སྡེ་དགེའི་བཀའ་འགྱུར་པོད་སོ་གསུམ་པ།

བཅུ་བདུན་པ། ཕྱིར་མི་ལྡོག་པའི་རྣམ་པ་དང་རྟགས་དང་མཚན་མའི་ལེའུ།

― DKG033_Page_0357 ―

^{[མ་དཔེ་གཟིགས་ན་འདིར་གནོན།]}

དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པ་གང་དག་ལགས་རྟགས་གང་དག་ལགས་མཚན་མ་གང་དག་ལགས། བཅོམ་ལྡན་འདས་ཅི་ལྟར་བདག་གིས་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལགས་པར་འཚལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་སོ་སོའི་སྐྱེ་བོའི་ས་གང་ཡིན་པ་དང་ཉན་ཐོས་ཀྱི་ས་གང་ཡིན་པ་དང་རང་སངས་རྒྱས་ཀྱིས་གང་ཡིན་པ་དང་སངས་རྒྱས་ཀྱི་ས་གང་ཡིན་འདི་ནི་དེ་བཞིན་ཉིད་ཀྱི་ས་ཞེས་བྱ་སྟེ། འདི་དག་ཐམས་ཅད་ཀྱི་དེ་བཞིན་ཉིད་ལ་གཉིས་སུ་མེད་ཅིང་གཉིས་སུ་བྱར་མེད་དེ་རྟོག་ཕ་མེད་ལ་རྣམ་པར་རྟོག་ཕ་མེད་པའོ། །དེ་བཞིན་ཉིད་དེ་དང་ཆོས་ཉིད་དེ་ལ་འཇུག་པ་དང་དེ་བཞིན་ཉིད་ལ་གནས་ཤིང་དེ་བཞིན་ཉིད་ལ་མི་རྟོག་རྣམ་པར་མི་རྟོག་སྟེ། དེ་ལྟར་འཇུག་ཅིང་ དེ་ལྟར་ཞུགས་པ་ནི་དེ་བཞིན་ཉིད་ཅི་ལྟ་བ་བཞིན་ཐོས་ནས་དེ་ལས་ཀྱང་སོང་ནས་འདི་ལྟར་མ་ཡིན་ནོ་ཞེས་ནེམ་ནུར་མི་བྱེད་ཡིད་གཉིས་མི་བྱེད་ཐེ་ཚོམ་མི་བྱེད་རྨོངས་པར་མི་བྱེད་དེ་འོན་ཀྱང་འདི་ནི་དེ་བཞིན་ཏེ་དེ་ཁོ་ན་ལྟར་ཡིན་ནོ་ཞེས་མོས་པར་བྱེད་ཁོང་དུ་ཆུད་པར་བྱེད་དོ། །ཅི་ཐོད་ཐོད་སྨྲ་བར་མི་འགྱུར་གྱི་དོན་དང་ལྡན་པའི་ཚིག་ཏུ་སྨྲ་སྟེ་དོན་དང་མི་ལྡན་པ་མ་ཡིན་ཞིང་ཕ་རོལ་གྱིས་བྱས་པ་དང་དང་མ་བྱས་པ་ལ་མི་ལྟ་སྟེ། རབ་འབྱོར་རྣམ་པ་དེ་དག་དང་རྟགས་དེ་དག་དང་མཚན་མ་དེ་དག་དང་ལྡན་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གཟུང་པར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དགེ་སྦྱོང་དང་བྲམ་ཟེ་ཁྱེད་འདི་དག་ནི་ཤེས་པར་བྱ་བཤེས་སོ། །བལྟ་བར་བྱ་བ་མཐོང་ངོ་ཞེས་དགེ་སྦྱོང་དང་བྲམ་ཟེ་གཞན་དག་གི་ངོར་མི་ལྟ་ཞིང་། ལྷ་གཞན་དག་ལ་ཕྱག་མི་འཚལ་ལྷ་གཞན་དག་ལ་མེ་ཏོག་གམ་བདུག་པའམ་དྲིའམ་ཕྲེང་བའམ་ཕྱུག་པའམ་ཕྱེ་མའམ་གོས་སམ་གདུགས་སམ་རྒྱལ་མཚན་ནམ་དྲིལ་བུའམ་བདན་དག་གམ་མར་མེ་དག་སྦྱིན་པར་མི་སེམས་ཤིང་ལྷ་གཞན་དག་ལ་མི་རྟེན་ཏེ། རབ་འབྱོར་རྣམ་པ་དེ་དག་དང་རྟགས་དེ་དག་དང་མཚན་མ་དེ་དག་དང་ཡང་ལྔན་པའི་བྱང་ཆུབ་སེམས་དཔའ་སེམས་

― DKG033_Page_0358 ―

^{[མ་དཔེ་གཟིགས་ན་འདིར་གནོན།]}