Nitartha Digital Library
Tibetan
སྡེ་དགེའི་བཀའ་འགྱུར་པོད་བརྒྱད་ཅུ་གྱ་བཞི་པ།


   
དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ།
   


 
no previousདེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ།next

དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ།


DKG084_Page_0001
[མ་དཔེ་གཟིགས་ན་འདིར་གནོན།]

རྒྱུད་འབུམ་ཉ་པ་བཞུགས་སོ།


DKG084_Page_0002
[མ་དཔེ་གཟིགས་ན་འདིར་གནོན།]

རྒྱ་གར་སྐད་དུ། སརྦྦ་ཏ་ཐཱ་ག་ཏ་ཏཏྟྭ་སཾ་གྲ་ཧ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྣམ་པར་སྣང་མཛད་ཐུགས་རྗེ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་བྱིན་གྱིས་བརླབས་དང་། དམ་ཚིག་གི་ཡེ་ཤེས་རྣམ་པ་སྣ་ཚོགས་ཀྱི་ཁྱད་པར་དང་ལྡན་པ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་དབུ་རྒྱན་གྱིས་ཁམས་གསུམ་གྱི་ཆོས་ཀྱི་རྒྱལ་པོ་དབང་བསྐུར་བ་མངའ་བརྙེས་པ། དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཁྱེན་པའི་ཡེ་ཤེས་རྣལ་འབྱོར་ཆེན་པོའི་དབང་ཕྱུག །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་མཉམ་པ་ཉིད་དུ་ཐུགས་སུ་ཆུད་ཅིང་། ཐམས་ཅད་ཀྱི་དགོས་པ་མཛད་པ་ཉིད་ཀྱིས།སེམས་ཅན་


DKG084_Page_0003
[མ་དཔེ་གཟིགས་ན་འདིར་གནོན།]

གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ཀྱི་རེ་བ་ཡོངས་སུ་སྐོང་བའི་འཕྲིན་ལས་མཛད་པ། ཐུགས་རྗེ་ཆེ་བ་རྣམ་པར་སྣང་མཛད་དུས་གསུམ་དུ་རྟག་པར་བཞུགས་ཤིང་། སྐུ་དང་། གསུང་དང་། ཐུགས་ཐམས་ཅད་རྡོ་རྗེ་ལྟ་བུར་གྱུར་པའི་དེ་བཞིན་གཤེགས་པ། དེ་བཞིན་གཤེགས་པ་ཐམས་ཅད་བཞུགས་ཤིང་བསྡགས་བསྟོད་པ། ནོར་བུ་དང་རིན་པོ་ཆེ་ཆེན་པོས་སྤྲས་པ། ཁ་དོག་སྣ་ཚོགས་ཤིང་དྲིལ་བུ་བཏགས་པ། དར་དང་། འཕན་དང་། མེ་ཏོག་གི་ཕྲེང་བ་དང་། རྔ་མ་དང་། དྲ་བ་དང་། དྲ་བ་ཕྱེད་པ་དང་། ཟླ་བརླུང་གིས་བསྐྱོད་པ་རྣམས་ཀྱིས་མཛེས་པར་བྱས་པའི་འོག་མིན་གྱི་ལྷའི་རྒྱལ་པོའི་གནས་ན་བཞུགས་པ། བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་དགུ་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་དང་། ཀུན་ཏུ་སྤྱན་རས་གཟིགས་ཀྱི་དབང་པོ་དང་། ནམ་མཁའི་སྙིང་པོ་དང་། རྡོ་རྗེ་ཁུ་ཚུར་དང་། འཇམ་དཔལ་དང་། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་དང་། ནམ་མཁའི་མཛོད་དང་། བདུད་ཀྱི་སྟོབས་ཐམས་ཅད་རབ་ཏུ་འཇོམས་པ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཕྲག་དགུ་བཅུ་རྩ་དགུ་དང་། གང་གཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་དང་ཐབས་ཅིག་ཏུ་བཞུགས་ཏེ། དེ་ཡང་འདི་ལྟར་འཛམ་བུའི་གླིང་ན་དེ་བཞིན་གཤེགས་པ་ཚད་མེད་གྲངས་མེད་པ་དེ་དག་གི་སྐུས་ཀྱང་ཏིལ་གྱི་གང་བུ་བཞིན་དུ་གང་བར་སྣང་ངོ་། །དེ་བཞིན་གཤེགས་པའི་སྐུ་རེ་རེ་ལས་ཀྱང་སངས་རྒྱས་ཀྱི་ཞིང་གྲངས་མེད་ཚད་མེད་པ་རྣམས་སྣང་ངོ་། །སངས་རྒྱས་ཀྱི་ཞིང་དེ་དག་ན་ཡང་ཆོས་ཀྱི་ཚུལ་འདི་དག་


DKG084_Page_0004
[མ་དཔེ་གཟིགས་ན་འདིར་གནོན།]

འཆད་དོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ། ནམ་མཁའི་དབྱིངས་ཐམས་ཅད་བཞིན་དུ་རྟག་པར་བཞུགས་ཤིང་། སྐུ་དང་གསུང་དང་ཐུགས་རྡོ་རྗེ་ལྟ་བུར་གྱུར་པ། དེ་བཞིན་གཤེགས་པ་ཐམས་ཅད་དང་མཉམ་པ་ཉིད་དུ་འཇུག་པས། རྡོ་རྗེ་དབྱིངས་ཐམས་ཅད་ཐུགས་སུ་ཆུད་པའི་ཡེ་ཤེས་སེམས་དཔའ་ནམ་མཁའི་དབྱིངས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་རྡོ་རྗེའི་བྱིན་གྱིས་བརླབས་ལས་བྱུང་བའི་ཡེ་ཤེས་ཀྱི་སྙིང་པོ། དེ་བཞིན་གཤེགས་པ་མཐའ་ཡས་པ་ཉིད་ཀྱི་རྡོ་རྗེ་ཆེན་པོའི་ཡེ་ཤེས་རིན་པོ་ཆེའི་དབང་བསྐུར་བའི་རིན་པོ་ཆེ་ཆེན་པོ། ནམ་མཁའི་དབྱིངས་ཐམས་ཅད་དུ་སྤྲོས་པའི་དེ་བཞིན་ཉིད་ཀྱི་ཡེ་ཤེས་མངོན་པར་རྫོགས་པར་བྱང་ཆུབ་པས་བྱང་ཆུབ་པར་གྱུར་ཅིང་། དེ་བཞིན་གཤེགས་པ་ཐམས་ཅད་ཀྱི་ངོ་བོ་ཉིད་དག་པའི་ཕྱིར་ཆོས་ཐམས་ཅད་ཀྱི་རང་བཞིན་དག་པར་ཐུགས་སུ་ཆུད་པ། ནམ་མཁའི་ཁམས་ཐམས་ཅད་དུ་ཁྱབ་པའི་གཟུགས་ཐམས་ཅད་དུ་ཡང་དག་པར་སྟོན་པ། མཁྱེན་པས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་ཁམས་རྣམས་གདུལ་བར་སྤྱོད་པའི་མཆོག་ཏུ་གྱུར་པ། དེ་བཞིན་གཤེགས་པ་ཐམས་ཅད་ཀྱི་བཀའ་ནོད་ཅིང་དོན་ཡོད་པར་མཛད་པ་ཉིད་ཀྱིས་ཐམས་ཅད་དང་མཉམ་པ་མེད་ཅིང་བླ་ན་མེད་པའི་འཕྲིན་ལས་ཐམས་ཅད་མཛད་པ། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཆེན་པོར་སེམས་བརྟན་པ་དང་། དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང་། དེ་བཞིན་གཤེགས་པ་ཐམས་ཅད་མཉེས་པར་བྱ་བའི་ཡེ་ཤེས་ཀྱི་དབང་ཕྱུག་དང་། དེ་བཞིན་གཤེགས་པ་ཐམས་ཅད་ཀྱིས་ལེགས་སོ་ཞེས་བྱ་བ་དང་། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་དབང་ཆེན་པོ་བསྐུར་བ་དང་། དེ་བཞིན་གཤེགས་པ་ཐམས་ཅད་ཀྱི་ཉི་མའི་འོད་ཀྱི་དཀྱིལ་འཁོར་དང་། དེ་བཞིན་གཤེགས་པ་ཐམས་ཅད་ཀྱི་བསམ་པའི་རྒྱལ་པོ་ཡིད་བཞིན་གྱི་ནོར་བུའི་རྒྱལ་པོའི་རིན་པོ་ཆེའི་དཔལ་དང་། དེ་བཞིན་གཤེགས་པ་ཐམས་ཅད་ཀྱི་བཞད་པ་ཆེན་པོ་དང་། དེ་བཞིན་གཤེགས་པ་ཐམས་ཅད་ཀྱི་དག་པའི་ཆོས་ཆེན་པོ་དང་། དེ་བཞིན་གཤེགས་པ་ཐམས་


DKG084_Page_0005
[མ་དཔེ་གཟིགས་ན་འདིར་གནོན།]

ཅད་ཀྱི་ཤེས་རབ་ཆེན་པོའི་ཡེ་ཤེས་དང་། དེ་བཞིན་གཤེགས་པ་ཐམས་ཅད་ཀྱི་འཁོར་ལོ་དང་། དེ་བཞིན་གཤེགས་པ་ཐམས་ཅད་ཀྱི་དགོངས་པ་འཆད་པ་དང་། དེ་བཞིན་གཤེགས་པ་ཐམས་ཅད་ཀྱི་གདོན་མི་ཟ་བར་ཐམས་ཅད་ཀྱི་དགོངས་པ་མཛད་པ་དང་། དེ་བཞིན་གཤེགས་པ་ཐམས་ཅད་ཀྱི་བརྩོན་འགྲུས་ཆེན་པོའི་གོ་ཆ་ཤིན་ཏུ་བརྟན་པོ་དང་། དེ་བཞིན་གཤེགས་པ་ཐམས་ཅད་ཀྱིས་སྲུང་ཞིང་སྐྱོབ་པའི་གནོད་སྦྱིན་དང་།དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་ཕྱག་རྒྱ་བཅིངས་པའི་ཡེ་ཤེས་རྣམས་སོ། །ཀུན་བཟང་རབ་ཏུ་གདོན་མི་ཟ། །བདུད་དང་རབ་དགྱེས་གཙོ་བོ་དང་། །མཁའ་སྐྱེས་ཤིན་ཏུ་གཟི་ཆེན་དང་། །རིན་ཆེན་དཔལ་དང་འཛུམ་པ་ཆེ། །ཀུན་ཏུ་གཟིགས་པའི་དབང་ཆེན་དང་། །འཇམ་དཔལ་དཀྱིལ་འཁོར་ཐམས་ཅད་དང་། །མི་གསུང་བ་དང་ཐམས་ཅད་ལས། །བརྩོན་འགྲུས་མ་རུངས་དམ་དུ་གཟུང་། །རྡོ་རྗེ་ལྕགས་ཀྱུ་མདའ་གཞུ་དང་། །རིན་ཆེན་ཉི་མ་རྒྱལ་མཚན་འཛུམ། །པདྨ་རལ་གྲི་འཁོར་ལོ་གསུང་། །ལས་དང་གོ་ཆ་འཇིགས་བྱེད་བཅིངས། །ཐོག་མ་ཐ་མ་མེད་ཅིང་ཞི། །མ་རུངས་ཁྲོ་བོ་བཟོད་པ་ཆེ། ། གནོད་སྦྱིན་སྲིན་པོ་དམ་པ་བརྟན། །གཟི་ཆེན་དཔའ་བོ་དབང་པོ་ཆེ། །ཨུ་མའི་བདག་པོ་སྐྱེ་དགུའི་མགོན། །གཏོགས་འདོད་རྒྱལ་འདོད་ཐུབ་པ་ཆེ། །འཇིག་རྟེན་སྐྱོང་དང་མཁའ་དང་ས། །འཇིག་རྟེན་གསུམ་དང་ཁམས་གསུམ་པ། །འབྱུང་ཆེན་སེམས་ཅན་དོན་རབ་མཛད། ། ཐམས་ཅད་གུ་ལང་ཚངས་པ་དང་། །འཁོར་དང་མྱ་ངན་འདའ་དང་རྟག །ཡང་དག་འཚོ་དང་མཆོད་པ་ཆེ། །སངས་རྒྱས་དག་པ་ཐེག་པ་ཆེ། །སྲིད་གསུམ་རྟག་པའང་དེ་ཡིན་ནོ། །འཇིག་རྟེན་གསུམ་རྒྱལ་བདེ་སྤྱོད་དང་། །བདེ་སྤྱོད་གཙོ་བོ་རབ་འདུལ་མཛད། །རྡོ་རྗེ་གཙོ་དང་ས་རབ་མཆོག །ཡེ་ཤེས་ཕ་རོལ་ཕྱིན་པའི་ཚུལ། །བྱང་ཆུབ་སེམས་དཔའི་རྣམ་པར་ཐར། །དེ་བཞིན་གཤེགས་པ་ཀུན་གྱི་སྤྱོད། །སངས་རྒྱས་དོན་དང་སངས་རྒྱས་ཐུགས། །བྱང་ཆུབ་ཀུན་དང་བླ་ན་མེད། །རྣམ་པར་སྣང་མཛད་རྒྱལ་བའི་གཙོ། །རང་བྱུང་གཟུངས་དང་དྲན་པ་


DKG084_Page_0006
[མ་དཔེ་གཟིགས་ན་འདིར་གནོན།]

དང་། །སེམས་དཔའ་ཆེ་དང་ཕྱག་རྒྱ་ཆེ། །ཏིང་འཛིན་སངས་རྒྱས་འཕྲིན་ལས་མཛད། །ཡང་དག་སངས་རྒྱས་ཀུན་བདག་ཉིད། །ཡོད་པ་རྟག་དོན་རྟོགས་མཛད་པ། །སྡོང་པོ་ཆེན་པོ་ནག་པོ་ཆེ། །འདོད་ཆགས་ཆེན་པོ་བདེ་བ་ཆེ། །ཐབས་ཆེན་དང་ནི་མཆོག་ཆེན་མཆོག །ཀུན་གྱི་མཆོག་དང་གནས་དབང་པོ། །བཅོམ་ལྡན་བྱང་ཆུབ་ཆེན་པོའི་ཐུགས། །བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་ལ་གནས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་སངས་རྒྱས་ཀྱི་ཞིང་འདི་དཔེར་ན་ཏིལ་གྱི་གང་བུ་བཞིན་དུ་ཡོངས་སུ་གང་བར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་འདུས་ཏེ་བྱང་ཆུབ་སེམས་དཔའ་ཆེན་པོ་དོན་ཐམས་ཅད་གྲུབ་པ་ཞེས་བྱ་བ་བྱང་ཆུབ་ཀྱི་སྙིང་པོར་བཞུགས་པ་གང་ན་བ་དེར་གཤེགས་ཏེ། བྱང་ཆུབ་སེམས་དཔའ་དེ་ལ་ཆེད་དུ་རྫོགས་པར་ལོངས་སྤྱོད་པའི་སྐུ་བསྟན་ནས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ཀྱིས་གང་གི་ཕྱིར་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་མངོན་པར་མ་རྟོགས་པར་དཀའ་བ་སྤྱོད་པ་ཐམས་ཅད་ལ་སྤྲོ་བ་བསྐྱེད་ཅིང་། ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་བྱ་སྙམ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཐམས་ཅད་གྲུབ་པ། དེ་བཞིན་གཤེགས་པ་ཐམས་ཅད་ཀྱིས་བསྐུལ་བས་མི་གཡོ་བའི་ཏིང་ངེ་འཛིན་དེ་ལས་བཞེངས་ཏེ། དེ་བཞིན་གཤེགས་པ་ཐམས་ཅད་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་དེ་ཁོ་ན་ཉིད་ནི་ཇི་ལྟ་བུ་ལགས། ཇི་ལྟར་ན་བསྒྲུབ་པར་བགྱི་བཀའ་སྩལ་པར་གསོལ། དེ་སྐད་ཅེས་གསོལ་པ་དང་། དེ་བཞིན་གཤེགས་པ་དེ་དག་ཐམས་ཅད་ཀྱིས་གསུང་གཅིག་ཏུ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་རང་གི་སེམས་ལ་རྟོག་ཅིང་མཉམ་པར་ཞོག་ལ་རང་བཞིན་གྱིས་གྲུབ་པའི་སྔགས་འདི་ཅི་དགར་ཟློས་ཤིང་བསྒྲུབ་པར་གྱིས་ཤིག །ཨོཾ་ཙིཏྟ་པྲཏི་བེ་དྷཾ་ཀ་རོ་མི། དེ་ནས་བྱང་ཆུབ་སེམས་དཔའ་དོན་ཐམས་ཅད་གྲུབ་པས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་


DKG084_Page_0007
[མ་དཔེ་གཟིགས་ན་འདིར་གནོན།]

ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་བདག་གི་སྙིང་ག་ན་ཟླ་བའི་དཀྱིལ་འཁོར་ལྟ་བུར་གདའ་བ་བདག་གིས་རྟོགས་སོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། རིགས་ཀྱི་བུ་སེམས་དེ་ནི་རང་བཞིན་གྱིས་འོད་གསལ་བས་ན་དེ་ནི་ཇི་ལྟར་སྦྱངས་པ་དེ་ལྟར་གྱུར་ཏེ། དཔེར་ན་རས་དཀར་པོ་ཚོན་གྱིས་བསྒྱུར་བ་བཞིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རང་བཞིན་གྱིས་འོད་གསལ་བའི་སེམས་ཤེས་པ་རྒྱས་པར་བྱ་བའི་ཕྱིར། ཨོཾ་བོ་དྷི་ཙིཏྟ་ཨུཏྤཱ་ད་ཡཱ་མི། ཞེས་བྱ་བ་རང་བཞིན་གྱིས་གྲུབ་པའི་སྔགས་འདིས། ཡང་བྱང་ཆུབ་སེམས་དཔའ་ཆེན་པོ་དེའི་སེམས་བསྐྱེད་པར་གྱུར་ཏོ། །དེ་ནས་ཡང་བྱང་ཆུབ་སེམས་དཔའ་དེས། དེ་བཞིན་གཤེགས་པ་ཐམས་ཅད་ཀྱི་བཀས་བྱང་ཆུབ་ཀྱི་སེམས་བསྐྱེད་ནས་འདི་སྐད་ཅེས་གསོལ་ཏོ། །ཟླ་བའི་དཀྱིལ་འཁོར་ལྟ་བུར་མཐོང་བ་གང་ལགས་པ་དེ་ནི་ཟླ་བའི་དཀྱིལ་འཁོར་ཉིད་དུ་མཐོང་ངོ་། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་སེམས་བསྐྱེད་པ་ཀུན་ཏུ་བཟང་པོ་ཁྱོད་ཀྱིས་མངོན་སུམ་དུ་གྱུར་གྱིས། དེ་ལེགས་པར་སྒྲུབས་ཤིག །དེ་བཞིན་གཤེགས་པ་ཐམས་ཅད་ཀྱི་སེམས་བསྐྱེད་པ་ཀུན་ཏུ་བཟང་པོ་དེ་བརྟན་པར་བྱ་བའི་ཕྱིར། སྔགས་འདིས་རང་གི་སྙིང་གར་ཟླ་བའི་དཀྱིལ་འཁོར་ལ་རྡོ་རྗེའི་དབྱིབས་སུ་སོམས་ཤིག །ཨོཾ་ཏིཥྛ་བཛྲ། བྱང་ཆུབ་སེམས་དཔས་གསོལ་པ། བཅོམ་ལྡན་འདས་དེ་བཞིན་གཤེགས་པ་རྣམས་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་འདུག་པར་བདག་གིས་མཐོང་ངོ་། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་ཀུན་ཏུ་བཟང་པོའི་སེམས་རྡོ་རྗེ་དེས་སྔགས་འདིས་བརྟན་པར་གྱིས་ཤིག །ཨོཾ་བཛྲ་ཨཏྨ་ཀོ྅་ཧཾ། དེ་ནས་ནམ་མཁའི་དབྱིངས་ཐམས་ཅད་དུ་མཉམ་པར་འཇུག་པའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་དབྱིངས་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་བྱིན་བརླབས་ཀྱིས་སེམས་དཔའི་རྡོ་རྗེ་དེར་ཞུགས་སོ། །དེ་ནས་


DKG084_Page_0008
[མ་དཔེ་གཟིགས་ན་འདིར་གནོན།]

དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་དོན་ཐམས་ཅད་གྲུབ་པ་དེ་ལ། རྡོ་རྗེའི་དབྱིངས། རྡོ་རྗེའི་དབྱིངས་ཞེས་བྱ་བའི་མིང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་དབྱིངས་ཀྱིས། དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས། དེ་བཞིན་གཤེགས་པ་ཐམས་ཅད་ཀྱི་སྐུ་ནི་བདག་ལེགས་པར་མཐོང་ངོ་། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། སེམས་དཔའ་ཆེན་པོ་དེ་ལྟ་བས་ན། སེམས་དཔའི་རྡོ་རྗེ་དེ་རྣམ་པའི་མཆོག་ཐམས་ཅད་དང་ལྡན་པའི་སངས་རྒྱས་ཀྱི་སྐུར་བདག་ཉིད་རང་བཞིན་གྱིས་གྲུབ་པའི་སྔགས་ཅི་དགའ་བར་ཟློས་ལ་སྒོམས་ཤིག །ཨོཾ་ཡ་ཐཱ་སརྦྦ་ཏ་ཐཱ་ག་ཏ་སྟ་ཐཱ་ཨ་ཧཾ། དེ་ནས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་ཆེན་པོ་རྡོ་རྗེའི་དབྱིངས་ཀྱིས་བདག་ཉིད་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ནས། དེ་ནས་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་བྱིན་གྱིས་རློབས་ལ་མངོན་པར་རྫོགས་པར་བྱང་ཆུབ་པ་འདི་བརྟན་པར་མཛོད་ཅིག །དེ་ནས་དེ་སྐད་ཅེས་གསོལ་པ་དང་། དེ་བཞིན་གཤེགས་པ་ཐམས་ཅད་དེ་བཞིན་གཤེགས་པའི་རྡོ་རྗེ་དབྱིངས་ཀྱི་སེམས་དཔའི་རྡོ་རྗེ་དེར་ཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྡོ་རྗེའི་དབྱིངས་ཀྱིས་སྐད་ཅིག་མ་དེ་ཉིད་ཀྱི་ཚེ་ན། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་མངོན་པར་རྫོགས་པར་སངས་རྒྱས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་གསང་བའི་དམ་ཚིག་ཏུ་ཞུགས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེའི་དབང་བསྐུར་བ་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་གསང་བའི་དམ་ཚིག་ཏུ་ཞུགས་སོ། །དེ་བཞིན་གཤེགས་པ་ཐམས་ཅད་ཀྱི་ཆོས་མཉམ་པ་ཉིད་ཀྱི་ཡེ་ཤེས་རྟོགས་པ་རང་བཞིན་གྱིས་དག་གོ། །དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཉམ་པ་


DKG084_Page_0009
[མ་དཔེ་གཟིགས་ན་འདིར་གནོན།]

ཉིད་རང་བཞིན་གྱིས་འོད་གསལ་ཞིང་ཡེ་ཤེས་ཀྱི་འབྱུང་གནས་སུ་གྱུར་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་ཏོ། །དེ་ནས་ཡང་དེ་བཞིན་གཤེགས་པ་ཐམས་ཅད་ཀྱི་སེམས་དཔའི་རྡོ་རྗེ་དེ་ལས་དེ་བཞིན་གཤེགས་པ་ཐམས་ཅད་བྱུང་ནས། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་བསྐྱེད། ནམ་མཁའ་ལས་བྱུང་བའི་ནོར་བུ་རིན་པོ་ཆེ་ཆེན་པོའི་དབང་བསྐུར་བས་དབང་བསྐུར་རོ། །ཀུན་ཏུ་སྤྱན་རས་གཟིགས་ཀྱི་དབང་པོའི་ཆོས་ཀྱི་ཡེ་ཤེས་བསྐྱེད། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་ལ་བཞག་ནས། རི་རབ་ཀྱི་རྩེ་མོ་གང་ན་བ་དང་། ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་དང་རིན་པོ་ཆེ་ལས་བྱས་པ་གང་ན་བ་དེར་གཤེགས་ཏེ་བྱོན་ནས་དེ་བཞིན་གཤེགས་པ་རྡོ་རྗེ་དབྱིངས་དེ་བཞིན་གཤེགས་པ་ཐམས་ཅད་དུ་བྱིན་གྱིས་བརླབས་ནས་དབྱེར་མེད་པར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་སེང་གེའི་གདན་ལ་ཞལ་ཀུན་ཏུ་བསྟན་ཏེ་བཞུགས་པར་གྱུར་ཏོ། །དེ་ནས་དེ་བཞིན་གཤེགས་པ་མི་བསྐྱོད་པ་དང་། དེ་བཞིན་གཤེགས་པ་རིན་ཆེན་འབྱུང་ལྡན་དང་། དེ་བཞིན་གཤེགས་པ་སྤྱན་རས་གཟིགས་ཀྱི་དབང་པོའི་རྒྱལ་པོ་དང་། དེ་བཞིན་གཤེགས་པ་གདོན་མི་ཟ་བར་གྲུབ་པ་རྣམས། དེ་བཞིན་གཤེགས་པ་ཐམས་ཅད་དུ་སོ་སོ་ནས་བདག་ཉིད་ཀྱིས་བྱིན་གྱིས་བརླབས་ཏེ། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་ཐམས་ཅད་མཉམ་པ་ཉིད་དུ་རབ་ཏུ་རྟོགས་པའི་ཕྱིར། ཕྱོགས་ཐམས་ཅད་མཉམ་པ་ཉིད་དུ་དམིགས་ནས་ཕྱོགས་བཞིར་བཞུགས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀུན་ཏུ་བཟང་པོ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་ནམ་མཁའ་ལས་བྱུང་བའི་ནོར་བུ་རིན་པོ་ཆེ་ཆེན་པོའི་དབང་གིས་དབང་བསྐུར་བ། དེ་བཞིན་གཤེགས་པ་ཐམས་ཅད་ཀུན་ཏུ་སྤྱན་རས་གཟིགས་ཀྱི་དབང་པོའི་ཆོས་ཀྱི་ཡེ་ཤེས་དམ་པའི་ཕ་རོལ་ཏུ་ཕྱིན་པ་བརྙེས་པ། དེ་


DKG084_Page_0010
[མ་དཔེ་གཟིགས་ན་འདིར་གནོན།]

བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་གདོན་མི་ཟ་བར་སྟོན་པ། ཐོགས་པ་མེད་པ། དགོངས་པ་རྫོགས་པ། ཡིད་ཀྱི་བསམ་པའོ་ཅོག་ཡོངས་སུ་རྫོགས་པས་དེ་བཞིན་གཤེགས་པ་ཐམས་ཅད་དུ་བདག་ཉིད་ཀྱིས་བྱིན་གྱིས་བརླབས་ནས། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་ཞེས་བྱ་བའི་དམ་ཚིག་ལས་བྱུང་བ། སེམས་དཔའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་སཏྭ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་མ་ཐག་པ་འདི་ནི། བཅོམ་ལྡན་འདས་ཀུན་ཏུ་བཟང་པོ་དེ་ཉིད་ཟླ་བའི་དཀྱིལ་འཁོར་དུ་གྱུར་ནས་བྱུང་སྟེ། སེམས་ཅན་ཐམས་ཅད་ཀྱི་བྱང་ཆུབ་ཀྱི་སེམས་ཆེན་པོ་ཡང་དག་པར་སྦྱངས་ནས་དེ་བཞིན་གཤེགས་པ་ཐམས་ཅད་ཀྱི་ཕྱོགས་ཕྱོགས་སུ་འཁོད་དོ། །དེ་ནས་ཟླ་བའི་དཀྱིལ་འཁོར་དེ་དག་ལས་ཀྱང་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེ་བྱུང་སྟེ། བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པའི་ཐུགས་སུ་ཞུགས་པར་གྱུར་ཏོ། །རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་བརྟན་པ་དང་། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་གཅིག་ཏུ་འདྲེས་པར་གྱུར་ནས་ནམ་མཁའི་ཁམས་ཐམས་ཅད་དུ་འོད་ཟེར་རྩེ་ལྔ་པའི་ཕྲེང་བས་ཁྱབ་པར་ཞུགས་ཏེ་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ལྟ་བུའི་དབྱིངས་སུ་གྱུར་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་སྟེ་ཕྱག་གཉིས་སུ་གནས་སོ། །དེ་ནས་རྡོ་རྗེ་དེ་ལས་རྡོ་རྗེ་དེ་ལྟ་བུའི་འོད་ཟེར་གཟུགས་དང་ཁ་དོག་སྣ་ཚོགས་པ། འཇིག་རྟེན་གྱི་ཁམས་ཐམས་ཅད་དུ་སྣང་བས་ཁྱབ་པར་བྱེད་པ་རྣམས་བྱུང་ངོ་། །རྡོ་རྗེ་ལྟ་བུའི་འོད་ཟེར་དེ་དག་གི་རྩེ་མོ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་སྙེད་ཀྱི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ་ཆོས་ཀྱི་དབྱིངས་ཀུན་ཏུ་ཁྱབ་པ་ཐམས་ཅད་དང་། ནམ་


DKG084_Page_0011
[མ་དཔེ་གཟིགས་ན་འདིར་གནོན།]

མཁའི་ཁམས་ཀྱི་མཐས་གཏུགས་པ་ཐམས་ཅད་དང་། འཇིག་རྟེན་གྱི་ཁམས་རབ་འབྱམ་རྒྱ་མཚོའི་སྤྲིན་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་མངོན་པར་བྱང་ཆུབ་པས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སེམས་ཆེན་པོ་བསྐྱེད་པ་དང་། ཀུན་ཏུ་བཟང་པོའི་སྤྱོད་པ་སྣ་ཚོགས་པ་བསྒྲུབ་པ་དང་། དེ་བཞིན་གཤེགས་པ་ཐམས་ཅད་ཀྱི་རིགས་མཉེས་པར་མཛད་པ་དང་། བྱང་ཆུབ་ཀྱི་སྙིང་པོ་ཆེན་པོར་གཤེགས་པ་དང་། བདུད་ཐམས་ཅད་འདུལ་བ་དང་། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་བྱང་ཆུབ་ཆེན་པོར་མངོན་པར་བྱང་ཆུབ་བ་དང་། དམ་པའི་ཆོས་ཀྱི་འཁོར་ལོ་བསྐོར་བ་ནས། ཇི་སྲིད་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་སྐྱོབ་ཅིང་ཐམས་ཅད་ལ་ཕན་པ་དང་། བདེ་བ་མཛད་པ་དང་། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དང་མངོན་པར་ཤེས་པ་དམ་པའི་དངོས་གྲུབ་བསྒྲུབ་པ་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་ཀྱི་བར་དུ་བསྟན་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཀུན་ཏུ་བཟང་པོ་ཡིན་པ་དང་། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། འདི་སྐད་དུ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བདག་ནི་རང་བྱུང་བའི། །ཀུན་ཏུ་བཟང་པོ་སེམས་དཔའ་བརྟན། །དེ་ནི་བརྟན་ཕྱིར་ལུས་མིན་ཡང་། །སེམས་དཔའི་ལུས་སུ་གྱུར་པ་ཡིན། །དེ་ནས་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོའི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ནས། བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་ཡེ་ཤེས་ཀྱི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་དང་། ཏིང་ངེ་འཛིན་དང་


DKG084_Page_0012
[མ་དཔེ་གཟིགས་ན་འདིར་གནོན།]

ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་དང་། ཆོས་ཀྱི་འཁོར་ལོ་བསྐོར་བ་དང་། སེམས་ཅན་གྱི་དོན་བྱ་བ་དང་། ཐབས་ཆེན་པོ་དང་། སྟོབས་དང་། བརྩོན་འགྲུས་དང་། ཡེ་ཤེས་ཆེན་པོའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་། ཐམས་ཅད་ཀྱི་དབང་པོར་བྱ་བ་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། ཇི་སྲིད་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་དང་མངོན་པར་ཤེས་པ་བླ་ན་མེད་པ་དང་། ཐེག་པ་ཆེན་པོ་མངོན་པར་རྟོགས་པ་གྲུབ་པའི་མཆོག་ཐོབ་པའི་བར་དུ་འབྲས་བུ་དེ་དག་གི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དེ། དེ་བཞིན་གཤེགས་པ་ཐམས་ཅད་ཀྱི་འཁོར་ལོས་སྒྱུར་བ་ཉིད་དུ་སངས་རྒྱས་ཐམས་ཅད་ཀྱི་སྐུ་རིན་པོ་ཆེའི་དབུ་རྒྱན་དང་། ཅོད་པན་གྱི་དབང་གིས་དབང་བསྐུར་ནས། དེ་བཞིན་གཤེགས་པ་ཐམས་ཅད་ཀྱི་གྲུབ་པའི་རྡོ་རྗེ་དེ་དེའི་ལག་པར་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། ལག་ན་རྡོ་རྗེ་ལག་ན་རྡོ་རྗེ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ཕྱག་གཡོན་པ་རྡོ་རྗེ་བསྒྱིངས་པར་བཞུགས་ཏེ། ཕྱག་གཡས་པས་རྡོ་རྗེ་ཐུགས་ཀར་གསོར་ཞིང་འཕེན་པའི་ཚུལ་དུ་འཛིན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་གྲུབ་པ་ཡི། །རྡོ་རྗེ་བླ་ན་མེད་པ་འདི། །བདག་སྟེ་བདག་གི་ལག་ཏུ་བྱིན། །རྡོ་རྗེ་ལ་ནི་རྡོ་རྗེ་གནས། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གདོན་མི་ཟ་བའི་རྒྱལ་པོའི་དམ་ཚིག་ལས་བྱུང་བའི་སེམས་དཔའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྤྱན་དྲང་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་རཱཛ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་མ་ཐག་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་


DKG084_Page_0013
[མ་དཔེ་གཟིགས་ན་འདིར་གནོན།]

དེ། དེ་བཞིན་གཤེགས་པ་ཐམས་ཅད་ཀྱི་ལྕགས་ཀྱུ་ཆེན་པོར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་ལྕགས་ཀྱུ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་ལྕགས་ཀྱུའི་དབྱིབས་ཆེན་པོ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་སྤྱན་དྲང་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་གདོན་མི་ཟ་བའི་རྒྱལ་པོ་ཡིན་པ་དང་། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་གདོན་མི་ཟ་བའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་རྡོ་རྗེ་ལས་བྱུང་བའི། །ལྕགས་ཀྱུ་ངེས་པའི་རྒྱལ་པོ་བདག །གང་ཕྱིར་ཀུན་ཏུ་སངས་རྒྱས་ཁྱབ། །གྲུབ་ཕྱིར་ཀུན་ནས་སྤྱན་འདྲེན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་གདོན་མི་ཟ་བའི་རྒྱལ་པོའི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་དགུག་པ་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་འདུ་བའི་བྱིན་གྱིས་བརླབས་དམ་པའི་བར་དུ་བསྒྲུབ་པའི་ཕྱིར་རྡོ་རྗེའི་ལྕགས་ཀྱུ་དེ་བྱང་ཆུབ་སེམས་དཔའ་གདོན་མི་ཟ་བའི་རྒྱལ་པོ་དེའི་ལག་པར་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགུག་


DKG084_Page_0014
[མ་དཔེ་གཟིགས་ན་འདིར་གནོན།]

པ་རྡོ་རྗེ་དགུག་པ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་དགུག་པ་རྡོ་རྗེ་ལྕགས་ཀྱུ་དེས་དེ་བཞིན་གཤེགས་པ་ཐམས་ཅད་སྤྱན་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་རྡོ་རྗེ་ཡི། ། ཡེ་ཤེས་བླ་ན་མེད་པ་འདི། །སངས་རྒྱས་ཀུན་གྱི་དོན་གྲུབ་ཕྱིར། །ཀུན་ནས་སྤྱན་དྲང་དམ་པའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་བདུད་ཅེས་བྱ་བའི་དམ་ཚིག་ལས་བྱུང་བའི་སེམས་དཔས་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་བྱུང་ངོ་། །བཛྲ་རཱ་ག །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་མེ་ཏོག་གི་མདར་གྱུར་ནས་བྱུང་སྟེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེའི་མདའ་ཆེན་པོའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་མདའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ་དེ་བཞིན་གཤེགས་པ་ཐམས་ཅད་མཉེས་པར་བྱ་བ་ལ་སོགས་པ་དང་། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ཤིན་ཏུ་བདུད་བྱེད་པ་དང་རབ་ཏུ་བརྟན་པའི་ཕྱིར། གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་བདུད་བྱ་བར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བདག་ནི་རང་བཞིན་དག །རང་བྱུང་བ་དག་དགྱེས་བྱེད་པ། །འདོད་ཆགས་བྲལ་རྣམས་དག་བྱའི་ཕྱིར། །འདོད་ཆགས་ཀྱིས་ནི་འདུལ་བར་བྱེད། །དེ་ནས་བྱང་ཆུབ་སེམས་དཔའ་ཆེན་པོ་བདུད་དེའི་ལུས་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་


DKG084_Page_0015
[མ་དཔེ་གཟིགས་ན་འདིར་གནོན།]

ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བདུད་རྡོ་རྗེ་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་མགུ་བར་བྱ་བ་དང་། ཐམས་ཅད་ཀྱིས་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་བདུད་ཀྱི་མཆོག་གྲུབ་པ་ཐོབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེའི་མདའ་དེ་བྱང་ཆུབ་སེམས་དཔའ་སེམས་དཔའ་ཆེན་པོ་བདུད་ཅེས་བྱ་བ་དེའི་ཕྱག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་གཞུ་རྡོ་རྗེའི་གཞུ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་གཞུ་ཞེས་བྱ་བས་རྡོ་རྗེའི་མདའ་དེས་དེ་བཞིན་གཤེགས་པ་ཐམས་ཅད་ལ་བདུད་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་འདོད་ཆགས་ཀྱི། །ཡེ་ཤེས་འདི་ནི་དྲི་མ་མེད། །འདོད་ཆགས་ཀྱིས་ནི་ཆགས་བྲལ་བཅོམ། །བདེ་བ་ཐམས་ཅད་སྦྱིན་པར་བྱེད། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་དམ་ཚིག་ལས་བྱུང་བའི་སེམས་དཔའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགའ་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་བྱུང་ངོ་། །བཛྲ་སཱ་དྷུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་ལེགས་སོ་ཞེས་བྱ་བར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས་རྡོ་རྗེ་དགྱེས་པའི་དབྱིབས་སུ་གྱུར་ཏེ་བྱག་གཉིས་སུ་གནས་སོ། །དེ་ནས་རྡོ་རྗེ་དགྱེས་པའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་


DKG084_Page_0016
[མ་དཔེ་གཟིགས་ན་འདིར་གནོན།]

དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། དེ་བཞིན་གཤེགས་པ་ཐམས་ཅད་ཀྱིས་ལེགས་སོ་ཞེས་བྱ་བ་ལ་སོགས་པ་དང་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་དགའ་བར་བྱེད་པ་ཉིད་དང་རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་ལུས་སུ་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་ཐུགས་ལ་གནས་པར་གྱུར་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་ཐམས་ཅད་མཁྱེན་ཀུན་གྱི། །ལེགས་བྱིན་ནང་ན་བདག་མཆོག་པས། །རྣམ་རྟོག་བྲལ་བ་དེ་དག་གི། །ངེས་པར་དགྱེས་པ་བསྐྱེད་པ་ཡིན། །དེ་ནས་བྱང་ཆུབ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས། ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགྱེས་པ་བླ་ན་མེད་པའི་ཡེ་ཤེས་ཀྱི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་སེམས་ཅན་ཐམས་ཅད་མགུ་བར་བྱ་བ་དང་། ཐམས་ཅད་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་དགྱེས་པའི་རོ་བླ་ན་མེད་པ་དམ་པ་གྲུབ་པ་འཐོབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་དགྱེས་པ་དེ་བྱང་ཆུབ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགྱེས་པ་རྡོ་རྗེ་དགྱེས་པ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་དགྱེས་པས་རྡོ་རྗེ་དགྱེས་པའི་དབྱིབས་དེས་དེ་བཞིན་གཤེགས་པ་ཐམས་ཅད་ལ་ལེགས་སོ་ཞེས་བྱ་བས་རབ་ཏུ་དགྱེས་པར་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་


DKG084_Page_0017
[མ་དཔེ་གཟིགས་ན་འདིར་གནོན།]

ཀུན་གྱི་ལེགས་སྦྱིན་པ། །འདི་ནི་རབ་ཏུ་འཇུག་བྱེད་པས། །རྡོ་རྗེ་ཐམས་ཅད་དགྱེས་པར་བྱེད། །ལྷ་རྫས་དགྱེས་པ་སྤེལ་བའོ། །བྱང་ཆུབ་ཀྱི་སེམས་ཆེན་པོ་དང་། དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང་། དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་ཡེ་ཤེས་དང་། དགྱེས་པ་ཆེན་པོ་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཆེན་པོའི་སེམས་དཔའོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་དམ་ཚིག་ལས་བྱུང་བ། རིན་པོ་ཆེའི་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་རཏྣ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་རྡོ་རྗེ་སེམས་དཔའི་ཏིང་ངེ་འཛིན་ཐམས་ཅད་ནམ་མཁའ་དང་མཉམ་པ་ཉིད་ཀྱི་ཡེ་ཤེས་ཤིན་ཏུ་རྟོགས་པ་ཡིན་པའི་ཕྱིར། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་ནམ་མཁའ་ཐམས་ཅད་ཀྱི་འོད་ཟེར་དུ་གྱུར་ནས་བྱུང་ངོ་། །ནམ་མཁའ་ཐམས་ཅད་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་པས་ཐམས་ཅད་ནམ་མཁའི་དབྱིངས་ལྟ་བུར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་ནམ་མཁའི་དབྱིངས་དེ་དག་ཐམས་ཅད་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ནས། རྡོ་རྗེ་སེམས་དཔའི་ཏིང་ངེ་འཛིན་ཤིན་ཏུ་བསྒོམས་པར་གྱུར་པའི་ཕྱིར་ཡང་ནམ་མཁའི་ཁམས་ཐམས་ཅད་ལས་བྱུང་བའི་འཇིག་རྟེན་གྱི་ཁམས་ཐམས་ཅད་དུ་མཉམ་པར་འཇུག་པའི་ཚད་ཙམ་གྱི་རྡོ་རྗེ་རིན་པོ་ཆེ་ཆེན་པོའི་དབྱིབས་སུ་གྱུར་ནས་དེ་བཞིན་གཤེགས་པའི་ཕྱག་གཉིས་སུ་གནས་སོ། །དེ་ནས་རྡོ་རྗེ་རིན་པོ་ཆེའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བ་ལ་སོགས་པ་དང་། དེ་བཞིན་


DKG084_Page_0018
[མ་དཔེ་གཟིགས་ན་འདིར་གནོན།]

གཤེགས་པ་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་འཇིག་རྟེན་གྱི་ཁམས་ཐམས་ཅད་དུ་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་ནམ་མཁའི་ཁམས་ཐམས་ཅད་ཀྱི་སྙིང་པོ་ལས་ཤིན་ཏུ་བྱུང་བ་དང་། རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་ཆགས་མེད་རྒྱལ་བ་ཡང་། །ཁམས་གསུམ་དབང་པོར་དགོངས་པས་ན། །རྡོ་རྗེ་རིན་ཆེན་དམ་པ་ཡི། ། དབང་གི་མཆོག་ནི་བདག་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་ལུས་དེ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ནོར་བུ་རིན་པོ་ཆེའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཡོངས་སུ་རྫོགས་པར་བྱ་བའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་དོན་ཐམས་ཅད་ཡོངས་སུ་གྲུབ་པར་བྱ་བ་དང་། ཐམས་ཅད་ཀྱི་བདེ་བ་དང་། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དོན་དམ་པ་ཕུན་སུམ་ཚོགས་པ་གྲུབ་པ་ཐོབ་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་རྡོ་རྗེ་རིན་པོ་ཆེའི་འཁོར་ལོ་བསྐོར་བར་རྡོ་རྗེ་རིན་པོ་ཆེའི་མྱུ་གུའི་དབང་གིས་དབང་བསྐུར་ནས་ལག་ཏུ་རྡོ་རྗེའི་ནོར་བུ་དེ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་སྙིང་པོ་རྡོ་རྗེ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོས་རྡོ་རྗེའི་ནོར་བུ་དེ་རང་གིས་དབང་བསྐུར་བའི་གནས་སུ་འཇོག་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་སེམས་དཔའི་དབྱིབས། །དབང་བསྐུར་དེ་ནི་བདག་ཡིན་ཏེ། །བདག་གི་ལག་ཏུ་བྱིན་པས་ན། །རིན་


DKG084_Page_0019
[མ་དཔེ་གཟིགས་ན་འདིར་གནོན།]

ཆེན་ལ་ནི་རིན་ཆེན་བཞག །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་གཟི་བརྗིད་ཆེན་པོ་ཞེས་བྱ་བའི་དམ་ཚིག་ལས་བྱུང་བའི་རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཏེ་ཛ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། ཉི་མའི་དཀྱིལ་འཁོར་ཆེན་པོར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་ཉི་མའི་དབྱིབས་སུ་གྱུར་ཏེ་བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་ཉི་མའི་དཀྱིལ་འཁོར་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་འགྱེད་པ་ལ་སོགས་པ་དང་། དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་གཟི་བརྗིད་ཆེ་བ་ཉིད་དང་རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་གཟི་བརྗིད་ཆེན་པོའི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སེམས་ཅན་ཁམས་ཀུན་དུ། །སྣང་བྱེད་གཟི་བརྗིད་དཔེ་མེད་བདག །གང་ཕྱིར་སངས་རྒྱས་དག་པ་ཡི། །འདྲེན་པ་རྣམས་ཀྱང་སྦྱོར་བར་བྱེད། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དྲི་མ་མེད་པའི་གཟི་བརྗིད་དེའི་ལུས་བཅོམ་ལྡན་འདས་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ཏེ། བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་འོད་


DKG084_Page_0020
[མ་དཔེ་གཟིགས་ན་འདིར་གནོན།]

ཀྱི་དཀྱིལ་འཁོར་གྱི་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་གཟི་བརྗིད་མཚུངས་པ་མེད་པ་དང་ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་འོད་འཐོབ་ཅིང་དངོས་གྲུབ་དམ་པའི་བར་དུ་འབྲས་བུ་དེ་དག་གི་ཕྱིར། རྡོ་རྗེ་ཉི་མ་དེ་བྱང་ཆུབ་སེམས་དཔའ་གཟི་བརྗིད་ཆེན་པོ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་འོད། རྡོ་རྗེའི་འོད་ཅེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ཉི་མ་དེས་དེ་བཞིན་གཤེགས་པ་ཐམས་ཅད་ལ་སྣང་བར་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་སྣང་བ་འདི། །མི་ཤེས་མུན་ནག་འཇོམས་བྱེད་པ། །ཤིན་ཏུ་ཕྲ་རྡུལ་ཇི་སྙེད་པའི། །ཉི་མའི་འོད་པས་ཤིན་ཏུ་ལྷག །དེ་ནས་ཡང་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེ་དཔལ་གྱི་དམ་ཚིག་ལས་བྱུང་བ། རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཡོངས་སུ་རྫོགས་པར་བྱེད་པའི་དམ་ཚིག་ཅེས་བྱ་བ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཀེ་ཏུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ལས་བྱུང་མ་ཐག་པ་འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་རྒྱལ་མཚན་ཁ་དོག་དང་གཟུགས་དང་རྒྱན་དང་དབྱིབས་སྣ་ཚོགས་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་རྒྱལ་མཚན་གྱི་དབྱིབས་སུ་གྱུར་ནས་ཕྱག་གཉིས་སུ་གནས་སོ། །དེ་ནས་རྡོ་རྗེ་རྒྱལ་མཚན་གྱི་དབྱིབས་དེ་ལས། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། དེ་


DKG084_Page_0021
[མ་དཔེ་གཟིགས་ན་འདིར་གནོན།]

བཞིན་གཤེགས་པ་ཐམས་ཅད་ཀྱི་རིན་པོ་ཆེའི་རྒྱལ་མཚན་བསྒྲེང་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་རིན་པོ་ཆེའི་དཔལ་དང་ཤིན་ཏུ་བརྟན་པ་ཡིན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་རིན་པོ་ཆེའི་དཔལ་གྱི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་དོན་ཀུན་གྲུབ་པ་དང་། །དགོངས་པ་ཐམས་ཅད་རྫོགས་པ་ཡི། །དོན་རྣམས་ཐམས་ཅད་རྫོགས་བྱེད་པའི། །འདྲ་མེད་དཔལ་ནི་བདག་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེའི་དཔལ་གྱི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ་དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་རྒྱལ་མཚན་གྱིས་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ནོར་བུ་ཡིད་བཞིན་གྱི་རྒྱལ་པོའི་རྒྱལ་མཚན་བསྒྲེང་བའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་རེ་བ་ཐམས་ཅད་ཡོངས་སུ་བཀང་བར་བྱ་བ་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དོན་ཆེན་པོའི་དངོས་གྲུབ་དམ་པ་འཐོབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་རྒྱལ་མཚན་དེ་བྱང་ཆུབ་སེམས་དཔའ་ཆེན་པོ་རིན་པོ་ཆེའི་དཔལ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་རྒྱལ་མཚན། རྡོ་རྗེའི་རྒྱལ་མཚན་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་རྒྱལ་མཚན་གྱིས་རྡོ་རྗེའི་རྒྱལ་མཚན་དེས། དེ་བཞིན་གཤེགས་པ་ཐམས་ཅད་སྦྱིན་པའི་ཕ་རོལ་ཏུ་ཕྱིན་པ་ལ་སྦྱོར་དུ་བཅུག་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་


DKG084_Page_0022
[མ་དཔེ་གཟིགས་ན་འདིར་གནོན།]

ཀུན་གྱི་དགོངས་པ་ཀུན། །ཡོངས་སུ་རྫོགས་པར་བྱེད་པ་ཡི། །ཡིད་བཞིན་ནོར་བུའི་རྒྱལ་མཚན་ནི། །སྦྱིན་པའི་ཕ་རོལ་ཕྱིན་པའི་ཚུལ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་དགའ་ཞིང་རབ་ཏུ་མགུ་བའི་དབང་པོའི་དམ་ཚིག་ལས་བྱུང་བ་རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་དགྱེས་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཧཱས། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་འཛུམ་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེ་འཛུམ་པའི་དབྱིབས་སུ་གྱུར་ཏེ། ཕྱག་གཉིས་སུ་གནས་སོ། །དེ་ནས་རྡོ་རྗེ་འཛུམ་པའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བ་ལ་སོགས་པ་དང་། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་རྟག་ཏུ་དགའ་ཞིང་རབ་ཏུ་མགུ་བའི་དབང་པོ་ཡིན་པ་དང་ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་དགའ་ཞིང་རབ་ཏུ་མགུ་བའི་དབང་པོའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །རྟག་ཏུ་མཉམ་པར་བཞག་རྣམས་ཀྱིས། །སངས་རྒྱས་དོན་ལ་རབ་སྦྱོར་ཕྱིར། །ཨེ་མའོ་བདག་ནི་ཀུན་མཆོག་གི། །བཞད་ཆེན་རྨད་དུ་བྱུང་བ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་དགའ་ཞིང་རབ་ཏུ་མགུ་བའི་དབང་པོའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས། དེ་བཞིན་གཤེགས་པ་ཐམས་ཅད་


DKG084_Page_0023
[མ་དཔེ་གཟིགས་ན་འདིར་གནོན།]

ཀྱི་རྒྱབ་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བ་བསྐྱེད་པའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ཀྱི་དབང་པོ་བླ་ན་མེད་པ་བྱ་བ་དང་། ཐམས་ཅད་བདེ་བ་དང་ལིང་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དབང་པོ་ཡོངས་སུ་སྦྱོང་བའི་ཡེ་ཤེས་མངོན་པར་ཐོབ་པའི་བར་དུ་འབྲས་བུ་དེ་དག་གི་ཕྱིར་བྱང་ཆུབ་སེམས་དཔའ་ཆེན་པོ་རྟག་བར་དགའ་ཞིང་རབ་ཏུ་མགུ་བའི་དབང་པོ་དེའི་ལག་ཏུ་རྡོ་རྗེ་འཛུམ་པ་དེ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགའ་བ། རྡོ་རྗེ་དགའ་བཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་དགའ་བ་རྡོ་རྗེ་འཛུམ་པ་དེས་དེ་བཞིན་གཤེགས་པ་ཐམས་ཅད་དགྱེས་པར་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །རྨད་བྱུང་སྐྱེད་པ་སྟོན་པ་པོ། །དགྱེས་ཆེན་བྱེད་པའི་ཡེ་ཤེས་ཏེ། །གཙུག་ལག་གཞན་གྱིས་ཤེས་མི་ནུས། །དབང་བསྐུར་བ་ཆེན་པོ་དང་འོད་ཀྱི་དཀྱིལ་འཁོར་འདོམ་གང་བ་དང་སེམས་དཔའ་ཆེན་པོའི་དོན་དང་དགྱེས་པ་ཆེན་པོ་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་དབང་ཆེན་པོའི་སེམས་དཔའོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་དབང་པོའི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་དྷརྨྨ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་


DKG084_Page_0024
[མ་དཔེ་གཟིགས་ན་འདིར་གནོན།]

འཛིན་པ་དེ་ཉིད་དེ། རྡོ་རྗེ་སེམས་དཔའི་ཏིང་ངེ་འཛིན་ནི་རང་བཞིན་གྱིས་དག་པའི་ཆོས་མཉམ་པ་ཉིད་ཀྱི་ཡེ་ཤེས་རབ་ཏུ་རྟོགས་པའི་ཕྱིར་དམ་པའི་ཆོས་ཀྱི་འོད་ཟེར་དུ་གྱུར་ཏེ་བྱུང་ངོ་། །དམ་པའི་ཆོས་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་ཀུན་དུ་སྣང་བར་བྱས་པས་ཆོས་ཀྱི་དབྱིངས་ལྟ་བུར་གྱུར་ཏོ། །ཆོས་ཀྱི་དབྱིངས་དེ་དག་ཐམས་ཅད་ཀྱང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། ནམ་མཁའ་ཐམས་ཅད་དང་མཉམ་པར་འཇུག་པའི་ཚད་ཙམ་གྱི་རྡོ་རྗེ་པདྨ་ཆེན་པོའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་པདྨའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་ཡེ་ཤེས་དང་མངོན་པར་ཤེས་པ་ལ་སོགས་པ་དང་། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་འཇིག་རྟེན་གྱི་ཁམས་ཐམས་ཅད་ཁྱབ་པར་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཀུན་ཏུ་སྤྱན་རས་གཟིགས་ཀྱི་དབང་པོ་ཡིན་པ་དང་། ཤིན་ཏུ་བརྟན་པ་ཡིན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་དབང་པོའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་རང་བྱུང་གདོད་ནས་དག །དམ་པའི་དོན་ནི་བདག་ཡིན་ཏེ། །གང་ཕྱིར་གཟིངས་འདྲའི་ཆོས་རྣམས་ལས། །རྣམ་པར་དག་པ་དམིགས་པར་གྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་ལུས་དེ་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ཏེ་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་མཉམ་པ་ཉིད་ཀྱི་ཡེ་ཤེས་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་


DKG084_Page_0025
[མ་དཔེ་གཟིགས་ན་འདིར་གནོན།]

བཞིན་གཤེགས་པ་ཐམས་ཅད་རྣམ་པར་སྦྱང་བའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་བདག་དང་གཞན་རྣམ་པར་དག་པར་བྱ་བ་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཡེ་ཤེས་དང་། མངོན་པར་ཤེས་པ་དྲུག་ཐོབ་པར་བྱེད་པའི་བར་དུ་འབྲས་བུ་དེ་དག་གི་ཕྱིར། བྱང་ཆུབ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་དབང་པོ་དམ་པའི་ཆོས་ཀྱི་འཁོར་ལོ་བསྐོར་བར་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྐུའི་དབང་གིས་དབང་བསྐུར་ནས་དེའི་ལག་ཏུ་རྡོ་རྗེ་པདྨ་དེ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་སྤྱན་རྡོ་རྗེའི་སྦྱན་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རྡོ་རྗེ་པདྨ་དེའི་འདབ་མ་ཁ་ཕྱེ་བས། འདོད་ཆགས་རྣམ་པར་དག་ཅིང་མ་ཆགས་པའི་ངོ་བོ་ཉིད་དུ་གཟིགས་པས་གཟིགས་ཤིང་། ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་འདོད་ཆགས་ཀྱི། །དེ་ཡི་ཁོ་ན་རྟོགས་པ་འདི། །བདག་སྟེ་བདག་གི་ལག་ཏུ་བྱིན། །ཆོས་ལ་ཆོས་ནི་གནས་པར་འགྱུར། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང་ཡེ་ཤེས་ཆེན་པོའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཏཱི་ཀྵྞ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། ཤེས་རབ་དང་ཡེ་ཤེས་ཀྱི་རལ་གྲིར་གྱུར་ཏེ། དེ་བྱུང་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་རལ་གྲིའི་དབྱིབས་སུ་གྱུར་ཏེ་བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་རལ་གྲིའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་


DKG084_Page_0026
[མ་དཔེ་གཟིགས་ན་འདིར་གནོན།]

ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང་ཡེ་ཤེས་ལ་སོགས་པ་དང་། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ཏེ། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་འཇམ་པའི་དཔལ་ཡིན་པ་དང་ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། ། ཨེ་མའོ་སངས་རྒྱས་ཐམས་ཅད་ཀྱི། །འཇམ་དབྱངས་བདག་ནི་ཡིན་པར་དགོངས། །གང་ཕྱིར་ཤེས་རབ་གཟུགས་མེད་ཀྱང་། །དབྱངས་ཉིད་དུ་ནི་དམིགས་པ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱི་སྐུ་དེ་བཅོམ་ལྡན་འདས་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང་ཡེ་ཤེས་ཀྱི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཉོན་མོངས་པ་ཐམས་ཅད་གཅད་པའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་སྡུག་བསྔལ་ཐམས་ཅད་གཅད་པ་དང་། ཐམས་ཅད་ཀྱི་བདེ་བ་དང་ཡིད་བདེ་བ་རྣམས་མྱོང་བར་བྱས་ནས་དེ་བཞིན་གཤེགས་པ་ཐམས་ཅད་ཀྱི་གསུང་གི་རྗེས་སུ་འབྲང་བའི་ཤེས་རབ་དམ་པ་ཡོངས་སུ་རྫོགས་པར་བྱ་བའི་བར་དུ། འབྲས་བུ་དེ་དག་གི་ཕྱིར། རྡོ་རྗེ་རལ་གྲི་དེ་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་དེའི་ལག་ཏུ་དེ་བཞིན་དུ་བྱིན་ནོ། ། དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་བློ་རྡོ་རྗེ་བློ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་བློས་དེ་བཞིན་གཤེགས་པ་ཐམས་ཅད་ལ་རྡོ་རྗེ་རལ་གྲི་དེས་འདེབས་ཤིང་ཆེད་དུ་བརྗོད་པ་འདི་ཆེད་དུ་བརྗོད་དོ། །


DKG084_Page_0027
[མ་དཔེ་གཟིགས་ན་འདིར་གནོན།]

འདི་ནི་སངས་རྒྱས་ཐམས་ཅད་ཀྱི། །ཤེས་རབ་ཕ་རོལ་ཕྱིན་པའི་ཚུལ། །དགྲ་རྣམས་ཐམས་ཅད་ཚར་གཅོད་ཅིང་། །སྡིག་པ་ཐམས་ཅད་འཇོམས་པའི་མཆོག །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འཁོར་ལོའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཧེཏུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་འཁོར་ལོའི་དབྱིབས་སུ་གྱུར་ཏེ་བཅོམ་ལྡན་འདས་ཀྱི་ཕྱག་གཉིས་སུ་གནས་པར་གྱུར་ཏོ། །དེ་ནས་རྡོ་རྗེ་འཁོར་ལོའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་ཐམས་ཅད་ཀྱི་སྐུ་རྣམས་བྱུང་ནས། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་འཇིག་རྟེན་གྱི་ཁམས་ཐམས་ཅད་དུ་བྱས་ཏེ། རྡོ་རྗེ་སེམས་དཔའི་ཏིང་ངེ་འཛིན་ནི་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཡིན་པ་དང་། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བའི་སྐུར་གྱུར་ཏེ་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །རྡོ་རྗེ་དམ་པ་ཆོས་ཅན་གྱི། །ཨེ་མའོ་རྡོ་རྗེ་འཁོར་ལོ་བདག །གང་ཕྱིར་སེམས་བསྐྱེད་ཙམ་གྱིས་ཀྱང་། །ཆོས་ཀྱི་འཁོར་ལོ་བསྐོར་བར་འགྱུར། །དེ་ནས་བྱང་ཆུབ་སེམས་


DKG084_Page_0028
[མ་དཔེ་གཟིགས་ན་འདིར་གནོན།]

དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ་དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་འཁོར་ལོ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པར་འཇུག་པ་ཕྱིར་མི་ལྡོག་པའི་འཁོར་ལོ་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱིས་དམ་པའི་ཆོས་ཀྱི་འཁོར་ལོ་བསྐོར་བ་དམ་པ་གྲུབ་པའི་བར་དུ་འབྲས་བུ་དེ་དག་གི་ཕྱིར། རྡོ་རྗེ་འཁོར་ལོ་དེ་ནི་བྱང་ཆུབ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་སྙིང་པོ་རྡོ་རྗེ་སྙིང་པོ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་འཁོར་ལོ་དེས་དེ་བཞིན་གཤེགས་པ་ཕྱིར་མི་ལྡོག་པ་ཉིད་དུ་འཇོག་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ཆོས་རྣམས་ཐམས་ཅད་རྣམ་པར་སྦྱོང་། །ཕྱིར་མི་ལྡོག་པའི་འཁོར་ལོ་ཡང་། །བྱང་ཆུབ་སྙིང་པོ་ཡིན་པར་དགོངས། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་མི་གསུང་བའི་དམ་ཚིག་ལས་བྱུང་བའི་ཆོས་ཀྱིས་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བརྗོད་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲབྷཱཥ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ཀྱི་ཡི་གེར་གྱུར་ཏེ་བྱུང་ནས། བཅོམ་ལྡན་


DKG084_Page_0029
[མ་དཔེ་གཟིགས་ན་འདིར་གནོན།]

འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲས་བར་གྱུར་ནས། རྡོ་རྗེ་བརྗོད་པའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་བརྗོད་པའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ལ་སོགས་པ་དང་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་ལ་སོགས་པ་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་ཚིག་མ་ཡིན་པ་དང་ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་ཚིག་མ་ཡིན་པའི་སྐུར་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་རང་བྱུང་རྣམས་ཀྱི་གསང། །ལྡེམ་པོ་ངག་ཏུ་བདག་དགོངས་ཏེ། །གང་ཕྱིར་དམ་པའི་ཆོས་འཆད་པ། །ཚིག་ཏུ་སྤྲོས་ལས་རྣམ་པར་བྲལ། །དེ་ནས་བྱང་ཆུབ་སེམས་དཔའ་ཆེན་པོ་ཚིག་མ་ཡིན་པའི་སྐུ་དེ་བཅོམ་ལྡན་འདས་ཀྱི་ཐུགས་ལས་བྱུང་ནས་དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས་བཀའ་ནོད་ཅིང་བཞུགས་པར་གྱུར་ཏོ། ། དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་མི་གསུང་བའི་གསུང་གི་རྡོ་རྗེའི་དམ་ཚིག་ལས་བྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གསུང་གི་ཡེ་ཤེས་ཀྱི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་ཚིག་གྲུབ་པ་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་གསུང་གི་གསང་བ་ཐོབ་པའི་དངོས་གྲུབ་དམ་པའི་བར་གྱི་ཕྱིར་རྡོ་རྗེ་བརྗོད་པ་དེ་བྱང་ཆུབ་སེམས་དཔའ་སེམས་དཔའ་ཆེན་པོ་ཚིག་མ་ཡིན་པ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཚིག་རྡོ་རྗེ་ཚིག་ཅེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཚིག་གིས་དེ་བཞིན་གཤེགས་པ་ཐམས་ཅད་ལ་རྡོ་རྗེ་བརྗོད་པས་ཡང་དག་པར་སྨྲ་


DKG084_Page_0030
[མ་དཔེ་གཟིགས་ན་འདིར་གནོན།]

ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་བཟླས་པར་བརྗོད་པ་ཡིན། །དེ་བཞིན་གཤེགས་པ་ཐམས་ཅད་ཀྱི། །སྔགས་ནི་མྱུར་དུ་འགྲུབ་པར་འགྱུར། །རྡོ་རྗེ་ཆོས་ཉིད་ཀྱི་ཡེ་ཤེས་དང་དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཡེ་ཤེས་དང་ཆོས་ཀྱི་འཁོར་ལོ་ཆེན་པོ་བསྐོར་བའི་ཡེ་ཤེས་དང་དེ་བཞིན་གཤེགས་པ་ཐམས་ཅད་ཀྱི་གསུང་གི་སྤྲོས་པ་རྣམ་པར་ལྡོག་པའི་ཡེ་ཤེས་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སེམས་དཔའོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོའི་འཕྲིན་ལས་ཐམས་ཅད་ཅེས་བྱ་བའི་དམ་ཚིག་ལས་བྱུང་བ། ལས་ཀྱིས་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཀརྨ། དེ་ནས་རྡོ་རྗེ་སེམས་དཔའི་ཏིང་ངེ་འཛིན་ལས་ཐམས་ཅད་མཉམ་པ་ཉིད་ཀྱི་ཡེ་ཤེས་ཤིན་ཏུ་རྟོགས་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་འོད་ཟེར་དུ་གྱུར་ཏེ་བྱུང་ནས་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ནས་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་དབྱིབས་ལྟ་བུར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་དབྱིབས་དེ་ཡང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། ནམ་མཁའི་དབྱིངས་ཐམས་ཅད་དུ་མཉམ་པར་འཇུག་པའི་ཚད་ཙམ་དུ་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་དབྱིབས་དེ་ལས། ལས་ཐམས་ཅད་ཀྱི་རྡོ་རྗེའི་དབྱིབས་སུ་གྱུར་ནས་ཕྱག་གཉིས་སུ་གནས་སོ། །དེ་ནས་ཡང་རྡོ་རྗེའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་


DKG084_Page_0031
[མ་དཔེ་གཟིགས་ན་འདིར་གནོན།]

ཐམས་ཅད་ཀྱི་སྐུ་རྣམས་བྱུང་ནས། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ལ་སོགས་པ་དང་། སངས་རྒྱས་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་མཐའ་ཡས་པ་ཡིན་པ་དང་། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་ཅེས་བྱ་བའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་རྣམས་ཀྱི་ངེས། །འཕྲིན་ལས་མང་པོ་ཀུན་བདག་ཡིན། །སངས་རྒྱས་དོན་ནི་ལྷུན་གྲུབ་ཕྱིར། །རྡོ་རྗེ་ལས་ནི་འཇུག་པར་འགྱུར། །དེ་ནས་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་ཅེས་བྱ་བའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ཟླ་བའི་དཀྱིལ་འཁོར་ལ་གནས་ནས། ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གདོན་མི་ཟ་བའི་དམ་ཚིག་ལས་བྱུང་བའི་རྡོ་རྗེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་མཆོད་པར་བྱ་བ་ལ་སོགས་པ་གདོན་མི་ཟ་བའི་ཚད་མེད་པ་དང་ལས་ཀྱི་ཆོ་ག་རྒྱས་པ་ཐམས་ཅད་ཀྱི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱིས་ལས་ཐམས་ཅད་གྲུབ་པ་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་འཕྲིན་ལས་ཉིད་དང་ཡེ་ཤེས་དང་མངོན་པར་ཤེས་པ་དམ་པ་རྣམས་འགྲུབ་པའི་བར་དུ་འབྲས་བུ་དེ་དག་གི་ཕྱིར་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་ཀྱི་འཁོར་ལོས་སྒྱུར་བར་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་གིས་དབང་བསྐུར་ནས་དེའི་ལག་ཏུ་ལས་ཀྱི་རྡོ་རྗེ་དེ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་


DKG084_Page_0032
[མ་དཔེ་གཟིགས་ན་འདིར་གནོན།]

ཐམས་ཅད་ཀྱིས་རྡོ་རྗེ་ཐམས་ཅད་རྡོ་རྗེ་ཐམས་ཅད་ཅེས་བྱ་བའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཐམས་ཅད་ཅེས་བྱ་བས་རྡོ་རྗེ་དེ་རང་གི་སྙིང་གར་བཞག་སྟེ། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ལ་སྦྱོར་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ལས་རྣམས་ཐམས་ཅད་བྱེད་པའི་མཆོག །བདག་སྟེ་བདག་གི་ལག་ཏུ་བྱིན། །སྣ་ཚོགས་ལ་ནི་སྣ་ཚོགས་གཞག །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའི་དམ་ཚིག་ལས་བྱུང་བ་ལས་ཐམས་ཅད་ཀྱིས་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བསྲུང་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་རཀྵ། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། གོ་ཆ་བརྟན་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་གོ་ཆ་ཆེན་པོའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་གོ་ཆའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ། དེ་བཞིན་གཤེགས་པ་ཐམས་ཅད་ལ་བསྲུང་བའི་གོ་ཆ་རྒྱས་པའི་ལས་ལ་སོགས་པ་དང་། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་བརྩོན་འགྲུས་དམ་པ་ཐུབ་དཀའ་བ་དང་ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའ་བའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བརྩོན་འགྲུས་གོ་ཆ་ནི། །བརྟན་པའི་བདག་ཉིད་རབ་བརྟན་བདག །དེ་ནི་བརྟན་ཕྱིར་ལུས་མེད་ཀྱང་། །རྡོ་རྗེའི་ལུས་སུ་བྱེད་པ་མཆོག །དེ་ནས་བྱང་ཆུབ་སེམས་དཔའ་ཆེན་པོ་བརྩོན་


DKG084_Page_0033
[མ་དཔེ་གཟིགས་ན་འདིར་གནོན།]

འགྲུས་ཆེན་པོ་ཐུབ་དཀའ་བ་དེའི་ལུས་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ན་ཟླ་བའི་དཀྱིལ་འཁོར་ལ་གནས་པར་གྱུར་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བརྟན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་དམ་ཚིག་དང་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱང་བ་དང་ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བ་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སྐུ་འཐོབ་པའི་མཆོག་འགྲུབ་པར་བྱ་བའི་བར་དུ། དེ་དག་གི་ཕྱིར་རྡོ་རྗེ་གོ་ཆ་དེ་བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའ་བའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་གྲོགས་པོ་རྡོ་རྗེ་གྲོགས་པོ་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་གྲོགས་པོས་རྡོ་རྗེ་གོ་ཆ་དེས་དེ་བཞིན་གཤེགས་པ་ཐམས་ཅད་ལ་གོ་ཆ་བསྐོན་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །བྱམས་པའི་གོ་ཆ་དམ་པ་སྟེ། །བརྩོན་འགྲུས་བརྟན་པས་བསྲུང་བ་ཆེ། །གྲོགས་པོ་ཆེན་པོར་བརྗོད་པ་ཡིན། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་དམ་ཚིག་ལས་བྱུང་བ། ལས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཐབས་ཀྱི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཡཀྵ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། རྡོ་རྗེ་མཆེ་བའི་མཚོན་ཆ་ཆེན་པོར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་མཆེ་བའི་དབྱིབས་སུ་གྱུར་ཏེ་ཕྱག་གཉིས་སུ་


DKG084_Page_0034
[མ་དཔེ་གཟིགས་ན་འདིར་གནོན།]

གནས་སོ། །དེ་ནས་རྡོ་རྗེ་མཆེ་བའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཁྲོ་བོས་གདུལ་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་བདུད་ཐམས་ཅད་རབ་ཏུ་འཇོམས་པ་ཡིན་པ་དང་། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བདག་ནི་སངས་རྒྱས་རྣམས། །ཐུགས་རྗེ་ཅན་གྱི་ཐབས་ཆེན་ཏེ། །ཞི་ཡང་སེམས་ཅན་དོན་དུ་ནི། །མ་རུངས་པར་ནི་སྟོན་པར་འགྱུར། །དེ་ནས་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས་དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་རབ་ཏུ་ཁྲོ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་མ་རུངས་པ་གདུལ་བའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་འཇིགས་པ་མེད་པར་བྱ་བ་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོ་དང་ཡེ་ཤེས་དང་མངོན་པར་ཤེས་པ་རྣམས་འཐོབ་ཅིང་དམ་པ་འགྲུབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་མཆེ་བའི་མཚོན་ཆ་དེ་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཁྲོ་བོ་རྡོ་རྗེ་ཁྲོ་བོ་ཞེས་རྡོ་རྗེ་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཁྲོ་བོས་རྡོ་རྗེ་མཆེ་བའི་མཚོན་ཆ་དེ་རང་གི་ཐུགས་ཀར་བཞག་སྟེ། དེ་བཞིན་གཤེགས་པ་ཐམས་ཅད་ལ་བསྔགས་ཤིང་ཆེད་དུ་བརྗོད་པ་


DKG084_Page_0035
[མ་དཔེ་གཟིགས་ན་འདིར་གནོན།]

འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །མ་རུངས་ཐམས་ཅད་འདུལ་བའི་མཆོག །རྡོ་རྗེ་མཆེ་བའི་མཚོན་རྣོ་སྟེ། །ཐབས་དང་སྙིང་རྗེའི་བདག་ཉིད་དོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོ་རྡོ་རྗེ་ཁུ་ཚུར་ཞེས་བྱ་བའི་དམ་ཚིག་ལས་བྱུང་བ་ལས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེས་བཅིངས་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་བྱུང་ངོ་། །བཛྲ་སནྡྷི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་བཅིངས་བར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེ་བཅིངས་པའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་བཅིང་བའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་དང་ཡེ་ཤེས་ལ་སོགས་པ་དང་སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཤིན་ཏུ་བཅིངས་པ་དང་རབ་ཏུ་བརྟན་པའི་ཕྱིར་གཅིག་ཏུ་འདྲེས་ཏེ་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཞེས་བྱ་བའི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་རབ་ཏུ་བརྟན་བཅིངས་པའི། །དམ་ཚིག་བདག་སྟེ་བརྟན་པའི་བདག །བསམ་པ་ཐམས་ཅད་རབ་གྲུབ་ཕྱིར། །གྲོལ་བ་རྣམས་ཀྱང་འཆིང་བར་བྱེད། །དེ་ནས་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་གྱི་སྐུ་བཅོམ་ལྡན་འདས་ཀྱི་ཐུགས་ལས་བྱུང་


DKG084_Page_0036
[མ་དཔེ་གཟིགས་ན་འདིར་གནོན།]

སྟེ་དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་བཅིང་བའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ལ་དེ་བཞིན་གཤེགས་པ་ཐམས་ཅད་དང་ལྷ་རྣམས་ཀྱིས་དགོངས་པ་བརྟག་པ་དང་གྲུབ་པ་ཐམས་ཅད་དང་། ཐམས་ཅད་ཀྱི་བདེ་བ་དང་ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཁྱེན་པའི་ཡེ་ཤེས་དང་ཕྱག་རྒྱའི་དབང་དམ་པ་འགྲུབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་བཅིང་བ་དེ་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཞེས་བྱ་བའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཁུ་ཚུར་རྡོ་རྗེ་ཁུ་ཚུར་ཞེས་རྡོ་རྗེ་བྱ་བའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཁུ་ཚུར་ཞེས་བྱ་བ་དེས་རྡོ་རྗེ་བཅིངས་པ་དེས་དེ་བཞིན་གཤེགས་པ་ཐམས་ཅད་ལ་འཆིང་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། ། འདི་ནི་སངས་རྒྱས་ཐམས་ཅད་ཀྱི། །ཕྱག་རྒྱ་བཅིང་བ་ཆེ་ཞིང་བརྟན། །སངས་རྒྱས་ཀུན་གྱིས་མྱུར་གྲུབ་ཕྱིར། །དམ་ཚིག་ཤིན་ཏུ་འདའ་བར་དཀའ། །དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཆོ་ག་རྒྱས་པའི་ལས་དང་བརྩོན་འགྲུས་ཆེན་པོའི་གོ་ཆ་བརྟན་པ་དང་དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོ་དང་ཕྱག་རྒྱ་ཐམས་ཅད་བཅིངས་པའི་ཡེ་ཤེས་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཆེན་པོའི་སེམས་དཔའོ།། །།བམ་པོ་གཉིས་པ། དེ་ནས་དེ་བཞིན་གཤེགས་པ་མི་བསྐྱོད་པ་ཞེས་བྱ་བས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་བསྒྲུབས་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབས་པའི་ཕྱིར་རྡོ་རྗེའི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ་རྡོ་རྗེའི་བྱིན་གྱིས་བརླབས་ཞེས་བྱ་བའི་


DKG084_Page_0037
[མ་དཔེ་གཟིགས་ན་འདིར་གནོན།]

ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ་། །སཏྭ་བཛྲཱི། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ། རྡོ་རྗེའི་འོད་ཟེར་དུ་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །འོད་ཟེར་དེ་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཕ་རོལ་ཏུ་ཕྱིན་པའི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ནས་ཡང་གཅིག་ཏུ་འདྲེས་ཏེ། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་རྡོ་རྗེའི་དབྱིབས་ཆེན་པོར་གྱུར་ཏེ་བཅོམ་ལྡན་འདས་རྣམ་པར་སྣང་མཛད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །སེམས་དཔའི་རྡོ་རྗེ་བརྟན་པའི་བདག །གང་ཕྱིར་བརྟན་པས་ལུས་མེད་ཀྱང་། །རྡོ་རྗེའི་ལུས་སུ་གྱུར་པ་ཡིན། །དེ་ནས་དེ་བཞིན་གཤེགས་པ་རིན་ཆེན་འབྱུང་བ་ཞེས་བྱ་བ་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབ་པར་བྱ་བའི་ཕྱིར་རིན་པོ་ཆེའི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བའི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་རིན་པོ་ཆེའི་དམ་ཚིག་ཅེས་བྱ་བའི་རང་གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ་། །རཏྣ་བཛྲཱི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་རིན་པོ་ཆེའི་འོད་ཟེར་དུ་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །རིན་པོ་ཆེའི་འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ནས་ཡང་གཅིག་ཏུ་འདྲེས། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་


DKG084_Page_0038
[མ་དཔེ་གཟིགས་ན་འདིར་གནོན།]

གྱི་རྡོ་རྗེ་རིན་པོ་ཆེ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ཤིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་རིན་ཆེན་བདག་ཡིན་གྲགས། །གང་ཕྱིར་ཕྱག་རྒྱ་ཐམས་ཅད་ཀྱི། །དབང་གི་ཚུལ་ནི་དམ་པ་ཡིན། །དེ་ནས་བཅོམ་ལྡན་འདས་དེ་བཞིན་གཤེགས་པ་འཇིག་རྟེན་གྱི་དབང་ཕྱུག་གི་རྒྱལ་པོས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབ་པའི་ཕྱིར་ཆོས་ཀྱི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ། རྡོ་རྗེའི་བྱིན་གྱིས་བརླབས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། ཆོས་ཀྱི་དམ་ཚིག་ཅེས་བྱ་བ་རང་གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ་། །དྷརྨྨ་བཛྲཱི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་པདྨའི་འོད་ཟེར་དུ་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །པདྨའི་འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ནས་ཡང་གཅིག་ཏུ་འདྲེས་ཏེ། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་རྡོ་རྗེ་པདྨ་ཆེན་པོའི་དབྱིབས་སུ་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་རྒྱབ་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། ། ཨེ་མའོ་སངས་རྒྱས་ཐམས་ཅད་ཀྱི། །ཆོས་ཀྱི་རྡོ་རྗེ་གཙང་མ་བདག །གང་ཕྱིར་རང་བཞིན་རྣམ་དག་པས། །འདོད་ཆགས་ཡིན་ཡང་དྲི་མ་མེད། །དེ་ནས་བཅོམ་ལྡན་འདས་གདོན་མི་ཟ་བར་གྲུབ་པས། དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབ་པའི་ཕྱིར་ལས་ཀྱི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ་རྡོ་རྗེ་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ཅེས་བྱ་བའི་རང་


DKG084_Page_0039
[མ་དཔེ་གཟིགས་ན་འདིར་གནོན།]

གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ་། །ཀརྨྨ་བཛྲཱི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་ཏུ་ལས་ཐམས་ཅད་ཀྱི་འོད་ཟེར་དུ་གྱུར་ཏེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །ལས་ཀྱི་འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ཏེ་ཡང་གཅིག་ཏུ་འདྲེས་ནས་འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་ཐམས་ཅད་དུ་རྩེ་མོ་ལྟས་པའི་ལས་ཀྱི་རྡོ་རྗེ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །ལས་ཀྱི་རྡོ་རྗེ་མང་པོ་བདག །གང་ཕྱིར་གཅིག་ཀྱང་སེམས་ཅན་ཁམས། །མ་ལུས་པར་ནི་ལས་བཟང་བྱེད། །དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་དམ་ཚིག་དང་དབང་བསྐུར་བ་ཆེན་པོ་དང་རྡོ་རྗེའི་ཆོས་ཉིད་དང་། མཆོད་པ་ཐམས་ཅད་ནི་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཕ་རོལ་ཏུ་ཕྱིན་པ་ཆེན་པོ་རྣམས་སོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་ནས་དེ་བཞིན་གཤེགས་པ་ཐམས་ཅད་དགྱེས་པའི་མཆོད་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ལཱ་སྱེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་རྡོ་རྗེའི་ཕྱག་རྒྱར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །རྡོ་རྗེའི་ཕྱག་རྒྱའི་རྩེ་མོ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། ལྷ་མོ་ཆེན་མོ་རྡོ་རྗེ་འཛིན་མའི་ལུས་ཐམས་ཅད་རྡོ་རྗེ་སེམས་དཔའ་དང་འདྲ་ཞིང་ཁ་དོག་དང་གཟུགས་དང་མཚན་མ་དང་སྤྱོད་ལམ་སྣ་ཚོགས་པ་རྒྱན་ཐམས་ཅད་ཀྱིས་བཀླུབས་པ། དེ་བཞིན་


DKG084_Page_0040
[མ་དཔེ་གཟིགས་ན་འདིར་གནོན།]

གཤེགས་པའི་རིགས་ཐམས་ཅད་སྡུད་པར་གྱུར་པ་རྡོ་རྗེ་སེམས་དཔའི་ལྷ་མོར་གྱུར་ནས་བཅོམ་ལྡན་འདས་མི་བསྐྱོད་པའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་རང་བྱུང་རྣམས་ཀྱི་ནི། །མཆོད་པ་བདག་འདྲ་གཞན་མེད་དེ། །གང་ཕྱིར་འདོད་པ་དགའ་མཆོད་པས། །མཆོད་པ་ཐམས་ཅད་བྱས་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་ཕྲེང་བའི་དབང་གིས་དམ་ཚིག་ལས་བྱུང་བ། རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་མཱ་ལེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་བྱུང་མ་ཐག་ཏུ་རིན་པོ་ཆེ་ཆེན་པོའི་ཕྱག་རྒྱར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །རིན་པོ་ཆེ་ཆེན་པོའི་ཕྱག་རྒྱ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། ལྷ་མོ་ཆེན་མོ་རྡོ་རྗེ་ཕྲེང་བར་དེ་བཞིན་དུ་གྱུར་ནས། བཅོམ་ལྡན་འདས་རིན་པོ་ཆེ་འབྱུང་བའི་དཀྱིལ་འཁོར་གྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་རིན་ཆེན་མཆོད་པ་ཞེས། །བདག་དང་འདྲ་བར་གྲགས་པ་མེད། །གང་ཕྱིར་ཁམས་གསུམ་རྒྱལ་མཆོག་ཀྱང་། །རབ་ཏུ་མཆོད་པ་བྱེད་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གླུའི་མཆོག་གི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་ཐུགས་ཀ་ནས་ཕྱུང་ངོ་། །བཛྲ་གཱི་ཏི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཕྱག་རྒྱར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཕྱག་རྒྱ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་


DKG084_Page_0041
[མ་དཔེ་གཟིགས་ན་འདིར་གནོན།]

ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། ལྷ་མོ་ཆེན་མོ་རྡོ་རྗེ་གླུར་གྱུར་ནས་བཅོམ་ལྡན་འདས་འཇིག་རྟེན་དབང་པོའི་རྒྱལ་པོའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བདག་ནི་ཀུན་གཟིགས་པའི། །གླུ་མཆོག་ཚུལ་གྱིས་མཆོད་པ་ཡིན། །གང་ཕྱིར་སྒྲ་བརྙན་འདྲ་བ་ཡིན། །མཆོད་པ་རྣམས་ཀྱིས་མཉེས་པར་བྱེད། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ནྲྀ་ཏི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་ཆོ་ག་རྒྱས་པར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་ཆོ་ག་རྒྱས་པ་དེ་དག་ཐམས་ཅད་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ་ལྷ་མོ་ཆེན་མོ་རྡོ་རྗེ་གར་དུ་གྱུར་ནས། དེ་བཞིན་གཤེགས་པ་གདོན་མི་ཟ་བར་གྲུབ་པའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། ། ཨེ་མའོ་མཆོད་ཀུན་དོན་མཛད་པའི། །མཆོད་པ་རྒྱ་ཆེན་བདག་ཡིན་ཏེ། གང་ཕྱིར་རྡོ་རྗེ་གར་ཆོ་གས། །སངས་རྒྱས་མཆོད་པ་རབ་ཏུ་བྱེད། །དེ་བཞིན་གཤེགས་པ་ཐམས་ཅད་ཀྱི་བདེ་བ་དང་ཡིད་བདེ་བ་བླ་ན་མེད་པའི་དམ་ཚིག་དང་དེ་བཞིན་གཤེགས་པ་ཐམས་ཅད་ཀྱི་ཕྲེང་བ་དང་དེ་བཞིན་གཤེགས་པ་ཐམས་ཅད་ཀྱི་གླུ་དང་། དེ་བཞིན་གཤེགས་པ་ཐམས་ཅད་ཀྱི་མཆོད་པའི་ལས་བླ་ན་མེད་པ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་མི་བསྐྱོད་པས་དེ་བཞིན་གཤེགས་པ་རྣམ་པར་སྣང་


DKG084_Page_0042
[མ་དཔེ་གཟིགས་ན་འདིར་གནོན།]

མཛད་ཀྱིས་མཆོད་པའི་ལན་དུ་སླར་མཆོད་པའི་ཕྱིར། དེ་བཞིན་གཤེགས་པ་ཐམས་ཅད་རབ་ཏུ་ཚིམ་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གཡོག་མོའི་གཙོ་མོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་དྷཱུ་པེ། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་བདུག་པའི་མཆོད་པའི་སྤྲིན་མང་པོ་རྣམ་པ་དུ་མས་རྡོ་རྗེ་དབྱིབས་ཐམས་ཅད་དུ་ཁྱབ་པར་གྱུར་ནས་ཕྱུང་ངོ་། །བདུག་པའི་མཆོད་པའི་སྤྲིན་རྒྱ་མཚོ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་བྱུང་སྟེ་ཡང་གཅིག་ཏུ་འདྲེས་ནས་རྡོ་རྗེ་བདུག་པའི་ལྷ་མོའི་ལུས་སུ་གྱུར་ནས་བཅོམ་ལྡན་འདས་ཀྱི་གཡོན་ཕྱོགས་སུ་ཁང་བུ་བརྩེགས་པའི་རྩེ་མོ་རྡོ་རྗེ་དང་། ནོར་བུ་དང་རིན་པོ་ཆེ་ལས་བྱས་པའི་གྲྭན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བདག་ནི་མཆོད་པ་ཆེ། །རབ་ཏུ་ཚིམ་ལྡན་དགེ་བ་ཡིན། །གང་ཕྱིར་སེམས་ཅན་དབབ་ལྡན་པས། །མྱུར་དུ་བྱང་ཆུབ་ཐོབ་པར་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་རྣམ་པར་སྣང་མཛད་ཀྱིས་མཆོད་པའི་ལན་དུ་སླར་མཆོད་པའི་ཕྱིར་རིན་པོ་ཆེའི་རྒྱན་གྱི་མཆོད་པ་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གསོལ་ཀ་མ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་པུཥྤེ། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་མེ་ཏོག་ཐམས་ཅད་ཀྱི་མཆོད་པ་བཀོད་པས་འཇིག་རྟེན་གྱི་ཁམས་ཐམས་ཅད་དུ་ཁྱབ་པར་བྱེད་པར་གྱུར་ནས་བྱུང་ངོ་། །མེ་ཏོག་ཐམས་ཅད་ཀྱི་མཆོད་པ་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ་རྡོ་རྗེ་མེ་ཏོག་གི་ལྷ་མོའི་སྐུར་གྱུར་ནས་བཅོམ་ལྡན་འདས་ཀྱི་གཡོན་ཕྱོགས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་


DKG084_Page_0043
[མ་དཔེ་གཟིགས་ན་འདིར་གནོན།]

ནོར་བུ་རིན་པོ་ཆེ་ལས་བྱས་པའི་གྲྭ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་མེ་ཏོག་མཆོད་པ་བདག །ཐམས་ཅད་ཀྱི་ནི་རྒྱན་བྱེད་དེ། །གང་ཕྱིར་མཆོད་ནས་དེ་བཞིན་གཤེགས། །རིན་ཆེན་ཉིད་དུ་མྱུར་དུ་འགྲུབ། །དེ་ནས་བཅོམ་ལྡན་འདས་དེ་བཞིན་གཤེགས་པ་འཇིག་རྟེན་དབང་པོའི་རྒྱལ་པོས་བཅོམ་ལྡན་འདས་རྣམ་པར་སྣང་མཛད་ཀྱི་མཆོད་པའི་ལན་དུ་སླར་མཆོད་པའི་ཕྱིར་དེ་བཞིན་གཤེགས་པ་ཐམས་ཅད་ལ་སྣང་བའི་མཆོད་པའི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕོ་ཉ་མོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཨཱ་ལོ་ཀེ །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་བྱུང་མ་ཐག་ཏུ་ཐམས་ཅད་དུ་སྣང་བའི་མཆོད་པའི་བཀོད་པས་ཆོས་ཀྱི་དབྱིངས་ཐམས་ཅད་ཁྱབ་པར་བྱེད་པར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །ཐམས་ཅད་དུ་སྣང་བའི་མཆོད་པའི་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། ཡང་གཅིག་ཏུ་འདྲེས་ཏེ་ལྷ་མོ་རྡོ་རྗེ་སྣང་བ་ཞེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་གཡོན་ཕྱོགས་སུ་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་གྲྭ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་མཆོད་པའི་མར་མེ་ནི། །རྒྱ་ཆེན་དགེ་བ་བདག་ཡིན་ཏེ། །གང་ཕྱིར་སྣང་བཅས་མྱུར་དུ་ཡང་། །སངས་རྒྱས་ཀུན་གྱི་སྤྱན་ཡང་འཐོབ། །དེ་ནས་བཅོམ་ལྡན་འདས་དེ་བཞིན་གཤེགས་པ་གདོན་མི་ཟ་བར་གྲུབ་པས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱིས་མཆོད་པའི་ལན་དུ་སླར་མཆོད་པའི་ཕྱིར་དེ་བཞིན་གཤེགས་པ་ཐམས་ཅད་ཀྱི་དྲིས་མཆོད་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་བྲན་མོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་གནྡྷེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་བྱུང་མ་ཐག་ཏུ་དྲི་ཐམས་ཅད་


DKG084_Page_0044
[མ་དཔེ་གཟིགས་ན་འདིར་གནོན།]

ཀྱི་མཆོད་པ་བཀོད་པས། འཇིག་རྟེན་གྱི་ཁམས་ཐམས་ཅད་ཁྱབ་པར་བྱེད་པར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དྲི་ཐམས་ཅད་ཀྱི་མཆོད་པའི་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ་ལྷ་མོ་རྡོ་རྗེ་དྲི་ཞེས་བྱ་བའི་སྐུར་གྱུར་ནས་བཅོམ་ལྡན་འདས་ཀྱི་གཡོན་ཕྱོགས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་གྲྭ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་ལྷ་རྫས་མཆོད་པ་ཡི། །ཡིད་འོང་དྲི་ནི་བདག་ཡིན་ཏེ། །དེ་བཞིན་གཤེགས་པ་རྣམས་ཀྱི་དྲི། །ལུས་རྣམས་ཀུན་ལ་སྦྱིན་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དབབ་པ་དང་། བྱང་ཆུབ་ཆེན་པོའི་ཡན་ལག་བསགས་པ་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཀུན་དུ་སྣང་བ་དང་། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་སྟོན་པའི་དྲི་རྣམས་ནི་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པའོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས། ཡང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་ཀྱུ་དམ་ཚིག་ལས་བྱུང་བ་སེམས་དཔའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་ཐམས་ཅད་ཀྱི་བདག་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཨཾ་ཀུ་ཤ །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་དེ་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་ཐམས་ཅད་དུ་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་དེ་དག་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ་བྱང་ཆུབ་སེམས་དཔའ་ཆེན་པོ་རྡོ་རྗེ་ལྕགས་ཀྱུ་ཞེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་


DKG084_Page_0045
[མ་དཔེ་གཟིགས་ན་འདིར་གནོན།]

ལས་བྱས་པའི་རྡོ་རྗེ་སྒོ་ཁང་གི་ནང་ན་ཟླ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་སྤྱན་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །ཡང་དག་སྤྱན་འདྲེན་བརྟན་པ་བདག ། གང་ཕྱིར་བདག་གིས་སྤྱན་དྲངས་པས། །དཀྱིལ་འཁོར་ཀུན་ལ་བསྟེན་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཏུ་འཇུག་པ། སེམས་དཔའ་ཆེན་པོའི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་འདྲེན་པ་གསོལ་ཀ་པ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་པཱ་ཤ། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་དེ་བྱུང་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་འདྲེན་པའི་ཕྱག་རྒྱ་མང་པོར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་འདྲེན་པའི་ཕྱག་རྒྱ་མང་པོ་དེ་དག་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ་བྱང་ཆུབ་སེམས་དཔའ་ཆེན་པོ་རྡོ་རྗེ་ཞགས་པ་ཞེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་སྒོ་ཁང་གི་ནང་ན་ཟླ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ཞགས་པ་དམ་པོ་བདག །རྡུལ་ཕྲན་བཞུགས་པ་ཐམས་ཅད་ཀྱང་། །བདག་གིས་སླར་ཡང་དྲང་བར་བྱ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་སྒྲོག །སེམས་དཔའ་ཆེན་པོའི་དམ་ཚིག་ལས་བྱུང་བ། སེམས་དཔའ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྡམས་པ། དེ་བཞིན་གཤེགས་པ་ཐམས་ཅད་ཀྱི་ཕོ་ཉ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་སྥོ་ཊ།


DKG084_Page_0046
[མ་དཔེ་གཟིགས་ན་འདིར་གནོན།]

དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་དེ་བྱུང་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྡམས་པའི་ཕྱག་རྒྱ་མང་པོར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྡམས་པའི་ཕྱག་རྒྱ་མང་པོ་དེ་དག་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། ཡང་གཅིག་ཏུ་འདྲེས་ཏེ། བྱང་ཆུབ་སེམས་དཔའ་ཆེན་པོ་རྡོ་རྗེ་ལྕགས་སྒྲོག་ཅེས་བྱ་བའི་སྐུར་གྱུར་ནས་བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་རྡོ་རྗེ་ཆོས་ཀྱི་སྒོ་ཁང་གི་ནང་གི་ཟླ་བའི་དཀྱིལ་འཁོར་ལ་གནས་ནས། དེ་བཞིན་གཤེགས་པ་ཐམས་ཅད་འཆིང་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ལྕགས་སྒྲོག་དམ་པོ་བདག །བཅིང་བ་ཀུན་ལས་གྲོལ་བ་རྣམས། །སེམས་ཅན་དོན་དུ་འཆིང་བར་འདོད། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དབབ་པ་ཞེས་བྱ་བ་སེམས་དཔའ་ཆེན་པོའི་དམ་ཚིག་ལས་བྱུང་བ། སེམས་དཔའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་ཀྱི་བྲན་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ཨཱ་བེ་ཤ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་ཐམས་ཅད་དུ་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་མང་པོ་ཐམས་ཅད་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ་གཅིག་ཏུ་འདྲེས་ནས། བྱང་ཆུབ་སེམས་དཔའ་ཆེན་པོ་རྡོ་རྗེ་དབབ་པའི་སྐུར་གྱུར་ཏེ་བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་རྡོ་རྗེ་ལས་ཀྱི་སྒོ་གང་གི་ནང་ན་ཟླ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་འབེབས་


DKG084_Page_0047
[མ་དཔེ་གཟིགས་ན་འདིར་གནོན།]

ཤིང་། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་དབབ་པ་བརྟན་པ་བདག །ཀུན་གྱི་བདག་ཏུ་གྱུར་ནས་ཀྱང་། །བྲན་དུ་ཡང་ནི་གྱུར་པ་ཡིན། །དེ་བཞིན་གཤེགས་པ་ཐམས་ཅད་སྤྱན་དྲང་བ་དང་། གཞུག་པ་དང་བཅིང་བ་དང་། དབང་དུ་བྱ་བ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པའོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་བསྡུ་བར་བྱིན་གྱིས་བརླབ་པའི་ཕྱིར། རྡོ་རྗེ་སེ་གོལ་གྱིས་མཚན་མ་མཛད་ནས། དེ་བཞིན་གཤེགས་པ་ཐམས་ཅད་བསྡུ་བའི་བྱིན་བརླབས་འདི་གསུངས་སོ། །བཛྲ་ས་མཱ་ཛཿ། དེ་ནས་སྐད་ཅིག་ཡུད་ཙམ་ཐང་ཅིག་དེའི་ཚེ་དེ་བཞིན་གཤེགས་པ་ཐམས་ཅད་ཀྱི་སེ་གོལ་གྱི་མཚན་མས་བསྐུལ་བ་དང་། འཇིག་རྟེན་གྱི་ཁམས་རབ་འབྱམ་རྒྱ་མཚོའི་སྤྲིན་ཐམས་ཅད་ནས། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་མང་པོ་དང་བཅས་ཏེ་འདུག་ནས་ཁང་བུ་བརྩེགས་པའི་རྩེ་མོ་ནོར་བུ་རིན་པོ་ཆེ་ལས་བྱས་པ་གང་ན་བ་དང་། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་གང་ན་བ་བདེར་གཤེགས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨོཾ་སརྦྦ་ཏ་ཐཱ་ག་ཏ་པཱ་ད་བནྡ་ནཾ་ཀ་རོ་མི་ཞེས་བརྗོད་དོ། །རང་བཞིན་གྱིས་གྲུབ་པའི་སྔགས་དེ་ཅི་དགའ་བར་ཟློས་ཤིང་དེ་བཞིན་གཤེགས་པ་ཐམས་ཅད་ཀྱི་ཞབས་ལ་ཕྱག་བྱས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བྱང་ཆུབ་སེམས་དཔའ་ནི། །ཀུན་དུ་བཟང་པོའི་སྤྱོད་པ་མཆོག །དེ་བཞིན་གཤེགས་པའི་འཁོར་ལོ་མཛེས། །དབུས་ན་དེ་བཞིན་གཤེགས་པ་མཛེས། །དེ་སྐད་ཅེས་སྨྲས་པ་དང་། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ནས་འདུས་པའི་དེ་བཞིན་གཤེགས་པ་དེ་དག་ཐམས་ཅད་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དང་བཅས་ཏེ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་


DKG084_Page_0048
[མ་དཔེ་གཟིགས་ན་འདིར་གནོན།]

ཐུགས་ལས་རང་རང་གི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་ཏེ་བྱུང་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་རིན་པོ་ཆེ་ལས་བྱས་པའི་ཕྱོགས་ཐམས་ཅད་དུ་དཀྱིལ་འཁོར་དུ་གྱུར་ནས་སྙོམས་པར་ཞུགས་ཏེ་བཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །རྒྱ་ཆེན་གདོད་ནས་སྐྱེས་པ་མིན། །རྡུལ་ཕྲན་ཇི་སྙེད་ཐམས་ཅད་ཀྱི། །སངས་རྒྱས་རྣམས་ནི་གཅིག་ཏུ་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་འདུས་ནས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་། ཐམས་ཅད་ལ་ཕན་པ་དང་བདེ་བ་བསྟབས་པ་ནས། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་དང་མངོན་པར་ཤེས་པ་དང་ཡང་དག་པར་རྫོགས་པའི་བྱང་ཆུབ་དམ་པ་འགྲུབ་པའི་ཕྱིར། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདི་བྱིན་གྱིས་བརླབ་པར་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རང་གི་རྡོ་རྗེ་སེམས་དཔའ་ཐོག་མ་དང་ཐ་མ་མེད་པ་རྡོ་རྗེ་འཛིན་པ་ཆེན་པོ་ལ་མིང་བརྒྱ་རྩ་བརྒྱད་པ་འདིས་གསོལ་བ་བཏབ་བོ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །རྡོ་རྗེ་དང་པོ་ཀུན་དུ་བཟང། །ཕྱག་འཚལ་ཕྱག་ན་རྡོ་རྗེ་ལའོ། །རྡོ་རྗེ་རྒྱལ་པོ་སངས་རྒྱས་མཆོག །རྡོ་རྗེ་ལྕགས་ཀྱུ་དེ་བཞིན་གཤེགས། །དོན་ཡོད་རྒྱལ་པོ་རྡོ་རྗེ་མཆོག །ཕྱག་འཚལ་རྡོ་རྗེ་འགུགས་ཁྱོད་ལ། །རྡོ་རྗེ་ཆགས་པ་བདེ་ཆེན་པོ། །རྡོ་རྗེ་མདའ་ནི་དབང་བྱེད་པ། །བདུད་ཀྱི་འདོད་པ་རྡོ་རྗེ་ཆེ། །ཕྱག་འཚལ་རྡོ་རྗེ་གཞུ་ཁྱོད་ལ། །རྡོ་རྗེ་ལེགས་པ་སེམས་དཔའ་མཆོག །རྡོ་རྗེ་མགུ་བ་དགའ་བ་ཆེ། །རབ་དགྱེས་རྒྱལ་པོ་རྡོ་རྗེ་མཆོག །ཕྱག་འཚལ་རྡོ་རྗེ་དགྱེས་ཁྱོད་ལ། །རྡོ་རྗེ་རིན་ཆེན་རྡོ་རྗེ་དོན། ། རྡོ་རྗེ་ནམ་མཁའ་ནོར་བུ་ཆེ། །ནམ་མཁའི་སྙིང་པོ་རྡོ་རྗེ་ཕྱུག །ཕྱག་འཚལ་རྡོ་རྗེ་སྙིང་པོ་ཁྱོད། །རྡོ་རྗེ་གཟི་བརྗིད་ཆེར་འབར་བ། །རྡོ་རྗེ་ཉི་མ་རྒྱལ་བའི་འོད། །རྡོ་རྗེ་འོད་ཟེར་གཟི་བརྗིད་ཆེ། །ཕྱག་འཚལ་རྡོ་རྗེ་འོད་ཁྱོད་ལ། །རྡོ་རྗེ་དཔལ་རབ་སེམས་ཅན་དོན། །རྡོ་རྗེ་རྒྱལ་མཚན་


DKG084_Page_0049
[མ་དཔེ་གཟིགས་ན་འདིར་གནོན།]

རབ་དགའ་བྱེད། །རྡོ་རྗེ་ཆེན་པོ་རིན་ཆེན་དཔལ། །ཕྱག་འཚལ་རྡོ་རྗེ་དཔལ་ཁྱོད་ལ། །རྡོ་རྗེ་བཞད་མོ་བཞད་པ་ཆེ། །རྡོ་རྗེ་འཛུམ་པ་ངོ་མཚར་ཆེ། །དགའ་ཞིང་རབ་དགའ་རྡོ་རྗེ་སྟོན། །ཕྱག་འཚལ་རྡོ་རྗེ་དགའ་བ་ལ། །རྡོ་རྗེ་ཆོས་རབ་དེ་ཉིད་དོན། །རྡོ་རྗེ་པདྨ་རབ་དགའ་བྱེད། །འཇིག་རྟེན་དབང་རབ་རྡོ་རྗེའི་སྤྱན། །ཕྱག་འཚལ་རྡོ་རྗེ་སྤྱན་ཁྱོད་ལ། །རྡོ་རྗེ་རྣོ་བ་ཐེག་པ་ཆེ། །རྡོ་རྗེ་རལ་གྲི་མཚོན་ཆེན་པོ། །འཇམ་དཔལ་རྡོ་རྗེ་རབ་ཏུ་ཟབ། །ཕྱག་འཚལ་རྡོ་རྗེ་བློ་ཁྱོད་ལ། །རྡོ་རྗེ་རྒྱུ་དང་སྙིང་པོ་ཆེ། །རྡོ་རྗེ་འཁོར་ལོ་ཚུལ་ཆེན་པོ། །རབ་སྐོར་རྡོ་རྗེ་ལས་བྱུང་བ། །ཕྱག་འཚལ་རྡོ་རྗེ་སྙིང་པོ་ལ། །རྡོ་རྗེ་གསུང་བ་རང་རིག་མཆོག །རྡོ་རྗེ་ཟློས་པ་རབ་གྲུབ་སྦྱིན། །མི་གསུང་རྡོ་རྗེ་མཆོག་གྲུབ་པ། །ཕྱག་འཚལ་རྡོ་རྗེ་གསུང་ཁྱོད་ལ། །རྡོ་རྗེ་ལས་རབ་རྡོ་རྗེ་བཀའ། །ལས་ཀྱི་རྡོ་རྗེ་ཀུན་རབ་འགྲོ། །རྡོ་རྗེ་ངེས་པ་རྒྱ་ཆེ་བ། །ཕྱག་འཚལ་རྡོ་རྗེ་ཀུན་ཁྱོད་ལ། །རྡོ་རྗེ་སྲུང་བ་བརྟན་པ་ཆེ། །རྡོ་རྗེ་གོ་ཆ་སྲ་བ་ཆེ། །བརྩོན་འགྲུས་མཆོག་ནི་ཐུབ་པ་དཀའ། །ཕྱག་འཚལ་རྡོ་རྗེ་བརྩོན་འགྲུས་ལ། །རྡོ་རྗེ་གནོད་སྦྱིན་ཐབས་ཆེན་པོ། །རྡོ་རྗེ་མཆེ་བ་འཇིགས་པ་ཆེ། །བདུད་འཇོམས་རྡོ་རྗེ་མི་བཟད་པ། །ཕྱག་འཚལ་རྡོ་རྗེ་དྲག་པོ་ལ། །རྡོ་རྗེ་མཚམས་སྦྱོར་རབ་ཏུ་འདུད། །རྡོ་རྗེ་འཆིང་བ་རབ་གྲོལ་བྱེད། །རྡོ་རྗེ་ཁུ་ཚུར་དམ་ཚིག་མཆོག །ཕྱག་འཚལ་རྡོ་རྗེ་ཁུ་ཚུར་ལ། །སུ་ཞིག་མིང་རྣམས་འཆང་བ་ནི། །ཞི་བ་བརྒྱ་པོ་རྩ་བརྒྱད་འདི། །རྡོ་རྗེ་མིང་དབང་བསྐུར་ལ་སོགས། །མཆོག་རྣམས་ཀུན་གྱིས་དེ་དབང་བསྐུར། །གང་ཞིག་ཡོན་ཏན་མིང་རྣམས་ཀྱིས། །རྡོ་རྗེ་འཆང་བ་ཆེན་པོ་ལ། །རྟག་ཏུ་གླུར་བླངས་བསྟོད་པ་ནི། །དེ་ཡང་རྡོ་རྗེ་འཆང་འདྲར་འགྱུར། །མིང་བརྒྱ་རྩ་བརྒྱད་འདི་དག་གིས། །བདག་ཅག་གིས་ནི་བསྟོད་པ་ཡིན། །ཐེག་པ་ཆེན་པོ་རྟོགས་པ་ཡི། །ཚུལ་ཆེན་ཡང་ནི་རྒྱས་པར་མཛོད། །མགོན་པོ་ཁྱོད་ལ་གསོལ་བ་ནི། །སངས་རྒྱས་ཀུན་གྱི་འཁོར་ལོ་ཆེ། །དཀྱིལ་འཁོར་ཆེན་པོ་དམ་པ་ཡི། །ཆོ་ག་མཆོག་ནི་བཤད་པར་གསོལ། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པའི་ཚིག་


DKG084_Page_0050
[མ་དཔེ་གཟིགས་ན་འདིར་གནོན།]

ཐོས་ནས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་འབྱུང་བ་རྡོ་རྗེའི་བྱིན་གྱིས་བརླབས་ཀྱིས་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེ་དབྱིངས་ཞེས་བྱ་བའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་ཡང་དག་བཤད་བྱ་བ། །རྡོ་རྗེ་དཀྱིལ་འཁོར་དམ་པ་སྟེ། ། རྡོ་རྗེ་དབྱིངས་དང་འདྲ་བས་ན། །རྡོ་རྗེ་དབྱིངས་ཞེས་བགྱི་བར་གྲགས། །སེམས་དཔའ་ཆེ་ཡི་ཕྱག་རྒྱ་ཆེར། །བསྒོམ་ཞིང་བྱིན་གྱིས་རློབ་བགྱིད་ཅིང་། །དཀྱིལ་འཁོར་གྱི་ནི་དབུས་ཉིད་དུ། །ཅི་རིགས་པར་ནི་མཆིས་ནས་ཀྱང་། །ཕྱག་རྒྱ་ལ་གནས་དེ་བཞིན་ལངས། །ཀུན་དུ་རྣམ་པར་བལྟས་ནས་ནི། །རྡོ་རྗེ་སེམས་དཔའ་ཞེས་བརྗོད་ནས། །བསྒྱིངས་པའི་ཚུལ་གྱིས་ཡོངས་སུ་བསྐོར། །སར་པ་ལགས་པར་བཀལ་ནས་ཀྱང་། །ཚད་དང་མཐུན་ལ་མཛེས་པ་ཡི། །ཐིག་གིས་མཁས་པས་ཅི་ཀྱིས། །དཀྱིལ་འཁོར་གྱི་ནི་ཐིག་གདབ་ཅིང་། །གྲུ་བཞིར་བགྱི་ཞིང་སྒོ་བཞི་དང་། ། རྟ་བབས་བཞིས་ནི་མཛེས་བགྱིས་ལ། །ཐིག་བཞི་དང་ནི་ལྡན་གྱུར་པ། །དར་དང་མེ་ཏོག་ཕྲེང་བས་བརྒྱན། །གྲྭ་ཡི་ཕྱོགས་ནི་ཐམས་ཅད་དང་། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་སྤྲས་པར་ནི། །དཀྱིལ་འཁོར་ཕྱི་རིམ་ཐིག་གདབ་བོ། །དེ་ཡི་རིམ་པའི་ནང་ཞུགས་ལ། ། འཁོར་ལོ་འདྲ་བར་རྡོ་རྗེ་ཡི། །ཐིག་གིས་ཡོངས་སུ་བསྐོར་བར་བགྱི། །ཀ་བ་བརྒྱད་ཀྱིས་མཛེས་བགྱིས་ལ། །རྡོ་རྗེ་ཀ་བའི་ནང་ལོགས་སུ། །ཟླ་བའི་དཀྱིལ་འཁོར་ལྔས་བརྒྱན་ལ། །དབུས་ཀྱི་དཀྱིལ་འཁོར་དབུས་སུ་ནི། །སངས་རྒྱས་ཀྱི་ནི་གཟུགས་གཞག་ཅིང་། །སངས་རྒྱས་ཀྱི་ནི་ཕྱོགས་ཀུན་གྱི། །དཀྱིལ་འཁོར་རྣམས་ཀྱི་དབུས་རྣམས་སུ། །རིམ་བཞིན་དུ་ནི་དམ་ཚིག་མཆོག །བཞི་པོ་ལེགས་པར་གཞག་པར་བགྱི། །དཀྱིལ་འཁོར་བཞི་པོ་དེ་དག་ཏུ། །རྡོ་རྗེའི་གོམ་པས་སོང་ནས་ནི། །མི་གཡོ་བ་ལ་སོགས་པ་ཡི། །སངས་རྒྱས་བཞི་པོ་ཐམས་ཅད་གཞག །མི་གཡོ་བ་ཡི་དཀྱིལ་འཁོར་དུ། །རྡོ་རྗེ་འཛིན་སོགས་བཅས་པར་གཞག །རིན་ཆེན་འབྱུང་བའི་དཀྱིལ་འཁོར་དུ། །རྡོ་རྗེ་སྙིང་སོགས་རྫོགས་པར་གཞག །ཚེ་དཔག་མེད་པའི་དཀྱིལ་འཁོར་དུ། །རྡོ་རྗེ་སྤྱན་སོགས་དག་པར་གཞག །གདོན་མི་ཟ་གྲུབ་དཀྱིལ་


DKG084_Page_0051
[མ་དཔེ་གཟིགས་ན་འདིར་གནོན།]

འཁོར་དུ། །རྡོ་རྗེ་རྒྱ་གྲམ་ལ་སོགས་གཞག །འཁོར་ལོ་ཡི་ནི་གྲྭ་རྣམས་སུ། །རྡོ་རྗེ་ལྷ་མོ་རྣམས་ཀྱང་གཞག །དཀྱིལ་འཁོར་ཕྱི་རིམ་གྲྭ་རྣམས་སུ། །སངས་རྒྱས་མཆོད་པ་རྣམས་ཀྱང་གཞག །སྒོ་རྣམས་ཀྱི་ནི་ནང་དུ་ནི། །སྒོ་སྲུང་བཞི་ཡང་གཞག་པར་བྱ། །དཀྱིལ་འཁོར་ཕྱི་རིམ་ཕྱོགས་སུ་ནི། །སེམས་དཔའ་ཆེན་པོ་རྣམས་ཀྱང་གཞག །དེ་ནས་རྡོ་རྗེ་སློབ་དཔོན་གྱིས། །དམ་ཚིག་མཆོག་གི་ཕྱག་རྒྱ་ནི། །ཆོ་ག་བཞིན་བཅིངས་ཞུགས་ནས་ཀྱང་། །གྷཎྜའི་ཕྱག་རྒྱས་དབབ་པར་བགྱི། །དེ་ལ་ཐམས་ཅད་དབབ་པའི་སྙིང་པོ་ནི་འདི་ལགས་སོ། །ཨཿ། བདག་ལ་བྱིན་གྱིས་བརླབ་ལ་སོགས། །ཇི་ལྟ་བར་ནི་བཀའ་ནོད་དོ། །དེ་ལྟར་བགྱིས་ནས་བདག་མིང་བརྗོད། །དེ་ནས་རྡོ་རྗེས་བསྒྲུབ་བགྱི་བ། །རྡོ་རྗེ་སློབ་དཔོན་སེམས་དཔའ་ཡི། །རྡོ་རྗེ་ལྕགས་ཀྱུ་བཅིངས་ནས་ནི། །སེ་གོལ་མང་པོ་བརྡབ་གྱིས་ལ། །སངས་རྒྱས་ཐམས་ཅད་བསྡུ་བར་བགྱི། །དེ་ཚེ་སངས་རྒྱས་ཐམས་ཅད་ནི། །རྡོ་རྗེ་སེམས་ལ་སོགས་པར་བཅས། །དཀྱིལ་འཁོར་ཐམས་ཅད་གང་བ་རྣམས། །དཀྱིལ་འཁོར་རྣམས་སུ་འདུས་པར་འགྱུར། །དེ་ནས་རྡོ་རྗེ་སེམས་དཔའ་ཡི། །ཕྱག་རྒྱ་ཆེན་པོ་སྒོམ་བྱེད་ཅིང་། །མིང་བརྒྱ་རྩ་བརྒྱད་དམ་པ་ནི། །ཅུང་ཟད་རབ་ཏུ་བརྗོད་པར་བགྱི། །ད་ནས་འདུས་པ་དགྱེས་པས་ན། །དེ་བཞིན་གཤེགས་རྣམས་བརྟན་པར་འགྱུར། །རྡོ་རྗེ་སེམས་དཔའ་རང་གྲུབ་པ། །གྲོགས་པོ་ཉིད་དུ་ཉེ་བར་གནས། །དེ་ནས་སྒོ་རྣམས་ཐམས་ཅད་དུ། །ལྕགས་ཀྱུ་ལ་སོགས་ལས་བགྱིས་ནས། ། ལས་ཆེན་མཆོག་གི་ཕྱག་རྒྱ་ཡིས། །དམ་ཚིག་རྣམས་ནི་གཞག་པར་བགྱི། །དམ་ཚིག་མཆོག་གི་ཕྱག་རྒྱ་དང་། །སེམས་དཔའ་རྡོ་རྗེ་ལ་སོགས་པས། །དེ་ལྟར་སེམས་དཔའ་ཆེན་པོ་བསྒྲུབ། །ཛཿཧཱུྃ་བཾ་ཧོཿཞེས་བརྗོད་ཅིང་། །དེ་ནས་སངས་རྒྱས་ལ་སོགས་པ། །སེམས་དཔའ་ཆེན་པོ་ཀུན་བསྡུ་བར། །སྤྱན་དྲངས་ནས་ནི་རབ་ཏུ་བཅུག །བཅིངས་ནས་དེ་ཡི་དབང་དུ་གྱུར། །དེ་ནས་བདག་ཉིད་ཆེན་པོ་རྣམས། །གསང་བའི་མཆོད་པས་མཉེས་བགྱིས་ལ། །ཐམས་ཅད་གྲུབ་ཕྱིར་སེམས་ཅན་དོན། །ཐམས་ཅད་མཛོད་ཅེས་གསོལ་བར་བགྱི། །དཀྱིལ་


DKG084_Page_0052
[མ་དཔེ་གཟིགས་ན་འདིར་གནོན།]

འཁོར་ཐམས་ཅད་དུ་རྡོ་རྗེ་སློབ་དཔོན་གྱིས་དེ་བཞིན་དུ་ལས་བགྱིའོ། །དེ་ནས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདིར་ནི་རྡོ་རྗེ་སློབ་མ་དཀྱིལ་འཁོར་དུ་ཞུགས་པ་ལ་སོགས་པ་ཆོ་ག་རྒྱས་པར་མཆིས་སོ། །དེ་ལ་དང་པོ་གཞུག་པ་ལགས་ཏེ་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་། སེམས་ཅན་ཐམས་ཅད་ཀྱི་ཕན་པ་དང་བདེ་བའི་མཆོག་གྲུབ་པར་བགྱི་བའི་སླད་དུའོ། །དཀྱིལ་འཁོར་ཆེན་པོ་འདིར་གཞུག་པ་ལ་སྣོད་དུ་གྱུར་པ་དང་སྣོད་དུ་མ་གྱུར་པ་བརྟག་མི་འཚལ་ལོ། །དེ་ཅིའི་ཕྱིར་ཞེ་ན། བཅོམ་ལྡན་འདས་སེམས་ཅན་ཁ་ཅིག་ནི་སྡིག་པ་ཆེན་པོ་བགྱིད་པ་ཡང་མཆིས་ཏེ། དེ་དག་གིས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དེར་ཞུགས་ཏེ་མཐོང་ན། ངན་སོང་ཐམས་ཅད་དང་བྲལ་བར་འགྱུར་རོ། །བཅོམ་ལྡན་འདས་ནོར་དང་ནོར་བུ་དང་། བཟའ་བ་དང་བཏུང་བ་དང་འདོད་པའི་ཡོན་ཏན་ཐམས་ཅད་ལ་ཆགས་པ་དང་། དམ་ཚིག་ལ་མི་དགའ་བ་དང་སྔར་སྤྱད་པ་ལ་སོགས་པ་མི་ནུས་པའི་སེམས་ཅན་དག་ཀྱང་མཆིས་ཏེ། དེ་དག་ཀྱང་དེར་ཇི་ལྟར་འཚལ་བ་བཞིན་དུ་བགྱིད་ཅིང་ཞུགས་པ་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །བཅོམ་ལྡན་འདས་སེམས་ཅན་ཁ་ཅིག་ནི་གར་དང་གླུ་དང་གད་མོ་དང་རྩེད་མོ་དང་། ཁ་ཟས་དང་སྤྱོད་པ་ལ་དགའ་བ་རྣམས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་ཆོས་ཉིད་ཁོང་དུ་མ་ཆུད་པས་ལྷ་གཞན་གྱི་རིགས་དང་དཀྱིལ་འཁོར་དུ་འཇུག་གི །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དཀྱིལ་འཁོར་དུ་རེ་བ་ཐམས་ཅད་ཡོངས་སུ་རྫོགས་པར་ཡང་དག་པར་གྱུར་པས། བླ་ན་མེད་པའི་དགའ་བ་དང་མགུ་བ་དང་རངས་པ་རྣམས་འབྱུང་བ་དེར་ནི་བསླབ་པའི་ཚིག་གིས་འཇིགས་ཤིང་སྐྲག་ནས། མི་འཇུག་པ་དག་ཀྱང་མཆིས་ཏེ། དེ་དག་ངན་སོང་གི་དཀྱིལ་འཁོར་གྱི་ལམ་དུ་འཇུག་པར་ཁ་བལྟས་ཤིང་གནས་པ་རྣམས་ཀྱང་དགའ་བ་དང་། མགུ་བའི་དམ་པ་ཐམས་ཅད་འགྲུབ་ཅིང་བདེ་བ་དང་། ཡིད་བདེ་བ་མྱོང་བར་བགྱི་བ་དང་། ངན་སོང་གི་རྒྱུད་ཐམས་ཅད་དུ་འཇུག་པར་ཁ་བལྟས་པའི་ལམ་ལས་བཟློག་པར་བགྱི་བའི་


DKG084_Page_0053
[མ་དཔེ་གཟིགས་ན་འདིར་གནོན།]

སླད་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དེར་འཇུག་ཏུ་རུང་ངོ་། །བཅོམ་ལྡན་འདས་ཆོས་ཅན་གྱི་སེམས་ཅན་དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དམ་པ་འགྲུབ་པའི་ཐབས་ཀྱིས་སངས་རྒྱས་རྣམས་ཀྱི་བྱང་ཆུབ་ཚོལ་བ་ན་བསམ་གཏན་དང་། རྣམ་པར་ཐར་བ་དང་། ས་རྣམས་ཀྱིས་འབད་ཅིང་ཉོན་མོངས་པར་གྱུར་པ་དག་ཀྱང་མཆིས་ཏེ། དེ་དག་ཀྱང་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དེར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་དུ་འགྲུབ་པར་ཡང་དཀའ་བ་ལགས་ན། དངོས་གྲུབ་གཞན་ལྟ་སྨོས་ཀྱང་ཅི་འཚལ། དེ་ལ་དང་པོ་ཁོ་ནར་དེ་བཞིན་གཤེགས་པ་ཐམས་ཅད་ལ་ཕྱག་བཞི་བྱའོ། །དེ་ནི་འདི་ལྟར་ལུས་ཐམས་ཅད་ཀྱིས་རྡོ་རྗེ་ཐལ་མོ་བརྐྱང་སྟེ་ཕྱག་འཚལ་ཞིང་སྔགས་འདི་སྐད་དུ། ཨོཾ་སརྦྦ་ཏཐཱ་ག་ཏ་པཱུ་ཛོཔ་སྠཱ་ནཱ་ཡ་ཨཱཏྣཱ་ནཾ་ནི་རྻཱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཱཾ་ཞེས་བརྗོད་དོ། །དེ་བཞིན་དུ་འདུག་སྟེ་རྡོ་རྗེ་ཐལ་མོ་སྙིང་གར་བཞག་སྟེ་དཔྲལ་བས་ཕྱག་འཚལ་ཞིང་། སྔགས་འདི་སྐད་དུ། ཨོཾ་སརྦྦ་ཏ་ཐཱ་ག་ཏ་བཱུ་ཛཱ་ཨ་བྷི་ཥེ་ཀཱ་ཡ་ཨཱཏྤཱ་ནཾ་ནི་རྻཱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཾ་ཞེས་བརྗོད་དོ། །དེ་ནས་དེ་བཞིན་དུ་འདུག་སྟེ་རྡོ་རྗེ་ཐལ་མོ་སྤྱི་བོར་སྦྱར་ཏེ་ཁས་ཕྱག་འཚལ་ཞིང་འདི་སྐད་དུ། ཨོཾ་སརྦྦ་ཏ་ཐཱ་ག་ཏ་པཱུ་ཛཱ་པྲ་བརྟ་ནཱ་ཡ་ཨཱ་ཏྨཱ་ནཾ་ནི་རྱཱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་དྷརྨྨ་པྲ་བརྟ་ཡ་མཾ་ཞེས་བརྗོད་དོ། །དེ་ནས་དེ་བཞིན་དུ་འདུག་སྟེ་རྡོ་རྗེའི་ཐལ་མོ་སྤྱི་བོ་ནས་ཕབ་སྟེ། སྙིང་གར་བཞག་སྟེ་སྤྱི་བོས་ཕྱག་འཚལ་ཞིང་འདི་སྐད་དུ། ཨོཾ་སརྦྦ་ཏ་ཐཱ་ག་ཏ་པཱུ་ཛཱ་ཀརྨྨ་ཎེ་ཨཱཏྨཱ་ནཾ་ནི་རྱཱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་ཀརྨྨ་ཀུ་རུ་མཱཾ་ཞེས་བརྗོད་དོ། །དེ་ནས་སྟོད་གཡོགས་གོས་དམར་པོ་གྱོན་ལ། གདོང་རས་དམར་པོས་དཀྲིས་ནས་སེམས་དཔའི་རྡོ་རྗེའི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །སམ་ཡསྟྭཾ། དེ་ནས་གུང་མོ་གཉིས་ཀྱིས་མེ་ཏོག་གི་ཕྲེང་བ་འཛིན་བཅུག་ལ་དྲང་ཞིང་སྙིང་པོ་འདི་བརྗོད་དོ། །ས་མ་ཡ་ཧཱུྃ། དེ་ནས་བཅུག་མ་ཐག་ཏུ་འདི་སྐད་དུ་བསྒོས་ཤིག །དེང་ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། ངས་ཁྱོད་ལ་ཡེ་ཤེས་གང་གིས་དེ་བཞིན་


DKG084_Page_0054
[མ་དཔེ་གཟིགས་ན་འདིར་གནོན།]

གཤེགས་པ་ཐམས་ཅད་དུ་འགྲུབ་པའང་ཐོབ་ན། དངོས་གྲུབ་གཞན་ལྟ་སྨོས་ཀྱང་ཅི་དགོས་ཏེ། དེ་ལྟ་བུའི་ཡེ་ཤེས་བསྐྱེད་པར་བྱ་ཡིས། ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ལ་མ་སྨྲ་ཤིག་དམ་ཚིག་ཉམས་པར་གྱུར་ཏ་རེ། དེ་ནས་རྡོ་རྗེ་སློབ་དཔོན་ཉིད་ཀྱིས་སེམས་དཔའི་རྡོ་རྗེའི་ཕྱག་རྒྱ་ཁ་ནང་ན་བསྟན་པ་དང་། ཕྱིར་བསྟན་པ་བཅིངས་ལ་རྡོ་རྗེ་སློབ་མའི་སྤྱི་བོར་བཞག་སྟེ་འདི་སྐད་དུ་བརྗོད་པར་བྱའོ། །འདི་ནི་ཁྱོད་ཀྱི་རྡོ་རྗེའི་དམ་ཚིག་ཡིན་གྱིས་གལ་ཏེ་འགའ་ཞིག་ལ་སྨྲས་ན། ཀླད་པ་འགས་པར་འགྱུར་རོ། །དེ་ནས་དམ་ཚིག་གི་ཕྱག་རྒྱ་དེ་ཉིད་དང་མནའི་ཆུའི་སྙིང་པོས་བསྔགས་ལ་སློབ་མ་དེ་འཐུང་དུ་གཞུག་གོ། །དེ་ལ་མནའི་སྙིང་པོ་འདི་ཡིན་ཏེ། རྡོ་རྗེ་སེམས་དཔའ་དེང་ཁྱོད་ཀྱི། །སྙིང་ལ་ཡང་དག་གཞུག་པར་མཛད། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཨོཾ་བཛྲོད་ཀ་ཐ། དེ་ནས་སློབ་མ་ལ་འདི་སྐད་བསྒོས་ཤིག །དེང་ཕྱིན་ཆད་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱིས། ངས་འདི་བྱོས་ཤིག་ཅེས་བསྒོ་བ་གང་ཡིན་པ་དེ་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག །མི་བདེ་བ་མ་སྤངས་པས་ཁྱོད་དུས་བྱས་ནས་དམྱལ་བར་ལྟུང་བར་གྱུར་ཏ་རེ་ཞེས་སྨྲས་ལ་འདི་སྐད་དུ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ལ། རྡོ་རྗེ་སེམས་དཔའ་བདག་ལ་འབབ་པར་གྱུར་ཅིག་ཅེས་བརྗོད་དུ་གཞུག་གོ། །དེ་ནས་རྡོ་རྗེ་སློབ་དཔོན་གྱིས་མྱུར་དུ་སེམས་དཔའི་རྡོ་རྗེའི་ཕྱག་རྒྱ་བཅིངས་ལ། འདི་སྐད་དུ་སྨྲར་གཞུག་གོ། །འདི་ནི་རྡོ་རྗེའི་དམ་ཚིག་སྟེ། །རྡོ་རྗེ་སེམས་དཔའ་ཡིན་པར་གྲགས། །རྡོ་རྗེའི་ཡེ་ཤེས་བླ་མེད་ནི། །དེ་རིང་ཉིད་དུ་འབབ་པར་ཤོག །ཨོཾ་བཛྲ་ཨཱ་བེ་ཤ་ཨཿ། དེ་ནས་ཁྲོ་བོས་ཕྱག་རྒྱ་བཅིངས་ལ། སེམས་དཔའི་རྡོ་རྗེའི་ཕྱག་རྒྱ་ལ་མདུད་ཅིང་དྲངས་ལ་ཐེག་པ་ཆེན་པོ་མངོན་པར་རྟོགས་པའི་ཚིག་ཅི་ནུས་པར་སྨྲར་གཞུག་གོ། ། དེ་ནས་ཕབ་སྟེ་བབས་མ་ཐག་ཏུ་ལྷའི་ཡེ་ཤེས་སྐྱེ་བར་འགྱུར་ཏེ། ཡེ་ཤེས་དེས་ཕ་རོལ་གྱི་སེམས་ཤེས་པར་འགྱུར་རོ། །འདས་པ་དང་མ་འོངས་པ་དང་ད་ལྟར་བྱུང་བ་རྣམས་ཀྱི་དགོངས་པ་ཐམས་ཅད་ཤེས་པར་འགྱུར་རོ། །དེ་བཞིན་གཤེགས་པའི་བསྟན་པ་ཐམས་ཅད་ལ་དེ་ཡིས་སེམས་


DKG084_Page_0055
[མ་དཔེ་གཟིགས་ན་འདིར་གནོན།]

བརྟན་པར་འགྱུར་རོ། །དེ་ཡིས་སྡུག་བསྔལ་ཐམས་ཅད་ཟད་པར་འགྱུར་རོ། །འཇིགས་པ་ཐམས་ཅད་དང་བྲལ་ནས་གནོད་པ་མེད་པར་འགྱུར་རོ། །སེམས་དཔའ་ཐམས་ཅད་དང་དེ་བཞིན་གཤེགས་པ་ཐམས་ཅད་ཀྱིས་ཀྱང་བྱིན་གྱིས་བརླབས་པར་འགྱུར་རོ། །དངོས་གྲུབ་ཐམས་ཅད་འདིའི་མངོན་སུམ་དུ་འགྱུར་རོ། །རྒྱུ་མེད་པར་སྔོན་མ་བྱུང་བའི་དགའ་བ་དང་མགུ་བ་དང་། རངས་པར་བྱེད་པའི་བདེ་བ་ཐམས་ཅད་དེ་ལ་སྐྱེ་བར་འགྱུར་རོ། །བདེ་བ་དེ་དག་ཁ་ཅིག་གིས་ནི་ཏིང་ངེ་འཛིན་འགྲུབ་པར་འགྱུར་རོ། །ཁ་ཅིག་གིས་ནི་གཟུངས། ཁ་ཅིག་གིས་ནི་རེ་བ་ཐམས་ཅད་ཡོངས་སུ་རྫོགས་པ་ནས། ཁ་ཅིག་གིས་ནི་དེ་བཞིན་གཤེགས་པ་ཐམས་ཅད་འགྲུབ་པའི་བར་དུ་འགྱུར་རོ། །དེ་ནས་ཕྱག་རྒྱ་དེ་བཅིངས་ལ་རང་གི་སྙིང་གར་བཀྲོལ་ཞིང་སྙིང་པོ་འདི་ཡང་སྨྲར་གཞུག་གོ། །ཏིཥྛ་བཛྲ་དྲྀ་ཌྷོ་མེ་བྷ་བ་ཤཱ་ཤྭ་ཏྱོ་མེ་བྷ་བ། དྲི་ད་ཡ་མེ། ཨ་དྷི་ཏིཥྛ་སརྦ་སིདྡྷི་མྨེ་བྲ་ཡཙྩ་ཧཱུཾ། ཧ་ཧ་ཧ་ཧ་ཧོ། དེ་ནས་མེ་ཏོག་གི་ཕྲེང་བ་དེ་དཀྱིལ་འཁོར་ཆེན་པོར་དོར་ཞིང་སྙིང་པོ་འདི་ཡང་ཆེད་དུ་བརྗོད་དུ་གཞུག་གོ། །པྲཏཱི་ཙྪ་བདྲ་ཧོཿ། དེ་ནས་གང་ལ་བབ་པ་དེ་དེས་འགྲུབ་བོ། །དེ་ནས་ཕྲེང་བ་དེ་བླངས་ཏེ། མགོ་བོར་བཅིངས་ལ་སྙིང་པོ་འདི་སྨྲར་གཞུག་གོ། ། ཨོཾ་པྲ་ཏི་གྲིཧྞ་སྭ་མི་མཱཾ་སཏྭ་མ་ཧྭ་བ་ལ། དེ་བཅིངས་པས་སེམས་དཔའ་ཆེན་པོ་དེས་བདག་གིར་བྱས་པར་གྱུར་པས་འདི་མྱུར་དུ་འགྲུབ་པར་འགྱུར་རོ། །དེ་ནས་དེ་ལྟར་བབས་བཞིན་དུ་གདོང་གཡོགས་པ་བཀྲོལ་ཏེ། སྙིང་པོ་འདི་ཡང་སྨྲར་གཞུག་གོ། །ཨོཾ་བཛྲ་སཏྭ་ས་ཡཾ་ཏེ་ཏྱ་ཙཀྵུརྒ་ཏ་ན་ཏཏྤ་ར་ཨུ་ཏྒྷ་ཊ། ཡ་ཏི་སརྦྦཱ་ཀྵོ་བཛྲ་ཙཀྵུ་ཨ་ནུཏྟ་རཾ་ཧེ་བཛྲ་པཱ་ཤྱ། དེ་ནས་དཀྱིལ་འཁོར་ཆེན་པོ་རིམ་པ་བཞིན་དུ་བསྟན་ཏོ། །དཀྱིལ་འཁོར་ཆེན་པོ་མཐོང་མ་ཐག་ཏུ་ཡང་། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །རྡོ་རྗེ་སེམས་དཔའ་ཡང་དེའི་སྙིང་ག་ན་གནས་སོ། །དེ་ནས་དེ་བཞིན་གཤེགས་པ་ཐམས་ཅད་བྱིན་གྱིས་བརླབས་པའི་ཕྱིར། འོད་ཟེར་སྣ་ཚོགས་ལ་སོགས་པའི་དཀྱིལ་འཁོར་མཐོང་བ་ལ་སོགས་པ་དང་། རྫུ་འཕྲུལ་དང་ཆོ་འཕྲུལ་རྣམས་ཀྱང་མཐོང་བར་འགྱུར་རོ། །གལ་ཏེ་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཉིད་


DKG084_Page_0056
[མ་དཔེ་གཟིགས་ན་འདིར་གནོན།]

དམ། དེ་བཞིན་གཤེགས་པའི་སྐུ་ཅིག་སྟོན་པར་འགྱུར་རོ། །དེའི་ཕྱིན་ཆད་དོན་ཐམས་ཅད་དང་ཡིད་ཀྱི་དགོས་པའི་འདོད་པ་ཐམས་ཅད་དང་། དངོས་གྲུབ་ཐམས་ཅད་ནས་རྡོ་རྗེ་འཛིན་པ་ཉིད་དམ། དེ་བཞིན་གཤེགས་པ་ཉིད་དུ་འགྲུབ་པར་འགྱུར་རོ། །དེ་ནས་དཀྱིལ་འཁོར་ཆེན་པོ་མཐོང་བའི་འོག་ཏུ་རྡོ་རྗེས་བྱིན་གྱིས་བརླབས་པའི་བུམ་པའི་ནང་གི་དྲིའི་ཆུ་དང་སྙིང་པོ་འདིས་དབང་བསྐུར་བར་བྱའོ། །ཨོཾ་བཛྲ་ཨབྷི་ཥིཉྩ་མཱི། དེ་ནས་ཕྱག་རྒྱ་དང་ཕྲེང་བ་གང་ཡང་རུང་བ་གཅིག་བཅིངས་ལ་རང་གི་མཚན་མ་ལག་པར་བཞག་ལ་འདི་སྐད་དུ་བརྗོད་པར་བྱའོ། །སངས་རྒྱས་ཀུན་གྱི་རྡོ་རྗེའི་དབང། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་དུ་རབ་འགྲུབ་ཕྱིར། །རྡོ་རྗེ་དེ་ནི་ཁྱོད་ཀྱིས་ལོང་། །ཨོཾ་བཛྲ་ཨ་དྷི་པ་ཏི་སྟྭཾ་ཨ་བྷི་ཥི་ཉྩཱ་མི། ཏིཐྠ་བཛྲ་ས་མ་ཡ་སྟྭཾ། དེ་ནས་སྙིང་པོ་འདིས་རྡོ་རྗེ་ཞེས་བྱ་བའི་དབང་བསྐུར་བྱའོ། །ཨོཾ་བཛྲ་སཏྭ་སྟྭཾ་ཨ་བྷིཥི་ཉྩཱ་མི། བཛྲ་ནཱ་མ་ཨ་བྷི་ཥེ་ཀ་ཏ། ཀྱེ་རྡོ་རྗེ་ཞེས་གང་གི་མིང་གིས་གང་བརྗོད་པ་དེར། ཀྱེ་ཞེས་བརྗོད་པར་བྱའོ། །དཀྱིལ་འཁོར་ཐམས་ཅད་དུ་འཇུག་པའི་ཆོ་ག་རྒྱས་པའོ། །དེ་ནས་ཅི་ཁྱོད་དོན་འབྱུང་བའི་དངོས་གྲུབ་ཀྱི་ཡེ་ཤེས་དང་། རྫུ་འཕྲུལ་གྱི་དངོས་གྲུབ་འགྲུབ་པའི་ཡེ་ཤེས་དང་། རིག་འཛིན་གྱི་དངོས་གྲུབ་འགྲུབ་པའི་ཡེ་ཤེས་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་མཆོག་འགྲུབ་པའི་ཡེ་ཤེས་ཀྱི་བར་དུ། གང་འདོད་ཅེས་སྨྲས་ལ་དེ་ནས་གང་གིས་གང་འདོད་པ་དེ་དེ་ལ་བརྗོད་པར་བྱའོ། །དེ་ནས་དོན་ཐམས་ཅད་ཀྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེའི་དབྱིངས་ནི་གཏེར་གནས་པ། །སྙིང་གར་ཡོངས་སུ་བསྒོམ་པར་བྱ། །བསྒོམས་ནས་ས་ལ་གནས་པ་ཡི། །གཏེར་ནི་དེ་ཡིས་མཐོང་བར་འགྱུར། །རྡོ་རྗེའི་དབྱིབས་ཅིག་བྲིས་ནས་ཀྱང་། །ནམ་མཁའི་ངོས་ལ་བསྒོམ་པར་བྱ། །གང་དུ་ལྷུང་བར་མཐོང་བ་དེར། །གཏེར་ཡོད་པར་ནི་ཤེས་པར་བྱ། །བློ་ལྡན་མི་ཡིས་རྡོ་རྗེའི་དབྱིབས། །ལྕེ་ཡི་སྟེང་དུ་བསྒོམས་ན་ནི། །འདི་ན་ཡོད་ཅེས་བདག་ཉིད་ཀྱིས། །བདེན་པ་ཉིད་དུ་སྨྲ་བར་འགྱུར། །བདག་གི་ལུས་ནི་ཐམས་ཅད་ལ། །རྡོ་རྗེ་དབྱིབས་སུ་བསྒོམས་ནས་ནི། །བབས་པར་


DKG084_Page_0057
[མ་དཔེ་གཟིགས་ན་འདིར་གནོན།]

གྱུར་ནས་གར་གནས་པར། །གཏེར་ནི་དེ་ན་ཡོད་པར་བཤད། །དེ་དག་གི་སྙིང་པོ་ནི་འདི་དག་ཡིན་ནོ། །ཨོཾ་བཛྲ་ནི་དྷཱི། ཨོཾ་རཏྣ་ནི་དྷཱི། ཨོཾ་དྷརྨྨ་ནི་དྡཱི། ཨོཾ་ཀརྨྨ་ནི་དྷཱི། དེ་ནས་རྡོ་རྗེ་རྫུ་འཕྲུལ་གྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེའི་དབབ་པ་བྱས་ནས་ནི། །ཆུ་ལ་རྡོ་རྗེའི་དབྱིབས་འདྲ་བར། །བསྒོམས་ནས་ཆུ་ཡི་སྟེང་ན་ཕར། །འགྲོ་བའི་དངོས་གྲུབ་མྱུར་བར་འགྲུབ། །དེ་ལྟར་དབབ་པ་བྱས་ནས་ཀྱང་། །གང་གི་གཟུགས་སུ་བདག་གི་ལུས། །བསྒོམས་པར་གྱུར་ན་བདག་ཉིད་ནི། །སངས་རྒྱས་ཀྱི་ནི་སྐུར་ཡང་འགྱུར། །དེ་ལྟར་བདག་ལ་ཕབ་ནས་ཀྱང་། །བདག་གིས་བདག་ཉིད་ནམ་མཁར་ནི། །བསྒོམས་པར་གྱུར་ན་ཇི་སྲིད་དུ། །འདོད་པ་དེ་སྲིད་མི་སྣང་འགྱུར། །རྡོ་རྗེ་བབས་པར་བདག་གྱུར་ནས། །རྡོ་རྗེ་ཡིན་པར་བདག་བསྒོམས་ན། །གནས་ནས་ཇི་སྲིད་ལྡིང་འདོད་པ། །དེ་སྲིད་མཁའ་ལ་འགྲོ་བར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་ཛྭ་ལ། བཛྲ་རཱུ་པ། བཛྲ་ཨཱ་ཀཱ་ཤ། བཛྲ་མ་ཧཱུྃ། དེ་ནས་རྡོ་རྗེ་རིག་འཛིན་གྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། ཟླ་བའི་དབྱིབས་ཅིག་བྲིས་ནས་ནི། །སྟེང་གི་མཁའ་ལ་འཕག་བྱ་སྟེ། །ལག་པར་རྡོ་རྗེ་བསྒོམས་ན་ནི། ། རྡོ་རྗེ་རིག་པ་འཛིན་པར་འགྱུར། །ཟླ་བའི་དབྱིབས་སྟེང་འདུག་གནས་ནས། །རྡོ་རྗེ་རིན་ཆེན་རབ་བསྒོམས་ན། །བདག་ཉིད་བདག་པ་ཇི་སྲིད་འདོད། །དེ་སྲིད་སྐད་ཅིག་ལྡིང་བར་འགྱུར། །ཟླ་བའི་དབྱིབས་ཀྱི་སྟེང་འདུག་ནས། །རྡོ་རྗེ་པད་མ་ལ་གནས་པར། །བསྒོམས་ན་རྡོ་རྗེ་སྤྱན་གྱིས་ནི། །རིག་འཛིན་གོ་འཕང་སྦྱིན་པར་བྱེད། །ཟླ་བའི་དཀྱིལ་འཁོར་དབུས་གནས་ནས། །ལས་ཀྱི་རྡོ་རྗེ་བསྒོམས་ན་ནི། །རྡོ་རྗེ་སྣ་ཚོགས་འཛིན་པ་ལས། །རིག་འཛིན་ཀུན་ཏུ་མྱུར་བར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་དྷ་ར། རཏྣ་དྷ་ར། དྷརྨྨ་དྷ་ར། ཀརྨྨ་དྷ་ར། དེ་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེ་ཀུན་གྱི་ཏིང་ངེ་འཛིན། །ནམ་མཁའི་དབྱིངས་སུ་བསམས་ན་ནི། །རྡོ་རྗེའི་བདག་ཉིད་ཇི་སྲིད་འདོད། །དེ་སྲིད་རབ་ཏུ་ལྡིང་བར་འགྱུར། །ཀུན་ལས་


DKG084_Page_0058
[མ་དཔེ་གཟིགས་ན་འདིར་གནོན།]

དག་པའི་ཏིང་ངེ་འཛིན། །བསྒོམས་ན་བླ་མེད་དེ་བཞིན་དུ། །ཡེ་ཤེས་བསྒྲུབ་པས་མྱུར་དུ་ནི། །མངོན་ཤེས་ལྔ་ནི་ཐོབ་པར་འགྱུར། །རྡོ་རྗེ་སེམས་དཔའ་འདྲ་བར་ནི། །ནམ་མཁའ་ཐམས་ཅད་དྲན་བྱས་ན། །བདག་ཉིད་དྲན་པ་བརྟན་ལྡན་ཞིང་། །རྡོ་རྗེ་འཛིན་པར་མྱུར་དུ་འགྱུར། །ནམ་མཁའི་དབྱིངས་ནི་ཐམས་ཅད་དུ། །སངས་རྒྱས་གཟུགས་སུ་དམིགས་ནས་ནི། །སངས་རྒྱས་ཀུན་གྱི་ཏིང་འཛིན་ལས། །སངས་རྒྱས་ཉིད་དུ་འགྲུབ་པར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་བཛྲ། ཤུདྡྷ་ཤུདྡྷ། སཏྭ་སཏྭ། བུདྡྷ་བུདྡྷ། ཐམས་ཅད་ཀྱི་དངོས་གྲུབ་ཀྱི་ཡེ་ཤེས་འགྲུབ་པ་རྣམས་སོ། །དེ་ནས་གསང་ཐུབ་པ་ཡིན་པས། དེ་ལ་དང་པོར་མནའི་སྙིང་པོ་བརྗོད་པར་བྱ་སྟེ། ཨོཾ་བཛྲ་སཏྭ་སྭ་ཡ་ནྡྱེ། ཧྲྀད་ཡེས་མ་བསྟ་ཏ་ནི་བཱི་རྱཱ་ཏ་ཏ་ཀྵ་ཎཱཾཡཱ་ཡཱ་དྻ་ཏི་བྲུ་ཡད་ཨི་དམ་ན་ཡཾ། དེ་ནས་འདི་སྐད་དུ་ཁྱོད་ཀྱིས་མནའི་སྙིང་པོ་དེ་ལས་འདའ་བར་མ་བྱེད་ཅིག །ཁྱོད་ཀྱིས་གནོད་པ་མ་སྤངས་པས། དུས་མ་ཡིན་པར་ཤི་བར་གྱུར་ཏ་རེ། ལུས་འདི་ཉིད་ཀྱིས་དམྱལ་བར་ལྟུང་བར་གྱུར་ཏ་རེ་ཞེས་བསྒོ་བར་བྱའོ། །དེ་ནས་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །རྡོ་རྗེ་དབབ་པ་བྱས་ན་ནི། །མཉམ་པར་བཞག་པས་རྡོ་རྗེ་ཡི། །ཐལ་མོ་ངོས་ཀྱིས་དལ་བརྡབས་ན། །རི་བོ་ཡང་ནི་དབང་དུ་འགྱུར། །རྡོ་རྗེ་ཐལ་མོའི་ཕྱག་རྒྱའོ། །རྡོ་རྗེ་དབབ་པའི་ཆོ་ག་ཡིས། །རྡོ་རྗེ་བསྡམས་པའི་ངོས་ཀྱིས་ནི། །དལ་གྱིས་བརྡབ་པར་སྦྱོར་བ་ཡིས། །རི་བོ་ཡང་ནི་ཀུན་ནས་འགུགས། །དེ་བཞིན་དབབ་པའི་ཆོ་ག་ཡིས། །རྡོ་རྗེ་བསྡམས་པ་བརྐྱང་ནས་ནི། །སོར་མོའི་རྩེ་མོ་མཉམ་བརྡབས་ན། །རིགས་བརྒྱ་ཡུད་ཀྱིས་བརླག་པར་འགྱུར། །ཕྲ་མོ་དབབ་པའི་ཆོ་ག་ཡིས། །སོར་མོ་ཐམས་ཅད་མཉམ་བཞག་ཅིང་། །རྡོ་རྗེ་བསྡམས་མས་བཀྲོལ་བ་ནི། །སྡུག་བསྔལ་ཐམས་ཅད་སེལ་བའི་མཆོག །དེ་ནས་དེ་དག་གི་གསང་བ་བསྒྲུབ་པ་ཡིན་ཏེ། བུད་མེད་དམ་ནི་སྐྱེས་པ་ཡི། །བུ་གའི་ནང་དུ་གཞུག་པར་བྱ། །ཡིད་ཀྱིས་དེ་ལྟར་ཞུགས་ནས་ཀྱང་། །དེ་ཡི་ལུས་ཀུན་ཁྱབ་པར་བསམ། །དེ་ལ་ཐལ་མོའི་སྙིང་པོ་ནི་འདི་དག་ཡིན་ནོ། །བཛྲཔཱ་ཤ། བཛྲ་ཨཱ་བེ་ཤ།


DKG084_Page_0059
[མ་དཔེ་གཟིགས་ན་འདིར་གནོན།]

བཛྲ་ཧ་ན། བཛྲ་ཧ་ར། དེ་ནས་རང་གི་རིགས་ཀྱི་ལྷའི་ཕྱག་རྒྱ་བཞིའི་ཡེ་ཤེས་བསླབ་པར་བྱའོ། །ཆོ་ག་འདི་སྐད་དུ་བསྒོ་བར་བྱ་སྟེ། ཁྱོད་ཀྱིས་ཕྱག་རྒྱ་མི་ཤེས་པ་གཞན་སུ་ཡང་རུང་བ་ལ། ཕྱག་རྒྱ་གང་ཡང་རུང་བ་བསྟན་པར་མ་བྱེད་ཅིག །དེ་ཅིའི་ཕྱིར་ཞེ་ན། དེ་ནི་འདི་ལྟར་དཀྱིལ་འཁོར་ཆེན་པོ་མ་མཐོང་བར་གྱུར་པའི་སེམས་ཅན་དེ་དག་གིས་ཕྱག་རྒྱ་བཅིང་བ་བྱས་ན། དེའི་ཚེ་དེ་དག་དེ་ལྟར་འགྲུབ་པར་མི་འགྱུར་རོ། །དེ་ནས་དེ་དག་ཐེ་ཚོམ་དུ་གྱུར་ཏེ། གནོད་པ་མ་སྤངས་པས་མྱུར་བ་ཉིད་དུ་དུས་བྱས་ནས། དམྱལ་བ་ཆེན་པོ་མནར་མེད་པ་ཞེས་བྱ་བར་ལྷུང་བར་འགྱུར་རོ། །ཁྱོད་ཉིད་ཀྱང་ངན་སོང་དུ་འགྲོ་བར་འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་སྒྲུབ་པའི་ཕྱག་རྒྱ་ཆེན་པོའི་ཡེ་ཤེས་གང་ཡིན་པ་སྟེ། སེམས་རྟོགས་པ་ནས་བརྩམས་ནས་ནི། །རྡོ་རྗེ་དབྱིངས་ཤེས་རྗོད་བྱེད་ཅིང་། །སངས་རྒྱས་སྐུར་ནི་བདག་བསྒྱུར་ལ། །རྡོ་རྗེ་ཉི་མ་བསྒོམ་པར་བྱ། །གྲུབ་མ་ཐག་ཏུ་དེ་ཡིས་ནི། །ཡེ་ཤེས་ཚེ་སྟོབས་ན་ཚོད་དང་། །ཀུན་ཏུ་འགྲོ་བ་ཉིད་རྣམས་འཐོབ། །སངས་རྒྱས་འགྲུབ་པའང་དཀའ་བ་མིན། །དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པའི་ཕྱག་རྒྱའོ། །དེ་ནས་རྡོ་རྗེ་སེམས་དཔའ་བསྒྲུབ་པའི་ཕྱག་རྒྱ་ཆེན་པོ་བཅིང་བ་ཡིན་ཏེ། སྐུ་གསུང་ཐུགས་ནི་རྡོ་རྗེ་ཡིས། །རྡོ་རྗེ་བསྒྱིངས་པར་སེམས་བསྐྱེད་དེ། །བསྒྱིངས་བཅས་རྡོ་རྗེ་གསོར་བྱེད་ན། །རྡོ་རྗེ་སེམས་དཔར་བདག་ཉིད་འགྱུར། །དེས་ན་ཀུན་དུ་འགྲོ་བ་དང་། །འདོད་པ་ཀུན་བདག་བདེ་ཅན་དང་། །རྫུ་འཕྲུལ་ཆེ་སྟོབས་གཟུགས་མཆོག་རྣམས། །རྡོ་རྗེ་སེམས་དཔའ་འདྲ་བར་འགྱུར། །སྐུ་གསུང་ཐུགས་ནི་རྡོ་རྗེ་ཡིས། །ཇི་ལྟར་རི་མོའི་རྗེས་མཐུན་ཞིང་། །མཚན་མའི་ཕྱག་རྒྱ་རྣམས་ལྡན་པ། །སེམས་དཔའ་ཆེན་པོར་བསྒྲུབ་པར་བྱ། །འདིར་ནི་དུམ་བུ་ཐམས་ཅད་ཀྱི། །སྒྲུབ་པ་དང་ནི་དངོས་གྲུབ་དང་། །གྲུབ་པ་རྣམས་ཀྱི་ལས་ཆེན་རྣམས། །གོ་རིམས་བཞིན་དུ་བཤད་པར་བྱ། །དང་པོར་ཉིན་རེའི་དུས་བཞིན་དུ། །རང་ལ་བྱིན་གྱིས་བརླབ་ལ་སོགས། །བྱས་ནས་ཐམས་ཅད་བསྒྲུབ་བྱ་སྟེ། །དེ་ཡི་འོག་ཏུ་ཅི་དགར་བྱ། །དེ་ལ་ཕྱག་རྒྱ་


DKG084_Page_0060
[མ་དཔེ་གཟིགས་ན་འདིར་གནོན།]

ཆེན་པོར་བསྒྲུབ་པའི་ཆོ་ག་རྒྱས་པ་ནི་འདི་ཡིན་ཏེ། རྡོ་རྗེ་དབབ་པ་བྱས་ནས་ནི། །ཕྱག་རྒྱ་ཆེན་པོ་ཆོ་ག་བཞིན། །བཅིངས་ནས་དེ་ཡི་མདུན་ཕྱོགས་སུ། །སེམས་དཔའ་ཆེན་པོ་དེ་བསྒོམ་མོ། །ཡེ་ཤེས་སེམས་དཔའ་དེ་མཐོང་ནས། །རང་གི་ལུས་སུ་བསྒོམ་པར་བྱ། །བཀུག་ཅིང་བཅུག་ལ་བཅིང་བ་དང་། །དབང་དུ་བྱས་ཏེ་བསྒྲུབ་པར་བྱ། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་སཏྭ་ཨཿརྡོ་རྗེ་དབབ་པའི་སྙིང་པོའོ། །བཛྲ་སཏྭ་དྲྀ་ཤྱ་ཧོ། །སེམས་དཔའ་ཆེན་པོ་རྗེས་སུ་དྲན་པར་བྱ་བའི་སྙིང་པོའོ། །ཛཿཧཱུྃ་བཾ་ཧོཿ། སེམས་དཔའ་ཆེན་པོ་སྤྱན་དྲང་བ་དང་། གཞུག་པ་དང་བཅིང་བ་དང་དབང་དུ་བྱ་བ་རྣམས་ཀྱི་སྙིང་པོའོ། །ས་མ་ཡ་སྟྭཾ་ཞེས་བརྗོད་པས། །རྒྱབ་ཏུ་ཟླ་བ་གྲུབ་ནས་ནི། །དེར་བདག་སེམས་དཔའ་ལུས་སུ་བསྒོམ། །ས་མ་ཡ་སྟྭཾ་ཨ་ཧཾ་བརྗོད། །སེམས་དཔའ་གང་གི་ཕྱག་རྒྱ་གང་། །དེ་ནི་བདག་ཏུ་བསྒོམས་ནས་ནི། །རྡོ་རྗེ་བཟླས་པས་བསྒྲུབ་པར་བྱ། །ཕྱག་རྒྱ་ཐམས་ཅད་བསྒྲུབ་པའོ། །གཞན་ཡང་བསྒྲུབ་པ་ཆེན་པོ་ནི། །ཛཿཧཱུྃ་བཾ་ཧོཿཞེས་བརྗོད་ལ། །ལེགས་པའི་ཆོ་གས་ཡིད་ཀྱིས་ནི། །ལུས་སུ་སངས་རྒྱས་ཀུན་གཞུག་གོ །དེ་ནས་བླ་མེད་རྡོ་རྗེའི་ལས། །དེ་དག་གི་ནི་ལས་བཤད་དེ། །སངས་རྒྱས་རྗེས་སུ་དྲན་གྲུབ་ན། །སངས་རྒྱས་ཉིད་དུ་མྱུར་དུ་འགྱུར། །སེམས་དཔའི་རྡོ་རྗེ་མ་གྲུབ་ན། །ཕྱག་རྒྱ་ཀུན་གྱི་བདག་པོར་འགྱུར། །རིན་ཆེན་རྡོ་རྗེའི་ཕྱག་རྒྱ་ཡིས། །དེ་ནི་རིན་ཆེན་ཀུན་དབང་འགྱུར། །ཆོས་ཀྱི་རྡོ་རྗེ་གྲུབ་ན་ནི། །སངས་རྒྱས་ཆོས་ནི་འཛིན་པར་འགྱུར། །ལས་ཀྱི་རྡོ་རྗེའི་ཕྱག་རྒྱ་ཡིས། །རྡོ་རྗེ་ལས་ནི་བྱེད་པར་འགྱུར། །སེམས་དཔའི་ཕྱག་རྒྱ་བཅིངས་པ་ཡིས། །རྡོ་རྗེ་སེམས་དཔའ་འགྲུབ་པར་འགྱུར། །རྡོ་རྗེ་འདྲེན་པའི་ཆོ་ག་ཡིས། །རྡོ་རྗེ་འཛིན་པ་སྤྱན་འདྲེན་འགྱུར། །རྡོ་རྗེ་འདོད་པའི་ཕྱག་རྒྱ་ཆེས། །སངས་རྒྱས་ཐམས་ཅད་མཉེས་པར་བྱེད། །རྡོ་རྗེ་ལེགས་པའི་ཆོ་ག་ཡིས། །སངས་རྒྱས་ཐམས་ཅད་དགྱེས་པར་བྱེད། །རིན་ཆེན་ཕྱག་རྒྱའི་ཆོ་ག་ཡིས། །སངས་རྒྱས་དབང་བསྐུར་དེ་བཞིན་དུ། །རྡོ་རྗེ་གཟི་བརྗིད་ཆོ་ག་ཡིས། །རྡོ་རྗེ་གཟི་བརྗིད་མྱུར་དུ་འགྲུབ། །རྡོ་རྗེ་དཔལ་འཛིན་བསྟེན་པས་ན། །རེ་བ་རྣམས་


DKG084_Page_0061
[མ་དཔེ་གཟིགས་ན་འདིར་གནོན།]

ནི་ཡོངས་སུ་སྐོང་། །རྡོ་རྗེ་བཞདཔའི་ཆོ་ག་ཡིས། །སངས་རྒྱས་ཀུན་དང་མཉམ་དུ་བཞད། །རྡོ་རྗེ་ཆོས་ཀྱི་ཆོ་ག་ཡིས། །རྡོ་རྗེ་ཆོས་ནི་འཛིན་པར་འགྱུར། །རྡོ་རྗེ་རྣོན་པོའི་ཆོ་ག་ཡིས། །སངས་རྒྱས་ཀུན་གྱི་ཤེས་རབ་མཆོག །རྡོ་རྗེ་འཁོར་ལོ་འཛིན་བསྟེན་པས། །ཆོས་ཀྱི་འཁོར་ལོ་བསྐོར་བར་འགྱུར། །རྡོ་རྗེ་གསུང་གི་ཆོ་ག་ཡིས། །སངས་རྒྱས་གསུང་གི་གྲུབ་པ་འཐོབ། །རྡོ་རྗེའི་ལས་མཆོག་བསྒྲུབས་པས་ན། །རྡོ་རྗེའི་ལས་སུ་མྱུར་དུ་འགྲུབ། །རྡོ་རྗེའི་གོ་ཆ་བསྐོན་ནས་ནི། །རྡོ་རྗེའི་སྐུ་ནི་འཐོབ་པར་འགྱུར། །རྡོ་རྗེ་གནོད་སྦྱིན་བསྒྲུབས་པས་ན། །རྡོ་རྗེ་གནོད་སྦྱིན་མཉམ་པར་འགྱུར། །རྡོ་རྗེ་ཁུ་ཚུར་བཅིངས་པས་ན། །ཕྱག་རྒྱ་ཐམས་ཅད་འགྲུབ་པར་འགྱུར། །རྡོ་རྗེ་འཛིན་པ་བསྒྲུབས་པས་ན། །རྡོ་རྗེ་རོལ་པ་ཆེན་པོ་འཐོབ། །རྡོ་རྗེ་ཕྲེང་བ་བཅིངས་པས་ན། །སངས་རྒྱས་ཀུན་གྱིས་དབང་བསྐུར་འགྱུར། །རྡོ་རྗེ་གླུ་ཡི་ཆོ་ག་ཡིས། །རྡོ་རྗེ་གླུ་ནི་ལེན་པར་འགྱུར། །རྡོ་རྗེའི་གར་གྱི་སྦྱོར་བ་ཡིས། །སངས་རྒྱས་ཀུན་ལ་དེས་མཆོད་དོ། །རྡོ་རྗེ་བདུག་པའི་ཆོ་ག་ཡིས། །འགྲོ་བ་ཐམས་ཅད་ཚིམ་པར་བྱེད། །རྡོ་རྗེ་མེ་ཏོག་སྦྱོར་བྱེད་པས། །དེས་ནི་འགྲོ་བ་དབང་དུ་བྱེད། །རྡོ་རྗེ་སྣང་བའི་ཕྱག་རྒྱ་ཆེས། །རབ་མཆོག་མིག་ནི་སྦྱིན་པར་བྱེད། །རྡོ་རྗེ་དྲི་ཡི་ཆོ་གས་ནི། །སྡུག་བསྔལ་ཐམས་ཅད་སེལ་བར་བྱེད། །རྡོ་རྗེ་ལྕགས་ཀྱུས་དྲངས་པས་ན། །འདྲེན་པ་ཀུན་གྱི་མཆོག་ཏུ་འགྱུར། །རྡོ་རྗེ་ཞགས་པའི་ཆོ་གས་ནི། །ཐམས་ཅད་རབ་ཏུ་འཇུག་པར་འགྱུར། །རྡོ་རྗེ་ལྕགས་སྒྲོག་སྦྱོར་བ་ཡིས། །ཐམས་ཅད་བཅིང་བར་ནུས་པར་འགྱུར། །རྡོ་རྗེ་དབབ་པའི་ཆོ་ག་ཡིས། །ཐམས་ཅད་དབབ་པར་རབ་ཏུ་འགྲུབ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་ཕྱག་རྒྱའི་ཡེ་ཤེས་བཤད་དེ། ཐལ་མོ་དམ་དུ་སྦྱར་བ་ལས། །སོར་མོ་ཐམས་ཅད་བསྣོལ་བ་ནི། །རྡོ་རྗེ་ཐལ་མོར་བཀའ་སྩལ་ཏེ། །རབ་ཏུ་བསྡམས་ཕྱིར་རྡོ་རྗེ་བསྡམས། །དམ་ཚིག་ཕྱག་རྒྱ་ཐམས་ཅད་ནི། །རྡོ་རྗེ་བསྡམས་ལས་བྱུང་བས་ན། །དེ་དག་བསྡམས་པ་རྡོ་རྗེ་ཡི། །བསྡམས་པ་བླ་མེད་བཤད་པར་བྱ། །རྡོ་


DKG084_Page_0062
[མ་དཔེ་གཟིགས་ན་འདིར་གནོན།]

རྗེ་བསྡམས་པ་དམ་བཅས་ལ། །གུང་མོ་མྱུ་གུ་ལྟར་མཉམ་བསྒྲེང་། །གུང་མོ་ནང་དུ་གཤིབས་པ་ནི། །སངས་རྒྱས་གཉིས་པའི་ཡིན་པར་བཤད། །གུང་མོ་རིན་ཆེན་འདྲ་བ་དང་། །གུང་མོ་པདྨ་འདྲ་བར་དགུག །སངས་རྒྱས་ལྔ་བའི་ཕྱག་རྒྱ་ནི། །དེ་བཞིན་མཛུབ་མོ་བཀུག་པའོ། །དེ་ནས་དེ་བཞིན་གཤེགས་པ་ཡི། །རིགས་ཀྱི་དམ་ཚིག་འཛིན་པ་ཡི། །ཕྱག་རྒྱ་བསྡམས་དང་དངོས་གྲུབ་དང་། །ལས་རྣམས་ཡང་དག་བཤད་པར་བྱ། །ཟླ་བ་ལྟ་བུའི་ལག་གཉིས་ཀྱི། །གུང་མོ་བཏང་བར་གྱུར་བ་ཡི། །མཐེའོ་མཐེ་ཆུང་སོ་སོར་བསྒྲེང་། །སེམས་དཔའི་རྡོ་རྗེ་བསྒྲེང་རྡོ་རྗེ། །མཛུབ་མོ་ལྕགས་ཀྱུ་མཛུབ་མོ་སྦྱར། །ལེགས་སོ་སྦྱིན་པ་འདྲ་བ་ནི། །རྡོ་རྗེ་སེམས་དཔའ་བཞི་བོ་ཡི། །ཕྱག་རྒྱ་མང་པོའི་དངོས་གྲུབ་དེའོ། །མཐེ་བོ་གཞིབས་ལ་མཛུབ་གཉིས་བཅག །རྩེ་སྤྲད་རིན་ཆེན་རྡོ་རྗེ་ཡིན། །དེ་ཉིད་གུང་མོ་སྲིན་ལག་དང་། །མཐེའུ་ཆུང་རྣམས་ནི་བསྣོལ་བརྐྱང་བའོ། །དེ་ལས་སྲིན་ལག་མཐེའུ་ཆུང་གཉིས། །མཉམ་པར་གཤིབས་པ་རྒྱལ་མཚན་ནོ། །དེ་འདི་ལས་ནི་བསྐོར་ནས་ཀྱང་། །ཁ་ཡི་ཕྱོགས་སུ་བཞག་པའོ། །མཐེ་བོ་གཉིས་ཀ་མཉམ་པར་གཤིབས། །མཛུབ་མོ་གཉིས་ཀ་བཀུག་པ་དང་། །གུང་མོ་བསྒྲེང་བའི་རྩེ་མོ་བཀུག །དེ་ཉིད་རྡོ་རྗེ་རལ་གྲིའོ། །དེ་ལས་སྲིན་ལག་མཐེའུ་ཆུང་གཤིབས། །འཁོར་ལོ་ཡིན་པར་བཤད་པ་ཡིན། །བསྡམས་ལ་མཐེ་བོ་གཉིས་བཀྲོལ་ལ། །བཀན་ཏེ་ཁ་ཕྱོགས་བཞག་པའོ། །མཐེ་བོ་མཐེའུ་ཆུང་རྩེ་སྤྲད་བསྐྱེད། །ལས་ཀྱི་རྡོ་རྗེ་ཡིན་པར་བཤད། །དེ་ལས་མཛུབ་མོ་གཉིས་གཤིབས་ལ། །སྙིང་གར་བརྐྱང་སྟེ་བཞག་པའོ། །མཛུབ་མོ་རྩེ་མོ་གཉིས་བཀུག་ལ། །མཐེའུ་ཆུང་གཤིབས་པ་མཆེ་བའོ། །མཐེའུ་ཆུང་གཉིས་པར་མཐེ་བོ་གཉིས། །མཛུབ་མོ་གཉིས་ཀྱིས་བཙིར་བའོ། །སྙིང་གར་མཐེ་བོ་མཉམ་ནས་བཞག །རབ་ཏུ་བརྐྱང་བ་ཕྲེང་བའོ། །ཐལ་སྦྱར་རྩེ་མོ་ཁ་ནས་དབྱུང་། །གར་ལས་ཐལ་སྦྱར་སྤྱི་བོར་གཞག །རྡོ་རྗེ་བཅིངས་པ་ཐུར་དུ་ཀླུགས། །ཐལ་མོ་སྦྱར་བ་གྱེན་དུ་གཏོར། །མཐེ་བོ་མཉམ་སྟེ་རབ་ཏུ་བསྡམ། །རབ་ཏུ་བརྐྱང་ནས་བྱུག་པའོ། །མཛུབ་མོ་གཅིག་


DKG084_Page_0063
[མ་དཔེ་གཟིགས་ན་འདིར་གནོན།]

པུ་དགུག་པ་དང་། །མཐེ་བོ་གཉིས་ནི་མདུད་པ་དོར། །མཐེ་བོ་མཛུབ་མོ་གདུ་བུར་བཅིང་། །རྡོ་རྗེ་བཅིང་བ་མཛུབ་མོ་བསྡམ། །དེ་ནས་འདི་རྣམས་བསྒྲུབ་བཤད་དེ། །རྡོ་རྗེའི་བསྒྲུབ་པ་དམ་པའོ། །རྡོ་རྗེ་སེམས་དཔའི་ཏིང་འཛིན་གྱིས། །རང་གི་ཕྱག་རྒྱ་སྙིང་གར་གཞག །དེ་ནས་འདི་རྣམས་ལས་བཤད་པ། །རྡོ་རྗེ་ལས་ནི་བླ་ན་མེད། །རྡོ་རྗེ་དབྱིངས་ལྔའི་ཕྱག་རྒྱ་ནི། །དེ་བཞིན་གཤེགས་རྣམས་འདུས་པ་ཡིས། །དཀྱིལ་འཁོར་སློབ་དཔོན་སློབ་མར་བཅས། །དེ་མ་ཐག་ཏུ་བྱིན་གྱིས་རློབ། །སེམས་དཔའི་རྡོ་རྗེ་བཅིངས་པས་ན། །རྡོ་རྗེ་འཛིན་པ་འདྲ་བར་འགྱུར། །རྡོ་རྗེ་ལྕགས་ཀྱུ་བཅིངས་པ་ཡིས། །སངས་རྒྱས་ཀུན་ཀྱང་དགུག་པར་བྱེད། །འདོད་པའི་རྡོ་རྗེ་སྦྱར་བས་ནི། །རྫོགས་པའི་སངས་རྒྱས་མཉེས་པར་བྱེད། །རྡོ་རྗེ་དགའ་བས་རྒྱལ་བ་ཀུན། །ལེགས་སོ་བས་ནི་བསྟོད་པར་བྱེད། །རིན་ཆེན་རྡོ་རྗེ་བཅིངས་པས་ན། །སངས་རྒྱས་ཀུན་གྱིས་དེ་དབང་བསྐུར། །རྡོ་རྗེ་ཉི་མ་བཅིངས་པས་ན། །སངས་རྒྱས་ཀྱི་ནི་འོད་འདྲར་འགྱུར། །རྡོ་རྗེ་རྒྱལ་མཚན་འཆད་འགྱུར་བས། །རེ་བ་ཀུན་ཀྱང་རྫོགས་པར་བྱེད། །རྡོ་རྗེ་བཞདཔའི་ཚུལ་གྱིས་ནི། །སངས་རྒྱས་ཀུན་དང་ལྷན་ཅིག་བཞད། །ཆོས་ཀྱི་རྡོ་རྗེ་བཅིངས་པས་ན། །རྡོ་རྗེ་ཆོས་དང་འདྲ་བར་འགྱུར། །རྡོ་རྗེ་རལ་གྲི་ཐོགས་པས་ན། །ཉོན་མོངས་ཐམས་ཅད་དེས་གཅོད་དོ། །རྡོ་རྗེ་འཁོར་ལོ་བརྟན་པས་ན། །དཀྱིལ་འཁོར་གྱི་ནི་དབང་པོར་འགྱུར། །རྡོ་རྗེ་སྨྲ་བའི་སྦྱོར་བ་ཡིས། ། རྡོ་རྗེ་ངག་མཆོག་འགྲུབ་པར་འགྱུར། །ལས་ཀྱི་རྡོ་རྗེ་བཅིངས་པས་ན། །རྡོ་རྗེ་ལས་དང་འདྲ་བར་འགྱུར། །རྡོ་རྗེ་གོ་ཆ་བརྟན་བྱས་པས། །ལུས་ནི་རྡོ་རྗེ་འདྲ་བར་འགྱུར། །རྡོ་རྗེ་མཆེ་བའི་ཕྱག་རྒྱ་མཆོག །མ་རུངས་བདུད་ནི་དེས་འཇོམས་སོ། །རྡོ་རྗེ་ཁུ་ཚུར་དམ་བཅིངས་པས། །ཕྱག་རྒྱ་ཀུན་ཡང་དབང་དུ་འགྱུར། །འཛུམ་པས་ལྷ་ཡི་དགའ་བ་རྣམས། །ཕྲེང་བ་ཡིས་ནི་རྒྱན་གྱི་རྣམས། །གླུ་ཡིས་རྟག་ཏུ་སྐད་གསལ་བ། །གར་གྱིས་མཆོད་པ་རྙེད་པར་འགྱུར། །བདུག་པས་འཇིག་རྟེན་དགའ་བར་བྱེད། །མེ་ཏོག་གིས་ནི་མཛེས་པའི་གཟུགས། །མར་མེ་ཡིས་ནི་སྣང་བ་


DKG084_Page_0064
[མ་དཔེ་གཟིགས་ན་འདིར་གནོན།]

དག །དྲི་ཡིས་ལྷ་རྫས་དྲི་ཅན་དུའོ། །རྡོ་རྗེ་ལྕགས་ཀྱུ་དགུག་པ་སྟེ། །རྡོ་རྗེ་ཞགས་པ་འཇུག་པར་བྱེད། །རྡོ་རྗེ་ལྕགས་སྒྲོག་བཅིངས་པ་སྟེ། །རྡོ་རྗེ་དྲིལ་བུ་འབེབས་པའོ། །དེ་ནས་ཆོས་ཀྱི་ཕྱག་རྒྱ་རྣམས་བཤད་དོ། །བཛྲ་ཛྙཱ་ན་སངས་རྒྱས་རྣམས། །རྡོ་རྗེ་དབྱིངས་ནི་བརྟན་པར་བྱེད། ། དེ་ནས་གཞན་ཡང་རབ་བཤད་པ། །ཆོས་ཀྱི་ཕྱག་རྒྱ་ཆོ་ག་བཞིན། །ས་མ་ཡ་སྟྭཾ་ཞེས་བརྗོད་ན། །ཕྱག་རྒྱ་ཀུན་གྱི་དབང་པོར་འགྱུར། །ཨཱ་ན་ཡ་སྭ་ཞེས་བརྗོད་ན། །གདོན་མི་ཟ་བར་སངས་རྒྱས་འགུགས། །ཨ་ཧོ་སུ་ཁ་ཞེས་བརྗོད་ན། །སངས་རྒྱས་རྣམས་ཀྱང་མཉེས་པར་འགྱུར། སཱ་དྷུ་སཱ་དྷུ་ཞེས་སྨྲས་ན། །ལེགས་པའི་ཚིག་གིས་དེ་དགར་བྱེད། །སུ་མ་ཧ་ཏྟྭཾ་ཞེས་སྨྲས་ན། །སངས་རྒྱས་ཀུན་གྱི་དབང་བསྐུར་འཐོབ། །རཱུ་པ་དྱོཏ་ཞེས་སྨྲས་ན། །ཆོས་ཀྱི་གཟི་བརྗིད་ཉིད་དུ་འགྱུར། །ཨརྠ་པྲཱ་པྟ་ཞེས་སྨྲས་ན། །རེ་བ་ཀུན་ནི་རྫོགས་པར་བྱེད། །ཧ་ཧ་ཧཱུྃ་ཧེ་ཞེས་བགད་ན། །སངས་རྒྱས་བཞད་པ་རྙེད་པར་འགྱུར། །སརྦྦ་ཀ་རི་ཞེས་སྨྲས་ན། །མི་བྱ་བ་ཡི་རྣམས་ཀྱང་སྤྱོད། །དུཿཁ་ཙྪེ་ད་ཞེས་སྨྲས་ན། །དེ་ནི་སྡུག་བསྔལ་ཐམས་ཅད་གཅོད། །བུདྡྷ་བོ་དྷི་ཞེས་སྨྲས་ན། །དཀྱིལ་འཁོར་རྣམས་ཀྱི་བདག་པོར་འགྱུར། །པྲ་ཏི་ཤབྡ་ཞེས་སྨྲས་ན། ། སངས་རྒྱས་རྣམས་དང་ལྷན་ཅིག་སྨྲ། །སུ་བྷཱ་ཥི་ཏྭཾ་ཞེས་སྨྲས་ན། །ཀུན་གྱི་དབང་དང་ལ་ལྡན་པར་འགྱུར། །ནི་རྦྷ་ཡ་སྟྭཾ་ཞེས་སྨྲས་ན། །དེ་མ་ཐག་ཏུ་འཇིགས་མེད་འགྱུར། །ཤ་ཏྲུཾ་བྷཀྵ་ཞེས་སྨྲས་ན། །དགྲ་རྣམས་ཐམས་ཅད་ཟ་བར་འགྱུར། །སརྦཱ་སིདྡྷི་ཞེས་སྨྲས་ན། །ཐམས་ཅད་གྲུབ་པ་ཉིད་དུ་འགྱུར། །མ་ཧཱ་ར་ཏི་ལྷ་ཡི་དགའ། །རླུ་(པ་)ཤོ་བྷེས་གཟུགས་བཟང་བ། །ཤོ་ཏྲ་སོོ་ཁྱ་བདེ་བ་སྦྱིན། །སརྦྦ་པཱུ་ཛ་མཆོད་པར་བྱེད། །པྲ་ཧླཱ་ད་ནི་ཡིད་བདེར་འགྱུར། །ཕ་ལཱ་གཱ་མི་འབྲས་བུ་འཐོབ། །སུ་ཏེ་ཛཱ་གྲི་གཟི་བརྗིད་ཆེ། །སུ་གྷ་ནྡྷཾཱ་གི་དྲི་མཆོག་ཅན། །ཨཱ་ཡ་ཧ་ཇིཿའགུགས་བར་བྱེད། །ཨཱ་ཡཱ་ཧི་ཧཱུཾ་འཇུག་པར་བྱེད། །ཧེ་སྥོ་ཊ་བཾ་འཆིར་བ་ཆེ། །གྷ་ནྜཱ་ཨ་ཨཿརབ་བསྐྱོད་པའོ། །དེ་ནས་དེ་དག་གི་ཆོས་ཀྱི་ཕྱག་རྒྱ་བསྒྲུབ་པ་དགེ་བ་བཤད་དོ། །ལྕེ་ལ་རྡོ་རྗེ་བསྒོམས་ནས་ཀྱང་། །ལས་རྣམས་ཐམས་ཅད་བྱེད་པར་འགྱུར། །དེ་ནས་ལས་ཀྱི་ཕྱག་རྒྱ་བཅིང་བ་བཤད་


DKG084_Page_0065
[མ་དཔེ་གཟིགས་ན་འདིར་གནོན།]

དེ། །རྡོ་རྗེ་ཁུ་ཚུར་དམ་བཅིངས་ཏེ། །མཉམ་པར་བཞག་པས་གཉིས་སུ་བྱ། །རྡོ་རྗེའི་ཕྱག་རྒྱ་གཉིས་བཅིངས་ཏེ། །དེ་ནས་བཅིང་བ་རབ་ཏུ་བཤད། །གཡོན་པའི་རྡོ་རྗེ་མཛུབ་མོ་ནི། །གཡས་པའི་ནང་དུ་བསྒྲེང་བར་བྱ། །བྱང་ཆུབ་མཆོག་གི་ཕྱག་རྒྱ་སྟེ། །སངས་རྒྱས་བྱང་ཆུབ་མཆོག་སྦྱིན་པའོ། །མི་གཡོ་བ་ཡི་ས་རེག་པ། །རིན་ཆེན་གྱི་ནི་མཆོག་སྦྱིན་པའོ། །ཚེ་དཔག་མེད་པའི་ཏིང་འཛིན་མཆོག །གདོན་མི་ཟ་བའི་མི་འཇིགས་སྦྱིན། །དེ་ནས་ལས་ཀྱི་ཕྱག་རྒྱ་རྣམས། །མདོར་བསྡུས་རབ་ཏུ་བཤད་པར་བྱ། །རྡོ་རྗེ་སེམས་སོགས་སེམས་དཔའ་རྣམས། །རྡོ་རྗེ་ལས་རྣམས་བྱེད་པ་སྟེ། །བསྒྱིངས་བཅས་གསོར་བ་གཉིས་ཀ་ཡིས། །ལྕགས་ཀྱུ་འཛིན་ལྟར་གནས་པ་དང་། །མདའ་འཕངས་པ་ཡི་ཚུལ་དང་ནི། །ལེགས་སོ་ཞེས་པ་སྙིང་གར་བཞག །དབང་བསྐུར་བ་ནི་རྡོ་རྗེ་གཉིས། ། སྙིང་གར་ཉི་མ་བརྟན་པར་བྱ། །གཡོན་པ་ལ་ནི་གྲུ་མོ་གཟུགས། །དེ་བཞིན་ཁ་ཕྱོགས་བསྐོར་བར་བྱ། །གཡས་པ་ཡིས་ནི་གཡོན་པ་དབྱེ། །སྙིང་གར་གཡོན་པ་རལ་གྲི་མདུང་། །མགལ་མེ་འཁོར་ལོ་བསྐོར་བ་དང་། །རྡོ་རྗེ་གཉི་ག་ཁ་ནས་དབྱུང་། །རྡོ་རྗེ་གར་བསྐོར་བཀྲོལ་བ་ཡི། །ཐལ་མོ་འགྲམ་པ་སྤྱི་བོར་གཞག །གོ་ཆ་མཐེའུ་ཆུང་མཆེ་བ་དང་། །ཁུ་ཚུར་གཉིས་ནི་གནོན་པའོ། །རྡོ་རྗེ་འགྱིང་བའི་ཚུལ་གྱིས་སུ། །བསམ་པ་གཡོས་པས་གདུད་པར་བྱ། །ཕྲེང་བ་འཆིང་དང་ཁ་ནས་དབྱུང་། །རྡོ་རྗེ་གར་ནི་བསྐོར་བ་ཡིན། །རྡོ་རྗེ་ཁུ་ཚུར་ཚུལ་གྱིས་ནི། །བདུག་པ་ལ་སོགས་དེ་བཞིན་སྦྱིན། །སངས་རྒྱས་ཀུན་ལ་མཆོད་པ་ཡི། །ཕྱག་རྒྱའི་མཆོད་པ་བྱེད་པའོ། །མཛུབ་མོ་ལྕགས་ཀྱུ་བཅིང་བ་ནི། །མཐེའུ་ཆུང་ལས་ཏེ་ལྕགས་ཀྱུ་ཆེ། །མཁྲིག་མ་མདུད་པ་མཛུབ་གཉིས་གདུབ། །རྒྱབ་གཉིས་ཀྱང་ནི་བསྙམས་ཏེ་མནན། ། དེ་ནས་འདི་རྣམས་བསྒྲུབ་པ་བཤད། །རྡོ་རྗེའི་ལས་ནི་བྱེད་དང་མཉམ། །རྡོ་རྗེ་ཀུན་དངོས་རྡོ་རྗེ་ནི། །རང་གི་སྙིང་ལ་བསྒོམ་པར་བྱ། །དེ་ནས་ལས་ཀྱི་ཕྱག་རྒྱ་རྣམས། །རྡོ་རྗེ་ལས་ནི་རྣམ་པ་མང་། །ཡེ་ཤེས་ཁུ་ཚུར་བཅིངས་པས་ནི། །སངས་རྒྱས་ཡེ་ཤེས་འཇུག་པར་འགྱུར། །


DKG084_Page_0066
[མ་དཔེ་གཟིགས་ན་འདིར་གནོན།]

མི་གཡོ་བ་ཡི་བཅིངས་བས་ནི། །ཡིད་ནི་གཡོ་བ་མེད་པར་འགྱུར། །རིན་ཆེན་འབྱུང་བའི་ཕྱག་རྒྱ་ཡིས། །གཞན་ལ་ཕན་པར་བྱེད་པར་འགྱུར། །དམ་ཆོས་འཁོར་ལོའི་ཕྱག་རྒྱས་ནི། །ཆོས་ཀྱི་འཁོར་ལོ་བསྐོར་བར་འགྱུར། །མི་འཇིགས་མཆོག་གིས་མྱུར་བར་ནི། །སེམས་ཅན་ཀུན་ལ་མི་འཇིགས་སྦྱིན། །རྡོ་རྗེ་འགྱིང་བ་བརྟན་བྱས་པས། །རྡོ་རྗེ་སེམས་དཔའི་བདེ་བ་རྙེད། །རྡོ་རྗེ་ལྕགས་ཀྱུས་སྐད་ཅིག་ཏུ། །དེ་བཞིན་གཤེགས་པ་ཀུན་ཀྱང་དགུག །བདག་གིས་མདའ་ཡི་ཕྱག་རྒྱ་ཡིས། །རྡོ་རྗེ་ལྷ་མོ་མཉེས་པར་བྱེད། །རྡོ་རྗེ་དགའ་བས་རྒྱལ་བ་ཀུན། །ལེགས་སོ་ཞེས་པའི་ཚིག་ཀྱང་སྦྱིན། །རྡོ་རྗེ་ཆེན་པོའི་ནོར་བུ་བཅིངས། །སྟོན་པ་རྣམས་ཀྱིས་དེ་དབང་བསྐུར། །རྡོ་རྗེ་ཉི་མ་བཅིངས་བས་ནི། །རྡོ་རྗེ་ཉི་མ་འདྲ་བར་འགྱུར། །རྡོ་རྗེ་རྒྱལ་མཚན་བསྒྲེང་བས་ནི། །དེ་ནི་རིན་ཆེན་ཆར་ཡང་འབེབས། །རྡོ་རྗེ་འཛུམ་པ་བཅིངས་པས་ནི། །སངས་རྒྱས་འདྲ་བར་མྱུར་བཞད་འགྱུར། །རྡོ་རྗེ་མེ་ཏོག་བཅིངས་པས་ན། །དེ་ཡིས་རྡོ་རྗེ་ཆོས་རྣམས་མཐོང་། །རྡོ་རྗེ་རལ་གྲི་བརྟན་བཅིངས་ན། །དེ་ནི་སྡུག་བསྔལ་ཐམས་ཅད་གཅོད། །རྡོ་རྗེ་འཁོར་ལོ་བཅིངས་པས་ནི། །ཆོས་ཀྱི་འཁོར་ལོ་བསྐོར་བར་འགྱུར། །སངས་རྒྱས་ཀུན་གྱི་ཚིག་རྣམས་ནི། །རྡོ་རྗེ་བཟླས་པས་འགྲུབ་པར་འགྱུར། །རྡོ་རྗེ་གར་གྱི་མཆོད་པ་ཡིས། །སངས་རྒྱས་ཀྱང་ནི་དབང་དུ་འགྱུར། །རྡོ་རྗེ་གོ་ཆས་ལུས་བཅིངས་པས། །རྡོ་རྗེ་སྙིང་པོ་ཐོབ་པར་འགྱུར། །རྡོ་རྗེ་མཆེ་བ་བཅིངས་པས་ནི། །རྡོ་རྗེ་ཉིད་ཀྱང་བདག་གིས་ཆོམས། །རྡོ་རྗེ་ཁུ་ཚུར་ཀུན་འཕྲོག་ཅིང་། །ཕྱག་རྒྱ་གྲུབ་པ་ཀུན་ཀྱང་རྙེད། །རྡོ་རྗེ་འཛིན་པས་དགའ་བ་སྦྱིན། །རྡོ་རྗེ་ཕྲེང་བས་གཟུགས་བཟང་བ། །རྡོ་རྗེ་གླུ་ཡིས་གླུ་སྙན་པ། །རྡོ་རྗེ་གར་གྱིས་དབང་དུ་བྱེད། །བདུག་པ་ཡིས་ནི་ཡིད་དགའ་བ། །མེ་ཏོག་གིས་ནི་རྒྱན་རྣམས་ཏེ། །མར་མེ་ཡིས་ནི་གཟི་ཆེན་པོ། །རྡོ་རྗེ་དྲི་ནི་དྲི་རབ་ལྡན། །རྡོ་རྗེ་ལྕགས་ཀྱུ་འགུགས་པ་སྟེ། །རྡོ་རྗེ་ཞགས་པ་འཇུག་པའོ། །རྡོ་རྗེ་ལྕགས་སྒྲོག་འཆིང་བར་བྱེད། །རྡོ་རྗེ་དྲིལ་བུ་བསྐྱོད་པའོ། །དེ་ནས་ཕྱག་རྒྱ་ཐམས་ཅད་ཀྱི་སྤྱིའི་ཕྱག་རྒྱ་


DKG084_Page_0067
[མ་དཔེ་གཟིགས་ན་འདིར་གནོན།]

བཅིང་བའི་ཆོ་ག་རྒྱས་བ་བཤད་དེ། །དེ་ལ་ཐོག་མ་ཉིད་དུ་རྡོ་རྗེ་བཅིང་བའི་སོར་མོ་སྙིང་གར་བརྡབ་པར་བྱ་སྟེ་སྙིང་པོ་འདི་བརྗོད་དོ། །བཛྲ་བནྡྷ་ཏྲ་ཊ། དེ་ནས་ཕྱག་རྒྱ་བཅིངས་པ་ཀུན། རང་གིས་ལུས་དང་ངག་དང་སེམས་ཀྱི་རྡོ་རྗེའི་དབང་དུ་འགྱུར་རོ། །དེ་ནས་རྡོ་རྗེ་དབབ་པའི་དམ་ཚིག་གི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །ཨ། དེ་ནས་བབས་ནས་གྲོགས་པོ་ཉིད་དུ་ཉེ་བར་གནས་པར་གྱུར་ཏོ། །དེ་ནས་ཕྱག་རྒྱའི་དམ་ཚིག་གི་སེམས་དཔའ་ཆེན་པོ་རྗེས་སུ་དྲན་པར་བྱ་སྟེ་སྙིང་པོ་འདི་བརྗོད་དོ། །མ་ཧཱ་ས་མ་ཡ་སཏྭ་ཧཾ། དེས་ནི་ཕྱག་རྒྱ་ཐམས་ཅད་འགྲུབ་སྟེ། ཕྱག་རྒྱ་ཐམས་ཅད་འགྲུབ་པའི་ཆོ་ག་རྒྱས་པའོ། །དེ་ནས་སྤྱིའི་བསྒྲུབ་པའི་ཆོ་ག་རྒྱས་པ་བཤད་དོ། །དེ་ལ་ཐོག་མར་རང་གི་ཕྱག་རྒྱ་བཅིངས་ནས། རང་གི་ཕྱག་རྒྱའི་སེམས་དཔར་བདག་གི་སྙིང་པོ་འདིས་བསྒོམ་མོ། །ས་མ་ཡོ་ཧཾ། དེ་ནས་རང་གི་ཕྱག་རྒྱའི་སེམས་དཔར་བདག་བསྒོམས་ནས་སྔགས་འདིས་བྱིན་གྱིས་བརླབ་བོ། །ས་མ་ཡ་སཏྭ་ཨ་དྷི་ཏིཥྛ་སྭ་མཱཾ། དེ་ནས་བསྒྲུབ་པར་བྱའོ། །བསྒྲུབ་པའི་ཆོ་ག་རྒྱས་པའོ། །དེ་ནས་དངོས་གྲུབ་ཀྱི་ཆོ་ག་རྒྱས་པ་བཤད་དེ། དེ་ལ་ཐོག་མར་རེ་ཞིག་ནོར་བསྒྲུབ་པར་འདོད་ན་སྙིང་པོ་འདི་ཡིན་ནོ། །ཨརྠ་སིདྡྷི། དེས་ཕྱག་རྒྱ་གྲུབ་ན་ནོར་ཆེན་པོ་སྐྱེ་བར་འདོད་དོ། །དེ་ནས་རྡོ་རྗེ་འགྲུབ་པར་འདོད་ན་སྙིང་པོ་འདི་ཡིན་ནོ། །བཛྲ་སིདྡྷི། དེས་ཅི་འདོད་པ་བཞིན་དུ་རྡོ་རྗེ་འགྲུབ་པར་འགྱུར་རོ། །དེ་ནས་རིག་འཛིན་གྱི་གྲུབ་པ་འདོད་ན་སྙིང་པོ་འདི་ཡིན་ནོ། ། བཛྲ་བི་དྱཱ་དྷ་ར་སིདྡྷི། དེས་ཇི་ལྟར་འདོད་པ་བཞིན་དུ་རིག་འཛིན་འགྲུབ་བོ། །དེ་བཞིན་དུ་དམ་པ་འགྲུབ་པར་འདོད་ན་རང་གི་ཕྱག་རྒྱའི་སྙིང་པོས་བསྒྲུབ་བོ། །དངོས་གྲུབ་ཀྱི་ཆོ་ག་རྒྱས་པའོ། །དེ་ནས་ཕྱག་རྒྱ་ཐམས་ཅད་ཀྱི་སྤྱིའི་རང་གི་ལུས་དང་ངག་དང་སེམས་རྡོ་རྗེར་བྱ་བའི་སྤྱིའི་ཆོ་ག་རྒྱས་པ་བཤད་དེ། ནམ་ཕྱག་རྒྱའི་བྱིན་གྱིས་བརླབས་ལྷོད་པར་གྱུར་ཏམ། བདག་གཏོང་བར་འདོད་ན། དེ་ནས་སྙིང་པོ་འདིས་བརྟན་པར་བྱའོ། །ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ། ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་


DKG084_Page_0068
[མ་དཔེ་གཟིགས་ན་འདིར་གནོན།]

ཥྱོ་མེ་བྷ་བ། སརྦྦ་སིདྡྷི་མྨེ་པྲ་ཡཙྪ། སརྦྦ་ཀརྨྨ་སུ་ཙ་མེ་ཙིཏྟཾ་ཤྲེ་ཡཿཀུ་རུ་ཧཱུྃ། ཧ་ཧ་ཧ་ཧོཿབྷ་ག་བཱན། སརྦྦ་ཏ་ཐཱ་ག་ཏ། བཛྲ་མཱ་མེ་མུཉྩ་བཛྲཱི་བྷ་བ་མ་ཧཱ་ས་མ་ཡ་སཏྭ་ཨཿ། དེས་ནི་མཚམས་མེད་པ་བྱས་པ་དང་། དེ་བཞིན་གཤེགས་པ་ཐམས་ཅད་བསླུས་པ་དང་དམ་པའི་ཆོས་ལ་སྨོད་པ་དང་། ཉེས་པ་ཐམས་ཅད་བྱས་པ་ཡང་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྒྲུབ་པ་པོས་རྡོ་རྗེ་སེམས་དཔའ་བརྟན་པར་གྱུར་པས། ཚེ་འདི་ཉིད་ལ་ཇི་ལྟར་འདོད་པའི་དངོས་གྲུབ་ཐམས་ཅད་དམ། དངོས་གྲུབ་མཆོག་གམ། རྡོ་རྗེའི་དངོས་གྲུབ་འམ། རྡོ་རྗེ་སེམས་དཔའི་དངོས་གྲུབའམ། དེ་བཞིན་གཤེགས་པའི་དངོས་གྲུབ་ཀྱི་བར་དུ་མྱུར་དུ་འགྲུབ་པོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་གསུངས་སོ། །དེ་ནས་ཕྱག་རྒྱ་ཐམས་ཅད་དགྲོལ་བའི་སྤྱིའི་ཆོ་ག་རྒྱས་པ་བཤད་དོ། །དེ་ལ་ཐོག་མར་ཕྱག་རྒྱ་ཐམས་ཅད་གང་དང་གང་ནས་བྱུང་བ་དེ་དང་དེ་ཉིད་ནས་སྙིང་པོ་འདིས་དགྲོལ་ལོ། །ཨོཾ་བཛྲ་མུཿ། དེ་ནས་སྙིང་ག་ནས་བྱུང་རིན་ཆེན་རྡོ་རྗེའི་ཕྱག་རྒྱ་རང་གི་དབང་བསྐུར་བའི་གནས་ན་གནས་པས་དབང་བསྐུར་ཏེ། མཛུབ་མོ་གཉིས་ཀྱིས་ཕྲེང་བར་བསྐོར་ཞིང་བཅིངས་ནས། དེ་བཞིན་དུ་གོ་ཆ་ཡང་སྙིང་པོ་འདིས་བཅིང་ངོ་། །ཨོཾ་བཛྲ་རཏྣ་ཨ་བྷི་ཥིཉྩ་སརྦྦ་མུ་དྲཱ་མེ་ཏྲི་དྷཱི་ཀུ་རུ་བ་ར་ཀ་བཙེ་ན་བཾ། དེ་ནས་ཡང་གོ་ཆའི་མཐར་ཕྲེང་བ་བཅིངས་པ་བཏད་ལ་ཐལ་མོ་མཉམ་པར་བརྡབས་ཏེ་སྙིང་པོ་འདིས་མཉེས་པར་བྱའོ། །བཛྲ་ཏུ་ཥྱ་ཧོཿ། ཆོ་ག་དེས་ཕྱག་རྒྱ་རྣམས་དགྲོལ་བ་དང་། བཅིང་བ་དང་མཉེས་པར་བྱས་ན་རྡོ་རྗེ་ལྟ་བུར་འགྱུར་རོ། །ཡང་ན་རྡོ་རྗེ་སེམས་དཔས་ཀྱང་བྱའོ། །རྡོ་རྗེ་སེམས་དཔའ་ལན་ཅིག་བཟླས། །ཇི་ལྟར་འདོད་པ་བདག་བདེ་བར། །བཟླས་པ་ཙམ་གྱིས་འགྲུབ་པར་འགྱུར། །ཕྱག་ན་རྡོ་རྗེས་གསུངས་པ་བཞིན། །ཞེས་བཅོམ་ལྡན་འདས་ཀུན་དུ་བཟང་པོས་གསུངས་སོ། །རྡོ་རྗེ་སེམས་སོགས་སེམས་དཔའ་རྣམས། །བསྒྲུབ་པ་དང་ནི་ལས་ཀུན་ལ། །འདིར་ནི་ཅི་དགར་བཟླས་ན་ནི། །རྟོག་པ་ཀུན་ལས་དངོས་གྲུབ་ཐོབ། །སྙིང་པོ་ཕྱག་རྒྱ་སྔགས་


DKG084_Page_0069
[མ་དཔེ་གཟིགས་ན་འདིར་གནོན།]

རིག་རྣམས། །ཇི་ལྟར་འདོད་པའི་ཚུལ་གྱིས་ནི། །རྟོག་པ་ལས་བཤད་རང་བྱས་པའམ། །བསྒྲུབ་པ་འདིར་ནི་ཐམས་ཅད་དོ། །དེ་ནས་གསང་བའི་མཆོད་པ་བརྗོད་ཅིང་རྡོ་རྗེ་བསྟོད་པའི་གླུ་བླངས་ཏེ་གསང་བའི་མཆོད་པ་བཞི་བྱའོ། །ཨོཾ་རྡོ་རྗེ་སེམས་དཔའ་བསྡུས་པས་ན། །རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ནི་གླུར་བླངས་པས། །རྡོ་རྗེ་ལས་ནི་བྱེད་པར་འགྱུར། །དེ་ནས་དབུས་ཀྱི་དཀྱིལ་འཁོར་དུ། །རྡོ་རྗེ་བསྟོད་པའི་གླུ་ཉིད་ཀྱིས། །རྡོ་རྗེའི་གར་ལག་པ་གཤིབས་པས་བསད་བ་བྱའོ། །བདུག་པ་ལ་སོགས་པའི་མཆོད་པ་བྱ་སྟེ། དེ་ནས་ཕྱི་རོལ་གྱི་དཀྱིལ་འཁོར་དུ་རྡོ་རྗེ་བདུག་པ་ལ་སོགས་པས་མཆོད་པ་བྱས་ལ་མཆོད་པ་དེ་དག་རང་རང་གི་གནས་སུ་གཞག་གོ། །དེ་ནས་ཐམས་ཅད་ཅི་ནུས་པས་མཆོད་ཅིག་ཅེས་བསྒོ་ནས། དེ་བཞིན་གཤེགས་པ་ཐམས་ཅད་ལ་གསོལ་ཏེ་ཇི་ལྟར་འདོད་པ་བཞིན་བདུག་པ་ལ་སོགས་པས་མཆོད་པ་བྱེད་དུ་བཅུག་ལ། ཇི་ལྟར་ཞུགས་པ་རྣམས་ཅི་འབྱོར་པའི་རོ་དང་ཁ་ཟས་ལ་སོགས་པ་ཐམས་ཅད་དང་དཀྱིལ་འཁོར་ཆེན་པོར་ཕུལ་བའི་ཡོ་བྱད་ཐམས་ཅད་ཀྱིས་མགུ་བར་བྱས་ཏེ། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་རྡོ་རྗེའི་བརྟུལ་ཞུགས་སྦྱིན་ནོ། །འདི་དེ་སངས་རྒྱས་ཐམས་ཅད་དེ། །རྡོ་རྗེ་སེམས་དཔའི་ལག་ན་འདུག །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ། ཏིཥྛ་ཨེ་ཥ་ཏྭཱཾ་དྡཱ་ར་ཡཱ་མི་བཛྲ་ས་ཏྭ་ཧི་ཧི་ཧི་ཧི་ཧཱུྃ། དེང་ནས་ཐམས་ཅད་སུ་ལ་ཡང་མ་སྨྲ་ཤིག་ཅེས་བསྒོ་ཞིང་། མནའི་སྙིང་པོ་ཡང་བསྟན་ཏོ། །དེ་ནས་ཇི་ལྟར་ཞུགས་པའི་རྣམས་སླར་བཀྱེ་སྟེ་དེ་བཞིན་གཤེགས་པ་ཐམས་ཅད་ལ་གསོལ་བ་ནི་སེམས་དཔའ་རྡོ་རྗེའི་ཕྱག་རྒྱ་བཅིངས་ལ། ཁ་གྱེན་དུ་བསྟན་ཏེ། སྙིང་པོ་འདི་བཟླས་ཤིང་བཀྲོལ་ནས། ཨོཾ་ཁྱེད་ཀྱིས་སེམས་ཅན་དོན་ཀུན་བྱས། །རྗེས་སུ་མཐུན་པར་དངོས་གྲུབ་སྩལ། །སངས་རྒྱས་ཡུལ་དུ་བཞུད་པར་མཛད། །དེ་ནས་སླར་ཡང་གཤེགས་པར་གསོལ། །བཛྲ་སཏྭ་མུཿ། དེ་ལྟར་དཀྱིལ་འཁོར་ཐམས་ཅད་ལ་ཡང་བྱའོ། །དམ་ཚིག་མཆོག་གི་


DKG084_Page_0070
[མ་དཔེ་གཟིགས་ན་འདིར་གནོན།]

ཕྱག་རྒྱ་རྣམས་ཀྱང་དགྲོལ་བར་བྱའོ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་རྒྱལ་པོ་ལས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྟོ།། །།བམ་པོ་གསུམ་པ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གཟུངས་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ་ཡང་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་རྡོ་རྗེ་འཛིན་པའི་གཟུགས་འཛིན་པ་ཀུན་དུ་འབར་བའི་སྙིང་པོ་རྡོ་རྗེ་གཟུངས་ཀྱི་དམ་ཚིག་གི་ཕྱག་རྒྱའི་ལྷ་མོ་རྣམས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་ཀྱི་སངས་རྒྱས་ཀུན་གྱི་དེ་བཞིན་གཤེགས་པ་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་གཟུངས་ཀྱི་ཡེ་ཤེས་བསྒྲུབས་ཏེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ཕྱག་རྒྱའི་གཟུངས་སུ་གྱུར་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབྱིངས་ཀྱི་དཀྱིལ་འཁོར་ཆེན་པོ་བཀོད་པའི་ཚུལ་དུ་ཟླ་བའི་དཀྱིལ་འཁོར་རྣམས་ལ་བཀོད་དེ་ཆེད་དུ་བརྗོད་པ་ཆེད་དུ་བརྗོད་དོ། །ཨེ་མའོ་གང་ཕྱིར་བྱང་ཆུབ་སེམས། །སེམས་ཅན་ཀུན་ལ་ཕན་བཞེད་པ། །འདུལ་བའི་དབང་གིས་དཔའ་བོ་གང་། །བུད་མེད་གཟུགས་སུ་མཛད་པར་གྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཕྱག་རྒྱའི་དམ་ཚིག་རྡོ་རྗེ་དབྱིངས་ཀྱི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་རིག་པའི་མཆོག་འདི་སྨྲས་པ། ཨོཾ་བཛྲ་དྷཱ་ཏྭཱི་ཤྭ་རི་ཧཱུྃ་བཛྲི་ཎི། དེ་ནས་ཡང་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་གྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་རིག་པའི་མཆོག་འདི་སྨྲས་པ། ཨོཾ་བཛྲ་བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེའི་དམ་


DKG084_Page_0071
[མ་དཔེ་གཟིགས་ན་འདིར་གནོན།]

ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་གྱིས་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཪང་གི་རིག་པའི་མཆོག་འདི་སྨྲས་པ། ཨོཾ་རཏྣ་བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཆོས་ཀྱི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་གྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཪང་གི་རིག་པའི་མཆོག་འདི་སྨྲས་པ། ཨོཾ་དྷརྨྨ་བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ལས་ཀྱི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་གྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་རིག་པའི་མཆོག་འདི་སྨྲས་བ། ཨོཾ་ཀརྨྨ་བཛྲི་ཎི་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གཟུངས་ཆེན་པོའི་དམ་ཚིག་གི་ཕྱག་རྒྱ་བཞི་པོ་བཤད་དོ། །ཨོཾ་བཛྲ་ས་ཏྭ་གུ་ཧྱ་སམ་ཡེ་ཧ། ཨོཾ་གུ་ཧྱ་རཏྣ་ཨཾ་ཀུ་ཤི་ཧཱུཾ། ཨོཾ་གུ་ཧྱ་རཱ་གི་རཱ་གཱ་ཡ་ཧཱུཾ། ཨོཾ་བཛྲ་གུ་ཧྱ་བཛྲ་སཱ་དྷྭཱི་ཤྭ་རི་ཧཱུཾ། ཀུན་དུ་བཟང་མོ་དང་དེ་བཞིན་གཤེགས་པའི་ལྕགས་ཀྱུ་མོ་དང་། དགའ་བ་ཆགས་མ་དང་ལེགས་ལྡན་མ་སྟེ་རྡོ་རྗེ་གཟུངས་ཆེན་མོ་རྣམས་སོ། །ཨོཾ་བཛྲ་གུ་ཧྱ་རཏྣ་ས་མ་ཡ་ཧཱུཾ། ཨོཾ་བཛྲ་གུ་ཧྱ་པྲ་བྷེ་ཧཱུཾ། ཨོཾ་བཛྲ་དྷྭ་ཛ་ཨ་གྲ་གུ་ཧྱ་ཧཱུཾ། ཨོཾ་བཛྲ་ཧཱ་ས་བཛྲི་ཧཱུཾ། རིན་པོ་ཆེའི་གཙོ་མོ་དང་། རིན་པོ་ཆེའི་སྒྲོན་མ་དང་། རྒྱལ་མཚན་གྱི་རྩེ་མོའི་དཔུང་རྒྱན་མ་དང་། བཞད་པ་དང་ལྡན་མ་སྟེ་རྡོ་རྗེ་རིན་པོ་ཆེའི་གཟུངས་རྣམས་སོ། །ཨོཾ་བཛྲ་དྷརྨྨ་གུ་ཧྱ་ས་མ་ཡེ་ཧཱུཾ། ཨོཾ་བཛྲ་ཀོ་ཥ་གུ་ཧྱ་ས་མ་ཡ་ཧཱུཾ། ཨོཾ་བཛྲ་གུ་ཧྱ་མཎྜ་ལེ་ཧཱུཾ། ཨོཾ་བཛྲ་གུ་ཧྱ་ཝ་ཙ་ས་མ་ཡེ་ཧཱུཾ། རྡོ་རྗེ་པདྨ་དང་། ཀུན་འཛིན་མ་དང་། ཀུན་དུ་འཁོར་ལོ་དང་སྟེང་དུ་ཟློས་མ་སྟེ་ཆོས་ཀྱི་གཟུངས་རྣམས་སོ། །ཨོཾ་བཛྲ་གུ་ཧྱ་ཀརྨྨ་ས་མ་ཡེ་ཧཱུཾ། ཨོཾ་བཛྲ་གུ་ཧྱ་ཀ་པ་ཙེ་ཧཱུཾ། ཨོཾ་བཛྲ་གུ་ཧྱ་དཾཥྚཱ་དྷཱ་ར་ཎཱི་ཧཱུཾ། ཨོཾ་བཛྲ་གུ་ཧྱ་མུཥྚི་ཧཱུཾ། དངོས་གྲུབ་ཀྱི་གཙོ་མོ་དང་། ཐམས་ཅད་སྲུང་མ་དང་། མདངས་སླར་འཕྲོག་མ་དང་གཟུངས་ཀྱི་ཕྱག་རྒྱ་


DKG084_Page_0072
[མ་དཔེ་གཟིགས་ན་འདིར་གནོན།]

སྟེ་ཐམས་ཅད་ཀྱི་གཟུངས་རྣམས་སོ། །དེ་ནས་ཡང་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསང་བའི་དམ་ཚིག་གི་ཕྱག་རྒྱ་བཞི་པོ་བཤད་དོ། །ཨོཾ་བཛྲ་གུ་ཧྱ་ས་ཏྭ་བཛྲི་ཎི་ཧཱུྃ། ཨོཾ་བཛྲ་གུ་ཧྱ་རཏྣ་བཛྲི་ཎི་ཧཱུཾ། ཨོཾ་བཛྲ་གུ་ཧྱ་དྷ་རྨྨ་བཛྲི་ཎི་ཧཱུཾ། ཨོཾ་བཛྲ་གུ་ཧྱ་ཀ་རྨྨ་བཛྲི་ཎི་ཧཱུཾ། རྡོ་རྗེ་ཕ་རོལ་ཏུ་ཕྱིན་པ་དེ་དག་ཉིད་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསང་བའི་དམ་ཚིག་གི་གཟུངས་སྡུད་པའི་དམ་ཚིག་གི་ཕྱག་རྒྱ་རྣམས་ཏེ། རྡོ་རྗེ་དབྱིངས་ཀྱི་དབང་ཕྱུག་མའི་དཀྱིལ་འཁོར་ཆེན་པོར་འབར་བ་དང་བཅས་པར་ཟླ་བའི་དཀྱིལ་འཁོར་ལ་འདུག་པར་གཞག་གོ། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པ་དམ་ཚིག་གི་ཕྱག་རྒྱ་བཞི་པོ་བཤད་དོ། །ཨོཾ་བཛྲ་གུ་ཧྱ་ར་ཏི་བཱུ་ཛཱ་ས་མ་ཡེ་ས་རྦྦ་པཱུ་ཛཱ་པྲ་བརྟྟ་ནཱ་ཡ་ཧཱུཾ། ཨོཾ་བཛྲ་གུ་ཧྱ་ཨ་བྷིཥེ་ཀ་པཱུ་ཛཱ་ས་མ་ཡེ་སརྦྦ་པཱུ་ཛཱ་པྲ་བརྟྟ་ནཱ་ཡ་ཧཱུཾ། ཨོཾ་བཛྲ་གུ་ཧྱ་གཱི་ཏི་པཱུ་ཛཱ་ས་མ་ཡེ་སརྦྦ་པཱུ་ཛཱ་པྲ་བརྟྟ་ནཱ་ཡ་ཧཱུཾ། ཨོཾ་བཛྲ་གུ་ཧྱ་ནྲྀ་ཏྱ་པཱུ་ཛཱ་ས་མ་ཡེ་སརྦྦ་པཱུ་ཛཱ་པྲ་བརྟྟ་ནཱ་ཡ་ཧཱུཾ། རྡོ་རྗེ་འཛིན་མ་ལ་སོགས་པ་དེ་ཉིད་དེ་འབར་བ་དང་བཅས་པར་རང་གི་མཚན་མའི་ཕྱག་རྒྱ་རྣམས་འཁོར་ལོའི་དཀྱིལ་འཁོར་གྱི་གྲྭ་རྣམས་སུ་དགོད་དོ། །དེ་ནས་ཡང་ཕྱག་ན་རྡོ་རྗེས་རྡོ་རྗེ་གསང་བ་ཞེས་བྱ་བ་རྡོ་རྗེའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །རྡོ་རྗེའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་བྲི་བར་བྱ། །དཀྱིལ་འཁོར་ཀུན་གྱི་དབུས་སུ་ནི། །སངས་རྒྱས་ཕྱག་རྒྱ་བྲི་བར་བྱ། །མཆོད་རྟེན་ཁྲི་ལ་ལེགས་འདུག་པ། །རྡོ་རྗེ་དབྱིངས་ཀྱི་དབང་མོར་བཤད། །ཁྲི་ཡི་སྟེང་དུ་རྡོ་རྗེ་བརྩེགས། །རྡོ་རྗེ་སེམས་དཔའ་ཞེས་བཤད་པའོ། །རྡོ་རྗེ་རིན་ཆེན་ཁྲི་ཡི་སྟེང་། །རང་གི་དབང་ནི་བསྐུར་བར་བཤད། །རྡོ་རྗེ་པདྨ་ཁྲི་ཡི་སྟེང་། །མཚོན་ཆ་ཞེས་ནི་བྱ་བར་བཤད། །ལས་ཀྱི་རྡོ་རྗེ་ཁྲི་ཡི་སྟེང་། །རྡོ་རྗེ་ཀུན་ཞེས་བྱ་བར་བཤད། །པདྨའི་སྟེང་དུ་བྲི་བ་ནི། །འོད་ཀྱི་དཀྱིལ་


DKG084_Page_0073
[མ་དཔེ་གཟིགས་ན་འདིར་གནོན།]

འཁོར་རྟེན་པའོ། །ཁྲི་ཡི་སྟེང་དུ་རྡོ་རྗེ་བྲི། །ལྕགས་ཀྱུ་བསྒྲེང་བ་གཉིས་དེ་བཞིན། །རྡོ་རྗེ་རྡོ་རྗེ་ལ་སྙེས་པར། །ལེགས་པར་སྦྱིན་པ་གཉིས་དེ་བཞིན། །རིན་ཆེན་འོད་ཟེར་འབར་བར་བྱ། །ཉི་མའི་ཕྱག་རྒྱའང་དེ་བཞིན་ནོ། །རྒྱལ་མཚན་རྩ་མོའང་འབར་བར་བཅས། །རྡོ་རྗེ་གཉིས་པར་སོ་ཡི་ཕྲེང་། །རྡོ་རྗེའི་དབུས་སུ་པདྨ་བྲི། །རལ་གྲི་འབར་བཅས་དེ་བཞིན་ནོ། །རྡོ་རྗེ་འཁོར་ལོ་རྡོ་རྗེ་རྩིབས། །འབར་བ་འོད་ཟེར་ཅན་གྱི་རྩེ། །རྡོ་རྗེ་ཀུན་དུ་རྩེ་མོ་དང་། །གོ་ཆ་རྡོ་རྗེ་ཡང་དག་ལྡན། །རྡོ་རྗེ་མཆེ་བ་དེ་བཞིན་བྲི། །ལག་གཉིས་ཁུ་ཚུར་ཕྱག་རྒྱར་བྱ། །སེམས་དཔའི་རྡོ་རྗེ་ལ་སོགས་བྲི། །དབྱིངས་ཀྱི་དཀྱིལ་འཁོར་ཇི་བཞིན་དུ། །མཚན་མའི་ཕྱག་རྒྱ་བྲི་བ་ནི། །རྡོ་རྗེ་འཛིན་སོགས་དཀྱིལ་འཁོར་དུ། །ཕྱི་རོལ་དུ་ཡང་ཅི་རིགས་པར། །རང་གི་མཚན་མ་རྣམས་ཀྱང་བྲི། །བྱམས་པ་ལ་སོགས་རང་གི་མཚན། །ཇི་ལྟར་དགའ་བ་བཞིན་དུ་བྲི། །དེ་ནས་རྡོ་རྗེ་གསང་བའི་དཀྱིལ་འཁོར་འདིར་འཇུག་པ་ལ་སོགས་པའི་ཆོ་ག་རྒྱས་པ་སྟེ་དེ་ལ་ཐོག་མར་རྡོ་རྗེ་སློབ་དཔོན་གྱིས། སེམས་དཔའི་རྡོ་རྗེ་མའི་ཕྱག་རྒྱ་རང་གིས་བཅིངས་ཏེ་འཇུག་པར་བྱའོ། །ཞུགས་ནས་ལན་ཅིག་བསྐོར་ཏེ་ཕྱག་རྒྱ་དེ་བཅོམ་ལྡན་འདས་ཕྱག་ན་རྡོ་རྗེ་ལ་ཕུལ་ནས་རང་གི་སྙིང་གར་ཚུལ་བཞིན་དུ་བཀྲོལ་ཏེ་སྒོ་བཞིར་རྡོ་རྗེ་ལྕགས་ཀྱུ་ལ་སོགས་པས། ཇི་ལྟ་བ་བཞིན་དུ་ལས་རྣམས་བྱས་ནས་ཕྱིར་འབྱུང་ངོ་། །ཕྱིར་བྱུང་ནས་ཀྱང་རྡོ་རྗེ་སློབ་མ་རྣམས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོར་གཟུད་པའི་ཚུལ་གྱིས་གཟུད་དོ། །དེ་ནས་བཙུད་ནས་དངོས་གྲུབ་ཀྱི་གསང་བའི་རྡོ་རྗེའི་མཚན་མ་ཆང་པས་གཡོགས་ལ་བྱིན་ཏེ། རྡོ་རྗེ་གསང་བའི་ཕྱག་རྒྱའི་ཡེ་ཤེས་བསླབ་བོ། །དེ་ལ་དང་པོར་རྡོ་རྗེ་གསང་བའི་ལུས་ཀྱི་ཕྱག་རྒྱའི་ཡེ་ཤེས་བསླབ་བོ། །ཟླ་བའི་དཀྱིལ་འཁོར་དབུས་སུ་ནི། །རྐང་ལག་ཐལ་མོ་སྦྱར་ནས་ཁ། །གླལ་ཞིང་རྡོ་རྗེ་བསྒོམ་བྱས་ན། །རྡོ་རྗེ་མ་ཡང་ཆགས་པར་བྱེད། །དཔུང་པ་བསྐུམ་པའི་ལྕགས་ཀྱུ་དང་། །མགོ་ལ་རྡོ་རྗེ་བསྒོམ་པར་བྱ། །ལག་པ་ཡིས་ནི་འབྱེད་བྱེད་ཅིང་། །ལྕགས་ཀྱུ་མ་ཡང་འགུགས་པར་བྱེད། །


DKG084_Page_0074
[མ་དཔེ་གཟིགས་ན་འདིར་གནོན།]

མདའ་འཕེན་པ་ཡི་ཚུལ་གྱིས་ནི། །གླལ་ཞིང་སྙིང་གར་འཕངས་ན་ནི། །ཉིད་ཀྱིས་རྡོ་རྗེ་དགའ་མ་ཡང་། །བདུད་ཀྱི་ཚུལ་གྱིས་མཉེས་པར་བྱེད། །བདག་གི་ལུས་ཀྱི་སྙིང་གར་ནི། །རྡོ་རྗེ་གོ་ཆའི་ཚུལ་གྱིས་ནི། །དཔུང་པ་བསྣོལ་བར་བཅིངས་ན་ནི། །སངས་རྒྱས་ཉིད་ཀྱང་སྲུང་བར་བྱེད། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །བཛྲ་རཱ་ག་མ་ཧོ། བཛྲ་ཨཾ་ཀུ་ཤ་ཛཿ། བཛྲ་མཱ་ར་ཡ་མཱ་ར་ཡ་ཕཊ། བཛྲ་བནྡྷ་རཀྵ་ཧཾ། དེ་ནས་རྡོ་རྗེ་གསང་བའི་བལྟ་བའི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་བལྟ་བའི་ཆགས་པས་ནི། །དགའ་བས་མིག་ནི་རབ་ཏུ་བགྲད། །དེ་ཡིས་བུད་མེད་བལྟས་པས་ན། །རྟག་ཏུ་དབང་དུ་འགྱུར་བ་ཡིན། །རབ་ཏུ་མྱུར་བར་མིག་བསྒུལ་ཞིང་། །མིག་གི་རྫི་མས་འགུགས་བྱེད་པ། །ལྟ་བ་གཟི་ཅན་ཡིན་པར་བཤད། །འགྲོ་བ་ཐམས་ཅད་འགུགས་བྱེད་པའོ། །ཁྲོ་གཉེར་གཉེར་མ་རབ་བསྡུས་པ། །ཁྲོ་བོའི་མིག་ནི་བཙུམ་པ་སྟེ། །ཁྲོ་བོའི་བལྟ་བ་བྱས་ན་ནི། །ཁམས་གསུམ་ཡང་ནི་འཇིགས་པར་བྱེད། །རི་རབ་རི་ཡི་བྲག་འདྲ་བར། །བརྟན་པར་འཛུམས་པ་མེད་པའི་མིག །བྱམས་པའི་བལྟ་བ་ཡིན་པར་བཤད། །ནད་དང་གདོན་དང་དུག་སེལ་ཏོ། །དེ་ནས་དེ་རྣམས་ཀྱི་སྙིང་པོ་ནི་འདི་དག་ཡིན་ནོ། །བཛྲ་དྲྀཥྚི་མཊ་དཱིཔྟ་དྲྀཥྚི་ཨཾ་ཀུ་ཤ་ཛཿ། ཀྲོ་དྷ་དྲྀཥྚི་ཧྲཱིཿ། དྲྀ་ཌྷ་ཏིཥྛ་ཕཊ། དེ་ནས་རྡོ་རྗེ་གསང་བའི་ངག་གི་ཕྱག་རྒྱའི་ཡེ་ཤེས་བསླབ་པོ། །ཧོ་ཧོ་ཧོ་ཧོ་ཞེས་སྨྲས་ན། །སྒྲ་དང་བྲལ་བས་དེ་མ་ཐག །སེམས་ཅན་ཀུན་ནི་མགུ་བར་བྱེད། །དེ་ནི་རྡོ་རྗེའི་ཚིག་སྩལ་པའོ། །ཛྫ་ཛྫ་ཛྫ་ཛྫ་ཞེས་བརྗོད་ན། །ཁྲོ་བོའི་ཚིག་ནི་གསལ་བ་སྟེ། །རྡོ་རྗེ་འཛིན་པ་འདྲ་བ་ཡི། །སྐྱེ་བོ་ཀུན་ཀྱང་འགུགས་པར་བྱེད། །ཧཱུྃ་ཧཱུྃ་ཧཱུྃ་ཧཱུྃ་ཞེས་བརྗོད་ན། །ཚིག་ཏུ་བརྗོད་པ་གསལ་བ་ཡི། །རི་རབ་དང་ནི་འདྲ་བ་ཡི། །སེམས་ཅན་ཀུན་གྱི་བདུད་བྱེད་དོ། ། ཧཾ་ཧཾ་ཧཾ་ཧཾ་ཞེས་སྨྲས་ན། །ཕྲ་བའི་ཚིག་ནི་གསལ་བ་སྟེ། །འཇིག་རྟེན་པ་ནི་སྲུང་བྱེད་པ། །རྡོ་རྗེའི་བདག་ཉིད་རྒྱལ་བའང་སྲུང་། །དེ་ལ་སྙིང་པོ་འདི་རྣམས་ཡིན་ནོ། །བཛྲ་ཧོཿ བཛྲ་ཛཿ བཛྲ་ཧཱུྃ། བཛྲ་ཧཾ། དེ་ནས་རྡོ་རྗེ་གསང་བའི་སེམས་ཀྱི་ཕྱག་རྒྱའི་ཡེ་ཤེས་ལ་བསླབ་པོ། །རྣམ་པ་


DKG084_Page_0075
[མ་དཔེ་གཟིགས་ན་འདིར་གནོན།]

ཐམས་ཅད་མཆོག་ལྡན་པའི། །ཕྱག་ན་རྡོ་རྗེ་ཁྱོད་ཉིད་དུ། །བདག་ཉིད་ཀྱིས་ནི་བསྒོམས་བྱས་ན། །སངས་རྒྱས་ཐམས་ཅད་དབང་དུ་བྱེད། །རྣམ་པ་ཐམས་ཅད་མཆོག་ལྡན་པའི། །རྡོ་རྗེ་སྙིང་པོ་བདག་ཉིད་དུ། །བདག་ཉིད་ཀྱིས་ནི་བསྒོམས་བྱས་ན། ། ཕྱག་ན་རྡོ་རྗེ་འགུགས་པར་བྱེད། །རྣམ་པ་ཐམས་ཅད་མཆོག་ལྡན་པའི། །ཆོས་ཀྱི་སྤྱན་གྱི་བདག་ཉིད་དུ། །བདག་ཉིད་ཀྱིས་ནི་བསྒོམས་བྱས་ན། །ཆོས་རྣམས་ཐམས་ཅད་དེས་སྡུད་བྱེད། །རྣམ་པ་ཐམས་ཅད་མཆོག་ལྡན་པའི། །རྡོ་རྗེ་ཐམས་ཅད་བདག་ཉིད་དུ། །བདག་ཉིད་ཀྱིས་ནི་བསྒོམས་བྱས་ན། །རྡོ་རྗེ་ཐམས་ཅད་དེས་བསྲུང་ངོ་། །དེ་ལ་སྙིང་པོ་ནི་འདི་རྣམས་ཡིན་ནོ། །བཛྲ་བཱ་ཎི་སརྦྦ་ཤ་མཱ་ན་ཡ་སརྦྦ་བུདྡྷ་ཧོ། བཛྲ་གརྦྷ་བཛྲ་པཱ་ཎི་ཤཱི་གྷྲཾ་ཨཱ་ཀརྵ་ཡ་ཧཱུཾ་ཛཿ། བཛྲ་ནེ་ཏྲ་སརྦྦ་དྷརྨྨ་མཱ་ར་ཡ་ཧཱུཾ་ཕཌ། བཛྲ་བི་ཤྭ་རཀྵ་སརྦྷཱན་ཧཱུཾ། དེ་ནས་རྡོ་རྗེ་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །བདག་གི་ལུས་ཀྱི་སྙིང་གར་ནི། །སེམས་དཔའི་རྡོ་རྗེ་བཅིངས་བྱས་ལ། །རྡོ་རྗེ་མིག་གིས་བལྟས་ན་ནི། །འགྲོ་བ་ཐམས་ཅད་དབབ་པར་བྱེད། །རང་གི་ལུས་ཀྱི་སྙིང་གར་ནི། །རིན་ཆེན་རྡོ་རྗེ་བཅིངས་བྱས་ལ། །འབར་བའི་མིག་གིས་བལྟས་ན་ནི། །ཐམས་ཅད་དབང་དུ་བྱེད་པར་འགྱུར། །བདག་གི་ལུས་ཀྱི་སྙིང་གར་ནི། །ཆོས་ཀྱི་རྡོ་རྗེ་བཅིངས་བྱས་ན། །ཁྲོ་བོའི་མིག་གིས་བལྟས་ན་ནི། །འགྲོ་བ་ཐམས་ཅད་དེས་སྡུད་བྱེད། །བདག་གི་ལུས་ཀྱི་སྙིང་གར་ནི། །ལས་ཀྱི་རྡོ་རྗེ་བཅིངས་བྱས་ལ། །བྱམས་པའི་མིག་གིས་བལྟས་ན་ནི། །འགྲོ་བ་ཐམས་ཅད་སྲུང་བར་བྱེད། །དེ་ནས་རྡོ་རྗེ་གསང་བའི་ཡེ་ཤེས་ཀྱི་ཕྱག་རྒྱ་དེ་དག་གི་སྙིང་པོ་འདི་དག་གོ། །བཛྲ་གུ་ཧྱས་མ་ཡ་ཧོཿ། བཛྲ་གུ་ཧྱས་མ་ཡ་ཛཿ། བཛྲ་གུ་ཧྱ་ས་མ་ཡ་ཧཱུཾ། བཛྲ་གུ་ཧྱ་སམ་ཡ་ཧཾ། དེ་ནས་རྡོ་རྗེ་གསང་བའི་ཕྱག་རྒྱ་ཆེན་པོ་བཅིང་བ་ལ་བསླབ་པོ། །རྡོ་རྗེ་ཐལ་མོ་ལས་བྱུང་བ། །གསང་བ་ཆེན་པོ་ཡིན་པར་བཤད། །ཕྱག་རྒྱ་ཆེན་པོ་མདོར་བསྡུས་པ། །དེ་དག་གི་ནི་བཅིང་བ་བཤད། །མཐེ་བོ་གཉིས་ནི་བསྣོལ་བྱས་ལ། །མཛུབ་མོ་གཉིས་ནི་བཀུག་པས་ནི། །གུང་མོ་བསྙམས་ཏེ


DKG084_Page_0076
[མ་དཔེ་གཟིགས་ན་འདིར་གནོན།]

ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །དེ་ཉིད་གུང་མོ་རྡོ་རྗེར་བྱ། །གུང་མོ་གཉིས་ནི་ནོར་བུར་བྱ། །པདྨ་སྲིན་ལག་མཐེའུ་ཆུང་གུང་། །ལག་པའི་སོར་མོ་རབ་ཏུ་བརྐྱང་། །མཛུབ་མོ་རྡོ་རྗེ་མཛུབ་གཉིས་རྩེ། །དེ་ཉིད་མཐེ་བོ་གཉིས་ཀྱིས་སྤྲས། །ལེགས་པ་སྦྱིན་དང་མཛུབ་རིན་ཆེན། །མཛུབ་མོ་རིན་ཆེན་དེ་འབར་བྱ། །སྲིན་ལག་གཤིབས་ལ་མཐེའུ་རིན་ཆེན། །དེ་ཉིད་ཀྱང་ནི་བསྐོར་བའོ། །ཀུན་གྱི་རྩེ་མོར་རབ་ཏུ་དབྱེ། །མཐེ་བོ་མཐེའུ་ཆུང་རབ་ཏུ་གཞུག །སོར་མོ་རབ་ཏུ་འཁོར་ལོ་བརྐྱང་། །དེ་ཉིད་ཀྱང་ནི་ཁ་ནས་དབྱུང་།། མཐོ་བོ་བརྐྱང་སྟེ་རྡོ་རྗེ་དགབ། །མཛུབ་མོ་མཉམ་ནས་ནང་དུ་གཞུག །མཐེའུ་གཉིས་དབྱེ་བ་དེ་ཉིད་ལས། །དེ་ནས་ནང་དུ་རྡོ་རྗེར་བྱ། །རྡོ་རྗེ་གསང་བའི་ལས་རྣམས་ནི། །རྡོ་རྗེ་བཅིངས་ལས་བྱུང་བ་ཡིན། །ཆོས་ཀྱི་གསང་བ་མཚན་རྣམས་ཀྱིས། །ཐལ་མོ་ནང་དུ་བཀུག་ནས་སོ། ། ལས་ཀྱི་གསང་བ་ནང་གནས་པའི། །མཚན་མས་ལས་སུ་བསྟན་པའོ། །དེ་ནས་གཞན་ཡང་རབ་བཤད་པ། །ཆོས་ཀྱི་ཕྱག་རྒྱ་མདོར་བཤད་པ། །ཨ་ཛ་ཧོ་ས། ཨོཾ་ཨོཾ་ཏྲཱཾ་ཧ། ཧྲཱིཿདྷྃ་མྃ་རྃ། ཀྃ་ཧྃ་ཧཱུྃ་བྃ། གསང་བའི་ཕྱག་རྒྱ་གཉིས་བྱས་ནས། །ལས་ཀྱི་ཕྱག་རྒྱ་རྣམས་སུ་བྱ། ། དམ་ཚིག་མཆོག་ནི་ཇི་སྙེད་པ། །གཉིས་སུ་ཕྲལ་ནས་དེ་བཞིན་ནོ། །དེ་ནས་དེ་རྣམས་ཀྱི་བསྒྲུབ་པ་བཤད་དེ། ས་མ་ཡ་སྟྭཾ་ཞེས་སྨྲ་ཞིང་། །བདག་གིས་བཅིངས་པས་འགྲུབ་པ་ནི། །འདོད་ལ་ཆགས་པ་བདེ་བའི་བདག །འདི་རྣམས་ལྷག་པར་གཅིག་ཀྱང་ནི། །དུས་ཀུན་ཏུ་ནི་བཅིང་མི་བྱ། །གསང་བའམ་ནི་དོན་ཆེན་ལ། །མཁས་པ་ཡིས་ནི་སྦྱར་བར་བྱ། །དེ་རྣམས་ཀུན་གྱི་བདག་ཉིད་གནས། །རང་བྱུང་རྣམས་ཀྱི་ལྷ་མོ་བརྟན། །བསྒྲུབ་པ་རྣམས་ལ་རང་ཆགས་པས། །རྟག་པའི་བདག་པོ་བཏང་ང་རེ། །དེ་ནས་ཕྱག་རྒྱ་དེ་རྣམས་ཐམས་ཅད་བཅིང་བ་ལ་སོགས་པའི་ལས་རྣམས་ཡིན་ནོ། །བདག་གམ་འོན་ཏེ་གཞན་ལའང་རུང་། །རྡོ་རྗེ་དབབ་པ་བྱས་ན་ནི། །སྙིང་པོ་བྱ་བ་འདི་ཡིན་ནོ། །བཅིང་ངམ་འཆིང་དུ་བཅུག་ཀྱང་རུང་། །བཛྲ་ཧཱུཾ་བནྡྷ། དེ་ནས་དགྲོལ་བ་ཡིན་ནོ། །མདོར་ན་ཕྱག་རྒྱ་ཐམས་ཅད་ནི། །སྙིང་པོ་བྱ་བ་འདི་ཉིད་ཀྱིས། །


DKG084_Page_0077
[མ་དཔེ་གཟིགས་ན་འདིར་གནོན།]

གང་དང་གང་ནས་བྱུང་བ་ཡི། །དེ་དང་དེ་ནས་དགྲོལ་བར་བྱ། །ཨོཾ་བཛྲ་མུཿ། །དེ་ནས་བརྟན་པར་བྱ་བ་ཡིན་ཏེ། རིན་ཆེན་རྡོ་རྗེ་བརྟན་བྱས་ཏེ། །སྙིང་གནས་ནི་སྤྱི་བོར་དགྲོལ། །མཛུབ་མོ་ཡིས་ནི་གོ་ཆ་བཅིང་། །སྙིང་པོར་བྱ་བ་འདི་ཉིད་དོ། །ཨོཾ་དྲྀ་ཌྟ་བཛྲ་ཀ་བ་ཅོ། དྲྀ་ཌྷ། དེ་ནས་བཅིང་བའི་དམ་ཚིག་ཡིན་ནོ། །ཇི་ལྟར་གནས་པ་རྣམས་སུ་དགྲོལ། །གོ་ཆ་ཡིས་ནི་བརྟན་པར་བྱས། །ཐལ་མོ་བརྡབས་པས་ཀུན་སྦྱར་བ། །སྙིང་པོར་བྱ་བ་འདི་ཉིད་དོ། །ཨོཾ་གུ་ཧྱ་ས་མ་ཡ་ཏྲ། རྡོ་རྗེ་སེམས་དཔའ་ཅི་དགར་བཟླས། །དཀྱིལ་འཁོར་དང་ནི་ལས་ཀུན་ལ། །དུས་དེ་ཉིད་དུ་སྦྱར་བར་བྱ། །ཐམས་ཅད་གྲུབ་པར་བྱེད་པའི་མཆོག །དེ་བཞིན་གཤེགས་པ་ཐམས་ཅད་ཀྱི། ཐེག་པ་ཆེན་པོ་མངོན་པར་རྟོགས་པའི་རྟོག་པ་ཆེན་པོའི་རྒྱལ་པོ་ལས་རྡོ་རྗེ་གསང་བའི་ཕྱག་རྒྱའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྟོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཕྲ་མོའི་ཡེ་ཤེས་ཀྱི་ཕྱག་རྒྱའི་དམ་ཚིག་གི་དཀྱིལ་འཁོར་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ། ཨོཾ་སཱུ་ཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔའ་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་བཛྲ་སཏྭ་སཱུ་ཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེ་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་རཏྣ་སཱུ་ཀྵྨ་བཛྲ་ཛྙཱ་ན་ས་མ་ཡ་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾདྷ་རྨྨ་སཱུ་ཀྵྨ་བཛྲ་ཛྙཱ་


DKG084_Page_0078
[མ་དཔེ་གཟིགས་ན་འདིར་གནོན།]

ནས་མ་ཡེ་ཧཱུྃ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་ཀརྨྨ་སྟུ་ཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཕྲ་མོའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ། དེ་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་རྡོ་རྗེ་ཡེ་ཤེས་ཕྲ་མོའི་འོད་ཟེར་དེ་རྣམས་བྱུང་ནས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཏེ། སེམས་ཅན་ཐམས་ཅད་ལ་དེ་བཞིན་གཤེགས་པ་ཐམས་ཅད་རྡོ་རྗེའི་ཡེ་ཤེས་ཕྲ་མོའི་ཏིང་ངེ་འཛིན་དུ་མཉམ་པར་ཞུགས་པ་བརྟན་པར་བྱ་སྟེ། ཡང་གཅིག་ཏུ་གྱུར་ནས་ཏིང་ངེ་འཛིན་གྱི་ཡེ་ཤེས་ཀྱི་རྡོ་རྗེའི་སྐུར་དམིགས་ཏེ། གཅིག་ཏུ་འདུས་ནས་དེ་བཞིན་གཤེགས་པའི་ཡེ་ཤེས་སུ་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཐུགས་སུ་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཕྲ་མོ་དམ་ཚིག་ཆེན་པོའི་རྡོ་རྗེ་འདི་སྨྲས་པ། སཱུ་ཀྨ་བཛྲ། དེ་ནས་དེ་སྨྲས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་བྱུང་ནས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཕྲ་མོའི་རྡོ་རྗེའི་དབྱིབས་སུ་བདག་བྱིན་གྱིས་བརླབས་ཏེ། དེ་བཞིན་གཤེགས་པ་ཐམས་ཅད་ཀྱི་ཤངས་ཀྱི་རྩེ་མོའི་ཕྱོགས་སུ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། ། རྡོ་རྗེ་ཕྲ་མོ་བདག་སྟེ་ཆེ། །གང་ཕྱིར་ཕྲ་ཡང་ཆེ་བའི་ཕྱིར། །ཁམས་གསུམ་ཡང་ནི་རྒྱས་པར་མཛད། །དེ་ནས་དེ་སྐད་ཅེས་སྨྲས་པ་དང་། བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་ཤངས་ཀྱི་རྩེ་མོའི་ཕྱོགས་ནས་རབ་ཏུ་ཕྲ་བའི་ཡེ་


DKG084_Page_0079
[མ་དཔེ་གཟིགས་ན་འདིར་གནོན།]

ཤེས་ཀྱི་མཚན་མ་རྒྱས་པར་བྱ་བའི་ཚུལ་གྱིས་དེ་བཞིན་གཤེགས་པ་ཐམས་ཅད་ཀྱི་སྐུ་ལ་ཁྱབ་པར་བྱས་ནས། ཆོས་ཀྱི་དབྱིངས་ཐམས་ཅད་ཁྱབ་པར་བྱ་བའི་ཚུལ་གྱིས་ནམ་མཁའི་དབྱིངས་ཐམས་ཅད་རྡོ་རྗེ་ཕྲ་མོའི་ཡེ་ཤེས་ཀྱི་མཚན་མ་རྣམས་ཀྱིས་ཁྱབ་པར་བྱས་སོ། །ནམ་མཁའི་དབྱིངས་ཐམས་ཅད་ཁྱབ་པར་བྱས་ནས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་དབྱིབས་སུ་བདག་བྱིན་གྱིས་བརླབས་ཏེ་འདུག་གོ། །དེ་ནས་དེ་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་དབུས་སུ་རྡོ་རྗེ་ཆོས་ཉིད་དུ་དམིགས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཡེ་ཤེས་ཕྲ་མོའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དེ་ལས། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་ཡེ་ཤེས་ཀྱི་སྙིང་པོ་འདི་བྱུང་ངོ་། །བཛྲ་ནཱ་བཱི་ཏ་ཐཱ་ག་ཏཱ་ཧཱུཾ། དེ་ནས་དེ་བྱུང་མ་ཐག་ཏུ་བཅོམ་ལྡན་འདས་ཕྱག་ན་རྡོ་རྗེ་ཡི་ཤེས་ཕྲ་མོ་འཇུག་པའི་ཚུལ་གྱིས། དེ་བཞིན་གཤེགས་པ་ཐམས་ཅད་ཀྱི་སྐུར་ཞུགས་ནས་སྙིང་པོ་རྡོ་རྗེའི་དབྱིབས་སུ་གྱུར་ཏེ་གནས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དེ་ལས་ཡེ་ཤེས་ཆེན་པོའི་སྙིང་པོ་འདི་བཞི་བྱུང་ངོ་། །བཛྲ་ཨཱ་ཏྨ་ཀ་དྲྀ་ཌྜྷ་བཛྲ་ཨཾ་ཀུ་ཤ་ཏིཥྛརཱ་ག་བཛྲ་པྲ་བེ་ཤ་ཧྲྀ་ད་ཡཾ། ཨ་ཧོ་བཛྲ་དུཥྚི། རྡོ་རྗེ་སེམས་དཔའི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་བསྡུ་བའི་བྱིན་གྱིས་བརླབས་ཀྱི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་ཡེ་ཤེས་ཀྱི་ཕྱག་རྒྱ་དང་། དགའ་བ་ཆེན་པོ་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་ཆེན་པོ་རྣམས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་ཕྱག་ན་རྡོ་རྗེས་ཡེ་ཤེས་ཕྲ་མོ་འཇུག་པའི་ཚུལ་གྱིས་རང་གི་ཐུགས་སུ་ཞུགས་ཏེ། སྙིང་པོ་རྡོ་རྗེའི་དབྱིབས་སུ་བདག་ཉིད་བྱིན་གྱིས་བརླབས་ཏེ་བཞུགས་སོ། །དེ་ནས་རྡོ་རྗེ་དབྱིབས་དེ་ལས་སྙིང་པོ་འདི་བཞི་བྱུང་ངོ་། །བཛྲ་རཏྣ་ཨཱ་ཏྨ་ཀ །ཧྲྀ་ད་ཡ་བཛྲ་སཱུརྻ། ཏིཥྛ་བཛྲ་དྷཱ་ཛཱ་གྲ་བཾ། ཧྲྀ་ད་ཡ་བཛྲ་


DKG084_Page_0080
[མ་དཔེ་གཟིགས་ན་འདིར་གནོན།]

ཧཱ་ས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་བསྐུར་བའི་ཡེ་ཤེས་ཀྱི་ཕྱག་རྒྱ་དང་། འོད་ཆེན་པོའི་དཀྱིལ་འཁོར་གྱི་རྒྱན་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་ཀྱི་རེ་བ་རྫོགས་པར་བྱེད་པའི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་ཀྱི་དགའ་བའི་ཤུགས་འབྱུང་བའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་ཏིང་ངེ་འཛིན་ཏོ། །དེ་ནས་ཡང་ཕྱག་ན་རྡོ་རྗེས་ཡེ་ཤེས་ཕྲ་མོ་འཇུག་པའི་ཚུལ་གྱིས་རང་གི་སྙིང་གར་རྡོ་རྗེ་སྙིང་པོར་ཞུགས་ནས། རྡོ་རྗེའི་དབྱིབས་སུ་བདག་བྱིན་གྱིས་བརླབས་ནས་བཞུགས་སོ། །དེ་ནས་རྡོ་རྗེའི་དབྱིབས་དེ་ལས་སྙིང་པོ་འདི་བཞི་བྱུང་ངོ་། །བཛྲ་པདྨ་ཨཱ་ཏྨ་ཀ། ཧྲྀད་ཡ་བཛྲ་ཀོ་ཥ། ཏིཥྛ་བཛྲ་ཙདཀྲ་ཧྲྀད་ཡཾ་པྲ་བེ་ཤ། བཛྲ་ཛི་ཏྭཱ་གྲ་ཧྲྀ་ད་ཡ། ཆོས་ཐམས་ཅད་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཡེ་ཤེས་ཀྱི་ཕྱག་རྒྱ་དང་། འཁོར་ལོ་ཆེན་པོར་འཇུག་པའི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཚིག་སྤྲོས་པ་མེད་པའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཏིང་ངེ་འཛིན་ཏོ། །དེ་ནས་ཡང་ཕྱག་ན་རྡོ་རྗེས་རང་གི་སྙིང་པོ་རྡོ་རྗེ་ཐུགས་ཀའི་རྡོ་རྗེ་ལས་བྱུང་ནས། ཡེ་ཤེས་ཕྲ་མོར་འཇུག་པའི་ཚུལ་གྱིས་རྡོ་རྗེ་ཐུགས་དེར་ཞུགས་ནས་རྡོ་རྗེ་ཤིན་ཏུ་ཕྲ་མོའི་དབྱིབས་སུ་བདག་བྱིན་གྱིས་བརླབས་ཏེ་བཞུགས་སོ། །དེ་ནས་རྡོ་རྗེ་ཕྲ་མོའི་དབྱིབས་དེ་ལས་སྙིང་པོ་འདི་བཞི་བྱུང་ངོ་། །སརྦྦ་བཛྲ་ཨཱ་ཏྨ་ཀ་ཧྲྀ་ད་ཡ་བཛྲ་ཀ་བ་ཙ། ཏིཥྵ་བཛྲ་རཀྵ་ཧྲྀ་ད་ཡ། བཛྲ་མུཥྚི་ཧྲྀ་ད་ཡ། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཡེ་ཤེས་ཀྱི་ཕྱག་རྒྱ་དང་། ཐུབ་དཀའི་བརྩོན་འགྲུས་ཀྱི་ཡེ་ཤེས་ཀྱི་ཕྱག་རྒྱ་དང་། བདུད་ཐམས་ཅད་ཀྱི་དཀྱིལ་འཁོར་འཇོམས་པའི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་འཆིང་བའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཏིང་ངེ་འཛིན་ཏོ། །དེ་ཡང་བཅོམ་ལྡན་འདས་ཕྱག་ན་རྡོ་རྗེས་ཡེ་ཤེས་ཕྲ་མོའི་མཚན་མས་ཁྱབ་པའི་ཚུལ་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་སྟེ། བྱང་ཆུབ་སེམས་དཔའ་ཕྱག་ན་རྡོ་


DKG084_Page_0081
[མ་དཔེ་གཟིགས་ན་འདིར་གནོན།]

རྗེའི་སྐུར་གྱུར་ནས། དེ་ནས་ཡང་རྡོ་རྗེ་སེམས་དཔའ་ལ་སོགས་པ་བྱང་ཆུབ་སེམས་དཔའ་རྣམས་ཀྱི་སྐུར་གྱུར་ཏེ། རང་རང་གི་ཕྱག་མཚན་ཉིད་ཀྱི་ཐུགས་ཀར་བཞག་ནས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དགོད་པའི་ཚུལ་གྱིས་ཟླ་བའི་དཀྱིལ་འཁོར་ལ་གནས་ནས་རང་རང་གི་སྙིང་པོའི་ཏིང་ངེ་འཛིན་ལ་མཉམ་པར་བཞག་སྟེ་བཞུགས་སོ། །དེ་ནས་ཡང་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་། ཡེ་ཤེས་དང་མངོན་པར་ཤེས་པ་བསྒྲུབ་པའི་ཕྱིར། རྡོ་རྗེ་ཕྲ་མོའི་ཡེ་ཤེས་ཀྱི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །ཆོས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཕྲ་མོ་ཞེས་བཤད་དོ། །དེ་ནས་དཀྱིལ་འཁོར་ཚུལ་དུ་ནི། །སེམས་དཔའ་ཆེན་པོ་རྣམས་ཀྱང་གཞག །རྡོ་རྗེའི་དབུས་སུ་སངས་རྒྱས་བྲི། །སངས་རྒྱས་དཀྱིལ་འཁོར་རྣམས་སུ་ཡང་། །སེམས་དཔའ་ཆེན་པོ་རྣམས་བྲི་ཞིང་། །དེ་བཞིན་ཐུགས་ཀར་ཉིད་ཕྱག་རྒྱ། །ཏིང་ངེ་འཛིན་དུ་བཞུགས་པ་དང་། །ཕྱག་གཉིས་རྡོ་རྗེ་བཅིང་བ་བཅིངས། །དེ་ནས་རྡོ་རྗེ་ཕྲ་མོའི་ཆོས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པ་ཡིན་ཏེ། དཀྱིལ་འཁོར་ཆེན་པོའི་ཚུལ་དུ་ཞུགས་པ་ལ་སོགས་པའི་ཆོ་ག་རྒྱས་པར་བྱས་ནས། ཡེ་ཤེས་ཀྱི་ཕྱག་རྒྱ་ལག་ཏུ་བྱིན་ནས་རང་གི་སེམས་ལས་སུ་རུང་བར་བྱ་བའི་ཕྱག་རྒྱ་ཆེན་པོའི་ཡེ་ཤེས་བསླབ་བོ། །ལྕེ་ནི་རྐན་ལ་གཞར་བྱས་ཏེ། །སྣ་ཡི་རྩེ་མོར་བསམ་བྱ་བ། །རྡོ་རྗེ་ཕྲ་མོའི་བདེ་རེག་པས། །སེམས་ནི་མཉམ་པར་བཞག་པར་འགྱུར། ། རྡོ་རྗེ་ཕྲ་མོའི་བདེ་རེག་པའི། །མཚན་མ་གལ་ཏེ་བྱུང་བ་དང་། །མཚན་མ་དེ་ནི་ཁྱབ་བྱ་བ། །སེམས་ནི་ཀུན་ཏུ་ཁྱབ་པར་བྱ། །ཇི་ཙམ་འདོད་པར་སེམས་ཁྱབ་ནས། །ཁམས་གསུམ་དུ་ཡང་ཁྱབ་པར་འགྱུར། །དེ་ནས་དེ་ཡང་བསྡུ་བ་ནི། །སྣ་ཡི་རྩེ་མོའི་བར་དུ་ཡང་། །དེ་དག་ཤིན་ཏུ་མཉམ་པར་བཞག །གང་ཡང་རུང་སྟེ་བསྒོམ་བྱ་བ། །དེ་དག་ཐམས་ཅད་བརྟན་པར་འགྱུར། །ཏིང་འཛིན་ཤེས་རབ་བརྟགས་པའོ། །དེ་ནས་དེ་རྣམས་ཀྱི་སྙིང་པོ་ནི་འདི་ཡིན་ནོ། །སཱུ་ཀྵྨ་བཛྲ་སྥར་ཎ། སཾ་ཧ་ར་ཎ་བཛྲ། བཛྲ་ཧྲྀ་ད་ཏིཥྛ། །སེམས་དཔའ་གང་གིས་བྱམས་པ་ནི། །མཉམ་


DKG084_Page_0082
[མ་དཔེ་གཟིགས་ན་འདིར་གནོན།]

འགྱུར་བརྟན་པ་ཆེན་པོ་ཡིས། །སེམས་ཀྱིས་ཁྱབ་པའི་ཚུལ་གྱིས་ནི། །སེམས་ཅན་ཀུན་ལ་དེས་ཁྱབ་བོ། །བྱམས་པས་ཁྱབ་པའི་ཚུལ་གྱིས་ནི། །སྙིང་རྗེ་ཅན་ནི་གང་ཡིན་པ། །སེམས་ཅན་ཀུན་དོན་ལྡན་པ་ཡིས། །བསྒྲུབ་པ་ཡིས་ནི་ཁྱབ་པར་བྱ། །ཀུན་ཀྱང་རང་བཞིན་འོད་གསལ་བ། །གདོད་ནས་དག་པ་ནམ་མཁའ་བཞིན། །ཆོས་སམ་ཡང་ན་ཆོས་མ་ཡིན། །བསམ་པས་ཁྱབ་ཅིང་དགའ་བར་འགྱུར། །གདུལ་དཀའ་བ་དང་མཚུངས་འདྲ་བ། །སངས་རྒྱས་བྱང་ཆུབ་སྣོད་མ་ཡིན། །དེ་དག་རྟོགས་པར་བྱ་བའི་ཕྱིར། །བཏང་སྙོམས་ཆེན་པོ་བསྒོམ་པར་བྱ། །དེ་ལ་སྙིང་པོ་ནི་འདི་རྣམས་ཡིན་ནོ། །མ་ཧཱ་མཻ་ཏྲི་སྥར་ཎ་མ་ཧཱ་ཀ་རུ་ཎཱ་སྥ་ར་ཎ། སརྦྦ་བུད་དྷོ་པྲ་མོ་ད་སྥ་ར་ཎ། སརྦྦ་སཏྤཾ་སཾ་བོ་དྷ་ཡ། དེ་ནས་དེ་བཞིན་གཤེགས་པ་ཐམས་ཅད་རྗེས་སུ་དྲན་པའི་ཡེ་ཤེས་ལ་བསླབ་བོ། །ནམ་མཁའ་འམ་ནི་ཕྱོགས་གཞན་དུ། །རྡོ་རྗེ་ཕྲ་མོའི་ཚུལ་གྱིས་ནི། །འགྲེང་ངམ་ཡང་ན་འདུག་ཀྱང་རུང་། །རྡོ་རྗེའི་དབྱིབས་ནི་གོམས་པར་བྱ། །དེ་བཞིན་དུ་ཡང་གནས་ཀུན་ཏུ། །རྡོ་རྗེ་ཕྲ་མོའི་སྦྱོར་བ་ཡིས། །མཉམ་པར་བཞག་པས་སྙིང་གར་ནི། །བྱང་ཆུབ་སེམས་དཔའ་རྡོ་རྗེ་བསྒོམ། །དེ་ལྟ་བ་ཡི་རིམ་བཞིན་དུ། །རྡོ་རྗེ་ཕྲ་མོའི་ཚུལ་གྱིས་ནི། །ཕྱག་ན་རྡོ་རྗེ་དབྱིབས་ཆེན་པོ། །གནས་རྣམས་ཀུན་དུ་བསྒོམ་པར་བྱ། །རྣམ་པ་ཐམས་ཅད་མཆོག་ལྡན་པའི། །སངས་རྒྱས་སྐུ་ནི་དུས་ཀུན་དུ། །ཅི་ལྟ་བ་ཡི་གོ་རིམས་བཞིན། །མཉམ་པར་བཞག་པས་བསྒོམ་པར་བྱ། །དེ་ལ་སྙིང་པོ་ནི་འདི་རྣམས་ཡིན་ནོ། །བཛྲ་མུ་ཁི་གྷ་ག མ་ཧཱ་བོ་དྷི་ས་ཏྭ་ཨཱ་བེ་ཤ། བཛྲ་པ་ཎི་དྷཱརྴ་ཡ་སྭ་རཱུ་པཾ་བུདྡྷ་ཨ་ནུ་སྨྲྀ་ཏི་ཨཱ་བེ་ཤ། རྡོ་རྗེ་ཕྲ་མོའི་ཚུལ་གྱིས་ནི། །གོམས་པར་བྱ་བ་བདག་ཉིད་ཀྱིས། །ཟླ་བའི་དཔས་སུ་བདག་ཉིད་ནི། །བྱང་ཆུབ་སེམས་ཀྱི་བསྒོམ་པའོ། །ཟླ་བའི་དཀྱིལ་འཁོར་དབུས་སུ་ནི། །བདག་ཉིད་རྡོ་རྗེ་དབྱིབས་གྱུར་པར། །བདག་ཉིད་ཀྱིས་ནི་བསྒོམ་བྱ་བ། །སེམས་དཔའ་རྡོ་རྗེ་བསྒོམ་པའོ། །རྡོ་རྗེ་ཕྲ་མོའི་ཚུལ་སྦྱར་ལ། །བདག་ཉིད་སྙིང་གར་རྡོ་རྗེ་སེམས། །བདག་ཉིད་ཀྱིས་ནི་བསྒོམ་བྱ་བ། །རྡོ་རྗེ་སེམས་དཔའི་བསྒོམ་པའོ། །རྣམ་པ་ཀུན་དུ་མཆོག་ལྡན་པའི། །སངས་རྒྱས་གཟུགས་སུ་


DKG084_Page_0083
[མ་དཔེ་གཟིགས་ན་འདིར་གནོན།]

བདག་ཉིད་ནི། །བདག་ཉིད་ཀྱིས་ནི་བསྒོམ་བྱ་བ། །སངས་རྒྱས་བྱང་ཆུབ་བསྒོམ་པའོ། །དེ་ལ་སྙིང་པོ་ནི་འདི་རྣམས་ཡིན་ནོ། །ས་མནྟ་བྟ་དྲ་ཨཱ་བེ་ཤ། །བཛྲ་ས་ཏྭ་བཛྲ་ཨཱ་བེ་ཤ། བཛྲ་སཏྭ་ས་མཱ་དྷི་ཛྙཱ་ན་ཨཱ་བེ་ཤ་ཏ་ཐཱ་ག་ཏོ་ཧཱུྃ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །བདག་ནི་དེ་བཞིན་གཤེགས་དང་མཉམ། །རྡོ་རྗེའི་ཚིག་ཏུ་ལན་ཅིག་བརྗོད། །དབང་པོ་གཉིས་ནི་མཉམ་པར་སྦྱར། །སེམས་ཅན་ཐམས་ཅད་ཆགས་པར་བྱེད། །བདག་ནི་རྡོ་རྗེ་ཆེན་པོར་མཉམ། །རྡོ་རྗེ་ཚིག་ཏུ་ལན་ཅིག་བརྗོད། །དབང་པོ་གཉིས་ནི་མཉམ་པར་སྦྱར། །གདོན་མི་ཟ་བར་འཇིག་རྟེན་འགུགས། །བདག་ཉིད་རྡོ་རྗེ་ཆོས་དང་མཉམ། །རྡོ་རྗེ་ཚིག་ཏུ་ལན་ཅིག་བརྗོད། །དབང་པོ་གཉིས་ནི་མཉམ་སྦྱར་བས། །དེ་ཡིས་འཇིག་རྟེན་ཐམས་ཅད་འཇིག །བདག་ནི་མ་ལུས་རྡོ་རྗེར་མཉམ། ། རྡོ་རྗེ་ཚིག་ཏུ་ལན་ཅིག་བརྗོད། །དབང་པོ་གཉིས་ནི་མཉམ་སྦྱར་བས། །ལས་རྣམས་ཐམས་ཅད་དེས་བསྒྲུབ་པོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་གྱི་ཕྱག་རྒྱའི་ཡེ་ཤེས་བསླབ་བོ། །རྡོ་རྗེ་ཕྲ་མོའི་ཚུལ་གྱིས་ནི། །རྡོ་རྗེའི་དབུས་སུ་བསྒོམ་བྱ་བ། །བདག་ཉིད་སངས་རྒྱས་སྐུ་ཉིད་དུ། །དེས་ནི་སངས་རྒྱས་ཉིད་དུ་འགྲུབ། །དེ་ནས་རྡོ་རྗེ་སེམས་དཔའ་ལ་སོགས་པའི་ཏིང་ངེ་འཛིན་གྱི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་ཕྲ་མོའི་ཚུལ་སྦྱར་ལ། །སྙིང་གར་རྡོ་རྗེ་ལ་སོགས་འཁོད། །བསྒོམས་ནས་རྡོ་རྗེ་ལ་སོགས་པས། །རང་གི་དངོས་གྲུབ་སྦྱིན་པར་བྱེད། །དེ་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཏིང་ངེ་འཛིན་གྱི་དམ་ཚིག་གི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་བཅིངས་པ་ལས་བྱུང་བར། །བཅུ་དྲུག་རྣམས་སུ་བཤད་པ་སྟེ། །ཏིང་ངེ་འཛིན་ནི་དམ་ཚིག་མཆོག །དེ་རྣམས་ཀྱི་ནི་བཅིངས་པ་བཤད། །སྐྱིལ་མོ་ཀྲུང་འདུག་གན་རྐྱལ་དུ། །གཡས་བཅུ་དེ་བཞིན་སླར་བཅུག་པ། །སྙིང་གར་གནས་པ་བཞི་པ་སྟེ། །རྡོ་རྗེ་སེམས་སོགས་དཀྱིལ་འཁོར་རོ། །དཔྲལ་བར་བཞག་དང་ལྟག་པ་དང་། །ཕྲག་པ་དང་ནི་དགོད་པར་སྦྱར། །ཁར་གཞག་སྙིང་གར་རལ་གྲི་


DKG084_Page_0084
[མ་དཔེ་གཟིགས་ན་འདིར་གནོན།]

དང་། །སྙིང་གར་རྒྱས་དང་ཁ་ནས་དབྱུང་། །སྤྱི་བོ་མཐོང་ཁ་ཁར་གཞག་པ། །མཛུབ་མོ་གཉིས་བཀུག་མདུན་དེ་བཞིན། །དེ་ནས་གཞན་ཡང་ཆོས་ཀྱི་ཕྱག་རྒྱ་ལ་བསླབ་པར་བྱའོ། །ཊཀྐི་གྲ་གྲ། མ་ཊ། ཨ་གྲ། ཏྲཱཾ་ཏྲཱཾ། ཨཾ་ཨཾ། བཾ་བཾ། ཏི་ཊ། །ཧཱིཿཊ། བྷྲྀ་ཊ། ཀྲ་ཤ། ཧ་ཧ། བ་བ། བཾ་བཾ། ཕཊ། གྲ་ས། དེ་ནས་ཆོས་ཀྱི་ལས་ཀྱི་ཡེ་ཤེས་ཕྲ་མོ་རྣམས་ཀྱི་མཆོག་བཤད་དོ། །ཡེ་ཤེས་ཁུ་ཚུར་དམ་ཚིག་ལས། །གཉིས་སུ་བྱས་ནས་སྦྱར་བར་བྱ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ཆེན་པོའི་རྒྱལ་པོའི་རྡོ་རྗེ་ཡེ་ཤེས་ཀྱི་ཆོས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་ཡེ་ཤེས་ཀྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་དྷཱ་ཏུ་ཨ་ནུཏྟ་ར་པཱུ་ཛ་ཀརྨྨ་སྥ་ར་ཎ་སམ་ཡེ་ཧཱུཾ། དེ་ནས་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་རྡོ་རྗེ་སེམས་དཔའི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་སཏྭ་ཨ་ནུ་ཏྟ་ར་བཱུ་ཛཱ་ཀརྨྨ་སྥར་ཎ་སམ་ཡེ་ཧཱུཾ། དེ་ནས་དེ་བཞིན་གཤེགས་པའི་རིན་པོ་ཆེ་འབྱུང་བས་དེ་བཞིན་གཤེགས་པ་ཐམས་ཅད་རྡོ་རྗེ་རིན་པོ་ཆེའི་མཆོད་པ་བླ་ན་མེད་པའི་ཆོ་ག་རྒྱས་པར་ཁྱབ་པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་རཏྣ་ཨ་ནུཏྟ་ར་པཱུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་རྡོ་རྗེ་ཆོས་ཀྱི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རིག་པའི་མཆོག་འདི་


DKG084_Page_0085
[མ་དཔེ་གཟིགས་ན་འདིར་གནོན།]

སྨྲས་པ། ཨོཾ་སརྦྦ་ཏ་ཐ་ག་ཏ་བཛྲ་དྷརྨྨ་ཨ་ནུཏྟ་ར་པཱུ་ཛཱ་ཀརྨྨ་སྥ་ར་ཎ་སམ་ཡེ་ཧཱུཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་ཀརྨྨ་ཨ་ནུཏྟ་ར་པཱུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཆོ་ག་རྒྱས་པས། ཆོས་ཀྱི་དབྱིངས་ཐམས་ཅད་དུ་ཁྱབ་པའི་ལས་ཀྱི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཆོ་ག་རྒྱས་པས་ཆོས་ཀྱི་དབྱིངས་ཐམས་ཅད་དུ་ཁྱབ་པའི་ནམ་མཁའི་དབྱིངས་ཀུན་དུ་རྒྱས་པ་རྣམ་པ་སྣ་ཚོགས་པའི་མཆོད་པ་ཐམས་ཅད་ཀྱི་རྒྱན་གྱི་ཆོ་ག་རྒྱས་པའི་སྤྲིན་གྱི་རྒྱ་མཚོའི་ལྷ་མོ་རྣམས་སུ་གྱུར་ཏེ་བྱུང་ནས། འཇིག་རྟེན་གྱི་ཁམས་རབ་འབྱམ་གྱི་སྤྲིན་གྱི་རྒྱ་མཚོ་རྣམས་སུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ། དེ་བཞིན་གཤེགས་པ་ཐམས་ཅད་ཀྱི་བླ་ན་མེད་པའི་བྱང་ཆུབ་ཀྱི་སེམས་ཆེན་པོ་བསྐྱེད་པ་དང་། དེ་བཞིན་གཤེགས་པ་ཐམས་ཅད་ཀྱི་རིགས་མཉེས་པར་བྱ་བ་དང་། ཀུན་དུ་བཟང་པོའི་སྤྱོད་པ་བསྒྲུབ་པ་དང་། བྱང་ཆུབ་ཆེན་པོའི་སྙིང་པོར་ཉེ་བར་འགྲོ་བ་དང་། བདུད་ཐམས་ཅད་འདུལ་བ་དང་། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་མངོན་པར་རྫོགས་པར་བྱང་ཆུབ་པར་བྱ་བ་དང་། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོར་བསྐྱེད་པ་དང་། ཁམས་གསུམ་ཐམས་ཅད་ལས་རྣམ་པར་རྒྱལ་བར་བྱ་བ་དང་། དམ་པའི་ཆོས་ཀྱི་འཁོར་ལོ་བསྐོར་བ་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་དོན་དུ་བྱ་བ་ལ་སོགས་པ་སངས་རྒྱས་ཀྱི་རྫུ་འཕྲུལ་དང་། ཆོ་འཕྲུལ་ཐམས་ཅད་བསྟན་


DKG084_Page_0086
[མ་དཔེ་གཟིགས་ན་འདིར་གནོན།]

ནས་བཞུགས་སོ། །མཆོད་པའི་སྤྲིན་རྒྱ་མཚོའི་ལྷ་མོ་དེ་དག་ཀྱང་རང་གི་ཕྱག་རྒྱ་ལག་པ་གཉིས་ཀྱིས་འཛིན་ཅིང་། དེ་བཞིན་གཤེགས་པ་ཐམས་ཅད་ལ་ཆོ་ག་བཞིན་དུ་མཆོད་དེ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། ། ཨེ་མའོ་སངས་རྒྱས་མཆོད་པ་བདག །མཆོད་པ་ཀུན་ནི་བྱེད་པ་ཡིན། །གང་ཕྱིར་སངས་རྒྱས་བྱིན་ཅན་དུ། །སངས་རྒྱས་ཀུན་ནི་གྲུབ་པར་མཛད། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མཆོད་པ་ལ་སོགས་པའི་ལས་ཀྱི་ཆོ་ག་རྒྱས་པ་རྡོ་རྗེ་ཞེས་བྱ་བའི་ལས་ཀྱི་དཀྱིལ་འཁོར་འདི་བཤད་དོ། །ཨོཾ་སརྦྦ་ཏ་ཐཱ་ག་ཏ་སརྦྦ་ཨཱ་ཏྨཱ་ན་ན་རྻིཏྲ་ན་པཱུ་ཛཱ་སྥ་ར་ཎ་ཀརྨྨ་བཛྲི་ཎི་ཧཱུཾ་ཨཱ། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱཏཱན་ནི་རྱཱཏ་ན་པཱུ་ཛཱ་སྥ་ར་ཎ་ཀརྨྨ་གྲི་ཛཿ། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨཱ་ན་ན་ཪྱཱི་ཏ་ན་ཨ་ནུ་རཱ་གཔཱུ་ཛཱ་སྥ་ར་ཎ་ཀརྨྨ་པཱ་ཎེ་ཧཱུཾ་ཧོ། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱ་ཏྨཱན་ནི་རྱཱ་ཏ་ན་སཱ་དྷུ་ཀཱར་པཱུ་ཛཱ་སྥ་ར་ཎ་ཀརྨྨ་ཏུཥྚིཨཿ། དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགའ་བའི་བདེ་མ་དང་། དེ་བཞིན་གཤེགས་པ་ཐམས་ཅད་སྤྱན་འདྲེན་མེ་དང་། དེ་བཞིན་གཤེགས་པ་ཐམས་ཅད་མཉེས་པར་བྱེད་མ་དང་། དེ་བཞིན་གཤེགས་པ་ཐམས་ཅད་དགྱེས་པར་བྱེད་པ་མོ་རྣམས་ནི། དེ་བཞིན་གཤེགས་པ་ཐམས་ཅད་ཀྱི་མཆོད་པ་ཆེན་པོའོ། །ཨོཾ་ན་མཿསརྦྦ་ཏ་ཐཱ་ག་ཏ་ཀཱ་ཡཱ་བྷི་ཥེ་ཀ་རཏྣེ་བྷྱོ་བཛྲ་མ་ཎི་ཨོཾ། ཨོཾ་ན་མཿསརྦ་ཏ་ཐཱ་ག་ཏ་སཱུརྱེ་བྷྱོ་བཛྲ་ཏེ་ཛེ་ནི་ཛྭཱ་ལ་ཧྲཱིཿ། ཨོཾ་ན་མཿསརྦྦ་ཏ་ཐཱ་ག་ཏཱ་ཤཱ་པ་རི་པཱུ་ར་ཎི་ཙིནྡཱ་མ་ཎི་དྷྭ་ཛ་ཨ་གྲེ་བྷྱོ་བཛྲ་དྷྭ་ཛ་ཨ་གྲི་ཏྲཱཾ། ཨོཾ་ན་མཿསརྦྦ་ཏ་ཐཱ་ག་ཏ་མ་ཧཱ་པྲཱི་ཏི་པྲ་མོ་དྱ་ཀ་རེ་བྷྱོ་བཛྲ་ཧཱ་སྱེ་ཧ། དབང་མ་ཆེན་མོ་དང་། སྣང་བ་ཆེན་མོ་དང་རིན་པོ་ཆེ་ཆེན་པོའི་ཆར་འབེབས་མ་དང་། རབ་ཏུ་དགའ་ཞིང་མགུ་བ་མ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་མཆོད་པའོ། །ཨོཾ་སརྦྦ་ཏ་ཐཱ་ག་ཏ་བཛྲ་དྷརྨ་ཏཱ་ས་མཱ་དྷི་བྷིསྟུ་ནོ་མི་མ་ཧཱ་དྷ་རྨཱ་གྲི་ཧྲཱིཿ། ཨོཾ་སརྦྦ་ཏ་ཐཱ་ག་ཏ་པྲ་ཛྙཱ་པཱ་ར་མི་ཏཱ་ནིར་ཧཱརཻཿསྟུ་ནོ་མི་མ་ཧཱ་གྷོ་ཥཱ་ནུ་གེ་དྷཾ། ཨོཾ་སརྦྦ་ཏ་ཐཱ་ག་ཏ་ཙཀྲ་ཨཀྵ་རཾ་པ་རི་བར་ཏྷཱ་དི་སརྦ་སཱུ་ཏྲཱ་ནྟན་ཡཻཿསྟུ་ནོ་མི་སརྦ་མཎྜ་ལེ་ཧཱུཾ། ཨོཾ་སརྦ་ཏ་ཐཱ་ག་ཏ་སན་དྷི་བྷཱ་ཥ་བུདྡྷ་སདྒཱི་ཏི་བྷིརྒ་ཡཾ། སྟུ་ནོ་མི་བཛྲ་བཱ་ཙེ་བཾ། ཡེ་ཤེས་ཆེན་པོའི་གླུ་


DKG084_Page_0087
[མ་དཔེ་གཟིགས་ན་འདིར་གནོན།]

མ་དང་། དབྱངས་ཆེན་མོའི་རྗེས་སུ་འབྲང་མ་དང་། དཀྱིལ་འཁོར་ཐམས་ཅད་དུ་འཇུག་པ་དང་། སྔགས་ཀྱི་སྤྱོད་པ་མ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་མཆོད་པའོ། །ཨོཾ་སརྦ་ཏ་ཐཱ་ག་ཏ་དྷུ་པ་མེ་གྷ་སྥ་ར་ཎ་པཱུ་ཛཱ་ཀརྨེ་ཀ་རཀ་ར། ཨོཾ་སརྦ་ཏ་ཐཱ་ག་ཏ་པཱུ་ཥྦ་པྲ་ས་ར་སྥ་ར་ཎ་པཱུ་ཛཱ་ཀརྨེ་ཀི་རི་ཀི་ར། ཨོཾ་སརྦ་ཏ་ཐཱ་ག་ཏ་ཨཱ་ལོ་ཀ་ཛྭ་ལ་སྥ་ར་ཎ་པཱུ་ཛཱ་ཀརྨེ་བྷ་ར་བྷ་ར། ཨོཾ་སརྦ་ཏ་ཐཱ་ག་ཏ་གནྡྷ་ས་མུ་དྲཱ་སྥ་ར་ཎ་པཱུ་ཛཱ་ཀརྨ་ཀུ་རུ་ཀུ་རུ། སིམ་པ་ཅན་དང་། བྱང་ཆུབ་ཆེན་མོའི་ཡན་ལག་ལྡན་མ་དང་། མིག་ལྡན་མ་དང་། དྲི་ལྡན་མ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་མཆོད་པའོ། །དེ་ནས་དེ་བཞིན་གཤེགས་པ་མ་ལུས་ཤིང་ལུས་པ་མེད་པ་རྣམས་ལ་མཆོད་པ་བྱེད་པའི་ལས་ཀྱི་དཀྱིལ་འཁོར་རྡོ་རྗེའི་བྱ་བ་བཤད་དོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་བྱ་བ་ཞེས་ཀྱང་གྲགས། །དཀྱིལ་འཁོར་ཆེན་པོའི་ཚུལ་དུ་ནི། །སངས་རྒྱས་སྐུ་རྣམས་གཞག་པར་བྱ། །རྡོ་རྗེ་སེམས་སོགས་ཚུལ་དུ་ནི། །ལྷ་མོ་ཕྱག་རྒྱ་བཅས་པ་བྲི། །དེ་ནས་ལས་ཀྱི་དཀྱིལ་འཁོར་རྡོ་རྗེ་བྱ་བ་འདིར་གཞུག་པ་ལ་སོགས་པའི་ཆོ་ག་རྒྱས་པ་འདི་བཤད་དོ། །དེ་ལ་དང་པོར་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་གྱིས་གཞུག་པར་བྱ་སྟེ། བཅུག་ནས་ཀྱང་འདི་སྐད་དུ། འདི་ནི་དེ་བཞིན་གཤེགས་པ་ཐམས་ཅད་མཆོད་པའི་དམ་ཚིག་ཡིན་གྱིས། མཆོད་པ་བཅུ་དྲུག་པོ་འདི་རྣམས་ཁྱོད་ཀྱིས་ཉི་མ་རེ་རེ་ཞིང་ཅི་ནུས་པ་གྱིས་ཤིག་ཅེས་བསྒོ་བར་བྱའོ། །དེ་ནས་གདོང་གཡོགས་བཀྲོལ་ཏེ་ལས་ཀྱི་དཀྱིལ་འཁོར་བསྟན་ལ་ཐམས་ཅད་ཀྱི་མཚན་མ་ལག་པ་གཉིས་སུ་སྦྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཀྱང་མཆོད་ན། གཞན་གྱིས་ལྟ་སྨོས་ཀྱང་ཅི་དགོས། དེ་ནས་བྱང་ཆུབ་ཆེན་པོའི་སེམས་བསྒྲུབ་པའི་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱའོ། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམས་ཤིང་། །དགའ་བ་བདག་ནི་མཆོད་བྱེད་ཅིང་། །སངས་རྒྱས་ཀྱི་ནི་བདེ་བའང་འཐོབ། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་


DKG084_Page_0088
[མ་དཔེ་གཟིགས་ན་འདིར་གནོན།]

ཡིན་བསམས་ཤིང་། །ཕྲེང་བ་ལ་སོགས་མཆོད་པ་ཡིས། །མཆོད་ན་དེ་ནི་དབང་ཡང་བསྐུར། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམས་ཤིང་། །སྙན་པའི་གླུ་ཡིས་མཆོད་པས་བདག །མཆོད་པ་དེ་ནི་མགུ་བར་འགྱུར། །བྱང་ཆུབ་སེམས་ནི་བརྟན་བསྐྱེད་པར། །བདག་ནི་སངས་རྒྱས་ཡིན་བསམས་ཤིང་། །གར་གྱི་མཆོད་པས་བདག་མཆོད་པ། །སངས་རྒྱས་ཀྱིས་ཀྱང་བདག་མཆོད་འགྱུར། །དེ་ལ་སྙིང་པོ་ནི་འདི་རྣམས་སོ། །བུདྡྷ་ཨཱཏྨ་ཀོ྅ཏཾ། བུངྡྷ་ཨ་བྷིཥིཉྩ་མི། བུདྡྷ་སྟུ་ཏི་ཀ་རོ་མི། བུདྡྷ་པཱུ་ཛཱ་ཀ་རོ་མི། དེ་ནས་སངས་རྒྱས་ཐམས་ཅད་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱའོ། །ལུས་དང་ངག་སེམས་རྡོ་རྗེ་ཡི། །མཆོག་གི་ཚུལ་གྱིས་ཕྱག་འཚལ་ཞིང་། །དེ་བཞིན་སངས་རྒྱས་ཀུན་མཆོད་ན། །རྟག་ཏུ་ཕྱག་བྱར་འོས་པར་འགྱུར། །སངས་རྒྱས་ཐམས་ཅད་བསོད་ནམས་ཆེ། །སྐུ་གསུང་ཐུགས་ནི་རྡོ་རྗེ་སྐྱེས། །རྗེས་སུ་ཡི་རང་བས་མཆོད་ན། །མྱུར་དུ་སངས་རྒྱས་ཐོབ་པར་འགྱུར། །ལུས་དང་ངག་སེམས་རྡོ་རྗེ་ཡི། །ལྷ་རྫས་བདག་དབུལ་ལ་སོགས་པའི། །མཆོད་པ་ཀུན་གྱིས་སངས་རྒྱས་རྣམས། །མཆོད་ན་དེ་ཡང་མཆོད་པར་འགྱུར། །ལུས་དང་ངག་སེམས་རྡོ་རྗེ་ཡི། །དགེ་བའི་ཚོགས་རྣམས་ཐམས་ཅད་ནི། །ཡོངས་སུ་བསྔོ་བའི་མཆོད་པ་ཡིས། །སངས་རྒྱས་ཀུན་དང་མཉམ་པར་འགྱུར། །དེ་ལ་སྙིང་པོ་ནི་འདི་རྣམས་ཡིན་ནོ། །པྲཎཱ་མཱ་མི་ཨ་ནུ་མོ་དེ། བུདྡྷ་པཱུ་ཛཱ་པ་རིནཱ་མ། དེ་ནས་ཆོས་ཀྱི་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱའོ། །ཆོས་རྣམས་རང་བཞིན་གྱིས་ཀྱང་གསལ། །ངོ་བོ་ཉིད་ཀྱིས་གདོད་ནས་དག །ཆོས་དེ་དག་གིས་མཆོད་པས་ནི། །དགའ་བའི་བདེ་བ་ཐོབ་པར་འགྱུར། །ཆོས་རྣམས་ཀུན་ནི་འདུས་པ་ཡི། །ཨ་ཞེས་བྱ་བ་སྒོ་ཞེས་བརྗོད། །ཆོས་ཀྱི་ཕྱག་རྒྱ་དེ་ཡིས་ནི། །དེ་ཡི་སྡུག་བསྔལ་ཐམས་ཅད་གཅོད། །འདིར་ནི་ཆོས་རྣམས་ཐམས་ཅད་ཀྱི། །རྒྱུ་ནི་དེ་བཞིན་གཤེགས་པ་སྟེ། །དམ་ཆོས་འཁོར་ལོ་མཆོད་པ་ཡིས། །མཆོད་པས་ཆོས་ནི་འཆད་པར་འགྱུར། །ཆོས་རྣམས་ཐམས་ཅད་རང་བཞིན་གྱིས། །སྒྲ་སྙན་དག་དང་འདྲར་བཤད་དེ། །ཆོས་ཀྱི་མཆོད་པ་དེ་དག་


DKG084_Page_0089
[མ་དཔེ་གཟིགས་ན་འདིར་གནོན།]

གིས། །མཆོད་ན་སངས་རྒྱས་གསུང་ཡང་འཐོབ། །དེ་ལ་དེ་རྣམས་ཀྱི་སྙིང་པོ་ནི་འདི་རྣམས་ཡིན་ནོ། །སརྦ་ཤུདྡྷ་ས་མནྟ་བྷ་དྲ། དྷརྨ་ཙཀྲ་ནི་ཥྤྲ་པཉྩ། དེ་ནས་ཏིང་ངེ་འཛིན་གྱི་མཆོད་པའི་ཕྱག་རྒྱ་ཡེ་ཤེས་བསླབ་པོ། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །རྡོ་རྗེ་དབྱིངས་སུ་བསྒོམས་ན་ནི། །རྡོ་རྗེ་བདག་ཉིད་མྱུར་དུ་འཐོབ། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །སངས་རྒྱས་ཀུན་དུ་བསྒོམས་ན་ནི། །ཆོས་ཀྱི་སྐུར་ནི་མྱུར་དུ་འགྲུབ། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །རྡོ་རྗེ་སེམས་དཔར་བསྒོམས་ན་ནི། །རྡོ་རྗེ་སེམས་དཔར་མཉམ་པར་འགྱུར། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །སངས་རྒྱས་ཀྱི་ནི་སྐུར་བསྒོམས་ན། །རྫོགས་པའི་སངས་རྒྱས་ཉིད་དུ་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །བཛྲ་ཀཱ་ཡ། དྷ་རྨ་ཀཱ་ཡ། སཏྭ་ཀཱ་ཡ། བུདྡྷ་ཀཱ་ཡ། དེ་ནས་གསང་བའི་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། །རང་བྱུང་ལ་ནི་ལུས་ཀུན་གྱིས། །འཁྱུད་པའི་བདེ་བའི་མཆོད་པ་ནི། །ཕུལ་ན་རྡོ་རྗེ་སེམས་དཔའ་དང་། །འདྲ་བ་དེ་ནི་མྱུར་བར་འགྱུར། ། ཤིན་དུ་ཆགས་པའི་སྦྱོར་བ་ཡི། །དམ་པའི་གཟུང་བའི་བདེ་བ་ནི། །སངས་རྒྱས་རྣམས་ལ་ཕུལ་གྱུར་ན། །རྡོ་རྗེ་རིན་ཆེན་འདྲ་བར་འགྱུར། །ཤིན་དུ་དགའ་ཞིང་བདེ་ཆགས་པས། །སྤྲད་པར་གྱུར་པའི་མཆོག་བདེ་བ། །སངས་རྒྱས་རྣམས་ལ་ཕུལ་ན་ནི། །རྡོ་རྗེ་ཆོས་དང་འདྲ་བར་འགྱུར། །དབང་པོ་གཉིས་ནི་སྦྱར་བ་ཡི། །ཀུན་དུ་སྦྱོར་བའི་བདེ་བ་ནི། །མཆོད་པའི་ཕྱིར་ནི་ཕུལ་བས་ན། །རྡོ་རྗེ་ལས་དང་འདྲ་བར་འགྱུར། །དེ་དག་གི་གསང་བའི་སྙིང་པོ་ནི་འདི་དག་ཡིན་ནོ། །ར་ཏི་བཛྲ། རཱ་ག་བཛྲ། པྲ་ཏི་བཛྲ། ཀརྨ་བཛྲ། དེ་ནས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཕྲིན་ལས་ཀྱི་ཕྱག་རྒྱ་ཆེན་པོའི་ཡེ་ཤེས་ཀྱི་ཕྱག་རྒྱ་བསླབ་པར་བྱ་སྟེ། སྙིང་གར་རྩིབ་ལོགས་རྒྱབ་སྦྱོར་བ། །དཔྲལ་བ་ལ་སོགས་དེ་བཞིན་དུ། །ཁ་དང་རྣ་བ་མགོ་ལྟག་པ། །སྤྱི་བོ་ཕྲག་བརྐེད་པར་བཞག །དེ་བཞིན་གཤེགས་པ་


DKG084_Page_0090
[མ་དཔེ་གཟིགས་ན་འདིར་གནོན།]

ཐམས་ཅད་ཀྱི་དམ་ཚིག་མཆོད་པའི་ཕྱག་རྒྱ་ཡེ་ཤེས་བསླབ་པར་བྱའོ། །ཕྱག་རྒྱ་ཆེན་པོའི་ཚུལ་གྱིས་ནི། །རྡོ་རྗེ་བཅིང་བ་དམ་བྱས་ལ། །སྙིང་ག་ལ་སོགས་གནས་ཚུལ་དུ། །བཞག་ནས་རྒྱལ་བ་རྣམས་མཆོད་དོ། །དེ་ནས་དེ་བཞིན་གཤེགས་པ་ཐམས་ཅད་ལ་མཆོད་པའི་ཆོས་ཀྱི་ཕྱག་རྒྱའི་ཡེ་ཤེས་བསླབ་པར་བྱའོ། །ཨོཾ་ཀྲ་ས་ཡྻ་སཱ་དྲྀ་རཾ་ཀྲཾ་ཁཾ་ཤཾ་ཧ་ཧཱུཾ་ཧཱུཾ་ཤ་ནོ་ཤཱིསཱཾ། ལས་ཀྱི་ཕྱག་རྒྱའི་མདོར་བསྡུས་ན། །ལས་ཀྱི་ཕྱག་རྒྱ་གཉིས་སུ་བྱ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོའི་མངོན་པར་རྟོགས་པ་ལས། རྟོག་པ་ཆེན་པོའི་རྒྱལ་པོ་རྡོ་རྗེ་ལས་ཞེས་བྱ་བའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་དོན་དུ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་སརྦ་ཏ་ཐཱ་ག་ཏ་མུཥྚི་བཾ། དེ་ནས་ཡང་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་སཏྭ་མུཥྚི་ཨ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་རཏྣ་མུཥྚི་ཏྲཱཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་


DKG084_Page_0091
[མ་དཔེ་གཟིགས་ན་འདིར་གནོན།]

ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་དྷ་རྨ་མུཥྚི་ཁཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་ཀརྨ་མུཥྚི་ཧཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་རང་གི་བྱིན་གྱིས་བརླབས་ཀྱིས། བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར། རྡོ་རྗེ་དངོས་གྲུབ་ཅེས་བྱ་བ་ཕྱག་རྒྱ་བཞི་པའི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །ཕྱག་རྒྱ་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་དངོས་གྲུབ་ཞེས་ཀྱང་གྲགས། །དཀྱིལ་འཁོར་ཆེན་པོའི་ཚུལ་དུ་ནི། །མཁས་པས་རབ་ཏུ་སྦྱིན་པར་བྱ། །ཐོག་མར་སངས་རྒྱས་གཟུགས་གཞག་སྟེ། །དེ་ནས་ཕྱག་རྒྱ་བཞི་ཡང་བྲི། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེའི་ཕྱག་རྒྱ་ལ་སོགས་བྲི། །དེ་ནས་རྡོ་རྗེ་དངོས་གྲུབ་ཀྱི་ཕྱག་རྒྱའི་དཀྱིལ་འཁོར་འདིར་འགུགས་པ་ལ་སོགས་པའི་ཆོ་ག་རྒྱས་པར་བྱས་ནས། དེ་བཞིན་དུ་བཙུད་དེ་འདི་སྐད་དུ་སྨྲ་བར་བྱའོ། །ཁྱོད་ཀྱིས་གསང་བའི་ལེའུ་འདི་སུ་ལ་ཡང་མ་བསྟན་ཅིག །དེ་ཅིའི་ཕྱིར་ཞེ་ན། ལོག་པར་ལྟ་བ་དང་། སྡིག་པའི་ལས་བྱེད་པའི་མི་སེམས་ཅན་རྣམས་ཀྱང་ཡོད་དོ། །བརྩོན་འགྲུས་ཆུང་བ་དང་། སྦྱོར་བ་མེད་པ་དང་། རི་མོ་མི་ཤེས་པའི་སེམས་ཅན་རྣམས་ཀྱང་ཡོད་དེ། དེ་དག་རྡོ་རྗེ་དབྱིངས་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་རིགས་


DKG084_Page_0092
[མ་དཔེ་གཟིགས་ན་འདིར་གནོན།]

ཀྱི་དཀྱིལ་འཁོར་ཆེན་པོ་རྣམས་སུ། བརྩོན་འགྲུས་ཆུང་བས་མི་འདུག་སྟེ། དེ་དག་གི་དོན་དུ་རྡོ་རྗེ་དངོས་གྲུབ་ཀྱི་ཕྱག་རྒྱའི་དཀྱིལ་འཁོར་དེ་བཞིན་གཤེགས་པ་ཐམས་ཅད་རིགས་ཀྱི་དཀྱིལ་འཁོར་གྱི་དམ་ཚིག་ཏུ་གྱུར་པ་འདི་མ་ལུས་པ་མེད་པའི་སེམས་ཅན་གྱི་ཁམས་རྣམས་ཡོངས་སུ་བསྐྱབ་པ་དང་། ཕན་པ་དང་། བདེ་བ་དང་། ཡིད་བདེ་བ་ཐམས་ཅད་མྱོང་བར་བྱས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་པའི་དངོས་གྲུབ་ཀྱི་བར་དུ་བྱིན་གྱིས་བརླབས་སོ། །ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གི་ཕྱག་རྒྱ་གསང་བ་འདི་རྣམས་ལ་ཡིད་མི་ཆེས་ཤིང་མ་དད་པར་མ་བྱེད་ཅིག །སེམས་ཅན་དམྱལ་བ་དང་བྱོལ་སོང་དང་། ཡི་དགས་ཀྱི་ཁམས་སུ་ལྷུང་བར་འགྱུར་བའམ། མི་བདེ་བ་མ་སྤངས་པར་དུས་མ་ཡིན་པར་ཤི་བར་གྱུར་ཏ་རེ་ཞེས་བསྒོ་ལ། གདོང་གཡོགས་པ་བཀྲོལ་ཏེ་དཀྱིལ་འཁོར་བསྟན་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་དམ་ཚིག་འདི་བརྗོད་དོ། །བདག་ཉིད་ཆེན་པོ་གང་གང་གི། །ཕྱག་རྒྱ་གང་དང་གང་བཅིངས་པ། །བཟླས་པའི་སྙིང་པོའི་དོན་དུ་ནི། །དེར་ནི་བདག་ཉིད་བསྒོམ་པར་བྱ། །ཡེ་ཤེས་འདི་ཡི་ཚུལ་གྱིས་ནི། །ཕྱག་ན་རྡོ་རྗེས་གསུངས་པ་བཞིན། །བདག་ཉིད་ཆེན་པོ་ཕྱག་རྒྱ་ཀུན། །དེ་དག་ཀུན་གྱིས་འགྲུབ་པར་འགྱུར། །དེ་ནས་ཕྱག་རྒྱ་ཐམས་ཅད་ཀྱི་གསང་བ་བརྗོད་པར་བྱའོ། །རང་གི་དབང་པོ་གཤིགས་ནས་ནི། །རྡོ་རྗེ་བཅིང་བས་གཟུང་བར་བྱ། །དེ་ཡིས་ཕྱག་རྒྱ་གང་རེག་པ། །དེ་མ་ཐག་ཏུ་དེ་དབང་འགྱུར། །དེ་ནས་ཕྱག་རྒྱ་ཐམས་ཅད་ཀྱི་ཆོས་ཉིད་བརྗོད་པར་བྱའོ། །རྡོ་རྗེ་ཕྲ་མོའི་ཚུལ་སྦྱར་ལ། །ཡེ་ཤེས་ཕྱག་རྒྱ་བཅིང་བར་བྱ། །ཆོ་ག་འདི་ཡི་ཚུལ་གྱིས་ནི། །ཡེ་ཤེས་ཕྱག་རྒྱ་དབང་དུ་འགྱུར། །དེ་ནས་ཕྱག་རྒྱ་ཀུན་གྱི་ལས་བརྗོད་པར་བྱའོ། །གླུ་དང་གར་དང་ཟས་དང་བྲོ། །སྤྱོད་པ་ལ་སོགས་བདེ་བ་རྣམས། །སངས་རྒྱས་རྣམས་ལ་ཕུལ་ན་ནི། །ལས་ཀྱི་ཕྱག་རྒྱ་དབང་དུ་འགྱུར། །དེ་ནས་དཀྱིལ་འཁོར་ཐམས་ཅད་དུ་བསྒྲུབ་པ་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །མཚན་མ་བརྟན་པར་རང་གྱུར་ནས། །དཀར་པོར་གྱུར་པའི་


DKG084_Page_0093
[མ་དཔེ་གཟིགས་ན་འདིར་གནོན།]

རས་ལ་གནས། །མཚན་མ་མཆོད་རྟེན་བྱིན་བརླབས་ཏེ། །བདག་ཉིད་རྡོ་རྗེ་དབྱིངས་སུ་བསྒོམ། །རྡོ་རྗེ་བཅིང་བ་དམ་བྱས་ཏེ། །གུང་མོ་མྱུ་གུ་བཞིན་དུ་གཤིབས། །མཐེའུ་ཆུང་དང་ནི་མཛུབ་རྩེ་བསྒྲེང་། །དམ་ཚིག་མཆོག་གི་དམ་ཚིག་གོ། །རྡོ་རྗེ་ཕྲ་མོའི་ཚུལ་གྱིས་ནི། །རབ་ཏུ་མཉམ་པར་བཞག་པས་བསྒོམ། །རྡོ་རྗེ་ཕྲ་མོའི་དཀྱིལ་འཁོར་ཏེ། །ཏིང་འཛིན་དབང་དུ་གྱུར་བའི་ཚུལ། །རྡོ་རྗེ་ཕྱག་རྒྱ་གཉིས་བཅིངས་ལ། །དེ་གཉིས་རྡོ་རྗེ་དམ་དུ་གཟུང་། །མཛུབ་མོ་མཐེའུ་ཆུང་བསྣོལ་བ་ནི། །རྡོ་རྗེ་དགོས་མཆོག་དཀྱིལ་འཁོར་རོ། །དེ་ནས་སེམས་དཔའ་རྡོ་རྗེ་ལ་སོགས་པའི་ཕྱག་རྒྱ་ཆེན་པོའི་བཅིང་བ་བཞི་བསླབས་ནས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པ་ཇི་ལྟ་བ་བཞིན་དུ་བྱའོ། །རྡོ་རྗེ་དངོས་གྲུབ་ཀྱི་ཕྱག་རྒྱ་བཞི་པའི་དཀྱིལ་འཁོར་ཇི་ལྟ་བ་བཞིན་དུ་མི་གཡོ་བའི་དཀྱིལ་འཁོར་ལ་སོགས་པ་དཀྱིལ་འཁོར་ཐམས་ཅད་ཕྱག་རྒྱ་བཞི་པའི་དཀྱིལ་འཁོར་གྱི་ཚུལ་དུ་རང་རང་གི་ཕྱག་རྒྱ་རྣམས་སུ་བྲིས་ན་དངོས་གྲུབ་ཐམས་ཅད་ཀྱང་འགྲུབ་བོ། །དེ་ལྟར་རས་དང་རྩིག་པ་དང་། ནམ་མཁའ་དང་། གནས་ཐམས་ཅད་དུ་བྲིས་ན་དངོས་གྲུབ་ཐམས་ཅད་འགྲུབ་པོ། །དཀྱིལ་འཁོར་བརྟག་པ་ནས་བརྩམས་ཏེ། ལ་ལ་ནི་དཀྱིལ་འཁོར་དུ་དེ་ཉིད་ཀྱི་ཚེ། ཇི་ལྟར་འདོད་པ་བཞིན་དུ་འགྲུབ། ལ་ལ་ནི་དེ་ནས་བརྩམས་ནས་ཉིན་ཞག་གཅིག་གིས། ལ་ལ་ནི་ཉི་མ་བཞིས། ལ་ལ་ནི་ཞག་བཅུ་དྲུག་གིས། ལ་ལ་ནི་མཚམས་མེད་པ་ལྔ་བྱས་པ་ཡང་ཇི་ལྟར་འདོད་པ་བདེ་བླག་ཏུ་དོན་ཐམས་ཅད་བྱེད་ཅིང་ཐམས་ཅད་དགའ་བ་དང་། བྲོ་དང་། ཟས་དང་། སྤྱོད་པ་ཐམས་ཅད་ཀྱི་བདེ་བ་མྱོང་བར་བྱེད་ཀྱང་། ལོ་གཅིག་གིས་མཆོག་འགྲུབ་བོ་ཞེས་བཅོམ་ལྡན་འདས་ཀྱིས་གསུངས་སོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པའི་དམ་ཚིག་རྡོ་རྗེ་ཞེས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོའི་མངོན་པར་རྟོགས་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་བོ་འདི་རང་གི་ཐུགས་ཀ་ནས་བྱུང་ངོ་། །བཛྲ་སཏྭ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་


DKG084_Page_0094
[མ་དཔེ་གཟིགས་ན་འདིར་གནོན།]

ཆེན་པོ་ཕྱག་ན་རྡོ་རྗེས་སེམས་ཅན་ཐམས་ཅད་ཀྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་། ཕན་པ་དང་། བདེ་བ་དང་། ཡིད་བདེ་བ་ཐམས་ཅད་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པ་འགྲུབ་པར་བྱ་བའི་བར་དུ། ཐེག་པ་ཆེན་པོ་མངོན་པར་རྫོགས་པའི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །སེམས་དཔའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་སེམས་དཔའ་ཞེས་ཀྱང་བཤད། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཕྱི་རིམ་ཐིག་གདབ་པོ། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་གཞག་པར་བྱ། །དེ་ནས་དགུག་པ་དང་གཞུག་པ་ལ་སོགས་པ་ཇི་ལྟ་བ་བཞིན་དུ་བྱས་ཏེ། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐོབ་པའི་ཡེ་ཤེས་བསྐྱེད་པར་བྱའོ། །དེ་ལ་འདི་སྐད་དུ་ཁྱོད་ཀྱིས་དམ་ཚིག་མ་མཐོང་བ་དང་། ཁོང་དུ་མ་ཆུད་པ་སུ་ལ་ཡང་གསང་བ་འདི་མ་སྨྲ་ཤིག །ཁྱོད་ངན་སོང་ཐམས་ཅད་དུ་ལྟུང་བའམ། མི་བདེ་བ་མ་སྤངས་པས་དུས་མ་ཡིན་པར་ཤི་བར་གྱུར་ཏ་རེ་ཞེས་བསྒོ་བར་བྱའོ། །དེ་ནས་རྡོ་རྗེ་སེམས་དཔའི་དངོས་གྲུབ་དམ་པ་བསྒྲུབ་པའི་ཡེ་ཤེས་བསླབ་པར་བྱའོ། །ཟླ་བ་རྒྱས་ལ་འདུག་ནས་ཀྱང་། ། ཕྱག་རྒྱ་ཆེན་པོ་གཟུང་བྱས་ནས། །བདག་ཉིད་རྡོ་རྗེ་སེམས་དཔར་ནི། །བསྒོམས་ན་མྱུར་དུ་འགྲུབ་པར་འགྱུར། །དེ་ནས་དཀྱིལ་འཁོར་ཐམས་ཅད་ཀྱི་གསང་བའི་དམ་ཚིག་གི་ཡེ་ཤེས་བསླབ་པར་བྱའོ། །འདོད་ཆགས་བྲལ་བའི་སྡིག་ལྟ་བུ། །ཁམས་གསུམ་ན་ནི་གཞན་མེད་དེ། །དེ་བས་འདོད་པའི་ཆགས་བྲལ་བར། །ཁྱོད་ཀྱིས་ཀྱང་ནི་མ་བྱེད་ཅིག །མ་ཧཱ་ས་མ་ཡ་ཧ་ན་ཕཊ། དེ་ནས་མནའི་སྙིང་པོ་འདི་སྦྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་ཆོ་ག་རྒྱས་པ་རྣམས་སུ་དམ་ཚིག་གི་སྡོམ་པ་སྦྱིན་པར་བྱའོ། །དེ་ནས་རྡོ་རྗེ་སེམས་དཔའི་ཕྱག་རྒྱ་ཆེན་པོ་ལ་སོགས་པ་བཞི་བཅིང་བ་བསླབ་པར་བྱའོ། །དངོས་གྲུབ་ཀྱང་དེ་བཞིན་ནོ། །རི་མོ་ལ་སོགས་པ་དང་། ལུགས་མའི་སྐུ་གཟུགས་ཐམས་ཅད་ལ་ཡང་ཇི་ལྟར་འདོད་པའི་ཆོ་ག་བཞིན་དུ་བྱས་ནས། དངོས་གྲུབ་ཐམས་ཅད་ཀྱང་དེ་བཞིན་དུ་འགྲུབ་པར་འགྱུར་རོ། །རྡོ་རྗེ་དབྱིངས་ཀྱི་དཀྱིལ་


DKG084_Page_0095
[མ་དཔེ་གཟིགས་ན་འདིར་གནོན།]

འཁོར་ཆེན་པོའི་ཆོ་ག་རྒྱས་པར་བྱས་པ་ཅི་ལྟ་བ་བཞིན་དུ་ཡང་བྱའོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གཙོ་བོ། བྱང་ཆུབ་ཀྱི་སེམས་ཆེན་པོ་རྡོ་རྗེ་སེམས་དཔའི་ཕྱག་ན་རྡོ་རྗེ་ཆེན་པོ་ལ་རྡོ་རྗེ་དགྱེས་པའི་སྙིང་པོ་འདིས་ལེགས་པ་གསོལ་ཏོ། །ཨོཾ་རྡོ་རྗེ་སེམས་དཔའ་ཁྱོད་ལེགས་སོ། །ལེགས་སོ་རིན་ཆེན་རྡོ་རྗེ་ཁྱོད། །རྡོ་རྗེ་ཆོས་ནི་ཁྱོད་ལགས་སོ། །རྡོ་རྗེ་ལས་ནི་ཁྱོད་ལེགས་སོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང། །ཐེག་པ་ཆེན་པོ་མངོན་བསྡུས་པའི། །མདོ་སྡེ་འདི་ནི་ལེགས་པར་བཤད། །རྡོ་རྗེ་སེམས་དཔའི་མཚན་ཉིད་ཀྱང་། །དངོས་གྲུབ་ཀུན་གྱི་མཆོག་ཏུ་འགྱུར། །དག་པར་བྱས་པས་བསྒྲུབས་ན་ནི། །སངས་རྒྱས་ཉིད་ཀྱང་བདེ་བར་འཐོབ། །རྡོ་རྗེ་ཆོས་ཀྱི་སྦྱོར་བ་ནི། །འདོད་པ་ཀུན་གྱི་བདེ་བས་བདེ། །ཚེ་འདི་ཉིད་ཀྱིས་འགྲུབ་པས་ན། །བདེ་བ་མི་ཟད་མེད་མི་འགྱུར། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ཞེས་བྱ་བ་རྟོག་པའི་རྒྱལ་པོ་ཆེན་པོ་དུམ་བུ་དང་པོ་རྫོགས་སྟོ།། །།བམ་པོ་བཞི་པ། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུས་ཏེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་འཁོར་ལོ་ཆེན་པོ་བསྐོར་བ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་བོ། །རྡོ་རྗེ་སེམས་དཔའ་རྡོ་རྗེ་ཆེ། །རྡོ་རྗེ་མགོན་པོ་རབ་སྒྲུབ་མཛད། །རྡོ་རྗེ་དབང་བསྐུར་རྡོ་རྗེ་འོད། །རྡོ་རྗེ་དཔལ་ཁྱོད་ཕྱག་འཚལ་ལོ། །རྡོ་རྗེ་བཞད་པ་ཆོས་ཆེན་པོ། །རྡོ་རྗེ་རལ་གྲི་མཆོག་ཆེན་པོ། །དཀྱིལ་འཁོར་ཀུན་གྱི་རྒྱལ་པོ་མཆོག །སྤྲོས་མེད་ཁྱོད་ལ་ཕྱག་འཚལ་ལོ། །རྡོ་རྗེ་ལས་དང་སྲུང་བ་ཆེ། །གནོད་སྦྱིན་གཏུམ་པ་གདོན་ཆེན་པོ། །རྡོ་རྗེ་ཁུ་ཚུར་ཕྱག་རྒྱ་ཆེ། །ཕྱག་རྒྱ་ཀུན་ལ་ཕྱག་འཚལ་ལོ། །བྱང་ཆུབ་སེམས་དང་བྱང་ཆུབ་ཆེ། །སངས་རྒྱས་ཐམས་ཅད་དེ་བཞིན་གཤེགས། །རྡོ་རྗེ་ཡེ་ཤེས་ཡེ་ཤེས་ཆེ། །ཐེག་ཆེན་ཁྱོད་ལ་ཕྱག་འཚལ་ལོ། །དོན་ཀུན་གྱི་ནི་དེ་ཉིད་དོན། །སེམས་ཅན་དོན་


DKG084_Page_0096
[མ་དཔེ་གཟིགས་ན་འདིར་གནོན།]

ཆེན་ཀུན་རིག་པ། །ཀུན་མཁྱེན་ཀུན་བྱས་ཐམས་ཅད་དེ། །ཀུན་གཟིགས་ཁྱོད་ལ་ཕྱག་འཚལ་ལོ། །རྡོ་རྗེ་བདག་རབ་རྡོ་རྗེ་མཆོག །རྡོ་རྗེ་བརྩོན་རབ་རྡོ་རྗེ་འཆང་། །དམ་ཚིག་ཆེན་པོ་དེ་ཉིད་དོན། །སེམས་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་ལྕགས་ཀྱུ་འདོད་པ་ཆེ། །རབ་ཏུ་དགའ་བ་འོད་ཆེན་པོ། །རྡོ་རྗེ་འོད་དང་འོད་གསལ་བ། །སངས་རྒྱས་འོད་ལ་ཕྱག་འཚལ་ལོ། །རྡོ་རྗེ་རྒྱལ་མཆོག་རྡོ་རྗེ་དྲག །རིགས་མཆོག་མཆོག་དང་མི་ཡི་མཆོག །རྡོ་རྗེ་དམ་པ་མཆོག་ཆེན་མཆོག །རིགས་མཆོག་ཁྱོད་ལ་ཕྱག་འཚལ་ལོ། །རྡོ་རྗེ་དབྱིངས་དང་གསང་བ་ཆེ། ། རྡོ་རྗེ་གསང་བ་རབ་གསང་འཆང་། །རྡོ་རྗེ་ཕྲ་བ་བསམ་གཏན་ཆེ། །རྡོ་རྗེ་དགོས་ལ་ཕྱག་འཚལ་ལོ། །སངས་རྒྱས་མཆོག་སངས་རྡོ་རྗེ་མཆོག །སངས་རྒྱས་བྱང་ཆུབ་མཁས་པ་ཆེ། །སངས་རྒྱས་ཡེ་ཤེས་སངས་རྒྱས་ཆེ། །སངས་རྒྱས་སངས་རྒྱས་ཁྱོད་ཕྱག་འཚལ། །སངས་རྒྱས་མཆོད་པ་མཆོད་པ་ཆེ། །སེམས་དཔའ་མཆོད་པ་རབ་མཆོད་པ། །ཐབས་ཆེན་དང་ནི་དངོས་གྲུབ་ཆེ། །རྡོ་རྗེ་གྲུབ་ཁྱོད་ཕྱག་འཚལ་ལོ། །དེ་བཞིན་གཤེགས་པའི་སྐུ་ཆེན་པོ། །དེ་བཞིན་གཤེགས་པའི་གསུང་དབྱངས་ཏེ། །དེ་བཞིན་གཤེགས་པའི་སེམས་ཆེན་པོ། །རྡོ་རྗེ་རྡོ་རྗེ་ཁྱོད་ཕྱག་འཚལ། །སངས་རྒྱས་གཙོ་བོ་རྒྱལ་བཀའ་ཉན། །སངས་རྒྱས་གཙོ་བོ་བཤེས་གཉེནསྐྱེས། །རྣམ་པར་སྣང་མཛད་ཆེ་དང་ཁྱབ། །སྟོན་ཞིང་ཁྲོ་ལ་ཕྱག་འཚལ་ལོ། །དེ་བཞིན་གཤེགས་པ་དེ་ཉིད་ཆེ། །ཡང་དག་མཐའ་སྟེ་ཆེ་བའི་ཚུལ། །ཕ་རོལ་ཕྱིན་པ་ཀུན་མཁྱེན་པ། ། དོན་དམ་ཁྱོད་ལ་ཕྱག་འཚལ་ལོ། །ཀུན་དུ་བཟང་དང་སྤྱོད་པ་མཆོག །བདུད་དང་བདུད་ནི་རབ་འདུལ་བ། །ཀུན་ནི་མཆོག་དང་མཉམ་ཉིད་མཁྱེན། །ཀུན་དུ་འགྲོ་ཁྱོད་ཕྱག་འཚལ་ལོ། །སངས་རྒྱས་ཧཱུྃ་ཞེས་ཧཱུྃ་ཞེས་པ། །རྡོ་རྗེ་ཧཱུྃ་ཞེས་འདུལ་བ་པོ། །རྡོ་རྗེ་ཐམས་ཅད་རྡོ་རྗེ་མཆོག །ཕྱག་ན་རྡོ་རྗེ་ཁྱོད་ཕྱག་འཚལ། །ཕྱག་བྱས་མཆོད་ཅིང་བརྗོད་པ་དང་། །རིམ་གྲོར་དེ་བཞིན་གཤེགས་པས་བྱས། །གང་ཕྱིར་རྡོ་རྗེ་སེམས་བརྟན་པས། །རྡོ་རྗེ་སེམས་དཔའ་ཞེས་བྱ་ཁྱོད། །རྫོགས་པའི་བྱང་ཆུབ་ཁྱོད་རག་ལུས། །ཀུན་གཟིགས་ཡབ་ནི་ཁྱོད་ཡིན་ཏེ། །བྱུང་བ་དང་ནི་འབྱུང་འགྱུར་


DKG084_Page_0097
[མ་དཔེ་གཟིགས་ན་འདིར་གནོན།]

བའི། །དེ་བཞིན་གཤེགས་པ་ཁྱོད་ཀྱིས་བསྒྲུབས། །བསྟོད་པའི་རྒྱལ་པོ་འདི་ཡིས་ནི། །རབ་ཏུ་མོས་པས་སྟོད་བྱེད་ཅིང་། །གླུ་བླངས་གང་ཞིག་སྟོད་བྱེད་པ། །དེ་ནི་རྡོ་རྗེ་འཛིན་འདྲར་འགྱུར། །སངས་རྒྱས་ཀུན་ལ་མངའ་མཛད་པའི། །མགོན་པོ་ཁྱོད་ལ་གསོལ་བ་ནི། །སེམས་ཅན་ཀུན་དོན་མཛད་པའི་ཕྱིར། །རང་གི་རིགས་ནི་སྐྱེད་པར་མཛད། །དེ་ནས་དེ་བཞིན་གཤེགས་པ་ཐམས་ཅད་ཀྱི་གཙོ་བོ་ཕྱག་ན་རྡོ་རྗེས། དེ་བཞིན་གཤེགས་པ་ཐམས་ཅད་ཀྱིས་གསོལ་བའི་ཚིག་ཐོས་ནས། རྡོ་རྗེ་བདག་ཉིད་ཀྱི་ཐུགས་ཀར་བཞག་སྟེ། དེ་བཞིན་གཤེགས་པ་དེ་དག་ཐམས་ཅད་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་མ་འཚལ་ལོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། ཅིའི་ཕྱིར། རྡོ་རྗེ་འཛིན་པས་སྨྲས་པ། བཅོམ་ལྡན་འདས་དབང་ཕྱུག་ཆེན་པོ་ལ་སོགས་པ་མ་རུངས་པའི་སེམས་ཅན་དག་ཀྱང་མཆིས་ཏེ། དེ་བཞིན་གཤེགས་པ་ཐམས་ཅད་ཀྱིས་ཀྱང་ཞི་བས་འདུལ་བར་མི་སྤྱོད་པ་དེ་དག་ལ་བདག་གིས་ཇི་ལྟར་བསྒྲུབ་པར་བགྱི། དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱིས། དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ནམ་མཁའི་དབྱིངས་ཐམས་ཅད་ཀྱི་རྡུལ་ཤིན་དུ་ཕྲ་མོ་དང་མཉམ་པར་འཕྲོས་ནས། རི་རབ་རིའི་རྩེ་མོ་ནི་རྩེ་མོ་རྡོ་རྗེ་དང་། ནོར་བུ་དང་། རིན་པོ་ཆེ་ལས་བྱས་པའི་ཁང་བུ་བརྩེགས་པར་ཡང་གཅིག་ཏུ་འདུས་ཏེ། དེ་བཞིན་གཤེགས་པ་ཐམས་ཅད་ཀྱིས་མཉམ་ཉིད་དུ་དམིགས་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀྱི་དཔལ་བེའུར་ཞུགས་སོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་ཐུགས་སུ་བདག་བྱིན་གྱིས་བརླབས་ཏེ། དེ་བཞིན་གཤེགས་པ་ཐམས་ཅད་རྡོ་རྗེ་མཉམ་པ་ཉིད་ཀྱིས་མ་ལུས་ཤིང་ལུས་པ་མེད་པའི་སེམས་ཅན་གྱི་ཁམས་ཡོངས་སུ་བསྐྱབ་པ་དང་། ཕན་པ་དང་། བདེ


DKG084_Page_0098
[མ་དཔེ་གཟིགས་ན་འདིར་གནོན།]

བའི་དམ་པ་ཐམས་ཅད་འགྲུབ་པ་དང་། མ་རུངས་པ་ཐམས་ཅད་འདུལ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྙིང་རྗེ་ཆེན་པོའི་ཐབས་ཀྱི་ཏིང་ངེ་འཛིན་གྱི་ཡེ་ཤེས་ལ་དམིགས་ཏེ། དེ་བཞིན་གཤེགས་པ་ཐམས་ཅད་ཀྱི་སྙིང་རྗེ་ཆེན་པོའི་ཐབས་ཁྲོ་བོ་ཆེན་པོའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་བྱུང་ངོ་། ཧཱུྃ། དེ་ནས་དེ་བྱུང་མ་ཐག་ཏུ་ཕྱག་ན་རྡོ་རྗེའི་ཐུགས་ཀའི་རྡོ་རྗེ་ལས། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། ཀུན་དུ་འབར་བའི་སྙིང་པོ་ཁྲོ་གཉེར་ཅན་སྨིན་མ་བཅུམ་ཞིང་དཔྲལ་བར་གཉེར་བ། མཆེ་བ་ལྷག་གེར་བྱུང་ཞིང་སོ་གཙིགས་པ། རྡོ་རྗེ་དང་། ལྕགས་ཀྱུ་དང་། རལ་གྲི་དང་། ཞགས་པ་ལ་སོགས་པ་རྡོ་རྗེ་མེ་ལྕེ་འབར་བའི་མཚོན་ཆ་ལག་ན་ཐོགས་པ། རྣམ་པ་དུ་མའི་ཁ་དོག་དང་རྒྱན་རྣམས་ཀྱི་ཆ་ལུགས་ཅན་ཕྱག་ན་རྡོ་རྗེའི་སྐུ་བྱུང་ནས། འཇིག་རྟེན་གྱི་ཁམས་ཐམས་ཅད་དུ་ཤིན་དུ་མ་རུངས་པ་ཐམས་ཅད་གདུལ་བར་བྱས་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཕྱོགས་ཀུན་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་འདུག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་ཐབས་ཀྱིས་འདུལ་བ་ཡི། །ཐབས་ཆེན་ལྡན་པ་བདག་ཡིན་ཏེ། །གང་ཕྱིར་སེམས་ཅན་འདུལ་ཐབས་ཕྱིར། །དྲི་མ་མེད་པའི་ཁྲོ་བོར་གྱུར། དེ་ནས་དེ་བཞིན་གཤེགས་པ་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་སྤྲོས་པ་མེད་པའི་ཆོས་ཉིད་ལ་དམིགས་ནས། དེ་བཞིན་གཤེགས་པ་ཐམས་ཅད་ཀྱི་ཁྲོ་བོ་ཆེན་པོ་རྡོ་རྗེའི་དམ་ཚིག་རྡོ་རྗེ་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཧཱུྃ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་རིག་པའི་མཆོག་འདི་སྨྲས་པ། ཨོཾ་སུམྦྷ་ནི་སུམྦྷ་ཧཱུྃ། གྲྀ་ཧྞ་གྲྀཧྞ་ཧཱུྃ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ། ཨཱ་ན་ཡ་ཧོཿབྷ་ག་བཱཾ་བཛྲ་ཧཱུྃ་ཕཊ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ལས་བྱུང་མ་ཐག་པ་བཅོམ་


DKG084_Page_0099
[མ་དཔེ་གཟིགས་ན་འདིར་གནོན།]

ལྡན་འདས་ཕྱག་ན་རྡོ་རྗེར་གྱུར་ཏེ་བྱུང་ནས་འཇིག་རྟེན་གྱི་ཁམས་རབ་འབྱམ་རྒྱ་མཚོའི་སྤྲིན་ཐམས་ཅད་ན། དེ་བཞིན་གཤེགས་པ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་པ་ཐམས་ཅད་ཀྱི་བྱིན་གྱིས་བརླབས་ཏེ། སྤྱན་དྲངས་ནས་རྡོ་རྗེའི་དམ་ཚིག་གི་དཀྱིལ་འཁོར་ཆེན་པོར་བཅུག་སྟེ། དམ་ཚིག་གིས་བཅིངས་ནས་ཡང་གཅིག་ཏུ་འདུས་ཏེ་རྡོ་རྗེ་ཁྲོ་བོའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་འདུག་སྟེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བྱང་ཆུབ་སེམས་འདི་ནི། །ཀུན་དུ་བཟང་ཞིང་སྡིག་མེད་དེ། །གང་ཕྱིར་སེམས་ཅན་འདུལ་དོན་དུ། །ཁྲོ་བོ་ཡང་ནི་ཡིད་འོང་འགྱུར། །དེ་ནས་རྡོ་རྗེ་ཁྲོ་བོའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བབས་ནས། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ཟླ་བའི་དཀྱིལ་འཁོར་ལ་གནས་ཏེ་ཡང་བཀའ་ནོད་ཅིང་བཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་འགུགས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་ཀྱུ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་ཉིད་ཀྱི་ཐུགས་ཀ་ནས་བྱུང་ངོ་། །ཧཱུྃ་ཌཀྐིཛཿ། དེ་ནས་དེ་བྱུང་མ་ཐག་ཏུ་འཇིག་རྟེན་གྱི་ཁམས་རབ་འབྱམ་སྤྲིན་རྒྱ་མཚོའི་སྤྲིན་ཐམས་ཅད་ན། འཇིག་རྟེན་གསུམ་གྱི་དབང་པོ་དབང་ཕྱུག་ཆེན་པོ་ལ་སོགས་པ་ཇི་སྙེད་པ་དེ་དག་ཐམས་ཅད་འཇིག་རྟེན་ཐམས་ཅད་ན་གནས་པའི་ཚོགས་ཀྱིས་བསྐོར་བ་མ་ལུས་ཤིང་ལུས་པ་མེད་པ་རྣམས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་རྡོ་རྗེའི་ལྕགས་ཀྱུས་བཀུག་ནས། རི་རབ་རིའི་རྩེ་མོ་རྡོ་རྗེ་དང་། ནོར་བུ་དང་། རིན་པོ་ཆེ་ལས་བྱས་པའི་ཁང་བུ་བརྩེགས་པ་གང་ན་བ་དེར་ལྷགས་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང་། ནོར་བུ་དང་། རིན་པོ་ཆེ་ལས་བྱས་པ་ཐམས་ཅད་དུ་བསྐོར་ནས་འཁོད་པར་གྱུར་ཏོ། །དེ་ནས་ཕྱག་ན་རྡོ་རྗེ་རང་གི་ཐུགས་ཀ་ནས་རྡོ་རྗེ་དེ་བླངས་ཏེ། གསོར་ཞིང་ཁམས་གསུམ་པ་ཇི་སྙེད་པ་ཐམས་ཅད་ཀྱི་འཇིག་རྟེན་གསུམ་གྱི་འཁོར་ལོ་ལ་བལྟས་ཏེ་འདི་སྐད་ཅེས་བཀའ་སྩལ་ཏོ། །གྲོགས་


DKG084_Page_0100
[མ་དཔེ་གཟིགས་ན་འདིར་གནོན།]

པོ་རྣམས་དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་ཞུགས་ལ་ངའི་བཀའ་ལ་ཡང་ཉོན་ཅིག །དེ་ནས་དེ་དག་གིས་འདི་སྐད་ཅེས་གསོལ་ཏོ། །བདག་ཅག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཕྱག་ན་རྡོ་རྗེས་གསུངས་པ། །སངས་རྒྱས་ཆོས་དང་དགེ་འདུན་ལ། ། སྐྱབས་སུ་འགྲོ་བར་བསྒྲུབ་པར་བྱོས། །ཀུན་མཁྱེན་ཡེ་ཤེས་ཐོབ་བྱའི་ཕྱིར། །གྲོགས་པོ་རྣམས་ཀྱིས་བསྒྲུབ་པར་གྱིས། དེ་ནས་འཇིག་རྟེན་གྱི་ཁམས་འདི་ན་འཇིག་རྟེན་གསུམ་པོ་མཐའ་དག་གི་བདག་པོ་ལྷ་ཆེན་པོ་འཇིག་རྟེན་གསུམ་པོ་ཐམས་ཅད་ཀྱི་བདག་པོར་གྱུར་པ་དྲེགས་ཏེ་ཆེར་ཁྲོས་པར་སྟོན་ཅིང་འདི་སྐད་ཅེས་སྨྲས་སོ། །ཀྱེ་གནོད་སྦྱིན་ང་ནི་འཇིག་རྟེན་གསུམ་པོ་མཐའ་དག་གི་གཙོ་བོ་དབང་ཕྱུག་ཆེན་པོ་བྱེད་པ་པོ་འཇིག་པ་པོ་འབྱུང་པོ་ཐམས་ཅད་ཀྱི་དབང་པོ་ལྷའི་ཡང་ལྷ་ཆེན་པོ་ཡིན་ན། གནོད་སྦྱིན་ཁྱོད་ཀྱི་ངག་ང་ཅི་ཕྱིར་ཉན། དེ་ནས་ཡང་ཕྱག་ན་རྡོ་རྗེས་རྡོ་རྗེ་གསོར་ཞིང་བཀའ་སྩལ་པ། ཀྱེ་སེམས་ཅན་མ་རུངས་པ་དཀྱིལ་འཁོར་དུ་མྱུར་དུ་ཞུགས་ལ་དའི་དམ་ཚིག་ལ་ཡང་དག་པར་གནས་པར་གྱིས་ཤིག །དེ་ནས་ལྷའི་ཡང་ལྷ་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་བུའི་སེམས་ཅན་དབང་ཕྱུག་ལ་འདི་སྐད་ཅེས་བཀའ་སྩལ་པ་འདི་སུ་ཞིག །དེ་ནས་བཅོམ་ལྡན་འདས་ཀྱིས་དབང་ཕྱུག་ཆེན་པོ་ལ་སོགས་པ་འཇིག་རྟེན་གསུམ་གྱི་ཚོགས་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །གྲོགས་པོ་རྣམས་དཀོན་མཆོག་གསུམ་ལ་སྐྱབས་སུ་འགྲོ་བ་དང་། དམ་ཚིག་དང་སྡོམ་པ་ལ་བསྒྲུབ་པར་གྱིས་ཤིག །ཕྱག་ན་རྡོ་རྗེ་འདི་སྐད་གནོད་སྦྱིན་ཁྲོ་བོ་མ་རུངས་པའི་བྱང་ཆུབ་སེམས་དཔའ་ཆེན་པོ་སྟེ། རྡོ་རྗེ་འབར་བས་ཁམས་གསུམ་པོ་འདི་དག་ཐམས་ཅད་བརླག་པར་བྱས་ཏ་རེ། དེ་ནས་དབང་ཕྱུག་ཆེན་པོ་འཇིག་རྟེན་གསུམ་པོ་མཐའ་དག་གི་དབང་པོར་གྱུར་པ་དང་། རང་གི་ཤེས་པའི་དབང་གིས་འཁོར་མང་པོ་དང་བཅས་པས། བཅོམ་ལྡན་འདས་ཕྱག་ན་རྡོ་རྗེ་འཇིགས་པར་བསྟན་པའི་ཕྱིར། ཁྲོ་བོ་གཏུམ་པ་ཆེན་པོར་རབ་ཏུ་འཇིགས་པའི་གཟུགས་འབར་བ་ཆེན་པོ་གཏོང་ཞིང་། མ་རུངས་པ་ཆེན་པོས་རྟ་སྐད་དུ་དགོད་པ་རྣམས་བསྟན་ནས་འདི་


DKG084_Page_0101
[མ་དཔེ་གཟིགས་ན་འདིར་གནོན།]

སྐད་ཅེས་སྨྲས་སོ། །ཀྱེ་ང་ནི་འཇིག་རྟེན་གསུམ་པོ་མཐའ་དག་གི་བདག་པོ་ཡིན་ན། ཁྱོད་ཀྱིས་ང་ལ་ཅིའི་ཕྱིར་བཀའ་སྩལ་པ། དེ་ནས་ཕྱག་ན་རྡོ་རྗེས་རྡོ་རྗེ་དེ་བསྙེམས་པ་དང་བཅས་པར་རྡོ་རྗེ་གསོར་ཞིང་འཛུམ་སྟེ་འདི་སྐད་ཅེས་སྨྲས་སོ། །ཀྱེ་ལུས་སྲུལ་པོའི་མིའི་ཤ་ཟ་བ་ཟས་སུ་རོ་བསྲེགས་པའི་ཐལ་བ་ཟ་ཞིང་ཁ་ཟས་དང་མལ་དང་། གོས་ཀྱང་དེ་ལས་བྱེད་པ་ངའི་བཀའ་བཞིན་བྱོས་ཤིག །དེ་ནས་ལྷ་ཆེན་པོ་དབང་ཕྱུག་ཆེན་པོས་འཇིག་རྟེན་གསུམ་པོ་མཐའ་དག་དང་ནམ་མཁའི་ཁམས་རྣམས་ཁྲོ་བ་ཁྲོ་བ་ཆེན་པོས་ནོན་པར་བྱིན་གྱིས་བརླབས་ཏེ་འདི་སྐད་ཅེས་སྨྲས་སོ། །ཁྱོད་ཀྱང་དེའི་བཀའ་ཉོན་ལ་དམ་ཚིག་ཀྱང་ལོང་ཤིག །དེ་ནས་ཕྱག་ན་རྡོ་རྗེ་ཁྲོ་བོ་ཆེན་པོའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་ཆེན་པོ་ཞེས་བགྱི་བའི་ལྷ་འདི་ནི། རང་གི་འཚལ་བའི་སྟོབས་ཀྱིས་དྲེགས་པ་དང་དབང་ཕྱུག་ཆེན་པོའི་དབང་གིས། དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་འདུད་དུ་མི་བཏུབ་ན་འདི་ལ་ཇི་ལྟར་བགྱི་བའི་རིགས། དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་བའི་རྡོ་རྗེ་ཆེན་པོའི་དམ་ཚིག་དྲན་པར་བྱས་སོ། །ཨོཾ་ནི་སུམྦྷ་བཛྲ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེའི་སྙིང་པོ་འདི་བརྗོད་དོ། །ཧཱུྃ། དེ་ནས་དེ་བརྗོད་མ་ཐག་ཏུ་ཁམས་གསུམ་པ་ཐམས་ཅད་ནས་འདུས་པའི་ལྷ་ཆེན་པོ་ལ་སོགས་པ་འཇིག་རྟེན་གསུམ་པོའི་དབང་པོ་ཐམས་ཅད་ཁ་བུབ་ཏུ་འགྱེལ་ཏེ། ཉམ་ཐག་པའི་ཚིག་འབྱིན་ཅིང་། བཅོམ་ལྡན་འདས་ཕྱག་ན་རྡོ་རྗེ་ལ་སྐྱབས་སུ་དོང་ངོ་། །ལྷ་ཆེན་པོ་ཞེས་བྱ་བའི་ལྷ་དེ་ནི་ས་ལ་འགྱེལ་ཏེ་དྲན་པ་མེད་པར་གྱུར་ནས་ཤིའོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། ། ཕྱག་ན་རྡོ་རྗེ་འཇིག་རྟེན་གསུམ་པོའི་འཁོར་ལོ་འདི་ཐམས་ཅད་ལ་སྐྱབས་སྦྱིན་པ་བྱོས་ཏེ་མ་བསད་ཅིག །དེ་ནས་ཕྱག་ན་རྡོ་རྗེ་ཁྲོ་བོ་ཆེན་པོའི་རྒྱལ་པོས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། ལྷ་ཐམས་ཅད་བོས་ནས་འདི་སྐད་ཅེས་གསུངས་སོ། །གལ་ཏེ་ཁྱོད་རང་གི་


DKG084_Page_0102
[མ་དཔེ་གཟིགས་ན་འདིར་གནོན།]

སྲོག་འདོད་ན། སངས་རྒྱས་དང་ཆོས་དང་དགེ་འདུན་ལ་སྐྱབས་སུ་དེང་ལ་ངའི་བཀའ་ཡང་ཉོན་ཅིག །དེ་ནས་དེ་དག་གིས་འདི་སྐད་ཅེས་གསོལ་ཏོ། །སངས་རྒྱས་དང་ཆོས་དང་དགེ་འདུན་ཕྱག་རྒྱའི་ཚོགས་དང་བཅས་པ་ལ་སྐྱབས་སུ་མཆིའོ། །ཁྱོད་ཀྱིས་བསྟན་པའི་བཀའ་ནི་བདག་ཅག་གིས་མ་འཚལ་ལོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པས་དེ་དག་ལ་བོས་ནས་འདི་སྐད་བཀའ་སྩལ་ཏོ། །ཀྱེ་ལྷ་རྣམས་འདི་ནི་ངེད་དང་དེ་བཞིན་གཤེགས་པ་ཐམས་ཅད་ཀྱི་བདག་པོའོ། །དེ་བཞིན་གཤེགས་པ་ཐམས་ཅད་ཀྱི་ཡབ། དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་ཐུ་བོ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སྟེ། སེམས་ཅན་ཐམས་ཅད་གདུལ་བའི་དོན་བྱས་པའི་ཕྱིར། ཁྲོ་བོའི་རྒྱལ་པོ་ཆེན་པོར་དབང་བསྐུར་ཏོ། ། དེ་ཅིའི་ཕྱིར་ཞེ་ན། ཁྱེད་ཀྱི་ནང་ན་ཡང་ལྷ་ཆེན་པོ་ལ་སོགས་པ་མ་རུངས་པའི་སེམས་ཅན་ཡོད་དེ། དེ་རྣམས་དེ་བཞིན་གཤེགས་པ་ཐམས་ཅད་ཀྱིས་ཀྱང་ཞི་བར་མཛད་པས། སྡིག་པ་ལས་བཟློག་པར་མི་སྤྱོད་པའི་སྡིག་པའི་སེམས་ཅན་དེ་དག་རྣམས་ཚར་གཅད་པའི་ཕྱིར་བྱིན་གྱིས་བརླབས་སོ། ། དེ་བས་ན་ཁྱེད་རྣམས་འདིའི་དམ་ཚིག་ལ་གནས་པར་བྱོས་ཤིག་པར་བཀའ་སྩལ་ཏོ། །དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གི་སྲོག་ཡལ་བ་ལས་བསྐྱབ་ཏུ་གསོལ། བདག་ཅག་ཀྱང་བཀའ་སྩལ་པ་བགྱིད་ཅིང་མཆིས། བཅོམ་ལྡན་འདས་ཀྱིས་བཀའ་སྩལ་པ། ཀྱེ་གྲོགས་པོ་རྣམས་འདི་ཉིད་ལ་སྐྱབས་སུ་དོང་དང་འདི་ཉིད་ཀྱིས་ཀུན་དུ་སྐྱོབ་སྟེ་གཞན་གྱིས་ནི་མ་ཡིན་ནོ། །དེ་ནས་ཁམས་གསུམ་ཀུན་ནས་འདུས་པ་སྲིད་པ་གསུམ་གྱི་བདག་པོ་དེ་རྣམས་བཅོམ་ལྡན་འདས་རྡོ་རྗེ་འཛིན་པ་ག་ལ་བ་དེ་ལོགས་སུ་བལྟས་ནས། ཉམ་ཐག་པ་ཆེན་པོའི་སྒྲ་མགྲིན་གཅིག་ཏུ་ཕྱུང་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་འཆི་བའི་སྡུག་བསྔལ་འདི་ལས་ཀུན་དུ་བསྐྱབ་པར་གསོལ། བདེ་བར་གཤེགས་པ་ཀུན་དུ་བསྐྱབ་པར་གསོལ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ལྷ་ལ་སོགས་པ་དེ་རྣམས་ལ་བོས་ཏེ་འདི་སྐད་ཅེས་བཀའ་སྩལ་ཏོ། །


DKG084_Page_0103
[མ་དཔེ་གཟིགས་ན་འདིར་གནོན།]

ཀྱེ་མ་རུངས་པ་རྣམས་ངའི་བསྟན་པ་ལ་ཞུགས་ཤིག །རྡོ་རྗེ་འབར་བ་འདིས་གཅིག་ཏུ་འབར་བར་བྱས་ནས་ཐམས་ཅད་ཀྱང་ཐལ་བར་བྱས་ཏ་རེ། འདི་སྐད་ཅེས་གསོལ་ཏོ། །ཁྱོད་ནི་བཅོམ་ལྡན་འདས་ཀུན་དུ་བཟང་པོ་དེ་བཞིན་གཤེགས་པ་ཐམས་ཅད་ཀྱི་ཐུགས་བསྐྱེད་པ་ཞི་བ་དུལ་པ་སེམས་ཅན་ཐམས་ཅད་ལ་ཕན་པར་བཞེད་པ། སེམས་ཅན་ཐམས་ཅད་ལ་མི་འཇིགས་པ་སྩོལ་བ་ལགས་ན། ཅིའི་སླད་དུ་བཅོམ་ལྡན་འདས་ཀྱིས་བདག་ཅག་བསྲེགས་པར་འགྱུར། དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་དེ་དག་ལ་འདི་སྐད་ཅེས་བཀའ་སྩལ་ཏོ། །ཀྱེ་གྲོགས་པོ་དག་གང་གིས་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པ་དེའི་ཕྱིར་ང་ནི་ཀུན་དུ་བཟང་པོ་སྟེ། ཁྱེད་ལྟ་བུའི་སེམས་ཅན་མ་རུངས་པའི་ངང་ཚུལ་ཅན་སྡིག་པའི་སེམས་རྣམ་པར་སྦྱང་བའི་ཕྱིར། གལ་ཏེ་ངའི་དམ་ཚིག་ལ་མི་གནས་ན་ཆུད་གསན་པར་བྱའོ། གསོལ་པ། དེ་བཞིན་དུ་བགྱིའོ། །དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་དབང་ཕྱུག་ཆེན་པོ་མ་གཏོགས་པའི་ལྷ་དེ་དག་གཞན་དབུགས་དབྱུང་ཞིང་བསླང་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྡོ་རྗེའི་བསླང་བ་ཞེས་བྱ་བ་འདི་སྨྲས་སོ། །ཨོཾ་བཛྲོ་ཏྟི་ཥྛ། དེ་ནས་དེ་སྐད་སྨྲས་མ་ཐག་ཏུ་དབང་ཕྱུག་ཆེན་པོ་མ་གཏོགས་པར་ཁམས་གསུམ་པ་འདུས་པ་སྲིད་པ་གསུམ་གྱི་བདག་པོ་འཁོར་དང་བཅས་པ་དེ་དག་ཐམས་ཅད་ཀུན་བརྒྱལ་བ་ལས་སེམས་དབུགས་ཕྱུང་སྟེ། ལྷའི་བདེ་བ་མྱོང་ཞིང་འཇིགས་ཤིང་བག་ཚ་བ་དང་སྤུ་ལངས་པ་མེད་པར་གྱུར་ནས་བཅོམ་ལྡན་འདས་ཕྱག་ན་རྡོ་རྗེ་ལ་ལྟ་ཞིང་ལངས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། སེམས་དཔའ་ཆེན་པོ་ལྷའི་བདག་པོ་ལྷ་ཆེན་པོ་འདི་མ་བསླང་ན་འདི་སྲོག་དེ་ཆུད་གསན་པར་བྱས་ཏེ་ཅི་རུང་། གསོས་ན་འདི་ཡང་སྐྱེས་བུ་དམ་པར་འགྱུར་རོ། །དེ་ནས་ཕྱག་ན་རྡོ་རྗེས་དེ་བཞིན་དུ་བྱའོ་སྙམ་ནས་ཤི་བ་གསོ་བའི་སྙིང་པོ་འདི་སྨྲས་སོ། །བཛྲ་ཨཱ་ཡུཿ། དེ་ནས་དེ་སྨྲས་མ་ཐག་ཏུ་ལྷ་ཆེན་པོ་ལྷའི་བདག་པོ་ཤི་བ་ལས་གསོས་ཏེ་ལྡང་འདོད་ན་ཡང་ལྡང་མ་ནུས་སོ། །དེ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ


DKG084_Page_0104
[མ་དཔེ་གཟིགས་ན་འདིར་གནོན།]

ལྡན་འདས་ཅི་བདག་ཅག་འདི་ལྟ་བུས་འདུལ་ལམ། བཅོམ་ལྡན་འདས་ཀྱིས་བཀའ་སྩལ་པ། ཁྱོད་སྐྱེས་བུ་ཆེན་པོ་འདི་བཀའ་ཉན་པར་མི་འཇུག་ན། ཁྱོད་ལ་འདུལ་བ་འདི་ཉིད་ཡིན་གྱི་ངམ་ཡིན་ནོ། །དབང་ཕྱུག་ཆེན་པོས་གསོལ་པ། ཅི་བཅོམ་ལྡན་འདས་ཁྱོད་ཀྱིས་མ་རུངས་པའི་སེམས་ཅན་དེ་ལས་སྐྱབས་མཛད་པར་མི་སྤྱོད་དམ། བཅོམ་ལྡན་འདས་ཀྱིས་བཀའ་སྩལ་པ། ངས་འདི་ལས་སྐྱབས་མི་ནུས་སོ། །གསོལ་པ། ཅིའི་སླད་དུ། བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་བདག་པོ་ཡིན་པའི་ཕྱིར་རོ། །གསོལ་པ། བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་མ་འཚལ་ཏོ། །ཅིའི་སླད་དུ་ཞེ་ན། ཁམས་གསུམ་གྱི་བདག་པོ། དེ་བཞིན་གཤེགས་པ་རྣམས་ལས་གཞན་པའི་བདག་པོ་མཆིས་པར་མ་འཚལ་ན། འདི་སུ་ལགས། དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་ལྷ་ཆེན་པོ་ལ་བོས་ཏེ་འདི་སྐད་ཅེས་གསུངས་སོ། །ཀྱེ་མ་རུངས་པའི་སེམས་ཅན་ངའི་བཀའ་མི་ཉན་ཏམ། དེ་ནས་ལྷ་ཆེན་པོས་རྡོ་རྗེ་སེམས་དཔའི་ཚིག་ཐོས་ནས་འཁྲུགས་ཤིང་ཁྲོས་པར་གྱུར་ཏེ། དེ་ལྟར་བསྒྱེལ་བཞིན་དུ་ཡང་འཇིགས་པ་ཆེན་པོའི་གཟུགས་བསྟན་ཏེ། འདི་སྐད་ཅེས་སྨྲས་སོ། །ང་ཤི་བར་བཟོད་ཀྱི། ཁྱོད་ཀྱི་ངག་ང་མི་ཉན་ནོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་རབ་ཏུ་ཁྲོས་པར་སྟོན་ཅིང་རང་གི་རྐང་པའི་མཐིལ་ནས་རྗེས་སུ་སྤྱོད་པ་འདི་བྱུང་ངོ་། །ཨོཾ་པ་ཏ་ཀརི་ཥ་ཎ་བཛྲ་ཧཱུྃ། དེ་ནས་བཅོམ་ལྡན་འདས་ཀྱི་ཞབས་མཐིལ་ནས་ཀུན་དུ་འབར་བའི་རྡོ་རྗེའི་སྙིང་པོ་ཁྲོ་གཉེར་བྱས་ནས། མཆེ་བ་ལྷག་གེར་བྱུང་བ་གདོང་ཆེན་པོ་རྡོ་རྗེའི་རྗེས་སུ་སྤྱོད་པ་བྱུང་ནས་བཅོམ་ལྡན་འདས་ཕྱག་ན་རྡོ་རྗེའི་སྤྱན་སྔ་ན་བཀའ་ནོད་ཅིང་འདུག་པར་གྱུར་ཏོ། །དེ་ནས་ཕྱག་ན་རྡོ་རྗེས་དབང་ཕྱུག་ཆེན་པོ་སྦྱང་བའི་ཕྱིར་འདི་སྐད་ཅེས་གསུངས་སོ། །ཨོཾ་པ་ཏ་ཀ་རི་ཥ་ཎ་བཛྲ་ཧཱུྃ། ཨོཾ་པ་ཏ་ཀ་རི་ཤ། སརྦ་བཛྲ་དྷར་ཨ་ནུ་ཙ་ར་ཀ་ཏ་བཛྲ་ཧཱུྃ་ཛཿ། དེ་ནས་དེ་སྐད་སྨྲས་པ་དང་། ལྷ་ཆེན་པོ་དང་ལྷ་མོ་ཨུ་མར་བཅས་ཏེ་རྐང་བ་གྱེན་ཀར་བསྟན་ནས་གཅེར་བུར་ཕྱུང་སྟེ་སྐྱེ་བོ་ཐམས་ཅད་ཀྱིས་གད་མོས་བཏབ་ཅིང་རྐང་པས་འགུགས་པའི་རྗེས་སུ་སྤྱོད་པས་དེ་བཀུག་སྟེ། བཅོམ་ལྡན་འདས་


DKG084_Page_0105
[མ་དཔེ་གཟིགས་ན་འདིར་གནོན།]

ཕྱག་ན་རྡོ་རྗེའི་སྤྱན་སྔར་ཞབས་ཀྱི་དྲུང་དུ་བཞག་གོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་མ་རུངས་པ་རྗེས་འབྲང་དང་བཅས་པ་འདི་ཇི་ལྟར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཨོཾ་བཛྲ་ཀྲ་མ་ཧོ། དེ་ནས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ལྷ་ཆེན་པོ་ཞབས་གཡོན་པས་མནན་ཞབས་གཡས་པས་ལྷ་མོ་ཨུ་མའི་སྟེང་དུ་མནན་ནས། རང་གི་སྙིང་པོ་འདི་སྨྲས་པ། ཨོཾ་བཛྲ་ཨཱ་བེ་ཤ་ཧ་ན་པ་ཏཾ་ཏྲཊ། དེ་ནས་དེ་སྨྲས་མ་ཐག་ཏུ་ལྷ་ཆེན་བབས་ནས་རང་གི་ལག་སྟོང་གིས་རང་གི་གདོང་སྟོང་ལ་འཚོག་གོ། །དེ་ནས་རྡོ་རྗེའི་ནོར་བུ་རིན་པོ་ཆེའི་རྩེ་མོའི་རྡོ་རྗེ་དང་། ནོར་བུ་དང་། རིན་པོ་ཆེ་ལས་བྱས་པའི་ཁང་བུ་བརྩེགས་པའི་ཕྱི་རོལ་ན་སྲིད་པ་གསུམ་པ་ཐམས་ཅད་ཀྱིས་ངེད་ཀྱི་དབང་པོ་འདི་བདག་ཉིད་ཆེན་པོ་དེས་བཏུལ་ལོ་ཞེས་སྒྲ་ཆེན་པོ་བྱུང་ངོ་། །དེ་ནས་བཅོམ་ལྡན་འདས་ཀྱིས་ལྷ་ཆེན་པོ་ལ་ཐུགས་རྗེ་ཆེན་པོ་བསྐྱེད་པའི་སངས་རྒྱས་ཐམས་ཅད་ཀྱི་བྱམས་པའི་སྙིང་པོ་འདི་གསུངས་སོ། །ཨོཾ་བུདྡྷ་མཻ་ཏྲི་བཛྲ་རཀྵ་ཧཾ། དེ་ནས་དེ་སྐད་ཅེས་སྨྲས་མ་ཐག་ཏུ། ལྷ་ཆེན་པོ་ལ་བབས་པའི་སྡུག་བསྔལ་དེ་ཀུན་ཞི་བར་གྱུར་ཏོ། །དེ་ནས་ཡང་ཕྱག་ན་རྡོ་རྗེའི་ཞབས་ཀྱི་མཐིལ་གྱིས་རེག་པས། བླ་ན་མེད་པའི་གྲུབ་པའི་དབང་དང་། ཏིང་ངེ་འཛིན་དང་། རྣམ་པར་ཐར་པ་དང་། གཟུངས་དང་ཡེ་ཤེས་དང་མངོན་པར་ཤེས་པ་རྣམས་ཐོབ་པ་ནས། དེ་ནས་དེ་བཞིན་གཤེགས་པ་ཉིད་དུ་འགྲུབ་པའི་བར་དུ་གྱུར་ཏོ། །དེ་ནས་ལྷ་ཆེན་པོ་བཅོམ་ལྡན་འདས་ཕྱག་ན་རྡོ་རྗེའི་ཞབས་མཐིལ་གྱིས་རེག་པས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་། གཟུངས་དང་རྣམ་པར་ཐར་པའི་བདེ་བ་མྱོང་སྟེ་ལྷ་ཆེན་པོའི་ལུས་ཕྱག་ན་རྡོ་རྗེའི་ཞབས་ལ་ཕུལ་ནས། འོག་གི་འཇིག་རྟེན་གྱི་ཁམས་གང་གཱའི་ཀླུང་སུམ་ཅུ་རྩ་གཉིས་ཀྱི་བྱེ་མ་སྙེད་ཀྱི་འཇིག་རྟེན་ཁམས་ཀྱི་རྡུལ་ཕྲ་རབ་སྙེད་ཀྱི་འཇིག་རྟེན་གྱི་ཁམས་འདས་པ་ན། ཐལ་བས་ཁེབས་པ་ཞེས་བྱ་བའི་འཇིག་རྟེན་གྱི་ཁམས་དེར་ཐལ་བའི་དབང་པོའི་དབྱངས་ཞེས་བྱ་བའི་དེ་བཞིན་གཤེགས་པར་སྐྱེས་སོ། །དེ་ནས་ལྷ་ཆེན་པོའི་ལུས་དེ་ལས་


DKG084_Page_0106
[མ་དཔེ་གཟིགས་ན་འདིར་གནོན།]

ཆེད་དུ་བརྗོད་པ་འདི་བྱུང་ངོ་། །ཨེ་མའོ་སངས་རྒྱས་ཐམས་ཅད་ཀྱི། །སངས་རྒྱས་ཡེ་ཤེས་བླ་ན་མེད། །ཡི་གེའི་ཚོགས་ཀྱིས་མནན་ནས་སུ། །མྱ་ངན་ལས་ནི་འདས་པར་གཞག །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། དེ་ལས་གཞན་པ་མཐུ་བོ་ཆེ་ལ་སོགས་པ་འཇིག་རྟེན་གསུམ་གྱི་བདག་པོ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་དཀྱིལ་འཁོར་ཆེན་པོ་འདིར་ཞུགས་ཤིག །ཞུགས་ནས་ཀྱང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་སྲུངས་ཤིག །དེ་དག་གིས་འདི་སྐད་ཅེས་གསོལ་ཏོ། །བཀའ་ཇི་སྐད་སྩལ་བ་བཞིན་དུ་བགྱིའོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་སྲིད་པ་གསུམ་འདུས་པ་དེ་རྣམས་བོས་ཏེ་འདི་སྐད་ཅེས་གསུངས་སོ། །གྲོགས་པོ་རྣམས་ཡང་གསུམ་ལ་སྐྱབས་སུ་འགྲོ་བ་དང་བསླབ་པ་དང་དམ་ཚིག་དང་སྡོམ་པ་ཟུང་ལ་ངའི་དམ་ཚིག་ལ་ཡང་གནས་པར་གྱིས་ཤིག །དེ་དག་གིས་གསོལ་པ། དེ་བཞིན་དུ་འཚལ་ན་བདག་ཅག་གིས་བཅོམ་ལྡན་འདས་ཀྱི་བཀའ་དང་དམ་ཚིག་གློ་བར་མ་ཆུད་དོ། །དེ་ནས་ཕྱག་ན་རྡོ་རྗེས་རང་གི་དམ་ཚིག་འདི་བྱིན་ནོ། །བྱང་ཆུབ་སེམས་ནི་རིམ་བཞིན་དུ། །བསྐྱེད་ནས་དེ་ཡི་འོག་ཏུ་ནི། །བྱང་ཆུབ་ཆེན་པོར་ཅི་ནུས་པར། །ཤིན་ཏུ་མཉམ་བཞག་འབད་པར་བྱ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས། ལྷ་ལ་སོགས་པ་དེ་རྣམས་འཇུག་པའི་དམ་ཚིག་ཆེན་པོའི་ཕྱག་རྒྱ་བཅིང་བ་ལ་སོགས་པ་བྱས་ནས། དམ་ཚིག་ཆེན་པོའི་ཕྱག་རྒྱ་སྙིང་པོ་འདིས་འཆིང་དུ་གཞུག་གོ། །ཨོཾ་བཛྲ་ས་མ་ཡ་གྲྀ་ཧྞ་སྟྭཾ་བནྡྷ་སམ་ཡ། བཛྲ་ས་ཏྭ་ས་མ་ཡ། མ་ནུ་སྨ་ར། སརྦ་ཏ་ཐཱ་ག་ཏ་ས་མ་ཡ་སྟྭཾ། དྲྀ་ཌྷོ་མེ་བྷ་བ། སྠི་རོ་མེ་བྷ་བ། ཨཱ་ཧཱརྱོ་མེ་བྷ་བ། ཨ་པྲ་ཏི་ཧཱ་རྱོ་མེ་བྷ་བ། སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿ། ཀུ་རུ་ཧཱུྃ་ཧ་ཧ་ཧ་ཧ་ཧོཿ། དེ་ནས་དེ་སྨྲས་མ་ཐག་ཏུ་ཁམས་གསུམ་གྱི་སྲིད་པ་གསུམ་གྱི་སྐྱེ་བོ་འདུས་པ་ཐམས་ཅད་རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་ལག་ཏུ་བབས་ནས་དམ་དུ་བཅིངས་པར་གྱུར་ཏོ། །དེ་ནས་ཕྱག་ན་རྡོ་རྗེས་ཚུལ་བཞིན་དུ་བཙུད་ནས་དཀྱིལ་འཁོར་ཆེན་པོ་ཐམས་ཅད་གོ་རིམས་བཞིན་དུ་བསྟན་ཏེ་རྡོ་རྗེ་རིན་པོ་ཆེའི་དབང་བསྐུར་བས་དབང་


DKG084_Page_0107
[མ་དཔེ་གཟིགས་ན་འདིར་གནོན།]

བསྐུར་ནས། རྡོ་རྗེའི་མཚན་མའང་ལག་ཏུ་བྱིན་ཏེ། རྡོ་རྗེ་མིང་གིས་དབང་བསྐུར་བས་དབང་བསྐུར་ནས་དེ་ནས་དེ་བཞིན་གཤེགས་པ་ཐམས་ཅད་ཀྱིས་སེམས་ཅན་གྱི་དོན་ལ་བཀོད་དོ། །དེ་ནས་འཇིག་རྟེན་གསུམ་པོའི་བདག་པོ་རྣམས་ཡིན་ཏེ།འདི་ལྟ་སྟེ། དབང་ཕྱུག་ཆེན་པོ་ནི་ཁྲོ་བོའི་རྡོ་རྗེའོ། །མཐུ་བོ་ཆེ་ནི་སྒྱུ་མའི་རྡོ་རྗེའོ། །ཀརྞི་ཀ་སྒྲ་གཞོན་ནུ་ནི་རྡོ་རྗེ་དྲིལ་བུའོ། །ཚངས་པ་ནི་ཐུབ་པའི་རྡོ་རྗེའོ། །དབང་པོ་ནི་རྡོ་རྗེའི་མཚོན་ཆ་སྟེ། དེ་ལ་སོགས་པ་ནི་རིག་པའི་རྒྱལ་པོ་རྣམས་སུ་ཞེས་བྱ་བར་དབང་བསྐུར་ཏོ། །དེ་ནས་བར་སྣང་ལ་སྤྱོད་པའི་ལྷའི་དབང་པོ་ཐམས་ཅད་ལ་རྗེས་སུ་བྱིན་པ་ནི་འདི་ལྟ་སྟེ། ཉི་མ་ནི་རྡོ་རྗེ་འཁྱིལ་བའོ། །ཟླ་བ་ནི་རྡོ་རྗེའི་འོད་དོ། །དབྱུག་པ་ཆེན་པོའི་གཙོ་བོ་ནི་རྡོ་རྗེ་དབྱིག་པའོ། །སེར་སྨུག་ནི་རྡོ་རྗེ་སེར་སྨུག་སྟེ། དེ་ལ་སོགས་པ་ནི་རྡོ་རྗེ་ཁྲོ་བོ་ཞེས་བྱ་བར་དབང་བསྐུར་ཏོ། །དེ་ནས་ནམ་མཁའ་ལ་སྤྱོད་པའི་ལྷའི་དབང་པོ་ཐམས་ཅད་ལ་བྱིན་པ་འདི་ལྟ་སྟེ། སྦྲང་རྩིས་མྱོས་པ་ནི་རྡོ་རྗེའི་གླང་པོའི་སྣའོ། །སྦྲང་རྩི་བྱེད་པ་ནི་རྡོ་རྗེའི་ཕྲེང་བའོ། །རྒྱལ་པོ་ནི་རྡོ་རྗེའི་དབང་ངོ་། །རྒྱལ་བར་བྱེད་པ་ནི་རྣམ་པར་རྒྱལ་བའི་རྡོ་རྗེ་སྟེ། དེ་ལ་སོགས་པ་ནི་ཚོགས་ཀྱི་གཙོ་བོ་ཞེས་བྱ་བར་དབང་བསྐུར་ཏོ། །དེ་ནས་ས་བླའི་དབང་པོ་ཐམས་ཅད་ལ་བྱིན་པ་འདི་ལྟ་སྟེ། མཛོད་སྐྱོང་ནི་རྡོ་རྗེ་ཐོ་བའོ། །མེ་ནི་རྡོ་རྗེའི་མེའོ། །རླུང་ནི་རྡོ་རྗེའི་རླུང་ངོ་། །ཀུ་བེར་ནི་རྡོ་རྗེ་འཇིགས་པའོ། །དེ་ལ་སོགས་པ་ནི་རྡོ་རྗེ་ཕོ་ཉ་ཞེས་བྱ་བར་དབང་བསྐུར་ཏོ། །དེ་ནས་སའི་འོག་གི་དབང་པོ་ལྷ་ཐམས་ཅད་ལ་བྱིན་པ་འདི་ལྟ་སྟེ། ཕག་ནི་རྡོ་རྗེ་ལྕགས་ཀྱུའོ། །གཤིན་རྗེ་ནི་རྡོ་རྗེ་དུས་སོ། །གཙུག་ཕུད་ས་ནི་རྡོ་རྗེ་བགེགས་ཀྱི་གཙོ་བོའོ། །བ་རུ་ཎ་ནི་ཀླུ་རྡོ་རྗེ་སྟེ། དེ་དག་ལ་སོགས་པ་ནི་རྡོ་རྗེ་བྲན་ཞེས་བྱ་བར་དབང་བསྐུར་ཏོ། །དེ་ནས་འཇིག་རྟེན་གསུམ་གྱི་བདག་པོའི་ལྷ་མོ་ཐམས་ཅད་རྡོ་རྗེ་རིན་པོ་ཆེའི་དབང་བསྐུར་བས་དབང་བསྐུར་ཏེ། རང་གི་མཚན་མ་རྡོ་རྗེར་བྱིན་གྱིས་བརླབས་ནས། རྡོ་རྗེ་མིང་གི་དབང་བསྐུར་བས་དབང་བསྐུར་ཅིང་། དེ་བཞིན་གཤེགས་པ་ཐམས་ཅད་ཀྱི་སེམས་ཅན་གྱི་དོན་ལ་རབ་ཏུ་བཀོད་པ་ལ་འདི་ལྟ་སྟེ། ཨུམ་ནི་ཁྲོ་བོ་རྡོ་རྗེ་མའོ། །གསེར་ལྡན་མ་ནི་རྡོ་རྗེ་གསེར་རོ། །དྲུག་ལྡན་མ་ནི་རྡོ་རྗེ་གཞོན་ནུ་མའོ། །ཚངས་མ་ནི་རྡོ་རྗེ་ཞི་མའོ། །


DKG084_Page_0108
[མ་དཔེ་གཟིགས་ན་འདིར་གནོན།]

དབང་མོ་ནི་རྡོ་རྗེ་ཁུ་ཚུར་མ་སྟེ། དེ་ལ་སོགས་པ་ནི་རྡོ་རྗེའི་རྒྱལ་མོར་དབང་བསྐུར་ཏོ། །དེ་ནས་ནམ་མཁའ་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི་འདི་ལྟ་སྟེ། མི་འཆི་བ་ནི་རྡོ་རྗེ་མི་འཆི་མའོ། །རོ་ཧི་ན་ནི་རྡོ་རྗེ་མདངས་མའོ། །དབྱུག་འཛིན་མ་ནི་རྡོ་རྗེ་དབྱུག་མཆོག་མའོ། །སྐྱེ་བ་འཕྲོག་མ་ནི་རྡོ་རྗེའི་རྐེད་ཆིངས་མ་སྟེ། དེ་ལ་སོགས་པ་ནི་ཁྲོ་མོ་ཞེས་བྱ་བར་དབང་བསྐུར་ཏོ། །དེ་ནས་བར་སྣང་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི་འདི་ལྟ་སྟེ། གསོད་མ་ནི་རྡོ་རྗེ་འཇུ་མའོ། །ཟ་བ་ནི་རྡོ་རྗེ་ཟབ་མའོ། །བགོ་བ་ནི་རྡོ་རྗེ་བགོ་བ་མའོ། །དགའ་བ་ནི་རྡོ་རྗེ་དགའ་བ་མའོ། །དེ་ལ་སོགས་པ་ནི་ཚོགས་ཀྱི་གཙོ་མོར་དབང་བསྐུར་ཏོ། །དེ་ནས་ས་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི་འདི་ལྟ་སྟེ། ཞི་བ་མ་ནི་རྡོ་རྗེ་ཕོ་ཉ་མོའོ། །རླུང་ནི་མགྱོགས་མ་རྡོ་རྗེ་མའོ། །མེ་ནི་རྡོ་རྗེ་འབར་མའོ། །ཀུ་བེར་མ་ནི་རྡོ་རྗེའི་འཁོར་མ་སྟེ། དེ་ལ་སོགས་པ་ནི་རྡོ་རྗེའི་ཕོ་ཉ་མོར་དབང་བསྐུར་ཏོ། །དེ་ནས་སའི་འོག་ན་གནས་པའི་བུད་མེད་ཐམས་ཅད་ལ་བྱིན་པ་ནི་འདི་ལྟ་སྟེ། ཕག་མོ་ནི་རྡོ་རྗེ་ཁའོ། །ཙ་མུཎྜི་ནི་རྡོ་རྗེ་དུས་མའོ། །སྣང་ཆེན་པོ་ནི་རྡོ་རྗེ་རུལ་པ་མའོ། །བ་རུ་ཎ་མ་ནི་རྡོ་རྗེ་ཆུ་སྲིན་མ་སྟེ། དེ་ལ་སོགས་པ་ནི་རྡོ་རྗེ་བྲན་མོར་དབང་བསྐུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཞུགས་པ་དེ་དག་ཐམས་ཅད་སངས་རྒྱས་ཀྱི་ཡེ་ཤེས་རྣམས་བསྐྱེད་ནས་ཕྱག་རྒྱ་བཅིང་བ་ཐམས་ཅད་བསླབས་ཏེ། རྡོ་རྗེའི་དམ་ཚིག་མནའི་སྙིང་པོ་འདི་བྱིན་ནོ། །རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་གྱིས་བརླབས། །དམ་ཚིག་འདི་ལས་འདས་ན་ནི། །རིགས་རྣམས་མྱུར་དུ་ཐལ་བར་བྱེད། །ཨོཾ་ཧ་ན་ས་མ་ཡ་ཧཱུྃ་ཕཌ། དེ་ནས་སྙིང་པོ་གཟུང་བར་བྱ་བའི་ཕྱག་རྒྱ་འདི་བྱིན་ཏོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཛུབ་མོ་ལྕགས་ཀྱུར་བཅིངས་ནས་ནི། །གཅུ་ཞིང་ཕྱིར་ཡང་གཅུ་བར་བྱ། །དགོས་པ་དོན་སེམས་གང་ཡིན་པ། །དེ་ཡི་མདུན་དུ་ཁྱེད་རྣམས་ནི། ། དགོས་པར་གྲུབ་ཕྱིར་འདུག་པར་བྱོས། །ཁྱེད་ཀྱི་སྲོག་ནི་མ་རུངས་པར། །དམ་ཚིག་དེས་ནི་གྱུར་ཏ་རེ། །རྡོ་རྗེ་བཅིང་བ་དམ་བྱས་ཏེ། །མཛུབ་མོ་བཀུག་ནས་རབ་ཏུ་མནན། །མཐེ་བོང་གཉི་ག་མཚམས་སྦྱར་བས། །གུང་མོ་གཉི་ག་རབ་ཏུ་མནན། །རྡོ་རྗེ་རིག་པ་འཛིན་པ་ཡིན། །དམ་ཚིག་ཕྱག་


DKG084_Page_0109
[མ་དཔེ་གཟིགས་ན་འདིར་གནོན།]

རྒྱ་བཅིངས་བ་ལས། །གལ་ཏེ་འགའ་ཡིས་འདས་གྱུར་ན། །དམ་ཚིག་འདིས་ནི་ཁྱེད་གསོད་དོ། །རྡོ་རྗེའི་ཕྱག་རྒྱ་གཉི་ག་ཡི། །མཐེའུ་ཆུང་སོར་མོ་བཅིངས་ནས་ནི། །མཛུབ་མོ་སོར་མོའི་རྒྱབ་ནས་མདུད། །བཟློག་སྟེ་མགོ་བོར་གཞག་པར་བྱ། །བདག་ཉིད་ཆེ་བའི་དམ་ཚིག་སྟེ། །རྡོ་རྗེ་རིག་འཛིན་བཅིངས་ནས་ནི། །ཁྲོས་ཏེ་གང་ལ་བལྟས་ན་ནི། །དེ་ཡི་མདུན་དུ་དེ་བཞིན་འདུག །རྡོ་རྗེ་བསྡམས་པའི་རྡོ་རྗེ་ཡིས། །བསྲུང་བ་དམ་བཅིངས་མནན་པ་ནི། །དེ་ནི་སྲུང་བའི་དམ་ཚིག་སྟེ། །སེམས་ཅན་ཐམས་ཅད་སྲུང་བའོ། །གང་ཞིག་ལ་ལ་བསྐྱབ་པའི་ཕྱིར། །ཁྲོ་བོར་ལྡན་པ་བཅིངས་ནས་ནི། །སེམས་ཅན་གང་ལ་བསྲུང་བ་ཡི། །དེ་ཡི་རྒྱབ་ཏུ་འདུག་པར་བྱས། །རྡོ་རྗེའི་ཕྱག་རྒྱ་གཉིས་བཅིངས་ཏེ། །གཡོན་པའི་རྡོ་རྗེ་མཛུབ་མོ་ལ། །མཐེའུ་ཆུང་གིས་ནི་བསྡམ་བྱས་ཏེ། །གཅུ་ཞིང་སླར་གཅུ་དྲ་བཀྲོལ་ནས། །ཁྲོ་བོར་མཉམ་གཞུག་ཡིན་པ་ཡི། །དམ་ཚིག་དེ་ཡང་སྦྱར་བྱས་ནས། །ཁྱེད་ཀྱིས་དེ་ཡི་མདུན་དུ་ནི། །དངོས་གྲུབ་ཀུན་གྱི་མཆོག་ཕྱིར་འཁོད། །རྡོ་རྗེ་བཅིང་བ་སྦྲེལ་བ་ནི། །མཛུབ་མོ་གཉི་ག་དམ་པོར་སྦྱར། །མཐེ་བོང་གུང་མོ་རྩེ་མོ་གཉིས། །རྡོ་རྗེ་ཕྱག་རྒྱར་བཅིངས་ནས་ཀྱང་། །བཟློག་སྟེ་དཔྲལ་བར་གཞག་པར་བྱ། །གལ་ཏེ་གསོན་པར་འདོད་ན་ནི། །འགུགས་པར་བྱེད་པ་གང་ཡིན་པ། །དེ་ཡི་མདུན་དུ་རྟག་པར་འདུག །དེ་ནས་འཇིག་རྟེན་གསུམ་པོ་མཐའ་དག་གི་སྙིང་པོ་འཛིན་པའི་དམ་ཚིག་གི་ཕྱག་རྒྱའི་དམ་ཚིག་འཛིན་པའི་སྙིང་པོ་འདི་ཡིན་ནོ། །ཨོཾ་བ་ལི་ཏོད་བ་ལི་ཏ་བཛྲ་ཨཱ་ཀར་ཥ་ཡ་ཧཱུྃ་ཛ་ཛ། །རྡོ་རྗེ་གཅུ་བའི་ཕྱག་རྒྱས་ལྷ་དགུག་པའི་སྙིང་པོའོ། །ཨོཾ་བཛྲ་ཨ་གྲ་དྷི་པ་ཡ་ས་མ་ཡེ་ཧཱུྃ། བར་སྣང་ལ་སྤྱོད་པ་རྣམས་ཀྱིའོ། །ཨོཾ་བཛྲ་མཱ་ལ་ཨ་གྲ་བཾ། ཕྲེང་བ་ཅན་རྣམས་ཀྱིའོ། །ཨོཾ་བཛྲ་བནྡྷ་ཧཾ། ས་ལ་སྤྱོད་པ་རྣམས་ཀྱིའོ། །ཨོཾ་བཛྲ་པཱ་ཏཱ་ལ་བྷ་ཉྫ་བྷ་ཉྫ་ཧཱུྃ་ཕཊ། སའི་འོག་ན་གནས་པ་རྣམས་ཀྱིའོ། །ཨོཾ་ཧེ་རུ་ཀ་བཛྲ་ས་མ་ཡ་སརྦ་དུཥྚ་ས་མ་ཡ་མུ་དྲཱ་བྷཉྗ་ཀ་ཧཱུྃ་ཕཌ། བུད་མེད་རྣམས་ཀྱིའོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་དེ་བཞིན་གཤེགས་པ་ཐམས་ཅད་ཀྱིས་མ་རུངས་པ་འདུལ་བ་


DKG084_Page_0110
[མ་དཔེ་གཟིགས་ན་འདིར་གནོན།]

པོར་དབང་བསྐུར་ན། བཅིངས་པའི་དཀྱིལ་འཁོར་མ་རུངས་པ་དེ་དག་ཐམས་ཅད་ཇི་ལྟར་བསྒྲུབ་པར་བགྱི་བ་ལེགས་པར་བཀའ་སྩལ་པར་གསོལ། དེ་ནས་བཅོམ་ལྡན་འདས་ཀྱིས་དེ་སྐད་གསན་ནས་འདི་སྐད་བཀའ་སྩལ་ཏོ། །ཨོཾ་བཛྲ་སུམྦྷ་ནི་སུམྦྷ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སེམས་ཅན་ཐམས་ཅད་ལ་བསྐྱབ་པའི་ཕྱིར། དཀྱིལ་འཁོར་ཐམས་ཅད་དགུག་པའི་སྙིང་པོ་འདི་གསུངས་སོ། །ཨོཾ་བཛྲ་སམ་ཡ་ཨཱ་ཀརྵ་ཡ་སརྦ་མཎྜ་ལ། བཛྲ་དྷཱ་ར་སཏྱ་མཱ་ཏི་ཀྲ་མ་ཧཱུྃ་ཕཊ། རྡོ་རྗེ་ལྕགས་ཀྱུས་གཉིས་བཅིངས་ཏེ། །སྙིང་གར་ཡོངས་སུ་བསྐོར་བར་བྱ། །མཛུབ་གཉིས་ལྕགས་ཀྱུས་ཕྱི་རོལ་གྱི། །དཀྱིལ་འཁོར་དགུག་པའི་མཆོག་ཡིན་ནོ། །དེ་ནས་དེ་བཤད་མ་ཐག་ཏུ་དཀྱིལ་འཁོར་ཐམས་ཅད་རི་རབ་རིའི་རྩེ་མོ་ཕྱི་རོལ་ཀུན་དུ་བསྐོར་ཏེ་འཁོད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དཀྱིལ་འཁོར་འདུས་པ་དེ་དག་ཐམས་ཅད་ལ་བོས་ཏེ་འདི་སྐད་ཅེས་གསུངས་སོ། །ཀྱེ་གྲོགས་པོ་དག་སྲོག་གཅོད་པ་སྤངས་ཤིང་དམ་ཚིག་གཟུང་བ་ལ་བསྒྲུབ་པར་གྱིས། དེ་ནས་ཕྱི་རོལ་གྱི་དཀྱིལ་འཁོར་གྱི་དམ་ཚིག་གི་སེམས་ཅན་དེ་དག་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཤ་འཚལ་བ་མ་རུངས་པའི་སེམས་ཅན་ལགས་པས་མདངས་འཕྲོག་པ་ལ་སྲོག་ལྟོས་ན། བཅོམ་ལྡན་འདས་བདག་ཅག་ཇི་ལྟར་འཚོ་བར་བགྱི་བ་དེ་བཀའ་སྩོལ་ཅིག །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་མ་རུངས་པའི་རྡོ་རྗེ་ཁྲོ་བོ་འདི་གསུངས་སོ། །ཨོཾ་དུཥྚ་བཛྲ་ཀྲོ་དྷ་ཧ་ན་ད་ཧ་པ་ཙ་བི་དྷྭ་ནས་ཡ་བི་ཀ་རི། སརྦ་དུཥྚ་ས་མ་ཡ་མུ་དྲཱ་མཎྜལ། བྷཉྫ་བྷཉྫ། མརྡྷ་མརྡྷ། ཁཱ་ད་ཁཱ་ད། བར་མནྟྲ་བཛྲ་ས་མ་ཡ་ཧཱུྃ་ཕཊ། རྡོ་རྗེ་ཁྲོ་མཛུབ་ལེགས་པར་ནི། །སེན་མོ་སྤྲད་དེ་དཀྲིས་ནས་ཀྱང་། །རྩེ་མོ་གཉིས་ནི་དམ་སྦྱར་བ། །ཕྱག་རྒྱ་དེ་ནི་མ་རུངས་འཇོམས། །དེ་ནས་དེ་སྨྲས་མ་ཐག་ཏུ་མ་རུངས་པའི་དཀྱིལ་འཁོར་ཐམས་ཅད་གཅིག་ཏུ་འདུས་པ་དུ་མས་གཙེ་ཞིང་དྲལ་བ་དང་། དམ་ཚིག་གི་ཕྱག་རྒྱ་བཅིངས་པ་དྲལ་ཏོ། །མ་རུངས་པའི་དམ་ཚིག་གི་སེམས་ཅན་དེ་རྣམས་ཡང་སྲེག་ཅིང་ཤིན་ཏུ་བཙོས་པས་འོ་དོད་ཆེན་པོ་འབོད་ཅིང་ཕོངས་པའི་སྒྲ་བྱུང་སྟེ།


DKG084_Page_0111
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་རྡོ་རྗེ་འཛིན་ཆེན་པོ་ག་ལ་བ་དེར་ཐལ་མོ་སྦྱར་ཏེ་འདི་སྐད་གསོལ་ཏོ། །བཅོམ་ལྡན་འདས་བདག་ཅག་སྲོག་དང་མི་འབྲལ་བར་སྐྱབས་མཛད་དུ་གསོལ། དེ་ནས་ཕྱག་ན་རྡོ་རྗེས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མ་རུངས་པའི་དཀྱིལ་འཁོར་དེ་རྣམས་ཇི་ལྟར་བགྱི་བ་བདག་ལ་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ནི་སུམྦྷ་ཧ་ན་ད་ཧ་པ་ཙ་གྲྀཧྞ་བནྡྷ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེ་ཁྲོ་བོ་མི་བཟད་པ་འདི་གསུངས་སོ། །ཨོཾ་མ་ཧཱ་བཛྲ་ཁུ་ར་ཀྲོ་དྷ་བ་ཏ་ཡ། སརྦ་དུཥྚ་མཎྜ་ལཾ་བི་ནཱ་ཤ་ཡ་སརྦ་དུཥྚ་སམ་ཡཾ་བྷི་ག་ཀི་ར་བི་དྷྭན་ས་ཡ་སྥོ་ཊ་ཡ་བྷཉྫ་ཡ་སརྦ་དུ་ཥྚ་ས་མ་ཡ་མུ་དྲཱ་བནྡྷ་གྲྀཧྞ་ཧ་ན་ད་ཧ་པ་ཙ་སརྦ་དུཥྚ་ས་མ་ཡ་ས་ཏྭཾ་བཛྲ་ས་མ་ཡ་ཧཱུྃ་ཕཊ། དེ་ནས་དེ་སྨྲས་མ་ཐག་ཏུ་མ་རུངས་པའི་དམ་ཚིག་དང་ཕྱག་རྒྱ་དང་དཀྱིལ་འཁོར་ཐམས་ཅད་ཡང་གཅིག་ཏུ་འདུས་ཏེ་རྒྱ་མཚོ་ཆེན་པོར་དོང་ངོ་། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་ལ་མ་རུངས་པ་ཐམས་ཅད་ཐུལ་ཅིག་ཅེས་བཀའ་སྩལ་ན། ཕྲ་མེན་མ་དང་གདོན་ལ་སོགས་པ་གདོན་དེ་དག་ཐམས་ཅད་ལ་བདག་གིས་ཇི་ལྟར་བགྱི། དེ་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཨོཾ་ཧ་ན་ཧ་ན་བཛྲ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་དགུག་པའི་སྙིང་པོ་འདི་གསུངས་སོ། །ཨོཾ་བཛྲ་ཨཱ་ཀརྵ་ཡ་ཤཱི་གྷྲཾ་སརྦ་དུཥྚ་གྲ་ཧཾ་བཛྲ་དྷ་ར་སཏྭ་ན་ཧཱུྃ་ཛ། དེ་ནས་དེ་སྨྲས་མ་ཐག་ཏུ་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་རི་རབ་ཀྱི་རྩེ་མོའི་ཕྱི་རོལ་བསྐོར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །ཀྱེ་བཟོད་ལྡན་རྣམས་སྲོག་གཅོད་པ་སྤང་བའི་བསླབ་པ་དང་། དམ་ཚིག་དང་སྡོམ་པ་གཟུང་བར་བྱོས་ཤིག །རྡོ་རྗེ་འོད་འཕྲོ་བ་གཅིག་ཏུ་འབར་བར་གྱུར་བས་ཁྱེད་ཀྱི་རིགས་རྣམས་མ་ལུས་ཤིང་བསྲེགས་ཏ་རེ། དེ་ནས་ཕྲ་མེན་མ་ལ་སོགས་པ་གདོན་མ་རུངས་པ་


DKG084_Page_0112
[མ་དཔེ་གཟིགས་ན་འདིར་གནོན།]

ཐམས་ཅད་བཅོམ་ལྡན་འདས་ག་ལ་བ་དེར་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཤ་འཚལ་བ་ནི། ཇི་ལྟར་བགྱི་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། ། ཕྱག་ན་རྡོ་རྗེ་སེམས་ཅན་དེ་རྣམས་ལ་སྙིང་རྗེ་ཆེན་པོ་བསྐྱེད་ལ། ཐབས་སྦྱིན་པར་བྱོས་ཤིག །དེ་ནས་ཕྱག་ན་རྡོ་རྗེ་ཆེན་པོས་སེམས་ཅན་ཐམས་ཅད་འཆི་བའི་མཚན་མ་ཤེས་པའི་ཕྱག་རྒྱ་དང་སྙིང་པོ་འདི་གསུངས་སོ། །ཨོཾ་བཛྲ་པྲ་ཏི་གྲྀཧྞ་ཧྲྀ་ད་ཡ་མཱ་ཀརྵ་ཡ་ཡདྡྱ་ཡཾ་མ་ཏོ་མཱ་མདྡཱ་ར་དྷེན་མི་ཡ་ཏེ་ཏདྱ་སྱ་ཧྲྀ་ད་ཡཾ་ནི་སྐྲ་མི་ཏུ་ས་མ་ཡ་ཧཱུྃ་ཛཿ། དེ་ནས་དེའི་ཕྱག་རྒྱ་བཅིང་བ་བཤད་དོ། །སྙིང་གར་རྡོ་རྗེ་ལག་ངར་གཉིས། །ཤིན་ཏུ་དམ་པར་བཅིངས་ནས་ནི། །རྡོ་རྗེ་མཛུབ་མོ་རྩེ་མོ་ཡིས། །རང་གི་མཆན་ཁུང་བྲུད་པར་བྱ། །ཁྱོད་རྣམས་ཀྱིས་ཕྱག་རྒྱ་དེས་སེམས་ཅན་ཐམས་ཅད་ཀྱི་སྙིང་རུས་ལ་ཟོ་ཤིག །དེ་ནས་ཕྲ་མེན་མ་ལ་སོགས་པ་མ་རུངས་པའི་གདོན་ཐམས་ཅད་དགའ་བའི་སྒྲ་ཐོས་ནས་མཆོངས་རྒལ་བྱས་ཏེ། རང་གི་གནས་སུ་དོང་ངོ་། །དེ་ནས་བཅོམ་ལྡན་འདས་ཕྱག་ན་རྡོ་རྗེས། བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་མ་རུངས་པ་འདུལ་བ་ལགས་པར་བཀའ་སྩལ་ན། བཅོམ་ལྡན་འདས་རིམས་ལ་སོགས་པ་ནད་དེ་རྣམས་ལ་ཅི་ལྟར་བགྱི་བདག་ལ་བཀའ་སྩོལ་ཅིག །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རིམས་ལ་སོགས་པའི་ནད་དགུག་པའི་སྙིང་པོ་སྨྲས་པ། ཨོཾ་བཛྲ་ས་མ་ཡ་ཨཱ་ན་ཡ་སརྦ་དུཥྚ་ཛྭ་ར་དྷ་ནི་ནཱ་ཤ་ཡ་ཧཱུྃ་ཕཊ། དེ་ནས་དེ་སྨྲས་མ་ཐག་ཏུ་རིམས་ལ་སོགས་པའི་ནད་རྣམས་ཐམས་ཅད་རི་རབ་རིའི་རྩེ་མོའི་ཕྱི་རོལ་དུ་བསྐོར་ཏེ་འཁོད་དོ། །དེ་ནས་ཕྱག་ན་རྡོ་རྗེས་རིམས་ལ་སོགས་པའི་ནད་རྣམས་ལ་བོས་ཏེ་འདི་སྐད་ཅེས་གསུངས་སོ། །ཀྱེ་བཟོད་ལྡན་དག་སེམས་ཅན་གསོད་པ་ལས་ལྡོག་པའི་བསླབ་པ་གཟུང་བའི་སྡོམ་པ་ལོང་ཤིག །དེ་དག་གིས་གསོལ་བ། བཅོམ་ལྡན་འདས་བདག་ཅག་ནི་སེམས་ཅན་གྱི་མདངས་འཕྲོག་སྟེ་འཚོ་བར་བགྱིད་ནད་བཅོམ་ལྡན་འདས་


DKG084_Page_0113
[མ་དཔེ་གཟིགས་ན་འདིར་གནོན།]

བདག་ཅག་ཇི་ལྟར་བགྱི་ལེགས་པར་བཀའ་སྩོལ་ཅིག །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་ལས་རྣམས་དག་པར་འགྱུར་བའི་ཡེ་ཤེས་ཀྱི་ཕྱག་རྒྱའི་སྙིང་པོ་འདི་གསུངས་སོ། །ཨོཾ་བཛྲ་ཀརྨ་བི་ཤོདྷ་ཡ་སརྦ་ཨཱ་པར་ཎཱ་ནི་བུདྡྷ་སཏྟྱེ་ན་ས་མ་ཡ་ཧཱུྃ། དེ་ནས་ཕྱག་རྒྱ་བཅིང་བ་བཤད་དོ། །རྡོ་རྗེ་ཐལ་མོ་དམ་བཅས་ཏེ། །མཛུབ་མོ་གཉིས་ཀ་བཀུག་ནས་ཀྱང་། །མཐེ་བོ་མཉམ་སྟེ་སྦྱར་ནས་ནི། །མནན་པ་དེ་ནི་སྡིག་འཕྲོག་པ། །ཕྱག་རྒྱ་དེ་རིམས་ལ་སོགས་པའི་ནད་ཐམས་ཅད་ཀྱིས་གང་ལ་བཏབ་པ་ལ་ལས་བྱས་ལ་བསྟན་ན། དེ་ཁྱེད་རྣམས་ཀྱིས་ཐོང་ཤིག །ཁྱེད་ཅག་སྲོག་དང་བྲལ་ལ་རེ། དེ་ནས་དེ་རྣམས་དེ་བཞིན་དུ་བགྱིའོ་ཞེས་གསོལ་ཏེ་སླར་དོང་ངོ་། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམས་ཀྱིས་བདག་སྒྲིབ་པ་ཐམས་ཅད་བསལ་བ་དང་ལས་ཀྱི་སྒྲིབ་པ་ཐམས་ཅད་རྣམ་པར་སྦྱང་བའི་སླད་དུ། ཉིད་ཀྱི་ཐུགས་ཀ་ནས་བྱུང་ན་དེ་ནས་བཅོམ་ལྡན་འདས་སེམས་ཅན་དམྱལ་བ་ལ་སོགས་པ་ངན་སོང་དེ་རྣམས་ཐམས་ཅད་ཇི་ལྟར་བགྱི་བདག་ལ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཀྵ་པ་ཡ་བཛྲ་སྭཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས། ངུ་འབོད་ལ་སོགས་པ་ངན་སོང་གི་འགྲོ་བའི་འཁོར་ལོ་ཐམས་ཅད་དགུག་པའི་སྙིང་པོ་འདི་གསུངས་སོ། །ཨོཾ་སརྦ་ཨ་བཱ་ཡ་ཨཱ་ཀརྵ་ཎ་བི་ཤོདྷ་ན་བཛྲ་སམ་ཡ་ཧཱུྃ་ཕཊ། དེ་ནས་དེ་སྨྲས་མ་ཐག་ཏུ་ངུ་འབོད་དང་ངུ་འབོད་ཆེན་པོ་ལ་སོགས་པ་ངན་སོང་ན་གནས་པ་རྣམས་རི་རབ་རིའི་རྩེ་མོའི་ཕྱི་རོལ་དུ་བསྐོར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་ངན་སོང་གི་སར་ལྟུང་བའི་སེམས་ཅན་ཐམས་ཅད་ལ་བོས་ནས་འདི་སྐད་གསུངས་སོ། །ཀྱེ་བཟོད་ལྡན་རྣམས་དཀོན་མཆོག་གསུམ་ལ་སྐྱབས་སུ་འགྲོ་བ་དང་། དམ་ཚིག་དང་སྡོམ་པ་དང་ངན་སོང་ཐམས་ཅད་ལས་ཐར་བའི་ཕྱག་རྒྱ་དང་སྙིང་པོ་ཟུང་ཤིག །དེ་ནས་དེ་དག་གིས་མགྲིན་གཅིག་ཏུ་འདི་སྐད་གསོལ་ཏོ། །བཅོམ་ལྡན་འདས་བདག་ཅག་སྡུག་བསྔལ་གྱིས་གཟིར་བ་འདི་ལས་བསྐྱབ་པར་གསོལ།


DKG084_Page_0114
[མ་དཔེ་གཟིགས་ན་འདིར་གནོན།]

བདག་ཅག་རྣམས་སངས་རྒྱས་དང་ཆོས་དང་དགེ་འདུན་དང་ཁྱོད་ལ་སྐྱབས་སུ་མཆིའོ། །དེ་ནས་ཕྱག་ན་རྡོ་རྗེས་ངན་སོང་ཐམས་ཅད་འཇོམས་པ་ཞེས་བྱ་བའི་སྙིང་པོ་འདི་གསུངས་སོ། །ཨོཾ་བཛྲ་པཱ་ཎི་བི་སྥོ་ཊ་ཡ་སརྦ་ཨ་པཱ་ཡ་བྷནྡྷ་ནཱ་ནི་པྲ་མོཀྵ་ཡ་ས་རྦཱ་པཱ་ཡ་ག་ཏེ་བྷྱཿ། སརྦ་སཏྭཾ་སརྦ་ཏ་ཐཱ་ག་ཏ་བཛྲ་ས་མ་ཡ་ཏྲཱཊ། དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་བཅིང་བ་དམ་བྱས་ཏེ། །གུང་མོ་གཉི་ག་སྦྱར་ནས་སུ། །ཐ་མ་བཞི་ནི་རྩེ་མོར་སྦྱར། །སྡིག་པ་འཇོམས་པར་གྲགས་པ་ཡིན། །དེ་ནས་ངན་སོང་གསུམ་གྱི་འཁོར་ལོ་ན་གནས་པའི་སེམས་ཅན་ཐམས་ཅད་ཕྱག་ན་རྡོ་རྗེའི་ཕྱག་རྒྱ་དེ་མཐོང་ནས་ངན་སོང་ཐམས་ཅད་ལས་ཤི་འཕོས་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཞབས་དྲུང་དུ་སྐྱེས་སོ། །ངན་སོང་དེ་རྣམས་ནི་རྒྱ་མཚོ་ཆེན་པོར་བོར་རོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་སྐྱབས་དང་ཕན་པ་དང་བདེ་བ་ཐམས་ཅད་མྱོང་བར་བགྱི་བ་ནས། དེ་བཞིན་གཤེགས་པ་ཐམས་ཅད་ཀྱི་གྲུབ་པ་དམ་པའི་འབྲས་བུ་ཐོབ་པར་བགྱི་བའི་བར་དུ་ཚོལ་ཅིག་པར་བདག་ལ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གྲུབ་པའི་རྡོ་རྗེ་སྩལ་ཏེ། དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་ན། མི་དེ་རྣམས་ཇི་ལྟར་བགྱི་བ་དེ་བཞིན་གཤེགས་པ་ཐམས་ཅད་ཀྱིས་བཀའ་སྩོལ་ཅིག །དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུས་ནས་འདི་སྐད་ཅེས་བཀའ་སྩལ་ཏོ། ། ཨོཾ་བཛྲ་པཱ་ཎི་མ་ཧཱ་མནྜ་ལཾ་པྲ་བེ་ཤ་ཡ་སརྦ་དུཥྚ་རོ་དྲནྣི་བར་ཡ་པྲ་བེ་བྱ་པྲ་མ་ཤ་ཡ་ཏྲུ་ར་དྲྀཥྚ་པརྱྭ་པཾ་མཾ་བི་ཤོ་དྷ་ཡ་ནཱ་ཤ་ཡ་བི་ནཱ་ཤ་ཡ་ཧ་ཧ་ཧ་ཧ་ཧཱུྃ། དེ་ནས་དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པའི་ཚིག་དེ་ཐོས་ནས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་བསྐྱབ་པ་དང་ཕན་པ་དང་བདེ་བ་ཐམས་ཅད་དང་དངོས་གྲུབ་དམ་པ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དང་མངོན་པར་ཤེས་པའི་འབྲས་བུ་ཐོབ་པར་བགྱི་བའི་བར་དུ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་དམ་ཚིག་ལས་བྱུང་བ་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བའི་དཀྱིལ་འཁོར་


DKG084_Page_0115
[མ་དཔེ་གཟིགས་ན་འདིར་གནོན།]

ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བ་ཡི། །དངོས་གྲུབ་ཐམས་ཅད་བྱེད་པའི་མཆོག །འཇིག་རྟེན་གསུམ་ལས་རྒྱལ་ཞེས་བྱ། །རྡོ་རྗེ་དམ་ཚིག་ལས་བྱུང་བ། །སངས་རྒྱས་བྱང་ཆུབ་འབྱིན་བྱེད་པ། །མ་རུངས་ཐམས་ཅད་རྣམ་པར་འཇིག །དེ་ལ་སྔགས་འདིས་སྲད་བུ་བྲི་བར་བྱའོ། །ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧོ། །གྲུ་བཞིར་བྱ་ཞིང་སྒོ་བཞི་པ། །རྟ་བབས་བཞེས་ཀྱང་རབ་ཏུ་བརྒྱན། །སྲད་བུ་བཞི་དང་ལྡན་པ་སྟེ། །དར་དང་ཕྲེང་བས་ཤིན་ཏུ་བརྒྱན། །དཀྱིལ་འཁོར་ཀུན་གྱི་གྲྭ་རྣམས་དང་། །སྒོ་ཡི་མུ་ཁྱུད་ནང་རྣམས་སུ། །རྡོ་རྗེ་རིན་ཆེན་བརྒྱན་བྱ་བ། །དཀྱིལ་འཁོར་ཕྱི་རིམ་སྲད་བུ་བྲེ། །ཤེས་རབ་ཅན་གྱིས་དེ་ནང་དུ། །གྲུ་བཞི་ལ་ནི་སྒོ་བཞི་པ། །ཀ་བ་བརྒྱད་དང་རྟ་བབས་བཅས། །རྡོ་རྗེ་ཀ་བའི་གནས་མཆོག་ཏུ། །དཀྱིལ་འཁོར་ལྔ་ཡིས་བརྒྱན་པ་སྟེ། །དེ་ལྟར་དཀྱིལ་འཁོར་སྲད་བུ་བྲེ། །སྲད་བུ་བྲེས་པར་ཚོན་གྱིས་དགང་། །དེ་ལ་ཚོན་ལ་བཟླས་པ་ནི་འདིའོ། །ཨོཾ་བཛྲ་ཙི་ཏྲ་ས་མ་ཡ་ཧཱུྃ། དེ་ནས་དབུས་སུ་འདུག་ནས་ནི། །རྡོ་རྗེ་སློབ་དཔོན་མཉམ་བཞག་པས། །རྡོ་རྗེ་སྒོ་ནི་རྣམ་བཞི་པོ། །ཡིད་ཀྱིས་སུ་ནི་དབྱེ་བར་བྱ། །དེ་ལ་སྒོ་རྣམས་དབྱེ་བའི་སྔགས་ནི་འདིའོ། །ཨོཾ་བཛྲོ་དྒྷཊ་ཡ་ས་མ་ཡ་པྲ་བེ་ཤ་ཡ་ཧཱུྃ། གསེར་རམ་དངུལ་ལས་བྱས་པའམ། །ས་ཡང་རུང་སྟེ་ལེགས་བྲིས་པའི། །ཕ་གུ་གྲུ་བཞིར་བྱས་པའི་སྟེང་། །སངས་རྒྱས་གཟུགས་ནི་གཞག་པར་བྱ། །དེ་ལ་དེ་བཞིན་གཤེགས་པ་ཐམས་ཅད་སྤྱན་དྲང་བའི་སྙིང་པོ་ནི་འདི་ཡིན་ནོ། །ཨོཾ་བཛྲ་ཛྭཱ་ལ་ཨགྣི་པྲདྲཱི་པྟ་ཨཱཀརྵ་ཡ་སརྦ་ཏ་ཐཱ་ག་ཏཱ་ནཱ་མ་ཧཱ་བཛྲ་ས་མ་ཡེ་ཧཱུྃ་ཛཿ། །སངས་རྒྱས་སྤྱན་སྔར་རྡོ་རྗེ་ནི། །འབར་བར་བསྐོར་བས་གཞག་པར་བྱ། །དེ་བཞིན་རིན་ཆེན་འོད་སྐོར་བ། །པདྨ་རྡོ་རྗེ་ཀུན་དེ་བཞིན། །དེ་ནས་རྡོ་རྗེ་དམ་ཚིག་ཕྱག་རྒྱ་རྣམས་དགོད་པའི་སྙིང་པོ་འདི་ཡིན་ནོ། །ཨོཾ་སཏྭ་བཛྲཱ་ཛྭཱ་ལ་མཱ་ལ་ཧཱུྃ་ཕཌ། ཨོཾ་རཏྣ་བཛྲཱི་ཛྭཱ་ལ་མཱ་ལ་ཧུྃ་ཏྲཱཾ། ཨོཾ་དྷརྨ་བཛྲཱི་ཛྭཱ་ལ་མཱ་ལ་ཧཱུྃ་ཧྲཱིཿ། ཨོཾ་ཀརྨ་བཛྲཱ་ཛྭཱ་ལ་མཱ་ལ་ཧཱུྃ་ཨཿ། རྡོ་རྗེ་ཤུགས་ཀྱིས་བརྒལ་ནས་ནི། །སངས་རྒྱས་སྤྱན་སྔར་དེ་བཞིན་དུ། །ཤེས་པས་ཆོ་ག་བཞིན་བྲི་བ། །རྡོ་རྗེ་ཧཱུྃ་ཞེས་དཀྱིལ་


DKG084_Page_0116
[མ་དཔེ་གཟིགས་ན་འདིར་གནོན།]

འཁོར་རོ། །དེ་ལ་རྡོ་རྗེ་ཤུགས་ཀྱི་སྙིང་པོ་ནི་འདི་ཡིན་ནོ། །ཨོཾ་བཛྲ་བེ་གཱ་ཀྲ་མ་ཧཱུྃ། དེ་བཞིན་དུ་རྡོ་རྗེ་དབྱིངས་ཀྱི་དཀྱིལ་འཁོར་ལ་སོགས་པའི་དཀྱིལ་འཁོར་ཐམས་ཅད་ལ་ཡང་སྲད་བུ་ལ་བརྒལ་ཏེ་ཐམས་ཅད་དུ་འགྲོ་བར་བྱའོ། །དེ་ནས་འདིའི་སྙིང་པོ་བཤད་དོ། །ཡིད་ཀྱིས་རི་མོ་བཏེག་ནས་ནི། །རྡོ་རྗེ་སྲད་བུའམ་གཞན་ཡང་རུང་། །ཕྱིར་བྱུང་ནང་དུ་ཞུགས་ཀྱང་ནི། །དམ་ཚིག་འགལ་བར་དེ་མི་འགྱུར། །དེ་ཡི་དབུས་སུ་སེམས་དཔའ་ཆེ། །ཕྱག་ན་རྡོ་རྗེ་བྲི་བ་ནི། །ཨུཏྤལ་ཆེ་སྔོ་འཚེར་བའི་མདོག །རྡོ་རྗེ་ཧཱུྃ་ཞེས་བྱ་བར་འདུས། །མཆེ་བ་ཅུང་ཟད་ཕྱུང་བའི་ཞལ། །ཁྲོ་དང་བཅས་པར་འཛུམ་པའི་ཞལ། །བརྐྱང་བསྐུམ་ཚུལ་དུ་བཞུགས་པ་སྟེ། །འབར་བའི་ཕྲེང་བས་དཀྲིགས་པའི་འོད། །ཞབས་གཡོན་པ་ཡི་མཐིལ་གྱིས་ནི། །དབང་ཕྱུག་ཆེན་པོ་མནན་པར་བྱ། །ཞབས་གཡས་པ་ཡིས་ཨུ་མ་ཡི། །ནུ་མའི་སྟེང་དུ་མནན་པར་བྲི། །དེའི་སྙིང་པོ་ནི་འདི་ཡིན་ནོ། །ཧཱུྃ། དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་ཁྲོ་བོ་བཞག་པ་ནི། །ཁྲོས་པས་མཆེ་བ་ཕྱུང་བ་ནི། །འབར་བའི་ཕྲེང་བས་དཀྲིགས་པའི་འོད། །དེ་ནས་དེ་དག་གི་སྙིང་པོ་རྣམས་ནི་འདི་ཡིན་ནོ། །ཨོཾ་བཛྲ་སཏྭ་ཀྲོདྷ་ཧཱུྃ་ཕཌ། ཨོཾ་བཛྲ་ཀྲོ་དྷ་ཨཱ་བེ་ཤ་ཡ་ཧཱུྃ་ཕཊ། ཨོཾ་བཛྲ་ཀརྨ་ཀྲོ་དྷ་རཱ་ག་ཡ་ཧཱུྃ་ཕཊ། ཨོཾ་བཛྲ་དུཥྚི་ཀྲོ་དྷ་སཱ་དྷུ་སཱ་དྷུ་ཧཱུྃ་ཕཊ། དཀྱིལ་འཁོར་དམ་པ་གཉིས་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང་། །དེར་ནི་རྡོ་རྗེ་དབང་བསྐུར་བ། །རྡོ་རྗེ་ཁྲོ་བོས་བསྐོར་བར་བྲི། །དེ་ནས་དེ་རྣམས་ཀྱི་སྙིང་པོ་འདི་བཤད་དོ། །ཏྲཾ་ཨོཾ་བཛྲ་བྷྲྀ་ཀུ་ཌཱི་ཀྲོ་དྷ་ཧ་ར་ཧ་ར་ཧུྃ་ཕཊ། ཨོཾ་བཛྲ་སཱུརྱ་མ་ཧཱ་ཛྭ་ལ་མཱ་ལ་ཀྲོ་དྷ་ཛྭ་ལ་ཡ་སརྦཾ་ཧཱུྃ་ཕཊ། ཨོཾ་བཛྲ་ཀྲོ་དྷ་ཀེ་ཏུ་དེ་ཧི་ཧཱུྃ་ཕཊ། ཨོཾ་བཛྲ་ཧཱ་ས་ཀྲོ་དྷ་ཧ་ཧ་ཧ་ཧ་ཧཱུྃ་ཕཊ། དཀྱིལ་འཁོར་དམ་པ་གསུམ་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང་། །རྡོ་རྗེ་སྡེ་ནི་བྲི་བར་བྱ། །ཁྲོ་བོ་བདག་ཉིད་ཆེན་པོར་བསྐོར། དེ་ནས་དེ་རྣམས་ཀྱི་སྙིང་པོ་བཤད་དོ། །ཧྲཱིཿ ཨོཾ་བཛྲ་དྷརྨ་ཀྲོདྷ་བི་ནཱ་ཤ་ཡ་བཱི་ཤོ་དྷ་ཡ་ཧཱུྃ་ཕཊ། ཨོཾ་བཛྲ་ཏཱི་ཀྵྞ་ཀྲོ་དྷ་ཙྪིནྡ་ཙྪིནྡ་ཧཱུྃ་ཕཊ། ཨོཾ་བཛྲ་ཧེ་ཏུ་ཀྲོ་དྷ་པྲ་བེ་ཤ་ཡ་མཎྜ་ལེ་སརྦཾ་ཧཱུྃ་ཕཊ། ཨོཾ་བཛྲ་ཀྲོདྷ་བྷཱ་ཥ་བ་ཏ་བ་ཏ་ཧཱུྃ་ཕཊ། དཀྱིལ་འཁོར་དམ་པ་བཞི་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང་། །རྡོ་རྗེ་དབབ་པ་བྲི་བྱ་བ། །རྡོ་རྗེ་


DKG084_Page_0117
[མ་དཔེ་གཟིགས་ན་འདིར་གནོན།]

ཁྲོ་བོའི་ཚོགས་ཀྱིས་བསྐོར། །དེ་ལ་དེ་རྣམས་ཀྱི་སྙིང་པོ་འདི་བཤད་དོ། །ཨཿཧཱུྃ་བཛྲ་ཀརྨ་ཧཱུྃ་ཕཊ། ཨོཾ་བཛྲ་ཀ་བ་ཙ་ཀྲོ་དྷ་རཀྵ་ཧཱུྃ་ཕཊ། ཨོཾ་བཛྲ་ཡཀྵ་ཀྲོ་དྷ་ཁཱ་དཱ་ཁ་ད་ཧཱུྃ་ཕཊ། ཨོཾ་བཛྲ་ཀྲོ་དྷ་མུཥྚི་སཱ་དྷ་ཡ་ས་མ་ཡ་ཧཱུྃ་ཕཊ། དཀྱིལ་འཁོར་གྱི་ནི་གྲྭ་རྣམས་སུ། །རྡོ་རྗེ་དབྱིངས་ཀྱི་ཚུལ་བཞིན་དུ། །ཇི་ལྟར་གོ་རིམས་བཞིན་དུ་ནི། །གསང་བའི་མཆོད་པ་ཀུན་བྲིའོ། །དེ་ནས་དེ་དག་གི་སྙིང་པོའི་ཕྱག་རྒྱ་འདི་ཡིན་ནོ། །ཨོཾ་བཛྲ་རཱ་སྱེ་རཱ་ག་ཡ་ཧཱུྃ་ཕཊ། ཨོཾ་བཛྲ་མཱ་ལེ་ཨ་བྷི་ཥིཉྩ་ཧཱུྃ་ཕཊ། ཨོཾ་བཛྲ་གཱི་ཏེ་ག་ད་ག་ད་ཧཱུྃ་ཕཊ། ཨོཾ་བཛྲི་ནྲྀ་དྱེ་བ་ཤི་ཀུ་རུ་ཧཱུྃ་ཕཊ། དཀྱིལ་འཁོར་དམ་པའི་ཕྱི་རོལ་དུ། །རྡོ་རྗེ་ཤུགས་ཀྱིས་བརྒལ་ནས་ཀྱང་། །དེ་ཡི་གྲྭ་རྣམས་ཉིད་དུ་ནི། །མཆོད་པའི་ལྷ་མོ་བཞི་རྣམས་བཞག །དེ་ནས་དེ་རྣམས་ཀྱི་སྙིང་པོ་ནི་འདི་རྣམས་སོ། །ཨོཾ་བཛྲ་དྷུ་པེ་པཱུ་ཛཱ་སྥ་ར་ཎ་ས་མ་ཡེ་ཧཱུཾ་ཕཊ། ཨོཾ་བཛྲ་བུཥྤ་པཱུ་ཛཱ་སྥ་ར་ཎ་ས་མ་ཡེ་ཧཱུྃ་ཕཊ། ཨོཾ་བཛྲ་ཨཱ་ལོ་ཀེ་པཱུ་ཛཱ་སྥ་ར་ཎ་ས་མ་ཡེ་ཧཱུྃ་ཕཊ། ཨོཾ་བཛྲ་གནྡྷེ་པཱུ་ཛཱ་སྥ་ར་ཎ་ས་མ་ཡེ་ཧཱུྃ་ཕཊ། སྒོ་རྣམས་བཞི་ཡི་དབུས་སུ་ནི། །ལྕགས་ཀྱུ་ལ་སོགས་གཞག་པར་བྱ། །དཀྱིལ་འཁོར་ཕྱི་རོལ་གནས་རྣམས་སུ། །ཕྱི་ཡི་རྡོ་རྗེའི་རིགས་རྣམས་སོ། །དེ་ནས་དེ་དག་གི་སྙིང་པོ་རྣམས་བཤད་དོ། །ཨོཾ་བཛྲ་ཨཾ་ཀུ་ཤ་མ་ཧཱ་ཀྲོ་དྷ་ཨཱ་ཀརྵ་ཡ་སརྦ་ས་མ་ཡཾ་ཧཱུྃ་ཛཿ། ཨོཾ་བཛྲ་པཱ་ཤ་མ་ཧཱ་ཀྲོ་དྷ་པྲ་པེ་ཤ་ཡ་སརྦ་ས་མ་ཡ་ཧཱུྃ་ཧཱུྃ། ཨོཾ་བཛྲ་སྥོ་ཊ་མ་ཧཱ་ཀྲོདྷ་བནྡྷ་བནྡྷ་སརྦ་ས་མ་ཡ་ཧཱུྃ་བཾ། ཨོཾ་བཛྲ་ཨཱ་བེ་ཤ་མ་ཧཱ་ཀྲོ་དྷ་ཨཱ་བེ་ཤ་ཡ་སརྦ་ས་མ་ཡེ་ཧཱུྃ་ཨཿ། དེ་ནས་འདིར་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཆོ་ག་རྒྱས་པར་བཤད་དོ། །དེ་ལ་དང་པོ་ཉིད་དུ་རྡོ་རྗེ་སློབ་དཔོན་བདག་ཉིད་རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་བཅིངས་ཏེ་ཞུགས་ཤིག །ཞུགས་ནས་དེ་བཞིན་གཤེགས་པ་ཐམས་ཅད་ལ་གསོལ་བ་བཏབ་སྟེ། བཅོམ་ལྡན་འདས་བདག་ནི་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་དབང་དུ་མཆིས་ཏེ། ཚར་གཅད་པའིི་རིགས་པ་རྣམས་ནི་ཚར་གཅད་དོ། །བསྡུ་བའི་རིགས་པ་རྣམས་ནི་བསྡུ་བ་ནི་ཇི་ལྟར་བགྱི་བ་བཅོམ་ལྡན་འདས་རྣམས་ཀྱིས་བདག་ལ་བཀའ་སྩལ་དུ་གསོལ་ཞེས་བྱས་ནས། རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་རང་གི་སྙིང་གར་ཇི་ལྟ་བ་བཞིན་དུ་བཞག་སྟེ། རྡོ་རྗེ་


DKG084_Page_0118
[མ་དཔེ་གཟིགས་ན་འདིར་གནོན།]

ལྕགས་ཀྱུ་ལ་སོགས་པས་ལས་བྱས་ནས་ཡང་དམ་ཚིག་ཐམས་ཅད་ཀྱི་ཕྱག་རྒྱ་བཅིངས་ཤིག་དང་དེས་ན་ཐམས་ཅད་བྱོན་པར་འགྱུར་རོ། །དེ་ནས་ཡང་གསང་བའི་མཆོད་པ་བཞི་བྱས་ནས་བདུག་པ་ལ་སོགས་པ་ཡང་དེ་བཞིན་ནོ། །དེ་ནས་ཆོ་ག་འདིས་རྡོ་རྗེ་སློབ་མ་ཆུག་ཅིག །རྡོ་རྗེ་སློབ་དཔོན་རང་གིས་རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་བཅིངས་ཏེ། སློབ་མ་ཡང་སྙིང་པོ་འདི་དག་འཆིང་དུ་ཆུག་ཅིག །ཨོཾ་གྲྀཧྞ་བཛྲ་ས་མ་ཡ་ཧཱུྃ་བཾ། དེ་ནས་གོས་སྔོན་པོ་བགོས་ལ་མགོ་ལ་གཙུག་ཏོར་སྔོན་པོས་བཅིངས་ཏེ། དར་སྔོན་པོས་གདོང་དཀྲིས་ལ་སྔགས་འདིས་ཆུག་ཅིག །ཨོཾ་བཛྲ་སམ་ཡཾ་པྲ་བེ་ཤཱ་མེ། དེ་ནས་བཅུག་སྟེ་རྡོ་རྗེ་དབབ་པའི་དམ་ཚིག་གི་ཕྱག་རྒྱ་དང་སྙིང་པོ་འདིས་དེ་ལ་དབབ་པར་གྱིས་ཤིག །ཨོཾ་བཛྲ་ཨཱ་བེ་ཤ་ཨཱཿ། དེ་ནས་བབས་ནས་དེ་ལྟར་བབས་པའི་ཕྱིར་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་སོ། །འདས་པ་དང་མ་འོངས་པ་དང་ད་ལྟར་ཐམས་ཅད་ཀྱང་སྐད་ཅིག་གིས་ཤེས་སོ། །གནོད་པ་ཡང་མེད་པར་གྱུར་ཏོ། །དེ་ཐམས་ཅད་ཀྱིས་མི་ཚུགས་པར་གྱུར་ཏོ། །ཧཱུྃ་ཞེས་བྱ་བས་ཀྱང་སེམས་ཅན་ཐམས་ཅད་ཚར་གཅད་པ་དང་ཕན་གདགས་པར་བྱེད་ནུས་པར་གྱུར་ཏོ། །ཕྱག་ན་རྡོ་རྗེ་ཡང་རྟག་ཏུ་དེའི་དགོས་པ་ཐམས་ཅད་སྒྲུབ་བོ། །དེ་ནས་མནའི་སྙིང་པོ་བྱིན་ཅིག །དེ་ནས་གདོང་གཡོགས་པ་བཀྲོལ་ཏེ། དཀྱིལ་འཁོར་ཆེན་པོ་ཇི་ལྟ་བ་བཞིན་དུ་སྟོན་ཅིག །དཀྱིལ་འཁོར་ཆེན་པོ་མཐོང་བ་ཙམ་གྱིས་སྡིག་པ་ཐམས་ཅད་ལས་གྲོལ་བར་གྱུར་ཏོ། །འཇིག་རྟེན་གསུམ་པོ་མཐའ་དག་ལས་རྣམ་པར་རྒྱལ་བར་ནུས་པར་གྱུར་ཏོ། །ཧཱུྃ་ཞེས་བྱ་བས་ལྷ་ཆེན་པོ་ལ་སོགས་པ་ལྷ་ཐམས་ཅད་དགུག་པ་དང་གཞུག་པ་དང་བཅིང་བ་དང་དབང་དུ་བྱ་བ་དང་མནན་པ་ནུས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་ཀྱང་། བཅོམ་ལྡན་འདས་བྱང་ཆུབ་སེམས་དཔའ་ཕྱག་ན་རྡོ་རྗེ་རྟག་ཏུ་འབྲང་ཞིང་རང་གི་དངོས་གྲུབ་སྦྱིན་པར་མཛད། དེ་ནས་དེ་ལ་རྡོ་རྗེའི་དབང་བསྐུར་བས་དབང་བསྐུར་ཏེ། རང་གི་མཚན་མ་རྡོ་རྗེ་རྣོན་པོ་ཇི་ལྟ་བ་བཞིན་དུ་སྔགས་འདིས་ལག་པ་གཉིས་སུ་སྦྱིན་ནོ། །ཨོཾ་བཛྲ་པཱ་ཎི་བཛྲ་ཀརྨ་ཀ་རོད་བྷ་བ། དེ་ནས་སྔགས་འདིས་རྡོ་རྗེ་མིང་གི་དབང་བསྐུར་ཏོ། །བཛྲ་ཀྲོ་དྷ་ཏྭཾ་ཨ་བྷི་ཥིཉྩཱ་མི། བཛྲ་ནཱ་མ་ཨ་བྷི་ཥེ་ཀ་ཏ་ཧེ་བཛྲ་ནཱ་མ། དེ་ནས་


DKG084_Page_0119
[མ་དཔེ་གཟིགས་ན་འདིར་གནོན།]

གང་ལ་མིང་གང་བཏགས་པ་དེ་ལ་ཀྱེ་ཞེས་བྱ་བའི་སྒྲ་དང་སྦྱར་བར་བྱའོ། །དེ་ནས་ཡེ་ཤེས་རྣམས་བསྐྱེད་དེ། །རྡོ་རྗེ་ཁྲོ་བོར་མཉམ་བཞག་ནས། །འབར་བ་མང་པོའི་འོད་ཅན་གྱི། །རྡོ་རྗེའི་དབྱིབས་ནི་སྟིང་གར་བསམ། །སྐྱེ་བོ་ཀུན་ལ་འབེབས་པར་བྱེད། །རྡོ་རྗེ་ཁྲོ་བོར་མཉམ་བཞག་ནས། །དཔྲལ་བརརྡོ་རྗེ་རིན་ཆེན་ཡང་། །དེ་བཞིན་དུ་ནི་བསམ་བྱས་ནས། །སེམས་ཅན་ཐམས་ཅད་དབང་དུ་བྱེད། །རྡོ་རྗེ་ཁྲོ་བོར་མཉམ་བཞག་ནས། །འབར་བའི་ཕྲེང་བ་མང་པོའི་འོད། །རྡོ་རྗེ་པདྨ་མགུལ་དུ་བསམ། །སེམས་ཅན་ཐམས་ཅད་རླག་པར་བྱེད། །རྡོ་རྗེ་ཁྲོ་བོར་མཉམ་བཞག་ནས། །འབར་བའི་ཕྲེང་བ་མང་པོའི་འོད། །རྡོ་རྗེ་ཐམས་ཅད་སྤྱི་བོར་བཞག །སྐྱེ་བོ་དེ་དག་ཐམས་ཅད་སྲུང་། །དེ་ནས་ཡེ་ཤེས་ཀྱི་ཕྱག་རྒྱ་དེ་རྣམས་ཀྱི་སྙིང་པོ་ནི་འདི་དག་ཡིན་ནོ། །ཧུྃ་སརྦ་བཛྲ་ཀྲོ་དྷ་ཨཱ་བེ་ཤ་ཨཿ། ཧོ་རཏྣ་བཛྲ་ཀྲོ་དྷ་བྷཱ་ཥ་མཱ་ན་ཡ་ཏྼཾ་ཧཱུྃ། བཛྲ་དྷརྨ་ཀྲོ་དྷ་ནཱ་ཤ་ཡ་ཕཊ། ཧཱུྃ་ཀརྨ་བཛྲ་ཀྲོདྷ་རཀྵ། དེ་ནས་ལྷ་རྣམས་དགུག་པའི་ཡེ་ཤེས་ཀྱི་ཕྱག་རྒྱ་བསླབ་པོ། །ཧཱུྃ་ཞེས་བྱ་བ་བཅིངས་ནས་ནི། །ལག་པ་རྡོ་རྗེ་ལྕགས་ཀྱུར་བསམ། །ཁྲོས་ནས་མཛུབ་མོ་བསྐུལ་བ་ནི། །ལྷ་རྣམས་དགུག་པའི་མཆོག་ཏུ་འགྱུར། །རང་གི་རྐང་མཐིལ་དབུས་སུ་ནི། །རྡོ་རྗེ་ལྕགས་ཀྱུ་བྲིས་ནས་སུ། །དེ་ཉིད་ཀྱིས་ནི་རྟག་མནན་ན། །ལྷ་རྣམས་ངེས་པ་ཉིད་དུ་དགུག། །རྡོ་རྗེ་ལྕགས་ཀྱུ་ཉིད་ཕྱག་རྒྱ། །ལེགས་པར་ཕྱེ་སྟེ་བཞག་ནས་སུ། །བསྐུལ་ནས་ཨུ་མ་ལ་སོགས་པ། །བུད་མེད་ཐམས་ཅད་འགུགས་པར་བྱེད། །རྡོ་རྗེ་ལྕགས་ཀྱུ་བཞག་པ་ནི། །མཛུབ་མོ་ཉིད་དུ་དེ་བཞིན་དེ། ། དེས་མནན་ལྷ་ཡི་གང་ཡིན་པ། །དེ་ནི་འགུགས་པའི་དམ་པའོ། །དེ་དག་གི་སྙིང་པོ་ནི་འདི་ཡིན་ནོ། །ཨོཾ་བཛྲ་ཀྲོ་དྷ་ཨཱ་ཀརྵ་ཡ་ཧཱུྃ་ཕཊ། ཨོཾ་བཛྲ་ཀརྨ་ཨཾ་ཀུ་ཤ་ཀྲོདྷ་ཨཱ་ཀརྵ་ཡཾ་ཧུྃ་ཕཊ། ཨོ་བཛྲ་ཀྲོདྷ་དཎྜ་ཨཱ་གྲ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་སི་གཙྪ་ཨཱ་ཀརྵ་ཡ་མི་ཏེ་བཛྲ་ས་མ་ཡ་མ་ནུ་སྨ་ར་ཧཱུྃ་ཕཊ། དེ་ནས་ཕྱག་རྒྱ་རྣམ་བཞིའི་ཡེ་ཤེས་བསླབ་བོ། །བརྐྱང་ཞིང་བསྐུམ་པར་གནས་པ་ནི། །རྡོ་རྗེ་དབབ་པའི་ཚུལ་གྱིས་ནི། །ཧཱུྃ་ཙམ་གྱིས་ཀྱང་སྐད་ཅིག་གིས། །སྐྱེ་བོ་ཐམས་ཅད་འབེབས་པར་བྱེད། །རྡོ་རྗེ་དག་ནི་ལེགས་པར་སྨྲས། །ཧཱུྃ་ཞེས་བྱ་བ་བཞི་ལྡན་པས། །སངས་རྒྱས་ཀུན་གྱི་སྙིང་པོ་ཡིས། །


DKG084_Page_0120
[མ་དཔེ་གཟིགས་ན་འདིར་གནོན།]

ཐམས་ཅད་ཀྱང་ནི་ངེས་པར་འགུགས། །རྡོ་རྗེ་ཁྲོ་བོར་མཉམ་བཞག་ནས། །རྡོ་རྗེ་ཁྲོ་བོའི་ལྷ་མཆོག་གིས། །སྐྱེ་བོ་ཐམས་ཅད་གསོད་བྱེད་ཅིང་། །རྡོ་རྗེ་ཧཱུྃ་གི་རྣལ་འབྱོར་ཏོ། །ཡིད་ཀྱིིིས་ལུས་ལ་གོ་བགོ་བ། །བདག་གམ་ཕ་རོལ་རྣམས་ལ་སྟེ། །གོ་ཆ་ཆེན་པོའི་སྦྱོར་བས་ནི། །སྐྱེ་བོ་དེ་དག་ཐམས་ཅད་བསྲུང་། །དེ་ནས་དེ་དག་གི་སྙིང་པོ་ནི་འདི་དག་ཡིན་ནོ། །ཨོཾ་བཛྲ་ཀྲོ་དྷ་ཀཱ་ཡ་ཨཱ་བེ་ཤ་ཡ་ཧཱུྃ་ཕཊ། ཨོཾ་བཛྲ་བི་དྱོཏྟ་མ་མ་ཧཱ་ཀྲོ་དྷ་ཨཱ་ན་ཡ་ཧོ་བྷ་ག་བཱན་བཛྲ་ཧཱུྃ་ཕཊ། ཨོཾ་བཛྲ་ཀྲོ་དྷ་ཏིཥྛ་ཧ་ན་ད་ཧ་པ་ཙ་བི་ནཱ་ཤ་ཡ་ཧཱུྃ་ཀ་རེ་ཎ་པཱ་ཏ་ཡ་བཛྲ་ས་མ་ཡ་ཧཱུྃ་ཕཊ། ཨོཾ་མ་ནོ་དྲྀ་ཌྷ་བཛྲ་ཀ་བ་ཙ་ཀྲོ་དྷ་རཀྵ་ཧཱུྃ་ཕཌ། དེ་ནས་སེམས་ཅན་ཐམས་ཅད་རྒྱས་བཏབ་པའི་ཕྱག་རྒྱའི་ཡེ་ཤེས་དང་། རྡོ་རྗེ་ཁྲོ་བོར་མཉམ་བཞག་ནས། །བཛྲ་ཧཱུྃ་ཞེས་བཟླས་པ་ཡིས། །གང་དང་གང་ལ་ཀུན་ཞུགས་པ། །ཕྱག་རྒྱས་བཏབ་པར་དེ་གྱུར་ཏོ། །སྒྲ་ཆེན་དུ་ནི་བརྗོད་པར་བྱ། ཌཀྐི་ཧཱུྃ་ཕཌ། ཁྲོས་ནས་ལན་ཅིག་གང་ལ་སྨྲས། ། རྡོ་རྗེ་འབར་བས་དེ་མངོན་བཀུག །རྡོ་རྗེ་ཁྲོ་བོའི་ཏིང་འཛིན་ཅིང་། །རྡོ་རྗེའི་ལྟ་བས་བལྟས་པ་ཡིས། །སེམས་ཅན་གང་དང་གང་ཡིན་པ། །དེ་དང་དེ་ནི་འཆི་བར་འགྱུར། །གསོད་སྙོམ་ཡིད་ལ་བསམས་ནས་སུ། །སྙིང་གར་རྡོ་རྗེ་སྒོམ་པར་བྱེད། །ཧཱུྃ་ཞེས་བྱ་བ་ཡིད་ཀྱིས་སུ། །རང་གི་རྒྱས་ནི་འདེབས་པར་དགོངས། །སེམས་ཅན་གང་ལ་གང་གིས་སུ། །ཡིད་ཀྱི་རྒྱས་ནི་འདེབས་པ་འདི། །ཕྱག་རྒྱ་འདིས་ནི་ཤིན་ཏུ་ཡང་། །ལས་རྣམས་ཐམས་ཅད་བསྒྲུབ་པར་བྱ། །དེ་ནས་དེ་དག་གི་སྙིང་པོ་ནི་འདི་དག་གོ། །ཊཀྐིཨ། ཊཀྐི་ཛ། ཊཀྐི་ཧཱུྃ། ཌཀྐི་ཧྃ། ཕྱག་རྒྱ་རེ་རེས་ཀྱང་ལས་བཞི་རྣམས་ལ་ཕྱག་རྒྱའི་སྙིང་པོ་བཞིས་སྦྱར་རོ། །དེ་ནས་གསང་བ་ཁྲོ་བོའི་ཕྱག་རྒྱའི་ཡེ་ཤེས་བསླབ་བོ། །ཡན་ལག་ཀུན་གྱིས་འཁྱུད་ནས་ནི། །ཧཱུྃ་ཞེས་ཡུལ་ལ་སྦྱར་བྱ་བ། །དབང་པོ་གཉིས་ནི་སྤྲད་བྱས་ནས། །དེ་ཡི་སྲོག་ནི་མ་རུང་འགྱུར། །ཧཱུྃ་ཞེས་བྱ་བར་ལྡན་པ་ཡིས། །མཆུ་སྤྲད་སོས་ནི་མཆུ་བཟུང་ནས། ། དབང་པོ་གཉིས་ནི་རབ་སྤྲད་པ། །གང་ཡིན་དེ་ནི་མངོན་སུམ་འགྱུར། །ཧཱུྃ་ཞེས་སྦྱོར་བ་གང་ཡིན་པ། །དེ་ནི་བདེ་བ་མྱོང་བར་འགྱུར། །དབང་པོ་གཉིས་ནི་སྤྲད་གྱུར་ན། །གང་ཡིན་དེ་ནི་སྡུག་བསྔལ་འཐོབ། །ཧཱུྃ་ཞེས་བྱ་བ་རབ་སྦྱོར་ཞིང་། །དབང་པོ་གཉིས་ནི་སྤྲད་ནས་ཀྱང་། །ཡན་ལག་ཀུན་གྱིས་


DKG084_Page_0121
[མ་དཔེ་གཟིགས་ན་འདིར་གནོན།]

བཙིར་གྱུར་ན། །དེ་ཡི་ལུས་ནི་བསྲུངས་པར་འགྱུར། །དེ་ནས་དེ་དག་གི་སྙིང་པོ་ནི་འདི་དག་གོ། །ཧཱུྃ་ཨ། ཧཱུྃ་ཛ། ཧཱུྃ་ཧོ། ཧཱུྃ་ཧཾ། ཧཱུྃ་ཧེ། དེ་ནས་འཇིག་རྟེན་གསུམ་ལས་རྒྱལ་བའི་དཀྱིལ་འཁོར་ཆེན་པོའི་དམ་ཚིག་དེ་ཉིད་ཀྱི་ཕྱག་རྒྱའི་ཡེ་ཤེས་བསླབ་བོ། །གང་གིས་སེམས་ཅན་ཕན་པའི་ཕྱིར། །རྡོ་རྗེ་དབྱིངས་ཀྱི་ཚུལ་གྱིས་ནི། །སངས་རྒྱས་རྗེས་སུ་དྲན་བྱས་ན། །དེ་ནི་སངས་རྒྱས་འཐོབ་པར་འགྱུར། །དབང་ཕྱུག་དང་ནི་ཨུ་མ་ཡང་། །ས་ལ་བྲིས་ཏེ་དེ་ལྟར་གནན། །ཇི་ལྟར་བྲིས་པའི་གོ་རིམས་བཞིན། །སེམས་དཔའི་ཕྱག་རྒྱ་བཅིང་བར་བྱ། །དེ་ནི་བཅིངས་པ་ཙམ་གྱིས་ཀྱང་། །དེ་ནི་འཇིག་རྟེན་གསུམ་རྒྱལ་བ། །རྡོ་རྗེ་ཧཱུྃ་དང་འདྲ་བ་ཡི། །དངོས་གྲུབ་རྫུ་འཕྲུལ་མྱུར་དུ་འགྲུབ། །ཇི་ལྟར་རི་མོར་བྲིས་པ་བཞིན། །འབར་བས་བསྐོར་བའི་དབུས་བཞུགས་པ། །སྐུ་གསུང་ཐུགས་ནི་རྡོ་རྗེ་ཡིས། །སེམས་དཔའི་ཕྱག་རྒྱ་བཅིང་བར་བྱ། །དེ་ནས་དེ་རྣམས་ལས་བཤད་དེ། །རྡོ་རྗེ་ལས་ནི་བླ་ན་མེད། །སངས་རྒྱས་རྗེས་སུ་དྲན་གྲུབ་པས། །མྱུར་དུ་སངས་རྒྱས་ཉིད་འཐོབ་བོ། །འཇིག་རྟེན་གསུམ་ལས་རྒྱལ་བཅིངས་ན། །འཇིག་རྟེན་གསུམ་ལས་རྣམ་རྒྱལ་འགྱུར། །རྡོ་རྗེ་ཆེ་དང་ཀུན་དུ་འགྲོ། །རྡོ་རྗེ་ཧཱུྃ་ཞེས་བྱ་བ་འདྲ། །རྡོ་རྗེ་དབང་གིས་རྒྱལ་པོར་འགྱུར། ། ཆོས་བཟང་ལྡན་པས་འཇིག་རྟེན་དབང། །ལས་ཀྱི་རྡོ་རྗེ་ཁྲོ་བོ་ཆེ། །རྡོ་རྗེ་ལས་ནི་བྱེད་པར་འགྱུར། །སེམས་དཔའ་ཁྲོ་བོར་རབ་ཏུ་བརྟན། །ཁྲོ་བོའི་ལྕགས་ཀྱུས་ཡང་དག་འགུགས། །ཁྲོ་བོ་ཆགས་པས་ཆགས་པར་བྱེད། །ཁྲོ་བོ་ལེགས་པས་དགའ་བ་སྟེར། །ཁྲོ་གཉེར་གྱིས་ཀུན་མ་རུངས་བྱེད། །ཁྲོ་བོ་ཉི་མས་གཟི་བརྗིད་མཆོག །དཔལ་གྱི་ཁྲོ་བོ་དོན་རྣམས་སྡུད། །ཧ་ཧ་དགོད་པས་བདུད་བྱེད་དོ། །ཆོས་ཀྱི་ཁྲོ་བོས་ཆོས་རྣམས་བདུད། །རྡོ་རྗེ་རལ་གྲིས་གཅོད་པ་སྟེ། །རྒྱུ་ཡི་ཁྲོ་བོ་སྡུག་བསྔལ་འཕྲོག །ཁྲོ་བོ་སྨྲ་བས་ཚིག་འཕྲོག་གོ །ལས་ཀྱི་ཁྲོ་བོ་ལས་རབ་སྟེ། །སྲུང་བ་ཡིས་ནི་སྲུང་བར་བྱེད། །ཁྲོ་བོ་གནོད་སྦྱིན་དགྲ་ཡང་ཟ། །ཁྲོ་བོའི་ཁུ་ཚུར་དངོས་གྲུབ་སྟེར། །དེ་ནས་རྡོ་རྗེ་དམ་ཚིག་གི་ཕྱག་རྒྱ་བཅིང་བ་བཤད་དོ། །རྡོ་རྗེ་གཉིས་སུ་གྱུར་བ་སྟེ། །དམ་ཚིག་མཆོག་ཏུ་གྲགས་པ་ཡིན། །དེ་དག་བཅིང་བ་བཤད་པར་བྱ། །ཁྲོ་བོའི་བཅིང་བ་བླ་ན་མེད། །ལག་ངར་རྡོ་རྗེར་བྱས་ནས་


DKG084_Page_0122
[མ་དཔེ་གཟིགས་ན་འདིར་གནོན།]

ནི། །མཐེའུ་ཆུང་ལྕགས་ཀྱུར་བཅིང་བར་བྱ། །མཛུབ་མོ་གཉིས་ཀྱིས་བསྡིགས་པ་ནི། །འཇིག་རྟེན་གསུམ་ལས་རྒྱལ་ཞེས་བྱ། །དེ་བཞིན་མཛུབ་མོ་ངོས་སྦྱར་ཏེ། །ནོར་བུ་འདྲ་བར་རབ་ཏུ་དགུག །གུང་མོ་མཉམ་བསྒྲེང་པདྨར་བྱ། །གུང་མོ་མཛུབ་མོ་གཉིས་ཀས་བསྡིགས། །མཛུབ་མོ་གཉིས་ཀ་རྡོ་རྗེར་བྱ། །གཡས་པ་ལྕགས་ཀྱུར་དགུག་པར་བྱ། །དེ་ཉིད་ཧཱུྃ་ཞེས་བྱ་བར་མདུད། །ལེགས་པ་སྦྱིན་པར་དེ་བཞིན་ཏེ། །མཛུབ་གཉིས་དཔྲལ་བའི་གཉེར་མར་བཞག །སྙིང་གར་མཛུབ་མོས་ཉི་མར་བསྐོར། །ལག་པ་བརྐྱང་སྟེ་སྤྱི་བོར་བཞག །མཛུབ་མོ་ཁ་ནས་དགོད་ལྟར་བྱ། །མཛུབ་མོའི་སེན་མོ་སྦྱར་བ་སྟེ། །གཡས་པས་རལ་གྲི་བཅིངས་པའོ། །གུང་མཛུབ་མཉམ་བསྒྲེང་འཁོར་ལོ་ཡི། །ཁ་ཡི་ནང་ནས་དབྱུང་བ་དང་། །མཛུབ་མོ་གུང་མོ་རྡོ་རྗེར་བྱ། །མཛུབ་མོ་གཉིས་ནི་མཆེ་བ་ཆེ། །མཛུབ་མོ་བཀུག་པ་རྡོ་རྗེར་བཅིངས། །རྡོ་རྗེ་ལཱ་སྱེ་ལ་སོགས་པ། །སེམས་མའི་ཕྱག་རྒྱས་དེ་ཉིད་ཧཱུྃ། །ཞེས་དབྱེ་ཆོས་ཀྱི་ཕྱག་རྒྱ་དེ། །ཧཱུྃ་ཞེས་བྱ་བར་ལྷན་ཅིག་གོ། །དེ་ནས་རྡོ་རྗེའི་དམ་ཚིག་གི་ཆོས་ཀྱི་ཕྱག་རྒྱ་རྣམས་བཤད་དོ། །ཧཱུྃ་ནི་སངས་རྒྱས་རྡོ་རྗེ་ཡི། །ཏཱཾ་ནི་རྡོ་རྗེ་སྙིང་པོ་ཡི། །ཧྲཱི་ནི་རྡོ་རྗེ་སྡེ་ཡིའོ། །ཨ་ནི་རྡོ་རྗེ་ཐམས་ཅད་ཀྱི། །ཧཱུྃ་ཧེ། ཏྲཾ། ཏྃ། ཧི་ཧི་དེ་ཧ། བྷིཀ་དྷི་ཧཱུྃ། གྲཱ། ཀྲིཔཾ། དྲྀ་ཨ། རྡོ་རྗེ་ཁྲོ་བོ་མང་པོ་ཡི། །ཆོས་ཀྱི་ཕྱག་རྒྱ་རབ་འགྲུབ་པའོ། །དེ་ནས་རྡོ་རྗེ་དམ་ཚིག་གི་ལས་ཀྱི་ཕྱག་རྒྱ་རྣམས་བཤད་དོ། །རྡོ་རྗེའི་རིགས་ནི་ཆེན་པོ་ཡི། །ལས་ཀྱི་ཕྱག་རྒྱ་མདོར་བསྡུས་ན། །རྡོ་རྗེ་འགྱིང་ལ་སོགས་ཚུལ་གྱིས། །ཁྲོ་བོའི་ཁུ་ཚུར་གཉིས་སུ་བཤད། །གང་དང་གང་གི་ཕྱག་རྒྱ་རྣམས། །ལས་ཀྱི་ཕྱོགས་ནི་གང་དུ་བྱ། །དེ་དང་དེར་ནི་བསྒྱུར་ནས་ཀྱང་། །ཕྱག་རྒྱ་དེ་ནི་སྦྱར་བར་བྱ། །ཕྱག་རྒྱ་ཐམས་ཅད་ཀྱི་ཆོ་གའོ། །དེ་ནས་འདིར་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་སྤྱིའི་ཕྱག་རྒྱ་བཅིང་བ་བཤད་དོ། །འཇིག་རྟེན་གསུམ་རྒྱལ་ཕྱག་རྒྱ་ནི། །རྡོ་རྗེ་མཛུབ་མོ་དམ་ཚིག་གི། །རྡོ་རྗེ་ཧཱུྃ་ཞེས་སྔགས་ཀྱི་སྟེ། །དངོས་གྲུབ་ཐམས་ཅད་ཡུད་ཀྱིས་འཐོབ། །མཐེའུ་ཆུང་གཉི་ག་ལྕགས་ཀྱུར་བཅིང་། །རྡོ་རྗེ་གཉི་གའི་བླ་འོག་ཏུ། །དམ་ཚིག་ལྕགས་ཀྱུའི་ཕྱག་རྒྱ་དེ། །སྐད་ཅིག་གིས་ནི་ཐམས་ཅད་འགུགས།


DKG084_Page_0123
[མ་དཔེ་གཟིགས་ན་འདིར་གནོན།]

རིག་པ་དམ་པ་ཐམས་ཅད་ཀྱི། །འཇིག་རྟེན་གསུམ་ལས་རྒྱལ་ཞེས་བཤད། །ཐམས་ཅད་ཀྱང་ནི་གནོད་པ་སྟེ། །དེ་བཞིན་ལས་རྣམས་ཐམས་ཅད་བྱེད། །རྡོ་རྗེ་མཛུབ་སོར་གཉིས་ལེགས་པར། །རབ་མཉམ་བཞག་པས་མཉམ་ནས་ནི། །ཤི་བ་ཐམས་ཅད་སློང་བ་སྟེ། །རྡོ་རྗེ་སློང་བ་ཞེས་བྱའོ། །རྡོ་རྗེ་གཉིས་ཀ་ལེགས་པར་ནི། །རྡོ་རྗེ་བཅིང་བས་བཅིངས་ནས་སུ། །བཟློག་སྟེ་གཙུག་ཏུ་བཞག་པ་ནི། །ཚེ་དང་ནད་མེད་འཕེལ་བའོ། །རྡོ་རྗེ་བཅིང་བ་དམ་བྱས་ཏེ། །མཐེ་བོ་བསྙམས་ནས་ནང་དུ་གཞུག །མཛུབ་མོ་དམ་པོར་བཀུག་ནས་སུ། །བཅུག་པ་རྐང་པར་འགུགས་པའོ། །འཇིག་རྟེན་གསུམ་རྒྱལ་བཅིངས་ནས་སུ། །གང་གི་གཟུགས་ལ་རྐང་གཡོན་པས། །ལེགས་པར་མནན་པའི་སེམས་ཅན་དེ། །ཟླ་བ་ཕྱེད་ཀྱིས་གྲུབ་པར་འགྱུར། །རྡོ་རྗེ་ཕྱག་རྒྱ་གཉིས་བཅིངས་ཏེ། །གཅིག་ལ་གཅིག་ནི་བརྡབས་ན་ནི། །སེམས་ཅན་གང་གི་ལུས་ལ་ནི། །བབས་ན་དེ་ཡང་རྡོབ་པར་བྱེད། །རྡོ་རྗེ་ཕྱག་རྒྱ་གཉིས་བཅིངས་ཏེ། །བདག་གམ་ཕ་རོལ་གོ་ཆར་བྱ། །མཛུབ་མོ་གཉིས་ཀྱིས་བཅིངས་བྱས་ན། །ངེས་པ་ཉིད་དུ་སྲུང་བར་འགྱུར། །རྡོ་རྗེ་མཐིལ་དུ་བཅིངས་ནས་ཀྱང་། །ཡིད་ཀྱིས་ཁྲོས་ནས་དགབ་བྱ་བ། །མཐེ་བོ་རྡོ་རྗེ་དམ་པོ་སྟེ། །རྡོ་རྗེ་རིགས་ཆེན་གྲུབ་པར་འགྱུར། །སེམས་དཔའ་རྡོ་རྗེ་སྲར་བྱ་སྟེ། །མཐེ་བོ་གཉིས་ཀས་གུང་མོ་མནན། །མཐེའུ་ཆུང་རྡོ་རྗེ་རྩེ་མོ་ནི། །རྣོན་པོར་དམ་ཚིག་འཛིན་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཛུབ་མོ་གཉིས་བཀུག་བཅིངས་ནས་སུ། །གཅུ་ཞིང་ཕྱིར་གཅུ་བྱས་པ་ནི། །ལྷ་དགུག་པ་ཡི་དམ་པ་ཡིན། །རྡོ་རྗེ་བཅིང་བ་དམ་བྱས་ཏེ། །མཛུབ་མོ་གཉིས་བཀུག་རབ་ཏུ་མནན། །མཐེ་བོ་གཉིས་ཀ་སྦྱར་བ་ཡིས། །དབུས་སུ་བཅིང་བ་བར་སྣང་གིའོ། །རྡོ་རྗེ་ཕྱག་རྒྱ་གཉི་ག་ལས། །མཐེའུ་ཆུང་གཉི་ག་བཅིངས་ནས་སུ། །རྒྱབ་སྦྱོར་མཛུབ་མོ་གཉིས་སྦྲེལ་ཏེ། ། བསྒྱུར་བ་མཁའ་ལ་སྤྱོད་པའིའོ། །རྡོ་རྗེ་བཅིངས་པ་བསྡམས་ནས་སུ། །རྡོ་རྗེ་སྲུང་བས་བཅིང་བར་བྱ། །དེ་ནི་ས་པའི་དམ་ཚིག་སྟེ། །ཐམས་ཅད་བྱེད་པས་འདའ་བར་དཀའ། །རྡོ་རྗེ་ཕྱག་རྒྱ་གཉིས་བཅིངས་ཏེ། །གཡོན་པའི་རྡོ་རྗེ་མཛུབ་མོ་ལ། །མཐེའུ་ཆུང་འཁྱུད་ཅིང་རྟག་ཏུ་གཏོགས། །


DKG084_Page_0124
[མ་དཔེ་གཟིགས་ན་འདིར་གནོན།]

དེ་ནི་ས་འོག་འགུགས་པའོ། །རྡོ་རྗེ་བཅིངས་པས་སྦྲེལ་བ་ནི། །མཛུབ་མོ་གཉིས་ཀ་དམ་པོ་སྟེའོ། །གུང་མོ་མཐེ་བོ་རྡོ་རྗེར་ནི། །གདུག་པའི་ཕྱག་རྒྱ་འཇོམས་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཉམ་བཞག་སྟེ་ནི་སྙིང་གར་བཞག །ཁྲོ་བོ་ཁུ་ཚུར་གྱིས་བཙིར་བ། ། ཕྱི་རོལ་དཀྱིལ་འཁོར་འཇིག་པའོ། །གཡོན་པའི་རྡོ་རྗེ་མཛུབ་མོ་ལ། །གཡས་པའི་མཛུབ་མོ་བཀུག་པས་བཟུང་། །རབ་ཏུ་ཁྲོས་ནས་དྲག་གཏོགས་ན། །རི་རབ་ཀྱང་ནི་ལྷུང་བར་བྱེད། །གཡོན་པའི་རྡོ་རྗེ་མཛུབ་མོ་ལ། །གཡས་པའི་མཛུབ་མོ་ལྕགས་ཀྱུས་བཟུང་། །རབ་ཏུ་ཁྲོས་ཤིང་བཀུག་པ་ཡིས། །གདོན་རྣམས་ཀུན་ལ་དབང་དུ་བྱེད། །རྡོ་རྗེ་བཅིང་བ་བྱས་ནས་སུ། །ལག་ངར་སྙིང་གར་ཤིན་ཏུ་བསྡམས། །རྡོ་རྗེ་མཛུབ་མོས་ཉིད་མཆན་ཁུང་། །བྲུད་པ་ཡིས་ནི་སྙིང་སྦྱིན་ནོ། །མཛུབ་མོ་གཉིས་ཀྱི་རྩེ་མོ་ཡིས། །མཐེ་བོང་གཉིས་ཀྱི་དྲུང་དུ་ནི། །ཡིད་ཀྱིས་ཁྲོས་ནས་བཙིར་བ་བྱ། །རིམས་ལ་སོགས་དགུག་དམ་པའོ། །རྡོ་རྗེ་ཐལ་མོ་དམ་སྦྱར་ཏེ། །མཛུབ་མོ་གཉི་ག་བཀུག་ནས་སུ། །མཐེ་བོ་རབ་ཏུ་མཉམ་སྦྱར་བས། །མནན་པ་དེ་ནི་སྡིག་འཕྲོག་པའོ། །རྡོ་རྗེའི་ཕྱག་རྒྱ་གཉིས་ནང་དུ། །མཛུབ་མོ་གཉིས་ནི་སྦས་ནས་ཀྱང་། ། ལེགས་པར་གྱེན་དུ་འཕངས་པ་ནི། །ལྷུང་བ་སློང་བའི་དམ་པའོ། །རྡོ་རྗེ་བཅིང་བ་དམ་བྱས་ཏེ། །གུང་མོ་གཉིས་ཀ་ངོས་སྦྱར་ཏེ། །ཐ་མ་བཞི་ཡི་ངོས་སྤྲད་པ། །སྐད་ཅིག་ཏུ་ནི་སྡིག་འདྲལ་ལོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོ་བསྒྲུབ་པའི་ཕྱག་རྒྱ་བཅིང་བ་བཤད་དོ། །རྡོ་རྗེའི་ཕྱག་རྒྱས་བཟུང་ནས་ནི། །དཀྱིལ་འཁོར་དང་པོར་སྲད་བུ་བྲེ། །སྲད་བུ་བྲེས་ལ་ཕྱི་ནས་ནི། །སྲད་བུ་ཇི་བཞིན་བྲེ་བ་བཤད། །རྡོ་རྗེ་ཕྱག་རྒྱ་གཉི་ག་ཡིས། །མཛུབ་མོའི་རྩེ་མོར་རབ་སྦྱར་བ། །བྱས་ནས་མཚོན་རྣམས་ཐམས་ཅད་ལ། །འབར་བའི་ལྟ་བས་དགུག་པར་བྱ། །རྡོ་རྗེའི་མཛུབ་མོས་ལེགས་པར་ནི། །སྦྱར་ལ་བཀན་ཏེ་བསྡམས་ནས་སུ། །རབ་ཏུ་ཁྲོས་ནས་དབྱེ་བ་ནི། །སྒོ་དབྱེ་བ་ཡི་མཆོག་ཡིན་ནོ། །དེ་ནས་རྡོ་རྗེ་རིགས་རྣམས་ཀྱི་ཕྱག་རྒྱ་ཐམས་ཅད་བསྒྲུབ་པ་བཤད་དོ། །གཡོན་བརྐྱང་བ་ཡི་ཚུལ་བྱས་ཏེ། །ཁྲོ་བོ་ཡི་ནི་སྐད་འབྱིན་ཅིང་།།


DKG084_Page_0125
[མ་དཔེ་གཟིགས་ན་འདིར་གནོན།]

ཁྲོ་བའི་བལྟ་བས་བལྟས་ན་ནི། །ལས་རྣམས་ཐམས་ཅད་སྒྲུབ་པར་བྱེད། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །།བམ་པོ་ལྔ་པ། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གཟུངས་ཀྱི་དམ་ཚིག་འབྱུང་བའི་རྡོ་རྗེའི་བྱིན་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་དམ་པ་འདི་གསུངས་སོ། །ཨོཾ་སརྦ་བཛྲི་ཎི། བཛྲ་མཱ་ཏེ་ཨཱ་ན་ཡ། སརྦ་བཛྲ་སཏྱེ་ན་ཧཱུྃ་ཛ། དེ་ནས་དེ་གསུངས་པ་ཙམ་གྱིས་ཕྱག་ན་རྡོ་རྗེའི་ཐུགས་ཀ་ནས། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཕྱག་ན་རྡོ་རྗེ་དྲ་བ་བདག་གིས་ལུས་ཐམས་ཅད་འབར་བའི་སྒོ་ནས། རྡོ་རྗེ་ཁྲོ་བོ་གསང་བའི་དམ་ཚིག་གི་ཕྱག་རྒྱའི་ལྷ་མོ་རྣམས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ། དེ་བཞིན་གཤེགས་པ་ཐམས་ཅད་ཀྱི་དོན་བསྒྲུབས་ནས། བཅོམ་ལྡན་འདས་རྡོ་རྗེ་སེམས་དཔའི་བཙུན་མོ་གསང་བ་སྦ་བའི་ཕྱིར། སྐུ་དང་གསུང་དང་ཐུགས་རྡོ་རྗེའི་ཕྱག་རྒྱའི་གཟུགས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཚུལ་གྱིས་ཟླ་བའི་དཀྱིལ་འཁོར་ལ་འདུག་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །གསང་བའི་ཡེ་ཤེས་བླ་ན་མེད། །དེ་བཞིན་གཤེགས་པ་བདེ་བའི་ཕྱིར། །བཙུན་མོ་ཉིད་དུ་གྱུར་པ་ཡིན། ཧྲཱིཿ། དེ་ནས་ཡང་ཕྱག་ན་རྡོ་རྗེ་རང་གི་རིགས་ཀྱི་དམ་ཚིག་ཕྱག་རྒྱའི་དཀྱིལ་འཁོརརྡོ་རྗེ་གསང་བའི་དམ་ཚིག་ཅེས་བྱ་བ་འདི་གསུངས་སོ། །དེ་ནས་རབ་ཏུ་བཤད་བྱ་བ། །རྡོ་རྗེའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ཁྲོ་བོའི་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །དཀྱིལ་འཁོར་ལྔ་ཡི་གནས་རྣམས་སུ། །གསང་བའི་ཕྱག་རྒྱ་གཞག་པར་བྱ། །རྡོ་རྗེ་དཀྱིལ་འཁོར་དབུས་སུ་ནི། །སངས་རྒྱས་སྐུ་རྣམས་གཞག་པར་བྱ། །སངས་རྒྱས་ཁྲོ་བོ་དམ་ཚིག་ཀྱང་། །ཇི་བཞིན་པར་ནི་མཁས་


DKG084_Page_0126
[མ་དཔེ་གཟིགས་ན་འདིར་གནོན།]

པས་བྲི། །རྡོ་རྗེ་ཤུགས་ཀྱིས་བརྒལ་ནས་ནི། །ཕྱག་ན་རྡོ་རྗེའི་དཀྱིལ་འཁོར་དེར། །དབུས་སུ་མདུང་རྩེ་མཆུར་བྲིས་ལ། །རྡོ་རྗེ་རབ་ཏུ་གཞག་བྱ་ཞིང་། །འོད་འབར་དབུས་སུ་བྲི་བར་བྱ། །དེ་ཡི་གོ་རིམས་ཇི་བཞིན་ཏེ། །རྡོ་རྗེ་རྡོ་རྗེ་ལྕགས་ཀྱུ་དང་། །མདའ་དང་དགའ་བ་དེ་བཞིན་ནོ། །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པ་གཉིས་པ་ཡང་། །འཁོར་ལོའི་དབུས་ན་གནས་པ་ཡི། །རྡོ་རྗེ་རིན་ཆེན་བྲི་བར་བྱ། །ཁྲོ་གཉེར་དབུས་སུ་རྡོ་རྗེ་བྲི། །དེ་བཞིན་རྡོ་རྗེ་ཉི་རྒྱལ་མཚན། །དེ་བཞིན་སོ་ཡི་ཕྲེང་བ་དེའི། །དངོས་སུ་རྡོ་རྗེ་བྲི་བར་བྱ། །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པ་གསུམ་པ་ཡང་། །པདྨའི་དབུས་སུ་གནས་པ་ཡི། །རྡོ་རྗེ་པདྨ་ལྷ་རྫས་བྲི། །འབར་བའི་དབུས་སུ་པདྨ་བྲི། །རལ་གྲི་འཁོར་ལོ་དེ་བཞིན་ནོ། །རྡོ་རྗེའི་ལྕེ་ཡང་ཚུལ་བཞིན་དུ། །རྟག་ཏུ་དེ་ཡི་ཕྱོགས་སུ་གཞག །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པ་དམ་པར་ཡང་། །རྡོ་རྗེ་བསྙལ་ལ་རྡོ་རྗེ་བྲི། །རྡོ་རྗེའི་འོད་ནི་ཆེན་པོས་བསྐོར། །དེ་ཡི་ཕྱོགས་ནི་ཐམས་ཅད་དུ། །འབར་བ་ཀུན་གྱིས་དཀྲིགས་པའི་འོད། །རྡོ་རྗེ་ཐམས་ཅད་གོ་ཆ་མཆོག །རྡོ་རྗེ་མཆེ་བ་ཁུ་ཚུར་མཆོག །གྲྭ་དང་ཕྱི་ཡི་གནས་རྣམས་ལ། །ཚུལ་བཞིན་དུ་ནི་བྲི་བར་བྱ། །དེ་ནས་རབ་ཏུ་བཤད་བྱ་བ། །ཕྱག་རྒྱ་རིག་པ་མདོར་བསྡུ་ན། ཛྷིཿ། ཨོཾ་བཛྲ་ཀྲོ་དྷེ་ས་མ་ཡེཛྷིཿ། ཨོཾ་བཛྲ་ཀྲོ་དྷེ་རོཥ་ཨཾ་ཀུ་ཤཨྭ་ན་ཡ་སརྦ་ན་ཛྷིཿ། ཨོཾ་བཛྲ་རོ་ཥེ་ཀཱ་མ། བཛྲི་ཎི་བ་ཤམྨེ་ཨཱ་ན་ཡ་ཧི་ཛྷིཿ། ཨོཾ་བཛྲ་དུཥྚ་ཀྲོ་དྷེ་ཏོ་ཥ་ཡ་སརྦ་ན་ཛྷིཿ། རྡོ་རྗེ་ཛྷིཿཞེས་བྱ་བའི་དཀྱིལ་འཁོར་རོ། །ཛིཿ། ཨོཾ་བཛྲ་བྷྲྀ་ཀུ་ཤཱི་ཀྲོ་དྷེ་ཧ་ར་སརྦ་ཨརྠ་ན་ཛིཿ། ཨོཾ་བཛྲ་ཛྭཱ་ལ་མཱ་ལཱ་པྲ་བེ་ཤ་མ་ཧཱ་ཀྲོ་དྷ་ཨགྣི་ཛྭཱ་ལ་ཡ་སརྦ་ན་ར་བི་རོ་ཥེ་ཛིཿ། ཨོཾ་བཛྲ་དྷྭ་ཛ་ཨ་གྲེ་ཀེ་ཡཱུ་ར་མ་ཧཱ་ཀྲོདྷེ་དེ་ཧི་མེ་སརྦ་ཨ་རྠ་ན་ཛིཿ། ཨོཾ་བཛྲ་ཨཊྚཱ་ཧཱ་ས་ནི་ཧཱ་ས་ཧཱ་ས་ཨ་ཊྚཱ་ཏྚེ་ཧཱ་སེ་ན་མཱ་ར་ཡ་ཛིཿ། རྡོ་རྗེ་ཛིཿཞེས་བྱ་བའི་དཀྱིལ་འཁོར་རོ། དིཿ། ཨོཾ་བཛྲ་ཤུདྡྷ་ཀྲོ་དྷེ་ཧ་ན་ཧ་ན་མཱ་ར་ཡ་དུཥྚ་ན་དིཿ། ཨོཾ་བཛྲ་ཏཱི་ཀྵྞ་ཀྲོ་དྷེ་ཙྪིནྡ། བཛྲ་ཀོ་ཥེ་ན། སརྦ་ནི་དེཿ། ཨོཾ་བཛྲ་ཧེ་ཏུ་མ་ཧཱ་ཀྲོ་དྷེ་པྲ་བེ་ཤ་ཙ་ཀྲ་པྲ་བེ་ཤ་ཡ་སརྦན་དིཿ། ཨོཾ་བཛྲ་ཛི་ཧཱ་མ་ཧཱ་ཀྲོདྷེ་བ་ཤེ་བ་ཙ་མུཉྩ་དིཿ། རྡོ་རྗེ་དིཿཞེས་བྱ་བའི་དཀྱིལ་འཁོར་


DKG084_Page_0127
[མ་དཔེ་གཟིགས་ན་འདིར་གནོན།]

རོ། ཧྲཱིཿ། ཨོཾ་བཛྲ་སརྦན་མུ་ཁེ་ཀརྨ་བཛྲ་ཎི་མ་ཧཱ་ཀྲོ་དྷེ་ཀུ་རུ་ཀུ་རུ་སརྦ་ན་ཧྲཱིཿ། ཨོཾ་བཛྲ་ཀ་བཙ་ཀྲོ་དྷེ་ར་ཀྵ་མ་མ་ཧིཿ། ཨོཾ་བཛྲ་ཙཌྞ་ཀྲོ་དྷེ་མ་ཧཱ་ཡ་ཀྵི་ནི་བཛྲ་དཾཥྚ་ཀཱ་རཱ་ལ་བྷཱིཥ་ནེ་པ་ཡ་ཧིཿ། ཨོཾ་བཛྲ་ཀྲོ་དྷེ་མུཥྜི་བནྡྷ་ཧིཿ། རྡོ་རྗེ་ཧིཿཞེས་བྱ་བའི་དཀྱིལ་འཁོར་རོ། །དེ་ནས་དཀྱིལ་འཁོར་གྱི་གྲྭ་རྣམས་སུ། རྡོ་རྗེ་གར་ལ་སོགས་པ་གསང་བའི་མཆོད་པའི་རིག་པའི་སྙིང་པོ་རྣམས་གསུངས་པ། ཨོཾ་བཛྲ་ཧཱུྃ་ཁེ། བཛྲ་ཧཱུྃ་གྷཱཾ། བཛྲ་ཧཱུྃ་ཏེ། བཛྲ་ཧཱུྃ་ཏྭཾ། ཕྱི་རོལ་གྱི་གྲྭ་རྣམས་སུ་སིལ་སྙན་གྱི་མཆོད་པའི་སྙིང་པོ་རྣམས་བརྗོད་པར་བྱའོ། །ཨོཾ་བཛྲ་ཏྲི་ཏེ། བཛྲ་ཌཾ་ཌ། བཛྲ་དྷཱ་ཏུ། བཛྲ་ཌཽ་མྨུ་དྷ། དེ་ནས་སྒོ་བའི་མཆོད་པའི་སྙིང་པོ་རྣམས་གསུངས་པ། བཛྲ་ཛཿཛཿ། བཛྲ་ཧཱུྃ་ཧཱུྃ། བཛྲ་བཾ་བཾ། བཛྲ་ཨཿཨཿ། དེ་ནས་རྡོ་རྗེའི་རིགས་ཀྱི་གསང་བའི་དཀྱིལ་འཁོར་དུ་འཇུག་པའི་ཆོ་ག་རྒྱས་པ་འདི་བཤད་དོ། །དེ་ནས་དེ་ལ་ཐོག་མ་ཉིད་དུ་རེ་ཞིག་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོར་འཇུག་པའི་ཚིག་བཞིན་དུ་གཞུག་སྟེ། རྡོ་རྗེ་གསང་བའི་རྡོ་རྗེ་རིགས་ཀྱི་དམ་ཚིག་གི་ཕྱག་རྒྱ་དང་འདྲ་བའི་ཕྱག་རྒྱ་དང་ཉེ་བའི་ཕྱག་རྒྱ་དང་ཡེ་ཤེས་ཀྱི་ཕྱག་རྒྱ་རྣམས་ཀྱིས་རྡོ་རྗེ་འཆང་བ་མཆོད་པའི་ཕྱིར་གར་གྱིས་མཆོད་པར་བྱའོ། །དེ་ལ་གར་དང་གར་གྱི་ལན་དང་ཉེ་བའི་གར་དང་ཡེ་ཤེས་ཀྱི་གར་རྣམས་ཀྱིས་མཆོད་པའི་ཕྱག་རྒྱའི་ཡེ་ཤེས་ནི་འདི་ཡིན་ནོ། །དེ་ལ་དང་པོ་ཉིད་དུ་རྡོ་རྗེ་དབྱིངས་སུ་བསྡུས་པའི་སྙིང་པོས་རྡོ་རྗེ་གླུ་ལེན་ཅིང་། དེ་བཞིན་གཤེགས་པ་ཐམས་ཅད་ལ་བསྟོད་པས་མཆོད་པ་བྱས་ནས། རྡོ་རྗེ་སློབ་དཔོན་གྱིས་སེམས་མ་རྡོ་རྗེའི་ཕྱག་རྒྱ་དྲག་ཏུ་གཏོགས་པར་བྱའོ། །དེ་ནས་ཇི་སྙེད་བཞུགས་པ་རྣམས་ཕྱག་རྒྱ་རྣམས་ཀྱིས་ཡང་དག་པར་དབབ་པར་བྱའོ། །རྡོ་རྗེ་གར་གྱི་ཚུལ་གྱིས་ནི། །རྡོ་རྗེ་ཁྲོ་བོའི་མཛུབ་མོ་གཉིས། །རྡོ་རྗེ་ཧཱུྃ་མཛད་ཕྱག་རྒྱར་ནི། །སྙིང་གར་ཤིན་ཏུ་བཅིང་བར་བྱ། །དེ་ནས་གར་གྱི་ཆོ་ག་ཡི། །རྡོ་རྗེ་ཁྲོ་བོ་ལྕགས་ཀྱུ་ཡིས། །སངས་རྒྱས་ཐམས་ཅད་སྤྱན་དྲང་ངོ་། །རྡོ་རྗེ་མདའ་ནི་འཕང་བ་བྱ། །རྡོ་རྗེ་མདའ་ནི་འཕངས་ནས་ཀྱང་། །རྡོ་རྗེ་དགའ་བས་བསྒྲུབ་པར་བྱ། །ཕྱག་རྒྱ་ཆོ་ག་བཞིན་བཀྲོལ་ཏེ། །ཐལ་མོ་བརྡབ་ཅིང་བཅིང་བར་བྱ། །མཆོད་པའི་ཆོ་ག་འདི་ཡིས་ནི།།


DKG084_Page_0128
[མ་དཔེ་གཟིགས་ན་འདིར་གནོན།]

ཕྱག་ན་རྡོ་རྗེ་མཉེས་པར་བྱ། །མཉེས་ནས་དགོས་པ་ཐམས་ཅད་ནི། །འདོད་བཞིན་སྐད་ཅིག་ཉིད་ཀྱིས་འགྲུབ། །དེ་ལ་གར་གྱི་ཕྱག་རྒྱའི་སྙིང་པོ་ནི་འདི་རྣམས་ཡིན་ནོ། །སིདྷྱ་བཛྲ། །ཨཱ་ན་ཡ་བཛྲ། རཱ་ག་ཡ་བཛྲ། སཱདྷུ་བཛྲ། དེའི་འོག་ཏུ་ལན་གྱི་གར་གྱི་མཆོད་པ་བྱ་སྟེ། དེ་བཞིན་གར་གྱི་གཡོན་པ་ན་པ་ནི། །ཁུ་ཚུར་གཡས་པས་བཟུང་ནས་ནི། །བསྒྱུར་ཞིང་མཛུབ་མོའི་ངོས་ཀྱིས་ནི། །དཔྲལ་བ་ཉིད་ལ་གཞག་པར་བྱ། །དེ་བཞིན་གར་བྱེད་ཉི་མ་ཡང་། །བསྐོར་ནས་ཡང་དག་དགུག་པར་བྱ། །རྡོ་རྗེ་རྒྱལ་མཚན་བསླང་ནས་ནི། །རྡོ་རྗེ་ཧ་ཧ་ཞེས་དགོད་ཅིང་། །མཆོད་པ་འདི་ནི་ཆོ་ག་ཡིས། །རྒྱལ་པོ་ལ་སོགས་མི་ཀུན་ཀྱང་། །དབང་དང་རབ་ཀྱི་གཟི་བརྗིད་དང་། །སྦྱིན་དང་དགོས་པས་མཉེས་པར་བྱེད། །དེ་ལ་དེ་རྣམས་ནི་ལན་ཕྱག་རྒྱའི་སྙིང་པོ་ནི་འདི་རྣམས་ཡིན་ནོ། ཨ་ཧི་བཛྲ་ཛྭཱ་ལ་ཡ་བཛྲ། དེ་ཧི་བཛྲ་ཧཱ་ས་ཧཱ་ས་བཛྲ། དེ་བཞིན་གར་ཀྱང་བཀྲོལ་ནས་ནི། །པདྨ་ཁ་འབུས་སྦྱར་བ་ཡི། །མཛུབ་མོའི་རྩེ་མོ་སྙིང་གར་གཞག །བསམ་པ་གཡོས་པས་འདུད་པར་བྱ། །དེ་བཞིན་གར་བྱེད་རྡོ་རྗེ་ཡིས། །རལ་གྲིས་བགེགས་ནི་གཅོད་ལྟར་བྱ། །མགལ་མེའི་འཁོར་ལོ་བསྐོར་བ་ཡིས། །འཁོར་ལོའི་དཀྱིལ་འཁོར་ཚུལ་དུ་བསྐོར། ། རྡོ་རྗེ་ཚིག་ཏུ་གླུ་ལེན་ལྟར། །ཕྱག་ན་རྡོ་རྗེ་མཆོད་པར་བྱ། །མཆོད་པ་འདི་ཡི་ཆོ་ག་ཡིས། །ཐམས་ཅད་ངེས་པ་ཉིད་དུ་འགྱུར། །དེ་ལ་འདི་རྣམས་ནི་ཉེ་བའི། །ཕྱག་རྒྱའི་སྙིང་པོ་རྣམས་ཡིན་ནོ། །གཱ་མ་ཡ་བཛྲ། ཙྪིནྡ་ཡ་བཛྲ། བྲཱ་ཧྨི་ཡ་བཛྲ། བྲུ་ཧི་བཛྲ། རྡོ་རྗེ་ཁྲོ་བོའི་མཛུབ་ཡང་དག །བཀན་ནས་རྩེ་མོ་སྦྱར་ནས་ཀྱང་། །བསྒྱུར་ཏེ་དེ་ནས་གཙུག་ཏོར་དུ། །མཛུབ་མེའི་རྩེ་མོ་གཞག་པར་བྱ། །རྡོ་རྗེ་ལས་ཀྱི་ཚུལ་གྱིས་ནི། །ལུས་ཀུན་མཆོག་གི་དཀྱིལ་འཁོར་དུ། །གར་གྱི་ཆོ་གས་བསྟན་པར་བྱ། །སྙིང་གར་རབ་ཏུ་གཞག་པར་བྱ། །དེ་བཞིན་གར་གྱི་ཆོ་ག་བཞིན། །རྡོ་རྗེ་བསྲུང་བ་བཅིང་བར་བྱ། །རྡོ་རྗེ་མཆེ་བ་བཅིངས་ནས་ནི། །རྡོ་རྗེའི་བཅིང་བས་མནན་པར་བྱ། །མཆོད་པ་འདི་ཡི་ཆོ་ག་ཡིས། །ལས་རྣམས་ཀུན་ཀྱང་ནུས་པར་འགྱུར། །མཆོད་པ་རྣམ་བཞི་བྱས་ནས་ནི། །ཆོ་ག་བཞིན་དུ་ཕྱག་རྒྱ་བཀྲོལ། །དེ་དག་གི་སྙིང་


DKG084_Page_0129
[མ་དཔེ་གཟིགས་ན་འདིར་གནོན།]

པོ་ནི་འདི་རྣམས་ཡིན་ནོ། །ནྲྀ་ཏྱ་བཛྲ། རཀྵ་བཛྲ། ཁཱ་ད་བཛྲ། བནྡ་བཛྲ། དེ་ནས་ཁྲོ་བོའི་གསང་བའི་ཕྱག་རྒྱའི་ཡེ་ཤེས་བསླབ་པོ། །རྡོ་རྗེ་གསང་བའི་ལག་གཉིས་ཀྱིས། །ཁྲོས་པའི་ཡིད་ཀྱིས་དྲག་གཏོགས་བྱ། །སྐྱེ་བོ་གང་གི་མིང་སྨོས་པ། །དེ་ཡི་སྙིང་ནི་འགས་པར་འགྱུར། །མ་མཆུ་སོ་ཡིས་བཟུང་ནས་སུ། །གང་གི་མིང་སྨོས་གཟིར་བ་ནི། །དེ་ཡི་མགོ་ཡང་མྱུར་འགས་ཏེ། །གང་གི་བཀའ་ལས་འདས་པའི་འོ། །ཁྲོ་བོ་ཁྲོ་ཆེན་ལྟ་བ་ཡི། །མིག་ཀྱང་འཛུམས་པར་བྱེད་པ་ནི། །གང་གི་མིང་ནི་སྨོས་བལྟས་པ། །དེ་ཡི་མིག་ནི་རྡོལ་པར་འགྱུར། །རྡོ་རྗེ་ཁྲོ་བོར་མཉམ་བཞག་ལ། །བདག་རང་གི་ཡང་སྙིང་གར་ཡང་། །རྡོ་རྗེ་བཅིངས་པ་བཅིང་ན་ནི། །དེ་ཡི་སེམས་ནི་འཇིག་པར་བྱེད། །དེ་ལ་དེ་དག་གི་སྙིང་པོ་རྣམས་ནི་འདི་ཡིན་ནོ། །ཧཱུྃ་བཛྲ་སྥོ་ཊ་ཐཿ། ཧཱུྃ་བཛྲ་མུ་ཀ་བཛྲ་ཐཿ། ཧཱུྃ་བཛྲ་ནེ་ཏྲཱ་ཐཿ། ཧཱུྃ་བཛྲ་མ་ནེ་ཐཿ། དེ་ནས་རྡོ་རྗེ་ཆེན་པོའི་རིགས་ཀྱི་གསང་བའི་ཕྱག་རྒྱའི་ཡེ་ཤེས་བསླབ་བོ། །དེ་ལ་དང་པོར་རེ་ཞིག་ཕྱག་རྒྱ་ཆེན་པོ་བཅིངས་བ་བཤད་དོ། །མཐེའུ་ཆུང་ལྕགས་ཀྱུ་བཅིངས་ནས་ནི། །རྡོ་རྗེ་ཁྲོ་བོ་གཞག་པར་བྱ། །གཡོན་པར་རྩེ་གསུམ་རྒྱབ་ཏུ་ནི། །འཇིག་རྟེན་གསུམ་ལས་རྒྱལ་ཞེས་བཤད། །གཡོན་པ་མཛུབ་མོ་ཐད་ཀར་བརྐྱང་། །དེ་བཞིན་བཀན་པ་པདྨ་ནི། །དེ་བཞིན་དུ་ཡང་བསྒྱུར་ནས་ནི། །གཡོན་པའི་རྡོ་རྗེར་གཞག་པར་བྱ། །རྡོ་རྗེ་མཐིལ་དུ་བཅིངས་བྱས་ཏེ། །ཁྲོས་པ་ཡིས་ནི་དགའ་བྱ་ཞིང་། །མཐེ་བོ་རྡོ་རྗེ་དམ་པས་སོ། །ཁྲོ་བོ་ཏི་རིནྟི་རིར་བཤད། །མཛུབ་མོ་ལྕགས་ཀྱུ་དགུག་པ་ཉིད། །མཛུབ་མོ་ངོས་ནི་སྦྱར་བའོ། །དེ་བཞིན་མཛུབ་གཉིས་ལེགས་སྦྱིན་པ། །མཛུབ་མོ་སྤྲད་དེ་དཔྲལ་བར་གཞག །སྙིང་གར་ཉི་མ་རབ་ཏུ་བརྟན། །མཛུབ་མོ་བསྙམས་ནས་སྤྱི་བོར་གཞག །བསྒྱུར་ནས་དགོད་པར་གཞག་པར་བྱ། །མཛུབ་བསྙམས་པདྨ་ཁ་འབུས་བཞིན། །གཉིས་ཀ་རལ་གྲི་ཆང་པར་འཛིན། །མཛུབ་གཉིས་འཁོར་ལོར་བཅིངས་པའོ། །མཛུབ་མོ་བསྙམས་ཏེ་ཁ་ནས་དབྱུང་། །མཛུབ་མོ་ལེགས་པར་བརྐྱང་བ་དང་། །མཛུབ་མོས་མགུལ་དུ་བཅིང་བར་བྱ། །དེ་གཉིས་ཁ་འགྲམ་མཆེ་


DKG084_Page_0130
[མ་དཔེ་གཟིགས་ན་འདིར་གནོན།]

བར་བཞག །ཁུ་ཚུར་དམ་དུ་བཅིངས་པ་ནི། །ཕྱག་རྒྱ་ཆེན་པོ་ཡིན་པར་བཤད། །དེ་ནས་རྡོ་རྗེ་རིགས་ཀྱི་གསང་བའི་དམ་ཚིག་གི་ཕྱག་རྒྱ་བཅིང་བ་བཤད་དོ། །གསང་བའི་ཁུ་ཚུར་ལས་བྱུང་བ། །དམ་ཚིག་མཆོག་ཏུ་རབ་ཏུ་གྲགས། །དེ་རྣམས་བཅིང་བ་བཤད་བྱ་བ། །རྡོ་རྗེ་བཅིང་བ་བླ་ན་མེད། །སྙིང་གར་བཞག་ནས་རྩིབ་ལོགས་གཅུ། །མདའ་དྲང་བ་ནི་གཡོན་པ་ནས། །སྙིང་ག་ནས་ནི་དབྱུང་བར་བྱ། །ཁྲོ་གཉེར་དུ་ནི་བསྒྱུར་ནས་ནི། །ཉི་མའི་དཀྱིལ་འཁོར་སྟོན་པ་དང་། །སྤྱི་བོར་ལག་པ་བརྐྱང་བ་དང་། །བསྒྱུར་ནས་དགོད་པར་གཞག་པར་བྱ། །ཁ་ཡི་དབུས་སུ་རབ་བཞག་པ། །མཛུབ་མོར་རལ་གྲི་འདེབས་པ་འདྲ། །འཁོར་ལོ་བསྐོར་བ་སྟོན་པ་དང་། །ཁ་ནས་རབ་ཏུ་འབྱིན་པ་སྟེ། །སྤྱི་བོར་ལུས་མཆོག་དཀྱིལ་འཁོར་རོ། །དཔུང་པ་སྙིང་ག་རྩིབ་ལོགས་རྣམས། །རྡོ་རྗེ་བསྲུང་བ་དེ་བཞིན་བྱ། །མཆེ་བའི་གནས་སུ་གཞག་པ་དང་། ། ཁུ་ཚུར་དམ་དུ་བསྡམས་པའོ། །ཕྱི་རོལ་དཀྱིལ་འཁོར་ཕྱག་རྒྱ་ནི། །མཚན་མའི་གོ་རིམས་བཞིན་དུ་བཅིང་། །དམ་ཚིག་རྡོ་རྗེ་བཅིངས་པ་ལས། །དེ་བཞིན་རྡོ་རྗེ་ཁུ་ཚུར་གཞག །དེ་ནས་རྡོ་རྗེ་རིགས་ཀྱི་གསང་བའི་ཆོས་ཀྱི་ཕྱག་རྒྱ་རྣམས་བཤད་དོ། ཕཊཿཤཊཿམཊཿསཊཿརཊཿཧཊཿདྷིཊཿཧཊཿ ཕདྚཿཏདྚཿཀདྚཿདྷཌྚཿཀུཊིཿརིཊཿཁཊཿཔཊཿ། དེ་ནས་རྡོ་རྗེ་རིགས་ཀྱི་གསང་བའི་ལས་ཀྱི་རིགས་ཀྱི་ཕྱག་རྒྱ་བཅིང་བ་བཤད་དོ། །མདོར་ན་ལས་ཀྱི་ཕྱག་རྒྱ་ནི། །རྡོ་རྗེ་ཁུ་ཚུར་གཉིས་བྱས་ཏེ། །གནས་གང་ཡིན་པར་གཞག་པར་བྱ། །ཁྲོ་བོའི་ལྟ་བ་ཁྲོ་དང་ལྡན། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་ཁྲོ་བོ་གསང་བའི་ཕྱག་རྒྱ་ཆེན་པོའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྟོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིགས་ཀྱི་ཏིང་ངེ་འཛིན་གྱི་ཡེ་ཤེས་ཀྱི་ཕྱག་རྒྱའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་སཱུཀྵྨ་བཛྲ་ཀྲོདྷ་ཧཱུྃ་ཕཊ། དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་འཇིག་རྟེན་གསུམ་ལས་རྣམ་པར་རྒྱལ་བས་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ཨོཾ་སཱུ་ཥྨ་བཛྲ་ཀྲོདྷེ་ཀྲ་མ་ཧཱུྃ་ཕཊ། དེ་ནས་བྱང་ཆུབ་


DKG084_Page_0131
[མ་དཔེ་གཟིགས་ན་འདིར་གནོན།]

སེམས་དཔའ་རྡོ་རྗེ་སྙིང་པོས་འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ཨོཾ་སཱུཀྵྨ་བཛྲ་རཏྣ་ཀྲོ་དྷ་ཀྲ་མ་ཧཱུྃ་ཕཌ། དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ཨོཾ་སཱུ་ཀྵྨ་བཛྲ་པདྨ་ཀྲོ་དྷ་ཀྲ་མ་ཧཱུྃ་ཕཌ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ཨོཾ་སཱུཀྵྨ་བཛྲ་ཀརྨ་ཀྲོ་དྷ་ཀྲ་མ་ཧཱུྃ་ཕཌ། དེ་ནས་ཡང་བཅོམ་ལྡན་འདས་ཕྱག་ན་རྡོ་རྗེས་རང་གི་རིགས་བསྐྱེད་པའི་ཕྱིར། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་འཁོད་དེ། དེ་རྣམས་ཀྱི་སྙིང་པོ་གསུངས་པ། ཨོཾ་བཛྲ་སཏྭ་སཱུཀྵྨ་ཛྙ་ན་ཀྲོ་དྷ་ཀྲ་མ་ཧཱུྃ་ཕཌ། ཨོཾ་སཱུ་ཀྵྨ་བཛྲ་ཨཾ་ཀུ་ཤ་ཨཱ་ཀརྵ་ཡ་མ་ཧཱ་ཀྲོ་དྷཱ་ཧཱུྃ་ཕཌ། ཨོཾ་བཛྲ་སཱུཀྵྨ་རཱ་ག་ཀྲོ་དྷཱ་ཨ་ནུ་རཱ་ག་ཡ་ཏི་བི་ཀྲ་མ་ཧཱུྃ་ཕཊ། ཨོཾ་བཛྲ་སཱུཀྵྨ་བཛྲ་པུཥྚི་ཀྲོ་དྷཱ་ཧཱུྃ་ཕཊ། ཨོཾ་སཱུཀྵྨ་བཛྲ་བྷྲྀ་ཀུ་ཊཱི་ཀྲོ་དྷཱ་ཧ་ར་ཧ་ར་ཧཱུྃ་ཕཌ། ཨོཾ་སཱུཀྵྨ་བཛྲ་ཛྭཱ་ལ་མཎྜ་ལ་ཀྲོ་དྷཱ་སཱུ་རྱཛྭཱ་ལ་ཧཱུྃ་ཕཊ། ཨོཾ་སཱུཀྵྨ་བཛྲ་ཙཀྲ་ཀྲོ་དྷཱ་སརྦ་ཨརྠ་མཱ་མེ་པྲ་ཡ་ཙྪ་ཤྲཱི་ཀྲ་མ་ཧཱུྃ་ཕཌ། ཨོཾ་བཛྲ་སཱུ་ཀྵྨ་ཧཱ་ས་ཀྲོ་དྷཱ་མ་ཧཱ་ཊྚཊྚ་ཧཱ་ས། ཧ་ཧ་ཧ་ཧ་ཧཱུྃ་ཕཌ། ཨོཾ་སཱུ་ཀྵྨ་བཛྲ་དྷརྨ་བཛྲ་ཀྲོ་དྷཱ་ཡ་ཧཱུྃ་ཕཌ། ཨོཾ་སཱུཀྵྨ་བཛྲ་ཚྩེ་ད་ཀྲོ་དྷ་ཙྪིནྡ་བྷིནྡ་ཧུྃ་ཕཊ། ཨོཾ་སཱུཀྵྨ་བཛྲ་ཀྲོ་དྷ་མ་ཧཱ་ཙཀྲ་ཙྪིནྡ་པ་ཏཱ་ཡ་ཤྲཱི་པྲ་བེ་ཤ་ཡ་ཧྲྀ་ད་ཡཾ་བྷིནྡ་ཧུྃ་ཕཊ། ཨོཾ་སཱུཀྵྨ་བཛྲ་ཧཱུྃ་ཀཱ་ར་ཧ་ན་ཏཱ་ཡ་ལྭཱ་ཀ་མ་ཏྲེནྣ་ཧུྃ་ཕཊ། ཨོཾ་སཱུཀྵྨ་བཛྲ་ཀརྨ་ཀྲོ་དྷ་སརྦ་ཀརྨ་ཀཱ་རོང་བྷ་བ་སརྦ་ཀཱ་ར་ཡ་སཱ་དྷ་ཡ་ཧུྃ་ཕཊ།ཨོཾ་བཛྲ་སཱུཀྵྨ་ཀ་བ་ཙ་ཀྲོ་དྷཱ་རཀྵ་རཀྵ་ཧུྃ་ཕཊ།ཨོཾ་སཱུཀྵྨ་བཛྲ་ཡཀྵ་ཀྲོ་དྷཱ་ཧ་ན་བྷ་ཡ་སརྦ་དུཥྚི་ཉྩིཏྟ་མཱ་ཏྲེ་བཛྲ་དཾཥྚྲཱ་ཧུྃ་ཕཊ། ཨོཾ་སཱུཀྵྨ་བཛྲ་མུཥྚི་ཀྲོ་དྷ་བནྡྷ་བནྡྷ་ཧཱུྃ་ཕཊ། དེ་ནས་ཡང་ཕྱག་ན་རྡོ་རྗེས་རྡོ་རྗེ་རིགས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་གསུངས་པ། དེ་ནས་རབ་ཏུ་བཤད་བྱ་བ། །ཆོས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ཁྲོ་བོའི་ཡེ་ཤེས་ཞེས་ཀྱང་བཤད། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་སངས་རྒྱས་བྲི། །ཡེ་ཤེས་རྡོ་རྗེའི་དབུས་ཆུད་པའོ། །སངས་རྒྱས་ཀྱི་ནི་ཕྱོགས་ཀུན་དུ། །སངས་


DKG084_Page_0132
[མ་དཔེ་གཟིགས་ན་འདིར་གནོན།]

རྒྱས་དེ་ཉིད་ཀུན་བྲིས་ཤིག །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པོ་རྣམས་སུ་ཡང་། །འཇིག་རྟེན་གསུམ་ལས་རྣམ་རྒྱལ་སོགས། །རིམ་པ་བཞིན་དུ་དགོད་པར་བྱ། །དེ་རྣམས་ཀྱི་ནི་ཕྱོགས་ཀུན་དུ། །རྡོ་རྗེ་ཁྲོ་བོའི་ཆོ་ག་བཞིན། །དེ་ནས་འདིར་རྡོ་རྗེ་རིགས་ཀྱི་ཡེ་ཤེས་ཕྲ་མོའི་དཀྱིལ་འཁོར་གྱི་ཆོ་གའི་རིམ་པ་རྒྱས་པ་བཤད་དོ། །དེ་ལ་དང་པོ་ཉིད་དུ་རེ་ཞིག་བཅུག་ནས་བསྒོ་བ་ནི། དེ་རིང་ཁྱོད་ལ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁྲོ་བོ་ཉིད་དུ་བཅོམ་ལྡན་འདས་ཕྱག་ན་རྡོ་རྗེས་དབང་བསྐུར་གྱིས་དེ་ལེགས་པར་ནན་ཏན་གྱིས་ཤིག །སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཡོངས་སུ་བསྐྱབ་པའི་ཕྱིར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་ཕན་པ་དང་བདེ་བ་དང་དམ་པ་གྲུབ་པ་ཐོབ་པའི་འབྲས་བུའི་ཕྱིར་གྱི་བར་དུ་རྡོ་རྗེ་ཁྲོ་བོས་སེམས་ཅན་ཐམས་ཅད་ཀྱང་ཡང་དག་པར་སྦྱང་བའི་ཕྱིར་བདུད་བྱེད་ན་མ་རུངས་པ་ཐམས་ཅད་ལྟ་ཞིག་སྨོས་ཀྱང་ཅི་དགོས། དེ་སྐད་བསྒོ་ནས་གདོང་གཡོགས་བཀྲོལ་ཏེ། དེ་རྣམས་ཀྱི་དཀྱིལ་འཁོར་ཐམས་ཅད་བསྟན་ནས། རྡོ་རྗེ་ཅི་ལྟ་བ་བཞིན་དུ་ལག་པ་གཉིས་སུ་བྱིན་ནོ། །དེ་ནས་རྡོ་རྗེ་ཁྲོ་བོའི་ཡེ་ཤེས་ཕྲ་མོ་རྣམས་སློབས་ཤིག །རྡོ་རྗེ་ཧཱུྃ་གི་རྣལ་འབྱོར་གྱིས། །རྡོ་རྗེ་ཕྲ་མོ་བསྟན་བྱས་ལ། །ཧཱུྃ་ཞེས་བྱ་བ་གང་སྦྱར་བ། །དེ་ཡི་སྲོག་ནི་འཇིག་པར་འགྱུར། །རྡོ་རྗེ་ཕྲ་མོ་བསྟན་བྱས་ཏེ། །ཆོ་ག་བཞིན་དུ་མཆེད་པ་ནི། །ཇི་སྲིད་བར་དུ་མཆེད་པ་དེས། །དེ་སྲིད་ཀྱི་ནི་དགྲ་འདི་འཇིག །རྡོ་རྗེ་ཧཱུྃ་གི་རྣལ་འབྱོར་གྱིས། །རྡོ་རྗེ་ཕྲ་མོའི་ཚུལ་སྦྱར་ལ། །ཁྲོ་བོར་ལྡན་པ་ཇི་སྲིད་མཆེད། །དེ་སྙེད་ཐམས་ཅད་མ་རུངས་བྱེད། །དེ་བཞིན་དེ་ཡི་བསྡུ་བ་ཡང་། །རྣལ་འབྱོར་ཅན་གྱིས་འདོད་ན་ཡང་། །མ་ལུས་པར་ནི་ཐམས་ཅད་ལ། །སླར་ཡང་འཚོ་བ་སྦྱིན་པར་བྱ། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུྃ་ཧཱུྃ་ནཱ་ཤ་ཡ་བཛྲ་ཧཱུྃ་བི་ནཱ་ཤ་ཡ་སརྦ་སཱུ་ཀྵྨ་བཛྲ་པྲ་ཏྱ་ནཱ་ཤ་ཡ་ཤཱི་གྷྲཱཾ་ཧཱུྃ། སེམས་ཅན་གང་གི་དགྲ་ལ་ནི། །ལྷན་ཅིག་གྱུར་པ་ཆེར་བསྟན་པ། །བྱམས་པ་མཆེད་པའི་ཚུལ་གྱིས་ནི། །རྡོ་རྗེ་སྤྲོ་བས་གཞིག་པར་བྱ། །རྡོ་རྗེ་སྤྲོ་བའི་རྣལ་འབྱོར་གྱིས། །གང་ཡང་རུང་བའི་སྙིང་རྗེ་ཅན། །སྙིང་རྗེ་རྣལ་འབྱོར་དེ་ཡིས་ནི། །གདུག་པ་ཐམས་ཅད་ངེས་འཇིག་གོ། །


DKG084_Page_0133
[མ་དཔེ་གཟིགས་ན་འདིར་གནོན།]

ཆོས་སམ་ཡང་ན་ཆོས་མིན་པ། །རང་བཞིན་གྱིས་ནི་འོད་གསལ་བ། །དེ་ལྟར་བསྒོམས་ན་སེམས་ཅན་ལ། །ཧཱུྃ་ཞེས་བྱ་བས་འཇིག་པར་བྱེད། །གདུལ་བར་དཀའ་བའི་སེམས་ཅན་གང་། །སངས་རྒྱས་བྱང་ཆུབ་སྣོད་མིན་པ། །དེ་ནས་ཡང་དག་སྦྱང་བའི་ཕྱིར། ། ཧུྃ་ཞེས་བྱ་བས་གཞིག་པར་བྱ། །དེ་ལ་དེ་རྣམས་ཀྱི་སྙིང་པོ་རྣམས་ནི་འདི་དག་ཡིན་ནོ། །བྷེེ་ར་བཛྲེ་ཀྲོ་དྷ་ཧུྃ་ཕཊ། ཧུྃ་བི་ཤུད་དྷ་བཛྲ་ཀྲོ་དྷ་ཧུྃ་ཕཊ། ཨོཾ་བི་ཤོ་དྷ་ན་བཛྲ་ཀྲོ་དྷ་ཧུྃ་ཕཊ། རྡོ་རྗེའི་དབྱིབས་ནི་བྲིས་ནས་ཀྱང་། །ཡིད་ཀྱིས་ཀྱང་ནི་གང་སུ་ཡི། །ཁྱིམ་གྱི་དབུས་སུ་ལྟུང་བསམས་ན། །དེ་ཡི་རིགས་དེ་འཇིག་པར་འགྱུར། །དེ་བཞིན་ཕྲ་བའི་ཆོ་ག་ཡིས། །སྙིང་གར་རྡོ་རྗེ་བསྒོམས་ནས་ཀྱང་། །བྱང་ཆུབ་སེམས་དཔའ་ཆེན་པོའི་གཟུགས། །ལྟུང་ན་རིགས་ནི་འཇིག་པར་འགྱུར། །ཕྱག་ན་རྡོ་རྗེའི་གཟུགས་ཆེན་པོ། །བསྒོམས་ན་གང་དུ་ལྷུང་བ་དེའི། །སྣང་སྲིད་ཉེས་པ་སྣ་ཚོགས་ཀྱིས། །བཙུན་མོར་བཅས་པ་འཇིག་པར་འགྱུར། །རྣམ་པ་ཀུན་གྱི་མཆོག་ལྡན་པའི། །སངས་རྒྱས་གཟུགས་ནི་བསྒོམས་ནས་ནི། །སྣང་བ་གང་ལ་ལྟུང་བ་ནི། །དེ་ཡི་སྣང་སྲིད་ངེས་པར་འཇིག །དེ་ལ་དེ་དག་གི་སྙིང་བོ་ནི་འདི་རྣམས་ཡིན་ནོ། །ཧཱུྃ་བཛྲ་པྲ་བ་ཏ། །ཧཱུྃ་བོ་དྷི་སཏྭ་པྲ་བ་ཏ། །ཧཱུྃ་བཛྲ་དྷ་ར་པྲ་བ་ཏ། ཧུྃ་བུདྡྷ་པྲ་བ་ཏ། རྡོ་རྗེ་ཕྲ་མོ་རབ་སྦྱར་བས། །ཟླ་བའི་གཟུགས་ལ་བདག་རང་ཉིད། །བསྒོམས་ནས་སུ་ནི་བདག་ཉིད་ཡང་། །གང་དུ་ལྟུང་བ་དེར་ལྟུང་འགྱུར། །ཟླ་བ་རྡོ་རྗེ་བདག་རང་ཉིད། །བསྒོམས་ནས་སུ་ནི་བདག་རང་ཡང་། །རབ་ཏུ་ཁྲོས་ནས་གར་ལྟུང་བ། །དེ་ཡི་རིགས་ནི་མོད་ལ་ལྟུང་། །བདག་རང་ཕྱག་ན་རྡོ་རྗེར་ནི། །བསྒོམས་ནས་སུ་ནི་བདག་ཉིད་ཡང་། །གང་དུ་ལྟུང་བ་དེ་ཡི་ཡུལ། །རིང་པོར་མི་ཐོགས་འཇིག་པར་འགྱུར། །བདག་རང་སངས་རྒྱས་གཟུགས་ཉིད་དུ། །བསྒོམས་ནས་སུ་ནི་བདག་ཉིད་ཡང་། །གང་དུ་ལྟུང་བ་དེ་ཡི་ནི། །སྣང་སྲིད་རིང་པོར་མི་ཐོགས་འཇིག །དེ་ལ་དེ་དག་གི་སྙིང་པོ་རྣམས་ནི་འདི་དག་ཡིན་ནོ། །བོདྷཱ་གྲ་པྲ་ཏུ་ཡ་ཧཱུྃ། སྭསྟྭ་བཛྲ་པྲ་བ་ཏ་ཡ་ཧཱུྃ། བཛྲ་སཏྭ་པྲ་བ་ཏ་ཧུྃ། བུདྡྷ་པྲ་བ་ཏ་ཡ་ཧཱུྃ། དེ་ནས་རྡོ་རྗེ་རིགས་ཀྱི་ཆོས་ཀྱི་གསང་བའི་ཕྱག་རྒྱའི་ཡེ་ཤེས་བསླབ་བོ། །རྡོ་རྗེ་ཁྲོ་བོར་སྙོམས་ཞུགས་ལ། །


DKG084_Page_0134
[མ་དཔེ་གཟིགས་ན་འདིར་གནོན།]

རང་གི་ལུས་ཀྱིས་ཡོངས་བསྐོར་བ། །རྡོ་རྗེ་ཧཱུྃ་ལས་འཁྱུད་ནས་ནི། །གང་གི་མིང་སྨོས་དེ་འཆིའོ། །རྡོ་རྗེ་ཕྲ་མོ་སྙོམས་ཞུགས་ལ། །སྣ་ནས་ཕྲ་བ་ཐང་ཅིག་མིན། །དབུགས་དང་ཧཱུྃ་ཞེས་པྱ་ཚུལ་གྱིས། །འཇིག་རྟེན་གསུམ་ཡང་ལྟུང་བར་འགྱུར། །རྡོ་རྗེ་ཕྲ་མོའི་ཚུལ་སྦྱར་ལ། །ཁྲོས་ནས་རྡོ་རྗེ་ལྟ་བ་ཡིས། །བལྟས་པས་སུ་ནི་ལྡོངས་པར་འགྱུར། །ཡང་ན་འཆི་བ་རུ་ནི་འགྱུར། །བུ་གནས་ནི་ཞུགས་ནས་ནི། །ཡིད་ཀྱིས་གང་ཡང་རུང་བ་ཡི། །སྙིང་དྲངས་པས་ནི་དེ་ཡིས་ནི། །རང་ངམ་འདི་ཡི་དབང་དུ་འགྱུར། །དེ་ལ་དེ་དག་གི་སྙིང་པོ་རྣམས་གསུངས་པ། ཧཱུྃ་བཛྲ་བ་ལི་ཏ་ཀྲོ་དྷ་མཱ་ར་ཡ་ཧཱུྃ་ཕཊ། ཨོཾ་སཱུ་ཀྵྨ་བཛྲ་ཤྭ་ས་བི་ཤྲ་པ་ཏཱ་ཡ་ཧཱུྃ་ཕཊ། ཨོཾ་བཛྲ་དྲྀཥྚི་བི་ཤ་བི་ཤ་བི་ནཱ་ཤ་ཡ་ཧཱུྃ་ཕཊ། ཧཱུྃ་ཧྲྀ་ད་ཡ་ཀཱ་ན་ཀྲོ་དྷ་པྲ་བི་ཤ་ཀ་ཡི། ཧྲྀ་ད་ཡ་ཙྪིནྡ་བྷིནྡ་ཀ་ཏ་ཀ་ཏ་ཧཱུྃ་ཕཊ། དེ་ནས་རྡོ་རྗེ་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་བསླབ་བོ། །དེ་ལ་རེ་ཞིག་ཕྱག་རྒྱ་ཆེན་པོ་བཅིང་བ་བཤད་དེ། །རྡོ་རྗེ་ཡེ་ཤེས་སྦྱོར་བ་ཡིས། །འབར་བའི་ཕྲེང་བ་ལ་ཁྲིགས་པའི་འོད། །རྡོ་རྗེ་ཁྲོ་བོར་བདག་ཉིད་ནི། །བསྒོམས་ན་དེ་མ་ཐག་ཏུ་འགྲུབ། །དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ཕྱག་རྒྱའི་ཡེ་ཤེས་བསླབ་བོ། །ཏིང་འཛིན་དམ་ཚིག་ཡེ་ཤེས་ལས། །ཧཱུྃ་ཞེས་བྱ་བ་གཉིས་དང་ལྡན། །ཅི་རིགས་གནས་སུ་བཞག་ནས་ནི། །བསྒྲུབ་པ་ཐམས་ཅད་སྟེར་བའི་མཆོག །དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ཆོས་ཀྱི་ཕྱག་རྒྱའི་ཡེ་ཤེས་བསླབ་བོ། །ཕཊ། ཤཊ། མཊ། སཊ། རཊ། ཏཊ། ཧྲྀཊ། ཧཊ། པྲཊ། ཏྲཊ། དཊ། བྷཊ། ཀྲྀཊ། རིཊ། ཁཊ། བཊ། ཞེས་བྱ་བ་ནི་ཆོས་ཀྱི་ཕྱག་རྒྱ་མདོར་བསྡུས་བཤད་པའོ། །དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ལས་ཀྱི་ཕྱག་རྒྱའི་ཡེ་ཤེས་བསླབ་པོ། །ཆོས་ཀྱི་ཁུ་ཚུར་གཉིས་བྱས་ཏེ། །ཇི་ལྟར་རིགས་པའི་གནས་སུ་སྦྱར། །ལས་ཀྱི་ཕྱག་རྒྱ་མདོར་བསྡུ་ན། །ཆོ་ག་བཞིན་དུ་འགྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས། རྡོ་རྗེ་རིགས་ཀྱི་ཡེ་ཤེས་ཀྱི་དམ་ཚིག་གི་དཀྱིལ་འཁོར་གྱི་ཆོ་ག་རྒྱས་པ་བཤད་པ་རྫོགས་སྟོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་དམ་


DKG084_Page_0135
[མ་དཔེ་གཟིགས་ན་འདིར་གནོན།]

ཚིག་འབྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་ཀརྨེ་ཤྭ་ར་ཧཱུྃ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་དྷརྨ་དྷཱ་ཏུ་སྥ་ར་ཎ་མ་ཧཱ་བཱུ་ཛཱ་ཀརྨ་བི་དྷི་བི་སྟཱ་ར་ས་མ་ཡེ་ཏྲཻ་ལོ་ཀྱ་བི་ཛ་ཡ་ཀི་ར་སརྦ་དུཥྚཾ་ས་མ་ཡ་བཛྲི་ཎི་ཧཱུྃ།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཤ་དུ་ས་མ་ཡ་སྥ་ར་ཎ་མ་ཧཱ་བཱུ་ཛཱ་ཀརྨ་བི་དྷི་སྟཱ་ར་ཡ་ས་མ་ཡེ་ཧཱུྃ། དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་དྷརྨ་དྷཱ་ཏུ་སྥ་ར་ཎ་མ་ཧཱ་བཱུ་ཛཱ་ཀརྨ་བི་དྷི་བི་སྟཱ་ར་ས་མ་ཡེ་ཧཱུྃ། དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་སརྦ་ཨ་བ་ལོ་ཀ་དྷཱ་ཏུ་མ་བི་མ་ཧཱ་པུ་ཛཱ་ཀརྨ་བི་དྷི་བི་སྟཱ་ར་ས་མ་ཡེ་ཧཱུྃ་ཕཌ། དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་ཀྱི་མཆོད་པའི་ཆོ་ག་རྒྱས་པའི་ལྷ་མོ་རང་གི་སྙིང་ག་ནས་བསྐྱེད་དེ། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་སྤྱན་དྲང་བ་དང་། དབང་དུ་བྱ་བ་དང་། མཉེས་པར་བྱ་བ་དང་། ལས་ཐམས་ཅད་བསྒྲུབ་པའི་དགོས་པ་བྱེད་པ་ཉིད་དུ་ཡང་དག་པའི་སྦྱོར་བ་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་རྫུ་འཕྲུལ་དང་རྣམ་པར་འཕྲུལ་པ་བྱས་ཏེ། སླར་ཡང་བཅོམ་ལྡན་འདས་རྣམ་པར་སྣང་མཛད་ཀྱི་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་གནས་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེ་ལས་ཀྱི་དམ་ཚིག་གི་ཆོ་ག་རྒྱས་པའི་ལས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ལས་ཀྱི་རྡོ་རྗེ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །དཀྱིལ་འཁོར་དབུས་ཀྱི་གནས་སུ་ནི། །སངས་རྒྱས་སྐུ་གཟུགས་


DKG084_Page_0136
[མ་དཔེ་གཟིགས་ན་འདིར་གནོན།]

གཞག་པར་བྱ། །སངས་རྒྱས་ཀྱི་ནི་ཕྱོགས་ཀུན་དུ། །དམ་ཚིག་མཆོག་རྣམས་གཞག་པར་བྱའོ། །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པོ་རྣམས་ལ་ཡང་། །རྡོ་རྗེ་གཙོ་སོགས་བཞི་པོ་རྣམས། །ཇི་ལྟར་རིམ་བཞིན་གཞག་པར་བྱ། །དེ་རྣམས་ཀྱི་ནི་ཕྱོགས་ཀུན་དུ། །མཆོད་པ་ཆེན་པོ་རྣམས་བཞག་གོ། །དེ་ནས་ལས་ཀྱི་དཀྱིལ་འཁོར་འདིར། །རྡོ་རྗེ་ལས་ཀྱི་ཕྱག་རྒྱ་བཤད། །ཨོཾ་བཛྲ་སཏྭ་སིད་དྷི་ཛྙཱ་ན་ཀརྨ་ས་མ་ཡེ་ཧཱུྃ་ཛ། ཨོཾ་བཛྲ་ཨཱ་ཀརྵ་ཎ་ཀརྨ་ཛྙཱ་ན་ས་མ་ཡེ་ཧཱུྃ་ཛ། ཨོཾ་བཛྲ་ར་ཏི་རཱ་ག་ཀརྨ་ཛྙཱ་ན་ས་མ་ཡེ་ཧཱུྃ་ཛ། ཨོཾ་བཛྲ་སཱ་དྷུ་ཀརྨ་ཛྙཱན་ས་མ་ཡེ་ཧཱུྃ་ཛ། ཨོཾ་བཛྲ་བྷྲྀ་ཀུ་ཊཱི་བ་ཤིཾ་ཀུ་རུ་ཧཱུྃ། ཨོཾ་བཛྲ་སཱུརྱ་མཎྜ་ལེ་བ་ཤིཾ་ཀུ་རུ་ཧཱུྃ། ཨོཾ་བཛྲ་དྷྭ་ཛ་གྲ་ཀེ་ཡཱུ་རེ་བ་ཤིཾ་ཀུ་རུ་ཧཱུྃ། ཨོཾ་བཛྲ་ད་ཏ་ཧཱ་སེ་བ་ཤིཾ་ཀུ་རུ་ཧཱུྃ། ཨོཾ་བཛྲ་པདྨ་རཱ་གེ་རཱ་ག་ཡ་ཧཱུྃ། ཨོཾ་བཛྲ་ཏཱི་ཀྵྞ་རཱ་གེ་རཱ་ག་ཡ་ཧཱུྃ། ཨོཾ་བཛྲ་མཎྜ་ལ་རཱ་གེ་རཱ་ག་ཡ་ཧཱུྃ། ཨོཾ་བཛྲ་བཱ་ཀ་རཱ་གེ་རཱ་ག་ཡ་ཧཱུྃ། ཨོཾ་བཛྲ་ཀརྨ་ས་མ་ཡ་ཙ་ཡ་ཧཱུྃ། ཨོཾ་བཛྲ་ཀ་བ་ཙ་བཾ་དྷ་རཀྵ་རཀྵ་ཧཱུྃ། ཨོཾ་ཡཀྵི་ཎི་མཱ་ར་ཡ་བཛྲ་དཾཥྚ་ཡ་བྷིནྡ་བྷིནྡ་ཡ་མུ་ག་སྱ་ཧཱུྃ་ཕཊ། ཨོཾ་བཛྲ་ཀརྨ་མུཥྚི་སིད་དྷི་ཧཱུྃ་ཕཊ། དེ་ནས་ལས་ཀྱི་དཀྱིལ་འཁོར་འདིར་ཆོ་ག་རྒྱས་པ་ཇི་ལྟ་བ་བཞིན་དུ་སྟེ། རྡོ་རྗེ་རིགས་ཀྱི་ཡེ་ཤེས་རྣམས་བསྐྱེད་དོ། །དེ་ལ་དང་པོ་ཉིད་དུ་ཞི་བ་ལ་སོགས་པའིིི་ཕྱག་རྒྱའི་ཡེ་ཤེས་བསླབ་བོ། །ཡམ་ཤིང་མངར་པོ་རྣམས་ཀྱི་མེ། །རབ་སྦར་རྡོ་རྗེ་ཁྲོ་བོ་ཡི། །མཉམ་པར་གཞག་པས་སྙོམས་འཇུག་པ། །ཏིལ་བསྲེགས་པས་ནི་སྡིག་བསྲེགས་ཤིང་། །ཡམ་ཤིང་དེ་དག་ཉིད་ཀྱིས་ནི། །མེ་ནི་རབ་ཏུ་སྦར་ནས་ཀྱང་། ། རྟག་ཏུ་འབྲས་ནི་བསྲེག་བྱས་ན། །གདོན་མི་ཟ་བར་ཁྱིམ་རྒྱས་འགྱུར། །ཡམ་ཤིང་མངར་པོ་རྣམས་ཀྱིས་ཀྱང་། །མཁས་པས་རབ་ཏུ་མེ་སྦར་ཏེ། །དཱུར་བའི་ཡལ་ག་མར་བཅས་པ། །བསྲེག་པ་བྱས་ན་ཚེ་འཕེལ་ལོ། །ཡམ་ཤིང་དེ་དག་ཉིད་ཀྱིས་ནི། །མེ་ནི་རབ་ཏུ་སྦར་བྱས་ལ། །ཀུ་ཤའི་ཡལ་ག་འབྲུ་མར་གྱིས། །བསྲེག་པར་བྱས་ན་ངེས་པར་བསྲུང་། །དེ་ལ་དེ་དག་གི་སྙིང་པོ་འདི་རྣམས་ཡིན་ནོ། །ཨོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། །ཨོཾ་བཛྲ་བུཥྚ་ཡེ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཨོཾ་བཛྲ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། ཏེ་བ་རུ་བ་མིཾ་དྷི་དྷུ་ལྱ་ག་ནི་ས་མ་


DKG084_Page_0137
[མ་དཔེ་གཟིགས་ན་འདིར་གནོན།]

ཧྲི་ས་ཛུ་ཧེ་ཏ་རི་ག་ཏ་ཡ་ལཾ་ཀུ་ཏོ་མ་ཏི་པཱུ་ཏ་པ་ཏ་ཡེ་ཏ། ཡམ་ཤིང་ཚ་བས་དང་པོར་ནི། །རྡོ་རྗེ་ཁྲོ་བོའི་ཏིང་འཛིན་གྱིས། །མེ་སྦར་ནས་ཀྱང་སེ་བ་ཡི། །ནེ་ར་མ་ཅན་གྱིས་འགུགས་པར་འགྱུར། །ཡམ་ཤིང་དེ་དག་ཉིད་ཀྱིས་ནི། །ཁྲོ་དང་ལྡན་པས་མེ་སྦར་ན། །མེ་ཏོག་དམར་མང་འབྲས་བུའང་རུང་། །སྦྱིན་སྲེག་བྱས་ན་སྐྱེ་བོ་རེངས། །རྣལ་འབྱོར་ཅན་གྱིས་ཁྲོས་ནས་ཀྱང་། །ཡམ་ཤིང་དེས་ནི་མེ་སྦར་ལ། །ལྕགས་ཀྱི་ཕྱེ་མ་བསྲེགས་ན་ནི། །རྡོ་རྗེ་བཅིངས་པ་ཉིད་དུ་འགྱུར། །ཡམ་ཤིང་དེ་དག་ཉིད་ཀྱིས་ནི། །མཉམ་པར་བཞག་སྟེ་མེ་བུས་ལ། ། འབྲས་བུ་ཁ་བ་ཁྲོས་བཞིན་བསྲེག །སྐད་ཅིག་ཏུ་ནི་འཆི་བར་འགྱུར། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུྃ་བཛྲ་ཨཱ་ཀཪྵཱ་ཀརྵ་ཡ་སྭཱ་ཧཱ། ཧཱུྃ་བཛྲ་རཱ་གཱ་ཡ་སྭཱ་ཧཱ། ཧཱུྃ་བཛྲ་བན་དྷཱ་ཡ་སྭཱ་ཧཱ། ཧཱུྃ་བཛྲ་མཱ་ར་ཎཱ་ཡ་སྭཱ་ཧཱ། མཁས་པས་ཡམ་ཤིང་སྐྱུར་པོ་ཡིས། །ཁྲོས་ནས་བྱིན་ཟ་སྤར་ནས་ནི། །འབྲས་བུ་ལོ་མ་སྐྱུར་བསྲེགས་ན། །དབང་དུ་བྱ་བ་དམ་པའོ། །ཡམ་ཤིང་དེ་དག་ཉིད་ཀྱིས་ནི། །མཉམ་པར་བཞག་ལ་མེ་སྦར་ལ། །འདོད་པའི་འབྲས་བུ་ཁྲོས་བསྲེགས་ན། །འདོད་པ་བཞིན་དུ་གཟུགས་བསྐྱེད་དོ། །དེ་འདྲ་བ་ཡི་ཡམ་ཤིང་གིས། །མེ་ནི་རབ་ཏུ་སྦར་བྱས་ཀྱང་། །མི་སྣང་མེ་ཏོག་སྡོང་བུ་ཡིས། །སྦྱིན་སྲེག་འདོད་ན་མི་སྣང་འགྱུར། །ཡམ་ཤིང་དེ་དག་ཉིད་ཀྱིས་ནི། །མཉམ་པར་བཞག་སྟེ་མེ་སྦར་ལ། །ནམ་མཁའི་ལྕུག་མའི་མེ་ཏོག་གིས། །སྦྱིན་སྲེག་བྱས་ན་མཁའ་ལ་འགྲོ། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཨོཾ་བཛྲ་བ་ཤཾ་ཀརཱ་ཡ་སྭཱ་ཧཱ། ཨོཾ་བཛྲ་ཀརྨ་རཱུ་པ་བཛྲཱ་ཡ་སྭཱ་ཧཱ། ཨོཾ་ཨ་དྱ་ཤྱ་བཛྲཱ་ཡ་སྭཱ་ཧཱ། ཨོཾ་བཛྲ་ཁ་བརྩ་རི་ཎི་སྭཱ་ཧཱ། ཁྲོ་བོར་མཉམ་བཞག་ཡམ་ཤིང་ནི། །ཤིན་ཏུ་ཁ་བས་མེ་སྦར་ལ། །བཛྲི་མེ་ཏོག་བསྲེག་བྱས་ན། །རྡོ་རྗེ་བཀའ་བཞིན་བྱེད་པར་འགྱུར། ། ཡམ་ཤིང་དེ་དག་ཉིད་ཀྱིས་ནི། །ཁྲོ་དང་ལྡན་ཞིང་མེ་སྦར་ཏེ། །དཔའ་བོ་གང་གིས་ཕྲེང་བ་བསྲེག །དེ་ཡང་བཀའ་ནི་ཉན་པར་འགྱུར། །ཁྲོ་བོ་ཉིད་དུ་མཉམ་བཞག་པ། །ཡམ་ཤིང་དེས་ནི་མེ་སྦར་ཏེ། །ཕྱག་ན་རྡོ་རྗེའི་ཕྲེང་བ་བསྲེག །དེ་ཡང་བཀའ་བཞིན་བྱེད་པར་འགྱུར། །ཡམ་


DKG084_Page_0138
[མ་དཔེ་གཟིགས་ན་འདིར་གནོན།]

ཤིང་དེ་དག་ཉིད་ཀྱིས་ནི། །རབ་ཏུ་ཁྲོས་ཏེ་མེ་སྦར་ལ། །ཆོས་གོས་བསྲེགས་པས་སངས་རྒྱས་ཀྱང་། །སྐད་ཅིག་ཉིད་དུ་བཀའ་བཞིན་མཛད། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུྃ་བཛྲ་བ་ཤཾ་ཀ་རཱ་ཡ་སྭཱ་ཧཱ། ཧཱུྃ་སོ་རི་བ་ཤཾ་ཀ་ར་བཛྲཱ་ཡ་སྭཱ་ཧཱ། ཧཱུྃ་བཛྲ་པཱ་ནི་བ་ཤཾ་ཀ་རཱ་ཡ་སྭ་ཧཱ། ཧུྃ་བུད་དྷ་བ་ཤཾ་ཀ་རཱ་ཡ་བཛྲཱ་ཡ་སྭཱ་ཧཱ། དེ་ནས་གསང་བའི་ལས་ཀྱི་ཕྱག་རྒྱའི་ཡེ་ཤེས་བསླབ་བོ། །ཡིད་འོང་བུད་མེད་ལྷན་ཅིག་ཏུ། །གནས་ཤིང་བུ་གར་ཨཉྫ་ན། །བཅུག་ནས་བསྐུལ་བར་བྱས་ནས་ཀྱང་། །དེ་ཡིས་མིག་བསྐུས་དབང་དུ་འགྱུར། །ལྡོང་རོས་བུ་གར་བཅུག་ནས་ནི། །རྡོ་རྗེ་བསྡམས་པས་དེ་གཡོགས་ཏེ། །མཚན་མ་རྣམ་པ་བཞི་ཡིས་ནི། །དངོས་གྲུབ་རྣམ་པ་བཞིར་འགྱུར་རོ། །གོ་རོ་ཙ་ན་བུ་གར་བཅུག །གསང་བའི་ཁུ་ཚུར་གྱིས་བཙིར་ན། །གཞག་པ་དེ་ནི་འབར་གྱུར་ན། །རྡོ་རྗེ་འཛིན་དང་འདྲ་བར་འགྱུར། །གུར་ཀུམ་བུ་གར་བཅུག་ནས་ནི། །བུ་གར་སེམས་དཔའི་རྡོ་རྗེ་ཡིས། །བཀའ་ནས་འབར་བར་གྱུར་ན་ནི། །རྡོ་རྗེ་འཛིན་དང་འདྲ་བར་འགྱུར། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཨོཾ་གུ་ཧྱ་ར་ཏི་བཛྲ་བ་ཤཾ་ཀཱ་རཾ་སིད་དྷྱ་ཧཱུྃ། ཨོཾ་བཛྲ་གུ་ཧྱ་སིད་དྷྱ་ཧཱུྃ། ཨོཾ་གུ་ཧྱ་བཛྲ་སིད་དྷ་ཧཱུྃ། ཨོཾ་བཛྲ་དྷ་ར་ཧྱ་སིད་དྷྱ་ཧཱུྃ། དེ་ནས་རྡོ་རྗེ་རིགས་ཀྱི་ལས་ཀྱི་ཕྱག་རྒྱ་ཆེན་པོའི་ཡེ་ཤེས་བསླབ་བོ། །རྡོ་རྗེ་དགོངས་པའི་ཚུལ་གྱིས་ནི། །ཕྱག་རྒྱ་ཆེན་པོ་མདོར་བསྡུ་ན། །རྡོ་རྗེ་ཁུ་ཚུར་ཚུལ་གྱིས་ནི། །རྡོ་རྗེ་ཁྲོ་བོར་མཉམ་པར་བཞག །ཧཱུྃ་ཞེས་མཛུབ་མོའི་ཚུལ་གྱིས་ནི། །དམ་ཚིག་མཆོག་ནི་འདིར་དེ་བཞིན། ། ཆོས་ཀྱི་ཕྱག་རྒྱ་འདིར་དེ་བཞིན། །ཨོཾ་ཞེས་དང་པོ་ཡི་གེ་ཨས། །ལས་ཀྱི་ཕྱག་རྒྱ་མདོར་བསྡུ་ན། །ལས་ཀྱི་ཕྱག་རྒྱ་གཉིས་སུ་བྱས། །ཐམས་ཅད་གྲུབ་བྱེད་དག་པ་སྟེ། །རྡོ་རྗེ་ལས་ཀྱི་ཚུལ་གྱིས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པའི་རྒྱལ་པོ་ཆེན་པོ་ལས། རྡོ་རྗེ་རིགས་ཀྱི་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྟོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་ཕྱག་རྒྱའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་


DKG084_Page_0139
[མ་དཔེ་གཟིགས་ན་འདིར་གནོན།]

གསུངས་སོ། །ཨོཾ་སརྦ་ཏ་ཐཱ་ག་ཏ་བཛྲ་ས་མ་ཡེ་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རྡོ་རྗེའི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུྃ་བཛྲ་མ་ཐ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིན་པོ་ཆེའི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུྃ་བྷྲྀ་ཀུ་ཊཱི་བཛྲ་ར་ཏ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་ཆོས་ཀྱི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུྃ་མ་ཧཱ་པདྨ་བཛྲ་དྲྀ་ཌྷ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུྃ་བཛྲ་ཀརྨ་ཨ་གྲ་ཀྲྀ་ཏེ། དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱ་བཞི་པའི་དཀྱིལ་འཁོར་བཤད་དོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། ། རྡོ་རྗེ་ཁྲོ་བོ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །སངས་རྒྱས་ཀྱི་ནི་ཕྱོགས་ཀུན་དུ། །འཇིག་རྟེན་གསུམ་རྒྱལ་ལ་སོགས་བྲི། །དེ་ནས་དཀྱིལ་འཁོར་འདིར་དཀྱིལ་འཁོར་ཆེན་པོའི་ཚུལ་དུ་དགུག་པ་ལ་སོགས་པའི་ཆོ་ག་རྒྱས་པ་བྱས་ཏེ་བཅུག་ནས་ཕྱག་རྒྱ་བཞི་པའི་དཀྱིལ་འཁོར་གྱི་གསང་བའི་ཕྱག་རྒྱའི་ཡེ་ཤེས་བསླབ་བོ། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །བུད་མེད་ལྷན་ཅིག་གནས་ནས་ནི། །གྲུབ་པ་ཡང་ནི་ཐོབ་པར་འགྱུར། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །ཆགས་པས་བུད་མེད་ལ་བལྟས་ནས། །གྲུབ་པ་ཡང་ནི་ཐོབ་པར་འགྱུར། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །བུད་མེད་མཛེས་ལ་སྤྲས་པས་འགྲུབ། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །ལྷན་ཅིག་འཁྱུད་ན་གྲུབ་ཀུན་ཐོབ། །དེ་ལ་ཆོས་ཉིད་དག་པའི་ཕྱག་རྒྱ་ནི་འདི་དག་ཡིན་ནོ། །ཨོཾ་སརྦ་ཏ་ཐཱ་ག་ཏ་བི་ཤུད་དྷ་དྷ་རྨ་ཏེ་ཧོ། །ཨོཾ་བཛྲ་བི་ཤུད་དྷ་དྲྀཥྚི་ཛ། ཨོཾ་སརྦ་བི་ཤུད་དྷ་ཏྲི་ཧཱུྃ། ཨོཾ་སརྦ་བི་ཤུད་དྷ་ཀཱ་ཡ་བཾ་མ་ན་ཀརྨ་བཛྲཱི་ཧཱུྃ། དེ་ནས་ཕྱག་རྒྱ་བཞི་པའི་


DKG084_Page_0140
[མ་དཔེ་གཟིགས་ན་འདིར་གནོན།]

དཀྱིལ་འཁོར་གསང་ཞིང་སྦ་བའི་ཕྱག་རྒྱའི་ཡེ་ཤེས་བསླབ་བོ། །དཀྱིལ་འཁོར་འདིར་ནི་ཞུགས་ནས་ཀྱང་། །འདོད་པའི་ཡོན་ཏན་ལྔ་ཡིས་ནི། །བུད་མེད་མཆོག་ནི་མགུ་བྱས་ལ། །ཤིན་ཏུ་གྲུབ་པ་ཐོབ་པར་འགྱུར། །དེ་ནས་འདིའི་སྙིང་པོ་བརྗོད་དོ། །ཧོ་བཛྲ་ཀཱ་མ། དེ་ནས་ཇི་ལྟ་བ་བཞིན་དུ་རྡོ་རྗེས་མནན་པའི་རྩེ་གསུམ་པའི་ཕྱག་རྒྱ་ལ་སོགས་པ་དམ་ཚིག་གི་ཕྱག་རྒྱ་བཞི་པོ་རྣམས་ཆོ་ག་རྒྱས་པ་དང་ལྡན་པར་བསླབ་སྟེ། ཕྱག་རྒྱ་བཞིའི་ཚུལ་འདིས་རྡོ་རྗེ་སིལ་སྙན་དང་རྔ་དང་བརྡུང་བ་བརྡབས་ནས་རྡོ་རྗེ་སེམས་དཔའ་བསྡུས་པའི་སྙིང་པོ་གླུ་བླངས་ཏེ་ཕུལ་ནས་ཕྱག་རྒྱ་དང་། ལན་གྱི་ཕྱག་རྒྱ་དང་། ཉེ་བའི་ཕྱག་རྒྱ་དང་། ཡེ་ཤེས་ཀྱི་ཕྱག་རྒྱ་དང་། གར་གྱི་མཆོད་པས་མཆོད་པར་བྱའོ། །དེ་ལ་གར་གྱི་མཆོད་པས་མཆོད་པ་ནི་འདི་ཡིན་ནོ། །རྡོ་རྗེ་གར་གྱི་སྦྱོར་བ་ཡིས། །རྡོ་རྗེ་ཁྲོ་བོའི་མཛུབ་མོ་གཉིས། །རྡོ་རྗེ་ཧཱུྃ་གི་ཕྱག་རྒྱ་ནི། །སྙིང་ག་ཉིད་དུ་བཅིང་བར་བྱ། །དེ་བཞིན་གར་བྱ་གཡོན་པ་ནི། །གཡས་པའི་ཆང་པས་གཟུང་བར་བྱ། །བསྒྱུར་ནས་དཔྲལ་བ་ཉིད་དུ་ནི། །མཛུབ་མོའི་ངོས་ནི་གཞག་པར་བྱ། །དེ་བཞིན་གར་ཡང་བཀྲོལ་ནས་ནི། །མཉམ་པར་པདྨ་ཁ་འབུས་སྦྱར། །མཛུབ་མོ་སྙིང་གར་བཞག་ནས་ནི། །བསམ་པ་གཡོས་པས་འདུད་པར་བྱའོ། །རྡོ་རྗེ་ཁྲོ་བའི་མཛུབ་བསྙམས་ཏེ། །བཀན་ནས་རྩེ་མོ་སྤྲད་བྱ་ཞིང་། །དེ་ལས་བསྒྱུར་ཞིང་གཙུག་ཏོར་དུ། །མཛུབ་མོའི་རྩེ་མོ་བཞག་པའོ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རྡོ་རྗེའི་དམ་ཚིག་གི་ཁྲོ་བོའི་དམ་ཚིག་འདི་གསུངས་པ། ཧཱུྃ། དེ་ནས་འདིའི་དཀྱིལ་འཁོར་བཤད་པ། །དེ་ནས་རབ་ཏུ་བཤད་བྱ་བ། །གསང་བའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཧཱུྃ་ཞེས་བྱ་བ་སྟེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་བྲི་བར་བྱ། །དེ་ཡི་དབུས་སུ་ལེགས་བྲི་བ། ། ཟླ་བའི་དཀྱིལ་འཁོར་རྡོ་རྗེ་འཛིན། །རྡོ་རྗེ་ཧཱུྃ་གི་ཕྱག་རྒྱ་ཆེ། །ལག་ན་འཛིན་པ་རྡོ་རྗེར་བཅས། །བརྐྱང་བསྐུམ་ཚུལ་དུ་གནས་པ་དང་། །ཁ་དོག་གཟུགས་ནི་ཇི་བཞིན་བྱ། །དེ་ནས་འདིར་གསང་བའི་ཕྱག་རྒྱའི་དཀྱིལ་འཁོར་གྱི་ཆོ་ག་རྒྱས་པ་ཐམས་ཅད་བྱས་ཏེ་རྡོ་རྗེ་ཧཱུྃ་ཞེས་བྱ་བ་གསང་


DKG084_Page_0141
[མ་དཔེ་གཟིགས་ན་འདིར་གནོན།]

བའི་ཕྱག་རྒྱའི་ཡེ་ཤེས་བསླབ་བོ། །དཀྱིལ་འཁོར་འདིར་ནི་ཞུགས་ནས་ཀྱང་། །འཇིག་རྟེན་གསུམ་རྒྱལ་མཛུབ་མོ་ནི། །བུ་གར་བཅུག་ནས་བསྒྲུབས་ནས་ནི། །ལས་ཀུན་རབ་ཏུ་འགྲུབ་པར་འགྱུར། །དེ་ནས་བསྒྲུབ་པའི་སྙིང་པོ་འདི་བཤད་དོ། །ཧཱུྃ་བཛྲ་ས་མ་ཡ་ཀྲི་ཏ། དེ་ནས་རྡོ་རྗེ་ཧཱུྃ་ཞེས་བྱ་བའི་ཕྱག་རྒྱའི་ཡེ་ཤེས་བསླབ་པོ། །དཀྱིལ་འཁོར་ལེགས་པར་ཞུགས་ནས་ནི། །ཕྱག་རྒྱ་ཆེན་པོ་མཆོག་གནས་པ། །གནས་ན་རྡོ་རྗེ་ཧཱུྃ་ཞེས་བྱ། །ལས་རྣམས་ཀུན་ནི་བྱེད་པར་འགྱུར། དེ་ལ་འདི་བསྒྲུབ་པའི་སྙིང་པོ་གསུངས་པ། ཧཱུྃ་བཛྲ་སམ་ཡ་ཧཱུྃ། དེ་ནས་ཕྱག་རྒྱ་བཞི་བཅིང་བ་ཇི་ལྟ་བ་བཞིན་བསླབས་ཏེ་དེ་བཞིན་དུ་དངོས་གྲུབ་ཏུ་འགྱུར་རོ། །དཀྱིལ་འཁོར་དུ་ཇི་ལྟ་བ་བཞིན་དུ་རས་ལ་སོགས་པ་ལ་བྲི་བ་དང་ལུགས་མ་ལ་སོགས་པའི་གཟུགས་ཐམས་ཅད་ལ་ཡང་དངོས་གྲུབ་ནི་ཐུན་མོང་ངོ་། །ཕྱག་རྒྱ་གཅིག་པའི་དཀྱིལ་འཁོར་རོ། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ལ་བོས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་གི་རིགས་འདི་ལ་བྱིན་གྱིས་བརླབ་ཏུ་གསོལ། ཅི་ནས་ཀྱང་སེམས་ཅན་ཐམས་ཅད་ཇི་ལྟར་དགའ་བ་བཞིན་བགྱིས་ཀྱང་དངོས་གྲུབ་ཐམས་ཅད་ཐོབ་པར་བགྱི་བའི་སླད་དུའོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པའི་རྒྱལ་པོ་ལ་བྱིན་གྱིས་བརླབ་པའི་ཕྱིར་འདི་སྐད་བཀའ་སྩལ་ཏོ། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ནི་ཁྱོད་ཀྱང་ལེགས། །རྡོ་རྗེ་ལས་ཁྱོད་རབ་ཏུ་ལེགས། །མདོ་སྡེ་འདི་ནི་ལེགས་པར་བཤད། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་ཀུན་གསང་བ་སྟེ། །ཐེག་པ་ཆེན་པོ་མངོན་འདུས་པའོ། ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་རྟོག་པ་ཆེན་པོ་ལས་རྡོ་རྗེ་ཆེན་པོའི་རྟོག་པའི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ་མཁྱེན་བཞིན་དུ་བྱང་ཆུབ་སེམས་དཔའ་སེམས་དཔའ་


DKG084_Page_0142
[མ་དཔེ་གཟིགས་ན་འདིར་གནོན།]

ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བཀའ་ཉོན་ལ་དབང་ཕྱུག་ཆེན་པོའི་ལུས་འདི་ཁྱོད་ཀྱང་རྐང་པའི་འོག་ནས་བཏང་བར་བྱོས། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་ཏོ། །བདག་ནི་བཅོམ་ལྡན་འདས་ཀྱིས་མ་རུངས་པ་ཐམས་ཅད་འདུལ་བའི་ཁྲོ་བོར་དབང་བསྐུར་ནས་དེ་བདག་གིས་བསྐུམ་ལགས་ན། ཇི་ལྟར་དེ་བདག་གིས་བཏང་བར་བགྱི། དེ་ནས་དེ་བཞིན་གཤེགས་པ་ཐམས་ཅད་ཀྱིས་འཇིག་རྟེན་གསུམ་པོ་མཐའ་དག་གི་བདག་པོ་དབང་ཕྱུག་ཆེན་པོའི་ལུས་ཀྱི་སྲོག་གསོ་བའི་ཕྱིར་ཤི་བའི་རྣམ་པར་ཤེས་པ་དགུག་པའི་སྙིང་པོ་འདི་ཉིད་ཀྱི་ཐུགས་ལས་ཕྱུང་ངོ་། །ཨོཾ་བཛྲ་སཏྭ་ཧཱུྃ་ཛ། དེ་ནས་དེའི་ཕྱག་རྒྱ་བཅིང་བ་བཤད་དོ། །གསང་བའི་ལྕགས་ཀྱུ་བསྡམ་བྱ་སྟེ། །ཐ་མ་མཉམ་དུ་བརྐྱང་ནས་ཀྱང་། །ཤི་བའི་མགོ་བོར་བཞག་ན་ནི། །སྲོག་ནི་ཕྱིར་ཡང་ཐོབ་པར་འགྱུར། །དེ་ནས་དེ་ཐོབ་མ་ཐག་ཏུ་བཅོམ་ལྡན་འདས་དེ་བཞིན་གཤེགས་པ་ཐལ་བའི་དབང་པོའི་དབྱངས་དེ། ཐལ་བས་ཁེབས་པའི་འཇིག་རྟེན་གྱི་ཁམས་དེ་ནས་སླར་ཕྱིན་ཏེ་དབང་ཕྱུག་གི་ལུས་དེར་ཞུགས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །སངས་རྒྱས་ཡེ་ཤེས་བླ་ན་མེད། །གང་ཕྱིར་ཤི་བའི་ལུས་འདི་ཡང་། །འཚོ་བའི་ཁམས་སུ་གྱུར་བ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རྐང་པ་འདེགས་པ་ཞེས་བྱ་བའི་སྙིང་པོ་འདི་གསུངས་སོ། །ཨོཾ་བཛྲ་མུཿ། དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་ཁྲོ་བོ་མཛུབ་ལེགས་པར། །ཟུར་སྤྲད་བསྡམས་ཏེ་བཞག་པ་ནི། །རྡོ་རྗེ་དེ་དག་བསྒྱུར་བྱས་ཤིང་། །འོག་ནས་དེ་དག་འབྱིན་པར་བྱེད། །དེ་ནས་དེ་དག་གསུངས་མ་ཐག་ཏུ་རྡོ་རྗེ་འཛིན་པ་ཆེན་པོ་ཞབས་ཀྱི་འོག་ནས་ལྷ་ཆེན་པོ་ཐར་བར་རང་གིས་ཤེས་པར་གྱུར་ཏོ། །དེ་ནས་དབང་ཕྱུག་ཆེན་པོའི་ལུས་དེ། དེ་བཞིན་གཤེགས་པ་དེས་སོས་པར་བྱིན་གྱིས་བརླབས་ཏེ། འཇིག་རྟེན་གྱི་ཁམས་འདིར་སེམས་ཅན་ཐམས་ཅད་ཀྱི་དོན་དང་། མ་རུངས་པ་ཐམས་ཅད་འདུལ་བའི་ཕྱིར་ཉིད་ཀྱི་རྒྱལ་ཚབ་ཏུ་བཅུག་གོ། །


DKG084_Page_0143
[མ་དཔེ་གཟིགས་ན་འདིར་གནོན།]

དེ་ནས་ཕྱག་ན་རྡོ་རྗེའི་ཞབས་ཀྱི་མཐིལ་དེ་ནས་ཟླ་བའི་ཞབས་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སེམས་ཀྱི་ཕྱག་རྒྱ་བྱུང་ངོ་། །ཨོཾ་ཙནྡྲོ་ཏྟཱ་རེ་ས་མནྟ་བྷ་དྲ་ཀི་ར་ཎི་མ་ཧཱ་བཛྲི་ཎི་ཧཱུྃ། དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་བཅིང་བ་དམ་བྱས་ཏེ། །མཐེ་བོ་མཐེའུ་ཆུང་མཉམ་པར་ནི། །མཉམ་ནས་ལེགས་པར་བརྐྱང་ན་ནི། །རྡོ་རྗེ་རི་མོ་ཞེས་ཀྱང་གྲགས། །དེ་ནས་དེ་བྱུང་མ་ཐག་ཏུ་ཞབས་ཀྱི་མཐིལ་དེ་ལས་ཟླ་བའི་བླ་མ་དེ་བཞིན་གཤེགས་པ་དེ་བྱུང་ནས་དབང་ཕྱུག་ཆེན་པོ་དེའི་མགོ་བོ་ལ་ཕྱག་ན་རྡོ་རྗེའི་ཞབས་ཀྱིས་མནན་པའི་རྗེས་སུ་ཟླ་བ་ཕྱེད་པ་གནས་པར་གྱུར་ཏེ་གཡོན་ལོགས་ན་འདུག་གོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཕྱག་ན་རྡོ་རྗེའི་གྲོགས་སུ་ལག་ཏུ་རྡོ་རྗེའི་མདུང་རྩེ་བྱིན་ནས་རྡོ་རྗེའི་རིག་པ་དམ་པ་རྡོ་རྗེའི་རིག་པ་དམ་པ་ཞེས་རྡོ་རྗེའི་མིང་གིས་དབང་བསྐུར་ནས་དབང་བསྐུར་རོ། །དེ་ནས་རྡོ་རྗེའི་རིག་པ་དམ་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་མདུང་རྩེ་དེས་མགལ་མེའི་འཁོར་ལོ་ལྟར་བསྐོར་ཞིང་གར་གྱི་མཆོད་པས་མཆོད་པ་བྱས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །བྱང་ཆུབ་སེམས་ནི་བླ་ན་མེད། །ཞབས་མཆོག་གིས་ནི་གར་རེག་པ། །སངས་རྒྱས་ཉིད་དུ་གྲུབ་པ་ཐོབ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ཁྲོ་བོའི་ཏིང་ངེ་འཛིན་དེ་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་གི་སུག་པར་རྡོ་རྗེ་སྩལ་ཏེ། ཕྱག་ན་རྡོ་རྗེ་ཉིད་དུ་དབང་བསྐུར་བས་ལྷ་ལ་སོགས་ཏེ་ཕྱི་རོལ་གྱི་རྡོ་རྗེའི་རིགས་དེ་རྣམས་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོ་འདི་ལ་གནས་པའི་རིམ་པ་བགྱིས་ནས་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སེམས་ཅན་དེ་རྣམས་ཕྱིར་མི་ལྡོག་པར་བགྱིའོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་འདི་གསུངས་སོ། །ཨོཾ་བཛྲ་སཏྭ་ཨུཥྞཱི་ཥ་ཧཱུྃ་ཕཊ། དེ་ནས་འདི་བཤད་མ་ཐག་ཏུ་དེ་བཞིན་


DKG084_Page_0144
[མ་དཔེ་གཟིགས་ན་འདིར་གནོན།]

གཤེགས་པ་ཐམས་ཅད་ཀྱི་གཙུག་ཏོར་རྣམས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཁ་དོག་དུ་མའི་འོད་ཟེར་དུ་གྱུར་ཏེ། འཇིག་རྟེན་གྱི་ཁམས་ཐམས་ཅད་དུ་སྣང་བར་བྱས་ནས་ཡང་བཅོམ་ལྡན་འདས་ཕྱག་ན་རྡོ་རྗེའི་གཙུག་གི་མཚམས་སུ་དེ་བཞིན་གཤེགས་པ་ཐམས་ཅད་ཀྱི་གཙུག་གཏོར་གྱི་ཚུལ་དུ་འཕུངས་ནས་འཁོད་དོ། །དེ་ནས་གཟི་བརྗིད་ཀྱི་ཕུང་པོ་དེ་ལས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་འདི་བྱུང་ངོ་། །ཨོཾ་སརྦ་ཏ་ཐཱ་ག་ཏོཥྞཱི་ཥ་ཨན་ཨ་ཝ་ལོ་ཀིཏེ་མཱུར་དྷ་ནི་ཏེ་ཛོརཱ་ཤི། ཨོཾ་ཧཱུྃ་ཛྭ་ལ་ཛྭ་ལ། དྷ་ཀ་དྷ་ཀ །ད་ར་ད་ར། བི་ད་ར་བི་ད་ར། ཙྪིན་ད་ཙྪིན་ད། བྷིན་ད་བྷིན་ད། ཧཱུྃ་ཧཱུྃ་ཕཌ་ཕཌ་སྭཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ཨོཾ་ནི་སུམ་བྷ་བཛྲ་ཧཱུྃ་ཕཌ། དེ་ནས་ཕྱག་ན་རྡོ་རྗེ་དེ་ཉིད་ཀྱི་ཐུགས་ལས་སྙིང་པོ་འདི་ཕྱུང་ངོ་། །ཨོཾ་ཊཀྐི་ཛཿ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་རཏྣ་ཨུཏྟ་མ་ཛྙཱ་ལ་ཡ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ཨོཾ་སྭ་བྷཱ་བ་ཤུད་དྷཱཿ། བཛྲ་པདྨ་ཤོ་དྷ་ཡ་སརྦཾ་བི་དྱོཏྟ་མ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་ཀརྨ་ཨུཏྟ་མ་བཛྲ་དྷ་ར་ས་མ་ཡ་མ་ནུ་སྨ་ར་སུམ་བྷ་ནི་སུམ་བྷ་ཨཱ་ཀརྵ་ཡ། པྲ་བེ་ཤ་ཡ། ཨཱ་བེ་ཤ་ཡ། བྷ་ན་དྷ་ཡ། ས་མ་ཡཾ། གྲ་ཧ་ཡ་སརྦ་ཀརྨཱ་ཎི་མཻ་ཀུ་རུ་མ་ཧཱ་ས་ཏྭ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་རིག་པའི་དམ་པས་རང་གི་སྙིང་པོ་བཅོམ་ལྡན་འདས་ཕྱག་ན་རྡོ་རྗེའི་ཞབས་ལ་ཕྱག་འཚལ་བའི་ཕྱིར་ཕུལ་བ། ཨོཾ་སུམ་བྷ་ནི་སུམ་བྷ་བཛྲ་བི་དྱོཏྟ་མ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་རྡོ་རྗེ་ཁྲོ་བོའི་རིག་པའི་རྒྱལ་པོས་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་རང་གི་སྙིང་པོ་འདི་གསུངས་སོ། །ཨོཾ་བཛྲ་ཤཱུ་ལ། དེ་ནས་རྡོ་རྗེ་སྒྱུ་མའི་རིག་པའི་རྒྱལ་པོས་རང་གི་རིག་པའིི་སྙིང་པོ་དམ་པ་འདི་གསུངས་སོ། །ཨོཾ་བཛྲ་ས་མ་ཡ་དྷ་རི་ཥ་ཡ་སརྦཾ་ཧཱུྃ་ཕཊ། དེ་ནས་རྡོ་རྗེ་དྲིལ་བུའི་རིག་པ་རྒྱལ་པོས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་གྷཎྚ་ར་ཎ་ར་ཎ་ཧཱུྃ་ཕཊ།


DKG084_Page_0145
[མ་དཔེ་གཟིགས་ན་འདིར་གནོན།]

དེ་ནས་རྡོ་རྗེ་ཐུབ་པས་རང་གི་སྙིང་པོ་ཕུལ་བ། ཨོཾ་བཛྲ་མོན་མ་ཧཱ་པྲ་ཛྙཱ་ཧཱུྃ་ཕཊ། དེ་ནས་རྡོ་རྗེ་མཚོན་ཆས་རང་གི་སྙིང་པོ་ཕུལ་བ། ཨོཾ་བཛྲཱ་སྥུདྷ་དཱ་མ་ཀ་ཧཱུྃ་ཕཊ། རིག་པའི་རྒྱལ་པོ་རྣམས་སོ། །དེ་ནས་རྡོ་རྗེ་འཁྱིལ་པ་རྡོ་རྗེ་ཁྲོ་བོས་བཅོམ་ལྡན་འདས་ཕྱག་ན་རྡོ་རྗེ་ལ་རང་གི་སྙིང་པོ་འདི་ཞབས་ལ་ཕྱག་འཚལ་ནས་ཕུལ་ལོ། །ཨོཾ་བཛྲ་ཀུཎྜ་ལི་མ་ཧཱ་བཛྲ་ཀྲོ་དྷ་གྲྀཧྞ་ཧ་ན་ཧ་ན། ད་ཧ་ད་ཧ། པ་ཙ་བི་དྷྭན་ས་ཡ་བཛྲེ་ཎ་མུ་ད་ནཾ་བ་ལ་ཡ་ཏི་བྷྲྀ་ཏ་ས་ཧྲྀ་ད་ཡ་བཛྲ་ཀྲོ་དྷ་ཧཱུྃ་ཕཊ། དེ་ནས་རྡོ་རྗེ་འོད་རྡོ་རྗེ་ཁྲོ་བོས་རང་གི་སྙིང་པོ་འདི་ཕུལ་བ། ཨོཾ་བཛྲ་པྲ་བྷ་མཱ་ར་ཡ་སྱོ་མ་ཀྲོ་དྷ་ཧཱུྃ་ཕཊ། དེ་ནས་རྡོ་རྗེ་དབྱུག་པ་རྡོ་རྗེ་ཁྲོ་བོས་རང་གི་སྙིང་པོ་འདི་ཕུལ་ལོ། །ཨོཾ་བཛྲ་དཎྜ་ཡ་སརྦཱ་དུ་ཥྚ་མ་ཧཱ་ཀྲོ་དྷ་ཧཱུྃ་ཕཌ། དེ་ནས་རྡོ་རྗེ་ཁྲོ་བོ་རྡོ་རྗེ་སེར་པོས་རང་གི་སྙིང་པོ་འདི་ཕུལ་ལོ། །ཨོཾ་བཛྲ་པིངྒ་ལ་བི་ཤ་ཡ་སརྦ་དུཥྚཾ་ཥྜཾ་བི་མ་ཧཱ་ཀྲོ་དྷ་ཧུྃ་ཕཊ། རྡོ་རྗེ་ཁྲོ་བོ་རྣམས་སོ། །དེ་ནས་རྡོ་རྗེ་གླང་སྣ་ཚོགས་ཀྱི་བདག་པོས་བཅོམ་ལྡན་འདས་ཕྱག་ན་རྡོ་རྗེ་ལ་སྙིང་པོ་འདི་ཕུལ་ལོ། །ཨོཾ་བཛྲ་ཤོ་དྷ་མ་ཧཱ་ག་ཎ་པ་ཏི་རཀྵ་སརྦ་དུཥྚེ་བྷྱོ། བཛྲ་དྷ་ར་ཨཱཛྙཱ་བ་ཡ་ཧཱུྃ་ཕཊ། དེ་ནས་རྡོ་རྗེ་ཕྲེང་བས་རང་གི་སྙིང་པོ་འདི་ཕུལ་ལོ། །ཨོཾ་མཱ་ལ་གཎ་པ་ཏི་མཱ་ལ་ཡ་ཨཱ་ཀརྵ་ཡ། པྲ་བེ་ཤ་ཡ་བ་ཤཾ་ཀུ་རུ་མཱ་ར་ཡ་ཧཱུྃ་ཕཌ། དེ་ནས་རྡོ་རྗེ་དབང་གིས་རང་གི་སྙིང་པོ་ཕུལ་བ། ཨོཾ་བཛྲ་བ་ཤི་མཧཱ་ག་ཎ་པ་ཏི་བ་ཤཾ་ཀུ་རུ་ཧཱུྃ་ཕཌ། དེ་ནས་རྣམ་པར་རྒྱལ་བའི་རྡོ་རྗེ་ཚོགས་ཀྱི་བདག་པོས་རང་གི་སྙིང་པོ་ཕུལ་བ། ཨོཾ་བཛྲ་བི་ཛ་ཡ་བི་ཛ་ཡ་མཧཱ་ག་ཎ་པ་ཏི་ཧཱུྃ་ཕཌ། ཚོགས་ཀྱི་བདག་པོ་རྣམས་སོ། །དེ་ནས་རྡོ་རྗེ་ཐོ་བ་རྡོ་རྗེ་ཕོ་ཉས་རང་གི་སྙིང་པོ་འདི་ཕྱག་ན་རྡོ་རྗེ་ལ་ཕུལ་ལོ། །ཨོཾ་བཛྲ་མུ་ས་ལ་ཀུ་རུ་སརྦ་དུཥྚཾ་ཧུྃ་ཕཊ། དེ་ནས་རྡོ་རྗེ་རླུང་གི་ཕོ་ཉས་རང་གི་སྙིང་པོ་ཕུལ་བ། ཨོཾ་བཛྲ་ནཱི་ལ་མ་ཧཱ་བེ་ག་ག་ཎ་པ་ཏི་སརྦ་དུཥྚ་ཧཱུྃ་ཕཊ། དེ་ནས་རྡོ་རྗེ་མེའི་ཕོ་ཉས་རང་གི་སྙིང་པོ་ཕུལ་བ། ཨོཾ་བཛྲ་ཨ་ན་ལ་མ་ཧཱ་དུཥྚ་ཛྭཱ་ལ་ཡ་སརྦ་བྷསྨི་ཀུ་རུ་སརྦ་དུཥྚཾ་ཧཱུྃ་ཕཌ། རྡོ་རྗེ་འཇིགས་པའི་ཕོ་ཉ་ཆེན་པོས་རང་གི་སྙིང་པོ་ཕུལ་བ། ཨོཾ་བཛྲ་བྷཻ་ར་བ་བཛྲ་ཧཱུྃ་ད་བ་ཤ་ལ་སརྦ་དུཥྚ་ན་མ་ཧཱ་ཡཀྵ་ཧཱུྃ་ཕཊ། ཕོ་ཉ་རྣམས་སོ། །དེ་ནས་རྡོ་རྗེ་ལྕགས་ཀྱུ་རྡོ་རྗེ་བྲན་གྱིས་རང་གི་སྙིང་པོ་འདི་བཅོམ་ལྡན་འདས་ཕྱག་


DKG084_Page_0146
[མ་དཔེ་གཟིགས་ན་འདིར་གནོན།]

ན་རྡོ་རྗེ་ལ་ཕུལ་ལོ། །ཨོཾ་བཛྲ་ཨཾ་ཀུ་ཤ་ཨཱ་ཀརྵ་ཡ། སརྦཾ་མ་ཧཱ་ཙིཏྟ་ཧཱུྃ་ཕཊ། དེ་ནས་རྡོ་རྗེ་དུས་ཀྱིས་རང་གི་སྙིང་པོ་ཕུལ་བ། ཨོཾ་བཛྲ་ཀཱ་ལ་མ་ཧཱ་མྲྀ་ཏྱུ་མུཏྦཱ་ད་ཧཱུྃ་ཕཊ། དེ་ནས་རྡོ་རྗེ་ངན་ཁྲིད་ཀྱིས་རང་གི་སྙིང་པོ་ཕུལ་བ། ཨོཾ་བཛྲ་བི་ནཱ་ཡ་ཀ་སྱ་བིགྷྣན་ཀུ་རུ་ཧཱུྃ་ཕཊ། དེ་ནས་རྡོ་རྗེ་ཀླུའི་རྡོ་རྗེས་རང་གི་སྙིང་པོ་འདི་ཕྱག་ན་རྡོ་རྗེའི་ཞབས་ལ་ཕྱག་འཚལ་ནས་ཕུལ་ལོ། །ཨོཾ་བཛྲ་ནཱ་ག་བཛྲ་ཨཱ་ན་ཡ་སརྦ་ད་ན་ད་ནེ་ཧིརྱ་གརྣ་ནེ་མུཀྟ་ཨ་ལདྐཱ་ར་བི་ནི་སརྦོ་པ་ཀཱ་ར་ཎ་ནི་བཛྲ་དྷ་ར་ས་མ་ཡ་མ་ནུ་སྨ་ར་ཀ་ཏ། བྷིན་ད་བྷིན་ད་ཧ་ར་ཧ་ར་པྲཱ་ཎཱཾ་མ་ཧཱ་ཙྪེ་ད་ཧཱུྃ་ཕཊ། བྲན་རྣམས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེའི་རིགས་ཐམས་ཅད་འགུགས་པའི་དམ་ཚིག་འདི་གསུངས་སོ། །ཨོཾ་བཛྲ་ཨཾ་ཀུ་ཤ་ཨཱ་ཀརྵ་ཡ་ཧཱུྃ་ཕཊ། དེ་ནས་དེ་གཞུག་པའི་དམ་ཚིག་འདི་གསུངས་པ། ཨོཾ་བཛྲ་བཱ་ཤཱ་ཀཌྜྷྱ་ཧཱུྃ། དེ་ནས་ཐམས་ཅད་བཅིང་བ་གསུངས་པ། ཧཱུྃ་བཛྲ་སྥོ་ཊ་བཾ། དེ་ནས་ལས་ཀྱི་སྙིང་པོ་གསུངས་པ། ཨོཾ་བཛྲ་ཀརྨ་ས་མ་ཡ་ཀྲི་ཏ། དེ་ནས་བཅོམ་ལྡན་འདས་ཕྱག་ན་རྡོ་རྗེས་རིགས་ཐམས་ཅད་ཀྱི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །ཆོས་ཀྱི་འཁོར་ལོ་འདྲ་བར་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ལ་འདི་ནི་སྲད་བུ་བྲེ་བའི་སྙིང་པོ་ཡིན་ནོ། །ཨོཾ་སརྦ་བཛྲ་སཱུ་ཏྲཾ་ཨཱ་ཀརྵ་ཡ་སརྦ་མཎྜ་ལ་ཧཱུྃ། དཀྱིལ་འཁོར་གྱི་ནི་དབུས་སུ་ཡང་། །སེང་ལྡེང་ཕུར་བུ་བཏབ་ནས་ནི། །དེ་ནས་སྲད་བུ་ཉིས་རིམ་དུ། །བྱས་ནས་དེ་ཡིས་སྲད་བུ་བྲེ། །དེ་ལ་འདི་ནི་ཕུར་བུའི་སྙིང་པོ་ཡིན་ནོ། ། ཨོཾ་བཛྲ་ཀཱི་ལ་ཡ་ཀཱི་ལ་ཡ་སརྦ་བིགྷཱཾ་བན་དྷ་ཧཱུྃ་ཕཊ། སྲད་བུ་བཞི་དང་ལྡན་པ་དང་། །དཀྱིལ་འཁོར་ཟླུམ་པོ་སྲད་བུ་བྲེ། །དེ་ཡི་ཕྱི་རོལ་བྱུང་ནས་ནི། །ཉིས་འགྱུར་དུ་ནི་དེ་བཞིན་ནོ། །དེ་ཡི་རིམ་པ་གསུམ་དུ་ནི། །ཕྱི་རོལ་དཀྱིལ་འཁོར་སྲད་བུ་བྲེ། །ཕྱོགས་མཚམས་འཁོར་ལོའི་རྩིབས་ཚུལ་དུ། །གྲྭ་ཡི་རི་མོ་སྲད་བུ་བྲེ། །སྲད་བུ་བྲེ་བའི་ཆོ་གའོ། །དེ་ནས་སྲད་བུ་བྲེས་པ་དེར། །དག་པའི་ཚོན་གྱིས་དགང་བར་བྱ། །གཡོན་པ་རྡོ་རྗེ་ཁུ་ཚུར་གྱིས། །ཆོ་ག་བཞིན་དུ་གཟུང་བར་བྱ། །དང་པོ་བྲིས་ནས་ཕྱིས་ཅི་བདེ། །དེ་ལ་འདི་ནི་ཚོན་གྱི་སྙིང་པོའོ། །ཨོཾ་བཛྲ་


DKG084_Page_0147
[མ་དཔེ་གཟིགས་ན་འདིར་གནོན།]

རངྒ་ས་མ་ཡ་ཧཱུྃ། དེ་ནས་རྡོ་རྗེ་སློབ་དཔོན་ཡང་། །མཉམ་པར་བཞག་ལ་དབུས་འདུག་ནས། །རྡོ་རྗེ་ཡི་ནི་སྒོ་བཞི་རྣམས། །ཡིད་ཀྱིས་ཀྱང་ནི་དབྱེ་བར་བྱ། །དེ་ལ་སྒོ་དབྱེ་བའི་སྙིང་པོ་ནི་འདིའོ། །ཨོཾ་བཛྲ་ཨུད་གྷ་ཊ་ས་མ་ཡ་པྲ་བེ་ཤ་ཡ་ཤཱི་གྷཾ་སྨ་ར་བཛྲ་ས་མ་ཡ་ཧཱུྃ་ཕཊ། གསེར་རམ་ཡང་ན་དངུལ་ཡང་རུང་། །ས་ལ་བར་དུ་བྲིས་པའམ། །ཕ་གུ་གྲུ་བཞིའི་སྟེང་དུ་ནི། །སངས་རྒྱས་སྐུ་གཟུགས་གཞག་པར་བྱ། །དེ་ལ་སངས་རྒྱས་ཐམས་ཅད་ཀྱི་སྙིང་པོ་ནི་འདིའོ། །ཨོཾ་སརྦ་བིད། སངས་རྒྱས་ཀྱི་ནི་ཕྱོགས་ཀུན་དུ། །སེམས་དཔའ་ཆེན་པོ་བཞི་བཞག་གོ། །མདུན་དུ་ཕྱག་ན་རྡོ་རྗེ་ནི། །འཇིག་རྟེན་གསུམ་ལས་རྒྱལ་ཞེས་བྱ། །དེ་ལ་སེམས་དཔའ་ཆེན་པོའི་སྙིང་པོ་ནི་འདི་རྣམས་ཡིན་ནོ། །ཨོཾ་སུམ་བྷ་ནི་སུམ་བྷ་ཧཱུྃ། གྲྀ་ཧྞ་གྲྀ་ཧྞཧཱུཾ། གྲྀ་ཧྞཱ་པ་ཡ་གྲྀཧྞ་པ་ཡ་ཧཱུྃ། ཨཱ་ན་ཡ་ཧོ་བྷ་ག་བཱཾ་བཛྲ་ཧཱུྃ་ཕཊ། ཨོཾ་བཛྲ་བྷྲཱྀ་ཀུ་ཊཱྀ་ཀྲོདྷ་ཨཱ་ན་ཡ་སརྦཾ་རཏྣ་ཧཱིཿཧཱུྃ་ཕཊ། ཨོཾ་བཛྲ་དྲྀཥྚི་ཀྲོ་དྷ་དྲྀཥྚ་མཱ་ར་ཡ་ཧཱུྃ་ཕཊ། ཨོཾ་བཛྲ་བི་ཤྭ་ཀྲོ་དྷ་ཀུ་རུ་སརྦ་བི་ཤྭ་རཱུ་པ་ཏ་ཡ་སིད་དྷ་ཡེ་ཧཱུྃ་ཕཊ། འཇུག་གམ་ཕྱིར་ནི་བྱུང་བ་ན། །སྲད་བུའི་འོག་འཛུལ་ཡིད་བསམས་ནས། །རྡོ་རྗེ་ཤུགས་སུ་བརྗོད་པ་སྟེ། །དེ་ཡིས་རི་མོ་བརྒལ་བར་བྱ། །དེ་ལ་རྡོ་རྗེ་ཤུགས་ཀྱི་སྙིང་པོ་ནི་འདིའོ། །ཨོཾ་བཛྲ་བཻ་གཱ་ཀྲ་མ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དང་པོར་དེ་བཞིན་དུ། །ལྟག་འོག་གོ་རིམས་ཇི་བཞིན་དུ། །རྡོ་རྗེ་སྒྱུ་མ་ལ་སོགས་བྲི། །དེ་ལ་དམ་ཚིག་གི་སྙིང་པོ་ནི་འདི་རྣམས་ཡིན་ནོ། །ཨོཾ་བཛྲ་ཙཀྲ་ཧཱུཾ། ཨོཾ་བཛྲ་གྷཎྚ་ཧཱུྃ། ཨོཾ་བཛྲ་དཎྜ་ཀ་ཤ་ཧཱུྃ། ཨོཾ་བཛྲ་ཨཱ་ཡུ་དྷ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གཉིས་པ་དེ་བཞིན་ཏེ། །རྡོ་རྗེ་འཁྱིལ་པ་ལ་སོགས་པ། །རྡོ་རྗེ་ཁྲོ་བོ་གཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་པྲ་ཛྭ་ལི་ཏ་དཱིཔྟ་བཛྲ་ཧཱུྃ། ཨོཾ་བཛྲ་སོོ་མེ་ཧཱུཾ། ཨོཾ་བཛྲ་དཎྜ་ཧཱུཾ། ཨོཾ་བཛྲ་བི་ཀྲྀ་ཧ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །སྒོ་ནི་བཞི་པོ་རྣམས་སུ་ཡང་། །རྡོ་རྗེ་གླང་སྣ་ལ་སོགས་པ། །ཐམས་ཅད་རིམ་པ་བཞིན་དུ་བྲི། །དེ་དག་གི་དམ་ཚིག་གི་སྙིང་པོ་ནི་འདི་རྣམས་ཡིན་ནོ། །ཨོཾ་བཛྲ་དྷ་མ་ཧཱུྃ། ཨོཾ་བཛྲ་མཱ་ལ་ཧཱུྃ། ཨོཾ་བཛྲ་ཨརྠ་ཧཱུྃ། ཨོཾ་བཛྲ་ཨ་སི་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །


DKG084_Page_0148
[མ་དཔེ་གཟིགས་ན་འདིར་གནོན།]

དཀྱིལ་འཁོར་གསུམ་པར་བྲི་བ་ནི། །ལྟག་འོག་རིམ་པ་ཇི་བཞིན་དུ། །རྡོ་རྗེ་ཐོ་བ་ལ་སོགས་པའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་བཛྲ་མུ་ས་ལ་ཧཱུྃ། །ཨོཾ་བཛྲ་པཱ་ཏ་ཧཱུྃ། ཨོཾ་བཛྲ་ཛྭཱ་ལ་ཧཱུྃ། ཨོཾ་བཛྲ་གྲ་ཧ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པར་བྲི་བ་ནི། །རྡོ་རྗེ་ལྕགས་ཀྱུ་ལ་སོགས་བྲན། །ལྟག་འོག་རིམ་པ་བཞིན་དུའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་བཛྲ་དཾཥྚྲཱ་ཧུྃ། ཨོཾ་བཛྲ་མཱ་ར་ཎ་ཧཱུྃ། ཨོཾ་བཛྲ་བེ་ག་ཧཱུྃ། ཨོཾ་བཛྲ་ཧ་ར་ཎ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་རོལ་དཀྱིལ་འཁོར་གཞག་པ་ནི། །ལྟག་འོག་རིམ་པ་ཇི་བཞིན་དུ། །མ་མོ་ཐམས་ཅད་བྲི་བར་བྱ། །དེ་ནས་རྡོ་རྗེ་སྒོ་བཞིར་ཡང་། །སྒོ་བ་རྣམས་ཀྱང་དེ་བཞིན་ནོ། །དེ་ནས་རབ་ཏུ་བཤད་པ་ནི། །ཆོ་ག་རྒྱས་པ་ཇི་བཞིན་པའོ། །དེ་ནས་འཇིག་རྟེན་གསུམ་པོའི་འཁོར་ལོའི་དཀྱིལ་འཁོར་ཆེན་པོ་འདིར་དགུག་པ་ལ་སོགས་པའི་ལས་ཀུན་བྱས་ཏེ། རྡོ་རྗེ་སློབ་དཔོན་ཉིད་རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་བཅིངས་ཏེ་འདི་སྐད་བསྒོ་ཞིང་། ངས་ཁྱོད་ལ་རྡོ་རྗེ་དམ་ཚིག་གི་ཡེ་ཤེས་བསྐྱེད་པར་བྱ་སྟེ། དེ་ཁྱོད་ཀྱིས་སུ་ལ་ཡང་མ་སྨྲ་ཤིག །མི་བདེ་བ་མ་སྤངས་པས་ཁྱོད་དུས་བྱས་ཏེ་དམྱལ་བར་ལྷུང་ང་རེ་ཞེས་བསྒོ་སྟེ་མནའི་སྙིང་པོ་འདི་སྦྱིན་ནོ། །རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་ཡང་སྟོན་ཅིག །གལ་ཏེ་དམ་ཚིག་ལས་འདས་ན། །རྡོ་རྗེ་ཁྲོ་བོ་ཆེན་པོ་ཡི། །དམ་ཚིག་ཁྱོད་ཀྱི་རིགས་སྲེག་པས། །ཀླད་པ་ནས་ནི་རྩམས་ནས་ཀྱང་། །ལུས་རྣམས་མ་རུངས་པར་ཡང་བྱེད། །དམ་ཚིག་བཅིང་བའོ། །དེ་ནས་རྡོ་རྗེ་འཆང་བའི་ལས་ཀྱི་ཕྱག་རྒྱ་སྙིང་པོ་འདིས་བཅིང་ངོ་། །ཨོཾ་སརྦ་ཏ་ཐཱ་ག་ཏ་བཛྲ་དྷཱ་ར། གྲྀཧྞ་བན་དྷ་ས་མ་ཡ་ཧཱུྃ། དེ་ནས་འདི་ཕྱག་རྒྱ་བཅིང་བ་བཤད་དོ། །ལག་གཉིས་བླ་འོག་གཉིས་སུ་བཏང་། །མཐེ་བོ་མཐེའུ་ཆུང་སྦྲེལ་བ་དང་། །ལས་ཀྱི་ཕྱག་རྒྱ་དམ་ཚིག་འདི། །རྡོ་རྗེ་བཅིང་བ་ཞེས་ཀྱང་བཤད། །དེ་ནས་རྡོ་རྗེའི་ཆུས་དབང་བསྐུར་ཏེ། །སྙིང་པོ་ནི་འདི་ཡིན་ནོ། །ཨོཾ་བཛྲ་ཨ་བྷིཥེ་ཀ་ཨ་བྷི་ཥིཉྩ་བཛྲ་དྷཱ་ར་ཏ་ས་མ་གྲ་གྲཾ། དེ་ནས་གཡོགས་པས་གདོང་གཡོགས་ཏེ། སྙིང་པོ་འདི་གཞུག་གོ། །ཨོཾ་བཛྲ་བྲ་བེ་ཤ་ཡ། བཛྲ་ཨཱ་བེ་ཤ་ཡ་ཨ་དྷི་ཏིཥྛ་བཛྲ་ཧཱུྃ། དེ་ནས་བཅུག་ནས་


DKG084_Page_0149
[མ་དཔེ་གཟིགས་ན་འདིར་གནོན།]

སྙིང་པོ་འདིས་མེ་ཏོག་གཏོར་རོ། །ཨོཾ་པྲ་ཏཱིཙྪ་ཨ་དྷི་ཏིཥྛ་བཛྲ་ཧོཿ། དེ་ནས་དེ་དག་གར་ལྡུང་བ་དེ་འདིས་འགྲུབ་པར་འགྱུར་རོ། །དེ་ནས་གདོང་གཡོགས་པ་བཀྲོལ་ནས་དཀྱིལ་འཁོར་གོ་རིམས་བཞིན་དུ་བསྟན་ཏེ། ལྷ་གང་ཡིན་པ་དེ་ནི་དེ་ལ་མི་བསྟན་ཏོ། །དེ་ཅིའི་ཕྱིར་ཞེ་ན། སེམས་ཅན་ལོག་པར་ལྟ་བདག་ཡོད་དེ། གང་དག་ཇི་ལྟར་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་གདོན་མི་ཟ་བ་ཇི་ལྟར་དེ་བཞིན་གཤེགས་པ་རྡོ་རྗེ་རིགས་སུ་ཕྱག་ན་རྡོ་རྗེས་དབང་བསྐུར་བ་དེ་བཞིན་གཤེགས་པ་ཉིད་དམ་ཞེས་དད་པར་མི་འགྱུར་རོ་ཞེས་པ་ནི་དམ་ཚིག་གོ། ། གཞན་དུ་ན་ལྷ་གང་དག་ལ་དད་པ་དེ་དག་ལ་མནའི་སྙིང་པོ་འདི་བྱིན་ནས་བསྟན་པར་བྱའོ། །དེ་ནས་རྡོ་རྗེའི་རིན་པོ་ཆེའི་མཚན་མའི་ཕྲེང་བས་དབང་བསྐུར་ནས་ལས་ཀྱི་རྡོ་རྗེ་ལག་པ་གཉིས་སུ་བྱིན་ལ། རྡོ་རྗེ་མིང་བཏགས་ཏེ་ཇི་ལྟར་རྡོ་རྗེ་དམ་ཚིག་གི་དཀྱིལ་འཁོར་ཆེན་པོ་བཞིན་དུ་བྱའོ། །དེ་ནས་ཕྱག་རྒྱ་ཆེན་པོ་བཅིང་བ་བསླབ་པོ། །རྡོ་རྗེ་བཅིང་བ་དམ་བྱས་ཏེ། །མཐེ་བོང་ནང་དུ་སྦྱར་ནས་ནི། །མཛུབ་མོ་བཀུག་ནས་གཉི་གས་བཀབ། །སེམས་དཔའི་གཙུག་ཏོར་ཞེས་བྱའོ། །རྡོ་རྗེ་བཅིང་བ་བྱས་ནས་ནི། །མཐེ་བོ་གུང་མོ་མཐེའུ་ཆུང་བསྒྲེང་། །གཟི་བརྗིད་ཕུང་པོ་ཞེས་བྱ་སྟེ། ། གཟི་བརྗིད་ཆེན་པོའི་བཙུན་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཐེ་བོ་མཐེའུ་ཆུང་སྦྲེལ་བ་ནི། །དམ་དུ་ལྕགས་ཀྱུ་བཅིངས་བ་སྟེ། །རིག་པ་ཆེན་པོ་དམ་པའི་འོ། །རིག་པ་ཆེན་པོ་དམ་པ་ཡི། །ཕྱག་རྒྱ་བཅིངས་ནས་རབ་བཅིང་བ། །སྙིང་གར་མཐེ་བོའི་ངོས་ཀྱིས་སོ། །སེམས་དཔའ་ཡི་ནི་སྙིང་པོར་བཤད། །དེ་ཉིད་ལས་གུང་མོ་སྲིན་ལག །སོར་མོ་རབ་ཏུ་བསྡམས་ནས་ནི། །རྡོ་རྗེ་རིན་ཆེན་ཚུལ་དུ་ནི། །བསྒྱུར་ནས་གདོང་དུ་གཞག་པར་བྱ། །དེ་ཉིད་བསྐྱེད་དེ་བཞག་ནས་ནི། །སྙིང་གར་ཡང་ནི་བསྒྱུར་བར་བྱ། །མེ་ཏོག་བཞི་པ་ཞེས་བྱ་སྟེ། །པདྨའི་རིག་པ་དམ་པའོ། །དེ་ཉིད་སྤྱི་བོ་ནས་བརྩམས་ཏེ། །ལུས་ཀྱི་དཀྱིལ་འཁོར་བསྐོར་བར་བྱ། །སྣ་ཚོགས་རྡོ་རྗེའི་ཕྱག་རྒྱ་འདི། །རྡོ་རྗེ་ལས་ནི་རབ་བསྒྲུབ་པའོ། །སེམས་མའི་རྡོ་རྗེ་དམ་བྱས་ཏེ། །མཐེའུ་ཆུང་རྡོ་རྗེ་བསྒྲེང་བ་ནི། །ཐམས་ཅད་རིག་པའི་སྙིང་པོ་འདི། །ཕྱག་རྒྱ་འདི་ནི་ཐམས་ཅད་སྒྲུབ། །མཐེ་


DKG084_Page_0150
[མ་དཔེ་གཟིགས་ན་འདིར་གནོན།]

བོ་མཐེ་ཆུང་བཅིངས་ནས་ནི། །གཡོན་པའི་སོར་མོ་དབུས་མ་གསུམ། །རྩེ་གསུམ་པ་ནི་དབུས་མའི་རྩེ། །རྡོ་རྗེ་ཕྱག་རྒྱ་གཟུང་བ་སྟེ། །རྡོ་རྗེ་རིག་པ་དམ་པ་འདི། །རྡོ་རྗེ་མདུང་ཞེས་བྱ་བའོ། །དེ་ནས་རབ་ཏུ་བཤད་པ་ནི། །སྒྱུ་མ་རྡོ་རྗེ་ལ་སོགས་བརྟགས། །རྡོ་རྗེ་བཅིང་བ་དམ་བྱས་ཏེ། །གཡོན་པའི་རྡོ་རྗེ་བཅིང་བར་བྱ། །རྡོ་རྗེ་ཁུ་ཚུར་ཞེས་བཤད་དེ། །རྡོ་རྗེའི་རིགས་ནི་ཀུན་གྱི་འདིའོ། །རྡོ་རྗེ་དེ་ནི་གཉིས་བྱས་ཏེ། །མཚན་མ་ཀུན་ཀྱང་དེས་བཞག་གོ། །རྡོ་རྗེའི་རིགས་ནི་ཐམས་ཅད་ཀྱི། །ཕྱག་རྒྱ་རྣམས་ཀྱང་འབྱུང་བ་སྟེ། །སོར་བརྐྱང་སྟེང་དུ་གཞག་པ་དང་། ། མཛུབ་མོས་མཐེ་བསྟན་སྦྱར་བ་དང་། །ཨོཾ་ཞེས་བྱ་བ་སྤྱིར་བཞག་ནས། །རྡོ་རྗེ་སྟེང་དུ་བཞག་པའོ། །རིག་པའི་རྒྱལ་པོའི་ཕྱག་རྒྱ་ཆེན་པོའི་ཚོགས་རྣམས་སོ། །རབ་ཏུ་བརྐྱང་ནས་ལག་གནས་པ། །ལག་པའི་རྒྱབ་ཏུ་དེ་བཞིན་ཏེ། །ཁུ་ཚུར་བཅངས་བཞག་ལག་ངར་བསྐུམ། ། ཁ་ཡི་ཕྱོགས་སུ་བསྐོར་བར་བྱ། །རྡོ་རྗེ་ཁྲོ་བོའི་ཕྱག་རྒྱའི་ཚོགས་སོ། །གཡོན་པའི་མཐེ་བོ་སྟེང་དུ་བཞག །ཕྲེང་བའི་བཅིང་བའི་ཐབས་སུ་སྦྱར། །ནོར་སྦྱིན་པར་ནི་གཡས་པ་སྟེ། །རལ་གྲིའི་ཕྱག་རྒྱ་ཁུ་ཚུར་མཆོག །འདུས་པའི་དབང་པོའི་ཕྱག་རྒྱ་ཆེན་པོ་འདུས་པའོ། །གཡས་པ་མདུན་དུ་གཏུན་རིངས་འཛིན། །ལག་པ་བརྐྱང་བའང་དེ་བཞིན་ཏེ། །གཡས་པས་འོད་ནི་འབར་བར་བསྟན། །རྡོ་རྗེ་ཁུ་ཚུར་བསྐྱོད་པར་བྱ། །ཕོ་ཉའི་ཕྱག་རྒྱ་ཆེན་པོའི་ཚོགས་སོ། །བསྒྱིངས་བཅས་མཛུབ་མོའི་ཁར་མཆེ་བ། །དབྱུག་པ་བསྣུན་ཅིང་གནས་པ་དང་། །དཔུང་པ་བསྐུམ་ཞིང་དབྱུང་བ་དང་། །གཡས་པ་གཡོན་གྱིས་འདྲེན་པའོ། །བྲན་གྱི་ཕྱག་རྒྱའི་ཚོགས་ཆེན་པོའོ། །དཀྱིལ་འཁོར་ཀུན་དུ་བསྟན་པ་ནི། །གཡོན་པས་རྡོ་རྗེ་གཟུར་ནས་སོ། །དེ་ནས་རབ་ཏུ་བཤད་པ་ནི། །སྒྲུབ་པ་དང་ནི་ལས་ཉིད་དོ། །སེམས་དཔའ་གང་གི་ཕྱག་རྒྱ་གང་། །དེ་ནི་བདག་ཉིད་ཉིད་ཀྱིས་ཀྱང་། །བདག་ཉིད་གོམས་པར་གྱུར་ན་ནི། །ཕྱག་རྒྱ་དམ་པར་འགྲུབ་པར་འགྱུར། །གཙུག་ཏོར་ཆེན་པོ་བསྲུང་བ་ཆེ། །གཟི་བརྗིད་ཕུང་པོ་རབ་གྲུབ་སྟེར། །རྡོ་རྗེ་ཧཱུྃ་ཞེས་བྱ་ཀུན་བྱེད། །སྙིང་གར་གཞག་པ་ཐམས་ཅད་འགུགས། །སངས་རྒྱས་ཀྱི་ཕྱག་རྒྱ་རྣམས་སོ། །ཐམས་


DKG084_Page_0151
[མ་དཔེ་གཟིགས་ན་འདིར་གནོན།]

ཅད་རིག་པ་ཐམས་ཅད་འགྲུབ། །རྡོ་རྗེ་རིག་པ་དམ་པའོ། །རྡོ་རྗེ་མདུང་ནི་ཕྱག་རྒྱ་ཆེ། །གྲུབ་པ་ཆེན་པོ་སྦྱིན་པར་བྱེད། །སྒྱུ་མའི་རྡོ་རྗེ་རབ་འགྲུབ་སྟེར། །དྲིལ་བུ་ཡིས་ནི་ཡང་དག་འབེབས། །དབྱུག་པའི་ཤིང་གིས་མྱ་ངན་འདའ། །རྡོ་རྗེའི་རྡོ་རྗེ་གསོད་པར་བྱེད། ། རིག་པའི་རྒྱལ་པོ་རྣམས་སོ། །འབར་བའི་མཆོག་ནི་མ་རུངས་འདུལ། །ཞི་བའི་མཆོག་ནི་ཐམས་ཅད་གསོད། །དབྱུག་པའི་མཆོག་ནི་གསོད་པ་སྟེ། །འཇིགས་པའི་མིག་ནི་སྐྲག་པར་བྱེད། །རྡོ་རྗེ་ཁྲོ་བོའི་ཕྱག་རྒྱ་རྣམས་སོ། །མྱོས་པས་རབ་ཏུ་མྱོས་པར་བྱེད། །ཕྲེང་བ་ཀུན་ནི་བྱེད་པར་བཤད། །འདོད་བྱེད་དགའ་བར་བྱེད་པ་སྟེ། །གསོད་པ་ཐམས་ཅད་གསོད་པའོ། །ཚོགས་ཀྱི་ཕྱག་རྒྱ་རྣམས་སོ། །ཐོ་བ་གདུག་པ་འཇོམས་པ་སྟེ། །རས་ཀྱི་རྒྱུ་རས་དེ་བཞིན་ཏེ། །འབར་བའི་མཆོག་ནི་གདུག་པ་སྲེག །གནོད་སྦྱིན་མ་ནི་གདོན་འབོད་དོ། །ཕོ་ཉའི་ཕྱག་རྒྱ་རྣམས་སོ། །རྡོ་རྗེའི་མཆེ་བ་ཟ་བ་སྟེ། །གསོད་པ་ཐམས་ཅད་གསོད་པའོ། །བགེགས་བྱེད་མ་ནི་རབ་ཏུ་བགེགས། །འཕྲོག་མ་ཡང་ནི་ཐམས་ཅད་འཕྲོག །བྲན་གྱི་ཕྱག་རྒྱ་རྣམས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཆེན་པོའི་རྟོག་པའི་རྒྱལ་པོ་ལས་འཇིག་རྟེན་གསུམ་གྱི་འཁོར་ལོའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གཟུངས་ཀྱི་དམ་ཚིག་ལས་བྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་བ་སི་ཏྲེ་སྭཱ་ཧཱ། དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་དྷ་རི་ཧཱུྃ། བཛྲ་བི་ཀྲ་མེ་ཧཱུྃ་ཕཊ། ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་རཏྣ་གོ་ཏྲེ་སྭཱ་ཧཱ། དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་པདྨ་ནཻ་ཏྲེ་སྲཱ་ཧཱ། དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་ཀརྨ་ཀ་རེ་སྭཱ་ཧྲཱ། དེ་ནས་ཡང་བྱང་ཆུབ་


DKG084_Page_0152
[མ་དཔེ་གཟིགས་ན་འདིར་གནོན།]

སེམས་དཔའ་ཆེན་པོ་རྡོ་རྗེ་རིག་པ་དམ་པས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་ཤཱུ་ལཱ་གྲེ་སྭཱ་ཧཱ། དེ་ནས་རྡོ་རྗེ་སྒྱུ་མ་རིག་པའི་རྒྱལ་པོས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་ཙ་ཀྲེ་ཧཱུྃ། རྡོ་རྗེ་དྲིལ་བུས་སྨྲས་པ། ཨོཾ་བཛྲ་གྷཎྜ་ཀེ་ཧཱུྃ། ཐུབ་པའི་རྡོ་རྗེས་སྨྲས་པ། ཨོཾ་བཛྲ་དནྟ་ཀཥྛེ་ཧཱུྃ། རྡོ་རྗེ་མཚོན་ཆས་སྨྲས་པ། ཨོཾ་བཛྲེ་ཧཱུྃ། རིག་པའི་རྒྱལ་པོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་འཁྱིལ་པ་རྡོ་རྗེ་ཁྲོ་བོས་རང་གི་སྙིང་པོའི་དམ་ཚིག་གི་ཕྱག་རྒྱ་འདི་སྨྲས་སོ། །ཨོཾ་བཛྲ་ཛྭཱ་ལེ་ཧཱུྃ། དེ་ནས་རྡོ་རྗེ་འོད་ཀྱིས་སྨྲས་པ། ཨོཾ་བཛྲ་སཽ་མེ་ཧཱུྃ། དེ་ནས་རྡོ་རྗེ་དབྱིག་པས་སྨྲས་པ། ཨོཾ་བཛྲ་དཎྜེ་ཧཱུྃ། རྡོ་རྗེ་སེར་སྨུག་གིས་སྨྲས་པ། ཨོཾ་བཛྲ་བིཥཱ་ཎི་ཧཱུྃ། རྡོ་རྗེ་ཁྲོ་བོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་གླང་སྣས་རང་གི་དམ་ཚིག་གི་ཕྱག་རྒྱ་སྨྲས་པ། ཨོཾ་བཛྲ་མེ་དེ་ཧཱུྃ། རྡོ་རྗེ་ཕྲེང་བས་སྨྲས་པ། ཨོཾ་བཛྲ་མཱ་ལེ་ཧཱུཾ། རྡོ་རྗེ་དབང་གིས་སྨྲས་པ། ཨོཾ་བཛྲ་ཨ་བྷི་ཥེ་ཧཱུཾ། རྣམ་པར་རྒྱལ་བའི་རྡོ་རྗེས་སྨྲས་པ། ཨོཾ་བཛྲ་ཨ་པ་རཱ་ཛི་ཏ་ཧཱུྃ། ཚོགས་ཀྱི་བདག་པོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་གཏུན་རིངས་ཀྱིས་རང་གི་དམ་ཚིག་གི་ཕྱག་རྒྱ་རྣམས་སྨྲས་པ། ཨོཾ་བཛྲ་མུ་ས་ལ་གྲ་ཧེ་ཧཱུྃ། དེ་ནས་རྡོ་རྗེ་རླུང་གིས་སྨྲས་པ། ཨོཾ་བཛྲ་བཱ་ཏེ་ཧཱུྃ། རྡོ་རྗེ་མེས་སྨྲས་པ། ཨོཾ་བཛྲ་ཛྭཱ་ལེ་ཧཱུྃ། རྡོ་རྗེ་འཇིགས་པས་སྨྲས་པ། ཨོཾ་བཛྲ་གྲ་ཧེ་ཧཱུྃ། རྡོ་རྗེ་ཕོ་ཉའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་ལྕགས་ཀྱུས་སྨྲས་པ། ཨོཾ་བཛྲ་དཾཥྚྲེ་ཧཱུྃ། རྡོ་རྗེ་དུས་ཀྱིས་སྨྲས་པ། ཨོཾ་བཛྲ་བ་ཤེ་ཧཱུྃ། རྡོ་རྗེ་ངན་ཁྲིད་ཀྱིས་སྨྲས་པ། ཨོཾ་བཛྲ་བི་གྷྣན་ཧཱུྃ། རྡོ་རྗེ་ཀླུས་སྨྲས་པ། ཨོཾ་བཛྲ་ཧ་ར་ཎི་ཧཱུྃ། རྡོ་རྗེ་བྲན་གྱི་དམ་ཚིག་གི་ཕྱག་རྒྱ་རྣམས་སོ། །དེ་ནས་ཡང་ཕྱག་ན་རྡོ་རྗེས་རྡོ་རྗེའི་རིགས་ཐམས་ཅད་ཀྱི་རྡོ་རྗེའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །རྡོ་རྗེ་དཀྱིལ་འཁོར་དམ་པ་སྟེ། །གྲུབ་ཞི་པ་ལ་བྱང་ཕྱོགས་སྒོ། །ཕྱི་རོལ་དཀྱིལ་འཁོར་སྲད་བུས་བྲེ། ། དེ་ཡི་ནང་དུ་དེར་ཡང་ནི། །དེ་བཞིན་སྒོ་ནི་ཤར་ཕྱོགས་གདོད། །དེ་ཡི་དབུས་སུ་ཅི་རིགས་པར། །སངས་རྒྱས་གཟུགས་ནི་གཞག་པར་བྱ། །འཇིག་རྟེན་གསུམ་ལས་རྒྱལ་སོགས་པ། །བཞི་པོ་དེ་ཡི་ཕྱོགས་ཀུན་བཞག །དཀྱིལ་འཁོར་དེ་བཞིན་གཙོ་བོར་ཡང་། །རྡོ་རྗེའི་ཕྱག་རྒྱ་བྲི་བར་བྱ། །དེ་ཡི་


DKG084_Page_0153
[མ་དཔེ་གཟིགས་ན་འདིར་གནོན།]

ཕྱོགས་རྣམས་ཐམས་ཅད་དུ། །རིགས་ཀྱི་ཕྱག་རྒྱ་བྲི་བར་བྱ། །རྡོ་རྗེ་གླང་སྣ་ལ་སོགས་པ། །བཞི་པོ་དེ་ཡི་ཕྱོགས་ཀུན་བཞག །དཀྱིལ་འཁོར་དེ་བཞིན་གཙོ་བོར་ཡང་། །རྡོ་རྗེ་ཕྱག་རྒྱ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །རིགས་ཀྱི་ཕྱག་རྒྱ་བྲི་བར་བྱ། །རྡོ་རྗེ་གླང་སྣ་ལ་སོགས་པ། །བཞི་བོ་རྣམས་ནི་སྒོ་སྲུངས་སོ། །འཇིགས་མ་དཔལ་དང་སྒྲ་དབང་དང་། །དུར་ག་གཡོན་པའི་གྲྭ་རྣམས་ནས། །ཕྱི་ཡི་གྲྭ་རྣམས་ཕྱག་རྒྱ་ནི། །དེ་རྣམས་ཉིད་ནི་བྲི་བར་བྱ། །ཕྱི་ཡི་དཀྱིལ་འཁོར་རྣམས་སུ་ནི། །ལྷ་མོ་རྣམས་ནི་བྲི་བར་བྱ། །དེ་ནས་ཆོ་ག་རྒྱས་པའི་རྣམས། །ཇི་བཞིན་པར་ནི་བཤད་པར་བྱ། །དེ་ནས་རྡོ་རྗེའི་དཀྱིལ་འཁོར་འདིར། །ཇི་ལྟར་འདོད་པ་བཞིན་དུ་བྱས་ཏེ་རྡོ་རྗེ་ལྕགས་ཀྱུ་ལ་སོགས་པས་དམ་ཚིག་གི་ལས་བྱས་ནས་རྡོ་རྗེ་འཆང་བའི་ཆོ་ག་བཞིན་དུ་བཅིངས་ལ་ཁྱོད་ཀྱིས་དམ་ཚིག་མ་མཐོང་བ་སུའི་མདུན་དུ་ཡང་དམ་ཚིག་གི་ཕྱག་རྒྱ་དེ་རྣམས་མ་སྨྲ་ཤིག །གསང་བ་འཕེལ་བར་མ་བྱེད་ཅིག་ཅེས་བསྒོ་ཤིག །དེ་ནས་ལས་ཀྱི་རྡོ་རྗེ་དེ་རྡོ་རྗེ་འཆང་བའི་ཕྱག་རྒྱའི་སྟེང་དུ་བཞག་སྟེ་ཆོ་ག་བཞིན་དུ་ཆུག་ཅིག །ཞུགས་ནས་རྡོ་རྗེ་དེ་དེ་བཞིན་དུ་འོར་ཅིག །གང་ལ་བབ་པ་དེ་དེའི་དམ་ཚིག་གི་ཕྱག་རྒྱའི་དབང་དུ་འགྱུར་ཏེ། དེས་ལས་ཐམས་ཅད་བྱེད་དོ། །དེ་ནས་གདོང་གཡོགས་བཀྲོལ་ནས་དཀྱིལ་འཁོར་རིམ་བཞིན་བསྟན་ཏེ། དམ་ཚིག་གི་ཕྱག་རྒྱ་གསང་བ་སྨྲོས་ཤིག །དམ་ཚིག་ཕྱག་རྒྱ་འདི་ཁྱོད་ཀྱི། །རྟག་ཏུ་ལས་ཀུན་བྱེད་པ་སྟེ། །མ་དང་སྲིང་མོ་རྣམས་དང་ནི། །ཆུང་མ་བུ་མོ་འདྲ་བའོ། །དེ་ལ་དེའི་སྙིང་པོ་ནི་འདི་དག་ཡིན་ནོ། ། ཨོཾ་སརྦ་ག་མ་ནི་སརྦ་བཱ་ཀྟྲེ་སྭ་དྷ་ཡ་གུ་ཧྱ་བཛྲི་ཎི་ཧཱུྃ་ཕཊ། འདི་ལན་ཅིག་བཟླས་པས་བུད་མེད་ཐམས་ཅད་དབང་དུ་བྱས་ཏེ་སྤྱད་ན་ཆོས་མ་ཡིན་པར་མི་འགྱུར་རོ། །ཅི་དགའ་བརཐམས་ཅད་སྤྱད་ནས་བསྒྲུབ་པར་བྱ་སྟེ། དེ་ནས་སེམས་ཅན་ཐམས་ཅད་དག་པར་ཕྱག་རྒྱ་ཐམས་ཅད་ཡིད་ཀྱིས་ཤེས་ནས་ལས་དམ་པ་ཐམས་ཅད་ཀྱང་བྱེད་དོ་ཞེས་བཅོམ་ལྡན་འདས་རྡོ་རྗེ་འཆང་བས་གསུངས་སོ། །དེ་ནས་དམ་ཚིག་གི་ཕྱག་རྒྱ་བསླབ་པར་བྱའོ། །དམ་ཚིག་ཁྲོ་བོ་མཛུབ་གཙུག་དང་། །སྙིང་གར་ཡང་ནི་བསྡམ་པར་བྱ། །ངོས་ཀྱི་མཛོད་སྤུ་ཁ་ནས་དྲང་། །སྤྱི་བོར་བཞག་ནས་གཉིས་སུ་བྱ། །གཡོན་


DKG084_Page_0154
[མ་དཔེ་གཟིགས་ན་འདིར་གནོན།]

པའི་རྡོ་རྗེ་མཛུབ་མོ་ཡིས། །མདུང་རྩེ་རྩེ་གསུམ་མནན་པར་བྱའོ། །འདི་བཅིངས་པས་ནི་ཡང་དག་པར། །རིག་པ་དམ་པའང་འགྲུབ་པར་འགྱུར། །རྡོ་རྗེའི་རིགས་ནི་ཐམས་ཅད་ཀྱི། །གཡོན་པའི་རྡོ་རྗེ་གཙོ་བོར་འདུས། །དམ་ཚིག་ཆོ་ག་ཇི་བཞིན་པར། །ཕྱག་རྒྱ་བཅིང་བ་བཤད་པར་བྱ། །ཐམས་ཅད་འཁོར་ལོ་མཛུབ་རྩེ་བཅུམ། །དྲིལ་བུ་ཕྱག་རྒྱའང་དེ་བཞིན་ནོ། །དེ་བཞིན་ཨོཾ་གྱི་ཕྱག་རྒྱ་དང་། །སེང་གེའི་རྣ་བར་བྱ་བ་སྟེ། །རིག་པའི་རྒྱལ་པོའི་ཕྱག་རྒྱ་རྣམས་སོ། །འབར་བ་ཀུན་དུ་འཛིན་པ་དང་། །འོད་ནི་ཡང་དག་འདུས་པ་ཉིད། །དབྱུག་པའི་ཁུ་ཚུར་འཛིན་པ་དང་། །ཁ་འགྲམ་ཕྱག་རྒྱ་བསྐོར་བའོ། །ཁྲོ་བོའི་དམ་ཚིག་རྣམས་སོ། །བཏུང་བའི་ཕྱག་རྒྱ་ཕྲེང་བ་དང་། །རྡོ་རྗེ་མནན་ནས་མདུད་པ་ཡིན། །སྤྱི་བོར་བཞག་པ་ཚོགས་ཀྱི་སྟེ། །དཀྱིལ་འཁོར་གྱི་ནི་བསྲུང་བའོ། །ཚོགས་རྣམས་ཀྱི་ནི་དམ་ཚིག་གོ། །ལག་པ་བསྐུམ་པ་ཁར་གཞག་སྟེ། ། རྒྱབ་ཏུ་ཡང་ནི་བསྐོར་བར་བྱ། །འབར་བ་མེ་སྟག་གཏོང་བ་སྟེ། །ཕྱེ་ནས་ཁར་ཡང་གནས་པར་བྱ། །ཕོ་ཉ་མོའི་དམ་ཚིག་རྣམས་སོ། །མཐའ་མ་གཉིས་ནི་ཁར་བཅུག་དང་། །བཙིར་ཅིང་རབ་ཏུ་གནོན་པའོ། །དཔུང་པས་བསྣོལ་བས་བསྣོལ་བ་དང་། །མྱུར་དུ་འཕྲོགས་པའང་དེ་བཞིན་ནོ། ། བྲན་མོ་རྣམས་ཀྱི་དམ་ཚིག་གོ། །རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་རྡོ་རྗེ་རིགས་ཐམས་ཅད་ཀྱི་རྡོ་རྗེ་གཟུངས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ལས་བྱུང་བ་རྡོ་རྗེ་དབྱིངས་ཀྱི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་བིད། དེ་ནས་ཡང་ཕྱག་ན་རྡོ་རྗེས་རང་གི་ཆོས་ཀྱི་དམ་ཚིག་འདི་གསུངས་སོ། །ཨོཾ་ཧ་ན་ཧ་ན་བཛྲ་ཧཱུྃ་ཕཊ། དེ་ནས་ཡང་རྡོ་རྗེ་སྙིང་པོས་རང་གི་ཆོས་ཀྱི་དམ་ཚིག་འདི་གསུངས་སོ། །ཨོཾ་ཧ་ར་ཧ་ར་ཧཱུྃ་ཕཊ། དེ་ནས་ཡང་རྡོ་རྗེ་སྤྱན་གྱིས་རང་གི་ཆོས་ཀྱི་དམ་ཚིག་འདི་གསུངས་སོ། །ཨོཾ་མ་ར་མ་ར་ཧཱུྃ་ཕཊ། དེ་ནས་ཡང་རྡོ་རྗེ་སྣ་ཚོགས་ཀྱིས་རང་གི་ཆོས་ཀྱི་དམ་ཚིག་འདི་གསུངས་སོ། །ཨོཾ་ཀུ་རུ་ཀུ་རུ་ཧཱུཾ་ཕཊ། དེ་ནས་རྡོ་རྗེ་རིག་པ་དམ་


DKG084_Page_0155
[མ་དཔེ་གཟིགས་ན་འདིར་གནོན།]

པས་རང་གི་ཆོས་ཀྱི་དམ་ཚིག་འདི་གསུངས་སོ། །ཨོཾ་ཧཱུྃ་ཧཱུྃ་ཕཊ། དེ་ནས་རྡོ་རྗེ་སྒྱུ་མས་སྨྲས་པ། ཨོཾ་ཙྪིནྡ་ཙྪིནྡ་ཧཱུྃ་ཕཊ། ཨོཾ་ཨཱ་བི་ཤ་ཨཱ་བི་ཤ་ཧཱུྃ་ཕཊ། ཨོཾ་བྷཱུར་བུ་བ་སྭཿཧཱུྃ་ཕཊ། ཨོཾ་བྷིན་དྷ་བྷིན་དྷ་ཧཱུྃ་ཕཊ། རིག་པའི་རྒྱལ་པོ་རྣམས་ཀྱིའོ། །ཨོཾ་ད་མ་ད་མ་ཧཱུྃ་ཕཊ། ཨོཾ་མཱ་ར་ཡ་མཱ་ར་ཡ་ཧཱུྃ་ཕཊ། ཨོཾ་གྷཱ་ཏ་ཡ་གྷཱ་ཏ་ཡ་ཧཱུྃ་ཕཊ། ཨོཾ་བྷ་ཡ་བྷ་ཡ་ཧཱུཾ་ཕཊ། ཁྲོ་བོ་རྣམས་ཀྱིའོ། །ཨོཾ་ད་མ་ད་མ་ཧཱུྃ་ཕཊ། ཨོཾ་བན་དྷ་བན་དྷ་ཧཱུཾ་ཕཊ། ཨོཾ་བ་ཤཱཾ་བྷ་བ་ཧཱུྃ་ཕཊ། ཨོཾ་ཛ་ཡ་ཛ་ཡ་ཧཱུྃ་ཕཊ། ཚོགས་རྣམས་ཀྱིའོ། །ཨོཾ་བྷྱོ་བྷྱོ་ཧཱུྃ་ཕཊ། ཨོཾ་གྷུ་གྷུ་ཧཱུྃ་ཕཊ། ཨོཾ་ཛྭཱ་ལ་ཛྭཱ་ལ་ཧཱུྃ་ཕཊ། ཨོཾ་ཁཱ་ད་ཁཱ་ད་ཧཱུྃ་ཕཊ། ཕོ་ཉ་རྣམས་ཀྱིའོ། ཨོཾ་ཁ་ན་ཁ་ན་ཧཱུྃ་ཕཊ། ཨོཾ་མ་ར་མ་ར་ཧཱུྃ་ཕཊ། ཨོཾ་གྲྀ་ཧྞ་གྲྀ་ཧྞ་ཧཱུྃ་ཕཊ། ཨོཾ་པི་བྷ་པི་བྷ་ཧཱུྃ་ཕཊ། བྲན་མོ་རྣམས་ཀྱིའོ། །དེ་ནས་ཡང་ཕྱག་ན་རྡོ་རྗེས་རྡོ་རྗེའི་རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །དམ་ཚིག་ཆེན་པོའི་དཀྱིལ་འཁོར་ཏེ། །འཇིག་རྟེན་གསུམ་གྱི་འཁོར་ལོ་བཞིན། །དཀྱིལ་འཁོར་ཐམས་ཅད་བྲི་བར་བྱ། །སངས་རྒྱས་རྡོ་རྗེ་འཛིན་ལ་སོགས། །ཐམས་ཅད་སྙོམས་པར་ཞུགས་པའོ། །ཆོས་ཀྱི་དཀྱིལ་འཁོར་ཚུལ་ལྟ་བུ། །སྙིང་གར་མཚན་མ་ཡང་དག་བཞག །དེ་ནས་འདིའི་ཆོས་ཀྱི་དམ་ཚིག་གི་དཀྱིལ་འཁོར་འདིར་ཆོ་ག་བཞིན་དུ་ལས་བྱས་ནས་རྡོ་རྗེ་འཆང་བའི་ཕྱག་རྒྱ་རྡོ་རྗེ་དྲིལ་བུ་བཅིངས་པ་བཅིངས་ཏེ་འདི་སྐད་སྨྲོས་ཤིག །ཁྱོད་ཀྱིས་དམ་ཚིག་མ་མཐོང་བ་དང་། ལྷའི་རིགས་མ་མཐོང་བ་སུ་ལ་ཡང་མ་སྨྲ་ཤིག་ཅེས་བསྒོ་བ་ལ་དྲིལ་བུ་དཀྲོལ་དུ་ཆུག་ཅིག །འདི་སྐད་བསྒོས་ནས་ཀྱང་མནའི་སྙིང་པོ་བྱིན་ལ། ཇི་ལྟར་དྲིལ་བུ་འདི་དཀྲོལ་བའི། །དེ་ཡི་སྒྲ་དེས་ཇི་ལྟ་བ། །དེ་བཞིན་ལས་ཀྱི་རྡོ་རྗེ་ཁྱོད། །དེ་བཞིན་ངེས་པར་མ་རུངས་བྱེད། །རྡོ་རྗེ་སློབ་དཔོན་བསྟི་སྟང་མེད། །རྡོ་རྗེ་གྲོགས་དང་མི་མཛའ་དང་། །གདུག་ལ་བྱམས་དང་སྐྱོ་བར་ནི། །གལ་ཏེ་ཁྱོད་ཀྱིས་བྱས་ནའོ། །དེ་ནས་གདོང་གཡོགས་པ་བཀྲོལ་ལ་དཀྱིལ་འཁོར་བསྟན་ཏེ། ཆོས་ཀྱི་དམ་ཚིག་གི་ཕྱག་རྒྱའི་ཡེ་ཤེས་སློབས་ཤིག །སངས་རྒྱས་རྡོ་རྗེ་འཛིན་ལ་སོགས། །ཆོས་ཀྱི་དཀྱིལ་འཁོར་ཇི་བཞིན་ནོ། །ཐམས་ཅད་མཉམ་པ་ཉིད་བསམ་པ། །རྡོ་རྗེ་རིག་པ་དམ་པ་སྐྱེ། །འགྲོ་བ་འདི་དག་སྒྱུ་མ་བཞིན། །དེ་བཞིན་སྡུག་བསྔལ་དྲིལ་བུ་འདྲ། །སྡུག་བསྔལ་ཐམས་ཅད་མྱ་ངན་


DKG084_Page_0156
[མ་དཔེ་གཟིགས་ན་འདིར་གནོན།]

འདའ། །རྡོ་རྗེ་འཇོམས་པ་བླ་ན་མེད། །རིག་པའི་རྒྱལ་པོ་ཏིང་ངེ་འཛིན་རྣམས་སོ། །སེམས་ཅན་གདུལ་ཕྱིར་ཁྲོ་བོའི་མཆོག །ཞི་བ་ཡིས་ནི་ངེས་པར་གསོད། །དབྱུག་བ་འདྲ་ལ་འཚོག་པར་བྱེད། །ལོག་པར་ལྟ་བ་འཇིགས་པར་བྱེད། །ཁྲོ་བོའི་ཏིང་ངེ་འཛིན་རྣམས་སོ། །ར་རོ་འདྲ་བར་དཔའ་བ་མེད། །ཕྲེང་བ་འདྲ་བར་འཆིང་བ་མེད། །བུད་མེད་འདོད་པས་འགྲོ་དབང་བྱེད། །བརྟེན་པ་ཙམ་གྱིས་གཞན་ཕམ་མོ། །ཚོགས་ཀྱི་ཏིང་ངེ་འཛིན་རྣམས་སོ། །འཚོག་པའི་ཆད་པའི་མཆོག་ཡིན་ཏེ། །རེག་པ་རྣམས་ནི་རླུང་གིའོ། །གཟི་བརྗིད་ཅན་ནི་བྱིན་ཟ་མཆོག །ཟས་རྣམས་ཀྱི་ནང་ཁྲག་དམ་པ། །ཕོ་ཉའི་ཏིང་ངེ་འཛིན་རྣམས་སོ། །མཆེ་བདག་པར་ཞུགས་པ་སྟེ། །འཆི་བདག་ཐམས་ཅད་གནས་ན་འདུག །འཇིགས་ལས་ལྷག་པའི་བགེགས་གཞན་མེད། །ཆུ་ལས་ལྷག་པའི་རོ་གཞན་མེད། །བྲན་གྱི་ཏིང་ངེ་འཛིན་རྣམས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པའི་རྒྱལ་པོ་ཆེན་པོ་ལས་རྡོ་རྗེའི་རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ལས་འབྱུང་བ་རྡོ་རྗེའི་བྱིན་གྱིས་བརླབ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་ཀརྨ་པྲ་བརྟ་ནི་ས་མ་ཡེ་ཧཱུྃ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་བི་ལཱ་སེ་པཱུ་ཛཱ་ཡ་ཧཱུྃ། །དེ་ནས་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་ཨབྷི་ཥེ་ཀེ་ཨ་བྷི་ཥིཉྩ་ཧཱུྃ། དེ་ནས་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་གཱི་ཏེ་གཱ་ཧི་ཧཱུྃ། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་རིག་པ་འདི་གསུངས་པ། །ཨོཾ་བཛྲ་ནྲྀ་ཏྱ་ནྲྀ་ཏྱ་ཧཱུྃ། དེ་ནས་རྡོ་རྗེ་རིག་པ་དམ་པས་རང་གི་ལས་ཀྱི་དམ་ཚིག་འདི་གསུངས་སོ། །ཨོཾ་བཛྲ་བ་དྱོཏྟ་མནེ་ཏྲ་བི་ཀུ་རབ་བི་ཀུར་བ་ཧཱུྃ་ཕཊ། དེ་ནས་རྡོ་རྗེ་ཁྲོ་བོ་རྡོ་རྗེ་མེའི་ལྷ་མོས་རང་གི་ལས་ཀྱི་དམ་ཚིག་འདི་སྨྲས་པ། ཨོཾ་བཛྲ་ཀྲོ་དྷ་བཛྲ་ཨ་གྣེ་ཛྭཱ་ལ་ཏྲི་ཤཱུ་ལནྦི་ན་ཧྲྀ་ད་ཡ་བཛྲི་ཎི་ཧཱུྃ་ཕཊ། དེ་ནས་རྡོ་རྗེ་གསེར་ལྷ་


DKG084_Page_0157
[མ་དཔེ་གཟིགས་ན་འདིར་གནོན།]

མོས་རང་གི་ལས་ཀྱི་དམ་ཚིག་འདི་སྨྲས་སོ། །ཨོཾ་བཛྲ་ཧེ་མ་ཙྪིནྡ་ཙཀྲེ་ཎ་བཛྲི་ཎི་ཧཱུྃ་ཕཊ། དེ་ནས་རྡོ་རྗེ་གཞོན་ནུ་མས་རང་གི་ལས་ཀྱི་དམ་ཚིག་འདི་སྨྲས་སོ། །ཨོཾ་བཛྲ་ཀུ་མཱ་རི་ཤཱི་གྷྲཾ་ཨཱ་བེ་ཤ་ཡ་གྷཎྚཱ་ཤཔྡེ་ན་བཛྲ་བཱ་ཎི་པྲི་ཡེ་བཛྲ་ས་མ་ཡེ་མ་ནུ་སྨར་ཎ་ཧཱུྃ་ཕཊ། དེ་ནས་ལྷ་མོ་ཆེན་མོ་རྡོ་རྗེ་ཞི་བས་རང་གི་ལས་ཀྱི་དམ་ཚིག་འདི་སྨྲས་སོ། །ཨོཾ་བཛྲ་ཤཱནྟི་ཛ་པ་ཛ་པ་ཨ་གྷ་མཱ་ལཡ་སརྦཱ་ན་མར་ཡ་ཤཱནྟ་ཏྲི་ཧྱ་ཧཱུྃ་ཕཊ། དེ་ནས་ལྷ་མོ་ཆེན་པོ་རྡོ་རྗེ་ཁུ་ཚུར་གྱིས་རང་གི་ལས་ཀྱི་དམ་ཚིག་འདི་སྨྲས་སོ། །ཨོཾ་བཛྲ་མུཥྚི་ཧ་ན་ཧ་ན་བཛྲ་བྷིན་དྷ་བྷིན་དྷ་བི་ཌ་ཡ་བི་ཌ་ཡ་སརྦ་དུཥྚ་ཧྲྀ་ད་ཡཱ་ནི་ཨོཾ་སམྦྷ་ནི་སུམྦྷ་ཧཱུྃ་ཧཱུྃ་ཕཊ། རིག་པའི་རྒྱལ་མོ་རྣམས་ཀྱིའོ། །དེ་ནས་རྡོ་རྗེ་མི་འཆིང་བ་ཁྲོ་བོས་རང་གི་ལས་ཀྱི་དམ་ཚིག་འདི་སྨྲས་སོ། །ཨོཾ་བཛྲ་ཨ་མྲྀ་ཏེ་སརྦ་དུཥྚ་གྲྀ་ཧྞ་བནྡྷ་ཧ་ནསརྦ་བི་དྷྭཾ་ས་ཡེ། བི་ནཱ་ཤ་ཡ་ཙྪིནྡ་བ་བི་ཀུ་རུ་མུཏྟ་ནི། ཏ་ཡ་བཛྲེ་ཎ་ཡེ་ཀེ་ཙིཏྨ་མ་མུ་ཀ་ར་བིན་ཡཱ་ཀ་ཏནྟ་མ་དཱིཔྟ་ཀྲོ་དྷ་བཛྲི་ཧཱུྃ་ཕཊ། དེ་ནས་རྡོ་རྗེ་མདངས་ཅན་གྱིས་རང་གི་ལས་ཀྱི་དམ་ཚིག་འདི་སྨྲས་སོ། །ཨོཾ་བཛྲ་ཀནྟི་མཱ་ར་ཡ་སཽ་མེ་རུ་པེ་པྲ་ཏི་བ་ཏ་རཱ་གེ་ན་ཤཱི་གྷྲཾ་སྥོ་ཊ་ཡ་བཛྲ་དྷ་ར་ཏྱེ་ན་མ་ཧཱ་ཛྱོ་སྣ་ཀཱ་ར་ལེ་ཤི་ཏ་ར་སྨི་བཛྲི་ཎི་ཧཱུྃ་ཕཊ། དེ་ནས་རྡོ་རྗེ་དབྱུག་པའི་མཆོག་མས་རང་གི་ལས་ཀྱི་སྙིང་པོ་འདི་སྨྲས་པ། ཨོཾ་བཛྲ་དཎྜཱ་གྲི་གྷཱ་ཏ་ཡ་ཧཱུྃ་ཕཊ། དེ་ནས་རྡོ་རྗེ་ཙོང་ཙོང་ཁྲོ་བོ་ཆེན་མོས་རང་གི་ལས་ཀྱི་དམ་ཚིག་འདི་སྨྲས་སོ། །ཨོཾ་བཛྲ་མཱ་ལེ་མེ་ཁ་ལེ་ཁ་ན་ཁ་ན་ཤ་པ་བ་དེ་ནི་བ་ཤིཾ་ཀུ་རུ་ཏྲཾ་དཾཥྚྲཱ་མཱ་ར་ཡ་བི་ཤ་ནེ་ཧཱུྃ་ཕཊ། ཁྲོ་བོའི་རིག་པ་རྣམས་སོ། །དེ་ནས་རྡོ་རྗེ་འཇུམས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བ་ལ་ཡེ་མེ་ཙྪིནྡ་སི་ནི་བྷིནྡ་བཛྲི་ཎི་མཱ་ར་ཡ་ཨུ་མ་ད་ཡ་པི་བ་པི་བ་ཧཱུྃ་ཕཊ། དེ་ནས་རྡོ་རྗེ་ཟས་ཀྱིས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་ཨ་ཤ་ནེ་བ་ཀྲཱ་ཡ་སརྦ་དུཥྚ་བཛྲ་ད་ཤ་ནེ་ཤ་ག་ཏི་དྷ་ར་ཎི་མ་ནུ་ཤ་མ་ན་སེ་ཨཱ་ཧ་རེ་ཎ་ར་རུ་ཏི་ས་ཤུད་ཙི་པྲི་ཡ་མ་ཛ་བ་སཱ་ནུ་ལེ་བ་ན་བི་ལེ་པ་ཏ་གྲ་ཏྲེ། ཨ་ན་ཡ་སརྦ་དནྟྱ་ནྱ་ཡ་ཧི་ར་ཎྱ་སུ་བརྞ་ཨཱ་དི་ནི་གྲ་མ་ཡ་དེ་བརཀྵ་ཎི་ཧཱུྃ་ཕཊ། དེ་ནས་རྡོ་རྗེ་བགོ་བས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བཱ་ས་ནེ་ཨཱ་ན་ཡ་སརྦ་སྲ་ཨནྣ་བ་ཎ་དི་ནྱུ་བ་ཀ་ར་ཎ་ནི་ཤཱི་གྷྲཾ་བ་ཤིཾ་ཀུ་རུ་དཱི་པ་དེ་མེ་པྲ་ཡཙྪ་ཨཱ་བི་ཤ་ས་དྱཾ་ཀ་ཏ་ཡ་བཛྲ་ཀོ་ཥ་དྷ་ར་ཎཱི་ཧཱུྃ་ཕཊ། དེ་ནས་རྡོ་རྗེ་དབང་གིས་རང་གི་ལས་ཀྱི་དམ་ཚིག་སྨྲས་སོ། །ཨོཾ་བཛྲ་


DKG084_Page_0158
[མ་དཔེ་གཟིགས་ན་འདིར་གནོན།]

བ་ཤི་ཨཱ་ན་ཡ་བ་ཤཾ་ཀུ་རུ་སརྦ་བྲི་ཡ་སརྦ་པུ་རུ་ཥ་ན་ད་སི་ཀུ་རུ་ཀྲུ་དྡཾ་པྲ་སེ་ད་ཡ་སརྦ་བྷྱཿབ་ཧ་རེ་བྷྱོ་ཧ་ར་ཡ་བི་ཙ་ར་ཡ་ཀ་རི་བཛྲ་པ་ཏ་ཀ་དྷཱ་ར་ཎཱི་ཧཱུྃ་ཕཊ། རྡོ་རྗེ་ཚོགས་ཀྱིའོ། །དེ་ནས་རྡོ་རྗེ་ཕོ་ཉ་མོས་རང་གི་ལས་ཀྱི་དམ་ཚིག་སྨྲས་སོ། །ཨོཾ་བཛྲ་དུཥྚེ་ཨཱ་ན་ཡ་སརྦ་མཎྜ་ལཾ་པྲ་བེ་ཤ་ཡ་ཨཱ་བེ་ཤ་ཡ་བནྡྷ་ཡ་སརྦ་ཀརྨ་ཎ་མེ་ཀུ་རུ་ཤཱི་གྷྲཾ་ཤཱི་གྷྲཾ་ལ་གུ་ལ་གུ་ཏྲ་ས་ཡ་མཱ་ར་ཡ། ད་བྱ་བ་རེ་བྷོ་དྷ་ར་ཡ་བི་ཛ་ཡཾ་ཀ་རི་བཛྲ་བ་ཏ་ཀདྷྲ་ར་ཎཱི་ཧཱུྃ་ཕཊ། དེ་ནས་རྡོ་རྗེ་ཤུགས་ཀྱིས་རང་གི་དམ་ཚིག་སྨྲས་པ། ཨོཾ་བེ་གྷ་བཛྲི་ཎ་གྷུ་གྷུ་གྷུ་གྷུ་ཤ་བ་དེ་མཱ་ར་ཡ་བི་གྷི་ར་བི་དྷཾ་ས་ཡ་བཛྲ་བཱ་ཤ་དྷཱ་ར་ཎཱི་ཧཱུྃ་ཕཊ། དེ་ནས་རྡོ་རྗེ་འབར་བས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་ཛྭཱ་ལ་ཛྭཱ་ལ་ཡ་སརྦ་བཛྲ་ཛྭཱ་ལ་ཡ་ཛྭཱ་ལ་ཡ་ད་ཧ་ད་ཧ་བ་སྨིཾ་ཀུ་རུ་ཧཱུཾ་ཕཊ། དེ་ནས་རྡོ་རྗེ་འཇིགས་པས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བི་ག་ཏེ་པྲ་བེ་ཀ་དཾཥྚཱ་ཀརཱ་ལི་ཀ་རཱ་ལ་བི་ཤ་ན་བཱ་ཀ་ཏྲེ་ཤཱི་གྷྲཾ་ཤཱི་གྷྲཾ་ཨཱ་བེ་ཤ་ཡ་བྷ་ཀྵ་ཡ་རུ་དྷི་རཾ་པི་པ་མ་ཧཱ་ཡཀྵི་ཎི་བཛྲ་པཱ་ཤ་དྷཱ་ར་ཎཱི་ཧཱུྃ་ཕཊ། རྡོ་རྗེ་ཕོ་ཉ་མོ་རྣམས་ཀྱིའོ། །དེ་ནས་རྡོ་རྗེའི་བཞིན་རྡོ་རྗེ་བྲན་མོས་རང་གི་ལས་ཀྱི་དམ་ཚིག་སྨྲས་སོ། །ཨོཾ་བཛྲ་མུཥྚི་ཨཱ་ན་ཡ་བཛྲ་དིཥྚི་བ་ཡ་ནི་ཀེ་བ་ཏཱ་ལ་ནི་བསི་ནི་ཁ་ན་ཁ་ན་ཁཱ་ཧི་ཁཱ་ཧི་སརྦ་མུ་ཁེ་པྲ་བེ་ཤ་ཡ་སྥོ་ཊ་ཡ་མཱ་ར་མཱ་ར་ཎི་སརྦ་དུཥྚ་ནཱཾ་བཛྲི་ཎི་ཤི་ཏ་སི་དྷཱ་རི་ཎཱི་ཧཱུྃ་ཕཊ། དེ་ནས་རྡོ་རྗེ་དུ་སེམས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་ཀཱ་ལི་མ་ཧཱ་པྲེ་ཏ་རཱུ་པི་ཎི་མ་ནུ་ཥ་མཱཾ་ས་རུ་དྷི་ར་པྲི་ཡེ་ཨི་ཧྱེ་ཧི་གྲྀཧྞ་གྲྀཧྞ། བྷ་ཀྵ་ཡ་བཛྲ་དཱ་ཀི་ནཱི་བཛྲ་ཤྲྀཾ་ཁ་ལེ་སརྦ་དེ་བ་གཎ་མཱ་ཏྲི་བྷུ་ཏེ་ཧ་ར་ཧ་ར་པྲཱ་ཎཱཾ། ཨ་མུ་ཀ་སྱ་ཀ་པཱ་ལ་མཱ་ལཱ་ལཾ་ཀྲྀ་ཏ་སརྦ་ཀ་ཡེ་ཀིཉྩི་རཱ་ཡ་སི་བཛྲ་ཁ་ཊྭཱཾ་གཎྷཱ་རི་ཎཱི་པྲེ་ཏ་མ་ནུཥ་ཤ་རཱི་རེ་ཤཱི་གྷྲཾ་ཨཱ་བེ་ཤ་ཡ་པྲ་བེ་ཤ་ཡ་བནྡྷ་ཡ་བ་ཤི་ཀུ་རུ་མཱ་ར་ཡ་བཛྲ་རཀྵ་སི་ཧཱུྃ་ཧཱུྃ་ཧཱུྃ་ཧཱུྃ་ཕཊ། དེ་ནས་རྡོ་རྗེ་རལ་མས་རང་གི་ལས་ཀྱི་དམ་ཚིག་འདི་སྨྲས་སོ། །ཨོཾ་བཛྲ་པཱུ་ཏ་མེ་མ་ནུ་ཥ་ཡ་མན་ས་སརྦ་རུ་དྷི་ར་མུ་ཏྲ་པུ་རཱི་ཥ་ཤ་ལེ་སྨྲཱ་ཤཱི་གྷྲཾ་ན་རེ་ཀ་ཏོ་གརྦྟ་ཧིར་ཎྱཡཱ་ཧཱི་ཤྲཱི་གྷྲཾ་ཨི་དམ་མུ་ཀ་སྱ་ཀུ་རུ་བཛྲ་ཤོ་དྷ་ནི་ཀདྷཱ་ར་ཎཱི་སརྦ་ཀརྨ་ཎི་མེ་ཀུ་རུ་སྭཱ་ཧཱ། ཧཱུྃ། དེ་ནས་རྡོ་རྗེ་མ་ཀ་རས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་མ་ཀ་རེ་གྲ་ས་གྲ་ས་ཤཱི་གྷྲཾ་པྲ་བེ་ཤ་ཡ་པཱ་ཏཱ་ལཾ་བྷ་ཀྵ་ཡ་བཛྲ་མ་ཀ་ར་དྷཱ་ར་ཎཱི་ཧཱུྃ་ཕཊ། རྡོ་རྗེ་བྲན་མོ་རྣམས་ཀྱིའོ། །དེ་ནས་ཕྱག་ན་རྡོ་རྗེས་ཡང་རྡོ་རྗེའི་རིགས་ཐམས་ཅད་ཀྱི་ལས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་


DKG084_Page_0159
[མ་དཔེ་གཟིགས་ན་འདིར་གནོན།]

ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ །རྡོ་རྗེའི་དཀྱིལ་འཁོར་ཚུལ་གྱིས་ནི། །དཀྱིལ་འཁོར་ཐམས་ཅད་སྲད་བུས་བྲེ། །དཀྱིལ་འཁོར་ཐམས་ཅད་སྲད་བུས་བྲེ། །དཀྱིལ་འཁོར་མཆོག་ནི་ཐམས་ཅད་དུ། །སངས་རྒྱས་དབུས་ན་བཞུགས་པར་བྱ། །དེ་དག་ཕྱོགས་སུ་རིམ་པར་ཡང་། །སེམས་དཔའ་ཆེན་པོ་རྣམས་བཞག་གོ། །དེ་ཡི་དབུས་སུ་ཆུང་མར་བཅས། །རྡོ་རྗེ་རིག་པ་དམ་པ་ཉིད། །རྡོ་རྗེ་ལཱ་སྱེ་ལ་སོགས་གསང། །གར་གྱི་མཆོད་ཁ་སོགས་པས་མཆོད། །དེ་ལ་ལྷ་མོའི་གོ་རིམས་བཞིན། །འཁོར་ལོའི་དཀྱིལ་འཁོར་ཚུལ་བཞིན་དུ། །རང་གི་ཕྱག་རྒྱ་ཕྱག་རྒྱ་འདྲ། །གང་བྱེད་པར་ཡང་བྲི་བར་བྱ། །སངས་རྒྱས་རྡོ་རྗེ་ཅན་མཆོད་ཕྱིར། །རྡོ་རྗེ་གར་གྱི་ཚུལ་གྱིས་སོ། །གྲྭ་དང་སྒོ་ཡི་ཕྱོགས་རྣམས་སུ། །བདུག་པ་ལ་སོགས་རིམ་པ་བཞིན། །དེ་ནས་ལས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ལས་བྱས་ནས་རྡོ་རྗེ་འཆང་བའི་ལས་ཀྱི་དམ་ཚིག་གི་ཕྱག་རྒྱ་ཇི་ལྟ་བ་བཞིན་བཅིངས་ཏེ་འདི་སྐད་སྨྲོས་ཤིག །ཁྱོད་ཀྱིས་ལྷའི་རིམ་པ་མ་མཐོང་བ་དང་ལས་མི་ཤེས་པ་སུ་ལ་ཡང་གསང་བའི་ལས་འདི་མ་སྨྲ་ཤིག །ཁྱོད་དམ་ཚིག་ཉམས་པར་གྱུར་ཏ་རེ་ཞེས་སྨྲོས་ཤིག །རྡོ་རྗེ་སློབ་དཔོན་རང་གི་ལས་ཀྱི་རྡོ་རྗེ་འཛིན་པའི་དམ་ཚིག་གི་ཕྱག་རྒྱ་བཅིངས་ཏེ་ཁྲོ་བོའི་ལྟ་བས་བལྟ་ཞིང་འདི་སྐད་བརྗོད་དོ། །ཨོཾ་བཛྲ་ཏྭ་རྱ་ཨཱ་བེ་ཤ་ཡ་པྲ་བེ་ཤ་ཡ་ནྲྀ་ཏེ་བ་ཡ་སརྦ་ཀརྨ་སིདྡྷི་མི་པྲ་ཡཙྪ་ཧཱུཾ་ཨཱཿཧཱུཾ་ཨ་ལ་ལ་ལ་ལ་བཛྲི། དེ་ནས་ཡང་བདག་ལ་བབས་ནས་བདག་ཉིད་ཀྱིས་འཇུག་སྟེ་ཕྱག་རྒྱ་དང་འདྲ་བའི་ཕྱག་རྒྱ་རྣམས་ཀྱི་གར་གྱི་མཆོད་པས་མཆོད་པར་བྱའོ། །ཕྱིན་ཆད་ལུས་དང་། ངག་དང་། ལྟ་བ་དང་། ཡིད་དང་། རྡོ་རྗེའི་ཕྱག་རྒྱ་རྣམས་ཀྱིས་ལས་ཐམས་ཅད་འདོད་པ་བཞིན་བྱེད་པའོ། །དེ་ནས་གདོང་གཡོགས་པ་བཀྲོལ་ཏེ། གར་གྱི་མཆོད་པའི་ཕྱག་རྒྱའི་ཡེ་ཤེས་སློབས་ཤིག །སངས་རྒྱས་རྡོ་རྗེ་འཛིན་སོགས་ཀྱི། །དམ་ཚིག་མཆོག་ནི་གཉིས་བྱས་ཏེ། །རྡོ་རྗེ་རིག་པ་དམ་པ་ལ། །རྡོ་རྗེ་ལཱ་སྱེ་ལ་སོགས་མཆོད། །རིག་པ་འདི་རྣམས་ཐམས་ཅད་ཀྱང་། །ལྟག་འོག་གོ་རིམས་ཇི་བཞིན་དུ། །གར་གྱི་མཆོད་པའི་ཕྱག་རྒྱ་ཡིས། །ལས་ཀྱི་དཀྱིལ་འཁོར་མཆོད་པར་བྱ། །རྡོ་རྗེ་གར་གྱི་ཚུལ་གྱིས་ནི། །ཕྱག་རྒྱ་ཆེན་པོ་མདོར་བསྡུས་


DKG084_Page_0160
[མ་དཔེ་གཟིགས་ན་འདིར་གནོན།]

སོ། །དམ་ཚིག་མཆོག་ནི་གཉིས་བྱས་ནས། །ལས་ཀྱི་ཕྱག་རྒྱ་བཀྲོལ་བར་བྱ། །གར་གྱི་མཆོད་པ་འདི་ཡིས་ནི། །གཙོ་བོ་ཐམས་ཅད་མཆོད་ན་ནི། །རྡོ་རྗེ་འཛིན་པ་ཆེ་སོགས་ཀྱི། །ལས་གྲུབ་པར་ཡང་ངེས་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་རིགས་ཐམས་ཅད་ཀྱི་དཀྱིལ་འཁོར་གྱི་ཆོ་རྒྱས་པ་རྫོགས་སྷོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེའི་རིགས་དེ་དག་ཐམས་ཅད་སེམས་ཅན་ཐམས་ཅད་ཀྱི་དོན་དུ་བསྐོས་ནས་ཕྱིར་མི་ལྡོག་པའི་ས་ལ་རབ་ཏུ་བཞག་སྟེ་མཁྱེན་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་གསང་བ་ཐམས་ཅད་འཛིན་པར་དབང་བསྐུར་ན་དེ་བཞིན་གཤེགས་པའི་གསང་བ་དེ་གང་ལགས། བཀའ་སྩོལ་ཅིག །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བ་འདི་གསུངས་སོ། །སེམས་ཅན་རྣམས་ཀྱི་རང་བཞིན་ནི། །ཇི་ལྟ་ཇི་ལྟར་འདུལ་འགྱུར་བ། །དེ་ལྟ་དེ་ལྟར་སེམས་ཅན་དོན། །འདོད་ཆགས་ལ་སོགས་གཙང་བས་བྱ། །དེ་ནས་ཕྱག་ན་རྡོ་རྗེས་རང་གི་རྡོ་རྗེ་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང་། །སངས་རྒྱས་རྣམས་ཀྱི་བསྟན་པའི་ཕྱིར། །སེམས་ཅན་ཐམས་ཅད་བསད་ཀྱང་ནི། །སྡིག་གིས་གོས་བར་མི་འགྱུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་ནོར་བུ་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང་། །སངས་རྒྱས་དོན་དུ་སྦྱོར་བ་ཡིས། །ཕ་རོལ་ནོར་རྣམས་ཕྲོགས་ཀྱང་ནི། །སྡིག་པས་གོས་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་པདྨའི་གསང་བ་འདི་གསུངས་སོ། །འདོད་ཆགས་འདྲ་བའི་བདེ་བ་མེད། །རྒྱལ་བ་ལ་ནི་དེ་ཕུལ་ལ། །གཞན་གྱི་ཆུང་མ་སེམས་ཅན་ཕྱིར། །བསྟེན་པས་བསོད་ནམས་ཐོབ་པར་འགྱུར། །དེ་ནས་བྱང་ཆུབ་སེམས་དཔའི་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང་། །སངས་རྒྱས་རྣམས་ཀྱི་བསྟན་པའི་ཕྱིར། །ལས་རྣམས་ཐམས་ཅད་བྱས་པ་ཡིས། །


DKG084_Page_0161
[མ་དཔེ་གཟིགས་ན་འདིར་གནོན།]

བསོད་ནམས་ཤིན་ཏུ་མང་པོ་རྙེད། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པས་བཅོམ་ལྡན་འདས་གསང་བ་འཛིན་པའི་རྡོ་རྗེ་འཆང་བ་ལ་ལེགས་སོ་ཞེས་བསྟོད་པ། ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །མདོ་འདི་ལེགས་པར་སྨྲས་པ་སྟེ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང། །ཐེག་པ་ཆེན་པོ་མངོན་འདུས་པའོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བའི་རྟོག་པའི་རྒྱལ་པོ་ཆེན་པོ་རྫོགས་སྟོ།། །།བམ་པོ་དྲུག་པ། དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀྱིས་ཆོས་ཐམས་ཅད་ཀྱི་བདག་པོ་སྤྱན་རས་གཟིགས་ཀྱི་དབང་པོ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་པ། པདྨོའི་སེམས་དཔའ་པདྨོ་ཆེ། །འཇིག་རྟེན་དབང་ཕྱུག་དབང་ཕྱུག་ཆེ། །སྤྱན་རས་གཟིགས་དབང་བསྟན་པའི་མཆོག །རྡོ་རྗེ་ཆོས་ལ་ཕྱག་འཚལ་ལོ། །ཆོས་ཀྱི་རྒྱལ་པོ་དག་པ་ཆེ། །སེམས་ཀྱི་རྒྱལ་པོ་བློ་གྲོས་ཆེ། །པདྨའི་བདག་ཉིད་པདྨ་ཆེ། །པདྨའི་མགོན་ཁྱོད་ཕྱག་འཚལ་ལོ། །པདྨ་ལས་བྱུང་པད་བཟང་འོད། །པདྨོ་དག་པར་རབ་དག་བྱེད། །རྡོ་རྗེ་པདྨ་པད་མཆོག་ལུས། །པདྨ་པདྨ་ཁྱོད་ཕྱག་འཚལ། །སྣ་ཚོགས་ཆེན་པོ་སྣང་བ་ཆེ། །དོགས་པ་ཆེན་པོ་ཆེ་དང་མཚུངས། །བརྟན་པ་ཆེན་པོ་དཔའ་བ་ཆེ། ། དཔའ་ཆེན་ཁྱོད་ལ་ཕྱག་འཚལ་ལོ། །སེམས་ཅན་བསམ་པ་ཐེག་པ་ཆེ། །རྣལ་འབྱོར་ཆེན་པོ་མེས་པོ་ཆེ། །བདེ་ཟ་བདེ་བྱེད་དག་པའི་དོན། །སངས་རྒྱས་པདྨ་ཁྱོད་ཕྱག་འཚལ། །ཆོས་དེ་ཉིད་དོན་དམ་པའི་ཆོས། །དག་པའི་ཆོས་ནི་ཆོས་རབ་འཛིན། །ཆོས་ཆེན་པོ་དང་ཆོས་བཟང་མཆོག ། ཆོས་ཀྱི་འཁོར་ལོ་ཁྱོད་ཕྱག་འཚལ། །སངས་རྒྱས་སེམས་དཔའ་སེམས་བཟང་མཆོག །ཆོས་ཀྱི་སེམས་དཔའ་ཆོས་མཆོག་འཛིན། །སེམས་དཔའ་དམ་པ་སེམས་མཆོག་འཛིན། །སེམས་དཔའ་སེམས་དཔའ་ཁྱོད་ཕྱག་འཚལ། །སྤྱན་རས་གཟིགས་དབང་མགོན་པོ་མཆོག །


DKG084_Page_0162
[མ་དཔེ་གཟིགས་ན་འདིར་གནོན།]

མགོན་པོ་ཆེན་པོ་རྣམ་གཟིགས་པ། །འཇིག་རྟེན་སྣང་བ་འཇིག་རྟེན་དོན། །འཇིག་རྟེན་མགོན་པོ་ཁྱོད་ཕྱག་འཚལ། །འཇིག་རྟེན་ཡི་གེ་ཡི་གེ་ཆེ། །ཡི་གེ་མཆོག་ནི་ཡི་གེ་འདྲ། །ཡི་གེ་ཡི་གེ་ཐམས་ཅད་གཟིགས། །འཁོར་ལོའི་ཡི་གེ་ཁྱོད་ཕྱག་འཚལ། །ཕྱག་ན་པདྨ་ཕྱག་ཆེན་པོ། །དབུགས་འབྱིན་པ་ནི་སྦྱིན་པ་པོ། །སངས་རྒྱས་ཆོས་ནི་སངས་རྒྱས་ཆེ། །སངས་རྒྱས་བདག་ཉིད་ཁྱོད་ཕྱག་འཚལ། །སངས་རྒྱས་གཟུགས་ནི་གཟུགས་ཆེན་པོ། །རྡོ་རྗེའི་གཟུགས་ནི་གཟུགས་བཟང་འཆང་། །ཆོས་ཀྱི་སྣང་བ་གཟི་བརྗིད་མཆོག །འཇིག་རྟེན་སྣང་ཁྱོད་ཕྱག་འཚལ་ལོ། །པདྨའི་དཔལ་ནི་མགོན་པོ་མཆོག །ཆོས་དཔལ་མགོན་པོ་མགོན་ལྡན་པ། །ཚངས་པའི་མགོན་པོ་ཚངས་ཆེན་པོ། །ཚངས་སྲས་ཁྱོད་ལ་ཕྱག་འཚལ་ལོ། །སྣང་བའི་སྣང་མཆོག་སྣང་བའི་གཙོ། །སྣང་གསལ་ཤིན་ཏུ་སྣང་བ་བོ། །སྣང་བའི་མགོན་པོ་སྣང་བ་ཆེ། །སངས་རྒྱས་སྣང་ཁྱོད་ཕྱག་འཚལ་ལོ། །སངས་རྒྱས་དབང་བསྐུར་སངས་རྒྱས་མཆོག །སངས་རྒྱས་སྲས་པོ་མཁས་ཆེན་པོ། །སངས་རྒྱས་དབང་བསྐུར་གཙུག་གི་མཆོག །སངས་རྒྱས་སངས་རྒྱས་ཁྱོད་ཕྱག་འཚལ། །སངས་རྒྱས་སྤྱན་ནི་སྤྱན་ཆེན་པོ། །ཆོས་སྤྱན་གཟིགས་པ་ཆེན་པོ་ཡི། །ཏིང་འཛིན་ཡེ་ཤེས་ཐམས་ཅད་པ། །རྡོ་རྗེ་སྤྱན་ཁྱོད་ཕྱག་འཚལ་ལོ། །བདག་ཉིད་ཀུན་གྱི་ཡོན་ཏན་འདི། །ཁྱོད་ནི་མཚན་བརྒྱ་རྩ་བརྒྱད་རྣམས། །བསྟོད་ནས་གོམས་པར་བྱེད་པ་ན། །འཇིག་རྟེན་དབང་པོ་ཐོབ་པར་འགྱུར། །དཔའ་བོ་ཁྱོད་ལ་གསོལ་བཏབ་པ། །རང་གི་རིགས་རྣམས་བསྐྱེད་ནས་ཀྱང་། །ཆོས་ཀྱི་འཁོར་ལོ་དམ་པ་ནི། །ཐུབ་པ་ཆེན་པོས་བཤད་པར་གསོལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་པོས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པའི་ཚིག་ཐོས་ནས། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་ག་ལ་བ་དེར་མངོན་དུ་ཕྱོགས་ཏེ་འདུག་ནས་རྡོ་རྗེ་པདྨ་དེ་རང་གི་ཐུགས་ཀར་བཞག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ། །རབ་ཏུ་དག་པ་བདག་གི་རྡོ་རྗེ་པདྨ་འདི། །ཕ་ཡིན་འདི་ནི་བདག་གི་བུ། །རིགས་འདི་བྱིན་གྱིས་བརླབ་པར་མཛོད། །


DKG084_Page_0163
[མ་དཔེ་གཟིགས་ན་འདིར་གནོན།]

དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་དམ་ཚིག་ལས་བྱུང་བའི་བྱིན་གྱི་བརླབས་པདྨོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། ཧྲཱིཿ། དེ་ནས་དེ་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་པདྨ་ལྟ་བུའི་འོད་ཟེར་ཁ་དོག་དང་གཟུགས་དང་རྟགས་དང་། སྤྱོད་ལམ་དང་། འོད་རྣམ་པ་དུ་མ་བྱུང་སྟེ་འཇིག་རྟེན་གྱི་ཁམས་ཐམས་ཅད་དུ་འདོད་ཆགས་ལ་སོགས་པ་རྣམ་པར་དག་པ་དང་། ཆོས་ཉིད་ཀྱི་ཡེ་ཤེས་ཡང་དག་པར་སྦྱངས་ནས་ཡང་སླར་ལོག་སྟེ་འཕགས་པ་སྤྱན་རས་གཟིགས་ཀྱི་དབང་པོའི་ཐུགས་ཀར་ཞུགས་སོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་པདྨོ་དྟ་མ་ཧྲཱིཿ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་བིདྱཱ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་རཏྣོཏྟ་མ་ཏཱི། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་བི་དྱོཏྟ་མ་ཧྲཱིཿ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་བིདྱོཏྟ་མ་ཨཿ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་གཟུགས་ཐམས་ཅད་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འགྲོ་བ་ཐམས་ཅད་འདུལ་བའི་དམ་ཚིག་ཅེས་བྱ་བའི་རང་གི་སྙིང་པོ་འདི་གསུངས་སོ། །ཨོཾ་བཛྲ་ཧཱུཾ་ཧྲཱིཿཧོ། དེ་ནས་སྨྲས་མ་ཐག་ཏུ་འཕགས་པ་སྤྱན་རས་གཟིགས་ཀྱི་དབང་པོའི་ཐུགས་ལས་བཅོམ་ལྡན་འདས་རྡོ་རྗེ་འཛིན་པ་དེ་ཉིད་འཕགས་པ་སྤྱན་རས་གཟིགས་དབང་པོའི་གཟུགས་འཛིན་པ་པདྨ་ལ་ཞུགས་ཏེ། །ཕྱག་རྒྱའི་མཚན་མ་པདྨོ་འཛིན་པའི་ཁ་དོག་དང་། །གཟུགས་དང་། ཆ་ལུགས་དང་། །རྒྱན་སྣ་ཚོགས་པ་དེ་བཞིན་


DKG084_Page_0164
[མ་དཔེ་གཟིགས་ན་འདིར་གནོན།]

དེ་གཤེགས་པ་ལ་སོགས་པ་སེམས་དཔའ་ཐམས་ཅད་ཀྱི་གཟུགས་འཛིན་པ། བྱང་ཆུབ་སེམས་དཔའ་ཆེན་པོའི་ལུས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཐམས་ཅད་ཇི་ལྟར་འདུལ་བ་ར་སོ་སོའི་གཟུགས་སུ་བསྟན་ནས་མ་ལུས་པ་ལུས་པ་མེད་པའི་སེམས་ཅན་གྱི་ཁམས་གདུལ་བར་བྱས་ཏེ། ཡང་སླར་ལོག་ནས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་ཕྱོགས་ཐམས་ཅད་ཀྱི་ཟླ་བའི་དཀྱིལ་འཁོར་རྣམས་ལ་འཁོད་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །ཐབས་ནི་སྙིང་རྗེ་བདག་ཉིད་དེ། །གང་དུ་ཐབས་ཀྱིས་འདུལ་མཛད་ན། །ལྷ་རྣམས་སུ་ཡང་འགྱུར་བ་ཡིན། །དེ་ནས་ཡང་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་རང་གི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་ལ་སེམས་ཅན་ཐམས་ཅད་ལ་མི་འཇིགས་པ་སྦྱིན་པ་དང་། དོན་དང་། གྲུབ་པ་དམ་པ་དང་། རྡོ་རྗེ་ཆོས་ཉིད་ཀྱི་ཡེ་ཤེས་དང་། མངོན་པར་ཤེས་པའི་འབྲས་བུའི་རྒྱུ་རྙེད་པའི་ཕྱིར་ཕུལ་ནས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །འགྲོ་བ་འདུལ་བ་ཞེས་བྱ་སྟེ། །གྲུ་བཞི་པ་ལ་སྒོ་བཞི་པ། །རྟ་བབས་བཞེས་ནི་བརྒྱན་པ་དང་། །སྲད་བུ་བཞི་དང་ལྡན་པ་སྟེ། །དར་དང་ཕྲེང་བས་བརྒྱན་པ་དང་། །དཀྱིལ་འཁོར་གྲྭ་ནི་ཐམས་ཅད་དང་། །སྒོ་དང་སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་པར། །ཕྱི་རོལ་དཀྱིལ་འཁོར་སྲད་བུ་བྲེ། །དེ་ཡི་ནང་དུ་སྲད་བུ་ནི། །གྲུ་བཞི་པར་ནི་བྲི་བར་བྱ། །གཉིས་པའི་གྲྭ་ནི་སྒོ་གདོད་ཅིང་། །པདྨ་འདྲ་བར་བྱ་བ་ཡིན། །ཀ་བ་བརྒྱད་ཀྱི་ཚུལ་དུ་ནི། །པདྨ་འདབ་མ་བརྒྱད་པ་བྲི། །དེ་ཡི་གེ་སར་དབུས་སུ་ནི། །སངས་རྒྱས་ཀྱི་ནི་སྐུ་གཟུགས་བཞག །དེ་ལ་སངས་རྒྱས་གཞག་པའི་སྙིང་པོ་ནི་འདི་ཡིན་ནོ། །བུདྡྷ་ཧཱུྃ། སངས་རྒྱས་ཕྱོགས་ཀུན་བྲི་བ་ནི། །པདྨའི་དབུས་སུ་གནས་པ་ཡི། །རྡོ་རྗེ་རིན་ཆེན་པདྨ་དང་། །སྣ་ཚོགས་པདྨ་འང་དེ་བཞིན་ནོ། །དེ་ལ་དེ་རྣམས་ཀྱི་


DKG084_Page_0165
[མ་དཔེ་གཟིགས་ན་འདིར་གནོན།]

སྙིང་པོ་ནི་འདི་ཡིན་ནོ། །ཨོཾ་ཧཱུཾ་ཧྲཱིཿཀྲྀ། འགྲོ་བ་འདུལ་བའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །དེར་ནི་སྤྱན་རས་གཟིགས་དབང་བྲི། །གཟུགས་རྣམས་ཐམས་ཅད་འབྱིན་པ་སྟེ། །དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་འགྱིང་ལ་སོགས་ཚུལ་དུ། །སངས་རྒྱས་ལ་སོགས་སེམས་དཔའ་ཆེ། །མཚན་མ་པདྨ་འཆང་བ་བྲི། །དེ་དག་གི་སྙིང་པོ་ནི་འདི་དག་ཡིན་ནོ། །ཨཱཿཨོཾ་ཏ་ཐཱ་ག་ཏ་དྷརྨ་ཧཱུྃ། ཨོཾ་བཛྲ་པདྨ་ཨཾ་ཀུ་ཤ་ཀོ་ཥ་དྷཱ་ར་བཛྲ་སཏྭ་ཧཱུྃ་ཕཊ། ཨོཾ་མཱ་ར་ཡ་མཱ་ར་ཡ་པདྨ་ཀུ་སུ་མ་ཨཱ་ཡུ་དྷ་དྷ་ར་ཨ་མོ་གྷ་ཤ་ར་ཧོ། ཨོཾ་པདྨ་སམྦྷ་པདྨ་ཧསྟ་སཱ་དྷུ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གཉིས་པ་དེ་བཞིན་ཏེ། །དེ་ཡི་དབུས་སུ་བྲི་བ་ནི། །ཐོར་ཚུགས་དབུས་ནའང་དེ་བཞིན་གཤེགས། །དེ་ཡི་ཕྱོགས་ནི་ཐམས་ཅད་དུ། །ཁྲོ་གཉེར་ལ་སོགས་ཚུལ་དུ་ནི། །མཚན་མར་པདྨ་འཆང་བྲི་བ། །ལྟག་འོག་གོ་རིམས་ཇི་བཞིན་བྱ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། ཧཱུྃ། ཨོཾ་པདྨ་བྷྲྀ་ཀུ་ཊཱི་ཊི་ཊི་ཏྲ། ཨོཾ་པདྨ་སཱུརྱ་ཛྲཱ་ལ་ཧཱུྃ། ཨོཾ་པདྨ་མ་ཎི་ཀེ་ཏུ་དྷ་ར། ཙནྡྲ་པྲ་ཧ་ད་ལ་ཨ་བ་ལོ་ཀི་ཏེ་ཤྭ་ར་དེ་ཧི་མེ་སརྦ་ཨརྟ་ན་ཤྲཱི་གྷྲཾ་ས་མ་ཡ་ཧཱུྃ། ཨོཾ་པདྨ་ཨཊྚ་ཧཱ་ས་ཨེ་ཀ་དརྴ་མུ་ཀ་ཧ་ཧ་ཧ་ཧ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གསུམ་པའང་དེ་བཞིན་ཏེ། །སེམས་དཔའ་ཆེན་པོ་སྙོམས་ཞུགས་པར། །པདྨའི་སྟེང་དུ་བཞུགས་པར་བྲི། །དེ་ཡི་ཕྱོགས་ནི་ཐམས་ཅད་དུ། །ལྟག་འོག་གོ་རིམས་ཇི་བཞིན་བྱ། །པདྨ་ལ་སོགས་ཚུལ་དུ་ནི། །སེམས་དཔའ་ཆེན་པོ་རྣམས་ཀྱང་བཞག །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། ཧྲཱིཿ། ཨོཾ་ཏཱ་རཱ་པདྨ་ཨ་བ་ལོ་ཀ་ཡ་མཱ་མ་ས་མ་ཡསཏཱ་ཧཱུྃ། ཨོཾ་པདྨ་ཀུ་མཱ་ར་པདྨ་ཤཀྟི་དྷ་ར་ཁཌ་གེ་ན་ཙྪིནྡ་ཙྪིནྡ་ཧཱུྃ་ཕཊ། ཨོཾ་པདྨ་ནཱི་ལ་ཀཎྠ་ཤ་རཀ་ཙ་ཀྲ་ག་ཏ་པདྨ་པཱ་ཎི་བྱཱ་གྷྲ་ཙརྨྨ་ནི་བ་ས་ནི་ཀྲྀཥྞ་སརྦ་ཀྲྀ་ཏ་ཡ་ཛྙོ་བ་བཱ་ཏི་ཨ་ཛི་ན་རྨྨ་པ་ཙ་ཙ་ནྟོཏ། དྷ་རི་ཡ་ནཱ་རཱ་ཡ་ཎ་རཱུ་པ་དྷ་རེ་ཏྲྀ་ནི་མུ་ཁ་ཨཊྚཱ་ཊྚ་ཧཱ་ས་ན་པྲ་བེ་ཤ་ཡ་ས་མ་ཡ་ན། དེ་ཧི་མེ་སིདྡྷི་ཨ་བ་ལོ་ཀི་ཏེ་ཤྭ་ར་ཧཱུྃ། ཨོཾ་བྲ་ཧྨ་པདྨ་སཾ་བྷ་བ་ཛ་པ་ཛ་བ་པདྨ་པྟ་ཤ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པའང་དེ་བཞིན་ཏེ། །དེར་ནི་པདྨ་ཞལ་བཞི་པ། །པདྨ་མདུང་རྩེ་


DKG084_Page_0166
[མ་དཔེ་གཟིགས་ན་འདིར་གནོན།]

ཐོགས་པར་བྲི། །དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་གར་ལ་སོགས་ཚུལ་དུ། །མཚན་མ་པདྨ་འཛིན་བྲི་བ། །སེམས་དཔའ་ཆེན་པོའི་ཆོ་ག་བཞིན། །དེ་རྣམས་ཀྱི་སྙིང་པོ་ནི་འདི་རྣམས་ཡིན་ནོ། །ཧྲཱིཿ། ཨོཾ་པདྨ་ན་རྟེ་ཤྭ་ར་ནཱ་ཐ་པཱུ་ཛ་ཡ་སརྦ་ཏ་ཐཱ་ག་ཏ་བཛྲ་ཀརྨ་ས་མ་ཡ་ཨཱ་ཀརྵ་ཡ་པྲ་བེ་ཤ་ཡ་བནྡྷ་ཡ་ཨཱ་བེ་ཤ་ཡ་སརྦ་ཀརྨ་སིདྡྷི་མེ་པྲ་ཡཙྪ་ཨ་བ་ལོ་ཀི་ཏེ་ཤྭ་ར་ཧཱུཾ། ཨོཾ་བ་ཡ་ན་དྷ་ཏ་ད་ཨ་བ་ལོ་ཀི་ཏེ་ཤྭ་ར་རཀྵ་བནྡྷ་ཡ་ཀ་བཙེ་ས་མ་ཡེ་ཧཱུྃ། ཨོཾ་མ་ཧཱ་པྲ་ཙཎྚེ་བི་ཤྭ་རཱུ་པ་ཙི་ཀ །པདྨ་དཾཥྚ་ཨཱ་ཀ་རཱ་ལ་བི་ཤྭན་བཛྲ་ཧྲྀ་ད་ཡ་སརྦ་པདྨ་ཡཀྵ་ཁཱ་ད་ཁཱ་ད་དྷི་ཀྡྷི་ཀྡྷི་ཀྡྷི་ཀེ །ཨོཾ་པདྨ་མུཥྚི་ས་མ་ཡ་སྟྭཾ་བནྡྷ་ཧཱུཾ་ཕཊ། རྡོ་རྗེ་ཤུགས་ཀྱིས་བརྒལ་ནས་ནི། །གྲྭ་རྣམསཀུན་དུ་བྲི་བ་ནི། །རྡོ་རྗེ་སྒེག་མོ་ལ་སོགས་ཚུལ། །པདྨ་སྒེ་ག་མོ་ལ་སོགས་ལྷ། །དེ་དག་གི་ནི་ཕྱག་རྒྱ་འདི་རྣམས་སོ། །ཨོཾ་པདྨ་ལཱ་སྱེ་རཱ་ག་ཡ་མ་ཧཱ་དེ་བི་རཱ་ག་མ་ཧཱ་པཱུ་ཛ་སམ་ཡ་ཧཱུྃ། ཨོཾ་པདྨ་མྴ་ལེ་ཨ་བྷི་ཥིཉྩ། ཨ་བྷི་ཥེ་ཀ་པཱུ་ཛཱ་ས་མ་ཡ་ཧཱུྃ། ཨོཾ་པདྨ་གཱི་ཏེ་གཱི་ཏེ་པཱུ་ཛཱ་ས་མ་ཡ་ཧཱུཾ། ཨོཾ་པདྨ་ནྲེ་ཏྱེ་ནྲེ་ཏྱེ་སརྦ་པཱུ་ཛ་པྲ་བརྟན་ས་མ་ཡེ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་རོལ་དཀྱིལ་འཁོར་གྲྭ་རྣམས་སུ། །པདྨའི་མཆོད་པ་ལ་སོགས་བཞི། །མཆོད་པའི་ལྷ་མོ་རྣམས་བྲིའོ། ། དེ་ལ་དེ་དག་གི་མཆོད་པའི་ཕྱག་རྒྱ་ནི་འདི་རྣམས་ཡིན་ནོ། །ཨོཾ་པདྨ་དྡཱུ་པེ་པཱུ་ཛ་ས་མ་ཡེ་པྲ་ཧཱ་ད་ཡ་པདྨ་ཀུ་ལ་དེ་ཡི་ཏེ་མཧཱ་ག་ཎི་པདྨ་ར་ཏི་ཧཱུྃ། ཨོཾ་པདྨ་པུཥྤེ་པཱུ་ཛཱ་ས་མ་ཡ་པདྨ་བཱ་སི་ནི་མ་ཧཱ་ཤྲི་ཡེ་པདྨ་ཀུ་ལ་པྲ་ཏི་ཧ་ར་སརྦ་ཨརྠ་སཱ་དྷ་ཡ་ཧཱུྃ། ཨོཾ་པདྨ་དཱི་པ་པཱུ་ཛཱ་ས་མ་ཡེ་པདྨ་ཀུ་ལ་སུན་རི་མ་ཧཱ་དུ་ཏྱ་ཨཱ་ལོ་ཀ་བཛྲ་བ་ཙི་ན་ཡ་པདྨ་ས་ར་སྭ་ཏི་ཧཱུྃ། ཨོཾ་པདྨ་གནྡྷ་པཱུ་ཛཱ་ས་མ་ཡེ་མ་ཧཱ་པདྨ་ཀུ་ལ་ཙི་ཏེ་ཀུ་རུ་སརྦ་ཀརྨཱ་ཎི་མེ་པདྨ་སིདྡྷི་ཧཱུྃ། དེ་ནས་པདྨའི་སྒོ་བཞི་པོ། །ཀུན་དུ་ཚོགས་སོགས་ཇི་བཞིན་དུ། །ཇི་ལྟ་བ་བཞིན་ལེགས་བྲི་བ། །དེ་དག་སྙིང་པོ་དོན་གྱིས་བྲི། །ཨོཾ་ཧ་ཡ་གྲཱི་བ་མ་ཧཱ་པདྨ་ཨཾ་ཀུ་ཤ་ཡ་ཨཱ་ཀརྵ་ཡ་ཤཱི་གྷཱ་སརྦ་པདྨ་ཀུ་ལ་ས་མ་ཡཾ་པདྨ་ཨཾ་ཀུ་ཤ་དྷཱ་ར་ཧཱུྃ་ཛཿ། ཨོཾ་ཨ་མོ་གྷ་པཱ་ཤ་ཀྲོ་དྷ་ཨཱ་ཀརྵ་ཡ་པྲ་བེ་ཤ་ཡ་མ་ཧཱ་པ་ཤུ་པ་ཏི་ཡ་མ་བ་རུ་ཎ་ཀུ་བེ་ར་བྲཧྨ་བེ་ཤ་དྷཱ་ར་པདྨ་ཀུ་ལ་ས་མ་ཡཱཾ་ཧཱུྃ་ཧཱུྃ། ཨོཾ་པདྨ་སྥོ་ཊ་སྥོ་ཊ་བནྡྷ་སརྦ་པདྨ་ཀུ་ལ་ས་མ་ཡཱཾ་ཤཱི་གྷྲཾ་ཧཱུྃ་བཾ། ཨོཾ་ཥཾ་མུ་ཁ་ས་ནདྐུ་མཱ་ར་བེ་


DKG084_Page_0167
[མ་དཔེ་གཟིགས་ན་འདིར་གནོན།]

ཤ་དྷ་ར་པདྨ་གྷཎྚེ་ཨཱ་བེ་ཤ་ཡ་སརྦ་པདྨ་ཀུ་ལ་ས་མ་ཡཱཾ་སརྦ་མུ་དྲཱཾ་བནྡྷ་ཡ་སརྦ་སིདྡྷི་མྨེ་པྲ་ཡ་ཙྪ་པདྨ་ཨཱ་པེ་ཤ་ཨཿཨཿཨཿཨཿ། དེ་ནས་འགྲོ་བ་ཐམས་ཅད་འདུལ་བ་ཞེས་བྱ་བའི་པདྨའི་དཀྱིལ་འཁོར་གྱི་ཆོ་ག་རྒྱས་པ་བཤད་དོ། །དེ་ལ་དང་པོ་ཁོ་ནར་པདྨའི་སློབ་དཔོན་ཉིད་རྡོ་རྗེ་པདྨ་དམ་ཚིག་གི་ཕྱག་རྒྱ་བཅིངས་ལ་ཇི་ལྟ་བ་བཞིན་དུ་ཞུགས་ཏེ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་སྙིང་པོ་འདིས་ལས་རྣམས་བྱའོ། །ཨོཾ་མ་ཧཱ་པདྨ་སྥོ་ཊ་ཨ་དིྷ་ཏིཥྛ་ཨ། དེ་ནས་དེ་བཞིན་དུ་བཀའ་མནོས་ནས་དམ་ཚིག་གི་ཕྱག་རྒྱས་བདག་ཉིད་དབང་བསྐུར་ཏེ། པདྨའི་དབྱིབས་བསླབས་ནས་རང་གི་པདྨའི་མིང་བརྗོད་ལ་པདྨ་ལྕགས་ཀྱུ་ལ་སོགས་པས་ལས་རྣམས་བྱའོ། །དེ་ནས་ཆོས་ཀྱི་ཕྱག་རྒྱ་དེ་དག་ཉིད་ཀྱིས་སེམས་དཔའ་ཆེན་པོ་རྣམས་བསྒྲུབ་པར་བྱའོ། །དེ་ནས་དངོས་གྲུབ་རྣམས་ཀྱང་དེ་བཞིན་ནོ། །དེ་ནས་པདྨའི་སློབ་མ་རྣམས་གཞུག་པར་བྱ་སྟེ། དེ་ལས་དང་པོར་པདྨའི་སློབ་མ་རྣམས་མནའི་སྙིང་པོ་བྱིན་ལ་འདི་སྐད་དུ་བསྒོ་བར་བྱའོ། །དེང་ནི་ཁྱོད་ཀྱི་སྙིང་ག་ན། །པདྨ་སེམས་དཔའ་ཉིད་བཞུགས་ཏེ། །ཇི་སྟེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །དེ་ནས་ཡང་འདི་སྐད་དུ་བསྒོ་བར་བྱས་ཏེ། གསང་བའི་ཆོ་ག་རྒྱས་པ་འདི་སུ་ལ་ཡང་མ་སྨྲ་ཤིག །ཁྱོད་ཀྱིས་མི་བདེ་བ་མ་སྤངས་པས་དུས་བྱས་ནས་སེམས་ཅན་དམྱལ་བར་ལྟུང་བར་གྱུར་ཏ་རེ། དེ་ནས་སྙིང་པོ་འདིས་དམ་ཚིག་གི་ཕྱག་རྒྱ་བཅིང་བར་བྱའོ། །ཨོཾ་བཛྲ་པདྨ་ས་མ་ཡ་སྟྭཾ། དེ་ནས་གོས་དཀར་པོ་བགོས་ལ་དར་དཀར་པོས་གདོང་གཡོགས་ནས་གཞུག་པར་བྱ་སྟེ། སྙིང་པོ་ནི་འདི་ཡིན། ཨོཾ་པདྨ་ས་མ་ཡ་ཧཱུྃ། དེ་ནས་ལས་རྣམས་ཇི་ལྟ་བ་བཞིན་དུ་བྱས་ནས་པདྨའི་དབྱིབས་ལག་ཏུ་སྦྱིན་ནོ། །ཨོཾ་པདྨ་ཧསྟ་བཛྲ་དྷརྨ་ཧ་ན་པ་ལ་ཡ་ཧེ་ནི། དེས་ཀྱང་འདི་སྐད་དུ་པདྨའི་ཆོས་ཉིད་ཇི་ལྟ་བུ་ལགས་ཞེས་དྲི་བར་བྱའོ། །དེ་ལ་ཡང་འདི་སྐད་དུ་བརྗོད་པར་བྱའོ། །ཇི་ལྟར་པདྨོ་དམར་པོ་འདི། །འདོད་པའི་ཉེས་པས་མི་ཆགས་བཞིན། །ཐམས་ཅད་དག་པར་བསྒོམས་ན་ནི། །དེ་བཞིན་སྡིག་པས་ཆགས་མི་འགྱུར། །དེ་ལ་ཆོས་ཉིད་ནི་འདི་ཡིན་ནོ། །དེ་ནས་པདྨའི་རིགས་ཀྱི་ཕྱག་རྒྱའི་ཡེ་ཤེས་བསླབ་པར་བྱ་སྟེ། སྙིང་ལ་པདྨ་བྲིས་ནས་ཀྱང་། །པདྨ་བསྒོམས་ན་སྙིང་


DKG084_Page_0168
[མ་དཔེ་གཟིགས་ན་འདིར་གནོན།]

ག་ཡི། །པདྨ་དཔལ་ཡང་དབང་འགྱུར་ན། །བུད་མེད་ཕལ་ལ་སྨོས་ཅི་དགོས། །དཔྲལ་བར་སངས་རྒྱས་དབྱིབས་བྲིས་ཏེ། །རྟག་ཏུ་བསྒོམ་པ་བྱས་ན་ནི། །བསྒོམ་པ་དེས་ནི་མྱུར་དུ་ཡང་། །དབང་བསྐུར་བ་ཡང་ཐོབ་པར་འགྱུར། །ཁ་ཡི་ནང་དུ་ལྕེ་སྟེང་དུ། །སངས་རྒྱས་དབྱིབས་ནི་རབ་བསྒོམས་ན། །སྒྲ་དང་ལྷ་མོ་བདག་ཉིད་ཀྱི། །རྟག་ཏུ་ཁ་ན་གནས་པར་འགྱུར། །གཙུག་ཏོར་དབུས་སུ་པདྨ་ནི། །སྙོམས་པར་ཞུགས་ཏེ་བཞག་ནས་ཀྱང་། །གཙུག་ཏོར་པདྨ་བསྒོམས་ན་ནི། །མཁའ་ལ་འགྲོ་བའང་དེ་དབང་འགྱུར། །དེ་དག་གི་སྙིང་པོ་ནི་འདི་རྣམས་ཡིན་ནོ། ། ཨོཾ་པདྨ་ཤྲེ་ཡཾ་བྷཱ་ཥ་ཡ་ཧོ། །ཨོཾ་པདྨ་ཨ་བྷི་ཥེ་ཀ་པྲ་ཡཙྪ་བཾ། པདྨ་ས་ར་སྠི་བི་ཤོ་དྷ་ཡ་ཧཱུྃ། ཨོཾ་པདྨ་ཨུ་དྷ་གྲཾ་བ་ཤིཾ་ཀུ་རུ་ཛཿ། རྩིག་པའམ་ཡང་ནམ་མཁའ་ལའང་རུང། །པདྨ་དམ་པ་བསྒོམས་ན་ནི། །འདི་ནི་སེམས་ཅན་ཐམས་ཅད་ཀྱང་། །དབང་དུ་བྱེད་པ་དམ་པའོ། །ཁ་འམ་ཡང་ན་ཕྱོགས་གཞན་དུ། །པདྨ་དམ་པ་བསྒོམས་ནས་ཀྱང་། །གང་ཚེ་མཐོང་བ་དེ་ཚེ་བླངས། །ཅི་དགའ་བར་ནི་མི་སྣང་འགྱུར། །རྩིག་པའམ་ཡང་ན་ནམ་མཁའ་ལ། །པདྨ་རྒྱ་གྲམ་བྲིས་ནས་ནི། །གང་ཚེ་མཐོང་ནས་བླངས་པ་ཡི། །དེ་ཚེ་སྣ་ཚོགས་གཟུགས་དེ་འགྱུར། །མཁའ་འམ་ཡང་ན་ཕྱོགས་གཞན་དུ། །རྡོ་རྗེ་པདྨ་བསྒོམས་ནས་ཀྱང་། །དེ་བླངས་སྐད་ཅིག་ཉིད་ཀྱིས་ནི། །པདྨའི་རིག་པ་འཛིན་པར་འགྱུར། །དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་བཛྲ་ཛ་གད་བ་ཤི་ཛྙཱ་ན་པདྨ་ཨཱ་བེ་ཤ་ཡ། ཨོཾ་ཛྙཱ་མ་པདྨ་ཏིཥྛ་ཨ་ཤ་ན་བ་ཀུ་རུ་བཾ། ཨོཾ་ས་མཱ་དྷི་བི་ཤྭ་པདྨ་ཏིཥྛ་རཱུ་པཾ་ནེ་དྷ་ར་ཤ་ཡ་བྷ་ག་བཱཾ་བཾ། ཨོཾ་ས་མཱ་དྷི་བཛྲ་པདྨོཥྛ་ཨ་དྷི་ཏིཥྛ་ཤཱི་གྷྲཾ་ཧྲི། དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲིས་ནས་ནི། །དེ་ཡི་མདུན་དུ་རྟ་མགྲིན་གྱི། །ཕྱག་རྒྱ་མཆོག་གིས་འདྲེན་པར་བྱ། །དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲི་བར་བྱ། །ངེས་པའི་ཞགས་པ་ཕྱག་རྒྱ་ཡིས། །འགྲོ་བ་ཐམས་ཅད་དེས་དབང་བྱེད། །དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲི་བར་བྱ། །དེ་ཡི་མདུན་དུ་པདྨ་ཡི། །ལྕགས་སྒྲོག་མཆོག་གི་ཕྱག་རྒྱ་བཅིངས། །དཀྱིལ་འཁོར་ལ་སོགས་ཐམས་ཅད་


DKG084_Page_0169
[མ་དཔེ་གཟིགས་ན་འདིར་གནོན།]

དུ། །སྤྱན་རས་གཟིགས་དབང་བྲི་དེ་ཡི། །མདུན་དུ་པདྨ་དྲིལ་བུ་ཡིས། །ཐམས་ཅད་འབེབས་པའི་དམ་པའོ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་པདྨ་ཨཱ་ཀརྵ་ཡ་སརྦ་མ་ཧཱ་ས་ཏྭཾ་ཧཱུྃ་ཛཿ། ཨོཾ་ཨ་མོ་གྷ་པཱ་ཤ་ཀྲོ་དྷ་ཧཱུྃ་ཧོ་ཧི། ཨོཾ་པདྨ་སྥོ་ཊ་བཾ། ཨོཾ་པདྨ་གྷ་ནྚ་ཨཱ་བེ་ཤ་ཡ་སརྦ་ཨཿ། བདག་ཉིད་ཀྱིས་ནི་བདག་ཉིད་ཉིད། །པདྨ་ཞལ་བཞི་སེམས་དཔར་ཡང་། །བསྒོམས་ཏེ་དེ་ནས་གྲུབ་ནས་ནི། །སྐད་ཅིག་གིས་ནི་གཟུགས་མ་འགྱུར། །དེ་ལྟར་བདག་ཉིད་བདག་ཉིད་ཀྱིས། །རྡོ་རྗེ་ཆོས་ཀྱི་ཏིང་འཛིན་གནས། །པདྨ་པདྨ་བསྒོམས་ན་ནི། །ཟད་མི་ཤེས་པའི་གོ་འཕང་འཐོབ། །སྤྱན་རས་གཟིགས་དབང་གཙུག་ཏོར་དབུས། །བདག་གིས་སངས་རྒྱས་གཟུགས་སུ་ནི། །བདག་ཉིད་ཀྱིས་ནི་བསྒོམས་གྱུར་ན། །ཚེ་དཔག་མེད་པའང་མཉམ་པར་འགྱུར། །སྣ་ཚོགས་གཟུགས་ཀྱིས་ཏིང་འཛིན་གནས། །སྣ་ཚོགས་གཟུགས་ཀྱི་ཏིང་འཛིན་དུ། །བདག་ཉིད་ཀྱིས་ནི་བསྒོམས་ན་ནི། །སྤྱན་རས་གཟིགས་དབང་མཉམ་པར་འགྱུར། །དེ་ལ་དེ་དག་གི་སྙིང་པོ་རྣམས་ནི་འདི་ཡིན་ནོ། །པདྨ་བི་ཤྭ། དྷརྨ་ཀ་ཡ་པདྨ། བུདྡྷ་ཨ་བྷི་ཥེ་ཀ་ཨ་བ་ལོ་ཀི་ཏེ་ཤྭ་ར། དེ་ནས་དཀྱིལ་འཁོར་ཆེན་པོ་ཐམས་ཅད་ཀྱི་ཕྱག་རྒྱའི་ཡེ་ཤེས་བསླབ་བོ། །དེ་ལ་རེ་ཞིག་དང་པོར་ནི་ཕྱག་རྒྱ་ཆེན་པོའི་ཡེ་ཤེས་ཡིན་ཏེ། ཇི་ལྟར་རི་མོའི་ཚུལ་དུ་ནི། །ཟླ་བའི་དཀྱིལ་འཁོར་དབུས་གནས་ཤིང་། །པདྨ་ལ་གནས་སེམས་དཔར་ནི། །བདག་ཉིད་ཀྱིས་ནི་བདག་ཉིད་བསྒོམ། །དེ་ནས་དེ་དག་གི་ལས་ནི་འདི་དག་ཡིན་ནོ། ། སངས་རྒྱས་ཕྱག་རྒྱ་ཆེ་བཅིངས་ན། །ཚེ་དཔག་མེད་དང་མཉམ་པར་འགྱུར། །རྡོ་རྗེ་པདྨ་བཅིངས་ན་ནི། །སྤྱན་རས་གཟིགས་དབང་མཉམ་པར་འགྱུར། །སངས་རྒྱས་དབང་གིས་བཅིངས་ན་ནི། །བདེ་བར་གཤེགས་པས་དེ་དབང་བསྐུར། །པདྨ་པདྨའི་ཏིང་འཛིན་འཐོབ། །སྣ་ཚོགས་ཀྱིས་ནི་སྣ་ཚོགས་མཆོག །སྣ་ཚོགས་གཟུགས་ཀྱིས་འདུལ་བ་དང་། །སངས་རྒྱས་རིན་ཆེན་དབང་བསྐུར་འགྱུར། །པདྨ་སེམས་དཔའི་ཏིང་འཛིན་གྱིས། །པདྨ་ཁྲོ་བོ་དབང་ཕྱུག་དཔལ། །རྡོ་རྗེ་འཇིག་རྟེན་དབང་ཕྱུག་གིས། །པདྨ་འདོད་པའི་དངོས་གྲུབ་མཆོག །སངས་རྒྱས་དབང་གིས་


DKG084_Page_0170
[མ་དཔེ་གཟིགས་ན་འདིར་གནོན།]

སངས་རྒྱས་ཉིད། །རྡོ་རྗེ་པདྨ་གྲུབ་མཆོག་སྦྱིན། །འདོད་པའི་པདྨ་རབ་འདོད་ལྡན། །དགའ་བ་ཡིས་ནི་ལེགས་པ་སྦྱིན། །ཁྲོ་གཉེར་གྱིས་ནི་ཁྲོ་ཞིར་འགྱུར། །པདྨའི་ཉི་མ་གཟི་བརྗིད་མཆོག །པདྨ་ཟླ་བས་མཛེས་པ་ཆེ། །བཞད་པས་རབ་བཞད་གྲུབ་པ་འཐོབ། །གྲོལ་བས་དངོས་གྲུབ་མཆོག་འཐོབ་བོ། །པདྨ་རལ་གྲིས་ལོངས་སྤྱོད་འཐོབ། །མགྲིན་སྔོན་གྱིས་ནི་འགུགས་པ་ཆེ། །གོས་དཀར་གྱིས་ནི་དངོས་གྲུབ་འཐོབ། །པདྨ་གར་དབང་གིས་འགྲུབ་སྟེ། །མི་འཇིགས་རྟག་ཏུ་འཇིགས་པ་མེད། །རབ་གཏུམ་གྱིས་ནི་མ་ལུས་འདུལ། །པདྨ་ཁུ་ཚུར་རབ་ཏུ་སྒྲུབ། །སྒེག་མོ་དགའ་ཞིང་ཕྲེང་བ་ནོར། །གླུར་བླངས་གར་བདེ་བདུག་པས་ཆིམ། །མེ་ཏོག་མཛེས་ཤིང་མེ་མར་ལྟ། །དྲིས་ནི་མཆོག་གི་དྲིར་ཡང་འགྱུར། །རྟ་མགྲིན་གྱིས་ནི་ཡང་དག་འགུགས། །གདོན་མི་ཟ་བར་དབང་དུ་བྱེད། །པདྨ་ལྕགས་སྒྲོག་བཅིང་བ་ཆེ། །དྲིལ་བུས་ཀུན་ནས་འབེབས་བྱེད་དོ། །དེ་ནས་པདྨའི་རིགས་ཀྱི་དམ་ཚིག་གི་ཕྱག་རྒྱའི་ཡེ་ཤེས་ཡིན་ཏེ། རྡོ་རྗེ་བསྡམས་པ་བཅིངས་ནས་ནི། །མཐེ་བོ་མཐེའུ་ཆུང་མཉམ་པར་བསྒྲེང་། །ཕྱག་རྒྱ་འདི་ནི་ཆོས་དམ་ཚིག །སངས་རྒྱས་ཆོས་ནི་རབ་ཐོབ་བྱེད། །རྡོ་རྗེ་བསྡམས་པ་བཅིངས་ནས་ནི། །མཛུབ་མོ་གུང་མོ་སྲིན་ལག་མཉམ། །སངས་རྒྱས་རིགས་མཆོག་ཕྱག་རྒྱ་དེ། །སངས་རྒྱས་ཉིད་དུ་འགྲུབ་པར་བྱེད། །རྡོ་རྗེ་བསྡམས་པ་བཅིངས་ནས་ནི། །གུང་མོ་རྡོ་རྗེ་རབ་མཉམ་པ། །འདི་ནི་རྡོ་རྗེ་རིགས་དམ་པའི། །ཕྱག་རྒྱ་ཡིན་ཏེ་རྡོ་རྗེ་འགྲུབ། །དེ་ལས་གུང་མོ་རིན་ཆེན་འདྲ། །རྡོ་རྗེ་རིན་ཆེན་རབ་འགྲུབ་བྱེད། །གུང་མོ་པདྨའི་ཚུལ་དུ་བྱས། །པདྨའི་དངོས་གྲུབ་ཐོབ་པར་བྱེད། །རྡོ་རྗེ་ཐལ་མོ་བསྡམས་ནས་ནི། །རྡོ་རྗེའི་ལས་ནི་བྱེད་པར་འགྱུར། །ཆོས་ཀྱི་རྡོ་རྗེ་བཅིངས་ན་ནི། །སྐད་ཅིག་གིས་ནི་དམ་ཚིག་འགྲུབ། །རྡོ་རྗེ་བསྡམས་ལས་མཛུབ་མཉམ་པས། །སངས་རྒྱས་དངོས་གྲུབ་ཐོབ་པར་བྱེད། །དེ་ནས་རབ་ཏུ་བཤད་བྱ་བ། །སེམས་དཔའི་ཕྱག་རྒྱ་ཁྱད་པར་དུ། །རྡོ་རྗེ་ཐལ་མོ་བསྡམས་ནས་ཀྱང་། །གུང་མོ་མཉམ་པར་བསྡམས་ནས་ནི། །མཐེ་བོ་མཐེའུ་ཆུང་ཕྱེ་བ་ནི། །སྣ་ཚོགས་པདྨར་བཤད་པ་ཡིན། །དེ་ལས་མཐེ་བོ་གཉིས་བསྣོལ་ཏེ། །མཛུབ་


DKG084_Page_0171
[མ་དཔེ་གཟིགས་ན་འདིར་གནོན།]

གཉིས་རྩེ་མོ་སྤྲད་ལ་དགུག །དབུས་ཀྱི་རྡོ་རྗེ་སྤྱི་གཙུག་ཕུད། །གཙུག་ཕུད་སངས་རྒྱས་ཡིན་པར་བཤད། །རྡོ་རྗེ་བསྡམས་པ་དམ་བྱས་ལ། །མཐེ་བོ་མཉམ་སྟེ་བཏུད་ནས་ནི། །མཛུབ་མོ་གཉིས་ནི་རྩེ་སྤྲད་དགུག །བཀན་ནས་ཏིང་ངེ་འཛིན་དུ་བཅུག །ཐལ་མོ་པདྨོ་མཉམ་སྦྱར་ལ། །མཛུབ་མོ་རྡོ་རྗེར་མཉམ་ན་ནི། །མཐེ་བོ་ངོས་ལ་སྦྱར་བ་འདི། །ངེས་པའི་དབང་ཕྱུག་ཕྱག་རྒྱའོ། །རྡོ་རྗེ་བསྡམ་པ་བསྡམས་ནས་ནི། །ལེགས་པར་བཀན་ཏེ་བཅིངས་ནས་ཀྱང་། །མཐེ་བོ་གཉིས་ནི་པདྨར་བསྒྲེང་། །སངས་རྒྱས་པདྨ་ཡིན་པར་བཤད། །མཐེ་བོ་གཉིས་ནི་རྡོ་རྗེར་མཉམ། །མཛུབ་མོ་ལྕགས་ཀྱུ་རལ་གྲིར་བྱ། །མཐེའུ་ཆུང་གཉིས་ནི་སོ་སོར་དབྱེ། །གུང་མོ་སྲིན་ལག་པདྨོར་བྱ། །པདྨ་མཉམ་པར་རབ་སྦྱར་ལ། །མཛུབ་མོས་མཛུབ་མོ་གཟུང་ནས་སུ། །འདྲེན་པར་བྱེད་པ་པདྨའི་མདའ། །ཐལ་མོ་མཉམ་པར་སྦྱར་ནས་བཀན། །ལེགས་པའི་ཕྱག་རྒྱ་བཅིངས་ན་ནི། །ལེགས་སོ་ཞེས་བྱ་སྦྱིན་པར་བྱེད། །པདྨའི་ལེགས་པ་ཡིན་པར་གྲགས། །ཐལ་མོ་མཉམ་པར་རབ་སྦྱར་ལ། །མཛུབ་མོ་རྩེ་མོ་མཉམ་སྟེ་དགུག །མཐེའུ་ཆུང་ཕྱེ་ནས་མཛོད་སྤུར་བཞག །པདྨ་ཁྲོ་གཉེར་ཞེས་བྱའོ། །རྡོ་རྗེ་བསྡམས་པ་དམ་བྱས་ལ། །སོར་མོ་ཐམས་ཅད་དཀྱིལ་འཁོར་དུ། །སྙིང་གར་རབ་ཏུ་བརྐྱང་བ་ནི། །པདྨའི་ཉི་མ་ཡིན་པར་བཤད། །ཐལ་མོ་རབ་ཏུ་དམ་སྦྱར་ལ། །མཛུབ་གཉིས་རིན་ཆེན་འདྲ་བར་བྱ། །དཔུང་པའི་སྤྱི་བོར་རབ་བརྒྱན་པ། །པདྨ་རིན་ཆེན་རྒྱལ་མཚན་རྩེའོ། །རྡོ་རྗེ་བསྡམས་པ་སྤྱི་བོར་བཞག །ཁ་དང་བཅས་པར་རབ་བརྐྱང་ནས། །ཉིད་ཀྱི་ཁ་ནས་རྒོད་པ་དང་། །ཁ་ནི་བཅུ་གཅིག་ཉིད་དུ་འགྱུར། །ཏིང་འཛིན་པདྨར་བཅིངས་ནས་ནི། །མཐེ་བོ་གཉིས་ནི་སོ་སོར་འབྱེད། །པདྨ་སྒྲོལ་བའི་ཕྱག་རྒྱ་ལས། །མཛུབ་གཉིས་པདྨའི་ཚུལ་དུ་དགུག །པདྨ་སྒྲོལ་བའི་ཕྱག་རྒྱ་འདི། །དངོས་གྲུབ་ཐམས་ཅད་གྲུབ་པར་བྱེད། །རལ་གྲིའི་ཚུལ་དུ་བྱས་པ་འདི། །པདྨའི་རལ་གྲིའི་ཕྱག་རྒྱ་ཡིན། །མཐེའུ་ཆུང་པདྨ་ཆེན་པོར་བྱ། །མཐེ་བོ་གཉིས་དེ་བཞིན་དབྱུག་ལྟར་བསྒྲེང་། །མཛུབ་མོ་རྩེ་མོ་དུང་ཆེན་བྱ། །གུང་མོ་སྲིན་ལག་འཁོར་ལོར་བྱ། །རྡོ་རྗེ་ཐལ་མོ་དམ་བྱས་ལ། །གཡས་པ་ཨོཾ་


DKG084_Page_0172
[མ་དཔེ་གཟིགས་ན་འདིར་གནོན།]

དུ་ནང་དུ་གཞུག །གཡོན་པའི་མཛུབ་མཐེབ་བཟླས་པར་བྱ། །སེར་ཀུན་ཆུ་སྐྱེས་ཁ་བྱེ་འདྲ། །རྡོ་རྗེ་ཐལ་མོ་མཉམ་སྦྱར་ལ། །གཡོན་དང་གཡས་ནས་དེ་བཞིན་དུ། །འགྱིང་བཅས་གར་བྱེད་བསྐོར་ནས་ནི། །སྤྱི་བོར་བཞག་པ་པདྨ་ཅན། །རྡོ་རྗེ་ཐལ་མོ་དམ་བྱས་ལ། །རྩེ་མོ་ཐམས་ཅད་ཁ་ཕྱེ་བ། །བསྐོར་ཏེ་པདྨའི་སྙིང་གར་ནི། །བཞག་ནས་བསྟན་པར་བྱེད་པ་པོ། །རྡོ་རྗེ་ཐལ་མོ་དམ་བྱས་ལ། །གསང་བའི་གནོད་སྦྱིན་ཚུལ་དུ་ནི། །ཐལ་མོ་བརྐྱང་སྟེ་བསྐུམས་ནས་ནི། །ཁར་བཞག་པདྨའི་གནོད་སྦྱིན་མ། །རྡོ་རྗེ་ཁུ་ཚུར་བཅིངས་ནས་ཀྱང་། །གུང་མོ་གཉིས་ནི་ཕྱིར་བཀུག་སྟེ། །རང་གི་མཐེ་བོ་རྒྱབ་མནན་པ། །པདྨའི་ཁུ་ཚུར་ཞེས་ཀྱང་བཤད། །རྡོ་རྗེ་དབྱིངས་ཀྱི་ཚུལ་གྱིས་ནི། །རྡོ་རྗེ་ཐལ་མོ་ལས་བྱུང་བ། །མཆོད་པའི་ལྷ་མོ་ཐམས་ཅད་ཀྱི། །དམ་ཚིག་མཆོག་རྣམས་བཅིང་བའོ། །རྡོ་རྗེ་བསྡམས་པ་དམ་བྱས་ལ། །མཛུབ་མོ་གཉིས་ནི་མཉམ་སྦྱར་ནས། །བཀུག་ནས་རྩེ་མོ་སྦྱར་བ་ནི། །རྟ་མགྲིན་གྱི་ནི་ཡིན་པར་བཤད། །པདྨའི་ཐལ་མོ་མཉམ་སྦྱར་ལ། །མཛུབ་གཉིས་མདུད་པར་མདུད་པ་ན། །ངེས་པར་ཞགས་པའི་ཕྱག་རྒྱ་ཡིན། །མཐེབ་མཛུབ་ལྕགས་སྒྲོག་འདྲ་བར་བྱ། །རྡོ་རྗེ་དབབ་པའི་ཚུལ་གྱིས་ནི། ། པདྨའི་ཐལ་མོ་མཉམ་སྦྱར་ལ། །སྲིན་ལག་མཐེའུ་ཆུང་གཉིས་བར་དུ། །མཐེ་བོ་གཉིས་བཅུག་དམ་དུ་བཙིར། །དེ་ནས་པདྨ་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ནི་འདི་ཡིན་ཏེ། །ཧྲཱིཿགྲྀ་ཀྲྀ་ཧི། ཤྲྀ་ཤི་དྷི་ཧི། གྲྀ་ཏི་ཀྲྀ་བི་ཁི་མིཥྚི་ཨ། པདྨ་ཁུ་ཚུར་གཉིས་བྱས་ལ། །ལས་ཀྱི་ཕྱག་རྒྱ་བསྒྲུབ་པར་བྱ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་གཟུངས་ཀྱི་དམ་ཚིག་འབྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་དྷརྨ་ས་མ་ཡ་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་རིག་


DKG084_Page_0173
[མ་དཔེ་གཟིགས་ན་འདིར་གནོན།]

པ་དམ་པ་འདི་གསུངས་སོ། །ཨོཾ་བཛྲ་ས་མ་ཡེ་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་མ་ཎི་རཏྣ་ས་མ་ཡེ་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། ། ཨོཾ་པདྨ་སམ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ཨོཾ་ཀརྨ་ས་མ་ཡེ་ཧཱུྃ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོས་རང་གི་རིགས་ཀྱི་ཕྱག་རྒྱའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །པདྨའི་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་དབུས་པདྨའི་སྟེང་དུ་ནི། །རྡོ་རྗེ་དབྱིངས་ཀྱི་དབང་མོ་བྲི། ། དེ་ཡི་ཕྱོགས་རྣམས་ཐམས་ཅད་དུ། །དམ་ཚིག་མཆོག་རྣམས་སྔ་མ་བཞིན། །རང་གི་རིག་པ་རྣམ་ལྡན་པར། །ཆོས་ཀྱི་རྡོ་རྗེ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་སརྦ་ཏ་ཐཱ་ག་ཏ་དྷ་རྨེ་ཤྭ་རི་ཧཱུྃ། ཨོཾ་དྷརྨ་ས་མ་ཡེ་བཛྲ་པདྨ་ནི་ཧཱུྃ། ཨོཾ་བུད་དྷ་ཨ་བྷི་ཥེ་ཀ་རཏྣ་ས་མ་ཡེ་ཧཱུཾ། ཨོཾ་ཏཱ་རཱ་ས་མ་ཡེ་ཧཱུྃ། ཨོཾ་བི་ཤྭ་མུ་ཁེ་ཧཱུྃ། སྣ་ཚོགས་གཟུགས་མཆོག་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །དེ་ཡི་དབུས་སུ་པདྨ་ཡིས། །བསྐོར་བའི་པདྨ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །པདྨའི་ཕྱག་རྒྱ་གཉིས་གནས་པ། །པདྨའི་མཚན་མ་བྲི་བར་བྱ། །བདེ་གཤེགས་ཉིད་ཀྱི་ཉིད་ཕྱག་རྒྱ། །དེ་ལ་དེ་དག་གི་ཕྱག་རྒྱ་ནི་འདི་རྣམས་ཡིན་ནོ། །ཧྲཱིཿ། ཨོཾ་པདྨ་ཏ་ཐཱ་ག་ཏོ། ཨོཾ་པདྨ་ས་མཏྣ་བྷ་དྲེ། པདྨ་བཛྲ་ཨཾ་ཀུ་ཤོ་ཀོ་ཥ་དྷཱ་རི་ཎཱི་ཧཱུྃ། ཨོཾ་པདྨ་ར་ཏི། ཨོཾ་པདྨ་དུཥྚི། དེ་བཞིན་དཀྱིལ་འཁོར་གཉིས་པར་ཡང་། །རྡོ་རྗེ་ཤུགས་ཀྱིས་བརྒལ་ནས་ནི། །གཙུག་ཕུད་ཆུ་སྐྱེས་ཆེ་གནས་པའི། །སངས་རྒྱས་དབང་བསྐུར་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་རིམ་པ་ཇི་བཞིན་དུ། །པདྨའི་མཚན་མར་ལྡན་པ་ཡི། །དམ་ཚིག་མཆོག་རྣམས་གཞག་པར་བྱ། །དེ་ལ་དེ་དག་གི་སྙིང་པོ་ནི་འདི་


DKG084_Page_0174
[མ་དཔེ་གཟིགས་ན་འདིར་གནོན།]

རྣམས་ཡིན་ནོ། །ཤྲཱིཿ། ཨོཾ་བྷྲྀ་ཀུ་ཊཱི་བེ་ཏཱ་ཌི་པདྨེ་ཧཱུྃ། ཨོཾ་པདྨེ་ཛྭཱ་ལེ། ཨོཾ་སཽ་མེ་ནི་པདྨེ་ནི་ཧཱུྃ། ཨོཾ་པདྨ་ཧཱ་སི་ནི་ཨེ་ཀེ་ད་ཤ་བ་ཀ་ཏྲེ་དི་རི་དི་རི་ཨི་ཨཊྚེ། །བཊྚེ་ཙ་ལེ་པྲ་ཙ་ལེ། ཀུ་སུ་མ་དྷ་རེ་ཨི་ལེ་པྲ་བེ་ཤ་སིདྡྷི་མེ་པྲ་ཡ་ཙྪ་ཧཱུྃ། དེ་བཞིན་དཀྱིལ་འཁོར་གསུམ་པར་ཡང་། །རྡོ་རྗེ་ཤུགས་ཀྱིས་བརྒལ་ནས་ཀྱང་། །དེ་ཡི་དབུས་སུ་པདྨ་མཛེས། །པདྨའི་ཕྱག་རྒྱ་གཞག་པར་བྱ། །དེ་བཞིན་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །པདྨའི་མཚན་མར་ལྡན་པ་ཡི། །པདྨ་ལ་ནི་གནས་པར་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །བྷི་དྷཱིཿཛྟི། ཨོཾ་ཏཱ་རེ་ཏུ་ཏྟཱ་རེ་ཧཱུྃ། ཨོཾ་དྷི་ཧཱུྃ། པདྨ་ཙཀྲ་ཤཾ་ཁ་དྷཱ་ར་ཎཱི། ནཱི་ལ་ཀཎྛ་སིད་དྷྱ་སིད་དྷྱ་ཧཱུྃ། །ཨོཾ་པཎྜ་ར་པཱ་སེ་ན་པདྨ་སཾ་བྷ་བེ་བ་དྷ་བ་དྷ་ཧཱུྃ། དེ་བཞིན་དཀྱིལ་འཁོར་བཞི་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང་། །པདྨའི་དབུས་སུ་པདྨ་ནི། །འབར་བའི་ཕྲེང་བས་བསྐོར་འོད་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །པདྨའི་དབུས་ན་གནས་པ་ཡི། །པདྨའི་མཚན་མ་ལྡན་པར་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །སྟྲི། ཨོཾ་པདྨ་ནྲྀ་ཏྱེ་ཤྭ་རི་པཱུ་ཛ་ཡ་སརྦ་ཏ་ཐཱ་ག་ཏཱ་ནཱཾ་ན་ཏ་ན་ཏ་ཧུྃ། ཨོཾ་ཨ་བེ་ཤ་ཡ་པདྨ་ཀ་བ་ཙ་བན་དྷ་ར་ཀྲ་མ་ན་ཧཱུཾ། ཧམ། ཨོཾ་མ་ཧཱ་པྲ་ཙཎྜི་པདྨ་ཡཀྵི་ཎི་བི་ཤྭ་རཱུ་པ་ངྷཱ་ར་ཎཱི་བི་ཤྭ་པ་ཡ་སརྦ་དུཥྚ་ཁཱ་ད་ཁཱ་ད་ཧཱུཾ་ཕཊ། ཨོཾ་པདྨ་མུཥྚི་ཨ་མུ། རྡོ་རྗེ་ཤུགས་ཀྱིས་བརྒལ་ནས་ནི། །སངས་རྒྱས་མཆོད་པ་རྣམས་བྲི་བ། །པདྨ་ལྕགས་ཀྱུ་ལ་སོགས་རྒྱ། །མདོར་ན་པདྨའི་མཚན་མ་ཅན། །དེ་ནས་དེ་དག་གི་ཕྱག་རྒྱ་ནི་འདི་རྣམས་སོ། །ཨོཾ་པདྨ་ར་ཏི་པཱུ་ཛེ་ཧོ། །ཨོཾ་པདྨ་ཨ་བྷི་ཥེ་ཀེ་པཱུ་ཛེ་ར་ཏི། ཨོཾ་པདྨ་གཱི་ཏེ་པཱུ་ཛེ་གི །ཨོཾ་པདྨ་ནྲྀ་ཏྱེ་པཱུ་ཛེ་ཧོ། ཨོཾ་པདྨ་ནི་པུཥྤ་ཧཱུྃ། པདྨ་ཀུ་ལ་སུན་ད་རི། །དྷ་རྨ་ཨཱ་ལོ་ཀེ་པཱུ་ཛྭ་ཡ་ཧཱུྃ། ཨོཾ་པདྨ་གན་དྷེ་ཧཱུྃ། མཆོད་པ་རྣམས་སོ། །ཨོཾ་པདྨ་ཨཾ་ཀུ་ཤ་ཨཱ་ཀརྵ་ཡ་མ་ཧཱ་པདྨ་ཀུ་ལ་ན། ཧ་ཡ་གྲཱི་བ་ས་མ་ཡེ་ཧཱུྃ་ཛཿ། ཨོཾ་ཨ་མོ་གྷ་པཱ་ཤ་ཀྲོ་དྷ་ས་མ་ཡེ་པྲ་བེ་ཤ་ཡ་སརྦ་ས་ཏྭ་ས་མ་ཡཾ་ཧཱུྃ། ཨོཾ་པདྨ་ཤྭཾ་ཀ་ལེ་བཾ། ཨོཾ་པདྨ་གན་དྷ་དྷཱ་རི་ཤྲཱི་གྷྲཾ་ཨཱ་བེ་ཤ་ཡ། ས་མ་ཡཾ་ཤ་ན་མུ་ཀི་ཨ། དེ་ནས་ཕྱག་རྒྱའི་དཀྱིལ་འཁོར་


DKG084_Page_0175
[མ་དཔེ་གཟིགས་ན་འདིར་གནོན།]

འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས་པདྨའི་སློབ་མ་རྣམས་ཇི་ལྟ་བ་བཞིན་བཙུད་དེ། འདི་སྐད་དུ་ཁྱོད་ཀྱིས་གསང་བ་འདི་སུ་ལ་ཡང་མ་སྨྲ་ཤིག །ཁྱོད་སེམས་ཅན་དམྱལ་བར་ལྷུང་ང་རེ། ཚེ་གཅིག་ཏུ་སྡུག་བསྔལ་བར་འགྱུར་ཏ་རེ། དེ་ནས་ཕབ་ནས་འདི་སྐད་དུ་ཁྱོད་ཀྱི་མིག་ལམ་དུ་ཅི་ཞིག་སྣང་ཞེས་དྲིས་ནས། དེས་ཇི་སྐད་དུ་སྨྲས་པ་དེ་བཞིན་དུ་དངོས་གྲུབ་ཏུ་འགྱུར་རོ། །དེས་གལ་ཏེ་ནམ་མཁའ་དཀར་བར་མཐོང་ན་ནི་དེའི་ཚེ་དེའི་དངོས་གྲུབ་དམ་པའི་ཡེ་ཤེས་བསླབ་པར་བྱའོ། །ཡང་ན་སེར་པོ་མཐོང་ན་ནི་དེ་ནོར་འགྲུབ་པའི་ཡེ་ཤེས་བསླབ་བོ། །ཅི་སྟེ་དམར་པོ་མཐོང་ན་ནི་རྗེས་སུ་དགའ་བར་འགྱུར་བའི་ཡེ་ཤེས་བསླབ་བོ། །ཅི་སྟེ་ནག་པོ་མཐོང་ན་ནི་མངོན་སྤྱོད་ཀྱི་ཡེ་ཤེས་བསླབ་བོ། །ཇི་སྟེ་སྣ་ཚོགས་མཐོང་ན་ནི་དངོས་གྲུབ་ཐམས་ཅད་ཀྱི་ཡེ་ཤེས་བསླབ་པ་གོ་བར་ཤེས་ནས་ཇི་ལྟ་བ་བཞིན་དུ་གདོང་གཡོགས་པ་བཀྲོལ་ནས་སྣོད་ཇི་ལྟ་བ་བཞིན་དུ་ཡེ་ཤེས་བསྐྱེད་དེ། ཕྱག་རྒྱའི་ཡེ་ཤེས་བསླབ་པར་བྱའོ། །དེ་ལྟར་རྡོ་རྗེ་དབྱིངས་ལ་སོགས་པའི་དཀྱིལ་འཁོར་ཐམས་ཅད་དུ་ཡང་སྣོད་ཇི་ལྟ་བ་བཞིན་དུ་ཕྱག་རྒྱའི་ཡེ་ཤེས་བསླབ་པ་ནི་འདི་བཞིན་དུ་བརྟག་པར་བྱའོ། །དེ་ནས་དངོས་གྲུབ་དམ་པ་སྒྲུབ་པའི་ཡེ་ཤེས་ནི་འདི་ཡིན་ཏེ། སྤྱན་རས་གཟིགས་དབང་སེམས་དཔའ་ཆེ། །སྣ་ཚོགས་གཟུགས་སུ་བདག་ཉིད་ཀྱིས། །བསྒོམས་ན་ཕྱག་རྒྱ་ཆེན་པོ་ཡི། །མཆོག་གི་དངོས་གྲུབ་ཐོབ་པར་འགྱུར། །སངས་རྒྱས་དབང་གིས་དམ་ཚིག་ནི། །མཉམ་པར་བཞག་པས་བརྟན་བྱས་ཏེ། །བདག་ཉིད་ཀྱིས་ནི་བསྒོམས་ན་ནི། །མཆོག་གི་དངོས་གྲུབ་ཐོབ་པར་འགྱུར། །པདྨ་པདྨ་སེམས་དཔའ་ཆེ། །བདག་ཉིད་མཉམ་པར་བཞག་པས་བསྒོམས། །བདག་ཉིད་ཀྱིས་ནི་དམ་པ་ཡི། །དངོས་གྲུབ་ཐོབ་པ་ཉིད་དུ་འགྱུར། །རང་བྱུང་གདོན་མི་ཟ་བ་ཡི། །དབང་ཕྱུག་ལས་ཀྱི་ཕྱག་རྒྱ་ནི། །ཆོ་ག་བཞིན་བསྒྲུབས་མྱུར་བར་ཡང་། །མཆོག་གི་དངོས་གྲུབ་ཐོབ་པར་འགྱུར། །དེ་ནས་དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་པདྨ་སཏྭ་ཧཾ་སིད་དྷྱ་ཧོ། ཨོཾ་བུད་དྷ་ཨ་བྷི་ཥེ་ཀ་ཀྲོ་དྷོ་ཧཾ། སིད་དྷྱ་ཧོ། །ཨོཾ་དྷ་རྨ་ས་མཱ་དྷི་ར་ཧཾ་སིད་དྷ་ཧོ། ཨོཾ་ཨ་མོ་གྷེ་ཤྭ་རོ་


DKG084_Page_0176
[མ་དཔེ་གཟིགས་ན་འདིར་གནོན།]

ཧཾ། སིད་དྷྱ་མཱཾ། །དེ་ནས་ནོར་སྒྲུབ་པའི་ཡེ་ཤེས་ནི་འདི་ཡིན་ཏེ། ཁ་ཡི་ནང་དུ་དབྱིག་བཅུག་སྟེ། །སྣ་ཚོགས་དབང་ཕྱུག་ཕྱག་རྒྱ་ཆེ། །བདག་ཉིད་ཉིད་ཀྱིས་བསྒོམས་ན་ནི། །གཅིག་ཏུ་གྱུར་ལས་སྟོང་དུ་འགྱུར། །གསེར་སྲང་བརྒྱད་ཆ་བླངས་ནས་ནི། །དམ་ཚིག་མཆོག་ནི་རབ་བརྟན་པར། །བདག་ཉིད་ཀྱིས་ནི་བསྒོམས་ན་ནི། །གཅིག་ཏུ་གྱུར་ལས་སྟོང་དུ་འགྱུར། །མུ་ཏིག་འབྲུམ་བུ་ཁར་བཅུག་ལ། །བདག་ཉིད་འཇིག་རྟེན་དབང་ཕྱུག་ཏུ། །བདག་ཉིད་ཀྱིས་ནི་བསྒོམས་ན་ནི། །གཅིག་ཏུ་གྱུར་ལས་སྟོང་དུ་འགྱུར། །ལས་ཀྱི་ཕྱག་རྒྱ་ལག་གཉིས་ཀྱིས། །རིན་ཆེན་ཐམས་ཅད་བླངས་ན་ནི། །བདག་ཉིད་ཀྱིས་ནི་བསྒོམས་ན་ཡང་། །གཅིག་ཏུ་གྱུར་ལས་སྟོང་དུ་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་པདྨ་མ་ཧཱ་རཏྣ་པྲ་དྷ་ཧཱུྃ་ཛ། ཨོཾ་པདྨ་སུ་པྲ་དྷ་ཧཱུྃ་ཛ། ཨོཾ་པདྨ་མུ་ཀུ་ཊ་པྲ་དྷ་ཧཱུྃ་ཛ། ཨོཾ་པདྨ་སརྦ་རཏྣ་པྲ་དྷ་ཧཱུྃ་ཛ། དེ་ནས་རྗེས་སུ་དགའ་བའི་ཡེ་ཤེས་ནི་འདི་ཡིན་ཏེ། སྣ་ཚོགས་དབང་ཕྱུག་ཕྱག་རྒྱ་ཆེ། །བདག་ཉིད་ཀྱིས་ནི་བསྒོམས་ན་ནི། །པདྨ་བླངས་ཏེ་མདུན་གནས་པ། །གང་ཡིན་དེས་ནི་དེ་མགུར་བྱེད། །དམ་ཚིག་ཆེན་པོའི་ཕྱག་རྒྱ་ཡིས། །པདྨོ་དམར་པོར་དམ་བཟུང་སྟེ། ། བདག་ཉིད་ཀྱིས་ནི་བསྒོམས་ན་ནི། །བུད་མེད་ཐམས་ཅད་དགའ་བར་འགྱུར། །བདག་ཉིད་ཉིད་ཀྱིས་བསྒོམས་ནས་ཀྱང་། །པདྨ་བླངས་ཏེ་ཇི་ལྟ་བ། །རྡོ་རྗེ་ལྟ་བས་དེ་ལྟར་བལྟས། །འཇིག་རྟེན་ཐམས་ཅད་དེས་མགུར་འགྱུར། །ལས་ཀྱི་ཕྱག་རྒྱའི་ཚུལ་གྱིས་ནི། །ཆོ་ག་བཞིན་དུ་པདྨ་གཟུང་། །ལག་པ་གཉིས་ཀྱིས་བསྐོར་ན་ནི། །བུད་མེད་ཐམས་ཅད་དེས་མགུར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་བི་ཤྭེ་ཤྭ་ར་མ་ཧཱ་པདྨ་ཧོ། ཨོཾ་པདྨ་ས་མ་ཡ་པདྨ་ཧོ། །ཨོཾ་ཡོ་ག་པདྨོ་ཧོ། །ཨོཾ་པདྨ་ཀརྨ་ཧོ། །སྣ་ཚོགས་ཡེ་ཤེས་དབང་ཕྱུག་ཆེ། །བདག་ཉིད་མདུན་དུ་པདྨ་གཙང་། །ཕྱག་རྒྱ་པདྨ་དེ་ཉིད་ཀྱིས། །དེ་ཡི་འཆི་བ་སྐད་ཅིག་གོ། །པདྨ་བཟུང་ནས་བརྟན་བྱ་བ། །ཆོ་ག་ལེགས་པ་ཇི་བཞིན་དུ། །དམ་ཚིག་དམ་པ་དེ་ཉིད་ཀྱིས། །ནན་ཏན་ཁོ་ནར་གཞིག་པར་བྱ། །གང་གིས་མིང་སྨོས་འཇིག་པ་ནི། །ཏིང་འཛིན་ཕྱག་རྒྱ་


DKG084_Page_0177
[མ་དཔེ་གཟིགས་ན་འདིར་གནོན།]

སྦྱར་ནས་སུ། །ཇི་ལྟར་དེ་ལྟར་པདྨ་ཐོགས། །ལས་དེ་ངེས་པར་འགྲུབ་པར་འགྱུར། །གང་གི་གཞིག་པར་ཁྲོས་ན་ནི། །ལས་ཀྱི་ཕྱག་རྒྱ་སྦྱར་ནས་སུ། །བསྐོར་ཞིང་བརྡབ་པར་བྱས་ན་ནི། །དེ་ཡི་འཚོ་བ་རྡོལ་བར་འགྱུར། །དེ་ལ་དེ་དག་གི་སྙིང་པོ་ནི་འདི་ཡིན་ནོ། །ཨོཾ་མ་ཧཱ་པདྨ་ཙྪེ་ད་མཱ་ར་ཡ་ཧོ་ཕཊ། ཨོཾ་ས་མ་ཡ་པདྨ་སྥོ་ཊ་ནཱ་ཤ་ཡ་ར་ཏ་ཕཊ། ཨོཾ་དྷརྨ་པདྨ་ཙྪེ་ད་བི་ནཱ་ཤ་ཡ་པྲ་ཏི་ཡ་ཕཊ། ཨོཾ་ཀརྨ་པདྨ་སྥོ་ཊ་ཡ་ཛཱི་བི་ཏ་མ་སྱ་ཀྲྀ་ཏ་ཕཊ། དེ་ནས་ཆོས་ཀྱི་དམ་ཚིག་གསང་བའི་ཕྱག་རྒྱའི་ཡེ་ཤེས་ནི་འདི་ཡིན་ནོ། །པདྨ་ལ་ནི་བུད་མེད་བསམ། ། དེ་སྟེང་བདག་ཉིད་རྡོ་རྗེར་བསྒྱུར། །པདྨ་པད་མཆོག་རྩེ་བྱེད་ཅིང་། །མཉམ་པར་བཞག་ན་དངོས་གྲུབ་འཐོབ། །པདྨ་ལ་ནི་བུད་མེད་བསམ། །དེ་སྟེང་བདག་ཉིད་སངས་རྒྱས་བསྒྱུར། །རྩེ་ཞིང་དབུ་རྒྱན་སངས་རྒྱས་ནི། །བསྒོམས་ན་དེས་ནི་དེས་འགྲུབ་བོ། །པདྨ་ལ་ནི་བུད་མེད་བསམ། །དེ་སྟེང་པདྨར་བདག་བསྒྱུར་ཏེ། །རྩེ་ཞིང་པདྨ་པདྨ་མཆོག །དག་པའི་དངོས་གྲུབ་ཐོབ་པར་འགྱུར། །པདྨ་ལ་ནི་བུད་མེད་བསམ། །དེ་སྟེང་སྣ་ཚོགས་བདག་བསྒྱུར་ཏེ། །རྩེ་ཞིང་སྣ་ཚོགས་པདྨ་མཆོག །སྣ་ཚོགས་དངོས་གྲུབ་ཐོབ་པར་འགྱུར། །དེ་དག་གི་སྙིང་པོ་ནི་འདི་རྣམས་སོ། །ཨོཾ་བཛྲ་པདྨ་སཾ་ཡོ་ག་སཱ་དྷ་ཡ་ཧྲཱིཿ། ཨོཾ་བུད་དྷ་མ་ཀུ་ཊ་སཾ་ཡོ་ག་སཱ་དྷ་ཡ་ཤཱིཿ། ཨོཾ་པདྨ་པདྨ་སཾ་ཡོ་ག་སཱ་དྷ་ཡ་དྷྲྀ། ཨོཾ་བི་ཤྭ་པདྨ་སཾ་ཡོ་ག་སཱ་དྷ་ཡ་སྟྲི། དེ་ནས་པདྨ་རིགས་ཀྱི་གསང་བའི་ཕྱག་རྒྱ་ཆེན་པོའི་ཡེ་ཤེས་ཇི་ལྟ་བ་བཞིན་དུ་བསླབ་བོ། །སོར་མོ་རྩེ་སྤྲད་པདྨར་བྱ། །རྡོ་རྗེ་ཁྲོ་བོའི་མཛུབ་གཉིས་ས་སྤྲད། །རྩེ་གཉིས་ནོར་བུའི་པདྨ་ལྟར། །རྡོ་རྗེ་བསྡམས་པའང་དེ་བཞིན་ཏེ། །རྡོ་རྗེ་བཅིང་བ་བསྡམས་ནས་ཀྱང་། །གུང་མོ་གཉིས་ནི་མྱུ་གུར་བསྒྲེང་། །མཛུབ་མོ་སྲིན་ལག་གཉིས་བཀུག་པའི། །ཕྱག་རྒྱ་ཤཱཀྱ་ཐུབ་པའི་བརྟན། །ཆོས་ཀྱི་རྡོ་རྗེ་སྙིང་གར་གཞག །བསྒྱུར་ཏེ་དཔྲལ་བར་བཞག་པ་དང་། །ཏིང་ངེ་འཛིན་ཚུལ་པང་དུ་གཞག །བསྒྱུར་ནས་སྤྱི་བོར་གཞག་པར་བྱ། །རྡོ་རྗེ་དབྱིངས་ཀྱི་དབང་བཅིངས་ལ། །མཆོད་རྟེན་པདྨའི་ཚུལ་དུ་ནི། །གུང་མོ་གཉིས་ནི་བཅིངས་གྱུར་ན། །སངས་རྒྱས་པདྨ་ཡིན་པར་


DKG084_Page_0178
[མ་དཔེ་གཟིགས་ན་འདིར་གནོན།]

བཤད། །དེ་ལས་མཐེ་བོ་རྡོ་རྗེ་དང་། །མཛུབ་གཉིས་རལ་གྲི་ལྕགས་ཀྱུར་བྱ། །པདྨ་རྡོ་རྗེ་འཛིན་པ་དེ། །གསང་བའི་ཕྱག་རྒྱ་ཡིན་པར་བཤད། །དེ་ལས་མཐེ་བོ་བསྣོལ་ནས་ཀྱང་། །མཛུབ་མོས་མཛུབ་མོ་རབ་གཟུང་ལ། །དྲངས་ན་རབ་དགའ་ཡིན་པར་བཤད། །ལེགས་སོ་ཞེས་པའང་དེ་བཞིན་ཏེ། །རྡོ་རྗེ་བསྡམས་པ་དམ་བྱས་ལས། །མཐེ་བོ་གཉིས་བསྙམས་བཅུག་ནས་ཀྱང་། །མཛུབ་གཉིས་རྩེ་བཀུག་རྩེ་མོ་ནི། །དཔྲལ་བཞག་གུང་མོ་པདྨར་བྱ། །དེ་ཉིད་ལས་ནི་སྙིང་གར་ཡང་། །ཉི་མའི་དཀྱིལ་འཁོར་སྟོན་པ་དང་། །དེ་ཉིད་ལས་ནི་རྒྱལ་མཚན་བཅིང་། །ལྟག་པར་རབ་ཏུ་བརྐྱང་བར་བར་བྱ། །རྡོ་རྗེ་བསྡམས་པ་དམ་བྱས་ལ། །མཛུབ་གཉིས་རྩེ་མོ་པདྨར་དགུག །དེ་བཞིན་པདྨ་རལ་གྲི་སྟེ། །མཛུབ་མོ་པདྨར་བྱས་པས་སྦྱར། །རྡོ་རྗེ་བསྡམས་པ་དམ་བྱས་ལ། །མཐེ་བོ་གཡོན་པ་ནང་དུ་གཞུག །དུང་སྟེ་མཐེ་བོ་ཐོ་བར་བསྒྲེང་། །སོར་མོ་བསྐུམ་བརྐྱང་པད་མཐེའུ་ཆུང་། །དེ་ལས་ཐམས་ཅད་བཅུམ་ནས་ཀྱང་། །མཐེའུ་ཆུང་པདྨ་ལྟ་བུར་བྱ། །མཐེ་བོ་གཡས་ལ་སྦྱར་བ་ཡི། །མཛུབ་མོར་ནོར་བུ་བགྲང་བར་བྱ། །རྡོ་རྗེ་བསྡམས་པ་དམ་བྱས་ལ། །མཐེའུ་ཆུང་པདྨ་ལྟ་བུར་བྱ། །མཛུབ་མོ་བསྒྲེང་སྟེ་གར་བྱེད་པ། །པདྨ་སྤྱན་གྱི་ཡིན་པར་བཤད། །རྡོ་རྗེ་བསྡམས་པ་དམ་བྱས་ལ། །མཐེའུ་ཆུང་པདྨ་ལྟ་བུར་བྱ། །དམ་དུ་མཛུབ་མོ་གཉིས་བཀུག་སྟེ། །མཐེ་བོ་གཉིས་ནི་གོ་ཆར་བྱ། །དེ་ལས་མཐེབ་གཉིས་མཆེ་བར་བྱ། །མཐེབ་གཉིས་ནང་དུ་གཞུག་པར་བྱ། །དེ་ནས་རབ་ཏུ་བཤད་བྱ་བ། །དམ་ཚིག་མཆོག་ནི་བླ་མེད་དེ། །རྡོ་རྗེ་ནང་དུ་བསྡམས་ནས་ཀྱང་། །མཛུབ་གཉིས་པདྨ་འདྲ་བྱས་ལ། །མཐེ་བོ་ཕན་ཚུན་བསྣོལ་བ་ནི། །གསང་བའི་སྣ་ཚོགས་དབང་དུ་བཤད། །དེ་བཞིན་རྡོ་རྗེ་བསྡམས་པ་ལས། །མཐེའུ་ཆུང་གུང་མོ་མཉམ་བསྒྲེང་ལ། །མཐེབ་མོས་རྡོ་རྗེ་སྦྱར་བ་ནི། །གཙུག་ཕུད་དབུས་ན་དེ་བཞིན་གཤེགས། །དེ་བཞིན་རྡོ་རྗེ་བསྡམས་པ་ལས། །མཐེ་བོ་པདྨ་འདྲར་བྱས་ལ། །ཁ་ནས་དབྱུང་ལྟར་བྱས་ནས་ཀྱང་། །པང་དུ་ཏིང་ངེ་འཛིན་ལྟར་གཞག །དེ་བཞིན་རྡོ་རྗེ་བསྡམས་པ་ལས། །སོར་མོ་ཀུན་གྱི་ངོས་རྣམས་ནི། །མཉམ་པར་


DKG084_Page_0179
[མ་དཔེ་གཟིགས་ན་འདིར་གནོན།]

དམ་དུ་བསྡམས་ནས་ཀྱང་། །མཛུབ་གཉིས་རྡོ་རྗེར་མཉམ་པའོ། །དེ་བཞིན་རྡོ་རྗེ་བསྡམས་པ་ལས། །མཛུབ་གཉིས་པདྨ་འདྲར་བྱས་ལ། །མཐེ་བོ་གཉིས་ཀྱང་བསྣོལ་ནས་ནི། །གུང་མོ་གཉིས་ནི་རྩེ་སྦྱར་བཀུག །དེ་བཞིན་རྡོ་རྗེ་བསྡམས་པ་ལས། །མཐེབ་གཉིས་རྡོ་རྗེར་རབ་སྦྱར་ལ། །མཛུབ་མོ་རལ་གྲི་ལྕགས་ཀྱུར་བྱ། །མཐེའུ་ཆུང་པདྨ་འདྲར་བྱས་ལ། །དེ་བཞིན་དུ་ནི་བསྒྱུར་ནས་ཀྱང་། །མཛུབ་མོ་གཡོན་པ་བསྒྲེང་བ་ལ། །མཛུབ་མོ་མཐེ་བོ་རྩེ་སྦྱར་བ། །དམ་དུ་བཟུང་སྟེ་དགུག་ལྟར་བྱ། །དེ་ལ་མཛུབ་མོ་གཉིས་བཀུག་ལ། །མཐེ་བོ་གཉིས་ཀྱིས་མནན་པ་ནི། །པདྨ་དགྱེས་པ་བདག་ཉིད་ཆེ། །ལེགས་སོ་ཞེས་བྱ་སྦྱིན་བྱེད་ཀྱི། །དེ་བཞིན་རྡོ་རྗེ་བསྡམས་པ་ལས། །སོར་མོ་ཀུན་གྱི་ངོས་སྦྱར་ལ། །མཐེ་བོ་གཉིས་ཀྱིས་མནན་ནས་ནི། །མཛུབ་མོ་མཉམ་པར་སྦྱར་བའོ། །དེ་ཉིད་སྙིང་གར་ཉི་མར་བྱ། །སྤྱི་བོར་པདྨ་རྒྱལ་མཚན་བྱ། ། ཕབ་སྟེ་ཁ་ཡི་འགྲམ་བཞག་པ། །པདྨ་ཆེར་དགོད་དགོད་པ་ཡིན། །རྡོ་རྗེ་ནང་དུ་བསྡམས་བྱས་ལ། །ཆོས་ཀྱི་རྡོ་རྗེ་ཚུལ་གྱིས་ནི། །མཐེའུ་ཆུང་མཐེ་བོ་རབ་བསྙམས་པ། །འདི་ནི་སྒྲོལ་མའི་དམ་ཚིག་ཡིན། །དེ་བཞིན་རྡོ་རྗེ་བསྡམས་པ་ལས། །མཛུབ་གུང་པདྨ་རལ་གྲིར་བྱ། །དེ་བཞིན་ནང་དུ་འཁོར་ལོར་བྱ། །ཟློས་པ་སྦྱིན་པ་དེ་བཞིན་ནོ། །དེ་བཞིན་རྡོ་རྗེ་བསྡམས་པ་ལས། །མཐེབ་མཛུབ་སྤྲད་དེ་གཉིས་སུ་བྱ། །དེ་ནས་སྙིང་གར་སྦྱར་བ་ནི། །གསང་བའི་བསྲུང་བ་ཡིན་པར་བཤད། །དེ་བཞིན་རྡོ་རྗེ་བསྡམས་པ་ལས། །མཐེའུ་ཆུང་པདྨ་འདྲར་བྱས་ལ། །མཛུབ་གཉིས་ཤིན་དུ་བཀུག་ནས་ཀྱང་། །མཐེབ་གཉིས་ཕྱིར་བསྐྱེད་མཆེ་བ་ཅན། །དེ་ལས་ཁུ་ཚུར་ཚུལ་གྱིས་ནི། །མཐེབ་གཉིས་ངོས་ཀྱིས་བཙིར་བ་ཡི། །པདྨ་གསང་བའི་ཁུ་ཚུར་ཆེ། །དམ་ཚིག་མཆོག་ཏུ་རབ་བརྟག་པའོ། །པདྨ་ལཱ་སྱེ་ལ་སོགས་པ། །དེ་དག་གཞན་རྣམས་ཀུན་གྱི་ནི། །རྡོ་རྗེ་ནང་དུ་བསྡམས་བྱས་ལ། །དེ་འདྲ་བར་ནི་བཅིང་བར་བྱ། །དེ་ནས་པདྨ་གསང་བའི་ཆོས་ཀྱི་ཕྱག་རྒྱ་འདི་ཡིན་ཏེ། །ཧྲཱཿགྲཱཿཔཱཿཧྲཱཿ། ཤཱཿསཱཿདྷཱཿཧྲཱཿ། གཱཿདྷཱཿཀྲཱཿབཱཿ། དཱཿརཱཿཥྚཱཿསཱཿ། ལས་ཀྱི་ཕྱག་རྒྱ་མདོར་བསྡུ་ན་ཁུ་ཚུར་གཉིས་སུ་བྱའོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་


DKG084_Page_0180
[མ་དཔེ་གཟིགས་ན་འདིར་གནོན།]

རྟོག་པའི་རྒྱལ་པོ་ཆེན་པོ་ལས་ཆོས་གསང་བའི་ཕྱག་རྒྱའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཡེ་ཤེས་ཀྱི་དམ་ཚིག་འབྱུང་བར་བྱིན་གྱིས་བརླབས་པའི་པདྨ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ཨོཾ་དྷརྨ་ས་མཱ་དྷི་ཛྙཱ་ན་ཏ་ཐཱ་ག་ཏ་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་ཀྱི་ཆོས་འབྱུང་བའི་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་དྷརྨ་ཧཱུྃ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་རཏྣ་དྷརྨ་ཧཱུྃ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ཨོཾ་དྷ་རྨ་དྷ་རྨ་ཧཱུྃ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ཨོཾ་ཀརྨ་དྷ་རྨ་ཧཱུྃ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་ཉིད་ཀྱི་ཆོས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཡེ་ཤེས་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བར་ནི། །ཆོས་ཀྱི་ཡེ་ཤེས་ཞེས་བརྗོད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་བྲི་བ་ནི། །ཡེ་ཤེས་རྡོ་རྗེ་དེ་བཞིན་གཤེགས། །དེ་ཡི་ཕྱོགས་རྣམས་ཐམས་ཅད་དུ། །སེམས་དཔའ་ཆེ་རྣམས་ཆོ་ག་བཞིན། །སྣ་ཚོགས་དབང་ཕྱུག་ལ་སོགས་པ། །ཏིང་ངེ་འཛིན་ལ་སྙོམས་ཞུགས་བྲི། །དེ་ལ་དེ་དག་གི་སྙིང་པོ་འདི་རྣམས་སོ། །ཨོཾ་ཛྙཱ་ན་བུདྡྷ་ཧཱུྃ། ཨོཾ་ཛྙཱ་ན་བི་ཤྭེ་ཤྭ་རེ་ཧཱུྃ། ཨོཾ་ཛྙཱན་བུདྡྷ་མུ་ཀུ་ཊ་ཧཱུྃ། ཨོཾ་ཛྙཱ་ན་དྷ་རྨེ་ཤྭ་རེ་ཧཱུྃ། ཨོཾ་ཛྙཱ་ན་ཨ་མོ་གྷེ་ཤྭ་རེ་ཧཱུྃ། ཨོཾ་ཛྙ་ན་པདྨ་བུདྡྷ་ཧཱུྃ། ཨོཾ་ཛྭཱ་ན་པདྨ་བཛྲ་དྡྷཱ་ར་ཧཱུཾ། ཨོཾ་ཛྭཱ་ན་པདྨ་མཱ་ར་ཧཱུྃ། ཨོཾ་ཛྭཱ་ན་པདྨ་དུཥྚི་ཧཱུྃ། ཨོཾ་ཛྙཱ་ན་པདྨ་བྷྲྀ་ཀུ་ཊཱི་ཧཱུྃ། ཨོཾ་ཛྙཱ་ན་པདྨ་སཱུ་རྱ་ཧཱུྃ། ཨོཾ་ཛྙཱ་ན་པདྨ་ཙནྡྲ་ཧཱུྃ། ཨོཾ་ཛྙཱ་ན་པདྨ་ཧཱ་ས་ཧཱུྃ། ཨོཾ་ཛྙཱ་ན་པདྨ་ཏཱ་རཱ་ཧཱུྃ། ཨོཾ་ཛྙཱ་ན་པདྨ་ཀུ་མཱ་ར་ཧཱུྃ། ཨོཾ་ཛྙཱ་ན་པདྨ་ནཱ་རཱ་ཡ་ཧཱུྃ། ཨོཾ་ཛྙཱ་ན་པདྨ་ཧཱ་ས་ཧཱུྃ། ཨོཾ་ཛྙཱ་ན་པདྨ་ནྲྀ་ཏྱེ་ཤྭ་ར་ཧཱུྃ། ཨོཾ་ཛྙཱ་ན་པདྨ་རཀྵ་ཧཱུྃ། ཨོཾ་ཛྙཱ་ན་པདྨ་


DKG084_Page_0181
[མ་དཔེ་གཟིགས་ན་འདིར་གནོན།]

ཡཀྵ་ཧཱུྃ། ཨོཾ་ཛྙཱ་ན་པདྨ་མུཥྚི་ཧཱུྃ། ཨོཾ་ཛྙཱ་ན་པདྨ་ལཱ་སྱེ་ཧཱུྃ། ཨོཾ་ཛྙཱ་ན་པདྨ་མཱ་ལེ་ཧཱུྃ། ཨོཾ་ཛྙཱ་ན་པདྨ་གཱི་དྱེ་ཧཱུྃ། ཨོཾ་ཛྙཱ་ན་པདྨ་ནྲྀ་ཏྱེ་ཧཱུྃ། ཨོཾ་ཛྙཱ་ན་པདྨ་དྷཱུ་པེ་ཧཱུྃ། ཨོཾ་ཛྙཱ་ན་པདྨ་པུཥྤེ་ཧཱུྃ། ཨོཾ་ཛྙཱ་ན་པདྨ་དཱི་པེ་ཧཱུྃ། ཨོཾ་ཛྙཱ་ན་པདྨ་གན་དྷེ་ཧཱུྃ། ཨོཾ་ཛྙཱ་ན་པདྨ་ཨཾ་ཀུ་ཤ་ཧཱུྃ། ཨོཾ་ཛྙཱ་ན་པདྨ་ཨ་མོ་གྷ་པཱ་ཤ་ཧཱུྃ། ཨོཾ་ཛྙཱ་ན་པདྨ་སྥོ་ཊ་ཧཱུྃ། ཨོཾ་ཛྙཱ་ན་པདྨ་ཨཱ་བེ་ཤ་ཧཱུྃ། དེ་ནས་ཆོས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས་ཇི་ལྟ་བ་བཞིན་དུ་བཅུག་ནས་འདི་སྐད་དུ་ཁྱོད་ཀྱིས་གཞན་སུ་ལ་ཡང་མ་བརྗོད་ཅིག །ཁྱོད་སེམས་ཅན་དམྱལ་བར་ལྷུང་ནས་སྡུག་བསྔལ་བར་གྱུར་ཏ་རེ། དེ་ནས་དེའི་ཡེ་ཤེས་བསྐྱེད་པར་བྱ་སྟེ། འཇིག་རྟེན་དབང་ཕྱུག་སྙོམས་ཞུགས་ལ། །སྙིང་གར་པདྨ་བསྒོམས་ནས་ཀྱང་། །པདྨའི་ཏིང་འཛིན་ཐོབ་ན་ནི། །དེ་མ་ཐག་ཏུ་མྱུར་བར་ལྡིང་། །འཇིག་རྟེན་དབང་པོར་སྙོམས་ཞུགས་ལ། །དཔྲལ་བར་པདྨ་བསྒོམས་བྱས་ཏེ། །གོམས་ནས་ཤིན་དུ་བརྟན་གྱུར་ན། །དེ་མ་ཐག་ཏུ་མཁའ་ལ་ལྡིང་། །འཇིག་རྟེན་དབང་གི་ཏིང་འཛིན་གྱིས། །ལྕེ་ལ་པདྨ་བསྒོམས་ནས་ཀྱང་། །གྲུབ་པར་གྱུར་ན་མྱུར་བར་ཡང་། །ནམ་མཁའ་ལ་ནི་དེ་འགྲོའོ། །འཇིག་རྟེན་དབང་གི་ཏིང་འཛིན་གྱིས། །གཙུག་ཏུ་པདྨ་བསྒོམས་ནས་ཀྱང་། །གྲུབ་པར་གྱུར་ན་མྱུར་དུ་ནི། །སྐད་ཅིག་གིས་ནི་སྟེང་དུ་ལྡིང་། །དེ་དག་གི་སྙིང་པོ་ནི་འདི་རྣམས་སོ། །ཨོཾ་པདྨ་ཛྙཱ་ན་ཧྲྀ་ད་ཡ་ཨཱ་བེ་ཤ །ཨོཾ་པདྨ་ཛྙཱ་ན་ཨ་བྷི་ཥེ་ཀ་ཨཱ་བེ་ཤ །ཨོཾ་པདྨ་ཛྙཱ་ན་བི་དྱོཏྟ་མ་ཨཱ་བེ་ཤ །ཨོཾ་པདྨ་ཛྙཱ་ན་ཨུ་ཥྞཱི་ཥ་ཨཱ་བེ་ཤ །ནམ་མཁའ་འམ་ནི་ཕྱོགས་གཞན་དུ། ། པདྨའི་དབྱིབས་ཤིག་བསྒོམས་ནས་ཀྱང་། །ཆོ་ག་འདི་ནི་འགྲུབ་འགྱུར་ན། །སྐད་ཅིག་གིས་ནི་མི་སྣང་འགྱུར། །ནམ་མཁའ་འམ་ནི་ཕྱོགས་གཞན་དུ། །པདྨའི་དབྱིབས་ཤིག་བསྒོམས་ནས་ཀྱང་། །དེ་ཡི་སྟེང་དུ་བདག་འདུག་པར། །བསྒོམས་པར་གྱུར་ན་མི་སྣང་འགྱུར། །ནམ་མཁའ་འམ་ནི་ཕྱོགས་གཞན་དུ། །པདྨའི་དབྱིབས་ཤིག་བསྒོམས་བྱས་ལ། །གང་ཚེ་མཐོང་བ་དེ་ཚེ་བླངས། །མི་སྣང་བར་ནི་མྱུར་དུ་འགྱུར། །ནམ་མཁའ་འམ་ནི་ཕྱོགས་གཞན་དུ། །པདྨའི་དབྱིབས་ནི་བསྒོམས་བྱས་ལ། །མཐོང་བའི་པདྨ་དེ་ཟོས་ན། །དེ་མ་ཐག་ཏུ་མི་


DKG084_Page_0182
[མ་དཔེ་གཟིགས་ན་འདིར་གནོན།]

སྣང་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་པདྨ་ཨཱ་ཀཪྵ། ཨོཾ་པདྨ་ཐ། ཨོཾ་པདྨ་ཛྙཱ་ན་གྲ་ཧཱ་ན། ཨོཾ་པདྨ་ར་ས་ཡ་ན་ཧཱུྃ་ཕཊ། ཕྱག་རྒྱ་ཆེ་བཅིངས་པདྨ་ནི། །ཁ་དོག་དབྱིབས་རྣམས་སྣ་ཚོགས་པའི། །དབྱིབས་དེ་ལག་པས་བཟུང་ན་ནི། །གཟུགས་རྣམས་ཐམས་ཅད་འཆང་བར་འགྱུར། །པདྨའི་ཁ་དོག་དབྱིབས་རྣམས་ནི། །སྣ་ཚོགས་པདྨའི་དབྱིབས་བྲིས་ལ། །དེ་ཉིད་བསྒོམས་པ་བྱས་ན་ནི། །གཟུགས་མངའཆང་བར་དེ་འགྱུར་རོ། །ནམ་མཁའ་འམ་ནི་ཕྱོགས་གཞན་དུ། །པདྨའི་ཁ་དོག་དབྱིབས་རྣམས་ནི། །སྣ་ཚོགས་དབྱིབས་སུ་བསྒོམས་ན་ཡང་། །སྒྲ་ཡི་གཟུགས་སུ་དེ་འགྱུར་རོ། །པདྨའི་ཁ་དོག་དབྱིབས་རྣམས་ནི། །སྣ་ཚོགས་དབྱིབས་སུ་བྱས་ནས་ཀྱང་། །དེ་ལ་ཞོན་ནས་མཁའ་འགྲོ་ཞིང་། །ཅི་དགའི་གཟུགས་སུ་ངེས་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་པདྨ་དྷ་རི་བི་ཤྭ་རཱུ་པ་པྲ་བརྟ་ཡ་ཨཱ་བེ་ཤ །ཨོཾ་བི་ཤྭ་པདྨ་པྲ་བརྟ་ཡ་མཱཾ། ཨོཾ་ས་མཱ་དྷི་བི་ཤྭ་པདྨ་ཨཱ་བེ་ཤ །ཨོཾ་བི་ཤྭ་པདྨ་མ་ནོཊྛི་པ་ཨཱ་ཀ་ཤ་བི་ཤྭ་རཱུ་པཾ་ཨ་དྷི་ཏིཥྛ་མཱཾ། གང་ཡང་རུང་བའི་ཕྱག་རྒྱ་ཆེ། །ཏིང་ངེ་འཛིན་གྱིས་ལེགས་བཅིངས་ལ། །པདྨ་བླངས་ཏེ་རབ་བྱིན་ན། །གདོན་མི་ཟ་བར་དབང་དུ་འགྱུར། །གང་ཡང་རུང་བའི་དམ་ཚིག་གི། །ཕྱག་རྒྱ་ཞེས་བྱ་བཅིངས་ན་ནི། །དེས་ནི་པདྨ་བླངས་ནས་ཀྱང་། །བྱིན་པར་གྱུར་ན་དབང་དུ་འགྱུར། །ཏིང་ངེ་འཛིན་སྐྱེས་དགེ་བ་ཡི། །ཕྱག་རྒྱ་གང་ཡང་རུང་བཅིངས་ལ། །ཡེ་ཤེས་པདྨ་གང་བྱིན་པ། །དེ་ནི་དེ་ཡིས་མྱུར་བར་འགྱུར། །གང་ཡང་རུང་བའི་དམ་ཚིག་ལྡན། །ལས་ཀྱི་ཕྱག་རྒྱ་བཅིངས་ནས་ནི། །པདྨ་བྱིན་པ་གང་ཡིན་པ། །དེ་མ་ཐག་ཏུ་དེ་དབང་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་མཧཱ་ཛྙཱ་ན་པདྨ་ཧོ། །ཨོཾ་ས་མ་ཡ་པདྨ་ཧོ། །ཨོཾ་ཛྙཱ་ན་པདྨ་ཧོ། །ཨོཾ་ཀརྨ་པདྨ་ཧོ། །དེ་ནས་ཡེ་ཤེས་ཀྱི་དཀྱིལ་འཁོར་གྱི་ཕྱག་རྒྱ་ཆེན་པོའི་ཡེ་ཤེས་བསླབ་བོ། །ཆོས་ཀྱི་དཀྱིལ་འཁོར་ཚུལ་དུ་ནི། །ཕྱག་རྒྱ་ཆེན་པོ་བསྒྲུབ་པར་བྱ། །དེ་ནས་རབ་ཏུ་བཤད་བྱ་བ། །དམ་ཚིག་མཆོག་ནི་བསྒྲུབ་བྱ་སྟེ། །ཆོས་ཀྱི་དཀྱིལ་འཁོར་ཚུལ་དུ་ནི། །པདྨའི་པདྨ་གཞག་པར་བྱ། །ཆོས་ཀྱི་ཁུ་ཚུར་བརྟན་བྱས་ལ། །ལས་ཀྱི་ཕྱག་རྒྱ་གཉིས་སུ་བྱ། །དེ་བཞིན་གཤེགས་པ་ཐམས་ཅད་ཀྱི་ཆོས་


DKG084_Page_0183
[མ་དཔེ་གཟིགས་ན་འདིར་གནོན།]

ཀྱི་དམ་ཚིག་རྟོག་པའི་རྒྱལ་པོ་ཆེན་པོ་ལས་ཡེ་ཤེས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ལས་ཀྱི་དམ་ཚིག་འབྱུང་བར་བྱིན་གྱིས་བརླབས་པའི་པདྨ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་ཀརྨ་ཀྲྀ་ཧཱུྃ། དེ་ནས་ཕྱག་ན་རྡོ་རྗེས་རང་གི་རིགས་ཀྱི་ལས་འབྱུང་བ་རང་གི་རིག་པ་དམ་པ་འདི་གསུངས་སོ། །ཨོཾ་ཧཱུྃ་དྷི། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་རཏྣ་ཀརྨ་ས་མ་ཡེ་ཧཱུྃ། དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ཨོཾ་པདྨ་ཀརྨེ་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ཨོཾ་བི་ཤྭ་ཀརྨེ་ཧཱུཾ། དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་དབང་པོས་ཉིད་ཀྱི་ལས་ཀྱི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ནི། །པདྨའི་ལས་ཞེས་བྱ་བ་སྟེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །སངས་རྒྱས་ཕྱོགས་ཀུན་པདྨ་ཡི། །མཚན་མ་འཛིན་པར་ཐམས་ཅད་བྲི། །དེ་ལ་དེ་དག་གི་རིག་པའི་སྙིང་པོ་ནི་འདི་རྣམས་སོ། །ཨོཾ་པུ་རི་ཎི་ཧཱུཾ། བི་ཤྭ་ཀརྨེ་ཤྭ་རི་ཧཱུཾ། ཨོཾ་ཏ་ཐཱ་ག་ཏེ་ཤྭ་ར་ཨ་བྷི་ཥེ་ཀ་ཀརྨ་པིདྱཱ་ཧཱུཾ། ཨོཾ་དྷརྨ་ཀརྨེ་ཤྭ་ར་ཛྙཱ་ན་པཱུ་ཛཱ་ས་མ་ཡེ་ཧཱུཾ། ཨོཾ་ཨ་མོ་གྷ་ཀརྨེ་ཤྭ་རི་ཧཱུཾ། ཨོཾ་པདྨ་ཀརྨ་བུད་དྷེ་ཧཱུཾ། ཨོཾ་པདྨ་ཀརྨ་བཛྲི་ཎི་ཧུྃ། ཨོཾ་པདྨ་ཀརྨི་ཎི་མཱ་ར་ཎ་པཱུ་ཛཱ་ཀརྨ་ས་མ་ཡེ་ཧཱུཾ། ཨོཾ་པདྨ་ཀརྨ་དུཥྚི་ཧཱུཾ། ཨོཾ་པདྨ་ཀརྨ་བྷྲྀ་ཀུ་ཊི་ཧཱུཾ་ཏྲ། ཨོཾ་པདྨ་ཀརྨ་སཱུརྱེ་ཧཱུཾ། ཨོཾ་པདྨ་ཀརྨ་དྷྭ་ཛེ་ཧཱུཾ། ཨོཾ་པདྨ་ཀརྨ་ཧཱ་ས་ཧུྃ། ཨོཾ་པདྨ་ཀརྨ་ཏཱ་རེ་ཧཱུཾ། ཨོཾ་པདྨ་ཀརྨ་ཀུ་མཱ་རི་ཧཱུཾ། ཨོཾ་པདྨ་ཀརྨ་ནཱ་རཱ་ཡ་ནི་ཧཱུཾ། ཨོཾ་པདྨ་ཀརྨ་བྲདྨི་ཧཱུཾ། ཨོཾ་པདྨ་ཀརྨ་ནྲྀ་ཏེ་ཤྭ་རི་ཧཱུཾ། ཨོཾ་པདྨ་རཀྵ་རཀྵ་ཀརྨ་སམ་ཡེ་ཧཱུཾ། ཨོཾ་མ་ཧཱ་པྲ་ཙཎྜ་གཱི་ཏི་ནི་པདྨ་དཾཥྚྲཱ་ཀརྨ་ཀ་རི་ཧཱུཾ། ཨོཾ་པདྨ་ཀརྨ་མུཥྚི་ག་ཏཱ་ཡ་ཧཱུཾ། ཨོཾ་ར་ཏི་པཱུ་ཛེ་ཧཱུཾ་ཛཿ། ཨོཾ་ཨ་བྷི་ཥེ་ཀ་པཱུ་ཛེ་ཧཱུཾ་ཛ། ཨོཾ་གཱི་ཏེ་པཱུ་ཛེ་ཧཱུཾ་དྷ། ཨོཾ་ནྲྀ་ཏྱེ་པཱུ་ཛེ་ཧཱུཾ་བཾ།


DKG084_Page_0184
[མ་དཔེ་གཟིགས་ན་འདིར་གནོན།]

ཨོཾ་དྷུ་པེ་པཱུ་ཛེ་ཧཱུྃ་ཨཿ། ཨོཾ་པུཥྤེ་པཱུ་ཛེ་ཧཱུྃ་ཏྲ། ཨོཾ་ཨཱ་ལོ་ཀེ་པཱུ་ཛེ་ཧཱུྃ་དྷིཿ། ཨོཾ་གན་དྷེ་པཱུ་ཛེ་ཧཱུྃ་བཾ། ཨོཾ་ཧ་ཡ་གྲྭི་བ་ཨཱ་ན་ཡ་ཧཱུྃ་ཛ། ཨོཾ་ཨ་མོ་གྷ་པཱ་ཤ་ཀྲོ་དྷ་པཱི་ཌ་ཡ་ཧཱུྃ་ཕཊ། ཨོཾ་པདྨ་ཤཱཾ་ཀ་ལ་བན་དྷེ་ཧཱུྃ་ཕཊ། ཨོཾ་པདྨ་གྷན་དྷ་ཨཱ་བེ་ཤ་ཡེ་ཧཱུྃ་ཕཊ། དེ་ནས་ལས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས་ཇི་ལྟ་བ་བཞིན་དུ་བཅུག་སྟེ། འདི་སྐད་དུ་རིགས་ཀྱི་བུ་ཁྱོད་ཀྱིས་ཚུལ་འདི་སུ་ལ་ཡང་མ་སྨྲ་ཤིག །སེམས་ཅན་དམྱལ་བར་ལྷུང་བར་གྱུར་ཏ་རེ་ཞེས་བསྒོས་ཤིག །དེ་ནས་ཡེ་ཤེས་བསྐྱེད་པར་བྱའོ། །དེ་ནས་སྡིག་པ་བཤགས་པའི་ཡེ་ཤེས་བསླབ་པར་བྱ་སྟེ། འཇིག་རྟེན་དབང་ཕྱུག་ཕྱག་རྒྱ་ཆེར། །ཤིན་ཏུ་མཉམ་གཞག་བསྒོམས་ནས་ཀྱང་། །སྡིག་རྣམས་བཤགས་པས་མྱུར་བར་ནི། །སྡིག་པ་ཀུན་ལས་དེ་འདག་འགྱུར། །འཇིག་རྟེན་དབང་གི་ཏིང་འཛིན་གྱིས། །དམ་ཚིག་གི་ནི་མཆོག་བཅིངས་ཏེ། ། སྡིག་པ་ཐམས་ཅད་བཤགས་ན་ནི། །མཚམས་མེད་ལྔ་ལས་འབྱང་བར་འགྱུར། །འཇིག་རྟེན་དབང་ཕྱུག་ཏིང་འཛིན་དུ། །ཤིན་ཏུ་མཉམ་པར་གཞག་བསྒོམས་ལ། །སྡིག་པ་ཐམས་ཅད་བཤགས་ན་ནི། །སྡིག་པ་ཀུན་ཡང་རབ་ཏུ་འཇོམས། །མདོར་ན་གང་ཡང་རུང་བ་ཡི། །ལས་ཀྱི་ཕྱག་རྒྱ་ལེགས་བཅིངས་ལ། །ལས་རྣམས་ཐམས་ཅད་བཤགས་ན་ནི། །ལས་རྣམས་ཀུན་ལས་རྣམ་པར་འདག །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་སརྦ་པཱ་པཾ་སཾ་ཤོ་དྷ་ན་མ་ཧཱ་པདྨ། ཨོཾ་སརྦ་ཨཱ་ནནྟ་ཏྱ་ཤོ་དྷན་ས་མ་ཡ་པདྨ། ཨོཾ་སརྦ་པཱ་པཾ་པྲ་ཎ་ཤ་ཎ་དྷ་རྨ་པདྨ། ཨོཾ་སརྦ་པདྨ་ཨཱ་བར་ཎ་བི་ཤོ་དྷ་ཀ་ཀརྨ་པདྨ། དེ་ནས་སྒྲིབ་པ་ཐམས་ཅད་ཡོངས་སུ་ཟད་པར་འགྱུར་བའི་ཡེ་ཤེས་བསླབ་བོ། །འཇིག་རྟེན་དབང་གི་ཕྱག་རྒྱ་ཆེར། །ཤིན་ཏུ་མཉམ་གཞག་བསྒོམས་བྱས་ལ། །ཤུད་དྷྱ་ཤུད་དྷྱ་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། ། འཇིག་རྟེན་དབང་གི་ཏིང་འཛིན་གྱིས། །ལས་ཀྱི་དམ་ཚིག་བཅིངས་ན་ནི། །བུད་དྷྱ་བུད་དྷྱ་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །འཇིག་རྟེན་དབང་པོར་སྙོམས་ཞུགས་ལ། །ཆོས་ཀྱི་ཕྱག་རྒྱར་བསྒོམས་ནས་ནི། །དྷི་དྷི་དྷི་དྷི་ཞེས་བརྗོད་ན། །ལས་རྣམས་ཀུན་


DKG084_Page_0185
[མ་དཔེ་གཟིགས་ན་འདིར་གནོན།]

ལས་དག་པར་འགྱུར། །འཇིག་རྟེན་དབང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ཀྱང་། །ཧཱི་ཧཱི་ཧཱི་ཧཱི་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་པཱ་པཾ་ཀྵ་ཡ་པདྨ། ཨོཾ་ཨཱ་བར་ཎ་ཀྵ་ཡ་པདྨ། ཨོཾ་ཀརྨ་ཀྵ་ཡ་པདྨ། དེ་ནས་དེ་བཞིན་གཤེགས་པ་ཐམས་ཅད་ལ་མཆོད་པའི་ཡེ་ཤེས་བསླབ་བོ། །འཇིག་རྟེན་དབང་གི་ཕྱག་རྒྱ་ཆེར། །རབ་ཏུ་མཉམ་པར་གཞག་བཅིངས་ལ། །ཨོཾ་ཨོཾ་ཨོཾ་ཨོཾ་ཞེས་བརྗོད་ན། །མཆོད་པ་ཐམས་ཅད་རབ་ཏུ་བྱེད། །འཇིག་རྟེན་དབང་པོའི་ཏིང་འཛིན་གྱིས། །དམ་ཚིག་མཆོག་ནི་བཅིངས་ནས་ཀྱང་། །བྷུ་བྷུ་བྷུ་བྷུ་ཞེས་བརྗོད་ན། །སངས་རྒྱས་ཐམས་ཅད་དེས་མཆོད་འགྱུར། །འཇིག་རྟེན་དབང་པོས་སྙོམས་ཞུགས་ལ། །ཆོས་ཀྱི་པདྨ་བསྒོམས་ནས་ཀྱང་། །ཧེ་ཧེ་ཧེ་ཧེ་ཞེས་བརྗོད་ན། །སངས་རྒྱས་ཐམས་ཅད་དེས་མཆོད་འགྱུར། །པདྨའི་ལས་ཀྱི་ཕྱག་རྒྱ་ནི། །ཤིན་ཏུ་མཉམ་པར་གཞག་བཅིངས་ལ། །དྷེ་དྷེ་དྷེ་དྷེ་ཞེས་བརྗོད་ན། །སངས་རྒྱས་ཐམས་ཅད་དེས་མཆོད་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་ཀཱ་ར་པདྨ། ཨོཾ་བྷཱུ་ཀཱ་ར་པདྨ། ཨོཾ་ཧེ་ཀཱ་ར་པདྨ། ཨོཾ་དྷེ་ཀཱ་ར་པདྨ། ཨོཾ་ནི་བར་ཎ་ཀྵ་ཡ་པདྨ། དེ་ནས་དངོས་གྲུབ་ཀྱི་ཡེ་ཤེས་བསླབ་བོ། །འཇིག་རྟེན་དབང་པོ་ཕྱག་རྒྱ་ཆེར། །མཉམ་པར་བཞག་པས་བཅིངས་ནས་ནི། །ཧྲཱི་ཧྲཱི་ཧྲཱི་ཧྲཱི་ཞེས་བརྗོད་ན། །འཇིག་རྟེན་དབང་པོར་གྲུབ་པར་འགྱུར། །འཇིག་རྟེན་དབང་པོའི་ཏིང་འཛིན་གྱིས། །དམ་ཚིག་ཅེས་བྱ་བཅིངས་ནས་ཀྱང་། །ཤྲཱི་ཤྲཱི་ཤྲཱི་ཤྲཱི་ཞེས་བརྗོད་ན། །དངོས་གྲུབ་དམ་པ་ཐོབ་པར་འགྱུར། །འཇིག་རྟེན་དབང་པོའི་མཉམ་གཞག་པར། །མཉམ་པར་བཞག་པས་བསྒོམས་ནས་ཀྱང་། །དྷིག་དྷིག་དྷིག་དྷིག་ཞེས་བརྗོད་ན། །པདྨ་ཁྲོ་བོར་འགྲུབ་པར་འགྱུར། །པདྨ་ཆེན་པོ་དགེ་བ་ཡི། །ལས་ཀྱི་ཕྱག་རྒྱ་བཅིངས་ནས་ཀྱང་། །སྶི་སྶི་སྶི་སྶི་ཞེས་བརྗོད་ན། །དངོས་གྲུབ་ཐམས་ཅད་ཐོབ་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་ཧྲཱིཿསིདྷྱ། ཨོཾ་ཤྲཱི་སིདྷྱ། ཨོཾ་དྷྲྀ་ཀ་སིད་དྷ། ཨོཾ་སི་སིད་དྷྱ། དེ་ནས་ལས་གསང་བའི་ཕྱག་རྒྱའི་ཡེ་ཤེས་


DKG084_Page_0186
[མ་དཔེ་གཟིགས་ན་འདིར་གནོན།]

ནི་འདི་ཡིན་ཏེ། འཇིག་རྟེན་དབང་པོ་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང་། །ཨ་ཧོ་སུ་ཁ་ཞེས་བརྗོད་ན། །སངས་རྒྱས་ཐམས་ཅད་དེས་མཆོད་འགྱུར། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང་། །པྲི་ཡ་པྲི་ཡ་ཞེས་བརྗོད་ན། ། སངས་རྒྱས་བཅོམ་ལྡན་འདས་དགྱེས་སོ། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང་། །ཨ་ཧོ་ར་ཏི་ཞེས་བརྗོད་ན། །དེ་ནི་རྟག་ཏུ་དགའ་བར་འགྱུར། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང་། །སུ་ཁ་སུ་ཁ་ཞེས་བརྗོད་ན། །དེ་ཡི་བདེ་བ་ཉམས་མི་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་སརྦ་བུདྡྷ་པཱུ་ཛ་པྲ་བརྟ་ན་པདྨ། ཨོཾ་པྲཱི་ཏི་ཀཱ་ར་པདྨ། ཨོཾ་ར་ཏི་པྲ་བརྟ་ན་པདྨ། ཨོཾ་མ་ཧཱ་སུ་ཁ་པདྨ་དྲྀ་ཌྷ་ཧཱུཾ། དེ་ནས་ལས་ཀྱི་ཕྱག་རྒྱ་ཇི་ལྟ་བ་བཞིན་དུ་བསླབ་པར་བྱ་སྟེ། དེ་ནས་པདྨ་ཐལ་སྦྱར་ཏེ། །དམ་ཚིག་ཕྱག་རྒྱ་རྡོ་རྗེ་དགོངས། །ལས་ཀྱི་དཀྱིལ་འཁོར་ཚུལ་གྱིས་ནི། །གནས་རྣམས་ཀུན་དུ་གཞག་པར་བྱ། དེ་ནས་པདྨ་རིགས་ཀྱི་ཆོས་ཀྱི་ཕྱག་རྒྱ་ནི་དྲ་ཞེས་བྱ་བ་བརྗོད་པར་བྱ། ལས་ཀྱི་ཕྱག་རྒྱ་གཉིས་བྱས་ལ། །ལས་ཀྱི་ཕྱག་རྒྱ་དེས་བསྒྲུབ་བོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་རྟོག་པའི་རྒྱལ་པོ་ཆེན་པོ་ལས་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྟོ།། །།དེ་ནས་ཡང་བཅོམ་ལྡན་འདས་ཀྱིས་རྡོ་རྗེ་ཆོས་ཀྱི་དམ་ཚིག་གི་ཕྱག་རྒྱ་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཕྱག་རྒྱའི་སྙིང་པོ་འདི་གསུངས་སོ། །ཨོཾ་བཛྲི་དྷརྨ་པདྨ་ཧཱུྃ། དེ་ནས་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ཨོཾ་བཛྲ་ཛྷི། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་ཕྱག་རྒྱ་འདི་གསུངས་སོ། །ཨོཾ་བཛྲ་རཏྣ་མུ་ཀུ་ཊི་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་ཕྱག་རྒྱ་འདི་གསུངས་སོ། །ཨོཾ་དྷརྨ་པདྨ་དྷི། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་ཕྱག་རྒྱ་འདི་གསུངས་སོ། །ཨོཾ་སརྦ་མུ་ཁེ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་ཕྱག་རྒྱ་བཞི་པའི་དཀྱིལ་འཁོར་འདི་


DKG084_Page_0187
[མ་དཔེ་གཟིགས་ན་འདིར་གནོན།]

གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱ་བཞི་མཆོག་དཀྱིལ་འཁོར་ཏེ། །རྡོ་རྗེ་དབྱིངས་དང་འདྲ་བ་དང་། །དཀྱིལ་འཁོར་ཆེན་པོར་འདྲ་བར་བྱ། །ཕྱག་རྒྱའི་དཀྱིལ་འཁོར་དབུས་སུ་ནི། །སངས་རྒྱས་གཟུགས་ནི་གཞག་པར་བྱ། །དེ་ཡི་ཕྱོགས་རྣམས་ཐམས་ཅད་དུ། །རྡོ་རྗེ་པདྨ་ལ་སོགས་བྲི། །དེ་ནས་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས། ཇི་ལྟ་བ་བཞིན་དུ་བཅུག་སྟེ། འདི་སྐད་དུ་འདི་ཁྱོད་ཀྱིས་སུ་ལ་ཡང་མ་བརྗོད་ཅིག །ཁྱོད་རྟག་ཏུ་སྡུག་བསྔལ་བར་འགྱུར་བ་དང་། མི་བདེ་བ་མ་སྤངས་པས་དུས་བྱས་ནས་སེམས་ཅན་དམྱལ་བར་ལྷུང་ང་རེ་ཞེས་བསྒོ་ཞིག །དེ་ནས་དེའི་ཡེ་ཤེས་བསྐྱེད་པར་བྱ་སྟེ། ལག་པས་པདྨ་བཟུང་ནས་ཀྱང་། །བསྒྲིམས་ཏེ་ལེགས་པར་བསྡམ་པར་བྱ། །དྲི་དེ་སངས་རྒྱས་རྣམས་མཆོད་ན། །མྱུར་དུ་དངོས་གྲུབ་ཐོབ་པར་འགྱུར། །མཉམ་པར་བཞག་པས་གཙུག་ཕུད་དབུས། །སངས་རྒྱས་གཟུགས་ནི་རབ་བཞག་ལ། །འགྲོ་ཞིང་རྡོ་རྗེ་འགྱིང་བསྟན་ན། །འཇིག་རྟེན་ཐམས་ཅད་དབང་དུ་བྱེད། །པདྨ་པདྨ་ཆེན་པོའི་གཟུགས། །ཏིང་ངེ་འཛིན་འདུག་ཇི་ལྟ་བཞིན། །ཡིད་ཀྱིས་སུ་ནི་དེ་བསད་དོ། །གང་དུ་ཕོག་པ་དེ་རྒྱས་པའི། །ས་སོགས་པ་ཡི་ལས་བྱེད་དོ། །པདྨ་པདྨ་ཆེན་པོའི་གཟུགས། །པདྨ་རྒྱ་གྲམ་ཉིད་དུ་ནི། །བྱས་ཏེ་ལག་པས་བཟུང་ནས་ཀྱང་། །བསྐོར་ནས་དབབ་ལ་སོགས་དེ་བྱེད། །དེ་ནས་དེ་དག་གི་སྙིང་པོ་ནི་འདི་རྣམས་སོ། །ཨོཾ་བཛྲ་རཏྣ་ཧཱུཾ། ཨོཾ་སརྦ་ཏ་ཐཱ་ག་ཏ་ཨཱ་ཤ་པ་རི་པཱུ་ར་ཎ་མ་ཧཱ་རཏྣ་ཧཱུཾ། ཨོཾ་བཛྲ་ཧཱུྃ་ཏྲ། ཨོཾ་གན་དྷ་པཱུ་ཛཱ་གྲི་སཱ་དྷ་ཡ་ཧྲཱིཿ། ཨོཾ་པདྨ་མུ་ཀུ་ཊ་ཏ་ཐཱ་ག་ཏ་བ་ཤཾ་ཀུ་རུ་སརྦཱ་ན་ལོ་ཀེ་ཤྭ་ར་ཨ་བྷི་ཥེ་ཀ་ས་མ་ཡ་ཧོ། ཨོཾ་པདྨ་པདྨ་མཱ་ར་ཡ་སརྦ་དྲ་ཏྱརྠི་ཀན་ས་མཱ་དྷི་ཛྙཱ་ན་དྷྲྀཀ །ཨོཾ་བི་ཤྭ་པདྨ་སརྦ་ཀརྨ་ཀཱ་རོ་བྷཱ་བ་ལ་ལི་ལུ་ལ་ལ་ལི་ཧཱུཾ་ཕཊ། དེ་ནས་ཕྱག་རྒྱ་གསང་བའི་ཡེ་ཤེས་བསླབ་བོ། ། ཆགས་ནས་དགོས་པ་ཐམས་ཅད་ནི། །བསྒྲུབ་པར་བྱ་སྟེ་དམ་ཚིག་འདི། །བསྒྲུབ་པར་དཀའ་བའི་ཕྱག་རྒྱ་ཡང་། །རྣལ་འབྱོར་གྱིས་ནི་མྱུར་དུ་འགྲུབ། །དེ་ལ་འདིའི་དམ་ཚིག་གི་སྙིང་པོ་ནི་འདི་ཡིན་ནོ། །ཨོཾ་སཱ་དྷ་ཡ་པདྨ་རཱ་ག་སམ་ཡ་ཨ། དེ་ནས་ཕྱག་རྒྱ་ཆེན་པོ་ལ་སོགས་པ་ཕྱག་རྒྱ་


DKG084_Page_0188
[མ་དཔེ་གཟིགས་ན་འདིར་གནོན།]

ཆེན་པོ་ཐམས་ཅད་བསླབ་པར་བྱའོ། །ཕྱག་རྒྱ་བཞིའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྟོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་འགྲོ་བ་ཐམས་ཅད་འདུལ་བ་ཞེས་བྱ་བའི་སྙིང་པོ་འདི་གསུངས་སོ། །ཨོཾ་སརྦ་ཛ་གཏྤི་ནཱ་ཡ་མ་ཧཱ་སཏྭ་ཨ། ཨཱ་གཙྪ་ཤཱི་གྷྲཾ་བི་ཤྭ་རཱུ་པཾ་སན་དྷཱ་རཱ་ཡ་མ་མེ་ཙ་སརྦ་སིདྷཱ་ཡ་པྲ་ཡཙྪ་ཧྲཱིཿ། དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་དབང་པོས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། ། འགྲོ་བ་འདུལ་བའི་དཀྱིལ་འཁོར་ཏེ། །དཀྱིལ་འཁོར་ཆེན་པོའི་ཚུལ་དུ་ནི། །ཕྱི་ཡི་དཀྱིལ་འཁོར་བྲི་བར་བྱ། །དེ་ཡི་ནང་དུ་པདྨ་ཡང་། །དེ་བཞིན་དུ་ནི་བྲི་བར་བྱ། །དེར་ནི་འདབ་མ་ཀུན་ཁྱབ་པའི། །སྣ་ཚོགས་གཟུགས་ནི་བྲི་བར་བྱ། །དེ་ནས་དཀྱིལ་འཁོར་འདིར་ཆོ་ག་རྒྱས་པ་ཇི་ལྟ་བ་བཞིན་དུ་བཙུད་ནས། དེ་བཞིན་དུ་བསྒོ་སྟེ་འགྲོ་བ་ཐམས་ཅད་འདུལ་བའི་ཡེ་ཤེས་བསླབ་བོ། །འགྲོ་བ་འདུལ་བ་ཞེས་བྱ་བའི། །དཀྱིལ་འཁོར་ལེགས་པར་བྲིས་ནས་ཀྱང་། །ཕྱག་རྒྱ་ཆེན་པོ་བསྒོམས་ན་ནི། །སྣ་ཚོགས་འཆང་དང་འདྲ་བར་འགྱུར། །དེ་ནས་འགྲོ་བ་འདུལ་བའི་གསང་བའི་ཕྱག་རྒྱའི་ཡེ་ཤེས་བསླབ་བོ། །སྣ་ཚོགས་གཟུགས་ཀྱི་ཏིང་འཛིན་དུ། །མཉམ་པར་བཞག་པས་བསྒོམས་ནས་ཀྱང་། །དབང་པོ་གཉིས་ནི་སྦྱར་བར་བྱ། །དཀྱིལ་འཁོར་དེ་ནི་དེ་གྲུབ་བོ། །དེ་ནས་ཕྱག་རྒྱ་ཆེན་པོ་ལ་སོགས་པ་ཕྱག་རྒྱ་བཅིང་བ་རྣམས་བསླབ་པར་བྱའོ། །དངོས་གྲུབ་རྣམས་ཀྱང་དེ་བཞིན་ནོ། །དེ་བཞིན་དུ་རས་ལ་སོགས་པ་ལ་ཡང་བྱའོ་ཕྱག་རྒྱ་གཞན་རྣམས་ཀྱང་ཕྱག་རྒྱ་གཅིག་པའི་དཀྱིལ་འཁོར་གྱི་ཚུལ་དུ་ཕྱག་རྒྱ་ལ་སོགས་པ་ཡང་འགྲུབ་པར་འགྱུར་རོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་པོ་ལ་ལེགས་སོ་ཞེས་བྱ་བ་བྱིན་པ། དེ་བཞིན་གཤེགས་པ་ཀུན་གྱི་གསང། །ཐེག་པ་ཆེན་པོ་མངོན་འདུས་པ། །རྡོ་རྗེ་ཐེག་པ་བླ་མེད་ཀྱི། མདོ་སྡེ་འདི་ནི་ལེགས་བཤད་པ། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ལས་ནི་ཁྱོད་ལེགས་སོ། །དེ་


DKG084_Page_0189
[མ་དཔེ་གཟིགས་ན་འདིར་གནོན།]

བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ལས་རྟོག་པའི་རྒྱལ་པོ་ཆེན་པོ་དུམ་བུ་གསུམ་པ་རྫོགས་སྷོ།། །།བམ་པོ་བདུན་པ། དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་དེ་བཞིན་གཤེགས་པ་ཐམས་ཅད་དབང་བསྐུར་བའི་རིན་པོ་ཆེ་རྡོ་རྗེ་འཛིན་པ་དེ་ཉིད་དེ། བྱང་ཆུབ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོ་ལ་མིང་བརྒྱ་རྩ་བརྒྱད་པ་འདིས་གསོལ་བ་བཏབ་བོ། །ནམ་མཁའི་སྙིང་པོ་སེམས་ཅན་དོན། །སེམས་དཔའ་ཆེན་པོ་གཟི་ཆེན་པོ། ། རིན་ཆེན་ཆེ་བའི་རིན་ཆེན་མཆོག །རྡོ་རྗེ་རིན་ཆེན་ཁྱོད་ཕྱག་འཚལ། །དབང་བསྐུར་སྦྱིན་པ་རིན་ཆེན་ཆེ། །དག་པ་ཆེ་ཞིང་དགེ་བ་ཆེ། །སངས་རྒྱས་རིན་ཆེན་རྣམ་དག་སྐུ། །རིན་ཆེན་རིན་ཆེན་ཁྱོད་ཕྱག་འཚལ། །ནམ་མཁའ་ནམ་མཁའ་ལས་བྱུང་བ། །ནམ་མཁའ་ཀུན་གྱི་འོད་ཆེ་བ། ། ནམ་མཁའི་དབྱིངས་ཀྱི་ཕྱོགས་ཀུན་གྱི། །རེ་ཀུན་མཆོག་ནི་ཁྱོད་ཕྱག་འཚལ། །རིན་ཆེན་མཛོད་སྤུ་རིན་ཆེན་འབྱུང་། །སངས་རྒྱས་མཛོད་སྤུ་བདེ་གཤེགས་རབ། །རིན་ཆེན་ཐམས་ཅད་རབ་ཀུན་མཆོག །རིན་ཆེན་དགོས་པ་ཁྱོད་ཕྱག་འཚལ། །རིན་ཆེན་རིན་མཆོག་རིན་ཆེན་དྲག ། དེ་བཞིན་གཤེགས་པ་ཀུན་རིན་ཆེན། །རིན་ཆེན་དམ་པ་ནམ་མཁའ་ཆེ། །མཁའ་མཉམ་ཁྱོད་ལ་ཕྱག་འཚལ་ལོ། །རྒྱན་ཡིན་པས་ནི་མཛེས་པ་ཆེ། །མཛེས་པར་སྣང་ཞིང་རབ་མཛེས་མཛད། །དོན་ཀུན་དག་ཅིང་དག་པའི་དོན། །སྦྱིན་སྤྱོད་ཁྱོད་ལ་ཕྱག་འཚལ་ལོ། །ཆོས་རིན་ཆེན་ནི་རྣམ་དགེ་མཆོག །དགེ་འདུན་རིན་ཆེན་དེ་བཞིན་གཤེགས། །དབང་བསྐུར་ཆེན་པོ་འཇིག་རྟེན་དོན། །དོན་སྦྱིན་ཁྱོད་ལ་ཕྱག་འཚལ་ལོ། །སྦྱིན་པར་རབ་སྦྱིན་སྦྱིན་པའི་མཆོག །གཏོང་ཞིང་གཏོང་མཆོག་སྦྱིན་མཛད་པ། །སེམས་ཅན་ཀུན་དོན་དེ་ཉིད་དོན། །དོན་ཆེན་དོན་ནི་ཁྱོད་ཕྱག་འཚལ། །བསམ་པའི་རྒྱལ་པོ་གཟི་བརྗིད་ཆེ། །སྦྱིན་པའི་ཕ་རོལ་ཕྱིན་པའི་ཚུལ། །དེ་བཞིན་གཤེགས་པ་སེམས་དཔའ་ཆེ། །སངས་རྒྱས་ཀུན་ཏེ་ཁྱོད་ཕྱག་འཚལ། །དེ་བཞིན་གཤེགས་པ་རིན་ཆེན་ཆེ། །དེ་བཞིན་གཤེགས་པ་འོད་ཆེ་སྟེ། །དེ་བཞིན་གཤེགས་པ་དཔལ་


DKG084_Page_0190
[མ་དཔེ་གཟིགས་ན་འདིར་གནོན།]

ཆེན་པོ། །བཞད་ཆེན་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པའི་དབང་བསྐུར་མཆོག །དབང་ཆེན་ཁྱབ་པ་ཆེན་པོ་སྟེ། །འཇིག་རྟེན་མགོན་རབ་འཇིག་རྟེན་མཆོག །འཇིག་རྟེན་ཉི་མ་ཁྱོད་ཕྱག་འཚལ། །རིན་ཆེན་ཕུལ་ཏེ་རབ་ཀྱི་མཆོག །རིན་ཆེན་རྒྱན་ཏེ་རིན་ཆེན་མཛོད། །རིན་ཆེན་སྣང་བས་སྣང་བ་ཆེ། །རིན་ཆེན་གྲགས་པ་ཁྱོད་ཕྱག་འཚལ། །རིན་ཆེན་ཕུང་པོ་རིན་ཆེན་འབྱུང་། །ནོར་བུ་རྡོ་རྗེ་ནོར་ཡོན་ཏན། །རིན་ཆེན་འབྱུང་བསྐུར་བ་འབར། །རིན་ཆེན་སྐུ་སྟེ་ཁྱོད་ཕྱག་འཚལ། །ཆེ་ཉིད་ཤིང་སྟེ་རིན་ཆེན་དབང། །རེ་བ་ཐམས་ཅད་སྐོང་མཛད་པ། །བསམ་པ་ཐམས་ཅད་ལེགས་པར་མཉེས། །རིན་ཆེན་ཕུང་པོ་ཁྱོད་ཕྱག་འཚལ། །འོད་མཆོག་ཁྱབ་པའི་བདག་ཉིད་ཀུན། །མཆོག་རབ་སྦྱིན་ཞིང་མཆོག་ཆེ་བ། །ཕུན་སུམ་ཐམས་ཅད་འབྱོར་པའོ། །རྡོ་རྗེ་སྙིང་པོ་བདག་ཕྱག་འཚལ། །མིང་བརྒྱ་རྩ་བརྒྱད་ཞི་བ་འདི། ། སུ་ཡང་རུང་བས་འཆང་བྱེད་ན། །སངས་རྒྱས་ཀུན་གྱིས་དབང་བསྐུར་བ། །སྐད་ཅིག་ཏུ་ནི་སྡིག་མེད་འཐོབ། །རིན་ཆེན་ཁྱོད་ལ་གསོལ་བ་ནི། །ནོར་འདུས་བ་ནི་བཤད་པར་མཛོད། །སངས་རྒྱས་ཀུན་གྱི་དབང་གི་མཆོག །ངེས་པའི་རིགས་ནི་བསྐྱེད་པར་མཛོད། །དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་དེ་བཞིན་གཤེགས་པ་ཐམས་ཅད་ཀྱི་བཀའ་འདི་ཐོས་ནས་དེ་བཞིན་གཤེགས་པ་ཐམས་ཅད་ཀྱི་དབང་གི་དམ་ཚིག་ཅེས་བྱ་བ་རང་གི་སྙིང་པོ་འདི་གསུངས་སོ། །ཨོཾ་བཛྲ་རཏྣ་ཧཱུྃ། དེ་བཞིན་གཤེགས་པ་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་ནོར་བུའི་དམ་ཚིག་ཅེས་བྱ་བའི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་ཨཱ་ཤ་པ་རི་པཱུ་ར་ཎ་མ་ཧཱ་ར་ཏྣ་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་རིག་པ་དམ་པ་འདི་གསུངས་སོ། །ཨོཾ་བཛྲ་ཧཱུྃ་ཏྲ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ཨོཾ་མ་ཎི་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིགས་འབྱུང་བའི་རིག་པ་དམ་པ་འདི་གསུངས་སོ། །ཨོཾ་པདྨ་ཧྲཱིཿ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་


DKG084_Page_0191
[མ་དཔེ་གཟིགས་ན་འདིར་གནོན།]

གསུངས་སོ། །ཨོཾ་བི་ཤྭ་རཏྣ་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོས་དེ་བཞིན་གཤེགས་པ་ཐམས་ཅད་ཀྱི་དབང་གི་རིན་པོ་ཆེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་སྙོམས་པར་ཞུགས་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་རྡོ་རྗེ་ནོར་བུ་རིན་པོ་ཆེ་ལྟ་བུ་འོད་ཟེར་རྣམས་བྱུང་ནས་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཏེ། སེམས་ཅན་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་དབང་གིས་དབང་བསྐུར་ནས་ཡང་གཅིག་ཏུ་གྱུར་ཏེ་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ནམ་མཁའི་སྙིང་པོའི་ཐུགས་ཀར་ཞུགས་སོ། །དེ་ནས་ནམ་མཁའི་སྙིང་པོའི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀུན་ནས་འོད་ཟེར་འབར་བའི་སྙིང་པོ་རྡོ་རྗེ་དང་། ནོར་བུ་དང་། རིན་པོ་ཆེ་སྣ་ཚོགས་ཀྱི་དབང་བསྐུར་ལ་སོགས་པའི་བཀོད་པ་དང་། རྒྱན་གྱིས་བརྒྱན་པའི་སྐུ་རྡོ་རྗེའི་ནོར་བུའི་རིན་པོ་ཆེའི་ཕྱག་རྒྱའི་མཚན་མ་ཕྱག་ན་བསྣམས་པའི་བྱང་ཆུབ་སེམས་དཔའ་ཆེན་པོའི་སྐུ་རྣམས་སུ་གྱུར་ཏེ་བྱུང་ནས་འཇིག་རྟེན་གྱི་ཁམས་ཐམས་ཅད་དུ་རིན་པོ་ཆེ་ཆེན་པོའི་ཆར་འབབ་པ་ལ་སོགས་པ་ནོར་བསྐྱང་བ་རྣམས་ཀྱིས་སེམས་ཅན་རྣམས་མགུ་བར་བྱས་ནས་ཡང་སླར་བྱོན་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཕྱོགས་ཐམས་ཅད་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །རིན་ཆེན་ཐམས་ཅད་བསྡུས་པ་ནི། ། རྡོ་རྗེ་རིན་ཆེན་རིགས་ཉིད་དུ། །འགྲོ་བའི་དོན་དུ་འདི་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་རང་གི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་འདི་ཕུལ་ཏེ་དོན་ཐམས་ཅད་གྲུབ་པ་ཞེས་བྱ་བའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །ཐམས་ཅད་གྲུབ་པ་ཞེས་བཤད་པ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་བརྒྱན་པ་སྟེ། །སྲད་བུ་བཞི་དང་ལྡན་པ་ལ། །དར་དང་ཕྲེང་བ་


DKG084_Page_0192
[མ་དཔེ་གཟིགས་ན་འདིར་གནོན།]

ལྡ་ལྡིས་བརྒྱན། །དཀྱིལ་འཁོར་ཆེན་པོ་གྲྭ་རྣམས་དང་། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་སྤྲས་པར་ནི། །ཕྱི་ཡི་དཀྱིལ་འཁོར་སྲད་བུས་བྲེ། །དེ་ཡི་ནང་དུ་རྡོ་རྗེ་ཡི། །རིན་ཆེན་ལས་བྱུང་གནས་བྱ་ཞིང་། །ཀ་བ་བརྒྱད་ཀྱི་ཚུལ་དུ་ནི། །རིན་ཆེན་སྣ་ཚོགས་འོད་འབར་བའི། །དཀྱིལ་འཁོར་ལྔར་ནི་བརྒྱན་གྱུར་པར། །དེར་ནི་སྲད་བུ་བྲེ་བར་བྱ། །རང་གི་ཕྱག་རྒྱས་བསྐོར་བ་ཡི། །དེར་ནི་སངས་རྒྱས་གཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་བུདྡྷ་རཏྣ་ཧཱུྃ། ཨོཾ་བཛྲ་མ་ཎི་ཧཱུྃ། ཨོཾ་བཛྲ་རཏྣ་ཨཾ་ཀུ་རུ་ཧཱུྃ། ཨོཾ་བཛྲ་རཏྣ་པདྨ་ཧཱུྃ། ཨོཾ་བཛྲ་རཏྣ་པརྵ་ཧཱུྃ། རེ་བ་ཀུན་གྲུབ་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ཀྱང་། །རྡོ་རྗེ་སྙིང་པོ་དེར་གནས་ཤིང་། །རིན་ཆེན་མཆོག་ནི་སྦྱིན་པར་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་དུ། །རིན་ཆེན་ཕྱག་རྒྱར་ལྡན་པ་ཡི། །སེམས་དཔའ་ཆེན་པོ་རྣམས་བྲིའོ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་སརྦ་ཨརྠ་སིདྡྷི་པྲ་ད་ཧཱུྃ། ཨོཾ་བཛྲ་མ་ཎི་ཙིནྡྷྱ་ཧ་ན་ཨཱ་ཀཱ་ཤ་གརྦྷ་བྷ་ག་བཱ་ན་སིང་དྷྱ་སིད་དྷྱ་ཧཱུྃ། ཨོཾ་རཏྣ་ཨཾ་ཀུ་ཤ་ཨཱ་ཀརྵ་ཡ་སརྦ་ཨརྠཱ་ན་ས་མ་ཡ་ཤཱི་གྷྲཾ། སརྦ་ཏ་ཐཱ་ག་ཏ་སཏྭ་མ་ནུ་སྨ་ར་ཧཱུྃ། ཨོཾ་ཏི་རཱ་ག་བ་ཤི་ཀུ་རུ་སརྦ་ན་ཀྵ་ཤགརྦྷ་ཧཱུྃ། ཨོཾ་རཏྣ་དུཥྚི་ཧཱུྃ། རིན་ཆེན་ཕྲེང་བའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རིན་ཆེན་ཕྲེང་བ་འཛིན་པའི་མཆོག །ངེས་པའི་དབུས་སུ་ལེགས་པར་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །ནོར་བུའི་མཚན་རྣམས་ལག་ཐོགས་པའི། །སེམས་དཔའ་ཆེན་པོ་རྣམས་བྲིའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་རཏྣ་ཏིཥྛ་ཏྲ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་རཏྣ་མཱ་ལེ་ཧཱུཾ། ཨོཾ་ར་ཏྣ་མ་ཎི་སཱུརྱེ་ཧཱུྃ། ཨོཾ་ཙནྡྲ་མ་ཎི་དྷྭ་ཛ་སརྦཱ་ཤཱ་པ་རི་པཱུ་ར་ཨཱ་ཀཱ་ཤ་གརྦྷ་ཧཱུྃ། ཨོཾ་རཏྣཱཊྚ་ཧྭ་ས་ཧཱ་ས་ཧཱུྃ། རིན་ཆེན་པདྨའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། ། རིན་ཆེན་པདྨ་འཛིན་ཁྱབ་པ། །དེ་དབུས་གནས་པར་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །ནོར་བུ་མཚན་མ་འཆང་བ་ཡི། །སེམས་དཔའ་ཆེན་པོ་རྣམས་བྲིའོ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་རཏྣ་པདྨ་ཧཱུྃ། ཨོཾ་ཧེ་གས་


DKG084_Page_0193
[མ་དཔེ་གཟིགས་ན་འདིར་གནོན།]

མཱ་དྷི་ཛྙཱ་ན་གརྦྷ་ཧཱུྃ། ཨོཾ་རཏྣ་ཀོ་ཥ་གྲ་ཧཱུྃ། ཨོཾ་མ་ཎི་ཙ་ཀྲ་པྲ་རྟྟཱ་ཡ་ཧཱུྃ། ཨོཾ་རཏྣ་བ་ཤཱི་ཧཱུྃ། རིན་ཆེན་ཆར་འབེབས་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རིན་ཆེན་ཆར་ནི་རབ་འབེབས་པའི། །སེམས་དཔའ་ཆེན་པོ་དེར་ཡང་བྲི། །དེ་ཡི་ཕྱོགས་རྣམས་ཐམས་ཅད་དུ། །མདོར་ན་ལག་ན་ཕྱག་རྒྱ་ཡང་། །རིན་ཆེན་མཚན་མར་ལྡན་པ་ཡི། །སེམས་དཔའ་ཆེ་རྣམས་ཆོ་ག་བཞིན། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་རཏྣ་བྲྀཥྚི་བརྵ་ཡ་སརྦ་བརྟ་སམྦྷ་དྷ་བྷ་ག་བཱན་མ་ཎི་ཧསྟ་ཧཱུྃ། ཨོཾ་མ་ཎི་པཱུ་ཛ་ས་མ་ཡ་ཧཱུྃ། ཨོཾ་མ་ཎི་བན་དྷ་ཀ་བ་ཙ་ཧཱུྃ། ཨོཾ་མ་ཎི་དཾཥྚ་ཀ་རཱ་ལ་མ་ཧཱ་ཡཀྵ་ཧ་ར་ཧ་ར་སརྦཱརྠཱན་ཏི་ཤ་ཡ་ཧཱུཾ། ཨོཾ་མ་ཎི་རཏྣ་བན་དྷ་ས་མ་ཡ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །གྲྭ་ཡི་ཕྱོགས་ནི་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །རིན་ཆེན་ལཱ་སྱེ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་རཏྣ་ར་ཏི་ཧཱུྃ། ཨོཾ་རཏྣ་མཱ་ལེ་ཧཱུྃ། ཨོཾ་རཏྣ་གཱི་ཏི་ཧཱུྃ། ཨོཾ་རཏྣ་ནྲྀ་ཏྱེ་ཧཱུྃ། ཕྱི་ཡི་དཀྱིལ་འཁོར་དམ་པ་ནི། །རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་ཡི་དཀྱིལ་འཁོར་གྲྭ་རྣམས་སུ། །བདུག་པའི་མཆོད་པ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་རཏྣ་དྷཱུ་པེ་རཏྣེ། ཨོཾ་པུཥྤེ་མ་ཎི། ཨོཾ་རཏྣ་ཨཱ་ལོ་ཀེ། ཨོཾ་མ་ཎི་གན་དྷེ། སྒོ་རྣམས་བཞི་ཡི་དབུས་སུ་ནི། །སྒོ་བ་རྣམས་ནི་གཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་སརྦ་རཏྣ་ཨཱ་ཀརྵ་ཨ་རུ་ཎ་མ་ཧཱ་ས་ཧཱ་བྷ་ག་བཱ་ན་ཏྭཾ་ཨཱ་ཀཱ་ཤ་གརྦྷཾ་ཙོ་དཱ་ཡ་ཨཱ་ཀརྵ་ཡ་ཤཱི་གྷྲཾ་ཧོ་ཛ། ཨོཾ་སརྦ་རཏྣ་པྲ་བེ་ཤ་ཡ། ས་མ་ཡ་པྲ་བེ་ཤ་ཡ་ས་མ་ཡ་མ་ཧཱ་མ་ཎི་རཱ་ཛཱ་ཀུ་ལཾ་རཏྣ་པཱ་ཤ་ཧཱུྃ། ཨོཾ་མ་ཎི་བ་ན་དྷ་ཧཱུྃ་བཾ། ཨོཾ་མ་ཎི་རཏྣ་ཨཱ་བེ་ཤ་ཨ། དེ་ནས་དཀྱིལ་འཁོར་ཆེན་པོ་འདིར་ནོར་བུ་རིན་པོ་ཆེའི་སློབ་དཔོན་ཉིད་ཇི་ལྟ་བ་བཞིན་ཞུགས་ཏེ་ཆོ་ག་རྒྱས་པ་བདག་ཉིད་ཀྱིས་བྱས་ལ། དེ་ནས་རིན་པོ་ཆེ་ས་བྱིན་གྱིས་བརླབས་པའི་བུམ་པ་གང་བའི་ཆུས་ནོར་བུའི་སློབ་མ་དབང་བསྐུར་ཏེ། རྡོ་རྗེ་ནོར་བུའི་དམ་ཚིག་གི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །ཨོཾ་བཛྲ་མ་ཎི་རཏ་ས་མ་ཡ་བཾ། དེ་ནས་ཁ་དོག་ཇི་ལྟ་བུ་རྙེད་པའི་བླ་གོས་ཕྲག་པ་གཅིག་ཏུ་གཟར་ཏེ་དེ་དང་འདྲ་བས་མིག་གཡོགས་ལ་སྙིང་པོ་འདི་བརྗོད་དུ་བཅུག་སྟེ་གཞུག་


DKG084_Page_0194
[མ་དཔེ་གཟིགས་ན་འདིར་གནོན།]

པར་བྱའོ། །ཨོཾ་ཧཱུྃ་མ་ཎི་རཱ་ཛ་ཀུ་ལཾ། དེ་ནས་ད་ལྟར་བཅུག་ནས་འདི་སྐད་དུ་ཁྱོད་ཀྱིས་འདི་སུ་ལ་ཡང་མ་བརྗོད་ཅིག །ཁྱོད་ཚེ་རབས་ཐམས་ཅད་དབུལ་པོར་གྱུར་ཏ་རེ། སྡུག་བསྔལ་ལས་མི་ཐར་བར་གྱུར་ཏ་རེ། སེམས་ཅན་དམྱལ་བར་ཡུན་རིང་པོར་གནས་པར་གྱུར་ཏ་རེ་ཞེས་བསྒོལ་དམ་ཚིག་གཉིས་སུ་བྱའོ། །ཐེག་པ་ཆེན་པོ་མངོན་པར་འདུས་པ་ཡང་བརྗོད་པར་བྱའོ། །དེ་ནས་བསམ་པ་དང་གཏེར་ཆེན་པོ་གང་ན་ཡོད། ཇི་ལྟར་ཐོབ་པར་འགྱུར་ཞེས་རྡོ་རྗེའི་ཚིག་གིས་དྲི་བར་བྱའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་ཐམས་ཅད་སྨྲར་སྩོལ་ཅིག་ཅེས་སྨྲས་མ་ཐག་ཏུ་གདོང་གཡོགས་པ་བཀྲོལ་ཏེ་དེ་བཞིན་གཤེགས་པ་ཐམས་ཅད་ཀྱི་དབང་གི་དམ་ཚིག་ཀྱང་བསྟན་ཏེ། བཅོམ་ལྡན་འདས་དེ་བཞིན་གཤེགས་པ་ལ་ཐུག་གི་བར་དུ་དཀྱིལ་འཁོར་ཆེན་པོ་བསྟན་པར་བྱའོ། །དེ་ནས་ཅི་འབྱོར་པས་མཆོད་པ་བྱས་ནས་དགོས་པ་ཐམས་ཅད་བསྒྲུབ་པར་བྱའོ། །དེ་ནས་ཡེ་ཤེས་ཀྱི་ཕྱག་རྒྱ་ནི་འདི་ཡིན་ཏེ། རྡོ་རྗེ་སྙིང་པོའི་ཕྱག་རྒྱ་ཆེ། །ཤིན་ཏུ་མཉམ་པར་བཞག་པས་བཅིངས། །གཏེར་བརྐོས་ནས་ནི་གང་དག་ན། །གཏེར་ཡོད་པ་ནི་དེ་མཐོང་འགྱུར། །དམ་ཚིག་གི་ནི་མཆོག་བཅིངས་ལ། །གང་ན་གཏེར་རྣམས་ཡོད་གྱུར་པ། །དེར་ནི་ཕྱག་རྒྱ་བཙིར་ན་ནི། །དེ་ཚེ་བདག་ཉིད་འབྱུང་བར་འགྱུར། །རྡོ་རྗེ་སྙིང་པོའི་ཏིང་འཛིན་དུ། །ཤིན་ཏུ་མཉམ་བཞག་བསྒོམས་ན་ནི། །གང་ན་གཏེར་རྣམས་ཡོད་པ་ཡང་། །ཡིད་ཀྱིས་ཤེས་པ་ཉིད་དུ་འགྱུར། །རྡོ་རྗེའི་སྙིང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །གང་དུ་ཕྱག་རྒྱ་བབས་གྱུར་ན། །དེ་ན་གཏེར་ཡོད་ཤེས་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་མ་ཧཱ་མ་ཎི་རཏྣ་ཨཱ་བི་ཤ་ཧཱུྃ། ཨོཾ་མ་ཎི་པིཎྜ་པ་རི་ཤ་ཡ་ཧཱུྃ། ཨོཾ་རཏྣ་ས་མཱ་དྷི་བྲཱུ་ཧི། ཨོཾ་རཏྣ་ཨཱ་བི་ཤ་དརྵ་ཡ་ཧཱུྃ། ཕྱག་རྒྱ་ཆེན་པོར་བསྒོམས་ན་ནི། །གང་དུ་ལུས་ནི་ཁོར་གྱུར་པ། །དེ་ན་རིན་ཆེན་གཏེར་ཡོད་པར། །དམ་ཚིག་ཉིད་ཀྱིས་ཤེས་པར་བྱ། །དམ་ཚིག་མཆོག་ནི་བཅིངས་ནས་ཀྱང་། །གང་དུ་བབས་ནས་གཉིས་གྱུར་པ། །དེ་ནི་རིན་ཆེན་ཆེན་པོ་ཡི། །གཏེར་ཡོད་པར་ནི་ཤེས་པར་བྱ། །ཏིང་འཛིན་ཕྱག་རྒྱ་བཅིངས་ནས་


DKG084_Page_0195
[མ་དཔེ་གཟིགས་ན་འདིར་གནོན།]

ནི། །གང་ལ་བབས་པ་བདག་ཉིད་ཀྱིས། །རིན་ཆེན་ཆེན་པོ་བདག་ཉིད་ཀྱིས། །གཏེར་ནི་གང་ན་ཡོད་པར་སྨྲ། །ལས་ཀྱི་ཕྱག་རྒྱ་བཅིངས་ནས་ཀྱང་། །གང་ཚེ་ལག་གཉིས་ཕན་ཚུན་དུ། །བབས་ནས་དམ་ཚིག་བཅིངས་གྱུར་པ། །དེ་ནི་གཏེར་ནི་ཡོད་པར་བཤད། ། དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་མ་ཧཱ་རཏྣ་ཀཱ་ཡ་དརྴ་ཡ་རཏྣ། ཨོཾ་ཨཱ་ཀཱ་ཤ་གརྦྷ་མ་ཎི་རཏྣ། ཨོཾ་སྥོ་ཊ་སྥོ་ཊ་ཡ་ཏྲ་ནི་དྷི། ཨོཾ་མ་ཎི་རཏྣ་ཛྙཱ་ན་སྭ་ཡཾ་བྲཱུ་ཧི། ཨོཾ་བུ་ན་ས་མ་ཡ་བན་དྷ་དརྵ་ཡ་སྭཱ་ཧཱ། ཕྱག་རྒྱ་ཆེན་པོ་བསྒོམས་ནས་ནི། །དེ་བཞིན་གང་དུ་དོགས་གྱུར་པ། །དེ་ནི་རིན་ཆེན་འབྱུང་བ་ཡི། །གཏེར་ཡོད་ཡེ་ཤེས་ཤེས་པར་བྱ། །གང་དུ་དོགས་ཡོད་དེར་ཡང་ནི། །དམ་ཚིག་མཆོག་ནི་མཆོག་བཅིངས་ལ། །གང་ཚེ་ཉིད་ནི་གྲོལ་གྱུར་པ། །དེ་ན་གཏེར་ནི་ཡོད་པར་བཤད། །ཏིང་འཛིན་ཕྱག་རྒྱ་བཅིངས་ནས་ནི། །གང་དུ་ངེས་པར་དོགས་གྱུར་པ། །དེ་ན་ངེས་པར་གཏེར་ཡོད་པར། །ཡེ་ཤེས་བསྐྱེད་དེ་ཤེས་པར་བྱ། །གང་ན་ཡང་དང་ཡང་དོགས་པ། །ལས་ཀྱི་ཕྱག་རྒྱ་ཆོ་ག་བཞིན། །དེར་བཅིངས་དེ་ནི་གཉིས་གྱུར་པ། །གཏེར་ཡོད་པར་ནི་ཤེས་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་ནི་དྷི་ཛྙཱ་ན་ཨཱ་བི་ཤ། ཨོཾ་རཏྣ་ས་མ་ཡ་མུཉྩ་ནི་དྷི་བནྡྷཾ། ཨོཾ་དྷརྨ་རཏྣ་བྲུ་ཧེ་ནི་དྷི་ནཾ། ཨོཾ་སརྦ་ཀརྨ་ནི་སྥོ་ཊ་ཡ་དརྴ་ཡ་ནི་དྷིཿབན་དྷོ་དཱ་ཀྵི་པ། ཕྱག་རྒྱ་ཆེན་པོར་བསྒོམས་ནས་ནི། །གཏེར་རྣམས་ཀུན་དུ་བཙལ་ནས་ཀྱང་། །གང་ན་གནས་པ་དེར་བབས་ན། །དེ་ན་གཏེར་ནི་ཡོད་པར་བཤད། །དམ་ཚིག་མཆོག་ནི་བཅིངས་ནས་ཀྱང་། །གཏེར་རྣམས་ཀུན་དུ་བཙལ་ནས་ནི། །གང་ན་གནས་པ་བརྟག་གྱུར་པ། །དེ་ན་གཏེར་ནི་ཡོད་པར་བཤད། །ཏིང་འཛིན་ཕྱག་རྒྱ་བཅིངས་ནས་ནི། །གཏེར་རྣམས་ཀུན་དུ་བཙལ་ནས་ཀྱང་། །གང་ན་ཡོད་པར་རྟག་ཏུ་ཤེས། །དེ་ན་གཏེར་ནི་ཡོད་པར་བཤད། །ལས་ཀྱི་ཕྱག་རྒྱ་བཅིངས་ནས་ནི། །གཏེར་རྣམས་ཀུན་དུ་བཙལ་ནས་ཀྱང་། །གང་ན་ཡོད་པར་ལས་ཕྱག་རྒྱ། །བསྐོར་བ་དེ་ན་ཡོད་པར་བཤད། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་རཏྣ་པ་རཀྵི་ཨཱ་བེ་ཤ །ཨོཾ་རཏྣ་ས་མ་ཡ་ཧྲྀ་ད་དརྵ་ཡ། །ཨོཾ་རཏྣ་པར་ཀྵི་ཛྙཱ་ན་ཨཱ་བེ་ཤ །ཨོཾ་མ་ཎི་ཀརྨ་བྲཧྨཱ་ཡ། དེ་ནས་གསང་བའི་ཕྱག་རྒྱའི་


DKG084_Page_0196
[མ་དཔེ་གཟིགས་ན་འདིར་གནོན།]

ཡེ་ཤེས་བསླབ་པར་བྱའོ། །དབང་པོ་གཉིས་ནི་མཉམ་སྦྱར་ལ། །གཏེར་རྣམས་ཀུན་དུ་ཚོལ་བྱེད་ཅིང་། །ཕྱག་རྒྱ་ཆེན་པོ་བསྒོམས་ན་ནི། །བབས་པར་གྱུར་ན་གཏེར་རྙེད་དོ། །དམ་ཚིག་མཆོག་ནི་བཅིངས་ནས་ཀྱང་། །བུད་མེད་དང་ནི་རྩེ་བྱེད་ཅིང་། །གང་དུ་ཕྱག་རྒྱ་དམ་གྱུར་པ། །དེ་ན་གཏེར་ནི་ཡོད་པར་བཤད། །དབང་པོ་གཉིས་ནི་མཉམ་སྦྱར་ན། །གཏེར་རྣམས་ཀུན་དུ་ཚོལ་བྱེད་ཅིང་། །ཡེ་ཤེས་ཕྱག་རྒྱ་བསྒོམས་ནས་ནི། །གཏེར་གྱི་ཡེ་ཤེས་འཇུག་པར་འགྱུར། །དབང་པོ་གཉིས་ཀྱི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །གང་དུ་ཕྱག་རྒྱ་གཉིས་གྱུར་པ། ། དེ་ན་གཏེར་ནི་ཡོད་པར་བཤད། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་མ་ཧཱ་མ་ཎི་སཾ་ཡོ་ག་བེ་ཤ། ཨོཾ་ས་མ་ཡ་སཾ་ཡོ་ག །དྲྀ་ཌྷོ་མེ་བྷ་བ། ཨོཾ་དི་ནི་ཛྙ་ན་ཨཱ་བེ་ཤ་སཾ་ཡོ་ག །ཨོཾ་སརྦ་ཀརྨ་སཾ་སྥོ་ཊ་སཾ་ཡོ་ག །དེ་ནས་ནོར་བུའི་རིགས་ཆེན་པོའི་ཕྱག་རྒྱའི་ཡེ་ཤེས་ཐམས་ཅད་བསླབ་བོ། ། དེ་ནས་ཕྱག་རྒྱ་ཆེན་པོ་འདི་ཡིན་ཏེ། །ཟླ་བའི་དཀྱིལ་འཁོར་དབུས་གནས་པར། །ཇི་ལྟ་བ་ཡི་རི་མོ་བཞིན། །ཕྱག་རྒྱ་ཆེན་པོ་བསྒོམས་ན་ནི། །དོན་གྱི་མཆོག་ཀུན་འགྲུབ་པར་འགྱུར། །དེ་ནས་ཕྱག་རྒྱ་ཆེན་པོ་རྣམས་ཀྱི་ལས་ནི་འདི་རྣམས་ཡིན་ནོ། །སངས་རྒྱས་ཕྱག་རྒྱ་སངས་རྒྱས་ཉིད། ། རྡོ་རྗེ་སྙིང་པོས་གཉིས་རབ་འགྲུབ། །རིན་ཆེན་ལྕགས་ཀྱུས་ཀུན་སྤྱན་འདྲེན། །ནོར་བུ་དགའ་བས་རྗེས་དགར་བྱེད། །ནོར་བུ་མགུ་བས་དགྱེས་པར་བྱེད། །ནོར་བུ་ལྟ་བས་ནོར་ཐོབ་བོ། །ནོར་བུ་ཕྲེང་བས་དབང་བསྐུར་ཞིང་། །ནོར་བུ་ཉི་མས་གཟི་བརྗིད་མཆོག །ཡིད་བཞིན་ནོར་བུས་ཇི་དགར་སྦྱིན། །རིན་ཆེན་བཞད་པས་ནོར་ཐོབ་འགྱུར། །རིན་ཆེན་ཆོས་ཀྱིས་ཆོས་ཀྱང་ཐོབ། །གཏོང་བའི་དཔལ་གྱིས་དམ་པ་རྙེད། །རིན་ཆེན་རལ་གྲིས་མཚོན་ཆེན་པོ། །རིན་ཆེན་འཁོར་ལོས་དབང་པོར་འགྱུར། །སྨྲ་བས་བཙལ་བའི་དངོས་གྲུབ་འཐོབ། །རིན་ཆེན་ཆར་གྱིས་ནོར་ཆེན་པོ། །ནོར་བུའི་མཆོད་པས་རབ་མཆོད་ཉིད། །རིན་ཆེན་ཆོས་ཀྱིས་བརྟན་པར་བྱེད། །རིན་ཆེན་མཆེ་བས་ནོར་ཐོབ་བོ། །ཁུ་ཚུར་ནོར་བུས་དངོས་གྲུབ་འཐོབ། །དེ་ནས་དཀྱིལ་འཁོར་ཆེན་པོ་འདིའི་དམ་ཚིག་གི་ཕྱག་རྒྱའི་ཡེ་ཤེས་ནི་འདི་ཡིན་ནོ། །རྡོ་རྗེ་རིན་ཆེན་ཕྱག་རྒྱས་ནི། །སངས་རྒྱས་ཀུན་གྱིས་དབང་


DKG084_Page_0197
[མ་དཔེ་གཟིགས་ན་འདིར་གནོན།]

བསྐུར་འཐོབ། །རྡོ་རྗེ་ནོར་བུ་ཆེ་བཅིངས་ནས། །རྡོ་རྗེ་རིན་ཆེན་གྲུབ་པར་འགྱུར། །རྡོ་རྗེ་གཉིས་ལས་ནོར་བུར་བྱས། །རྡོ་རྗེ་འཛིན་ལས་ནོར་འཐོབ་བོ། །དེ་ཉིད་མཐེ་བོ་རྡོ་རྗེ་ཡིས། །ནོར་བུ་སྦྱར་ཏེ་སྙིང་གར་གཞག །མཛུབ་གཉིས་པདྨའི་ནོར་བུར་བཅིངས། །འཇིག་རྟེན་དབང་གིས་ནོར་བྱིན་འགྱུར། །རྡོ་རྗེ་ལས་ནོར་སྣ་ཚོགས་ཀྱི། །ནོར་བུ་ཆེན་པོའི་རྒྱལ་མཚན་སྦྱིན། །རྡོ་རྗེ་དབྱིངས་མཛུབ་ནོར་བུ་ཡིས། །སངས་རྒྱས་རིན་ཆེན་ཉིད་འཐོབ་བོ། །མཛུབ་མོ་བསྙམས་ཏེ་ཕྱིར་བཀུག་ལ། །མཐེ་བོ་རྡོ་རྗེར་བཅིངས་པ་ཡི། །རྡོ་རྗེ་སྙིང་པོའི་ཕྱག་ལས་བྱུང་། །འདི་ནི་རྡོ་རྗེའི་ནོར་བུར་གསུངས། །འདི་ནི་བཅིངས་མ་ཐག་ཏུ་ཡང་། །རྡོ་རྗེའི་ནོར་བུ་ཆེན་པོ་འཐོབ། །མཛུབ་གཉིས་རིན་ཆེན་འདྲར་བཅིངས་ལ། །གུང་མོ་མྱུ་གུར་བསྒྲེང་བ་སྟེ། །འདི་ནི་བཅིངས་མ་ཐག་ཏུ་ཡང་། །རང་གི་དབང་བསྐུར་ཐོབ་པར་འགྱུར། །དེ་ནས་གུང་མོ་སྲིན་ལག་དང་། ། མཐེའུ་ཆུང་རྣམས་ནི་པདྨར་བྱ། །འདིས་ནི་ཀུན་དུ་སྤྱན་རས་གཟིགས། །མཚན་འཛིན་པས་ནི་ནོར་སྦྱིན་འགྱུར། །མཛུབ་མོ་མཐེ་བོ་མཐེའུ་ཆུང་རྣམས། །རྡོ་རྗེ་རིན་ཆེན་ཚུལ་དུ་བྱ། །གུང་མོ་གཉིས་ཀྱི་སེན་མོ་སྦྱར། །སྲིན་ལག་མྱུ་གུ་འདྲ་བར་བསྒྲེང་། །རྡོ་རྗེ་བསྡམ་པ་དམ་བྱས་ལ། །མཛུབ་གཉིས་ནོར་བུར་བྱས་ནས་ཀྱང་། །མཐེབ་གཉིས་བརྐྱང་བའི་ངོས་སྙིང་གི། །དོན་ཀུན་གྲུབ་པ་སྦྱིན་པར་བྱེད། །རྡོ་རྗེ་བསྡམ་པ་བསྡམས་ནས་ཀྱང་། །གུང་མོ་གཉིས་ནི་ནོར་བུར་བྱ། །ནོར་བུ་མཚན་གྱི་ཕྱག་རྒྱ་འདི། །ནོར་བུ་ཆེན་པོ་རབ་སྦྱིན་ནོ། །དེ་ཉིད་ལས་ནི་མཛུབ་མོ་གཉིས། །ལྕགས་ཀྱུའི་ཚུལ་དུ་བྱས་པ་ནི། །དོན་ཀུན་དགུག་པའི་ཕྱག་རྒྱ་སྟེ། །ནོར་བུ་རིན་ཆེན་ལྕགས་ཀྱུར་བཤད། །དེ་ཉིད་ལས་ནི་བསྒྱུར་ནས་ཀྱང་། །མཛུབ་མོས་མཛུབ་མོ་བཟུང་ནས་ནི། །མདའ་འཕང་བ་ཡི་ཚུལ་བྱས་ལ། །དྲངས་ནས་འགྲོ་བ་དགའ་བར་བྱེད། །དེ་ཉིད་ལས་ནི་མཛུབ་མཐེ་བ་གཉིས། །སྦྱར་བ་ལེགས་སོ་ཞེས་བྱ་བའོ། །དེ་ནས་མཐེབ་གཉིས་སྦྱར་བ་ཡིས། །མཛུབ་གཉིས་རྩེ་མོ་སྦྱར་བ་དང་། །མཐེ་བོ་གཉིས་ནི་དབུས་སྦྱར་ལ། །མཛུབ་གཉིས་ངོས་དང་སྦྱར་བ་ནི། །ནོར་བུ་ལྟ་བར་བཤད་པ་སྟེ། །ལྟ་བའི་དོན་རྣམས་འཕྲོག་བྱེད་པའོ། །དོན་ཀུན་གྲུབ་


DKG084_Page_0198
[མ་དཔེ་གཟིགས་ན་འདིར་གནོན།]

བའི་ཕྲེང་བ་ནི། །རང་གི་དབང་ནི་རབ་སྦྱིན་འགྱུར། །དེ་ཉིད་སྙིང་གར་མཐེ་བོ་གཉིས། །བསྒྲེང་སྟེ་ངོས་ཀྱིས་སྦྱར་བ་ནི། །ནོར་བུ་ཉི་མའི་སྙིང་གར་གཞག །གཟི་བརྗིད་ཆེན་པོ་རབ་སྦྱིན་འགྱུར། །སྲིན་ལག་བསྙམས་ཏེ་བསྒྲེང་ནས་ནི། །ཕྱེ་སྟེ་སྤྱི་བོར་གཞག་པར་བྱ། །རྡོ་རྗེ་ནོར་བུ་ཆེན་པོ་གཙོ། །རེ་བ་ཐམས་ཅད་རྫོགས་བྱེད་པའོ། །དེ་ཉིད་ལས་ནི་འགྱིང་བྱེད་ཅིང་། །ཁ་འགྲམ་རྒོད་པར་བསྐོར་བ་སྟེ། །རིན་ཆེན་ཆར་རྒོད་ཞེས་བྱ་བ། །བཞད་པས་དོན་རྣམས་ཐམས་ཅད་འགྲུབ། །ཏིང་ངེ་འཛིན་དུ་སོར་མོ་བསྒོམ། །ནོར་བུ་པདྨ་ནོར་འཆང་བའི། །དེ་ནས་མཐའ་ནས་གྲོལ་བ་ནི། །སྦྱིན་པ་ཆེན་པོ་རབ་སྦྱིན་བྱེད། །མཐེ་བོ་གཉིས་ནི་ནང་དུ་དགུག །མཛུབ་གཉིས་ནོར་བུར་བྱས་པ་ནི། །ནོར་བུ་རལ་གྲི་ཡིན་ཏེ་མཐུས། །འགྲོ་བ་རྣམས་ཀྱི་ནོར་འཕྲོག་པའོ། །རྡོ་རྗེ་བསྡམས་ལས་འཁོར་ལོར་བྱ། །མཐེབ་གཉིས་ནང་དུ་བཅུག་ནས་ཀྱང་། །མཛུབ་གཉིས་ནོར་བུ་འདྲར་བྱས་པ། །འཁོར་ལོས་སྒྱུར་བ་ཐོབ་པར་བྱེད། །དེ་ཉིད་ཐལ་མོའི་ཚུལ་དུ་བྱས། །ཁ་ནས་འདྲེན་པར་བྱས་པ་ནི། །དེ་བཅིངས་ནས་ནི་ངག་གིས་ཀྱང་། །རང་གི་བཀས་ནི་ནོར་འཕྲོག་འགྱུར། །རྡོ་རྗེ་ནོར་བུ་ཆེ་བཅིངས་ལ། །རིན་ཆེན་ཆར་ནི་རབ་འབེབས་ཏེ། །སོར་མོ་ཐམས་ཅད་བསྒྲེང་བ་ནི། །ཕྱོགས་བཞི་ནས་ནི་ནོར་ཆར་འབེབས། །རྡོ་རྗེ་ནོར་བུ་ཆེ་བཅིངས་ལ། །གར་བྱས་གཙུག་ཕུད་དབུས་བཞག་ནས། །ཀུན་ལ་ཆོ་ག་བཞིན་མཆོད་ན། །རིན་ཆེན་ཀུན་གྱིས་དེ་མཆོད་འགྱུར། །དོན་ཀུན་གྲུབ་པའི་ཕྱག་རྒྱས་ནི། །མགྲིན་པའི་ཕྱོགས་སུ་འཁྱུད་པར་བྱ། ། ནོར་བུ་བཅིངས་པ་ཞེས་བྱ་སྟེ། །བསྲུང་བ་ཡི་ནི་ཆོ་གར་གྲགས། །དོན་ཀུན་གྲུབ་པ་དེ་ཉིད་ལས། །གནོད་སྦྱིན་ཚུལ་དུ་ཁར་བཞག་པ། །ནོར་བུ་མཆེ་བ་ཞེས་བྱ་སྟེ། །འཇིག་བྱེད་དོན་ཀུན་འཕྲོག་བྱེད་པའི། །རྡོ་རྗེ་བསྡམ་པ་དམ་བྱས་ལ། །མཛུབ་བཀུག་མཐེ་བོ་གཉིས་ཀྱིས་ནི། །ལེགས་པར་མནན་ཏེ་བཙིར་བ་ནི། །ནོར་བུའི་ཁུ་ཚུར་དངོས་གྲུབ་འཐོབ། །དམ་ཚིག་རྣམས་ཀྱི་མཆོད་མཆོག་རྣམས། །རྡོ་རྗེ་དབྱིངས་ཀྱི་ཚུལ་དུ་ནི། །ཇི་བཞིན་ནོར་བུ་ལྡན་པ་ལ། །འདི་ནི་དམ་ཚིག་མཆོག་ཏུ་བརྟགས། །གུང་མོ་ནོར་བུའི་ཚུལ་དུ་བྱ། །དེ་དག་ཉིད་ལ་རྣམ་པར་བརྟགས། །ལྕགས་


DKG084_Page_0199
[མ་དཔེ་གཟིགས་ན་འདིར་གནོན།]

ཀྱུ་གཅིག་སོགས་ཚུལ་གྱིས་ནི། །ལས་རྣམས་ཐམས་ཅད་རབ་འགྲུབ་བྱེད། །དེ་ནས་ནོར་བུ་ཆེན་པོའི་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ནི་འདི་ཡིན་ནོ། །ཧྲཿགྲཿཏྲིཿཧྲཱིཿཤྲཱིཿཨིཿརིཿདྷྲིཿདིཿདྷཱི༔གྲིཿཔིཿརིཿཌཿཡཿཨཿ། རིན་ཆེན་ཕྱག་རྒྱ་གཉིས་བྱས་ལ། །ལས་ཀྱི་ཕྱག་རྒྱ་བྲི་བར་བྱ། །དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་གི་རྟོག་པའི་རྒྱལ་པོ་ལས་དོན་ཐམས་ཅད་གྲུབ་པ་ཞེས་བྱ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སྷོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་དབང་བསྐུར་བའི་གཟུངས་ཀྱི་དམ་ཚིག་འབྱུང་བའི་རིན་པོ་ཆེའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་ཕྱག་རྒྱ་འདི་གསུངས་སོ། །ཨོཾ་བཛྲ་རཏྣ་དྷཱུ་པེ་ཧཱུྃ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་ཕྱག་རྒྱ་འདི་གསུངས་སོ། །ཨོཾ་བཛྲ་ཨབྷི་ཥེ་ཀ་མཱ་ལེ་ཨ་བྷི་ཥི་ཉྩ་ས་མ་ཡེ་ཧཱུྃ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་ཕྱག་རྒྱ་འདི་གསུངས་སོ། །ཨོཾ་རཏྣ་ཨ་བྷི་ཥེ་ཀ་ཧཱུྃ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་ཕྱག་རྒྱ་འདི་གསུངས་སོ། །ཨོཾ་བཛྲ་དྷ་རྨ་ཨ་དྷིཥེ་ཀ་ཧཱུྃ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་ཕྱག་རྒྱ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་པཱུ་ཛ་ས་མ་ཡེ་ཧཱུྃ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོས་རང་གི་རིགས་ཀྱི་དམ་ཚིག་གི་ཕྱག་རྒྱའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །རིན་ཆེན་གསང་བ་ཞེས་བཤད་དེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་ཚུལ་བཞིན་དུ། །སངས་རྒྱས་ཕྱག་རྒྱ་བྲི་བྱ་སྟེ། །ཁྲི་ལ་གནས་པའི་ནོར་བུའི་གཙོ། །རྡོ་རྗེ་དབྱིངས་ཀྱི་མདུན་དུ་ནི། །ནོར་བུའི་ཕྲེང་བ་པདྨའི་ནོར། །ནོར་བུས་བསྐོར་བའི་ནོར་བུའི་རྣམས། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་ཏྲ། ཨོཾ་མ་ཎི་ས་མ་ཡེ་ཧཱུྃ། ཨོཾ་མ་ཎི་རཏྣ་ཨ་བྷི་ཥེ་


DKG084_Page_0200
[མ་དཔེ་གཟིགས་ན་འདིར་གནོན།]

ཀམཱ་ལེ་ཧཱུྃ། ཨོཾ་མ་ཎི་རཏྣ་པདྨ་ཧཱུྃ། ཨོཾ་མ་ཎི་རཏྣ་པྲྀ་ཏི་ས་མ་ཡེ་ཧཱུྃ། ཐམས་ཅད་གྲུབ་པའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རྡོ་རྗེ་རིན་ཆེན་དབུས་སུ་ནི། །རྡོ་རྗེ་ནོར་བུ་ཆེན་པོ་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །རང་གི་ཕྱག་རྒྱ་ནོར་བུར་ལྡན། །རིན་ཆེན་སློབ་དཔོན་ཉིད་ཀྱིས་བྲི། །དེ་ལ་དེ་དག་གི་ཕྱག་རྒྱ་ནི་འདི་རྣམས་སོ། །ཨོཾ་སརྦ་ཨརྠ་སིདྡྷི་པྲ་བེ་ཤ་མ་ཧཱ་བཛྲི་རཏྣ་ས་མ་ཡེ་མ་ཎི་སརྦ་ཨརྠཱ་ན་མེ་སཱ་དྷ་ཡ་དྷཱ་ར་ཎཱི་ཧཱུྃ། ཨོཾ་མ་ཎི་རཏྣ་ཨཱ་ཀཪྵ་ཡེ་སྭཱ་ཧཱ། ཨོཾ་མ་ཎི་རཏྣ་ས་མ་ཡེ་ཨཾ་ཀུ་ཤ་མ་ཎི་ཀུ་ལཉྫ། ཨོཾ་མ་ཎི་རཱ་ག་ས་མ་ཡེ་ཧཱུྃ། ཨོཾ་མ་ཎི་སཱ་དྷུ་ཧཱུྃ། དེ་བཞིན་དཀྱིལ་འཁོར་གཉིས་པར་ཡང་། །རྡོ་རྗེ་ཤུགས་ཀྱིས་བརྒལ་ནས་ནི། །སྤྱན་གཉིས་དང་ནི་ལྡན་པ་ཡིན། །ནོར་བུ་དེ་ཡི་དབུས་སུ་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །ནོར་བུའི་མཚན་མར་ལྡན་པ་ཡི། །རང་གི་ཕྱག་རྒྱ་རྣམས་བྲིའོ། །དེ་ལ་དེ་དག་གི་ཕྱག་རྒྱ་ནི་འདི་དག་གོ །ཨོཾ་བཛྲ་མ་ཎི་རཏྣ་ནེ་ཏྲ་ཨཱ་ན་ཡ་བ་ཤི་ཀུ་རུ་སརྦ་ཨརྠ་སམྦྷ་བ་དཱ་ན་ཤཱི་གྷྲཾ་ཏིཥྛ་ཨཾ་ཀུ་ཤི་ཧཱུྃ། ཨོཾ་མ་ཎི་རཏྣ་རཏྣ་མཱ་ལེ་ཨ་བྷི་ཥིཉྩ་ཧཱུྃ། ཨོཾ་མ་ཎི་རཏྣ་སཱུརྱེ་ཛྭཱ་ལ་ཡ་སརྦ་མ་ཧཱ་རཱ་ཛི་ནི་ཧཱུྃ། ཨོཾ་མ་ཎི་ཙནྡྲ་དྷྭ་ཛཱ་གྲི་ཧཱུྃ། ཨོཾ་མ་ཎི་ཧཱ་སེ་ཧཱ་ས་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །ནོར་བུ་པདྨ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་མ་ཎི་ས་མཱ་དྷི་པདྨེ་ནི་ཧཱུྃ། ཨོཾ་མ་ཎི་རཏྣཱ་དྱ་གྲ་ས་མ་ཡ་ཧཱུྃ། ཨོཾ་མ་ཎི་ས་མ་ཡ་ཀོ་ཥེ་ཧཱུྃ། ཨོཾ་མ་ཎི་ས་མ་ཡ་ཙཀྲ་ཧཱུྃ། ཨོཾ་མ་ཎི་བྷཱ་ཥཱ་གྲི་ཧཱུྃ། དཀྱིལ་འཁོར་བཞི་པ་དམ་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང་། །རྡོ་རྗེ་རིན་ཆེན་ལྡན་པ་ཡི། །རིན་ཆེན་ཆར་འབེབས་དེར་གནས་ཤིང་། །ལས་ཀྱི་ཕྱག་རྒྱ་ཇི་བཞིན་པས། །ཡོངས་སུ་བསྐོར་བར་བྲི་བར་བྱ། །ནོར་བུའི་མཚན་མར་ལྡན་པ་རྣམས། །ལྟག་འོག་གོ་རིམས་ཇི་བཞིན་བྱ། །དེ་ནས་དེ་དག་གི་ཕྱག་རྒྱ་ནི་འདི་རྣམས་སོ། །ཨོཾ་རཏྣ་བྲྀཥྚི་སཱ་དྷ་ཡ་མ་ཧཱ་མ་ཎི་ཧཱུྃ། ཨོཾ་མ་ཧཱ་པཱུ་ཛཱ་ས་མ་ཡེ་ནེ་ཏྲ་ཨཱ། ཨོཾ་མ་ཧཱ་པཱུ་ཛཱ་ས་མ་ན་ས་མ་ཡེ་རཀྵ། ཨོཾ་བཛྲ་མ་ཎི་རཏྣ་དཥྚྲ་ཀཱ་རཱ་ལེ་ཧ་ར་ཧ་ར་ཧཱུྃ། ཨོཾ་མ་ཎི་ས་མ་ཡ་མུཥྚི་ཧཱུྃ།


DKG084_Page_0201
[མ་དཔེ་གཟིགས་ན་འདིར་གནོན།]

དེ་ནས་ནོར་བུ་གསང་བའི་དཀྱིལ་འཁོར་འདིར་ལས་རྣམས་ཇི་ལྟ་བ་བཞིན་དུ་བྱས་ནས་རང་གི་སློབ་མ་རྣམས་བཙུད་དེ་འདི་སྐད་དུ་བསྒོ་བར་བྱའོ། །ཁྱོད་ཀྱིས་ཚུལ་འདི་སུ་ལ་ཡང་མ་སྨྲ་ཤིག །ཁྱོད་རབ་ཏུ་དབུལ་བ་དང་དུས་བྱས་ནས་སེམས་ཅན་དམྱལ་བར་ལྷུང་ཏ་རེ་ཞེས་བསྒོ་ལ་རང་གི་ནོར་བུའི་དམ་ཚིག་གི་ཡེ་ཤེས་བསྐྱེད་པར་བྱའོ། །རྡོ་རྗེ་རིན་ཆེན་ཏིང་འཛིན་གྱིས། །མཁའ་ལ་རྡོ་རྗེ་རིན་ཆེན་བྲི། །བདག་ཉིད་ཀྱི་ནི་དཔྲལ་བར་ཡང་། །བཞག་ན་རྒྱལ་པོར་ངེས་པར་འགྱུར། །རིན་ཆེན་རྡོ་རྗེ་བཅིངས་ནས་ནི། །རྡོ་རྗེ་རིན་ཆེན་མཁའ་ལ་བྲི། །དབང་གི་གནས་སུ་བཞག་ན་ནི། །ངེས་པར་རྒྱལ་པོ་ཉིད་དུ་འགྱུར། །རྡོ་རྗེ་རིན་ཆེན་ཏིང་འཛིན་གྱིས། །རྡོ་རྗེ་རིན་ཆེན་མཁའ་ལ་བྲི། །ཡེ་ཤེས་རྡོ་རྗེ་དེ་བཞག་ན། །ཉིད་ཀྱིས་གྲུབ་པའི་རྒྱལ་པོར་འགྱུར། །ལས་ཀྱིས་ཕྱག་རྒྱ་བཅིངས་ནས་ནི། །མཁའ་ལ་རྡོ་རྗེ་རིན་ཆེན་བྲིས། །རང་གི་གནས་སུ་དེ་བཞག་ན། །ཉིད་ཀྱི་གྲུབ་བའི་རྒྱལ་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །མ་ཧཱ་བཛྲ་རཏྣ་ཨ་བྷི་ཥིཉྩ་མཱཾ། ས་མ་ཡ་རཏྣ་ཨ་བྷི་ཥིཉྩ་མཱཾ། དྷརྨ་རཏྣ་ཨ་བྷི་ཥིཉྩ་མཱཾ། ཀརྨ་རཏྣ་ཨ་བྷི་ཥིཉྩ་མཱཾ། ཕྱག་རྒྱ་ཆེན་པོའི་སྙིང་གར་ནི། །རྡོ་རྗེ་རིན་ཆེན་བསྒོམ་པར་བྱ། །བསྒོམས་ནས་མངོན་པར་དབང་དུ་བསྐུར། ། མཆོག་ཏུ་རྨད་དུ་བྱུང་བ་འཐོབ། །མཉམ་པར་བཞག་པས་རྡོ་རྗེ་ཡི། །རིན་ཆེན་དཔྲལ་བར་བསྒོམས་ནས་ནི། །རིན་ཆེན་རྡོ་རྗེ་བཅིངས་གྱུར་ན། །ཐམས་ཅད་ཀྱི་ནི་རྒྱལ་པོར་འགྱུར། །རྡོ་རྗེ་རིན་ཆེན་ཏིང་འཛིན་གྱིས། །ལྕེ་ལ་རྡོ་རྗེ་རིན་ཆེན་བསྒོམ། །ཆོས་ཀྱི་རྒྱལ་པོ་ཉིད་དུ་ནི། །དབང་བསྐུར་བ་ནི་ཐོབ་པར་འགྱུར། །རབ་མཉམ་བཞག་པས་རྡོ་རྗེ་ཡི། །རིན་ཆེན་གཙུག་ཏོར་བསྒོམས་ནས་ཀྱང་། །ལས་ཀྱི་ཕྱག་རྒྱ་བཅིངས་ནས་ནི། །ལས་ལེགས་བྱེད་པའི་རྒྱལ་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་བཛྲ་རཏྣ་ཧྲྀ་ད་ཡ་ཨ་བྷི་ཥིཉྩ་ཧོ། ཨོཾ་བཛྲ་རཏྣ་ཨ་བྷི་ཥེ་ཀ་དྲ། ཨོཾ་བཛྲ་རཏྣ་ཨ་བྷི་ཥིཉྩ་བཾ། ཨོཾ་བཛྲ་རཏྣ་ཨུཥྞཱི་ཥ་ཨ་དྷིཥྛ་ན་སྭ་མཱ་ན། ཕྱག་རྒྱ་ཆེན་པོ་བདག་ཉིད་ཀྱིས། །བསྒོམས་ན་རྡོ་རྗེ་རིན་ཆེན་ཡང་། །རས་ལ་སོགས་ལ་བྲིས་ནས་ནི། །རྒྱལ་པོ་ཆེན་པོར་དེ་འགྱུར་རོ། །རྡོ་རྗེ་རིན་ཆེན་བླ་ན་མེད། །རས་ལ་སོགས་ལ་བྲིས་ནས་ཀྱང་། །སེམས་


DKG084_Page_0202
[མ་དཔེ་གཟིགས་ན་འདིར་གནོན།]

དཔའ་རྡོ་རྗེ་བསྒོམས་ན་ནི། །དམ་ཚིག་རྣམས་ཀྱི་བདག་པོར་འགྱུར། །རིན་ཆེན་རྡོ་རྗེ་བདག་ཉིད་ཀྱིས། །རས་ལ་སོགས་ལ་བྲིས་ནས་ཀྱང་། །བསམ་གཏན་ཕྱག་རྒྱ་བསྒོམས་ན་ནི། །ངེས་པར་ཆོས་ཀྱི་བདག་པོར་འགྱུར། །རས་ལ་སོགས་ལ་རྡོ་རྗེ་ཡི། །རིན་ཆེན་བྲིས་ནས་ལས་རྣམས་ཀྱི། །ཕྱག་རྒྱ་བསྒོམས་པར་གྱུར་ན་ནི། །བདག་ཉིད་ལས་ཀྱི་བདག་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །བཛྲ་རཏྣ་བིཾ་བྷ་ཨ་དྷི་ཏིཥྛི། ཨོཾ་བཛྲ་རཏྣ་བི་བྷ་པྲ་ཏིི་ཏིཥྛ། ཨོཾ་བཛྲ་རཏྣ་བིཾ་བྷ་ཨ་བྷི་ཥེ་ཀ །བཛྲ་རཏྣ་བིཾ་བྷ་ཀུ་རུ། གསེར་རམ་ཡང་ན་དངུལ་ཡང་རུང་། །རྡོ་རྗེ་རིན་ཆེན་བཅིངས་གྱུར་ཏམ། །ཡང་ན་རིན་ཆེན་གཞན་ཡང་རུང་། །སྙིང་གར་བསྒོམས་ནས་དབང་བསྐུར་འགྱུར། །རྡོ་རྗེ་རིན་ཆེན་བླ་ན་མེད། །གསེར་རམ་རིན་ཆེན་གཞན་ལས་བྱས། །རྟག་ཏུ་དཔྲལ་བར་བཞག་ན་ནི། །ནོར་ཆེ་བ་ཡི་རྒྱལ་པོར་འགྱུར། །གསེར་རམ་རིན་ཆེན་གཞན་དག་གི །རྡོ་རྗེ་རིན་ཆེན་བསྒོམས་ནས་ཀྱང་། །རང་གི་ཁར་ཡང་བཅུག་ན་ནི། །ཚིག་ལ་དབང་བར་དེ་འགྱུར་རེ། །གསེར་རམ་རིན་ཆེན་གཞན་དག་གི། །རྡོ་རྗེ་རིན་ཆེན་བསྒོམས་ན་ནི། །གཙུག་ཏོར་དུ་ནི་ཡང་བསྒོམས་ན། །ལས་རྣམས་ཀུན་གྱི་བདག་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་བཛྲ་རཏྣ་ཧྲྀ་ད་ཡ་ཨཱ་བར་ཎ་ཧཱུྃ། ཨོཾ་བཛྲ་རཏྣ་ཨ་བྷི་ཥེ་ཀ་མ་ཧཱ་ཨརྠ་པཱ་ད། ཨོཾ་བཛྲ་རཏྣ་པཱ་ཙ་པཱ་དེ། ཨོཾ་བཛྲ་རཏྣ་མ་ཧཱ་ཀརྨ་པཱ་དེ། དེ་ནས་ནོར་བུའི་རིགས་ཀྱི་དམ་ཚིག་གི་ཕྱག་རྒྱ་གསང་བའི་ཡེ་ཤེས་བསླབ་བོ། །ཕྱག་རྒྱ་ཆེན་པོར་བསྒོམས་ན་ནི། །རྡོ་རྗེ་ནོར་བུ་ཆེ་བཅིངས་ལ། །ནོར་བུ་བུད་མེད་བུ་གར་བཅུག །དེ་ལྟར་དངོས་གྲུབ་ཐོབ་པར་འགྱུར། །དམ་ཚིག་མཆོག་གི་ནོར་བུ་ནི། །བུད་མེད་བུ་གར་བཅུག་ནས་ཀྱང་། །དམ་ཚིག་མཆོག་བཅིངས་ཐམས་ཅད་ཀྱི། དབང་བསྐུར་བ་ཡི་དངོས་གྲུབ་འགྱུར། །རྡོ་རྗེ་ནོར་བུ་ཆེ་བཅིངས་ལ། །ཆོས་ཀྱི་ཕྱག་རྒྱ་བསྒོམས་ནོར་བུ། །དེ་ནི་བུད་མེད་བུ་གར་བཅུག །བླ་ན་མེད་པའི་དངོས་གྲུབ་འགྱུར། །ལས་ཀྱི་ཕྱག་རྒྱ་ནོར་བུ་བཅིངས། །བུད་མེད་བུ་གར་ལས་ཕྱག་རྒྱ། །བཅིངས་པར་གྱུར་ན་ལས་ཀུན་གྱི། །དངོས་གྲུབ་བླ་ན་མེད་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་མ་ཧཱ་མ་ཎི་སིདྡྷི། ཨོཾ་ས་


DKG084_Page_0203
[མ་དཔེ་གཟིགས་ན་འདིར་གནོན།]

མ་ཡ་ཨ་བྷི་ཥེ་ཀ་སིདྡྷི། ཨོཾ་དྷརྨ་སིདྡྷི། ཨོཾ་ཀརྨ་སིདྡྷི། དེ་ནས་དཀྱིལ་འཁོར་འདིའི་ཕྱག་རྒྱ་ཆེན་པོ་བཅིང་བ་བཤད་དེ། རིན་ཆེན་རྡོ་རྗེ་མྱུ་གུར་བཅིང་། །གུང་མོ་སྲིན་ལག་མཐེའུ་ཆུང་རྣམས། །སོར་མོ་བརྐྱང་བ་བྱས་ནས་ནི། །སྤྱི་བོར་བཞག་པ་གྲུབ་མཆོག་འཐོབ། །རྡོ་རྗེ་བསྡམ་པ་བྱས་ནས་ཀྱང་། །མཛུབ་མོ་གཉིས་མདུད་མཐེབ་གཉིས་དང་། །སྲིན་ལག་རྡོ་རྗེ་བསྒྱུར་ནས་ནི། །མཛོད་སྤུར་བཞག་པ་དབང་ཐོབ་བོ། །རྡོ་རྗེ་རིན་ཆེན་ཚུལ་བྱས་ལ། །མཛུབ་གཉིས་ངོས་དང་མ་ཐེབ་ངོས་སྤྲད། །དེ་ཉིད་བསྒྱུར་ནས་དེ་དབང་འཐོབ། །དེ་ཉིད་མཐེབ་གཉིས་མཛུབ་གཉིས་ནི། །ཆོས་ཀྱི་རྡོ་རྗེ་ཚུལ་དུ་ནི། །བཅིངས་ནས་དཔྲལ་བར་བཞག་པ་ནི། །ཆོས་ཆེན་གྱི་ནི་དབང་བསྐུར་འགྱུར། །ལས་ཀྱི་རྡོ་རྗེ་བཅིངས་ནས་ཀྱང་། །དབང་རྣམས་ཀུན་གྱི་ཕྲེང་བ་སྟེ། །བསྒྱུར་ནས་དཔྲལ་བ་ཉིད་དུ་ཡང་། །བཞག་ན་དབང་ནི་བསྐུར་བར་འགྱུར། །རིན་ཆེན་འབྱུང་བའི་ཕྱག་རྒྱ་ནི། །རྡོ་རྗེ་དབྱིངས་སྐྱེས་དམ་ཚིག་ཀྱང་། །བཅིངས་ནས་རིན་ཆེན་དཔྲལ་བར་ནི། །བཞག་ན་དབང་ནི་བསྐུར་བར་འགྱུར། །མཐེབ་གཉིས་ཕན་ཚུན་བསྣོལ་ནས་ནི། །མཛུབ་མོ་གཉིས་ཀྱི་རྩེ་མོ་ཡང་། །ནོར་བུ་འདྲ་བར་བཀུག་པ་ནི། །རྡོ་རྗེ་ནོར་བུ་ཆེན་པོ་འཐོབ། །རྡོ་རྗེ་བསྡམ་པ་བྱས་ནས་ཀྱང་། །རྡོ་རྗེ་ཁུ་ཚུར་གུང་མོ་གཉིས། །ནོར་བུ་འདྲ་བར་བྱས་ནས་ནི། །ནོར་བུ་ཕྲེང་བའི་དབང་བསྐུར་འགྱུར། །རྡོ་རྗེ་བསྡམ་པ་བྱས་ནས་ནི། །གུང་མོ་ནོར་བུ་འདྲར་བྱས་ལ། །མཛུབ་མོ་སྲིན་ལག་གཉིས་པདྨ། །ཁ་བྱེ་འདྲ་བར་བྱས་པས་འགྲུབ། །གུང་མོ་གཉིས་ནི་ནོར་བུར་བཅིངས། །སོར་མོ་ཐམས་ཅད་བསྒྲེང་བ་རྣམས། །ནོར་བུ་ཉིད་དུ་བསྒོམས་ན་ནི། །འཁོར་རྣམས་མཆོག་དང་ལྡན་པར་འགྱུར། །གུང་མོ་མཐེ་བོ་རྡོ་རྗེ་ཡི། །རིན་ཆེན་ཚུལ་དུ་བྱས་ནས་ཀྱང་། །སྲིན་ལག་མཐེའུ་ཆུང་བསྙམས་པ་ཡི། །ཁར་བཞག་ལྕེ་སྟེ་ནོར་བུ་སྦྱིན། །དེ་ལ་མཛུབ་གཉིས་རྡོ་རྗེར་བྱ། །དེ་ལྟར་དེ་གཉིས་ལྕགས་ཀྱུར་བྱ། ། མཛུབ་མོས་མཛུབ་མོ་དྲང་བ་དང་། །དེ་ཉིད་དགའ་བར་རབ་སྦྱིན་པའོ། །གུང་མོ་གཉིས་ནི་ནོར་བུར་བཅིང་། །མཛུབ་གཉིས་ངོས་ལ་དགུག་པ་སྟེ། །སྲིན་ལག་ངོས་གཉིས་མདུད་པ་ལ། །མཐེ་བོ་གཉིས་ཀྱིས་བཀབ་པ་སྟེ། །དེ་ཉིད་རྡོ་རྗེ་ཉི་མར་བསྐོར། །དཔུང་པའི་སྤྱི་བོར་བརྐྱང་བར་བྱ། །ནོར་བུའི་


DKG084_Page_0204
[མ་དཔེ་གཟིགས་ན་འདིར་གནོན།]

རྒྱལ་མཚན་སྤྱི་བོའི་རྒྱན། །བཞད་པའི་ཚུལ་དུ་བྱས་པའོ། །རྡོ་རྗེ་བསྡམ་པ་བྱས་ན་ནི། །མཛུབ་མོ་སྲིན་ལག་གྱེན་དུ་བསྒྲེང་། །དེ་དག་པདྨ་འདྲ་བར་བྱ། །གུང