིས་མི་ཚིམ་པའམ༔ ཐབས་ལམ་ལ་གོམས་ཤིང་རྟགས་ཐོན་པ་ཡོད་ཀྱང་༔ འདིའི་ཁྲིད་རྒྱུན་ཐོབ་ཙམ་ཡང་འདོད་པ་ལ༔ སྔ་ཆོས་ཕྱི་ཆོས་གཉིས་སུ་ཆོས་ཐུན་རེ་བཤད་ནས༔ ཞག་ལྔ་ལ་ཁྲིད་རྫོགས་པར་བྱའོ༔ སྔོན་དབུ་འཛུགས་དུས་དང་༔ རྗེས་ནས་ཀྱང་ཚོགས་མཆོད་དང་བཀའ་སྲུང་ལ་གཏོར་མ་འབུལ་བ་དང་༔ བསྐང་བཤགས་ཉུང་ངུ་གནམ་ཆོས་ཉིད་ཀྱི་དེ་ཉིད་བརྒྱ་རྩ་བརྒྱད་སོགས་བྱས་པས་བཀྲ་ཤིས་པ་དང་བརྒྱུད་འཛིན་ལའང་བྱིན་རླབས་ཀྱི་བབ་ཆེ་བ་དང་བདེ་ལེགས་སུ་འགྱུར་རོ༔ རྗེས་འདིར་སློབ་མས་མཎྜལ་ཡང་རྒྱས་པར་འབུལ་ལ་སྒྲུབ་པའི་མཎྜལ་རླུང་དང་དམིགས་པ་ཐུན་རེ་མ་ཆག་པ་སོགསས་ཁས་བླང་ཡང་

[Full Size]

བྱའོ༔ གལ་ཏེ་ཁྲིད་ཁང་ནས་དྲོད་འབར་བ་འབྱུང་ན་རིས་གོས་བྱིན་བརླབས་བྱས་པ་བྱིན་ལ་རས་རྐྱང་གི་དམ་བཅའ་བཟུང་བ་སོགས་བྱའོ༔ ལར་གཏེར་ཆོས་རྣམས་གཉེར་པ་དང་ཁྱད་པར་གནམ་ཆོས་ཁ་གསར་བས་ཤིན་ཏུ་གཉེན་པས་འགྲེལ་པ་སོགས་འཚེར་ནའང་༔ བསྟན་པའི་བདག་པོ་སྤྲུལ་སྐུ་ཉིད་ཀྱིས་བཀའ་གནང་ཞིང་གསུང་གིས་བསྐུལ་བ་ལ་བརྟེན་ནས་བྲིས་པ་སྟེ༔ རྣམ་གཡེང་མང་བའི་སྟབས་ཀྱིས་དཔེ་མང་ལྟ་མ་ཁོམ་པས་ལུང་འདྲེན་མང་དུ་བྲི་བ་མ་བྱུང་ཡང་༔ གཞོན་ཚེ་ནང་དོན་རྩ་འགྲེལ༔ སོགས་ལ་ཐོས་བསམ་ཨན་ཙམ་བྱས་ཤིང་༔ སློབ་དཔོན་རྣམས་ཀྱི་ངག་ཁྲིད་འགའ་རེ་ལ་བསྟེན་ནས༔ ཐབས་ལམ་ལའང་གོ་བ་ཅུང་རེ་ཡིད་ལ་གསལ་བ་ལ་བརྟེན་ནས་བྲིས་པ་ལ༔ འགལ་འཁྲུལ་གང་མཆིས་རྩ་བ་གསུམ་ལ་འཚགས་ཤིང་༔ དགེ་བས་སེམས་ཅན་ཐམས་ཅད་ཨཱརྱ་ལོ་ཀི་ཤྭ་ར་ཚེ་གཅིག་ལ་འགྲུབ་པར་གྱུར་ཅིག༔ ཅེས་རྣལ་འབྱོར་པ་རཱ་ག་ཨ་སྱས་སྟག་ལོ་ཆོ་འཕྲུལ་ཕྱི་མའི་བཅོ་བརྒྱད་ནས་ཉེར་ལྔའི་སྔ་དྲོ་གྲུབ་པར་སྦྱར་བ་མངྒ་ལཾ༔ སླར་ཡང་གཏེར་སྟོན་ཉིད་ཀྱི་ཕྱག་དཔེ་ཡིག་རྙིང་ནས་ལན་གཉིས་ཞུས་ཟེར་བ་ཞིག་གི་ཡིག་རྙིང་ལས་དག་པར་འབྲུ་ཞུས་ནན་མོ་བགྱིས་སོ།།

[Full Size]

གསང་སྔགས་ཀུན་གྱི་ཡང་སྙིང་གསང་བ་ལས་ཀྱང་ཆེར་གསང་བ་རྡོ་རྗེ་སྙིང་པོ་ལས། ཁྲོ་བོ་རོ་ཟའི་གཏུམ་མོའི་ལྷན་ཐབས་གོ་བདེ་བར་ཟིན་བྲིས་སུ་བགྱིས་པ་བཞུགས་སོ།། ༈ ན་མོ་པདྨ་ཀཱ་ར་ཡེ། ཁྲོ་བོ་རོ་ཟའི་གཏུམ་མོ་ལྷན་ཐབས་ཀྱི་འཁྲུལ་འཁོར་གོ་བདེ་བར་ཟིན་བྲིས་སུ་བགྱིས་པ་ནི། རྩ་ཁྲུས་ཡན་ལག་ལྔ་སྦྱངས་ནི། །རྐང་པ་རྡོ་རྗེའི་སྐྱིལ་ཀྲུང་་་་ཕྱེད་སྐྱིལ་ལམ། བཅས།་་་ལག་གཉིས་པུས་སྟེང་ངལ་བསོ་ལྟར། །ལག་གཡོན་ཁུ་ཚུར་པུས་སྟེང་སྦུབ་་་ལ་བཞག །གཡས་པས་་་་པུས་སྟེང་ནས་ཡར། ལུས་བཅར་་་ནུ་སྟེང་ཁུ་ཚུར་བཅས་མཆན་རྡེབ་གཅིག །སྡིགས་མཛུབ་་་ཁུ་ཚུར། བརྐྱང་་་་དེ་ལ་འཐེན། བསྐུམ་པའི་ཞོར་ལ་་་རྣ་བའི་བར་པད་ཀོར་བཅས་དཔུང་མགོ་གདེངས། སྣ་བུག་གཡས། །བཀག་ནས་རླུང་རོ་གཡོན་ཕྱོགས་སུ། །ཕོ་མོ་མ་ནིང་་་དང་པོ་ཕྲ། བར་དུ་སྦོམ། ཐ་མ་ཕྲ། གསུམ་དུ་འབུད། །དེ་བཞིན་ལག་གཡས་་་་་པད་ཀོར་བཅས་ལུས་ལ་བཅར་ཏེ། པུས་སྟེང་སྦུབ། །གཡོན་པས་་་དེ་བཞིན། བཀག་ལ་གཡས་སུ་གསུམ། །དེ་ནས་ལག་གཉིས་ཁུ་ཚུར་བཅངས། །པུས་སྟེང་སྦྱབ་་་་་་རྐང་པ་རྡོར་སྐྱིལ། ལག་གཉིས་ཁུ་ཚུར་སྙིང་ཁར་བསྣོལ། ཧ་ཧ་ཧ་རྗེས་མ་རྐང་ལག་གཏོར། ཡང་པད་ཀོར་ལུས་བཅར་ཏེ་པུས་སྟེང་

[Full Size]

བསོ། ཕྱེད་སྐྱིལ། མཉམ་དུ་གསུམ། །དེ་ནི་རླུང་རོ་དགུ་ཕྲུག་གོ །དེ་ནས་འཇམ་རླུང་ནང་དུ་རྔུབ། །ལག་གཉིས་་་་ཐལ་མོའི་ཟུར་གྱི། ལུས་ཀྱི་ལྟ་ཟུར་བཤད། །འོག་ནས་གཞབ་ལ་་་ཐལ་མོ་བཀན་ཏེ། མདུན་དུ་བརྐྱངས། པད་ོར་བཅས་་་་ནུ་སྟེང་ཁུ་ཚུར་རྩིབ་ལོགས་སུ། །ཁྲུ་མོ་བརྡབ་པ་་་ཡང་བརྐྱང་། སོག་འཐེན། ཐལ་མོ་བཀན། པད་ཀོར༔ ཁུ་ཚུར་ནུ་སྟེང་མཆན་རྡེབ་བཅས། སྦྲགས་ཏེ་གསུམ། །དེ་ནས་ལག་གཡས་་་་ཐལ་མོ་ཟུར། ལུས་ལ་བཅར་་་་ནུ་སྟེང་ཁུ་ཚུར་མཆན་རྡེབ་གཅིག །མདུན་དུ་བརྐྱངས་ལ་་་་སོག་འཐེན། གཡོན་པས་ནི། སྐྲ་མཚམས་་་་། མཉེན་བསྐོར་བྱས་ལ་ལག་གཡས་ཁུ་ཚུར་ཐུར་བསྟན་རྒྱང་བ་གཡོན་མཁྲིགས་མར་སླེབ་དུས་གཡས་ཁུ་ཚུར་གྱེན་བསྟན་ཙམ་རེ་བྱ། ཀྱིས། །སྟེང་དང་་་དཔུང་རྩ་ནས་མཁྲིགས་མ་ནས་བར་བཤལ། འོག་ཏུ་་་རེག་པ་ལས་ཚུར་འོང་རྒྱུ་མེད། བཤད་པ་གསུམ། །དེ་བཞིན་་་་པད་ཀོར་ནས་ཚར་གསུམ་ནས་ཁུ་ཚུར་པད་ཀོར་ལུས་ག་ཅར་ནས་མར་ཐལ་མོ་པུས་སྟེང་། གཡོན་པ་ལའང་བྱ། ཐལ་མོའི་ཟུར་གྱིས་ཡར་བཤད་ནུ་རྩ་ནས་ཐལ་མོ་བཀན་་་་།མདུན་དུ་ལག་གཉིས་མཉམ་པར་བསྐྱངས། པད་ཀོར་ནས་ཐལ་མོ་གཅིག་རྡེབ་་་ཐལ་མོ་་་སྟེང་འོག་བར། གསུམ་འཕུར་ཐལ་མ་་་་གཡས་ནང་གཡོན་རྒྱབ་མཐེ་བོང་སྦྲེལ་ཏེ། བསྣོལ། །རྣ་

[Full Size]

གཡས་་་་འགྲམ་པ་ནས་སྐུ་མཚམས་བར་ཡར། མདུན་རྒྱབ་ལན་གསུམ་མཉེ། ལག་ལྟབས་བཞི་་་་གཡོན་པ་ལའང་དེ་བཞིན་བྱ། གཡས་པས་དཔྲལ་བ་དང་་་་གཡོན་པས་མ་ནེ་བཟུང་ནས་རང་ཕྱོགས་འཕུར་བ་རེས་མོས་གསུམ། །ངོ་དང་མགོ་བོ་་་གཡོན་པས་དཔྲལ་བ། ལག་གཡས་མགོ་སྟེང་སོར་མོ་གུང་མོ་གཉིས་སྣ་གཡོན་པས་རེག་ནས་རང་ཕྱོགས་བརྡ་རེས་དེད་རེས་ལན་གསུམ། གསུམ་གསུམ་འཕུར། །དེ་ནས་་་པད་ཀོར་བཅས་ཐལ་མོས་རོ་སྟོད་ཀྱི། ལག་གཡས་སྟེང་གཡོན་འོག་ནས་གཡས་ནས་ཡར་གསུམ་བྱུགས། ལག་གཡོན་སྟེང་མས་གཡོན་མདུན་ཡར་གསུམ་གཡས་རྒྱབ་གཡོན་ནང་གི་རྒྱབ་ནས་ལན་གསུམ། དེ་བཞིན་བརྗེ་བའི་གཡོན་གསུམ་མཚམས་པད་ཀོར་རེ་ཡོད། །མདུན་རྒྱབ་རེ་མོས་གསུམ་གསུམ་འཕུར། །དེ་བཞིན་སྨད་ལའང་་་གཡས་རྒྱབ།། གཡོན་ནང་གི་མར། ལག་སྟབས་བརྗེ་བའི་གཡོན་གསུམ། གསུམ་གསུམ་འཕུར། །འབེབས་ཆུང་་་གཅིག་མཉམ་དུ། མཆན་རྡེབ་རྐང་གཡས་་་རྐང་རྩེ་ཡར་བཀུག༔ བརྐྱངས། །ཐལ་མོས་མཉེན་སྐོར་་་་ཐལ་མོ་རྩེ་བཀུག་པའི་རྒྱབ་ཀྱིས་བརླ་རྩ་ནས་ཡར་ཚིགས་པར་གཡས་གཡོན་ནས་མར་བཤད། དེ་ནས་ཐལ་མོའི་ནང་གི་བརླ་རྩ་སར་ཡང་ཡང་པད་ཀོར་བཅས་དེ་འདྲ་གསུམ། ལན་གསུམ་བཤད། །དེ་བཞིན་དུ་་་།འབེབས་ཆུང་གཡས་བསྐུམ་གཡོན་བརྐྱངས་སྦྲག །གོང་བཞིན་

[Full Size]

ལན་གསུམ་བཤད་པར་བྱ། ལག་པ་གཉིས་བརྐྱང་བའི་་་་་།འབེབས་ཆུང་གསུམ་བརྒྱབ་་་ཁུ་ཚུར་བརླ་སྟེང་བཞག །རྡོ་སྐྱིལ་བཅལ། བཤིགས། གཅིག་དང་མཉམ་པོར་བྱ། །ཤུ་བྷཾ། འཁྲུལ་འཁོར་གྱི་སྔོན་འགྲོའོ།།

[Full Size]

གསང་སྔགས་ཀུན་གྱི་ཡང་སྙིང་གསང་བ་ལས་ཀྱང་ཆེར་གསང་བ་བརྩམ་པ་རྡོ་རྗེའི་སྙིང་པོ་ལས། གནམ་ཆོས་ཀྱི་ལྷན་ཐབས་འཁྲུལ་འཁོར་དྲུག་པ་ཞེས་དངོས་གཞིའོ།། ༈ གཉིས་པ་འཁྲུལ་འཁོར་དྲུག་པ་ནི། རྐང་པ་ཕྱེད་པའི་སྐྱིལ་མོ་ལ། །ལག་གཉིས་རྡོ་རྗེ་ཁུ་ཚུར་བཅངས།་་་ཁ་མར་སྦུབས་ནས། །བརླ་རྩ་མནན་ལ་ལུས་པོ་བསྲང་།་་ལུས་པོ་བྱིང་མི་སྐོར་བར། །རྐེད་པ་གཡས་གཡོན་གསུམ་གསུམ་བསྐོར། །དེ་ནས་ལུས་པོ་་་་དཔུང་མགོ་གཡོན། གཡས་ཕྱོགས་སུ་་་་པུས་མོ་དང་ཐད་ཐད་འོང་བ་ཙམ་དུ། །གསུམ་གཅུ་བཞིན་ཀྱང་དེ་ཕྱོགས་གཅུ། །དེ་བཞིན་གཡོན་དུ་ལན་གསུམ་གཅུ། །དེ་ནས་མགྲིན་པ་རྩོལ་མེད་ཀློད།་་མདུན་ནས། །གཡས་་་ནས་རིམ་པར་ཕྲག་པ་ལ་ཐུག་པ། དང་གཡོན་དུ་གསུམ་གསུམ་བསྐོར། །དེ་ནས་ཨོག་ཀོ་བྲང་ལ་་་་་ཤེད་ཀྱིས། རྡེག །མགོ་བོ་རྒྱབ་ཏུ་ཤུགས་ཀྱིས་འཕངས། །དེ་ལྟར་ལན་གསུམ་བྱས་རྗེས་སུ། །འབེབས་ཆུང་གཅིག་བརྒྱབ་་་ལག་གཡོན་གྲུ་མོ་བཙུགས། གཡས་ཕྱོགས་ཀྱི། འབོལ་རྟ་ཟུར་ཐུགས་དགོས་་་་།རྐང་ལག་མཉམ་བརྐྱངས་ལན་གསུམ་་་ལུས་པོའི་སྒང་གཏད་འཕྲ་ཞིང་། རྡེབ། །འབེབས་ཆུང་གཅིག་དང་གཡོན་པའང་གསུམ། །དེ་ནས་འབེབས་ཆུང་གསུམ་བརྒྱབ་ལ།་་་ཧ་སྤྲུག་མི་བྱ། །འཕུར་

[Full Size]

སུབ་བྱ་བ་འདི་ལྟར་རོ། །དང་པོ་གོང་བཞིན་ཐལ་མོས་་་་ལུས་བཅར། ལག་པ་བརྐྱང་། ཐལ་མོ་བརྡེག །སྟེང་འོག་གསུམ་འཕུར་བ་རྣམས་འདྲ། མཉེ།་་ལག་གཡས་འགྲམ་པ་ནས་བྱུག་པ་ལྔ་སྦྱང་དང་འདྲ། མིག་་་་ལ་སྐོར་དགོས། ་་་་ཡན་ལག་ལྔ་སྦྱང་དང་འདྲ། མགོ་བོ་་་ལག་པ་གཡས་པ་ཐལ་མོ་རྣ་གཡས་ནས་མགོ་རྒྱབ་ནས་ཡར་བསླང་། གསུམ་གསུམ་འཕུར། །དེ་ནས་ལག་གཉིས་གོང་བཞིན་བཤད། །དེ་ནས་ཐལ་མོས་རོ་སྟོད་དང་། །རོ་སྨད་གཡས་གཡོན་གསུམ་གསུམ་འཕུར། བརྐྱང་་་འབེབས་ཆུང་རྐང་པ་ལག་གཡས་སྟེང་གཡོན་འོག་བརླ་སྟེང་འབེབས་མཉམ་དྲག་ཏུ་རྒྱོབ། གཡས་བརྐྱངས་་་་་རྐང་རྩེ་བཀུག་ལ། ཤིང་། །གསུམ་འཕུར་་་་རྐང་བའི་ཐོག་བརླ་རྩ་ནས་རྐང་རྡེབ་ཐུགས་མཚམས་བར་མར་བྱུག །ཡར་མི་དགོས། འབེབས་ཆུང་རྐང་གཡོན་བརྐྱངས་་་་ལག་པ་གོང་འོག་བརྗེ། །གོང་བཞིན་ལན་གསུམ་བཤད་བྱས་ལ། །འབེབས་དང་བསྟུན་པའི་ལུས་སྤྲུག་གསུམ།་་་འབེབས་གཅིག །ལག་སྟབས་མེད། གཡས་སུ་སིག་གཅིག །འབེབས་གཅིག །གཡོན་དུ་སིག་གཅིག །འབེབས་གཅིག །མདུན་དུ་རྐང་ལག་སྐྱིལ་ཀྲུང་བསྣོལ་མ་བྱས་པ་དཀྲོལ་ཏེ། ཧ་ཞེས་བརྗོད། རྒྱབ་མ་མཉམ་དུ་རླུང་རོ་ནི། །ཧ་སྤྲུགས་ཧ་ཞེས་བཏོན་ལ་དྲག་ཏུ་བཏང་། །ཤུ་བྷཾ། འཁྲུལ་འཁོར་གྱི་དངོས་གཞིའོ།།

[Full Size]

གསང་སྔགས་ཀུན་གྱི་ཡང་སྙིང་གསང་བ་ལས་ཀྱང་ཆེར་གསང་བ་བརྩམ་པ་རྡོ་རྗེ་སྙིང་པོ་ལས། འཁྲུལ་འཁོར་སོ་བདུན་མ་ཞེས་རྒྱུན་ཁྱེར་གྱི་རྗེས་སོ།། ༈ དེ་ནས་འཁྲུལ་བོར་སོ་བདུན་ནི། །རྐང་པ་ཕྱེད་པའི་སྐྱིལ་མོ་ལ། །ལག་གཉིས་པུས་སྟེང་ས་ནོན་བྱས། །ཕོ་བ་གཡས་གཡོན་གསུམ་གསུམ་བསྐོར། །ལག་གཉིས་སོར་བསྣོལ་་་་ལུས་བཅར། ཐལ་མོ་བཀུན་ཏེ་མདུན་དུ་བརྐྱང་ཚུར་བསྡུ་བ་དང་། ་པུས་གཡས་འཇུས། །གོང་བཞིན་ཕོ་བ་གཡས་གཡོན་བསྐོར་་་པུས་མོར་རྡེབ། །ལག་གཉིས་་་་རྐང་གཡོན་རྒྱབ་མ་བྱས་པའི། གཡོན་འཇུས་གསུམ་གསུམ་བསྐོར། །རྡོ་རྗེ་ཁུ་ཚུར་ལྟ་ཟུར་་་་་པུས་མོ་གཡས་སྟེང་གཡོན་སྟེང་། བརྒྱུད། །མགོ་ལ་་་་དཔྲལ་བར་བཞག །བསྐོར་ནས་གཡས་ཕྱོགས་སུ། །རྡོ་འཕེན་བཞིན་དུ་ལན་གསུམ་འཕངས། །དེ་བཞིན་གཡོན་པའང་ལན་གསུམ་འཕངས། །ལག་གཉིས་་་་ལག་པ་གཉིས་ལུས་བཅར། ཁུ་ཚུར་མདུན་དུ་བརྒྱང་། སོག་འཐེན། རྡོ་རྗེ་ཁུ་ཚུར་ལ་་་པད་ཀོར་བཅས། །གཞུ་སྲན་འགེངས་བཞིན་་་་་གཡོན་ཁུ་ཚུར། གཡས་པའི་དཔུང་བ་རྩ་བ་ནས་རིམ་བཞིན་གཡས་རྫོགས་ནས། གཡོན་ཕྱོགས་སུ། །གསུམ་འགེང་་་་ནུ་རྩར་སླེབས་པ་དང་། །གྲུ་མོ་རྩིབ་ལོགས་བརྡབ། །དེ་བཞིན་གཡས་ཕྱོགས་

[Full Size]

གསུམ་འགེང་བྱ། །རྡོ་རྗེ་ཁུ་ཚུར་བཅངས་བཞིན་ལ། །ལག་གཡོན་་་་དཔུང་རྩ་ནས། གཡས་པའི་ནང་ནས་་་་མཁྲིས་མ་བར། ནི། པད་ཀོར་བཅས་་་་་།གསུམ་བཤད་་་་་ཕར། གཡོན་པ་ལའང་གསུམ། པུས་མོ་གཤིབ་པ་་་་།བར་འབེབས་གསུམ་དང་འབེབས་ཆུང་གསུམ།་་་་་ཕྱེད་སྐྱིལ་གྱིས་ཕར། །རྫོགས་ནས་ལན་གསུམ་སྤྲུགས་བྱས་ལ།་་་་ལག་པ་ཁུ་ཚུར་བསྣོར། ཧ་ཧ་ཧ་རྗེས་མ་ཆེ་བར་བརྗོད། །རྗེས་མ་དང་སྦྲག་རླུང་རོ་ནི། །ཧ་རིང་བརྗོད་ཅིང་གཏང་བར་བྱ། །ཤུ་བྷཾ། འཁྲུལ་འཁོར་གྱི་རྗེས་སོ། །འཁྲུལ་འཁོར་ཡན་ལག་ལྔ་སྦྱང་། དྲུག་སྐོར། སོ་བདུན། །འདི་གསུམ་རྒྱུན་དུ་བརྒྱབ་པས་ཚང་ཞིང་། རྒྱས་པར་ཉི་ཤུ་པ་དང་། གནམ་ལྕགས་རྡོ་རྗེའི་སྟངས་སྟབས་བཅུ་རྣམས་གཞན་དུ་གསལ་ལོ། །ཡང་ཟབ་ལམ་ཐིག་ལེའི་འདྲེན་ལྡོག་སོགས་ལ་ནི། སྔོན་འགྲོ་བཅུ་གཉིས་པ། དངོས་གཞི་བཅུ་བཞི། རྗེས་བཅུ་གཅིག་རྣམས་ཀྱང་གཞན་དུ་གསལ་ལོ། །ཞེས་རྟོགས་ལྡན་པདྨ་མཁའ་སྤྱོད་ཀྱིས་བསྐུལ་ནས། བདག་མི་འགྱུར་རྡོ་རྗེས་སྙན་བརྒྱུད་ཡི་གེར་བཀོད། །ཤུ་བྷཾ།།

[Full Size]

གནམ་ཆོས་སྙན་བརྒྱུད་གཏུམ་མོའི་ཁྲིད་ཀྱི་ཟིན་ཐོ་ལ། ༈ ཆོས་ཐུན་དང་པོ། སྔོན་འགྲོ་བླ་མའི་རྣལ་འབྱོར། སྔོན་འགྲོའི་ངག་འདོན། རོ་ཟའི་དབང་རྒྱས་པའམ་གཟུངས་དབང་། ༈ དངོས་གཞི་ཆོས་ཐུན་གཉིས་པ་དང་། གེགས་སེལ་དབུ་ནས། ཡན་ལག་ལྔ་སྦྱང་བར། ༈ ཆོས་ཐུན་གསུམ་པ་དང་། གེགས་སེལ། མེ་ཐབ་དྲུག་འཆིངས་ནས། ལུས་ཀྱི་མེ་ལ་བསྡུའོ། །བར། འཁྲུལ་འཁོར་དྲུག་པ། ༈ ཆོས་ཐུན་བཞི་པ་དང་། འཁྲུལ་འཁོར་སོ་བདུན། ༈ ཆོས་ཐུན་ལྔ་པ་དང་། །རྒྱུན་ཁྱེར་གྱི་གེགས་སེལ་སྟོན་པ་ནས། ཉམས་རྨི་ལམ་དུ་འབྱུང་ངོ་བར་དང་། ཞལ་ཤེས་ཟིན་བྲིས་དབུ་ནས་དམིགས་པ་རྣམས་གཞུང་དུ་གསལ་ལོ། །བར། ༈ ཆོས་ཐུན་པ་དང་། བོགས་འདོན་དབུ་ནས། ཨ་ཧཾ་ལ་བསྟིམ་པར་བྱའོ། །བར། སྟངས་སྟབས་བཅུ་པ་བྱ། ༈ ཆོས་ཐུན་བདུན་པ་དང་། གེགས་སེལ་མཐའ། བོགས་འདོན་མཐའ། ཟིན་བྲིས་རམ་མཐིང་ནག་ནས་མཐའ་བར། ༈ ཆོས་ཐུན་བརྒྱད་པ་དང་། འཁྲུལ་འཁོར་ཉི་ཤུ། ༈ ཆོས་ཐུན་དགུ་པ་དང་། གེགས་སེལ།

[Full Size]

ཐིག་ལེའི་སྐབས་སུ། ཐུན་མོང་མ་ཡིན་པ་རྣམས་སོ། །བར། ཐིག་ལེའི་འཁྲུལ་འཁོར་ཧཱུྃ་རིང་སྟོང་འདྲེན། འཁྲུལ་འཁོར་ཐུན་མོང་མ་ཡིན་པ་ཆ་ཚང་། ༈ ཆོས་ཐུན་བཅུ་པ། རྒྱབ་ཆོས་བཅས་སོ། །དཔལ་ཡུལ་ཕྱག་རྒྱུན་འཁྲུལ་མེད་དགེའོ།།

[Full Size]

གསང་སྔགས་ཀུན་གྱི་ཡོང་སྙིང་གསང་བ་ལས་ཀྱང་ཆེར་གསང་བ་བརྩམ་པ་རྡོ་རྗེ་སྙིང་པོ་ལས། གནམ་ཆོས་ཀྱི་ལྷན་ཐབས་ཉི་ཤུ་པའི་འཁྲུལ་འཁོར་ཟིན་བྲིས་སུ་བྲིས་པ་ཡོད། ༈ ན་མོ་ལོ་ཀི་ཤྭ་ར་ཀྲོ་དྷ་ཡེ། འདིར་གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་ཁྲོ་བོ་རོ་ཟའི་གཏུམ་མོའི་ལྷན་ཐབས་སུ། ཉི་ཤུ་པའི་འཁྲུལ་འཁོར་གོ་བདེ་བར་ཟིན་བྲིས་སུ་བགྱིས་པ་ནི། །རླུང་བཟུང་འཕུར་སུབ་་་ཧ་སྤྲུག་བར། ཚར་གཅིག་་་་་གཡས་གཡོན། མདུན་གསུམ། རྗེས། །རྐང་པ་་་་ཡར་ལངས་རྡོ་རྗེ་རྩེ་གཅིག་ལྟ་བུ། མཐིལ་སྤྱད་བཤང་བར་བསྟིམ་་། །རྡོ་རྗེ་ཁུ་ཚུར་སྙིང་ཁར་བསྣོལ། །སྤྲུལ་ཚང་་་་འུ་འུ་འུ་ཨུརྒ འུབ་དྲང་ཧིང་རིང་གིས། །དྲག་ཏུ་དྲང་ཞིང་ཕྱིར་འཛིན་བྱ། །བར་འབེབས་གཅིག་བརྒྱབ་རྐང་མཐིལ་སྤྲད།་་་་བཤང་བར་བསྟིམ། །ཅུང་ལངས་རྡོ་རྗེ་ཁུ་ཚུར་་་པུས་སྟེང་། བསྲང་། །ཕྱིར་འཛིན་་་་གཡས་གཡོན། དཔུང་མགོ་ལན་གསུམ་རྡེག་་་།ཕྱིར་སོར་བསྐོར་ནས་ཚུར་འཐེན། །བར་འབེབས་གཅིག་བརྒྱབ་འཕག་སྟེ་་་སྟངས་བཅས། ལངས། །བསྒྱུར་ལ་ལག་བསྣོལ་་་་ཐུར་དུ་བརྐྱང་བའི། ལག་རྒྱབ་སྤྱད། །རྐང་ཐེབ་་་་ཁུ་ཚུར་མཛུབ་མོ་བརྐྱངས་པས། གཉིས་བཅང་ཕྱི་འཛིན་དང་། །གཡས་གཡོན་

[Full Size]

གསུམ་གཅུ་དལ་བར། བར་འབེབས་བརྒྱབ། །ཕྱེད་སྐྱིལ་ལག་གཡོན་གང་་་་པུས་མོ་བཀབ། ་ཞེས་པ་སྣང་། བཀན།་་་པ་བཀན །གཡས་པ་སྟ་ཟུར་གཡས་ངོས་་་་ཡར། བཤད། ནུ་རྩར་སླེབས་པ་དང་།་་་ནམ་མཁར་ཐལ་མོ་ལན་གསུམ་བཀན།་་་མར་བཤད་ནས་རེ་རེ་བཞིན་བཞག །གཡོན་པ་ལའང་དེ་བཞིན་ཏེ། །འབེབས་ཆུང་གཅིག་བརྒྱབ་ཧ་སྤྲུག་བྱ། །ཕྱེད་སྐྱིལ་ལག་གཉིས་ས་གནོན་བྱས། །དཔུང་གཡས་་་་ཚིགས་པ། དལ་འཐེན་ལན་གསུམ་གཡས་སྐོར་ལྟ་བུས། བཅག །དཔུང་པ་་་གཡོན།་་་པ། གསུམ་་་གཡོན་སྐོར་ལྟ་བུས། མཉམ་པོར་་་་སྔ་མ་དང་འདྲ་བར། མདུན་དུ་གསུམ། མི་འདྲ་བར།་་་།རྒྱབ་གསུམ་མགོ་བོ་གཡས་གསུམ་ཕྱོགས་འཕེན་པ། བཅོག །གཡོན་གསུམ་མདུན་གསུམ་རྒྱབ་ཏུ་གསུམ། །གཡས་སྐོར་གསུམ་དང་གཡོན་སྐོར་གསུམ། ཐལ་མོ་་་མདུན་དུ་བརྐང་། སྐོར་བསྡོལ་ཕྱི་ནང་བཟློག །རང་འབུད་་་ཧ་ཞེས། དད་སྡུག་ཕྱར་ལ་བརྐྱངས། གསུམ་་་་བསྡོལ་མ་ཡར་མར་ཡར། གཅུ་་་་ཧིབ་ཅེས། རྔུབ་ཚེ་བྲང་ལ་གདབ། །ལན་གསུམ་བྱས་རྗེས་ཁུ་ཚུར་གཉིས། །རང་རང་ཐད་ཀྱི་ནུ་སྟེང་མནན། །གཡས་གསུམ་གཡོན་གསུམ་དལ་བུས་གཅུ། །གཞུ་འགེངས་གཡས་གཡོན་་་་་

[Full Size]

སྤེལ་མ་གསུམ་གསུམ་་་་མཆན་རྡེབ། བྱ། །རྡོ་རྗེ་ཁུ་ཚུར་་་་གཡས་བའི་ཆང་མགོ་བྲང་ལ་གཏད། མདུན་རྒྱབ་་་་གཡོན་པ། གཉིས། །གཡས་གསུམ་་་་ལག་པ་བརྗེ་ནས། གཡོན་གསུམ་རེས་མོས་གཅུད། །ལག་པས་ས་གནོན་དཔུང་པ་གཡས། །གཡས་གསུམ་་་ཕྱི་སྐོར། གཡོན་གསུམ་་་་ནང་སྐོར། དྲུག་ཏུ་བསྐོར། །དེ་བཞིན་གཡོན་པའང་དྲུག་བསྐོར་ཏེ། །ལྷན་ཅིག་དྲུག་བསྐོར་ཧ་སྤྲུག་བྱ། །ས་གནོན་་་་ཕོ་བ། རྒྱུ་མཚོ་གཡས་གཡོན་དུ། །དྲུག་སྐོར་་་་ལུས་བཅག གཡས་གཡོན་མདུན་རྒྱབ་བཅིག །ས་གནོན་བྱས་ལ་་་་ཐལ་མོས། པུས་མོ་གཡས། བྱུག་པ། གཡས་་་་ཕྱི་སྐོར། གཡོན་་་་ནང་སྐོར། དྲུག་སྐོར་གཡོན་པའང་དྲུག །འབེབས་ཆུང་གཅིག་བརྒྱབ་ཧ་སྤྲུག་བྱ། །རྡོ་རྗེ་སྐྱིལ་ཀྲུང་ས་གནོན་བྱས། །རྒྱུ་་་མིག མཚོ་གཡས་གསུམ་གཡོན་གསུམ་བསྐོར། །ལག་པ་གཉིས་རང་ཕྱོགས་ས་ལ། བཙུགས་་་ནས། སྐྱིལ་ཀྲུང་ལན་གསུམ་་་་ལྷན་ཅིག རྡེག །འབེབས་ཆུང་གཅིག་བརྒྱབ་ཧ་སྤྲུག་བྱ། །སྒོ་བཞི་་་མིག་་་་མཛུབ། མཐེ་བོང་་་རྣ་བ། གུང་་་་སྣ། སྲིན་་་་ཁ་་་་ཐེའུ། སོར་བསྡམས་གཡས་སྐོར་གསུམ། །གཡོན་སྐོར་གསུམ་དང་་་མདུན་ནས་ཡར། སང་སང་གསུམ། །གཡས་་་་་སུ་

[Full Size]

གསུམ གཡོན་་་་དུ་གསུམ། དབུས་སུ་་་་མདུན། ལུས་སྤྲུག་་་གསུམ་སྟེ། དགུ། །གཅུད་གསུམ་་་གཡས་གཡོན། གཡས། མདུན་དུ་་་་སྤྲུག་གསུམ་རྗེས་མ་དང་། །ལྷན་ཅིག་ཧ་བཏོན་རྣམ་རོལ་ལོ། །འཕག་་་སྟངས་བཅས། ལངས་་ནས་ལུས་བརྒུར་་་་ལག་གཉིས་སོ་སོར་མཛུབ་མོས། རྐང་ཐེབ་བཅད། །རྐང་པ་ཡར་འཐེན་གན་རྐྱལ་འགྲིལ། །རྐང་་་་་རྐང་པ་བརྐྱང་། །མཐིལ་སར་རྡེབ་སླར་ཡང་ལངས། །ལན་གསུམ་བྱས་རྗེས་འབེབས་ཆེན་བརྒྱབ། །སྐྱིལ་ཀྲུང་རང་ཐད་རོ་རྐྱང་་་་་སྐེ་རྩ་གཡས་དང་གཡོན་རང་རང་ལག་པའི་མཐེབ་མཛུབ་ཀྱིས་བཟུང་། ནི། །རླུང་ཁུག་གཅིག་ལ་མཐེ་མོས་མནན། །འཕག་ལངས་་་་ལག་གཉིས་ཁུ་ཚུར་ཤད་ཀྱིས་བརྐྱང་། །ལག་གཡས་མདུན་་་དུ། གསུམ་སྤྲུག་་་་་གཡུགས། །གཡོན་གསུམ་རྐང་གཡས་མདུན་དུ་གསུམ། །རྐང་གཡོན་གསུམ་སྤྲུག་འབེབས་ཆེན་བརྒྱབ། །ཧ་གསུམ་བཏོན་ནས་སླར་ཡང་ལངས། །ལག་སོར་་་་ཐལ་མོ། རྒྱབ་བརྐྱང་་་་ས་ལ་བཙུགས་་གན་རྐྱལ་རྐང་ལག་ས་ལ་བཙུགས་ནས་ལྟོ་བ་བཏེག ལུས་པོ་དགྱེ། །ས་་་་ལག་པ། རེག་་་་ལངས་པ་དང་སྟན་ལ་རེག་པས། ལག་གཉིས་མདུན་དུ་་་ཐལ་མོ་ཕྱེས་རྡེབ། བརྐྱང་། །རྒྱུ་ཞིང་སར་རེག་དགྱེ་རྒུ་དྲུག །

[Full Size]

གཅིག་བརྒྱབ་ལག་་་པས། རྐེད་པར། འཁྱུད།་་་བཞིན་པ་ལ། འབེབས་ཆུང་དང་སྦྱསག་རྐང་་་ཕྱེད་སྐྱིལ་ལ། གཡས་་་རྒྱབ་ན། བརྐྱང་། །ལན་གསུམ་་་་ལོང་ཚིགས་བརྡབ་དགོས་པས་བྱིར། འཕང་བརྡབ་འབེབས་ཆུན་ལྷན། །གཡས་བསྐུམ་གཡོན་བརྐྱངས་གཡོན་གསུམ་་་འཕངས་བརྡབ། འཕྲ། །མཉམ་པོར་གསུམ་འཕྲ་་་ས་ལ་རྡེབ། འབེབས་ཆུང་གསུམ། །འཕག་་་སྟངས་བཅས། ལངས་གོང་། ལག་སྟབས་སྔ་མ་དང་འདྲ། བཞིན་་་རྐང་པ་གཡས་་་པ་མདུན་དུ་ལན། གསུམ་བརྡབ། །སླར་ཡང་རྒྱབ་་་ཏུ། བརྐྱང་ལན་གསུམ་བརྡབ། དེ་བཞིན་་་རྐང་པ། གཡོན་པའང་མདུན་རྒྱབ་དྲུག །འབེབས་ཆེན་གཅིག་དང་འབེབས་ཆུང་བརྒྱབ། །ཧ་སྤྲུག་གཡས་་་་གསུམ། གཡོན་་་་གསུམ། མདུན་་་་གསུམ། རྒྱབ་་་ཡང་། དགུ། །ཧ་་་ཞེས་བརྗོད། །དེ་རྗེས་དམིགས་མེད་ངང་དུ་བཞག །ཅེས་པའང་ཐིག་ལེའི་སྐབས་སུ་གལ་ཆེ་ཞིང་གཏུམ་མོ་གཞུང་ལ་མ་གྲུབ་ཀྱང་རུང་ངོ་། །ཤུ་བྷཾ། འཁྲུལ་འཁོར་གྱི་བཟློག་འགྲེམ་འདྲེན་གསུམ་ལྷན་ཅིག་པའོ།།

[Full Size]

གསང་སྔགས་ཀུན་གྱི་ཡང་སྙིང་གསང་བ་ལས་ཀྱང་ཆེར་གསང་བ་རྡོ་རྗེ་སྙིང་པོ་ལས། སྡེ་ཏུ་པའི་ཆོས་སྐོར་ལས་བྱུང་བའི་གནམ་ལྕགས་རྡོ་རྗེའི་སྟངས་སྟབས་བཅུའོ།། ༈ ན་མོ་གུ་རུ་པྲ་ཝ་ཀ་ར་ཡེ། འདིར་གནམ་ཆོས་ཐུགས་ཀྱི་གཏེར་ཁའི་ཁྲོ་བོ་རོ་ཟའི་གཏུམ་མོའི་གེགས་སེལ་མ་ཚང་ཁ་སྐོངས་སྡེ་ཏུ་པའི་ཆོས་སྐོར་ལས་བྱུང་བའི་གནམ་ལྕགས་རྡོ་རྗེའི་སྟངས་སྟབ་བཅུ་ཟིན་བྲིས་སུ་བགྱི་ན། རླུང་བཟུང་དངོས་གཞི་སྔོན་སོང་ནས། །བུམ་ཆེན་སྦིར་ལ་འཕག་སྟེ་ལངས། །ལག་གཡས་་་་མཐེ་བོང་སྲིན་རྩ་མནན། ཐལ་་་མོ་གྱེན་དུ། གཟེད་་་་པ་བརྐྱང་། །གཡོན་སྡིགས་མཛུབ་་་མར་བརྐྱང་། །རྐང་གཡས་ས་ལ་ལན་གསུམ་བརྡབ། །ལག་གཡོན་ཐལ་གཟེད་གཡས་སྡིགས་མཛུབ། །གོང་བཞིན་རྐང་གཡོན་ལན་གསུམ་བརྡབ། །འབེབས་་་རྐང་མཐེབ་ནས་ཡར་བཅར་ནས། ཆེན་གཅིག་དང་འབེབས་ཆུང་གསུམ། །ཧ་སྤྲུག་དང་སྦྲག་རླུང་རོ་ཕྱུང་།་་་་ཧ་སྤྲུག་བྱས་པས་དགྲ་བགེགས་འཇོམས། །དགྲ་བགེགས་འཇོམས་པའི་འཁྲུལ་འཁོར་རོ། །སླར་ཡང་རླུང་བཟུང་བརྐྱངས་་་་་རྐང་པ་གཉིས། འབེབས་བརྒྱབ། །ལག་གཉིས། བསྣོལ་ནས་་་ལག་གཡས་སྐྱེ་དང་་་་ནང་བྱས་པའི། གཡོན་པའི། གཡོན་ཕྲ་་་་་་རྒྱབ་མ་གཡས་

[Full Size]

ཀྱི། པ། འབེབས་་་།ས་ལ་ཕོག་མཉམ་ཟིན་པར་བྱ། །རྐང་གཡས་རྟིང་པས་ས་གསུམ་བརྡུངས། །བརྐྱངས་འབེབས་དང་སྦྲག་གོ་་་ལག་པ། བརྗེས་ལ། རྐང་པ་་་་་།གཡོན་པས་གསུམ་བརྡུངས་འབེབས་ཆུང་གསུམ། །ཧ་སྤྲུག་བྱས་པས་དུག་རིགས་འཇོམས།་་་་་དུག་རིགས་འཇོམས་པའི། འགྲེས་སོ། །ཙོག་པུ་་་་གཡས་བརྒྱབ་བྱས་པས། ལོག་གཉིས་་་་བསྣོལ་མས། མིག་བཀབ་ལ། །རྐང་གཡས་སྟེང་་་་པུས་མགོས་པུས་མགོ་བཀབ། བཞག་ལན་གསུམ་རྡེབ།་་་་་རང་ཕྱོགས་གཡུགས། །གཡོན་པ་་་་ལག་པ་དང་རྐང་གཉིས་ཀའི། སྟེང་བཞག་གོང་བཞིན་གསུམ། །ཙོག་འབེབས་་་་་རྐང་པ་གོ་བརྗེ། གཅིག་དང་འབེབས་ཆུངགསུམ། །ཧ་སྤྲུག་བྱས་པས་ཉུལ་ལེ་འཇོམས། །བརྐྱངས་འབེབས་་་་རྐང་པ། ལག་གཉིས་བསྣོལ་མས། རྣ་བ་བཟུང་། །རྐང་པ་་་གཡོ་་་་པས་གཡས་ཕྱོགས། འཕྲ་་་གསུམ་རྐང་པ། གཡས་པ་གཡོན་པའི་པུས། སྟེང་་་ཐད་ནས་ཐོག་ཏུ་ཤེད་ཀྱིས། བཞག་གསུམ། རྐང་པ།་་་་།བརྐྱངས་འབེབས་གོ་བརྗེས་གཡས་འཕྲ་གསུམ།་་་གཡོན་པས་ས་ལ་གསུམ་བཞག །འབེབས་ཆུང་གསུམ་དང་ཧ་སྤྲུག་བྱས། །སྒབ་འདྲེ་ངན་པ་འཇོམས་པར་བྱེད། །ལོངས་ཏེ་་་འབོལ་གྱི་ཟུང་གཡས་པར་གཏད་ནས། རྐང་ལག་་་་་བབ་བཞི་

ཤོག་ལྷེབ་ ༦༠༡ ནས་་ ༦༢༠ བར།

[Full Size]

ས་ལ་པཙུགས། །གདོང་པ་གཡས་ཕྱོགས་་་ཁ་རྒྱུ་ནས། འབེབས་ཆུང་གཅིག །སླར་ཡང་གོང་བཞིན་་་་་འབོལ་གྱི་མདུན་ཟུར་གཡས་པར་བབ་བཞི་བཙུགས། གཡོན་ཕྱོགས་སུ། །འབེབས་་་་གཡོན་ཕྱོགས་གཅིག་དང་། མདུན་དུ་འབེབས་ཆུང་གསུམ། ཆུང་བཞི་དང་རླུང་་་ལུས་བཅར་ནས། རོ་ནི། །ཧ་སྤྲུག་བྱས་བཏང་བསེ་རག་འཇོམས། སྡིགས་མཛུབ་གཡས་དང་་་པ་བསླང་། པུས་མོ་་་་གཡས་པ་བསླང་། སྡིགས་མཛུབ་གཡོན་པ་ས་ལ་གཏད། །རྐང་གཡས་མཐིལ་གྱི་ས་གསུམ་་་ཤེད་ཀྱིས། བརྡུངས། །རྐང་ལག་གོ་བརྗེས་གཡོན་པས་གསུམ། །འབེབས་ཆུང་གསུམ་དང་ཧ་སྤྲུག་གིས། །ཀླུ་བདུད་རིགས་རྣམས་འཇོམས་པར་འགྱུར། །ཕྱེད་སྐྱིལ་ལག་བསྣོལ་་་་རྐང་པའི། ངར་གདོང་བཟུང་། ་་་གཡས་གཡོན། །ཁོག་སྟོད་གཡས་གསུམ་གཡོན་གསུམ་ཡོ། །མཆན་་་་་་ཁུ་ཚུར་ཞུ་སྟེང་། བརྡབ་གཅུས་་་་་རྐང་བའི་མཐེ་བོང་གཉིས་ཀྱི། འབེབས་འབེབས་་་་གཉིས་ཆུང་གསུམ། །ཧ་སྤྲུག་བྱས་པས་འདྲེ་ལྷ་འཛོམས། །འབེབས་ཆུང་་་་དང་མཉམ་དུ། ལག་གཡས་སྣ་བཟུང་ཞིང་། གཡོན་པས་་་་གཡས་པའི། ལག་མཁྲིགས་བཟུང་བ་སྤྱད། །ཕྱེད་སྐྱིལ་རྐང་འཕང་་་་་པུས་མོ་ནས་རྐང་མགོའི་བར་རྐང་

[Full Size]

གཡས་ལང་ཚིགས། །ལན་གསུམ་བརྡབ། །འབེབས་ཆུང་ལག་བརྗེས་གོང་བཞིན་གསུམ། །ཧ་སྤྲུག་བྱས་པས་གཤིན་རྗེ་འཇོམས། །ལངས་ལ་ལག་གཡོན་་་་་གྱིས། རྐེད་པ་བརྟེན། །གཡས་པས་སྡིགས་མཛུབ་ནམ་མཁར་ཁྱེར། །རྐང་གཡས་གསུམ་བརྡབ་འབེབ་ཆེན་བརྒྱབ། །སླར་ཡང་གོ་བརྗེས་གཡོན་པས་གསུམ། །འབེབས་ཆེན་གཅིག་དང་འབེབས་ཆུང་གསུམ། །ཧ་སྤྲུག་བྱས་པས་མ་མོ་འཇོམས། །རྐང་ལག་གཡས་གཉིས་གཡས་སུ་བརྐྱངས། །སླར་བསྐུམ་་་་་རྐང་ལག་གཡོན་གཉིས། གཡོན་་་་་ཏུ། བརྐྱངས་་་་སྤེལ་མ། ལན་དྲུག་བྱ། །འབེབས་ཆུང་གསུམ་དང་ཧ་སྤྲུག་བྱ། །བདུད་ཀྱི་དཔུང་རྣམས་འཇོམས་པ་ཡིན། །ཞེས་བྱ་ཞིང་བསྒྲུབ་པའི་དུས་གཞུང་ལྟར་བྱའོ། །ཤུ་བྷཾ། འཁྲུལ་འཁོར་གྱི་གེགས་སེལ་

[Full Size]

ཐིག་ལེའི་འཁྲུལ་འཁོར་གྱི་འགྲིག་རིམ་ནི། དྲང་སྲོང་ཙོག་འབེབས་གསུམ་དང་འབེབས་ཆུང་གཅིག །དང་པོ་པུས་མོ་གཉིས་བཙུགས་ནས་ཐལ་མོ་འགྲམ་པ་ལ་བརྟེན་ཏེ་ཡར་བཀྱགས་ནས་ཚུར་རང་མལ། ཧཱུཾ་རིང་སྟོང་པའི་འདྲེན་་་གསུམ་བར་་་་འབེབས་གསུམ། །གཉིས་པ་་་འདུག་སྟངས་སྔ་མ་ལྟར་ལ། ཧཱུཾ་ཐུང་ལག་འདར་པད་ཀོར་གྱི། ཀྱི་འདྲེན།་་་པད་ཀོར་མིག་ཐད་བར་ཕྱོགས་ལ། དེ་ནས་་་་་བྲང་ལ་བགུག་པ་་་དང་འདུག །གཡས་སུ་ཁ་གྲུ་ནས་གཅིག །གཡོན་དུ་གཅིག །མདུན་ནས་གཅིག །འབེབས་ཆུང་གསུམ། །གསུམ་་་་པད་གྱོགས་འདྲ། པ་ཧིང་འདྲེན་་་་་གཡས་གཡོན་དབུས། བརྐྱངས་འབེབས་གསུམ། །བཞི་པ་ཧྲི་འདྲེན་་་་གསུམ། འབེབས་ཆུང་གསུམ། །ལྔ་པ་ཧྲིང་འདྲེན་གཅུས་འབེབས་གསུམ། །སྟག་་་་་ཡར་ལངས་ནས་ལག་བསྣོལ་མཛུབ་མོས་རྐང་མཐེབ་བཟུང་། མོ་་་མགོ་གྱེན་དུ་ཕྱོགས་མར་བཀུག །ཧིག་བརྗོད། ཧག་སྐྱག་་་་གསུམ། ཐོག་འབེབས་གསུམ། །གླང་་་་་མགོ་ཐོག་རྩེ་གཅིག་བརྒྱ། ཆེན་ཧིང་འདྲེན་་་་་གསུམ། ཐོག་འབེབས་གསུམ། འབོལ་ཟུར་གཡས་ཕྱོགས་ལ་པུས་མོ་གཡས་རྒྱབ་བྱ་ནས་བསྣོལ། ལག་པ་གུང་མོ་སྤེལ་བ་གཡས་རྒྱབ་མ་བྱེད་ལ་མགོ་ལ་བསྐོར། དྲི་ཟའི་བསྣམས་་་་་་གསུམ་ཡར་རྐང་ལག་བརྗེ་གཡོན་ཕྱོགས་གསུམ། ཚུལ་

[Full Size]

འབེབས་ཆུང་གཅིག །སེང་གེ་་སྒོ་བཞི་སོར་མོས་བསྡོམ་ལུགས་སྔར་ལྟར་ལ་མ་བཀབ་པར་བྱ་དགོས། རྣམ་རོལ་ལ་སང་་་ཡར་གསུམ་སི་་་་མར་གསུམ་ཡོང་་་་དལ་ལ་བར་གཡས་གཡོན་དབུས། གསུམ། །བསྐོར་་་་་གཡས་གཡོན་དབུས། གསུམ་གཙུས་གསུམ་་་གཡས་གཡོན་དབུས། ཐོག་འབེབས་གསུམ། །རྟ་་་་་ལུས་བཅར་བཅར། རྒལ་འབེབས་གཅིག །ཡང་གཞོགས་གཡས་ཀྱིས་འབེབས་གཅིག །ཧ་ཞེས་ལངས། གཡོན་དུ་འབེབས་གཅིག །ཧ་ཞེས་ལངས། རྐང་ལག་བརྐྱང་བཞིན་པར་ཧ་ཞེས་ལངས། རྒོད་འགྲོ་སྟངས་ཧ་ཧ་བྱའོ།།

[Full Size]

གསང་སྔགས་ཀུན་གྱི་ཡང་སྙིང་གསང་བ་ལས་ཀྱང་ཆེར་གསང་བ་བརྩམ་པ་རྡོ་རྗེ་སྙིང་པོ་ལས། ཁྲོ་བོ་རོ་ཟའི་གཏུམ་མོ་སྙན་བརྒྱུད་ཞལ་ཤེས་རྣམས་ཟིན་བྲིས་སུ་བྱས་པ་གསལ་བར་ཡོད། ༈ ལོ་ཀི་ཤྭ་ར་ཀྲོ་དྷ་ན་མོ། ཁྲོ་བོ་རོ་ཟའི་གཏུམ་མོ་ཁྲིད་ཀྱི་སྙན་བརྒྱུད་མན་ངག་གི་འཁྲུལ་འཁོར་ལ། སྟོད་ནད་གྱེན་དུ་འདོན་པའི་སྐབས་སུ། ལུས་གནད་ཕྱེད་སྐྱིལ་ས་མནོན་ཅན།་་་་མགྲིན་པ་ཅུང་དགྱེ། ཧ་་་་དང་པོ་ལག་གཡས་གདེངས་ཏེ་པུས་སྟེང་བཞག་ལ་ཧ་རིང་། གཡོན་ཧེ་རིང་། གཡས་ཧ་རིང་། གསུམ བར་པ་དལ་བྲེལ་ཀྱིས་ལག་རེས་མོས་མིག་གི་ཐད་ཙམ་གདེང་ཕོག་གསུམ། ཐ་མར མགྱོགས་པར་གསུམ། རྗེས་མའི་གསུམ་པར། ལུས་སྤྲུག་དང་སོག་འགྱུར། ཟིན་པ་དང་། སིབ་ཅེས་ངའི་རྐང་ལག་བསྡུ་ནས་བཀྲོལ་ལ། རིང་ཐུང་གི་དམིགས་པ་རྫོགས་ནས། མཇུག་ཏུ་ལག་པ་ཤད་ཀྱི་བརྐྱངས་ལ་ཧ་ཧ་ཞེས་ལུས་སྤྲུག་དང་སོག་འགྱུར་བྱ། ཆུ་རླུང་གི་སྐབས་སུ་རྐང་པ་ཕྱེད་སྐྱིལ་ལག་པ་རྡོ་རྗེ་ཁུ་ཚུར་གཉིས་ཀྱི་གུང་་་མོ་བརྐྱང་བའི། མཛུབ་ཀྱི་རྒྱབ་པུས་སྟེང་་་་བཙུགས་ལ། བསྲང་། །དམིགས་པ་རྫོགས་ནས་ལུས་ཐམས་ཅད་ཆ་ཆ་ནས་ཕྲིག་ཁྲིག་འདར་བར་བྱས་ལ། ལུས་་་་སིབ་ཅེས་འདར། སྤུག་འདར་ཕྲི་ལེ་བ་ཁ་ཡར་ལན་་གསུམ་བྱ།

[Full Size]

གེགས་སེལ་སྐབས་སུ་་་ངག་རླུང་བཟུང་། ལུས་ཕྱེད་སྐྱིལ་་་ལག་གཉིས་ལུས་བཅར། ཐལ་མོ་བཀན་ཏེ་བརྐྱང་ལ། ལག་གཉིས་སོར་བསྣོལ་པུས་གཡས་འཇུས་ལ། ཕོ་སྐོར་གཡས་གསུམ་གཡོན་གསུམ་དྲུག་བྱ་་་་པུས་གཡས་རྡབ། དེ་ལྟར་གཡས་གཡོན་སྤེལ་ལ་རླུང་ཁུག་རེ་ལ་གང་ལྕོགས་བྱ། རླུང་ནད་གེགས་སེལ་སྐབས་སུ། །རྐང་པ་ཕྱེད་སྐྱིལ་་་་གཡོན་ནང་གཡས་བརྒྱབ། ལ་་་་་གཡས་པའི། རྐང་་་་རྟིང་དང་གཡོན་པའི། མཐེབ་་་མོ། གཉིས་ཐིག་དྲང་པ་ལྟར་བྱ།་་་་་ལག་གཡས་སྐྱབས་སྦྱིན་མཉམ་བཞག །ལག་པ་མཉམ་་་་མཆོད་རྟེན་བསྒོམ་སྐབས། གཞག་བྱས་ལ་ལུས་ཤིགས་སེ་ཀློད། དམིགས་པ་རྣམས་ནི་གཞུང་དུ་གསལ། །ཨྠྀི། ཆོས་ཐུན་བདུན་པའི་སྐབས་ནས་་་རིགས་ལྔའི་འཁྲུལ་འཁོར་ནི། །རཾ་ཡིག་མཐིང་ཁར་སྒྱུར་བའི་ཚེ། །རྐང་པ་བསྣོལ་མ་སེམས་སྐྱིལ་ལ། །ལག་གཉིས་བསྣོལ་ཏེ་་་་ལག གཡས་སྟེང་ནས། །བཏང་་་་ལག་གཡོན་འོག་ནས་བཏང་། ལ་པུས་མོ་གཉིས་ལ་འཇུ། ལུས་བསྲང་རླུང་ཁུག་གཅིག་ལ་དམིགས་པ་གསལ་པར་བྱ། དེ་ནས་ལུས་ཐམས་ཅད་ཤིགས་སེ་ཀློད་ལ་གཡས་་་་་ཆོས་སྐོར། སྐོར་གསུམ་་་་རྐང་ལག་གོ་བརྗེ་ནས། གཡོན་སྐོར་གསུམ། །ལུས་་་་་རྐང་ལག་གོ་བརྗེ་རེས་ཀྱི། གཅུད་

[Full Size]

གཡས་་་་་ཕྱོགས་གཅུད། གསུམ་གཡོན་་་་ཕྱོགས་གཅུད་པ། གསུམ་བྱ། འབེབས་ཆུངགསུམ་བརྒྱབ་བོ།་་་་ཧ་སྤྲུག་བྱས། དམིགས་པ་བསྡུ་བ་འགྲེ། རཾཿདཀར་གསལ་དུ་སྒྱུར་དུས། རྐང་གཉིས་མཐིལ་སྤྱད་ཁྲུ་་་་འབོལ་གདན་མདུན་ཕྱོགས་འཕར་སྟངས་དང་བཅས་པས། གང་ལངས་ལ་ལག་གཉིས་མཐིལ་སྤྲད། སྤྱི་བོ་མཐོ་གང་སོར་བརྐྱངས། ལུས་རྡོ་རྗེ་ལྟར་བསྲང་ལ་རླུང་ཁུག་གཅིག་ལ་དམིགས་པ་གསལ་ནས། ཕོ་བ་གཡས་གསུམ་གཡོན་གསུམ་བསྐོར། བར་འཕེན་གཅིག་དང་འབེབས་ཆུང་གསུམ་བརྒྱབ་བོ། །རཾཿསེར་པོ་སྒྱུར་དུས་རྐང་བ་རྡོ་རྗེའི་སྐྱིལ་ཀྲུང་ལག་གཉིས་སྙིང་ཁར་ཐལ་སྦྱར་གྲུ་མོ་གདེངས། ལུས་བསྲང་རླུང་ཁུག་གཅིག་ལ་དམིགས་པ་གསལ་ནས། ལག་་་་ཐལ་མོ་སྦྱར། གཡས་གཡོན་དུ་ཐལ་མོ་ས་ལ་བཙུགས་ནས་སྐྱིལ་ཀྲུང་བརྡབས་པས། གཙུག་སྐྱིལ་ཀྲུང་ལན་གསུམ་བརྡབ། འབེབས་ཆུང་གསུམ་བརྒྱབ་བོ། །རཾཿདམར་པོ་སྒྱུར་དུས། རྐང་པ་ཕྱེད་སྐྱིལ་ལག་གཉིས་ཐལ་མོ་པུས་མོའི་ལྷ་ང་བཀབ། ལུས་མཐེ་བོང་སྲིན་རྩར་བཀུག་བའི་མཉམ་བཞག་ལྟ་བུས། གཡས་གཡོན་སོ་སོར་ཆང་སྐུམ་ཕྱོགས་པུས་མོའི་ལྷ་ང་ལ་ཐུབ་པར་བྱེད། བསྲང་རླུང་ཁུག་གཅིག་ལ་དམིགས་པ་གསལ་ནས། ལུས་ཀློད་པའི་ངང་ནས་

[Full Size]

འབེབ་ཆུངགསུམ་བརྒྱབ་བོ། །རཾཿལྗང་གུར་སྒྱུར་དུས། ལུས་ཤད་ཀྱིས་ལྡངས། རྐང་བཤིག་མཚམས་མི་མངོན་པར་བྱས་ལ་ལག་གཉིས་སོར་བསྣོལ་གུང་་་་མོ་དང་། མཛུབ་མོ། བསྒྲེང་ལ་གཤིབ་ནས་གྱེན་དུ། ཤད་ཀྱིས་ལངས། ལུས་མ་ཡོ་བར་ལེགས་པར་བསྲང་རླུང་ཁུག་གཅིག་ལ་དམིགས་པ་གསལ་ནས། ལུས་ཧྲིལ་གྱི་སྒྲིལ་ནས་འབེབས་ཆེན་གཅིག་དང་འབེབས་ཆུང་གསུམ་བརྒྱབ་བོ། །ཨྠྀི། ཡང་ལུས་ཁོལ་བུར་གྲང་ན། ལག་གཉིས་མཚན་བརྡབ་བརྐྱངས་ལག་མཐིལ་འཕུར་བས། ཉི་མའི་དཀྱིལ་འཁོར་གཉིས་བརྡབས་པས་མེ་ལྷབ་ལྷབ་འབར་བར་སྒོམས། གར་གྲང་བའི་སར་མང་དུ་འཕུར་མཆན་རྡེབ་ཡང་ཡང་བྱའོ། །ལུས་ནམ་གྲང་དུ་མཆན་རྡེབ་བྱའོ། །ཨྠྀི། ཐིག་ལེའི་སྐབས་ནི་ཞལ་ཤེས་ལྟར་རོ། །ཨྠྀི། །རླུང་ལྟས་ནི་ཁྲིད་གཞུང་དུ་གསལ་བ་ལྟར་དང་། སྤྲོ་ན་གནམ་ཆོས་ཐམས་ཅད་གུང་སྒྲིག་ཅིང་ཞིབ་པར་སྤྱི་དང་མཚུངས་སོ། །ཞེས་དཀར་འཇམ་ཤོག་བུའི་མེ་ལོང་ངོས། །ཚིག་གསལ་བའི་གཟུགས་བརྙན་འཆར་བའི་དོན། །ལྷ་བདུད་འཇོམས་ཁྲོ་བོ་རོ་ཟ་ཡི། །ཆོས་དུག་འཇོམས་མེ་རླུང་ཙཎྜ་ལཱི། །འདི་ལྟ་བུ་མ་བྱོན་འབྱོན་མི་སྲིད། །བསྒོམ་མི་དགོས་གྲུབ་

[Full Size]

ཐོབ་པའི་གནད། །དཔེ་ནམ་མཁའ་ནང་གི་ནོར་བུ་འདྲ། །འདི་འདྲ་བ་དིང་སང་འབྱོན་པའི་དོན། །མི་སྒོམས་ལོང་མེད་པར་སངས་རྒྱས་འདོད། །དུས་གསུམ་གྱི་སངས་རྒྱས་ཐབས་མཁས་པས། །འགྲོ་གང་ལ་གང་འདུལ་ཕྱིར་དུ་གསུངས། །དོན་དེ་ཕྱིར་གཞན་དཔེ་དམ་ཆོས་འདི། །ལོ་གདོང་ངན་ཤར་ཚེ་བདག་ལ་བབ། །བསྐལ་པ་མི་ངན་བཟང་བཟང་འདྲ། །དོན་འདི་འདྲའི་མན་ངག་སྙན་བརྒྱུད་འདི། །དཔེ་ཚབ་ཆོབ་སྤེལ་བར་མི་རིགས་སོ། །འོན་ཀྱང་འདི་ལ་འགོད་པའི་དོན། །བསོ་བླ་གུ་རུ་ལས་ལྡན་གྱིས། །ཆེད་དུ་བསྐུལ་བས་ཐོས་ཙམ་བྲིས། ་་བྲི་མཁན་འགྲོ་འདུལ་རྩལ་དེའོ། །འདི་ལྟར་སྙན་བརྒྱུད་ཡི་གེར་བཀོད་པ་ཡི། །ཉེས་འགལ་དཔང་གྱུར་རྩ་བའི་བླ་མ་དང་། །ཕ་རྒན་གུ་རུ་པདྨའི་དྲུང་དུ་བཤགས། །དགེ་བས་འགྲོ་ཉོན་ཡེ་ཤེས་གནས་འགྱུར་ཤོག །པཉྩ་བྷི་ཤཱགཱི་ཛྙཱ་ན་ཛྭ་ལ་ཛྭ་ལ་ཨ་ཨ༔ ༈ གནམ་ཆོས་གཏུམ་མོའི་སྐོར་གྱི་དཔེ་ཚན་ཡོད་གྲངས། རོ་ཟའི་ལྷན་ཐབས་རྩ་ཁྲུས་ཡན་ལག་ལྔ་སྦྱང་། འཁྲུལ་འཁོར་དྲུག་པ། འཁྲུལ་འཁོར་སོ་བདུན་པ། ཞལ་ཤེས་ཟིན་བྲིས། སྟངས་སྟབས་བཅུ་པ། འཁྲུལ་འཁོར་ཉི་

[Full Size]

ཤུ་པའི་ཟིན་བྲིས་། ཐིག་ལེའི་འཁྲུལ་འཁོར་འགྲིགས་རིམ། ཐིག་ལེའི་འཁྲུལ་འཁོར་ཐུན་མོང་མིན་པ་བཅས་དཔེ་ཚན། ཞལ་གདམས། གེགས་སེལ། གཏུམ་མོའི་ཁྲིད་བདེ་དྲོད་རང་འབར། སྔོན་འགྲོའི་ངག་འདོན་ཡེ་ཤེས་ཕུང་པོ་བཅས་གནམ་ཆོས་རྩ་རླུང་སྐོར་ལ་ཡོད་པས་ཕྱིན་ཆོད་དཔེ་ཚོལ་མཁན་གྱི་ཡིད་ངེས་ཞུ།

[Full Size]

གསང་སྔགས་ཀུན་གྱི་ཡང་སྙིང་གསང་བ་ལས་ཀྱང་ཆེར་གསང་བ་བརྩམ་པ་རྡོ་རྗེ་སྙིང་པོ་ལས། ཐིག་ལེའི་འཁྲུལ་འཁོར་ཐུན་མོང་མ་ཡིན་པ་རྣམས་ཟིན་བྲིས་སུ་བགྱིས་པའོ།། ན་མོ་གུ་རུ་པདྨ་སིདྡྷི་ཧཱུཾ། ཁྲོ་བོ་རོ་ཟའི་གཏུམ་མོའི་ལྷན་ཐབས་སུ་ཐིག་ལེའི་འཁྲུལ་འཁོར་ཐུན་མོང་མ་ཡིན་པ་རྣམས་ནི། །རླུང་བཟུང་ཕྱེད་པའི་སྐྱིལ་ཀྲུང་བཅས། རྡོ་རྗེའི་ཁུ་ཚུར་་་་སྦུབས་ལ། བརླ་རྩ་མནན། །ཕོ་་་་་བ་གཡས་གསུམ། གཡོན་གསུམ་སྐོར། རྐེད་་་་པ། གཡས་གསུམ་གཡོན་གསུམ་བསྐོར། །མགོ་བོ་གཡས་གསུམ་་་་བསྐོར། གཡོན་གསུམ་བསྒྲིལ། །གྱེན་མཐུར་སྤེལ་ལ་ལན་དྲུག་བཀྱག །འབེབས་ཆུང་གསུམ་བརྒྱབ་ཁུ་ཚུར་ནི། །གཡས་པ། མདུན་་་་་གཡོན་པ། རྒྱབ་སྤེལ་ཞིང་་་་ལག་གཉིས་མདུན་རྒྱབ་བརྗེ་རེས། ལན་གསུམ་བསྐོར། །མཉེན་སྐོར་ཐལ་བརྡབ་ལག་མཐིལ་་་་གསུམ། འཕུར། །མིག་ངོ་མགོ་བོ་གསུམ་་་ལག་གཉིས་སོ་སོས་འགྲམ་པ་ནས་མགོ་བར་ཡར་བཤད། མར་མིག་ལ་བསྐོར་བ་གསུམ། གསུམ་མཉེ། །ཁུ་ཚུར་་་་་གཉིས་མདུན་ནས། ཕྲག་པར་ལྷན་གསུམ་བརྡབ། །ལག་གཡས་་་་པ་ཐད་ཀར་བརྐྱང་བ། གཡོན་པ་ལན་གསུམ་བྱུག །སླར་ཡང་གོ་ལྡོག་གཡས་པས་གསུམ།

[Full Size]

ལག་གཉིས་སོར་བསྣོལ་པུས་་་མོ་གཡས་པ་འཁྱུད། །སར་བརྡབ་་་པ་དང་རྐང་པ་གཡས་པ་་་་ཤེད་ཀྱིས་བརྐྱངས། །བརྨ་རྒྱབ་ཐལ་མོ་གཉིས་ཀ་གཤིབ། ལག་་་་་གཅིག་་་་་གཡོན་པ། ནི་ནང་འོང་བྱིན་་་་ལོང་མོ་ནང་མའི་འོག་གི་རྩ་ལ། པ་བཟུང་། །གཅིག་་་་ལག་གཡས་པ། ནི་ཁུ་ཚུར་སྐྱིད་་་་བརྒྱ་རྩ་རྒྱབ། པ་བརྒྱང་་་་་རྒྱབ་ནས་མར། ནང་ནས་ཡར་ཕྱོགས་འོང་བྱེད་ནས། །ལན་གསུམ་ཚར་ནས་གཡས་གཡོན་བརྗེ། །རྐང་གཡོན་ལའང་གོང་བཞིན་གསུམ། །འབེབས་ཆུང་གསུམ་བརྒྱབ་འཕག་སྟེ་ལངས། །ཁུ་ཚུར་བསྐོར་བ་མན་་་ཁུ་ཚུར་མདུན་རྒྱབ་སྤེལ་མ་གསུམ། །གཉན་བསྐོར་ཐལ་བརྡབ་ལག་མཐིལ་ཕུར། །མིག་ངོ་མགོ་བོ་གསུམ་གསུམ་མཉེ། །ཁུ་ཚུར་ཕྲག་པར་ལན་གསུམ་བརྡབ། །ལག་གཡས་གཡོན་པས་ལན་གསུམ་བྱུག །སླར་ཡང་གོ་ལྡོག་གཡས་པ་གསུམ། ཆོད་ནས། །ལག་བྱུག་ཡན་ཆད་གོང་བཞིན་བྱ། །འབེབས་ཆེན་གཅིག་དང་བར་འབེབས་གསུམ། །བརྒྱ་རྩ་་།གཅུད་་་་གཡས། གསུམ་་་་་གཡོན། གཡས་སྤྲུག་་་་སིག ལག་བསྣོལ་གཡས། གཡོན། གཡས་སིག་གསུམ་ཧ་རིང་་་་་འདི་འོག་མར་རིགས་འགྲེ། བཏོན། །དེ་ནི་ལུས་འདུལ་མན་ངག་གོ །རྡོ་རྗེ་ཁུ་ཚུར་བརླ་་་་སྦུབས། རྩ་མནན། །མགོ་བོ་་་མདུན་དུ་བཀུག་ནས། གཡས་གསུམ་གཡོན་

[Full Size]

ལྕགསུམ་བསྐོར། །མདུན་་་་གསུམ། རྒྱབ་་་གསུམ། གཡས་་་་གསུམ། གཡོན་གསུམ། གསུམ་གསུམ་བཀན་་་དལ་བའི། ཐལ་མོ་པུས་མོ་ནས་ལུས་གཅར་ནུ་སྟེང་ནས་མདུན་དུ་ཐལ་མོ་བཀན་ལ་བརྐྱང་། ཚུར་པད་རྩ་ཁུ་ཚུར། །ལག་གཡས་ཁུ་ཚུར་ནུ་སྟེང་གསུམ། །བརྡབ་ཅིང་གཡོན་གསུམ་མཉམ་པོར་གསུམ། ཁུ་ཚུར་ནུ་སྟེང་ལྷན་ནས་་་་།རོ་སྟོད་གཡས་གཡོན་སྤེལ་གསུམ་གཅུ། །གཡས་གཡོན་མདུན་དུ་ལུས་སྤྲུག་་་་སིག གསུམ།་་་་ཧ་སྤྲུག་མི་དགོས། །ཕོ་་་་ཁུ་ཚུར་བརླ་རྩར། བ་གཡས་གསུམ་གཡོན་གསུམ་བསྐོར། ལག་པ་་་་སོར་བསྣོལ་པུས་་་མོ་གཉིས་ཀ་ལ། འཁྱུད་གདབ་ཆུང་གསུམ། །འབེབས་ཆུང་གསུམ་བརྒྱབ་ལག་་་་པ་ཕྱི་སོ་ནས། སར་ཕབ། །རྐང་གཡས་བརྐྱངས་བསྐུམ་ལན་གསུམ་བྱ། །གོ་བརྗེ་གཡོན་པའང་བརྐྱངས་བསྐུམ་གསུམ། །ལག་བརྐྱངས་སོར་བསྣོལ་བྲང་ལ་བརྡབ།་་ཧ་སི་མི་དགོས། །ཕྱིར་སྒྱུར་སོར་མོ་ལན་གསུམ་གཅུ། །དེ་འདྲ་གསུམ་བྱ་ཁུ་ཚུར་གཉིས། །འཐེན་པའི་ཞོར་ལ་མཆན་་་་་་ཁུ་ཚུར་བཀུག་པའི་ཁུ་ཚུར་རྒྱབ་ཀྱིས། ཁུང་་་་རྩ། གཏེམ། །རོ་སྟོད་གཡས་གཡོན་སྤེལ་གསུམ་གཅུ། །ཁུ་ཚུར་བརླ་རྩ་་་་རྐེད་པ་གཡས་གསུམ་གཡོན་གསུམ་བསྐོར། །མདུན་་་་གསུམ། རྒྱབ་་་

[Full Size]

གསུམ། གཡས་་་་གསུམ། གཡོན་་་་གསུམ། གསུམ་གསུམ་བཀྱག །འཕག་ལངས་རྐང་པ་་་གཡས་་་པའི། རྟིང་་་་པས། ་འཕང་་་་་ལ་ལན། གསུམ་བརྡུངས། །གཡོན་པའང་གསུམ་བརྡུངས་འབེབས་ཆེན་བརྒྱབ། །གཡས་་་་གསུམ། གཡོན་་་་གསུམ། མདུན་གསུམ། དུ་གསུམ་གསུམ་སྤྲུག །སིག །ཧ་བཏོན་རྡོ་རྗེ་སྐྱིལ་ཀྲུང་བཅས། །ལག་བཙུགས་་་ནས། །སྐྱིལ་ཀྲུང་ལན་གསུམ་བརྡབ། ལག་གཡས་་་་་།མཆན་རྡེབ་་་ཐད་ཀར་བརྐྱང་། པུས་་་་མོ། གཡས་་་པའི། སོག་འཐེན་་་་སྟེང་་་དུ། ལག་་་པ། གཡས། ས་ནོན་གྱི་ས་བཞག་པ་ལ། །མཐེའུ་ཆུང་ནས་མཐེབ་མོའི་བར། ལག་པ་གཡོན་པས་བཅགས་་་སྒྲ་སྒྲགས་པར། ཤིང་་་་དེ་བཞིན་དུ་ལག་པ་གཡོན་པས། མཆན་བརྡབ་ལ། །ལག་གཡོན་པུས་གཡོན་སྟེང་དུ་བཅིག །ཧ་སྤྲུག་གསུམ་བྱས་་་་ཅུང་ཟད། ལྷུག་པར་བཞག །སྔོན་འགྲོ་བཅུ་གཉིས་པའོ། །པུས་་་མོ་གཉིས་སྟན་ལ། བཙུགས་་་་ལག་གཉིས། ཁུ་ཚུར་ནུ་སྟེང་བསྣོལ་་་་གྲུ་མོ་སྐྱོངས། །ཧཱུྃ་རིང་བརྗོད་ཅིང་སྟོང་འདྲེན་གསུམ། །གཡས་གཡོན་མདུན་གྱི་ནམ་མཁར་་་་ཅུང་ཟད་ལས་ཤེད་ཀྱིས་མི་དྲང་། རོ། །སླར་་་་ལག་སྟབས་དེ་འདྲ་ལ། ཡང་དེ་་་སྔ་མ། ལས་ལུས་པོ་་་དགྱེ་་་་ཆེ་ཙམ་བྱས།་་་གཡས། གཡོན་

[Full Size]

མདུན་གསུམ། ཧཱུྃ་ཐུང་གྲངས་་་་ཕྱི་མ་ཤེད་ཆེར་བསྐྱེད་ལུས་པོ་བསྲང་སྟེ། གཡ། གཡོན། མདུན་གསུམ། མེད་སྟོང་འདྲེན་གསུམ། །འཕག་ལངོས་་་ནས་ལག་པ་གཡས་པས། རྐང་རྟིང་གཡས་་་་པ་ལུས་པོ་དྲང་ཐ་ལེ་བར་འཐེན་ལ་བཏང་། རྐང་པ་སར་བཞག །ཡང་། གཡོན་གཉིས། །སྤེལ་ཞིང་གསུམ་གསུམ་འཐེན་པ་དང་། །ཧཱུྃ་ཧཱུྃ་་་་སྟོང་འདྲེན་གཡས་གཡོན་དྲུག་བྱ་བསྟན། །འབེབས་ཆེན་གཅིག་བརྒྱབ་པུས་་་སམོ། སར་ཕབ། ལག་གཉིས་་་་སོར་་་་་མོ། བསྣོལ་་་་བས། ལྟག་་་པར་འཁྱུད་་་་ཧཱུྃ་ཧཱུྃ། སྟོང་འདྲེན་གསུམ། །འབེབས་ཆུང་གཅིག་་་གསུམ། བརྒྱབ་་་་རྡོ་རྗེའི། སྐྱིལ་ཀྲུང་བཅས། ཧཱུྃ་ཧཱུྃ་་་།སྟོང་འདྲེན་དང་སྤྱད་་་རྡོར་སྐྱིལ་བཙས་པའི། པུས་མོ་གཉིས། བྱང་་་་ལ། སྦྱར། །ལག་པ་་་་ཐལ་མོ། རྒྱབ་་་་ནས། བཙུགས་སར་་་་རྡོར་སྐྱིལ། བརྡབ་གསུམ་་་་བ། །གཅུད་གསུམ་སྤྲུག་གསུམ་ཧ་རིང་བཏོན། །ཐུན་མོང་མིན་པའི་འདྲེན་ལྔའོ། །དེ་ནས་སེངྒེའི་ཧྲུའདྲེན་ནི། །རྐང་་་།རྟིང་་་་གཉིས། སྤྱད་་་རྐང་རྩེ་གཉིས་བཙུགས་ལ། ཁུ་ཚུར་སར་ཕབ་ལ། །ཕྱི་འཛིན་ཁྱི་ཚུགས་འདྲེན་སྐོར་ནི། །བསྐོར་བ་རེ་རེའི་ཚེ་ཧཱུྃགསུམ་རེས་ཚར་བར་བྱ།་་།གཡས་་་སྐོར། གསུམ་གཡོན་་་་སྐོར། གསུམ་དེ་ལྟར་་་་སྤེལ་མ། གསུམ། །རྡོ་རྗེ་ཐོག་

[Full Size]

འབེབས་གསུམ་བརྒྱབ་ལ། །གཅུད་གསུམ་སྤྲུག་གསུམ་ཧ་རིང་བཏོན། །སྟག་སྐྱུག་འཕག་་་་སྟངས་བཅས། ལངས་་་ནས། ལུས་་་པོ་བསྒྱུར་ལ། ལག་པ་གཉིས་ཀྱི་་་་གུང་མཛུབ་ཀྱིས་རྐང་པའི་སྲིན་་་་ལག་གཉིས། ལ་འཁྱུད། མགོ་གྱེན་དུ་བཏེག་ལ་་་།ཧ་ཧ་་་་མགྲིན་པ་བཀུག ཁོང་འདྲེན་ལན་གསུམ་བྱ། །བར་འབེབ་གསུམ་བརྒྱབ་ལུས་གཅུད་གསུམ། །སྤྲུག་གསུམ་ཧ་བཏོན་ཝ་བསྣོམ་་་ཚུལ། ནི། །འབེབས་ཆུང་པུས་འབོལ་སྟེང་གཡས་ཟུར། སྐྱིལ་ལག་བསྣོལ་སྤྱད། །གུང་་་་མོས། འཛིན་ལྟ་་་པར། འཁྱུད་གྲུ་་་མོ། སར་ཕབ། །ཕྱི་འཛིན་་སྣུམ་ཚུལ། གསུམ་བྱས་བར་འབེབས་གསུམ། །གཅུད་གསུམ་སྤྲུག་གསུམ་ཧ་བཏོན་ལ། །གླང་ཆེན་ཨུ་ནི་གྲུ་མོ་པུས།་་་མོ། །སར་ཕ་་་ལག་པ། སོར་བསྣོལ་ལྟག་པར་འཁྱུད། །ཨུ་ཞེས་སྟོང་རྡེབ་གསུམ་བྱས་ལ། །བར་འབེབས་གསུམ་དང་གཅུད་སྤྲུག་གསུམ། །ཧ་རིང་བཏོན་ལ་གཡང་སྤྲུག་ནི། །རྐང་ལག་་་་།བབ་བཞི་སར་གཏད་མགོ་བོ་ནི། །གཡས་་་གསུམོ། གཡོན་་་་གསུམ། དྲུག་སྐོར་དགྱེ་དགུ་རེ་གཅིག་ཏུ་བརྩིས་པའི་་གསུམ། རྐ་་།རྟིང་གཉིས་་་ཀྱིས། འཕོངས་ཚོས་རེ་མོས་བརྡུངས། །ལག་གཉིས་་་་ཁུ་ཚུར། ཕྲག་་་་པ། ལ་གསུམ་རེ་བརྒྱབ།

[Full Size]

ལུས་་་་གཡས་སིག སྤྲུག་་་གཡོན། མདུན། གསུམ་དང་བར་འབེབས་གསུམ། །གཅུད་གསུམ་སྤྲུག་གསུམ་ཧ་རིང་བཏོན། །གྱི་ལིང་འགྲེ་ནི་གན་རྐྱལ་ལོག །ཧ་སྤྲུག་སྒོང་་་་གཞོག་གཡས་གཡོན་དབུས། འབེབ། འགྲེ་གསུམ་སྤྱད་་་་་ཧ་ཞེས་རྐང་ལག་བརྐྱངས་ལ་ལངས་པ་ཡིན། ལ། །བར་འབེབས་གསུམ་དང་གཅུད་སྤྲུག་གསུམ། །ཧ་བཏོན་སེང་གེ་རྣམ་རོལ་ནི། །ལག་པ་ལྟག་བསྣོལ་མིག་་་་མཐེ་བོང་གིས་རྣའི་གོང་དང་མཛུབ་མོ་བཞི་པོས། ལ་བཀབ། །ཆོས་སྐོར་གསུམ་དང་་་རླུང་དྲག་ཏུ་བཟུང་ལ་ཤེད་བསྐྱེད་ལ། དྲག་འབེབས་གསུམ། །གཅུད་གསུམ་སྤྲུག་གསུམ་ཧ་རིང་བཏོན། །སེང་གེ་རྩལ་སྤྲུག་རྐང་སོར་བཙུགས། རྐང་་་།རྟིང་པར་འཕོངས་བཀལ་་་་ལག་གཉིས་པུས་མོ་ལ། ས་ནོན་བྱས། །གཡས་་་་གསུམ། གཡོན་་་་་གསུམ། དབུས་སུ་་་གསུམ། གསུམ་གསུམ་སྤྲུག །འབེབས་ཆེན་གསུམ་བརྒྱབ་ལུས་གཅུད་གསུམ། །སྤྲུག་གསུམ་རྗེས་མར་ཧ་རིང་བཏོན། །གཞུང་ལྟར་འཕུར་སུབ་ཚང་བར་བྱ།་་་ཧ་སྤྲུག་པར། །དངོས་གཞི་བཅུ་བཞི་པའོ། །མགོ་བོ་གཡས་་་་སུ་ལན། གསུམ་བསྐོར། གཡོན་གསུམ་བསྐོར། །བདུན་དུ་ལན་གསུམ་་་་ཤེད་ཀྱིས་བཀུག སྤྲུག་པར་བྱ། །ཁུ་ཚུར་་་་་གཉིས་ཀ་མདུན་

[Full Size]

ནས། དཔུང་པར་ལྷན་གསུམ་བརྡབ་་་ཐལ་མོས་པུས་སྟེང་། །རོ་སྟོད་་་་་དལ་བར། གཡས་གཡོན་མདུན་རྒྱབ་ཡོ། །གཡས་གཅུད་གསུམ་དང་གཡོན་གཅུད་གསུམ། །གཞུ་འགེངས་གཡོན་གསུམ་་་མཆན་རྡེབ་བཅས། གཡས་གསུམ་བྱ། །སྐྱིལ་ཀྲུང་མཉམ་གཞག་རླུང་ཁུག་གཅིག །ཁུ་ཚུར་བརླ་སྟེང་་་་།རྐེད་པ་གཡས་གཡོན་གསུམ་གསུམ་སྐོར། །མདུན་་་་་གསུམ། དང་རྒྱ་་་གསུམ། ཏུ་གསུམ་གསུམ་བཀྱག །རྐང་པ་གཉིས་ཀ་་་།བརྐྱངས་འབེབས་བརྒྱབ་ལ་རྐང་མཐེ་་་་གཉིས། བཟུང་།་་་བཏང་རྒྱུ་མེད། །རྐང་་་་་རྐང་མགོ་མན་རྐྱལ་བྱས་པའི་མིག་ཐད་བར་འོང་བར་བྱས། །པས་མར་འཐེན་གན་རྐྱལ་འགྲེ། རྐང་པ་མར་འཐེན། །སླར་ལངས་དེ་འདྲ་ལན་གསུམ་བྱ། །འབེབས་ཆུང་གསུམ་བརྒྱབ་འཕག་སྟེ་ལངས། །རྐང་་་་པ་ནས་ལག་པ་གཡས་པས། གཡས་་་པའི། མཐེབ་་་བོང་བཟུང་་་་་ལ་ཡར། ་ལན་གསུམ་འཐེན། །གཡོན་པ་ལའང་ལན་གསུམ་མོ། །འབེབས་ཆེན་གསུམ་བརྒྱ་་་་ལག་གཉིས་ཕྱི་སོ་ནས་ཐལ་མོ་ས་ལ་བཙུགས་པའི། གན་རྐྱལ་ལོག །རྐང་པའི་པུས་མོ་གཉིས་བྲང་་་་ལ། སྦྱར་་་་ནས། ལྷན་གསུམ་འཕྲ། །བར་འབེབས་གསུམ་བརྒྱབ་ཁུ་ཚུར་གཉིས། །མཆན་་་་་ཁུང་རྩ་གཏེམ། གཅུས་རྐང་གཤིབ་ལྷན་གསུམ་

[Full Size]

འཕྲ།་་་་ཐོག་འབེབས་ལན་གསུམ། ལག་གཉིས་རྩེ་གཅིག་གཅའ་ནས་སྤྱི་བོར་མཐོ་གང་མ་རེག་པ་དང་། རྐང་གཉིས་རྟིང་སྤྲད་འཕོངས་ལ་ཁྲུ་གང་མ་རེག་པར་ཅུང་ཟད་མཉམ་པར་བཞག །རྡོ་རྗེ་རྦ་རླབས་འཁྲུལ་འཁོར་བྱ། དོན་གྱི་་་།ཧ་སྤྲུག་མ་བཅོས་གཉུག་མའི་ངང་། །རྗེས་བཅུ་གཅིག་པའོ། །ཞེས་པའི་གནམ་ལྕགས་རྡོ་རྗེའི་སྟངས་སྟབས་བཅུ་དང་ཉི་ཤུ་པ་དང་། ཐུན་མོང་མ་ཡིན་པའི་འཁྲུལ་འཁོར་དེ་ཚན་གསུམ་པོ་འདི། རང་གི་སློབ་མ་སྤྲུལ་སྐུ་བ་པདྨ་བསྟན་པས་བསྐུལ་ནས། བདག་རིག་འཛིན་གྲུབ་པའི་དབང་ཕྱུག་རྡོ་རྗེ་དྲག་པོ་རྩལ་གྱིས། འབྲི་རྒྱུད་ཕུབ་ཁུར་དགོན་དུ་ཤིང་འབྲུག་མཆུ་ཟླ་བའི་ནང་དུ་སྙན་བརྒྱུད་ཡི་གེར་བཀོད་པའོ། །རྒྱུན་ཁྱེར་གྱི་འཁྲུལ་འཁོར་ནི་གཞན་དུ་གསལ་བ་ལྟར་རོ། །ཤུ་བྷཾ། འཁྲུལ་འཁོར་གཞན་དང་ཐུན་མོང་མ་ཡིན་པའོ།། ༈ སྟངས་སྟབས་ཐེམས་ཅད་རྫོགས་ནས་ངལ་བསོ། བཀྲ་ཤིས་དགུ་འབེབས་ནི། འབེབས་ཆུང་གསུམ། བར་འབེབས་གསུམ། འབེབས་ཆེན་གསུམ། ཡང་།འབེབས་ཆེན་གསུམ། བར་འབེབས་གསུམ། འབེབས་ཆུང་གསུམ། ཡང་འབེབས་ཆུང་གསུམ། བར་འབེབས་གསུམ། འབེབས་ཆེན་གསུམ། ཐོག་

[Full Size]

འབེབས་གསུམ། རྡོ་རྗེ་རྦ་རླབས་འཁྲུལ་འཁོར་རྩེ་གཅིག་ཕྱག་རྒྱས་རྡོ་རྗེའི་འདུག་སྟངས་ཀྱིས་མཉམ་པར་བཞག་པས་ལེགས་པར་གྲུབ་བོ། །མཆན་འདི་རྣམས་རྗེ་མདོ་སྔགས་བསྟན་འཛིན་དང་ཆོས་ཀྱི་ཉི་མ་རྣམ་གཉིས་ཀྱི་ཐུགས་སྲས་གནས་བརྟན་བྱམས་པ་མཐའ་ཡས་ཞལ་རྒྱུན་བཞིན་དཔལ་ཆེན་འདུས་པ་རྩལ་གྱིས་བྲིས་སོ།། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

གཏུམ་མོའི་བོགས་དབྱུང་།

[Full Size]

ཨཚཀཀཚརཀྐའཛིགཚཀྐཚཀྐཚཀྐཚགཛག

[Full Size]

གུ་རུ་པྲ་ཝ་ཀི་མ་ཧཱ་སུ་ཁ་ཡེ་ན་མོ། གཏུམ་མོ་བདེ་དྲོད་རང་འབར་གྱི་སྐབས་སུ་བདེ་བའི་བོགས་དབྱུང་བ་དང་། ཉོན་མོངས་འདོད་ཆགས་མི་སྤངས་ལམ་དུ་ཁྱེར་བའི་ཕྱིར། ཡིད་རིག་ཡེ་ཤེས་ཀྱི་ཕྱག་རྒྱ་བསྟེན་པ་ནི། རྩའི་སྟོང་ར་དང་རླུང་ཅུང་བསྒོམ་པར་བྱས་ལ་རང་ཉིད་པདྨ་འོད་འབར་སྐུ་གཅེར་བུ་རུས་པའི་རྒྱན་དྲུག་ཅན་རྩ་གསུམ་འཁོར་ལོ་བཞི་དང་བཅས་པ་གསལ་བཏབ། མདུན་དུ་ཡེ་ཤེས་ཀྱི་ཌཱཀི་མཚོ་རྒྱལ་མ་དེ་ཐ་མལ་གྱི་བུད་མེད་མཛེས་ཤིང་ཡིད་དུ་འོང་བ་ཕྱག་རྒྱ་པདྨ་ཅན་གྱི་མཚན་རྟགས་ཐམས་ཅད་ཚང་བ་ལ། རྣམ་པ་རང་གི་ཡིད་དུ་འོང་བ་གང་རུང་ཞིག་གི་ཆས་སུ་

[Full Size]

བསྒོམ། དེ་ནས་དེ་ལ་ཆགས་པའི་གཏམ་དང་བརྩེ་བ་སོགས་བྱེད་པར་བསམས་ལ་དེའི་གཟུགས་ལ་ཆགས་པའི་ངོ་བོ་ལ་ལྟའོ། །དེ་ནས་རང་ཉིད་ཀྱི་རྡོ་རྗེ་ཧཱུྃ་ལས་རྡོ་རྗེ་རྩེ་གསུམ་བུ་ག་ཧཱུྃ་གིས་བགགས་པར་ཕྱག་རྒྱའི་པདྨ་དམར་པོ་འདབ་མ་གསུམ་པ་ཟེའུ་འབྲུ་ཕཊ་ཀྱིས་བཀག་པར་བསམས་ལ་རང་ཉིད་དང་སྙོམས་པར་ཞུགས་པས་རང་གི་སྤྱི་བོར་ཧཾ་ཡིག་མགོ་ཐུར་བསྟན་ལས་བྱང་སེམས་ཀྱི་རྒྱུན་བབས། སྤྱི་བོ་ནས་མགྲིན་པ་ཡན་ཆད་གང་བར་བསམ། དམིགས་པས་ཐིག་ལེ་འབེབས་དཀའ་ན་རང་གི་ལག་གི་སོར་མོར་གཡས་ལྔ་ཌཱཀི་ལྔར་བསམས་པས། མཆིལ་མས་བརླན་ལ་

[Full Size]

རྡོ་རྗེ་རྩེ་མོར་ཉུག་ཉུག་བྱས་ཤིང་ལུས་སེམས་བདེ་བའི་ཉམས་ཅུང་ཟད་མགོ་བརྩམས་ན། དེའི་ངོ་བོ་ལ་བལྟས་པས་དགའ་བའི་ཡེ་ཤེས་སོ། །དེ་ནས་སྙིང་ཁ་གང་བདེ་བ་ཆེར་སྐྱེས་པའི་ངོ་བོ་ལ་བལྟས་པས་མཆོག་དགའི་ཡེ་ཤེས། དེ་ནས་ལྟེ་བར་བདེ་བ་རྒྱས་ངོ་བོ་ལ་བལྟས་པས་ཁྱད་པར་གྱི་དགའ་བ་རྒྱས་པའོ། །དེ་ནས་ལག་གཡོན་གྱི་གསང་གནས་དང་འོག་སྒོའི་བར་དུ་ཐིག་ལེ་རྒྱུ་བའི་ལམ་རྩ་བོ་ཆེ་ཡོད་པ་དམ་དུ་མནན་པ་ཐིག་ལེའི་ལམ་དགག་ཅིང་སྤྱོད་པས་གསང་བའི་རྩ་བར་བབས་པ་བདེ་བ་ཚད་མེད་པས་རྣམ་རྟོག །གཞན་ཐམས་ཅད་འགགས་ནས་རྟོགས་མེད་སྐད་ཅིག་ལ་འཆར། དེའི་ངོ་བོ་ལ་བལྟས་པས་ལྷན་ཅིག་སྐྱེས་པའི་ཡེ་ཤེས་ཕྱག་རྒྱ་ཆེན་པོ་དེ་ཡིན་པར་རྒྱུད་ཐམས་ཅད་ནས་གསུངས་སོ། །དེ་མ་ཐག་སྤྱི་བོར་རྣམ་ཤེས་གཏད་པས་ཧལ་ཧལ་ཞེས་དྲག་ཏུ་བརྗོད་པས་ཐིག་ལེ་ལྟེ་བར་བཟློག་ཧིང་ཧིང་ཞེས་སྙིང་ཁར་ཧིག་ཧིག་ཅེས་མགྲིན་པར་ཧག་ཧག་ཅེས་སྤྱི་བོར་བསྟིམས། འཁྲུལ་འཁོར་ལྟོ་བ་སྒལ་པར་སྦྱར། ལྕེ་ཡར་རྐན་མིག་གྱེན་ལ་ལྡོག་ཧྲིང་ཞེས་རླུང་གྱེན་ལ་འཐེན་ནོ། །དེ་ལྟར་རྡོ་རྗེའི་ངར་མ་ཞི་བར་བྱས། དེ་ནས་སོར་མོས་ཁ་སྣ་བཀག་ལ་རླུང་དྲག་ཏུ་རྔུབ་ཅིང་ལུས་རྟ་ལྟར་ལན་མང་དུ་སྤྲུག་

[Full Size]

པས་ཐིག་ལེས་ལུས་ཐམས་ཅད་ཁྱབ་པར་བསྒོམས་ལ་དམིགས་མེད་ནམ་མཁས་གར་ཁྱབ་སེམས་ཀྱིས་ཁྱབ་པར་བསམས་ལ་ཡུན་རིང་བཞག་གོ །འདི་ཐིག་ལེ་མ་དྲངས་ན་གཅིན་དང་མཉམ་དུ་འབྱུང་འཁར་ན་མཁལ་ནད་སོགས་འབྱུང་བས་ལྡོག་བཀྲམ་ནན་ཏན་བྱའོ། །ཨོ་རྒྱན་གྱི་གསུངས་པ་དང་གསང་བ་ཐིག་ལེ་ནོར་བུའི་རྒྱུད་ཆེན་པོས་དོན་རྩ་གོ་བདེ་བར་བྱས། ཁ་ཐཾ་རྒྱ་རྒྱ་རྒྱ༔ ཧེ་ཧེ་ཅེས་པ་ཀརྨ་ཨ་རཱ་གས་བུ་ཨོ་རྒྱན་རིག་འཛིན་ལ་ཡང་གསང་མན་ངག་ཟབ་མོ་འདི་ཡིད་ཀྱི་བཀ་ཆཎ་གནང་བའོ། །དེ་ཉིད་ཀྱི་ཕྱག་བྲིས་བུ་ལས་བཤུས་སོ།། །། ཨོཾ༔ ཐུགས་རྗེ་ཆེན་པོ་སྐྱེའུ་ལུགས་ཀྱི་དམར་ཁྲིད་ཆོས་འབྲུ་བདུན་པ་ཇི་ལྟར་འཆད་པའི་སྤྲ་ཁྲིད་དང་བརྩམས་དོན་བཞུགས་སོ༔ ཨོྃ༔ མ་ཧཱ་ཀཱ་རུ་ཎི་ཀ་ཡེ་ན་མ༔ འདི་ལ་མདོ་ལུགས་ལྟར་ཁྲོམ་ཆོས་བྱ་ཚུལ་དང་༔ སྔགས་ལུགས་ལྟར་ཉུང་ཁྲིད་བྱ་ཚུལ་དང་༔ གསང་སྔགས་རྙིང་མ་ལུགས་ལྟར་དབང་ཁྲིད་སྦྲེལ་མ་བྱ་ཚུལ་དང་གསུམ་མོ༔ དང་པོ་ནི༔ གནས་དེར་བསང་དང་གསེར་སྐྱེམས་གྲུབ་ན་རབ༔ མ་གྲུབ་ན་གཞི་བདག་ལ་དཀར་གཏོར་བསྔོ་བགེགས་ལ་གླུད་གཏོར་སྦྱིན་ལ་བསྐྲད་དེ་སྲུང་འཁོར་བསྒོམ་མོ༔ ཁྲོམ་

[Full Size]

ཅུང་ཟད་མ་རྫོགས་ཚེ་ལ་འུ་བའི་རྣམ་ཐར་ལུང་དང་༔ རིམས་ནད་ཞི་བའི་ཕྱིར་ལོ་མ་གྱོན་མའི་རྗེས་གནང་གྲུབ་ན་ལེགས༔ མ་འགྲུབ་ཀྱང་སྒོམ་ལུང་བྱིན་ལ་སྔགས་འུར་འདོན་བྱ་བ་ཁྲོམ་གྱི་སྲུང་བའོ༔ དེ་ནས་བདུན་གསུམ་བྱེད་ན་ཆོས་ཐུན་རེ་རེ་ཉི་མ་གསུམ་ལ་བཤད་ཝིག་བྱེད་ཅིང་༔ ཉིན་གསུམ་རེས་མོས་སུ་ལུང་འདྲེན་རྣམས་ལ་འགྲེལ་པ་རྒྱབ་ཅིང་བཤད་དེ༔ བདུན་གཉིས་བྱེད་ན་ཉི་མ་གཉིས་ལ་ཆོས་ཐུན་རེ་རེ་བཤད་ཝིག་དང་འགྲེལ་པ་གང་འོས་བཤད༔ བདུན་ཁྲིད་གཅིག་ལས་མི་ཚུགས་ན་ཉིན་རེ་རེ་ལ་ཆོས་ཐུན་རེ་རེ་སྟེ༔ མཇུག་གི་དམིགས་མེད་དེ་ལན་གཉིས་སམ་གསུམ་རྣམ་ཝིག་ལ་ཟུན་ངེས་བྱའོ༔ མཇུག་ཉིན་གཅིག་གནས་ཆོས་ལྟར་ཚོགས་ཆེན་དང་ཚེ་དབང་འགྲུབ་ན་ལེགས༔ མ་གྲུབ་ན་བསྔོ་བ་བཀྲ་ཤིས་ཕྱག་ནས་འཐོར་བ་སོགས་བྱའོ༔ གོང་དུ་དང་པོ་ཐུགས་རྗེ་ཆེན་པོ་འགྲོ་འདུལ་མ་རྒྱལ་བ་རྒྱ་མཚོ་ལྟ་བུའི་རྗེས་གནང་འགྲུབ་ན་ལེགས༔ མ་གྲུབ་ན་གནམ་ཆོས་འབུ་སུ་ཀུའི་ཏིང་འཛིན་གྱི་དབང་ནི་ངེས་པར་དགོས་སོ༔ ༈ ཉུང་ཁྲིད་བྱེད་ན་དང་པོ་སྐྱེའུ་པའི་རྣམ་ཐར་ལུང་བྱ༔ སྐྱེའུ་ལུགས་ཀྱི་དབང་བསྐུར་གཞུང་ལྟར་རྒྱས་པར་བྱའོ༔ གལ་ཏེ་མ་གྲུབ་ན་ལྷ་ལྔའམ༔ སྐྱེའུ་ལུགས་གཟུངས་

[Full Size]

དབང་དུ་བཅུག་ཀྱང་མི་འགལ༔ དེ་ནས་བདུན་ཁྲིད་བྱེད་མཚན་པ་རེ་རེ༔ བདུན་གཉིས་སམ་གསུམ་བྱེད་ན་ཡང་གོང་ལྟར་ཝིག༔ དེ་ཚེ་བཀའ་སྲུང་ལ་གཏོར་མ་བསྔོ༔ རྗེས་ནས་བསྔོ་བ་བཀྲ་ཤིས་སོགས་བྱའོ༔ ༈ དབང་ཁྲིད་སྦྲེལ་ན་ཆོས་བདག་སུ་ངེས་ཤིང་བརྒྱུད་པ་གསར་དུ་ཡོད་པའི་གནས་ཀྱིས་ཐུགས་རྗེ་ཆེན་པོ་གསང་འདུས་ཀྱི་སྒྲུབ་ཆེན་ལོགས་སུ་མངོན་རྟོགས་སྐྱེའུ་ལུགས་ལ་ལས་བྱང་གནམ་ཆོས་རྩ་གསུམ་ལས་བྱང་༔ བཀའ་སྲུང་གནམ་ཆོས་ཀྱི་བཀའ་སྲུང་བྱེད་པ་མ་གཏོགས་གསང་འདུས་ལྟར་བྱ༔ སྔགས་རྒྱུན་འཛོམས་ན་རབ་མེད་ཀྱི་དམིགས་པ་འབོགས་ནས་ཡིག་བཅུ་འུར་འདོན་བྱ༔ ཡུན་རིང་ཐུང་དང་དཔག་ལ་དབང་ཚན་པ་རེ་རེ་གཉིས་རེ་གང་འོས་བྱ་ཞིང་༔ ཆོས་མཐུན་རེ་རེ་བསྒྲགས་པར་བྱའོ༔ རྒྱལ་ཐོ་ནས་ཚེ་འགུགས་ཡན་སྒྲུབ་ཆེན་ཇི་ལྟ་བ་བྱའོ༔ འདི་ནི་ཅུང་ཞིག་གཉེན་ནོ༔ ཕྱི་མདོ་ལུགས་ཀྱི་ཁྲོམ་ཆོས་ནི་འགྲོ་དོན་ཆེ་རྩུབ་ཆ་ནི་མེད་དོ༔ ༈ ཡང་འདི་ལ་པཎྜི་ཏའི་དཔེ་ཁྲིད༔ སྒོམ་ཆེན་གྱི་དམར་ཁྲིད༔ རྒན་མོའི་མཛུབ་ཁྲིད༔ སྐུ་ཆེན་གྱི་སྤོམ་ཁྲིད༔ འདོན་པོ་ཆེའི་དཔུང་ཁྲིད་གང་ཡང་རུང་སྟེ༔ སློབ་མ་ཆོས་སྤྱིའི་དོན་ལ་མཁས་པ་རིག་པའི་

[Full Size]

གནས་ཀུན་ལ་རྟོགས་པ་བཅུག་པ་གོ་བ་ཤེས་རབ་ཕུན་སུམ་ཚོགས་པ་དག་ལ་ཆོས་ཐུན་རེ་བཤད་ནས་དཔེ་ལག་ཏུ་མ་བཞག་པས་མི་ཚིམ༔ ཆོས་ཐུན་རེ་རེ་དེ་བཤད་ནས་དེས་སྟག་སྐྲུན་ཐ་མཚམས་སུ་བྱས་ནས་གཏད་པ་དང་༔ སློབ་མ་དེས་དེའི་དོན་རྣམས་ལེགས་པར་དཔྱད་ནས་མ་གོ་བ་ལ་སྤྱི་རྟགས་བྱས༔ གཞུང་ཚིག་བློར་བཟུང་༔ དེ་ནས་སློབ་དཔོན་ལ་འདི་ཡི་དོན་འདི་སྐད་བྱ་བ་ཡིན་ནམ་ཞེས་ཡར་ཞུས༔ མ་གོ་བ་དེ་ཅི་ལགས་འདྲི༔ སློབ་དཔོན་དེས་ཀྱང་ཡར་ཞུར་པས་མ་རྟོགས་པ་དང་ལོགས་པར་རྟོགས་པ་དང་ཕྱོགས་ཙམ་རྟོགས་པ་གང་འདུག་བཅོས༔ སླར་ཆོས་ཐུན་གཅིག་བཤད་དཔེ་བསྐུར་ལ་བལྟ་བཅུག༔ དེས་བལྟས་པ་ན་གཞུང་ཚིག་ལ་སྐྱོན་འདུག་སྙམ་པ་དང་༔ མདོ་རྒྱུད་དར་མི་མཐུན་པར་གོ་བ་དང་༔ རིགས་པས་ཚོ་མི་ཐུབ་བར་འདུག་སྙམ་པ་གང་བྱུང་སློབ་དཔོན་ཞུ༔ དེ་རྣམས་ཀྱི་གོ་བ་བསྐྱེད༔ དེལ་གཞན་དག་དེ་སྐད་ཟེར་ན་ལན་འདི་སྨོས་ཟེར་བ་དེ་བསླབ༔ དེའི་མི་ལ་ཆོས་ཐུན་རྣམས་བཤད་པས༔ ཁྲིད་རྫོགས་པ་དང་སློབ་མས་གཞན་ལ་བཤད་ཀྱང་སློབ་དཔོན་བྱས་ཆོག་པ་ཞིག་འོང་བ་དེ་ལ་པཎྜི་ཏའི་དཔེ་ཁྲིད་ཟེར༔ དེང་སོང་མཚན་ཉིད་པའི་འཆད་ཉན་བཏང་ཟེར་བ་དེ་ཡིན་

[Full Size]

ཏེ༔ འོན་ཀྱང་གོ་བ་ཙམ་ལས་ཉམས་རྟོགས་སྐྱེ་དཀའ་བ་ཡིན་ནོ༔ སྒོམ་ཆེན་གྱི་དམར་ཁྲིད་ཞེས་པ་བླ་མ་དེ་ཡང་རྣམ་གཡེང་སྤངས་ནས་མཚམས་ཡུན་རིང་ལྟ་བུ་བཞུགས་པའམ་སློབ་མ་ཆོས་དད་ཆེ་བས་ཡུན་རིང་རྗེས་སུ་འབྲང་ན༔ ཆོས་ཐུན་རེ་རེ་བཤད་ནས་དེའི་དོན་རྒྱུད་ལ་མ་སྐྱེས་བར་དུ་བསྒོམ་མ་གསལ་ན་སྐབས་སུ་གསལ་འདེབས༔ དེ་ནས་སློབ་མས་རྟོགས་པ་རེ་རེ་ཕུལ༔ དེ་མ་ལེགས་ནས་བཅོས༔ གོ་བ་མིན་པར་རྒྱུད་ལ་སྐྱེ་ངེས་རེད་ན་ཡང་ཆོས་ཐུན་རྗེས་མ་བཤད༔ དེ་ལྟར་ཁྲིད་ལོ་ཟླར་བསྐྱངས་བ་ནི་ཁྲིད་རྫོགས་པ་དང་མཉམ་དུ་རྟོགས་པ་རྒྱུད་ལ་སྐྱེས་པ་དུས་མཉམ་དུ་འོང་བ་ཡིན་པར་འདུག་སྟེ༔ རྗེ་གོང་མ་དབང་གྲག་རྒྱ་མཚོ་སོགས་ཀྱིས་དེ་ལྟར་མཛད་ཅིང་ཀཐོག་ངོས་ན་སློབ་གཉེར་གཞན་མི་བྱེད་པ༔ ལོ་གསུམ་ཁྲིད་ཞུ་དེ་ནས་ལོ་གསུམ་སྒྲུབ་པ་བྱེད་དེ་ནས་བླ་མའི་མིང་འདོགས་པ་ཡིན་སྐད་དེ་ལེགས་པར་གདའོ༔ རྒན་མོའི་མཛུབ་ཁྲིད་ཞེས་པ་བླ་མ་རྟོགས་པར་ལྡན་ཡང་སློབ་གཉེར་བྱས་པས་རྒྱུད་ལུང་འཆད་མི་དགོངས་པའམ༔ དགོངས་ཀྱང་སློབ་མ་མི་ནག་ཐ་མལ་པས་གསུང་རབ་ཀྱི་སྐད་དོན་ཡེ་མི་གོ་བའི་རིགས་ལ་ལུང་འདྲེན་མེད་པར་ཐ་མལ་གྱི་ཁ་དལ་ལྟར་

[Full Size]

གང་དྲན་དྲན་ངོ་སྤྲོད་དང་གསལ་འདེབས་བྱས་པས༔ བླུན་ཚིག་འདྲ་བར་གྱུར་ཀྱང་ཕ་རོལ་པོས་དོན་གོ་ཞིང་ཉམས་རྟོགས་ཀྱང་སྐྱེ་བར་འདུག་པ་དེང་སང་རྒྱུད་པའི་བྱ་བྲལ་ཕལ་ཆེར་ཁྲིད་འཛུག་ཡང་དེ་ལྟར་དུ་སྣང་ངོ༔ སྐུ་ཆེན་གྱི་སྤོམ་ཁྲིད་ནི་བླ་ཆེན་དང་སྡེ་དཔོན་དང་སྐུ་སྐྱེ་སོགས་ཁྲིད་ཐོབ་ཐོབ་མང་དུ་འདོད་ཀྱང་ཉན་མི་ཁོམ་པ་དག་ལ༔ ཁྲིད་དཔེའི་ལུང་ཞིག་བྱས་ཏེ༔ གལ་ཆེ་རྣམས་ངག་ནས་ཀྱང་གསལ་བཏབ༔ མཇུག་ཏུ་དོན་གྱི་དམིགས་རིམ་འདི་རྣམས་སྒོམས་ཤིག་བརྗོད་ནས་འགགས་བསྡུ༔ སློབ་མས་ཀྱང་ཁྲིད་དཔེ་བཅད་ནས་དཔེ་ཐོག་ནས་ཉམས་ལེན་གང་འགྲུབ་དང་གཞན་ལའང་ཆད་པའོ༔ འདོད་པོ་ཆེའི་སྤུང་ཁྲིད་ན་ཡོན་ཏན་རྒྱ་ཆེ་བའི་དགེ་བཤེས་དག༔ ཁྲིད་ཀྱི་རྣམ་གྲངས་དཔག་ཏུ་མེད་པ་དག་ཐོབ་པར་འདོད༔ དཔེ་མང་པོའི་ལུང་ཡང་ཉན་མི་ཁོམ་པ་ལ༔ ཁྲིད་རྣམས་ཀྱི་རྩ་ཚིག་ལུང་བྱས༔ ཁྲིད་དཔེ་རྒྱས་པའི་དཔེ་དབང་བྱང་ཡང་ལེགས་མེད་ཀྱང་ཆོག་སྟེ༔ ཁྲིད་ཀྱི་དོན་ངག་ནས་ཀྱང་ངོ་སྤྲོད་ཧྲིག་སྡུས་བྱས་པས་ཁྲིད་མང་པོ་དུས་གཅིག་ཐོབ་པ་སྟེ༔ རང་གིས་ཉམས་སུ་ལེན་དང་གཞན་ལ་ཆད་པའི་ཁྲིད་རྒྱུན་མ་ཆད་རྩམ་པ་ཀླག་ལུང་ལས་ལྷག་པ་ཙམ་འོང་བ་ཡིན༔ དེ་ལ་འགའ་ཞིག་གི་

[Full Size]

བཀླག་ལུང་ཐོབ་པས་ཁྲིད་རྒྱུན་མེད་ན་ཁྲིད་འཇུག་པ་མི་འཐད་ཟེར༔ དེའི་བཀག་པ་ལུང་ཚད་ལྡན་ལས་ནི་མ་མཐོང་ལ༔ ཁྲིད་གང་རུང་གཅིག་ལ་སེམས་ཀྱི་ངོ་བོ་གསལ་པོར་མཐོང་ནས༔ ཁྲིད་དཔེ་ལུང་ཐོབ་ཚད་འཇུག་རུང་བ་དང་༔ དེ་ཡང་རྩ་ཚིག་ཐོབ་ནས་རྒྱས་བཤད་བློ་ནས་སམ་དཔེ་ཐོག་ནས་འཆད་རུང་བ་དེང་སང་བསྟན་པ་སྤྱིའི་ཕྱག་ལེན་ནོ༔ དེ་ལ་ཡང་བླ་མ་དེས་སྒོམ་མེད་རྟོགས་ན་སློབ་མས་གསལ་བ་བཏབ་པ་དང་ཞལ་མཐོང་བ་ཙམ་ནས་རྟོགས་པ་སྐྱེ་ནུས༔ རོ་གཅིག་རྟོགས་ནའང་རྒྱས་པར་བཤད་མི་དགོས་བརྡའམ༔ ཅུང་ཟད་ཆོས་བཤད་ཙམ་གྱིས་རྟོགས་པ་སྐྱེ༔ སྤྲོས་བྲལ་རྟོགས་ནས་ཁྲིད་རྒྱས་པར་བཤད་པས་རྟོགས་པ་སྐྱེ་བ་ཡིན༔ རྩེ་གཅིག་ཙམ་གྱིས་རྒྱུད་བྱིན་གྱིས་བརླབས་མི་ནུས་ངོ་བོ་མ་མཐོང་བས་ཁྲིད་འཆད་ཀྱང་མི་ལ་མི་ཕན༔ རང་གི་ཉམས་རྟོགས་སྐྱེ་འཕེལ་འགགས་པའི་རྒྱུ་ཡིན་པས་དུས་ལ་མ་བབས་པར་མི་བཤད༔ འོན་ཀྱང་གཞན་ཕན་གྱི་སེམས་བསྐྱེད་བཟང་ན་འོན་པས་དུང་བུས་པ་ལྟར་གཞན་ལ་ཅུང་ཟད་ཕན་ཡང་སྲིད་པར་གསུངས༔ ཉམས་རྟོགས་བཟང་ན་ཤུགས་འབྱུང་གིས་བྱམས་སྙིང་རྗེ་སྐྱེ་མོད༔ ཉམས་རྟོགས་མེད་ཅིང་ཟང་ཟིང་

[Full Size]

དོན་དུ་གཉེར་བས་ཁྲིད་དཔེ་གང་མཐོང་ཐ་ན་ལུང་རྒྱུན་ཡང་མེད་པར་འཆད་པ་དག་ནི་ཆོས་བཙོང་པ་དང་སེམས་ཅན་མགོ་བསྐོར་བའི་ཉེས་པས་མནར་མེད་དུ་ལྟུང་སྟེ༔ བདུད་ཀྱི་ལས་ཡིན་པར་ཤེས་པར་བྱའོ༔ དབང་ལུང་གི་རྒྱུན་མེད་པར་དབང་ལུང་བྱེད་པ་ཡང་དེ་དང་འདྲའོ༔ དེས་ན་འདི་ལྟར་མཁར་འགྲོའི་ཁ་རླངས་མ་ཡལ་བའི་ཁྲིད་ནི་ཤིན་ཏུ་ཟབ་བོ༔ འདི་བཤད་ཆོས་མ་ཡིན་ཉམས་ལན་གྱི་ཆོས་ཡིན་པས་འདོད་བཞེད་མང་པོ་དང་༔ དགག་བཞག་དང་ས་བཅད་མང་དུ་བྱེད་རྒྱུ་ཡོད་ཀྱང་མ་བྱས་པར༔ ཡོན་ཏན་ཅན་རྣམས་མགུ་ཕྱིར་མདོ་རྒྱུད་ཀྱི་ལུང་སྐབས་སུ་འབྱོར་ངེས་སུ་བསྐོད༔ རྨོངས་པས་ཟིན་སླ་ཕྱིར་དམིགས་པ་བསྡུས་ཏེ་བཀོད་དོ༔ སྤྲུལ་སྐུས་སློབ་དཔོན་ཆགས་མེད་ཁྱོད་སྡོན་སྐྱེའུ་པའི་སློབ་མ་ཡིན་ཀྱང་ཐུགས་རྗེ་ཆེན་པོ་འདི་ལ་ཉམས་ལེན་ཆེར་མ་བྱས༔ ད་ལམ་མོས་པར་འདུག་པས་གྱིས་གསུང་ཕྱིར༔ ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་ཁྱད་པར་ཆོས་འབྲུ་བདུན་པ་མགོ་རྟོགས་ཅུང་ཟད་བྱུང་བ་ལ་གཞིར་བྱས་ཏེ༔ བཀའ་གཏེར་གྱི་ལུང་གིས་བརྒྱན་ནས་རང་གཞན་ལ་ཕན་པའི་ཆེད་དུ་བཀོད་པ་སྟེ༔ འདི་ལ་བརྟེན་ནས་གནམ་ཆོས་ཐུགས་ཀྱི་གཏེར་ཁའི་སྒྲུབ་རྒྱུད་འཕེལ་ཞིང་རྒྱས་ལ་ཡུན་

[Full Size]

རིང་དུ་གནས་པ་དང་༔ སྤྲུལ་སྐུ་རིན་པོ་ཆེ་ཞབས་པད་བརྟན་ཞིང་ཕྲིན་ལས་རྒྱས་པར་གྱུར་ཅིག༔ མངྒ་ལཾ༔ ༈ གླེགས་བམ་འདི་ཉིད་བཞེངས་པ་དང་། །འཆང་དང་ཀློག་པའི་དགེ་བའི་མཐུས། །བདག་ཅག་མཆེད་གཉིས་འཁོར་བཅོས་དང་། །འཚོ་བ་སྦྱོར་བའི་ཡོན་བདག་རྣམས། །ཚེ་འདིར་བཀྲ་ཤིས་ཚེ་རིང་ཞིང་། །བདེ་སྐྱིད་ཕུན་སུམ་ཚོགས་པ་དང་། །ནམ་ཞིག་འདི་ནས་འཕོས་མ་ཐག །བདེ་བ་ཅན་དུ་སྐྱེ་ཕྱིར་བསྔོ། །ཞེས་པ་ ༧ ཨ་རཱ་གས་སོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

[Full Size]

རི་མོ་ཡོད།