མཁས་གྲུབ་ཀརྨ་ཆགས་མེད་ཀྱི་གསུང་འབུམ།

གླེགས་བམ། ལི༽

མཁས་གྲུབ་ཀརྨ་ཆགས་མེད།

Nitartha international

Images scanned by TBRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས་ཨུ་པ་ཚེས་ཀྱི་གྲངས་ཀ།

མིང་ཐོས་ཙམ་གྱིས་གཞུང་དོན་རྟོགས་པའི་ཕྱིར། ༼ཀ༽ །ཐེམ་བྱང་ཡིད་འཕྲོག་མཐོང་བ་དོན་རྟོགས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ཨུ་པ་ཚེས་ཀྱི་གྲངས་ཀའི་ཐེམ་བྱང་ཡིད་འཕྲོག་མཐོང་བ་དོན་རྟོགས་ཞེས་བྱ་བ་ཐེམ་ཡིག་མེད་པའི་གསང་རྒྱ་མ་བཞུགས་པའི་དབུ་ཕྱོགས་ལགས་སོ། །

[Full Size]

ན་མོ་གུ་རུ་ཀརྨ་ཊཱཀྐི་ཡེ། ལེགས་ཉེས་སྟངས་འཛིན་དམ་ཚིག་རྗེས་གཅོད་པའི། །ཀོའུ་རི་སེང་ཧ་དབང་ཕྱུག་ཉེར་བརྒྱད་སོགས། །མ་ཚོགས་ལས་བྱེད་ཊཱཀྐི་རྣམས་ལ་འདུད། །གསང་སྔགས་གསང་ཞེས་བྱ་བའི་གཏན་ཚིག་ནི། །ཆོས་དེ་སྦ་དགོས་སྐྱོན་ཡོད་མ་ཡིན་ཏེ། །སེང་གེའི་འོ་མ་རྫ་ཤིང་སྣོད་བླུགས་ན།། །སྣོད་ཀྱང་ཆག་ཅིང་བཅུད་ཀྱང་འབོ་བའི་དཔེ། །སྣོད་མིན་རྣམས་ལ་གསང་སྔགས་ཆོས་བཤད་ན། །ཁོ་ཡི་བློ་ལ་མི་ཤོང་ལོག་ལྟ་སྐྱེ། །གདམས་པའི་ངད་ཡལ་ཁོ་ཉིད་དམྱལ་བར་འགྲོ། །སེང་གེའི་འོ་མ་གསེར་གྱི་སྣོད་བླུགས་ལྟར། །

[Full Size]

སྣོད་ལྡན་རྣམས་ལ་སྤེལ་ན་ཕན་ཐོགས་ཆེ། །དེ་ཕྱིར་གསང་དང་སྤེལ་ཚོད་སྣོད་ལ་བརྟགས། །སྤྱིར་ནི་གསང་སྔགས་གསང་ན་འགྲུབ་ཐག་ཉེ། །གསང་བར་བསྔགས་ཕྱིར་གསང་སྔགས་མིང་དུ་བཏགས། །མ་གསང་འཆལ་བར་བསྒྲིགས་ན་གསང་སྔགས་ཉམས། །ཚེ་འདིར་མཁའ་འགྲོའི་བཀའ་ཆད་ལུས་སྲོག་འཇོམས། །ཕྱི་མ་ངན་སོང་སྡུག་བསྔལ་མཐའ་མེད་སྤྱོད། །དེ་ལ་འཆད་མཁན་སློབ་དཔོན་རྟོགས་པའི་ཁྱད། །འཁོར་འདས་དབྱེར་མེད་ལྟ་བ་རྟོགས་པའི་མི། །རང་གི་སྣང་ངོར་སྣོད་མིན་མ་གྲུབ་སྟེ། །སངས་རྒྱས་སེམས་ཅན་དོན་ལ་མཉམ་པོར་

[Full Size]

རྟོགས། །སེམས་ཅན་ཐམས་ཅད་ཡི་དམ་ལྷ་སྐུར་གསལ། །དེ་ལྟར་ནམ་མཁའ་ལྟ་བུའི་རྣལ་འབྱོར་པས། །ཁྲོམ་ལ་བཤད་ཀྱང་གསང་དམ་མི་ཉམས་པས། །སྣོད་མིན་རྣམས་ཤུལ་ཡེ་གསང་ཐག་གིས་ཆོད། །བཤད་ཀྱང་དེ་དོན་ཁོ་ཡིས་རྟོགས་མི་འགྱུར། །དེ་འདྲ་རྫོགས་ཆེན་རྒྱུད་ལས་བཤད་མོད་ཀྱང་། །དེ་འདྲའི་རྟོགས་པ་ཐོབ་པ་ཤིན་ཏུ་དཀོན། །གྲུབ་ཐོབ་ཆེན་པོ་གླིང་རྗེ་རས་པ་ཡིས། །ཁྲོམ་ལ་གསང་སྔགས་ཟབ་མོའི་ཆོས་འཆད་ཚེ། །དམ་ཚིག་ཉམས་པའི་མི་གཅིག་གསར་དུ་ཕྱིན། །དེ་མ་ཐག་ཏུ་ཚེམས་འགྲིགས་གསུང་འགགས་ནས། །དེ་ཡིས་རྐྱེན་བྱས་འདས་ཚུལ་བསྟན་པ་དེ། །ཕྱི་རབས་གསང་སྔགས་གསང་དགོས་ཟེར་བའི་བརྡའ། །ཆུ་བོ་གང་གཱས་བཅད་པ་ཚུན་ཆད་ལ། །ཁོང་ལས་རྟོགས་པ་མཐོ་བ་མེད་པར་གྲགས། །དེ་ཕྱིར་ངོ་སྤྲོད་ཞལ་གདམས་འདི་རྣམས་ཀྱང་། །སྟོན་ནམ་མི་སྟོན་སློབ་མའི་རྒྱུད་ཚོགས་བརྟགས། །ངོ་སྤྲོད་མ་བྱས་བར་དུ་དཔེ་མི་བསྟན། །དཔེ་རྒྱུད་འཆར་མི་འཇུག་པའི་བཀའ་རྒྱས་བཏབ། །རྒྱས་པའི་ལས་དང་དབང་གི་སྒྲུབ་སྐོར་ནི། །སྤེལ་བས་སྐྱོན་གཞན་ཡོད་པ་མ་ཡིན་ཏེ། །ཡིད་བཞིན་ནོར་བུ་མི་ལ་བྱིན་པས་

[Full Size]

ན། །རང་ཉིད་དབུལ་པོར་འགྲོ་བའི་དཔེ་བཞིན་དུ། །གཡང་ཉམས་བསོད་ནམས་བྲི་བས་གཡང་ཁ་སྡམ། །མ་མགོན་པར་ནག་ལ་སོགས་དྲག་སྔགས་རྣམས། །བསྟན་པའི་དོན་དུ་བསྒྲུབ་རྒྱུ་ཡིན་མོད་ཀྱང་། །རང་འདོད་དུག་ལྔ་ཧྲགས་ཕྱིར་སྡིག་རྐྱེན་འགྱུར། །ཧེ་ལོ་འཚོང་དང་འདྲ་བས་རྣམ་སྨིན་སོམས། །སྣོད་ལྡན་གཅིག་བརྒྱུད་ཙམ་ལས་མ་སྤེལ་ན། །གསང་སྔགས་ཕྱག་ལེན་བརྒྱུད་པ་རབས་ཆད་འགྱུར། །དེ་ཕྱིར་བརྩོན་འགྲུས་རྒྱ་མཚོ་ཁྱོད་ལ་གདམས། །ངོ་ཆེན་གལ་ཆེན་སྤེལ་དགོས་ནན་ཏན་ན། །ལྷ་དེར་གསོལ་བ་ཐོབ་ལ་རྨི་ལམ་བརྟགས། །གནང་བའི་ལྟས་བྱུང་སྤེལ་ཡང་འགལ་མེད་ཙམ། །དེ་མིན་གཅིག་བརྒྱུད་ཁོ་ན་བྱ་བ་ལེགས། །ཐེམ་ཡིག་མེད་སྐོར་ཡིན་ཡང་འཆོལ་དོགས་ནས། །ཐེམ་ཡིག་གྲངས་ཀ་རྩིས་སུ་མནན་པ་ནི། །མིང་ཐོས་ཙམ་གྱིས་གཞུང་དོན་རྟོགས་པའི་ཕྱིར། ༼ཀ༽ །ཐེམ་བྱང་ཡིད་འཕྲོག་མཐོང་བ་དོན་རྟོགས་ཡོད། །ལྷ་གཅིག་སྔགས་གཅིག་ཡི་དམ་ཀུན་འགྲུབ་ཕྱིར། ༼ཁ༽ །རྒྱུད་སྡེ་སྤྱི་སྒྲུབ་རྒྱལ་བ་རྒྱ་མཚོ་ཡོད། །དཔེ་དང་དོན་གྱི་ཡེ་ཤེས་ངོ་སྤྲོད་ཕྱིར། ༼ག༽ །ཕྱག་ཆེན་ངོ་

[Full Size]

སྤྲོད་སངས་རྒྱས་ལག་གཏད་ཡོད། །དགའ་བཞི་ཡེ་ཤེས་དངོས་སུ་ངོ་སྤྲོད་ཕྱིར། ༼ང༽ །གདམས་ངག་ཡེ་ཤེས་མཁའ་འགྲོའི་གསང་ཚིག་ཡོད། །སྡིག་ཅན་རྒྱལ་པོས་ཆད་པ་གཅོད་པའི་ཚེ། ༼ཅ༽ །བཙན་ཐབས་འཕོ་བ་བཙོན་ནས་ཐར་ཐབས་ཡོད། །བསོད་ནམས་ལོངས་སྤྱོད་མངའ་ཐང་རྒྱས་པའི་ཕྱིར། ༼ཆ༽ །སྨུག་འཛིན་དཀར་པོ་ལྷ་ལྔའི་ལོ་རྒྱུས་ཡོད། །རྣམ་གཡེང་དབང་གིས་མཚམས་སྒྲུབ་མ་ལྕོགས་ན། ༼ཇ༽ །རྒྱུན་ཁྱེར་མངོན་རྟོགས་ཟིན་བྲིས་ཟབ་མོ་ཡོད། །དབུལ་ཕོངས་སྒྲུབ་པའི་ཡོ་བྱད་མི་འཛོམ་ན། །༼ཉ༽ །ཆུ་ལ་བརྟེན་ནས་ཕྱི་ལྟར་སྒྲུབ་པ་ཡོད། །མཆོད་གཏོར་འཛོམས་ཤིང་རྫས་གཞན་མི་འཛོམ་ན། ༼ཏ༽ །གཏོར་མ་ལ་བརྟེན་ནང་ལྟར་སྒྲུབ་པ་ཡོད། །ཤེས་རབ་བརྩོན་འགྲུས་སྒྲུབ་རྫས་འཛོམ་པ་ལ། ༼ཐ༽ །གའུ་ལ་བརྟེན་གསང་བར་སྒྲུབ་པ་ཡོད། སྒྲུབ་རྫས་ཀུན་འཛོམ་ཏིང་འཛིན་གསལ་བ་ལ། ༼ད༽ །ཕྱི་ནང་གསང་གསུམ་དྲིལ་ཏེ་སྒྲུབ་པ་ཡོད། །ཕྱི་ནང་གསང་གསུམ་སྒྲུབ་པ་རྟགས་ཐོན་ནས། ༼ན༽ །ལས་ཚོགས་སྒྲུབ་པ་ཆེན་པོའི་ཟིན་བྲིས་ཡོད། །སྨུག་འཛིན་རྩེ་གཅིག་ཡི་དམ་བྱེད་པ་པོས།

[Full Size]

༼པ༽ ལས་ཚོགས་འཐོར་བུ་སྒྲུབ་པའི་ཟིན་བྲིས་ཡོད། །བློ་གཏད་ལིངས་སྒྱུར་བྱས་པའི་སློབ་བུ་ལ། ༼ཕ༽ །སྔགས་བྱང་སྙན་བརྒྱུད་ཡི་གེ་མེད་པ་ཡོད། །གའུ་སོ་སོར་སྒྲུབ་བམ་དྲིལ་སྒྲུབ་ཀྱི། ༼བ༽ །སྔགས་བྱང་གཏོར་མའི་བཅའ་ཐབས་གུད་དུ་གབ། །འགྲུབ་དང་མི་འགྲུབ་དངོས་གྲུབ་འབྱུང་མི་འབྱུང་། ༼མ༽ །ཤེས་ཕྱིར་ཚོད་འཛིན་རྟགས་ཀྱི་ཡི་གེ་ཡོད། །རྣམ་གཡེང་ཆེན་པོའི་སྒྲུབ་ལོང་མ་བྱུང་ན། ༼ཙ༽ །སྒྲུབ་པ་རླུང་ལ་བཅོལ་ཐབས་གུད་དུ་གབ། །རྨོངས་པ་རྣམས་ཀྱིས་ཉམས་ལེན་བདེ་བའི་ཕྱིར། །༼ཚ༽ །ཙཀྲ་ལྔ་ཡི་དཔེའུ་རིས་གསལ་བ་ཡོད། །གནམ་ཆོས་སྐོར་ལས་དངོས་གྲུབ་འབྱུང་འདོད་ན། ༼ཇ༽ །སྤྲོས་མེད་ཛམ་དམར་ཟིན་བྲིས་གུད་དུ་སྦས། །ཡིད་ཆེས་དང་བ་བསྐྱེད་པར་བྱ་བའི་ཕྱིར། ༼ཝ༽ །སྒྲོལ་མ་དམར་མོའི་ལོ་རྒྱུས་ཕན་ཡོན་ཡོད། །བསྟན་འཛིན་དགེ་འདུན་སྡེ་རྣམས་རྒྱས་པའི་ཕྱིར། ༼ཞ༽ །དགེ་འདུན་འདུ་ཆོག་འཕགས་ཚོགས་རྒྱ་མཚོ་ཡོད། །མཆོག་དང་ཐུན་མོང་དངོས་གྲུབ་ཀུན་འགྲུབ་ཕྱིར། ༼ཟ༽ །དངོས་གཞི་སྒྲུབ་པ་ཆེན་མོའི་ལོ་རྒྱུས་ཡོད། །ལོག་ལྟ་ཅན་རྣམས་ཆོས་ལ་འཛུད་

[Full Size]

པའི་ཕྱིར། ༼འ༽ །མན་ངག་ཤིན་ཏུ་གསང་བ་གཅིག་བརྒྱུད་གབ། །འགུགས་དང་སྲུང་དང་ལོངས་སྤྱོད་འཕེལ་རྒྱས་སོགས། ༼ཡ༽ །ཙཀྲའི་སྒོ་ནས་མན་ངག་ལས་སྒྲུབ་གབ། །བསོད་ནམས་བསྐྱེད་ཅིང་ལོངས་སྤྱོད་རྒྱས་པའི་ཕྱིར། ༼ར༽ །ལས་ཚོགས་གསང་སྒྲུབ་དཔག་བསམ་ཤིང་སྒྲུབ་ཡོད། །འཇིག་རྟེན་མཁའ་འགྲོ་ལས་ལ་བསྐུལ་བའི་ཕྱིར། ༼ལ༽ །བཀའ་སྡོད་གནོད་སྦྱིན་ཕོ་མོའི་སྒྲུབ་པ་ཡོད། །སྟོབས་ཆེན་སྒྲུབ་བྱ་ཆོས་སྒོར་དབང་སྡུད་ཐབས། ཤ༽ །དབང་གི་སྦྱིན་སྲེག་ཞལ་གདམས་གུད་དུ་གབ། །དར་རས་ལྷ་མོའི་སྐུ་ལ་བསྟེན་པ་སོགས། ས༽ །ལས་ཚོགས་ཉེར་མཁོའི་སྐོར་ཚོགས་ཉུང་བསྡུས་ཡོད། །མི་ངན་ཨར་བས་ཆོམ་ཕྲོགས་བྱས་པ་ན། ༼ཧ༽ །གློ་བུར་ཐན་འགྱེད་དུག་མདའ་ནག་པོ་ཡོད། །ཉམ་ཆུང་ཆོས་པར་དོ་བསྡོ་ཕོད་བཙུགས་ན། ༼ཨ༽ །པཀིའི་གིང་ནག་ཁྲེས་པོའི་ཁ་སྲུང་ཡོད། །ཞིང་བཅུ་ཚང་བའི་བསྟན་དགྲས་དོ་བསྡོས་ན། ༼ཀཾ༽ །མ་མགོན་གཏོར་ནག་སྲོག་གི་པར་བུ་ཡོད། །སྒྲུབ་པ་མ་ཐོན་གསར་བུའི་རྐྱེན་ཟློག་ལ། ༼ཁཾ༽ །སྲུང་ཟློག་སེར་གར་ཕན་པའི་ཁྱི་ཚིལ་

[Full Size]

ཡོད། །གློ་བུར་དགྲ་བྱུང་ཡོན་བདག་འདྲེས་བཏབ་ན། ༼གཾ༽ །ལ་བཙས་གཟའ་འགྱེད་དམ་པའི་ལྕགས་དྲྭ་ཡོད། །དད་ལྡན་སློབ་བུའི་ཉམས་རྟོགས་ཞུས་པའི་ལན།་་བཅ་ས་ག་རས་མཆན། ༼ངཾ༽ །གོ་བ་རྟོགས་པ་དབྱེ་གསལ་ངོ་སྤྲོད་ཡོད། །སྡོམ་གསུམ་བསྐྱེད་རྫོགས་སྒོམ་བཟླས་རྩེ་གཅིག་ཏུ། ༼ཅཾ༽ །ཚུལ་བཞིན་ཉམས་སུ་ལེན་ཚུལ་ཞལ་གདམས་ཡོད། །རི་ཆོས་དངོས་གཞི་རྒྱབ་ཆོས་འགྲུབ་པའི་སྐབས། །སྨོན་ལམ་ཕྱག་བྲིས་རང་དོན་བཅའ་ཡིག་ཡོད། །དེ་ལྟར་སྦས་ཆོས་ཚན་པ་སུམ་ཅུ་ལྔ། །འཁོར་བའི་ཆུ་བོ་སྒྲོལ་བའི་གྲུ་ཆེན་ཡིན། །མཆོག་ཐུན་དངོས་གྲུབ་ཀུན་འབྱུང་ནོར་བུ་ཡིན། །བར་ཆད་བགེགས་ཚོགས་སྲུང་བའི་གོ་ཁྲབ་ཡིན། །ཁམས་གསུམ་དབང་སྡུད་དོན་ཡོད་ཞགས་པ་ཡིན། །དགྲ་བགེགས་ཚར་གཅོད་རལ་གྲི་བསམ་གཅོད་ཡིན། །སེང་གེའི་གཡུ་རལ་ཁྱི་ལ་མི་མཛེས་ཏེ། །རིག་འཛིན་བརྒྱུད་པའི་སེང་ཕྲུག་རྣམས་ལ་དགོས། །དེ་ཕྱིར་རུ་པ་བརྩོན་འགྲུས་རྒྱ་མཚོར་གདམས། །གསང་སྔགས་བརྒྱུད་པ་བྱིན་རླབས་མི་ཉམས་ཤིང། །སྒྲུབ་བརྒྱུད་བསྟན་པ་མཛེས་པའི་རྒྱན་དུ་ཤོག །ཐེམ་ཡིག་མེད་པའི་ཐེམ་
ཡིག་འདི་རྣམས་ཀྱང་། ། ༧ རཱ་ག་ཨ་སྱས་ཇི་ལྟར་སྨྲས་པ་ལྟར། །བརྩོན་འགྲུས་རྒྱ་མཚོས་འཕྲལ་དུ་ཡི་གེར་བཀོད། །མངྒ་ལཾ།།

ལྷ་གཅིག་སྔགས་གཅིག་ཡི་དམ་ཀུན་འགྲུབ་ཕྱིར། ཁ༽ །རྒྱུད་སྡེ་སྤྱི་སྒྲུབ་རྒྱལ་བ་རྒྱ་མཚོ་ཡོད།

[Full Size]

༼ཁ༽ ༈ རི་ཆོས་མཚམས་ཀྱི་ཞལ་གདམས་གཅིག་བརྒྱུད་ཨུ་པ་ཚེས་ཀྱི་གྲངས་ཀ་ལས། ལྷ་གཅིག་སྔགས་གཅིག་ཡི་དམ་ཀུན་འགྲུབ་ཕྱིར། རྒྱུད་སྡེ་སྤྱི་སྒྲུབ་རྒྱལ་བ་རྒྱ་མཚོའི་ཉམས་ལེན་གཅིག་དྲིལ་སྙིང་གཏམ་དུ་གདམས་པ་མདོ་རྒྱུད་མན་ངག་ཀུན་གྱི་བཅུད་བསྡུས་རང་གི་ཉམས་མྱོང་དང་སྦྱར་ཏེ་གདམས་པ་ཡོད། ༈ །ན་མོ་གུ་རུ་ལོ་ཀི་ཤྭ་ར་ཡེ། བླ་མ་ཡི་དམ་དབྱེར་མེད་གཅིག་དྲིལ་བ། །རྒྱལ་བ་རྒྱ་མཚོའི་ཐུགས་རྗེས་འདིར་གཟིགས་ཤིག །བདག་གིས་འདི་བསམ་བདག་ལ་མོས་རྣམས་ཀྱང་། །འདི་ལྟར་སོམས་ལ་འདི་ལྟར་ཉམས་སུ་ལོང་། །ཐོག་མེད་དུས་ནས་རང་ངོ་མ་ཤེས་འཁྲུལ། །ལས་ངན་བསགས་པས་མཐའ་མེད་འཁོར་བར་འཁྱམས། །སྔོན་བྱོན་སངས་རྒྱས་གྲངས་མེད་བྱོན་གྱུར་ཀྱང་། །རང་ལ་མ་ཕན་བྱང་ལྟའི་བྲག་ཕུག་བཞིན། །སྐྱེ་རྒ་ན་འཆི་ཆུ་ཡི་གཉེར་མ་བཞིན། །ཐར་དུས་མེད་པའི་ཉེས་ཆེན་ལྕགས་བླུགས་བཞིན། །བར་སྐབས་འགའ་ལ་བསོད་ནམས་ཚོགས་བསགས་ཀྱང་། །བསྔོ་བ་མ་ཤེས་འབྲས་

[Full Size]

བུ་སྨིན་ནས་ཟད། །ངན་སོང་གསུམ་དུ་གཏན་གྱི་ཕ་ཡུལ་བྱས། །འདི་ལ་སྐྱོ་བ་གཏིང་ནས་མི་སྐྱེ་བར། །བདག་གི་སེམས་འདི་བདུད་རྒན་སུ་ཡིས་བསླུས། །སྔོན་ཚེ་ཚུལ་ཁྲིམས་གཙང་མ་བསྲུང་བའི་འབྲས། །ད་རེས་མི་ལུས་གཙང་མ་ཐོབ་ན་ཡང་། །དུས་ངན་སྙིགས་མར་ཐུག་པས་བར་ཆད་རྒོད། །ཚེ་ཐུང་ནད་མང་ཕྱི་ནང་འཚེ་བ་མང་། །འདི་ལ་རྩེ་གཅིག་ཉམས་ལེན་མི་བྱེད་པར། །ཚེ་འདིའི་བྱ་བའི་ཆེད་དུ་གཡེངས་བ་འདི། །བདག་ལུས་དམུ་གབ་འདྲ་བ་ཞིག་གིས་བཀབ། །ཕུ་ཤི་མདའ་ཤི་གཞོན་ཤི་འདི་ཙམ་མཐོང་། །རང་ལ་ནམ་འཆི་ངེས་ཏིག་མེད་བཞིན་དུ། །ད་རུང་ཤོམ་ར་མང་པོ་འདིང་བ་འདི། །བདག་གི་སྙིང་ལ་རྒྱལ་འགོང་སུ་ཞུགས་ན། །དེ་རིང་ནད་ཕོག་དོ་དགོང་དབུགས་སོང་ན། །རང་ལ་མི་འཇིགས་གདེང་ནི་ཅི་འདྲ་ཡོད། །ཆ་མེད་ཡུལ་དུ་རྒྱུས་མེད་ལག་སྟོང་འགྲོ། །དེ་དུས་ལམ་མཁན་རྒྱགས་ཕྱེ་འཚགས་ཡོད་དམ། །གར་འགྲོའི་གཏད་སོ་ངེས་ཏིག་ཅང་ཡོད་དམ། །ལས་ཀྱི་གྲངས་མཁན་གཤིན་རྗེའི་ཁྲིམས་ར་ན། །ངོ་གནོང་མེད་པའི་སྤྱོད་པ་ཨེ་བྱས་སོམས། །ལས་ཀྱི་རྣམ་སྨིན་སུས་ཀྱང་མི་བཟློག་

[Full Size]

ན། །ལྟུང་བ་ཕྲ་མོ་རེས་ཀྱང་ངན་སོང་དུ། །ལྟུང་བར་གསུངས་ན་སྡིག་གཞན་སྨོས་ཅི་དགོས། །ངན་སོང་སྡུག་བསྔལ་བྲིས་པ་མཐོང་བའམ། །རྣ་བས་ཐོས་ཀྱང་ཡི་མུག་ག་ཆད་ན། །ཐོག་ཏུ་ཕྱིན་ན་བསྲན་བཟོད་ཇི་ལྟར་ནུས། །འདི་ལ་བསམ་ཞིང་ལས་འབྲས་མ་འཛེམ་པར། །བདག་གི་སེམས་འདི་སྨྱོ་ཚབས་མི་ཆེའམ། །གྲངས་མེད་སྔོན་ནས་གྲངས་མེད་ལུས་བླངས་པས། །སེམས་ཅན་གཅིག་གིས་རང་གི་མ་བྱས་པའི། །གྲངས་ནི་བརྩིས་ཀྱང་མི་ཐེབས་མཐའ་ཡས་ན། །དགྲ་ལ་མནར་སེམས་སྙིང་ཁོང་ཚུན་ལ་འཆང་། །དྲེད་པོ་ཁྲེལ་མེད་འགའ་ལ་ཡི་རེ་མུག །ཉེ་དུ་མཐུན་གྲོགས་ཚོང་དུས་མགྲོན་པོ་བཞིན། །མྱུར་དུ་བྲལ་ཞིང་ཕྱིན་ཆད་མི་མཐོང་བས། །འཁོར་བའི་ཆོས་ཉིད་སུས་ཀྱང་བཟློག་མེད་ན། །མཛའ་བཤེས་གདུང་སེམས་ཤི་བའི་མྱ་ངན་དང་། །གསོན་ཚེ་འཛིང་རྩོད་ང་ཁྱོད་སྨྲ་མཆུ་འདི། །འགོང་པོ་སུ་ཞིག་ཡིད་སེམས་དཀྲུགས་པ་ཨང་། །དེང་སང་མར་མེ་འཆི་ཁ་གསལ་བ་ལྟར། །ཤཱཀ་ཐུབ་བསྟན་པ་ནུབ་ཁ་གསལ་བའི་དུས། །དགེ་བའི་བཤེས་གཉེན་ཟླ་སྐར་བཀྲ་བ་བཞིན། །བཙུན་པ་དགེ་འདུན་མེ་ཏོག་གླིང་རྒྱས་འདྲ། །ཐམས་

[Full Size]

ཅད་བཅོམ་ལྡན་ཐུབ་པའི་རྗེས་འཇུག་སྟེ། །ཀུན་ལ་དག་སྣང་མོས་གུས་མི་སྐྱེ་བར། །རང་སྐྱོན་དུག་ཕུང་འདྲ་ཚོ་ཁོང་དུ་སྦས། །གཞན་སྐྱོན་རྟ་རྔ་ཙམ་ལ་མཛུབ་མོ་བཙུགས། །ཅལ་སྒྲོག་རྗེས་རྒྱུག་འབར་ཤས་ལས་ངན་བསགས། །བདག་གི་སྙིང་ལ་མུ་སྟེགས་སུ་ཞུགས་ན། །རིག་པའི་གནས་དང་ཡོན་ཏན་ཕྲ་མོ་རེའི། །མཐའ་རྒྱ་བཅད་ན་ནམ་མཁའ་འདོམ་མཇལ་འདྲ། །སྔོན་གྱི་པཎ་གྲུབ་མང་པོས་མཐའ་མ་ཆོད། །ཚེ་ཐུང་ཤེས་རབ་རྨོངས་ཤིང་ལེ་ལོ་ཅན། །བདག་འདྲས་ཡོན་ཏན་མཐའ་རྒྱ་བཅད་པ་ན། །ཕྱེ་མ་ལེབ་ཀྱིས་ནམ་མཁའི་མཐའ་ཚོལ་བཞིན། །ཧམ་པ་ཆེན་པོའི་མི་ང་མཚར་བ་ལ། །ཧ་ཅང་མཐའ་རྒྱ་ཆོད་པ་མ་བྱུང་ན། །ཅི་ཡང་ཧ་ཁོག་གོ་བ་དགོས་པ་ན། །བློ་མང་ཤེས་པ་མང་ཡང་རྒྱུ་སྐར་བཞིན། །རང་གཞན་སུ་ལ་ཡང་མི་ཕན་དགེ་སྦྱོར་ཆག །དེ་བས་གནད་ཀྱི་མན་ངག་ཉམས་བླངས་ན། །འཆི་ཁ་མི་འགྱོད་ཙམ་ཞིག་འོང་བར་ངེས། །གསར་མའི་ཆོས་ལུགས་མཁས་པའི་ཡང་རྩེ་མཆོག །ལོ་ཙཱར་གྲགས་ཀྱང་དོན་ལ་པཎྜི་ཏ། །ལོ་ཆེན་རིན་བཟང་གཟིམ་ཁང་བརྩེགས་བཞི་ལ། །རྒྱུད་སྡེ་བཞི་པོ་སོ་སོའི་དཀྱིལ་འཁོར་

[Full Size]

བཞེངས། །ཞག་རེ་ཐུན་བཞིར་སོ་སོར་ཉམས་ལེན་མཛད། །དེ་ཚེ་ལྔ་བརྒྱའི་གཙུག་རྒྱན་ཇོ་བོ་རྗེ། །མ་མཉེས་ལོ་ཙཱ་བ་ཁྱེད་རུལ་འདུག་གསུངས་། །ཐམས་ཅད་གཅིག་ཏུ་དྲིལ་ནས་གདམས་པ་གནང་། །ཉམས་སུ་བླངས་བས་འཇའ་ལུས་མཁའ་སྤྱོད་གཤེགས། །ཐམས་ཅད་ཀུན་གཟིགས་ཨོ་རྒྱན་རིན་པོ་ཆེས། །རྒྱལ་བ་གཅིག་འགྲུབ་ཐམས་ཅད་འགྲུབ་པར་གསུངས། །ཐུབ་པའི་དབང་པོས་འཇིག་རྟེན་མཐའ་ཡས་ན། །མི་འདྲའི་མདོ་སྡེ་དཔག་མེད་གསུངས་པ་རྣམས། །ཚིག་ནི་ཐ་དད་དོན་ནི་གཅིག་པ་སྟེ། །ཚིག་གཅིག་དོན་རྟོགས་ཐམས་ཅད་རྟོགས་པར་གསུངས། །ཆོས་པའི་ཡང་རྩེ་ཁ་རག་སྒོམ་ཆུང་གིས། །ཚེ་ལ་ལོང་མེད་ཚིག་ལ་ཟད་པ་མེད། །དེ་བས་དམ་པའི་གདམས་ངག་ཉམས་ལོངས་གསུངས། །དེ་ཕྱིར་མདོ་སྔགས་བཀའ་གཏེར་ཐམས་ཅད་དང་། །གཞུང་དང་མན་ངག་སྙན་བརྒྱུད་རྟོགས་ཆོས་སོགས། །ཐམས་ཅད་གཅིག་ཏུ་དྲིལ་ནས་ཉམས་ལེན་འདོད། །དེ་ཡང་ལྟ་སྒོམ་སྤྱོད་འབྲས་བཞི་རུ་འདུས། །ལྟ་བ་གཅིག་དྲིལ་ཀ་དག་ཀུན་བཟང་ཀློང་། །བསྒོམ་པ་ལྔ་ལྡན་གཅིག་དྲིལ་བསྒོམ་པའི་མཆོག །སྤྱོད་པ་སྡོམ་གསུམ་གཅིག་དྲིལ་

[Full Size]

བཀའ་བརྒྱུད་སྲོལ། །འབྲས་བུ་མཆོག་ཐུན་གཅིག་དྲིལ་འདིར་སྨིན་བྱ། །དང་པོ་ལྟ་བའི་གནས་ལུགས་མ་རྟོགས་ན། །ཆོས་ལ་བརྩོན་ཡང་འཁོར་བ་ལས་མི་འཕགས། །ཐོས་བསམ་བྱས་པའི་དཔེ་རྒྱུད་བལྟས་པའམ། །བླ་མའི་གསུང་ལ་གོ་བ་ཆེན་པོ་ཤར། །ཆོས་ཀུན་ཡེ་ནས་སྟོང་ཞིང་ཆོས་ཀྱི་དབྱིངས། །ཡོད་མེད་རྟག་ཆད་ཕྱོགས་ལྷུང་མཐའ་དང་བྲལ། །ནམ་མཁའ་རྣམ་པར་དག་པའི་དཀྱིལ་ལྟ་བུ། །ཡིན་པར་འདུག་སྙམ་ངེས་ཤེས་སྐྱེས་པ་དེ། །ཤེས་བྱའི་གཤིས་ལ་ཤོར་བའི་ལྟ་བ་དེ། །དེ་ཡིས་འཁོར་བའི་རྩ་བ་གཅོད་མི་ནུས། །གོ་བ་ལྷན་པོ་འདྲ་སྟེ་འགོག་རྒྱུ་ཡིན། །ཉོན་མོངས་རྣམ་རྟོག་མགོ་ཡང་དེས་མི་ནོན། །སྣོད་བཅུད་རང་ཐིམ་རང་ཡང་ཧཱུྃ་ལ་ཐིམ། །ཧཱུྃ་ཡང་གྱེན་རྫོགས་ཡལ་ནས་སྟོང་པ་ཉིད། །ནམ་མཁའ་ལྟ་བུ་སྟོང་ཉིད་བསྒོམ་པ་དང་། །སྭ་བྷའི་ལ་སོགས་སྔགས་ཀྱིས་སྦྱངས་བ་ཡིས། །ཐམས་ཅད་མི་དམིགས་ནམ་མཁའ་ལྟར་བསམ་ལ། །སྟོང་པར་བསམ་མཁན་དེ་ཡང་རྣམ་རྟོག་སྟེ། །རྣམ་རྟོག་མ་རིག་འཁོར་བའི་རྩ་བ་ཡིན། །དེ་ནི་མདོ་རྒྱུད་མན་ངག་ཡིག་ཆ་ལས། །ཐམས་ཅད་སྟོང་པ་ཉིད་དུ་གསུངས་པ་

[Full Size]

དང་། །དགེ་སྡིག་རྒྱུ་འབྲས་མ་གྲུབ་སྟོང་ཉིད་དུ། །གསུངས་པའི་གོ་བ་ཙམ་ལ་གདེང་བཅས་ནས། །རྒྱུ་འབྲས་ཁྱད་གསོད་སྡོམ་པ་དམ་ཚིག་འཆལ། །ཐམས་ཅད་སྟོང་ཉིད་ཡིན་ཟེར་ཆོས་གཏམ་མཐོ། །ནག་པོ་ཁ་འབྱམས་བདུད་ཀྱི་ལྟ་བ་དེ། །ལོ་རྒྱུས་རུ་ཊའི་སྐྱེ་རྒྱུད་གསལ་ལྟར་ཏེ། །སྟོང་པ་ཉིད་ལ་ལྟ་ཉེས་ཕུང་བའི་རྒྱུ། །འཁོར་བའི་རྩ་བ་གཅོད་པའི་སྟ་རེ་ནི། །སྟོང་ཉིད་ཡིན་པས་དེ་ཉིད་ཉམས་བླངས་ནས། །དུག་ལྔ་འཁོར་བའི་རྩ་བ་གཅོད་སྙམ་ན། །སྤང་གཉེན་སོ་སོར་འཛིན་པས་དོན་མ་གོ །གཉེན་པོར་ཤོར་ཞེས་ཕྱག་རྫོགས་ལམ་དང་འགལ། །རྣམ་རྟོག་མ་རིག་འཁོར་བའི་རྩ་བ་དེས། །རྣམ་རྟོག་མེད་པ་རྟོག་མེད་ཡེ་ཤེས་ནི། །བསྒོམ་པར་འདོད་ཀྱང་རྒྱ་ནག་ཧྭ་ཤང་གི །ལྟ་བ་ཡིན་པས་དེ་ཡི་གནད་ཤེས་བྱ། །རྣམ་རྟོག་ཡེ་ཤེས་ཆོས་སྐུ་ཡིན་པའི་ཕྱིར། །རིག་དང་མ་རིག་དྲན་དང་མ་དྲན་མེད། །ངོ་བོ་ཆོས་སྐུ་ཉིད་དུ་འདུག་སྙམ་ནས། །གོ་བ་ཙམ་ལ་ངེས་ཤེས་གདེང་བཅས་ན། །གང་དགར་ཉལ་ཞིང་བག་མེད་སྤྱོད་པ་ནི། །ལྟ་བའི་ཕྱོགས་སུ་སྤྱོད་པ་ཤོར་བ་སྟེ། །རྐྱལ་མཁན་མཁས་པ་ཆུ་ལ་རྒྱུག་མཐོང་ནས། །རྐྱལ་མི་ཤེས་པ་ཆུ་ལ་

[Full Size]

མཆོང་དང་འདྲ། །ཐོས་རྒྱ་ཆེ་ཞིང་གོ་བ་བཟང་ན་ཡང་། །ལྟ་བ་དངོས་སུ་རྟོགས་པ་མི་འོང་བས། །བསྒོམས་པའི་སྟོབས་ཀྱིས་ནང་ནས་འཆར་བར་དགོས།་་་འདི་ལ་གནད་འགག་ཆེན་པོ་ཐུག་འདུག །བརྩོན་འགྲུས་རྒྱ་མཚོ་བདག་འདྲ་བ་ལ་རྟོགས་པ་ནང་ནས་འཆར་བར་བྱིན་གྱིས་བརླབ་ཏུ་གསོལ། ཞེས་ཞུས་མཆན། །དེ་ཡང་ཉམས་དང་རྟོགས་པ་ནོར་དོགས་མཆིས། །ས་ལེ་སེང་ངེ་ནམ་མཁའ་གཡའ་དག་བཞིན། །གཟུགས་དང་ཁ་དོག་མེད་དེ་ལྟ་རྒྱུ་ཡོད། །འདི་འདྲ་བརྗོད་མི་ཤེས་ཀྱང་མྱོང་རྒྱུ་ཡོད། །ངེས་ཤེས་འཛིན་པ་རིང་ཡིད་ཆེས་པ་ཡོད། །བརྟན་པོ་ཉིན་མཚན་ཕལ་ཆེར་འགྱུར་བ་མེད། །མེ་རེ་ཁྱིལ་ལེར་ལུས་སེམས་བདེ་བས་ཁྱབ། །སེམས་རྩ་སྐྱིད་ཅིང་ཉོན་མོངས་མགོ་བོ་ནོན། །བྱ་བ་ཐེང་ཞིང་ཆགས་ཞེན་རང་སར་ཞི། །སྣོད་བཅུད་ཕྱི་ནང་ཐམས་ཅད་སྟོང་པར་མཐོང་། །རི་བྲག་བརྩིགས་པར་ཐོགས་པ་མེད་སྙམ་བྱེད། །ཐམས་ཅད་སྟོང་པ་ཉིད་དུ་ས་ལེར་མཐོང་། །འོན་ཀྱང་སྟོང་པ་རེད་སྙམ་འཛིན་པ་ནི། །ཕྲའུ་ཡོད་ཀྱང་མི་རྟག་འགྱུར་ལྡོག་ཆེ། །དེ་ཚོ་ཉམས་ཡིན་རྟོགས་པ་མ་ཐོན་པས། །ལྟ་བ་ཡིན་པར་རྟོགས་པ་མ་ཐོབ་པས། །ལྟ་བ་ཡིན་པར་རློམས་ན་

[Full Size]

གོལ་ས་མང་། །གོལ་སའི་ལྟ་བ་ཉམས་ཀྱི་ལྟ་བ་སོགས། །ལྟ་བར་འཛིན་པ་ར་གན་གསེར་དུ་རློམ། །མོས་གུས་རྟ་བཟང་བརྩོན་འགྲུས་ལྕག་གིས་བྲབ། །ཚོགས་བསགས་། སྒྲིབ་སྦྱང་སྒྲ་ཆ་ལེགས་བསྡམས་ནས། །བླ་མ་ཡི་དམ་ཐུགས་རྗེ་ཞུགས་པའི་དུས། །ནམ་ཞིག་ལྟ་བ་ནང་ནས་འཆར་བ་ཡིན། །བལྟ་བྱ་ལྟ་བྱེད་གཅིག་འདྲེས་ལྟ་རྒྱུ་མེད། །ཡིན་མིན་ཡོད་མེད་བདེན་བརྫུན་འཛིན་པ་གཏོར། །ཕྱི་ནང་སྣོད་བཅུད་ཐམས་ཅད་གཅིག་ཏུ་འདྲེས། །སངས་རྒྱས་སེམས་ཅན་བདག་གཞན་གཅིག་ཏུ་འདྲེས། །ཡེངས་དང་མ་ཡེངས་བསྒོམ་དང་མ་བསྒོམས་མེད། །བྱར་མེད་བརྗོད་མེད་བརྗོད་པ་ཀུན་གྱི་གཞི། །གེགས་དང་གོལ་སར་ལྟུང་བའི་ཡ་ང་ཞི། །འཐོབ་བྱ་ཐོབ་བྱེད་འབྲས་བུ་རང་ལས་རྙེད། །མདོ་རྒྱུད་མན་ངག་ཆོས་གཏེར་ཁོང་ནས་བརྡོལ། །མ་རྟོགས་སྨིག་སྒྱུ་ལྟ་བུའི་འགྲོ་བ་ལ། །བཅོས་མིན་ཤུགས་འབྱུང་སྙིང་རྗེ་སྐབས་སུ་ལྡང་། །ཉོན་མོངས་དུག་ལྔའི་རྣམ་རྟོག་ཕྲ་རགས་ཀུན། །སོ་མ་ཉམས་པར་ཡེ་ཤེས་ཆོས་སྐུར་འཆར། །གོ་བ་ཉམས་སྣང་མིན་པར་མངོན་སུམ་དུ། །དེ་ལྟར་རྟོགས་ན་ལྟ་བ་རྟོགས་པ་ལགས། །དེ་འདྲ་རྟོགས་པའི་ཐབས་

[Full Size]

ནི་བསྒོམ་པ་སྟེ། །བྱང་ཆུབ་སེམས་ཀྱི་ཀུན་སློང་མ་ལེགས་ན། །སྒོམ་སྒྲུབ་བརྩོན་ཡང་ཐེག་དམན་ཉན་ཐོས་ལམ། །ཐུན་གྱི་ཐོག་མར་སེམས་ཅན་ཐམས་ཅད་ཀུན། །བླ་མེད་རྫོགས་པའི་སངས་རྒྱས་ཐོབ་པའི་ཕྱིར། །བདག་གིས་འདི་ཉིད་ཉམས་སུ་ལེན་སྙམ་པའི། །སེམས་བསྐྱེད་བཟང་པོ་ཁ་ཙམ་མིན་པ་གཅེས། །རང་ལུས་ཡི་དམ་ལྷ་རུ་མ་བསྒོམས་ན། །མི་ཆེར་བསྒོམས་ཀྱང་ལམ་གྱི་བགྲོད་ཐག་རིང་། །སྦྱང་གཞི་སྦྱོང་བྱེད་ཕྱོགས་ཙམ་མ་ཤེས་ན། །ལྷ་སྐུ་གསལ་ཡང་གྱ་ནོམ་ལྷར་ཞེན་ཞེས། །རྒྱུད་ནས་གསུངས་པའི་བླ་མེད་བསྐྱེད་རིམ་མིན། །སྣོད་ཀྱི་འཇིག་རྟེན་རང་ལུས་ཆགས་པའི་རིམ། །སྦྱང་ཕྱིར་གཞལ་ཡས་ཁང་ནི་བསྐྱེད་པ་དང་། །བཅུད་ཀྱི་སེམས་ཅན་ཕུང་ཁམས་སྐྱེ་མཆེད་རྣམས། །སྦྱང་ཕྱིར་ཡི་དམ་ལྷ་སྐུ་བསྒོམ་པ་ཡིན། །དེ་ཡང་གསར་རྙིང་བླ་མེད་ཡི་དམ་ལྷ། །ཐམས་ཅད་འདྲ་ཡང་ཀུན་འདུས་ཀུན་ལས་ལྷག །སངས་རྒྱས་ཀུན་གྱི་སྤྲུལ་གཞི་མཐར་ཐུག་པ། །རྒྱལ་བ་ཀུན་འདུས་རྒྱ་མཚོ་སྤྱན་རས་གཟིགས། །ལྷ་གཅིག་དེ་བསྒོམ་ཐམས་ཅད་ཀུན་འདུས་ཏེ། །ལོངས་སྐུ་རྣམ་པར་སྣང་མཛད་གངས་ཆེན་མཚོ། །དེ་

[Full Size]

ཡི་སྤྲུལ་པའི་ཆ་གཅིག་ཡིན་པར་གསུངས། །སྐལ་བཟང་སངས་རྒྱས་སྟོང་རྩ་བྱེ་བ་བརྒྱ། །པོ་ཊ་ལར་བཞུགས་སེམས་དཔའི་སྤྱན་རིས་གཟིགས། །བྱེ་བ་ཕྲག་བརྒྱ་དེ་བཞིན་རྔ་ཡབ་གླིང་། །པདྨ་འབྱུང་གནས་བྱེ་བ་ཕྲག་བརྒྱ་ཡང་། །ཐུགས་རྗེ་ཆེན་པོའི་སྤྲུལ་པའི་ཆ་ཤས་རེ། །བདེ་དགྱེས་གསང་གསུམ་དུས་འཁོར་གདན་བཞི་སོགས། །རྒྱུད་སྡེ་ཆེན་པོའི་དཀྱིལ་འཁོར་ཐམས་ཅད་ནི། །ཤཱཀ་ཐུབ་ལོངས་སྐུའི་སྒྲུབ་ཐབས་རེ་རེ་སྟེ། །ཤཱཀ་ཐུབ་སངས་རྒྱས་སྟོང་རྩར་བཅས་པ་ཡང་། །སྤྱན་རས་གཟིགས་ཀྱི་སྤྲུལ་པ་ཆ་ཤས་རེ། །དེ་ཡི་སྒྲུབ་ཐབས་རྒྱུད་སྡེ་སོ་སོ་ནས། །དཔག་མེད་གསུངས་ཀྱང་བླ་མེད་རྒྱུད་སྡེ་མཆོག །དེ་ལའང་གསུམ་ལས་གཉིས་མེད་རྒྱུད་ཡིན་པས། །ལམ་ཐག་ཉེ་ཞིང་དཀའ་ཚེགས་མེད་པ་དང་། །གསར་རྙིང་གཏེར་གསུམ་ཞལ་འཆམ་རྩོད་པ་བྲལ། །ཐ་སྙེད་མཁས་པ་སུས་ཀྱང་བཀག་པ་མེད། །བབས་བྱིན་རླབས་སོ་མ་ཉམས། །དམ་ཚིག་སེལ་མེད་བརྒྱུད་པ་རིང་ཐུང་མེད། །རྒྱལ་བ་རྒྱ་མཚོ་ལྷ་དགུ་ལྷ་ལྔ་གཉིས། །འདི་ལས་ཁུངས་བཙུན་འདི་ལས་ཟབ་པའི་ཆོས། །

[Full Size]

ས་སྟེང་འདི་ན་མི་རྙེད་བདག་གིས་སེམས། །ཕུང་པོ་ལྔ་པོ་སྦྱང་ཕྱིར་ཡབ་ལྔ་དང་། །ཁམས་ལྔ་སྦྱང་ཕྱིར་དེ་ཡི་ཡུམ་ལྔ་པོ། །སྐྱེ་གནས་བཞི་པོ་སྦྱང་ཕྱིར་ཌཱཀི། །དབང་པོ་ལྔ་སྦྱང་མཆོད་པའི་ལྷ་མོ་ལྔ། །འབྱུང་བ་ལྔ་དང་དུག་ལྔ་ཕུང་པོ་ལྔ། །སྦྱང་ཕྱིར་ལྷ་ལྔ་ལྷ་དགུ་ཤེས་པར་བྱ། །དེ་ཡང་མིན་ལ་ཡིན་པར་བསྒོམ་པ་མིན། །དངུལ་རྡོ་དངུལ་ཡིན་བཞུས་ན་དངུལ་འོང་ལྟར། །རང་ལུས་ལྷ་ཡིན་བསྒོམས་ན་ལྷར་འགྱུར་བ། །དེ་དོན་ཤེས་ན་བླ་མེད་བསྐྱེད་རིམ་ཡིན། །དེ་ཕྱིར་ལྷ་དགུ་ལྷ་ལྔ་གང་འདོད་པ། །ཆོ་ག་བཞིན་དུ་སོ་སོར་དམིགས་པ་གསལ། །མཐར་ནི་སྟོང་པར་བསྡུ་བའི་བར་མཚམས་ཤིག །བསྐལ་པ་ཆེན་པོ་ཆགས་ནས་མ་ཞིག་བར། །ཚོགས་བསགས་སྒྲིབ་སྦྱང་བྱས་དང་བསོད་ནམས་མཉམ། །མདོ་ལས་སྔགས་ལམ་ཐག་ཉེ་དེ་ཡི་གནད། །སྦྱང་གཞི་ངག་ལས་སྦྱོང་བྱེད་སྔགས་དང་རླུང་། །སྦྱང་འབྲས་གསུང་གི་རྡོ་རྗེ་ཐོབ་པའི་ཐབས། །གསང་སྔགས་རིག་སྔགས་གཟུངས་སྔགས་མཐའ་ཡས་ཀྱང་། །ཕན་ཡོན་ཡིག་དྲུག་འདྲ་བ་གཞན་མ་མཆིས། །གངས་རིའི་ཁྲོད་དང་ཁྱད་པར་བར་ལམ་འདིར། །ཡི་གེ་དྲུག་པའི་

[Full Size]

བཀའ་བབས་ལུང་བསྟན་གསལ། །སྙིགས་མ་ལྔ་བརྒྱའི་ཐ་མའི་དུས་ངན་དུས། །ལྷ་འདི་སྔགས་འདི་ཐུགས་རྗེ་བྱིན་རླབས་མྱུར། །ཇེ་དར་འོང་བ་ལུང་བསྟན་ཀུན་ན་ཡོད། །ཨོ་རྒྱན་ཇོ་བོ་རྗེ་དང་སྲོང་བཙན་སྒམ། །ལབ་སྒྲོན་ཀུན་གྱིས་ཞལ་གདམས་ཞལ་ཆེམས་མཐུན། །དེ་ཕྱིར་ཡིག་དྲུག་སྔགས་ཀྱི་ནོར་བུ་ལགས། །སངས་རྒྱས་ཀུན་གྱི་ཐུགས་རྗེ་བྱིན་རླབས་ཀུན། །སྔགས་དང་ཡིག་འབྲུའི་གཟུགས་སུ་སྣང་བའོ། །དེ་ལས་ཀྱང་ནི་ཡིག་བཅུ་ཟབ་གནད་ཆེ། །སངས་རྒྱས་ཀུན་གྱི་སྐུ་གསུང་ཐུགས་གསུམ་གྱི། །སྙིང་པོ་འདུས་པ་ཨོཾ་ཨཱཿཧཱུྃ་གསུམ་སྟེ། །གསར་རྙིང་རྒྱུད་སྡེ་ཀུན་ནས་རྒྱ་ཆེར་བསྔགས། །ཧཱི༔ཡིག་ཐུགས་རྗེ་ཆེན་པོའི་ཐུགས་སྲོག་སྟེ། །འབྲུ་དྲུག་རིགས་དྲུག་སྐྱེ་སྒོ་གཅོད་པའོ། །ཐུགས་ཀར་ཧྲིམཐར་ཡིག་བཅུ་འཁོར་བ་ལས། །བདག་བསྐྱེད་ཡབ་རྣམས་ཀྱི་ཐུགས་ཀར་ཟླ་བའི་སྟེང་དུ་ས་བོན་ཧཱི༔ཡིག་དམར་པོ་འགྲེང་ཐབས་སུ་གནས་པའི་མཐར། ཡིག་བཅུ་སྔགས་ཀྱི་ངོ་ཕྱི་ལ་བསྟན་པ་གཡས་སུ་ཀྱི་ལི་ལི་འཁོར་བ། ཡུམ་རྣམས་ཀྱི་ཐུགས་ཀར་ཧཱུྃཡིག་གི་མཐར་ཡུམ་སྔགས་ངོ་ནང་དུ་བསྟན་པ་གཡོན་དུ་འཁོར་བ། རིགས་བཞིའི་ཌཱཀི་ཐུགས་ཀར་ཧ་རི་ནི་ས་བསྒོམ་པ་ནི་སྒྲུབ་ཐབས་གཞུང་ཆེན་ནས་བྱུང་བའོ། ལྷ་ལྔ་ལས་རྒྱས་པར་སྒྲུབ་ཐབས་གཞུང་ལས་

[Full Size]

གཙོ་བོའི་ཐུགས་ཀར་ཧི༔ཡིག་དམར་པོའི་མཐར་ཡིག་བཅུ་དང་། རྟ་མགྲིན་པདྨ་འབྱུང་གནས་ཕག་མོ་ཆོས་སྐྱོང་རྣམས་ཀྱི་ཐུགས་ཀར་རང་རང་གི་ས་བོན་དང་། དེའི་མཐར་རང་རང་གི་སྔགས་འཁོར་ལུགས་སོགས་ཞིབ་པར་ཡོད་པ་མཆན། །འོད་འཕྲོས་སྣོད་ཀྱི་འཇིག་རྟེན་བདེ་ཆེན་ཞིང་། །རིགས་དྲུག་སེམས་ཅན་སྤྱན་རས་གཟིགས་དབང་སྐུ། །སྒྲ་རྣམས་ཡི་གེ་དྲུག་གམ་བཅུ་ཡི་སྒྲ། །དམིགས་པ་ཆ་གསལ་ན་སྐད་ཅིག་དུང་མང་འགྲུབ། །སངས་རྒྱས་སེམས་ཅན་གཉིས་ཀྱི་ཁྱད་པར་ཡང་། །སྣང་བ་དག་དང་མ་དག་ཁོ་ན་ལགས། །དེ་ཕྱིར་སྣོད་བཅུད་དག་པ་རབ་འབྱམས་བསྒོམ། །ཁྱད་པར་ཟབ་གནད་བསྲེ་བ་སྐོར་གསུམ་ལས། །རྒྱ་བོད་གྲུབ་ཐོབ་ནམ་མཁའི་ཁམས་གང་བ། །རང་གི་ཐུགས་ཀའི་སྔགས་ཕྲེང་འོད་ཟེར་དེས། །མཆོད་པས་སྐུ་གསུང་ཐུགས་ནི་བདེ་བས་མཉེས། །ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས། །ཆར་བཞིན་བབས་ནས་རང་ལ་སིབ་སིབ་ཐིམ། །བྱིན་རླབས་རྟོགས་པའི་ཡེ་ཤེས་འབར་བསམ་ཞིང་། སྔགས་བཟླས་འབད་པ་སྔགས་དང་བསྲེ་བ་སྟེ། །སྔགས་ནི་ཡིད་འདོན་རླུང་ནི་ཕྱིར་འབུད་དུས། །འོད་ཟེར་སྤྲོ་ཞིང་མཆོད་པ་ཕུལ་བ་དང་། །ཚུར་རྡུབ་མཉམ་དུ་

[Full Size]

རང་ལ་བསྟིམ་པ་དང་། །རླུང་དགངས་ཚེ་ན་ངོ་བོ་ཉིད་ལ་བལྟ། །དེ་ནི་རླུང་དང་བསྲེ་བའི་མན་ངག་གོ །དེ་བཞིན་ཨོ་རྒྱན་སྐུ་ལྔ་མཚན་བརྒྱད་དང་། །རྗེ་འབངས་ཉེར་ལྔ་གྲུབ་ཆེན་བརྒྱད་ཅུ་བཞི། །མར་མི་དྭགས་སོགས་བཀའ་བརྒྱུད་བླ་མ་རྣམས། །སྤྱིའམ་གང་མོས་རེ་རེ་བསྲེ་བ་ནི། །བླ་སྒྲུབ་ཀུན་ལས་ཁྱད་འཕགས་ཨེ་མ་ཧོ། །ཉམས་རྟོགས་སྐྱེ་དང་བོགས་འདོན་འདི་རང་ཟབ། །དེ་བཞིན་བདེ་དགྱེས་གསང་གསུམ་དུས་འཁོར་དང་། །གདན་བཞི་ཐོད་པ་མཱ་ཡ་གཤེད་དམར་ནག །བཀའ་དགོངས་ཕུར་གསུམ་ཞི་ཁྲོ་ཡང་དག་དང་། །ཞི་དྲག་རྟ་མགྲིན་ཕྱག་རྡོར་ལ་སོགས་བསྲེ། །རྒྱུད་སྡེ་བཞི་ཡི་སྤྱི་སྒྲུབ་ཅེས་བྱ་བ། །གྲུབ་པའི་རྒྱལ་མོས་གསུངས་པའི་མན་ངག་སྟེ། །གྲུབ་ཆེན་པཀིས་རྒྱ་ཆེར་བཀྲོལ་བའོ། །དེ་བཞིན་སྡིག་སྒྲིབ་སྦྱོང་ལ་རྡོ་རྗེ་སེམས། །ལས་སྒྲིབ་རྒྱུན་གཅོད་རྒྱལ་བ་མི་འཁྲུགས་པ། །ངན་སོང་སྒོ་གཅོད་ཀུན་རིག་རྣམ་སྣང་མཛད། །འཇིགས་པ་སྐྱོབ་ལ་སྒྲོལ་མ་ཉི་ཤུ་གཅིག །ཚེ་བསྲིང་ཚེ་དཔག་མེད་དང་སྒྲོལ་མ་དཀར། །ནད་སེལ་སྨན་ལྷ་མཆེད་བརྒྱད་ལོ་མ་ཅན། །ཕོ་གདོན་གུ་དྲག་མོ་གདོན་མི་གཡོ་བ། །ཀླུ་ལ་ཁྱུང་དང་ནཱ་

[Full Size]

ག་རཀྵ་སྟེ། །བསོད་ནམས་སྤེལ་འདོད་ཛམ་ལྷ་ནོར་རྒྱུན་མ། །རླུང་ནི་བླ་མ་ཡི་དམ་བསྲེ་བ་གཅེས། །ལྷ་གཅིག་སྔགས་གཅིག་ཀུན་འགྲུབ་ཨེ་མ་ཧོ། །རླུང་ནི་མཁའ་འགྲོ་ཆོས་སྐྱོང་བསྲེ་བ་ཡང་། །ཕག་ཁྲོས་སེང་གསུམ་བེར་དང་ཕྱག་བཞི་དྲུག །གུར་དང་མ་ནིང་ལྷ་མོ་དཔོན་གཡོག་སོགས། །ཡེ་ཤེས་ལྷ་རྣམས་ཐམས་ཅད་རིགས་འགྲེས་སོ། །རླུང་ནི་རིགས་དྲུག་སེམས་ཅན་བསྲེ་བ་ཡང་། །མ་རྒན་འགྲོ་ལ་སྙིང་རྗེ་ཚད་མེད་བསྒོམ། །རླུང་ངམ་སྔགས་ཀྱི་འོད་ཟེར་ཕར་འཕྲོས་ཚེ། །རང་གི་བསོད་ནམས་དགེ་ཚོགས་འགྲོ་ལ་བསྟིམ། །ཐམས་ཅད་བདེ་བ་ཚད་བཟུང་མེད་པར་བསྒོམ། །བདེ་བའི་རྒྱུ་ནི་དགེ་བཅུ་སྤྱད་པར་གྱུར། །འོད་ཟེར་བསྡུ་ཞིང་རླུང་ནི་ཚུར་རྔུབ་དུས། །འགྲོ་བའི་སྡིག་སྒྲིབ་སྡུག་བསྔལ་མ་ལུས་པ། །སིབ་སེ་བསྡུས་ནས་རང་ལ་ཐིམ་པ་ཡིས། །དཔེར་ན་མེ་དཔུང་ལ་ནི་ཤིང་བསྣན་ལྟར། །རང་ཉིད་ཐུགས་རྗེ་ཆེན་པོ་གཟི་བརྗིད་འབར། །ཁོང་དུ་གནས་ཚེ་སྟོང་ཉིད་ངོ་བོ་སྐྱོང་། །ཐུབ་པས་གཞན་དོན་མཛད་པས་རྫོགས་སངས་རྒྱས། །བྱིས་པས་རང་དོན་བྱས་པས་འཁོར་བར་འཁྱམས། །སངས་རྒྱས་

[Full Size]

ཐོབ་པའི་ཐབས་ལ་འདི་ལས་ཟབ། །པཎ་ཆེན་དྷི་པཾ་ཀ་རས་མ་རྙེད་གསུངས། །གདོན་དང་ལྷ་འདྲེའི་བྱད་ཁ་ལ་སོགས་ལ། །གང་ཡིན་དེ་ལ་ཕུར་ཚུགས་འདི་བསྒོམས་པས། །གནོད་པ་ཞི་ཞིང་དམ་ལ་ཐོགས་ངེས་ཏེ། །བྱང་ཆུབ་སེམས་ཀྱི་འཇམ་གཅོད་གཅོད་ཀྱི་མཆོག །འཆད་ཁ་བ་དང་སྐྱོབ་པའི་མཛེ་བཅོས་ཡིན། །དེ་ལྟར་བསྐྱེད་པའི་རིམ་པ་བསྒོམ་པ་དེ། །གཤེགས་གསོལ་བསྡུ་ཆོག་ངེས་པར་མི་དགོས་ཏེ།་་་བདག་བསྐྱེད་ལ་ཡེ་ཤེས་སེམས་དཔའ་བསྟིམ་པ་དེ་མཚན། །བྱང་ཆུབ་མ་ཐོབ་བར་དུ་མི་གཤེགས་བར། །ཕྱག་རྒྱ་སྒོ་བཅད་བར་དུ་བསྒྲུབ་པ་ཞེས། །བླ་མེད་ཨ་ཏི་ཡོ་གའི་ཁྱད་ཆོས་ལགས། །མཐའ་ནས་དབུས་ཡལ་ལོ་སོགས་བསྒོམ་པ་ནི། །དྲང་དོན་ལས་ནི་དང་པོའི་བསྒོམ་བྱ་སྟེ། །སྒོམ་མཁན་སེམས་ལ་བལྟས་པས་སྟོང་ཉིད་དུ། །མངོན་སུམ་མཐོང་བ་དེ་ཉིད་སྟོང་ཉིད་དངོས། །དེ་ཡང་གོམས་ནས་མཁའ་ལ་འཇའ་ཤར་བཞིན། །བསྐྱེད་རིམ་སེམས་ངོ་མི་འགལ་ཟུང་འཇུག་ཏུ། །བསྒོམ་པ་དེ་ཉིད་བསྐྱེད་རྫོགས་ཟུང་འཇུག་སྟེ། །ལུས་ནི་སྣང་སྟོང་ཐུགས་རྗེ་ཆེན་པོའི་སྐུ། །ངག་ནི་གྲག་སྟོང་ཡིག་དྲུག་ཆུ་བོའི་རྒྱུན། །སེམས་ནི་བདེ་སྟོང་མ་བཅོས་

[Full Size]

ལྷུག་པ་སྟེ། །དེ་གསུམ་རྒྱུན་གྱི་ཉམས་ལེན་དངོས་གཞིའོ། །ཁྱད་པར་སེམས་ཀྱི་ངོ་བོ་སྐྱོང་བའི་གནད། །རྟོགས་པ་བཟང་པོ་སྐྱེ་འདོད་རེ་བ་དང་། །གེགས་དང་གོལ་ས་ལ་སོགས་དོགས་པ་དང་། །བདེ་འདོད་གསལ་འདོད་སྟོང་རྗེན་འདོད་པ་དང་། །བྱིང་དང་རྨུག་དང་འཕྲོ་རྒོད་མི་འདོད་སོགས། །རེ་དོགས་དགའ་སྡུག་གང་བྱུང་བཅོས་པ་ཡིན། །མ་བཅོས་ཞོག་ཅེས་བླ་མས་མ་གསུང་ངམ། །བླང་དོར་མེད་པ་གལ་ཆེན་མ་གསུང་ངམ། །དགག་སྒྲུབ་སྤང་བླང་བྲལ་བར་མ་གསུང་ངམ། །བློ་ཡིས་མ་རིག་%ཞོག་ཅིག་མ་གསུང་ངམ། །རང་གར་ཅོག་གེ་ཞོག་ཅིག་མ་གསུང་ངམ། །ཐ་མལ་ཁྲེག་གེར་ཞོག་ཅིག་མ་གསུང་ངམ། །ཆུ་དང་རླབས་གཉིས་ཆུ་རུ་མི་གཅིག་གམ། །སྤྲིན་དང་ཁུ་རླངས་འཇའ་ཚོན་སྣ་ཚོགས་པ། །ནམ་མཁའ་ལས་བྱུང་ནམ་མཁའ་ཉིད་ལ་ཐིམ། །ནམ་མཁའ་ལས་གཞན་དེ་དག་ཡོད་དམ་ཅི། །སེམས་ལས་བྱུང་བའི་རྟོགས་ཚོགས་ཇི་སྙེད་པ། །སེམས་ལས་བྱུང་ཞིང་སེམས་ཀྱི་ཀློང་དུ་ཐིམ། །སེམས་ལས་གཞན་པའི་རྟོགས་ཚོགས་ཡོད་དམ་ཅི། །སེམས་ཉིད་ཡེ་ནས་ཆོས་སྐུ་རྗེན་པ་རུ། །མདོ་རྒྱུད་ཀུན་ལས་

[Full Size]

གསུངས་པ་མ་ཐོས་སམ། །མ་བཅོས་བཞག་པ་དེ་ནི་ཆོས་སྐུ་སྟེ། །བཅོས་མའི་ལམ་གྱིས་འཕགས་ལམ་མི་འཐོབ་ཅེས། །རྒྱལ་བས་ཡང་ཡང་གསུངས་པ་མ་ཐོས་ནས། །ཧ་རེ་ལོང་ངེ་ཧར་སྐྱོན་མ་ཆེས་སམ། །དེ་ལྟར་ཡིན་སྙམ་སྐྱུར་བས་ག་ལ་ཆོག །མ་བརྗེད་དྲན་པ་གསལ་འདེབས་ཡང་ཡང་གཅེས། །དེ་ལ་འདི་བསྒོམ་གཏད་སོ་མེད་པ་གཅེས། །ངེས་ཤེས་འཛིན་པ་ནང་ནས་ཞིག་པ་གཅེས། །དེ་ལ་བོགས་འདོན་གདམས་ངག་རྣམ་པ་བཞི། །མོས་གུས་སྒོ་ནས་གེགས་སེལ་བོགས་འདོན་པ། །ཉམས་རྟོགས་མ་སྐྱེས་སྐྱེ་དང་སྐྱེས་པ་ལ། །བོགས་ཐོན་གེགས་སེལ་བརྟན་པ་ཐོབ་པ་ཡི། །མན་ངག་གཅིག་ཆོག་དཀར་པོ་གཅིག་ཐུབ་ནི། །བླ་མའི་རྣལ་འབྱོར་གསར་རྙིང་ཀུན་ནས་གསུངས། །ནཱ་རོ་རྒོད་ཚངས་གཉིས་པོས་རྩལ་དུ་བཏོན། །བཀའ་བརྒྱུད་ཀུན་གྱི་ཉམས་ལེན་མཐིལ་པོ་ལགས། །དག་སྣང་སྦྱོང་དང་གསོལ་བ་འདེབས་ཡུལ་གཉིས། །གཅིག་པར་མི་སེམས་གནས་སྐབས་སོ་སོ་ལགས། །དག་སྣང་ཆོས་མཛད་ཡོངས་ལ་སྦྱང་བར་བྱ། །ཡོན་ཏན་སུ་ལ་འདུག་ཀྱང་བླང་བར་བྱ། །གསོལ་བ་འཆུགས་མེད་དམ་པ་རྗེ་ལ་བཏབ། །བཀའ་དྲིན་ཆེ་

[Full Size]

བའི་སོ་སྐྱེ་བླ་མ་ཡང་། །གཙོ་བོ་དེ་དང་ངོ་བོ་དབྱེར་མེད་བསམ། །བླ་མ་མི་ཡི་གཟུགས་སུ་མི་བསྒོམ་པར། །སངས་རྒྱས་བྱང་སེམས་སྐུ་རུ་བསྒོམ་པར་བྱ། །ཁྱི་སོར་རིང་བསྲེལ་ཟེར་བའི་ངག་རྒྱུན་བཞིན། །བླུན་དད་ཁོ་ནས་ཉམས་རྟོགས་སྐྱེ་བར་དཀའ། །རྐོས་ཕོར་རི་མོ་གང་ཡོད་ཚ་ཚར་དོད། །མཚུངས་མེད་བླ་མ་མ་མཇལ་མ་ཐོབ་ཀྱང་། །དྭགས་པོ་དུས་མཁྱེན་རྒོད་ཚངས་པ་ལ་སོགས། །དེ་ལས་བརྒྱུད་པའི་ལུང་རྒྱུན་ཐོབ་ཕྱིས་ནས། །དེ་དག་གང་འོས་རྩ་བའི་བླ་མར་རུ། །བཟུང་ནས་གསོལ་བ་ཐོབ་དང་བྱིན་རླབས་འཇུག །ཉམས་རྟོགས་སྐྱེ་བར་སོ་སོས་ཞལ་གྱིས་བཞེས། །དེ་ཡང་རང་གི་རྩ་བའི་བླ་མ་དང་། །ཐ་དད་མི་བསྒོམ་དབྱེར་མེད་བསྒོམས་ན་མྱུར། །བླ་མའི་རྣལ་འབྱོར་ལོགས་སུ་བསྒོམ་མི་དགོས། །ལྷ་དགུ་བསྒོམ་ཆེ་རིགས་བདག་འོད་དཔག་མེད། །རྩ་བརྒྱུད་བླ་མ་ཀུན་འདུས་ངོ་བོར་བསྒོམ། །ལྷ་ལྔ་བསྒོམ་དུས་རྩ་བའི་བླ་མ་དང། །ཨོ་རྒྱན་དབྱེར་མེད་བརྒྱུད་པའི་བླ་མ་དང་། །རྒྱ་བོད་གྲུབ་ཆེན་ཐམས་ཅད་འཁོར་དུ་བསྒོམ། །གསོལ་འདེབས་ཡིག་དྲུག་ཉིད་ཀྱི་ཆོག་པ་ཡིན། །སྤྲུལ་པའི་རྒྱལ་པོའི་

[Full Size]

ཞལ་གདམས་ཡིན་མོད་ཀྱི། །གསོལ་འདེབས་གང་རུང་མོས་གུས་དྲག་པོ་ཡིས། །རྒྱང་འབོད་བྱས་ན་འཕྲལ་དུ་བོགས་འོང་སྣང་། །ཐེ་ཚོམ་སོམ་ཉི་བྱུང་དུསུ་སྤྱི་བོ་ཡི། །བླ་མ་ཉིད་ལ་དད་གུས་གདུང་ཤུགས་ཀྱིས། །རྩེ་གཅིག་གསོལ་བ་བཏབ་རྗེས་ངོ་བོ་སྐྱོང་། །གང་ཤར་དེ་ལ་གེགས་སྐྱོན་ཡོད་མི་སྲིད། །མོས་གུས་ཕྱག་ཆེན་དགོངས་པ་དེ་ཉིད་དོ། །བདེ་བའི་སྒོ་ནས་བོགས་འདོན་ཐབས་ལམ་ནི། །རང་ཉིད་ཐུགས་རྗེ་ཆེན་པོར་གསལ་བ་ཡི། །རྩ་གསུམ་འཁོར་ལོ་ལྔ་པོ་གསལ་བཏབ་ནས། །སྤྱི་མགྲིན་སྙིང་ལྟེ་གསང་བའི་རྩ་མདུད་དབུས། །ཨོཾ་ཨཱཧཱུྃ་ཧཱུྃ་ཨཱདཀར་དམར་མཐིང་སེར་ལྗང་། །གཏི་མུག་འདོད་ཆགས་ཞེ་སྡང་ང་རྒྱལ་དང་། །ཕྲག་དོག་ལྔ་ཡི་ངོ་བོར་བསྒོམ་པར་བྱ། །འབུད་པ་དགུ་ཕྲུག་གིས་ནི་རླུང་རོ་འབུད། །རྔུབ་པ་དང་མཉམ་སེམས་ཅན་ཐམས་ཅད་ཀྱི། །དུག་ལྔའི་ལས་སྒྲིབ་ཡིག་འབྲུ་ལྔ་ལ་བསྟིམས། །འདོམས་བར་དབུ་མའི་མར་སྣེ་རཾ་ཡིག་ལས། །མེ་འབར་དུག་ལྔའི་ས་བོན་འབྲུ་ལྔ་བསྲེགས། །ཐུགས་རྗེ་ཆེན་པོ་དཀར་དམར་མཐིང་སེར་ལྗང་། །ལྔ་རུ་གནས་འགྱུར་རྩ་འདབ་སོ་སོ་ལ། །གཙོ་བོའི་མདོག་ཅན་ཌཀྐི་རྩ་གྲངས་

[Full Size]

བསྐྱེད། །སླར་ཡང་རླུང་བཟུང་མེ་འབར་ལུས་ཀུན་ཁེངས། །ཚངས་བུག་ཧཾ་དཀར་མགོ་ཐུར་བསྟན་པ་ལས། །བདུད་རྩི་བྱང་སེམས་བབས་པས་འཁོར་ལོ་བཞིའི། །རྩ་རྣམས་གང་བས་བདེ་ཆེན་ཉམས་འབར་བསམ། །འཁོར་ལོ་བཞི་ལ་དགའ་བཞི་ཉམས་མྱོང་ནས། །གསང་བའི་སྦུ་གུ་ཧཱུྃ་ཡིག་དམར་པོས་བཀག །ལྔ་སྦྱངས་དྲུག་སྐོར་སོ་བདུན་མ་ལ་སོགས། །འཁྲུལ་འཁོར་ཐུབ་ན་དངོས་སུ་དྲོད་སྐྱེ་ཞིང་། །དེ་ནས་བདེ་ཉམས་དེ་ནས་མི་རྟོག་འཆར། །དང་པོ་འཁྲུལ་འཁོར་རླུང་གིས་ལུས་དུབ་དུས། །མི་སྒྱུར་སྙིང་རུས་བྱེད་པ་གེགས་སེལ་ཡིན། །དེ་ནས་དྲོད་འབར་བདེ་བ་རྒྱས་པའི་དུས། །ངོ་བོ་བལྟས་ལ་བདེ་སྟོང་དབྱེར་མེད་བསྲེས། །ཐིག་ལེ་མ་ཉམས་སྲོག་ལྟར་བསྲུང་བ་གནད། །དེ་ནས་མི་རྟོག་སྒོ་ནས་བོགས་འདོན་པ། །ཉལ་དུས་སེང་གེ་ཉལ་སྟབས་བྱས་ལ་ཉལ། །བསྡུ་རིམ་ནང་ལྟར་སྣོད་བཅུད་རང་ལ་བསྡུ། །དེ་ཡང་ཧྲིདང་ཐིག་ལེ་ན་དཱར་བསྡུ། །དེ་ནས་མི་དམིགས་ཉམས་ལེན་ངང་ལ་ཉལ། །གཉིད་དུ་སོང་ནས་རྨི་ལམ་མ་རྨིས་བར། །རྣམ་ཤེས་དབུ་མར་ཡུད་ཙམ་ཚུད་པའི་དུས། །སེམས་ངོ་ཟིན་ཞིང་དེ་ཡི་

[Full Size]

ངང་གནས་ན། །དེ་ལ་འོད་གསལ་ཟིན་པ་བྱ་བའོ། །མ་གཉིད་བར་དུ་སེམས་ངོ་མ་ཡེངས་ཤིང་། །གཉིད་ནས་ཟིན་དང་མ་ཟིན་མི་འབྱེད་ཀྱང་། །རྨི་ལམ་ཟིན་མེད་ཕྱིར་ནངས་སད་མ་ཐག །སེམས་ངོའི་སྟེང་དེར་རྗེན་ནེ་འདུག་པ་དང་། །ཕྱིར་ནངས་ཁམས་བདེ་རིག་པ་དྭངས་བ་ན། །འཐུག་པོའི་འོད་གསལ་ཟིན་པ་ཡིན་ཞེས་བྱ། །གཉིད་མ་ཐག་ཏུ་གཉིད་པ་ཡིན་ཤེས་ཤིང་། །རྨི་ལམ་མེད་པར་སེམས་ངོའི་ངང་གནས་ན། །དེ་ནི་སྲབ་མོའི་འོད་གསལ་གོ་བར་སླ། །གཉིད་མ་ཐག་ཏུ་མིག་གི་ཐད་སོ་ནས། །འོད་དང་སྒྲོན་མེ་བཏེག་པ་འདྲ་སྣང་ཞིང་། །དེ་ཡིས་རྐྱེན་བྱས་སེམས་ངོའི་ངང་གནས་ན། །དེ་ནི་ཉམས་ཀྱི་འོད་གསལ་དེ་བས་དམན། །རྨི་ལམ་རྨིས་ན་ཉིན་མོའི་བག་ཆགས་ཀྱིས། །སེམས་ངོ་སྐྱོང་བས་ཉིན་བས་གསལ་བ་དང་། །རྨི་ལམ་རྨི་ལམ་ཡིན་པར་ངོ་ཤེས་ཤིང་། །དེ་ནས་བསྒོམ་པ་རྨི་ལམ་འོད་གསལ་ལོ། །དེ་དག་མ་ཟད་དབང་དུ་ཟིན་པ་དང་། །དམ་དུམ་ཟིན་སོགས་མ་ངེས་ཅི་ཡང་འབྱུང་། །འདི་ནི་མི་རྟོག་སྒོ་ནས་བོགས་འདོན་ཡིན། །འདི་ལ་གོམས་ན་འཆི་དུས་འོད་གསལ་ཟིན། །བར་དོ་མི་བགྲོད་ཡར་གྱི་ཟང་ཐལ་ཡིན། །དེ་

[Full Size]

ནས་གསལ་བའི་ངང་ནས་བོགས་འདོན་པ། །ཐེག་དགུའི་ཡང་རྩེ་ཨ་ཏི་ཡོ་གའི་ཆོས། །རྒྱལ་བ་རྒྱ་མཚོ་ལྷ་ལྔ་དང་འབྲེལ་བ། །རྫོགས་ཆེན་ཐོད་རྒལ་གདམས་པ་ཉམས་ལེན་གཅེས། །སྙིང་དབུས་དྭངས་མ་ལྔ་ལྡན་འོད་ལྔའི་ཀློང་། །རིགས་ལྔ་ལ་སོགས་ཞི་བའི་ལྷ་ཚོགས་རྣམས། །དངོས་སུ་བཞུགས་པ་ཡེ་ཤེས་ལྔ་ཡི་འོད། །ཡེ་ཤེས་རྩ་ཡི་ལམ་ནས་མིག་ལ་གསལ། །ཙཀྱུས་སུརླའི་ཟེར་ལ་ཟིམ་བུས་བལྟས། །འཇའ་ཚོན་ཐིག་ལེ་ཐིག་ཕྲན་ལུ་གུ་རྒྱུད། །འཆར་བའི་ཟེར་གཉིས་ལ་ནི་རྒྱུན་དུ་བལྟ། །བཀྲག་མདངས་དེ་ལ་སེམས་གནས་མི་འཕྲོ་བ། །དེ་ཡི་ངོ་བོ་བལྟས་པས་སྟོང་པ་ཉིད། །གསལ་སྟོང་ཟུང་འཇུག་མིག་གིས་མངོན་སུམ་མཐོང་། །ཇེ་ཆེར་འཕེལ་བ་ཉམས་ལེན་གོང་འཕེལ་ཟེར། །བར་དོར་སྒྲ་འོད་ཟེར་གསུམ་ངོས་ཟིན་ནས། །ལོངས་སྐུའི་ཞིང་དུ་སྐྱེ་བར་རྒྱལ་བས་གསུངས། །སྐུ་གཟུགས་རེ་རེའམ་སྣ་ཚོགས་དུ་མ་འཆར། །རིག་པ་ཚད་ཕེབ་བར་དོ་བགྲོད་མི་དགོས། །ཕྱི་དབུགས་ཆད་ཚེ་འོད་ཟེར་སྦུ་གུ་ནས། །རིག་པ་རྡོར་སེམས་ལ་ཐིམ་སངས་རྒྱས་གསུངས། །ཡི་དྭགས་རྣམས་ནི་ཟས་ལ་དགྲར་མཐོང་

[Full Size]

ལྟར། །ལོག་ལྟ་ཐོ་སྙད་མཁན་འགས་གཤེ་ན་ཡང་། །འབུམ་ཕྲག་དྲུག་ཅུ་རྩ་བཞིའི་རྒྱུད་ཀྱི་དོན། །བསྒོམ་མི་དགོས་པར་བལྟས་པས་སངས་རྒྱས་ཐབས། །ཐེག་དགུའི་ཡང་རྩེ་འདི་ལ་བརྩོན་འགྲུས་བསྐྱེད། །འདི་ཉིད་ཉམས་སུ་ལེན་པའི་ཚེ། ཐོག་མར་བླ་མ་མཚན་ཉིད་དང་ལྡན་པ་ལ། རྫོགས་ཆེན་དང་འབྲེལ་བའི་དབང་དང་རྫོགས་ཆེན་གྱི་ཁྲིད་ཐོབ་པ་ཤིན་ཏུ་གལ་ཆེ། དེ་ནས་ཉམས་སུ་ལེན་ཚེ་འཇའ་འོད་དང་ལྷ་སྐུ་ལ་སོགས་ཅི་མཐོང་ཡང་གཞན་ལ་བཤད་དུ་མི་རུང་། གལ་ཏེ་བཤད་ན་འདིའི་བཀའ་སྲུང་མ་གཟའ་དམ་གསུམ་ཡིན་པས་འཁུ་ལྡོག་འོང་བར་ཤེས་པས། གཞན་ལ་མི་བཤད་པ་ནི་ཆོས་འདིའི་དམ་ཚིག་ཡིན་གསུངས། །མཆན། །དེ་ཡིས་བསྒོམ་བྱའི་ཉམས་ལེན་ཕར་ཆེར་སོང་། །དེ་ནས་རྒྱུད་སྡེ་རྣམས་ནས་སྤྱོད་པ་ནི། །ཀུན་བཟང་བྷུ་སུ་ཀུ་དང་བརྟུལ་ཞུགས་སྤྱོད། །ཕྱོགས་ལས་རྣམ་རྒྱལ་ལ་སོགས་མང་གསུངས་ཀྱང་། །སྤྱོད་པ་དུས་དང་མ་འབྲེལ་གཡང་ས་ཆེ། །ཀུན་ཏུ་བཟང་པོའི་སྤྱོད་པ་གཡང་ས་མེད། །དེ་ཕྱིར་བཀའ་བརྒྱུད་ཀུན་གྱི་ལམ་འདི་བསྙག །ལུས་ཀྱི་སྤྱོད་ལམ་འདུལ་ཁྲིམས་གཙོ་བོར་བྱ། །སེམས་ཀྱི་ཀུན་བསལང་བྱང་སེམས་སེམས་བསྐྱེད་གཟབ། །ཉམས་ལེན་གཙོ་བོར་བསྐྱེད་རྫོགས་ཟབ་ལམ་བསྒོམ། །ལག་ལེན་གཙོ་བོ་

[Full Size]

སྡིག་སྤང་དགེ་བ་བསྒྲུབ། །གནས་ཀྱི་གཙོ་བོར་རི་ཁྲོད་དགོན་པ་བསྟེན། །བག་ཡོད་གཙོ་བོར་ནག་ཆང་དུག་ལྟར་འཛེམ། །ཆགས་ཕྱི་གཙོ་བོར་བསྟན་པའི་རྐང་མི་འདྲེན། །འགྲོ་དོན་གཙོ་བོ་བྱམས་དང་སྙིང་རྗེ་བསྒོམ། །རྐྱེན་ཟློག་གཙོ་བོ་མཆོད་གཏོར་བསྐང་གསོར་འབད། །ཞེན་ལོག་གཙོ་བོ་བསྟན་དང་བླ་མ་དང་། །གྲྭ་རིས་ལ་སོགས་འདུ་ཕྱིར་མ་གཏོགས་པ། །རང་གི་སྒེས་ནོར་ཕུག་སྲིས་བསམ་པ་སྤང་། །དག་སྣང་གཙོ་བོ་ཕྲག་དོག་འགྲན་སེམས་དང་། །དོན་མ་གོ་བའི་ཅལ་སྒྲོག་གཤེ་སྐུར་སྤང་། །བཟོད་པའི་གཙོ་བོ་ཐུབ་པར་རྔན་ཆེན་དང་། །མི་ཐུབ་དགྲ་ལ་མནར་སེམས་འཆང་བ་སྤང་། །གཞན་ཕན་གཙོ་བོ་རང་ལ་རེ་བ་རྣམས། །འདི་ཕྱིར་གང་ཕན་སྐབས་སུ་གང་བབ་བྱ། །རྙེད་པས་རྙེད་ཚོལ་ལོག་འཚོའི་ཁེ་གྲགས་དང་། །བསྡུ་བའི་དངོས་པོ་བཞི་ཡི་འགྲོ་དོན་གཉིས། །བྱེད་ལུགས་འདྲ་ཡང་བསམ་པའི་ཁྱད་པར་སྟེ། །བསམ་པའི་འཁྱེར་ཕྱོགས་སེམས་བསྐྱེད་གནད་ཤེས་ན། །བྱང་ཆུབ་བསྒྲུབ་པའི་ཐབས་ནི་ཞོར་ལ་མཆིས། །གནད་མ་ཤེས་ན་སྡུག་བསྲན་ཨུ་ཚུགས་ནི། །རབ་ཏུ་ཆེ་ཡང་ས་ཆོད་ཆུང་བ་ལགས། །

[Full Size]

རང་གི་ལུས་དང་ལོངས་སྤྱོད་དགེ་རྩར་བཅས། །འགྲོ་བ་མ་ལུས་སངས་རྒྱས་ཐོབ་པའི་ཕྱིར། །བླ་མ་ཡི་དམ་རྣམས་ལ་ཡང་ཡང་ཕུལ། །རང་ལ་བདག་བཟུང་སྤུ་ཙམ་མེད་པར་བྱ། །ཟ་འཐུང་འགྲོ་འཆག་བྱ་བ་ཐམས་ཅད་ཀུན། །དཀོན་མཆོག་མཆོད་དང་འགྲོ་བའི་དོན་ཕྱིར་ལས། །རང་གི་དོན་དུ་བྱས་པ་མེད་པར་བྱ། །རང་ལུས་ཡི་དམ་ལྷ་ཡི་དཀྱིལ་འཁོར་གསལ། །ཟ་འཐུང་ཚོགས་འཁོར་སྦྱིན་སྲེག་མཆོད་པ་སྟེ། །གོས་རྒྱན་གདན་སོགས་ལྷ་ཡི་རྒྱན་དང་ལྡན། །ལང་དང་འགྲོ་བ་སེམས་ཅན་དོན་ཕྱིར་བསམ། །ཁང་པ་གཞལ་ཡས་གདན་ནི་པད་ཟླར་བཞུགས། །འགྲོ་ཚེ་གཡས་ངོས་པདྨའི་སྡོང་པོ་ནི། །ཁ་ལྔར་དགྱེས་པ་ལྷ་ལྔའི་ལྷ་ཚོགས་བཞུགས། །དེ་ལ་བསྐོར་བའི་མོས་པ་བྱས་ལ་འགྲོ། །དབང་བསྐུར་ཆོས་བཤད་ལ་སོགས་བྱེད་ན་ཡང་། །ཟང་ཟིང་སྡུད་པའི་བསམ་པ་གདིང་ནས་སྐྱུར། །བཤད་དང་ཐོས་པའི་ཕན་ཡོན་ཁོ་ནར་དམིགས། །དད་གུས་བསྟོད་ར་གཤེ་སྐུར་འབར་ཤ་རྣམས། །གང་ཐོབ་ངོ་བོ་བལྟས་ལ་ཀློང་དུ་སྒྱུར། །ཚུལ་ཁྲིམས་གཙང་དང་ཉམས་ལེན་བཟང་བ་དང་། །ཡོན་ཏན་མཁས་དང་ནུས་པ་ཐོན་པ་སོགས། །རང་ལ་

[Full Size]

རང་མགུ་ཁེངས་སེམས་ནམ་སྐྱེས་ཚེ། །ཐམས་ཅད་བརྗེད་པའི་ཕུང་འདྲེ་དེ་ཡིན་པས། །སྔོན་གྱི་པཎ་གྲུབ་རྣམས་ཀྱི་རྣམ་ཐར་ལས། །བལྟས་ན་དེ་རྣམས་མཁས་དང་གྲུབ་པ་ཡི། །ཡོན་ཏན་དུང་ཕྱུར་ཕྲག་བརྒྱའི་ཆ་ཤས་ཀྱི། །ཆ་ཤས་ཙམ་ཡང་རང་ལ་མ་མཆིས་ན། །རང་ལ་ང་རྒྱལ་སྐྱེ་རྒྱུའི་ཡོན་ཏན་ཅི། །དགེ་མའི་མཚན་བརྗོད་དཔེ་ལས་བརྒྱ་འགྱུར་ལོད། །འབུ་སྲིན་རྣམས་ཀྱི་ནང་ནས་ལ་ལ་ནི། །གཞན་ལས་རྭ་ཅོ་རིང་བ་འགའ་རེ་སྣང་། །དེ་ཡིས་ཁོ་ལ་འཚོང་རྒྱུ་ཡོད་དམ་ཅི། །སྙམ་དུ་རང་གི་རང་ལ་རང་མཚང་འབྲུ། །གཞན་སྐྱོན་མི་བརྟག་རང་སྐྱོན་ཡང་ཡང་བརྟགས། །གཞན་སྐྱོན་འདུག་ཀྱང་རང་ལ་འགོས་དོགས་མེད། །རང་གི་སྐྱོན་གྱིས་རང་ཉིད་རྟག་ཏུ་ཕུང་། །རང་རེ་ཆོས་སྒོ་འདི་རུ་ཞུགས་ཕྱི་ནས། །བསྲུང་རྒྱུ་སྡོམ་པ་དམ་ཚིག་གཉིས་ལས་མེད། །བྱ་རྒྱུ་ཚོགས་བསགས་སྒྲིབ་སྦྱང་གཉིས་ལས་མེད། །མཚོ་རྒྱུ་རང་སེམས་གླང་པོ་འདི་ཁོ་ན། །དམིགས་རྒྱུ་བླ་མེད་བྱང་ཆུབ་རིན་པོ་ཆེ། །འདོད་རྒྱུ་འབྲེལ་ཚད་དོན་དང་ལྡན་པ་ཞིག །ཡིན་པར་ངེས་པས་སྡིག་པ་སྦྱང་བའི་ཐབས། །ཕྱག་དང་བསྐོར་བ་ཚ་ཚ་ལྟུང་བཤགས་

[Full Size]

སོགས། །རྡོར་སེམས་སྒོམ་བཟླས་ལ་སོགས་སྐབས་སུ་འབོད། །སྒྲུབ་ཆེན་ཚོགས་བརྒྱ་མར་མེ་སྐུ་གསུང་རྟེན། །བསོད་ནམས་བསགས་པའི་ཐབས་མཆོག་མཎྜལ་སོགས། །འབྱོར་པ་དང་བསྟུན་ཚོགས་བསགས་ཐབས་ལ་འབད། །འབྱོར་པ་མེད་ཀྱང་ཆུ་གཏོར་ལུས་སྦྱིན་སོགས། །ཚོགས་བསགས་སྒྲིབ་སྦྱང་གང་འཐད་སྐབས་དང་སྦྱར། །ཉམས་ལེན་ཤོར་ན་རེ་ཞིག་ཉམས་ལེན་གདམས། །དེ་ནས་རེས་འཇོག་བྱས་ལ་ཐུན་སྐབས་འབད། །དེ་ཡང་དེ་ལྟར་དགེ་སྦྱོར་གང་འབད་ཀྱང་། །ཉམས་ལེན་རྩི་དང་མ་བྲལ་ཟུང་འཇུག་ན། །ཐམས་ཅད་ཟག་མེད་ཚོགས་སུ་འགྱུར་བའི་ཕྱིར། །བླ་མེད་བྱང་ཆུབ་ལམ་དུ་འགྱུར་ངེས་ཏེ། །སྟོང་ཉིད་རྩི་དང་བྲལ་བའི་དམིགས་པ་ཅན། །ཟག་བཅས་འཁོར་བའི་བདེ་སྐྱིད་ཙམ་གྱི་རྒྱུ། །དེ་ལྟར་ཚོགས་གཉིས་ཟུང་འཇུག་བསགས་པ་དེ། །བསྔོ་བ་ཟབ་མོའི་རྒྱ་ཡིས་མ་ཐེབས་ན། །འཕེལ་བར་མི་འགྱུར་ཉམ་པར་སླ་བ་དང་། །ཟད་པར་འགྱུར་བས་བྱང་ཆུབ་ཐོབ་མི་འགྱུར། །བསྔོ་བྱ་བསྔོ་བྱེད་བསྔོ་ཡུལ་རྣམ་པ་གསུམ། །དངོས་པོར་དམིགས་ན་དུག་ཅན་ཕན་ཡོན་ཆུང་། །ཉམས་ལེན་སྟོང་ཉིད་ཉམས་དང་མ་བྲལ་

[Full Size]

བར། །བསྔོ་བ་འཁོར་གསུམ་ཡོངས་དག་བསྔོ་བའོ། །དེ་ཡང་གོ་མ་ལོག་པ་གནད་དུ་ཆེ། །སངས་རྒྱས་ཐམས་ཅད་ཡོན་ཏན་ཡེ་ཤེས་མཉམ། །འོན་ཀྱང་སྐུ་ཚེ་བསྟན་པ་འཁོར་ཞིང་ཁམས། །མི་མཉམ་མི་འདྲ་སྣ་ཚོགས་འབྱུང་བ་ཡང་། །སྔོན་ཚེ་ཐུགས་བསྐྱེད་སྨོན་ལམ་ཁྱད་པར་ལགས། །ལྷ་ཀླུ་གནོད་སྦྱིན་བདུད་དང་གཞི་བདག་སོགས། །མཐུ་སྟོབས་ལོངས་སྤྱོད་རྫུ་འཕྲུལ་དཔག་མེད་ཅིང་། །ཕན་གནོད་བྱ་བ་སྣ་ཚོགས་བྱེད་པ་ཡང་། །རྒྱུ་ནི་སྔོན་གྱི་བསོད་ནམས་ཚོགས་ཡིན་ཏེ། །བསྔོ་སྨོན་གོ་མ་ལོག་པ་བཏབ་བཞིན་འགྲུབ། །དེ་དོན་གནད་འགག་རང་གིས་གོ་བའི་ཕྱིར། །གོ་མ་ལོག་ཅིང་རྒྱ་མ་ཆུང་བ་ཡིས། །བསྔོ་བ་སྨོན་ལམ་ཐུན་མཇུག་ཀུན་ཏུ་བྱ། །ཡེངས་ཤིང་བསྔོ་སྨོན་བྱས་པས་འགྲུབ་པ་མིན། །མ་ཡེངས་རྩེ་གཅིག་འདུན་པ་དྲག་པོ་ཡིས། །ཕྱོགས་བཅུའི་རྒྱལ་ཀུན་ཡིད་ཀྱི་དཔང་པོར་དམིགས། །ཉམས་ལེན་སྟོང་ཉིད་རྩི་དང་མ་བྲལ་བར། །བསྡུ་རིམ་མཇུག་ནས་འབྱུང་བ་ལྟ་བུ་ཡི། །ཐེག་པ་ཆེན་པོའི་བསྔོ་བ་སྨོན་ལམ་བྱ། །ལར་ནི་སང་ཉིན་འགྲོ་ངེས་མགྲོན་པོ་ལྟར། །རང་གི་ཐུགས་དམ་དགེ་སྦྱོར་གང་

[Full Size]

མོས་པ། །ཕྱི་བཞག་མི་བྱེད་འཕྲལ་དུ་གང་འགྲུབ་བྱ། །ལོང་སྐབས་བྱུང་ན་མོས་ཀྱིས་མང་བྱེད་པའི། །མ་བྱུང་དོ་དགོང་རང་ལ་ཤི་ན་ཡང་། །ཕྱི་བཤོལ་མེད་པར་ཅི་ནུས་དགེ་སྦྱོར་འབད། །ཐོས་བསམ་བསྒོམ་དང་བསྐྱེད་རྫོགས་དོན་ཤེས་པས། །སྤྱོད་པ་ཅི་ཡང་མི་ལྟོ་སེམས་བྱུང་ན། །རིགས་ལྡན་མཁའ་འགྲོ་ལྷ་ལྕམ་པདྨ་གསལ། །ཨོ་རྒྱན་ལ་སོགས་པཎ་གྲུབ་བརྒྱ་རྩ་མཇལ། །དབང་ལུང་ཁྲིད་ཐོབ་སྨོན་ལམ་རྣམ་དག་ཀྱང་། །སྔོན་གྱི་འཆལ་བའི་ལས་སྒྲིབ་ལྷག་མ་དེས། །ལུས་ངན་འགའ་བླང་པདྨ་ལས་འབྲེལ་རྩལ། །མཚོན་མ་ཟུག་ཀྱང་གསང་གནས་རྡོ་བ་ཡིས། །བརྡུངས་ནས་འདས་པའི་ལོ་རྒྱུས་དྲན་པར་བྱ། །གོ་ཞིང་རྟོགས་པའི་ཉམས་རྟོགས་ཅུང་ཟད་བྱིང་། །ཚེ་འདི་གལ་ཆེ་བ་དྲེད་སྙམ་བྱུང་འདུག་ན། །ཤི་བ་མཐོང་ཐོས་དཔེ་དང་རང་ལ་སྐབས། །དེ་འདྲ་མི་འོང་གདེང་ཚོད་གང་ཡིན་བརྟགས། །བྱིན་རླབས་ནུས་པས་འཆི་བ་བཟློག་སེམས་ན། །སྐྱེས་ཆེན་དམ་པ་མང་པོ་གློ་བུར་དུ། །གཤེགས་པ་འདི་ནི་བསམ་ཞིང་ཡ་ང་སྐྱེ། །སྨན་དང་རིམ་གྲོས་འཆི་བ་བཟློག་པ་ན། །རྒྱལ་པོ་སྡེ་དཔོན་འདི་རྣམས་ཅི་ལ་འདིའ། །ད་ལྟ་ཤི་ན་

[Full Size]

ཅི་འོང་གར་འགྲོ་བསམ། །དེ་གཉིས་གེགས་སེལ་བོགས་འདོན་གཙོ་བོ་ཡིན། །དེ་ལྟར་ལྟ་བ་མ་ནོར་གནས་ལུགས་རྟོགས། །བསྒོམ་པ་མ་འཁྲུལ་བསྐྱེད་རྫོགས་ཟུང་དུ་འཇུག །སྤྱོད་པ་མ་འཆོལ་བླང་དོར་གཟབ་བྱས་ན། །འབྲས་བུ་མཆོག་དང་ཐུན་མོང་དངོས་གྲུབ་གཉིས། །དང་པོ་སྔ་ལྟས་དེ་ནས་རིམ་བཞིན་ཐོབ། །དེ་ཡང་འདི་དང་ཕྱི་མ་བར་དོ་འོ། །སྔ་ལྟས་དངོས་ཉམས་རྨི་ལམ་རྟགས་འབྱུང་བ། །དབང་པོ་རབ་འབྲིང་ཐ་མའི་ཁྱད་པར་དུ། །རྒྱུད་དང་སྒྲུབ་ཐབས་ཀུན་ནས་གསུངས་ལགས་ཀྱང་།ལ་ལས་དངོས་ཉམས་རྨི་ལམ་རྟགས་ལ་སོགས། །འཕྱ་བཞད་བྱེད་པ་ཉམས་སུ་མ་བླངས་རྟགས། །ཉམས་སུ་བླངས་ན་རྟོགས་མེད་ག་ལ་སྲིད། །མེ་བུས་དུ་བ་ཆུ་བསྐོལ་རླངས་པའི་དཔེ། །རྟགས་མི་ཤེས་ན་ས་མཚམས་མི་ཟིན་སྐྱོན། །རྟགས་བཟང་བཟང་རློམ་ཆེ་ན་བར་ཆད་བདུད། །རྟགས་ངན་སྐྱིད་ལུག་སྐྱུར་ན་བར་ཆད་ཉུང་། །ཕལ་ཆེར་དབང་པོ་ཐ་མ་སོ་སྐྱེ་ཡི། །རྟགས་རྣམས་རྨི་ལམ་ཆ་འཇོག་མ་གསུངས་ཏེ། །ལུས་ལས་རྣག་ཁྲག་མི་གཙང་ཐོན་པ་དང་། །བཤལ་དང་སྐྱུགས་དང་ཁྲུས་བྱས་གོས་དཀར་

[Full Size]

གྱོན། །འཕུར་དང་ནམ་ལངས་ཉི་ཟླ་ཤར་བ་རྣམས། །སྡིག་སྒྲིབ་དག་པའི་རྟགས་སུ་གསུངས་པ་ཡིན། །གངས་རིའི་རྩེར་ཕྱིན་དུང་བུས་རོལ་མོ་སྒྲོག །ཤེལ་དང་བུམ་པ་ཕྱག་མཚན་རྙེད་པ་དང་། །མེ་ཏོག་གླིང་རྒྱས་གླེགས་བམ་རྙེད་པ་སོགས། །རྟོགས་པ་སྐྱེ་ཡང་དམ་ཆོས་འགྲུབ་པའི་རྟགས། །དར་ཕྱར་ཁྲིར་འདུག་ཁྲོམ་ལ་ཆོས་འཆད་དང་། །ཁང་བཟང་ནང་གནས་ལོ་ལེགས་འབྲུ་རྣམས་ཕུལ། །ཆང་དང་བདུད་རྩི་འོ་ཞོ་ཕུལ་ལམ་འཐུང་། །ཆོས་གཏེར་ནོར་གཏེར་རིན་ཆེན་སྣ་ཚོགས་རྙེད། །གོས་བཟང་གྱོན་རྨིས་བསོད་ནམས་འཕེལ་བའོ། །རང་གི་བླ་མ་སྔོན་གྱི་གྲུབ་ཐོབ་ཚོགས། །ཡི་དམ་མཁའ་འགྲོ་ཆོས་སྐྱོང་སྣ་ཚོགས་དང་། །ཞལ་མཇལ་ཆོས་གསུངས་དབང་བསྐུར་བརྡ་ཆོས་སྟོན། །སྔགས་སྒྲ་གྲག་དང་བར་སྣང་ཡིག་འབྲུ་ཤར། །འཇའ་དང་འོད་འཁྱུགས་དྲི་བཟང་རོལ་མོ་སྒྲོག །ལེགས་ཉེས་ཅི་འོང་བརྡ་དང་ཚིག་གིས་སྟོན། །མར་མེ་ཡོན་ཆབ་གཏོར་མ་་འཛིན་པ་དང་། །གཏོར་མ་ཞུ་དང་བདུད་རྩི་ཁོལ་ལམ་འཕྱུར། །ཉམས་དགའ་བག་དྲོ་བྱིན་འཐིབས་རིག་པ་དྭངས། །དད་པའི་གདུང་ཤུགས་ཉམས་འབར་སྣང་བ་འུར། །

[Full Size]

དབང་མེད་བྲོ་འཁྲབ་ཉམས་དབྱངས་ཐོགས་མེད་ཤོར། །འཁྲུལ་པ་ཞིག་སྙམ་གང་ལའང་རྩིས་གདབ་མེད། །ཕྱི་ཡི་སྣང་བ་གཏན་མེད་སྒྱུ་མར་ཤར། །ནང་གི་རིག་པ་བཟོ་མེད་ལྷུག་པར་ཞིག །ལྷ་འདྲེས་གུས་འདུད་གཟུགས་སྟོན་དངོས་གྲུབ་སྟེར། །དེ་སོགས་རྟགས་བཟང་དངོས་གྲུབ་འབྱུང་བའི་ལྟས། །སྒྲུབ་པ་ཉམས་ལེན་མེད་དུས་ཚི་བདེ་བ་ལ། །ཆོས་སྒྲུབ་ཉམས་ལེན་དགེ་སྦྱོར་བརྩོན་བྱས་པས། །ནད་མང་སྨྲ་མཆུ་ཟེར་ཟློས་གོད་ཁ་ལྡང་། །རྨི་ལམ་ཉི་ཟླ་ནུབ་དང་མུན་རུབ་པ། །གོས་ནག་གྱོན་དང་ཐུར་སོང་ལྕགས་སུ་བཅུག །མི་གཙང་འདམ་བྱིང་ཁྱི་དང་གཅན་གཟན་དེད། །རྦབ་དང་ཐོག་སེར་མདའ་རྡོའི་ཆར་པ་འབབ། །བུད་མེད་ངུ་དང་བྲང་བརྡུང་རྒྱན་ཆ་བཏགས། །དེ་སོགས་མི་དགེའི་ཆོ་འཕྲུལ་ལྟས་བྱུང་ཡང་། །ཆོས་དང་སྒྲུབ་ལ་ལོག་ལྟ་མི་བྱ་སྟེ། །སྣོད་བཀྲུས་ན་ནི་དྲི་ཁུ་ལྡང་བ་ལྟར། །ལས་སྒྲིབ་དག་པའི་རྟགས་སུ་ངོས་ཟིན་བྱ། །དམ་ཚིག་ཉམས་ཆག་བསྐང་ཕྱིར་བདག་འཇུག་གམ། །ཏིང་འཛིན་དབང་བླང་བསྐང་བཤགས་ཡིག་བརྒྱུར་འབད། །ཕྱག་དང་ལྟུང་བཤགས་ཚ་ཚ་ཆུ་གཏོར་དང་། །སྲུང་ཟློག་

[Full Size]

དམིགས་རིམ་དག་ལ་འབད་པར་བྱ། །བཟང་རྟགས་ངེས་ཅན་གསལ་བར་བྱུང་ན་ཡང་། །དེ་ལ་མཆོག་འཛིན་དགའ་བྲོད་ཨ་འཐས་ན། །མཆོག་གི་དངོས་གྲུབ་ཐུན་མོང་ཙམ་དུ་གོལ། །ཐུན་མོང་དངོས་གྲུབ་ཕྱིར་འགྱང་དགའ་བྲོད་བདུད། །སྒྲུབ་པ་བྱས་ཚོད་རྟགས་ལ་ཆུང་ངུ་ཙམ། །དེ་ལ་ཡ་མཚན་སྐྱེ་རྒྱུ་ཅི་ཞིག་ཡོད། །མེ་བུས་དུ་བ་འབྱུང་བས་ཡ་ཅི་མཚན། །སྙམ་དུ་མཆོག་འཛིན་རབ་དུ་སྤང་བཞིན་དུ། །དངོས་གྲུབ་བླངས་ཆོག་བྱའམ་ཏིང་འཛིན་གྱི། །དབང་དང་དངོས་གྲུབ་བླངས་བའི་དམིགས་པ་བྱ། །རྟགས་བཟང་བྱུང་ཡང་ཕྱིར་ནངས་སྙིང་མི་དགའ། །བག་མི་དྲོ་ན་བདུད་ཀྱི་བསླུ་བ་ཡིན། །རྟགས་མཚན་ངན་ཡང་སྙིང་དགའ་རིག་པ་དྭངས། །ངན་རྟགས་བཟང་པོར་སྟོན་པ་ཞེས་བྱ་ལེགས། །དེ་འདྲ་བྱུང་བ་གང་ཡིན་མི་འབྱེད་ན། །ཐམས་ཅད་སྒྱུ་མ་བདེན་མེད་རྨི་ལམ་འདྲ། །སྙམ་བྱས་སྟོང་ཉིད་ལྟ་བའི་ངང་ལ་བཞག །དེ་ཡི་བར་ཆད་ཐམས་ཅད་དངོས་གྲུབ་འགྱུར། །དེ་ནས་ནད་གདོན་དགྲ་དང་སྨྲ་མཆུ་ལ། །གཏན་ནས་འཇིག་རྟེན་བྱ་བ་བ་བློས་ཐེང་ཞིང་། །སྒྲུབ་པ་ཉམས་ལེན་རྟོགས་པའི་བོགས་བྱུང་ན། །དེ་ཡི་ས་ལྟས་ངན་

[Full Size]

གཡང་དུ་ཁུག་པ་ཡིན། །རང་ལ་ཉམས་རྟོགས་ཐོས་བསམ་བསྒོམས་པ་ཡི། །ཡོན་ཏན་ཆེན་པོ་མེད་བཞིན་གདུལ་བྱ་འུར། །ཀུན་གྱིས་དད་གུས་འབུལ་ཞབས་དཀོར་བསོད་ཆེ། །རང་ཡང་ང་རྒྱལ་ཁེངས་སེམས་སྤོབས་པ་སྐྱེ། །མཐོ་ལ་འགྲན་སེམས་དམའ་ལ་ཕྲག་དོག་སྐྱེ། །ཆུང་ལ་བརྙས་བཅོས་དད་གུས་དག་སྣང་འགྲིབ། །འུར་སྒྲོབ་རྣམ་གཡེང་ཇེ་ཆེ་ཉམས་ལེན་འགྲིབ། །དུག་ལྔ་ཇེ་རྒྱས་བྱུང་ན་ལྷ་བུའི་བདུད། །རང་སྣང་འགྱུར་དང་གཞན་སྣང་འགྱུར་བ་མཉམ། །རང་འདོད་འཁྲི་བ་མེད་ཅིང་ཕན་སེམས་ཆེ། །ཉམས་རྟོགས་འཕེལ་རྒྱས་ངེས་འབྱུང་སྐྱོ་ཤས་ཆེ། །རང་ཉིད་དམན་ལ་དག་སྣང་ཕྱོགས་མེད་འབྱོངས། །ཉིན་མོ་མི་འདུ་ནང་ནུབ་ཟས་ནོར་འདུ། །འདོད་པ་མེད་བཞིན་ལོངས་སྤྱོད་ཆར་ལྟར་འབེབས། །བག་ཀྱང་ཆགས་ཞེན་འཁྲི་བ་སྦར་བཅང་མེད། །ཉམས་རྟོགས་མི་འགྲིབ་འཕེལ་ཞིང་གཞན་ལ་ཕན། །དེ་ནི་ཐུན་མོང་དངོས་གྲུབ་ཡིན་པར་ས། །དོན་མེད་སྐྱེས་པ་བུད་མེད་ལ་ལ་ཞིག །རང་ཉིད་མཇལ་ནས་དབང་མེད་དད་པ་སྐྱེ། །འདི་ཕྱི་བར་གསུམ་ཅི་མཛད་ཁྱེད་ཤེས་ཟེར། །སྐུ་བཅད་ཆོས་སྒོར་ཞུགས་

[Full Size]

ནས་སློབ་མར་གྱུར། །དབང་ལུང་ཁྲིད་དང་གདམས་པ་མང་དུ་བྱིན། །དང་པོ་ཉམས་སྐྱེས་དེ་ནས་ཨག་སར་ཡལ། །རང་གི་སྙིང་རྗེ་ཕན་སེམས་ཤ་ཚ་བཅས། །དད་པ་དྲེད་ནས་མཉམ་འགྲོགས་རོགས་པར་མཐོང་། །བུད་མེད་ཡིན་ན་མཐུན་ཆེ་སྡོམ་པ་འཆོར། །སྐྱེས་པ་ཡིན་ན་རྗེས་ནས་དགྲ་རུ་ལྡང་། །དམ་ཚིག་མི་རྩི་བརྟག་རྐུ་གཤེ་ལོག་འགེབ། །དེ་དག་དམ་སྲིའི་བསླུ་བ་ཡིན་པར་ངེས། །བཙུན་མ་དད་མདུན་ཆེ་ཡང་རྒྱང་དུ་བསྲིང་། །སྐྱེས་པ་མཛའ་མཐར་འཁོན་ཐབས་གཉིས་ཀ་སྤངས། །འཁྲིབ་ཉམས་ཆེ་ན་ཐབས་ཀྱིས་སྤངས་བ་ལེགས། །དེ་ནས་ཟང་ཟིང་གདུལ་བྱ་འུར་ན་ཡང་། །འཛིན་ཆགས་ཞེན་འཁྲི་མི་བྱ་ཆོས་ཀྱི་ཕྱོགས། །གང་ཐེང་བྱ་ཞིང་ང་རྒྱལ་རློམ་སེམས་སྤང་། །དེ་བྱས་མཆོག་ལ་མི་སྒྲིབ་ཉེས་པ་མེད། །ཚེ་དང་བསོད་ནམས་དཔལ་འབྱོར་ལོངས་སྤྱོད་དང་། །འཁོར་དང་གདུལ་བྱ་སྙན་གྲགས་ལོངས་སྤྱོད་སོགས། །ལོ་ལེགས་ཕུབ་མ་ཞོར་ལ་འོང་བ་ལྟར། །མཆོག་གི་ཞོར་ལ་ཐུན་མོང་དངོས་གྲུབ་འབྱུང་། །མཆོག་འཛིན་རློམ་སེམས་ང་རྒྱལ་ཁེངས་སེམས་སྐྱེས། །མཆོག་ལ་བསྒྲིབས་པས་ཙན་དན་སོལ་བ་བྱས། །དེ་ཕྱིར་ང་

[Full Size]

རྒྱལ་ཁེངས་པ་རྩ་ནས་དོར། །ནད་གདོན་ཞི་ནུས་དགྲ་བགེགས་འདུལ་ནུས་དང་། །ཕྲིན་ལས་བཞི་པོ་གང་ཙམ་འགྲུབ་ན་ཡང་། །རང་ལ་ནུས་མཐུ་ཡོད་ནས་ག་ལ་ཡིན། །ལྷ་དང་བླ་མའི་ཐུགས་རྗེ་ཡིན་སྙམ་ནས། །སླར་ཡང་གཏང་རག་མཆོད་གཏོར་ཚོགས་འཁོར་གཟབ། །དེ་ཡིས་ཇེ་ཆེ་རྣོ་ཞིང་མཆོག་མི་སྒྲིབ། །ཁྱད་པར་ཡར་མར་ཚེས་བཅུ་ཉ་མཚམས་བརྒྱད། །ཉེར་དགུ་ལ་སོགས་དུས་གཉེན་བྱུང་དུས་ལ། །ཅི་འབྱོར་མཆོད་གཏོར་གཟབ་ན་ཅི་བསམ་འགྲུབ། །ལུས་སེམས་བྲལ་མ་ཐག་ཏུ་དཔའ་བོ་དང་་།ཊཱཀྐི་རྣམས་ཀྱིས་མཆོད་སྤྲིན་རྒྱ་མཚོར་བཅས། །དག་པའི་ཞིང་ངམ་སྨོན་ལམ་གར་བཏབ་རུང་། །བསུ་བར་བྱེད་ཅིང་རྒྱུད་སྡེའི་དགོངས་པའོ། །དེ་དག་ཐུན་མོང་དངོས་གྲུབ་འབྱུང་ཚུལ་ལོ། །ཐུན་མོང་གྲུབ་ཆེན་བརྒྱད་སོགས་ཀུན་གྱི་སྐབས། །དེ་ནས་མཆོག་གི་དངོས་གྲུབ་ནི། །ནམ་མཁའ་ལ་ནི་འཇའ་ཚོན་བཞིན། །སྟོང་ཉིད་ལྟ་བའི་ངང་ཉིད་ལས། །རང་ལུས་ཡི་དམ་ལྷ་རུ་གསལ། །དེ་ལ་གསལ་སྣང་བརྟན་པ་ན། །བར་དོའི་ཡིད་ལུས་དེ་ཉིད་ནི། །དེ་ལྟར་སྣང་སྟོང་ལྷ་ཡི་སྐུ། །དངོས་སུ་གྱུར་ནས་ཞིང་

[Full Size]

ཁམས་བགྲོད། །ཕྱག་རྒྱ་ཆེན་པོའི་རིག་འཛིན་ཡིན། །གདུང་དང་རིང་བསྲེལ་སྐུ་གཟུགས་སམ། །འཇའ་འོད་ལ་སོགས་རྟགས་ཤིག་འབྱུང་། །ཟུང་འཇུག་དེ་ལྟར་མི་གསལ་ཞིང། །ངོ་བོ་རྗེན་པར་རྟོགས་པ་དེ། །རྒྱུན་དུ་མ་ཡེངས་སྐྱོང་ནུས་ན། །ཕྱི་དབུགས་ཆད་ཅིང་ནང་དབུགས་གནས། །གཞི་ཡི་འོད་གསལ་ཤར་བའི་ཚེ། །ཆུ་ཉིད་ལ་ནི་ཆུ་བཞག་ལྟར། །ཉམས་ལེན་ཟིན་ནས་དེ་ཐོག་ཏུ། །ཞག་བདུན་ལ་སོགས་གནས་ན་ནི། །འཆི་བ་ཆོས་སྐུར་སངས་རྒྱས་ཏེ། །བར་དོའི་སྣང་བ་དེ་ལ་མེད། །ཡར་གྱི་ཟང་ཐལ་ཡིན་པར་གསུངས། །རྟགས་ནི་ཤ་བཀྲག་ཡུན་རིང་གསལ། །ཨཱདང་ཧཱུྃ་འབྱོན་ནམ་མཁའ་དྭངས། །དེ་གཉིས་བརྟན་པོ་མེད་ན་ཡང་། །ཐོད་རྒལ་ངེས་ཤེས་བརྟན་པོ་ཡི། །ཆོས་ཉིད་བར་དོར་ཞི་ཁྲོའི་ལྷ། །ངོས་ཟིན་དག་པའི་ཞིང་དུ་སྐྱེ། །དེ་ལའང་འཇའ་འོད་གདུང་སོགས་འབྱུང་། །གལ་ཏེ་དེ་ཚོ་མ་ཟིན་ནས། །སྲིད་པ་བར་དོར་འཁྱམས་སྲིད་ན། །རང་ཉིད་ཤི་བར་ཡིན་ཤེས་ནས། །ཅི་བྱ་གཏོལ་མེད་བྱུང་རྩ་ན། །ཡི་དམ་ཐུགས་རྗེ་ཆེན་པོའི་མཐུས། ཚེ་འདིར་ཡི་དམ་རྒྱལ་བ་རྒྱ་མཚོ་ལ་ཡི་དམ་བྱས་ནའོ། མཆན། །བྱང་ཆུབ་

[Full Size]

སེམས་དཔའ་བརྒྱད་བྱོན་ནས། །ཁྱོད་ཀྱི་ལྷ་ནི་སྤྱན་རས་གཟིགས། །ཡི་གེ་དྲུག་པ་ཁྱོད་ཀྱིས་བཟླས། །ཁྱོད་ཀྱི་ཞིང་ཁམས་བདེ་བ་ཅན། །འགྲོ་བའི་ལམ་ནི་འདི་འོ་ཞེས། །ལུང་སྟོན་ངང་པའི་རྒྱལ་པོའམ། །རླུང་གི་ཤུགས་ལྟར་མགྱོགས་པ་ཡི། །བདེ་བ་ཅན་གྱི་ཞིང་དུ་འགྲོ། །འོད་དཔག་མེད་པའི་ཞལ་མཐོང་སྟེ། །ཡིད་ལ་དགའ་བདེ་ཚད་མེད་སྐྱེས། །དེ་ཡིས་རྐྱེན་བྱས་མེ་ཏོག་ནི། །པདྨའི་སྦུབས་སུ་སྐྱེ་འོ་ཞེས། །ཟ་མ་ཏོག་སོགས་མདོ་རྒྱུད་ནི། །དུ་མར་གསུང་ལ་དཔང་པོ་བྱས། །དེ་ཡི་གནད་ཀྱི་མན་ངག་ལ། །དེང་ནས་དགེ་རྩ་གང་བསགས་ཀུན། །དེ་རུ་སྐྱེ་བའི་རྒྱུ་རུ་བསྔོ། །དེ་ནས་དེ་རུ་སྐྱེ་ངེས་པའི། །འོད་དཔག་མེད་ཀྱི་སྨོན་ལམ་མཐུས། །མཚམས་མེད་བྱས་དང་དམ་ཆོས་སྤངས། །མ་གཏོགས་སྨོན་ལམ་གང་བཏབ་འགྲུབ། །མི་འགྲུབ་དོགས་པའི་ཐེ་ཚོམ་གྱིས། །ཉེས་པས་མེ་ཏོག་པདྨའི་ཁ། །ལོ་ནི་ལྔ་བརྒྱར་མི་བྱེ་བས། །ནང་དུ་བདེ་སྐྱིད་ལྡན་ན་ཡང་། །སངས་རྒྱས་མ་མཇལ་སྡུག་བསྔལ་ཡོད། །དེ་ཕྱིར་ཐེ་ཚོམ་མེད་པ་གཅེས། །དེ་ན་སྐྱེས་པས་ཅི་དགའ་ན། །སྡུག་བསྔལ་བྱ་བའི་མིང་མི་གྲགས། །

[Full Size]

རྟག་ཏུ་བདེ་སྐྱིད་ཕུན་སུམ་ཚོགས། །རྟག་ཏུ་སངས་རྒྱས་ཞབས་འབྲིང་བྱེད། །འདིར་བསགས་སྡིག་སྒྲིབ་ལྷག་མ་ཀུན། །དེ་རུ་དམ་ཆོས་བསྒྲུབས་པས་སྦྱོངས། །ནམ་ཡང་འཁོར་བར་མི་ལྟུང་སྟེ། །ནད་མེད་ཚེ་ལོ་གྲངས་མེད་ཐུབ། །དེ་ནས་འཕོས་ནས་རྫོགས་སངས་རྒྱས། །རྫོགས་པའི་སངས་རྒྱས་ཐོབ་པ་ལ། །ལམ་ཐག་ཉེ་ལ་བར་ཆད་མེད། །གཞན་དོན་མི་འབྱུང་མ་ཡིན་ཏེ། །ས་བཅུ་ཐོབ་ནས་ཕྱོགས་བཅུ་རུ། །སྤྲུལ་པ་བྱེ་བ་ཕྲག་བརྒྱ་ཡིས། །འགྲོ་དོན་དཔག་མེད་དེ་ནས་འབྱུང་། །མི་འཁྲུགས་སྨན་བླ་བྱམས་པ་མགོན། །པད་འབྱུང་ཕྱག་རྡོར་ལ་སོགས་པའི། །ཞིང་ཁམས་རྫུ་འཕྲུལ་གྱིས་བགྲོད་ཅིང་། །ཞལ་ལྟ་ཆོས་སྟོན་དེ་ཉིད་རང་། །བདེ་བ་ཅན་དུ་འཁོར་བར་འོང་། །དེ་སོགས་ཞིང་གི་ཡོན་ཏན་རྣམས། །འོད་མདོ་བདེ་ཆེན་ཞིང་བཀོད་དང་། །པད་དཀར་ལ་སོགས་བལྟས་པས་གསལ། །དེ་རུ་སྐྱེས་པའི་ལྷ་དང་སྔགས། །རྒྱལ་བ་རྒྱ་མཚོ་ཡིན་ཤེས་བྱ། །འདི་འདྲའི་གནད་ཟབ་མན་ངག་འདི། །མདོ་རྒྱུད་བསྟན་བཅོས་དུ་མ་ལ། །ཐོས་བསམ་བྱས་པའི་འབྲས་བུ་དེ། །རྒྱ་མཚོ་ནང་གི་ནོར་བུ་བཞིན། །ཁོ་བོས་རྙེད་

[Full Size]

པས་བསྐལ་པ་བཟང་། །བདག་ལ་རེ་ལྟོས་བཅས་ཚད་ཀུན། །ལྷ་འདི་སྔགས་འདི་ཞིང་ཁམས་འདི། །འདི་ལ་སྙིང་ནོར་མིག་འབྲས་མཛོད། །ལྟ་སྒོམ་སྤྱོད་འབྲས་བཞི་པོ་འདི། །ཧ་ཀྱང་མཐོན་པོ་བཤད་ཤེས་ཀྱང་། །རང་གི་ཉམས་སུ་མི་ལོན་པས། །གཞན་ལ་བཤད་ཀྱང་ངོ་ཚའི་རྒྱུ། །རང་ཉམས་བསྟུན་པའི་ཞལ་གདམས་། འདི། །འཆུག་མེད་འདི་བཞིན་ཉམས་བླངས་ན། །རང་དོན་མཆོག་ཐུན་དངོས་གྲུབ་འབྱུང་། །གཞན་དོན་འབྲེལ་ཚད་དོན་དང་ལྡན། །བདག་གི་ཕོ་ཚོད་མ་ལགས་ཏེ། །མདོ་རྒྱུད་མན་ངག་བླ་མའི་གསུངས། །ཀུན་གྱི་བཅུད་བསྡུས་མན་ངག་ཡིན། །ཁ་ནག་ཡིག་ནག་སྤྱད་པ་ཡི། །འོལ་ཚོད་གོ་བ་སྐམ་པོ་མིན། །རང་ལ་ཉམས་མྱོང་བག་ཙམ་ཡོད། །བཀའ་ཆད་ལུང་སྡུམ་རས་ཆོད་མིན། །དབང་ལུང་མན་ངག་བརྒྱུད་པར་ལྡན། །རྒྱུད་ལས་མ་གསུང་མན་ངག་མིན། །པདྨ་ཟབ་དང་རྒྱལ་པོའི་རྒྱུད། །རྒྱ་གཞུང་མེད་པའི་རྒྱུད་ཀྱང་མིན། །རྡོ་རྗེ་སྙིང་པོ་ཛ་ལེན་དྷ། །སེམས་དཔའི་གྲུབ་ཆེན་རྒྱ་གཞུང་གསལ། །མན་ངག་མེད་པའི་རྒྱུད་ཀྱང་མིན། །གྲུབ་རྒྱལ་པད་འབྱུང་མན་ངག་མང་། །

[Full Size]

བཀའ་མ་ལོ་ཙཱ་གསུམ་གྱིས་བསྒྱུར། །གཏེར་མ་གཏེར་སྟོན་གསུམ་གྱིས་སྟོན། །སྙན་བརྒྱུད་ཡི་དམ་ལྷ་ཡིས་གསུངས། །བརྒྱུད་པ་སེལ་མེད་སངས་རྒྱས་གསུངས། །བྱིན་རླབས་མ་ཉམས་དུས་འདིར་ཆེ། །བླ་མ་ཡི་དམ་དབྱེར་མེད་གཅིག །ལྷ་ཀུན་དཀྱིལ་འཁོར་གཅིག་ལ་རྫོགས། །འདི་འདྲའི་དམ་ཆོས་ཡིད་བཞིན་ནོར། །ཉམས་སུ་ལོངས་ཤིག་སྐལ་ལྡན་རྣམས། །དགེ་བཤེས་་་རང་ལོ་ཉེར་བདུན། བརྩོན་འགྲུས་རྒྱ་མཚོ་བས། །ཞལ་གདམས་བྲིས་ཟེར་ཤོག་བུ་འདི། །ཡོས་ལོའི་དབྱར་ནས་གཏད་མོད་ཀྱིས། །རྣམ་གཡེངས་འབྱམས་པས་ལོང་མ་བྱུང་། །འབྲུག་ལོ་ནག་ཟླའི་ཡར་ངོ་ལ། །མཚམས་བསྡམས་སྒྲུབ་ལ་བརྩོན་པ་ཡི། །ཐུན་སྐབས་གཉིས་ལ་རྫོགས་པར་བྲིས། །ཟབ་ཆོས་གནད་འགག་ཀུན་འདུས་པས། །ཉམས་ལེན་བརྩོན་པར་མ་གཏོགས་པ། །ཀུན་ལ་བསྟན་པར་མི་རུང་སྟེ། །གསང་སྒྲོག་ཉེས་པ་ཆེ་བ་དང་། །ཆོས་བདག་ཊཱཀྐིའི་ཀོ་ལོང་སྡོམ། །འཕྲལ་དུ་གང་དྲན་བྲིས་མོད་ཀྱང་། །ཟབ་ཆོས་སྙིང་པོ་འདུས་སོ་སྙམ། །འདི་བྲིས་དགེ་བས་འདི་ཉིད་ལ། །རྩེ་གཅིག་ཉམས་སུ་སུས་བླངས་པར། །ཐུགས་རྗེ་ཆེན་པོར་འགྲུབ་
པར་ཤོག །དེ་སྐད་སྨྲ་བ་རཱ་གའི་མིང་། །སརྦ་མངྒ་ལཾ།། །།

དཔེ་དང་དོན་གྱི་ཡེ་ཤེས་ངོ་སྤྲོད་ཕྱིར། ༼ག༽ །ཕྱག་ཆེན་ངོ་སྤྲོད་སངས་རྒྱས་ལག་གཏད་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། །དཔེའི་ཡེ་ཤེས་ཕྱག་རྒྱ་ཆེན་པོ་དང་། དོན་གྱི་ཡེ་ཤེས་ཕྱག་རྒྱ་ཆེན་པོ་མངོན་སུམ་དུ་རྟོགས་པའི་གདམ་པ་སངས་རྒྱས་ལག་གཏད་ཅེས་བྱ་བ་བཞུགས་སོ།། ༈ ན་མོ་གུ་རུ་བཛྲ་དྷ་ར་ཡེ། བླ་མ་རྡོ་རྗེ་འཆང་ལ་ཕྱག་འཚལ་ལོ། །དཔེ་དང་དོན་གྱི་ཡེ་ཤེས་ངོ་སྤྲོད་བྲི། །ཆོས་བདག་མཁའ་འགྲོ་སྡེ་ལྔས་བཀའ་གནང་སྩོལ། །འགྲོ་བའི་མགོན་པོ་ས་སྐྱ་པཎྜི་ཏེས། །བཀའ་བརྒྱུད་ལུགས་ཀྱི་ཕྱག་ཆེན་བཀག་པའི་སྐབས། །ངེད་ཀྱི་ཕྱག་རྒྱ་ཆེན་པོ་ནི། །དབང་ལས་བྱུང་བའི་ཡེ་ཤེས་དང་། །རིམ་པ་གཉིས་ཀྱི་ཏིང་འཛིན་ཡིན། །གསུངས་པའི་དོན་གྱི་དགོངས་པ་འདི་ཡིན་ཕྱིར། །དཔེ་ཡི་ཕྱག་ཆེན་ཡེ་ཤེས་མ་མཐོང་ན། །དོན་གྱི་ཕྱག་རྒྱ་ཆེན་པོ་རྟོགས་མི་སྲིད། །དཔེ་ཡི་ཕྱག་རྒྱ་ཆེན་པོ་རྟོགས་པའི་ཐབས། །བླ་མེད་རྒྱུད་སྡེ་རྣམས་ནས་གསུངས་པ་ལྟར། །ཤེས་རབ་ཡེ་ཤེས་དབང་ནི་བསྐུར་བའི་ཚེ། །བླ་མ་ཆགས་ལམ་ཉམས་ལེན་རྣལ་འབྱོར་པས། །སློབ་མ་འདུལ་

[Full Size]

ཁྲིམས་མ་ཞུས་ཁྱིམ་པ་ལ། །ཡོལ་བས་བར་བཅད་བླ་མའི་མདུན་དེ་རུ། །སློབ་མ་མུ་དྲ་དངོས་སུ་སྦྱོར་བའི་ཚེ། །མགྲིན་པ་སྙིང་ག་ལྟེ་བ་གསང་བ་རུ། །ཐིག་ལེ་བབ་ཚེ་དགའ་བཞིའི་ཡེ་ཤེས་འཆར། །ཐིག་ལེ་ཕྱེད་ཤོར་ཕྱེད་ཙམ་མ་ཤོར་སྐབས། །རླུང་རྣམས་དབུ་མར་ཚུད་པས་རྣམ་རྟོག་འགགས། །དེ་དུས་དེ་ངོ་ལྟོས་ཞེས་ངོ་སྤྲོད་པས། །དཔེ་ཡི་ཡེ་ཤེས་ཕྱག་རྒྱ་ཆེན་པོ་རྟོགས། །དཔེར་ན་ཡེ་ཤེས་ཕྱག་རྒྱ་ཆེན་པོ་ལ། །དེ་ལྟ་བུ་ཞིག་ཡོད་སྙམ་ངེས་ཤེས་འགྱུར། །དེ་ནས་རིམ་བཞིན་དབང་ནི་བཞི་པའི་དོན། །ཚིག་གིས་ངོ་ཟློསྤྲོད་བརྩོན་འགྲུས་ཆེར་གོམས་ནས། །དོན་གྱི་ཕྱག་རྒྱ་ཆེན་པོ་རྟོགས་པར་གྱུར། །འདི་ནི་བླ་མེད་རྒྱུད་ཀུན་དགོངས་པ་མཐུན། །དགེ་སློང་ཡིན་ཡང་དབང་ནི་བསྐུར་བའི་ཚེ། །དགའ་བའི་ཡེ་ཤེས་ངོ་ནི་འཕྲོད་པའི་ཕྱིར། །ཕྱག་རྒྱ་བསྟེན་ཀྱང་སྡོམ་པ་མི་འཆོར་ཞེས། །སྨྲ་བ་ཨ་ཙར་དམར་པོའི་ཆོས་ལོག་ཡིན། །མི་རུང་དུས་འཁོར་རྒྱུད་ནས་བཀག་པའི་ཕྱིར། །ཇོ་བོ་རྗེ་ཡིས་རྒྱ་ཆེར་བཀག་པར་མཛད། །འོ་ན་དཔེ་ཡི་ཡེ་ཤེས་ཀྱིས་རྟོགས་ན། །མཁས་གྲུབ་འགས་མཛད་ཆོས་དྲུག་རྒྱས་བཤད་ལས། །མ་དག་གསེར་ཕུར་ལ་

[Full Size]

སོགས་བརྡ་ཡིས་གསུང་། །དོན་དེ་བཙུན་ཆུང་མཛེས་ཤིང་གསང་ཐུབ་པར། །རྨ་གཉིས་གང་རུང་སྤྱོད་ཅིང་ཡེ་ཤེས་བཟུང་། །ཟེར་བ་འདུག་ཀྱང་འདི་ཉིད་མི་རུང་སྟེ། །འདུལ་ཁྲིམས་ཉིད་ལས་འགལ་ཚབས་ཆེ་ཕྱིར་རོ། །རྣལ་འབྱོར་གཟུགས་ངན་ཕྱག་རྒྱ་མི་རྙེད་པ། །དུད་འགྲོ་ཡིན་ཡང་ཕྱག་རྒྱ་བསྟེན་རུང་ཞེས། །འཇའ་ཚོན་སྙིང་པོའི་གཏེར་ཁ་ནས་བྱུང་བ། །ཀུ་ཀུ་རི་པའི་རྣམ་ཐར་གསལ་ན་ཡང་། །དེ་དག་རྣལ་འབྱོར་ཁྱིམ་པའི་ལུགས་སུ་སྣང་། །རབ་བྱུང་ཡིན་ན་སྡོམ་པ་འཆོར་ཕྱིར་སྤང་། །སློབ་བུ་འབྱོར་པར་ལྡན་ན་ཚོགས་འཁོར་བསྐོར། །མཎྜལ་བརྒྱ་རྩ་ཕྱག་དང་བསྐོར་བ་བྱ། །འབྱོར་པ་མེད་ན་ཕྱག་དང་མཎྜལ་ཆོག །ནམ་མཁའ་དྭངས་དུས་དབེན་པའི་གནས་གཅིག་ཏུ། །བླ་མའི་མདུན་དུ་སློབ་བུས་ཆོས་བདུན་བཅལ། །དངོས་སམ་ཡིད་ཀྱིས་གུས་པར་གསོལ་བ་བཏབ། །སློབ་བུས་རླུང་རོ་བུས་ལ་འཇམ་རླུང་བཟུང་། །སེམས་ནི་ཉམས་ལེན་ངང་ལ་བཞག་བཞིན་དུ། །ལག་པ་གཡས་གཡོན་གང་བདེ་གཅིག་གིས་ནི། །མགྲིན་པ་གཡས་གཡོན་འཕར་རྩ་གཉིས་པོ་དེ། །དང་པོ་དལ་བུས་དེ་ནས་དྲག་ཏུ་མནན། །ལན་རེ་ཙམ་

[Full Size]

བརྒྱད་བྱས་ཤིང་རྩ་མནན་ཡུན་ཐུང་ན་ཤིན་ཏུ་ལེགས། རྩ་མནན་ཡུན་རིང་ན་མི་རུང་སྟེ་གེགས་དང་གོལ་ས་ཡོད་ཚུལ་ཞལ་ལས་ཤེས། མཆན། དེ་ཚེ་རྟོགས་པ་སྔར་དང་མི་འདྲ་བར། །རྣམ་རྟོག་མི་འགྱུ་གནས་ཉམས་མེ་རེ་བ། །དེ་ཡི་ངོ་བོ་རང་གི་མཐོང་བཞིན་དུ། །བཟང་ངན་རྟོགས་པ་ཅི་ཡང་མེད་པ་འཆར།་།དེ་ནི་དཔེ་ཡི་ཡེ་ཤེས་ཕྱག་ཆེན་ཡིན། །རིགས་ཀྱི་བུ་ཁྱོད་ད་ལྟའི་རྟོགས་པ་འདི། །རྣམ་རྟོག་ཅི་ཡང་མེད་ཅིང་མི་རྟོག་པ། །རང་ངོ་རང་གིས་ཤེས་ཀྱང་དྲན་བསམ་མེད། །འདི་ནི་དཔེ་ཡི་ཡེ་ཤེས་ཞེས་བྱ་བ། །མི་རྟོག་ཕྱག་རྒྱ་ཆེན་པོ་ཡིན་ནོ་ཀྱེ། །ཅེས་བརྗོད་དེ་ཉིད་རྟོགས་སམ་མ་རྟོགས་དྲིས། །མ་རྟོགས་ལན་འགའ་བསླབ་ཅིང་ལེན་འགའ་ཝིག །རོ་རྐྱང་གཉིས་པོའི་ཡར་སྣེ་སྣ་བུག་སྟེ། །དེ་ནས་རླུང་ནི་རྒྱུ་བ་དང་བསྒྲགས་ཏེ། །རྣམ་རྟོག་སྣ་ཚོགས་ཕྱིར་ལ་འགྱུ་བ་ཡིས། །སེམས་ནི་མི་འདྲ་རླུང་ནི་རྟ་དང་འདྲ། །སྐྱ་མི་རྟ་བཟུང་མི་དེ་འགྲོ་རྒྱུ་མེད། །དེ་བཞིན་རླུང་བཟུང་ནས་ནི་སེམས་ཟིན་ཏེ། །ནཱ་རོ་པཎྜི་ཏ་ཡི་བཞེད་པ་ཡིན། །རླུང་ནི་དབུ་མར་ཚུད་པའི་དུས་ཀྱི་ཚེ། །མི་རྟོག་ཡེ་ཤེས་ཕྱག་རྒྱ་ཆེན་པོ་དེ། །མངོན་སུམ་འཆར་བ་བླ་མེད་རྒྱུད་ཀུན་མཐུན། །རོ་རྐྱང་གཉིས་

[Full Size]

ཀྱི་ཡར་སྣེ་རྩེའུ་ཆུང་གཉིས། །མནན་པས་རླུང་ནི་ཕྱི་རུ་རྒྱུ་བ་ཆད། །ནང་དུ་རྒྱུ་བས་དབུ་མར་ཡུད་ཙམ་ཞུགས། །དེ་ཚེ་མི་རྟོག་ཡེ་ཤེས་དངོས་སུ་འཆར། །མངོན་སུམ་ངོ་སྤྲོད་འདི་ཉིད་མ་ཐོབ་ན། །ཤེས་རབ་ཡེ་ཤེས་དབང་བསྐུར་ཐོབ་ན་ཡང་། །དབང་དོན་ཡེ་ཤེས་རྒྱུད་ལ་མི་སྐྱེ་བས། །ཚིག་རྒྱུད་ཙམ་ཡིན་དོན་ལ་ཐོབ་པ་མིན། །འདི་ནི་ད་ལྟ་ངོ་སྤྲོད་དུས་དང་ནི། །སྐབས་སུ་ལན་རེ་ཙམ་ལས་འགལ་བ་མེད། །མང་ན་སྐེ་ནད་འབྱུང་ཕྱིར་མང་མི་བྱ། །དེ་ཡང་རན་ཙམ་ཡུད་ཙམ་བྱ་བ་ལས། །དྲག་མནན་ཡུན་རིང་བརྒྱལ་ནས་འགྲོ་ཉན་ཡོད། །སྣོད་ལྡན་སློབ་མར་ངོ་སྤྲོད་མ་གཏོགས་པ། །གཞན་ལ་སྨྲས་ན་ཐུགས་ཀྱི་དམ་ཚིག་ཉམས། །ལས་ཀྱི་མཁའ་འགྲོས་སྙིང་ཁྲག་འཐུང་བར་བཤད། །དེ་ཕྱིར་ཤིན་ཏུ་གསང་བ་དམ་ཚིག་ཡིན། །ཨྠ྄ྀི། དེ་ནས་དོན་གྱི་ཡེ་ཤེས་ངོ་སྤྲོད་ནི། །རྩེ་གཅིག་རྟགས་ཐོན་ཉམས་ལེན་ཡུན་རིང་བསྐྱང་། །བོགས་སྐྱེད་ཆུང་བས་ངོ་བོ་མ་མཐོང་དང་། །བདེ་གསལ་མི་རྟོག་ཉམས་ནི་བཟང་དྲགས་པས། །དེ་ལ་ཆགས་ཞེན་གཞན་ལ་དག་མི་སྟེར། །ངོ་བོ་རྗེན་པར་མཐོང་བར་མ་གྱུར་ན། །ཐ་མལ་

[Full Size]

ཤེས་པ་མངོན་སུམ་མཐོང་བ་དང་། །མི་རྟོག་གདིང་པོ་སྟོང་ཉམས་ཧད་པོ་རྣམས། །གང་ཡིན་མི་འབྱེད་ཚོད་མ་ཟིན་པ་དང་། །རིག་པ་རྣོ་ཞིང་ཤེས་རབ་ཆེ་བ་འགས། །ཉམས་རྟོགས་མཐོ་དམན་གོལ་ས་མང་བཤད་པས། །གོལ་སར་མ་ཤོར་འཁྲུལ་མེད་སླད་མེད་ཀྱི། །ཕྱག་རྒྱ་ཆེན་པོའི་ཡེ་ཤེས་དངོས་དེ་ལ། །ཅི་འདྲ་ཞིག་ནི་ཡོད་སྙམ་ལྟ་འདོད་ན། །ཕྱག་དང་མཎྜལ་ཕུལ་ནས་བླ་མའི་དྲུང་། །རྣམ་སྣང་ཆོས་བདུན་མ་གཡོ་ལེགས་པར་བཅའ། །མགྲིན་པ་ཅུང་བཀུག་མིག་འབྲས་གྱེན་དུ་ལྡོག །མཛོད་སྤུའི་ཐད་ཀྱི་བར་སྣང་སྟོང་པ་ལ། །རིག་པ་གཏད་ལ་ངོ་བོ་སྐྱོང་བར་གྱིས། །དེ་ཚེ་རྣམ་རྟོག་རགས་པ་ཐམས་ཅད་འགག །བདེ་དང་གསལ་དང་སྟོང་པའི་འཛིན་པ་མེད། །རང་ངོ་ཤེས་པའི་ངང་ལ་ཧད་དེ་བ། །འདི་བསམ་མེད་པར་དྲན་པ་གཏོར་བ་བཞིན། །དོན་གྱི་ཡེ་ཤེས་ཕྱག་རྒྱ་ཆེན་པོ་དེ། །འདི་ཉིད་ཡིན་ནོ་སྐལ་ལྡན་རིགས་ཀྱི་བུ། །འདི་དོན་ཀྱི་རྡོ་རྗེའི་རྒྱུད་ནས་གསུངས། །ཆོས་ཀྱི་ཚད་ནི་འདི་ཡིན་ཏེ། །མིག་ཕྱེད་གྱེན་དུ་ལྡོག་པས་འགྲུབ། །ཅེས་པའི་དོན་ཡང་དེ་ལ་དགོངས་པ་ཡིན། །དེ་དོན་རྫོགས་ཆེན་རྣམས་ནས་གསུངས་པའི་

[Full Size]

དོན། །རྒྱུད་སྡེ་འོག་མ་ཀུན་ལས་གྲགས་ཡི། །ཡེ་ཤེས་རྩྭ་མཆོག་བྷ་སནྟུ་ཞེས་པ། །དབྱིབས་ནི་གཡེར་མ་ཁ་ཕྱེ་ལྟ་བུ་ཞིག །ལུས་ཅན་རྣམས་ཀྱི་སྙིང་གི་དཀྱིལ་དུ་ཡོད། །དུད་འགྲོ་ཐུར་དུ་ཁ་བསྟན་གཏི་མུག་ཆེ། །མི་ལ་ཕྲད་དུ་ཁ་བྱེ་ཤེས་རིག་བཀྲ། །སངས་རྒྱས་བྱང་སེམས་རྣམས་ཀྱི་རྩ་དེ་ནི། །གྱེན་དུ་ཁ་བྱེ་ཡེ་ཤེས་འཆར་བ་ཡིན། །རྩ་དེ་སྣེ་མོ་མིག་ལ་ཟུག་ཡོད་པ། །ལུས་གནད་བསྲང་སྟེ་མིག་ནི་གྱེན་ལྡོག་པས། །རྩ་དེ་འཐེན་ནས་གྱེན་དུ་ཁ་བྱེ་འགྱུར། །དེ་ཚེ་ཡེ་ཤེས་དངོས་སུ་འཆར་བ་ཡིན། །དེ་ཕྱིར་སངས་རྒྱས་བྱང་སེམས་ཐམས་ཅད་ཀྱི། །སྤྱན་འབྲས་གྱེན་དུ་ལྡོག་པ་དེ་ཡི་དོན། །དེ་ཕྱིར་སློབ་དཔོན་པདྨ་འབྱུང་གནས་ཀྱི། །རང་བྱུང་རྒྱལ་བ་ལུང་བསྟན་སྐབས་སུ་ཡང་། །སྤྱན་ནི་ཆོས་ཉིད་དོན་ལ་གཟིགས་ཞེས་གསུངས། །ངོ་བོ་རྗེན་པར་མ་མཐོང་གང་ཟག་གིས། །ཕྱག་རྒྱ་ཆེན་པོའི་ཡེ་ཤེས་འཆར་འདོད་ན། །དབེན་པའི་གནས་སུ་དེ་ལྟར་ཡང་ཡང་བལྟ། །ཉམས་དང་རྟོགས་པ་གང་ཡིན་མ་འབྱེད་ན། །དེ་ལྟར་བལྟས་ལ་དེ་ལ་ཨེ་མཚུངས་ལྟ། །མཚུངས་ན་རྟོགས་པ་དངོས་དེ་ཡིན་པའི་རྟགས། །དེ་དང་མི་

[Full Size]

མཚུངས་ཇི་ལྟར་བཟང་ན་ཡང་། །རྟོགས་པ་མ་ཐོབ་ཉམས་ཀྱི་གཡོས་ཡིན་ནོ། །དེ་ནས་སློབ་མས་མཎྜལ་ཕུལ་བྱས་ལ། །སྣོད་ལྡན་ངོ་སྤྲོད་བསྟན་དུས་མ་རྟོགས་པ། །གཞན་ལ་བཤད་ན་གསང་བའི་དམ་ཚིག་ཉམས། །མཚམས་མེད་ལྔ་མཚུངས་མཁའ་འགྲོའི་བཀའ་ཆད་འབྱུང་། །ཡེ་ཤེས་ཕྱག་ཆེན་དངོས་སུ་རྟོགས་པའི་ཐབས། །གདམས་ངག་ཟབ་མོ་འདི་དང་མ་ལྡན་ན། །སྨྲ་བསམ་བརྗོད་དུ་མེད་པའི་ཡེ་ཤེས་དེ། །ཇི་བཞིན་བླ་མས་བརྗོད་དུ་ཡོད་པ་མིན། །སློབ་མས་གོ་ཡང་དངོས་སུ་མི་རྟོགས་སོ། །ཡེ་ཤེས་དངོས་སུ་ངོ་སྤྱོད་ཟབ་མོ་རྒྱ། །དེ་བཞིན་རྫོགས་ཆེན་ཐོད་རྒལ་སྐབས་སུ་ཡང་། །འཇའ་འོད་ཐིག་ལེར་ཆགས་ཞེན་མི་སྐྱེད་པར། །ངོ་བོ་བལྟས་པས་གསལ་སྟོང་ཟུང་དུ་འཇུག །ཁྲེགས་ཆོད་ཟུང་འཇུག་ཐེག་པ་དགུ་ཡི་རྩེ། །དེ་ལས་ཟབ་པའི་ཉམས་ལེན་གདམས་ངག་ནི། །གསར་རྙིང་བཀའ་གཏེར་བན་བོན་གང་ལའང་མེད། །དེ་ཕྱིར་སྙིང་ལ་ཆོངས་ཤིག་རིགས་ཀྱི་བུ། །དེ་སྐད་སྒོམ་ཆེན་རཱ་ག་ཨ་སྱ་ཡིས། །སློབ་བུ་བརྩོན་འགྲུས་རྒྱ་མཚོར་གདམས་པ་དེ། །འཕྲལ་དུ་ཡི་གེར་བཀོད་པའི་དུས་ཚོད་ནི། །རྟ་ལོ་ཐ་སྐར་ཟླ་བའི་ཚེས་གཅིག་
ཉིན། །དཔལ་རིའི་རྩེ་ཡི་མཚམས་ཁང་ཕུག་སྒོ་རུ། །དད་ལྡན་བླ་མ་བིརླ་སཱ་ག་རས། །ཕྱག་དང་མཎྜལ་བརྒྱ་རྩ་ཕུལ་ནས་བྲིས། །མངྒ་ལཾ།། །།

དགའ་བཞི་ཡེ་ཤེས་དངོས་སུ་ངོ་སྤྲོད་ཕྱིར། ༼ང༽ །གདམས་ངག་ཡེ་ཤེས་མཁའ་འགྲོའི་གསང་ཚིག་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། དགའ་བཞི་ཡེ་ཤེས་དངོས་སུ་ངོ་སྤྲོད་པའི་ཐབས་ཤེས་རབ་ཡེ་ཤེས་ཀྱི་ཉམས་ལེན། དངོས་གཞི་ཡེ་ཤེས་མཁའ་འགྲོའི་ཉམས་ལེན་གསང་ཚིག་ཅེས་བྱ་བ་བཞུགས་སོ། །ན་མོ་གུ་རུ་ཛྙཱ་ན་ཌཀྐི་ཡེ། གནས་གསུམ་ཌཱཀྐིའི་ཞབས་ལ་ཕྱག་འཚལ་ལོ། །དགོངས་པ་གྲོལ་ཞིང་བྱིན་གྱིས་བརླབ་ཏུ་གསོལ། །འཁོར་བའི་གནས་སུ་སྐྱེ་བ་རྣམ་བཞི་རུ། །སྐྱེ་བའི་རྩ་བ་འདོད་ཆགས་ཁོ་ན་སྟེ། །དེ་མེད་འཁོར་བར་མི་སྐྱེ་མྱ་ངན་འདས། །རྟ་དང་རྒོད་དང་ལག་བཅང་གཉིས་གཉིས་འཁྱུད། །འདོད་པའི་འདོད་ཆགས་བཞི་པོ་འདུལ་བའི་ཕྱིར། །སྟོན་པས་རྒྱུད་སྡེ་རྣམ་བཞི་གསུངས་པ་ཡིན། །སྐྱེ་བོ་ཕལ་པས་མི་ཚངས་སྤྱོད་པ་ནི། །མི་དགེ་བཅུ་ཡི་གཅིག་ཡིན་ཡི་དྭགས་རྒྱུ། །དེ་ཡང་བཙུན་མ་མ་སྲིང་སྤྱོད་པ་དང་། །ཁ་དང་བཤང་ལམ་དུད་འགྲོ་སྤྱོད་པ་དང་། །གཞན་གྱི་བུད་མེད་སྤྱོད་པ་སྡིག་ཆེ་

[Full Size]

གསུངས། །རབ་བྱུང་གིས་སྤྱོད་དེ་བས་འབུམ་འགྱུར་ལྗི། །དག་བདེན་བཞི་ཆོས་ཀྱི་འཁོར་ལོའི་དོན། །རབ་དུ་བྱུང་བས་བུད་མེད་སྤྱོད་པ་ནི། །སྡོམ་པ་འཆོར་བས་དགེ་འདུན་གྲལ་མི་ཚུད། །དེ་ནི་འདུལ་ཁྲིམས་སྡོམ་པའི་རྩ་བ་ཡིན། །རབ་བྱུང་ཁྱེའུ་ཁ་དང་བཤང་ལམ་སྤྱོད། །རྟེན་ནི་བུད་མེད་མིན་ཕྱིར་ཅུང་དྲགས་ཀྱང་། །བུད་མེད་ལ་སྤྱོད་པ་དང་འདྲ་བ་ཡིན། །མཆན། །ཉེས་པ་དག་ནི་ཡང་ལྗི་འདྲ་བ་ཡིན། །ཅི་ཕྱིར་རྨ་གསུམ་ཁྱད་པར་མེད་ཕྱིར་རོ། །ཚུལ་ཁྲིམས་ལྡན་པས་ཡིད་ལ་བུད་མེད་བསྒོམས། །ཆགས་པ་སྐྱེས་ཤིང་ཐིག་ལེ་ཉམས་པ་ཡང་། །ཚུལ་ཁྲིམས་གཙང་བར་མི་འགྱུར་སྡིག་ཆེ་ཞེས། །འཁྲིག་པ་བདུན་པོའི་མདོ་ལས་རྒྱ་ཆེར་བཤད། །ཁུ་བ་རང་གི་འབྱིན་ནམ་འབྱིན་བཅུག་པ། །དེ་ཡི་སྡོམ་པ་འཆོར་བ་མི་འགྱུར་ཏེ། །དགེ་འདུན་ལྷག་མའི་ལྟུང་བ་ཤིན་ཏུ་ལྡི། །གསོ་སྦྱོང་གིས་ཀྱང་དག་པར་མི་འགྱུར་ཏེ། །ལྟུང་བ་འཕེལ་བར་མི་འགྱུར་ཙམ་ཞིག་ནུས། །དེ་དག་མདོ་དང་འདུལ་བའི་དགོངས་པ་སྟེ། །ཐབས་ཀྱིས་མ་ཟིན་འདོད་ཆགས་རིང་ཁ་ལ། །རྣལ་འབྱོར་མཁའ་སྤྱོད་དབང་པོའི་ཞལ་ནས་ཀྱང་། །ཐབས་ཀྱིས་ཟིན་ན་དུག་ཀྱང་བདུད་རྩི་

[Full Size]

མཆོག །དཔལ་ལྡན་ཀྱེ་ཡི་རྡོ་རྗེའི་རྒྱུད་ལས་ཀྱང་། །འདོད་ཆགས་ཉིད་ཀྱིས་འདོད་ཆགས་འཇོམས་པར་བཤད། །དེ་ལ་གང་ཟག་ས་ལམ་མཐོ་དམན་ཁྱད། །རྩ་རླུང་ལས་རུང་ས་ཐོབ་ཡན་ཆད་ཀྱིས། །བུད་མེད་བསྟེན་ཀྱང་སྡོམ་པ་འཆོར་བ་མིན། །དཔེར་ན་རྒྱ་བོད་མཁས་གྲུབ་ཐམས་ཅད་བཞིན། །བསྟན་ལ་མི་གནོད་རྫུ་འཕྲུལ་སྣ་ཚོགས་སྟོན། །རྫུ་འཕྲུལ་སྣ་ཚོགས་སྟོན་པར་མི་ནུས་ན། །རྩ་རླུང་ལས་སུ་རུང་ཀྱང་བསྟེན་མི་རུང་། །སངས་རྒྱས་བསྟན་ལ་གནོད་ལས་སྡིག་ཆེ་གང་། །བཙུན་པ་ཕན་ཚུན་ཁུ་བ་འབྱིན་པ་ནི། །དེང་སང་ཆོས་སྡེ་ཀུན་ལ་དར་ཆེ་ཞིང་། །སྡོམ་པ་ཤོར་བའི་གྲ་རུ་མི་འགྲོ་ཞིང་། །དམྱལ་བའི་སྡུག་བསྔལ་དཔག་མེད་མྱོང་གྱུར་པས། །བསླབ་པ་ཀུན་ལས་བཏུས་པ་རྒྱ་ཆེར་བཤད། །ཁྱེའུ་ལ་ནི་བུད་མེད་ཡིན་ལྟ་བ། །འདི་ནི་འདོད་ཆགས་ལོག་ལྟ་གཉིས་ཀ་སྟེ། །མཚམས་མེད་ལྔ་ལས་སྡིག་པ་ལྗི་བའི་ཚུལ། །མཉན་པས་བཞེད་ལྟར་མི་བསྐྱོད་རྒྱལ་བས་གསུངས། །དེ་མཐོང་ཐུགས་སྐྱོ་སྙིང་རྗེས་མ་བཟོད་ནས། །ཉིན་མཚན་མེད་པར་བཤུམ་གསུངས་འདུལ་ཊཱིཀ་གསལ། །དཔལ་ལྡན་དུས་ཀྱི་འཁོར་

[Full Size]

ལོའི་རྒྱུད་ལས་ཀྱང་། །ཐིག་ལེ་ལན་གཅིག་ཉམས་ན་སྐྱེ་བ་དེར། །མཆོག་གི་དངོས་གྲུབ་ཐོབ་པར་མི་འགྱུར་གསུངས། །རང་བྱུང་རྡོ་རྗེའི་དམ་ཚིག་རྒྱ་མཚོ་ལས། །བྱང་ཆུབ་ལྟསེམས་དཔའི་རྩ་ལྟུང་འདི་ཡིན་གསུངས། །ས་སྐྱ་པ་ཡིས་མིན་པར་བཞེད་ན་ཡང་། །རྩ་རླུང་ཉམས་སུ་ལེན་པའི་གང་ཟག་གིས། །རྩ་ལྟུང་ཡིན་པར་ཐམས་ཅད་ཞལ་མཐུན་ནོ། །ཁྱད་པར་སྒོམ་ཆེན་རྣམས་ཀྱིས་འདི་བྱས་ན། ་ཉོན་མོངས་མགོ་བོ་གཏན་ནས་མ་ནོན་རྟགས། །མཚང་དང་ངོ་ཚ་དེ་ལས་ཆེ་བ་མེད། །ཁྱད་པར་བླ་མ་ཡིན་པས་འདི་སྤྱོད་སྨྱོན། །གྲྭ་སློབ་མགོ་མི་ནོན་ཞིང་འཁྲུག་པའི་རྒྱུ། །བླ་མ་བླ་མར་མི་མཐོང་བཟའ་ཚང་མཐོང་། །དད་གུས་མི་སྐྱེ་འཁོར་སློབ་གྲོལ་མི་ནུས། །བྱིན་རླབས་བརྒྱུད་པ་ཆད་པའི་གེགས་ཆེན་ཡིན། །དེ་ཕྱིར་བུད་མེད་བསྟེན་པ་ལྟ་ཅི་སྨོས། །ཉེ་གནས་ལ་སོགས་གྲྭ་འཁོར་སུ་མཛེས་ཀྱང་། །དེ་ལ་མི་སྤྱོད་དམ་བཅའ་དྲག་པོ་བཟུང་། །འདོད་པའི་ཁམས་འདིར་འདོད་ཆགས་ཤུགས་ཆེ་བས། །ཉེས་ལྟུང་དྲན་དང་མི་སྡུག་བསྒོམ་པ་དང་། །ངོ་བོ་བལྟས་པས་ཞི་བར་མ་ནུས་ན། །རི་ཆོས་གཞུང་ཆེན་ནང་གི་དུག་འཇོམས་རྨ་བྱ་ཆེན་མོ་ལྟར་ཉམས་སུ་ལེན་

[Full Size]

ཅིང་། ཁྱད་པར་དུག་ལྔའི་རྟོགས་པ་ནམ་ཤར་བའི་ཚེ་རང་སེམས་ངོ་བོ་སྐྱོང་བ་ལ་ནན་ཏན་བྱ། དུག་ལྔ་སེམས་ཀྱི་ཆོ་འཕྲུལ་ཡིན་པས་དེ་དུས་དུག་ལྔ་རང་སར་ཞི་བར་ཐེ་ཚོམ་མེད་དོ། །དེས་ཀྱང་ཉོན་མོངས་མ་ཞི་ན་སྣོད་ལྡན་གྱི་སློབ་མ་ལ་འདིའི་མན་ངག་འདི་བསླབ་པ་ཤིན་ཏུ་ཟབ་པ་ཡིན་ཞེས་གསུངས་པས་སྣོད་མིན་ལ་དཔེ་འདི་གར་ཐོད་ཐོད་དུ་མི་བསྟན་པ་དམ་ཚིག་ཤིན་ཏུ་གནད་ཆེའོ། མཆན། །དེ་ནས་འདོད་ཆགས་མ་སྤངས་ལམ་ཁྱེར་ནི། །ཚུལ་ཁྲིམས་མི་འཆལ་གཏན་ལ་མི་གནོད་ཅིང་། །ཉེས་ལྟུང་མི་འབྱུང་ཉམས་རྟོགས་བོགས་འདོན་ཐབས། །རང་ལུས་ཐབས་ལྡན་གདམས་ངག་ཉམས་སུ་ལེན། །མདོ་ལས་བུད་མེད་ཡིད་ལ་དྲན་པ་ཡི། །ཉེས་པ་བཤད་ཀྱང་འདི་གཉིས་མི་གཅིག་སྟེ། །ལྷ་རུ་གསལ་དང་སྔགས་ཀྱི་སྤྱོད་པ་དང་། །ཉམས་རྟོགས་བོགས་འདོན་གསུམ་གྱི་ཁྱད་པར་འཕགས། །འདི་ཉིད་གང་ལས་གསུངས་པ་ཡིན་ཞེ་ན། །གསང་བ་ནོར་བུ་ཐིག་ལེའི་རྒྱུད་ཅེས་པ། །འདི་ཉིད་ཁོ་ན་སྟོན་པ་གསེར་འོད་ཙམ། །ས་པཎ་གྱིས་བསྒྱུར་རྒྱུད་འབུམ་ཀུན་ན་ཡོད། །ཞི་ཁྲོའི་འོག་སྒོ་བདེ་ཆེན་རང་གྲོལ་དང་། །རཏྣའི་གཏེར་ཁ་ཟབ་ལམ་གསང་འདུས་དང་། །དབང་ནི་གསུམ་པའི་ཉམས་ལེན་ཞེས་བྱ་དང་། །པཎ་ཆེན་དྷ་ན་

[Full Size]

ཤྲཱིའི་རྒྱ་གཞུང་ལས། །དོན་འདི་ཤིན་ཏུ་གསལ་བར་རྒྱ་ཆེར་བཤད། །དོན་ལ་གསང་སྔགས་དབང་བཞི་ཐོབ་ཕྱི་ནས། །ཤེས་རབ་ཡེ་ཤེས་དབང་དོན་བསྒོམ་རྒྱུ་ཡིན། །རྩ་བའི་ཉམས་ལེན་འདི་ཉིད་ཁོ་ན་ཡིན། །ཞག་རེ་ཆག་ན་དམ་ཚིག་ཉམས་པའི་ཕྱིར། །ཡི་དམ་ཞལ་སྦྱོར་བསྒོམ་པ་དེ་ཡི་གནད། །ལུས་དང་རྩ་ཡི་སྟོང་ར་བསྒོམ་པ་དང་། རི་ཆོས་གཞུང་ཆེན་ནང་གི་ཡང་གསང་སྒྲུབ་བདེ་ཆེན་རབ་འབར་ལས་བྱུང་བ་ལྟར་ཡིན་གསུངས། མཆན། རླུང་ལ་ཅུང་ཞིག་བྱང་བ་གལ་ཆེ་སྟེ། །དེ་མིན་ནད་དུ་འགྱུར་བའི་ཉེས་ཡོད་གསུངས། །འདི་ལ་དབང་པོ་རབ་དང་ཐ་མའི་ལུགས། །རབ་ལ་རང་ཉིད་ཡི་དམ་ཡབ་དང་ཡུམ། །ཞལ་སྦྱོར་བསྒོམ་པ་སོ་སོའི་མངོན་རྟོགས་བཞིན། །ཡབ་ཀྱི་གསང་བར་ཧཱུྃ་ལས་རྡོ་རྗེ་ནི། །རྩེ་ལྔ་བུ་ག་ཧཱུཾ་གིས་བཀག་པར་བསྒོམ། །ཡུམ་གྱི་གསང་བར་ཨཱལས་པདྨ་ནི། །དམར་པོ་འདབ་བཞི་བུ་ག་ཕཊ་ཀྱིས་བཀག །རྡོ་རྗེས་པདྨ་དྲག་ཏུ་དཀྲུགས་པ་ཡིས། །ཆགས་པའི་མེ་ཡིས་སྤྱི་བོར་ཧཾ་ཡིག་ཞུ། །དབུ་མའི་ལམ་ནས་སྤྱི་མགྲིན་རྩ་གནས་གང་། །ལུས་སེམས་ཡིད་ཙམ་དགའ་བའི་ཆགས་པ་སྐྱེས། །ངོས་མ་ཟིན་ན་འདོད་ཆགས་སྐྱེས་པ་སྟེ། །དེ་ཡི་ངོ་བོར་

[Full Size]

བལྟས་པས་སྟོང་པར་རྟོགས། །དེ་ནི་དགའ་བའི་ཡེ་ཤེས་ངོས་བཟུང་ངོ་། །དེ་ནས་རྡོ་རྗེས་པདྨ་དྲག་དཀྲུགས་པས། །བྱང་སེམས་མར་བབ་སྙིང་ཁའི་རྩ་འདབ་གང་། །ལུས་སེམས་དགའ་བདེ་མེར་གྱིས་གང་སྙམ་བྱེད། །ངོས་མ་ཟིན་ན་འདོད་ཆགས་ཆེར་གཡོས་ཡིན། །དེ་ཡི་ངོ་བོ་ལྟས་པས་སྟོང་པར་རྟོགས། །བདེ་སྟོང་དབྱེར་མེད་མཆོག་དགའི་ཡེ་ཤེས་ཡིན། །དེ་ནས་སྲུབ་དང་སྲུབ་པའི་སྦྱོར་བ་ཡིས། །བྱང་སེམས་ལྟེ་བའི་རྩ་འདབ་གང་བ་ཡི། །ཆགས་པ་ཆེར་སྐྱེས་རྣམ་རྟོག་རགས་པ་འགག །དགའ་རྒྱུདང་མི་དགའི་འཛིན་པར་སྟོར་སྙམ་བྱེད། །ངོས་མ་ཟིན་ན་འདོད་ཆགས་ཆེན་པོ་སྟེ། །ངོ་བོ་བལྟས་པས་བདེ་སྟོང་གཅིག་ཏུ་འདྲེས། །དེ་ནི་དགའ་བྲལ་དགའ་བའི་ཡེ་ཤེས་ཟེར། །དེ་ནས་སྤྱོད་པས་ཐིག་ལེ་མར་བབས་པས། །དགའ་བདེ་ཚད་མེད་བཟོད་བླག་མེད་པ་འབྱུང་། །ངོ་བོར་བལྟས་པས་བདེ་སྟོང་ཟུང་དུ་འཇུག །དེ་ནི་ལྷན་ཅིག་སྐྱེས་དགའི་ཡེ་ཤེས་སོ། །འདི་སྐབས་མེ་ཏྲི་པ་ཡིས་བཞེད་པ་ལས། །ཐིག་ལེ་ཕྱེད་ཤོར་ཕྱེད་ནི་ནང་གནས་སྐབས། །དེ་ཚེ་སྐད་ཅིག་སེ་གོལ་ཡུན་ཙམ་ལ། །ལྷན་ཅིག་སྐྱེས་དགའི་ཡེ་

[Full Size]

ཤེས་འཆར་བར་བཤད། །ཐིག་ལེ་ཕྱེད་དེ་ཉམས་ན་མི་རུང་བས། །མུ་སྟེགས་ལུགས་དང་མཚུངས་ཞེས་བཀག་པའང་ཡོད། །ནཱ་རོའི་ལུགས་ལ་རྡོ་རྗེའི་སྐེད་པ་རུ། །ཐིག་ལེ་བབ་ཚེ་ཡེ་ཤེས་འཆར་བར་བཞེད། །ཞི་ཁྲོའི་འོག་སྒོ་བདེ་ཆེན་རང་གྲོལ་ལས། །རྡོ་རྗེའི་རྩེ་ནས་ཐིག་ལེ་ལྡོག་དགོས་གསུངས། །དེ་ཡང་གོམས་ཆ་ཆེ་བའི་དབང་ཡིན་གྱིས། དང་པོ་ལྟེ་བ་ཙམ་ནས་མ་ལྡོག་ན། །མར་ལ་ཉེ་ན་ཐིག་ལེ་འཆོར་ཉེན་ཡོད། །སྐྱེས་པ་རྣམས་ནི་བུད་མེད་ལ་དགའ་བ། །དེ་ལ་དགའ་ནས་བདེ་བ་སྤྱོད་ཕྱིར་མིན། །དེ་ནི་ལོག་པར་ལྟ་བ་ཡིན་པ་སྟེ། །དེ་དོན་བྱམས་པས་ཐིག་ཆེན་རྒྱུད་བླ་མར། །ཁྱིས་ནི་རུས་པ་སྐམ་པོ་ཁར་བཅུག་ནས། །རང་གི་ཁྲག་ལ་དེ་རུ་མངོན་པར་ཞེན། །དེ་བསྲུང་གཞན་ལ་མངོན་པར་ལྡང་བ་ལྟར། །འཇིག་རྟེན་ལོག་པར་སྤྱོད་པའང་དེ་དང་མཚུངས། །གསུང་ཕྱིར་ཁྱེའུ་བུད་མེད་གཟུགས་མཛེས་པར། །དེ་ལ་སྤྱོད་པས་བདེ་བ་སྐྱེས་པ་དེ། །ལུས་ལ་བདེ་བ་བྱུང་བ་མིན། །ཁྱི་ཡི་ཀན་ནི་རུས་པས་གཤག་པ་ཡི། །ཁྲག་ནི་ཞིམ་པར་རུས་པར་མུར་སྙམ་མཚུངས། །རང་གི་དབུ་མའི་མར་སྣེ་དུང་ཅན་རྩ། །དེ་ཡི་སྣེ་མོ་རྡོ་

[Full Size]

རྗེར་ཟུག་པ་སྟེ། །དེ་ལ་བཤུད་ཅིང་དྲུད་པས་ཐིག་ལེ་བབ། །ཐིག་ལེ་བབ་པས་བདེ་བ་སྐྱེས་པ་ཡིན། །བདེ་སྟོང་ངོས་མ་ཟིན་ན་འདོད་ཆགས་ཏེ། །ངོ་བོ་བལྟས་པས་བདེ་སྟོང་གཅིག་འདྲེས་པ། །སྔགས་ནས་གསུངས་པའི་ཕྱག་རྒྱ་ཆེན་པོ་ཡིན། །བདེ་བ་མེད་པའི་སྟོང་པ་ཁ་རྐྱང་ནི། མདོ་ནས་བཤད་པའི་དབུ་མའི་ལྟ་བ་སྟེ། །སྔགས་ཀྱི་ཕྱག་ཆེན་མིན་པར་ས་པཎ་བཞེད། །ལུས་ཟུང་རྒྱས་དང་ན་སོ་གཞོན་པ་དང་། །དམིགས་པ་གསལ་ཞིང་ཆགས་པ་་་་དབང་པོ་ཐ་མ་ཆགས་པ་ཆེ་བའི་རིགས། མཆན། ཆེ་བའི་རིགས། །དམིགས་པ་ཁོ་ནས་ཐིག་ལེ་འབེབས་པར་ནུས། །ཐིག་ལེ་ཕེབས་ན་བདེ་བ་མི་སྐྱེ་མེད། །དེ་ཡིས་མི་ཕེབ་དྲང་སྲོང་འདུག་སྟངས་བྱ། །པུས་མོ་གཉིས་ལ་ལག་པས་དམ་དུ་འཁྱུད། །ལོང་བུའི་བར་དུ་བཛྲ་བཀྲོལ་བས་འབེབས། །ལུས་རྒུད་ཆགས་པ་ཆུང་བའི་གང་ཟག་ལ། །ཧ་ཏའི་སྙིང་ལག་ཌཀྐིའི་ལྔ་རུ་བསྐྱེད། །བཛྲ་ཤིནྟཾཉུག་ཅིང་བསོར་བས་འབེབ། །རྗེ་བཙུན་མི་ལ་རས་པའི་ཞལ་ནས་ཀྱང་། །འབེབས་པ་རུ་སྦལ་འགྲོས་ཀྱིས་འབེབས་གསུངས་པས། །རིམ་པར་རྩ་གནས་ཡེ་ཤེས་ངོས་ཟིན་བྱ། །བྱང་སེམས་གནས་

[Full Size]

བཞིར་འབབ་ཚེ་དགའ་བཞི། མཆན། །བཛྲ་རྩར་སླེབ་སྐད་ཅིག་ཉིད་ལ་ལྡོག །འཆོར་དོགས་ཆུ་སྲིན་གྲེ་འགག་འཁྲུལ་འཁོར་ནི། །གསང་བཤང་བར་ནས་ཐིག་ལེ་རྒྱུ་བའི་རྩ། །མཛུག་མོས་དྲག་མནན་ཐེམ་བུས་བཀག་དང་མཚུངས། །སྲིན་ཞལ་ལྷོད་ཅིང་གྱད་བཞི་དྲག་ཏུ་བསྐུལ། །འོག་རླུང་གྱེན་འདྲེན་ལྟོ་བ་སྒལ་པར་སྦྱར། །འོག་སྒོ་གཉིས་ཀྱང་ཤུགས་ཀྱིས་བསྡམས་བྱས་ཏེ། །ལྕེ་ནི་ཡ་སྐན་ལ་སྦྱར་མིག་གྱེན་ལྡོག །རླུང་ནི་ཁོག་པའི་ནང་ནས་གྱེན་འདྲེན་ཕྱིར། །ཧཱུཾ་རིང་ཧི༔རིང་ཧཱུྃརིང་དྲག་ཏུ་སྦྱང་། །རིག་པ་ནམ་མཁའི་དབྱིངས་སུ་གཏད་བྱ་ཞིང་། །དམིགས་པ་གསང་བའི་རྩ་ནས་ཐིག་ལེ་རྣམས། །ཆུ་ཆེན་རྦ་རླབས་གྱེན་དུ་ལོག་པ་བཞིན། །ལྟེ་བར་ཕྱིན་པས་དགའ་བ་དང་པོ་དང་། །སྙིང་ཁར་གཉིས་པ་མགྲིན་པར་གསུམ་པ་དང་། །སྤྱི་བོར་སླེབས་པས་མས་བརྟེན་དགའ་བ་བཞི། །དེ་ཚེ་ཉམས་ལེན་རྩི་དང་མ་བྲལ་ན། །མས་བརྟེན་དགའ་བ་བཞི་ཞེས་མིང་དུ་འདོགས། །དེ་ནས་རིག་པ་ནམ་མཁའི་དབྱིངས་སུ་འཕང་། །ནམ་མཁའ་བཞིན་དུ་རྒྱ་བསྐྱེད་ངོ་བོར་ལྟ། །གོང་གི་འཁྲུལ་འཁོར་རྣམས་ཀྱང་དྲག་ཏུ་སྦྱང་། །ཐིག་ལེ་གཏོང་རེ་ན་ར་ཀན་དུ་

[Full Size]

བསམ། །དེ་བསམ་ཤོར་ཡང་རྩ་ལྟུང་འབྱུང་བ་མིན། །ལྡོག་རྟགས་བཛྲ་སྲད་བུ་བཞིན་དུ་འགྱུར། །སེམས་ལ་བདེ་བ་འཆར་ཞིང་ཡིད་དགའ་འོ། །དེ་ནས་། སེང་གེ་རྣམ་རོལ་འཁྲུལ་འཁོར་རམ། །རྟ་རྒོད་སྤྲུགས་སེལ་ལྟ་བུའི་ལུས་སྤྲུགས་བྱ། །བྱང་སེམས་བདུད་རྩི་ལུས་ཀུན་གང་བར་དམིགས། ཐིག་ལེ་ཡུངས་ཀར་འབྲུ་ཙམ་མ་ཉམས་པར། །ཡས་བརྟེན་མས་རྟེན་དགའ་བཞི་ངོས་ཟིན་ན། །མཆན། །ཕན་ཡོན་ལུས་བདེ་ཁམས་དྭངས་རིག་པ་གསལ། །དཔའ་བོ་མཁའ་འགྲོ་ཐམས་ཅད་སྤྲིན་བཞིན་འདུ། །ཉམས་རྟོགས་ཡོན་ཏན་ཡར་ངོའི་ཟླ་བཞིན་འཕེལ། །ལྷ་འདྲེ་མི་གསུམ་ཟས་ནོར་ལོངས་སྤྱོད་འདུ། །རྩ་རླུང་ཐིག་ལེའི་ཡོན་ཏན་ཐམས་ཅད་ཐོབ། །དེ་དོན་འོག་སྒོ་བདེ་ཆེན་རང་གྲོལ་ལས། །དེ་ནི་རང་ལུས་ཐབས་ལྡན་ཞེས་བྱ་སྟེ། །དེ་སྐབས་ཀྱང་ནི་བདེ་བ་ཆེར་འཕེལ་ནས། །བདེ་སྟོང་ཟག་མེད་མཆོག་གི་ཏིང་འཛིན་ཐོབ། །ཁྱད་པར་འདུལ་བ་འཛིན་པའི་དགེ་སློང་གིས། །གཞན་ལུས་བསྟེན་ན་གཞན་གྱིས་སྒྲོ་སྐུར་འགྱུར། །དེ་ཕྱིར་རང་ལུས་ཐབས་ལྡན་འདི་ལ་འབད། །ཅེས་གསུངས་འདི་ནི་གནད་ཀྱི་མན་ངག་ལ། །རྩ་ནི་ཁྱིམ་དང་རླུང་

[Full Size]

ནི་བདག་པོ་དང་། །ཐིག་ལེ་ནོར་གྱི་ཚུལ་དུ་གནས་པ་སྟེ། །རྩ་ཡི་སྟོང་ར་གསལ་ན་མོ་རིག་འདུ། །རྩ་ནི་ནང་གི་མཁའ་འགྲོ་ཡིན་པའི་ཕྱིར། །ཕྱི་ཡི་མ་མོ་མཁའ་འགྲོ་ཤུགས་ཀྱིས་འགྲུབ། །རླུང་ནི་ནང་གི་དཔའ་བོ་ཆོས་སྐྱོང་ཚོགས། །ཡིན་ཕྱིར་རླུང་ལ་བྱང་ན་ཕོ་རིག་འདུ། །ཐིག་ལེ་ནང་གི་བསོད་ནམས་ནོར་ཡིན་ཕྱིར། །མ་ཉམས་འཕེལ་ན་བསོད་ནམས་ལོངས་སྤྱོད་འདུ། །རྟེན་ནི་རྒྱུ་ཡི་བྱང་སེམས་དཀར་དམར་ལ། །བརྟེན་པ་ཡེ་ཤེས་ཐིག་ལེ་ཕྱག་ཆེན་གནས། །དཔེ་ནི་རྟེན་དང་བརྟེན་པའི་ཐིག་ལེ་གཉིས། རྟེན་རྒྱུའི་ཐིག་ལེ་བྱང་སེམས་བརྟེན་པ་ནི། ཡེ་ཤེས་ཀྱི་ཐིག་ལེ་ནི་ཕྱག་རྒྱ་ཆེན་པོའོ། །མཆན། ཉམས་ན་མཉམ་ཉམས་འཕེལ་ན་མཉམ་འཕེལ་ཡིན། །འདུལ་ཁྲིམས་བསྲུང་བས་མི་འཕེལ་སྐམ་པར་འགྱུར། །དེ་ལྟར་སྦྱོང་བས་མི་ཉམས་འཕེལ་བ་འགྱུར། །དོན་མེད་མི་བསམ་དོན་དེ་ཤེས་པར་བྱ། །བཟུང་བསམ་མེད་པར་བཏང་ན་རྩ་ལྟུང་ཆེ། །བཟུང་ཡང་མ་ཐུབ་ཤོར་བས་ཉེས་པ་ཆུང་། །དྭངས་སྙིགས་ཁྱད་པར་བཟུང་རྒྱུ་ཡོད་མེད་སོགས། །མཁའ་འགྲོ་སྙིང་ཐིག་ནང་ནས་གསུངས་པ་ལྟར། །མི་བསྐྱོད་རྡོ་རྗེའི་གསུངས་དང་དགོངས་པ་མཐུན། །དེ་ལྟར་

[Full Size]

རང་ལུས་ཐབས་ལྡན་ཉམས་ལེན་ཚེ། །ཐིག་ལེ་ལྡོག་གམ་མ་ལྡོག་ལྟ་བའི་ཕྱིར། །ལྡོག་པའི་དམིགས་པ་འཁྲུལ་འཁོར་མང་བྱས་རྗེས། །ཆུ་སྲིན་གྲེ་འགག་བཏང་ལ་ལག་མཐིལ་བླུག །དཀར་པོ་ཞོ་འདྲའི་དཀྱིལ་དུ་ཡུངས་འབྲུ་ཙམ། །དངུལ་ཆུའི་མདོག་འདྲ་ལྡོག་པོ་ཐལ་ཐོར་ནི། །དྭངས་མའི་དྭངས་མ་བྱིས་སྦ་འབྱུང་བའི་རྒྱུ། །ཉམས་ན་སྐྱོན་ཆེ་བཟུང་ན་ཡོན་ཏན་འཕེལ། །དེ་འདྲ་གདའ་ན་གཏན་ནས་མ་ལྡོག་རྟགས། །ཨ་མྲྀ་ཏ་ཡི་སརྦ་པའི་སྔགས། །བཟླས་ཤིང་དྲོད་མ་ཡལ་བར་བཏུང་བར་བྱ། །དེ་ཡི་ཉམས་པའི་ཉེས་པ་མི་འབྱུང་སྟེ། །དམིགས་པ་མ་གསལ་ཆགས་པས་ཤོར་ན་ཡང་། །དེ་ཕྱིར་རྩ་ལྟུང་ཉེས་པ་མ་འབྱུང་བ། །དགྱེས་རྡོར་རྒྱུད་ལས་རྒྱ་ཆེར་གསལ་བར་བཤད། །དེ་ཡང་གྲོད་མ་ཡལ་བར་བཏུང་དགོས་ཀྱིས། །དྲོད་ཡལ་ནས་ནི་ནད་དུ་འགྱུར་བར་བཤད། །དེ་ལ་བཙོག་པའི་འདུ་ཤེས་མ་བཏུང་ན། །གསང་བའི་དབང་གི་དམ་ཚིག་ཉམས་པ་སྟེ། །ནང་གི་བདུད་རྩི་མཆོག་ནི་བྱང་སེམས་ཡིན། །དེ་ཡང་རྩ་ལྟུང་རྣམ་པ་གཉིས་སུ་འགྱུར། །དཀར་པོ་ཞི་བ་སྣབ་ཀྱི་དབྱིབས་འདྲ་བ། །དེ་ནི་དྭངས་མའི་

[Full Size]

སྙིགས་མ་ཡིན་པ་སྟེ། །བཟུང་ན་ལུས་ཤ་རྒྱས་ཙམ་ཡོན་ཏན་ཡོད། །ཉམས་ཀྱང་ཉེས་པ་ཅུང་ཟད་ཆུང་བར་གསུངས། །སྙིགས་མའི་སྙིགས་མ་བ་གླང་ཁ་ཆུ་འདྲ། །ཉག་མ་ཡོད་། པའི་བརླན་ཅིག་འབྱུང་བ་ནི། །བཟུང་ནས་མི་ཟིན་བཏང་ན་ཉེས་པ་མེད། །བཟུང་བའི་དམིགས་པ་གསང་བའི་བུ་ག་ནས། །ཧཱུྃ་ཡིག་སུམ་བརྩེགས་ཁྲིག་གིས་བཀག་པ་དང་། །ལྡོག་པའི་དམིགས་པ་སྤྱི་བོའི་ཧཾ་ཡིག་ལས། །ཐིག་ལེ་ཐམས་ཅད་སྐར་མདའ་ཆད་པ་བཞིན། །ཡར་འཕྲོས་ཧཾ་ལ་སིབ་སིབ་ཐིམ་པར་བསྒོམ། །བཟུང་དང་ལྡོག་དང་བཀྲམ་པ་གསུམ་ཀ་ལ། །རིག་པ་ནམ་མཁའི་དབྱིངས་འཕང་ངོ་བོ་སྐྱོང་། །ནམ་མཁའ་བཞིན་དུ་རྒྱ་བསྐྱེད་བཞག་པ་ཟབ། །ཐིག་ལེ་འབེབས་པ་གནད་ཀྱི་གདམས་པ་ནི། །དབང་པོ་།དམན་པའི་ཐ་མལ་གང་ཟག་གིས། །ཡི་དམ་ཡུམ་ལ་ཆགས་པ་མི་སྐྱེ་བས། །དང་པོ་རང་ཉིད་ཡི་དམ་བསྒོམ་པ་དེ། །འོད་ཞུ་ངོ་བོ་ཡི་དམ་ཡིན་པ་ལ། །རྣམ་པ་ཨོ་རྒྱན་གཅེར་བུ་ཕྱག་གཉིས་པ། །ཡི་དམ་ཡུམ་དེ་འོད་དུ་ཞུ་བ་ལས། །ངོ་བོ་ཕག་མོ་རྣམ་པ་ཐ་མལ་གྱི། །བུད་མེད་རང་གི་ཡིད་མཐུན་གཅིག་ཏུ་བསྒོམ། །དབེན་པའི་གནས་སུ་རང་དང་

[Full Size]

མཉམ་དུ་འཁོད། །ཕན་ཚུན་གཟུགས་ལ་ལྟ་ཞིང་ཆགས་པར་བསྒོམ། །དེ་ཡི་ངོ་བོར་བལྟས་པས་སྣང་སྟོང་འཆར། །ལྟ་བས་ཚིམ་པའི་ཆགས་པ་སྦྱངས་བ་ཡིན། །དེ་ནས་རྒོད་ཅིང་ཆགས་པའི་གཏམ་སྨྲ་བསམ། །ངོ་བོར་བལྟས་པས་གྲག་སྟོང་ཉིད་དུ་འཆར། །རྒོད་པས་ཚིམ་པའི་ཆགས་པ་སྦྱངས་བ་ཡིན། །དེ་ནས་རྩེ་ཀྱུ་ལག་པ་སྦྲེལ་བ་དང་། །ལུས་ལ་བྱུག་ཅིང་འཕུར་དང་འོ་བྱེད་བསམ། །ངོ་བོར་བལྟས་པས་རེག་བྱ་མྱང་སྟོང་འཆར། །ལག་པ་བཅང་བས་ཚིམ་པའི་ཆགས་པ་སྦྱངས། །དེ་ནས་ཕན་ཚུན་ལུས་པོ་འཁྱུད་བྱས་ཏེ། །རྡོ་རྗེ་པདྨ་མཉམ་པར་སྦྱོར་བར་བསམ། །དེ་ནས་ཡུམ་གྱིས་མ་བཟོད་འགུལ་བསྐྱོད་བྱས། །བདེ་བའི་སྐད་འབྱིན་ཡབ་ཡུམ་བདེ་བ་རྒྱས། །རྩ་གནས་བཞི་ལ་དགའ་བཞི་ངོས་བཟུང་སྟེ། །ལྡོག་དང་བཀྲམ་པའི་དམིགས་པ་གོང་དང་མཚུངས། །ཁྱད་པར་ཡུམ་དེ་རང་གི་སྤྱི་བོར་བྱོན། །ཇེ་མཐོ་ཇེ་མཐོཨོ་ནམ་མཁའི་དབྱིངས་སོང་བ། །དེ་ཡི་བྷ་གར་རིག་པ་རྩེ་གཅིག་གཏད། །ཐིག་ལེ་ལྡོག་པའི་དམིགས་པ་དེ་རང་ཟབ། །གལ་ཏེ་རླུང་གི་ནུས་པ་མ་ཐོན་ན། །ཐིག་ལེ་དབབ་པའི་འདོད་ཆགས་བདེ་བ་

[Full Size]

དེས། །ལྡོག་པར་མ་ནུས་འཆོར་བར་འདུག་པ་ན། །རང་ཉིད་ཡུམ་དང་མཉམ་པོར་སྦྱོར་བསྒོམ་པ། །ཡུམ་གྱི་བྷ་གར་ཡི་དམ་དཀྱིལ་འཁོར་བསྐྱེད། །དེ་ལ་གསང་བའི་མཆོད་པ་ཕུལ་དམིགས་ཤིང་། །ཡི་དམ་རྩ་སྔགས་མཇུག་ཏུ་སྔགས་འདི་སྦྱར། །མ་ཧཱ་སུ་ཁ་གུ་ཧྱ་པཱུ་ཛ་ཧོཿ ཞེས་བརྗོད་གྲེ་འགག་བཏང་ལ་ལག་མཐིལ་ཟེད། །འདི་ལ་ཉ་ཕྱིས་སྣོད་དང་དུང་ལ་སོགས། །སྣོད་གཞན་མི་རུང་བརྟག་གཉིས་རྒྱུད་ལས་གསུངས། །དྲོད་མ་ཡལ་བར་ལྕེ་བཞག་མིད་བྱ་སྟེ། །འཁོར་ལོ་ལྔ་ཡི་རྩ་གནས་ཐམས་ཅད་ཀྱི། །དཔའ་བོ་མཁའ་འགྲོ་བདེ་བའི་མཆོད་པས་མཉེས། །བདག་ལུས་བདེ་ཆེན་ཡེ་ཤེས་འབར་བར་བསྒོམ། །དེ་ཡིས་བྱང་སེམས་ཉམས་པའི་ཉེས་པ་མེད། །དེ་པ་མཐུན། །ཧ་ལྟར་ཅུང་ཟད་གསོལ་བའི་ལྷག་མ་རྣམས། །དཔྲལ་མགྲིན་སྙིང་ཁ་ལྟེ་བར་ཐིག་ལེ་བྱས། །ཡི་དམ་རྩ་སྔགས་ཤམ་བུར་སྔགས་འདི་བཏགས། །ཀཱ་ཡ་བཛྲ་རཀྵ་རཀྟ་ཨོ། ཝཱཀ་བཛྲ་རཀྵ་རཀྟ་ཨཱཿཙིཏྟ་བཛྲ་རཀྵ་རཀྵ་ཧཱུཾ། སརྦ་བཛྲ་རཀྵ་རཀྵ་ཧཱུྃ༔ ཞེས་བརྗོད་གནས་བཞིར་ཨོ་དཀར་ཨཱཿདམར་པོ། །ཧཱུཾ་མཐིང་ཧྲི་ཡིག་ལྗང་གུ་བཞིར་གྱུར་

[Full Size]

ཏེ། །དེ་ལས་འོད་ཟེར་ཕྱོགས་བཅུར་འཕྲོས་པ་ཡིས། །སངས་རྒྱས་ཀུན་གྱི་སྐུ་གསུང་ཐུགས་རྡོ་རྗེ། །ཡེ་ཤེས་རྡོ་རྗེ་བཞི་ཡི་བཅུད་བསྡུས་བསྟིམ། །དེ་ནི་བྱང་སེམས་བསྲུང་བ་ཟབ་མོ་སྟེ། །ཁྲོ་ཆུ་ལ་སོགས་གཤིན་རྗེའི་རྒྱུད་ནས་གསུངས། །དེ་ནས་འདི་ཡི་ལས་ཚོགས་བཤད་པ་ནི། །དཔེར་ན་ཐ་མལ་བུད་མེད་གཞོན་ནུ་རྣམས། །རྡོ་ཇེ་སྦོམ་ཞིང་ཤུགས་དྲག་ལྡན་པ་དེས། །བསྣུན་ན་སྐྱེས་པ་གཞན་དག་མི་འདོད་ཅིང་། །རང་གི་མི་བདག་དེ་དང་འབྲལ་མི་ཕོད། །དེ་བཞིན་ཡེ་ཤེས་ལས་དང་འཇིག་རྟེན་གྱི། །མ་མོ་དང་ནི་མཁའ་འགྲོ་ཐམས་ཅད་དང་། །ཡི་དམ་ལྷར་བསྒོམ་སྦྱོར་བ་བྱེད་དམིགས་པའི། །རྣལ་འབྱོར་དེ་ལ་དགའ་བཞི་དངོས་གྲུབ་སྦྱིན། །དེ་དོན་ཐིག་ལེ་ནོར་བུའི་རྒྱུད་ལས་གསུངས། །ཁྱད་པར་མཁའ་འགྲོ་འབུམ་ཕྲག་མང་པོ་ཞིག །མ་འོངས་ཡིད་ཀྱིས་སྦྱོར་བ་བྱེད་སྒོམ་པའི། །ཆུང་མ་བྱེད་ཅིང་དངོས་གྲུབ་སྦྱིན་ནོ་ཞེས། །ཕྱག་ན་རྡོ་རྗེའི་སྤྱན་སྔར་དམ་བཅས་ནས། །ཀ་མ་རུ་ཡི་གནས་སྐོར་གནས་པར་བཤད། །ཀ་མ་རུ་ནི་ཀམ་པོ་གངས་ར་ཡིན། །དཔེར་ན་རང་ཉིད་རྒྱལ་བ་རྒྱ་མཚོར་བསྒོམ། །ཕག་མོ་ཡུམ་དང་སྦྱོར་

[Full Size]

བ་བྱེད་པ་ཆེ། །ཚིགས་པའི་སྒྲ་ནི་ཧ་ཧ་སི་སི་དོན། །ཀུན་ཏུ་ར་སོགས་སྒྲ་སྐད་བསྒྲགས་པ་ཡིས། །ཕྱོགས་བཅུ་སངས་རྒྱས་བྱང་སེམས་ཐམས་ཅད་བྱོན། །ཡབ་རྣམས་ཡབ་ཞལ་ཡུམ་རྣམས་ཡུམ་ཞལ་ཞུགས། །བྱུང་སེམས་ངོ་བོར་ཞུ་བས་རྩ་གནས་བརྒྱུད། །ཡབ་ཡུམ་སྐུ་ལུས་བདེ་བས་རབ་ཏུ་རྒྱས། །ཡབ་ཡུམ་བྱང་སེམས་དཀར་དམར་བྷ་གར་བབ། །ཧཱི༔ཡིག་དམར་པོར་གྱུར་པའི་འོད་ཟེར་གྱིས། །སེམས་ཅན་གཏི་མུག་ཅན་རྣམས་སྒྲིབ་པ་སྦྱང་། །འོད་ཟེར་ཚུར་འདུས་ཧྲུལ་ཐིམ་པ་ཡིས། །བདེ་གཤེགས་སྐུ་ཡི་རིགས་ཀྱི་སྤྱན་རས་གཟིགས། །ཆ་ལུགས་བདག་ཉིད་ཡབ་ཡུམ་འདྲ་བར་གྱུར། །དེ་ལས་རང་འདྲའི་སྤྲུལ་པས་འཇིག་རྟེན་གང་། །སེམས་ཅན་ཀུན་གྱི་གཏི་མུག་སྒྲིབ་པ་སྦྱོང། །མཛད་པ་བཅུ་གཉིས་སྒོ་ནས་འགྲོ་དོན་མཛད། །སངས་རྒྱས་ཀུན་གྱི་སྐུ་ཡི་བྱིན་རླབས་བསྡུས། །ཐམས་ཅད་ཚུར་འདུས་ཡུམ་གྱི་བྷ་གར་ཐིམ། །འོད་ཞུ་བྱང་སེམས་དཀར་དམར་བདུད་རྩིར་གྱུར། །དེ་ནས་འདྲེན་གྱིས་རླུང་ལ་འཁྲུལ་འཁོར་བཅས། །སྦུ་གུས་འོ་མ་འཇིབ་པ་ཇི་བཞིན་དུ། །རྡོ་རྗེའི་ལམ་ནས་ཡར་དྲང་བདག་ལུས་གང་། །སྐུ་

[Full Size]

ཡི་དངོས་གྲུབ་ཐོབ་བསྒོམ་མི་དམིགས་བཞག །དེ་བཞིན་བདག་ཉིད་རྡོ་རྗེ་སྤྱན་རས་གཟིགས། །ཡབ་ཡུམ་སྦྱོར་བས་ཐུགས་ཀྱི་དངོས་གྲུབ་བསྡུས། །རང་ཉིད་རིན་ཆེན་འབྱུང་ལྡན་སྤྱན་རས་གཟིགས། །ཡབ་ཡུམ་སྦྱོར་བས་ཡོན་ཏན་དངོས་གྲུབ་བསྡུས། །རང་ཉིད་པདྨ་རིགས་ཀྱི་སྤྱན་རས་གཟིགས། །ཡབ་ཡུམ་སྦྱོར་བས་གསུང་གི་དངོས་གྲུབ་བསྡུས། །རང་ཉིད་ལས་ཀྱི་རིགས་ཀྱི་སྤྱན་རས་གཟིགས། །ཡབ་ཡུམ་སྦྱོར་བས་ཕྲིན་ལས་དངོས་གྲུབ་བསྡུས། །དེ་བཞིན་རང་ཉིད་འཕགས་པ་སྤྱན་རས་གཟིགས། །སྒྲོལ་དཀར་དང་སྦྱོར་ཚེ་ཡི་དངོས་གྲུབ་བསྡུས། །སྒྲོལ་སྔོན་དང་སྦྱོར་འཇིགས་པ་བཅུ་དྲུག་ཞི། །ལོ་མ་ཅན་སྦྱོར་རིམས་ནད་ཞི་བར་བྱེད། །ལྷ་མོ་ཙན་དང་སྦྱོར་ནད་ཀུན་ཞི། །ཁྲོ་གཉེར་ཅན་དང་སྦྱོར་བས་འཇིགས་པ་སྐྱོབ། །དེ་བཞིན་རང་ཉིད་རྟ་མགྲིན་ཏིང་འཛིན་གྱིས། །ཀུ་རུ་ཀུལླེ་དང་སྦྱོར་སྦྱོར་མཚམས་གྱི། །འོད་ཟེར་སྤྲོ་བསྡུས་སྣང་སྲིད་དབང་དུ་བྱེད། །རང་ཉིད་བེར་ཆེན་མགོན་པོའི་ཏིང་འཛིན་གྱིས། །རང་བྱུང་མ་དང་སྦྱོར་བས་ལྷ་མོ་འགྲུབ། །ངེས་པར་ལྷ་མོ་བསྒྲུབ་པའི་རྣལ་འབྱོར་པས། །ཟླ་ངོ་རེ་ལ་ལན་རེ་མ་

[Full Size]

བསྒོམས་ན། །དམ་ཚིག་ཆགས་པ་ལྷ་མོའི་རྒྱུད་ནས་གསལ། །དེ་བཞིན་བླ་མེད་ཡབ་ཡུམ་གང་དང་གང་། །གོང་ལྟར་ཐིག་ལེ་དབབ་ལྡོག་བཀྲམ་པ་དང་། །རྩ་གནས་བཞི་ལ་དགའ་བཞི་མྱོང་བ་སོགས། །ཐམས་ཅད་ཀུན་ལ་ཁྱད་པར་མེད་པ་སྟེ། །ཞལ་སྦྱོར་བསྒོམ་པའི་དོན་རྩ་དེ་རང་ཡིན། །ཡིད་ཀྱིས་རིག་མ་བསྟེན་པར་བསྒོམ་པ་ལ། །ཡིད་རིག་ཡེ་ཤེས་ཕྱག་རྒྱ་ཞེས་བྱའོ། །རང་ཉིད་སློབ་དཔོན་པདྨའི་ང་རྒྱལ་གྱིས། །ཨ་ཕྱི་ཚེ་རིང་མ་དང་བརྟན་མ་སོགས། །སྦྱོར་བར་བསྒོམས་པས་དེ་ཉིད་སྒྲུབ་ཐབས་ཟབ། །མཛའ་ལྟར་བསྟེན་པའི་མན་ངག་གནད་ཆེ་འོ། །དབང་ནི་གསུམ་པའི་ཉམས་ལེན་གཙོ་བོ་སྟེ། །འོན་ཀྱང་གསང་སྔགས་ཐོས་རྒྱ་ཆུང་བ་ཡི། །འདི་ཐོས་གསང་སྔགས་ཆོས་ལ་སྐུར་འདེབས་པས། །ཆོས་སྤང་ལས་ཀྱིས་ཁོ་ཉིད་དམྱལ་བར་འགྲོ། །རང་ཉིད་གསང་བ་ཐུགས་ཀྱི་དམ་ཚིག་ཉམས། །ཚེ་འདིར་མཁའ་འགྲོའི་བཀའ་ཆད་དྲག་པོས་མནར། །བཤགས་པ་མ་ཐེང་རྡོ་རྗེའི་དམྱལ་བར་འགྲོ། །བཤགས་པ་ཐེང་ན་དམྱལ་བར་མི་འགྲོ་ཡང་། །སྐྱེ་བ་ལྔ་བརྒྱ་སྨྱོ་འབོག་ནད་ཀྱིས་ཐེབས། །དེ་ཕྱིར་སྣོད་མིན་རྣམས་ལ་གསང་དམ་
བཅའ། །སྣོད་ལྡན་སྙིང་གི་བུ་ལ་མ་བསྟན་ན། །དགའ་བཞི་ཡེ་ཤེས་དངོས་སུ་མི་སྐྱེ་བས། །གསང་སྔགས་ཚིག་རྣམས་གོ་བ་སྐམ་པོར་ལུས། །བྱིན་རླབས་ཉམས་དང་རྟོགས་པའི་བརྒྱུད་པ་ཆད། །དེ་ཕྱིར་སྣོད་ལྡན་རྣམས་ལ་བསྟན་པར་བྱ། །དེ་སྐད་རྣལ་འབྱོར་རཱ་ག་ཨ་སྱ་ཡིས། །རྟ་ལོ་ཁྲུམས་ཟླའི་ཚེས་གཅིག་སྔ་དྲོར་སྨྲས། །རྡོ་རྗེ་འཛིན་པ་བརྩོན་འགྲུས་རྒྱ་མཚོས་བྲིས། །སྙན་བརྒྱུད་ཡི་གེར་བྲིས་པའི་ཉེས་མཆིས་ན། །ཌཱ་ཀི་བྱེ་བ་འབུམ་གྱི་དྲུང་དུ་བཤགས། །དགེ་བས་གསང་སྔགས་བསྟན་པ་མཐའ་རྒྱས་ཏེ། །དགེ་སློང་ཁྲིམས་ལྡན་རྡོ་རྗེ་འཛིན་པའི་ཚོགས། །སྐར་ཚོགས་ལྟ་བུར་བསྟན་པ་མཛེས་བྱེད་ཤོག །མངྒ་ལཾ། །

སྡིག་ཅན་རྒྱལ་པོས་ཆད་པ་གཅོད་པའི་ཚེ། ༼ཅ༽ །བཙན་ཐབས་འཕོ་བ་བཙོན་ནས་ཐར་ཐབས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། བཙན་ཐབས་འཕོ་བའི་གདམས་ངག་ཉེས་ཆེན་བཙོན་ནས་ཐར་ཐབས་བཞུགས་སོ། །སྣོད་མིན་ལ་ཤིན་ཏུ་སྦས་པའི་དམ་ཚིག་གོ །ན་མོ་གུ་རུ་ཌཱཀྐི་ནཱི་ཧཱུྃ། བླ་མ་མཁའ་འགྲོའི་ཚོགས་ལ་ཕྱག་འཚལ་ལོ། །དགོངས་པ་འགྲོལ་ཞིང་བྱིན་གྱིས་བརླབ་ཏུ་གསོལ། །གསར་རྙིང་གསང་སྔགས་རྒྱུད་སྡེ་ཐམས་ཅད་ནས། །

[Full Size]

མ་བསྒོམ་འཕོ་བའི་གདམས་ངག་གསུངས་མོད་ཀྱང་། །བསྒོམ་ཡུན་ཐུང་བས་ཆོག་པའི་དོན་ཡིན་གྱིས། །གཏན་ནས་བསྒོམ་མི་དགོས་པ་མ་ཡིན་ནོ། །ཉམས་ལེན་ཤེས་ཀྱང་བརྟན་པ་མ་ཐོབ་དང་། །འཆི་བ་བྱུང་ན་ཞིང་ཁམས་བགྲོད་ཕྱིར་གསུངས། །དེ་ཡང་འཆི་རྟགས་ངེས་པར་ཚང་དགོས་ཏེ། །འཆི་རྟགས་ཚང་ཡང་འཆི་བསླུ་ལན་གསུམ་བྱ། །འཆི་རྟགས་མ་ཚང་འཆི་བསླུ་མ་བྱས་པར། །འཕོས་ན་རང་ཉིད་ལྕེབ་པའི་ཉེས་པ་འབྱུང་། །ལུས་ལྷ་ཐམས་ཅད་བསད་ཕྱིར་མནར་མེད་ལྟུང་། །དེ་དོན་རྡོ་རྗེ་གདན་བཞིའི་རྒྱུད་ཆེན་ལས། །དུས་ལ་བབ་ན་འཕོ་བྱ་སྟེ། །དུས་མིན་ལྷ་རྣམས་གསོད་ཕྱིར་རོ། །ལྷ་རྣམས་བསད་པ་ཙམ་གྱིས་ནི། །ངེས་པར་མནར་མེད་འགྲོ་བར་འགྱུར། །ཞེས་པའི་དོན་ཡང་དེ་ལ་དགོངས་པ་ཡིན། །ཐོག་མར་བུམ་ཅན་རླུང་གིས་དགའ་རབ་སྦྱངས། །དེ་བས་དུས་ལ་བབ་དུས་འཕོ་བྱ་བར། །རླུང་ལ་མ་བྱང་སྔགས་དམིགས་ཁོ་ན་ཡིས། །ཡུན་རིང་བཟུང་བས་ཚེ་ནི་ཐུང་འགྱུར་གྱིས། །འཕོ་བར་འདོད་ཀྱང་འཕྲལ་དུ་འཕོ་མི་ནུས། །དང་པོར་འཕོ་བར་རྟགས་ནི་ཐོན་ངེས་སྦྱངས། །དེ་ནས་བུམ་ཅན་རླུང་ལ་བྱང་བའི་མི། །

[Full Size]

འཆི་ནད་མ་ཕོག་གོང་དུ་རང་འཕོས་ན། །མཚམས་མེད་བྱས་སམ་སྡོམ་པ་ཤོར་བ་སོགས། །ཚབས་ཆེན་སྡིག་དང་འདྲེས་པའི་སྐྱེས་བུ་ཡང་། །རབ་ཏུ་དག་པའི་ཞིང་ཁམས་ཐ་མ་ཡང་། །ལྷ་ལུས་སམ་ནི་མི་ལུས་ཆོས་ལྡན་སྐྱེ། །དེ་དོན་བླ་མེད་རྒྱུ་སྡེ་དུ་མ་ནས། །ཉིན་བཞིན་བྲམ་ཟེ་གསོད་པ་དང་། །མཚམས་མེད་ལྔ་ནི་བྱེད་པ་དང་། །གདོལ་བ་སྨིག་མ་མཁན་ལ་སོགས། །ལམ་མཆོག་འདིས་ནི་བྱང་གྱུར་ཏེ། །བདེ་བའི་གནས་སུ་འགྲོ་བ་དང་། །སྲིད་པའི་ལམ་ལས་རིང་དུ་གྲོལ། །འཁོར་བའི་སྐྱོན་གྱི་མ་གོས་སོ། །གསུངས་པའི་དོན་ཡང་དེ་ལ་དགོངས་པ་ཡིན། །དེ་ཡང་བཙན་ཐབས་འཕོ་བ་ཞེས་བྱ་བ། །སྡིག་ཆེན་རྒྱལ་པོ་སོགས་ཀྱིས་བཟུང་བྱས་ཏེ། །གསོད་པར་ངེས་ཤིང་ཡུན་རིང་རྔན་གསོད་བྱེད། །ཙི་ཙི་ཛྭ་ལ་ལ་སོགས་ནད་ཀྱིས་ཐེབས། །འཆི་བར་ངེས་ཀྱང་ཡུན་རིང་མི་འཆི་ཞིང་། །གནད་གཅོད་སྡུག་བསྔལ་དྲག་པོ་མི་བཟོད་དམ། །འབྲོག་ཆེན་འཇིགས་པའི་ཡུལ་ཕྱོགས་སྟོང་པར་ལུས། །རྐང་པ་ཞ་སོགས་འགྲོ་བའི་ནུས་པ་མེད། །མུ་གེས་འཆིའམ་གཅན་གཟན་གྱིས་གསོད་སོགས། །འཆི་རྐྱེན་ངན་པ་འདི་དག་མི་བཟོད་

[Full Size]

ན། །དེ་ཚེ་བཙན་ཐབས་འཕོ་བའི་གདམས་ངག་དགོས། །མི་བྱེད་ཀ་མེད་དེ་འདྲ་མ་གཏོགས་པ། །བཙན་ཐབས་འཕོ་བ་བྱ་བར་མི་རུང་གསུང་། །བདག་གི་འདྲེན་མཆོག་ཆོས་ཀྱི་དབང་ཕྱུག་གི །འཕོ་བ་བཙན་ཐབས་ལམ་ནི་མ་དགོས་ཙམ། །བྱུང་ན་ཀུན་ལ་སྙིང་གཏམ་བྱའོ་གསུངས། །གལ་ཏེ་འཕོ་བ་བཙན་ཐབས་དགོས་བྱུང་ན། །སྔོན་དུ་སྐྱབས་འགྲོ་བྱང་ཆུབ་སེམས་བསྐྱེད་དང་། །སྤྱི་བོར་བླ་མ་འོད་དཔག་མེད་བསྒོམ་ཞིང་། །མཎྜལ་འབུལ་དང་ལུས་ཀྱི་སྟོང་ར་སོགས། །འཕོ་བའི་དམིགས་པ་གཞུང་དང་མཚུངས་པ་ཡིན། །དེ་ནས་བུམ་ཅན་རླུང་ནི་དྲག་པོ་བཟུང་། །ཐིག་ལེ་སྤྱི་བོར་སྤུར་བའི་དམིགས་པ་བཅས། །ཁ་དང་སྣ་གཉིས་མཉམ་དུ་རླུང་ཕྱིར་འབུད། །ནང་ལ་མི་རྡུབས་ཕྱི་རུ་ལན་བརྒྱ་ཙམ། །དྲག་པོར་ཧ་ཧ་བརྗོད་ཅིང་རླུང་ཕྱིར་བཏང་། །དེ་རྗེས་ལག་གཉིས་རྩེའུ་ཆུང་དྲག་ཏུ་མནན། །ལག་གཡས་མགུལ་མདུད་ཤེད་ཀྱིས་རྒྱབ་ཏུ་ཕུལ། །དེ་མ་ཐག་ཏུ་དུས་ལ་འདའ་བ་ཡིན། །གལ་ཏེ་དེས་ཀྱང་འཕོ་བར་མ་ནུས་ན། །སྔོན་ལྟར་དེ་རྣམས་ལན་གཅིག་ཝིག་བྱས་ལ། །རྡོ་འམ་དབྱུག་པ་འཕྲད་དུ་བརྐྱང་བའི་སྟེང་། །གན་རྐྱལ་
ལོག་ནས་སྒལ་པ་དེ་ལ་བཀལ། །རྩེའུ་ཆུང་མགུལ་མདུད་དྲག་མནན་ཁ་སྣ་ནས། །རླུང་ནི་དྲག་ཏུ་ཕྱིར་ལ་འབུད་དེ་འཕོ། །དེ་ནི་མཉམ་མེད་དྭགས་པོའི་གདམས་པ་ཡིན། །དེ་ནི་སྣོད་མིན་རྣམས་ལ་བཀའ་རྒྱས་གདབ། །ཅི་ཕྱིར་སྡུག་བསྔལ་ཅུང་ཟད་བྱུང་བའི་དུས། །དེ་ལྟར་བྱས་འཕོས་ལྕེབ་དང་ཁྱད་པར་མེད། །དེ་ཕྱིར་ཤིན་ཏུ་གསང་ཞིག་རིགས་ཀྱི་བུ། །དེ་སྐད་རྟོགས་ལྡན་རཱ་ག་ཨ་སྱ་ཡིས། །རྟོགས་ལྡན་བརྩོན་འགྲུས་རྒྱ་མཚོ་དེ་ལ་གདམས། །དགོས་པ་མེད་ཀྱང་གསང་སྔགས་ཕྱག་ལེན་རྣམས། །གྲོང་འཇུག་མ་གཏོགས་ལག་ཏུ་ལེན་ཕྱིར་ཡིན། །ག་ཕུར་ཏིང་གང་ཟོས་ནས་འཆི་བ་སོགས། །བཙན་དུག་འགམ་དང་ཁྱད་པར་མེད་པའི་ཕྱིར། །འཕོ་བ་མ་ཡིན་ལྕེབ་པ་ཡིན་ཕྱིར་སྤངས། །དེ་སྐད་རྟ་ལོ་ཐ་སྐར་ཚེས་གཅིག་གི །ཕྱི་ཐུན་སྨྲས་བཞིན་ཀརྨ་བིརླས་བྲིས། །ས་མཱ་ཡ། རྒྱ་རྒྱ་རྒྱ།།

བསོད་ནམས་ལོངས་སྤྱོད་མངའ་ཐང་རྒྱས་པའི་ཕྱིར། ༼ཆ༽ །སྨུག་འཛིན་དཀར་པོ་ལྷ་ལྔའི་ལོ་རྒྱུས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། རྒྱལ་བ་དཀོན་མཆོག་འབངས་ཀྱིས་བསྩལ་བའི་འཕགས་པ་སྨུག་འཛིན་དཀར་པོའི་ལྷ་ལྔའི་ལོ་རྒྱུས་དང་སྒྲུབ་ཐབས་ཀྱི་ཟིན་བྲིས་བཞུགས་སོ། །ན་མོ་

[Full Size]

ཨརྱ་ཛམྦྷ་ལ་ཡེ། འདིར་ཇོ་བོ་ཆེན་པོ་དྷི་པཾ་ཀཱ་རའི་ལུགས་ཀྱི་སྒྲུབ་ཐབས་དང་རྒྱ་གཞུང་དང་། བསྟོད་པའི་རྒྱ་གཞུང་མང་ཉུང་གཉིས་ལ་བསྟེན་ཏེ། གྲུབ་མཐའ་སོ་སོའི་བླ་མ་རྣམས་ཀྱིས་མཛད་པ་མང་ཡོད་ཀྱི། རྗེ་དཀོན་མཆོག་འབངས་ཀྱིས་མཛད་པ་འདི་ནི། ཚིག་ཉུང་ལ་དོན་ཟབ་ཅིང་འཐུས་པར་འདུག་ནའང་། ཞལ་ཤེས་ཀྱི་རྒྱུན་མེད་ན་ནི་རྒྱུད་ཚིག་འདྲ་བ་ཅུང་ཞིག་རྟོགས་དཀའ་བར་མཐོང་ནས། རྒྱས་པར་ཕྱེ་སྟེ་བཤད་པར་བྱ་བ་ལ། ཐོག་མར་ལོ་རྒྱུས་ཀྱི་དོན་ལ། ཆོས་སྙིང་ནས་བྱེད་པ་ལ་ནོར་ལྷ་སྒྲུབ་མི་རུང་སྟེ། །ལོངས་སྤྱོད་ཆེ་བས་དགེ་སྦྱོར་ཆག་པ་དང་། གང་ལ་ནོར་ཡོད་དེ་ལ་སེར་སྣ་ཡོད་ཅེས་པ་ལྟར། སྐྱོང་བྲན་འཚོ་སྐྱོང་གིས་གཡེངས་བས་ལྷའི་བུའི་བདུད་ཡིན་ཞེས་འབྲུག་ལུགས་ཀྱིས་ཛམ་གཏོར་མི་གཏོང་། དེ་དང་ཚིག་མཐུན་པར་རྫོགས་ཆེན་གྱི་རྒྱུད་ལ་ལ་ནས་ཀྱང་འབྱུང་ངོ་། །རྒྱུད་ནས་བཀག་པ་ནི། འཇིག་རྟེན་གྱི་ནོར་ལྷ་དང་གནོད་སྦྱིན་གྱི་རིགས་སྒྲུབ་ན། དེ་བསྒྲུབས་ནས་དགེ་སྦྱོར་ཆག་པ་དང་། འགྲུབ་ན་ལོངས་སྤྱོད་ཀྱིས་གཡེང་ནས་དགེ་སྦྱོར་མི་འོང་པ་དང་། གདུལ་བྱ་བྱུང་བ་ཡང་འཇིག་རྟེན་ལྷ་འདྲེས་བསྡུས་པ་ཡིན་ན་

[Full Size]

ལོག་འཚོ་ཡིན་པས་མ་བྱིན་བླང་དང་ཆ་འདྲ་བར་བཤད་པ་ལ་དགོངས་སོ། །སྤྱིར་ཛམ་བྷ་ལ་ཐམས་ཅད་ས་བཅུ་པར་གསུངས་པ་དང་། ཁྱད་པར་ཛམ་ལྷ་དཀར་པོ་འདི་ངོ་བོ་ཐུགས་རྗེ་ཆེན་པོ་དངོས་རང་ཡིན་པས། མཆོག་ཐུན་མོང་གཉིས་ཀ་འབྱུང་བ་དང་། བདེ་བ་ཅན་དུ་སྐྱེ་བ་སོགས་ཕན་ཡོན་ཆེ་ལ། ཐུབ་པས་སྤྱོད་པ་བཀའ་རྟགས་ཀྱི་ཕྱག་རྒྱ་ལ་ཡང་། ཛམ་བྷ་ལྷ་ལ་ཆུ་སྦྱིན་པ་དང་། འཕྲོག་མ་ལ་ཆངས་བུ་སྦྱིན་པར་མ་བྱས་ན། ཉན་ཐོས་ལ་མི་ཐེ་བར་གསུངས་པའི་ཕྱིར་དང་། སངས་རྒྱས་ཐམས་ཅད་ཀྱིས་ཀྱང་ཛམ་བྷ་ལ་བསྒྲུབས་ནས་སྦྱིན་པའི་ཕར་ཕྱིན་རྫོགས་ཏེ་སངས་རྒྱས་པ་ཡིན་པས། ཛམ་བྷ་ལ་ནི་སངས་རྒྱས་ཐམས་ཅད་ཀྱི་ཡབ་ཡིན་པར་གནོད་གནས་དབང་པོའི་རྟོགས་བརྗོད་ལས་གསུངས་པའི་ཕྱིར་དང་། ཛམ་བྷ་ལ་ལྷའི་བུའི་བདུད་ཡིན་ཆུ་སྦྱིན་མི་རུང་ཟེར་བ་ནི་ཐོས་པས་དམན་པའི་གཏམ་ངོ་ཚ་བའི་གནས་སུ་ཤེས་པར་བྱ་ཞིང་། དེ་ཡང་རྗེ་དྭགས་པོའི་ཞལ་ནས་ཀྱང་། འཚོ་བ་ནི་ནོར་སྒྲུབ་སླ་བ་འདྲ་ཡོད་ན་བྱ་གསུངས་པ་དང་། རྗེ་དུས་གསུམ་མཁྱེན་པས་ཀྱང་། བསྒོམ་པ་ལ་ཡང་ལྟོ་ཆེ་བར་བཟའ་དགོས་པར་གདའ་ཞེས་

[Full Size]

གསུངས་པ་དང་། །རྗེ་མི་ལ་ལ་ཤ་བའི་ཤ་ཕུལ་བ་ཤ་ཚོད་བྱས་ནས་གསོལ་བས་སྒོམ་ཤེད་སྐྱེས་པར་གསུངས་པ་དང་། །དེ་ལ་རྒྱ་གར་སྐད་དུ། ཨཱརྱ་ཛཾ་བྷ་ལ་ཛ་ལེནྡྲ་ཡེ། བོད་སྐད་དུ། འཕགས་པ་སྨུག་འཛིན་ཚུའི་དབང་པོ་ཞེས་བྱ་བ་ནི་སྤྱིར་ཛམྦྷ་ལ་སྤྱིའི་མཚན་ཡིན་ཏེ། ཛམྦྷ་ལ་ནི་སངས་རྒྱས་ཐམས་ཅད་ཀྱི་སྦྱིན་པའི་ཕ་རོལ་ཏུ་ཕྱིན་པའི་རང་གཟུགས་ཏེ༔ སེམས་ཅན་རྣམས་ཀྱི་ཚོགས་བསགས་པའི་རྟེན་དུ་གཟུགས་ཀྱི་སྐུར་བཞེངས་པ་སྟེ། དཔེར་ན་ཡུམ་ཆེན་མོ་སྟོང་པ་ཉིད་ལ་གཟུགས་དང་ཁ་དོག་མེད་ན་ཡང་། སེམས་ཅན་རྣམས་ཀྱི་ཚོགས་བསགས་པའི་རྟེན་དུ་ཡུམ་ཆེན་མོ་གསེར་གྱི་མདོག་ཅན་དང་། དཀར་མོ་དང་། རྡོ་རྗེ་ཕག་མོ་སོགས་ཀྱི་སྐུར་སྣང་བ་ལྟ་བུ་དེའི་དོན་དེ་གོ་བར་བྱའོ། །སངས་རྒྱས་རྣམས་ཀྱི་སྦྱིན་པའི་ཕར་ཕྱིན་ལ་ལྷའི་སྐུ་གཅིག་འབྱུང་བ་འཐད་དམ་ཞེ་ན། རྣམ་རྒྱལ་མའི་དཀྱིལ་འཁོར་སོགས་ལ་ཡང་ཕར་ཕྱིན་བཅུ་ལ་ལྷ་མོ་བཅུར་བཤད་ནས་དཀྱིལ་འཁོར་དུ་བཀོད་པ་ལ་ངེས་ཤེས་བསྐྱེད་དོ། །འོན་ཀྱང་རིགས་དང་སྐུ་མདོག་སོགས་ལ་སྤྱི་དང་མཐུན་པར། ཛཾ་ནག་རྡོ་རྗེ་སེམས་དཔའ། ཛི་སེར་རིན་ཆེན་འབྱུང་ལྡན། ་ཛཾ་དམར་སྣང་བ་

[Full Size]

མཐའ་ཡས་ཀྱི་སྤྲུལ་པ་ཡིན་པར་བྱེད་ལ། ཛཾ་དཀར་འདི་ནི་སྤྱན་རས་གཟིགས་སོ། །ངོ་བོ་དེ་ལྟ་བུ་ལ་རྣམ་པ་སྐྱེ་རྒྱུད་ནི་ཡབ་རྣམ་ཐོས་སྲས་ལ་བུ་སྟོང་ཙམ་ལ་གཅིག་གིས་མ་ཚང་བ་སྟེ། ཐམས་ཅད་མི་མཐུན་པར་དབང་པོ་ཞེས་བྱ་བ། གཅིག་ནི་ཕྱོགས་སྐྱོང་ནང་གི་སྲིན་མོ་ཀུན་ཏུ་རྒྱལ་བ་མི་ལ་ཞོན་པ་དེ་ཡིན། མཆོག་ཏུ་གྱུར་པའི་སྲས་གསུམ་ནི་ཛཾ་སེར་ནག་གཉིས་གར་མཁན་མཆོག་དང་གསུམ་ཡོད་པའི་ལོ་རྒྱུས་མང་དུ་འབྱུང་། དེ་ལ་ཡུམ་ནོར་རྒྱུན་མའི་སྲས་ཇོ་སེར། ཀླུ་དགའ་བོའི་བུ་མོ་པདྨ་གཙུག་ཕུད་མ་ལ་ནེའུ་ལེའི་ཚུལ་དུ་སྲས་བྱུང་བ་ཇི་ནག་ཡིན་པའི་ལོ་རྒྱུས་གཏམ་རྒྱུད་སོགས་འབྱུང་མོད་ཀྱི། དོན་ལ་སེར་ནག་གཉིས་པོ་ཐུགས་རྒྱུད་ངོ་བོ་གཅིག་པར་སྣང་། དེ་ལྟར་ངོ་བོ་གཅིག་པ་དེ་ལ་སྐུ་གསུང་ཐུགས་ཡོན་ཏན་ཕྲིན་ལས་དང་རིགས་བསྡུས་ནས་ཛཾ་བྷ་ལའི་དཀར་སེར་དམར་ལྗང་ཁྲ་བོ་སོགས་འབྱུང་བ་ཡིན་ནོ། །དེ་ལ་གནོད་གནས་དབང་པོའི་རྟོགས་བརྗོད་ལས་ཇི་བྷ་ལའི་དཀྱིལ་འཁོར་བཤད་པའི་ནང་དུ་གནོད་སྦྱིན་དངུལ་གྱི་མདོག་ཅན་ཞེས་དང་། ཀརྨ་པཀྵིའི་རྣམ་ཐར་ལས་ལྕང་ལོ་ཅན་དུ་གནོད་སྦྱིན་རྒྱལ་པོའི་བུར་སྐྱེས་གསུངས་པ་རྣམས་

[Full Size]

ནི། ཛཾ་དཀར་འདི་ཉིད་དུ་ངེས་ཤིང་འདི་ཞལ་གཟིགས་ཁོ་ནར་མ་ངེས་ཏེ་གྲྭ་པ་མངོན་ཤེས་ཅན་གྱི་གཏེར་མ་ཞང་བློན་གྱི་འཁོར་ལ་ཡང་ཛཾ་དཀར་འབྲུག་ཞོན་འབྱུང་བའི་ཕྱིར་རྙིང་མའི་རྒྱུད་འགའ་ཞིག་ན་ཡོད་པར་འདུག །ནོར་ལྷ་གསེར་གཟུངས་སོགས་སུ་ཨཱརླ་ཛཾ་བྷ་ལ་གསུངས་པ་ནི་ཡེ་ཤེས་པ་འདི་དག་ཡིན་པ་ལ། སྡེ་བརྒྱད་ཉི་ཟླའི་ཛཾ་བྷ་ལ་བཤད་པ་ནི་ཛཾ་བྷ་ལའི་རིགས་ཐོབ་པའི་སྡེ་བརྒྱད་ཀྱང་ཡོད་པར་སྣང་སྟེ། ཛམྦྷ་ལ་དང་། མ་ཧཱ་ཀཱ་ལ་རེ་མ་ཏི་ཟེར་བ་རྣམས་སྤྱིའི་མིང་ཡིན་ཏེ་ཐམས་ཅད་གཅིག་པར་རང་ཡིན་པར་ངེས་སོ། །དེ་ལ་པཎྜི་ཏ་དྷི་པཾ་ཀ་ར་ཤྲཱི་ཛྙཱ་ནས་ཤར་རི་བོ་པོ་ཊ་ལའི་འགྲམ་དུ་ཚུར་བྱོན་པས་མི་གཅིག་བཀྲེས་ནས་འཆི་ཞིང་གདའ་སྐད། པཎྜི་ཏས་ཅི་ཉེས་བྱས་པས། མི་ན་རེ་བཀྲེས་ནས་འཆི་བ་ཡིན་སྐད། པཎྜི་ཏ་སྙིང་རྗེ་ཆེན་པོ་སྐྱེས་ནས་གྲོང་དུ་བསོད་སྙོམས་སློང་དུ་ཕྱིན་ན་ནི་ཤུལ་དུ་ཁོ་འཆི་བར་འདུག །ད་ང་རང་གི་ཤ་བཅད་ལ་སྦྱིན་སྙམ་ནས་སྤུ་གྲིས་ལྷུང་བཟེད་ནས་ཕྱུང་ནས་སྐུ་ཤ་བཅད་ནས་མི་དེ་ལ་བྱིན་ནས་མི་དེ་ན་རེ་ངས་མི་ཤ་མི་ཟ་ཟེར་ནས་ཟ་མ་ཉན། པཎྜི་ཏས་ཟོ་དང་ཡུག་གཅིག་སྲོག་ཐུབ་འོང་། དེ་ནས་གྲོང་ཁྱེར་དུ་བསོད་སྙོམས་བྱས་

[Full Size]

ནས་འོང་གི་བྱས་པས་མི་དེ་ན་རེ། སྤྱིར་ཡང་མི་ཤ་མི་ཟ། དེ་ཡི་ནང་ནས་ཆོས་པའི་ཤ་མི་ཟ་ཟེར་ནས་འདོད་དུ་མ་གཏུབ། འཕགས་པའི་བདེན་པ་མ་མཐོང་བའི་མི་ལ་སོགས་པའི་སེམས་ཅན་ཐམས་ཅད་སྡུག་བསྔལ་གྱི་རྐྱེན་གྱིས་འཆི་བ་ལ། ང་སྐྱེས་ནས་འཆི་བ་ལ་དབང་མེད་སྨྲས་པ་དང་། ཇོ་བོའི་ཐུགས་ཀྱིས་མི་དེ་སེམས་ཅན་བཀྲེས་པའི་སྡུག་བསྔལ་གྱི་འཆི་བ་ལ་བསམ་ན་ང་ཡི་སྙིང་གི་གར་ཚུགས་གསུངས་ནས། རི་བོ་པོ་ཏ་ལ་ལ་དབུ་བསྟན་ནས་བཤུམ་ཞིང་བཞུགས་པ་དང་། ས་གཡོ་བ་དང་ནམ་མཁའ་ལ་སྒྲ་ཆེན་པོ་བྱུང་བས་སྤྱན་ཕྱེས་ནས་གཟིགས་པས་ཟླ་བ་རྒྱས་པའི་གདན་ལ། འཕགས་པ་སྤྱན་རས་གཟིགས་བྱོན་ནས་ཅི་ཉེས་གསུངས་པ། མི་གཅིག་བཀྲེས་ནས་འཆི་བར་འདུག་པ་ལ་སོགས་པའི་ལོ་རྒྱུས་རྒྱས་པར་ཞུས་པ་དང་། འཕགས་པས་སྤྱན་ཆབ་ཕྱུང་བས། གཡོན་ནས་ཇོ་མོ་སྒྲོལ་མ་བྱུང་། གཡས་ནས་ཛཾ་བྷ་ལ་དཀར་པོ་ལྷ་ལྔ་བྱོན། མདུན་གྱི་ནམ་མཁར་འོད་དཀར་པོ་རེ་འདུག་པར་གཟིགས་ནས་ཇོ་བོ་ཐུགས་རྗེ་ཆེན་པོ་ཐུགས་ཤིན་ཏུ་དགྱེས་པའི་བསྟོད་པ་མཛད་པས། ཛཾ་བྷ་ལའི་ཞལ་ནས། མུ་ཏིག་གི་ཆར་བབ་བོ། །

[Full Size]

བཀྲེས་པ་བསལ་བ་དང་། ཇོ་བོ་ཐུགས་རྗེ་ཆེན་པོའི་བྱིན་བརླབས་རྗེས་སུ་གནང་བ་ཡང་མཛད་དོ། །ཇོ་བོའི་ཞལ་ནས་ནོར་བདག་འདི་བསྒྲུབ་པ་ལ་ཕན་ཡོན་གཉིས་ཡོད་དེ། ཚེ་འདི་ལ་ཟས་གོས་གྱིས་མི་ཕོངས་ལ། ཕྱི་མ་སངས་རྒྱས་སྣང་བ་མཐའ་ཡས་ཀྱི་ཞིང་ཁམས་སུ་སྐྱེ་བར་འགྱུར་བ་ཡིན་གསུངས། ཡང་ཇོ་བོའི་ཞལ་ནས། ནོར་བདག་འདི་བསྒྲུབ་པ་ལ། ནོར་བདག་གི་གའུ་འཛོམ་ན་ནོར་བསྒྲུབ་པ་རབ་འབྲིང་ཐ་མ་གསུམ་བྱའོ། །ཆུ་སྦྱིན་དང་གཏོར་མ་མ་ཆག་པར་ཐེང་ན་རྣམ་པར་མི་རྟོག་པའི་གཟུངས་སྔགས་བརྒྱ་རེ་འདྲེན་ནུས་ན། ཚེ་འདི་དང་ཕྱི་མ་གཉིས་ཀ་ལ་ཟས་ནོར་ལྷུན་གྲུབ་ཏུ་འོང་སྟེ་བསྒྲུབ་ནུས་མི་མི་གདའ་གསུངས། འདི་ཤིན་ཏུ་བཀའ་རྒྱས་བཏབ་བོ། །ནོར་སྒྲུབ་རིན་ཆེན་སྤུང་བ་ཞེས་བྱ་བ་མི་འདི་ཇོ་བོས་ལོཙཱ་བ་རྒྱ་བརྩོན་འགྲུས་སེང་གེ་ལ་གནང་། ལོ་ཙཱ་བའི་ཞལ་ནས་ཇོ་བོས་མགོན་པོ་ལྕམ་དྲལ་གྱི་གདམས་པ་ཐམས་ཅད་གཅིག་ཏུ་དྲིལ་བ་ལས་འདི་ལྷག་གོ །འདི་ལ་གང་ཟག་གཅིག་གིས་ཉམས་ལེན་བྱས་ན་ཚེ་འདི་ལ་དབུལ་བ་སེལ་བ་ཡིན་གསུངས་སོ། །ལོ་ཙཱ་བ་རྒྱ་བརྩོན་འགྲུས་སེང་གེའི་ཞལ་ནས། ཇོ་བོའི་ཆོས་སྐོར་འདི་ལ་ཆོས་བཞི་ཡོད་

[Full Size]

དེ། ནག་ཚོ་ལོ་ཙཱ་བས་ཞུས་པས་བཞི་ཀ་གནང་བ་ཡིན། སྲོག་མཐུ་དུག་གི་སྤུ་གྲི་དང་གཅིག །ཚེ་སྒྲུབ་བདུད་རྩི་འཁྱིལ་པ་དང་གཉིས། དབང་སྡུད་ཕོ་རྐྱང་མོ་རྐྱང་བཙན་ཐབས་སུ་སྒྲུབ་པ་དང་གསུམ། ནོར་སྒྲུབ་རིན་ཆེན་སྤུང་པ་དང་བཞི་ཡིན་ནོ་གསུངས། སྤྱིར་ཡེ་ཤེས་ཀྱི་ཛཾ་བྷ་ལ་འདིའི་ཕན་ཡོན་ནི་གནོད་གནས་དབང་པོའི་རྟོགས་བརྗོད་ལས། བཅོམ་ལྡན་འདས་ཀྱིས་བཀའ་སྩལ་པ། དགེ་བའི་རྩ་བ་མ་བསགས་པའི་སེམས་ཅན་རྣམས་ཀྱི་རྣ་བའི་ཁུང་བུར་ཐོས་ཤིང་དྲན་པར་མི་འགྱུར་རོ། །གཞན་ཡང་དགེ་བའི་རྩ་བ་མ་བསགས་པའི་སེམས་ཅན་རྣམས་ཀྱི་ཉན་པ་དང་འབྲི་བ་དང་འཛིན་པ་དང་ཀློག་པ་ཙམ་ཡང་ནུས་པར་མི་འགྱུར་རོ། །སེམས་ཅན་གང་གིས་སྙིང་པོ་འདི་འཛིན་པ་ང་ཡིས་རྗེས་སུ་བཟུང་བར་འགྱུར་ཞིང་ཕྱིར་མི་ལྡོག་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ངན་འགྲོར་སྐྱེ་བར་མི་འགྱུར་རོ། །མཐོང་བ་ཙམ་གྱིས་ནད་འབྱུང་བར་མི་འགྱུར་རོ། །དབུལ་པོ་དང་ཡིད་མི་བདེ་བ་དང་ལུས་ཀྱི་ཟུག་རྔུ་འབྱུང་བར་མི་འགྱུར་རོ། །སེམས་ཅན་ཐམས་ཅད་ཀྱི་བསམ་པ་ཡོངས་

[Full Size]

སུ་རྫོགས་པར་བྱེད་པར་འགྱུར་རོ། །མཁས་པ་ཐམས་ཅད་ཀྱི་མཆོད་པའི་གནས་སུ་འགྱུར་རོ། །ལྷ་ཐམས་ཅད་དང་ཀླུ་དང་གནོད་སྦྱིན་རྣམས་འདུས་པས་ཀྱང་སྔགས་འདི་འཛིན་པའི་ཡོན་ཏན་དང་ཕན་ཡོན་རྟོགས་པར་མི་ནུས་སོ། །ཞེས་དང་། གདུག་པ་རྣམས་ལ་གནོད་གནས་ཀྱིས། །ཕོངས་པ་རྣམས་ནི་གསོ་བར་བྱེད། །སེམས་ཅན་རྣམས་ཀྱི་གནས་ཡིན་ཞིང་། །འགྲོ་བ་རྣམས་ནི་ཡང་དག་གསུངས། །དབང་པོ་ཀུན་ཤེས་གོ་འཕང་ལྡན། །གནོད་གནས་རྒྱལ་པོར་བརྗོད་པའོ། །མདོར་ན་འདི་ལས་གཞན་པའི་དེ་བཞིན་ཚུགཤེགས་པ་ཐ་དད་མེད་ལ་དེ་བཞིན་གཤེགས་པ་གཞན་མེད་འདི་འཛིན་པས་དེ་བཞིན་གཤེགས་པ་ཉེ་བར་མཆོད་པའི་གནས་ཡོངས་སུ་བྱས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རྟག་ཏུ་བྱིན་གྱིས་བརླབས་པའོ། །ཕ་རོལ་ཏུ་ཕྱིན་པའི་སྟོབས་དང་ས་ཐོབ་པར་འགྱུར་རོ། །ཞེས་དང་། ཛཾ་བྷ་ལའི་དཀྱིལ་འཁོར་མཐོང་བའི་ཕན་ཡོན་ཡང་། འདོད་དོན་ཐམས་ཅད་སྒྲུབ་པའི་ཐབས་གང་གིས་མཐོང་བ་ཙམ་གྱིས་ཀྱང་། དེ་ནི་སྐྱེ་བ་གཅིག་ནས་གཅིག །སྔོན་དུ་བསགས་པའི་

[Full Size]

ལས་རྣམས་ཀྱང་། །སྡིག་པ་ཀུན་ལས་རྣམ་པར་གྲོལ། །དེ་བཞིན་སྐྱེ་བ་འདི་ལ་ཡང་། །ཤིན་ཏུ་སྡིག་པ་མི་ཟད་བྱས། །གནོད་སྦྱིན་དབང་པོ་གཟི་བརྗིད་ཆེ། །གང་གིས་མཐོང་བ་ཙམ་གྱིས་ཀྱང་། །བྱང་ཆུབ་སེམས་དཔའ་ཐོབ་པ་དང་། །སངས་རྒྱས་དང་ནི་ཡང་དག་འཕྲད། །ཕྱིར་མི་ལྡོག་པའི་ས་ཡང་ནི། །ཡུན་མི་རིང་བར་ཐོབ་པའོ། །མཐོང་བ་ཙམ་གྱིས་ཕན་ཡོན་ནི། །ང་ཡི་བཤད་ཀྱིས་ཁྱོད་རང་ཉོན། །དབུལ་བ་དང་ནི་ཡིད་མི་བདེ། །སེམས་ནི་ནད་ཀྱིས་གཟིར་བ་དང་། །གདོན་དང་བྱེད་དང་སྒྱུར་བ་དང་། །དེ་ཡིས་འཇིགས་པར་མི་འགྱུར་རོ། །ལྷ་དང་ཀླུ་དང་དྲི་ཟ་དང་། །ལྷ་མིན་དང་ནི་མཁའ་ལྡིང་སོགས། །དེ་ལས་གཞན་ཡང་ཡིད་མི་བདེ། །རྟག་པ་ཉིད་དུ་བསྲུང་བའོ། །གནོད་སྦྱིན་དེ་ནི་མཐོང་ཙམ་གྱིས། །དཀྱིལ་འཁོར་སངས་རྒྱས་ཀྱིས་བསྟན་པ། །འདིར་ནི་ཡོན་ཏན་དེ་རྣམས་མཐོང་། །བསྒྲུབ་པར་གྱུར་ན་ལྟ་ཅི་སྨོས། །ཞེས་གསུངས་ཏེ། གནོད་གནས་དབང་པོ་ཞེས་པ་ནི་ཛཾ་བྷ་ལའི་མཚན་གྱི་རྣམ་གྲངས་ཡིན་ལ། དཀྱིལ་འཁོར་མཐོང་བ་ཞེས་པ་ནི་དབང་ཐོབ་པ་ཡིན་ཞིང་། ཛཾ་དཀར་ལྷ་ལྔའི་

[Full Size]

དཀྱིལ་འཁོར་ཡིན་པས་འདི་བསྒྲུབས་ན་ཕན་ཡོན་འདི་རྣམས་འབྱུང་བར་ངེས་ལ། ཛཾ་ནག་སྲོག་བཟུང་ལས་ཀྱང་། ལན་གཅིག་བསྒྲག་པ་ཙམ་གྱིས་སྐྱེ་བ་ལྔ་བརྒྱ་ལ་དབུལ་བའི་སྡུག་བསྔལ་དང་བྲལ་བར་འགྱུར་རོ། །སྒྲ་ཐོས་པ་ཙམ་གྱིས་ལོངས་སྤྱོད་དང་ལྡན་པར་འགྱུར་རོ། །ཞེས་དང་། གཞན་ཡང་ནོར་ལྷ་གསེར་གཟུངས་རིགས་མི་འདྲ་བགཉིས་དང་། ཆུ་དབང་སྙིང་རྗེ་ཅན་གྱི་གཟུངས་ནོར་བུ་བཟང་པོའི་སྙིང་པོ་དང་། གར་མཁན་མཆོག་སོགས་ནོར་ལྷ་སྤྱི་རྒྱུད་རྣམས་ནས། སྔགས་ཀྱི་སྒྲ་བྱ་རི་དྭགས་ཀྱིས་ཐོས་ཀྱང་ངན་སོང་དུ་མི་སྐྱེ་བར་བདེ་བ་ཅན་དུ་སྐྱེ་བར་གསུངས་པ་དང་། ཕ་རྒྱུད་གསང་འདུས་རྩ་རྒྱུད་དང་མཁའ་འགྲོ་རྡོ་རྗེ་གུར་གྱི་རྒྱུད་དང་། ་མགོན་པོའི་རྒྱུད་སོགས་ནས་དངོས་གྲུབ་འདོད་པས་ཛམྦྷ་ལ་བསྒྲུབ་པར་བྱ་གསུངས་པས། སྒྲུབ་ཐབས་ཀྱི་དངོས་གཞིར་ཆུ་སྦྱིན་དུ་བྱ་གསུངས་པའི་དོན་དང་དགོངས་པ་ཐམས་ཅད་འདི་ལ་འདུས་པར་ཤེས་པར་བྱའོ། །ཁྱད་པར་དུ་ཆུ་སྦྱིན་ཕན་ཡོན་ཡང་ནོར་བུའི་རྒྱུད་ལས། བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་བཟང་པོའི་དབུལ་ཕོངས་དང་ནད་དང་ཚེ་ཐུང་བ་རྣམས། །དེ་ལས་ཐར་བ་དང་། བསོད་

[Full Size]

ནམས་དང་། དཔལ་དང་གྲགས་པ་དང་ཚེ་རིང་བ་དང་། བདེ་བ་འདོད་པས། ཇི་ལྟར་བྱ་ཞུས་པས། བཀའ་སྩལ་བ། དེ་ལྟར་ཕུན་སུམ་ཚོགས་པར་འདོད་པས་བྱང་ཆུབ་སེམས་དཔའ་ནོར་བུ་བཟང་པོ་དང་། ཆུ་སྦྱིན་བཟང་མོའི་བུ་དང་། ཨཱརྱ་ཛཾ་བྷ་ལ་ཞེས་བྱ་བ་ཡོད་དེ། དེལ་ཆུ་སྦྱིན་པས་ནི་དེའི་ལྷག་པའི་དྲི་མ་གསུམ་ཡང་དག་ཅིང་མཉམ་པའི་ས་བཅུ་ལ་གནས་ནས་སླར་ཕྱིར་མི་ལྡོག་པར་འབྱུང་གང་གི་བྱེད་པ་པོ་་དེ་ཡང་རྒྱུ་ཕུན་སུམ་ཚོགས་པ་ཐོབ་པ་ནི་ལྟ་ཅི་སྨོས། འབྲས་བུ་ཡང་ས་བཅུ་ལ་གནས་པར་འབྱུང་གི །ཞེས་དང་། སངས་རྒྱས་བགྲངས་སུ་འདས་པ་ལ། །སྐྱེ་བ་བདུན་དུ་ཚོགས་བསགས་པས། །ཆུ་སྦྱིན་ཡོན་ཏན་བསམ་མཐའ་ཡས། །ཞེས་སོགས་གསུངས་པས། འདི་ནི་བླ་མ་སྤྱན་རས་གཟིགས། ཡི་དམ་པདྨ་ཧེ་རུ་ཀ་སྟེ་རྟ་མགྲིན། ཁ་ཊཾ་ནི་སངས་རྒྱས་ཌཀྐི་སྟེ། མཁའ་འགྲོ་སྡེ་ལྔ། ནོར་ལྷ་ཛཾ་བྷ་ལ་སྟེ་ཐམས་ཅད་གཅིག་བསྡུས་གྱི་ངོ་བོ་ཡིན་པས། རྟེན་སྐྱབས་གནས་དཀོན་མཆོག་ཀུན་འདུས་སུ་ཤེས་པར་བྱའོ། །ངོ་བོ་ཡེ་ཤེས་པའི་ཛཾ་ལྷ་དཀར་དམར་མཐིང་སེར་རྣམས་ཁྱད་མེད་ནའང་། རྣམ་པ་

[Full Size]

སོ་སོར་ཁྱད་ཆེ་བས། ཛཾ་དམར་ནག་ལ་ནི་སྒབ་འདྲེ་ཡོད་པས་མནན་དགོས་ལ། ཛཾ་དཀར་འདི་ལ་སྒབ་འདྲེ་མེད་པས་རྒྱུད་ཀྱང་འཇམ་པ་ཡིན་ནོ། །འདིའི་བརྒྱུད་པ་ནི་སྤྱན་རིས་གཟིགས། ཇོ་བོ་རྗེ། དྷི་པཾ་ཀ་ར། རྒྱ་བརྩོན་འགྲུས་སེང་གེ །ནག་ཚོ་ལོ་ཙཱ་བ། ཚུལ་ཁྲིམས་རྒྱལ་བ། རང་པ་ཕྱག་བོར་བ། པུ་ཏོ་བ། ཤ་ར་ཝ། ཡོན་ཏན་གྲགས་ཤ་ར་ཝ་ནས་དུས་གསུམ་མཁྱེན་པ་ལ་བརྒྱུད་ཡོད་སྙམ་པ་འདུག་སྟེ་བརྒྱུད་ཡོད་མེད་མ་ཤེས། ཤ་ར་ཝ་ནས་སུམ་སྟོན་བློ་གྲོས་གྲགས། ཆུ་མིག་པ་གྲགས་མཚན་ཁྲོ་སྟོན་བདུད་རྩི་གྲགས། མཆིམས་ནམ་མཁའ་གྲགས། མཆིམས་བློ་བཟང་གྲགས། ཆོས་རྒྱལ་རིན་ཆེན། མར་སྟོན་དཔལ་རིན། རོང་སྟོན་ཆོས་རྗེ། པཎ་ཆེན་ཤཱཀྱ་མཆོག་ལྡན། བཟོད་པ་བློ་རྒྱལ། ཀུན་མཁྱེན་སངས་རྒྱས་འཕེལ། ཀརྨ་ཕྲིན་ལས་ཆེན་པོ། མི་བསྐྱོད་རྡོ་རྗེ། དཀོན་མཆོག་ཡན་ལག་གོ །ཡང་མཆིམས་ནམ་མཁའ་གྲགས་ནས། སྐྱོ་སྟོན་སྨོན་ལམ་ཚུལ་ཁྲིམས། །སྤྱན་སྔ་བསོད་ནམས་འཕེལ། ཆོས་རྗེ་གཞོན་ནུ་སེང་གེ །རྩིབས་རི་བ་གཞོན་ནུ་སེང་གེ །ཆུང་བ་བློ་བཟང་པ།

[Full Size]

ཆོས་རྗེ་བཀའ་འགྱུར་བ། སྙག་ལ་པཎ་ཆེན་ངག་དབང་གྲགས་པ། རྗེ་གཙུག་ལག་ཕྲེང་བ། དཀོན་མཆོག་ཡན་ལག །དབང་ཕྱུག་རྡོ་རྗེ། ཆོས་ཀྱི་དབང་ཕྱུག །བླ་མ་ཝོལ་བ་པ། ངག་དབང་འཇིག་མེད་གྲགས་པ། དེ་ཡི་ཚ་བོ་རབ་འབྱམས་པ་ཝ་ཕྲུག །སྡེ་སྣོད་འཛིན་པ་ཀརྨ་རྣམ་དག །རཱ་ག་ཨ་སྱ་ལའོ། །ཡང་དཀོན་མཆོག་འབངས་དང་། གཙུག་ལག་ཕྲེང་བ་གཉིས་ཀ་ལས་ཆོས་རྗེ་ཝོལ་བས་གསན། དེ་ནས་སྟག་ལུང་ངག་དབང་རྣམ་རྒྱལ། བླ་མ་ཝོལ་བ་པ་ངག་དབང་འཇིགས་མེད་གྲགས་པ་ལ་བརྒྱུད་པ་ཡང་ཡོད་པར་འདུག །བླ་མ་ཝོལ་བ་པ་དེ་གྲུབ་ཐོབ་མངོན་ཤེས་ཅན་དང་གྲུབ་རྟགོས་ཅན་གཅིག་བཞུགས་ཏེ། ཝ་ཕྲུག་དེ་ལྕམ་སྲིང་བུ་རུ་འདུག་པ་ལ། ཉིན་བྱེད་གླིང་དུ་བཞག་པས་རབ་འབྱམས་པ་གྲགས་པ་ཐོན་པ་ཅིག་བྱུང་ཡང་ཀ་ཆས་བཀྲེས་པས། གོས་ལག་ཤིན་ཏུ་ངན་པ་གཅིག་འདུག་པས། ཞང་པོ་ཁྱོད་རང་གོས་ལག་རྟེན་གྱིས་ལ་མ་སྤེལ་གསུངས་ནས་གནང་། ཁོང་གིས་མཚམས་སོགས་མ་འགྲུབ་པས་རྒྱུན་བསྙེན་གཅིག་བྱས་པས། རིང་པོར་མ་འགོར་བར་སྡེ་པ་གཙང་པའི་བཀའ་འགྱུར་ཞུ་དག་ལ་ཁོང་

[Full Size]

བྱོན་དགོས་བྱུང་བས། ན་བཟའ་སོགས་ལོངས་སྤྱོད་རབ་ཏུ་མང་བ་བློ་བུར་དུ་བྱུང་། མཁས་པའི་གྲགས་པས་ཆོས་སྡེ་གཅིག་གི་བླ་མ་འོང་ཚུལ་གཙང་པས་གསུངས། དེར་ཁོ་རང་བྱ་བཏང་ལ་མོས་པ་ཞིག་ཡོད་པས། གདམས་པ་འདི་ཟབ་པ་ཞིག་འདུག་སྟེ། ད་ནི་མི་འདོན་ངས་ཆོས་རྣལ་མའི་སྒྲུབ་པ་གཅིག་འདོད་པ་ལ། འདི་བསྙེན་ན་རྣམ་གཡེངས་ལ་འབྱམས་པ་ཞིག་འོང་དོགས་གདའ་གསུངས། འབུལ་བ་རྣམས་ཁྱེར་ནས་གཙང་གི་རོང་དུ་གངས་ར་ལོ་ཆེན་ལ་སྒྲ་བསླབ། དེ་ཞོར་རྙིང་མའི་དབང་ལུང་མང་པོ་གསན་ནས་ལུང་ཡིག་པོ་ཏིར་ལོང་བ་བྱུང་ཞིང་། དབང་ལུང་ཐོབ་ཚད་ཀྱི་སྔགས་རྣམས་ལཉྩ་དང་ཝརྟུ་ལ་བྲིས་ནས་གླེགས་བམ་དུ་བྱས་ཏེ། སཾ་སྐྲྀ་ཏའི་སྐད་དག་ཆ་དང་བཅས་ཏེ་ཆག་མེད་དུ་ཀློག་པ་ཐུགས་དམ་མཛད་སྐད། དེ་ལ་བཀའ་བཅུ་པའི་ནང་ནས་ཡོན་ཏན་ཆེ་བར་གྲགས་པ། ཀརྨ་རྣམ་དག་དེ་མཆེད་གྲོགས་ཐུགས་ཡིད་གཅིག་འདྲེས་ཡིན་པས་ཞུས་པ་ན། ང་ལ་ཞང་པོས་མ་སྤེལ་གསུངས་པ་ཡིན་ཏེ། དེ་ཡང་ང་ལ་དངོས་གྲུབ་ཆོག་བྱུང་བས་ཁྱེད་ལ་སྤེལ་གསུངས་ནས་གནང་། བཀའ་གདམས་པའི་བླ་མ་རྣམས་ཀྱི་གསུངས་ལས། འདི་ལ་

[Full Size]

བསྙེན་པ་བརྒྱ་རེ་དང་ཆུ་སྦྱིན་མ་ཆག་པར་བྱས་པས་ཤིན་ཏུ་སྐྱིད་པར་བྱུང་གསུང་སྐད། ཁྱེད་རང་ཡང་དེ་ལྟར་མཛོད་ཅེས་ཞལ་ཤེས་འགའ་ཞིག་དང་བཅས་པ་གནང་ནས། ཐུགས་དམ་དེ་བཞིན་དུ་མཛད་པས། ཕྱིས་དེ་བཞིན་ཏུ་བྱུང་ནས་གདའ། དེས་བདག་རཱ་ག་ཨ་སྱ་ལ་རྙིང་མའི་དབང་ལུང་གསན་ཕྱིར་རྐང་གཏད་དུ་ཕེབས་བྱུང་བས་ལོ་གཅིག་བཞུགས་ནས་དབང་ལུང་ཕར་སྤེལ་ཚུར་སྤེལ་བྱས་དུས་ཞུས་པས། འདི་སྤེལ་ན་རང་གི་བསོད་ནམས་ལ་གནོད་པར་གསུང་རྒྱུན་ལ་འདུག་གསུངས་ནས་བཀའ་རྒྱ་དམ་པར་མཛད། འོ་ན་རིགས་པ་གསེར་གྱིས་བསླུས། ཡང་ན་རིག་པ་རིགས་པས་བསླུ་ཟེར་བ་ཡིན་པས་གྲྭ་པ་མངོན་ཤེས་ཅན་གྱི་གཏེར་མ་ཛོ་དམར་དེ་ང་ལ་གནང་ན་འདི་ངས་སྤེལ་གསུངས་ནས་ཁོ་བོ་ལ་དབང་ལུང་ཕར་བརྗེ་ཚུར་བརྗེའི་ཚུལ་བྱས། བདག་གིས་འདིའི་དྲིལ་སྒྲུབ་ཞག་བདུན་བྱས་པས་རྨིས་ལྟས་གཞུང་ལྟར་ཐོན། ཆུ་གཏོར་དང་སྔགས་སོགས་ཆག་མེད་ནི་མ་གྲུབ་སྟེ། གཏོར་བསྔོས་ཁཱ་ཧི་ཆག་མེད་དང་། ཉ་མཚམས་བརྒྱད་གསུམ་ཆུ་གཏོར་དང་། གལ་ཆེ་སྐབས་སུ་རྣམ་པར་མི་རྟོག་པའི་སྔགས་བཟླས་པས་ཟབ་པར་
མཐོང་ངོ་། །རྗེས་ནས་ཁོང་དང་མཇལ་བ་ལ་སྔགས་སོགས་ཀྱི་ཞལ་ཤེས་དག་ཐེར་མཐའ་ཆོད་པར་བྱས་སོ། །དྲུང་རམ་པ་ཀརྨ་དར་རྒྱས་ལ་ཝ་ཕྲུག་པས་གསུངས་པ་ལྟར་བདག་རང་ལ་དངོས་གྲུབ་དེས་ཆོག །གྲུབ་མཐའ་ཀཾ་ཚང་པ་རྣམས་ལ་ཡབ་སྲས་ཀྱིས་མཛད་པ་འདི་ཕན་ཡོན་ཆེ་སྙམ་ནས་སྤེལ་བ་ཡིན་གྱིས་ནོར་ལྷའི་རིགས་སྤེལ་ཆེ་ན། ནོར་བུ་རིན་པོ་ཆེ་མི་ལ་བྱིན་ན་རང་དབུལ་པོར་འགྲོ་བ་དང་འདྲ་བར་བཤད་པར་འཚོ་ཤེས་པར་བྱ་ཞིང་། འདིའི་དབང་ལུང་སྤེལ་དུས་སློབ་དཔོན་ལ་གང་ཕུལ་བ་དེ་དངོས་གྲུབ་ཀྱི་ཐོག་མར་འབྱུང་བར་གསུང་ཞིང་། རིན་པོ་ཆེའི་རིགས་གཅིག་ཕུལ་ན་རྟེན་འབྲེལ་བཟང་བར་བཤད་དོ། དེ་ལྟར་བརྒྱུད་པ་དང་ལོ་རྒྱུས་མཐའ་ཆོད་པར་བཤད་པ་ནི་གཞུང་གི་ལོ་རྒྱུས་ཤོ་ལོ་ཀ་ཕྱེད་གསུམ་གྱིས་འབྲེལ་བ་ལགས་སོ། །སརྦ་མངྒ་ལཾ།། །།

རྣམ་གཡེང་དབང་གིས་མཚམས་སྒྲུབ་མ་ལྕོགས་ན། ༼ཇ༽ །རྒྱུན་ཁྱེར་མངོན་རྟོགས་ཟིན་བྲིས་ཟབ་མོ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། འཕགས་པ་སྨུག་འཛིན་དཀར་པོ་ལྷ་ལྔའི་མངོན་རྟོགས་ལ་བརྟེན་པའི་རྒྱུན་བསྙེན་གྱི་གདམས་པའི་ཟིན་བྲིས་གསལ་བར་བཞུགས་སོ། །སྣོད་མིན་ལ་མི་བསྟན་མི་བཤད་པ་གནད་ཤིན་ཏུ་གལ་ཆེའོ། ན་མོ་པདྨ་ཀྲོ་དྷཨཱརྻ་

[Full Size]

ཛམ་བྷ་ལ་ཡ། དངོས་གཞིའི་གདམས་པ་ལ། །དང་པོ་རྒྱུན་ཁྱེར་མངོན་རྟོགས་ལ་བརྟེན་པ་དང་དང་གཅིག ཕྱི་སྒྲུབ་དང་གཉིས། ནང་སྒྲུབ་དང་གསུམ། །གསང་སྒྲུབ་དང་བཞི། དྲིལ་སྒྲུབ་དང་ལྔ། ལས་ཚོགས་སྒྲུབ་པ་ཆེན་པོ་དང་དྲུག །ལས་ཚོགས་འཐོར་བུ་སྒྲུབ་པ་དང་བདུན་ནོ། །དང་པོ་སྒྲུབ་པ་དང་མཚམས་མི་ལྕོགས་པ་དག་གིས། རྒྱུན་བསྙེན་དུ་སྒྲུབ་པ་རྒྱུན་ཁྱེར་འདི་བླ་མ་བརྒྱུད་པ་ཀུན་གྱི་ཐུགས་དམ་སྟབས་བདེ་བ་སྟེ། སྐྱབས་སེམས་སོགས་ད་ནངས་རང་གི་རྩ་བའི་ཡི་དམ་གྱི་གཞུང་དེས་ཆོག །དེ་ལ་སྤྱིར་སྒྲུབ་པ་ཀུན་གྱི་ཐོག་མར་སེམས་བསྐྱེད་པ་སྟེ། བདག་གིས་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཐོབ་པར་བྱ། དེ་ཐོབ་པ་ལ་སྦྱིན་པའི་ཕ་རོལ་ཏུ་ཕྱིན་པ་རྫོགས་དགོས། དེ་རྫོགས་པ་ལ་ལོངས་སྤྱོད་དགོས་པས། སྔོན་ཤཱཀྱ་ཐུབ་པ་ལ་སོགས་སངས་རྒྱས་རྣམས་ཀྱང་། དང་པོ་ཛམྦྷ་ལ་སྒྲུབ་པའི་དངོས་གྲུབ་ལ་བརྟེན་ནས་སྦྱིན་པ་རྒྱ་ཆེན་པོས་ས་དང་པོ་ཐོབ་པས། གནོད་གནས་དབང་པོའི་རྟོགས་བརྗོད་ལས་གསུངས་པ་ལྟར་འདིར་བསྒྲུབས་ནས་ཡར་དཀོན་མཆོག་མཆོད་པ་དང་། མར་སྦྱིན་པ་བཏང་བ་

[Full Size]

དང་། བར་དུ་རང་གི་བྱང་ཆུབ་སྒྲུབ་པའི་མཐུན་རྐྱེན་འབྱུང་བའི་ཕྱིར་སྒྲུབ་སྙམ་པའི་སེམས་བསྐྱེད་ཤིན་ཏུ་གལ་ཆེའོ། །དེ་ལ་རྒྱུན་ཁྱེར་ཡི་དམ་སྤྱན་རས་གཟིགས་ཡིན་ན་སྤྲུལ་གཞི་ཡིན་པས་བསྐུལ་སླ་བས་ལེགས་ཏེ། ཡི་དམ་གཞན་བསྒོམས་ཀྱང་རུང་སྟེ་ཅུང་ཞིག་འགྱངས། འདི་བླ་མེད་ཀྱི་རྒྱུད་དུ་གཏོགས་པས་མངོན་རྟོགས་གཅིག་གིས་བདག་མདུན་དུས་གཅིག་བསྐྱེད་པའང་རུང་ལ། སོ་སོར་བཏོན་ནའང་ཆོག་སྟེ་མྱུར་བའི་གནད་དུ་བདག་མདུན་གཉིས་ཀ་དུས་གཅིག་ཏུ་ཛམ་དཀར་ལྷ་ལྔའི་མངོན་རྟོགས་ལྟར་བསྐྱེད་དེ། དེ་ལ་མངོན་རྟོགས་ནི། ཨོཾ་སྭ་བྷཱ་ཝས་སྦྱང་། རིན་ཆེན་སྣ་ཚོགས་སོགས་ནས། སེམས་ཅན་དབུལ་བའི་སྡུག་བསྔལ་ཞི་བར་མཛོད་བར་འདོན་ལ་ཡིག་བརྒྱ་བརྗོད། དེ་ནས་བདག་མདུན་གཉིས་ཀའི་ཐུགས་ཀར་ཟླ་བའི་གདན་ལ་ཛཾ་ཡིག །འཁོར་བཞིའི་ཐུགས་ཀར་ཧ་རི་ནི་ས་བཞི། དེ་ལ་ཡབ་ཀྱི་ཐུགས་ཀར་སྔགས་ཕྲེང་མུ་ཏིག་གི་ཕྲེང་བ་ལྟ་བུ་གཡས་སུ་འཁོར་བ། །ཡུམ་བཞི་ཐུགས་ཀར་ས་བོན་གྱི་མཐར་སོ་སོའི་སྔགས་ལ་འགོ་ཨོ་དང་མཇུག་ཏུ་ཧཱུྃ་ཕཊ་གཡོན་དུ་འཁོར་བར་བསྒོམས་ལ། དྷ་ཀའི་རང་རང་གི་སྐུ་མདོག་གི་འོད་ཟེར་དཔག་ཏུ་མེད་པ་

[Full Size]

འཕྲོས་པས། སངས་རྒྱས་ཀྱི་ཞིང་ཁམས་ཐམས་ཅད་དང་། པོ་ཊ་ལ་དང་། ལྕང་ལོ་ཅན་དང་། ཨོ་རྒྱན་ཡུལ་སོགས་ནས་ལྷ་ཚོགས་རང་རང་འདྲ་བ་དཔག་ཏུ་མེད་པ་སྤྱན་དྲངས་ལ་བདག་མདུན་སོ་སོ་ལ་ཐིམ་པར་བསྒོམ་ཞིང་དེས་ཡེ་ཤེས་པ་གཞུག་པ་དང་དབང་བསྐུར་བ་གཉིས་ཀ་ཡིན། དེ་ནས་བདག་བསྐྱེད་ཀྱི་ཐུགས་ཀའི་སྔགས་འཁོར་ལ་དམིགས་ནས་ཅི་ལྕོགས་བཟླ་བ་བསྙེན་པ་དང་། དེ་ནས་བདག་གི་ཐུགས་ཀ་ནས་དང་པོ་འོད་ཟེར་ཁ་དོག་སྣ་ལྔའི་མདངས་ཅན་དང་ཕྱིས་ནས་སྔགས་ཕྲེང་དུ་བསྒྱུར་བ་རང་གི་ཞལ་ནས་མདུན་བསྐྱེད་གཙོ་བོའི་ཞལ་དུ་ཞུགས། ཐུགས་ཀའི་སྔགས་ཕྲེང་ལ་ཐིམ་པས་ཐུགས་རྗེ་བསྐུལ་བས་སྔར་ལས་ཀྱང་སྔགས་ཕྲེང་མགྱོགས་ཤིང་དྲག་ཏུ་འཁོར་བ། བྱིན་རླབས་དངོས་གྲུབ་ཀྱི་ངོ་བོ་སྔགས་ཕྲེང་འཕྲོས་པ་ལྟེ་བ་ནས་ཚུར་བྱུང་རང་གི་ལྟེ་བ་ནས་ཞུགས་ཏེ་སྙིང་གའི་སྔགས་ཕྲེང་ལ་ཐིམ་པར་དམིགས་ནས་བཟླ་བ་སྒྲུབ་པ། དེ་ཡང་ཕར་ལ་མཆོད་པའི་ཚུལ་དང་། ཚུར་ལའང་དངོས་གྲུབ་ཀྱི་ཚུལ་དུ་སྟེ། སྔགས་ཕྲེང་བར་དུ་འཁོར་ཚེ་དེ་ལས་འོད་ཟེར་ཕྱོགས་བཅུར་འཕྲོས་པས། འཁོར་འདས་ཀྱི་ཚེ་བསོད་ནམས་དཔལ་དང་འབྱོར་

[Full Size]

པ་བཀྲ་ཤིས་བདེ་ལེགས་ལྷ་ཀླུ་མི་ཡི་རྒྱལ་པོའི་མངའ་ཐང་དང་་་་་མདུན་གྱི་ལྷ་ལྔའི་ཞལ་དང་ཕྱག་གི་ནེའུ་ལེ་ནས་རིན་པོ་ཆེ་དང་དགོས་འདོད་སྣ་ཚོགས་ཆར་ལྟར་བབས་ནས་ཅི་འདོད་པའི་དངོས་གྲུབ་ཐོབ་པར་བསྒོམ་པ་ཆོག་གསུངས། མཆན། ནོར་ལྷའི་རིགས་ཐམས་ཅད་དང་འཇིག་རྟེན་སྐྱོང་བ་ཐམས་ཅད་ཀྱི་ཕྱུ་གཡང་དངོས་གྲུབ་ཐམས་ཅད་འོད་ཟེར་གྱིས་རྣམ་པར་བསྡུས་ནས་སྔགས་ཕྲེང་ལ་ཐིམ་དེ། །ཕར་མཆོད་པ་ཕུལ་བས་དགྱེས་ཤིང་སྐུ་བཀྲག་མདངས་ཕུན་སུམ་ཚོགས་པ་དང་། ཚུར་འོང་དུས་ཀྱི་སྔགས་ཕྲེང་ལ་ཐིམ་པས་རང་གི་ཐུགས་ཀར་ཐིམ་པས་ཚེ་དང་བསོད་ནམས་ཀྱི་དངོས་གྲུབ་ཐམས་ཅད་ཐོབ་པར་བསྒོམས་ལ་བཟླས་པ་ལས་སྦྱོར་ཡིན་པས། དེ་གསུམ་ལ་སྟོང་ངམ་བརྒྱའམ། ཐ་ན་ཕྲེང་སྐོར་གཅིག་ལ་དུམ་བུ་གསུམ་བྱས་ཀྱང་རུང་སྟེ་ཅི་འདོད་པ་ཡིན་ནོ། །དེ་ལ་དུས་ཚོད་མེད་དེ་རང་ནམ་འདོད་ཡིན་ནོ། །དེའང་བསྙེན་པ་ཚེ་གཙོ་བོའི་སྔགས་རྐྱང་པ་དང་། སྒྲུབ་པ་ལ་གཙོ་བོ་རྐྱང་པའི་སྔགས་ལ་ཤམ་བུ་བཏགས། །ལས་སྦྱོར་དུས་གཙོ་འཁོར་ལྔ་ཀ་དྲིལ་ལ་ཤམ་བུ་བཏགས་སོ། །དེ་ནས་ཕུག་གཏོར་གྲལ་བཅས་ཡོད་ན་གཏོར་བསྔོས་ནམ་བྱེད་སྐབས་སུ་ཆོས་སྐྱོང་རྣམས་ཀྱི་འོག །བཀའ་སྲུང་དང་

[Full Size]

འཇིག་རྟེན་པའི་གོང་དེར་གཏོར་བསྔོས་དང་བསྟོད་པ་རྒྱས་པ་གྲུབ་ན་ལེགས། མ་ལྕོགས་དུས་སྔགས་མཐར་ཁཱ་ཧི་དང་བསྟོད་པ་ཤོ་ལོ་ཀ་རེ་སྦྱར་བས་འཐུས། དེ་ལ་དུས་ནམ་ཡང་རུང་ངོ་། །དེ་ནས་ཆུ་སྦྱིན་ནི་ནམ་ཡང་མི་རུང་བ་མེད་དེ་རྒྱུད་སྡེ་རྣམས་ནས་ཉི་མ་རྩེ་ཤར་ལ་གསུངས་པས། ཆུ་སྦྱིན་བྱ་བ་གཞུང་ལྟར་བྱའོ། །རྒྱུན་ཁྱེར་གྱི་ལས་སྦྱོར་གཙོ་བོ་ནི་རྣམ་པར་མི་རྟོག་པའི་གཟུངས་ཡིན་ཏེ། འདི་ལྷ་མོ་ཀུན་འཁྱིལ་མ་མཆེད་གསུམ་གྱི་སྔགས་སུ་འདུག་པ་ནོར་གྱི་ལྷ་མོ་དང་ཟས་ཀྱི་ལྷ་མོ་དང་གོས་ཀྱི་ལྷ་མོ་དེ་གསུམ་ཡིན་་འདི་རྣམས་རྡོ་རྗེ་ལྡན་པས་བ་རི་བ་ལ་སྐྱེལ་དར་དུ་གནང་བའི་གསར་མའི་སྒྲུབ་ཐབས་ལས་ཚོགས་དང་བཅས་པ་དང་། འབྲི་གུང་ཡང་ཟབ་ཀྱི་ཆོས་ཚན་སྒྲུབ་ཐབས་བཀའ་གཏད་ལས་ཚོགས་དང་བཅས་པ་འབྱུང་ཞིང་། དགོངས་འདུས་སོགས་སྤྱིའི་ལས་ཚོགས་མང་པོ་ལ་ཡང་བཀྲ་ཤིས་པ་དང་ཟས་འདུ་བའི་སྔགས་འདི་ཁོ་ན་གསུངས་པ་མང་བས། །འདི་ཤིན་ཏུ་ཟབ་པ་ཞིག་ལགས། འདི་ཛ་དཀར་གྱི་ལས་སྦྱོར་ལའང་དོན་ལྷ་མོ་གསུམ་ནི་རྡོ་རྗེ་མཁའ་འགྲོ་རིན་ཆེན་མཁའ་འགྲོ་པདྨ་མཁའ་འགྲོ་གསུམ་དང་ངོ་བོ་གཅིག་པ་ཡིན་པས་

[Full Size]

སོ། །འདི་ནུབ་མོའི་ཆ་ལ་ངེས་པ་འདོན་ཚེ་དམིགས་པ་མི་བསྒོམ་པ་ཉམས་ལེན་ངང་ནས་བརྒྱ་རེ་མ་ཆག་པ་དང་གལ་ཆེ་དུས་མང་བར་བགྲང་བས་གསར་རྙིང་གཏེར་གསུམ་ཐམས་ཅད་ནས་ཟས་འདུ་བ་ལ་འདི་ལས་ལྷག་པ་མེད་པར་བཤད་པ་ཡིན་ནོ། །འདི་སྔགས་ཁ་རྐྱང་འདོན་པས་ཆོག་གིས། ཛཾ་ལྷའི་སྔགས་དང་སྦྲེལ་མི་དགོས། གལ་ཏེ་སྦྲེལ་ན་སྟོབས་ཆེ་ནའང་མི་རྣོ་བར་འགྱུར་རོ། །དེ་ལྟར་རྒྱུན་བསྙེན་དེ་ལ་བཅའ་ཚོགས་ཡེ་མི་དགོས་ཤིང་། གཏོར་མ་མེད་ན་ཐུད་དམ་མར་སོགས་དུམ་རེ་བསྔོས་ཏེ། འདིའི་གཏོར་མ་དངོས་གྲུབ་ཏུ་བྱའི། ནང་མི་མ་གཏོགས་ཕྱི་མི་ལ་མི་སྦྱིན། ཆིབས་པ་རྟ་དྲེལ་སོགས་ལ་བྱིན་ན་ལེགས་ཀྱི། ཁྱི་དང་། བོང་བུ་དང་། བྱ་དང་། བ་གླང་སོགས་ལ་མི་སྦྱིན་ནོ། །རྒྱུན་ཁྱེར་སྒྲུབ་པའི་ཟིན་བྲིས་སོ།། ༈ དེ་ལྟར་སྒྲུབ་རིང་ཆུ་སྦྱིན་གཏོར་མ་མ་ཆག་པར་བྱའོ། །ནུབ་མོ། ཏདྱ་ཐཱ། ཨོཾ་ཚོམ་མེ་ལེ་དུ་ཁ་ཧཱུྃ་ཕཊ། ཅེས་པ་རྣམ་པར་མི་རྟོག་པའི་སྔགས་བརྒྱ་རེ་ཙམ་བཟླས་ན་ཟས་འདུ་བར་འགྱུར་རོ། །རྟགས་རྣམས་རྫོགས་པ་དང་། དབང་སྡུད་ཀྱི་སྔགས་ནི། ཨོ་བ་ཤང་ནི་སྭཱ་ཧཱ། ཞེས་པ་འདི་གཙོ་བོའི་སྙིང་
པོའི་མཐའ་དང་། ཨོཾ་ཀརྨ་ཊཱཀི་ནཱི་ཧཱུཾ། པདྨ་ཊཱཀི་ནཱི་ཧཱུྃ། བཛྲ་ཌཱཀི་ནཱི་ཞེས་པ་རྣམས་ཀྱི་མཐར། པ་ཤང་དང་གང་དབང་དུ་སྡུད་པའི་མིང་ཡིག་སྤེལ་བའི་མཐར་སྭཱ་ཧཱ་སྦྱོར། མངྒ་ལཾ།།

དབུལ་ཕོངས་སྒྲུབ་པའི་ཡོ་བྱད་མི་འཛོམ་ན། །༼ཉ༽ །ཆུ་ལ་བརྟེན་ནས་ཕྱི་ལྟར་སྒྲུབ་པ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། འཕགས་པ་སྨུག་འཛིན་དཀར་པོ་ལྷ་ལྔའི་ཕྱི་སྒྲུབ་ཆུ་ལ་བརྟེན་པའི་ཟིན་བྲིས་བཞུགས་སོ། །ཕྱི་སྒྲུབ་ལ་རབ་ཛཾ་ལྷའི་སྐུ་ཟངས་གཞོང་ནང་དུ་བཞག །སྐུ་མ་རྙེད་ན་རྡོ་དཀར་པོ་ལ་སྐུ་བརྐོས་ན་ལེགས། དེ་མ་འབྱོར་ན་ཤིང་ལེབ་ཆུང་ངུ་ལ་རབ་དངུལ། མ་རྙེད་ན་ཡང་ན་ཚོན་གྱི་ཛམ་དཀར་གཙོ་བོ་བྲིས། དེ་ཆུ་ཡིས་མི་འཇིགས་པ་ལ་དབྱིས་སམ་མ་འབྱོར་ན་མར་བྱུགས་ལ་ཟངས་ཀྱི་གཏོར་འགུའི་ཡ་གབས་སམ། །ཟངས་སྡེར་རམ། ཟངས་ཐེབ་ནང་དུ་བཞག་གོ །དེ་ཡང་མེད་ན་བསྒོམ་པ་རང་གིས་འཐུས་ཏེ་བླ་མ་རྣམས་ཀྱིས་མི་མཛད་ཀྱང་རྒྱ་གཞུང་ནས་སྐུ་དེ་དགོས་པར་བཤད་དོ། །བདག་བསྐྱེད་ནི་རྒྱས་པར་གཏོར་མ་བརྒྱ་རྩའི་བདག་བསྐྱེད་བྱ། བསྡུ་ན་རང་གཞུང་གི་ཚིག་གཉིས་དེས་ཆོག །ཆུ་བླུག་པའི་སྣོད་རབ་བུམ་པ་ཡོད་ན་ལེགས་ཏེ་རྒྱ་གཞུང་ནས་བཤད། །

[Full Size]

མེད་ན་གཏོར་འགུས་ཆོག་སྟེ་ཕྱག་ལེན་ལ་བུམ་པ་མི་མཛད། རིང་ཁ་སར་ཎིས་ཕྱག་གི་བུམ་པ་ནས་ཆུ་བླུགས་པས། ཡེ་ཤེས་ཀྱི་བདུད་རྩི་དང་མུ་ཏིག་གི་ཕྲེང་བར་བསྒོམས་ལ། །ལྷ་ལྔ་ཞལ་སྐྱེམས་པར་བཞུགས་པ་ལ་ཆུ་རྒྱུན་ཕུལ་བས་མཉེས་ནས། མུ་ཏིག་གི་ཕྲེང་བ་ཕུལ་བས་སྐུའི་རྒྱན་དུ་བཀླུབས་པས་མཉེས་ཏེ། གཙོ་བོའི་ཞལ་ནས་མུ་ཏིག་གི་ཆར་པ་བབས་པས་རང་གནས་ཁེངས། ཕྱག་གི་ནེའུ་ལེ་བཙིར་བའི་ཁ་ནས་རིན་པོ་ཆེའི་ཆར་སྣ་ཚོགས་དང་གང་འདོད་པའི་ལོངས་སྤྱོད་ཐམས་ཅད་སྐྱུག་པའི་ཚུལ་གྱིས་ཆར་སྐྱོགས་ལྟར་བབས་པར་བསྒོམ། ཆུ་སྦྱིན་རེ་རེ་ལ་གཙོ་བོ་རྐྱང་པའི་སྔགས་དེ་བརྒྱ་དང་བརྒྱད་བཟླས། ཟན་གྱི་ཛཾ་ལུམ་རིལ་བུ་ཡོད་ན་རྩ་སྔགས་ལ་བྷ་ལིཾ་ཏ་ཁཱ་ཧི་བཏགས་ལ་ལན་གསུམ་དང་། །ཨགྷཾ་སོགས་སྔགས་མཆོད་དང་། བསྟོད་པ་ཤོ་ལོ་ཀའམ་རྒྱས་པ་གང་འདོད་བྱ། ཆུ་ཐིག་སྲིན་ལག་གི་རྩེར་བླངས་ནས་ལྕེ་ཐོག་ཏུ་བཞག་ལ་དངོས་གྲུབ་ཐོབ་པར་བསམ། དེ་ལྟར་ར་དུ་ཐོན་བཏང་ལ་ཐུན་མཚམས་སུ། མདུན་གྱི་ལྷ་ལྔ་རང་གི་སྙིང་གར་ཐིམ་པར་བསམ། ཆུ་དེ་ཡིག་བརྒྱ་བཟླས་ཤིང་ཕྱོགས་བཞིར་གཏོར།་་་ཕྱོགས་ཀུན་ཝ་ཤ་གི་རྟེན་འབྲེལ་ཡིན་

[Full Size]

གསུངས། མཆན། བསོད་ནམས་རི་བོ་སོགས་བསྔོ་བ་བྱ། འབད་དང་སྩོལ་བ་སོགས་ཀྱི་བཀྲ་ཤིས་ཀྱང་བྱ། དེ་ལྟར་ཆུ་སྦྱིན་མགོ་བཙུགས་ནས་མ་ཚར་བར་ངག་བཅད། ཐུན་མཚམས་སུ་ངག་བཏང་། རྡོག་མཚམས་གཅིག་གིས་ཆོག །སྔ་དྲོ་ཐུན་གསུམ། ཕྱི་དྲོ་ཐུན་གསུམ་དང་དྲུག་གམ། །སྔ་དྲོ་གཉིས་ཕྱི་དྲོ་གཉིས་ཏེ་བཞི་བྱའོ། །གཏོར་ཆུ་མང་དྲགས་ན་ཕུད་གཏོར་ལྷག་མ་འཐུང་ཆུ་བྱས་ན་ཤིན་ཏུ་དངོས་གྲུབ་མྱུར། ཛཾ་བྷ་ལའི་གཏོར་ཆུ་དེ་ཆུ་གཞན་ལ་བསྲེས་ནས་གཏོར་མ་བརྒྱ་རྩའམ། ཡི་དྭགས་ཆུ་སྦྱིན་བྱས་ན་ཕན་ཡོན་ལྷག་པར་ཆེ་ཞིང་དངོས་གྲུབ་མྱུར་་་་་ཆུ་དེ་ཆུ་ཆེན་ནང་དུ་བླུགས་ན་ཆུ་རྒྱུད་ཝ་ཤང་གི་རྗེས་རྟེན་འབྲེལ་དང་བསོད་ནམས་ཆུ་བོའི་རྒྱུན་བཞིན་འཕེལ་ལོ་ཞེས་གསུངས། མཆན། བར་རྒྱུད་ནས་གསུངས། མངོན་རྟོགས་སྔགས་བརྒྱ་རྩ་སྔགས་མཆོད་པ་བསྟོད་པ་རྣམས་ཚར་གཅིག་ཏུ་རྩི་བའི་ལོ་གྲངས་སུམ་འགྱུར་རམ། བརྒྱ་སྟོང་ཁྲི་སོགས་གང་འགྲུབ་གྲངས་དང་། ཞག་བདུན་ཕན་ཆོད་ཅི་འགྲུབ་དུས་དང་དངོས་གྲུབ་ཀྱི་ལྟས་དང་དངོས་ཉམས་རྨི་ལམ་དུ་འབྱུང་བ་རྟགས་ཀྱི་བསྙེན་པ་གང་རུང་བྱ་སྟེ། མཚན་མོའི་ཆ་ལ་ནི་རྣམ་པར་མི་རྟོག་པའི་སྔགས་
ནུས་ཚད་བཟླས་པ་ལས་སྦྱོར་ཏེ། གཞན་སྔགས་ལ་ཤམ་བུ་མི་དགོས། གཏོར་ཆུ་བྱོ་དུས་སྣོད་ཁ་ཚུར་བསྟན་ནས་བྱི་བ་གལ་ཆེའོ། །དེས་ནི་ནོར་རྫས་འཕེལ་བར་གསུངས་སོ། །ཕྱི་སྒྲུབ་འདི་སྟབས་བདེ་བས་ཀུན་ལ་ཕན་ཆེའོ། །ཨྠ྄ྀི། ཟབ་རྒྱ་མངྒ་ལཾ།

མཆོད་གཏོར་འཛོམས་ཤིང་རྫས་གཞན་མི་འཛོམ་ན། ༼ཏ༽ །གཏོར་མ་ལ་བརྟེན་ནང་ལྟར་སྒྲུབ་པ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བ་རྒྱུད་ལས། འཕགས་པ་སྨུག་འཛིན་དཀར་པོ་ལྷ་ལྔའི་ནང་སྒྲུབ་གཏོར་མ་ལ་བརྟེན་པའི་ཟིན་བྲིས་བཞུགས་སོ། །ནང་སྒྲུབ་ནི། གཏོར་མ་དཔེའུ་རིས་ལྟར་བྱས་ལ། ཡོད་ན་ཙཀ་ལི་ཀློབཙུགས། མེད་ཀྱང་ཆོག །གཞིའི་སྟེང་དུ་འབྲུའི་ཚོམ་བུ་ལྔའམ་དབུས་སུ་མཉྫིའི་སྟེང་དུ་བཤམས། འབྱོར་ན་དེ་ལྷ་བསྐྱེད་རྟེན་བྱ། དེའི་མདུན་དུ་དེ་འདྲ་བ་གཅིག་གཏོར་བསྔོས་དུས་བསྔོ་རྒྱུ་དང་། དེ་མཐར་མཆོད་པ་སྐོར་བཤམ་བྱའོ། །གཏོར་མ་གཉིས་ལ་ཐུད་སོགས་དཀར་གསུམ་གྱིས་བརྒྱན། མངར་གསུམ་དང་། ཤིང་ཐོག་དང་། །ཇ་བཟང་པོ་སོགས་ཟས་སྣ་ཅི་འབྱོར་པ་བཟང་མེད་ཀྱང་ཆོག །མཚམས་བསྡམས་ངག་བཅད་ལ་རྒྱུན་བསྙེན་དུས་ལྟར་བདག་མདུན་ཛམ་ལྷར་བསྐྱེད། ཉིན་བཞི་མཚན་གཉིས་ཏེ་དུས་

[Full Size]

དྲུག་ཏུ་གཏོར་མ་འབུལ་ཏེ། རབ་ནི་གཏོར་མ་གསོ་བའི་མར་ཐུད་གྲོ་ཞུན་གྱི་རིལ་བུ། མེད་ན་ཟན་རིལ་གྱིས་གསོ་བ་དང་། འབྱོར་ན་ནི་དེ་དང་མཉམ་དུ་ཐུན་གཏོར་ལྕོག་རྡོག་འདྲ་བ་རེ་ཡང་བཤམས་ཏེ། གཏོར་བསྔོས་མཆོད་པ་དང་བསྟོད་པ་གཞུང་ལྟར་བྱ། སྤྲོས་པ་ལ་དགའ་ན་མཆོད་པ་རབ་འབྱམས་མ་དང་། ཁ་དོག་དབྱིབས་ལེགས་མ་རྒྱལ་སྲིད་སོགས་ཀྱིས་སརྦ་ཏ་ཐཱ་ག་ཏའི་ཚབས་སུ་ཨཱརྨ་ཛམྦྷ་ལ་བཅུག་པར་བྱ། བསྟོད་པ་རྒྱ་གཞུང་ཉིད་བྱ། དུས་དྲུག་མ་གཏོགས་པ་ཐམས་ཅད་དུ་གཙོ་བོའི་སྙིང་པོ་ཁོ་ན་བསྙེན། སྒྲུབ་པ་མ་ཚར་བར་དུ་མི་གཤེགས་མི་བསྡུ། མུན་རུབ་ནས་རྣམ་པར་མི་རྟོག་པའི་ངང་ལས་རྣམ་པར་མི་རྟོག་པའི་སྔགས་ཁོ་ན་དང་། །ཉལ་ཁ་གཏོར་བསྔོས་བྱ། །ནངས་སྔ་ཉི་ཤར་ལ་ཆུ་སྦྱིན་ཞིག་བྱ། དེ་ལྟར་དམིགས་པ་འདྲ་བ་ལས། གཏོར་མ་གཉིས་མེད་ན་རྩེ་མོ་ལྷ་དང་སྨད་མཆོད་པར་བསྐྱེད་དེ། གཏོར་མ་བདུད་རྩིའི་རང་བཞིན་དང་རང་གི་གང་འདོད་པའི་བཟའ་བཏུང་ཁ་དོག་དྲི་རོ་ཕུན་སུམ་ཚོགས་པར་བསྒོམ་ཞིང་རང་གི་ཐུགས་ཀའི་འོད་ཟེར་གྱིས་བླ་མ་དཀོན་མཆོག་སངས་རྒྱས་བྱང་སེམས་ཐམས་ཅད་མཆོད་པས་

[Full Size]

ཐམས་ཅད་ཛམ་དཀར་གྱི་སྐུར་གྱུར་པ་དང་། འཇིག་རྟེན་སྐྱོང་བ་ཐམས་ཅད་ལ་ཕོག་པས་མཐུ་སྟོབས་དངོས་གྲུབ་བདག་ལ་ཐིམ་ཞིང་ཐམས་ཅད་ཛམ་དཀར་དུ་གྱུར། རིགས་དྲུག་སེམས་ཅན་ཐམས་ཅད་ལ་འོད་ཟེར་ཕོག་པས་སྡིག་སྒྲིབ་དང་སྡུག་བསྔལ་བྱང་ནས་ཐམས་ཅད་ཛམ་དཀར་ཤ་སྟག་ཏུ་གྱུར། གནོད་བྱེད་གདོན་བགེགས་ཐམས་ཅད་ལ་ཕོག་པས་ལན་ཆགས་བྱང་གདུག་སེམས་ཞི་ནས་ཐམས་ཅད་ཛམ་དཀར་དུ་གྱུར་པས། གཏོར་མ་བདུད་རྩི་དང་སོ་སོའི་འདོད་ཡོན་སྣ་ཚོགས་སུ་གྱུར་པ་གསོལ་བས་ཐམས་ཅད་ཚིམ་པར་བསྒོམས་ཏེ་གཏོར་བསྔོས་མཇུག་ཏུ། དཀོན་མཆོག་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར་ཅིག །རིགས་དྲུག་འདོད་པ་ཚིམ་གྱུར་ཅིག །ལན་ཆགས་བུ་ལོན་བྱང་གྱུར་ཅིག །རྣམ་བཞིའི་མགྲོན་གྱི་ཚོགས་རྣམས་ལ། །ཚད་མེད་མཆོད་སྦྱིན་འདི་བསྔོས་པས། །བདག་དང་སེམས་ཅན་ཐམས་ཅད་ཀུན། །ལོངས་སྤྱོད་ལྡན་ཞིང་ཚོགས་རྫོགས་ནས། །མྱུར་དུ་སངས་རྒྱས་ཐོབ་པར་ཤོག །ཅེས་བརྗོད་དོ། །རྒྱུན་དུ་ཡང་མར་ཐུད་ཞོ་སོགས་མདུན་དུ་ཕུལ་རྒྱུ་བྱུང་དུས་དམིགས་པ་སྐད་ཅིག་ལ་བསྒོམས་ནས། ཨ་ཀཱ་རོའམ་

[Full Size]

འབྲུ་གསུམ་གྱིས་བྱིན་གྱིས་བརླབས་ནས་སྔགས་ལ་ཁཱ་ཧི་སྦྱར། བསྟོད་པ་ནི་མི་དགོས་བསྔོ་བ་དེ་བྱས་ལ་གཤེགས་བསྡུ་མི་དགོས་དམིགས་མེད་ངང་དུ་བཞག་པས་ཆོག །སྒྲུབ་པ་ཚར་སྐབས་རྟེན་གཏོར་གནས་གསུམ་དུ་གཏུག་ཅིང་དབང་བླངས་ཏེ། ཀཱ་ཡ་ཝཱཀྐ་ཙིཏྟ་ཨ་བྷི་ཥིཉྩ་སོགས་བརྗོད་ཅིང་མདུན་བསྐྱེད་རང་ལ་བསྟིམ། རྒྱ་གཞུང་ལས་ལྷ་ལྔ་རང་གི་སྙིང་ཁར་བསྡུ། ནོར་རྫས་སྤྲིན་འདུས་པ་བཞིན་འོང་ངོ་གསུངས། རྒྱུན་དུ་གཏོར་མ་ཕུག་གཏོར་གྱི་གྲར་བཅས་ལ་ཟས་ཕུད་དང་ཇ་མར་སོགས་རང་ལ་བྱུང་བའི་ཕུད་དེར་ཕུལ་རྗེས་ནས་དངོས་གྲུབ་ཏུ་བླང་། གུང་ཚིགས་ཟས་སྣ་ལེགས་པོ་འདྲེན་པ་སོགས་བྱུང་ན་བདག་མདུན་སྐད་ཅིག་ལ་བསྒོམས་ནས། དང་པོ་གོང་ལྟར་གཏོར་མ་མགྲོན་བཞི་ལ་བསྔོས། དེ་ནས་ཟས་དེ་བདུད་རྩིར་གྱུར་པ་ལ་འཁོར་འདས་སྣོད་བཅུད་ཀྱི་དངོས་གྲུབ་ཐམས་ཅད་བསྟིམ། རང་ཛི་ལྷར་གསལ་བའི་ཐུགས་ཀར་ལྷ་ལྔ་སྐད་ཅིག་ལ་བསྐྱེད་ནས་དེ་ལ་མཆོད་པར་དམིགས་ཏེ་རོལ་བས་སྦྱིན་བདག་ཚོགས་རྫོགས་པ་དང་། ཟས་བསྒྲུབ་ཏུ་འོང་བས་རང་ལ་ཡང་ཁ་ཟས་བཟང་པོ་འབད་མེད་དུ་འབྱུང་ངོ་། །སྤྱིར་གཏོར་མ་མེད་པར་
སྒྲུབ་པ་ཐམས་ཅད་བཟའ་བ་བཀྲེས་ལ་གཏོར་སྒྲུབ་འདིས་ནི་ཁྱད་པར་དུ་ཟས་འདུ་ངེས་སོ། །ཡང་མཛོ་དང་བོང་བུ་དྲེའུ་ལ་སོགས་མིན་པའི་སེམས་ཅན་སྤུ་དཀར་པོ་ཅན་ལ་རྣམ་འཇོམས་གཟུངས་ཆུས་བྲན་ནས། མི་གཙང་བ་སྦྱངས་ནས་ལྷ་ལྔ་ལ་རྟེན་རྫས་སུ་བསྔོས་ཤིང་། ལྷ་ལྔ་མང་དུ་བསྟིམས་ལ་འདོད་གསོལ་བཀའ་བསྒོ་བྱས་ཤིང་གཏོར་རྒྱན་གྱིས་བསྲུང་བྱ་ལ་ནོར་བུའི་དབྱིབས་ཅན་བྱུག །གཏོར་ཟན་བྱིན་ནས་བཀྲ་ཤིས་བརྗོད་དེ། །འཚོང་བ་དང། བཤའ་བ་མ་བྱས་ན་ནོར་འཕེལ་བའི་རྟེན་འབྲེལ་ལེགས་སོ། །ནང་སྒྲུབ་ཟིན་བྲིས། །ཨྠ྄ྀི། མངྒ་ལཾ།།

ཤེས་རབ་བརྩོན་འགྲུས་སྒྲུབ་རྫས་འཛོམ་པ་ལ། ༼ཐ༽ །གའུ་ལ་བརྟེན་གསང་བར་སྒྲུབ་པ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། འཕགས་པ་སྨུག་འཛིན་དཀར་པོ་ལྷ་ལྔའི་གའུ་ལ་བརྟེན་པའི་གསང་སྒྲུབ་ཀྱི་ཟིན་བྲིས་བཞུགས་སོ།་་་སྣོད་མིན་ལ་བསྟན་པ་དང་འཆད་པར་མི་རུང་བས་མིག་འབྲས་བཞིན་གཅེས་པ་དང་འཚོ་ཤེས་པར་གྱིས་ཤིག །དེ་ནས་གསང་སྒྲུབ་ནི། རང་བཞིན་གྱི་ནོར་སྒྲུབ་པ་ལ་ནོར་བདག་གཅིག་པུ་བསྒྲུབས་པས་ཆོག་གསུངས་པའི་དོན་ཏེ་ཕྱུག་པོ་གཡང་ཆེན་གྱི་ཁང་པ་དང་ཞིང་མུའི་ས་དང་། དགེ་བའི་བཤེས་གཉེན་ཆེན་པོའི་

[Full Size]

གཟིམ་ཁང་གི་ས་སོགས་ས་སྣ་བྱིན་བརླབས་གཡང་ཆགས་པ་ཅི་འཛོམ་དང་ས་སྦྱིན་བསྲེས་པར་འབྲང་རྒྱས་མཐེབ་ཆེན་ཙམ་དབྱིབས་དཔེའུ་རིས་ལྟར་བྱས་པ་དང་། །གཙོ་བོའི་སྔགས་ཤི་བུ་དང་བཅས་པའི་ཤོག་དྲིལ་དང་། འབྲུ་སྨན། རིན་པོ་ཆེ་སྣ་ཚོགས། མཁར་བའི་ཀོང་བུ་ཡུ་བའམ་ཟངས་སྦུགས་སུ་བཅུག་པ་ནང་གཞུག་བྱས་པའི་འདག་སྐུ་བཞེང་ངམ། རྒྱ་གཞུང་ལས་ཡང་ན་རས་བྲིས་སམ། རས་བྲིས་རིན་པོ་ཆེ་གོང་བཞིན་བྱའམ་གསུངས་པས། གསེར་དངུལ་གྱི་སྐུའམ་མ་རྙེད་ན་བྲིས་པས་ཆོག་པར་བཤད་པས་དཔེའུ་ཆུང་ལྟར་བྲིས་ལ། གའུ་རྫ་ཁོ་ནར་མ་ངེས་ཤིང་ཟངས་དང་ལི་ཡི་གའུ་གང་རུང་ལ། རྫ་ལ་བྱེད་ན་གྲུ་བཞིར་བྱ། དབུས་སུ་གཙོ་བོ་དང་ཕྱོགས་བཞིར་མཁའ་འགྲོ་བཞིའི་སྐུ་སྔགས་བཅས་གའུ་གཅིག་ཏུ་བཅུག་གོ །དེ་དང་མཉམ་དུ་གཞུང་ལྟར་གྱི་གཡང་རྫས་དེ་ཙམ་གྱིས་ཆོག་ལ། ཞིབ་པར་ནི་རྒྱ་གཞུང་ལས། གའུ་ནང་དུ། འབྲས་དང་། ནས་དང། གྲོ་དང་། ཏིལ་ལ་སོགས་པ་གཞུག །མདོར་ན་འབྲུ་སྣ་ཚོགས་གསག་གོ །མི་གཡང་ཅན་གྱི་ལག་ནས་སྐར་མ་བྲེ་དང་ལུག་གི་ཉི་མ་ལ་གསོག་གསུངས་ཏེ། ནམ་རྙེད་

[Full Size]

ཚག་བྱས་ལ་སྐར་མ་དང་ཉི་མ་དེ་ལ་གའུར་བཅུག་པས་འཐུས་ལ། གསེར་དངུལ་མུ་ཏིག་མུ་མེན་གཡུ་ཟངས་ལྕགས་ལ་སོགས་པ་མདོར་ན་རཏྣའི་རྒྱུན་དང་རིགས་ཐམས་ཅད་སྐར་མ་རྒྱལ་དང་ས་རི་ས་ག་གཟའ་སྤེན་པ་སོགས་ལ་བསགས། ཤ་རྙིང་མར་རྙིང་ཐུད་ཟོ་ཤེ་ལ་སོགས་པ་ཟས་ཀྱི་རིགས་ཐམས་ཅད་གསག་གོ །དེ་ཡང་མི་ཕྱུག་པོ་གཡང་ཅན་གྱི་ལག་ནས་སྐར་མ་བཟང་པོ་ལ་གསག་གོ །འབྲི་གཡག་ལ་སོགས་ཕྱུགས་གཡང་ཅན་སྣ་ཚོགས་ཀྱི་གཡང་སྤུ་བསགས། བོང་བུ་དང་ཕག་གི་སྤུ་མི་རུང་། རྟ་དྲེལ་མཛོ་སོགས་མི་རུང་བ་ཟུར་གཞུང་ན་སྣང་ཡང་མ་དག་པ་སྟེ། ཛམ་དམར་སོགས་གཞན་ནས་བཤད་པས་ལེགས། མདོར་ན་ས་སྟེང་གི་ཟས་སྣ་ཚོགས་ཚང་བ་མི་བཟང་པོའི་ལག་ནས་བསགས་ཏེ། སྐར་མ་ཡང་སོ་སོའི་གཡང་སྐར་ལ་བསགས་གསུངས་ཏེ། སོ་སོའི་གཡང་སྐར་ནི་མགོ་ལག་རྒྱལ་གསུམ་མི། བེས་རྫི་ནོར་གྱི་གཡང་སྐར་ལྟ་བུ་སྟེ། འགྲུབ་སྦྱོར་གང་ལའང་ལེགས་སོ། །ཛམ་ལྷའི་སྐུ་ཚད་སོར་བཞི་ལས་མི་ཆུང་བ་རཏྣ་ལྔ་བརྡར་ཕྱེ་བསྲེས་ལ་བཞེངས་གསུངས་སོ། །རྫས་དེ་ཚོས་གའུ་བཀང་ལ། རྒྱས་པར་དཀྱིལ་འཁོར་སྒོ་རྫོགས། འབྲིང་

[Full Size]

པདྨ་འདབ་བཞི་རྡུལ་ཚོན་གྱིས་བྲི། ཐ་མ་ནས་ཀྱི་ཚོམ་བུ་ལྔའི་དབུས་སུ་མཉྫིའི་སྟེང་དུ་བཞག །དེའི་མདུན་དུ་གཏོར་མ་མཐར་མཆོད་པས་བསྐོར། བདག་བསྐྱེད་ལྷ་ལྔ་དང་། མདུན་བསྐྱེད་གའུ་རིན་པོ་ཆེ་སྣ་ལྔ་ལས་གྲུབ་པའི་གཞལ་ཡས་ཁང་དུ་ལྷ་ལྔ་བསྐྱེད་ཅིང་དམིགས་པ་རྒྱུན་ཁྱེར་དུས་ལྟར་ལས་མཚམས་བསྡམས་ངག་བཅད། །དཔྲལ་བར་སིནྡྷ་ར་བྱུག་ནས་གཙོ་བོའི་བསྙེན་པ་སྔགས་ཀྱི་སྤྲོ་བསྡུ་བྱ། གདན་མི་འགུལ་བར་བསྡད། ནངས་སྔ་ཆུ་སྦྱིན་བྱ། ཉིན་ཕྱེད། དགོང་ཀ །མཚན་དང་དུས་གསུམ་གཏོར་བསྔོས་ཐུན་གཏོར་བྱ། མཚན་མོ་རྣམ་པར་མི་རྟོག་པའི་སྔགས་བརྒྱ་ལས་མི་ཉུང་བ་བཟླས། དེ་མིན་མཚན་ལ་ཡང་བསྙེན་པ་བྱ། དེ་ལྟར་བསྒྲུབས་པས་རབ་ཞག་བདུན་འབྲིང་ཉེར་གཅིག །ཐ་མ་ཡང་ཟླ་བ་གཅིག་ནས་འགྲུབ་པའི་རྟགས་འབྱུང་གསུངས། རྟགས་བྱུང་ནས་གཙོ་འཁོར་དྲིལ་བའི་སྔགས་ཤམ་བུ་བསྒྲུབ་པའི་བཅུ་ཆ་གཅིག་བཟླས་སོ། དེ་ནས་མཆོད་གཏོར་རྒྱས་པར་ཕུལ་གའུ་འདི་ལྷ་བསྡུ་བ་དང་གཤེགས་པར་མི་བྱེད་པར་རིན་པོ་ཆེའི་ཕོ་བྲང་དུ་རྟག་ཏུ་བཞུགས་པར་མོས་ཏེ། བརྟན་བཞུགས་རབ་གནས་ཡེ་དྷརྨ་དང་
བཀྲ་ཤིས་བྱས་ལ་འབྲོག་པ་ཡིན་ན་ཀོང་ཚེ་ཡུས་པ་ཡིན་ན་བང་བའམ་མཛོད་ཕུགས་སུ་འབྲུ་སྣ་ཚོགས་དང་གཡང་རྫས་སྣ་ཚོགས་དང་བཅས་ཏེ་མིས་མི་མཐོང་བར་བཞུགས་སོ། །དེ་ལ་འབུལ་བ་ཆེན་པོ་དང་ཚོགས་ལེགས་པའི་ཕུད་ཀྱང་རྟག་ཏུ་འབུལ་ཏེ་ཛམ་ལྷ་དངོས་ཡིན་ནོ། །གཏོར་མ་དངོས་གྲུབ་ཏུ་རོལ་ལོ། །གསང་སྒྲུབ་བོ། །

སྒྲུབ་རྫས་ཀུན་འཛོམ་ཏིང་འཛིན་གསལ་བ་ལ། ༼ད༽ །ཕྱི་ནང་གསང་གསུམ་དྲིལ་ཏེ་སྒྲུབ་པ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། །འཕགས་པ་སྨུག་འཛིན་དཀར་པོ་ལྷ་ལྔའི་ཕྱི་ནང་གསང་གསུམ་དྲིལ་ཏེ་སྒྲུབ་པའི་ཟིན་བྲིས་བཞུགས་སོ། །དྲིལ་སྒྲུབ་ནི་ཕྱི་ནང་གསང་གསུམ་གཅིག་ཏུ་དྲིལ་ཏེ་བཅའ་ཚོགས་ནང་ལྟར་ལས། སྔ་དྲོ་ཆུ་སྦྱིན་གསུམ་ལྔ་བདུན་ཙམ། ཉི་དྲོས་དགོང་ཆེན་དགོང་ཆུང་སྲོད་དང་བཞིར་གཏོར་བསྔོས་ཐུན་གཏོར། དེ་མ་གཏོགས་དུས་ཐམས་ཅད་དུ། གའུ་དམིགས་པས་བསྙེན་པ་གོང་ལྟར། མཚན་མོ་རྣམ་པར་མི་རྟོག་པའི་སྔགས་བརྒྱ་རེ་དེ་བཞིན་ཞག་བདུན་ཡན་ཅི་འགྲུབ་རྟགས་བྱུང་ནས་ཤམ་བུ་ཡང་གོང་དུ་ཞག་བདུན་བྱས་ན་ཤམ་བུ་ཞག་གཅིག་ཙམ་གཞན་གོང་ལྟར་བྱ་བ་ནི་དྲིལ་སྒྲུབ་བོ།

ཕྱི་ནང་གསང་གསུམ་སྒྲུབ་པ་རྟགས་ཐོན་ནས། ༼ན༽ །ལས་ཚོགས་སྒྲུབ་པ་ཆེན་པོའི་ཟིན་བྲིས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། འཕགས་པ་སྨུག་འཛིན་དཀར་པོ་ལྷ་ལྔའི་ལས་ཚོགས་སྒྲུབ་པ་ཆེན་པོའི་ཟིན་བྲིས་བཞུགས་སོ། །སྣོད་མིན་ལ་བསྟན་པ་དང་འཆང་བཤད་མི་བྱ་བ་དམ་ཚིག་ཡིན་པས་གནད་ཆེའོ། །ལས་ཚོགས་སྒྲུབ་པ་ཆེན་པོ་ནི། ཕྱི་ནང་གསང་གསུམ་གྱི་སྒྲུབ་པ་སྔོན་དུ་སོང་ངམ། ཐ་ན་དྲིལ་སྒྲུབ་ལ་རྟགས་ཐོན་ནས་གའུ་ལྔ་རྫ་ལ་བྱས་ཏེ། ལེགས་པར་ཕབ་སྟེ་ཆུས་མི་འཇིགས་པ་བྱ། མཁའ་འགྲོ་ལྔའི་སྐུ་འདག་སྐུ་བྱས་ན་ཡང་སྤྲ་རྩི་དབྱིས་སོགས་ཆུས་མི་འཇིགས་པར་བྱ། བྲི་ན་གྲོ་ག་ལ་བྲིས་པས་ཆུས་མི་གནོད། མ་རྙེད་ན་ཤོག་གུ་ལ་བྲིས་རྗེས་མར་གྱི་ལེགས་པར་བྱུག་ན་ཆུས་མི་གནོད། གའུ་ལྔ་ལ་གཙོ་འཁོར་སོ་སོར་བཅུག །སྤྱིའི་གཡང་རྫས་ཚང་བ་རེ་དང་རྟའི་་་སྔོན་པོ་ཆུ་རིས་ཅན་གྱི། སྤྱིས་ལས་ཀྱི་མཁའ་འགྲོའི་རྐང་པ་ལ་དཀྲི། བྲིས་སྐུ་ལ་གླན། པདྨ་མཁའ་འགྲོའི་གའུར་ཀླུ་སྨན་སྣ་ཚོགས། རིན་ཆེན་མཁའ་འགྲོའི་གའུར་ཟས་སྣ་ཚོགས། རྡོ་རྗེ་མཁའ་འགྲོའི་གའུར་ཤེལ་གཡུ་དྲུག་དམར་དུམ་བུ་ཕ་བང་ལོང་རྡོ་བཅུག །དེ་ནས་གོང་ལྟར་

[Full Size]

མཎྜལ་སྟེང་ཕྱོགས་སོ་སོར་བཞག །མཆོད་གཏོར་སྔར་བཞིན་བཤམས། ནངས་སྔ་ཆུ་གཏོར་དང་། ཐུན་བཞིའམ་ལྔར་གཏོར་མ་ཐུན་གཏོར་འབུལ། དང་པོ་ཞག་བདུན་ནམ་ཉེར་གཅིག་ཙམ་གཙོ་བོའི་སྔགས་ཤམ་བུ་ཅན་འདོན་ནོ། །དེ་ཚེ་དམིགས་པ་གོང་གི་རྒྱུན་བསྙེན་དང་འདྲ། ཁྱད་པར་དེ་ཚེ་རང་གི་མདུན་བསྐྱེད་བསྐུལ་བའི་ཐུགས་ཀ་ནས་འོད་ཟེར་གྱིས་རྒྱལ་བ་སྲས་བཅས་ཀྱི་དངོས་གྲུབ་བསྡུས་ནས་རང་དང་གའུ་ལ་ཐིམ་པར་བསྒོམ། དེ་ནས་གཙོ་བོའི་སྔགས་ཤམ་བུ་མེད་པ་ལ་རྡོ་རྗེ་མཁའ་འགྲོའི་ཤམ་བུ་ཅན་བཏགས་ལ་ཞག་གསུམ་མམ་བདུན་བཟླས་ཚེ། བདག་གི་ཐུགས་ཀ་ནས་འོད་ཟེར་དམར་པོ་ཅུང་ཟད་སྔོ་བའི་མདངས་ཅན་འཕྲོས། མདུན་བསྐྱེད་གཙོ་བོའི་ཐུགས་ཀར་ཕོག །དེའི་ཐུགས་ན་འོད་ཟེར་རྡོ་རྗེ་མཁའ་འགྲོ་ལ་སོགས་པ་ལ་ཕོག་པས། ཐུགས་ཀའི་ཟླ་བའི་སྟེང་དུ་ཧ་སྔོན་པོར་སྔགས་ཀྱིས་བསྐོར་བ་ལ་ཕོག་པས་སྔགས་དྲག་ཏུ་གཡོན་དུ་འཁོར་བ་ལས་འོད་ཟེར་མཐིང་དམར་ལྕགས་ཀྱུའི་དབྱིབས་ཕྱོགས་བཅུར་འཕྲོས་པས། སྟེང་ལྷ་འོག་ཀླུ་བར་མི་ཐམས་ཅད་རང་དབང་མེད་པར་དབང་དུ་བསྡུས་ཏེ། མོས་པ་རྣམ་བཞི་ཞེས་བྱ་བ་བདག་ལ་

[Full Size]

ཕ་མའི་འདུ་ཤེས་ཀྱི་བྱམས་པ་དང་། བླ་མའི་འདུ་ཤེས་ཀྱི་གུས་པ་དང་། རྒྱལ་པོའི་འདུ་ཤེས་ཀྱི་སྐག་པ་དང་། སྤུན་གྲོགས་ཀྱི་འདུ་ཤེས་ཀྱིས་བརྩེ་བར་གྱུར་ནས། དེ་ཐམས་ཅད་ཀྱི་ཚེ་བསོད་ནམས་ལོངས་སྤྱོད་ཀྱི་དངོས་གྲུབ་ཐམས་ཅད་འོད་ཟེར་གྱི་རྣམ་པར་ཆི་ལི་ལི་བསྡུས་ནས་རང་དང་རྡོ་རྗེ་མཁའ་འགྲོའི་གའུ་ལ་ཐིམ་པར་བསྒོམ། །གཙོ་བོའི་སྔགས་ལ་རྡོ་རྗེ་མཁའ་འགྲོའི་ཤམ་བུ་སྦྱར་བ་བཟླས་སོ། ༈ །ཡང་བདག་གི་ཐུགས་ཀ་ནས་འོད་ཟེར་གསེར་བཙོ་མ་ལྟ་བུ་མདུན་གྱི་གཙོ་བོ་ལ་ཐིམ། གཙོ་བོ་ལས་རིན་ཆེན་མཁའ་འགྲོར་ཐིམ་ཞིང་སྔགས་དྲག་ཏུ་འཁོར་བ་ལས། འོད་ཟེར་ལི་ཁྲི་ལྟ་བུ་དམར་སེར་ཕྱོགས་ཐམས་ཅད་དུ་འཕྲོས་པས་འཇིག་རྟེན་གྱི་བཟའ་བཏུང་བཟའ་བ་ཞིམ་པ་རོ་མཆོག་ཕུན་སུམ་ཚོགས་པའི་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས་ལ་བདག་དང་རིན་ཆེན་མཁའ་འགྲོའི་གའུར་ཐིམ་པས་རྨ་གཡང་ཟས་ཀྱི་དངོས་གྲུབ་ཐོབ་པར་བསྒོམ་ཞིང། གཙོ་བོའི་སྔགས་ལ་རིན་ཆེན་མཁའ་འགྲོའི་ཤམ་བུ་ཅན་བཟླས་སོ། ༈ །ཡང་བདག་གི་ཐུགས་ཀ་ནས་འོད་ཟེར་པདྨ་རཱ་ག་ལྟ་བུ་མདུན་བསྐྱེད་ལ་ཐིམ། མདུན་

[Full Size]

བསྐྱེད་གཙོ་བོ་ལས་འོད་ཟེར་འཕྲོས་པས་པདྨ་ཊཱཀི་ལ་ཐིམ་པས། སྔགས་དྲག་ཏུ་འཁོར་བ་ལས། འོད་ཟེར་དམར་པོ་ལྕགས་ཀྱུ་ལྟ་བུར་འཕྲོས་པས། རྒྱལ་པོ་དང་བློན་པོ་དང་བཙན་ཕྱུག་དར་རྒྱས་ཅན་གྱི་མི་དང་། ཡུལ་མི་ཐམས་ཅད་དང་། ནོར་བུ་རིན་པོ་ཆེའི་བདག་བྱེད་པའི་ཀླུ་ས་བདག་ཡུལ་ལྷ་ཐམས་ཅད་གང་ལ་མོས་པ་རྣམ་བཞིས་དབང་དུ་འདུས་ནས་དེ་དག་གི་བསོད་ནམས་དཔལ་འབྱོར་ཐམས་ཅད་འོད་ཟེར་གྱི་རྣམ་པར་བསྡུས་བདག་དང་གའུར་བསྟིམ་ཞིང་། གཙོ་བོའི་སྔགས་ལ་པདྨ་མཁའ་འགྲོའི་ཤམ་བུ་ཅན་བཟླས་སོ། ༈ ་ཡང་བདག་གི་ཐུགས་ཀ་ནས་འོད་ཟེར་ལྗང་ཁུ་དམར་མདངས་ཅན་འཕྲོས་གཙོ་བོ་ལ་ཐིམ། །གཙོ་བོའི་ཐུགས་ཀ་ནས་ལས་ཀྱི་མཁའ་འགྲོ་ལ་ཐིམ་པས་དེ་ཡི་ཐུགས་ཀ་ནས་འོད་ཟེར་ལྗང་དམར་ལྕགས་ཀྱུ་ལྟ་བུ་ཕྱོགས་ཐམས་ཅད་དུ་འཕྲོས་པས་ལྷ་འདྲེ་མི་གསུམ་མོས་པ་རྣམ་བཞིས་དབང་དུ་གྱུར་ཏེ། །ཟས་དང་ནོར་དང་རྟ་ཕྱུགས་གཡང་ཅན་གྱི་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས་ནས་རང་དང་གའུ་ལ་ཐིམ་པར་བསྒོམ་ལ། གཙོ་བོའི་སྔགས་ལ་ཀརྨ་ཀིའི་ཤམ་བུ་དང་བཅས་པ་སྦྱར་ནས་བཟླས་སོ། །དེ་ལྟར་རེ་རེ་

[Full Size]

ལ་ཞག་གསུམ་ལས་མི་ཉུང་བ་བདུན་རེ་ཙམ་བྱ་ཞིང་། གལ་གང་ཆེ་བ་ལ་རྟགས་ཐོན་པར་བྱའོ། །དེ་ཙམ་མི་ནུས་ན་སྤྱི་ལ་ཞག་བདུན་ཙམ་བྱའོ། །ཞག་རེ་ལ་ཐུན་ལྔ་ཙམ་བྱས་ནས། དང་པོ་གཙོ་བོའི་ཐུན་མཚམས་སུ་གཏོར་བསྔོས། དེ་བཞིན་དུ་རིམ་པར་མཁའ་འགྲོ་བཞི་ཞག་གཅིག་ལ་རྫོགས་པར་བྱའོ། །དེ་ནས་རི་ཕྱུག་པོ་གཞི་བདག་དཀར་ཕྱོགས་ཅན་ལ། ས་དཔལ་ཆུ་དཔལ་ལེགས་པར་དགོས་གསུངས་ནས། རང་རྟག་ཏུ་འདུག་སའི་རྒྱབ་རིའི་ཕྱོགས་གང་དུ་ས་དཔལ་ལེགས་པ་ཁ་ཤར་རམ་ལྷོར་གྱུར་པའི་རྩེ་ལྐོགས་སུ་ཕྱིན་ལ་གཞི་བདག་ལ་དཀར་གཏོར་རམ་གསེར་སྐྱེམས་ཕུལ་ལ་ཕྲིན་ལས་འདིའི་སྡོང་གྲོགས་གྱིས་ཞེས་བཀའ་བསྒོ་བྱས། ལྟོ་འཕྱེ་དང་མི་འགལ་བར་ས་རྐོས་ལ་དོང་གྲུ་གང་ལས་རིང་བ་དང་ཐུང་བ་མི་རུང་སྟེ། ཐུང་ན་ནུས་པ་མེད་པ་རིང་ན་རང་ལ་ལྡོག་གོ །དེར་གྲོ་གའི་སྒོམ་གྱིས་ཡོད་ན་རབ་མེད་ན་རྫ་འུ་འམ་གྲོད་པ་ཆུ་ཐུབ་པའི་ནང་དུ་རྡོ་རྗེ་མཁའ་འགྲོའི་གའུ་བཅུག །འབྲུ་སྣ་ཀླུ་སྨན་ལྕགས་མ་གཏོགས་པའི་རིན་པོ་ཆེ་རིགས་ཀྱིས་བཀང་སྟེ། སོལ་བའམ་གྲོ་གའམ་ཤུག་ཤིང་གིས་ལྕིབས་ལ་སྦས། དེ་སྟེང་ཆུ་མི་འགྲོ་

[Full Size]

བའི་རྡོ་ལེབ་ཀྱིས་བཀབ། བཀྲ་ཤིས་འདོད་གསོལ་སྨོན་ལམ་བྱ་སྟེ། ས་ལེགས་པར་བཅག་ནས། སྤང་དྲས་པ་ཡིན་ན་ལེགས་པར་བསྒྲིགས་ནས་མི་ཡིས་མི་རྙེད་པ་བྱས་ནས་རི་དེ་མཐོང་ཚད་དབང་དུ་འདུ་བར་གསུངས་སོ། ༈ །གཞན་ཡང་འདི་འདྲའི་གདམས་པ་ལའང་ཐབ་ཀའི་འོག་མེའི་འོག་ཏུ་བཅུག་ནས་དེ་ལྷར་བསྐྱེད་ནས་ཟས་རྣམས་མཆོད་པར་དམིགས་པའི་ལུགས་ཡོད་མོད་ཀྱང་། འདི་ནི་ཐབས་ཀྱི་དཀྱིལ་དུ་གསུངས་པས་རྒྱ་ཐབ་ཡིན་ན་དང་པོ་ནས་བཅུག་པོའི་བུ་ག་བཟོས་ལ་བཞག །ཐབ་གསར་དུ་བྱེད་ན་ཐབ་ཀྱི་ནང་ཞུགས་སུ་བཞག་ལ། ཧ་ཅང་མེས་མི་སྨུག་པར་རྡོའི་སྒྲོམ་ཆུང་ནང་དུ་ཟས་སྣ་འབྲུ་སྣས་བཀང་སྟེ་རིན་ཆེན་མཁའ་འགྲོའི་གའུ་བཅུག་པས་རྒྱ་གཞུང་ནས་ཟས་ནོར་ཐམས་ཅད་དབང་དུ་འདུ་བར་འགྱུར་རོ། །ལོ་ཀ་ཐམས་ཅད་དབང་དུ་བསྡུས་ན་དེ་ལྟར་བྱ་ཞེས་དངོས་གྲུབ་ཐམས་ཅད་འབྱུང་བར་གསུངས་ནས། གཙོ་བོར་ཐབ་དེ་ལ་འདུ་ལོང་དང་ཟས་ཀྱི་ལོངས་སྤྱོད་རྒྱུན་མི་ཆད་པར་ངེས་སོ། །དེ་ནས་གྲོ་གའི་སྣོད་དམ་རྫའི་བུམ་པ་སྣམ་གྱིས་བཀང་བ་རྫ་ནག་མིན་པར་པདྨ་མཁའ་འགྲོའི་གའུར་བཅུག་པ་འབྲུ་སྣ་དང་རིན་པོ་ཆེ་

[Full Size]

དང་། ཀླུ་སྨན་གྱིས་བཀང་བ་ཁ་ལེགས་པར་བསྡམ་སྟེ་ཀླུ་གཏོར་དཀར་གཏོར་དང་བཅས། ལུང་པའི་ཆུ་མགོའི་ཆུ་མིག་ཁ་བྱང་རྒྱུ་མིན་པ། ཀླུ་དཀར་ཕྱོགས་གནས་པའི་གདུག་པ་ཅན་མ་ཡིན་པར་ཕྱིན་དཀར་གཏོར་དང་ཀླུ་གཏོར་བཏང་། ལས་འདིའི་སྡོང་གྲོགས་གྱིས་ཞེས་བཀའ་བསྒོས་ལ། ཆུ་མིག་རང་ནས་ཕྱིར་ལ་ཁྲུ་བཅུ་འཇལ་མཚམས་སུ་ཆུའི་ནང་དུ་གྲམ་ཐུས་བྱས་ལ་མིས་མི་རྙེད་པར་སྦས་པས། ཆུ་དེ་འཐུང་ཚད་དབང་དུ་འགྱུར་རོ། །ཇོ་བོས་ཞལ་ནས་ཆུ་དེ་ཕྱིའི་རྒྱ་མཚོར་ཕྱིན་པ་དང་། ཀླུ་ཆེན་པོ་རྣམས་དགྱེས་ནས་ནོར་བུའི་ཚོགས་ཐམས་ཅད་ཁྱེར་ནས་འོང་བ་འགྱུར་རོ། །དེའི་ཚེ་གང་ཟག་དེའི་དབང་དུ་འདུས་པ་ཡིན་ཏེ། མང་པོས་བཀུར་བ་ལྟ་བུར་འགྱུར་གསུངས། ཀླུ་དང་གཞི་བདག་དབང་དུ་འདུས་པའི་མི་ཐམས་ཅད་རང་དབང་མེད་པར་འདུ་བ་རྟེན་འབྲེལ་གྱི་ཆོས་ཉིད་དེ། ཕོ་རིགས་མོ་རིགས་གང་དབང་དུ་འདུས་པ་དེའི་རིགས་མོས་ཤིང་འདུ་བར་ངེས་པར་གཅོད་གཞུང་ཀུན་ནས་གསུངས་པ་དང་མཐུན་ནོ། །༈ །ཡང་བྱེད་ལུགས་རིའི་རྩེ་དང་འདྲ་བར་ལས་ཀྱི་མཁའ་འགྲོའི་གའུ་རི་ཐང་མཚམས་ས་དཔལ་ལེགས་
སར་སྦས་པས། ཡུལ་མི་ཐམས་ཅད་དང་ཟས་ནོར་རྟ་ཕྱུགས་མྱུར་ཐབས་སུ་འདུ་འོང་བ་ཡིན་གསུངས་སོ། །གཙོ་བོའི་གའུ་གོང་དུ་བཤད་པ་ལྟར་རི་རྩེའམ་མཛོད་དམ་བང་བར་སྦས་ཏེ། སྔོན་དུ་གཙོ་བོའི་གའུ་ཡོད་ན་རྒྱབ་ཀྱི་གཙོ་བོ་དེས་བྱེད་ཀྱི་གཉིས་མི་དགོས་སོ། །ཟས་ནོར་ཐམས་ཅད་ཐོག་པ་མེད་པར་འཕེལ་བར་འགྱུར་རོ། །ཞེས་དང་། དེ་ལྟར་བྱས་ནས་གའུ་ཁྱིམ་ན་ཡོད་པས་རང་གི་ངང་གི་ཟས་ནོར་འདུ་བར་འགྱུར་རོ། །ཞེས་ཇོ་བོས་གསུངས་ཏེ། དེ་ལྟར་སྒྲུབ་པ་མ་ཐོན་ན་ཡང་གའུ་ལྔའམ་གཅིག་སུ་བསྡུས་པ་དེ་ལེགས་པར་རྫས་ཚང་བ་རབ་གནས་དང་བཅས་པ་ཡོད་ན་ངང་གིས་ལོངས་སྤྱོད་འདུ་བར་བཤད་དོ། །དེ་ཅིའི་ཕྱིར་ན་སྔགས་དང་རྫས་དང་རྟེན་འབྲེལ་གྱི་མཐུ་ལས་གྲུབ་པའི་ནོར་བུ་རིན་པོ་ཆེ་ཡིན་པས་སོ། །ལས་ཚོགས་སྒྲུབ་པ་ཆེན་པོའི་ཟིན་བྲིས་སོ། །ཨྠ྄ྀི།

སྨུག་འཛིན་རྩེ་གཅིག་ཡི་དམ་བྱེད་པ་པོས། ༼པ༽ ལས་ཚོགས་འཐོར་བུ་སྒྲུབ་པའི་ཟིན་བྲིས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། འཕགས་པ་སྨུག་འཛིན་དཀར་པོ་ལྷ་ལྔའི་ལས་ཚོགས་འཐོར་བུ་སྒྲུབ་པའི་ཟིན་བྲིས་བཞུགས་སོ། །ལས་ཚོགས་ཐོར་བུ་སྒྲུབ་པ་ནི། གཙོ་བོའི་གའུ་དང་ལས་མཁན་བཞི་གང་འདོད་གཅིག་

[Full Size]

གའུར་བཅས་ལ། སྒྲུབ་ལུགས་གོང་ལྟར་ལས། དང་པོ་ཉིད་ནས་གཙོ་བོའི་སྔགས་ལ་མཁའ་འགྲོ་གང་ཡིན་དེ་དང་ཤམ་བུ་སྦྱར་བ་ཁོ་ན་ཞག་བདུན་བསྒྲུབས་ནས་ཟས་ཡིན་ནི་ཐབ་ནང་སྦས་པ་སོགས་བྱའོ། །དེ་ལྟར་གའུ་སོ་སོར་སྒྲུབས་ནས་དཔེར་ན་གའུ་ལྔ་གཞལ་ཡས་ཁང་ལྔའི་ནང་དུ་ལྷ་སོ་སོར་བསྒོམ་པ་དང་། ལས་ཚོགས་ཐོར་བུ་ལ་གཙོ་བོའི་གའུ་གཙོ་འཁོར་ལྔ་དང་སྒྲུབ་རྒྱུའི་ལྷ་མོ་གའུར་གཞལ་ཡས་ཁང་གཅིག་གི་ནང་དུ་མཁའ་འགྲོ་གང་ཡིན་གཅིག་དེ་ལ་གཙོ་བོའི་སྐུ་ཆུང་ངུ་ཞིག་གིས་དབུ་བརྒྱན་པར་བསྒོམ་པར་༡། བྱའོ། །གའུ་སྒྲུབ་པ་ཐམས་ཅད་ལ་ཡེ་ཤེས་པ་གཤེགས་བསྟིམ་བསྡུ་བ་གང་ཡང་མེད་དེ། དེ་གར་བརྟན་གཞུག་གོ །ཐབ་ཏུ་གཙོ་གཡོ་ཐམས་ཅད་ལྷ་མོ་ལྔ་ལས་མཆོད་པའི་མོས་པ་བྱའོ། །ལས་ཚོགས་འཐོར་བུའི་སྒྲུབ་པའི་ཟིན་བྲིས་སོ། །ཨྠ྄ྀི། དེ་ལྟར་ཇོ་བོ་ཆེན་པོའི་རྒྱ་གཞུང་ཞལ་གདམས་དང་བཅས་པ་ལོཙྪ་བ་རྒྱ་བརྩོན་འགྲུས་སེང་གེས་མཛད་པ་རྒྱས་འི་དོན་བསྡུས། རྗེ་དཀོན་མཆོག་འབངས་ཀྱིས་ཉུང་ངུར་བསྡུས་པ་འདི་ལ་དོན་ཐམས་ཅད་འདུས་པར་སྣང་ཡང་། བློ་དམན་པས་ལག་ཏུ་ལེན་དཀའ་བར་སྣང་བས། རྒྱ་གཞུང་
རྒྱས་པ་དང་བསྟུན་ཏེ་བླ་མ་བརྒྱུད་པའི་ཞལ་ཤེས་ཀྱིས་ཁ་བཀང་། གྲུབ་མཐའ་གཞན་གྱི་ལུགས་དང་། རྒྱུད་གཞུང་གཞན་ཐམས་ཅད་ལ་མཐའ་ཆོད་པར་བརྟགས་ནས། བལྟས་ཆོག་ཏུ་བཀོད་པ་འདི་ནི་བླ་མ་ཀརྨ་བརྩོན་འགྲུས་རྒྱ་མཚོས་རིང་ནས་བསྐུལ་ཞིང་མཎྜལ་དང་བཅས་ནན་གྱིས་བསྐུལ་བ་ལ་བརྟེན་ནས་འཕྲལ་དུ་གོ་བདེ་བར་སྦྱར་བ་ལ་ནོངས་པ་མཆིས་ན་མཁས་པ་རྣམས་ལ་བཤགས་ཤིང་། དགེ་བས་ཆོས་སྤྱོད་པ་རྣམས་མཐུན་རྐྱེན་འཛོམ་པ་དང་སེམས་ཅན་ཐམས་ཅད་བདེ་ལེགས་ཀྱི་དཔལ་ལ་ལོངས་སྤྱོད་པར་གྱུར་ཅིག །དགེ་སློང་བཀའ་གདམས་ལ་མོས་པ་ལྷུར་ལེན་བྱེད་པ། རཱ་ག་ཨ་སྱས་ཤིང་སྦྲུལ་བདུད་རྩི་འཁྱིལ་བའི་ལོ་ས་ག་ཟླ་བ་ཆེན་པོའི་དམར་པོའི་ཚེས་བརྒྱད་ནོར་ལྷ་དང་གནོད་སྦྱིན་རྒྱུ་བའི་དུས་སུ་སྦྱར་བ་མངྒ་ལཾ། །བདག་བརྩོན་འགྲུས་རྒྱ་མཚོ་རང་ལོ་ཉེར་དགུའི་སྐབས་ལ་གནང་ཀྱང་ལོ་བཅུ་གཉིས་ལ་བཀའ་རྒྱས་གདམས་པའོ། །ཨྠ྄ྀི།

བློ་གཏད་ལིངས་སྒྱུར་བྱས་པའི་སློབ་བུ་ལ། ༼ཕ༽ །སྔགས་བྱང་སྙན་བརྒྱུད་ཡི་གེ་མེད་པ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། སྨུག་འཛིན་དཀར་པོ་ལྷ་ལྔའི་སྔགས་བྱང་སྙན་བརྒྱུད་ཡི་གེ་མེད་པ་འདི། སྣོད་མིན་ལ་ཤིན་ཏུ་གསང་བའི་དམ་ཚིག་གོ། ༈ ན་མོ་ཨཱརྱ་ཛཾ་བྷ་ལ་དྲུག་ཅུ་རེ་དྲུག་

[Full Size]

ཡེ། ཛམ་དཀར་གྱི་མན་ངག་སྙན་བརྒྱུད་དེ་སྔ་ཕན་ཆད་ཡི་གེར་མེད་ངེས་ནའང་། ད་ལམ་སྙིང་གི་བུ་སློབ་ཀརྨ་བརྩོན་འགྲུས་རྒྱ་མཚོས། སྔ་ཕྱིར་འདི་ལ་ཞུ་ནན་ཆེན་པོ་བྱས་ནའང་། ད་ལམ་ནད་ཀྱིས་མནར་བས་འདིར་ཡང་འབྱོན་མ་ཐུབ་པར་གདའ་བས་སྙན་བརྒྱུད་ཡི་གེར་མི་བཀོད་ཀ་མེད་དུ་བྱུང་། ད་ལམ་ཛམ་དཀར་གྱི་ཤཾ་བུའི་སྔགས་འདི་ལ་དཔེ་ལ་ལ་ནས་ཨོ་པི་ཤཱ་ནི་སྭཱ་ཧཱ། ལ་ལ་ནས། ཨོ་བ་ཤི་ནི་སྭཱ་ཧཱ། ལ་ལ་ནས། ཨོཾ་ཝ་ཤཾ་ནི་སྭཱ་ཧཱ། ལ་ལ་ནས། ཨོཾ་པ་ཀཾ་ནི་སྭཱ་ཧཱ། ཞེས་འབྱུང་ཞིང་ཞལ་ཤེས་སྙན་བརྒྱུད་མེད་ན་ཐེ་ཚོམ་གྱི་གནས་ཁོ་ནར་སྣང་ངོ་། །འདི་ནི་རྗེས་ནས་མཇལ་དུས་གནམ་ཆོས་སོགས་དབང་ལུང་དང་མ་མགོན་གྱི་མན་ངག་འགའ་རེ་ཕུལ་གཏང་རག་གི་ཚུལ་དུ་བྱུང་གིས་སུ་ལའང་ཆད་མི་རུང་གསུངས། དེ་ལ་རང་གི་ནོར་གང་ཡོད་རྣམས་འཕེལ་ཞིང་རྒྱས་པར་འདོད་ན། ཨོ་པི་ཤ་ནི་སྭཱ་ཧཱ་ལ་ཤམ་བུར་བཏགས་པ་ཡིན། གཞན་གྱི་ནོར་དང་ལོངས་སྤྱོད་དབང་དུ་བསྡུས་པར་འདོད་ན། ཨོ་བ་ཤཾ་ནི་སྭཱ་ཧཱ། ཡིན་ཏེ། ་པ་དང་བ་དང་ཝ་གསུམ་གང་བྱས་ཀྱང་རུང་། ཤའི་ཀླད་སྐོར། ་དེ་ང་ལ་འབོད་ནས་ཤང་
ཟེར། ཨོཾ་ནི་ཡེ་ཤེས་ཀྱི་རང་བཞིན་ཡེ་ཤེས་ལྔ་སྟེ་འདི་སྐབས་ཛམ་ལྷ་ལྔ་པ་ཤང་ནི་དབང་བྱེད་པ་སྭཱ་ཧཱ་ནི་གཞི་ཚུགས་ཡིན་ཅེས་གསུངས་སོ། རྒྱས་པར་ཌཀྐིའི་སྔགས་ལ་ཡང་། །མགོ་ལ་ཨོ་རེ་མཇུག་ན་ཧཱུྃ་ཕཊ་སྦྱར་བ་རྒྱས་པ་ཨོ་ཡོད་ཧཱུྃ་ཕཊ་མེད་པ་འབྲིང་། ཊཀྐི་ལྔའི་པི་ཤ་དང་བཅས་པའི་ཨོ་དང་ཧཱུྃ་ཕཊ་གཙོ་བོའི་དེ་ལ་བསྡུས་ནས་མཇུག་སྭཱ་ཧཱས་བརྒྱན་པ་བསྡུས་པ་སྟེ་འདི་ཟབ་བོ། །སྨྲོ༔ ཞེས་པ་རཱ་ག་ཨ་སྱས་གསུངས་སོ། །ཤིང་སྦྲུལ་གྱི་ལོ་ས་ག་ཟླ་བའི་དམར་པོའི་ཡར་ཚེས་བརྒྱད་ལ་གནང་། ལྕགས་མོ་ཕག་གི་ལོ་ལ་ཡི་གེར་བཀོད་ནས་རྗེ་ཉིད་ཀྱི་རྒྱུད་འཛིན་ལ་གཅིག་བརྒྱུད་དུ་གཏད་དོ། །བརྒྱུད་འཛིན་སྙིང་འདྲ་བ་མ་གཏོགས་སྣོད་མིན་མང་པོ་ལ་གསང་བ་དམ་ཚིག་གོ།

གའུ་སོ་སོར་སྒྲུབ་བམ་དྲིལ་སྒྲུབ་ཀྱི། ༼བ༽ །སྔགས་བྱང་གཏོར་མའི་བཅའ་ཐབས་གུད་དུ་གབ། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། སྨུག་འཛིན་ཟླ་བའི་མདོག་ཅན་ལྷ་ལྔའི་སྔགས་བྱང་གཏོར་མའི་བཅའ་ཐབས་གསང་རྒྱ་ཅན་བཞུགས་སོ། །བརྒྱུད་འཛིན་སྙིང་འདྲ་མ་གཏོགས་སྣོད་མིན་མང་པོ་ལ་གབ་པ་དམ་ཚིག་གོ །ཛཾ་དཀར་གྱི་སྔགས་བྱང་གུད་དུ་གབ་པ་ལ། གཙོ་བོའི་སྙིང་པོ་དང་རྣམ་པར་མི་རྟོག་པའི་སྙིང་པོ་ནི་གཞུང་ལྟར་རོ། གཙོ་འཁོར་དྲིལ་བའི་ཤམ་བུ་གང་ཞེ་ན། ཨོཾ་པདྨ་ཀྲོ་དྷ་ཨཱརྱ་ཛཾ་བྷ་ལ་ཧྲི་ད་

[Full Size]

ཡ་ཧཱུཾ་ཕཊ། བཛྲ་ཌཱཀྐི་ནཱི། རཏྣ་ཊཱཀྐི་ནཱི། པདྨ་ཊཱཀྐི་ནཱི། ཀརྨ་ཊཱཀྐི་ནཱི། པཱ་ཤཾ་ནི། བཱ་སུ་ན་ན་ཁ་དྷེ། པི་ཤ་ནི་སརྦ་སིདྡྷི་སྭཱ་ཧཱ། ཞེས་པའོ། །ཨྠ྄ྀི། གའུ་ལྔ་སོ་སོར་བསྒྲུབ་པ་ལ། ཨོཾ་པདྨ་ཀྲོ་དྷ་ཨཱརྱ་ཛཾ་བྷ་ཧྲི་ད་ཡ་ཧཱུྃ་ཕཊ༔ ཨོ་པི་ཤ་ནི་འཇིག་རྟེན་ཁམས་ཀྱི་ལྷ་འདྲེ་མི་གསུམ་གྱི་འགྲོ་བ་ཐམས་ཅད་བདག་གི་དབང་དུ་གྱུར་ཅིག་སྭཱ་ཧཱ། ཞེས་གཙོ་བོའི་སྒྲུབ་སྔགས་དང་། ཨོཾ་པདྨ་ཀྲོ་དྷ་ཨརྱ་ཛཾ་བྷ་ལ་ཧྲི་ད་ཡ་ཧཱུྃ་ཕཊ། ཨོཾ་བཛྲ་ཌཱཀྐི་ནི་ཨོ་བ་ཤཾ་ནི་སྟེང་ལྷའི་སྲིད་པ་དང་འོག་ཀླུའི་སྲིད་པ་དང་བར་མིའི་སྲིད་པ་ཐམས་ཅད་བདག་གི་དབང་དུ་གྱུར་ཅིག་སྭཱ་ཧཱ། ཞེས་ཤར་གྱི་གའུ་དང་། ཨོཾ་པདྨ་ཀྲོ་དྷ་ཨཱརྱ་ཛ་བྷ་ལ་ཧྲི་ད་ཡ་ཧཱུྃ་ཕཊ། ཨོཾ་རཏྣ་ཊཱཀྐི་ནི། ཨོཾ་པ་ཀཾ་ནི། ལྷ་དང་མི་དང་ལྷ་མ་ཡིན་གྱི་ཟས་དང་ནོར་རྫས་ཁྱད་པར་ཅན་ཐམས་ཅད་བདག་གི་དབང་དུ་གྱུར་ཅིག་སྭཱ་ཧཱ། ཞེས་ལྷོའི་གའུ་དང་། ཨོཾ་པདྨ་ཀྲོ་དྷ་ཨཱརྱ་ཛམྦྷ་ལ་ཧྲི་ད་ཡ་ཧཱུཾ་ཕཊ། ཨོཾ་པདྨ་ཊཱཀྐི་ནཱི། ཨོ་པ་ཤཾ་ནི། རྒྱལ་པོ་དང་བློན་པོ་དང་བཙན་ཕྱུག་དར་རྒྱས་ཅན་གྱི་ཡུལ་མི་དང་ནོར་བུ་རིན་པོ་ཆེའི་བདག་བྱེད་པའི་ཀླུ་ཆེན་ས་བདག་ཐམས་ཅད་བདག་གི་དབང་དུ་གྱུར་ཅིག་སྭཱ་ཧཱ། ཞེས་ནུབ་ཀྱི་གའུ་དང་། ཨོཾ་པདྨ་ཀྲོ་

[Full Size]

དྷ་ཨཱརྱ་ཛམ་བྷ་ལ་ཧྲི་ད་ཡ་ཧཱུཾ་ཕཊ། ཨོཾ་ཀརྨ་ཊཱཀྐི་ནི། ཨོཾ་པ་ཀཾ་ནི། ལྷ་འདྲེ་མི་གསུམ་གྱི་ཟས་ནོར་གཡང་ཅན་སྣ་ཚོགས་རྣམས་བདག་གི་དབང་དུ་གྱུར་ཅིག་སྭཱ་ཧཱ། ཞེས་བྱང་གི་གའུ་སྟེ། དེ་རྣམས་ནི་བཟླ་བྱའི་སྒྲུབ་སྔགས་ལགས་སོ། །སོ་སོར་འཐོར་བུ་བསྒྲུབས་ན་དེ་ཁོ་ནའི་སྔགས་བཟླས་སོ། །འཁོར་ལོ་བྲིས་ཏེ་སྐུ་འདྲ་འབུར་དོད་དུ་མ་ལྕོགས་ན་ལྟེ་བར་ཇི་ཡིག །མཁའ་འགྲོ་བཞི་ལ་ལྟེ་བར་ཧ་རི་ནི་ས་འབྲུ་རེ་རེ། དེ་རྒྱབ་མཐའ་ནས་མགོ་བཟུང་སྟེ། འདི་གསར་མ་ཡིན་པས་ཞལ་ངོས་ནས་བཟུང་སྟེ་ཡིག་མགོ་ཕྱིར་བསྟན་མཇུག་ནང་དུ་ཕུད་ལ་བཅུག་ནས་དབུ་ཅན་ཚེག་མེད་བྲི། དེ་རྒྱབ་ཏུ་རྒྱས་པར་སྤྲོ་ན་མུ་ཁྱུད་གཅིག་བྱས་ལ་དབྱངས་གསལ་དང་རྟེན་འབྲེལ་སྙིང་པོ་བྲི་བ་གཞུང་ན་མེད་ཀྱང་མ་བྱས་ཀྱང་རུང་གི །ཡོད་ན་སྤྱིའི་ལུགས་ལྟར་བྱིན་རླབས་ནུས་པ་ཆེ་བ་ཡིན། དེ་རྒྱབ་ཏུ་གཙོ་འཁོར་སོ་སོའི་སྐུ་རྒྱན་ཆ་ལུགས་མངོན་རྟོགས་ལྟར་བྲིས། གུ་གུལ་གྱིས་བདུག །སུམ་བྷ་ནིས་བགེགས་བསྐད། ཡེ་དྷརྨས་ཅི་མང་སྔགས་ཤིང་མེ་ཏོག་འཐོར་བས་རབ་གནས་བྱ། དེ་ནས་དབུས་ཀྱི་ས་བོན་མགོ་མཇུག་མ་ལོག་པར་ཅི་བདེར་ལྟེབས་ལ་ཚོན་སྐུད་སྣ་ལྔའམ་ཚོན་རྩིའི་སྐུད་

[Full Size]

པས་རྒྱ་གྲམ་དུ་བཅིངས། རང་རང་གི་སྐུ་མདོག་དང་མཚུངས་པའི་རས་སམ་དར་གྱིས་བཏུམ། དེ་ནས་གའུར་བཞུགས་ཏེ་འབྲང་རྒྱས་དཔེའུ་རིས་ལྟ་བུ་གཅིག་གཙོ་བོའི་འཁོར་ལོའི་ནང་དུ་བཏུམ་པར་བྱའོ། །དེ་ལ་སྔགས་ནི་གོང་གི་བཟླ་བྱའི་སྔགས་དེ་བྲི་བ་ཡིན་མོད་ཀྱི། མི་འདྲ་བའི་ཁྱད་པར་ཅན་ཟབ་ཁྱད་ནི། གོང་གི་དེ་ཚར་གཅིག་དང་དེའི་མཇུག་ནས་ཨོཾ་བི་ཤ་ནི་འབྲུ་དབང་དུ་བསྡུས་ཤིག་སྭཱ་ཧཱ། ཞེས་པ་ལྟ་བུ་པི་ཤ་ནི་དང་སཱ་ཧཱ། བར་དུ་རང་གི་གང་འདོད་སྦྱར། དུ་ཤོང་བྲི། ཁྱད་པར་དུ་པདྨ་མཁའ་འགྲོའི་ཐུགས་ཀར། ཨོཾ་ན་ག་སྤུང་པ་པཿ འོག་ཀླུ་ཡི་སྲིད་པ་དབང་དུ་བསྡུས་ཤིག་སྭཱ་ཧཱ། ཞེས་བྲིའོ། །དེ་རྣམས་རབ་རིན་པོ་ཆེ་འབྲིང་མཚལ་ཐ་མ་རྒྱ་སྣག་ཡང་ཐ་སྣག་ཚ་ལ་བ་རིན་པོ་ཆེ་དང་སྨན་སོགས་བརྡར་བས་བྲི། བྲི་ཉིན་ཡང་ཡར་ངོ་དང་ཚེས་བརྒྱད་དམ་ཉའམ་འགྲུབ་སྦྱོར་གཡང་སྐར་ལ་བྲིའོ། གཞན་ཡང་དམིགས་རྟེན་ཞལ་ཐང་གྲུབ་ནའང་སྔགས་དེ་དག་སོ་སོའི་རྒྱབ་ཡིག་ཏུ་བྲིས་ལ་དེ་གཞན་གྱིས་མི་མཐོང་བའི་རྒྱབ་དར་དུ་བྱའོ། །ལྡེར་སོའམ་གསེར་སྐུ་གྲུབ་ན་སྔགས་དེ་དག་གི་ཤོག་དྲིལ་ནང་གཞུག་བྱའོ། །འདིའི་སྐུ་མངོན་

[Full Size]

རྟོགས་ལྟར་དང་བསྟོད་པ་རྒྱས་པའི་ཕྱག་གཡས་བེ་ཅོན་གཡོན་ནེའུ་ལེ་གྲུ་མོར་ག་ཁ་ཊཾ་ཡིན་ལ། གཞན་ཇོ་བོས་མཛད་པའི་བསྟོད་པ་ཉུང་ངུ་ཞིག་ལ་གཡས་ཁ་ཊཾ་འཛིན་པར་བཤད་ཅིང་བྲིས་སྐུ་རྙིང་པ་ལའང་དེ་ལྟར་འདུག་པ། ཕྱི་མ་འདི་ཡི་བསྟོད་པ་རྒྱ་གཞུང་ལས་བྱུང་བས་ཕྱིས་བོད་དུ་ཞལ་གཟིགས་ལུགས་ཅིག་ཡིན་པར་སྣང་ངོ་། །གཏོར་མ་ནི་རྒྱས་པའི་ཕྲིན་ལས་གཙོ་ཆེ་བས་གདན་གྲུ་བཞི་རི་རབ་དབྱིབས་དེ་སྟེང་ཟླུམ་པོ་དྲ་བ་རིས། དེ་སྟེང་ནོར་བུ་སུམ་ཚོན་མེ་ཏོག་གིས་བརྒྱན་པ། དྲྭ་བ་རིས་ལ་མར་སྐུད་དང་དུང་ཕྲེང་རྩེ་ལ་མར་རྒྱན་གསུམ་མམ་ལྔ་ཅི་མཛེས། མཐའ་མ་མར་ཐུད་རིལ་བུའི་བསྐོར་བ་ཡིན་ནོ། གསོ་བའི་མཐེབ་སྐྱུ་མི་བྱ་བར་མར་ཐུད་རིལ་བུ་བྱ། ཐུན་གཏོར་དང་ཆུ་གཏོར་རྣམས་ལ་ཛམ་ལུམ་རྩེ་མོ་ཅན་བྱའོ། །ཞེས་པ་ཤིང་སྦྲུལ་བདུད་རྩི་འཁྱིལ་བའི་ལོ་ས་ག་ཟླ་བའི་དམར་པོའི་ཚེས་བརྒྱད་ནོར་ལྷ་དང་གནོད་སྦྱིན་རྒྱུ་བའི་དུས་དྲིན་ཅན་རཱ་ག་ཨ་སྱའི་གསུངས་རིན་པོ་ཆེའི་ཕྱག་བྲིས་མཛད་ནས། བདག་བཱིརླ་ས་ག་ར་ལ་གཅིག་བརྒྱུད་དུ་གནང་བ་མངྒ་ལཾ།།

འགྲུབ་དང་མི་འགྲུབ་དངོས་གྲུབ་འབྱུང་མི་འབྱུང་། ༼མ༽ །ཤེས་ཕྱིར་ཚོད་འཛིན་རྟགས་ཀྱི་ཡི་གེ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། སྨུག་འཛིན་དཀར་པོ་ལྷ་ལྔའི་སྒྲུབ་པའི་རྟགས་ཡིག་བཞུགས་སོ། །ཛམ་དཀར་རྟགས་ཡིག་ནི། སྤྱིར་རྣམ་སྲས་གཙོ་བོ་ཡིན་རུང་། དེའི་སྒབ་འདྲེ་དཔེ་ཧར་ཡིན་པའི་ལོ་རྒྱུས་རྣམ་སྲས་བསྒྲུབ་པ་ལ་བར་དུ་གཅོད་ཅིང་ཐ་མ་སྲོག་འཕྲོག་པར་སྨོན་ལམ་བཏབ་ཚུལ་ལུས་ངན་པོའི་མདོ་ལས་གསུངས་ཤིང་། དེའི་མནན་ཐབས་མང་དུ་ཡོད་ཀྱང་དུས་ཀྱི་དབང་གིས་ནོན་དཀའ་བས་རྣམ་སྲས་བསྒྲུབ་པ་ལ་བར་ཆད་ཆེན་པོ་བྱུང་བ་མང་དུ་མཐོང་ཞིང་ཐོས། ཛམ་ནག་ལ་སྒབ་འདྲེ་བྱ་མཆུ་ཅན་ཐུ་མོ་ཞིག་ཡིན་སྐད། ཛམ་དམར་ལ་གནོད་སྦྱིན་འབྲེལ་ཕོངས་ཡོད་པ་དེ་ཧ་ཅང་མི་ཐུ་ཡང་མནན་པར་བསྒྲུབ་མི་རུང་། སྤྱིར་སྤྱན་རས་གཟིགས་ལ་སྒབ་འདྲེ་མེད་ཅིང་འདི་ལ་ཡང་མེད་པས་ཤིན་ཏུ་རྒྱུད་འཇམ་ནའང་། །སྒྲུབ་པའི་སྐབས་སུ་རྨི་ལམ་དུ་སྣོད་སྟོང་ཁུར་བའི་མི་དང་བུད་མེད་སྤྲང་པོས་ཟས་སློང་བ། ཁྱི་དང་རི་བོང་སོགས་བསེ་རག་གི་རྟགས་བྱུང་ན། གླུད་གཏོར་རམ་བགེགས་གཏོར་བཏང་ལ་སུམ་བྷ་ནི་དྲག་ཏུ་བརྗོད་དེ། དེ་ནི་གཡང་སྐྱབས་དུས་བསེ་རག་བཀར་བ་དང་དོན་གཅིག་པའོ། །རྟགས་ནི་རྒྱུན་བསྙེན་ནམ་ཕྱི་ནང་གསང་གསུམ་གང་འཐོར་བུ་སོགས་

[Full Size]

གང་བསྒྲུབ་ཀྱང་འདྲ་སྟེ། རང་གི་སྒྲིབ་པ་ཆེ་ཆུང་ལས་འཕྲོ་སྟོབས་ཀྱིས། དབང་པོ་རབ་དངོས་སམ། འབྲིང་ཉམས་ཀྱི་སྣང་བ་ཐ་མ་རྨི་ལམ་དུ་འབྱུང་སྟེ། འདིའི་རྒྱ་གཞུང་ལས། །རྟགས་ནི་ཁྲོམ་མང་པོ་འདུ་འཚོགས་པ་དང་། ཕྱག་འཚལ་བ་དང་། ཆར་ཆེན་པོ་བྱུང་བ་འགྲུབ་པ་ཡིན་ནོ། །འབྲུའི་གསེབ་ཏུ་ཉལ་བ། གོས་གསར་པ་གྱོན་པ་སོགས་རྨིས་སོ། །དེ་ལྟར་བྱུང་ན་ཟས་ནོར་ལྷུན་གྲུབ་ཏུ་གཤིས་ཀྱིས་འབྱུང་ངོ་། །ཞེས་པ་ཙམ་ལས་མ་གསུང་སྟེ། སོགས་རྨི་འོང་ཞེས་པ་སོགས་སྒྲ་དེ་ལས་གཞན་ནས་མ་བྱུང་བ་ལྟར་རྟགས་རྒྱས་པ་འབྱུང་ཚུལ་གསུང་པ་སྟེ། ཁྲི་ཆེན་པོ་ལ་སྡོད་པ་དར་བེར་གདུགས་སོགས་ཕུབ་པ། དར་ཆེན་འཕྱར་བ་ཆོས་སམ་ནོར་གྱི་གཏེར་རྙེད་པ། ནོར་བུ་ལ་སོགས་བཀྲ་ཤིས་རྟགས་བརྒྱད་དང་རྒྱལ་སྲིད་སྣ་བདུན་གྱི་གཟུགས་གསེར་དངུལ་ལས་བྱས་པ་རྙེད་པ་རི་རབ་ཀྱི་རྩེ་ཕྱིན་པ་ནེའུ་ལེ་གསོ་བ། མུ་ཏིག་དང་རིན་པོ་ཆེའི་ཆར་འབེབས་པ། ཆུ་གཏེར་བཏོན་པ། དེ་རྣམས་བསོད་ནམས་འཕེལ་རྟགས་སོ། །ཆར་འབེབས་པ་འབྲུག་ཆེན་པོ་གྲག་པ་དུང་འབུད་པ་རྔ་ཆེན་བརྡུང་བ་རོལ་མོ་འབུད་དཀྲོལ་བྱས་པས་སྐད་ཆེན་པོ་རིང་བོ་སྙན་པོ་བྱུང་བ་

[Full Size]

སྙན་གྲགས་ཀྱི་ལྟས་སོ། །ལོ་ལེགས་ལ་འབྲུ་མང་པོ་ཕུལ་བ་བདག་བྱས་པ་ཇ་དང་ཟས་ཀྱི་རིགས་ཤ་ཁྲག་མ་ཡིན་པའི། དཀར་གསུམ་ཕུལ་བ་བདག་བྱས་པ་ལོངས་སྤྱོད་བལྟས་སོ། །མི་ཆེན་པོ་རེ་ཟུང་གིས་གུས་འདུད་བྱས་པ་དབང་འདུས་རྟགས། ནོར་ཕྱུགས་རྟ་དྲེལ་གྱི་ཁྱུ་ཚུར་ལ་གཤར་བ། ཚོང་པ་དང་ཚོང་དཔོན་ཆས་བཟང་ཚུར་བྱུང་བ། ནོར་ཕྱུགས་རྟ་དྲེལ་ལུག་ཁྱུ་བསྡུ་བ། བདག་བྱས་པ། སྒྲ་དང་ཨག་ཚོམ་རིང་དུ་སྐྱེས་པ་ནོར་འདུ་བའི་རྟགས། སྐྱེས་པའམ་བུད་མེད་ཀྱི་རྩྭ་དང་ཤིང་དང་ལོ་མ་བྱིན་པ་རྩྭ་ཐུ་བ་ནས་བརྔ་བ་ཡང་ནོར་གྱི་རྟགས། ཡུང་མ་མང་པོ་རྙེད་པ་རྐོ་བ་དངོས་གྲུབ་འཕེལ་བ། ཟས་རོ་མཆོག་ཅན་བྱིན་པ་ཟོས་པ་འཕྲལ་ཁ་ཟས་རྟགས། བུད་མེད་གཞོན་ནུ་རལ་པ་ཅན་ནི། བརྒྱན་ཅན་འདུ་བ་དེ་དག་གིས་ཟས་ནོར་གཏེར་བ་མཁའ་འགྲོ་བཞིའི་རྟགས། ཡང་ཉམས་རྨི་ལམ་དུ་གདུལ་བྱ་སོགས་གང་འོང་ལུང་སྟོན་པ་དང་། རྨི་ལམ་དུ་རང་ལ་མཛེ་བྱུང་བ་རྨིས་ན་ཤིན་ཏུ་ཕྱུག་པོའི་རྟགས། རྟགས་གང་བྱུང་བ་ལ་རློམ་སེམས་དང་ང་རྒྱལ་མི་བྱ་བར། དེ་ཙམ་ཆུང་ཚོད་ཡིན། སྒྲུབ་པ་འདི་ཙམ་བྱས་སྐབས་སུ་རྗེ་མ་ཁེང་པ་
ཡིན། བསྒྲུབ་དུས་རྟགས་གང་བྱུང་དེ་ཕྱིས་ནས་འབྲས་བུ་མི་འབྱུང་མི་སྲིད། ལ་ལ་ས་ཁམས་པའི་རིགས། རྟགས་ཡེ་ནས་མི་འབྱུང་བའི་རིགས་ལ་ཡང་ཡིད་ཆད་པར་མི་བྱ་ཞིང་། །བསྒྲུབས་པས་འབྲས་བུ་ཤུགས་ཀྱིས་འབྱུང་ངོ་། །ཞེས་པའང་ཀརྨ་བཱིརླ་ས་ག་རས་མཎྜལ་བཟང་པོ་དང་བཅས་ནས་རྩེ་གཅིག་ཏུ་གསོལ་བ་བཏབ་པས། ཤིང་སྦྲུལ་བདུད་རྩི་འཁྱིལ་བའི་ལོ་ས་ག་ཟླ་བའི་དམར་པོའི་ཚེས་བརྒྱད་ནོར་ལྷ་གནོད་སྦྱིན་རྒྱུ་བའི་དུས་དྲིན་ཅན་ཆོས་ཀྱི་རྗེ་རཱ་ག་ཨ་སྱའི་ཞལ་སྔ་ནས་ཉིད་ཀྱིས་བརྩལ་བ་ཕྱག་བྲིས་སུ་མཛད་ནས་གནང་བའོ། །

རྣམ་གཡེང་ཆེན་པོའི་སྒྲུབ་ལོང་མ་བྱུང་ན། ༼ཙ༽ །སྒྲུབ་པ་རླུང་ལ་བཅོལ་ཐབས་གུད་དུ་གབ། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། སྨུག་འཛིན་དཀར་དམར་གྱི་སྒྲུབ་པ་རླུང་ལ་བཅོལ་ཐབས་ལོ་ཀ་ཝ་ཤཾ་ཤིན་ཏུ་གསང་བ་ས་མ་ཡ་བཞུགས་སོ། །མན་ངག་འདི་ཡང་གཅིག་བརྒྱུད་མ་གཏོགས་སྣོད་མིན་ལ་མི་སྤེལ་ཞིང་གབ་པ་དམ་ཚིག་གོ །ཛཾ་དཀར་དམར་གྱི་མན་ངག་སྙིང་གི་ཁུ་བ་ཕྱུང་བ་འབྱུང་བ་རླུང་ལ་ལས་བཅོལ་བས་མྱུར་དུ་འགྲུབ་པ། གྲོ་གས་ཆུ་ཐུབ་པས་བཟང་ཤོག་གུ་མྱུར་དུ་རུལ་བས་སྤང་། ༈ གོང་དུ་རྣམ་འཇོམས་ཉེ་སྙིང་སྣང་བརྒྱད་སྔགས་མཐར་འཁོར་ལོ་འདི་བསྐོར་བ་ལ་ལོ་ཟླ་ཞག་

[Full Size]

དུས་མི་རུང་བ་དང་ཕོག་ཐུགས་འགྲམ་འཁྲུགས་ཐམས་ཅད་ཤཱནྟིཾ་ཀུ་རུ་ཡེ་སྭ་ཧཱ། ཕྱི་ནས་དབུ་བྱས་སྔགས་མཇུག་ནང་དུ་ཕུད། དབུས་སུ་རྡོ་རྗེ་རྒྱ་གྲམ་བྲིས་པའི་སྟེང་དུ་མར་སྦུབ། འོག་མ་ཁ་ཡར་ལྟ་བ་ཐམས་ཅད་ཕྱི་ནས་མགོ་བཟུང་། སྔགས་མགོ་ནང་དུ་བསྟན་ནོ། ཕྱིར་ཁ་སྦུབ་རྒྱུ་ངོ་ཡ་དེ་ཕྱི་ནས་མགོ་བཟུང་ལ་སྔགས་མགོ་ཕྱི་ལ་སྟོན། །གཉིས་ཀ་འདྲ་བར་སྔགས་མཇུག་ནང་དུ་ཕུད་ལ། སྡེབ་བུ་དང་པོ་ལ་ཕྱི་ནང་གཉིས་ཀ་ལ་བསྙེན་སྔགས་ཁོ་ན་བྲི། དེ་ལ་ལྡེབ་མ་དུ་ཐོན། དེ་འོག་ལྡེབ་མ་དུ་ཐོན་ལ་སྒྲུབ་སྔགས་རྣམས་བྲི། རྗེས་མ་དུ་ཐོན་ལ་ལས་སྦྱོར་སྔགས་རྣམས་བྲི། དམར་པོའི་སྔགས་ཀྱང་དེ་དང་འདྲ། དཀར་དམར་གཉིས་ཀ་སྦྲགས་ན་དམར་པོ་འོག་ཏུ་བཞག །སྔགས་ཐམས་ཡོ་ཅད་གཟབ་ཡིག་བ་ཚིག་མ་གཏོགས་པའི་ཚེག་མེད་བྲི། འདོད་གསོལ་ལ་སྒྲུབ་པ་པོས་དབང་དུ་བསྡུས་ཟེར་བ་བྲི། བདག་གི་ཟེར་བ་དང་རང་གི་མིང་མི་བྲི། གཞན་མི་སྤྱི་འཚམས་རྒྱལ་པོ་དང་བློན་པོ་སོགས་མ་གཏོགས་མིའི་མིང་མི་བྲི། ཡེ་དྷརྨས་རབ་གནས་བྱ། སྔགས་སོ་སོ་ལ་ལྷ་སོ་སོ་བསྟིམ། གཞི་བདག་ལ་དཀར་གཏོར་འབུལ་ཀོ་ལོང་མ་
བྱེད་གྲོགས་གྱིས་ཞེས་བརྗོད་ནས། རང་གནས་ཁང་སྟེང་དུ་རླུང་འཁོར་གཡས་བསྐོར་བྱས་ལ། མིས་མི་ཚོར་བ་མངོན་མཚན་ཆུང་བ་རླུང་འོང་ས་ཞིག་ཏུ་བཙུགས། དེས་སྔགས་འདོན་མི་གཅིག་རྒྱུན་དུ་བཞག་པ་དང་ནུས་པ་མཉམ་མོ། །སྟབས་བདེ་ན་ཆུ་འཁོར་ཡང་འཁོར་ཤུགས་ཆེ་བས་ལེགས། གཤའ་ཡིས་མི་ཁྱེར་བ་གལ་ཆེ། མན་ངག་འདི་ཟབ་དྲགས་པ་དང་། སྔགས་གཅུད་ལུགས་འདི་གཞན་དང་ཅུང་མི་འདྲ། མན་ངག་བླ་མ་བརྒྱུད་པའི་སྙན་བརྒྱུད་ཙིཏྟ་དམར་པོ་ལག་ཏུ་བཞག་པ་ཡིན་པས་མ་སྤེལ་ཅིག །ད་ལམ་དཔེ་འདི་དག་མཎྜལ་བྱུང་བའི་གདབ་ལེན་ནོ། །ཕྱི་གྲོ་གས་ལེགས་པར་བཏུམ་ལ་རྩིད་སྐུད་ཀྱིས་ཚེམ་མོ། །བལ་རུལ་འོང་། གྲོ་ག་ཆུ་སོ་ཡང་མི་བྱི། ཤོག་བུ་ཡིན་ན་ཆུས་རུལ་བས་ཆུ་མི་འགྲོ་བའི་ཐོག་ཕུབ་པར་བྱའོ། །ཞེས་ཤིང་སྦྲུལ་བདུད་རྩི་འཁྱིལ་བའི་ལོ་ས་ག་ཟླ་བའི་དམར་པོའི་ཚེས་བརྒྱད་ལ་རཱ་ག་ཨ་སྱས་གསུངས་ཟབ། །ཨྠ྄ྀི།

རྨོངས་པ་རྣམས་ཀྱིས་ཉམས་ལེན་བདེ་བའི་ཕྱིར། །༼ཚ༽ །ཙཀྲ་ལྔ་ཡི་དཔེའུ་རིས་གསལ་བ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། སྨུག་འཛིན་དཀར་པོ་ལྷ་ལྔའི་སྲོག་འཁོར་གྱི་དཔེའུ་རིས་གསལ་བར་བཞུགས་སོ། །རླུང་འཁོར་དཔེའུ་རིས། གཏོར་མའི་དཔེའུ་རིས་ཡོད། །

[Full Size]

འཛིན་དཀར་སྐུ་འཁོར་དཔེ་རིས། རྡོ་རྗེ་མཁའ་འགྲོ་མཐིང་ནག

[Full Size]

རིན་ཆེན་མཁའ་འགྲོ་སེར་བོ། པདྨ་མཁར་འགྲོ་དམར་པོ། ལས་ཀྱི་མཁའ་འགྲོ་ལྗང་གུ།

[Full Size]

གཏོར་མའི་རི་མོ་ཡོད།

[Full Size]

རི་མོ་ཡོད།

[Full Size]

རི་མོ་ཡོད།

[Full Size]

ཨོཾ༔ རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས༔ གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་བྱུང་བའི་སྨུག་འཛིན་དམར་པོའི་མངོན་རྟོགས་ལས་བྱང་དང་བཅས་པ་བཞུགས་སོ༔ ཨོྃ༔ ཤམཧ༔ མགོན་པོ་ནམ་མཁའི་མཛོད་ལ་འདུད༔ ཛམ་ལྷ་དམར་པོའི་བསྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ དམིགས་པ་ཛོ་དམར་ཞལ་གསུམ་པ༔ གཡས་ཞལ་དེ་ནི་དཀར་པོ་ལ༔ གཡོན་ཞལ་དེ་ནི་ནག་པོའོ༔ ཕྱག་དྲུག་དང་པོ་གཉིས་ཀྱིས་ནི༔ བྷནྡྷ་དང་ནེའུ་ལེ༔ དེ་འོག་གི་ནི་ཕྱག་གཉིས་ན་ལྕགས་ཀྱུ་དང་ནི་ཞགས་པ་འཛིན༔ དེ་འོག་གཉིས་ན་ནོར་བུ་དང་༔ ནེའུ་ལེ་ནི་འཛིན་པའོ༔ ཞབས་བཞི་དེ་ནི་བསྒྲད་པའོ༔ དེ་ཡི་ངང་ལ་སྔགས་འདི་བཟླས༔ ཨོ་ཛཾ་བྷ་ལ་ཛ་ལེནྡྲ་ཡེ་མེ་དྷི་སརྦ་སིདྡྷི་ཧཱུྃ༔ དེ་ཡིས་ཛཾ་ལྷ་དམར་པོ་འགྲུབ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔ ཤམས༔ དེ་ཡི་ཞལ་གདམས་ལ༔ སྐད་ཅིག་དྲན་རྫོགས་ཡིན་པས་སྤྱན་འདྲེན་མེད༔ ཕྱག་གི་ཐོད་པའི་ནང་ན་རིན་པོ་ཆེ༔ ཐུགས་ཀར་ཟླ་བའི་གདན་ལ་ཛོ་ལ་སྔགས་ཀྱིས་བསྐོར༔ ནེའུ་ལེ་གཉིས་ནས་ནོར་བུ་སྐྱུག་པར་བསྒོམ༔ གདན་ཉི་རྐྱང་པའོ༔ ས་མ་ཡ༔ རྒྱ་རྒྱ་རྒྱ༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགོང་ལོ་བཅུ་གཉིས་པ་གདོང་ངན་གྱི་ལོ་སྨིན་དྲུག་ཟླ་

[Full Size]

བའི་ཚེས་དྲུག་གི་ཐོ་རངས་ཛཾ་ལྷ་དམར་པོ་མངོན་རྟོགས་དང་མཚུངས་པ་གཅིག་ཞལ་གཟིགས་ཏེ་གསུངས་སོ༔ ཨོཾ༔ དེ་ནས་དེ་ཡི་ལས་བྱང་ནི༔ གཏོར་མ་ཨ་ཀཱ་རོའི་བྱིན་གྱིས་བརླབས་ནས༔ ཧཱུྃ༔ བྱང་ཕྱོགས་གཏེར་གྱི་གཞལ་ཡས་ནས༔ ནོར་གྱི་དབང་ཕྱུག་ཛཾ་བྷ་ལ༔ ཐུགས་རྗེས་གནས་འདིར་གཤེགས་སུ་གསོལ༔ ཇི་སྲིད་བར་དུ་བརྟན་པར་བཞུགས༔ བཛྲ་ས་མ་ཡ་ཛ། ས་མ་ཡ་ཏིཥྛ་ལྷན༔ སྟོང་གསུམ་འདིའམ་གཞན་དག་གིས༔ དཔལ་འབྱོར་བློ་ཡིས་བླངས་ཏེ་འབུལ༔ ཡིད་སྤྲུལ་རྟགས་བརྒྱད་རིན་ཆེན་བདུན༔ དངོས་འབྱོར་མཆོད་གཏོར་འདི་འབུལ་བཞེས༔ ཨོཾ་ཛཾ་བྷ་ལ་ཛ་ལེནྡྲ་ཡེ་དྷ་ན་མེ་དྷི་སརྦ་སིདྡྷི་ཧཱུྃ༔ ཨི་དཾ་བྷ་ལིཾ་ཏ་ཁཱ་ཧི༔ ཨགྷཾ་སོགས། ཧཱུྃ༔ བདེ་གཤེགས་སྦྱིན་པའི་ཕ་རོལ་ཕྱིན༔ གཟུགས་ཀྱི་སྐུ་སྤྲུལ་ཛཾ་བྷ་ལ༔ དྲན་པ་ཙམ་གྱིས་དབུལ་ཕོངས་སེལ༔ ཛཾ་ལྷ་དམར་པོར་ཕྱག་འཚལ་བསྟོད༔ ཐོག་མེད་སེར་སྣའི་ལས་བསགས་རྣམས༔ མཐོལ་བཤགས་བྱང་ཞིང་དག་གྱུར་ཅིག༔ དབུལ་ཕོངས་ཐམས་ཅད་བྱང་བ་དང་༔ དཔལ་འབྱོར་ནོར་དབྱིག་འཕེལ་ཞིང་རྒྱས༔ འདོད་དགུ་སྣང་སྲིད་དབང་དུ་བསྡུས༔ སྙིགས་དུས་མུ་གེའི་བསྐལ་པ་ཟློག༔
ཐུགས་དམ་དུས་བབ་ས་མ་ཡ༔ རྣལ་འབྱོར་བཅོལ་བའི་ཕྲིན་ལས་མཛོད༔ ཅེས་པའང་གནས་ཆོས་སོ༔ བཀྲ་ཤིས། མངྒ་ལཾ།།

གནམ་ཆོས་སྐོར་ལས་དངོས་གྲུབ་འབྱུང་འདོད་ན། ༼ཛ༽ །སྤྲོས་མེད་ཛམ་དམར་ཟིན་བྲིས་གུད་དུ་སྦས། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། གནམ་ཆོས་སྐོར་ནས་བྱུང་བའི་སྨུག་འཛིན་དམར་པོའི་ཟིན་བྲིས་བཞུགས་སོ། ༈ །ན་མོ་ཨཱརྱ་ཛཾ་བྷ་ལ་ཡེ། གནམ་ཆོས་ཐུགས་ཀྱི་གཏེར་ཁ་ལས། ཛཾ་ལྷ་རིགས་དགུའི་སྒྲུབ་པ་གསུངས། །རྒྱུད་སྡེ་གསང་སྔགས་བླ་མེད་སྡེ། །རཏྣ་རྩལ་ཆེན་འདུས་རྒྱུད་ལས། །ནོར་ལྷ་སྤྱི་ཡི་རྒྱུད་ཆེན་པོ། །ལེའུ་བརྒྱ་དང་རྩ་བརྒྱད་གསུངས། །དེ་ཡི་དོན་དང་དགོངས་པ་ལགས། །པད་འབྱུང་ཛམ་ལྷ་སོ་སོ་ཡི། །སྐུ་རུ་བཞེངས་ནས་དངོས་སུ་གསུངས། །བརྒྱུད་པ་ཉེ་ཞིང་འགྲུབ་རྟགས་མྱུར། །རིགས་དགུའི་ནང་ནས་དམར་པོ་འདི། །དཀྱིལ་འཁོར་འཁོར་ལོ་གཏོར་མ་སོགས། །སྒྲུབ་རྫས་མི་དགོས་སྟབས་བདེ་བ། །ཤིན་ཏུ་སྤྲོས་མེད་ཨ་ཏིའི་ལུགས། །དྲན་པ་ཙམ་གྱིས་རྫོགས་པ་ཉིད། །ལྟ་བ་གྱད་ཀྱི་ལྷ་ཞེས་བྱ། །རང་ལུས་ཡེ་ནས་དམ་ཚི་ལྷ། །རང་སེམས་ཡེ་ནས་ཡེ་ཤེས་ལྷ། །ཡིན་ལ་ཡིན་བཞིན་གསལ་བཏབ་ནས། །གདོད་ནས་

[Full Size]

དམ་ཡེ་དབྱེར་མི་ཕྱེད། །ཡེ་ཤེས་སྤྱན་འདྲེན་མི་དགོས་ཏེ། །ཆུ་ཟླ་མེ་ལོང་གཟུགས་བཞིན་དུ། །གར་དམིགས་དེ་རུ་ཡེ་ཤེས་པའི། །ལྷ་ནི་དེ་རུ་སྣང་བ་སྟེ། །ནམ་མཁས་གར་ཁྱབ་སྣང་སྲིད་ཀུན། །རྒྱལ་བའི་སྐུ་གསུང་ཐུགས་ཀྱིས་ཁྱབ། །རྣམ་པར་རྟོག་པ་མི་མངའ་ཕྱིར། །གཤེགས་དང་བཞུགས་པའི་མཚན་མ་མེད། །དེ་འདྲ་ཨ་ཏི་རྫོགས་ཆེན་ལུགས། །གསར་མའི་བླ་མེད་རྒྱུད་དང་མཐུན། །བདག་མདུན་སྐད་ཅིག་དྲན་རྫོགས་ལ། །མངོན་རྟོགས་གཅིག་གིས་དུས་གཅིག་བསྐྱེད། །སོ་སོའི་ཐུགས་ཀར་ཟླ་བའི་སྟེང་། །བྱི་རུ་ལྟ་བུ་ཛཾ་ཡིག་དམར། །སྔགས་ཕྲེང་གཡས་སུ་འཁོར་བ་ལས། །འོད་ཟེར་དམར་པོ་ཕྱོགས་བཅུར་འཕྲོས། །རྒྱལ་བ་ཀུན་གྱི་དངོས་གྲུབ་བསྡུས། །ཐམས་ཅད་འོད་ཞུ་བདག་ལ་ཐིམ། །འོད་ཀྱིས་རེ་ག་པས་ཐམས་ཅད་མཉེས། །ཟག་མེད་བདེ་བས་སྐུ་ལུས་ཚིམ། །འོད་ཟེར་འགྲོ་དྲུག་ཀུན་ལ་ཕོག །སྡིག་སྒྲིབ་།དག་ནས་ཛ་དམར་གྱུར། །ཀུན་ཀྱང་བུང་བ་ཚང་ཞིག་ལྟར། །འུར་འུར་དིར་དིར་སྔགས་སྒྲ་སྒྲོག །དེ་ནི་བདག་བསྐྱེད་དམིགས་པའོ། །རང་གི་ཐུགས་ལས་སྔགས་ཕྲེང་

[Full Size]

འཕྲོས། །ཞལ་ནས་ཐོན་ནས་མདུན་བསྐྱེད་ཀྱི། །ཞལ་ཞུགས་ཐུགས་རྒྱུད་རབ་ཏུ་བསྐུལ། །སྔགས་ཕྲེང་ལྟེ་བ་ནས་ཚུར་བྱོན། །རང་གི་ཐུགས་ཀར་ཐིམ་པ་དེས། །ཕར་མཆོད་ཚུར་ལ་དངོས་གྲུབ་བསྡུ། །མགལ་མེའི་འཁོར་ལོ་འཁོར་བ་བཞིན། །དམར་དང་ཀྱིལ་ཀྱིལ་འཁོར་བར་བསྒོམ། །ཕྱག་གཡོས་བྷནྡྷའི་ནོར་བུ་ལས། །འོད་འཕྲོས་ཟས་ཀྱི་དངོས་གྲུབ་རྣམས། །འོད་ཀྱིས་བསྡུས་ནས་རང་ལ་ཐིམ། །ཟས་བཅུད་ཐོད་པའི་ནང་ཐིམ་པས། །ལོངས་སྤྱོད་ཆར་ལྟར་འབེབས་པར་དམིགས། །བར་མའི་ལྕགས་ཀྱུ་ཞགས་པ་ལས། །འོད་ཟེར་དམར་པོ་ལྕགས་ཀྱུ་དང་། །ཞགས་པའི་དབྱིབས་ཅན་ཕྱོགས་བཅུར་འཕྲོས། །གང་འདོད་ཐམས་ཅད་བཀུག་ཅིང་བསྡུས། །གཡས་འོག་ནོར་བུ་རིན་ཆེན་ལས། །འབྲུ་ཡི་ཆར་པ་འབེབས་པ་དང་། །གཡོན་གྱི་ནེའུ་ལེ་གཉིས་འཛིན། །རིན་ཆེན་རྣམ་པ་སྣ་ཚོགས་དང་། །གང་འདོད་དངོས་གྲུབ་སྐྱག་པ་ཡིས། །རང་གནས་ཁྲ་ཆེམ་གང་བར་དམིགས། །མཐར་ནི་མདུན་བསྐྱེད་བདག་ལ་ཐིམ། །བདག་ཀྱང་མི་དམིགས་སྟོང་པའི་ངང་། །གཏོར་བསྔོས་ལ་སོགས་བྱ་བ་ནི། །གནམ་ཆོས་ཛམ་ལྷ་སྤྱི་ཡི་

[Full Size]

ནི། །ལས་བྱང་འདི་ཉིད་འདོན་པ་སྟེ། །སྒེའི་མལ་དུ་ཛི་དམར་འཛུད། །བསྐྱེད་ཆོག་བྱ་བར་མ་གསུངས་ཏེ། །སྤྱན་འདྲེན་བརྗོད་པས་རང་བཞིན་གྱིས། །གནས་དང་ལྕང་ལོ་ཅན་སོགས་དང་། །བདེ་བ་ཅན་སོགས་ཞིང་ཁམས་ནས། །ཛམ་དམར་བྱོན་ནས་མདུན་བཞུགས་པར། །གཞུང་ཚིག་ལྟར་དུ་དངོས་འབྱོར་དང་། །ཡིད་སྤྲུལ་བཀྲ་ཤིས་རྒྱལ་སྲིད་དང་། །འགྲོ་བའི་དཔལ་འབྱོར་བློས་བླང་འབུལ། །བསྟོད་པ་བརྗོད་ནས་རང་ཉིད་ལ། །སྐུ་གསུང་ཐུགས་བཅས་ཐིམ་པར་བསྒོམ། །ཆུ་སྦྱིན་ཀྱང་ཟངས་གཞོང་དུ། །སྐད་ཅིག་བསྐྱེད་དེ་སྔགས་ཀྱིས་འབུལ། །བསྟོད་པ་ལས་བྱང་ཤོ་ལོས་བསྟོད། །རྟགས་ནི་ནོར་ལྷ་སྤྱི་དང་འདྲ། །བརྩོན་འགྲུས་རྒྱ་མཚོས་བསྐུལ་བྱས་ནས། །རཱ་ག་ཨ་སྱས་ཟིན་བྲིས་བྱས། །ཐེམ་མེད་ཡིན་ཡང་གཅིག་བརྒྱུད་ནང་འདིར་བྲིས། །བསྟན་འཛིན་དབུལ་སེལ་ནོར་བུ་རིན་པོ་ཆེ་ཡིས་ཟས་གོས་ནོར་གསུམ་སྙན་གྲགས་དཔལ་འབྱོར་ལོངས་སྤྱོད་མངའ་ཐང་སིདྡྷི་ཕ་ལ་ཧོ༔ ཨྠ྄ྀི། འདི་འདྲའི་མན་ངག་འཇིག་རྟེན་གསུམ་ན་དཀོན། སྣོད་མིན་དམ་ཚིག་མེད་ལ་གབ་པ་ཅེས། མངྒ་ལཾ།།

ཡིད་ཆེས་དང་བ་བསྐྱེད་པར་བྱ་བའི་ཕྱིར། ༼ཝ༽ །སྒྲོལ་མ་དམར་མོའི་ལོ་རྒྱུས་ཕན་ཡོན་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། དཔལ་རྡོ་རྗེ་ཕྲེང་བའི་དཀྱིལ་འཁོར་དང་སྒྲུབ་ཐབས་རྒྱ་མཚོ་དང་བརྒྱ་རྩ་གཅིག་ཤེས་ཀུན་གྲོལ་སོགས་ནས་བྱུང་བའི་སྒྲོལ་མ་དམར་མོ་རིག་བྱེད་མའི་ལོ་རྒྱུས་ཕན་ཡོན་དང་བཅས་པ་བཞུགས་སོ། ༈ །འོ་ད་ལམ་ཁྱེད་རྣམས་ལ་འཕགས་མ་རིག་བྱེད་མ་ཡི་དབང་བསྐུར་བ་ལ། ལོ་རྒྱུས་ཟུར་ཙམ་མ་བཤད་ན། ་ངེས་ཤེས་མི་སྐྱེ་བས་བྱིན་རླབས་འཇུག་དཀའ། དེ་ལ་ལྷ་མོ་འདི་ཡི་ངོ་བོ་ནི་སྒྲོལ་མའི་རིགས་ཡིན་ཏེ། འཇམ་དཔལ་རྩ་རྒྱུད་ལས། རིག་པའི་རྒྱལ་མོ་རྫུ་འཕྲུལ་ཅན། །དེ་ནི་སྒྲོལ་མ་ཞེས་ཀྱང་བསྟན། །བུད་མེད་གཟུགས་འཆང་ལྷ་མོ་ནི། །འགྲོ་བ་ཀུན་དུ་རྣམ་པར་རྒྱུ། །སྙིང་རྗེའི་བརླན་པའི་སེམས་ཀྱིས་ནི། །སེམས་ཅན་རྣམས་ལ་ཕན་དོན་དུ། །མི་མཇེད་འཇིག་རྟེན་ཁམས་གསུམ་གནས། །བུད་མེད་མིང་གིས་འཇུག་པར་བྱེད། །ས་བཅུ་ལ་ནི་རབ་གནས་ཐོབ། །བྱང་ཆུབ་སེམས་དཔའ་རྫུ་འཕྲུལ་ཆེ། །སེམས་ཅན་རྣམས་ནི་འདུལ་བྱེད་པ། །ལྷ་མོ་སྒྲོལ་མ་ཞེས་སུ་བསྟན། །འདི་ནི་འབད་མེད་འགྲུབ་པ་སྟེ། །སྲུང་དང་སྐྱོབ་དང་སྦ་བར་བྱེད། །ལོངས་སྤྱོད་དབང་ཕྱུག་འཕེལ་བར་བྱེད། །འདིས་ནི་ལྷ་མོ་སྒྲུབ་པར་བྱེད། །

[Full Size]

བྱང་ཆུབ་མཆོག་གི་ཆེད་དུ་ནི། །སྐྱེས་པ་ཉིད་ནས་རྩོམ་པར་བྱེད། །སྙིང་རྗེས་བརླན་པའི་ལུས་ཅན་ལ། །དེ་ཚེ་ལྷ་མོ་རྗེས་འབྲང་བ། །སྔགས་ཀྱི་གཟུགས་ཀྱིས་སེམས་ཅན་ལ། །བྱང་ཆུབ་ཚོགས་ཀྱི་བྱ་ཕྱིར་དུ། །རེ་བ་ཐམས་ཅད་དགའ་རྒྱས་ཕྱིར། །ཤར་གྱི་ཕྱོགས་སུ་གནས་པ་ཡིས། །བདག་ཉིད་རྣམ་པ་སྟོང་དང་ནི། །རྣམ་པ་མང་པོ་བྱས་ནས་ཀྱང་། །རྒྱ་མཚོ་བཞི་པ་མཐར་ཐུག་བར། །ས་རྣམས་ཀུན་ཏུ་རྣམ་པར་རྒྱུ། །ཞེས་གསུངས་པ་ལྟར་སྒྲོལ་མའི་སྤྲུལ་པ་འཇིག་རྟེན་ཁྱབ་པར་བཤད་པའི་ནང་ནས། འདི་ནི་རྒྱ་གར་ལྷོ་ཕྱོགས་ཀུ་རུ་ཀུལླེའི་རི་ཕུག་ན་བཞུགས་པའི་སྒྲོལ་མ་དེ་ཡིན་ཏེ། སྒྲོལ་མའི་མཚན་བརྒྱ་རྩ་བརྒྱད་ཀྱི་བསྟོད་པ་ནས་ཀྱང་རིག་བྱེད་མ་འདི་གསུངས་ལ། སྒྲོལ་མ་ཉེར་བ་གཅིག་གི་ནང་ནས་དབང་བྱེད་སྒྲོལ་མ་དམར་མོ་ཡིན་ལ། སྒྲོལ་མ་ལས་སྣ་ཚོགས་འབྱུང་བའི་རྒྱུད་ལས་ཀྱང་སྒྲོལ་མ་ཐམས་ཅད་ཀྱི་རྩ་བར་བཤད་པའི་ཕྱིར། །མི་ཏྲ་བརྒྱ་རྩ་ལས། གཙོ་མོ་ཀུ་རུ་ཀུལླེ་མའི་འཁོར་སྒྲོལ་མ་ཉེར་གཅིག་གིས་བསྐོར་བའི་དཀྱིལ་འཁོར་ཡང་གསུང་ཞིང་། རྗེ་ཆོས་ཀྱི་དབང་ཕྱུག་གིས་ཀུ་རུ་ཀུལླེའི་དཀྱིལ་འཁོར་ནས་རྒྱུད་སྡེ་

[Full Size]

བཞི་ཀའི་དབང་དུས་གཅིག་ལ་བསྐུར་བའི་ཆོ་ག་ཡང་མཛད་དོ། །དེ་ལྟ་བུའི་ལྷ་མོ་འདི་ཡི་རྒྱུད་ཇི་ལྟར་བྱུང་བ་ནི། སྔོན་གྱི་སངས་རྒྱས་ཐམས་ཅད་ཀྱིས་ཀྱང་གསུང་སྟེ། བསྐལ་པ་མང་པོའི་སྔོན་དུ། སྒྲོལ་མ་འབྱུང་བ་རྣལ་འབྱོར་རྒྱ་མཚོ་ཞེས་བྱ་བའི་རྒྱུད་ཤིན་ཏུ་རྒྱས་པ་ཞིག་བྱུང་། དེ་ནུབ་ནས་སྒྲོལ་མ་འབྱུང་བའི་ཏིང་ངེ་འཛིན་ཞེས་བྱ་བའི་རྒྱུད་ཆེན་པོ་གཅིག་བྱུང་ངོ་། །དེ་ཡང་ནུབ་པར་གྱུར་པ་དང་། བསྟན་པ་འདི་ལ་པོ་ཊ་ལ་ཡི་གནས་ན། འཕགས་པ་སྤྱན་རས་གཟིགས་ལ་འཁོར་འཇམ་དཔལ་ལ་སོགས་པ་བྱང་ཆུབ་སེམས་དཔའ་དང་་། ལྷ་དང་ཀླུ་ཡི་རིག་འཛིན་རྣམས་ཀྱིས་བསྐོར་ནས་བཞུགས་པའི་ཚེ། འཁོར་རྣམས་ཀྱིས་ཞུས་པའི་ངོར་ཀུ་རུ་ཀུ་ལླེའི་རྟོགས་པ་འདི་གསུངས་ཏེ། བསྟོད་དབྱངས་དང་མཆོད་པའི་ཁྱད་པར་དུ་མས་མཆོད་ཅིང་བསྟོད་པར་གྱུར་ཏོ། །འདི་ལ་སྡེབ་ཆེན་བཅུ་དྲུག་ཙམ་བཞུགས་པ་ཀྲིཥྛཔཎྜི་ཏ་དང་། ལོཙྪ་བ་ཚུལ་ཁྲིམས་རྒྱལ་བས་བསྒྱུར་བ་ཡིན་ཡང་བྱ་རྒྱུད་དུ་བཤད་དོ། །བླ་ན་མེད་པ་དཔལ་རྒྱུད་ཀྱི་རྒྱལ་པོ་སམ་བུ་ཏྲི་ལས། ཨོཾ་ཀུ་རུ་ཀུལླེ་ཧིསཱ་ཧཱ། ལས་ཐམས་ཅད་པའི་སྔགས་ཞེས་བྱ་སྟེ། དགྲ་དང་རྒྱལ་པོས་བཅིངས་བ་དང་།

[Full Size]

འཇིགས་པའི་དུག་གིས་འཚེ་བ་དང་། །རིམས་ནད་རྣམ་པ་སྣ་ཚོགས་དང་། །དུས་མིན་འཆི་དང་དུག་ལ་སོགས། །འཇིགས་པའི་གནས་ནི་གང་དང་གང་། །དེ་དང་དེ་ཡིས་སྦྱར་བར་བྱ། །ཤེས་རབ་དམན་ལ་བསྲུང་བ་ནི། །བྲིས་ཏེ་འཆང་བ་ཡིད་གཞུངས་འགྱུར། །འདི་ནི་འཇིགས་པ་ཐམས་ཅད་ལས། །བསྲུང་བ་དམ་པ་ཞེས་བྱར་བརྗོད། །འདི་ནི་སྲུང་བ་ཐམས་ཅད་ཀྱི། །རྣལ་འབྱོར་དེ་ཉིད་བླ་ན་མེད། །འོད་ཟེར་རབ་ཏུ་འབར་བ་ཡིས། །ཉི་མའི་དཀྱིལ་འཁོར་བསམ་པར་བྱ། །དེ་ཡི་དབུས་སུ་ཡི་གེ་ཧཱི། །འོད་ཟེར་དམར་པོ་འབར་བར་བསྒོམ། །དེ་ལས་བདག་ཉིད་བསྒོམ་བྱ་བ། །ཞལ་གཅིག་ཕྱག་ནི་བཞི་པ་སྟེ། ཕྱག་ན་གཞུ་དང་མདའ་དང་ནི། །ཨུཏྤལ་དང་ནི་ལྕགས་ཀྱུ་བསྣམས། །འདི་ནི་བསྒོམ་པ་ཙམ་གྱིས་ཀྱང་། །འཇིག་རྟེན་གསུམ་པོ་དབང་དུ་བྱེད། །འབུམ་ཕྲག་གཅིག་གིས་རྒྱལ་པོ་སྟེ། །སྐྱེ་དགུ་ཁྲི་ཕྲག་གཅིག་གིས་སོ། །བྱེ་བས་གནོད་སྦྱིན་ཕྱུགས་བདག་སྟེ། །འབུམ་ཕྲག་བདུན་གྱིས་ལྷ་མ་ཡིན། །ལྷ་རྣམས་འབུམ་ཕྲག་གཉིས་ཀྱིས་ཏེ། །སྔགས་པ་བརྒྱ་ཕྲག་གཅིག་གིས་སོ། །ཞེས་དང་། དཔལ་ཀྱེ་

[Full Size]

རྡོ་རྗེ་བརྟག་པ་གཉིས་པའི་རྒྱུད་ཀྱི་རྒྱལ་པོ་ལས། ཀུ་རུ་ཀུལླེའི་སྒྲུབ་ཐབས་བཤད་པར་བྱ་སྟེ། གང་དུ་བརྟག་པ་བཅུ་གཉིས་ལས། །རྒྱས་པར་གསུངས་པ་མདོ་རུ་བསྡུས། །ལས་བྱུང་བའི་ལྷ་མོ་ནི། །ཁ་དོག་དམར་ཞིང་ཕྱག་བཞི་མ། །མདའ་དང་གཞུ་ཡི་ལག་པ་ལ། །ཨུཏྤལ་ལ་དང་ལྕགས་ཀྱུ་འཛིན། །འདི་ནི་བསྒོམ་པ་ཙམ་གྱིས་ཀྱང་། འཇིག་རྟེན་གསུམ་པོ་དབང་དུ་བྱེད། །འབུམ་ཕྲག་གཅིག་གིས་རྒྱལ་པོ་རྣམས། །ཁྲིས་ནི་འཇིག་རྟེན་ཕལ་པ་ཉིད། །བྱེ་བ་ཡིས་ནི་གནོད་སྦྱིན་སོགས། །འབུམ་ཕྲག་བདུན་གྱིས་ལྷ་མ་ཡིན། །འབུམ་ཕྲག་གཉིས་ཀྱིས་ལྷ་རྣམས་ཉིད། །བརྒྱ་ཕྲག་གཅིག་གིས་སྔགས་པ་ཉིད། །ཅེས་གསུངས་སོ། །རྒྱུད་ལས་གསུངས་པའི་ལྷ་མོ་དེ་ཡི་མན་ངག་བཀའ་བབ་ཚུལ་ལས། སྲས་སྒྲ་གཅན་འཛིན་རྒྱལ་པོའི་ཁབ་ཏུ་བསོད་སྙོམས་བྱས་ནས་འོད་མའི་ཚལ་དུ་བཞུགས་ཏེ། རྫིང་བུ་རིང་པོར་ལྷུང་བཟེད་བཀྲུ་བ་ན། གྲགས་འཛིན་མ་ཡི་བུ་ཡི་དགེ་སློང་དཀར་པོ་ཟེར་བ་དེ་ཡིན་བསམས་ནས། སྒྲ་གཅན་འཛིན་རྫིང་བུ་རིང་པོའི་ནང་དུ་འཕང་ངོ་། །དེར་ཀུ་རུ་ཀུལླེའི་སྔགས་བཟླས་པ་ཙམ་གྱིས་ཉེས་སྐྱོན་མེད་པར་བདེ་

[Full Size]

བར་ཐར་ནས་བཅོམ་ལྡན་འདས་ཀྱི་དྲུང་དུ་སོང་སྟེ། བཅོམ་ལྡན་འདས་སྔགས་དེའི་ནུས་པ་བདག་གིས་མཐོང་གི་སྲོག་ཆགས་གཞན་སྲུང་བའི་ཕྱིར་བསྟན་དུ་གསོལ་ཞེས་ཞུས་པས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་བསྐུར་ནས། སྔགས་འདི་དང་རྟོགས་པ་འདི་བྱང་ཆུབ་སེམས་དཔའི་ཉན་ཐོས་རྣམས་ཀྱིས་ཐོས་པར་མཛད་དོ། །དེ་ནས་བཅོམ་ལྡན་འདས་ཀྱིས་བསྟན་པ་བསྲུང་བའི་ཕྱིར་ནག་པོ་ཆེན་པོ་ལ་ཉིད་ཀྱིས་བསོད་སྙོམས་ཀྱིས་གསོས་པའི་སྲིན་མོ་འཕྲོག་མ་ལ་བྱིན་ནོ། །དེར་ནག་པོ་ཆེན་པོས་མོ་ལ་བརྩེ་བར་མི་བྱེད་ནས་མོ་ཡི་མུག་པར་གྱུར་པ་ལས། བཅོམ་ལྡན་འདས་ཀྱིས་ཀུ་རུ་ཀུལླེའི་རྟོགས་པ་འདི་མོ་ལ་གསུངས་པས། དེ་ནས་བཟུང་སྟེ་མོ་སྐལ་པ་བཟང་པོར་གྱུར་ནས། མགོན་པོ་ནག་པོས་མོ་ལ་གཅེས་པར་བྱེད་དོ། །ཡང་ཤིན་ཏུ་དགའ་བར་བྱེད་པ་ཞིག་ལ་བུ་སྣར་མ་བྱ་བ་སྟོབས་ཆེ་ཞིང་གཟུགས་བཟང་ཡང་བློ་རྟུལ་བར་གྱུར་ནས། བཅོམ་ལྡན་འདས་ལ། །ང་ཡི་བུ་འདི་ཤེས་རབ་ཆེ་བར་གྱུར་ན། ཁྱེད་ཀྱི་བསྟན་པ་སྲུང་ལགས་ཞུས་པས། བཅོམ་ལྡན་འདས་ཀྱིས་ཀུ་རུ་ཀུལླེ་འདི་གསུངས་པ་ཙམ་གྱིས། ཤེས་རབ་ཆེན་པོ་དང་ལྡན་ཏེ་

[Full Size]

ལོ་བཅུ་གཉིས་ཀྱིས་བསྟན་བཅོས་ཐམས་ཅད་དང་། བཟོའི་གནས་ཐམས་ཅད་ལ་མཁས་པར་གྱུར་ཏོ། །སེམས་ཅན་དབང་དུ་བྱེ་བར་འདོད་པས་སྔགས་འདི་དང་རྟོགས་པ་འདི་བསྒོམ་པར་བྱའོ། །ཤེས་རབ་ཆེན་པོ་འཕེལ་བར་བྱ་བའི་ཕྱིར་སྔགས་འདི་དང་རྟོགས་པ་འདི་ལ་བསླབ་པར་བྱ་བ་ཡིན་ནོ། །ཞེས་བཅོམ་ལྡན་འདས་ཀྱིས་བཀའ་སྩལ་ཏོ། །དེ་ལས་མན་ངག་རྒྱ་གཞུང་བྱུང་ཚུལ་ནི། སྔོན་རྒྱལ་པོ་ལྷན་ཅིག་སྐྱེས་པའི་རོལ་པ་ཞེས་བྱ་བ་རྒྱལ་རིགས་ཆེ་ཞིང་མཐོ་བ་གཅིག་ཡིན་ཏེ། །འཁོར་གཡོག་དང་བཙུན་མོ་མང་དུ་ཡོད་པ་ལ། བཙུན་མོ་ཆེ་བ་དེ་ལ་རྒྱལ་པོ་མ་འཁོར་བས། གཡོག་མོ་གཅིག་ལ་རྒྱལ་པོ་དེ་དབང་དུ་བྱེད་པའི་རིག་པ་ཚོལ་ལ་ཤོག་ཟེར། །བྲན་མོས་ཚོང་དུས་རྣམས་སུ་བཙལ་ནས། །སྐུད་པ་ཚོང་བའི་ཚོང་དུས་སར་ཕྱིན་པས། བུད་མེད་དམར་སྨུག་ཤིན་ཏུ་མཛེས་མ་གཅིག་དང་འཕྲད་པ་ལ་དྲིས་པས། དེ་འདྲ་ཞིག་ཡོད་ཟེར་ནས་རིལ་བུ་གཅིག་བསྐུར་ནས་གང་དམིགས་པ་དེ་ལ་བྱིན་ཅིག་ཟེར་ནས། །ཁྲན་མོས་བཙུན་མོ་ལ་གཏད་པས། དུག་འདྲ་ཡིན་དོགས་ནས་ཉེ་ལོག་སུ་མཚོ་གཅིག་ཡོད་པ་ལ་བསྐུར་ནས། དེ་ནུབ་ནས་རྒྱལ་པོ་ནས་

[Full Size]

དགའ་མགུར་སྤྱད་ནས་སྲས་ཤིག་འཁྲུངས་རྒྱུ་ཡོད་པར་གྱུར་པ་ལ། རྒྱལ་པོས་ང་དེར་མ་ཕྱིན་པས་ཆད་པ་གཅོད་ཟེར། བཙུན་མོས་ལོ་རྒྱུས་བཤད་པས་རྒྱལ་པོའི་རེ་ཞིག་བརྟགས་པ་བྱ་ཟེར་ནས་བུད་མེད་དེ་ཚོལ་དུ་བཏང་ནས་རྙེད་ནས་ཕོ་བྲང་དུ་སྤྱན་དྲངས་པས། རྒྱལ་པོས་བཅོམ་ལྡན་འདས་མའི་སྤྲུལ་པར་ཤེས་ཏེ། ཕྱག་འཚལ་ཞིང་རྗེས་སུ་བཟུང་བར་ཞུས་སོ། །སྒྲུབ་ཐབས་དང་མན་ངག་ལ་སོགས་གནང་ནས་མཆོག་ཐུན་མོང་གི་དངོས་གྲུབ་ཐོབ་སྟེ། མཁས་ཤིང་གྲུབ་པ་བརྙེས་པའི་སློབ་དཔོན་གྲུབ་ཆེན་ལྷན་ཅིག་སྐྱེས་པའི་རོལ་པ་ཞེས་གྲགས་ཏེ། སྒྲུབ་ཐབས་ཀྱང་མཛད་དོ། །ཡང་ལྷ་མོ་ཉིད་ཀྱིས་སློབ་དཔོན་ཀླུ་སྒྲུབ་ལ་པདྨ་གསུང་གི་ཆོས་སྐོར་ཐམས་ཅད་ཀྱི་དབང་ལུང་གནང་ནས། གསུང་གི་རིག་འཛིན་ནཱ་ག་ཛུ་ན་ཞེས་གྲགས་ཏེ། ལེའུ་བདུན་མ་ནས། དབང་གི་ལྷ་མོ་ནཱ་ག་ཛུ་ན་དང་། །ཞེས་སོགས་གསུངས་སོ། །དེ་ནས་རིམ་པར་བརྒྱུད་པས་ཌ་བྷི་ཧེ་རུ་ཀས་བསྟོད་པའི་རྒྱ་གཞུང་དང་། ཀྱེ་རྡོ་རྗེ་ལས་བྱུང་བའི་ཀུ་རུ་ཀུལླེའི་མན་ངག་ཆེན་པོ་ལྔ་ཞེས་པའི་རྒྱ་གཞུང་སློབ་དཔོན་ཆེན་པོ་ཞི་བ་འཚོས་མཛད་པ་དང་། ཀུ་རུ་ཀུལླེ་རིག་ལྡན་མའི་སྒྲུབ་

[Full Size]

ཐབས་མ་ཏང་གིས་མཛད་པ་དང་། ཀྱེའི་རྡོ་རྗེ་རིམ་པར་བདག་བྱིན་རློབས་པའི་ཀུ་རུ་ཀུལླེའི་སྒྲུབ་ཐབས་ལྷན་སྐྱེས་རོལ་པས་མཛད་པ་དང་། གསང་སྒྲུབ་ཌོམྦྷི་ཧེ་རུ་ཀས་མཛད་པ་དང། གཞན་ཡང་སྒྲུབ་ཐབས་རྒྱ་མཚོ་བརྒྱ་རྩ་སོགས་རྒྱ་གཞུང་མང་དུ་བཞུགས་སོ། །བོད་དུ་དཔལ་ལྡན་ས་སྐྱ་པའི་ཀུ་རུ་ཀུལླེའི་དང་། ཁྲོ་བོ་འདོད་རྒྱལ་དམར་པོ་དང་། །ཚོགས་བདག་དམར་པོ་གསུམ་དམར་པོ་རྣམ་གསུམ་ཞེས་གྲགས་ཏེ། འབུལ་སྡུད་ལན་གསུམ་བྱེད་ནས་ཕྱག་ཏུ་བཏང་བའི་དམ་བཅའ་ཁས་ལེན་མེད་པར་མ་གནང་བ་ཡིན་པར་པར་གདའ། དེ་ལ་རྗེ་དབང་ཕྱུག་རྡོ་རྗེ་ལ་ཨོ་རྒྱན་ཆེན་པོས། དབང་ཕྱུག་རྡོ་རྗེས་མདོ་སྔགས་བསྟན་པ་བཙུགས། །ཞེས་ལུང་བསྟན་པ་དང་མཐུན་པར། སྐུ་ཞབོས་འོག་མིན་གླིང་དང། ཐུབ་བསྟན་ཉིན་བྱེད་གླིང་གཉིས་ཀྱི་ཆོས་སྡེའི་མིང་གཉིས་ཕྱག་བྲིས་མཛད་ནས། རྗེ་ཆོས་ཀྱི་དབང་ཕྱུག་ལ་གདམ་བཅུག་པས་ཉིན་བྱེད་གླིང་གདམས། དེ་ལ་དང་པོ་བཙུགས་དུས་གྲྭ་པ་བཅུ་བཞི་ལས་མེད་པ་ལ། གྲོལ་གདན་བཅུ་བཞི་བཏིང་ནས་གྲལ་བཅུ་བཞི་འོང་བའི་རྟེན་འབྲེལ་གྱིས་མང་ཇ་དང་དུང་བཏང་དེར་དགེ་འདུན་འདུ་བའི་རྟེན་འབྲེལ་

[Full Size]

དུ་ཀུ་རུ་ཀུལླེའི་ཆོ་ག་ཞིག་གསར་དུ་བརྩམས་ནས་བཙུགས་པས་ཇེ་ཆེར་འཕེལ། བྱང་ངམ་རིང་དུ་གྲྭ་སྐོར་ལ་བྱོན་དུས་ལྷ་མོ་འདི་ཞལ་གཟིགས་ནས་བསྟོད་པ་ཡང་མཛད་དེ། ལོ་བཅུ་ལྷག་ཙམ་ནས་དགེ་འདུན་བདུན་བརྒྱ་ལྷག་ཙམ་འདུས་པས། ལྔ་བརྒྱ་ཙམ་བསམ་པ་ཡིན་ཏེ། བདུན་བརྒྱ་ལྷག་ཙམ་བྱུང་། ད་ཆོག་གསུངས་ནས་ཆོ་ག་ཡང་མ། བསྣབས་པས། ཕྱིས་ཀྱང་དེ་ཡི་ཚོགས་འཁོར་དེ་དར་བར་གདའོ། །བདག་གིས་ཀྱང་རང་ལོ་ཉི་ཤུ་བདུན་བརྒྱད་ཙམ་དུས་དབང་ལུང་གི་འགྲོ་དོན་ཅི་ཡང་མེད་སྐབས། བེ་རི་རྒྱལ་པོས་མི་བཟང་རྣམས་ཀྱིས་བླ་མ་རྣམས་ལ་སྡང་དྲགས་པས། དེ་ཡི་འཇིགས་པ་ཞི་བའི་ཕྱིར་ལྷ་མོ་འདི་ཡི་སྙིང་པོ་ཟླ་བ་གཅིག་ལ་འབུམ་ཕྲག་བརྒྱད་བཟླས་པས། རྨི་ལམ་དུ་གོས་ཆེན་དམར་པོ་བཟང་པོའི་ལྡིང་བ་གཅིག་བཏིང་བའི་སྟེང་དུ་བསྡད་པ་རྨིས་ཏེ། མི་བཟང་རྣམས་ཀྱང་བྱམས་པར་བྱུང་། དེ་ཕྱིན་རང་གི་དབང་ལུང་ཕྲན་བུ་གང་ཡོད་རྣམས་མཆོག་དམན་བར་མ་རྣམས་ལ་ཆེར་འཕེལ་བའི་རྟེན་འབྲེལ་བྱུང་བས་ཟབ་པར་ངེས་ཤེས་ཐོབ་པའོ། །རྗེས་ནས་ཞག་བདུན་ཕྲག་གཅིག་བསྙེན་པའི་ཁ་གསོས་དུས་དངོས་སམ་ཉམས་སྣང་མི་

[Full Size]

འབྱེད་པ་གཅིག་ལ་འོད་དམར་པོ་སྡེར་མ་ཙམ་ཞིག་མདུན་གྱི་བར་སྣང་ལ་ལིང་ལིང་འཕར་བ་སོགས་ལྟས་བཟང་ཐོན་ཙམ་བྱུང་ངོ་། །དེ་དག་གསང་དགོས་མོད་ཀྱང་། རང་གི་རྗེས་འབྲང་རྣམས་ངེས་ཤེས་བསྐྱེད་ཅིང་ཉམས་ལེན་སྤྲོ་བར་སེམས་སོ། །འདི་ཡི་ཕན་ཡོན་ནི། ཀུ་རུ་ཀུལླེའི་རྟོགས་པ་ལྟར། གསང་སྔགས་ལྡན་པར་བཅོམ་ལྡན་འདས་མ་གང་ཞིག་སྒོམ་བྱེད་པ། །དེ་ནི་སྣ་ཚོགས་གཏེར་དང་གསེར་དངུལ་སྣ་ཆ་དང་། །གོས་ལ་སོགས་པའི་དོན་རྣམས་ཆེད་དུ་གང་བསམ་པ། །སེམས་ཀྱིས་ཐམས་ཅད་མ་ལུས་ཀུན་ལ་ལོངས་ཟློསྤྱོད་བྱེད། །ནགས་ཀྱི་གླང་པོ་རྟ་མཆོག་རིགས་དང་ལྡན་པ་དང་། །དུག་ཅན་གདེངས་ཀ་ཅན་གྱི་སྦྲུལ་མཆོག་དང་། །ཆུ་སྲིན་ཆུ་གླང་སྟག་དང་བསེ་དག་ཀྱང་། །རང་གི་སྔགས་ཀྱི་སྟོབས་ཀྱིས་བཀུག་ནས་ནི། །ཞོན་ཡང་ངོ་མཚར་མེད་པར་བྱས་པའི་མི་དག་གིས། །ལྟ་བར་གལ་ཏེ་གསང་སྔགས་གྲུབ་དེའི་མཐོང་བར་འགྱུར། །བདུད་རྣམས་བཅོམ་ནས་ནོར་གྱི་ཆར་རྒྱུན་འབེབས་པར་བྱེད། །དཔག་བསམ་ཤིང་དུ་གྱུར་ནས་འགྲོ་བ་ཀུན་གྱི་ཅི་འདོད་སྦྱིན་པར་བྱེད། །ནོར་གྱི་དབང་ཕྱུག་མ་ལུས་ཀུན་གྱི་ནོར་རྣམས་ཀུན་བཀུག་

[Full Size]

ནས། །སེམས་ཅན་ཀུན་ལ་ཕན་ཕྱིར་སྦྱིན་པར་བྱེད། །ཅེས་དང་། གསང་སྔགས་འདི་དང་རྟོགས་པ་འདི་ཙན་དན་གྱི་དཀྱིལ་འཁོར་བྱས་ནས་ཀློག་པར་བྱེད་པ་དེའི་ལུས་ལ་དུག་གིས་གནོད་པ་མི་འབྱུང་དུག་གིས་འཆི་བར་མི་འགྱུར། ཤུ་བའི་འཇིགས་པ་མི་འབྱུང་། གཡེམ་པའི་འཇིགས་པ་མི་འབྱུང་། མཛེ་ནད་ཀྱི་འཇིགས་པ་མི་འབྱུང། ནད་ཀྱི་འཇིགས་པ་མི་འབྱུང་། ཀླུ་ཡི་འཇིགས་པ་མི་འབྱུང་། སྦྲུལ་གྱི་འཇིགས་པ་མི་འབྱུང་། སྟག་དང་གཅན་གཟན་གྱི་འཇིགས་པ་མི་འབྱུང་། མཚོན་གྱི་འཇིགས་པ་མི་འབྱུང་། དགྲ་ཡི་འཇིགས་པ་མི་འབྱུང་། དབུལ་བའི་འཇིགས་པ་མི་འབྱུང་། དུས་མ་ཡིན་པའི་འཆི་བའི་འཇིགས་པ་འབྱུང་བར་མི་འགྱུར་རོ། །ཞེས་དང་། །དཔའ་བོ་གཅིག་སྒྲུབ་སོགས། རྒྱུད་གཞན་ནས། ཨོ་ཀུ་རུ་ཀུལླེ་ཧཱུྃསྭཱ་ཧཱ། རྗེ་བཙུན་སྒྲོལ་མའི་སྙིང་པོ་ནུས་པ་ཐོགས་པ་མེད་པ། ས་གསུམ་དུ་དབང་བྱེད་པ། ཞེས་དང་། དཔལ་སམ་བྷ་ཏྲི་ལས། ཧཱུྃལས་བྱུང་བའི་ལྷ་མོ་ནི། །སྒྲོལ་མ་འཁོར་བ་ལས་སྒྲོལ་མ། །དེ་ལྟར་བསྒོམ་པ་ཙམ་གྱིས་ནི། །སྒྲུབ་པོ་སངས་རྒྱས་ཐོབ་པར་འགྱུར། །དངོས་

[Full Size]

གྲུབ་གཞན་པ་སྨོས་ཅི་དགོས། །ཞེས་གསུངས་པས། ཕན་ཡོན། བྱིན་རླབས་བསམ་ལས་འདས་ནའང་། །སྒྲོལ་མ་དམར་མོ་དབང་གི་མན་ངག་དམ་པ་འདི་རྣམས་ལ་ས་སྐྱ་པ་ཆེན་པོའི་ཤིན་ཏུ་བཀའ་དམ་པར་མཛད་ནས། སྣོད་ལྡན་གཅིག་བརྒྱུད་མ་གཏོགས་ཤིན་ཏུ་གསང་བ་གལ་ཆེ། ཞེས་དང་། ས་སྐྱ་པ་ཆེན་པོས་འདི་ཡི་སྒྲུབ་པ་མཛད་པས་རྒྱལ་པོའི་རྒྱལ་སྲིད་དང་བཅས་པ་དང་། བོད་ཁམས་ཐམས་ཅད་དབང་དུ་འདུས་པ་ཡིན་པས། འདི་ནི་དབང་དུ་བསྡུ་བའི་མན་ངག་རྣམས་ཀྱི་ནང་ནས་ཀྱང་། ཤིན་ཏུ་ཟབ་པ་རྒྱ་ཆེ་ཞིང་མན་ངག་གི་གདམས་པ་ཡིན་ནོ། །ཞེས་གསུངས་པ་དང་། འདི་ལ་ཤིན་ཏུ་དམ་པར་མཛད་ནས་རེ་རེ་ཙམ་ལས་སྤེལ་བའི་སྲོལ་མེད་གསུངས་པ་དང་། མི་ལ་མི་བཤད་པ་དང་། བསྙེན་པ་གྲངས་ངེས་བྱེད་པ་གནད་ཡིན་གསུངས་པ་དང་། ཀུ་རུ་ཀུལླེའི་རྟོགས་པ་ལས། །གལ་ཏེ་ཚངས་སྤྱོད་ཡིན་ན་ཡང་། །ལྷ་མཆོག་སྐྱེས་བུ་བུ་མོ་སྤྱོད། །ཅེས་དང་། ཌ་བྷི་ཧེ་རུ་ཀས་ལྷ་མོ་འདི་ལ་བསྟོད་པ་ལས། བདུད་ནག་ཕྱག་བཞི་མ་ལ་ཕྱག་འཚལ་ལོ། །ཞེས་ལྷ་མོ་དེ་ལ་བདུད་དུ་གསུངས་པ་དང་། །རྗེ་ཆོས་ཀྱི་དབང་ཕྱུག་གིས་ད་

[Full Size]

ཆོག་གསུངས་ནས་ཆོ་ག་བསྣུབས་པ་རྣམས་ཀྱི་དགོངས་པ་གང་ཞེ་ན། འདི་ནི་སེམས་ཅན་ཐམས་ཅད་དབང་དུ་བསྡུད་པ་འདོད་ཆགས་ཀྱི་ལྷ་ཡིན་པར་འདུག་སྟེ། །འདོད་ཆགས་ནི་བདུད་ཡིན་པས་བདུད་ནག་གསུངས་པ་དང་། འདི་ཧ་ཀྱང་བསྒྲུབ་དྲགས་ན་ནི། དགེ་འདུན་གྱི་སྡེ་ཆེན་པོ་འདུ་ནའང་། དེ་ཐམས་ཅད་ཧ་ཅང་གཟུགས་མཛེས་པ་ལ་ཆགས་པ་དང་སྲེད་པ་ཆེ་བའི་རྟེན་འབྲེལ་དུ་གྱུར་པར་དགོངས་ནས་ཆོ་ག་བསྣུབས་པར་གདའོ། །དབྱངས་ཅན་མ་ལྟར་བུད་མེད་ལ་འདོད་པ་སྐྱེ་ཟེར་བ་ནི་མ་ཡིན་ཏེ། ལྷ་མཆོག་སྐྱེས་པའི་བུ་མོ་ནི། །མི་ཡི་བུ་མོ་མ་ཡིན་པའོ། །འོན་ཀྱང་བག་ཆགས་ཀྱིས་སེམས་ཆགས་པ་ཆེ་བར་འགྱུར་བའི་དོན་ཡིན་པར་སྣང་ངོ་། །དེས་ན་སངས་རྒྱས་ཀྱི་བསྟན་པ་ལ་ཕན་ནུས་པའི་དགེ་བའི་བཤེས་གཉེན་དང་། བསྟན་པའི་དོན་རྩེ་གཅིག་ཏུ་སེམས་དཔའ་ལ་ནི་གདམས་ངག་འདི་སྤེལ་རུང་གི །བསྟན་པའི་དོན་མེད་པའི་ལུང་རྟོགས་ཀྱི་ཡོན་ཏན་མེད་པའམ། ཡོད་ཀྱང་བསྟན་པའི་དོན་མི་སེམས་པ་ལ་ནི་སྤེལ་ན། རང་ཡང་དམ་ཚིག་ཉམ་ཞིང་ཕ་རོལ་པོ་དེ་ཡང་་ནན་སེམས་འདོད་ཆགས་རབ་ཏུ་འབར་བའི་རྒྱུར་འགྱུར་བས་མི་
སྤེལ་ལ། བསྟན་དོན་མི་སེམས་ལ་ཧ་ཅང་བསྒྲུབ་པ་སོགས་ཀྱང་མི་ལེགས་སོ། །འོན་ཀྱང་འདི་ཡི་དབང་ལུང་ཐོབ་ན་ནི་ཕན་ཡོན་བསམ་ལས་འདས་ཏེ། ཀུ་རུ་ཀུལླེའི་རྟོགས་པ་ཉིད་ལས། གང་གིས་རྡུལ་ཚོན་མཐོང་ཙམ་གྱིས། །སངས་རྒྱས་མྱུར་དུ་ཐོབ་པར་བྱེད། །ཅེས་གསུངས་སོ། །དེ་ལྟ་བུའི་དབང་ཞུ་བའི་ཕྱིར་དུ་ཙན་དན་དམར་པོའི་མཎྜལ་ལ་རིན་པོ་ཆེ་སྣ་ཚོགས་ཚོམ་བུ་བཀོད་དེ་ཕུལ་བའི་མོས་པས་མཎྜལ་འབུལ། ཞེས་པ་དགེ་སློང་རཱ་ག་ཨ་སྱས་ཤུགས་འཆང་རྟ་ལོ་རྒྱལ་ཟླ་བའི་ཡར་ཚེས་བརྒྱད་སྔོན་མ་ལ་སྦྱར་བ་མངྒ་ལཾ།།

བསྟན་འཛིན་དགེ་འདུན་སྡེ་རྣམས་རྒྱས་པའི་ཕྱིར། ༼ཞ༽ །དགེ་འདུན་འདུ་ཆོག་འཕགས་ཚོགས་རྒྱ་མཚོ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། དཔལ་ལྡན་བླ་མ་དམ་པ་གར་དབང་རྡོ་རྗེ་འཆང་ཆེན་པོས་རྗེས་འབྲང་དགེ་འདུན་འདུ་བའི་ཆོ་ག་འཕགས་ཚོགས་རྒྱ་མཚོ་དབྱར་གྱི་ཆུ་བོ་ཞེས་བྱ་བ་བཞུགས་སོ། །ན་མོ་པདྨ་བཛྲ་དྷ་ར་ཡེ། གར་དབང་རྡོ་རྗེ་འཆང་ཆེན་མི་གཟུགས་ཅན། །དྷརྨ་ཤྭ་རའི་ཞབས་ལ་ཕྱག་འཚལ་ནས། །དགེ་འདུན་འདུ་བའི་ཆོ་ག་རྒྱུན་ཁྱེར་ནི། །ཉུང་དུ་ཚིག་གི་ཟབ་པ་རྒྱ་ཆེར་བྲི། །ཆོས་བདག་སྲུང་མས་བཀའ་གནང་བྱིན་གྱིས་རློབས། །དབེན་པའི་གནས་སུ་ཡར་ངོའི་ཚེས་བརྒྱད་ལ། །མགོ་

[Full Size]

བརྩམ་རྒྱས་པར་ས་སྟེགས་སྤྱི་ལྟར་ལ། །བ་བྱུང་དྲི་བཟང་གླ་རྩི་གུར་གུམ་དང་། །ཛཱ་ཏི་ཆང་དང་བདུད་རྩི་ཙནྡན་དམར། །གཡོན་བསྐོར་བྱུག་སྟེ་རབ་ཀྱི་རྡུལ་ཚོན་བྲི། །ནང་དུ་པདྨ་འདབ་བརྒྱད་དེ་ཡི་ཕྱིར། །འདབ་མ་བཅུ་པོ་ཐམས་ཅད་དམར་པོའོ། །དེ་རྒྱབ་ཆོས་འབྱུང་གྲུ་གསུམ་གཉིས་བརྩེགས་བྲི། །དེ་རྒྱབ་རྒྱས་པར་གྲུ་བཞི་སྒོ་བཞི་སྟེ། །དུར་ཁྲོད་བརྒྱད་ཀྱིས་བསྐོར་བ་སྤྱི་ལྟར་རོ། །བསྡུ་ན་ཆོས་འབྱུང་རྒྱབ་ཏུ་ཐོད་ར་དང་། །རྡོ་རྗེ་མེ་རིས་བསྐོར་བ་བྲི་བར་བྱ། །ཡང་ན་རས་བྲིས་ཤོག་བུར་བྲིས་ཀྱང་རུང་། །ཐ་མ་གཞི་ནི་དམར་པོའི་སྟེང་དུ་ནི། །མེ་ཏོག་དམར་རམ་འབྲུ་ལ་མཚོན་བྱུག་པས། །ཚོམ་བུ་ལྷ་གྲངས་བཀོད་པ་འཐུས་པ་ཡིན། །དབུས་སུ་ཟངས་བུམ་རབ་ཡིན་མ་རྙེད་ན། །བུམ་པ་གང་རུང་རྗེས་ལྡན་ཁ་རྒྱན་དང་། །མགུལ་ཆིངས་དམར་པོ་འབྲས་བུ་མེ་ཏོག་སོགས། །དམར་པོའི་ཤིང་གིས་ཁ་རྒྱན་བྱ་བ་སྟེ། །ཙནྡན་དམར་པོ་གུར་གུམ་ཨ་མྲྀ་ཏ། །དྲི་བཟང་ཆུ་ཡིས་སུམ་གཉིས་བཀང་བར་བྱ། །དེ་སྟེང་མེ་ལོང་ཆང་གིས་བརླན་པ་ལ། །སིནྡྷ་ར་བྱུག་ཆོས་འབྱུང་ལྟེ་བ་ལ། །པདྨ་འདབ་བརྒྱད་དབུས་སུ་ཡི་གེ་ཧཱུྃ། །འདབ་མ་བརྒྱད་ལ་ཨཱ་ལི་གཡོན་བསྐོར་དང་། །ཆོས་འབྱུང་ཟུར་གསུམ་ཨོཾ་ཨཱཿཧཱུྃ་བྲིས་ཏེ། །སྔགས་མགོ་ནང་བསྟན་དར་དམར་ཁ་ཁེབ་བྱ། །དེ་མདུན་གཡོན་ངོས་ནང་མཆོད་བདུད་རྩི་བཤམ། །གཡས་ངོས་གཏོར་མ་ཟུར་གཉིས་འབྲི་མོག་བྱུག །ཤ་དམར་བརྒྱན་ཞིང་དར་དམར་གདུགས་ཆུང་བཙུགས། །དེ་མཐར་མཆོད་པ་རྣམ་ལྔ་བསྐོར་བཤམས་དང་། །

[Full Size]

ཚོགས་འཁོར་དང་བཅས་བཤམས་ལ་བསྒྲུབ་དུས་སོ། །རྒྱུན་ཁྱེར་མཁའ་འགྲོ་གཏོར་མར་བསྔོ་ཆོག་ཅིང་། །མདུན་བསྐྱེད་དེ་ཡི་རྩེ་ལ་བསྒོམས་པས་རུང་། །བདག་འཇུག་མེད་ན་བུམ་པ་དབང་རྫས་བཤམས། །ཁྲུས་བྱས་གདན་དམར་སྟེང་དུ་ཕྱེད་སྐྱིལ་བཞུགས། །ནུབ་ཏུ་ཁ་གྲུ་གོས་ཟས་དམར་པོ་དང་། །ཙནྡན་དམར་པོ་ལ་སོགས་ཕྲེང་བ་བྱས། །དཔྲལ་བར་སིནྡྷ་རའམ་རྒྱ་སྐག་གིས། །ཐིག་ལེ་བྱ་བ་སྒྲུབ་པའི་སྟ་གོན་ནོ། །དེ་ནས་ཚིགས་བཅད་གྱེར་སྒོམ་སྦྲགས་པ་སྟེ། །ཌཱ་དྲིལ་ཡིན་གྱི་རྔ་བརྡུང་འགལ་བ་མེད། །ཨོཾ་ཨ་མྲྀ་ཏེ་ཧཱུཾ་ཕཊ། ཨོཾ་སྭ་བྷ་ཝ་སོགས། སྟོང་པའི་ངང་ལས་ཡཾ་རཾ་ཨོཾ་ཨཱཿཧཱུྃ། །ཞུ་བ་ལས་བྱུང་རླུང་མེ་ཐོད་སྐྱེད་སྟེང་། །ཨཱཡིག་ལས་བྱུང་མཚན་ལྡན་ཀཱ་པ་ལར། །གོ་ཀུ་ད་ཧ་ན་ལས་ཤ་ཆེན་ལྔ། །བི་མུ་མ་ར་ཤུ་ལས་བདུད་རྩི་ལྔ། །དེ་སྟེང་ཧཱུཾ་ཨོཾ་ཛཾ་ཁཾ་ཧཱུྃ་ཡིག་རྣམས། །སངས་རྒྱས་ལྔ་ཡི་ངོ་བོར་གྱུར་པའི་སྟེང། །ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན། །དེ་ལས་འོད་འཕྲོས་རླུང་གཡོས་མེ་སྦར་བས། །ཐོད་པའི་རྫས་ཞུ་སྟེང་དུ་རྡོ་རྗེ་ལྷུང་། །ལན་གསུམ་དཀྲུགས་ནས་རྡོ་རྗེ་ཞུ་ནས་ཐིམ། །དྲི་མེད་ཤེལ་ལྟར་དྭངས་བའི་བདུད་རྩིར་གྱུར། །ལག་པ་གཡས་དང་གཡོན་གཉིས་ཀས་བྱ་ཁྱུང་གི་ཕྱག་རྒྱ་བསྟན་ཅིང་། ཨོཾ་ཨཱཿཧཱུྃ་ཧ་ཧོ་ཧི༔ ལན་གསུམ། ཧཱུཾ་ལས་རིན་ཆེན་སྣོད་དུ་ཨོཾ་

[Full Size]

ཡིག་ལས། །གཏོར་མ་འདོད་པའི་ཡོན་ཏན་ཕུན་ཚོགས་པ། །ཨོཾ་ཨཱཧཱུྃ་གིས་ཟག་མེད་བདེ་བསྐྱེད་གྱུར། །ས་ཕྱོགས་འདིར་གནས་ས་བདག་ཡུལ་བདག་དང། །གནས་བདག་བགེགས་དང་འབྱུང་པོ་ཀུན་ལ་སྦྱིན། །སོ་སོར་ཚིམས་ནས་དགའ་མགུ་ཡི་རང་མཛོད། །བདག་གིས་གནས་འདིར་བྱང་ཆུབ་སྒྲུབ་པ་ལ། །ཀོ་ལོང་རུ་ང་འཕྲག་དོག་མ་མཛད་པར། །དཀར་ཕྱོགས་རྣམས་ཀྱིས་བདག་གི་སྡོང་གྲོགས་མཛོད། །ནག་ཕྱོགས་རྣམས་ནི་མ་འཚེ་གཞན་དུ་དེངས། །གལ་ཏེ་བསྒོ་བའི་བཀའ་ལ་མི་ཉན་ན། །རབ་འབར་ཡེ་ཤེས་རྡོ་རྗེ་མགོ་འགེམ་འགྱུར། །དེ་ཕྱིར་དོན་ཆུང་ཉེན་ཆེ་མ་བསྡོ་བར། །རང་ལུས་བསྲུང་ཞིང་བག་ཡོད་བྱ་བར་རིགས། །ཨོཾ་སརྦ་བྷུ་ཏ་བིགྷཱན་བྷ་ལི་ཏ་ཁཱ་ཧི་ཁཱ་ཧི། ཨུ་ཙ་ཏ་ཡ་ཕཊ། ཅེས་ཕྱི་རོལ་དོར། ཨཱཿ སྟོང་པའི་ངང་ལས་འོག་གཞི་རྡོ་རྗེའི་ས། །རབ་ཏུ་སྲ་མཁྲེགས་དུམ་བུ་གཅིག་གྱུར་པའི། །ལོགས་ཀུན་རྡོ་རྗེའི་རྭ་བ་ཟླུམ་པོའི་སྟེང་། །རྡོ་རྗེའི་མདའ་ཡི་དྲ་བ་ཕུབ་པའི་འོག །རྡོ་རྗེའི་བླ་བྲེ་བྲིས་ཤིང་ཕྱི་རོལ་ཀུན། །ཡེ་ཤེས་མེ་དཔུང་ཁ་དོག་ལྔ་ལྡན་གྱུར། །བསྐལ་པ་འཇིག་པའི་མེ་བཞིན་རབ་ཏུ་

[Full Size]

འབར། །ཕྱོགས་མཚམས་སྟེང་འོག་བར་མེད་དུམ་བུར་ཅིག །ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཕཊ་སྭཱ་ཧཱ། ཨཱཿ རིན་ཆེན་སྣ་ཚོགས་ལས་གྲུབ་ཐོད་པའི་སྣོད། །དེ་ནང་ཧཱུྃ་ཡིག་ལས་བྱུང་རྡོ་རྗེ་ཡི། །ཕྱི་ནང་གསང་བའི་མཆོད་རྫས་དཔག་མེད་པ། །སེམས་དཔའ་ཀུན་ཏུ་བཟང་པོའི་རྣམ་ཐར་བཞིན། །སངས་རྒྱས་ཞིང་ཀུན་ཁྱབ་པའི་མཆོད་སྤྲིན་འཕྲོ། །དུས་ཀུན་རྒྱུན་མི་ཆད་པ་ནམ་མཁའི་མཛོད། །འཕགས་པ་ཀུན་གྱི་སྤྱན་སྔར་འབྱུང་བར་གྱུར། །ཨོཾ་བཛྲ་སྤ་ར་ཎ་ཁཾ། ་དུས་འདི་ནས་བཟུང་བླ་མེད་བྱང་ཆུབ་བར། །བླ་མ་དཀོན་མཆོག་གསུམ་དང་ཡི་དམ་ལྷ། །འཕགས་མ་སྒྲོལ་མའི་ཚོགས་ལ་སྐྱབས་སུ་མཆི། །ཇི་ལྟར་སྔོན་གྱི་རྒྱལ་བས་ཐུགས་བསྐྱེད་ལྟར། །བདག་གིས་བླ་མེད་བྱང་ཆུབ་སེམས་བསྐྱེད་དོ། །སྙིང་རྗེ་ཆེན་པོས་འགྲོ་ཀུན་དབང་བསྡུས་ནས། །བླ་མེད་བྱང་ཆུབ་ལམ་ལ་འགོད་པའི་ཕྱིར། །དབང་གི་ལྷ་མོ་བདག་གིས་བསྒྲུབ་པར་བྱ། །རང་ཉིད་སྐད་ཅིག་རིག་བྱེད་མར་གསལ་བའི། །ཐུགས་ཀའི་ཟླ་སྟེང་ཧྲིཝལས་འོད་འཕྲོས་པས། །འོག་མིན་མཁའ་སྤྱོད་བདེ་ཆེན་ཞིང་ཁམས་ནས། །ཀུ་རུ་ཀུལླེའི་ལྷ་ཚོགས་བཅོ་ལྔ་ལ། །སངས་རྒྱས་བྱང་

[Full Size]

སེམས་དཔག་མེད་བསྐོར་བ་དང་། །སྟེང་དུ་བླ་མ་འོད་དཔག་མེད་མགོན་བཅས། །ནམ་མཁར་སྤྱན་དྲངས་བཛྲ་ས་མཱ་ཛ། །སྒོ་གསུམ་གུས་པས་ཕྱག་འཚལ་ན་མོ་ཧཱུྃ། །ཕྱི་ནང་གསང་བའི་མཆོད་སྤྲིན་རྒྱ་མཚོ་འབུལ།། །ཐོག་མེད་དུས་ནས་བསགས་པའི་སྡིག་ཀུན་བཤགས། །འཕགས་རྣམས་ཚོགས་གཉིས་བསགས་ལ་རྗེས་ཡི་རང་། །རྒྱལ་ཀུན་ཆོས་ཀྱི་འཁོར་ལོ་བསྐོར་བར་བསྐུལ། །མྱ་ངན་མི་འདའ་བཞུགས་པར་གསོལ་བ་འདེབས། །དགེ་བས་འགྲོ་ཀུན་སངས་རྒྱས་ཐོབ་ཕྱིར་བསྔོ། །དཀོན་མཆོག་གསུམ་ལ་རྟག་པར་སྐྱབས་སུ་མཆི། །སྨོན་དང་འཇུག་པའི་བྱང་ཆུབ་སེམས་བསྐྱེད་དོ། །སངས་རྒྱས་རིགས་ལྔའི་ཕྱི་ནང་གསང་བ་ཡི། །སྡོམ་པ་དམ་ཚིག་རྣམས་ཀྱང་བདག་པོ་བཟུང་། །འཁོར་བའི་སེམས་ཅན་ཐར་པའི་ལམ་ལ་བཀོད། །ཉན་རང་རྣམས་ཀྱང་ཐེག་ཆེན་ས་ལ་བཞག །ཀུན་ཀྱང་རྫོགས་བྱང་ཉིད་ལ་འགོད་པར་བགྱི། །ཚོགས་ཞིང་ལྷ་ཚོགས་རང་གི་སྙིང་ཁར་ཐིམ། །སེམས་ཅན་ཐམས་ཅད་བདེ་བའི་རྒྱུ་འབྲས་ལྡན། །སྡུག་བསྔལ་རྒྱུ་འབྲས་ཀུན་དང་བྲལ་གྱུར་ཅིག །དུས་རྣམས་རྟག་ཏུ་བདེ་བ་ཚད་མེད་པ། །

[Full Size]

དེ་ལ་ཕྱོགས་རིས་མེད་པར་བདག་སེམས་སྙོམས། །ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨཀོཉཧཾ། ཆོས་རྣམས་ཡེ་ནས་བརྗོད་བྲལ་སྟོང་པ་ཉིད། །ཨེ་ལས་ཆོས་འབྱུང་དཀར་པོ་ཆོས་དབྱིངས་ཁྱབ། །དེ་ནང་འབྱུང་བ་རིམ་བརྩེགས་རི་རབ་སྟེང་། །སྣ་ཚོགས་པདྨ་འབུམ་ལྡན་ཉི་མའི་སྟེང་། །སྣ་ཚོགས་རྡོ་རྗེའི་ལྟེ་བར་ཧཱུཾ་ཡིག་ལས། །རིན་ཆེན་སྣ་ཚོགས་ལས་གྲུབ་གཞལ་ཡས་ཁང་། །ནང་ནས་རིམ་བཞིན་དམར་ལྗང་སྔོན་པོ་དང་། །སེར་པོ་དཀར་པོ་རྩིག་པ་རིམ་པ་ལྔ། །དེ་སྟེང་གསེར་གྱི་ཕོ་གུ་ཕྲ་ཡིས་མཛེས། །རིན་ཆེན་བྲེ་ཕུལ་གསེར་གྱི་སྐེ་རགས་བཞི། །ཆུ་སྲིན་ཁ་ནས་དྲྭ་བ་དྲྭ་ཕྱེད་དང་། །རྔ་ཡབ་མེ་ཏོག་ཕྲེང་བ་མེ་ལོང་དང་། །ཟླ་བ་རླུང་གིས་བསྐྱོད་པས་རྣམ་པར་མཛེས། །བྱ་འདབ་ལས་འཕྱང་རིན་ཆེན་ཤར་བུ་དང་། །སྟེང་དུ་མདའ་ཡབ་པདྨ་ཕྱེད་པའི་དབྱིབས། །དེ་དག་བར་དུ་རྒྱལ་མཚན་བ་དན་དང་། །རྔ་ཡབ་གདུགས་དང་དར་དཔྱང་རྒྱན་གྱིས་སྤྲས། །ཕྱི་ཡི་སྣམ་བུར་མཆོད་པའི་ལྷ་མོའི་བསྐོར། །སྟེང་ནི་ཕྱུར་བུ་རིན་ཆེན་ཏོག་གིས་བརྒྱན། །གྲུ་བཞི་སྒོ་བཞི་སྒོ་ཁྱུད་མཚམས་དང་ཟུར། །ཟླ་ཕྱེད་ལ་གནས་རྡོ་རྗེ་ནོར་བུས་སྤྲས། །སྒོ་བཞིའི་

[Full Size]

མདུན་དུ་སྟེགས་བུ་གྲུ་བཞིའི་སྟེང་། །རྟ་བབས་སྣམ་བུ་བཅུ་གཅིག་རྩེ་མོ་ལ། །པདྨ་ལ་གནས་རི་དྭགས་ཆོས་འཁོར་བཅས། །ཕྱི་ཡི་ས་གཞི་རིན་ཆེན་འདོད་ཡོན་གང་། །པད་འདབ་རྡོ་ར་ཡེ་ཤེས་མེ་རིས་བསྐོར། །ཡེ་ཤེས་དཀྱིལ་འཁོར་ཆེན་པོ་དེ་ཡིས་རྒྱབ། །ཕྱོགས་མཚམས་འཇིག་རྟེན་རབ་འཇིགས་དུར་ཁྲོད་བརྒྱད། །རི་བརྒྱད་མཚོ་བརྒྱད་ཤིང་བརྒྱད་མཆོད་རྟེན་བརྒྱད། །མེ་བརྒྱད་སྤྲིན་བརྒྱད་ཀླུ་བརྒྱད་ཞིང་སྐྱོང་བརྒྱད། །རྣལ་འབྱོར་བརྒྱད་དང་ཕྱོགས་སྐྱོང་ཆེན་པོ་བརྒྱད། །རོ་ལང་ཀེང་རུས་ཤ་ཟ་འབྱུང་པོས་གང་། །དེ་རུ་འཚོགས་ཀུན་ལོག་པར་མི་ལྟུང་བའི། །རང་བྱུང་ཧེ་རུ་ཀ་ཡི་གནས་མཆོག་གོ །ཕོ་བྲང་ནང་གི་ས་གཞི་ཤར་ཕྱོགས་དཀར། །ལྷོ་སེར་ནུབ་སྔོ་བྱང་ལྗང་དབུས་དམར་བའི། །དབུས་དང་ཕྱོགས་བཞི་ཕྱོགས་མཚམས་སྟེང་འོག་ཏུ། །པདྨ་དམར་དང་རོ་ཉི་ཟླ་བའི་གདན། །དབུས་དམར་ཧྲིཡིག་དམར་པོའི་འཕྲོ་འདུ་ལས། །སྐད་ཅིག་བཅོམ་ལྡན་འདས་མ་རིག་བྱེད་མ། །པདྨ་རཱ་གའི་མདོག་ཅན་གཟི་འོད་འབར། །ཞལ་གཅིག་ཕྱག་བཞི་དང་པོས་ཨུཏྤལ་གྱིས། །མདེལ་ཅན་མདའ་དང་མེ་ཏོག་དམར་པོ་ཡི། །

[Full Size]

གཞུ་གཉིས་འགེངས་པ་སྙན་གྱི་ཐད་དུ་བཀང་། །གཡས་འོག་ལྕགས་ཀྱུ་དམར་པོ་གཡོན་འོག་ཏུ། །ཨུཏྤལ་དམར་པོའི་ཞགས་པ་འདེབས་པའི་ཚུལ། །དབུ་སྐྲ་དམར་སེར་གྱེན་བརྗེས་ཐོད་སྐམ་བརྒྱན། །སྤྱན་གསུམ་དམར་ཟླུམ་གཡོན་དུ་ཡོ་བར་གཟིགས། །ཞལ་གདངས་མཆེ་གཙིགས་ལྗགས་འདྲིལ་ཁྲོ་མོའི་སྐུ། །ཐོད་རློན་དོ་ཤལ་ཕྱག་རྒྱ་ལྔ་ཡིས་བརྒྱན། །རིན་ཆེན་དར་དཔྱངས་སྟག་གིས་ཤམ་ཐབས་ཅན། །སྐྱིལ་ཀྲུང་ཕྱེད་པའི་གར་གྱིས་པད་ཉི་དང་། །དབང་ཕྱུག་ཨུ་མོ་སྒྲ་ཅན་སྙིང་གར་མནན། །ཡེ་ཤེས་རང་འོད་འཁྲུགས་པའི་ཀློང་ན་འགྱིང་། །དེ་ཡི་ཕྱོགས་བཞིར་ཤར་དུ་མཁའ་འགྲོ་མ། །ལྷོ་རུ་གསང་བའི་གོ་རི་ནུབ་ཏུ་ནི། །མཆུ་མ་བྱང་དུ་རྡོ་རྗེ་མཁའ་འགྲོ་མ། །མཚམས་བཞིར་བུམ་ཡེ་པའི་སྟེང་དུ་ཐོད་པ་བཞི། །དེ་རྒྱབ་ཕྱོགས་བཅུར་ཤར་དུ་གོ་རི་མ། །ལྷོ་རུ་ཙོ་རི་ནུབ་ཏུ་བེ་ཏ་ལི། །བྱང་དུ་གྷསྨ་རི་དང་དབང་ལྡན་དུ། །པུཀྐ་སི་དང་ཤར་ལྷོར་ཤ་ཝ་རི། །ལྷོ་ནུབ་ཙན་ལི་དང་ནུབ་བྱང་དུ། །ཌོམྦྷི་ནི་དང་སྟེང་དུ་མཁའ་སྤྱོད་མ། །འོག་ཏུ་ས་སྤྱོད་མ་རྣམས་སྐུ་མདོག་དམར། །ཞལ་གཅིག་ཕྱག་གཉིས་ཨུཏྤལ་མདའ་གཞུ་འགེངས། །

[Full Size]

བརྐྱང་བསྐུམ་གར་སོགས་ཆ་ལུགས་གཙོ་མོ་འདྲ། །ཀུན་གྱི་གནས་གསུམ་ཨོཾ་ཨཱཧཱུྃ་གསུམ་འཕྲོས། །གཙོ་བོའི་ཐུགས་ཀར་རང་འདྲའི་ཡེ་ཤེས་སེམས། །དེ་ཡི་ཐུགས་ཀར་ཏིང་འཛིན་སེམས་དཔའ་ཧཱུྃ། །འཁོར་ཀུན་ཐུགས་ཀར་མིང་ཡིག་དང་པོ་ལ། །ཐིག་ལེས་བརྒྱན་པ་རྣམས་ལས་འོད་ཟེར་འཕྲོས། །འོག་མིན་གནས་དང་རང་འདྲ་ཡེ་ཤེས་པ། །ནམ་མཁར་སྤྱན་དྲངས་བཛྲ་ས་མཱ་ཛ། །རང་གི་ཐུགས་ལས་སྤྲུལ་པའི་མཆོད་པ་ནི། །རྒྱ་མཚོས་མངོན་པར་མཆོད་དོ་པཱུ་ཛ་ཧོ། །ཛཧཱུྃ་བཾ་ཧོས་དམ་ཡེ་དབྱེར་མེད་འདྲེས། །སླར་ཡང་དབང་ལྷ་རིགས་ལྔ་འཁོར་དང་བཅས། །ནམ་མཁར་སྤྱན་དྲངས་སྣ་ཚོགས་མཆོད་པས་མཆོད། །བདག་ལ་ཡེ་ཤེས་ལྔ་ཡི་དབང་བསྐུར་སྩོལ། །གསོལ་བཏབ་མོད་ལ་རིགས་ལྔས་བྱིན་གྱིས་བརླབས། །ཡུམ་ལྔས་བདུད་རྩི་བུམ་པས་དབང་བསྐུར་བས། །དྲི་མ་ཀུན་དག་བདུད་རྩིས་སྐུ་ལུས་གང་། །ཆུ་ལྷག་ཡར་ལུད་གཙོ་བོར་འོད་།དཔག་མེད། །འཁོར་རྣམས་ཀུན་ལ་གཙོ་མོས་དབུ་བརྒྱན་གྱུར། །རང་གི་ཐུགས་ལས་སྤྲུལ་པའི་ལྷ་མོའི་ཚོགས། །ནམ་མཁའ་གང་བས་ཉེར་སྤྱོད་འདོད་ཡོན་ལྔ། །སྣ་ཚོགས་

[Full Size]

མཆོད་པས་བདག་བསྐྱེད་ལྷ་རྣམས་མཆོད། །ཀུ་རུ་ཀུལླེ་སརྦ་པཱུ་ཛ་ཧོ༔ རྡོར་ཕྲེང་ནས་བསྟོད་པ་ནི། བརྩེ་བས་རྗེས་ཆགས་པདྨ་རཱ་གའི་མདོག །ཞལ་གཅིག་ཕྱག་བཞི་ཞབས་གཉིས་མཛེས་པའི་སྐུ། །མདའ་གཞུ་ཨུཏྤལ་དབང་གི་ལྕགས་ཀྱུ་འཛིན། །བཅོམ་ལྡན་རིག་བྱེད་མ་ལ་ཕྱག་འཚལ་བསྟོད། །ནང་མཆོད་མཐེབ་སྲིན་གྱིས་གཏོར་ཞིང་། །རྡོ་རྗེ་འཆང་ཆེན་ཡེ་ཤེས་མཁའ་འགྲོ་མ། །རྡོ་རྗེ་གདན་པ་རསྨི་རཀཱི་ཏི། །བིཀཱ་དེ་ཝ་པཎ་ཆེན་ཤཱཀྱ་ཤྲཱི། །པཎ་ཆེན་བྷཱུ་མི་ཤྲཱི་དང་བི་མ་ཤརའི། །རིག་འཛིན་པཎ་གྲུབ་ཞལ་དུ་ཨོཾ་ཨཱཧཱུཾ། །ཟངས་དཀར་ལོཙྪ་སྐྱི་སྟོན་འཇམ་དབྱངས་གྲགས། །ཀུན་མཁྱེན་དོལ་བུ་མ་ཏི་པཎྜིཏ། །གཞོན་ནུ་བློ་གྲོས་ངོར་ཆེན་རྡོ་རྗེ་འཆང་། །གུ་ཎ་ཤི་དང་དཔལ་འབྱོར་དོན་གྲུབ་དང་། །སྤྱན་སྔ་ཆོས་གྲགས་རིན་ཆེན་ཕུན་ཚོགས་པ། །ཆོས་རྒྱལ་ཕུན་ཚོགས་དཀོན་མཆོག་རཏྣ་དང་། །རྗེ་བཙུན་དཀོན་མཆོག་ཕྲིན་ལས་རྣམ་རྒྱལ་དང་། །ཀརྨ་ཆགས་མེད་བརྩོན་འགྲུས་རྒྱ་མཚོ་སོགས། །རྩ་བརྒྱུད་བླ་མའི་ཞལ་དུ་ཨོཾ་ཨཱཧཱུཾ། །ཡི་དམ་བཅོམ་ལྡན་འདས་མ་རིག་བྱེད་མ། །རྡོ་རྗེ་མ་སོགས་ལྷ་མོ་བཅུ་བཞིའི་བསྐོར། །རྒྱུད་ཀྱི་སྲུང་མ་མགོན་པོ་གྲི་ཐོད་

[Full Size]

ཅན། །ལྷ་མོའི་བཀའ་སྡོད་གནོད་སྦྱིན་མོ་ལ་སོགས། །ཡི་དམ་ཆོས་སྐྱོང་ཞལ་དུ་ཨོཾ་ཨཱཿཧཱུྃ། །བདུད་རྩིས་མཉེས་ནས་མཆོག་ཐུན་དངོས་གྲུབ་སྩོལ། །ཨོ་ཀུ་རུ་ཀུལླེ་ཀཱ་ཡ་ཝཱཀྐ་ཙིཏྟ་སིདྡྷི་ཧཱུྃ། ཅེས་བདུད་རྩི་ལྕེ་ལ་བཞག་གོ །རང་གི་ཐུགས་ཀར་ཡེ་ཤེས་སེམས་དཔའ་ཡི། །ཐུགས་ཀར་ཉི་སྟེང་ཧཱི༔ཡིག་དམར་པོའི་མཐར། །སྔགས་ཕྲེང་གཡས་སུ་བཀོད་པ་གཡོན་དུ་འཁོར། །པདྨ་རཱ་གའི་ཕྲེང་བ་འཁོར་བ་བཞིན། །དེ་ལས་འོད་ཟེར་དམར་པོ་གློག་ལྟ་བུ། །ཕྱོགས་བཅུའི་འཇིག་རྟེན་ཁམས་རྣམས་ཁྱབ་པར་འཕྲོས། །སངས་རྒྱས་བྱང་སེམས་ཀུན་གྱི་བྱིན་རླབས་དང་། །ལྷ་མི་འགྲོ་བ་ཀུན་གྱི་ཚེ་བསོད་ནམས། །འཇིག་རྟེན་ཁམས་ཀྱི་རྩི་སྨན་རིན་ཆེན་ཚོགས། །ཉི་ཟླ་ནོར་བུའི་བཅུད་རྣམས་ཐམས་ཅད་བསྡུས། །བདག་ལ་ཐིམ་པས་བསོད་ནམས་གཟི་བརྗིད་སྟོབས། །ཡར་ངོའི་ཟླ་བཞིན་འཕེལ་ཞིང་རྒྱས་པར་གྱུར། །ཨོ་ཀུ་རུ་ཀུལླེ་ཧཱུྃསྭཱ་ཧཱ། །ཙནྡན་དམར་པོའི་ཕྲེང་བ་བགྲང་བྱ་ཞིང་། །འབུམ་ཕྲག་བཟླས་པ་གྲངས་ཀྱི་བསྙེན་པ་སྟེ། །དུས་ངན་བསོད་ནམས་དམན་ཕྱིར་བཞི་འགྱུར་གསུངས། །ཟླ་བ་དྲུག་གམ་ཟླ་གཅིག་དུས་བསྙེན་ཏེ། །རྟགས་ནི་རྨི་ལམ་དངོས་ཉམས་ཞལ་མཐོང་ངམ། །གསུང་ཐོས་

[Full Size]

ལུང་སྟོན་ཁྲི་ལ་འདུག་པ་དང་། །དར་ཕྱར་རོལ་མོ་སྐད་བཟང་ཡུན་རིང་སྒྲོག །གོས་གདན་དམར་པོ་བཟང་པོའི་སྟེང་འདུག་སོགས། །སྤྱི་དང་མཚུངས་པར་རིགས་པས་ཤེས་པར་བྱ། །ཐུན་མཚམས་སམ་ནི་དུས་བཟང་མཆོད་པའམ། །བདག་ཉིད་འཇུག་གམ་སློབ་མ་རྗེས་འཛིན་དང་། །བསྒྲུབ་པའི་དུས་སུ་བདག་མདུན་བུམ་བསྐྱེད་བྱ། ཨོཾ་ཨ་མྲྀ་ཏེ་ཧཱུཾ་ཕཊ། ཨོཾ་སྭ་བྷ་ཝ་སོགས། ཧཱུྃ་ལས་མཚན་ཉིད་ཡོངས་རྫོགས་བུམ་པའི་ནང་། །ཨོ་ཏབྷེ་ཏབྷེ་མ་ཧཱ་ཏབྷེ་སྭཱ་ཧཱ། ལྷ་ཆུ་དལ་འགྲོས་བུམ་པར་འཁྱིལ་ནང་དང་། །མདུན་བསྐྱེད་དཀྱིལ་འཁོར་མི་དམིགས་ངང་ཉིད་ལས། །ཨེ་ལས་ཆོས་འབྱུང་དཀར་པོ་ཆོས་དབྱིངས་ཁྱབ། །དེ་ནང་འབྱུང་བ་རིམ་བརྩེགས་རི་རབ་སྟེང་། །སྣ་ཚོགས་པདྨ་འབུམ་ལྡན་ཉི་མའི་སྟེང་། །སྣ་ཚོགས་རྡོ་རྗེའི་ལྟེ་བར་ཧཱུཾ་ཡིག་ལས། །རིན་ཆེན་སྣ་ཚོགས་ལས་གྲུབ་གཞལ་ཡས་ཁང་། །ནང་ནས་རིམ་བཞིན་དམར་ལྗང་སྔོན་པོ་དང་། །སེར་པོ་དཀར་པོ་རྩིག་པ་རིམ་པ་ལྔ། །དེ་སྟེང་གསེར་གྱི་ཕ་གུ་ཕྲ་ཡིས་མཛེས། །རིན་ཆེན་བྲེ་ཕུལ་གསེར་གྱི་སྐེ་རགས་བཞི། །ཆུ་སྲིན་ཁ་ནས་དྲ་བ་དྲ་ཕྱེད་དང་། །རྔ་ཡབ་མེ་ཏོག་ཕྲེང་བ་མེ་ལོང་དང་། །ཟླ་བ་རླུང་གིས་བསྐྱོད་པས་རྣམ་པར་མཛེས། །བྱ་འདབ་ལས་འཕྱང་རིན་ཆེན་

[Full Size]

ཤར་བུ་དང་། །སྟེང་དུ་མདའ་ཡབ་པདྨ་ཕྱེད་པའི་དབྱིབས། །དེ་དག་བར་དུ་རྒྱལ་མཚན་བ་དན་དང་། །རྔ་ཡབ་གདུགས་དང་དར་དཔྱང་རྒྱན་གྱིས་སྤྲས། །ཕྱི་ཡི་སྣམ་བུར་མཆོད་པའི་ལྷ་མོའི་བསྐོར། །སྟེང་ནི་ཕྱུར་བུ་རིན་ཆེན་ཏོག་གིས་བརྒྱན། །གྲུ་བཞི་སྒོ་བཞི་སྒོ་ཁྱུད་མཚམས་དང་ཟུར། །ཟླ་ཕྱེད་ལ་གནས་རྡོ་རྗེ་ནོར་བུས་སྤྲས། །སྒོ་བཞིའི་མདུན་དུ་སྟེགས་བུ་གྲུ་བཞིའི་སྟེང་། །རྟ་བབས་སྣམ་བུ་བཅུ་གཅིག་རྩེ་མོ་ལ། །པདྨ་ལ་གནས་རི་དྭགས་ཆོས་འཁོར་བཅས། །ཕྱི་ཡི་ས་གཞི་རིན་ཆེན་འདོད་ཡོན་གང་། །པད་འདབ་རྡོ་ར་ཡེ་ཤེས་མེ་རིས་བསྐོར། །ཡེ་ཤེས་དཀྱིལ་འཁོར་ཆེན་པོ་དེ་ཡིས་རྒྱབ། །ཕྱོགས་མཚམས་འཇིག་རྟེན་རབ་འཇིགས་དུར་ཁྲོད་བརྒྱད། །རི་བརྒྱད་མཚོ་བརྒྱད་ཤིང་བརྒྱད་མཆོད་རྟེན་བརྒྱད། །མེ་བརྒྱད་སྤྲིན་བརྒྱད་ཀླུ་བརྒྱད་ཞིང་སྐྱོང་བརྒྱད། །རྣལ་འབྱོར་བརྒྱད་དང་ཕྱོགས་སྐྱོང་ཆེན་པོ་བརྒྱད། །རོ་ལང་ཀེང་རུས་ཤ་ཟ་འབྱུང་པོས་གང་། །དེ་རུ་འཚོགས་ཀུན་ལོག་པར་མི་ལྟུང་བའི། །རང་བྱུང་ཧེ་རུ་ཀ་ཡི་གནས་མཆོག་གོ །ཕོ་བྲང་ནང་གི་ས་གཞི་ཤར་ཕྱོགས་དཀར། །ལྷོ་སེར་ནུབ་སྔོ་བྱང་ལྗང་དབུས་

[Full Size]

དམར་བའི། །དབུས་དང་ཕྱོགས་བཞི་ཕྱོགས་མཚམས་སྟེང་འོག་ཏུ། །པདྨ་དམར་དང་རོ་ཉི་ཟླ་བའི་གདན། །དབུས་དམར་ཧཱིཡིག་དམར་པོའི་འཕྲོ་འདུ་ལས། །སྐད་ཅིག་བཅོམ་ལྡན་འདས་མ་རིག་བྱེད་མ། །པདྨ་རཱ་གའི་མདོག་ཅན་གཟི་བརྗིད་འབར། །ཞལ་གཅིག་ཕྱག་བཞི་དང་པོའི་ཨུཏྤལ་གྱིས། །མདེལ་ཅན་མདའ་དང་མེ་ཏོག་དམར་པོ་ཡི། །གཞུ་གཉིས་འགེངས་པ་སྙན་གྱི་ཐད་དུ་བཀང་། །གཡས་འོག་ལྕགས་ཀྱུ་དམར་པོ་གཡོན་འོག་ཏུ། །ཨུཏྤལ་དམར་པོའི་ཞགས་པ་འདེབས་པའི་ཚུལ། །དབུ་སྐྲ་དམར་སེར་གྱེན་བརྫེས་ཐོད་སྐམ་བརྒྱན། །སྤྱན་གསུམ་དམར་ཟླུམ་གཡོན་དུ་ཡོ་བར་གཟིགས། །ཞལ་གདངས་མཆེ་གཙིགས་ལྗགས་འདྲིལ་ཁྲོ་མོའི་སྐུ། །ཐོད་རློན་དོ་ཤལ་ཕྱག་རྒྱ་ལྔ་ཡིས་བརྒྱན། །རིན་ཆེན་དར་དཔྱང་སྟག་གི་ཤམ་ཐབས་ཅན། །སྐྱིལ་ཀྲུང་ཕྱེད་པའི་གར་གྱི་པད་ཉི་དང་། །དབང་ཕྱུག་ཨུ་མ་སྒྲ་ཅན་སྙིང་གར་མནན།་།ཡེ་ཤེས་རང་འོད་འཁྲུགས་པའི་ཀློང་ན་འགྱིང་། །དེ་ཡི་ཕྱོགས་བཞིར་ཤར་དུ་མཁའ་འགྲོ་མ། །ལྷོ་རུ་གསང་བའི་གོ་རི་ནུབ་ཏུ་ནི། །མཆུ་མ་བྱང་དུ་རྡོ་རྗེ་མཁའ་འགྲོ་མ། །མཚམས་བཞིར་བུམ་

[Full Size]

པའི་སྟེང་དུ་ཐོད་པ་བཞི། །དེ་རྒྱབ་ཕྱོགས་བཅུར་ཤར་དུ་གོ་རི་མ། །ལྷོ་རུ་ཙོ་རི་ནུབ་ཏུ་བེ་ཏ་ལི། །བྱང་དུ་གྷསྨ་རི་དང་དབང་ལྡན་དུ། །པུཥ་སི་དང་ཤར་ལྷོར་ཤ་ཝ་རི། །ལྷོ་ནུབ་ཙནྡ་ལི་དང་ནུབ་བྱང་དུ། །ཌོམྦྷི་ནི་དང་སྟེང་དུ་མཁའ་སྤྱོད་མ། །འོག་ཏུ་ས་སྤྱོད་མ་རྣམས་སྐུ་མདོག་དམར། །ཞལ་གཅིག་ཕྱག་གཉིས་ཨུཏྤལ་མདའ་གཞུ་འགེངས། །བརྐྱང་བསྐུམ་གར་སོགས་ཆ་ལུགས་གཙོ་མོ་འདྲ། །ལས་བུམ་ནང་དུ་ངོ་བོ་རྟ་མགྲིན་ལ། །རྣམ་པར་བདུད་རྩི་འཁྱིལ་པ་སྐུ་མདོག་ལྗང་། །རྒྱ་གྲམ་སྡིགས་མཛུབ་ཁྲོ་ཆས་ཡོངས་སུ་རྫོགས། །ཀུན་གྱི་གནས་གསུམ་ཨོཾ་ཨཱཿཧཱུྃ་གསུམ་འཕྲོས། །གཙོ་བོའི་ཐུགས་ཀར་རང་འདྲའི་ཡེ་ཤེས་སེམས། །དེ་ཡི་ཐུགས་ཀར་ཏིང་འཛིན་སེམས་དཔའ་ཧཱུྃ། །འཁོར་ཀུན་ཐུགས་ཀར་མིང་ཡིག་དང་པོ་ལ། །ཐིག་ལེས་བརྒྱན་པ་རྣམས་ལས་འོད་ཟེར་འཕྲོས། །འོག་མིན་གནས་དང་རང་འདྲ་ཡེ་ཤེས་པ། །ནམ་མཁར་སྤྱན་དྲངས་བཛྲ་ས་མཱ་ཛ༔ འཕགས་བཞི་སྐྱེད་བྱེད་ཆོས་སྐུ་ཡུམ་ཆེན་མོ། །གཟུགས་ཀྱི་སྐུར་སྟོན་འཕགས་མ་རིག་བྱེད་མ། །གཤེགས་དང་བཞུགས་པའི་མཚན་མ་མི་

[Full Size]

མངའ་ཡང་། །ཆུ་ཟླ་བཞིན་དུ་གནས་འདིར་སྣང་བར་མཛོད། །པདྨ་གར་གྱི་དབང་ཕྱུག་གསང་བའི་ཡུམ། །སོ་སོར་རྟོག་པའི་ཡེ་ཤེས་ངོ་བོ་ཉིད། །པདྨ་རིགས་ཀྱི་ལྷ་མོ་ཀུན་གྱི་གཙོ། །བདེ་ཆེན་དག་པའི་ཞིང་ནས་གཤེགས་སུ་གསོལ། །སྒྲོལ་མ་མྱུར་མ་སྤྱན་ནི་གློག་ལྟར་མྱུར། །འཇིག་རྟེན་དབང་ཕྱུག་ཡུམ་གཅིག་གསང་ཡེ་མ། །དབང་བྱེད་སྒྲོལ་མ་འཇིགས་པ་ཀུན་སྐྱོབ་མ། །པོ་ཊ་ལ་ཡི་གནས་ནས་གཤེགས་སུ་གསོལ། །ཌཱཀྐི་འབུམ་གྱི་གཙོ་མོ་མཛད་པའི་ཚེ། །པདྨ་མཁའ་འགྲོ་དབང་གི་ལྷ་མོ་མཆོག །གོ་རི་མ་སོགས་ལྷ་མོ་བཅུ་བཞིར་བཅས། །མཁའ་སྤྱོད་ཨོ་རྒྱན་གནས་ནས་གཤེགས་སུ་གསོལ། །འཇིག་རྟེན་འདས་ཀྱང་འཁོར་བའི་ཆ་ལུགས་ཅན། །རྒྱ་གར་ཀུ་རུ་ཀུལླེའི་རི་བོ་ཡི། །ཕུག་པའི་དབུས་སུ་རྟག་ཏུ་གནས་བཅས་མ། །ལྷ་མོ་ཀུ་རུ་ཀུལླེ་གཤེགས་སུ་གསོལ། །ཕོ་བྲང་གཞལ་ཡས་པད་ཉི་བདུད་བཞིའི་སྟེང་། །རང་རང་གཙོ་འཁོར་སོ་སོའི་གདན་སྟེང་དུ། །བརྗིད་ཅིང་རྒྱས་པའི་ཚུལ་གྱིས་གཤེགས་སུ་གསོལ། །ཨོ་ཀུ་རུ་ཀུལླེ་ས་པཱ་རི་ཝཱ་ར་བཛྲ་ས་མཱ་ཛ་ཛ༔ ཛཧཱུྃ་བཾ་ཧོ༔ པདྨ་ཀ་མ་ལཱ་ཡེ་ཧཱུཾ། ཨནྡྷཾ་པྲ་ཏིཙྪ་སྭཱ་ཧཱ། དབང་ལྷ་སྤྱན་

[Full Size]

དྲངས་དབང་བསྐུར་དྲི་མ་དག །ཆུ་ལྷག་ཡར་ལུད་རིགས་བདག་དབུ་བརྒྱན་གྱུར། །བདག་ལུས་ཞིང་གི་རྡུལ་སྙེད་རབ་སྤྲུལ་ཏེ། །ལུས་ངག་ཡིད་གསུམ་དང་བས་ཕྱག་འཚལ་ལོ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ། །རབ་འབྱམས་རྒྱལ་བའི་ཞིང་ཁམས་ཐམས་ཅད་ནས། །བདག་པོའི་བཟུང་དང་མ་བཟུང་མཆོད་པའི་།ལྷ་ཡི་བདུད་རྩི་དཀར་སེར་ལྗང་དམར་དང་། །ཡན་ལག་བརྒྱད་ལྡན་ཁྲུས་ཀྱི་རྫིང་བུ་མཚོ། །པདྨ་ཀུ་མུཏ་ཏ་དང་ཨུཏྤལ་ཚལ། །ཧ་རི་སྦྲུལ་སྙིང་གླང་པོ་རྟ་མཆོག་སྟེ། །ཉི་ཟླ་ནོར་བུ་བརྒྱ་བྱིན་ཚངས་པའི་འོད། །གངྒའི་ཆུ་རྒྱུན་ཨོ་རྒྱན་མཆོད་སྦྱིན་ཆུ། །ལྷ་དབང་མི་དབང་ཞལ་ཟས་རོ་བརྒྱ་པ། །དྲི་ཟའི་རྒྱལ་པོ་བྱེ་བའི་རྒྱུད་མང་སྒྲ། །སུམ་རྩེན་བྱེ་བ་ཕྲག་བརྒྱའི་ལྟད་མོ་མཛེས། །ཚངས་པའི་རྒྱལ་པོ་སྟོང་གི་བསྟོད་དབྱངས་སྙན། །ཟག་མེད་ཚུལ་ཁྲིམས་དྲི་ཡིས་ཞིང་ཀུན་ཁྱབ། །ཡེ་ཤེས་བདུད་རྩིས་ཟག་མེད་བདེ་སྐྱིད་རོ། །དཔག་བསམ་ཤིང་ལས་འཕྱང་བའི་ལྷ་རྫས་གོས། །ཤེས་བྱེད་རྫ་ས་མཆོག་བརྒྱད་དང་རྒྱལ་སྲིད་བདུན། །ནོར་བུ་ཆ་བདུན་རྒྱལ་པོའི་ཉེར་སྤྱོད་ཚོགས། །བཀྲ་

[Full Size]

ཤིས་གྲུབ་པའི་རྟགས་མཚན་ངོ་མཚར་བརྒྱད། །གླིང་བཞི་རི་རབ་བྱེ་བ་ཕྲག་བརྒྱ་དང་། །ལྷ་ཀླུ་མི་ཡི་ལོངས་སྤྱོད་འདོད་ཡོན་ཚོགས། །ཐམས་ཅད་བློ་ཡིས་བླངས་ཏེ་འབུལ་ལགས་ན། །བདག་ལ་ཕན་ཕྱིར་ཉིད་ཀྱི་མཐུས་བཞེས་ཤིག །པདྨ་རིགས་ཀྱི་རྗེ་བཙུན་སྒྲོལ་མ་ལ། །དུག་ལྔ་ངོ་བོ་དག་པ་ཡི། །ཟུག་འཇུག་ཡེ་ཤེས་བདེ་བའི་མཆོད་པ་འབུལ། །ཀུན་ཏུ་བདེ་བས་མཆོད་པས་མཉེས་གྱུར་ཅིག །གཞན་ཡང་རླུང་མེ་ཐོད་སྐྱེད་ཀཱ་པ་ལར། །ཤ་ལྔ་བདུད་རྩི་ལྔ་དང་ཡེ་ཤེས་ལྔ། །ཞུ་ཞིང་ཁོལ་བའི་ཡེ་ཤེས་བདུད་རྩིའི་མཚོ། །འདོད་ཡོན་སྣ་ཚོགས་རླངས་པས་ཞིང་ཀུན་ཁྱབ། །དམ་རྫས་གཏོར་ཆེན་འབར་བའི་མཆོད་པ་འདི། །རིག་བྱེད་ལྷ་མོ་བཅོ་ལྔས་དགྱེས་པར་རོལ། །དངོས་བཤམས་ཡིད་སྤྲུལ་མཆོད་གཏོར་འདི་བཞེས་ལ། །བདག་གི་རླུང་སེམས་སྣང་བ་དབང་བསྡུས་ནས། །ཚེ་གཅིག་སངས་རྒྱས་ཐོབ་པར་མཛད་དུ་གསོལ། །མཁས་གྲུབ་བཤེས་གཉེན་ཐམས་ཅད་དབང་བསྡུས་ནས། །ཐུབ་བསྟན་དར་ཞིང་རྒྱས་པར་མཛད་དུ་གསོལ། །རིགས་བཟང་བློ་གསལ་ཐམས་ཅད་དབང་བསྡུས་ནས། །བཤད་སྒྲུབ་བསྟན་པ་དར་

[Full Size]

བར་མཛད་དུ་གསོལ། །ཚུལ་ཁྲིམས་ལྡན་པ་ཐམས་ཅད་དབང་བསྡུས་ནས། །དགེ་འདུན་སྡེ་ཆེན་ཚུགས་པར་མཛད་དུ་གསོལ། །རྒྱལ་པོ་རྒྱལ་ཕྲན་ཐམས་ཅད་དབང་བསྡུས་ལ། །ཡུལ་ཁམས་ཆོས་ལ་བསྒྱུར་བར་མཛད་དུ་གསོལ། །འབྱོར་ལྡན་ཁྱིམ་བདག་ཐམས་ཅད་དབང་བསྡུས་ནས། དགེ་འདུན་བཀུར་སྟི་འཕེལ་བར་མཛད་དུ་གསོལ། །ལྷ་ཀླུ་གཞི་བདག་ཐམས་ཅད་དབང་བསྡུས་ནས། །བཀྲ་ཤིས་བདེ་ལེགས་འཕེལ་བར་མཛད་དུ་གསོལ། །སྐྱེ་འགྲོ་ཕོ་མོ་ཐམས་ཅད་དབང་བསྡུས་ནས། །ལུས་སེམས་དགེ་ལ་སྦྱོར་བར་མཛད་དུ་གསོལ། །བདུད་རིགས་ལོག་ལྟ་ཅན་ཀུན་དབང་བསྡུས་ནས། །བསྟན་ལ་བར་ཆད་མེད་པར་མཛད་དུ་གསོལ། །འབྲུ་ནོར་ལོངས་སྤྱོད་མཁོ་དགུ་དབང་བསྡུས་ནས། །དཔལ་འབྱོར་འབད་མེད་ལྷུན་གྱིས་གྲུབ་པར་མཛོད། །ཨོ་བྷ་ག་ཝ་ཏེ་ཀུ་རུ་ཀུལླེ་ས་པཱ་རི་ཝཱ་ར། ཨི་དཾ་པུབྦེ་དྷཱུ་པེ་དཱི་པཾ་གནྡྷེ་བ་ལི་གྷིཏྟ་སརྦ་ཨརྒྱ། མ་ཀ་ར་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ལན་གསུམ་དང་། སྤྲོ་ན། ཨ་ཀཱ་རོས་་དུར་ཁྲོད་ཞིང་སྐྱོང་ལ་བསྔོའོ། ཧྲཱིཿལས་བྱུང་བའི་དབང་གི་ཁ་དོག་ཅནཾ། །ཆོས་ཀུན་རོ་གཅིག་སྟོན་ཕྱིར་ཞལ་

[Full Size]

གཅིག་མ། །དུས་གསུམ་མཁྱེན་ཕྱིར་སྤྱན་གསུམ་འགྲོ་ལ་གཟིགས། །བདུད་བཞི་རྩད་ནས་གཅོད་ཕྱིར་མཆེ་བཞི་གཙིགས། །རིགས་ལྔ་མཚོན་ཕྱིར་ཐོད་སྐམ་ལྔ་ཡིས་བརྒྱན། །ཚད་མེད་རྣམ་བཞི་མཚོན་པའི་ཕྱག་བཞི་ཡི། །དང་པོས་ཐབས་ཤེས་ཟུང་འཇུག་མདའ་གཞུ་འགེང་། །གཡས་འོག་བྱམས་པའི་ལྕགས་ཀྱུས་སྲིད་གསུམ་འགུགས། །གཡོན་འོག་སྙིང་རྗེས་ཞགས་པས་འགྲོ་བ་འཛིན། །སྲིད་པར་མི་འཁྲུལ་ཞབས་གཡས་བསྐུམ་པའི་ཚུལ། །ཞི་བར་མི་གནས་ཞབས་གཡོན་བརྐྱང་བའི་གར། །འཇིག་རྟེན་ཟིལ་གནོད་སྲིད་གསུམ་བདག་མོ་མཛད། །འདུ་བྱེད་དག་ཕྱིར་ཐོད་རློན་ཕྲེང་བ་དང་། །ང་རྒྱལ་རྣམ་དག་སྟག་གི་ཤམ་ཐབས་ཅན། །འདོད་ཆགས་རྣམ་དག་དར་དཔྱང་དམར་པོས་སྤྱིས། ཡོན་ཏན་ཀུན་རྫོགས་རིན་ཆེན་རུས་པས་བརྒྱན། །ཉི་མ་བྱེ་བའི་འོད་འཕྲོ་གཟི་བརྗིད་འབར། །བསྒོམ་པ་ཙམ་གྱིས་འཇིག་རྟེན་གསུམ་པོ་རྣམས། །དབང་དུ་སྡུད་མཛད་ལྷ་མོའི་སྐུ་ལ་བསྟོད། །ལྷ་མོའི་སྙིང་པོ་གསང་སྔགས་འབྲུ་བརྒྱད་པ། །ཁྲི་ཡིས་འཇིག་རྟེན་ཕལ་པ་ཐམས་ཅན་དབང་། །འབུམ་ཕྲག་གཅིག་གིས་མི་ཡི་རྒྱལ་པོ་རྣམས། །དེ་བཞིན་

[Full Size]

འབུམ་ཕྲག་གཉིས་ཀྱིས་ལྷ་རྣམས་ཏེ། །འབུམ་ཕྲག་བདུན་གྱིས་ལྷ་མ་ཡིན་རྣམས་དང་། །བྱེ་བས་འཁོར་ལོས་སྒྱུར་རྒྱལ་གནོད་སྦྱིན་ཚོགས། །རིགས་དྲུག་སེམས་ཅན་ཐམས་ཅད་དབང་བསྡུད་པའི། །གསུང་མཆོག་ནུས་པར་ལྡན་ལ་ཕྱག་འཚལ་བསྟོད། །ལྷ་མོའི་ཐུགས་ནི་སྟོང་ཉིད་ཆོས་ཀྱི་སྐུ། །མཐའ་བཞི་སྐྱེ་འགག་གནས་བྲལ་ཊ་ཕྱག་རྒྱ་ཆེ། །ཉན་ཐོས་རང་རྒྱལ་སར་ནས་སེམས་དཔའི་ཚུལ། །དུས་གསུམ་རྒྱལ་བ་ཐམས་ཅད་བསྐྱེད་པའི་ཡུམ། །ཤེས་རབ་ཕ་རོལ་ཕྱིན་མ་ཡུམ་ཆེན་མོ། །ཟབ་ཅིང་རྒྱ་ཆེ་ལྷ་མོའི་ཐུགས་ལ་བསྟོད། །གང་ཞིག་འཕགས་མ་སྒོམ་བཟླས་བྱེད་པ་ན། །དུག་གི་ནད་དང་དུག་གིས་འཆི་བ་དང་། །ཤུ་བ་གཡེམ་པ་མཛེ་སོགས་ནད་ཀྱི་རིགས། །དུས་མ་ཡིན་པ་འཆི་བ་ཐམས་ཅད་ཞི། །ཀླུ་དང་དུག་སྦྲུལ་སྟག་སོགས་གཅན་གཟན་དང་། །དགྲ་དང་མཚོན་ཆ་དབུལ་ཕོངས་འཇིགས་པ་སྐྱོབ། །སྣ་ཚོགས་གཏེར་དང་གསེར་དངུལ་སྣ་ཆ་དང་། །གོས་ལ་སོགས་པའི་ནོར་རྣམས་གང་འདོད་པ། །ཐམས་ཅད་ཀུན་ལ་དབང་བསྒྱུར་ལོངས་སྤྱོད་པའི། །ཡོན་ཏན་ཀུན་འབྱུང་མ་ལ་ཕྱག་འཚལ་བསྟོད། །གླང་རྒོད་

[Full Size]

སྟག་རྒོད་དུག་སྦྲུལ་ཆུ་སྲིན་དང་། །སྟག་དང་བསེ་དང་ཆུ་གླང་ལ་སོགས་པའི། །རིག་སྔགས་ཀྱིས་བཀུག་བཞོན་པར་བྱ་རུང་ཞིང་། །དྲག་ལྡན་ལྷ་ཀླུ་མི་ཡི་རྒྱལ་པོ་ཡང་། །གུས་ཤིང་འདུད་པས་མངག་གཞུག་ལས་བྱེད་པའི།་།ཕྲིན་ལས་ཐོགས་མེད་ལྷ་མོ་རིག་བྱེད་མ། །ཁྱེད་ཀྱིས་མཁའ་མཉམ་འགྲོ་བ་འདི་དག་ཀུན། །རང་དབང་མེད་པར་དབང་དུ་བསྡུས་ནས་ཀྱང་། །རྫོགས་པའི་སངས་རྒྱས་གོ་འཕང་ལ་བཞག་པར། །ཐུགས་བསྐྱེད་ཐུགས་དམ་སྨོན་ལམ་དེ་དག་ནི། །བདག་གིས་འདོད་དང་ཁྱོད་ཀྱིས་ཐུགས་དམ་ཅིག ། ཁྱོད་ཀྱིས་ཐུགས་བཞེད་ཕྲིན་ལས་བདག་གིས་བསྒྲུབ། །དེ་ཕྱིར་མ་གཅིག་བུ་བཞིན་བརྩེ་བས་དགོངས། །བདག་གིས་གང་གསོལ་ཕྲིན་ལས་མྱུར་འགྲུབ་མཛོད། །དེ་ནས་རྒྱས་པར་འདོད་ན། ཨོཾ། དགེ་བ་ཅན་ནི་གཟི་བརྗིད་ཆེ། །འཇིག་རྟེན་གསོ་བྱེད་སྙན་པ་ཆེ། །དབྱངས་ཅན་མ་ནི་སྤྱན་ཡངས་མ། །ཤེས་རབ་དཔལ་དང་བློ་འཕེལ་མ། །གསོ་བྱེད་མ་དང་རྒྱས་བྱེད་མ། །སྭཱ་ཧཱ་ཨོཾ་དང་འདོད་གཟུགས་མ། །སེམས་ཅན་ཀུན་ལ་ཕན་པར་བརྩོན། །གཡུལ་ལས་སྒྲོལ་བྱེད་རྒྱལ་བ་མོ། །ལྷ་མོ་ཤེས་རབ་ཕ་རོལ་ཕྱིན། །

[Full Size]

འཕགས་མ་སྒྲོལ་མ་ཡིད་འོང་མ། རྡོ་རྔ་དུང་ནི་རྒྱས་པ་མོ། །རིག་པའི་ལྷ་མོ་ཚིག་སྙན་མ། །ཟླ་བའི་མདོག་ཅན་དཀར་མོ་ཆེ། །མི་ཕམ་གོས་ནི་སེར་མོ་ཅན། །སྒྱུ་མ་ཆེན་པོ་དཀར་ཆེན་མོ། །སྟོབ་མོ་ཆེ་ལ་ཕ་རོལ་ཕྱིན། །རྩུབ་མོ་ཆེན་མོ་གཏུམ་པ་ཆེ། །སྡང་བའི་སེམས་ཅན་བརླག་བྱེད་མ། །རབ་ཏུ་ཞི་བ་ཞི་བའི་གཟུགས། །རྣམ་པར་རྒྱལ་མ་འབར་བའི་འོད། །གློག་གི་ཕྲེང་བའི་རྒྱལ་མཚན་ཅན། །རལ་གྲི་འཁོར་ལོ་གཞུ་ཐོགས་མཚོན། །ཚོལ་བྱེད་རིག་བྱེད་ནག་མོ་ཆེ། །མཚན་མོ་ནག་མོ་མཚན་སྤྱོད་མ། །སྲུང་བྱེད་རྨོང་བྱེད་ཞི་བ་མོ། །མཛེས་མ་དགེ་བ་འགྲོ་ལྡིང་མ། །ཚངས་པ་མོ་དང་རིག་བྱེད་མ། །གསང་བ་མོ་ནི་བྲག་ཕུག་གནས། །བཀྲ་ཤིས་དོན་བྱེད་ཞི་བ་མོ། །སྐྱེས་གནས་རིག་བྱེད་ཡིད་འཕྲོག་མ། །ཐོད་པ་ཅན་ནི་ཤུགས་ཆེན་མ། །ཚངས་པ་བདེ་མ་གཞན་མི་རྒྱལ། །དང་པོ་ཆེན་པོར་སྙིང་རྗེར་གནས། །ཆུད་ཟོས་ལམ་ནི་རབ་ཟློག་མ། །མཆོག་སྟེར་དོན་བྱེད་བསྟན་པ་མོ། །བུད་མེད་གཟུགས་ལ་དཔག་མེད་གནོན། །རི་ཁྲོད་མ་དང་རྣལ་འབྱོར་མ། །གྲུབ་མོ་གཏུམ་མོ་བདུད་རྩིའི་མོ། །

[Full Size]

ངེས་མ་ནོར་ཅན་བསོད་ནམས་མ། །སྐལ་ཆེན་སྐལ་བཟང་མཛེས་སྟོན་མ། །མཐར་བྱེད་སྐྲག་བྱེད་འཇིགས་བྱེད་མ། །དྲག་དང་བརྟུལ་ཞུགས་ཆེན་མོ་དག །འགྲོ་ལ་གཅིག་ཏུ་ཕན་བརྩོན་མ། །སྐྱབས་མེད་གུས་ལ་གསང་བ་མོ། །ངག་གི་དབང་ཕྱུག་ཞི་ཕྲ་མོ། །རྟག་པར་ཀུན་གྲོལ་རྗེས་འགྲོ་མ། །དོན་ཀུན་གྲུབ་བྱེད་བཟང་པོ་མ། །གཙང་བྱེད་གསོད་བྱེད་ནོར་གཏེར་མ། །མི་འཇིགས་བསོད་ནམས་གོ་ཏ་མ། །སྤྱན་རས་གཟིགས་དབང་གིས་གསུངས་པའི། །མཚན་བརྒྱ་རྩ་བརྒྱད་འདི་དག་གིས། །བཅོམ་ལྡན་འདས་མ་ཁྱོད་ལ་བསྟོད། །ཅེས་མཚན་བརྒྱ་རྩ་དེ་དག་གིས་བསྟོད་པ་དེ་རུང་སྟེ། ཚངས་པ་མོ་དང་རིག་བྱེད་མོ། །གསང་བ་མོ་ནི་བྲག་ཕུག་གནས། །ཞེས་གསུངས་སོ། །ཕྱག་འཚལ་ཉེར་གཅིག་ཡང་རུང་སྟེ། འདི་དབང་བྱེད་སྒྲོལ་མའོ། །ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །སོགས་བྱའོ། །བདག་མདུན་ཐུགས་ཀར་ཡེ་ཤེས་སེམས་དཔའ་ཡི། །ཐུགས་ཀར་ཉི་སྟེང་ཏིང་འཛིན་སེམས་དཔའ་ཧི། །དེ་མཐར་སྔགས་ཕྲེང་གཡོན་དུ་དྲག་ཏུ་འཁོར། །རང་གི་ཐུགས་ཀའི་སྔགས་ཕྲེང་འོད་ཟེར་ལས། །སྔགས་ཕྲེང་བྱི་རུའི་ཕྲེང་བ་ལྟ་བུར་ལང་། །སྣ་བུག་གཡོན་ནས་

[Full Size]

ཕར་སོང་མདུན་བསྐྱེད་ཀྱི། །ཤངས་བུག་གཡས་ཞུགས་ཐུགས་ཀའི་ཧཱུྃཡིག་ལ། །གཡོན་དུ་བསྐོར་བ་གཅིག་བྱས་ཐུགས་རྒྱུད་བསྐུལ། །སྐུ་ལས་འོད་ཟེར་གློག་འོད་ལྟར་བུར་འཕྲོས། །འཁོར་རྣམས་བསྐུལ་བས་འཁོར་ཀུན་འོད་ཟེར་ནི། །དམར་པོ་ལྕགས་ཀྱུ་ལྟ་བུར་ཕྱོགས་བཅུར་འཕྲོས། །སྣང་སྲིད་འཁོར་འདས་ཚེ་བསོད་དཔལ་གྲགས་རྣམས། །འོད་ཟེར་དམར་པོའི་རྣམ་པར་ཚུར་བསྡུས་ནས། །གཙོ་མོའི་ཐུགས་ཀའི་སྔགས་ཕྲེང་ལ་ཐིམ་པས། །སྔགས་ཕྲེང་གཙོ་མོའི་ཤངས་བུག་གཡོན་ནས་ཐིམ། །བདག་གི་སྣ་བུག་གཡས་ཞུགས་ཐུགས་ཀར་ཐིམ། །བྱིན་རླབས་སྣང་སྲིད་དབང་དུ་བསྡུས་པ་དང་། །ཕྲིན་ལས་འགྲོ་བ་འདུལ་བའི་དངོས་གྲུབ་ཐོབ། །བདག་མདུན་བར་དུ་མ་སྔགས་ཕྲེང་མགལ་མེ་ཡི། །འཁོར་ལོ་བཞིན་དུ་བར་མེད་འཁོར་བར་གྱུར། །ཨོ་ཀུ་རུ་ཀུལླེ་ཧཱུྃསྭཱ་ཧཱ། ཞེས་མདུན་བསྐྱེད་དམིགས་པ་དང་བཟླས་པ་ནི་སྒྲུབ་པའོ། །རང་གི་ཐུགས་ཀའི་སྔགས་ཕྲེང་གཟུངས་ཐག་ལ། །འཁྲིལ་ཏེ་བུམ་བསྐྱེད་ཐུགས་ཀར་ཐིམ་པ་ཡི། །བུམ་པའི་ཐུགས་ཀའི་སྔགས་ཕྲེང་དྲག་ཏུ་འཁོར། །འོད་ཟེར་དམར་པོ་ཕྱོགས་བཅུར་ཁྱབ་པར་

[Full Size]

འཕྲོས། །རྒྱལ་བ་སྲས་བཅས་དཔའ་བོ་རྣལ་འབྱོར་མ། །འཇིག་རྟེན་ལྷ་ཀླུ་འགྲོ་བ་ཐམས་ཅད་ཀྱི། །བྱང་སེམས་དཀར་དམར་བདུད་རྩི་སྤྱན་དྲངས་ནས། །ཐོད་པའི་བདུད་རྩི་དང་ནི་བུམ་ལྷར་ཐིམ། །ཟག་མེད་བདེ་བས་བུམ་ལྷ་ཐུགས་དགྱེས་ཏེ། །སྐུ་ལས་བདུད་རྩིའི་རྒྱུན་བབས་བུམ་པ་གང་། །ཨོཾ་ཀུ་རུ་ཀུལླེ་ཧཱུྃསྭཱ་ཧཱ། བུམ་སྔགས་བརྒྱ་རྩ་ལས་མི་ཉུང་བ་བཟླས་ཤིང་། ལས་བུམ་ཁྲོ་བོའི་སྐུ་ལས་བདུད་རྩིའི་ཆུ། །ཆུ་རྡུལ་ཕྲ་རགས་རྡོ་རྗེའི་རང་བཞིན་ཅན། །བགེགས་རིགས་ཀུན་འཇོམས་དག་བྱེད་བདུད་རྩིར་གྱུར། །ཨོཾ་ཨ་མྲྀ་ཏེ་ཧཱུཾ་ཕཊ་ཅེས་བརྒྱའམ་ཉེར་གཅིག་ལས་མི་ཉུང་བ་བཟླའོ། །ཨོ་ཀུ་རུ་ཀུལླེ་ས་པཱ་རི་ཝཱ་ར་བཛྲ་ཀྲོ་དྷ་ཨ་མྲྀ་ཏ་ཨབྷཾ་སོགས། ་སྒྲོལ་མ་ལས་སྣ་ཚོགས་འབྱུང་བའི་རྒྱུད་ལས་ཀུ་རུ་ཀུལླེ་ལ་བསྟོད་པ་ནི། ཞིང་ཁམས་ཐམས་ཅད་ཡོངས་སུ་དག་པ་ལ། །རིན་ཆེན་མེ་ཏོག་མང་པོ་གཅལ་དུ་བཀྲམ། །དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ། །ཡུམ་གྱུར་སྒྲོལ་མ་ཁྱོད་ལ་ཕྱག་འཚལ་བསྟོད། །ཅེས་གསུངས་སོ། །བཅོམ་ལྡན་བདུད་རྩི་ཐལ་མོ་ལེགས་སྦྱར་ནས། །བྱང་སེམས་སྤྱི་བོར་གཤེགས་བའི་མཐུ་སྟོབས་ཀྱིས། །བདུད་བཞི་རྩད་ནས་གཅོད་པའི་དགྲ་ཐབས་

[Full Size]

མཁན། །བཅོམ་ལྡན་ཁྲོ་བོ་ཆེན་པོར་ཕྱག་འཚལ་བསྟོད། །ཅེས་པ་གཅིག་ཤེས་ཀུན་གྲོལ་ནས་སོ། །དུང་ཆོས་ཀྱི་ཆུ་བུམ་པར་བླུགས་ལ། དུང་ཆོས་ནང་དུ་མེ་ལོང་གཟུགས་བརྙན་ལྟར། །ལྷ་ཚོགས་གསལ་བ་བུམ་ལྷ་ལ་ཐིམ་པས། །རྐྱེན་བྱས་བུམ་ལྷ་བྱང་སེམས་ངོ་བོར་ཞུ། །གསེར་འགྱུར་རྩི་ལྟར་བུམ་ཆུས་གང་རེག་ལ། །སྨིན་ཅིང་གྲོལ་བའི་ནུས་ལྡན་བདུད་རྩིར་གྱུར། །ལས་བུམ་ཁྲོ་བོས་བར་ཆད་བགེགས་བསྲུང་ཕྱིར། །བྱ་བ་མ་རྫོགས་བར་དུ་བཞུགས་པར་གསོལ། །དེ་ནས་སློབ་མ་བཞུགས་ནས། བགེགས་གཏོར་བཏང་། །རྒྱུ་མཚམས་གཅོད་སྲུང་འཁོར་བསྒོམ་པ་དང་། །མཎྜལ་དབང་བཤད་སྤྱི་ལྟར་བྱ། །བདག་འཇུག་ལ་ནི་མཎྜལ་བསྡུས་ཙམ་བྱ་སྟེ། བདག་བསྐྱེད་ཐུགས་ཀ་ནས་རང་ཐ་མལ་པའི་ལུས་སུ་ཐོན་ནས། ཤར་སྒོའི་དྲུང་དུ་འཁོད་ནས་བླ་མ་དང་མདུན་བསྐྱེད་དབྱེར་མེད་པ་ལ་ཞུ་བ་དང་། སློབ་མ་བཞུགས་ཀྱང་རང་གཙོ་རྐྱང་དུ་ཐོན་ནས་ཤར་སྒོའི་དྲུང་དུ་འཁོད་ནས་སློབ་དཔོན་གྱི་བྱ་བ་བྱེད་པའོ། །ཨོ་ཙཀྵ་བྷན་ཝ་མ་ཎ་ཡེ་སྭཱ་ཧཱ། མིག་དར་དང་། ཨོཾ་ཨ་ཁཾ་ཝི་ར་ཧཱུྃ། མེ་ཏོག་གཏད་ལ། སྐྱེ་དང་འཆི་དང་རྒས་པ་དང་། །ཆུ་སྲིན་ལ་སོགས་འཇིགས་པ་ལས། །སྲིད་པའི་མཚོ་ལས་བདག་གྲོལ་མཛོད། །ལན་གསུམ། དཀོན་མཆོག་གསུམ་ལ་

[Full Size]

བདག་སྐྱབས་མཆི། །བྱང་ཆུབ་མཆོག་ཏུ་སེམས་བསྐྱེད་ནས། །རྟག་ཏུ་སློབ་དཔོན་བདག་གྱུར་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང། །འགྲོ་ཀུན་སངས་རྒྱས་ས་ལ་འགོད། །ཚིག་རྗེས་མ་ལན་གསུམ་རེ་བྱ། གནས་གསུམ་ཡིག་འབྲུ་གསུམ་གྱིས་མཚན། །ཨོ་ཨཱཧཱུཾ། རྡོ་རྗེས་རེག །བླ་མེད་སྔགས་ཀྱི་དམ་ཚིག་རྣམས། །བསྲུང་ཕྱིར་དམ་ཚིག་བདུད་རྩི་འཐུང་། །ཨོཾ་པཉྩ་ཨ་མྲྀ་ཏ་ཨུ་ད་ཀ་ཁ། དུང་ཆོས་ཀྱི་ཆུ་སྦྱིན། མདུན་བསྐྱེད་སྐུ་ལས་འོད་འཕྲོས་པས། །སློབ་མའི་ལུས་གང་སྒྲིབ་པ་དག །ལུས་དེ་འོད་ཀྱི་ཕུང་པོར་གྱུར། །དེ་ནས་སྐད་ཅིག་ལྷ་མོའི་སྐུ། །དམར་མོ་ཞལ་གཅིག་ཕྱག་བཞི་མ། །མདའ་གཞུ་ལྕགས་ཀྱུ་ཞགས་པའི་ཕྱག །རྒྱན་ལྡན་གར་གྱི་རྣམ་པར་འགྱིང་། །ས་བོན་འོད་ཟེར་ལྷོ་ཕྱོགས་འཕྲོས། །ཀུ་རུ་ཀུལླེའི་རི་བོ་ནས། །ལྷ་མོའི་ཐུགས་རྒྱུད་བསྐུལ་བྱས་ནས། །སྐུ་ལས་འོད་ཟེར་དམར་པོ་དང་། །སྔགས་ཕྲེང་ཕྱག་མཚན་དཔག་མེད་པ། །སྤྱན་དྲངས་སློབ་མའི་ལུས་ལ་ཐིམ། །ཨོ་ཀུ་རུ་ཀུལླེ་ཧྲཱིཿཧྲཱིཿཧྲཱིཿཨཱ་ཝེ་ཤ་ཡ་ཨཱ་ཝེ་ཤ་ཡ་ཧྲཱིཿཧྲཱིཿཧྲཱིཿགུ་གུལ་དང་སྤོས་བསྲེག་རོལ་མོ་བྱ། རྡོ་རྗེ་སྤྱི་བོ་བཞག །

[Full Size]

ཏིཥྛ་བཛྲ། མེ་ཏོག་དོར་ཞིང་། པུཥྛ་པྲ་ཏིཙྪ་ཧོ༔ མིག་ཕྱེས་ལ། ཨོཾ་ཙཀ་པྲ་ཝེ་ཤ་ཡ་ཕཊ། དཀྱིལ་འཁོར་ལ་ལྟ་ཞིང་། ཨོཾ་བཛྲ་པུཥཱ་ཧོ། ཕྱག་འཚལ་ནས། ཨོཾ་ན་མོ་ཧཱུྃ། །ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམས་འཇོམས་པ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། གསུམ། དབང་རྫས་རིགས་ལྔ་ཡབ་ཡུམ་སྐད་ཅིག་གསལ། །འོད་དུ་ཞུ་བས་དབང་རྫས་སོ་སོ་ཡི། །རིགས་ཀྱི་བུ་ལ་རིགས་ལྔས་དབང་བསྐུར་རོ། །བུམ་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཚྭ། བདུད་རྩིས་ལུས་གང་འོད་དཔག་དབུ་བརྒྱན་གྱུར། །དབང་རྫས་མེད་ན་ཕྱག་རྒྱའམ་ཡིད་ཀྱིས་བསྒོམ་ཞིང་། དབུ་རྒྱན། ཨོ་རཏྣ་མུ་གུ་ཧཱུྃ་ཨ་བྷི་ཥིཉྩ་མཱི། རྡོ་རྗེ། ཨོ་བཛྲ་ཨ་བྷི་ཥིཉྩལཾ། །དྲིལ་བུ། ཨོཾ་བཛྲ་གནྡྷེ་ཨ་བྷི་ཥིཉྩ་མཱི། རྡོར་དྲིལ་མཉམ་དུ། ཨོཾ་བཛྲ་ན་མ་ཨ་བྷི་ཥིཉྩ་མཱི། ཐོད་པར་གནས་པའི་བྱང་སེམས་དཀར་དམར་རྒྱུན། །མགྲིན་པ་ནས་ཞུགས་ལུས་གང་བདེ་སྟོང་འབར། །ཨོཾ་བཛྲ་པཉྩ་ཨ་མྲྀ་ཏ་ཨ་བྷི་ཥིཉྩ་མཱི། སིན་དྷ་ར་ལས་བཅོམ་ལྡན་འདས་མ་འཕྲོས། །ལྟེ་བར་ཐིམ་པས་གཏུམ་མོའི་མེ་འབར་བས། །སྤྱི་བོར་ཧཾ་ཡིག་ཞུ་ནས་

[Full Size]

དགའ་བཞི་མྱོང་། །ཨོཾ་བཛྲ་ཌཱཀྐི་ནི་པྲཛྙཱ་ཨ་བྷི་ཥིཉྩནྟཾམཱཾ། གང་ལ་ཐོགས་མ་དབུས་མཐའ་མེད། །སྲིད་མེད་མྱ་ངན་འདས་པ་མེད། །འདི་ནི་བདེ་བ་མཆོག་གྱུར་པ། །བདག་མེད་གཞན་ཡང་མེད་པ་ཡིན། །ཡི་གེ་སྔགས་རྣམས་རྣམ་པར་སྤངས། །འདི་ནི་མཆོག་ཏུ་བདེ་ཆེན་ཉིད། །བདག་མེད་གཞན་ཡང་མེད་པ་ཡིན། །ཅེས་པ་ཚིག་དབང་དང་བཞིའོ། །ཕྱག་མཚན་བྱིན་ལ། ཐབས་དང་ཤེས་རབ་མདའ་གཞུ་ཡིས། །མི་ཤེས་མ་རིག་འབིག་པར་བྱེད། །མདའ་གཞུ་རྣ་བའི་དྲུང་དུ་བཀང་། །སློབ་མའི་ས་བོན་འོད་དམར་པོ། །མདའ་ལྟོང་ནས་ཞུགས་ཨུཏྤལ་གྱི། །མདེལ་རྩེ་ནས་ཐོན་འཇིག་རྟེན་གང་། །ལྷ་ཀླུ་གནོད་སྦྱིན་མི་ལ་སོགས། །འཇིག་རྟེན་ཐམས་ཅད་འོད་དམར་ཞུ། །མདེའུ་ནས་ཞུ་སྟོང་ནས་ཐོན། །རྣ་བ་གཡས་ནས་སྙིང་གར་ཐིམ། །སྣང་སྲིད་དབང་བསྡུས་དབང་ཐོབ་ཤོག །ཨོཾ་བཛྲ་ཌཱཀྐི་ནཱི་སརྦ་ཨབྷི་ཥིཉྩནྟཾ། སརྦ་ཏ་ཐཱ་ག་ཏ་ས་མ་ཡེ་ཧཱུྃ། ཨུཏྤལ་མཛེས་པ་ལྷ་མོའི་ཕྱག་མཚན་ཉིད། །དེ་རིང་བུ་ཁྱོད་ལ་ནི་སྦྱིན་པར་བྱ། །འཁོར་བའི་འདམ་ནས་འདྲེན་བྱེད་པ། །རྒྱལ་བའི་ཕྱག་མཚན་ལྕགས་ཀྱུ་ཟུང་། །ཨོཾ་བཛྲ་ཌཱཀྐི་ནཱི་སརྦ་ཨབྷི་ཥིཉྩམཱཾ།

[Full Size]

མཾ། སརྦ་ཏ་ཐཱ་ག་ཏ་ས་མ་ཡེ་ཧཱུཾ། རྡོ་རྗེ་འཁོར་ལོ་རིན་པོ་ཆེ། །པདྨ་རྡོ་རྗེ་རྒྱ་གྲམ་རྣམས། །མཁའ་འགྲོ་རྣམས་ཀྱི་ཕྱག་མཚན་ཏེ། །དེ་རིང་ཁྱོད་ཀྱི་བཟུང་བར་བྱ། །རྟག་ཏུ་མཁའ་འགྲོས་བྱིན་རླབས་གྱུར། །ཨོཾ་བཛྲ་ཌཱཀྐི་ནཱི་སརྦ་ཨ་བྷི་ཥིཉྩམཱཾ། སརྦ་ཏ་ཐཱ་ག་ཏ་ས་མ་ཡེ་ཧཱུྃ། མེ་ཏོག་དམར་པོའི་ཕྲེང་བ་ཕུལ་བའི་མོས་པས། བཅོམ་ལྡན་འདས་མ་བདག་ལ་སྩལ་ལགས་ཀྱི། །བཅོམ་ལྡན་འདས་མས་བདག་ལ་བྱིན་གྱིས་རློབས། གསུམ་མམ་གཅིག །སློབ་དཔོན་ཐུགས་ཀའི་སྔགས་ཕྲེང་སློབ་མ་ཡི། །ཞལ་དུ་ཞུགས་ནས་ཐུགས་ཀར་ཐིམ་པ་ལས། །འོད་ཟེར་འཕྲོས་པས་ཕྱོགས་བཅུའི་སངས་རྒྱས་དང་། །བྱང་སེམས་ཀུན་གྱི་རྫུ་འཕྲུལ་མ་འདྲེས་ཆོས། །ཡེ་ཤེས་ཡོན་ཏན་ཉན་རང་འཇིག་རྟེན་སྐྱོང་། །པཎྜི་ཏ་དང་གྲུབ་ཐོབ་མཐུ་ནུས་ཀུན། །སྔགས་ཕྲེང་རྣམ་པར་སྤྱན་དྲངས་སློབ་མར་ཐིམ། །ཨོ་ཀུ་རུ་ཀུལླེ་ཧཱུྃསྭཱ་ཧཱ། ཞེས་ལན་གསུམ། རྗེས་ཟློས། སི་ར་གནས་གསུམ་དུ་སྲིན་ལག་གཡོན་པས་བྱུགས་ཤིང་། །སིནྡྷ་ར་ཡི་མཎྜལ་སྟེང་ཉིད་ནས། །ལྷ་མོ་འཁོར་བཅས་སློབ་མར་སིབ་སིབ་ཐིམ། །ཨོཾ་ཨཱཧཱུཾ། ཡེ་ཤེས་ཆེན་པོ་ཁྱོད་སོང་བས། །དེང་ནས་རྡོ་རྗེ་སྐྱེ་

[Full Size]

འཆི་མེད། །ཟབ་ཅིང་རྒྱ་ཆེའི་ཆོས་རྣམས་ལ། །བློ་གྲོས་ལྡན་པས་སྤྱོད་པར་གྱིས། །ཅེས་བརྗོད་ནས། གཙོ་བོས་ཇི་ལྟར་བཀའ་སྩལ་སོགས་ནས། དེ་ནས་བདག་ཉིད་དཀྱིལ་འཁོར་གྱི་ཤར་སྒོ་ནས། བདག་བསྐྱེད་ཀྱི་ཐུགས་ཀར་ཞུགས་པས་དབྱེར་མེད་པའི་ང་རྒྱལ་གྱིས། ཨོ་ཌཱཀྐི་ནཱི་ཀཱ་ཡ་ཝཱཀྐ་ཙིཏྟ་པྲ་བྷ་ཝ་ཨཱཏྨ་ཀོཉཧཾ། དེ་ནས་ཚོགས་འཁོར་བདུད་རྩི་ལྟར་བྱིན་གྱིས་བརླབས་ལ། གནས་འོག་མིན་ཆོས་དབྱིངས་ཞིང་ཁམས་ནས། །ཕ་བླ་མ་གར་དབང་རྡོ་རྗེ་འཆང་། །སྐུ་དམར་གསལ་དར་དང་རིན་ཆེན་བརྒྱན། །ཕྱག་རྡོ་རྗེ་དྲིལ་བུ་ཐུགས་ཀར་བསྣོལ། །གདན་པད་ཟླ་ཁྱུང་ཆེན་ཁྲི་ལ་བཞུགས། །འཁོར་རྩ་བརྒྱུད་བླ་མ་སྤྲིན་ལྟར་གཏིབས། །སྐུ་འཇའ་འོད་ཐིག་ལེ་ཤིགས་སེ་ཤིག །གསུང་གསང་སྔགས་ཆོས་སྒྲ་དི་རི་རི། །ཐུགས་བརྩེ་བའི་འཛུམ་མདངས་ཤིགས་སེ་ཤིག །ངེད་བུ་སློབ་ཚོགས་ཀྱི་དཔོན་ལ་བྱོན། །བཅུད་འཆི་མེད་བདུད་རྩི་ཚོགས་མཆོད་བཞེས། །དོན་ཕྱག་རྒྱ་ཆེན་པོའི་དངོས་གྲུབ་གནོངས། །ཕ་ཁྱེད་དང་དགོངས་པ་མཉམ་པ་ཞིག །དུས་ད་ལྟ་ཉིད་དུ་བྱིན་གྱིས་རློབས། །ནུབ་བདེ་ཆེན་འབར་བའི་ཞིང་ཁམས་ནས། །དཔལ་རིགས་ཀྱི་མགོན་པོ་འོད་དཔག་མེད། །སྐུ་དམར་

[Full Size]

གསལ་མཚན་དང་དཔེ་བྱད་འབར། །ཕྱག་ལྷུང་བཟེད་ཚེ་ཡི་བུམ་པ་བསྣམས། །གདན་མཛེས་བྱེད་རྨ་བྱའི་ཁྲི་ལ་བཞུགས། །འཁོར་སེམས་དཔའ་སེམས་མ་སྤྲིན་ལྟར་འཁྲིགས། །སྐུ་འོད་ཟེར་སངས་རྒྱས་ཞིང་ཀུན་གསལ། །གསུང་ཚངས་དབྱངས་དྲུག་ཅུ་སྙན་པའི་སྒྲ། །ཐུགས་འགྲོ་བ་ཀུན་ལ་རྟག་ཏུ་དགོངས། །ངེད་འདིར་འཚོགས་ཚོགས་ཀྱི་དཔོན་ལ་བྱོན། །ཚོགས་ཟག་མེད་བདུད་རྩིའི་མཆོད་པ་བཞེས། །དོན་འཆི་མེད་ཚེ་ཡི་དངོས་གྲུབ་གནོངས། །བདག་འཕོས་ཚེ་ཁྱོད་ཀྱི་ཞིང་ཁམས་སུ། །དེར་སྐྱེ་བར་ད་ལྟར་བྱིན་གྱིས་རློབས། །ལྷོ་ཀུ་རུ་ཀུལླེའི་རི་ཕུག་ནས། །ཡུམ་བཅོམ་ལྡན་ལྷ་མོ་རིག་བྱེད་མ། །སྐུ་པདྨ་རཱ་གའི་རི་བོ་འདྲ། །ཕྱག་མདའ་གཞུ་ལྕགས་ཀྱུ་ཨུཏྤལ་བསྣམས། །གདན་དབང་ཕྱུག་དགྲ་ཅན་ཞབས་ཀྱིས་མནན། །འཁོར་གནས་གསུམ་མཁའ་འགྲོ་སྤྲིན་ལྟར་གཏིབས། །སྐུ་རིན་ཆེན་རུས་རྒྱན་ཁྲ་ལ་ལ། །གསུང་རིག་སྔགས་འབྲུག་སྒྲ་འུ་རུ་རུ། །ཐུགས་སྣང་སྲིད་དབང་བསྡུད་ཧྲི་ལི་ལི། །མ་འདིར་གཤེགས་བུ་ཡི་ཚོགས་དཔོན་མཛོད། །ཚོགས་ཤ་ལྔ་བདུད་རྩི་ལྔ་པོ་བཞེས། །དོན་ཁམས་གསུམ་དབང་བསྡུད་

[Full Size]

དངོས་གྲུབ་གནོངས། །མ་ཁྱེད་ལྟར་སྣང་སྲིད་ཟིལ་གནོན་པར། །བུ་ད་ལྟ་ཉིད་དུ་བྱིན་གྱིས་རློབས། །ནུབ་ཨོ་རྒྱན་སྤྲུལ་པའི་ཞིང་ཁམས་ནས། །འཁོར་གོའུ་རི་ལྷ་མོ་བཅུ་བཞི་པོ། །སྐུ་མཚལ་མདོག་རུས་རྒྱན་དར་དཔྱང་འཕུར། །ཕྱག་ཨུཏྤལ་མདའ་གཞུ་ཝངས་སེ་ཝང་། །གདན་པད་ཉི་བམ་གྱི་སྟེང་ལ་འགྱིང་། །འཁོར་ཌཱ་ཀི་བྱེ་བ་སྤྲིན་ལྟར་གཏིབས། །སྐུ་བྱིན་རླབས་མེ་དཔུང་འུ་རུ་རུ། །གསུང་ཕོ་ཕོ་ཨ་ར་ལི་ཡི་སྒྲ། །ཐུགས་བསྒྲུབ་པ་པོ་ལ་དུངས་སེ་དུང་། །ངེད་འདིར་འཚོགས་ཚོགས་ཀྱི་དཔོན་ལ་བྱོན། །ཚོགས་བདུད་རྩིར་བྱིན་རློབས་དགྱེས་པར་རོལ། །དོན་མཆོག་དང་ཐུན་མོང་དངོས་གྲུབ་གནོངས། །སྲིང་ཁྱེད་དང་སྐལ་པ་མཉམ་པ་ཞིག །དུས་ད་ལྟ་ཉིད་དུ་བྱིན་གྱིས་རློབས། །ཡུལ་ཉི་ཤུ་རྩ་བཞིའི་གནས་མཆོག་ནས། །རྒྱུད་བཀའ་ཡི་སྲུང་མ་གྲི་ཐོད་ཅན། །སྐུ་མཐིང་ནག་ཆར་སྤྲིན་གཏིབས་པ་འདྲ། །ཕྱག་ཟངས་གྲི་ཐོད་པ་ཟང་སེ་ཟང་། །གདན་པད་ཉི་བམ་ཆེན་གདན་ལ་བཞུགས། །འཁོར་ཌཀྐི་བྱེ་བ་བསམ་མི་ཁྱབ། །སྐུ་དུར་ཁྲོད་རྒྱན་ཆ་སྤུངས་སེ་སྤུང་། །གསུང་དྲག་སྔགས་འབྲུག་སྒྲ་དི་རི་རི། །ཐུགས་གསང་

[Full Size]

སྔགས་བསྟན་པ་དུངས་སེ་དུང་། །འདིར་ཚོགས་ཀྱི་མཆོད་པ་བཞེས་ཕྱིར་བྱོན། །དགྲ་གདོན་བགེགས་ཚོགས་སུ་བསྟིམས་ལ་རོལ། །དོན་ཕྲིན་ལས་རྣམ་བཞིའི་དངོས་གྲུབ་གནོངས། །མི་བདག་གི་ཅི་བསམ་འགྲུབ་པ་ཞིག །དུས་ད་ལྟ་ཉིད་དུ་ཕྲིན་ལས་མཛོད། །དེ་ནས་ཚོགས་ཕུད་གཏོར་མ་བྲན། ཨོ་གུ་རུ་བཛྲ་དྷ་ར་ཨི་དཾ་བྷ་ལིཾ་ཏ་ཁཱ་ཧི། ཨོ་ཀུ་རུ་ཀུལླེ་ཧིས་པཱ་རི་ཝཱ་ར་ཨི་དཾ་བྷ་ལིཾ་ཏ་ཁཱ་ཧི། ༀ་མ་ཧཱ་ཀཱ་ལ་སརྦ་ཀི་ནཱི་ཨི་དཾ་བྷ་ལཾ་ཏ་ཁཱ་ཧི། ཚོགས་དྲངས་ལ། རྫས་ཤ་ཆེན་ལྔ་དང་བདུད་རྩི་ལྔ། །ཡེ་གདོད་ནས་རྣམ་དག་བདུད་རྩི་སྟེ། །དེ་མ་གཏོགས་འཁྲུལ་པས་གཙང་སྨེར་འཛིན། །ད་ཆོས་དབྱིངས་མཉམ་ཉིད་ཨ་ལ་ལ་ཧོ། །ཞེས་ཕུལ། ཧོ༔ སྤང་བྱ་དུག་ལྔའི་ཕ་རོལ་ན། །བླང་བྱའི་ཡེ་ཤེས་ལྔ་པོ་མེད། །ངེད་མ་བཅོས་ལྷུག་པའི་བདུད་རྩིའི་བླང་། །དོན་མཉམ་ཉིད་བདེ་ཆེན་ཨེ་མ་ཧོ། །ཞེས་བརྗོད་ནས་རོལ་ཏེ་ལྷག་མ་བྲན། ཨ་ཀཱ་རོས་བྱིན་གྱིས་བརླབས་ནས། །གནས་ཆེན་པོ་ཉི་ཤུ་རྩ་བཞི་དང་། །ཡུལ་ཆེན་པོ་སུམ་ཅུ་སོ་གཉིས་ན། །དོན་སངས་རྒྱས་དགོངས་པ་ཡིན་མོད་ཀྱང་། །སྐུ་ཆ་ལུགས་མཛད་པ་འཁོར་བའི་ཚུལ། །མདོག་དཀར་

[Full Size]

སེར་དམར་ལྗང་སྔོ་དང་སྨུག །རྒྱན་རུས་པ་མགོ་ཕྲེང་ཁྲག་ཞག་ཐིག །གོས་མི་ལྤགས་སྟག་ལྤགས་གླང་ཆེན་ཀོ །ཕྱག་གྲི་ཐོད་ཁ་ཊཾ་ཌཱ་མ་རུ། །སྐུ་རླུང་ནག་འཚུབ་ཅིང་མེ་དཔུང་འབར། །ལམ་བར་སྣང་ཁམས་སུ་སྐར་མ་བཞིན། །ཡར་མཐོ་རིས་གནས་སུ་ལྟད་མོ་ལྟ། །མར་ངན་སོང་སྐྱིད་སྡུག་ས་ལེར་མཐོང་། །གནས་ཚོགས་ཁང་དུར་ཁྲོད་གནས་བརྒྱད་ཉུལ། །ལས་འཇིག་རྟེན་བདེན་རྫུན་ཤན་ཡང་འབྱེད། །ཕོ་སྐྱེས་པ་ཀུན་གྱི་བླ་ཡིད་ཁྱེར། །མོ་མཛེས་མ་ཀུན་གྱི་བཀྲག་མདངས་ལེན། །སྒོམ་ཉམས་ལེན་མཁའ་གྱི་དྲོད་ཚད་ཉུལ། །ཆོས་གསང་སྔགས་བསྟན་པ་ཡིད་ལ་འཆར། །ལྷ་དཀྱིལ་འཁོར་ཀུན་གྱི་མཐའ་ལ་གནས། །ཚོགས་མཆོད་པ་ཀུན་གྱི་ལྷག་མ་སྡུད། །བཀའ་སྣང་སྲིད་ལྷ་འདྲེ་ཕོ་ཉར་འགྱེད། །གདོན་སྟོང་ཕྲག་བརྒྱད་ཅུ་རོལ་དུ་ཁྲིད། །ནད་བཞི་བརྒྱ་རྩ་བཞིའི་ས་བོན་འདེབས། །མི་དམ་ཉམས་རྣམས་ལ་ཆད་པ་གཅོད། །ཟས་བསྟན་དགྲའི་ཤ་ཁྲག་ཟས་སུ་ཟ། །ཁྱེད་དགའ་བའི་ལྷག་གཏོར་བཤམས་ནས་འབུལ། །ང་རྣལ་འབྱོར་བདག་གི་ཕྲིན་ལས་སྒྲུབས། །རྐྱེན་བར་ཆད་ནད་རིམས་དལ་ཁ་ཟློག །སྔོན་ཁས་བླངས་

[Full Size]

བཞིན་དུ་ཕྲིན་ལས་མཛོད། །ཨོཾ་ཨུཙྪིཥྚ་བྷ་ལི་ཏ་ཁཱ་ཧི། ཞེས་ལྷག་གཏོར་ཕུལ། སྒྲུབ་པ་ཡིན་ན་གྲོལ་ཁ་བར་རྗེས་ཆོག་མི་བྱ། གྲོལ་ཁ་བདག་འཇུག་རྒྱས་པ་བླང་ལ། བུམ་ཆུ་བཏུང་བ་དང་ཁྲུས་བྱ། སིནྡྷར་གནས་གསུམ་དུ་བྱུག །མེ་ལོང་ལ་བལྟས་ནས་ཆོས་ཐམས་ཅད་མེ་ལོང་གི་གཟུགས་བརྙན་ལྟར་བསམ། བདུད་རྩི་བཏུང་བ་རྣམས་དངོས་གྲུབ་ལེན་ཆོག་ཡིན། དུས་མཆོད་སོགས་ལ་འཕྲལ་དེར་རྗེས་ཆོག་བྱ་སྟེ། ཨོ་ཀུ་རུ་ཀུལླེ་ས་པཱ་རི་ཝཱ་ར་ཨབྷཾ་སོགས། གཅིག་ཤེས་ཀུན་གྲོལ་ནས་གསུངས་པའི་བསྟོད་པ་དང་། གང་གི་དྲན་པ་ཙམ་གྱིས་ནི། །ལྷ་དང་ལྷ་མིན་མི་བཅས་རྣམས། །ངེས་པར་མངག་གཞུག་བྱེད་གྱུར་པའི། །སྒྲོལ་མ་དེ་ལ་ཕྱག་འཚལ་བསྟོད། །རབ་དཀར་ཆོས་སྤྱོད་བཅུ་དང་དགེ་བ་བཅུ། །མཁས་པའི་བྱ་བ་གསུམ་དང་ཐོས་བསམ་བསྒོམ། །བསླབ་པ་གསུམ་གྱི་དྲི་བསུང་རབ་འཕྲོ་བའི། །འདུས་པའི་པདྨོ་འདབ་སྟོང་ལྡན་གྱུར་ཅིག །ཅེས་ཆོས་ཀྱི་དབང་ཕྱུག་གིས་གསུངས་པ་དང་། སྤྲོ་ན་ཆོས་སྤྱོད་ནས། དགེ་འདུན་སྡེ་རྒྱས་སོགས༴ ཤོ་ལོ་ཀ་གཉིས་ཆོས་གྲགས་རྒྱ་མཚོས་གསུངས་པ་དང་། ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་

[Full Size]

ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །ཅེས་དང་། བདག་མདུན་ཐུགས་ཀའི་ཧཱུྃལས་འོད་ཟེར་འཕྲོས། །སྣོད་བཅུད་ལ་ཕོག་ཐམས་ཅད་འོད་དམར་ཞུ། །མེ་ལོང་ལ་ནི་ཧས་བཏབ་ཡལ་བ་བཞིན། །ཐམས་ཅད་བདག་ཐིམ་བདག་ཀྱང་ཧྲིལ་ཐིམ། །དེ་ཡང་རིམ་གྱིས་འདུས་ནས་སྟོང་པ་ཉིད། །སླར་ཡང་ཟུང་འཇུག་གཙོ་མོ་རྐྱང་པའི་སྐུ། །འཁོར་བ་ཇི་སྲིད་འགྲོ་བའི་དོན་བྱའོ། །དགེ་བས་བདག་གཞན་འབྲེལ་ཐོགས་ཐམས་ཅད་ཀུན། །བདེ་ཆེན་ཞིང་གི་དཔལ་ལ་སྤྱོད་པར་ཤོག །ཅེས་པ་ཀྱི་རྡོ་རྗེའི་བརྟག་པ་གཉིས་པ་དང་སཾ་བྷུ་ཊའི་རྒྱུད་གཉིས་ཀ་ལས་གསུངས་པའི་དོན་པཎྜིཏ་རྡོ་རྗེ་གདན་པ་ཆེན་པོས་དབང་རྡོ་རྗེ་ཕྲེང་བའི་གྲལ་ལྷ་མོ་བཅོ་ལྔའི་དཀྱིལ་འཁོར་གསུངས་པ་དང་། སྒྲུབ་ཐབས་རྒྱ་མཚོ་བརྒྱ་རྩ་སོགས་རྒྱ་གཞུང་གཙོ་རྐྱང་ཤིན་ཏུ་མང་བ་དང་། །གཅིག་ཤེས་ཀུན་གྲོལ་ལས་བྱུང་བ་དང་། རྗེ་ཆོས་ཀྱི་དབང་ཕྱུག་གིས་མཛད་པའི་ཆོ་ག་ཐམས་ཅད་ཀྱི་དོན་བསྡུས་ཏེ། འདོན་ཆ་ཚིགས་སུ་བཅད་པ་ཁྱེར་བདེ་བ་འདི་ནི་བླ་མ་ཀརྨ་བརྩོན་འགྲུས་རྒྱ་མཚོས་ནན་ཏན་ཆེན་པོས་བསྐུལ་བ་ལ་བརྟེན་ནས་དགེ་སློང་རཱ་ག་ཨ་སྱས་ཤུགས་འཆང་རྟའི་ལོ་རྒྱལ་གྱི་ཟླ་བའི་ཡར་ཚེས་བརྒྱད་ལ་ཡོངས་སུ་གྲུབ་པར་སྦྱར་བ་མངྒ་ལཾ།

མཆོག་དང་ཐུན་མོང་དངོས་གྲུབ་ཀུན་འགྲུབ་ཕྱིར། ༼ཟ༽ །དངོས་གཞི་སྒྲུབ་པ་ཆེན་མོའི་ལོ་རྒྱུས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། བཅོམ་ལྡན་འདས་སྒྲོལ་མ་དམར་མོའི་རིག་བྱེད་མའི་སྒྲུབ་ཐབས་ཆེན་པོ་ལོ་རྒྱུས་དང་བཅས་པ་ཡོད། གང་ཟག་གཅིག་ལ་འདི་བྱས་ན་དབང་དུ་འདུ་བ་སྟེ། གལ་ཏེ་དབང་དུ་མ་འདུས་ན་ནི་གང་ཟག་དེ་ཚེ་ཐུང་བར་འགྱུར་གསུངས་པའི་ཕྱིར་ཉེས་པ་ཡང་ཤིན་ཏུ་ཆེ་བར་བཤད་པས་ལག་ཏུ་བླངས་པ་ཧ་ཅང་མི་ལེགས་སོ། །སྒྲུབ་པ་རྩ་བ་དངོས་གཞི་འདི་ཡིན་ཤིན་ཏུ་གསང་བ་དམ་ཚིག་གོན་མོ་ཨརྱ་ཏཱ་རེ་ཡེ། བླ་མ་བ་རི་ལོཙྪ་རིན་ཆེན་གྲགས། །གསེར་ནི་དཔག་མེད་བསྣམས་ནས་རྒྱ་གར་བྱོན། །རྡོ་རྗེ་གདན་པ་ལ་སོགས་མང་པོ་བསྟེན། །ཁྱད་པར་པཎ་ཆེན་དོན་ཡོད་རྡོ་རྗེ་ལ། །འདི་ཡི་ཟབ་ཆོས་གདམས་པ་མང་པོ་ཞུས། །བོད་དུ་བྱོན་པས་ས་ཆེན་ཀུན་སྙིང་གིས། །ས་སྐྱའི་ཆོས་རྗེར་བསྐོས་ནས་ལོ་བཅུ་གསུམ། །ས་སྐྱའི་གདན་ས་མཛད་ཚེ་ས་སྐྱ་པས། །རྒྱུན་དུ་བཀུར་སྟི་ཞབས་ཏོག་རྒྱ་ཆེར་མཛད། །སྐུ་དྲིན་ཆེ་ཕྱིར་འདས་ཁ་གདམས་ངག་རྣམས། །ལྷག་མ་མེད་པར་ས་ཆེན་ཉིད་ལ་གནང་། །ས་ཆེན་ཉིད་ལ་གྲགས་པ་རྒྱལ་མཚན་ཞུས། །གཙང་གི་རི་བོ་གླང་ཆེན་འདྲ་བའི་སྣར། །ཚོགས་བདག་དམར་པོ་བསྒྲུབས་པས་ཞལ་གཟིགས་ནས། །སྣ་ལྗགས་རྩེ་ལ་ཁོང་བཞག་ནམ་མཁར་

[Full Size]

ཁྱེར། །ལྟོས་ཤིག་ཟེར་བས་ནམ་མཁར་གླེད་ཡུ་འཁོར། །ཧ་ཅང་ལྟ་མ་ཕོད་ནས་ས་ལ་བཞག །ཅི་མཐོང་ཟེར་ནས་སྐྲག་ནས་ལྟ་མ་ཕོད། །ཤར་ཕྱོགས་རྒྱ་མཚོའི་འགྲམ་ན་གྲོང་ཁྱེར་ནི། །དཀར་དྭངས་རྩིག་གེ་འགའ་རེ་མཐོང་སྨྲས་པས། །དེ་ནི་ཤར་ཕྱོགས་རྒྱ་ནག་ཡུལ་ཡིན་ཏེ། །ཁྱོད་ཀྱི་ཚ་བོས་རིང་ལ་དབང་དུ་འདུ། །ཞེས་པ་ཚོགས་ཀྱི་བདག་པོས་ལུང་བསྟན་ཏེ། །ཁོ་རང་རིང་ལ་མངའ་ཐང་ཆེར་མ་འཕེལ། །དེ་ཕྱིར་འཇིག་རྟེན་ལྷ་ཡི་དངོས་གྲུབ་ནི། །སྒྲུབ་མཁན་དེ་ལ་མི་འོང་མི་རྒྱུད་ལ། །འོང་བ་ཡིན་ཞེས་ཀུན་གྱིས་སྨྲ་བ་ཡིན། །བདེན་པར་འདྲ་སྟེ་དུས་ཕྱིས་སྔགས་པ་ཞིག །དབང་ཕྱུག་ལན་མང་བསྒྲུབ་ཀྱང་དབུལ་ཞིང་ཕོངས། །བུ་ལ་ཕྱུག་པོའི་གནས་ཆེན་བཙན་གྲགས་ལྡན། །གཅིག་གིས་འཛམ་དཀར་བསྒྲུབ་པའི་མི་རྒྱུད་ལ། །ཤིན་ཏུ་ཕྱུག་ནས་བཀའ་འགྱུར་བཞེངས་པ་བྱུང་། །རྗེ་བཙུན་གྲགས་པས་ཚ་བོ་ས་པཎ་ལ། །ཁྱོད་རང་ཚེ་སྟོད་གདུལ་བྱ་ཕྲིན་ལས་ཆུང་། །རྒས་དུས་ཞྭ་ནི་ཁྲ་དང་འདྲ་བ་ལ། །ལྷམ་ནི་ཕག་སྣ་འདྲ་བ་གྱོན་པའི་མིས། །གདན་འདྲེན་འོང་བས་བྱོན་དང་གདུལ་བྱ་འོང་། །གསུངས་པ་བཞིན་དུ་རྒྱ་ནག་

[Full Size]

གདན་འདྲེན་བྱུང་། །གདུལ་བྱ་ལོངས་སྤྱོད་བསམ་ལས་འདས་ན་ཡང་། །རྒྱལ་པོ་དབང་དུ་མ་འདུས་དབང་མ་ཞུས། །ཚ་བོ་འགྲོ་མགོན་ཆོས་རྒྱལ་འཕགས་པ་ཡིས། །རྒྱལ་པོ་དབང་དུ་བསྡུད་ཕྱིར་འདི་བསྒྲུབས་པས། །རྒྱལ་པོས་དབང་ཞུས་ནུབ་གཅིག་དབང་ཡོན་ལ། །བོད་ཡུལ་ཁྲི་སྐོར་བཅུ་གསུམ་སྡེ་ཀུན་ཕུལ། །དེ་དུས་བོད་ཡུལ་ཐམས་ཅད་ས་སྐྱས་དབང་། །དགོན་སྡེ་བསམ་ལས་འདས་པ་དེ་དུས་བཏབ། །ས་སྐྱའི་ལྷ་ཁང་ཆེན་པོ་དེ་དུས་བཞེངས། །དེ་ཕྱིར་ད་ལྟའང་དབུས་གཙང་ཡུལ་དུ་ནི། །ཆོས་ལུགས་ཀུན་ལ་ས་སྐྱའི་དགོན་པ་མང་། །དེ་ལྟར་རྒྱལ་པོ་ལ་སོགས་སྟོབས་ཆེན་གཅིག །དབང་དུ་འདུས་ན་ཐམས་ཅད་དབང་འདུས་ཕྱིར། །འདི་ནི་གང་ཟག་གཅིག་གི་དབང་སྡུད་ཐབས། །དེ་ཡང་བསོད་ནམས་ཆེ་བའི་རྒྱལ་པོ་སོགས། །ཐོག་མ་ཉིད་དུ་དབང་དུ་འདུ་དཀའ་བས། །ཉེར་མཁོ་བསོད་ནམས་ཆུང་བའི་གང་ཟག་གཅིག །དང་པོ་དབང་བསྡུད་དེ་ཉིད་རྟགས་ཐོན་ནས། །དེ་ནས་བསོད་ནམས་ཆེ་བའི་རཱ་ཛ་སོགས། །དབང་དུ་བསྡུས་ཀྱང་སླ་བ་མན་ངག་གོ །དེ་ལ་དཔའ་བོ་གཅིག་སྒྲུབ་རྒྱུད་ཆེན་དང་། །རྒྱ་གཞུང་

[Full Size]

བླ་མའི་མན་ངག་ཀུན་གྱི་དོན། །བུད་མེད་ཟླ་མཚན་འགོས་པའི་གོས་སམ་རས། །ཡང་ན་གྲོ་ག་ལ་ཡང་རུང་བ་སྟེ། །ཙནྡན་དམར་པོ་གུར་གུམ་གི་ཝང་དང་། །རང་གི་སྲིན་ལག་ཁྲག་ཀྱང་བསྲེས་པ་ཡི། །འཁོར་ལོའི་ལྟེ་བར་ཧཱུྃ༔དང་དེ་ཡི་མཐར། །བདག་ཆེ་གེའི་དབང་དུ་ཆེ་གེ་མོ། །ཝ་ཤང་ཀུ་རུ་ཧོ་ཞེས་བསྐོར་བར་བྲི། །དེ་རྒྱབ་འཁོར་ལོ་རྩིབས་ནི་བཅུ་དྲུག་པོ། །ཨུཏྤལ་ལ་ཡི་འདབ་མ་ལྟ་བུ་ཡིན། །རེ་རེའི་ནང་དུ་བསྒྲུབ་བྱའི་མིང་རེ་བྲི། །ཀུ་རུ་ཀུལླེའི་ཡིག་འབྲུ་བཞི་རེས་བསྐོར། །དེ་རྒྱབ་མུ་ཁྱུད་རིམ་པ་གསུམ་པོ་ལ། །ཨོ་ཡིག་ཁོ་ན་དུ་ཤོང་བྲི་བར་བྱ། །མིང་ཡིག་དེ་ལ་བསྒྲུབ་བྱ་བཀུག་བསྟིམ་བྱ། །ཅི་བདེར་ལྟེབ་ལ་སྐུད་པ་དམར་པོས་དཀྲིས། །སྤྲ་ཚིལ་ལིང་ག་སོར་བརྒྱད་སྙིང་གར་བཅུག །དེ་ལ་བསྒྲུབ་བྱ་དངོས་སུ་དམིགས་པས་བསྐྱེད། །ཡང་ཡང་འགུགས་གཞུག་མང་པོ་བྱས་ལ་བསྟིམ། །བུ་མོ་གཙང་མས་བཀལ་བའི་སྐུད་པ་ནི། །དམར་པོ་ཟངས་མའི་ཁབ་ཀྱི་མིག་ལ་བརྒྱུད། །འོད་ཟེར་དམར་པོ་ལྕགས་ཀྱུ་ལྟ་བུ་ཡིས། །ཕུག་ཅིང་ཞགས་པས་དྲང་བར་བསྒོམ་བྱ་ཞིང་། །ཟངས་ཁབ་སྐུད་པས་ལིངྒའི་གསང་གནས་དྲང་། །

[Full Size]

དེ་ཉིད་ས་ཡི་གྲུ་ཁུང་ཟླ་གམ་མམ། །ཡང་ན་ཟངས་སྡེར་ནང་བཞག་དཀྱིལ་འཁོར་དྲུང་། །ཚེས་གཅིག་ནས་བཟུང་བཅོ་ལྔའི་བར་དག་ཏུ། །གོས་དམར་གྱོན་ཞིང་ཙནྡན་ཕྲེང་བ་བགྲངས། །ཐུན་གསུམ་མམ་ནི་ཐུན་བཞི་སྔགས་ཀྱི་གྲངས། །ཁྲི་རེ་བཟླས་ཤིང་ཐུན་མཚམས་མདུན་བསྐྱེད་ལ། །ཙན་དན་དམར་པོ་བྱུག་པའི་མཎྜལ་དང། །དར་དམར་མེ་ཏོག་དམར་དང་ཚོགས་མཆོད་ཕུལ། །རང་ཉིད་ལྷ་མོའི་སྐུ་ལུས་སྟོང་པའི་ནང་། །ཧཱིདམར་ལས་བྱུང་ཨུཏྤལ་སྡོང་པོ་ནི། །རྩ་བ་གསང་བའི་གནས་ནས་སྐྱེས་པ་ལ། །འདབ་མ་བརྒྱད་པ་དམར་པོ་ཐུགས་ཀར་བྱེ། །དེ་དབུས་ཉི་སྟེང་ཧཱུྃལས་སྔགས་གཡོན་འཁོར། །འདབ་མ་བརྒྱད་ལ་དབྱངས་ཡིག་དམར་པོ་བརྒྱད། །ཨཱ་ཨཱི་ཨཱུ་རྀ་ལྀ་ཨེ་ཨོ་ཨོཾ། ཧཱི༔ལས་འོད་འཕྲོས་བསྒྲུབ་བྱ་གང་ཡིན་དེ། །ཡཾ་ལས་བྱུང་བའི་རླུང་གི་དཀྱིལ་འཁོར་སྟེང་། །སྐྲ་གྲོལ་གཅེར་བུར་འདུག་པར་གྱུར་པ་ལས། །འོད་ཟེར་ཨུཏྤལ་སྤྱི་ཞགས་པ་མགྲིན་པར་བཏབ། །ལྕགས་ཀྱུས་སྙིང་ཁ་ནས་བཟུང་རླུང་གིས་ཁྱེར། །ཤིན་ཏུ་མྱུར་ཞིང་རིང་དྲགས་གདན་ཚུལ་གྱིས། །བཀུག་ནས་ལིངྒ་ལ་ཐིམ་རང་ཉིད་ཀྱི། །རྐང་

[Full Size]

པའི་ཐད་དུ་གཞོགས་གཡོན་སར་བསྟན་ནམ། །གན་རྐྱལ་ཉིད་དུ་འགྱེལ་ཏེ་གནས་པ་ལ། །ཕྱག་གི་ལྕགས་ཀྱུས་ཕོ་ཡི་སྙིང་ག་དང་། །མོ་ཡི་གསང་བར་བཏབ་སྟེ་བཟུང་ནས་གནས། །དེ་ཡི་སྙིང་གར་པདྨའམ་ཨུཏྤལ་ནི། །འདབ་བརྒྱད་དམར་པོའི་སྡོང་བུ་སྐྱེས་མ་ཐག །རྩ་བ་ལྟེ་བའི་གནས་སུ་ཟུག་པ་ལ། །འདབ་བརྒྱད་ཁ་ནི་སྙིང་གར་བྱེ་བ་ཡིས། །དབུས་སུ་ཁོ་ཡི་མིང་གི་ཡི་གེ་ལ། །འདབ་བརྒྱད་དབྱངས་ཡིག་ཐུང་ངུ་བརྒྱད་བཀོད་དེ། །ཨ་ཨི་ཨཱ་རི་ལ་ཨེ་ཨོ་ཨཾ་ཨཱཿ རང་གི་ཐུགས་ཀའི་ཧྲིལས་འོད་ཟེར་ནི། །ལྕགས་ཀྱུ་དང་ནི་ཧཱུྃཡིག་རྣམ་པ་ཅན། །འཕྲོས་ཏེ་རང་གི་སྣ་བུག་གཡས་ནས་ཐོན། །མདའ་སྟོང་ནས་ཞུགས་མདའ་ཡི་རྒྱུད་ནས་སོང་། །མདེའུ་ཨུཏྤལ་ལྟེ་བའི་དབུས་ནས་ཐོན། །བསྒྲུབ་བྱའི་སྣ་བུག་ནས་ཞུགས་སྙིང་ཁར་སོང་། །ཁོ་ཡི་མིང་ཡིག་རེ་རེ་ནས་བླངས་ཏེ། །རང་གི་སྣ་བུག་གཡས་ཞུགས་ཐུགས་ཀར་ཐིམ། །ཡང་ན་སྔོན་ལྟར་རང་གི་ཐུགས་ཀ་ནས། །བུང་བ་དམར་པོ་རྒྱག་ཅིང་ཁྲོ་མོའི་ཚོགས། །འཕྲོས་ཏེ་མདའ་ཡི་རྒྱུད་ནས་སྣ་གཡས་ཞུགས། །ཁོ་ཡི་སྙིང་གའི་པདྨའི་བཅུད་རྣམས་འཇིབ། །མེ་ཏོག་སྡོང་པོ་རྙིད་ཅིང་

[Full Size]

མདོག་ནག་གྱུར། །རང་གི་ཕྱག་མཚན་མདའ་ལས་ཨུཏྤལ་གྱི། །མདའ་ཡི་ཚོགས་འཕྲོས་ཕོ་ཡི་སྙིང་ག་དང་། །མོ་ཡི་གསང་བའི་གནས་སུ་མདེའུས་ཕུད། །མདའ་སྒྲས་ཁོ་ཡི་སྙིང་གའི་བུང་བ་འདྲོག །ཁོ་ཡི་སྙིང་གའི་དབྱངས་ཡིག་རེ་རེ་ནས། །བུང་བས་ཁྱེར་ཏེ་སྣ་བུག་གཡོན་ནས་ཞུགས། །རང་གི་སྣ་བུག་གཡས་ཞུགས་ཧིལ་ཐིམ། །རང་བཞིན་ཡེ་ཤེས་ངོ་བོ་དབྱེར་མེད་གྱུར། །དེ་ལྟར་འོད་ཟེར་ཨུཏྤལ་དམར་པོ་ཡི། །མདའ་ཡི་དྲྭ་བ་མགལ་མེའི་འཁོར་ལོ་ལྟར། །དེ་ཡི་ནང་དུ་ཁོ་ཡི་རྣམ་ཤེས་ལུས། །ཚུད་པས་འགོ་འཁོར་སྨྱོས་ཤིང་དྲན་པ་མེད། །ཕོ་ཡི་སྙིང་ག་མོ་ཡི་བྷ་ག་ལ། །ཨུཏྤལ་མདའ་ཡིས་ཕོག་པས་ཐིག་ལེ་འཛག །བདག་ལ་རང་དབང་མེད་པར་ཆགས་པར་དམིགས། །ཨོ་ཀུ་རུ་ཀུ་ལླེ་ཧཱུྃཆེ་གེ་ཝ་ཤང་ཀུ་རུ་ཧོ། ཨ་ཀར་ཡ་ཧཱུྃསྭཱ་ཧཱ། རྨི་ལམ་བུད་མེད་ཚོགས་ཀྱིས་བསྙེན་བཀུར་དང་། །མེ་ཏོག་དམར་པོའི་ཕྲེང་བ་རྒྱན་གོས་སྟེར། །སྐྱེ་བོ་མང་པོའི་ཕྱག་འཚལ་བཀུར་སྟི་འབྱུང་། །དེས་ནི་འདུ་ཞིང་གལ་ཏེ་འདུ་དཀའ་ན། །ཐུན་མཚམས་སེང་ལྡེང་ཤུག་པ་དམར་པོ་ཡི། །དབང་གི་སྦྱིན་སྲེག་བྱས་པའི་

[Full Size]

མེ་ལ་ནི། །སྤྲ་ཚིལ་ལིང་ག་ཞུ་ལ་ཁད་དུ་གསོ། །སྔགས་བཟླས་རྐང་པ་མནན་པས་དེ་མ་ཐག །དབང་དུ་བསྡུས་ལ་ཐེ་ཚོམ་མེད་པར་གསུངས། །ཤིན་ཏུ་སྟོབས་ལྡན་དེས་ཀྱང་།འདུ་དཀའ་ན། །དཔྱིད་ཟླ་ར་བའི་ཚེས་བརྒྱད་གོས་དམར་གྱོན། །མྱོས་བྱེད་འབྲས་བུ་སྤོས་སོན་འཇའ་དང་ནི། །དེ་གཉིས་རྒྱ་གར་ཤིང་ཐོག་རྙེད་པར་དཀའ། །རྒུན་འབྲུམ་ལ་སོགས་ཤིང་ཐོག་དམར་པོའི་རིགས། །ཆང་གི་གླུམ་ནི་ཁ་རུ་མུར་བྱེད་ཅིང་། །དཔྲལ་བར་རྒྱ་སྐག་ཐིག་ལེས་རྒྱན་ནས་ཀྱང་། །ལིང་ག་འཁོར་ལོ་ཅན་དེ་རྐང་པས་མནན། །གོང་གི་སྔགས་ནི་མིང་སྤེལ་བཅས་པ་བཟླས། །དེ་ནི་སྤོག་ཆོག་ཤིན་ཏུ་ཟབ་པའོ། །གལ་ཏེ་ཆགས་ལམ་མ་བསྟེན་རྣལ་འབྱོར་པས། །དེ་ལྟར་ཕྱག་རྒྱ་ལ་སོགས་དབང་བསྡུས་ནས། །དེ་ནས་བྲལ་བར་འདོད་ཀྱང་མ་འབྲལ་ན། །ལིངྒ་ཙཀྲ་ཕྱུང་ལ་འོ་མས་བཀྲུ། །འཁོར་ལོ་གསར་པ་བྲིས་པའི་མིང་སྤེལ་བར། །ཆྒཻ་བཅིངས་བ་ལས་གྲོལ་བར་གྱུར་ཅིག ཅེས་བྲིས་རབ་གནས་བྱས་ལ་རང་གིས་བཟུང་། །ཨོ་ཀུ་རུ་ཀུལླེ་ཧྲཱིཿ ཆྒཻ་བཅིངས་བ་ལས་གྲོལ་བར་གྱུར་ཅིག་སྭཱ་ཧཱ། ཞེས་བཟླས་ཙཀྲ་དེ་ཉིད་རང་གིས་སྤང་། །ཙཀྲ་
སྲེ་མོང་ཚང་གི་ཁུང་དུ་སྦས། །དེ་ཡིས་གྲོལ་ནས་གཞན་དུ་དེང་བར་འགྱུར། །འདི་དག་བསྒྲུབ་པ་གཙོ་བོ་ཡིན་ན་ཡང་། །དཀའ་ཚེགས་ཆེ་ལ་སྟབས་ཀྱང་མི་བདེ་ལ། །སྒྲུབ་སྐོར་ཆ་ལག་ཚང་ཕྱིར་ཨ་རཱ་གས། །བྲིས་པས་ཉེས་བཤགས་དགེ་བས་འགྲོ་བ་ཀུན། །ཨརྱ་ཏཱ་རེའི་གོ་འཕང་ཐོབ་ཕྱིར་བསྔོ། །མངྒ་ལཾ།།

ལོག་ལྟ་ཅན་རྣམས་ཆོས་ལ་འཛུད་པའི་ཕྱིར། ༼འ༽ །མན་ངག་ཤིན་ཏུ་གསང་བ་གཅིག་བརྒྱུད་གབ། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། འཕགས་མ་སྒྲོལ་མ་རིག་བྱེད་མའི་མན་ངག་ཤིན་ཏུ་གསང་བ་ཟབ་གནད་བཀའ་རྒྱ་མ་བརྒྱུད་འཛིན་ལ་གཅིག་བརྒྱུད་བྱ་ཞིང་སྣོད་མིན་སོགས་མང་པོ་ལ་མི་སྤེལ་བ་དམ་ཚིག་གོ །དཔལ་ལྡན་བླ་མ་གར་དབང་རྡོ་རྗེ་འཆང་། །འོད་མཚན་ཅོད་པན་ཅན་དེ་ཡིད་མཚོར་གསལ། །རང་འདོད་སྐོར་ལས་མ་ཡིན་སེམས་ཅན་ཀུན། །བླ་མེད་བྱང་ཆུབ་མཆོག་ལ་འགོད་འདོད་བློས། །བྱམས་པའི་ལྕགས་ཀྱུ་སྙིང་རྗེའི་ཞགས་པ་ཡིས། །འགྲོ་ཀུན་དབང་བསྡུས་བྱང་ཆུབ་ལམ་འགོད་ནས། །སེམས་དཔའ་ཆེན་པོའི་སྤྱོད་པ་བླ་ན་མེད། །དཔེར་ན་འགྲོ་མགོན་ཆོས་རྒྱལ་འཕགས་པ་བཞིན། །འདི་འདྲའི་གདམས་ངག་མཆོག་དང་མི་ལྡན་ན། །

[Full Size]

ཡིད་བཞིན་ནོར་བུར་འབུ་སྲིན་མི་འཁོར་ཞིང་། །མི་གཙང་དྲི་མར་ཐམས་ཅད་འདུ་བ་ལྟར། །བྱང་ཆུབ་ལུང་བསྟན་མཚན་ལྡན་བླ་མ་ལ། །སྙིགས་དུས་མི་རྣམས་མི་དད་མ་འདུ་།ལྟར་སྣང་ལེགས་ཤིང་ལོངས་སྤྱོད་གང་ཆེར་འདུ། །བསྒྲུབ་བྱ་བླ་མེད་བྱང་ཆུབ་མི་སེམས་པར། །ཚེ་འདིས་འབྲུ་ནོར་མངའ་ཐང་སྙན་གྲགས་བསྒྲུབ། །དེ་ལ་དགའ་རབ་དང་ཕྱུག་རབ་ཏུ་དགའ། །དེ་ཡིས་འདོད་དོན་བསྒྲུབ་ལ་བརྩོན་བྱེད་ཚུལ། །ཐུབ་པས་མདོ་སྡེ་རྣམས་ནས་ལུང་དུ་བསྟན། །བདུད་ཀྱིས་བྱིན་རླབས་མངའ་ཐང་རབ་འཕེལ་ཚེ། །འདོད་པ་སེམས་ལ་ཁེང་བའི་དུས་མེད་པས། །གཞན་ཕྱོགས་བརླག་པའི་ཞེ་སྡང་མེ་ལྟར་འབར། །རང་ཕྱོགས་སྐྱོང་བའི་འདོད་ཆགས་ཆུ་ལྟར་འཁྲུགས། །གཏི་མུག་༈ རྨོངས་པས་བསྟན་དང་བསྟན་འཛིན་ལ། །ལོག་ལྟ་ངན་སེམས་མཚམས་མེད་སྡིག་ལ་སྤྱོད། །དེ་ཚེ་བདུད་རྒྱལ་སྡིག་ཏོ་ལྡན་པ་རྣམས། །དགའ་མགུ་ཡི་རང་དེ་ཡི་བསྟན་པ་་སྲུང། །འཇིག་རྟེན་ཐམས་ཅད་ལོག་ལམ་དེ་རུ་སྦྱོར། །བྱང་ཆུབ་སྐྱོན་མེད་ལམ་རྣམས་རིམ་བཞིན་ནུབ། །འདི་དག་བདུད་ཀྱི་སྨོན་ལམ་མཐུ་ལས་འབྱུང་། །དེ་ཚེ་སྒྲོལ་མ་མྱུར་

[Full Size]

མ་དཔལ་མོ་ཡི། །ཐུགས་རྗེས་བསྐུལ་ན་སྐལ་ལྡན་ལ་ལ་ཞིག །ལོག་ལམ་མི་ལྟུང་བྱང་ཆུབ་ལམ་དུ་འགྲོ། །དེ་ཕྱིར་གདམས་ངག་འདི་ནི་རྒྱལ་བ་དང་། །མཁས་གྲུབ་དུ་མས་ཐུགས་ལ་བརྟག་པའོ། །སྐལ་ལྡན་བྱང་ཆུབ་སེམས་ལྡན་མ་ལག་པ། །ཕར་ལ་བསྟན་ན་ལོག་ལམ་གྲོགས་སུ་འགྲོ། །དེ་ཕྱིར་གསང་བ་རྒྱ་ཡིས་གདབ་པའོ། །ཙན་དན་དམར་པོས་བྱུག་པའི་དཀྱིལ་འཁོར་སོགས། །མདུན་བསྐྱེད་རྟེན་རྣམས་གཞུང་གི་ཆོ་ག་ལྟར། །བདག་བསྐྱེད་ལ་བརྟེན་བསྙེན་པའི་གྲངས་ཐེམས་ནས། །མདུན་བསྐྱེད་ཆོ་ག་བཞིན་དུ་བསྐྱེད་པ་དང་། །མཆོད་བསྟོད་ཐུན་སོགས་ཐུན་གསུམ་ཐུན་བཞིར་འབད། །དེ་ཚེ་ཟབ་གསང་སྔགས་དང་དམིགས་པ་ནི། །བདག་བསྐྱེད་ཐུགས་ལས་འོད་ཟེར་དམར་པོ་འཕྲོས། །མདུན་བསྐྱེད་ཐུགས་ཀར་ཐིམ་པས་ཐུགས་བརྒྱུད་བསྐུལ། །མདུན་བསྐྱེད་འོད་ཟེར་ཉི་མ་ཤར་བ་བཞིན། །འཁོར་ཀུན་ཁྱབ་པས་གཙོ་འཁོར་ཐམས་ཅད་ཀྱི། །སྐུ་ལས་ལྷ་མོ་དམར་མོ་ཞལ་གཅིག་མ། །འཛུམ་མཛེས་ལྕགས་ཀྱུ་ཞགས་པ་ཐོགས་པ་ཡི། །ཞལ་གཅིག་ཕྱག་གཉིས་དར་དང་རིན་ཆེན་བརྒྱན། །དེ་འདྲ་

[Full Size]

གྲངས་མེད་ནམ་མཁའ་ཁྱབ་པར་འཕྲོས། །རྒྱལ་པོ་བློན་པོ་དགེ་བཤེས་ལ་སོགས་པ། །གང་འདོད་འགྲོ་བ་སྤྱིའམ་གཅིག་ཀྱང་རུང་། །སྙིང་ཁར་ལྕགས་ཀྱུ་བཏབ་ཅིང་མགྲིན་པ་ནས། །ཨུཏྤལ་དམར་པོའི་ཞགས་པས་བཅིངས་བཞིན་དུ། །རླུང་ལྟར་མགྱོགས་པའི་ཤུགས་ཀྱིས་བཀུག་ནས་ཀྱང་། །མདུན་གྱི་མཎྜལ་སྟེང་དུ་གན་རྐྱལ་འགྱེལ། །དེ་ལ་ལྷ་མོ་ལྕགས་ཀྱུ་ཅན་གྱིས་བསྐོར། །ཕོ་ཡི་སྙིང་ག་མོ་ཡི་གསང་གནས་སུ། །ལྕགས་ཀྱུ་བཏབ་པས་རྐྱེན་བྱས་བདག་ཉིད་ལ། །རང་དབང་མེད་པར་དད་ཅིང་ཆགས་སེམས་སྐྱེས། །བཀྲག་མདངས་བསོད་ནམས་འོད་ཟེར་དམར་པོ་རུ། །རང་ལ་ཐིམ་པའི་དམིགས་པ་སྐབས་སུ་བྱ། །ཨོ་ཀུ་རུ་ཀུལླེ་ཧྲཱིཿ སརྦ་ལོ་ཀ་པ་ཤཾ་ཀུ་རུ་ཧོ་སྭཱ་ཧཱ༔ དེ་ལྟར་ཞག་བདུན་བཅུའམ་ཉེར་གཅིག་ཙམ། །བསྒྲུབ་ཅིང་ཐུན་མཚམས་ཚོགས་གཏོར་མཆོད་པ་བྱ། །རྨི་ལམ་བུད་མེད་གཞོན་ནུ་མཛེས་མའི་ཚོགས། །བདག་ལ་དགའ་ཞིང་གུས་ཚུལ་བཀུར་སྟི་བྱེད། །མེ་ཏོག་དམར་པོའི་ཕྲེང་བ་རྒྱན་དང་གོས། །བདུད་རྩི་ལ་སོགས་དངོས་གྲུབ་རྫས་རྣམས་སྟེར། །སྐྱེ་བོ་མང་པོ་ཁྲོམ་དུ་འཚོགས་པ་ཡིས། །ཕྱག་དང་བཀུར་སྟི་ཡང་ཡང་

[Full Size]

བྱེད་པ་ནི། །དེ་ཡི་འགྲུབ་པའི་རྟགས་སུ་ཤེས་གསུངས་པ་སྟེ། །རོལ་མོ་སྐད་བཟང་སྒྲོག་པ་སྙན་གྲགས་ལྟས། །དེ་སོགས་རྟགས་ཡིག་གཞན་ལྟར་རིགས་པས་དཔྱད། །སྒྲུབ་པ་ཚར་ནས་བདག་འཇུག་བླངས་པ་དང་། །སིནྡྷ་ར་ནི་གནས་གསུམ་ཐིག་ལེ་བྱ། །བདུད་རྩི་འཐུང་ཞིང་གཏོར་མ་མི་འཆར་བྱ། །སྒྲུབ་རྫ་ས་མི་མངོན་བྱས་ལ་གསང་དམ་བཅས། །དེ་ནས་ཆོས་བཤད་དབང་བསྐུར་ལ་སོགས་པ། །དུས་ཀུན་གཙོ་མོ་རྐྱང་བའི་ང་རྒྱལ་བཟུང་། །རྒྱུན་དུ་དྲན་རྫོགས་བསྐྱེད་རིམ་བསྒོམ་པ་དང་། །བསྙེན་པ་གང་འགྲུབ་གཏོར་བསྔོས་ཁཱ་ཧི་སྦྱར། །ཡར་མར་ཚེས་བརྒྱད་སོགས་ལ་ཆོ་ག་ཡི། །དུས་མཆོད་བཟུང་ལ་ཚོགས་དང་གཏོར་མ་འབུལ། །འགྲུབ་སྦྱོར་ལ་སོགས་དུས་ཚོད་བཟང་པོ་ལ། །དབང་གི་སྦྱིན་སྲེག་སྤྱི་ལྟར་ཡང་ཡང་བྱ། །དེས་ནི་འཇིགས་པ་ཀུན་ལས་གྲོལ་བ་དང་། །མི་ཀུན་བྱམས་ཤིང་མི་ཁ་མེད་པ་དང་། །འགྲོ་དོན་འཕེལ་སོགས་གཞུང་གི་ཕན་ཡོན་དང་། །ཙན་དན་དམར་པོའི་མཎྜལ་ལ་བརྟེན་ནས། །སྒྲུབ་པ་འདི་ནི་སྒྲུབ་པའི་དངོས་གཞི་ཡིན། །སྒྲུབ་པ་ལས་སྦྱོར་གཉིས་ཀ་གཅིག་ཡིན་ནོ། །འདི་བྲིས་
སྦས་འོས་གསལ་བཀོད་ཉེས་པ་རྣམས། །ཡི་དམ་འཕགས་མ་འཁོར་དང་བཅས་ལ་བཤགས། །དགེ་བས་བྱང་ཆུབ་སེམས་ལྡན་དགེ་བཤེས་རྣམས། །མཛད་ཕྲིན་ནམ་མཁའི་མཐའ་ལས་ཁྱབ་གྱུར་ཅིག །ཅེས་པ་བརྩོན་འགྲུས་རྒྱ་མཚོས་ཕྱག་དང་མཎྜལ་བརྒྱ་རྩ་བརྒྱད་ཕུལ་ནས་རྩེ་གཅིག་ཏུ་གསོལ་བ་བཏབ་ནས། མེ་ཕོ་རྟའི་ལོ་འབུམ་འགྱུར་ཟླ་བའི་ཡར་ཚེས་བརྒྱད་ཀྱི་དགོང་མོ་དབང་གི་དུས་སུ་སྒྲོལ་མ་ཉིད་ཀྱིས་རིག་བདག་དང་དབྱེར་མེད་པའི་སྤྲུལ་སྐུ་རཱ་ག་ཨ་སྱ་རིན་པོ་ཆེའི་ཞལ་སྔ་ནས་བརྩལ་ཞིང་ཕྱག་བྲིས་སུ་མཛད་ནས་གནང་བའོ། །བསྟན་འཛིན་དམ་ཚིག་དང་ལྡན་པ་མང་པོ་ལ་ཕན་པར་སྨོན་ནོ། །ས་མ་ཡཱ༔ །ཨྠ྄ྀི།

འགུགས་དང་སྲུང་དང་ལོངས་སྤྱོད་འཕེལ་རྒྱས་སོགས། ༼ཡ༽ །ཙཀྲའི་སྒོ་ནས་མན་ངག་ལས་སྒྲུབ་གབ། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། འཕགས་མ་ཀུ་རུ་ཀུལླེའི་ཙཀྲའི་སྒོ་ནས་བསྒྲུབ་པའི་མན་ངག་གཅིག་བརྒྱུད་མ་གཏོགས་སྣོད་མིན་དང་མང་པོ་ལ་མི་སྤེལ་བ་དམ་ཚིག་གོ །ན་མོ་ཨཱརྱ་ཏཱ་རེ་ཡེ། ལྷ་མོའི་བསྙེན་པ་སྔོན་དུ་སོང་བའི་མིས། །འཁོར་ལོ་ལ་བརྟེན་བསྒྲུབ་པ་བྱ་བ་ནི། །ཤོག་བུ་རས་སམ་གྲོ་ག་གང་རུང་ལ། །སྐྱེས་པ་དབང་དུ་བསྡུས་ན་གུར་གུམ་དང་། །གྷི་ཝང་བསྲེས་ལ་བྲི་

[Full Size]

བར་བྱ་བ་ཡིན། །མ་རྙེད་དེ་ཉིད་ཙག་ལ་བསྲེ་རུང་ངོ་། །བུད་མེད་དབང་སྡུད་ཙནྡན་དམར་པོ་དང་། །རྒྱ་སྐག་བསྲེས་ལ་བྲི་བར་བྱ་བར་གསུངས། །ཐམས་ཅད་སྤྱི་ལ་རྫས་རྣམས་ཐམས་ཅད་དང་། །མཚལ་ལམ་ཙག་བསྲེས་ཡིག་འབྲུ་དམར་པོ་བྲིས། །འཁོར་ལོ་རྩིབས་བརྒྱད་མུ་ཁྱུད་ལྟེ་བ་བཅས། །ལྟེ་བར་སོ་སོའི་མིང་ནི་ཁྲི་གསུངས་པ། །སྐྱེས་པ་བུད་མེད་གང་འདོད་མིང་ངམ་ནི། །སྤྱི་ལ་འཇིག་རྟེན་ས་ཕྱོགས་ཆེ་གེ་ཡི། །སྐྱེས་པ་བུད་མེད་བཙུན་པ་ཐམས་ཅད་ཀྱི། །སྤྱི་ཡི་མིང་བྲི་བ་ནི་མན་ངག་གོ། ཚིག་མཇུག་པ་ཤཾ་ཀུ་རུ་ཧོ་ཞེས་བྲི། །དེ་རྒྱབ་རྩིབས་བརྒྱད་འབྲུ་རེ་བྲི་བ་སྟེ། །ཨོ་ཀུ་རུ་ཀུལླེ་ཧཱུྃསྭཱ་ཧཱ། ཞེས་པ་བྲི་ཞིང་དེ་རྒྱབ་མུ་ཁྱུད་ལ། །ཨཱ་ལི་ཀཱ་ལི་བྲི་བར་བྱ་བ་སྟེ། ཐམས་ཅད་ཡིག་མགོ་ཕྱིར་བསྟན་གཡས་བསྐོར་རོ། །དེ་ནས་གདན་དམར་སྟེང་དུ་འཁོར་ལོ་བཞག །མཆོད་པ་ལྔ་བཤམས་བདག་མདུན་ཆོ་གའམ། །སྟོང་པའི་ངང་ལས་འཁོར་ལོ་བྲིས་ལྟར་བསྐྱེད། །བསྙེན་པ་བྱས་རྗེས་མདུན་བསྐྱེད་འཁོར་ལོར་བསྟིམ། །རྟེན་འབྲེལ་སྙིང་པོ་བརྒྱ་དང་རྩ་བརྒྱད་ཀྱིས། །བསྔགས་ནས་མེ་ཏོག་གཏོར་ཏེ་དྲིལ་བྱས་ལ། །

[Full Size]

དར་དམར་གྱིས་བཏུམ་སྐུད་པ་དམར་པོས་དཀྲིས། །རང་ལུས་བཏགས་ལ་བདག་བསྐྱེད་བསྒོམ་བྱ་ཞིང་། །ཨོ་ཀུ་རུ་ཀུལླེ་ཧྲིསྭཱ་ཧཱ། ལོ་ཀ་སརྦ་པ་ཤཾ་ཀུ་རུ་ཧོ་སྭཱ་ཧཱ། མཚམས་སོགས་མི་དགོས་རྒྱུན་བསྙེན་བྱས་པས་ཆོག །ཟབ་ཅིང་ལག་ལེན་བདེ་བའི་མན་ངག་སྟེ། །འཁོར་ལོ་ལ་ནི་བརྟེན་ཏེ་སྒྲུབ་པ་ཞེས། །སྒྲུབ་པའི་རྣམ་གྲངས་གཙོ་བོ་གཅིག་ཡིན་ནོ། །གསེར་ལས་འཕངས་བའི་གདམས་པ་འདི་ཡིན་ཀྱི། །ས་སྐྱ་པ་ཡི་གདམས་ངག་གཙོ་བོ་སྟེ། །རྗེ་བཙུན་གྲགས་པ་རྒྱལ་མཚན་གྱིས་གསུངས་པ། །གོ་བར་དཀའ་ཕྱིར་གསལ་བར་བཀོད་པ་ཡིན། །ཨྠ྄ྀི། ཟབ།།་ཡང་ན་འཁོར་ལོ་ལ་བརྟེན་བསྲུང་བའམ། །ཤེས་རབ་འཕེལ་བའི་གདམས་པ་བྱ་བ་ནི། །གོང་གི་རྫས་ཀྱིས་གྲོ་ཤོག་གཙང་མ་ལ། །འཁོར་ལོ་ལྟེ་བ་རྩིབས་དང་མུ་ཁྱུད་བཅས། །ལྟེ་བར་ཚེས་བརྒྱད་ཟླ་བའི་གཟུགས་བྲིས་དབུས། །བསྲུང་བྱའི་མིང་ལ་སྲུངས་ཤིག་བྱ་བའམ། །ཤེས་རབ་རྒྱས་པར་གྱུར་ཅིག་གང་འདོད་བྲི། །དེ་རྒྱབ་ཧཱིཙཡིག་དམར་པོ་བདུན་གྱིས་བསྐོར། །དེ་རྒྱབ་རྩིབས་བཞི་ཨུཏྤལ་འདབ་བཞིའི་ཚུལ། །ཤར་དུ་མདའ་དང་ལྷོ་རུ་གཞུ་ཡི་གཟུགས། །

[Full Size]

སྐྱབས་སྦྱིན་ཕྱག་རྒྱའི་གཟུགས་ནི་ནུབ་ཏུ་སྟེ། །བྱང་དུ་ཨུཏྤལ་དམར་པོ་བྲི་བར་བྱ། །ཕྱི་ཡི་མུ་ཁྱུད་ཨུཏྤལ་ཕྲེང་བས་བསྐོར། །ཨུཏྤལ་དབུས་སུ་སྙིང་པོ་འབྲུ་རེ་རེ། །དེ་ནི་ཅི་མང་བྲིས་ཏེ་གྲངས་ཀ་མེད། །སྔོན་ལྟར་མདུན་བསྐྱེད་བསྟིམ་ཞིང་རབ་གནས་བྱ། །རང་ངམ་གཞན་ལ་བསྲུང་བར་འགྱུར་བ་དང་། །དེ་ཡི་ཤེས་རབ་འཕེལ་བར་།འགྱུར་བ་སྟེ། །གཞན་ཡང་བྱིས་སྦ་རྒན་པོ་དར་བབ་ལ། །སྲུང་འཁོར་གྱིས་ནི་རབ་ཏུ་བསྲུང་བར་འགྱུར། །ཤེས་རབ་དམན་ལ་བསྲུང་བ་ནི། །བྲིས་ཏེ་བཅང་བས་ཡིད་གཞུངས་འགྱུར། །བསྲུང་བའི་དོན་ཏེ་འཁོར་ལོ་ཕྲག་གཡས་བཏགས། །རྒྱུད་དུ་རྟོགས་པའི་དོན་དེ་ཕུག་ཆེའོ། །ཨྠ྄ྀི། ལོངས་སྤྱོད་འཕེལ་བ་འཁོར་ལོའི་ལས་སྦྱོར་ནི། །རབ་ཀྱིས་གསེར་ནི་སླད་མེད་བརྡུང་བ་ཡི། །བྱང་བུ་ལ་ནི་བཟོང་རིས་བྲི་བར་གསུངས། །མ་རྙེད་ཤོག་བུ་དག་ལ་གསེར་བྱུག་གམ། །ཤིང་ལེབ་ལ་ནི་གསེར་ཕྱུག་ལེགས་པར་དབུར། །ཕྱི་ཡི་མུ་ཁྱུད་ཨུཏྤལ་ཕྲེང་བས་བསྐོར། །དེའི་ནང་མུ་ཁྱུད་རྩ་སྔགས་དུ་ཤོང་མཐར། །ལོངས་སྤྱོད་དཔལ་འབྱོར་པ་ཤཾ་ཀུ་རུ་ཧོཿ །དེའི་ནང་གཞུ་ནི་གཞུ་རྒྱུད་འཐེན་

[Full Size]

པའི་གཟུགས། །དེ་ཡི་ནང་དུ་ཨུཏྤལ་བྲི་བ་ནི། །རྩེ་མོ་མདེའུ་ལྟར་ཆང་ཟུང་ཕྱིར་ཕུད་པ། །རྩ་བ་མདའ་ལྟར་གཞུ་རྒྱུད་ལ་སྦྱར་བྲི། །ཨུཏྤལ་ལྟེ་བར་ཡི་གེ་ཧཱུྃ་ལ་ནི། །ཨོཾ་ཀུ་རུ་ཀུལླེ་ཧཱུྃཧཱུྃ། །ཞེས་པའི་ཡི་གེ་བདུན་གྱིས་བསྐོར་བ་བྲིས། །ཚེས་བརྒྱད་དམ་ནི་ཚེས་པ་བཅུ་གཉིས་ལ། །བུམ་པར་རིན་ཆེན་སྣ་ལྔ་བཅུག་བྱས་ལ། །བདག་མདུན་བུམ་གསུམ་བཟླས་པ་ཅི་མང་བྱ། །མཆོད་བསྟོད་ཚོགས་ཀྱི་འཁོར་ལོ་རྒྱུས་པར་བྱ། །བུམ་པས་རང་ཉིད་ཁྲུས་བྱས་བདག་འཇུག་བླངས། །མེ་ལོང་ངོས་ལ་འཁོར་ལོར་ཁྲུས་གསོལ་བའི། །ཁྲུས་ཆུ་ཡང་ནི་རང་གི་ཅུང་ཟད་བཏུང་། །རྒྱ་ཤོག་སེར་པོར་རྒྱ་སྣག་གིས་བྲིས་པའི། །འཁོར་ལོ་གཅིག་ཀྱང་མྱུར་དུ་རབ་གནས་བྱ། །མདུན་བསྐྱེད་ལྷ་རྣམས་འཁོར་ལོ་དེ་ལ་བསྟིམ། །ཤོག་བུའི་འཁོར་ལོ་རང་ལ་བཏགས་བྱ་ཞིང་། །གསེར་གྱི་འཁོར་ལོ་ཁྱིམ་མམ་བང་བ་ཡི། །སྟེང་ནས་བླ་བྲེ་བཞིན་དུ་ཕུབ་ལ་བཞག །ཨོ་ཀུ་རུ་ཀུལླེ་བཱི༔ བཱ་སུ་སིདྡྷི་པུཊྚི་ཀུ་རུ་ཧོ་སྭཱ་ཧཱ། རྒྱུན་བསྙེན་བྱས་པས་ལོ་ནི་གཅིག་ཙམ་ནས། །ནོར་གྱི་བདག་པོ་རྒྱལ་པོ་དང་མཚུངས་གསུངས། །རྒྱུད་ནས་གསུངས་པ་འདི་ནི་གོ་བདེར་བཀྲལ། །

[Full Size]

རྒྱུད་ལ་ཐེ་ཚོམ་མེད་དེ་རྒྱལ་བས་གསུངས། །ཨྠ྄ྀི། དཔལ་ལྡན་ས་སྐྱ་པ་ཡི་སྙན་བརྒྱུད་ནི། །གཅིག་བརྒྱུད་མ་གཏོགས་མེད་པའི་གསང་སྒྲུབ་ནི། །ཀུ་རུ་ཀུལླེ་རྟ་མགྲིན་ཞལ་སྦྱོར་ལ། །འཁོར་དུ་མཁའ་འགྲོ་སྡེ་བཞིས་བསྐོར་བ་སྟེ། །འདི་ཡི་དབང་རྒྱུན་མེད་པས་འདོན་མི་རུང་། །དམིགས་པ་གཞུང་ལས་ལྷག་པའི་ཟབ་གནད་མེད། །སྔགས་ནི་གཞུང་ལས་ཟབ་པར་འདུག་པ་ནི། །འཁོར་ལོ་བྲིས་ཏེ་བསྐོར་བས་དོན་འགྲུབ་སྟེ། །གོང་དུ་རྣམ་འཇོམས་ཉེ་སྙིང་ཚར་གཅིག་དང་། །དེ་འོག་ཡིག་དྲུག་འཁོར་ལོ་ལྟར་བྲིས་ཏེ། །ཞི་བ་དབང་གི་ཕྲིན་ལས་ཡིན་པའི་ཕྱིར། །གཡོན་བསྐོར་མི་རུང་གཡས་སུ་འཁོར་བཅུག་གོ །ཨོ་ཀུ་རུ་ཀུལླེ་ཧཱུྃ༔ ཧཱུྃ་ཧཱུྃ་ཕཊ་ཕཊ། ཨོཾ་ཨཱཧཱུྃ་ཧཱི༔ཧིཧ་རི་ནི་ས་ཧཱིཛཨཱ་ཎི་ཧཱུྃ་ཛ༔ ཨ་ཀར་ཡ་ཧཱུྃ་ཛ༔ བཱ་སུ་པ་ཤཾ་ཀུ་རུ་ཨང་ཀུ་ཤ་ཧྲཱིཿ པ་ཤཾ་ཀུ་རུ་ཧཱུཾ་ཧཱུཾ་ཛ་ཛ༔ འཁོར་ལོ་མེ་ཏོག་གླང་སྣ་དམར་པོ་དང་། །ཨུག་ཆོས་ཙནྡན་དཀར་པོ་རྒྱ་སྐག་དང་། །སིན་དྷུ་ར་རྣམས་འཁོར་ལོར་བྱུག་པར་བྱ། །སྙིང་དང་འདྲ་བའི་གདམས་ངག་ཟབ་མོའི་སྐོར། །སྙིང་གི་བུ་མཆོག་བཱིརླ་ས་ག་ར། །ཕན་སེམས་སྙིང་ལ་འཆང་
བརྒྱུ་བཅུ་གསུམ་བའི་ཨ་རཱ་གས། །སྙིང་རྗེན་དམར་པོ་ལག་པའི་མཐིལ་ན་བཞག །སྐལ་མེད་སྤེལ་ན་ཌཱཀྐིའི་ཆད་པས་བསྡིག །གཞན་ཕན་བྱང་ཆུབ་སྤྱོད་པའི་ལག་ཆ་མཛོད། །འདི་བྲིས་སྦ་། །འོས་གསལ་བཀོད་ཉེས་པ་རྣམས། །ཡེ་ཤེས་ལས་དང་འཇིག་རྟེན་ཌཱཀྐིར་བཤགས། །དགེ་བས་འགྲོ་ཀུན་བྱང་ཆུབ་ཐོབ་ཕྱིར་བསྔོ། །མངྒ་ལཾ།།

བསོད་ནམས་བསྐྱེད་ཅིང་ལོངས་སྤྱོད་རྒྱས་པའི་ཕྱིར། ༼ར༽ །ལས་ཚོགས་གསང་སྒྲུབ་དཔག་བསམ་ཤིང་སྒྲུབ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ལྷ་མོ་རིག་བྱེད་མའི་ལས་ཚོགས་དཔག་བསམ་ཤིང་གི་བསྒྲུབ་པ་སོགས་མན་ངག་ཤིན་ཏུ་གསང་བ་གཅིག་བརྒྱུད་ལས་ཚོགས་གསང་རྒྱ་ཅན་བཞུགས་སོ། །ན་མོ་ཨཱརྱ་ཏཱ་རེ་ཡེ། རིན་ཆེན་ཡིད་བཞིན་ནོར་བུ་ལྟར། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་འཚལ་ལོ། །དཔག་བསམ་ཤིང་གི་བསྒྲུབ་པ་ནི། །རྒྱུད་ལས་གསུངས་པའི་དོན་གསལ་བྱ། །རང་ཉིད་ཀུ་རུ་ཀུལླེ་བསྒོམ། །རང་གི་གཡོན་དུ་ཡི་གེ་བྲི། །དེ་ཉིད་ཞུ་བས་ཨུཏྤལ་དམར། །དེ་ལས་འོད་འཕྲོས་སངས་རྒྱས་མཆོད། །སེམས་ཅན་ཀུན་གྱི་དབུལ་ཕོངས་བསལ། །དེ་ཉིད་ཡོངས་སུ་གྱུར་པ་ལས། །དཔག་བསམ་ལྗོན་ཤིང་སྡོང་པོ་ནི། །ཡལ་

[Full Size]

ག་ལོ་འདབ་རབ་ཏུ་རྒྱས། །རིན་ཆེན་སྣ་ཚོགས་ཡལ་ག་ལ། །ལྷ་རྫས་གོས་ཀྱི་ལོ་མ་ཅན། །བཀྲ་ཤིས་རྫས་རྟགས་རིན་ཆེན་བདུན། །རང་བཞིན་མེ་ཏོག་སྣ་ཚོགས་བཀྲ། །ནོར་བུ་རིགས་བྱེད་དུ་མ་ཡི། །འབྲས་བུ་སིལ་ཐོག་ལེགས་པར་བརྒྱན། །རང་གི་ཐུགས་ཀའི་འོད་ཟེར་གྱིས། །གླིང་བཞིའི་སེམས་ཅན་ཐམས་ཅད་བཀུག །ཁྲོམ་ལྟར་ས་ཕྱོགས་གང་བ་ལ། །རང་གི་ཐུགས་ཀའི་འོད་ཟེར་ནི། །རླུང་གི་ཤུགས་ཀྱིས་དཔག་བསམ་བསྒུལ། །དེ་ལས་ཟས་གོས་རིན་པོ་ཆེ། །ནོར་སོགས་འདོད་ཡོན་ཆར་འབེབས་པས། །གླིང་བཞིའི་སེམས་ཅན་ལ་སོགས་པ། ནམ་མཁའི་མཐར་ཐུག་འགྲོ་ཀུན་ལ། །གསེར་དངུལ་རིན་ཆེན་མུ་ཏིག་ཚོགས། །ཟས་གོས་ལོངས་སྤྱོད་དཔག་མེད་བྱིན། །ཐམས་ཅད་འདོད་པས་ཚིམ་པར་བསྒོམ། །དཔག་བསམ་ཤིང་ལས་མཆོད་པའི་རྫས། །བསམ་གྱིས་མི་ཁྱབ་སྤྲིན་བཞིན་འཕྲོས། །ཕྱོགས་བཅུའི་སངས་རྒྱས་ཞིང་ཀུན་ཁྱབ། །སངས་རྒྱས་ཐམས་ཅད་མཆོད་པས་མཉེས། །རང་ཉིད་བསོད་ནམས་ཚོགས་རྫོགས་དམིགས། །སླར་ཡང་ཤིང་ལས་གང་འདོད་པའི། །འབྲུ་དང་རིན་ཆེན་ཇ་དར་

[Full Size]

གོས། །ཆར་ཆེན་ཕབ་པས་རང་གནས་དང་། །ས་ཕྱོགས་ཐམས་ཅད་གང་བ་ཡི། །གང་འདོད་དངོས་གྲུབ་ཐོབ་བསྒོམ་ཞིང་། །ཨོཾ་ཀུ་རུ་ཀུལླེ་ཧྲིབཱ་སུ་པུ་ཀུ་རུ་སྭཱ་ཧཱ། །བསྒོམ་དང་བཟླས་པ་ལ་བརྩོན་ན། །རང་ཉིད་ལོངས་སྤྱོད་ཕུན་སུམ་ཚོགས། །ནོར་གྱི་བདག་པོ་ཆེན་པོར་འགྱུར། །བསོད་ནམས་མངའ་ཐང་ཇེ་ཆེར་འཕེལ། །རྒྱུད་ལས་གསུངས་པའི་མན་ངག་བསྡེབས། །སྔགས་དང་དམིགས་པས་ཆོག་པ་ཡིན། །གདམས་ངག་ཟབ་མོ་ཡིད་བཞིན་གྱི། །ནོར་བུ་གསེར་དང་བརྗེ་བ་འཕངས། །དཔག་བསམ་ཤིང་གི་བསྒྲུབ་པ་རྫོགས། །ཟབ་བོ། །ཨྠ྄ྀི། ས་མ་ཡ། ཀྱེ་མ་གལ་ཏེ་མུ་གེ་བྱུང་བའི་དུས། །ལྷུང་བཟེད་ལ་ནི་རབ་ཏུ་བསྔགས་བྱས་ནས། །ལྷུང་བཟེད་དེ་ཉིད་ཐོགས་ཏེ་ཕྱིན་པ་ན། །འཚོ་བ་བསོད་སྙོམས་གཞན་ལས་བཟང་བ་རྙེད། །གལ་ཏེ་ལྷུང་བཟེད་མེད་པར་གྱུར་ན་ནི། །ཁ་ཕོར་ལ་ཡང་བསྔགས་པས་ཟས་འདུའོ། །ཨོ་ཀུ་རུ་ཀུལླེ་ཧཱི༔ ན་ན་ཁ་དྷེ་སིདྡྷི་པ་ཤཾ་ཀུ་རུ་ཧོ་སྭཱ་ཧཱ། བྱ་བཏང་དགེ་སློང་རྣམས་ལ་ཕན་ཕྱིར་གསུངས། །ཨྠ྄ྀི། ཚོང་ཟོག་ཀ་ཆའམ་དུད་འགྲོ་གང་ཡང་རུང་། །བརྒྱའམ་སྟོང་

[Full Size]

སོགས་སྔགས་བཏབ་བསྐུར་པ་ན། །འགྲིམ་ཞིང་ཁེ་ནི་ཆེན་པོ་ཐོབ་པར་འགྱུར། །དེ་ཡི་སྔགས་ཀྱི་ཤམ་བུ་ངག་ཁྲིད་བཅས། །ཨོ་ཀུ་རུ་ཀུལླེ་ཧཱུྃ༔ སརྦ་རཏྣ་སིདྡྷི་པ་ཤཾ་ཀུ་རུ་ཧོ་སྭཱ་ཧཱ། དགེ་འདུན་སྤྱི་དོན་ཚོང་ལ་ཕན་ཕྱིར་གསུངས། །རང་གི་རྒས་གནོག་བདག་རྒྱལ་གཞན་ཕམ་པའི། །ཕྱིར་དུ་གསུང་མིན་དེ་དོན་བག་ཡོད་མཛོད། །ཙནྡན་དམར་པོ་རྒྱ་སྐག་སིན་དྷུ་ར། །གུར་གུམ་གྷི་ཝཾ་ཞིབ་བཏགས་དར་དམར་བཏུམ། །མེ་ལོང་སྟེང་དུ་བཞག་ནས་ངག་བཅད་ལ། །མངོན་རྟོགས་བསྒོམ་སྟེ་རྫས་དེ་མདུན་བསྐྱེད་རྟེན། །རྩ་སྔགས་ཡི་གེ་འབྲུ་ནི་བརྒྱད་པའི་མཐར། །ཨོཾ་ཨཱ་ཀྱི་མོ་དྷ་ནི་བྷ་ས་བྷ་ཝ་ཀུ་རུ་ཧོ་སྭཱ་ཧཱ། རབ་ཀྱིས་བཞི་ཁྲི་འབྲིང་གིས་སུམ་ཁྲི་དང་། །ཐ་མ་ཁྲི་ཕྲག་སྔགས་ཤིང་རྫ་ས་ལ་བཏབ། །མདུན་བསྐྱེད་འོད་ཞུ་རྫ་ས་ལ་ཐིམ་པར་བསམ། །རྫས་རྣམས་འཚག་ལ་ནམ་དགོས་རང་ཉིད་ཀྱིས། །དཔྲལ་བར་ཐིག་ལེ་ཅུང་ཟད་ཙམ་བྱས་ཏེ། །རང་ཉིད་ལྷ་མོའི་ང་རྒྱལ་བརྟན་པོ་ཡིས། །ཨོ་ཀུ་རུ་ཀུལླེ་ཧྲིསརྦ་ལོ་ཀ་པ་ཤཾ་ཀུ་རུ་ཧོ་སྭཱ་ཧཱ། །ཞེས་པའི་ཤཾ་བུ་བཟླས་ཤིང་ཕར་ལྟས་པས། །མཐོང་ཚད་ཐམས་ཅད་དབང་དུ་འདུ་

[Full Size]

བར་གསུངས། །རང་ལ་མི་དགའ་བ་རྣམས་དགའ་བོ་དང་། །ཁྲོས་པ་རྣམས་ཀྱང་ཁྲོ་བ་ཞི་བར་འགྱུར། །གཞུང་དང་མན་ངག་བསྡེབས་པ་སྤྱི་རྒྱུ། ཏིང་འཛིན་འདི་ཡི་ནང་གི་་ཐེམ་མེད་གསང་རྒྱ་ཅན་ཡིན། མཆན། ཁོ་ནས་དབང་དུ་བྱེད་པ་ནི། །རང་ཉིད་བཅོམ་ལྡན་འདས་མ་ནམ་མཁའ་ཁྱབ། །དེ་ཡི་ཐུགས་ཀར་རང་གི་སེམས་ཉིད་ནི། །རང་འདྲའི་བཅོམ་ལྡན་འདས་མ་དེ་བས་ཆུང་། །དེ་ལས་འོད་འཕྲོས་གང་ཡིན་མི་དེ་ནི། །གཅིག་གམ་བཅུ་ཙམ་ཧ་ཅང་མི་མང་བ། །ཡཾ་ལས་རླུང་གི་དཀྱིལ་འཁོར་སྟེང་གནས་པ། །སྤྲུལ་པའི་ལྷ་མོ་ལྕགས་ཀྱུ་ཞགས་པ་ཅན། །ཕྱག་གཉིས་མང་པོས་རང་དབང་མེད་པར་བཀུག །རང་གི་རྐང་པའི་དྲུང་དུ་འགྱེལ་བ་དེ། །ཐུགས་ཀའི་ལྷ་མོའི་གྷིཡིག་འོད་ཟེར་ནི། །གློ་འདྲ་ལྕགས་ཀྱུའི་དབྱིབས་ཅན་འཕྲོས་པ་དེས། །ཕྱི་ཡི་ལྷ་མོའི་བྷ་ག་ནས་ཡར་དྲངས། །ལྟེ་བའི་ཐད་དུ་ཐལ་སྦྱར་གནས་པ་ལ། །ཐུགས་ཀའི་ལྷ་མོའི་གསང་བའི་བྷ་ག་ན། །བྱང་སེམས་དམར་པོ་མཚལ་ཁུ་ལྟར་བབས་པས། །ཁོ་ལ་ཁྲུས་བྱས་ལུས་གང་བདེ་བས་ཁྱབ། །རང་གི་ཐུགས་ཀའི་ལྷ་མོ་དེ་ཉིད་ལ། །དད་གུས་ཆགས་པས་མྱོས་ནས་འདུན་
བསྒོམ་ཞིང་། །ཨོཾ་ཀུ་རུ་ཀུ་ལླེ་ཧྲཱིཿ སརྦ་ལོ་ཀ་པ་ཤཾ་ཀུ་རུ་ཧོ་སྭཱ་ཧཱ། གཅིག་ལ་བྱེད་པ་སརྦ་ལོ་ཀའི་མལ། །གང་ཡིན་རྒེ་ཞེས་བྱའི་མིང་སྦྱར་རོ། །རྐང་པས་འགུགས་དང་གང་བྱས་འགུགས་པ་ཟེར། །ཟབ་ཅིང་གོ་དཀའ་སྙན་ངག་ཚུལ་གསུངས་པ། །འདི་རུ་བརྩེ་བས་རྗེན་པར་བརྗོད་པ་སྟེ། །སྣོད་མིན་ལ་བསྟན་ཌཱཀྐིས་ཆད་པ་ཆོད། །དེ་ལྟར་ཉེར་མཁོ་སྤྲོས་མེད་སྟབས་བདེ་བའི། །གཅིག་བརྒྱུད་ཟབ་མོའི་ལས་ཚོགས་ལྔ་པོ་འདི། །སྙིང་གི་བུ་མཆོག་བརྩོན་འགྲུས་རྒྱ་མཚོ་ཡི། །སྙིང་ནས་ནན་ཆེར་བསྐུལ་ཕྱིར་གབ་འཁྲུགས་བསལ། །རཱ་ག་ཨ་སྱས་ཙིཏྟ་ལག་ཏུ་བཞག །སྦོས་ཤིག་གསང་ཤིག་དམ་ཚིག་ས་མ་ཡ། བརྡ་ཐིམ། ལྷ་མོ་འདི་འགྲུབ་རྟགས་ཐོན་པ་དང་། རྒྱུན་གྱི་ཡི་དམ་བྱེད་མཁན་གྱིས་འདི་དག་བྱས་པ་མ་གཏོགས། རང་འདོད་ཉོན་མོངས་ཅན་གྱིས་བསྒྲུབ་ཀྱང་འགྲུབ་པར་དཀའ་གསུངས་སོ། །མཆན།

འཇིག་རྟེན་མཁའ་འགྲོ་ལས་ལ་བསྐུལ་བའི་ཕྱིར། ༼ལ༽ །བཀའ་སྡོད་གནོད་སྦྱིན་ཕོ་མོའི་སྒྲུབ་པ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། བཀའ་སྡོད་གནོད་སྦྱིན་མོ་ཡི་སྒྲུབ་ཐབས་བཞུགས་སོ། །ཀུ་རུ་ཀུལླེ་ཕྱག་འཚལ་བཀའ་སྡོད་མའི། །བསྒྲུབ་པའི་གདམས་པ་ཆ་ལག་ཚང་

[Full Size]

ཕྱིར་བརྗོད། །ཐོད་པ་མཚན་བཟང་དུམ་བུ་ཚོན་གང་སར། །ལོགས་གཅིག་གཙོ་མོ་ལོགས་གཅིག་གནོད་སྦྱིན་མོ། །བྲིས་པ་དར་དམར་བཏུམ་ལ་སྐུད་དམར་བཅིངས། །བུ་མོ་ལོ་ནི་བཅུ་གཉིས་མན་ཆད་པ། །མགོ་གཙང་བཅུ་གསུམ་བོས་ལ་དེ་ཐམས་ཅད། །ཀུ་རུ་ཀུལླེ་བསྐྱེད་པའི་གནས་གསུམ་དུ། །ཚོགས་ཆང་ཐིག་ལེ་བྱས་ལ་འབྲུ་གསུམ་བརྗོད། །བཟའ་བཏུང་ཚོགས་འཁོར་སོགས་ནི་ཚིམ་པར་བྱིན། །འགྲོ་བའི་དོན་དུ་ལྷ་མོ་བསྒྲུབ་པའི་བློས། །རང་ཉིད་ཐ་མལ་སྙིང་གར་ཡི་གེ་ནི། །དེ་སྟེང་རཾ་དང་དེ་སྟེང་ཧེ་ནག་པོ། །མགྲིན་པར་རུ་དམར་སྤྱི་བོར་ཀ་ལྗང་གུ། །རང་གི་དུག་གསུམ་ངོ་བོར་བསྒོམས་བྱས་ལ། །རཾ་ལས་མེ་བྱུང་ཧེ་རུ་ཀ་གསུམ་བསྲེག །ཧིལ་སེམས་གཏད་ཧིཡང་སྟོང་པར་ཡལ། དེ་ནས་རང་ཉིད་སྐད་ཅིག་འཕགས་མར་བསྒོམ། །རང་གི་མདུན་དུ་བཀའ་སྡོད་གནོད་སྦྱིན་མོ། །སེར་མོ་དར་དང་རིན་ཆེན་སྣ་ཚོགས་བརྒྱན། །ཕྱག་གཡས་རིན་པོ་ཆེ་ཡི་བེ་ཅོན་དང། །གཡོན་པས་གཏེར་གྱི་བུམ་པ་བཟང་པོ་འཛིན། །ཡིད་ཀྱིས་སྤྱན་དྲངས་གཏོར་མ་ཨ་ཀཱ་རོས། །བྱིན་རླབས་བྷནྡྷ་བྷ་ལིང་ཁཱ་ཧིས་བསྔོས། །དབང་དུ་འདུ་རྒྱུ་རྣམས་ཀྱི་
སྙིང་ག་ནས། །ཧཱིདམར་གནོད་སྦྱིན་མོ་དེ་བཀུག་པར་བསམ། །ཀུ་རུ་ཀུ་ལླེའི་སྔགས་ལ་པ་ཤཾ་བཟླས། །བུ་མོ་བཅུ་གསུམ་བཀའ་སྡོད་གནོད་སྦྱིན་མོའི། །ངོ་བོར་གྱུར་ནས་དེ་དག་འོད་ཟེར་གྱིས། །འགྲོ་བ་མཐའ་དག་དབང་དུ་འདུས་པར་བསམ། །དེ་ཕྱིར་བཀའ་སྡོད་མོ་ཡི་སྒྲུབ་ཐབས་སོ། །རཱ་ག་ཨ་སྱས་ཆ་ལག་ཚང་ཕྱིར་བྲིས། །མངྒ་ལཾ།།

སྟོབས་ཆེན་སྒྲུབ་བྱ་ཆོས་སྒོར་དབང་སྡུད་ཐབས། ཤ༽ །དབང་གི་སྦྱིན་སྲེག་ཞལ་གདམས་གུད་དུ་གབ། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ལྷ་མོ་རིགས་བྱེད་མ་ཡི་སྦྱིན་སྲེག་གི་ཞལ་གདམས་གུད་དུ་སྦས་པའི་གསང་རྒྱ་མ་བཞུགས་སོ། །ཀུ་རུ་ཀུལླེའི་སྦྱིན་སྲེག་ཞལ་གདམས་ནི། །ལས་བཞི་གང་བྱེད་ཐབ་དང་བསྲེག་རྫས་དང་། །བུད་ཤིང་ཆ་ལུགས་འདུག་སྟངས་ལ་སོགས་པ། །སྦྱིན་སྲེག་རྒྱས་པ་སྤྱི་ལྟར་ཤེས་བྱ་སྟེ། །མེ་ལྷ་བསྐྱེད་ལུགས་ཡང་ནི་སྤྱི་ལྟར་ལས། །མེ་ལྷའི་སྔགས་ནི་ཨོ་ཨཀྵེ་ཡེ། །ལྷ་མོའི་སྔགས་ནི་ཨོ་ཀུ་རུ་ཀུལླེ་ཏྲཿ །དེ་ནས་ལས་བཞི་གང་བྱེད་ཤམ་བུའི་སྔགས། །ཞི་བར་ཨོ་ཤཱནྟིཾ་ཀུ་རུ་སྭཱ་ཧཱ། རྒྱས་པར་པུཊྚི་ཀུ་རུ་སྭཱ་ཧཱ། དབང་ལ་རྗེ་པ་ཤཾ་ཀུ་རུ་ཧོཿ དྲག་པོ་ལ་རྒེ་མཱ་ར་ཡ་ཕཊ། །ཅེས་སྦྱར་ལས་བཞི་གང་
བྱེད་སྦྱར་གསུངས་ཀྱང་། །འདི་ཡི་གཙོ་བོ་དབང་གི་སྦྱིན་སྲེག་སྟེ། །མེ་ཏོག་དམར་པོའི་རིགས་དང་མངར་གསུམ་དང་། །ཆང་སོགས་འབྲུ་རིགས་ཟས་སྣ་ཤིང་ཐོག་རྣམས། །ཐམས་ཅད་བསྲེས་ལ་ཁ་དོག་དམར་པོར་བསྒྱུར། །མར་ཁུ་ཡམ་ཤིང་གཉིས་པོ་སོང་ནས་ནི། །རྩ་སྔགས་ཤམ་བུར་མིང་སྤེལ་ཅན་དེ་ཉིད། །འབྲུ་སྔགས་མི་དགོས་བརྒྱ་སྟོང་ཕུལ་བས་འཐུས། །འདི་ཡང་རཱ་ག་ཨ་སྱས་ཟབ་གནད་བྲིས། །ཕན་སེམས་ཡིན་ཕྱིར་བསྟན་ལ་ཕན་པར་སྨོན། །མངྒ་ལཾ།།

དར་རས་ལྷ་མོའི་སྐུ་ལ་བསྟེན་པ་སོགས། ས༽ །ལས་ཚོགས་ཉེར་མཁོའི་སྐོར་ཚོགས་ཉུང་བསྡུས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ཌཱཀྐི་སུརླའི་མདོག་ཅན་གྱི་ལས་ཚོགས་ཉེར་མཁོའི་བསྐོར་ཉུང་ངུ་བསྡུས་པ་བཞུགས་སོ། །ན་མོ་ཨཱརྨ་ཏཱ་རེ་ཡེ། བསྙེན་པ་བྱེད་དུས་མེ་ལོང་སྟེང་བྱུག་པའི། །སིན་དྷུ་ར་དང་བྱང་སེམས་དམར་པོ་དང་། །མ་རྙེད་བྲག་ཞུན་གྱིས་ཚབ་རུང་བ་ཡིན། །རས་སམ་དར་ལ་ལྷ་མོའི་སྐུ་གཅིག་བྲིས། །སྐུད་དམར་དཀྲིས་ལ་སྲིན་ལག་གཡོན་པར་བཅིངས། །རང་ཉིད་ལྷ་མོའི་ང་རྒྱལ་དང་བཅས་པའི། །དབང་དུ་བསྡུ་བྱའི་སྙིང་གར་ཧཱིདམར་བསམ། །ཨོ་ཀུ་རུ་ཀུལླེ་ཧི༔ ཧཱུྃ་ཧཱུྃ་བྷད་ཏྲི་ཨུ་ཙ་ཏ་ཡ་

[Full Size]

ཧཱུྃཿཕཊ་ཕཊ། ཅེས་བཟླས་སྐབས་སུ་རས་བྲིས་སྐུ་དེ་ལ། །མེ་ཏོག་དམར་པོ་དང་ནི་ཚོགས་འཁོར་མཆོད། །འཕྲལ་དུ་དབང་སྡུད་སྔགས་བཟླས་སྐུད་བཅིངས་བསམ། །མི་དགོས་སྐབས་སུ་སྣོད་དུ་སྦས་པས་ཆོག །ཀུ་རུ་ཀུལླེ་གཞོན་ནུའི་བསྒྲུབ་པ་ཟེར། །དེ་ནི་ཞོར་ལ་བསྒྲུབ་པས་ཆོག་པར་གསུངས། །ཨྠ྄ྀི། སྔོན་དུས་བསྙེན་པ་ལེགས་པར་ཐོན་པའི་མིས། །དྲི་ཞིམ་སྔགས་ཏེ་རང་གི་ལུས་བྱུག་ན། །སྐྱེ་བོ་ཐམས་ཅད་བྱམས་ཤིང་དགའ་བར་འགྱུར། །དེ་ཉིད་དཔའ་བོ་གཅིག་བསྒྲུབ་རྒྱུད་ནས་གསུངས། ཕར་ལ་གཏད་རྒྱུའི་ཟས་སྐོམ་ལ་སོགས་པར། །ཆས་ཀ་གང་རུང་སྔགས་བཏབ་བྱིན་གྱུར་ན། །བྱིན་པ་དེ་ཉིད་དབང་དུ་འདུ་བར་གསུངས། །དེ་ཡང་རྒྱུད་ལ་གསལ་ཞིང་གབ་བསྐུང་མེད། །ཨྠ྄ྀི། དབང་གི་སྦྱིན་སྲེག་སྤྱི་ལྟར་བྱས་པའི་ཚེ། །བསྲེག་རྫས་གཙོ་བོ་མེ་ཏོག་དམར་པོ་ལ། །རྩ་སྔགས་ཆེ་གེ་ཝ་ཤཾ་ཀུ་རུ་ཧོ། །སྦྱར་ནས་བརྒྱ་སྟོང་ཅི་མང་བསྲེགས་བྱས་པས། །མྱུར་དུ་དབང་དུ་འདུས་པར་རྒྱུད་ནས་གསུངས། །སྟབས་བདེ་བླ་མའི་མན་ངག་ཟབ་མོ་རྒྱ། །ཨྠ྄ྀི། རང་ངམ་ནད་པའི་སྤྱི་བོར་པད་ཟླའི་སྟེང་། །

[Full Size]

ཧཱི༔ཡིག་དཀར་པོ་སྔགས་ཕྲེང་དཀར་པོས་བསྐོར། །དེ་ལས་བདུད་རྩིའི་རྒྱུན་ནི་དཀར་པོ་བབ། །ཚངས་བུག་ནས་ཞུགས་ནད་ཀུན་དག་པར་བསྒོམ། །ཨོཾ་ཀུ་རུ་ཀུལླེ་ཧཱི༔ བྷི་ཤ་ཤཱནྟི་ཀུ་རུ་སྭཱ་ཧཱ། སྒོམ་དང་བཟླས་པས་དུག་ནད་སེལ་བར་བྱེད། །རྒྱུད་དང་རྒྱ་གཞུང་མན་ངག་གསལ་བྱས་ཡོད། །ཨྠ྄ྀི། རང་ཉིད་ལྷ་མོ་གསལ་བའི་ལྕེ་ཡི་རྩེར། །དྷཱི༔ཡིག་དམར་པོ་མེ་ལྟར་འབར་བ་ཡི། །དེ་ལས་འོད་འཕྲོས་སངས་རྒྱས་བྱང་སེམས་དང། །པཎྜི་ཏ་ཡི་ཤེས་རབ་ཐམས་ཅད་བསྡུས། །རང་གི་ཁོང་དུ་ཐེམ་པར་བསྒོམ་བྱ་ཞིང་། །ཨོ་ཀུ་རུ་ཀུལླེ་ཧྲི༔ པྲཛྙཱ་པ་ཤཾ་པུཊྚི་ཀུ་རུ་སྭཱ་ཧཱ། ཞེས་བཟླས་ཤེས་རབ་འཕེལ་ཞིང་འཆད་བཟང་ངོ་། །ཨྠ྄ྀི། དེ་དག་རྣམས་ནི་ལྷ་མོ་རིག་བྱེད་བསྐོར། །ཕལ་ཆེར་བྲིས་སྐུ་ཆ་ཚང་་ལ་སོགས་པར། །རྫས་མི་རྙེད་པ་ཉམས་སུ་ལེན་དཀའ་བ། །མང་པོ་བྲི་བ་ཚག་ཆེ་དགོས་པ་གཏོར། །སྔོན་ཚེ་དཔལ་ལྡན་འབྲུག་པ་པད་དཀར་གྱིས། །དབང་བསྡུད་སྣང་བ་དགུ་འགྱུར་རྫ་ས་བསྒྲུབས་ནས། །འཇའ་ཚུགས་རིལ་བུའི་རུ་རྩི་ལ་བསྲེས་པས། །འབྲུག་པར་མི་ཀུན་དད་པ་ཡིན་ནོ་ཞེས། །འཇའ་ཚུགས་རིལ་བུར་ཕལ་ཆེར་རྣམ་རྟོག་བྱེད། །
འོན་ཀྱང་སྣང་བ་ཆོས་ལ་འགྱུར་བའི་ཕྱིར། །ཡིན་པས་ལོག་ལྟ་བྱ་བར་མི་རུང་ངོ་། །འདི་ནི་ལྷ་མོ་འདིའི་ལས་ཚོགས་ལའང་། །རྫས་སྦྱོར་དབང་སྡུད་བྱས་ཀྱང་རྙེད་དཀའ་ཞིང་། །རྫས་དེ་མི་གཙང་རྫས་སུ་འདུག་པའི་ཕྱིར། །བྱ་བར་མི་རུང་ཡིད་ལ་དྲན་བྱ་མིན། །དེ་མིན་བདེ་ཞིང་ལེགས་དང་རྫས་སླ་བའི། །ལས་སྦྱོར་སྒྲུབ་སྐོར་མ་ཚང་མེད་པ་འདི། །བླ་མ་བཱིརླ་ས་ག་རས་བསྐུལ་ནས། །རཱ་ག་ཨ་སྱས་རྒྱུད་དང་རྒྱ་གཞུང་སོགས། །མན་ངག་རྒྱ་མཚོའི་བཅུད་བསྡུས་གབ་འཁྲུགས་བསལ།། །གབ་སྦས་མེད་པར་ཉམས་སུ་བླང་བདེར་བཀོད། །འདི་བྲིས་སྦ་འོས་གསལ་བཀོད་ཉེས་པའི་ཚོགས། །ཆོས་བདག་ཌཱཀྐི་ཆོས་སྐྱོང་རྣམས་ལ་བཤགས། །ངེས་པར་བརྒྱུད་པ་འཛིན་ངེས་རེ་རེ་ལས། །མང་དུ་སྤེལ་ན་ཌཱཀྐིས་ཆད་པ་ཆོད། །དགེ་བས་འགྲོ་ཀུན་བྱང་ཆུབ་ལམ་འགོད་ཤོག །མངྒ་ལཾ། །

མི་ངན་ཨར་བས་ཆོམ་ཕྲོགས་བྱས་པ་ན། ༼ཧ༽ །གློ་བུར་ཐན་འགྱེད་དུག་མདའ་ནག་པོ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་ལས། གློ་བུར་ཐན་འགྱེད་དུག་མདག་ནག་པོ་ཞེས་བྱ་བ་བཞུགས་སོ། །མགོན་པོ་བེར་ནག་ཅན་གྱི་དབང་ལུང་མ་ཐོབ་པ་དང་བསྙེན་སྒྲུབ་ཚུལ་བཞིན་མ་ཐོན་ན་ལས་ཚོགས་འདི་དག་སྒྲུབ་ཀྱང་མི་

[Full Size]

འགྲུབ་པས་སྣོད་མིན་ལ་གསང་བ་གལ་ཆེ། ན་མོ་མ་ཧཱ་ཀཱ་ལ་ཡེ། རྡོ་རྗེ་བེར་ཅན་ཞབས་ལ་ཕྱག་འཚལ་ལོ། །གསར་རྙིང་གཉིས་ནས་གསུངས་པའི་མགོན་པོ་འདི། །རྣོ་བའི་མདེའུ་གནམ་ཆོས་ནས་གསུངས་པ། །ཞལ་ཤེས་ཀྱིས་བརྒྱན་གསལ་བར་འདིར་བཀོད་བྱ། །མ་མགོན་དམ་ཅན་རྒྱ་མཚོའི་བཀའ་གནང་སྩོལ། །མ་མགོན་ཡི་དམ་ཆོས་སྐྱོང་དབྱེར་མེད་དུ། །རྟག་ཏུ་ཆོས་སྐྱོང་བྱེད་པའི་རྣལ་འབྱོར་པས། །གློ་བུར་དགྲ་ལ་ཀ་ཆ་ཤོར་བའམ། །དོ་བསྡོ་ཕོད་བཙུགས་སྨ་འབེབ་བྱེད་བྱུང་ཚེ། །མྱུར་དུ་མ་རུངས་ཆོ་འཕྲུལ་དྲག་པོ་ཡིས། །སྐྲག་ཅིང་བསྔངས་ནས་འགྱོད་ཚང་སྐྱེད་བྱས་ཏེ། །སེར་ཆགས་ཡོངས་ཀྱི་བསྟན་ལ་ཕན་པའི་ཐབས། །ལོང་བྱུང་མགོན་པོ་ཚར་གཅིག་བཏང་ན་རབ། །ལོང་མ་བྱུང་ན་དྲན་རྫོགས་བདག་མདུན་བསྒོམ། །རང་གི་ཐུགས་ལས་འོད་ཟེར་མཐིང་ནག་ནི། །ཚ་ཞིང་རྩུབ་པའི་མདུན་བསྐྱེད་ལ་ཕོག་པས། །གནད་ལ་ཕོག་བཞིན་ཁྲོས་འཁྲུག་རབ་ཏུ་རྔམ། །འཁོར་ཚོགས་བཅས་པའི་སྐུ་ཡི་འོད་ཟེར་གྱིས། །ལྟས་ངན་ཆོ་འཕྲུལ་མི་རུང་སྣ་ཚོགས་པ། །མིང་འབོད་སྒོ་བརྡུང་ལྕམ་གདུང་ཆག་པ་དང་། །གཉིད་མི་ཁུག་དང་སྐྲ་

[Full Size]

འཐེན་འགྲམ་ལྕགས་རྒྱག །ཀ་ཆ་གང་ཡིན་ཚུར་གཏོད་མི་གཏད་ན། །སྲོག་གཅོད་སྙིང་ཕྱུང་ཟེར་ནས་འབོད་པ་དང་། །གཏིང་ནས་ཐིབ་གནོན་ས་ཡི་གྲིབ་གནོད་འབྱུང་། །སྤྲུལ་པའི་ལས་མཁན་ཨ་ཙར་ནག་པོ་འགས། །མཐེ་བོང་སྙིང་ཁར་བཙུགས་ནས་གཟེར་བཅུག་ཅིང་། །རྐང་ལག་བཞི་ནས་བཟུང་སྟེ་སྤྲུག་སྡེབ་བྱེད། །བདག་ཚམདུན་ཀུན་གྱིས་དྲག་སྔགས་འབྲུག་སྒྲོག་བསམ། །ཨོཾ་མ་ཧཱ་ཀཱ་ལ་ཡ། རེ་མ་ཏི་དགྲ་བོ་ཧྥེ་ལ་ཐན་ཕོབ་ཕོབ། །རྒྱུག་བློ་རྒྱུག་ཧྲིང་བྷོ། ཨ་གཙྪ་ཡ། ཨ་གཙྪ་ཡ། ཧཱུཾ་ཡ་ཛ་བྷོ་རྒྱུག་ཧྲིང་བྷོ། ཕོབ་ཕོབ་མྱུར་དུ་ཕོབ། རྒྱུག་རྒྱུག་མྱུར་དུ་རྒྱུག ཕོབ་རྒྱུག་ཧྲིང་བློ། ཞེས་སྔགས་རིང་ཅི་ལྕོགས་བཟླས་བྱས་ལ། །དོ་དགོང་དམར་གཏོར་གཅིག་བཤམས་འགུགས་གཞུག་བྱ། །གང་ཞིག་བླ་མ་ལ་སྨོད་ཅེས་པ་དང་། །དམག་གི་རྒྱལ་མོ་བཞི་ཡི་བསྐུལ་པ་བྱ། །རྡུལ་དུ་བརླག་པ་ཞེས་བྱ་མི་སྦྱར་བར། །ཆོ་འཕྲུལ་འབེབས་པའི་ཕྲིན་ལས་མཛོད་ཅེས་སྦྱར། །མཚན་མོ་གཏོར་མ་ཁོ་ཡི་ཕྱོགས་སུ་འཕང་། །གར་སོང་མི་ཤེས་ཕྱོགས་བཅུར་འཕེན་རྡེབ་བྱེད། །དེ་ནས་ཕྱོགས་བཞིར་གཙང་སར་འཕེན་པར་བྱ། །
སྲོག་ལ་མི་གནོད་ཆོ་འཕྲུལ་སྣ་ཚོགས་སློང་། །དོ་གལ་ཆེ་ན་ལན་འགའ་ཝིག་པར་བྱ། །དེ་ནས་སྲོག་ལས་གཏོར་ནག་པར་བུ་དང་། །ཐན་སྲོག་འབྲེལ་མ་ཁྲེས་པོ་ཁ་སྲུང་དང་། །ཆོ་འཕྲུལ་རྐྱང་པ་གནམ་ཆོས་ལུགས་དང་གསུམ། །བརྒྱུད་པ་འཛིན་ངེས་བསྟན་ལ་ཕན་ངེས་པའི། །སྙིང་གི་བུ་ལ་གཅིག་བརྒྱུད་མ་གཏོགས་པར། །གཞན་ལ་སྤེལ་ན་མནར་མེད་དམྱལ་བར་ལྟུང་། །དམ་ལ་འདས་ན་མ་མགོན་བཀའ་སྲུང་གིས། །སྡོང་གྲོགས་མི་མཛད་བཀའ་ཡིས་ཆད་པ་ཆོད། །དེ་སྐད་རྣལ་འབྱོར་རཱ་ག་ཨ་སྱ་ཡིས། །མེ་རྟ་མེ་ཁྱི་གནམ་གང་དགོང་མོའི་ཐུན། །བཀའ་སྲུང་གསོལ་མཆོད་ཚར་སྐབས་སྨྲས་པ་སྟེ། །རུ་པ་ཞེ་སྡང་ལྡན་པའི་བཙུན་པས་བྲིས། །བརྩེ་བྲལ་བསྟན་བཅོས་ཉེས་པ་ལྷ་ལ་བཤགས། །དགེ་བས་སྒྲུབ་བརྒྱུད་བསྟན་པར་མཉེས་པར་ཤོག །མངྒ་ལཾ།།

ཉམ་ཆུང་ཆོས་པར་དོ་བསྡོ་ཕོད་བཙུགས་ན། ༼ཨ༽ །པཀྵིའི་གིང་ནག་ཁྲེས་པོའི་ཁ་སྲུང་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། མགོན་པོ་བེར་ཅན་གྱི་ལས་མཐའ་མགོན་པོ་ཉིད་ཀྱིས་གྲུབ་ཆེན་ཀརྨ་པཀྵི་ལ་ཕུལ་བའི་གིང་ནག་པོའི་ཁྲེས་པོ་ཁ་སྲུང་ཞེས་བྱ་བའི་ཟིན་བྲིས་བཞུགས་སོ། ༈ །ན་མོ་ལོ་ཀི་ནཱ་ཐ་ཡེ། འཇིག་རྟེན་མགོན་པོ་

[Full Size]

དྲེགས་བྱེད་བེར་ནག་ཅན། །བདུད་རྒྱལ་ཐོད་ཕྲེང་ཅན་ལ་ཕྱག་འཚལ་ལོ། །མན་ངག་ཟིན་བྲིས་བྲི་ལ་བཀའ་གནང་སྩོལ། །གྲུབ་ཆེན་པཀྴི་དབུས་སུ་མ་ཕེབས་གོང་། །མཚུར་ཕུའི་གདན་ས་སྒྲོག་ཅིང་འཇིག་ལ་ཐུག །དེ་དུས་པཀྴི་སྤུངས་རིར་བཞུགས་པའི་སྐབས། །ཆོས་སྐྱོང་བེར་ནག་ཅན་དེ་དངོས་སུ་བྱོན། །མཚུར་ཕུའི་གདན་ས་མེད་པས་འབྱོན་དགོས་ཟེར། །མི་འགྲོ་གསུངས་ཀྱང་ཅིས་ཀྱང་འབྱོན་དགོས་ཟེར། །སོང་ཡང་ཡོན་བདག་གཅིག་ཀྱང་རྙེད་ས་མེད། །ང་རྒྱལ་བྱེད་པར་ཆོག་པའི་མཐུ་ནི་མེད། །ཁྲེས་པོ་ཁ་སྲུང་གཅིག་ནི་ངས་མི་ཤེས། །གསུངས་པས་ཁྲེས་པོ་ཁ་སྲུང་ང་ཡིས་ཤེས། །ང་ནི་ལྷ་འདྲེ་ཀུན་གྱི་གཙོ་བོ་ཡིན། །ང་ལ་ལྷ་འདྲེ་ཀུན་གྱི་སྲོག་སྙིང་ཡོད། །ཁྱོད་ཀྱི་ཡོན་བདག་ང་ཡིས་བྱེད་པ་ཡིན། །ང་ཡི་སྲོག་སྙིང་ཁྱེད་ལ་འབུལ་ཟེར་རོ། །ཁྱོད་ཀྱི་སྲོག་སྙིང་ང་ལ་དགོས་པ་མེད། །དེ་བས་སྐད་ཅིག་ཉིད་ལ་རྟགས་འོང་པའི། །ཁྲེས་པོ་ཁ་སྲུང་ཡོད་ན་འདོད་གསུངས་པས། །དེ་ཡང་ང་ལ་ཡོད་པས་འབུལ་ལོ་ཟེར། །འོ་ན་ཁྱོད་ཀྱི་རོགས་ལ་ང་འགྲོ་ཟེར། །དེ་དུས་གདམས་ངག་འདི་ནི་ཕུལ་བར་བཤད། །

[Full Size]

གདམས་ངག་འདི་ནི་སུལའང་མ་གནང་སྟེ། །ན་བུན་དབང་རྡོར་བ་དང་ཤེས་རབ་འོད། །འདི་གཉིས་ང་ལ་དྲིན་ཆེ་གསུངས་ནས་གནང་། །གཞུང་གི་དཔེ་འདི་པོད་གཞུང་ཀུན་ལ་ཡོད། །འོན་ཀྱང་ཕྱག་ལེན་མི་གསལ་སྡུམ་སྡུམ་འདྲ། །དེ་ཕྱིར་ཡོད་པ་ཙམ་ལས་ཕན་མ་ཐོགས། །འདི་ཉིད་ཉམས་སུ་ལེན་པའི་ཟིན་བྲིས་ནི། །འདི་ཡི་རྟེན་རྫས་སྔར་ནས་བསགས་དགོས་ཏེ། །སྨྱུག་རྒོད་གཙང་མ་གཅིག་ལ་རྟེན་མདའ་བཟོས། །དེ་ལ་ཕོ་རོག་དང་རུ་གཡས་པ་བསྒྲོན། །དེ་ལ་མེ་ཡི་མི་བཤུལ་སྒྲོ་རྒོད་བྱ། །དེ་ལ་གྲི་ལྕགས་ལས་བྱས་མདེའུ་སྦྱར། །མདའ་མགུལ་ནག་པོ་མདའ་ལྟོང་དམར་པོ་བྱ། །བདུད་མདའ་ལྟོང་དམར་ཞེས་བྱའི་དོན་ཡིན་ནོ། །མདའ་བཟོས་ཚར་ནས་མི་བསིལ་མི་བསྒྲིལ་ལོ། །དར་ནག་སོ་མ་ཁ་གང་མ་ཉམས་པར། །གསེར་རམ་མཚལ་གྱིས་ཧཱུྃ་ཡིག་ནག་པོ་ནི། །ཁོང་གསེང་ཡོད་པ་དཀྱིལ་བྲིས་མདའ་ལ་བཏགས། །ཁྱི་ནག་སྙིང་དང་ལུག་ནག་སྙིང་གཉིས་ལ། །རྩ་སྦུབ་ཤིང་གིས་བརྒྱངས་ནས་ལེགས་པར་སྐམ། །རྩ་སྦུབ་གཉིས་སུ་དེ་ཝ་རཀྟ་དང་། །ཤ་ས་ན་དང་ཧུ་ར་ཧེར་ནི་དང་། །ཡབ་ཡུམ་ཞལ་སྦྱོར་སྔགས་རིང་ལ་སོགས་

[Full Size]

པ། །གསེར་རམ་མཚལ་ལམ་རྒྱ་སྣག་གིས་བྲིས་པའི། །ཤོག་དྲིལ་རྩ་སྦུབ་ནང་བཅུག་ལ་ཆས་བསྒར། །དམ་པོར་བཏུམ་ལ་མགོ་མཇུག་མ་ལོག་པར། །གཉིས་ཀ་མདའ་ཡི་མགུལ་དུ་བཏགས་པར་བྱ། །དར་ནག་གམ་ནི་ཤོག་གུར་ཙཀ་ལི་ལ། །མགོན་པོའི་སྐུ་དང་ལས་མཁན་ཤན་པ་བཞི། །འོག་གི་མངོན་རྟོགས་བཞིན་བྲིས་དེ་ཡི་རྒྱབ། །བཟླ་བྱའི་སྔགས་རིང་བྲིས་ལ་བཏགས་པར་བྱ། །དེ་ནི་སྔར་ནས་རང་གིས་འཚགས་བྱ་སྟེ། །བསྐང་གསོལ་ནམ་བྱེད་མི་གཤེགས་དེ་ལ་བསྟིམ། །ཁྱད་པར་འཁོར་གྱི་དྲེགས་བྱེད་ཕོ་ཉའི་ཚོགས། །གིང་ཀ་ར་ཡི་ཚོགས་བཅས་ཐིམ་པར་དམིགས། །མུ་ཟི་ནག་པོ་གུ་གུལ་ནག་པོ་དང་། །ཁྱི་ནག་ཁྲག་བསྲེས་སྣག་བརྡར་གཙང་མ་གཅིག །དྲི་མ་མ་སོང་ཤོག་གུར་བཏུམ་ལ་འཚགས། །མགོན་པོའི་བསྙེན་པ་སྔོན་དུ་སོང་བའི་མིས། །ལིང་ག་སྤྱི་མཐུན་མིང་དང་བཅས་པ་བྲིས། །ཐ་མ་བཟླ་བྱའི་སྔགས་རིང་མགོ་ནང་བསྟན། །སྔགས་མཇུག་ཕྱིར་ཕུད་ཐ་མ་ཛཁྲམ་བསྐོར། །རྐུན་མ་ལ་སོགས་གདམས་ངག་ཞལ་ལས་ཤེས། །ཞེ་སྡང་མ་ཡལ་འཕྲལ་དུ་བྱས་ན་མྱུར། །ཕུང་རེ་ཡོད་ན་ཤིན་ཏུ་

[Full Size]

ལེགས་པའོ། །མེད་ན་རེ་བ་ནག་པོའི་གདན་གྱི་སྟེང་། །ནས་ཀྱིས་མཎྜལ་ཟུར་གསུམ་བྲི་བར་བྱ། །དེ་ཕྱིར་ལིངྒ་མགོ་ཕྱིར་བསྟན་ལ་བཏིང་། །མཉྫི་འམ་ནི་ཨོ་ཆུང་བྱས་པའི་སྟེང་། །དཀར་རྒྱན་མེད་པའི་དམར་གཏོར་གཅིག་བཅའ་བཞག །དེ་ཡི་མཉམ་དེར་སྔོན་གྱི་མདའ་དར་བཙུགས། །ཡི་དམ་གཏོར་བསྔོས་ཐམས་ཅད་ཆག་མེད་རིགས། །དེ་ནི་སྔ་བར་ཐམས་ཅད་ཚང་བར་བསགས། །དེ་ནས་ཕུགས་གཏོར་ལ་སོགས་བྲན་བྱས་ལ། །གསོལ་ཀ་རྒྱས་པ་བསྐང་བ་བསྡུས་པར་བཅས། །དེ་ཚེ་བདག་མདུན་མ་མགོན་བསྒོམ་པ་སོགས། །སྤྱན་འདྲེན་དམིགས་པ་དང་བཅས་ཕྲེང་བསྐོར་བསྙེན། །དཀར་གཏོར་བསྔོས་ཤིང་མགོན་པོའི་གཏོར་འབུལ་གྱི། །བཀུག་གཞུག་སྐབས་དེར་ལིང་ག་བཀུག་གཞུག་ནི། །གསུམ་མམ་བདུན་བྱ་འགུགས་སྔགས་ཉེར་གཅིག་བརྗོད། །ལྷ་དབྱེའི་གཏོར་མ་བྱིན་ལ་ལྷ་དབྱེའི་སྔགས། །གསུམ་མམ་བདུན་བརྗོད་ལྷ་དང་བྲལ་བར་བསམ། །དེ་ནས་གཏོར་འབུལ་བསྐུལ་པ་མི་བྱ་བར། །བདག་བསྐྱེད་མ་མགོན་སྟོང་པ་ཉིད་དུ་བསྡུ། །མདུན་སྐྱེད་ལྷ་ཚོགས་སྔོན་ལྟར་བཞུགས་པར་བསམ། །འདི་སྐབས་མདུན་བསྐྱེད་དེ་

[Full Size]

ནི་མདའ་དར་ཡིན། །དེ་ནས་རང་ཉིད་སྐད་ཅིག་དྲན་རྫོགས་སུ། །མགོན་པོའི་བཀའ་སྡོད་ལས་ཀྱི་ཤན་པ་ནི། །མདོག་ནག་སྤྱན་གསུམ་རལ་པ་བར་སྣང་གཟིང་། །གཅེར་བུ་རྒྱན་མེད་ཉ་སུག་ཧྲིང་ངེ་བ། །གཡས་ཀྱི་ལྕགས་ཀྱུས་དགྲ་བོའི་སྙིང་ནས་འདྲེན། །ཁ་གདང་མཆེ་གཙིགས་ཞེ་སྡང་མེ་ལྟར་འབར། །ཁ་ནས་དགྲ་བོའི་སྙིང་རྗེན་རློན་པ་འཆའ། །སྐོམ་དུ་དགྲ་བོའི་སྐེ་ཁྲག་དྲོད་མོ་འཐུང་། །ཁ་ནས་ནད་ཀྱི་ཚྭ་ཚྭ་མེ་སྟག་འཕྲོ། །ལུས་ལ་ནད་ཀྱི་རླངས་པ་རླུང་དམར་འཚུབ། །ནད་རིགས་སྨྱོ་འབོག་ཆོ་འཕྲུལ་གཏོང་བར་བྱེད། །འབྱུང་པོ་ཐམས་ཅད་ལས་ལ་འབྱེད་པར་བསམ། །རང་གི་ངག་ནས་སྔགས་འདི་དྲག་བརྗོད་པས། །མདུན་གྱི་ལྷ་ཚོགས་ཀུན་གྱིས་རབ་བུ་བཀྱག ། ལྷ་ཚོགས་སྐུ་ལས་འཕྲོ་བའི་འོད་ཟེར་གྱིས། །ལིང་ག་དགྲ་བོ་དངོས་སུ་དབྱེར་མེད་ཅིང་། །རེ་བ་ནས་ཀྱི་མཎྜལ་ཟུར་གསུམ་ནི། །དགྲ་བོ་ཡུལ་ཁང་དགྲ་དང་དབྱེར་མེད་བསམ། །ནད་ཡམས་སྨྱོ་བརྒྱལ་ལྟས་ངན་བརྒྱད་ཅུའི་ཚོགས། །ཆར་བཞིན་བབས་ནས་སྔངས་སྐྲག་སྨྱོ་བརྒྱལ་བསམ། །སྔགས་འདི་ཤུབ་བུར་མ་ཡིན་དྲག་ཏུ་བཟླས། །བཟླ་

[Full Size]

རོགས་མང་པོ་ཡོད་ན་འུར་འདོན་བཅུག །ཨོཾ་ཤྲཱི་མ་ཧཱ་ཀཱ་ལ་ཡཱ། ཨ་ཀརྨ་ཡ་ཨ་ཀཎ་ཡ་འདིར་ཤོག་འདིར་ཤོག་གནོད་བྱེད་ཀྱི་སྙིང་ལ་ཨ་ཀརྨ་ཡ། གནོད་པར་བྱེད་པའི་དགྲ་བོ་འདིའི་ཚད་དང་མཚན་མ་བོར། ཚད་དང་ཉི་ཟེར་བཙུགས། དུས་དང་དུས་ཚོད་བཙུག །ལས་དང་རྟགས་ཐོན་དུས་ལ་བབ། །ཨོ་གིང་ཀ་ར་གིང་ཀ་ར། དགྲ་བོའི་སྙིང་ལ་གིང་ཀ་ར་གིང་ཀ་ར། སྲོག་ལ་གིང་ཀ་ར་གིང་ཀ་ར། ཨོ་ཏིག་ཏིག་སྲོག་རྩ་ཆོད་ཆོད་རྦད་རྦད། གཏུབ་གཏུབ། རྦད་རྦད། ཆོད་ཆོད། ལྡིབ་ལྗིབ། ནོན་ནོན། །ཞེས་པའི་སྔགས་དེ་བསྒྲུབ་མི་གཅིག་ཡིན་ན། །བརྒྱ་རེའི་མཚམས་དང་ཡང་ན་སྟོང་རེའི་མཚམས། །མདའ་དར་དེ་ལ་ཕུ་ཡིས་བཏབ་ལ་སྔགས། །མང་ན་ལག་འགྲིམ་མི་བྱ་ཕུ་འགྲིམ་བྱ། །མཆོད་གཡོག་པ་ཡིས་འཛིན་ན་ལག་ལྕིབས་དགོས། །དེ་རྗེས་མདེལ་དེ་ཤོག་བུའི་ལིང་གའི་སྟེང་། །བརྒྱབ་པའི་ཚུལ་དུ་གཏུག་གཏུག་ལན་དགུ་བྱ། །དམར་གཏོར་དེ་ནི་སྔགས་ཀྱིས་མི་བསྔོ་བར། །ཡིད་ཀྱིས་ལས་མཁན་གིང་ཀ་ར་ལ་བསྔོ། །དེ་ལྟར་སྔ་དྲོ་ནས་བཟུང་སྲོད་ཀྱི་བར། །ཇི་ལྟར་ནུས་པ་སྔགས་དང་དམིགས་པ་སྤྲད། །

[Full Size]

སྲོད་ལ་བབ་ཚེ་མགོན་པོའི་དམར་གཏོར་ལ། །གང་ཞིག་བླ་མ་ལ་སྨོད་བསྐུལ་པ་དང་། །བཙན་བདུད་ཀླུ་གསུམ་མགོན་པའི་བསྐུལ་པ་འདོན། །དེ་ནས་སྔོན་འགྲོ་དཀར་གཏོར་གསེར་སྐྱེམས་འབུལ། །དེ་ནས་ལིང་ག་ཤིང་གི་སྐམ་པར་བཅུག །རེ་བ་ནས་དང་དམར་གཏོར་དང་བཅས་ཁྱེར། །དེ་རྗེས་མགོན་པོའི་དམར་གཏོར་དར་ནག་ཁྱེར། །ནམ་ཕྱེད་མི་ཡིས་མི་མཐོང་དགྲ་ཡི་ཕྱོགས། །མཁའ་འགྲོ་གཟའ་སོགས་གདོང་ནི་མ་ཐུག་པར། །གོམ་པ་དྲུག་ཅུ་རེ་བཞིའི་ཕ་རོལ་འགྲོ། །མ་མགོན་ལྷ་ཚོགས་མཚན་དང་སྔགས་ནས་འབོད། །ལས་མཁན་གིང་ཀ་ར་ཡང་ལན་གསུམ་འབོད། །དགྲ་བོ་རྨེ་ཞེས་བྱ་བ་ལ་སྨྱོ་འབོག་ནད་ཡམས་ལྟས་ངན་བརྒྱད་ཅུའི་ཆར་པ་ད་ལྟ་ཉིད་དུ་ཕོབ་ཅིག །བརྗོད་དེ་རྗེས་ལིང་ག་ས་ལ་དྲག་ཏུ་བརྡབ། །གིང་ཀ་ར་རྒྱུག་བརྗོད་པ་དེ་བཞིན་ཏུ། །ལིང་གའི་སྟེང་དུ་དམར་གཏོར་ཆུང་བ་བརྒྱབ། །དེ་རྗེས་རེ་བ་ནས་དང་བཅས་པ་བརྡབ། །དེ་སྟེང་མདའ་དར་དེ་ཉིད་ལན་དགུ་བརྡེབ། །དེ་རྗེས་གོང་གི་སྔགས་རིང་བརྗོད་བཞིན་དུ། །མགོན་པོའི་དམར་གཏོར་བརྒྱབ་ཅིང་དར་ནག་བརྡབ། །དེ་སྟེང་ཆོས་

[Full Size]

གོས་སམ་རང་གི་དུག་པོ་ནི། །མགོ་མཇུག་བསྒྱུར་ནས་ལན་དགུ་བརྡབ་པར་བྱ། །རང་གིས་བསྒོམ་པའི་གིང་ནི་ནག་པོ་དང་། །མགོན་པོ་འཁོར་བཅས་དགྲ་ཡུལ་སོང་བར་བསམ། །རང་ཉིད་སྐད་ཅིག་རྣམ་འཇོམས་བསྐྱེད་རིམ་བྱ། །ལིངྒ་ཚུར་ཁྱེར་ཕྱི་མིག་མི་བལྟ་འོང་། །ལིང་ག་དེ་ཉིད་གཏོར་སྒམ་འོག་ཏུ་བཅུག །གདམས་ངག་འདི་ཉིད་སྔ་དྲོ་བྱས་པ་ན། །ཕྱི་དྲོ་དགྲ་ལ་རྟགས་དང་ཆོ་འཕྲུལ་ནི། །འབྱུང་བར་མགོན་པོ་ཉིད་ཀྱིས་དམ་བཅས་སོ། །ཕ་རོལ་བསོད་ནམས་ཆེ་དང་སྲུང་ཟློག་མང་། །དེ་ལ་འཕྲལ་དུ་རྟགས་མཚན་མ་བྱུང་ན། །ཉི་ནག་མེ་གདོང་དྲག་སྔགས་ཐེབ་པའི་དུས། །དགྲ་ཕྱོགས་གཏོར་མ་འཕེན་པར་རུང་བའི་དུས། །སྔོན་ནས་བརྩིས་པ་སྔོན་ལྟར་ཉིན་བསྒྲུབ་རེ། །ལན་གསུམ་བསྐྱལ་ན་ཐེ་ཚོམ་མེད་པར་འབྱུང་། །ལྟས་ངན་བྱུང་དང་ནད་ཡམས་སྨྱོ་འབོག་དང་། །གྲི་རུ་འཆི་འམ་གཟའ་སོགས་ཧུར་ཐུམ་འཆི། །དེ་དག་གང་བྱུང་ཕ་རོལ་པོ་དེ་ཡི། །ཆག་སྒོ་སྲུང་ཟློག་བསོད་ནམས་ཁྱད་པར་ཡིན། །རྟགས་ཤིག་མི་འབྱུང་སྲིད་པར་མི་འགྱུར་རོ། །རྗེས་ནས་ཞུ་བཤགས་ཕུལ་ཞིང་དུམ་བྱས་ན། །ལིང་ག་རྣམ་འཇོམས་གཟུངས་

[Full Size]

ཆུས་བཀྲུ་བར་བྱ། །མ་དུམ་ད་རུང་བསྒྲལ་བར་མ་ནུས་ན། །ལིང་ག་དེ་ལ་དྲག་པོའི་སྦྱིན་སྲེག་བྱ། །སྦྱིན་སྲེག་ཁ་བསྒྱུར་སྔགས་དམིགས་ཞལ་ལས་ཤེས། །སྲོག་དང་ཆོ་འཕྲུལ་སྨྱུག་འབོག་ལ་སོགས་པ། །གཅིག་ཆོག་ཉིན་གཅིག་བསྒྲུབ་པའི་རླུང་སྒྲུབ་འདི། །སྔོན་ཆད་ཟིན་བྲིས་གསལ་པོ་མེད་ན་ཡང་། །སྙིགས་དུས་མགོན་པོ་བེར་ནག་ཅན་འདི་ལ། །མཐུ་དང་ནུས་པ་མེད་ཅེས་ཀུན་གྱིས་སྨད། །དཀོན་མཆོག་དབུ་འཕང་ཆུང་བས་དམའ་བར་འགྱུར། །དེ་ལ་སྙིང་གིས་བཟོད་ཐབས་མ་བྱུང་ནས། །ཤུགས་འཆང་ཅང་ཤེས་རྒྱལ་པོ་མེ་འབར་ལོ། །ཞེ་སྡང་མེ་ཁྱི་དམར་པོའི་ཟླ་བ་ཡི། །གནམ་གང་མགོན་པོ་ལན་གསུམ་རྒྱུ་བའི་ཉིན། །སྔགས་རྒན་རཱ་ག་ཨ་སྱས་སྨྲས་པ་ལྟར། །རུ་པ་སྔགས་ནག་བརྩོན་འགྲུས་ཞེས་བྱས་བྲིས། །བརྩེ་བ་བྲལ་བའི་བསྟན་བཅོས་འདི་ཉིད་ཀྱིས། །སེམས་ཅན་གནོད་པར་བྱུང་ན་མཐོལ་ལོ་བཤགས། །དགེ་བས་མགོན་པོ་བེར་ཅན་སྐོར་གསུམ་ལ། །གཤེ་སྐུར་མེད་པ་ཀུན་གྱིས་བསྟོད་ཅིང་བསྔགས། །འཛམ་གླིང་འདི་ན་འགྲན་ཟླ་བྲལ་བར་ཤོག །མངྒ་ལཾ།

ཞིང་བཅུ་ཚང་བའི་བསྟན་དགྲས་དོ་བསྡོས་ན། ༼ཀཾ༽ །མ་མགོན་གཏོར་ནག་སྲོག་གི་པར་བུ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། གྲུབ་ཆེན་པཀིའི་ཡབ་ཆོས་མགོན་པོ་པར་ནག་གི་སྐོར་ལས། གཏོར་ནག་སྲོག་གི་པར་བུའི་ཟིན་བྲིས་ཡོད། ༈ ན་མོ་ཤྲཱི་མ་ཧཱ་ཀཱ་ལ་ཡེ། མ་མགོན་འཁོར་བཅས་ཞབས་ལ་ཕྱག་འཚལ་ལོ། །དགོངས་པ་གྲོལ་ཞིང་བཀའ་གནང་བསྩལ་དུ་གསོལ། །རུ་པ་སྔགས་འཆང་བརྩོན་འགྲུས་རྒྱ་མཚོ་བ། །ཆོས་འཁོར་གཉེན་པོ་འཇིག་ལ་ཐུགས་པའམ། །ཁ་ཙམ་མ་ཡིན་སྒོ་གསུམ་རྩེ་གཅིག་ཏུ། །དམ་ཆོས་ཚུལ་བཞིན་བསྒྲུབ་པའི་གང་ཟག་ལ། །དམ་ཉམས་དགྲ་བོས་བར་ཆད་བྱས་གྱུར་ན། །དེ་འདུལ་ཆོས་ཀྱི་བཀའ་སྲུང་གནོངས་ཤིག་ཅེས། །ཕྱག་དང་མཎྜལ་ཕུལ་ནས་ཞུས་པའི་ལན། །བཀའ་སྲུང་གཙོ་བོ་མ་མགོན་ལྕམ་དྲལ་ལས། །མར་ཇོ་རས་ཆེན་སོགས་ནས་བརྒྱུད་པ་ཡི། །ཕྱི་སྒྲུབ་པར་བུ་ནང་སྒྲུབ་ཛ་རྡུང་བསྐོར། །གསང་སྒྲུབ་ཕུར་བུ་གསུམ་ལ་ཆ་ལག་བཅས། །རྒྱ་ཆེར་བྱུང་བ་ཡབ་རྐྱང་ཁོ་ནའི་ལུགས། །དཔེ་ཆ་ལུང་རྒྱུན་ལ་སོགས་མང་མཆིས་ཀྱང་། །དཀའ་ཚེགས་ཆེ་ཕྱིར་ཕྱག་ལེན་བྱེད་མཁན་མེད། །ཡབ་ཡུམ་ཞལ་སྦྱོར་པར་ནག་ཅེས་གྲགས་པར། །དྲག་པོའི་ལྷ་རྒྱུད་གསང་བ་ནང་ནས་གསུངས། །ཨུ་རྒྱན་

[Full Size]

ཆེན་པོའི་ཐུགས་ལ་མངའ་བ་ལགས། །དྲག་སྔགས་བཀའ་བབས་དྷ་ན་སཾ་སྐྲྀ་ཏས། །བེ་རོ་ཙ་ན་ལ་གནང་བཀའ་གཏེར་བརྒྱུད། །དེང་སང་ཀཿཐོག་ཕྱོགས་སུ་དར་བ་ལ། །མགོན་པོ་ཚོགས་བདག་ཅེས་བྱ་མཐུ་ཆེན་སྐད། །ཨོ་རྒྱན་ཆེན་པོ་སྲིན་ཡུལ་འབྱོན་ཀ་རུ། །རྒྱལ་པོས་རྫོང་བ་བྱས་ནས་གཟིམ་པའི་ནུབ། །མི་ནག་གཅིག་བྱུང་རྒྱལ་པོར་འདི་སྐད་ཞུས། །བསྒྲུབ་མི་དགོས་པའི་དྲག་སྔགས་བཅའ་ཆོག་གཅིག །སློབ་དཔོན་ལ་ཡོད་མི་ཞུ་ཅི་ཡིན་གསུངས། །སློབ་དཔོན་ལ་ནི་གནང་བར་ཞུས་པའི་ཚེ། །མ་མགོན་པར་ནག་གདམས་པ་བག་ཙམ་ཞིག །ངས་ཀྱང་སྲིན་པོ་འདུལ་ཕྱིར་མཁོ་བ་ཡིན། །གསུངས་ནས་མ་གནང་སློབ་དཔོན་བཞུད་པའི་རྗེས། །གསེར་དངུལ་རིན་ཆེན་བཀང་སྟེ་རྗེས་བསྙེག་ཚེ། །ཆུ་བོ་རི་སློབ་ཕྱག་འཚལ་མཎྜལ་ཕུལ། །སྤྱན་ཆབ་ཕྱུང་ཞིང་ཞུས་པས་འདི་ཉིད་གནང་། །ཁྱེད་རང་རིགས་ལ་མ་སྤེལ་སྐུ་སྲུང་གྱིས། །འདས་ཁོ་གཏེར་དུ་སྦོས་དང་སྲས་རྒྱུད་ལ། །ཕན་པར་འདུག་གསུངས་མཆོད་རྟེན་ནག་པོར་སྦས། །རྒྱལ་པོ་འདས་ཤིང་སློབ་དཔོན་གཤེགས་པའི་རྗེས། །སྲས་པོ་གསུམ་ཡོད་ཆེ་བ་དུག་

[Full Size]

གིས་བཀྲོང་། །འབྲིང་བ་བློན་པོས་ངོ་ལོག་བྱས་ནས་བཀྲོང་། །ཆུང་བ་འཇིགས་ཡོན་སད་ན་ལེགས་དེ་ཡིས། །རྒྱལ་ས་མ་ཟིན་གྲབ་བྱུང་གཉིད་མ་ཁུག །མཚན་མོ་མཆོད་རྟེན་ནག་པོའི་རྩ་བ་དེར། །མེ་འབར་འོད་འཁྱུགས་ཆོ་འཕྲུལ་འབྱུང་བར་མཐོང་། །འདི་ན་ཡབ་དང་སློབ་དཔོན་གྱིས་སྦས་པའི། །ཕུང་འཚེང་ནུས་པའི་གཏེར་གཅིག་ཡོད་པར་ངེས། །རྒྱལ་ས་མི་ཟིན་ད་ནི་གཏེར་འདོན་ཟེར། །ནོར་གཏེར་གདའ་ན་ས་མཐར་ཁྱེར་ནས་འབྲོས། །ཆོས་གཏེར་གདའ་ན་ཉམས་ལེན་ཆོས་ཤིག་བྱེད། །མཐུ་གཏེར་གདའ་ན་མཆེད་ཡའི་ཤ་ལེན་བསམ། །བརྐོས་པས་མ་མགོན་པར་ནག་དྲག་སྔགས་དང་། །མགོན་པོ་དབྱུག་བརྡུང་དབྱུག་པར་བཅས་པ་ཐོན། །ཆོས་བློན་ཐུགས་མཐུན་བསྡུས་ནས་ལྐོག་ཏུ་ནི། །བསྒྲུབས་པས་ཟླ་གཅིག་གོང་དུ་ཁོང་གི་དགྲ། །ཞང་ནི་དབུ་རིང་ཕ་ཚན་བཅས་པ་བརླག །དེ་ནས་ཡབ་ཀྱི་ཁྲི་ནོན་རྒྱལ་ས་ཟིན། །འཛམ་གླིང་སུམ་གཉིས་དབང་བསྒྱུར་རྒྱལ་པོར་གྱུར། །ཁོང་ལ་སྲས་གསུམ་ཡོད་པའི་ཐ་ཆུང་དེ། །རྒྱལ་ས་མ་ཐོབ་མགོན་པོའི་སྒྲུབ་པ་བྱས། །ན་བཟའ་ཉི་མའི་སྲབ་མདར་འགེབ་པ་དང་། །འཇའ་ལ་འཇུས་

[Full Size]

ནས་ནམ་མཁར་དངོས་སུ་བྱོན། །མཚན་ཡང་ལྷ་རྟགས་ནམ་མཁའི་ལྷ་བཟུང་ཞེས། །འདི་ཉིད་འབྲི་ཆུའི་འགྲམ་ཕེབས་བཞུགས་པའི་རྒྱུད། །སྔགས་པ་སྐུ་ཚེ་རིང་བ་བཅུ་གསུམ་དང་། །ཐུང་ཤོས་མི་རབས་བཅོ་ལྔ་བྱོན་པའི་མཚམས། །གྲུབ་ཆེན་པཀྵི་འཁྲུངས་བ་ཡན་ཆད་དུ། །མ་མགོན་བསྒྲུབ་པ་རྟགས་ཐོན་ཤ་སྟག་ལགས། །དེ་ཡི་གདམས་པ་པར་ནག་ཕྱི་ནང་གསུམ། །ཕྱི་ཡི་པར་ནག་བདག་གི་པར་བུ་དང་། །ནང་གི་པར་བུ་ཐོད་པའི་པར་བུ་དང་། །གསང་བའི་པར་ནག་གཏོར་མའི་པར་ནག་གསུམ། །ཕྱི་ནང་པར་བུ་དཀའ་ཚེགས་ཆེ་བ་བཞག །གསང་བ་གཏོར་མའི་པར་ནག་འདི་ཉིད་ནི། །འགྲོ་མགོན་རས་ཆེན་ལུགས་ཀྱི་ནང་སྒྲུབ་དང་། །ཕྱོགས་ཙམ་མཐུན་ཀྱང་དོན་ལ་འདྲ་བ་མིན། །སྟེགས་བུའམ་ནི་གཞི་མ་ནག་པོའི་སྟེང་། །ལྕགས་སྣོད་ཡངས་པའི་ནང་དུ་གཏོར་ཆེན་བཅའ། །གཏོར་མའི་སུམ་གཉིས་ཡན་ཆད་ཕྱིར་བཅད་ལ། །དེ་ལ་གྲུ་གསུམ་ཧོམ་ཁུང་གཟུགས་སུ་བྱ། །ཁྲག་བྱུག་ནང་དུ་དམིགས་པའི་ལིང་ག་ནི། །ཞལ་ཤེས་བཞིན་དུ་གཉིས་བྲིས་ཁ་སྦྱོར་སྡེབ། །འགུགས་གཞུག་ལྷ་དབྱེ་གཞུང་བཞིན་བྱས་པ་སྟེ། །

[Full Size]

ཚོན་སྐད་དམ་ནི་ཁྱི་སྤུ་ར་བལ་བཅིངས། །དེ་སྟེང་གཏོར་མ་བཞག་ལ་ནག་པོ་བྱ། །སྤྲོ་ན་མར་གྱི་གཏོར་ཞིལ་འཇིགས་པ་བྱ། །མ་གྲུབ་མེ་རི་བྱ་ཞིང་ཙཀ་ལི་འཛུགས། །མཐའ་བསྐོར་གཏོར་ཆུང་བརྒྱད་བཀོད་ཤ་ཁྲག་བརྒྱན། །དབུ་རྩང་ཕྱག་རྩང་ཚེ་དང་ཡུངས་ཀར་བརྒྱན། །དར་གདུགས་ནག་པོའམ་ནི་མདའ་དར་བཙུགས། །སྨན་རཀ་དྲག་པོའི་མཆོད་པ་སྣ་བདུན་བསྐོར། །ཚོགས་དང་ཐུན་གཏོར་ཟན་ལིང་བཅས་པ་འཚག །གཏོར་མའི་སྟོད་ནི་མགོན་པོ་ཡབ་ཡུམ་བསྐྱེད། །སྐེད་པ་མཆོད་པ་སྨད་ནི་ལྕགས་ཁང་དང་། །དམིགས་བྱ་གང་ཡིན་དངོས་སུ་གསལ་བར་བསྐྱེད། །ཐུན་གྱི་གྲངས་དང་སྤྱིར་གྱི་འདོན་ལུགས་ནི། །དང་པོ་སྒྲུབ་པའི་དུས་དང་འདྲ་བ་ཡིན། །སྔོན་དུ་བསྒྲུབ་པ་རྟགས་ཐོན་མ་བྱས་པར། །འདི་ཉིད་བསྒྲུབས་པས་ནུས་པ་འབྱུང་བ་ཡིན། །ཐུན་མགོར་ཕྲེང་བསྐོར་རེ་རེའི་བསྙེན་པར་བྱ། །དེ་ཚེ་སྤྱན་འདྲེན་དམིགས་པ་ཁོ་ནར་འབད་སྒྲུབ་ཐབས་ནས་བཤད་ལྟར། དེ་ནས་གཏོར་མའི་པར་བུ་ལྕགས་ཁང་ནི། །དམིགས་བྱའི་ལིང་ག་དངོས་སུ་བསྐྱེད་པར་བྱ། །དེ་ནས་གཞུང་ལྟར་བཀུག་གཞུག་གསུམ་བདུན་བྱ། །དེ་རྗེས་རྩ་སྔགས་

[Full Size]

ཡིག་འབྲུ་བཅུ་གསུམ་ལ། །ལས་འགྲིག་ནང་གི་བཀུག་གཞུག་སྔགས་རིང་དེ། །ཕྲེང་སྐོར་ཙམ་ཞིག་བཟླས་རྗེས་དམིགས་པ་ནི། །རང་ཉིད་སྔགས་བརྗོད་སྐུ་ལས་འོད་ཟེར་ནི། །མཐིང་ནག་ཚ་ཞིང་རྩུབ་པ་མདུན་བསྐྱེད་ཕོག །རབ་ཏུ་འཕྲོས་ནས་འགུགས་སྔགས་མཉམ་དུ་གསུངས། །ཡབ་ཡུམ་སྐུ་ལས་སྤྲུལ་པའི་མགོན་པོ་དང་། །ལྷ་མོ་གཅེར་བུ་དཔག་མེད་ཕྱོགས་བཅུར་འཕྲོས། །དམིགས་ཡུལ་ལིང་ག་བྲིས་པ་གང་ཡིན་པ། །ལྕགས་ཀྱུས་སྙིང་བཟུང་ཞགས་པས་སྐེ་ནས་ཁྲིད། །རང་དབང་མེད་པར་ལིང་གར་ཐིམ་པར་དམིགས། །ལན་གཅིག་མ་ཡིན་སྔགས་འདི་བཟླ་རིང་བྱ། །དེ་ནས་རང་གི་ཐུགས་ཀའི་འོད་ཟེར་གྱིས། །བདག་དང་འགྲོ་བ་ཀུན་གྱི་སྡིག་སྒྲིབ་དང་། །ལས་ངན་རྣམ་སྨིན་ཀུན་བསྡུས་ཁོ་ལ་ཐིམ། །ཁོ་ཉིད་ཉོན་མོངས་དུག་ལྔ་རབ་ཏུ་རྒྱས། །གཙུག་ལག་ཁང་དང་གླེགས་བམ་ཐམས་ཅད་བཤིགས། །སློབ་དཔོན་དགེ་འདུན་དགྲ་བཅོམ་ཐམས་ཅད་བསད། །བསྒྲལ་བའི་ཞིང་བཅུ་ཁོ་ལ་ཚང་བར་དམིགས། །དཔལ་ལྡན་བདེར་གཤེགས་ཐུབ་པ་ལ་སོགས་པ། །སངས་རྒྱས་ཀུན་ལ་གཟུ་དཔང་ཚིག་དེ་ཞུ། །གང་ཞིག་ལ་

[Full Size]

སོགས་གནང་བ་བྱིན་པར་བསམ། །ནམ་མཁའ་གང་བའི་སངས་རྒྱས་བྱང་སེམས་ལ། །ཐམས་ཅད་གཟིགས་སོགས་གཟུ་དཔང་ཚིག་དེ་ཞུ། །གཞུང་ལྟར་ལྷ་དབྱེའི་གཏོར་མ་གཅིག་བཤམས་འབུལ། །ཨོཾ་ཤྲཱི་མ་ཧཱ་ཀཱ་ལ་ཡ་ཞེས་སོགས། ལྷ་དབྱེའི་སྔགས་རིང་བརྒྱའམ་ཉེར་གཅིག་བརྗོད། །ཐ་མ་བདུན་ལས་ཉུང་ན་མི་དགོས་ཏེ། །ཕ་རོལ་ནུས་ལྡན་ཡིན་ན་རིགས་པས་དཔགས། །ཁོ་ལ་བསྲུང་ཞིང་སྐྱོབ་པའི་ལྷ་ཀུན་ལ། །ཁོ་རང་དུག་ལྔ་རྒྱས་པས་ཕུར་པ་བཏབ། །དམ་ཚིག་ཉམས་པས་ལྷ་ཀུན་བྲོས་པར་བསམ། །དེ་ནས་སྟེང་གི་མ་མགོན་ཐུགས་ཀ་ནས། །ཧཱུྃ་ནག་ཛ་དམར་གཉིས་ནི་ཕྱིར་ལ་འཕྲོས། །ཁོ་ཡི་ཚངས་བུག་བཤང་ལམ་གཉིས་ནས་ཞུགས། །སྙིང་ཁར་ཕྱིན་པས་ཟངས་ལྕགས་འཁོར་ལོར་གཉིས། །རྩིབས་བརྒྱད་གྲི་གུག་དབྱིབས་འདྲ་ཤིན་ཏུ་རྣོ། །སྟེང་མ་ལྕགས་འཁོར་གཡས་དང་ཟངས་འཁོར་གཡོན། །དྲག་ཏུ་འཁོར་བས་ཤ་ཁྲག་དམར་ཉིལ་གཏུབ། །མ་མགོན་འཁོར་ཚོགས་ལས་བྱེད་ཐམས་ཅད་ཀྱི། །ལ་ལས་མཚོན་ཆ་སྣ་ཚོགས་ཆར་འབེབས་ཤིང་། །ལ་ལས་ཤ་ཁྲག་རུས་པ་ཧབ་ཐོབ་ཟོས། །བྱ་རྒོད་ཐེད་ལ་རུབ་པ་ལྟར་བསྒོམ་

[Full Size]

ཞིང་། །གཞུང་གི་མ་མགོན་སྤྱི་དྲིལ་སྔགས་རིང་དེ། །ཤུབ་བུར་མ་ཡིན་སིལ་བུར་དྲག་ཏུ་བཟླས། །དེ་ཡི་སྔགས་་་་སྔགས་སྟོང་རེའི་མཚམས་སུ་ཡུངས་ཀར་གྱིས་བྲབ་པ་ཡིན་གསུངས། མཆན། ཐིམ་མན་ངག་ཞལ་ལས་ཤེས། །སྐབས་སུ་ཡུངས་ཀར་ལ་སོགས་ཐུན་རྫས་ལ། །ཁ་རླངས་མ་བཏང་ཕུ་ཡིས་བཏབ་བྱས་ལ། །གཏོར་མའི་སྟོད་ཆར་མི་བཏབ་སྨད་ཆར་བྲབ། །ཐུན་མཚམས་ལིང་ཆུང་བཀུག་གཞུག་ཉུང་བ་བྱ། །གྲི་གུག་གམ་ནི་མི་བསད་མཚོན་གྱིས་གཏུབ། །རོལ་མོ་དང་བཅས་གསོན་ཅིག་མ་བཏོན་ལ། །དབུགས་ལེན་ཡབ་ཡུམ་དྲེགས་པ་དོན་གཉིས་བསྐུལ། །པར་ནག་འདི་ཡི་བསྐུལ་བ་དངོས་ཡིན་པས། །དེ་གཉིས་རེས་མོས་བྱས་ལ་བསྐུལ་པ་བྱ། །དམིགས་པའི་ཕྱོགས་སུ་ཟོར་དུ་འཕེན་པའམ། །རྒྱུ་ལྡོག་མ་འགྲིག་ན་ཡང་དེ་ཕྱོགས་འབུལ། །གཏོར་མ་འབུལ་མི་མི་ནག་གཅེར་བུར་བསྒོམས། །གཏོར་མ་གྲི་གུག་མེ་འབར་དམར་ལིང་ལིང་། །འཁོར་ཞིང་འགྲོ་སྟེ་ཕུལ་ལམ་འཕང་བ་ཡིས། །བར་སྣང་གཟའ་རྒོད་རྒྱུག་པ་ལྟ་བུར་སོང་། །ཁོ་རང་གར་ཡོད་དེ་ཡི་སྙིང་ཁར་ཕོག །ཐོག་རྒྱབ་ལྟ་བུར་རྗེས་མེད་སོང་བར་བསམ། །དེ་ནས་

[Full Size]

སླར་ཡང་ཐུན་བཟུང་ལ་སོགས་པ། །སྔ་མ་བཞིན་དུ་ཐུན་བཞིར་འབད་པར་བྱ། །གཅིག་མིན་མང་པོས་བསྒྲུབས་ན་མྱུར་བ་སྟེ། །གཞུང་བསྲང་དེ་དག་དྲག་རིམ་གསུམ་ཙམ་བྱ། །མང་བས་སྔགས་རྒྱུན་མ་ཆད་བྱུང་ན་མཆོག །ཉུང་ན་སྔགས་རྒྱུན་མི་དགོས་ཅི་ནུས་བཟླས། །སྔགས་ལ་གྲངས་མེད་རྟགས་དང་དུས་ཀྱི་ཚད། །དུས་ནི་རབ་ཀྱི་ཞག་བདུན་འབྲིང་བཅུ་བཞི། །ཐ་མས་ཀྱང་ནི་ཉེར་གཅིག་ངེས་པར་འགྲུབ། །ཐུན་པར་མང་ཉུང་དམིགས་པ་གསལ་མི་གསལ། །ཕ་རོལ་སྟོབས་དང་བསོད་ནམས་ཆེ་ཆུང་བསྐྱེད། །ལྷ་མེད་བསོད་ནམས་ཆུང་ལ་བདུན་རེས་ཆོག །ཐུན་པ་མང་ན་ཞག་གསུམ་ཙམ་གྱིས་འོང་། །བྱ་དང་རི་དྭགས་གཅན་གཟན་དགྲ་དངོས་སོགས། །བཟུང་དང་བཅིག་དང་བཅིང་སོགས་ཁུག་པའི་རྟགས། །དམག་ཇག་ཕར་ལ་འགྲོ་དང་རི་དྭགས་དང་། །དེ་ནི་རྦད་རན་དགྲ་ལ་ཆས་པའི་རྟགས། །བཤའ་བསད་མགོ་སྙིང་ནང་རོལ་གཏོང་བ་དང་། །ཤ་ཁྲག་ལོངས་སྤྱོད་བྱེད་པ་སོད་པའི་རྟགས། །ལན་རེ་མ་ངེས་ལན་གསུམ་བྱུང་ན་ངེས། །ཤ་བཙོས་རུས་པ་བརྡུང་དང་པགས་པ་རྙེད། །དེ་བྱུང་སྲུང་ཟློག་རིམ་གྲོས་ཀྱང་མི་བསླུ། །

[Full Size]

ནང་རྟགས་མ་བྱུང་ཕྱི་རྟགས་འབྱུང་མི་སྲིད། །དུས་དང་གྲངས་ཚད་མ་ངེས་རང་རྟགས་གཙོ། །དེ་ནས་གཟའ་སྐར་ཐེབས་པའི་དུས་དང་བསྟུན། །གཏོར་མའི་སྟོད་ཆ་སྣོད་གཙང་ནང་དུ་བཞག །སྨད་ཆ་ཚུར་ལ་མི་ལེན་ཕར་འགྲོ་སྟེ། །ལས་འགྲིགས་ནང་གི་ཕུར་འདེབས་རྒྱས་པར་བྱ། །ལས་འགྲིགས་ནང་གི་སྔགས་རིང་བརྗོད་བཞིན་དུ། །ཐུན་རྫས་གང་ཡོད་རྣམས་ཀྱིས་ལིང་ག་བྲབ། །ལིང་ག་གཉིས་ལས་མེད་དེ་མང་ཡངརུང་། །གཞན་རྣམས་བཞག་ལ་གཅིག་ནི་གཏུབས་བྱས་ཏེ། །རྐང་པ་གཡོན་པའི་མཐེའུ་ཆུང་ནས་བཟུང་སྟེ། །གྲི་གུག་གམ་ནི་མི་བསད་མཚོན་གྱིས་གཏུབ། །ཤོག་དུམ་ཐོད་པའམ་ནི་ལྕགས་སྣོད་བླུགས། །དེ་འཕྲོ་ལིང་ག་ཧོམ་ཁུང་ཡོད་པའི་སྟེང་། །སྔར་ལྟར་ལྷ་བསྐྱེད་གཏོར་མ་མནན་ལ་བཞག །ཤོག་ལིང་བྱེད་དང་ཟན་ལིང་མང་པོ་དང་། །ཤ་ཁྲག་ཡམ་ཤིང་མར་ཁུ་ལ་སོགས་པ། །དྲག་པོའི་སྦྱིན་སྲེག་བྱ་ཚུལ་སྤྱི་དང་མཚུངས། །སྦྱིན་སྲེག་སྔགས་ཀྱི་ཁ་བསྒྱུར་ཞལ་ལས་ཤེས། །ཐབ་ཏུ་མ་མགོན་བསྐྱེད་པ་སྤྱི་དང་མཚུངས། །དེ་ནས་ཐལ་བ་ཁྲག་ཆུས་གཞིལ་བར་བྱ། །ཐལ་བ་དེ་ལ་མང་ཉུང་

[Full Size]

ཆ་གསུམ་བགོས། །མང་བ་གཉན་སར་དྲག་པོའི་རླུང་ལ་ཕྱར། །དེ་མ་འཛོམས་ན་རྒྱ་གྲམ་ལམ་དཀྱིལ་བླུགས། །ཆུང་བ་ཆ་གཅིག་གཏོར་མདོས་ནང་དུ་བླུག །ཐེབས་ལྡོག་ཕྱོགས་དང་དགྲ་ཕྱོགས་འགྲིགས་པའི་དུས། །གསེར་སྐྱེམས་དཀར་གཏོར་བཏང་བ་སྔོན་སོང་ནས། །གཏོར་མའི་ལྷ་དེ་ནམ་མཁར་བཏེག་བྱས་ལ། །གཏོར་མ་མེ་འབར་མཚོན་ཆའི་ཕུང་པོར་གྱུར། །གསོན་ཅིག་མ་དང་བཞེས་འབོད་བཏོན་ལ་འཕང་། །དུག་པོ་དར་ནག་བརྡབ་ཅིང་རྟ་བྲོ་བརྡུང་། །ནང་དུ་ཕྱིན་ནས་གཞུང་ལྟར་གཡུལ་རྒྱལ་གྱེར། །ཐལ་བ་ཆ་རེ་ལིང་ག་དང་བཅས་པ། །ལྷ་འདྲེ་མ་རུངས་གདུག་པ་གནས་པའི་སར། །བྲག་སྣ་ཆུ་མིག་ཤིང་གཅིག་དྲུང་ལ་སོགས། །ལྟོ་འཕྱེ་རྒྱུ་ཕྱོགས་ཤེས་པས་ས་བརྐོས་ལ། །ཧ་ཀྱང་རིང་ན་རང་ལ་ལྡོག་ཉེས་དང་། །གྲུ་གང་ལས་ཐུང་ཕན་གནོད་མེད་པར་བཤད། །གྲུ་གང་སོར་བཞིའམ་ཚད་དེ་མནན་བྱས་ཏེ། །སྦྱིན་སྲེག་ཐལ་བ་ལིང་ག་མཉམ་དུ་མནན། །འགུགས་གཞུག་ལན་གསུམ་བྱས་རྗེས་ཐུན་གྱིས་བྲབ། །ཡུལ་དེས་ལྷ་འདྲེ་བོས་ལ་དཀར་གཏོར་སྦྱིན། །ང་ཉིད་མ་ལེན་ཁོ་ཉིད་ལེན་པའི་ཚུལ། །མི་ལ་བཤད་

[Full Size]

བཞིན་ལྷ་འདྲེ་ཡོས་རྡོར་བྱེད། །ངུ་འབོད་མཆི་མ་བཏང་ཚུལ་བྲང་ཡང་བརྡུང་། །ལྷ་འདྲེ་ཁྱོད་ལ་མཐུ་རྩལ་སྟོབས་ཡོད་ན། །ཞག་བདུན་ཟླ་གཅིག་ལ་སོགས་དུས་ཚོད་འདིར། །འདི་ལ་རྟགས་སྟོན་གལ་ཏེ་རྟགས་མེད་ན། །ཁྱེད་ལ་མཐུ་རྩལ་མེད་ཅེས་འཇིག་རྟེན་འཕྱ། །ལྷ་འདྲེ་ཀུན་གྱིས་སྡུན་ན་ངོ་ཡང་ཚ། །མཐུ་རྩལ་ཅི་འདུག་ད་ལྟ་རེམ་ཞེས་བརྗོད། །འདི་རུ་དམར་གཏོར་གཅིག་གམ་གསུམ་བཤམས་ལ། །གཞུང་གི་བཙན་བདུད་ཀླུ་གསུམ་བསྐུལ་བ་བྱ། །དགྲ་ཕྱོགས་གཏོར་མ་ཕུལ་བའི་ཁྲག་རྗེས་བསྟོད། །དེ་ནས་སས་གཡོགས་རོ་གཡམ་རྒྱ་གྲམ་བཀབ། །དམ་དུ་བརྡུང་ཞིང་མི་ཡིས་མི་མངོན་བྱ། །ཕྱི་མིག་མི་ལྟ་ཚུར་ལ་འོང་བའི་ལམ། །ཐོ་བརྩེགས་བྱ་ཁྱུང་བསྒོམ་ལ་བོན་སྐོར་བྱ། །སྒབ་མར་ཚེར་མ་དྲུད་ཅིང་ཁྱུང་སྔགས་བཟླས། །ཁྱིམ་དུ་ཕྱིན་ནས་རྣམ་འཇོམས་གཟུངས་ཆུས་བཀྲུ། །ཤིན་ཏུ་མྱུར་དགོས་ལིང་ག་མང་བྱས་ལ། །གཉེན་ས་མང་པོར་བྱས་ན་ཤིན་ཏུ་མྱུར། །ས་རུ་སྦས་པས་མཐོང་དོགས་མི་ཕོད་ན། །རྭ་ཅོར་བཅུག་ལ་ཤིང་དང་ལ་ཆས་བསྒར། །རེ་ཞིག་ནང་དུ་ཆུ་ཡང་མི་འགྲོ་བྱ། །གཏིང་རྡོ་བཏགས་

[Full Size]

ལ་མཚོ་གཉན་ནང་དུ་འཕང་། །དེ་བྱེད་ཆོག་པའི་གདམས་ངག་ཞལ་ལས་ཤེས། །དེ་ལྟར་མ་མགོན་གཏོར་ནག་པར་བུ་ཡི། །སྲོག་སྒྲུབ་མནན་བསྲེགས་འཕང་གསུམ་མཐའ་བསྡུད་བཅས། །སྔོན་ཆད་ཡི་གེར་མ་གྲགས་སྙན་དུ་བརྒྱུད། །སངས་རྒྱས་བསྟན་པ་སྲུང་བའི་མཚོན་ཆ་འདི། །སྙིང་གི་བུ་མཆོག་བརྩོན་འགྲུས་ཁྱོད་ལ་གདམས། །རང་ལ་རྩ་བའི་བླ་མར་འཛིན་པ་དང་། །ཆོས་ལུགས་འདི་ཡི་བསྟན་ལ་ཕན་ངེས་པ། །མ་གཏོགས་གཞན་ལ་སྤེལ་བར་བྱ་བ་དང་། །བསྟན་དོན་དེ་ལ་ཕན་པ་མ་ཡིན་པའི། །རང་འདོད་རང་དོན་ཁོ་ནར་འདི་བསྒྲུབས་ན། །ལས་ཀྱི་མཐའ་ཟློག་མནར་མེད་དམྱལ་བར་འགྲོ། །མ་མགོན་སྲུང་མ་རྣམས་ཀྱི་ཐུགས་ཀྱིས་ཁྲེལ། །འཁོར་གྱི་བཀའ་སྡོད་རྣམས་ཀྱིས་བཀའ་ཆད་ཕོག །དེ་སྐད་ཤུགས་འཆང་མེ་ཕོ་རྟ་ཡི་ལོ། །ཞེ་སྡང་མེ་འབར་ཁྱི་ཡི་ཟླ་བ་ཡི། ཉེར་དགུའི་དགོང་མོ་ལྷ་འདྲེ་གློག་འགྱུའི་དུས། །སྔགས་ནག་རཱ་ག་ཨ་སྱས་སྨྲས་པ་སྟེ། །རུ་པ་སྔགས་ནག་བརྩོན་འགྲུས་རྒྱ་མཚོས་བྲིས། །བརྩེ་བ་བྲལ་བའི་བསྟན་བཅོས་འདི་བརྩམས་པས། །ཉེས་ལྟུང་ཡེ་ཤེས་སྲུང་མ་རྣམས་ལ་བཤགས། །དགེ་བས་དཀོན་མཆོག་
དབུ་འཕང་མཐོ་བར་ཤོག །མངྒ་ལཾ།། གནད་འགག་གང་ཆེ་བ་ཞལ་ཤེས་གདའ་བས་དཔེ་འདི་ཁོ་ནས་མི་ཆོག སྤེལ་རུང་མི་རུང་ཡང་གོང་དུ་གསལ་བས་ཤེས་པར་བྱོས་ཤིག །ཅེས་མཆན་བུ་འདི་སློབ་བུའི་བྱས་སོ། །མངྒ་ལཾ།།

སྒྲུབ་པ་མ་ཐོན་གསར་བུའི་རྐྱེན་ཟློག་ལ། ༼ཁཾ༽ །སྲུང་ཟློག་སེར་གར་ཕན་པའི་ཁྱི་ཚིལ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ངན་སྔགས་ཀྱི་སྒོ་ནས་སྲུང་ཟློག་བྱ་ཐབས་སེར་གར་ཕན་པའི་ཁྱི་ཚིལ་མ་ཞེས་བྱ་བ་བཞུགས་སོ། ༈ །ན་མོ་ཤཱཀྱ་མུ་ནེ་ཡེ། ་དེང་སང་དུས་ངན་སྙིགས་མའི་མཐའ་ལ་ཐུག །དབང་ལུང་ཐོབ་ཅིང་གདམས་ངག་མང་ཤེས་ཀྱང་། །ཡེ་ཤེས་ལྷ་ནི་འགྲུབ་རྟགས་རིང་བའི་ཕྱིར། །ཡུན་རིང་མ་བསྒྲུབ་བྱིན་རླབས་ནུས་མི་འབྱུང་། །ཡུན་རིང་སྒྲུབ་པའི་ལོང་མེད་བར་ཆད་མང་། །དེ་བས་འཇིག་རྟེན་མྱུར་མགྱོགས་དྲེགས་པའི་ལྷ། །དེ་ཡི་སྲུང་ཟློག་བྱས་ན་འཕྲལ་དུ་རྣོ། །ཕྱི་རོལ་ལྷར་གྱུར་བདུད་དང་དབང་ཕྱུག་དང་། །དེ་ཡི་སྤྲུལ་པ་ཡིན་པར་མ་ཤེས་ན། །དེ་ལ་སྐྱབས་ཞུས་སྐྱབས་སྡོམ་ཞུས་པ་ཉམས། །སྤྲུལ་པ་ཤེས་ན་དེ་ཡང་དགེ་འདུན་གྲལ། །ཡིན་པས་སྐྱབས་སྡོམ་ཞུས་ན་མི་འགལ་བ། །བཀའ་གདམས་ལམ་རིམ་ནང་ནས་གསུངས་པ་ཡིན། །དེ་ནས་འདོད་པའི་

[Full Size]

དབང་ཕྱུག་ཅེས་བྱ་བ། །བདུད་ནི་སྡིག་ཏོ་ཅན་ཞེས་བྱ་བ་སྟེ། །ཁོ་ཡི་མིང་ནི་དགའ་རབ་དབང་ཕྱུག་ཡིན། །གཞན་འཕྲུལ་དབང་བྱེད་ལྷ་མཉམ་ཡུལ་ན་ཡོད། །དེ་མན་མནར་མེད་ཡན་ཆད་ཁོ་ཡི་འཁོར། །ནགས་ཕྱོགས་བདུད་རིགས་ཡན་ཆད་ཁོ་ཡི་གཡོག །ཁོ་ཡི་སྟོབས་ཆེ་འཇིག་རྟེན་གསུམ་ན་མེད། །སྡིག་སྟོབས་ཆེན་པོ་རྣམས་ལ་ཁོ་དགའ་ནས། །དེ་ཡི་བསམ་པ་ཐམས་ཅད་འགྲུབ་པར་བྱེད། །ཁྲོ་བོ་འདོད་པའི་རྒྱལ་པོའི་སྤྲུལ་པ་ཡིན། །དེ་ཕྱིར་སྙན་གྲགས་དབང་དུ་བསྡུ་བའི་མཆོག །ཁྲོ་བོ་འདོད་རྒྱལ་དམར་པོའི་སྒྲུབ་ཐབས་ཞེས། །ས་སྐྱ་པ་ཡི་གསེར་ཆོས་གྲྭ་གཅིག་ཡིན། །མདོ་སྡེ་ཆེན་པོ་མྱ་ངན་འདས་ཆེན་ལས། །ཐུབ་པ་དོ་དགོང་མྱ་ངན་འདས་རྒྱུ་ཡི། །དེ་རིང་གུང་ཚིགས་སུ་ཡིས་དྲངས་བ་དེ། །བསོད་ནམས་དཔག་ཏུ་མེད་པ་ཐོབ་གསུངས་པས། །ལྷ་ཀླུ་སྡེ་བརྒྱད་དཔལ་མགོན་བདུན་ཅུ་དང་། །སེམས་དཔའ་མཐུ་ཆེན་ཀུན་གྱི་རྫུ་འཕྲུལ་གྱིས། །སྟོང་གསུམ་འཇིག་རྟེན་གང་བའི་མཆོད་པ་བཤམས། །དེ་ཚེ་དགའ་རབ་དབང་ཕྱུག་ཕྲག་དོག་སྐྱེས། །དེ་བས་ལྷག་པའི་མཆོད་པ་ཁོས་བཤམས་ནས། །ང་ཡི་གུང་ཚིགས་མཆོད་པ་བཞེས་

[Full Size]

ཞུས་པས། །སྡིག་ཅན་ཁྱོད་ཀྱི་གུང་ཚིགས་ངས་མི་བཞེས། །མ་འོངས་ང་ཡི་རྗེས་འཇུག་བཙུན་པ་རྣམས། །སྲུང་ཞིང་སྐྱོབ་པའི་མན་ངག་ཟབ་མོ་ཞིག །ཁྱོད་ལ་ཡོད་པ་ཕུལ་ན་དེ་བཞེས་གསུངས། །སྔགས་ཀྱང་འབུལ་གྱིས་གུང་ཚིགས་བཞེས་དགོས་ཞུས། །དེ་དུས་ཁོ་ཡིས་རིག་སྔགས་འདི་ཉིད་ཕུལ། །དེ་ནས་སྟོང་གསུམ་གང་བའི་མཆོད་པ་ཀུན། །དུས་གཅིག་སྐད་ཅིག་ཉིད་ལ་ཐམས་ཅད་གསོལ། །འདི་ལ་ཁོ་ཡི་སྐུ་སོགས་བསྒོམ་མི་དགོས། །ཁོ་ཡི་སྟོབས་དང་དམ་བཅའ་དྲན་བྱས་ལ། །ཙོག་ཀྱེ་ཏ་ཏ་ལ་ཙོག་ཀྱེ་ལོ་ཧ་ལེ། མ་ཧཱ་ལོ་ཧ་ལེ། ཨ་ཙ་ལེ་ཏ་ལ་སྭཱ་ཧཱ། འདོད་པའི་དབང་ཕྱུག་སྡིག་ཏོ་ཅན་གྱིས་བདག་གམ་རྨེ་མོ། འཇིགས་པ་ཆེན་པོ་ཧྥེ་ལས་སྐྱོབས་ཤིག །སྟོབས་ཐོངས་ཤིག །མེ་ཆུ་གཅན་གཟན་དགྲ་ཡི་འཇིགས་པ་དང་། །ནད་གདོན་དགྲ་ཡི་འཇིགས་པ་ལ་སོགས་པ། །བདུད་ཀྱིས་སྲུངས་ཤིག་བདུད་ཀྱི་སྟོབས་སྦྱིན་པས། །ལྷ་ཆེན་དབང་ཕྱུག་ཆེན་པོ་ཞེས་བྱ་བ། །བར་ཆད་གང་གིས་མི་ཚུགས་མདོ་ལས་གསུངས། །དེ་ནི་བདུད་ཀྱི་སྒོ་ནས་བསྲུང་བ་ཡིན། །ཨྠ྄ྀི། ལྷ་ཆེན་དབང་ཕྱུག་ཆེན་པོ་ཞེས་བྱ་བ། །དོན་ལ་

[Full Size]

སྤྱན་རས་གཟིགས་ཀྱི་སྤྲུལ་པ་སྟེ། །མུ་སྟེགས་པ་ཡི་ལྷ་ཡི་གཙོ་བོ་ཡིན། །ལྷ་འདྲེ་འབྱུང་པོ་ཀུན་གྱི་གཙོ་བོ་ལགས། །དེ་ཕྱིར་འབྱུང་པོའི་དབང་ཕྱུག་ཅེས་ཀྱང་བྱ། །དེ་ཡི་སྒོ་ནས་གཞན་དག་སྲུང་བའི་ཐབས། །རང་ཉིད་མུ་སྟེགས་དབང་ཕྱུག་ནག་པོ་ནི། །གཅེར་བུ་རྒྱན་མེད་ལིང་ག་གྱེན་དུ་བསྒྲེང་། །ཕྱག་གཉིས་རྭ་ཡི་མདའ་གཞུ་འགེང་བར་བསྒོམ། །སྲུང་སྐུད་ནག་པོར་མདུད་པ་དགུ་རྒྱབ་བསྔགས། །མདུད་པ་རེ་ལ་གནམ་ལྕགས་སྡིག་པ་རེ། །མགོ་དགུ་ཁ་གདང་མེ་ཡི་ཚྭ་ཚྭ་འཕྲོ། །དྲི་མ་མི་ཞིམ་དཔག་ཚད་ཁྱབ་པར་བསྒོམས། །ཨོཾ་མ་ཧཱ་དེ་ཝ་ཧཱུཾ། ཨོ་ཧ་བ་དེ་བ་ཧཱུཾ། ཨོ་ད་བ་དེ་ཝ་ཧཱུཾ། ཞེས་པ་བརྒྱ་སོགས་མང་ཉུང་ཅི་ནུས་བསྔགས། །ནོར་འཕག་འོ་མ་མི་སྟེར་སྐམ་འགོང་ཞུགས། །ཞོ་ལད་ཆང་ལད་འོ་མ་རྒྱུན་དུ་རུལ། །ནད་པ་འགྲུལ་སྣ་བྱིས་པ་མཚན་དུ་བྱེད། །ལམ་འདྲེས་བཏབ་དང་ཆང་སྨྱོ་སྲོག་རླུང་བྱེད། །རྟ་ནོར་གདོན་བཏབ་བརྡུང་ཕྲག་མི་ཟིན་པ། །དེ་དག་ཀུན་ལ་ཤིན་ཏུ་ཕན་པ་ཡིན། །ལན་གྲངས་སྟོང་ཙམ་མྱོང་བས་གྲུབ་པ་ཡིན། །མུ་སྟེགས་སྒོ་ནས་བསྲུང་བ་སྤྱི་རྒྱ་ཟབ། །གདོན་ཚན་ཆུང་བའི་སྨོན་པ་འགའ་ཞིག་ནི། །

[Full Size]

འདི་ཉིད་ཁོ་ནས་ཕན་པ་ལན་མང་འགྲུབ།། ཨོཾ༔ ཡང་གནམ་ཆོས་ལུགས་ཀྱི་བསྲུང་བ་ནི། །རང་ཉིད་དབང་ཕྱུག་སྔོན་པོ་ཞལ་གཅིག་པ། །ཕྱག་གཡས་ལྕགས་ཀྱུ་གཡོན་པས་སྡིགས་མཛུབ་ཞགས། །རྒྱན་མེད་རལ་པ་ཁམས་ནག་གྱེན་དུ་འབར། །རླུང་གི་དཀྱིལ་འཁོར་སྟེང་བཞུགས་མེ་དཔུང་འབར། །དེ་ལྟར་བསྒོམ་ལ་སྔགས་ནི་ཅི་ནུས་བཟླས། །ཨོ་ཆུམ་ཏི་ནན་སེ་སྭཱ་ཧཱ། རང་གི་བཟླས་པས་འགོས་ནད་བསྲུང་བའི་མཆོག །སྔགས་ཆུས་སྔགས་མར་བྱེད་དམ་ཕུས་བཏབ་ན། །འདི་ཡིས་མི་ཕན་ནད་རིགས་གང་ཡང་མེད། །མུ་སྟེགས་སྒོ་ནས་བསྲུང་བ་སྤྱི་རྒྱ། འདི་སྣོད་མིན་མང་པོ་ལ་མི་སྤེལ་བ་དམ་ཚིག་གོ །རང་ཉིད་མུ་སྟེགས་དབང་ཕྱུག་ཆེན་པོ་ནི། །མདོག་ནག་ལིང་ག་དམར་པོ་གྱེན་དུ་བསྒྲེང་། །ཁྲག་གི་རལ་པས་བར་སྣང་ཁྱབ་པར་བསྒོམས། །སྲིན་ལག་རལ་གྲི་མཐེ་བོང་སྤུ་གྲི་ཡིས། །གནོད་བྱེད་བྱད་མའི་མགོ་ལུས་ཧྲུག་ཧྲུག་བཅད། །འོག་གཞི་ལྕགས་སྲེག་ས་གཞིའི་སྟེང་སོང་བས། །གཞོབ་ཐུལ་བསྲེགས་ནས་རྡུལ་ཕྲན་སོང་བསམས་ནས། །མཐེབ་སྲིན་བར་དུ་ཕྲེང་བ་ཕྱིར་ལ་འདྲེན། །སྔགས་འབྲུ་གཉིས་པོ་

[Full Size]

བརྒྱ་ལས་མི་མང་བཟླས། །ཀི་ཡ་ཀི་ས། རྗེས་ནས་ཐལ་མོ་ལན་གསུམ་བརྡབ་པར་བྱ། །བྱད་མ་རང་མཐུ་རང་ལ་ལོག་ནས་འཆི། །ཉེར་དགུ་ལ་སོགས་དུས་གཉེན་བཟླས་པས་ཆོག །རྒྱུན་དུ་བཟླས་ན་སྟོང་གསུམ་སྔགས་པ་རླག །དེ་ཕྱིར་རྒྱུན་དུ་བཟླ་བར་མི་རུང་གསུངས། །ངན་སྔགས་སྒོ་ནས་བཟློག་པ་ཨི་ཐི་རྒྱ། །སྡིག་ཏོ་ཅན་ཞེས་བདུད་ཀྱི་རྒྱལ་པོ་དང་། །མུ་སྟེགས་དབང་ཕྱུག་ནག་པོའི་སྲུང་ཟློག་སྐོར། །འདི་ནི་ངན་སྔགས་ཡིན་ཕྱིར་མང་མི་སྤེལ། །བློ་གཏད་ཐུབ་པའི་མི་ལ་སྤེལ་ཡང་རུང་། །དུས་ངན་མི་རྣམས་ཕན་ལན་གནོད་པས་འཇལ། །འདི་ཡི་ཕན་ཡོན་ནུས་པ་བྱིན་རླབས་ཀུན། །ངན་སྔགས་ཡིན་ཞེས་རང་ལ་འབར་ཉེན་ཡོད། །དེ་ཕྱིར་སྤེལ་དང་མི་སྤེལ་སྣོད་ལ་བརྟགས། བདུད་དང་མུ་སྟེགས་སྐྱབས་སུ་མི་འཛིན་ཡང་། །བཙན་སླད་ཕན་ན་ལྷམ་ཚང་བདུག་པའི་དཔེ། །དེ་ཕྱིར་ལོ་རྒན་དྲུག་ཅུའི་ནང་ནས་ཀྱང་། །གདུག་པ་ཆེ་བ་མེ་ཕོ་རྟ་ཡི་ལོ། །མུ་སྟེགས་དབང་ཕྱུག་དར་བ་ཁྱི་ཟླ་ཡི། །ཟླ་མཚམས་མུན་ཆུ་རུབ་པའི་དུས་ཚོད་ལ། །སྔགས་ནག་རཱ་ག་ཨ་སྱས་སྨྲས་པ་སྟེ། །བརྩོན་འགྲུས་རྒྱ་མཚོས་ཡི་གེར་བཀོད་པའོ། རྫོགས་སོ།། །།མངྒ་ལཾ། །

གློ་བུར་དགྲ་བྱུང་ཡོན་བདག་འདྲེས་བཏབ་ན། ༼གཾ༽ །ལ་བཙས་གཟའ་འགྱེད་དམ་པའི་ལྕགས་དྲྭ་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ཀུ་སཱ་ལི་ཡི་ཚོགས་གསོག་དང་འབྲེལ་བ་ལ་བཙས་གཟའ་འབྱེད་དང་སྨྱོ་གཅོད་དམ་པའི་ལྕགས་དྲྭ་བཞུགས་སོ། །ན་མོ་གུ་རུ་ཀ་མ་ལ་ཤཱི་ཌཀྐི་ཡེ། འདི་རུ་གཅོད་ཀྱི་ཟབ་གནད་དམིགས་ཕྲན་ནི། །ཕ་གཅིག་དམ་པ་མ་གཅིག་ལབ་སྒྲོན་གྱིས། །བུ་གཅིག་བདག་དང་བརྒྱུད་འཛིན་བྱིན་གྱིས་རློབས། །དུས་ངན་སྙིགས་མར་རྒྱལ་འགོང་དམ་སྲི་དར། །མི་ཕྱེད་སྨྱོན་པར་འགྲོ་བའི་དུས་ལ་ཕྱིན། །ཕལ་ཆེར་རང་སྲོག་རང་གིས་གཅོད་ནས་འཆི། །ནད་པ་གདོན་ཅན་ལུས་ངན་སྙིང་རྗེའི་གནས། །དེ་ལ་ནང་དུ་སྙིང་རྗེའི་སེམས་བསྐྱེད་ནས། །ཕྱི་རུ་དྲག་ཅིང་རྩུབ་པའི་དམིགས་པས་འདུལ། །རང་ཉིད་དྲན་རྫོགས་དམ་པ་རྒྱ་གར་སྐུ། །ཨ་ཙ་ར་ཡི་གཟུགས་ཅན་འཇིགས་རུང་བསྒོམས། །སྐུ་ལས་མེ་འབར་ནད་པ་གདོན་བཅས་རྣམས། །ལན་བདུན་བར་དུ་བསྲེགས་པའི་ཐལ་བ་དེ། །རླུང་ནག་སྤོས་ནས་གཏོར་ཏེ་མི་དམིགས་བསམ། །དེ་རྗེས་གདོན་ལ་སྙིང་རྗེ་ཐུན་གཅིག་བསྒོམ། །དེ་ནས་ནད་པ་ལྕགས་ཀྱི་དྲྭ་བ་ནི། །སྨན་སྒྲོའི་

[Full Size]

དབྱིབས་ཅན་གཅིག་གི་ནང་དུ་ཚུད། །རང་གི་ཕྱག་གཡོན་དེ་ཡི་ཁ་བཟུང་བསམ། །དམིགས་པ་གསལ་ན་བྱ་ལག་མི་མང་ཞིང་། །ཆུ་དང་གཡང་ས་སོགས་ལ་མཆོང་མི་འགྱུར། །དེ་ཉིད་ཕྱག་གཡོན་ལྕགས་སྲེག་ཏི་ཚར་བཞག །ཕྱག་གཡས་ལྕགས་སྲེག་ཐོ་བ་མེ་འབར་བསམ། །ཡུངས་སད་བརྡུང་ལྟར་དྲག་ཏུ་བརྡུང་བ་ཡིས། །གདོན་དང་ནད་པའི་ལུས་པོ་དབྱེར་མེད་པར། །ཤ་སྐྱོ་ཁྲག་སྐྱོ་རུས་ཕྱེར་གྱུར་པར་བསམ། །དེ་འདྲའི་དམིགས་པ་ཚར་གྲངས་བདུན་རེའི་མཐར། །གདོན་ལ་སྙིང་རྗེ་དྲག་པོ་ཐུན་གཅིག་བསྒོམ། །དེ་རྗེས་སྟོང་ཉིད་ངང་ལ་ཐུན་གཅིག་བཞག །དེ་ཉིད་རྩེ་གཅིག་བར་མེད་བསྒོམས་བྱས་ནས། །རབ་ནི་ཞག་གཅིག་འབྲིང་ནི་ཞག་པོ་གཉིས། །ཐ་མ་ཞག་གསུམ་མི་རྒོད་སྨྱོ་རྒོད་ཐུལ། །ནུབ་མོའི་སྲོད་ལ་ཐུན་རེ་བསྒོམས་པས་ཀྱང་། །སྲོག་རླུང་ཅན་འགར་ཕན་པར་མྱོང་བས་གྲུབ། །རང་ཉིད་གཅིག་པུར་རི་ལ་འདུག་པའི་ཚེ། །སྒོམ་ཁང་བཞག་ནས་དོན་གཉེར་འགྲོ་བའི་དུས། །རང་ཉིད་སྒོ་བུད་རྐང་དུང་ལན་གསུམ་བུས། །རང་ཉིད་ཁྲོས་མའམ་ནི་ཕག་མོའི་ཏིན་འཛིན་གྱིས། །ཡུལ་དེའི་ལྷ་འདྲེ་དྲག་རྩལ་གང་ཆེ་

[Full Size]

འབོད། །ང་ཉིད་དོན་གཉེར་ཚུར་ལ་མ་འཁོར་བ། །ང་ཡི་སྒོམ་ཁང་ཀ་ཆ་བཅས་པ་ལ། །མི་ངན་ཇག་རྐུན་འཚེ་བ་མ་བཏང་སྲུངས། །ང་ཡི་ཀ་ཆ་ཐམས་ཅད་ཁྱོད་ལ་བཅོལ། །གལ་ཏེ་མ་ཐུབ་ཀ་ཆ་ཁྱེར་འདུག་ན། །ལེ་ལན་ཁྱོད་དང་གནས་བདག་ཉིད་ལ་འདེད། །རང་ཉིད་ཇི་སྲིད་འཁོར་བ་མ་སྟོངས་བར། །ཁྱོད་ཉིད་གནས་པའི་ཕོ་བྲང་རྩེ་དེར་འདུག །རི་བྲག་ཀུན་བཤིག་མཚོ་དང་ཆུ་མིག་སྐམ། །ཤིང་གཉེན་ཀུན་གཅོད་མཛེ་རོ་དམེ་རོ་སྲེག །དཀར་ཐབ་དམར་ཐབ་སྔོ་ཐབ་དུག་ཐབ་བརྫོག །མཛེ་ཁྲག་མཚོ་བསྐྱིལ་མཛེ་རོ་ཐང་མར་བརྡལ། །ཁྱོད་ཉིད་རྩད་ནས་བརླག་ཅིང་དྲུངས་ནས་ཕྱུང་། །རྡུལ་དུ་མི་བརླག་རེ་ནི་ན་ར་ཀན། །ཁྱོད་ལ་མཐུ་རྩལ་ཅི་འདུག་ད་རེས་ལྟ། །དེ་སྐད་སྨྲས་པ་གནས་བདག་ལྷ་འདྲེ་དེས། །གནས་དེ་བསྲུང་ཞིང་རྦད་དེ་སྐྱོབ་པར་བསམ། །སྒོ་རྩ་དེ་རུ་ཐལ་རྒྱ་བྲིས་ཏེ་འགྲོ། །བྱེས་སུ་འགྲོ་ཚེ་ཇག་རྐུན་བཅིངས་བ་ནི། །རང་གི་ཞབས་འོག་ལྕགས་སྲེག་ཁང་སྒྲོམ་ནི། །རྒྱ་ཆེ་གཏིང་ཟབ་མུན་ནག་འཁྲིགས་པའི་ནང་། །ཇག་རྐུན་ཐམས་ཅད་དེའི་ནང་ཚུད་པ་ལ། །ཁ་ལེབ་ལྕགས་སྲེག་དྲྭ་བས་བཀབ་པ་

[Full Size]

ཡི། །དྭ་བའི་ནང་དུ་ཁོང་རྣམས་རྐང་པ་འཐོག །ཐམས་ཅད་མགོ་ཐུར་བསྟན་ཏེ་མཆོང་བ་ཡིས། །དེ་སྟེང་མི་ལྤགས་གཡང་གཞི་བསྣོལ་མར་བཀབ། །དེ་སྟེང་རང་ཉིད་ཁྲོས་མའི་ཞབས་གཡོན་མནན། །དམིགས་པ་གསལ་ན་དེ་ཀས་ཆོག་པར་བཤད། །ཆོ་འཕྲུལ་འབེབས་པ་ཀ་ཆ་ཤོར་མ་ཐག །རང་ཉིད་ཕག་མོའམ་ནི་ཁྲོས་མའི་ང་རྒྱལ་གྱིས། །ལྷ་འདྲེ་དབང་དུ་བསྡུད་ལ་དམར་འགྱེད་བྱ། །དེ་ཟས་ཆང་སྨྱོན་ཅན་གྱིས་ཆང་འཐུང་ལྟར། །ཐམས་ཅད་ཁྲོས་འཁྲུག་ཞེ་སྡང་མེ་ལྟར་འབར། །ཡུན་མི་འགོར་བར་ཉེས་བྱེད་དགྲ་འདི་ལ། །ཆོ་འཕྲུལ་དྲག་པོ་མངོན་དུ་མ་བཏང་ཞིང་། །ཀ་ཆ་འདི་དག་མྱུར་དུ་མ་ལོན་ན། །ལྷ་འདྲེ་ཁྱེད་ཉིད་རྩད་ནས་མི་སྐམ་རེ། །དེ་སྐད་མཁའ་འགྲོས་གསུངས་བསམ་འོ་སེ་དོད་འབོད། །ཤིང་གཉན་འཐེན་སྤྲུགས་ལྷ་འདྲེའི་སྐྱ་འཐེན་བསམ། །རྡོ་ཡི་ཐོག་ཕབ་གནས་ཁང་བཤིག་བསྒོམས་ལ། །ཁྲག་དང་མཚོ་གཉན་རྣམས་ལ་རྡོ་ཐག་བྱ། །ལྷ་འདྲེའི་དམག་ཚོགས་མི་ཡི་དམག་གཤར་ལྟར། །གོ་གྱོན་མཚོན་ཐོགས་རིང་ནས་རྒྱུག་པར་བསམ། །ཀི་སྒྲ་བསྲོ་སྒྲ་དར་འཕྲུ་རླུང་ལྟར་འཚུབ། །ཀླུ་བདུད་རྣམས་ནི་ཁྲོ་གཟུགས་གདེངས་

[Full Size]

ཀ་ཅན། །སྤྲིན་ནག་འབྲུག་སྒྲ་ཐོག་སེར་དྲག་པོ་བཅས། །དགྲ་ཡི་ཡུལ་སོང་ཐོག་སེར་ལྟས་ངན་ཚོགས། །མི་རུང་སྣ་དགུ་ཆར་མུན་འཁྲིགས་ལྟར་བསྒོམ། །ལ་བཙས་གཉན་པོ་དགྲ་བོ་དངོས་སུ་བསམ། །གཅེར་བུར་བུད་ནས་ཕཊ་སྒྲ་རྐང་དུང་འབུད། །དེ་ལ་ཁོ་ཉིད་བཀུག་གཞུག་ལན་གསུམ་འབུད། །དེ་ཉིད་ཁྲོས་མའི་གྲི་གུག་གིས་གཏུབ་བསམ། །དགྲ་བོའི་མགོ་བཅད་འཕངས་བསམ་རྩེ་ཡི་རྡོ། །དགྲ་ཕྱོགས་འཕང་རྗེས་ལ་བཙས་ཕྱོགས་མཚམས་གཏོར། །ལ་ཁར་དགྲ་བོ་བཤས་ནས་བཞག་པ་སྟེ། །ལྷ་འདྲེ་ཀུན་གྱིས་ཟ་སྐལ་བྱེད་པར་བསམ། །དེ་ལ་ལ་བཙས་གཟའ་འབྱེད་ཅེས་བྱ་སྟེ། །དྲིན་ཆེན་སློབ་དཔོན་རྣམས་ཀྱི་སྙན་བརྒྱུད་ཡིན། །རྟགས་བྱུང་ནས་ནི་ལ་བཙས་སྔར་ལྟར་བརྩེགས། །རིན་ཆེན་སྣ་བཞི་ལས་གྲུབ་སྐུ་མཁར་ནི། །འདོད་ཡོན་རྣམ་པ་སྣ་ཚོགས་གང་བར་བསམ། །ལྷ་འདྲེ་ཐམས་ཅད་དགའ་ཞིང་མགུ་བར་བསམ། །ནང་དུ་རིན་ཆེན་འབྲུ་སྣ་ཅུང་ཟད་བླུག །བཀྲ་ཤིས་ཚིགས་བཅད་བརྗོད་ནས་བཞག་པ་ཡིན། །དམར་འགྱེད་བྱེད་སྐབས་པགས་པ་དེ་ཉིད་ནི། །ས་ཕྱོགས་གང་འདོད་ཁྱབ་པ་དེ་ཡི་སྟེང་། །

[Full Size]

ཡུལ་དེའི་སྐྱེས་པ་བུད་མེད་ཁྲོམ་ལྟར་འཚོགས། །རང་ཉིད་ཕག་མོའི་འོད་ཟེར་དམར་པོ་ཡིས། །དེ་དག་རྣམས་ཀྱི་བླ་ཡིད་ལོངས་སྤྱོད་ནོར། །འོད་ཟེར་རྣམ་ལྔར་བསྡུས་ཏེ་རང་ལ་བསྟིམ། །རང་ཉིད་བཀྲག་མདངས་གཟི་བརྗིད་ཇེ་ཆེར་བསྒོམས། །ཁོང་རྣམས་དད་གུས་ཕྱག་འཚལ་བསྐོར་བྱེད་བསམ། །རྗེས་སུ་དམིགས་མེད་ངང་ལ་བཞག་པར་བྱ། །རྒྱུན་ཁྱེར་བསྒོམས་པས་དང་པོ་རྨི་ལམ་དང་། །ཕྱིས་ནས་མངོན་སུམ་དབང་དུ་བསྒོམ་ལྟར་འདུ། །ཀུ་སཱ་ལི་ཡི་ཚོགས་གསོག་ལས་ཚོགས་སྐོར། །གཞན་ལ་སྤེལ་ན་མི་དགེ་གནོད་སེམས་རྒྱུ། །དེ་ཕྱིར་འདི་ཡང་ཐེམ་མེད་གུད་དུ་བཀོད། །ཚར་ཚད་སློང་ཚད་འགའ་ཞིག་ཉམས་མྱོང་བའི། །གཅོད་མཁན་རཱ་ག་ཨ་སྱ་ཞེས་བྱ་བས། །མ་གཅིག་བྱིན་གྱིས་བརླབས་པའི་རྟགས་མཚན་ཡང་། །ལན་འགའ་བྱུང་བ་ཉེས་པ་འགལ་མེད་སྙམ། །རུ་ཡི་གཅོད་རྒྱུད་བརྩོན་འགྲུས་རྒྱ་མཚོར་གདམས། །ཉེས་འགལ་མཆིས་བཤགས་དགེ་བ་བྱང་ཆུབ་བསྔོ།།

དད་ལྡན་སློབ་བུའི་ཉམས་རྟོགས་ཞུས་པའི་ལན།་་བཅ་ས་ག་རས་མཆན། ༼ངཾ༽ །གོ་བ་རྟོགས་པ་དབྱེ་གསལ་ངོ་སྤྲོད་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། གོ་བ་རྟོགས་པའི་དབྱེ་བ་ཆོས་སྐུ་མཛུབ་ཚུགས་ངོ་སྤྲད་པའི་ཞལ་གདམས་ཤིན་ཏུ་གསང་བའི་ཡང་ཞུན་སྙིང་གི་མུན་སེལ་ཞེས་བྱ་བ་བཞུགས་སོ། ༈ །ན་མོ་མ་ཧཱ་མུ་དྲ་ཡེ། རང་སེམས་ཉམས་དང་རྟོགས་པ་གཉིས། །མཚམས་དབྱེ་བསལ་དཀའ་ན་ཡང་། །བདག་གིས་བསམ་པ་འདི་ལྟར་ལགས། །བལྟ་བྱ་ལྟ་བྱེད་ཅི་ཡང་མེད། །འདི་ཡིན་དེ་ཡིན་ཅི་ཡང་མེད། །འདི་བསམ་དེ་བསམ་ཅི་ཡང་མེད། །བདེ་གསལ་མི་རྟོག་ངེས་ཤེས་མེད། །ཐ་མལ་སེམས་ངོ་མི་ཤེས་དང་། །འདྲ་ལ་ཁད་ཀྱང་ཅུང་མི་འདྲ། །ཤོར་ས་གོལ་སར་ཤོར་རོ་སྙམ། །སྔར་གྱི་ངེས་ཤེས་ཡོད་པ་ཡལ། །ཉམས་ལེན་ཞན་དུ་སོང་ངམ་སྙམ། །སྐབས་སུ་ཐེ་ཚོམ་ཁུ་འཕྲིག་དང་། །སྔར་ལྟར་བདེ་གསལ་མི་རྟོག་པ། །ཉམས་ལེན་བཟང་པོ་ཨེ་སྐྱེ་ལྟ། །མཚམས་བཅད་ལུས་གནད་གཟབ་ན་ཡང་། །སྔར་ལྟར་མི་སྐྱེ་ཡི་མུག་ལྡང་། །སྔར་དང་ད་གཉིས་མི་འདྲ་བས། །གང་རུང་ཞིག་དེ་ཡིན་པར་འདུག །སྙམ་དུ་ཁུ་འཕྲིག་འགའ་རེ་འབྱུང་། །མི་འདྲའི་ལུགས་དེ་ཇི་ལྟར་ན། །སྔར་དུས་བལྟ་བྱ་ལྟ་བྱེད་ཡོད། །ས་ལེ་སེང་ངེ་ཡི་རེ་བ། །ད་ནི་ལྟ་མི་ལྟ་རྒྱུ་མེད། །རང་གར་བཞག་པ་འདྲ་བ་དང་། །ཁ་རོག་བསྡད་པ་འདྲ་བ་

[Full Size]

ལས། །ཅི་ཡང་བྱ་རྒྱུ་མ་རྙེད་པ། །ངོ་བོ་དང་པོ་མཐོང་བ་སྟེ། །ཐ་མལ་ཤེས་པ་མིང་དུ་བཏགས། །དེ་ཡི་ངང་ལ་གནས་ཙམ་ན། །གཟུགས་སྒྲ་དྲི་རོ་རེག་བྱ་སོགས། །ཚོགས་དྲུག་སྣང་བ་གང་ཤར་ལ། །མ་འགགས་སོ་སོར་གསལ་མོད་ཀྱང་། །དེ་རུ་དེ་དང་འཛིན་པ་མེད། །གཟུགས་རྣམས་སྣ་ཚོགས་གང་མཐོང་ཡང་། །བྱིས་སྦས་ལྷ་ཁང་མཇལ་བ་བཞིན། །སྣ་ཚོགས་མཐོང་ཡང་དེར་འཛིན་མེད། །སྙན་དང་མི་སྙན་སྒྲ་རྣམས་ཀྱང་། །སོ་སོར་མཐོང་ཡང་ཆགས་སྡང་མེད། །བྲག་རི་ཁྲོད་ཀྱི་སྒྲ་སྐད་བཞིན། །འཛིན་མེད་འཛིན་པ་མ་ཞུགས་པས། །འོན་ཀྱང་ཡེངས་བའི་དུས་རྣམས་སུ། །དེ་ལྟར་མི་མཐོང་ཐ་མལ་མཐོང་། །ཆགས་སྡང་དུག་ལྔ་རང་རྒྱུད་པ། །འདི་སྐབས་དྲན་པས་གསལ་འདེབས་གཅེས། །བསྒོམས་དང་མ་བསྒོམ་ཁྱད་པར་ནི། །ཡེངས་དང་མ་ཡེངས་ཁྱད་པར་ཙམ། །མ་ཡེངས་གང་ཟག་བདག་མེད་དེ། །སྟོང་ཉིད་ཕྱེད་པོ་ཡིན་པ་འཛིན་པའི་སེམས་ཉིད་སྟོང་པར་རྟོགས། །བཟུང་བའི་ཡུལ་ལ་འཕྲིག་མ་ཚུད། །དེ་ནས་བློ་བཟོ་མ་ཡིན་པར། །གང་ཤར་གཟུགས་སྒྲ་དྲི་རོ་རེག །སྣ་ཚོགས་སྣང་བའི་ངོ་བོ་

[Full Size]

ཀུན། །ཆུ་ནང་ཤར་བའི་ཟླ་གཟུགས་ལྟར། །རྣམ་པ་སོ་སོར་གསལ་ན་ཡང་། །ངོ་བོ་སྟོང་པ་ཉིད་དུ་སྣང་། །རྣམ་རྟོག་མང་ཡང་དེ་དང་འདྲ། །གནས་འགྱུ་ངོ་བོ་ཁྱད་མེད་པས། །རང་གྲོལ་ཆུ་དང་ཆུ་རླབས་བཞིན། །ཆོས་ཀྱི་བདག་མེད་དེ་ལ་ཟེར། །སྟོང་ཉིད་ཡོངས་རྫོགས་རྟོགས་མོད་ཀྱང་། །ད་རུང་ཡེངས་སྐབས་བརྗེད་སྐབས་མང་། །ཡེངས་ཚེ་ཐ་མལ་འཁྲུལ་པ་དེ། །ཉོན་མོངས་གང་སྐྱེས་ཐ་མལ་པ། །རྗེས་ནས་དྲན་པས་སླེབ་པ་ཙམ། །ཡེངས་བས་མ་ལེགས་བསམ་ཞིང་འགྱོད། །ཡེངས་ཚེ་ཉོན་མོངས་རྣམ་རྟོག་ལ། །ཕྱི་ལྟས་བྱེད་འདྲ་ལྟས་པ་ན། །སྔར་ལྟར་སྟོང་ཉིད་རྗེན་པར་མཐོང་། །འདི་སྐབས་དྲན་པས་ཡང་དང་ཡང་། །གསལ་འདེབས་བྱེད་གལ་ཆེ་བར་སྣང་། །ཡེངས་དང་མ་ཡེངས་ཁྱད་པར་མེད།། །དྲན་དང་མ་དྲན་ཁྱད་པར་མེད། །འཁྲུལ་དང་མ་འཁྲུལ་ཁྱད་པར་མེད། །ཐམས་ཅད་སྟོང་པར་འདུག་སྙམ་པའི། །གོ་བའི་སྐྱ་རིས་རེས་འགའ་འབྱེད། །དེ་ལ་གདེང་བཅས་ལྷོད་དྲག་ན། །ཐ་མལ་ཉིད་དུ་འཆོར་ཉན་ཡོད། །གོ་བ་རྟོགས་པ་དབྱེ་བ་གཅེས། །དཔེ་རྒྱུད་གོ་བ་རྒྱབ་ཏུ་སྐྱུར། །གདེང་ནས་

[Full Size]

ཡེངས་དང་མ་ཡེངས་གཉིས། །ཁྱད་པར་མེད་པའི་རྟོགས་པ་སྐྱེ། །དོན་ལ་དེ་ཉིད་ཡིན་ན་ཡང་། །ད་རུང་དྲན་པའི་གསལ་འདེབས་ནི། །མ་བརྗེད་ཡང་དང་ཡང་དུ་དགོས། །ཅི་ཕྱིར་ཞེ་ན་དུག་ལྔ་ཡི། །རྟོགས་པ་མ་ནོན་ཚིག་ངན་སོགས། །ཐོས་ཚེ་དེའི་ལན་སྒྲ་ཤོར་སོགས། །བྱུང་བ་ཡེངས་བའི་སྐྱོན་དུ་ངེས། །དེས་ན་དྲན་རྗེས་ཡང་ཡང་དགོས། །ད་རུང་གསལ་དང་མི་གསལ་ཡོད། །མི་གསལ་དུས་སུ་ལྟ་སྟངས་བྱ། །འདི་བསྒོམ་མེད་པའི་ངོ་བོ་ལ། །སྟོང་དང་ཆམ་མེ་འདི་ཡིན་མེད། །དེ་ཡིས་ཚིམས་པར་མ་གྱུར་ན། །རྟོགས་པ་ཉམས་སུ་ཤོར་བ་ཡིན། །ཉམས་ལ་བཟང་ངན་གདམས་ཀ་མེད། །གང་ཤར་དེས་ཆོག་སྙིང་ལ་འཆང་། །ཡེངས་དང་མ་ཡེངས་ཁྱད་མེད་ཀྱང་། །མ་ཡེངས་དྲན་པའི་གསལ་འདེབས་བྱ། །དེ་ཙམ་འཕྲལ་དུ་གང་དྲན་སྨྲས། །བརྩོན་འགྲུས་རྒྱ་མཚོས་གསལ་འདེབས་མཛོད། །འདི་ཡན་ཕྱག་བྲིས། འདི་མན་སློབ་བུས་ཚིག་གོ །ཞེས་པ་ཆུ་མོ་ཡོས་ཀྱི་ལོར། །ཆུ་སྟོད་ཟླ་བའི་ཡར་ཚེས་ལ། །རིན་ཆེན་གནས་དང་ཉེ་བའི་སར། །འདྲ་ཐང་སྒར་རྒྱབ་ཞག་གཅིག་བཞུགས། །དེ་ཚེ་བདག་གིས་མཇལ་བའི་ཚེ། །དངོས་འབྱོར་
བཀྲ་ཤིས་ཁ་བཏག་དང་། །མཚལ་སྲང་བཅུ་ཡིས་མཎྜལ་ཕུལ། །དགེ་འདུན་རྣམས་ལ་མང་ཇ་དྲངས། །ཁ་ཙམ་མིན་པའི་མོས་གུས་དང་། །སྒོ་གསུམ་དད་པས་ཕྱག་འཚལ་ནས། །རང་སེམས་ཉམས་དང་རྟོགས་པ་ནི། །འདི་ལྟར་ཡོད་ཅེས་གསོལ་བཏབ་ཚེ། །སྤྱན་རས་གཟིགས་དངོས་སྤྲུལ་པའི་སྐུ། །དྲིན་ཆེན་རཱ་ག་ཨ་སྱ་ཡིས། །ཞལ་གདམས་སྙིང་གི་མུན་སེལ་འདི། །ཕྱག་བྲིས་མཛད་ནས་གནང་བ་ཡིན། །གསང་སྔགས་སྙན་བརྒྱུད་ཡིད་བཞིན་གྱི། །ནོར་བུ་རིན་ཆེན་འདི་འདྲ་བ། །འཇིག་རྟེན་གསུམ་དུ་བཙལ་ན་ཡང་། །ཤིན་ཏུ་རྙེད་པར་དཀའ་འོ་སྙམ། །བརྩོན་འགྲུས་རྒྱ་མཚོའི་སྙིང་དང་འདྲ། །མ་འོངས་སྐལ་ལྡན་དུང་ཕྱུར་ཕྲག །མང་པོའི་འགྲོ་དོན་འོང་བསམ་ནས་།ཐེམ་ཡིག་མེད་པ་གུད་དུ་བཀོད། །སྣོད་ལྡན་མ་གཏོགས་སྣོད་མིན་ལ། །འདི་ནི་གསང་བ་དམ་ཚིག་གོ །མངྒ་ལཾ།།

སྡོམ་གསུམ་བསྐྱེད་རྫོགས་སྒོམ་བཟླས་རྩེ་གཅིག་ཏུ། ༼ཅཾ༽ །ཚུལ་བཞིན་ཉམས་སུ་ལེན་ཚུལ་ཞལ་གདམས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། སྡོམ་གསུམ་བསྐྱེད་རྫོགས་སྒོམ་བཟླས་རྩེ་གཅིག་ཏུ་ཉམས་སུ་ལེན་ཚུལ་གྱི་ཞལ་གདམས་མདོར་བསྡུས་བཞུགས་པའི་དབུ་ཕྱོགས་

[Full Size]

ལགས་སོ། །བླ་མ་བརྩོན་འགྲུས་རྒྱ་མཚོ་ཞེས་བྱ་བས། །སྔ་ཕྱི་དྲི་བ་དོན་ཚན་མང་ན་ཡང་། །རྒྱས་པར་བྲི་བར་མི་ནུས་ལག་ནད་སྡང་། །མདོ་རྒྱུད་བསྟན་བཅོས་རྣམས་སུ་ལྷགཟིགས་དང་གསལ། །སྡོམ་གསུམ་ཞུ་དུས་ངེས་འབྱུང་བསམ་པ་དང་། །བྱང་ཆུབ་སེམས་བསྐྱེད་སྙིང་རྗེའི་ཀུན་སློང་སོགས། །མེད་ན་ཇི་བཞིན་པ་དེ་མི་སྐྱེ་ཡང་། །དད་པ་དག་སྣང་ཙམ་གྱིས་ཞུས་པ་དེ། །ཕྱིས་ནས་ཁྲིད་རིམ་ཞུས་སམ་ཐོས་ཙམ་གྱིས། །ངེས་འབྱུང་གཞན་ཕན་བློ་སོགས་སྐྱེས་ཙམ་ན། །སྡོམ་པ་དེ་ཉིད་རྣམ་པར་དག་གྱུར་ཏེ། །སླར་ཡང་ཞུ་ཝིག་ལ་སོགས་མི་དགོས་ཞེས། །མི་བསྐྱོད་ལ་སོགས་མཁས་པ་མང་པོ་དང་། །མཆོག་གི་སྤྲུལ་སྐུའི་ཞལ་ནས་དངོས་སུ་ཐོས། །དེང་སང་དེ་ཙམ་ཞིག་ལ་ཆགས་འཇོག་སྲོལ། །དངོས་གཞི་རྩ་བ་བཞི་ལ་སྐྱོན་མེད་ཅིང་། །དགེ་བའི་བློ་ནི་མི་སྤང་དང་ལེན་པ། །དེང་སང་སྡོམ་ལྡན་ཡིན་པར་དེ་བཞིན་གསུངས། །དེང་སང་དེ་ཙམ་ཞིག་ལ་ཀུན་ཆགས་འཇོག །འགྲོ་བའི་དོན་དུ་རྫོགས་པའི་སངས་རྒྱས་ནི། །ཐོབ་པར་འདོད་པའི་བློ་འདི་མི་སྤངས་ཤིང་། །དགེ་བ་གང་འགྲུབ་དེ་ཡི་རྒྱུ་རུ་བསྔོ། །བྱང་སྡོམ་བསྡུས་པའི་

[Full Size]

བསླབ་པར་ཐུབ་པས་གསུངས། །བླ་མ་སངས་རྒྱས་ཡིན་ངེས་དཀོན་ན་ཡང་། །ཡི་དམ་ལྷ་དང་དབྱེར་མེད་མོས་པས་བསྒོམ། །ལུས་ལྷ་ངག་སྔགས་སེམས་ཀྱིས་བསྐྱེད་རྫོགས་འབད། །རྒྱུན་དུ་གཏོར་བསྔོས་དུས་བཟང་ཅི་འབྱོར་མཆོད། །རྩ་གསུམ་དམ་ཚིག་དེ་ལ་འདུས་པར་མངོན། །དགེ་སྦྱོར་ཐོག་མར་བྱང་ཆུབ་སེམས་བསྐྱེད་ཅིང། །ཀུན་སློང་བཟང་ཞིང་དངོས་གཞི་ཉམས་ལེན་ལ། །ཐུན་དང་ཁྲིགས་སུ་བཅད་པ་ཅུང་མེད་པས། །ནམ་དྲན་ལྷ་སྒོམ་ནམ་དྲན་ངོ་བོ་སྐྱོངས། །རེས་འགའ་ཟུང་འཇུག་རེས་འགའ་རེས་མོས་བྱ། །ཉམས་ལ་ནམ་བབ་སྙིང་རྗེའི་གཏོང་ལེན་དང་། །ཟེར་གཉིས་ནམ་སྐབས་ཐོད་རྒལ་ཡུད་ཙམ་བསྒོམ། །ངག་ཏུ་རྒྱུན་དུ་བསྙེན་པ་ཆུ་རྒྱུན་ལྟར། །རེས་འགའ་ཉམས་ལ་ནམ་བབ་ཆོས་སྤྱོད་དང་། །ཆོ་ག་བསྐང་གསོལ་གྱེར་དབྱངས་ལ་སོགས་བྱ། །དུས་བཟང་མིན་ཡང་མཆོད་རྫས་ཤུགས་ཀྱིས་འབྱུང་། །དེ་དུས་ཉིད་ནས་ཚོགས་དང་མཆོད་གཏོར་བྱ། །ཁོམ་ཞིང་རང་གི་སྤྲོ་བ་འཕེལ་བའི་དུས། །གསུམ་ལྔ་བདུན་སོགས་ངག་མཚམས་བསྡམ་པར་བྱ། །སྒྲུབ་པ་ཕྲན་བུ་རེ་ལ་རྟགས་ཐོན་བྱ། །རྟོག་

[Full Size]

མཚམས་ཡུན་རིང་བྱས་ལ་དེ་རྟགས་གསལ། །དགོན་དང་གྲོང་ཁྱེར་རུ་བ་རི་ཁྲོད་སོགས། །གར་བསྡད་འདྲ་སྟེ་ཟ་རྒྱུ་དཀོར་ལས་མེད། །བྱེད་རྒྱུ་དགེ་སྦྱོར་ཉིད་ལས་མེད་ཤེས་པས། །གྲོང་ཆོག་ཆེ་ཡང་ཧ་ཅང་ཚོང་སྐད་སྤངས། །གདུལ་བྱ་ཆེ་ན་འདོད་པ་ཁེང་བས་ལེགས། །ཆུང་བས་དཀོར་སྒྲིབ་ཆུང་བས་དེ་ཡང་ལེགས། །འབྲིང་ན་ཁོ་རང་རྐྱེན་འགྱུར་རང་ཡང་ཕན། །གང་བྱུང་ལེགས་པས་མི་དགའི་རྣམ་འགྱུར་སྤང་། །འཚོ་བ་བཀྲེས་སོགས་ཡི་མུག་མི་སྐྱེ་སྟེ། །མི་བསྐྱོད་རྒྱལ་བ་སྐུ་ན་ཆུང་བའི་དུས། །ལྷོ་རོང་རྫོགས་པའི་རྟ་ར་ནང་དུ་བཞུགས། །འཚོ་བ་མེད་པར་རྣམ་སྲས་ཞལ་གཟིགས་པས། །མ་འོངས་གདུལ་བྱ་ཆེ་བའི་ལུང་བསྟན་མཛད། །འཕྲལ་དེར་དངོས་གྲུབ་རྒན་མོ་འགའ་རེ་ཡིས། །ཆོ་ལེ་བཙོ་རྒྱུའི་ཡུངས་མ་ཕུལ་ལོ་སྐད། །དེ་འདྲའི་དོན་ལ་བསམ་གཞིག་བཏང་བར་བྱ། །ཆོས་བྱས་ནད་དང་སྡུག་བསྔལ་མང་བ་སྟེ། །སྡིག་པ་མཐའ་རྫོགས་ཕྱི་མ་དག་པའི་ཞིང། །འགྲོ་རྟགས་བཟང་བ་ཁྲིད་རིམ་ཀུན་ནས་གསལ། །འབྲོམ་དང་སྐྱོབ་པ་ཁྲི་སྲོང་མཛེ་ཡིས་ཟིན། །རྒྱུ་རས་རྒོད་ཚང་ལོ་རས་ཤིག་ནད་སྡང་། །དེ་ཚོ་བསམ་ཞིང་ལྷ་ལ་ཡི་

[Full Size]

ཆད་སྤངས། །སླར་ཡང་བཏང་ལེན་ངོ་བོ་སྐྱོང་གཉིས་འབད། །གཏམ་གྱི་བཟང་ངན་བྲག་ཆ་ལྟ་བུའི་སྒྲ། །སྙིགས་དུས་བསྟོད་འོས་སྨད་ཅིང་སྨད་འོས་བསྟོད་།མཐོང་ན་མི་མཐུན་མི་མངའ་ཤཱཀ་ཐུབ་ལའང་། །འགྲན་ཟླ་ངན་བྱེད་སྐུར་འདེབས་བྱུང་བའི་ཚུལ། །མདོ་མང་རྣམས་སུ་རྒྱ་ཆེར་གསུངས་པ་དང་། །པད་འབྱུང་ལའང་སྦ་ཚེ་ཀླུ་གོང་དང་། །ཀླུ་དཔལ་སོགས་ཀྱིས་སྐུར་པ་མི་སྙན་སྨྲས། །ཤཱ་རིའི་བུ་དང་སྣེ་ཟུར་བ་གཉིས་སོགས། །ཚུལ་ཁྲིམས་མཆོག་གྱུར་ལའང་མོ་ཁ་རྒྱབ། །སྡིག་ཅན་དམ་ཉམས་མང་པོ་འགའ་ལའང་། །བསྟོད་བསྐུལ་བསྔགས་པ་དད་གུས་སྐྱེ་བ་མང་། །དེ་ལ་བསྟོད་སྨད་ཚིག་ལ་སྙིང་པོ་མེད། །རང་ཉིད་ཤི་ནས་ཚིག་དེ་རྗེས་མི་འབྲང་། །ནམ་འཆི་ཆ་མེད་ཕལ་ཆེར་མྱུར་དུ་འཆི། །མི་འཆི་ཐབས་ནི་ཅི་ཡང་མེད་མོད་ཀྱང་། །འཕྲལ་དུ་དུས་མིན་འཆི་བ་བཟློག་པའི་ཐབས། །རང་ཉིད་རྒྱལ་བ་རྒྱ་མཚོར་གསལ་བ་ཡི། །ཐུགས་ཀའི་ཧྲིལས་སྔགས་ཕྲེང་གཡས་སུ་འཁོར། །དེ་ལས་འོད་ཟེར་དཔག་མེད་ཕྱོགས་བཅུར་འཕྲོས། །སངས་རྒྱས་བྱང་སེམས་ཐམས་ཅད་འོད་དེས་མཆོད། །ཐུགས་རྒྱུད་

[Full Size]

མཉེས་པས་ཡབ་རྣམས་ཚེ་དཔག་མེད། །ཡུམ་རྣམས་སྒྲོལ་མ་དཀར་མོ་ཤ་སྟག་གྱུར། །ཐམས་ཅད་ཆར་དང་བུ་ཡུག་འཚུབ་བཞིན་བྱོན། །རང་ལ་སིབ་སིབ་ཐིམ་པར་དམིགས་པའི་ངང་། །ཡིག་དྲུག་ཡིག་བཅུ་བཟླས་ལ་ཚེ་སྒྲུབ་ཟབ། །སྔོན་གྱི་བརྡུང་བཙོག་འབྲས་བུས་ནད་མང་བ། །ལས་འབྲས་བཅོས་པར་དཀའ་བ་ཡིན་ན་ཡང་། །ལས་ཀྱང་སྲབ་ནུས་བར་ཆད་རྩད་གཅོད་ཐབས། །རང་ཉིད་རྒྱལ་བ་རྒྱ་མཚོའི་ཐུགས་ཀ་ནས། །གོང་ལྟར་འོད་ཟེར་འཕྲོས་པས་འཕགས་པའི་ཚོགས། །ཐམས་ཅད་མཆོད་པས་རིགས་ལྔ་སྨན་གྱི་བླ། །ཡུམ་རིགས་ཐམས་ཅད་ལོ་མ་ཅན་མའི་སྐུར། །གྱུར་ནས་ཆར་བཞིན་བབ་ཅིང་རང་ལ་ཐིམ། །དེ་ཉིད་བསྒོམ་ཞིང་ཡིག་བཅུའམ་ཡིག་དྲུག་བཟླས། །ལས་ནད་མ་གཏོགས་ནད་ཀུན་སེལ་བའི་སྨན། །རེ་ཞིག་དམིགས་པ་དེ་གཉིས་ཐུགས་དམ་མཛོད། །གསལ་ཞིང་བརྩོན་ན་དང་པོ་རྨི་ལམ་བརྟགས། །དངོས་སུ་ཁམས་བདེ་ཉམས་རྟོགས་འཕེལ་བར་ངེས། །སེམས་ངོ་འདི་སྒོམ་གཏད་སོ་མེད་པའི་ངང་། །གང་ཤར་སྟེང་དུ་ལྷོད་དེ་བཞག་པ་ཉིད། །བསྒོམས་དང་མ་བསྒོམ་དོན་ལ་ངོ་བོ་གཅིག །འོན་ཀྱང་དྲན་པའི་

[Full Size]

གསལ་འདེབས་ཡང་ཡང་གཅེས། །བཟང་ངན་ཉམས་ལ་དགའ་སྡུག་མེད་པ་རུ། །གང་ཤར་ངོ་བོའི་སྟེང་དུ་བཞག་པ་གཅེས། །ཞེ་སྡང་ཁོང་ཚིག་བློ་སེམས་མི་བདེ་བ། །ཁམས་འདུས་ཡིན་ཏེ་ལུས་སེམས་བག་ཀློད་ནས། །ཅི་འོང་ཤོག་བསམ་ཞེན་མེད་བློས་བཏང་ཞེས། །ཐོད་རྒལ་ཉམས་སྣང་གོང་འཕེལ་སྐབས་སུ་སྣང་། །མ་བསྒྱུར་བཞག་ན་རིག་པ་ཚད་ཕེབ་འོང་། །ཆོས་ཉིད་མངོན་སུམ་སྣང་བ་བྱུང་ཚར་ཟན། །འདི་ནི་ལམ་མྱུར་སྡིག་པ་འདག་སྟོབས་ཆེ། །དེ་ཕྱིར་སློང་གི་ནད་སོགས་མང་བ་འདྲ། །ཉམས་མྱོང་ཡིན་ནོ་གཞུང་ནས་གསུངས་པ་མིན། །སོ་ཐར་ཉེས་ལྟུང་ཕྲ་ཞིབ་སྦྱང་བའི་ཐབས། །ཉ་སྟོང་ལ་སོགས་དུས་ནི་བཟང་པོ་ལ། །ཐུབ་དབང་སྐུ་བཤམས་སྤྱན་དྲངས་མཎྜལ་འབུལ། །ལྟུང་བཤགས་ལ་སོགས་ཕྱག་ནི་འགའ་ཞིག་འཚལ། །འདུས་བྱས་མི་རྟག་ཟག་བཅས་སྡུག་བསྔལ་བ། །ཆོས་ཀུན་བདག་མེད་མྱ་ངན་འདས་པ་སོགས། །ཡིད་ལ་དྲན་བྱས་ཉེས་ལྟུང་སྦྱངས་བ་ཟབ། །ཉམས་ལེན་ཐུན་གཅིག་ལུས་ནད་བསྲང་ལ་བྱ། །དེ་ནས་ཁྲིམས་ཀྱི་ཚུལ་ཁྲིམས་སྐྱོན་མེད་ཅིང་། །ཞེས་སོགས་བསྔོ་སྨོན་རྒྱ་ཡི་གདབ་པ་

[Full Size]

ཡིས། །གྲོགས་མེད་དགེ་སློང་ཞི་གནས་གསོ་སྦྱོང་ངོ་། །ཐུབ་དབང་ལ་སོགས་ནམ་མཁར་སྤྱན་དྲངས་ལ། །ཆོས་སྤྱོད་ནང་ལྟར་བྱང་སྡོམ་ཉུང་བ་དེ། །རང་གིས་བླངས་བས་བྱང་སེམས་ཉམས་པ་སོས། །སྔགས་ཀྱི་ཉམས་ཆག་རྡོར་སེམས་སྒོམ་བཟླས་བྱ། །དེ་དག་ཕྲ་ཞིབ་ཉམས་པ་ཕྱིར་བཅོས་ཐབས། །བྱང་ཆུབ་སྙིང་པོར་མཆིས་ཀྱི་བར། སོགས་མཆན་བུའོ། །སྤྲོས་མེད་ཉམས་ལེན་བདེ་བའི་སྐོར་རྣམས་ཡིན། །སྤྱིར་ནི་འཇིག་རྟེན་བྱ་བ་སྙིང་པོ་མེད། །བཤད་དང་གོ་བ་བཟང་ཡང་མི་དགོས་པར། །དབུས་གཙང་ཁམས་སུ་སྡེ་དཔོན་དཔལ་འབྱོར་ཅན། །མང་པོ་རྨི་ལམ་རྨིས་འདྲ་འདི་ལ་ལྟོས། །དཔལ་འབྱོར་ལོངས་སྤྱོད་ཧ་ཅང་བསྒྲུབ་འདོད་སྤངས། །ཆུང་ནས་གསེར་ཁྲི་གདུགས་དང་བེར་བདག་འགའང། །དོན་མེད་སྤང་དབྱུག་ཐོགས་པའི་ཚུལ་ལྟོས་ལ། །བསྙེན་བཀུར་སྙན་གྲགས་སྙིང་པོ་མེད་པར་བསམ། །དགོན་སྡེ་དགེ་འདུན་མེ་ཏོག་གླིང་འདྲ་རྣམས། །གྱང་ཧྲལ་བྱ་བྱེའུ་འཛིན་པའི་ཚུལ་ལྟོས་ལ། །གྲྭ་སློབ་འཁོར་ལ་སྙིང་པོ་མེད་པར་བསམ། །མཆེད་གྲོགས་བཙུན་ཆུང་མི་གཞོན་བུ་མོར་དགའ། །ཀེང་རུས་ཝ་ཁྱིས་འདྲད་པ་འདི་བསམ་

[Full Size]

ལ། །མ་རྙེད་ནམ་འཆི་ཆ་མེད་སྙིང་ལ་ཟུངས། །དོན་མེད་སྨྲ་བ་ངག་འཆལ་དུད་འགྲོའི་རྒྱུ། །དོན་མེད་སྨྲ་མང་ཆགས་སྡང་ཉོན་མོངས་རྒྱུ། །སྨྲ་ལ་དགའ་བར་སྐྱོན་མང་ཐུབ་པས་གསུངས། །མི་སྨྲའི་བརྟུལ་ཞུགས་བཟུང་བ་མདོ་ཡི་ལུགས། །སྒྲུབ་པ་བྱེད་ན་གདན་གཅིག་གནོན་དགོས་ཀྱིས། །བསྙེན་པ་བདག་བསྐྱེད་ཁོ་ན་ཡིན་པའི་ཕྱིར། །ལུས་ནི་གཅིག་ཏུ་འདུག་དགོས་ངེས་པ་མེད། །རྒྱ་གར་སློབ་དཔོན་ལས་ཀྱི་རྡོ་རྗེ་ཡིས། །བསྒྲུབ་རྟེན་ཤིང་གི་རྡོ་རྗེ་གཅིག་བསྣམས་ནས། །ཕྱོགས་ཀུན་འཁྱམས་ཤིང་བཛྲ་པཱ་ཎི་ཡི། །སྔགས་བཟླས་ཕྱག་རྡོར་ཞལ་གཟིགས་གྲུབ་པ་ཐོབ། །མིའི་ཚིག་བར་མ་ཆོད་པ་བསྙེན་པར་བརྩི། །དེ་ཕྱིར་ཕྱོགས་བཅུར་འགྲོ་མཁན་རྟོགས་ལྡན་འགས། །གསུང་ངག་གཅོད་དེ་འབྱོན་པ་མཐོང་ཐོས་ཡོད། །ངག་བཅད་ཐུབ་ན་ཕན་ཡོན་མཚམས་དང་འདྲ། །གསང་བ་སྤྱི་རྒྱུད་སྔགས་གཡོག་གསུངས་པའི་སྐབས། །མཚམས་གཡོག་པ་ལ་ངག་བཏང་ཆོག་པ་དང་། །སྒྲུབ་རྫས་རྣམས་ཀྱང་སྦས་འོས་མི་དགོས་གསལ། །དེ་བཞིན་མཚམས་གཡོག་རང་ལ་ངག་བཏང་ཡང་། །ཧ་ཅང་སྐྱོན་དུ་མི་འགྱུར་གནད་གཅིག་

[Full Size]

སྣང་། །ངག་བཅད་ཐུབ་ན་ངག་བཏང་ཕྱག་ལེན་ཡིན། །དེ་ལ་མ་གོ་ཕྱེད་ངག་ཅེས་བྱ་བ། །སོ་བསྒྲིག་ཁ་རླངས་མི་ཤོར་སྨྲ་སྲོལ་གདའ། །ཆོས་སྒོ་བ་ཡིས་དེ་ཚོ་མི་རུང་གསུངས། །འོན་ཀྱང་སྔགས་འཆང་ཀུན་གྱི་ཕྱག་ལེན་ལགས།་་་བསྙེན་སྒྲུབ་བྱེད་དུས་ལུས་སྦྱིན་མི་རུང་ཞུས་པས། མཆན། །དབང་དུས་ཡེ་ཤེས་སེམས་དཔའ་ལུས་ལ་བསྟིམ། །ཕུང་ཁམས་སྐྱེ་མཆེད་ལྷ་རུ་ངོ་སྤྲད་ནས། །གཏུབ་ཅིང་ལུས་སྦྱིན་བྱ་བར་མི་རུང་གསུངས། །ཕུང་པོ་སངས་རྒྱས་བརྙས་བྱེད་རྩ་ལྟུང་ཡིན། །འོན་ཀྱང་གཅོད་འདི་ཐེག་པ་ཀུན་དང་མཐུན། །བརྟག་གཉིས་སྤྱོད་པའི་རྒྱུད་ནས་ལུས་སྦྱིན་བཤད། །བཀའ་བརྒྱད་ཁྲོ་རོལ་བཟློག་པར་ལུས་སྦྱིན་བཤད། །མ་ནིང་གནད་འབེབས་སྐབས་སུ་ལུས་སྦྱིན་བཤད། །དེའི་ཕྱིར་སྔགས་དང་འགལ་བ་མ་ཡིན་ཏེ། །མི་འགལ་བ་ཡི་གདམས་པ་ཤེས་པར་བྱ། །རྙིང་མའི་སྒྲུབ་པ་གཅིག་གི་དབུ་བཙུགས་ནས། །མ་ཚར་བར་དུ་བདག་མདུན་མི་བསྡུ་བར་་་བདག་བསྐྱེད་ལ་སྤྱན་འདྲེན་བྱིན་དབབ་ཀྱི་ལྷ་མི་གཤེགས་པར་བསྐྱེད་རིམ་བསྡུ་ཞིང་། སླར་ཡང་དཔའ་བོ་གཅིག་པུ་སྐུར་གསལ་བའི་ཐུན་མཚམས་ཀྱི་བྱ་བ་བྱེད་པའི་ཕྱིར་བསྐྱེད་རིམ་དང་མི་འབྲལ་བར་དགོས་སོ། མཆན། །ལྷ་ཡི་ང་རྒྱལ་

[Full Size]

བསྐྱེད་ཅིང་གསལ་འདེབས་པའི། །ནུབ་མོ་ཐུན་མཚམས་ལུས་སྦྱིན་བྱ་ཚུལ་ནི། །བདག་བསྐྱེད་ལྷ་རུ་གསལ་བ་དེ་བཞུགས་ནས། །དེ་ཡི་ཐུགས་ལས་རང་སེམས་རང་ལུས་བཅས། །ཐ་མལ་པ་ཞིག་ཕྱི་རུ་ཐོན་བྱས་ལ། །ལུས་སྦྱིན་ནང་ལྟར་རྣམ་པར་ཤེས་པ་དང་། །ཚེ་བསོད་བྱིན་རླབས་དབང་ལྷ་ཡེ་ཤེས་པ། །ཕུང་ཁམས་སྐྱེ་མཆེད་ལྷར་བཞུགས་ལྷ་ཡི་ཚོགས། །གཅིག་བསྡུས་ཐིག་ལེ་ཚངས་བུག་ནས་འཕོས་ཏེ། །བདག་བསྐྱེད་ཐུགས་ཀར་ཐིམ་པས་ཐུགས་ཀ་ནས། །ལས་བྱེད་མཁའ་འགྲོ་སྤྲོས་ལ་རང་ལུས་དེས། །ལུས་ཚོགས་ལྟར་དུ་བདག་མདུན་ལུས་ཚོགས་དང་། །མགྲོན་རིགས་ཀུན་ལ་ཚོགས་འཁོར་བྱ་བ་དང་། །དེ་ཡི་ལྷག་མས་དཀར་འགྱེད་དམར་འགྱེད་བྱ། །ཡང་ན་བདག་ཉིད་ཡེ་ཤེས་ལྷ་དང་ནི། །ཕུང་ཁམས་ལྷ་ཚོགས་དབྱེར་མེད་དེར་བཞུགས་ལ། །མ་དག་ཕུང་པོ་ཕྱིར་རུ་སྤྲོས་ཀྱང་རུང་། །དེ་ལ་སྤར་ཆོག་མི་དགོས་སྟབས་བདེའོ། །གསར་མའི་སྒྲུབ་པ་ནུབ་མོ་ཐུན་བསྡུས་ལ། །ཟུང་འཇུག་སྐུ་རུ་མ་ལྡང་བར་དེ་རུ། །ལུས་སྦྱིན་སྤྱི་ལྟར་བྱེད་དུ་རུང་བ་ཡིན། །ནམ་ཡང་རྣམ་ཤེས་ཐིག་ལེ་དེ་ཉིད་

[Full Size]

ནི། །ལུས་ལྷ་བྱིན་རླབས་ཡེ་ཤེས་སེམས་དཔའི་ཚོགས། །དབྱེར་མེད་བྱས་ནས་སྤར་བ་ཤིན་ཏུ་གཅེས། །ཚེ་སྒྲུབ་ལ་སོགས་ཡི་དམ་བསྒོམ་བཞིན་དུ།་་་ཚེ་སྒྲུབ་དུས་བཏང་ལེན་མི་རུང་ཞུས་པས། མཆན། །འགྲོ་བའི་ནད་གདོན་སྡིག་སྒྲིབ་ཚུར་བསྟིམ་པའི། །མེ་ལ་ཤིང་བསྣན་བཞིན་དུ་གཟི་བརྗིད་རྒྱས། །དེ་ལྟར་བསྒོམ་པའི་ཚེ་བསོད་ཕར་བསྟིམས་པས། །སྦྱིན་པའི་རྒྱུ་དེ་བསོད་ནམས་འཕེལ་བའི་རྒྱུ། །ཡིན་ཕྱིར་དམིགས་པའི་བསྒྱུར་སོ་དེ་མི་རུང་། །རེ་ཞིག་སྨུག་འཛིན་གཏེར་རྙིང་སྒབ་འདྲེ་ཡོད། །ལས་བྱང་ཡོད་ན་མཆོད་བསྟོད་ཆུ་སྦྱིན་ཙམ། །བྱ་ཞིང་ཐུགས་དམ་བསྙེན་པ་མི་བྱ་བར། །དཀར་པོ་ལྷ་ལྔ་འཇམ་ཞིང་ཟིན་བྲིས་གསལ། །གནམ་ཆོས་དམར་པོ་རྣོ་མྱུར་ཆེ་བ་དང་། །བཀའ་གཏེར་འདི་གཉིས་ཐུགས་དམ་སྙིང་པོ་མཛོད། །ཚེ་སྒྲུབ་སྔར་ཐོན་རྣམས་ལ་ཕྲེང་སྐོར་ཙམ། །ལས་བྱང་གསང་འདུས་མཆོད་བསྟོད་ཚུལ་དུ་འདོན། །དེ་མིན་གོང་ལྟར་རྒྱལ་བ་རྒྱ་མཚོ་མཛོད། །བསྐྱེད་དང་རྫོགས་དང་འདི་ཕྱིའི་རེ་སའི་ཕུག །རྒྱལ་བ་རྒྱ་མཚོ་ལས་ལྷག་ངས་མ་རྙེད། །ཚེ་བསོད་བཀྲ་ཤིས་བདེ་ལེགས་འདི་ལས་འབྱུང་། །ཕྱི་མ་སྐྱེ་རྒ་ན་འཆི་མེད་པ་ཡི། །བདེ་བ་
ཅན་དུ་འདི་ཡིས་ཕྱིན་པར་བྱེད། །གཞན་རྣམས་ཉམས་མཚར་འབྲེལ་པ་འཇོག་ཙམ་རེ། །རྩ་བ་འདི་ཡིན་གཞན་ལ་བློ་མ་ཕྲེང་། །ངོ་བོ་སྐྱོང་དང་ཐོད་རྒལ་བསྲུང་བ་ལས། །ཟབ་པའི་ཆོས་ཤིག་ཡོད་དམ་ཚོལ་མ་དྲན། །ནོར་བུ་བསྐྱར་ནས་འཆིང་བུ་ཚོལ་དང་འདྲ། །དགེ་བློ་འདོད་ན་སྙིང་རྗེས་བཏང་ལེན་བསྒོམ། །དེ་བས་ལྷག་པའི་དགེ་བློ་གསུངས་པ་མེད། །ཕྱི་མ་བདེ་ཆེན་སྐྱེ་བའི་བསྔོ་སྨོན་དང་། །དགེ་ཚོགས་ཐམས་ཅད་དེ་ཡི་རྒྱུ་རུ་བསྔོ། །དེ་བས་ཉེ་དང་ཟབ་པའི་ལེགས་པ་མེད། །དེ་སྐད་རཱ་ག་ཨ་སྱས་འཕྲལ་དུའོ། །ཞེས་ཤིང་སྦྲུལ་བདུད་རྩི་འཁྱིལ་བའི་ལོ་ས་ག་ཟླ་བའི་དམར་པོའི་ཚེས་བརྒྱད་ལ་ཕྱག་བྲིས་མཛད་ནས་གནང་བའོ།། །།མངྒ་ལཾ།།

སྡོམ་གསུམ་བསྐྱེད་རྫོགས་སྒོམ་བཟླས་རྩེ་གཅིག་ཏུ། ༼ཅཾ༽ །ཚུལ་བཞིན་ཉམས་སུ་ལེན་ཚུལ་ཞལ་གདམས་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ཐེམ་མེད་དགོན་སྡེར་སྡོད་ཚེ་རང་དོན་གྱི་བཅའ་ཡིག་བཞུགས་སོ། །བླ་མ་རིན་པོ་ཆེ་ལགས། དགོན་སྡེར་བླ་མར་བྱེད་དགོས་བྱུང་ན་བཅའ་ཡིག་གལ་ཆེ་བས། རང་གཞན་ལ་ཕན་ཕྱིར་གནང་བར་ཞུ་ལགས་ཞེས་ཞུས་པས། རིན་པོ་ཆེའི་ཞལ་ནས། གཟིམས་ཁང་དུ་བུད་མེད་འོང་ས་མེད་པར་སྒོ་རྩར་ཐོ་དང་བཀའ་བསྒོ་དམ་བཞག་བྱེད་པ་

[Full Size]

དང་། ཆང་མི་འཐུང་བར་ཚོགས་ཆང་ཡང་ཉིན་གཅིག་ཇ་ནེ་གང་བས་མི་འཐུང་བའི་དམ་བཅའ་ཆོས་སྐྱོང་དཔང་དུ་བཙུགས། རང་རེ་རྩ་རླུང་བསྒོམས་པས་གཞན་གྲོགས་བསྟེན་པ་སོགས་ཐིག་ལེ་མི་སྤང་བའི་དམ་བཅའ། ནད་ན་དུས་མ་གཏོགས་དགོང་བཅད་དེ་ཚོགས་རྫས་མ་གཏོགས་ཤ་མི་ཟ། ངག་མཚམས་དུས་མ་གཏོགས་ཆབ་ལེན་ལྷམ་ཕུད་བྱ། གཞན་དག་གི་གནོད་འཚེ་དང་སྐུར་སོགས་མི་འཚམས་པ་བྱུང་ངམ་དགོན་པའི་ཁྲིམས་ལ་གནོད་པ་སོགས་ཅི་བྱུང་ཡང་། རེ་ཞིག་བཟང་ངན་ཅི་ཡང་མི་སྨྲ། ངོ་བོ་སྐྱོང་རྗེས་ལེགས་པར་དཔྱད་ཡག་བྱས་ལ་གཏམ་སྨྲ། ཡུད་ཙམ་མི་བྱ་བར་གསུངས་པ་ལྟར། དགའ་ཙ་སྡུག་མགྱོགས་མི་བྱ། དགའ་སྡུག་ཅི་བྱུང་ཡང་རེ་ཞིག་ངོ་བོ་བསྐྱང་ལ་རྗེས་ནས་དལ་བུས་ཟསྨྲས་གལ་ཆེ་ནན་ཐུག་མ་གཏོགས་མནའ་མི་སྐྱེལ་བའི་དམ་བཅའ་བྱ། ལར་ཀ་ཆ་ཟས་ནོར་ཐམས་ཅད་ལ་ཆེན་ཆོས་ཕྱོགས་ཅི་འགྲུབ་རྒྱང་སྲུང་མ་གཏོགས་ཕྲན་བུ་རེ་ལ་མིག་དོག་པར་བྱ། སྤྱིར་དོན་ལ་བཏང་དགོས་ལག་བཀྱག །མི་བྱེད་ཀ་མེད་ཁོ་རང་ཆུད་ཟ་དོགས་ན་མ་གཏོགས་གྲྭ་འཁོར་ལ་ཚིག་རྩུབ་མི་བྱ། ངག་འཇམ་པར་བྱ། རང་ལ་རེ་ལྟོས་
བཅས་པ་ཐམས་ཅད་ལ་འདི་ཕྱིར་གང་ཕན་གྱིས་མགོ་འདོན། རང་ལ་ཁ་ཐབས་གང་ཡོད་ཅིག་ཆོག །གྲྭ་འཁོར་ལ་ཉེ་རིང་རྩིས་ཆེ་ཆུང་མེད་པར་ལ་ཆེན་སེམས་མཉམ་པར་བཞག །དེ་དག་བསླབ་བྱ་གལ་ཆེ་རིམ་བརྗེད་ཐོ་ཡིན། བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག །ཟིན་གནོན་གྱི་ལོ་ཐ་སྐར་ཟླ་བའི་ཚེས་བརྒྱད་ལ་རིན་པོ་ཆེ་རཱ་ག་ཨ་སྱའི་ཞལ་སྔ་ནས་བརྩམས་པའི་ཟིན་བྲིས་ཀརྨ་བཱིརླ་སཱ་ག་ར་ལ་གནང་བ་མངྒ་ལཾ།།

རི་ཆོས་དངོས་གཞི་རྒྱབ་ཆོས་འགྲུབ་པའི་སྐབས། ༼ཅཾ༽ །སྨོན་ལམ་ཕྱག་བྲིས་རང་དོན་བཅའ་ཡིག་ཡོད། །

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ཐེམ་མེད་སྨོན་ལམ་ཕྱག་བྲིས་འབྲེལ་ཚད་དོན་ལྡན་ཞེས་བྱ་བ་བཞུགས་སོ། །ན་མོ་རཏྣ་ཏྲ་ཡཱ་ཡ། རྡོ་རྗེ་འཆང་ཆེན་ཏེ་ལོ་ནཱ་རོ་དང་། །མར་པ་མི་ལ་དྭགས་པོ་དུས་གསུམ་མཁྱེན། །བཀའ་བརྒྱུད་བླ་མ་རྣམས་ཀྱི་བྱིན་རླབས་དང་། །བླ་མ་སྐུ་གསུམ་སྐུ་ལྔ་མཚན་མཆོག་བརྒྱད། །རིག་འཛིན་བརྒྱད་དང་རྗེ་འབངས་ཉི་ཤུ་ལྔ། །རིག་འཛིན་གྲུབ་ཐོབ་རྒྱ་མཚོའི་ཐུགས་རྗེ་དང་། །དྲིན་ཆེན་བླ་མ་རྒྱལ་བ་ཀུན་འདུས་པ། །མཁའ་སྤྱོད་དགའ་བའི་རྡོ་རྗེ་ཐུགས་རྗེ་ཅན། །རྒྱུད་སྡེ་བཞི་དང་བཀའ་དགོངས་ཕུར་པའི་ལྷ། །ཐེག་པ་རིམ་དགུའི་ལྷ་ཚོགས་ཐུགས་རྗེ་དང་། །མ་

[Full Size]

ཧཱ་ཀཱ་ལ་ལྕམ་དྲལ་འཁོར་དང་སྡེ། །བཀའ་སྲུང་དམ་ཅན་རྒྱ་མཚོའི་མཐུ་སྟོབས་ཀྱིས། །ཆོས་ཉིད་ཆོས་ཅན་འགོག་དང་ལམ་གྱི་བདེན། །བདེན་ལྡན་ཇི་སྙེད་བདེན་པའི་བདེན་སྟོབས་ཀྱིས། །བླ་མ་ཀརྨ་བརྩོན་འགྲུས་རྒྱ་མཚོ་བའི།་་་གཞན་བདག་གིས་སྨོན་ལམ་འདི་རང་འདོན་དུ་འདོན་པར་སྤྲོ་ན། བདག་ཅག་དཔོན་སློབ་འཁོར་དང་བཅས་པ་ཡི། །ཞེས་བསྒྱུར་ནས་འདོན། །ནད་གདོན་བར་ཆད་ཐམས་ཅད་ཞི་གྱུར་ཅིག །འཇིགས་པ་བརྒྱད་དང་བཅུ་དྲུག་རྣམས་ལས་ཐར། །དུས་མིན་འཆི་བ་བཅོ་བརྒྱད་མི་འབྱུང་ཤོག །ཚེ་དང་བསོད་ནམས་དཔལ་འབྱོར་མངའ་ཐང་རྒྱས། །ཉམས་དང་རྟོགས་པ་ཡར་ངོའི་ཟླ་བཞིན་འཕེལ། །འགྲོ་དོན་ཕྱོགས་བཅུ་ཀུན་ཏུ་དར་རྒྱས་ཤོག །རླུང་སེམས་སྣང་སྲིད་ཐམས་ཅད་དབང་དུ་འདུས། །མཐོང་གྲོལ་ཐོས་གྲོལ་རེག་གྲོལ་ཆེན་པོར་ཤོག །བསྐྱེད་རྫོགས་བརྟན་ཐོབ་ཕྲིན་ལས་རྣམ་བཞི་འགྲུབ། །བར་ཆད་བདུད་བཞིའི་གཡུལ་ལས་རྣམ་རྒྱལ་ཤོག །བསྐྱེད་རྫོགས་ཟུང་འཇུག་སྣང་སྲིད་ཆོས་སྐུར་རྟོགས། །ཚེ་གཅིག་རྡོ་རྗེ་འཆང་གི་ས་ཐོབ་ཤོག །ནམ་ཞིག་འཕོས་ཚེ་གནས་གསུམ་ཌཀྐི་ཡིས། །སྣ་ཚོགས་མཆོད་པའི་སྤྲིན་གྱིས་མདུན་བསུས་ནས། །བདེ་

[Full Size]

ཆེན་དག་པའི་ཞིང་ཁམས་བགྲོད་པར་ཤོག །ཞིང་དེར་པདྨ་མཆོག་ལ་བརྫུས་སྐྱེས་ནས། །འབྲེལ་ཐོགས་འགྲོ་བ་སེམས་ཅན་ཐམས་ཅད་ཀུན། །ཞིང་དེར་འདྲེན་པའི་རྫུ་འཕྲུལ་དཔག་མེད་ཤོག །ཞིང་དེར་ས་ལམ་ཡོན་ཏན་རབ་རྫོགས་ནས། །བླ་མེད་རྫོགས་པའི་བྱང་ཆུབ་མངོན་བྱེད་ཤོག །མངྒ་ལཾ།། ཞེས་པ་རི་ཆོས་མཚམས་ཀྱི་ཞལ་གདམས་ཀྱི། །དངོས་གཞི་དཔེ་ཚན་ལྔ་བཅུ་ང་གསུམ་དང་། །རྒྱབ་ཆོས་གཅིག་བརྒྱུད་དཔེ་ཚན་སུམ་ཅུ་ལྔ། །ས་ར་བྷ་ཝ་ཞེས་པ་ཟིལ་གནོན་མེ་ཕོ་རྟ་ཡི་ལོ་་སློབ་བུ་བརྩོན་འགྲུས་རང་ལོ་སུམ་ཅུའི་སྐབས། །ཐ་སྐར་ཟླ་བའི་ཡར་ཚེས་བརྒྱད་ཀྱི་ཉིན། །གནས་མཆོག་དཔལ་རེ་རྩེ་ཡི་སྒྲུབ་ཁང་སྒོར། །རི་ཆོས་ཡོངས་རྫོགས་འགྲུབ་པའི་དུས་ཀྱི་ཚེ། །དགའ་སྟོན་དུས་མཆོད་ཚོགས་ཀྱི་འཁོར་ལོ་བསྐོར། །དད་ལྡན་ཀརྨ་བཱིརླ་སཱ་ག་རས། །ཕྱག་དང་མཎྜལ་མང་དུ་ཕུལ་ནས་ནི། །དངོས་སུ་སྐུ་ཡི་དཀྱིལ་འཁོར་དེ་ཉིད་ལས། །ཏིང་ངེ་འཛིན་གྱིས་དབང་བཞི་བརྒྱ་རྩ་བླངས། །ཐུགས་ཡིད་གཅིག་ཏུ་འདྲེས་པའི་གསོལ་འདེབས་དང་། །ཚེ་རབས་ཀུན་ཏུ་མི་འབྲལ་སྨོན་ལམ་བཏབ། །སླར་ཡང་སྨོན་ལམ་ཕྱག་བྲིས་གནོངས་ཤིག་ཅེས། །རྩེ་གཅིག་གསོལ་བ་བཏབ་པའི་སྨོན་ལམ་འདི། །དཀོན་མཆོག་ཀུན་འདུས་དྲིན་ཆེན་སྤྲུལ་པའི་སྐུ། ༧ །ཀརྨ་རཱ་ག་ཨ་སྱ་རིན་པོ་ཆེའི། ཕྱག་བྲིས་མཛད་ནས་གནང་བ་མངྒ་ལཾ། །བཀྲ་ཤིས་དཔལ་འབར་བསྟན་པ་དར་རྒྱས་

[Full Size]

ཤོག །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ཨུ་པ་ཚེས་ཀྱི་གྲངས་ལྡན་གྱི་ཞལ་ཤེས་གབ་པ་མངོན་ཕྱུང་།

[Full Size]

རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ཨུ་པ་ཚེས་ཀྱི་གྲངས་ལྡན་གྱི་ཞལ་ཤེས་གབ་པ་མངོན་ཕྱུང་བཞུགས་སོ། །

[Full Size]

རྩ་གསུམ་ལྷ་ཚོགས་སྲུང་མར་བཅས་པ་ལ། །གུས་པས་ཕྱག་འཚལ་བཀའ་གནང་བྱིན་གྱིས་རློབས། །སྐུ་བཞི་དབྱེར་མེད་སངས་རྒྱས་སྤྲུལ་པའི་སྐུ། །རྩ་བའི་བླ་མ་ཡིད་བཞིན་ནོར་བུ་དེས། །ལོ་ནི་བཅུ་གསུམ་སྒྲུབ་པ་མཐར་ཕྱིན་ནས། །ཕྱོགས་བཅུར་འགྲོ་དོན་ཆོས་འཁོར་བསྐོར་བའི་ཚེ། །སློབ་བུ་བདག་ཀྱང་རང་ལོ་ཉེར་གཅིག་དུས། །བསོད་ནམས་སྔོན་ལས་དབང་གིས་མཇལ་བ་དང་། །མདོ་སྔགས་ཕྱག་རྫོགས་དམ་ཆོས་དབང་ཁྲིད་དང་། །ཞལ་གདམས་མགུར་གསུངས་རྒྱ་མཚོ་ཐོབ་ན་ཡང་། །བདག་གིས་ཚེ་འདིར་བློས་བཏང་མ་ནུས་ཤིང་། །

[Full Size]

གྲུབ་པ་ཐོབ་པའི་དམ་ཆོས་མ་འགྲུབ་ཀྱང་། །སྡོམ་གསུམ་རྩ་བ་མ་ཉམས་སེམས་བསྐྱེད་བཟང་། །མཚམས་སྒྲུབ་ཕྲན་བུ་འགའ་ཐོན་བླ་མའི་དྲིན། །དྲིན་ཆེན་རྩ་གསུམ་ལྷ་དང་དབྱེར་མེད་དེ། །བདག་ལ་སྐྱིད་སྡུག་ཇི་ལྟར་བྱུང་ན་ཡང་། །སྐད་ཅིག་ཙམ་ཡང་བརྗེད་མེད་སེམས་དང་འདྲེས། །ད་ལྟ་ཤི་ཡང་ངན་སོང་མི་འགྲོ་སྙམ། །ད་ལྟ་རང་ལོ་ཞེ་གསུམ་ལོན་པ་ཡིན། །རྗེ་དང་གསུང་གླེང་བྱུང་ཀུན་ཞལ་གདམས་ཉིད། །རང་ལོ་ཉེར་དྲུག་ཆུ་མོ་ཡོས་ཀྱི་ལོ། །ཆུ་སྟོད་ཟླ་བའི་ཡར་ཚེས་ནས་བཟུང་བས། །མེ་ཕོ་རྟ་ལོ་ཕག་ཟླ་ཚེས་ལྔའི་བར། །

[Full Size]

གཅིག་བརྒྱུད་རི་ཆོས་དངོས་གཞི་གནང་བའི་སྐབས། །ཞལ་ཤེས་ཕྲན་ཚེག་ཐོར་བུར་གསུངས་པ་ནི། །ཕལ་ཆེར་ཡིད་ལ་མ་ངེས་བརྗོད་དམ་སྙམ། །མ་བརྗེད་ཡིད་ལ་ངེས་པ་མདོར་བསྡུས་ཤིག །ཡི་གེར་ཚིགས་སུ་བཅད་དེ་བཀོད་པ་ནི། །དྲིན་ཆེན་རྗེ་ལ་འདི་སྐད་ཅེས་གསོལ་ཏོ། །སྨུག་འཛིན་དཀར་དམར་ཆུ་སྦྱིན་བྱེད་པའི་དུས། །ཕྱི་སྒྲུབ་ནང་སྒྲུབ་གསང་སྒྲུབ་ཆུ་སྦྱིན་དང་། །ཕྱི་ནང་གསང་སྒྲུབ་དྲིལ་སྒྲུབ་ཆུ་འཁོར་དང་། །རླུང་འཁོར་དུ་འཁོར་རི་དང་ཐབ་ཀ་དང་། །ཁྱིམ་དུ་འཁོར་ལོ་སྦ་བའི་ཞལ་ཤེས་ནི། །གཞུང་དུ་མི་གསལ་ཡོད་དམ་མེད་ཞུས་པས། །དེ་ཚེ་ཞལ་ནས་གསུངས་པ་འདི་སྐད་དོ། །སྨུག་འཛིན་དཀར་དམར་ལ་སོགས་ཡེ་ཤེས་པའི། །རིགས་རྣམས་ཀུན་ལ་བདག་མདུན་གཉིས་ཀ་ནི། །ལྷ་ནི་གང་ཡིན་བསྒོམ་དུ་རུང་བ་ཡིན། །བསྙེན་སྒྲུབ་ཆུ་སྦྱིན་མེ་མཆོད་ལ་སོགས་ཚེ། །བདག་མདུན་གཉིས་ཀ་གང་འདོད་ནོར་སྐྱུག་བསམ། །རི་དང་ཆུ་དང་ཆུ་འཁོར་སྦ་འཁོར་དང་། །ཐབ་ཏུ་སྦ་བའི་འཁོར་ལོའི་ཡི་གེ་ལ། །བདག་མིང་གཞན་མིང་བྲི་བ་མི་འཐད་དོ། །དེ་བཞིན་ཆུ་འཁོར་ལ་ཡང་དེ་དང་མཚུངས། །རླུང་འཁོར་བདག་མིང་བྲི་བ་

[Full Size]

འགལ་བ་མེད། །དུ་འཁོར་ཐོན་ན་བསྙེན་སྒྲུབ་ལས་གསུམ་བསྔགས། །གཞུང་གི་ཡི་གེར་གསལ་ལྟར་ཡིན་ནོ་གསུངས། །རིག་བྱེད་ལྷ་མོའི་ལས་སྦྱོར་བྱེད་པ་ན། །གང་འདོད་ངེས་ཅན་མིང་སྨོས་པ་ཤཾ་སྦྱར། །ཆོས་གམ་མི་ཆོག་བདག་གིས་ཞུས་པའི་ཚེ། །དྲིན་ཆེན་ཆོས་རྗེའི་ཞལ་ནས་འདི་སྐད་གསུངས། །རང་རང་འདོད་པའི་མཆོག་དམན་སྐྱ་སེར་དང་། །གྲྭ་སློབ་ངེས་ཅན་དབང་དུ་བསྡུ་མི་རུང་། །ཅི་ཡི་ཕྱིར་ནི་རང་འདོད་དབང་སྡུད་དེ། །རང་ལ་ཕན་གནོད་གང་བྱེད་ཚོད་མི་ཟིན། །དེ་ཕྱིར་རང་འདོད་མི་བྱ་སྤྱི་ཡི་མིང་། །ལོ་ཀ་པ་ཤཾ་འདི་ཀས་ཆོག་པའི་དོན། །ཡི་དམ་ལྷ་ལ་བསླུ་བ་མེད་པའི་ཕྱིར། །ཤུགས་ཀྱིས་བྱུང་བ་འཁྲུལ་མེད་དངོས་གྲུབ་ཡིན། །ཕྱི་རབས་ཆོས་ལ་མོས་པའི་སློབ་བུ་ཀུན། །སྨུག་འཛིན་དཀར་དམར་སོགས་ལ་ནན་ཏན་དུ། །བསྙེན་སྒྲུབ་ཁ་གྲོས་ཚན་ཆེན་འགའ་ཐོན་ན། །འདོན་མི་དགོས་པའི་དུས་ཤིག་འོང་ཞེས་གསུངས། །གཅིག་བརྒྱུད་ཟེར་བའི་རྒྱུ་མཚན་གང་ལྟར་ལགས། །ཨུ་པ་ཟེར་བའི་བརྡ་དོན་གང་ལྟར་ཡིན། །སྣོད་ལ་བཟང་ངན་བརྟག་ཐབས་ཇི་ལྟར་ལགས། །དེ་སྐད་ཞུས་པས་འདི་སྐད་བཀའ་ཞལ་ཤེས།

[Full Size]

སྩལ་ཏོ། །ལྷ་ཡི་མིག་དང་མངོན་ཤེས་མེད་པའི་ཕྱིར། །སློབ་མ་བཟང་ངན་ཚོད་ཟིན་ག་ལ་འོང་། །སྔོན་དུ་སློབ་མ་རེ་ཆེ་ལེགས་པོ་འགའ། །སེར་མཐའ་མི་ཐུབ་གང་མིན་ངན་པ་བྱུང་། །ཁ་ཐབས་མེད་པ་འགའ་ལ་ལེགས་པོ་བྱུང་། །དེ་ཕྱིར་རང་གི་གསང་སྔགས་བཀའ་རྒྱ་ཅན། །གསང་བར་འོས་པ་གནང་བའི་དུས་ཀྱི་ཚེ། །ཡི་དམ་ལྷ་ལ་ཚོགས་དང་མཎྜལ་ཕྱག །མང་དུ་བརྩལ་ཞིང་གནང་བར་རུང་མི་རུང་། །གསོལ་བ་རྩེ་གཅིག་བཏབ་ཚེ་རུང་བ་ཡི། །རྨི་ལྟས་བཟང་པོར་བྱུང་ན་བློ་ཚོད་དང་། །སྦྲགས་ཏེ་གདམས་པ་གནང་བ་མན་ངག་ཡིན། །ལར་ནི་དམ་ཚིག་སྡོམ་པ་སྲུང་ནུས་དང་། །ཆོས་དང་དད་ནུས་བསྟན་ལ་ཕན་སྙམ་པའི། །སློབ་མ་དད་ལྡན་ལ་ནི་ཆིག་རྒྱུད་གཏད། །གཅིག་ནས་རིམ་བཞིན་བརྒྱུད་དགོས་ངེས་པར་མཛོད། །སྣོད་དང་ལྡན་ན་མང་པོར་སྤེལ་ཡང་རུང་། །ཆིག་བརྒྱུད་ཟེར་བ་སྣོད་མིན་གསང་དགོས་དོན། །ཨུ་པ་ཟེར་བ་གསང་སྔགས་གབ་སྦས་དོན། །ཚེས་ཀྱི་གྲངས་ཀ་དཔེ་ཚན་སུམ་ཅུའི་བརྡ། །ལར་ནི་སྤེལ་ལུགས་ནོར་ལྷའི་སྐོར་རྣམས་ནི། །མང་དུ་སྤེལ་ན་རང་ལ་ཅུང་ཞིག་གནོད། །རིག་བྱེད་དམར་མོའི་སྐོར་

[Full Size]

སོགས་ཝ་ཤཾ་རིགས། །མང་དུ་སྤེལ་ན་རང་འདོད་ཆགས་པའི་རྒྱུ། །ཆོས་སྐྱོང་སྒྲུབ་ཐབས་ལས་སྦྱོར་མང་སྤེལ་ན། །བསྟན་ལ་མི་སེམས་རང་འདོད་རང་དོན་མཚནི། །ཕྲན་བུ་ཙམ་ལ་ལས་སྦྱོར་མཐུ་བསྡིག་བྱེད། །སློབ་དཔོན་ཆོས་བརྒྱུད་ལའང་གཤེ་སྐུར་བལྟ། །དེ་སོགས་རིགས་པས་ཕྱེ་སྟེ་ཤེས་པར་བྱ། །རྒྱལ་བ་རྒྱ་མཚོའི་ཕྱི་སྒྲུབ་ཞལ་གདམས་ནི། །ཉམས་སུ་ལེན་ནུས་མང་དུ་སྤེལ་ཡང་རུང་། །དབང་སྡུད་ལས་སྦྱོར་དྲག་པོའི་ཕྲིན་ལས་སྐོར། །བརྒྱུད་པ་མ་ཆད་ཙམ་ཞིག་བྱུང་ན་ལེགས། །དེ་སྐད་ཅེས་གསུང་སླར་ཡང་སྐབས་གཞན་འགར། །མ་འོངས་རི་ཆོས་འགྲོ་དོན་ཆེ་ཆུང་ནི། །ཇི་ལྟར་འབྱུང་ལགས་ཞུས་པས་འདི་སྐད་གསུངས། །ངེད་རང་དཔོན་སློབ་བཞུགས་ཚེ་རི་ཆོས་སོགས། །ཞལ་གདམས་གང་གིའང་འགྲོ་དོན་ཕྲན་བུ་འབྱུང་། །དེ་ལས་ཀྱང་ནི་མ་འོངས་དུས་མཐའ་ཚུན། །གླེགས་བམ་ཞལ་གདམས་ཕལ་ཆེར་ཚད་མར་འཛིན། །ད་ལྟ་ལས་ནི་དེ་དུས་འགྲོ་དོན་ཆེ། །དེ་སྐད་ཅེས་གསུངས་སྐབས་ཤིག་འདི་སྐད་ཞུས། །རྗེ་ཉིད་བསྙེན་སྒྲུབ་ཡི་དམ་ཆེན་པོའི་ལྷ། །དབྱེར་མེད་འགྲུབ་པས་དགུང་ལོ་བརྒྱ་ཙམ་ལ། །

[Full Size]

བཞུགས་ནས་ད་དུང་འགྲོ་དོན་བྱེད་ལགས་སམ། །དེ་ནས་སྐུ་ཚེ་མཐའ་རུ་ཕྱིན་པའི་དུས། །མ་འོངས་སྐུ་སྐྱེ་འབྱོན་ནམ་མི་འབྱོན་ཞུས། །ཞལ་ནི་འཛུམ་བག་མཛད་ནས་འདི་སྐད་གསུང། །ཧེ་ཧེ་ང་ལ་མངོན་ཤེས་མེད་པའི་ཕྱིར། །ནམ་འཆི་མ་ཤེས་ལོ་བརྒྱ་འདུག་ནས་ནི། །རྒན་པོས་འགྲོ་དོན་བྱེད་པའི་སྐབས་མིན་ནོ། །སྔ་སོར་ལོ་གསུམ་འགྲོ་དོན་བྱེད་པ་དང་། །དེ་ནས་ཚེ་མཚམས་ཐོན་ན་གྱ་བརྒྱད་ཙམ། །འདུག་པའི་རྟེན་འབྲེལ་ཐུགས་དམ་བརྟག་པ་ཡིན། །འོན་ཀྱང་ལོ་བདུན་འགྲོ་དོན་ཅུང་ཞིག་འགྱང་། །ཚེ་མཚམས་ལ་ཡང་གྲོལ་དགོས་འབྱུང་སྲིད་པས། །བདུན་ཅུ་ཁ་ཡན་ངོ་མཐོང་རྟེན་འབྲེལ་བརྟགས། །དུས་སྙིགས་མཐའ་འཁོབ་དུས་སུ་སྐུ་སྐྱེ་ལ། །ཡིད་སྨོན་མ་བྱེད་འགྲོ་དོན་ག་ལ་ནུས། །ད་ལྟ་སངས་རྒྱས་དངོས་སུ་བྱོན་རྣམས་ཀྱང་། །འགྲོ་དོན་འབྱུང་སྐབས་མི་སྣང་ངེད་རང་ཚོ། །བྱ་བྲལ་རེ་ཡི་སྐུ་སྐྱེ་འོང་ནས་ནི། །བདག་རྒྱུད་ཅི་ཡོད་འགྲོ་དོན་ག་ལ་འོང་། །སྐྱེ་འཆིའི་སྡུག་བསྔལ་དེ་འདྲ་འདོད་པ་མེད། །བུ་ཁྱོད་མ་ཡེངས་ཡིད་ལ་འདི་ལྟར་ཞོག །ང་ནི་ནམ་ཞིག་ལུས་སེམས་བྲལ་མ་ཐག །ཞིང་ཁམས་བདེ་བ་ཅན་དུ་ཏ་ལེར་འགྲོ། །

[Full Size]

སྤྲུལ་པས་འགྲོ་དོན་བྱེད་པར་ཐེ་ཚོམ་མེད། །ཁྱེད་ཅག་རྗེས་འཇུག་ང་ལ་མོས་པ་རྣམས། །འོད་དཔག་མེད་དང་སྤྱན་རས་གཟིགས་དབང་ལ། །རྩེ་གཅིག་འཆི་གསོལ་ཐོབ་སྒྲུབ་པ་དང་དུ་ལོངས། །བདེ་སྨོན་རྒྱས་བསྡུས་གང་རིགས་ཁ་ཐོན་གྱིས། །བདེ་ཆེན་སྐྱེ་བར་སྨོན་ལམ་རྒྱུན་དུ་ཐོབ། །ཆོས་སྤངས་མཚམས་མེད་ལྔ་བསགས་མ་གཏོགས་པ། །སྨོན་ལམ་སུས་བཏབ་ཐེ་ཚོམ་མེད་པར་སྐྱེ། །དེ་ནི་འོད་དཔག་མེད་པའི་སྨོན་ལམ་སྟོབས། །བུ་ཁྱོད་སྐུ་སྐྱེར་ཡིད་སྨོན་མ་བྱེད་ཅིག །བདེ་ཆེན་སྐྱེས་ནས་སངས་རྒྱས་ཐོབ་པའི་ཚེ། །ད་ལྟ་སྨོན་ལམ་གང་བཏབ་འདྲེན་པར་ནུས། །དེ་ཕྱིར་སེམས་བསྐྱེད་སྨོན་ལམ་རྒྱ་མ་ཆུང་། །སྙིང་གཏམ་གཞན་ལ་མ་སྨྲ་ཡིད་ལ་ཞོག །ཅེས་སོགས་སོག་ཟམ་ངོས་སུ་འགྲོ་ཁ་རུ། །རི་ཆོས་ཡོངས་རྫོགས་འགྲུབ་པའི་དུས་ལ་སོགས། །དུས་གཞན་ཡང་ཡང་ཞུ་གནང་བྱུང་བའི་ཚེ། །འཁྲུལ་མེད་ཚིགས་སུ་བཅད་པ་མ་གཏོགས་པ། །རང་འདོད་རང་བཟོ་རྫུན་གྱི་ཚིག་མ་འདྲེས། །རྗེ་ཡི་ཞལ་ནས་ཚིག་གཅིག་གང་གསུངས་པ། །ཐེག་དགུའི་ཡང་རྩེ་དམ་ཆོས་བླ་ན་མེད། །གསང་སྔགས་རྡོ་རྗེ་ཐེག་ཆེན་སྟོན་པ་

[Full Size]

དངོས། །ཡིན་ལ་ཡིན་ཤེས་སློབ་བུའི་ཐ་ཤལ་པ། །རུ་པའི་བུ་ནི་བཱིརླ་སཱ་ག་རས། །རྩ་བའི་བླ་མ་རྫོགས་པའི་སངས་རྒྱས་ཀྱི། །གསུང་རྒྱུན་ངོ་མ་ནོར་འཁྲུལ་མེད་པ་འདི། །ས་མོ་ལུག་ལོ་སྦྲུལ་ཟླའི་བཅུ་དགུའི་ཉིན། །མ་ཡེངས་རང་སེམས་ངོ་བོའི་ཀློང་ནས་བྲིས། །དགེ་བཤེས་ཡིད་བཞིན་ནོར་བུ་དགྱེས་པར་སྨོན། །སུ་ལ་བསྟན་རྒྱུ་མི་འཐད་སྦ་ཐབས་ཞུ། །བབ་ཐོབ་འོལ་ཚོད་བརྩམས་ཆོས་རྫུན་ཚིག་མཁན། །དཔེ་ལ་བལྟས་ནས་ཡས་མགོ་མས་གཤམ་སྦྲེལ། །འདི་ཚོ་བླ་མའི་གསུང་ནི་ག་ལ་ཡིན། །སློབ་མའི་རྫུན་ཚིག་ཡིན་ཞེས་འབར་ཉན་ཡོད། །དེ་དོན་ཐུགས་ཀྱིས་དགོངས་འཚལ་མངྒ་ལཾ། །རི་ཆོས་གསང་བ་ཨུ་པ་ཚེས་གྲངས་ཀྱི། །རྒྱལ་བ་རྒྱ་མཚོའི་སྤྱི་སྒྲུབ་མན་ཆད་ནས། །རིག་བྱེད་ལྷ་མོའི་ཟིན་བྲིས་རྫོགས་སོ་ཡན། །དངོས་བསྟན་ལྟར་ཡིན་ཞལ་ཤེས་ཅུང་ཟད་མེད། །ཆོས་སྐྱོང་སྐོར་གྱི་ཞལ་ཤེས་འགའ་ཟུང་ནི། །ཤོག་གུར་བྲི་དང་སྣོད་མིན་ལ་བཤད་ན། །དམ་ཚིག་ཆགགསུངས་བཀའ་རྒྱ་དམ་པའི་ཕྱིར། །ཡི་གེར་བྲི་དང་གཞན་ལ་བཤད་མི་སྤོབས། །ཞལ་ཤེས་རིབ་ཙམ་ལན་གཅིག་གསུངས་པ་ནི། །རྗེ་ཡི་བཀའ་གནོང་ཁྱེད་ཀྱི་བཀའ་

[Full Size]

ནོད་དོན། །བདག་གིས་རྩེ་གཅིག་གུས་པས་འདིར་བཀོད་ལ། །བླ་མ་མཁའ་འགྲོ་ཆོས་སྐྱོང་དམ་ཅན་སོགས། །བཀའ་སྲུང་རྣམས་ཀྱིས་གནང་བ་བསྩལ་དུ་གསོལ། །ཐན་འགྱེད་དུག་མདའི་སྐོར་ལ་ཞལ་ཤེས་མེད། །འོན་ཀྱང་དགྲ་བོ་རྒེ་ཐན་ཕོབ་ཅེས། །ངྒེ་ཞེས་སར་དགྲ་ཡི་མིང་བརྗོད་དགོས། །ངེས་མེད་དགྲ་ལ་ཀ་ཆ་ཤོར་བའམ། །དགྲ་མིང་མི་ཤེས་ནའང་ཀ་ཆ་སོགས། །གང་ཤོར་ས་ཆ་དེ་ཡི་མིང་བརྗོད་ལ། །ཡུལ་རྨེ་ནས་ཀ་ཆ་འདི་ཞེས་ཁྱེར་མིའམ། །གནོད་འཚེ་སྒེ་སྐྱེལ་མི་ལ་ཐན་ཕོབ་ཕོབ་སོགས། །བསྒྱུར་ཁ་བྱ་ཞིང་གཞུང་གི་སྔགས་རིང་འདོན། །ཤར་ཕྱོགས་དམག་གི་རྒྱལ་མོ་སོགས་བསྐུལ་ཚེ། །རྡུལ་ཏུ་རློགས་ཞེས་མི་བརྗོད་ཆོ་འཕྲུལ་ཕོབ། །ཅེས་དང་མགོན་པོའི་མཚལ་མ་འདོན་དགོས་གསུངས། །དེ་ནས་ཁྲེས་པོ་ཁ་སྲུང་གབ་པ་ལ། །རྐུན་མ་སོགས་ལ་གདམས་ངག་ཞལ་ལས་ཤེས། །ཞེས་པ་སྤྱི་མཐུན་ལིངྒ་བྲི་བ་ལ། །དེ་ཡང་དགྲ་ལ་ངོ་འཛིན་མེད་པའམ། །མིང་མི་ཤེས་སམ་དགྲ་རྐུན་ལྟ་བུ་ལ། །ཀ་ཆ་དཀོར་ནོར་ས་ཆའི་མིང་བརྗོད་ཚེ། །ས་ཆ་འདི་ནས་ནོར་འདི་ཁྱེར་མི་ཞེས། །ལིངྒའི་མིང་ཡིག་

[Full Size]

མལ་དུ་བྲི་བ་དང་། །འགུགས་གཞུག་དུས་དང་གཏོར་མ་འཕེན་ཚེ་སོགས། །རྗེ་ཟེར་བ་རྣམས་ལ་དེ་རིགས་འགྲེས། །སྦྱིན་སྲེག་སྔགས་དམིགས་བསྒྱུར་ཁ་ཞལ་ལས་ཤེས། །ཞེས་གསུངས་དྲག་པོའི་སྦྱིན་སྲེག་སྤྱི་ལྟར་ལས། །ལྷ་སྔགས་ཤམ་དུ་ཡམ་ཤིང་སྔགས་ཀྱི་མཐར། །དགྲ་བོ་ཆེའི་གཟི་བརྗིད་ཕུན་སུམ་ཚོགས་པ་མཱ་ར་ཡ་ཕཊ༔ ཅེས་སོགས་རིགས་འགྲེས་དེའི་ཤེས་པར་བྱ། །བསྲེག་རྫས་ཡམ་ཤིང་མར་ཁུ་ཉ་བོ་དང་། །ཤོག་ལིང་བསྒྲལ་དུམ་ཡུངས་ཀར་གང་རིགས་འབུལ། །དམིགས་པའི་རི་ཆོས་གཞུང་གི་སྦྱིན་སྲེག་གི །ཟིན་བྲིས་བསྡུས་པ་དྲག་པོའི་སྐབས་དང་མཐུན། །ཕུང་རེ་ཟེར་བ་དགྲ་འདྲེའི་བསྟབ་པ་ཡིས། །བདག་པོ་མེད་པའི་རེ་དུམ་རྙེད་ནའོ། །གཏོར་མའི་པར་ནག་ལིང་གའི་ཞལ་ཤེས་དང། །གཉིས་བྲི་ཁ་སྦྱོར་གསུངས་པ་ལིངྒ་ཡི། །དཔྲལ་བར་རུས་དང་སྙིང་གར་མིང་ཡིག་བྲི། །འདོམས་སུ་བླ་དགས་རུས་ལ་ངེས་མེད་ལ། །དོན་མེད་མི་ལ་ལས་སྦྱོར་བྱས་པས་ཕུང་། །བླ་ནི་གདོང་ལ་ཤ་བར་བླ་བ་སོགས། །བླ་རྟགས་གང་ཡིན་བྲི་བར་གསུང་ན་ཡང་། །དེ་ལ་ངེས་པ་མེད་དེ་ཤེས་མི་དཀོན། །མ་ཤེས་བཞིན་དུ་ལས་སྦྱོར་ཉེས་པ་

[Full Size]

ཆེ། །དེ་ཕྱིར་གལ་ཏེ་རུས་ནི་མ་ཤེས་ན། །རུས་ཀྱི་མལ་དུ་ཕ་ཡི་མིང་དེ་སྨོས། །བླ་རྟགས་མ་ཤེས་བ་ལ་གང་མིང་སྨོས། །དེ་ཡང་ཕ་ནི་འདི་ཞེས་བྱ་བའི་བུ། །མ་འདི་ཞེས་པའི་བུ་འདི་བྱ་བ་བྲིས། །འགུགས་གཞུག་ལྷ་དབྱེ་གཞུང་བཞིན་གསུངས་པ་ནི། །མགོན་པོའི་ལས་འགྲིགས་ནང་དུ་གསལ་ལྟར་རོ། །ལིང་ག་གཉིས་བྲི་ཁ་སྦྱོར་སྡེབ་པ་ནི། །བསམ་བློ་ཇི་ལྟར་བཏང་ཡང་མ་དྲན་པས། །གབ་སྐུང་སྦ་སྲི་ལ་སོགས་བྱས་རེ་ཀན། །བསྡུས་པར་ལིང་ག་སྤྱི་མཐུན་མིང་ཡིག་ཅན། །གཅིག་བྲི་གཏོར་མའི་ཞབས་སུ་བཞག་འཐུས་གསུངས། །གཞུང་གི་མ་མགོན་སྤྱི་དྲིལ་སྔགས་རིང་དེ། །ཤུབ་བུར་མ་ཡིན་སིལ་བུ་དྲག་ཏུ་བཟླས། །དེ་ཡི་སྔགས་ཐེམ་མན་ངག་ཞལ་ཤེས་ལ། སྔགས་རིང་ལས་བྱང་གཞུང་གི་བསྙེན་སྔགས་ལ། །དགྲ་བགེགས་མཱ་ར་ཡ་ཧཱུྃ་ཕཊ་ཀྱི་ཚེ། །བགེགས་ཞེས་མི་བརྗོད་ཕ་རོལ་དགྲ་མིང་བརྗོད། །ཡང་ན་དགྲ་བོ་མཱ་ར་ཡ་ཞེས་འདོགས། སྦྱིན་སྲེག་སྔགས་ཀྱི་ཁ་བསྒྱུར་ཞལ་ལས་ཤེས། །ཞེས་པའི་དོན་ནི་གོང་དུ་བཤད་པ་ལྟར། །རོ་གཡམ་རྡོ་རྗེ་རྒྱ་གྲམ་བཀབ་ཅེས་པ། །དུར་ནང་རྡོ་ལེབ་རྡོ་རྗེ་རྒྱ་གྲམ་བྲིས། །

[Full Size]

གཏིང་རྡོ་བཏགས་ནས་མཚོ་གཉན་ནང་དུ་འཕངས། །དེ་བྱེད་ཆོག་པའི་མན་ངག་ཞལ་ལས་ཤེས། །དེ་སྐད་གསུངས་པའི་དོན་ནི་འདི་ལྟ་སྟེ། །རི་གཉན་མཚོ་གཉན་དགྲ་བོར་གཏད་པའི་སྐྱོན། །ས་བདག་ཀླུ་གཉན་ཞེ་ནག་གདུག་རྩུབ་ཆེ། །དང་པོ་དགྲ་བོ་ཕོ་རྒྱུད་མོ་རྒྱུད་ནི། །མིང་ཙམ་མེད་པར་མ་ཟད་བར་དུ་ཟ། །དེ་ནས་གཏད་མནན་མཁན་གྱི་སྔགས་པ་ཡི། །ཕོ་རྒྱུད་མོ་རྒྱུད་རུས་རིགས་མཐུན་ཚད་ཟ། །རང་གཞན་གཉིས་ཀ་ཕུང་བར་ཐེ་ཚོམ་མེད། །སྔར་ཡང་དེ་འདྲ་མཐོང་ཐོས་མང་བའི་ཕྱིར། །གཏད་མནན་འདི་ལ་ཡག་ཉེས་ཆེན་པོ་ཡོད། །ཁ་ལག་འབྲེལ་ཚད་དམྱལ་བར་ལྟུང་བའི་ཕྱིར། །མཚམས་མེད་ལྔ་ལས་ཀྱང་ནི་འདི་སྡིག་ཆེ། །དེ་ཕྱིར་མཐུ་གཏད་ངན་སྔགས་གཏད་མནན་སོགས། །རང་ལ་གག་ཐུག་སྡུག་བསྔལ་ཅི་བྱུང་ཡང་། །ཡིད་ལ་དྲན་པར་མི་རུང་བྱ་དགོས་མེད། །ཅི་ཕྱིར་མི་ལུས་ཐོབ་པ་ཉིན་སྐར་ཙམ། ཤེས་བཞིན་དམྱལ་བར་ལྟུང་ལས་བྱེད་ཕོད་དམ། །ཆོས་སྐྱོང་ལས་སྦྱོར་འདི་དག་རུང་མི་རུང་། །ཞིང་བཅུ་ཚང་བའི་བསྟན་དགྲ་ཡིན་ན་རུང་། །དེ་ཡང་རང་གཞན་མང་པོར་མི་གནོད་ཅིང་། །ཞིང་བཅུ་ཚང་བའི་སྤྱི་དགྲ་

[Full Size]

གཅིག་པུ་ཡི། །ལིང་ག་མིང་ཡིག་བྲིས་ལ་འདི་ཟོ་ཞིག །དེ་ནས་ས་ཟོ་རྡོ་ཟོ་ཟེར་བ་བྲིས། །མན་ངག་འདི་ལྡན་རང་ལ་མི་གནོད་ཅིང་། །ཕ་རོལ་དོན་མེད་མིལའང་མི་གནོད་པའི། །མན་ངག་འདི་ནི་གླིང་བཞི་བཙལ་ཡང་དཀོན། །འོན་ཀྱང་དགོས་པ་སྤུ་ཙམ་མེད་ན་ཡང་། །མན་ངག་ཕྱག་ལེན་བརྒྱུད་པ་མ་ཆད་ཙམ། །བྱང་ཆུབ་སེམས་ལྡན་སྣོད་ལྡན་རེ་རེ་ལ། །མང་དུ་སྤེལ་དང་རླུང་ཕྱོགས་བརྗོད་མི་རུང་། །དེ་བས་སེར་གར་ཕན་པའི་ཁྱི་ཚིས་ལས། །གསུངས་པའི་སྔགས་དམིགས་རང་ལ་གག་ཐུག་དུས། །དགོས་དུས་བྱུང་ན་ནུས་པ་ཆེ་བས་རུང་། །དམ་པའི་ལྕགས་དྲ་ཞལ་གདམས་ངོ་སྤྲོད་སོགས། །དངོས་བསྟན་ལྟར་ཡིན་ཞལ་ཤེས་གང་ཡང་མེད། །དེ་ལྟར་ཆིག་བརྒྱུད་གདམས་པའི་སྐོར་ཚོ་ལས། །དྲིན་ཅན་རྗེ་ཡིས་ལན་གཅིག་གསུངས་པ་ཡི། །གབ་ཚིག་ཞལ་ཤེས་གབ་སྐུང་ཕུད་ནས་ནི། །འཁྲུལ་མེད་ཚིགས་སུ་བཅད་དེ་བྲིས་པའི་དུས། །ལོ་ནི་བཅུ་གསུམ་བཅུ་བཞི་རླུང་ཕྱོགས་ཙམ། །བཀའ་རྒྱས་གདམས་པར་བྲི་བར་ལྟ་ཅི་སྨོས། །སུ་ལའང་མ་སྨྲ་འདི་ནི་དམ་ཚིག་ཡིན། །སློབ་བུ་བདག་ཀྱང་གཅོང་ནད་འཆི་ལ་

[Full Size]

ཉེ། །ཆོས་སྐྱོང་བསྒྲུབ་དང་ལས་སྦྱོར་འདོད་པ་མེད། །སྒོ་གསུམ་གཡེལ་བས་ཁ་སྒྱུ་ཞེན་པ་དང་། །ཚེ་འདིའི་ལྟོ་རྒྱབ་དབང་དུ་སོང་བའི་ཕྱིར། །ཆོས་སྐྱོང་སྒྲུབ་པ་ལ་སོགས་མ་ཐོན་ཀྱང་། །གཏོར་བསྔོས་བསྐང་བ་མ་ཆག་ཙམ་ཞིག་ཡིན། །ཅེས་པ་ས་མོ་ལུག་ལོ་ནག་ཟླ་ཡི། །དམར་པོའི་ཚེས་བརྒྱད་ཉིན་པར་སྐད་ཅིག་ལ། །མཎྜལ་བརྒྱ་རྩ་ཕུལ་ནས་རི་ཆོས་ཀྱིས། །ཞུ་བ་པོ་ཡིས་བྲིས་པ་ཉེས་མཆིས་ན། །ཆོས་སྐྱོང་བཀའ་སྲུང་རྒྱ་མཚོའི་ཚོགས་ལ་བཤགས། །དགེ་བས་ཆོས་བརྒྱུད་བསྟན་པ་མཐའ་རྒྱས་ཤིང་། །ཕྲིན་ལས་རྣམ་བཞི་འགྲུབ་པའི་བཀྲ་ཤིས་ཤོག །ཅེས་པ་འདི་ནི་རྗེ་ཉིད་ཀྱི་དབོན་དུ་གྱུར་པ། བླ་མ་ནམ་མཁའ་དཔོན་སློབ་ཀྱིས་ཡང་ཡང་དུ་འདིའི་ཞལ་ཤེས་བྲི་དགོས་ཞེས་ནན་ཏན་ཆེན་པོས་བསྐུལ་བ་དང་། བདག་བཱིརྱ་ས་ག་ར་ལ་གཅོང་ནད་ཀྱིས་ལྡང་བའི་སྟབས་ཀྱིས། གསང་སྔགས་ཀྱི་བརྒྱུད་པ་གཏད་པའི་ཕྱིར་ཡི་གེར་བྲིས་ནས་ཕུལ་བའོ། །སརྦ་མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།