 རྙིང་མ་རྒྱུད་འབུམ་པོད་བརྒྱད་པ། ཉ༽སྡེ་དགེའི་ཤིང་པར་རྙིང་མ་རྒྱུད་འབུམ།རྩོམ་མཁན།Nitartha internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་གསང་བ་དུར་ཁྲོད་ཁུ་བྱུག་རོལ་པའི་རྒྱུད་ཅེས་བྱ་བ་ཐེག་པ་ཆེན་པོའི་མདོ།― DNG008_Page_0001 ―
[མ་དཔེ་གཟིགས་ན་འདིར་གནོན།]
བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་གསང་བ་དུར་ཁྲོད་ཁུ་བྱུག་རོལ་པའི་རྒྱུད་ཅེས་བྱ་བ་ཐེག་པ་ཆེན་པོའི་མདོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གསང་བ་མཆོག་གི་བདག་པོ། ཐིག་ལེ་བྱང་ཆུབ་སེམས་ཀྱི་རྡོ་རྗེ། དེ་བཞིན་གཤེགས་པ་ཐམས་ཅད་ཀྱི་སྐུ་རྣམ་པར་དག་པའི་བདག་ཉིད། པད་མ་ཆེན་པོ་རྣམ་པར་དག་པའི་གསུང་།རྡོ་རྗེ་ལྟ་བུའི་ཏིང་ངེ་འཛིན་ལ་མངའ་བརྙེས་པ། ཡིད་བཞིན་གྱི་རིན་པོ་ཆེ་རྒྱལ་པོའི་ཡོན་ཏན་མཉམ་པ་ཆེན་པོས་ཀུན་ཏུ་ཁྱབ་པར་མཛད་པ། ཀུན་ཏུ་འདུལ་བའི་ཕྲིན་ལས་ཀྱི་སྒོ་ཡངས་པར་ཀུན་ཏུ་མཛད་པ། སྐུ་གསུང་ཐུགས་ཡོན་ཏན་དམ་ཚིག་ཆེན་པོ་མ་ལུས་པའི་བདག་ཉིད་ཆེན་པོ། དུས་གསུམ་གྱིས་ཆོས་མ་ ― DNG008_Page_0002 ―
[མ་དཔེ་གཟིགས་ན་འདིར་གནོན།]
ལུས་མི་ལུས་ལུས་པ་མེད་པ་ཐམས་ཅད་དང་གཉིས་སུ་མེད་པའི་རང་བཞིན། རོལ་པའི་རྫུ་འཕྲུལ་སྣ་ཚོགས་པར་རྣམ་པར་འཕྲུལ་པར་མངའ་བརྙེས་པ་དེ། འོག་མིན་གྱི་གནས་གསང་བ་མཆོག་གི་དཀྱིལ་འཁོར་ཆེན་པོ། བཙུན་མོའི་བྷ་ག་ལ་ཕོ་བྲང་ལྷུན་གྱིས་གྲུབ་པ་དུར་ཁྲོད་ཀྱི་གཞལ་ཡས་ཁང་། རྣམ་པ་སྣ་ཚོགས་ཀྱི་ཁ་དོག་དབྱིབས་ལ་སྩོགས་པའི་འདོད་པའི་ཡོན་ཏན་གྱི་ཁྱད་པར་རིན་པོ་ཆེ་སྣ་ཚོགས་ཀྱི་རྣམ་པ་ཚད་མེད་པ་རྣམས་ཀྱིས། ཕྱི་དང་ནང་མེད་པར་ཕྱོགས་བཅུར་འཁྲིགས་པར་བཀླུབས་པར་རང་བྱུང་པ་ན། རྣལ་འབྱོར་གྱི་དབང་ཕྱུག་ཆེན་པོ་རྒྱལ་བ་སངས་རྒྱས་ནམ་མཁའི་མཐའ་ཀླས་པ་དང་། རྣལ་འབྱོར་མ་ཆེན་མོ་དང་།རྣལ་འབྱོར་ཆེན་པོ་སེམས་དཔའ་ཆེན་པོ་སེམས་མ་དང་བཅས་པ་བརྗོད་དུ་མེད་པའི་ཡང་བརྗོད་དུ་མེད་པ་ཞིང་གི་རྡུལ་སྙེད་དང་། གཞན་ཡང་ཧེ་རུ་ཀ་རོལ་པའི་ཚོགས་གྲངས་མེད་པ་བརྗོད་དུ་མེད་པ་རྣམས་དང་། སྤྲུལ་པ་ཆེན་པོ་ ― DNG008_Page_0003 ―
[མ་དཔེ་གཟིགས་ན་འདིར་གནོན།]
སྲས་ཀྱི་འཁོར་ཇི་སྙེད་པ་ལ་སྩོགས་པ་སེམས་དང་སེམས་ལས་བྱུང་བ་དང་། འབྱུང་བ་དང་། འབྱུང་བ་ལས་གྱུར་པ་ཇི་ལྟ་བ་དང་ཇི་སྙེད་པ་རྣམས་དང་། ཐབས་ཅིག་ཏུ་བསྙེངས་པ་མི་མངའ་བར་བཞུགས་པ་ནི། དཔེར་ན་ཡུངས་འབྲུ་སྣུམ་གྱིས་གང་བ་བཞིན་དུ་གང་ནས་ཁྱབ་པར་བཞུགས་སོ། །ཡུམ་ཀུན་ཏུ་བཟང་མོ་ཡང་ཉིད་ཀྱི་སྐུ་ལ་འཁྲིལ་བའི་ཚུལ་གྱིས་བསྙེངས་པ་མི་མངའ་བར་མངོན་པར་འདུ་མཛད་དོ། །འཁོར་གྱི་དཀྱིལ་འཁོར་དེ་ཉིད་ན་རྣལ་འབྱོར་གྱི་དབང་ཕྱུག་རྡོ་རྗེ་ཡིད་ཀུན་ཏུ་བཟང་པོ་ཡང་བཙུན་མོ་ཆོས་སྐུ་ཀུན་ཏུ་བཟང་མོ་དང་གཉིས་སུ་མེད་པའི་ཚུལ་བཅོམ་ལྡན་འདས་ཀྱི་སྤྱན་སྔ་ནས་བཀའ་ནོད་ཅིང་སྤོང་བ་ཅན་དུ་བཞུགས་སོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། སེམས་དང་སེམས་ལས་བྱུང་བ་དང་། འབྱུང་བ་དང་། འབྱུང་བ་ལས་གྱུར་པའི་ཆོས་དུས་གསུམ་དང་། སྲིད་པ་གསུམ་གྱིས་བསྡུས་པ་དང་། གཞན་ཡང་བསམ་གཏན་དང་སྙོམས་པར་འཇུག་པ་དང་། འགོག་པ་དང་། སའི་ཁྱད་པར་ལ་སྩོགས་པའི་ཆོས་སྣང་གྲག་ལ་རྫུ་འཕྲུལ་གྱི་སྤྱན་གྱིས་ཀུན་ཏུ་ཁྱབ་པར་གཟིགས་སོ། །རྣམ་པར་གཟིགས་སོ། །དེ་བཞིན་དུ་ཕྱོགས་བཅུ་དང་དུས་གསུམ་གྱི་རྒྱལ་བ་གྲངས་མེད་པ་རྣམས་ལ་ཡང་རྣམ་པར་གཟིགས་སོ། །རྣམ་པར་གཟིགས་ནས་ཆོས་ཐམས་ཅད་སྟོང་པ་ཆེན་པོའི་དོན་ལ་མནལ་ཏེ། སྨྲ་བསམ་ལས་འདས་པ་དེ་བཞིན་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་སྟོང་པ་ཆེན་པོར་གྱུར་པ་ནི། དཔེར་ན་ནམ་མཁའི་མཚན་ཉིད་ཙམ་དུ་ཡང་བསྒྲུན་དུ་ཡོད་པ་མ་ཡིན་ནོ། །དེ་ནས་ཡུམ་ཀུན་ཏུ་བཟང་མོས། བཅོམ་ལྡན་འདས་གསང་བ་མཆོག་གི་བདག་པོ་དགོངས་པ་ཆོས་ཀྱི་དབྱིངས་ལ་མནལ་བཞིན་དུ་སྟོང་པ་ཉིད་ཀྱི་ངང་ལས་གླུ་འདིས་བསྐུལ་ལོ། །ཨེ་ཨེ་མའོ། །སྟོང་ཉིད་བདག་མེད་རྣམ་དག་ཀློང་ཡངས་ནས། ། ― DNG008_Page_0004 ―
[མ་དཔེ་གཟིགས་ན་འདིར་གནོན།]
སྙོམས་པའི་ཐུགས་རྗེ་འབྱུང་བར་མི་དམིགས་ཀྱང་། །ཤེས་རབ་དོན་དམ་ཆོས་སྐུ་དག་པ་ལས། །མི་འགོག་ཐབས་ཀྱི་སྙིང་རྗེ་ནམ་མཁར་སྟོན་ཏོ། །ཞེས་བསྐུལ་བས། གསང་བ་མཆོག་གི་བདག་པོ་དེས། བསྐུལ་བར་མཁྱེན་ནས། སྟོང་པ་ཉིད་ཀྱི་ངང་ལ་མནལ་བཞིན་དུ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ལ་ཁྱབ་པ་ཆེན་པོ་སྙིང་རྗེའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་ཆོས་ཐམས་ཅད་སྙིང་རྗེ་ནམ་མཁའི་ངོ་བོ་ཙམ་དུ་གནས་པར་གྱུར་ཏོ། །དེ་ནས་ཡང་ཡུམ་ཀུན་ཏུ་བཟང་མོས་སྟོང་པ་ཉིད་ཀྱི་ངང་ལས་གླུ་འདིས་བསྐུལ་ཏོ། །ཨེ་མ་ཧོ། མ་ལྟར་བྱམས་པའི་སྙིང་རྗེ་ཆེན་པོ་ནི། །མཁའ་ལྟར་གོ་ཡང་འབྱེད་ཅིང་ཀུན་ལ་ཁྱབ། །རིག་པ་སྙིང་རྗེ་ནམ་མཁའི་དབྱིངས་རུམ་ནས། །ལོངས་སྤྱོད་རྫོགས་པའི་སྐུ་མཆོག་བསྟན་དུ་གསོལ། །ཨ་ལ་ལ་ཧོ་ཞེས་རྣམ་པར་བསྐུལ་ལོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་བསྐུལ་བར་མཁྱེན་ནས། སྙིང་རྗེའི་ངང་ནས་རིག་པའི་ཆོ་འཕྲུལ་རྣམ་པར་འཕྲུལ་ཏེ། ནམ་མཁའི་དབྱིངས་ནས་རྡོ་རྗེའི་སྐུ་མངོན་དུ་ཕྱུང་སྟེ། དཔེར་ན་ནམ་མཁའི་དབྱིངས་རུམ་ནས་ཉི་མ་འབུམ་དུས་གཅིག་ཏུ་ཤར་བའི་གཟི་བརྗིད་ལྟ་བུའོ། །དེ་ནས་ཡུམ་ཀུན་ཏུ་བཟང་མོས་སྨིན་རིང་བསྒྱུར་ཏེ་སྤྱན་འཛུམ་བག་ཏུ་བལྟས་ནས། རྨད་དུ་བྱུང་བའི་གར་གླུས་རྣམ་པར་བསྐུལ་བའི་ཕྱིར་གླུ་འདི་བླངས་སོ། །ཨེ་མ་ཧོ། ཡིད་བཞིན་སྐུ་མཆོག་ཉི་མ་ལྟ་བུ་ལས། །སྤྲུལ་པའི་ཆོ་འཕྲུལ་རྡོ་རྗེ་གར་མཛད་ཅིང་། །བརྗིད་པའི་སྐུ་མཆོག་ཡོངས་སུ་རྫོགས་པ་ཡི། །འབར་བའི་སྐུ་མཆོག་བདག་ལ་བསྟན་དུ་གསོལ། །ཨ་ལ་ལ་ཧོ། ཞེས་རྣམ་པར་བསྐུལ་བས། བསྐུལ་བར་ཐུགས་སུ་ཆུད་དེ། རོལ་པའི་སྐུ་ཞལ་གསུམ་པ་ལྟ་བུར་སྣང་བ། ཡེ་ཤེས་ཀྱི་རྡོ་ ― DNG008_Page_0005 ―
[མ་དཔེ་གཟིགས་ན་འདིར་གནོན།]
རྗེ་རྩེ་མོ་དགུ་པ་ཅན་ལྟ་བུར་སངས་རྒྱས་རྣམས་ཀྱིས་གཟིགས་པར་གྱུར་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ཧཱུཾ་ཞེས་བརྗོད་པས་འཁོར་གྱི་དཀྱིལ་འཁོར་དེ་དག་ཐམས་ཅད་ཉིད་ཀྱི་སྐུ་ལ་བསྡུ་བར་མཛད་དོ། །བསྡུ་བར་མཛད་ནས་ཡང་ཉིད་ཀྱི་སྐུ་རྣམ་པ་སྣ་ཚོགས་ཀྱི་གླུ་དང་གར་དང་བཏེག་པ་དང་བསྡིམ་པ་དང་སྦྱོར་བ་དང། འཁྱུད་པའི་ཚུལ་རྣམ་པར་རོལ་པས། ཡུམ་ཀུན་ཏུ་བཟང་མོ་ལ་སྨིན་རིང་བསྒྱུར་ཅིང་། སྤྱན་ཟིམ་བག་གི་ཚུལ་གྱིས་གཟིགས་ཏེ། ཡང་ཆགས་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ་ཅང་མི་གསུང་བར་གྱུར་ཏོ། །དེ་ནས་ཡང་ཡུམ་ཀུན་ཏུ་བཟང་མོས་ཞལ་འཛུམ་བག་དང་བཅས་ནས་ཆགས་པའི་གླུ་འདིས་བསྐུལ་ཏེ། ཨེ་མའོ། རོལ་པའི་ཆོ་འཕྲུལ་འབར་བའི་སྐུ་མཆོག་ལས། །ཁྱབ་པའི་བྱིན་རླབས་རྡོ་རྗེའི་གར་མཛད་ཅིང་། །གསང་བ་བྷ་ག་ཡངས་པའི་མཁའ་དཀྱིལ་དུ། །རེ་སྐོང་བདུད་རྩིའི་ཆར་ཆེན་དབབ་ཏུ་གསོལ། །ཨ་ལ་ལ་ཧོ། ཞེས་རྣམ་པར་བསྐུལ་བས། བཅོམ་ལྡན་འདས་གསང་བ་མཆོག་གི་བདག་པོ་དེས། གཉིས་སུ་མེད་པར་རོལ་པའི་ཚུལ་གྱིས་གར་མཛད་ཅིང་། རྡོ་རྗེའི་གླུ་འདི་བླངས་སོ། །ཨ་ཧོ། བདེ་མཆོག་འདུ་འབྲལ་མེད་པའི་དབྱིངས་ཉིད་ནི། །འཛུམ་ཞིང་འཁྱིལ་པ་པདྨའི་བྷ་ག་རུ། །དགའ་མཆོག་རྡོ་རྗེ་གསང་བའི་བྱང་ཆུབ་སེམས། །དྲི་མེད་རིན་ཆེན་ཆར་འབབ་རྒྱུན་མི་འཆད། །ཧོ་ཞེས་གསུངས་སོ། །དེ་ནས་ཆགས་པ་ཡུམ་གྱི་བྱང་ཆུབ་སེམས་ཀྱིས་ཐབས་མཆོག་ཡབ་ཀྱི་བྱང་ཆུབ་སེམས་ལ་བསྐུལ་བའི་ཆོ་འཕྲུལ་གྱི་སྒྲ་འདི་སྐད་ཅེས་བསྒྲགས་སོ། །ཨ་ཧོ། ཆགས་པ་ཆེན་པོ་དབང་གི་བྱང་ཆུབ་སེམས། །དུས་གསུམ་བདེར་གཤེགས་རྣམས་ཀྱི་རྩེ་གཞི་མཆོག །དྲི་མེད་སྐྱོན་བྲལ་པདྨའི་འོད་ཟེར་ལས། །མུ་ཏིག་དྲི་མེད་བསིལ་བའི་འོད་ཟེར་སྤྲོས་ཧོ། ཡང་ཐབས་མཆོག་ཡབ་ཀྱི་བྱང་ཆུབ་སེམས་ ― DNG008_Page_0006 ―
[མ་དཔེ་གཟིགས་ན་འདིར་གནོན།]
ལས། ཆགས་པ་ཡུམ་གྱི་བྱང་ཆུབ་སེམས་ལ་བསྐུལ་བའི་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨ་ཧོ།གསལ་ཞིང་དག་པ་ཟླ་བའི་དཀྱིལ་འཁོར་ནི། །སྐྱོན་གྱིས་མ་གོས་རྣམ་དག་བྱང་ཆུབ་སེམས། །དུས་གསུམ་རྒྱལ་བ་རྣམས་ཀྱི་ཐུགས་ཉིད་དེ། །བསིལ་བའི་འོད་ཟེར་པདྨའི་གནས་སུ་སྤྲོ། །ཧོ་ཞེས་སྤྲོས་ཤིང་བསྐུལ་ལོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་སྤྲོ་བསྡུ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཡང་ཆེད་དུ་བརྗོད་པ་འདི་བརྗོད་དོ། །ཨེ་མའོ། །བདེ་མཆོག་བདེ་བའི་བྱང་ཆུབ་སེམས་ནི་རབ་འཕྲོས་པས། །སངས་རྒྱས་ཀུན་གྱི་ཐུགས་བསྐུལ་ཞིང་། །འགྲོ་བ་ཀུན་གྱི་རྒྱུད་སྦྱངས་ཏེ། །སླར་བསྡུས་དབྱིངས་སུ་ཐིམ་པ་ལས། །བྱང་ཆུབ་སེམས་ཀྱི་ཐིག་ལེར་གསལ། །ཐིག་ལེའི་འོད་ཀྱིས་ཁྱབ་པ་ལས། །བྱང་ཆུབ་སེམས་ཀྱིས་ཀུན་ཏུ་ཁྱབ། །ཅེས་གསུངས་སོ། །དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་བྱང་ཆུབ་ཀྱི་སེམས་སུ་གནས་སོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་བཙུན་མོའི་བྷ་ག་ལས། དམ་ཚིག་ཆེན་པོའི་ཕོ་བྲང་གྲུ་བཞིར་བྱིན་གྱིས་བརླབ་པའི་ཕྱིར་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་སྙིང་པོ་འདི་ཕྱུང་ངོ་། །བྷྲཱུཾ་དེ་ནས་ཡང་ཆེད་དུ་བརྗོད་པ་འདི་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་གསང་བ་མཆོག་གི་གནས། །འཁོར་ལོའི་རྒྱན་དང་རོལ་མོའི་རྒྱན། །འདོད་པའི་ཡོན་ཏན་ལྔ་ཡིས་གང་། །ཉི་ཟླ་གསལ་བའི་དཀྱིལ་འཁོར་ལྡན། །འོད་འཕྲོས་འབར་བས་ཕྱོགས་བཅུར་འཁྲིགས། །གྲུ་བཞི་སྒོ་ཁྱུད་རྣམས་ཀྱིས་མཛེས། །སྣ་ཚོགས་སངས་རྒྱས་ཀུན་གྱི་གནས། །ཞེས་གསུངས་སོ། །དེ་ནས་བཅོམ་ལྡན་འདས་བྱང་ཆུབ་ཀྱི་སེམས་རྡོ་རྗེ་དེས། ཏིཥྛ་བཛྲ་ཨ་ཞེས་བརྗོད་དེ་དཀྱིལ་འཁོར་ཆེན་ ― DNG008_Page_0007 ―
[མ་དཔེ་གཟིགས་ན་འདིར་གནོན།]
པོའི་དབུས་སུ་བཞུགས་པར་གྱུར་ཏོ། །དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས་ཐམས་ཅད་མ་ལུས་པའི་ཚུལ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་གསང་བའི་སྙིང་པོ་འདི་ཕྱུང་ངོ་། །ཧཱུཾ་བཛྲ་དྷྲྀ་ཀ །དེ་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད། ཞེ་སྡང་གི་སྐུ་རྗེས་སུ་དྲན་ཏེ། སྔགས་ཀྱི་ཡི་གེ་འཕྲོས་འདུས་པས། ཡིག་འབྲུ་ལས་ཆོ་འཕྲུལ་གྱིས་སྒྲ་འདི་སྐད་ཅེས་གྲགས་སོ། །ཨེ་མའོ་སངས་རྒྱས་ཀུན་གྱི་གསུང་། བསྡུ་བའི་རྡོ་རྗེ་དེ་ཉིད་ནི། །ཞེ་སྡང་རྒྱུད་ཀྱི་སངས་རྒྱས་རྣམས། །བསྐྱོད་མེད་ཡི་གེར་གནས་པའོ། །ཞེས་གྲགས་སོ། །དེ་ནས་སྙིང་པོ་ཡི་གེ་དེ་ཉིད་ཐུགས་ཀྱི་མཚན་མ་རྡོ་རྗེ་རྩེ་མོ་ལྔ་པ་ལྟ་བུར་གནས་པར་གྱུར་ཏོ། །རྡོ་རྗེ་དེ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨེ་མའོ་སངས་རྒྱས་ཀུན་གྱི་ཐུགས། །འདུས་མ་བྱས་པའི་ངོ་བོ་ཉིད། །ཡེ་ཤེས་ལྔ་རུ་སྣང་བས་ན། །ཐུགས་ཀྱི་ཐུགས་ནི་བརྟན་པའོ། །ཞེས་གྲགས་སོ། །དེ་ནས་ཐུགས་དེ་ཉིད་སྤྲོ་བ་དང་བསྡུས་པའི་ངོ་བོར་མངོན་པར་འདུ་མཛད་པ་ལས་མི་བསྐྱོད་པའི་སྐུ་ཕྱག་རྒྱ་ཆེན་པོར་སྦྱོར་བའི་ཐབས་ཀྱིས་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ། སྟོན་པའི་ཞལ་དུ་བལྟས་ནས་འདི་སྐད་ཅེས་གླེངས་སོ། །ཨེ་མའོ་ང་ནི་རང་བྱུང་སྟེ། །བདེ་བ་ཐུགས་ཀྱི་མཚན་མ་ཡིན། །གཉེན་པོ་ཅིས་ཀྱང་མི་ཤིགས་པས། །བསྐྱོད་མེད་ཕྱག་རྒྱ་བསྟན་པ་ཡིན། །ཞེས་གླེང་སྟེ། ཨ།ཞེས་བརྗོད་ཅིང་སྐུ་གསུང་ཐུགས་རྡོ་རྗེའི་བདག་པོའི་སྐུ་གསུང་ཐུགས་ཉིད་ལ་བཞུགས་སོ། །དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས། ཐམས་ཅད་གནས་པར་འབྱུང་བ་རྡོ་རྗེའི་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་སྐུ་གསང་བའི་སྙིང་པོ་འདི་ཕྱུང་ངོ་། །ཨཱོཾ་ཛི་ན་ཛིཀ །འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་གཏི་མུག་ ― DNG008_Page_0008 ―
[མ་དཔེ་གཟིགས་ན་འདིར་གནོན།]
གི་སྐུ་རྗེས་སུ་དྲན་ཏེ། གསུང་ཡིག་འབྲུ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨེ་མའོ་སངས་རྒྱས་ཐམས་ཅད་ཀྱི། །གསུང་ནི་གཏི་མུག་རྒྱལ་བ་སྟེ། །རྡོ་རྗེ་རྒྱལ་པོ་རྣམ་པར་དག །རྣམ་དག་གསུང་ནི་དྲི་མ་མེད། །ཅེས་གྲགས་སོ། །དེ་ནས་སྙིང་པོ་ཡི་གེ་དེ་དག་འཕྲོ་བ་དང་འདུ་བ་ལས། ཐུགས་ཀྱི་མཚན་མ་འཁོར་ལོ་ཟུར་བརྒྱད་པ་ལྟ་བུར་གནས་པར་གྱུར་ཏོ། །དེའི་ཚེ་འཁོར་ལོ་དེ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨེ་མའོ་སངས་རྒྱས་ཀུན་གྱི་ཐུགས། །ཆོས་ཀྱི་འཁོར་ལོ་རབ་བསྒྱུར་བ། །ཉོན་མོངས་དྲ་བ་གཅོད་པར་བྱེད། །སྐུ་ཡི་ཐུགས་ནི་བརྟན་པའོ། །ཞེས་གྲགས་སོ། །དེ་ནས་ཐུགས་ཀྱི་མཚན་མ་དེ་ཉིད་འཕྲོ་བ་དང་བསྡུ་བ་ལས། སྣང་མཛད་སེམས་དཔའི་སྐུ་གསུང་ཐུགས་སུ་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེང་ངོ་། །ཨེ་མའོ་ང་ནི་རང་བྱུང་སྟེ། །སངས་རྒྱས་ཀུན་གྱི་སྐུ་ཡི་བདག །སངས་རྒྱས་ཀུན་ནི་ཐམས་ཅད་ཀྱི། །སྐུ་ཡི་ཕྱག་རྒྱ་བརྟན་པ་ཡིན། །ཞེས་གླེང་སྟེ། ཨ། ཞེས་བརྗོད་ཅིང་སྤྱན་སྔར་བཞུགས་སོ། །དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས། རིན་ཆེན་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཡིད་བཞིན་གྱི་ནོར་བུའི་གསང་བའི་སྙིང་པོ་འདི་ཕྱུང་ངོ་། །སྭཱ་རཏྣ་དྷྲྀཀ །འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ང་རྒྱལ་གྱི་སྐུ་རྗེས་སུ་དྲན་ཏེ། གསུང་ཡིག་འབྲུ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨེ་མའོ་སངས་རྒྱས་ཐམས་ཅད་ཀྱི། །ཡིད་བཞིན་གསུང་ནི་བླ་ན་མེད། །ཡོན་ཏན་ཀུན་གྱི་འབྱུང་གནས་གཙོ། །རིན་ཆེན་གསུང་ནི་དག་པའོ། །ཞེས་གྲགས་སོ། །དེ་ནས་སྙིང་པོ་ཡི་གེ་དེ་ཉིད་འཕྲོས་འདུས་པ་ལས་ཐུགས་ཀྱི་མཚན་མ་རིན་པོ་ཆེ་ཟུར་བརྒྱད་པ་ལྟ་བུར་ ― DNG008_Page_0009 ―
[མ་དཔེ་གཟིགས་ན་འདིར་གནོན།]
གནས་པར་གྱུར་ཏོ། །དེའི་ཚེ་རིན་པོ་ཆེ་དེ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨེ་མའོ་རིན་ཆེན་ཀུན་གྱི་ཐུགས། །རེ་སྐོང་རིན་ཆེན་རབ་འབར་བ། །མི་འགྱུར་ནམ་མཁའི་ཁ་དོག་འདྲ། །རིན་ཆེན་ཐུགས་ནི་རབ་ཏུ་བརྟན། །ཞེས་གྲགས་སོ། །དེ་ནས་ཐུགས་ཀྱི་མཚན་མ་དེ་ཉིད་སྤྲོ་བ་དང་བསྡུ་བ་ལས་རིན་ཆེན་སེམས་དཔའི་སྐུ་གསུང་ཐུགས་ཀྱི་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ། འདི་སྐད་ཅེས་གླེང་ངོ་། །ཨེ་མའོ་ང་ནི་རང་བྱུང་སྟེ། ཡིད་བཞིན་ནོར་བུའི་མཚན་མ་ཡིན། །ཟད་མི་ཤེས་པའི་གཏེར་དུ་འགྱུར། །ཡོན་ཏན་ཕྱག་རྒྱ་བརྟན་པ་ཡིན། །ཞེས་གསུངས་ཏེ། ཨ་ཞེས་བརྗོད་ཅིང་གཡས་ཕྱོགས་སུ་བཞུགས་སོ། །དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས། གསལ་བ་སྒྲོན་མ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་གསུང་གི་གསང་བའི་སྙིང་པོ་འདི་ཕྱུང་ངོ་། །ཨཱཾ་ཨཱ་རོ་ལྀ་ཀ །འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་འདོད་ཆགས་ཀྱི་སྐུ་རྗེས་སུ་དྲན་ཏེ་གསུང་གི་ཡི་གེ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨེ་མའོ་སངས་རྒྱས་ཐམས་ཅད་ཀྱི། །གསུང་གི་གསུང་ནི་ཀུན་ཏུ་གྲགས། །རྣམ་དག་གསུང་ནི་བསམ་མཐའ་ཡས། །དྲི་མ་མེད་པས་རྣམ་པར་དག །ཅེས་གྲགས་སོ། །དེ་ནས་སྙིང་པོ་ཡི་གེ་དེ་ཉིད་འཕྲོས་འདུས་པ་ལས། ཐུགས་ཀྱི་མཚན་མ་པདྨ་འདབ་མ་བརྒྱད་པ་ལྟ་བུར་གནས་པར་གྱུར་ཏོ། །དེའི་ཚེ་པདྨ་དེ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨེ་མའོ་གསུང་མཆོག་ཀུན་གྱི་བདག །ཆགས་མེད་སྐྱོན་གྱིས་གོས་པ་མེད། །དྲི་མེད་པདྨ་རཱ་གའི་མདོག །ཆོས་ཀྱི་ཐུགས་ནི་བརྟན་པའོ། །ཞེས་གྲགས་སོ། །དེ་ནས་ཐུགས་ཀྱི་མཚན་མ་དེ་ཉིད་འཕྲོ་བ་དང་འདུ་བ་ལས། ཆོས་ཀྱི་སེམས་དཔའི་སྐུ་གསུང་ཐུགས་སུ་སྦྱོར་བའི་ཐབས་སུ་རྣམ་པའི་མཆོག་ཐམས་ ― DNG008_Page_0010 ―
[མ་དཔེ་གཟིགས་ན་འདིར་གནོན།]
ཅད་དང་ལྡན་པར་འཐོན་ཏེ་འདི་སྐད་ཅེས་གླེང་ངོ་། །ཨེ་མའོ་ང་ནི་རང་བྱུང་སྟེ། །པདྨ་ཆོས་ཀྱི་མཚན་མ་ཡིན། །ཐམས་ཅད་ཆགས་མེད་སྐྱོན་དང་བྲལ། །ཆོས་ཀྱི་ཕྱག་རྒྱ་བརྟན་པ་ཡིན། །ཞེས་གསུངས་ཏེ། ཨ། ཞེས་བརྗོད་ཅིང་རྒྱབ་ཕྱོགས་སུ་བཞུགས་སོ། །དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས་རྡོ་རྗེ་འཕྲོ་བ་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་དམ་ཚིག་གི་གསང་བའི་སྙིང་པོ་འདི་ཕྱུང་ངོ་། །ཧཱ་པྲཛྙཱ་དྷྲྀཀ །འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཕྲག་དོག་གི་སྐུ་རྗེས་སུ་དྲན་ཏེ། གསུང་ཡིག་འབྲུ་ལས་ཆོ་འཕྲུལ་གྱི་སྒྲ་སྐད་འདི་སྐད་ཅེས་གྲགས་སོ། །ཨེ་མའོ་སངས་རྒྱས་ཐམས་ཅད་ཀྱི། །དམ་ཚིག་གསུང་འདི་མཐར་ཕྱིན་པས། །དོན་ཀུན་མ་ལུས་ཀུན་གྲུབ་པའི། །དམ་ཚིག་གསུང་ནི་དགའ་བའོ། །ཞེས་གྲགས་སོ། །དེ་ནས་སྙིང་པོ་ཡི་གེ་དེ་ཉིད་འཕྲོ་བ་དང་འདུ་བ་ལས་ཐུགས་ཀྱི་མཚན་མ་རལ་གྲི་ལྟ་བུར་གནས་པར་གྱུར་ཏོ། །དེའི་ཚེ་རལ་གྲི་དེ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ། །ཨེ་མའོ་དམ་ཚིག་ཀུན་གྱི་ཐུགས། །མཐའ་རྣམས་གཉིས་ལ་མི་གནས་ཤིང་། །ཉོན་མོངས་དྲྭ་བ་གཅོད་པར་བྱེད། །ལས་ཀྱི་ཐུགས་ནི་བརྟན་པའོ། །ཞེས་གྲགས་སོ། །དེ་ནས་ཐུགས་མཚན་དེ་ཉིད་འཕྲོ་བ་དང་འདུ་བ་ལས་ལས་ཀྱི་སེམས་དཔའི་སྐུ་གསུང་ཐུགས་སུ་སྦྱོར་བའི་ཐབས་ཀྱི་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེངས་སོ། །ཨེ་མའོ་ང་ནི་རང་བྱུང་སྟེ། །དམ་ཚིག་མཚན་མ་ཞེས་སུ་བྱ། །ཀུན་གྱི་བྱ་བ་བྱེད་པ་པོ། །ལས་ཀྱི་ཕྱག་རྒྱ་བརྟན་པ་པོ། །ཞེས་གསུངས་ཏེ། ཨ། ཞེས་བརྗོད་ཅིང་གཡོན་ཕྱོགས་སུ་བཞུགས་སོ། །རྡོ་རྗེ་འཁོར་ལོ་རིན་ཆེན་དང་། །པདྨ་རལ་གྲི་མཚོན་ཆ་ལྔ། །ཅི་འདོད་ལས་རྣམས་འགྲུབ་པར་འགྱུར། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ཆོས་ ― DNG008_Page_0011 ―
[མ་དཔེ་གཟིགས་ན་འདིར་གནོན།]
ཐམས་ཅད་ནམ་མཁའ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ནམ་མཁའི་གསང་བའི་སྙིང་པོ་འདི་ཕྱུང་ངོ་། །མུཾ་དྷཱ་ཏྭཱི་ཤྭ་རཱི། འདི་ཕྱུང་མ་ཐག་ཏུ་ཡུམ་དབྱིངས་ཕྱུག་མའི་སྐུ་དང་གསུང་དང་ཐུགས་སུ་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེང་ངོ་། །ཨེ་མའོ་སངས་རྒྱས་ཐམས་ཅད་ཀྱི། །ཆོས་ཀུན་དག་པ་བདག་མེད་པ། །ནམ་མཁའི་ངང་དུ་རབ་སྦྱོར་བས། །ནམ་མཁའི་ཚུལ་འདི་བརྟན་པའོ། །ཞེས་གསུངས་ཏེ། ཡུམ་ཀུན་ཏུ་བཟང་མོའི་སྐུ་གསུང་ཐུགས་རྡོ་རྗེ་ལ་ཐིམ་སྟེ། རྡོ་རྗེ་འཛིན་པའི་སྐུ་ལ་འཁྲིལ་བའི་ཚུལ་གྱིས་བཞུགས་སོ། །དེ་ནས་བརྟན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་སའི་གསང་བའི་སྙིང་པོ་འདི་ཕྱུང་ངོ་། །ལཾ་དེ་ཥ་ར་ཏི། འདི་ཕྱུང་མ་ཐག་ཏུ་རྡོ་རྗེ་དབྱིངས་ཕྱུག་མའི་སྐུ་དང་གསུང་དང་ཐུགས་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ། འདི་སྐད་ཅེས་གླེང་ངོ་། །ཨེ་མའོ་སངས་རྒྱས་ཐམས་ཅད་ཀྱི། །ཆོས་ཀུན་བརྟན་པའི་བདག་ཉིད་དེ། །སྲ་བརྟན་ངང་དུ་རབ་སྦྱོར་བས། །སྲ་བརྟན་ཚུལ་དུ་བརྟན་པའོ། །ཞེས་གསུངས་ཏེ།སྣང་མཛད་སེམས་དཔའི་སྐུ་ལ་དགྱེས་པའི་ཚུལ་གྱིས་བཞུགས་སོ། །དེ་ནས་ཡང་སྡུད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཆུའི་གསང་བའི་སྙིང་པོ་འདི་ཕྱུང་ངོ་། །མཾ་མོ་ཧ་ར་ཏི། འདི་ཕྱུང་མ་ཐག་ཏུ་རིན་ཆེན་དབྱིངས་ཕྱུག་མའི་སྐུ་གསུང་ཐུགས་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ། འདི་སྐད་ཅེས་གླེང་ངོ་། །ཨེ་མའོ་སངས་རྒྱས་ཐམས་ཅད་ཀྱི། །ཆོས་ཀུན་སྡུད་པའི་བདག་ཉིད་དེ། །འཁྲིལ་བའི་ངང་དུ་ཀུན་སྦྱོར་བས། །སྡུད་པའི་ཚུལ་འདི་བརྟན་པའོ། །ཞེས་གསུངས་ཏེ་རིན་ཆེན་སེམས་དཔའི་སྐུ་ལ་འཁྲིལ་བའི་ཚུལ་གྱིས་བཞུགས་སོ། ། ― DNG008_Page_0012 ―
[མ་དཔེ་གཟིགས་ན་འདིར་གནོན།]
དེ་ནས་ཡང་འབར་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་མེའི་གསང་བའི་སྙིང་པོ་འདི་ཕྱུང་ངོ་། །པཱཾ་རཱ་ག་ར་ཏི། འདི་ཕྱུང་མ་ཐག་ཏུ་ཆོས་ཀྱི་དབྱིངས་ཕྱུག་མའི་སྐུ་གསུང་ཐུགས་སུ་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེང་ངོ་། །ཨེ་མའོ་སངས་རྒྱས་ཐམས་ཅད་ཀྱི། །ཆོས་ཀུན་སྨིན་པའི་ངོ་བོ་ཉིད། །གསལ་དྲོའི་ངང་དུ་ཀུན་ཏུ་སྦྱོར། །སྨིན་པའི་ཚུལ་འདི་བརྟན་པའོ། །ཞེས་གསུངས་ཏེ། ཆོས་ཀྱི་སེམས་དཔའི་སྐུ་ལ་འཁྲིལ་བའི་ཚུལ་གྱིས་བཞུགས་སོ། །དེ་ནས་ཡང་གཡོ་བའི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་རླུང་གི་གསང་བའི་སྙིང་པོ་འདི་ཕྱུང་ངོ་། །ཏཱཾ་བཛྲ་ར་ཏི། འདི་ཕྱུང་མ་ཐག་ཏུ་ལས་ཀྱི་དབྱིངས་ཕྱུག་མའི་སྐུ་དང་གསུང་དང་ཐུགས་སུ་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེང་ངོ་། །ཨེ་མའོ་སངས་རྒྱས་ཐམས་ཅད་ཀྱི། །ཆོས་ཀུན་གཡོ་བའི་བདག་ཉིད་དེ། །གཡོ་བའི་ངང་དུ་ཀུན་སྦྱོར་བས། །གཡོ་བའི་ཚུལ་འདི་བརྟན་པའོ། །ཞེས་གསུངས་སོ། །ནམ་མཁའ་ས་ཆུ་མེ་དང་རླུང་། །ཅི་ལྟར་འདོད་བཞིན་བརྟན་བྱས་པར། །བསྒྲུབས་ན་ལས་རྣམས་ཐམས་ཅད་ཀྱང་། །ངེས་པ་ཉིད་དུ་འགྲུབ་པར་འགྱུར། །གཞན་ཡང་སེམས་དཔའ་སེམས་མ་དང་། །ཁྲོ་བོ་དང་ནི་ཁྲོ་མོ་དང་། །སྒོ་སྐྱོང་སྤྲུལ་སྐུ་ལ་སྩོགས་ཏེ། །བསམ་ཡས་ཇི་སྙེད་བཀོད་པ་རྣམས། །གཉིས་མེད་བདག་པོའི་བྱིན་རླབས་ལས། །སོ་སོ་རང་རིག་གསང་སྔགས་དང་། །ཐུགས་མཚན་རང་རྟགས་ཕྱག་རྒྱ་ལས། །སོ་སོ་ཡོངས་སུ་རྫོགས་པའི་སྐུ། །རང་རང་མཚན་ཉིད་ཡོངས་བརྗོད་ཅིང་། །རྡོ་རྗེ་གསང་བའི་གྲལ་འཁོད་དེ། །བསམ་ཡས་དག་ཀྱང་དེ་བཞིན་ནོ། །གནས་དག་དང་ནི་དཀྱིལ་འཁོར་དང་། །འགྲོ་རྣམས་བཀོད་པ་ཇི་ལྟ་བར། །དེ་འདྲར་སྟོན་པ་མཆོག་གིས་ ― DNG008_Page_0013 ―
[མ་དཔེ་གཟིགས་ན་འདིར་གནོན།]
མཛད། །དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། ཏིང་ངེ་འཛིན་རིམ་པར་བཀོད་པའི་ལེའུ་སྟེ་དང་པོའོ།། །།དེ་ནས་རྡོ་རྗེ་ཡིད་ཀུན་ཏུ་བཟང་པོ་རང་གི་སྟན་ལས་ལངས་ཏེ། བཅོམ་ལྡན་འདས་གསང་བ་མཆོག་གི་བདག་པོ་ལ་ཕྱི་ནང་གི་མཆོད་པའི་སྤྲིན་ཐམས་ཅད་ཀྱིས་མངོན་པར་མཆོད་དེ། ལན་བརྒྱ་ཕྲག་སྟོང་དུ་བརྐྱང་ཕྱག་འཚལ་ནས་འདི་སྐད་ཅེས་གསོལ་བ་བཏབ་པོ། །ཨེ་མའོ་བདེ་གཤེགས་བཅོམ་ལྡན་འདས། །ཨེ་མའོ་གསང་མཆོག་དགྱེས་པ་ཆེ། །ཨེ་མའོ་རྣམ་དག་དག་པའི་ལམ། །ངོ་མཚར་འབྱུང་བ་ཁྱོད་ལ་འདུད། །ཀྱེ་མ་སངས་རྒྱས་བཅོམ་ལྡན་འདས། །དཀྱིལ་འཁོར་རྣམས་ཀྱི་དེ་ཉིད་དོན། །བྱང་ཆུབ་སེམས་ཀྱི་མཚན་ཉིད་དེ། །བདག་ཅག་རྣམས་ལ་བཤད་དུ་གསོལ། །དེ་ནས་གསང་བ་མཆོག་གི་བདག་པོས་རྡོ་རྗེ་ཡིད་ཀུན་ཏུ་བཟང་པོ་ལ་བཀའ་སྩལ་པ། སེམས་དཔའ་ཆེན་པོ་ཁྱོད་ཉོན་ཅིག །ཁྱོད་ཞུ་བར་སྤོབས་པ་ལེགས་སོ། །ལེགས་པར་ཞུས་སོ། །འདི་ནི་སྔོན་གྱི་རྒྱལ་བ་སངས་རྒྱས་ཐམས་ཅད་དང་། ད་ལྟ་དང་། ཕྱིས་འབྱུང་བའི་སངས་རྒྱས་རྣམས་ཀྱིས་ཀྱང་མ་གསུངས་པ་གསུང་བར་དཀའ་བ་ཡིན་ཏེ། ཅིའི་ཕྱིར་ཞེ་ན། དེ་ཁོ་ན་ཉིད་བྱང་ཆུབ་ཀྱི་སེམས་ཀྱི་མཚན་ཉིད་དེ་ནི་བརྗོད་དུ་ཡང་མེད་ལ། སྣོད་དུ་གྱུར་པ་ཡང་དཀོན་པའི་ཕྱིར་རོ། །སེམས་དཔའ་ཆེན་པོ་དེ་བས་ན་ཁྱོད་ཀྱིས་དྲིས་ཤིག་ཅེས་བཀའ་སྩལ་ཏེ། ཅང་མི་གསུང་བར་བཞུགས་སོ། །དེ་ནས་མི་བསྐྱོད་པ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཡིད་ཀུན་ཏུ་བཟང་པོ་ལ་བཀའ་སྩལ་པ། སེམས་དཔའ་ཆེན་པོ་ཁྱོད་ནི་དེ་བཞིན་གཤེགས་པའི་བཀའ་ཡིན་པས་ཞུ་བར་སྤོབས་པས་ན། བཅོམ་ལྡན་འདས་གསང་བ་མཆོག་གི་བདག་པོ་ཐེ་ཚོམ་ཐམས་ཅད་གཅོད་པ་ལ་ཐེ་ཚོམ་དང་སོམ་ཉི་ཡང་དང་ཡང་དུ་ཞུས་ཤིག་དང་། དེ་བཞིན་གཤེགས་པ་ནི་སྣོད་ཇི་ལྟ་བ་བཞིན་དུ་ཆོས་སྟོན་པས་ན། བྱང་ཆུབ་ ― DNG008_Page_0014 ―
[མ་དཔེ་གཟིགས་ན་འདིར་གནོན།]
སེམས་དཔའ་བློ་དམན་པ་རྣམས་ལ་ཡང་བྱིན་གྱིས་བརླབ་བོ། །ཞེས་བཀའ་སྩལ་པས། རྡོ་རྗེ་ཡིད་ཀུན་ཏུ་བཟང་པོས་རིག་ལྔའི་སངས་རྒྱས་ཀྱིས་བསྐུལ་བ་ཐུགས་སུ་ཆུད་ནས། འཁོར་མང་པོ་རྣམས་སྣོད་དུ་རུང་བར་བྱིན་གྱིས་བརླབ་པར་མཛད་ནས་སྟོན་པའི་ཞལ་དུ་བལྟས་ནས་གནས་སོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། དེ་ཁོ་ན་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་བཀའ་སྩལ་ཏོ། །རྡོ་རྗེ་ཡིད་ཀུན་ཏུ་བཟང་པོ་ལ་སྩོགས་པ་འདུས་པའི་འཁོར་རྣམས་ཉོན་ཅིག །བྱང་ཆུབ་སེམས་ཞེས་བྱ་བ་ནི། །བརྗོད་དང་སྨྲ་བསམ་ཡུལ་ལས་འདས། །དོན་དམ་ཀུན་རྫོབ་ཐ་མི་དད། །རང་གི་ལུས་ངག་ཡིད་རྡོ་རྗེ། །གཅིག་གིས་གཉིས་ཀྱིའང་ལས་བྱེད་པ། །ལུས་དང་ངག་ཡིད་མ་གྲུབ་པ། །རིག་པའི་སྐྱེས་བུ་དེ་ཡིས་ནི། །བྱང་ཆུབ་མཆོག་ཏུ་སེམས་བསྐྱེད་ཡིན། །ཞེས་གསུངས་སོ། །དེ་ནས་འཁོར་འདུས་པ་རྣམས་ལ་རང་རང་གི་ལུས་ངག་ཡིད་གསུམ་ལ་སེམས་ནས་འཁོད་དོ། །དེ་ནས་རྡོ་རྗེ་ཡིད་ཀུན་ཏུ་བཟང་པོས་གསོལ་བ་བཏབ་པ། །ཨེ་མའོ་བདེ་གཤེགས་བཅོམ་ལྡན་འདས། །སངས་རྒྱས་ཀུན་གྱི་བྱང་ཆུབ་སེམས། །རྟོགས་པར་དཀའ་བའི་སྙིང་པོའི་དོན། །རབ་ཏུ་མི་རྟོག་གནས་མེད་པའོ། །ཞེས་གསུངས་སོ། །དེ་ནས་བཅོམ་ལྡན་འདས་རྡོ་རྗེ་མི་བསྐྱོད་པས་བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་གཟུང་འཛིན་རྣམ་སྤངས་པ། །ཚིག་དང་ཡི་གེའི་སྤྱོད་ཡུལ་མིན། །ཆོས་བདག་མེད་པའི་མཉམ་པ་ཉིད། །རང་སེམས་གཟོད་ནས་མ་སྐྱེས་པའོ། །ཞེས་གསུངས་སོ། །དེ་ནས་བཅོམ་ལྡན་འདས་སྣང་མཛད་སེམས་དཔས་ཀྱང་། རང་གི་བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་ཆོས་ཀུན་སྟོང་པའི་བདག །རང་གི་ངོ་བོ་བརྗོད་དུ་མེད། །བརྗོད་མེད་དེ་ཉིད་སྣ་ཚོགས་པའི། །ཆོས་རྣམས་ཀུན་ལ་ཁྱབ་པར་གནས། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་སེམས་དཔས་ཡང་བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་ ― DNG008_Page_0015 ―
[མ་དཔེ་གཟིགས་ན་འདིར་གནོན།]
མཉམ་ཉིད་བྱང་ཆུབ་སེམས། །མིང་དུ་བཏགས་པའི་ཆོས་རྣམས་ཀུན། །མཉམ་པ་ཉིད་ལ་གནས་བཅས་ཕྱིར། །མཉམ་པ་ཉིད་ལས་གཞན་མེད་དོ། །ཞེས་གསུངས་སོ། །དེ་ནས་བཅོམ་ལྡན་འདས་ཆོས་ཀྱི་སེམས་དཔས་ཀྱང་། བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་ཆོས་སུ་སྣང་བ་སྣ་ཚོགས་ཀུན། །རང་གི་ངོ་བོ་བརྗོད་དུ་མེད། །དེ་ཉིད་བྱང་ཆུབ་སེམས་སུ་ནི། །མཁས་པས་བསྒོམས་ན་རྟོགས་པར་འགྱུར། །ཞེས་གསུངས་སོ། །དེ་ནས་བཅོམ་ལྡན་འདས་ལས་ཀྱི་སེམས་དཔས་ཀྱང་བྱང་ཆུབ་ཀྱི་སེམས་འདི་གསུངས་སོ། །ཆོས་ཀུན་བྱང་ཆུབ་སེམས་ཉིད་དེ། །ངེས་པ་མེད་དེ་དངོས་རྟོག་བྲལ། །དེ་ཉིད་དག་པའི་རང་བཞིན་པས། །མཁས་པས་ཅི་དགར་བསྒོམས་ན་འགྲུབ། །ཅེས་གསུངས་སོ། །རྒྱུད་ཀྱི་རྒྱལ་པོ་དུར་ཁྲོད་ཁུ་བྱུག་རོལ་པའི་མདོ་ལས། བྱང་ཆུབ་ཀྱི་སེམས་དེ་ཁོ་ན་ཉིད་ཀྱི་ལེའུ་སྟེ་གཉིས་པའོ།། །།དེ་ནས་རྡོ་རྗེ་ཡིད་ཀུན་ཏུ་བཟང་པོས་བཅོམ་ལྡན་འདས་གསང་བ་མཆོག་གི་བདག་པོ་ལ་གསོལ་བ་བཏབ་པ། ཨེ་མའོ་བདེར་གཤེགས་རྒྱལ་བའི་གཙོ། །སངས་རྒྱས་ཡབ་གྱུར་དམ་པའི་བདག །རྡོ་རྗེ་རིན་ཆེན་པདྨོ་དང་། །སྣ་ཚོགས་ལས་ཀྱིས་རྣམ་པར་མཛད། །དངོས་གྲུབ་ཀུན་གྱི་འབྱུང་གནས་ཆེ། །ངོ་མཚར་ཁྱེད་ལ་ཕྱག་འཚལ་འདུད། །འགྲོ་བ་ཀུན་ལ་ཕན་པ་དང་། །རྣལ་འབྱོར་ཅན་ལ་ཐུགས་བརྩེའི་ཕྱིར། །བདེར་གཤེགས་ཀུན་གྱི་དཀྱིལ་འཁོར་དང་། །དེ་བཞིན་རྡོ་རྗེ་འཛིན་པ་དང་། །འཁོར་ལོ་ཅན་གྱི་དཀྱིལ་འཁོར་དང་། །རིན་ཆེན་འཛིན་དང་པདྨོ་འཆང་། །སྣ་ཚོགས་ལས་ཀྱི་དཀྱིལ་འཁོར་རྣམས། །བདེ་བར་གཤེགས་པས་བཤད་དུ་གསོལ། །ཨ་ལ་ལ་ཧོ་ཞེས་གསོལ་བ་བཏབ་པོ། །དེ་ནས་སྟོན་པ་རྒྱལ་མཆོག་གིས། །ཀུན་བཟང་གི་ནི་ཚིག་གསན་ནས། །དཀྱིལ་འཁོར་རབ་ཏུ་ཉམས་དགའ་བཤད། །རྣལ་འབྱོར་ཅན་ལ་བརྩེ་ཕྱིར་རོ། །ལས་དང་དངོས་གྲུབ་ཐམས་ ― DNG008_Page_0016 ―
[མ་དཔེ་གཟིགས་ན་འདིར་གནོན།]
ཅད་ནི། །སློབ་དཔོན་བྱེད་དང་རྗེས་འདྲེངས་པས། །དེ་ཡི་མཚན་ཉིད་བཤད་བྱ་བ། །བློ་ཡངས་རྒྱུད་ལ་གོམས་པ་དང་། །ཏིང་འཛིན་ལས་སུ་རུང་བ་དང་། །སེམས་ཀྱི་རྣམ་རྟོག་ཆོམས་པ་དང་། །ཕྱི་ནང་སྡེ་སྣོད་ཐམས་ཅད་ལ། །སོམ་ཉི་མེད་ཅིང་ཐེ་ཚོམ་ཆོད། །བསྲན་ཐུབ་མི་ལྡོག་དད་པ་ཆེ། །གསང་བ་སྦས་པའི་ཐབས་མཆོག་རྣམས། །སྣོད་ངན་གཞན་ལ་མི་སྤེལ་དང་། །གསང་བའི་དབང་མཆོག་ཐོབ་པ་ནི། །རྡོ་རྗེ་འཛིན་པའི་ལས་ཀུན་དང་། །དཀྱིལ་འཁོར་དག་ལ་ཤིས་པ་ཡི། །ཡན་ལག་རྣམས་ནི་མ་ཉམས་ཤིང་། །མདོག་དང་གཟུགས་དང་སྟོབས་དང་ལྡན། །འཁོར་ལོས་སྒྱུར་བའི་མཚན་དང་ལྡན། །ལུས་ལ་དྲི་ཞིམ་ངད་ལྡང་བ། །སངས་རྒྱས་འཁོར་ལོ་ཅན་གྱི་ནི། །དཀྱིལ་འཁོར་བྱ་བར་རབ་ཏུ་གསུངས། །ཤེས་པ་ཆེ་ཞིང་ཡོན་ཏན་ལྡན། །བཟོ་དང་རིག་པའི་གནས་ལ་མཁས། །ཡོན་ཏན་སྒོ་ཡངས་སྤྱོད་ལམ་དག །རྡོ་རྗེ་སློབ་དཔོན་སྤུན་ལ་གདུང་། །རིན་ཆེན་འཛིན་གྱི་བླ་མར་གཟུང་། །རྟག་ཏུ་ཟློས་ལ་བརྩོན་པ་དང་། །ངག་འཇམ་མགྲིན་པ་བདེ་བ་དང་། །གླུ་དབྱངས་མཁས་ཤིང་བདེ་བར་སྨྲ། །ཆོས་འཆད་པ་ལ་རྟག་ཏུ་དགའ། །ཚིག་འབྲུ་གསལ་ཞིང་ཁ་དོག་དམར། །པདྨ་ཅན་གྱི་བླ་མར་གཟུང་། །བྱ་བ་ལས་ལ་མ་རྨོངས་ཤིང་། །ལས་དང་བྱ་བའི་དབང་ཡང་ཐོབ། །བརྩོན་འགྲུས་ཆེ་ཞིང་དབང་པོ་གསལ། །ལས་ཀྱི་ལྷག་ཆད་སྐོང་བ་ནི། །སྣ་ཚོགས་རྡོ་རྗེའི་བླ་མ་ཡིན། །དེ་དག་ཡོན་ཏན་མ་ལུས་ལྡན། །ཐེག་པ་ཀུན་ལ་འབྱམས་པ་ནི། །སྤྱི་ཡི་དཀྱིལ་འཁོར་དག་ལའོ། །བླ་མ་ལུང་ལྡན་དེས་ཀྱང་ནི། །བུ་ཡིས་མཚན་ཉིད་བརྟགས་པར་གཅེས། །རྐྱེན་ཐུབ་མི་ལྡོག་དམ་ཚིག་གནས། །ཡིད་ཀྱི་སྒོ་ནས་ཤིན་ཏུ་སྦྱང་། །མན་ངག་ལུང་ལ་རྟག་དགའ་ཞིང་། །བླ་མའི་ཐུགས་ཀྱང་ངེས་པར་འཛིན། །རྡོ་རྗེ་ཅན་གྱི་སློབ་མར་རུང་། །ལུས་དང་ཡན་ལག་མཛེས་དང་ལྡན། །སློབ་དཔོན་དག་ལ་རིམ་གྲོ་ཆེ། །རྡོ་རྗེ་སྤུན་ཡང་ ― DNG008_Page_0017 ―
[མ་དཔེ་གཟིགས་ན་འདིར་གནོན།]
འཁུར་བྱེད་ཅིང་། །ལུས་ལ་མཚན་དང་དཔེ་བྱད་ལྡན། །སངས་རྒྱས་འཁོར་ལོ་ཅན་གྱིས་བཤད། །སྤྱོད་ལམ་རྣམ་བཞིར་ལྷུན་འཐུག་ཅིང་། །རིན་ཆེན་ནོར་ལ་རྟག་དགའ་བ། །གསེར་ལ་སྩོགས་པའི་རིན་ཆེན་གྱིས། །བླ་མ་མཉེས་པར་བྱེད་པ་ནི། །རིན་ཆེན་དཀྱིལ་འཁོར་དག་ལའོ། །ངག་གི་སྒོ་ནི་ཤིན་ཏུ་སྦྱངས། །རྫུན་དང་ཕྲ་མ་ཚིག་རྩུབ་མེད། །གླུ་དབྱངས་དག་ལ་དགའ་བ་ནི། །པདྨ་འཛིན་པའི་སྣོད་དུ་བཤད། །ལས་ལ་གུས་ཤིང་ཆོས་ལ་དགའ། །དཔའ་ལ་རྩལ་ཆེ་མཁས་ཤིང་གསལ། །བླ་མའི་དགོས་པ་ཀུན་བྱེད་པ། །སྣ་ཚོགས་རྡོ་རྗེའི་བུ་ཡིན་ནོ། །ཡོན་ཏན་དེ་དག་ཀུན་ལྡན་པའམ། །ཀུན་གྱིས་བཀུར་ཞིང་ཀུན་ལ་མཛེས། །སྤྱི་ཡི་དཀྱིལ་འཁོར་དག་ལ་ཤིས། །གནས་སུ་བྱ་བའི་རྣམ་པ་ཡང་། །སྤང་བླང་གཉིས་སུ་ཤེས་པར་བྱ། །གནོད་སྦྱིན་མོ་ཡི་སྦར་རྗེས་སམ། །གནོད་སྦྱིན་མཚོན་ཆས་བཤལ་རྗེས་དང་། །འབྱུང་པོ་དག་གི་རྐུན་ས་དང་། །ཀླུ་གདུག་དག་གི་རྒྱུ་སྲང་དང་། །ཉེན་དང་འདྲེལ་སའི་གནས་དག་དང་། །ཁ་ན་མ་ཐོར་བཅས་པའི་གནས། །སྤངས་ན་དངོས་གྲུབ་མྱུར་བར་བཤད། །གནས་སུ་རུང་བའི་མཚན་ཉིད་ནི། །རྡོ་རྗེའི་བྲག་ཆེན་གཏམས་པ་འམ། །རི་བོ་འདུས་པའི་རྩེ་རྣམས་སམ། །མདངས་བཟང་གངས་རི་བྲག་དཀར་དུ། །རྡོ་རྗེ་ཅན་གྱིས་བསྒྲུབ་ཏུ་རུང་། །ཕུག་དང་དགོན་པའི་རི་དག་དང་། །ནགས་ཚལ་དྲ་བ་ཐིབས་པའམ། །མདངས་དཀར་ཤར་དུ་གཞོལ་བ་ནི། །སངས་རྒྱས་འཁོར་ལོ་ཅན་གྱིའོ། །རིན་ཆེན་སྣ་ལྔའི་ཁ་དོག་གམ། །རིན་ཆེན་ཟུར་བརྒྱད་དབྱིབས་འདྲ་བ། །རིན་ཆེན་དག་ལ་རུང་བར་བཤད། །ཙནྡན་ནགས་ཚལ་མེ་ཏོག་ཅན། །ཆུ་གླིང་ཉམས་དགའ་ཡིད་འོང་བར། །པདྨ་བསྒྲུབ་པར་དེ་ཤིས་སོ། །དུར་ཁྲོད་ངམ་གྲོག་བཤུལ་བའི་གནས། །སུམ་མདོ་གྲོག་གླེ་རྩུབ་པའི་རི། །སྣ་ཚོགས་རྡོ་རྗེ་ཅན་གྱིའོ། །རི་བྲན་མང་པོ་འདུས་པའི་སྤྱི། །རི་བོས་བསྐོར་བའི་ལྕུག་ཕྲན་ ― DNG008_Page_0018 ―
[མ་དཔེ་གཟིགས་ན་འདིར་གནོན།]
ཚལ། །དེ་ནི་ལས་ཀྱི་སྤྱི་རུ་བཤད། །ཡང་ན་རིགས་ལྔ་ཀུན་གྱི་ནི། །ཡོན་ཏན་ཆ་དང་ལྡན་པར་བཤད། །བླ་མ་སློབ་མ་གནས་རྣམས་ཀྱང་། །མ་བརྟགས་ཉེན་དང་ཡ་གར་བཅས། །དངོས་གྲུབ་རིང་བས་བློ་ཅན་གྱིས། །ཤེས་ནས་སྤང་བར་བྱ་བ་ཡིན། །རྣལ་འབྱོར་བློ་མཆོག་མི་ལྡན་ན། །གནས་དང་སློབ་མ་ལ་སོགས་པ། །ལྡན་ཡང་འགྲུབ་པར་མི་འགྱུར་ཞེས། །བདེར་གཤེགས་རྒྱལ་བ་ཀུན་གྱིས་གསུངས། །བློ་དང་ལྡན་པའི་མི་རྣམས་ཀྱིས། །གནས་དང་སློབ་མ་ཡོ་བྱད་དང་། །ཆོ་ག་ལ་སོགས་མ་ལྡན་ཡང་། །འགྲུབ་འགྱུར་འདི་ལ་ཐེ་ཚོམ་མེད། །འོན་ཀྱང་གནས་དང་སློབ་མ་དང་། །ཡོ་བྱད་ལྡན་ན་མྱུར་འགྲུབ་ཅེས། །བདེར་གཤེགས་ཀུན་གྱིས་གསུངས་པས་ན། །མཚན་ཉིད་རྣམས་ནི་བཤད་པ་ཡིན། །མཚན་མའི་དངོས་པོ་གཞོམ་པའི་ཕྱིར། །གནམ་དང་ས་དང་བར་སྣང་དག །རིགས་རྣམས་སོ་སོའི་མཚན་མ་ལྟར། །བརྟགས་ཏེ་ངེས་པར་གཟུང་བར་བྱ། །ཏིང་འཛིན་རྩེ་གཅིག་བརྟན་པ་དང། །སྔགས་དང་ཕྱག་རྒྱ་བྱ་བ་ཡིས། །སྦྱང་བར་བྱ་སྟེ་དངོས་མེད་བྱ། །དེས་ཀྱང་སྦྱོང་བའི་ལས་སུ་གྱུར། །དེ་ཚེ་དབང་བསྐུར་ལྷ་མོ་དེ། །མཆོད་དེ་སྦྲན་པར་བྱ་བ་ན། །རུ་དྲའི་རྒོལ་བས་མི་ཚུགས་ཤིང་། །ཚོགས་བསགས་དབང་དུ་དེ་འགྱུར་རོ། །བྱིན་དང་ལྡན་པའི་ས་གཞི་དེ། །སྣང་དང་མི་སྣང་བདག་པོ་ལ། །ཐུགས་ཐུབ་རས་ཆོད་མ་ཡིན་པར། །རིན་དང་བདེན་པས་བསྒོ་ལ་བསླང་། །དེ་ནས་ས་སྟེགས་གྲུ་བཞི་ལས། །བདུད་རྩི་རྣམ་ལྔས་སྐྱང་ནུལ་བྱ། །གོས་རྒྱན་མཛེས་པའི་གྲོགས་མཆོག་མ། །གསལ་བར་ལྡན་ནི་བྱིན་རླབས་ལས། །ཚད་ལྡན་རྡོ་རྗེའི་སྲད་བུ་ཡིས། །ཐིག་གདབ་པ་ཡི་སྦྱོར་བ་བྱ། །འགྲོ་བ་བློ་རྨོངས་མི་ཤེས་པའམ། །དང་པོ་ལས་ཀྱི་སྒོར་ཞུགས་ལ། །ཐུགས་ཀྱི་དཀྱིལ་འཁོར་མཚོན་པའི་ཕྱིར། །ཁ་དོག་ཉི་ཤུ་རྩ་ལྔ་འམ། །རྣམ་ལྔའི་ཚོན་གྱིས་བྲི་བར་བཤད། །རབ་ཏུ་ཟླུམ་པའི་ ― DNG008_Page_0019 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ལ། །ཐིག་བཞི་གདབ་པས་དཀྱིལ་འཁོར་དགུ། །གྲུ་ཆང་བར་ཁྱམས་སྒོ་ཁྱུད་བཅས། །དབུས་སུ་སངས་རྒྱས་རྡོ་རྗེ་འཛིན། །ནམ་མཁའི་དབྱིངས་དང་འཁྲིལ་བའི་ཚུལ། །སེང་གེའི་གདན་ལ་ཡང་དག་གནས། །རྣམ་པའི་མཆོག་རྣམས་རྫོགས་པར་གསལ། །ཁ་དོག་མཐིང་ག་འོད་དང་བཅས། །དེ་ཡི་སྤྱན་སྔར་སྣང་མཛད་སེམས། །རྡོ་རྗེ་དབྱིངས་དང་ཐབས་ཅིག་ཏུ། །གླང་པོའི་གདན་ལ་ཡང་དག་གནས། །ཁ་དོག་དཀར་པོ་འོད་འབར་བའོ། །རིན་ཆེན་སེམས་དཔའ་གཡས་སུ་སྟེ། །རིན་ཆེན་དབྱིངས་ཕྱུག་མ་དང་བཅས། །རྫུ་འཕྲུལ་རྟ་ཡི་ཁྲི་ལ་བཞུགས། །ཛམྦུ་ནཱ་དའི་གསེར་འོད་འདྲ། །རྒྱབ་ཏུ་ཆོས་ཀྱི་སེམས་དཔའ་སྟེ། །ཆོས་ཀྱི་སེམས་མར་བཅས་པ་ཡང་། །ཁྱུང་ཆེན་དག་ལ་རྣམ་པར་བཞུགས། །དམར་པོ་པདྨ་རཱ་གའི་མདོག །ལས་ཀྱི་སེམས་དཔའ་གཡོན་དུ་སྟེ། །ལས་ཀྱི་དབྱིངས་ཕྱུག་མ་དང་འཁྲིལ། །ནམ་མཁའ་ལྡིང་གི་ཁྲི་ཆེན་ལ། །ཨིནྡྲ་ནཱི་ལའི་ཁ་དོག་འདྲའོ། །ཕྱི་ནང་སེམས་དཔའ་སེམས་མ་རྣམས། །ཕྱི་ནང་གྲྭ་ལ་དེ་བཞིན་བྲི། །སྒོར་ནི་སྒོ་བ་མ་དང་བཅས། །བར་ཁྱམས་དག་ལ་སྤྲུལ་སྐུ་དང་། །ཀུན་བཟང་ཡབ་ཡུམ་དེ་བཞིན་ཏེ། །སངས་རྒྱས་རྡོ་རྗེ་འཛིན་པ་ཡི། །དཀྱིལ་འཁོར་ཉམས་དགའ་དམ་པའོ། །སངས་རྒྱས་འཁོར་ལོ་ཅན་གྱི་གནས། །འཁོར་ལོ་རྩིབས་བཞི་མུ་ཁྱུད་བཅས། །གྲུ་ཆད་བར་ཁྱམས་དེ་བཞིན་ཏེ། །དབུས་སུ་སངས་རྒྱས་རྣམ་སྣང་མཛད། །ནམ་མཁའི་དབྱིངས་དང་ཐབས་ཅིག་ཏུ། །ཆ་ལུགས་འཛིན་པར་དེ་བཞིན་བྲི། །སྤྱན་སྔར་མི་བསྐྱོད་ཡུམ་དང་བཅས། །གཞན་རྣམས་ཀྱང་ནི་དེ་བཞིན་དུ། །རྡོ་རྗེ་འཛིན་པ་འདྲ་བར་ནི། །རིན་ཆེན་དཀྱིལ་འཁོར་དམ་པ་ཡིན། །རིན་ཆེན་ཟུར་བརྒྱད་ལྡན་པ་ལ། །བར་ཁྱམས་སྒོ་ཁྱུད་དེ་བཞིན་ནོ། །དབུས་སུ་རིན་ཆེན་ཡབ་ཡུམ་སྟེ། །རྡོ་རྗེ་འཛིན་པ་ལྷོ་ཕྱོགས་སུ། །པདྨ་འདབ་མ་བརྒྱད་པ་ལ། །དབུས་སུ་ཆོས་ཀྱི་སེམས་དཔའ་སྟེ། །རྡོ་ ― DNG008_Page_0020 ―
[མ་དཔེ་གཟིགས་ན་འདིར་གནོན།]
རྗེ་འཛིན་པ་ནུབ་ཕྱོགས་སུའོ། །གཞན་རྣམས་ཀྱང་ནི་དེ་བཞིན་ནོ། །སྣ་ཚོགས་ལས་ཀྱི་དཀྱིལ་འཁོར་ནི། །ལས་བཞིའི་དབྱིབས་དང་ལྡན་པ་ལས། །དབུས་སུ་ལས་ཀྱི་སེམས་དཔའ་སྟེ། །རྡོ་རྗེ་འཛིན་པ་བྱང་ཕྱོགས་སུའོ། །བཙུན་མོ་དག་དང་ལྡན་པ་བྲི། །གཞན་རྣམས་ཀྱང་ནི་དེ་བཞིན་ནོ། །སངས་རྒྱས་ཀུན་གྱི་དཀྱིལ་འཁོར་ནི། །རྡོ་རྗེ་ཅན་དང་འདྲ་བ་སྟེ། །དབུས་སུ་སྔགས་ཀྱི་བདག་པོ་ནི། །གཙོ་གཟུངས་ཟུང་དུ་འདྲེལ་བར་བྲི། །མི་བསྐྱོད་ཡབ་ཡུམ་ཐུགས་ལ་གནས། །གཞན་ཡང་དེ་བཞིན་རྒྱས་པར་བྲི། །དཀྱིལ་འཁོར་ཉམས་དགའ་དེ་དག་ལ། །བུམ་པ་བརྒྱད་དམ་བརྒྱད་གཉིས་སམ། །ཅི་འབྱོར་བཏུང་བ་སྣུམ་པོའམ། །བདུད་རྩི་ལྔའམ་རིན་ཆེན་བཅས། །ཟླ་བ་ཉི་མའི་དྲི་ཆུ་ཡིས། །གང་བའི་རིན་ཆེན་བུམ་པ་ནི། །དང་པོ་གསེར་གྱི་བུམ་པར་བཤད། །གཉིས་པ་ཤེལ་དང་དངུལ་གྱི་སྟེ། །གསུམ་པ་བཻ་ཌཱུརྻ་ཡིའོ། །བཞི་པ་ཟངས་ཀྱི་བུམ་པར་བཤད། །ལྔ་པ་ལྕགས་ཀྱི་བུམ་པར་བཤད། །དྲུག་པ་ལ་ནི་སྣ་ཚོགས་པའི། །བུམ་པ་གང་བ་གཞག་པར་བྱ། །གཞན་ཡང་རྒྱན་གྱི་ཁྱད་པར་དང་། །རོལ་མོ་ཡིད་འོང་ཅི་འབྱོར་དང་། །མཆོད་པའི་ཡོ་བྱད་ཐམས་ཅད་དང་། །གཏོར་མ་ལ་སོགས་མཛེས་པར་བཀྲམ། །དེ་ནས་རྣལ་འབྱོར་ཅན་གྱིས་ནི། །དབྱིངས་ནས་དཀྱིལ་འཁོར་སྤྱན་དྲང་མཆོད། །མཉེས་ནས་ཉེ་བར་བསྒྲུབ་པ་དང་། །ལས་བཞིའི་མཆོད་པ་བརྩམ་བྱ་སྟེ། །དབྱིངས་དང་ཁ་དོག་མཚན་མར་བཅས། །གཟུགས་སྒྲ་དྲི་རོ་བཏུང་བ་ཡིས། །མཆོད་སྦྱིན་སྟོབ་པའི་ལས་རྣམས་བྱ། །དེ་ནས་རིགས་ཀྱི་བུ་མཆོག་དེར། །གསང་བའི་དཀྱིལ་འཁོར་བསྟན་པར་བྱ། །ཅི་ལ་དགའ་ཞེས་དྲིས་ནས་སུ། །བདག་ནི་འདི་ལ་དགའོ་ཞེས། །འཇུག་པ་པོས་ཀྱང་ལེན་དུ་སྦྱིན། །བླ་མ་ལུང་ལྡན་དེས་ཀྱང་ནི། །མནའ་ཡི་རྡོ་རྗེ་སྦྱིན་པའི་ཕྱིར། །བཟླས་པའི་ཆུ་ནི་བླུད་པར་བྱ། །གསང་བའི་དམ་ ― DNG008_Page_0021 ―
[མ་དཔེ་གཟིགས་ན་འདིར་གནོན།]
ཚིག་འདི་དག་བསྒྲག །སྐལ་དང་ལྡན་པ་རིགས་ཀྱི་བུ། །ཁྱོད་ཀྱིས་བསྲུང་བར་བྱ་བ་ནི། །ལྷ་དང་བླ་མ་སྤུན་མི་སྤང་། །སྔགས་དང་ཕྱག་རྒྱ་དེ་བཞིན་ཏེ། །གསང་བ་གཞན་ལ་སྤེལ་བྱ་མིན། །བསྒྲུབ་པའི་དམ་རྫས་རྣམ་པ་ལྔ། །རྟག་ཏུ་བཅང་ཞིང་བཟའ་བར་བྱ། །ཤ་ལྔ་དག་དང་ཆང་ལྔ་དང་། །འདོད་པ་ལྔ་རྣམས་རྟག་ཏུ་བསྟེན། །སྦྱོར་དང་སྒྲོལ་དང་ཕྲ་མ་དང་། །མི་སྙན་རྐུ་བ་སྤྱད་པར་བྱ། །དཀའ་ཐུབ་དཀའ་བ་སྤྱད་མི་བྱ། །ཁྲིམས་དང་སྡོམ་པས་བཅིང་བ་མིན། །སྙིང་ནས་སློབ་དཔོན་སྨོད་པས་ནི། །དངོས་གྲུབ་བསྒྲུབས་ཀྱང་དོན་མེད་འགྱུར། །དེ་ནས་བླ་མ་ལུང་ལྡན་དེས། །རྡོ་རྗེའི་ཚུལ་དུ་དབང་དག་སྦྱིན། །དེ་ཡང་སྣོད་ཀྱི་ཁྱད་པར་ལས། །ཅི་དད་ཅི་འོས་དེ་བཞིན་སྦྱིན། །དཀྱིལ་འཁོར་དང་པོར་བསྒྲུབ་པའི་དབང་། །གཉིས་པར་རྡོ་རྗེ་རྒྱལ་པོའི་དབང་། །གསུམ་པར་གསང་བ་ཉན་པའི་དབང་། །བཞི་པར་འཆད་པའི་དབང་དག་སྦྱིན། །ལས་ཀྱི་དབང་ནི་ལྔ་པར་སྦྱིན། །དྲུག་པར་རབ་འབྱམས་རྒྱལ་པོ་ལ། །སྩོགས་པའི་དབང་རྣམས་ཇི་སྙེད་པ། །ཚང་བར་བསྐུར་དུ་རུང་བར་བཤད། །དེ་ནས་དབང་མཆོག་ཐོབ་བྱའི་ཕྱིར། །རིགས་ཀྱི་བུ་མཆོག་དེ་དག་གིས། །ཡོན་མཆོག་དག་ནི་དབུལ་བར་བྱ། །སྲོག་ལུས་མན་ཆད་སྲས་ཀྱི་རྣམས། །མ་འཇུངས་པ་ཡི་སེམས་ཀྱིས་དབུལ། །རང་གི་ལུས་དང་སེམས་དག་དང་། །སྙིང་ཡང་ཡོན་གྱི་མཆོག་ཡིན་ཏེ། །སེམས་ཀྱི་དགོས་པ་གང་དང་གང་། །རྡོ་རྗེ་འཛིན་གྱི་ཡོན་དུ་བཤད། །རིན་ཆེན་དང་ནི་འདོད་པ་ཡི། །ཡོན་ཏན་སྣ་ཚོགས་དབུལ་བ་ནི། །སངས་རྒྱས་འཁོར་ལོ་ཅན་གྱི་ཡིན། །རིན་པོ་ཆེ་དང་ནོར་གྱི་དབྱིག །ཇི་སྙེད་ཡོད་པ་ཐམས་ཅད་ནི། །རིན་ཆེན་འཛིན་གྱི་ཡོན་ཡིན་ནོ། །མ་དང་བུ་མོ་ཆུང་མ་དང་། །སྲིང་མོ་ཤིན་ཏུ་བརྒྱན་པ་དང་། །མོ་ཡི་མིང་དང་མཚན་མ་ཅན། །པདྨ་ཅན་གྱི་ཡོན་ཡིན་ནོ། །གླང་པོ་རྟ་དང་ཤིང་རྟ་དང་། །ཁྱོགས་ཀྱི་རྣམ་པ་སྣ་ཚོགས་དང་། །ཐེག་པའི་བྱེ་བྲག་ཐམས་ ― DNG008_Page_0022 ―
[མ་དཔེ་གཟིགས་ན་འདིར་གནོན།]
ཅད་ཀུན། །སྣ་ཚོགས་རྡོ་རྗེའི་ཡོན་ཡིན་ནོ། །སངས་རྒྱས་ཀུན་ལ་དབུལ་བ་ནི། །སྣ་ཚོགས་སྣ་ཚོགས་ཅི་ཡོད་དང་། །སྣ་ཚོགས་སྣ་ཚོགས་ཚང་བ་དང་། །སྣ་ཚོགས་སྣ་ཚོགས་མ་ལུས་པ། །སྤྱི་ཡི་དཀྱིལ་འཁོར་དག་ཏུ་དབུལ། །དཀྱིལ་འཁོར་དག་ནི་དེ་དག་ཏུ། །སྦས་པ་གསང་བའི་དབང་བསྐུར་ནས། །གཟུངས་མ་དེ་དང་དེ་དག་ལས། །ཡོན་ཡང་དེ་ལྟ་དེ་ལྟར་དབུལ། །དབང་མཆོག་ཐོབ་པའི་བུ་མཆོག་ལ། །དབང་ཐོབ་རྟགས་དག་ངེས་པར་སྦྱིན། །དང་པོར་སེམས་ཀྱི་གཏན་ཚིགས་སྦྱིན། །གཉིས་པར་ཕྱག་རྒྱ་བསྒོམ་པ་གཏད། །གསུམ་པར་གསང་བའི་ངེས་དོན་བཤད། །བཞི་པར་ཆོས་ཀྱི་གླེགས་བམ་གཏད། །ལྔ་པར་ལས་བཞིའི་རྒྱ་རྟགས་སྦྱིན། །དྲུག་པར་རིན་ཆེན་སྣ་བདུན་ནམ། །རྫས་ཀྱི་ཁྱད་པར་ཅན་དག་གམ། །ཡང་ན་སྣ་ཚོགས་ཚང་བར་སྦྱིན། །དབང་མཆོག་ཐོབ་པའི་སྔ་ལྟས་ཀྱི། །རྨི་ལམ་དག་ཀྱང་འབྱུང་བར་ངེས། །རང་གི་སེམས་ལ་དབང་ཐོབ་དང་། །སྣ་ཚོགས་འཕྲུལ་པ་ལྟ་བུ་དང་། །འགྲོ་གང་དབང་དུ་འདུས་པ་དང་། །རྫུ་འཕྲུལ་དག་གིས་འགྲོ་བ་དང་། །ས་ལ་མི་ཐོགས་ཆུར་མི་འབྱིང་། །ནམ་མཁའ་དག་ལ་བྱ་བཞིན་འཕུར། །སེམས་ཅན་མང་པོ་བསྒྲལ་བ་དང་། །གཡུལ་ངོ་དག་ལས་རྒྱལ་བ་དག །མཐོང་ན་རྡོ་རྗེ་འཛིན་པ་ཡི། །དབང་ཐོབ་སྔ་ལྟས་ཡིན་པར་ངེས། །ལུས་ཀྱི་རྫུ་འཕྲུལ་ཐོབ་པ་དང་། །འཁོར་ལོ་ལག་ཏུ་བབས་པ་དང་། །ས་བདག་རྒྱལ་པོར་གྱུར་པ་དང་། །རྡོ་རྗེ་བླ་མར་བྱེད་པ་དང་། །འགྲོ་བ་གཞན་ལ་ཆོས་སྟོན་དང་། །རྣལ་འབྱོར་ཚོགས་ཀྱི་བླ་མ་དང་། །ཀུན་གྱི་ཁ་དཔོན་བྱེད་པ་ལ། །སྩོགས་པའི་རྨི་ལམ་མཐོང་བ་ནི། །འཁོར་ལོ་ཅན་གྱི་དབང་ཐོབ་ལྟས། །རིན་ཆེན་སྣ་ཚོགས་སྤྱོད་པ་དང་། །ཁ་ཟས་སྣ་ཚོགས་ཟ་བ་དང་། །རྒྱན་དང་བགོ་བ་ཁྱད་པར་དང་། །དེ་དག་གཞན་ལའང་གཏང་བ་དང་། །དམ་པའི་ཆོས་ནི་ཉན་སེམས་དང་། །སྣ་ཚོགས་སྒྲ་རྣམས་ཐོས་པ་དང་། །སྔོན་མ་ཐོས་པའི་ཚིག་ཐོས་དང་། །དེ་ལ་སྩོགས་ ― DNG008_Page_0023 ―
[མ་དཔེ་གཟིགས་ན་འདིར་གནོན།]
པའི་རྣམ་པ་ནི། །རིན་ཆེན་འཛིན་གྱི་དབང་ཐོབ་ལྟས། །པདྨའི་རྫིང་ན་རྩེ་བ་དང་། །དེ་ལ་རྩེ་ཞིང་ཟ་བ་དང་། །གླེགས་བམ་ཟབ་མོ་རྙེད་པ་དང་། །དེ་ལ་འཆད་ཅིང་ཀློག་པ་དང་། །འགྲོ་བ་དག་ལ་ཆོས་སྟོན་དང་། །དགེ་སློང་དགེ་འདུན་རྣམས་ཀྱིས་བསྐོར། །དེ་ལ་སྩོགས་པའི་ལྟས་རྣམས་ནི། །རྡོ་རྗེ་ཆོས་ཀྱི་དབང་ཐོབ་ཡིན། །ལས་རྣམས་ཀུན་ལ་འཇུག་པ་དང་། །རལ་གྲི་ལག་ཏུ་ཐོགས་པ་དང་། །རི་རབ་ཀླད་ལ་བསྐོར་བ་དང་། །ཉི་ཟླ་ལག་པས་བཟུང་བ་དང་། །གསོད་དང་གསད་དང་རྒྱལ་བ་དང་། །ཐེག་པ་རྣམས་ལ་ཞོན་པ་དང་། །དེ་ལ་སྩོགས་པའི་ལྟས་རྣམས་ནི། །སྣ་ཚོགས་རྡོ་རྗེའི་དབང་ཐོབ་ལྟས། །རྨི་ལྟས་མཚན་མ་ཇི་སྙེད་པ། །ཇི་ལྟར་རྨི་ཞིང་མཐོང་བའམ། །ཡང་ན་ཅི་ཡང་མ་མཐོང་བའམ། །མངོན་སུམ་གསལ་བ་ཐམས་ཅད་ཀུན། །སྤྱི་ཡི་དབང་ཐོབ་ལྟས་སུ་རུང་། །གང་ཞིག་དཀྱིལ་འཁོར་འདི་དག་ཏུ། །ཞུགས་ནས་དབང་ཐོབ་གང་ཟག་དེ། །འཇིག་རྟེན་གཙོ་དང་འཁོར་གྱིས་བཀུར། །ཚེ་རིང་བདེ་བ་ཕུན་སུམ་ཚོགས། །ཀུན་གྱིས་བསྟོད་ཅིང་བཀུར་བ་དང་། །སྡུག་ཅིང་བསྔགས་པ་བརྗོད་པ་དང་། །ནད་མེད་ལང་ཚོ་བདེ་བ་དང་། །འཇིག་རྟེན་མཐུ་ཆེན་འདུལ་བ་དང་། །སངས་རྒྱས་ཀུན་གྱིས་སྲས་སུ་དགོངས། །རྒྱལ་སྲས་རྣམས་ཀྱིས་གྲོགས་སུ་མཐོང་། །དེ་ལ་སྩོགས་ཏེ་བསམ་མི་ཁྱབ། །སངས་རྒྱས་དག་ནི་ཐམས་ཅད་ཀྱི། །སྐུ་ཡི་དཀྱིལ་འཁོར་བཀོད་པ་ལས། །རྣམ་པ་མཐའ་ཡས་གྲུབ་པར་འགྱུར། །གཞན་ཡང་སངས་རྒྱས་ཐམས་ཅད་ཀྱི། །ཡི་གེ་གསུང་གི་དཀྱིལ་འཁོར་ནི། །ཇི་བཞིན་དཀྱིལ་འཁོར་བྲིས་པ་ལས། །ཡི་གེ་གསུང་གི་ཕྱག་རྒྱའི་ཚོགས། །ཇི་བཞིན་གསལ་བར་བཀོད་པ་ཡི། །དཀྱིལ་འཁོར་དག་ཏུ་སློབ་མ་རྣམས། །ཞུགས་པ་ཡང་ནི་དེ་བཞིན་ནོ། །གཞན་ཡང་སངས་རྒྱས་ཐམས་ཅད་ཀྱི། །ཐུགས་ཀྱི་དཀྱིལ་འཁོར་དམ་པ་ནི། །ཇི་བཞིན་དཀྱིལ་འཁོར་བྲིས་ནས་ཀྱང་། །སོ་སོའི་རང་རྟགས་ཕྱག་མཚན་རྣམས། །ཇི་བཞིན་གནས་སུ་ ― DNG008_Page_0024 ―
[མ་དཔེ་གཟིགས་ན་འདིར་གནོན།]
བཀོད་པ་རུ། །གཞུག་པ་ལ་སྩོགས་བྱས་ན་ཡང་། །ཡོན་ཏན་དེ་དང་འདྲ་བར་འགྱུར། །སྐུ་དང་གསུང་དང་ཐུགས་ཀྱི་རྣམས། །གཅིག་ལའང་གསུམ་གསུམ་ཡོད་པ་ཡིན། །དེ་བས་རྣལ་འབྱོར་བློ་ལྡན་པས། །ངེས་པ་མེད་པར་ཤེས་པར་བྱའོ། །ཞེས་གསུངས་སོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། སྐུ་གསུང་ཐུགས་ཀྱི་གཟུགས་བརྙན་གྱི་དཀྱིལ་འཁོར་རིམ་པར་བཀོད་པའི་ལེའུ་སྟེ་གསུམ་པའོ།། །།དེ་ནས་རྒྱལ་པོ་རྡོ་རྗེ་འཛིན། །ཐམས་ཅད་མི་འགྱུར་ནམ་མཁའ་ཆེ། །རྣམ་དག་གསུང་མཆོག་རྒྱལ་པོ་དེས། །གསུང་ནི་འདི་སྐད་བཀའ་སྩལ་ཏོ། །རྡོ་རྗེའི་ཐིག་ནི་གདབ་པ་དང་། །ཚོན་རྩི་དག་ནི་བཀྱེ་བ་ཡི། །བརྙན་མ་ཡི་ནི་དཀྱིལ་འཁོར་དེ། །རྣལ་འབྱོར་སེམས་དཔས་མི་བྱའོ། །བྱས་ན་དངོས་གྲུབ་རྙེད་པར་དཀའ། །དེ་བས་ཏིང་འཛིན་ནན་ཏན་བསྒོམ། །ནམ་མཁའི་རྡོ་རྗེ་དབུས་གནས་པར། །དབང་ཆེན་དཀྱིལ་འཁོར་བསྒོམ་པར་བྱ། །གཞལ་ཡས་མེ་འོད་འབར་བར་བསྒོམ། །འཁོར་ལོ་རྒྱན་དང་རོལ་མོའི་ཚོགས། །དེར་ནི་རང་སྔགས་བདག་པོ་བསྒོམ། །ནམ་མཁའི་དབྱིངས་ཀྱི་དབུས་སུ་ནི། །རྡོ་རྗེའི་དཀྱིལ་འཁོར་བསྒོམ་པར་བྱ། །རང་སྔགས་རྡོ་རྗེ་ཅན་གྱི་གཟུགས། །བསྒོམས་ན་རྡོ་རྗེ་ཅན་དུ་འགྱུར། །ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་བསྒོམ་པར་བྱ། །རང་སྔགས་འཁོར་ལོ་ཅན་གྱི་གཟུགས། །བསྒོམས་ན་འཁོར་ལོ་ཅན་དུ་འགྱུར། །ནམ་མཁའི་དབྱིངས་ཀྱི་དབུས་སུ་ནི། །རིན་ཆེན་དཀྱིལ་འཁོར་བསྒོམ་པར་བྱ། །རང་སྔགས་རིན་ཆེན་ཅན་གྱི་གཟུགས། །བསྒོམས་ན་རིན་ཆེན་འཛིན་པར་འགྱུར། །ནམ་མཁའི་དབྱིངས་ཀྱི་དབུས་སུ་ནི། །པདྨའི་དཀྱིལ་འཁོར་བསྒོམ་པར་བྱ། །རང་སྔགས་པདྨོ་ཅན་གྱི་གཟུགས། །བསྒོམས་ན་པདྨ་འཛིན་པར་འགྱུར། །ནམ་མཁའི་དབྱིངས་ཀྱི་དབུས་གནས་པར། །ལས་ཀྱི་དཀྱིལ་འཁོར་ ― DNG008_Page_0025 ―
[མ་དཔེ་གཟིགས་ན་འདིར་གནོན།]
བསྒོམ་པར་བྱ། །རང་སྔགས་རལ་གྲི་ཅན་གྱི་གཟུགས། །བསྒོམས་ན་ལས་ཀྱི་སེམས་དཔར་འགྱུར། །ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་ཀུན་གྱི་དཀྱིལ་འཁོར་བསྒོམ། །སྔགས་ཀྱི་བདག་པོར་རབ་བསྒོམས་ན། །སངས་རྒྱས་ཀུན་དང་མཉམ་པར་འགྱུར། །རབ་ཏུ་དབེན་པའི་གནས་དག་གམ། །རི་བོར་ཆུ་གླིང་ནགས་འདབས་སུ། །ཏིང་འཛིན་འདི་དག་བསྒོམས་ན་ནི། །ཇི་ལྟར་འདོད་པའི་དངོས་གྲུབ་ཐོབ། །རྣལ་འབྱོར་ཅན་གྱིས་ཟླ་དྲུག་ཏུ། །བསྒོམས་ན་དེ་ནི་འགྲུབ་པར་འགྱུར། །གླང་པོའི་ཤ་ལ་སྩོགས་པ་ཡི། །ཤ་ལྔ་དག་ལ་བྱིན་གྱིས་བརླབས། །ཟས་ཕྱིར་འདི་དག་བཟའ་བྱ་སྟེ། །ཁ་ཟས་གཞན་ལ་ཆགས་མི་བྱ། །ནམ་མཁའི་དབྱིངས་ཀྱི་དབུས་གནས་པར། །རང་སྔགས་ཡི་གེའི་རྣམ་པ་ཀུན། །ཇི་བཞིན་བསྒོམས་ནའང་འགྲུབ་པར་འགྱུར། །ནམ་མཁའི་དབྱིངས་ཀྱི་དབུས་གནས་པར། །རང་གི་ཐུགས་ཀྱི་མཚན་མ་རྣམས། །ཇི་བཞིན་རྣམ་པར་བསྒོམས་ན་ཡང་། །འགྲུབ་འགྱུར་འདི་ལ་ཐེ་ཚོམ་མེད། །རྩེ་གཅིག་པ་ཡི་ཏིང་འཛིན་འདིས། །གང་འདོད་ལས་དེ་བྱེད་པས་ན། །ཆོ་ག་རྫས་དང་ཡོ་བྱད་རྣམས། །ཚོགས་པ་ཡང་ནི་གཙོར་མ་བཤད། །མ་ཚོགས་ན་ཡང་ངེས་པར་འགྲུབ། །དེ་བས་ནན་ཏན་ཆེར་བསྐྱེད་དེ། །ཏིང་འཛིན་དཀྱིལ་འཁོར་བསྒོམ་པར་བྱ། །དཔེར་ན་གླང་ཆེན་སྨྱོན་པ་དག །གདུལ་ཐབས་ལྕགས་ཀྱུས་འདུལ་བ་ལྟར། །རང་སེམས་དམུ་རྒོད་གདུལ་དཀའ་ཡང་། །མཉམ་གཞག་ཏིང་འཛིན་རྩེ་གཅིག་གིས། །བཏུལ་ན་དངོས་གྲུབ་ཡ་མཚན་འགྲུབ། །མཚན་མ་དག་གི་གཟུགས་བརྙན་དང་། །ལུགས་མ་ལ་སྩོགས་ཕྱག་རྒྱ་ལས། །མཚན་མའི་ཏིང་འཛིན་བསྒོམས་བྱས་ཀྱང་། །རང་གི་རྣལ་འབྱོར་མི་འབྱུང་སྟེ། །བྱང་ཆུབ་སེམས་ལ་གཞོལ་བའི་མིས། །རང་གི་རྣལ་འབྱོར་ལྷར་འགྱུར་རོ། །དེ་བས་ནན་ཏན་རྩེ་གཅིག་གིས། །མཚན་མ་མེད་ལ་བརྩོན་པར་འབད། །ཅེས་གསུངས་སོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི། ― DNG008_Page_0026 ―
[མ་དཔེ་གཟིགས་ན་འདིར་གནོན།]
གསང་བ་དུར་ཁྲོད་ཁུ་བྱུག་རོལ་པའི་མདོ་ལས། ཏིང་ངེ་འཛིན་གྱི་དཀྱིལ་འཁོར་གྱི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ལ། རྡོ་རྗེ་ཡིད་ཀུན་ཏུ་བཟང་པོས་གསོལ་པ། བཅོམ་ལྡན་འདས་སངས་རྒྱས་ཐམས་ཅད་ཀྱི་སྔགས་དང་ཕྱག་རྒྱ་རྣམས་ཀྱི་མཚན་ཉིད། སེམས་ཅན་ཐམས་ཅད་ལ་སྨན་པའི་སླད་དུ་བཤད་དུ་གསོལ། །བདེ་བར་གཤེགས་པས་བཤད་དུ་གསོལ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་སྔགས་དང་ཕྱག་རྒྱ་འདི་དག་བཤད་དོ། །སེམས་དཔའ་ཆེན་པོ་ཉོན་ཅིག །འདི་ནི་སངས་རྒྱས་ཐམས་ཅད་ཀྱི། །ལས་གང་བསྒྲུབ་པའི་སྙིང་པོ་ཡིན། །འདི་ལ་གང་ཞིག་དད་མོས་པ། །སྣང་མཛད་སེམས་དཔའ་ཉིད་འདྲར་འགྱུར། །ཨོཾ་བུཌྜྷ་བཻ་རོ་ཙ་ན་ཨཱོཾ། ལག་གཉིས་ཁུ་ཚུར་བཅངས་པ་ལས། །གཡོན་པའི་མཛུབ་མོ་བསྒྲེང་བ་ཡི། །རྩེ་མོ་གཡས་པའི་ཁུ་ཚུར་གྱིས། །བཟུང་བ་སྣང་མཛད་སེམས་དཔའི་རྒྱ། །རྒྱ་འདི་བཅིངས་པ་ཙམ་གྱིས་སུ། །སངས་རྒྱས་སྲས་དང་བཅས་པ་ཀུན། །རབ་ཏུ་དགྱེས་ཤིང་མཉེས་པར་འགྱུར། །བྱང་ཆུབ་མཆོག་ཏུ་གདོན་མི་ཟ། །གཞན་ཡང་རྡོ་རྗེ་འཛིན་ཉིད་ཀྱི། །གསང་བའི་སྔགས་ནི་འདི་ཡིན་ཏེ། །བཛྲ་ཨཀྵོ་བྷྱ་ཧཱུཾ། སེམས་དཔའི་སྐྱིལ་མོ་ཀྲུང་འདུག་ནས། །ལག་གཡོན་པད་པར་མཉམ་བཞག་སྟེ། །གཡས་པ་ས་གཞི་གནོན་པའི་ཚུལ། །རྡོ་རྗེ་མི་འཁྲུགས་ཕྱག་རྒྱར་བཤད། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་གྲགས་པ་ཆེན་པོ་ཡང་། །རབ་ཏུ་འདར་ཞིང་སྐྲག་པར་འགྱུར། །བདུད་རྣམས་ཚར་གཅོད་སྨོས་ཅི་དགོས། །གཞན་ཡང་རིན་ཆེན་འཛིན་པ་ཡི། །གསང་བའི་སྙིང་པོ་འདི་ཡིན་ནོ། །རཏྣ་སཾ་བྷ་བ་ཏྲཱཾ། མི་འཁྲུགས་ཕྱག་རྒྱ་དེ་ཉིད་ལས། །གཡས་པས་མཆོག་སྦྱིན་བྱེད་པ་ནི། །རིན་ཆེན་འཛིན་གྱི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བདེ་བའི་མཆོག་རྣམས་སྦྱིན་པར་བྱེད། །དགང་དཀའ་བ་ཡང་རབ་འགེངས་ནས། །བཀྲེན་པ་ཕྱུག་ ― DNG008_Page_0027 ―
[མ་དཔེ་གཟིགས་ན་འདིར་གནོན།]
པར་ཅི་ཞིག་སྨོས། །གཞན་ཡང་ཆོས་ཀྱི་སེམས་དཔའ་ཡི། །གསང་བའི་སྔགས་ནི་འདི་ཡིན་ནོ། །པདྨ་ཨ་མི་ཏཱ་བྷ་ཧྲཱྀཿ། ཕྱག་རྒྱ་གོང་མ་དེ་ཉིད་ལས། །ལག་གཉིས་བསམ་གཏན་ཚུལ་དུ་བྱས། །པདྨ་སེམས་དཔའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་གྲགས་པ་ཆེན་པོ་ཀུན། །དབང་དུ་འགྱུར་བར་གདོན་མི་ཟ། །ཁམས་གསུམ་སྐྱེ་བོ་སྨོས་ཅི་དགོས། །གཞན་ཡང་ལས་ཀྱི་སེམས་དཔའ་ཡི། །གསང་བའི་སྔགས་ནི་འདི་ཡིན་ནོ། །བཛྲ་ཨ་མོ་གྷ་སིདྡྷི་ཨ། ཕྱག་རྒྱ་གོང་མ་དེ་ཉིད་ལས། །མི་འཇིགས་སྦྱིན་པར་བྱ་བ་ནི། །ལས་ཀྱི་སེམས་དཔའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །ལས་རྣམས་ཐམས་ཅད་བྱེད་པར་འགྱུར། །དེ་ནས་གཞན་ཡང་བཤད་བྱ་བ། །དབྱིངས་ཕྱུག་མ་ཡི་སྔགས་འདི་ཡིན། །ཨཱོཾ་བུཌྜྷ་ལོ་ཙ་ནཱ་ཨོཾ། ལག་གཉིས་ཐལ་མོ་མཉམ་སྦྱར་ཏེ། །སྤྱི་བོའི་གཙུག་ཏུ་བཞག་པ་ནི། །དབྱིངས་ཕྱུག་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དྲེགས་པ་གཏུམ་པོའང་ལྷན་ནེར་གྱུར། །ཨོཾ་ག་ག་ན་ལོ་ཙ་ནཱ་ཧཱུཾ། ཐལ་མོ་ཁོང་སྟོང་སྦྱར་བ་ལས། །མཛུབ་གཉིས་གདུ་བུ་ལྟར་བྱས་ཏེ། །མཐེ་བོའི་རྩེ་མོ་མིག་གི་ཚུལ། །རྡོ་རྗེ་དབྱིངས་ཕྱུག་མ་ཡི་རྒྱ། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་ཐམས་ཅད་དགྱེས་འགྱུར་ཞིང་། །ལས་རྣམས་འགྲུབ་པར་བྱེད་པ་དང་། །ཤི་བའང་སོས་པར་གདོན་མི་ཟ། །ཨཱོཾ་ཀི་རི་ཀི་རི་མ་མ་ཀ་རི་ཧཱུཾ། ལག་གཉིས་རྡོ་རྗེ་བཅིངས་པ་ལས། །གུང་གཉིས་བསྒྲེང་བའི་ཚིགས་གསུམ་པར། །མཛུབ་གཉིས་བཙུག་པ་རྡོ་རྗེའི་ཚུལ། །མཱ་མ་ཀཱི་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བསྲུང་བའི་ལས་ཀུན་བྱེད་པ་སྟེ། །འདི་ཡིས་བསྲུང་བར་བྱས་པ་ནི། །སངས་རྒྱས་ཀུན་གྱི་མི་ཚུགས་སོ། །ཨོཾ་ཀ་ཏ་བི་ཀ་ཏེ་ཀ་ཏང་ཀ་ཏེ་སྭཱ་ཧཱ། ལག་གཉིས་ཐལ་མོ་ཁོང་སྟོང་དུ། །པདྨ་ཁ་བྱེའི་ཚུལ་བྱས་པ། །པདྨ་དབྱིངས་ཕྱུག་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །ཆོས་མཛོད་ཆེན་པོ་འཐོབ་ ― DNG008_Page_0028 ―
[མ་དཔེ་གཟིགས་ན་འདིར་གནོན།]
པར་འགྱུར། །ཨཱོཾ་ཏཱ་རེ་ཏུད་ཏཱ་རེ་ཏུ་རེ་སྭཱ་ཧཱ། ཐལ་མོ་ཁོང་སྟོང་སྦྱར་བ་ལས། །མཛུབ་གཉིས་བཀུག་པའི་རྩེ་མོ་ཡིས། །སོ་སོའི་གུང་མོའི་རྩེ་མོ་མནན། །མཐེབ་གཉིས་དབུས་སུ་བཞག་པ་ནི། །ལས་ཀྱི་དབྱིངས་ཕྱུག་ཕྱག་རྒྱར་བཤད། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་སེམས་ཅན་ཐམས་ཅད་ཀྱང་། །དབང་དུ་འགྱུར་བར་གདོན་མི་ཟ། །དེ་ནས་གཞན་ཡང་བཤད་བྱ་བ། །ཨཱོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨདྨ་ཀོ྅ཧཾ།ལག་གཉིས་ཁུ་ཚུར་བཅངས་པ་ལས། །མཐེབ་གཉིས་གྱེན་དུ་བཏེག་པ་ནི། །བདེར་གཤེགས་ཀུན་གྱི་སྐུ་ཡི་རྒྱ། །སྔགས་དང་ཕྱག་རྒྱ་འདི་ཡིས་ནི། །གང་ལ་བྱིན་གྱིས་བརླབས་པ་དེ། །རྡོ་རྗེ་ལྟ་བུའི་སྐུར་གྱུར་རོ། །ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་ཝ་ཨདྨ་ཀོ྅ཧཾ། ཕྱག་རྒྱ་གོང་མ་དེ་ཉིད་ལས། །གཡོན་གྱི་མཐེ་བོ་ནང་བཅུག་སྟེ། །གཡས་ཀྱི་མཐེ་བོ་དེ་བཞིན་བཏེག །བདེར་གཤེགས་ཀུན་གྱི་གསུང་གི་རྒྱ། །སྔགས་དང་ཕྱག་རྒྱ་འདི་ཡིས་ནི། །གང་ལ་བྱིན་གྱིས་བརླབས་པ་དེ། །སངས་རྒྱས་ཀུན་གྱི་གསུང་དུ་འགྱུར། །ཨཱོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨདྨ་ཀོ྅ཧཾ། ཕྱག་རྒྱ་གོང་མ་དེ་ཉིད་ལས། །གཡས་པའི་མཐེ་བོང་ནང་བཅུག་སྟེ། །གཡོན་པ་མཐེ་བོང་བཏེག་པ་ནི། །བདེར་གཤེགས་ཀུན་གྱི་ཐུགས་ཀྱི་རྒྱའོ། །སྔགས་དང་ཕྱག་རྒྱ་འདི་ཡིས་ནི། །གང་ལ་བྱིན་གྱིས་བརླབས་པ་དེས། །སངས་རྒྱས་ཀུན་གྱི་ཐུགས་སུ་འགྱུར། །དེ་ལ་སྩོགས་ཏེ་བསམ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའ་དབྱིངས་ཀྱི་མཐའ་ཀླས་པ། །བརྗོད་མེད་བརྗོད་དུ་མེད་པ་ཡི། །ཡོན་ཏན་མཐའ་ཀླས་བསམ་མི་ཁྱབ། །ཅེས་གསུངས་སོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། །སྔགས་དང་ཕྱག་རྒྱ་རྣམ་པར་སྤྲོས་པའི་ལེའུ་སྟེ་ལྔ་པའོ།། །།དེ་ནས་རྡོ་རྗེ་ཡིད་ཀུན་ཏུ་བཟང་པོས་བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་བསྟོད་དོ། །ཨེ་མའོ་རྣམ་དག་སྟོང་པའི་ལམ། ། ― DNG008_Page_0029 ―
[མ་དཔེ་གཟིགས་ན་འདིར་གནོན།]
སངས་རྒྱས་ཀུན་གྱི་སྐུ་ཡི་མཆོག །སྣ་ཚོགས་ལས་བྱུང་ཁྱོད་ལ་འདུད། །སངས་རྒྱས་ཀུན་གྱི་གསུང་གི་མཆོག །རྣམ་དག་སྒྲ་ཆེན་ཁྱོད་ལ་འདུད། །སངས་རྒྱས་ཀུན་གྱི་ཐུགས་ཆེན་པོ། །ཡེ་ཤེས་གཙོ་ལ་ཕྱག་འཚལ་འདུད། །སངས་རྒྱས་ཡེ་ཤེས་རྡོ་རྗེ་ཅན། །རྡོ་རྗེ་འཛིན་ལ་ཕྱག་འཚལ་འདུད། །ཆོས་ཀྱི་འཁོར་ལོས་རབ་སྒྱུར་བ། །སངས་རྒྱས་འཁོར་ལོ་ཁྱོད་ལ་འདུད། །ནོར་བུ་འཛིན་པ་ཁྱོད་ལ་འདུད། །པདྨ་པདྨ་འཆང་ལ་འདུད། །སྣ་ཚོགས་ལས་ལ་ཕྱག་འཚལ་ལོ། །ཞེས་གསོལ་བ་བཏབ་པོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ནི། དེ་བཞིན་ཉིད་ལ་དམིགས་ནས་ཅང་མི་གསུང་བར་བཞུགས་སོ། །དེ་ཚེ་རིགས་ལྔའི་བདེ་བར་གཤེགས། །འཁོར་རྣམས་རྒྱ་མཚོར་བཅས་རྣམས་ཀྱིས། །འདུལ་བའི་ཐབས་ནི་སྣ་ཚོགས་ཀྱིས། །འགྲོ་རྣམས་སྣ་ཚོགས་འདུལ་བར་གྱུར། །ལ་ལར་སྐུ་ཡི་དོན་མཛད་པ། །འགྲོ་རྣམས་ཀུན་ལ་སྡིག་སོང་གཟུགས། །སྤྲུལ་པས་སོ་སོར་འདུལ་བ་ནི། །དམྱལ་བ་རྣམས་ལ་གཤེད་པོས་འདུལ། །པྲེ་ཏ་རྣམས་ལ་ཁ་འབར་གཟུགས། །དུད་འགྲོ་རྣམས་ལ་སེང་གེའི་གཟུགས། །མི་རྣམས་ཀུན་གྱི་འཇིག་རྟེན་དུ། །འཁོར་ལོས་སྒྱུར་རྒྱལ་ལྟ་བུའི་ཚུལ། །ལྷ་མིན་རྣམས་ལ་ཐགས་བཟང་གཟུགས། །ལྷ་རྣམས་ལ་ནི་བརྒྱ་བྱིན་གཟུགས། །ཚངས་རིས་རྣམས་ལ་ཚངས་ཆེན་གཟུགས། །ཆགས་བྲལ་རྣམས་ལ་དགྲ་བཅོམ་གཟུགས། །རང་རྒྱལ་རྣམས་ལ་བསེ་རུའི་ཚུལ། །ས་བཅུའི་བྱང་ཆུབ་སེམས་དཔའ་ལ། །སྐུ་ནི་རྣམ་པར་སྣང་མཛད་ཚུལ། །འགྲོ་རྣམས་ཇི་ལྟར་འདུལ་བ་ལ། །མཐུན་བྱས་གཟུགས་ནི་སྣ་ཚོགས་འདུལ། །འགྲོ་རྣམས་ཇི་ལྟར་འདུལ་བ་བཞིན། །ཆོས་ཀྱི་འཁོར་ལོ་སྣ་ཚོགས་ནི། །ལ་ལར་སྡེ་སྣོད་གསུམ་དག་ཏུ། །བསྡུས་ནས་ཆོས་ཀྱི་འཁོར་ལོ་བསྐོར། །ལ་ལར་གསུང་རབ་བཅུ་གཉིས་སོ། །ལ་ལར་སྟོང་ཕྲག་བརྒྱ་བཅུ་བཞི། །གཏི་མུག་རྨོངས་པའི་འགྲོ་རྣམས་ལ། །སངས་རྒྱས་འཁོར་ལོས་འཁོར་ལོ་བསྐོར། །ཞེ་སྡང་ཆེ་ལ་རྡོ་རྗེ་འཛིན། །རྡོ་རྗེའི་འཁོར་ལོ་རབ་ཏུ་བསྐོར། །ང་རྒྱལ་ཅན་ལ་རིན་པོ་ཆེའི། །འཁོར་ལོ་ ― DNG008_Page_0030 ―
[མ་དཔེ་གཟིགས་ན་འདིར་གནོན།]
བླ་ན་མེད་པ་བསྐོར། །འདོད་པས་འཆེལ་པའི་འགྲོ་གང་ལ། །པདྨའི་འཁོར་ལོ་རབ་ཏུ་བསྐོར། །ཕྲག་དོག་སྤྱོད་པའི་ལས་གང་ལ། །སྣ་ཚོགས་རྡོ་རྗེའི་འཁོར་ལོ་བསྐོར། །འགྲོ་བའི་སྐད་རྣམས་ཇི་ཙམ་པར། །དེ་སྙེད་སྒྲ་སྐད་ཐ་དད་སྟོན། །ལ་ལར་ལྷུམས་སུ་གཤེགས་པའི་ཚུལ། །ལ་ལར་ལྷུམས་ནས་བལྟམས་པའི་ཚུལ། །ལ་ལར་གཞོན་ནུའི་རོལ་རྩེད་སྟོན། །ལ་ལར་ཁྱིམ་པ་ལྟ་བུའི་ཚུལ། །ལ་ལར་ཁབ་ནས་རབ་ཏུ་བྱུང་། །ལ་ལར་དཀའ་ཐུབ་དཀའ་བ་སྤྱད། །ལ་ལར་བྱང་ཆུབ་མཆོག་སེམས་བསྐྱེད། །ལ་ལར་བདུད་བཞི་འདུལ་བར་སྟོན། །ལ་ལར་རྡོ་རྗེའི་ས་ལ་གཤེགས། །ལ་ལར་བྱང་ཆུབ་ཤིང་དབང་དྲུང་། །ལ་ལར་སྐུལ་བའི་ས་ལ་གཤེགས། །ལ་ལར་རྣམ་པ་བཅུ་གཉིས་སུ། །ལན་གསུམ་དག་ཏུ་འཁོར་ལོ་བསྐོར། །ལ་ལར་ཆོ་འཕྲུལ་ཆེན་པོ་སྟོན། །ལ་ལར་མྱ་ངན་འདའ་ཚུལ་སྟོན། །ལ་ལར་སྐུ་གདུང་རིང་བསྲེལ་སྟོན། །ལ་ལར་ཆོས་ཀྱི་གླེགས་བམ་སྟོན། །ལ་ལར་ཕྱི་རོལ་འབྱུང་བ་ལས། །ཆོས་དང་མཐུན་པའི་སྒྲ་སྐད་འབྱུང་། །ལ་ལར་མུ་སྟེགས་ལྟ་བུའི་ཚུལ། །ལ་ལར་འཇིག་རྟེན་བསམ་གཏན་ཚུལ། །ལ་ལར་ས་བཅུར་རིམ་གྱིས་འབྱུང་། །ལ་ལར་སྤྱན་ལྔ་རྣམ་པར་དག །ལ་ལར་མངོན་ཤེས་ཕ་རོལ་ཕྱིན། །ལ་ལར་ཁྱབ་འཇུག་དབང་ཕྱུག་ཆེ། །ལ་ལར་འཇིག་རྟེན་སྐྱོང་བའི་ཚུལ། །འགྲོ་རྣམས་ཇི་ལྟར་འདུལ་བ་བཞིན། །བྱིན་རླབས་ཆོ་འཕྲུལ་དེ་ལྟར་བསྟན། །དེ་ཚེ་འགྲོ་རྣམས་ཐམས་ཅད་ཀུན། །ལས་ཀྱི་སྟོབས་ཀྱི་དབང་གྱུར་པ། །ལོག་པ་ཅན་གྱི་རཱུ་ཏྲ་རྣམས། །ལོག་ལྟའི་མཐུས་བསྙེམས་མ་གཏོགས་པ། །སངས་རྒྱས་བསྟན་ལ་དད་པར་འགྱུར། །བྱང་ཆུབ་སྤྱོད་སྒོ་ཇི་སྙེད་པ། །དེ་སྙེད་འབྲས་བུས་བདེ་ལ་བཀོད། །དེ་ནས་འཁོར་དེར་འདུས་པའི་བྱང་ཆུབ་སེམས་དཔའ་རྣམས་ངོ་མཚར་དུ་གྱུར་ཏེ། རྡོ་རྗེ་ཡིད་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མའོ་རྡོ་རྗེ་ཀུན་ཏུ་བཟང་། །ངོ་མཚར་ཁྱོད་ལ་བདག་ཅག་འདུད། །ཨེ་མའོ་ ― DNG008_Page_0031 ―
[མ་དཔེ་གཟིགས་ན་འདིར་གནོན།]
གསང་སྔགས་ཡ་མཚན་ཆེ། །ཨེ་མའོ་སྟོན་པ་ཆོ་འཕྲུལ་ཆེ། །ཨེ་མའོ་ངོ་མཚར་རྫུ་འཕྲུལ་ཆེ། །ཨེ་མའོ་སྔགས་ཀྱིས་མི་འདུལ་མེད། །འདི་ནི་ངོ་མཚར་ལ་མཚན་ནོ་ཞེས་གསོལ་པས། རྡོ་རྗེ་ཡིད་ཀུན་ཏུ་བཟང་པོས་བཀའ་སྩལ་པ། །རིགས་ཀྱི་བུ་ཁྱོད་ཚུར་ཉོན་ཅིག །གསང་བའི་ཐེག་པ་འདི་ལ་ནི། །སུ་ཞིག་མོས་པའི་སྐྱེས་བུ་དེས། །མི་བྱ་བ་ནི་གར་ཡང་མེད། །མི་འགྲུབ་པ་ནི་གང་ཡང་མེད། །རྟག་ཏུ་གསོད་ལ་བརྩོན་པ་དང་། །མ་བྱིན་ལེན་དང་མི་ཚངས་སྤྱོད། །རྫུན་དང་ངག་རྩུབ་སྨྲ་བ་དང་། །ཟས་སུ་བཤང་གཅི་རྣག་ཁྲག་དྲོན་མོ་འཐུང་བ་དང་། །ངན་ཟོས་ངན་སྤྱོད་ཐམས་ཅད་ཀྱིས། །གསང་བ་འདི་ཉིད་འགྲུབ་པར་འགྱུར། །ཕ་དང་ཁུ་བོ་མྱེས་པོ་དང་། །བུ་དང་སྤུན་དང་མཛའ་བོ་རྣམས། །ཞེ་སྡང་སེམས་ཀྱིས་བསད་བྱས་ན། །རྡོ་རྗེའི་རིགས་ཀྱི་ཞིང་དུ་འགྱུར། །མ་དང་སྲིང་མོ་བུ་མོ་དང་། །གདོལ་པ་མོ་དང་ཕྱལ་པ་ལའང་། །འདོད་པའི་སེམས་ཀྱིས་སྦྱར་བས་ནས། །པདྨའི་རིགས་སུ་ངེས་པར་སྐྱེ། །ཞེས་གསུངས་པས། བྱང་ཆུབ་སེམས་དཔའ་དེ་དག་སྐྲག་སྟེ་རབ་ཏུ་བརྒྱལ་བར་གྱུར་ཏོ། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་བཅོམ་ལྡན་འདས་གསང་བ་མཆོག་གི་བདག་པོ་ལ་བལྟས་ཏེ། བཅོམ་ལྡན་འདས་བྱང་ཆུབ་སེམས་དཔའ་དེ་དག་སླར་གསོ་བར་གསོལ་ཞེས་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་ཀྱི་འོད་ཟེར་ཞི་ཞིང་འཁྱིལ་པས། དེ་དག་ལ་བསྡིམས་ཏེ་བྱིན་གྱིས་བརླབས་པར་མཛད་དོ། །དེ་ནས་བྱང་ཆུབ་སེམས་དཔའ་དེ་དག་སླར་དྲན་པ་རྙེད་དེ་བཅོམ་ལྡན་འདས་གསང་བ་མཆོག་གི་བདག་པོའི་ཞལ་དུ་མིག་མི་འཛུམས་པར་བལྟས་ཏེ་འཁོད་དོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་རྣམས་རང་རང་གི་འདུ་ཤེས་ངན་པ་དེ་དག་ཐོང་ཞིག །བྱང་ཆུབ་སྤྱོད་པའི་གནས་འདི་ཡི། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །དེ་ཉིད་འཇིག་རྟེན་སྣ་ཚོགས་ཏེ། །ཕྱག་རྒྱའི་ཚོགས་ཆེན་དེ་ཉིད་དོ། ། ― DNG008_Page_0032 ―
[མ་དཔེ་གཟིགས་ན་འདིར་གནོན།]
ཆོས་སྐུ་སྒྱུ་མས་དབང་བསྒྱུར་བས། །དེ་ལ་དངོས་པོ་ག་ལ་ཡོད། །ཅི་སྤྱོད་ཅི་བསྒོམས་ཅི་བསྒྲུབས་ཀྱང་། །བྱང་ཆུབ་ཉིད་དེ་ལྟུང་གནས་མེད། །དམྱལ་བའི་གནས་ཉིད་བླ་མེད་གནས། །སྡུག་བསྔལ་ཉིད་ཀྱང་བྱང་ཆུབ་ལ། །འཁོར་བ་ཉིད་ཀྱང་མྱ་ངན་འདས། །སྒྲིབ་པ་ཉིད་ནི་མངོན་སངས་རྒྱས། །ངེས་དོན་དེ་ལ་འདུས་པར་སྦྱོར། །ཞེས་གསུངས་པས། བྱང་ཆུབ་སེམས་དཔའ་དེ་དག་སོམ་ཉི་དང་བྲལ་ནས་རང་རང་གི་དེ་བཞིན་ཉིད་ལ་དམིགས་ཏེ་ཅང་མི་སྨྲ་བར་འཁོད་དོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། ཐུགས་རྗེས་འདུལ་བར་བསྟན་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་རིགས་ལྔ་བདེ་བར་གཤེགས་པ་ལ་སྩོགས་པ་ཐམས་ཅད་དགོངས་པ་གཅིག་ཏུ་གྱུར་ཏེ། ལོག་པའི་ལམ་དངོས་པོ་ལ་མངོན་པར་འཆེལ་བ། མངོན་པའི་ང་རྒྱལ་གྱི་མཐུ་བརྙེས་ནས། སངས་རྒྱས་ཀྱི་བསྟན་པ་ལ་མངོན་པར་མ་དད་པས། འཇིག་རྟེན་ཕུང་བར་བྱེད་པ་རྣམས། ཞི་བས་ཕན་པའི་སྐབས་ལ་མ་བབ་སྟེ། རོལ་པའི་མཛད་སྤྱོད་ཀྱིས་འདུལ་བར་གཟིགས་ནས།བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་བ་བཏབ་པོ། །ཨེ་མའོ་ལོག་པའི་ལམ་གྱིས་མནར་བ་ལ། །ཞི་བས་ཕན་པར་མི་འགྱུར་ཏེ། །འོ་དོད་འབོད་པར་ལྟུང་བར་འགྱུར། །ཤིན་ཏུ་ཁྲོ་གཏུམ་གདུག་པ་ལ། །ཡེ་ཤེས་ཁྲོས་པས་འདུལ་བར་འགྱུར། །དེ་བས་མངོན་པའི་འདུལ་མཛད་རིགས། །ཞེས་གསོལ་པས། བཅོམ་ལྡན་འདས་གསང་བ་མཆོག་གི་བདག་པོས་གསོལ་བ་བཏབ་པ་དེ་ཐུགས་སུ་ཆུད་ནས། ཧཱུཾ་ཧཱུཾ་ཧཱུཾ། ཞེས་པས་རིགས་ལྔའི་བདེ་བར་གཤེགས་པ་ལ་སྩོགས་པའི་འཁོར་ཐམས་ཅད་རང་གི་ཐུགས་ཀར་བསྡུས་ཏེ། གཉིས་སུ་མེད་པའི་དབྱིངས་སུ་མི་སྣང་བར་མཛད་དོ། །གནས་ཀྱི་དཀྱིལ་འཁོར་ལ་སྩོགས་པ་ཐམས་ཅད་ཀྱང་ཉིད་ཀྱི་སྐུ་ལ་བསྡུས་ཏེ་མི་སྣང་བར་མཛད་དོ། །དེ་ནས་ཧཱུཾ་བཛྲ་ཀྲོ་དྷ་མ་ཧཱ་ ― DNG008_Page_0033 ―
[མ་དཔེ་གཟིགས་ན་འདིར་གནོན།]
རཱ་ཛ་ཕཊ། ཅེས་པའི་སྒྲ་བརྗོད་ཅིང་རྡོ་རྗེ་ཁྲོ་བོ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། ཁྲོས་པའི་སྐུ་མངོན་པར་འདུ་མཛད་དེ། དབུ་དང་ཕྱག་དང་ཞབས་སྟོང་ཁམས་ཀྱི་རྡུལ་སྙེད་མཐའ་ཡས་པར་སྣང་བའི་ཐུགས་ཀ་ནས་རིག་པའི་བྷྲཱུཾ་སྨུག་ནག་ལས། རླུང་ནག་རྡོ་རྗེའི་དཀྱིལ་འཁོར་ལ་བརྟེན་པའི་ཁྲག་གི་རྒྱ་མཚོ་འཁྲུགས་པའི་དཀྱིལ་ན། ཀེང་རུས་ཆེན་པོའི་རི་རབ་འབར་བའི་སྟེང་ན། དྲག་པོ་ཨེའི་གཞལ་ཡས་ཁང་ནམ་མཁའི་རྒྱ་དང་མཉམ་པ། འབར་བའི་འཕྲོ་བ་འཁྲུགས་པའི་ཀློང་དུ་འཁྱིལ་པར་འགྱུར་རོ། །དེ་ནས་བཛྲ་མ་ཧཱ་ཀྲོ་དྷཱི་ཞེས་བརྗོད་པས་དེ་བཞིན་ཉིད་ཀྱི་དབྱིངས་ལས་ཁྲོ་མོ་དབང་ཕྱུག་མངོན་པར་ཕྱུང་སྟེ། གཉིས་སུ་མེད་པའི་བྱང་ཆུབ་སེམས་ལས། ཧཱུཾ་ཧཱུཾ་ཧཱུཾ་བི་ཤྭ་བཛྲ་ཀྲོ་དྷ་ཛྭ་ལ་མཎྜལ་ཕཊ་ཕཊ་ཕཊ། ཧ་ལ་ཧ་ལ་ཞེས་བརྗོད་པས་ཕྱོགས་བཅུའི་སངས་རྒྱས་ཐམས་ཅད་ཞེ་སྡང་རྡོ་རྗེའི་སྐུ་རྗེས་སུ་དྲན་ནས། འཇིག་རྟེན་དྲུག་གི་ཕྱོགས་བཅུ་ཐམས་ཅད་ཁྲོ་བོ་འཆོལ་པའི་དཀྱིལ་འཁོར་གྱིས་གང་བར་གྱུར་ཏོ། །དེའི་ཚེ་འཇིག་རྟེན་དྲུག་གི་ཕྱོགས་མཚམས་ཐམས་ཅད་གཡོས་རབ་ཏུ་གཡོས། ཀུན་ཏུ་རབ་ཏུ་གཡོས། འཁྲུགས་རབ་ཏུ་འཁྲུགས། ཀུན་ཏུ་རབ་ཏུ་འཁྲུགས། ཚིག་རབ་ཏུ་ཚིག །ཀུན་ཏུ་ཚིག་གོ། །འཐོར་རབ་ཏུ་འཐོར་ཀུན་ཏུ་རབ་ཏུ་འཐོར་རོ། །དེའི་ཚེ་འཇིག་རྟེན་འདི་ཕུང་བར་བྱེད་པའི་དྲེགས་པ་ཆེན་པོ་དང་། བརྒྱ་བྱིན་དང་། ཚངས་པ་དང་། མ་ཧཱ་དེ་བ་དང་། ཁྱབ་འཇུག་རྣམས་རང་རང་གི་ཆེ་བ་སྟོན་ཅིང་ཤིན་ཏུ་ཁྲོས་གཏུམ་མོ། །དེ་ནས་འཇིགས་བྱེད་ཆེན་པོས་ཧཱུཾ་ཧཱུཾ་ཧཱུཾ་བཛྲ་ཀྲོ་དྷ་སརྦ་བིགྷྣཱཾ་བཾ་ཧཱུཾ་ཧཱུཾ་ཞེས་བརྗོད་པས། ཁྲོ་བོ་འཆོལ་པ་དེ་དག་གིས་ཕྱོགས་བཅུའི་དྲེགས་པ་བསྒྲལ་ནས། སླར་འདུས་ཏེ་སྲས་མཆོག་རྡོ་རྗེ་གཞོན་ནུའི་སྐུ་མཐིང་ནག་དབུ་གསུམ་པ་མདོག་མཐིང་ནག་དམར་ནག་ལྗང་ནག་གི་ཚུལ་གྱིས་རྔམས་པ། ཕྱག་དྲུག་ཞབས་བཞི་སྟོང་ཚུལ་དུ་བགྲད་པ། རྡོ་རྗེའི་གཤོག་པས་གཏམས་པ། སངས་རྒྱས་ལྔ་དབུ་ལ་རྫོགས་ཤིང་སྐྲ་ཁམ་ནག་ཏུ་འཁྱིལ་པ། དཔལ་གྱི་ཆས་དང་དུར་ཁྲོད་ཀྱི་རྒྱན་གྱིས་ ― DNG008_Page_0034 ―
[མ་དཔེ་གཟིགས་ན་འདིར་གནོན།]
བརྒྱན་པ། སྟོད་རྡོ་རྗེའི་གོ་ཆ་ལ་སྨད་ཁྲོ་བོའི་ཕུར་པས་གཏམས་པ། མེ་འབར་བའི་དཀྱིལ་ན་ཡུམ་རལ་པ་གཅིག་མ་དང་འཁྲིལ་བའི་ཚུལ་གྱིས་གནས་པ་གཅིག་ཏུ་གྱུར་ཏེ། བཀའ་ནོད་པའི་ཚུལ་དུ་གནས་ཤིང་། དྲེགས་པ་ཀུན་ཞབས་འོག་ཏུ་བརྫིས་ཏེ་གནས་པ་ལས། ཁྲོས་པའི་རྒྱལ་པོར་དབང་བསྐུར་བའི་ཕྱིར། ཧཱུཾ་ཀྲོ་དྷ་བཛྲ། ཧཱུཾ་ཛྙཱ་ན་བཛྲ་ཞེས་བརྗོད་ནས།ལས་ཀྱི་རྡོ་རྗེ་རྩེ་མོ་ལྔ་པ་ནི་ཕྱག་གཡས་པར་མར་བྱིན། ཡེ་ཤེས་ཀྱི་རྡོ་རྗེ་རྩེ་མོ་དགུ་པ་ནི་གཡས་དང་པོར་བྱིན་ཏེ་དབང་བསྐུར་རོ། །དེ་ནས་དྲེགས་པ་དེ་དག་བརླང་པོའི་གཏུམ་ཚིག་སྨྲ་ཞིང་ང་རྒྱལ་གྱི་མཐུ་སྟོན་པ་ལས། ལག་ཆ་ཁ་ཊྭཱཾ་ག་ཕྱག་གཡོན་གྱི་བར་མས་ཕྲོག་ནས་རྒྱལ་བའི་རྟགས་སུ་བསྣམས་སོ། །དེ་ནས་ཡང་ཁྲག་འཐུང་ཆེན་པོས། རྡོ་རྗེ་ཁྲོ་བོ་ཕུར་པའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཁྲོ་བོའི་ཕུར་པ་དེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འཐོན་ཏོ། །ཧཱུཾ་ཀྲོ་དྷ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊཿ། བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊཿ། རཏྣཱ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊཿ། པདྨ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊཿ། ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཞེས་བརྗོད་པས།ཁྲག་འཐུང་ཁྲོ་བོ་ལས་ཀྱི་ཕུར་པ་དང་། །རྡོ་རྗེ་ཁྲོ་བོ་ལས་ཀྱི་ཕུར་པ་དང་། །རིན་ཆེན་ཁྲོ་བོ་ལས་ཀྱི་ཕུར་པ་དང་། །པདྨ་ཁྲོ་བོ་ལས་ཀྱི་ཕུར་པ་དང་། །ཕྲིན་ལས་ཁྲོ་བོ་ལས་ཀྱི་ཕུར་པ་རྣམས། །སྐུ་སྟོད་ཞལ་གསུམ་ཕྱག་དྲུག་པ་ལ། སྐུ་སྨད་ལྕགས་ཀྱི་ཕུར་པ་དྲག་པོའི་དབྱིངས་སུ་སྣང་བ། དབུ་སྐྲ་ཁམ་པ་ཟུར་གསུམ་གྱི་ཐབས་སུ་འགྲེང་བ། དབུ་ལ་རིགས་ལྔའི་གཞལ་ཡས་ཁང་དང་བཅས་པར་རྫོགས་པ། ཐུགས་ཀ་ན་ཡེ་ཤེས་སེམས་དཔའ་དང་ལྡན་པར། ཨེའི་གདན་ལ་སྲས་མཆོག་རྡོ་རྗེ་གཞོན་ནུའི་སྤྱན་སྔ་ན་བཀའ་ནོད་པའི་ཚུལ་དུ་གནས་སོ། །དེ་ནས་ཡང་ཁྲག་འཐུང་ཆེན་པོས་འདི་སྐད་ཅེས་བསྐུལ་ལོ། །ཧཱུཾ་མཐིང་ནག་གྲུ་གསུམ་དྲག་པོའི་དཀྱིལ་འཁོར་ནས། །རྡོ་རྗེ་འདུས་པའི་སྲས་མཆོག་ཀཱི་ལ་ཡ། མཐིང་ནག་ཆེན་པོ་གཅེར་བུ་རལ་པ་ཅན། །ཞེ་སྡང་དྲེགས་ ― DNG008_Page_0035 ―
[མ་དཔེ་གཟིགས་ན་འདིར་གནོན།]
པ་ཅན་གྱི་སྙིང་ལ་ཐོབ། །ཅེས་པས། སྲས་མཆོག་རྡོ་རྗེ་གཞོན་ནུའི་ཕྱག་ཐ་མ་གཉིས་ཀྱིས་ཁྲག་འཐུང་ཁྲོ་བོ་ལས་ཀྱི་ཕུར་པའི་སྐེ་ནས་བཟུང་ནས་དྲེགས་པ་ཆེན་པོ་ཕོ་མོ་ཞབས་འོག་ཏུ་མནན་པའི་སྙིང་ལ་གཟིར་ཏེ་བསྒྲལ་ལོ། །དེ་ནས་ཡང་ཁྲག་འཐུང་ཆེན་པོས་འདི་སྐད་ཅེས་བསྐུལ་ལོ། །ཧཱུཾ་གྲུ་གསུམ་སྨུག་ནག་དྲག་པོའི་དཀྱིལ་འཁོར་ནས། །སངས་རྒྱས་འདུས་པའི་སྲས་མཆོག་ཀཱི་ལ་ཡ། །སྨུག་ནག་ཆེན་པོ་གཅེར་བུ་རལ་པ་ཅན། །གཏི་མུག་དྲེགས་པ་ཅན་གྱི་སྙིང་ལ་ཐོབ། །ཅེས་པས། སྲས་མཆོག་རྡོ་རྗེ་གཞོན་ནུའི་ཕྱག་ཐ་མ་གཉིས་ཀྱིས་རྡོ་རྗེ་ཁྲོ་བོ་ལས་ཀྱི་ཕུར་པའི་སྐེ་ནས་བཟུང་སྟེ་ཚངས་པ་ཕོ་མོ་འཁོར་དང་བཅས་པ་བསྒྲལ་ལོ། །དེ་ནས་ཡང་ཁྲག་འཐུང་ཆེན་པོས་འདི་སྐད་ཅེས་བསྐུལ་ལོ། །ཧཱུཾ་གྲུ་གསུམ་སེར་ནག་དྲག་པོའི་དཀྱིལ་འཁོར་ནས། རིན་ཆེན་འདུས་པའི་སྲས་མཆོག་ཀཱི་ལ་ཡ། །སེར་ནག་ཆེན་པོ་གཅེར་བུ་རལ་པ་ཅན། །ང་རྒྱལ་དྲེགས་པ་ཅན་གྱི་སྙིང་ལ་ཐོབ། །ཅེས་པས། སྲས་མཆོག་རྡོ་རྗེ་གཞོན་ནུའི་ཕྱག་ཐ་མ་གཉིས་ཀྱིས་རིན་ཆེན་ཁྲོ་བོ་ལས་ཀྱི་ཕུར་པའི་སྐེ་ནས་བཟུང་སྟེ་བརྒྱ་བྱིན་ཕོ་མོ་འཁོར་དང་བཅས་པ་བསྒྲལ་ལོ། །དེ་ནས་ཡང་ཁྲག་འཐུང་ཆེན་པོས་འདི་སྐད་ཅེས་བསྐུལ་ལོ། །ཧཱུཾ་གྲུ་གསུམ་དམར་ནག་དྲག་པོའི་དཀྱིལ་འཁོར་ནས། །པདྨ་འདུས་པའི་སྲས་མཆོག་ཀཱི་ལ་ཡ། །དམར་ནག་འཇིགས་པའི་གཅེར་བུ་རལ་པ་ཅན། །འདོད་ཆགས་དྲེགས་པ་ཅན་གྱི་སྙིང་ལ་གཟེར། །ཞེས་པས། སྲས་མཆོག་རྡོ་རྗེ་གཞོན་ནུའི་ཕྱག་ཐ་མ་གཉིས་ཀྱིས་པདྨ་ཁྲོ་བོ་ལས་ཀྱི་ཕུར་པའི་སྐེ་ནས་བཟུང་སྟེ། མ་ཧཱ་དེ་བ་ཕོ་མོ་འཁོར་དང་བཅས་པ་བསྒྲལ་ལོ། །དེ་ནས་ཡང་ཁྲག་འཐུང་ཆེན་པོས་འདི་སྐད་ཅེས་བསྐུལ་ལོ། །ཧཱུཾ་གྲུ་གསུམ་ལྗང་ནག་དྲག་པོའི་དཀྱིལ་འཁོར་ནས། །ཕྲིན་ལས་འདུས་པའི་སྲས་མཆོག་ཀཱི་ལ་ཡ། །ལྗང་ནག་ཆེན་པོ་གཅེར་བུ་རལ་པ་ཅན། །ཕྲག་དོག་དྲེགས་པ་ཅན་གྱི་སྙིང་ལ་ཐོབ། །ཅེས་པས་ཡང་སྲས་མཆོག་རྡོ་རྗེ་གཞོན་ནུའི་ཕྱག་ཐ་མ་གཉིས་ཀྱིས། ཕྲིན་ལས་ཁྲོ་བོའི་ལས་ཀྱི་ཕུར་པའི་སྐེ་ནས་བཟུང་སྟེ་ཁྱབ་འཇུག་ཕོ་མོ་འཁོར་ ― DNG008_Page_0036 ―
[མ་དཔེ་གཟིགས་ན་འདིར་གནོན།]
དང་བཅས་པ་བསྒྲལ་ལོ། །དེ་ནས་ཡང་ཁྲག་འཐུང་ཆེན་པོ་འཇིགས་བྱེད་རྡོ་རྗེ་གཞོན་ནུའི་སྐུ་ཟ་བྱེད་དུ་བྱིན་གྱིས་བརླབ་པའི་ཕྱིར། ཛྭ་ལ་རཾ། ཞེས་པས་མེ་དཔུང་དུད་ཀ་འབར་ཞིང་འཕྲོ་བ་ཕྱག་གཡོན་དང་པོར་ཕུལ་ལོ། །འཇིགས་བྱེད་རྡོ་རྗེ་གཞོན་ནུས་ཀྱང་། མེ་དཔུང་དུད་ཀས་དྲེགས་པའི་སྙིང་དང་ནང་གྲོལ་དང་ཕུང་པོ་བསྲེགས་སྦྱངས་ཏེ་ཧ་ཧ་ཧ་ཞེས་ཞལ་དུ་གསོལ་ནས་ཕུང་པོ་ལྷག་མ་མེད་པར་དག་པར་མཛད་དོ། །དེའི་ཚེ་སྲས་མཆོག་རྡོ་རྗེ་གཞོན་ནུ་ཡབ་ཡུམ་གཉིས་སུ་མེད་པའི་བྱང་ཆུབ་ཀྱི་སེམས་ཀྱི་སྤྲིན་ལས། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། །ཞེས་བརྗོད་པས། ཁྲོ་བོ་ཆེན་པོ་ཧཱུཾ་ཀ་ར་དང་། རྣམ་པར་རྒྱལ་བ་དང་། དབྱུག་པ་སྔོན་པོ་དང་། གཤིན་རྗེའི་གཤེད་པོ་དང་། མི་གཡོ་མགོན་པོ་དང་། རྟ་མགྲིན་དང་། གཞན་གྱིས་མི་ཐུབ་པ་དང་། བདུད་རྩི་འཁྱིལ་པ་དང་། ཁམས་གསུམ་རྣམ་པར་རྒྱལ་བ་དང་། སྟོབས་པོ་ཆེ་རྣམས་ལ། ཁྲོ་མོ་རྡོ་རྗེ་སྒྲ་འབྱིན་མ་དང་། སྙེམས་མ་དང་། སྡེར་མོ་དང་། དུར་ཁྲོད་མ་དང་། གཏུན་ཁུང་མ་དང་། གཏུམ་མོ་དང་། མདའ་སྙེམས་མ་དང་། རླུང་འབྱིན་མ་དང་། གསོད་མ་དང་། སྐྱོད་མ་རྣམས་འཁྲིལ་བའི་ཚུལ་གྱིས་འཐོན་ཏེ། ཆ་ལུགས་དབུ་གསུམ་ཕྱག་དྲུག་ཞབས་དྲུག་ཐུར་དུ་གཏམས་པ། གདུག་པའི་ལག་ཆ་སྣ་ཚོགས་དང་། གཤོག་པ་རྡོ་རྗེས་གཏམས་པ། སྟོད་རྡོ་རྗེའི་གོ་ཆ་ལ་སྨད་ཕུར་པའི་ཁྲོ་བོས་གཏམས་པ།དུར་ཁྲོད་ཀྱི་རྒྱན་དང་ལྡན་པ་ཤ་སྟག་སྟེ། དེ་དག་གི་འཁོར་ན་སྤྲུལ་པའི་ཕྲ་མེན་ལྕམ་དྲལ། ཕག་དང་སྨིག་པུ་དང་སྟག་དང་བྱ་རྒོད་དང་གཡག་དང་བྱ་རོག་དང་། ཤ་བ་དང་འུག་པ་དང་། གཟིག་དང་ཁྭ་ཏ་དང་། བྱི་ལ་དང་པུ་ཤུད་དང་།སྤྱང་ཀི་དང་ཁྲ་དང་། སེང་གེ་དང་ཕ་བོང་དང་། དོམ་དང་དྲེད་མོ་དང་།དྲེད་དང་། བྱི་ལའི་མགོ་ཅན་གྱི་ཚོགས་དང་། སྤྲུལ་པ་དང་ཡང་སྤྲུལ་དུ་ཆས་ནས་འཁོར་བ་དག་གིས་སྲིད་པའི་རླུང་ཡང་མི་འཆོལ་བར་གཏམས་ནས། ཉི་ཟླ་དང་། དབང་པོ་ ― DNG008_Page_0037 ―
[མ་དཔེ་གཟིགས་ན་འདིར་གནོན།]
དང་། མེ་ལྷ་དང་། གཤིན་རྗེ་དང་། སྲིན་པོ་དང་། ཀླུ་དང་། རླུང་ལྷ་དང་། གནོད་སྦྱིན་དང་། བགེགས་དང་། ས་བདག་རྣམས་འཁོར་དང་བཅས་པ་གོང་མ་ལྟར་བསྒྲལ་ལོ། །དེ་ནས་དཔལ་ཁྲག་འཐུང་ཆེན་པོས་གསང་བ་རོལ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཧཱུཾ་ཧཱུཾ་ཧཱུཾ་ཨེ་ཨ་ར་ལི་རུ་ལུ་རུ་ལུ་ཧཱུཾ་ཛ་ཞེས་བརྗོད་པས། དྲག་པོ་ཆེན་པོའི་མ་དང་བུ་མོ་དང་ཆུང་མའི་ཚོགས་ཀྱི་གཙོ་མོ་ཉི་ཤུ་རྩ་བརྒྱད་འཁོར་གྲངས་མེད་པ་དང་བཅས་ནས་ཁྲག་འཐུང་ཆེན་པོའི་ཐད་དུ་ཡུད་ཙམ་གྱིས་འདུས་སོ། །འདུས་ནས་ཀྱང་ཉིད་ཀྱི་སྐུ་ལ་འཁྲིལ་ཏེ་དགྱེས་པའི་སྤྲིན་ལས་ཧ་ཧ་ཞེས་པས། དཀར་མོ་དང་། རྐུན་མོ་དང་། སྤོས་མོ་དང་། གཏུམ་མོ་དང་། རྨོངས་མོ་དང་། རོ་ལངས་མ་དང་། ཐལ་བྱེད་མ་དང་། སྨེ་ཤ་ཅན་རྣམས་རེ་རེ་ལ་ཡང་ཚོགས་བསམ་གྱིས་མི་ཁྱབ་པ་རྣམས་རང་རང་གི་ལག་ཆ་དང་། སྟན་དང་ཆས་ཏེ་འབར་བའི་དཀྱིལ་འཁོར་དུ་འཁོད་དོ། །དེ་ནས་ཡང་དགྱེས་པའི་སྤྲིན་ལས་ཧེ་ཞེས་བརྗོད་པས། སེང་གདོང་དང་། སྟག་གདོང་དང་། ཝ་གདོང་དང་། ཁྱི་གདོང་དང་། བྱ་རྒོད་གདོང་དང་།དུར་བྱའི་གདོང་དང་། བྱ་རོག་གི་གདོང་དང་། འུག་པའི་གདོང་རྣམས་རེ་རེ་ལ་ཡང་ཚོགས་བསམ་གྱིས་མི་ཁྱབ་པ་དང་བཅས་པ་རང་རང་གི་ལག་ཆ་དང་སྟན་དང་ཆས་ཏེ་དཀྱིལ་འཁོར་དུ་འཁོད་དོ། །ཡང་དགྱེས་པའི་སྤྲིན་ལས་ཕཊ ཞེས་པས། རྟ་གདོང་དང་། ཕག་གདོང་དང་། སེང་གདོང་དང་། སྦྲུལ་གདོང་རྣམས་རེ་རེ་ལ་ཡང་ཚོགས་བསམ་གྱིས་མི་ཁྱབ་པ་རྣམས་དཀྱིལ་འཁོར་དུ་འཁོད་དོ། །དེ་ནས་མ་མོ་དེ་དག་ཕཊ་ཞེས་པས་རང་རང་གི་གནས་ག་ལ་བ་དེར་ཡུད་ཙམ་གྱིས་ཕྱིན་པར་བཀྱེའོ། །དེ་ནས་ཁྲོ་བོ་རྣམས་ཕྱག་བྲང་ལ་བསྣོལ་ཏེ་བཙིར་བས། མི་གཙང་བའི་རྒྱ་མཚོ་འཁྱིལ་ཏེ་དྲན་པ་མེད་པ་ལས། ཁྲག་འཐུང་ཆེན་པོས་ཐུགས་རྗེའི་བདུད་རྩི་འབྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། སྦྱོར་མཚམས་ནས་ཁྲོ་མོ་རྡོ་རྗེ་དམེ་བ་བརྩེགས་མ་འཐོན་ཏེ། མི་གཙང་བའི་རྒྱ་མཚོ་བརྔུབས་པས་སླར་དྲན་པ་ཐོབ་སྟེ། བདེན་པ་མཐོང་ནས་དཔལ་ཆེན་ ― DNG008_Page_0038 ―
[མ་དཔེ་གཟིགས་ན་འདིར་གནོན།]
པོའི་འབངས་སུ་མནས་བོར་ཏེ། ལུས་ཁྲོ་བོ་རྣམས་ཀྱི་གདན་ཁྲིར་ཕུལ་ཏེ། གྲུབ་པ་ལང་ཀར་ཁས་འཆེས་ནས་ཕྱི་རབས་པའི་རྣལ་འབྱོར་གྱི་ཚོགས་སྐྱོང་བར་དམ་བཅས་སོ། །དེའི་ཚེ་ཕྱོགས་སྐྱོང་རྣམས་ཞབས་འོག་ཏུ་བཞག་གོ། །མ་དང་བུ་མོ་དང་ཆུང་མ་རྣམས་ཀྱང་དཔལ་གྱི་འཁོར་དུ་ཕུལ་ཏེ་དམ་ཚིག་བྱིན་ནས་གཞལ་ཡས་ཁང་གི་མུ་རན་ལ་བཞག་གོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། དྲེགས་པ་ཅན་བཏུལ་བའི་ལེའུ་སྟེ་བདུན་པའོ།། །།དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས། ཉིད་ཀྱི་དཀྱིལ་འཁོར་འདི་དག་ཐུགས་ཀ་ནས་ཕྱུང་ངོ་། །དུར་ཁྲོད་དང་ནི་ངམ་གྲོག་གནས། །རྐང་གཅིག་སུམ་མདོ་ཁང་སྟོང་དུ། །རྡོ་རྗེ་དྲག་པོའི་དཀྱིལ་འཁོར་བྱ། །འབར་བའི་འཁོར་ལོ་རྩིབས་བརྒྱད་པ། །གྲུ་ཆད་བཞིས་ནི་རབ་ཏུ་བརྒྱན། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གཉིས་ཀྱིས་མཛེས། །དབུས་ཀྱི་ལྟེ་བ་ཟླུམ་པོ་ལ། །ཐིག་བཞི་མཎྜལ་བརྒྱད་དུ་བྱ། །དེ་དག་ལ་ནི་མཐིང་ནག་གི། །གྲུ་གསུམ་མེ་འོད་འབར་བར་བྱ། །དབུས་སུ་དྲེགས་པའི་གདན་དག་ལ། །རྡོ་རྗེ་གཞོན་ནུ་ཡབ་ཡུམ་དགོད། །སྤྱན་སྔ་ཉིད་དང་ཕྱོགས་བཞི་རུ། །གྲུ་གསུམ་མེ་འོད་འབར་བ་ལས། །སྲས་མཆོག་ཕུར་པ་ལྔ་པོ་དགོད། །རྣམ་རྒྱལ་གཤེད་པོ་རྟ་མགྲིན་དང་། །བདུད་རྩི་འཁྱིལ་པ་ཉིད་དང་བཞི། །དྲི་ཟ་གཤིན་རྗེ་ཀླུ་གདུག་དང་། །གནོད་སྦྱིན་གདན་ལ་རྩིབས་དག་ལ། །ཕྱོགས་བཞི་དག་ཏུ་གཟུངས་དང་བཅས། །མཚམས་ཀྱི་འཁོར་ལོ་དག་ལ་ཡང་། །ཁམས་གསུམ་རྣམ་རྒྱལ་དབྱུག་སྔོན་ཅན། །མི་གཡོ་གཞན་གྱིས་མི་ཐུབ་རྒྱལ། །བགེགས་དང་དྲང་སྲོང་སྲིན་པོ་དང་། །རླུང་ལྷའི་གདན་ལ་བརྐྱང་བསྐུམ་ཚུལ། །རང་རང་ཁྲོ་མོ་དག་དང་འཁྲིལ། །མདུན་དང་རྒྱབ་ཏུ་ཧཱུཾ་དང་ནི། །སྟོབས་ཆེན་གཟུངས་དང་བཅས་པ་དག །ཚངས་པ་དང་ ― DNG008_Page_0039 ―
[མ་དཔེ་གཟིགས་ན་འདིར་གནོན།]
ནི་ས་བདག་གི། །གདན་ལ་བརྐྱང་བསྐུམ་ཚུལ་དུ་གནས། །ནང་དང་ཕྱི་ཡི་གྲ་རྣམས་སུ། །ཕྱི་ནང་ལྷ་མོ་བཅུ་དྲུག་ཀྱང་། །རང་གི་སྟན་དང་ལག་ཆ་དང་། །ངོ་མཚར་སྟབས་དང་ལྡན་པར་དགོད། །ཕྱི་རོལ་མེ་ཁྱམས་དང་པོ་ལ། །ཕོ་ཉའི་དཔུང་ཚོགས་ཉི་ཤུ་ནི། །གཅིག་ལའང་གསུམ་གསུམ་དྲུག་ཅུ་དགོད། །སྒོ་བཞི་དག་ཏུ་སྒོ་སྲུང་དགོད། །ཕྱི་རོལ་མེ་ཁྱམས་འབར་བ་ལ། །སླས་དང་བྱི་མོའི་ཚོགས་ཀྱི་གཙོ། །བཅུ་གཉིས་དང་ནི་བརྒྱད་ཀྱིས་བསྐོར། །དུར་ཁྲོད་ཐོད་པ་དགུའི་ནང་དུ། །ཚིལ་ཆེན་མེ་མར་ཁ་དགུར་གཏང་། །རྡོ་རྗེ་ཤ་ཆེན་ཐང་མར་བདལ། །དམར་གྱི་རཀྟ་རྒྱ་མཚོར་བསྐྱིལ། །རུས་པའི་ཕུང་པོ་རི་ལྟར་སྤུངས། །གསུང་ཆེན་དུད་པ་རྒྱུན་མི་གཅད། །ཕྱོགས་བཞི་མཚམས་བརྒྱད་དག་ཏུ་ཡང་། །སྟག་དང་ཆུ་སྲིན་ཤུན་ཆེན་གྱི། །རྒྱལ་མཚན་བརྒྱད་ནི་འབར་བའི་གཟུགས། །ཞིང་ལྤགས་བླ་རེ་སྤྲིན་ལྟར་གཏིབས། །དེ་ལ་སྩོགས་ཏེ་རྒྱན་གྱི་རྣམ། །ཅི་རིགས་པར་ནི་དགོད་པར་བྱ། །འབར་བའི་ཚོགས་ཀྱི་མཚན་མ་རྣམས། །རང་རང་བསྐོས་སུ་གཞག་བྱ་བ། །མཚན་ལྡན་བྷནྡྷ་ལྕང་ལོ་ཅན། །དབང་པོ་ལྔ་དང་ལྡན་པ་ནི། །གཙོ་བོ་ཡབ་ཡུམ་མཚན་མར་བཞག །དུར་ཁྲོད་རྐང་གི་ཕུར་པ་ལྔ། །སྲས་མཆོག་ཕུར་པའི་མཚན་མར་དགོད། །ཐོད་པའི་དུམ་བུ་བཅུ་དྲུག་ནི། །ལྷ་མོ་བཅུ་དྲུག་མཚན་མར་དགོད། །ཡན་ལག་ནེའུ་སེང་ཐམས་ཅད་ནི། །ཁྲོ་བོ་ཁྲོ་མོ་རྣམས་ཀྱི་རྫས། །སོ་དང་སེན་མོ་བ་སྤུ་རྣམས། །ཕོ་ཉ་རྣམས་ཀྱི་མཚན་མར་དགོད། །སྒལ་ཚིགས་ལ་སྩོགས་རྫས་ཀྱི་རྣམ། །ཅི་བགྱིའི་ཚོགས་ཀྱི་མཚན་མར་དགོད། །ཡན་ལག་བཞི་ཡི་མཚན་མ་ནི། །སྒོ་བཞིར་སྒོ་སྲུང་རྣམས་ཀྱི་མཚན། །སོ་སོའི་གསུང་གི་ཡིག་འབྲུ་རྣམས། །རང་རང་རིགས་ཀྱི་མཚན་མ་ལ། །ཡབ་ཡུམ་བྱང་ཆུབ་སེམས་ཀྱིས་བྲི། །བླ་མ་ལུང་ལྡན་དེས་ཀྱང་ནི། །ཁྲོས་པ་དྲག་པོའི་རྣལ་འབྱོར་བྱ། །དབང་ལྡན་ཕྱོགས་ཀྱི་གྲྭ་ལ་ཡང་། །བྲུབ་ཁུང་ལས་ཀྱི་དཀྱིལ་འཁོར་ནི། །ཧོམ་ཁུང་དྲག་པོའི་དབྱིབས་ ― DNG008_Page_0040 ―
[མ་དཔེ་གཟིགས་ན་འདིར་གནོན།]
འདྲ་བ། །རྩེ་མོ་ལྷོ་ཡི་ཕྱོགས་སུ་བསྟན། །ཧཱུཾ་དང་ཕཊ་ཀྱིས་བསྐོར་བར་བྱ། །དུས་ལ་བབ་པའི་སེམས་ཅན་དེ། །ལས་ལ་བབ་པའི་རྣལ་འབྱོར་པས། །མཚན་མ་མིང་དུ་བཅས་པར་བྱ། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ཧོམ་ཁུང་ནང་དུ་གཞག་པར་བྱ། །ཁྲོ་བོའི་ཕུར་པ་མང་པོ་ཀུན། །གྲྭ་ཡི་ཕྱོགས་སུ་སྤུངས་ཏེ་བཞག །དེ་ནས་གདེང་ལྡན་རྣལ་འབྱོར་དེས། །རྡོ་རྗེ་དབྱུག་པ་བླངས་ནས་སུ། །ཁྲག་འཐུང་ཚོགས་ཀྱི་སྤྲིན་ཕུང་རྣམས། །རྡོ་རྗེའི་གཡབ་མོས་སྤྱན་དྲངས་ཏེ། །གཉིས་མེད་བརྟན་པར་དམིགས་ནས་ནི། །རྨད་དུ་བྱུང་བའི་མཆོད་པ་བརྩམ། །འདོད་པའི་ཡོན་ཏན་ལྔ་ཡིས་མཆོད། །མཉེས་ནས་ཉེ་བར་བསྒྲུབ་པ་དང་། །རྡོ་རྗེ་སློབ་དཔོན་བརྙས་བྱེད་དང་། །བླ་མ་སྤུན་ལ་འཁུ་བྱེད་དང་། །གསང་བའི་ཐེག་པ་སྨོད་པ་དང་། །སངས་རྒྱས་བསྟན་པ་འཇིག་པ་དང་། །རྒྱལ་ཁམས་ཡོངས་སུ་གནོད་པ་དང་། །རྣལ་འབྱོར་སྤྱི་ཡི་དགྲར་གྱུར་ལ། །བརྣག་པའི་ནན་ཏུར་བྱ་བ་ནི། །ཁྲོ་བོ་སུམ་བྷའི་སྦྱོར་བའམ། །ཡང་ན་ལྕགས་ཀྱུའི་རྣལ་འབྱོར་གྱིས། །ཉིན་མཚན་དགུང་ལ་རང་བཀུག་སྟེ། །དེ་ཡི་རྣམ་ཤེས་རླུང་འདྲ་བ། །མཚན་མ་མིང་དུ་བཅས་པ་ལ། །སྲིན་བུ་མེ་ཁྱེར་འདྲར་བཅུག་སྟེ། །གཟུགས་ལ་ཕབ་སྟེ་སྒྲོག་གིས་བཅིངས། །དེ་ནས་མངོན་སུམ་གྱུར་པ་དང་། །ལྕེ་པོག་ནག་པོའི་དུད་པས་བདུག །འགོ་བའི་ལྷ་དང་ཕྲལ་བ་གཅེས། །དེའི་ལུས་ཚ་བ་བསྐྱེད་པའི་ཕྱིར། །ལུས་ནང་སྐྱེ་ཚེ་དུག་གིས་བཀང་། །རྡོ་རྗེ་དྲག་པོའི་ཕུར་པ་འདིས། །ལྟེ་བ་སྙིང་མགྲིན་དཔུང་འགོ་དང་། །གསང་གནས་ཡན་ལག་ལྔ་ལ་གདབ། །ཡུངས་ཀར་མཚོན་ཆའི་ཆར་ནི་དབབ། །དེ་ནས་མཚན་མའི་དངོས་གཞི་དེ། །དྲག་པོ་ཧོམ་གྱི་དཀྱིལ་འཁོར་དུ། །ཚེར་མ་ཅན་གྱི་མེ་སྦར་ཏེ། །མཚོན་ཆ་རབ་ཏུ་རྣོན་པོ་ཡིས། །རྐང་པ་གཡས་གཡོན་གང་ཡིན་ནས། །རྡུལ་དུ་གཏུབ་ཅིང་བསྲེག་སྦྱང་བྱ། །ལྷ་ཡི་ ― DNG008_Page_0041 ―
[མ་དཔེ་གཟིགས་ན་འདིར་གནོན།]
ཚོགས་ལ་ཐིམ་པར་དབུལ། །སངས་རྒྱས་ཉིད་ཀྱང་འཇིག་གྱུར་ན། །འཇིག་རྟེན་པ་ལྟ་སྨོས་ཅི་དགོས། །ཞེས་གསུངས་སོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། དྲག་པོའི་དཀྱིལ་འཁོར་བསྟན་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོས་དེ་དག་གི་སྔགས་དང་ཕྱག་རྒྱ་རྣམས་བཤད་དོ། །ཨཱོཾ་ཤྲཱི་བཛྲ་ཀྲོ་དྷ་ཀུ་མཱ་ར་ཡཀྵ་ཧཱུཾ། ཁྲོས་པའི་སྟབས་སུ་གནས་ནས་སུ། །ལག་གཡས་རྡོ་རྗེ་འདོགས་པ་ལས། །ལག་གཡོན་ཕུར་པ་འདེབས་ཚུལ་དུ། །བརྐྱང་བསྐུམ་ཚུལ་དུ་གནས་བྱས་པ། །ཁྲག་འཐུང་ཆེན་པོའི་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་རྡོ་རྗེ་འཛིན་པ་ཡང་། །རབ་ཏུ་བརྒྱལ་ཏེ་འཆི་གྱུར་ན། །ཁམས་གསུམ་སྐྱེ་བོ་སྨོས་ཅི་དགོས། །ཨོཾ་བཛྲ་ཀྲོ་དྷཱི་ཨེ་ཀ་ཛཱ་ཊཱི་ཧཱུཾ་ཨཱཿ། ཁྲོ་མོའི་སྟབས་སུ་གནས་བྱ་སྟེ། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པས་དུང་ཁྲག་གཙོ་ལ་སྟོབ། །འདི་ནི་ཁྲོས་པའི་རྒྱལ་མོ་སྟེ། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་གྲགས་པ་ཆེན་པོ་ཡང་། །མཉེས་ཤིང་དབང་དུ་འགྱུར་བར་ངེས། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། རྐང་པ་མཐིལ་སྤྲད་ཐུར་དུ་གཟུག །གཡས་པ་སྟྭ་རེ་གྱེན་དུ་ཕྱར། །གཡོན་པ་ཕུར་པ་འདེབས་ཚུལ་གཟུང་། །གཅུ་ཐབས་ཟུར་གྱིས་མནན་ཅིང་བལྟ། །འདི་ནི་སྲས་མཆོག་ཕུར་པའི་སྟེ། །སྔགས་དང་ཕྱག་རྒྱ་འདི་ཡིས་ནི། །ལན་གསུམ་དྲག་ཏུ་བཟླས་པ་ཡིས། །སངས་རྒྱས་ཉིད་ཀྱང་འཇིག་གྱུར་ན། །ཁམས་གསུམ་སྐྱེ་བོ་སྨོས་ཅི་དགོས། །ཨཱོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾ་གརྫ་གརྫ་ཧཱུཾ་ཕཊ། ལག་གཉིས་ཐལ་སྦྱར་གྱེན་དུ་བསྒྲེང་། །རྐང་པ་མཐིལ་སྤྲད་ཐུར་དུ་གཟུག །རོལ་པའི་སྟབས་ཀྱིས་གར་བྱེད་པ། །ཧཱུཾ་ཆེན་གྱི་ནི་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་ཉིད་ཀྱང་འགུགས་གྱུར་ན། །བུ་མོ་རྣམས་ལྟ་ཅི་ཞིག་སྨོས། །ཨཱོཾ་ ― DNG008_Page_0042 ―
[མ་དཔེ་གཟིགས་ན་འདིར་གནོན།]
བཛྲ་ཀྲོ་ཏ་བི་ཛ་ཡ་ཧཱུཾ་ཧ་ན་ཧ་ན་ཧཱུཾ་ཕཊ། ལག་གཡོན་ཁྲོ་མཛུབ་སྙིང་གར་བཞག །གཡས་པ་ལྕགས་ཀྱུ་ལྟར་བྱས་པ། །སྤྱན་བཟློག་སྟོབས་ཀྱིས་བལྟ་བ་ནི། །རྣམ་པར་རྒྱལ་བའི་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །རླུང་དང་རླུང་ཆེན་བྲུབ་པ་ཡང་། །བཟློག་པར་གྱུར་ཏེ་གདོན་མི་ཟ། །ཅི་ཡང་ཅི་ཡང་ཕྱིར་ཟློག་བྱེད། །ཨཱོཾ་བཛྲ་ཀྲོ་ཏ་ནི་ལ་དཎྜ་ཧཱུཾ་ད་ཧ་ད་ཧ་ཧཱུཾ་ཕཊཿ། གཡོན་པ་ཁྲོ་མཛུབ་སྙིང་གར་བཞག །གཡས་པ་བེ་ཅོན་ཚུལ་དུ་གདེངས། །བརྡེག་ཚུལ་སྟབས་སུ་གནས་པ་ནི། །བེ་ཅོན་སྔོན་པོའི་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །རྡོ་རྗེའི་བྲག་ཀྱང་འཇོམས་པར་ནུས། །གསད་པའི་ལས་ལ་ལྷག་པར་འཇེབས། །ཨཱོཾ་བཛྲ་ཀྲོ་ཏ་ཡ་མཱནྟ་ཀ་ཧཱུཾ་པ་ཙ་པ་ཙ་ཧཱུཾ་ཕཊ། ལག་གཉིས་ཁུ་ཚུར་བཅངས་པ་ལས། །གུང་མོ་སྲིན་ལག་གཉིས་བསྒྲེངས་ཏེ། །གུང་མོ་རྩེ་མོའི་ཚུལ་དུ་བྱ། །རྒྱབ་ཏུ་སྲིན་ལག་བསྣོལ་བ་ལས། །མཛུབ་གཉིས་གདུ་བུའི་ཚུལ་དུ་དཀྲི། །མཐེབ་གཉིས་རྩེ་སྤྲད་མདུན་བཞག་སྟེ། །ཁ་ཡི་ཚུལ་དུ་བྱས་པ་ནི། །གཤིན་རྗེ་འཇོམས་པའི་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །རྡོ་རྗེ་འགུགས་དང་བསད་པ་དང་། །བསྐམ་དང་དབྱེ་དང་བསྐྲད་པར་འགྱུར། །ཨཱོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུཾ། བྷནྡྷ་བྷནྡྷ་ཧཱུཾ་ཕཊ། ལག་པ་གཉིས་ཀྱི་མཐེ་བོ་ཡས། །སྲིན་ལག་མཐེའུ་ཆུང་སེན་མོ་མནན། །མཛུབ་མོ་གུང་མོ་རལ་གྲི་ལྟར། །ཤུབས་ནས་ཕྱུང་བར་བྱས་པ་ནི། །མི་གཡོ་མགོན་པོའི་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །ལྷ་ཀླུ་ལ་སོགས་མངག་གཞུག་བྱེད། །ལོག་འདྲེན་ཚོགས་ཀུན་དྲེད་ཅིང་སྲེག །ཨཱོཾ་བཛྲ་ཀྲོ་ཏ་ཧ་ཡ་གྲཱི་ཝ་ཧཱུཾ་ཧུ་ལུ་ཧུ་ལུ་ཧཱུཾ་ཕཊ། རྡོ་རྗེ་ཁུ་ཚུར་གཉིས་བཅངས་ཏེ། །མཐེའུ་ཆུང་ལུ་གུ་རྒྱུད་དུ་མདུད། །མཛུབ་མོ་གཤིབས་ཏེ་བསྒྲེངས་པ་ལས། །བཟློག་སྟེ་དཔྲལ་བར་བཞག་པ་ནི། །རྡོ་རྗེ་རྟ་ཡི་ཡིན་པར་བཤད། ། ― DNG008_Page_0043 ―
[མ་དཔེ་གཟིགས་ན་འདིར་གནོན།]
སྔགས་དང་ཕྱག་རྒྱ་འདི་ཡིས་ནི། །དུག་རྣམས་ཐམས་ཅད་འཇོམས་པར་འགྱུར། །སེར་བ་ལ་སྩོགས་བཟློག་པ་དང་། །འཇིགས་པ་ཀུན་ལས་ཐར་པར་འགྱུར། །ཨཱོཾ་བཛྲ་ཀྲོ་ཏ་ཨ་པ་ར་ཛི་ཏ་ཧཱུཾ་ཏིཥྛ་ཏིཥྛ་ཧཱུཾ་ཕཊ། ལག་གཉིས་ཁུ་ཚུར་བཅངས་པ་ལས། །རྒྱབ་སྤྲད་མཐེའུ་ཆུང་ལུ་གུ་རྒྱུད། །མཛུབ་གཉིས་རྩེ་སྤྲད་ཞགས་པའི་ཚུལ། །གཞན་གྱིས་མི་ཐུབ་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་བྱང་ཆུབ་སེམས་དཔའ་ཡང་། །རབ་ཏུ་འཇིགས་ཤིང་སྐྲག་པར་འགྱུར། །གདོན་རྣམས་ཐམས་ཅད་གཟིར་བར་བྱེད། །ཨཱོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལི་ཧཱུཾ་ཙྪིནྡ་ཙྪིནྡ་ཧཱུཾ་ཕཊ། ལག་པ་གཉིས་ཀྱི་མཐེ་བོང་གིས། །མཐེའུ་ཆུང་གཉིས་ཀྱི་སེན་མོ་མནན། །སོ་སོར་དཔུང་འགོར་བསྣོལ་བ་ནི། །བདུད་རྩི་འཁྱིལ་པའི་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་བྱང་ཆུབ་སེམས་དཔའ་ཡང་། །སྐྲོད་པར་གྱུར་ཏེ་གདོན་མི་ཟའོ། །ཨཱོཾ་བཛྲ་ཀྲོ་ཏ་ཏྲཻ་ལོ་ཀྱ་བི་ཛ་ཡ་ཧཱུཾ་བྷིནྡྷ་བྷིནྡྷ་ཧཱུཾ་ཕཊ། ལག་གཉིས་ཁུ་ཚུར་བཅངས་པ་ལས། །མཛུབ་གཉིས་བསྒྲེངས་ཏེ་མཁྲིག་མ་བསྣོལ། །ཁམས་གསུམ་རྣམ་རྒྱལ་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་བྱང་ཆུབ་སེམས་དཔའ་ཡང་། །བཅིང་བར་འགྱུར་ཏེ་གདོན་མི་ཟ། །ཨོཾ་བཛྲ་ཀྲོ་ཏ་མ་ཧཱ་བ་ལ་ཧཱུཾ་སྥོ་ཊ་ཡ་སྥོ་ཊ་ཡ་ཧཱུཾ་ཕཊ། གཡོན་པའི་ཁུ་ཚུར་སྙིང་གར་བཞག །གཡས་པས་བརྡེག་པའི་སྟོངས་སུ་ཕྱར། །སྟོབས་པོ་ཆེ་རུ་བཤད་པ་ཡིན། །སྔགས་དང་ཕྱག་རྒྱ་འདི་ཡིས་ནི། །ཐན་པ་བྱུང་ན་ཆར་པ་འབེབས། །ཆར་ཆེ་ན་ཡང་གཅོད་པར་བྱེད། །ཨཱོཾ་བཛྲ་ཀྲེ་ཏ་པ་ཡ་བ་ཏི་ཧཱུཾ། ལ་སེ་ཀེ་ཧཱུཾ། པྲ་ཏི་ཙ་ཧཱུཾ། ཤྨ་ཤ་ན་པ་ཏི་ཧཱུཾ། མུ་ས་ལཱི་ཧཱུཾ། ཙཎྜཱ་ད་ཡ་ཏི་ཧཱུཾ། ཤ་བྱ་ཡ་ཏི་ཧཱུཾ། རིཀྵ་ཡ་ཏི་ཧཱུཾ། མ་ར་ཎཱ་ཧཱུཾ། ཙིན་ད་མུ་ནེ་ཧཱུཾ། ཁྲོ་མོའི་སྟངས་སུ་གནས་ནས་སུ། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་བྷནྡྷ་རཀྟ་སྟོབ། །ཁྲོ་མོ་ཀུན་གྱི་ཕྱག་རྒྱར་བཤད། །སྔགས་དང་ ― DNG008_Page_0044 ―
[མ་དཔེ་གཟིགས་ན་འདིར་གནོན།]
ཕྱག་རྒྱ་འདི་ཡིས་ནི། །ལས་རྣམས་ཐམས་ཅད་བྱེད་པ་སྟེ། །སོ་སོའི་ཁྲོ་བོའི་ལས་སུ་བཤད། །གཞན་ཡང་ཡང་སྤྲུལ་ཕོ་ཉ་དང་། །མ་མོ་ཅི་བགྱི་ལ་སྩོགས་ཀུན། །སོ་སོའི་སྔགས་དང་ཕྱག་རྒྱ་རྣམས། །ངེས་པ་མེད་དོ་རྒྱལ་བས་གསུངས། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། སྔགས་དང་ཕྱག་རྒྱའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ཏིང་ངེ་འཛིན་རྣམ་པར་སྤྲོ་བ་འདི་གསུངས་སོ། །ནམ་མཁའི་དབྱིངས་ཀྱི་དབུས་གནས་པར། །ཉི་མའི་དཀྱིལ་འཁོར་བསྒོམ་པར་བྱ། །དེ་དབུས་བདག་པོའི་གཟུགས་བསམས་ཏེ། །ལས་རྣམས་ཐམས་ཅད་བརྩམ་པར་བྱ། །བཀའ་ཡི་འཁོར་ལོ་རབ་བསྒྱུར་བས། །ལས་རྣམས་ཐམས་ཅད་བྱེད་པར་འགྱུར། །དེ་ནས་ཕུར་བུ་རྒྱུན་གྱི་ཏིང་ངེ་འཛིན་འདི་གསུངས་སོ། །གདེངས་དང་ལྡན་པའི་རྣལ་འབྱོར་པས། །དང་པོར་དངོས་མེད་བྱང་ཆུབ་སེམས། །སྟོང་པ་ཆེན་པོའི་ཏིང་འཛིན་ལས། །ཕུར་པ་ཁྲོ་བོའི་གཟུགས་སུ་བརྟགས། །རྒྱ་མདུད་སྟེང་དུ་གཞལ་ཡས་ཁང་། །ཚད་དང་རྒྱ་ཡང་མ་ཆད་པ། །འཁོར་ལོའི་རྒྱན་དང་རོལ་མོའི་ཚོགས། །ཞེང་རྣམས་གདན་ཆེན་གསལ་བའི་སྟེང་། །ཁྲག་འཐུང་ཚོགས་ནི་རྒྱས་པར་བསྒོམ། །དེ་ལས་སྲས་མཆོག་ཀཱི་ལ་ཡ། །རྒྱ་མདུད་མན་ཆད་ཁྲོ་བོའི་ལུས། །ཕུར་པའི་ལྷ་ཉིད་གསལ་བར་བསྒོམ། །དེ་ཉིད་བྱིན་དང་ལྡན་བྱའི་ཕྱིར། །ཨཱོཾ་ཧྲཱྀཿཕཊ། ཅེས་ཡིག་འབྲུ་གསུམ། །སྤྱི་བོ་རྐེད་པ་རྩེ་མོ་ལ། །སྐུ་གསུང་ཐུགས་སུ་བསྒོམ་པར་བྱ། །ཡེ་ཤེས་ལྔ་ཡི་ཡི་གེ་ལྔ། །ཨོཾ་ཨཱཿཧཱུཾ་སྭཱ་ཧཱ། སྤྱི་བོ་ལྕེ་དང་སྙིང་ག་དང་། །སྐེད་པ་ཡན་ལག་དག་ལ་སྟེ། །ལྔ་རུ་བྱིན་རླབས་འོད་ཀྱི་འབྲུའོ། །སྤྲོ་དང་བསྡུ་བའི་ཡི་གེ་ནི། །ཧཱུཾ་གསུམ་དང་ནི་ཕཊ་གསུམ་གྱི། །ངོས་གསུམ་དང་ནི་ཟུར་གསུམ་ལ། །རྩེ་མོ་གཅིག་ཏུ་བསྒོམ་པར་བྱ། །གཡས་ ― DNG008_Page_0045 ―
[མ་དཔེ་གཟིགས་ན་འདིར་གནོན།]
གཡོན་ཐབས་དང་ཤེས་རབ་ཀྱི། །སོར་མོ་ཡབ་ཡུམ་བཅུ་བསྒོམས་ཏེ། །སྦྱོར་བའི་བྱིན་བརླབས་འོད་འཕྲོས་པས། །མུ་ཏིག་དཀར་པོ་དྲི་མེད་ལྟར། །ཐིམ་པས་ལྷན་བྱས་འོད་དུ་གྱུར། །འདུ་བྱེད་ལག་གི་བྱིན་གྱིས་བརླབས། །ཕྱོགས་བཅུའི་རྒྱལ་བ་ཡབ་ཡུམ་གྱི། །གཉིས་མིད་སྦྱོར་བའི་བྱང་ཆུབ་སེམས། །བར་མ་ཆད་པར་དེ་ལ་བསྡིམ། །དེས་ཀྱང་བྱིན་ཆེན་འདུས་པར་འགྱུར། །དེ་ནས་སྐུ་གསུང་ཐུགས་ཉིད་དུ། །བྱིན་གྱིས་བརླབས་ཤིང་བརྟན་བྱ་སྟེ། །ལག་གཉིས་སོར་མོ་རྒྱབ་ཏུ་བསྣོལ། །གུང་གཉིས་གཤིགས་ཏེ་བསྒྲེང་བ་ཡི། །བར་དུ་ཕུར་པ་དྲིལ་བྱས་ཏེ། །རྡོ་རྗེའི་ཚིག་ཏུ་བརྗོད་པའི་སྔགས། །ཨཱོཾ་བཛྲ་སཏྭ་རཱ་ཙ་ཧཱུཾ། དེས་ནི་ཐུགས་ཉིད་རྡོ་རྗེར་འགྱུར། །ལག་གཉིས་སོར་མོ་རྩེ་བསྒྲེངས་ཏེ། །པདྨ་ལྟ་བུར་བྱས་པ་ཡི། །རྟིང་པས་ཕུར་པ་དྲིལ་བྱས་ཏེ། །རྡོ་རྗེའི་ཚིག་ཏུ་བརྗོད་པའི་སྔགས། །ཨཱོཾ་ཕུར་བུ་ཕཊ། དེས་ནི་གསུང་ཉིད་རྡོ་རྗེར་འགྱུར། །ལག་གཉིས་སོར་མོ་རྒྱབ་བསྣོལ་ཏེ། །མཐེ་བོང་གཤིབས་པའི་ཆད་པ་རུ། །རྡོ་རྗེ་ཕུར་བུ་དྲིལ་བྱས་ཤིང་། །རྡོ་རྗེའི་ཚིག་ཏུ་བརྗོད་པའི་སྔགས། །ཨཱོཾ་ཧ་ན་ཧ་ན་ཏི་པ་ཏ་ཙཀྲ་ཧཱུཾ་ཕཊ། དེས་ནི་ལུས་ཉིད་རྡོ་རྗེར་འགྱུར། །དེ་ནས་ཕུར་བུ་མཆོད་པ་རྒྱུན་གྱི་ཏིང་ངེ་འཛིན་འདི་གསུངས་སོ། །ཨེ་ཡི་གདན་ལ་བཞུགས་པ་ཡི། །ཁྲོས་པའི་རྒྱལ་པོ་དེ་ཉིད་ལ། །ཉུངས་དཀར་རྒྱལ་པོས་བརྡེག་བྱ་ཞིང་། །རྩེ་གཅིག་རྡོ་རྗེར་བྱིན་གྱིས་བརླབས། །ལག་མཐིལ་གཡས་སུ་བཞག་པ་ཡིས། །གུ་གུལ་དུད་པའི་སྤྲིན་ཕུང་གིས། །བདུག་སྟེ་མཆོད་པས་མཆོད་པར་བསྒོམ། །ཕྱི་ནང་མཆོད་པ་ཅི་འབྱོར་པས། །མཆོད་དེ་ལས་གང་བསྒོ་བར་བྱ། །དེ་ནས་བཟླས་པ་རྒྱུན་གྱི་ཏིང་ངེ་འཛིན་འདི་གསུངས་སོ། །བདག་ཉིད་དང་པོ་རྣལ་འདུག་སྟེ། །སྙིང་གར་ཉི་མའི་དཀྱིལ་འཁོར་ལས། །མཐིང་ནག་འབར་བའི་ཧཱུཾ་བསྒོམས་ཏེ། །སྔགས་ཀྱི་ཡི་གེ་རབ་བསྐོར་བས། །ཕུར་པ་ལ་ཡང་དེ་བཞིན་ཏེ། །རང་སྔགས་ཚིག་ཏུ་བརྗོད་པ་ལས། །ཕུར་པ་ཕྲ་མོའི་སྐུ་སྤྲོས་ཏེ། །ཁྲོས་པའི་སྙིང་ ― DNG008_Page_0046 ―
[མ་དཔེ་གཟིགས་ན་འདིར་གནོན།]
གར་བསྡིམས་བྱས་ཏེ། །གྲངས་ཀྱི་བསྙེན་པ་ཚང་བ་ན། །མཚན་མ་འབྱུང་བར་གདོན་མི་ཟའོ། །དེ་ནས་གདབ་པ་རྒྱུན་གྱི་ཏིང་ངེ་འཛིན་འདི་གསུངས་སོ། །ཏི་བ་ཏ་ཙཀྲ་ཕུར་པའི་ལྷ། །ཁྲོས་པ་མི་བཟད་འབར་བ་ཡི། །སྐེ་ནས་ལག་གཡོན་འདེབས་ཚུལ་དུ། །གཡས་པའི་ཐོ་བས་བརྡེག་ཚུལ་དུ། །རྡོ་རྗེ་སྡེར་མོའི་སྔགས་འདི་ཡིས། །བདུན་ནམ་ཉི་ཤུ་རྩ་གཅིག་བཟླས། །ཨཱོཾ་ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ནཱཾ། ཨཱོཾ་གྷ་གྷ་གྷ་ཏ་ཡ་སརྦ་དུ་ཥྚ་ན་མཱ་ར་ཡ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ། བཛྲ་དྷ་ར་ཨཱ་ཛྙཱ་པཱ་ཡ་ཏི། ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཕཊ། དྲག་ཏུ་བརྗོད་ཅིང་གདབ་པར་བྱ། །བཏབ་པ་དེ་ཉིད་བརྟན་བྱའི་ཕྱིར། །རྡོ་རྗེའི་ཚིག་ཏུ་འདི་སྐད་བརྗོད། །དམ་ཚིག་ཅན་གྱི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུབ་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དམ་བར་ཆོད་བྱེད་པ་རྣམས། །དངོས་གྲུབ་འཕྲོག་ཅིང་འཚེ་བར་བྱེད། །ཁྲོས་པ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་དེ་བཀུག་ནས། །མངོན་སྤྱོད་ཚུལ་གྱི་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨཱོཾ་ལཾ་ཧཱུཾ་ལཾ་སྟྭཾ་བྷ་ནི། མོ་ཧ་ཡ་དྷ་ག་བཱ་ན། ཤྲི་ཀྲི་བྷི་ཀྲི་བཛྲ་ཧཱུཾ་ཀཱ་ར་ཧཱུཾ་ཧཱུཾ་ཕཊ་ཕཊ། བཛྲ་ཀཱི་ལ་ཡ་ཛཿཧཱུཾ་བཾ་ཧོ། རྡོ་རྗེ་ཚིག་ཏུ་བརྗོད་ནས་ནི། །བཀྲག་དང་གཟི་མདངས་བདག་ལ་བསྡིམ། །སརྦ་བིགྷྣཾ་ཀཱི་ལ་ཡ་ཧཱུཾ་ཧཱུཾ་ཕཊ་ཕཊ། བཛྲ་ཧཱུཾ་ཀ་ར་ཨཿ། ཨ་ཉིད་བྱང་ཆུབ་སེམས་ཀྱི་ཁྲུས། །ཕུར་པ་ཉིད་ཀྱང་གཟི་བྱིན་བསྐྱེད། །འོད་དང་མཐུ་དཔུང་ལྷག་པར་བསྐྱེད། །དེ་ནས་ཕྱོགས་བཅུའི་ཁྲོ་བོ་ལ། །རྡོ་རྗེ་ཚིག་གིས་འདི་སྐད་བསྐུལ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །གཏོགས་ ― DNG008_Page_0047 ―
[མ་དཔེ་གཟིགས་ན་འདིར་གནོན།]
ཤིག་གྲོགས་དང་བྲལ་བར་གྱིས། །རིངས་པར་ཁུག་ལ་སྨྲར་རུ་ཆུག །ཕོབ་ཆིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་ནི་ཉན་པར་གྱིས། །ཧཱུཾ་པ་ར་བི་དྷཱནྶ་ན་ཙྪིནྡ་ཙྪིནྡ་ཧཱུཾ་ཕཊ། བིནྡྷཱ་བིནྡྷཱ་ཧཱུཾ་ཕཊ། གྲྀཧྞ་གྲྀཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བནྡྷ་བནྡྷ་ཧཱུཾ་ཕཊ། ཏ་ཐ་ཡ་ཏ་ཐ་ཡ་ཧཱུཾ་ཕཊ། ཧ་ས་ར་ཧྲྀ་ད་ན་ཧཱུཾ་ཕཊ། ཤིགྷྲཾ་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། བྷིན་དྷ་ཡ་བྷིན་དྷ་ཡ་ཧཱུཾ་ཕཊ། རྡོ་རྗེ་ཕྲ་མེན་ཚོགས་རྣམས་ལ། །རྡོ་རྗེའི་ཚིག་གིས་བསྐུལ་བྱ་སྟེ། །བྲན་དང་ཕོ་ཉ་བཀའ་ཉན་ཚོགས། །ཁྱོད་ཀྱི་དམ་ཚིག་དུས་ལ་བབ། །ཐ་ཚིག་ཇི་ལྟར་བཅས་པ་བཞིན། །དྲག་པོའི་ཕྲིན་ལས་མྱུར་དུ་མཛོད། །གལ་ཏེ་ཐ་ཚིག་ཉམས་གྱུར་ན། །རྡོ་རྗེའི་ཆུ་ཡིས་བསྲེག་པར་བྱ། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏང་ཀ་ཡེ་ཛ་ཡེ་བི་ཛ་ཡེ། ཨ་ཛི་ཏེ་ཨ་པ་ར་ཛི་ཏེ། མཱ་ར་སེ་ནྱ་པྲ་མ་རྡ་ན་ཡ་ཧཱུཾ་ཕཊཿ། དེས་ཀྱང་བརྟེན་པའི་ལས་སུ་འགྱུར། །དེ་ནས་སྲས་མཆོག་བསྐུལ་བྱ་བ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་བ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་རྣམས། །རྡོ་རྗེའི་བཀའ་ལས་འདའ་མ་བྱེད། །ཧཱུཾ་མ་མ་པ་ཤཾ་ཀུ་རུ་མ་སྟཾ་ཉ་ག་རེ། ཨ་ད་ན་ཏེ། མ་མ་ཀརྨ་ཤངྐཱ་རཱ་མ་ཀྵྀ་ཀ་རེ་ཡེ་སྭཱ་ཧཱ། དེ་ནས་དབྱེ་བ་རྒྱུན་གྱི་ཏིང་ངེ་འཛིན་འདི་གསུངས་སོ། །གདུག་ཅིང་སྡང་སེམས་ལྡན་པ་ཡི། །ལྷའམ་གནོད་སྦྱིན་བདུད་ཀྱང་རུང་། །དེ་ཡི་མཐུ་དཔུང་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །ཨོཾ་སརྦ་ཨ་ན་ཡ་ཧཱུཾ་ཕཊཿ། དེ་ནས་བརྡུང་བ་རྒྱུན་གྱི་ཏིང་ངེ་འཛིན་འདི་གསུངས་སོ། །ཁྲོ་བོ་རྣམས་ཀྱི་དཀྱིལ་འཁོར་དུ། །རྡོ་རྗེ་ཐོ་བས་ ― DNG008_Page_0048 ―
[མ་དཔེ་གཟིགས་ན་འདིར་གནོན།]
བརྡུང་བྱ་ཞིང་། །དངོས་པོར་གྱུར་པའི་གནས་ཆེན་དུ། །རྡུལ་ཕྲན་བཞིན་དུ་བརྡུང་བར་བྱ། །རྡོ་རྗེའི་ཚིག་གིས་བསྐུལ་བ་ནི། །རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །མེ་དཔལ་རྡོ་རྗེས་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་བརྡུང་། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱ་སྟེ། །ལྷ་ཡང་རུང་སྟེ་བརླག་པར་བྱའོ། །ཁ་ཏཾ་ཁ་ཏཾ་ཁ་ཐམ། དེ་ནས་བསྟབ་པ་རྒྱུན་གྱི་ཏིང་ངེ་འཛིན་འདི་གསུངས་སོ། །རྡོ་རྗེ་ཁྲོ་བོ་འབར་བ་དང་། །རྡོ་རྗེ་ཟ་བྱེད་སྲིན་པོ་དང་། །རྡོ་རྗེ་གནོད་སྦྱིན་ཞལ་གདངས་པར། །མཚན་མའི་དངོས་པོ་བསྡིམ་པར་བསྒོམ། །རྡོ་རྗེའི་ཚིག་འདིས་བསྐུལ་བྱ་སྟེ། །ནམ་མཁའ་ཁྲོ་བོའི་ཞལ་གདངས་སུ། །ཐུགས་རྗེས་འགྲོ་ཀུན་ཡུད་ལ་བསྟབ། །ངས་བསྟབ་ཁྱེད་ཀྱིས་ཡུད་ལ་བསྡིམས། །རོལ་ནས་དགྱེས་པའི་གད་རྒྱངས་སྒྲོགས། །སྡུས་ཤིག་བསྲེགས་ལ་མྱུར་དུ་ཟོ། །བཛྲ་ཀྲོ་ཏ་ཡགྴ་རགྴ་ཀྲོ་ཏ་ཁཱ་ཧི་ཁཱ་ཧི། ཧ་ཧ་ཧ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། དེ་ནས་བསྲེག་པ་རྒྱུན་གྱི་ཏིང་ངེ་འཛིན་འདི་གསུངས་སོ། །ཀློང་ཡངས་འཁྱིལ་པའི་ཧོམ་ཁུང་དུ། །འབར་འཕྲོ་འཁྲུག་པའི་མེ་སྦར་ཏེ། །ཡེ་ཤེས་འབར་བའི་མེ་དཔུང་གིས། །དངོས་པོར་གྱུར་པའི་གནས་རྣམས་བསྲེག །རྡོ་རྗེའི་ཚིག་ཏུ་བསྐུལ་བ་ནི། རཾ། མེ་དཔུང་འབར་བའི་ཀློང་དཀྱིལ་དུ། །མཚན་མར་གྱུར་པའི་དངོས་པོ་བསྲེག །བསྲེགས་པས་དངོས་པོ་ཀུན་བརླགས་ཏེ། །སླར་མི་འཚོ་བར་བསྲེག་པར་གྱུར། །རཾ་ཛྭ་ལ་རཾ་ཛྭ་ལ་རཾ། སྥ་ར་ཎ་ཧཱུཾ་ཕཊ།དེ་ནས་མནན་པ་རྒྱུན་གྱི་ཏིང་ངེ་འཛིན་འདི་གསུངས་སོ། །ནམ་མཁའ་རྡོ་རྗེའི་དཀྱིལ་འཁོར་དུ། །དབང་ཆེན་དཀྱིལ་འཁོར་བསྒོམ་པར་བྱ། །རི་རབ་སྟེང་དུ་རྡོ་རྗེ་ནི། །རྒྱ་གྲམ་སྟེང་དུ་བབས་པ་ནི། །ལས་ཀྱི་རྡོ་རྗེའི་དཀྱིལ་འཁོར་བསྒོམ། །སྐྱེ་འགྲོ་ཐམས་ཅད་མནན་པར་བསམ། །རྡོ་རྗེའི་ཚིག་ཏུ་བརྗོད་པ་ནི། །ཧཱུཾ་ལས་ཀྱི་རྡོ་རྗེ་འཁོར་དང་ ― DNG008_Page_0049 ―
[མ་དཔེ་གཟིགས་ན་འདིར་གནོན།]
བཅས། །འཇིག་རྟེན་ཁམས་ན་རབ་འབྱམས་ན། །ལོག་པར་ལྟ་བའི་སེམས་ཅན་རྣམས། །སྐད་ཅིག་ཡུད་ལ་མནན་པར་བྱའོ། །ཨཱོཾ་བཛྲ་སུ་མེ་རུ་ཧཱུཾ་ས་མ་ཡ་སྟྭཾ། དཀྱིལ་འཁོར་དག་ནི་ཐམས་ཅད་པས། །ཏིང་འཛིན་དཀྱིལ་འཁོར་མཐའ་ཡས་མཆོག །ལས་སུ་རུང་བའི་རྣལ་འབྱོར་པ། །དེ་ཡིས་མི་འགྲུབ་གང་ཡང་མེད། །མི་བྱ་བ་ཡང་གཅིག་ཀྱང་མེད། །ཏིང་འཛིན་ཀླུང་དུ་འདྲིས་པ་ཡི། །མི་ཞེས་བྱ་བ་བདེར་གཤེགས་ཡིན། །སངས་རྒྱས་ཞེས་ནི་གུད་ན་མེད། །ཅེས་གསུངས་སོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། རྒྱུན་གྱི་ཏིང་ངེ་འཛིན་རིམ་པར་ཕྱེ་བའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ལྷུན་གྱིས་གྲུབ་པའི་ཕྲིན་ལས་ཀྱིས་རྣམ་པར་སྦྱོང་བ་འདི་གསུངས་སོ། །ཀུན་ཏུ་སྣ་ཚོགས་ལས་ཀྱི་རྣམས། །ཀུན་ཏུ་སྣ་ཚོགས་རྣལ་འབྱོར་གྱིས། །ཀུན་ཏུ་སྣ་ཚོགས་ཏིང་འཛིན་དུ། །གནས་ནས་སྣ་ཚོགས་དོན་བྱའོ། །འཇིག་རྟེན་ཁམས་ནི་རབ་འབྱམས་ན། །རྨོངས་པར་བྱུར་བའི་སེམས་ཅན་ལ། །སྣ་ཚོགས་ལས་ཀྱི་ཞི་བར་སྦྱར། །བཀྲ་ཤིས་དབེན་པའི་གནས་དག་ཏུ། །བཀྲ་ཤིས་མཚན་ལྡན་ཡུམ་མཆོག་གཟུང་། །རྣམ་སྣང་མཛད་ཀྱི་རྣལ་འབྱོར་རམ། །མི་བསྐྱོད་ཕྱག་རྒྱར་བདག་གནས་ལ། །དཀར་ལ་ཟླུམ་པོའི་དཀྱིལ་འཁོར་ལ། །རྡོ་རྗེ་འོད་ཟེར་འཕྲོ་བས་བརྒྱན། །རིན་ཆེན་ཁ་དོག་དཀར་པོའམ། །དཀར་པོའི་ཤིང་ལས་བྱས་པ་ཡི། །ཕུར་པ་ཟླུམ་པོ་དྲུག་བཏབ་སྟེ། །ཞི་བའི་ལྷ་ཚོགས་སྤྱན་ཡང་དྲངས། །སྙིང་རྗེ་བྱམས་པས་མཆོད་སྦྱིན་བྱ། །ཡམ་ཤིང་དཀར་ལ་སྦར་བའི་མ། །དཀར་ལ་མངར་བའི་རྫས་རྣམས་ཀྱིས། །ཞི་བའི་ཚུལ་དུ་སྦྱིན་བསྲེག་བྱ། །དངུལ་ཕྱེ་འབྲས་ཆན་དཀར་པོ་ལ། །གཏོར་མར་བྱ་སྟེ་སྦྱིན་པར་བྱ། །བཾ་གི་ཚོགས་ཀྱི་དཀྱིལ་འཁོར་དུ། །གཏི་མུག་ལས་ཀྱིས་འཆེལ་བ་རྣམས། །ཞི་ ― DNG008_Page_0050 ―
[མ་དཔེ་གཟིགས་ན་འདིར་གནོན།]
བར་གྱུར་པས་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། །ཕོངས་པར་གྱུར་པའི་འགྲོ་གང་ལ། །སྣ་ཚོགས་ལས་ཀྱིས་རྒྱས་པར་སྦྱར། །ཙནྡན་ནགས་ཚལ་མེ་ཏོག་བརྒྱན། །ཉམས་དགའ་སྐྱེད་མོའི་ཚལ་དག་ཏུ། །ལྕུག་ཕྲན་མ་ཡི་ཡུམ་མཆོག་གཟུང་། །རིན་ཆེན་སེམས་དཔར་བདག་གནས་ལ། །སེར་པོ་གྲུ་བཞིའི་དཀྱིལ་འཁོར་ལ། །རིན་ཆེན་ཆུ་སྐྱེས་དག་གིས་བརྒྱན། །རིན་ཆེན་ཁ་དོག་སེར་པོའམ། །སེར་པོའི་ཤིང་ལས་བྱས་པ་ཡི། །ཕུར་པ་ཟུར་བཞི་བཞི་བཏབ་སྟེ། །རྒྱས་པའི་ལྷ་ཚོགས་སྤྱན་ཡང་དྲངས། །དངས་བྱམས་སེམས་ཀྱིས་མཆོད་སྦྱིན་བྱ། །སེར་པོའི་ཤིང་ལ་སྦྱར་བའི་མེར། །ཁ་བའི་རོ་ལྡན་སེར་པོའི་རྫས། །རྒྱས་པའི་ཚུལ་དུ་སྦྱིན་བསྲེག་བྱ། །གསེར་བྱེ་འབྲུ་རྣམས་སེར་པོ་ལ། །གཏོར་མ་བྱས་ཏེ་རྒྱས་པར་བྱ། །མ་ཡི་ཚོགས་ཀྱི་དཀྱིལ་འཁོར་དུ། །ང་རྒྱལ་ལས་ཀྱིས་འཆེལ་པ་རྣམས། །རྒྱས་པར་གྱུར་པས་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། །ཆགས་པར་གྱུར་པའི་སེམས་ཅན་ལ། །དབང་དུ་བྱ་བ་སྦྱར་བར་གསུངས། །ཟླ་མཚན་ཅན་ནམ་ཆུ་གླིང་དུ། །སྡོང་གཅིག་མ་ཡི་གཟུངས་མ་གཟུང་། །སྣང་བ་མཐའ་ཡས་རྣལ་འབྱོར་རམ། །རྡོ་རྗེ་རྟར་ནི་རྣམ་པར་བསྒོམ། །ཟླ་གམ་དམར་པོའི་དཀྱིལ་འཁོར་ལ། །འོད་ཟེར་འཕྲོས་པའི་མདའ་གཞུས་བརྒྱན། །ཟངས་ལ་སྩོགས་པའི་རིན་ཆེན་ནི། །དམར་པོའི་ཤིང་ལས་བྱས་པ་ཡི། །ཕུར་པ་ཟླ་གམ་ལྔ་བཏབ་སྟེ། །དམར་སྨུག་འཕྲོ་བའི་ལྷ་ཚོགས་རྣམས། །རྡོ་རྗེ་སྤྱུགས་པས་སྤྱན་དྲངས་ཏེ། །དགའ་ཆགས་ཡིད་ཀྱིས་མཆོད་སྦྱིན་བྱ། །དམར་པོའི་ཤིང་ལ་སྦར་བའི་མེར། །སྐྱུར་ཞིང་དམར་པོའི་རྫས་རྣམས་ཀྱིས། །དབང་གི་ཚུལ་དུ་སྦྱིན་བསྲེག་བྱ། །ཟངས་ཕྱེ་འབྲུ་རྣམས་དམར་པོ་ལ། །གཏོར་མ་བྱས་ཏེ་དབང་དུ་བསྡུ། །ཡ་ཡི་ཚོགས་ཀྱི་དཀྱིལ་འཁོར་དུ། །འདོད་ཆགས་ལས་ཀྱིས་འཆེལ་བ་རྣམས། ། ― DNG008_Page_0051 ―
[མ་དཔེ་གཟིགས་ན་འདིར་གནོན།]
དབང་དུ་བསྡུས་པས་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། །ཤིན་ཏུ་གདུག་ཅིང་གཏུམ་པ་ལ། །དྲག་ཤུལ་སྤྱོད་པ་སྦྱར་བྱས་ཏེ། །རྐང་གཅིག་ཅན་ནམ་དུར་ཁྲོད་དུ། །རིགས་ངན་སྨེ་ཤ་ཅན་ལ་སྩོགས། །མེ་རེག་མ་ཡི་གཟུངས་མ་གཟུང་། །རྡོ་རྗེ་ཁྲོ་བོར་བདག་གནས་ལ། །ནག་པོ་གྲུ་གསུམ་དཀྱིལ་འཁོར་ལ། །རྩང་ཐོད་རྒྱན་གྱིས་བརྒྱན་པར་བྱ། །ལྕགས་སམ་ནག་པོའི་ཤིང་རྣམས་སམ། །ཚེར་མ་ཅན་གྱི་ཤིང་རྣམས་སམ། །མི་ཡི་རུས་པའི་ཕུར་པ་ནི། །རྩེ་མོ་ཟུར་གསུམ་གསུམ་བཏབ་སྟེ། །མཐིང་ནག་འཁྲུག་པའི་ལྷ་ཚོགས་རྣམས། །དྲེགས་པ་འདུལ་ཕྱིར་སྤྱན་དྲངས་ཏེ། །བཏང་སྙོམས་ཁྲོས་པས་མཆོད་སྦྱིན་བྱ། །ཚེར་མའི་ཤིང་ལ་སྦར་བའི་མེ། །ནག་པོ་ཚ་ཞིང་རྩུབ་པ་ཡིས། །དྲག་པོའི་ཚུལ་དུ་སྦྱིན་བསྲེག་བྱ། །ལྕགས་ཕྱེ་འབྲུ་ནག་ཤ་ཁྲག་ལས། །སྦྱར་བའི་གཏོར་མས་དྲག་ཤུལ་སྤྱད། །ཨེ་ཡི་ཚོགས་ཀྱི་དཀྱིལ་འཁོར་དུ། །ཞེ་སྡང་ལས་ཀྱིས་འཆེལ་བའི་ཚོགས། །བརླག་པར་གྱུར་པས་དབྱིངས་སུ་རོལ། །ཇི་སྙེད་ཕྲིན་ལས་བསམ་ཡས་ཀུན། །འགྲོ་བ་བསམ་ཡས་བསམ་པ་འགྲུབ། །དེ་སྙེད་འདུལ་བའི་ཐབས་ཚུལ་དུ། །བསམ་ཡས་ཕྲིན་ལས་རྣམ་པར་སྤྲོས། །མཉམ་ཉིད་དབྱིངས་ཀྱི་ངང་ཉིད་ལས། །ལས་ཀྱི་བྱེ་བྲག་རྩིས་ལས་འདས། །བྱ་བྱེད་ངང་དུ་ལྷུན་གྱིས་འགྲུབ། །ཅེས་གསུངས་སོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། ལས་རིམ་པར་ཕྱེ་བའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོས། དམ་ཚིག་གསང་བ་བཀོད་པ་འདི་གསུངས་སོ། །ཨེ་མའོ། སྣ་ཚོགས་ལོག་རྟོག་བསམ་ཡས་ལ། །རྟོག་འདུལ་དམ་ཚིག་དེ་སྙེད་སྤྲོས། །སྤྲོས་ཉིད་དབྱིངས་ལས་གཡོས་པ་མེད། །འདི་ནི་དམ་ཚིག་རྡོ་རྗེ་ཆེ། །སྐུ་གསུང་ཐུགས་ཀྱི་དམ་ཚིག་ནི། །གྲུབ་ནས་འཇིག་པའི་ ― DNG008_Page_0052 ―
[མ་དཔེ་གཟིགས་ན་འདིར་གནོན།]
དུས་མཐའ་མེད། །རྡོ་རྗེ་དམ་ཚིག་ལུ་གུ་རྒྱུད། །རྣལ་འབྱོར་རྣམས་ཀྱི་དཀའ་ཐུབ་དམ། །དུ་མ་གཅིག་ཏུ་བསྡུས་པའི་སྲེག །ཡན་ལག་དམ་ཚིག་འདའ་བར་དཀའ། །རྡོ་རྗེ་བླ་མ་སློབ་དཔོན་ལ། །སྲོག་ལ་བབ་ཀྱང་བཀུར་བར་བྱ། །དམ་ཚིག་དབང་དང་ཤེས་རབ་རྒྱུད། །མན་ངག་འབྲས་བུའི་སློབ་དཔོན་ལ། །བལྟ་ཞིང་བཀུར་བར་བྱ་བ་ནི། །ཕ་དང་མ་དང་མིག་འབྲས་ལྟར། །བཀུར་ཞིང་གཅེས་པར་བྱ་བ་ཡིན། །དེ་ཡི་ཕྱི་བཞིན་བེའུ་ལྟར་འདྲེང་། །སྣ་ཚོགས་སྣ་ཚོགས་ཀྱི་སྒོ་ནས། །མཉེས་ཤིང་དགོངས་པ་བསྐང་བ་དང་། །བླ་མ་སྤུན་དང་མིང་སྲིང་ལ། །མངན་དང་འཕྱས་ཀྱི་སེམས་བོར་ཏེ། །རྡོ་རྗེ་ཐེག་པའི་སྤུན་ཡིན་པས། །གཅིག་ལ་གཅིག་གི་མིག་བཞིན་བལྟ། །འདི་ནི་སྐུ་ཡི་ས་མ་ཡ། །དང་པོར་ཐ་ཚིག་བཅས་པ་ལྟར། །སྔགས་རྣམས་རྒྱུན་དུ་བར་མི་གཅད། །ཕྱག་རྒྱ་བསྒོམ་ཞིང་བཅང་བ་ནི། །དངོས་གྲུབ་འབྱུང་བའི་རྒྱུ་ཡིན་པས། །འདི་དག་བརྟན་པོར་གཟུང་བར་བྱ། །གསུང་གི་ས་མ་ཡ་རུ་བཤད། །སྤྱི་གསང་བཞི་དང་བར་གསང་བཞི། །གསང་བར་འོས་དང་གཉེར་གཏད་པའི། །གསང་བའི་མན་ངག་འབྲས་བུ་རྣམས། །སྣོད་ངན་ཕལ་ལ་མི་སྤེལ་བ། །འདི་ནི་ཐུགས་ཀྱི་ས་མ་ཡ། །ས་མ་ཡ་ནི་རྡོ་རྗེ་ཆེ། །དེ་དག་ཉམས་པར་གྱུར་ན་ནི། །རྩ་བ་ཉམས་ཏེ་རིགས་བརླག་འགྱུར། །ཉམས་འགྱུར་ཉེས་པ་བརྗོད་མི་ལངས། །རྩ་བའི་དམ་ཚིག་ཉམས་པ་དང་། །དམ་ལ་གནས་པའི་རྣལ་འབྱོར་གཉིས། །སྐད་ཅིག་ཡུད་ཙམ་སྨྲ་མི་བྱ། །སྨྲས་ན་འབྲས་བུ་ཉམས་པར་འགྱུར། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ཆེན་པོ་ནི། །བདེར་གཤེགས་ལྔ་ཡི་རང་བཞིན་པས། །འདི་ནི་མི་སྤང་ས་མ་ཡ། །ཤ་ཆེན་བཤང་གཅི་ཁུ་བ་ཁྲག །དག་པའི་རྒྱུ་སྟེ་བདུད་རྩི་དངོས། །དོར་བར་མི་བྱ་ས་མ་ཡའོ། །རྫུན་དང་ཚིག་རྩུབ་རྐུ་བ་དང་། །སྦྱོར་དང་སྒྲོལ་བའི་དམ་ཚིག་ནི། །བདེར་གཤེགས་ལྔ་ ― DNG008_Page_0053 ―
[མ་དཔེ་གཟིགས་ན་འདིར་གནོན།]
ཡི་མཛད་པ་སྟེ། །རྟག་ཏུ་སྤྱད་པའི་ས་མ་ཡའོ། །མི་སྤང་མི་དོར་སྤྱད་བྱ་ཡི། །ཡན་ལག་བཅྭོ་ལྔའི་དམ་ཚིག་ནི། །སྲོག་གི་ཕྱིར་ཡང་མི་གཏོང་སྟེ། །བཏང་ན་འབྲས་བུ་ག་ལ་འབྱུང་། །དེ་ཡི་ཉེས་པ་བརྗོད་མི་ལངས། །སྙིང་ནས་སློབ་དཔོན་སྨོད་པ་དང་། །སངས་རྒྱས་བསྟན་ལ་གནོད་པ་དང་། །ཐེག་པ་ཆེན་པོ་སྨོད་པ་དང་། །སེམས་ཅན་ཡོངས་ལ་གནོད་བྱེད་དང་། །རྣལ་འབྱོར་སྤྱི་ཡི་དགྲར་གྱུར་ནི། །མྱུར་དུ་བསྒྲིམ་སྟེ་མ་བསྒྲལ་ན། །རྡོ་རྗེའི་ཐ་ཚིག་ཉམས་པས་ན། །གྲིམས་འབྱིན་ཤུགས་ཀྱིས་བསྒྲལ་བར་བྱ། །དམ་ཚིག་འདི་ནི་རྨད་པོ་ཆེ། །སངས་རྒྱས་གྲུབ་པའི་རྒྱུ་དང་གཞི། །ཡིད་བཞིན་ནོར་བུ་རིན་པོ་ཆེ། །དམ་ཚིག་རྣམས་ནི་མི་གཏང་བ། །ལེགས་པའི་ཡོན་ཏན་བརྗོད་མི་ལངས། །སངས་རྒྱས་ཉིད་དང་འདྲ་བས་ན། །དངོས་གྲུབ་གཞན་ལྟ་སྨོས་ཅི་དགོས། །དེ་བས་ནན་ཏན་བསྐྱེད་དེ་བསྲུང་། །ཞེས་གསུངས་སོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། དམ་ཚིག་རིམ་པར་ཕྱེ་བའི་ལེའུ་སྟེ་བཅུ་གཉིས་པའོ།། །།དེ་ནས་རྡོ་རྗེ་ཡིད་ཀུན་ཏུ་བཟང་པོ་ལ་སྩོགས་པའི་འདུས་པའི་འཁོར་ཚོགས་མ་ལུས་པ་རྣམས་རང་རང་གི་བསམ་པ་རངས་པར་གྱུར་ཏེ། གཙུག་གི་འདུད་པའི་ཕྱག་རྣལ་འབྱོར་གྱི་ཚུལ་དུ་བྱས་ཏེ། གསང་བ་མཆོག་གི་བདག་པོ་ལ་མདུན་གྱིས་བལྟས་ཏེ། ངོ་མཚར་རྨད་དུ་བྱུང་བའི་ཚིག་འདི་སྐད་ཅེས་བསྒྲགས་སོ། །ཨེ་མའོ་ངོ་མཚར་རྨད་དུ་བྱུང་བའི་མཉམ་ཉིད་དབྱིངས་མཆོག་ནས། །ཐུགས་རྗེ་ཆེན་པོས་གསལ་ལ་མ་འདྲེས་ཀུན་ཏུ་ཁྱབ་པར་གདལ། །སྐུ་གསུང་ཐུགས་ཡོན་ཕྲིན་ལས་ཕྱག་རྒྱའི་དཀྱིལ་འཁོར་བརྗོད་མི་ལངས། །འགྲོ་བ་བསམ་ཡས་རྣམ་རྟོག་དེ་སྙེད་ཐུགས་རྗེ་འཕྲོས་པ་ཨེ་མའོ་ངོ་མཚར་ཆེ། །ཨེ་མ་ངོ་མཚར་རྨད་དུ་བྱུང་བའི་ཆོས། །ནམ་མཁའ་དང་ནི་མཉམ་པ་ལས། །སྒྱུ་འཕྲུལ་རྣམ་པར་འཕྲུལ་པ་རྣམས། །ཀུན་རྫོབ་ཙམ་དུ་བསྟན་པ་མཚར། །ཞེས་ཆེད་དུ་གླེང་ངོ་། ། ― DNG008_Page_0054 ―
[མ་དཔེ་གཟིགས་ན་འདིར་གནོན།]
དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ནི། དུས་བཞི་མཉམ་པ་ཉིད་ཀྱི་དབྱིངས་ལ་དགོངས་ནས་ཅང་མི་གསུང་བར་བཞུགས་སོ། །དེ་ནས་རྡོ་རྗེ་ཡིད་ཀུན་ཏུ་བཟང་པོས་ཡང་རང་གི་སྟན་ལས་ལངས་ཏེ་འདི་སྐད་ཅེས་གསོལ་བ་བཏབ་པོ། །བཅོམ་ལྡན་འདས་གསང་བ་མཆོག་གི་བདག་པོ་མདོ་འདི་ཉིད་ཀྱི་དོན་བསྡུས་ཏེ་བདག་ཅག་རྣམས་ལ་བསྒོ་བར་གསོལ། བདེ་བར་གཤེགས་པ་བསྒོམ་པར་གསོལ། དེ་ནས་ཡང་གསང་བ་མཆོག་གི་བདག་པོས་དགོངས་པ་ཆོས་ཀྱི་དབྱིངས་ལས་བཞེངས་ནས། རྫུ་འཕྲུལ་གྱི་སྤྱན་གྱིས་འཁོར་གྱི་དཀྱིལ་འཁོར་ལ་ཀུན་ཏུ་གཟིགས་ཏེ། ཞལ་འཛུམ་པ་དང་བཅས་ཏེ་རྡོ་རྗེ་ཀུན་ཏུ་བཟང་པོ་ལ་གཟིགས་ཏེ། འདི་སྐད་ཅེས་བཀའ་སྩལ་ཏོ། །དེ་ནས་སེམས་དཔའ་ཆེན་པོ་ཉོན་ཅིག །རྒྱུད་ཀྱི་རྒྱལ་པོའི་ཆོས་ཀྱི་དོན་འདི་ཉིད་ངས་བསྡུས་ཏེ་བཤད་པར་བྱའོ། །ཨེ་མའོ་ཆོས་རྣམས་ཐམས་ཅད་སེམས་ཀྱི་འཁྲུལ་པ་སྟེ། །སེམས་ལས་མ་གཏོགས་ཆོས་འགའ་ཙམ་ཡང་ཡོད་མ་ཡིན། །འཁྲུལ་པ་བཟློག་ཕྱིར་རྒྱལ་བས་ཆོས་བསྟན་དང་། །དེ་ཡི་སྒྱུ་འཕྲུལ་འདྲ་འཕྲུལ་སྣང་། །འཁྲུལ་དང་འཁྲུལ་ལས་སྣང་བའི་ཆོས་རྣམས་ཀུན། །རང་གི་སེམས་ཡིན་སེམས་ཉིད་སྣང་བར་ཟད། །སེམས་ཀྱི་རང་བཞིན་དངོས་པོར་མ་གྲུབ་སྟེ། །སྔ་ཕྱི་གསེས་ནས་རང་བཞིན་ཡོངས་ཀྱིས་མེད། །གཟོད་ནས་མ་སྐྱེས་ཡེ་ནས་རྣམ་པར་དག །ཡི་གེ་མེད་ཅིང་སྒྲ་དང་ཐ་སྙད་བྲལ། །སྟོང་པ་ཉིད་དེ་སྟོང་པའི་ཡུལ་ལས་འདས། །དེ་ཕྱིར་སེམས་ནི་ཆོས་ཀྱི་རྩ་བ་སྟེ། །རྩ་བ་དེ་ཉིད་སྲིད་དང་གྲོལ་བར་སྣང་། །ཧོ། ཨེ་མའོ་སེམས་ཉིད་སྟོང་པ་ཆེན་པོའི་དབྱིངས་ཉིད་ལས། །གནས་དང་སྟོན་པ་འཁོར་ཞེས་བྱ་བ་ག་ལ་ཡོད། །ཏིང་ངེ་འཛིན་དང་ཡིག་འབྲུ་ཕྱག་མཚན་དང་། །རྫོགས་དང་བཞུགས་ཐབས་རིམ་པར་བགྲང་དུ་མེད། །སྟོང་ཉིད་སྙིང་རྗེ་བྱང་ཆུབ་སེམས་བསྐྱེད་མེད། །གཟུགས་བརྙན་མེད་ཅིང་ཏིང་འཛིན་བསམ་དང་བྲལ། །སྔགས་དང་ཕྱག་རྒྱ་མེད་ཅིང་ ― DNG008_Page_0055 ―
[མ་དཔེ་གཟིགས་ན་འདིར་གནོན།]
ཐུགས་རྗེས་འདུལ་བའང་མེད། །མ་རུངས་གདུལ་དུ་མེད་ཅིང་དྲག་པོའི་དཀྱིལ་འཁོར་མེད། །སྙིང་པོ་སྟོང་ཚུལ་མེད་དེ་རྒྱུན་གྱི་ཏིང་འཛིན་མེད། །བྱ་བ་མེད་ཅིང་སྡོམ་པ་ཀུན་ལས་འདས། །དེ་ཀུན་ཐ་སྙད་ཡིན་ཏེ་དོན་དུ་མེད། །འཁྲུལ་པ་བཟློག་ཕྱིར་ཀུན་རྫོབ་ཙམ་དུ་བསྟན་པར་ཟད། །དེ་བས་བསྟན་པ་འདི་ལ་རབ་བརྟེན་ཏེ། །དོན་དམ་བདེན་པའི་ངེས་པ་རིག་པར་བྱ། །སེམས་ལས་འདས་པའི་ཆོས་ཀྱི་རང་བཞིན་ནི། །ཚིག་དང་ཡི་གེ་ཐ་སྙད་ཀུན་ལས་འདས། །མཐུན་པའི་དཔེས་ཀྱང་དེ་ལ་མཚོན་དུ་མེད། །དེ་བས་བསྟན་པ་དེ་ཀུན་སྒྲིབ་པ་ཡིན། །མཚན་མེད་བློ་ལྡན་དེ་ལ་དད་མི་འགྱུར། །བདེན་གཉིས་བློ་ལྡན་སེམས་ལ་སྣང་བར་ཟད། །ཅེས་གསུངས་པས། འཁོར་རྣམས་རབ་ཏུ་དགའ་སྟེ། འདུས་པའི་འཁོར་ཚོགས་མ་ལུས་པ་རྣམས། དེ་ཁོ་ན་ཉིད་ཀྱི་དོན་ལ་སེམས་ཤིང་ཅང་མི་སྨྲ་བར་གྱུར་ཏེ་གནས་སོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་ཡིད་ཀུན་ཏུ་བཟང་པོའི་ལྕེ་པདྨོའི་སྟེང་དུ་ལས་ཀྱི་རྡོ་རྗེ་རྒྱ་གྲམ་ཞིག་བཞག་སྟེ། རྡོ་རྗེ་ཆོས་སུ་དབང་བསྐུར་ཏེ། དོན་བསྡུ་བར་བྱིན་གྱིས་བརླབས་ནས་བཀའ་སྩལ་པ། སེམས་དཔའ་ཆེན་པོ་ང་མངོན་པར་རྫོགས་པར་སངས་རྒྱས་ནས། མདོ་འདི་བཤད་ཀྱི་བར་དུ་ཚིག་གཅིག་ཙམ་ཡང་བཤད་ཅིང་བརྗོད་པ་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་བཤད་ཅིང་བརྗོད་པ་དང་བྲལ་བའོ། །ཕྱོགས་བཅུ་དུས་བཞིའི་སངས་རྒྱས་རྣམས་ནི་བཤད་ཅིང་བརྗོད་པ་དང་བྲལ་བའི་དོན་ཐུགས་སུ་ཆུད་ནས་མངོན་པར་རྫོགས་པར་སངས་རྒྱས་སོ། །དེ་བས་ན་མ་འོངས་པའི་རྣལ་འབྱོར་དད་པ་ཅན་རྣམས་ཀྱིས་ཀྱང་བརྗོད་པ་བྲལ་བའི་དོན་བདེ་བླག་ཏུ་རྟོགས་ཤིང་ཁོང་དུ་ཆུད་པར་བྱ་བའི་ཕྱིར། མདོ་འདི་བཤད་དོ་བརྗོད་དོ། །སེམས་དཔའ་ཆེན་པོ་ཁྱོད་ཀྱང་མ་འོངས་པའི་རྣལ་འབྱོར་པའི་དོན་དུ་མདོ་འདི་དོན་བསྡུས་ལ་མི་ནུབ་པའི་ཕྱིར་གསུང་ཆོས་ཀྱི་ཡི་གེར་ཡང་སྣང་ཞིང་མི་ ― DNG008_Page_0056 ―
[མ་དཔེ་གཟིགས་ན་འདིར་གནོན།]
ནུབ་པར་གྱིས་ཤིག །འོན་ཏང་ན་དད་པ་ཅན་གྱི་རྣལ་འབྱོར་དེ་དག་ནི་རྡོ་རྗེ་ཐེག་པའི་གཏིང་འཛུགས་ཤིང་། རྣལ་འབྱོར་གྱི་དབང་ཕྱུག་ཆེན་པོའི་རྒྱུད་འཛིན་པར་འགྱུར་རོ། །སེམས་དཔའ་ཆེན་པོ་དེ་བས་ན་མདོ་འདི་ནི་རྣལ་འབྱོར་པ་རྣམས་ཀྱི་ཉེ་ལམ་ཆེན་པོ་ཉིད་ཡིན་པས་ཤེས་པར་བྱའོ། །དེ་ནས་ཡིད་ཀུན་ཏུ་བཟང་པོ་རྡོ་རྗེ་ཆོས་རབ་ཏུ་དགའ་བའི་ཡིད་ཀྱིས་རང་གི་རྡོ་རྗེ་གནས་སུ་གསོར་ཞིང་། བཙུན་མོ་བྱ་བ་མོ་དང་གཉིས་སུ་མེད་པའི་ཚུལ་གྱིས་འདི་སྐད་ཅེས་བསྟོད་དོ། །ཨེ་མའོ་བཅོམ་ལྡན་འདས་དགྱེས་པ་ཆེ། །མི་ནུབ་རྒྱལ་མཚན་ཡོངས་ཀྱི་བདག །བདེར་གཤེགས་ཀུན་གྱི་ཐུགས་ཀྱི་ཐུགས། །བྱང་ཆུབ་སེམས་ལ་ཕྱག་འཚལ་ལོ། །ཞེས་བསྟོད་ནས། བཅོམ་ལྡན་འདས་རྣལ་འབྱོར་གྱི་དབང་ཕྱུག་འདས་པ་དང་ད་ལྟར་དང་། མ་འོངས་པའི་ལམ་ཆེན་པོ་ཉེ་ལམ་ཆེན་པོར་མདོ་ཆེན་པོ་འདི་ལྟ་བུ་སྣང་བ་ལགས་པས་ནི། བདག་ཅག་གིས་མི་ནུབ་པའི་རྒྱལ་མཚན་ཆེན་པོར་གནས་པར་བགྱིའོ། །གསུང་ཆོས་ཀྱི་ཡི་གེ་ཡང་གནས་པར་བགྱིའོ། །བཅོམ་ལྡན་འདས་གསང་བ་མཆོག་གི་བདག་པོ་ཉིད་དུ་ཡང་གནས་པར་བགྱིའོ། །འདིའི་དོན་འཆད་ཅིང་སྟོན་པའི་གང་ཟག་སྐྱེས་བུ་དམ་པ་གཞན་ལ་ཕན་འདོགས་པར་ཡང་གནས་པར་བགྱིའོ། །ཡིད་བཞིན་གྱི་ནོར་བུའི་རྒྱལ་པོ་ལྟ་བུ་ཡང་གནས་པར་བགྱིའོ། །གཞན་གྱི་སྡེབས་བར་དུ་མི་ཆོད་པར་བགྱིའོ། །ཞེས་གསོལ་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་ཅང་མི་གསུང་བར་གྱུར་ཏོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། ཡོངས་སུ་གཏད་པའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་བྱེད་པ་པོ་རྡོ་རྗེ་ཡིད་ཀུན་ཏུ་བཟང་པོ་ལ། འདུས་པའི་འཁོར་ཚོགས་རྣམས་ཀྱིས་འདི་ ― DNG008_Page_0057 ―
[མ་དཔེ་གཟིགས་ན་འདིར་གནོན།]
སྐད་ཅེས་རྣམ་པར་བསྐུལ་ལོ། །སེམས་དཔའ་ཆེན་པོ་ཁྱོད་ནི་བཅོམ་ལྡན་འདས་གསང་བ་མཆོག་གི་བདག་པོས་ཀྱང་སྡུད་པ་པོ་རྡོ་རྗེ་ཆོས་སུ་མིང་བཏགས་ཤིང་དབང་བསྐུར་བས་ན། ད་ཁྱོད་ཀྱིས་ཕྱི་རབས་པའི་རྣལ་འབྱོར་གྱི་དོན་ཕྱིར། ཐེ་ཚོམ་དང་སོམ་ཉི་རུ་གྱུར་པ་རྣམས་དྲིས་ཤིག་ཅེས་རྣམ་པར་བསྐུལ་ལོ། །དེ་ནས་བྱེད་པ་པོ་ཡིད་ཀུན་ཏུ་བཟང་པོས་བསྐུལ་བར་རིག་ནས་འདུས་པའི་འཁོར་ཚོགས་ལ་ལེགས་སོ་ལེགས་སོ་ཞེས་བྱ་བ་བྱིན་ཏེ། རྡོ་རྗེ་ཡིད་ཀུན་ཏུ་བཟང་པོ་ལ་སྩོགས་པ་འདུས་པའི་འཁོར་ཚོགས་རྣམས་ཀྱིས། བཅོམ་ལྡན་འདས་གསང་བ་མཆོག་གི་བདག་པོ་ལ་རྨད་དུ་བྱུང་བའི་མཆོད་པས་མཆོད་སྟེ། ལན་བརྒྱ་ཕྲག་སྟོང་དུ་སྐོར་བ་བྱས་ཤིང་བརྐྱང་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་བ་བཏབ་པོ། །ཨེ་མའོ་བདེར་གཤེགས་བཅོམ་ལྡན་འདས། །རྡོ་རྗེ་བླ་མེད་ཐེག་མཆོག་གི། །བློ་ལ་སྣང་བའི་ཐེ་ཚོམ་རྣམས། །བདག་ཅག་འཁོར་ཚོགས་ཞུ་བར་འཚལ། །ཞེས་གསོལ་པས། གསང་བ་མཆོག་གི་བདག་པོས་བཀའ་སྩལ་པ། སེམས་དཔའ་ཆེན་པོ་ལེགས་ཀྱིས་ཅི་དང་ཅི་འདོད་པ་དྲིས་ཤིག་དང་། གནང་བའི་སྐབས་དབྱེ་བར་བྱའོ། །དེ་ནས་རྡོ་རྗེ་ཡིད་ཀུན་ཏུ་བཟང་པོ་ལ་སྩོགས་པ་འདུས་པའི་འཁོར་རྣམས་ཀྱིས་མགྲིན་གཅིག་ཏུ་ཨ་ལ་ལ་ཞེས་པའི་སྒྲ་ཕྱུང་སྟེ། རང་རང་གི་བསམ་པ་གནས་སུ་བསྡུས་སོ། །དེ་ནས་རྡོ་རྗེ་ཡིད་ཀུན་ཏུ་བཟང་པོ་རྡོ་རྗེ་ཆོས་ཀྱིས་འདི་སྐད་ཅེས་གསོལ་ཏོ། །ཀྱེ་མ་བདེར་གཤེགས་བཅོམ་ལྡན་འདས། །འདི་ནི་དུར་ཁྲོད་ཇི་ལྟར་ལགས། །ཁུ་བྱུག་ཞེས་བགྱི་ཇི་ལྟར་ལགས། །རོལ་པ་ཞེས་ནི་གང་ལ་བགྱི། །མདོ་ཡི་དོན་ནི་ཇི་ལྟར་ལགས། །གསང་སྔགས་མིང་གི་མཚན་ཉིད་ཅི། །ཞེས་གསོལ་བ་བཏབ་པ་དང་། གསང་བ་མཆོག་གི་བདག་པོས་བཀའ་སྩལ་པ། སེམས་དཔའ་ཆེན་པོ་ཉོན་ཅིག །དུར་ཁྲོད་ ― DNG008_Page_0058 ―
[མ་དཔེ་གཟིགས་ན་འདིར་གནོན།]
ཞེས་སུ་བྱ་བ་ནི། །གནས་ཤིང་སྡུད་པའི་མཚན་ཉིད་དེ། །ཆོས་དབྱིངས་ཡེ་ནས་གནས་པ་རུ། །ཆོས་ཀུན་བསྡུས་པས་དུར་ཁྲོད་ཡིན། །ཁུ་བྱུག་ཅེས་སུ་བྱ་བ་ནི། །ཤིན་ཏུ་དཀོན་པར་བཤད་པ་ཡིན། །མཚན་མར་སྣང་བའི་ཆོས་ཀུན་རྣམས། །རོལ་པས་རོལ་པར་རྒྱལ་བས་གསུངས། །རྒྱལ་བས་གསུངས་པའི་དོན་འདི་རུ། །ཀུན་འདུས་ཕྱིར་ན་མདོ་ཞེས་བྱའོ། །དུར་ཁྲོད་དོན་ཉིད་གསལ་བྱེད་དང་། །ཁུ་བྱུག་ལྟ་བུར་དཀོན་པ་དང་། །བདེར་གཤེགས་རོལ་པར་བསྟན་པ་དང་། །ཐམས་ཅད་ཀུན་ཏུ་འདུས་པའི་ཕྱིར། །དོན་དང་མཐུན་པའི་མིང་དུ་གྲགས། །གསང་སྔགས་མིང་གི་མཚན་ཉིད་ནི། །སྨིག་རྒྱུ་བཞིན་དུ་དམིགས་དང་བྲལ། །མིང་དུ་བཏགས་པ་འཁྲུལ་པ་སྟེ། །ཡང་དག་ཉིད་ལ་གདགས་སུ་མེད། །ཅེས་གསུངས་སོ། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། །མདོ་འདིའི་དགོས་པ་ཇི་ལྟ་བུ། །འདྲེལ་པ་དང་ནི་བརྗོད་པ་ཅི། །ཡང་དགོས་ཇི་ལྟ་བུ་དག་བཞེད། །འདི་དོན་ཇི་ལྟར་རྟོགས་པར་བགྱི། །གསང་བ་མཆོག་གི་བདག་པོས་བཀའ་སྩལ་པ། །ཁམས་གསུམ་གནས་པའི་སེམས་ཅན་ལ། །མདོ་དོན་འདི་ལྟར་གཅེས་པས་ན། །དགོས་པ་ཞེས་སུ་བཤད་པ་ཡིན། །འདི་དོན་རྟོགས་པའི་རྣལ་འབྱོར་པས། །གཞན་དག་བདེ་བླག་རྟོགས་འགྱུར་བས། །མདོ་གཞན་དག་དང་འདྲེལ་པར་བཤད། །མདོ་འདི་དག་ལ་བརྟེན་ནས་སུ། །དངོས་གྲུབ་ཁྱད་པར་ཅན་ཡང་ཐོབ། །དེ་ནས་དགོས་པ་དག་དང་འདྲེལ། །ཏིང་ངེ་འཛིན་དང་བྱང་ཆུབ་སེམས། །གཟུགས་བརྙན་ཏིང་འཛིན་དཀྱིལ་འཁོར་དང་། །སྔགས་དང་ཕྱག་རྒྱ་ཐུགས་རྗེས་འདུལ། །ལས་དང་དམ་ཚིག་མདོ་ཡི་དོན། །རྣམ་བཤད་བརྗོད་པ་ཞེས་སུ་བཤད། །དངོས་གྲུབ་འབྲས་བུ་ཁྱད་པར་ཅན། །གདོན་མི་ཟ་བར་ངེས་འགྲུབ་པ། །ཡང་དགོས་ཡིན་པར་རྒྱལ་བས་ ― DNG008_Page_0059 ―
[མ་དཔེ་གཟིགས་ན་འདིར་གནོན།]
གསུངས། །དེ་བས་རྣམ་པ་བཞི་བོ་ཡིས། །བདེ་བླག་དག་ཏུ་རྟོགས་འགྱུར་ཕྱིར། །རྣམ་བཞི་ཁོང་དུ་ཆུད་པར་གཅེས། །ཞེས་གསུངས་སོ། །དེ་ནས་རྡོ་རྗེ་ཡིད་ཀུན་ཏུ་བཟང་པོས་ཡང་འདི་སྐད་ཅེས་གསོལ་ཏོ། །ཀྱེ་མའོ་བདེར་གཤེགས་རྡོ་རྗེ་འཛིན། །སྟོང་པ་ཉིད་དང་སྙིང་རྗེ་དང་། །སྐུ་ཉིད་ཡོངས་སུ་རྫོགས་པ་དང་། །ཤེས་རབ་ཐབས་སུ་རྣམ་བསྐུལ་བས། །སྤྲོ་དང་བསྡུ་བའི་མཚན་ཉིད་ཅི། །གསང་བ་མཆོག་གི་བདག་པོས་བཀའ་སྩལ་པ། སེམས་དཔའ་ཆེན་པོ། དེ་བཞིན་ཉིད་ལས་གནས་བཅས་ཕྱིར། །དང་པོ་སྟོང་པ་ཆེན་པོར་བསྒོམ། །དམ་པའི་དོན་གྱི་བྱང་ཆུབ་སེམས། །རྒྱུ་ཡི་ཚུལ་དུ་རྣམ་པར་གནས། །རྒྱུ་དང་འབྲས་བུར་འདྲེལ་པས་ན། །མཚམས་སུ་སྦྱོར་བའི་ཏིང་འཛིན་བསྒོམ། །འདི་ནི་ཀུན་རྫོབ་བྱང་ཆུབ་སེམས། །རྐྱེན་གྱི་ཚུལ་དུ་རྣམ་པར་གནས། །རྒྱུ་ལས་འབྲས་བུར་སྣང་བས་ན། །ཡོངས་སུ་རྫོགས་པའི་རྣམ་པར་སྣང་། །རང་བྱུང་སྐུ་སྟེ་ཆེ་བའི་མཆོག །འབྲས་བུའི་ཚུལ་དུ་མངོན་སངས་རྒྱས། །རང་བྱུང་རྒྱལ་བའི་སྐུ་མཆོག་ལས། །ཤེས་རབ་ཐབས་ཀྱི་འཕྲོ་འདུ་ལས། །སྦྱོར་བའི་བྱིན་རླབས་འོད་འཕྲོས་པས། །འགྲོ་བའི་དོན་རྣམས་རྫོགས་པར་འགྱུར། །སྟོང་པ་ཉིད་དང་སྙིང་རྗེ་ཆེ། །ཐ་མི་དད་པའི་བྱང་ཆུབ་སེམས། །བསྙེན་པ་ཞེས་སུ་རྒྱལ་བས་གསུངས། །རང་བྱུང་རྒྱལ་བའི་སྐུ་མཆོག་ཏུ། །བདག་ཉིད་ཤེས་པར་འགྱུར་བ་ནི། །ཉེ་བར་བསྙེན་པའི་དམ་ཚིག་ཡིན། །ཤེས་རབ་ཡུམ་གྱི་མཚན་ཉིད་ནི། །སྒྲུབ་པ་ཞེས་ནི་བྱ་བར་བཤད། །ཤེས་རབ་ཐབས་སུ་གཉིས་མེད་པས། །སྒྲུབ་པ་ཆེན་པོར་རྣམ་པར་བཤད། །དེ་བས་རྣམ་པ་བཞི་པོ་ནི། །ཀུན་གྱི་ཐོག་མར་འགྲོ་བ་ཡིན། །ཞེས་གསུངས་སོ། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་འདི་སྐད་ཅེས་གསོལ་བ་བཏབ་པོ། །ཀྱེ་མའོ་བདེར་གཤེགས་རྒྱལ་བའི་གཙོ། །བྱང་ཆུབ་སེམས་ཀྱི་བྱིན་རླབས་ལས། །ཐོག་མར་གཞལ་ཡས་བྱང་ཆུབ་སེམས། ། ― DNG008_Page_0060 ―
[མ་དཔེ་གཟིགས་ན་འདིར་གནོན།]
དེ་དབུས་རང་སྔགས་སྐྱེས་བུ་ཉིད། །གནས་དང་བདག་པོའི་མཚན་ཉིད་ཅི། །གསང་བ་མཆོག་གི་བདག་པོས་བཀའ་སྩལ་པ། སེམས་དཔའ་ཆེན་པོ། ཤེས་རབ་ཡུམ་གྱི་མཁའ་དབྱིངས་སུ། །བྷ་ག་ཡངས་པའི་གཞལ་ཡས་སུ། །རང་སྔགས་སྐྱེས་བུར་རྣམ་གསལ་བ། །སྣོད་དང་བཅུད་ཀྱི་མཚན་ཉིད་དང་། །ཤེས་རབ་ཐབས་སུ་འདྲེལ་པ་ནི། །བདེར་གཤེགས་རྒྱལ་བ་ཀུན་གྱིས་གསུངས། །ཞེས་གསུངས་སོ། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། ཀྱེ་མའོ་གསང་བ་མཆོག་གི་བདག །ཏིང་ངེ་འཛིན་དང་སྙིང་པོ་དང་། །རང་མཚན་སོ་སོའི་སྐུར་རྫོགས་པས། །རྟེན་འདྲེལ་དོན་དེ་ཇི་ལྟར་ལགས། །ཞེས་གསོལ་པ་དང་། གསང་བ་མཆོག་གི་བདག་པོས་བཀའ་སྩལ་པ། སེམས་དཔའ་ཆེན་པོ་ཉོན་ཅིག །ཏིང་འཛིན་ཞེས་བྱ་ཡེ་ཤེས་ཏེ། །དོན་དམ་རྒྱུ་ཡི་ཚུལ་དུ་གནས། །སྙིང་པོ་ཞེས་སུ་གསུང་དུ་གྲགས། །ཐུགས་ཀྱི་མཚན་མ་ཐུགས་ཉིད་དེ། །རྣམ་པ་ཀུན་རྫོབ་སྐུ་ཡི་རྒྱ། །འབྲས་བུ་སྐུ་གསུང་ཐུགས་སུ་གྲགས། །ཏིང་ངེ་འཛིན་ནི་ལས་ཀྱི་རྒྱ། །སྙིང་པོ་ཆོས་ཀྱི་ཕྱག་རྒྱ་སྟེ། །ཐུགས་ཀྱི་མཚན་མ་དམ་ཚིག་རྒྱ། །ཡོངས་སུ་རྫོགས་པ་སྐུ་ཡི་སྟེ། །མདོར་བསྡུས་ཕྱག་རྒྱ་རྣམ་པ་བཞི། །ཞེས་གསུངས་སོ། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་འདི་སྐད་ཅེས་གསོལ་ཏོ། །ཀྱེ་མའོ་གསང་བ་མཆོག་གི་བདག །ཞེ་སྡང་ཞེས་བགྱི་ཇི་ལྟར་ལགས། །གཏི་མུག་ང་རྒྱལ་འདོད་ཆགས་དང་། །དེ་བཞིན་ཕྲག་དོག་ཇི་ལྟར་ལགས། །ཞེས་གསོལ་པ། གསང་བ་མཆོག་གི་བདག་པོས་བཀའ་སྩལ་པ། །ཐུགས་ནི་རྣམ་ཤེས་ཡིན་པས་ན། །ཞེ་སྡང་སེམས་ལ་གནས་བཅའ་བའོ། །གཟུགས་ནི་སྐུ་ཡི་རྣམ་པ་བས། །གཏི་མུག་གླེན་པས་བཅིངས་པར་བཤད། །ཚོར་བ་མྱོང་ནས་མི་གཏོང་བར། །ང་རྒྱལ་ང་རྒྱལ་ཞེས་སུ་བཤད། །འདུ་ཤེས་ཤེས་ནས་ཆགས་པས་ ― DNG008_Page_0061 ―
[མ་དཔེ་གཟིགས་ན་འདིར་གནོན།]
ཆགས། །འདོད་པ་ཆགས་པས་འདོད་ཆགས་སོ། །ཕྲག་དོག་མངོན་པར་འདུ་བྱེད་ཉིད། །སངས་རྒྱས་ལྔ་རུ་རབ་ཏུ་གྲགས། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་འདི་སྐད་ཅེས་གསོལ་ཏོ། །ནམ་མཁའ་ས་ཆུ་མེ་རླུང་དང་། །དབྱིངས་ཕྱུག་ལྔ་རུ་བཀའ་སྩལ་པ། །ངོ་བོ་ཇི་ལྟར་གསལ་བར་བཞེད། །ཅེས་གསོལ་ཏོ། །གསང་བ་མཆོག་གི་བདག་པོས་བཀའ་སྩལ་པ། །གཏི་མུག་ནམ་མཁའི་ངོ་བོ་སྟེ། །ཞེ་སྡང་མེ་ནི་འབར་བར་བཤད། །འདོད་ཆགས་ཆུ་ཡི་ངོ་བོ་སྟེ། །ང་རྒྱལ་སྲ་བ་ས་ཡི་ཁམས། །ཕྲག་དོག་རླུང་གི་ངོ་བོ་ཡིན། །དེ་བས་དབྱིངས་ཕྱུག་ལྔ་རུ་བཤད། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་འདི་སྐད་ཅེས་གསོལ་ཏོ། །དོན་དམ་ཀུན་རྫོབ་ཐ་མི་དད། །བྱང་ཆུབ་ཐིག་ལེའི་རང་བཞིན་དེ། །སྤྲོས་པའི་མཚན་མ་མེད་ལགས་ན། །རྣམ་གྲངས་དོན་དེ་ཇི་ལྟར་ལགས། །གསང་བ་མཆོག་གི་བདག་པོས་བཀའ་སྩལ་པ། །ཐ་དད་མེད་པའི་བྱང་ཆུབ་སེམས། །སྤྲོས་མེད་རྒྱུ་ཡི་ཚུལ་ཉིད་ལས། །འབྲས་བུ་ཡེ་ཤེས་ལྔར་བཤད་པའམ། །བདེ་བར་གཤེགས་པ་ཐམས་ཅད་ཀྱི། །སོ་སོ་རང་གི་མཚན་ཉིད་དེ། །ཇི་ལྟར་ཐུགས་སུ་ཆུད་པ་བཞིན། །བྱང་ཆུབ་སེམས་ཀྱང་དེ་བཞིན་དུ། །བདེར་གཤེགས་རྒྱལ་བ་ཀུན་གྱིས་གསུངས། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། གཟུགས་བརྙན་སྤྱི་ཡི་དཀྱིལ་འཁོར་དུ། །རྒྱལ་བ་སངས་རྒྱས་ཀུན་བཀོད་པར། །གསང་བའི་དཀྱིལ་འཁོར་ཀུན་འདུས་ནས། །རང་རང་སྤྱི་རུ་དབྱེ་བ་ཡི། །རྣམ་གྲངས་དོན་དེ་ཇི་ལྟར་ལགས། །གསང་བ་མཆོག་གི་བདག་པོས་བཀའ་སྩལ་པ། །དོན་དམ་ཉིད་དུ་དབྱེར་མེད་ཀྱང་། །ཀུན་རྫོབ་བདེན་པའི་དབང་ཙམ་དུ། །བདེར་གཤེགས་རྒྱལ་བས་གང་ལ་ཡང་། །སྐུ་དང་གསུང་ཐུགས་ཡོན་ཏན་དང་། །ལས་ལྔ་དང་ནི་སྤྱི་དང་དྲུག །རང་གི་རྒྱུད་དུ་གནས་པའི་ཕྱིར། །དཀྱིལ་འཁོར་རྣམས་ཀྱང་དེ་སྙེད་དུ། །བདེར་གཤེགས་རྒྱལ་བ་ཉིད་ཀྱིས་གསུངས། །རྡོ་རྗེ་ཡིད་ཀུན་ཏུ་བཟང་པོས་ ― DNG008_Page_0062 ―
[མ་དཔེ་གཟིགས་ན་འདིར་གནོན།]
གསོལ་པ། །སྐུ་དང་གསུང་ཐུགས་ཡོན་ཏན་ལས། །ཁྱད་པར་སྤྱི་ཡི་དཀྱིལ་འཁོར་དང་། །རྣམ་པ་དྲུག་པོར་བཀའ་སྩལ་པ། །དྲུག་ཚན་གསུམ་དུ་གསུངས་པ་དེ། །དགོས་ཆེད་ཇི་ལྟ་བུ་དག་མཆིས། །གསང་བ་མཆོག་གི་བདག་པོས་བཀའ་སྩལ་པ། །སེམས་དཔའ་ཆེན་པོ་དྲུག་ཏུ་བཤད་པར་མ་ཟད་དེ། །དེ་དག་རེ་རེ་དག་ལ་ཡང་། །སྐུ་གསུང་ཐུགས་སུ་གནས་པས་ན། །གསུམ་གསུམ་དག་ཏུ་བརྗོད་པ་ཡིན། །སྤྱི་དང་ལས་དང་ཡོན་ཏན་ཡང་། །དོན་ལ་ཀུན་ལའང་ཡོད་མོད་ཀྱི། །སོ་སོར་བཤད་པར་མི་བྱའོ། །ཅི་ཕྱིར་སྐུ་གསུང་ཐུགས་ཉིད་ལས། །གུད་ན་ཡོད་པ་མ་ཡིན་ཕྱིར། །དེ་བས་རྒྱལ་བ་སངས་རྒྱས་ཀྱིས། །དཀྱིལ་འཁོར་སྐུ་དང་གསུང་དང་ཐུགས། །མི་ཟད་རྒྱན་གྱི་དཀྱིལ་འཁོར་དུ། །འགྲོ་བ་རྣམས་ཀྱི་ལུས་ངག་སེམས། །སྲིད་པའི་འཁོར་ལོ་མི་ཟད་ལ། །དགོངས་ནས་དེ་སྙེད་གསུངས་པར་ཟད། །མདོར་ན་སྐུ་གསུང་ཐུགས་ཉིད་དང་། །འགྲོ་བའི་ལུས་དང་ངག་སེམས་ཀྱང་། །སོ་སོར་ཡོངས་སུ་མ་གྲུབ་སྟེ། །ངེས་པ་མེད་པར་རྒྱལ་བས་གསུངས། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། བདེར་གཤེགས་བརྙན་མའི་དཀྱིལ་འཁོར་ལ། །ཆོ་ག་ལྷག་གམ་མ་ཚང་ན། །དངོས་གྲུབ་འབྲས་བུ་མི་འབྱུང་ཞིང་། །རྣམ་པར་གྲོལ་བར་མི་འགྱུར་རམ། །གསང་བ་མཆོག་གི་བདག་པོས་བཀའ་སྩལ་པ། །དག་པའི་རྒྱུད་དང་མི་ལྡན་པའི། །མིང་གི་རྣལ་འབྱོར་གང་ཞིག་གིས། །ཆོ་གའི་གྲངས་དང་ཡོ་བྱད་རྣམས། །ཚང་བར་བསྩོགས་ཀྱང་འབྲས་བུ་རིང་། །དག་པའི་རྒྱུད་ལྡན་རྣལ་འབྱོར་གྱིས། །གལ་ཏེ་བརྙན་མའི་ལས་བྱེད་ཀྱང་། །ཆོ་ག་ཡོ་བྱད་གཏོར་མ་རྣམས། །ཚོགས་ན་ཡང་ནི་གཙོར་མ་གསུངས། །མ་ཚོགས་ན་ཡང་ངེས་པར་འགྲུབ། །དེ་བས་ནན་ཏན་ཆེར་བསྐྱེད་དེ། །བསམ་པ་དག་པར་ཤིན་ཏུ་གཅེས། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། །རང་ ― DNG008_Page_0063 ―
[མ་དཔེ་གཟིགས་ན་འདིར་གནོན།]
བཞིན་དཀྱིལ་འཁོར་བཟང་པོ་ཉིད། །ཡེ་ནས་ལྷུན་གྲུབ་གནས་བཞིན་དུ། །ཏིང་འཛིན་བསྐྱེད་པའི་དཀྱིལ་འཁོར་དེས། །ཡོངས་སུ་འགྲུབ་པར་མི་འགྱུར་ན། །འདི་ཡི་དགོས་པ་ཇི་ལྟར་ལགས། །འདི་ལ་ཁྱད་པར་ཅི་ཞིག་མཆིས། །གསང་བ་མཆོག་གི་བདག་པོས་བཀའ་སྩལ་པ། །དག་པའི་རྒྱུད་དང་མི་ལྡན་པས། །བསྐྱེད་ཀྱང་རྫོགས་པར་མི་འགྱུར་ལ། །དག་པའི་རྒྱུད་ལྡན་དབང་ཕྱུག་དེ། །ཡེ་ནས་སངས་རྒྱས་ཡིན་པའི་ཕྱིར། །ཏིང་འཛིན་བསྐྱེད་པའི་དཀྱིལ་འཁོར་རྣམས། །ཐུགས་ཀྱི་སྲས་སུ་རྫོགས་པ་དང་། །དེས་ཀྱང་དངོས་གྲུབ་སྟེར་བར་ངེས། །རང་རྒྱུད་རྣམ་པར་དག་གྱུར་ན། །རྫོགས་དང་བསྐྱེད་པའི་དཀྱིལ་འཁོར་ལ། །ཁྱད་པར་མེད་པར་རྒྱལ་བས་གསུངས། །དེ་བས་རྣལ་འབྱོར་ཁས་འཆེས་པས། །ཏིང་འཛིན་ནན་ཏན་དག་པར་བྱའོ། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།སྣ་ཚོགས་ལས་ཀྱི་སྔགས་རྣམས་དང་། །སྣ་ཚོགས་ལས་ཀྱི་ཕྱག་རྒྱ་ཡིས། །སྣ་ཚོགས་ལས་རྣམས་འགྲུབ་འགྱུར་བ། །གང་གི་སྟོབས་ཀྱིས་འགྲུབ་པར་འགྱུར། །གསང་བ་མཆོག་གི་བདག་པོས་བཀའ་སྩལ་པ། །སེམས་དཔའ་ཆེན་པོ། སྣ་ཚོགས་སྔགས་དང་ཕྱག་རྒྱ་ཡིས། །ལས་རྣམས་སྣ་ཚོགས་འགྲུབ་གྱུར་པའི། །ཏིང་འཛིན་སྟོབས་ཀྱིས་ངོ་མཐོན་དུ། །སེམས་ཀྱི་སྤྲུལ་པ་འབྱུང་བར་འགྱུར། །སེམས་ཉིད་དག་པའི་ངང་ཉིད་ལས། །ཆོ་འཕྲུལ་སྣ་ཚོགས་ཟད་མི་ཤེས། །སྣ་ཚོགས་སྔགས་དང་ཕྱག་རྒྱ་དང་། །སྣ་ཚོགས་ཡོན་ཏན་བཤད་པ་རྣམས། །སྐུ་གསུང་ཐུགས་ཀྱི་དཀྱིལ་འཁོར་གྱི། །ལས་དང་ཡོན་ཏན་ཉིད་ཡིན་པར། །མཁས་པས་དེ་བཞིན་རིག་པར་བྱ། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། སྣ་ཚོགས་སྣ་ཚོགས་འགྲོ་རྣམས་ལ། །སྣ་ཚོགས་བདེར་གཤེགས་རྒྱལ་བ་ཡི། །སྤྲུལ་པ་སྣ་ཚོགས་སྣ་ཚོགས་པས། །སྣ་ཚོགས་སྣ་ཚོགས་ཅིས་འདུལ་བས། །བཏུལ་བ་སྣ་ཚོགས་ཇི་ལྟར་ལགས། །གསང་བ་མཆོག་གི་བདག་པོས་བཀའ་སྩལ་པ། །ཀུན་ཏུ་སྣ་ཚོགས་སྐལ་བཟང་གི། །འགྲོ་རྣམས་སྣ་ཚོགས་ ― DNG008_Page_0064 ―
[མ་དཔེ་གཟིགས་ན་འདིར་གནོན།]
བཏུལ་བ་དང་། །སྣ་ཚོགས་འགྲོ་རྣམས་རང་རང་གི། །ལས་འཕྲོའི་དབང་གིས་སྣང་བ་ལས། །དེ་བཞིན་ཉིད་ཀྱིས་བཅོས་པ་མེད། །བདེར་གཤེགས་རྒྱལ་བ་ཐམས་ཅད་ཀྱིས། །དངོས་པོ་རྡུལ་ཙམ་མི་གཟིགས་ཏེ། །ཆེད་དུ་རྣམ་པར་མི་སྤྲུལ་ཡང་། །སེམས་ཅན་ལྟ་སྤྱོད་ཐ་དད་པས། །བདེར་གཤེགས་སྐུ་ཡང་སྣང་མཐའ་ཡས། །དེ་བས་གདུལ་བྱའི་འགྲོ་རྣམས་དང་། །བདེར་གཤེགས་སྒྱུ་འཕྲུལ་སྣ་ཚོགས་ཀྱང་། །འཁྲུལ་པའི་དབང་གིས་སྣང་བར་ཟད། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། གསང་བའི་རྡོ་རྗེ་ཐེག་མཆོག་ལ། །ངན་ཟོས་ངན་སྤྱོད་ཐམས་ཅད་ཀུན། །བྱས་ལ་མི་སྩོགས་ཚོགས་འགྱུར་བར། །བཤད་པའི་དོན་འདི་ཇི་ལྟར་ལགས། །གསང་བ་མཆོག་གི་བདག་པོས་བཀའ་སྩལ་པ། །སེམས་དཔའ་ཆེན་པོ། དེ་བཞིན་ཉིད་ལ་གནས་བཅས་ནས། །ངན་ཟོས་ངན་སྤྱོད་ཐམས་ཅད་ཀྱང་། །ཚོགས་ཆེན་གཉིས་སུ་རྫོགས་པར་རོལ། །དོན་དམ་སྟོང་པ་རྒྱུ་ཡི་ཚུལ། །ཆོས་སྐུ་ཤེས་རབ་ཅེས་སུ་བཤད། །ཀུན་རྫོབ་དངོས་པོ་འབྲས་བུའི་ཚུལ། །ཐབས་མཆོག་གཟུགས་སྐུར་མངོན་སངས་རྒྱས། །ཉོན་མོངས་རྒྱུ་ནས་རྣམ་པར་དག །དམྱལ་བའི་གནས་ཉིད་བླ་མེད་གནས། །རྣལ་འབྱོར་རིག་པ་འདིར་ལྡན་ན། །སྤྱོད་ཡུལ་ཀུན་ཏུ་མི་འདའ་ལ། །ཐམས་ཅད་མཉམ་པའི་ངང་དུ་གནས། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། ཐམས་ཅད་མཉམ་པའི་ངང་ཉིད་ལས། །ཐམས་ཅད་དབྱེར་མེད་གཅིག་པ་ལས། །ལོག་པའི་ལམ་པའི་དྲེགས་པ་རྣམས། །སྲིད་རྩ་ཉེས་དམིགས་ཇི་ལྟར་ལགས། །མ་དད་རྒྱུ་དེ་ཇི་ལྟར་ལགས། །ཐུགས་རྗེས་འདུལ་བ་ཅི་ཡི་ཕྱིར། །གསང་བ་མཆོག་གི་བདག་པོས་བཀའ་སྩལ་པ། །ལོག་པའི་ལམ་པའི་དྲེགས་པ་དེ། །གསང་བའི་ཐེག་པའི་སྒོར་ཞུགས་ནས། །སེམས་ལ་ཉོན་མོངས་རྒྱུད་འཆང་བས། །རང་བཞིན་གསང་བ་མ་རྟོགས་པར། །དངོས་རྟོགས་རྫས་ལ་མངོན་པར་འཆེལ། །རང་སེམས་སྐད་ ― DNG008_Page_0065 ―
[མ་དཔེ་གཟིགས་ན་འདིར་གནོན།]
ཅིག་རང་བཞིན་ལ། །རྟག་པ་ཐེར་ཟུག་བལྟས་པ་ཡིས། །སྲིད་རྩ་ཉེས་དམིགས་དེ་ལས་བྱུང་། །ཆེ་བའི་ང་རྒྱལ་དབང་གིས་ན། །ཞི་བས་འདུལ་ལ་དད་མི་འགྱུར། །སྔ་མར་བསྟན་པའི་སྟོབས་ཤུགས་ཀྱིས། །ཁྲོས་པའི་ཐུགས་རྗེས་འདུལ་བར་འགྱུར། །དྲེགས་པའི་ང་རྒྱལ་ཁྲོས་པས་ཀྱང་། །འཇིག་རྟེན་ཁམས་ཀུན་སྤ་བཀོང་ནས། །ཡེ་ཤེས་ཐུགས་རྗེ་ཁྲོས་པ་ཡིས། །དགོད་དང་གཤེ་དང་ཟ་བྱེད་པའོ། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། ཁྲག་འཐུང་ཀུན་གྱི་ཐུགས་ཀྱི་ཐུགས། །རྡོ་རྗེ་རབ་ཏུ་ཀཱི་ལ་ཡ། །དྲེགས་པའི་ཚོགས་རྣམས་སྒྲོལ་མཁས་པ། །དེ་ཡི་དངོས་གཞི་ཇི་ལྟར་ལགས། །གདབ་པའི་ཐབས་སུ་ཇི་ལྟར་བགྱི། །ཐེག་པའི་མཚན་ཉིད་ཇི་ལྟར་ལགས། །གསོ་བའི་ཆོ་ག་ཅི་ལྟར་བགྱི། །སླར་དབྱུང་ཆོ་ག་ཇི་ལྟར་ལགས། །གསང་བ་མཆོག་གི་བདག་པོས་བཀའ་སྩལ་པ། །དུས་གསུམ་བདེར་གཤེགས་ཐམས་ཅད་ཀྱི། །ཐུགས་ཀྱི་སྲས་མཆོག་ཀཱི་ལ་ཡ། །དྲེགས་པ་འདུལ་ཕྱིར་ཐུགས་ལས་ཤར། །སྲས་མཆོག་དེ་ཡི་དངོས་གཞི་ཡང་། །བྱང་ཆུབ་སེམས་ཀྱི་ཕུར་པ་སྟེ། །མ་བཏབ་བཞིན་དུ་ལས་རྣམས་རྫོགས། །སྲིད་པ་གདར་ཤ་བཅད་ནས་ནི། །མཚན་མ་དབྱིངས་སུ་རྟོགས་གྱུར་ཏེ། །གཞུང་བཞིན་བཏབ་ན་ཐེབས་པར་ངེས། །ཐེབས་པའི་རྟགས་སུ་བསྟན་པ་ནི། །ཡང་དག་དོན་དུ་བསྟན་པ་ནི། །སྣང་སྲིད་ཆོས་རྣམས་ཐམས་ཅད་ཀུན། །མཚན་མེད་ངང་དུ་རྟོགས་པ་ཡི། །དྲོད་ཆེན་རྟགས་ཀྱང་འབྱུང་བར་ངེས། །ཀུན་རྫོབ་རྟགས་སུ་བསྟན་པ་ནི། །མངོན་དུ་སྣང་བ་འབྱུང་བར་འགྱུར། །ཐེབས་ནས་གསོ་བའི་ཆོ་ག་ཡང་། །བདུད་རྩི་འཁྱིལ་པས་བྱ་བར་ཤིས། །བཏབ་ནས་སླང་དབྱུང་ཆོ་ག་ནི། །རྡོ་རྗེ་ལྕགས་ཀྱུའི་སྦྱོར་བ་ཡིས། །སྙིང་རྗེར་བསྒོམས་ཏེ་དབྱུང་བར་བྱ། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། དྲེགས་པའི་ལས་ཀྱིས་འཆེལ་པ་ལ། །ཁྲོ་བོའི་ཐུགས་རྗེས་འདུལ་བའི་ཚེ། །དྲེགས་པ་ ― DNG008_Page_0066 ―
[མ་དཔེ་གཟིགས་ན་འདིར་གནོན།]
བསྒྲལ་བ་ཅིའི་ཕྱིར་ལགས། །དྲེགས་མ་སྦྱོར་བའི་དགོས་པ་ཅི། །གསང་བ་མཆོག་གི་བདག་པོས་ག་ཎ་ཡིན་ནམ་བཀའ་སྩལ་པ། །ཞེ་སྡང་ལས་ཀྱིས་འཆོལ་བ་ལ། །ཞེ་སྡང་ཆེན་པོའི་ཏིང་འཛིན་གྱི། །ཞེ་སྡང་དབྱིངས་སུ་དག་བྱའི་ཕྱིར། །དྲེགས་པ་ཕོ་ནི་བསྒྲལ་བར་གསུངས། །འདོད་ཆགས་ལས་ཀྱི་གཟིར་བ་ལས། །འདོད་ཆགས་ཆེན་པོ་འགའ་ན་རུ། །འདོད་ཆགས་དབྱིངས་སུ་དག་བྱའི་ཕྱིར། །དྲེགས་པ་མོ་ནི་རབ་ཏུ་སྦྱོར། །སྦྱོར་སྒྲོལ་བྱ་བ་ཀུན་བྱས་ཀྱང་། །དེ་ལ་བྱ་བ་རྡུལ་ཙམ་མེད། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། རྡོ་རྗེ་དྲག་པོའི་དཀྱིལ་འཁོར་ལ། །དཀྱིལ་འཁོར་རྣམ་པར་ཇི་ལྟར་འཚལ། །སྔགས་ཀྱི་བདག་པོ་གང་གིས་བགྱི། །འགུགས་འདྲེན་ཕོ་ཉ་གང་གིས་བགྱི། །སྒྲོལ་བའི་ཕྲིན་ལས་གང་གིས་བགྱི། །གསང་བ་མཆོག་གི་བདག་པོས་བཀའ་སྩལ་པ། །དྲག་པོ་ལས་ཀྱི་དཀྱིལ་འཁོར་ལ། །རྣམ་པ་གསུམ་དུ་རྒྱལ་བས་གསུངས། །བདག་ཉིད་ཆེན་པོའི་དཀྱིལ་འཁོར་དུ། །ཕྱོགས་མཚམས་ཁྲོ་བོའི་དཀྱིལ་འཁོར་དང་། །སྲས་མཆོག་ཕུར་པའི་དཀྱིལ་འཁོར་དེ། །རྡོ་རྗེ་གཞོན་ནུ་ལས་ཀྱི་ལྷ། །གཙོ་གཟུངས་ཟུང་དུ་འདྲེལ་པ་ནི། །བདག་ཉིད་ཆེན་པོ་ཡིན་པར་བཤད། །ཁྲོ་བོ་ཁྲོ་མོ་ཕྲ་མེན་ཚོགས། །ཕྱོགས་མཚམས་ཁྲོ་བོ་ཞེས་སུ་བྱ། །སྲས་མཆོག་ཕུར་པའི་ཁྲོ་བོ་ནི། །ཀཱི་ལ་ཡ་ཞེས་རབ་ཏུ་གྲགས། །དེ་དག་དཀྱིལ་འཁོར་རེ་རེ་ལའང་། །རང་བཞིན་ལྷུན་གྲུབ་དཀྱིལ་འཁོར་དང་། །བསྐྱེད་པ་ཏིང་འཛིན་དཀྱིལ་འཁོར་དང་། །རྟེན་བཅའ་བརྙན་མའི་དཀྱིལ་འཁོར་ཏེ། །གསུམ་གསུམ་དག་ཏུ་རྒྱལ་བས་གསུངས། །བདག་ཉིད་ཆེན་པོ་སྔགས་ཀྱི་བདག །ཕྱོགས་བཅུའི་ཁྲོ་བོས་འགུགས་འདྲེན་བྱེད། །སྲས་མཆོག་ཕུར་པས་སྒྲོལ་བར་གཅེས། །བདེར་གཤེགས་རྒྱལ་བ་ཀུན་གྱིས་གསུངས། །དེ་བས་ནན་ཏན་ཆེར་བསྐྱེད་དེ། །དྲག་པོའི་ལས་ལ་བརྩོན་པའི་མིས། །དཀྱིལ་འཁོར་གསུམ་དུ་ཤེས་པར་བྱའོ། །ཡང་ ― DNG008_Page_0067 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཡིད་ཀུན་ཏུ་བཟང་པོས་གསོལ་པ། ཁྲག་འཐུང་རྣམས་ཀྱི་སྟངས་ཚུལ་དང་། །བཟླས་པ་ཁྲོ་བོའི་གསང་སྔགས་རྣམས། །ཏིང་འཛིན་རྣལ་འབྱོར་གང་གིས་བགྱི། །དགོས་པའི་དུས་ཚོད་གང་ལྟར་ལགས། །གསང་བ་མཆོག་གི་བདག་པོས་བཀའ་སྩལ་པ། །རྡོ་རྗེ་ཁྲོ་བོ་ཁྲོ་མོ་རྣམས། །སོ་སོ་གང་ཡིན་གསལ་བསྒོམས་ལ། །གང་ཡིན་སྔགས་དང་སྟངས་སྟབས་རྣམས། །རང་རང་ལས་ཀྱི་དུས་སུ་སྦྱོར། །ཡོངས་ནི་རང་རྒྱུད་དག་པ་ན། །གཅིག་གིས་ཀུན་གྱི་ལས་རྣམས་ཀྱང་། །ཅི་འདོད་ཐམས་ཅད་བྱ་རུ་རུང་། །དེ་སྐད་རྒྱལ་བ་དཔའ་བོས་བཤད། །ཡང་བྱེད་པ་པོ་རྡོ་རྗེ་ཡིད་ཀུན་ཏུ་བཟང་པོས་གསོལ་པ། རྒྱུན་གྱི་ཏིང་འཛིན་བྱ་བ་ཡི། །སྔོན་དུ་འགྲོ་བའི་ལས་ནི་གང་། །ཅི་ལྟར་མཐར་ཕྱིན་པ་ཡིས་འགྲུབ། །གྲུབ་པའི་མཐའ་ནི་ཇི་ལྟར་ལགས། །གསང་བ་མཆོག་གི་བདག་པོས་བཀའ་སྩལ་པ། །ནན་ཏུར་ཏིང་འཛིན་བྱེད་པའི་ཚེ། །ཚད་མེད་སྙིང་རྗེ་བསྐྱེད་པ་དང་། །བྱང་ཆུབ་སེམས་ལ་དགའ་བ་ནི། །སྔོན་དུ་འགྲོ་བའི་ལས་མཆོག་ཡིན། །བསྙེན་པ་དང་ནི་ཉེ་བསྙེན་པ། །སྒྲུབ་པ་སྒྲུབ་ཆེན་མཐར་ཕྱིན་པས། །བསྒྲུབས་ན་ངེས་པར་འགྲུབ་པར་འགྱུར། །བདག་དང་ཕུར་བུ་སེམས་ཅན་རྣམས། །ཐ་མི་དད་པར་གྲུབ་མཐའ་གཅིག །ཅེས་གསུངས་སོ། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། ཞི་རྒྱས་དབང་དང་དྲག་སྤྱོད་ཀྱི། །ཕྲིན་ལས་རྣམ་བཞིར་བཤད་པ་གང་། །གནས་སྐབས་གང་དུ་འཚལ་བ་ལགས། །མཚན་ཉིད་ཇི་ལྟར་འཚལ་བར་བགྱི། །གསང་བ་མཆོག་གི་བདག་པོས་བཀའ་སྩལ་པ། །རྣལ་འབྱོར་དགོངས་པའི་ལས་བཞི་པོ། །ཞི་ཁྲོའི་དཀྱིལ་འཁོར་གང་གི་ཡང་། །ཆ་དང་རྐྱེན་དུ་རྒྱལ་བས་བསྔགས། །དེ་བས་ནན་ཏན་ཆེར་བསྐྱེད་དེ། །ལས་བཞི་རྫོགས་པ་མཆོག་ཡིན་ནོ། །མཚན་ཉིད་འབྱུང་བ་བཞི་ཡིན་ཏེ། །ཨེ་ནི་བསྲེགས་པས་མེ་རུ་བཤད། །བཾ་ནི་ཆུ་ཡི་དཀྱིལ་འཁོར་ཏེ། །མ་ནི་ས་ཡི་མཚན་ཉིད་དེ། །ཡ་ནི་རླུང་དུ་བཤད་པ་ཡིན། །དཀྱིལ་འཁོར་ཆེན་པོ་ནམ་ ― DNG008_Page_0068 ―
[མ་དཔེ་གཟིགས་ན་འདིར་གནོན།]
མཁའ་ཡི། །མཚན་ཉིད་ཡིན་པར་རྒྱལ་བས་གསུངས། །ལས་རྣམས་བརྩམ་པ་མ་བྱས་ན། །བསྒྲུབས་ཀྱང་འགྲུབ་པར་མི་འགྱུར་རོ། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། དམ་ཚིག་གནས་རྣམས་བཀའ་སྩལ་པ། །དམ་ཚིག་ཅེས་ནི་གང་ལ་བགྱི། །ཉམས་པ་གསོ་ན་ཇི་ལྟར་ལགས། །རང་བཞིན་ཇི་ལྟར་འཚལ་བར་བགྱི། །གསང་བ་མཆོག་གི་བདག་པོས་བཀའ་སྩལ་པ། །དམ་ཚིག་དམ་ཚིག་ཅེས་བྱ་བ། །རྟོགས་པའི་ལྟ་བ་དམ་ཚིག་སྟེ། །དེ་ལས་འདས་ན་འཚིག་པར་བཤད། །ཆོས་ཉིད་མཉམ་པར་བློ་བཞག་ན། །གསོ་བའི་ཐབས་ནི་དེ་ལྟར་རོ། །ཉམས་པའི་ཆད་པ་བྱུང་བ་ན། །མགོན་སྐྱབས་དེ་ལས་གུད་ན་མེད། །མཉམ་ཉིད་དབྱིངས་ཀྱི་རང་བཞིན་དུ། །དམ་ཚིག་ཐམས་ཅད་གཅིག་པར་ནི། །བདེར་གཤེགས་རྒྱལ་བ་ཀུན་གྱིས་གསུངས། །ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ། རྡོ་རྗེ་ཐེག་པ་ཞེས་བགྱི་བ། །རྡོ་རྗེ་ཞེས་ནི་གང་ལ་བགྱི། །ཐེག་པ་ཆེན་པོ་ཇི་ལྟར་ལགས། །བདེ་བར་གཤེགས་པས་བཤད་དུ་གསོལ། །གསང་བ་མཆོག་གི་བདག་པོས་བཀའ་སྩལ་པ། །ཐེག་པ་ཆེན་པོའི་ཆེན་པོ་སྟེ། །གསང་བའི་ཐེག་པ་ཞེས་སུ་གྲགས། །རང་གི་ལུས་ངག་ཡིད་རྡོ་རྗེ། །ཆོས་སྐུ་རྡོ་རྗེ་མི་ཕྱེད་ཕྱིར། །རྡོ་རྗེ་ཞེས་སུ་བརྗོད་པ་ཡིན། །དེ་ཉིད་ཤེས་རབ་གསུམ་པོ་ཡིས། །རྟོགས་པར་བྱ་ཕྱིར་ཐེག་པར་བཤད། །ཅེས་བཀའ་སྩལ་པས། འདུས་པའི་འཁོར་ཚོགས་རྣམས་རབ་ཏུ་དགའ་བའི་ཡིད་ཀྱིས། བཅོམ་ལྡན་འདས་གསང་བ་མཆོག་གི་བདག་པོ་དང་།སྡུད་པ་པོ་རྡོ་རྗེ་ཡིད་ཀུན་ཏུ་བཟང་པོ་ལ། ལན་བརྒྱ་ཕྲག་སྟོང་དུ་བསྐོར་བ་བྱས་ཏེ། གཙུག་གིས་འདུད་པས་ཕྱག་རྣལ་འབྱོར་གྱི་ཚུལ་དུ་བྱས་ནས། ཨ་ལ་ལ་ཧོ།ངོ་མཚར་རྨད་དུ་བྱུང་བའི་ཆོས་ཀྱི་དོན་འདི་བྱུང་ངོ་། །ཞེས་མགྲིན་གཅིག་ཏུ་བརྗོད་དོ། །དེ་ནས་རྡོ་རྗེ་ཡིད་ཀུན་ཏུ་བཟང་པོ་ཡང་རང་གི་སྟན་ལས་ལངས་ཏེ། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་པ་ ― DNG008_Page_0069 ―
[མ་དཔེ་གཟིགས་ན་འདིར་གནོན།]
བཏབ་པོ། །བཅོམ་ལྡན་འདས་གསང་བའི་མོད་ཆེན་པོ་ལ་སྩོགས་པའི་གསང་བའི་ཐེག་པ་འདི་ད་ལྟ་ཉིད་ཁྱད་པར་དུ་གྱུར་པས་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱིས་འཁོར་གྱི་དཀྱིལ་འཁོར་དུ་འཆད་པར་སྤྱོད་ན། གསང་བའི་ཐེག་པ་འདི་སྔར་འདས་པའི་སངས་རྒྱས་གང་གི་རིང་ལ་བཤད་པ་དང་། སླད་ཀྱིས་ས་ཕྱོགས་གང་དུ་དད་པ་ཅན་གྱི་རྣལ་འབྱོར་པས་སྤྱོད་པར་འགྱུར་བ། བདག་ཅག་རྣམས་ལ་ལུང་བསྟན་དུ་གསོལ། བདེ་བར་གཤེགས་པས་ལུང་བསྟན་དུ་གསོལ། གསང་བ་མཆོག་གི་བདག་པོས་བཀའ་སྩལ་པ། སེམས་དཔལ་ཆེན་པོ་ཉོན་ཅིག །གསང་བའི་ཐེག་པ་འདི་འབྱུང་བ་ནི་ཤིན་ཏུ་ཡང་དཀོན་ཏེ། ཨུ་དུ་མ་བཱ་རའི་མེ་ཏོག་འཇིག་རྟེན་དུ་དཔེར་བརྗོད་པ་དང་འདྲའོ། །སེམས་དཔའ་ཆེན་པོ་གསང་བའི་ཐེག་པ་འདི་ནི་སྔོན་བྱུང་བའི་སངས་རྒྱས་འོད་སྲུངས་ཆེན་པོས། འབྲས་བུ་རྡོ་རྗེ་ཐེག་པའི་ཆོས་ཀྱི་འཁོར་ལོ་བསྐོར་བའི་ཚེ། དེའི་དུས་སུ་ཡང་གསང་བའི་ཐེག་པ་འདི་མ་བཤད་དོ། །དེ་ཅིའི་ཕྱིར་ཞེ་ན། དུས་དེའི་འགྲོ་བ་རྣམས་གསང་བའི་ཐེག་པ་འདིའི་སྣོད་དུ་མ་གྱུར་པའི་ཕྱིར་རོ། །དེ་བཞིན་དུ་སྔར་འདས་པའི་སངས་རྒྱས་བྱེ་བ་ཕྲག་བརྒྱད་ཅུ་རྩ་བཞིས་ཀྱང་གསང་བའི་ཐེག་པ་འདི་མ་བཤད་དོ། །སྔོན་བསྐལ་པ་ཐོག་མ་བསྐལ་པ་ཀུན་ཏུ་བཀོད་པ་ཞེས་བྱ་བ་བྱུང་བའི་ཚེ། སངས་རྒྱས་མངོན་འབྱུང་གི་རྒྱལ་པོ་ཞེས་བྱ་བ་དེའི་བསྟན་པ་ལ།གསང་བ་རྒྱ་ཆེར་གྲགས་ཏེ་ངེས་པའི་དོན་རྒྱ་ཆེར་སྤྱོད་དོ། །དེའི་ཚེ་འགྲོ་བ་རྣམས་གསང་བའི་ངེས་པའི་དོན་ལ་ཤིན་ཏུ་དད་པར་གྱུར་ཏེ། རྣམ་པར་གྲོལ་བའི་ལམ་ཆེན་པོ་ལ་བཀོད་དོ། །སེམས་དཔའ་ཆེན་པོ་ད་སྟེ་བསྐལ་པ་བྱེ་བ་འདས་པའི་འོག་ཏུ། བསྐལ་པ་མེ་ཏོག་བཀོད་པ་ཞེས་བྱ་བ་འབྱུང་བའི་ཚེ། སངས་རྒྱས་འཇམ་པའི་དབྱངས་ཞེས་བྱ་བ་ད་ལྟར་དང་ཚུལ་མཐུན་པ་ཞིག་འབྱུང་སྟེ། དེས་གསང་བ་རྒྱ་ཆེར་སྟོན་པར་འགྱུར་རོ། །གཞན་སངས་རྒྱས་གང་གིས་ཀྱང་། གསང་བའི་ངེས་དོན་སྟོན་པར་མི་འགྱུར་ཏེ། དེ་ཅིའི་ཕྱིར་ཞེ་ན། འགྲོ་བ་རྣམས་གསང་བ་ཆེན་པོ་འདིའི་སྣོད་དུ་མ་གྱུར་པའི་ཕྱིར་ ― DNG008_Page_0070 ―
[མ་དཔེ་གཟིགས་ན་འདིར་གནོན།]
རོ། །སེམས་དཔའ་ཆེན་པོ་ད་ལྟ་ང་ཉིད་ཀྱི་བསྟན་པའི་གསང་བ་རྒྱ་ཆེན་པོ་འདི་དག་ཀྱང་། ཕྱི་མའི་དུས་ཕྱི་མའི་ཚེ་ན། འཛམ་བུའི་གླིང་དུ་སྤྱོད་པར་འགྱུར་ཏེ། དེར་སྐྱེས་པའི་རྒྱལ་པོ་ཛ་ཞེས་བྱ་བ་ཚོགས་བསགས་པ་ཞིག་གི་གནས་འཁོར་དུ། ཁྱོད་ཉིད་ཀྱིས་བསྡུས་པའི་དོན་འདི་དག་ཀྱང་། གསུང་ཆོས་ཀྱི་གླེགས་བམ་དུ་སྣང་བར་འགྱུར་རོ། །དེར་སྐལ་བ་དང་ལྡན་པ་རྣམས་ཀྱིས་རིམ་གྱིས་སྤྱོད་པར་འགྱུར་ཏེ། དེ་ཡང་ཆེད་འགའ་ནི་དར། ཆེད་འགའ་ནི་ནུབ། ཆེད་འགའ་ནི་མངོན་དུ་ཕྱུང་། ཆེད་འགའ་ནི་གབ་ཅིང་སྦས། ལ་ལས་ནི་ཚུལ་བཞིན་སྤྱད་ཅིང་སྔགས་ཀྱི་མཐུ་སྟོབས་ཀྱང་རྙེད།ཕལ་ཆེར་ནི་ཚུལ་འདྲ་ལོག་པར་སྤྱོད་པས་ལྟུང་བའི་གནས་སུ་འགྱུར། འགྲོ་བ་ལ་ལ་ནི་དད། ལ་ལ་ནི་མ་དད་པར་གནས་པ་ལས། དུས་ལྔ་བརྒྱ་ཐ་མའི་ཚེ་དར་ཞིང་རྒྱས་པར་འགྱུར་རོ། །དེ་བཞིན་དུ་སངས་རྒྱས་སྤྲུལ་པའི་སྐུའི་བསྟན་པའི་བར་སྐབས་རྣམས་སུ་ཡང་གསང་བ་འདི་རྒྱས་པར་འགྱུར་རོ། །དེ་དག་ཚེ་ན་ཡང་གསང་བ་འདི་དང་འདྲ་བའི་ལོག་པའི་ལམ་སྟོན་པའི་ཆོས་སྟོན་པ་ཡང་མང་དུ་འབྱུང་སྟེ། འགྲོ་བ་དག་ཕལ་ཆེར་ནི་བདུད་ཀྱིས་བསྟན་པའི་ཆོས་དེ་ལ་དད་པར་འགྱུར་རོ། །སེམས་དཔའ་ཆེན་པོ་དེའི་ཚེ་དེའི་དུས་སུ་གསང་བའི་ཡི་གེ་འདི་དག་ལ་ནན་ཏན་དུ་བྱེད་ཅིང་། གཞན་ལ་འཆད་པ་དང་། ཉན་པ་དང་། ཚུལ་བཞིན་དུ་ཡིད་ལ་བྱེད་པ་དེ་ནི། །རྡོ་རྗེ་ཐེག་པའི་གཏིང་འཛུགས་ཤིང་། །རྣལ་འབྱོར་དབང་ཕྱུག་གི་རྒྱུད་འཛིན་པའི་ངའི་སྲས་དམ་པར་བལྟའོ། །སེམས་དཔའ་ཆེན་པོ་ཁྱོད་ཀྱིས་ཀྱང་སྤུན་དང་གྲོགས་པོ་ཉིད་དུ་བྱིན་གྱིས་རློབས་ཤིག །ཅེས་གསུངས་སོ། །དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་ཡང་འདི་སྐད་ཅེས་གསོལ་བ་བཏབ་པོ། །བཅོམ་ལྡན་འདས་གསང་བ་འདི་ཉིད་མ་ནོར་བར་འཆད་ཅིང་སྟོན་པའི་རྡོ་རྗེ་སློབ་དཔོན་དེ་ལ། བདག་ཅག་རྣམས་ཀྱིས་ཇི་ལྟར་བལྟ་བར་བགྱི། དེའི་ཡོན་ཏན་གྱི་ཚད་ནི་ཇི་ལྟར་ལགས། གསང་བ་འདི་ལ་མོས་ཤིང་མ་ནོར་བར་འཛིན་པའི་གང་ཟག་དམ་པ་དེའི་འབྲས་བུ་དང་། རྣམ་པར་སྨིན་པ་ཅིར་འགྱུར། ― DNG008_Page_0071 ―
[མ་དཔེ་གཟིགས་ན་འདིར་གནོན།]
བདག་ཅག་རྣམས་ཀྱིས་ཇི་ལྟར་བལྟ་བར་བགྱི། གསང་བ་མཆོག་གི་བདག་པོས་བཀའ་སྩལ་པ། དེའི་ཕྱིར་སེམས་དཔའ་ཆེན་པོ་ཉོན་ཅིག །བླ་མ་རྡོ་རྗེ་སློབ་དཔོན་དེ་ནི། ཁྱོད་ཀྱིས་སེམས་ཅན་ལྟ་བུར་མི་བལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དུ་བལྟའོ། །བྱང་ཆུབ་སེམས་ཉིད་དུ་བལྟའོ། །ང་གསང་བ་མཆོག་གི་བདག་པོ་ཉིད་དུ་བལྟའོ། །དེ་ཅིའི་ཕྱིར་ཞེ་ན། ཡང་དག་པར་རྫོགས་པའི་སངས་རྒྱས་དང་བྱང་ཆུབ་ཀྱི་སེམས་དང་། ང་ཉིད་སོ་སོ་མ་ཡིན་ཐ་མི་དད་པའི་ཕྱིར་རོ། །གང་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱིས་ཀྱང་སྤྱི་བོ་ལ་བཀུར་བར་མཛད་ན། གཞན་གྱིས་ལྟ་ཅི་སྨོས། གསང་བ་འདིའི་དོན་མ་ནོར་བར་འཛིན་པའི་གང་ཟག་དམ་པ་དེ་ནི། སེམས་དཔའ་ཆེན་པོ་ད་ལྟ་ཁྱོད་ཉིད་དང་འདྲའོ། །ཞེས་སྨྲའོ། །དེའི་འབྲས་བུ་རྣམ་པར་སྨིན་པ་ནི། ཡང་དག་པར་རྫོགས་པའི་སངས་རྒྱས་དང་རིང་བ་མ་ཡིན་ནོ། །སེམས་དཔའ་ཆེན་པོ་དེར་ཡང་མ་ཟད་དེ། གསང་བའི་མདོ་འདིའི་ཆོས་ཀྱི་ཡི་གེ་འདི་གང་ན་གནས་པའི་ས་ཕྱོགས་དེ་ཉིད་ན་ཡང་། ང་གསང་བ་མཆོག་གི་བདག་པོ་བཞུགས་པ་ཡིན་པར་ཤེས་པར་བྱའོ། །ཆོས་ཀྱི་འཁོར་ལོ་ཆེན་པོ་རྒྱུན་མི་ཆད་པར་བསྐོར་བ་ཡིན་པར་ཤེས་པར་བྱའོ། །གནས་འཁོར་དེ་ཉིད་དུ་འཇིག་རྟེན་གྱི་དགོས་པ་ཡང་ཕུན་སུམ་ཚོགས་པར་འབྱུང་བར་ཤེས་པར་བྱའོ། །དེ་བཞིན་གཤེགས་པའི་སྐུ་གསུང་ཐུགས་ཉིད་ཡིན་པར་ཤེས་པར་བྱའོ། །སེམས་དཔའ་ཆེན་པོ་དེ་བས་ན་ཁྱོད་ཉིད་ཀྱིས་ཀྱང་། གསང་བའི་མདོ་འདི་མི་ནུབ་པར་བག་ཡོད་པར་གྱིས་ཤིག །སེམས་དཔའ་ཆེན་པོ་གཞན་ཡང་ཉོན་ཅིག །གསང་བའི་མདོ་འདི་ལ་གང་ཞིག་སྐུར་ཅིང་མི་སྙན་པར་སྨྲ་ཞིང་སེམས་པའི་གང་ཟག་དེས་ནི། ཡང་དག་པར་རྫོགས་པའི་སངས་རྒྱས་ལ་སྐུར་པ་ཡིན་ནོ། །བྱང་ཆུབ་སེམས་ལ་སྐུར་པ་ཡིན་ནོ། །ཡང་དག་པའི་ལམ་དང་བྲལ་བ་ཡིན་པས་རིག་པར་བྱ་སྟེ། དེའི་རྣམ་པར་སྨིན་པ་ནི་ངན་སོང་ཆེན་པོ་གསུམ་གྱི་ཁ་བརྒྱུད་ནས་ཀྱང་། དམ་སྲི་དམར་པོའི་ལུས་སུ་སྐྱེ་སྟེ། གསང་བ་འདི་དང་ཕྲད་པའི་སྐབས་ ― DNG008_Page_0072 ―
[མ་དཔེ་གཟིགས་ན་འདིར་གནོན།]
ཅུང་ཟད་ཀྱང་མི་རྙེད་དོ། །དེ་བས་ན་དེ་ནི་རྣལ་འབྱོར་གྱི་དབང་ཕྱུག་ཆེན་པོས་དམ་ཚིག་ཏུ་བླངས་ཏེ་བསྒྲལ་བའི་རིགས་སོ། །སེམས་དཔའ་ཆེན་པོ་གཞན་ཡང་གསང་བའི་མདོ་འདི་ཉིད་བསྟན་པའི་སྣོད་ཀྱི་གང་ཟག་དེ་ནི་ཤིན་ཏུ་ཡང་དཀོན་ནོ། །དེ་ཅིའི་ཕྱིར་ཞེ་ན། གང་ཟག་དམ་པ་དེ་ནི་སྔོན་གྱི་རྒྱལ་བ་ལ་བྱ་བ་བྱས་པ། ལུང་བསྟན་པ་ཐོབ་པ་བསམ་པ་ངེས་པ་ཅན། མ་འཇུངས་པའི་སེམས་ཀྱིས་བླ་མ་ལ་བཀུར་སྡི་བྱེད་ཅིང་། ཟབ་མོའི་དོན་ལ་མི་སྐྲག་པ། དོན་དུ་གཉེར་བ་ཆུད་མི་གསོན་པ། ཕྱི་རོལ་གྱི་སྡེ་པ་གཞན་གྱི་ཁར་མི་གཏོང་བའི་སྤྱོད་ཡུལ་ཡིན་པའི་ཕྱིར་ཏེ། བསམ་པ་ལོག་པ་ཅན་རྣམས་ཀྱི་ནི་མ་ཡིན། སྒྲིབ་པ་ཟུག་ཅིང་བློ་ཞན་པ་རྣམས་ཀྱི་ནི་མ་ཡིན། དེ་བཞིན་དུ་ཡིད་གཉིས་ཅན་དང་། འཇུངས་པའི་བསམ་པ་ཅན་དང་། བླ་མ་ལ་མི་གུས་ཤིང་། ཟབ་མོའི་ཆོས་ལ་བཟོད་པ་མ་ཐོབ་པ་དང་། ཉམས་སུ་ལེན་པ་ཆུད་ཟ་བར་བྱེད་ཅིང་གཞན་གྱི་སྡེ་པ་ལ་དགའ་བའི་བསམ་པ་ཅན་རྣམས་ཀྱི་རྣ་ལམ་དུ་འགྲོ་བ་ནི་མ་ཡིན་ཏེ་དེ་བས་ན་ཤིན་ཏུ་ཡང་དཀོན་ནོ། །དེ་ནས་འདུས་པའི་འཁོར་ཚོགས་མ་ལུས་པ་རྣམས་ཀྱིས་ཡང་དང་ཡང་དུ་བསྐོར་ཞིང་ཡང་དང་ཡང་དུ་རྨད་དུ་བྱུང་བའི་མཆོད་པ་རྒྱས་པ་དེ་ཁོ་ན་ཉིད་ཀྱི་མཆོད་དེ། བཅོམ་ལྡན་འདས་གསང་བ་མཆོག་གི་བདག་པོ་དང་། སྡུད་པ་པོ་རྡོ་རྗེ་ཡིད་ཀུན་ཏུ་བཟང་པོ་རྡོ་རྗེ་ཆོས་དང་། གསང་བའི་མདོ་འདི་ཉིད་ལ་མངོན་པར་བསྟོད་པ། ཨེ་མའོ་བདུད་བཞི་རྣམ་པར་བཅོམ་ནས་ཡོན་ཏན་དྲུག་ལྡན་པ། །ཡོད་མེད་མཚན་མ་དངོས་པོའི་མཐའ་ལས་འདས། །དོན་དམ་ཐུགས་ནི་རྟོགས་དཀའ་ཤིན་ཏུ་གསང་། །གསུང་ནི་གསང་སྔགས་འབྲས་བུ་ཀུན་གྱི་མཆོག །མ་ལུས་ཀུན་ལ་མངའ་བརྙེས་བདག་པོའི་སྐུ། །བཅོམ་ལྡན་གསང་བདག་ཁྱོད་ལ་ཕྱག་འཚལ་བསྟོད། །ཨེ་མའོ། གསང་བདག་དགྱེས་པ་ཡུམ་གྱི་དཀྱིལ་འཁོར་ན། །དུས་གསུམ་འདུ་འབྲལ་མེད་པར་རྟག་ཏུ་སྦྱོར། །གཉིས་མེད་ཐིག་ལེ་བྱང་ཆུབ་དག་པའི་སྐུ། །བྱང་ཆུབ་རྡོ་རྗེ་ཁྱོད་ལ་ཕྱག་འཚལ་བསྟོད། །ཨེ་མའོ་རོལ་པའི་རྫུ་ བྱང་ཆུབ་ཀྱི་སེམས་ལུང་རྣལ་འབྱོར་ཆེན་པོའི་རྒྱུད་ཐེག་པ་ཆེན་པོའི་མདོ།― DNG008_Page_0073 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བོ་དྷི་ཙིཏྟཱ་྅ག་མ་མ་ཧཱ་ཡེ་ག་མ་ཧཱ་ཡཱ་ན་སཱུ་ཏྲ།བོད་སྐད་དུ། བྱང་ཆུབ་ཀྱི་སེམས་འདི་གསན་ཡིག་ན་སེམས་ལུང་ཆེན་མོ་དཔེ་མ་རྙེད་གསུངས་པ་དེ་ཡིན་ནམ་འདྲ་ལུང་རྣལ་འབྱོར་ཆེན་པོའི་རྒྱུད་ཐེག་པ་ཆེན་པོའི་མདོ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ཡེ་ཤེས་ཐམས་ཅད་ ― DNG008_Page_0074 ―
[མ་དཔེ་གཟིགས་ན་འདིར་གནོན།]
ཀྱི་བདག་པོ་ཡོན་ཏན་ཆེ་བའི་དོན་ལ་བསྐྱོད་པ་དེ། ངོ་མཚར་རྨད་དུ་བྱུང་བའི་དོན་འདི་ཉིད་བཤད་པའི་ཆོས། ཡང་དག་གསང་བའི་ཡང་གསང་བ། ཆོས་ཉིད་ཀུན་གཞིའི་ཕོ་བྲང་རྒྱ་ཡོངས་སུ་མ་ཆད་པ། ཆོས་ཀྱི་དབྱིངས་ཀྱི་ནམ་མཁའ་ལས་ཡེ་ཤེས་ཀྱི་ཆོ་འཕྲུལ་རྒྱན་དཔག་ཏུ་མེད་པ་རིན་པོ་ཆེའི་རྒྱལ་པོ་ལྟར་སྣང་བ། ཆོས་ཉིད་ཀྱི་ནམ་མཁའ་ལ། རླུང་གི་ཕུང་པོ་རྒྱ་མ་ཆད་པ་དང་། ཁྲག་གི་རྒྱ་མཚོ་དང་། གསེར་གྱི་ས་གཞི་འབུར་འཕར་བར་ཆགས་པའི་གཞི་ལ། འབར་བའི་གཞལ་མེད་ཁང་སྣ་ཚོགས་འོད་ཟེར་ཀུན་ཏུ་འཕྲོ་བ། ཐོད་པ་སྐམ་རློན་བརྩེགས་པ་ལ། གནམ་ལྕགས་ཀྱི་གཟེར་ཏ་ལེར་བཏབ་པ། སྦྲུལ་ནག་གི་རྒྱན་ལ་སོགས་ཏེ་འཁོར་བའི་རྒྱན་ཐམས་ཅད་དང་། ཐབས་དང་ཤེས་རབ་ཀྱི་རྒྱན་དང་། རྡོ་རྗེའི་རྒྱན་ལ་སོགས་ཏེ་ཡེ་ཤེས་སྒོ་ཀུན་ཏུ་གསལ་བར་གྱུར་པའི་གནས་ན། བཅོམ་ལྡན་འདས་རྣམ་ཤེས་རྡོ་རྗེ་ཞེས་བྱ་བ་དང་། བཅོམ་ལྡན་འདས་ཚོར་བ་རྡོ་རྗེ་ཞེས་བྱ་བ་དང་། བཅོམ་ལྡན་འདས་འདུ་ཤེས་རྡོ་རྗེ་ཞེས་བྱ་བ་དང་། བཅོམ་ལྡན་འདས་འདུ་བྱེད་རྡོ་རྗེ་ཞེས་བྱ་བ་དང་། བཅོམ་ལྡན་འདས་གཟུགས་རྡོ་རྗེ་ཞེས་བྱ་བ་དང་། ཡུམ་ཆེན་མོ་རྡོ་རྗེ་དབྱིངས་ཕྱུག་མ་དང་།ཡུམ་ཆེན་མོ་རིན་ཆེན་དབྱིངས་ཕྱུག་མ་དང་། ཡུམ་ཆེན་མོ་པདྨའི་དབྱིངས་ཕྱུག་མ་དང་། ཡུམ་ཆེན་མོ་ལས་ཀྱི་དབྱིངས་ཕྱུག་མ་དང་། ཡུམ་ཆེན་མོ་ནམ་མཁའི་དབྱིངས་ཕྱུག་མ་ཞེས་བྱ་བ་ལ་སོགས་ཏེ། སེམས་དཔའ་ཆེན་པོ་བྱང་ཆུབ་ཀྱི་སེམས་རྡོ་རྗེ་དང་། བྱང་ཆུབ་ཆེན་པོ་ཀུན་ཏུ་བཟང་དང་། བྱང་ཆུབ་ཆེན་པོ་ཐུགས་རྗེ་གཟིགས་དང་། བྱང་ཆུབ་ཆེན་པོ་དྲག་ཤུལ་རྡོ་རྗེ་དང་། བྱང་ཆུབ་ཆེན་པོ་སྒྲིབ་པ་སེལ་བྱེད་དང་། བྱང་ཆུབ་ཆེན་པོ་མཁྱེན་རབ་གཞོན་ནུ་དང་།བྱང་ཆུབ་ཆེན་པོ་བརྟན་པའི་སྙིང་པོ་དང་། བྱང་ཆུབ་ཆེན་པོ་སྣང་བའི་སྙིང་པོ་དང་། དེ་དག་ལ་སོགས་ཏེ་བྱང་ཆུབ་སེམས་དཔའི་འཁོར་ཚོགས་ཐམས་ཅད་དང་། གཞན་ཡང་བུད་མེད་ཀྱི་འཁོར་ཚོགས་ཐམས་ཅད་ཀྱི་དཀྱིལ་ན། བསྙེངས་པ་མི་མངའ་བར་རྡོ་རྗེའི་གདན་མི་ཕྱེད་པ་ལ་བཞུགས་ ― DNG008_Page_0075 ―
[མ་དཔེ་གཟིགས་ན་འདིར་གནོན།]
ཏེ། ཡུམ་ཆེན་མོ་ཆོས་ཉིད་ཀུན་ཏུ་བཟང་མོས་ཉིད་ཀྱི་སྐུ་ལ་འཁྲིལ་ཏེ། །ཉིད་ཀྱི་ཉིད་ལ་བལྟས་ནས་ཐབས་ཅིག་གོ། །དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས་དགོངས་པ་མཉམ་པ་ཉིད་ཆོས་ཀྱི་དོན་མ་ལུས་པར་མཉམ་པར་མཁྱེན་ནས། སྐུ་གསུང་ཐུགས་མཉམ་པ་ཉིད་མི་དམིགས་པའི་ངང་ལ་སྙོམས་པར་གནས་སོ། །རྣམ་རྟོག་མི་མངའ་འཇུག་ལྡོག་ཐམས་ཅད་དང་བྲལ་ནས་བཞུགས་སོ། །དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེ་ཆོས་ཀྱི་དབྱིངས་ལས་མ་གཡོས་པར། ཡུམ་ཆོས་ཉིད་ཀུན་ཏུ་བཟང་མོས་གསོལ་པ། ཆོས་སྐུ་རྣམ་དག་ནམ་མཁའ་དྲི་མེད་ནམ་མཁའ་ལྟ་བུའི་དངོས། །ཡོད་མེད་མཐའ་ལས་གྲོལ་བས་སྟོང་པའི་ངང་། །བརྗོད་བྲལ་མཐའ་ལས་འདས་པས་ནམ་མཁའི་ཚུལ། །དངོས་པོ་ཀུན་བྲལ་བརྟགས་པའི་ཡུལ་ལས་འདས། །མི་གནས་མི་དམིགས་ནམ་མཁའི་དབྱིངས་ནས་བཞེངས། །ཞེས་གསོལ་པས། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། ཆོས་རྣམས་ཐམས་ཅད་ནམ་མཁའ་ལྟར་མཁྱེན་ནས་སྣང་བ་མེད་པ་ལས་རྡོ་རྗེ་ལྟ་བུའི་སྐུར་བསྟན་ཏེ། འཇིག་རྟེན་ཉི་ཟླ་སྒྲིབ་པ་མེད་པར་ཤར་བལྟ་བུའོ། །དེ་ནས་ཡུམ་ཆོས་ཉིད་ཀུན་ཏུ་བཟང་མོ་ལ་གཟིགས་ཏེ་ཞལ་བཞད་པར་མཛད་པས། ཉི་མ་འབུམ་ལས་འོད་ཟེར་བྱུང་བ་ལྟ་བུའོ། །འོད་ཟེར་དེ་དག་ལས་ཀྱང་བྱང་ཆུབ་ཀྱི་སེམས་ཀྱི་སྤྲིན་མངོན་པར་བྱུང་བས། རོལ་པ་སྣ་ཚོགས་ཀྱི་མཆོད་པ་བྱུང་ནས། བདེ་བའི་དགའ་བ་ལ་གནས་པར་མཛད་དོ། །དེ་ནས་ཡུམ་ཆོས་ཀྱི་དབྱིངས་ཕྱུག་མ་དེས། སྤྱན་བདེ་བའི་ཚུལ་གྱིས། བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས་བལྟས་ཏེ། འདུད་པའི་ཚུལ་གྱིས་ཕྱག་བྱས་ནས། གསོལ་པ། ཚོགས་གཉིས་རྫོགས་པས་ཡེ་ཤེས་དབྱིངས་ཀྱི་ལྷ། །ལོངས་སྤྱོད་རྫོགས་པས་བདེ་བ་ཆེན་པོའི་སྐུ། །ཡོན་ཏན་ཐམས་ཅད་རྫོགས་པས་ཡིད་བཞིན་རིན་པོ་ཆེ། །རྡོ་རྗེ་སེམས་དཔའ་སྐལ་བཟང་དཔལ་ ― DNG008_Page_0076 ―
[མ་དཔེ་གཟིགས་ན་འདིར་གནོན།]
ཁྱོད་བདག །འཁོར་ལོས་སྒྱུར་རྒྱལ་ལྟ་བུའི་ལོངས་སྤྱོད་གཏེར། །ཐབས་ཀྱི་རོལ་པས་བདེ་བའི་ངང་ལས་བཞེངས། །ཞེས་གསོལ་པས། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། བསྐུལ་བར་མཁྱེན་ནས་བདེ་བའི་ངང་ལས་ཆོ་འཕྲུལ་སྣ་ཚོགས་སུ་བཞེངས་ཏེ། འགྱིང་བའམ་བརྗིད་པའི་ཚུལ་དུ་ཡོད་མེད་ཐམས་ཅད་ལ་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས་ཀུན་ལ་ཁྱབ་པར་མཛད་དེ། དེ་རྣམས་ཀུན་གྱི་རང་བཞིན་དུ་གནས་སོ། །དེ་ནས་ཡུམ་ཆོས་ཀྱི་དབྱིངས་ཕྱུག་མ་དེ་ངོ་མཚར་དུ་གྱུར་ཏེ། འདུད་པའི་ཚུལ་གྱིས་ཕྱག་བྱས་ཏེ་གསོལ་པ། ཡེ་ཤེས་སྒྱུ་འཕྲུལ་རྣམ་པར་རོལ་པའི་སྐུ། །ཐབས་དང་ཤེས་རབ་ཀུན་ལ་མངའ་བའི་ལྷ། །འཕགས་པའི་ཐུགས་རྗེ་ཆོ་འཕྲུལ་འབྱུང་བའི་གནས། །འགྲོ་བའི་དོན་མཛད་སྤྲུལ་པ་མང་པོ་འགྱེད། །ཇི་ལྟར་འདོད་པའི་གཟུགས་ཀྱང་སྟོན་པར་བྱེད། །བདེར་གཤེགས་སྤྲུལ་པ་མཛད་པ་བཞེངས་སུ་གསོལ། །དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། གསོལ་པ་མཁྱེན་ནས་རྩེ་གཅིག་པ་དེ་ཁོ་ན་ཉིད་རོལ་པའི་ཏིང་ངེ་འཛིན་ལ་གནས་ནས། ཅང་མི་གསུང་བར་མཉམ་པ་ལ་བཞུགས་སོ། །དེ་ནས་ཡུམ་ཆོས་ཀྱི་དབྱིངས་ཕྱུག་མ་དང་།བྱང་ཆུབ་ཀྱི་རྡོ་རྗེ་ལ་སོགས་པ། འཁོར་རྡུལ་སྙེད་ངོ་མཚར་དུ་གྱུར་ཏེ། དེ་དག་གིས་མགྲིན་གཅིག་ཏུ་གསོལ་པ། ཨེ་མ་ཧོ་ཡིད་བཞིན་ནམ་མཁའ་ལྟ་བུའི་ངང་། །ཁྱབ་པའི་བྱིན་རླབས་རྡོ་རྗེ་བརྗིད་པའི་སྐུ། །སྤྲིན་ཕུང་རོལ་པས་རྡོ་རྗེ་བསྒྱིངས་པའི་སྐུ། །ཐོགས་མེད་རོལ་པས་ཆོ་འཕྲུལ་སྟོན་པར་མཛད། །ཨེ་མ་ཧོ། གསུང་མཆོག་སྒྲ་སྒྲོགས་སྙན་པ་ལྟ་བུ་ལས། །རྡོ་རྗེ་བརྗོད་མཛད་སྒྲ་རྣམས་བརྗོད་པ་མཛད། །གསུང་གི་ཡན་ལག་རྒྱ་མཚོ་བཀོད་པའི་གསུང་། །སེང་གེའི་སྒྲ་སྒྲོགས་གསང་སྔགས་ངེས་པར་སྟོན། །ཨེ་མ་ཧོ་ཡིད་བཞིན་རིན་ཆེན་གཏེར་ཆེན་ལྟ་བུ་ལས། རྡོ་རྗེའི་བྱིན་རླབས་བདེ་བའི་མཆོག །ཡེ་ཤེས་ཐིག་ལེ་སྤྲོས་བྲལ་མི་རྟོག་ཐུགས། །རྣམ་གྲོལ་དེ་ཉིད་ངེས་ ― DNG008_Page_0077 ―
[མ་དཔེ་གཟིགས་ན་འདིར་གནོན།]
པའི་ཆོ་འཕྲུལ་སྟོན། །ཨེ་མ་ཧོ་སྡུག་བསྔལ་མི་བཟང་འཁོར་བ་འདི། །ཐོབ་པའི་བདེ་བ་མ་ཐོབ་འགྲོ་བའི་རྒྱུད། །མཐོ་རིས་བདེ་བ་མ་ཐོབ་ངན་སོང་གནས། །ཡང་དག་དོན་རྣམས་བདག་ལ་བསྟན་དུ་གསོལ། །ཉོན་མོངས་མི་ཤེས་འགྲོ་བ་རྣམས། །སྡུག་བསྔལ་རྒྱ་མཚོས་བཅིངས་པ་དོན་གྱིས་ཁྲོལ། །མ་རིག་མུན་པས་ལྡོངས་པ་གསལ་བར་བྱེད། །འཁོར་བ་རྒྱ་མཚོ་ཐུགས་རྗེའི་གྲུ་ཡིས་སྒྲོལ། །བདེ་བར་གཤེགས་པ་ཀུན་གྱི་ཐུགས་ཀྱི་མཆོག །ཡེ་ཤེས་མཆོག་ལྡན་དོན་གྱི་སྙིང་པོ་འདི། །རྣལ་འབྱོར་སེམས་ཀྱི་དོན་ཆེན་ནི། །འཁོར་རྣམས་འདུས་པ་རྣམས་ལ་རྒྱ་ཆེར་བཤད་དུ་གསོལ། །དོན་རྣམས་ཤིན་ཏུ་རྟོགས་པར་འཚལ་ལགས་ན། །ཐུགས་རྗེའི་བྱིན་རླབས་ཆོ་འཕྲུལ་བཤད་དུ་གསོལ། །ཨ་ལ་ལ་ཧོ་ཞེས་གསོལ་ཏོ། །དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། འཁོར་རྣམས་ཀྱིས་གསོལ་བ་བཏབ་པར་གཟིགས་ནས། བཞད་པ་མཛད་དོ། །བཞད་པ་མཛད་པས། ཐུགས་རྣམ་པར་དག་པའི་ཀློང་ནས།རིག་པའི་ཡེ་ཤེས་བརྗོད་ཀྱིས་མི་ལངས་པའི་ཡང་མི་ལངས་པ་འོད་ཟེར་དང་བཅས་པ། འོད་ཟེར་དེས་ནམ་མཁའ་ཁྱབ་པར་མཛད་དོ། །འོད་ཟེར་དེ་དག་རེ་རེ་ལས་སྤྲུལ་པའི་སྐུ་བསམ་གྱིས་མི་ཁྱབ་པར་ཤར་བར་མཛད་དོ། །སྤྲུལ་པའི་སྐུ་དེ་དག་རེ་རེ་ལས་ཀྱང་སངས་རྒྱས་འབུམ་ཕྲག་འཁོར་སོ་སོ་ཞམ་འབྲིང་དང་བཅས་པ་གནས་པ་མཛད་དོ། །དེ་དག་ལས་ཡེ་ཤེས་ཀྱི་ཆར་མངོན་པར་དབབ་པས། །མ་རིག་པའི་ཀློང་ཐམས་ཅད་གསལ་བར་མཛད་དོ། །རིག་པའི་ཆོས་ཀྱི་སྒྲ་སྣ་ཚོགས་དང་། རིག་པའི་མཆོད་པ་སྣ་ཚོགས་བྱུང་སྟེ། ཀུན་ཏུ་ཁྱབ་ནས་བྱུང་ངོ་། །སྐུ་གསུང་ཐུགས་གར་མཁན་ལྟར་ལང་ལང་ཕྱད་པར་བྱུང་སྟེ་རྨད་དུ་བྱུང་ངོ་། །ཨ་ལ་ལ་ཧོ་ཞེས་སྒྲ་བསྒྲགས་པས། སངས་རྒྱས་རྣམས་ཀྱང་གསུང་དབྱངས་གཅིག་ཏུ་སྒྲ་བསྒྲགས་སོ། །འཁོར་འབུམ་ཕྲག་བསམ་གྱིས་མི་ཁྱབ་པ་དང་། གདུལ་བྱ་སྣ་ཚོགས་བསམ་གྱིས་མི་ཁྱབ་པ་ཡང་སྤྲོ་བར་གྱུར། ― DNG008_Page_0078 ―
[མ་དཔེ་གཟིགས་ན་འདིར་གནོན།]
རིག་པའི་རྩལ་སྦྱངས་ནས།ངམ་ཞིང་ངོ་མཚར་ཏོ། །འཁོར་རྣམས་ཀྱང་ཉེ་བར་གནས་སོ། །དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། བྱང་ཆུབ་ཀྱི་སེམས་རྡོ་རྗེ་ལ་སོགས་ཏེ་འཁོར་རྣམས་སྦྱང་བའི་ཕྱིར། རྡོ་རྗེས་བརྒྱན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྔགས་ཚིག་འདི་གསུངས་སོ། །ཨོཾ་ཧཱུཾ་སྭཱ་ཧྲཱྀཿཨཱ་ཧཱུཾ་ཧཱུཾ་ཧཱུཾ། རིགས་རྣམས་འདུ་བྱར་འདུས་པ་ཡི། །དམ་པ་ཆེན་པོའི་རིག་འཛིན་རྣམས། །བླ་འོག་རིམ་པ་ཇི་བཞིན་གནས། །རྡོ་རྗེ་གསང་བའི་གྲལ་ལ་འགོད། །མུ་སྟེགས་ཅན་དང་འཇིག་རྟེན་པ། །གང་དག་ལྟ་དམན་གྱུར་རྣམས་དང་། །རིགས་མ་ཡིན་པ་རིགས་མི་འགྱུར། །སྐལ་བ་བཟང་པོའི་དམ་ཚིག་འདི། །སྐལ་བ་ངན་པར་འབབ་མི་འགྱུར། །དེ་ལས་འདས་ན་དེ་བརླག་བྱེད། །ཨོཾ་ཨཱཿཧཱུཾ་ཀྲོ་དྷ་ཛྭ་ལ་ས་མ་ཡ། ཧཱུཾ་རཀྴ་ཛྭ་ལ་ས་མ་ཡ། ཧཱུཾ་ཙིཏྟ་ཛྭ་ལ་ས་མ་ཡ། ཧཱུཾ་ཡཀྴ་ཛྭ་ལ་ས་མ་ཡ་ཞེས་བརྗོད་པ་ཙམ་གྱིས། ཞལ་ནས་འོད་ཟེར་སྣ་ཚོགས་བྱུང་། །སྤྲུལ་པའི་འོད་ཀྱི་ཕྲེང་བར་འབར། །གནོད་བྱེད་ཐམས་ཅད་བརླག་མཛད་དོ། །སྤྲོས་པའི་འོད་ཟེར་སླར་འཁྱིལ་པས། །འཁོར་རྣམས་དག་ཀྱང་ཤིན་ཏུ་སྐྲག ། ཨེ་མ་ཧོ་ཨེ་མ་ཧོ་ངོ་མཚར་ཆེ། །བདག་ཅག་བཅོམ་ལྡན་འདས་ཀྱིས་བྱིན་གྱིས་བརླབ་ཏུ་གསོལ། །ཞེས་གསོལ་པ་ལས། བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས་ཞལ་གྱི་མདངས་ཕྱུང་སྟེ། ཡེ་ཤེས་ཀྱི་འོད་ཟེར་འཁྱིལ་པ་དང་། མཛེས་ཤིང་བདེ་བ་དང་ལྡན་པ་དང་། སྣོད་དུ་རུང་བ་རྣམས་སྦྱངས་ནས། འོད་ཟེར་རྣམས་གནས་སུ་ཐིམ་པར་གྱུར་ཏོ། །དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། མི་གནས་ཡེ་ཤེས་ཀློང་ནས་བཞེངས་ནས་ནི། །སེང་གེ་བརྒྱལ་བའི་སྒྲ་ལྟ་བུ། །དོན་བཀོད་གསང་བའི་ངེས་པ་དང་། །རྒྱུད་འགྲེལ་རྟགས་ཀྱི་རོལ་པ་འདི། །རྡོ་རྗེ་བསྒྱིངས་པའི་སྒྲ་འདིས་བཤད། །ཨ་ཨོ་བོ་དྷི་ཙིཏྟ་ས་མ་ཡ་ཨ་ཏི་ཨ་ལ་ལ་ཧོ། ཞེས་ཅང་མི་གསུང་ངོ་། །མ་གསུངས་ ― DNG008_Page_0079 ―
[མ་དཔེ་གཟིགས་ན་འདིར་གནོན།]
པ་ཉིད་ན་རྒྱ་ཆེར་བཞུགས་སོ། །དེ་ནས་བྱང་ཆུབ་ཀྱི་སེམས་རྡོ་རྗེ་ལ་ཞལ་འཛུམ་པས་གཟིགས་སོ། །བྱང་ཆུབ་སེམས་རྡོ་རྗེ་དེས་བསྐུལ་བར་རིག་ནས་རང་གི་གནས་ནས་ལངས་ཏེ། རང་གི་མཚན་མ་གནས་སུ་བསམས་ཏེ་ལྕེ་ལ་རྡོ་རྗེ་བཞག་ནས། སྟོན་པའི་ཞལ་དུ་འབྲུ་ཚུགས་ཀྱིས་བལྟས་ཏེ། ཆོས་ཀྱི་རྒྱལ་པོ་ཚོགས་བདག་དགོངས་སུ་གསོལ། །མི་གསུང་ཆོས་ཀྱི་བདག་པོས་དགོངས་པ་བཤད་དུ་གསོལ། །ཨ་ལ་ལ་ཧོ་ཞེས་གསོལ་ཏོ། །དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། སྨྲ་བའི་དམ་པ་དེ་བྱིན་གྱིས་བརླབ་པའི་ཕྱིར། རྡོ་རྗེ་རྣམ་པར་འཕྲོ་བའི་ཏིང་ངེ་འཛིན་ལ་ཞུགས་ནས་འདི་སྐད་གསུངས་སོ། །བཛྲ་ཀརྨ་ཙཀྲ་སཏྭ་རཾ། སྨྲ་བའི་དམ་པ་དེས་སྨྲ་བའི་དབང་དམ་པ་ཐོབ་ནས། ཤིན་ཏུ་མི་བཟོད་པས་བག་དང་ལྡན་པར་བཞུགས་སོ། །ལན་རྣམ་པ་བཅུ་གཉིས་སུ་བསྐོར་བས། འཇིག་རྟེན་གྱི་ཁམས་ཐམས་ཅད་གཡོས་པར་གྱུར་ཏེ། ཞིང་ཁམས་ཐམས་ཅད་ནི་བདེ་བའི་གནས་སུ་གྱུར། བཅུད་ཐམས་ཅད་ནི་ཡང་དག་པའི་དོན་མཐོང་། རྔམས་པའི་ཚུལ་གྱིས་སྟོན་པའི་མདུན་ལོགས་སུ། སེང་གེ་རྡོ་རྗེས་མཚན་པའི་གདན་ལ་གནས་སོ། །དེ་ནས་འདུས་པའི་འཁོར་ཚོགས་ཀྱིས། །བཅོམ་ལྡན་འདས་ལ་འདི་སྐད་གསོལ། །ཨེ་མ་ཧོ་བཅོམ་ལྡན་ཡེ་ཤེས་བདག །བྱང་ཆུབ་སེམས་ནི་རྡོ་རྗེ་འདི། །མཐུ་ཆེ་བ་དང་བྱིན་རླབས་ཆེ། །རྒྱ་ཆེ་མཁས་ལ་གསལ་ཞིང་ཟབ། །བཅོམ་ལྡན་ཐུགས་ལས་སྐྱེས་པ་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་བཤད་པ། ཉོན་ཅིག་འདུས་པའི་འཁོར་ཚོགས་རྣམས། །བྱང་ཆུབ་སེམས་ནི་རྡོ་རྗེ་འདི། །བྱང་ཆུབ་སེམས་ཀྱི་ཕྱི་མོ་སྟེ། །སྙིང་རྗེ་ཀུན་གྱི་བདག་པོ་ཡིན། །སངས་རྒྱས་ཀུན་གྱི་རྗེ་བཙན་ཡིན། །བྱང་ཆུབ་རིག་འཛིན་རྣམས་ཀྱི་ཡབ། །རྣལ་འབྱོར་མེས་པོ་མྱ་ངན་འདས་པའི་དོན། །བདུད་ཀྱི་ཡང་བདུད་ཆོས་ཀྱི་མཛོད། །ཡེ་ཤེས་འབྱུང་གནས་ཆེན་པོར་གྱུར་པ་ཡིན། །དེ་ཅིའི་ཕྱིར་ཞེ་ན། སྔོན་མེད་ ― DNG008_Page_0080 ―
[མ་དཔེ་གཟིགས་ན་འདིར་གནོན།]
མི་འབྱུང་ད་ལྟར་མཉམ་པའི་དུས། །འབྱམ་ཀླས་དུས་ན་མངོན་སངས་རྒྱས། །ཆོས་ལ་སྦྱོར་ཅིང་རྒྱལ་བའི་ཐུགས་ལས་སྐྱེས། །རྒྱལ་བ་ཀུན་གྱི་ཡབ་ཡིན་ཏེ། །དེ་འདྲའོ་ཞེས་ནི་བཀའ་སྩལ་པས། །འཁོར་ཚོགས་ཐམས་ཅད་དགར་གྱུར་ཏེ། །ཨེ་མ་ཧོ་བཅོམ་ལྡན་བདེ་གཤེགས་ངོ་མཚར་ལགས། །བྱང་ཆུབ་སེམས་ལ་ཕྱག་བྱས་ཏེ། །ཨེ་མ་ཧོ་རྨད་བྱུང་ཚོགས་ཀྱིས་མཆོད་བྱས་ཏེ། །འདི་ལྟར་རྨད་བྱུང་ངོ་མཚར་རྒྱལ་བའི་སྲས། །ཞིང་འདིར་རྒྱལ་སྲས་ཁྱོད་སྤྱོད་པས། །བཀའ་ཡི་འཁོར་ལོ་ལམ་མཆོག་དག །ཨེ་མའོ་ཚིག་གིས་མཚོན་དེ་གསལ་བར་མཛོད། །ཨ་ལ་ལ་ཧོ། ཞེས་བྱང་ཆུབ་ཀྱི་སེམས་རྡོ་རྗེ་ལ་གསོལ་ཏོ། །ཚིག་ཆད་སོང་འདྲ། ཚིག་གིས་མཚོན་དེ་སྨྲས་པ། ཨཱོཾ་ཨཱཿཧཱུཾ་སྭཱ་ཧྲཱྀཿཨ་ལ་ལ་ཧོ། སྟོན་པ་རྒྱལ་བ་ཅང་མི་གསུང་། །མི་གསུང་བས་ནི་རྒྱ་ཆེར་བཤད། །བཤད་དུ་མེད་པའི་ཆོས་རྣམས་ནི། །སངས་རྒྱས་རྣམས་ཀྱིས་མ་བཤད་དོ། །སྟོན་པས་བརྗོད་པར་མི་བཞེད་དེ། །སྐྱེ་བ་མེད་པའི་ཆོས་སྐུ་ནི། །མ་སྐྱེས་པས་ན་ཆོས་སྐུར་འདོད། །སྙིང་པོ་དོན་དུ་གྱུར་པ་དེ། །ཚིག་ཏུ་བརྗོད་པ་ལེགས་མ་ཡིན། །སྤྲོས་པ་ཉིད་ན་མིན་ནོ་ཞེས། །མཁྱེན་པ་རྣམས་ཀྱིས་ངེས་པར་བཤད། །དེ་བས་ཡེ་ཤེས་བདག་པོ་ཉིད། །བཀའ་མ་སྩལ་པར་དགོངས་པའོ། །དགོངས་པའི་དོན་རྣམས་འབྱིན་འདོད་པ། །གཟུགས་བརྙན་མེ་ལོང་བལྟ་འདོད་ལྟར། །དགོངས་པའི་དོན་ནི་རིག་ལ་སྣང་། །མ་སྐྱེས་དོན་གྱི་སྙིང་པོ་འདི། །ཚིག་ཏུ་སྨྲ་བ་མ་ཡིན་ཀྱང་། །ཚིག་མིན་དོན་རྣམས་མི་རྟོགས་པས། །ཅི་ཕྱིར་མི་དམིགས་ཚིག་གིས་མཚོན། །རྒྱལ་བའི་སྙིང་པོ་མཉམ་ཉིད་དེ། །གསལ་བརྗོད་འདུས་པའི་ཚོགས་རྣམས་ཉོན། །ང་ནི་དུས་གསུམ་རྒྱལ་བའི་ཐུགས། །སྟོན་པའི་དོན་ཉིད་ལྷུན་གྱིས་གྲུབ། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དཔལ་ཀུན་ཏུ་བཟང་པོ་ལ་བྱང་ཆུབ་ ― DNG008_Page_0081 ―
[མ་དཔེ་གཟིགས་ན་འདིར་གནོན།]
སེམས་རྡོ་རྗེ་ལ་སོགས་པ། འཁོར་ཚོགས་རྣམས་ཀྱིས་གསོལ་པ། བཅོམ་ལྡན་འདས་མ་སྐྱེས་པའི་དོན་ཇི་ལྟ་བུ་ལགས། ཆོས་ཉིད་ཀྱི་དོན་ནི་གང་། ཆོས་ཀྱི་དབྱིངས་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། སྟོང་པའི་དོན་ནི་དམིགས་སུ་མེད། །མཚན་མའི་དངོས་པོ་སྤྲོས་དང་བྲལ། །ནམ་མཁའི་རང་བཞིན་དམིགས་དང་བྲལ། །ཆོས་ཉིད་རང་བཞིན་སྤྲོས་དང་བྲལ། །རྡོ་རྗེ་སེམས་དཔའ་ནམ་མཁའི་ངང་། །ཆེ་བའི་བདག་ཉིད་སངས་རྒྱས་དང་། །ཀུན་བཟང་ཡངས་པ་ཆོས་དབྱིངས་ཡིན། །བྱ་བྲལ་མི་དམིགས་དབྱིངས་ལ་གནས། །རྣམ་རྟོག་མི་མངའ་ཆོས་ཀྱི་དབྱིངས། །རྣམ་དག་ལམ་ཆེན་ཀུན་སྒྲོལ་ཕྱིར། །བཙལ་སེམས་མེད་དེ་རྣམ་གྲོལ་ལོ། །ཞི་བ་ཆེན་པོའི་ངང་ཉིད་དོ། །མི་སྐྱེ་མི་འགག་ཅིར་མི་དགོངས། །གཟུང་འཛིན་ཡུལ་ཡང་ངང་གིས་སྟོང་། །མི་སྐྱེ་མི་འགག་མཐའ་ལས་གྲོལ། །བྱམས་པས་དོན་གཉེར་རྣམ་སྦྱང་ཕྱིར། །བདག་དང་སེམས་ཅན་གཉིས་མ་མཐོང་། །རང་བཞིན་གཅིག་སྟེ་གཉིས་མེད་དོ། །སེམས་ཀྱི་རང་བཞིན་སྐྱེ་མེད་དེ། །ཐུགས་རྗེས་བཟུང་བའི་མཚན་མ་མེད། །སྙིང་རྗེ་ཆེན་པོ་ཅིར་མི་མཛད། །ཡང་དག་ཟབ་མོ་ཆེན་པོ་ཡིན། །ཆེ་བའི་ཆེ་བ་ཟབ་མོ་ཡིན། །ཆེ་བའི་དོན་ཉིད་མཉམ་པ་ཡིན། །བྱང་ཆུབ་མེད་དེ་ངན་སོང་མེད། །དེ་བས་གཉིས་མེད་ཆོས་ཀྱི་དབྱིངས། །ཆོས་དབྱིངས་གཉིས་མེད་ཡོན་ཏན་གཏེར། །ཡོན་ཏན་ཅིར་ཡང་བསྔགས་པ་མེད། །ཡོན་ཏན་རྒྱ་མཚོར་སྒྲོས་མི་འདོགས། །དོན་རྣམས་ཇི་བཞིན་མི་བསྐྱོད་དེ། །ཆོས་ཉིད་ནམ་མཁའ་ལྟ་བུའི་དངོས། །སྐྱོན་རྣམས་མ་ལུས་དག་པའོ། །བྱ་བའི་ཡུལ་རྣམས་ངང་གིས་སྟོང་། །བྱ་བ་མེད་པས་རང་བཞིན་གྲོལ། །འགྲོ་བ་ཞི་བ་ཆེན་པོའི་ངང་། །དེ་ཕྱིར་རང་བཞིན་གྲོལ་བ་སྟེ། །གཞན་ནས་འབྱུང་བར་འགྱུར་མ་ཡིན། །རང་བྱུང་ཡེ་ཤེས་བཙལ་མེད་པས། །བཙལ་མེད་དམ་པ་ཞི་བ་ཡིན། །གྲོལ་ནས་གྲོལ་བའི་ལམ་ཡང་སྟོན། །སྣང་ཕྱིར་གྲོལ་བ་ཆེན་པོ་སྟེ། །གྲོལ་དང་མ་གྲོལ་གཉིས་མེད་དོ། །འཁོར་བ་མྱ་ ― DNG008_Page_0082 ―
[མ་དཔེ་གཟིགས་ན་འདིར་གནོན།]
ངན་འདས་ཉིད་དུ། །གཉིས་སུ་སྒྲོ་བཏགས་ཡོད་མ་ཡིན། །དེ་ལྟ་བུར་ནི་སུས་མཐོང་བ། །མཚན་མའི་གཡུལ་ལས་རྒྱལ་བ་ཡིན། །དེ་ལྟ་བུ་ནི་སུས་འཛིན་པ། །སངས་རྒྱས་ཡིན་ཏེ་རྒྱལ་བའི་སྲས། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆོས་ཉིད་ཀྱི་ལེའུ་སྟེ་གཉིས་པའོ།། །།དེ་ནས་འདུས་པ་རྣམས་ཀྱིས་གསོལ་པ། སེམས་དཔའ་ཆེན་པོ། འདི་ལྟར་སྣང་བའི་ཆོས་ཐམས་ཅད་རང་བཞིན་གྱིས་སངས་རྒྱས་སོ་ཞེས་བགྱི་བའི་དོན་ཇི་ལྟ་བུ་ལགས། བདག་ཅག་ཐོས་པར་འཚལ་ལགས་ན། བདག་ཅག་ལ་རྒྱ་ཆེར་བཤད་དུ་གསོལ། ཨ་ལ་ལ་ཧོ། ཞེས་གསོལ་ཏོ། །དེ་ནས་བྱང་ཆུབ་ཀྱི་སེམས་རྡོ་རྗེ་དེས་འདི་སྐད་ཅེས་བཀའ་སྩལ་ཏོ། །ཉོན་ཅིག་འདུས་པའི་འཁོར་ཚོགས་རྣམས། །འཁོར་བ་ཐམས་ཅད་བྱང་ཆུབ་སྟེ། །འབྱུང་བ་ཆེན་པོ་བཅོམ་ལྡན་འདས། །ས་ཆུ་མེ་རླུང་ནམ་མཁའ་ཆེ། །དོན་ཉིད་ཡེ་ནས་སངས་རྒྱས་ཏེ། །སྣང་བ་ཉིད་ན་དག་པ་ཡིན། །སེམས་ཅན་ཐམས་ཅད་རང་བཞིན་གྲོལ། །དེ་ཕྱིར་ཆོས་ཉིད་གྲོལ་བ་ཡིན། །འགྲོ་བ་ཀུན་ལ་རང་བཞིན་གནས། །མི་ཤེས་པས་སུ་བསླད་མི་ནུས། །དེ་ལ་འཁྲུལ་འཁོར་འབྱུང་བ་མིན། །ཕྱིན་ཅི་ལོག་གི་རྗེས་མི་འདྲེང་། །ཕྱིན་ཅི་ལོག་ཏུ་རྣམ་བསླད་ཀྱང་། །གྲོལ་བ་རང་བཞིན་གཞན་ལས་མིན། །ཡང་དག་ཡེ་ཤེས་དག་པ་སྟེ། །ཆོས་རྣམས་ཐམས་ཅད་ངང་གིས་སྟོང་། །དེ་ཕྱིར་རང་བཞིན་བཅོམ་ལྡན་འདས། །ཞེས་གསུངས་སོ། །ཨེ་མ་ཧོ་རྒྱལ་བའི་སྲས་པོ་ཡོན་ཏན་མཆོག །རྒྱལ་བ་ཀུན་གྱི་ཐུགས་ཀྱི་གཏེར། །སེང་གེའི་སྒྲ་སྒྲོགས་གསང་སྔགས་སྟོན། །སངས་རྒྱས་ཀུན་གྱི་སྐུ་གསུང་ཐུགས། །ངོ་མཚར་ཆེ་ལ་བདག་ཅག་འདུད། །ཅེས་གསོལ་ཏོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རང་བཞིན་གྱི་ལེའུ་སྟེ་གསུམ་པའོ།། །།དེ་ནས་འཁོར་དེར་འདུས་པ་རྣམས་ཀྱིས་སེམས་དཔའ་ཆེན་པོ་ལ་གསོལ་པ། བདག་ཅག་གིས་ཡེ་ཤེས་ཀྱི་དོན་ཇི་ལྟར་རྙེད་པར་བགྱི་ལགས། ཐབས་ཇི་ལྟར་ལགས། ― DNG008_Page_0083 ―
[མ་དཔེ་གཟིགས་ན་འདིར་གནོན།]
དོན་ནི་གང་། རྙེད་པར་བྱ་བའི་རྒྱུ་ནི་ཇི་ལྟར་ལགས། དེ་ནས་བྱང་ཆུབ་སེམས་རྡོ་རྗེས་འདི་སྐད་ཅེས་བཀའ་སྩལ་པ། ཆོས་ཀུན་མཉམ་རྫོགས་ལྷུན་གྱིས་གྲུབ། །ཡོངས་སུ་རྫོགས་པས་རིན་ཆེན་གཏེར། །རང་བཞིན་མི་དམིགས་སྟོང་པའི་ངང་། །ཀུན་གཞིའི་རང་བཞིན་སྟོང་པ་སྟེ། །དངོས་པོ་ཐམས་ཅད་ཞི་བ་ཡིན། །དེ་ལྟར་མ་མཐོང་སྡུག་བསྔལ་ཏེ། །སྡུག་བསྔལ་རང་བཞིན་འཁོར་བར་འཁོར། །དེ་ལྟར་མི་ཤེས་བྱིས་པ་དག །ཇི་ལྟར་སྦྲིབས་ནས་གྲང་བ་ལ། །ཉི་མའི་འོད་མཆོག་སྤྲིན་གྱིས་བསྒྲིབས། །གྲང་བས་དེ་ཉིད་བསམ་འདོད་པ། །རང་གི་རྩལ་གྱིས་སྤྲིན་ལ་ཕུད་བྱས་ཀྱང་། །སྤྲིན་རྣམས་བསལ་བར་ག་ལ་འགྱུར། །དངོས་པོ་བརྟགས་པའི་མཚན་མ་ཡིས། །སྟོང་པའི་དོན་ནི་མི་སྟེར་རོ། །དེ་ཕྱིར་ཆེ་བའི་ཡོན་ཏན་མཆོག །ཆེ་བའི་ཡེ་ཤེས་རྙེད་དཀའ་བ། །ཟབ་ཅིང་ཕྲ་ལ་རྟོགས་པར་དཀའ། །ཆོས་ཉིད་མི་རྙེད་སྒྱུ་མར་བསྟན། །ཇི་ལྟར་སྒྱུ་མ་སྣང་གྱུར་ཡང་། །དེ་ལ་དངོས་པོ་ག་ལ་ཡོད། །ཡེ་ཤེས་བསྟན་པས་སྒྱུ་མ་སྣང་། །ཇི་ལྟར་སྒྱུ་མ་བྱེད་པའི་སྐྱེས་བུ་ཡིས། །འགྲོ་བའི་རྒྱུད་རྣམས་སྣ་ཚོགས་བྱས། །སྒྱུ་མ་དེ་ལ་འགྲོ་བ་མེད། །འགྲོ་བའི་དོན་དུ་ཡེ་ཤེས་བསྟན། །ཡེ་ཤེས་དེ་ལ་ཆོས་ཉིད་ག་ལ་ཡོད། །ཤེས་རབ་ཐབས་ལ་བརྟེན་པས་འགྲུབ། །ལོངས་སྤྱོད་ཆོས་ཉིད་མི་དམིགས་མཉམ་པ་ཡིན། །དུས་གསུམ་མི་དམིགས་དོན་གྱི་མཆོག །མིང་ཙམ་གནས་པས་བསྟན་ནས་མཐོང་། །རང་རིག་ཡེ་ཤེས་བདེ་བ་ཆེ། །ཉིད་ལ་ཉིད་མཐོང་བདེ་བ་ཡིན། །མིང་ཙམ་གཞན་ལ་བསྟན་འདྲ་ཡང་། །གཞན་ནས་མ་བྱུང་དེ་ཉིད་ཡིན། །མངོན་སུམ་བདེ་བ་རང་ལས་བྱུང་། །བདེ་བ་གང་ཡིན་སྟོང་པ་ཡིན། །དེ་ལྟར་མཐོང་བ་དག་པ་ཡིན། །དག་པ་དེ་ཉིད་གྲོལ་བ་ཡིན། །ཞེས་གསུངས་སོ། །ཨེ་མ་ཧོ་ཆོས་ཀུན་རྒྱ་མཚོ་དག་པའི་གསུང་། །གཉིས་མེད་དོན་དམ་བཀོད་པའི་རྒྱན། །རྣམ་རྟོག་མི་མངའ་ཡེ་ཤེས་ཐུགས། །ངོ་མཚར་དམ་པ་སེང་གེའི་སྒྲ། །ཀུན་ལ་སྙོམས་མཛད་ཡེ་ཤེས་དང་། །དམིགས་པ་མེད་པས་ནམ་མཁའ་འདྲ། །ཀུན་ལ་སྙོམས་པས་ཉི་ཟླ་འདྲ། །ནམ་མཁའ་ལྟ་བུར་དམིགས་པ་མེད། །གཏེར་གྱི་བཅུད་ ― DNG008_Page_0084 ―
[མ་དཔེ་གཟིགས་ན་འདིར་གནོན།]
འཛིན་སེང་གེའི་སྒྲ། །སྦས་པའི་དོན་སྟོན་གསུང་གི་མཆོག །སྨྲ་བའི་དམ་པ་དེ་ལ་བདག་ཅག་འདུད། །ཅེས་གསོལ་ཏོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། གཞན་པས་ཆེ་བའི་རང་བཞིན་གྱིས་ཆེ་བའི་ལེའུ་སྟེ་བཞི་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་དོན་འདི་དག་བཙལ་ལམ་མི་བཙལ།མ་བཙལ་ན་དོན་གྱི་ངོ་བོ་ཇི་ལྟ་བུ། དོན་གང་ལ་སྒྲིབ། ཆོས་ཉིད་ལ་ཐོག་མ་དང་ཐ་མར་མི་འགྱུར་རམ། སེམས་དཔའ་ཆེན་པོ་དོན་འདི་དག་བཤད་དུ་གསོལ། དེ་ནས་སྨྲ་བའི་དམ་པས་འདི་སྐད་ཅེས་བཀའ་སྩལ་ཏོ། །ཆོས་ཉིད་ངང་གི་ཆོ་འཕྲུལ་འབྱུང་། །ནམ་མཁའི་ངང་གིས་གཟུགས་རྣམས་མཐོང་། །ཆོས་དབྱིངས་ནམ་མཁའ་བཞིན་དུ་གནས། །ནམ་མཁའི་ཁམས་ལ་བཙལ་དུ་མེད། །དེ་བཞིན་ཆོས་དབྱིངས་བཙལ་དུ་མེད། །ཆོ་འཕྲུལ་ཆེན་པོ་དཀའ་བ་མིན། །ཇི་བཞིན་ཆོ་འཕྲུལ་ཆེན་པོ་ཞི། །ཆོས་དབྱིངས་དེ་བཞིན་ཉིད་མི་འགྱུར། །དེ་ནི་ཆོ་འཕྲུལ་དམ་པའོ། །ཐོབ་པར་བྱ་བའི་རྒྱུ་མེད་དེ། །ཐོབ་པའི་ཡོན་ཏན་བསྟན་པ་ཡང་། །ཐེག་དམན་རྣམས་ལ་བསྟན་པར་ཟད། །དཔེར་ན་བྱིས་པའི་རང་བཞིན་ལ། །སྒྱུ་མ་བསླུ་བས་བྲིད་པ་ལྟར། །ཐེག་པ་དམན་ལ་བདེ་གཤེགས་ཡོན་ཏན་བསྟན། །ཡོན་ཏན་ཀུན་གྱི་སྟོབས་ཀྱི་རྣམས། །ཐོབ་པར་བྱ་བ་ཡོད་མ་ཡིན། །མི་དམིགས་པ་ཡི་ཆོས་ཉིད་ལ། །དམིགས་པར་བྱ་བ་ཡོད་མ་ཡིན། །ཡང་དག་མ་མཐོང་ཐེག་དམན་དང་། །འཇིག་རྟེན་པ་དང་ལོག་ལྟ་དང་། །མི་ཤེས་བླུན་རྨོངས་རྨོངས་རྣམས་ཀྱིས། །འཇིག་རྟེན་སྒྱུ་མར་སྦྱོར་བ་ལ། །བདེ་སྡུག་འཁོར་བ་མྱ་ངན་འདས། །དེ་ལྟར་གཉིས་ཡོད་མ་ཡིན་ཏེ། །བལྟ་དམན་རྣམས་ཀྱིས་གཉིས་སུ་མཐོང་། །ཟབ་མའི་རང་བཞིན་རྟོགས་པར་དཀའ། །ཟབ་མོའི་རང་བཞིན་དམིགས་པ་མེད། །ཆོས་ཉིད་རང་བཞིན་ནམ་མཁའི་ཚུལ། །རྟོག་པ་ཀུན་དང་ཡང་དག་བྲལ། །ཇི་བཞིན་རྟོག་པ་ཕྲ་བ་ཡིས། །རྟོག་ ― DNG008_Page_0085 ―
[མ་དཔེ་གཟིགས་ན་འདིར་གནོན།]
པ་དེ་ཡི་མཚན་མ་ཞི། །རྟོག་པ་ཕྲ་རགས་ཉིད་ལས་འབྱུང་། །དེ་བཞིན་རྟོག་པའི་མཚན་མ་དེས། །དེ་མ་ཐག་ཏུ་རང་ལས་བྱུང་། །བྱ་བ་མེད་པའི་ཆོས་ཉིད་ནི། །ཆོས་རྣམས་ནམ་མཁའ་ལྟ་བུའི་ཆོས་ཉིད་ནི། །དེ་ལ་བཙལ་བར་བྱ་བ་མིན། །རྩོལ་བར་བྱེད་ན་སྡུག་བསྔལ་ཡིན། །འཁོར་བའི་རྒྱ་མཚོ་བརྒལ་བར་དཀའ། །བཙལ་དུ་མེད་པའི་ཆོས་ཉིད་ནི། །མ་བཙལ་བཞག་པས་བསྒོམ་པ་ཡིན། །ཆོས་ཉིད་ཇི་བཞིན་མཉམ་པའི་ཚུལ། །དམིགས་པ་མེད་པས་ཀུན་ཏུ་བཟང་། །མ་ཉམས་ངང་བཞག་བསྒོམ་པ་ཡིན། །དེ་དང་དེར་ནི་རྣམ་བཙལ་ན། །དེ་ཡང་སྐྱེས་བུ་རྩལ་ཅན་གྱིས། །ཉིད་ལ་ཉིད་ཀྱིས་ག་ལ་དགོངས། །ཇི་ལྟར་མིག་གི་དབང་པོས་ཀྱང་། །དབང་པོ་རང་ཐད་ག་ལ་མཐོང་། །དེ་བཞིན་ཡང་དག་ཟབ་མོ་ཡང་། །དེ་ལས་དེ་བཞིན་དེ་མི་འབྱུང་། །མཚན་མའི་རྟོག་པ་ཐམས་ཅད་བྲལ། །མཚན་མའི་ཡུལ་རྣམས་བརྗོད་དུ་མེད། །གཞན་གྱིས་རྟོགས་དཀའ་ཟབ་མོའི་དོན། །མཆོག་ཏུ་གསང་བའི་ཆོས་ཉིད་ནི། །མི་དམིགས་རང་བཞིན་སྟོང་པའི་ངང་། །དེ་ཕྱིར་གསང་བ་དམ་པ་ཡིན། །མི་དམིགས་ཆོས་དབྱིངས་ཟབ་མོ་འདི། །རྣ་དབང་གཞན་ལས་ཐོས་མི་འགྱུར། །དེ་ཕྱིར་ཆོས་ཉིད་ཐོས་རྒྱུ་མེད། །དེ་བཞིན་ལྕེ་ཡི་དབང་པོས་ཀྱང་། །དེ་ལ་བརྗོད་དུ་རྡུལ་ཙམ་མེད། །ཆོས་ཉིད་དམ་པ་བརྗོད་མེད་ལ། །བརྗོད་པར་འདོད་པ་གང་ཡིན་པ། །བྱིས་པ་བླུན་རྨོངས་མི་ཤེས་པས། །ནམ་མཁའ་དག་ལ་གནས་འདོད་འདྲ། །དེ་ཕྱིར་རྩོལ་མེད་བསྒོམ་པ་ཡིན། །ཞེས་གསུངས་སོ། །དེ་ནས་འཁོར་རྣམས་ངམ་པར་གྱུར་ཏེ། །ཨེ་མ་ཧོ་སེམས་དཔའ་ཆེན་པོ་དམ་པའི་མཆོག །ཐུགས་རྗེ་ཆེན་པོ་སྐྱབས་མཛད་པ། །ཇི་ལྟར་ནད་པ་གདུངས་པ་ལ། །ཇི་བཞིན་སྨན་པ་དོན་ལྡན་གྱིས། །ནད་ཀྱི་རྣམ་པ་གང་ཡིན་པར། །སྨན་དཔྱད་གཉེན་པོ་བཏང་བ་བཞིན། །ཇི་ལྟར་འཁོར་བའི་སྡུག་བསྔལ་ལ། །འཁོར་བ་དག་ཕྱིར་རྣམ་གྲོལ་བཤད། །དག་པ་ཆེན་པོ་ཨ་ཨ་ལ་ལ། ཞེས་གསོལ་ཏོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བཙལ་བ་མེད་པའི་ལེའུ་ ― DNG008_Page_0086 ―
[མ་དཔེ་གཟིགས་ན་འདིར་གནོན།]
སྟེ་ལྔ་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་བྱང་ཆུབ་ཀྱི་སེམས་ཀྱི་དོན་ཇི་ལྟ་བུ་ལགས། འགྲོ་བའི་སྡུག་བསྔལ་ནི་གང་ལགས། དེ་ནས་སེམས་དཔའ་ཆེན་པོས་བཀའ་སྩལ་པ། །སེམས་ཀྱི་ཆོས་ཉིད་སྟོང་པ་ལ། །དངོས་པོར་བརྗོད་པ་བལྟ་བ་དམན། །དཔེར་ན་དམུས་ལོང་འཐིབས་པ་ཡིས། །བལྟ་བར་བྱ་བའི་ཡུལ་མི་མཐོང་། །ཇི་ལྟར་གཟུང་འཛིན་རྟོག་པ་ཡིས། །དོན་ཉིད་མཐོང་བར་ག་ལ་འགྱུར། །འགྲོ་བ་གང་ཡིན་བྱང་ཆུབ་སྟེ། །འགྲོ་བའི་སྡུག་བསྔལ་བྱང་ཆུབ་སེམས། །བྱང་ཆུབ་རང་བཞིན་མ་རྟོགས་པས། །རྟོག་པ་ཕྲ་རགས་རྣམ་པར་འགྱུས། །རྟོག་པའི་རྣམ་པས་བྱང་ཆུབ་བསྒྲིབས། །བསྒྲིབས་པས་སྡུག་བསྔལ་སྣ་ཚོགས་ཡིན། །དཔེར་ན་འཇིག་རྟེན་གྲིབ་མ་ཡིས། །སྣང་བ་གསལ་བ་བསྒྲིབས་པ་ལྟར། །དེ་ལྟར་དམ་པ་ཞི་བ་ཡང་། །གཟུང་འཛིན་དབང་གིས་བསྒྲིབས་པ་ཡིན། །བདེ་སྡུག་འཁོར་བ་རྩེད་མོ་འདྲ། །བདེ་སྡུག་འཁོར་བར་བྱིས་པས་མཐོང་། །འཁོར་བ་རྟོགས་པ་བྱང་ཆུབ་སྟེ། །ཀུན་ཏུ་ཆུབ་པས་རྣམ་པར་རོལ། །བདག་མེད་བདག་ཉིད་ལྷུན་གྱིས་རྫོགས། །གཉིས་མེད་དག་པས་བདེ་གནས་པས། །དེ་ལ་བསྐྱོད་པ་མེད་བཞིན་དུ། །ནམ་མཁའི་མཐའ་ལྟར་མཉམ་པར་གནས། །ཞི་བ་ཆེན་པོའི་རང་བཞིན་ནོ། །ཞེས་གསུངས་སོ། །ཨེ་མ་ཧོ་ནམ་མཁའི་དཀྱིལ་ན་ཟླ་མཛེས་ལྟར། །ཉི་མའི་ཟེར་ལྟར་ཀུན་ལ་ཁྱབ། །ཐུགས་རྗེ་ཆེན་པོ་འགྲོ་བའི་མགོན། །ཐུགས་རྗེའི་ངང་ལ་སྐྱབས་སུ་མཆི། །གསོལ་ཏོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བརྗོད་པ་དང་བྲལ་བའི་ལེའུ་སྟེ་དྲུག་པའོ།། །།དེ་ནས་བྱང་ཆུབ་ཀྱི་སེམས་རྡོ་རྗེ་ལ་སོགས་པ། འཁོར་ཚོགས་མི་ཕམ་པ་ལ་སོགས་པས། བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོའི་ཞལ་དུ།སེང་གེའི་ལྟ་སྟངས་ཀྱིས་བལྟས་ཏེ། འདི་སྐད་ཅེས་གསོལ་ཏོ། །འཁོར་བའི་ལས་རྣམས་ཇི་ལྟ་བུ། །འཁོར་བ་མྱ་ངན་འདས་པའི་དོན། །རྒྱལ་བ་དཔའ་བོས་བཤད་དུ་གསོལ། ། ― DNG008_Page_0087 ―
[མ་དཔེ་གཟིགས་ན་འདིར་གནོན།]
དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་ཅང་མི་གསུང་བར་མཉམ་པའི་ངང་ལ་བཞུགས་སོ། །དེ་ནས་འདུས་པའི་འཁོར་ཚོགས་རྣམས་ཀྱིས་བྱང་ཆུབ་ཀྱི་སེམས་རྡོ་རྗེ་ལ་བཏུད་དེ། །དེ་ནས་སེམས་དཔས་བཀའ་སྩལ་པ། །ལས་ཀྱི་ཁྱད་པར་སྟོང་པ་སྟེ། །ཕྱིན་ཅི་ལོག་གིས་ལས་སུ་བརྟགས། །དེ་ཡང་ཡོད་པ་མ་ཡིན་ཏེ། །ཁྱད་པར་ཅི་ཡང་མཚུངས་པ་ལ། །ལས་སོ་ཞེས་ནི་རྣམ་པར་བརྟགས། །ཀུན་བཟང་བྱང་ཆུབ་མཚུངས་པར་གནས། །ལས་དེས་ཅི་ཕྱིར་འགྲོ་མི་འཁོལ། །གལ་ཏེ་ལས་ཀྱིས་འཁོལ་འགྱུར་ན། །དག་པའི་རང་བཞིན་ག་ལ་ཡོད། །ཉོན་མོངས་བྱང་ཆུབ་རང་བཞིན་ཏེ། །ལས་ཉིད་བསྟན་པ་ག་ལ་ཡིན། །ཅི་སྟེ་ལས་ཀྱི་དབང་འགྱུར་ན། །རྟོག་པ་དང་བྲལ་ཞི་བའི་ངང་། །རང་བྱུང་ཡེ་ཤེས་ཡོད་མ་ཡིན། །རྒྱུ་ཉིད་སྐྱེ་མེད་རྡོ་རྗེའི་དོན། །མི་གནས་སྐྱེ་མེད་རང་བཞིན་ནི། །རྒྱུ་ཉིད་རྡོ་རྗེ་རྐྱེན་དང་འདྲ། །ཡེ་གྲུབ་མ་ཡིན་སྙིང་པོའི་དོན། །མ་སྐྱེས་པས་ན་འཇིག་པ་མེད། །མི་སྐྱེ་མི་འགག་དོན་གྱི་ངང་། །གདོད་ནས་སྙིང་པོ་བྱང་ཆུབ་ལ། །འདུས་བྱས་རྩོལ་བ་བྲལ་བའི་ཕྱིར། །མཉམ་པའི་ཆོས་ཉིད་དམ་པ་དེ། །བཙལ་བའི་བསམ་པས་དབྱིངས་མི་བསྐྱོད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། སེམས་ཀྱི་རང་བཞིན་ལས་ཀྱིས་མི་འཁོལ་བའི་ལེའུ་སྟེ་བདུན་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སྨྲ་བའི་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། བསམ་པའི་དོན་དང་བསམ་པའི་ཁྱད་པར་གང་ལགས། སྨྲ་བའི་དམ་པས་བཀའ་སྩལ་པ། །འདམ་དུ་བྱིང་བས་འགྲོ་བ་ཀུན། །ཡེ་ཤེས་བསམ་གཏན་སྤྱོད་པ་རྣམས། །ཡོན་ཏན་ཆེ་བའི་བསམ་གཏན་ནི། །བསམ་གཏན་ཉིད་པས་བསམ་དུ་མེད། །བསམས་པའི་བསམ་གཏན་བགྲོད་པ་མིན། །མ་བསམས་མ་སྦྱངས་ཆོས་བཞིན་དུ། །གཉིས་སུ་སྣང་བས་སྐྱོན་ཡིན་ཕྱིར། །རྣམ་རྟོག་ཉིད་ལས་ཡེ་ཤེས་སྐྱེ། །རྟོག་ཉིད་རང་བྱུང་ཡེ་ཤེས་ཡིན། །ཕྲ་བའི་སྒོ་མོར་མིང་བཏགས་ནས། །ཕྲ་མོ་ཡང་དག་སྒོ་མོ་འདི། །སེམས་ཀྱི་དབེན་པས་ལམ་ ― DNG008_Page_0088 ―
[མ་དཔེ་གཟིགས་ན་འདིར་གནོན།]
ཚོལ་ཞིང་། །འཁྲུལ་པ་ཕྲ་མོས་བདེན་བསླད་དེ། །དགོན་པའི་རྒྱུད་དུ་དབེན་འཛིན་པ། །བརྟགས་ན་རྣམ་པར་རྟོག་འགྱུར་བསྒོམ། །རྒྱུ་འབྲས་དོན་ཉིད་དབྱེར་མེད་ལ། །རྒྱུ་དང་འབྲས་བུར་མིང་འདོགས་ཤིང་། །དགེ་སྡིག་གཉིས་ཀ་རྣམ་པར་སེལ། །ཇི་ལྟར་བྱིས་པ་མི་ཤེས་པས། །ནམ་མཁའ་དག་ལ་མདུད་པ་འདོར། །དེ་ལ་མདུད་པ་འོང་མི་འགྱུར། །ཇི་ལྟར་ཆོས་ཉིད་དག་པ་ལ། །འཇིག་རྟེན་འདི་ལས་འབྱུང་ངོ་ཞེས། །བླང་དོར་བྲོད་པ་མཆོག་ཏུ་བསྐྱེད། །ཡང་དག་དེ་ལ་བླང་དོར་མེད། །ཆགས་དང་མ་ཆགས་ཚིག་གི་ལམ། །དབུ་མ་བཞིན་ཏེ་བྲག་ཆ་འདྲ། །གང་དུ་འང་མ་གྱུར་དག་པའི་ལམ། །བདེ་དང་སྡུག་བསྔལ་རྒྱུ་མཐུན་ཞིང་། །བདེ་དང་སྡུག་བསྔལ་དོན་གྱི་དབྱིངས། །འགྲོ་བའི་མགོན་པོ་སེམས་དཔས་གསུངས། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རྩོལ་བ་དང་བྲལ་བའི་ལེའུ་སྟེ་བརྒྱད་པའོ།། །།དེ་ནས་བྱང་ཆུབ་སེམས་དཔའ་རྡོ་རྗེ་དེས། འཁོར་རྣམས་ལ་འདི་སྐད་ཅེས་བསྒྲགས་སོ། །ཉོན་མོངས་དུག་གསུམ་འཁོར་བའི་རྒྱུད། །འཁོར་བ་རྣམས་ཀྱིས་ཇི་ལྟར་མཐོང་། །འདོད་ཆགས་ཞེ་སྡང་གཏི་མུག་རྣམས། །བྱིས་པ་རྣམས་ཀྱིས་འཁོར་བར་མཐོང་། །བྱང་ཆུབ་ཆེན་པོར་ལམ་ལ་བྱུང་། །དུག་གསུམ་བྱང་ཆུབ་ལམ་ཡིན་ཏེ། །ཀུན་སྤྱོད་ཡོན་ཏན་རྣམ་ལྔ་ཡང་། །འདོད་ཡོན་ལྔ་ཉིད་དག་པ་སྟེ། །ཆོས་ཉིད་དབྱིངས་ཀྱི་རྒྱུན་ཞེས་གསུངས། །ཀུན་བཟང་བདུད་རྩི་ཆོས་ཀྱི་སྐུ། །ནམ་མཁའ་རྟོག་པ་སྐྱེ་མེད་ཅིང་། །རྣམ་རྟོག་མེད་དེ་ཞི་བའི་སྐུ། །རྟོག་པ་དེ་ཉིད་ནམ་མཁའ་འདྲ། །འདས་དང་མ་འོངས་ད་ལྟར་རྟོག །དུག་གསུམ་རྟོག་པ་ནམ་མཁའ་འདྲ། །མི་ཆགས་ནམ་མཁའི་བསྔོ་བ་ལ། །རྒྱུ་གཅིག་སེམས་རིག་དོན་ཅན་ཡིན། །རང་དོན་ཆེན་པོ་ནམ་མཁའ་འབྱུང་། །འབྱུང་ཚོར་རྟོག་པ་ཡོད་མ་ཡིན། །ཞེས་འབྱུང་ངོ་། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རང་གསལ་ཡེ་ཤེས་འབྱུང་བའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཐམས་ཅད་ཀྱི་བདག་པོ་ཆོས་ཉིད་གསང་བའི་སྐུ་ལས་ ― DNG008_Page_0089 ―
[མ་དཔེ་གཟིགས་ན་འདིར་གནོན།]
མ་གཡོས་པར་བཞུགས་སོ། །དེ་ནས་འགྲོ་བའི་དོན་དུ་ཆོས་ཉིད་མངོན་པར་བྱང་ཆུབ་པ་ལས་བཞེངས་ཏེ། རྡོ་རྗེ་དབྱིངས་ཀྱི་སྙིང་པོ་ན་སེམས་ཅན་རྣམས་ལ་འདུལ་བར་དགོངས་ནས། ཤིན་ཏུ་བདེ་བ་ཆེན་པོ་མཉམ་པ་ཉིད་དུ་སྤྱོད་པའི་ཆོས་ཉིད་རང་གི་སྐུ་ལས་འདུས་མ་བྱས་པའི་རང་བཞིན། ཟླ་གསང་ཐིག་ལེའི་དཀྱིལ་ནས། གཟུངས་ཀྱི་རང་བཞིན་གྱི་དོན་མི་གཏོང་བ་དང་། དོན་དུ་མཛད་པ་དང་། དོན་ལྟར་སྟོན་པ་དང་། དོན་གྱི་རྗེས་འཇུག་པའི་ཐབས་ཀྱི་རང་བཞིན། ཡི་གེ་ཨཱ་ལི་ཀཱ་ལི་ཞེས་བསྟན་ཏེ། གཟུངས་ཀྱི་རོལ་པ་འདི་གསུངས་སོ། །རྟོག་མེད་མཉམ་པ་ཞི་པ་སྟེ། །རྟོག་མེད་མཉམ་ཉིད་ཆོས་ཀྱི་སྐུ། །བཟུང་བས་མི་ཟིན་ཆུ་ཟླ་འདྲ། །རྟོག་པ་མི་དམིགས་མཚན་མ་ཞི། །ཨཱ་ལི་ཀཱ་ལི་མཉམ་སྦྱར་ནས། །ཨ་ཉིད་ཆོས་སྐུ་སྟོང་པའི་ངང་། །ཀུན་ཏུ་བཟང་པོ་རོལ་པའི་གཟུངས། །ཨཱ་ལི་ཀཱ་ལི་ཟབ་ཏུ་བསྟན། །བྱང་ཆུབ་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ཨ་ནི་སྟོང་དང་མི་སྟོང་གིས། །དབུ་མ་ཡང་ནི་ཡོད་མ་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། འགྲོ་བའི་དོན་དུ་ཆོས་ཀྱི་དབྱིངས་ནས་བཞེངས་པའི་ལེའུ་སྟེ་བཅུ་པའོ།། །།དེ་ནས་འདུས་པའི་འཁོར་རྣམས་ཀྱིས། སྨྲ་བའི་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། ཡི་གེའི་དོན་མ་སྐྱེས་པར་འཚལ་ན། ཡི་གེ་གཟུངས་ཀྱི་རང་བཞིན་བསྟན་དུ་གསོལ། དེ་ནས་བྱང་ཆུབ་ཀྱི་སེམས་རྡོ་རྗེས་འདི་སྐད་བཀའ་སྩལ་ཏོ། །ཨ་ནི་ཆོས་སྐུ་དག་པ་སྟེ། །ཞི་བ་ཡུལ་མེད་དག་པའི་ངང་། །དེ་ལ་ཨ་ནི་ནུཏྤནྣ་སྭ་བྷཱ་ཝ་སྟེ། ཆོས་ཀུན་རང་བཞིན་སྐྱེ་མེད་དག་པའི་ཀློང་། །ཟབ་མོ་ཐབས་ཀྱི་ཐུན་མོང་སྟེ། །གསང་བ་གནས་སུ་བཟུང་བ་ཡིན། །ཐམས་ཅད་བྱེད་པ་ཤེས་རབ་སྟེ། །ད་ནི་ཨ་དང་མཛེས་པའི་ཏ། །ས་དང་ཡན་ལག་སྤྲོས་པ་བཞིན། །བདག་གིས་ཤེས་རབ་གནས་པ་སྟེ། །ཐབས་ཀྱི་ཤེས་རབ་དམ་པ་སྟེ། །འགྲོ་བའི་བདེ་སྡུག་སྤྲོས་གནས་ཏེ། །བདག་དང་གཞན་གཉིས་ཀུན་ཏུ་བཟང་། །མ་བསླད་ཟབ་མོ་ཐུན་མོང་སྟེ། །འཇིག་རྟེན་ ― DNG008_Page_0090 ―
[མ་དཔེ་གཟིགས་ན་འདིར་གནོན།]
ཡོངས་ཀྱི་སྤྱོད་ཡུལ་ལས། །སངས་རྒྱས་གསུང་ནི་ཟབ་མོ་འབྱུང་། །ཕྲ་ཞིང་ཟབ་མོ་རྙེད་དཀའི་ཕྱིར། །ཨེ་མ་ཧོ་སངས་རྒྱས་སྤྱོད་ཡུལ་འདི། །གཞན་ནས་རྙེད་པར་ག་ལ་འགྱུར། །བཙལ་བས་རྙེད་པའི་གླགས་མེད་དོ། །དམ་པའི་དོན་ལ་རྒྱ་ཆེར་དམིགས་མེད་པས། །སྤྱོད་ཡུལ་རང་བཞིན་རྙེད་པར་དཀའ། །ཡུལ་དྲུག་རང་བཞིན་སྟོང་པ་སྟེ། །དྲུག་གི་ཆོས་བཞིན་ཡུལ་མེད་པས། །དམིགས་པའི་ཡུལ་རྣམས་སྟོང་པའི་ཕྱིར། །ལྡོངས་པས་ནམ་མཁར་བསྙེགས་པ་བཞིན། །གོང་ནས་གོང་དུ་ཚངས་པའི་ལམ། །ཐོབ་པར་འདོད་པ་རྨོངས་པའི་ཕྱིར། །བྱ་བྲལ་ཆོས་དང་མཐུན་པ་མེད། །བརྒྱ་བྱིན་ཚངས་པ་འཁོར་ལོས་སྒྱུར་བའི་ལམ། །ལམ་དེ་ཐོབ་འདོད་བཅིང་བ་ཆེན་པོའི་ཕྱིར། །ཇི་ལྟར་འགྲོ་བ་དམུས་ལོང་གིས། །ལྟ་བའི་ཡུལ་རྣམས་བལྟ་འདོད་ཀྱང་། །དབང་པོ་ཉམས་པས་མཐོང་མི་འགྱུར། །དེ་བཞིན་ཆོས་དབྱིངས་ཟབ་མོ་ཡང་། །ལྟ་དམན་རྣམས་ཀྱིས་ག་ལ་མཐོང་། །ལམ་ལ་བགྲོད་པར་བྱ་མིན་ཕྱིར། །ཐོབ་པར་བྱ་བའི་གནས་མེད་པས། །ཅི་སྟེ་ལམ་ལ་བགྲོད་གྱུར་ན། །ཇི་ལྟར་བྱིས་པའི་རང་བཞིན་གྱིས། །ནམ་མཁའི་མཐའ་དག་བལྟ་འདོད་ན། །ནམ་མཁའ་མི་མཐོང་བྱིས་པ་ངལ། །དེ་བཞིན་ཆོས་ཉིད་ཟབ་མོ་ཡང་། །ནམ་མཁའི་མཐའ་བཞིན་ཐོབ་པ་མེད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། སེམས་དཔའ་ཆེན་པོ་གཟུངས་ཀྱི་རོལ་པའི་ལེའུ་སྟེ་བཅུ་གཅིག་པའོ།། །།དེ་ནས་འཁོར་ཚོགས་རྣམས་ཀྱིས་སྨྲ་བའི་དམ་པ་དེ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་ཟབ་མོ་ནི་གང་། ཆོས་རྣམས་ཐམས་ཅད་ཡོངས་སུ་རྫོགས་པའི་དོན་གང་ལགས། ཞེས་གསོལ་ཏོ། །དེ་ནས་བྱང་ཆུབ་ཀྱི་སེམས་རྡོ་རྗེ་དེས་བཀའ་སྩལ་པ། ཆོས་ཀུན་རང་བཞིན་སྤྲོས་བྲལ་ཏེ། །བརྗོད་བྲལ་སྟོང་ཉིད་ལྷུན་གྱིས་གྲུབ། །དེ་ཡང་ཅི་ཡི་ཕྱིར་ཞེ་ན། །ཆོས་ཉིད་དམིགས་པ་ཀུན་དང་བྲལ། །དེ་ལྟར་དེ་བཞིན་དེ་ཕྱིར་སྟོན། །དེ་ལ་དེར་སྟོན་དེ་ཡང་ཐོབ། ། ― DNG008_Page_0091 ―
[མ་དཔེ་གཟིགས་ན་འདིར་གནོན།]
དེ་བཞིན་འགྲོ་ཀུན་དབྱིངས་སུ་མཉམ། །ཅི་ཕྱིར་དོན་ཉིད་མངོན་སུམ་མ་གྱུར་པ། །རང་བཞིན་ཆོས་ཉིད་སྟོན་བརྗོད་བྲལ། །དེ་ནི་སྙིང་པོ་དེ་བས་ན། །སེམས་ནི་སྙིང་པོ་མངོན་སུམ་དུ། །དེ་ལས་དེ་བྱུང་ངོ་མཚར་ཆེ། །དུས་རྣམས་རྟག་ཏུ་བདེ་བའི་འབྲས། །སྔོན་གྱི་བདེ་དང་ད་ལྟར་བདེ། །འདས་དང་མ་འོངས་ད་ལྟར་གྱི། །དུས་གསུམ་རྟག་ཏུ་ཞི་བ་བདེ། །དེ་ཡང་ཆོས་ཉིད་ཞི་བའི་གནས། །ཞི་བ་མཐོང་བ་གང་ཡིན་པ། །དེ་བཞིན་དེ་ཡི་གནས་སུ་ཆེ། །སེམས་ཅན་རྒྱལ་བའི་ཞིང་འགྱུར་ཡིན། །ཐམས་ཅད་རྒྱལ་བའི་ངང་གྱུར་པས། །དེ་ལྟར་དེ་ཡི་ལམ་འདྲ་བས། །རྒྱལ་བ་འགྲོ་དང་མཉམ་ཉིད་པས། །དེ་ནི་ལམ་མཆོག་རང་བཞིན་ཏེ། །དེ་ལྟར་སྣང་བ་གང་ཡིན་པ། །དེ་དང་འདྲ་བ་ཡོངས་ཀྱི་ལམ། །ཟླ་བ་ལས་བྱུང་རྟེན་དང་བཅས། །ཀླུང་ལ་ཞི་བའི་རང་བཞིན་གནས། །སྐྱེ་མེད་ཞི་བ་རོ་གཅིག་ཕྱིར། །མཉམ་ཉིད་དག་པ་གང་ཡིན་པ། །ཐམས་ཅད་མཉམ་ཉིད་ཞི་བ་ལ། །ཀུན་གྱི་མཉམ་ཉིད་ཡིན་པའི་ཕྱིར། །ཕྱོགས་སུ་བལྟས་པས་གྲུབ་པ་མེད། །དེ་ཕྱིར་མཉམ་ཉིད་དམ་པ་ལ། །བལྟ་བར་འདོད་པ་གང་ཡིན་པ། །དཔེར་ན་མུན་ནག་རྫས་འཚོལ་འདྲ། །དེ་ཕྱིར་མཉམ་ཉིད་ག་ལ་རྙེད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཡོངས་སུ་རྫོགས་པའི་ལེའུ་སྟེ་བཅུ་གཉིས་པའོ།། །།དེ་ནས་འཁོར་དེར་འདུས་པ་རྣམས་ཀྱིས་བྱང་ཆུབ་ཀྱི་སེམས་རྡོ་རྗེ་ལ་གསོལ་པ། སེམས་དཔའ་ཆེན་པོ་ཆགས་པ་ཐམས་ཅད་དང་བྲལ་བ་ཇི་ལྟ་བུ་ལགས། ཆགས་ན་སྐྱོན་དུ་ཇི་ལྟ་བུར་འགྱུར། བྱང་ཆུབ་ཀྱི་སེམས་རྡོ་རྗེ་དེས་བཀའ་སྩལ་པ། ཆོས་ཉིད་བདེ་སྡུག་ནམ་མཁའི་ཚུལ། །དེ་བས་བདེ་སྡུག་ག་ལ་ཡོད། །ཆགས་དང་མ་ཆགས་ངང་གིས་སྟོང་། །འདས་དང་མ་འོངས་ད་ལྟར་གྱི། །བདེ་སྡུག་རྣམ་པར་བསལ་བའི་ཕྱིར། །ད་ལྟའི་བདེ་དང་ཕྱི་མ་ཡི། །མངོན་སུམ་པ་དང་རྒྱབ་ནས་འབྱུང་། །ཆེ་བའི་ཡོན་ཏན་ཐོབ་ཟིན་པས། །ཡེ་ཤེས་དབང་གིས་ཡོན་ཏན་རྙེད། །རྙེད་པར་བྱ་བ་མེད་བཞིན་དུ། །ཤེས་ ― DNG008_Page_0092 ―
[མ་དཔེ་གཟིགས་ན་འདིར་གནོན།]
པས་རྙེད་པར་བྱ་འདོད་པ། །དེ་ཡང་རྣམ་པའི་སྐྱོན་ཡིན་པས། །དེ་ལ་བརྟེན་པར་མི་བྱའོ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆགས་པ་ཐམས་ཅད་དང་བྲལ་བའི་ལེའུ་སྟེ་བཅུ་གསུམ་པའོ།། །།དེ་ནས་འཁོར་འདུས་པ་རྣམས་ཀྱིས་གསོལ་པ། སེམས་དཔའ་ཆེན་པོ།ཆོས་ཐམས་ཅད་བྱ་བ་མེད་པའི་དོན་ཇི་ལྟ་བུ་ལགས། ཡེ་ནས་ཆོས་ཉིད་ཆེ་བའི་རང་བཞིན་ནི་གང་། དོན་ཉིད་ནི་ཇི་ལྟར་རྟོགས་པར་བགྱི། ཞེས་གསོལ་ཏོ། །དེ་ནས་བྱང་ཆུབ་ཀྱི་སེམས་རྡོ་རྗེ་དེས་བཀའ་སྩལ་པ། གཉིས་མེད་རྣམ་པ་ཞི་བའི་ངང་། །འགྱུར་མེད་དག་པ་ཞི་བའི་ཕྱིར། །དུས་གསུམ་གཅིག་སྟེ་ཁྱད་པར་མེད། །དུས་རྣམས་རྟག་ཏུ་སྟོང་པའི་ཕྱིར། །སྔོན་མེད་ཕྱིས་མེད་གདོད་ནས་མེད། །ཆོས་ཀྱི་དབྱིངས་ནི་ཅིག་ཆར་གནས། །ཆོས་སྐུས་ཁྱབ་པས་གཅིག་པའི་ཕྱིར། །ཆོས་ཀྱི་སྐུ་ནི་ནམ་མཁའ་འདྲ། །གཉིས་མེད་ཆོས་སྐུའི་རྒྱན་ཡིན་ཏེ། །ཆེ་བའི་རྒྱན་གྱིས་ཀུན་ཁྱབ་ཕྱིར། །ཆེ་བའི་ཆེན་པོར་རང་བཞིན་གནས། །དེ་ལྟར་ཆེན་པོའི་རང་བཞིན་ཡང་། །ཐམས་ཅད་ཀུན་ལ་ཁྱད་པར་གནས། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆེ་བ་ཉིད་ཀྱི་སྙིང་པོའི་ལེའུ་སྟེ་བཅུ་བཞི་པའོ།། །།དེ་ནས་འཁོར་རྣམས་ཀྱིས་གསོལ་པ། སེམས་དཔའ་ཆེན་པོ་ཆོས་ཉིད་ནི་སྨོན་པ་ཐམས་ཅད་དང་བྲལ་བ་ལགས་ན། ཅི་ཕྱིར་བཙལ་བར་བགྱི་ཞེས་གསོལ་ཏོ། །སྨྲ་བའི་དམ་པས་བཀའ་སྩལ་པ། །ཉོན་ཅིག་འདུས་པའི་འཁོར་ཚོགས་རྣམས། །རང་བཞིན་ཆེ་བའི་ཆེན་པོ་ལ། །བཙལ་དང་བསྒྲུབ་པར་གང་འདོད་པ། །ཇི་ལྟར་བྱིས་པ་ཁུ་ར་འཇོམས། །འདུ་ཤེས་ཆུང་བའི་རང་བཞིན་གྱིས། །ཉེ་རིང་རྣམ་པ་མི་ཤེས་ལྟར། །དེ་ལྟར་ལྟ་བ་དམན་གྱུར་པས། །ཡང་དག་བལྟ་བ་མཐོང་མི་འགྱུར། །ཡང་དག་དོན་ལྡན་མཁས་པ་ཡིས། །སྲིད་པ་གསུམ་ན་སྦྱོར་བ་ཡང་། །མིང་ཙམ་སྒྱུ་མར་སྣང་བ་སྟེ། །སྲིད་པ་ ― DNG008_Page_0093 ―
[མ་དཔེ་གཟིགས་ན་འདིར་གནོན།]
སྒྱུ་མ་མིང་ཙམ་གྲགས། །དེ་ཡང་ཅི་ལྟ་བུ་ཞེ་ན། །ཇི་ལྟར་སྒྱུ་མའི་མཁན་པོ་ཡིས། །རྫས་ཀྱི་རྣམ་པ་གྱི་ན་ལ། །སྲིད་པ་གསུམ་དུ་སྣང་འགྱུར་ཡང་། །སྲིད་པའི་དངོས་པོ་ཡོད་མ་ཡིན། །སྲིད་གསུམ་མ་ལུས་དག་པའི་ཞིང་། །འཁོར་ལོས་སྒྱུར་བའི་གནས་ཆེན་ཡང་། །མཚན་མ་བྱང་ཆུབ་ཞི་བས་འདུལ་བའི་གནས་ཡིན་ཏེ། །འཁོར་ལོས་སྒྱུར་བ་སྒྱུ་མའི་ཚུལ། །སྒྱུ་མས་སྦྱོར་བའི་གནས་ཆེན་ཡིན། །དབྱིངས་ཉིད་ཡེ་ནས་རྫོགས་པ་ལ། །དག་པའི་དུས་འདོད་འཁྲུལ་པ་སྟེ། །སྔོན་དུ་མ་ཧེ་མ་མཐོང་བས། །འོ་མའི་མངར་བ་འདོད་གྱུར་ན། །ནུ་མ་བཞག་ནས་རྭ་ལ་འཇོ། །ཆོས་ཉིད་ཐེག་པ་མ་མཐོང་བས། །དུས་དེ་འཁྲུལ་པ་ཡིན་པའི་ཕྱིར། །རྣམ་སྨིན་དུས་ལ་བལྟས་པ་ན། །དུས་དེར་འབྱུང་བར་མི་འགྱུར་ཏེ། །དེ་ཕྱིར་ཆོས་ཉིད་སྟོང་པ་འདི། །མ་བྲལ་སྨོན་པ་སྤྱོད་པས་ན། །སྟོང་ཉིད་རང་བཞིན་ལྷུན་གྱིས་གྲུབ། །ཇི་ལྟར་སྟོན་པ་རྒྱལ་བས་ཀྱང་། །སྟོང་པའི་རང་བཞིན་གསུངས་པ་བཞིན། །ཇི་ལྟར་སྟོང་པ་མཚན་མེད་འདི། །ཐེག་དམན་རྣམས་ཀྱིས་མི་རྟོགས་པས། །རྨི་ལམ་དག་ན་ནོར་རྙེད་ཀྱང་། །དེ་ལ་དབང་བའི་དངོས་པོ་མེད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། སྨོན་ལམ་དང་བྲལ་བའི་ལེའུ་སྟེ་བཅོ་ལྔ་པའོ།། །།དེ་ནས་འཁོར་ཚོགས་རྣམས་ཀྱིས་སྨྲ་བའི་དམ་པ་ལ་བཏུད་དེ། འདི་སྐད་ཅེས་གསོལ་ཏོ། །ཟབ་མོའི་ཆོས་ཉིད་གང་། ཐ་ཚིག་ཇི་ལྟར་ལགས། དེ་ནས་སེམས་དཔའ་ཆེན་པོས་བཀའ་སྩལ་པ། ཉོན་ཅིག་འདུས་པ་ཆེན་པོའི་ཚོགས། །དེ་བཞིན་ཉིད་ལ་ཁྱད་མེད་ཕྱིར། །གཅིག་སྟེ་རྣམ་པ་ཡོངས་ཀྱི་མེད། །ཟབ་མོ་མི་གནས་ཀུན་ཏུ་བཟང་། །རྣལ་འབྱོར་ནམ་མཁའི་བྱ་ལམ་གནས། །ནམ་མཁའ་དག་ལ་སོང་གྱུར་ཀྱང་། །དེ་ལ་རྗེས་ནི་མཐོང་མི་འགྱུར། །མ་བྱུང་མ་སྐྱེས་སྙིང་པོ་ལ། །བརྗོད་དང་མི་བརྗོད་མཐའ་དབུས་མེད། །གཉིས་མེད་དོན་དམ་སྒྲོས་བྲལ་ཡིན། །མ་བྱུང་མ་སྐྱེས་སྙིང་པོ་ལ། །སྨྲ་བསམ་ཡུལ་མེད་དག་པའི་ཕྱིར། །སྒྲོ་བཏགས་ ― DNG008_Page_0094 ―
[མ་དཔེ་གཟིགས་ན་འདིར་གནོན།]
ཆོས་ཀུན་ག་ལ་ཡོད། །ཕྱི་ནང་རྩོལ་བ་བདག་མེད་ཞི་བ་སྟེ། །དབྱིངས་ལ་ཐོབ་པའི་བསམ་པ་ངང་གིས་ཞི། །ཕྱི་ནང་གཉིས་ཀ་ཕྱི་ཉིད་ནང་། །ཟབ་མོ་བྱང་ཆུབ་ཕྲ་མོ་རྟོག་ཡུལ་མེད། །འདི་དག་མཉམ་ཞིང་སྲེད་པ་མིང་ཙམ་སྟེ། །ཟབ་མོའི་ཆ་ཤས་རྟོག་ཡུལ་མེད། །ཁམས་གསུམ་དག་ཏུ་གྲགས་པ་ཡང་། །སྲིད་པ་མིང་ཙམ་ལོག་པའི་སྟོབས། །ཟིན་པའི་དགོངས་པ་བཀོད་པ་སྟེ། །སྒྱུ་མའི་ཏིང་འཛིན་བཅིངས་པ་སྟེ། །དེ་བས་ཏིང་འཛིན་མཉམ་དང་བྲལ། །ཐ་ཚིག་རྣམ་པ་འབྱུང་བ་ཡང་། །འབྱུང་ཆེན་ལྔ་ལ་ཐ་ཚིག་ཕྱི་དང་ནང་། །རང་བཞིན་ཕུང་པོ་ཁམས་བཞིན་གནས། །ཟབ་མོ་ཁྱད་པར་ཐ་ཚིག་སྟོང་། །བདེར་གཤེགས་སེམས་ཅན་ངང་གཅིག་ཕྱིར། །ཕུང་པོ་ཁམས་དང་སྐྱེ་མཆེད་དག །ཆོས་ཀྱི་རྒྱལ་པོ་ལྟ་བུར་ཞི། །དུས་གསུམ་དེ་དང་མི་བྲལ་བས། །བླང་དང་དོར་བ་བྱ་མེད་ཕྱིར། །ཐ་ཚིག་མིང་དུ་བཏགས་པ་མེད། །དེ་བཞིན་ཆོས་ཉིད་དག་པ་ལ། །ཐ་ཚིག་འདོགས་པ་བལྟ་བ་དམན། །ནམ་མཁའ་དག་ལ་རྫས་བཞག་ཀྱང་། །དེ་ལ་ཆགས་པའི་གནས་མེད་ལྟར། །ཡང་དག་དམ་པ་ཞི་བ་ལ། །ཐ་ཚིག་མིང་དུ་བཏགས་པ་ཡང་། །དེ་ལ་ཐ་ཚིག་ཐོགས་མེད་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ལུང་སྟོན་པའི་ལེའུ་སྟེ་བཅུ་དྲུག་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །དབྱིངས་ལ་དབང་བའི་དོན་ནི་གང་། །མ་བཙལ་བར་ལྷུན་གྱིས་རྫོགས་པའི་དོན་ནི་ཇི་ལྟ་བུ་ལགས། དེ་ནས་སེམས་དཔའ་དམ་པས་བཀའ་སྩལ་པ། ཉོན་ཅིག་འདུས་པའི་འཁོར་ཚོགས་རྣམས། །ཆོས་ཀུན་མཉམ་ཉིད་ལྷུན་གྱིས་རྫོགས། །མི་རྩོལ་དབང་སྒྱུར་རྟོགས་པའི་ཕྱིར། །མི་བསྐྱོད་དག་པའི་ཕྱིར། །མི་གཡོ་བ་ནི་སྐུ་ཡི་རྒྱ། །མི་བསྐྱོད་དེ་ཉིད་ཡེ་ཤེས་ཏེ། །ཆོས་ཉིད་སྐྱེ་འགག་མཉམ་ཉིད་ངང་། །ཆོས་ཉིད་ཕྱག་རྒྱ་ནམ་མཁའ་འདྲ། ། ― DNG008_Page_0095 ―
[མ་དཔེ་གཟིགས་ན་འདིར་གནོན།]
མི་ལེན་ཡེ་ཤེས་དག་པ་སྟེ། །བསམ་པའི་མངོན་ཤེས་མི་ལེན་ཕྱིར། མི་ལེན་མི་འདོར་མཉམ་ཉིད་དོ། །མི་ལེན་པས་ན་བདག་མེད་ཅིང་། །མི་དོར་ཚིག་བྲལ་མཉམ་ཉིད་དོ། །སྨྲ་བའི་སེང་གེ་ཡུལ་མེད་པས། །བསམ་པ་མི་འདོར་མཉམ་ཉིད་དོ། །འདས་དང་མ་འོངས་དུས་ཉིད་ཞི། །གང་དང་གང་གི་གང་དུ་ཡང་། །ཇི་ལྟར་ཡིད་བཞིན་རིན་ཆེན་ལྟར། །བདག་གཞན་གཉིས་ཀའི་དོན་བྱེད་ལྟར། །རང་ལས་དག་པ་མི་ཟད་འབྱུང་བའི་ཕྱིར། །ཀུན་འཁོར་ཀུན་སྤྱོད་དག་ལས་འབྱུང་། །ཆོས་དབྱིངས་ཀུན་ཏུ་བཟང་མོའི་ངང་། །རྒྱལ་བ་འཇིག་རྟེན་མཉམ་པ་ཡིས། །འདི་ལ་སྐྱེས་པ་བུད་མེད་ཅེས། །མཉམ་པའི་རྒྱལ་པོས་ཡོངས་མ་གསུངས། །དེ་བཞིན་སྟོན་པ་རྒྱལ་བ་ཡང་། །མཉམ་པའི་དོན་ལ་མཉམ་བཞག་སྟེ། །ནམ་མཁའ་བཞིན་དུ་ཞི་བར་གནས། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། མཉམ་པ་ཉིད་ལ་དབང་བསྒྱུར་བའི་ལེའུ་སྟེ་བཅུ་བདུན་པའོ།། །།དེ་ནས་འཁོར་འདུས་པ་རྣམས་ཀྱིས། སེམས་དཔའ་དམ་པ་ལ་ལོགས་སུ་བཏུད་དེ། འདི་སྐད་ཅེས་གསོལ་ཏོ། །སེམས་དཔའ་ཆེན་པོ་བདེ་བ་དང་།ཆོས་ཐམས་ཅད་དབྱེར་མེད་པའི་དོན་ཇི་ལྟ་བུ་ལགས། ཞེས་གསོལ་པ་དང་།སེམས་དཔའ་དམ་པས་བཀའ་སྩལ་པ། ཉོན་ཅིག་འདུས་པའི་འཁོར་ཚོགས་རྣམས། །འགྲོ་བ་འཁྲུལ་པས་མི་ཤེས་པས། །བདེ་དང་སྡུག་བསྔལ་གཉིས་བལྟས་ཕྱིར། །དེ་ཕྱིར་བདེ་དང་སྡུག་བསྔལ་མྱང་། །འཁྲུལ་པའི་དབང་གིས་མྱང་བར་ཟད། །ཆོས་ཉིད་རང་བཞིན་དག་པ་ལ། །བདེ་དང་སྡུག་བསྔལ་མེད་པའི་ཕྱིར། །འདི་ལ་བརྟུལ་ཞུགས་དྲག་པོ་ཡིས། །སྤྱོད་པར་བྱེད་པ་གང་ཡིན་པ། །ཇི་ལྟར་དྲན་པ་ཆུང་བའི་མིས། །སྡང་དང་བརྩེ་བ་མི་ཤེས་ཕྱིར། །ཐམས་ཅད་བརྩེ་བ་མེད་པར་མཐོང་། །གནས་སུ་བྱ་བ་མིང་ཡང་མེད། །དེ་བཞིན་ཆོས་དབྱིངས་དམ་པ་འདི། །བརྗོད་པ་ཐམས་ཅད་བྲལ་བའི་ཕྱིར། །ཐམས་ཅད་སྟོང་ཉིད་རང་བཞིན་ནི། །ཀུན་བཟང་ཆོས་ ― DNG008_Page_0096 ―
[མ་དཔེ་གཟིགས་ན་འདིར་གནོན།]
དབྱིངས་དག་པ་ལ། །བསྒྲུབ་དང་དཀའ་ཐུབ་བསྲུང་བ་ཡིས། །ཡང་དག་དོན་དེ་མི་མཐོང་གིས། །སྡུག་བསྔལ་རྣམ་པ་སྣ་ཚོགས་བསྐྱེད། །དེ་ལྟར་སྤྱད་ན་འཆིང་བ་ཆེན་པོ་ཡིན། །ཐམས་ཅད་སྐྱེ་མེད་བདག་ཉིད་ཞི་བ་སྟེ། །ཨ་དང་པར་ནི་རྣམ་ལྡན་པས། །ཤེས་རབ་སྐྱེ་མེད་ཞི་བ་སྟེ། །དེ་ལྟར་བལྟས་པ་དེར་སྣང་སྟེ། །དེ་ཡང་ཅི་ཡི་ཕྱིར་ཞེ་ན། །རང་བཞིན་གཅིག་ཏུ་མ་ངེས་པས། །འཛིན་པ་མ་སྤངས་སྐྱོན་སྣང་ཕྱིར། །འཁྲུལ་པ་ཀུན་ཏུ་བཙལ་ན་སྐྱོན། །སྣང་འདོད་རྩོལ་སེམས་བདེ་བ་ཡང་། །དེ་ནི་དེ་སྒྲིབ་སྐྱོན་ཅན་ཡིན། །ལམ་བགྲོད་ཐབས་ཀྱི་ཡིག་འབྲུ་དང་། །གཟུགས་བརྙན་འཛིན་དང་ཆ་ལུགས་བསྒོམ། །མཚན་དང་དཔེ་བྱད་འཁོར་ཚོགས་འཛིན། །ཆོས་ཉིད་རང་བཞིན་དངོས་བྲལ་བས། །དེ་ལྟར་བསྒོམ་པ་བྱིས་པ་ཡིན། །བྱང་ཆུབ་ཡན་ལག་ཀུན་གྱི་སྒོ། །ཆ་ལུགས་བསྒོམ་པ་ཆུ་ཟླ་བཞིན། །དེ་ལྟར་བསྒོམས་ཀྱང་སྐྱོན་ཅན་ཡིན། །མ་གོས་མ་ཆགས་འབྱུང་གྱུར་ཀྱང་། །བསྒོམས་པས་བྱིས་པའི་སྤྱོད་ཡུལ་ཡིན། །དཀྱིལ་འཁོར་ཆ་ལུགས་ཁྲོ་གཉེར་གྱིས། །ཁྲོ་བདག་ཆེན་པོའི་ལུས་བཟུང་ནས། །ཡི་གེ་མངོན་དུ་བྱུང་ན་ཡང་། །ཞི་བའི་རང་བཞིན་དམ་པ་སྟེ། །ངང་ཉིད་རང་བཞིན་དག་པའི་དངོས། །ཞི་བ་དེ་ཉིད་མཐོང་བ་མིན། །མཉམ་པའི་རྒྱལ་པོས་དེ་སྐད་གསུངས། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བདེ་བ་དང་ཆགས་པ་སྤངས་པའི་ལེའུ་སྟེ་བཅོ་བརྒྱད་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། རྣམ་གྲངས་ཀྱི་ཆོས་ཐམས་ཅད་སངས་རྒྱས་པ་ཇི་ལྟ་བུ། སེམས་དཔའ་ཆེན་པོས་བཀའ་སྩལ་པ། རྙེད་དཀའི་ཆོས་ཉིད་ཟབ་མོ་འདི། །ཐམས་ཅད་མངོན་རྫོགས་བྱང་ཆུབ་ནི། །རྣམ་དག་ལྷུན་གྲུབ་ཆོས་ཀྱི་སྐུ། །ཏཱ་ལའི་མགོ་བོ་བཅད་པ་དང་། །ས་བོན་མེ་ཡིས་བསྲེགས་པ་བཞིན། །ཆོས་ཉིད་ཞི་བའི་ངང་ལས་དབེན། །ཐར་པ་ ― DNG008_Page_0097 ―
[མ་དཔེ་གཟིགས་ན་འདིར་གནོན།]
སྡུག་བསྔལ་རང་བཞིན་ཞི། །རྣམ་གྲངས་བརྒྱ་སྟོང་ཕྲག་ཡས་པ། །གང་ལྟར་བསྐྱེད་ཀྱང་མི་རྟོག་སྐྱེ། །མངོན་སུམ་ཆོས་ཉིད་རང་བཞིན་ལ། །དེ་ལ་དམིགས་པར་བྱ་མིན་ཕྱིར། །མཉམ་ཉིད་གང་ནས་བསྒྲུབ་ཏུ་མེད། །ཆོས་ཉིད་བཅིངས་གྲོལ་ཀུན་ཏུ་བཟང་། །མཚན་མ་མེད་པའི་དབང་གིས་ན། །དཔེར་ན་ཡིད་བཞིན་རིན་ཆེན་དག །བསོད་ནམས་ལྡན་ལ་ཡོད་གྱུར་པས། །དགོས་པ་གང་འདོད་འགྲུབ་པ་ལྟར། །ཚད་མེད་ཆོས་ཉིད་དག་པ་ལས། །མཚན་མ་འབྱུང་བར་མི་འགྱུར་ཕྱིར། །བསྡི་གནས་འདི་ལ་འབྱུང་མི་འགྱུར། །ཆོས་ཉིད་མཚན་མར་མི་འགྱུར་བས། །གཞན་ལས་ཆོས་ཉིད་མི་འབྱུང་སྟེ། །དག་པའི་རང་བཞིན་རྒྱུ་མེད་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རྣམ་གྲངས་ཀྱི་ཆོས་ཐམས་ཅད་ལྷུན་གྱིས་གྲུབ་པའི་ལེའུ་སྟེ་བཅུ་དགུ་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་དེ་བཞིན་ཉིད་ཀྱི་ངང་བརྗོད་པ་དང་བྲལ་བའི་དོན་ཇི་ལྟ་བུ་ལགས། སེམས་དཔའ་ཆེན་པོས་བཀའ་སྩལ་པ། སྐྱེ་མེད་ཆོས་དབྱིངས་གླེང་གཞི་བྲལ་བ་ལ། །མ་སྐྱེས་བདེར་གནས་ལྷུན་གྱིས་གྲུབ་པའི་ཕྱིར། །གླེང་བྲལ་འདི་ལ་གནས་པ་ཡིས། །རྣལ་འབྱོར་འདི་ནི་སྐལ་བ་བཟང་། །ཆོས་ཉིད་གཏེར་ལྡན་ནམ་མཁའི་ཚུལ། །རྣལ་འབྱོར་ཆོས་ཉིད་ཡིན་པའི་ཕྱིར། །བདག་དང་གཞན་དག་མེད་པའི་ཕྱིར། །བདག་དང་གཞན་དོན་མི་བྱེད་པས། །སྒྱུ་མ་ལྷུན་གྲུབ་ཡུལ་ལ་རོལ། །མི་གནས་དབྱིངས་ལས་ཅིར་སྣང་ཡང་། །སྣང་བ་སྒྱུ་མ་ཆེན་པོ་སྟེ། །ཡུལ་ལ་རོལ་པས་ལྷུན་གྱིས་གྲུབ། །ཕྱི་རོལ་བཟུང་བའི་ཡུལ་རྣམས་ཀྱང་། །དེ་ཕྱིར་བཟུང་བའི་ཡུལ་རྣམས་ཀྱང་། །ངང་གིས་གྲུབ་པ་མ་ཡིན་པས། །དེ་ཕྱིར་ཤེས་པ་ཡང་གྲུབ་མིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བརྗོད་པ་ཐམས་ཅད་དང་བྲལ་བའི་ལེའུ་སྟེ་ཉི་ཤུ་པའོ།། ― DNG008_Page_0098 ―
[མ་དཔེ་གཟིགས་ན་འདིར་གནོན།]
།།དེ་ནས་འཁོར་དེར་འདུས་པ་རྣམས་ཀྱིས་སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་དེ་བཞིན་ཉིད་མི་འགྱུར་བའི་དོན་ཇི་ལྟ་བུ་ལགས། སེམས་དཔའ་དམ་པས་བཀའ་སྩལ་པ། །ཡང་དག་མེད་འགྱུར་ནམ་མཁའི་ཚུལ། །ནམ་མཁའ་མཐའ་དབུས་མེད་པར་ལྟར། །དབུས་མཐའ་མེད་པའི་ནམ་མཁའི་ཚུལ། །གཟུགས་མེད་ཆོས་ཉིད་ནམ་མཁའི་ངང་། །ཡེ་ནས་མཐའ་བྲལ་དག་པའི་ཕྱིར། །གང་ནས་མི་འབྱུང་ཆོས་ཉིད་ཡིན་པའི་ཕྱིར། །ལྷག་མ་མེད་པས་ཡོངས་སུ་རྫོགས། །འགྱུར་བ་མེད་པས་དྲང་པོར་གནས། །ཡེ་ཤེས་དམིགས་མེད་ནམ་མཁའ་འདྲ། །རང་བཞིན་མཐའ་མེད་མཉམ་པ་ཆེ། །ཡུལ་བསམ་སྨྲ་བ་འབྱུང་མི་འགྱུར། །མཚུངས་པ་མེད་པའི་ཆོས་ཉིད་ནི། །རང་གི་མཐུ་ཡིས་རིག་པ་ལས། །མཉམ་ཉིད་བསྒོམ་པ་གཞན་ལས་མིན། །དེ་ཕྱིར་བསྒྲུབ་པ་དོན་མེད་ཕྱིར། །ཆོས་ནི་འབྱུང་བར་མི་འགྱུར་རོ། །ཡེ་ནས་རྡུལ་ཙམ་མི་དམིགས་ཕྱིར། །སྤྱོད་ཡུལ་བགྲོད་པ་ཤིན་ཏུ་དཀའ། །ཡང་དག་ཆོས་ཉིད་གཅིག་པ་ལ། །བྱེ་བྲག་ཆོས་སུ་ཕྱེ་བར་དཀའ། །སླ་ཞིང་དཀའ་ལ་སླ་ཕྱིར་དཀའ། །ཞི་བའི་ཆོས་ཉིད་དངོས་བྲལ་བས། །མངོན་སུམ་གནས་པ་ཀུན་ལ་ཁྱབ། །ཆོས་ཉིད་མཚན་མ་མེད་པ་སྟེ། །ཆོས་ཉིད་དམིགས་པའི་ཡུལ་མེད་པས། །དབང་པོས་མཐོང་བར་བྱ་བ་མིན། །ཡུལ་མེད་ཁྱབ་པས་དེ་བཞིན་ཉིད། །མངོན་སུམ་སྙིང་རྗེས་ཀུན་ལ་ཁྱབ། །རང་བཞིན་ཆོས་ཉིད་ཟབ་མོ་ལ། །དམིགས་པ་ཐམས་ཅད་ཡོངས་བྲལ་ལ། །འཇིག་རྟེན་བྱིས་པ་མི་མཁས་པས། །རི་བོང་རྭ་དང་རུས་སྦལ་སྤུ། །ནམ་མཁའི་མེ་ཏོག་མོ་གཤམ་བུ། །དེ་རྣམས་མཐོང་བ་གང་འདོད་པ། །དེ་དག་བྱིས་པའི་སྤྱོད་ཡུལ་ཡིན། །ཐོབ་མེད་ཡེ་ནས་གནས་པའི་ཕྱིར། །མངོན་པར་འཆར་བ་གཅིག་པའི་ཕྱིར། །མིང་ཙམ་འདི་ཞེས་བསྟན་པ་ནི། །རྡོ་རྗེ་སེམས་དཔས་མཚོན་དུ་མེད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆོས་ཉིད་མི་འགྱུར་བའི་ལེའུ་ ― DNG008_Page_0099 ―
[མ་དཔེ་གཟིགས་ན་འདིར་གནོན།]
སྟེ་ཉེར་གཅིག་པའོ།། །།དེ་ནས་ཡང་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་ཡང་དག་མ་བསྒྲུབས་པར་འབྱུང་བའི་རྒྱུ་གང་ལགས། སེམས་དཔའ་དམ་པས་བཀའ་སྩལ་པ། །ཡང་དག་དོན་ཉིད་དམ་པ་འདི། །རྒྱུ་རྐྱེན་འབྲས་བུ་ཡོངས་མེད་ཕྱིར། །མི་དམིགས་ཞི་བ་ནམ་མཁའི་ཚུལ། །ངོ་མཚར་རྨད་བྱུང་རོལ་པ་འདི། །བྱ་བྲལ་ནམ་མཁའ་ཇི་བཞིན་ཏེ། །སྐུ་གསུང་ཐུགས་ལྡན་ཀུན་ཏུ་བཟང་། །བཅོམ་ལྡན་ཆོས་ཉིད་མཉམ་པར་གནས། །བྱ་བྲལ་ངོ་མཚར་ཞི་བ་ཉིད། །སྤྲུལ་པའི་རོལ་པ་སྒྱུ་མ་འདི། །རྨད་བྱུང་བྱ་བ་མི་འགྱུར་དང་། །མི་མཛད་ཆོས་ཉིད་ཞིར་གནས་ཕྱིར། །ཅི་ཡང་མི་དམིགས་གཏི་མུག་ལས། །དེ་མ་ཐག་ཏུ་རང་ལས་བྱུང་། །གཏི་མུག་རང་བཞིན་ཡང་དག་སྟེ། །སྟོང་ཉིད་ཞི་བ་ནམ་མཁའི་ཚུལ། །ཤེས་རབ་གཏི་མུག་ཆོས་དབྱིངས་ངང་། །དེ་བས་ཅིར་ཡང་མི་དམིགས་གཏི་མུག་ལ། །དེ་མ་ཐག་ཏུ་རང་ལས་བྱུང་། །སེམས་ཅན་མཚན་ཉིད་སྟོང་པའི་ཕྱིར། །རྣམ་གྲོལ་དག་པ་གང་ཡིན་པ། །འདི་ནི་ཐམས་ཅད་མཚུངས་པའི་ལམ། །འགྲོ་ཀུན་སྙིང་པོ་ཡིན་པའི་ཕྱིར། །འགྲོ་བ་ཀུན་གྱི་རང་བཞིན་གནས། །མི་ཤེས་བྱིས་པས་བསླད་པའི་ཕྱིར། །ཡང་དག་དོན་ཉིད་གཞན་ནས་ཚོལ། །སྨན་ཉིད་སྨན་པ་ཚོལ་བ་བཞིན། །ཇི་ལྟར་ནད་པའི་མཚན་ཉིད་ལ། །སྨན་དང་སྨན་པས་ཞི་བ་ལྟར། །ཞི་བས་ཆོས་ཉིད་དག་པ་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆོས་ཉིད་རྒྱུ་རྐྱེན་ལས་མ་གྲུབ་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། ཆོས་ཐམས་ཅད་སངས་རྒྱས་ནས། སེམས་ཅན་དག་པ་ཆེན་པོར་འགྱུར་བའི་དོན་ཇི་ལྟ་བུ། སེམས་དཔའ་དམ་པས་བཀའ་སྩལ་པ། །འཁོར་བ་ཐམས་ཅད་སངས་རྒྱས་པའི། །བྱང་ཆུབ་སྙིང་པོ་ཀུན་ ― DNG008_Page_0100 ―
[མ་དཔེ་གཟིགས་ན་འདིར་གནོན།]
ཡིན་ཕྱིར། །བདེ་བ་ཞི་བ་བྱར་མེད་པས། །གཟུང་དང་འཛིན་པར་མི་བལྟ་བས། །འཇིག་རྟེན་རྣམ་དག་ཀུན་ཏུ་བཟང་། །གོ་བའི་ཡུལ་ན་བདེ་བ་ཆེ། །དེ་ཉིད་རྣམ་དག་འཇིག་རྟེན་ཡིན། །ཕྱོགས་བཅུ་གནས་ཀྱི་བླ་འོག་ཀྱང་། །དེ་དག་ཐམས་ཅད་མིང་དུ་གྲགས། །མིང་ཙམ་སྒྱུ་མར་བརྟེན་ནས་ཀྱང་། །ཆོས་ཉིད་མི་འགྱུར་རང་བཞིན་ལ། །ལས་ནི་སྒྱུ་མར་བསྟན་པར་ཟད། །དེ་ལ་ཕྱོགས་ཀྱི་འོད་འདུས་པས། །ཕྱོགས་བཞི་མཚམས་དང་བླ་འོག་གྲུབ། །ལས་ཀྱི་རྒྱུད་ཀུན་བསགས་པ་ཡིས། །སྐྱེ་འགྲོ་སེམས་ཅན་རྣམས་སུ་སྣང་། །མ་ངེས་འཇའ་ཚོན་ཁ་དོག་ལས། །རིགས་ཀྱི་ཁྱད་པར་མངོན་པར་སྣང་། །སྣོད་བཅུད་འཇིག་རྟེན་ཐམས་ཅད་ཀུན། །གཡོ་དང་མི་གཡོ་ཐམས་ཅད་ཀྱང་། །དེ་བཞིན་ཉིད་ཀྱིས་ཞི་བ་ཡིན། །དེ་བཞིན་གཡོ་བ་མི་གཡོ་བ། །འགྲོ་བ་རྣམས་ལ་བསྟན་བྱའི་ཕྱིར། །འབྱུང་བ་ལྔ་པོ་གཙོ་ཆེ་ན། །ཐམས་ཅད་མི་འབྲལ་ཡང་དག་ལྔ། །ཐམས་ཅད་དེ་བཞིན་ཉིད་དུ་གནས། །ལྷག་པའི་དབང་གིས་རྟོག་པ་ཞི། །རྟོག་པ་ཞི་བ་གང་ཡིན་པ། །དེ་ནི་ཆོས་སྐུ་དག་པ་སྟེ། །རྒྱལ་བ་དཔའ་བོས་དེ་སྐད་བཤད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཕྱི་ནང་སྣོད་བཅུད་དག་པའི་ལེའུ་སྟེ་ཉི་ཤུ་གསུམ་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། ཆོས་ཐམས་ཅད་དག་པ་ཆེན་པོ་ཡིན་ན་རྩོལ་བསྒྲུབ་ཀྱི་དོན་ཇི་ལྟ་བུ་ལགས། །སེམས་དཔའ་དམ་པས་བཀའ་སྩལ་པ། །གལ་ཏེ་དམུས་ལོང་མིག་ལྡོངས་པས། །བཟའ་བའི་ཡུལ་ཅིག་བལྟ་འདོད་ཀྱང་། །ཡུལ་དེ་མཐོང་བ་མེད་པ་ལྟར། །ཆོས་ཉིད་ཡང་དག་ཟབ་མོ་འདི། །ཐེག་པ་དམན་པས་མི་རྟོགས་ཕྱིར། །སྤྱོད་བསྒྲུབ་སྣ་ཚོགས་བསྟན་ནས་ཀྱང་། །དོན་ལ་ཡང་དག་གཟུང་ཕྱིར་བསྟན། །ཆོས་ཉིད་ཡང་དག་ཟབ་མོ་ལ། །དུས་གསུམ་བདེ་གཤེགས་མཆོད་པ་དང་། །ཏིང་འཛིན་ཕྱག་རྒྱ་སྤྱན་དྲང་སེམས་ཅན་དོན། ། ― DNG008_Page_0101 ―
[མ་དཔེ་གཟིགས་ན་འདིར་གནོན།]
ཆོས་ཉིད་ལ་ནི་དེ་དག་མེད། །དེ་ཕྱིར་རྩོལ་བསྒྲུབ་བླ་མེད་གནས་སུ་ཆེ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། སྤྱོད་པ་ཐམས་ཅད་བཀག་པའི་ལེའུ་སྟེ་ཉི་ཤུ་བཞི་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་རང་བཞིན་ཡོངས་སུ་དག་པའི་དོན་ཇི་ལྟ་བུ་ལགས། སེམས་དཔའ་དམ་པས་བཀའ་སྩལ་པ། འདས་དང་མ་འོངས་ད་ལྟར་གྱི། །དུས་གསུམ་རྟག་ཏུ་ངོ་བོས་སྟོང་། །རང་བཞིན་སྐྱེ་འགག་མེད་པས་ཞི། །བྱང་ཆུབ་ཐ་སྙད་མི་འཛིན་ཕྱིར། །བླང་དོར་ཆོས་ཉིད་རྟག་གནས་ཕྱིར། །འདས་དང་མ་འོངས་ད་ལྟར་གྱི། །ཐ་སྙད་མིང་ལ་མི་གནས་ཏེ། །སྐྱེ་འགག་མེད་པར་རྟག་གནས་ཤིང་། །དེ་ཉིད་དུས་གསུམ་ཆེན་པོར་སྦྱོར། །མཉམ་ཉིད་ཆོས་དབྱིངས་ཀུན་ཏུ་བཟང་། །ཕྱོགས་བྲལ་ཆོས་ཉིད་ཡོངས་རྫོགས་ཕྱིར། །དུས་གསུམ་རྣམ་པ་ཞི་བའི་ཚུལ། །མཉམ་པས་རིམ་པར་བཀོད་པ་མེད། །གཅིག་པས་ཕྱོགས་སུ་བསྔོ་དང་བྲལ། །དྲི་མེད་རང་བཞིན་དག་པའི་ཚུལ། །ཚོགས་ཀྱི་རྒྱན་དང་བཀྲམ་པ་ཡང་། །རང་བཞིན་གནས་པས་དྲི་མ་མེད། །འདོད་ཡོན་ལྔ་ཉིད་ཀུན་བཟང་རྒྱན། །ཡེ་ནས་ཆོས་ཀུན་དག་པའི་ཕྱིར། །བསྔོ་བ་ཁྱད་པར་མེད་པའི་ཕྱིར། །གཉིས་འཛིན་བྲལ་བ་ཞི་བ་སྟེ། །གདོད་ནས་རྣམ་དག་བདུད་རྩིའི་ཚུལ། །ཀུན་བཟང་ལྷུན་གྲུབ་ཡིན་པའི་ཕྱིར། །ལྷུན་གྱིས་གྲུབ་པས་མི་བསྔོ་ཞིང་། །གདོད་ནས་དག་པ་བདུད་རྩི་ལ། །ཕྱི་ནང་འདུ་བྱེད་བདུད་རྩིའི་ཚུལ། །མི་གནས་འདུ་བྱེད་ཞི་བའི་ཕྱིར། །འདུ་བྱེད་བཅུ་གཉིས་ཁྱད་པར་ཡང་། །ལྷག་པའི་བསམ་པས་གཟུང་བ་མེད། །གཟུང་མེད་འཇིག་རྟེན་ཞི་བ་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རང་བཞིན་ཡོངས་སུ་དག་པའི་ལེའུ་སྟེ་ཉི་ཤུ་ལྔ་པའོ།། །།དེ་ནས་འཁོར་དེར་ ― DNG008_Page_0102 ―
[མ་དཔེ་གཟིགས་ན་འདིར་གནོན།]
འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་ཆོས་རྣམས་ཀྱི་དོན་ཇི་ལྟ་བུ་ལགས།སེམས་དཔའ་དམ་པས་བཀའ་སྩལ་པ། ཐམས་ཅད་དེ་བཞིན་གཤེགས་པ་ཉིད། །དེ་བཞིན་གཤེགས་པ་ཉིད་ལ་འཆད། །ཨེ་མ་ཧོ་ཆོས་རྣམས་ཐབས་མཁས་ཡེ་ཤེས་མཐོང་བ་དང་། རྒྱུ་བཞི་དམིགས་དང་ངེས་དང་དམ་ཚིག་རྣམས། །ཐམས་ཅད་གང་ཡིན་ཇི་ལྟ་བུ། །ཆོས་དེ་ངོ་བོ་གང་ཡིན་ཞི་བའི་ཚུལ། །དེ་ཕྱིར་ཆོས་དེ་ཡོངས་སུ་དག་པའི་ཕྱིར། །ལྷ་མིར་བཅས་པའི་འཇིག་རྟེན་ན། །དཔའ་བོ་ཆེན་པོ་དཔག་མེད་པ། །རྣམ་འདྲེན་སེམས་ཅན་ཐམས་ཅད་ཀྱིས། །རྣམ་པ་ཀུན་ཏུ་མི་འགྱུར་དང་། །དེ་ལྟར་སྟོབས་དང་རྣམ་ཐར་དང་། །འཇིག་མེད་གང་དག་ཅི་འདྲ་དང་། །ཡང་དག་ཆོས་རྣམས་ཇི་འདྲ་བར། །བསྡུས་ཀྱང་ཤེས་པར་མི་འགྱུར་རོ། །དེ་ཡང་ཅི་ཕྱིར་ཟབ་མོ་འདི། །ཤིན་ཏུ་རྟོགས་པར་དཀའ་བའི་ཕྱིར། །རྒྱལ་བས་གྲངས་མེད་གནས་དག་ན། །ཟབ་ཅིང་ཤིན་ཏུ་ཕྲ་བ་དང་། །རིག་དཀའ་མཐོང་བར་དཀའ་བའི་ཕྱིར། །སྤྱོད་པ་དག་ནི་སྔོན་ཆད་བསྙེན། །བསྐལ་པ་གྲངས་མེད་བསམ་ཡས་སུ། །སྤྱོད་པ་དེ་དག་སྤྱོད་པའི་ཕྱིར། །འབྲས་བུ་དེ་ནི་ཅི་འདྲ་བས། །བྱང་ཆུབ་སྙིང་པོ་དམ་པ་འདི། །དེ་ནི་འཇིག་རྟེན་རྣམ་འདྲེན་པ། །གཞན་དག་དང་ནི་ངས་ཀྱང་དེ། །ཇི་ལྟར་ཡིན་དང་ཅི་འདྲ་དང་། །དེ་ཡི་མཚན་ཉིད་འདི་འདྲ་ཤེས། །དེ་ནི་བསྟན་དུ་མི་ནུས་ཏེ། །མོས་པས་རྟོགས་པར་མི་འགྱུར་ཕྱིར། །དེ་ནི་བརྗོད་དུ་ཡོངས་མེད་དོ། །གང་ལ་ཆོས་དེ་བསྟན་པ་དང་། །བསྟན་པ་དག་ཀྱང་ཤེས་པ་ཡི། །དེ་འདྲའི་སེམས་ཅན་སུ་ཡང་ནི། །འཇིག་རྟེན་དག་ན་ཡོད་མ་ཡིན། །གང་དག་འཇིག་རྟེན་དག་མཁྱེན་པ། །ལྷག་པར་བྱས་པས་བདེ་བར་གཤེགས་ཀྱིས་བསྔགས། །ཟག་ཟད་རྒྱལ་བའི་ཡེ་ཤེས་འདི། །ཐམས་ཅད་གཅིག་ཏུ་འདུས་གྱུར་ནས། །ཟབ་མོ་ཡང་དག་བསམས་བྱས་ཀྱང་། །བདེ་གཤེགས་ ― DNG008_Page_0103 ―
[མ་དཔེ་གཟིགས་ན་འདིར་གནོན།]
ཡེ་ཤེས་རྟོགས་མི་ནུས། །དེ་བས་ཡང་དག་ཟབ་མོ་འདི། །ལྟ་དམན་ཐེག་པ་ཆུང་བ་དང་། །མུ་སྟེགས་ལོག་ལྟ་ཅན་རྣམས་ཀྱིས། །ང་ཡི་ཆོས་ཀྱི་ཕྱོགས་ཙམ་ཡང་། །བསྐལ་པ་བྱེ་བ་བསམ་ཡས་སུ། །ཡང་དག་དོན་དེ་ཡོངས་མི་ཤེས། །ཞི་བ་རྟོག་མེད་མཉམ་དུ་མ་ཤེས་ན། །ཤིན་ཏུ་ངེས་དོན་ཟབ་མོ་སྨྲ་རྣམས་ཀྱིས། །དེ་རྣམས་ཀྱིས་ཀྱང་ཕྱོགས་མེད་གང་གྱུར་ཀྱང་། །སྨྱིག་མ་འདམ་བུའི་ཚལ་ལྟར་གང་བས་ཀྱང་། །ཤེས་རབ་ཕྲ་རྣམས་གཅིག་ཏུ་འདུས་ནས་སུ། །ཇི་ལྟར་མི་རྟོག་ཟབ་མོ་ལ། །བརྟགས་ཀྱང་ལྟ་བ་དམན་པའི་ཕྱིར། །ཟབ་མོའི་དོན་གང་མི་རྟོགས་པས། །བྱིས་པའི་སྤྱོད་ཡུལ་མིན་པས་སོ། །གཞན་མིན་གསུང་རྒྱལ་དྲང་སྲོང་ཆེ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆོས་རྣམས་ཀྱི་དོན་གྱི་ལེའུ་སྟེ་ཉི་ཤུ་དྲུག་པའོ།། །།དེ་ནས་འཁོར་དེར་འདུས་པ་རྣམས་ཀྱིས། ཞི་བ་བདག་ཉིད་ལ་འདི་སྐད་ཅེས་གསོལ་ཏོ། །ཞི་བའི་བདག་ཉིད་ཆེན་པོ་རྣམ་གྲངས་ཀྱི་དོན་ནི་གང་ལགས།ཞི་བའི་བདག་ཉིད་ཆེན་པོས་བཀའ་སྩལ་པ། རང་བཞིན་ཐེག་པ་གཅིག་ཕྱིར་དུ། །དཔག་ཏུ་མེད་པ་བསྟན་གྱུར་ཀྱང་། །ཐེག་པ་ཡང་དག་རྫོགས་པ་ཡིན། །ང་ཡི་བསྟན་པ་ཐེག་པ་དགུ་པོ་ཡང་། །འགྲོ་བ་དག་གི་མཐུ་དང་སྟོབས་ལ་བསྟན། །ཐབས་ཀྱི་མཆོད་སྦྱིན་ཡེ་ཤེས་ལ། །གཟུད་པའི་ཕྱིར་ན་ངས་བཤད་དོ། །གང་ཞིག་རྟག་ཏུ་རྣམ་པར་དག་འགྱུར་བ། །རབ་ཏུ་དེས་པ་སངས་རྒྱས་དང་། །དེ་དག་ལ་ནི་རབ་རྒྱས་དོན་རྣམས་བསྟན། །དེ་ལྟར་དེ་དག་བསམ་པ་རྫོགས་པ་ཡང་། །དེ་དག་ལ་ནི་མ་འོངས་དུས་དག་དང་། །ཤིན་ཏུ་དག་པས་དེ་དག་ཀུན་ལ་ཁྱབ་པར་འགྱུར། །ཐེ་ཚོམ་མེད་པས་ཐམས་ཅད་བྱང་ཆུབ་ངང་། །ཐེག་པ་ཐ་དད་པས་ནི་གང་བསྟན་པ། །སྐྱེས་བུ་མཆོག་རྣམས་ཐབས་མཁས་མ་གཏོགས་པར། །ཐེག་པ་གཅིག་སྟེ་གཉིས་སུ་ཡོད་མ་ཡིན། །བྱ་བ་གཅིག་སྟེ་གཉིས་སུ་ཡོད་མ་ཡིན། །བྱང་ཆུབ་ ― DNG008_Page_0104 ―
[མ་དཔེ་གཟིགས་ན་འདིར་གནོན།]
རྡུལ་མེད་དམ་པ་ཐོབ་ནས་སུ། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་སེར་སྣ་འཁོར་བའི་ཆོས། །དེ་དག་རང་བཞིན་ཞི་བའི་ཕྱིར། །གདོད་ནས་ཀུན་རྫོགས་དབྱིངས་ཀྱི་ངང་། །རབ་ཞི་མྱ་ངན་རྟག་འདས་པས། །ཐེག་པ་གསུམ་དུ་གང་དག་བསྟན་པ་ཡང་། །བདེར་གཤེགས་ཐབས་ཀྱི་འགྲོ་བ་འདུལ་ཡིན་ཕྱིར། །ཐེག་པ་ཐབས་ཀྱིས་དེ་ལྟར་བསྟན་པར་ཟད། །ཐེག་པ་གཅིག་སྟེ་དེ་བཞིན་ཚུལ་ཡང་གཅིག །རྣམ་དག་ཆོས་ཀུན་འདྲེན་པས་བཤད་པས་གཅིག །ཐམས་ཅད་ཐེག་པ་མཆོག་ལ་གནས། །ཞི་བའི་ས་མཆོག་དག་པ་དག་པའི་ངང་། །འདི་དག་ཐམས་ཅད་འཇིག་རྟེན་སངས་རྒྱས་འགྱུར། །བསྔགས་པ་མཐའ་ཡས་ཆོས་ཉིད་དངོས་པོ་དག །འདི་ནི་ཡང་དག་དམ་པའི་མཛོད། །རིག་དཀའ་དམ་པ་ཞི་བ་སྟེ། །ཐེག་དམན་རྣམས་ཀྱིས་རྟོགས་མི་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆོས་ཉིད་ཞི་བའི་ལེའུ་སྟེ་ཉི་ཤུ་བདུན་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་ཆོས་ཉིད་ལྷུན་གྱིས་རྫོགས་པའི་དོན་གང་ལགས། སེམས་དཔའ་རྡོ་རྗེས་བཀའ་སྩལ་པ། །བྱ་མེད་ལྷུན་གྲུབ་ཡོངས་སུ་རྫོགས། །མི་གནས་ཆོས་དབྱིངས་དངོས་པོ་དག །ཡུད་ཙམ་ཏིང་འཛིན་དབྱིངས་ལ་དབང་། །དེ་ཉིད་ངང་བཞིན་དག་པའི་ཕྱིར། །ཡིད་ཀྱིས་བསམ་པ་ཡང་དག་སྟེ། །བལྟས་པའི་སྟོབས་ནི་བཀྲམ་པའོ། །མི་དམིགས་མི་འགྱུར་སྟོང་པའི་ཚུལ། །མི་གནས་ལྷུན་གྲུབ་མཉམ་པའི་ངང་། །ཆོས་ཉིད་ཡང་དག་བཀྲམ་པའི་ཕྱིར། །མཐོང་བར་གྱུར་པས་དངོས་གྲུབ་ལ། །དེ་ཉིད་མཉམ་གཞག་ཡོངས་རྫོགས་པའོ། །སངས་རྒྱས་ཟག་མེད་དག་པས་ཞི། །ཆོས་འདི་ཐམས་ཅད་ཟག་མེད་ཞི་བ་སྟེ། །འགོག་པ་སྐྱེ་བ་རྣམ་པར་སྤངས། །འདི་ན་ཆོས་རྣམས་གང་ཡང་མ་མཆིས་ཤེས། །དེ་ལྟར་བསམ་ ― DNG008_Page_0105 ―
[མ་དཔེ་གཟིགས་ན་འདིར་གནོན།]
ན་དད་མི་འགྱུར། །སངས་རྒྱས་ཡེ་ཤེས་བླ་ན་མེད་པའི་ཕྱིར། །མཐོང་བར་གྱུར་པས་དངོས་གྲུབ་ལ། །བདག་ཉིད་མཉམ་པ་ཆེན་པོའི་དོན། །ཡུད་ཙམ་བཟུང་བས་སྦྱོར་བ་ཡིན། །དགའ་བར་གྱུར་པས་དམ་ཚིག་སྟེ། །ཐོག་མའི་འབྲས་བུ་ཟག་མེད་དམ་པ་ཐོབ། །ཇི་ལྟར་དབུལ་པོས་ནོར་རྣམས་རྙེད་པ་བཞིན། །དེ་བཞིན་ཡང་དག་དམ་པ་ཐོབ། །ཐབས་ཀྱིས་གར་ཐབས་བསྐྱོད་པ་ཡིན། །གཉིས་མེད་སྦྱོར་བས་ཕུལ་བ་ཡིན། །ཆོས་དབྱིངས་མི་དམིགས་སྦྱོར་བ་སྟེ། །དགའ་བ་ཀུན་བཟང་མི་གཏོང་ཤུགས། །ཆོས་ཉིད་ལ་ནི་ཉམས་པ་མེད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ལྷུན་གྱིས་གྲུབ་པའི་ལེའུ་སྟེ་ཉི་ཤུ་བརྒྱད་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །ལས་རྒྱ་མཚོ་སྤྱད་པར་དག་པའི་དོན་ཇི་ལྟ་བུ་ལགས།སེམས་དཔའ་རྡོ་རྗེས་བཀའ་སྩལ་པ། །ཆོས་ཉིད་ཟབ་མོ་ཡང་དག་ཡིན་པའི་ཕྱིར། །དག་པ་འདི་ལ་མི་སྨོན་ཏོ། །རྒྱལ་བས་འདི་ནི་དམ་པའི་མཐར་གསུངས་སོ། །མྱ་ངན་འདས་པའི་མཐར་ཐུག་ལུས་འདི་ལ། །སྟོང་པ་ཉིད་དུ་ཡུན་རིང་ཡོངས་སུ་བསྒོམ། །ཁམས་གསུམ་སྡུག་བསྔལ་བྱང་ཆུབ་ཞིང་། །བདག་གི་རྒྱལ་བའི་བསྟན་པ་བྱ་བའི་ཕྱིར། །རྒྱལ་བའི་སྲས་ལ་གང་ཚེ་རབ་བསྟན་ཏེ། །བྱང་ཆུབ་མཆོག་ལ་གང་དག་སུ་ཞུགས་པ། །དེ་དག་ལ་ནི་ཆོས་གང་ཅི་འགྲུབ་པ། །གཟུང་འཛིན་མཐའ་སྤངས་མཉམ་ཉིད་གནས་པའི་ཕྱིར། །བདག་མེད་མཉམ་ཉིད་གཉིས་སྤངས་ཏེ། །མི་གཟུང་གཏོང་བས་གཏོར་མ་ཡིན། །བྱ་བ་མེད་པས་ལས་རྣམས་ཟིན། །རྣམ་རྟོག་འཁོར་བའི་རྒྱ་མཚོ་སྟེ། །མངའ་བརྙེས་མི་རྟོག་བགེགས་བསལ་ཏེ། །ཕྱི་ནང་ཆོས་འཛིན་བགེགས་ཀྱི་རྣམ། །གཟུང་འཛིན་བྲལ་བ་བྱང་ཆུབ་སྟེ། །ཡེ་ཤེས་ཉི་མ་ཆོས་ཀྱི་དབྱིངས། །རྣམ་རྟོག་ཡེ་ཤེས་བགེགས་བསལ་ནས། །མི་གསུང་མཉམ་བཞག་སྔགས་ཚིག་གོ། །མཉམ་ཉིད་དམ་ ― DNG008_Page_0106 ―
[མ་དཔེ་གཟིགས་ན་འདིར་གནོན།]
པ་ཞི་བ་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། སྤྱད་དུ་མེད་པའི་ལེའུ་སྟེ་ཉི་ཤུ་དགུ་པའོ།། །།དེ་ནས་འཁོར་དེར་འདུས་པ་རྣམས་ཀྱིས་སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་ཆགས་སྡང་ཞི་བ་གང་ལགས། སེམས་དཔའ་དམ་པས་བཀའ་སྩལ་པ། མཚན་མར་སྤྱོད་པ་རྣམས་ལ་ཆོས་ཉིད་དེ། །ཆོས་ཀྱི་དབང་ཕྱུག་འཇིག་རྟེན་ཞི་བའི་ཚུལ། །སེམས་ཅན་གནས་རྣམས་རབ་ཏུ་ཞི། །རབ་དང་བྱང་ཆུབ་དམ་པ་འདི། །ཐབས་ལ་མཁས་པས་ཆོས་ཉིད་དང་། །རྟག་ཏུ་མྱ་ངན་འདས་པ་ཡིན། །ངང་གིས་ཆགས་པ་མི་མངའ་བས། །སྙིང་པོ་རང་རིག་སངས་རྒྱས་ཕྱིར། །བླ་མ་མཆོད་དང་གཏོང་བ་དང་། །དེ་བཞིན་བསོད་ནམས་ཐམས་ཅད་དང་། །མ་ཆགས་མི་གཡོའི་སྟོབས་མེད་ན། །བྱས་པས་འཆིང་བ་ཆེན་པོར་འགྱུར། །བྱང་ཆུབ་བདེ་གནས་སྙིང་པོའི་དོན། །ཆོས་ཉིད་མཆོད་པ་རིན་ཆེན་སྦྱིན། །རྡོ་རྗེའི་དོན་ཉིད་མི་ཤིགས་པ། །ཆོས་ཉིད་སྐྱེ་མེད་ཆོས་ཅན་རྣམ་པར་དག །དེ་ལྟར་ཞི་བ་བསོད་ནམས་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆགས་སྡང་ཞི་བའི་ལེའུ་སྟེ་སུམ་ཅུ་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་ཆེན་པོ། བརྡས་དེ་བཞིན་ཉིད་མཚོན་དུ་མེད་པ་གང་ལགས། སེམས་དཔའ་རྡོ་རྗེས་བཀའ་སྩལ་པ། །རྣམ་གྲོལ་རོ་གཅིག་མྱ་ངན་འདས། །མཐར་ཐུག་རྟག་ཏུ་གཅིག་པས་ནམ་མཁའ་འདྲ། །ཡེ་ཤེས་དེ་ནི་ཤེས་དཀའ་སྟེ། །བྱིས་པ་རྣམས་ཀྱིས་མི་རྟོགས་ལ། །མི་ཤེས་པས་ནི་ཐེ་ཚོམ་འགྱུར། །དེ་ལས་ཉམས་ཤིང་དེ་དག་འཁྱམས། །ཇི་ལྟར་སྤྲིན་གྱི་ཕུང་པོ་ཡིས། །ཉི་མའི་འོད་མཆོག་བསྒྲིབས་པ་ལྟར། །མི་ཤེས་བྱིས་པ་རྨོངས་པ་ཡིས། །ཡང་དག་དཀྱིལ་འཁོར་དམ་པ་བསྒྲིབས། །སྤྲིན་གྱི་ཆར་པ་རོ་གཅིག་ལྟར། ། ― DNG008_Page_0107 ―
[མ་དཔེ་གཟིགས་ན་འདིར་གནོན།]
སྐལ་བ་གསུམ་ཡང་ཆོས་ཉིད་རོ། །སེམས་ཅན་ཐམས་ཅད་མངོན་རྫོགས་ཏེ། །སེམས་ཅན་སྡུག་བསྔལ་རྣམ་དག་ཡིན། །རྣམ་དག་ཤིན་ཏུ་མཐོང་བར་བྱ་བའི་ཕྱིར། །དེ་ནི་མཉམ་ཉིད་ཡང་དག་གཅིག །དེ་ནི་རྣམ་གྲོལ་མྱ་ངན་འདས་པ་ཡིན། །རྟག་ཏུ་བྱང་ཆུབ་ཀྱི་ནི་གནས་ཡིན་ཕྱིར། །དེས་ན་མཉམ་པ་ཉིད་དེ་མི་མཉམ་མེད། །འདོད་ཆགས་མེད་ཅིང་ཞེ་སྡང་དག་ཀྱང་མེད། །ནམ་ཡང་རྗེས་སུ་ཆགས་པ་མེད། །སུ་ལའང་མཛའ་ཞིང་ཆགས་པ་མེད། །དེ་ལ་དེ་བྱང་སྒྲིབ་པར་འགྱུར། །དེ་ལྟར་དེ་ལས་དེ་རྟོགས་ན། །དེ་ལ་དེ་ཉིད་གྲུབ་པ་མེད། །དེ་བཞིན་ཉིད་ཙམ་འགྲུབ་པ་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། དེ་བཞིན་མཚོན་དུ་མེད་པའི་ལེའུ་སྟེ་སུམ་ཅུ་གཅིག་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །དེ་བཞིན་ཉིད་མཚན་མ་དང་མཚན་མ་མེད་པའི་དོན་གང་ལགས། སེམས་དཔའ་དམ་པས་བཀའ་སྩལ་པ། །ཇི་ལྟར་ཉི་ཟླ་དག་པའི་འོད། །ཡོན་ཏན་ལྡན་དང་སྡིག་ཅན་གྱིས། །མི་ལ་མཉམ་པར་རབ་འཆར་ཏེ། །དེ་ལ་སྐྱེ་བ་འགྲིབ་པ་མེད། །དེ་བཞིན་ཆོས་ཉིད་ཤེས་རབ་ཡོད། །སྙོམས་པས་ཉི་མ་ཟླ་བ་བཞིན། །ལྷག་ཅིང་ཆད་པ་མེད་པ་བཞིན། །ཐམས་ཅད་སེམས་ཅན་རྣམ་དག་འདུས། །ཇི་ལྟར་ཁམ་སྣོད་རྫ་མཁན་གྱིས། །འཇིམ་འདྲ་ལས་སྣོད་བྱས་པ་དག །སྣོད་ཀྱི་རྣམ་པ་མང་བྱས་ལ། །རྫས་ཀྱི་རྣམ་པ་སོ་སོ་བླུགས། །དེས་ནི་མིང་ཡང་སོ་སོར་གྲགས། །དེ་བཞིན་སེམས་ཅན་སངས་རྒྱས་བྱེ་བྲག་མེད། །ཐ་དད་མེད་པས་བདེ་བར་གཤེགས། །ཐེག་པ་ཐ་དད་རབ་སྟོན་ཀྱང་། །ཐེག་མཆོག་རྒྱལ་བའི་ཐེག་པར་འདུད། །འགྲོ་བའི་འཁོར་ལོ་མི་ཤེས་པས། །ཆོས་ཉིད་དག་པའང་ཤེས་མ་ཡིན། །ཆོས་རྣམས་བདག་ཉིད་རྣམ་སྤངས་ཤིང་། །དག་པར་ཤེས་པ་སྟོང་པའི་ཕྱིར། །ཞི་བ་སངས་རྒྱས་བཅོམ་ལྡན་གྱི། །བྱང་ཆུབ་ཡང་དག་ཉིད་དུ་ཤེས། །ཆོས་ཀུན་རྟོགས་ ― DNG008_Page_0108 ―
[མ་དཔེ་གཟིགས་ན་འདིར་གནོན།]
རྫོགས་སངས་རྒྱས་ཡིན། །ཇི་ལྟར་དམུས་ལོང་མི་མཐོང་འདི་སྐད་ཅེས། །གཟུགས་རྣམས་ཀུན་ནི་མང་ཅེས་སྨྲ། །སྨན་པས་དམུས་ལོང་རྣམས་ལ་སྙིང་རྗེ་བསྐྱེད། །རི་ལ་སྨན་བཏུས་རབ་སྦྱར་དམུས་ལོང་ལ་ནི་ཤིན་ཏུ་གཏོང་། །དེ་ཡིས་མིག་མཐོང་གཟུགས་སྣང་འགྱུར། །མི་ཤེས་སེམས་ཅན་དམུས་ལོང་འདྲ། །དེ་ཕྱིར་ཟབ་མོ་རྟོགས་དཀའོ། །བླ་མེད་ཡང་དག་རྫོགས་བྱང་ཆུབ། །ཐེག་བཤད་འགྲོ་བའི་དོན་ལ་དགོངས། །རྣམ་པར་དག་པ་བསྟན་དུ་མེད། །སྟོང་ཉིད་རྨི་ལམ་སྒྱུ་མའི་ཚུལ། །ཆུ་ཤིང་སྙིང་པོ་མེད་ལྟའི་ཚུལ། །གང་གིས་ཆོས་ཉིད་རབ་ཤེས་ཤིང་། །ཁམས་གསུམ་རང་བཞིན་རྣམ་པར་གྲོལ། །ཆོས་ཀུན་སྟོང་ཞིང་མཉམ་པ་སྟེ། །ཐ་དད་དབྱེར་མེད་བདག་ཉིད་དོ། །དེ་དག་ལ་ཡང་མི་རྟོག་སྟོང་། །ཆོས་ཉིད་གང་ཡང་མཐོང་མེད་ན། །ཆོས་ཀྱི་སྐུ་ནི་མ་ལུས་པར། །ཤེས་རབ་ཆེན་པོ་དེས་མཐོང་ངོ་། །དགུར་བསྟན་ཐེག་པ་གཅིག་ཏུ་མཉམ། །མཉམ་ཞིང་སྙོམས་ཏེ་གཅིག་ཏུ་མཉམ། །དེ་ལྟར་མཁས་པ་ཞི་བ་ཡིས། །མི་བཅིང་མྱ་ངན་འདས་པ་ཤེས། །ཨེ་མ་ཧོ་ངོ་མཚར་རྨད་ཀྱི་ཆོས། །རང་རིག་སྐྱེ་མེད་ཡེ་ཤེས་དབྱིངས། །མི་ཤིགས་མི་འགྱུར་རྡོ་རྗེའི་དོན། །ཡེ་ཤེས་སེམས་དཔའ་རྡོ་རྗེ་ཡིན། །རྡོ་རྗེ་སེམས་དཔའ་འགྲོ་བའི་དོན། །རྡོ་རྗེ་འཆང་རྒྱལ་འདི་ཉིད་ནི། །ཐམས་ཅད་དུ་ཡང་ཡང་དག་གནས། །རྒྱལ་བས་དུས་གསུམ་རྟོགས་པར་སྐྱེ་མེད་མཉམ། །ཀུན་གྱི་ཆོས་ཉིད་རྒྱལ་བ་རྒྱ་མཚོའི་ཐུགས། །རྡོ་རྗེ་གསུམ་གྱི་མཚན་མ་ཇི་སྙེད་པ། །བདག་པོ་ཉིད་དུ་གྱུར་པས་དེ་བཞིན་ཉིད། །ཆོས་རྣམས་ཐམས་ཅད་འགྲོ་ཀུན་ནི། །དབྱིངས་སུ་རོ་གཅིག་སྐྱེ་མེད་དོ། །མཉམ་ཉིད་རྒྱལ་པོའི་ཆོས་ཉིད་དེ། །རྡོ་རྗེ་སེམས་དཔའ་ཀུན་ཏུ་བཟང་པོའི་ངང་། །དུག་ལྔ་ཆོས་དབྱིངས་ཡེ་ཤེས་དབྱིངས། །སྐྱེ་མེད་ཆོས་དབྱིངས་ཡེ་ཤེས་མཉམ། །དེ་ཡི་ཡོན་ཏན་ཁྱད་པར་ལྔར་མཐོང་བ། །མཚན་ཉིད་དེ་ཉིད་ཡེ་ཤེས་ལྔ། །འགྲོ་བའི་དོན་དུ་རིགས་ལྔར་སྣང་། །རིགས་དང་ཡོན་ཏན་མང་པོ་ཡང་། །འགྲོ་བཟུང་དོན་དུ་བསྟན་པར་ཟད། །ཆོས་དབྱིངས་ཡེ་ཤེས་ཁྱད་མེད་ཕྱིར། །དེ་ཕྱིར་ ― DNG008_Page_0109 ―
[མ་དཔེ་གཟིགས་ན་འདིར་གནོན།]
དབྱིངས་ཉིད་སྟོང་པའི་ངང་། །སྐྱེ་མེད་ཡེ་ཤེས་མེ་ལོང་ལྟ་བུར་གནས། །རིག་པའི་ཡེ་ཤེས་ངང་དང་གཉིས་མེད་ཕྱིར། །ཆོས་དབྱིངས་ཡེ་ཤེས་དག་པའི་དབྱིངས་ལ་བརྗོད། །རིགས་ལྔ་ཐབས་ཀྱི་ཕྱག་རྒྱ་ཀུན། །ཐམས་ཅད་ཆོས་སྐུ་རྡོ་རྗེར་རོ་གཅིག་འདུས་མ་བྱས། །ཇི་ལྟར་དེ་ལྟར་སྣང་བ་ཡིན། །གཅིག་བསམ་དེ་ཉིད་ཀུན་གྱི་ངང་། །རིགས་ལྡན་རྣལ་འབྱོར་ཏིང་འཛིན་གཅིག །བདག་མེད་གཉིས་ཉིད་བདེར་གཤེགས་དག་པའི་ངང་། །སྟོན་པ་འཇིག་རྟེན་སྒྲོན་མར་གྱུར་པ་ན། །ཀུན་གྱིས་མཚུངས་པར་རབ་བསྔགས་པ། །ཆོས་ལ་སྙིང་པོར་གྱུར་པ་མཁྱེན་པ་དག །ཆོས་ཅན་ཞི་བའི་ཚུལ་གྱི་དག་པ་འབྱུང་། །ཡུམ་གྱུར་དམ་པ་རྒྱལ་བའི་ལམ། །ནམ་མཁའི་རང་བཞིན་གནས་པ་ནི། །བྱང་ཆུབ་རྒྱུ་ནི་ཆོས་དབྱིངས་མཁའ། །ཡང་དག་ཞི་བ་ཟབ་མོ་ལ། །བཀྲུས་པས་མི་འདག་ནམ་མཁའ་འདྲ། །བྱང་ཆུབ་ལ་ནི་རྒྱུ་འབྲས་མེད། །དག་པའི་རང་བཞིན་གནས་པའི་ཕྱིར། །ཐོབ་པར་བྱ་བ་མེད་མོས་པས། །རྩོལ་བས་ཡིད་བཞིན་ནོར་བུའི་ཚུལ། །དཔལ་ལྡན་སངས་རྒྱས་རྩེ་གཅིག་འཆང་། །རྡོ་རྗེ་མི་ཕྱེད་གསུམ་གྱི་ངང་། །རང་བྱུང་ཚོགས་ཆེན་བླ་མེད་དག །རྒྱལ་བའི་རང་བཞིན་ཏིང་འཛིན་ཤེས། །དུས་གསུམ་སངས་རྒྱས་རང་བཞིན་སྟོང་། །རང་གིས་ཤེས་པས་ཆོས་ཉིད་སྟོང་ལས་སུ། །འཁྲུལ་རྟོག་བརྟགས་པས་ཐམས་ཅད་སྣང་བ་བཞིན། །ཤེས་རབ་ཐུགས་རྗེ་ངང་གི་འཆར། །རྣལ་འབྱོར་ཆོས་ཉིད་དག་གྱུར་ན། །ཐུགས་རྗེའི་བྱིན་རླབས་བཙལ་མི་དགོས། །གཉིས་མེད་རྣམ་དག་ཆོས་ཀྱི་སྐུ། །བདག་མེད་ཞི་བས་སྣང་བའི་ཕྱིར། །བདག་ཏུ་སྣང་བ་ཉིད་ཀྱི་སྐུ། །མི་འགྱུར་ནམ་མཁའ་ལྟ་བུ་དག །ཚུལ་དང་མཐུན་པའི་ངོ་བོ་བཞི། །ངང་ཉིད་ཞི་བ་རྟོགས་པའི་ཕྱིར། །ཚུལ་ཁྲིམས་ལ་སོགས་ཕ་རོལ་ཕྱིན་ལམ་བཅུ། །སྤྱོད་པ་མཐའ་དག་རྒྱ་མཚོའི་གཞིར་གྱུར་པ། །ཡང་དག་ལྟ་བས་མ་ཟིན་ན། །དེ་དག་བྱང་ཆུབ་གེགས་སུ་གྱུར། །སེམས་ཀྱི་བྱང་ཆུབ་རྣམ་དག་ཀྱང་། །ཆོས་ཚུལ་ཡོན་ཏན་ཁྱད་པར་ནི། །མ་ནོར་བསྒོམ་པའི་མངོན་འགྱུར་རོ། །ཞེས་གསུངས་སོ། །རྒྱུད་ཀྱི་ ― DNG008_Page_0110 ―
[མ་དཔེ་གཟིགས་ན་འདིར་གནོན།]
རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། མཚན་མ་མེད་པའི་ལེའུ་སྟེ་སུམ་ཅུ་གཉིས་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། རྣམ་རྟོག་ཞི་བར་བྱ་བའི་དོན་གང་ལགས། སེམས་དཔའ་དམ་པས་བཀའ་སྩལ་པ། ཆོས་ཉིད་དོན་ཉིད་རང་བཞིན་ལ། །རྡོ་རྗེ་གསུམ་བསྒོམ་མ་རྟོགས་པ། །གྲུབ་པར་བྱ་བའི་དངོས་གྲུབ་གཞན་མི་འཚོལ། །གནས་དང་མེད་པ་ལ་ནི་གར་རྟོགས་པ། །དེ་དག་ཆོས་ཉིད་ལ་ཡང་གང་རྟོགས་པ། །གནས་དང་གནས་མིན་འགལ་བར་མ་བསམས་ན། །ཡང་དག་མི་དམིགས་ཟབ་མོ་འདི། །བཞག་པས་ལུས་ལ་ཡང་ཡོད་མེད་ལ། །བཙལ་བས་ཟབ་མོ་ག་ལ་རྙེད། །དབྱིངས་ཀྱི་རང་བཞིན་སྟོང་ཉིད་དམ་པ་ཡིན། །རིགས་ཀྱི་ཁྱད་པར་དུ་སྣང་ཡང་། །དེ་དག་བྱིས་པའི་སྤྱོད་ཡུལ་སྣང་བ་ནི། །རྣམ་ཤེས་རྡོ་རྗེ་སེམས་དཔའ་གཙོ། །ཚོར་བ་རིན་ཆེན་འབྱུང་ལྡན་དང་། །འདུ་ཤེས་སྣང་བ་མཐའ་ཡས་ཡུལ། །འདུ་བྱེད་དོན་གྲུབ་གདོན་མི་ཟ། །གཟུགས་ནི་རྣམ་པར་སྣང་མཛད་དེ། །རིགས་དང་ཞི་ཁྲོ་སྤྲུལ་པ་ཀུན། །ཆོས་སྐུ་རོ་གཅིག་མཁས་པས་འགྲོ་དོན་བསྟན་པ་མཉམ། །དམིགས་མེད་བྱིས་པ་མི་མཁས་པས། །ཆོས་དང་ཆོས་མ་ཡིན་པར་མཐོང་། །སྟོང་ཉིད་མཉམ་པ་ཆེན་པོ་ལ། །རྒྱལ་བ་རིགས་ལྔར་རྟོག་པ་འཁྲུལ། །ཆོས་ཉིད་ལ་ནི་རྣམ་རྟོག་མེད། །དེ་ཕྱིར་དེ་དག་འཁྲུལ་པ་ཡིན། །ཐབས་ཀྱིས་སོ་སོར་བཤད་པའང་དོན་གཅིག་ལ། །དབྱིངས་རྟོག་ལེན་སྤང་སྒྲིབ་པ་མུ་མཐའ་མེད། །རྟོགས་པས་སངས་རྒྱས་ཏིང་འཛིན་དགེ་རྩ་འཕགས། །བློ་དང་ནམ་ལྡན་ཞི་བ་སེམས་ཀྱི་ངང་། །དམ་པ་དེ་ནི་མངོན་དུ་འགྱུར་བ་ན། །ཆོས་སྐུ་དྲི་མེད་ནམ་མཁའ་འདྲ། །དེ་ལ་སྐུ་གསུམ་མཆོག་ཏུ་གྱུར་པའི་ཆོས་དབྱིངས་སུ། །རྡོ་རྗེ་རྩེ་མོ་མཆོག་ཉིད་འདུས་མ་བྱས། །མི་རྟོག་ཡེ་ཤེས་ཆོས་དབྱིངས་དེ་ཡང་དེ་ཉིད་དོ། །དེ་ལ་གང་རྟོག་ཡང་དག་མཐོང་། །ཞི་བ་རྣམ་དག་ཉིད་ལས་ཡོན་ཏན་མ་ལུས་འབྱུང་། ། ― DNG008_Page_0111 ―
[མ་དཔེ་གཟིགས་ན་འདིར་གནོན།]
ཇི་སྙེད་རྣམ་གྲོལ་ཆོས་སུ་དག་པ་རྣམས། །དེ་བཞིན་གཤེགས་པ་དེ་དག་ཐམས་ཅད་ཀྱང་། །འདུས་མ་བྱས་ཉིད་རྒྱལ་བ་ཀུན་གྱི་ངང་། །གཞན་དུ་རིགས་ལྔ་བསྟན་པར་བྱ་མི་དགོས། །མི་འཁྲུལ་པ་ལ་ཡི་དམ་ལྷ་མེད་ལྟར། །དེ་ཉིད་རྟོགས་ལྡན་དབྱིངས་ཀྱི་ལྷ། །རྒྱལ་བས་མ་བཅོས་གདོད་ནས་སྐྱེ་བ་མེད། །རང་སེམས་ཞི་བས་བསྒོམ་པར་བྱ་བ་མིན། །སེམས་ནི་སྐྱེ་མེད་ཐུགས་ཀྱི་དབྱིངས། །ལུས་ངག་ཡིད་གསུམ་མི་མཉམ་མཉམ་པའི་ངང་། །ནམ་མཁའ་བཞིན་དུ་བསམ་པར་བྱ། །ནམ་མཁའ་བསྟན་དུ་མེད་པ་ལྟར། །བདག་ཉིད་རང་བཞིན་མེད་པར་ཞི། །དེ་ཕྱིར་བྱང་ཆུབ་སེམས་ཉིད་རྫོགས། །དེ་ལས་ཡོན་ཏན་དེ་དག་དེ་ལས་འབྱུང་། །དེ་བཞིན་སངས་རྒྱས་ཡོན་ཏན་སྣ་ཚོགས་རྫོགས། །ཀུན་བཟང་ངང་ཉིད་རོ་གཅིག་ཕྱིར། །དབྱིངས་ལ་དབྱིངས་ཉིད་རྟག་ཏུ་དམིགས། །ཅིར་ཡང་མིན་ལ་ཅིར་ཡང་སྣང་བའི་ཕྱིར། །ཐམས་ཅད་ཆོས་ཉིད་སྤྲུལ་པར་ཟད། །བྱང་ཆུབ་དོན་ཉིད་དེ་དག་ཐམས་ཅད་ཀྱང་། །འཆིང་མེད་རྒྱལ་བའི་རིགས་ཅན་ཡིན། །ཆོས་སྐུ་རྣམ་དག་ལྷུན་གྲུབ་སྟོང་པའི་དངོས། །དེ་མེད་མི་འབྱུང་དེ་ཕྱིར་ཆོས་དང་ཕྱིར། །དེ་ནི་རྣམ་གྲོལ་མཆོག་གི་ལམ་ཉིད་དོ། །རྣམ་གྲོལ་ཞི་བ་ཟབ་མོ་བྱང་ཆུབ་སེམས། །དེས་ན་རྡོ་རྗེ་སེམས་དཔའ་ཆོས་ཉིད་ཀུན་ཏུ་བཟང་། །དེ་ཉིད་ཅི་འདྲར་བསྒོམ་པར་བྱ་བར་འགྱུར། །རྡོ་རྗེ་དེ་རྟོགས་བསྒྲུབ་པ་བཅའ། །རྡོ་རྗེ་དེ་ཉིད་ཡང་དག་དམ་པ་སྟེ། །ཕྲ་ཞིང་ཤེས་དཀའ་དྲང་སྲོང་ཆེན་པོའི་ལམ། །འདི་ནི་ཟབ་མོ་མི་རྟོག་རྟོག་ལས་དག །ཇི་ལྟར་བརྟག་པར་དཀའ་ཞིང་ཤིན་ཏུ་ཟབ། །བསྟན་པར་དཀའ་ལ་བརྗོད་པའི་ཐ་སྙད་རྣམས་དང་བྲལ། །སྟོང་ཉིད་དམ་པ་ཞི་བ་ལ། །མཚན་མའི་ཏིང་འཛིན་བཅུག་པས་ནོར། །གནས་དང་ཞི་བ་སྟོང་པ་ལ། །ནམ་མཁའ་དབྱིངས་ཀྱི་དབུས་གནས་པར། །བདེ་གཤེགས་ཀུན་གྱི་ཕོ་བྲང་ངོ་། །ཨེ་མ་ཧོ་ཨེ་མ་ཡ་མཚན་དག་པའི་གཞི། །ཚིག་གིས་མི་ཕེབས་བརྗོད་དང་བྲལ་བའི་ཕྱིར། །གཞན་དང་བྱིས་པའི་སྤྱོད་ཡུལ་མ་ཡིན་ཡང་། །དེ་ཕྱིར་ཆོས་ཉིད་དངོས་བྲལ་ལ། །བྱིས་པ་ལྟ་དམན་ཡོད་པར་འདོད། །དེ་ནི་ཡོད་ ― DNG008_Page_0112 ―
[མ་དཔེ་གཟིགས་ན་འདིར་གནོན།]
པ་མིན་པའི་ཕྱིར། །བརྗོད་པ་མཐའ་དག་དོན་འདིར་བལྟ། །ཞི་བ་ཆོས་དབྱིངས་གཞན་ནས་མི་བཙལ་ཏེ། །མངོན་དང་མི་མངོན་ཆོས་རྣམས་ཀུན། །དེ་དག་ཐམས་ཅད་རང་བཞིན་སྟོང་། །དཔེར་ན་དབུ་བ་རྡོས་དག་ཆུ་བོས་ཁྱེར་མཐོང་ན། །དེ་ལ་དངོས་མ་མཐོང་བ་ལྟར། །མངོན་སུམ་ལ་སོགས་རྒྱུ་ཡི་དངོས་པོ་རྣམས། །དེ་ཡང་འཇིག་རྟེན་གྲུབ་པའི་མཐའ་རྟོགས་པ། །རྒྱུ་ནི་དངོས་བྲལ་དམ་པ་སྟེ། །དེ་ཉིད་རྣམ་པར་རྟོག་པའི་རྒྱུ་འབྲས་སྤྱོད་ཡུལ་རྣམས། །ཇི་ལྟར་ཚད་མ་བཞག་ན་བློ་ཡིས་འཛིན་བྱེད་དོ། །མི་ཤེས་པ་དག་ཀུན་འདུས་ནས། །དག་པའི་དོན་ལ་ཅི་བལྟས་ཀྱང་། །དག་པ་དེ་ཉིད་ག་ལ་མཐོང་། །རྟོགས་མཐའ་རྣམ་པ་མེད་པའི་ཕྱིར། །དཔྱད་མཐའ་མེད་དེ་སྙིང་པོ་མེད་ན་ཚད་མ་གང་། །དེ་ཕྱིར་རྣལ་འབྱོར་ཆོས་ཉིད་ཟབ་མོ་ལ། །དེ་ཕྱིར་འཇིག་རྟེན་ཐ་སྙད་རྟོག་པ་རྣམས། །རྣལ་འབྱོར་དམ་པའི་ལམ་འདིར་མི་དགོས་སོ། །ཡོངས་སུ་དག་པའི་རང་བཞིན་རྒྱས་པར་འགྱུར། །ཡེ་ཤེས་འདི་ཉིད་ཡོངས་སུ་རྫོགས་བྱས་ན། །འོད་བྱེད་གཙོ་བོ་རྣམ་པར་དག །མཉམ་ཐུགས་ཞི་བར་གྱུར་ཅིང་ཤིན་ཏུ་གནས། །རྟག་པར་མི་གཡོ་གྱུར་ཅིང་མི་འགུལ་ཏེ། །དེ་ལ་ནམ་ཡང་གཡེང་བ་མི་མངའ་ལ། །དེ་ནི་ངང་གིས་ཟག་པ་མེད་ལ་གནས། །བདེ་དང་སྡུག་བསྔལ་ཞི་བར་མཉམ། །དགེ་བ་འཇིག་རྟེན་སྒྲོན་མ་དག །ཐུགས་བརྩེས་རྟག་ཏུ་འདི་མཚར་ཏེ། །འགྲོ་བ་ཐམས་ཅད་ཀུན་བསླང་དག་པ་ཡིས། །སངས་རྒྱས་ཡེ་ཤེས་བླ་མེད་པ། །དགའ་ཞིང་བདེ་བར་རབ་ཏུ་བརྙེས། །དེ་ལྟར་དམ་པ་ཞི་བ་བརྙེས་པར་བྱ་བའི་ཕྱིར། །དངོས་པོ་མཐའ་ཡི་རྒྱུ་ནི་ལོ་རྒྱུས་དག་ལས་ལམ་འདིར་བརྟག་པར་བྱ། །བརྟགས་པའི་མཚན་ཉིད་ཕུང་པོ་ཁམས་དང་སྐྱེ་མཆེད་ལ། །སོ་སོ་སྐྱེ་བོས་དངོས་པོ་མཚན་མར་བཟུང་། །སྐྱེ་བོ་ཀུན་གྱི་སེམས་ལ་མངོན་སྣང་ཕྱི་ནང་གྲགས་པའི་ཆོས་འདི་ནི། །མི་ཤེས་བྱིས་པས་གཉིས་མཐོང་ཕྱིར། །གཟུང་དང་འཛིན་པ་གཉིས་སུ་བརྟགས། །དཔེར་ན་བྱིས་པ་མི་གནད་འཁྲུལ་པ་ཡིས། །ནམ་མཁའ་དག་ལ་བལ་གྱི་འཁོར་ལོ་ ― DNG008_Page_0113 ―
[མ་དཔེ་གཟིགས་ན་འདིར་གནོན།]
འབྱུང་བ་དང་། །གཟུགས་རྣམས་མེད་ཀྱང་ཡོད་པར་མཐོང་བ་ལྟར། །འཛིན་པ་དྲུག་གིས་ཇི་ལྟར་དངོས་པོར་མཐོང་ཞིང་བཟུང་། །གཟུང་འཛིན་བརྟགས་པ་དེ་ལྟར་མ་ཡིན་འཁྲུལ། །རང་གི་རྟོག་པས་མོས་པ་དེ་བཞིན་གཟུང་བ་མེད་འགྱུར་ན། །དེ་དག་དངོས་པོ་མེད་རྟོགས་དགྲ་བཅོམ་འདྲ་བར་གྲོལ་བར་འགྱུར་བའི་རིགས། །མ་རྟོགས་ལྟ་དམན་བྱིས་པ་དང་། །ཐེག་རྫོགས་དེ་གཉིས་ཁྱད་པར་རིགས། །དེ་དག་དུས་དགྲས་འཇོམས་པ་དང་། །སྡུག་བསྔལ་གཉེན་ལམ་དེས་འཁྲུལ་མངོན་པར་འགྱུར། །དུས་ལས་བདེ་སྡུག་ག་ལ་འབྱུང་། །གཞན་ནས་སྐྱེ་མཆེད་སྒོ་ནས་རིག་པ་དེ་དག་ཚད་མར་རུང་ན་ནི། །ཕྱི་མ་ཆོས་སུ་བཟུང་བས་དངོས་པོ་ཞི་འགྱུར་ག་ལ་ཡོད། །དེ་དག་སྐྱེ་མཆེད་སྒོ་ནས་ཞི་བ་ག་ལ་རྟོག །དེ་དག་ཚད་མར་གྱུར་པས་འཕགས་པའི་ལམ་དེ་སུ་ལའང་དགོས་མི་འགྱུར། །དེ་ཕྱིར་དོན་དེ་དབང་པོས་རྟོགས་གྱུར་ན། །བསྒྲུབ་དང་བརྩོན་འགྲུས་དེ་དག་མི་དགོས་ཕྱིར། །སྟོང་པའི་ཆོས་རྟོགས་ཁོང་དུ་ཆུད་པ་དང་། །བསམ་གཏན་ཡན་ལག་དམ་པ་ལྡན་རྣམས་དང་། །ཡོན་ཏན་ཞི་བ་དམ་པ་གསུངས་པ་ཀུན། །དེ་ཀུན་བྱིས་པའི་སྤྱོད་ཡུལ་མིན་ཕྱིར་རམ། །ལམ་དེ་རྣམ་གྲོལ་ལམ་དུ་བསྟན་ཅིང་དེ་ཡི་རྟོག་མེད་འགྱུར། །དབང་པོ་ཤེས་པས་མི་ཐར་ཏེ། །མིག་མཐོང་ཅན་འདྲ་ལྟ་དམན་མཚུངས། །དོན་དམ་རྟོགས་ཤིང་ཟབ་མོ་ཡང་། །འཁྲུལ་པ་དག་གིས་ཡོངས་མི་ཤེས། །འཁྲུལ་པ་དག་ལས་དངོས་འདི་བྱུང་། །འདི་ལ་བརྟེན་ནས་དངོས་པོ་མཐའ་དག་བྱུང་། །མ་རིག་པ་སོགས་བཅིངས་པའི་སྡུག་བསྔལ་ཡོད། །སྡུག་བསྔལ་འགའ་ཡང་མི་འཇིལ་ཕྱིར། །རྣམ་རིག་ཤེས་དེས་ཉོན་མོངས་འབྱུང་བའི་གནས། །དེ་ཕྱིར་དོན་ཉིད་མ་མཐོང་བས། །དེས་ན་སྐྱེ་བོས་མཐོང་བ་དེ་དག་འཁྲུལ། །དེ་ལྟར་མུན་པར་མངོན་ཞེས་རྒྱལ་བས་གསུངས། །དེས་ན་འཁྲུལ་པའི་དབང་གིས་ཇི་ལྟར་སྣང་བར་འགྱུར་ཞེ་ན། །རྟོགས་པ་དངོས་སུ་བདེན་པ་ཆེ་ལས་ཉམས། །ཀྱི་ཧུད་བྱིས་པ་འདི་དག་ཐམས་ཅད་ནི། །རྣམ་རྟོག་གིས་བཅིངས་དག་པ་མ་མཐོང་བས། །བདག་ཉིད་བསྒོམས་པས་རིན་ཆེན་ཆེ་ལས་ཉམས། །ཀུན་ཏུ་རྟོག་ཅན་ཡང་དག་མ་ཡིན་ཕྱིར། །ཉོན་མོངས་སྒོང་ངའི་སྦུབས་བརྟོལ་ ― DNG008_Page_0114 ―
[མ་དཔེ་གཟིགས་ན་འདིར་གནོན།]
མི་ནུས་ཤིང་། །ཀུན་ཏུ་རྟོག་པས་རྩོལ་མེད་ཉམས། །སྟོང་པ་གནས་མེད་རྟེན་ཡང་མེད་པ་ལ། །ཇི་ལྟར་ཡོད་པ་མ་རིག་འཁྲུལ་པས་ཤེས། །ཡང་དག་མ་མཐོང་བློ་གྲོས་འཁྲུལ་པའི་ཕྱིར། །བློ་གྲོས་ཕྱིན་ཅི་ལོག་ཏུ་གྱུར་པས་ན། །ལོག་པར་རྟོགས་ཤིང་མ་རིག་རྐྱེན་གྱི་དབང་སོང་བས། །ཡང་དག་དབེན་པའི་དོན་རྣམས་མི་མཐོང་བས། །དེས་ན་མྱ་ངན་འདས་པའི་དགོངས་པ་རབ་ཏུ་འཇིག །སེམས་དང་སེམས་ལས་བྱུང་བ་དེ་དག་ཀྱང་། །དེ་ཉིད་རྣམ་ཤེས་འཇུག་ལྡོག་བཅས་རྐྱེན་གྱིས། །དེ་ཉིད་ལུས་གསུམ་དོན་དུ་སྣང་བ་ཡིན། །འདུ་ཚོགས་དག་གི་བག་ཆགས་བསགས་པ་ལ། །དགེ་དང་མི་དགེའི་བག་ཆགས་ཡོངས་བསལ་ལ། །ལས་གང་གོམས་པའི་མཐུ་ཡིས་བརྟས་པའི་ཚེ། །སེམས་ཉིད་ཡུལ་དང་ལུས་འདྲ་སྣང་བས་རུས་པས་གང་བཞིན་དུ། །འཇིག་རྟེན་འབྱུང་བ་ཐམས་ཅད་ཤེས་པས་འཁྲུལ་པར་སྣང་། །ཇི་ལྟར་འཁྲུལ་པས་བག་ཆགས་སྣ་ཚོགས་བསགས། །བག་ཆགས་སྣ་ཚོགས་ཤེས་པ་བརྒྱད་ཉིད་ཡིན། །བག་ཆགས་བསགས་པའི་རྒྱུ་ལ་དམིགས་པ་སྐྱེས་པས་ན། །ཡིད་ལ་བརྟགས་པའི་བདག་ནི་ཡོད་པ་མིན། །འཇིག་རྟེན་བྱིས་པ་ཤེས་པ་འཁྲུལ་པ་ཡིས། །ཐག་པ་ལ་ནི་སྦྲུལ་སྙམ་འཛིན། །ཐག་མཐོང་ཤེས་པ་འཁྲུལ་པ་ཡིན། །བག་ཆགས་རྣམས་ལ་བདེ་བར་ཤེས། །འདུ་བྱེད་མཐུ་ཡིས་བསྒྲིབས་ཤིང་ཕྲ་མཐོང་དེ་ལས་རྣམ་རིག་སྐྱེ། །དཔེར་ན་སོས་ཀྱི་ཉི་མ་ཕྱེད་དུས་གདུངས་པ་ལ། །སྐྱེས་བུས་གདུངས་པས་སྨིག་རྒྱུ་དག་ལ་ཆུ་ཡི་རྒྱུན་དུ་མཐོང་། །དེ་ལ་བརྟགས་ན་ཆུ་ཉིད་ག་ལ་ཡོད། །རྒྱུན་དང་བཅས་པའི་སེམས་ཀྱི་མཐུ་ནི་མ་རྟོགས་པས། །རྟོག་པའི་རྗེས་སུ་འདྲེངས་ནས་ལོག་པའི་དངོས། །བག་ཆགས་མཐུ་ལས་སྣ་ཚོགས་སྣང་མ་རྟོགས། །དེ་ལས་ཟག་བཅས་རང་བཞིན་རྟོགས་པས་བདག་དང་ཆོས་རྣམས་རྒྱས་པར་བྱེད། །ལྡན་པར་འབྱུང་བ་ཤིན་ཏུ་ཕྲ་བར་རྒྱུ་བ་དེ་མ་མཐོང་། །བདག་ཏུ་བལྟ་ལ་སོགས་པ་མུ་སྟེགས་ལྟ་བ་སྣ་ཚོགས་སྐྱེ་ཞིང་ཐར་བར་རྟོག །སེམས་འདི་ལས་ ― DNG008_Page_0115 ―
[མ་དཔེ་གཟིགས་ན་འདིར་གནོན།]
རྣམས་མཐའ་ཡས་གནས་གྱུར་པ། །བག་ཆགས་མཐའ་མེད་ངེས་པ་མེད། །བག་ཆགས་བརྟས་ཤིང་སད་པར་བྱེད་པའི་རྐྱེན་ཡང་རྣམ་པ་སྣ་ཚོགས་ཏེ། །རྐྱེན་འགས་བག་ཆགས་འགའ་ཞིག་རྨི་ལམ་མི་ཡི་རྒྱུད་ཀྱི་ལུས་སྣང་ལ། །རྐྱེན་གཞན་དག་གིས་བག་ཆགས་གཞན་སད་བྱས་པའི་ཚེ། །དབང་ཕྱུག་ལ་སོགས་བྱེད་པར་འདོད་དེ་ལམ་དེ་མ་ཞི་གྲོལ་མི་འགྱུར། །བདག་ཉིད་འདོད་ཆགས་བཅས་ཤིང་ཞེ་སྡང་བཅས། །གཏི་མུག་བཅས་པར་ཡང་ནི་རབ་ཏུ་སྣང་། །དེ་དག་སྤྱོད་པ་དག་གི་མ་སྤངས་ན། །བདག་གི་གཞི་ཡང་ཡོངས་སུ་འདའ་མི་འགྱུར། །རྣལ་འབྱོར་ལམ་བསླད་ཐེ་ཚོམ་རྒྱུ་ཡང་རྒྱུན་འདི་ཕྲ་བ་མ་རྟོགས་སྐྱེས། །བདག་ཏུ་བརྟགས་པས་བསྒྲིབས་དེ་འཕགས་པའི་རིགས་དང་རྣམ་པར་བྲལ། །མངོན་ཤེས་ཚེ་ལ་ཤིན་ཏུ་མི་མཁས་པས། །དེས་ནི་ཆོས་ཉིད་བསྒྲིབས་དེ་རྣམ་རྟོག་ཕྱི་ཕྱིར་འཕེལ། །སེམས་ཅན་མཐའ་དག་རང་བཞིན་སྟོང་ཉིད་དག་པ་ལ། །མི་ཤིས་གཟུང་འཛིན་འཁྲུལ་འཁོར་མ་རིག་རྟོག་པ་ལས། །ཆོས་རྣམས་དག་པ་ཉིད་དུ་སྣང་ཞིང་བདེ་ལ་གཟུང་འཛིན་འཁྲུལ་པའི་རྒྱུ། །ཆོས་སུ་བརྟགས་པས་སྡུག་བསྔལ་སྣ་ཚོགས་འབྱུང་ཞིང་ངན་སོང་སྲིད་པར་འགྱུར། །རྣམ་ཤེས་དེ་ཡང་འདུ་བྱེད་རྒྱུ་ལ་མཚན་མ་ཐ་དད་འཛིན་པས་ན། །ལས་ཀྱི་ཁྱད་པར་དག་གིས་རྒྱན་དུ་སྣང་བའི་རིགས་ལ་དུ་མ་མེད། །ཐམས་ཅད་མཁྱེན་པའི་ཡེ་ཤེས་གཟུང་འཛིན་བྲལ་བ་དུ་མའི་ངང་ལ་གཟུང་དང་འཛིན་པའི་རྣམ་རྟོག་དེས། །འཕགས་པའི་རིགས་བྲལ་འདྲ་བའི་མྱ་ངན་འདས་པ་ཡོངས་སུ་མེད་ཅེས་རྒྱལ་བས་གསུངས། །འཇིག་རྟེན་བདེ་ལྡན་ཡང་དག་ཞི་བ་མྱ་ངན་འདས་གང་མཆོག་ཏུ་བདེ་བ་དེ། །ཤེས་པ་དུ་མ་རྣམ་པ་སྣ་ཚོགས་སྐྱེ་བར་མཐོང་བས་ཡང་དག་འཁྲུལ། །ཤེས་ཤིང་རིག་པས་རིས་སུ་གཅིག་པས་རིགས་ལ་དུ་མ་མེད། །སེམས་ཀྱིས་རྣམ་པ་སྣ་ཚོགས་དུ་མ་འབྱུང་བའི་ཕྱིར། །དེ་ཕྱིར་སེམས་ཀྱི་སྐད་ཅིག་མ་དེ་ལུས་དང་ཆོས་སྐུ་གནས། །སྔོན་དང་ཕྱི་མ་ད་ལྟར་སེམས་ཀྱི་ཆོས་ཀུན་གཅིག །དེ་ཕྱིར་ ― DNG008_Page_0116 ―
[མ་དཔེ་གཟིགས་ན་འདིར་གནོན།]
སེམས་ལ་བསམ་བཞིན་ཕྱི་མ་དེས་འབྱུང་དེ་ལ་སྣང་། །དངོས་པོ་མ་སྤངས་དེ་བཞིན་ཉིད་ནི་ག་ལ་མཐོང་། །རྣམ་དག་གྲོལ་གཞི་འདི་ལ་སེམས་ཀྱི་རྣམ་པ་འབྱུང་། །རང་སེམས་རྒྱུད་ལས་འཕགས་པ་སྐྱེ་བོ་ཆོས་ནི་གཞན་ན་ཡོད་མ་ཡིན། །འདི་ལྟར་དགེ་དང་མི་དགེ་ལུང་མ་བསྟན་པའི་ཆོས་རྣམས་ཀུན། །དེ་དག་སེམས་ཀྱི་རྣམ་པ་ཡིན། །རྒྱུད་དྲུག་རིགས་ལ་སྣ་ཚོགས་དེ་ལ་འང་། །དེ་དག་འགྲོ་དྲུག་དེ་བཞིན་ནོ། །ཕྱོགས་བཅུ་གང་ནའང་སེམས་ནི་དངོས་པོ་ཡོད་མིན་ཕྱིར། །དེ་ཕྱིར་སེམས་རྒྱུད་དེ་ནི་ཕྱོགས་ཀྱང་ཅུང་ཟད་མེད་པས་གཅིག་ལ་རྟེན་མེད་དེ། །དེ་ཕྱིར་ཕྱོགས་མེད་ཕྱིར་ན་མཐའ་ཡས་ཞིང་ཁམས་བདག་གི་ལུས། །བདག་གི་ལུས་ནི་མཐའ་ཡས་ཞིང་དང་སྐྱེ་བའི་ལུས་སུ་རང་སྣང་ལ། །སེམས་དང་བག་ཆགས་ཐ་དད་མ་ཡིན་ཅིག་མིན་བརྟག་པར་རབ་ཏུ་དཀའ། །འདི་ལ་སྣང་ཕྱིར་རྟེན་ཅིང་འདྲེལ་པ་རྣམ་གསུངས་པ། །མ་རིག་ལ་སོགས་རྟེན་ཅིང་འདྲེལ་འབྱུང་ཆོས་རྣམས་ཀུན། །འདི་ཀུན་རྟེན་ཅིང་འདྲེལ་འབྱུང་ཚུལ་ཏེ་སྐྱེ་དང་འགག་པར་འབྱུང་ཅེས་པ། །མ་རིག་པ་ལ་སོགས་པ་སོ་སོའི་ངོ་བོར་སྟོན་པའི་ཕྱིར། །ཚིག་པའི་ས་བོན་བཞིན་དུ་མེད་ལས་མེད་པ་མི་འབྱུང་རྒྱུ་འབྲས་མེད། །ཅི་ཕྱིར་རྟེན་འདྲེལ་སེམས་ཅན་ཀུན་ལ་སྣང་། །དེ་དག་རང་བཞིན་མེད་དག་ལས། །མི་ཤེས་པ་སུ་ཡོད་མཐོང་ཕྱིར། །དེ་དག་དངོས་པོར་ཞེན་ཅིང་རྒྱུ་དང་འབྲས་བུར་རྟོག་པར་སེམས་ཉིད་ནི། །དེ་ཉིད་གཟུང་འཛིན་རྒྱུ་དང་རྐྱེན་དུ་སྣང་། །ཇི་ལྟར་བུ་མོ་གཞོན་ནུའི་རྨི་ལམ་ན། །བུ་ཕོ་སྐྱེས་ནས་དགར་འགྱུར་ཤི་ནས་མི་དགར་འགྱུར། །དེ་ཕྱིར་ཆོས་ཀུན་རྨི་ལམ་ལྟ་བུར་ཡིན་ཞེས་རབ་ཏུ་གསུངས། །དེ་ཕྱིར་རྟེན་འདྲེལ་རང་བཞིན་མེད་པའི་ཕྱིར། །དེ་གཉིས་མེད་ཕྱིར་སྐྱེ་དང་འཇིག་པ་མེད། །གཟུང་འཛིན་མེད་ཕྱིར་དངོས་བྲལ་ཏེ། །སྐྱེ་འཆི་མེད་ཕྱིར་བདག་གཞན་མེད་དེ་འཆི་འཕོ་མེད་ཅིང་རྟག་ཆད་མེད། །སངས་རྒྱས་ཡེ་ཤེས་འདི་ཉིད་དང་གྲོལ་ཕྱིར། །དེས་ ― DNG008_Page_0117 ―
[མ་དཔེ་གཟིགས་ན་འདིར་གནོན།]
ན་འཁྲུལ་འཁོར་མེད་ཅིང་མྱ་ངན་འདས་པ་ཉིད་དུ་མངོན། །དེ་ཕྱིར་དེ་བཞིན་གཤེགས་ཉིད་སྨོན་ལམ་མི་སྩོལ་ཏེ། །སྔོན་གྱི་སྨོན་ལམ་རྣམས་ནི་ག་ལ་སྩོལ། །འདི་ནི་ངང་དང་རང་བཞིན་བདག་ཉིད་ཆེན་པོ་ཡིན་པའི་ཕྱིར། །གཞན་ལས་མ་བརྟེན་མྱ་ངན་འདས་པ་མཐོང་ནས་བདེ་བ་མཆོག་དང་ལྡན། །གནས་ཀྱི་སྐད་ཅིག་ནམ་ཡང་མ་འབྲལ་ཏེ། །སེམས་ཉམས་འགྱུར་ཏེ་དེ་མེད་མིན། །ཇི་ལྟར་འབྱུང་བ་ལུས་བརྟེན་ལ། །ལུས་དང་འབྱུང་བ་ཐ་དད་མིན་པ་ལྟར། །ཀུན་གཞིའི་བག་ཆགས་ཐ་དད་མེད་པའི་ཕྱིར། །ཡང་དག་མ་ཡིན་རྟོག་པས་བསྐྱེད་ཕྱིར་བག་ཆགས་ཡོད་པ་མ་ཡིན་དང་། །སྤྱོད་ཡུལ་མེད་དང་ཀུན་གཞི་མེད་ཅིང་རྣམ་རིག་དེ་ཡང་མེད་པ་ཡིན། །ཕྱོགས་རྣམས་མེད་ཕྱིར་དམིགས་དང་གནས་མེད་རྣམ་ཤེས་རིག་པ་ཇི་ལྟར་སྐྱེ། །དེ་ཕྱིར་སེམས་འདི་ཡོད་མེད་མཐའ་ལས་འདས་ཤིང་གཅིག་དང་དུ་མར་བྲལ། །བདེ་གཤེགས་བྱང་ཆུབ་མེད་ཕྱིར་དེ་ཡི་རྫུ་འཕྲུལ་སྒྱུ་འདྲ་འཕྲུལ་ལ་སྣང་། །དེ་བཞིན་དག་པའི་ཡེ་ཤེས་ཤིན་ཏུ་དགེ་བའི་རྒྱུ་ཉིད་དང་། །ཆོས་ཀྱི་དབྱིངས་ཉིད་ལ་ནི་དམིགས་ཤིང་སྐྱེ་བར་བརྟགས་པ་ཡང་། །ཆོས་ཉིད་ངང་གིས་སངས་རྒྱས་ཡེ་ཤེས་ཆོས་དབྱིངས་དམ་པ་ལ་ནི་མི་དམིགས་རྒྱལ་བའི་སྐུ། །ཆོས་དབྱིངས་རྣམ་དག་རྡོ་རྗེ་གནས་མེད་ཕྱིར་ན་མཉམ་པར་གནས། །རང་བཞིན་འདྲ་འགྱུར་ཆོས་ཉིད་སྟོང་པ་ཞི་བ་རྡོ་རྗེ་འདུས་མ་བྱས་དང་ལྡན། །ཆོས་དབྱིངས་རྡོ་རྗེ་རྩེ་མོ་དེ་དག་ཕྱོགས་ཉིད་མེད་པས་རྣམ་དག་སྐད་ཅིག་མེད། །དག་པའི་དགེ་རྩ་གཟུགས་བརྙན་མེད་པས་འཇིག་རྟེན་ཡེ་ཤེས་ཡོད་མི་འགྱུར། །ཇི་ལྟར་སྒྱུ་མ་བྱེད་པའི་སྐྱེས་བུ་ཡིས། །ཤིང་རྟ་སྐྱེས་པ་བུད་མེད་སྣ་ཚོགས་གཟུགས་བཟུང་སྟེ། །དེ་ལ་བརྟགས་ནས་གཟུགས་ཀྱི་དངོས་པོ་ག་ལ་ཡོད། །ཆོས་དབྱིངས་ཟབ་མོ་ཐེ་ཚོམ་མེད་ཅིང་བྱང་ཆུབ་དོན་དུ་གནས། །སེམས་ཅན་ཟབ་མོ་བཏང་ནས་སྐྱེ་འགག་རྣམ་བྲལ་བླ་ན་མེད་པའི་མྱ་ངན་འདས་པ་བདེ་གནས་ཞི་བའི་ངང་། །བསོད་ནམས་མང་འཕེལ་བྱང་ཆུབ་མཆོག་འདི་ ― DNG008_Page_0118 ―
[མ་དཔེ་གཟིགས་ན་འདིར་གནོན།]
ཐམས་ཅད་ཀུན་གྱི་ཡུལ་དུ་གྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རྣམ་རྟོག་ཞི་བར་བྱ་བའི་ལེའུ་སྟེ་སུམ་ཅུ་གསུམ་པའོ།། །།དེ་ནས་འཁོར་དེར་འདུས་པ་རྣམས་ཀྱིས་སེམས་དཔའ་དམ་པ་ལ་འདི་སྐད་ཅེས་གསོལ་ཏོ། ། ཚིག་ཆད་སོང་། སེམས་དཔའ་དམ་པས་བཀའ་སྩལ་པ། །ཁམས་གསུམ་ལས་འདས་ཡོན་ཏན་རིན་ཆེན་གཏེར་གྱི་མཛོད། །མི་རྟོག་ཞེན་ཆགས་མཉམ་ཉིད་ངང་དུ་ཞི། །གཟུང་འཛིན་རྟོག་བྲལ་ཞི་བའི་ཕྱིར། །དེ་ཕྱིར་བྱང་ཆུབ་མཚན་ཉིད་མེད་ཅིང་བླང་དོར་མེད། །དོན་དེའི་ཚུལ་གྱིས་དོན་དམ་རྣམ་གྲངས་སྐྱེ་འགག་མེད་དང་མཉམ་ཉིད་དང་། །གཉིས་མེད་བསམ་འདས་སྟོང་ཉིད་ཆོས་དབྱིངས་བརྗོད་དང་ཐ་སྙད་བྲལ་ལ་སོགས། །ཡང་དག་བསྟན་པ་དེ་ཀུན་དོན་དམ་མེད་ཅིང་ཀུན་སྒྲིབ་མེད། །གཞན་པ་ཐམས་ཅད་སྤངས་ནས་འདི་འདྲའི་དོན་ནི་ཤིན་ཏུ་ཐོབ་དཀའི་ཕྱིར། །ཡང་དག་ཟབ་མོ་མོས་པས་རྙེད་པ་ཤིན་ཏུ་དཀའ། །དཔེར་ན་ཇི་ལྟར་ལ་ལ་ཆུ་འདོད་སྐམ་སར་ཁྲོན་པ་བརྐོས་ཀྱང་ཕྱི་ཕྱིར་ཆུ་ནི་རབ་ཏུ་དཀོན། །དེ་ལྟར་བྱིས་པས་དོན་ཉིད་མི་ཤེས་པས། །དོན་འདི་མི་ཤེས་པས་ནི་སངས་རྒྱས་ཡེ་ཤེས་རྙེད་པར་དཀོན། །དོན་དམ་ཚུལ་གྱིས་ལམ་འདི་ཉིད་ནི་འདི་འདྲ་ཅེས་པའང་ཀུན་སྒྲིབ་ཡིན། །ཐེ་ཚོམ་ཡོད་མེད་ཆོས་ནི་གང་ལའང་སྤོང་ཞིང་གནས་པར་མི་བྱེད་དོ། །བསྒོམ་པ་ལས་ནི་ཆོས་དབྱིངས་མེད་ཕྱིར་སོམ་ཉི་མེད་ལ་དམ་པར་བལྟ་བ་མེད། །སངས་རྒྱས་ཟབ་མོ་ཡེ་ཤེས་འདིས་ནི་སྲེད་པ་ཐམས་ཅད་སྤངས། །དཔེར་ན་སྨན་པའི་རྒྱལ་པོ་ཡོན་ཏན་ཀུན་ལྡན་གྱིས། །ནད་པའི་ཚོགས་ནི་གདུངས་པར་མཐོང་བ་ལ། །སྨན་རྣམས་སྣ་ཚོགས་སྦྱར་ནས་ནད་རྣམས་ཞི་བྱེད་ལྟར། །དངོས་པོ་ཡོད་མེད་ལྟར་སྣང་དེ་བཞིན་གཤེགས་པ་ངང་གིས་ཞི། །ཡོད་དང་མེད་པའི་མཐའ་རྣམས་དག་གྱུར་ན། །དེ་ཕྱིར་དབུ་མ་ཞེས་བྱ་དམིགས་སུ་ག་ལ་ཡོད། །དབུས་མཐའ་ ― DNG008_Page_0119 ―
[མ་དཔེ་གཟིགས་ན་འདིར་གནོན།]
མེད་པས་ནམ་མཁའི་ངང་ཚུལ་འདྲ། །འདོད་ཡོན་ལྔ་ཉིད་རྟག་པར་སྤྱད་འགྱུར་ཡང་། །རང་བཞིན་སྤྲོས་བྲལ་ངང་གིས་ཞི་བ་གང་ལ་ཡང་། །འཇིག་རྟེན་པདྨ་དབང་ཕྱུག་ཀུན་ཀྱང་མི་སྤངས་འདྲ་མཉམ་གནས། །ཇི་ལྟར་མི་ཤེས་འཁྲུལ་པ་ཡིས། །ཅི་ཡང་མེད་པའི་ནམ་མཁའ་ལ། །གཟུགས་དང་སྒྲ་དང་རོ་ལ་སོགས། །དེ་ལྟར་མཐོང་བ་འཁྲུལ་པ་ཡིན། །ཆོས་ལ་འཁྲུལ་པར་མཐོང་བ་དེ་ཉིད་འཁྲུལ་པར་ཡིན་པར་རབ་རྟོགས་ཏེ། །དྲུག་གི་བརྟེན་པ་བདུད་ཀྱི་ལས་ཀྱང་མི་འདོར་དོན་དུ་མི་རྟོག་གོ། །རང་གི་ཤེས་པ་དམ་པར་བྱས་ཤིང་ཀུན་ལ་རྒྱལ་དེ་དེ་བསྙེམས་ནས། །འདོད་ཆགས་ཞེ་སྡང་བསྐྱེད་རྩོལ་འབྱུང་སྟེ་གཏི་མུག་ཡིན་དེ་དོན་མི་མཐོང་། །བསམ་གཏན་གནས་ལུས་ཕྱག་རྒྱའི་མཚན་མ་འཛིན་པ་ཀུན། །མ་སྐྱེས་དེ་དག་མ་སྐྱེས་ཞི་བ་ཆོས་ཉིད་རྣལ་འབྱོར་ཡང་དག་དམ་པའི་གནས། །གཡོ་དང་མི་གཡོ་ཐ་སྙད་མི་གནས་གནས་ལའང་གནས་པ་མེད། །སྣང་མེད་དབུ་མའི་ལམ་དེ་བྱང་ཆུབ་སེམས་ཞེས་བདེར་གཤེགས་གསུངས། །བྱ་མེད་མི་གནས་མ་སྐྱེས་ཞི་བ་ངང་གི་རྫོགས་པ་བྱང་ཆུབ་སེམས་ཞེས་རྒྱལ་བ་ཀུན་གྱིས་རབ་ཏུ་བསྔགས། །བྱང་ཆུབ་ཀུན་རྫོགས་ཆོས་ཉིད་མཉམ་པར་ལྷུན་གྲུབ་ཡང་དག་དོན་བསྒོམ་ཏིང་འཛིན་མཆོག །དེ་བཞིན་ཆོས་ཉིད་མི་འགྱུར་སྟོང་པ་དམ་པ་དངོས་བྲལ་བས། །གཟུགས་དང་མཚན་མ་སྨོན་པར་འཛིན་པ་རབ་ཏུ་སྤངས་ནས་སུ། །རྣམ་ཐར་གསུམ་པོ་བསྒོམ་པ་བདུད་ཀྱི་ལམ་ཡིན་གཟུགས་ལ་སོགས་པ་སྟོང་པའོ། །དོན་དམ་ཡང་དག་དམིགས་བྲལ་སེམས་ཉིད་རྒྱལ་བ་ཀུན་གྱི་ཡབ་གྱུར་ཐམས་ཅད་འབྱུང་བའི་རྒྱུ། །བླང་མེད་སྤང་མེད་སྤང་ལེན་བདུད་ཀྱི་ལམ་སྟེ་དོན་དམ་ཞི་བ་བདེན་དང་བྲལ། །འཁོར་བའི་ལམ་གསུམ་སྤངས་ཤིང་མྱ་ངན་འདས་ལམ་བསྒོམ་པ་ཡང་བདུད་ཀྱི་ལས་ཉིད་དེ། །དེ་ཉིད་རང་བཞིན་བཙལ་སྤོངས་གར་མི་གནས། །དུག་གསུམ་ངོ་བོ་རྣམ་པར་དག་པའི་ལྷུན་གྲུབ་སྐུ་གསུང་ཐུགས། །འཕགས་པ་ཀུན་གྱི་ཡུལ་དང་གནས་ཀྱང་འདས་སོགས་ལམ་ཉིད་གཞན་ན་མེད། །ལྡང་དང་མི་ལྡང་ཆེད་དུ་མི་སྤང་སེམས་ ― DNG008_Page_0120 ―
[མ་དཔེ་གཟིགས་ན་འདིར་གནོན།]
རྟེན་མི་འཆའ་མངོན་དུ་མིན། །བདེ་ལྡན་ཡེ་ཤེས་བྱང་ཆུབ་ཟབ་མོ་རྙེད་དཀའ་རྡོ་རྗེའི་རྩེ་ཡིན་ཏེ། །ཞི་བ་ཆེན་པོ་ཀུན་སྙོམས་འདུས་མ་བྱས། །བསྒོམ་པའི་ས་མི་རྙེད་ཕྱིར་བསྒོམས་པས་རྙེད་པར་མི་འགྱུར་ཏེ། །སེམས་ཀྱི་སྤྱོད་ཡུལ་ཤེས་པ་དེ་ལ་དེ་དག་ཆོས་རྣམས་ཀྱི་ནི་ཆོས་ཉིད་ཡིན། །བསྒོམ་དང་མི་བསྒོམ་རྣམ་རྟོག་ཞི་བའི་ངང་། །དངོས་རྣམས་བྲལ་གང་ལའང་མཆོག་དང་ཐ་མ་མེད་པར་ལམ་མཆོག་འདི་བསྒོམ་མོ། །ཕྱི་རོལ་ཡུལ་དང་ནང་ལ་བདག་དང་གཞན་དུ་རྟོག་པ་སྐྱེས་ན་ཡང་དག་དོན་ལས་ཉམས། །དེ་ལྟར་རྣམ་དག་ཟབ་མོ་སྟོང་ཉིད་ཞི་བ་དམ་པ་དེ་ལ་ཐམས་ཅད་མ་ལུས་ཡང་དག་གནས། །འདུ་བྱེད་མ་སྐྱེས་ཤིན་ཏུ་ཆོས་ཀུན་ཆོས་རྣམས་མ་ལུས་མྱ་ངན་འདས། །དངོས་མེད་དེ་ཚེ་ཀུན་ཀྱང་ཆོས་ཀྱི་དབྱིངས་ཞེས་རྣམ་གྲོལ་ཡིན། །ངོ་བོས་མངོན་རྫོགས་རྒྱུ་རྐྱེན་རྣམས་ནི་བྱིས་པས་ག་ལ་ཤེས། །ནམ་མཁའ་མིང་ཙམ་དགེ་དང་མི་དགེར་བྱར་མེད་སྐྱེ་བའང་མེད། །ཆོས་ཉིད་རྡོ་རྗེའི་དོན་དང་མི་དམིགས་སྟོང་པ་དེ་ཉིད་རྣམ་གྲོལ་ཞི་བ་ཆོས་ཀྱི་སྐུ། །དྲི་མེད་རྣམ་དག་ཆོས་དབྱིངས་གང་བསྒོམ་པ། །དེ་དག་མ་སྐྱེས་མི་འགག་ནམ་མཁའི་ངོ་བོ་ཡིན། །རྩོལ་བར་ཡིད་ལ་མི་བྱེད་གང་ལ་སེམས་མེད་ཤེས་དང་བྲལ། །ནམ་མཁའ་དྲི་མེད་རང་བཞིན་དམིགས་མེད་སྟོང་པར་ཤེས་རྣམས་བྲལ། །དྲན་དང་དབྱེར་མེད་སྤང་ལེན་ག་ལའང་དགའ་དང་མཚུངས་མེད་མི་དམིགས་མཉམ་པའི་ངང་། །བླང་དོར་མེད་པས་བརྗོད་བྲལ་གཡུང་དྲུང་དབྱིངས། །མཉམ་གནས་གཉིས་སུ་བརྟག་མེད་བརྗོད་བྲལ་བྱ་དང་མི་བྱ་མེད་དེ་གསོག་བྲི་མེད། །སྟོང་པའི་རང་བཞིན་ཆོས་ཉིད་ལ། །བྲི་བའམ་འཕེལ་བ་ག་ལ་ཡོད། །ཆེད་དུ་རྩོལ་བྲལ་ཡིད་ལ་མི་བྱེད་ཅིས་ཀྱང་མི་འཁྲུགས་ཆོས་སྐུར་མཉམ་ཤེས་དང་། །ཆོས་ཉིད་རྣམ་པར་རྟོག་པ་ཀུན་ལས་འདས། །གང་ལའང་ཆགས་དང་ཡུལ་གྱིས་མྱོས་སྐྲག་མེད་ ― DNG008_Page_0121 ―
[མ་དཔེ་གཟིགས་ན་འདིར་གནོན།]
དེ་མི་འབྲལ་མི་གནས་ཤིང་། །གཞན་གྱིས་ཡང་དག་མི་འཕྲོག་ཆེས་ཀུན་ཞི་བའི་ངང་། །མི་འཕྲོག་མཉམ་ཤིས་བཞི་པོ་ཕྱོགས་དང་ཕ་རོལ་ཕྱིན་རྣམས་དེར་ཤེས་ཏེ། །ཆོས་རྣམས་དེ་བཞིན་ཉིད་དང་སྟོང་པ་རང་ཉིད་ངོ་བོ་ཉིད་ཀྱི་སྐུ། །སེམས་ཀྱི་རང་བཞིན་སྐྱེ་མེད་ནམ་མཁའི་དབྱིངས་དང་མཉམ། །སེམས་ཀྱི་དབྱིངས་སུ་བསྒོམས་པས་ལམ་གྱིས་གཞན་དུ་བསྒོམས་པས་འོད་གསལ་མི་འགྱུར་རོ། །སེམས་ལ་སེམས་བསྒོམ་རྣལ་མ་རྩེ་གཅིག་སེམས་ཀྱི་དངོས་པོ་འདུས་མ་བྱས། །བརྡའ་ཅན་ཡང་དག་ལེན་པའང་བྱང་ཆུབ་ཡིན་ཞེས་སྟོན་པས་རབ་གསུངས་ཕྱིར། །དེ་ལ་འདི་ནི་བྱང་ཆུབ་སེམས་ཉིད་བསྐྱེད་ཅིང་བསྒོམ་པའི་གནས་ཡིན་ཏེ། །ཏིང་འཛིན་མེད་ལ་རྣམ་རྟོག་ཏིང་འཛིན་མང་པོ་རྣམས། །ཏིང་འཛིན་དེ་དག་ཏིང་འཛིན་གསུམ་པོ་བརྟན་པར་བྱས་ཤིང་རྟགས་ཀྱི་ཕྱག་རྒྱ་གསུམ་བཅིངས་ནས། །ཏིང་འཛིན་ཕྱག་རྒྱ་བྱེ་བ་མང་པོ་དེ་དག་བདེ་བ་དག །དེ་དག་མ་ལུས་སྐུ་ཉིད་ཆོས་སྐུ་ཡོངས་སུ་རྫོགས། །ཆོས་སྐུ་ཕྱག་རྒྱ་ཆེན་པོར་སེམས་ཉིད་བསྐྱེད་དེ་སྙིང་པོ་བརྗོད་ཅིང་བསྒོམ། །སེམས་ནི་ཀུན་ཉོན་མོངས་དང་མྱ་ངན་འདས་པའི་ཆོས་དག་རྡོ་རྗེ་འདུས་མ་བྱས། །དེ་ལྟར་རྡོ་རྗེ་སེམས་དཔའ་བསྒོམས་པས་ལམ་ཀུན་མ་ནོར་བསྒོམ་པ་ཡིན། །ཇི་ལྟར་བསོད་ནམས་སྣ་ཚོགས་རྒྱ་ཆེར་སྤྱོད་པ་རྣམས། །སྦྱིན་དང་ཚུལ་ཁྲིམས་བསོད་ནམས་ཅི་བསགས་ཀྱང་། །ཡང་དག་ཆོས་ཉིད་ཟབ་མོའི་ལྟ་བས་མ་ཟིན་ན། །དེ་ལྟར་སྤྱད་པ་དེ་དག་མུ་སྟེགས་ལྟ་བ་ཡིན་པའི་ཕྱིར། །ཀུན་ཏུ་བཟང་མོའི་སྤྱོད་པས་མ་ཟིན་དགེ་བའི་ཆོས་ནི་གང་ཡང་རུང་། །ཀུན་ཏུ་བཟང་པོ་སྤྱོད་པའང་བདུད་ཀྱི་ལས་ཏེ་ཟད་ཅིང་མཐར་ཐུག་འགྱུར། །ཤེས་དང་མི་ཤེས་སྤྱོད་ཡུལ་ཐམས་ཅད་མཉམ། །དེ་དང་ལྡན་པའི་ལས་ནི་བདུད་ཀྱི་ལས་ཀྱང་བྱང་ཆུབ་སྤྱོད་པར་འགྱུར། །སྣང་དང་མི་སྣང་མང་ཞིང་རྒྱ་ཆེ་བ། །རྡོ་རྗེའི་རིགས་ཚོགས་ཕྱག་རྒྱ་ཐམས་ཅད་སྔགས་དོན་བྱང་ཆུབ་སེམས་ཀྱི་རྡོ་རྗེ་ཀུན་ཏུ་བཟང་པོའི་ ― DNG008_Page_0122 ―
[མ་དཔེ་གཟིགས་ན་འདིར་གནོན།]
སྤྱོད་པ་དག །ཡིད་བཞིན་ནོར་བུ་སྐྱེ་འགག་རྣམ་པར་གྲོལ། །རྣམ་པར་ཤེས་པ་ཐམས་ཅད་འབར་བ་ཆེན་པོའི་ཆོས་ཉིད་བརྩོན་འགྲུས་དང་། །ཐམས་ཅད་འདུ་འཕྲོ་རྡོ་རྗེ་ཐམས་ཅད་བརྟན་པའི་སེམས། །དེ་བཞིན་གཤེགས་པ་ཐམས་ཅད་རང་བཞིན་རྣམ་པར་དག་པའི་ཆོས་ཉིད་ཡེ་ཤེས་རྣམ་པར་དག་ལས་རྣམ་པར་དག་པ་ངེས་པར་གནོད་མཛེས་རྡོ་རྗེ་ཅན། །ཛཿཧཱུཾ་བཾ་ཧོཿམི་དམིགས་ཨའི་ངང་། ཨཱོཾ་ཧཱུཾ་སྭཱ་ཧྲཱྀཿཨཱོཾ་དུ་ཆོས་སྐུ་རྒྱལ་བའི་ཨ་རུ་ཞི། །དེ་བཞིན་གཤེགས་པའི་སྐུ་གསུང་རྡོ་རྗེའི་མཆོག །དེ་ཕྱིར་ཟག་པ་མེད་པའི་མཐའ་ནི་མྱ་ངན་འདས་པའི་དོན། །ཆོས་རྣམས་ཀུན་ནི་མྱ་ངན་འདས་པའི་མཐའ་སྟེ་མཐའ་པའོ། །མྱ་ངན་འདས་པའི་དབྱིངས་འདི་ཤིན་ཏུ་བསྟན་པར་དཀའ། །མཐོང་མེད་དེ་ནི་ཆོས་ཀྱི་དབྱིངས། །ཆོས་དབྱིངས་དེ་ནི་སེམས་ཅན་བརྟགས་དང་བྲལ་བའི་ཕྱིར། །དེ་བཞིན་གཤེགས་པས་མཁྱེན་པ་མ་བསྐྱེད་དེ། །བྱང་ཆུབ་མ་སྐྱེས་མངོན་པར་མ་གྲུབ་བྱང་ཆུབ་ཅན་དུ་གདགས་པའང་མེད། །དེ་ཡི་ཕྱིར་ན་བྱང་ཆུབ་ལ་ཡང་བྱང་ཆུབ་སེམས་ཅན་མེད། །བྱང་ཆུབ་ཤིན་ཏུ་འདས་པ་འདི་ནི་མ་སྐྱེས་པས། །འདི་ནི་མངོན་པར་མ་གྲུབ་མཚན་ཉིད་མེད་པ་འདི་ལ་སེམས་ཅན་མེད་ཅིང་མི་དམིགས་སོ། །དོན་འདིར་མོས་པ་འདི་ཡང་བྱང་ཆུབ་ཆེན་པོ་ཡིན་ཞེས་རྒྱལ་བས་རབ་ཏུ་བསྔགས། །གནས་འདིར་བསྐྱེད་པ་ཙམ་གྱིས་འཇིག་རྟེན་གསུམ་པོ་བླ་མར་བཅས་པ་ཡི། །མཆོད་གནས་ཉན་ཐོས་བདུད་ཀྱི་སྡེ་རྣམས་ཟིལ་གྱིས་གནོན་ཞེས་སངས་རྒྱས་གསུངས། །བྱང་ཆུབ་སེམས་ཀྱི་ཆོས་ཀུན་དེ་དག་འདི་ལྟར་མཁྱེན། །ནམ་མཁའི་ཁམས་དང་སེམས་ཅན་ཁམས། །དེ་དག་ལ་ནི་འབྲི་བ་མ་ཡིན་གང་བ་མིན། །བྱང་ཆུབ་སེམས་ཀྱི་ཆོས་ཉིད་ལ་ནི་འབྲི་བའམ་གང་བའང་མེད། །དེ་ལྟར་ཁོང་དུ་ཆུད་པ་བྱང་ཆུབ་སངས་རྒྱས་མཚན་ཉིད་དོ། །ཆོས་ཀུན་མཚན་ཉིད་མེད་པ་དེ་ནི་སངས་རྒྱས་མཚན་ཉིད་དོ། །བྱང་ཆུབ་མཚན་ཉིད་མེད་དེ་མཚན་ཉིད་ལས་བཟློག་ཡིན། །དེ་ལྟར་ཤེས་ ― DNG008_Page_0123 ―
[མ་དཔེ་གཟིགས་ན་འདིར་གནོན།]
ན་ཉིད་ལས་མི་ཞེན་རྡོ་རྗེ་འདུས་མ་བྱས། །རྣམ་པར་སྣང་མཛད་བཅོམ་ལྡན་འདས། །ཁམས་གསུམ་མི་དམིགས་ཕན་གནོད་མི་བྱེད་སོ་སོ་སྐྱེ་བོའི་ཆོས་ཀྱང་མི་འགོག་ལ། །རྣམ་རྟོག་ཟད་བྲལ་མཉམ་བསྒོམ་བསྒོམ་པའི་མཆོག །ཉན་ཐོས་རང་རྒྱལ་ཐེག་དམན་མི་དམིགས་དོན་ཐོས་མི་སྐྲག་མི་སྔངས་སྔངས་པར་མི་འགྱུར་དོན་ལ་ཞི། །དེ་ནི་ཡང་དག་དོན་རྟོགས་ཟབ་མོ་མཉམ་ཉིད་བསྒོམ་པའི་དངོས། །གནས་དང་མི་གནས་བདེ་སྡུག་རྣམ་སྤངས་པ། །དེ་ལྟར་དག་པ་མཐོང་བས་མི་སྐྲག་མི་སྔངས་དེ་ལྟར་བསྒོམ་པ་རིན་ཆེན་ཏོག །འདི་ལྟར་སྣང་བའི་ཆོས་རྣམས་ཀུན་མཐོང་དང་། །མི་མཐོང་མང་ཉུང་ཞི་དང་མ་ཞི་དུལ་མ་དུལ། །དེ་ལྟར་ངང་ཉིད་སྟོང་པར་མཐོང་ན་ཡང་དག་རྫོགས་པའི་ཐེག་ཆེན་བསྒོམ་པ་ཡིན། །བདག་དང་སངས་རྒྱས་ཆོས་རྣམས་བླ་དྭགས་མི་དམིགས་ལ། །མ་སྐྱེས་མི་འགག་རང་བཞིན་མི་དམིགས་ཏེ། །སངས་རྒྱས་བླ་དྭགས་དོན་བསྒོམ་རྟོགས་པར་དཀའ། །འདུས་བྱས་འདུས་མ་བྱས་སུ་ཤིན་ཏུ་རྟོགས་པར་དཀའ། །ཅི་ཡང་མེད་འགྱུར་ཡང་དག་སྣང་མེད་སྣང་བ་བསྒོམ་པའི་མཆོག །དེ་བཞིན་ཉིད་ཀྱིས་བདེར་གཤེགས་རིག་པར་མི་བྱེད་ཅིང་། །བདེར་གཤེགས་ཀྱང་ནི་དེ་བཞིན་ཉིད་རྣམས་རིག་པར་མི་དགོངས་པས། །འགྲོ་བ་བདེར་གཤེགས་དེ་བཞིན་ཉིད་དུ་མཉམ་བསྒོམ་ན། །བདེ་བ་བསྒོམ་པ་དམ་པ་མཉམ་བཞག་བདེ་བའི་ངང་། །དེ་ལྟར་ལྷུན་བསྒོམ་རྡོ་རྗེ་རྩེ་མོའི་མཆོག །བསམ་དང་མི་བསམ་ལས་འདས་དོན་གྱི་གཙོ། །སོ་སོ་སྐྱེ་བོ་འཕགས་པའི་ཚོགས་རྣམས་མི་འབྱེད་དང་། །ཆོས་ཉིད་གནས་ནི་མ་འདྲེས་དབྱིངས། །བསམ་གྱིས་མི་ཁྱབ་དབྱིངས་ལ་གནས། །དབྱིངས་ལ་ལྟ་དམན་སོ་སོ་སྐྱེ་བོ་མི་དམིགས་ཏེ། །སྤོང་དང་མི་སྤོང་སོ་སོ་སྐྱེ་བོ་དགའ་བར་ཞི་བ་སྟེ། །དེ་ལྟར་དོན་ལ་བསྒོམས་པས་བསྒོམ་པ་ཡང་དག་ཡིན། །བསྒོམ་པ་ཏིང་འཛིན་སྙོམས་ ― DNG008_Page_0124 ―
[མ་དཔེ་གཟིགས་ན་འདིར་གནོན།]
འཇུག་བདེ་ལྡན་ཞིང་། །ཏིང་འཛིན་མཉམ་སྙོམས་བསམ་གྱིས་མི་ཁྱབ་བསྒོམ། །དཔེར་ན་འཕོང་གི་སློབ་དཔོན་དང་པོ་སློབ་པའི་ཚེ། །འདི་ལྟར་བ་གླང་ཕུར་པ་དག་ལ་ཕོག་བྱ་སྙམ་དུ་སེམས། །གང་ཚེ་སྐྲ་ལ་ཕོག་འགྱུར་ལེགས་ལོབས་པས། །བ་ལང་ཕུར་པ་དག་ལ་བསྒྲིམ་མི་དགོས་པར་འཕོབ། །གང་ཚེ་བདག་གིས་ཏིང་འཛིན་དེ་ལ་སྙོམས་ཞུགས་ནས། །ཏིང་འཛིན་འདིས་གནས་དེའི་ཚེ་སླར་ཡང་ཏིང་འཛིན་འདིས་གནས་སྙམ་དུ་མི་སེམས་ལ། །གང་དང་གང་གིས་ཏིང་འཛིན་འདིར་གནས་ན། །གདགས་སུ་མེད་པའི་ཏིང་འཛིན་ལྷུན་གྲུབ་སྟེ། །བསམ་གྱིས་མི་ཁྱབ་ཏིང་འཛིན་འདི་བས་ཆེ་ཞིང་ལྷུན་གྲུབ་གཞན་ན་ཡོད་མི་འགྱུར། །དེས་ན་བསམ་གྱིས་མི་ཁྱབ་ཏིང་འཛིན་མི་དམིགས་ཏེ། །དེ་ལྟ་མོད་ཀྱིས་བསྒོམ་པ་མ་ཐོབ་སུ་ཡང་མེད། །འགྲོ་བ་ཐམས་ཅད་བསམ་གྱིས་མི་ཁྱབ་ཏིང་འཛིན་ལ་གནས་པས། །དེ་བས་ཏིང་འཛིན་བསྒོམ་པ་དམ་པ་ཀུན་ལ་ཡོད། །མི་དམིགས་ཚངས་པར་སྤྱོད་པ་ཡུན་རིང་སྤྱད་པ་ཡིན། །བདག་གིས་ཡང་དག་གནས་ནི་ཆོས་ཀྱི་དབྱིངས་ལ་གནས་ཏེ། །གནས་མེད་ཀུན་ནས་སློང་བ་ལོངས་སྤྱོད་རྫོགས་སྐུ་ཡིད་བཞིན་རིན་ཆེན་ས་བཅུའི་ཆོས་ཀྱིས་ཚིམ། །ཐབས་ཆེན་བྱང་ཆུབ་སེམས་དཔའ་གསང་བའི་སྤྱོད་པའང་འདི་ཉིད་ཡིན། །འདི་མེད་རྒྱལ་བ་རྣམ་པར་སྣང་མཛད་ཐེག་ཁོང་དུ་ཆུད་ཅིང་རབ་རྟོགས་འཇོམས་པའི་ངང་། །སྐད་ཅིག་ཙམ་དུ་དད་པའི་ཤུགས་སྐྱེས་དེ་ཡང་མྱུར་དུ་འཇམ་དཔལ་གཞོན་ནུར་འགྱུར། །དེ་ལྟར་ཤེས་ན་བྱིས་པ་སོ་སོ་སྐྱེ་བོ་དག་གིས་དེ་ཡི་ངང་མི་ཤེས། །དཀྱིལ་འཁོར་གསང་བར་ཞུགས་ ― DNG008_Page_0125 ―
[མ་དཔེ་གཟིགས་ན་འདིར་གནོན།]
ཤིང་ཐེག་ཆེན་བྱང་ཆུབ་མཆོག་ཀྱང་བསྲུང་བ་ཡིན། །ཚུལ་ཁྲིམས་དམ་པ་ཀུན་ཀྱང་བསྲུངས་ཤིང་སྦྱིན་གནས་དམ་པར་རབ་ཏུ་གནས། །དེ་ཕྱིར་བྱང་ཆུབ་སེམས་ཀྱི་བསོད་ནམས་དེ་ལ་གཟུགས་ཡོད་ན། །ནམ་མཁའ་བར་སྣང་དེ་ཡང་སྣོད་དུ་ཆུང་ཞེས་རྒྱལ་བས་མཚུངས་པར་གསུངས། །ཨེ་མ་ཧོ་འདུ་བྱེད་རྟོག་མེད་སྐྱེ་ཞིང་འགགས་པའི་ཆོས་ཅན་འདི་ལ་བདེན་པར་གང་འཛིན་པ། །སྐྱེ་བོ་སྐྱེ་བ་སྣ་ཚོགས་དག་ནས་སྐྱེས་ཤིང་སྐྱེ་འགྱུར་སྐྱེ་བ་རྒྱུན་གྱི་དབང་སོང་བ། །ཕུང་པོ་ཁམས་དང་སྐྱེ་མཆེད་ཆོས་ཀུན་བདག་དང་བདག་གིར་འཛིན་པས་འཁྲུལ། །རྟོག་མཐའ་མི་ཤེས་རྟོག་པས་བསླས་ཤིང་རྟོག་པ་ཡི། །རྒྱུན་འབྲངས་འཁྲུལ་པའི་རྟོག་ལས་ཕྱིར་ལོག་མེད་གྱུར་པ། །ནམ་མཁའ་སངས་རྒྱས་རང་བཞིན་བྱེ་བྲག་མེད་པས་བདེ་བ་དང་། །སྡུག་བསྔལ་འགོག་དང་མི་འགོག་སྟོང་པ་ཉིད་ལས་བྱུང་མིན་ལ། །སོ་སོ་སྐྱེ་བོས་མི་ཤེས་བསླད་ནས་རྟོགས་པ་འཁྲུལ། །སྒྱུ་མའི་སྒྱུ་ཤེས་དག་གིས་གླང་པོ་འདྲ་བར་སྒྱུ་མས་རྨོངས་པའི་སྒྱུ་མ་རྣམས། །རྨི་ལམ་གྱིས་བསླད་བཞིན་དུ་རྨི་ཡིས་བདེན་པ་ཉམས་ཤིང་རྨི་ལམ་དབང་དུ་སོང་བའི་རྨི་ལམ་པ། །ལམ་འདི་སྤངས་ཤིང་མཐའ་དག་ལམ་གཞན་ལམ་དུ་བལྟས་པས་མ་ནོར་ལམ་ཞེས་སྟོན་པ་དེ། །དེ་དག་རྡོ་ལ་གསེར་བཞིན་ཐུགས་རྗེར་རུང་ཞིང་ཐུགས་རྗེའི་ཐུགས་རྗེས་ཀྱེ་མའོ་འཕྲོག་པ་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བྱང་ཆུབ་ཀྱི་སེམས་མ་ནོར་བར་བསྟན་པའི་ལེའུ་སྟེ་སུམ་ཅུ་བཞི་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། ཆོས་རྣམས་མི་དམིགས་པ་གང་ལགས། །བྱང་ཆུབ་ཀྱི་སེམས་རྡོ་རྗེས་བཀའ་སྩལ་པ། །ཕུང་པོ་ལ་སོགས་ཆོས་རྣམས་ཀུན། །རང་བཞིན་སྟོང་སྟེ་དམིགས་དང་བྲལ། །འདུས་ ― DNG008_Page_0126 ―
[མ་དཔེ་གཟིགས་ན་འདིར་གནོན།]
བྱས་འདུས་མ་བྱས་དང་ཞི་དང་མ་ཞིའི་ཆོས། །བསམ་གཏན་རྣམ་ཐར་ཏིང་འཛིན་སྙོམས་འཇུག་མངོན་ཤེས་ལྷུན་གྱིས་གྲུབ། །མཚན་མེད་སྨོན་པ་མེད་འགྱུར་རྣམ་རྟོག་འདུས་བྱས་འདུས་མ་བྱས་ཉིད་ངང་གིས་ཞི། །འདུ་དང་མི་འདུ་ལྡོག་དང་མི་ལྡོག་ཕུང་པོ་མངོན་གྲུབ་རང་བཞིན་དེ་བཞིན་ཉིད། །མ་ནོར་གཞན་ཉིད་ཁམས་དང་སྐྱེ་མཆེད་རྟེན་ཅིང་འདྲེལ་འབྱུང་མངོན་དུ་གྲུབ་པ་མ་ནོར་དེ་བཞིན་ཉིད། །ཕྱིན་ཅི་ལོག་དང་སྒྲིབ་དང་སྲིད་པ་སྣ་ཚོགས་ཆོས་ཉིད་ངང་གིས་སྟོང་། །ཏིང་འཛིན་སྙོམས་འཇུག་མངོན་ཤེས་མ་ནོར་བདེ་བའི་ལམ། །ཟག་བཅས་ཟག་མེད་འཇིག་རྟེན་པ་དང་འཇིག་རྟེན་འདས། །གཉིས་མེད་རང་བཞིན་ལྷུན་གྱིས་གྲུབ་པས་སྐྱེ་འགག་བྲལ། །མི་མཉམ་མཉམ་པ་ཀུན་རྫོབ་དོན་དམ་བདེ་བའི་མཆོག །རྟག་དང་མི་རྟག་བདེ་དང་སྡུག་བསྔལ་ངང་གིས་ཞི་བའི་ཕྱིར། །བདག་ཡོད་བདག་མེད་རྫུན་དང་མི་རྫུན་བྱེད་ཡོད་བྱེད་མེད་སྒྱུ་མའི་ཚུལ་ལྟར་རོ། །འབྱུང་དང་མི་འབྱུང་ངོ་བོ་ཉིད་ཡོད་ཉིད་མེད་འཆི་འཕོ་སྐྱེ་བ་དངོས་མེད་སྨིག་རྒྱུའི་ཚུལ། །ཚོགས་དང་མ་ཚོགས་ལྷུན་གྲུབ་བརྗོད་པ་ཀུན་དང་བྲལ། །འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་ཁོང་ཁྲོ་སེར་སྣ་མུན་པ་ལེ་ལོ་ཡོངས་སུ་དག །ཟག་བཅས་ཟག་མེད་སྟོང་དང་མི་སྟོང་མཚན་མར་འཛིན་པ་འཁྲུལ་པ་ཡིན་པས་སྟོང་། །ཡོངས་སུ་རྣམ་དག་ངེས་པ་བཞིན་དུ་ཆོས་རྣམས་རྣམ་དག་ཞིང་། །དྲི་མེད་རྣམ་དག་ཆོས་དབྱིངས་རིན་པོ་ཆེ། །རྣམ་པར་མི་གཡེངས་ཤེས་རབ་དབྱིངས་མའི་ངང་། །ཐམས་ཅད་མི་དམིགས་ནམ་མཁའི་ངང་ཚུལ་ཞི་བས་བདེ་བའི་དོན། །སྐྱེས་བུས་རྨི་ལམ་རྨིས་ཀྱང་རྨི་ལམ་རང་བཞིན་བསྟན་ཀྱང་རྨི་ལམ་རང་བཞིན་བཤད་པ་མེད། །དེ་ཕྱིར་རྨི་ལམ་ཉིད་ཀྱང་མེད་ན་རྨི་ལམ་རང་བཞིན་བསྟན་པ་ག་ལ་ཡོད། །དེ་བཞིན་ཆོས་ཉིད་བསྟན་ཀྱང་ཆོས་ཉིད་ལ་ནི་དངོས་པོ་མེད། །འདི་ལྟར་སྐྱེས་བུས་སྒྱུ་མ་མཐོང་ ― DNG008_Page_0127 ―
[མ་དཔེ་གཟིགས་ན་འདིར་གནོན།]
བའི་སྒྱུ་མའི་རང་བཞིན་བསྟན་ཀྱང་ངོ་བོ་ཉིད་ཀྱིས་ག་ལ་ཡོད། །དེ་བཞིན་ཟབ་མོ་བསྟན་ཀྱང་ཟབ་མོའི་རང་བཞིན་དངོས་བྲལ་ཏེ། །མིག་ཡོར་མཐོང་བའི་སྐྱེས་བུས་མིག་ཡོར་བསྟན་ཀྱང་དངོས་པོ་ཡོད་མ་ཡིན། །དེ་བཞིན་ཆོས་སྐུའི་རང་བཞིན་བསྟན་ཀྱང་དངོས་པོ་མཐོང་བ་མེད། །ཇི་ལྟར་སྨིག་རྒྱུ་མཐོང་བའི་དངོས་པོ་དེ་ལ་ངོ་བོ་ག་ལ་ཡོད། །དེ་བཞིན་རྟོག་བྲལ་ཟབ་མོ་དམིགས་མེད་ཡང་དག་རྟོགས་པར་དཀའ། །ཇི་ལྟར་བྲག་ཆའི་སྤྱོད་ཡུལ་སྒྲ་ཐོས་དེ་ནི་མི་མཐོང་བ། །བདག་གི་སྒྲ་བྱུང་དེ་ཚེ་སྒྲ་དེ་ཐོས། །དེ་ཚེ་ཆོས་ཉིད་ཟབ་མོ་བསྟན་པའི་ཚིག་ཐོས་ཆོས་གང་བསྟན་པ་ཐོབ་འགྱུར་མངོན་བཤད་དེ་ཚེ་ཀུན་ཤེས་རང་བཞིན་མེད་དེ་ཐོས་པས་ལམ་དུ་གྱུར། །དབུ་བ་རྡོས་པའི་རང་བཞིན་སྟོང་ཡང་དབུ་བའི་རང་བཞིན་ཕྱི་ནང་མི་དམིགས་བསྟན་པའི་རང་བཞིན་དམིགས་པར་ག་ལ་འགྱུར། །དེ་བཞིན་ཆོས་ཉིད་ཟབ་མོ་སྟོན་ཀྱང་རང་བཞིན་མི་དམིགས་ཆོས་གང་མངོན་པར་གྲུབ་པའང་ཉེ་བར་མི་འགྲོའོ། །ཆུའི་ཆུ་བུར་སྟོན་ཀྱང་ཆུའི་ཆུ་བུར་རང་བཞིན་མེད་ན་ཆུ་བུར་ངོ་བོ་ག་ལ་ཡོད། །ཆོས་གང་མངོན་པར་འགྲུབ་པ་འབྱུང་བ་ཉེ་བར་གནས་པ་མ་ཡིན་ནོ། །འོན་ཀྱང་སྐྱེས་བུ་ཆུ་ཤིང་སྙིང་པོ་བཙལ་ཡང་མི་རྙེད་མོད་ཀྱིས་འོན་ཀྱང་དེ་ཡི་འདབ་མ་རྣམས་ཀྱིས་དགོས་པ་བྱེད། །དེ་བཞིན་ཆོས་ཉིད་སྙིང་པོ་མེད་མོད་ཀྱིས། །ཆོས་ཉིད་བསྟན་པའི་དགོས་པའང་བྱེད། །སྐྱེས་བུ་ནམ་མཁའ་སྟོང་པར་ཐ་སྙད་རབ་འདོགས་ཀྱང་། །ནམ་མཁའ་ལ་ནི་བསྟན་པ་ཅི་ཡང་མེད། །དེ་བཞིན་ཆོས་ཉིད་ལ་ནི་ཐ་སྙད་རབ་བཏགས་ཀྱང་། །བསྟན་པས་ཡོངས་སུ་གྲུབ་ཅིང་ཐ་སྙད་བཏགས་པ་མེད། །གྲིབ་མ་ཉིན་ལྡོག་ཐ་སྙད་གཉིས་འདོགས་ཆོས་གང་ཡོངས་སུ་གྲུབ་པའི་ཕྱིར་ཡང་ཉེ་བར་མི་གནས་སྣང་བ་མངོན། །དེ་བཞིན་ཆོས་ཉིད་ཐ་སྙད་འདོགས་པའི་ཚིག་ཏུ་འགྲོ་ཡང་ཆོས་གང་བསྟན་པ་ཐ་སྙད་ཚིག་ཏུ་མི་འགྲོ་ཆོས་རྣམས་སྣང་བར་བྱེད། ། ― DNG008_Page_0128 ―
[མ་དཔེ་གཟིགས་ན་འདིར་གནོན།]
ཇི་ལྟར་ནོར་བུ་རིན་ཆེན་སྦྱངས་ན་སྣང་བ་ཆེན་པོ་ཉེ་བར་གནས་འགྱུར་ཀྱང་། །སྣང་བ་དེ་ནི་ནང་ངམ་ཕྱི་རོལ་གཉིས་ན་ཡོད་མ་ཡིན། །དེ་ལྟར་ཆོས་ཉིད་སྣང་བའི་བྱ་བ་ཆེན་པོས་ཉེ་བར་གནས་གྱུར་ཀྱང་། །སྣང་བ་དེ་ནི་ནང་ངམ་ཕྱི་རོལ་མཐོང་བར་ཉེ་བར་མི་འགྲོའོ། །དཔེར་ན་འབྲུ་མར་མེས་བུས་ན། །དེ་ཡི་འོད་འཕྲོ་ཡུད་ཙམ་མི་གནས་ཀྱིས། །སྣང་བར་བྱེད་དེ་སྣང་བ་དེས་གཟུགས་རྣམས་ཀྱང་མཐོང་བར་འགྱུར། །དེ་བཞིན་ཡེ་ཤེས་ཆོས་གང་ལ་ཡང་མི་གནས་ཆོས་རྣམས་སྣང་བའི་བྱ་བ་བྱེད། །སྣང་བ་དེས་ནི་འཕགས་རྣམས་ཆོས་ཀུན་ཡང་དག་ཇི་ལྟ་བཞིན་དུ་མཐོང་གྱུར་ཏོ། །ཇི་ལྟར་གཟུགས་དང་སྐྱེ་མཆེད་ཁམས་དང་རྟེན་འདྲེལ་གང་ཟག་བཅུ་གཉིས་མ་གྲུབ་པས། །དེ་ལྟར་ཆོས་དབྱིངས་རྣམ་དག་ཟབ་མོ་དེ་ལྟར་མཚུངས། །བདེན་དང་རྫུན་དང་ཕྱི་ནང་ཡོངས་སུ་མ་གྲུབ་པས། །རྣམ་པར་མི་རྟོག་ལྷུན་གྲུབ་ཟབ་མོ་བྱང་ཆུབ་བདེ། །ས་ལ་སོགས་དྲུག་ཁམས་སུ་མ་གྲུབ་པས། །ཡང་དག་ངང་ཉིད་ཞི་བས་དེ་འདྲའོ། །འཁོར་བའི་ཆོས་དང་མྱ་ངན་འདས་པའི་ཆོས་རྣམས་ཀུན། །དེ་དག་རྟག་ཏུ་མ་གྲུབ་ཞི་བ་ཆོས་ཀྱི་ངང་ཡང་རྟག་ཏུ་ཞི་བ་ཆོས་ཀྱི་དངོས། །ཞི་བ་བསིལ་འགྱུར་ཞི་བ་ཡོངས་སུ་གྲུབ། །དེ་ལྟར་བསྟན་པའི་རང་བཞིན་མི་དམིགས་ལྷུན་རྫོགས་ངོ་བོ་ཉིད་ཀྱི་སྐུ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རྣམ་པའི་ཆོས་ཡོངས་སུ་རྫོགས་པའི་ལེའུ་སྟེ་སུམ་ཅུ་སོ་ལྔ་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །ཡང་དག་པའི་དོན་ཅི་ལྟ་བུ་ལགས། །སེམས་དཔའ་དམ་པས་བཀའ་སྩལ་པ། །ཅི་ལའང་མི་གནས་མ་ཆགས་ཡང་དག་དམ་པ་བསྒོམ། །གང་ལའང་ཆོས་རྣམས་ཞི་བའམ་འཕེལ་བའམ་འགྲིབ་པ་ཡོད་ན་བསྒོམ་པ་མ་ཡིན་ཏེ། །ཡང་དག་སོ་སོ་སྐྱེ་བོའི་ཆོས་རྣམས་མི་སྤང་སངས་རྒྱས་ཆོས་རྣམས་མི་ལེན་པ། །དེ་ནི་ཡང་དག་ཟབ་མོའི་དོན་རྟོགས་བསྒོམ་པ་ཡིན། །འཁོར་བའི་སྐྱོན་དུ་ཡང་མི་འཆིང་། །མྱ་ངན་ལས་ ― DNG008_Page_0129 ―
[མ་དཔེ་གཟིགས་ན་འདིར་གནོན།]
འདའ་ཡང་དག་བླང་དོར་མེད། །འཕེལ་འགྲིབ་སྐྱེ་འགག་བསམ་པ་ཡི། །ཆོས་ལའང་མི་སྨོན་ཡང་དག་བསྒོམ་པའོ། །འདས་དང་མ་འདས་ད་ལྟ་རབ་དང་ཐ་མར་བར་ལ་མ་ཆགས་ཤིང་། །དེ་ལྟར་བསྒོམས་ན་ཡང་དག་བསྒོམ་པ་ཡིན། །ཨེ་ཨེ་མ་ཧོ་གཟུང་དུ་མ་མཆིས་སངས་རྒྱས་ཆོས་རྣམས་མཆོག་ལགས་སྟོང་པ་མངོན་རྫོགས་སྐུ། །བཅོམ་ལྡན་དེ་ལྟར་བསྒོམས་ན་ཡང་དག་ཟབ་དོན་རྣལ་འབྱོར་བསྒོམ་པ་ཡིན། །འབྱུང་བ་ལྟར་གནས་དེ་བཞིན་ཏེ། །ཆོས་གང་གནས་མེད་གནས་ཀྱང་དེ་ཡིན་ཏེ། །བསམ་གྱིས་མི་ཁྱབ་སྐྱེ་མེད་ཆོས་ཀྱི་དབྱིངས། །དབྱིངས་ནི་བདེ་ལྡན་གཉིས་མེད་དེ་དག་སྐུ་ཡི་མཆོག །ཤེས་པ་མེད་པ་དེ་ནི་སངས་རྒྱས་ཀུན་གྱི་ཡེ་ཤེས་སོ། །གང་ཚེ་ཡེ་ཤེས་དེ་ནི་དོན་དམ་ཡེ་ཤེས་ཏེ། །ཆགས་མེད་ཡེ་ཤེས་དེ་ལ་དངོས་པོ་མེད། །ཡུལ་མེད་མ་ཆགས་ཡེ་ཤེས་དེ་ནི་གནས་མེད་དོ། །གང་ཚེ་རྟེན་མེད་མ་ཐོབ་སྐྱེ་མེད་ཡང་དག་ཞི། །ཆོས་དབྱིངས་ཡེ་ཤེས་ལ་ནི་སྐྱོན་ཡོན་གཉིས་མེད་དོ། །གང་གིས་དེ་ལྟར་ཤེས་པ་མི་དམིགས་སངས་རྒྱས་ཡེ་ཤེས་སོ། །སྐྱེ་མི་སྐྱེ་དང་མི་དམིགས་ཡེ་ཤེས་ནུབ་དང་མ་ནུབ་མེད། །རྟག་དང་ཆད་དང་འདྲ་དང་མི་འདྲ་མེད་པས་ཡེ་ཤེས་ནམ་མཁའ་འདྲ། །མ་བསྒྱུར་མ་བཅོས་ཡེ་ཤེས་དྲང་པོར་གནས། །འདོད་ཆགས་ཞེ་སྡང་གཏི་མུག་མི་རྟོག་ཡེ་ཤེས་དམ་པ་ཡིན། །སྔགས་དང་ཕྱག་རྒྱ་ལ་སོགས་ཀུན་ནི་བཏགས་པར་ཤེས་པར་བྱ། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཡེ་ཤེས་དག་པའམ་བསྒོམ་པའི་ལེའུ་སྟེ་སུམ་ཅུ་དྲུག་པའོ།། །།དེ་ནས་འཁོར་དེར་འདུས་པ་རྣམས་ཀྱིས་ཆོས་མཆོག་ཆེན་པོ་ལ་འདི་སྐད་ཅེས་གསོལ་ཏོ། །ཅི་ཡང་མི་དམིགས་སྟོང་པའི་མཚན་ཉིད་དང་། །དངོས་པོ་རྣམ་པར་དག་པའི་དོན་གང་ལགས། །ཆོས་མཆོག་བྱང་ཆུབ་སེམས་དཔས་བཀའ་སྩལ་པ། ། ― DNG008_Page_0130 ―
[མ་དཔེ་གཟིགས་ན་འདིར་གནོན།]
བདེ་བ་གང་ཡང་མི་སྤྱོད་དག་པ་ཡིན་པའི་ཕྱིར། །ཕྱིན་ཅི་ལོག་དང་ཡང་དག་གཉིས་མེད་དོ། །སྤྱོད་པ་མ་ལུས་བཀག་པ་སྤྱོད་པའི་མཆོག །ཆོས་ཉིད་མི་དམིགས་དག་པ་ཆེན་པོ་བྱང་ཆུབ་སེམས། །བྱང་ཆུབ་སེམས་ནི་མཐའ་དང་མཐའ་མེད་མི་སྤྱོད་དོ། །ཡོད་མེད་མི་རྟོག་དབུས་ཀྱང་རྗེས་སུ་མི་མཐོང་ངོ་། །དབུས་རྣམས་ཡོད་ན་མཐའ་ཡང་ཡོད་པར་འགྱུར། །མཐའ་དབུས་འབྱེད་ན་སྐྱོན་ཡིན་ནོ། །ཇི་ལྟར་དཔེར་ན་ནམ་མཁའ་ལ། །མཐའ་དབུས་རྣམ་པར་མི་རྟོག་ལྟར། །ཆོས་ཉིད་ཞི་ལ་རྟག་དང་ཆད་པ་མེད། །ཆོས་ཉིད་ལ་ནི་གཟུགས་སུ་མཐོང་། །ཆོས་ཉིད་ལ་ནི་སྒྲར་ཤེས་པ། །ལོག་པར་ཤེས་དེས་ཞི་མི་མཐོང་། །ཆོས་ཉིད་དུ་ནི་སངས་རྒྱས་བལྟ། །འདྲེན་པ་རྣམས་ནི་ཆོས་ཀྱི་སྐུ། །ཆོས་ཉིད་རིག་པར་མི་རུང་སྟེ། །སྐྱེ་བ་མེད་ལ་བཟོད་པ་རབ་ཏུ་ཐོབ། །བསོད་ནམས་ཕུང་པོ་མང་དུ་བདེ་བསྐྱེད་དོ། །རང་བཞིན་མེད་པའི་རང་བཞིན་ཅན། །འདས་དང་མ་བྱོན་ད་ལྟར་གྱི། །རྒྱལ་བ་རྣམས་ཀྱི་ཡུམ་དུ་གྱུར། །བྱང་ཆུབ་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །དེ་བཞིན་བླང་བ་མ་ཡིན་དོར་མ་ཡིན། །གནས་སུ་མ་ཡིན་གནས་རྣམས་སྦྱང་མ་ཡིན། །ཀུན་ནས་ཉོན་མོངས་མ་ཡིན་རྣམ་པར་བྱང་མ་ཡིན། །ཀུན་ནས་དབེན་པ་མ་ཡིན་མི་དབེན་མིན། །ཆོས་ཉིད་གཡོ་བ་མེད་ཕྱིར་གང་དུའང་འགྲོ། །འདུས་བྱས་རྐྱེན་རྣམས་མེད་པས་འཇིག་པ་མེད། །རོ་རྣམས་བག་ཚ་མེད་པའི་ཕྱིར། །ཆོས་རྣམས་སྐྱེ་འགག་མེད་ཅིང་སྟོང་པའི་ངང་། །ཕུང་པོ་ཁམས་དང་སྐྱེ་མཆེད་མེད་ཕྱིར་ཡང་དག་དམ་པའི་ངང་ལ་མུ་མེད་དོ། །ཆོས་ཉིད་ཀུན་མཉམ་རྡོ་རྗེ་མཉམ་པ་ཡིན། །གང་དག་གསང་སྔགས་བསྒྲུབ་པར་བརྩོན་ན་དེ་དག་བགེགས་མེད་གསང་སྔགས་འགྲུབ་པར་འགྱུར། །ཨེ་མ་ཧོ།གང་གིས་དོན་འདི་མཉམ་གཞག་སྒྲིབ་པ་ཐམས་ཅད་བྱང་བར་འགྱུར། །བྱང་ཆུབ་ངེས་པར་གཞོལ་གྱུར་དང་། །གསང་སྔགས་བསྒྲུབ་པར་བརྩོན་དེ་འདི་དག་བགེགས་མེད་གསང་སྔགས་འགྲུབ། །བྱམས་པས་མཉམ་ཉིད་བྱ་བ་ཐམས་ཅད་བསྐྱེད། །འཕྲལ་དུ་སྡིག་འཕྲོག་རྒྱལ་བའི་ཡུམ། །བྱང་ཆུབ་སྦྱིན་བྱེད་སངས་རྒྱས་ཡོན་ཏན་རྫོགས། ། ― DNG008_Page_0131 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ཐམས་ཅད་ཀྱིས་ནི་དབང་ཡང་བསྐུར་བར་འགྱུར། །གསང་སྔགས་ཐམས་ཅད་མ་ལུས་མངོན་དུ་འགྱུར། །ཐམས་ཅད་གྲོལ་ཅེས་བྱ་བའི་ཏིང་འཛིན་མཉམ་པར་གནས། །ཡོན་ཏན་ལྷུན་གྲུབ་ཏིང་འཛིན་མཉམ་པའི་ཚུལ། །ཡིད་བཞིན་ནོར་བུ་རིན་ཆེན་འབར་བའི་འོད། །གཟི་མདངས་འོད་ལྡན་ཉི་མ་འབུམ་གྱི་གཟི། །བདག་མེད་མཉམ་སྙོམས་ནམ་མཁའི་ངང་། །ཞི་བ་ཆེན་པོ་ཆོས་ཀྱི་སྐུ། །རྣམ་དག་ལྷུན་གྲུབ་བརྡལ་བ་ཆེ། །ཀུན་ཁྱབ་རང་བཞིན་ངང་གིས་གསལ། །སྡུག་བསྔལ་རྒྱ་མཚོ་དག་པའི་ཚུལ། །མ་བཅོས་བྱང་ཆུབ་དེ་བཞིན་གནས། །ཆོས་སྐུ་རྣམ་དག་ཞི་བའི་ཚུལ། །བདེ་དང་ལྡན་པས་རྣམ་རྟོག་བྲལ། །དྲི་མ་རྣམ་དག་ཆོས་ཀྱི་སྐུ། །མི་འགྱུར་མི་ཤིགས་རྡོ་རྗེ་ཅན། །མི་གཡོ་མི་འགུལ་ནམ་མཁའ་འདྲ། །ཞི་བ་ཆེན་པོ་དེ་བཞིན་ཉིད། །དེ་ལྟར་འཛིན་པས་གཟུང་འཛིན་གཡུལ་ལས་རྒྱལ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། མཚན་མ་དང་སྟོང་པ་མི་དམིགས་པའི་ལེའུ་སྟེ་སུམ་ཅུ་བདུན་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །དམ་ཚིག་གི་སྡོམ་པ་ཇི་ལྟ་བུ་ལགས། སེམས་དཔའ་དམ་པས་བཀའ་སྩལ་པ། འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་སྤང་མི་བྱ། །མ་བྱིན་པར་ཡང་བླང་བར་བྱ། །རྫུན་གྱི་ཚིག་ཀྱང་སྨྲ་བར་བྱ། །མི་ཚངས་པར་ཡང་སྤྱད་པར་བྱ། །བྲམ་ཟེ་དག་ཀྱང་གསད་པར་བྱ། །ཕྲ་མའི་ཚིག་ཀྱང་སྨྲ་བར་བྱ། །བརྣབ་སེམས་གནོད་སེམས་བསྐྱེད་པར་བྱ། །ཤ་ཁྲག་རྡོ་རྗེ་དྲི་ཆེན་ཆུ་དང་བྱང་ཆུབ་སེམས། །བ་ལང་ཁྱི་ཤ་ལ་སོགས་རྟག་ཏུ་བཟའ། །ཨཱོཾ་དང་ཧཱུཾ་དང་ཨཱཿརྣམས་ཀྱིས། །དེ་དག་རྟག་ཏུ་སྦྱངས་ལ་བཟའ། །དེ་ནི་རྡོ་རྗེའི་དམ་ཚིག་མཆོག །དེས་ནི་ ― DNG008_Page_0132 ―
[མ་དཔེ་གཟིགས་ན་འདིར་གནོན།]
མཆོག་གི་དངོས་གྲུབ་ཐོབ། །འདོད་ཆགས་ཞེ་སྡང་གཏི་མུག་སྤྱོད། །དེས་ནི་རྡོ་རྗེ་མཆོག་གསུམ་འཐོབ། །གཟུགས་སྒྲ་དྲི་རོ་ལ་སོགས་པ། །དེ་མ་ཐག་ཏུ་བསྟེན་གྱུར་ན། །དངོས་གྲུབ་དམ་པ་མྱུར་དུ་འཐོབ། །འདོད་པ་མ་ལུས་ཀུན་བསྟེན་ན། །དེ་ནི་བྱང་ཆུབ་ཡང་དག་འཐོབ། །འདོད་པའི་ཡོན་ཏན་ཐམས་ཅད་ཀྱིས། །སྐུ་གསུང་ཐུགས་ནི་ཤེས་བྱས་ནས། །བྱང་ཆུབ་སེམས་ནི་མཆོད་པར་བྱ། །དམ་ཚིག་ཅན་རྣམས་ཐམས་ཅད་ཀྱིས། །དམ་ཚིག་སྡོམ་པ་བསྲུང་བྱས་ན། །མཐོང་བའི་ཚེ་ནི་འདི་ཉིད་ལ། །རྡོ་རྗེ་གསུམ་ནི་འདི་ཡིས་འཐོབ། །མི་ཤེས་གཏི་མུག་ཅན་གྱིས་ཐ་ཚིག་འདས། །དེ་ལ་དངོས་གྲུབ་ཡང་དག་འབྱུང་མི་འགྱུར། །མཛེ་དང་ཕོལ་མིག་འབྲུམ་བུ་དང་། །རིམས་དང་དུག་དང་ནད་དང་བགེགས། །ཡེ་འདྲོག་བཀའ་ཡི་ཆད་པ་ཡིས། །བསད་ནས་སེམས་ཅན་དམྱལ་བར་འགྲོ། །དེ་བཞིན་གཤེགས་དང་རིན་ཆེན་པདྨ་ལས་ཀྱི་རིགས། །དེ་བཞིན་སངས་རྒྱས་བྱང་ཆུབ་དང་། །འཕགས་པ་རྣམས་ཀྱིས་སྐྱོབ་མི་མཛད། །བྱིན་གྱིས་ཀྱང་ནི་མི་བརླབ་སྟེ། །རང་བཞིན་འཕགས་པ་ཐམས་ཅད་ལ། །རིན་ཆེན་ཕྲེང་བ་ལ་སོགས་དང་། །མེ་ཏོག་བདུག་སྤོས་ལ་སོགས་རྣམས། །ཕུལ་ཡང་རྒྱལ་བས་ག་ལ་བཞེས། །འཇིག་རྟེན་འདིར་ཡང་ཚེ་ཐུང་ཞིང་། ཚེ་འདི་ཉིད་ལ་སྡུག་བསྔལ་དག་མྱོང་ནས། །གནད་གཅོད་སྡུག་བསྔལ་མི་བཟད་མྱོང་ནས་ནི། །ཕ་རོལ་དུ་ཡང་དམྱལ་བར་འགྲོ། །ཐ་ཚིག་སྤྱོད་པ་ཉམས་པ་ཡི། །མི་ཤེས་བྱིས་པས་དངོས་གྲུབ་མི་ཐོབ་བོ། །གལ་ཏེ་དམ་ཚིག་སྡོམ་པ་མ་ཉམས་ན། །དུག་ལྔ་ཉིད་ཀྱང་ཡེ་ཤེས་ལྔ། །མཚན་དང་དཔེ་བྱད་བལྟས་མི་ངོམས། །སངས་རྒྱས་བྱང་ཆུབ་སེམས་དཔའ་དང་། །དེ་ཡི་འཁོར་ན་གནས་རྣམས་ཀྱིས། །དེ་ལ་རྟག་ཏུ་སྐྱོབ་པར་བྱེད། །མཐོང་ཡུལ་ཚེ་ལ་བདེ་བ་དང་། །རྡོ་རྗེ་གསུམ་ཉིད་རྟག་ཏུ་འཐོབ། །ཐ་ཚིག་སྡོམ་དང་མི་སྡོམ་ ― DNG008_Page_0133 ―
[མ་དཔེ་གཟིགས་ན་འདིར་གནོན།]
དང་། །བསྲུང་དང་མི་བསྲུང་ཕྱོགས་མེད་པར། །མཉམ་ཉིད་སྡོམ་པར་གང་གནས་པར། །མཉམ་པ་ཆེན་པོའི་དམ་ཚིག་སྟེ། །ནམ་མཁའ་ལྟ་བུར་མངོན་ཤེས་ན། །དེ་ནི་ཡང་དག་དམ་ཚིག་སྟེ། །བལྟ་བའི་རྣམ་དག་དམ་ཚིག་མཆོག །དག་པ་ཞི་བ་གང་བསྲུང་བ། །རྣམ་དག་དམ་ཚིག་ཆེན་པོ་ཡིན། །ཡང་དག་ཆོས་དབྱིངས་ཟབ་མོ་ལ། །བསྲུང་དང་མི་བསྲུང་ག་ལ་ཡོད། །བསྲུང་མེད་ནམ་མཁའ་ལྟར་ཤེས་ན། །དེ་ནི་ཡང་དག་གསང་བའི་དམ་ཚིག་གོ། །དེ་ལྟར་བསྲུང་བ་ཟབ་མོའི་དོན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་སེམས་ལུང་ཆེན་པོའི་མདོ་ལས། དམ་ཚིག་གི་ལེའུ་སྟེ་སུམ་ཅུ་བརྒྱད་པའོ།། །།དེ་ནས་འཁོར་དེར་འདུས་པ་རྣམས་ཀྱིས། སྨྲ་བའི་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ། གཟུགས་བརྙན་གྱི་རྟོག་པ་བགྱི་བ་དང་།འགྲོ་བའི་དོན་དུ་ཆོས་ཚུལ་བསྒྲུབ་ཅིང་བསྙེན་པ་ཇི་ལྟར་ལགས། སྨྲ་བའི་དམ་པས་བཀའ་སྩལ་པ། །སྒྲུབ་པ་དང་ནི་སྒྲུབ་ཆེན་དང་། །བསྙེན་པ་དང་ནི་ཉེ་བསྙེན་དང་། །དེ་བཞིན་རྣལ་འབྱོར་བསྒྲུབ་པའི་གནས། །དགོན་པ་ཆུ་གླིང་གནས་རྣམས་དང་། །ནགས་ཚལ་ཆེན་པོའི་ས་ཕྱོགས་དང་། །དབེན་པ་ཆེན་པོའི་གནས་རྣམས་དང་། །རི་བོ་རི་སུལ་གནས་རྣམས་སུ། །ཡོན་ཏན་ཕྲིན་ལས་གང་བསྒྲུབ་རྣམས། །རྟག་ཏུ་བསྒྲུབས་ན་དངོས་གྲུབ་ཐོབ། །མཆོག་དང་ཐུན་མོང་རྣམ་གསུམ་འཐོབ། །དཀྱིལ་འཁོར་དམ་པའི་ས་བསླང་བ། །བདེ་གཤེགས་རྒྱལ་བཞུགས་པ་ཡི་ས་སློང་ན། །དགོངས་ཤིག་ཐུབ་དབང་རྒྱལ་བའི་སྲས། །མཁའ་འམ་བར་སྣང་ས་སྟེང་འཁོད་པ་ཡིས། །བདག་པོར་གྱུར་པ་ཐམས་ཅད་ཀུན། །ཡང་དག་གྲུབ་པའི་ས་སློང་ན། །འཁོར་བཅས་ཁྱེད་ལས་ས་འདི་བླང་། །ཡོ་བྱད་སྣ་ཚོགས་ས་ལ་འཁོད་ལ་སྦྱིན། །སྐྱོབ་པ་ཆེན་པོ་བཅོམ་ལྡན་འདས། །ས་ནོན་ཕ་རོལ་ཕྱིན་པའི་ཆོས། །འཁོར་བ་ ― DNG008_Page_0134 ―
[མ་དཔེ་གཟིགས་ན་འདིར་གནོན།]
མྱ་ངན་འདས་གྱུར་ལ། །ཡུམ་གྱུར་ཁྱོད་ཀྱི་དཔང་མཛོད་ཅིག །ས་ཡི་སྐྱོན་རྣམས་བསལ་ནས་ཀྱང་། །རིན་ཆེན་སྣ་ལྔས་གཏེར་དུ་བྱ། །མཎྜལ་ཀུན་ཏུ་གྲུ་བཞི་ལ། །བདུད་རྩི་རྣམ་ལྔས་སྐྱང་ནུལ་བྱ། །དེ་ནས་སྲད་བུའི་སྦྱོར་བ་སྟེ། །གཟུངས་མ་མཚན་དང་ལྡན་པ་ལ། །དཔའ་མོར་བྱིན་བརླབས་མཁལ་དུ་གཞུག །ཞིང་ཆེན་རིས་ཀྱི་རྩ་རྒྱུས་ལ། །སུམ་སྒྲིལ་འཇུར་མདུད་མེད་པ་ནི། །མ་དྷལ་འཁོར་ཁྱུད་ཚད་དུ་བྱ། །མཁས་པས་རྡོ་རྗེ་གསུམ་དུ་བྱིན་གྱིས་བརླབས། །དེ་ནས་སྲད་བུ་གདབ་པའི་མཚམས་བཅད་དེ། །སོ་སོ་རྣམས་སུ་གདབ་པར་བྱ། །དེ་ནས་དམ་རྫས་བདུད་རྩི་ཡིས། །ཞིང་ཆེན་རིས་ཀྱི་ཐིག་ལེར་བྱ། །དབུས་ཀྱི་ཕོ་བྲང་དགུ་པ་ལ། །ཕྱོགས་བཞི་དབུས་ལ་ཡབ་ཡུམ་བཅུ། །ཕྱོགས་མཚམས་བཞི་ལ་གསང་བའི་ཡུམ། །ཕྱི་རོལ་པདྨ་འདབ་བརྒྱད་ལ། །སེམས་དཔའ་བརྒྱད་དང་སེམས་མ་བརྒྱད། །དེ་ལྟར་བཅུ་དྲུག་དགོད་པར་བྱ། །གྲུ་ཆད་ལ་ནི་ལྷ་མོ་བརྒྱད། །འཁོར་ས་ལ་ནི་སྒོ་གདོད་བྱ། །སྒོ་བཞི་ལ་ནི་ཕྱག་རྒྱ་བཞི། །དེ་ཡི་ཁྱམས་ནི་ཕྱི་མ་ལ། །སྤྲུལ་སྐུ་ཐུབ་དྲུག་དགོད་པར་བྱ། །དེ་ཡི་བར་ཁྱམས་ཕྱི་མ་ལ། །སྒོ་གདོད་ཕྲིན་ལས་རྣམ་བཞིའི་ཕྱག་རྒྱ་དགོད། །དེ་བཞིན་དཀྱིལ་འཁོར་རྒྱས་པ་ལ། །འོད་ཟེར་སྣ་ལྔ་ཀུན་ཏུ་གཟིགས། །སངས་རྒྱས་རྡོ་རྗེ་ཅན་གྱི་གནས། །དེ་དབུས་བྷྲཱུཾ་ནི་གནས་པ་ལས། །གསེར་གྱི་རི་བོ་འདྲ་བ་ཡི། །སངས་རྒྱས་ཀུན་གྱི་གཞལ་མེད་ཁང་། །འཁོར་ལོ་བསྒྱུར་བས་བསྒོམ་པར་བྱ། །ལས་ཀྱི་རྡོ་རྗེའི་སྟན་ཉིད་དུ། །ཤེས་རབ་ལྡན་པས་དེ་འོག་བསམ། །ཆོས་ཀྱི་དབྱིངས་ཀྱི་དབུས་གནས་པར། །བདེ་གཤེགས་ཀུན་གྱི་ཕོ་བྲང་ངོ་། །རིན་ཆེན་གཞི་དངོས་མཆོད་རྟེན་ནི། །འོད་ཟེར་འབར་བས་རྣམ་པར་བརྒྱན། །ཡེ་ཤེས་རྒྱ་མཚོ་དུས་གསུམ་གྱི། །གནས་སུ་དེ་ནི་རྣམ་པར་བསམ། །གྲུ་བཞི་པ་ལ་སྒོ་བཞི་པ། །སྒོ་རྒྱན་བཞི་དང་ཡང་དག་ལྡན། །དྲིལ་བུ་དར་འཕྱང་འཕན་ལ་སོགས། །སྒོ་ཁྱུད་ཀྱིས་ནི་རྣམ་པར་བརྒྱན། །གྲྭ་མཚན་དག་ནི་ཐམས་ཅད་ནི། །རྡོ་རྗེ་རིན་ ― DNG008_Page_0135 ―
[མ་དཔེ་གཟིགས་ན་འདིར་གནོན།]
ཆེན་རྣམས་ཀྱིས་སྤྲས། །ཟླ་ཁམ་ཆུན་འཕྱང་གིས་བརྒྱན་ཅིང་། །ཉི་མ་ཟླ་བ་ལ་སོགས་བརྒྱན། །བླ་རེ་དྲེས་པས་མཛེས་པར་གྱུར། །ན་བཟའ་ཕྲེང་བའི་ཚོགས་ཀྱིས་བརྒྱན། །དེ་ལྟར་དཀྱིལ་འཁོར་དམ་པ་ཡིས། །མི་ཤེས་བྱིས་པ་རྣམས་ལ་བསྟན། །ཆོས་ཉིད་ཡེ་ནས་ལྷུན་གྲུབ་པས། །བསྒྲུབ་དང་སྒྲུབ་པ་དམིགས་སུ་མེད། །དབྱིངས་ཉིད་ཡེ་ནས་དག་གནས་ལ། །བསྙེན་པ་ཉེ་བསྙེན་གདགས་སུ་མེད། །དཔེར་ན་མེད་ལས་ཡོད་བཏགས་པ། །མེ་ལོང་ནང་གི་གཟུགས་བརྙན་འདྲ། །ཆོས་ཉིད་རྣམ་དག་ཡེ་གནས་ལ། །གནས་དང་དགོན་པར་གནས་པ་མེད། །དཔེར་ན་ནམ་མཁའ་སྟོང་པ་ལ། །གནས་རྟེན་ས་ཕྱོགས་མེད་པ་ལ། །གང་དག་བྱིས་པ་མི་མཁས་པས། །མཁའ་ལ་མྱུ་གུ་སྡོང་སྐྱེད་འདྲ། །དེ་དག་ཡོད་པར་མི་འགྱུར་རོ། །ཡེ་ནས་ཆོས་ཉིད་རྫོགས་པ་ལ། །ཕྲིན་ལས་རྣམ་བཞིས་སྦྱང་བསྒྲུབ་མེད། །ས་རྣམས་ཡེ་ནས་ལྷུན་གྲུབ་ལ། །ཆོ་ག་རྣམས་ཀྱིས་སྦྱང་མི་དགོས། །ཆོས་ཉིད་དཀྱིལ་འཁོར་གསང་བ་དམ་པ་བཀྲམ་པ་ལ། །གཟུགས་བརྙན་དཀྱིལ་འཁོར་དམིགས་སུ་མེད། །སྟོང་ཉིད་རང་བཞིན་དག་པ་ཆོས་ཀྱི་སྐུ། །ལྷུན་གྲུབ་རྫོགས་མཛད་ལོངས་སྤྱོད་ཆེན་པོའི་སྐུ། །འགྲོ་བའི་དོན་མཛད་མཐའ་ཡས་སྤྲུལ་པའི་སྐུ། །དེ་བཞིན་ལྷུན་གྲུབ་སྐུ་རྣམས་ལ། །གཞི་དང་ངོ་བོ་མཐུན་པའི་དཔེ། །གནས་དང་འཁོར་དང་འདུལ་བའི་ཞིང་། །སྐུ་གསུམ་གསུང་ནི་བསྒྲགས་པ་ནི། །ཆོས་སྐུ་ཆེན་པོ་བསྐྱེད་དང་རྫོགས་དང་རྫོགས་པ་ཆེན་པོ་ཡིན། །ལོངས་སྤྱོད་ཆེ་བའི་རྡོ་རྗེ་ཅན་གྱི་བསྡུས་གསུམ་ཡིན། །སྤྲུལ་པ་ཆེན་པོས་འདུལ་བ་མངོན་པ་མདོ་སྡེ་གསུངས་པ་དང་། །རྡོ་རྗེ་སེམས་དཔའ་རྣམ་སྣང་ཤཱཀྱ་རིགས་དབང་པོ། །ཐུགས་གསུམ་མཉམ་ཉིད་ངང་དུ་ཞི། །ཆོས་སྐུའི་དོན་རྣམས་བསྟན་པ་ནི། །གཞི་ནི་དེ་བཞིན་ཉིད་དང་མཚན་ཉིད་བརྗོད་དུ་མེད། །མཐུན་དཔེ་ནམ་མཁའ་གནས་ནི་ཡུམ་གྱི་མཁའ། །གདུལ་ཞིང་ནམ་མཁའ་ཁྱབ་པ་འཁོར་ནི་རྫོགས་སངས་རྒྱས། །ལོངས་སྤྱོད་རྫོགས་པའི་དོན་རྣམས་བསྟན་པ་ནི། །གཞི་ནི་ཆོས་སྐུ་ངོ་བོ་རྣམ་སྣང་མཛད། །མཐུན་དཔེ་འཁོར་ ― DNG008_Page_0136 ―
[མ་དཔེ་གཟིགས་ན་འདིར་གནོན།]
ལོས་སྒྱུར་ལྷར་བཞུགས། །གནས་ནི་ལྷ་ཡི་རྒྱལ་པོ་གཞན་འཕྲུལ་དབང་བྱེད་གནས། །འཁོར་ནི་ཉེ་བའི་སྲས་བརྒྱད་ས་རྣམས་རིམ་གནོན་ཡིན། །གདུལ་གཞི་གཞི་དང་མེ་ཏོག་སྙིང་པོ་ཅན། །སྤྲུལ་པའི་སྐུ་ཡི་དོན་རྣམས་བསྟན་པ་ནི། །གཞི་ནི་ལོངས་སྤྱོད་རྫོགས་དང་ཤཱཀྱའི་རིགས་དབང་པོ། །མཐུན་དཔེ་སྒྱུ་མའི་ཚུལ་དང་གནས་ནི་རྡོ་རྗེ་གདན་སོགས་ཡིན། །འཁོར་ནི་རྒྱལ་བ་ཀུན་དང་འགྲོ་དྲུག་ཐམས་ཅད་དོ། །གདུལ་ཞིང་གླིང་རྣམས་བྱེ་བ་ཕྲག་བརྒྱ་ཡིན། །སྐུ་དགུ་ཐེག་དགུ་བསྟན་ཀྱང་འགྲོ་བའི་དོན་བསྟན་མ་རྟོགས་པ། །ཐེག་པ་དེ་ཀུན་ཡང་དག་ཐེག་ལས་གཞན་ན་ཡོད་མ་ཡིན། །དེ་བས་ཆོས་ཀུན་རྣམ་དག་ཐེག་པ་གཅིག་རྫོགས་སོ། །འདས་པའི་དུས་རྣམས་སུ་དྲན་དེ་ནི་སངས་རྒྱས་གནས་པ་ཡིན། །ཚད་མེད་བསམ་གྱིས་མི་ཁྱབ་བསྐལ་པ་ན། །དེའི་ཚེ་རྒྱལ་བུ་བྱུང་བ་སྐྱེ་དགུའི་བུ་ཡི་མཆོག །མཚན་ནི་ཡེ་ཤེས་བདག་པོ་ཞེས་བྱ་བ། །སྐྱེ་དགུ་འདྲེན་པ་དེས་ནི་ཆོས་བསྟན་ཏེ། །སེམས་ཅན་བྱེ་བ་མཐའ་ཡས་མ་ལུས་འདུལ། །བྱང་ཆུབ་སེམས་དཔའ་བསམ་ཡས་བྱེ་བ་གྲངས་མེད་ཀུན། །ཡང་དག་ཡེ་ཤེས་ཡང་དག་འཛུད། །འཇིག་རྟེན་མགོན་པོ་དེ་ཡིས་ཆོས་བཤད་པས། །མཐའ་ཡས་ངེས་པར་བསྟན་པ་གསང་སྔགས་མཆོག །རབ་ཏུ་སྣང་བས་འཇིག་རྟེན་ཐམས་ཅད་མཛེས། །སེམས་ཅན་རྣམས་ཀྱིས་ཡང་དག་དོན་ཡང་སྟོན། །དེ་ལྟར་དེ་ན་རིན་ཆེན་ཞིང་། །དེ་བཞིན་ཁ་དོག་བཻ་ཌཱུརྱ་ཡི་མདོག །སངས་རྒྱས་རང་བྱུང་དེ་དག་ཉིད་ཀྱང་སྣང་། །གསེར་གྱི་མཆོད་སྡོང་ལྟ་བུར་བལྟ་ན་མཛེས། །བཻ་ཌཱུརྱ་ཡི་དབུས་ན་གསེར་ ― DNG008_Page_0137 ―
[མ་དཔེ་གཟིགས་ན་འདིར་གནོན།]
གཟུགས་བཞིན། །འཁོར་གྱི་དབུས་ན་ཆེས་ནི་རབ་ཏུ་གསུངས། །དེ་ལ་འཁོར་ཡང་གྲངས་ཡོད་མ་ཡིན་ཏེ། །བསྐྱོད་པ་མེད་ཅིང་གཡོ་བ་མེད་པར་སྣང་། །བཟོད་གནས་བསམ་གཏན་དགའ་ཞིང་མཉམ་པར་བཞག །ཡང་དག་ཞི་བ་ཟག་པ་མེད་པའི་གནས། །རྒྱལ་བ་དྲང་སྲོང་ཆེན་པོ་རྙེད་པར་དཀའ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་སེམས་ལུང་ཆེན་པོའི་མདོ་ལས། སྐུ་གསུང་ཐུགས་ལྷུན་གྱིས་གྲུབ་པའི་དཀྱིལ་འཁོར་གྱི་ལེའུ་སྟེ་སོ་དགུ་པའོ།། །།དེ་ནས་བྱང་ཆུབ་ཀྱི་སེམས་རྡོ་རྗེས་འདི་སྐད་ཅེས་གསོལ་ཏོ། །རྡོ་རྗེ་དམ་ཚིག་རིན་ཆེན་ཅོད་པན་དབང་བསྐུར་བས། །ཡེ་ཤེས་ལྡན་པ་རྣལ་འབྱོར་ཆེན་པོའི་དབང་ཕྱུག་སྟེ། །དེ་བཞིན་གཤེགས་པའི་ཕྱག་རྒྱ་མཉམ་ཉིད་ཐུགས་ཆུད་སྣ་ཚོགས་མཛད་པ་དེ། །མ་ལུས་སེམས་ཅན་ཡོངས་སུ་བསྐང་བའི་ཕྲིན་མཛད་ཐུགས་རྗེ་ཅན། །རྣམ་པར་སྣང་མཛད་ཆེན་པོ་ལས་གསུམ་མཉམ་ཉིད་ལ་བཞུགས་པ། །སྐུ་གསུང་ཐུགས་དང་ཐམས་ཅད་མ་ལུས་རྡོ་རྗེ་སྟེ། །བདེ་གཤེགས་ལྷ་ཡི་རྒྱལ་པོ་གཞན་འཕྲུལ་དབང་བྱེད་གནས། །ཁམས་གསུམ་ཐམས་ཅད་མ་ལུས་ཡིད་བཞིན་རིན་ཆེན་སྤྲས་པ་དང་། །དར་གྱི་བ་དན་ཁ་དོག་སྣ་ཚོགས་དྲིལ་བརྒྱུས་རླུང་གིས་བསྐྱོད་པ་དང་། །མེ་ཏོག་ཕྲེང་བ་རྔ་ཡབ་རྒྱན་ཕྲེང་དང་། །ཆུན་འཕྱང་ཟླ་བ་ཉི་མ་སྦྲུལ་ཆུན་རྣམས་ཀྱིས་མཛེས་བྱས་དང་། །མཐའ་དབུས་མེད་པའི་གནས་ན་དེ་བཞིན་གཤེགས་པ་ཐམས་ཅད་བཞུགས། །ཡོན་ཏན་ལྡན་པའི་སྲས་དང་ཐབས་ཅིག་སྟེ། །དེ་ལྟར་ཡོན་ཏན་ལྡན་ལ་བདག་ཕྱག་འཚལ། །ལོངས་སྤྱོད་རྫོགས་སྐུ་ཡིད་བཞིན་རིན་པོ་ཆེ། །ས་བཅུའི་རྒྱལ་སྲས་ཆོས་ཀྱིས་ཚིམ་མཛད་ཅིང་། །འཇིག་རྟེན་མུན་རུམ་འོད་ཀྱིས་སྣང་མཛད་པ། །སྣང་མཛད་དག་པའི་སྐུ་ལ་ཕྱག་འཚལ་ལོ། །བཅོམ་ལྡན་སྐུ་མཆོག་དབུ་གསུམ་གསེར་མདོག་བརྗིད་པའི་ཞལ། །འོག་མིན་ཆོས་ ― DNG008_Page_0138 ―
[མ་དཔེ་གཟིགས་ན་འདིར་གནོན།]
རྒྱལ་བློན་པོར་མངའ་བརྙེས་པ། །ལོག་ལྟ་ཐམས་ཅད་འཇིགས་པའི་སྐུ། །རི་རབ་ལྟ་བུར་བརྗིད་ལ་ཕྱག་འཚལ་ལོ། །དུག་གསུམ་འཇོམས་མཛད་ཤ་རུས་གསོལ་མཛད་ཅིང་། །གཉིས་མེད་དོན་ལ་སྦྱོར་བས་ཁམས་གསུམ་སྒྲོལ། །ཤིན་ཏུ་བརྗིད་པས་དུར་ཁྲོད་རྒྱན་དགུ་སྐུ་ལ་མནབས། །འཁོར་བར་མི་ལྡོག་དཔལ་གྱི་ཆོས་བརྒྱད་སྐུ་ལ་བརྒྱན། །ཆོས་སྐུ་མི་འགྱུར་མཐིང་ནག་འབར་བའི་སྐུ། །ཡེ་ཤེས་ཏིང་འཛིན་ཟིན་པས་མཆེ་བ་གཙིགས། །དུག་ལྔ་གཏན་དུ་བསྲེག་པས་མེ་ཡི་ཀློང་ན་བཞུགས། །ཏིང་འཛིན་འདུ་འཕྲོ་མཛད་པས་ཆོས་ཉིད་སྣ་ཚོགས་མཛད། །སྤྱན་གསུམ་སྡང་མིག་བགྲད་པས་ངན་སོང་རྩད་ནས་བཅད། །དབུ་རྣམས་སྐུ་ལུས་གཅིག་པས་ཆོས་ཀྱི་དབྱིངས། །ཡུམ་དང་གཉིས་སུ་མེད་པས་རྣམ་དག་དོན། །འཁོར་བའི་གཡུལ་ལས་རྒྱལ་ལ་ཕྱག་འཚལ་བསྟོད། །ཨ་ལ་ལ་ཧོ་ཞེས་གསོལ་ཏོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཡེ་ཤེས་ཅན་གྱིས་འདི་སྐད་ཅེས་བཀའ་སྩལ་ཏོ། །དཀྱིལ་འཁོར་རྡོ་རྗེ་འཛིན་པ་མཐའ་དག་ཀུན་གྱི་མཆོག །ཁམས་གསུམ་མ་ལུས་མཐའ་དག་འཇིག་རྟེན་གསུམ་ལས་རྣམ་པར་རྒྱལ། །སེམས་ཅན་མ་ལུས་འདུལ་བའི་དོན་རྣམས་ཐམས་ཅད་འགྲུབ། །དམ་ཚིག་གསང་བའི་དཀྱིལ་འཁོར་གྱིས་ནི་གཡོགས་བྱས་ཏེ། །ཡང་དག་རྣམ་གྲོལ་དོན་དམ་འདིས་སྟོན་ཏེ། །ལག་གཡོན་རྡོ་རྗེ་བསྒྱིངས་ཏེ་བཞིན་ནི་རབ་འཛུམ་པས། །རྡོ་རྗེ་ཆེན་པོ་གསོར་ཏེ་རང་གི་སྙིང་གར་གཏོད་པའི་ཚུལ་གྱིས་འཛིན། །བདེ་ཆེན་དོན་དམ་རྡོ་རྗེ་དམ་ཚིག་ཁོ་ན་ཉིད་ཀྱི་སྙིང་པོ་འདི་སྨྲས་སོ། །ཧཱུཾ་བཅོམ་ལྡན་རྣམ་པར་སྣང་མཛད་ཀྱིས། །ཞི་བའི་དེ་ཉིད་མངོན་རྫོགས་བྱང་ཆུབ་བསྒྲུབ་པར་བཤད། །རྡོ་རྗེ་མཉམ་ཉིད་མངོན་རྫོགས་བྱང་ཆུབ་ཆེན་པོ་སྟེ། །དོན་གྱི་ངོ་བོ་མི་རྟོག་མཉམ་ཉིད་རྣམ་དག་ཞི། །མཉམ་ཉིད་སྙིང་ ― DNG008_Page_0139 ―
[མ་དཔེ་གཟིགས་ན་འདིར་གནོན།]
པོ་འདི་སྨྲས་ཡི་གེ་ཨ། །འདོད་ཆགས་ཞེ་སྡང་གཏི་མུག་སྤྲོས་མེད་པས། །ཆོས་རྣམས་ཐམས་ཅད་ཡི་གེ་ཨ་རུ་རིག །འཇིག་རྟེན་གསུམ་རྒྱལ་ཕྱག་རྒྱ་རྡོ་རྗེ་ཅན། །འཇིག་རྟེན་དྲི་མེད་རྣམ་དག་ཆོས་ཀྱི་དབྱིངས། །ཉོན་མོངས་སྐྱོན་གྱི་མ་གོས་དོན་དམ་འདི་སྨྲས་ཧྲཱྀཿ། །ཁམས་གསུམ་དབང་བསྐུར་སྙིང་པོའི་དོན། །ཉིད་ལ་རྡོ་རྗེ་རིན་ཆེན་དབང་བསྐུར་ཕྲེང་བ་བཅིངས་ཤིང་དམ་པ་འདི་སྨྲས་ཏྲཱ། །སྐུ་ཡི་ཕྱག་རྒྱས་དབང་བསྐུར་ཆོས་ཀྱི་སྐུ། །གསུང་གི་ཕྱག་རྒྱས་དབང་བསྐུར་ཆོས་ཀུན་ཐོབ་པ་དག །ཐུགས་ཀྱི་ཕྱག་རྒྱས་དབང་བསྐུར་ཏིང་འཛིན་དག་པ་ཐོབ། །རྡོ་རྗེ་གསུམ་གྱི་ཕྱག་རྒྱ་ཡོངས་འཛིན་པ། །ལུས་སེམས་ངག་ནི་རྡོ་རྗེའི་དངོས་གྲུབ་ཐོབ། །དེ་ཕྱིར་ཆོས་ཉིད་ཟབ་མོ་ཨ་རུ་འདུས། །ཐམས་ཅད་སྤྲོས་མེད་ཡི་གེ་ཨ། །ངོ་བོའི་ཆོས་ཉིད་སྟོང་པའི་ཡི་གེ་ཨ། །མཚན་མེད་སྨོན་མེད་ཆོས་ཉིད་ཡི་གེ་ཨ། །རྡོ་རྗེ་མི་ཤིགས་དངོས་གྲུབ་ཡི་གེ་ཨ། །རྡོ་རྗེ་མཉམ་ཉིད་དཀྱིལ་འཁོར་ཡི་གེ་ཨ། །དོན་ཉིད་མཉམ་འཇུག་ཆོས་ཉིད་ཡི་གེ་ཨ། །ཨ་ནི་མ་སྐྱེས་སྟོང་པ་སྟེ། །ཨ་ནི་ཆོས་སྐུ་དག་པའི་གཏེར། །ཨ་ནི་སྟོང་དང་མི་སྟོང་གི། །དབུ་མ་དམིགས་སུ་ཡོད་མ་ཡིན། །ཧཱུཾ་གིས་མཆོད་པ་ཐམས་ཅད་ལོངས་སྤྱོད་རྫོགས། །ཨོཾ་ནི་ཡེ་ཤེས་ལྔ་ཡི་དངོས། །སྐུ་གསུང་ཡོན་ཏན་ཕྲིན་ལས་སོགས། །ཧཱུཾ་ཧཱུཾ་ཧཱུཾ་སེམས་ཅན་རྡོ་རྗེ་ཉིད་པས་ཁྲོ་བོའི་ངང་། །ཡེ་ཤེས་ལྔ་ཡང་རྡོ་རྗེ་ཁྲོ་བོ་ཅན། །ཧཱུཾ་གསུམ་རྣམ་དག་ཞི་བ་ལས། །དཀྱིལ་འཁོར་རྣམ་དག་འབྱུང་བ་ཡི། །འཁོར་ལོ་རྩིབས་བརྒྱད་མུ་ཁྱུད་བཅས། །བར་ཁྱམས་བཞིས་མཛེས་སྒོ་ཁྱུད་ལྡན། །གྲུ་ཆད་བཞིས་ཀྱང་མཛེས་པར་བྱ། །དབུས་ལ་བྷུཌྜྷ་ཡབ་ཡུམ་སྟེ། །འབར་བའི་འཁོར་ལོ་རྒྱས་པར་དགོད། །དཀྱིལ་འཁོར་རྒྱན་རྣམས་རྒྱས་འགྱུར་ནས། །བསྒྲུབ་པ་དེ་བཞིན་བརྩམ་པར་བྱ། །བསྒྲུབ་པའི་རྫས་རྣམས་བསག་པ་ནི། །རྩ་བ་ལྔ་དང་ཡན་ལག་བརྒྱད། །ཨ་ག་རུ་དང་དུ་རུ་ཀ །ག་པུར་གུར་གུམ་ལ་སོགས་ ― DNG008_Page_0140 ―
[མ་དཔེ་གཟིགས་ན་འདིར་གནོན།]
ཏེ། །སྨན་རྣམས་རྒྱས་པར་བསོགས་ཏེ་སྦྱང་། །ཏིང་ངེ་འཛིན་རྣམས་རིམ་གྱིས་བསྐྱེད་པར་བྱ། །གལ་ཏེ་རྟགས་མ་བྱུང་ན་སྤོག་པའི་ཆོ་ག་གཞུང་བཞིན་བྱ། །དེ་ལྟར་གཞུང་བཞིན་བསྒྲུབ་པ་བརྩམས་ནས་ཀྱང་། །དེ་ལྟར་དོན་ཉིད་རྡོ་རྗེ་ཡང་དག་ཐོབ་པ་ནི། །དེ་ནི་རྡོ་རྗེ་ཅན་དེ་ལེགས་སོ་ལེགས། །ཆོ་ག་འདི་ནི་ལེགས་པར་སྨྲས། །སངས་རྒྱས་རྡོ་རྗེ་འཛིན་ཀུན་གྱིས། །འབྲས་བུ་ཡོད་པ་འདུས་པའི་མཆོག །རྡོ་རྗེ་ཅན་དུ་བྱིན་གྱིས་རློབས། །ཆོ་གའི་རྒྱལ་པོ་བླ་ན་མེད། །གང་རྣམས་འདི་དག་འཛིན་པ་ནི། །བདུད་ལ་སོགས་པ་ཐམས་ཅད་ཀྱིས། །དེ་དག་མི་སོད་མི་ཚུགས་སོ། །སངས་རྒྱས་བྱང་ཆུབ་སེམས་དཔའ་དང་། །དངོས་གྲུབ་དམ་པ་ཐམས་ཅད་ཀྱང་། །སངས་རྒྱས་ཀུན་གྱིས་གསུངས་པ་བཞིན། །རིང་པོར་མི་ཐོགས་ཐོབ་པར་འགྱུར། །དེ་སྐད་གསུངས་ནས་གསང་གྲུབ་ཕྱིར། །རྡོ་རྗེ་ཅན་གྱིས་བཤད་པ་ལ། །ཀུན་མཆོག་སངས་རྒྱས་མཁས་བཅས་པ། །ཐམས་ཅད་ཀྱིས་ནི་མངོན་པར་བསྟོད། །རྣམ་པར་སྣང་མཛད་གསང་བའི་ཆོས་ཉིད་རབ་བརྙེས་པ། །སྤྲོས་མེད་བདེ་བ་དམ་ཚིག་རྡོ་རྗེ་མཉམ་ཉིད་ཆོས། །མཐའ་དབུས་མེད་པ་དམ་པ་རྡོ་རྗེ་སྟེ། །འདོད་ཆགས་ཞེ་སྡང་སྟོང་པས་གཏི་མུག་སྟེ། །བདུད་དང་ཁམས་གསུམ་ལས་འདས་དབང་ཕྱུག་ཆེན་པོའི་མཆོག །དེ་དག་དོན་རྣམས་ཇི་ལྟ་བུ། །ཇི་སྲིད་འཁོར་བའི་གནས་སུ་ནི། །མཁས་མཆོག་འདུག་པར་གྱུར་པའི་ཚེ། །དེ་སྲིད་མཚུངས་མེད་སེམས་ཅན་དོན། །མྱ་ངན་མི་འདའ་བྱེད་པར་ནུས། །ཆོས་ཉིད་རྣམ་དག་ཐབས་ཆེན་དང་། །ཡེ་ཤེས་གནས་སུ་བསྒྲགས་པས་ནི། །ཆོས་ཀུན་རྣམ་པར་དག་པར་ནུས། །འཁོར་བ་ཡོངས་སུ་དག་པར་འགྱུར། །ཆགས་པ་ལ་སོགས་བསལ་བས་ན། །འཁོར་བའི་བར་དུ་དག་པར་ཡང་། །འཇིག་རྟེན་སྡིག་བྱེད་དེ་སྦྱང་ཕྱིར། །འཁོར་བ་སྲིད་དུ་བདག་ཉིད་འདུལ། །ཇི་ལྟར་པདྨ་རབ་དམར་ཡང་། །ཚོན་གྱི་ཉེས་པས་མི་གོས་པ། །དེ་བཞིན་གནས་ཀྱི་ཉེས་པ་ཡིས། ། ― DNG008_Page_0141 ―
[མ་དཔེ་གཟིགས་ན་འདིར་གནོན།]
འགྲོ་ཕན་རྣམས་ལ་མི་གོས་སོ། །འདོད་ཆགས་ཆེན་པོ་རྣམ་པར་དག །བདེ་བ་ཆེ་ཞིང་ནོར་ཆེ་ལ། །ཁམས་གསུམ་དབང་ཕྱུག་ཐོབ་པས་ནི། །སེམས་ཅན་དོན་རྣམས་བསྟན་པར་བྱེད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བསྒྲུབ་པ་གསང་བའི་ལེའུ་སྟེ་བཞི་བཅུ་པའོ།། །།དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །གསང་སྔགས་ཀྱི་དོན་ཇི་ལྟ་བུ་ལགས། །སེམས་དཔའ་དམ་པས་བཀའ་སྩལ་པ། །ཡང་དག་གསང་བའི་དོན་ཆེན་འདི། །རྒྱལ་བའི་ཐུགས་དམ་བསྐུལ་བ་དང་། །མཚམས་གཅད་གནས་པར་བྱ་བ་དང་། །ཆོ་ག་རྣམ་གསུམ་བསྐྱེད་པ་དང་། །འགྲོ་བའི་སྒྲིབ་པ་སྦྱང་བ་དང་། །སྐུ་གསུང་ཐུགས་ནི་རྟོགས་བྱ་དང་། །དཀྱིལ་འཁོར་ལྷ་རྣམས་བརྟན་བཞུགས་ཕྱིར། །དམ་པ་འདི་དག་བཤད་པ་ཡིན། །ཨོཾ་ནི་རྒྱལ་བའི་སྐུ་ཡི་མཆོག །ཧཱུཾ་ནི་རྒྱལ་བའི་ཐུགས་ཀྱང་ཡིན། །སྭཱ་ནི་རྒྱལ་བའི་ཡོན་ཏན་གཏེར། །ཨཱཿནི་རྒྱལ་བའི་གསུང་སྒྲ་སྟེ། །ཧཱ་ནི་རྒྱལ་བའི་ཕྲིན་ལས་སོ། །ཐམས་ཅད་དེ་བཞིན་གཤེགས་བྱའི་ཕྱིར། །སྔགས་ཀྱི་དམ་པ་འདི་བརྗོད་དོ། །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཨཱོཾ་ཨཱ། ཏ་ཐ་ད་དྷ་ན། ཊ་ཋ་ཌ་ཌྷ་ཎ། ཀ་ཁ་ག་གྷ། ཙ་ཚ་ཛ་ཛྷ། པ་ཕ་བ་བྷ། ཝ་ཡ་ར་ལ། ང་ཉ་མ་ཨཱོ། ཤ་ཥ་ས་ཧ། ཨི་ཨཱིཾ། ཨུ་ཨཱུ། ཨེ་ཨཱེ། ཨཱོཾ་ཨཀྵ། ཧཱུཾ་བཛྲ་དྷྲྀཀ་ཛ། མུཾ་དྷཱ་ཏྭཱི་ཤྭ་རི། ཨཱོཾ་ཛི་ན་ཛིཀ་ཛ། ལཾ་དྭེ་ཥ་ར་ཏི། སྭཱ་རཏྣ་དྷྀཀ་ཛ། མཾ་མོ་ཧ་ར་ཏི། ཨཱཾ་ཨཱ་རོ་ལིཀ་ཛ། པཱཾ་རཱ་ག་ར་ཏི། ཧ་པྲཛྙཱ་དྷྲྀཀ་ཛ། ཏཱཾ་བཛྲ་ར་ཏི། ཀྵིཾ་ཧི་རཱ་ཛཱ་ཡ་ཧཱུཾ། ཧཱུཾ་ལཱ་སྱེ་ས་མ་ཡ་སྟྭཾ། ཏྲཱཾ་ཨཱ་གརྦྷཱ་ཡ། ཏྲཱཾ་མཱ་ལེ་ས་མ་ཡ་ཧོ། ཧྲིཾ་ཧཾ་ཧཱུཾ་པདྨ་པཱ་ད་མ། ཧྲཱྀཿགཱི་ཏི་རཱ་གོ྅ཧཾ། ཛིཾ་ཀུ་རུ་པཱ་ཎ་ཧྲཱྀཿ། ཨཾ་ནིརྟི་རཱ་ག་ཡཱ་མི། མཻ་དྷཱ་ར་ཎེ། ཛཿདྷཱུ་པེ་པྲ་བེ་ཤ །་ནིསྶ་རི་བྷཱ་ཡ་སྭཱ་ཧཱ། ཧཱུཾ་པུཥ྇་ཨཱ་བེ་ཤ །ཧཱུཾ་ས་རཱ་ཛཱ་ཡ། བཾ་དཱི་པ་སུ་གི་རཱི། མུཾ་ཤྲཱི་ཨཾ་རཱ་གཱ་ཡ་སྭཱ་ཧཱ། ― DNG008_Page_0142 ―
[མ་དཔེ་གཟིགས་ན་འདིར་གནོན།]
ཧོ་གནྡྷེ་ཙིཏྟ། ཨཱོཾ་མུ་ནི་ཀྲཱིཾ་སྭཱ་ཧཱ། ཨཱོཾ་མུ་ནི་ཧཱུཾ་ཏྲུཾ་སྭཱ་ཧཱ། ཨཱོཾ་མུ་ནི་སྲུཾ་སྭཱ་ཧཱ། ཨཱོཾ་མུ་ནི་པྲཾ་སྭཱ་ཧཱ། ཨཱོཾ་མུ་ནི་ཀྵཾ་སྭཱ་ཧཱ། ཨཱོཾ་མུ་ན་ཡེ་སྭཱ་ཧཱ། ཧཱུཾ་ཡ་མཱནྟ་ཀྲྀ་ཏྲ་ཕཊ། ཨཱོཾ་བཛྲ་དྷ་རི་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུཾ་ཕཊ། ཧཱུཾ་བིགྷྣཱཾ་ཏ་ཀྲྀཏྲ་ཕཊ། ཨཱོཾ་རཏྣ་དྷ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུཾ་ཕཊ། ཧཱུཾ་ཨཱོཾ་པདྨཱནྟ་ཀྲྀ་ཏ་ཕཊ། ཨཱོཾ་པདྨ་དྷ་ར་ཀྲོ་དྷཱི་ཤྭ་རི་ཛྭ་ལ་ནི་ཧཱུཾ་ཕཊ། ཧཱུཾ་པྲཛྙཱནྟ་ཀྲྀཏྲ་ཕཊ། ཨཱོཾ་ཀརྨཱ་དྷ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུཾ་ཕཊ། ཧཱུཾ་ཧཱུཾ་བཛྲ་ཙིཏྟ་ཧཱུཾ། ཨ་ཨ་བཛྲ་ས་མནྟ་བྷ་དྲཱ་ཨ། རྒྱལ་བ་རྣམས་ཀྱིས་གཟུངས་བརྗོད་པས། །བདེ་དང་ལྡན་པ་ཡང་དག་རྫོགས། །རྫོགས་པར་བྱ་བ་སྔགས་ཀྱིས་བསྐྱེད། །སྔགས་ཀྱི་ས་བོན་གང་ཡིན་པ། །ཡི་གེ་ཨ་ལས་བསྒྱུར་ནས་ཀྱང་། །ལྷ་རྣམས་རིམ་པར་བསྐྱེད་པ་ནི། །ཏིལ་འབྲུ་ཙམ་གྱི་རང་བཞིན་ལས། །ཇེ་ཆེ་ཇེ་ཆེར་བསྐྱེད་ནས་ཀྱང་། །རང་ལུས་རྒྱལ་བའི་ཕྱག་རྒྱ་ཆེ། །བསྒོམས་པས་མངོན་དུ་གྱུར་པའི་ལྷ། །ཆེ་བའི་ཡོན་ཏན་བསམ་མི་ཁྱབ། །མཚན་དང་དཔེ་བྱད་མངོན་ཤེས་ལྡན། །འཇིག་རྟེན་འཕངས་དང་བཏེག་པ་དང་། །ཆོ་འཕྲུལ་སྣ་ཚོགས་བསྟན་པ་དང་། །རིགས་རྣམས་སོ་སོར་བསྒྲག་པ་དང་། །དེ་ལྟར་ལྷ་ཡི་སྐུར་གྱུར་ནས། །རིག་འཛིན་ཕྱག་རྒྱ་ཆེན་པོ་ཡིན། །དེ་ལྟར་ཨ་ཉིད་སྟོང་པ་ལ། །དངོས་པོར་འཛིན་པ་འཁྲུལ་པ་ཡིན། །དངོས་པོ་ཇི་ལྟར་སྟོང་ཞེ་ན། །ཨ་ཉིད་མ་སྐྱེས་ཞི་བ་སྟེ། །ཨ་ལས་ཡིག་འབྲུ་ཐམས་ཅད་བསྐྱེད། །ཨ་ལྟར་ཡིག་འབྲུ་ཐམས་ཅད་དེ། །ཡིག་འབྲུ་སྟོང་པས་ལྷ་ཡི་སྐུ་བསྐྱེད་སྟོང་། །སྐུ་གསུང་ཐུགས་དང་ཡོན་ཏན་ཕྲིན་ལས་རང་བཞིན་སྟོང་། །དཔེར་ན་ནམ་མཁའ་སྟོང་པ་ལ། །མེད་ལས་ཡོད་པར་བརྟགས་པ་བཞིན། །ཆོས་ཉིད་རང་བཞིན་སྟོང་པ་ལ། །མཚན་མའི་དངོས་པོར་སྐུར་བསྟན་པ། །མཁའ་ལ་འཇའ་ཚོན་འབྱུང་བ་འདྲ། །དེ་ལྟར་ཆོས་ཉིད་དངོས་མེད་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་ ― DNG008_Page_0143 ―
[མ་དཔེ་གཟིགས་ན་འདིར་གནོན།]
བྱང་ཆུབ་ཀྱི་སེམས་ལུང་ཆེན་པོའི་མདོ་ལས། གསང་སྔགས་ཀྱི་ལེའུ་སྟེ་ཞེ་གཅིག་པའོ།། །།དེ་ནས་འཁོར་དེར་འདུས་པ་རྣམས་ཀྱིས་སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །ཏིང་ངེ་འཛིན་གྱི་བྱེ་བྲག་ཇི་ལྟར་ལགས། །སེམས་དཔའ་དམ་པས་བཀའ་སྩལ་པ། །ཏིང་འཛིན་རྣམ་པ་འབྱུང་བ་ནི། །རྡོ་རྗེ་ལྟ་བུའི་ཏིང་འཛིན་དང་། །དཔའ་བར་འགྲོ་བའི་ཏིང་འཛིན་དང་། །ཆོས་ཉིད་ཡང་དག་ཏིང་འཛིན་དང་། །རང་བཞིན་གྱིས་གནས་ཏིང་འཛིན་དང་། །གནས་པའི་རང་བཞིན་ཏིང་འཛིན་དང་། །བཙལ་དང་བྲལ་བའི་ཏིང་འཛིན་དང་། །བརྗོད་དང་བྲལ་བའི་ཏིང་འཛིན་དང་། །སེམས་ཀྱི་ཆོས་ཉིད་ལས་ཀྱི་མི་འཁོར་བའི་ཏིང་ངེ་འཛིན་དང་། །བཙལ་སེམས་མ་བྲལ་བའི་ཏིང་ངེ་འཛིན་དང་། །བདག་ཉིད་ཆེན་པོའི་ཏིང་ངེ་འཛིན་དང་། །འགྲོ་དོན་ཆོས་དབྱིངས་ཏིང་ངེ་འཛིན་དང་། །གཟུངས་དོན་ཆེན་པོའི་ཏིང་ངེ་འཛིན་དང་། །ཡོངས་རྫོགས་བྱར་མེད་ཏིང་ངེ་འཛིན་དང་། །ཆགས་དང་བྲལ་བའི་ཏིང་ངེ་འཛིན་དང་། །བྱ་མེད་སྙིང་པོའི་ཏིང་ངེ་འཛིན་དང་། །སྨོན་ལམ་སྟོབས་མེད་ཏིང་ངེ་འཛིན་དང་། །ལུང་སྟོན་རྣམ་དག་ཏིང་ངེ་འཛིན་དང་། །དབང་བསྒྱུར་མི་རྩོལ་ཏིང་ངེ་འཛིན་དང་། །དངོས་གྲུབ་མི་སྤང་ཏིང་ངེ་འཛིན་དང་། །རྣམ་གྲངས་ལྷུན་གྲུབ་ཏིང་ངེ་འཛིན་དང་། །བརྗོད་པ་དང་བྲལ་བའི་ཏིང་ངེ་འཛིན་དང་། །ཆོས་ཉིད་མི་འགྱུར་ཏིང་འཛིན་དང་། །རྒྱུ་རྐྱེན་མི་འགྲུབ་ཏིང་འཛིན་དང་། །ཕྱི་ནང་དག་པའི་ཏིང་འཛིན་དང་། །སྤྱོད་པ་བཀག་པའི་ཏིང་འཛིན་དང་། །རང་བཞིན་ཡང་དག་ཏིང་འཛིན་དང་། །ཆོས་རྣམས་དོན་གྱི་ཏིང་འཛིན་དང་། །ཆོས་ཉིད་ཞི་བའི་ཏིང་འཛིན་དང་། །ལྷུན་གྱིས་གྲུབ་པའི་ཏིང་འཛིན་དང་། །ལས་ཀུན་སྤྱོད་མེད་ཏིང་འཛིན་དང་། །ཆགས་སྡང་ཞི་བའི་ཏིང་འཛིན་དང་། །ཆོས་ཉིད་མཚོན་མེད་ཏིང་འཛིན་དང་། །མཚན་མ་མེད་པའི་ཏིང་འཛིན་དང་། །རྣམ་རྟོག་ཞི་བྱའི་ཏིང་ ― DNG008_Page_0144 ―
[མ་དཔེ་གཟིགས་ན་འདིར་གནོན།]
འཛིན་དང་། །བྱང་ཆུབ་མ་ནོར་ཏིང་འཛིན་དང་། །རྣམ་གྲངས་ཆོས་ཀུན་མདོར་བསྡུས་ཏིང་འཛིན་དང་། །ཡེ་ཤེས་དག་བསྒོམ་ཏིང་འཛིན་དང་། །སྟོང་དང་མཚན་མ་མི་དམིགས་ཏིང་འཛིན་དང་། །དམ་ཚིག་རྣམ་དག་ཏིང་འཛིན་དང་། །དཀྱིལ་འཁོར་ལྷུན་གྲུབ་ཏིང་འཛིན་དང་། །བསྒྲུབ་མཆོག་གསང་བའི་ཏིང་འཛིན་དང་། །གསང་སྔགས་བརྗོད་པའི་ཏིང་འཛིན་དང་། །ཕྱག་རྒྱ་ཆེན་པོའི་ཏིང་འཛིན་དང་། །དབང་རྣམས་སྐུར་བའི་ཏིང་འཛིན་དང་། །ཕྲིན་ལས་རྣམ་བཞིའི་ཏིང་འཛིན་དང་། །ཡོངས་སུ་རྫོགས་པའི་ཏིང་འཛིན་དང་། །སྟོང་པ་ཉིད་ཀྱི་ཏིང་འཛིན་དང་། །རྡོ་རྗེ་མི་ཕྱེད་ཏིང་འཛིན་དང་། །སྐྱེས་བུ་ཆེན་པོའི་ཏིང་འཛིན་དང་། །ང་གང་ལས་རྒྱལ་ཏིང་འཛིན་དང་། །རྟོགས་པ་ཆེན་པོའི་ཏིང་འཛིན་དང་། །རོ་ལངས་སྒྲུབ་པའི་ཏིང་འཛིན་དང་། །ཆོ་འཕྲུལ་སྒྲུབ་པའི་ཏིང་འཛིན་དང་། །རིགས་རྣམས་སྒྲུབ་པའི་ཏིང་འཛིན་དང་། །བློ་གྲོས་ཆེན་པོའི་ཏིང་འཛིན་དང་། །ས་རྣམས་ནོན་པའི་ཏིང་འཛིན་དང་། །ཕ་རོལ་ཟིལ་གནོན་ཏིང་འཛིན་དང་། །ཉོན་མོངས་སྲེག་པའི་ཏིང་འཛིན་དང་། །ཡེ་ཤེས་སྣང་བའི་ཏིང་འཛིན་དང་། །སྒྲོན་མ་སྣང་བའི་ཏིང་འཛིན་དང་། །རྡོ་རྗེ་འཛིན་པའི་ཏིང་འཛིན་དང་། །བདུད་རྣམས་གཅོད་པའི་ཏིང་འཛིན་དང་། །དུག་གསུམ་རྣམ་དག་ཏིང་འཛིན་དང་། །ལུས་ངག་ཡིད་གསུམ་ཏིང་འཛིན་དང་། །བདེར་གཤེགས་རྒྱལ་བའི་ཏིང་འཛིན་དང་། །ཏིང་འཛིན་རྣམ་པ་མང་པོ་ཀུན། །སྐུ་དང་གསུང་དང་ཐུགས་ཀྱི་རྒྱུད། །ཆོས་ཉིད་འདུས་པའི་རྒྱུད་ཆེན་ལས། །ཏིང་འཛིན་རྣམ་པ་མང་པོའི་དོན། །ཆོས་ཉིད་ཏིང་འཛིན་ཡིན་པའི་ཕྱིར། །རྣམ་པ་ཀུན་ལ་དེ་དག་སྟེ། །ཏིང་འཛིན་བརྗོད་པ་མང་པོ་ཀུན། །རྣམ་རྟོག་གསལ་བ་བསྟན་པ་ཡིན། །ཆོས་ཉིད་ལ་ནི་རྣམ་རྟོག་ཏིང་འཛིན་མེད། །དེ་ཕྱིར་ཏིང་འཛིན་བསྔགས་པ་མེད། །ཅེས་གསུངས་སོ། ། ― DNG008_Page_0145 ―
[མ་དཔེ་གཟིགས་ན་འདིར་གནོན།]
རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཏིང་ངེ་འཛིན་གྱི་ལེའུ་སྟེ་བཞི་བཅུ་གཉིས་སོ།། །།དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །ལྷ་བསྐྱེད་ཕྱག་རྒྱ་བསྒྱུར་དང་ལྷ་མཆོད་པ། །འཁོར་ལོ་དང་ནི་རྡོ་རྗེ་དང་། །རིན་པོ་ཆེ་དང་པདྨ་དང་། །རྡོ་རྗེ་རྒྱ་གྲམ་ལ་སོགས་ཀྱིས། །ཕྱག་རྒྱ་ཇི་ལྟར་ཡིན་པར་བསྒྱུར། །ཞེས་གསོལ་པ་དང་། སེམས་དཔའ་དམ་པས་བཀའ་སྩལ་པ། །རྒྱལ་བའི་ལྷ་རྣམས་བསྐྱེད་པ་ནི། །མི་དམིགས་དབྱིངས་ནས་ཡིག་འབྲུ་གསལ་བ་ཡི། །ཨ་ལ་སོགས་པའི་ཡིག་འབྲུ་ཀུན། །རྒྱལ་བའི་ས་བོན་སྤྲོས་ཤིང་བསྐྱེད། །ཨེ་མ་ཧོ་རྒྱལ་བའི་སྐུ་རྣམས་བསྐྱེད་པ་ནི། །ཕུང་པོ་ཁམས་དང་སྐྱེ་མཆེད་ལས། །ཡིག་འབྲུ་སྔགས་ཚིག་སྤྲོས་བསྡུས་པས། །རྒྱལ་བའི་སྐུ་གསུང་ཐུགས་ཀྱི་རྐྱེན། །རྒྱལ་བ་ཐམས་ཅད་བསྐྱེད་པ་ནི། །བདེ་བའི་སྟན་ལ་འདུག་ནས་ཀྱང་། །གང་ཡིན་པ་ཡི་ཏིང་འཛིན་བསམ། །བདེ་བའི་སེམས་དེ་རྣམ་སྤྲོས་པས། །སྤྲུལ་སྐུས་ཐམས་ཅད་ཁྱབ་པ་བཞིན། །སེམས་དེ་བཀུག་ནས་ཕར་ཞུགས་ལས། །དེ་བཞིན་གཤེགས་པའི་རིགས་སུ་སྤྲོ། །རང་སྔགས་ཡི་གེ་བསྐྱེད་པ་རྣམས། །སྐུ་གསུམ་ས་བོན་བྱིན་བརླབས་ཏེ། །པདྨའི་དབུས་སུ་བསྐྱེད་ནས་ནི། །རིམ་པ་བཞིན་དུ་སངས་རྒྱས་སྤྲོ། །བཛྲ་དྷྲྀཀྲ། ས་བོན་དག་ལས་བསྐྱེད་པ་ཡིས། །རྡོ་རྗེ་མི་འཁྲུགས་སྤྲུལ་པ་དེ། །ཁྲོ་བོ་ཁ་དོག་མཐིང་ཤུན་འདྲ། །གནག་དང་དམར་དང་དཀར་བའི་ཞལ། །རལ་པའི་ཅོད་པན་གནས་དག་ལ། །མི་འཁྲུགས་དབང་བསྐུར་རྣམ་པར་བརྒྱན། །ཐམས་ཅད་རྒྱན་ནི་ཀུན་རྫོགས་པ། །ཕྱག་དྲུག་པར་ནི་རྣམ་པར་བསམ། །རྡོ་རྗེ་འཁོར་ལོ་རབ་འཆང་བ། །ཆུ་སྐྱེས་དག་ནི་འཛིན་པའི་མཆོག །དྲིལ་བུ་ནོར་བུ་རལ་གྲི་རྣམས། །གཡོན་གྱི་ཕྱག་ཏུ་ ― DNG008_Page_0146 ―
[མ་དཔེ་གཟིགས་ན་འདིར་གནོན།]
རྣམ་པར་བསམ། །སྙིང་ག་ནས་ནི་ངེས་སྤྲོས་ཏེ། །ཕྱོགས་བཅུ་དག་ཏུ་རྣམ་པར་གཟིགས། །སངས་རྒྱས་རྫུ་འཕྲུལ་མཛད་སོགས་དང་། །ཆོས་ཀྱི་འཁོར་ལོ་རབ་ཏུ་བསྐོར། །ཞེ་སྡང་སྤྱོད་པའི་ལམ་གནས་པའི། །སེམས་ཅན་མ་ལུས་རྣམ་སྦྱངས་ནས། །བྱང་ཆུབ་སེམས་ཀྱི་མདུན་ན་ནི། །རྡོ་རྗེའི་སེམས་ལ་རྣམ་པར་བཞུགས། །དེ་ལ་ཞུགས་པར་དད་བྱས་ནས། །རྡོ་རྗེའི་སེམས་ནི་རྣམ་པར་བསམ། །སྔ་མའི་གཟུགས་ནི་གནས་འགྱུར་ནས། །ཞེ་སྡང་གཟུགས་སུ་རྣམ་པར་གནས། །ཨིནྡྲ་ནཱི་ལའི་འོད་ལྟ་བུ། །ཞལ་གདངས་མཆེ་བ་གཙིགས་པས་འཇིགས། །མི་འཁྲུགས་འབར་བ་སྤྱི་བོར་འཆང་། །འཇིག་རྟེན་ཁམས་ཀུན་འཁྲུགས་པར་མཛད། །ཉི་མའི་དཀྱིལ་འཁོར་དབུས་གནས་པར། །ཉི་མ་བྱེ་བ་ཕྲག་བརྒྱའི་འོད། །དམར་པོའི་སྤྱན་ནི་འཇིགས་པ་ཆེ། །རྒྱན་རྣམས་ཀུན་གྱིས་ལེགས་པར་བརྒྱན། །ཁྲོ་གཉེར་ཞི་བ་འདོད་ཆགས་ཆེ། །ཞལ་གསུམ་དག་ནི་རྣམ་པར་འཆང་། །རང་གི་དམ་ཚིག་མཉམ་པར་ལྡན། །ཕྱག་དྲུག་གིས་ནི་མངོན་པར་སྤྲུལ། །འཛམ་བུ་ནཱ་དའི་འོད་འདྲ་བའི། །སངས་རྒྱས་སྤྲིན་གྱིས་རྣམ་འཁྲིགས་པའི། །རྡོ་རྗེ་ཆེན་པོ་རྩེ་དགུ་པ། །དེ་ཡི་ཕྱག་ཏུ་བསྣམས་པར་བསྒོམ། །སྔགས་གསུམ་པ་ཡིས་རིམ་བཞིན་དུ། །ཕྱག་རྒྱ་ཕྱི་མ་རྣམ་པར་བསྒོམ། །ཞེ་སྡང་རྡོ་རྗེར་བྱིན་བརླབས་པས། །དཀྱིལ་འཁོར་ཐམས་ཅད་རབ་ཏུ་སྤོང་། །ཛི་ན་ཛིཀ །ས་བོན་ལས་ནི་བསྐྱེད་བྱས་པ། །རྣམ་པར་སྣང་མཛད་གཙོ་བོ་སྟེ། །ཞི་བའི་ཆ་ལུགས་དགའ་དང་ལྡན། །ཕྱོགས་ནི་ཐམས་ཅད་སྣང་བར་མཛད། །སྟོན་ཀའི་འདམ་བུའི་འོད་འདྲ་བ། །རལ་པའི་ཅོད་པན་དག་གིས་བརྒྱན། །མི་འཁྲུགས་པ་ཡི་དབང་བསྐུར་ཞིང་། །སྣ་ཚོགས་རྒྱན་རྣམས་ཀུན་གྱིས་བརྒྱན། །དཀར་དང་གནག་དང་དམར་ཆེན་པོ། །ཁ་དོག་གསུམ་པའི་ ― DNG008_Page_0147 ―
[མ་དཔེ་གཟིགས་ན་འདིར་གནོན།]
ཞལ་གསུམ་པ། །འོད་ཟེར་སྣ་ཚོགས་ཆེན་པོས་བརྒྱན། །ཕྱག་དྲུག་རྣམ་པར་བསྒོམ་པར་བྱ། །འཁོར་ལོ་རྡོ་རྗེ་པདྨ་དཀར། །གཡས་པའི་ཕྱག་ཏུ་རྣམ་པར་བསམ། །དྲིལ་བུ་ནོར་བུ་རལ་གྲི་རྣམས། །གཡོན་གྱི་ཕྱག་ཏུ་རྣམ་པར་བསམ། །སྙིང་ལས་དེ་བཞིན་ཕྱུང་ནས་ནི། །ཕྱོགས་བཅུ་དགུ་རུ་རྣམ་པར་གཟིགས། །སངས་རྒྱས་སྒྱུ་འཕྲུལ་མཛད་ལ་སོགས། །ཆོས་ཀྱི་འཁོར་ལོ་རབ་ཏུ་བསྐོར། །གཏི་མུག་ལམ་ལ་རབ་གནས་པའི། །སེམས་ཅན་མ་ལུས་སྦྱངས་ནས་ནི། །སླར་ཡང་མདུན་གྱི་ཕྱོགས་རྣམས་ན། །ཟླ་བའི་དབུས་སུ་རྣམ་པར་བསམ། །རཏྣ་དྷྲྀཀ །ས་བོན་ལས་ནི་བསྐྱེད་ནས་ནི། །དཀོན་མཆོག་དཔལ་ནི་མཁས་པས་བསྐྱེད། །རལ་པའི་ཅོད་པན་དཀར་ལ་ཞི། །མི་འཁྲུགས་དབང་བསྐུར་བས་ནི་བརྒྱན། །ཞལ་གསུམ་ཁ་དོག་གསུམ་པ་སྟེ། །སེར་དང་དམར་དང་དཀར་བའི་ཞལ། །ཐམས་ཅད་རྒྱན་དང་རབ་ལྡན་པའི། །ཕྱག་དྲུག་པར་ནི་རྣམ་པར་བསྒོམ། །ནོར་བུ་རྡོ་རྗེ་འཁོར་ལོ་ནི། །གཡས་ཀྱི་ཕྱག་ཏུ་བསྒོམ་པར་བྱ། །དྲིལ་བུ་རལ་གྲི་པདྨ་སྟེ། །གཡོན་པའི་ཕྱག་ཏུ་རྣམ་པར་བསམ། །དེ་བཞིན་སྙིང་ག་ནས་ཕྱུང་སྟེ། །འཇིག་རྟེན་ཁམས་ནི་རྣམ་པར་གཟིགས། །ང་རྒྱལ་ལམ་ལ་གནས་པ་ཡི། །སེམས་ཅན་ཐམས་ཅད་སྦྱོང་བར་མཛད། །རིན་ཆེན་ཆེན་པོ་གཤེགས་ནས་ཀྱང་། །ཐམས་ཅད་དབང་བསྐུར་ཕུན་སུམ་ཚོགས། །རྡོ་རྗེ་སེམས་དཔའི་གཡས་ཕྱོགས་སུ། །རིན་ཆེན་དབུས་སུ་རྣམ་པར་བཞུགས། །ཨཱ་རོ་ལིཀ །ས་བོན་ལས་ནི་གྲུབ་པ་ཡི། །རྡོ་རྗེ་སྣང་བ་མཐའ་ཡས་བསྐྱེད། །པདྨ་རཱ་གའི་མདོག་འདྲ་བ། །མི་འཁྲུགས་པས་ནི་ཅོད་པན་བརྒྱན། །ཞི་བ་རལ་པའི་ཅོད་པན་འཆང་། །དམར་དང་ནག་དང་དཀར་བའི་ཞལ། །ཐམས་ཅད་རྒྱན་གྱིས་བརྒྱན་པ་ཡི། །ཕྱག་དྲུག་པར་ནི་བསྒོམ་པར་བྱ། །གཡོན་པ་འགྱིང་ཐབས་ ― DNG008_Page_0148 ―
[མ་དཔེ་གཟིགས་ན་འདིར་གནོན།]
པདྨ་འཛིན། །དྲིལ་བུ་དཀུར་བརྟེན་ཕར་ཕྱིན་ཏེ། །གཡས་པས་པདྨ་བསྐྱོད་མཛད་ཅིང་། །ཐུགས་ཀར་པདྨ་ཁ་ཡང་ཕྱེ། །གཡས་གཉིས་རྡོ་རྗེ་འཁོར་ལོ་དང་། །གཡོན་གཉིས་རིན་ཆེན་རལ་གྲི་བསྣམས། །སྙིང་ག་ནས་ནི་བྱུང་གྱུར་ནས། །ཐམས་ཅད་ཕྱོགས་སུ་རྣམ་པར་གཟིགས། །སེམས་ཅན་འདོད་ཆགས་ལྔ་སྦྱངས་ཏེ། །འདམ་ཆེན་ཆུ་ཡི་པདྨ་བཞིན། །སླར་གཤེགས་པདྨའི་དབུས་སུ་ནི། །རྒྱབ་ཀྱི་ཕྱོགས་སུ་རྣམ་པར་བཞུགས། །པྲཛྙཱ་དྷྲྀཀ །ས་བོན་ལས་ནི་གྲུབ་པ་ཡི། །རྡོ་རྗེ་གདོན་མི་ཟ་བར་བསྐྱེད། །ལྗང་གུ་བཻ་ཌཱུརྻ་འདྲ་བ། །རལ་པའི་ཅོད་པན་རྡོ་རྗེ་གནས། །ཐམས་ཅད་རྒྱན་གྱིས་ཡན་ལག་བརྒྱན། །ལྗང་གུ་ནག་དང་དཀར་བའི་ཞལ། །འོད་ཟེར་སྣ་ལྔས་འཁྲིགས་པར་འབར། །ཕྱག་དྲུག་པར་ནི་རྣམ་པར་བསྒོམ། །རལ་གྲི་རྡོ་རྗེ་རྒྱ་གྲམ་དང་། །འཁོར་ལོ་གཡས་པའི་ཕྱག་ཏུ་བསམ། །དྲིལ་བུ་པདྨ་སྡོང་བཅས་དང་། །ནོར་བུ་གཡོན་པའི་ཕྱག་ཏུ་བསམ། །དེ་བཞིན་སྙིང་ག་ནས་བྱུང་ནས། །ཕྱོགས་བཅུ་ཀུན་ཏུ་གཟིགས་མཛད་དེ། །རྫུན་ཚིག་སྨྲ་བའི་ལམ་གནས་པའི། །སེམས་ཅན་ཐམས་ཅད་ཀུན་ཏུ་སྦྱོར། །སྣ་ཚོགས་ཆེན་པོ་སླར་གཤེགས་ནས། །གྲུ་གསུམ་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའི་གཡོན་ཕྱོགས་སུ། །སེམས་དཔའི་སྐྱིལ་མོ་ཀྲུང་དུ་བཞུགས། །རྡོ་རྗེ་ཞེ་སྡང་གཏི་མུག་འདོད་ཆགས་དང་། །ཡིད་བཞིན་ནོར་བུ་དམ་ཚིག་སྟེ། །རིགས་ལྔར་གཏོགས་པ་འདི་དག་གིས། །འདོད་དང་གྲོལ་བར་རབ་བསྒྲུབ་པའོ། །གཙོ་བོ་ལྔ་རྣམས་ཇི་ལྟར་བསྐྱེད་པ་བཞིན། །ཡུམ་རྣམས་ཀྱང་ནི་རིམ་བཞིན་ནོ། །སེམས་དཔའ་སེམས་མ་སྒོ་བ་རྣམས། །རིམ་པ་བཞིན་དུ་བསྐྱེད་པར་བྱ། །ཏིང་འཛིན་སྔགས་དང་བརྗོད་པས་བསྐུལ། །དེ་ལྟར་བརྗོད་ཅིང་བསྐུལ་བསྒྲུབ་ན། །དངོས་གྲུབ་ ― DNG008_Page_0149 ―
[མ་དཔེ་གཟིགས་ན་འདིར་གནོན།]
རྣམ་གསུམ་འཐོབ་པ་དང་། །བགེགས་དང་དུག་དང་ལོག་འདྲེན་དང་། །བདུད་རྣམས་འཇོམས་ཤིང་ལོག་འདྲེན་ཀུན་ལས་ཐར། །སྐུ་གསུང་ཐུགས་ཀྱི་དངོས་གྲུབ་འཐོབ་པ་དང་། །ཡེ་ཤེས་རྡོ་རྗེའི་དངོས་གྲུབ་ཉེ་བ་དང་། །མཚན་དང་དཔེ་བྱད་རྣམས་ཀྱིས་བརྒྱན། །འགྲོ་བའི་དོན་དུ་འགྱུར་བ་དང་། །ཐམས་ཅད་ཀུན་གྱིས་མཆོད་པ་དང་། །བདེ་བའི་ཞིང་དུ་གནས་པ་དང་། །ཡང་དག་དོན་རྟོགས་ལྷུན་རྫོགས་ནས། །ཐམས་ཅད་བདེ་བའི་ངང་དུ་འགྱུར། །ཆོས་ཉིད་རང་བཞིན་སྟོང་པ་ལ། །ཕྱག་རྒྱ་བསྒྱུར་དང་ལྷ་བསྐྱེད་དང་། །བསྙེན་དང་བསྒྲུབ་དང་ཆོ་ག་རྣམས། །ཇི་ལྟར་སྤྱོད་པ་དེ་དག་ཀུན། །ལྟ་དམན་དག་ལ་བསྟན་པར་ཟད། །བདེར་གཤེགས་རིགས་ལྔ་འཁོར་བཅས་ཀུན། །བསྐྱེད་ལྟར་དངོས་པོ་ཡོད་འགྱུར་ན། །དཔེར་ན་ནམ་མཁའ་དངོས་མེད་ལ། །ཕ་གུ་ལ་སོགས་རིན་ཆེན་གྱིས། །འདུག་པའི་གནས་རྟེན་བྱས་གྱུར་ཀྱང་། །ནམ་མཁའ་དངོས་པོ་མེད་གྱུར་པས། །གནས་རྟེན་ཁང་བུ་ཆགས་པ་མེད། །དེ་བཞིན་ཆོས་ཉིད་སྟོང་པ་ལ། །ཕྱག་རྒྱ་བསྒྱུར་དང་སྐུ་བསྐྱེད་དང་། །བསྒྲུབ་དང་དངོས་གྲུབ་ཐོབ་འདོད་དང་། །མཚན་དང་དཔེ་བྱད་བལྟ་འདོད་ཀུན། །དཔེར་ན་བྱིས་པ་མི་ཤེས་པས། །ནམ་མཁའི་ཁང་བུ་ཐོབ་འདོད་འདྲ། །དེ་བཞིན་ཆོས་ཉིད་དངོས་མེད་ལ། །བསྐྱེད་ནས་ཐོབ་འདོད་བྱིས་པའི་ཚུལ། །དཔེར་ན་ནམ་མཁའ་གཞི་མེད་ལ། །ཆགས་པའི་གཞལ་མེད་ཁང་རྣམས་དང་། །ལྡུམ་ར་སྐྱེད་མོས་ཚལ་བསམ་པས། །དེ་དག་འབྱུང་བར་ག་ལ་འགྱུར། །དེ་བཞིན་ཆོས་ཉིད་སྟོང་པ་ལ། །རྒྱལ་བའི་སྐུ་བསྐྱེད་ག་ལ་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ལྷ་བསྐྱེད་པ་དང་དབང་བསྒྱུར་བ་ཕྱག་རྒྱའི་ལེའུ་སྟེ་བཞི་བཅུ་གསུམ་པའོ།། །།དེ་ནས་འཁོར་དེར་འདུས་པ་རྣམས་ཀྱིས། ། ― DNG008_Page_0150 ―
[མ་དཔེ་གཟིགས་ན་འདིར་གནོན།]
སེམས་དཔའ་དམ་པ་ལ་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་བསྙེན་བསྒྲུབ་ཀྱི་དབང་གི་རིམ་པ་ཐོབ་པར་བགྱི་བ་དང་། ཡོན་དབུལ་བ་དང་དབང་རྣམས་བསྐུར་བ་ཅི་ལགས།སེམས་དཔའ་དམ་པས་བཀའ་སྩལ་པ། །དབང་མཆོག་བསྐུར་བར་བྱ་བ་ནི། །ཉན་དང་བསྒོམ་དང་འཆད་པ་དང་། །བསྒྲུབ་དང་ཕྲིན་ལས་བྱེད་པ་དང་། །རྡོ་རྗེ་རྒྱལ་པོ་ཐོབ་འདོད་དང་། །ས་རྣམས་རིམ་པ་བགྲོད་པ་དང་། །སྡུག་བསྔལ་རྣམས་ལས་ཐར་འདོད་པས། །དབང་རྣམས་ཐོབ་པར་འདོད་པ་ཡིས། །དད་ལྡན་སྲི་ཞུ་ཆེ་བ་དང་། །བླ་མ་སློབ་དཔོན་མཉེས་བྱ་དང་། །དམ་ཚིག་བསྲུང་དང་བསྒྲུབ་བརྩོན་བྱ། །བརྗོད་པ་བཀུར་དང་བདེར་གཤེགས་བསྔགས་པ་བརྗོད། །སློབ་དཔོན་གྱི་ནི་ཡོན་ཏན་བརྗོད། །སྐྱོན་རྣམས་བརྗོད་པར་མི་བྱ་སྟེ། །གསེར་དང་དངུལ་དང་བཻ་ཌཱུརྻ། །དུང་དང་མན་ཤེལ་བྱི་རུ་དང་། །ཁྱོགས་དང་རྐང་འགྲོས་གླང་ཆེན་རྟ། །དགོས་པ་གང་དང་གང་ཡང་རུང་། །ལུས་སྲོག་དག་ཀྱང་ཕྱོགས་ལ་དབུལ། །དབང་རྣམས་ཇི་ལྟར་ལེན་པ་ཡིས། །འདི་དག་མ་ལུས་བསྐྱེད་པར་བྱ། །གསང་བའི་དབང་ཆེན་དམ་པ་ནི། །ཡུམ་ཡང་མཚན་ཉིད་ལྡན་པ་ལ། །རིགས་རྣམས་གནས་ནི་དག་ཏུ་དགོད། །དེ་ཡང་ཡུམ་གྱི་མཚན་བརྟགས་པ། །ཁྲུས་མཁན་གྱི་ནི་བདག་ཉིད་ཆེ། །དུང་དང་ཟླ་འདྲ་པདྨའི་མདོག །ལུས་ལེགས་སྐེད་ཕྲ་སེམས་མའི་ཚུལ། །སྨིན་དཀྱུས་རིང་ལ་ལག་སོར་ཕྲ། །ཚིགས་མིག་ཟླུམ་ལ་ཕྲ་བར་བཤད། །ཁ་ནས་དྲི་ཞིམ་ངད་ལྡན་ཞིང་། །ལུས་ལ་ག་པུར་ཙན་དན་དྲི། །ཡིད་འོང་མཚན་ལྡན་སྐེད་སྐབས་ཕྱེད། །སྐྲ་འཇམ་མཐོན་མཐིང་གཡས་སུ་འཁྱིལ། །སོ་དཀར་ཚགས་དམ་དཀར་དམར་ཕྱེད། །མིག་གི་དཀྱུས་རིང་སྨིན་དཀྱུས་ལེགས། །ཟར་མའི་མེ་ཏོག་རྒྱས་འདྲའི་མདོག །དཔྲལ་ ― DNG008_Page_0151 ―
[མ་དཔེ་གཟིགས་ན་འདིར་གནོན།]
བའི་དབྱེས་ཆེ་སྐྲ་མཚམས་འཁྱུག །སྣ་བཟང་མདོག་གསལ་པདྨའི་རིགས། །ནུ་མའི་དཀྱིལ་མཐོ་འཁྲིལ་བག་ཆགས། །ཁོང་དལ་འགྲོ་ན་གོམ་པ་འཇོལ། །སྐད་ནི་ངང་པ་གཞོན་ནུ་སྒྲོགས། །ཅིར་ཡང་མཛེས་པའི་སྟབས་ཚུལ་ལྡན། །བུ་མོ་མིག་རིངས་ཉིད་པ་ནི། །ཨུཏྤལ་སྔོན་པོའི་ལོ་མ་འདྲ། །གཟུགས་བྱད་དར་ལ་བབ་པས་བརྒྱན། །ཐམས་ཅད་རྒྱུ་ནི་ཡོངས་རྫོགས་པ། །བཞིན་མཛེས་ཡིད་དུ་འོང་བ་སྟེ། །བོང་འཚམས་ལོ་ནི་བཅུ་གཉིས་པ། །བཟུང་ནས་བསྒྲུབ་པ་བརྩམ་པར་བྱ། །ཕྱི་ས་གཅིན་སོགས་དམ་ཚིག་ལས། །ཆོ་ག་བཞིན་དུ་གྲུ་བཞི་པ། །དཀྱིལ་འཁོར་བྱས་ནས་དེ་དབུས་སུ། །སྔར་གསུངས་པ་ཡི་གནས་དེར་བཞག །ཕྱག་རྒྱ་བཞི་དང་བདག་སྦྱོར་བ། །བདག་ཉིད་མོས་པའི་ལྷར་ཡང་བསྒོམ། །རང་གི་ལུས་ལ་བྱུགས་པ་རྣམས། །བྱིན་གྱིས་བརླབས་པའི་གནས་སུ་དམིགས། །ནུ་མ་སྤྱི་གཙུག་བར་དག་དང་། །ལྟེ་བ་རྐེད་པ་རྐང་རྣམས་སུ། །རྒྱལ་བ་བདག་ཉིད་གསང་ལས་བསྐྱེད། །རིགས་ལྔ་རྣམས་ནི་རབ་ཏུ་དམིགས། །དེ་ཡི་སྙིང་གི་དབུས་སུ་ནི། །ཉི་མའི་དཀྱིལ་འཁོར་བསམ་པར་བྱ། །དེ་དབུས་མི་འཁྲུགས་གཉིས་སུ་མེད། །ཕྱག་རྒྱ་བཞི་དང་ལྡན་པར་བྱ། །སྤྱི་གཙུག་དབུས་སུ་ཟླ་བ་སྟེ། །དེར་ནི་རྣམ་པར་སྣང་མཛད་གཙོ། །དེ་བཞིན་གཉིས་མེད་ཀུན་སྦྱོར་བས། །ཕྱག་རྒྱ་བཞི་དང་ལྡན་པར་བྱ། །སྐྱེད་པའི་དབུས་སུ་ཟུར་བརྒྱད་པའི། །ནོར་བུ་རིན་ཆེན་གཙོ་གནས་པ། །དཀོན་མཆོག་དཔལ་རྣམས་བསམ་བྱས་ཏེ། །ཕྱག་རྒྱ་བཞི་དང་ལྡན་པར་གནས། །ལྟེ་བའི་འོག་གི་ཕྱོགས་དག་ཏུ། །དཀར་དང་དམར་བའི་འདབ་མ་བརྒྱད། །པདྨའི་གདན་ལ་ཆོས་བཞུགས་པ། །ཕྱག་རྒྱ་བཞི་དང་ལྡན་པར་གནས། །རྐང་པ་དག་གི་དབུས་དག་ཏུ། །གྲུ་གསུམ་མེ་འདྲའི་དཀྱིལ་འཁོར་ཏེ། །དེ་ཡི་ ― DNG008_Page_0152 ―
[མ་དཔེ་གཟིགས་ན་འདིར་གནོན།]
དབུས་སུ་གདོན་མི་ཟ། །ཕྱག་རྒྱ་བཞི་དང་ལྡན་པར་གནས། །ཤེས་རབ་ལྡན་དེ་བྱིན་བརླབས་པས། །རྒྱལ་བའི་ཡུམ་ནི་ཡོན་ཏན་ལྡན། །དེ་ལ་གསང་བའི་དབང་ཡང་བསྐུར། །དབང་རྣམས་གསུམ་ནི་འདི་ལྟར་བསྐུར། །སྔགས་ཀྱི་དབང་བསྐུར་ཨཱོཾ་གྱིས་དྲང་། །ཕྱག་རྒྱའི་དབང་བསྐུར་ཡན་ལག་བསྒྱུར། །རྫས་ཀྱི་དབང་བསྐུར་ལག་ཏུ་སྦྱིན། །ཉན་པ་ལ་སོགས་གང་བྱེད་ཀྱང་། །སློབ་དཔོན་མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་ན། །བསྒོམ་མཉན་ལ་སོགས་གང་བྱས་ཀྱང་། །ཚེ་ཐུང་འགྱུར་ཞིང་ངན་སོང་སྐྱེ། །རྣམ་པར་དག་པ་ཆེན་པོ་ལ། །དབང་དང་རིམ་པ་ག་ལ་ཡོད། །རྟག་ཏུ་གནས་པའི་ཆོས་ནི་མིང་དང་གཟུགས་མེད་དོ། །རྣམ་པར་དག་ལ་ཁྱད་པར་མེད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། དབང་གི་ལེའུ་སྟེ་ཞེ་བཞི་པའོ།། །།ཨེ་མ་ཧོ་བསྟན་པ་མེད་པའི་ཆོས་ཉིད་ཟབ་མོ་འདི། གཉིས་མེད་དོན་དམ་ཀུན་ལ་ཁྱབ་པ་ལས། །ལོག་པར་རྟོག་པ་རྣམས་ལ་ཞི་བར་བསྟན་པས་ན། །སྨྲ་བའི་རྒྱལ་པོ་ཉིད་ལས་མི་གཞན་པ། ། འདྲི་མཚམས་ཡིག་སྐྱོན་ཞིག་ཞུགས་འདྲ། མགོན་པོ་ཁྱེད་ཀྱི་དཔྲལ་བའི་དབྱེས་ཆེན་གསང་མདོག་མཛེས། །ཁྱོད་ནི་གསེར་གྱི་རི་བོ་བརྩེགས་པ་འདྲ་ཞིང་ཡིད་དུ་མཆི། །ཡོན་ཏན་བརྒྱན་བལྟམ་བདག་ལུས་ནི། །འདིས་གསུངས་འགྲོ་བའང་བདག་འཚང་རྒྱ། །ཐུབ་པ་ཁྱུ་མཆོག་འཇིག་རྟེན་སྒྲོན་མ་ལ་ནི་སུ་མི་འདུད། །འཇིགས་མེད་སྒྲ་སྒྲོགས་སྟོན་པའི་དགོངས་པ་འབྱིན་བྱེད་ལ། །སྨྲ་མཆོག་ཡང་དག་དོན་སྟོན་ཁྱོད་ལ་ཕྱག་འཚལ་བསྟོད། །ཨེ་མ་ཧོ་ཞི་དང་མ་ཞི་ཐམས་ཅད་དངོས་ལ་གསལ། །ལུང་དང་གཏན་ཚིགས་ཀུན་གྱི་མཛོད། །དམིགས་མེད་དོན་དམ་ཡང་དག་འགྲོ་བའི་ལམ། །རྣམ་རྟོག་ཐམས་ཅད་ཞི་བར་ ― DNG008_Page_0153 ―
[མ་དཔེ་གཟིགས་ན་འདིར་གནོན།]
བྱེད་པའི་བཀའ། །ཐམས་ཅད་མཉམ་པར་བྱེད་པ་ཞི་བའི་ངང་། །ཡེ་ནས་མཉམ་ཉིད་རང་བཞིན་མི་འགྱུར་ལ། །དོན་དམ་རྟོགས་གསལ་བསྒོམ་བྱར་བྱེད་པ་རྒྱུད་ཀྱི་མཆོག །དྲི་མེད་ཆོས་སྐུ་རྣམ་དག་ཞི་བའི་བཀའ། །ཕྲ་ཞིང་རྟོགས་དཀའ་ཟབ་པའི་གསུང་། །གཞན་དང་ཐུན་མོང་མ་ཡིན་གསང་སྔགས་ཚིག །དམ་ཚིག་བསྲུང་དང་བསྒྲུབ་པ་དང་། །ཇི་ལྟར་འཚམས་པ་རྣམས་ཀྱི་གསུང་། །གསུང་རབ་རྒྱ་མཚོ་རྣམ་ཐར་སྒྲ། །འཁོར་བའི་གཡུལ་རྒྱལ་དཔའ་བོ་གོ། །མི་ནུབ་རྒྱལ་མཚན་རྒྱ་མཚོའི་གཏེར། །གཞན་དང་ཐུན་མོང་མ་ཡིན་བཀའ། །བཀའ་གསང་རྨད་འབྱུང་མདོ་ཡི་དོན། །འཁོར་བའི་རྒྱ་མཚོ་སྒྲོལ་བའི་གྲུ། །གཏི་མུག་མུན་པ་སེལ་བའི་སྒྲོན། །མདོ་སྡེ་འདུལ་བ་ཆོས་མངོན་དང་། །བཀའ་གསང་རྨད་བྱུང་ཀུན་ལས་འཕགས། །དོན་དམ་དམིགས་མེད་རྒྱ་མཚོའི་ཀློང་། །བསྟན་པ་གཞན་ལས་འཕགས་པའི་སེང་གེའི་སྒྲ། །དོན་དམ་གསང་བའི་བཀའ་ལ་ཕྱག་འཚལ་བསྟོད། །ཨེ་མ་ཧོ་བསམ་གཏན་དག་གིས་རྣམ་གྲོལ་ཚངས་པ་བཞིན། །གཟུགས་ཀྱི་འོད་གསལ་བརྒྱ་བྱིན་འདྲ་བ་སྟེ། །རྒྱལ་པོ་བཞིན་དུ་ནོར་འབྲུ་རབ་གཏོང་ཞིང་། །རིན་ཆེན་མཆོག་མངའ་ཐུབ་པ་ཚོང་དཔོན་བཞིན། །གཟུགས་ཀྱི་འོད་གསལ་བརྒྱ་བྱིན་འདྲ་བ་སྟེ། །ཞི་བ་སྒྲོགས་མཛད་རི་ལ་སེང་གེ་བཞིན། །མི་འགུལ་བརྟན་པ་ལྷུན་པོ་འདྲ་བ་སྟེ། །རྒྱ་མཚོ་བཞིན་དུ་འཁྲུགས་པ་མི་མངའ་ཞིང་། །ཡོན་ཏན་སྐྱོན་གྱི་རང་བཞིན་མཚུངས་པར་སྤྱོད། །དྲི་མ་དེ་དག་བྱེད་པ་ཆུ་བཞིན་ཏེ། །ཐུབ་པ་མེ་ལྟར་ཉོན་མོངས་ནགས་ཚལ་བསྲེག །རླུང་ལྟར་གང་ལའང་ཆགས་པ་མི་མངའ་ཞིང་། །ཐུབ་པ་ལྷ་ལྟར་ཡང་དག་ཉིད་ཀྱང་སྟོན། །ཀླུ་ལྟར་ཐུབ་པས་ཆོས་ཀྱི་ཆར་འབེབས་ཤིང་། །ཆར་པ་བཞིན་དུ་འགྲོ་བ་ངོམས་པར་མཛད། །ཕ་རོལ་མུ་སྟེགས་འཇོམས་པས་སེང་གེའི་སྒྲ། །མེ་ཏོག་བཞིན་དུ་ཡོན་ཏན་དྲི་ཡང་ལྡང་། །ཚངས་པ་བཞིན་དུ་སྙན་པའི་ཚིག་གསུང་ ལྟ་བ་ཐམས་ཅད་ཀྱི་རྒྱལ་པོ། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད།― DNG008_Page_0154 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། སརྦ་དྲྀཥྚི་རཱ་ཛ་ས་མནྟ་བྷ་དྲཱ་དྷི་མཱ་ཏྲ་སྭཱ་སྡི་ཏནྟྲ། བོད་སྐད་དུ། ལྟ་བ་ཐམས་ཅད་ཀྱི་རྒྱལ་པོ། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད། ཇི་སྐད་གོ་ ― DNG008_Page_0155 ―
[མ་དཔེ་གཟིགས་ན་འདིར་གནོན།]
ཞིང་རྟོགས་ནས་ཤེས་པའི་དུས་གཅིག་ན། སངས་རྒྱས་དང་སེམས་ཅན་ཅི་ལྟར་སྣང་བའི་ཆོས་ཐམས་ཅད་ཀུན་ཏུ་བཟང་པོ་ཆེ་བའི་འཁོར་དུ་སངས་མ་རྒྱས་པ་མེད་པ་ལ། དེ་ནས་ཐམས་ཅད་མི་གཞན་པའི་ཀུན་ཏུ་བཟང་པོའི་འཁོར་དུ་གྱུར་པ་ལ། འདི་སྐད་དུ་ཉིད་ལ་ཉིད་གླེངས་སོ། །ཆོས་རྣམས་སེམས་ཀྱི་སྤྱོད་ཡུལ་ལས། །ཐམས་ཅད་སངས་རྒྱས་ཉིད་དུ་བསྟན། །ཀུན་ཏུ་བཟང་པོའི་རང་བཞིན་ལ། །མན་ངག་ངེས་པར་བསྟན་དུ་གསོལ། །རྣལ་འབྱོར་ཀུན་གྱི་དབང་ཕྱུག་ཆེ། །གསང་བའི་གསང་ཆེན་ངེས་པའི་དོན། །ཉིད་ཀྱི་ཐུགས་ལས་བྱུང་བ་ཡི། །སྣོད་ལྡན་རྣམས་ལ་བསྟན་པར་བྱོས། །དེ་ནས་སྟོན་པ་ཀུན་ཏུ་བཟང་པོས། འཇིགས་ལ་ཡ་ང་བ་འཁོར་བའི་ཆོས། སྡུག་བསྔལ་སྣ་ཚོགས་ཀྱི་ཁ་བརྒྱུད་ནས། ཉམ་ཐག་པ་འདི་ཉིད་དགའ་སྐྱིད་ཆེན་པོ་མྱ་ངན་ལས་འདས་པའི་ཆོས་བདེ་བ་ཆེན་པོ་ལྷུན་གྱིས་གྲུབ་པ་སྟེ་འགྱུར་བ་མེད་པ་ཡིན་པའི་ཕྱིར་རོ། །ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད། སངས་རྒྱས་ཐམས་ཅད་ཀྱི་ཐུགས་ཀྱི་དགོངས་པ་གཅིག་ཏུ་དྲིལ་བའི་དོན་ཀུན་ཏུ་བཟང་པོ་ལྔ་དང་ཆེ་བ་བཅུ་དྲུག་དང་རང་ལ་གནས་པ་དགུ་བཀའ་སྩལ་ཏོ། །དེ་ལ་ཀུན་ཏུ་བཟང་པོ་མན་ངག་གི་རྒྱུད་འདི་རྟོགས་པར་འདོད་པ་རྣམས་ཀྱིས། ངེས་པར་ཀུན་ཏུ་བཟང་པོ་རྣམ་པ་ལྔ་ཡིད་ལ་ཟུང་ཞིག །དེ་ལ་ཀུན་ཏུ་བཟང་པོ་ལྔ་གང་ཞེ་ན། ལྟ་བ་ཀུན་ཏུ་བཟང་པོ་དང་། སྤྱོད་པ་ཀུན་ཏུ་བཟང་པོ་དང་། ཕྲིན་ལས་ཀུན་ཏུ་བཟང་པོ་དང་། དམ་ཚིག་ཀུན་ཏུ་བཟང་པོ་དང་། རང་བཞིན་ཀུན་ཏུ་བཟང་པོའོ། །དེ་ལ་ལྟ་བ་ཀུན་ཏུ་བཟང་པོ་འདི་སྐད་ཅེས་བཀའ་སྩལ་ཏོ། །ཐམས་ཅད་ཀུན་ཏུ་བཟང་པོ་ལ། །འཁོར་བའི་ཆོས་དང་མྱ་ངན་འདས། །རྣམ་རྟོག་ཉིད་ཀྱང་ཡེ་ཤེས་པས། །ལོག་རྟོག་ཞེ་སྡང་ག་ལ་ཡོད། །ཕྱོགས་རིས་མེད་པ་ཆོས་ཉིད་ཀློང་། །ཕྱི་ནང་མེད་པ་ཡེ་ཤེས་ངང་། །བཟང་ ― DNG008_Page_0156 ―
[མ་དཔེ་གཟིགས་ན་འདིར་གནོན།]
ངན་ཆེ་ཆུང་མེད་པར་མཉམ། །སྐྱེ་ཤི་འགྱུར་མེད་བྱར་མེད་སེམས། །འཁོར་བའི་ལོག་རྟོག་མཚན་མ་ཡིས། །མཁའ་ལ་འཇའ་ཚོན་སྣང་བཞིན་གནས། །ཨ་ཨ་རྒོད་རེ་བྲོ། ཉམས་སུ་འཛིན་པས་གོལ་བས་ན། །དབྱེར་མེད་མཉམ་པ་ཉིད་དུ་གསུངས། །ཆོས་རྣམས་ཐམས་ཅད་ཐོག་མ་ནས། །རྒྱུ་དང་རྐྱེན་གྱིས་མ་བཙལ་ཏེ། །ཡེ་ནས་ལྷུན་གྱིས་གྲུབ་པ་ལ། །བསྐལ་པར་བཙལ་ཡང་མི་རྙེད་པས། །མ་བཅོས་ཡེ་ནས་དག་པ་ལ། །ཐམས་ཅད་གཞན་ལས་སེམས་མ་ཡིན། །མ་བཙལ་གནས་པས་སངས་རྒྱས་ཡིན། །ཀུན་ཏུ་བཟང་པོའི་རང་བཞིན་ལ། །རྒྱུ་དང་འབྲས་བུར་བཏགས་པས་གོལ། །ཡེ་ནས་གཉིས་མེད་བྱང་ཆུབ་པས། །དོན་དེ་ཉིད་ནི་བཙལ་དུ་མེད། །སངས་རྒྱས་སེམས་ཅན་ལ་སོགས་པ། །ཐམས་ཅད་སེམས་ལས་གཞན་མ་ཡིན། །བདེ་ཆེན་ཉིད་ཡིན་བཅོས་སུ་མེད། །མ་བཙལ་མ་བསྒྲུབས་ཡེ་ནས་དག །རྒྱུ་ཉིད་དག་པའི་སངས་རྒྱས་ལ། །སྐྱེ་ཤི་མེད་པར་སུས་ཤེས་པ། །ལྟ་བ་ཀུན་ཏུ་བཟང་པོ་ཡིན། དེ་ནས་སྤྱོད་པ་ཀུན་ཏུ་བཟང་པོ་འདི་གསུངས་སོ། །བྱང་ཆུབ་སེམས་ཀྱི་རང་བཞིན་འདི། །ཕྱི་དང་ནང་དུ་བཟུང་བས་ནོར། །རྒྱུ་དང་འབྲས་བུར་བཏགས་པས་འཁོར། །ལོག་སྤྱོད་ཐར་པ་བདེ་བ་མེད། །ཆགས་དང་མ་ཆགས་ལ་སོགས་དང་། །བདེ་དང་སྡུག་བསྔལ་གཉིས་མེད་པས། །གཅིག་སྟེ་ཕྱོགས་རིས་མེད་པ་ལ། །དེ་བཞིན་གང་སྤྱོད་བདེ་བ་ཆེ། །མཚན་འཛིན་འདུ་བྱེད་ཕྱོགས་ཆ་ལ། །ཡོད་མེད་ཆགས་པས་འཆིང་བའི་རྒྱུ། །དབྱེར་མེད་ལྷུན་རྫོགས་འབྲས་བུ་ཉིད། །གོ་བའི་ངང་ལ་བདེ་བ་ཆེ། །འཇིག་རྟེན་འཁོར་བའི་ཆོས་ཅན་ལ། །བརྟགས་ཤིང་མཚན་མར་སྤྱོད་པས་ནོར། །དེ་ཉིད་བདག་མེད་གཞན་མེད་པར། །གཉིས་མེད་སྦྱང་བས་བདེ་བ་ཆེ། །དགེ་དང་མི་དགེའི་ལས་རྣམས་ཀུན། །མ་ཆགས་ ― DNG008_Page_0157 ―
[མ་དཔེ་གཟིགས་ན་འདིར་གནོན།]
གཉིས་མེད་ཐབས་ཀྱིས་སྤྱོད། །གང་ལ་རོལ་པས་ཡོན་ཏན་སྣང་། །རྒྱུ་རྐྱེན་རྟེན་འདྲེལ་ཡོད་མ་ཡིན། །ལོངས་སྤྱོད་ཡོན་ཏན་རྣམ་པ་ལྔ། །ཐབས་དང་ཤེས་རབ་ལ་སོགས་ཀྱང་། །སྤྱད་ན་སྐྱོན་མེད་རྟོགས་པ་གསལ། །མ་སྤྱད་ན་ཡང་ཉེས་མེད་རྫོགས། །ཡོད་མེད་རྟག་ཆད་ཐམས་ཅད་ནི། །མ་སྐྱེས་རང་བཞིན་ངང་ལས་མེད། །བདེ་དང་སྡུག་བསྔལ་གཉིས་འཛིན་པ། །ཐ་དད་མེད་དེ་བྱང་ཆུབ་སེམས། །མྱ་ངན་འདས་དང་འཁོར་བའི་ཆོས། །སྐྱོན་དང་ཡོན་ཏན་ཐམས་ཅད་ལ། །བཅིང་གྲོལ་མེད་པར་གང་སྤྱོད་པ། །སྤྱོད་པ་ཀུན་ཏུ་བཟང་པོའོ། །དེ་ནས་ཕྲིན་ལས་ཀུན་ཏུ་བཟང་པོ་གསུངས་པ། །ཀུན་རྫོབ་དངོས་པོར་སྣང་བ་ཡི། །སྣོད་བཅུད་རྫས་སུ་སྣང་བ་ཀུན། །ཆོས་ཉིད་མ་སྐྱེས་རང་བཞིན་ལ། །མིང་དང་ཚིག་ཏུ་བཏགས་པས་འགལ། །ཅིར་སྣང་ཀུན་ཏུ་བཟང་པོ་ལ། །དེ་ཉིད་སེམས་ཀྱི་རོལ་པ་ཡིན། །ཅི་ལྟར་མཛད་པ་འགལ་བ་མེད། །ཕྲིན་ལས་བྱ་བཙལ་མེད་པའོ། །དགེ་བ་དང་ནི་སྡིག་པའི་ལས། །ཐར་པའི་བྱེ་བྲག་ཐམས་ཅད་ལ། །སེམས་ཡིན་གཉིས་མེད་ལྷུན་གྲུབ་ལ། །བྱང་ཆུབ་སེམས་ཀྱི་ཕྲིན་ལས་ལ། །རྟོག་དང་མི་རྟོག་ལས་འདས་པ། །སངས་རྒྱས་མཛད་པ་ཁྱད་པར་ཆེ། །ཅིར་ཡང་མེད་པས་ཅིར་སྤྱོད་པ། །བདེ་བ་ཆེན་པོའི་མཛད་སྤྱོད་ཡིན། །ཀུན་གཞི་མ་བྱུང་མ་སྐྱེས་པ། །སྒྲོལ་སྦྱོར་ལ་སོགས་ཅི་སྤྱོད་པ། །གང་ལ་ཡོད་མིན་མེད་པ་ནི། །བླང་དོར་མེད་པས་ཕྲིན་ལས་བཟང་། །དེ་ནས་དམ་ཚིག་ཀུན་ཏུ་བཟང་པོ་བཀའ་སྩལ་ཏོ། །ང་དང་བདག་ཏུ་ཕྱོགས་དང་རིས། །མི་མཐུན་སྐྱོན་གྱི་བྱེ་བྲག་ཀྱང་། །ཀུན་ཏུ་བཟང་པོར་དབྱེར་མེད་པས། །ཉེས་ལེགས་རྟོག་པ་བསྲུང་དུ་མེད། །མཐའ་དབུས་མེད་པའི་ཀློང་གདལ་བས། །ཆོས་ཉིད་ཀུན་ཏུ་བཟང་པོ་ལ། །མཉམ་པའི་ཀློང་ལས་འགྱུར་བ་མེད། །འཐབ་རྩོད་མ་ ― DNG008_Page_0158 ―
[མ་དཔེ་གཟིགས་ན་འདིར་གནོན།]
སྐྱེས་ཕྱལ་པ་ཡིན། །ཆགས་པའི་བདེ་དང་ཉོན་མོངས་དགྲ། །གཉིས་སུ་མེད་དེ་རང་གི་སེམས། །སེམས་ཀྱིས་སེམས་ལ་དགྲ་མེད་ན། །བདག་ཉིད་སངས་རྒྱས་གཅིག་པུར་སྤྱོད། །ཕན་པའི་ལྷ་དང་བར་ཆད་བདུད། །གཉིས་སུ་མེད་པའི་རྟོག་ལས་འདས། །རིས་སུ་བཙལ་ཡང་མི་རྙེད་པས། །ལྷུན་གྱིས་གྲུབ་པའི་དམ་ཚིག་ཡིན། །ཀུན་ཏུ་བཟང་པོ་བྱང་ཆུབ་སེམས། །མི་འགྱུར་གདལ་བ་མེད་པས་ན། །མ་ཡེངས་ཕྱོགས་རིས་མེད་བསྲུངས་པ། །དམ་ཚིག་ཀུན་ཏུ་བཟང་པོ་ཡིན། །དེ་ནས་རང་བཞིན་ཀུན་ཏུ་བཟང་པོ་འདི་གསུངས་སོ། །སེམས་ཀྱི་ཆོས་ཉིད་རང་བཞིན་ལས། །མ་སྐྱེས་ཡེ་ནས་སངས་རྒྱས་ཏེ། །ཀུན་ལ་གདལ་ཞིང་སྣང་བ་འདི། །རྒྱལ་འགྲོས་མཛད་ཅིང་བཅོས་མ་ཡིན། །བཟང་དང་ངན་པ་ཐམས་ཅད་དང་། །གཙང་སྨེ་ཆེ་ཆུང་ལ་སོགས་པ། །རང་བཞིན་དབྱེར་མེད་བྱང་ཆུབ་སེམས། །མཁས་པས་བཅོས་ཤིང་བཙལ་དུ་མེད། །སྐྱོན་དང་ཡོན་ཏན་དུག་དང་རྩི། །འཛིན་རྟོག་བྱིས་པའི་སྤྱོད་འདྲ་ལ། །རང་བཞིན་ཡོངས་ཀྱིས་དངོས་པོ་མེད། །འདྲེན་བཞིན་ཆོས་རྣམས་རང་བཞིན་གནས། །ཀུན་གཞི་ཀུན་ཏུ་བཟང་པོ་ལ། །རྒྱུ་འབྲས་བདེ་སྡུག་བཙལ་མི་རྙེད། །བཟང་ངན་ཆེ་ཆུང་གཙང་སྨེ་མེད། །རང་བཞིན་ཀུན་ཏུ་བཟང་པོ་ཡིན། །བཅོམ་ལྡན་འདས་དཔལ་ཀུན་ཏུ་བཟང་པོ་སེམས་ཀྱི་རང་བཞིན་གང་ཡིན་པ་དེ་ལ་ཕྱག་འཚལ་ལོ། །འདི་སྐད་ཅེས་གོ་ཞིང་རྟོགས་པའི་དུས་གཅིག་ན། སྟོན་པ་ཀུན་ཏུ་བཟང་པོ་སེམས་ཀུན་ཏུ་བཟང་པོ་ལ་བཞུགས་ནས། དམ་ཆོས་ཀུན་ཏུ་བཟང་པོ་ལྟ་བ་ཐམས་ཅད་ཀྱི་རྒྱལ་པོ་ཆེ་བ་རང་ལ་གནས་པའི་རྒྱུད་འདི་བཀའ་སྩལ་ཏོ། །རྣལ་འབྱོར་གང་ཞིག་རྟོགས་འདོད་པས། །ཀུན་ཏུ་བཟང་པོའི་རྒྱུད་འདི་ཉོན། །དོན་རྟོགས་ལྡན་པའི་སྐྱེས་བུ་གང་། །འདི་དག་ཤེས་པར་སུ་འདོད་པ། །ངེས་པར་ ― DNG008_Page_0159 ―
[མ་དཔེ་གཟིགས་ན་འདིར་གནོན།]
ལུང་འདི་བསྟན་པར་བྱ། །དེ་ནས་ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་འདི། རྟོགས་པར་འདོད་པའི་རྣལ་འབྱོར་གྱིས། ངེས་པར་ཆེ་བ་བཅུ་དྲུག་པོ་འདི་ཡིད་ལ་ཟུང་ཞིག །དེ་ལ་ཆེ་བ་བཅུ་དྲུག་གང་ཞེ་ན། སེམས་ཡེ་ནས་ཆེ་བ་དང་། ཆོས་ཉིད་ཡེ་ནས་ཆེ་བ་དང་། འབྱུང་བ་ཡེ་ནས་ཆེ་བ་དང་། ཡེ་ཤེས་ཡེ་ནས་ཆེ་བ་དང་། སྐུ་ཡེ་ནས་ཆེ་བ་དང་། སྐུ་གསུང་ཐུགས་ཕྲིན་ལས་ཡེ་ནས་ཆེ་བ་དང་། སྐྱོན་དང་ཡོན་ཏན་ཡེ་ནས་ཆེ་བ་དང་། འཁོར་བ་དང་ངན་སོང་ཡེ་ནས་ཆེ་བ་དང་། མཐོ་རིས་དང་མྱ་ངན་ལས་འདས་པ་ཡེ་ནས་ཆེ་བ་དང་། ཐབས་ཡེ་ནས་ཆེ་བ་དང་། ཤེས་རབ་ཡེ་ནས་ཆེ་བ་དང་། སྐྱོན་གྱི་རྒྱུ་ཡེ་ནས་ཆེ་བ་དང་། ཡོན་ཏན་གྱི་རྒྱུ་ཡེ་ནས་ཆེ་བ་དང་།སངས་རྒྱས་ཡེ་ནས་ཆེ་བ་དང་། སེམས་ཅན་ཡེ་ནས་ཆེ་བ་དང་། རྟོགས་པ་ཡེ་ནས་ཆེ་བའོ། །དེ་ནས་སེམས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཀུན་ཏུ་བཟང་པོ་ང་ཡི་སེམས། །རྒྱ་ཆེ་རོལ་པ་ཀུན་བརྟེན་པས། །གཏི་མུག་ཆེན་པོ་ང་ཡི་སེམས། །གཏི་མུག་གོང་ན་སངས་རྒྱས་མེད། །གཏི་མུག་ཆེན་པོའི་ཡེ་ཤེས་ཀྱིས། །བྱུང་ཚོར་རྟོག་པ་ཀུན་བྲལ་བས། །དམིགས་མེད་ཤེས་རབ་ཕ་རོལ་ཕྱིན། །ཆེ་བའི་རྒྱལ་པོ་གཏི་མུག་ཤར། །སངས་རྒྱས་རྗེ་བཙན་དམ་པ་ཡིན། །འདོད་ཆགས་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །འདོད་ཆགས་ཆེན་པོ་ང་ཡི་སེམས། །ཞེ་སྡང་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ཞེ་སྡང་ཆེན་པོ་ང་ཡི་སེམས། །ང་རྒྱལ་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ང་རྒྱལ་ཆེན་པོ་ང་ཡི་སེམས། །ཕྲག་དོག་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ཕྲག་དོག་ཆེན་པོ་ང་ཡི་སེམས། །ཉོན་མོངས་ལྔ་ལས་བྱུང་བ་ལས། །གཞན་ནས་སངས་རྒྱས་ཡོངས་མེད་པས། །སེམས་ཀྱི་རྒྱལ་པོ་དུག་ལྔ་ལ། །ཀུན་བཟང་ཡེ་ཤེས་རྒྱལ་པོར་སྤྱོད། །ཐབས་ཀྱི་ ― DNG008_Page_0160 ―
[མ་དཔེ་གཟིགས་ན་འདིར་གནོན།]
འབྲས་བུར་སེམས་ཆེ་བས། །རྒྱལ་བས་ཐབས་སུ་སེམས་སུ་བསྔགས། །ང་མེད་བདག་དང་བྲལ་བ་ཡིས། །ཀུན་གཞི་སེམས་ཀྱི་རྒྱལ་པོ་ལ། །ཐར་པའི་འབྲས་བུའི་དོན་འཆར་བས། །འཕགས་ལམ་ངེས་པར་སངས་རྒྱས་ཏེ། །བདག་ཉིད་ཆེན་པོ་རྒྱལ་བའི་བཀའ། །མི་དམིགས་པ་ལ་དམིགས་པ་མེད། །དམིགས་མེད་སེམས་ཀྱི་ངེས་པ་ལ། །ཡང་དག་གསང་མཛོད་གསུམ་དུ་བསྟན། །འབྱུང་བའི་བླ་མ་བླ་མ་ཆེ། །ཐམས་ཅད་འབྱུང་བའི་སྟོན་པའི་མཆོག །སྣང་བ་ཀུན་ལ་རབ་གནས་པས། །དེ་ཉིད་ཐབས་ཀྱིས་ལོངས་སྤྱོད་དེ། །གང་ལའང་ཆགས་པའི་རྒྱུ་མེད་པ། །འཛིན་ཆགས་མེད་པའི་ཡེ་ཤེས་ལ། །ཐབས་ཀྱིས་འདྲེལ་པ་ཐུགས་རྗེས་སྐྱོང་། །ཆོས་རྣམས་ཐམས་ཅད་སེམས་ལས་བྱུང་། །སེམས་ཀྱི་བསྟན་པའི་ལུང་ལ་ཉོན། །ཕྱོགས་བཅུའི་སངས་རྒྱས་ང་ཡི་སེམས། །ཕྱི་ནང་སྣོད་བཅུད་ང་ཡི་སེམས། །ཕྱོགས་དང་སྣང་བ་ང་ཡི་སེམས། །ཕྱི་དང་ནང་ཡང་ང་ཡི་སེམས། །མཐོ་རིས་ངན་སོང་ང་ཡི་སེམས། །སེམས་ཀྱི་སངས་རྒྱས་ཀུན་བཟང་ལ། །སྤྲུལ་པ་ཕྱོགས་བཅུའི་སངས་རྒྱས་ཉོན། །ང་ལ་ངས་བསྟན་རྒྱུ་མེད་ན། །འཛིན་རྟོག་ཆོས་ནི་སུ་ཡི་ཆོས། །བདག་ལ་ཕྱོགས་དང་རིས་མེད་ན། །ཕྱི་དང་ནང་ནི་སུ་ཡི་ཆོས། །ང་ལ་རྒྱུ་འབྲས་ཡོངས་མེད་ན། །བཟང་དང་ངན་པ་སུ་ཡི་ཆོས། །བཅོས་པ་མེད་པའི་སེམས་ཉིད་ལ། །ཁ་དོག་ལྔ་པོ་གང་ནས་བྱུང་། །བཟང་ངན་ཆེ་ཆུང་སུ་ལས་བྱུང་། །ཚོར་བ་བདེ་སྡུག་གང་གིས་སྨྲས། །ཕྱོགས་རིས་ས་མཚམས་སུ་ལ་ཡོད། །འཁྲུལ་པའི་སེམས་དེ་ཡོང་རེ་འཁྲུལ། །རྨོངས་པའི་བློ་དེ་ཡོང་རེ་སྡུག །རྟོག་པའི་བློ་དེ་ཡོང་རེ་ཉེན། །ཅི་ལྟར་སྣང་བའི་ཆོས་རྣམས་ལ། །བདག་གི་སེམས་ཀྱིས་དབང་བསྒྱུར་ན། །བདག་པས་དྲག་པ་གང་ན་ཡོད། །སངས་རྒྱས་ཐམས་ཅད་སེམས་ཡིན་ན། ། ― DNG008_Page_0161 ―
[མ་དཔེ་གཟིགས་ན་འདིར་གནོན།]
སེམས་ལས་ཆེ་བ་གང་ན་ཡོད། །འཛིན་རྟོག་འདས་པའི་ཆོས་ཉིད་ནི། །སེམས་ཀྱི་ཆེ་བ་དེ་ལ་ཡོད། །སྤང་ལེན་མེད་པའི་འབྲས་བུ་ནི། །སེམས་ཀྱི་ཆེ་བ་དེ་ལ་ཡོད། །སེམས་ཀྱི་ཆེ་བ་ཡེ་གནས་ལ། །འདི་ལ་རྒྱུ་ཡིས་བཙལ་མེད་ན། །འདི་ལ་འབྲས་བུར་སྦྱང་བ་མེད། །ནམ་མཁའ་བཞིན་དུ་ཡེ་གནས་ལ། །འཛིན་རྟོག་བཅོས་པའི་རྒྱུ་ཅི་ཡོད། །ཆོས་དང་སངས་རྒྱས་ཚོལ་འདོད་ན། །སེམས་ཀྱི་ཆེ་བ་འདི་ལ་བཙལ། །སེམས་ཡེ་ནས་ཆེ་བའི་ལེའུ་སྟེ་དང་པོའོ།། །།དེ་ནས་ཆོས་ཉིད་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཀུན་ཏུ་བཟང་པོ་ང་ཡི་ཆོས། །རྒྱ་ཆེ་རོལ་པ་བསྟན་པ་ནི། །ཅི་ལྟར་སྣང་བ་ང་ཡི་ཆོས། །རང་བཞིན་མེད་པའི་སྔོན་རོལ་ན། །ཆོས་ཉིད་བྱ་བའི་མིང་ཡང་མེད། །གང་ཟག་རྣལ་འབྱོར་སུ་ཡོད་ན། །ཆོས་ཉིད་འབྲས་བུ་སུས་འདོད་པ། །རང་བཞིན་མེད་ལས་བཙལ་བར་བྱ། །སེམས་ཀྱི་རང་བཞིན་ཡིན་པ་ལ། །དེ་ལ་རྟོག་པ་ཆེར་བསྐྱེད་དེ། །ཆོས་ཉིད་ཆེ་བ་བྱ་བ་ཡིན། །ཡང་དག་ངེས་པའི་ཆོས་ཉིད་ལ། །ཆོས་ཉིད་ཆེ་བར་མུ་མཐའ་མེད། །ཆོས་ཉིད་ཆེ་བར་བཟང་ངན་མེད། །ཆོས་ཉིད་ཆེ་བར་མཐའ་དབུས་མེད། །ཆོས་ཉིད་ཆེ་བར་ཕྱི་ནང་མེད། །ཆོས་ཉིད་ཆེ་བར་སྟེང་འོག་མེད། །ཆོས་ཉིད་ཆེ་བར་ཕྱོགས་རིས་མེད། །ཆོས་ཉིད་ཆེ་བར་སྤང་ལེན་མེད། །ཆོས་ཉིད་ཆེ་བར་ཡོད་མེད་མེད། །མེད་པའང་མ་ཡིན་ཁྱབ་པར་གདལ། །ཁྱབ་པར་གདལ་ཡང་རྫས་སུ་མེད། །འདི་འདྲའི་མཚན་ཉིད་གང་ཤེས་པ། །དེ་ནི་ཆོས་ཉིད་ཆེ་བ་སྟེ། །ཆོས་ཉིད་མེད་པའི་སྔོན་རོལ་ན། །སངས་རྒྱས་སེམས་ཅན་མིང་ཡང་མེད། །ཆོས་ཉིད་ཆེ་བའི་བྱིན་རླབས་ལས། །ཅི་ལྟར་སྣང་བ་དེ་ལྟར་སྣང་། །གང་ལྟར་སྣང་བ་དེ་ལྟར་ཡིན། །ཡང་དག་པར་ཡང་བཀའ་སྩལ་ཏོ། །དེ་དག་ལ་སོགས་ཆོས་རྣམས་ལ། །ཆོས་རྣམས་ལ་ཡང་ཆོས་སུ་མེད། །རང་ ― DNG008_Page_0162 ―
[མ་དཔེ་གཟིགས་ན་འདིར་གནོན།]
བཞིན་ཆ་ཕྲ་གང་འཛིན་པ། །འཛིན་པ་དེ་ལ་ཆོས་མེད་དེ། །ཆོས་ཀྱི་འབྲས་བུ་དེ་ལ་མེད། །ཆོས་ཀྱི་འབྲས་བུ་གང་འཛིན་པ། །རིག་པའི་དོན་ནི་འདི་རྣམས་སོ། །སྔོན་དང་ཕྱི་མར་མ་གྱུར་ཞིང་། །ཕྱོགས་དང་རིས་སུ་མ་ཕྱེ་བས། །ཟིན་ཆགས་འཛིན་རྟོག་སྐྱོན་སྤངས་ན། །དེ་ནི་ཆོས་ཉིད་ཅེས་བྱའོ། །གཞན་ཡང་ཆོས་ཉིད་ཆེ་བ་ནི། །རྣལ་འབྱོར་གང་ཞིག་རྟོགས་འདོད་ན། །རྒྱ་ཆེ་ཤེས་རབ་ཕྱོགས་བརྡལ་ནས། །ཆོས་ཉིད་ཡེ་ནས་ཆེ་བའི་ལེའུ་འདི་ལས་བཙལ་བར་བྱའོ། །ཆོས་ཉིད་ཡེ་ནས་ཆེ་བའི་ལེའུ་སྟེ་གཉིས་པའོ།། །།དེ་ནས་འབྱུང་བ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ནམ་མཁའ་ཡེ་ནས་ཆེ་བ་དང་། །མེ་ཆུ་ཡེ་ནས་ཆེ་བ་དང་། །རླུང་ས་ཡེ་ནས་ཆེ་བའོ། །འབྱུང་བ་མེད་པའི་སྔོན་རོལ་ན། །སངས་རྒྱས་སེམས་ཅན་མིང་ཡང་མེད། །འབྱུང་བ་ལྔ་ཡི་སངས་རྒྱས་ནི། །སངས་རྒྱས་ཀུན་གྱི་རྗེ་བཙན་ཡིན། །འབྱུང་བ་ལྔ་པོ་མ་ཡི་དབྱིངས། །མ་ལས་སྐྱེས་པས་སངས་རྒྱས་སྲས། །འབྱུང་བ་ལྔ་པོ་རིགས་ཀྱི་ཡུམ། །དེ་ལ་བདག་རོལ་ཐབས་ཀྱི་ཡབ། །འབྱུང་བ་ཡེ་ནས་གནས་ཀྱི་ཆེ། །འབྱུང་བ་ཡེ་ནས་དག་པ་སྟེ། །འབྱུང་བའི་གནས་ནི་ནམ་མཁའ་ལ། །འབྱུང་བའི་རྒྱུ་ནི་ས་གཞིའོ། །འབྱུང་བའི་ལོངས་སྤྱོད་མེ་ཆུ་སྟེ། །འབྱུང་བའི་སྤྲུལ་པ་རླུང་ཡིན་ནོ། །འབྱུང་བའི་མཚན་ཉིད་རྟོག་པ་མེད། །འབྱུང་བའི་རང་བཞིན་འདུས་མ་བྱས། །འབྱུང་བའི་འབྲས་བུ་དམིགས་པ་མེད། །འབྱུང་བའི་ཡོན་ཏན་གོ་ཞིང་རྟོགས། །འབྱུང་བའི་དོན་ལ་བསྒྱུར་བ་མེད། །ཆོས་ཉིད་ངང་ལས་ཀུན་འབྱུང་བས། །ཐམས་ཅད་འབྱུང་བས་འབྱུང་བ་ཆེ། །འབྱུང་བའི་རང་བཞིན་དངོས་མེད་པས། །དེས་ན་འབྱུང་བ་སྟོང་པའོ། །འབྱུང་བ་ཤེས་རབ་ཕ་རོལ་ཕྱིན། །འབྱུང་བ་ལྔ་ཡི་འཕྲོ་འདུ་ཡིས། །ཆོས་ཀྱི་དབྱིངས་ཀྱི་ཆོ་རོལ་ ― DNG008_Page_0163 ―
[མ་དཔེ་གཟིགས་ན་འདིར་གནོན།]
བསྟན། །སྟོང་པའི་དོན་རྟོགས་འབྱུང་བ་ལ། །ངེས་པའི་རིག་པས་གསལ་བཏབ་ནས། །ཐབས་དང་ལྡན་པའི་བྱིན་རླབས་ཀྱིས། །འདི་དག་འབྱུང་བར་སྟོན་པར་ཟད། །དོན་ལ་དེ་ལྟར་བསྟན་པ་མེད། །རྟགས་པའི་ཆེ་བ་ཆེན་པོ་ལས། །མ་རྟོགས་འབྱུང་བའི་ལས་བྱེད་ན། །ཆེ་བའི་ཡེ་ཤེས་ཡོད་མ་ཡིན། །ཆེ་བའི་ཆེ་བར་བདག་སྣང་ན། །ཆེ་མཆོག་ཐབས་ཀྱི་རྒྱལ་པོར་སྣང་། །ཐམས་ཅད་འབྱུང་བ་ལྔ་ཡིས་བསྐྱེད། །འབྱུང་བ་ཆེན་པོའི་དོན་རྟོགས་ན། །ཐམས་ཅད་ཆེ་བའི་རྒྱལ་པོར་འགྲུབ། །ཆེ་བའི་རྫུ་འཕྲུལ་ཅིར་ཡང་སྟོན། །བདག་ཉིད་ཐབས་ཀྱི་བྱིན་རླབས་ལས། །འཕྲུལ་པ་ལྔ་ཡི་ཆོ་འཕྲུལ་གྱིས། །མ་རིག་རྟག་པའི་ལིང་ཏོག་བསལ། །ང་དང་བདག་ཏུ་བྱེད་པ་བཅོམ། །ཕྱོགས་དང་རིས་སུ་བལྟ་བ་བསལ། །མཚན་མའི་འཛིན་རྟོག་གནས་པ་བཀྲོལ། །ཡང་གསང་ངེས་པའི་ལམ་དུ་བཞག །ཐར་པའི་ལམ་ཞེས་དེ་ལ་གསུངས། །གང་ཞིག་མ་སྐྱེས་དོན་འདོད་པས། །འབྱུང་བ་ཡེ་ནས་ཆེ་བའི་ཆེ་བ་འདི་ལས་བཙལ་བར་བྱ། འབྱུང་བ་ཡེ་ནས་ཆེ་བའི་ལེའུ་སྟེ་གསུམ་པའོ།། །།དེ་ནས་ཡེ་ཤེས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཡེ་ཤེས་རྒྱལ་པོ་གང་འདོད་པས། །རང་གིས་སེམས་ལས་བཙལ་བར་བྱ། ། ཚིག་ཆད་སོང་། འགྲོ་ཀུན་བླ་མེད་བྱང་ཆུབ་ལ། །རྟོགས་པའི་རྒྱུད་ལ་རང་རིག་པས། །དེ་ནི་ཡེ་ཤེས་ཆེ་བའོ། །སྟོང་གསུམ་ཡེ་འབྱམས་དོན་ཤེས་ཤིང་། །གདལ་བ་ཆེན་པོར་ཕྱོགས་མེད་ན། །ཡེ་ཤེས་ཆེ་བའི་དམ་པ་སྟེ། །བཟང་ངན་མེད་པར་དོན་ཤེས་ན། །ཀུན་ཏུ་བཟང་པོར་དོན་ཤེས་ན། །ཆོས་ཉིད་ཡེ་ནས་མ་བཅོས་པའི། །དོན་དེ་ཤེས་ན་ཡེ་ཤེས་ཡིན། །ཡེ་ཤེས་དམ་པ་འཚོལ་འདོད་པས། །གང་ལའང་ཐེ་ཚོམ་མ་བསྐྱེད་པར། །རྟོགས་པའི་ཀློང་དུ་དོན་སྤྱོད་དང་། །རང་བྱུང་ཡེ་ཤེས་དེ་ལ་འཆང་། །མི་སྣང་ཡེ་ཤེས་དེ་ལ་ཕྱི་ནང་མེད། །ལྷུན་གྲུབ་ཡེ་ཤེས་ཕྱོགས་རིས་མེད། ། ― DNG008_Page_0164 ―
[མ་དཔེ་གཟིགས་ན་འདིར་གནོན།]
སྟོང་པའི་ཡེ་ཤེས་དངོས་པོ་མེད། །མེ་ལོང་ཡེ་ཤེས་རྟོག་པ་མེད། །མཉམ་ཉིད་ཡེ་ཤེས་ཆེ་ཆུང་མེད། །སོ་སོར་རྟོགས་པས་མ་འདྲེས་གསལ། །བྱ་གྲུབ་ཡོན་ཏན་མཐར་ཕྱིན་མེད། །ཅི་སྟེ་བཙལ་བས་འགྲུབ་གྱུར་ན། །རང་བྱུང་ཡེ་ཤེས་ཡོངས་མི་བདེན། །རང་བྱུང་ཡེ་ཤེས་བསྒོམས་པས་མིན། །ཅི་སྟེ་བསྒོམས་པས་ཡིན་འགྱུར་ན། །རིག་པའི་ཡེ་ཤེས་ཡོངས་མི་བདེན། །རིག་པའི་ཡེ་ཤེས་ནང་ཤར་ན། །བཙལ་བ་མེད་པར་ལྷུན་གྱིས་གྲུབ། །རང་བྱུང་ཡེ་ཤེས་དོན་རྟོགས་ན། །བསྒྲུབ་པ་མེད་པར་ཡོངས་སུ་འགྲུབ། །བདག་ཉིད་ཡེ་ཤེས་དོན་རྟོགས་ན། །ཆོས་རྣམས་ཐམས་ཅད་བདག་ལ་གསལ། །ཡངས་སོ་བདེའོ་ཡེ་ཤེས་མཆོག །གསལ་ཞིང་དག་ལ་དྲི་མ་མེད། །གཉིས་སུ་མེད་པས་རྟོག་པ་སྤང་། །སངས་རྒྱས་སེམས་ཅན་སོ་སོ་ནས། །ཡེ་ཤེས་ཆེན་པོས་ཡོངས་མ་ཟིན། །ཕྱོགས་བཅུའི་སངས་རྒྱས་ཐམས་ཅད་པས། །ཡེ་ཤེས་ཆེན་པོ་འདི་དག་སྤངས། །སངས་རྒྱས་ཐམས་ཅད་བསྐྱེད་པའི་ཡབ། །སངས་རྒྱས་སྲས་པོ་དམ་པ་སྟེ། །ཉག་གཅིག་ཡབ་ལས་མ་རྟོགས་པ། །གཉིས་སུ་སྣང་བ་བསྟན་པ་མིན། །མཉམ་པའི་དོན་དང་མི་ལྡན་ན། །མི་མཉམ་བསླབ་པའི་ཆོས་གཅིག་དགོས། །ཐེག་པའི་བྱེ་བྲག་བསམ་ཡས་ཀྱང་། །ཡེ་ཤེས་རྟོགས་ན་གཅིག་ལས་མེད། །ཆོས་དབྱིངས་གཅིག་ལས་མེད་པ་ལ། །ཡེ་ཤེས་རྟོགས་པར་མ་བཞག་པས། །མང་པོར་འབྱེད་པ་སྙིང་རེ་རྗེ། །སོ་སོར་རྟོག་པ་ཉོན་རེ་མོངས། །ཕྱོགས་ཆར་འཛིན་པ་ཡོང་རེ་སྡུག །ལན་ཅིག་བྱེ་བྲག་ཕྱེད་པར་ཡང་། །ཡེ་ཤེས་མ་གོ་དྲང་བ་ཙམ། །དོན་ལ་འབྱེད་པ་བློ་རྒྱ་ཆུང་། །ངེས་པ་གཅིག་པུའི་ཚིག་འདི་ཉོན། །ཡེ་ཤེས་ཡེ་ནས་ཆེ་བའི་ལེའུ་སྟེ་བཞི་པའོ།། །།དེ་ནས་སྐུ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །རང་བཞིན་སྤྲོས་པ་མེད་པ་ལ། །གཡོས་པ་མེད་པའི་ཡེ་ཤེས་ ― DNG008_Page_0165 ―
[མ་དཔེ་གཟིགས་ན་འདིར་གནོན།]
བཞག །གཉིས་སུ་མེད་པའི་ཐབས་ཤེས་པས། །དེ་ནི་ཆོས་སྐུ་དང་པོའོ། །ཐམས་ཅད་འདུས་མ་བྱས་པའི་ངང་། །མི་འགྱུར་མི་ཤིགས་རྡོ་རྗེ་སྟེ། །གཉེན་པོ་ཅིས་ཀྱང་མི་ཚུགས་པའི། །ཐམས་ཅད་ཀུན་ལྡན་ཡེ་ཤེས་སྐུ། །རྡོ་རྗེའི་སྐུ་སྟེ་གཉིས་པའོ། །རིག་པ་རང་སྣང་དངོས་མེད་སྣང་། །ཉེས་པ་གང་གིས་མི་ཚུགས་པའི། །ལེགས་པའི་ཡེ་ཤེས་རང་སྣང་བའི། །མངོན་པར་བྱང་ཆུབ་སྐུར་བསྟན་པའོ། །གཉིས་མེད་ཆོས་ལ་ལོངས་སྤྱོད་པའི། །མ་སྤངས་ཡེ་ཤེས་ལོངས་སྤྱོད་རྒྱན། །ཐམས་ཅད་ཆེ་བའི་རོལ་པ་ལ། །ལོངས་སྤྱོད་རྫོགས་སྐུ་མཐར་ཕྱིན་པའོ། །གཉིས་མེད་ཡེ་ཤེས་སེམས་ཀྱི་སྤྲུལ་པ་ལ། །ཡོངས་སུ་མ་ཁྱབ་གཅིག་ཀྱང་མེད། །དོན་དམ་ཐབས་ཀྱིས་སྤྲུལ་པ་འཆར། །སྤྲུལ་པའི་སྐུ་སྟེ་ཀུན་ཁྱབ་པའོ། །སྐུ་ཡི་སྐུ་སྟེ་ཀུན་འགྲུབ་པའོ། །སྐུ་ཡི་བདག་ཉིད་སྐྱེ་ཤི་མེད། །རོལ་པ་སངས་རྒྱས་ཉིད་ཀྱིས་བརྒྱན། །སྟོང་གསུམ་སྟོང་གི་འཇིག་རྟེན་ན། །འཕོ་འགྱུར་མེད་པ་སྐུ་ཡི་མཆོག །སྟོང་གསུམ་སྟོང་གི་འཇིག་རྟེན་ན། །རང་བཞིན་མེད་པ་སྐུ་ཡི་མཆོག །སྟོང་གསུམ་སྟོང་གི་འཇིག་རྟེན་ན། །རྟག་ཆང་མེད་པ་སྐུ་ཡི་མཆོག །སྐུ་མཆོག་དྲི་མ་མེད་པ་ལ། །སེམས་ཀྱི་དྲི་མ་མཐར་ཕྱིན་པའི། །རིག་པ་བློ་ཡི་བརྟུལ་ཞུགས་ཀྱིས། །སྟོང་གསུམ་སྐུ་ཡི་དབང་དུ་འདུས། །དབང་དུ་མ་གྱུར་གང་ཡང་མེད། །མི་གཡོ་བྱང་ཆུབ་མཆོག་གི་རྒྱ། །རྣམ་པར་སྣང་མཛད་ང་ཡི་ལུས། །ཟླ་བ་དྲི་མེད་དག་པ་ཡིས། །སྟོང་གསུམ་ཀུན་སྣང་ཁྱབ་པའི་དབྱིངས། །ཡབ་ལ་ཐུག་པ་མེད་བཞིན་དུ། །ཤེས་རབ་ཐབས་ལ་དེ་བཞིན་སྣང་། །མན་ངག་རྒྱ་མཚོ་ཆེན་པོ་འདི། །ཡོངས་ལ་བསྟན་པའི་ཤེས་རབ་སྟེ། །ཆོས་སྐུ་བདག་པོས་ཀུན་བཅོམ་སྟེ། །དཀྱིལ་འཁོར་འཕྲོ་འདུ་ཉོན་རེ་མོངས། །ཡོངས་ལ་ཤར་བའི་དོན་འབྱུང་ན། །རྟོག་པ་ཀློང་བསྒོམ་སྙིང་རེ་རྗེ། །མཁའ་ལྟར་མཉམ་པ་ཉིད་ལ་གནས། །རང་སེམས་ ― DNG008_Page_0166 ―
[མ་དཔེ་གཟིགས་ན་འདིར་གནོན།]
མེད་པའི་སྔོན་རོལ་ན། །སངས་རྒྱས་བྱ་བ་རྟོགས་པ་ཡིན། །ཀུན་ཏུ་བཟང་པོ་བདག་ལ་འདྲི། །སངས་རྒྱས་བསྟན་པ་བདག་ལ་མཛད། །བྱང་ཆུབ་དམ་པ་འདིར་བསྟན་པས། །གདོད་ཅིག་འཁོར་བ་བསྐྱང་དུ་མེད། །འཛིན་རྟོག་ཉོན་མོངས་དྲེང་ཐག་བཅད། །མ་རིག་རྨོངས་པ་སྨོས་ཅི་དགོས། །མན་ངག་རྒྱལ་པོ་འདི་བསྟན་པས། །ལྟ་བ་ངན་པའི་མིང་ཡང་མེད། །ཐམས་ཅད་ཀུན་ཏུ་བདག་ཡིན་པས། །སྐུ་ཡི་རྒྱལ་པོ་དངོས་གྲུབ་འབྱིན། །མཐའ་དབུས་ཆེ་ཆུང་མེད་པར་ཐོབ། །གཟོད་ཅིག་སྔོན་གྱི་སངས་རྒྱས་ཡིན། །ཆོས་རྣམས་ཐམས་ཅད་ཁོང་ནས་ཤར། །འཕགས་པའི་འཕགས་པས་འཕགས་པར་བསྔགས། །ཕྱོགས་བཅུའི་སངས་རྒྱས་ཐུགས་ངན་སངས། །དེ་ཚེ་ལས་ཆུང་མ་ཟོས་ན། །བདག་སེམས་ངལ་ཚི་མ་ཆད་དོ། །སྐུ་ཡེ་ནས་ཆེ་བའི་ལེའུ་སྟེ་ལྔ་པའོ།། །།དེ་ནས་སྐུ་གསུང་ཐུགས་ཡོན་ཏན་ཕྲིན་ལས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཀྱེ་སྟོང་གསུམ་སྟོང་གི་འཇིག་རྟེན་ན། །སྐུ་ཡི་དཀྱིལ་འཁོར་བསམ་ཡས་ཀྱང་། །ཧེ་རུ་ཀ་ནི་སྐུ་ཡི་མཆོག །དེ་ཡང་སྐལ་ལྡན་ང་ཡི་སྐུ། །སྟོང་གསུམ་སྟོང་གི་འཇིག་རྟེན་ན། །གསུང་གི་སྤྲུལ་པ་བསམ་ཡས་ཀྱང་། །ཡི་གེ་འབྲུ་བརྒྱ་གསུམ་གི་མཆོག །དེ་ཡང་སྐལ་ལྡན་ང་ཡི་གསུང་། །སྟོང་གསུམ་སྟོང་གི་འཇིག་རྟེན་ན། །ཐུགས་ཀྱི་དཀྱིལ་འཁོར་བསམ་ཡས་ཀྱང་། །ཡེ་ཤེས་སེམས་དཔའི་ཐུགས་ཀྱི་མཆོག །དེ་ཡང་སྐལ་ལྡན་ང་ཡི་ཐུགས། །སྟོང་གསུམ་སྟོང་གི་འཇིག་རྟེན་ན། །ཡོན་ཏན་དཀྱིལ་འཁོར་བསམ་ཡས་ཀྱང་། །རིན་ཆེན་ཟུར་བརྒྱད་ཡོན་ཏན་མཆོག །དེ་ཡང་སྐལ་ལྡན་ང་ཡི་ཡོན་ཏན་ཡིན། །སྟོང་གསུམ་སྟོང་གི་འཇིག་རྟེན་ན། །ཕྲིན་ལས་རྣམ་བཞི་བསམ་ཡས་ཀྱང་། །རྣམ་བཞིའི་རྟ་མགོ་ཕྲིན་ལས་མཆོག །དེ་ཡང་སྐལ་ལྡན་ང་ཡི་ལས། །གཞན་ ― DNG008_Page_0167 ―
[མ་དཔེ་གཟིགས་ན་འདིར་གནོན།]
ཡང་སྐུ་གསུང་ཐུགས་ཡོན་ལས། །དེ་དག་ཀྱང་ནི་སེམས་ཡིན་ཏེ། །སྐུ་ཡི་དཀྱིལ་འཁོར་བསམ་ཡས་ཀྱང་། །ཆོས་ཉིད་བྱང་ཆུབ་སེམས་ལ་ཡོད། །གསུང་གི་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །ཐུགས་ཀྱི་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །ཡོན་ཏན་དཀྱིལ་འཁོར་ཡོངས་རྫོགས་པ། །ཆོས་ཉིད་བྱང་ཆུབ་སེམས་ལ་ཡོད། །ཕྲིན་ལས་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །དེ་ཡི་མཚན་ཉིད་གཏན་ཚིགས་གང་ཤེས་པས། །ཡང་དག་ངེས་པར་མཉན་པར་གྱིས། །སེམས་ཀྱི་རང་བཞིན་སྐྱེ་བ་མེད། །སེམས་ཀྱི་རང་བཞིན་དངོས་པོ་མེད། །སེམས་ཀྱི་འབྲས་བུ་མ་བཅོས་པ། །སེམས་ཀྱི་སྐུ་ནི་སངས་རྒྱས་ལ། །སེམས་ཀྱི་གསུང་ནི་བརྟགས་པ་ཡིན། །སེམས་ཀྱི་ཐུགས་ནི་གོ་བ་སྟེ། །སེམས་ཀྱི་ལས་ནི་ལྷུན་གྲུབ་པའོ། །དེར་ཡང་མི་འགྱུར་རྡོ་རྗེ་སྟེ། །འཕགས་པའི་འཕགས་པ་རྡོ་རྗེའི་སྐུ། །སྐུ་ཡི་རྡོ་རྗེ་བརྗིད་པའི་སྐུ། །གསུང་གི་རྡོ་རྗེ་བརྟན་པ་ཆེ། །ཐུགས་ཀྱི་རྡོ་རྗེ་འཛིན་པ་ཆེ། །ཡོན་ཏན་རྡོ་རྗེ་ལེགས་པ་ཆེ། །ཕྲིན་ལས་རྡོ་རྗེ་གྲུབ་པ་ཆེ། །དེ་ཡི་གོང་ན་སངས་རྒྱས་མེད། །ཆེ་བ་འདི་ལ་སུ་གནས་པ། །རྣལ་འབྱོར་དེ་ནི་སྐལ་བ་བཟང་། །བཟང་བ་མ་ཡིན་དེ་ཉིད་ཡིན། །ངེས་པའི་སངས་རྒྱས་གཅིག་ལས་མེད། །དོན་ལ་ངེས་པའི་ས་དག་ལ། །སེམས་ཀྱི་མཚན་ཉིད་ཅི་འདྲ་བ། །དེ་ལ་བཅོས་པ་མེད་པར་ཞོག །དེ་ཡི་གོང་ན་ཆེ་བ་མེད། །ཡང་དག་ངེས་པ་དེ་ལ་བཞག །སྐུ་གསུང་ཐུགས་ཡོན་ཏན་ཕྲིན་ལས་ཀྱི་ཡེ་ནས་ཆེ་བའི་ལེའུ་སྟེ་དྲུག་པའོ།། །།དེ་ནས་སྐྱོན་དང་ཡོན་ཏན་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །རྣམ་པར་དག་པའི་སྤྱོད་ཡུལ་ལ། །སྐྱོན་དང་ཡོན་ཏན་གཉིས་མེད་ལ། །སྐྱོན་ཉིད་དག་པར་མ་རྟོགས་ན། །ཡོན་ཏན་དག་པ་གང་ནས་སྐྱེས། ། ― DNG008_Page_0168 ―
[མ་དཔེ་གཟིགས་ན་འདིར་གནོན།]
སྐྱོན་ཉིད་ཡོན་ཏན་ཡིན་ཤེས་ན། །སྤང་ཞིང་བཙལ་བར་བྱ་བ་མེད། །སྐྱོན་རྣམས་སྤངས་པའི་ཕ་རོལ་ན། །སངས་རྒྱས་བྱ་བའི་མིང་ཡང་མེད། །དུས་གསུམ་སངས་རྒྱས་སྐྱོན་ལས་བྱུང་། །རྡོ་རྗེ་སེམས་དཔའ་སྐྱོན་གྱི་བུ། །སྐྱོན་ཉིད་སངས་རྒྱས་ཡིན་ཤེས་ན། །སངས་རྒྱས་མིན་པ་གཅིག་ཀྱང་མེད། །ཡོན་ཏན་ཉིད་ཀྱང་སྐྱོན་ཡིན་ན། །སྤང་བར་བྱ་བ་གང་ཡང་མེད། །ཅི་སྣང་སངས་རྒྱས་མཛད་སྤྱོད་ལ། །དེ་ལ་སྨད་པ་ཅི་སྟེ་བྱེད། །བདུད་ཉིད་སངས་རྒྱས་ཡིན་ཤེས་ན། །དེ་ལ་ཟློག་པའི་རྫས་ཅི་ཡོད། །མ་རིག་པ་ཡང་བྱང་ཆུབ་སེམས་ཡིན་པས། །མ་རིག་པ་ཡང་དག་པའོ། །རྨོངས་པ་ཐམས་ཅད་ཀྱང་བྱང་ཆུབ་ཀྱི་སེམས་ཡིན་པས་རྨོངས་པ་ཡང་དག་པའོ། །འཁྲུལ་པ་ཐམས་ཅད་ཀྱང་སེམས་ཡིན་པས་འཁྲུལ་པ་ཡང་དག་པའོ། །བསླད་པ་ཐམས་ཅད་ཀྱང་བྱང་ཆུབ་ཀྱི་སེམས་སོ། །སངས་རྒྱས་ཀྱང་བྱང་ཆུབ་ཀྱི་སེམས་སོ། །སེམས་ཅན་ཡང་བྱང་ཆུབ་ཀྱི་སེམས་སོ། །མཐོ་རིས་དང་མྱ་ངན་ལས་འདས་པ་ཡང་བྱང་ཆུབ་ཀྱི་སེམས་སོ། །སྐྱོན་དང་ཡོན་ཏན་མེད་པའི་སྔོན་རོལ་ན། སངས་རྒྱས་བྱ་བའི་མིང་ཡང་མེད། མ་རིག་པ་མ་རིག་པ་ཡིན་པར་ཤེས་ན། རིག་པ་གང་ལས་བཙལ། མ་དག་པ་ཉིད་ཡང་དག་པར་ཡིན་པར་ཤེས་ན།དག་པ་གང་ལས་བཙལ། ཉེས་པ་ཉིད་ལེགས་པར་ཤེས་ན། ལེགས་པ་གང་ལས་བཙལ། འཁོར་བ་ཉིད་མྱ་ངན་ལས་འདས་པ་ཡིན་པར་ཤེས་ན། མྱ་ངན་ལས་འདས་པ་གང་ལས་བཙལ། ངན་སོང་ཉིད་མཐོ་རིས་ཡིན་པར་ཤེས་ན། མཐོ་རིས་གང་ནས་བཙལ། སེམས་ཅན་ཉིད་སངས་རྒྱས་ཡིན་པར་ཤེས་ན། སངས་རྒྱས་གང་ནས་བཙལ། རྒྱུ་ཉིད་འབྲས་བུ་ཡིན་པར་ཤེས་ན། འབྲས་བུ་གང་ནས་བཙལ། རྟོག་པ་ཉིད་ཆོས་ཀྱི་དབྱིངས་ཡིན་པར་ཤེས་ན། ཆོས་ཀྱི་དབྱིངས་གང་ནས་བཙལ། ― DNG008_Page_0169 ―
[མ་དཔེ་གཟིགས་ན་འདིར་གནོན།]
སྐྱོན་ཉིད་ཡོན་ཏན་ཡིན་པར་ཤེས་ན། ཡོན་ཏན་གང་ནས་བཙལ། དེ་ཡང་རང་རིག་གི་སེམས་ཡིན། དེ་ཡང་སྤང་ཞིང་དོར་བ་དང་། བླང་ཞིང་སྤྱོད་པའི་རྒྱུ་ཅི་ཡོད་དེ། སྐྱོན་ཡེ་ནས་ཆེ་བས་འབྲས་བུ་ལ་རག་མ་ལུས་སོ། །ཡོན་ཏན་ཡེ་ནས་ཆེ་བ་ནི། འབྲས་བུ་ལ་རྟེན་མི་བཅའོ། །ཆེ་བའི་ཆེན་པོ་ཡིན་པར་ཆུང་ངུའི་མིང་མེད་དོ། །བཟང་པོའི་བཟང་པོ་དང་རྒྱལ་པོའི་རྒྱལ་པོ་ཡིན་པས། ངན་པ་དང་ཞན་པའི་མིང་མེད་དོ། །བདེའོ་སྐྱེས་བུ་ཆེན་པོའི་ཐུགས། །དག་གོ་རྣམ་དག་བྱང་ཆུབ་སེམས། །རང་གི་དོན་དུ་རང་སྦྱོར་བས། །མཆོད་པ་བཀུར་སྡི་རང་ལ་བྱ། །རང་གི་དགོངས་པ་རང་ལགས་པས། །རྣམ་དག་སྐྱེས་བུ་ཆེན་པོའི་ངང་། །རྣལ་འབྱོར་རྣམ་དག་ངེས་པ་ཞེས། །འདི་ལ་བསྐྱར་ནས་ངེས་པར་བསྟན། །འདི་ནི་རྣམ་དག་ངེས་པའི་ས། །གང་གིས་ཚོལ་འདོད་འདི་ལ་ཉོན། །སྐྱོན་དང་ཡོན་ཏན་ཡེ་ནས་ཆེ་བའི་ལེའུ་སྟེ་བདུན་པའོ།། །།དེ་ནས་འཁོར་བ་དང་ངན་སོང་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །འཁོར་བ་མེད་པའི་སྔོན་རོལ་ན། །སངས་རྒྱས་བྱ་བ་ཡོད་པ་མིན། །ངན་སོང་མེད་པའི་སྔོན་རོལ་ན། །དེ་བཞིན་གཤེགས་པ་ཡང་མི་བཞུགས། །སངས་རྒྱས་ཡང་དག་བསྟན་པ་ནི། །འཁོར་བ་ངན་སོང་ནང་ན་ཡོད། །སངས་རྒྱས་མིང་དུ་བཏགས་པ་ཡང་། །འཁོར་བ་འདི་ལ་བཏགས་པ་ལས། །གཞན་དུ་སངས་རྒྱས་ཡོད་མ་ཡིན། །ཕུང་པོ་ཁམས་དང་སྐྱེ་མཆེད་དང་། །ཁམས་གསུམ་འཁོར་བ་མ་ཡིན་པ། །གཞན་དུ་སངས་རྒྱས་གང་ལ་བསྒོམས། །ལུས་ངག་ཡིད་གསུམ་མ་ཡིན་པ། །སྐུ་གསུང་ཐུགས་གསུམ་གང་ནས་འབྱུང་། །དེ་དག་འབྱུང་བར་ངས་མ་བསྟན། །ངན་སོང་འདི་དག་སུས་ཤེས་པ། །སྤྱོད་དང་རྣམ་དག་སེམས་ལ་གྱི། །རྣལ་འབྱོར་གང་ཞིག་འདི་འདྲར་བྱེད། །ངན་སོང་འཁོར་བར་མི་ཉན་པར། །ངན་སོང་འཁོར་བ་ལིང་བོར་ནས། །དེ་དག་སྤངས་པའི་ཕ་རོལ་ ― DNG008_Page_0170 ―
[མ་དཔེ་གཟིགས་ན་འདིར་གནོན།]
ན། །མཉན་ཞིང་རྟོག་པའི་སངས་རྒྱས་དང་། །བདེ་ཞིང་སྐྱིད་པའི་སངས་རྒྱས་དག །ལོགས་ལས་བདག་གིས་ཐོབ་འདོད་པས། །ཐར་དུ་རེ་སྟེ་མི་ཐར་རོ། །འགྲུབ་པར་རེ་སྟེ་མི་འགྲུབ་པོ། །འཁོར་བ་ཡོངས་སུ་ཤེས་པ་ན། །མྱ་ངན་འདས་ཞེས་དེ་ལ་བྱ། །ངན་སོང་ཡོངས་སུ་ཤེས་པ་ན། །ཐར་པ་ཐོབ་ཅེས་དེ་ལ་བྱ། །མ་དག་མེད་པའི་དོན་རྟོགས་ན། །སངས་རྒྱས་ངས་ཀྱང་འཁོར་བ་བསྔགས། །བསྔགས་སུའང་མེད་དེ་དེ་ཉིད་ཡིན། །དོན་དམ་བདེན་པ་མི་རྟོགས་ཤིང་། །རང་བྱུང་ཡེ་ཤེས་མ་ཤར་ན། །དུག་ཏུ་མ་སོང་གང་ཡང་མེད། །དགྲར་ཡང་མི་གནོད་གང་ཡང་མེད། །བདེ་བ་ཆེན་པོའི་དོན་རྟོགས་ཤིང་། །བྱང་ཆུབ་སེམས་ཀྱི་སྒོ་ཕྱེ་ན། །འབྲས་བུ་མ་ཐོབ་གཅིག་ཀྱང་མེད། །ཆེ་བ་འདི་ལས་ཆེ་བ་མེད། །བརྟགས་ཤིང་བཤིག་ཅིང་རང་སེམས་བཟང་། །ཕྱིན་ཅིང་བཙལ་ཅིང་ཐོག་མ་ཉིད། །སུ་ཞིག་འཆད་ཅིང་སྟོན་འདོད་པ། །གང་ལའང་མ་འཆད་གང་ལ་ཞོག །གང་ལའང་མ་རྟོགས་བདག་ལ་དགོས། །འབྲས་བུ་དམ་པ་འདི་ལ་ཡོད། །སེམས་ལ་ཐོག་ཏུ་མ་ཕེབས་ཤིང་། །ཡིད་ལ་གསལ་བར་མ་རྟོགས་ན། །ཁ་བཤད་མང་པོས་དོན་མི་འགྲུབ། །དུས་གསུམ་སངས་རྒྱས་ཐམས་ཅད་ལས། །འཁོར་བ་ངན་སོང་བསྔགས་པར་གྱིས། །དུས་གསུམ་སངས་རྒྱས་དེ་ན་ཡོད། །ཐར་པ་ཆེན་པོའི་སྒོ་འབྱེད་ཅིང་། །ཕྱོགས་བཅུའི་སངས་རྒྱས་གསན་དུ་གསོལ། །རྒྱུ་ནི་མ་བཅོས་ཉིད་དུ་བཞག །འབྲས་བུ་རང་བཞིན་མེད་པར་བླང་། །དོན་དུ་ཐིག་ལེ་ཆེན་པོར་བསྟན། །འདི་ལ་འགལ་བ་ཡོད་མ་ཡིན། །འཁོར་བ་དང་ངན་སོང་ཡེ་ནས་ཆེ་བའི་ལེའུ་སྟེ་བརྒྱད་པའོ།། །།དེ་ནས་མཐོ་རིས་དང་མྱ་ངན་ལས་འདས་པ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཐར་པ་ཐོབ་པའི་ཐེམ་སྐས་དང་། ། ― DNG008_Page_0171 ―
[མ་དཔེ་གཟིགས་ན་འདིར་གནོན།]
མྱ་ངན་འདས་པའི་ཆོས་ཉིད་རྣམས། །ཡང་དག་ཆེ་བར་བསྟན་པ་ནི། །རྣམ་ཤེས་དབང་པོ་གསལ་བར་སྣང་། །འདི་ཡང་མཐོ་རིས་ཆེ་བ་ཡིན། །ཐམས་ཅད་རྟོགས་པས་ལོངས་སྤྱོད་པ། །འདི་ཡང་མཐོ་རིས་ཆེ་བའོ། །གཞན་ཡང་མཐོ་རིས་ཆེ་བ་ནི། །ཅི་ལྟར་གནས་པ་དེ་ལྟར་རྟོགས། །གང་ལྟར་ཡིན་པ་དེར་ཤེས་ཤིང་། །ཀུན་ཀྱང་འབྲས་བུར་དོན་རྟོགས་པས། །མཐོ་རིས་དམ་པ་བླ་ན་མེད། །མྱ་ངན་འདས་པ་ཆེ་བ་ནི། །ཆོས་ཉིད་ཕྱོགས་བཅུར་གདལ་བ་དང་། །རིག་པ་མཐའ་དབུས་མེད་པ་དང་། །ཀུན་གཞི་བཟང་ངན་མེད་པ་དང་། །ཕྱི་ནང་བཟང་ངན་མེད་པ་དང་། །ཡེ་ཤེས་སྤང་ལེན་མེད་པ་ཡིས། །མྱ་ངན་འདས་ལ་སོགས་པས་འགྲུབ། །མ་གཡོས་པ་ལ་རིག་པ་ཤར། །སངས་རྒྱས་སེམས་སུ་མྱ་ངན་འདས། །ཡུལ་ནི་ཆོས་སུ་མྱ་ངན་འདས། །རྟོགས་པ་ཡེ་ཤེས་མྱ་ངན་འདས། །སྣོད་བཅུད་སྐུ་རུ་མྱ་ངན་འདས། །སེམས་ཅན་གཅིག་པར་མྱ་ངན་འདས། །དོན་དམ་བདེན་པར་མྱ་ངན་འདས། །མྱ་ངན་འདས་པའི་དོན་རྟོགས་ན། །འཁོར་བ་ངན་སོང་མིང་ཡང་མེད། །མཐོ་རིས་དང་མྱ་ངན་ལས་འདས་པ་ཡེ་ནས་ཆེ་བའི་ལེའུ་སྟེ་དགུ་པའོ།། །།དེ་ནས་ཐབས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཐབས་ཀྱི་རྒྱལ་པོར་བདག་གནས་པས། །ཐམས་ཅད་མ་གྲུབ་གང་ཡང་མེད། །ཐབས་ཆེན་མེད་པའི་སྔོན་རོལ་ན། །སངས་རྒྱས་བྱ་བ་ཡོད་མ་ཡིན། །འགྲོ་ལ་ཐབས་ཀྱི་རྒྱུད་ཡོད་པས། །ཐབས་མཁས་ཡེ་ནས་ཆེ་བ་ལ། །ཀུན་ཏུ་བཟང་པོའི་སྤྱོད་པ་ལ། །བྱེད་དང་སྤྱོད་པ་རྣམ་འཇིག་པ། །དེ་ཉིད་ཐབས་ཀྱི་ཆེ་བ་སྟེ། །ཐབས་མཁས་ཡོན་ཏན་ཀུན་ལྡན་པས། །སངས་རྒྱས་ཀུན་གྱི་བླ་མར་བསྔགས། །རྣལ་འབྱོར་ཆེན་པོའི་སྤྱོད་པ་དེའོ། །འཕགས་པའི་འཕགས་པ་ཐབས་ལ་གནས། །རྒྱལ་བའི་རྒྱལ་བ་ཐབས་ལས་བྱུང་། ། ― DNG008_Page_0172 ―
[མ་དཔེ་གཟིགས་ན་འདིར་གནོན།]
ང་ཉིད་ཐབས་ཀྱི་རྒྱལ་པོ་ལ། །འཁོར་བའི་རྟོག་པ་ཀུན་བྲལ་བས། །རྫོགས་སངས་རྒྱས་ཀྱི་ཐབས་ལ་བསྔགས། །ཐབས་དང་བྲལ་བའི་སྙིང་རྗེ་ནི། །སྐྱེས་ཀྱང་ངལ་བ་དོན་མེད་ལ། །འདི་དག་ཐབས་ཀྱི་མཆོག་ཤེས་ན། །གང་དག་སྤྱོད་པ་བླ་ན་མེད། །སངས་རྒྱས་བྱང་ཆུབ་གདོན་མི་ཟ། །ཐབས་ལས་ཐབས་བྱུང་ཐབས་རེ་ཆེ། །ཐབས་ཀྱིས་ཐབས་འདུལ་ཐབས་བསམ་ཡས། །རྟོག་པས་སངས་རྒྱས་ཐབས་སུ་གསལ། །ཐབས་ཀྱི་ཏིང་འཛིན་བསྒོམ་པ་ན། །ངན་སོང་འཁོར་བ་ཐབས་ཀྱི་ཞིང་། །ཉོན་མོངས་དུག་ལྔ་ཐབས་ཀྱི་ལམ། །ཐབས་ཆེན་པོ་ཡི་མཛད་སྤྱོད་ཀྱིས། །ཐམས་ཅད་མ་ལུས་སངས་རྒྱས་ལ། །ཐར་པ་ཆེན་པོར་ང་ཡིས་སྨྲས། །མུན་པས་འཐིབས་པའི་སེམས་ཅན་ལ། །ཐབས་ཀྱི་སྒྲོན་མེ་འདི་བཏེགས་པས། །ཀུན་གྱིས་གོ་ཞིང་བསམ་པར་ཤོག །ང་ནི་རང་བཞིན་མེད་པ་སྟེ། །སྤྲོས་པ་འཛིན་པའི་ཐ་བརྡལ་བས། །མཚན་མར་འཛིན་པ་ང་ཡིས་སྨྲས། །སེམས་ཉིད་ཀུན་ཏུ་བཟང་པོ་ལ། །ཕྱོགས་དང་རིས་སུ་སྣང་བ་དང་། །ང་དང་བདག་ཏུ་རྟོག་པ་ནི། །འཁྲུལ་པ་ཡིན་ཏེ་ངན་པའི་རྒྱུ། །བདག་གི་སེམས་ཉིད་བཟང་པོ་ལ། །སངས་རྒྱས་ཐོག་མ་ཐ་མ་མེད། །རྒྱུ་ལ་བཟང་དང་ངན་པ་མེད། །འབྲས་བུ་གྲུབ་དང་མ་གྲུབ་མེད། །ཁོམ་ལྡན་ཆེན་པོའི་བདེ་སྐྱིད་ལ། །སྡུག་བསྔལ་གཉེན་པོ་འཕོ་འཇུག་ཅིང་། །ཆོས་ཉིད་མཉམ་པའི་བདེ་བ་ལ། །གཟུང་འཛིན་རྟོག་པའི་རྫས་ཅི་ཡོད། །སངས་རྒྱས་དཀྱིལ་འཁོར་མ་ལུས་ཀྱང་། །ང་ཡི་ཐབས་ལ་རབ་ཏུ་གནས། །ཐབས་ཡེ་ནས་ཆེ་བའི་ལེའུ་སྟེ་བཅུ་པའོ།། །།དེ་ནས་ཤེས་རབ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །དོན་དམ་སྤྲོས་པ་མེད་པ་ལས། །མ་གཡོས་ཆོས་ཉིད་སྐྱེ་འགག་མེད། །ཤེས་ན་ཡེ་ནས་ཆེ་བ་ཡིས། །འདི་ཡི་གོང་ན་སངས་རྒྱས་མེད། ། ― DNG008_Page_0173 ―
[མ་དཔེ་གཟིགས་ན་འདིར་གནོན།]
ཤེས་རབ་ཆེན་པོས་སྐད་ཅིག་ལ། །ཆོས་རྣམས་ཁོང་དུ་ཆུད་པར་བྱེད། །སྐྱེ་བ་མེད་པས་འགག་པ་མེད། །དམིགས་པ་མེད་པས་སྤྲོས་པ་མེད། །འདུས་མ་བྱས་པས་རྣམ་དག་དབྱིངས། །རང་བཞིན་མེད་པས་བརྗོད་དང་བྲལ། །ཀུན་ལ་ཁྱབ་པས་ཡབ་ཀྱི་ངང་། །ཐམས་ཅད་བསྐྱེད་པས་ཡུམ་གྱི་དབྱིངས། །བརྗོད་པ་མེད་པའི་ཤེས་རབ་ལ། །དམིགས་པ་མེད་པའི་ཏིང་འཛིན་གསལ། །ཀུན་གཞི་ཡུམ་གྱི་ཤེས་རབ་ལ། །རང་བྱུང་ཐབས་ཀྱི་ཡེ་ཤེས་ཤར། །འདུས་མ་བྱས་པའི་ཀློང་དཀྱིལ་ནས། །སེམས་ཀྱི་རྒྱལ་པོ་ཡེ་ཤེས་འཕྲོ། །སྐྱེ་འགག་མེད་པའི་ཀློང་དཀྱིལ་ནས། །ཤེས་རབ་མིག་གཅིག་གསལ་བ་ནི། །ཡོངས་ལ་དབང་བསྒྱུར་རྒྱལ་པོ་སྟེ། །ཐམས་ཅད་རོལ་པའི་དབང་ཕྱུག་སྟེ། །མ་འགགས་པས་ཀྱང་ཡེ་ཤེས་གསལ། །དེས་ན་དུག་རྣམས་ཀུན་སེལ་བ། །ནད་དོ་ཅོག་དང་བྲལ་བ་ནི། །བདུད་རྩིའི་རང་བཞིན་དཀྱིལ་འཁོར་གསལ། །དབང་པོ་ཡུམ་གྱི་ཤེས་རབ་ལ། །ཐབས་ཀྱི་ཞགས་པས་འདྲེལ་པ་སྐྱོང་། །འབྱུང་བའི་རྒྱལ་པོ་གདོད་ནས་དག །དུས་གསུམ་བདེ་གཤེགས་བསྐྱེད་པ་ཡིས། །ཡུམ་ནི་ཤེས་རབ་ཕ་རོལ་ཕྱིན། །མི་སྐྱེ་མི་འགག་གདལ་བ་ལ། །ཀུན་བཟང་ཡངས་པ་ཆོས་ཀྱི་དབྱིངས། །དག་གོ་ཤེས་རབ་ཆེན་པོའི་དབྱིངས། །འཛིན་དང་བྲལ་ལོ་ཆགས་པ་མེད། །རྟོག་པ་མེད་པས་སྨྲ་བསམ་འདས། །བརྗོད་པ་མེད་པས་ནམ་མཁའི་ཚུལ། །རང་བཞིན་མེད་པས་ཆོས་ཀྱི་དབྱིངས། །ཕྱོགས་བཅུར་རྒྱ་ཡང་མ་ཆད་པའོ། །ཕྱི་ནང་མེད་པར་ཀུན་ཏུ་སྣང་། །དག་ལ་དྲི་མ་མེད་པའོ། །སྣང་ལ་རང་བཞིན་མེད་པའོ། །ཆུ་ཟླ་སྒྱུ་མ་སྨིག་རྒྱུ་བཞིན། །མེད་པ་ཟང་ཐལ་མ་ཡིན་ལ། །ཡོད་པ་ཡང་ནི་མ་ཡིན་ནོ། །ཡོད་མེད་གཉིས་ལས་འདས་པ་ཡིས། །རང་བཞིན་མེད་པ་ཡིད་ལ་དྲན། །ཤེས་རབ་ཆེན་པོའི་རྟོག་པས་བཏགས། ། ― DNG008_Page_0174 ―
[མ་དཔེ་གཟིགས་ན་འདིར་གནོན།]
མཁའ་ལྟར་མཉམ་པ་ཉིད་གནས་ན། །ཤེས་རབ་ཆེན་པོས་ཁྱབ་པའི་རྟགས། །མི་གཡོ་མཉམ་གཞག་འདུས་མ་བྱས། །ཤེས་རབ་ཆེན་པོར་གྲུབ་པའི་རྟགས། །མ་ཆགས་ཐབས་ཀྱིས་གང་སྤྱོད་ན། །ཤེས་རབ་ཆེན་པོ་ཐོབ་པའི་རྟགས། །རྣལ་འབྱོར་ཆེན་པོ་སུ་ཞིག་ཡོད། །ཤེས་རབ་ཆེན་པོ་རྟོགས་འདོད་ན། །ལེའུ་འདི་ལས་བཙལ་བར་བྱ། །ཤེས་རབ་ཆེན་པོ་ཡེ་ནས་ཆེ་བའི་ལེའུ་སྟེ་བཅུ་གཅིག་པའོ།། །།དེ་ནས་སྐྱོན་གྱི་རྒྱུ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །སྐྱོན་གྱི་རྒྱུ་ལས་མ་གཏོགས་པའི། །སངས་རྒྱས་གཞན་ནས་ཡོངས་མེད་དེ། །སྨན་མཆོག་བདུད་རྩི་འབྱུང་བ་ཡང་། །དུག་ཡོད་པ་ལས་སྨན་དུ་འབྱུང་། །དུག་ལ་སྨན་གྱི་རྒྱུ་མེད་ན། །ཐམས་ཅད་སྨན་ལ་སྨན་མིང་མེད། །ལེགས་པ་ཐམས་ཅད་འབྱུང་བ་ཡང་། །སྐྱོན་གྱིས་ལེགས་པ་འབྱུང་བར་བྱེད། །སྐྱོན་གྱི་མཚན་མ་ཅི་བྱུང་ཡང་། །དེ་ཉིད་ལེགས་པ་ཡིན་ཤེས་ན། །གཞན་དུ་ལེགས་པ་བསྒྲུབ་མི་དགོས། །དུག་ཉིད་སྨན་གྱི་དོན་ཤེས་ན། །གཞན་ནས་བདུད་རྩི་བཙལ་མི་དགོས། །སྐྱོན་ཉིད་དག་པར་མ་རྟོགས་ཤིང་། །རྒྱུ་ལས་འབྲས་བུར་མ་རིག་ན། །དོན་ལྡན་ངེས་པའི་གཏན་ཚིགས་མེད། །སྨྱོན་པས་གྲིབ་མ་བསྙེག་པ་བཞིན། །བདས་ཀྱང་གྲིབ་མ་ཟིན་པ་མེད། །དེ་བཞིན་སྐྱོན་རྒྱུ་མི་ཤེས་པས། །བསྒོམས་པས་འབྲས་བུ་མི་རྙེད་ན། །བརྟགས་པས་ཆོས་ཉིད་རྫས་སུ་གོལ། །བསྒྲུབས་པས་རྫས་སུ་མི་སྣང་སྟེ། །དེ་བཞིན་སྨྱོན་པའི་རང་བཞིན་ཅན། །དེ་བས་དོན་འདི་གོམས་པར་གྱིས། །བྱང་ཆུབ་སེམས་ཀྱང་སྐྱོན་གྱི་རྒྱུ། །སྐྱོན་གྱི་རྒྱུ་འདི་མ་ཤེས་ན། །ཡོན་ཏན་རྒྱུ་འདི་སུ་ལ་ཡོད། །སྐྱོན་གྱི་རྒྱུ་འདི་མ་རིག་པ། །མ་རིག་པ་ནི་དབྱིངས་ཀྱི་མཛོད། །དེ་ཡི་གོང་ན་ཆེ་བ་མེད། །སྐྱོན་གྱི་རྒྱུ་ནི་འཛིན་རྟོག་གཉིས། །འཛིན་རྟོག་ཐབས་དང་ཤེས་རབ་ན། །སྐྱོན་གྱི་རྒྱུ་ལས་ཆེ་བ་མེད། །སྐྱོན་གྱི་རྒྱུ་ནི་ཉོན་མོངས་ལྔ། ། ― DNG008_Page_0175 ―
[མ་དཔེ་གཟིགས་ན་འདིར་གནོན།]
ཉོན་མོངས་ཡེ་ཤེས་ལྔར་སྣང་ན། །སྐྱོན་གྱི་རྒྱུ་ལས་ཆེ་བ་མེད། །སྐྱོན་གྱི་རྒྱུ་ནི་རྟག་ཆད་གཉིས། །རྟག་ཆད་དབྱིངས་དང་ཡེ་ཤེས་ནི། །སྐྱོན་གྱི་རྒྱུ་ལས་ཆེ་བ་མེད། །སྐུ་དང་ཡེ་ཤེས་བཤད་པ་ཡང་། །སྐྱོན་གྱི་རྒྱུ་ལས་མ་གཏོགས་པ། །གཞན་ནས་བཤད་པ་ཅི་ཡང་མེད། །ཡང་དག་ངེས་པའི་དོན་བསྟན་པ། །འོང་མེད་འགྲོ་མེད་འཕོ་མེད་པ། །སངས་རྒྱས་བྱང་ཆུབ་དེ་ལ་ཡོད། །བཅོས་མེད་མ་བཅོས་པ་མེད་པས། །ཡེ་ཤེས་ཆོས་ཉིད་དེ་ལ་ཡོད། །མ་བསླད་མ་བཙལ་མཉམ་པར་བཞག །མཉམ་པའི་ཡེ་ཤེས་དེ་ལ་ཡོད། །དག་པའི་རྒྱུ་སྟེ་སྔོན་ནས་གསལ། །གྲུབ་པའི་མཐའ་སྟེ་ནང་ནས་ཤེས། །ཐར་པའི་ལམ་སྟེ་གཞི་ལ་བཞག །མཁྱེན་པའི་རྒྱུ་སྟེ་སེམས་ལ་སྦྱང་། །གཟའ་གཏད་ལམ་ནི་ཐིག་ལེར་བཅའ། །ཀུན་ཏུ་བཟང་པོ་བཅོམ་ལྡན་འདས། །ཤེས་པར་གྱིས་ལ་སེམས་ལ་ཞོག །སྐྱོན་རྒྱུ་ཡེ་ནས་ཆེ་བའོ། །རྣལ་འབྱོར་གཞུང་མཐུན་གང་ཡོད་པ། །སྐྱོན་རྒྱུ་ཆེ་བ་རྟོགས་འདོད་ན། །ལེའུ་འདི་ལས་བཙལ་བར་བྱ། །སྐྱོན་གྱི་རྒྱུ་ཡེ་ནས་ཆེ་བའི་ལེའུ་སྟེ་བཅུ་གཉིས་པའོ།། །།དེ་ནས་ཡོན་ཏན་གྱི་རྒྱུ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཡོན་ཏན་ཆེན་པོའི་རང་བཞིན་ལ། །དག་པ་ཉིད་དུ་འདི་ལྟར་བཤད། །སངས་རྒྱས་ཀུན་གྱི་ཡོན་ཏན་ནི། །ང་ཡི་སེམས་ལས་བྱུང་བ་སྟེ། །ང་ཡི་སྐུ་ནི་མི་འགྱུར་བའོ། །ང་ཡི་གསུང་ནི་མ་བཅོས་པའོ། །ང་ཡི་ཐུགས་ནི་མ་གཡོས་པའོ། །ང་ཡི་མཛད་པ་ཁྱད་པར་ཆེ། །ང་ཡི་རོལ་པ་ཐབས་ལ་མཁས། །ང་ཡི་བྱིན་རླབས་འདུས་མ་བྱས། །ང་ཡི་མཐུ་སྟོབས་འཛིན་རྟོག་བཅོམ། །ང་ལ་ང་ཞེས་བྱ་བ་མེད། །ང་མེད་བདག་མེད་ཕྱོགས་མེད་པ། །འཛིན་རྟོག་མེད་པའི་ཤེས་རབ་གདལ། །རྟག་ཆད་མེད་པའི་ཡེ་ཤེས་ཤར། །ཡོན་ཏན་ཡེ་ནས་ཆེ་བ་ཡིས། །འདི་ཡི་གོང་ན་སངས་ ― DNG008_Page_0176 ―
[མ་དཔེ་གཟིགས་ན་འདིར་གནོན།]
རྒྱས་མེད། །འཁོར་བ་མེད་པའི་སྔོན་རོལ་ན། །མྱ་ངན་འདས་པའི་མིང་ཡང་མེད། །འཁོར་བ་ཉིད་ན་ཡོན་ཏན་ཆེ། །ངན་སོང་མེད་པའི་སྔོན་རོལ་ན། །མཐོ་རིས་བྱ་བའི་མིང་ཡང་མེད། །ངན་སོང་ཉིད་ན་ཡོན་ཏན་ཆེ། །སེམས་ཅན་མེད་པའི་ཕ་རོལ་ན། །སངས་རྒྱས་བྱ་བའི་མིང་ཡང་མེད། །སེམས་ཅན་ཉིད་ན་ཡོན་ཏན་ཆེ། །ཉོན་མོངས་མེད་པའི་ཕ་རོལ་ན། །ཡེ་ཤེས་བྱ་བའི་མིང་ཡང་མེད། །ཉོན་མོངས་ཉིད་ན་ཡོན་ཏན་ཆེ། །ཆོས་ཅན་མེད་པའི་ཕ་རོལ་ན། །ཆོས་ཉིད་བྱ་བའི་མིང་ཡང་མེད། །ཆོས་ཅན་ཉིད་ན་ཡོན་ཏན་ཆེ། །རྣམ་པར་དག་པའི་རྒྱུད་དག་ནས། །རང་སྣང་འབྲས་བུར་དང་པོ་ནས། །འཕགས་པའི་རང་བཞིན་རྒྱུད་ལ་རྫོགས། །སངས་རྒྱས་ཐམས་ཅད་འདུས་པའི་སྐུ། །འདི་ནི་ཡོན་ཏན་ཆེན་པོའི་རྒྱུད། །ཡེ་ནས་ཆེ་བའི་དོན་ཡིན་ཏེ། །ཕྱོགས་བཅུའི་སངས་རྒྱས་ཐམས་ཅད་དང་། །བྱང་ཆུབ་སེམས་དཔའི་ལྷ་རྣམས་དང་། །གང་དག་ཕོ་མོ་མ་ནིང་སྐུ། །འཁྲུལ་པས་བརྟགས་པའི་སྒོ་ཙམ་དུ། །ཤེས་རབ་དམན་ལ་བསྟན་པའི་ཕྱིར། །རྨོངས་པའི་བློ་ལ་སྣང་བར་ཟད། །ཀུན་ཏུ་བཟང་པོའི་རང་བཞིན་ལ། །བྱང་ཆུབ་སེམས་ཀྱི་རང་བཞིན་ནི། །ཕོ་མོ་མ་ཡིན་མ་ནིང་མིན། །ཆེ་ཆུང་མ་ཡིན་རིགས་རྒྱུད་མིན། །རྟག་ཆད་མ་ཡིན་མཚན་མར་མིན། །ཕྱི་ནང་མ་ཡིན་དངོས་པོར་མིན། །རིགས་དང་ཁ་དོག་བསྟན་པ་མེད། །མེད་པ་མ་ཡིན་སྙིང་པོའི་དོན། །རྣལ་འབྱོར་དོན་ལྡན་རྣམས་ཀྱིས་རིག །དོན་དང་ལྡན་པའི་སེམས་ལ་གསལ། །རང་བཞིན་ཡོངས་ཀྱིས་དག་པ་ལ། །གཉེན་པོས་བཅོས་ཤིང་དཔག་ཏུ་མེད། །མཚན་ཉིད་ཡོངས་ཀྱིས་ཞི་བ་ལ། །རྟོགས་ལྡན་ཚད་མས་དེ་ལྟར་གསལ། །རྒྱུ་དང་འབྲས་བུར་དབྱེར་མེད་ལ། །མཚན་ཉིད་འཛིན་ཅིང་རིགས་སུ་འབྱེད། །དོན་དང་འགའ་ཞིང་ ― DNG008_Page_0177 ―
[མ་དཔེ་གཟིགས་ན་འདིར་གནོན།]
བརྟག་པར་དཀའ། །རང་སེམས་གདོད་ནས་མ་སྐྱེས་ན། །འཕོ་ཞིང་འགྱུར་བའི་གནས་ཀྱང་མེད། །བཙལ་ཞིང་བསྒྲུབ་པའི་ས་ཡང་མེད། །མེད་པའང་མ་ཡིན་འགྱུར་མེད་སྐུ། །འདུ་འབྲལ་མེད་པའི་དབྱིངས་ཉིད་ལ། །བཟང་ངན་སྤང་ལེན་རྣམ་རྟོག་མེད། །དབྱེར་མེད་ཆེ་ཆུང་རིམ་པ་མེད། །སྐྱེ་ཤི་གཉིས་ཀྱི་མཚན་མ་མེད། །མེད་པའང་མ་ཡིན་ཁྱབ་པའི་སྐུ། །མི་འབྱེད་མཉམ་པའི་སྤྱོད་པ་ལ། །རང་སྣང་ཐབས་ཀྱི་རྒྱལ་པོར་རོལ། །འདུས་མ་བྱས་པའི་ཀློང་ཉིད་ན། །བཅོས་པ་མེད་པའི་ཡེ་ཤེས་ཤར། །འཛིན་རྟོག་མེད་པའི་ཆོས་ཉིད་ལ། །བཙལ་བ་མེད་པའི་ཆོས་ཉིད་གནས། །གནས་ཙམ་ཉིད་ན་རྟོག་པ་མེད། །རྟོག་མེད་ཆད་མེད་བདེ་བའོ། །འགྱུར་མེད་བཙལ་མེད་རང་བྱུང་གནས། །ང་མེད་བདག་མེད་ཕྱོགས་རིས་མེད། །ཆེ་ཆུང་མེད་པ་གསལ་བའི་མཁའ། །བཟང་མེད་ངན་མེད་ཀུན་བཟང་ཆེ། །མ་བསྐྱོད་ཇི་བཞིན་དབྱིངས་ན་གདལ། །མ་བསྐྱེད་རྫོགས་པ་རྫོགས་ཆེན་དང་། །བྱ་བྲལ་མེད་པས་འདུས་མ་བྱས། །སྨོན་པ་མེད་པས་རང་ལ་རྫོགས། །ཁམས་གསུམ་སྣོད་བཅུད་མ་ལུས་ཀུན། །བདེ་བ་ཆེན་པོ་ཉིད་ཀྱི་རྒྱན། །ཡོན་ཏན་ཆེན་པོའི་ཞིང་ཁམས་ལ། །མ་ལུས་པར་ཡང་སངས་རྒྱས་སོ། །ཅི་ལྟར་སྣང་བའི་ཆོས་རྣམས་ཀུན། །རང་བྱུང་དག་པའི་དབྱིངས་ཉིད་ལ། །རྣམ་དག་ཀློང་དུ་སངས་རྒྱས་པས། །ཡོན་ཏན་ཆེན་པོ་རྣམས་ལ་གསལ། །བཙལ་དང་བཅས་པས་མི་འགྲུབ་སྟེ། །མ་བཙལ་བཞག་པས་གསལ་བར་འགྲུབ། །སྒྲོ་བཏགས་མཚན་མའི་སྐྱོན་རྣམས་སྤང་། །ཐམས་ཅད་ཡོངས་སུ་བདེ་གདལ་ན། །ཡོན་ཏན་ཆུང་བ་གང་ཡང་མེད། །ཐམས་ཅད་ཀུན་བཟང་ཡོན་ཏན་ལ། །སྐྱོན་དུ་བྱ་བ་གང་ཡང་མེད། །ཤིན་ཏུ་རྣལ་འབྱོར་གང་འདོད་པས། །ཡོན་ཏན་རྒྱ་ཆེ་རྟོགས་འདོད་ན། །ལེའུ་འདི་ ― DNG008_Page_0178 ―
[མ་དཔེ་གཟིགས་ན་འདིར་གནོན།]
ལས་བཙལ་བར་བྱ། །ཡོན་ཏན་གྱི་རྒྱུ་ཡེ་ནས་ཆེ་བའི་ལེའུ་སྟེ་བཅུ་གསུམ་པའོ།། །།དེ་ནས་སངས་རྒྱས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །སངས་རྒྱས་ཡེ་ནས་ཆེ་བ་ནི། །འཁོར་བ་སངས་པས་བདེ་ཆེན་རྒྱས། །སྣང་སྲིད་སངས་པས་བདེ་ཆེན་རྒྱས། །མ་རིག་སངས་པས་ཡང་དག་རྒྱས། །གཏི་མུག་སངས་པས་ཤེས་རབ་རྒྱས། །དེ་ཡང་བཙལ་བ་མ་ཡིན་ཏེ། །རྟོགས་པ་ཉིད་ཀྱི་ཀློང་ན་སངས། །རིག་པ་ཉིད་ཀྱི་ཀློང་ན་རྒྱས། །སངས་རྒྱས་ཡེ་ནས་ཆེ་བའོ། །འདི་ཡི་གོང་ན་སངས་རྒྱས་མེད། །ཕུང་པོ་ལྔ་ནི་རིགས་ལྔའི་ངང་། །རིགས་ལྔའི་སངས་རྒྱས་ཡེ་ཤེས་ཀློང་། །སྤྲུལ་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །འབྱུང་བ་ལྔ་པོ་ཡུམ་ལྔའི་ངང་། །ཡུམ་ཆེན་ལྔ་པོ་འབྱུང་ལྔའི་ངང་། །ཆོས་དབྱིངས་ཆེན་པོ་འབྱུང་མེད་པས། །སངས་རྒྱས་ཡེ་ནས་ཆེ་བ་ཡིན། །རྣམ་པར་ཤེས་པ་སེམས་དཔའི་ངང་། །སེམས་དཔའ་ཆེན་པོ་སྤྲུལ་པའི་ཀློང་། །སྤྲུལ་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །ཡུལ་གྱི་རྣམ་པ་སེམས་མའི་ངང་། །འཁོར་གྱི་སེམས་མ་ཁྱབ་པའི་ཀློང་། །ཁྱབ་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །ཡན་ལག་ཁྲོ་བོ་ཁྲོ་མོའི་ངང་། །ཁྲོ་བོ་ཁྲོ་མོ་རོལ་པའི་ཀློང་། །རོལ་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །འཇིག་རྟེན་དྲུག་པོ་ཐུབ་པའི་ངང་། །ཐུབ་པ་ཆེན་པོ་འདུལ་བའི་ཀློང་། །འདུལ་བ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །དབྱིངས་དང་རིག་པ་བཟང་མོ་དང་། །ཀུན་བཟང་ཡབ་ཡུམ་གནས་པའི་ཀློང་། །གནས་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །སངས་རྒྱས་ཡེ་ནས་གནས་པ་ཡིན། །འདི་ཡི་གོང་ན་སངས་རྒྱས་མེད། །གང་ཞིག་མཚན་མའི་རྟགས་འཛིན་ལ། །གྲངས་ཀྱང་ ― DNG008_Page_0179 ―
[མ་དཔེ་གཟིགས་ན་འདིར་གནོན།]
སངས་རྒྱས་སྦྱར་བ་ཙམ། །བགྲང་ཀྱང་སངས་རྒྱས་གྲངས་ལས་འདས། བགྲང་ཡང་མུ་མེད་བརྗོད་ལས་འདས། །དོན་དམ་དུ་ནི་གང་ཡང་མེད། །ཇི་སྲིད་མཚན་མའི་རྟགས་འཛིན་ལ། །དེ་བཞིན་སངས་རྒྱས་སྐུ་ཡང་ཡོད། །ཅི་སྲིད་མཚན་མ་མེད་ན་ནི། །དེ་བཞིན་སངས་རྒྱས་སྐུ་ཡང་མེད། །ཇི་སྲིད་རྣམ་གྲངས་ཡོད་ཀྱི་བར། །དེ་བཞིན་ལྷ་ཡི་གྲངས་ཀྱང་ཡོད། །ཇི་སྲིད་རྣམ་གྲངས་མེད་ན་ནི། །དེ་བཞིན་ལྷ་ཡི་གྲངས་ཀྱང་མེད། །མ་རིག་འཁྲུལ་པའི་སྒོ་ཙམ་ན། །གྲངས་ལ་རྟགས་ཀྱིས་མཚོན་པར་ཟད། །དོན་དམ་བཅོས་པ་མེད་པ་ལ། །གདལ་བའི་སྐུ་གཅིག་བསྡུས་པ་ལ། །རིགས་དང་རྟགས་སུ་གང་ལས་བསྟན། །སངས་རྒྱས་ཡེ་ནས་ཆེ་བ་ནི། །ཡོད་དེ་དངོས་པོ་མ་ཡིན་ཏེ། །ཆུ་ཟླ་བཞིན་དུ་རང་བཞིན་མེད། །མེད་དེ་ཆད་པ་མ་ཡིན་ཏེ། །ནམ་མཁའི་དབྱིངས་ལྟར་ཅིར་ཡང་སྣང་། །ཅིར་ཡང་སྣང་ལའང་ཅིར་ཡང་མེད། །གཅིག་སྟེ་རྣམ་པ་མ་ཡིན་ཏེ། །དོན་དམ་གཅིག་ཏུ་ཐམས་ཅད་འདུས། །གཉིས་མེད་ཕྱལ་པ་མ་ཡིན་ཏེ། །ཡོངས་ལ་ཁྱབ་པས་གདལ་བའི་སྐུ། །ཕྱོགས་ཆར་མི་འཛིན་རིས་མི་དབྱེ། །གཉིས་སུ་མི་རྟོག་ངར་མི་འཛིན། །ཡངས་ལ་ཕྲ་སྤང་དོགས་པ་མེད། །ཀུན་ལ་མཐུན་དང་དོན་དང་མཚན། །བདག་ཏུ་ཤེས་པ་གཞན་སྡུད་པ། །སངས་རྒྱས་ཡེ་ནས་ཆེ་བ་ཡིན། །སངས་རྒྱས་ཡེ་ནས་ཆེ་བ་ནི། །བཙལ་བ་མ་ཡིན་རྟོགས་པ་མིན། །བསྒྲུབ་པ་མ་ཡིན་གནས་པ་མིན། །གཞན་དུ་མ་ཡིན་བདག་ཏུ་མིན། །བདག་ཏུ་མ་ཡིན་གཞན་མ་ཡིན། །གཞན་ལ་མ་ཕྱིན་ཕྱོགས་རིས་མེད། །ནུས་མ་ཐུམ་ཡིན་བྱིན་བརླབས་མིན། །སྤྲུལ་པ་མ་ཡིན་གཅིག་ཏུ་སྦྱོར། །ཉོན་མོངས་མི་སྣང་འཕྲོ་འདུའི་ཚུལ། །ཅིར་ཡང་བསྟན་ཏེ་ཅིར་མ་བསྟན། །གང་ལྟར་སྣང་ཡང་གང་དུ་མེད། །གང་ལྟར་བརྟགས་ཀྱང་གང་དུ་མེད། །ཡོད་པ་མ་ཡིན་དྲན་ཞིང་ཚོར། །ཆད་པར་མ་སོང་རིག་ཅིང་རྟོགས། །རྟག་པར་མ་སོང་དངོས་པོ་མེད། །གཉིས་སུ་མ་སོང་རྟག་པ་མེད། ། ― DNG008_Page_0180 ―
[མ་དཔེ་གཟིགས་ན་འདིར་གནོན།]
གཅིག་ཏུ་མ་སོང་ཀུན་ལ་ཁྱབ། །དང་པོ་བསྐྱེད་པའི་རྒྱུ་མེད་པས། །ཐ་མ་འཆི་ཞིང་འཕོ་བ་མེད། །དེ་ལྟར་དངོས་པོ་རྫས་མེད་པས། །བརྟགས་པས་ཆགས་ཤིང་གཟུང་དུ་མེད། །འཁོར་བ་སྒྱུ་མའི་རྫས་འདྲ་བས། །བདེ་སྡུག་བཟང་ངན་དོན་ལ་མེད། །མི་རྟག་སྡུག་བསྔལ་རྨི་ལམ་འདྲ། །གང་ལ་བརྟགས་ཀྱང་དེ་ལ་འཁྲུལ། །བརྟགས་པས་ཆོས་ནི་གཅིག་ཀྱང་མེད། །མེད་པ་མ་ཡིན་རིག་པ་ཙམ། །ཆུ་ནི་རྒྱ་མཚོ་ཉིད་ཀྱི་རྒྱུན། །སངས་རྒྱས་རྟོགས་པ་ཉིད་ལས་འབྱུང་། །ཆོས་ནི་བཅོས་པ་མེད་པའི་ཆོས། །རྟགས་ནི་མ་འདྲེས་གསལ་བའི་རྟགས། །དོན་ནི་འགྱུར་བ་མེད་པའི་དོན། །དེ་ལྟར་ཐོབ་པ་སངས་རྒྱས་ཞེས། །ཡེ་ནས་ཆེ་བ་ཡིན་ཞེས་བཤད། །རྣལ་འབྱོར་འདི་རྟོགས་བཅོམ་ལྡན་འདས། །ཤེས་པར་གྱིས་ལ་དེ་ལ་ཞོག །སངས་རྒྱས་ཡེ་ནས་ཆེ་བ་ཡིན། །རྣལ་འབྱོར་སྐྱེས་བུ་གང་འདོད་པ། །སངས་རྒྱས་ཆེ་བ་རྟོགས་འདོད་ན། །ལེའུ་འདི་ལས་བཙལ་བར་བྱ། །སངས་རྒྱས་ཡེ་ནས་ཆེ་བའི་ལེའུ་སྟེ་བཅུ་བཞི་པའོ།། །།དེ་ནས་ཡང་སེམས་ཅན་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །སེམས་ཅན་མེད་པའི་ཕ་རོལ་ན། །སངས་རྒྱས་བྱ་བའི་མིང་ཡང་མེད། །སེམས་ཅན་ཡེ་ནས་ཆེ་བ་ཡིས། །དོན་ནི་བསྟན་པ་འདི་ཡིན་ནོ། །འབྱུང་བའི་རྟགས་སུ་ནམ་མཁའ་ཆེ། །སངས་རྒྱས་རྟགས་སུ་སེམས་ཅན་ཆེ། །ཆོས་ཉིད་རྟགས་སུ་ཆོས་ཅན་ཆེ། །སངས་རྒྱས་ཐམས་ཅད་བསྐྱེད་པས་ནི། །དེ་ཕྱིར་སེམས་ཅན་སངས་རྒྱས་ཡུམ། །སངས་རྒྱས་ཐམས་ཅད་འབྱུང་བས་ན། །དེ་ཕྱིར་སེམས་ཅན་སངས་རྒྱས་ཡབ། །སྔ་རབས་འདས་པའི་སངས་རྒྱས་ནི། །སྔ་རབས་འདས་པའི་སེམས་ཅན་ཡིན། །སངས་རྒྱས་པས་ཀྱང་སེམས་ཅན་ཆེ། །ད་ལྟར་བཞུགས་པའི་སངས་རྒྱས་ཀྱང་། །ད་ལྟར་བཞུགས་པའི་སེམས་ཅན་ཡིན། །སླད་ཀྱིས་ ― DNG008_Page_0181 ―
[མ་དཔེ་གཟིགས་ན་འདིར་གནོན།]
འབྱོན་པའི་སངས་རྒྱས་ཀྱང་། །སླད་ཀྱིས་བྱོན་པའི་སེམས་ཅན་ཡིན། །དེས་ན་སངས་རྒྱས་སེམས་ཅན་ཡིན། །སངས་རྒྱས་པས་ཀྱང་སེམས་ཅན་ཆེ། །རྟོགས་པས་སེམས་ཅན་ཐམས་ཅད་གཅིག །སེམས་ཅན་གཅིག་ལ་ཆོས་ཀྱི་སྐུ། །ཆོས་ཀྱི་སྐུ་ཡང་སེམས་ཅན་ཡིན། །སེམས་ཅན་བརྟགས་པས་དངོས་པོ་མེད། །དངོས་པོ་མེད་པ་ཆོས་ཀྱི་དབྱིངས། །ཆོས་ཀྱི་དབྱིངས་ཀྱང་སེམས་ཅན་ཡིན། །སེམས་ཅན་ཤེས་པས་གསལ་བར་གོ། །གསལ་བར་གོ་བས་ཡེ་ཤེས་ཏེ། །ཡེ་ཤེས་ཉིད་ཀྱང་སེམས་ཅན་ཡིན། །སངས་རྒྱས་ཀུན་གྱི་འབྱུང་གནས་གཙོ། །དེ་ཕྱིར་སེམས་ཅན་སངས་རྒྱས་མེད། །སངས་རྒྱས་སྤྲུལ་པ་ཅིར་ཡང་སྟོན། །དེ་ཕྱིར་སེམས་ཅན་སངས་རྒྱས་འབྲས། །ཁམས་གསུམ་སེམས་ཅན་སྐུ་གསུང་ཐུགས། །སྲིད་པ་གསུམ་ནི་དབྱིངས་ཀྱི་ཀློང་། །རྒྱུད་དྲུག་སེམས་ཅན་དོན་དམ་དང་། །མཐའ་ཡས་སེམས་ཅན་ལས་ཀྱི་མཆོག །ཐབས་ཀྱི་རྒྱལ་བར་གང་ཤེས་པ། །དེ་ཉིད་དོན་རྫོགས་ཐབས་ཀྱི་སྐུ། །མ་སྐྱེས་ཤེས་རབ་དོན་ཤེས་པས། །དེ་ཉིད་བཅོས་མེད་མན་ངག་ཚངས། །རང་བྱུང་རྒྱལ་པོ་སེམས་ཅན་ལ། །རིག་པའི་རྒྱལ་པོ་རྣམ་ཤེས་ཤར། །ཕུང་པོའི་ཐིག་ལེ་ཆེན་པོ་ལ། །རྣམ་པར་དག་པའི་ཐིག་ལེ་ཤར། །སྐྱེ་མཆེད་ཏིང་འཛིན་གསལ་བ་ལ། །ཐབས་ཀྱི་འཕྲོ་འདུ་གསལ་བར་སྟོན། །གང་ལ་དཔེས་བསྟན་དེ་བཞིན་དུ། །དེ་བཞི་སེམས་ཅན་དཔེ་བསྟན་པར། །བདེ་བ་ཆེན་པོའི་མན་ངག་འབྱུང་། །དག་པས་བརྟགས་ཀྱང་ཀུན་ཀྱང་གཙང་། །རྟོག་པས་བསམ་པས་གང་ཡང་འགྲུབ། །ལྟ་བ་ཡངས་པའི་ནམ་མཁའ་ལ། །འཛིན་རྟོག་མེད་པའི་འོད་གསལ་བས། །གང་ཡང་མ་སྤངས་ལྷུན་གྱིས་གྲུབ། །མུ་མཐའ་མེད་པའི་ཤེས་རབ་ལ། །སྐྱེ་བ་མེད་པའི་ཀློང་གདལ་བས། །རྣམ་པར་དག་པའི་དབྱིངས་སུ་མཁྱེན། །སྐྱེ་མེད་ཉིད་ལ་སྒྲོ་བཏགས་པས། །ནན་གྱིས་ནམ་མཁའ་འཛིན་པ་ལྟར། །དེ་ལྟར་རྟོགས་སུ་མི་སྣང་བས། །ཤེས་རབ་ཆུང་བས་འཁྲུལ་ ― DNG008_Page_0182 ―
[མ་དཔེ་གཟིགས་ན་འདིར་གནོན།]
པར་འགྱུར། །ཚིག་དང་ལྡན་ཡང་དོན་ལ་གོལ། །མན་ངག་གདེང་དུ་ཡོངས་མ་ཆུད། །གང་ཞིག་ཤེས་རབ་ཞེན་པ་ཡིས། །སྒྲོ་བཏགས་ཆོས་ལ་ཡི་རང་བ། །ལོང་བས་ལམ་ནོར་འཁྲུལ་པ་ལྟར། །ངམ་གྲོག་གཅོང་རོང་ངེས་པར་ལྷུང་། །དེས་ན་ཐེག་རྒྱལ་ངེས་པ་འདི། །ཤེས་རབ་དམན་ལ་བསྟན་མི་བྱ། །དོན་དུ་མི་འོང་སྐུར་པ་འདེབས། །གང་ཞིག་བཀའ་སྨོད་འགལ་བྱེད་པ། །དོན་དུ་མི་འགྱུར་ལོག་པའི་ལམ། །ཐར་པའི་གནས་མེད་ལྟུང་བའི་ས། །ནོར་པའི་ལམ་ཚོལ་འཁྲུལ་པའི་ཞིང་། །ཀུན་བཟང་སྟོན་པས་ཡོངས་མ་བཤད། །གང་ཟག་སྒྲ་ཚིག་མཚན་མ་ཅན། །བདེན་པའི་དོན་མེད་སྡུག་པའི་ཚིག །མ་རིག་རྨོངས་པས་འཁྲུལ་པའི་སེམས། །ལོག་པའི་ལམ་ཚོལ་ང་འོར་འཛིན། །ཤེས་རབ་དམན་པས་ཕྱོགས་ཆར་འཛིན། །དོན་ལྡན་སྣོད་ཅན་མ་ཡིན་པས། །བསྐལ་པ་བརྒྱད་ཁྲི་བཞི་སྟོང་དུ། །ངེས་པའི་དོན་ལ་གཞུག་མི་བྱ། །མཁས་པས་དོན་དང་མི་ལྡན་ཞིང་། །བདེན་པའི་དོན་པོར་ཕྱོགས་ཆར་འཛིན། །ཚིག་ཏུ་སྨྲ་ལ་དོན་དུ་གཡེལ། །ལོག་པའི་ལམ་དགའ་དཀའ་ཚོལ་ན། །དེ་ནི་བདུད་ཀྱིས་བསླུས་པ་ཡིན། །སྐྱེ་བོའི་གཟུགས་དང་སྡིག་ལ་སོགས། །སྤྱོད་པའི་དོན་དང་མི་འགལ་ཞིང་། །ཀུན་ལ་སྤྱོད་པས་ཀུན་སྤངས་ཤིང་། །གང་དང་མཐུན་ཞིང་དུལ་བའི་སེམས། །སྤྱོད་ཅིང་གང་ལའང་མ་ཆགས་པས། །ཅི་ལྟར་སྤྱད་ཅིང་བཀའ་དང་མཐུན། །གདེང་ཅན་དོན་དང་ལྡན་པས་མཐུན། །ངེས་པར་བརྟེན་པའི་གཞུང་འཚོལ་ན། །དེ་ནི་སངས་རྒྱས་སྤྲུལ་པ་ཡིན། །ཡང་དག་བདེན་པའི་སེམས་ཅན་ནོ། །མཉམ་པ་ཉིད་ཀྱང་སེམས་ཅན་ནོ། །སྤང་ལེན་མེད་པའི་སྤྱོད་པ་ལ། །འདུ་འབྲལ་མེད་པའི་དམ་ཚིག་འབྱུང་། །བཟང་ངན་མེད་པའི་ལྟ་བ་ལ། །ཕྱོགས་རིས་མེད་པའི་བསྒྲུབ་པ་འགྲུབ། །བདེན་པའི་དོན་དང་ཚུལ་ཤེས་ན། །སེམས་ཅན་ཡིན་ན་ཡིན་པར་ཟད། །ཡིན་ཡང་སེམས་ཅན་ཆེ་བ་ཡིན། །དོན་ལྡན་སྐྱེས་བུས་ ― DNG008_Page_0183 ―
[མ་དཔེ་གཟིགས་ན་འདིར་གནོན།]
ཤེས་པར་གྱིས། །ཤིན་ཏུ་རྣལ་འབྱོར་གང་ཡོད་པ། །སེམས་ཅན་རྟོག་པ་ཆེ་འདོད་ན། །ལེའུ་འདི་ལས་བཙལ་བར་བྱ། །སེམས་ཅན་ཡེ་ནས་ཆེ་བའི་ལེའུ་སྟེ་བཅོ་ལྔ་པའོ།། །།དེ་ནས་རྟོགས་པ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །རྟོགས་པ་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །རྟོགས་པ་ཡེ་ནས་ཆེ་བ་ཡིན། །དོན་ནི་བསྟན་པ་འདི་ཡིན་ནོ། །མཁས་པ་མི་གཙོ་རྟོགས་པ་གཙོ། །མཁས་པ་ཚིག་གི་ཐན་ཡིན་ནོ། །རྟོགས་པས་ཆོས་ཉིད་ཀློང་ན་འཕྱོ། །བཤད་པ་མི་གཙོ་བསྒོམ་པ་གཙོ། །བཤད་པ་ཚིག་གི་བཤད་པ་ཡིན། །བསྒོམས་པས་ལྷ་དང་གཉིས་སུ་མེད། །བསྒྲུབ་པ་བས་ཀྱང་རྟོགས་པ་གཙོ། །རྟོགས་པ་གདེང་དུ་མ་ཆུད་ན། །བསྒྲུབ་པ་རྟོག་པའི་རྒྱུན་ལ་བསྒྲུབ། །བསྒོམ་པ་མཚན་མའི་ངང་ལ་བསྒོམ། །རྩོལ་བ་ཉོན་མོངས་ཞེན་པ་འཚོལ། །རྟོགས་པ་ཡེ་ནས་ཆེ་བ་ནི། །སྣང་སྲིད་རྟོགས་པས་ཡེ་ཤེས་ཆེ། །ཕྱི་ནང་རྟོགས་པས་ཐིག་ལེ་ཆེ། །ཆེ་ཆུང་རྟོགས་པས་མཉམ་ཉིད་ཆེ། །ཡང་དག་རྟོགས་པས་ཡེ་ཤེས་ཆེ། །བཟང་ངན་རྟོགས་པས་བདེ་ཆེན་ཆེ། །བྱ་བཙལ་རྟོགས་པས་བདེ་ཆེན་ཆེ། །བདེ་ཆེན་རྟོགས་པས་བྱང་ཆུབ་ཆེ། །རྟོགས་པའི་གླང་ཆེན་ཕྱོགས་རིས་མེད། །ཡང་དག་དོན་ལྡན་བསྙེན་བསྲིང་མེད། །བདེན་པའི་དོན་འཆར་འཛིན་རྟོག་མེད། །རང་བྱུང་རང་ཤར་བྱ་བཙལ་མེད། །ཐར་པའི་གནས་རིས་སྤང་ལེན་མེད། །དབྱིངས་ཀྱི་བདེ་གདལ་ཕྱོགས་རིས་མེད། །རྟོགས་ན་བཅོས་མེད་སྙིང་པོ་རྟོགས། །སྟོན་ན་རང་བྱུང་འབྲས་བུ་སྟོན། །ཐོབ་ན་རྣམ་དག་བཅོས་མེད་ཐོབ། །ཉི་མ་ཤར་བས་མུན་པ་སངས། །རྒྱུད་འདི་ཐོས་པས་འཛིན་རྟོག་ནུབ། །ལུང་འདི་བྱུང་བས་འཛིན་རྟོག་བྲོས། །སྟོང་གསུམ་མ་ལུས་གཡུལ་ངོར་དེད། །ཁམས་གསུམ་མ་ལུས་ཚར་ལ་བཏོན། །སྲིད་གསུམ་མ་ལུས་ཐོ་ལེས་བཏབ། །འཛིན་རྟོག་གཉིས་ནི་འཆོར་མེད་བཟུང་། །ཆགས་སྡང་ ― DNG008_Page_0184 ―
[མ་དཔེ་གཟིགས་ན་འདིར་གནོན།]
གཉིས་ནི་དབང་དུ་བྱས། །རྟག་ཆད་གཉིས་ནི་རྡུལ་དུ་བརླགས། །སྤང་ལེན་གཉིས་ནི་ཕྱེ་བར་བཏགས། །བཟང་ངན་གཉིས་ནི་ཁྲུག་གིས་བསྲེས། །སངས་རྒྱས་སེམས་ཅན་གཅིག་ཏུ་བྱས། །མཐོ་རིས་ངན་སོང་གཅིག་ཏུ་བསྣོས། །བདེ་བ་ཆེན་པོའི་ཞལ་དུ་གསོལ། །དམྱལ་བ་ཆོས་ཉིད་ངང་དུ་སྦྱང་། །ཡི་དྭགས་བཀྲེས་སྐོམ་རཾ་གྱིས་བསྲེགས། །བྱོལ་སོང་གཏི་མུག་ཡཾ་གིས་དབུས། །མི་ཡི་སྡུག་བསྔལ་ཁཾ་གིས་བཀྲུས། །ལྷ་མིན་འཐབ་རྩོད་ལཾ་གྱིས་ཞི། །ལྷ་ཡི་ཕྲག་དོག་ཨེ་ཡིས་སྦྱངས། །ཐམས་ཅད་བདེ་ཆེན་དབྱིངས་སུ་བསྡུས། །བདག་ཉིད་ཆེན་པོར་སངས་རྒྱས་པས། །བདག་གཞན་བྱ་བའི་མིང་ཡང་མེད། །སངས་རྒྱས་མཛད་པ་དེ་ལྟར་མཛད། །རྟོགས་པ་སྤྱོད་པ་དེ་ལྟར་སྤྱོད། །ནམ་མཁའ་ཡངས་པའི་མཚན་ཉིད་ལ། །དངོས་པོ་མཚན་མ་ཀུན་ཤར་ལྟར། །རྟོགས་པ་ཡངས་པའི་ལྟ་བ་ལ། །འཛིན་རྟོག་མཚན་མ་ཅི་ཡང་ཤོང་། །ཤོང་བ་བས་ཀྱང་ཡོངས་ཀྱང་ཤོང་། །སྣང་སྲིད་རྟོགས་པས་ཕྱི་རུ་བདེ། །དོན་དམ་རྟོགས་པས་ནང་དུ་བདེ། །དབྱེར་མེད་རྟོགས་པས་གཉིས་མེད་བདེ། །སེམས་ཅན་སངས་རྒྱས་ཡིན་རྟོགས་ན། །གཞན་ནས་སངས་རྒྱས་ནོར་བའི་ལམ། །སྣང་སྲིད་ཆོས་ཉིད་ཡིན་རྟོགས་ན། །གཞན་ནས་ཆོས་ཉིད་ནོར་བའི་ལམ། །ཐམས་ཅད་འདུས་པས་དབྱིངས་ཉིད་ཆེ། །མ་ལུས་འདུས་པས་ཐིག་ལེ་ཆེ། །ཀུན་ལ་རྟོག་པས་ཡེ་ཤེས་ཆེ། །གང་ཞིག་རྟོག་མེད་ཤེས་རབ་འཆལ། །རྨོངས་པ་འཁྲུལ་པའི་བྱ་བས་ནོང་། །དོན་དང་མ་ལྡན་ནོར་བ་དེས། །གང་ཡང་མི་ཤེས་དོན་མི་ཤེས། །ཅི་ཡང་མ་རྟོགས་དོན་མ་རྟོགས། །སངས་རྒྱས་བྱང་ཆུབ་སེམས་དཔའ་ཡང་། །གང་མ་རྟོགས་པ་དེ་ཡི་བདུད། །བདུད་དང་ལོག་པའི་ཆོས་རྣམས་ཀྱང་། །གང་གིས་རྟོགས་ན་དེ་ཡི་ལྷ། །ལྷ་ཡི་རྒྱལ་པོས་དམག་དཔུང་དྲངས། །སྐྱེ་ཤི་མེད་པར་གཡུལ་ངོ་སྤྲད། །བཟང་ངན་མེད་པར་ལྷན་ཅིག་སྐྱེས། །ཕྱོགས་རིས་མེད་པར་ཐོ་ ― DNG008_Page_0185 ―
[མ་དཔེ་གཟིགས་ན་འདིར་གནོན།]
ལེས་བཏབ། །དངོས་པོ་མཚན་མ་གཏན་ནས་བླངས། །རིགས་ལྔའི་སངས་རྒྱས་ཐུགས་ངལ་སངས། །རྟོགས་པའི་རྒྱལ་པོ་འགྱིད་པ་མེད། །ལམ་ནི་ཉེ་ལམ་བདེ་རྫོགས་པས། །བཅོས་པ་མེད་པའི་ཆོས་ཉིད་ལས། །ས་ནི་རང་བཞིན་ལྷུན་གྱིས་གྲུབ། །ཀུན་ཏུ་བཟང་པོ་བཅོས་མེད་པས། །དེ་ཡི་ངང་ལ་སུ་གནས་པ། །རྟོགས་པ་ཡེ་ནས་ཆེ་བའོ། །དོན་རྟོགས་རྣལ་འབྱོར་ཤེས་པར་གྱིས། །དོན་འཆང་རྣལ་འབྱོར་གང་ཡོད་པ། །རྟོགས་པ་ཆེན་པོ་ཚོལ་འདོད་ན། །ལེའུ་འདི་ལས་བཙལ་བར་གྱིས། །རྟོགས་པ་ཡེ་ནས་ཆེ་བའི་ལེའུ་སྟེ་བཅུ་དྲུག་པའོ།། །།ཀུན་ཏུ་བཟང་པོའི་མན་ངག་འདི། །མིང་ཙམ་འཛིན་པ་གང་བྱེད་པ། །ཆོས་ཉིད་རྟོགས་པར་ངས་བཤད་དེ། །སངས་རྒྱས་ཀུན་གྱི་རྗེ་བཙན་ཡིན། །འདི་ཐོས་སངས་རྒྱས་ལག་ཏུ་ལོན། །ཐམས་ཅད་ཀུན་གྱི་བདག་ཉིད་དུ། །བརྒྱུད་པ་འདིས་ཟིན་ཤེས་རབ་གནས། །མན་ངག་འདི་ནི་ང་ཡིན་ཞེས། །ཀུན་ཏུ་བཟང་པོ་ངས་བཤད་དེ། །གང་ཞིག་ང་ཉིད་རྟོགས་འདོད་ན། །མན་ངག་འདི་ལ་བལྟ་བར་གྱིས། །དེ་སྐད་ཡོངས་གསུངས་མེད་པ་ཡིས། །ཀུན་ཏུ་བཟང་པོས་བཀའ་སྩལ་པས། །ཕྱོགས་རིས་མེད་པའི་སྣང་སྲིད་ཐམས་ཅད། གཉེན་པོས་མ་བཅོས་པའི་ཐབས་ཀྱིས། རྟོགས་པ་གཅིག་ཏུ་ཐོབ་པ་མེད་པའི་སྐུ་ཐོབ་པོ། །གྲུབ་པ་མེད་པའི་འབྲས་བུ་ཐོབ་ནས། རང་བཞིན་བཙལ་བ་མེད་པར་སངས་རྒྱས་པའི་དོན་སུས་ཀྱང་མ་བསླབས་པར་ཤེས་སོ། །གང་གིས་ཀྱང་མ་བསྟན་པར་རང་རིག་གོ། །ལྟ་བ་ཐམས་ཅད་ཀྱི་རྒྱལ་པོ། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད། མན་ངག་སྙིང་པོའི་ཉིང་ཁུ་བཀའ་ཡང་དག་པ་རྫོགས་སོ།། །།དེ་ནས་ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་ཀྱི་དོན་འདི་ངེས་པར་རྟོགས་པར་བྱེད་པ་རྣམས། རང་གནས་ཆེན་པོ་དགུའི་དོན་འདི་ཡིད་ལ་ཟུང་ཞིག །དེ་ཡང་གང་ཞེ་ན། རྒྱུ་དང་འབྲས་བུ་ཐམས་ཅད་བཙལ་བ་མེད་པར་རང་གནས་པ་དང་། འཁོར་བ་དང་མྱ་ ― DNG008_Page_0186 ―
[མ་དཔེ་གཟིགས་ན་འདིར་གནོན།]
ངན་ལས་འདས་པ་ཐམས་ཅད་མ་སྐྱེས་པར་རང་གནས་པ་དང་། ཕྱི་ནང་སྣོད་བཅུད་ཐམས་ཅད་ཆོས་ཀྱི་སྐུར་རང་གནས་པ་དང་། སངས་རྒྱས་དང་སེམས་ཅན་ཐམས་ཅད་གཉིས་སུ་མེད་པར་རང་གནས་པ་དང་། བདེ་བ་དང་སྡུག་བསྔལ་ཐམས་ཅད་བཅོས་པ་མེད་པར་རང་གནས་པ་དང་། བཟང་ངན་ཐམས་ཅད་མ་གཡོས་པར་རང་གནས་པ་དང་།མཐོ་དམན་ཆེ་ཆུང་ཐམས་ཅད་མ་བཅོས་པར་རང་གནས་པ་དང་། སྐྱེ་འཆི་འཕོ་འགྱུར་ཐམས་ཅད་འགྱུར་བ་མེད་པར་རང་གནས་པ་དང་། བླང་དོར་ཆགས་སྡང་ཐམས་ཅད་ཕྱོགས་རིས་མེད་པར་རང་གནས་པའོ། །དེ་ལ་རྒྱུ་འབྲས་བཙལ་བ་མེད་པར་རང་གནས་པ་ནི། བརྒྱད་ཁྲི་བཞི་སྟོང་ཆོས་རྣམས་དང་། །རྒྱུ་འབྲས་ཐེག་པ་ཅིར་བསྟན་པ། །གསང་ཉིད་ངེས་པར་དབྱིངས་གཅིག་པར། །རིམ་པས་བཙལ་ཞིང་བསྒྲུབ་ཏུ་མེད། །དབྱར་དགུན་སྟོན་དཔྱིད་ལ་སོགས་པ། །རྒྱུ་འབྲས་རིམ་གྱིས་འབྱུང་བ་ཡང་། །དུས་གསུམ་འགྱུར་བ་མེད་པའི་ཕྱིར། །རྒྱུ་དང་འབྲས་བུར་བསྟན་པ་མེད། །རང་སེམས་སངས་རྒྱས་མ་ཡིན་ན། །མཆིང་བུར་ནོར་བུར་མི་འགྱུར་བཞིན། །ལས་དང་རྣམ་སྨིན་ཅི་བཙལ་ཀྱང་། །སངས་རྒྱས་བྱང་ཆུབ་ཐོབ་པ་མེད། །རྒྱུ་ཉིད་འབྲས་བུ་ཡིན་ཤེས་ན། །ས་གསེར་བཞིན་དུ་ཡེ་དག་པས། །སངས་རྒྱས་ཡེ་ནས་ཡིན་པ་ལ། །བཙལ་བའི་བསམ་པས་དབྱིངས་མི་བསྐྱོད། །སངས་རྒྱས་མ་རྩོལ་སེམས་ལ་ཡོད། །བྱང་ཆུབ་སེམས་འདི་རིན་པོ་ཆེ། །ཉེས་པར་སྤྱད་ཀྱང་དཔལ་དུ་ཆེ། །བྱ་བཙལ་མེད་པར་ལྷུན་གྱིས་གྲུབ། །རྒྱུ་ཉིད་མ་བཙལ་འབྲས་བུར་གནས། །ཐམས་ཅད་དབྱེར་མེད་གདོད་ནས་དག །བསྒྲུབ་ཅིང་འགྲུབ་པའི་འབྲས་བུ་ནི། །བཙལ་མེད་རང་ལ་རྫོགས་པར་གནས། །ཞེས་པའོ། །དེ་ལ་འཁོར་བ་དང་མྱ་ངན་ལས་འདས་པ་མ་སྐྱེས་པ་ནི། འཁོར་བའི་ཆོས་དང་མྱ་ངན་འདས། །གཉིས་སུ་བསྟན་པ་ཚིག་ཏུ་ནོར། །མ་སྐྱེས་རང་བཞིན་རྣམ་པར་དག །ཀུན་ཏུ་ ― DNG008_Page_0187 ―
[མ་དཔེ་གཟིགས་ན་འདིར་གནོན།]
བཟང་པོ་ཉིད་ཀྱིས་གསུངས། །ཐར་པ་ཐོབ་ཅེས་བཏགས་པ་ཡི། །སྐུ་དང་ཡེ་ཤེས་ཆེ་བ་དང་། །ངན་སོང་འཁོར་བའི་སྡུག་བསྔལ་ནི། །མ་སྐྱེས་དབྱིངས་སུ་ཡོན་ཏན་གསལ། །ཁམས་གསུམ་འཁོར་བའི་ཆོས་ཉིད་ལ། །ཕྱིན་ཅི་ལོག་ཏུ་རྣམ་བརྟགས་ཀྱང་། །རང་བཞིན་ཡེ་ནས་དངོས་མེད་པས། །སྒྱུ་མ་འདྲ་སྟེ་གྲུབ་པ་མེད། །དེ་བཞིན་ཆོས་རྣམས་ཐམས་ཅད་ཀྱང་། །དབྱེར་མེད་ངོ་བོར་ཚུལ་གཅིག་པས། །རང་བཞིན་གདོད་ནས་མ་སྐྱེས་ཕྱིར། །བཅོས་པ་མེད་པར་རང་བཞིན་གནས། །སྐྱེ་དང་མི་སྐྱེ་ལྷ་ཚོགས་པ། །སྨིག་རྒྱུ་འདྲ་སྟེ་རང་བཞིན་མེད། །དེ་བཞིན་བརྟན་གཡོ་ལ་སོགས་ཀུན། །དོན་གཅིག་གཉིས་མེད་ཐ་མི་དད། །ཐམས་ཅད་དེ་ཡང་བྱང་ཆུབ་སེམས། །སངས་རྒྱས་ཉིད་ལས་རིམ་གཉིས་མེད། །མ་སྐྱེས་པ་ཡི་རང་བཞིན་ལ། །མ་བཅོས་པ་ཉིད་བློ་ཡིན་ནོ། །ཞེས་པའོ། །ཕྱི་ནང་སྣོད་བཅུད་ཆོས་ཀྱི་སྐུར་གནས་པ་ནི། །ཕྱི་ཡི་འབྱུང་བ་ལ་སོགས་པའི། །ཡུལ་གྱི་རྣམ་པ་ཐམས་ཅད་ནི། །མ་བྱུང་མ་སྐྱེས་ཆོས་ཀྱི་དབྱིངས། །མི་སྐྱེ་མི་འགག་སྤྲོས་དང་བྲལ། །རང་བཞིན་ཡོངས་ཀྱིས་ཞི་བ་ལ། །རྒྱུ་དང་རྐྱེན་ལ་མ་ལྟོས་ཏེ། །དུས་གསུམ་འདུས་མ་བྱས་པའི་ངང་། །མཐའ་དབུས་ཕྱོགས་རིས་མེད་པ་ཡིས། །ཆོས་ཉིད་མ་སྐྱེས་ཀློང་དུ་གདལ། །དེ་བཞིན་ཉིད་ཀྱིས་གར་ཁྱབ་པར། །རང་རིག་ཡེ་ཤེས་ཆེན་པོར་རོལ། །དངོས་མེད་དངོས་བྲལ་བྱང་ཆུབ་སེམས། །ཆོས་ཉིད་དེ་བཞིན་པ་ཉིད་ལ། །རིག་པ་དེ་བཞིན་ཉིད་གནས་པ། །དབྱེར་མེད་གཉིས་སུ་མེད་པ་ཡིས། །ཆོས་ཀྱི་སྐུ་ཞེས་དེ་ལ་བྱ། །དུས་གསུམ་འཕོ་འགྱུར་མེད་པ་ཡིས། །སྐྱེ་ཤི་མེད་པའི་གཡུང་དྲུང་དུ། །ཡེ་ནས་ཆོས་སྐུར་གནས་པ་ཡིས། །སངས་རྒྱས་གཞན་དུ་བཙལ་མི་དགོས། །ཆོས་སྐུ་སེམས་ཀྱི་བྱིན་རླབས་ལས། །སྐུ་ཡི་ཁྱད་པར་ཅིར་སྣང་ཡང་། །བྱང་ཆུབ་སེམས་ལས་གཞན་མེད་པས། །བཙལ་མི་དགོས་པར་རང་བཞིན་གནས། །དེ་བཞིན་ཐམས་ཅད་སངས་རྒྱས་པས། །ཆོས་སྐུ་བྱང་ཆུབ་སེམས་གནས་ ― DNG008_Page_0188 ―
[མ་དཔེ་གཟིགས་ན་འདིར་གནོན།]
པས། །མ་བཙལ་མ་བསྒྲུབས་ཡེ་ནས་དག །དེ་ལ་བཅོས་སུ་ཡེ་ནས་མེད་པའོ། །སངས་རྒྱས་སེམས་ཅན་གཉིས་སུ་མེད་པ་ནི། །ཐམས་ཅད་མཁྱེན་པའི་སངས་རྒྱས་དང་། །ལོག་རྟོག་འཁྲུལ་པའི་སེམས་ཅན་གཉིས། །ཆེ་ཆུང་ཁྱད་པར་བྱུང་བ་ཡང་། །གསེར་མགར་འདྲ་སྟེ་ཅིར་སྣང་གཅིག །རྩི་ཤིང་ནགས་ཚལ་ཐམས་ཅད་ཀྱང་། །སྦྱོར་ཤེས་ན་ནི་སྨན་ཡིན་ལ། །སྦྱོར་བ་མི་ཤེས་དུག་ཏུ་འགྱུར་བ་བཞིན། །སངས་རྒྱས་སེམས་ཅན་དེ་བཞིན་ནོ། །མ་བཅོས་སེམས་ཀྱི་ཆོས་ཉིད་ལ། །བྱང་ཆུབ་སེམས་ལས་འགྱུར་མེད་ན། །རིན་ཆེན་གླིང་དུ་ཕྱིན་པ་ལྟར། །སངས་རྒྱས་སེམས་ཅན་བཙལ་དུ་མེད། །འབྲས་བུ་སྨིན་པའི་སྙེ་མ་ཡང་། །ས་བོན་ཉིད་ལས་གཞན་མ་ཡིན། །བླ་ན་མེད་པའི་སངས་རྒྱས་ཀྱང་། །སེམས་ཅན་སེམས་ལས་གཞན་མ་ཡིན། །དེ་བཞིན་རྒྱུ་འབྲས་གཞི་མ་ཡང་། །ཡེ་ནས་གཉིས་མེད་བྱང་ཆུབ་སེམས། །བདེ་བ་ཆེན་པོར་ཡེ་བརྡལ་བས། །ཡེ་ནས་གཉིས་མེད་ཀུན་ཏུ་བཟང་། །གསེར་བཞིན་མ་བཅོས་ཡེ་ནས་གནས། །རང་བཞིན་གདོད་ནས་དག་པ་ལ། །ཚིག་དང་ཡི་གེས་བཅོས་སུ་མེད། །གང་ལྟར་སྤྱད་ཀྱང་ཐོག་མ་པའོ།། །།བདེ་དང་སྡུག་བསྔལ་བཅོས་སུ་མེད་པ་ནི། །བདེ་དང་སྡུག་བསྔལ་གཉིས་མེད་པས། །རང་འདོད་བཅོས་པའི་སྨོན་པ་མིན། །ཡེ་ནས་དེ་ལྟར་གནས་པ་ནི། །ཀུན་གཞི་ཀུན་ཏུ་བཟང་པོས་གསུངས། །ནམ་མཁའ་བཞིན་དུ་ཡེ་ནས་གསལ། །རྟོག་དང་མི་རྟོག་གཉིས་མེད་པས། །མཐོ་རིས་ངན་སོང་བཙལ་དུ་མེད། །དེ་རྟོག་བྱིས་པའི་སྤྱོད་ཡུལ་ཡིན། །རང་བཞིན་མེད་པའི་ཆོས་ཉིད་སེམས། །ཡེ་ནས་ཀུན་ཏུ་བཟང་པོ་ལ། །གཙང་དང་སྨེ་གཉིས་མེད་པ་ལྟར། །བདེ་སྡུག་རྟོག་པ་ཤིན་ཏུ་བྲལ། །རང་སེམས་འབྱུང་བའི་ཆོས་ཅན་ནི། །བདེ་དང་སྡུག་བསྔལ་རིམ་པ་དེས། །སེམས་ཀྱི་ཆོས་ ― DNG008_Page_0189 ―
[མ་དཔེ་གཟིགས་ན་འདིར་གནོན།]
ཉིད་འགྱུར་མེད་པས། །བདེ་སྡུག་བཙལ་ཡང་རྙེད་མི་འགྱུར། །ཐམས་ཅད་རང་གི་སེམས་ཡིན་ན། །སྡུག་བསྔལ་ཉིད་ཀྱང་བདེ་བའི་ཀློང་། །རང་བྱུང་ཡེ་ཤེས་ཡིན་ཤེས་ན། །ངན་སོང་ཉིད་ཀྱང་སངས་རྒྱས་ཞིང་། །མཉམ་པ་ཉིད་དུ་ལྷུན་གྲུབ་པས། །ཕྱོགས་དང་རིས་སུ་བཙལ་དུ་མེད། །མ་བཅོས་ཀུན་ཏུ་བཟང་པོ་ལ། །བདེ་དང་སྡུག་བསྔལ་གཉིས་སུ་མེད། །བྱང་ཆུབ་སེམས་ཉིད་བདེ་ཆེན་པོ། །རྒྱུ་ཉིད་དག་པ་འབྲས་བུ་སྟེ། །ཚིག་དང་ཡི་གེར་ལས་འདས་པ། །བཙལ་མེད་ལྷུན་གྲུབ་རང་གནས་པའོ། །བཟང་ངན་གཙང་སྨེ་མ་གཡོས་པར་ནི། །མ་རིག་མུན་པའི་ཕུང་པོ་ལ། །ཡེ་ཤེས་ཉི་མ་ཤར་བ་ལྟར། །རྟོགས་དང་མ་རྟོགས་རང་བཞིན་ལ། །བྱང་ཆུབ་སེམས་གསལ་བཟང་ངན་མེད། །བདུད་རྩི་ཆེན་པོའི་རང་བཞིན་ལ། །དུག་དང་རྩི་གཉིས་མེད་པ་ལྟར། །བྱང་ཆུབ་སེམས་ཀྱི་རང་བཞིན་ལ། །སྐྱོན་དང་ཡོན་ཏན་མིང་ཡང་མེད། །ངན་པ་ལས་ཀྱང་བཟང་བ་མེད། །སྐྱོན་དང་ཡོན་ཏན་ཉིད་དུ་དག །མི་གཙང་བ་ལ་གཙང་བ་མེད། །དུག་ཉིད་བདུད་རྩིའི་རང་བཞིན་པས། །གཉིས་མེད་དོན་འཆང་ཡེ་ནས་དག །དབྱེར་མེད་སྨོན་དུ་མེད་པ་ལ། །འདུ་བྱེད་རྩོལ་བ་ཤིན་ཏུ་རྨོངས། །མ་བཅོས་ཐིག་ལེ་ཡེ་ནས་དག །མེད་ལ་ཡོད་པར་འཛིན་པའི་ཆོས། །ནམ་མཁའ་བགོ་བཤའ་མེད་པ་འདྲ། །ཚི་ཆད་ལས་ལ་གྲུབ་པ་མེད། །གཞན་དུ་རྣལ་འབྱོར་མ་ཚོལ་ཅིག །དོན་མེད་སྒྲ་ཚིག་སྒྲ་ཕྱིར་འབྲངས། །ཐེག་པ་ངེས་མེད་ས་མ་ཟིན། །ངེས་པའི་མན་ངག་རྟོག་པར་གོལ། །དོན་མེད་དེ་འདྲ་མནོས་ན་འཁྱལ། །དེ་བས་འགྱུར་མེད་བྱང་ཆུབ་དོན། །རྫོགས་ཆེན་འདི་ལ་གང་སྤྱོད་པ། །ཡེ་ཤེས་ཀུན་བཟང་ཉིད་ཡིན་པས། །བཟང་ངན་གཙང་སྨེ་གཉིས་སུ་མེད། །མན་ངག་དོན་དང་ལྡན་པའི་གདེང་། །སེམས་ལས་མ་ཡེངས་ ― DNG008_Page_0190 ―
[མ་དཔེ་གཟིགས་ན་འདིར་གནོན།]
དགོངས་པའི་ཀློང་། །འདི་ལྟར་སྤྱོད་པའི་རྣལ་འབྱོར་པ། །སངས་རྒྱས་ཉིད་དུ་རང་གནས་པའོ།། །།མཐོ་དམན་ཆེ་ཆུང་མ་བཅོས་པ་ནི། ཐེག་པའི་རིམ་པ་མཐོ་དམན་དང་། །ཤེས་རབ་རྟོག་པ་ཆེ་ཆུང་ནི། །གར་མཁན་ལག་གི་འདུ་བྱེད་བཞིན། །ཅིར་ཡང་བསྟན་ལ་ཅིར་ཡང་མེད། །རང་བཞིན་གཅིག་ཏུ་མ་ངེས་པས། །སྐུ་གསུང་ཐུགས་ཀྱང་སོ་སོར་སྣང་། །ཤེས་པ་གཅིག་ཏུ་མ་གྱུར་པས། །བྱང་ཆུབ་སེམས་ཀྱང་སོ་སོར་གོ། །དེ་བཞིན་ཉིད་ལས་གཞན་མིན་ན། །མི་མཐུན་རྣམ་པ་ཅིར་བསྟན་ཀྱང་། །ཡེ་ཤེས་ཉིད་ལས་ཉམས་པ་མེད། །ཚིག་དང་ཡི་གེར་བརྗོད་ལས་འདས། །སྟོང་གི་འཇིག་རྟེན་ནམ་མཁའི་ཁམས། །ཇི་སྙེད་ཐུག་པ་མེད་པ་ཡང་། །ཏིལ་འབྲུ་རྟ་རྔ་བཅུར་གཤགས་ནས། །མ་སྐྱེས་ཀློང་དུ་ཆེ་ཆུང་མེད། །ཀུན་གཞི་མ་བྱུང་མ་སྐྱེས་མེད། །ཡེ་ནས་རྣམ་པར་དག་པ་ལ། །སངས་རྒྱས་ཆེ་བས་མ་བཅོས་ལ། །སེམས་ཅན་ཆེ་བས་བཅོས་སུ་མེད། །ཆོས་རྣམས་སེམས་སུ་སངས་རྒྱས་པས། །ཇི་ལྟར་འདོད་པས་རང་དབང་བསྒྱུར། །མྱ་ངན་འདས་དང་འཁོར་བའི་ཆོས། །ཆེ་ཆུང་མེད་པར་རང་གནས་པའོ།། །།སྐྱེ་ཤི་དང་འཕོ་འགྱུར་ཐམས་ཅད་མི་འགྱུར་བ་ནི། སེམས་དང་ཆོས་དང་ནམ་མཁའ་གསུམ། །དང་པོ་སྐྱེ་བའི་རྒྱུ་མེད་པས། །ཐ་མར་འཕོ་ཞིང་འཆི་མི་འགྱུར། །དེ་བཞིན་ཐོག་མ་ཐ་མ་མེད། །འདས་དང་མ་འོངས་ད་ལྟར་དང་། །ཐ་ཚིག་བརྟགས་པ་ག་ལ་འབྱུང་། །དུས་གསུམ་དུས་ནི་མེད་པའི་ཕྱིར། །སྔོན་མེད་ཕྱིས་མེད་གདོད་ནས་དག །སྐད་ཅིག་ཡུན་དང་བསྐལ་པའི་གྲངས། །རིང་ཐུང་བྱེ་བྲག་གྲངས་བསྟན་པ། །མ་རྟོགས་རྨོངས་པར་འགྱུར་སྣང་ཡང་། །ཆོས་ཉིད་དོན་ལ་རིང་ཐུང་མེད། །དེ་བཞིན་ཚད་ལ་སོགས་ ― DNG008_Page_0191 ―
[མ་དཔེ་གཟིགས་ན་འདིར་གནོན།]
པ་ཡང་། །ལུས་མེད་གྲངས་ཀྱི་གྲངས་ཀྱང་བསྟན། །རྨི་ལམ་འཕམ་རྒྱལ་བགྲང་བ་བཞིན། །གྲངས་དང་རིང་ཐུང་བརྟགས་པས་ནོར། །བདག་ནི་བསྐལ་པར་བགྲང་གྱུར་ཀྱང་། །ཐོག་པ་ཉིད་ནས་འགྱུར་བ་མེད། །མཐའ་དབུས་ཕྱོགས་རིས་ཅིར་བསྟན་ཀྱང་། །ཐིག་ལེའི་ངང་ལས་ཉམས་པ་མེད། །འཇིགས་དང་བདུད་དང་དགྲར་སྣང་ཡང་། །སེམས་ལ་བཟུང་ཞིང་གསང་དུ་མེད། །སྣང་སྲིད་མེ་དང་ཆུར་འགྱུར་ཡང་། །བྱང་ཆུབ་སེམས་ལ་འགྱུར་བ་མེད། །བདེ་བའང་མ་ཡིན་ཅིར་ཡང་སྣང་། །གསལ་ཙམ་ཉིད་ན་ཕྱོགས་རིས་མེད། །ཡོད་མེད་བརྗོད་པའི་ཚིག་ལས་འདས། །མི་འགྱུར་གཡུང་དྲུང་ཉིད་གནས་པའོ།། །།དེ་ལ་བླང་དོར་ཕྱོགས་རིས་མེད་པར་རང་གནས་པར་འདི་སྐད་དོ། །སྐྱོན་རྣམས་བྱང་ཆུབ་སེམས་ཡིན་པས། །སྐྱོན་དུ་བོར་བའི་སེམས་མེད་དོ། །ཅི་ལྟར་སྤྱད་པ་ལེགས་པ་ཆེ། །ཀུན་བཟང་དོན་གྱི་སྤྱོད་ཡུལ་ཡིན། །ཡོན་ཏན་ཉིད་ཀྱང་གཞན་མེད་དེ། །ཅི་ལྟར་སྣང་བ་ཐམས་ཅད་ཀུན། །ཡེ་ནས་བཙལ་མེད་དེ་བཞིན་ཉིད། །གཞན་ནས་རྒྱལ་བས་བཙལ་དུ་མེད། །ཡོད་མེད་བླང་དོར་སྤྱོད་པའི་ཆོས། །ནམ་མཁའ་འདྲ་སྟེ་གྲུབ་པ་མེད། །མཁས་པས་ཡེ་ནས་ཡོངས་མི་འཛིན། །དེ་ལ་ཅིར་ཡང་འགྱུར་བ་མེད། །མ་བཙལ་རང་སེམས་སངས་རྒྱས་པས། །བདེ་ཚོགས་གཞན་དུ་རྩོལ་བ་ཞི། །བརྟགས་ཤིང་བཙལ་བས་མི་རྙེད་པས། །དེ་བས་མ་རྟོགས་སེམས་ཉིད་ཚོལ། །ཅི་ལྟར་བསྟན་པ་བདེ་བ་ཆེ། །གང་ལྟར་སྤྱད་པས་ཀུན་ཏུ་བཟང་། །ངེས་པའི་དོན་དུ་ཉིད་གནས་པས། །དོན་འདིར་མ་རྫོགས་མེད་པའོ། །ཀུན་ཏུ་བཟང་པོ་རྣམ་པ་ལྔ་དང་ཆེ་བ་རང་གནས་ཆེན་པོའི་རྒྱུད་རྫོགས་སོ།། །། དབང་གི་རྒྱལ་པོ་དབང་སྐུར་རྒྱལ་པོའི་རྒྱུད།― DNG008_Page_0192 ―
[མ་དཔེ་གཟིགས་ན་འདིར་གནོན།]
བོད་སྐད་དུ། དབང་གི་རྒྱལ་པོ་དབང་སྐུར་རྒྱལ་པོའི་རྒྱུད།སྟོན་པ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བསྐུར་ནས་ཤེས་པའི་དུས་གཅིག་ན། བཅོམ་ལྡན་འདས་ཡིད་ཀུན་ཏུ་བཟང་པོ་ཆགས་པའི་དབང་དཀྱིལ་འཁོར་རིན་པོ་ཆེ་གནས་པའི་རང་གནས་ན། ཉིད་ཀྱི་ཆེ་བའི་རྒྱན་ཆེན་པོ་ལས།འོད་ཟེར་ཕྲེང་བའི་སྒྲ་འདི་དག་ཕྱུང་ངོ་། །སྥ་ར་ཎ་ཕཊ། ཅེས་བྱ་བ་བརྗོད་པས། ཕྱོགས་བཅུའི་འཇིག་རྟེན་གྱི་ཁམས་མུ་མཐའ་མེད་པའི་དབྱིངས་ནས།ཆོས་ཉིད་མ་སྐྱེས་པའི་ཀློང་ཕྱོགས་བཅུར་བརྡལ་ཏེ། མ་སྐྱེས་པ་དང་མ་འགགས་པ་དང་། རང་བཞིན་མེད་པ་འདུས་མ་བྱས་པར་བྱིན་གྱིས་བརླབས་ཏེ། སངས་རྒྱས་ཀྱི་སྐུ་དངོས་པོར་མི་སྣང་བའི་བྱིན་རླབས་མང་པོས་དོན་གྱི་བྱ་བ་རེ་རེ་བྱས་ཏེ། བསྐུལ་བའི་ས་ལ་གཞེས་པའི་སངས་རྒྱས་རྣམས་ཀྱིས་འགྲོ་བའི་དོན་དུ་ཆོས་ཀྱི་འཁོར་ལོ་བསྐོར་བར་དབང་བསྐུར། སྐྱེ་བས་ཐོགས་པའི་གང་ཟག་དང་། བྱང་ཆུབ་སེམས་དཔའ་ཐམས་ཅད་ནི། ཆོས་ཀྱི་རྒྱལ་མཚན་དུ་དབང་བསྐུར། །བདེ་བ་ཆེན་པོའི་ལོངས་སྤྱོད་ལ་མངའ་རབ་ཏུ་མཛད་ནས་ཡོངས་སུ་ཁྱབ་པ་ཆེན་པོའི་ཡེ་ཤེས་བསྐྱེད་དོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། སྣང་ཞིང་སྲིད་པའི་ཆོས་ཐམས་ཅད་ཡུམ་ཀུན་ཏུ་བཟང་མོའི་མཁའ་དབྱིངས་སུ་རྣམ་པར་དག་པའི་རྟགས། དཔག་ཅིང་གཞལ་བ་ལས་འདས་པའི་གཞལ་ཡས་ཁང་།རྩེ་མོའི་དབྱིབས་བདག་ལས་མ་སྤགས་ཤིང་། གཞན་ལས་མི་མཐོང་བའི་མཐོ་བ་ཅན། རྒྱ་ཁྱོན་ཕྱོགས་བཅུར་བརྡལ་བར་ཡོངས་ལ་ཁྱབ་པ། ཕྱི་ནང་མ་གྲུབ་པའི་རིག་པ་ཕྱི་ནང་མེད་པར་ཕྱོགས་རིས་སུ་རྒྱུན་མ་ཆད་པས་བརྡལ་བ་ཆེན་པོ། བྱིན་རླབས་ལྷའི་རྒྱན་དང་གཞལ་ཡས་སྤྲུལ་པའི་རྒྱན་དང་། རྟོགས་པ་ཡེ་ཤེས་ཀྱི་རྒྱན་གྱིས་ཡོངས་སུ་མ་བརྒྱན་ཅིང་བརྒྱན་པར་གྱུར་ཏོ། །དེའི་ཆེ་བའི་ཡོན་ཏན་ཀྱང་གྲངས་བགྲང་དུ་མེད་པའི་བཅུད་གཅིག་ཏུ་གྱུར་ཏོ། །དེ་ཉིད་མ་སྐྱེས་པའི་རང་བཞིན་ཡིན་པས་ཚིག་ཏུ་མ་བརྗོད་པར་ ― DNG008_Page_0193 ―
[མ་དཔེ་གཟིགས་ན་འདིར་གནོན།]
གྲགས། དགོངས་པས་མ་བསྐྱེད་པར་གསལ་བས་རང་རྒྱུད་དུ་གནས་སོ། །དེ་ནས་ཉིད་ཀྱི་ཆེ་བའི་ངང་ནས། སྐྱེད་པའི་ཡུམ་ཀུན་ཏུ་བཟང་མོ་བྱུང་སྟེ། གཉིས་སུ་མི་སྣང་བའི་ཡབ་ཡུམ་གཉིས།ཟླ་གམ་སྤྲོས་པ་མེད་པ་དབང་གི་དཀྱིལ་འཁོར་ན། མ་ཆགས་པའི་དགྱེས་པ་བཞིན་མདངས་ཀྱིས། གཟིགས་པ་མི་མངའ་བར་གཟིགས་ཏེ། ཡབ་ཀྱིས་ཡུམ་ལ་འདི་སྐད་ཅེས་བསྐུལ་ལོ། །ཨེ་མ་ཧོ་སངས་རྒྱས་ཐམས་ཅད་ནི། རྡོ་རྗེ་གསང་བ་བྱང་ཆུབ་སེམས། །སྐུ་དང་གསུང་དང་ཐུགས་ཡོན་གྱི། །ཕྲིན་ལས་རྫོགས་པ་བླ་ན་མེད། །འཕགས་པ་རྣམས་ཀྱི་རྟོགས་བྱ་བ། །ང་ཡི་བྱང་ཆུབ་སེམས་ལ་གནས། །སངས་རྒྱས་སྤྲུལ་པ་བསམ་ཡས་པ། །བྱང་ཆུབ་སེམས་ཀྱི་ཆོ་འཕྲུལ་ཏེ། །སངས་རྒྱས་བྱང་ཆུབ་བླ་ན་མེད། །ཐམས་ཅད་སངས་རྒྱས་ང་ཡིས་བྱས། །རིགས་ནས་རིགས་ཀྱི་ཐར་པ་སྟེ། །ཐམས་ཅད་འདི་ལ་ངེས་པར་བཀུར། །ཡི་གེ་མེད་པའི་ཚིག་འདི་ལ། །སངས་རྒྱས་དངོས་བྲལ་བྱང་ཆུབ་སེམས། །ཆོ་འཕྲུལ་འབྱུང་བའི་ཡུམ་ཉིད་ལ། །བདེ་བར་རོལ་པའི་རྒྱན་བཏགས་ནས། །སྣོད་བཅུད་མ་ལུས་དབང་བསྐུར་རོ། །ཧོ་དེ་ནས་ཡུམ་གྱིས་ཡབ་ལ་འདི་སྐད་ཅེས་གསོལ་ཏོ། །ཨེ་མ་ཧོ་ངོ་མཚར་རབ་འབྱམས་ཀྱི། སངས་རྒྱས་མཛད་པ་ཁྱད་པར་ཆེ། །སངས་རྒྱས་སྐུ་ཡི་སྐུ་སྤྲུལ་པ། །སངས་རྒྱས་འདྲེན་པ་ཡ་མཚན་ཆེ། །མེད་ལས་བྱུང་བའི་ཆོ་འཕྲུལ་དང་། །རོལ་པའི་ཕྲིན་ལས་རྫོགས་མཛད་པ། །དབང་བསྐུར་བཀའ་རྟགས་བསྟན་པའི་ཕྱིར། །དགྱེས་མཛད་རྡོ་རྗེ་གསོར་ནས་ཀྱང་། །མ་ལུས་ཡོངས་ཀྱི་རེ་བ་བསྐང་། །བྱང་ཆུབ་སེམས་ཀྱི་ཆར་ཆེན་ཕོབ། །ཧོཿཞེས་གླང་བ་དང་། ཡབ་ཡུམ་གྱི་སྐུ་འདྲེལ་བ་མེད་པ་ཞལ་ནས་ཞལ། ཐུགས་ནས་ཐུགས།མཚན་ནས་མཚན། མ་འདྲེལ་བར་འདྲེལ། ཆགས་པའི་ཡིད་མ་གཡོས་པ་གཡོས་པར་གྱུར་ཏེ། དགྱེས་པ་ཆེན་པོའི་ངང་ལ་བཞུགས་པས། ཕྱི་ནང་གི་ཆོས་ཐམས་ཅད་སྣང་བ་མེད་པར་སངས་རྒྱས། རང་བཞིན་མེད་པར་ལྷུན་གྱིས་རྫོགས། ― DNG008_Page_0194 ―
[མ་དཔེ་གཟིགས་ན་འདིར་གནོན།]
བྱ་བ་ཙལ་མེད་པར་མཐར་ཕྱིན། བསྐྱེད་རྫོགས་མེད་པར་སྐུ་རྫོགས་ཏེ། ཡུན་ཅུང་ཟད་ཙམ་ཡང་མ་ལོན་པར་དགྱེས་པའི་རོལ་ཐབས་རྒྱས་པར་གྱུར་ཏོ། །དེ་ནས་གཉིས་སུ་མེད་པའི་ཁྱད་པར་ལས། མ་བསྐྱེད་པ་རང་བཞིན་རྫོགས་པའི་ཚུལ་གྱིས། རིགས་ལྔའི་སངས་རྒྱས་དང་བྱང་ཆུབ་སེམས་དཔའ་ལ་སོགས་པའི་སྐུ་ཐོབ་པར་གྱུར་ཏེ། ཆེ་ཆུང་མེད་པའི་རིམ་པ། རྣམ་གྲངས་མེད་པའི་གནས། བརྗོད་དུ་མེད་པའི་སྒྲས། རྟག་པ་ཆོས་ཉིད། ཆད་པ་ལ་སྐུ་མདོག །ཡོད་པ་ལ་མི་དམིགས་པ། མེད་པ་ལ་སྐུ་གསུང་ཐུགས། རང་རྒྱུད་དུ་ཤར་ཞིང་དཔག་པ་ལས་འདས་པར་བསྟན་ཏོ། །དེ་ནས་དེ་ལྟར་བསྟན་པའི་བྱིན་གྱིས་རླབས་ཀྱིས།སེམས་དྲན་པའི་ཤེས་པ་ཐམས་ཅད་ནི། ཀུན་ཏུ་བཟང་པོ་རང་གནས་ཀྱི་རྒྱལ་པོར་དབང་ཐོབ། དབང་པོ་ཡུལ་གྱི་ཤེས་པ་ཐམས་ཅད་ནི་ཀུན་ཏུ་བཟང་མོ་འདུས་མ་བྱས་པའི་ཆོས་ཀྱི་དབྱིངས་ཁྱབ་པ་ཆེན་པོ་སྤྱི་ལ་ཡོངས་སུ་མ་གྲུབ་པའི་མན་ངག་བརྡལ་བས། བསྒོམ་པའི་དགོངས་པ་རང་རྒྱུད་དུ་ཤར། བསྐྱེད་མི་དགོས་པར་རང་ཆས་སུ་རྫོགས་ཏེ། ཤེས་རབ་ཕ་རོལ་ཕྱིན་པར་དབང་ཐོབ།དེའི་རྫས་མེད་པའི་ཡོན་ཏན་གྱིས། ཆགས་སྡང་ཐམས་ཅད་ཤེས་རབ་ཏུ་དབང་ཐོབ། དུག་ལྔ་སངས་རྒྱས་ལྔར་ལྷུན་གྱིས་གྲུབ་སྟེ། ཡེ་ཤེས་ལྔའི་ངོ་བོར་དབང་ཐོབ། དུག་གསུམ་སྐུ་གསུང་ཐུགས་སུ་ལྷུན་གྱིས་གྲུབ་པའི་དབང་ཐོབ། མ་སྐྱེས་མི་འགག་པའི་ཀློང་ན་ཉལ། བསྐྱེད་པ་ཇི་བཞིན་པའི་དབྱིངས་ལ་མནལ་ཏེ།དབང་གི་རྒྱལ་པོ་བསྐུར་མི་དགོས་པར་རང་རྒྱུད་དུ་ཤར་ཏེ། ཕྱི་ནང་གི་ཆོས་ལ་སེམས་ཀྱི་དབང་མ་ཐོབ་པ་འགའ་ཙམ་ཡང་མེད་དེ། ཡེ་འབྱམས་ཀྱི་དབང་ལ་ཕྱོགས་མེད་དེ། སྤྱི་འབྱམས་ཀྱི་དབང་ལ་རིས་མེད། དེ་ལྟ་བུའི་ཚིག་སུས་ཐོས་ཤིང་བློ་ལ་སྣང་བ། སངས་རྒྱས་ཀྱི་རྗེ་བཙན་ཡིན་པས། དབང་མི་དགོས་པའི་ཚུལ་ནི། དབང་ཐམས་ཅད་དེ་ལ་རྫོགས་ཏེ། ཐབས་ཀྱི་རྒྱལ་པོ་དབང་གི་མེས་ཞེས་བྱ་སྟེ། གང་ལྟར་བྱས་ཀྱང་དབང་གི་ ― DNG008_Page_0195 ―
[མ་དཔེ་གཟིགས་ན་འདིར་གནོན།]
རྒྱལ་པོ་དཀྱིལ་འཁོར་ལས་མ་གཏོགས་པ་གཞན་གང་ཡང་མེད། མཐོང་ན་མཐོང་དུ་ཟད་དེ་དབང་པོའི་རིག་པ་རྒྱན་བཀྲ་བའི་རིག་པའི་དབང་ཐོབ། མ་མཐོང་ན་མ་མཐོང་དུ་ཟད་དེ། ཐབས་ཀྱི་རྒྱལ་པོ་ཟིན་ཆགས་དང་བྲལ་བའི་དཀྱིལ་འཁོར་གྱི་དབང་ཐོབ། རྣ་བས་ཐོས་ན་ཐོས་སུ་ཟད་དེ། དབྱངས་སྙན་དགྱེས་པའི་གླུའི་དབང་ཐོབ། མ་ཐོས་ན་མ་ཐོས་སུ་ཟད་དེ། སྒྲ་སྐད་དང་བརྟགས་པ་དང་བྲལ་བ་ཡེ་ཤེས་ཀྱི་དབང་ཐོབ། སྣས་དྲི་ཚོར་ན་ཚོར་དུ་ཟད་དེ། དབང་པོ་ཚིམས་བྱེད་གཉིས་སུ་མེད་པའི་དཀྱིལ་འཁོར་གྱི་དབང་ཐོབ། མ་ཚོར་ན་མ་ཚོར་དུ་ཟད་དེ། བྱུང་ཚོར་གྱི་སྒོ་འགགས་པས། འཁོར་བ་ཐབས་ཀྱི་དབང་ཐོབ། ལྕེས་རོ་མྱངས་ན་མྱངས་སུ་ཟད་དེ། ཆོས་ཉིད་ཀྱི་རོ་མྱངས་པས་ནི་སྟོང་། ཡེ་ཤེས་ཀྱི་རོ་མྱངས་པས་ནི་རྟོགས།ཐབས་ཀྱི་རོ་མྱངས་པས་ནི་རེག །ཤེས་རབ་ཀྱི་རོ་མྱངས་པས་ཤེས་པས། འདུ་འབྲལ་མེད་པའི་རོ་མྱོང་བའི་དཀྱིལ་འཁོར་གྱི་དབང་ཐོབ། མ་མྱངས་ན་མ་མྱངས་སུ་ཟད་དེ། ཆོས་ཉིད་ལ་རྫས་སུ་མི་སྤྱད། སངས་རྒྱས་ལ་གཟུགས་སུ་མི་བསྟན། ཐིག་ལེ་རྫོགས་པ་མེད་པའི་དཀྱིལ་འཁོར་གྱི་དབང་ཐོབ། ལུས་ཀྱི་རེག་ན་རེག་ཏུ་ཟད་དེ་ཐབས་དང་ཤེས་རབ་གཉིས་སུ་མེད་པར་རྡོ་རྗེ་པདྨར་རེག་པས། ཡབ་ཡུམ་འདུ་འབྲལ་མེད་པའི་དཀྱིལ་འཁོར་གྱི་དབང་ཐོབ། མ་རེག་ན་མ་རེག་པར་ཟད་དེ། དངོས་པོ་མེད་ན་ཆོས་ཉིད། འཛིན་ཆགས་མེད་ན་ཡེ་ཤེས། ཡོད་མེད་འདས་ན་དབུ་མ་སྟེ། མ་བཅོས་གཞི་བཞག་གི་དཀྱིལ་འཁོར་གྱི་དབང་ཐོབ།ཡིད་ཀྱིས་ཆོས་རྟོགས་ན་རྟོགས་སུ་ཟད་དེ། སྤྲོས་པ་མེད་པའི་དཀྱིལ་འཁོར་གྱི་དབང་ཐོབ། མ་རྟོགས་ན་མ་རྟོགས་སུ་ཟད་དེ། ཡིད་ཆོས་ཉིད་ལ། ཡིད་ལས་མ་གཏོགས་པའི་ཆོས་གུད་ན་མེད་པས་གཉིས་སུ་མཐོང་བའི་རྡོ་རྗེའི་དཀྱིལ་འཁོར་གྱི་དབང་ཐོབ། དེ་ལྟར་དཀྱིལ་འཁོར་དྲུག་གིས་ཇི་ལྟར་བྱས་ཀྱང་དབང་ཐོབ་ལ། དཀྱིལ་འཁོར་བཅུ་གཉིས་ཀྱི་གང་དུ་བསྒྲུབས་ཀྱང་དངོས་གྲུབ་ཐོབ་སྟེ། ཐོས་པས་སངས་རྒྱས། ཉན་པས་དབང་ཐོབ། རྟོགས་པས་དོན་ཡོད་པས། དབང་སྐུར་རྒྱུད་ཅེས་ ― DNG008_Page_0196 ―
[མ་དཔེ་གཟིགས་ན་འདིར་གནོན།]
བྱ་སྟེ་འདི་ལས་ཚིག་ཏུ་ཇི་སྐད་ཀྱང་བསྟན། བཏགས་སུ་ཇི་སྐད་ཀྱང་གྲགས། དོན་དུ་གང་དུ་ཡང་མི་དམིགས་ཤིང་བསྟན་དུ་མེད་དེ། ཚིག་དང་ཡི་གེར་བྲི་བ་ལས་འདས་པས། འཕགས་པའི་འཕགས་པ། སངས་རྒྱས་ཀྱི་སངས་རྒྱས་ཞེས་བྱ་སྟེ། འཇིག་ཚོགས་ལྟ་བ་ལུང་གི་རྒྱལ་པོ་ཞེས་བྱ་སྟེ། ཀུན་ཏུ་བཟང་པོས་བཤད་ཅིང་འདའ་བར་དཀའ་བའོ། །དེ་བཞིན་གཤེགས་པ་སྤྱི་དབང་སྐུར་བའི་རྒྱུད་ལས། གླེང་གཞི་ལྟ་བའི་ལེའུ་སྟེ་དང་པོའོ།། །།དེ་ནས་རྡོ་རྗེ་སེམས་དཔའ་ལ་སོགས་པ་རིགས་ལྔའི་སངས་རྒྱས་རྣམས་ཀྱིས། ཤིན་ཏུ་ངོ་མཚར་དུ་གྱུར་ནས། སྟོན་པ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་ངོ་མཚར་ཆེའོ། །ཨེ་མ་ཧོ་ངོ་མཚར་ཆེའོ། །ཨེ་མ་ཧོ་ངོ་མཚར་ཤིན་ཏུ་ཆེའོ། །དབང་བསྐུར་མི་དགོས་པ་དེ་ངོ་མཚར་རོ། །དཀྱིལ་འཁོར་བསྐྱེད་མི་དགོས་པ་དེ་ངོ་མཚར་རོ། །དོན་གཅིག་ལ་གཅིག་ཏུ་ཇི་སྐད་ཀྱང་བསྟན་པ་ངོ་མཚར་རོ། །ཆེ་བའི་ལྷ་བདག་ཅག་ལ་ལུང་བསྟན་དུ་གསོལ། ཨ་ལ་ལ་ཧོ་ཞེས་གསོལ་པ་དང་། ཀུན་ཏུ་བཟང་པོས་བཀའ་སྩལ་པ། རིགས་ལྔ་དེ་དག་རྟོག་པ་གཞོམ་པའི་ཕྱིར། དགྱེས་པའི་གླུ་འདི་དག་བླངས་སོ། །ཨ་ཧོ་རཱུ་ཏྲ་ཤུ་བ་ར་ཧང་། མང་ཉ་ཏི་པ་ཤི་སུ་བ་ཤོ་ཏ་ཀ་ལ་ཏི། མ་མ་པྲཛྙཱ་དུ་མ་པ་ཀ་ལ་ཏི་ད་ལིས། མང་ཉག་བ་ཧ་ཡ་ཀུ་བ་རི་ཧོ། སང་ཤི་དུར་མང་མ་ཧོ་བ་ར་ལ་སྡི། ཀྲི་ཏི་ཀྲུ་ན་མང་ཤ་ར་ཏ་ཧོ། ཞེས་གླུ་བླངས། འཁོར་རྣམས་དགའ་བ་སྐྱེས་ནས།ཡང་འདི་སྐད་ཅེས་བཀའ་སྩལ་ཏོ། །སེམས་ལས་མ་གཏོགས་ཆོས་མེད་པས། །གཞན་དུ་ཆོས་རྣམས་བསྟན་པ་མེད། །སེམས་ལ་མཚན་ཉིད་ཡོངས་མེད་པས། །དབང་མཆོག་སེམས་ལ་ཡོད་པ་ནི། །དུས་གསུམ་རྒྱལ་བའི་ལུང་ལས་བྱུང་། །དབང་མཆོག་རང་ལ་མེད་པ་ནི། །བསྐུར་བས་ཐོབ་པར་ཡོངས་མི་འགྱུར། །བྲ་སྲན་འབྲས་བུའི་དབང་བསྐུར་ཡང་། །དེ་ལ་འབྲས་ཀྱི་མངོན་སྣང་མེད། །མ་རྟོགས་ ― DNG008_Page_0197 ―
[མ་དཔེ་གཟིགས་ན་འདིར་གནོན།]
མ་བཤད་སྒྲམ་པོ་ལ། །ཕྱི་ནང་དབང་རྣམས་གང་བསྐུར་ཀྱང་། །དེ་ལ་དབང་རྟགས་དངོས་གྲུབ་མེད། །སླར་ལ་དྲེགས་པ་སྐྱེ་བར་ངེས། །དེ་བས་དབང་རྣམས་ཐོབ་འདོད་པས། །ངང་མ་ཆོས་འདི་བཤད་པར་བྱའོ། །དེ་ལ་དབང་བསྐུར་ཞིང་ཐོབ་འདོད་པས། །རང་ལ་དབང་བསྐུར་བའི་སློབ་མའི་མཚན་ཉིད་ཇི་ལྟ་བུ་ལ་དབང་བསྐུར་བ་དང་། དབང་གི་སློབ་དཔོན་ཇི་ལྟ་བུ་ལ་དབང་ནོད་པ་དང་། དབང་གི་ཡུལ་གང་གིས་བྱ་བ་དང་། དབང་གི་རྒྱལ་ཐེབས་དང་ཀརྨ་ཚུལ་ཇི་ལྟ་བུ་ལ་བྱ་བ་དང་། དབང་གི་རྫས་ཅི་དགོས་པ་དང་། དབང་གི་དཀྱིལ་འཁོར་ཅི་ལྟར་བྲི་བ་དང་། དབང་གི་ཡོན་ཅི་ལྟར་དབུལ་བ་དང་།དབང་གི་བསྙེན་བསྒྲུབ་ཞག་གྲངས་དུར་གསུངས་པ་དང་། དབང་གི་རྟགས་ཅི་སྦྱིན་པ་དང་། དབང་བསྐུར་བའི་དུད་ཚོད་གང་ལ་བསྐུར་བ་དང་། དབང་བསྐུར་བའི་དགོས་པ་དང་བཅུ་གཅིག་གིས་བསྟན་དགོས་ཏེ། དེ་ལ་དབང་བསྐུར་བའི་སློབ་མའི་མཚན་ཉིད་ཇི་ལྟ་བུ་ལ་དབང་བསྐུར་བར་བྱ་བ་ནི། དང་པོར་སློབ་དཔོན་གྱིས་བཙལ་བར་བྱ་སྟེ། གསུངས་པའི་ཐིག་ལས། རང་བཞིན་བཟང་བས་ནམ་མཁའ་འདྲ། །སྤྱོད་པ་བཟང་པོ་ས་གཞི་འདྲ། །དམ་ཚིག་འཇིགས་མེད་མཁའ་ལྟར་བསྲུངས། །ལྟ་བ་བཅོས་པ་མེད་པར་འཆང་། །སྐུ་གསུང་ཐུགས་ཀྱིས་སྲད་མེད་པ། །ཕོངས་མེད་ཡོན་གྱིས་སྣ་འདྲེན་ཅིང་། །ཕྱི་ནང་ཏན་ཏྲ་མཐའ་དག་ལ། །ཐོས་ཤིང་ཤེས་པ་གདེང་གྱུར་པ། །འཁུ་ལྡོག་མེད་པའི་རྣལ་འབྱོར་ལ། །དབང་མཆོག་ཅི་ཡོད་བསྐུར་བར་བྱ། །དབང་བསྐུར་བ་ཡི་རིམ་པ་ནི། །ཡོན་དང་སྦྱར་ཏེ་བསྐུར་ནའང་རུང་། །ཡང་ན་དབང་བསྐུར་རིམ་པ་ནི། །ཕྱི་ནང་ཏནྟྲ་མཐའ་དག་ལ། །ཐོས་ཞིང་གོམས་པ་གཙོར་གྱུར་ན། །དེ་ལ་བཤད་པའི་དབང་བསྐུར་རོ། །ཤེས་ཤིང་ཟིན་རུང་མ་ཟིན་རུང་། །གསང་སྔགས་རྒྱུད་ཀུན་ཉན་འདོད་ན། །དེ་ལ་ཉན་པའི་དབང་རྣམས་བསྐུར། །རྣལ་འབྱོར་གསུང་མཆོག་དགོས་པའི་དོན། ། ― DNG008_Page_0198 ―
[མ་དཔེ་གཟིགས་ན་འདིར་གནོན།]
འཛབ་བཟླས་མངོན་ལ་དོན་དཀའ་ན། །དེ་ལ་བསྒོམ་པའི་དབང་རྣམས་བསྐུར། །འདུ་འཛིས་མི་གཡེངས་དབེན་ལ་དགའ། །ཡི་དམ་ལྷ་ལ་རྟག་གནས་ན། །དེ་ལའང་བསྒོམ་པའི་དབང་རྣམས་བསྐུར། །ལས་དང་མཆོད་པ་གཞུང་བསྲང་ཞིང་། །མ་ནོར་ཤེས་རབ་དོན་འཆང་ལ། །དེ་ལ་ཀརྨའི་དབང་རྣམས་བསྐུར། །བསམ་རྒྱུད་དག་པའི་བློ་འཆང་བ། །དེ་ལ་གོང་གི་དབང་རྣམས་བསྐུར། །རྣམ་པར་རྟོག་པ་མེད་པ་ལ། །དེ་ལ་འཛིན་མེད་དབང་རྣམས་བསྐུར། །ཉོན་མོངས་གཅོད་པའི་ཚུལ་ཤེས་ན། །དེ་ལ་སྒྲོལ་གིང་དབང་རྣམས་བསྐུར། །ཕུང་པོ་ཡེ་ཤེས་གསལ་སྟོབ་ལ། །དེ་ལ་སྟོབ་གིང་དབང་བསྐུར་རོ། །བརྩེ་གདུང་བྲལ་བའི་ཤུགས་འཆང་ལ། །ལུ་གུ་རྒྱུད་དུ་དབང་བསྐུར་རོ། །ཤེས་རབ་མཚན་ལྡན་མིག་དཀྱུས་རིང་། །སོ་དཀར་དེ་བཞིན་ཐགས་དམ་དང་། །དཔྲལ་བའི་དབྱེས་མིག་དཀར་ནག་ཕྱེད། །སྨྲ་བ་མི་མང་ཁོང་ཡང་གསལ། །མཐོན་མཐིང་ལྕང་ལོ་ཡིད་ཙམ་འཁྱིལ། །ཧ་ཅང་མི་རིང་མི་ཐུང་བ། །ཧ་ཅང་མི་སྦོམ་མི་ཕྲ་བ། །ལྷུ་རན་སོར་མོ་རྣམས་ཀྱང་རིང་། །གསང་ཐུབ་ཁོང་དམ་སྤྱོད་གསལ་བར། །ཤེས་རབ་ཡུམ་དུ་དབང་བསྐུར་རོ། །གཞན་ཡང་མཚན་ལྡན་དག་པ་དག །དེ་དབྱིབས་གཟུགས་སུ་དབང་བསྐུར་རོ། །ཤེས་རབ་རྒྱ་ཆེན་བློ་གསལ་ཤིང་། །ཅིས་ཀྱང་མི་འཁྲུགས་དཔའ་སེམས་ཅན། །ངེས་པའི་གཞུང་གསོལ་དབང་ཐོབ་པར། །རྡོ་རྗེ་ཀརྨར་དབང་བསྐུར་རོ། །ཆེ་བའི་ཡོན་ཏན་གདེང་གྱུར་ཅིང་། །སྔོན་ཆད་རྟགས་དང་མཚན་ཕྱིན་པར། །དཀྱིལ་འཁོར་གཟུང་བར་དབང་བསྐུར་རོ། །དབང་མི་བསྐུར་བའི་རིམ་པ་ནི། །སྔགས་པ་དམ་ཚིག་ཉམས་པ་དང་། །གཟུངས་མ་འཕྱར་ཤམ་ཏ་ར་སོགས། །དེ་བཱ་མཚན་མེད་ཧག་བྲོས་ཅན། །རྡོ་རྗེ་སྤུན་གྲོགས་ཁོང་འགྲས་ཅན། །རྡོ་རྗེ་བླ་མ་གཞུང་ཉམས་པ། །དཀྱིལ་འཁོར་བདག་པོ་རྟོགས་མེད་དང་། །རྒྱལ་ཐེབས་ཤེས་རབ་འཐིབས་པ་དང་། ། ― DNG008_Page_0199 ―
[མ་དཔེ་གཟིགས་ན་འདིར་གནོན།]
ཀརྨ་རྟོག་པ་ཆེ་བ་ལ། །དབང་རྣམས་གང་ཡང་མི་བསྐུར་རོ། །གཞན་ཡང་དབང་རྣམས་མི་བསྐུར་བ། །རིམ་པར་ཡང་དག་བཤད་པར་བྱའོ། །དང་པོར་ཆོས་ལ་ཉམས་ཡོད་དང་། །བར་དུ་སློབ་དཔོན་བརྙས་བྱེད་དང་། །ཐ་མར་སྡུག་ལ་སུན་འབྱིན་པ། །བསྐལ་པ་བརྒྱར་ཡང་དབང་མི་བསྐུར། །དད་མེད་གཡོ་སྒྱུ་ཟོལ་གྱིས་བསླུ། །བཀའ་འགལ་གྲོགས་པོ་ཐབས་ཀྱི་སྨོད། །རང་ཤེས་བྱེད་འདོད་ཐོས་པ་ཆུང་། །ཐེག་པ་ཆེན་པོར་ལྟུང་བྱེད་པས། །དེ་ལ་དབང་རྣམས་མི་བསྐུར་ཏེ། །དེ་རྣམས་དུས་གསུམ་དག་ཏུ་ཡང་། །དབང་གི་དཀྱིལ་འཁོར་ལ་མི་བསྙེན། །བསྐུར་ཡང་སླར་ལ་ཉམས་པས་ནོན། །གཞན་ཡང་དབང་རྣམས་མི་བསྐུར་བ། །སྤྱོད་པ་ཟབ་མོ་དབང་ལ་གཡེངས། །ཕྲིན་ལས་ཟབ་མོ་ཁྲོམ་དུ་སྒྲོགས། །གསང་བའི་རྫས་རྣམས་མངོན་པར་སྟོན། །འདི་ལ་དབང་རྣམས་ཡོངས་མི་བསྐུར། །བསྐུར་ཡང་ཉམས་པ་ཆེན་པོར་འགྱུར། །གཞུང་དུ་འགྲོ་བའི་ཆོས་པོར་ནས། །འོག་མའི་ཆོས་ལ་བློ་འཇུག་ཅིང་། །ཐེག་པ་ཆེ་ལ་འཕྱས་འདོགས་པ། །དེ་ལ་དབང་རྣམས་ཡོངས་མི་བསྐུར། །བསྐུར་ཡང་གསང་སྔགས་བཀའ་སུན་འབྱིན། །དེ་ཡི་སྡིག་ཀྱང་བདག་ལ་འོང་། །དེ་ནི་དབང་གི་སློབ་མ་ཡི། །མཚན་ཉིད་ཡིན་པས་ཤེས་པར་བྱའོ། །དབང་གི་སློབ་དཔོན་ཇི་ལྟ་བུ་ལ་དབང་ནོད་པར་བསྟན་པ་ཡང་གསུངས་པ། སྔགས་པ་རྣལ་འབྱོར་བློ་ཡོད་པ། །དབང་ཐོབ་པ་ཡི་རྟགས་དག་ནི། །རྒྱུད་འདི་ཡོངས་སུ་འཆད་ཅིང་སྟོན། །དབང་རྟགས་ཕྱག་རྒྱ་འདི་འཛིན་ཅིང་། །རིམ་པས་དབང་བསྐུར་ཐོབ་པ་དང་། །རིགས་ཀྱི་བཙུན་རྒྱུད་མཁས་རྒྱུད་དང་། །རྡོ་རྗེ་ཟམ་པ་མ་ཆད་ལེགས། །དེ་དག་རྣམས་དང་མ་ལྡན་ཀྱང་། །རྒྱུད་འདི་འཆད་པ་གང་བྱེད་པ། །རིགས་དང་སྔ་ཆེན་གང་ཡིན་ཡང་། །དེ་ནི་དབང་ཆོད་སློབ་དཔོན་ཡིན། །གཞན་ཡང་དབང་ནོད་སློབ་དཔོན་ནི། །ཤེས་རབ་ཡངས་པས་ཆོས་རྣམས་སྟོན། །ལྟ་བ་ཡངས་པས་ཕྱོགས་དང་བྲལ། །སྤྱོད་པ་མ་འགགས་ ― DNG008_Page_0200 ―
[མ་དཔེ་གཟིགས་ན་འདིར་གནོན།]
ཐབས་སུ་སྤྱོད། །སྒོམ་པ་སྲན་ཆེ་འགྱུར་བ་མེད། །དམ་ཚིག་གང་ཡང་མ་ཉམས་པ། །དེ་ནི་དབང་ནོད་སློབ་དཔོན་ཡིན། །གཞན་ཡང་དབང་ནོད་སློབ་དཔོན་ནི། །ཕྱི་ནང་ཏནྟྲ་ཀུན་གསལ་ཞིང་། །བྱིན་ཆེ་སྔ་མར་དབང་ཐོབ་དང་། །དཀྱིལ་འཁོར་བསྒྲུབ་པ་ཞལ་ཕྱེ་ཞིང་། །ལས་དང་ཆོ་ག་གཞུང་རྫོགས་ལ། །བསྔགས་པས་དབང་རྣམས་ནོད་པར་བྱ། །གཞན་ཡང་སློབ་དཔོན་མཚན་ཉིད་ནི། །བདེ་བར་གནས་ཤིང་གཅམ་མི་བྱེད། །ཅི་སྐད་གསུངས་པ་དེ་བཞིན་མཛད། །རྫུན་དང་ཟོལ་གྱི་ཚིག་སྤངས་པ། །བྱིན་རླབས་ཡ་མཚན་ཆེན་པོ་ཅན། །དེ་ལ་དབང་རྣམས་ནོད་པར་བྱ། །གཞན་ཡང་སློབ་དཔོན་མཚན་ཉིད་ནི། །ལུང་དང་མན་ངག་ཐུགས་ལ་འཆང་། །རྒྱུད་དང་བསྒྲུབ་པ་རིམ་པས་འཐོབ། །ཞང་བློན་བུ་ཚར་གྱུར་པ་ན། །སྔོན་ནས་ཐབས་དང་ཡིད་ཚང་ཐོབ། །ཕལ་པ་གང་དག་སུ་ཡིན་ཡང་། །མཚན་རྫོགས་ཀུན་ལ་ལུང་རྫོགས་ཤིང་། །རིག་པ་ཚད་མའི་གཞུང་ཡོད་ན། །རིགས་ནི་གང་ཞིག་ཡིན་ཡང་རུང་། །དེ་ལ་དབང་རྣམས་ནོད་པར་གསུངས། །དབང་རྣམས་ནོད་པར་མི་བྱ་བའི། །སློབ་དཔོན་མཚན་ཉིད་རྟོགས་པ་ནི། །ཁྲོ་གཏུམ་ཆེ་ལ་འཇིགས་འདོད་དང་། །རང་བཞིན་ངན་ལ་བཅོས་དཀའ་དང་། །མཚན་ཉིད་ངང་ཚུལ་མི་ཤིས་དང་། །ཕྲག་དོག་ལ་སོགས་སེམས་ལ་འཆང་། །སེམས་ནི་ཆོས་ཀྱིས་མ་དུལ་པ། །ཆོས་རེ་ཐོས་ཤིང་ཁོ་བོར་སྐྱེ། །སྤྲོ་ཐུང་ཚིག་གི་གོ་མི་འཇིགས། །དེ་འདྲའི་སློབ་དཔོན་མཚན་ཉིད་ལ། །དབང་རྣམས་ནོད་པར་མི་བྱ་སྟེ། །མནོས་ཀྱང་དབང་ཐོབ་མི་འགྱུར་ཏེ། །སླར་ལ་ཉམས་པ་ཆེན་པོར་འགྱུར། །གཞན་ཡང་སློབ་དཔོན་མཚན་ཉིད་ནི། །ཤེས་པ་སྒོ་དོགས་ཐོས་པ་ཆུང་། །ང་རྒྱལ་ཁ་འདོར་ཁེངས་པ་དང་། །རབ་ཏུ་ཚུལ་ངན་ཁེངས་པས་བཅིངས། །བསྒོམ་བསྒྲུབ་ཛ་གད་དབང་དུ་བཏང་། །དེ་འདྲ་དབང་གི་སློབ་དཔོན་མིན། །དེ་ལ་དབང་གི་རྒྱུ་མནོས་ཀྱང་། །རྣལ་ ― DNG008_Page_0201 ―
[མ་དཔེ་གཟིགས་ན་འདིར་གནོན།]
འབྱོར་ཡོ་མིས་དཔྱས་ཀ་ལ། །སློབ་དཔོན་ངན་པ་ཁད་ཀྱིས་སྤང་། །སློབ་མ་ངན་པ་དྲག་པོས་སྤང་། །འདི་དག་སྤང་བར་ངེས་པར་གསུངས། །འདི་དག་མ་སྤངས་སྐྱོན་རྣམས་ནི། །ལྟ་སྤྱོད་མཐུན་པར་མ་གྱུར་པས། །གང་དུའང་ཉམས་པར་འགྱུར་བར་ངེས། །དྲན་པ་བཀའ་རྟགས་གཞུང་འཛིན་པ། །དེ་ལ་ཕྱི་དབང་བསྐུར་བར་བྱ། །སྐྱེ་མེད་ཆོས་ལ་བློ་ཞུགས་པ། །དེ་ལ་ནང་དབང་བསྐུར་བར་བྱ། །བྱང་ཆུབ་སེམས་ལ་མངོན་དད་ཅིང་། །དམ་རྫས་རྣམས་ལ་རྟོག་པ་མེད། །དེ་བཱི་མཚན་ལྡན་རྟག་བསྟེན་ལ། །དེ་ལ་གསང་བའི་དབང་རྣམས་བསྐུར། །ཏནྟྲ་མཐའ་དག་བློ་ལ་གསལ། །ཕྲིན་ལས་བསྒྲུབ་པ་མཐར་ཕྱིན་པ། །རྡོ་རྗེ་རྒྱལ་པོ་ཆེན་པོ་ཡི། །རབ་འབྱམས་བཀའ་ཡི་དབང་བསྐུར་རོ། །ལུང་དང་མན་ངག་ངེས་པའི་དོན། །སྙིང་དང་འདྲ་བ་ཀུན་བཤད་ལ། །ཐོས་ཤིང་རྟོགས་པར་གྱུར་ནས་ཀྱང་། །བླ་མ་དག་ལ་མཉེས་བྱེད་པ། །དེ་ལྟ་བུ་ཡི་སློབ་མ་ལ། །རྒྱལ་ཐབས་སྤྱི་བླུགས་དབང་བསྐུར་རོ། །འབྱོར་པའི་ལོངས་སྤྱོད་ཀུན་ལྡན་ཞིང་། །ཡོངས་ལ་ཕན་འདོགས་ནུས་པ་ལ། །རིག་འཛིན་ཚེ་ཡི་དབང་བསྐུར་རོ། །རྫས་དང་ཡན་ལག་མ་ཉམས་པར། །འཛབ་བཟླས་སྲན་ཆེ་དཔའ་བརྟུལ་ཅན། །དོན་དང་ལྡན་པ་དྲག་ཤུལ་སྤྱོད། །དཔའ་བརྟུལ་ལྡན་པའི་གང་ཟག་ལ། །བསྟན་པ་བསྲུང་བར་དབང་བསྐུར་རོ། །དབང་གི་ཡུལ་གང་གིས་བྱ་བ་ཡང་གསུངས་པ། །ཁྲེལ་དང་གཙུག་ལག་ཆེར་ལྡན་ཤིང་། །ཚུལ་དགུར་ཤིས་པའི་ཡུམ་མཆོག་དེ། །བཙལ་ཏེ་རྙེད་པར་འགྱུར་ནས་ནི། །ལག་པ་གཡས་ནས་བཟུང་ནས་ཀྱང་། །བླ་མ་ལ་ནི་འདི་སྐད་དབུལ། །ཨེ་མ་ཧོ་རྣལ་འབྱོར་ཡོངས་ཀྱི་ལྷ། །རྡོ་རྗེ་སྐུ་ཡི་གཟུགས་འཆང་བ། །ཐབས་ཀྱིས་ཆེ་ཐོབ་རྒྱལ་པོའི་ཚུལ། །ཐམས་ཅད་མ་སྤངས་ཉིད་ཀྱི་རྒྱལ། །ལོངས་སྤྱོད་ཆེན་པོ་ཐམས་ཅད་ལ། །ཆོས་ཉིད་རྒྱན་གྱིས་སྤྱོད་མཛད་དེ། །གཉིས་མེད་ཡུམ་ཆེན་འདི་བཞེས་ལ། །ཐབས་དང་ཤེས་རབ་གཉིས་མེད་པའི། །བྱང་ཆུབ་ ― DNG008_Page_0202 ―
[མ་དཔེ་གཟིགས་ན་འདིར་གནོན།]
སེམས་ཀྱི་དབང་རྣམས་དང་། །པདྨ་རཀྟའི་དངོས་གྲུབ་རྣམས། །རྣལ་འབྱོར་བདག་ལ་སྩལ་དུ་གསོལ། །ཨ་ལ་ལ་ཧོ། ཞེས་བརྗོད་ལ་ཕྱག་ཏུ་དབུལ་ལོ། །དེ་ནས་དབང་ནོད་པ་བདག་གི་ཡུམ་ཅི་ལྟ་བུ་བཙལ་དགོས་པ་གསུངས་པ། ལྟ་སྤྱོད་ཡིད་མཐུན་བསམ་པ་གཅིག །བརྩེ་བའི་ཤུགས་འཆང་གསལ་བའི་གྲོགས། །མཚན་ལྡན་མི་མོ་ཡིད་འོང་མ། །དབྱིབས་ལེགས་རན་ཅིང་མཛེས་པ་ལ། །རྒྱན་རྣམས་ཅི་ཡོད་པས་བརྒྱན་ནས། །ལུས་ངག་ཡིད་གསུམ་ཁྲུས་བྱས་ཏེ། །ཕྱི་ནང་དྲི་མ་དག་བྱས་ནས། །དྲི་ཞིམ་སྤོས་ཀྱིས་ལུས་བྱུགས་ཏེ། །མཛེས་ལྡན་དར་གྱི་ལྷབ་ལྷུབ་ཀྱིས། །ཡིད་དུ་འོང་བར་བརྒྱན་ནས་ཀྱང་། །ཐོགས་ཆགས་མེད་པར་ཆགས་བྱས་ལ། །གསང་བའི་རྗེ་རུ་གཞག་པར་བྱ། །ཡང་ན་དབང་ནོད་གཟུངས་མ་ནི། །སོ་སོའི་དབང་རྣམས་གང་ནོད་པ། །རིགས་དང་མཐུན་པར་སྦྱར་བར་བྱའོ། །དེ་ཡི་ཡོན་ཏན་མཚན་ཉིད་གང་། །སོ་སོའི་རིགས་ལ་ཤེས་པར་བྱ། །དབང་གི་རྒྱལ་ཐེབས་དང་ཀརྨའི་ཚུལ་ཇི་ལྟ་བུའི་བྱ་བའི་དོན་ལ། ཡང་གསུངས་པ། ཐོགས་ཆགས་མེད་པའི་བློ་ལྡན་ཞིང་། །སྡེ་སྣོད་ཆོས་ལ་རྣམ་གྲོལ་བས། །རྒྱལ་བས་གསུངས་པའི་ལུང་དག་ལས། །གང་དག་ཤེས་རབ་ཤིན་ཏུ་གྲོལ། །རྣམ་པར་དག་པའི་སློབ་དག་གིས། །ཐམས་ཅད་མཁྱེན་པའི་སྟོབས་གྲོལ་བས། །སྔོན་ཆད་སློབ་དཔོན་མཁས་པ་ཡིས། །རྡོ་རྗེ་རྒྱལ་ཐེབས་དབང་བསྐུར་ནས། །གཞུང་དང་མཐུན་པའི་དབང་ཐོབ་སྟེ། །རྡོ་རྗེ་རྒྱལ་ཐེབས་ཡིན་ཞེས་གྲགས། །དེ་ནི་དབང་གི་རྒྱལ་ཐེབས་སུ། །ངེས་པར་བཙལ་བ་གཞུང་ལས་འབྱུང་། །གལ་ཏེ་དེ་དག་མ་རྙེད་ན། །བདག་གི་བླ་མས་ཅི་མཁྱེན་པ། །དེ་ཡིས་མཁྱེན་པ་དག་ཡོད་ན། །དེ་ཡང་དབང་གི་རྒྱལ་ཐེབས་བྱ། །གཞན་ཡང་དབང་གི་རྒྱལ་ཐེབས་ནི། །བླ་མ་དེ་ལ་སྲས་ཡོད་པ། །ཡོན་ཏན་བླ་མ་དང་འདྲ་བ། ། ― DNG008_Page_0203 ―
[མ་དཔེ་གཟིགས་ན་འདིར་གནོན།]
དེ་དག་ཡོད་ན་རབ་ཏུ་ལེགས། །གཞན་ཡང་བླ་མ་སློབ་དཔོན་གྱིས། །རྒྱལ་ཐེབས་ཞལ་ཆབ་གང་སྩལ་པ། །དེ་ལ་དབང་གི་རྒྱལ་ཐེབས་བྱ། །ཚུལ་ནི་དེ་དང་མི་ལྡན་ཞིང་། །ཡོན་ཏན་དེ་རྣམས་ཡོངས་མེད་ན། །གཞན་གྱི་ཡོན་ཏན་ཀུན་ཚང་ཡང་། །དབང་གི་རྒྱལ་ཐེབས་མི་བྱ་ཞེས། །ངེས་པར་ང་ཡིས་ཡང་དག་བཤད། །བདག་དང་བླ་མའི་གཟུངས་མ་རྣམས། །ཚུལ་དང་ཡོན་ཏན་དེ་རྣམས་དང་། །ལྡན་པར་གྱུར་ན་སུ་ཡང་རུང་། །རྒྱལ་རིགས་རྗེའུ་རིགས་དམངས་རིགས་དང་། །རིགས་ངན་གདོལ་པའི་ཕྱག་རྒྱ་མོ། །ཡོན་ཏན་དེ་ལྡན་གང་ཡང་རུང་། །ཚུལ་དགུར་སྦྱོར་ན་དབང་ཐོབ་ཅིང་། །དངོས་གྲུབ་རྟགས་ཀྱིས་དམ་པ་འགྲུབ། །གཞུང་གི་རྟགས་དང་མཚན་མེད་ན། །རྒྱལ་རིགས་རྗེའུ་རིགས་གང་ཡང་རུང་། །གཞན་མའི་ཡོན་ཏན་ཀུན་ཚང་ཡང་། །དབང་གི་གཟུངས་མར་མི་བྱ་ཞེས། །ངེས་པར་ང་ཡིས་ཡང་དག་བཤད། །གཞན་ཡང་རང་གི་ཡུམ་དང་གཟུངས། །མཆོག་ཏུ་གཞན་ལས་མ་བརླམས་ཤིང་། །སྲིན་མོའི་མདུང་ཤུལ་མེད་པ་ཡི། །བུ་མོ་གཞོན་ནུ་ཤེས་པར་བཤད། །དེ་ལ་དབང་རྟགས་དམ་པ་ཡོད། །སྣ་དགུ་དག་གི་བྱ་བ་ནི། །ཀུན་ཏུ་བཟང་པོ་ངས་མ་བསྟན། །མཉམ་པ་དེ་བཱི་གཞུང་ལས་མེད། །ཀརྨའི་མཚན་ཉིད་ཚུལ་བསྟན་པ། །ལས་དང་བྱ་བ་གཞུང་བསྲངས་ཤིང་། །ཕྲིན་ལས་ཐོགས་པ་ཡོངས་མེད་པ། །ངེས་པར་བླ་མའི་ལུང་ཐོབ་པ། །སྔོན་ཆད་དབང་བསྐུར་གནས་པ་ཐོབ། །མི་འགལ་ལེགས་པར་སྤྱོད་པའི་ལུང་། །གསང་བའི་དཀྱིལ་འཁོར་དམ་སྲུང་བ། །དབང་གི་ཀརྨ་ཡིན་ཞེས་བྱ། །གཞན་ཡང་དབང་གི་ཀརྨ་ནི། །ཐམས་ཅད་ཀུན་ལ་བློ་གྲོས་ཞིང་། །ལྷག་པར་ཕྲིན་ལས་དོན་ལ་མཁས། །དེ་ནི་དབང་གི་ཀརྨ་ཡིན། །མཉེན་ཞིང་དེས་ལ་བཀའ་བློ་བདེ། །གཞན་གྱི་ཡིད་འོང་མཐུན་བཞིན་བྱེད། །ངེས་པའི་ཚིག་སྨྲ་རྫུན་སྤངས་ཤིང་། །རྟགས་ལས་ངེས་པའི་ལུང་ཐོབ་ཅིང་། །བཀའ་ཡི་དོན་ལ་ངེས་པར་རྟོགས། །སྔགས་དང་ ― DNG008_Page_0204 ―
[མ་དཔེ་གཟིགས་ན་འདིར་གནོན།]
ཕྱག་རྒྱ་དམ་དུ་འཛིན། །རྣམ་པར་རྟོག་པ་བྲལ་བ་དེས། །དབང་གི་ཀརྨ་བྱ་བར་བཤད། །ཡོན་ཏན་དེ་དག་མ་ལྡན་ན། །གཞན་མ་ཡོན་ཏན་ཀུན་ཚང་ཡང་། །དབང་གི་ཀརྨ་ཡོངས་མི་བྱ། །བདེན་པའི་ཆོས་མེད་སྙན་ཚིག་དང་། །བཀའ་མེད་ལུང་མེད་བདེ་བ་མེད། །རས་ཆོད་གཟུ་ལུམས་བྱེད་འདོད་པས། །དབང་གི་ཀརྨ་བྱ་བར་ནི། །ཀུན་ཏུ་བཟང་པོ་ངས་མ་བཤད། །ཉམས་པར་གྱུར་པའི་མཚན་མས་ནི། །བསྐུར་ཀྱང་མི་ཕན་འཆི་བའི་རྒྱུ། །དབང་གི་རྫས་ཅི་དགོས་པའི་དོན་ཡང་གསུངས་པ། དབང་བསྐུར་བ་ཡི་རྫས་རྣམས་ནི། །རྫས་ལ་གྲངས་ནི་བསམ་ཡས་ཀྱང་། །ངེས་པའི་རྫས་ནི་ལྔ་རུ་གསུངས། །ཁྲོ་བོ་དུར་ཁྲོད་རྒྱན་གྱི་རྫས། །རྒྱལ་སྲིད་དབང་གི་ལོངས་སྤྱོད་རྫས། །བསྒྲུབ་པ་རྫས་ཀྱི་གཟུངས་མའི་རྫས། །དངོས་གྲུབ་བསྒྲུབ་པའི་གོ་རིམ་རྫས། །རྫོགས་སངས་རྒྱས་ཀྱི་རྐྱེན་གྱི་རྫས། །རྫས་ཀྱི་རྣམ་པ་ལྔ་གསུངས་དེ། །ཁྲོ་བོ་དུར་ཁྲོད་རྒྱན་རྫས་ནི། །རལ་གྲི་དགྲ་སྟ་གཤོལ་ལ་སོགས། །མདའ་གཞུ་གྲི་དང་མཚོན་ཆ་ནི། །དེ་དག་རྫས་སུ་ཡོད་ན་ལེགས། །གཞན་ཡང་ཆེ་མཆོག་ཕྱག་མཚན་ནི། །རྡོ་རྗེ་དྲིལ་བུ་འཁོར་ལོ་དང་། །པདྨ་རིན་ཆེན་རལ་གྲི་དང་། །རྒྱ་གྲམ་སྤུ་གྲི་ལ་སོགས་པ། །རིགས་ལྔའི་ཁྲོ་བོའི་ཕྱག་མཚན་ནི། །དངོས་སུ་རྫས་སུ་ཡོད་ན་ལེགས། །དེ་དག་གཟུགས་སུ་མ་གྲུབ་ན། །རི་མོ་མཁན་དང་བྲིས་མཁན་གྱིས། །དེ་དག་གཟུགས་བརྙན་བྲིས་ལ་བསྐུར། །ཆེ་མཆོག་ཁྲོ་བོ་ལ་སོགས་པ། །ཧེ་རུ་དགུ་པོ་ཐམས་ཅད་དང་། །དཀྱིལ་འཁོར་ལྷ་ཡི་ཕྱག་མཚན་རྣམས། །དངོས་སུ་རྫས་སུ་ཡོད་ན་ལེགས། །མེད་ན་དེ་བཞིན་བྲིས་ལ་བསྐུར། །གླང་པོ་ཆེ་ཡི་ཀོ་རློན་དང་། །ཞིང་ཆེན་གཡང་གཞི་འཁོར་བ་དང་། །ཁྱུང་གི་གཤོག་པ་མེ་དཔུང་དང་། །སྟག་གི་ཤམ་ཐབས་སུག་སྡོམ་དང་། །ཐོད་ ― DNG008_Page_0205 ―
[མ་དཔེ་གཟིགས་ན་འདིར་གནོན།]
པ་སྐམ་རློན་ཕྲེང་བ་དང་། །སྦྲུལ་ནག་ཆུན་པོ་ལ་སོགས་པ། །དེ་དག་མིང་གི་རྗེས་སུ་དགོས། །ཡང་ཞིག་རྫས་སུ་མ་འབྱོར་ན། །ཐ་ན་གཟུགས་བརྙན་བྲི་བར་བྱའོ། །དབང་བསྐུར་བ་ཡི་བྷན་དྷ་ནི། །དྲག་ཤུལ་ལས་ལ་དགའ་བ་ལ། །ཁྱབ་འཇུག་མ་ཡི་སྣོད་ཀྱིས་བསྐུར། །དུམ་བུ་གཅིག་པ་ལ་སོགས་པ། །རིགས་དང་མཐུན་པའི་བྷན་དྷ་ཡིས། །ཇི་ལྟར་བསྐུར་འདོད་རྟགས་སུ་ཁྲག །ཐལ་ཆེན་མཚན་མ་ལ་སོགས་ཏེ། །ཁྲོ་བོས་མཚན་མའི་དུར་ཁྲོད་རྫས། །དེ་དག་དངོས་སུ་ཚོགས་པར་བསགས། །རྒྱལ་སྲིད་ལོངས་སྤྱོད་རྫས་རྣམས་ནི། །རིགས་ཀྱི་ཁྱད་པར་རྣམས་ལ་སྦྱར། །ཅི་ལྟར་མཐུན་པའི་རྫས་རྣམས་བསགས། །འཁོར་ལོས་སྒྱུར་བའི་རྒྱལ་པོ་ཡིས། །རྫས་སུ་རིན་ཆེན་སྣ་བདུན་བསགས། །སློབ་མ་ས་བདག་རྒྱལ་པོ་ནི། །རྟ་དང་གླང་པོ་རོལ་མོའི་སྒྲ། །དབུ་རྒྱན་དཔུང་རྒྱན་གདུགས་ལ་སོགས། །རྒྱལ་པོའི་རིས་སུ་གང་ཡོད་པ། །དེ་དག་རྫས་སུ་བསག་པར་བྱ། །སློབ་མ་བྲམ་ཟེ་རྗེ་དང་དམངས། །ཁྲུས་མཁན་གར་མཁན་རྔོན་པ་ལ། །ཅི་ལྟར་འཚོགས་པའི་རྫས་བསགས་ལ། །བླ་མ་དག་གི་རྐྱེན་དུ་བཞག །བསྒྲུབ་པ་གཟུངས་མའི་རྫས་རྣམས་ནི། །གསུམ་དང་ལྔ་དང་གང་བསྐྱེད་པ། །མཚན་ནི་གོང་དུ་བསྟན་པ་བཞིན། །རྐྱེན་དང་རིས་སུ་ཚང་བར་བྱ། །དངོས་གྲུབ་བསྒྲུབ་པའི་རྫས་རྣམས་ནི། །དམ་རྫས་བདུད་རྩི་རྣམ་ལྔ་དང་། །རྩ་བ་བརྒྱད་དང་ཡན་ལག་སྟོང་། །ལུང་ལས་བྱུང་བ་བཞིན་དུ་བསགས། །གཞན་ཡང་མདའ་དང་དར་སྣ་དང་། །མེ་ལོང་ཚོན་སྐུད་སྣ་ལྔ་དང་། །ཁ་དོག་སྣ་ལྔའི་ཚོན་རྩི་དང་། །རིན་ཆེན་ལྔ་ཡི་བུམ་པ་དང་། །གོས་དང་རྒྱན་དང་ལྷམ་ལ་སོགས། །དེ་དག་ཅི་འབྱོར་དབང་བསྐུར་བ། །རང་གི་དངོས་གྲུབ་གང་བསྒྲུབ་པ། །ཉམས་དང་སྦྱར་ཏེ་དངོས་སུ་བསགས། །རྫོགས་སངས་རྒྱས་ཀྱི་རྐྱེན་རྫས་ནི། །རིམ་པས་བརྒྱུད་པའི་སློབ་དཔོན་དང་། །མན་ངག་ ― DNG008_Page_0206 ―
[མ་དཔེ་གཟིགས་ན་འདིར་གནོན།]
ཕྱག་ལེན་ལ་སོགས་པ། །གང་ཡོད་པ་ཡི་རྫས་རྣམས་དང་། །བླ་མེད་འབྲས་བུ་ཆགས་གཅོད་པ། །བཀའ་གསང་ངེས་པའི་རིམ་པ་རྣམས། །བདག་ལ་གང་གནས་ཡོད་པ་དང་། །ཐེ་ཚོམ་གང་ལ་ཆེ་བ་ཡིས། །མན་ངག་ཡི་གེ་གང་ཡོད་པ། །བླ་མེད་ཐག་བཅད་ངེས་བསྒྲུབས་པས། །དེ་ཡང་བསགས་པས་ངེས་དབང་ནོད། །རྫས་རྣམས་འདི་དག་གང་ཡོད་པ། །རིམ་པས་གཞུང་བཞིན་བསགས་པར་འབྱུང་། །སོ་སོར་འཆོལ་བའི་རྫས་རྣམས་དང་། །མ་ངེས་རྙེད་ཙམ་རྫས་རྣམས་ནི། །ཀུན་ཏུ་བཟང་པོ་ངས་མ་བཤད། །དབང་གི་དཀྱིལ་འཁོར་ཇི་ལྟར་བྲི་བའི་དོན་གསུངས་པ། །དཀྱིལ་འཁོར་ཐམས་ཅད་བརྩིག་པའི་ལུགས། །དང་པོ་ས་གཞི་སྦྱར་བྱས་ནས། །དེ་དག་རྟོག་པའི་གེགས་བསལ་ཏེ། །མཎྜལ་ཆག་ཆག་ཀུན་བྱས་ནས། །ས་ལ་ཚིག་འདི་བརྗོད་པར་བྱའོ། །ཧཱུཾ་མ་ཆགས་སྐྱེ་བ་མེད་པ་ཡི། །ཆགས་མེད་ཡུམ་གྱི་གཞལ་ཡས་ན། །ཐབས་ཀྱི་འཕྲོ་འདུ་ཡེ་ནས་རོལ། །ཐབས་དང་ཤེས་རབ་འདྲེལ་བ་ཡི། །གཉིས་མེད་སྦྱོར་བའི་མཁའ་དབྱིངས་ནས། །བྱང་ཆུབ་སེམས་སུ་དབང་བསྐུར་ཕྱིར། །དབང་གི་དཀྱིལ་འཁོར་བརྩིག་པར་བྱའོ། །ལན་གསུམ་དག་ཏུ་བརྗོད་པར་བྱ། །དེ་ནས་དཀྱིལ་འཁོར་བརྩིགས་ནས་ཀྱང་། །དམ་རྫས་དག་གིས་ཆག་ཆག་གདབ། །ཧཱུཾ་འབྱུང་བ་ཡུམ་དུ་དབྱེར་མེད་པའི། །ཐབས་ཀྱི་ཕྱག་རྒྱ་སྐུ་མཆོག་ལ། །སྲིད་གསུམ་ཡོངས་ལ་དབང་བསྒྱུར་ཕྱིར། །གཉིས་མེད་སྦྱོར་བའི་རང་བཞིན་ལ། །བདུད་རྩི་དམ་རྫས་ཆག་ཆག་གདབ། །ཐམས་ཅད་འཆི་མེད་ཡེ་ཤེས་དབང་། །ཡོངས་ལ་དབང་བསྐུར་འདི་དག་བྱུག །ཨཱོཾ་བཛྲ་ཨ་མྲྀ་ཏ་མཎྜལ་ཧཱུཾ། །དེ་ནས་གཟུངས་མ་མཚན་ལྡན་ལ། །ཐིག་སྐུད་གཙང་མ་འཁལ་དུ་གཞུག །དེ་ནས་དགོངས་པའི་གཞུང་བསྲངས་ལ། །དཀྱིལ་འཁོར་ཐིག་ནི་གདབ་པར་བྱ། །དཀྱིལ་འཁོར་འདོམ་གང་གྲུ་བཞི་ལ། །ཕྱོགས་བཞི་མཚམས་བརྒྱད་མ་འགྲུས་པར། ། ― DNG008_Page_0207 ―
[མ་དཔེ་གཟིགས་ན་འདིར་གནོན།]
རན་པར་ཆ་བསྙམས་ཐིག་གདབ་པོ། །དེ་ནས་དཀྱིལ་འཁོར་བྲི་བར་བྱ། །དབུས་སུ་ཟླ་གམ་གཅིག་པ་བྲི། །ཕྱོགས་བཞི་མཚམས་བརྒྱད་དེ་མཐུན་པར། །དབང་གི་ཟླ་གམ་གྲུ་བཞི་ལ། །ཚོན་གྱིས་ཀུན་ཀྱང་དམར་པོར་བསྒྱུར། །དེ་ལ་ལིང་ཚེ་དགུ་རུ་བྱ། །ཟླ་གམ་བར་ལ་སེར་པོ་བཏང་། །གྲུ་ཆད་ལ་ནི་ལྗང་གུ་བཏང་། །ཀུན་གྱི་ཕྱི་རོལ་ནག་པོས་བསྐོར། །རེ་ཁཱ་དབྱིབས་ཀུན་དཀར་པོར་དྲངས། །དེ་ནས་བུམ་བུ་ལྔ་དང་དགུ། །གང་འབྱོར་སྨན་གྱིས་བཀང་ལ་བཞག །དཀྱིལ་འཁོར་བླ་རྒྱན་འོག་རྒྱན་དང་། །སློབ་མའི་རྫས་རྣམས་གང་ཡོད་པ། །དེ་ཡི་རྫས་སུ་དགོད་པར་བྱ། །དཀྱིལ་འཁོར་དེ་ཡི་མཐའ་མ་ལ། །རྡོ་རྗེའི་རྭ་བ་མེ་ཡིས་བསྐོར། །དེ་ཡི་ཕྱི་རིམ་ནག་པོ་ལ། །དབང་ཕྱུག་མ་ཡི་འཁོར་རྣམས་བཞག །མདའ་དང་རལ་གྲི་མེ་ལོང་དང་། །དར་སྣའི་ལྷབ་ལྷུབ་མེ་ཏོག་དང་། །འཕན་དང་བླ་རྒྱན་འོག་རྒྱན་དང་། །གདུགས་དང་རྒྱལ་མཚན་དར་དཔྱངས་དང་། །མེ་ཏོག་ཆུན་པོ་ལ་སོགས་པ། །རྒྱན་རྣམས་ཅི་ཙམ་ཡོད་པ་དགྲམ། །ཁྲོ་བོའི་དཀྱིལ་འཁོར་རྒྱན་གྱི་རྫས། །དབང་པོ་ལྔ་དང་བྷནྡྷ་དགུ། །ཐོད་ཚལ་ཞིང་རྫས་ཀུན་རྫོགས་པའི། །གཞུང་དང་མཐུན་པར་རྫོགས་པར་དགྲམ། །དེ་ཡང་ཡོངས་སུ་ཤེས་པ་ན། །དབང་གི་དཀྱིལ་འཁོར་བྲི་བར་བྱ། །བཀའ་གཞུང་དོན་གྱི་དོན་མེད་པའི། །དཀྱིལ་འཁོར་བྲི་བར་མ་གསུངས་སོ། །དབང་གི་ཡོན་ཇི་ལྟ་བུ་དབུལ་བ་ཡང་གསུངས་པ། །དབང་བསྐུར་གནང་བ་ཐོབ་འདོད་པའི། །སྐྱེས་བུ་གང་ཟག་རྣལ་འབྱོར་པས། །དང་ལ་དབང་གི་ཡོན་དབུལ་ཏེ། །འཛམ་གླིང་རིན་ཆེན་གང་བ་དང་། །རྟ་དང་གླང་པོ་དུད་འགྲོའི་ཚོགས། །རྒྱལ་སྲིད་དང་ནི་རང་ལུས་དབུལ། །རབ་ཏུ་གཅེས་དང་ཡིད་འཐད་དབུལ། །བུ་དང་ཆུང་མ་སྤུན་དང་གྲོགས། །འཁོར་དང་ལོངས་སྤྱོད་ཇི་ཡོད་པ། །དབང་རྣམས་ཐོབ་ཕྱིར་ཡོན་དུ་དབུལ། །དེ་དག་གང་དང་མ་ལྡན་ན། །ལུས་ཀྱི་ཕུང་པོ་འབངས་སུ་དབུལ། །སེམས་ཀྱི་དྲན་ ― DNG008_Page_0208 ―
[མ་དཔེ་གཟིགས་ན་འདིར་གནོན།]
པ་བརྩེ་བྱས་ལ། །མེ་ཏོག་ཁ་དོག་སྣ་ཚོགས་པ། །རྩྭ་དང་ཤིང་ལས་སྐྱེས་པ་ནི། །གང་རྙེད་པ་ལ་དམིགས་བཅས་ལ། །བླ་མ་ལ་ནི་ཡོན་དུ་དབུལ། །ཡོན་མཆོག་འདི་ལ་དབང་མཆོག་ཡོད། །ཡོན་འབུལ་ཕངས་ན་དབང་ཡང་ཕངས། །གཤེ་བརྙས་བྱས་ན་བཀའ་དང་འགལ། །ཐུག་ཐུབ་བྱས་ན་གཞུང་ལས་ཉམས། །ཡོན་མཆོག་འབུལ་བར་མི་བྲ་ན། །དབང་ཡང་བསྐུར་བར་མི་བྱའོ་ཞེས། །སྟོན་པ་ཉིད་ཀྱི་ཞལ་ནས་གསུངས། །དེ་ནས་དབང་གི་ཡོན་ཏན་ནི། །ཤིན་ཏུ་བརྗོད་པ་ལས་འདས་ཏེ། །མན་ངག་ཉིད་དུ་འདི་བསྔགས་སོ། །དབང་གི་བསྙེན་བསྒྲུབ་ཞག་གྲངས་ངུར་བྱ་བར་ཡང་གསུངས་པ། དབང་ནོད་བསྙེན་སྒྲུབ་ཞག་གྲངས་ནི། །རབ་ཀྱིས་ལོ་གསུམ་བར་དུ་བསྒྲུབ། །འབྲིང་གིས་ཟླ་བ་གསུམ་ཙམ་བྱ། །ཐ་མས་ཞག་གསུམ་བར་དུ་ནི། །དབང་གི་བསྙེན་བསྒྲུབ་དམ་བཅད་ལ། །དེ་ནས་དབང་རྣམས་ནོད་པར་བྱ། །སོ་སོའི་རིམ་པ་གང་ཡིན་པ། །ཞག་གྲངས་དེ་དག་མ་ཚང་བར། །རས་ཆོད་དག་ཏུ་མི་བྱ་ཞེས། །ཡང་ནས་ཡང་དུ་ནན་གྱིས་གསུངས། །དེ་དག་བསྙེན་སྒྲུབ་རིམ་པ་ཡིན། །དབང་གི་རྟགས་སློབ་མ་ལ་ཅི་སྦྱིན་གསུངས་པ། གང་དག་ཡིད་དང་འཐད་པ་ཡི། །སྙིང་གི་བུ་དང་འདྲ་བ་ལ། །ཐོག་མར་བདག་ལ་སློབ་དཔོན་གྱིས། །དབང་རྟགས་ཕྱག་རྒྱ་གང་གནང་བ། །དེ་ཉིད་སློབ་མ་དེ་ལ་སྦྱིན། །གཞན་ཡང་སློབ་མ་དབང་ནོད་པ། །དེ་ཡི་གྲངས་ནི་བསྟན་པ་སྟེ། །དངོས་གྲུབ་བརྟགས་ཀྱི་གཞུང་ཐོབ་ཀྱང་། །ལན་བདུན་དབང་བསྐུར་རྟགས་ཚད་ནི། །དེ་ནས་དེ་ལ་དབང་མེད་དེ། །ཕྱིན་ཆད་བསྐུར་བར་མི་བྱའོ། །དེ་ལ་དབང་རྟགས་སྦྱིན་པ་ནི། །ཕྲིན་ལས་ལག་ཏུ་ལེན་པ་ལ། །རྡོ་རྗེ་དྲིལ་བུའི་དབང་རྟགས་སྦྱིན། །བསྒྲུབ་པའི་དོན་ལ་ལྷུར་ལེན་པ། །རྫས་མཆོག་བཟང་པོའི་དབང་རྟགས་སྦྱིན། །འཆད་པར་འདོད་པའི་སློབ་མ་ལ། །རྒྱུད་ཀྱི་གསུང་རབ་གླེགས་བམ་དང་། །རིན་པོ་ཆེ་ཡི་ཕྱག་ཤིང་དག །དབང་རྟགས་སུ་ནི་སྦྱིན་པར་བྱ། །གཞན་ཡང་ ― DNG008_Page_0209 ―
[མ་དཔེ་གཟིགས་ན་འདིར་གནོན།]
དབང་གི་སློབ་མ་ཡིས། །ཡོན་ལ་ཆགས་པ་མེད་ཕུལ་ན། །རང་ལ་དབང་རྟགས་ཅི་ཡོད་པས། །སློབ་མ་དེ་ལ་སྦྱིན་པར་བྱ། །གོས་དང་རྒྱལ་མཚན་ལྷབ་ལྷུབ་རྫས། །ཟང་ཟིང་རྫས་རྣམས་ཅི་ཡོད་པ། །དབང་བསྐུར་རྟགས་སུ་སྦྱིན་པར་བྱ། །སློབ་མས་ཡོན་གྱི་མཆོག་དབུལ་ན། །དབང་རྟགས་མེད་དུ་མི་རུང་ཞེས། །བཅོམ་ལྡན་འདས་ཀྱིས་ཡང་གསུངས་པ། །དབང་བསྐུར་བའི་དུས་ཚོད་གང་ལ་བསྐུར་གསུངས་པ། དབྱར་དགུན་སྟོན་དཔྱིད་ར་བ་ཡི། །ཚེས་བརྒྱད་གནམ་སྟོང་ཉ་ལ་བསྐུར། །དེ་ཡང་སྟོན་ཟླ་ར་བ་བཟང་། །དུས་ཚོད་འདི་དག་མ་ཡིན་པར། །གཞན་དུ་བསྐུར་བར་མི་བྱའོ། །བསྐུར་ཡང་ཐོབ་པར་མི་འགྱུར་རོ། །དབང་བསྐུར་དགོས་པའི་དོན་གསུངས་པ། །དབང་བསྐུར་བ་ཡི་དགོས་པ་ནི། །ཕྱི་ནང་ལས་རྒྱུད་ཐམས་ཅད་ཀྱང་། །དབང་བསྐུར་ནས་ནི་བྱ་དགོས་ལ། །དབང་བསྐུར་བ་ཡི་དགོས་པ་ནི། །སངས་རྒྱས་ཀུན་ལ་དབང་བསྐུར་ཞིང་། །སྲིད་པ་གསུམ་ལ་མཐུ་དབང་ཆེ། །མཁའ་འགྲོ་དབང་ཕྱུག་བྲན་དུ་འཁོལ། །འཇིག་རྟེན་དགོས་པ་ཐམས་ཅད་འགྲུབ། གཞན་ཡང་དབང་བསྐུར་དགོས་པ་ནི། །རྒྱུད་ཀྱི་རྒྱལ་པོ་འདི་ཡིན་ནོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་སྤྱི་དབང་སྐུར་བའི་རྒྱུད་ལས། དབང་གི་བྱེ་བྲག་གི་ལེའུ་སྟེ་གཉིས་པའོ།། །།དེ་ནས་རྡོ་རྗེ་སེམས་དཔའ་ལ་སོགས་པ་རིགས་ལྔའི་སངས་རྒྱས་རྣམས་ཀྱིས་གསོལ་པ། ཀྱེ་ཀྱེ་ཤིན་ཏུ་ངོ་མཚར་དང་ལྡན་པ། ཤིན་ཏུ་བྱིན་རླབས་ཆེན་པོ་དང་ལྡན་པའི་བཅོམ་ལྡན་འདས་ཀྱིས་དབང་བསྐུར་བའི་རིམ་པ་དང་། དབང་བསྐུར་བའི་ཕྲིན་ལས་བདག་ཅག་ལ་སྩལ་དུ་གསོལ། ཨ་ལ་ལ་ཧོ། དེ་སྐད་ཅེས་གསོལ་པ་དང་། བཅོམ་ལྡན་འདས་དཔལ་ཀུན་ཏུ་བཟང་པོས་བཀའ་སྩལ་པ།ཁྱེད་ལ་སོགས་པའི་དབང་གི་རིམ་པ་འདི་ཡིད་ལ་ཟུང་ཞིག །དབང་བསྐུར་བའི་རིམ་པ་ཉི་ཤུ་རྩ་གཅིག་སྟེ། རྡོ་རྗེ་རྒྱལ་པོའི་དབང་དང་། ཆོས་ཀྱི་རྒྱལ་སྲིད་ཀྱི་དབང་དང་། རྡོ་རྗེ་སློབ་དཔོན་གྱི་དབང་དང་། འབར་བ་ ― DNG008_Page_0210 ―
[མ་དཔེ་གཟིགས་ན་འདིར་གནོན།]
ཆེན་པོའི་དབང་དང་། འཁོར་ལོས་སྒྱུར་བའི་རྒྱལ་པོའི་དབང་དང་། རྒྱལ་ཐབས་སྤྱི་བླུགས་ཀྱི་དབང་དང་། རྡོ་རྗེ་རྒྱལ་ཐེབས་ཀྱི་དབང་དང་། ཀརྨའི་དབང་དང་། གིང་གི་དབང་དང་། ཉན་པའི་དབང་དང་། བསྒྲུབ་པའི་དབང་དང་། ཕྲིན་ལས་མཐར་ཕྱིན་པའི་དབང་དང་། ཐབས་དང་ཤེས་རབ་ཀྱི་དབང་དང་། འཇིག་རྟེན་ཚེའི་དབང་དང་། དངོས་གྲུབ་རྣམ་གསུམ་གྱི་དབང་དང་། །མཐུ་སྟོབས་ཕུན་སུམ་ཚོགས་པའི་དབང་དང་། འཆད་པའི་དབང་དང་། དེ་བཱི་གསང་བ་འདི་དཔྱད་ཡུམ་གྱི་དབང་དང་། རྒྱན་ཆས་རྟགས་ཀྱི་དབང་དང་། དུར་ཁྲོད་ཆས་ཀྱི་དབང་དང་། ལོངས་སྤྱོད་རྫས་ཀྱི་དབང་དང་། ཕྱི་ནང་གསང་བ་གསུམ་གྱི་དབང་སྟེ་ཉི་ཤུ་རྩ་གཅིག་གོ། །དེ་བཞིན་གཤེགས་པ་ཐམས་ཅད་ཀྱི་སྤྱི་དབང་སྐུར་བའི་རྒྱུད་ལས། དབང་གི་རིམ་པའི་ལེའུ་སྟེ་གསུམ་པའོ།། །།དེ་ནས་སྟོན་པ་ཀུན་ཏུ་བཟང་པོས་དབང་བསྐུར་བར་བྱ་བའི་ཕྲིན་ལས་ཐབས་ཀྱི་རྒྱལ་པོ་འདི་གསུངས་སོ། །དེ་ལ་དང་པོ་རྡོ་རྗེ་རྒྱལ་པོར་དབང་བསྐུར་བ་ནི།ཧཱུཾ་མཁའ་མཉམ་དབྱིངས་ཀྱི་དཀྱིལ་འཁོར་ནས། །ཕྱོགས་བཅུའི་བདེ་གཤེགས་ཐམས་ཅད་ཀྱིས། །ཐུགས་ཀྱི་བྱིན་རླབས་རྨད་པོ་ཆེ། །ཐམས་ཅད་འདུལ་བའི་དབང་གི་མཆོག །བྱིན་རླབས་ཐབས་ཀྱིས་བརྩེར་དགོངས་ཏེ། །ཐབས་ཀྱི་ཆོ་འཕྲུལ་བསམ་ཡས་པ། །འཇིག་རྟེན་གསུམ་ན་མེད་པ་ཡི། །སྐུ་གསུང་ཡོན་ཏན་བསམ་མི་ཁྱབ། །ཐམས་ཅད་ཀུན་ལ་རྒྱལ་བ་དང་། །སྲིད་པ་གསུམ་ལ་དབང་བསྒྱུར་ཞིང་། །རྡོ་རྗེ་ཐབས་ཀྱི་རྫུ་འཕྲུལ་གྱིས། །ཁམས་གསུམ་རེ་སྐོང་རྒྱལ་པོར་ཤོག །ཨཱོཾ་སརྦ་ཏ་ཐཱ་ག་ཏ་ཀཱ་ཡ་ཨཱོཾ། ཝཱ་ཀ་ཨཱ་ཙིཏྟཧཱུཾ། བཛྲ་རཱ་ཛ་མ་ཧཱ། གྷུ་ཧྱེ་ཤྭ་ར་ཨཱདྨ་ཀོ྅ཧཾ། བཛྲ་ཨཱོཾ། ཞེས་བརྗོད་ལ། དཀྱིལ་འཁོར་གྱི་སྟེང་དུ་དྲངས་ལ། དམ་རྫས་ཅི་ཡོད་པས་དབང་བསྐུར་ལ། རྡོ་རྗེ་སློབ་དཔོན་དང་ཕྱོགས་བཅུའི་རྣལ་འབྱོར་པ་ཡོངས་ཀྱིས་ཀྱང་རྡོ་རྗེ་རྒྱལ་པོའི་ ― DNG008_Page_0211 ―
[མ་དཔེ་གཟིགས་ན་འདིར་གནོན།]
དབང་ཆེ་གེ་མོས་ཐོབ་པར་གྱུར་ཅིག་ཅེས་བརྗོད་ལ། བདག་ཉིད་ཀྱིས་ཀྱང་རྡོ་རྗེ་རྒྱལ་པོའི་དབང་བདག་ཆེ་གེ་མོས་ཐོབ་པར་གྱུར་ཅིག་ཅེས་བརྗོད་ལ། ཕྱོགས་བཅུར་གྲགས་པ་བསྐྱེད་ལ་དབང་རྫས་བླང་ངོ་། །དེ་ནས་ཆོས་ཀྱི་རྒྱལ་སྲིད་ཀྱི་དབང་བསྐུར་བ་ནི། ཧཱུཾ་རང་བཞིན་དབྱེར་མེད་དཀྱིལ་འཁོར་ནས། །འཁོར་བ་མྱ་ངན་འདས་པ་ཡི། །ཆོས་ཀྱི་རྒྱལ་སྲིད་དམ་པ་ནི། །མྱ་ངན་འདས་པའི་ཡོན་ཏན་རྣམས། །རྡོ་རྗེའི་དཀྱིལ་འཁོར་ངས་སྤྲུལ་པས། །རྡོ་རྗེ་སློབ་མ་ཆེ་གེ་ཁྱོད། །ཆོས་ཀྱི་རྒྱལ་སྲིད་མ་ལུས་པ། །རིགས་ཀྱི་བུ་མཆོག་ཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་དྷརྨཱ་རཱ་ཛ་ཙཀྲ་གྷུ་ཧྱེ་ཤྭ་ར་ཨཱདྨ་ཀོ྅ཧཾ། ཞེས་བརྗོད་ལ་གོང་མ་བཞིན་ནོ། །དེ་ནས་ཡང་རྡོ་རྗེ་སློབ་དཔོན་དུ་དབང་བསྐུར་བ་འདི་སྐད་དོ། །ཧཱུཾ་བདེ་གཤེགས་ཐུགས་ཀྱི་སྲས་པོ་དམ་པའི་མཆོག །སྔོན་གྱི་ཐུགས་དམ་བཀའ་དང་མི་འགལ་ཞིང། །དགོངས་པ་ཡིད་བཞིན་ནམ་མཁའི་མཐའ་དང་མཉམ། །ཕྲིན་ལས་སྐྱབས་མཛད་མ་རིག་འདྲེན་མཛད་ཅིང་། །ཆོས་ཉིད་དོན་སྟོན་ཁ་ལོ་སྒྱུར་བྱེད་པ། །ཕྲིན་ལས་ཐབས་ཀྱི་རྡོ་རྗེ་སློབ་དཔོན་མཆོག །མ་ལུས་འགྲོ་བ་ཡོངས་ཀྱི་རེ་སྐོང་བ། །སྟོན་པའི་སྒྲོན་མ་མ་ལུས་ཁ་ལོ་འདྲེན། །ཤེས་བྱའི་མཐའ་རྫོགས་ཡོན་ཏན་ལྷུན་གྱིས་གྲུབ། །སྡུག་བསྔལ་བསྐྱབ་མཛད་མ་རིག་འདྲེན་མཛད་ཅིང་། །ཆོས་ཉིད་དོན་སྟོན་ཁ་ལོ་སྒྱུར་བྱེད་པ། །སངས་རྒྱས་གདུང་འཚོབ་རྡོ་རྗེ་སློབ་དཔོན་མཆོག །གང་ཡིན་མངོན་དུ་གྱུར་པ་གྲུབ་པའི་དབང་། །དབང་མཆོག་མ་ལུས་ཁྱོད་ཀྱིས་འཐོབ་པར་ཤོག །ཨཱོཾ་ཏ་ཐཱ་ག་ཏ་མ་ཧཱ་གྷུ་རུ་གྷུ་ཧྱེ་ཤྭ་ར་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་ཡང་གོང་མ་ལྟར་བསྒྲགས་སོ། །དེ་ནས་འབར་བ་ཆེན་པོའི་དབང་བསྐུར་བ་ནི། ཧཱུཾ་ཐུགས་རྗེ་ཐབས་མཁས་རང་བྱུང་ཧེ་རུ་ཀ །ཁམས་གསུམ་དབང་བསྒྱུར་རང་བྱུང་བཅོམ་ལྡན་འདས། །གདུག་པ་བསྲེག་མཛད་འབར་བ་ཆེན་པོ་ནི། །ཆེ་བའི་ཆེ་མཆོག་དབང་མཆོག་ཆེ་བའི་སྐུ། །རྟོགས་པ་ཐུགས་རྗེ་འབར་ ― DNG008_Page_0212 ―
[མ་དཔེ་གཟིགས་ན་འདིར་གནོན།]
བའི་དཀྱིལ་འཁོར་ལ། །ཡེ་ཤེས་མེ་འབར་རྟོགས་པའི་འོད་འབར་ཏེ། །ཁྲོ་ཚོགས་འབར་བའི་དབང་མཆོག་རབ་འབར་བའི། །ཡེ་ཤེས་མེ་དཔུང་འབར་བ་ཆེན་པོའི་དབུས། །གདུག་པ་ཟིལ་གནོན་མ་རིག་བསྲེག་མཛད་ཅིང་། །སྡུག་བསྔལ་རྒྱ་མཚོ་སྐེམ་པའི་མེས་བསྲེགས་ཤིང་། །མ་རིག་སེམས་ཅན་ཐུགས་རྗེ་ཐབས་འབར་བ། །ཀུན་ལ་མེད་པའི་འབར་བ་ཆེན་པོའི་དབང་། །རིགས་ཀྱི་བུ་མཆོག་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་ཛྭ་ལ་མ་ཧེ་ཤྭ་ར་ཨཱདྨ་ཀོ྅ཧཾ། དེ་ནས་རིམ་པ་གོང་མ་བཞིན་བྱའོ། །དེ་ནས་འཁོར་ལོས་སྒྱུར་བའི་རྒྱལ་པོའི་དབང་བསྐུར་བ་འདི་སྐད་དོ། །ཧཱུཾ་རྒྱལ་སྲིད་ལོངས་སྤྱོད་དཔལ་དང་ལྡན། །འཁོར་ལོ་རིན་ཆེན་གླང་ཆེན་རིན་ཆེན་བདུན། །འཛམ་བུ་གླིང་བཞི་ཡོངས་བསྐོར་བ། །ལྷ་ཡི་རྒྱལ་པོ་མན་ཆད་ནས། །རྒྱུད་དྲུག་སེམས་ཅན་ཐམས་ཅད་ལ། །ཡོངས་སུ་སྐྱོང་བའི་རྒྱལ་པོ་སྟེ། །ཐམས་ཅད་མ་ལུས་འདྲེན་བྱེད་པ། །སེམས་ཅན་ཀུན་གྱི་དོན་བྱེད་ཅིང་། །མ་ལུས་ཡོངས་ལ་དབང་བསྒྱུར་བའི། །རྒྱལ་ཐེབས་གོ་འཕང་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་པ་རི་ཀུ་རུ་མ་ཧ་ཤྭ་ར་གྷུ་ཧྱེ་ས་མ་ཡཱ་རཏྣ་ཙཀྲ་སྭ་བྷཱ་ཝ་ཨཱདྨ་ཀོ྅ཧཾ། དེ་ཡང་རིམ་པ་བཞིན་ནོ། །དེ་ནས་རྒྱལ་ཐེབས་སྤྱི་བླུག་གི་དབང་བསྐུར་བ་འདི་སྐད་དོ། །ཧཱུཾ་ཐམས་ཅད་ལྷུན་སྡུག་ཀུན་ཏུ་བཟང་པོའི་རྫས། །རང་བཞིན་སྤྲོས་མེད་ཀུན་ཏུ་བཟང་མོའི་ངང་། །གཉིས་མེད་ཐབས་ཀྱི་རྒྱལ་པོས་ཡོངས་ལ་ཁྱབ། །ཐབས་ཀྱི་རྒྱལ་པོས་ཡོངས་ལ་དབང་བསྒྱུར་ཏེ། །ཀུན་ཏུ་བཟང་པོ་རང་བྱུང་བཅོམ་ལྡན་འདས། །ཆོས་ཀྱི་དབྱིངས་ལ་གཅིག་ཏུ་བཞུགས་པ་ཡི། །རང་རིག་བྱང་ཆུབ་སེམས་ཀྱི་ལྷ་ཡིན་ཏེ། །དོན་དང་སེམས་ཀྱི་ལྷ་ལ་ཕྱག་འཚལ་ལོ། །ཀུན་ཏུ་བཟང་པོ་དྲི་མ་མེད་པ་ཡིས། །ཡོངས་ལ་དབང་བསྒྱུར་སེམས་ཀྱི་རྒྱལ་པོར་ཤར། །རང་སེམས་རྣམ་དག་རྟོགས་པའི་ཡེ་ཤེས་ཤར། །བྱང་ཆུབ་སྙིང་པོ་བདེ་བ་ཆེན་པོའི་ ― DNG008_Page_0213 ―
[མ་དཔེ་གཟིགས་ན་འདིར་གནོན།]
ངང་། །ཐམས་ཅད་མ་ལུས་ལྷུན་གྲུབ་ཆོས་ཀྱི་སྐུ། །ཆོས་རྣམས་ཐམས་ཅད་རང་གི་སེམས་སུ་འདུས། །སེམས་ཀྱི་རང་བཞིན་ཅི་ཡང་མ་ཡིན་པའི། །ཐིག་ལེ་སྤྲོས་པ་མེད་པའི་རང་བཞིན་ལ། །མཉམ་པའི་རྒྱལ་པོས་ཀུན་ལ་དབང་བསྒྱུར་ཏེ། །ཆོས་ཉིད་ཐེག་པའི་རྒྱལ་པོ་རྫོགས་པ་ཆེ། །མ་འདྲེས་ཅིར་ཡང་སྟོན་པའི་ཐེག་པའི་མཆོག །འདི་དག་མ་ལུས་མྱུར་དུ་རྫོགས་པའི་ཕྱིར། །རྒྱལ་ཐེབས་སྤྱི་བླུགས་དབང་མཆོག་འདི་བསྐུར་པས། །ཡོངས་ཀྱི་དབང་ཕྱུག་ཐབས་ཀྱི་རྒྱལ་པོར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་རཱ་ཛ་སྟ་ཤ་ནེ་ཤྭ་ར་སྭ་བྷཱ་ཝ་ཨཱདྨ་ཀོ྅ཧཾ། དེ་རྣམས་ཀྱང་གོང་མ་བཞིན་ནོ། །དེ་ནས་རྡོ་རྗེ་རྒྱལ་ཐེབས་ཀྱི་དབང་བསྐུར་བ་འདི་སྐད་དོ། །ཧཱུཾ་བླ་མེད་རྒྱལ་བ་རྣམས་ཀྱི་གསང་ཆེན་གང་། །ངེས་པར་བརྟགས་པའི་གོ་འཕང་གང་ཡིན་པ། །བདེ་གཤེགས་གདུང་འཛིན་དགོངས་པ་ཡབ་དང་མཉམ། །ཐབས་ཀྱི་ཕྲིན་ལས་ལྷུན་རྫོགས་ཉེར་བསྡོགས་གནས། །སྡང་བའི་ཕྱོགས་འདུལ་མ་རིག་འདྲེན་མཛད་པ། །ཐབས་ཀྱི་རྫུ་འཕྲུལ་གདུག་པ་ཤིན་ཏུ་འདུལ། །སྣོད་ལྡན་རྣལ་འབྱོར་འདུལ་བའི་མཆེད་འདྲེན་པའི། རྡོ་རྗེ་རྒྱལ་ཐེབས་དབང་རྣམས་ཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་བཛྲ་བ་ལི་ཀ་གྷུ་ར་ཡ་སྦ་བྷཱ་ཝ་ཨཱདྨ་ཀོ྅ཧཾ། དེ་ནས་ཀརྨ་གིང་གི་དབང་བསྐུར་བ་འདི་སྐད་དོ། །ཧཱུཾ་འགྲོ་ཀུན་བླ་མེད་ཐར་པའི་ལམ་སྟོན་ཅིང་། །ངན་སོང་གནས་སྤངས་ཐར་པའི་ཕྲིན་ལས་མཛད། །ཐམས་ཅད་འདུལ་བས་ལས་ཀྱི་ཀརྨར་བསྐོས། །ཕྲིན་ལས་མ་ལུས་རྫོགས་པར་བྱ་བ་དང་། །མཆོད་པ་དུས་དྲུག་གནས་སུ་སྟོབ་པ་དང་། །ལས་དང་བྱ་བ་མ་ལུས་གཞུང་བསྲང་བའི། །ཀརྨ་གིང་གི་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་ར་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་གིང་གི་དབང་བསྐུར་བ་ནི་འདི་སྐད་དོ། །ཧཱུཾ་ཐབས་དང་ཤེས་རབ་ལྡན་པ་ཡི། །གསལ་བ་ཐབས་ཀྱི་འཕྲོ་འདུ་ལས། །ཡང་དག་སྙིང་པོ་རབ་བསྟན་པའི། །བདེ་བའི་ཕྲིན་ལས་ ― DNG008_Page_0214 ―
[མ་དཔེ་གཟིགས་ན་འདིར་གནོན།]
འཕྲོ་འདུ་ཡིས། །འཛིན་གིང་སྟོབ་གིང་ལ་སོགས་པའི། །གདུང་བའི་ཐུགས་རྗེ་ཆེན་པོ་ཡིས། །སེམས་ཅན་གནས་ནས་བཏོན་པ་ཡིས། །འདྲེན་པའི་དམ་པ་བླ་ན་མེད། །ཐབས་ཀྱི་གར་ཐབས་བསྐྱོད་ནས་ཀྱང་། །གིང་གི་དབང་རྣམས་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་ཀ་ཏ་རི་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་ཉན་པའི་དབང་བསྐུར་བ་འདི་སྐད་དོ། །ཧཱུཾ་ཤེས་རབ་རྣམ་གསུམ་དག་པ་ཡིས། །ཤེས་པའི་རྒྱུད་རྣམས་གྲོལ་བའི་ཕྱིར། །བདེ་གཤེགས་བཀའ་ཡི་བྱིན་རླབས་ལས། །དམ་པའི་རྗེས་སུ་གང་བསྒྲུབ་པ། །གསང་ཆེན་ཐུགས་ཀྱི་མན་ངག་དང་། །ཐེག་པ་ཕྱི་ནང་མཐའ་དག་ཀུན། །རྣ་བའི་དབང་པོས་ཉན་པ་དང་། །ཤེས་རབ་བློ་ཡིས་འཛིན་པ་ཡི། །ཉན་པའི་དབང་རྣམས་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་དྷརྨཱ་ཁ་ནེ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་བསྒྲུབ་པའི་དབང་བསྐུར་བ་འདི་སྐད་དོ། །ཧཱུཾ་རྣལ་འབྱོར་བདེ་ཆེན་སྐུ་གསུང་ཐུགས། །སྡུག་བསྔལ་གནས་ཉིད་བྱང་ཆུབ་རེ་བསྒྲུབ་པའི། །རྫས་ཉིད་ཡེ་ཤེས་ལྔ་རུ་ལྷུན་གྲུབ་ཕྱག་རྒྱའི་ཚོགས། །རྣམ་ཤེས་ཕུང་པོ་ལྷ་རྣམས་དཀྱིལ་འཁོར་རྫོགས། །སྐྱེ་མཆེད་ཁམས་རྣམས་སངས་རྒྱས་མང་པོའི་ལྷ། །བདེ་གཤེགས་ཐབས་ཀྱི་འབྲས་བུ་གང་ཡིན་པ། །རྣལ་འབྱོར་ཚུལ་ལྡན་ཁྱོད་ཀྱིས་འགྲུབ་པར་ཤོག །ཨཱོཾ་སརྦ་ཏ་ཐཱ་ག་ཏ་སརྦ་ཡོ་ག་མ་ཧཱ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་ཕྲིན་ལས་མཐར་ཕྱིན་པའི་དབང་བསྐུར་བ་འདི་སྐད་དོ། །ཧཱུཾ་ཤེས་རབ་ཐབས་ཀྱི་རོལ་པའི་ཕྲིན་ལས་ཀྱིས། །ཁམས་གསུམ་སྲིད་གསུམ་མཐའ་ཡས་པ། །ཐར་པའི་ཕྲིན་ལས་མཛད་པའི་ཕྱིར། །ཞི་རྒྱས་དབང་དང་དངོས་གྲུབ་དང་། །ཏ་ན་ག་ཎའི་སྦྱོར་སྒྲོལ་རྣམས། །རྣལ་འབྱོར་དག་པའི་ཕྲིན་ལས་ཏེ། །ལས་རྣམས་མངོན་པར་རྫོགས་པ་ཡི། །སངས་རྒྱས་བདེ་བའི་རོལ་པ་ཡི། །ལས་ཀྱི་དབང་མཆོག་གང་ཡིན་པ། །ཕྲིན་ལས་མཐར་ ― DNG008_Page_0215 ―
[མ་དཔེ་གཟིགས་ན་འདིར་གནོན།]
ཕྱིན་དབང་མཆོད་འདི། །གནས་འདིར་ཁྱོད་ཀྱིས་འཐོབ་པར་ཤོག །ཨཱོཾ་སརྦ་ཏ་ཐ་ག་ཏ་མ་ཧཱ་གྷུ་ཧྱེ་བཛྲ་བ་ལི་ཀ་མ་ཧཱ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་ཐབས་དང་ཤེས་རབ་ཀྱི་དབང་བསྐུར་བ་ནི། །ཤེས་རབ་མཚན་ལྡན་མའི་ལག་པ་གཡས་པ་ནས་བཟུང་ལ་འདི་སྐད་དོ། །ཧཱུཾ་སྐྱེ་མེད་ཆོས་དབྱིངས་རིག་པ་འབྱུང་བའི་ཡུམ། །མཚན་ལྡན་མི་མོ་མཆོག་གི་རིམ་པའི་རྒྱན། །ཐབས་དང་ཤེས་རབ་དབྱེར་མེད་རོལ་པ་ལས། །ལྷག་པའི་བྱང་ཆུབ་སེམས་ལས་དཀྱིལ་འཁོར་སྤྲོས། །འཕགས་མཆོག་ཀུན་མཉེས་འབྲས་བུ་བདེ་སྒྲུབ་པ། །གཉིས་མེད་བདེ་སྤྱོད་ཆོས་ཉིད་དག་པའི་རྒྱན། །དགྱེས་པའི་རོ་མཆོག་ཆོས་ཉིད་དབང་མཆོག་འདི། །རྣལ་འབྱོར་སློབ་བུ་ཁྱོད་ཀྱིས་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་པྲཛྙཱ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་འཇིག་རྟེན་ཚེའི་དབང་བསྐུར་བ་འདི་སྐད་དོ། །ཧཱུཾ་ཟླ་གམ་དམར་པོ་རྡོ་རྗེ་དབང་གི་ཚེ། །གཞན་གྱིས་མི་འཕྲོག་ཁམས་གསུམ་ཀུན་ལས་རྒྱལ། །ལྷ་མོ་དམར་མོ་རྡོ་རྗེ་འཆི་མེད་ཚེ། །ལེགས་པའི་ཡོན་ཏན་འདོད་པའི་ལོངས་སྤྱོད་རྫས། །མི་འགྱུར་འཆི་མེད་ཚེ་ལོ་སྟོང་ཕྲག་དང་། །རང་ཉིད་གང་འདོད་ཕུང་པོ་རྡོ་རྗེའི་ཚེ། །ཨཱ་ཡུཿདམར་པོ་ཡོངས་སུ་འགྱུར་མེད་པ། །མི་འཕྲོག་ངེས་པའི་ཚེ་མཆོག་གང་ཡིན་པ། །ཡུན་རིང་གོང་ནས་བསྙེན་བསྒྲུབ་བསྒྲུབས་པ་ཡིས། །རྡོ་རྗེ་ཚེ་ཡི་དབང་མཆོག་གང་ཡིན་པ། །རིགས་ཀྱི་བུ་མཆོག་འདི་དག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་ཨཱ་ཡུ་ཛྙཱ་ན་བྷིནྟུ་ཡུ་ཚེ་ཤྭ་ར་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་དངོས་གྲུབ་རྣམ་པ་གསུམ་གྱི་དབང་བསྐུར་བ་འདི་སྐད་དོ། །ཧཱུཾ་སྐུ་གསུང་ཐུགས་ཀྱི་དངོས་གྲུབ་རིན་ཆེན་དབྱིག །འཇིག་རྟེན་འདས་དང་འཇིག་རྟེན་འདི་དག་ན། །ཚེ་དང་ལོངས་སྤྱོད་དཔལ་དང་གཟི་བྱིན་དང་། །འབྱོར་པ་ཀུན་རྫོགས་བསམ་ཀུན་རྫོགས་པ་ཡི། །རྫུ་འཕྲུལ་མཐུ་སྟོབས་ཆེ་བ་སྣ་ཚོགས་པའི། །འཇིག་རྟེན་འདི་ཡི་དངོས་གྲུབ་ཐམས་ཅད་དང་། །འཇིག་རྟེན་འདས་པའི་ ― DNG008_Page_0216 ―
[མ་དཔེ་གཟིགས་ན་འདིར་གནོན།]
དངོས་གྲུབ་གང་ཡིན་པ། །བྱང་ཆུབ་ས་མཆོག་སྟུག་པོས་བརྒྱན་པ་ཡིས། །སངས་རྒྱས་ས་གསུམ་འཕགས་པའི་ཡོན་ཏན་ཚོགས། །སྐུ་དང་ཡེ་ཤེས་བཞི་དང་ཕོ་བྲང་དང་། །འཕགས་པའི་ཡོན་ཏན་བསམ་གྱིས་མི་ཁྱབ་པ། །དེ་ཡི་ལེགས་པའི་འབྲས་བུ་ཐམས་ཅད་དང་། །འཇིག་རྟེན་མཚན་མ་རྫས་ཀྱི་དངོས་གྲུབ་པ། །གཉིས་མེད་ལོངས་སྤྱོད་བདུད་རྩི་སྨན་ལ་སོགས། །དེ་དག་དངོས་གྲུབ་དབང་མཆོག་གང་ཡིན་པ། །རིགས་ཀྱི་བུ་མཆོག་དེ་རིང་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་སིདྡྷི་ཕ་ལ་བྷཱུཾ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་མཐུ་སྟོབས་ཕུན་སུམ་ཚོགས་པའི་དབང་བསྐུར་བ་འདི་སྐད་དོ། །ཧཱུཾ་ཁམས་གསུམ་ཀུན་ན་བླ་ན་མེད་པ་ཡི། །ཆེ་བཙན་གར་གྱིས་འགྲན་གྱི་དོ་མེད་པ། །ཆེ་བའི་ཆེ་བ་དབང་ཕྱུག་ཆེ་བའི་ལྷ། །ཞེ་སྡང་ཐུགས་རྗེའི་མེ་འབར་ཁྲོ་མཆོག་ཧཱུཾ་སྒྲ་ཅན། །སྡང་བའི་ཕྱོགས་འདུལ་བདུད་སྲིན་འདུལ་བའི་ལྷ། །དབང་ཕྱུག་ཆེན་པོ་དཔལ་གྱི་ཀིང་ཀ་ར། །དྲེགས་པ་དབང་སྡུད་དབང་ཕྱུག་དམ་ལ་འདོགས། །ཁམས་གསུམ་ཚོགས་འཇོམས་དྲེགས་པ་འཇོམས་པའི་མཐུ། །ཁེངས་པ་ཀུན་འདུལ་ཁམས་གསུམ་སྒྲོལ་བའི་མཐུ། །ཡོངས་ལ་དབང་བསྒྱུར་གང་གིས་མི་ཐུབ་མཐུ། །བདུད་བགེགས་ཚར་གཅོད་བར་ཆད་སྒྲོལ་བའི་མཐུ། །མཐུ་སྟོབས་ཕུན་སུམ་ཚོགས་པའི་དབང་མཆོག་རྣམས། །རྡོ་རྗེའི་སློབ་མ་ཁྱོད་ཀྱིས་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་ཧ་ན་དྷ་ཧ་པ་ཙ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་འཆད་པའི་དབང་བསྐུར་བ་འདི་སྐད་དོ། །ཧཱུཾ་སྐུ་གསུང་ཐུགས་ཀྱི་འདུལ་བ་རྣམ་གསུམ་ལས། གསུང་རབ་རྒྱ་མཚོ་དམ་ཆོས་བདུད་རྩིའི་མཛོད། །ཆོས་ཀྱི་ཆར་འབེབས་འགྲོ་བའི་རྒྱུད་འགྲོལ་བ། །ཐེག་པའི་བྱེ་བྲག་མ་འདྲེས་དོན་སྟོན་པ། །སྣོད་ལྡན་སློབ་མའི་ཤེས་པའི་རྒྱུད་བཀྲོལ་ནས། །ཆོས་ཉིད་དོན་རྟོགས་བདེན་པའི་ལམ་ ― DNG008_Page_0217 ―
[མ་དཔེ་གཟིགས་ན་འདིར་གནོན།]
འཛུད་པ། །སངས་རྒྱས་རྣམས་ཀྱི་བཀའ་གསང་དམ་པ་ཡེ། །དམ་ཆོས་མཐའ་དག་མ་ལུས་འཆད་པའི་དབང་། །ཆོས་རྣམས་འཆད་པའི་དབང་རྣམས་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་དྷརྨ་དྷཱ་ཏུ་ཏི་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་རྒྱན་ཆས་རྟགས་ཀྱི་དབང་བསྐུར་བ་འདི་སྐད་དོ། །ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །རིགས་ལྔ་རིན་ཆེན་དབུ་རྒྱན་འདི་བཅིངས་པས། །ཡེ་ཤེས་ལྔ་དང་རིགས་ལྔ་དབྱེར་མེད་པའི། །རིགས་ལྔའི་དབུ་རྒྱན་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་བྷུཌྜྷ་སཏྭ།བཛྲ་སཏྭ། རཏྣ་སཏྭ། པདྨ་སཏྭ། ཀརྨ་སཏྭ། སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་རིན་ཆེན་སྙན་ཆ་འདི། །གནས་པ་མ་འགགས་རིན་ཆེན་སྙན་ཆའི་མཆོག །སིལ་སྙན་སྙན་པའི་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་རཏྣ་བི་མ་ལིང་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་རིན་ཆེན་མགུར་ཆུ་འདི། །ཡོན་ཏན་མཐར་ཕྱིན་མཁྱེན་པའི་སྐུར་རྫོགས་རྟགས། །མགུར་ཆུ་རིན་ཆེན་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་རཏྣ་ཀུ་ན་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་ཕྲེང་བ་འདི། །ཆེ་བའི་ཡོན་ཏན་རྒྱན་རྟགས་རིན་ཆེན་ཕྲེང་། །དོ་ཤལ་ཕྲེང་བའི་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་ན་མ་ཀུ་ཏ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་རིན་ཆེན་དཔུང་རྒྱན་འདི། །མི་འཇིགས་བཞི་ལ་མངའ་བརྙེས་དཔུང་རྒྱན་རྟགས། །གསེར་གྱི་དཔུང་རྒྱན་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་རཏྣ་བྱི་ཤྭ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ ― DNG008_Page_0218 ―
[མ་དཔེ་གཟིགས་ན་འདིར་གནོན།]
ལོངས་སྤྱོད་རྒྱན། །ནང་རྟགས་ཕྱིར་བསྟན་རིན་ཆེན་ཕྱག་གདུབ་འདི། །ཚུལ་ཁྲིམས་རྣམ་པར་དག་པའི་རྟགས་སུ་བསྟན། །ཕྱག་གདུབ་སིལ་སྙན་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་རཏྣ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་ཕྱག་གདུབ་དམ་པ་འདི། །སྟོབས་བཅུ་རྣམ་པར་དག་པའི་རྟགས་སུ་བསྟན། །ཕྱག་གདུབ་སིལ་སྙན་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་རཏྣ་བྷི་དུ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་དར་གྱི་ཤམ་ཐབས་འདི། །མཁྱེན་པའི་བྱེ་བྲག་མ་འདྲེས་གསལ་བའི་རྟགས། །བསྟྲ་ཤམ་ཐབས་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེས་མུངྒ་ཏེ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་ཉི་ཟླ་པདྨའི་གདན། །ཐབས་དང་ཤེས་རབ་མ་ཆགས་པདྨའི་གདན། །གདན་གྱི་དབང་མཆོག་དམ་པ་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་སཱུརྱ་ཙནྡྲ་པདྨ་དྷ་ར་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་རིན་ཆེན་ཁྲི་རྐང་འདི། །འགྲོ་བའི་རེ་སྐོང་ཡོན་ཏན་བཞི་ཡི་རྟགས། །རིན་ཆེན་ཁྲི་རྐང་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་རཏྣ་ར་ཏྲི་ཏྲཾ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་གླང་ཆེན་སེང་ལ་སོགས། །མི་འཇིགས་སྟོབས་དང་རྫུ་འཕྲུལ་དབང་དང་ལས། ཐོགས་པ་མེད་པའི་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་ཛྙཱ་ན་དྷ་ར་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཆོས་ཉིད་ཅིར་ཡང་སྣང་བའི་ལོངས་སྤྱོད་རྒྱན། །ནང་རྟགས་ཕྱིར་བསྟན་དར་དཔྱངས་ཁ་དོག་གསུམ། །ཆོས་ཀྱི་རྒྱལ་སྲིད་ཀླུ་འདུལ་ཕྲིན་ལས་བཞི། །དར་དཔྱངས་དབང་མཆོག་དམ་པ་འཐོབ་པར་ ― DNG008_Page_0219 ―
[མ་དཔེ་གཟིགས་ན་འདིར་གནོན།]
ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་དྷརྨ་རཱ་ཛ་སྭ་བྷཱ་ཝ་ཨཱདྨ་ཀོ྅ཧཾ།ཧཱུཾ་རྡོ་རྗེ་འཁོར་ལོ་པདྨ་རིན་ཆེན་དང་། །རལ་གྲི་ཆོས་ཀྱི་སྒྲ་སྒྲོགས་དྲིལ་བུ་དང་། །ཆོས་ཀྱི་འཁོར་ལོ་ཡེ་ཤེས་ལྔ་དང་ལྡན། །དགོས་འདོད་རེ་སྐོང་ཕྱག་རྒྱའི་ཕྲིན་ལས་རྫོགས། །ཕྱག་རྒྱའི་དབང་མཆོག་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ་ཙཀྲ་བཛྲ་རཏྣ་ཀརྨ་བཛྲི་ར་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་དུར་ཁྲོད་ཆས་བརྒྱད་ཀྱིས་དབང་བསྐུར་བ་འདི་སྐད་དོ། །ངོ་ལ་ཞག་གི་ཚོམ་བུ་བྱས་ལ། ཧཱུཾ་ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷ་རྒྱ་མཚོར་བསྐྱིལ། །ཞག་གི་ཚོམ་བུས་མཚན་པ་ཡིས། །འདི་ཡང་སྔོན་གྱི་དམ་ཚིག་ལ། །འདི་ཡང་རྟགས་ཀྱི་ཕྱག་རྒྱ་སྟེ། །ཆོས་ཉིད་ཞག་གི་ཚོམ་བུས་དབང་བསྐུར་བས། །ཆོས་ཉིད་དབྱིངས་ལས་རྒྱལ་བ་དང་། །གདུག་པ་ཐབས་ཀྱིས་འདུལ་བ་དང་། །ཆེ་བའི་ཡོན་ཏན་རྒྱས་པ་དང་། །ཆོས་ཉིད་ཞག་གི་དབང་འཐོབ་ཤོག །ཨཱོཾ་ང་ཏ་བྷཱ་ག་ཏ་ཨ་ལ་ལ་ཧོ། དེ་ནས་ཁྲག་གི་ཐིག་ལེ་བྱས་ལ་འདི་སྐད་དོ། །ཧཱུཾ་ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་ཁྲག་འཐུང་སྤྱན་དྲངས་ཏེ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷ་རྒྱ་མཚོར་བསྐྱིལ། །ཁྲག་གི་ཐིག་ལེས་མཚན་པ་འདི། །འདི་ཡང་སྔོན་གྱི་དམ་ཚིག་ལ། །འདི་ཡང་རྟགས་ཀྱི་ཕྱག་རྒྱ་སྟེ། །འདོད་ཆགས་གནས་སུ་དག་པ་ཡི། །ཁྲག་གི་ཐིག་ལེས་དབང་བསྐུར་བས། །གཏུམ་ཁྲོ་དྲག་པོ་འཇོམས་པ་དང་། །ང་རྒྱལ་དྲག་པོ་འཇོམས་མཛད་པའི། །དབང་མཆོག་དམ་པ་འཐོབ་པར་ཤོག །ཨཱོཾ་མ་ཧཱ་རཀྟ་ན་ཏི་ལ་ཀ་ཧཱུཾ། དེ་ནས་ཐལ་ཆེན་གྱིས་མཚན་མ་བྱས་ལ་འདི་སྐད་དོ། །ཧཱུཾ་ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་དང་། །དཔལ་ཆེན་ཁྲག་འཐུང་འཁོར་དང་བཅས། །ཞིང་ཆེན་གསར་རྙིང་ ― DNG008_Page_0220 ―
[མ་དཔེ་གཟིགས་ན་འདིར་གནོན།]
ཏི་རར་བཅས། །དམར་གྱི་ཨརྒྷ་རྒྱ་མཚོར་བསྐྱིལ། །ཐལ་བའི་མཚན་མས་བརྒྱན་པ་འདི། །གདུག་པ་མ་ལུས་རབ་འདུལ་བ། །ཆེ་བའི་བདག་པོ་ཀུན་གྱི་བདག །ཐམས་ཅད་ཀུན་ཏུ་དཔའ་བའི་བདག །གདུག་པ་ཟིལ་གནོན་ཐལ་བའི་མཚན། །དབང་མཆོག་འདི་ཡི་དབང་བསྐུར་བས། །ཁམས་གསུམ་གདུག་པ་ཐལ་བར་རློག །དེ་འདྲའི་དབང་མཆོག་འཐོབ་པར་ཤོག །ཨཱོཾ་བ་ཏ་པ་ཡ་ཧཱུཾ། དེ་ནས་ཐོད་པ་སྐམ་རློན་གྱི་ཕྲེང་བ་ཐོགས་ལ་དབང་བསྐུར་བ་འདི་སྐད་དོ། །ཧཱུཾ་དུར་ཁྲོད་ཁོང་སེང་དབང་པོ་ལྔ་དང་ལྡན། །སྐུ་གསུམ་ཚུལ་འཆང་སྐམ་རློན་ར་རིས་ཚུལ། །འཁོར་བ་གནས་སུ་སྡུད་པའི་ཐབས་ཀྱི་ཕྲེང་བའི་རྒྱན། །ཁམས་གསུམ་ཐོགས་མེད་ཕྲེང་བས་དབང་བསྐུར་བས། །སྐུ་གསུང་ཐུགས་ཀྱི་དབང་མཆོག་འཐོབ་པར་ཤོག །ཨཱོཾ་པདྨ་བྷནྡྷ་ཀ་པཱ་ལ་ཧ་སྟ་ཧཱུཾ། དེ་ནས་སྦྲུལ་གྱི་ཆུན་པོས་དབང་བསྐུར་བ་འདི་སྐད་དོ། །ཧཱུཾ་ཐོད་སྦྲུལ་མཉེན་ལྕུག་འཇིགས་བྱེད་རྒྱན་དུ་ཆེ། །སྦྲུལ་ནག་སྟོང་གིས་བརྒྱན་པའི་རྔོམ་བརྗིད་ཅན། །སྐུ་ལ་མཆོད་ཕྱིར་སྐུ་ཡི་གནས་ལྔར་འཁྲིལ། །དུག་ལྔ་མ་སྤངས་དབང་གི་ཐབས་སུ་སྟོན། །མཉེན་ལྕུག་འཁྲིལ་ལྡེམ་ཞེ་སྡང་དྲག་པོས་འཇོམས། །རྫུ་འཕྲུལ་ཤུགས་ཀྱིས་ཀླུ་རྒྱལ་དབང་དུ་སྡུད། །གཏི་མུག་རྣམ་འདུལ་དབང་ཕྱུག་ཡིན་པའི་ཕྱིར། །སྦྲུལ་ནག་སྟོང་གི་ཆུན་པོས་དབང་བསྐུར་བས། །ཞེ་སྡང་དྲག་པོ་འབར་བའི་གནས་དག་ནས། །ཐབས་མཁས་རྒྱལ་པོ་མཉེས་པའི་དབང་འཐོབ་ཤོག །ཨཱོཾ་བཛྲ་ནཱ་ག་རཱ་ཙ་ཧ་ཧ་རུ་ལུ་ཧཱུཾ་ཕཊ། རྡོ་རྗེའི་གཤོག་པས་དབང་བསྐུར་བ་འདི་སྐད་དོ། །ཧཱུཾ་ཁམས་གསུམ་ཡོངས་ལ་ཁྱབ་པའི་གཤོག་པ་འདི། །ཀུན་ལ་ཁྱབ་པས་ཐུགས་རྗེ་འབྱུང་བའི་ཡུམ། །མ་ལྟར་བྱམས་པས་ཡོངས་ལ་སྐྱོབ་པའི་ཚུལ། །ཐུགས་རྗེ་ཐབས་མཁས་རྒྱ་ཆེ་རོལ་པ་ཡི། །ཕྱོགས་བཅུར་ཁྱབ་པའི་གཤོག་པས་དབང་བསྐུར་བས། །ཕྱོགས་བཅུར་ཁྱབ་པའི་ ― DNG008_Page_0221 ―
[མ་དཔེ་གཟིགས་ན་འདིར་གནོན།]
ཆོས་ལ་དབང་བསྒྱུར་བའི། །རྡོ་རྗེའི་དབང་མཆོག་དམ་པ་འཐོབ་པར་ཤོག །ཨཱོཾ་ཛ་ལི་ནི་བཛྲ་སུ་མ་བྷ་ནི་ཧཱུཾ། དེ་ནས་ཞིང་གི་གཡང་གཞིས་དབང་བསྐུར་བ་འདི་སྐད་དོ། །ཧཱུཾ་ཁམས་གསུམ་རྟགས་སུ་གསོལ་བའི་དུར་ཁྲོད་བདག །གཡང་གཞི་ཚེའུ་སྡུག་སྐུད་པ་སྐུ་ལ་བཅིངས། །འཁོར་བ་མ་སྤངས་གནས་སུ་དག་པ་ཡི། །དུར་ཁྲོད་ཚོགས་ཀྱི་བདག་པོ་ཡིན་པའི་ཕྱིར། །ཞིང་ཆེན་གཡང་གཞིས་ཁྱོད་ལ་དབང་བསྐུར་བས། །ཞིང་ཆེན་རློན་པ་ཐབས་ལ་མཁས་པ་ཡིས། །འཁོར་བའི་གནས་ནས་མ་ལུས་ཐར་བར་ཤོག །ཨཱོཾ་བཾསྣི་ག་ཏ་ཁང་ཧཱུཾ། དེ་ནས་སྟག་ལྤགས་ཀྱི་ཤམ་ཐབས་ཀྱིས་དབང་བསྐུར་བ་འདི་སྐད་དོ། །ཧཱུཾ་ཞེ་སྡང་དྲག་པོ་སྟག་གི་ཤམ་ཐབས་ཅན། །སྟག་ལྤགས་ཤམ་ཐབས་དཔའ་བར་བསྟན་པ་ཡིས། །སུག་སྡོམ་འདོམས་སུ་བསྣོལ་བས་ཕྱི་ནང་གསང་བ་གཅིག །ཕྲག་དོག་གནས་འཇོམས་སྟག་ལྤགས་དབང་བསྐུར་བས། །ཞེ་སྡང་གནས་འཇོམས་ཕྲག་དོག་ཀུན་རྒྱལ་བའི། །དབང་མཆོག་དམ་པ་གནས་འདིར་འཐོབ་པར་ཤོག །ཨཱོཾ་བཛྲ་བྱ་གྷྲྀ་སུ་ག་ཧཱུཾ། དེ་ནས་གླང་པོ་ཆེའི་ཀོ་རློན་གྱིས་དབང་བསྐུར་བ་འདི་སྐད་དོ། །ཧཱུཾ་གླང་ཆེན་ཀོ་རློན་བརྗིད་དུ་ཆེ་བ་ནི། །གཏི་མུག་མ་སྤངས་གནས་སུ་དག་པའི་རྒྱན། །ན་བཟའ་རྒྱན་གྱིས་སྐུ་ལ་མངའ་གསོལ་ཞིང་། །ཐབས་ཀྱི་ཀོ་རློན་རྒྱན་གྱི་དམ་པ་ཡིས། །གང་ལ་དམིགས་པའི་དབང་མཆོག་འདི་བསྐུར་བས། །སྟོབས་ཀྱིས་རྒྱལ་བའི་དབང་མཆོག་འཐོབ་པར་ཤོག །ཨཱོཾ་མ་ཧཱ་ར་ཏ་བ་ཤ་ཧཱུཾ། དེ་ནས་བསྐལ་པའི་མེ་རིས་དབང་བསྐུར་བ་འདི་སྐད་དོ། །ཧཱུཾ་འབར་བ་འཕྲོ་བའི་ཡེ་ཤེས་ཐུགས་དང་ལྡན། །གདུག་པའི་ཚོགས་འཇོམས་ཉོན་མོངས་དུག་སེལ་བ། །བསྐལ་པའི་མེ་དཔུང་འབར་བའི་སྟོངས་ལ་གནས། །ཡེ་ཤེས་གསལ་བས་ཕྱོགས་བཅུའི་མུན་པ་སེལ། །བསྐལ་པའི་མེ་རི་འབར་བས་དབང་བསྐུར་ ― DNG008_Page_0222 ―
[མ་དཔེ་གཟིགས་ན་འདིར་གནོན།]
བས། །བར་ཆོད་བགེགས་ཀྱི་རྟོག་པས་མི་ཚུགས་ཤིང་། །མཚན་མ་འཛིན་རྟོག་མེད་པའི་དབང་འཐོབ་ཤོག །ཨཱོཾ་ཛྭ་ལ་བཛྲ་རཾ་ཧཱུཾ། དེ་ནས་ཁ་ཊྭཱཾ་ལ་སོགས་པ་ཁྲོ་བོའི་ཕྱག་མཚན་སྣ་ཚོགས་པས་དབང་བསྐུར་བ་འདི་སྐད་དོ། །ཧཱུཾ་བདུད་དཔུང་འཇོམས་པའི་རྟགས་ཀྱི་ཕྱག་རྒྱ་སྟེ། །གདུག་པ་འདུལ་ཕྱིར་ཕྱག་མཚན་སྣ་ཚོགས་བསྣམས། །རྡོ་རྗེ་ཁ་ཊྭཱཾ་རྡེའུ་ཆུང་བེ་ཅོན་དང་། །རལ་གྲི་དགྲ་སྟྭ་ཁྲ་དང་གཤོལ་ལ་སོགས། །གདུག་པའི་ཕྱག་མཚན་མཚོན་ཆ་སྣ་ཚོགས་ཀྱིས། །དཔའ་བོ་བདུད་ལས་ཀུན་ཏུ་རྒྱལ་བ་དང་། །ཚམ་རྔམས་སྟབས་ཀྱིས་དྲེགས་པ་འདུལ་བ་ཡི། །ཉོན་མོངས་ཚར་གཅོད་སྡང་བ་འདུལ་བ་དང་། །ཁམས་གསུམ་དྲེགས་པ་ཀུན་ལས་རྒྱལ་བ་ཡི། །དབང་མཆོག་དམ་པ་དེ་ཡང་འཐོབ་པར་ཤོག །ཨཱོཾ་བཛྲ་ཙཀྲ་ཤི་གེ་རི་དུམ་བུ་སྤོ་ཏ་ཡ་ཚལ་པ་ཧཱུཾ། །དེ་ནས་ལོངས་སྤྱོད་རྫས་ཀྱིས་དབང་བསྐུར་བ་འདི་སྐད་དོ། །ཧཱུཾ་དམ་རྫས་དག་པ་ལྔ་དང་ཞལ་ཟས་ལྔ། །སྐུ་ལྔ་འཁོར་ལྔ་གསུང་ལྔ་དབྱེར་མེད་པའི། །འདོད་པའི་ཡོན་ཏན་བཟའ་དང་བཅའ་བ་དང་། །བཏུང་ལ་སོགས་པའི་ལོངས་སྤྱོད་སྣ་ཚོགས་པའི། །དབང་མཆོག་དམ་པ་འདི་ཡིས་དབང་བསྐུར་བས། །བདེ་བ་ཆེན་པོའི་རྒྱན་གྱི་ལོངས་སྤྱོད་རྫས། །གང་ཡང་མ་སྤངས་ཐམས་ཅད་ལྷུན་གྲུབ་པའི། །དབང་མཆོག་དམ་པ་དེ་ཡང་འཐོབ་པར་ཤོག །ཨཱོཾ་བཛྲ་ནི་རྨ་ཙ་ལ་ཧཱུཾ། དེ་ནས་ལོངས་སྤྱོད་ལ་རོལ་པའི་དབང་བསྐུར་བ་འདི་སྐད་དོ། །ཧཱུཾ་ཡིད་བཞིན་བདེ་མཆོག་སྐུ་གསུང་ཐུགས་ཀྱི་རྒྱན། །ཅིར་ཡང་ལོངས་སྤྱོད་དོན་ལ་གཡོས་པ་མེད། །ཆོས་ཉིད་ལོངས་སྤྱོད་བདེ་བ་ཆེན་པོའི་རྒྱན། །གང་ཡང་མ་སྤངས་ཆོས་ཉིད་དག་པར་རོལ། །བདེ་ཆེན་ལོངས་སྤྱོད་འདི་ལས་གཞན་ན་མེད། །ཐམས་ཅད་མ་སྤངས་གཉིས་མེད་རོལ་པ་ཡིས། །རོལ་པ་ཉིད་ཀྱི་འབྲས་བུ་འཐོབ་པ་ཡི། །དབང་མཆོག་དམ་པ་དེ་ཡང་འཐོབ་པར་ཤོག །ཨཱོཾ་བཛྲ་ནི་རྨ་ཁ་ཁ་ཧཱུཾ། དེ་ནས་ཕྱི་ ― DNG008_Page_0223 ―
[མ་དཔེ་གཟིགས་ན་འདིར་གནོན།]
ནང་གསང་བ་གསུམ་གྱི་དབང་བསྐུར་ཏེ། ཕྱིའི་དབང་ནི་ཕྱི་རྣལ་འབྱོར་ཕྱི་པ་ཐུབ་པའི་རྒྱུད་ལས་བྱུང་ངོ་། །ནང་གི་དབང་ནི་སློབ་མའི་ཕུང་པོ་དང་རྣམ་པར་ཤེས་པ་ལ་གསང་བའི་དཀྱིལ་འཁོར་གྱི་ལྷ་བཀོད་ལ་འདི་སྐད་དོ། །ཧཱུཾ་སྟོང་ཉིད་མི་དམིགས་རྣམ་དག་དཀྱིལ་འཁོར་ན། །བདེ་གཤེགས་ཐུགས་རྗེ་ཅན་ཀུན་རྒྱན་དུ་བཞུགས། །ཕུང་པོ་མ་སྤངས་རྣམ་དག་དཀྱིལ་འཁོར་ལ། །གསལ་ཞིང་རྫོགས་པའི་དབང་རྣམས་འཐོབ་པར་ཤོག །ཨཱོཾ་བཛྲ་དྷི་ཝ་ཌཱ་ཀི་ནཱི་དྷརྨ་དྷཱ་ཏུ་མཎྜལ་ཧཱུཾ།དེ་ནས་ལྷག་པའི་བྱང་ཆུབ་སེམས་ཀྱི་དབང་བསྐུར་བ་འདི་སྐད་དོ། །ཧཱུཾ་དྲི་མེད་སྐྱོན་བྲལ་ཁ་དོག་དམར་པོའི་མདོག །པདྨ་རཀྟ་ཆགས་པ་ཆེན་པོའི་གནས། །ཆོས་ཉིད་ཆགས་པས་འགྲོ་དོན་མཐར་ཕྱིན་ཅིང་། །བྱང་ཆུབ་སེམས་ཀྱི་དབང་མཆོག་ཐོབ་པ་དང་། །བོ་དྷི་ཙིཏྟ་ཡབ་ཀྱི་བྱང་ཆུབ་སེམས། །དཀར་ལ་དག་པ་མུ་ཏིག་དྲི་མ་མེད། །ཤིན་ཏུ་འཚེར་བ་ཆོས་ཉིད་བྱང་ཆུབ་སེམས། །དོན་དམ་དབྱེར་མེད་བྱང་ཆུབ་ཆེ་བའི་ངང་། །གཉིས་མེད་རོལ་པས་ཆགས་པའི་བྱང་ཆུབ་སྟེ། །ཐར་པའི་ལམ་མཆོག་གནས་འདྲེན་ཅིང་། །འཁོར་བའི་འཁོར་ལས་ཀུན་རྒྱལ་དབང་འཐོབ་སྟེ། །ཡེ་ཤེས་བྱང་ཆུབ་སེམས་ཀྱི་དབང་འཐོབ་ཤོག །ཨཱོཾ་བོ་དྷི་ཙིཏྟ་ཀ་མ་ལ་ཙིཏྟ་ཧཱུཾ། དེ་ནས་དབང་མ་ལུས་འགྲོ་བ་ཡོངས་ཀྱི་རེ་བ་སྐོང་བར་བསྐུར་བ་ནི། ཧཱུཾ་སྟོན་པའི་སྒྲོན་མ་མ་ལུས་ཁ་ལོ་འདྲེན། །ཤེས་བྱའི་མཐར་རྫོགས་ཡོན་ཏན་ལྷུན་གྱིས་གྲུབ། །སྡུག་བསྔལ་སྐྱབས་མཛད་མ་རིག་འདྲེན་མཛད་ཅིང་། །ཆོས་ཉིད་དོན་སྟོན་ཁ་ལོ་སྒྱུར་བྱེད་པ། །སངས་རྒྱས་གདུང་འཚོབ་རྡོ་རྗེ་སློབ་དཔོན་མཆོག །གང་ཡིན་མངོན་དུ་གྱུར་པ་གྲུབ་པའི་དབང་། །དབང་མཆོག་མ་ལུས་ཁྱོད་ཀྱིས་འཐོབ་པར་ཤོག །ཨཱོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ། རྒྱུད་ཐམས་ཅད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་སྤྱི་ ― DNG008_Page_0224 ―
[མ་དཔེ་གཟིགས་ན་འདིར་གནོན།]
དབང་སྐུར་བའི་རྒྱུད་ལས། དབང་ཡོངས་རྫོགས་བསྐུར་བར་བྱ་བའི་ཕྲིན་ལས་ཀྱི་ལེའུ་སྟེ་བཞི་པའོ།། །།དེ་ནས་ཡང་རྡོ་རྗེ་སེམས་དཔའ་ལ་སོགས་པ་རིགས་ལྔའི་སངས་རྒྱས་ཀྱིས་གསོལ་པ། དབང་གི་དཀྱིལ་འཁོར་གྱི་གསུང་གི་དཀྱིལ་འཁོར་བསྟན་དུ་གསོལ།དེ་ནས་བཅོམ་ལྡན་འདས་ཀྱི་གསུང་གི་དཀྱིལ་འཁོར་དབྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས་འཁོར་རྣམས་ལ་བཀའ་སྩལ་པ། གསུང་གི་དཀྱིལ་འཁོར་གྱི་དོན་ཡིད་ལ་ཟུང་ཞིག །ཨཱ་ཀྵ། ཋ་ཐ་ཊ་ཏ་ཌ་ད། བྷ་དྷ་ཎ་ན། ཀ་ཁ་ག་གྷ། ཙ་ཚ་ཛ་ཛྷ། པ་ཕ་བ་བྷ། ཤ་ཥ་ས་ཧ། ཝ་ཡ་ར་ལ། ང་ཉ་མ་ཨོ། ཨི་ཨཱིཾ། ཨུ་ཨཱུ། ཨ་ཨཱ། ཧཱུཾ་ཧཱུཾ་ཧཱུཾ་ཧཱུཾ། ཏྲཱཾ་ཏྲཱཾ་ཏྲཱཾ་ཏྲཱཾ། ཧྲཱྀ་ཧྲཱྀ་ཧྲཱྀ་ཧྲཱྀ། ཨཱ་ཨཱ་ཨཱ་ཨཱ། ཛཿཧཱུཾ་བཾ་ཧོ། ཨེ་ཧྱེ་ཧི་བྷ་ག་ཝཱན། མ་ཧཱ་ཀ་རུ་ཎི་ཀ །དྲྀ་ཤྱ་ཧོ། ས་མ་ཡ་སྟྭཾ། ས་མ་ཡ་ཧཱུཾ། བསྐྱེད་པའི་སྙིང་པོ་གཞན་བཞིན་ནོ། །གཞན་ཡང་དེ་ལ་ཁྲོ་བོར་སྤྲོས། རུ་ལུ་རུ་ལུ་ཧཱུཾ་བྷྱོ་ཧཱུཾ། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་སྤྱི་དབང་སྐུར་བའི་རྒྱུད་ལས། གསུང་གི་ལེའུ་སྟེ་ལྔ་པའོ།། །།དེ་ནས་སྟོན་པ་ཀུན་ཏུ་བཟང་པོས་དབང་བསྐུར་བའི་ཡོན་ཏན་འདི་དག་འཁོར་རྣམས་ལ་གསུངས་སོ། །དབང་བསྐུར་བ་ཡི་ཕན་ཡོན་ནི། །ཡང་དག་ཉིད་དུ་བཤད་བྱ་སྟེ། །ཆོས་ཀྱི་འཁོར་ལོ་བསྐོར་བ་ཡང་། །དབང་བསྐུར་ནས་ནི་བསྐོར་བར་བྱ། །བསྒྲུབ་པ་གསང་བའི་དཀྱིལ་འཁོར་ཡང་། །དབང་བསྐུར་ནས་ནི་བསྒྲུབ་པར་བྱ། །ཕྲིན་ལས་མཐའ་དག་བྱ་བ་ཡང་། །དབང་བསྐུར་ནས་ནི་བྱ་བར་འབྱུང་། །དབང་བསྐུར་གནང་བ་ཐོབ་ནས་ཀྱང་། །གང་བརྩམ་ལས་དེ་འགྲུབ་པར་ངེས། །དབང་བསྐུར་བ་ཡི་ཡོན་ཏན་ནི། །སངས་རྒྱས་སེམས་ཅན་ཐམས་ཅད་ལ། །ཡིད་ལ་ཅིར་དགར་དབང་ཡང་བསྒྱུར། །མ་མོ་མཁའ་འགྲོ་བྲན་བཞིན་བཀོལ། ། ― DNG008_Page_0225 ―
[མ་དཔེ་གཟིགས་ན་འདིར་གནོན།]
ཚེ་དང་ལོངས་སྤྱོད་ཕུན་སུམ་ཚོགས། །འཇིག་རྟེན་འདི་ཡི་ཡོན་ཏན་ཀྱང་། །བསམ་གྱིས་མི་ཁྱབ་འགྲུབ་པར་འགྱུར། །དམྱལ་བར་སྐྱེ་བར་ངེས་ན་ཡང་། །དབང་བསྐུར་བ་ཡི་ཡོན་ཏན་གྱིས། །དམྱལ་བར་ནམས་ཀྱང་མི་ལྟུང་སྟེ། །ངན་སོང་གསུམ་པོ་ཀུན་སྤངས་ནས། །བླ་མེད་འབྲས་བུ་འགྲུབ་པར་འགྱུར། །ཚེ་ཟད་འཆི་བར་ངེས་ན་ཡང་། །དབང་འདི་རབ་ཏུ་བསྐུར་ནས་ནི། །ཚེ་ཟད་འཆི་བར་ངེས་པ་ཡང་། །ཚེ་ཚད་དཔག་མེད་ཐོབ་པར་འགྱུར། །གཞན་ཡང་ཚེ་འདིའི་ཡོན་ཏན་ཡང་། །བརྗོད་ཀྱིས་མི་ལང་འཐོབ་པར་འགྱུར། །འཇིག་རྟེན་འདས་པའི་ཡོན་ཏན་ནི། །རིག་འཛིན་རྣམ་གསུམ་ཡན་ཆད་ནས། །ཀུན་ཏུ་བཟང་པོའི་དགོངས་པ་ཀུན། །སངས་རྒྱས་ཡོན་ཏན་ཐམས་ཅད་ཀུན། །སེམས་ཀྱིས་བསམས་བཞིན་ལྷུན་གྱིས་གྲུབ། །ཆོས་ཀྱི་དབྱིངས་སུ་སངས་རྒྱས་ཏེ། །འབྲས་བུ་རྫོགས་པའི་ངང་ལ་གནས། །གཞན་ཡང་དབང་གི་རིམ་པ་ནི། །ཚིག་ཏུ་བརྗོད་ཀྱིས་མི་ལངས་སོ། །དོན་ལ་ཡིད་བཞིན་ནོར་བུ་འདྲ། །དབང་སྐུར་རྒྱལ་པོའི་རྒྱུད་ལས། དབང་གི་ཡོན་ཏན་གྱི་ལེའུ་སྟེ་དྲུག་པའོ།། །།དེ་ནས་ཡང་སྟོན་པ་ཀུན་ཏུ་བཟང་པོས། དབང་མ་བསྐུར་བའི་སྐྱོན་འདི་དག་ཀྱང་གསུངས་སོ། །དབང་མ་བསྐུར་བའི་སྐྱོན་རྣམས་ནི། །ངེས་པ་ཉིད་དུ་ཤེས་པར་གྱིས། །དབང་བསྐུར་གནང་བ་མ་ཐོབ་པར། །གང་ཞིག་སྔགས་ལ་འཇུག་བྱེད་ཅིང་། །ཉན་ཅིང་སྒྲུབ་པར་བྱེད་པ་རྣམས། །འབྲས་བུ་མེད་ཅིང་བརླག་པར་འགྱུར། །སློབ་དཔོན་མཉེས་པར་མ་བྱས་ན། །དབང་ཐོབ་ན་ཡང་མི་ཕན་ནོ། །དབང་མ་ཐོབ་པར་བརྩམ་པ་དང་། །ཉམས་མ་བརྟས་པར་ཁལ་འགེལ་བ། །དེ་དག་ཕུང་བའི་རྒྱུ་ཡིན་ནོ། །དབང་མ་ཐོབ་པའི་གང་ཟག་ནི། །གཞན་མ་ཡོན་ཏན་གང་ཚང་ཡང་། །འཁོར་ལོ་སྲོག་ཤིང་མེད་པ་ ― DNG008_Page_0226 ―
[མ་དཔེ་གཟིགས་ན་འདིར་གནོན།]
འདྲའོ། །བསྒྲུབ་པ་ཞག་གྲངས་དུས་ཚང་ཡང་། །རྟགས་ཀུན་ཕྱིན་པར་མི་འགྱུར་རོ། །དེ་ཡང་དབང་མ་ཐོབ་པའི་སྐྱོན། །མཆོད་པ་བསྙེན་བསྒྲུབ་ཤུགས་ཕྱུང་ཡང་། །དངོས་གྲུབ་ཐོབ་པར་མི་འགྱུར་ན། །དེ་ཡང་དབང་མ་ཐོབ་པའི་སྐྱོན། །སྔགས་པ་དབང་མེད་རས་གཅོད་མཁན། །སྨྱོ་དང་མཛེ་དང་ལྐུགས་པ་དང་། །རིམས་དང་མུ་གེ་འཁྲུག་པ་དང་། །ནད་རྣམས་སྣ་ཚོགས་འབྱུང་བ་ཡང་། །སློབ་དཔོན་དེ་ཡི་རྒྱུ་ལས་འབྱུང་། །དབང་བསྐུར་གནང་བ་མ་ཐོབ་པར། །རིག་པ་ཤེས་རབ་རྩལ་རྫོགས་ཀྱང་། །སློབ་དཔོན་བྱ་བར་མི་འབྱུང་ངོ་། །གང་ཞིག་སྔགས་ལ་སྤྱོད་འདོད་ན། །ཤེས་པར་གྱིས་ལ་དབང་རྣམས་ནོས། །རྣལ་འབྱོར་སྔགས་པ་ཚེ་ཐུང་དང་། །རྡོ་རྗེ་ལྕམ་དྲལ་རྐྱེན་འོང་བ། །དམ་སྲི་ལངས་པ་མ་ཡིན་ཏེ། །འཕགས་པ་ཉིད་ཀྱི་བཀའ་ཆད་ཡིན། །རང་དགའ་རུང་རུང་བྱེད་པ་ལ། །སངས་རྒྱས་ཀོ་ལོང་མི་མཛད་ན། །རང་གི་གཟུགས་ཕུང་བརླག་ཏ་རེ། །གཞན་ཡང་དབང་རྣམས་མ་ཐོབ་པར། །རས་ཆོད་བྱེད་པའི་སྐྱོན་བསམ་གྱིས་མི་ཁྱབ་པ་གཅིག་གསུངས་ནའང་། །འཇིགས་ལ་སྐྲག་པས་ལོ་ཙཱ་བས་བོད་ལ་མ་བསྒྱུར་རོ། །དེ་བས་རྣལ་འབྱོར་སྔགས་འཆང་གིས། །དམ་པའི་དོན་དུ་དབང་འདི་ནོས། །རང་ལ་རང་རྫུན་མ་བསླུ་བར། །སངས་རྒྱས་བཀའ་འདི་གཞུང་བཞིན་གྱིས། །མན་ངག་ཐམས་ཅད་བདག་ལ་ཡོད། །བཀའ་བཞིན་གཞུང་བཞིན་མ་བྱས་ན། །ལྗོན་ཤིང་མེ་ཡིས་ཚིག་པ་བཞིན། །ཡན་ལག་མེད་ཅིང་བརླག་ཏ་རེ། །ཀུན་ཏུ་བཟང་པོའི་ལུང་ལ་ཉོན། །དབང་རྒྱས་བཀའ་འདི་གཞུང་བཞིན་གྱིས། །མན་ངག་ཐམས་ཅད་བདག་ལ་ཡོད། །བཀའ་བཞིན་གཞུང་བཞིན་མ་བྱས་ན། །ལྗོན་ཤིང་མེ་ཡིས་ཚིག་པ་བཞིན། །ཡན་ལག་མེད་ཅིང་བརླག་ཏ་རེ། །ཀུན་ཏུ་བཟང་པོའི་ལུང་ལ་ཉོན། །དབང་སྐུར་རྒྱལ་པོའི་རྒྱུད་ལས། དབང་མ་བསྐུར་བའི་སྐྱོན་གྱི་ལེའུ་སྟེ་བདུན་པའོ།། །།དེ་ནས་སྟོན་པ་ཀུན་ཏུ་བཟང་པོས། དེ་དག་ཡོད་པར་བྱ་བའི་ཕྱིར། །དམ་ཚིག་ངེས་པ་འདི་གསུངས་སོ། །བླ་མ་ཡི་ནི་བཀའ་བཞིན་བྱ། །སྔགས་དང་ ― DNG008_Page_0227 ―
[མ་དཔེ་གཟིགས་ན་འདིར་གནོན།]
ཕྱག་རྒྱ་ལག་ཏུ་བཟུང་། །གསང་བའི་མན་ངག་ལེགས་པར་སྦ། །རྡོ་རྗེའི་མཆེད་ལྕམ་འགལ་མི་བྱ། །རྣལ་འབྱོར་དམན་དང་མི་འདྲེལ་ཞིང་། །རྫས་དང་ཡོ་བྱད་ཚང་བར་བྱས། །དཔྱང་ཐག་ཆད་པའི་སེམས་ཅན་རྣམས། །ཐུགས་རྗེའི་ཐབས་ཀྱིས་བསྒྲལ་བར་བྱ། །མཚན་དང་ལྡན་པའི་མི་མོ་ལ། །སྦྱོར་བ་དག་ཀྱང་རབ་བརྩམ་པ། །སེར་སྣས་བཅིངས་པ་གང་ཡོད་པ། །མ་བྱིན་བླངས་ནས་རྐྱེན་དུ་སྤྱད། །ཡང་དག་དོན་དུ་མི་འདུལ་བ། །རྫུན་དང་སྨྲ་དང་མི་ཚངས་སྤྱོད། །རྡོ་རྗེ་ལུ་གུ་རྒྱུད་ཀྱི་དམ། །ཡང་ནས་ཡང་དུ་བསྡུ་བར་བྱ། །དབང་སྐུར་རྒྱལ་པོའི་རྒྱུད་ལས། དམ་ཚིག་གི་ལེའུ་སྟེ་བརྒྱད་པའོ།། །།བཅོམ་ལྡན་འདས་ཀུན་ཏུ་བཟང་པོས། དབང་སྐུར་རྒྱལ་པོའི་རྒྱུད་བཤད་པས། རྡོ་རྗེ་སེམས་དཔའ་ལ་སོགས་པ་རིགས་ལྔ་ཡབ་ཡུམ་དང་། སེམས་དཔའ་དང་སེམས་མ་དང་། ཁྲོ་བོ་དང་ཁྲོ་མོ་དང་། ཐུབ་པ་ལ་སོགས་པས། དབང་སྐུར་རྒྱལ་པོའི་དབང་གི་དངོས་གྲུབ་ཐོབ་པས། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ལ། སེམས་ཀྱི་དབང་དུ་མ་གྱུར་པར་གང་ཡང་མེད་དེ།ཐམས་ཅད་མ་སྐྱེས་པ་ཆོས་ཀྱི་དབྱིངས་ཀྱི་དབང་ལ་ཅི་ལྟར་སྣང་བར་ལོངས་སྤྱོད་པར་གྱུར་ཏོ། །དེ་ནས་རྡོ་རྗེ་སེམས་དཔའ་ལ་སོགས་པའི་ལྷ་མོ་རྣམས་ཀྱིས།རང་རང་གི་ལུས་རྔུལ་སྙེད་དུ་སྤྲུལ་ནས། བླ་ན་ཡོད་པ་དང་། བླ་ན་མེད་པའི་མཆོད་པ་ལ་སོགས་པས། ས་གཞི་ལ་རྩི་ཤིང་འཁྲུངས་པ་ལྟར་བསྐྱེད་དེ། བར་སྣང་ལ་སྤྲིན་ཕུང་བཞིན་དུ་གཏིབས། ནམ་མཁའ་ལ་ཆར་བཞིན་ཕབ་ནས། ཕྱི་ནང་གསང་བའི་མཆོད་པ་ཕུལ་ཏེ། ཚིགས་སུ་བཅད་པ་འདི་དག་གིས་བསྟོད་དོ། །ཀྱེ་ཀྱེ་འདྲེན་པ་བཅོམ་ལྡན་འདས། །ཀྱེ་ཀྱེ་མཛད་པ་བཅོམ་ལྡན་འདས། །ཀྱེ་ཀྱེ་གྲུབ་པ་བཅོམ་ལྡན་འདས། །སངས་རྒྱས་མཛད་པ་ཁྱད་པར་ཆེའོ། ། ― DNG008_Page_0228 ―
[མ་དཔེ་གཟིགས་ན་འདིར་གནོན།]
མི་གནས་མི་དམིགས་རང་བཞིན་དཀྱིལ་འཁོར་ནས། །སངས་རྒྱས་ཁྱོད་ཀྱི་སྐུ་མཆོག་ཅི་འདྲ་བ། །ནམ་མཁའི་དབྱིངས་ལས་ཅིར་ཡང་སྣང་བའི་སྐུ། །དབྱིངས་དང་ཡེ་ཤེས་གཉིས་མེད་ཆོས་ཀྱི་སྐུ། །དུས་གསུམ་འདུས་མ་བྱས་པ་ཐབས་ཀྱི་སྐུ། །སྐུ་མཆོག་ཀུན་བཟང་སྐུ་ལ་ཕྱག་འཚལ་བསྟོད། །སངས་རྒྱས་ཁྱོད་ཀྱི་གསུང་ནི་ཅི་འདྲ་བ། །སྒྲར་སྣང་བརྗོད་མེད་དོན་ལས་མ་གཡོས་ཀྱང་། །ཐུགས་རྗེས་འདུལ་ཕྱིར་གསུང་བརྗོད་ཅིར་ཡང་སྟོན། །བརྗོད་མེད་གསུང་མཆོག་ཤེས་རབ་ཕ་རོལ་ཕྱིན། །གསུང་མཆོག་ཀུན་བཟང་གསུང་ལ་ཕྱག་འཚལ་བསྟོད། །སངས་རྒྱས་ཁྱོད་ཀྱི་ཐུགས་ནི་ཅི་འདྲ་བ། །རྣམ་རྟོག་མི་མངའ་ཅིར་ཡང་ས་ལེར་གཟིགས། །ཡེ་ཤེས་མཁྱེན་ལྡན་ཐམས་ཅད་འདུས་མ་བྱས། །དྲན་མེད་རིག་པའི་རྒྱལ་པོར་ཡོངས་སུ་ཤར། །ཐུགས་མཆོག་ཀུན་བཟང་ཐུགས་ལ་ཕྱག་འཚལ་བསྟོད། །སངས་རྒྱས་ཁྱོད་ཀྱི་ཡོན་ཏན་ཅི་འདྲ་བ། །ཆེ་བའི་ཡོན་ཏན་མེད་ལས་ཅིར་ཡང་སྣང་། །སྣང་ཙམ་ཉིད་ནས་ཐུགས་རྗེས་ངང་གིས་འདུལ། །ལྷུན་རྫོགས་མཐར་ཕྱིན་ཡོན་ཏན་རྒྱལ་བའི་སྐུ། །ཡོན་ཏན་ཀུན་བཟང་ལྷ་ལ་ཕྱག་འཚལ་བསྟོད། །སངས་རྒྱས་ཁྱོད་ཀྱི་ཕྲིན་ལས་ཅི་འདྲ་བ། །ཐབས་ཀྱི་ཕྲིན་ལས་འགྲོ་བ་ཡོངས་ལ་བསྒྱུར། །སྐྱེ་འགྲོ་མང་པོ་ཐར་པའི་ལམ་འགོད་མཛད། །ཐབས་མཁས་མཐར་ཕྱིན་ཕྲིན་ལས་རྒྱལ་བའི་སྐུ། །ཕྲིན་ལས་ཀུན་བཟང་ལྷ་ལ་ཕྱག་འཚལ་བསྟོད། །བདག་ལུས་ཕུང་པོ་ཁམས་དང་སྐྱེ་མཆེད་རྣམས། །ཆགས་མེད་མཆོད་པའི་སྤྲིན་ཕུང་རབ་སྤྲུལ་ནས། །ཆགས་པ་མེད་པའི་ཚུལ་དུ་འབུལ་ལགས་ན། །བཅོམ་ལྡན་འདས་ཀྱི་ཐུགས་རྗེས་བཞེས་སུ་གསོལ། །སྟོན་པ་ཁྱོད་ཀྱི་བཀའ་དྲིན་དཔག་ཏུ་མེད། །མ་རིག་རྨོངས་པའི་ཤེས་རབ་གསལ་མཛད་ནས། །ཐར་པའི་ ― DNG008_Page_0229 ―
[མ་དཔེ་གཟིགས་ན་འདིར་གནོན།]
ལམ་སྟོན་དེ་ལ་ཕྱག་འཚལ་བསྟོད། །ཐེག་པའི་ཡོན་ཏན་ཁྱད་པར་བསམ་ཡས་པ། །མ་འདྲེས་སོ་སོར་གསལ་བའི་གོ་ཕྱེ་ནས། །རྣལ་འབྱོར་ཡོངས་ལ་ཐེག་པ་འདི་སྟོན་པ། །འདྲེན་པའི་ལྷ་ཁྱོད་ལ་ནི་ཕྱག་འཚལ་བསྟོད། །ཅེས་མགྲིན་གཅིག་ཏུ་བསྟོད་དོ། །དེ་བཞིན་གཤེགས་པ་ཐམས་ཅད་ཀྱི་སྤྱི་དབང་སྐུར་བ་རྒྱུད་ཀྱི་རྒྱལ་པོའི་རྒྱུད་ལས། མཆོད་པ་བསྟོད་པའི་ལེའུ་སྟེ་དགུ་པའོ།། །།དེ་ནས་སྟོན་པ་ཀུན་ཏུ་བཟང་པོས། རྡོ་རྗེ་སེམས་དཔའ་ལ་སོགས་པའི་འཁོར་གྱི་ལྷ་རྣམས་ལ། ཤིན་ཏུ་དགའ་བ་བསྐྱེད་པའི་ཕྱིར་འདི་དག་གསུངས་སོ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་ཞགས་པ་དགའ་བ་ཆེ། །རྡོ་རྗེ་སེམས་དཔའ་དགྱེས་པ་ཆེ། །རྡོ་རྗེ་ལུས་ཏེ་རྡོ་རྗེ་གསུང་། །རྡོ་རྗེ་ཐུགས་ཏེ་རྡོ་རྗེ་བློ། །རྡོ་རྗེ་ཤེས་རབ་བླ་ན་མེད། །རྡོ་རྗེ་མ་ལུས་ཀུན་གྱིས་ཤིག །ཨཱོཾ་རྡོ་རྗེ་གོ་ཆ་བརྟན་པ་ཆེ། །ཐུབ་པར་དཀའ་བ་བརྩོན་འགྲུས་མཆོག །ང་ནི་རྡོ་རྗེ་ཐབས་ཆེན་དེ། །རྡོ་རྗེ་ཐབས་ཀྱིས་གཙོ་བོར་ཤོག །སངས་རྒྱས་བྱང་ཆུབ་བླ་ན་མེད། །བླ་མེད་རྣམས་ཀྱི་ཡིད་བཞིན་ཏེ། །ཐམས་ཅད་མ་ལུས་རྫོགས་སངས་རྒྱས། །རབ་འབྱམས་འབར་བའི་དོན་རྟོགས་ཤོག །ཅེས་འཁོར་རྣམས་ལ་དགའ་བ་བསྐྱེད་ནས། ཐམས་ཅད་མ་ལུས་པར་འདུས་པའི་དབང་གི་རྒྱལ་པོ་དབང་སྐུར་བའི་རྒྱུད་འདི་ཡོངས་སུ་གཟུང་བའི་ཕྱིར། རྡོ་རྗེ་སེམས་དཔའ་ལ་རྒྱུད་འདི་ཡོངས་སུ་གཟུང་བ་འདི་བཀའ་སྩལ་ཏོ། །ཕྱོགས་བཅུའི་སངས་རྒྱས་ཐམས་ཅད་ཀྱིས། །བདག་ལ་རབ་ཏུ་དབང་བསྐུར་བའི། །བདག་གི་དམ་པ་བླ་ན་མེད། །དབང་སྐུར་རྒྱལ་པོའི་རྒྱུད་ཆེན་འདི། །རྡོ་རྗེ་སེམས་དཔའ་ཁྱོད་ཀྱིས་ཟུང་། །ལུས་དང་ངག་དང་སེམས་ལ་ཆོངས། །དབང་རྣམས་ཀུན་གྱི་བྱེད་པོ་བར། །རྡོ་རྗེ་སེམས་དཔའ་ཉིད་དུ་ཤོག །ཅེས་བཀའ་སྩལ་པ་དང་། །དེ་ནས་རྡོ་རྗེ་སེམས་དཔས་སྟོན་པ་ཀུན་ཏུ་བཟང་པོ་ལ། དབང་ ― DNG008_Page_0230 ―
[མ་དཔེ་གཟིགས་ན་འདིར་གནོན།]
བསྐུར་གནང་བ་དེ་ཐོབ་ནས། ཨ་ལ་ལ་ཧོ་ཞེས་བརྗོད་ནས། ཞབས་སྤྱི་གཙུག་གིས་བླངས་ནས། སྟོན་པ་ཀུན་ཏུ་བཟང་པོའི་སྤྱན་སྔར་རྒྱུད་ཡོངས་སུ་གཟུང་བ་དམ་པ་འདི་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྤྱི་དབང་སྐུར་བའི་རྒྱུད་ཀྱི་རྒྱལ་པོའི་རྒྱུད་འདི་ཡང་། སྣོད་དང་སྐལ་བར་ལྡན་པའི་གང་ཟག་གཅིག་ལས་མ་གཏོགས་པ། ཀུན་དང་ཀུན་ལ་བཤད་པར་མི་བགྱིའོ། །འདི་ལ་དབང་ཟོས་ཤིང་ཀུན་ལ་བསྟན་ན་རྡོ་རྗེ་སེམས་དཔའ་བདག་གི་མགོ་ལུས་ཀྱང་ཚིག་པར་ཤོག་ཅིག་ཅེས་དམ་དུ་བཅས་སོ། །དེ་ནས་འཁོར་སེམས་དཔའ་དང་སེམས་མ་ལ་སོགས་པས་ཀྱང་སྟོན་པ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །བདག་ཅག་སེམས་དཔའ་དང་སེམས་མ་ལ་སོགས་པའི་འཁོར་རྣམས་ཀྱིས་ཀྱང་རྒྱུད་ཀྱི་རྒྱལ་པོ་དབང་སྐུར་བའི་རྒྱུད་ཀྱི་བཀའ་ལས་འགལ་བར་མི་བགྱིད་དོ། །འདིའི་གཞུང་ཡང་རྣལ་འབྱོར་པས་བསྒོམས་ཤིང་བསྒྲུབས་ནའང་། །ནོད་ཅིང་ཚུལ་བཞིན་བགྱིད་ན་ཡང་། བདག་ཅག་གིས་སྟོན་པ་ཀུན་ཏུ་བཟང་པོ་ཉིད་བཞིན་དུ་བཀའ་ཐམས་ཅད་བསྲུངས་ཤིང་དེ་ལས་འདའ་བར་མི་བགྱིད་དོ། །བདག་ཅག་རྣམས་ཀྱིས་དབང་སྐུར་རྒྱལ་པོའི་རྒྱུད་འདི་གང་ཟག་སྐལ་བར་ལྡན་པ་གཅིག་ལས་མ་གཏོགས་པ། གང་ལ་ཡང་བསྟན་ཅིང་སྤེལ་བར་མི་བགྱིད་དོ། །གལ་ཏེ་བདག་ཅག་གིས་དམ་ཟོས་ཤིང་ཀུན་ལ་བསྟན་ན།བདག་ཅག་རྣམས་ཀྱི་མགོ་ལུས་གས་ཤིང་འཚིག་པར་ཤོག་ཅིག་ཅེས་དམ་དུ་བཅས་སོ། །དེ་ནས་འཇིག་རྟེན་གྱི་མཁའ་འགྲོ་དང་། དབང་ཕྱུག་མ་ལ་སོགས་པ་གསུང་ཐོས་པ་ཙམ་གྱི་འཁོར་རྣམས་ཀྱིས་ཀྱང་རྒྱུད་ཀྱི་རྒྱལ་པོ་འདི་འཆད་ཅིང་སྟོན་པ་དང་ནོད་ཅིང་བསྒྲུབ་པ་ལྟ་ཨ་ཅང་ཡང་ཆེས། མིང་ཙམ་འཛིན་པའི་རྣལ་འབྱོར་པ་སུ་ཡོད་པ་ལ་ཡང་། བཅོམ་ལྡན་འདས་དཔལ་ཆེན་པོ་བཞིན་དུ་བཀའ་ཉན་ཅིང་དེའི་འཚལ་བ་བདག་གིས་བསྒྲུབ་པ་བསྒྲུབ་པར་བགྱིའོ། །གང་ཞིག་འདི་དང་མི་ ― DNG008_Page_0231 ―
[མ་དཔེ་གཟིགས་ན་འདིར་གནོན།]
ལྡན་ཞིང་སྣོད་དུ་མ་གྱུར་པ་རྣམས་ལ། མིང་ཙམ་བསྟན་པར་མི་བྱ་ཞིང་། བཀའ་དང་འགལ་བ་རྣམས། ཤིན་ཏུ་རྩྭ་ཕུང་ལ་མེ་མཆེད་པ་བཞིན་དུ། ལུས་ངག་ཡིད་གསུམ་ཐལ་བ་བཞིན་དུ་བརླག་པར་བགྱིའོ། །ཅི་སྟེ་བདག་གིས་དེ་བཞིན་དུ་མ་བགྱིས་ན། །བདག་ཅག་རྣམས་ཀྱི་མགོ་ལུས་འཚིག་པར་དམ་དུ་བཅའ་འོ། །དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས་འཁོར་ཐམས་ཅད་ཡོངས་སུ་བསྡུ་བར་མཛད་ནས། རྒྱུད་ཀྱི་དོན་འདི་དག་ཀྱང་ཡོངས་སུ་གནང་བས་འདི་གསུངས་སོ། །ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གང་ཡིན་པ་ཡང་། དབང་སྐུར་རྒྱལ་པོའི་རྒྱུད་འདི་ཉིད་དོ། །དབང་སྐུར་རྒྱལ་པོའི་རྒྱུད་འདི་ཡང་ཀུན་ཏུ་བཟང་པོའོ། །ཕྱོགས་བཅུ་དུས་གསུམ་གྱི་དུས་གསུམ་གཤེགས་པ་ཐམས་ཅད་ཀྱི་གསུང་གང་ཡིན་པ་ཡང་དབང་སྐུར་རྒྱལ་པོའི་རྒྱུད་འདི་ཉིད་དོ། །དབང་སྐུར་རྒྱལ་པོའི་རྒྱུད་འདི་ཡང་ཀུན་ཏུ་བཟང་པོའོ། །ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཐུགས་གང་ཡིན་པ་ཡང་། དབང་སྐུར་རྒྱལ་པོའི་རྒྱུད་འདི་ཉིད་དོ། །དབང་སྐུར་རྒྱལ་པོའི་རྒྱུད་འདི་ཡང་ཀུན་ཏུ་བཟང་པོའོ། །ཀུན་ཏུ་བཟང་པོ་ཡང་རང་གི་བྱང་ཆུབ་ཀྱི་སེམས་སོ། །སེམས་ཅན་ཐམས་ཅད་ཀྱང་དབང་སྐུར་རྒྱལ་པོའི་རྒྱུད་འདི་ཉིད་དོ། །དབང་སྐུར་རྒྱལ་པོའི་རྒྱུད་འདི་ཉིད་ཀྱང་ཀུན་ཏུ་བཟང་པོའོ། །ཀུན་ཏུ་བཟང་པོ་ཡང་རང་གི་སེམས་སོ། །ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་ཕྲིན་ལས་གང་ཡིན་པ་ཐམས་ཅད་ཀྱང་། དབང་སྐུར་རྒྱལ་པོའི་རྒྱུད་འདི་ཉིད་དོ། །དབང་སྐུར་རྒྱལ་པོའི་རྒྱུད་འདི་ཡང་ཀུན་ཏུ་བཟང་པོའོ། །ཀུན་ཏུ་བཟང་པོ་ཡང་རང་གི་སེམས་སོ། །མཐོ་རིས་ངན་སོང་ཡང་དབང་སྐུར་རྒྱལ་པོའི་རྒྱུད་འདི་ཉིད་དོ། །རྒྱུད་འདི་ཡང་ཀུན་ཏུ་བཟང་པོའོ། །ཀུན་ཏུ་བཟང་པོ་ཡང་རང་གི་སེམས་སོ། །ཞེས་གླེང་བས་འཁོར་ ཏིང་ངེ་འཛིན་མཆོག་གི་རྒྱུད།― DNG008_Page_0232 ―
[མ་དཔེ་གཟིགས་ན་འདིར་གནོན།]
ཏིང་ངེ་འཛིན་མཆོག་གི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་རྡོ་རྗེ་སེམས་དཔའ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བསྟན་པའི་དུས་གཅིག་ན། བཅོམ་ལྡན་འདས་ཡིད་བྱེད་པ་པོ་ཀུན་ཏུ་བཟང་པོ། ཆོས་ཉིད་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཕྱི་ནང་སྣོད་བཅུད་ཐམས་ཅད་ཆོས་ཉིད་མཉམ་པའི་ངང་ལ་བསྡུས་ནས་བཞུགས་སོ། །དེ་ལྟར་བསྡུས་ཙ་ན་ཡང་ཇི་ལྟ་བུའི་ངོ་བོར་ཡང་མ་གྲུབ་པོ། །མ་གྲུབ་ཙ་ན་ཁྱབ་པའི་སྙིང་རྗེ་ཆེན་པོ་ཕྱོགས་དང་རིས་མེད་པར་སེམས་ཅན་ཐམས་ཅད་ལ་སྐྱེས་སོ། །སྙིང་རྗེ་ཆེན་པོ་སྐྱེས་ཙ་ན། སྙིང་རྗེ་ཆེན་པོའི་བདག་ཉིད་དུ་སངས་རྒྱས་པའི་རྟགས་ཆོས་ཀྱི་སྐུ་ཟླ་བའི་དཀྱིལ་འཁོར་ལྟར་དཀར་ལ་ལྟེམ་པར་གྱུར་ཏོ། །དེ་ལྟར་ཟླ་བའི་དཀྱིལ་འཁོར་ལྟར་སྣང་བ་ཡང་། དོན་ཅི་ཡང་མེད་པ་ལས་ནི་རྡུལ་ཙམ་ཡང་མ་གཡོས་སོ། །ཅི་ཡང་མེད་པའི་རྟོགས་པ་རྟོགས་པའི་ཡེ་ཤེས་ཤར་རོ། །དེ་ནས་དེ་ཉིད་ཀྱི་ངང་ལས་རྡོ་རྗེ་སེམས་དཔའ་ཧཱུཾ་ཞེས་བྱ་བའི་སྒྲ་བསྒྲགས་པས། རང་བྱུང་ཡེ་ཤེས་ཤར་བས་ཡི་ ― DNG008_Page_0233 ―
[མ་དཔེ་གཟིགས་ན་འདིར་གནོན།]
གེའི་རང་བཞིན་དུ་སངས་རྒྱས་སོ། །དེ་བཞིན་ཉིད་དུ་ཅི་ཡང་མ་གྲུབ་པས། ཆོས་སྟོང་པ་ཟང་མར་འཆད་པས་མཚན་ཉིད་སྡེ་གསུམ་རྫོགས་པ་ཆེན་པོར་ལ་བཟླས་ཏེ་འཕགས་སོ། །དེ་ལས་མ་གཡོས་པའི་སྙིང་རྗེ་ཆེན་པོས། ཀྲི་ཡོག་བྱམས་པས་ཕན་འདོགས་པ་ཁྱབ་པའི་སྙིང་རྗེ་ལ་ལ་བཟླ་བ་སྟེ། །རྫོགས་པ་ཆེན་པོ་ཡེ་ཤེས་ཀྱི་ཉི་མ་ཤར་རོ། །དེ་ནས་ཡི་གེ་འབྲུར་བསྟན་པས་དོན་ཀུན་ཚང་བར་ལ་བཟླ་སྟེ། ཧཱུཾ་དུ་སྣང་བ་ཙམ་ཞིག་མ་གཡོས་པ་ལ་བཞག་གོ། །མ་གཡོས་ཙ་ན་ཡིག་འབྲུས་དོན་མ་བྱས་པ་འགའ་ཡང་མེད་དོ། །ཡིག་འབྲུས་དོན་བྱས་པ་ལས་མ་གཡོས་པར་ཐུགས་ཕྱག་མཚན་གྱིས་རིག་པའི་གོ་གསལ་ལོ། །དེས་ཀྱང་དོན་ཆོས་ཉིད་སྟོང་པ་ལས་མ་ཉམས་སོ། །ཧཱུཾ་ཚིག་ཏུ་གླེངས་པ་ཙམ་གྱིས་ཡི་གེའི་འབྲུ་ཚོགས་ཀྱི་ལས་ཀྱི་བྱ་བ་རེ་བྱས་ཏེ། འབྱུང་བ་ཁོད་བསྙམས་ནས། རང་རང་གི་ལས་ཀྱི་བྱ་བའི་དོན་རེར་སངས་རྒྱས་པ་འདི་ལྟ་སྟེ། རླུང་གཡོ་བྱེད་མ་གཡོས་པར་འདེགས་པ་ཆེན་པོར་སངས་རྒྱས། ནམ་མཁའ་མི་འགྱུར་ཁྱབ་གདལ་ཆེན་པོར་སངས་རྒྱས། ཆུ་སྡུད་པ་ཀློང་དཀྱིལ་དུ་སངས་རྒྱས། ས་བསྐྱོད་པ་མ་བསླད་པར་སངས་རྒྱས། མེ་དྲོད་སྙོམ་དོན་འབྱུང་དུ་སངས་རྒྱས། དེ་ཡང་དོན་དེ་བཞིན་ཉིད་ལ་ཚིག་ཏུ་འཕེན་པས་ཡི་གེ་ཡིན་པ་འདི་ལྟ་སྟེ། ཨེ་ཡཾ་མཾ་ལཾ་རཾ། དེ་ནས་དེ་བཞིན་ཉིད་ཀྱི་ཏིང་ངེ་འཛིན་ལ་མ་གཡོས་པར་འགྱུར་བ་མེད་པས། དེ་ལ་རིན་པོ་ཆེ་རི་རབ་བྱ་བར་མིང་དུ་བཏགས་ཏེ་སུཾ་ཧཱུཾ། དེ་ནས་ཆོས་ཉིད་དེ་བཞིན་ཉིད་དུ་རྒྱས་བཏབ་པས་དེས་ཐམས་ཅད་ཡོངས་སུ་བསྐྱེད་པས་རང་ལ་ཁྱབ་པར་ཡོད་པ་ལ་གཞལ་ཡས་ཁང་ཞེས་ཚིག་ཏུ་བཏགས་ཏེ། བྷྲཱུྃ་བི་ཤྭ་བི་ཤུདྡྷེ། དེ་ལ་ཏིང་ངེ་འཛིན་གྱི་ཚོགས་མང་པོ་འདུས་པ་ལ། རྒྱན་གྱིས་བརྒྱན་པ་ཞེས་མིང་དུ་བཏགས་ཏེ། ཅི་ཡང་མེད་པ་ལས་ཆུ་སྲིན་ཏྭ་ར་ན་དང་། མུ་ཏིག་གི་ཤར་བུ་དང་།རིན་པོ་ཆེའི་ཆུན་འཕྱང་དང་། རྒྱན་དང་ཤར་བུ་དང་། ― DNG008_Page_0234 ―
[མ་དཔེ་གཟིགས་ན་འདིར་གནོན།]
གསེར་དང་རིན་པོ་ཆེའི་དྲྭ་བ་དང་། གསེར་གྱི་དྲིལ་བུ་ལ་སོགས་པ། རྒྱན་གྱི་ཏིང་ངེ་འཛིན་མང་པོའི་མང་པོ། ཉུང་ངུའི་ཉུང་ངུ་། ཆེན་པོའི་ཆེན་པོ། ཆུང་ངུའི་ཆུང་ངུ་། གང་ལའང་མ་གཡོས་མི་སྣང་བར་ཡོངས་སུ་ཁྱབ་ཅིང་གསལ་བར་གྱུར་ཏོ། །གསལ་ཞིང་ཐམས་ཅད་སྣང་བ་ཅིར་ཡང་མ་གྲུབ་པོ། །མི་སྣང་བའི་དབྱིངས་ལས་མ་གཡོས་པའི་ཡེ་ཤེས་ཕྱི་ནང་དུ་བྱུང་ནས། གང་ཡང་ཕྱི་ནང་མེད་པར་མ་གྲུབ་པའི་ཕྱི་ནང་དུ་བསྟན་ཏོ། །གཞལ་ཡས་དེ་ལ་དབུས་མེད་པའི་དབུས་སུ་རྒྱན་མེད་པའི་རྒྱན་ཉི་ཟླ་མེད་པའི་ཉི་ཟླ་སྐར་ཁུང་ལ་མ་བརྒྱན་པའི་མཐོངས་ཁུང་དུ་མི་གསལ་བར་ཀུན་མཐོང་བར་བསྟན་ཏོ། །གཞལ་ཡས་ཅིར་ཡང་མ་གྲུབ་པའོ། །ནང་མེད་པའི་ཕྱིས་བསྐོར་བ། དཀྱིལ་མེད་པའི་དབུས་སུ། མི་འཁོར་བའི་འཁོར་ལོས། དེ་དག་ཐམས་ཅད་ལ་འཁོར་ཏེ། རྩིས་མ་བགྲངས་པའི་གྲངས་བཞི་ཡོད་པ། ཟླུམ་པོ་ཟུར་གསུམ་ཅན་དུ་བསྟན་ཏོ། །ཆོས་ཉིད་སྟོང་པ་ལ་གཅིག་ཀྱང་མ་གཡོས་ཤིང་མ་བསྟན་པར། ཀུན་གྱིས་མཐོང་ཞིང་རྟོགས་པར་བྱས་སོ། །འཁོར་ལོ་དེའི་སྟེང་མིན་པའི་ཁྲི། གཟུགས་མེད་པའི་སེང་གེ་གླང་པོ་རྟ་དང་རྨ་བྱ་ནམ་མཁའ་ལྡིང་ལ་སོགས་པ། ཚིག་མེད་པའི་མིང་དུ་བཏགས་ནས།དོན་མེད་པའི་རང་རྒྱུད་དུ་ཤར་རོ། །རིན་པོ་ཆེ་ཁྲི་རིག་པས་བརྒྱན་པ་ལ་མིང་དུ་བཏགས་པ། དགོས་འདོད་མི་སྐོང་བའི་སྐོང་བ། ཡོད་པའི་མེད་པ་དང་། མ་ཆགས་པའི་ཆགས་པ་ཆེན་པོའི་པདྨར་བཞུགས་པ་མེད་པའི་བཞུགས་པའི་གདན་ཉི་ཟླ་པདྨ་མེད་པའི་ཡོད་པ། མ་གཡོས་པའི་གཡོས་པ་ཆེན་པོར་བསྟན་ཏོ། །མི་བཞུགས་པའི་བཞུགས་གནས་གློ་འབུར་དང་བར་ཁྱམས་གྲུ་བཞི་སྒོ་ཁྱུད་ལ་སོགས་པ་གདན་པདྨ་དང་ཉི་ཟླ་སྲ་སྙི་མེད་པའི་རྡོ་རྗེའི་བྲག་ལ་སོགས་པའི་མི་བཞུགས་པའི་གདན། མ་བཀོད་པའི་བཀོད་པ། མི་སྣང་ཞིང་རབ་ཏུ་གསལ་བར་སྣང་ངོ་། །དེ་ཙམ་ན་ཆོས་ཉིད་མ་གཡོས་པའི་ཀློང་ལས་ ― DNG008_Page_0235 ―
[མ་དཔེ་གཟིགས་ན་འདིར་གནོན།]
རྡུལ་ཙམ་ཡང་མ་གཡོས་ལ། མ་ཁྱབ་པ་དང་མ་སྐྱེས་པ་མེད་པའོ། །དེ་ནི་ཀུན་ཏུ་བཟང་པོ་རང་བཞིན་དུ་ཅི་ཡང་མ་གྲུབ་པར་སངས་རྒྱས་ཏེ་རྒྱུ་གདོད་མ་ནས་དག་གོ། །དེ་ནས་གཞལ་ཡས་ཁང་ཅི་ལ་ཡང་མི་བསྒོམ་ཞིང་། གང་དུ་ཡང་མ་ཁྱབ་པ་མེད་པར་རྡོ་རྗེ་སེམས་དཔའ་རྟོགས་སོ། །སྟོབས་དངོས་པོ་ཆོས་ཉིད་མ་གྲུབ་པར་གྲུབ་པོ། །རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། གཞལ་ཡས་ཁང་གི་གླེང་གཞིའི་ལེའུ་སྟེ་དང་པོའོ།། །།དེ་ནས་ཡིད་ཀུན་ཏུ་བཟང་པོས། མ་གཡོས་པའི་ཡི་གེ་ཨ་ལས། ཡི་གེ་བཞི་བཅུ་རྩ་གཉིས་སུ་བྱུང་སྟེ། མིང་དུ་མ་བཏགས་པའི་ལྷ་གྲངས་དང་། ཚིག་ཏུ་མ་བྱུང་བའི་ཡི་གེ་འབྲུ་སུམ་ཅུ་རྩ་གཉིས་ཀྱིས་མ་འཕྲོས་པར་མ་ཁྱབ་པ་མེད་པ་འདི་ལྟར་ཏེ། ཐ་ཋ་ཏ་ཊ་ད་ཌ་དྷ་ཌྷ་ན་ཎ། ཀ་ཁ་ག་གྷ། ཙ་ཚ་ཛ་ཛྷ། པ་ཕ་བ་བྷ། འ་ཡ་ར་ལ། ང་ཉ་མ་ཨོ། ཤ་ཥ་ས་ཧ། ཨ་ཀྵ། ཨ་ཨཱ། ཨི་ཨཱིཾ། ཨུ་ཨཱུ། ཡོངས་སུ་ཁྱབ་པོ། །མ་གཡོས་སོ། །ཀུན་ཏུ་གཏོར་རོ། །མ་འཕྲོས་སོ། །ཐམས་ཅད་ཡིག་འབྲུར་སངས་རྒྱས་ཏེ། ཚིག་དང་ཡི་གེར་མ་གྲུབ་པོ། །ཕྱག་རྒྱའི་དཀྱིལ་འཁོར་རྡོ་རྗེ་ལ་སོགས་པར་བཏགས་པས་བཤད། བསྟན་པས་བཀྲོལ། སྣང་བས་དོན་བྱས། མེད་པས་སྐྱོན་གྲོལ། འཕྲོས་པས་རྟོག་པ་གསལ། ཅི་ཡང་མི་སྣང་བས་རྒྱས་བཏབ་པོ། །དེ་ནས་ཡིད་བྱེད་པ་པོ་ཀུན་ཏུ་བཟང་པོས་སྟོན་པས་མ་གསུངས་པའི་སྒྲ་རང་བྱུང་བ་ནི་འདི་ལྟར་ཏེ། ཧཱུཾ་བཛྲ་དྷྲྀཀ །ཨཱོཾ་ཛི་ན་ཛིཀ །སྭཱ་རཏྣ་དྷྲྀཀ །ཨཱཾ་ཨཱ་རོ་ལིཀ །ཧཱ་པྲཛྙཱ་དྷྲྀཀ །ལཱཾ་དཱེ་ཥ་ར་ཏི། མཱུཾ་དྷཱ་ཏྭཱི་ཤྭ་རཱི། མཱཾ་མོ་ཧ་ར་ཏི། པཱཾ་རཱ་ག་ར་ཏི། ཏཱཾ་བཛྲ་ར་ཏི། ཀྵིཾ་ཧི་རཱ་ཛ་ཡ། ཏྲཾ་ཨཱ་གརྦྷ་ཡ། ཧྲཱྀ་ཧ་ཧཱུཾ་པདྨ་པཱ་ད་མ། ཛི་ཀུ་རུ་པཱ་ཎ། ཧཱུཾ་ལཱ་སྱེ་ས་མ་ཡ་སྟྭཾ། ཏྲཱཾ་མཱ་ལེ་ས་མ་ཡ་ཧོཿ། ཧྲཱྀ་གཱི་ཏི་རཱ་གོ྅ཧཾ། ཨཾ་ནིརྟི་རཱ་ག་ཡཱ་མི། མཻ་དྷ་ར་ཎེ་སྭཱ་ཧཱ།་ནིསྶ་རཾ་བྷཱ་ཡ་སྭཱ་ཧཱ། ཧཱུཾ་ས་རཱ་ཛཱ་ཡ་སྭཱ་ཧཱ། མཱུཾ་ཤྲཱི་ཨཾ་རཱ་གཱ་ཡ་སྭཱ་ཧཱ། ཛཿདྷཱུ་པེ་པྲ་བེ་ཤ །ཧཱུཾ་པུཥ྇་ཨཱ་བེ་ཤ །བཾ་དཱི་བཾ་སུ་གི་རཱི། ཧོ་གྷནྡྷེ་ ― DNG008_Page_0236 ―
[མ་དཔེ་གཟིགས་ན་འདིར་གནོན།]
ཙིཏྟ། ཧཱུཾ་ཡ་མཱནྟ་ཀྲྀ་ཏ་ཕཊ། ཧཱུཾ་པྲ་ཛྙཱནྟ་ཀྲྀ་ཏ་ཕཊ། ཧཱུཾ་པདྨཱནྟ་ཀྲྀ་ཏ་ཕཊ། ཧཱུཾ་བིགྷྣཱཾ་ཏ་ཀྲྀཏ་ཕཊ། ཨཱོཾ་མ་ཧཱ་བཛྲ་དྷ་ར་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨཱོཾ་མ་ཧཱ་རཏྣ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨཱོཾ་མ་ཧཱ་པདྨ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨཱོཾ་མ་ཧཱ་ཀརྨ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲི་ཙིཏྟ་ཨཱོཾ། ཨ་ཨ་ཨ། བཛྲཱི་བྷ་དྲ་ས་མནྟ་ཨོཾ། ཨཱོཾ་མུ་ནེ་ཀྲིཾ་སྭཱ་ཧཱ། ཨཱོཾ་མུ་ནེ་ཏྲུཾ་སྭཱ་ཧཱ། ཨཱོཾ་མུ་ནེ་སྲུཾ་སྭཱ་ཧཱ། ཨཱོཾ་མུ་ནེ་པྲཾ་སྭཱ་ཧཱ། ཨཱོཾ་མུ་ནེ་ཀྵཾ་སྭཱ་ཧཱ། ཨཱོཾ་མུ་ནེ་ཡེ་སྭཱ་ཧཱ། ཞེས་བྱ་བའི་སྒྲས་སྐུ་ཕྱག་རྒྱའི་དཀྱིལ་འཁོར་དུ་གསལ་ལོ། །སྣང་ལ་རང་བཞིན་མེད་པའི་ཡེ་ཤེས་ཆེན་པོར་སངས་རྒྱས་སོ། །མ་ཁྱབ་ཅིང་མ་འདུས་པ་མེད་པའི་བསྒོམ་པ་ཆེན་པོའོ། །གསུང་ཡིག་འབྲུ་དང་། སྐུ་ཕྱག་རྒྱ་དང་། བཟླས་པའི་སྙིང་པོ་ལ་སོགས་པ། སོ་སོར་བསྟན་པ་གཅིག་གི་བདག་ཉིད་དེ། ཡི་གེ་མེད་པའི་ཨ་མིང་མེད་པའི་ཀུན་ཏུ་བཟང་པོ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ལས་ཀྱང་མ་གཡོས་པའི་མང་པོ་བསམ་གྱིས་མི་ཁྱབ་པ་བསྒོམ་པ་དང་། ཡི་གེ་མེད་པའི་ཋ་མིང་མེད་པའི་ཀུན་ཏུ་བཟང་མོ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ལས་ཀྱང་མ་གཡོས་པའི་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཋ་མིང་མེད་པའི་རྡོ་རྗེ་སེམས་དཔའ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ལས་ཀྱང་མ་གཡོས་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཐ་མིང་མེད་པའི་ནམ་མཁའི་དབྱིངས་ཕྱུག་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ལས་ཀྱང་མ་གཡོས་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཏ་མིང་མེད་པའི་རྣམ་པར་སྣང་མཛད་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཊ་མིང་མེད་པའི་སངས་རྒྱས་སྤྱན་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ད་མིང་མེད་པའི་རིན་ཆེན་འབྱུང་ལྡན་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཌ་མིང་མེད་པའི་མ་མཱ་ཀཱི་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་དྷ་མིང་མེད་པའི་སྣང་བ་ ― DNG008_Page_0237 ―
[མ་དཔེ་གཟིགས་ན་འདིར་གནོན།]
མཐའ་ཡས་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཌྷ་མིང་མེད་པའི་གོས་དཀར་མོ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ན་མིང་མེད་པའི་དོན་ཡོད་གྲུབ་པ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཎ་མིང་མེད་པའི་དམ་ཚིག་སྒྲོལ་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཀ་མིང་མེད་པའི་སའི་སྙིང་པོ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཁ་མིང་མེད་པའི་ནམ་མཁའི་སྙིང་པོ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ག་མིང་མེད་པའི་སྤྱན་རས་གཟིགས་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་གྷ་མིང་མེད་པའི་ཕྱག་ན་རྡོ་རྗེ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཙ་མིང་མེད་པའི་ལྷ་མོ་ལ་སྱེ་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཚ་མིང་མེད་པའི་ལྷ་མོ་མཱ་ལེ་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཛ་མིང་མེད་པའི་ལྷ་མོ་གཱི་རྟི་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཛྷ་མིང་མེད་པའི་ལྷ་མོ་ནི་རྟི་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་ ― DNG008_Page_0238 ―
[མ་དཔེ་གཟིགས་ན་འདིར་གནོན།]
གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་པ་མིང་མེད་པའི་ཀུན་ཏུ་བཟང་པོ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཕ་མིང་མེད་པའི་སྒྲིབ་པ་རྣམ་པར་སེལ་བ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་བ་མིང་མེད་པའི་བྱམས་པ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་བྷ་མིང་མེད་པའི་འཇམ་དཔལ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་འ་མིང་མེད་པའི་ལྷ་མོ་དྷཱུ་པེ་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཡ་མིང་མེད་པའི་ལྷ་མོ་པུཥ྇་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ར་མིང་མེད་པའི་ལྷ་མོ་ཨཱ་ལོ་ཀེ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཡ་མིང་མེད་པའི་ལྷ་མོ་གནྡྷེ་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ང་མིང་མེད་པའི་གཤིན་རྗེ་གཤེད་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཉ་མིང་མེད་པའི་ཁྲོ་བོ་དཔལ་ལྡན་གཞན་གྱིས་མི་ཐུབ་པ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་མ་མིང་མེད་པའི་ཁྲོ་བོ་རྟ་མགྲིན་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ན་མིང་མེད་པའི་ཁྲོ་བོ་བདུད་རྩི་འཁྱིལ་བ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཤ་མིང་མེད་པའི་ཡུམ་རོ་ལངས་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཨོ་ཡིན་ནམ་དཔྱད། ཡི་གེ་མེད་པའི་ཥ་མིང་མེད་པའི་ཡུམ་མི་ཕམ་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ས་མིང་མེད་པའི་ཁྲོ་གཉེར་མ་ཚིག་མེད་པའི་ ― DNG008_Page_0239 ―
[མ་དཔེ་གཟིགས་ན་འདིར་གནོན།]
སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཧ་མིང་མེད་པའི་ཁྲོ་མོ་རལ་གཅིག་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཨ་མིང་མེད་པའི་ལྷའི་ཐུབ་པ་དབང་པོ་བརྒྱ་བྱིན་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཨཱ་མིང་མེད་པའི་ལྷ་མ་ཡིན་གྱི་ཐུབ་པ་ཐགས་བཟང་རིས་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཨི་མིང་མེད་པའི་མིའི་ཐུབ་པ་ཤཱཀྱ་ཐུབ་པ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཨཱིཾ་མིང་མེད་པའི་བྱོལ་སོང་ཐུབ་པ་སེང་གེ་རབ་བརྟན་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཨུ་མིང་མེད་པའི་ཡི་དྭགས་ཀྱི་ཐུབ་པ་ཁ་འབར་མ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཨཱུ་མིང་མེད་པའི་དམྱལ་བའི་ཐུབ་པ་ཆོས་ཀྱི་རྒྱལ་པོ་ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པའོ། །རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། དཀྱིལ་འཁོར་བསྐྱེད་པའི་ལེའུ་སྟེ་གཉིས་པའོ།། །།དེ་ནས་ཡིད་བྱེད་པ་པོ་ཀུན་ཏུ་བཟང་པོས་བསྒོམས་པའི་ཉེས་པ་བཤད་དེ། དང་པོ་དེ་བཞིན་ཉིད་ཀྱི་ཏིང་ངེ་འཛིན་ལ། སྟོང་པ་ཕྱང་ཆད་པ་རང་རྒྱུད་དུ་བསྒོམས་ན། མེད་པ་ཕྱོགས་གཅིག་པའི་འཐིབས་ཆད་དོ། །རྡིལ་ཡང་མི་སེམས་པ་རང་རྒྱུད་དུ་བསྒོམས་ན། མ་རིག་པའི་བླ་ཐབས་སུ་འགྱུར་རོ། །ཇི་ལ་ཡང་མི་རྟོག་པ་རང་རྒྱུད་དུ་བསྒོམས་ན། མཐའ་ཆད་པར་ལྷུང་ངོ་། །ཇི་ལ་ཡང་མི་གནས་པར་རང་རྒྱུད་དུ་བསྒོམས་ན། ཡེ་ཤེས་ཀྱི་ལམ་དང་འབྲལ་ལོ། །ཀུན་ཏུ་སྣང་བའི་ཏིང་ངེ་འཛིན་ལ་སྙིང་རྗེ་རང་རྒྱུད་དུ་བསྒོམས་ན། མཉམ་པའི་དོན་མི་རྟོགས། ཟླ་བའི་དཀྱིལ་འཁོར་རང་རྒྱུད་དུ་བསྒོམས་ན། སྐྱེ་ཤིའི་རྒྱུན་ཡོད་དོ། །རྒྱུའི་ཏིང་ངེ་འཛིན་ལ་ཡིག་འབྲུ་རང་རྒྱུད་དུ་བསྒོམས་ན། འཁོར་བ་དང་ ― DNG008_Page_0240 ―
[མ་དཔེ་གཟིགས་ན་འདིར་གནོན།]
ནམ་ཡང་མི་འབྲལ་ལོ། །ཧཱུཾ་རང་རྒྱུད་དུ་བསྒོམས་ན། གཟུགས་ཕུང་གི་རྡོས་པ་མི་ཤིགས་ཏེ། ཙན་དན་གྱི་སྡོང་པོར་སྐྱེའོ། །ཨ་རང་རྒྱུད་དུ་བསྒོམས་ན། དངོས་པོའི་འཛིན་ཆགས་ལ་ཞེན་པས། གཙུག་ལག་གི་འདུས་བྱས་རྫས་ཀྱི་མཆོད་རྟེན་དུ་སྐྱེའོ། །འབྱུང་བ་ལྔ་རང་རྒྱུད་དུ་བསྒོམས་ན། འཇིག་ཚོགས་ཀྱི་དགྲ་ལྡང་ངོ་། །ནམ་མཁའ་རང་རྒྱུད་དུ་བསྒོམས་ན། སྟོང་པའི་མཐའ་མི་ཁེགས་སོ་ཡིན་ནམ་ལེན་ནོ། །རླུང་རང་རྒྱུད་དུ་བསྒོམས་ན། ལས་ཀྱིས་རྙིང་དུ་ཁྲིན་ལྷུང་ངོ་། །ཆུ་རང་རྒྱུད་དུ་བསྒོམས་ན། ཉོན་མོངས་པའི་རླན་དང་མི་བྲལ་ལོ། །ས་རང་རྒྱུད་དུ་བསྒོམས་ན། འཁོར་བ་ལས་འདས་པའི་དུས་མེད་དོ། །མེ་རང་རྒྱུད་དུ་བསྒོམས་ན།ཉོན་མོངས་པ་ལས་འགྲོ་ས་མེད་དོ། །རི་རབ་རང་རྒྱུད་དུ་བསྒོམས་ན། མུ་སྟེགས་རྟག་པའི་མུར་ལྷུང་ངོ་། །གཞལ་ཡས་ཁང་རང་རྒྱུད་དུ་བསྒོམས་ན།ཉོན་མོངས་པའི་གཏན་གཞི་བསྐྱེད་དོ། །ཆུ་སྲིན་གྱི་ཏྭ་ར་ན་རང་རྒྱུད་དུ་བསྒོམས་ན། འཛིན་ཆགས་དང་འབྲལ་མི་ཤེས་སོ། །མུ་ཏིག་གི་ཤར་བུ་རང་རྒྱུད་དུ་བསྒོམས་ན། དབང་པོའི་སྒོ་འགག་གོ། །རིན་པོ་ཆེའི་ཆུན་འཕྱང་རང་རྒྱུད་དུ་བསྒོམས་ན། འདོད་པས་ཡིད་གདུངས་པར་འགྱུར་རོ། །རྒྱན་རང་རྒྱུད་དུ་བསྒོམས་ན། ངར་ཤེས་པ་རྟ་ཡི་གཡང་དུ་ལྷུང་ངོ་། །ཤར་བུ་རང་རྒྱུད་དུ་བསྒོམས་ན། མཚན་མའི་རྟོག་པ་སྐྱེའོ། །གསེར་དང་རིན་པོ་ཆེའི་དྲ་བ་རང་རྒྱུད་དུ་བསྒོམས་ན། བདུད་ཀྱི་རྒྱས་ཟིན་ཏོ། །གསེར་གྱི་དྲིལ་བུ་རང་རྒྱུད་དུ་བསྒོམས་ན། ཆོས་སྐྱེ་བ་མེད་པའི་སྒྲ་མི་ཐོས་སོ། །ཕྱི་ནང་དངོས་པོར་རང་རྒྱུད་དུ་བསྒོམས་ན། ཆོས་ཉིད་མཉམ་པའི་ས་མི་ཆོད་དོ། །ཉི་ཟླའི་མཐོངས་ཀུན་རང་རྒྱུད་དུ་བསྒོམས་ན། འཛམ་བུ་གླིང་བཞིའི་མཐའ་འཁོར་རོ། །འཁོར་ལོ་རང་རྒྱུད་དུ་བསྒོམས་ན། ཤིང་རྟའི་འཁོར་ལོ་འདྲའོ། །གློ་འབུར་དང་བར་ཁྱམས་རང་རྒྱུད་དུ་བསྒོམས་ན། འཁོར་བའི་རྙིས་འཛིན་ཏོ། །གདན་ཁྲི་རང་རྒྱུད་དུ་བསྒོམས་ན། ― DNG008_Page_0241 ―
[མ་དཔེ་གཟིགས་ན་འདིར་གནོན།]
བྱོལ་སོང་སྤྱོད་བཀོལ་གྱི་སྡིག་སྨིན་ནོ། །རིན་པོ་ཆེའི་ཁྲི་རང་རྒྱུད་དུ་བསྒོམས་ན། འཛིན་ཆགས་ཀྱི་སྒོ་མི་ཁེགས་སོ། །པདྨའི་གདན་རང་རྒྱུད་དུ་བསྒོམས་ན། རྣམ་པར་ཤེས་པ་སྡུག་བསྔལ་གྱི་རྗེས་སུ་འབྲང་ངོ་། །ཉི་ཟླའི་གདན་རང་རྒྱུད་དུ་བསྒོམས་ན། དབྱིངས་ཡེ་ཤེས་ཀྱི་དོན་མི་འཆར་རོ། །རྡོ་རྗེའི་བྲག་རྒྱུད་དུ་བསྒོམས་ན། སེམས་ཅན་གྱི་སྡུག་བསྔལ་གྱི་རང་བཞིན་གྱི་གཏན་གཞི་མི་ཤིགས་སོ། །ཏཱ་ལའི་སྐྱེ་ཤིང་རང་རྒྱུད་དུ་བསྒོམས་ན། འདོད་པ་ལ་ཆོག་ཤེས་པའི་དུས་མེད་དོ། །འོད་ཟེར་རང་རྒྱུད་དུ་བསྒོམས་ན། སེམས་ཅན་གྱི་རྟོག་པ་སྐྱེའོ། །འཕྲོ་འདུ་རང་རྒྱུད་དུ་བསྒོམས་ན། བདུད་ཀྱི་བར་ཆད་དུ་འགྱུར་རོ། །སྤྲུལ་པ་རང་རྒྱུད་དུ་བསྒོམས་ན། བགེགས་ཀྱི་ཆོ་འཕྲུལ་འབྱུང་ངོ་། །ཁ་དོག་རྣམ་ལྔ་རང་རྒྱུད་དུ་བསྒོམས་ན། ཆོས་ཉིད་དུ་ལ་མི་ཟློས་སོ། །རྒྱུད་ཀྱི་རྒྱལ་པོ་ཏིང་ངེ་འཛིན་གྱི་རྒྱུད་ལས། ཏིང་འཛིན་རྣམ་གསུམ་དང་།གཞལ་ཡས་ཁང་གི་སྐྱོན་བཙལ་བའི་ལེའུ་སྟེ་གསུམ་པའོ།། །།ད་ནི་ཡིད་བྱེད་པ་པོ་ཀུན་ཏུ་བཟང་པོས་སྐུ་ཕྱག་རྒྱའི་ཉེས་པ་བཤད་དོ། བྷུཌྜྷ་བཞི་བཅུ་རྩ་གཉིས་ཡབ་ཀྱི་སྐུ་རང་རྒྱུད་དུ་བསྒོམས་ན། འདོད་པའི་རྒྱུ་སྐྱེད་དོ། །ཡུམ་གྱི་སྐུ་རང་རྒྱུད་དུ་བསྒོམས་ན། ཆགས་པའི་གཞི་སོག་གོ། །སེམས་དཔའ་བརྒྱད་རང་རྒྱུད་དུ་བསྒོམས་ན། མཚན་ཉིད་ཀྱི་ཕྱོགས་དང་ཕ་རོལ་ཕྱིན་པའི་ས་ལས་མི་འདས་སོ། །སེམས་མ་བརྒྱད་རང་རྒྱུད་དུ་བསྒོམས་ན། འདོད་ཆགས་ཀྱི་ཆགས་ཡུལ་ལས་མི་འདས་སོ། །ཁྲོ་བོ་བཞི་རང་རྒྱུད་དུ་བསྒོམས་ན། ང་རྒྱལ་ཁེངས་པའི་རྒྱུར་གྱུར་ཏོ། །ཡུམ་བཞི་རང་རྒྱུད་དུ་བསྒོམས་ན། གདུག་རྩུབ་ཀྱི་གཞི་སོག་གོ། །ཐུབ་པ་དྲུག་རང་རྒྱུད་དུ་བསྒོམས་ན། བླ་ན་མེད་པའི་བྱང་ཆུབ་བསྒྲུབ་པའི་ཐག་རིང་ངོ་། །ཡིད་བྱེད་པ་པོ་ཀུན་ཏུ་བཟང་པོ་རང་རྒྱུད་དུ་བསྒོམས་ན། རང་བྱུང་གི་ཡེ་ཤེས་མི་འབྱུང་ངོ་། །ཆོས་བྱ་བ་མོ་ཀུན་ཏུ་བཟང་པོ་རང་རྒྱུད་ ― DNG008_Page_0242 ―
[མ་དཔེ་གཟིགས་ན་འདིར་གནོན།]
དུ་བསྒོམས་ན། སྐྱེ་བ་མེད་ལའི་དོན་མི་འཆར་རོ། །རིགས་ལྔའི་སངས་རྒྱས་རང་རྒྱུད་དུ་བསྒོམས་ན། མ་ཧཱ་དེ་བའི་འཁོར་དུ་སྐྱེའོ། །ཡུམ་ལྔ་རང་རྒྱུད་དུ་བསྒོམས་ན། །ཨུ་མ་དེ་བའི་སྦྱོར་སྐུལ་བྱེད་དོ། །ཕྱག་མཚན་རང་རྒྱུད་དུ་བསྒོམས་ན། མཚན་མའི་རྫས་སུ་ལྷུང་ངོ་། །རྡོ་རྗེ་རང་རྒྱུད་དུ་བསྒོམས་ན།མེ་ལོང་ལྟ་བུའི་ཡེ་ཤེས་ལས་འཁྱལ། འཁོར་ལོ་རང་རྒྱུད་དུ་བསྒོམས་ན། སྟོང་པ་ཉིད་ཀྱི་ཡེ་ཤེས་ལས་འཁྱལ། རིན་པོ་ཆེ་རང་རྒྱུད་དུ་བསྒོམས་ན། མཉམ་པ་ཉིད་ཀྱི་ཡེ་ཤེས་ལས་འཁྱལ། པདྨ་རང་རྒྱུད་དུ་བསྒོམས་ན། །སོ་སོར་རྟོག་པའི་ཡེ་ཤེས་ལས་འཁྱལ། རལ་གྲི་རང་རྒྱུད་དུ་བསྒོམས་ན། བྱ་བ་ནན་ཏན་གྱི་ཡེ་ཤེས་ལས་འཁྱལ། ཡུམ་རྣམས་ཀྱི་ཕྱག་མཚན་དྲིལ་བུ་རང་རྒྱུད་དུ་བསྒོམས་ན།ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ལས་འཁྱལ། དབུ་གསུམ་རང་རྒྱུད་དུ་བསྒོམས་ན། བྱོལ་སོང་མགོ་གསུམ་པར་སྐྱེ། ལག་དྲུག་རང་རྒྱུད་དུ་བསྒོམས་ན། ཀླུ་ཕྲུག་ལག་མང་དུ་སྐྱེ། ལག་གཉིས་རང་རྒྱུད་དུ་བསྒོམས་ན། གཏི་མུག་བྱ་ལག་ཏུ་སྐྱེ། ཞབས་གཉིས་རང་རྒྱུད་དུ་བསྒོམས་ན། འཛིན་པའི་གདོས་དང་མི་འབྲལ། སྐུ་མདོག་མཐིང་ཀ་རང་རྒྱུད་དུ་བསྒོམས་ན། མ་རིག་པའི་མུན་པའི་ཀློང་དུ་སྐྱེ། དཀར་པོ་རང་རྒྱུད་དུ་བསྒོམས་ན། ཉོན་མོངས་པའི་དྲི་མ་འགོ།སེར་པོ་རང་རྒྱུད་དུ་བསྒོམས་ན། ཡོན་ཏན་གྱི་ཚོགས་དང་བྲལ། དམར་པོ་རང་རྒྱུད་དུ་བསྒོམས་ན། ཆགས་པའི་སྐྱོན་གྱིས་གོས་སོ། །ལྗང་གུ་རང་རྒྱུད་དུ་བསྒོམས་ན། ཕྲིན་ལས་ཀྱི་དོན་མི་རྟོགས་སོ། །སེམས་དཔའ་དང་སྒོ་བ་ཡན་ཆད་ཀྱི་སྐུ་མདོག་ཀྱང་དེ་བཞིན་ཤེས་པར་བྱའོ། །ཕྱག་མཚན་ལ་མི་མཐུན་པའི་དོན་འདིར་བཤད་པ་ནི། སེམས་དཔའ་དང་སེམས་མའི་ཕྱག་མཚན་རིན་པོ་ཆེ་གྲུ་གསུམ་རང་རྒྱུད་དུ་བསྒོམས་ན། འཛིན་ཆགས་ཀྱི་སྐྱོན་ཆགས་སོ། །རལ་གྲི་རང་རྒྱུད་དུ་བསྒོམས་ན། ཕུང་པོའི་ནད་འབྱུང་ངོ་། །པདྨ་རང་རྒྱུད་དུ་བསྒོམས་ན། ཆགས་པའི་གཞི་ ― DNG008_Page_0243 ―
[མ་དཔེ་གཟིགས་ན་འདིར་གནོན།]
ཡིན་ནོ། །རྡོ་རྗེ་རང་རྒྱུད་དུ་བསྒོམས་ན། ངོ་བོ་གཤིན་རྗེར་འགྱུར་རོ། །ཁུ་ཚུར་རང་རྒྱུད་དུ་བསྒོམས་ན། རྟོག་པའི་སྐྱོན་འབྱུང་ངོ་། །རིན་པོ་ཆེའི་ཕྲེང་བ་རང་རྒྱུད་དུ་བསྒོམས་ན། འབྲས་བུའི་སྒོ་ལམ་འགག་གོ། །པི་ཝང་རང་རྒྱུད་དུ་བསྒོམས་ན། ཤེས་པ་བསླུ་བྲིད་ཀྱི་གཡང་སར་ལྷུང་ངོ་། །གར་རང་རྒྱུད་དུ་བསྒོམས་ན། མི་ནག་གི་ཆབ་བརྒལ་དུ་འགྱུར་རོ། །ཀླུ་ཤིང་རང་རྒྱུད་དུ་བསྒོམས་ན། བྱོལ་སོང་གི་གླིང་དུ་སྐྱེའོ། །གཎྜི་རང་རྒྱུད་དུ་བསྒོམས་ན། དངོས་པོའི་རྫས་སྣོད་དུ་འགྱུར་རོ། །པོ་ཏི་རང་རྒྱུད་དུ་བསྒོམས་ན། ཆོས་ཉིད་ཀྱི་དོན་འགག་གོ། །རིན་པོ་ཆེའི་སྙེ་མ་རང་རྒྱུད་དུ་བསྒོམས་ན། མི་དམིགས་པའི་ཤེས་རབ་མི་སྐྱེའོ། །ཨུཏྤལ་ལ་རང་རྒྱུད་དུ་བསྒོམས་ན། མཁྱེན་པའི་གསལ་མི་ཕྱེད་དོ། །སྤོས་མེ་རང་རྒྱུད་དུ་བསྒོམས་ན། འབྱུང་པོའི་ཚོགས་སུ་སྐྱེའོ། །མེ་ཏོག་རང་རྒྱུད་དུ་བསྒོམས་ན། །ལྷའི་བུའི་བདུད་ཀྱིས་བསླུའོ། །མར་མེ་རང་རྒྱུད་དུ་བསྒོམས་ན། རྒྱུན་གྱི་ཏིང་ངེ་འཛིན་ཆད་དོ། །དྲི་ཆབ་རང་རྒྱུད་དུ་བསྒོམས་ན། སྤང་ལེན་གྱི་སྐྱོན་འབྱུང་ངོ་། །སྒོ་བའི་ཕྱག་མཚན་དབྱུག་ཏོ་རང་རྒྱུད་དུ་བསྒོམས་ན། ཤེས་པའི་སྒོ་འགག་གོ། །གཏུན་ཤིང་རང་རྒྱུད་དུ་བསྒོམས་ན། ཕུང་པོའི་རང་སྙིགས་བྱེད་དོ། །རལ་གྲི་རང་རྒྱུད་དུ་བསྒོམས་ན། ནགས་ཚལ་ལོ་མར་འགྱུར་རོ། །དྲིལ་བུ་རང་རྒྱུད་དུ་བསྒོམས་ན། ཡེངས་པའི་རྒྱུད་ཡོད་དོ། །སྡིགས་མཛུབ་རང་རྒྱུད་དུ་བསྒོམས་ན། ལས་ཀྱི་སྒྲིབ་པ་ཆེའོ། །དགྲ་སྟྭ་རང་རྒྱུད་དུ་བསྒོམས་ན། མཚོན་གྱི་བསྐལ་པ་འབྱུང་ངོ་། །བེ་ཅོན་རང་རྒྱུད་དུ་བསྒོམས་ན། གནོད་སྦྱིན་གྱི་གླིང་དུ་སྐྱེའོ། །པདྨ་རང་རྒྱུད་དུ་བསྒོམས་ན། ཀླུའི་གླིང་དུ་སྐྱེའོ། །རྡོ་རྗེ་རྒྱ་གྲམ་རང་རྒྱུད་དུ་བསྒོམས་ན། ལྷ་ཆེན་མཚོན་ཆར་སྐྱེའོ། །རྡོ་རྗེ་གདེངས་པ་རང་རྒྱུད་དུ་བསྒོམས་ན། ཕྲག་དོག་གི་གཉེན་པོ་ ― DNG008_Page_0244 ―
[མ་དཔེ་གཟིགས་ན་འདིར་གནོན།]
མི་ཤིགས། གོ་མཚོན་རང་རྒྱུད་དུ་བསྒོམས་ན། ང་རྒྱལ་གྱི་སྒོ་མི་ཤིགས། གསེག་པར་རང་རྒྱུད་དུ་བསྒོམས་ན། འདོད་ཆགས་ཀྱི་སྒོ་མི་ཤིགས། པོ་ཏི་རང་རྒྱུད་དུ་བསྒོམས་ན། གཏི་མུག་གི་སྒོ་མི་ཤིགས། རིན་པོ་ཆེའི་བུམ་པ་རང་རྒྱུད་དུ་བསྒོམས་ན། སེར་སྣའི་སྒོ་མི་ཤིགས། མེ་ཆུ་རང་རྒྱུད་དུ་བསྒོམས་ན། ཞེ་སྡང་གི་སྒོ་མི་ཤིགས། མཉམ་པར་གཞག་པའི་ཕྱག་རྒྱ་རང་རྒྱུད་དུ་བསྒོམས་ན། དངོས་པོ་ལྡེར་སོའི་སྐྱོན། པདྨའི་ཕྱག་རྒྱ་རང་རྒྱུད་དུ་བསྒོམས་ན། སྟོར་ཁུང་གི་སྐྱོན་ནོ། །རྒྱུད་ཀྱི་རྒྱལ་པོ་ཏིང་ངེ་འཛིན་གྱི་མཆོག་གི་རྒྱུད་ལས། སྐུ་ཕྱག་རྒྱའི་སྐྱོན་བསལ་བའི་ལེའུ་སྟེ་བཞི་པའོ།། །།ད་ནི་ཀུན་ཏུ་བཟང་པོས་རྒྱན་དང་ཆ་ལུགས་ཀྱི་ཉེས་པ་བཤད་དེ། རིགས་ལྔ་ཡབ་ཡུམ་གྱི་སྐུའི་རྒྱན་ལ། དབུ་རྒྱན་རང་རྒྱུད་དུ་བསྒོམས་ན། མྱ་ངན་འདས་པའི་དོན་མི་རྟོགས། སྙན་ཆ་རང་རྒྱུད་དུ་བསྒོམས་ན། མཚན་མའི་སྒེག་ཆོས་སུ་འགྱུར། མགུར་ཆུ་རང་རྒྱུད་དུ་བསྒོམས་ན། གཟུང་འཛིན་གྱི་སྒྲིབ་པ་ཆེ།དཔུང་རྒྱན་རང་རྒྱུད་དུ་བསྒོམས་ན། འཛིན་རྟོག་གི་ཤས་མི་སྤང་། ཕྱག་གདུབ་རང་རྒྱུད་དུ་བསྒོམས་ན། མཚན་མའི་ལས་ལ་འཕྲོས་སོ། །ཞབས་གདུབ་རང་རྒྱུད་དུ་བསྒོམས་ན། ཟུག་གཟེར་གྱི་ལྕགས་སྒྲོག་གིས་སྡོམ། དོ་ཤལ་རང་རྒྱུད་དུ་བསྒོམས་ན། འཁོར་བའི་ཞགས་པས་འཛིན། དར་དཔྱངས་རང་རྒྱུད་དུ་བསྒོམས་ན། འཁོར་བའི་གཞི་འདིངས། སེམས་དཔའི་སྐྱིལ་མོ་ཀྲུང་རང་རྒྱུད་དུ་བསྒོམས་ན། རྟག་པ་ཐེར་ཟུག་པའི་སྐྱོན་ཡོད། མཉམ་པའི་སྐྱིལ་མོ་ཀྲུང་རང་རྒྱུད་དུ་བསྒོམས་ན། བསམ་གཏན་རྐྱང་པའི་གོལ་ས་ཆེ། རྡོ་རྗེའི་སྐྱིལ་མོ་ཀྲུང་རང་རྒྱུད་དུ་འཛིན་ན། ལས་ཀྱི་ཉོན་མོངས་པ་འབྱུང་། སྤྱན་ལ་སོགས་པའི་དབང་པོ་རང་རྒྱུད་དུ་བསྒོམས་ན། བྱུང་ཚོར་གྱི་རྗེས་སུ་འདྲེང་། སེམས་དཔའི་རྒྱན་རང་རྒྱུད་དུ་བསྒོམས་ན། ཆོས་ཀྱི་སྐུ་མི་རྟོགས། ― DNG008_Page_0245 ―
[མ་དཔེ་གཟིགས་ན་འདིར་གནོན།]
སེམས་མའི་རྒྱན་རང་རྒྱུད་དུ་བསྒོམས་ན། འདོད་ཆགས་ཆོས་ཉིད་དུ་མི་འབྱོངས། ཁྲོ་བོ་ཁྲོ་མོའི་རྒྱན་རྟགས་རང་རྒྱུད་དུ་བསྒོམས་ན། ཕྲག་དོག་གི་རླུང་འཚུབས། སྦྲུལ་རང་རྒྱུད་དུ་བསྒོམས་ན། ཞེ་སྡང་གི་མེ་འབར། ཀོ་རློན་རང་རྒྱུད་དུ་བསྒོམས་ན། གཏི་མུག་གི་གཏིབས་ཆད། ཐོད་ཕྲེང་རང་རྒྱུད་དུ་བསྒོམས་ན། འཁོར་བའི་གནས་ནས་མི་གཡོས་སོ། །ཐུབ་པའི་རྒྱན་ལ། དབུ་ཟླུམ་རང་རྒྱུད་དུ་བསྒོམས་ན།ཉན་ཐོས་འགོག་པ་ལས་མི་ཐར་རོ། །ཞབས་རྗེན་རང་རྒྱུད་དུ་བསྒོམས་ན།འདོད་པའི་ཡོན་ཏན་མི་འཆར་རོ། །ཆོས་གོས་རང་རྒྱུད་དུ་བསྒོམས་ན། སྡུག་བསྔལ་གྱི་སྒོ་འབྱུང་ངོ་། །འཕྲག་ཕྱུང་རང་རྒྱུད་དུ་བསྒོམས་ན། ཚུལ་ཁྲིམས་ཀྱི་རྩ་བ་དཀའོ། །རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། རྒྱན་དང་ཆ་ལུགས་ཀྱི་སྐྱོན་བསལ་བའི་ལེའུ་སྟེ་ལྔ་པའོ།། །།ད་ནི་ཡིད་བྱེད་པ་པོ་ཀུན་ཏུ་བཟང་པོས། ཅི་ཡང་མ་གཡོས་པ་ལ་ནི་མང་པོ་བསམ་གྱིས་མི་ཁྱབ་པ། མང་པོ་བསམ་གྱིས་མི་ཁྱབ་ཙམ་ནི་གཅིག་གི་ངང་ལས་ཀྱང་མ་གཡོས་ཏེ། སྲིད་པའི་ས་བོན་ངན་པ་དང་། སྦས་པ་ལས་མངོན་པར་འཆེལ་པ་དང་རྣམ་པར་རྟོག་པའི་གཉེན་པོ། མི་རྟོག་པའི་ཡེ་ཤེས་ཤར་ནས།ཧཱུཾ་ཧཱུཾ་ཧཱུཾ་བི་ཤྭ་བཛྲ་ཀྲོ་ཏ་ཛྭ་ལ་མཎྜ་ལ་ཕཊ་ཕཊ། ཅེས་ཚིག་ཏུ་མ་བརྗོད་པའི་སྒྲས།སྣང་ཞིང་སྲིད་པའི་ཆོས་ཐམས་ཅད་སྐྱེ་བ་མེད་པའི་ཀློང་དུ་རྒྱས་བཏབ་པར་སངས་རྒྱས་སོ། །སངས་རྒྱས་པའི་ངང་དེ་ལས་རྣམ་པར་རྟོག་པ་ལ་ཞེན་པ་མུན་པ་ལ་སྒྲོན་མེ་འདེགས་པའམ། བར་སྣང་ལ་ཉི་མ་ཤར་བ་བཞིན་མི་གནས་པའི་ཡེ་ཤེས་ཆེན་པོར་བསྒྲལ་ནས། ཛྙཱ་ན་ཙཀྲ་ཛྭ་ལ་མཎྜ་ལ་ཧཱུཾ། ཞེས་བརྗོད་པས་མང་པོ་འདུས་པའི་དུར་ཁྲོད་ལ། འཁོར་བདག་པའི་ཞིང་ངོ་། །འདོད་ཆགས་ཟག་པའི་ཁྲག་གི་རྒྱ་མཚོ་དང་། རྡོ་རྗེའི་རླུང་ནག་འཚུབས་མ་དང་། ཞེ་སྡང་ཀེང་རུས་ཀྱི་རི་རབ་སོག་ཁ་གྱེན་དུ་ ― DNG008_Page_0246 ―
[མ་དཔེ་གཟིགས་ན་འདིར་གནོན།]
འཁྱིལ་པའི་སྟེང་དུ། དུར་ཁྲོད་སྣ་ཚོགས་ལས་གྲུབ་པའི་གཞལ་ཡས་ཁང་། མིང་དང་མཁན་དུ་མ་བཏགས་པ། ཚད་དཔག་ཏུ་མེད་པ་དག་གིས་རང་བྱུང་གི་ཡེ་ཤེས་ཤར་བའི་ཕྱིར་སྐམ་རློན་གཅལ་བའི་བརྩིགས་པ་ལ། གནམ་ལྕགས་ཀྱི་ཐོག་གིས་ཐལ་ཕྱུང་ནས། ཡེ་ཤེས་ཚངས་པའི་གདུང་ཀུན་ཏུ་འབྱམས་ཀླས་པ། གྲངས་མེད་པ་གཞིས་གཡོགས་ཤིང་། ཞིང་གི་ཀ་ཕྱམ་དང་།དྲལ་དྲལ་དང་། བླ་རེ་དང་འཕན་གདུགས་ལ་སོགས་པས་བརྒྱན་པ་མེད་པའི་རྒྱན། མ་མཐོང་ཞིང་མི་དམིགས་པར་རིག་པ་ལ་བཀྲ་ཞིང་གསལ་བར་གྱུར་ཏོ། །དེ་ལས་གཞལ་ཡས་ཁང་དེའི་ནང་མེད་པའི་ནང་དུ། འོད་མེད་པའི་འབར་བ་ཆེན་པོ། རྩིབས་མེད་པའི་འཁོར་ལོ་རྩིབས་བཞི་པས་བརྒྱན་ཅིང་། བར་ཁྱམས་དང་སྣམ་བུ་ལ་སོགས་པས་མཛེས་ཏེ། སྒོ་བཞི་དང་། ཐོད་ཕྲེང་ལ་སོགས་པའི་མིང་དུ་མེད་ཅིང་བདག་ཉིད་རིག་པ་ཤར་བས་སངས་རྒྱས་སོ། །དེ་ལ་གཟུགས་མེད་པའི་སེམས་ཅན་ཁྱུ་མཆོག་མ་ཧེ་གཟིག་དང་སྟག་དོམ་ལ་སོགས་པ་དང་། དེ་ཝ་ལྷ་ཆེན་བསྣོལ་བའི་གདན་དང་། ཞིང་རྐྱང་པ་དང་། ཙི་བེར་ནེན་ཏེག་དང་། རས་སྟན་འབར་མ་དང་། ཝ་ཡི་ཅང་ཙེ་ལ་སོགས་པ་མ་བཀོད་པའི་རྒྱན་དང་།མཛེས་པ་ཆེན་པོའི་ལྷུན་ལ་གཅིག་ཀྱང་མ་གྲུབ་པར་ཡོན་ཏན་གྱི་ཚོགས་བསམ་ཡས་པ་སྣང་ངོ་། །དེ་ལྟར་སྣང་ཙམ་ན་ཆོས་ཉིད་སྐྱེ་བ་མེད་པའི་ཀློང་ལས་གང་ཡང་གཡོས་པ་མེད་དོ། །དེ་ལྟར་གཡོས་པ་མེད་ཙམ་ན། ང་རུ་རྟོག་པ་དང་།བདག་ཏུ་འཛིན་པ་དང་། སྲིད་པའི་ས་བོན་གྱིས་དེད་པ་དང་། ལོག་པའི་ཕྱོགས་ལ་ཡིད་འཐད་པ། གདུག་རྩུབ་དང་། དུག་ལྔ་རང་ཐད་དུ་ཕྱིན་ཅི་ལོག་ཏུ་ཁྲིད་པ་རྣམས། བྱས་པའི་ངོ་བོ་ཅི་ཡང་མེད་པར། རས་བལ་རླུང་གིས་དེད་པའམ། སོག་ཕུང་ལ་མེ་མཆེད་པ་བཞིན། འཛིན་རྟོག་ ― DNG008_Page_0247 ―
[མ་དཔེ་གཟིགས་ན་འདིར་གནོན།]
གི་བློ་བཤིགས་ནས། སྣང་བ་ཆེན་པོ་རང་བྱུང་གི་མེ་སྦར་ཏེ། དགྱེས་པ་ཆེན་པོའི་ལྷུན་ལ་ནུབ་པའི་དུས་མེད་པའི་སྒྲ་ཧ་ཧ་དང་ཕཊ་ཕཊ་ཀྱི་སྒྲ་ཕྱོགས་བཅུར་ཡོངས་སུ་སུས་ཀྱང་མ་བསྒྲགས་པར་རང་གྲགས་སོ། །དེ་ཡང་སེམས་ཅན་གྱི་སྤྱི་མཐུན་གྱི་ལས་ལས་མ་བྱུང་སྟེ།མཉམ་པ་ཆེན་པོའི་ཀློང་གི་ཡེ་ཤེས་ལ། རང་བྱུང་གི་ཡེ་ཤེས་མངོན་དུ་བྱུང་བའི་རོལ་པ་ཡིན་པར་ཟད་དེ། དེ་ནི་རྣམ་སྨིན་སུན་ཕྱུང་ནས། འཁོར་བ་རུ་བཟློག་པའི་དཔའ་བརྟུལ་ལོ། །དེ་ཙ་ན་རྟོགས་པ་དོན་དང་ལྡན་པ་རྣམས་ནི། སྐྱེ་བ་མེད་པ་ཆོས་ཀྱི་སྐུ་གཅིག་ཏུ་སངས་རྒྱས་དང་སེམས་ཅན་མེད་པར་གསང་བ་དགྱེས་པའི་རོ་གཅིག་ཏུ་བསྟར་རོ། །དེ་དག་ཕྱིན་ཅི་ལོག་ཏུ་འཛིན་པ་དངོས་པོ་ལ་འཆེལ་བ་རྣམས་ནི། སུས་ཀྱང་མ་བྱས་པར། ཤིན་ཏུ་མི་བཟད་པའི་མཚོན་ཆ་དང་།དྲག་པོའི་སྔགས་ཟོར་དང་། ཆོད་སོད་དང་། གཏོགས་ཤིག་པའི་སྒྲར་ཐོས་པ་དང་། མི་བཟད་པའི་ནད་ཀྱིས་ཅུང་ཟད་ཅིག་གཟིར་ནས། གཅིག་ལ་གཅིག་ཉམ་ཐག་པར་མཐོང་ནས། གདུང་བའི་སྨྲེ་སྔགས་ཀྱིས་འབོད་དེ། བདག་ཅག་འབངས་སུ་བཞེས་པ་འདི་ལྟ་བུའི་ཆོ་འཕྲུལ་མ་སྟོན། དཔལ་ཆེན་པོ་ལགས་གང་ཙམ་ན་བཞུགས་ཞེས་འབོད་དོ། །བརྒྱལ་བ་དང་། ཡང་ཤི་དང་། ཡང་སོས་ཅུང་ཟད་བྱེད་དོ། །སྔོན་གྱི་བག་ཆགས་དྲག་པོའི་འགྱོད་པ་ཡང་རྗེས་སུ་དྲན་ནོ། །རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། དྲག་འདུལ་ཁྲོ་བོའི་ལེའུ་སྟེ་དྲུག་པའོ།། །།དེ་ནས་ཆོས་ཉིད་མཉམ་པ་འདུས་མ་བྱས་པ་ལས་མ་གཡོས་པར། ཧཱུཾ་ཧ་ཧེ་ཕཊ། བྷྱོ་རུ་ལུ་ཁའི་ཞེས་མ་བརྗོད་པའི་སྒྲས། ཡི་གེ་མེད་པའི་ཧཱུཾ་ལྔ། ཚིག་མེད་པའི་སྐུ་ཕྱག་རྒྱའི་དཀྱིལ་འཁོར་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བྱུང་བ་དང་། ཡི་གེ་མེད་པའི་ཧཱུཾ་ལྔ། མིང་མེད་པའི་ཧེ་རུ་ཀ་ལྔ།ཚིག་མེད་པའི་སྐུ་ཕྱག་རྒྱའི་དཀྱིལ་འཁོར་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བྱུང་བ་དང་། ཡི་གེ་མེད་པའི་ཧཱུཾ་ལྔ། མིང་མེད་པའི་ཀྲོ་དྷཱི་ཤྭ་རཱི་ལྔ། ཚིག་མེད་པའི་སྐུ་ཕྱག་ ― DNG008_Page_0248 ―
[མ་དཔེ་གཟིགས་ན་འདིར་གནོན།]
རྒྱའི་དཀྱིལ་འཁོར་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཧ་བརྒྱད། མིང་མེད་པའི་ཀེའུ་རིམ་བརྒྱད། ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཧེ་བརྒྱད།མིང་མེད་པའི་ཕྲ་མེན་མ་བརྒྱད། ཚིག་མེད་པའི་སྐུ་ཕྱག་རྒྱའི་དཀྱིལ་འཁོར་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་ཕཊ་བཞི། མིང་མེད་པའི་སྒོ་མ་བཞི། ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། ཡི་གེ་མེད་པའི་བྷྱོ་ཉི་ཤུ་རྩ་བརྒྱད། མིང་མེད་པའི་དབང་ཕྱུག་མ་ཉི་ཤུ་རྩ་བརྒྱད། ཚིག་མེད་པའི་སྐུ་ཕྱག་རྒྱ་ཆེན་པོ་གཅིག་ཀྱང་མ་གྲུབ་པར་མང་པོ་བསམ་གྱིས་མི་ཁྱབ་པར་བསྒོམ་པ་དང་། དྲག་ཤུལ་གྱིས་གཞན་སྤ་བཀོང་ཞིང་གདུལ་ཞིང་ཚར་གཅོད་པའི་བཟླས་པའི་སྔགས་སུས་ཀྱང་མ་བརྗོད་པ་འདི་དག་ཀྱང་གྲགས་སོ། །ཨཱོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨཱོཾ་བྷུཌྜྷ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨཱོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨཱོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨཱོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨཱོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རཱི་བཛྲ་ཛྭ་ལ་ནི་ཧཱུཾ་ཕཊ། ཨཱོཾ་སརྦ་ཏ་ཐཱ་ག་ཏ་མ་ཧཱ་ཀྲོ་དྷཱི་ཤྭ་རི་སརྦ་དུ་ན་ཧཱུཾ་ཕཊ། ཨཱོཾ་སཱུརྱ་རཏྣ་མ་ཧཱ་ཀྲོ་དྷཱི་ཤྭ་རཱི་བིད་མ་ཧཱུཾ་ཕཊ། ཨཱོཾ་ཧྲཱྀ་ཤྲུ་ཏ་ས་མ་ཏཱ་པདྨ་མ་ཧཱ་ཀྲོ་དྷཱི་ཤྭ་རཱི་ཁཱ་ཧི་ཧཱུཾ་ཕཊ། ཨཱོཾ་སརྦ་ཨ་མོ་གྷ་ ― DNG008_Page_0249 ―
[མ་དཔེ་གཟིགས་ན་འདིར་གནོན།]
མ་ཧཱ་ཀྲོ་དྷཱི་ཤྭ་རཱི་བི་ཤྭ་ཧཱུཾ་ཕཊ། ཨཱོཾ་བཛྲ་གཽ་རཱི་ཧ། བཛྲ་ཙཽ་རཱི་ཧ། བཛྲ་པྲ་མོ་ཧེ་ཧ། བཛྲ་བེ་ཏཱ་ལཱི་ཧ། བཛྲ་པུཀྐ་སི་ཧ། བཛྲ་གྷ་སྨ་རཱི་ཧ། བཛྲ་སྨ་ཤ་ནཱི་ཧ། བཛྲ་ཙཎྜ་ལཱི་ཧ། ཨཱོཾ་བཛྲ་སིདྷ་མུ་ཁཱི་ཧེ། བཛྲ་བྱཱ་གྷྲི་མུ་ཁཱི་ཧེ། བཛྲ་སྲྀ་གཱ་ལ་མུ་ཁཱི་ཧེ། བཛྲ་ཤྭ་ན་མུ་ཁཱི་ཧེ། བཛྲ་གྲྀཌྷ་མུ་ཁཱི་ཧེ། བཛྲ་ཀངྈ་མུ་ཁཱི་ཧེ། བཛྲ་ཀཱ་ཀ་མུ་ཁཱི་ཧེ། བཛྲ་ཨུ་ལཱུ་ཀ་མུ་ཁཱི་ཧེ། ཨཱོཾ་བཛྲ་ཨཱརྱ་ཏེ་ཛ་ཏེང་ཛ། བཛྲ་ཨ་མུ་ཁེ་ཧཱུཾ། བཛྲ་ལོ་ཀ་བཾ། བཛྲ་བྷ་སྨི་པ་ལ་ཡ་བ་ཏུ་ཧོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ། སྔགས་དང་སྙིང་པོ་དེ་རྣམས་ཀྱིས། ལྷ་ལྔ་བཅུ་རྩ་བརྒྱད་ཀྱི་དཀྱིལ་འཁོར་ཤིན་ཏུ་བཀྲ་ཞིང་མི་སྣང་བར་གསལ་ལོ། །དེ་ཙམ་ན་ཆོས་ཉིད་མཉམ་པ་ལས་མ་གཡོས་ཤིང་འཇིག་རྟེན་གྱི་ཁམས་ལྷའི་དཀྱིལ་འཁོར་གྱིས་མ་ཁེངས་པ་མེད་པ་ལ། དོན་མི་བྱེད་པ་མེད་ཅིང་། དོན་བྱ་བའི་རྒྱུ་ཡང་མེད་དོ། །དོན་བྱས་པའི་མཐུ་མ་རྟོགས་པ། སྨྲེ་སྔགས་འདོན་པ་རྣམས།ཆོས་ཉིད་ལ་རོ་ཉམས་སུ་མྱང་དུ་བཅུག་ནས། བདེ་བ་ཆེན་པོའི་རྒྱན་དུ་བྱས།སྣང་སྲིད་ཆོས་ཀྱི་དབྱིངས་སུ་འདུས་པས། གཞལ་ཡས་ཁང་ལ་མ་བརྒྱན་དགུས་བརྒྱན་ནོ། །བརྡལ་བ་ཆེན་པོའི་ཡེ་ཤེས་ཤར་ནས། མ་བྱུང་དགུ་བྱུང་། མ་བཀག་པའི་རོལ་པ་བྱུང་བས་མ་སྤྲུལ་དགུ་སྤྲུལ་ལོ། །བདག་ཉིད་ཆེན་པོར་སངས་རྒྱས་པས་གཅིག་ཀྱང་མཐར་མ་གྲུབ་པོ། །རོལ་པའི་ཆོ་འཕྲུལ་ཡིན་པས། སྐུ་མདོག་དང་ཕྱག་མཚན་རྒྱན་དང་ཆ་ལུགས་ཐམས་ཅད་ཀྱང་གསལ་ལོ། །ཡེ་ཤེས་ལ་ཡེ་ཤེས་གདུལ་མི་དགོས་པའི་ཚུལ་གྱིས་བཏུལ། རོལ་མི་དགོས་པའི་ཚུལ་གྱིས་སྤྱོད་ནས། སྣང་སྲིད་ཡེ་རྒྱ་ཆེན་པོས་བཏབ་པོ། རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། གསུང་ཡིག་འབྲུའི་ཆོ་འཕྲུལ་གྱིས། བདུད་བཏུལ་བའི་ལེའུ་སྟེ་བདུན་པའོ།། །།ད་ནི་ཡེ་ཤེས་རྒྱལ་པོའི་གཞལ་ ― DNG008_Page_0250 ―
[མ་དཔེ་གཟིགས་ན་འདིར་གནོན།]
ཡས་ཁང་གི་རྟོགས་པ་བཤད་དེ། ཡི་གེ་ཧཱུཾ་འབར་རང་རྒྱུད་དུ་བསྒོམས་ན་གདུག་རྩུབ་ཀྱི་ཚོགས་སུ་སྐྱེའོ། །དྲག་པོའི་སྔགས་ཟེར་རང་རྒྱུད་དུ་གོ་ན། བདུད་ཀྱི་སྤྱོད་པ་འབྱུང་ངོ་། །རྡོ་རྗེའི་རླུང་ནག་རང་རྒྱུད་དུ་གོ་ན། །འཕོ་འཕྱུགས་ཀྱི་གནས་འཁྱོམ་མོ། །ཁྲག་གི་རྒྱ་མཚོ་རང་རྒྱུད་དུ་གོ་ན། དམྱལ་བའི་མཚོར་སྐྱེའོ། །ཀེང་རུས་རིང་བ་རང་རྒྱུད་དུ་གོ་ན། སྲིན་པོའི་མཁར་བརྩིག་གོ། །འབར་བའི་མེ་དཔུང་རང་རྒྱུད་དུ་གོ་ན། ལྔ་ཕུང་གི་ཡན་ལག་ཚིག་གོ། །དུར་ཁྲོད་ཀྱི་གཞལ་ཡས་རང་རྒྱུད་དུ་གོ་ན། སྲིན་པོ་འབར་བར་སྐྱེའོ། །བནྡྷ་སྐམ་རློན་གྱི་བརྩིགས་པ་རང་རྒྱུད་དུ་གོ་ན། དབང་པོའི་སྒོ་ལྔའི་ཚོགས་འཆད་དོ། །གནམ་ལྕགས་ཀྱི་ཐོག་གཟེར་རང་རྒྱུད་དུ་གོ་ན། འཛིན་ཆགས་ཀྱི་བློ་རྟོག་མི་འཆད་དོ། །ཞིང་ཆེན་གྱི་ཀ་གདུང་རང་རྒྱུད་དུ་གོ་ན།འཁོར་བའི་དཔྱིས་མི་ཕྱིན་ནོ། །མཆོག་ཆེན་གྱི་དྲལ་ཕྱམ་རང་རྒྱུད་དུ་གོ་ན།ངན་སོང་གི་གནས་མི་སྟོངས་སོ། །སྲད་གསལ་གྱི་ཞིང་གི་གཡང་གཞི་རང་རྒྱུད་དུ་གོ་ན། སེམས་ཅན་གྱི་གནས་མི་སྟོངས་སོ། །ཚངས་པའི་གདུང་བཞི་རང་རྒྱུད་དུ་གོ་ན། འཕགས་པའི་གོ་འཕང་ནུབ་བོ། །འབར་བའི་འཁོར་ལོ་རང་རྒྱུད་དུ་གོ་ན། དམྱལ་བའི་འཁྲུལ་འཁོར་གྱི་གཞི་འདིངས་སོ། །ནང་དཀྱིལ་འཁོར་གྱི་བར་ཁྱམས་དང་། སྒོ་བཞི་རང་རྒྱུད་དུ་གོ་ན། རྟག་པའི་སྐྱོན་དང་མི་འབྲལ་ལོ། །ཞིང་རྐྱང་པའི་གདན་རང་རྒྱུད་དུ་གོ་ན། ཡི་དྭགས་འདྲེ་རིགས་སུ་སྐྱེའོ། །རས་སྟན་དར་སྟན་རང་རྒྱུད་དུ་གོ་ན། འཇིག་རྟེན་པའི་རྟོག་པ་དང་མི་འབྲལ་ལོ། །རྒྱུ་མཆོག་རང་རྒྱུད་དུ་གོ་ན། གཏི་མུག་གི་བློ་འཁྱོམ་མོ། །མ་ཧེ་རང་རྒྱུད་དུ་གོ་ན། ང་རྒྱལ་གྱི་བྲག་འཚེར་རོ། །གཟིག་རང་རྒྱུད་དུ་གོ་ན། འདོད་ཆགས་ཀྱི་མཚོ་བསྐྱིལ་ལོ། །སྟག་རང་རྒྱུད་དུ་གོ་ན། ཕྲག་དོག་གི་རླུང་ལྡང་ངོ་། །དོམ་རང་རྒྱུད་དུ་གོ་ན། ཞེ་སྡང་གི་མེ་འབར་རོ། །རཱུ་ཏྲ་བསྣོལ་མ་རང་རྒྱུད་དུ་གོ་ན། གདུག་པའི་སྔགས་ཟེར་གྱིས་ ― DNG008_Page_0251 ―
[མ་དཔེ་གཟིགས་ན་འདིར་གནོན།]
འཆིའོ། །འཁོར་བ་བསྒྲལ་བ་རང་རྒྱུད་དུ་གོ་ན།ཐེམ་སྐས་ཀྱི་སྒོ་འགག་གོ། །འོད་ཟེར་གྱི་འཕྲོ་འདུ་རང་རྒྱུད་དུ་གོ་ན། བདུད་ཀྱི་ཆོ་འཕྲུལ་འབྱུང་ངོ་། །སྒྲའི་ཆེམ་རྒྱང་རང་རྒྱུད་དུ་གོ་ན། སྲིད་པའི་བསྐལ་པ་གཡོ་བའི་སྒྲིབ་པ་འབྱུང་ངོ་། །ཆགས་པའི་གཞི་མེད་ཅིང་མ་ཆགས་པའི་གླེང་བརྗོད་སྤོང་ངོ་། །རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། གཞལ་ཡས་ཁང་གི་རྟོག་པ་བཤད་པའི་ལེའུ་སྟེ་བརྒྱད་པའོ།། །།ད་ནི་ཡེ་ཤེས་རྒྱལ་པོས་ཁྲོ་བོའི་དཀྱིལ་འཁོར་གྱི་སྐུ་ཕྱག་རྒྱའི་རྟོག་པ་བཤད་དེ། ཁྲོ་བོའི་དཀྱིལ་འཁོར་གྱི་སྐུ་ཞལ་གསུམ་ཕྱག་དྲུག་པ་རང་རྒྱུད་དུ་བསྒོམས་ན།ལས་ཀྱི་སྲིན་པོར་སྐྱེའོ། །གསུང་ང་རོའི་ཡི་གེ་འབྲུ་བརྒྱད་རང་རྒྱུད་དུ་བསྒོམས་ན། གསང་སྔགས་ཀྱི་སྒོ་འཚལ་ལོ། །ཐུགས་ཡེ་ཤེས་སེམས་དཔའ་རང་རྒྱུད་དུ་བསྒོམས་ན། རྣམ་པར་རྟོག་པའི་སྡོང་སྐོགས་སུ་འབྱུང་ངོ་། །ཁྲོ་བོ་དང་ཁྲོ་མོ་རྣམས་ཀྱི་སྤྱན་རང་རྒྱུད་དུ་བསྒོམས་ན། །རྣམ་པར་ཐར་པའི་སྒོ་འགག་གོ། །སྙན་རང་རྒྱུད་དུ་བསྒོམས་ན། །སྤང་ལེན་གྱི་སྒྲ་འབྱུང་ངོ་། །ཤངས་རང་རྒྱུད་དུ་བསྒོམས་ན། རྒྱུ་འབྲས་སོ་སོའི་དྲིར་འཁྱམས་སོ། །ཞལ་རང་རྒྱུད་དུ་བསྒོམས་ན།སེམས་ཅན་གྱི་ལྷུང་སར་འགྱུར་རོ། །མཆེ་བ་རང་རྒྱུད་དུ་བསྒོམས་ན། ཟ་བྱེད་ཀྱི་བདུད་ཕོར་འགྱུར་རོ། །ཕྱག་རང་རྒྱུད་དུ་བསྒོམས་ན། དངོས་པོ་ཐེར་ཟུག་གིས་གང་ངོ་། །ཞབས་བཞི་རང་རྒྱུད་དུ་བསྒོམས་ན། ཕྱིན་ཅི་ལོག་བཞིའི་གནས་འཁྱམས་སོ། །ཁྲོ་བོ་དང་ཁྲོ་མོའི་ཕྱག་མཚན་ལ། རྡོ་རྗེ་འབར་བ་རྩེ་དགུ་རང་རྒྱུད་དུ་བསྒོམས་ན། ཁམས་གསུམ་དགུར་ལྟུང་ངོ་། །ཁ་ཊྭཱཾ་རང་རྒྱུད་དུ་བསྒོམས་ན། བདུད་ཀྱི་ལག་ཆར་འབར་རོ། །རྔེའུ་ཆུང་རང་རྒྱུད་དུ་བསྒོམས་ན། སྒྱུ་མའི་རྫས་སུ་འགྱུར་རོ། །དྲིལ་བུ་རང་རྒྱུད་དུ་བསྒོམས་ན། མི་རྟག་པའི་རྫས་སུ་འགྱུར་རོ། །དུང་དམར་རང་རྒྱུད་དུ་བསྒོམས་ན། འབྱུང་པོ་ཁྲག་འཐུང་དུ་སྐྱེའོ། །རྒྱུ་ཞགས་ ― DNG008_Page_0252 ―
[མ་དཔེ་གཟིགས་ན་འདིར་གནོན།]
རང་རྒྱུད་དུ་བསྒོམས་ན། སྡིག་པའི་རྒྱུན་མི་འཆད་དོ། །འཁོར་ལོ་རང་རྒྱུད་དུ་བསྒོམས་ན། སྲིད་པའི་འཁོར་ལོར་འཁྱམས་སོ། །རིན་པོ་ཆེ་རང་རྒྱུད་དུ་བསྒོམས་ན། ཡོན་ཏན་གྱི་ཚོགས་དང་འབྲལ་ལོ། །པདྨ་རང་རྒྱུད་དུ་བསྒོམས་ན། འཛིན་ཆགས་ཀྱི་སྐྱོན་འབྱུང་ངོ་། །རྡོ་རྗེ་རྒྱ་གྲམ་རང་རྒྱུད་དུ་བསྒོམས་ན། ལས་ཀྱི་དབང་བཙན་དུ་སྐྱེའོ། །སྟོང་གི་འཇིག་རྟེན་ཁོར་ཡུག་རང་རྒྱུད་དུ་བསྒོམས་ན། རྟག་པའི་བྲག་བརྩིག་གོ། །རལ་གྲི་རང་རྒྱུད་དུ་བསྒོམས་ན། མཚོན་གྱི་བསྐལ་པ་འབྱུང་ངོ་། །དགྲ་སྟྭ་རང་རྒྱུད་དུ་བསྒོམས་ན། སྲོག་གི་བདུད་དུ་འབབ་པོ། །གཤོལ་རང་རྒྱུད་དུ་བསྒོམས་ན། ལྕེ་ལ་མེ་འབར་བར་འགྱུར་རོ། །ཞིང་དབྱུག་རང་རྒྱུད་དུ་བསྒོམས་ན། འཁོར་བའི་གཡང་སར་ལྷུང་ངོ་། །མདའ་གཞུ་རང་རྒྱུད་དུ་བསྒོམས་ན། བདེ་བ་ཆེན་པོའི་ཐུགས་དམ་མི་སྐྱེའོ། །ཆུ་སྲིན་རྒྱལ་མཚན་རང་རྒྱུད་དུ་བསྒོམས་ན། རྒྱལ་བའི་ཡེ་ཤེས་མི་ཐོབ། བྱིས་པ་ཟ་བ་རང་རྒྱུད་དུ་བསྒོམས་ན། ས་བདག་བྱིས་ཅན་དུ་སྐྱེའོ། །རྒྱུ་མ་འདྲེན་པ་རང་རྒྱུད་དུ་བསྒོམས་ན། ས་བདག་ནག་པོ་རྒྱུ་འདྲེན་དུ་སྐྱེའོ། །ཁྲག་འཐུང་བ་རང་རྒྱུད་དུ་བསྒོམས་ན། འབྱུང་མོ་ཁྲག་འཐུང་མོར་སྐྱེའོ། །སྙིང་ཟ་བ་རང་རྒྱུད་དུ་བསྒོམས་ན། གནོད་སྦྱིན་མ་རུ་ཙེར་སྐྱེའོ། །མགོ་ལུས་འདྲེལ་བ་རང་རྒྱུད་དུ་བསྒོམས་ན། དུར་ཁྲོད་ཀྱི་འདྲེ་མོར་སྐྱེའོ། །ཞིང་སྟོད་སྨད་བསྣོལ་ནས་དཀྲུགས་ཤིང་ཟ་བ་རང་རྒྱུད་དུ་བསྒོམས་ན། ནེའུ་ལེ་ཤ་ཟན་དུ་སྐྱེ།ཞིང་གི་ནང་ཁྲོལ་འདྲེན་པ་རང་རྒྱུད་དུ་བསྒོམས་ན། ནག་པོ་རྒྱུ་ཟན་མར་སྐྱེ།ཞིང་ཕྲག་པ་ལ་བཀལ་བ་རང་རྒྱུད་དུ་བསྒོམས་ན། མུ་སྟེགས་རོ་ཀུན་ཏུ་སྐྱེ།ཞིང་འདྲད་པ་རང་རྒྱུད་དུ་བསྒོམས་ན། དྲེགས་པ་ཤ་ཟན་དུ་སྐྱེ། གྲི་ཐོགས་པ་རང་རྒྱུད་དུ་བསྒོམས་ན། ལུས་ཀྱི་འཇིགས་པ་ཆེ། ཏི་ར་སྤྱི་ནས་འཇོམས་པ་རང་རྒྱུད་བསྒོམས་ན། རྣམ་སྨིན་ ― DNG008_Page_0253 ―
[མ་དཔེ་གཟིགས་ན་འདིར་གནོན།]
འཆལ་པར་སྐྱེ། ལྕགས་ཀྱུ་རང་རྒྱུད་དུ་བསྒོམས་ན། ཕུང་པོ་ལྔ་པོ་འཛིན་པའི་རྒྱ་ལས་མི་ཐར། ཞགས་པ་རང་རྒྱུད་དུ་བསྒོམས་ན། མགོ་ལུས་དམ་པར་འཆིང་། ལྕགས་སྒྲོག་རང་རྒྱུད་དུ་བསྒོམས་ན། ལྔ་ཕུང་ཡན་ལག་བསྡམ། དྲིལ་བུ་རང་རྒྱུད་དུ་བསྒོམས་ན། ཚེ་སྲོག་གཞན་དུ་སྤོར། དབང་ཕྱུག་མའི་ཕྱག་མཚན་རང་རྒྱུད་དུ་བསྒོམས་ན། སྲིན་པོ་ཏྲའི་ཚོགས་བསྐྱེད་དོ། །རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། སྐུ་ཕྱག་རྒྱའི་རྟོག་པ་བཤད་པའི་ལེའུ་སྟེ་དགུ་པའོ།། །།དེ་ནས་ཡེ་ཤེས་རྒྱལ་པོ་དེས་དབུ་དང་རྒྱན་ཆས་ཀྱི་རྟོག་པ་བཤད་དེ། དབུ་སྐྲ་རལ་པ་ཁམ་ནག་གྱེན་དུ་འཁྱིལ་པ་རང་རྒྱུད་དུ་བསྒོམས་ན། མྱ་ངན་གྱི་ཟུག་རྔུ་སྐྱེའོ། །ཐོད་སྐམ་གྱི་དབུ་རྒྱན་རང་རྒྱུད་དུ་བསྒོམས་ན། སྡུག་བསྔལ་གྱི་གཞི་སོག་གོ། །སེང་གེའི་མགོ་ཅན་རང་རྒྱུད་དུ་བསྒོམས་ན། ལྔ་ཕུང་ཟིལ་གྱིས་གནོན་པའི་བྱོལ་སོང་སེང་གེར་སྐྱེའོ། །སྟག་མགོ་རང་རྒྱུད་དུ་བསྒོམས་ན། ཡུལ་རོང་གི་སྟག་ཏུ་སྐྱེའོ། །ཝ་མགོ་རང་རྒྱུད་དུ་བསྒོམས་ན། ཡུལ་གྱི་མཚལ་ཁུང་གི་ཝ་མོར་སྐྱེའོ། །སྤྱང་ཀིའི་མགོ་ཅན་རང་རྒྱུད་དུ་བསྒོམས་ན། ནགས་ཀྱི་སྤྱང་ཀིར་སྐྱེའོ། །བྱ་རྒོད་མགོ་ཅན་རང་རྒྱུད་དུ་བསྒོམས་ན། རྒྱུ་མ་སྐྱེགས་ཀྱིས་འགོང་ངོ་། །ཀང་ཀའི་མགོ་རང་རྒྱུད་དུ་བསྒོམས་ན། དུར་ཁྲོད་བྱ་རུ་སྐྱེའོ། །བྱ་རོག་མགོ་རང་རྒྱུད་དུ་བསྒོམས་ན། བཀྲེས་སྐོམ་གྱི་གནས་སུ་འཁྱམས་སོ། །འུག་མགོ་རང་རྒྱུད་དུ་བསྒོམས་ན། ཤེས་པ་ཉིན་མཚན་དུ་འཁྲུལ་ལོ། རྟ་མགོ་རང་རྒྱུད་དུ་བསྒོམས་ན། མིའམ་ཅིའི་གླིང་དུ་སྐྱེའོ། །ཕག་མགོ་རང་རྒྱུད་དུ་བསྒོམས་ན། སྲི་ཅན་དུ་སྤྱུགས་སོ། །དྲེད་མགོ་རང་རྒྱུད་དུ་བསྒོམས་ན། ཚ་བའི་དྲེད་མོར་སྐྱེའོ། །སྤྱང་མགོ་རང་རྒྱུད་དུ་བསྒོམས་ན། ཚིག་ཁ་ཤས་ཆད། དབང་ཕྱུག་མའི་མགོ་རང་རྒྱུད་དུ་བསྒོམས་ན། བྱོལ་སོང་སོ་སོ་རང་རང་གི་གཟུགས་སུ་སྐྱེའོ། །ཁྲོ་བོ་ཁྲོ་མོའི་སྐུའི་རྒྱན་ཆ་རང་རྒྱུད་དུ་ ― DNG008_Page_0254 ―
[མ་དཔེ་གཟིགས་ན་འདིར་གནོན།]
བསྒོམས་ན། སྡུག་བསྔལ་གྱི་དབང་བཙན་དུ་སྐྱེའོ། །སྟག་གི་ཤམ་ཐབས་རང་རྒྱུད་དུ་བསྒོམས་ན། ཕྲག་དོག་གི་རླུང་འཚུབས། སྦྲུལ་ནག་གི་ཆུན་པོ་རང་རྒྱུད་དུ་བསྒོམས་ན། ཞེ་སྡང་གི་མེ་འབར། གླང་ཆེན་གྱི་ཀོ་རློན་རང་རྒྱུད་དུ་བསྒོམས་ན། གཏི་མུག་གི་ཤིང་སྤུང་། ཞིང་ཆེན་གྱི་གཡང་གཞི་རང་རྒྱུད་དུ་བསྒོམས་ན། དུར་ཁྲོད་ཀྱི་བདག་པོར་སྐྱེ།ཞག་གི་ཚོམ་བུ་རང་རྒྱུད་དུ་བསྒོམས་ན། ལོག་འདྲེན་གྱི་ཁ་ཟས་སུ་འགྱུར།ཁྲག་གི་ཐིག་ལེ་རང་རྒྱུད་དུ་བསྒོམས་ན། མ་མོའི་རྔན་ཟས་སུ་འགྱུར། ཐལ་ཆེན་གྱི་མཚན་མ་རང་རྒྱུད་དུ་བསྒོམས་ན། སྲིན་པོ་ཐལ་བ་ཡོད་པར་སྐྱེ།བསྐལ་པའི་མེ་རང་རྒྱུད་དུ་བསྒོམས་ན། འབྲས་བུ་མེས་ཚིག །བྷྲྀ་ཀུ་ཊི་གཉེར་མ་རང་རྒྱུད་དུ་བསྒོམས་ན། གནས་ཀྱི་དྲེགས་པར་འགྲོ། །རྡོ་རྗེའི་གཤོག་པ་རང་རྒྱུད་དུ་བསྒོམས་ན། ལྟུང་བའི་གཡང་ས་ཆེ། ཐོད་ཕྲེང་རང་རྒྱུད་དུ་བསྒོམས་ན། སྐུ་གསུམ་གྱི་སྒོ་འགགས། ཐོད་སྐམ་རང་རྒྱུད་དུ་བསྒོམས་ན།ཆོས་སྐུ་དངོས་པོར་གོལ། ཐོད་པ་ར་རི་རང་རྒྱུད་དུ་བསྒོམས་ན། ལོངས་སྤྱོད་རྫོགས་པའི་སྐུ་དངོས་པོར་གོལ། ཐོད་པ་རློན་པ་རང་རྒྱུད་དུ་བསྒོམས་ན། སྤྲུལ་པའི་སྐུ་རང་རྒྱུད་དུ་གོལ། སྐུ་མདོག་རང་རྒྱུད་དུ་བསྒོམས་ན། ཁ་དོག་ལྔའི་སྒྲིབ་པ་ཆེ། མཐིང་ནག་རང་རྒྱུད་དུ་བསྒོམས་ན། ཞེ་སྡང་རང་ག་མ། སྨུག་ནག་རང་རྒྱུད་དུ་བསྒོམས་ན། གཏི་མུག་རང་ག་མ། སེར་ནག་རང་རྒྱུད་དུ་བསྒོམས་ན། ང་རྒྱལ་རང་ག་མ། དམར་ནག་རང་རྒྱུད་དུ་བསྒོམས་ན།འདོད་ཆགས་རང་ག་མ། ལྗང་ནག་རང་རྒྱུད་དུ་བསྒོམས་ན། ཕྲག་དོག་རང་གམ། སྔོན་མོ་རང་རྒྱུད་དུ་བསྒོམས་ན། ནམ་མཁའ་མཐའ་ལ་ཆགས་མི་བསླད། སེར་མོ་རང་རྒྱུད་དུ་བསྒོམས་ན། དངོས་པོ་གསེར་སྡོང་དུ་འགྱུར། དམར་མོ་རང་རྒྱུད་དུ་བསྒོམས་ན། ཉི་མའི་དམར་ཐག་ཆད། ནག་མོ་རང་རྒྱུད་དུ་བསྒོམས་ན། གླིང་བར་ ཕྲིན་ལས་ཐམས་ཅད་ཀྱི་རྒྱལ་པོ་སྐབས་སྦྱོར་བདུན་པའི་རྒྱུད།― DNG008_Page_0255 ―
[མ་དཔེ་གཟིགས་ན་འདིར་གནོན།]
ཕྲིན་ལས་ཐམས་ཅད་ཀྱི་རྒྱལ་པོ་སྐབས་སྦྱོར་བདུན་པའི་རྒྱུད།བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཤེས་པའི་དུས་གཅིག་ན། བཅོམ་ལྡན་འདས་ ― DNG008_Page_0256 ―
[མ་དཔེ་གཟིགས་ན་འདིར་གནོན།]
ཡིད་བྱེད་པ་པོ་རང་བྱུང་གི་གནས་ན་བཞུགས་པ་ལ། ཡིད་ཀྱི་སྲས་གཉིས་སུ་མེད་པས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་རྒྱལ་པོའི་སྐབས་སྦྱོར་བདུན་པའི་རྒྱུད་ཅེས་བགྱི་བ་དེ་གང་ལགས། སྐུའི་ཕྲིན་ལས་ཀྱི་སྐབས་སྦྱོར་བ་གང་ལགས། གསུང་གི་ཕྲིན་ལས་ཀྱི་སྐབས་སྦྱོར་བ་གང་ལགས།ཐུགས་ཀྱི་ཕྲིན་ལས་ཀྱི་སྐབས་སྦྱོར་བ་གང་ལགས། བལྟ་བའི་ཕྲིན་ལས་ཀྱི་སྐབས་སྦྱོར་བ་གང་ལགས། བསྒྲུབ་པའི་ཕྲིན་ལས་ཀྱི་སྐབས་སྦྱོར་བ་གང་ལགས། སྤྱོད་པའི་ཕྲིན་ལས་ཀྱི་སྐབས་སྦྱོར་བ་གང་ལགས། བཅོམ་ལྡན་འདས་ཀྱིས་ལུང་བསྟན་དུ་གསོལ། བདེ་བར་གཤེགས་པས་ལུང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྲས་མཆོག་དམ་པ་ཉོན་ཅིག །སྐབས་སྦྱོར་བདུན་པའི་རྒྱུད་འདི་ནི། ཕྱོགས་བཅུ་དུས་གསུམ་གྱི་བདེ་བར་གཤེགས་པ་རྣམས་ཀྱིས་ཀྱང་གསུངས་ཤིང་བཤད་ལ་གསུངས་པ་ཡང་མི་མངའ། ངས་ཀྱང་བཤད་ལ་བཤད་པ་ཡང་མེད་དོ། །དེ་ཅིའི་ཕྱིར་ཞེ་ན། རྟག་པ་ཅན་གྱི་མཚན་ཉིད་མ་ཡིན་པའི་ཕྱིར་ཏེ། དེས་ན་རིགས་ཀྱི་བུ་ཕྲིན་ལས་ཞེས་བྱ་བ་ཡང་། དམིགས་སུ་མེད་པའི་མན་ངག་ལས་མ་གཏོགས་པར། འདུས་བྱས་ཀྱི་མཚན་མའི་ལས་སུ་བསྟན་པ་མ་ཡིན་ཏེ། དེ་ལ་སྐུའི་ཕྲིན་ལས་ཀྱི་སྐབས་སྦྱོར་བ་འདི་ཡིད་ལ་ཟུང་ཞིག །དེ་ལ་སངས་རྒྱས་ཀྱི་སྐུ་གང་ཡིན་པ་ནི་སེམས་ཅན་གྱི་ལུས་ལ། སེམས་ཅན་གྱི་ལུས་གང་ཡིན་པ་དེ་ནི་བདག་སྟེ། བདག་གི་ཕུང་པོ་ལངས་ཀྱང་རུང་། འདུག་ཀྱང་རུང་། འགྲོ་ཡང་རུང་། འགྲེངས་ཀྱང་རུང་། གནས་ཀྱང་རུང་། མི་གནས་ཀྱང་རུང་།རོལ་ཀྱང་རུང་སྟེ། ཕྲིན་ལས་ཀྱི་སྐབས་སྦྱོར་ཉིད་དུ་མཛད་པ་སྟེ། དེ་ཅིའི་ཕྱིར་ཞེ་ན། ལུས་ལངས་ན་སྐྱེ་བ་མེད་པ་ཆོས་ཀྱི་དབྱིངས་ནས་བཞེངས་པའི་སྐུ་སྟེ། དོན་ཆོས་ཉིད་དུ་སྦྱོར་བའི་ཕྲིན་ལས་སོ། །ལུས་འདུག་ན་ ― DNG008_Page_0257 ―
[མ་དཔེ་གཟིགས་ན་འདིར་གནོན།]
ཡུམ་ཀུན་ཏུ་བཟང་མོའི་རང་བཞིན་དག་པའི་མཁའ་ལ་བཞུགས་པའི་སྐུ་སྟེ། ཡབ་ཡུམ་དུ་སྦྱོར་བའི་ཕྲིན་ལས་སོ། །ལུས་འགྲོ་ན་ཐུགས་རྗེ་ཆེན་པོས་ཡོངས་ལ་ཁྱབ་པས་སྤྲུལ་པའི་སྐུ་སྟེ།ཐབས་དང་ཤེས་རབ་ཏུ་སྦྱོར་བའི་ཕྲིན་ལས་སོ། །ལུས་འགྲེངས་ན། བདེ་ཆེན་ལོངས་སྤྱོད་པའི་སྐུ་སྟེ། ཡབ་ཡུམ་གཉིས་སུ་མེད་པར་སྦྱོར་བའི་ཕྲིན་ལས་སོ། །ལུས་གནས་ན་དབྱིངས་དང་ཡེ་ཤེས་གཉིས་སུ་མེད་པའི་ཆོས་ཀྱི་སྐུ་སྟེ། གཉིས་སུ་མེད་པའི་ཕྲིན་ལས་སོ། །ལུས་མི་གནས་ན་མ་སྐྱེས་པའི་ཆོས་ཉིད་མངོན་པར་བྱང་ཆུབ་པའི་སྐུ་སྟེ། ཡེ་ཤེས་ཆོས་ཉིད་དུ་དབྱེར་མེད་པའི་ཕྲིན་ལས་སོ། །ལུས་རོལ་ན། འཆི་བ་མེད་པ་རྡོ་རྗེའི་སྐུ་སྟེ། ལུས་དངོས་སུ་སྣང་བ་ཐམས་ཅད་རྡོ་རྗེའི་རིགས་ཏེ། སངས་རྒྱས་སྤྱན་དང་གཉིས་སུ་མེད་དེ། མེ་ལོང་ལྟ་བུའི་ཡེ་ཤེས་ཀྱི་ཕྲིན་ལས་སོ། །ལུས་ཐམས་ཅད་དུ་རླན་ཞིང་སྡུད་པ་ཐམས་ཅད་ནི། རིན་པོ་ཆེའི་རིགས་ཏེ་མཱ་མ་ཀཱི་དང་གཉིས་སུ་མེད་དེ་མཉམ་པ་ཉིད་ཀྱི་ཡེ་ཤེས་ཀྱི་ཕྲིན་ལས་སོ། །ལུས་ལ་དྲོད་འབྱུང་བ་ཐམས་ཅད་ནི། པདྨའི་རིགས་ཏེ་གོས་དཀར་མོ་དང་གཉིས་སུ་མེད་པའི་སོ་སོར་རྟོགས་པའི་ཡེ་ཤེས་ཀྱི་ཕྲིན་ལས་སོ། །ལུས་ཀུན་ཏུ་སྤྱོད་ཏུ་བཏུབ་པ་ཐམས་ཅད་ནི། ལས་ཀྱི་རིགས་ཏེ་དམ་ཚིག་སྒྲོལ་མ་དང་གཉིས་སུ་མེད་དེ་བྱ་བ་ནན་ཏན་གྱི་ཡེ་ཤེས་ཀྱི་ཕྲིན་ལས་སོ། །ལུས་གཞིག་ན། རང་བཞིན་མེད་པ་ཐམས་ཅད་ནི་དེ་བཞིན་གཤེགས་པའི་རིགས་ཏེ། ཀུན་ཏུ་བཟང་མོ་དང་གཉིས་སུ་མེད་དེ་སྟོང་པ་ཉིད་ཀྱི་ཡེ་ཤེས་ཀྱི་ཕྲིན་ལས་སོ། །དེ་བས་ན་ལུས་སྐུའི་ཕྲིན་ལས་ཐམས་ཅད་ནི་ཡང་དག་པའི་ཕྲིན་ལས་ལ་ཡེངས་པ་མེད་པར་མཛད་དེ། དེ་ལ་འདི་སྐད་ཅེས་བརྗོད་པར་བྱའོ། །གདོད་ནས་མ་སྐྱེས་རྣམ་དག་དབྱིངས་ཀྱི་སྐུ། །ཡོངས་ལ་ཁྱབ་པས་ཐུགས་རྗེ་སྤྲུལ་པའི་སྐུ། །ཐབས་མཁས་རོལ་པས་ལོངས་སྤྱོད་རྫོགས་པའི་སྐུ། །སྐྱེ་ཤི་མེད་པས་རྡོ་རྗེ་སེམས་ཀྱི་སྐུ། །དོན་དམ་རྟོགས་པས་མངོན་པར་བྱང་ཆུབ་སྐུ། །གཉིས་མེད་གཡུང་དྲུང་བདེ་ཆེན་ཆོས་ཀྱི་སྐུ། །སྐུ་ལྔ་དབྱེར་མེད་རོལ་པའི་ཕྲིན་ལས་ཀྱིས། །དོན་དམ་ཕྲིན་ལས་ཡེངས་པ་མེད་པར་མཛད། །ལུས་ཀྱི་ ― DNG008_Page_0258 ―
[མ་དཔེ་གཟིགས་ན་འདིར་གནོན།]
བསྒུལ་བསྐྱོད་ཕྱག་རྒྱའི་དཀྱིལ་འཁོར་ལ། །སྐུ་ཡི་ཕྲིན་ལས་ཅིར་ཡང་གཡོས་པ་མེད། །མ་ལུས་ཐབས་སུ་བསྒྱུར་བའི་ཕྲིན་ལས་ཀྱིས། །གང་ཞིག་བསྒྲལ་བ་བྱང་ཆུབ་དེ་ཐོབ་ནས། །སྲོག་བཅད་ཉིད་ཀྱིས་ཐར་ལམ་བདེ་བ་ཐོབ། །ལུས་ཀྱི་སྤྱད་པས་སངས་རྒྱས་ཞིང་དུ་གྲགས། །སྐུ་ཡི་རོལ་པས་བདེ་ཆེན་འདུ་འབྲལ་མེད། །སྙིང་པོ་བྱང་ཆུབ་མ་བཀག་ཡན་དུ་ཁྱེ། །དོན་ལ་འདུས་མ་བྱས་པའི་རང་བཞིན་ལ། །མ་ལུས་ཡོངས་ལ་སྙོམས་པའི་ཕྲིན་ལས་མཆོག །ན་དང་ཚ་བས་སྡུག་བསྔལ་ན། །དངོས་པོ་མཚན་མའི་ནད་འཇོམས་པ། །འདི་ཡང་སྐུ་ཡི་ཕྲིན་ལས་མཆོག །བཀྲེས་དང་སྐོམ་པས་སྡུག་བསྔལ་ན། །ཆོས་ཉིད་དངོས་པོ་མཚན་བསྒྲིབས་པས། །འདི་ཡང་སྐུ་ཡི་ཕྲིན་ལས་མཆོག །རྒས་དང་རྒུད་པས་སྡུག་བསྔལ་ནི། །རྟག་ཆད་དོན་གྱི་མཐར་སྦྱོར་པས། །འདི་ཡང་སྐུ་ཡི་ཕྲིན་ལས་མཆོག །གྲང་དང་འདར་བས་སྡུག་བསྔལ་ན། །མཚན་མར་ཞེན་པ་རང་སྦྱོང་བས། །འདི་ཡང་སྐུ་ཡི་ཕྲིན་ལས་མཆོག །སྐྱེ་དང་འཆི་བས་སྡུག་བསྔལ་ན། །མི་རྟག་དོན་གྱི་མཐར་སྦྱོར་བས། །འདི་ཡང་སྐུ་ཡི་ཕྲིན་ལས་མཆོག །བདེ་དང་སྐྱིད་པའི་ལོངས་སྤྱོད་དང་། །དྲོ་དང་འཇམ་པའི་ལོངས་སྤྱོད་དང་། །རོ་དང་འདོད་པར་ལོངས་སྤྱོད་ན། །ཆོས་ཉིད་དོན་གྱི་རོ་ཚོར་བས། །འདི་ཡང་སྐུ་ཡི་ཕྲིན་ལས་མཆོག །སྐུ་ཡི་ཕྲིན་ལས་འདི་ཤེས་པའི། །རྣལ་འབྱོར་བློ་ལྡན་གང་སྤྱོད་པ། །དོན་ལ་ཐེ་ཚོམ་མེད་པར་འགྲུབ། །དགོངས་དང་སྐུ་དང་དུས་གསུམ་དུ། །འདུ་འབྲལ་མེད་པའི་ཕྲིན་ལས་མཛད། །ཡེངས་པ་མེད་པར་བསྒྲུབ་པའི་ཀློང་། །གང་ཞིག་འདི་དང་མི་ལྡན་པ། །ཐར་པའི་དུས་མེད་འཆིང་བའི་རྒྱུ། །ལེགས་པར་སྤྱད་ཀྱང་སྡིག་པའི་ཤས། །བསྒྲུབས་ཀྱང་དོན་མེད་གཡེང་བའི་རྒྱུ། །འདི་ལ་གང་ཞིག་གོམས་བྱེད་པས། །ཉེས་པར་སྤྱད་ཀྱང་ལེགས་པའི་ལམ། །མ་བསྒྲུབས་པར་ཡང་གྲུབ་པའི་གདེང་། །གཡུང་དྲུང་སྐུ་ཡི་གཏེར་བཙུགས་པའོ། །སྐུ་ཡི་སྐབས་སྦྱོར་དང་པོའོ།། །།ད་ནི་གསུང་ ― DNG008_Page_0259 ―
[མ་དཔེ་གཟིགས་ན་འདིར་གནོན།]
གི་སྐབས་སྦྱོར་ཡིད་ལ་ཟུང་ཞིག །དེ་ལ་སངས་རྒྱས་ཀྱི་གསུང་གང་ཡིན་པ་སེམས་ཅན་གྱི་ངག་ཡིན་ལ། སེམས་ཅན་གྱི་ངག་གང་ཡིན་པ་བདག་གིས་སྨྲ་བ་སྟེ། བདག་གིས་སྨྲ་བ་བརྗོད་ཀྱང་རུང་། མ་བརྗོད་ཀྱང་རུང་།བདེན་པར་སྨྲས་ཀྱང་རུང་། རྫུན་པར་སྨྲས་ཀྱང་རུང་། སྙན་པར་སྨྲས་ཀྱང་རུང་། མི་སྙན་པར་སྨྲས་ཀྱང་རུང་། སྒྲ་ལྷང་ལྷང་པོར་སྨྲས་ཀྱང་རུང་།གསང་སྟེ་ཤུབ་བུར་བརྗོད་ཀྱང་རུང་། གང་ཟག་གི་སྒྲེན་ཚིག་ཏུ་སྨྲས་ཀྱང་རུང་། མན་ངག་གི་ཆོས་ཉིད་དུ་བརྗོད་ཀྱང་རུང་། འདོད་ཆགས་ཀྱི་སྦྱོར་སྔགས་སུ་བརྗོད་ཀྱང་རུང་། བཞད་གད་ཀྱི་དྲེ་མོའི་གཏམ་དུ་སྨྲས་ཀྱང་རུང་། ཞེ་སྡང་གི་ཁྲོ་གཏུམ་དང་བྱམས་པའི་གཏམ་ངག་ཏུ་སྨྲས་ཀྱང་རུང་སྟེ། ཕྲིན་ལས་ཀྱི་རྒྱལ་པོ་སྐབས་སྦྱོར་ཉིད་དུ་མཛད་པ་སྟེ། དེ་ཅིའི་ཕྱིར་ཞེ་ན། དེ་ནི་འདི་ལྟར་ངག་སྨྲ་ཞིང་བརྗོད་ན། སྐྱེ་བ་མེད་པའི་ཆོས་ཀྱི་དབྱིངས་རུམ་ནས། འགྲོ་བ་འདུལ་བའི་ཐབས་སུ་ཐུགས་ཀྱིས་དགོངས་ནས། མགུར་གྱི་བུམ་པ་ལས་ཕྱུང་། ལྗགས་ཀྱི་དབང་པོ་ལ་བཀྲམ་ནས། སྣོད་ཀྱི་རིམ་པར་བསྒྲགས་པས། ངག་གསུང་ཆོས་ཀྱི་འཁོར་ལོ་བསྐོར་བའི་ཕྲིན་ལས་སོ། །ངག་གིས་མ་བརྗོད་ཅིང་མ་གླེངས་ན།གསུང་ཆོས་ཉིད་བདེན་པའི་དོན་ལ་ཚིག་ཏུ་མ་གསུངས་པས་ཀྱང་དོན་གོ་བར་བཞེད་པས། མ་གཡོས་པའི་ཆོས་ཉིད་ཀྱི་གསུང་ལ། སྐྱེ་བ་མེད་པའི་གསུང་ཅང་མི་གསུང་བར་བཞུགས་པས། ངག་གསུང་བརྗོད་པ་མེད་པའི་ཕྲིན་ལས་སོ། །ངག་གིས་བདེན་པར་སྨྲ་ན། མར་ཁུ་ཁོལ་མའི་ནང་དུ་ཆུ་མི་གནས་པ་བཞིན་དུ།ཆོས་ཉིད་ལ་རྫུན་གསུང་དུ་མི་མངའ་སྟེ། ཅི་གསུངས་པ་དོན་དང་ལྡན་པས།རྫུན་མེད་པའི་རང་བཞིན་ཏེ། གསུང་བདེན་པའི་ཕྲིན་ལས་སོ། །ངག་གིས་རྫུན་དུ་སྨྲས་ཤིང་བརྗོད་ན། གསུང་རབ་དམ་པའི་ཆོས་ཀྱིས་ཉོན་མོངས་པ་འཁོར་བའི་ཆོས་བསླུ་ཞིང་འབྲིད་ལ། རྫུན་དང་འདྲ་བ་ཡིན་པས། གསུང་འཁོར་བ་འདྲེན་པའི་ཕྲིན་ལས་སོ། །ངག་གིས་སྙན་པར་སྨྲས་ཤིང་བརྗོད་ན། ཆོས་ཉིད་ཀྱི་བྱིན་རླབས་ ― DNG008_Page_0260 ―
[མ་དཔེ་གཟིགས་ན་འདིར་གནོན།]
ཀྱིས་འགྲོ་བ་ཀུན་གྱི་ཡིད་ཚིམ་པའི་རང་བཞིན་པས། དབང་པོ་ཚིམ་ཞིང་གོ་བར་བྱེད་པས་སྙན་པར་སྨྲ་བ་སྟེ་གསུང་ཀུན་དང་མཐུན་པའི་ཕྲིན་ལས་སོ། །ངག་གིས་མི་སྙན་པར་སྨྲས་ཤིང་བརྗོད་ན། དཔེར་ན་དགྲ་སྡང་བ་ཉིད་ཀྱང་དགེ་བའི་བཤེས་གཉེན་ལ། མི་སྙན་པར་སྨྲས་པ་ཉིད་ནི། རྒྱུ་ལ་ཤེས་པ་ཆེ་བས།འབྲས་བུ་འཁོར་བར་ཆགས་ཀྱིས་དོགས་པས་མི་སྙན་པར་བརྗོད་པ་སྟེ་གསུང་ཆགས་པ་དང་བྲལ་བའི་ཕྲིན་ལས་སོ། །ངག་གིས་སྒྲ་ལྷང་ལྷང་པོར་བརྗོད་ནའང་། སྒྲས་དབང་པོ་ཚིམ་ཞིང་སྒྲ་མཐར་སྟོང་པ་དང་འདྲ་བར། ཆོས་ཉིད་སྐྱེ་བ་མེད་པའི་དོན་གྱིས་ཕ་རོལ་གྱི་ཡིད་ཚིམ་པར་བྱེད་ཅིང་། ཆོས་ཐམས་ཅད་རང་ཞིན་གྱིས་སྒྲ་མཐར་སྟོང་སྟེ། དེས་སྒྲ་ལྷང་ལྷང་པོར་བརྗོད་པས། གསུང་གོ་བར་སྒྲོགས་པའི་ཕྲིན་ལས་སོ། །ངག་གིས་གསང་སྟེ་ཤུབ་བུར་བརྗོད་དེ་སྙིང་པོ་མ་ཡིན་པའི་སྙིང་པོ་ཡིད་ལ་བཟླས་པས། གསང་སྟེ་ཤུབ་བུར་བརྗོད་པ་སྟེ་གསུང་གསང་བའི་སྙིང་པོ་སྔགས་ཀྱི་ཕྲིན་ལས་སོ། །གང་ཟག་གིས་སྒྲེན་ཚིག་ཏུ་སྨྲས་ན།འདུལ་བའི་དུས་ལ་གང་ལ་བབ་པར་གསུང་ཇི་སྐད་བསྒྱུར་དུ་རུང་བས། དོན་དུ་མི་འགལ་ན་ནི་ཚིག་ཉིད་ཀྱང་སྒྲེན་ཚིག་ཏུ་སྨྲ་བ་སྟེ་གསུང་ཐབས་མཁས་པའི་ཕྲིན་ལས་སོ། །མན་ངག་གི་ཆོས་ཉིད་དུ་བརྗོད་ན། ཆོས་ཀྱི་འཁོར་ལོ་གསུང་དབྱངས་བརྒྱ་དང་ལྡན་པས། དབང་པོ་རབ་འབྲིང་གསུམ་ལ་ཇི་ལྟར་འདུལ་བ་བཞིན་གོ་བ་ནི་ཆོས་ཉིད་དུ་བརྗོད་པ་སྟེ། གསུང་ཆོས་ཀྱི་འཁོར་ལོ་བསྐོར་བའི་ཕྲིན་ལས་སོ། །ངག་འདོད་ཆགས་ཀྱི་སྦྱོར་སྔགས་སུ་བརྗོད་ན། ཐམས་ཅད་ཡབ་ཡུམ་གྱི་ཚུལ་དུ་སྦྱོར་བའི་བརྡའ་སྐད་དུ་སྨྲ་བ་སྟེ། གཉིས་སུ་མེད་པའི་ཆོས་རྣམས་ཀྱི་རང་བཞིན་པས། འདོད་ཆགས་ཀྱི་སྦྱོར་སྔགས་སུ་བརྗོད་པ་སྟེ་གསུང་གཉིས་སུ་མེད་པའི་ཕྲིན་ལས་སོ། །ངག་བཞད་གད་ཀྱི་དྲེ་མོའི་གཏམ་དུ་བརྗོད་ན།དགྱེས་པ་ཆེན་པོ་ཆོས་ཉིད་ཀྱི་སྒྲ་བརྙན་དུ་བསྟན་པ་སྟེ། རང་བཞིན་གྱིས་བསྟན་པ་ཉོན་མོངས་པ་རང་ག་མས་མི་དཀའ་བ་མེད་པས། ― DNG008_Page_0261 ―
[མ་དཔེ་གཟིགས་ན་འདིར་གནོན།]
བཞད་གད་དྲེ་མོའི་གཏམ་དུ་སྨྲ་བ་སྟེ་གསུང་དགྱེས་པ་ཆེན་པོའི་ཕྲིན་ལས་སོ། །ངག་ཞེ་སྡང་གི་ཁྲོ་གཏུམ་དང་བྱམས་པའི་གཏམ་ངག་ཏུ་བརྗོད་པ་ནི། གཟུང་འཛིན་གྱི་རྣམ་པར་རྟོག་པ་སུན་ཕྱུང་བ་དང་། ཆོས་ཉིད་ཟུག་རྔུ་མེད་པའི་སྙིང་རྗེ་བཟུང་བས་ཁྲོ་གཏུམ་དང་གདམས་ངག་སྨྲ་བ་སྟེ་གསུང་ཇི་ལྟར་འདུལ་བ་བཞིན་དུ་མཛད་པའི་ཕྲིན་ལས་མཛད་པའོ། །དེ་བས་མན་ངག་གསུང་གི་ཕྲིན་ལས་མཛད་པ་ནི། ཐམས་ཅད་ཆོས་ཉིད་དུ་ཕྲིན་ལས་ཡེངས་པ་མེད་པར་མཛད་པ་སྟེ། དེ་ལ་འདི་སྐད་ཅེས་བརྗོད་པར་བྱའོ། །རང་བཞིན་སྤྲོས་བྲལ་བདེ་གཤེགས་རྣམས་ཀྱི་གསུང་། །བརྗོད་མེད་མ་སྐྱེས་ཡེ་ནས་སྟོང་པའི་གཞི། །ཚིག་དང་ཡི་གེར་མ་བརྟགས་མཚན་མ་མེད། །དངོས་མེད་མ་སྐྱེས་ཆོས་རྣམས་འབྱུང་བའི་མཛོད། །ཐབས་ལ་མཁས་པས་ཡོངས་ལ་ཁྱབ་པར་སྒྲོགས། །འགྲོ་བའི་དོན་མཛད་གསུང་རབ་བདུད་རྩིའི་བཅུད། །མ་རིག་ལོག་རྟོག་ཁ་ལོ་གྱེན་ལ་བསྒྱུར། །དམ་པ་ཆོས་ཀྱི་ཡོན་ཏན་བརྗོད་མི་ལངས། །ཇི་སྙེད་བརྗོད་པས་གསུང་རབ་རྒྱ་མཚོ་སྟེ། །ཐེག་པའི་བྱེ་བྲག་བློ་ལ་སྣང་བར་འགྱུར། །དོན་འདི་གང་ཞིག་བློ་ལ་འཆང་བ་དང་། །ངེས་པར་སེམས་ལ་གསལ་བའི་རྣལ་འབྱོར་དེས། །ཇི་སྙེད་བརྗོད་པ་ཆོས་ཀྱི་སྒོ་མོ་ལ། །ཕ་རོལ་གཞན་གྱིས་ཤེས་པས་གྲོལ་བ་ཡིས། །གསུང་རབ་དོན་དང་ལྡན་པ་རྒྱལ་བས་གསུངས། །གང་ཞིག་འདི་དང་མ་ལྡན་ཆོས་སྨྲ་བ། །བདེན་པར་སྨྲས་ཀྱང་ཕ་རོལ་མི་གོ་སྟེ། །དཔེར་ན་རྒྱལ་པོ་མ་ཡིན་དམངས་རྣམས་ཀྱིས། །བདེན་པར་སྨྲས་ཀྱང་ཉན་པ་མེད་པ་ལྟར། །འདི་དག་མི་ཤེས་རྣལ་འབྱོར་གཞན་རྣམས་ཀྱིས། །དོན་དང་ལྡན་ཡང་གང་ཡང་འདུལ་བ་མེད། །ཞལ་ནས་ཅི་གསུངས་གསུང་རབ་བདུད་རྩི་ལ། །གཞན་ལ་ཅི་བརྗོད་མན་ངག་སྟོན་པའི་མཆོག །ཚིག་གི་སྒྲ་སྐད་སྐྱེ་མེད་ཆོས་ཀྱི་དབྱིངས། །དོན་གྱི་བདེན་པས་ངར་འཛིན་རྟོག་པ་མེད། །ལུང་དང་ལྡན་པས་བརྗོད་པ་དོན་གྱི་དབང་། །བླ་མའི་ལུང་ལས་ཕྱུང་སྟེ་བསྟན་པར་བྱའོ། །འདི་དང་མི་ལྡན་ཆོས་སྟོན་ ― DNG008_Page_0262 ―
[མ་དཔེ་གཟིགས་ན་འདིར་གནོན།]
པ། །དམ་ཆོས་ཉམས་པའི་རྒྱུར་འགྱུར་རོ། །བཤད་ཀྱང་དོན་མེད་གཡེངས་པའི་རྒྱུ། །འདི་ལྟར་རྟོགས་ནས་གང་སྨྲ་བ། །ལོག་པར་བསྟན་ཀྱང་ངེས་པའི་ལུང་། །སྤྲོས་པ་མེད་པའི་ཆོས་མཛོད་དེ། །མན་ངག་བདུད་རྩིའི་ཆར་ཕབ་པའོ། །གསུང་གི་སྐབས་སྦྱོར་གཉིས་པའོ།། །།ད་ནི་ཐུགས་ཀྱི་ཕྲིན་ལས་ཀྱི་སྐབས་སྦྱོར་འདི་ཡིད་ལ་ཟུང་ཞིག །དེ་ལ་སངས་རྒྱས་ཀྱི་ཐུགས་གང་ཡིན་སེམས་ཅན་གྱི་ཡིད་ལ། སེམས་ཅན་གྱི་ཡིད་གང་ཡིན་པ་བདག་གི་སེམས་ཏེ། བདག་གིས་བསམས་ཀྱང་རུང་། མ་བསམས་ཀྱང་རུང་།ཡིད་ལ་དྲན་ཡང་རུང་། མ་དྲན་ཡང་རུང་། ཉོན་མོངས་པ་ལྔའི་སེམས་སྐྱེས་ཀྱང་རུང་། མ་སྐྱེས་ཀྱང་རུང་། བཟང་པོར་བསམས་ཀྱང་རུང་། ངན་པར་བསམས་ཀྱང་རུང་། གཙང་བར་བསམས་ཀྱང་རུང་། མི་གཙང་བར་བསམས་ཀྱང་རུང་། དགའ་བར་བསམས་ཀྱང་རུང་། མི་དགའ་བར་བསམས་ཀྱང་རུང་། སྐྱེ་བར་བསམས་ཀྱང་རུང་། འཆི་བར་བསམས་ཀྱང་རུང་། རུང་བར་བསམས་ཀྱང་རུང་། མི་རུང་བར་བསམས་ཀྱང་རུང་། སྐྱེས་པར་བསམས་ཀྱང་རུང་།བུད་མེད་དང་མ་ནིང་ལ་སོགས་པ་འགྲོ་བ་རིགས་དྲུག་ཏུ་བསམས་ཀྱང་རུང་། མ་བསམས་ཀྱང་རུང་། གཟུགས་དང་ཁ་དོག་ལ་སོགས་པ་ཡུལ་དང་དབྱིངས་སུ་བསམས་ཀྱང་རུང་། མ་བསམས་ཀྱང་རུང་སྟེ། ཕྲིན་ལས་ཀྱི་རྒྱལ་པོ་སྐབས་སྦྱོར་བ་ཉིད་དུ་མཛད་དེ། དེ་ཅིའི་ཕྱིར་ཞེ་ན། དེ་ནི་འདི་ལྟར་ཡིད་ལ་བསམས་ན།ཆོས་ཉིད་ཀྱི་ཀློང་ན་རིག་པའི་ཡེ་ཤེས་མ་བརྗོད་པའི་དགོངས་པ་རྒྱུན་མི་འཆད་པ་སྟེ་ཡིད་རྣལ་འབྱོར་གྱི་དགོངས་པ་ལ་བཞུགས་པའི་ཕྲིན་ལས་སོ། །ཡིད་ཀྱིས་མ་བསམས་པ་འཛིན་རྟོག་མེད་པའི་ཤེས་རབ་ཀྱིས་རང་བཞིན་བྱུང་ཚོར་སྤོང་བའི་ཐབས་ལ་མཁས་པའི་རོལ་པ་སྟེ་རྣམ་པར་མི་རྟོག་སྨྲ་བསམ་བརྗོད་ལས་འདས་པའོ། །ཡོད་ཅེས་སྒྲོ་མ་བཏགས། མེད་ཅེས་སྐུར་པ་མ་བཏབ། ཅི་ལ་ཡང་སེམས་ཀྱིས་ ― DNG008_Page_0263 ―
[མ་དཔེ་གཟིགས་ན་འདིར་གནོན།]
མི་རྟོག་པའི་སྒོ་ནས་ཕྲིན་ལས་སོ། །ཡིད་དམ་སེམས་ཀྱིས་དྲན་ན་རང་བྱུང་གི་ཡེ་ཤེས་བཙལ་བ་མེད་པར་རང་བྱུང་བ་སྟེ། མཚན་མ་མེད་པ་ལས་མཚན་མ་མེད་པའི་དབྱིངས་བྱེ་བྲག །སྐྱེ་བ་མེད་པ་ལས་སྐྱེ་བའི་ཆོ་འཕྲུལ་དུ་སེམས་ལ་ཅི་དྲན་སྙིང་རྗེ་ཆེན་པོའི་རང་བཞིན་ཏེ། སྣང་ལ་རང་བཞིན་མེད་ལ་ཕྱོགས་དང་རིས་མེད་པར་ཁྱབ་པས། དེ་ཙམ་ན་ཕྱོགས་དང་རིས་སུ་མ་བཟུང་བས་ཐུགས་ཀུན་སྣང་གི་དགོངས་པའི་ཕྲིན་ལས་སོ། །སེམས་ལ་ཉོན་མོངས་པ་ལྔའི་སེམས་སྐྱེས་ན།ཉོན་མོངས་པ་ཉིད་རྒྱུའི་བྱང་ཆུབ་སེམས་ཀྱི་རྩ་བ་མ་ནོར་བ་སྟེ། སེམས་འདོད་ཆགས་ན་ཆོས་ཉིད་སྤྲོས་པ་མེད་པ་བློ་ལ་སྣང་བའི་འདོད་ཆགས་པས། གསུང་བྱང་ཆུབ་སེམས་ཀྱི་རྒྱུ། སེམས་ཞེ་སྡང་ན་རྣམ་པར་རྟོག་པའི་མཚན་མ་མི་གནས་པར་སུན་འབྱིན་པས། ཐབས་མཁས་པའི་ཞེ་སྡང་ཡིན་པས། ཐུགས་བྱང་ཆུབ་སེམས་ཀྱི་རྒྱུ། སེམས་གཏི་མུག་ན། གཟུང་འཛིན་གྱི་རྣམ་པར་རྟོག་པ་མགོ་རྨོངས་ཤིང་མི་གནས་པར། གཏི་མུག་པས་སྐུ་བྱང་ཆུབ་སེམས་ཀྱི་རྒྱུ། སེམས་ང་རྒྱལ་ན། ཆེ་བའི་ཡོན་ཏན་གང་གིས་ཀྱང་དཔག་གིས་མི་ལངས་པས། གང་གི་དབང་དུ་མི་གཏང་བས། ཡོན་ཏན་བྱང་ཆུབ་སེམས་ཀྱི་རྒྱུ། དེ་ཉིད་རྒྱུ་འབྲས་ཀྱི་དོན་མི་དམིགས་པའི་ཡེ་ཤེས་ཤེས་རབ་ཀྱིས་ཟིན་པས། ཐུགས་ཏིང་ངེ་འཛིན་གྱི་དགོངས་པའི་ཕྲིན་ལས་སོ། །སེམས་དེ་ལྟར་མ་སྐྱེས་ན་གླེང་བརྗོད་ཀྱི་བསམ་པ་རིལ་དང་བྲལ་བས། ཐུགས་ཐིག་ལེ་ཆེན་པོའི་དགོངས་པའི་ཕྲིན་ལས་སོ། །སེམས་ཀྱིས་བཟང་པོར་བསམས་ན་དེ་བཞིན་གཤེགས་པའི་སྐུ་དང་ཡེ་ཤེས་དང་མཛད་སྤྱོད་ལ་སོགས་པ་བལྟ་བས་མི་ངོམས་པའི་དོན་བཟང་པོ། གསལ་ལ་རྟོགས་པར་སྣང་ལ་རང་བཞིན་མེད་པས། ཐུགས་ཡོངས་སུ་རྫོགས་པའི་ཏིང་ངེ་འཛིན་དུ་དགོངས་པའི་ཕྲིན་ལས་སོ། །སེམས་ཀྱིས་ངན་པར་བསམས་ན། ངན་པ་ཉིད་ཀྱང་རྒྱུ་ནས་བདས་པས་བཟང་པོ་ལ། བཟང་པོ་ཉིད་ཀྱི་འབྲས་བུ་ནས་དེད་པས་ངན་པ་ལ་ཐུག་ ― DNG008_Page_0264 ―
[མ་དཔེ་གཟིགས་ན་འདིར་གནོན།]
པས། དེ་ཡང་གཉིས་སུ་མེད་པས་ཐུགས་མཉམ་པ་ཉིད་དགོངས་པའི་ཕྲིན་ལས་སོ། །སེམས་ཀྱིས་མི་གཙང་བར་བསམས་ན། མི་གཙང་བ་ཉིད་ཀྱང་གཙང་བ་གཙང་བ་ཡང་དག་པར་ཤེས་པས། མི་གཙང་བ་ཉིད་དོན་ཆེ་བ་ཡིན་པས། ཐུགས་ཀུན་ཏུ་བཟང་པོའི་དགོངས་པའི་ཕྲིན་ལས་སོ། ། ཚིག་ཁ་ཤས་ཆད། དེ་ལྟར་དབང་ཐོབ་པ་ལ་མི་དགའ་བས། དེ་ཡང་ཐ་མི་དད་པས་ཐུགས་གཉིས་སུ་མེད་པའི་དགོངས་པའི་ཕྲིན་ལས་སོ། །སེམས་སྐྱེ་བ་ཡང་བསམས་ན་རང་བཞིན་མེད་པ་ལས་སྐྱེས་པས། སྐུ་གསུང་ཐུགས་སུ་བྱིན་གྱིས་བརླབས་པས། ཐུགས་བྱིན་གྱིས་བརླབས་པའི་ཆོ་འཕྲུལ་དུ་དགོངས་པའི་ཕྲིན་ལས་སོ། །སེམས་འཆི་བར་བསམས་ན། འགྱུར་བ་མེད་པ་ཆོས་ཀྱི་སྐུར་ནི་དངོས་པོ་དང་མཚན་མ་ཐམས་ཅད་མ་སྐྱེས་པར་འཆི་བས། ཐུགས་ཆོས་ཀྱི་སྐུའི་ཕྲིན་ལས་སོ། །སེམས་རུང་བར་བསམས་ན། ཐམས་ཅད་དུ་གསལ་ལ་མི་བསྒྲིབ་པས། ཏིང་ངེ་འཛིན་གྱི་ཆོ་འཕྲུལ་བས། ཐུགས་ཏིང་ངེ་འཛིན་གྱི་ཆོ་འཕྲུལ་དུ་དགོངས་པའི་ཕྲིན་ལས་སོ། །སེམས་ཀྱིས་མི་རུང་བར་བསམས་ན་ཡང་། ཚིག་ཆད་སོང་། སོ་དེ་ལས་མི་ཞན་པས། ཐུགས་དབྱེར་མེད་པའི་དགོངས་པའི་ཕྱིན་ལས་སོ། །སེམས་ཀྱིས་སྐྱེས་པ་དང་བུད་མེད་ལ་སོགས་པ་འགྲོ་བ་རིགས་དྲུག་གི་སེམས་སུ་བསམས་ན། སེམས་ཅན་གྱི་གཟུགས་ཉིད་སངས་རྒྱས་ཡིན་ལ། འགྲོ་བ་རིགས་དྲུག་དང་ཡེ་ཤེས་དྲུག་དང་རིགས་ལྔ་རང་ཡིན་པས། ཐུགས་ཀྱི་དཀྱིལ་འཁོར་དུ་དགོངས་པའི་ཕྲིན་ལས་སོ། །སེམས་ཀྱི་སྤྱོད་པ་བསྒོམ་དུ་བསམས་ན། མ་བསྐྱེད་ཀྱང་རྟོགས་པ་ལ་ཚང་བས།ཐུགས་བསྐྱེད་བསྒོམ་དང་བྲལ་བའི་དགོངས་པའི་ཕྲིན་ལས་སོ། །སེམས་གཟུགས་དང་ཁ་དོག་ལ་སོགས་པ་ཡུལ་དང་དབྱིབས་སུ་བསམས་ན། རྒྱ་ཁྱོན་དཔག་ཏུ་མེད་པའི་གཞལ་ཡས་ཁང་རྒྱན་དང་ཁ་དོག་གིས་བརྒྱན་པའི་རང་བཞིན་པས། ཐུགས་ཡེ་ནས་ལྷུན་གྱིས་གྲུབ་པའི་གཞལ་ཡས་ ― DNG008_Page_0265 ―
[མ་དཔེ་གཟིགས་ན་འདིར་གནོན།]
ཁང་དུ་དགོངས་པའི་ཕྲིན་ལས་སོ། །སེམས་ཀྱིས་མ་བསམས་ན། གཞི་ཉིད་སྙིང་པོ་བྱང་ཆུབ་ཀྱི་རང་བཞིན་ལ། ཡེ་ནས་བྱས་ཟིན་པ་ལ་ཐུགས་བཙལ་བ་མེད་ཅིང་། བསྐྱེད་བསྒོམ་དང་བྲལ་བས་དགོངས་པའི་ཕྲིན་ལས་སོ། །དེ་བས་ན་ཡིད་ཐུགས་ཀྱི་ཕྲིན་ལས་ནི། ཐམས་ཅད་དུ་ཡེ་ཤེས་ཀྱི་ཕྲིན་ལས་ལས་ཡེངས་པ་མེད་པར་མཛད་དོ། །དེ་ལ་འདི་སྐད་ཅེས་བརྗོད་པར་བྱའོ། །རང་རིག་ཡེ་ཤེས་བདེ་གཤེགས་རྣམས་ཀྱི་ཐུགས། །མི་བརྗེད་མ་ཡེངས་དོན་གྱི་སྙིང་པོར་རྟོགས། །རང་རིག་སྤྲོས་བྲལ་འཛིན་མེད་ཡེ་ཤེས་ལ། །ཐབས་མཁས་བདེ་ཆེན་བྱང་ཆུབ་སེམས་རྣམས་འབྱུང་། །ཐུགས་རྗེ་ཆེན་པོས་ཡོངས་ལ་ཁྱབ་པར་མཛད། །འགྲོ་བའི་དོན་རྫོགས་ཐུགས་ཀྱི་ཕྲིན་ལས་ནི། །མུན་པའི་སྒོ་ཕྱེ་ཁ་ལོ་གྱེན་དུ་བསྒྱུར། །ཡེ་ཤེས་ཐུགས་ཀྱི་ཡོན་ཏན་བརྗོད་མི་ལངས། །ཅི་ལྟར་དགོངས་པ་ཡེ་ཤེས་རྒྱ་མཚོ་སྟེ། །དགོངས་པའི་མན་ངག་ཡིད་ལ་སྣང་བར་འགྱུར། །ངེས་པའི་དོན་འདི་གང་ཞིག་རྟོགས་པ་དང་། །དོན་ལ་གོམས་པའི་སྐྱེས་བུ་ཆེན་པོ་དེས། །ཅི་ལྟར་བསམས་ཀྱང་དགོངས་པའི་ཀློང་དུ་འགྱུར། །སེམས་ཅན་གཞན་གྱི་དོན་ཀྱང་བྱེད་པར་ནུས། །ཡང་དག་དོན་དང་ལྡན་པར་རྒྱལ་བས་གསུངས། །གང་ཞིག་འདི་དང་མི་ལྡན་ཐུགས་དགོངས་པ། །དོན་དུ་བཅོས་ཀྱང་ཤེས་པར་མི་འགྱུར་ཏེ། །དཔེར་ན་ཚངས་པ་མ་ཡིན་ངན་རྣམས་ཡིན། །ལེགས་པར་སྤྱད་ཀྱང་ཉེས་པར་གྱུར་པ་དག །འདི་ལྟར་མ་རྟོགས་གང་ཟག་གཞན་རྣམས་ཀྱིས། །གཞུང་དུ་བསྒོམས་ཀྱང་གང་ཡང་འགྲུབ་པ་མེད། །སེམས་ལ་ཅི་དྲན་དགོངས་པའི་རྒྱ་མཚོ་ལ། །གཞན་ལ་ཅི་བསམ་རྣལ་འབྱོར་དགོངས་པའི་ཕུལ། །སེམས་ཀྱི་དྲན་རྟོག་ཐིག་ལེ་སྤྲོས་པ་མེད། །དོན་གྱི་དགོངས་པས་ཕྱོགས་རེའི་རྟོག་པ་སྤངས། །བཀའ་དང་འཚམས་པར་བརྗོད་པ་དོན་དུ་འགྱུར། །སྟོན་པའི་བཀའ་ལས་ཕྱུང་སྟེ་བཤད་པར་བྱའོ། །འདི་དང་མི་ལྡན་སེམས་ ― DNG008_Page_0266 ―
[མ་དཔེ་གཟིགས་ན་འདིར་གནོན།]
ཀྱིས་བསྒོམ། ཚི་ཆད་ལྟུང་བའི་རྒྱུར་འགྱུར་རོ། །བསྒོམས་ཀྱང་དོན་མེད་གཡེངས་པའི་རྒྱུ། །འདི་ལྟར་རྟོགས་ནས་གང་བསྒོམ་པ། །ལོག་པར་བསམས་ཀྱང་ངེས་པའི་ས། །ཀུན་ཏུ་བཟང་པོའི་ཐུགས་ཉིད་ལ། །སེམས་ཀྱི་དགོངས་པ་མཐར་ཕྱིན་པའོ། །ཐུགས་ཀྱི་སྐབས་སྦྱོར་གསུམ་པའོ།། །།ད་ནི་ལྟ་བའི་ཕྲིན་ལས་ཀྱི་སྐབས་སྦྱོར་འདི་ཡིད་ལ་ཟུང་ཞིག །དེ་ལྟར་སངས་རྒྱས་ཀྱི་ལྟ་བ་ཉིད་སེམས་ཅན་གྱི་ཡིད་དུ་གཅོད་ལ། །སེམས་ཅན་གྱི་ཡིད་ཀྱང་སངས་རྒྱས་ཀྱི་ལྟ་བར་ཡངས་པ། བདག་ཅག་གི་ལྟ་བ་ཆོས་ཐམས་ཅད་ལ།ཡོད་པར་བལྟ་ཡང་རུང་། མེད་པར་བལྟ་ཡང་རུང་། བདེ་བར་བལྟ་ཡང་རུང་། སྡུག་བསྔལ་དུ་བལྟ་ཡང་རུང་། རྟག་པར་བལྟ་ཡང་རུང་། མི་རྟག་པར་བལྟ་ཡང་རུང་སྟེ། ཕྲིན་ལས་ཀྱི་སྐབས་སྦྱོར་ཉིད་དུ་མཛད་པ་སྟེ། དེ་ཅིའི་ཕྱིར་ཞེ་ན། ཆོས་ཐམས་ཅད་ཡོད་པར་བལྟ་ན། ཆོས་ཐམས་ཅད་ཡེ་ནས་སངས་རྒྱས་པར་ཡོད་པར་བལྟ་བའི་རྒྱུ། རྣམ་པར་དག་པའི་ཕྲིན་ལས་སོ། །ལྟ་བས་ཆོས་ཐམས་ཅད་མེད་པར་བལྟ་བ། བདག་ཉིད་ཆེན་པོར་ལྷུན་གྱིས་གྲུབ་པར་སངས་རྒྱས་པ་ལ།ངན་སོང་འཁོར་བའི་སྡུག་བསྔལ་ཡེ་ནས་མེད་པར་བལྟ་བའི་འབྲས་བུ་རྣམ་པར་དག་པའི་ཕྲིན་ལས་སོ། །ལྟ་བས་ཆོས་ཐམས་ཅད་ལ་བདེ་བར་བལྟ་བ་ནི།འཛམ་བུའི་གླིང་དུ་གསེར་དུ་འགྱུར་ན། རྡོ་བཙལ་གྱིས་མི་རྙེད་པ་བཞིན། ལྟ་བའི་རྒྱལ་པོ་འདི་ལ་སྡུག་བསྔལ་མེད་ཅིང་། ཐམས་ཅད་དུ་ལེགས་པའི་རང་བཞིན་པས། ཅི་ལྟར་སྣང་བ་བདེ་བར་གྱུར་པས་ལྟ་བའི་ཀློང་དུ་གནས་པའི་ཕྲིན་ལས་སོ། །ལྟ་བས་ཆོས་ཐམས་ཅད་ལ་སྡུག་བསྔལ་དུ་བལྟ་ན། བཅོས་པ་མེད་པ་གཡུང་དྲུང་དུ་ལྟ་བ་ལས་མ་གཏོགས་པ། ཟིན་ཆགས་དང་རྩོལ་བསྒྲུབ་སྡུག་བསྔལ་བས། ལྟ་བ་གདེངས་སུ་གྱུར་པའི་ཕྲིན་ ― DNG008_Page_0267 ―
[མ་དཔེ་གཟིགས་ན་འདིར་གནོན།]
ལས་སོ། །ལྟ་བས་ཆོས་ཐམས་ཅད་ལ་རྟག་པར་བལྟ་ན། སྐྱེ་ཤི་འཕོ་འགྱུར་མེད་པའི་ཆོས་ཀྱི་སྐུ་དེ་ནི། དུས་གསུམ་དུ་འཕོ་འགྱུར་མེད་པར་རྟག་པས། ལྟ་བ་མ་ཡེངས་པའི་ཕྲིན་ལས་སོ། །ལྟ་བས་ཆོས་ཐམས་ཅད་ལ་ཆད་པར་བལྟ་ན། དངོས་པོ་དང་མཚན་མ་རྒྱུ་དང་འབྲས་བུ་ལ་སོགས་པ་རང་བཞིན་བདེ་བ་ཆེན་པོའི་ངང་དུ་མི་གནས་པར་ཆད་པས། ལྟ་བ་མངོན་དུ་གྱུར་པའི་ཕྲིན་ལས་སོ། །དོན་ལྡན་བཀའ་ལས་བཀྲོལ་ཏེ་བཤད་པར་བྱའོ། །འཇིག་རྟེན་མེད་པར་གང་བལྟ་བ། །འདི་ཡང་བལྟ་བའི་ཕྲིན་ལས་ཡིན། །འཕོ་འགྱུར་མེད་པར་གང་བལྟ་བ། །འདི་ཡང་ལྟ་བའི་ཕྲིན་ལས་ཡིན། །སྐྱེ་ཤི་མེད་པར་གང་བལྟ་བ། །འདི་ཡང་ལྟ་བའི་ཕྲིན་ལས་ཡིན། །བྱ་བཙལ་མེད་པར་གང་བལྟ་བ། །འདི་ཡང་ལྟ་བའི་ཕྲིན་ལས་ཡིན། །ཡངས་དོག་མེད་པར་གང་བལྟ་བ། །འདི་ཡང་ལྟ་བའི་ཕྲིན་ལས་ཡིན། །རྒྱུ་འབྲས་མེད་པར་གང་བལྟ་བ། །འདི་ཡང་ལྟ་བའི་ཕྲིན་ལས་ཡིན། །ཐམས་ཅད་ང་ཡིན་གང་ཤེས་པ། །འདི་ཡང་ལྟ་བའི་ཕྲིན་ལས་ཡིན། །ལྟ་བའི་རྒྱལ་པོ་ནམ་མཁའ་ཆེ། །ཡོངས་ལ་ཁྱབ་ཅིང་དོགས་པ་མེད། །ཕྱོགས་ལ་བརྡལ་ཞིང་དོགས་པ་མེད། །ལྟ་བ་འདི་ལ་གང་གནས་པ། །དེ་ནི་ལྟ་བའི་ཕྲིན་ལས་ཡིན། །འདི་དང་མི་ལྡན་སྐྱེ་བོ་རྣམས། །ཅི་ལྟར་བལྟས་ཀྱང་དོགས་པའི་ལམ། །དོན་གྱི་ཤེས་པ་འབྱུང་བར་དཀོན། །འདི་ནི་འདྲེན་པའི་ལམ་མཆོག་ཏུ། །རྒྱལ་བ་ཉིད་ཀྱིས་སྙིང་པོར་གསུངས། །འདི་འདྲ་ཞེས་བསྟན་དཀའ་བའི་ཕྱིར། ལྟ་བའི་སྐབས་སྦྱོར་བཞི་པའོ།། །།ད་ནི་བསྒྲུབ་པ་ཕྲིན་ལས་ཀྱི་སྐབས་སྦྱོར་འདི་ཡིད་ལ་ཟུང་ཞིག །དེ་ལ་སངས་རྒྱས་ཀྱི་བསྒྲུབ་པ་གང་ཡིན་པ། སེམས་ཅན་གྱི་རྩོལ་བ་ཡིན་ལ། སེམས་ཅན་གྱི་རྩོལ་བ་ཉིད་ཀྱང་སངས་རྒྱས་ཀྱི་བསྒྲུབ་པར་འགྱུར་བས། སྐུ་དང་ཕྱག་རྒྱར་བསྒྲུབས་ཀྱང་ ― DNG008_Page_0268 ―
[མ་དཔེ་གཟིགས་ན་འདིར་གནོན།]
རུང་། མ་བསྒྲུབས་ཀྱང་རུང་། བསྒྲུབས་པའི་ཕྲིན་ལས་རྫོགས་ཀྱང་རུང་། མ་རྫོགས་ཀྱང་རུང་། བསྒྲུབས་པའི་ཕྲིན་ལས་ཀྱི་སྐབས་སྦྱོར་ཉིད་དུ་མཛད་པ་སྟེ། དེ་ཅིའི་ཕྱིར་ཞེ་ན། དེ་ནི་འདི་ལྟར་བསྒྲུབ་པ་སྐུ་དང་ཕྱག་རྒྱར་བསྒྲུབས་ན། སྐུ་དང་ཕྱག་རྒྱ་ལ་སོགས་པ་ཐམས་ཅད་བྱུང་ཡང་བདག་ཉིད་ལས་བྱུང་ལ། ཆོས་ཐམས་ཅད་ཀྱང་བདག་ཉིད་ཀྱིས་ཐོབ་པར་རང་ལ་རང་ཆས་སུ་ཡོད་པས། བསྒྲུབ་པའི་གཞུང་མ་ནོར་བའི་ཕྲིན་ལས་སོ། །བསྒྲུབས་པའི་ཕྲིན་ལས་རྫོགས་ན་རིག་པའི་ཀློང་དུ་གྱུར་པ་ལ། ལས་དང་བྱ་བ་ཚང་ཞིང་དོན་དང་མན་ངག་རྫོགས་པས་བསྒྲུབ་པ་ཐོགས་ཆགས་མེད་པའི་ཕྲིན་ལས་སོ། །བསྒྲུབས་པའི་ཕྲིན་ལས་མ་རྫོགས་ན། དོན་གྱི་མན་ངག་ནང་ནས་ཤར་བ་ལ། གཉིས་སུ་མེད་ཅིང་རྩོལ་པ་ལས་མ་གྲུབ་པས། མ་རྫོགས་སུ་ཟད་པས། བསྒྲུབ་པ་བཙལ་དུ་མེད་པའི་ཕྲིན་ལས་སོ། །བསྒྲུབས་པའི་དངོས་གྲུབ་ཐོབ་པའི་དོན་ཡིན་པས།ཤེས་པ་གདེངས་སུ་ཆུད། རིག་པ་ནང་ནས་གསལ། མན་ངག་ངེས་པར་ཐོབ་པས། བསྒྲུབ་པ་མཐར་ཕྱིན་པའི་ཕྲིན་ལས་སོ། །བསྒྲུབས་པའི་དངོས་གྲུབ་མ་ཐོབ་ན། ཡེ་ནས་ལྷུན་གྱིས་གྲུབ་པའི་དངོས་གྲུབ་ལ། གྲུབ་ཀྱང་གཞན་དུ་མ་སྤངས་ལ། མ་གྲུབ་ཀྱང་མེད་ཅིང་ལུས་པའི་རྒྱུ་མེད་པས། བསྒྲུབ་པ་ཚང་ཞིང་རྫོགས་པའི་ཕྲིན་ལས་སོ། །དེ་བས་ན་བསྒྲུབས་པའི་ཕྲིན་ལས་དུས་གསུམ་དུ་ཡེངས་པ་མེད་པར་འགྲུབ་པ་སྟེ། དེ་ལ་འདི་སྐད་ཅེས་བརྗོད་པར་བྱའོ། །བསྒྲུབས་པའི་རྒྱལ་པོ་སངས་རྒྱས་རྣམས་ཀྱི་བཀའ། ཚུལ་འཆང་གཞུང་ལས་ཕྱེ་སྟེ་བཤད་པར་བྱའོ། །རྒྱུ་ཉིད་དག་པ་གང་བསྒྲུབ་པ། །འདི་ཡང་སྒྲུབ་པའི་ཕྲིན་ལས་ཡིན། །རྩོལ་བསྒྲུབ་མེད་པར་གང་བསྒྲུབ་པ། །འདི་ཡང་སྒྲུབ་པའི་ཕྲིན་ལས་ཡིན། །མ་བཙལ་བཞག་པས་གང་བསྒྲུབ་པ། །འདི་ཡང་སྒྲུབ་པའི་ཕྲིན་ལས་ཡིན། །བཅོས་ ― DNG008_Page_0269 ―
[མ་དཔེ་གཟིགས་ན་འདིར་གནོན།]
མེད་སྙིང་པོར་གང་བསྒྲུབ་པ། །འདི་ཡང་སྒྲུབ་པའི་ཕྲིན་ལས་ཡིན། །མཉམ་པ་ཉིད་དུ་གང་བསྒྲུབ་པ། །འདི་ཡང་སྒྲུབ་པའི་ཕྲིན་ལས་ཡིན། །ཐིག་ལེ་ཆེན་པོར་གང་བསྒྲུབ་པ། །འདི་ཡང་སྒྲུབ་པའི་ཕྲིན་ལས་ཡིན། །མ་བཀག་ཀློང་དུ་གང་བསྒྲུབ་པ། །འདི་ཡང་སྒྲུབ་པའི་ཕྲིན་ལས་ཡིན། །ཀུན་ཏུ་བཟང་པོར་གང་བསྒྲུབ་པ། །འདི་ཡང་སྒྲུབ་པའི་ཕྲིན་ལས་ཡིན། །བསྒྲུབ་པའི་རྒྱལ་པོ་རྩོལ་བ་ཡང་། །ཐམས་ཅད་བསྒྲུབས་པས་ཐམས་ཅད་འགྲུབ། །གྲུབ་ཙམ་ཉིད་ན་གྲུབ་པ་མེད། །བསྒྲུབ་པ་མེད་ཙམ་རྫོགས་ཀྱང་རྫོགས། །སྙིང་པོ་བྱང་ཆུབ་བཅོས་མེད་པའི། །རྒྱུ་འབྲས་མེད་པའི་དངོས་གྲུབ་འདི། །སངས་རྒྱས་བྱང་ཆུབ་ཉིད་ཀྱིས་མཁྱེན། །གང་ལ་ཕྱོགས་ཆར་བསྟན་པ་འདི། །དེ་ནི་བདེ་གཤེགས་སྙིང་པོ་མིན། །དོན་དང་མཐུན་པའི་རྣལ་འབྱོར་པ། །དོན་ལ་ཐེ་ཚོམ་མེད་པའི་བློས། །སྔགས་པ་བློ་ལྡན་འདི་ལྟར་བསྒྲུབ། །དེ་ནི་ནམ་མཁར་འགྲོ་ཞེས་བཤད། །ཕ་དང་མ་ལ་སོགས་པ་དང་། །བུ་དང་ཆུང་མ་གང་ཡིན་པ། །ཡིད་འོང་ཆགས་པའི་གནས་མེད་དེ། །རྟོག་པས་བསྒྲལ་ལ་བསྒྲུབ་པ་བརྩམ། །བྱང་ཆུབ་སྙིང་པོར་འགྲུབ་ཅེས་བཤད། །དེ་སྐད་ཅེས་སྟོན་པས་བཀའ་སྩལ་པ།རྡོ་རྗེ་སེམས་དཔའ་རྟོག་པ་སྐྱེས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཕ་མ་ལ་སོགས་པ། མཚམས་མེད་པ་ལྔའི་ལས་དེ།བསྒྲུབ་པའི་མཆོག་ཏུ་གསུངས་པ་དེ། ཨེ་མ་ཧོ་ངོ་མཚར་ལགས་ན་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སེམས་དཔའ་ཕ་མ་རིག་པ་དང་། མ་འདོད་ཆགས་དང་། བུ་སྙིང་རྗེ་དང་། ཆུང་མ་ཉོན་མོངས་པ་དང་། ཡིད་འོང་གཉེན་སྡུག་རྟག་ཆད་རྣམས་ནི། རང་བཞིན་གྱིས་མི་གནས་པས་ནི། མ་སྐྱེས་པ་ཉིད་ཡིད་རང་བྱུང་དུ་བསྒྲལ་ན། སྙིང་པོ་བྱང་ཆུབ་སེམས་ཀྱི་དོན་མ་ནོར་བར་རྟོགས་པ་ཡིན་ཏེ། ― DNG008_Page_0270 ―
[མ་དཔེ་གཟིགས་ན་འདིར་གནོན།]
དེས་ན་འདི་སྐད་ཅེས་བཤད་པར་བྱའོ། །རྣལ་འབྱོར་རྟོག་པས་བསྒྲུབ་པ་ན། །ཕ་བསྒྲལ་མ་བསྒྲལ་གདོད་ནས་དག །ཆུང་མ་བུ་བསྒྲལ་རྣམ་རྟོག་མེད། །ཡིད་འོང་གཉེན་བསྒྲལ་བདེ་བ་ཐོབ། ། འདི་མཚམས་ཤིག་ནས་བསྒྲུབ་པའི་མཐར་དང་སྤྱོད་པའི་སྐབས་སྦྱོར་གྱི་དབུ་མ་ཚང་། སངས་རྒྱས་འབྲས་བུ་ཐག་མི་རིང་། །གོམས་པའི་ཡེ་ཤེས་སུས་སྤྱོད་པ། །སྤྱོད་པ་དོན་དང་མི་འགལ་བའི་ཕྲིན་ལས་སོ། །སྤྱོད་པ་ནང་གི་སེམས་དྲན་རྩོལ་དུ་མི་སྤྱད་ན། རྣམ་པར་མི་རྟོག་པའི་དོན་གྱི་ཡེ་ཤེས་སུས་ཀྱང་མ་བྱས་མ་བཅོས་པས། རང་བཞིན་མི་འགྱུར་བའི་དོན་ལ་སྤྱོད་པས། སྤྱོད་པ་རྩོལ་བསྒྲུབ་དང་བྲལ་བའི་ཕྲིན་ལས་སོ། །སྤྱོད་པས་ཐམས་ཅད་ལ་གཉིས་སུ་མེད་པར་སྤྱོད་ན། ཕྱིའི་ཡུལ་དང་ནང་གི་སེམས་གཉིས་སུ་མེད་པས། སྟོང་པའི་ཞིང་ནང་གི་སེམས་དང་། ཕྱིའི་ཡུལ་གཉིས་སུ་མེད་པས་མ་བཅོས་པ། དེ་ཡང་གཉིས་སུ་མེད་པའི་བྱང་ཆུབ་སེམས་སུ་ལྷུན་གྱིས་གྲུབ་པས། འདུ་འབྲལ་མེད་པའི་ཀློང་དེ་ཉིད་འདུས་མ་བྱས་པར་སྤྱོད་པས། སྤྱོད་པ་མཐར་ཕྱིན་པའི་ཕྲིན་ལས་སོ། །སྤྱོད་པ་གཉིས་སུ་མེད་པར་མི་སྤྱོད་ན། ཡེ་ནས་སྤྱད་ཟིན་པ་ལ། ད་རྩོལ་བ་ནན་ཏན་དུ་འགྱུར་བ་དེ། དེ་དག་རྒྱུ་འབྲས་གང་ལ་ཡང་རག་མ་ལུས་པའི་དོན་དུ་ཡིན་པས། སྤྱོད་པ་མ་ཡེངས་པར་གྲུབ་པའི་ཕྲིན་ལས་སོ། །དེ་བས་ན་སྤྱོད་པའི་ཕྲིན་ལས་ནི། ཐམས་ཅད་དུ་བདེ་བ་ཆེན་པོའི་རྒྱན་གྱིས་ལོངས་སྤྱོད་སྤྱོད་པ་སྟེ། དེ་ལ་འདི་སྐད་ཅེས་བརྗོད་པར་བྱའོ། །སྤྱོད་པའི་རྒྱལ་པོ་བདེ་གཤེགས་རྣམས་ཀྱི་ལས། །རྣལ་འབྱོར་ཐུགས་ཀྱི་སྒྲོམ་བུ་དམ་པ་ལས། །ངེས་པར་གསལ་བའི་སྡེ་མིག་སྒོ་ཕྱེ་ནས། །རྒྱལ་བའི་བཀའ་ལས་ཕྱུང་སྟེ་བཤད་པར་བྱའོ། །ཕྱི་ནང་ཆོས་རྣམས་ཐམས་ཅད་ལ། །དམིགས་པ་མེད་པར་གང་སྤྱོད་པ། །འདིར་ཡང་སྤྱོད་པའི་ཕྲིན་ལས་ཡིན། །འཁོར་བའི་ལས་རྣམས་ཐམས་ཅད་ལ། །རྟོགས་དང་ ― DNG008_Page_0271 ―
[མ་དཔེ་གཟིགས་ན་འདིར་གནོན།]
ལྡན་པས་གང་སྤྱོད་པ། །འདིར་ཡང་སྤྱོད་པའི་ཕྲིན་ལས་ཡིན། །བདག་དང་གཞན་དུ་སྣང་བ་རྣམས། །གཉིས་སུ་མེད་པར་གང་སྤྱོད་པ། །འདིར་ཡང་སྤྱོད་པའི་ཕྲིན་ལས་ཡིན། །ཕྱོགས་དང་རིས་སུ་སྣང་བ་རྣམས། །གཉིས་མེད་རྒྱལ་པོར་གང་སྤྱོད་པ། །འདིར་ཡང་སྤྱོད་པའི་ཕྲིན་ལས་ཡིན། །ལས་རྣམས་སངས་རྒྱས་ལས་ཡིན་པ། །སྤྱོད་པ་སངས་རྒྱས་ཉིད་དུ་སྤྱོད། །རོལ་པས་ཐབས་དང་ཤེས་རབ་ལ། །འདོད་པ་ཐབས་ཀྱིས་ལོངས་སྤྱོད་པའི། །སྤྱོད་པ་གཉིས་སུ་མེད་པར་སྤྱོད། །དེ་བས་རྣལ་འབྱོར་རྫོགས་ལྡན་གྱིས། །སྤྱོད་པའི་ཕྲིན་ལས་བརྩམས་སོ། །ཧཱུཾ་རང་གི་སེམས་ཉིད་གདོད་ནས་མ་དག་ན། །ཕྱོགས་ཙམ་བསྒོམས་པས་དག་མི་འགྱུར། །ཆོས་ཉིད་བཅོས་མེད་ཡེ་ནས་ཡིན་ཤེས་ན། །དེ་བཞིན་ཉིད་ཀྱི་ཏིང་འཛིན་མ་བསྒོམས་གསལ། །ཐབས་ཀྱི་རྩ་བར་སྙིང་རྗེར་མ་ཤར་ན། །འཕྲལ་དུ་ཕྱོགས་ཆས་ཡོངས་ལ་ཁྱབ་མི་འགྱུར། །གདལ་བ་ཆེན་པོའི་བློ་ཡིས་སྤྱིར་ཁྱབ་ན། །ཀུན་ཏུ་སྣང་གི་ཏིང་འཛིན་མ་བསྒོམས་གསལ། །རྒྱུ་ཉིད་དག་པའི་དོན་ཉིད་མ་ཤེས་ན། །འཕྲལ་གྱི་དམིགས་པས་རང་རིག་གསལ་མི་འགྱུར། །ཡེ་ནས་ཡིན་པར་རང་སེམས་གསལ་རྟོགས་ན། །རྒྱུ་ཡི་ཏིང་ངེ་འཛིན་ཉིད་མ་བསྒོམས་གསལ། །རང་རིག་གྱིས་ཡོངས་ལ་མ་བརྡལ་ན། །འཕྲལ་དུ་ཡུམ་མཆོག་བསྐྱེད་པའི་སྐུ་མི་རྫོགས། །ཤེས་རབ་ཕ་རོལ་ཕྱིན་པར་དབྱེར་མེད་ན། །སྙིང་རྗེའི་ཡུམ་མཆོག་ཐབས་དང་ཤེས་རབ་རྫོགས། །སེམས་ཀྱི་དབང་ཕྱུག་འདོད་དགུར་བསྒྱུར་བ་མ་ཤེས་ན། །འཕྲལ་དུ་ཐབས་ཀྱི་ཡེ་ཤེས་ལྔ་ཡི་དབང་མི་ཆགས། །ཀུན་གཞི་ཕྱོགས་བཅུར་དབང་བསྒྱུར་བས། །ཡེ་འབྱམས་ཆེན་པོའི་དབང་མཆོག་མ་ལུས་རྫོགས། །བདེ་བའི་བྱིན་རླབས་ཐིག་ལེར་མ་བརླབས་ན། །འཕྲལ་དུ་དགོངས་པས་སྐུ་གསུང་ཐུགས་མི་རློབ། །རང་བྱུང་བདེ་བས་ཁམས་གསུམ་བྱིན་རླབས་ ― DNG008_Page_0272 ―
[མ་དཔེ་གཟིགས་ན་འདིར་གནོན།]
པས། །སྐུ་གསུམ་བྱིན་རླབས་ཆོ་འཕྲུལ་རང་བཞིན་ཚང་། །ཡིད་ཀྱི་མཆོད་པས་སྟོང་གསུམ་མ་ཁྱབ་ན། །འཕྲལ་དུ་ཡུད་ཙམ་བདེ་བ་རྙེད་མི་འགྱུར། །ཡོངས་ལ་ཁྱབ་པའི་མཉེས་པ་རྒྱུན་མེད་ན། །མཆོད་པའི་ཆོ་འཕྲུལ་དོན་དུ་མ་བསྒོམས་ཚང་། །དགོངས་པ་ཡིད་ཀྱི་ཏིང་འཛིན་མ་གསལ་ན། །འཕྲལ་དུ་འཕྲོ་འདུས་རིག་པའི་ལྷ་མི་གསལ། །ཆོས་ཉིད་རང་གསལ་དོན་གྱི་གཏིང་གོ་ན། །ཏིང་ངེ་འཛིན་གྱི་ཆོ་འཕྲུལ་མ་བསྒོམས་གསལ། །དོན་གྱི་བསྙེན་པ་ཁོང་ནས་མ་ཤེས་ན། །འཕྲལ་དུ་མཚན་མར་བརྗོད་པས་གྲུབ་པ་མིན། །ཡིད་ཀྱི་བཟླས་བརྗོད་དུས་དང་རྒྱུན་མེད་ན། །རྣལ་འབྱོར་བསྙེན་པའི་ཆོ་ག་ཡང་དག་རྫོགས། །རྣམ་སྨིན་ལས་ཀྱིས་བདས་པའི་སྲིན་པོ་དང་། །ཉོན་མོངས་འདམ་གནས་འཁོར་བའི་རཱུ་ཏྲ་རྣམས། །རྟོགས་དང་ལྡན་པའི་ལྟ་བས་མ་བཏུལ་ན། །མཚན་མར་བསྒོམས་པས་རྟོག་པའི་གནས་མི་འབྱོངས། །རྣལ་འབྱོར་རྣམས་ལ་དོན་དུ་འདི་ལྟར་བདེ། །མ་སྐྱེས་ཕྱིར་ན་ཐམས་ཅད་གསང་བར་ཡིན་ནམ་གསལ་བར་རིགས། །དངོས་པོ་མེད་པས་འདི་དག་བཏུལ་བའི་རྫས། །ཞེན་ཆགས་ཆེ་བས་མི་བཞག་བསྒྲལ་བར་བྱའོ། །ལོག་པར་ལྟ་བའི་དོན་གྱི་ཙིཏྟ་དབྱུང་། རྒྱུ་འབྲས་བསླུ་བས་ཕུང་པོ་དུག་གསུམ་སྦྱངས། །ཉོན་མོངས་རྩད་བཅད་ནང་ཁྲོལ་ཐབས་ཀྱིས་དྲངས། །དགོངས་པའི་ཏིང་འཛིན་གསལ་བས་དོན་དུ་གཅིག །ནམ་མཁའི་མཐའ་ལྟར་ཀུན་ཏུ་ཐུག་པ་མེད། །སྐྱེ་མེད་བྱང་ཆུབ་སེམས་ནི་ཡན་དུ་ཁྱེ། །མཐའ་ལ་ཐུག་པ་མེད་ཅིང་དབྱིངས་ལས་གཡོས་པ་མེད། །ཆོས་སྐུ་འགྱུར་མེད་དུས་གསུམ་ཀློང་ན་བཞུགས། །བྱང་ཆུབ་ཉིད་དེ་དོན་དུ་འཁྲུལ་པ་མེད། །མ་བཅོས་ཐིག་ལེ་དུར་ཁྲོད་གཅིག་ཏུ་འཁྱིལ། །རྟག་ཆད་མཚན་མར་མ་ཡིན་ཀློང་ནས་བདལ། །འདུ་འབྲལ་མེད་པའི་བྱང་ཆུབ་སེམས་ཆེན་པོ། །བདེ་བ་ཆེན་པོའི་དྲོད་ནི་ཉམས་སུ་མྱོང་། །མི་སྐྱེ་མི་འགག་ཀློང་དུ་ཕྲིན་ལས་རྫོགས། །ཐིག་ལེ་དགུ་ ― DNG008_Page_0273 ―
[མ་དཔེ་གཟིགས་ན་འདིར་གནོན།]
ནི་དབྱིངས་སུ་གསལ། །རྣམ་ཤེས་དགུ་ནི་ཀློང་ན་འཕྱོ། །ཧེ་རུ་དགུ་ནི་རོལ་པ་མཛད། །ཡེ་ཤེས་དགུ་ནི་མྱ་ངན་འདས། །ཐེག་པ་དགུ་ནི་དོན་ལ་གསོལ། །ཕྲིན་ལས་དགུ་ནི་མཁའ་ལ་རྫོགས། །ལུང་ཆེན་དགུ་ནི་བཀའ་ལས་བཀྲོལ། །ཟླ་གམ་དགུ་ནི་ཡུམ་གྱི་དབྱིངས། །སྣང་གསལ་དགུ་ནི་རིག་པའི་གདེང་། །དག་གོ་སྐྱེས་བུ་ཆེན་པོའི་ལྷ། །རྡོ་རྗེ་ལ་ཡང་ཉིད་སྦྱོར་ནས། །རང་གི་དོན་དུ་བསྒྲུབས་པའི་ལྷ། །གཞན་ན་སངས་རྒྱས་གཉིས་མེད་པས། །དུས་གསུམ་རྒྱལ་བས་འདི་བསྔགས་པའོ།། །།དེ་ནས་རྡོ་རྗེ་སེམས་དཔས་འདི་སྐད་ཅེས་གསོལ་ཏོ། །ཨེ་མ་ཧོ་ངོ་མཚར་རབ་འབྱམས་ཀྱི། །སངས་རྒྱས་སྤྱོད་པ་ཁྱད་པར་ཆེ། །ཅི་ལྟར་སྤྱད་ཀྱང་དོན་དང་མཐུན། །འདྲེན་པའི་ལྷ་ལ་ཕྱག་འཚལ་ལོ། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས། ཁམས་གསུམ་གྱི་སེམས་ཅན་ཐམས་ཅད་རྣམ་པར་དག་པ་མ་རྟོགས་པས། ལས་དང་སྤྱོད་པ་ཐམས་ཅད་འཁོར་བའི་རྒྱུར་གོལ་བས། རྣལ་འབྱོར་པ་གསར་བུས་དོན་མ་རྟོགས་པས་ཐེ་ཚོམ་ཟ་བ་ལ། གང་ཟག་རས་ཆོད་མཁན་གྱིས་བཀའ་ཕྱིན་ཅི་ལོག་ཏུ་བསླད། རྒྱུ་འབྲས་ལོག་པར་ཁྲིད། དྲག་ཤུལ་གྱིས་བཙན་ཐབས་ལ་སྟོན་པ་འཇིག་རྟེན་གྱི་སྒྲོན་མས་ཀྱང་མ་ཐུལ། ང་རྒྱལ་གྱི་བཙན་ཚིག་ལ་བྱམས་པའི་ཏིང་ངེ་འཛིན་གྱིས་ཀྱང་མ་ཞི། གཏི་མུག་གི་ཆེ་དག་ལ་ཞི་བའི་ཆོས་ཀྱིས་ཀྱང་མ་གྲོལ་བ། ལྟ་བ་མེད་པའི་རས་ཆོད། དམ་ཚིག་ཉམས་པའི་གཟུ་ལུམས། སྤྱོད་པ་རྩིང་པའི་ཐོ་ཆོ། མན་ངག་མེད་པའི་བཙན་སྦྱོར།སྙིང་རྗེ་མེད་པའི་བཙན་སྒྲོལ། ཐར་པའི་ལམ་ནུབ་ཅིང་བདེན་པའི་ཤན་ཤོར་བའི་གང་ཟག་སྲིན་པོའི་སྤྱོད་པ་བྱེད་རྣམས་དང་པོར་ཐབས་ཀྱིས་འདུལ་བའི་ཕྱིར། ཧཱུཾ་ཧེ་ཧེ་ཕཊ་བྷྱོ། དེ་ནས་དྲག་པོས་འདུལ་བར་མཛད་པའི་ཕྱིར། གུ་ཧྱ་ཧེ་རུ་ཀ་རཱུ་ཏྲ་ཚལ་བ་ཧ་ན་ཧ་ན་ཧཱུཾ་ཕཊ། དེ་ནས་མངོན་སྤྱོད་ཀྱིས་འདུལ་བའི་ཕྱིར། གུ་ཧྱ་རཱུ་ཏྲ་མཱ་ར་ཡ་པྲ་བྷནྫ་ན་པྲ་ཝེ་ཤ་ཡ་སྭཱ་ཧཱ། དེ་ནས་རྣམ་ཤེས་ ― DNG008_Page_0274 ―
[མ་དཔེ་གཟིགས་ན་འདིར་གནོན།]
ཧཱུ། དེ་ནས་ཕུང་པོ་བྷྲཱུཾ། དེ་ནས་དུག་གསུམ་ཕཊ། དེ་ནས་ལྟ་བས་འདུལ་བར་མཛད་པའི་ཕྱིར། ཞི་ཞི་དེ་མ་མཱ་ཨཱ། དེ་ནས་དོན་དང་མཐུན་པར་བྱ་བའི་ཕྱིར་འདི་སྐད་ཅེས་བཀའ་སྩལ་ཏོ། །དང་པོར་གང་ཡིན་ང་ཡིན་པ། །ང་ནི་རྒྱལ་བ་ཀུན་གྱི་ཡབ། །བར་དུ་ཐམས་ཅད་ངས་སྤྱོད་པས། །ང་ནི་ཐམས་ཅད་ཀུན་གྱི་རྗེ། །ཐ་མར་ཐབས་ཀྱིས་ངས་འདུལ་བ། །ང་ནི་རྣལ་འབྱོར་ཡོངས་ཀྱི་དཔོན། །ཁམས་གསུམ་དག་ན་ང་དབང་ཆེ། །ང་ཡི་གོང་ན་སུ་ཡང་མེད། །སྲིད་གསུམ་ཆར་ལྟར་ཕབ་ཀྱང་ང་མི་འཆི། །ཁམས་གསུམ་ཆུ་ལྟར་འབྲུག་ཀྱང་ང་མི་འཁྱེར། །རྒྱུད་དྲུག་མེ་ལྟར་འབར་ཀྱང་ང་མི་འཚིག །སྟོང་གསུམ་རླུང་ལྟར་འཕྱོ་ཡང་ང་མི་བསྐྱོད། །དུག་གསུམ་མུན་ལྟར་འཐིབས་ཀྱང་ང་མི་འཐོམ། །ཡེ་ཤེས་ཉི་མ་ཤར་ཡང་གསལ་རྒྱུ་མེད། །མ་རིག་མུན་པ་བྱུང་ཡང་གནག་རྒྱུ་མེད། །སྐྱེ་ཤི་རིས་སུ་བཅད་ཀྱང་འཆིང་བ་མེད། །ཉོན་མོངས་དུག་གསུམ་གནས་ཀྱང་ཡེངས་པ་མེད། །དངོས་གྲུབ་རྣམ་གསུམ་ཡིན་ཡང་ཆགས་པ་མེད། །ཆོས་སྐུ་འགྱུར་མེད་འགྲུབ་ཀྱང་བཙལ་བ་མེད། །རང་བྱུང་ཉིད་དུ་གནས་པས་རག་མི་ལུས། །སྙིང་པོ་ལྷུན་གྱིས་གྲུབ་པས་རྟེན་མི་བཅའ། །རྣལ་འབྱོར་སྤྱོད་པའི་ཕྲིན་ལས་ནི། །དང་པོ་ཐ་མ་མེད་པ་ལ། །ཡེངས་པ་མེད་པའི་ལས་སྤྱོད་པ། །འདི་ནི་ཕྲིན་ལས་དང་པོའོ། །ཡིད་ཀྱིས་ཤེས་པ་གསལ་བཏབ་ནས། །གསང་ཆེན་ངེས་པའི་དོན་རིག་པ། །འདི་ནི་ཕྲིན་ལས་གཉིས་པའོ། །རྣལ་འབྱོར་བླ་མ་བློ་ལྡན་ལ། །ལུང་དང་མཐུན་པའི་དོན་བསྟན་པ། །འདི་ནི་ཕྲིན་ལས་གསུམ་པའོ། །གཞན་ཡང་ཕྲིན་ལས་འདི་སྤྱོད་པ། །རྒྱུད་འདི་ཉན་པར་གང་བྱེད་པ། །སྣོད་ཀྱི་རིམ་པ་འདི་དག་གོ། །དང་པོར་དད་པའི་ཡོན་གྱིས་བསྟེན། །བར་དུ་སློབ་དཔོན་མིག་ལྟར་ཁུར། །ཐ་མར་མན་ངག་གཏིང་ནས་ནོས། །ལྟ་བའི་མན་ངག་གདེང་དུ་ཚུད། །སྒྲུབ་པའི་ ― DNG008_Page_0275 ―
[མ་དཔེ་གཟིགས་ན་འདིར་གནོན།]
མན་ངག་ཕུལ་དུ་ཕྱིན། །སྤྱོད་པའི་མན་ངག་གཞུང་དུ་སྤྱོད། །མཚན་ཉིད་ངང་ཚུལ་བཟང་ལ་ཤིས། །ཡོངས་ལ་ཕྲག་ཡངས་དོག་པ་མེད། །ཀུན་དང་མཐུན་ལ་སྤྱོད་ལམ་གསལ། །རང་ཤེས་བསྐྱུངས་ལ་གཞན་མི་སྨོད། །དམ་ལ་གནས་ཤིང་བསྒྲུབ་ལ་བརྩོན། །གཡོ་མེད་ཁོང་སྐྱོན་རྣམ་པར་སྤང་། །བཀའ་བཞིན་བྱེད་དང་དོན་དང་མཐུན། །འདི་དག་བཤད་པའི་སྣོད་ཡིན་ནོ། །སྣོད་མེད་རྣམས་ཀྱི་རིམ་པ་ནི། །དོན་མེད་ཁྱོད་ལ་བཤད་པར་བྱའོ། །དང་པོར་དད་པའི་གཞུང་མེད་པས། །དབུལ་བར་མི་དགའ་གཞན་ཡང་སྡོམ། །མན་ངག་ལུང་མེད་གཞོགས་སློང་བྱེད། །སྟོན་པའི་བཀའ་མེད་ཡུག་སའི་ཚིག །ཁེ་དང་གྲགས་པའི་མཚན་ཉིད་པས། །བླ་མ་བཀུར་བར་མི་སེམས་ཤིང་། །རང་ཉིད་ཆེ་འདོད་ཚུལ་འཆོས་བྱེད། །བཀའ་ལ་མི་ཉན་འཁོར་ཀུན་བསྒྱུར། །ཕན་པ་མེད་པའི་ཚིག་རྣམས་ཀྱིས། །གྲོགས་པོ་རྣམས་ཀྱི་ཞེ་གཅོད་ཅིང་། །བསྙེན་བསྒྲུབ་རྩོལ་བ་མ་བྱས་པར། །མཁས་པར་འཆོས་ནས་གཞན་ལ་སྨོད། །གསང་བའི་བཀའ་འཆལ་ཡོངས་སུ་འཁྱམས། །མན་ངག་གསང་འཛག་ཕྱལ་པར་བཏང་། །མཚན་ཉིད་ངང་ཚུལ་ངན་པ་དེར། །འདི་དག་བཤད་ཀྱང་གོ་མི་འགྱུར། །ཁམ་ས་ལ་སོགས་སྣོད་ནང་དུ། །སེང་གེའི་འོ་མ་བཞོས་པ་ལྟར། །སྣོད་ཀྱང་ཆག་ལ་བཅུད་ཀྱང་འབོ། །དེ་བས་རིན་ཆེན་སྣོད་ནང་དུ། །བཅུད་མི་བོ་བར་གནས་པ་བཞིན། །བཀའ་བཞིན་མི་ལྡན་རྣལ་འབྱོར་པ། །བཀའ་གསང་ཡུལ་དུ་བསྟན་མི་བྱ། །ཉམས་པའི་རྒྱུར་འགྱུར་འཚིག་པར་ངེས། །དེ་བས་སྣོད་དང་ལྡན་པ་ཡི། །དོན་གྱི་གཏེར་དུ་འདི་བཅང་ངོ་། །འདི་ནི་སྤྱོད་པའི་ཕྲིན་ལས་ཏེ། །འཇམ་པོར་སྤྱད་ན་ཞི་བའི་ལས། །མང་བར་སྤྱད་ན་རྒྱས་པའི་ལས། །ཀུན་གྱི་བཟླུམས་ན་དབང་གི་ལས། །དྲག་པོར་སྤྱོད་ན་མངོན་སྤྱོད་ལས། །མ་སྤྱད་བཞག་ན་ཆོས་ཉིད་ལས། །སྤྱོད་པའི་ཕྲིན་ལས་མཐར་རྫོགས་པས། །འདི་ལྟར་སྤྱོད་ ― DNG008_Page_0276 ―
[མ་དཔེ་གཟིགས་ན་འདིར་གནོན།]
པའི་ཕྲིན་ལས་ཡིན། །སྤྱོད་པའི་རྒྱལ་པོ་བདེ་བ་ཡིན། །ཀུན་ལ་རོལ་ཅིང་ཐམས་ཅད་འགྲུབ། །སྦྱོངས་སུ་སྤྱོད་ཅིང་ཡེངས་པ་མེད། །སྣོད་དང་མཐུན་པས་ཐམས་ཅད་འགྲུབ། །སྤྱོད་པ་འདི་ལ་གང་གནས་པ། །དེ་ནི་མི་འཆིང་གྲོལ་བར་འགྱུར། །རྣལ་འབྱོར་ཚོགས་གཉིས་རྫོགས་པ་ཡིས། །ངེས་པའི་གཞུང་དུ་དེ་འགྱུར་རོ། །འདི་དང་མི་ལྡན་གང་ཟག་རྣམས། །ཅི་ལྟར་སྤྱོད་པ་ལོག་པའི་ལམ། །ཐར་པའི་དུས་མེད་འོ་དོད་འབོད། །འཁོར་བར་འཁྱམས་པའི་ལོག་པའི་ཆོས། །མནར་མེད་ཉམས་པར་དེར་འགྱུར་རོ། །དེ་ལ་དངོས་གྲུབ་འབྱུང་བར་དཀའ། །བུས་པས་ནོར་བས་འཁྲུལ་པའི་ཆོས། །ཤིན་ཏུ་མཐའ་རིང་སྤྱོད་པར་དཀའ། །གླང་ཆེན་འདམ་དུ་ཞུགས་པ་བཞིན། །ཡན་ལག་གཡབ་པས་ཕྱི་ཕྱིར་དམ། །འདི་འདྲ་མི་ཤེས་གླེན་པ་ཡིས། །དཔྱད་ཅིང་བཙལ་ཀྱང་ཕྱི་ཕྱིར་དམ། །དེ་བས་རྣལ་འབྱོར་སྐལ་བ་བཟང་། །ཐམས་ཅད་ཀུན་གྱི་སྙིང་པོ་མཆོག །སྟོན་པ་ཉིད་ཀྱིས་འདི་བསྔགས་པས། །སྣོད་ངན་རྣམས་ལ་མི་བསྟན་པའི། །སྤྱོད་པའི་སྐབས་སྦྱོར་དྲུག་པའོ།། །།ད་ནི་དམ་ཚིག་གི་སྐབས་སྦྱོར་འདི་ཡིད་ལ་ཟུང་ཞིག །དེ་ལ་སངས་རྒྱས་ཀྱི་དམ་ཚིག་གང་ཡིན་པ་སེམས་ཅན་གྱི་སྡོམ་པ་ཡིན་ལ། སེམས་ཅན་གྱི་སྡོམ་པ་གང་ཡིན་པ་སངས་རྒྱས་ཀྱི་དམ་ཚིག་ཡིན་ཏེ། རྩ་བ་དང་ཡན་ལག་གི་དམ་ཚིག་བསྲུངས་ཀྱང་རུང་། །མ་བསྲུངས་ཀྱང་རུང་། ཉམས་ཀྱང་རུང་། མ་ཉམས་ཀྱང་རུང་། ཤེས་ཀྱང་རུང་། མི་ཤེས་ཀྱང་རུང་སྟེ། ཕྲིན་ལས་ཀྱི་རྒྱལ་པོ་སྐབས་སྦྱོར་ཉིད་དུ་མཛད་པ་དེ། དེ་ཅིའི་ཕྱིར་ཞེ་ན། དེ་ནི་འདི་ལྟར་ཏེ་དམ་ཚིག་ཤེས་ན། དམ་པ་ནི་སངས་རྒྱས་དེས་ཞལ་ནས་གསུངས་པའི་ཚིག་ཡིན་པས། དམ་ཚིག་ཆོས་རྣམས་སྒྲོགས་པའི་ཕྲིན་ལས་སོ། །དམ་ཚིག་འདི་དག་མ་ཤེས་ན།ཡང་དག་པ་མ་ནོར་བའི་ཆོས་ཉིད་དེ་ནི། ཚིག་དང་ཡི་གེར་བྲི་བ་ ― DNG008_Page_0277 ―
[མ་དཔེ་གཟིགས་ན་འདིར་གནོན།]
ལས་འདས་པས། དམ་ཚིག་ཆོས་ཉིད་ཀྱི་ཕྲིན་ལས་སོ། །རྩ་བ་དང་ཡན་ལག་གི་དམ་ཚིག་འདི་ལྟར་བསྲུངས་ན། ཐམས་ཅད་དུ་མ་གཡོས་པའི་དོན་ཡིན་པས། ཚིག་དང་ཡི་གེ་གཟུང་འཛིན་གྱི་རྟོག་པ་བསྲུང་བས། དམ་ཚིག་བཀའ་དང་མཐུན་པའི་ཕྲིན་ལས་སོ། །དམ་ཚིག་འདི་དག་མི་བསྲུང་ན། ཐམས་ཅད་དུ་བདག་ཉིད་བྱང་ཆུབ་སེམས་སུ་སྣང་བས། གཞན་གང་ཡང་མ་གྲུབ་པས་ཅི་ཞིག་བསྲུང་སྟེ། དམ་ཚིག་འདའ་བ་མེད་པའི་ཕྲིན་ལས་སོ། །དམ་ཚིག་འདི་དག་ཉམས་ནའང་། རྟོགས་པ་ཀློང་དུ་གྲོལ། བརྩམས་པ་མཐར་ཕྱིན་ནས། དངོས་གྲུབ་ལས་སུ་རུང་བས། དམ་ཚིག་མ་ཉམས་པའི་ཕྲིན་ལས་སོ། །དམ་ཚིག་འདི་དག་ཉམས་ནའང་། ཡེ་རྒྱ་ཆེན་པོས་ཐམས་ཅད་ལ་བཏབ་པས། ཉམས་པའི་རྒྱུ་མེད་པས་དམ་ཚིག་བསྲུང་དུ་མེད་པའི་ཕྲིན་ལས་སོ། །དེ་བས་དམ་ཚིག་གི་ཕྲིན་ལས་ཐམས་ཅད་ནི།ཐམས་ཅད་ནས་ཐམས་ཅད་དུ་བསྲུང་དུ་མེད་ཅིང་མ་ཉམས་པའི་དམ་ཚིག་སྟེ། དེ་ལ་འདི་སྐད་ཅེས་བརྗོད་པར་བྱའོ། །དམ་ཚིག་རྒྱལ་པོ་ལྷུན་གྲུབ་སྙིང་པོ་མཆོག །གསང་ཆེན་ངེས་པ་འདའ་མེད་དམ་པ་ལས། །དོན་གྱི་སྐྱེས་བུས་ཞུས་པས་རབ་བཀྲོལ་ནས། །མི་ཡི་སེང་གེས་ཀུན་ལ་བསྟན་པར་བྱའོ། །དངོས་པོ་མཚན་མ་ཐམས་ཅད་ལ། །འདའ་བ་མེད་པར་གང་བསྲུང་བ། །འདི་ཡང་དམ་ཚིག་ཕྲིན་ལས་ཡིན། །ཉོན་མོངས་ཟུག་རྔུ་ཐམས་ཅད་ལ། །གཡོས་པ་མེད་པར་གང་བསྲུང་བ། །འདི་ཡང་དམ་ཚིག་ཕྲིན་ལས་ཡིན། །ལུང་དང་མཐུན་པ་ཡང་བྱེད་པ། །འདི་ཡང་དམ་ཚིག་ཕྲིན་ལས་ཡིན། །ཤེས་པ་སྒོ་ཡངས་ཆོས་དང་མཐུན། །འདི་ཡང་དམ་ཚིག་ཕྲིན་ལས་ཡིན། །གཙང་སྨེ་མེད་པར་གང་ཟ་བ། །འདི་ཡང་དམ་ཚིག་ཕྲིན་ལས་ཡིན། །བཟང་ངན་མེད་པར་གང་སྦྱོར་བ། །འདི་ཡང་དམ་ཚིག་ཕྲིན་ལས་ཡིན། །བྱམས་སྡང་མེད་པར་གང་སྒྲོལ་བ། །འདི་ཡང་དམ་ཚིག་ ― DNG008_Page_0278 ―
[མ་དཔེ་གཟིགས་ན་འདིར་གནོན།]
ཕྲིན་ལས་ཡིན། །སྤང་ལེན་མེད་པར་གང་བགྲོད་པ། །འདི་ཡང་དམ་ཚིག་ཕྲིན་ལས་ཡིན། །ཐོགས་ཆགས་མེད་པར་གང་སྤྱོད་པ། །འདི་ཡང་དམ་ཚིག་ཕྲིན་ལས་ཡིན། །ཆགས་སྡང་མེད་པར་གང་ཤེས་པ། །འདི་ཡང་དམ་ཚིག་ཕྲིན་ལས་ཡིན། །ནོགས་དང་ལྡན་པས་གང་ཐུབ་པ། །འདི་ཡང་དམ་ཚིག་ཕྲིན་ལས་ཡིན། །སྣོད་དང་ལྡན་པས་དོན་འབྱིན་ན། །འདི་ཡང་དམ་ཚིག་ཕྲིན་ལས་ཡིན། །ངེས་པའི་ཀློང་ལས་ཡེངས་མེད་པར། །འདི་ཡང་དམ་ཚིག་ཕྲིན་ལས་ཡིན། །རྒྱུད་འདི་འཛིན་ནམ་འཆང་བ་དང་། །ཀློག་གམ་རབ་ཏུ་བསྒྲུབ་པ་དང་། །ཡིད་ལ་ཤེས་པ་གང་ཡིན་པ། །འདི་ཡང་དམ་ཚིག་ཕྲིན་ལས་ཡིན། །སྔགས་པ་བློ་ལྡན་དད་པ་ཅན། །ཟང་ཟིང་ནོར་ལ་ཆགས་མེད་པ། །འདི་ཡང་དམ་ཚིག་ཕྲིན་ལས་ཡིན། །གཡོ་སྒྱུ་ཟོལ་སྤང་བདེན་པའི་ལམ། །འདི་ཡང་དམ་ཚིག་ཕྲིན་ལས་ཡིན། །དངོས་པོའི་ཆོས་རྣམས་ཐམས་ཅད་ཀུན། །སྐྱེ་བ་མེད་པར་གང་ཤེས་པ། །འདི་ཡང་དམ་ཚིག་ཕྲིན་ལས་ཡིན། །དམ་ཚིག་ཕྲིན་ལས་མི་ཤེས་པས། །བསླབ་པ་ནི་ལས་རྣམས་ལོག་པར་བྱེད། །སྒྲོས་མེད་ཆོས་ལ་ཡ་ག་འདོགས། །རང་བཞིན་མེད་ལ་ཕྱོགས་ཆར་འཛིན། །མཉམ་པ་ཉིད་ལ་བླང་དོར་བྱེད། །ངེས་པའི་དོན་ལ་དབྱེ་བསྲིང་ཅན། །བླ་མའི་ལུང་མེད་ང་རྒྱལ་ཚིག །རང་ཤེས་བྱེད་འདོད་ངེས་པ་མེད། །ལོག་པའི་ལམ་ཚོལ་བདེན་པ་ནུབ། །ཡོངས་ལ་ཕྲག་དོག་ཀུན་དང་འགྲས། །དམ་ཚིག་ཚུལ་མེད་ཉམས་པའི་ཞིང་། །འཁོར་བའི་ཆོས་རྟེན་ལོག་པའི་ལམ། །ཤེས་རབ་དོན་མེད་འཆལ་བའི་ཚིག །དོན་མེད་ཡུག་ས་མུ་སུ་ན། །དོན་དང་མཐུན་པའི་གཏན་ཚིགས་མེད། །མུ་མེད་གང་ཟག་སྨྱོ་བའི་ཚིག །དེས་ནི་འཁོར་བའི་སྒོ་ཕྱེ་བས། །ལག་ནས་བཟུང་ལ་མངོན་དུ་བསྒྲལ། །སེམས་ཉིད་བདག་དང་གཅིག་པའི་ཕྱིར། །སྙིང་ཁྲག་ཁར་ཡང་ ― DNG008_Page_0279 ―
[མ་དཔེ་གཟིགས་ན་འདིར་གནོན།]
བཏུང་བར་བྱའོ། །དེ་དག་བསྒྲལ་ན་བདེ་ཆེན་ཐོབ། །དེ་ཡང་དམ་ཚིག་ཕྲིན་ལས་ཡིན། །བཞག་ན་ཉམས་པའི་རྒྱུར་འགྱུར་རོ། །དེ་ནས་སྟོན་པ་མཉམ་གཞག་གིས། །རྡོ་རྗེ་སློབ་དཔོན་བཀའ་འདི་བཤད། །ཡིད་བཞིན་རིན་ཆེན་འབྱུང་བ་ཡི། །སློབ་དཔོན་བློ་ལྡན་མན་ངག་ཅན། །ངེས་པའི་སྒོ་འབྱེད་གང་ཡིན་པ། །ཕངས་མེད་ཡོན་གྱིས་སྣ་དྲངས་ནས། །ལུས་ངག་ཡིད་གསུམ་ཕུང་པོ་རྣམས། །དེ་ལ་གུས་པས་དབུལ་བར་བྱའོ། །སློབ་དཔོན་དེ་ལ་མཆོད་བྱས་ན། །ཕྱོགས་བཅུའི་སངས་རྒྱས་མཆོད་དང་འདྲ། །བླ་མ་དེ་ལ་ཕྱག་བྱས་ན། །སངས་རྒྱས་བཀུར་སྡི་བྱས་པ་ཡིན། །རྡོ་རྗེ་སློབ་དཔོན་བརྙས་བྱས་ན། །སངས་རྒྱས་ཐམས་ཅད་བསླུས་དང་འདྲ། །སློབ་དཔོན་བཀུར་བར་མ་བྱས་ཤིང་། །མན་ངག་ངེས་པ་མ་ཐོབ་པར། །གང་ཞིག་ལུང་ལ་སྤྱོད་པ་ནི། །འབྲས་བུ་མེད་ཅིང་བརླག་པར་འགྱུར། །དུས་གསུམ་ནམ་དུའང་མི་འབྲལ་ཞིང་། །བླ་མ་དེ་ལ་ཡོན་གྱིས་བསླུ། །ཐུགས་ཉིད་བྱང་ཆུབ་སེམས་དྲང་བས། །རྒྱལ་བ་ཀུན་ལ་མཆོད་དང་འདྲ། །གཉིས་མེད་དངོས་གྲུབ་དེ་ཡིས་ཐོབ། །སངས་རྒྱས་ཉིད་དུ་དེར་འགྱུར་རོ། །དེ་ནས་རིག་པའི་བུ་མཆོག་དེས། །རྒྱུད་འདི་གཞུང་དང་བསྟུན་པར་མཉན། །ལེགས་པར་བསྒྲིམས་ལ་སེམས་ལ་འཆད། །སྔགས་དང་ཕྱག་རྒྱ་རྒྱུན་མེད་པས། །དུས་དང་གྲངས་དང་བསྐལ་པ་ཡིས། །འདི་དག་ནམས་ཀྱང་བར་མི་གཅད། །གསང་བ་ལ་ནི་དབྱེར་མེད་ཀྱང་། །དམ་ཚིག་ཉམས་ལ་གསང་བ་དང་། །སྣོད་དུ་མིན་ལ་ཤིན་ཏུ་གསང་། །སྤྱད་པར་བྱ་བ་དེ་དག་ལ། །གང་ཡིན་རིམ་པར་གསལ་རྟོགས་ནས། །ངེས་པར་ཕྱེ་སྟེ་བཤད་པའི་ཕྱིར། །ལུང་ལས་བཀྲོལ་ཏེ་བཤད་པར་བྱའོ། །དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔས་གསོལ་པ། བཅོམ་ལྡན་འདས་ཆོས་ ― DNG008_Page_0280 ―
[མ་དཔེ་གཟིགས་ན་འདིར་གནོན།]
ཐམས་ཅད་རྒྱུ་དང་བྲལ་ཏེ། ཡེ་ནས་ལྷུན་གྱིས་གྲུབ་པའི་ངོ་བོ་ལགས་ན། དེ་ཅིའི་སླད་དུ་དམ་ཚིག་གི་རིམ་པར་ཕྱེ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སེམས་དཔའ་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ནི། མཛད་པ་ཐམས་ཅད་མི་མཛད་པ་ཡིན། དེ་ཅིའི་ཕྱིར་ཞེ་ན། །དེ་ནི་འཛིན་ཆགས་མི་མངའ་བའི་དོན་ནོ། །སེམས་དཔའ་ཆེན་པོ་བའི་དོན་རྟོགས་གཤེགས་པ་རྣམས་ནི། མི་མཛད་པ་ཐམས་ཅད་མཛད་པ་ཡིན།དེ་ཅིའི་ཕྱིར་ཞེ་ན། སྐྱེ་བ་མེད་པ་ལས་སྐྱེ་བའི་ཆོ་འཕྲུལ་དུ་འབྱུང་བའི་དོན་ནོ། །སེམས་དཔའ་ཆེན་པོ། ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ནི། ཞལ་ནས་གསུངས་པ་ཐམས་ཅད་མ་གསུངས་པ་ཡིན་ཏེ། དེ་ནི་འདི་ལྟ་སྟེ། ཆོས་ཉིད་སྟོང་པ་ལ་ཅི་ཡང་གསུང་དུ་མི་མངའ་བའི་དོན་ཏོ། །སེམས་དཔའ་ཆེན་པོ། བདེ་བར་གཤེགས་པ་རྣམས་ནི། མི་གསུང་བ་གསུང་བ་ཡིན། དེ་ཅིའི་ཕྱིར་ཞེ་ན། དེ་ནི་ཏིང་ངེ་འཛིན་གྱི་སྒོ་ནས་ཆོས་སྟོན་པས་མ་ཡེངས་པའི་བློ་གསལ་བར་བྱེད་པའི་དོན་ནོ། །སེམས་དཔའ་ཆེན་པོ། ཕྱོགས་བཅུའི་བདེ་བར་གཤེགས་པ་ནི་བཞུགས་པ་མི་བཞུགས་པ་ཡིན། དེ་ཅིའི་ཕྱིར་ཞེ་ན། དེ་ལ་སྣང་ལ་རང་བཞིན་མེད་པའོ། །སེམས་དཔའ་ཆེན་པོ། བདེ་བར་གཤེགས་པ་ནི། མ་བཞུགས་པ་བཞུགས་པ་ཡིན་ཏེ། དེ་ཅིའི་ཕྱིར་ཞེ་ན། དེ་ནི་ཐུགས་ནམ་མཁའ་ལྟ་བུས་ཀུན་ལ་ཁྱབ་ལ། མངོན་པར་ཤེས་པའི་ཡེ་ཤེས་ལྔ་དང་ལྡན་པས།ཇི་ལྟར་བརྟགས་པ་བཞིན། མཚན་དང་དཔེ་བྱད་དང་ལྡན་པའི་དོན་ཏོ། །སེམས་དཔའ་ཆེན་པོ། བདེ་བར་གཤེགས་པ་རྣམས་ཀྱི་དམ་ཚིག་འདི་དག་བསྲུང་བ་མི་བསྲུང་བ་ཡིན། དེ་ཅིའི་ཕྱིར་ཞེ་ན། དེ་ནི་མཉམ་པ་ཉིད་ཀྱི་དོན་ལ་འདའ་ཞིང་ཉམས་པ་མེད་པའི་དོན་ཏོ། །སེམས་དཔའ་ཆེན་པོ། དེ་བཞིན་དུ་ཆོས་ཐམས་ཅད་ཡོད་པ་མེད་པ་ཡིན། དེ་ཅིའི་ཕྱིར་ཞེ་ ― DNG008_Page_0281 ―
[མ་དཔེ་གཟིགས་ན་འདིར་གནོན།]
ན། དེ་ནི་དངོས་པོར་མ་གྲུབ་ཅིང་། རྟག་པ་ཅན་མ་ཡིན་པའི་དོན་ནོ། །སེམས་དཔའ་ཆེན་པོ། ཆོས་ཐམས་ཅད་མེད་པ་ཡོད་པ་ཡིན། དེ་ཅིའི་ཕྱིར་ཞེ་ན། དེ་ནི་སྟོང་ཉིད་ཆད་པ་ཉིད་དངོས་པོའི་རྒྱུར་འགྱུར་བའི་ཕྱིར་རོ། །སེམས་དཔའ་ཆེན་པོ། ཆོས་ཐམས་ཅད་སྣང་བ་མི་སྣང་བ་ཡིན། དེ་ཅིའི་ཕྱིར་ཞེ་ན། མི་རྟག་པའི་མཚན་ཉིད་དོ། །སེམས་དཔའ་ཆེན་པོ། ཆོས་ཐམས་ཅད་མི་སྣང་བ་སྣང་བ་ཡིན། དེ་ཅིའི་ཕྱིར་ཞེ་ན། ཉོན་མོངས་པ་ཕྱིན་ཅི་ལོག་གི་ལས་བཙན་པའོ། །སེམས་དཔའ་ཆེན་པོ། ཆོས་ཐམས་ཅད་དོན་མི་དམིགས་པའི་གཏན་ཚིགས་ཀྱིས་སོ་སོར་འགྲེལ་ཏེ་ཇི་སྐད་གསུང་ལ། གང་དུ་ཡང་གསུང་བ་མེད་པའི་དོན་ཏོ། །དེ་སྐད་ཅེས་བཀའ་སྩལ་པས། རྡོ་རྗེ་སེམས་དཔའི་རྟོགས་པའི་བག་ཆགས་བྱང་ངོ་། །དེ་ནས་ཡང་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དམ་ཚིག་འདི་དག་གང་བསྲུང་བ། །དེ་ནི་མ་ཉམས་ཐར་བར་འགྱུར། །སྔགས་པ་དམ་ཚིག་མཐར་ཕྱིན་པའི། །ས་མ་ཡ་ཡི་གཞུང་དུ་འགྱུར། །གལ་ཏེ་གཞུང་འདི་མ་ཤེས་པས། །ཅི་ལྟར་བསྲུངས་ཀྱང་ཉམས་པར་འགྱུར། །དམྱལ་བའི་སྤྱོད་པ་ཡ་རེ་ང་། །འཁོར་བའི་སྡུག་བསྔལ་བཟོད་བླག་མེད། །དེ་ལས་ཐར་བར་རབ་ཏུ་དཀའ། །ནོར་པས་ལམ་ནོར་བར་ཁྲིད་པ། །འཁྲུལ་པས་བྱང་ཆུབ་ཉིད་ལས་གོལ། །ཐམས་ཅད་ཀུན་གྱིས་བརྟག་དཀའ་བར། །སྙིང་པོའི་ལུང་དུ་འདི་བསྟན་པས། །སྣོད་དང་ལྡན་ལ་བསྟན་པའི་ཕྱིར། །དམ་ཚིག་སྐབས་སྦྱོར་བདུན་པའོ།། །།བཅོམ་ལྡན་འདས་ཀྱིས་རྒྱུད་ཀྱི་ཕན་ཡོན་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ། རྒྱུད་འདི་གང་ཞིག་འཛིན་པ་ན། སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་ཕྲིན་ལས་ཉིད་ཡོངས་སུ་རྫོགས་པར་འཛིན་པ་སྟེ། དེ་ནི་ཆོས་ཀྱི་དབྱིངས་དང་ཐ་མི་དད་དོ། །རང་བྱུང་གི་ཡེ་ཤེས་ཀྱང་བཙལ་བ་མེད་པར་ལྷུན་གྱིས་གྲུབ་པས། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད།― DNG008_Page_0282 ―
[མ་དཔེ་གཟིགས་ན་འདིར་གནོན།]
བོད་སྐད་དུ། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད། བཅོམ་ལྡན་འདས་རྡོ་རྗེ་སེམས་དཔའ་ཀུན་ཏུ་ཐབས་མཁས་པ་དེ་ལ་ཕྱག་འཚལ་ལོ། །འདི་སྐད་བསྟན་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་མ་སྐྱེས་པ་རང་བཞིན་མེད་པའི་ངང་ལ་བཞུགས་པའི་ཚེ། རྡོ་རྗེ་སེམས་དཔས་མི་གཡོ་བའི་ཏིང་ངེ་འཛིན་ལས་ལངས་ནས། སྟོན་པ་ཀུན་ཏུ་བཟང་པོ་ལ་མ་འདྲེས་པ་ཆེན་པོའི་དོན་གྱིས་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་ཐམས་ཅད་ནི་ལུས་ངག་ཡིད་གསུམ་ལ་སྤྱོད་དོ། །དེས་ཁམས་གསུམ་ལ་སྤྱོད་ན། ལུས་ཀྱི་སྤྱོད་པ་གང་ལྟར་སྤྱོད་ཅིང་བལྟ་བ་གང་དང་ལྡན་ན་དོན་དང་ལྡན། ངག་གི་སྤྱོད་པ་གང་ལྟར་སྤྱོད་ཅིང་བལྟ་བ་གང་དང་ལྡན་ན་དོན་དང་ལྡན། སེམས་ ― DNG008_Page_0283 ―
[མ་དཔེ་གཟིགས་ན་འདིར་གནོན།]
ཀྱི་སྤྱོད་པ་གང་ལྟར་སྤྱོད་ཅིང་བལྟ་བ་གང་དང་ལྡན་ན་དོན་དང་ལྡན། ཐབས་ཀྱི་སྤྱོད་པ་གང་ལྟར་སྤྱོད་ཅིང་བལྟ་བ་གང་དང་ལྡན་ན་དོན་དང་ལྡན། བཅོམ་ལྡན་འདས་ཀྱིས་ལུང་བསྟན་དུ་གསོལ།བདེ་བར་གཤེགས་པས་ལུང་བསྟན་དུ་གསོལ། དེ་སྐད་ཅེས་གསོལ་པ་དང་།བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སེམས་དཔའ་ཐབས་ཆེན་པོ། །འགྲོ་ལ་ཕན་པར་འདོད་པ་ཡིས། །ལེགས་པར་དྲིས་པ་བསྟན་པར་བྱའོ། །སེམས་ཅན་གང་ཞིག་འཁྲུལ་པ་ལ། །འཁོར་བ་སྒྱུ་མར་མ་ཤེས་པས། །སྤྱོད་པའི་དོན་དུ་མཚན་མ་སྤྱོད། །དེ་འདྲ་རྟག་པའི་མཚན་ཉིད་པས། །དེ་བཞིན་སྤྱོད་པ་འཁོར་བའི་རྒྱུ། །དེ་ནི་མན་ངག་གཏེར་འདོད་པས། །ལེགས་པར་རྒྱུད་འདི་མཉན་པར་གྱིས། །ལུས་ཀྱི་སྤྱོད་པ་གང་ལྟར་སྤྱོད་ཅིང་བལྟ་བ་གང་ལྟར་ལྡན་པར་བྱ་བ་ཡང་། ལུས་ཀྱི་སྤྱོད་པ་ཐབས་དང་ཤེས་རབ་ཏུ་སྤྱོད་པ་དང་། ལུས་ཀྱི་སྤྱོད་པ་མི་འགོག་ལ་མ་ཆགས་པར་སྤྱོད་པ་དང་། ལུས་ཀྱི་སྤྱོད་པ་བསྒུལ་བསྐྱོད་ཕྱག་རྒྱའི་དཀྱིལ་འཁོར་དུ་སྤྱོད་པ་དང་། ལུས་ཀྱི་སྤྱོད་པ་རྣམ་པར་དག་པའི་ཀློང་དུ་སྤྱོད་པ་དང་། ལུས་ཀྱི་སྤྱོད་པ་སྣང་ལ་གསལ་བར་སྤྱོད་པ་དང་། ལུས་ཀྱི་སྤྱོད་པ་མ་སྤངས་པ་ལ་མི་གནས་པར་སྤྱོད་པ་དང་། ལུས་ཀྱི་སྤྱོད་པ་སྐུ་མ་གཡོས་པའི་ངང་དུ་སྤྱོད་པའོ། །དེ་ལ་ལུས་ཀྱི་སྤྱོད་པ་ཐབས་དང་ཤེས་རབ་ཏུ་སྤྱོད་པ་ནི། ལུས་ནི་ཐབས། དེ་གོང་ནས་གོང་དུ་ཕྱིན་པ་ནི་ཤེས་རབ་བོ། །འབྱུང་བ་ཆེན་པོ་ལྔས་བསྐྱེད་པའི་ཕུང་པོ་ལྔ་ནི་ཐབས། དེ་འབྱུང་བ་ཆེན་པོ་གང་ལ་ཡང་མི་གནས་པས་ཤེས་རབ་པོ། །རྣམ་པར་ཤེས་པ་ཚོགས་བརྒྱད་ནི་ཐབས་དེས་གང་མཐོང་ཞིང་ཐོས་པ་དང་མྱོང་ཞིང་ཚོར་བ་དང་ཤེས་ཤིང་རིག་པ་ནི་ཤེས་རབ་བོ། །ཉོན་མོངས་པ་དུག་གསུམ་ནི་ཐབས། དེ་ཁམས་གསུམ་རྒྱུད་དྲུག་ཏུ་གནས་ཤིང་སྤྱོད་པ་ནི་ཤེས་རབ། དབང་པོ་ནི་ཐབས། ཡུལ་ནི་ཤེས་རབ། ― DNG008_Page_0284 ―
[མ་དཔེ་གཟིགས་ན་འདིར་གནོན།]
རིག་པ་ནི་ཐབས། གནས་པ་ནི་ཤེས་རབ་སྟེ། དེ་བས་ན་དེ་སྐད་ཅེས་བསྟན་པ་ཡིན་ཏེ། སྣོད་བཅུད་ཐབས་དང་ཤེས་རབ་ལ། །མཚན་མ་ཀུན་ལ་ཅིར་སྤྱད་ཀྱང་། །ཐབས་ལ་མཁས་པ་ཤེས་རབ་སྟེ། ཐབས་དང་ཤེས་རབ་དོན་རྟོགས་ན། །སངས་རྒྱས་ཉིད་ཀྱི་ལུང་དང་ལྡན། །འདི་ལས་མན་ངག་ཡོངས་མེད་པར། །ཀུན་ཏུ་བཟང་པོ་ངས་བཤད་དོ། །དེ་ལ་ལུས་ཀྱི་བལྟ་བ་གང་དང་ལྡན་པའི་དོན་དང་ལྡན་པ་ནི།ལུས་མ་སྐྱེས་པར་ཤེས་པ་ནི་དབྱིངས་རྣམ་པར་དག་པ། དེ་ཉིད་དེ་བཞིན་མེད་པར་ཡོངས་ལ་ཁྱབ་པ་ནི་རྣམ་པར་དག་པའི་ཀློང་། དེ་ལ་མི་འཛིན་མི་ཆགས་ཤིང་ཡོངས་ལ་ཁྱབ་པ་ནི་ཐབས་ལ་མཁས་པའི་བདག་ཉིད་དོ། །དེས་ན་རྡོ་རྗེ་སེམས་དཔའ་ལུས་ནི་ཡོད་ཀྱང་ཡོད་ལ་མེད་ཀྱང་མེད་དོ། །ལུས་ནི་བརྟན་ཀྱང་བརྟན་ལ་མ་བརྟན་ཀྱང་མི་བརྟན་པའོ། །ལུས་ནི་ཁྱབ་ཀྱང་ཁྱབ་ལ་མི་ཁྱབ་ཀྱང་མི་ཁྱབ་པའོ། །དེ་ཅིའི་ཕྱིར་ཞེ་ན། རྟགས་སུ་བགྲངས་ལ་དོན་མི་འཛིན་པས་སོ། །ཆོས་ཉིད་ནི་ལུས་སོ། །ལུས་ནི་ཆོས་ཉིད་དོ། །དེ་ཅིའི་ཕྱིར་ཞེ་ན། དེ་ནི་གཉིས་སུ་མེད་པའོ། །རྡོ་རྗེ་སེམས་དཔའ་ལུས་ཆོས་ཉིད་མ་ཡིན། ཆོས་ཉིད་ལུས་མ་ཡིན། དེ་ཅིའི་ཕྱིར་ཞེ་ན། དེ་ནི་མཚན་མར་མ་བརྟགས་པའོ། །རྡོ་རྗེ་སེམས་དཔའ་ལུས་ལྷའི་དཀྱིལ་འཁོར་རོ། །ལྷའི་དཀྱིལ་འཁོར་ནི་ལུས་སོ། །དེ་ཅིའི་ཕྱིར་ཞེ་ན། དེ་ནི་སོ་སོ་མ་ཡིན་ཐ་མི་དད་པའོ། །རྡོ་རྗེ་སེམས་དཔའ་ལུས་ལྷའི་དཀྱིལ་འཁོར་མ་ཡིན། ལྷའི་དཀྱིལ་འཁོར་ལུས་མ་ཡིན། དེ་ཅིའི་ཕྱིར་ཞེ་ན། དེ་ནི་རྟག་པ་ཅན་གྱི་ལུས་མ་ཡིན་པའོ། །རྡོ་རྗེ་སེམས་དཔའ་ལུས་ནི་མན་ངག་གོ། །མན་ངག་ནི་ལུས་སོ། །དེ་ཅིའི་ཕྱིར་ཞེ་ན། ངེས་པར་བསྟན་ཅིང་དོན་ལ་བསྟན་པའོ། །རྡོ་རྗེ་སེམས་དཔའ་ལུས་ནི་མན་ངག་མ་ཡིན། མན་ངག་ནི་ལུས་མ་ཡིན། དེ་ཅིའི་ཕྱིར་ཞེ་ན། ང་རྒྱལ་ཅན་གྱི་སྐམས་ཤིང་མ་ཡིན་པའོ། །དེ་བས་ན་འདི་སྐད་ ― DNG008_Page_0285 ―
[མ་དཔེ་གཟིགས་ན་འདིར་གནོན།]
ཅེས་བསྟན་པ་ཡིན་ཏེ། ལུས་ནི་བསྒུལ་བསྐྱོད་ཐམས་ཅད་ནི། །ཕྱག་རྒྱ་ཆེན་པོའི་རང་བཞིན་པས། །སྐྱོན་དུ་བྱ་བ་གང་ཡང་མེད། །ལེགས་ཉེས་རྣམ་པར་དབྱེར་མེད་པས། །ཐབས་ཀྱི་ཕྱག་རྒྱའི་དཀྱིལ་འཁོར་ལ། །བསྒུལ་བསྐྱོད་ཐུགས་དམ་རྒྱ་མཚོ་བསྐུལ། །གཉིས་མེད་རོལ་པའི་ཐིག་ལེ་ཆེ། །ངེས་པར་གསུངས་པའི་ལུང་ཡིན་པས། །རྟོགས་དང་ལྡན་པས་ཅི་དགར་སྤྱོད། །དོན་མཐུན་པ་ཡི་སྐྱེས་བུ་ནི། ། ཚིག་གཅིག་ཆད། གང་ལྟར་སྤྱད་ཀྱང་གསེར་དུ་འགྱུར། །གང་ལ་རེག་པ་གསེར་དུ་འགྱུར། །སྨན་གྱི་རྒྱལ་པོ་ལ་ཀི་ཏ། །གང་ལ་རེག་པ་སྨན་དུ་འགྱུར། །མན་ངག་གདེང་ཆེན་རྣལ་འབྱོར་པས། །ཉེས་པ་སྤྱད་པས་དཔལ་དུ་ཆེ། །མཚམས་མེད་ལྔ་ཡང་ཐར་བའི་ལམ། །སྲོག་གཅོད་རྒྱུ་ཡང་སངས་རྒྱས་ལ། །དོན་དང་མི་ལྡན་གང་ཟག་རྣམས། །ལུས་སྤྱོད་གཟབ་ཀྱང་ཉེས་པས་གོལ། །རང་ནོར་སྤྱད་ཀྱང་ལན་ཆགས་ནོར། །ཐར་པ་སྤྱད་ཀྱང་འཆིང་བའི་རྒྱུ། །གྲོལ་བར་བསམས་ཀྱང་འཁོར་བའི་རྒྱུ། །བདེ་ཆེན་ཉིད་དུ་དོན་ཤེས་ཤིང་། །རང་བྱུང་རྒྱལ་པོར་ཀློང་རྡོལ་ན། །ལུས་ཀྱི་སྤྱོད་པ་ཡིན་ཞེས་བཤད། །དེ་ལ་ལུས་ཀྱི་སྤྱོད་པ་གང་ལའང་མ་ཆགས་པར་སྤྱོད་པ་ནི། ལྟ་བ་གོམས་པའི་གདེང་དང་། མན་ངག་ངེས་པའི་དྲོད་ཚད་འདི་ཟིན་པས། ལུས་ཀྱི་སྤྱོད་པ་དོན་དང་ལྡན་དུ་ཟད་ཀྱི། ལུས་དང་མི་ལྡན་ཞིང་གང་ཟག་འོག་མའི་སྒྲེན་ཚིག་དག་གིས་སྤྱད་ཀྱང་སྤྱོད་པའི་དོན་དང་ལྡན་པར་འགྱུར་རོ། །དེ་ལ་ལུས་ཀྱི་སྤྱོད་པ་དབྱིངས་དང་ཡེ་ཤེས་སུ་སྤྱོད་པ་ནི། ཕྱི་སྣོད་ཀྱི་འཇིག་རྟེན་ལ་སོགས་པ་འབྱུང་བ་ཆེན་པོ་ལྔའི་མཚན་ཉིད་དུ་སྣང་བ་ཐམས་ཅད་ལུས་མཐའ་མེད་པས་དབྱིངས། ཡོངས་ལ་ཁྱབ་པས་དབྱིངས། ཟད་པ་མེད་པས་ཀྱང་དབྱིངས། ནམ་མཁའི་ངང་དུ་དབྱེར་མེད་པས་ཀྱང་དབྱིངས། དེ་བསྐྱོད་པའི་ལུས་དང་དབང་པོ་དང་། རྣམ་པར་ཤེས་པ་དང་། སྣང་བ་ཐམས་ཅད་མ་བཅིངས་པའི་དོན་དང་ལྡན་པས་ཡེ་ཤེས། དེ་ཉིད་ ― DNG008_Page_0286 ―
[མ་དཔེ་གཟིགས་ན་འདིར་གནོན།]
རིག་པ་སྤྲོས་པ་དང་བྲལ་བས་ཀྱང་ཡེ་ཤེས། རྟག་པར་མི་འཛིན་ཞིང་མཚན་མར་མི་འཛིན་པས་ཀྱང་ཡེ་ཤེས་ཡིན་པས་ན། དོན་འདི་ལྟར་ལུས་སུ་རིགས་ཤིང་སེམས་ལ་བཅངས་པས་ན།ལུས་ཀྱིས་ཅི་སྤྱོད་པ་དབྱིངས་དང་ཡེ་ཤེས་དེ། ཅི་ལྟར་སྣང་བ་ཀུན་ལ་དབྱིངས་དང་ཡེ་ཤེས་སུ་ཤེས་པར་བྱས་ནས། སངས་རྒྱས་ཀྱི་དགོངས་པ་ལ་ཡང་དབྱིངས་དང་ཡེ་ཤེས་ལས་མེད། སེམས་ཅན་གྱི་སྤྱོད་པ་ལུས་ཀྱི་སྤྱོད་པ་ཐམས་ཅད་དབྱིངས་དང་ཡེ་ཤེས་ཀྱི་ཀློང་དུ་སྤྱོད་ཅིང་། ཉིན་དང་མཚན་མེད། དུས་དང་རྒྱུན་མི་འཆད་པར་གནས་ན། ལུས་ཀྱི་སྤྱོད་པ་ཉིད་སངས་རྒྱས་ཀྱི་ཆེ་བའི་བདག་ཉིད་འབྱུང་བས། ལུས་ཀྱི་སྤྱོད་པ་དབྱིངས་དང་ཡེ་ཤེས་སུ་སྤྱོད་པ་སྟེ། དེས་ན་འདི་སྐད་ཅེས་བསྟན་པ་ཡིན་ཏེ། ལུས་ཀྱི་སྤྱོད་པར་རབ་སྤྱོད་པས། །དབྱིངས་དང་ཡེ་ཤེས་གཉིས་སུ་མེད། །འདུ་འབྲལ་མེད་པའི་ཀློང་དུ་རོལ། །ཡབ་ཡུམ་གཉིས་སུ་མེད་པའི་ངང་། །བྱང་ཆུབ་སེམས་ཀྱི་ངང་དུ་ཞུ། །དབྱེར་མེད་གཅིག་ཏུ་བསྟན་པའོ། །དེའི་ཕྱིར་ལུས་ལྷའི་དཀྱིལ་འཁོར་དུ་སྤྱོད་པ་ནི། ལུས་ནི་ལྷའི་དཀྱིལ་འཁོར་དུ་སྤྱོད་པའི་རང་བཞིན་ཡེ་ནས་ཡིན་པ་སྟེ། སྤྱོད་ཀྱང་ལྷའི་དཀྱིལ་འཁོར་དུ་སྤྱོད་དེ། ལུས་ཀྱི་བསྒུལ་བསྐྱོད་ལྷའི་དཀྱིལ་འཁོར་གྱི་ཕྲིན་ལས་སོ། །ལུས་ཀྱིས་གང་ལ་ཁྱབ་པ་དོན་མཛད་པ། ལུས་ལ་གྲངས་སུ་སྣང་བ་ནི་ལྷའི་གྲངས། ལུས་ལ་རྟགས་སུ་སྣང་བ་ནི་ལྷའི་རྟགས། ལུས་ལ་གཟུགས་སུ་ཡོད་པ་ནི་ལྷའི་གཟུགས། ལུས་གཞིག་ན་རང་བཞིན་མེད་པ་ལྷའི་དཀྱིལ་འཁོར་གྱི་རང་བཞིན་མེད་པསྟེ། ལུས་སྐྱེས་ན་ལྷའི་དཀྱིལ་འཁོར་དུ་སྐུ་རྫོགས་པར་སྣང་བར་སྤྱོད་དོ། །ལུས་མི་རྟག་པར་འཆི་ན་ལྷའི་དཀྱིལ་འཁོར་མ་བསྐྱེད་པར་བསྡུའོ། །ལུས་ལོངས་སྤྱོད་ན་ལྷའི་དཀྱིལ་འཁོར་ལ་ལོངས་སྤྱོད་དོ། །ལུས་བཞེངས་ན་ལྷའི་དཀྱིལ་འཁོར་འགྲོ་བའི་དོན་ལ་ ― DNG008_Page_0287 ―
[མ་དཔེ་གཟིགས་ན་འདིར་གནོན།]
བཞེངས་སོ། །ལུས་བསྐྱོད་ན་འགྲོ་བ་སེམས་ཅན་གྱི་དོན་ལ་བསྐྱོད་དོ། །ལུས་མནལ་ན་ལྷའི་དཀྱིལ་འཁོར་མཉམ་པ་ཉིད་ལ་མནལ་ལོ། །དེས་ན་ལུས་ཀྱི་སྤྱོད་པ་ལྷའི་དཀྱིལ་འཁོར་དུ་སྤྱོད་པའོ། །ལུས་ཀྱི་སྤྱོད་པ་རྣམ་པར་དག་པའི་དབྱིངས་སུ་སྡུད་པ་ནི། ཆོས་ཉིད་མ་སྐྱེས་པས་ལུས་ཀྱི་སྤྱོད་པ་རྣམ་པར་དག་པའི་ཀློང་དུ་སྤྱོད་པའོ། །དབྱིངས་སུ་མུ་མཐའ་མེད་པས་ལུས་ཀྱི་སྤྱོད་པ་རྣམ་པར་དག་པའི་ཀློང་དུ་སྤྱོད་པའོ། །སྣང་སྲིད་ཐིག་ལེ་ཆེན་པོར་སངས་རྒྱས་པས་ལུས་རྣམ་པར་དག་པའི་ཀློང་དུ་སྤྱོད་པའོ། །དོན་དམ་པ་ལ་ཕྱི་ནང་མེད་པས་ལུས་མ་གཡོས་པར་ཤེས་པ་ལ་ལུས་ཀྱི་སྤྱོད་པ་རྣམ་པར་དག་པའི་ཀློང་དུ་སྤྱོད་པའོ། །ལུས་ཀྱི་སྤྱོད་པ་སྣང་བ་གསལ་བར་སྤྱོད་པ་ནི་ཐབས་ཀྱི་སྙིང་པོར་ཤེས་པས་ལུས་ཀྱི་སྤྱོད་པ་བདེ་བ་ཆེན་པོར་སྣང་ཞིང་ཐམས་ཅད་དུ་བྱ་བ་མེད་པས། དོན་དམ་པའི་མན་ངག་དགོངས་པའི་ཀློང་ལ་གསལ་བར་སྤྱོད་པས་ལུས་ཀྱི་སྤྱོད་པ་སྣང་ལ་གསལ་བར་སྤྱོད་པའོ། །ལུས་ཀྱི་སྤྱོད་པ་མ་སྤངས་ལ་མི་གནས་པར་སྤྱོད་པ་ནི། འཁོར་བའི་ལུས་ཆོས་ཉིད་ཀྱི་རང་བཞིན་ཡིན་པས་མ་སྤངས་ལ། དེ་ལ་རྟག་པ་ཅན་དུ་མི་གནས་པས་ཆོས་ཉིད་ལུས་ཀྱི་སྤྱོད་པ་ཡིན་པས་ལུས་ཀྱི་སྤྱོད་པ་མ་སྤངས་ལ་མི་གནས་པར་སྤྱོད་པའོ། །ལུས་ཀྱི་སྤྱོད་པ་བསྒུལ་བསྐྱོད་ཕྱག་རྒྱའི་དཀྱིལ་འཁོར་དུ་སྤྱོད་པ་ནི། མི་འདའ་བ་དང་རྟག་པ་དང་ལྡན་པ་དང་། དོན་དང་ལྡན་པ་ལ་དུས་མེད་པའོ། །ཆོས་ཀྱི་སྤྱོད་པ་ཆོས་ཉིད་ཀྱི་སྐུ་མ་གཡོས་པའི་ངང་དུ་སྤྱོད་པ་ནི། ལུས་ཉིད་མ་སྐྱེས་པའི་གཡུང་དྲུང་དུ་འདུས་མ་བྱས་པས། རྟོགས་པའི་ཀློང་ལས་འཕོ་འགྱུར་མེད་པའོ། །ལུས་ཀྱི་སྤྱོད་པ་རྣམ་པར་དག་པའི་ངང་དུ་སྤྱོད་པ་ནི།དཔེར་ན་ཉི་མས་གང་དུ་ཁྱབ་པར་མུན་པ་གསལ་བར་འདྲ་བས། ལུས་རྣམ་པར་དག་པས་ལུས་ཀྱིས་གང་ནས་གང་དུ་འཁོར་བའི་ཆོས་ཀྱང་རྣམ་པར་དག་པའི་ངང་དུ་གྱུར་པའོ། །དེ་ནས་འདི་སྐད་ཅེས་བསྟན་ཏོ། །ལུས་སུ་སྤྱོད་པས་སངས་རྒྱས་ཏེ། །སངས་རྒྱས་ ― DNG008_Page_0288 ―
[མ་དཔེ་གཟིགས་ན་འདིར་གནོན།]
སྤྱོད་པ་ལུས་ཡིན་པས། །ཡེ་ཤེས་ལུས་ནི་སངས་རྒྱས་པའོ། །སངས་རྒྱས་གཞན་ན་ཡོངས་མེད་པས། །འགྲོ་བའི་མགོན་པོས་ལུས་ལ་བརྗོད། །འདི་ལྟར་གོམས་པ་གདེང་ཆེན་གྱིས། །དུས་ནི་ཉིན་དང་མཚན་མེད་པས། །དེ་ཡི་བརྩོན་པ་དོན་དང་ལྡན། །ལུས་ལ་ཡེངས་པའི་རྒྱུ་མེད་པས། །དེས་ནི་བརྩོན་པའི་དོན་དང་ལྡན། །རྡོ་རྗེ་སེམས་དཔས་རྟོགས་པར་གྱིས། །རྡོ་རྗེ་རྒྱལ་བའི་དུས་སྤྱོད་པ། །བསྔགས་པས་ངེས་པ་དེ་ལྟར་སྤྱད། །ངེས་པ་ཉིད་དུ་བསྟན་པ་སྟེ། །སངས་རྒྱས་རྣམས་ཀྱིས་ཟབ་པར་གསུངས། །སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། ལུས་ཀྱི་སྤྱོད་པ་གང་ལྟར་སྤྱོད་ཅིང་ལྟ་བ་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་ངག་གི་སྤྱོད་པ་གང་ལྟར་སྤྱད་ཅིང་ལྟ་བ་གང་དང་ལྡན་པ་འདི་ཆེད་དུ་བརྗོད་དོ། །ངག་གི་སྤྱོད་པ་གང་ཡིན་པའང་ཤིན་ཏུ་རྣལ་འབྱོར་རྣམས་ཀྱིས་ཉོན་ཅིག དེ་ལ་དག་གི་སྤྱོད་པ་ལ་རྣམ་པ་གསུམ་སྟེ། ངག་ཆོས་ཉིད་དུ་སྤྱོད་པ་དང་། ངག་བཟླས་པའི་ཐིག་ལེར་སྤྱོད་པ་དང་། ངག་སྟོང་པ་ཉིད་དུ་སྤྱོད་པའོ། །དེ་ལ་ངག་ཆོས་ཉིད་དུ་སྤྱོད་པ་ནི། ཇི་ལྟར་སྣང་བ་ཐམས་ཅད་ངག་གིས་མིང་བཏགས་པས་ཚིག་ཐམས་ཅད་ཆོས་ཉིད། ཆོས་ཐམས་ཅད་ཡི་གེ། ཡི་གེ་ཐམས་ཅད་མ་སྐྱེས་པའི་རང་བཞིན་དུ་ཤེས་པས་ཆོས་ཉིད་དོ། །དེ་ལ་འདི་སྐད་ཅེས་བཤད་པ་སྟེ། །གནམ་རི་དང་ནི་ས་བྲག་དང་། །རྩི་ཤིང་དང་ནི་ནགས་ཚལ་རྣམས། །ཡི་གེ་ཉིད་དུ་བསྟན་པ་སྟེ། །ཡི་གེ་མ་སྐྱེས་རང་བཞིན་ན། །དེ་ལ་ངག་སྨྲས་ཆོས་ཉིད་དེ། །དེ་བཞིན་ངམ་གྲོག་གཡང་ས་དང་། །གྱེན་དང་ཐུར་དང་སྣོད་ཀྱི་རྫས། །འབྱུང་བ་ལྔས་བསྡུས་ཐམས་ཅད་ཀུན། །ཡི་གེ་མ་སྐྱེས་རང་བཞིན་ན། །དེ་ལ་ངག་སྤྱོད་ཆོས་ཉིད་དོ། །དེ་ལ་ངག་ནི་སྤྱོད་པ་ནི། །སེམས་ཅན་ལུས་དང་དབང་པོ་དང་། །རྣམ་གྲངས་ཤེས་པའི་རང་བཞིན་དང་། །འཕགས་པའི་སྐུ་དང་ཡེ་ཤེས་དང་། །ཡོན་ཏན་བྱེ་བྲག་བསྟན་པ་ཡང་། །དེ་ཡང་ཡི་གེར་བསྟན་པ་སྟེ། །ཡི་གེར་ཐོག་མར་མ་སྐྱེས་པས། །དེ་ལ་ངག་སྤྱོད་ཆོས་ཉིད་དོ། །ལེགས་དང་ཉེས་པ་གང་སྨྲས་པ། །སྙན་དང་མི་སྙན་སྒྲ་བསྒྲགས་ནས། ། ― DNG008_Page_0289 ―
[མ་དཔེ་གཟིགས་ན་འདིར་གནོན།]
ཞི་དང་ཁྲོ་བོའི་ཚོགས་རྣམས་ཀུན། །ཡི་གེ་ཉིད་དུ་ཚིག་སྨྲས་པས། །ཡི་གེ་མ་སྐྱེས་ཆོས་ཉིད་ན། །དེ་ལ་ངག་སྤྱོད་ཆོས་ཉིད་དོ། །བདེ་བ་དང་ནི་སྡུག་བསྔལ་དང་། །སྒྱུ་མ་བྲག་ཆ་ལ་སོགས་དང་། །དེ་བཞིན་རྨི་ལམ་སྨིག་རྒྱུ་རྣམས། །ཡི་གེ་ཉིད་ཀྱིས་བཏགས་པས་ན། །ཡི་གེའི་རང་བཞིན་མ་སྐྱེས་པས། །དེ་ལ་ངག་སྤྱོད་ཆོས་ཉིད་དོ། །དེ་བཞིན་བཏགས་པ་གང་ཡིན་པ། །ཆོས་ཉིད་ཡིན་པས་གཞན་ནས་མིན། །དོན་གྱི་མན་ངག་འདི་ཤེས་ན། །ཅི་སྨྲས་ངག་གི་ཆོས་ཉིད་དུ། །དེ་ལས་གང་བཟླས་པའི་ཡི་གེར་སྤྱོད་པ་ནི། ངག་ལྷང་ལྷང་པོར་སྒྲ་ཅི་བརྗོད་ཀྱང་དེ་ཐམས་ཅད་ཡི་གེ་བཞི་བཅུ་རྩ་གཉིས་ཀྱིས་མ་བསྡུས་པ་གང་ཡང་མེད་དོ། །ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཨཱོཾ། ཨི་ཨི། ཨུ་ཨུ། ཨེ་ཨེ། ཨཱོཾ་ཨ་ཀྵཱ། ཡི་གེ་གཅིག་ལྷག ། གུ་གུ་དབྱིངས་ཀྱི་འདྲེན་སྟངས་དང་། །ཞབས་བསྐྱེད་ཐུགས་རྗེའི་ཤུགས་བསྐྱེད་པ། །འགྲེང་བུ་མ་བཀག་གསལ་བའི་སྐུ། །ན་རོ་ཆོས་ཉིད་ཀློང་ན་རོལ། །ཟླ་ཚེས་འདབ་མཆོག་འདྲེན་པའི་ཡུམ། །ཐིག་ལེ་བྱང་ཆུབ་དབྱིངས་སུ་འཁྱིལ། །དོན་དུ་མན་ངག་གདེང་དུ་གནས། །དགོངས་པ་ལྷ་ཡི་དཀྱིལ་འཁོར་གསལ། །བཟླས་པ་བསྙེན་འཛབ་སྙིང་པོར་རྫོགས། །རྟོགས་པས་བདེ་ཆེན་ཀློང་དུ་འཕྱོས། །བཤད་པས་སེམས་ཅན་ངས་འགྲེལ། །ཅི་བརྗོད་ཆོས་ཀྱི་བཟླས་པར་འགྱུར། །དོན་ལ་མི་འགྱུར་གང་ཡང་མེད། །ངག་གིས་བརྗོད་པ་དོན་རེ་ཆེ། །ཆོས་ཀྱི་མཛོད་རྣམས་ཐམས་ཅད་གསལ། །མ་བརྗོད་ན་ཡང་དོན་རེ་ཆེ། །ཆོས་ཀྱི་ཚིག་དང་ཡི་གེར་མེད། །ཚིག་ཏུ་བཏགས་ན་བཏགས་ཏེ་ལེགས། །ཆོས་རྣམས་ཚིག་དང་ཡི་གེར་བསྟན། །མ་བཏགས་ན་ཡང་པ་ཏྲ་ཆེ། ། དོན་དུ་ཆེ་འདྲ་ཡིན། ཚིག་དང་ཡི་གེར་སྒྲོ་མ་བཏགས། །མ་ཡེངས་དྲན་པ་བཟླས་བརྗོད་ཡིན། །དོན་དང་མཐུན་པ་བསྒྲུབ་པ་ཡིན། །འདི་ལྟར་དོན་ ― DNG008_Page_0290 ―
[མ་དཔེ་གཟིགས་ན་འདིར་གནོན།]
དང་གང་ལྡན་པ། །ལོག་པར་སྨྲས་ཀྱང་ངེས་པའི་དོན། །བཟོ་བོ་གོམས་པའི་ལག་དང་འདྲ། །དོན་ཆེན་འདི་དང་མ་ལྡན་ན། །བདེན་པར་སྨྲས་ཀྱང་ལོག་པའི་ས། །དཔེར་ན་བླུན་པོའི་བཟོ་དང་འདྲ། །ཆོས་མཛོད་ཐམས་ཅད་ངག་ལས་འབྱུང་། །སངས་རྒྱས་ཐམས་ཅད་ངག་གིས་བསྟན། །བྱང་ཆུབ་སེམས་རྣམས་ངག་གིས་བསྟན། །དངོས་གྲུབ་རླབས་ཆེན་ངག་གིས་བསྒྲུབ། །འདི་ནི་ངག་གི་སྤྱོད་པ་ཡིན། །དོན་ཆེན་གཏི་མུག་གོ་བ་དེ། །བརྩོན་པ་དོན་དང་ལྡན་པའོ། །དུས་གསུམ་སངས་རྒྱས་ཐམས་ཅད་ལ། །གསུང་གི་སྤྱོད་པ་འདི་ལས་མེད། །གསུང་གི་སྤྱོད་པ་ངག་ཡིན་པས། །ངག་གི་སྤྱོད་པ་འདི་ཤེས་ན། །སངས་རྒྱས་བྱང་ཆུབ་ཐག་མི་རིང་། །དེ་ལ་ངག་སྟོང་པ་ཉིད་དུ་སྤྱོད་པ་ནི། ལེགས་ཉེས་ཀྱི་དོན་གང་དག་གིས་སྨྲས་ཤིང་བརྗོད་ཀྱང་། དེ་ལ་དངོས་པོ་མེད་པས། དེ་ཉིད་སྔ་མ་ནི་སྟོང་། ད་ལྟ་ནི་མི་གནས། ཕྱིས་མི་རྟོག་པས། དུས་གསུམ་དུ་བརྗོད་པ་མ་སྐྱེས་སྟོང་པ་ཉིད་དུ་གནས་པ་ནི། ངག་སྟོང་པ་ཉིད་དུ་སྦྱོང་བ་སྟེ། དེ་ལ་འདི་སྐད་ཅེས་བཤད་པའོ། །རྫས་ལ་དངོས་པོར་བསྟན་པ་ཡང་། །ཚིག་ལ་དངོས་པོར་མ་གྲུབ་པས། །རྫས་ཀྱང་དངོས་མེད་སྟོང་པའི་ཞིང་། །བཟང་དང་ངན་པར་བསྟན་པ་ཡང་། །ཚིག་ལ་དངོས་པོར་མ་གྲུབ་པས། །བཟང་ངན་དངོས་མེད་སྟོང་པའི་ཞིང་། །བདེ་དང་སྡུག་བསྔལ་བརྗོད་པ་ཡང་། །ཚིག་ལ་དངོས་པོར་མ་གྲུབ་པས། །བདེ་སྡུག་དངོས་མེད་སྟོང་པའི་ཞིང་། །དེ་བཞིན་གླེང་བརྗོད་ཐམས་ཅད་ཀུན། །ཚིག་ལ་དངོས་པོར་མ་གྲུབ་པས། །གླེང་བརྗོད་ཐམས་ཅད་སྟོང་པའི་ཞིང་། །མ་སྐྱེས་པ་ཡི་ཆོས་ཉིད་ལ། །ངག་གི་གླེང་བརྗོད་ཐམས་ཅད་ཀུན། །བཅོས་མེད་སྟོང་པར་ཤེས་པར་བྱ། །སུས་ཀྱང་སྨྲ་མེད་སྨྲ་མི་འགྱུར། །འདྲེན་པའི་དབང་པོས་ཀྱང་མི་གསུང་། །སུས་ཀྱང་གསུང་བ་མེད་པའོ། །དེ་འདྲའི་དོན་ལ་གང་གནས་པ། །དེ་ནི་ངག་གི་སྤྱོད་པ་སྟེ། །དེ་ལ་ཉིན་དང་མཚན་མེད་པས། །བརྩོན་པ་དོན་དང་ལྡན་ཞེས་བྱ། །དེ་ལ་བལྟ་བ་ ― DNG008_Page_0291 ―
[མ་དཔེ་གཟིགས་ན་འདིར་གནོན།]
གང་དང་ལྡན་ན་དོན་དང་ལྡན་པ་ནི། བལྟ་བ་རྣམ་པ་ལྔ་སྟེ། བརྗོད་པ་མེད་པའི་ལྟ་བ་མ་ཡེངས་པར་བལྟ་བ་དང་། ཐབས་མཁས་པའི་ལྟ་བ་གང་ལྟར་དྲངས་ཀྱང་དོན་དང་མི་འགལ་བ་དང་། དོན་དང་མཐུན་པའི་ལྟ་བ་གཞུང་དུ་འགྲོ་བ་དང་། ཆོས་ཉིད་སྟོང་པའི་ལྟ་བ་སྟོང་པའི་ཞིང་དུ་དག་པ་དང་། མ་བྱུང་མ་སྐྱེས་པའི་ལྟ་བ་མ་བཅོས་པར་གནས་པ་སྟེ། དེས་ན་འདི་སྐད་ཅེས་བཤད་པར་བྱ་སྟེ། འགྱུར་བ་མེད་པའི་མཁའ་དབྱིངས་ནས། །ངག་གི་བརྗོད་པ་མ་སྐྱེས་པས། །དོན་གྱི་ལྟ་བ་ཐག་བཅད་པའོ། །སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། ངག་གི་སྤྱོད་པ་གང་ལྟར་སྤྱོད་ཅིང་ལྟ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་སེམས་ཀྱི་སྤྱོད་པ་གང་ལྟར་སྤྱོད་ཅིང་ལྟ་བ་གང་དང་ལྡན་པ་འདི་ཆེད་དུ་བརྗོད་དོ། །སེམས་ཀྱི་སྤྱོད་པ་གང་ཡིན་པ། །རྫོགས་ཆེན་རྣལ་འབྱོར་རྣམས་ཀྱིས་ཉོན། །དེ་ལ་སེམས་ཀྱི་སྤྱོད་པ་ལ་དོན་རྣམ་པ་ལྔ་སྟེ།སེམས་ཀྱིས་ཉོན་མོངས་པ་གནས་སུ་དག་པར་སྤྱོད་པ་དང་། སེམས་རང་བྱུང་གི་ཡེ་ཤེས་སུ་སྤྱོད་པ་དང་། སེམས་འགྱུར་བ་མེད་པའི་སྙིང་པོར་སྤྱོད་པ་དང་།སེམས་བཅོས་པ་མེད་པའི་སྙིང་པོ་ཉིད་དུ་སྤྱོད་པ་དང་། སེམས་བཙལ་བ་མེད་པའི་ཡེ་ཤེས་སུ་སྤྱོད་པའོ། །དེ་ལ་སེམས་ཉོན་མོངས་པ་གནས་སུ་དག་པར་སྤྱོད་པ་ནི། འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་ལ་སོགས་པ་སེམས་ལ་འཛིན་པ་ཐམས་ཅད་དང་། ཡེ་ཤེས་ཆེན་པོའི་དོན་དང་འབྱུང་བ་ལས། གཏོང་བ་གཏིང་ཆད་པ་ལས་མ་བྱུང་སྟེ། དེ་ཆོས་ཉིད་མ་ནོར་པའི་དོན་མཐུན་པར་ཤེས་པའི་སེམས་ཉོན་མོངས་པ་གནས་སུ་དག་པར་སྤྱོད་པ་སྟེ། དེ་ལ་འདི་སྐད་ཅེས་བཤད་པར་བྱའོ། །ཆགས་པ་ཆེན་པོའི་སེམས་ཉིད་ནི། །སངས་རྒྱས་ཐུགས་རྗེ་ཡབ་དང་ཡུམ། །གཉིས་སུ་མེད་པའི་དོན་གྱིས་ཆགས། །འདི་ལྟར་ལུང་དང་ལྡན་པ་ནི། །བདེ་བའི་རོ་ལས་མ་གཏོགས་པ། །ལོག་པར་གོལ་བ་གང་ཡང་མེད། །གཏི་མུག་ཆེན་པོའི་སེམས་ ― DNG008_Page_0292 ―
[མ་དཔེ་གཟིགས་ན་འདིར་གནོན།]
ཉིད་ནི། །ཆོས་ཀྱི་སྐུ་སྟེ་ཐ་མི་དད། །དོན་གྱི་དམིགས་པ་མེད་པའི་ངང་། །འདི་ལྟར་ལུང་དང་ལྡན་པ་ནི། །མ་སྐྱེས་པ་ལས་མ་གཏོགས་པ། །མི་ཤེས་རྨོངས་པའི་གོལ་བ་མེད། །ཞེ་སྡང་ཆེན་པོའི་སེམས་ཉིད་ནི། །རྣམ་རྟོག་མཚན་མ་ཀུན་འཇོམས་པས། །ཐབས་ལ་མཁས་པ་རོལ་པའི་སྐུ། །འདི་ལྟར་ལུང་དང་ལྡན་པ་ནི། །རོལ་པའི་སྐུ་ལས་མ་གཏོགས་པ། །འཁོར་བར་འཁྱམས་པའི་གོལ་བ་མེད། །ང་རྒྱལ་ཆེན་པོའི་སེམས་ཉིད་ནི། །ཀུན་ལ་ཁྱབ་པར་དཔག་པ་སྟེ། །ཐབས་ཀྱི་རྒྱལ་པོ་རང་བྱུང་བས། །འདི་ལྟར་ལུང་དང་ལྡན་པ་ནི། །ཆེ་བའི་སྐུ་ལས་མ་གཏོགས་པ། །ཉོན་མོངས་ཁེངས་པའི་གོལ་བ་མེད། །ཕྲག་དོག་ཆེན་པོའི་སེམས་ཉིད་ནི། །ཉོན་མོངས་མཚན་མ་མི་ཤོང་བས། །ཆོས་ཉིད་ངང་ལས་རྣམ་རྟོག་མེད། །འདི་ལྟར་ལུང་དང་ལྡན་པ་ནི། །མན་ངག་དོན་ལས་མ་གཏོགས་པ། །ཕྱོགས་ཆར་གོལ་བ་གང་ཡང་མེད། །དེ་ལྟར་སྤྱོད་པ་གང་ཡིན་པ། །ཉོན་མོངས་སྤྱོད་ཀྱང་སྤྱོད་དུ་བས། །སྤྱད་ཀྱང་ཡོན་ཏན་ཡིན་པ་ལས། །དོན་དུ་མ་སོང་གང་ཡང་མེད། །འདི་ལྟར་ཉིན་དང་མཚན་མེད་པར། །མན་ངག་འདི་ལས་མ་ཡེངས་ན། །སེམས་ཀྱི་སྤྱོད་པ་དམ་པ་ཡིན། །ཀུན་ཏུ་བཟང་པོས་ལུང་བསྟན་ཏོ། །དེ་ལ་སེམས་རང་བྱུང་གི་ཡེ་ཤེས་སུ་སྤྱོད་པ་ནི། རང་བྱུང་གི་ཡེ་ཤེས་བཙལ་བ་དང་བཅས་པ་ལས་འགྱུར་བ་མ་ཡིན་ཏེ། དེ་ཅིའི་ཕྱིར་ཞེ་ན། ཡེ་ཐོག་མ་ནས་ཀུན་ཏུ་བཟང་པོའི་ངང་ལས་ཐམས་ཅད་བྱས་ཟིན་པས། རྒྱུ་རྐྱེན་གང་གིས་ཀྱང་བསྐྱེད་དུ་མེད་དེ། རང་བྱུང་གི་ཡེ་ཤེས་མ་སྐྱེས་པའི་ཀློང་ནས་ཤར་བས། དང་པོར་མ་བསྐྱེད་བར་དུ་མ་བཙལ་ཐ་མར་མ་བསྒྲུབས་པས། ནམ་མཁའ་ལ་བཙལ་བ་མེད་པར་སྣང་བ་དང་འདྲ་བར། རང་བྱུང་གི་ཡེ་ཤེས་རྟོགས་པའི་དོན་དང་ལྡན་པ་དེ། རྣལ་འབྱོར་ཚད་མ་རྣམས་ཀྱི་བློ་ལ་རང་སྣང་བར་ཚད་མར་བྱུང་བ་སྟེ། དེ་ལ་འདི་སྐད་ཅེས་བཤད་པར་བྱའོ། །རྒྱུད་དྲུག་སྐྱེ་འགྲོ་ ― DNG008_Page_0293 ―
[མ་དཔེ་གཟིགས་ན་འདིར་གནོན།]
མ་ལུས་པ། །སུས་ཀྱང་མ་བྱས་བྱེད་མི་འགྱུར། །ཡུལ་དང་དབང་པོ་ཐམས་ཅད་དང་། །རྣམ་པར་ཤེས་པའི་ཚོགས་རྣམས་ཀུན། །རང་སེམས་རྟོགས་པའི་ཁྱད་པར་ལས། །དཔེར་ན་ནམ་མཁའི་མཚན་ཉིད་ལས། །འབྱུང་བ་ཆ་སྙོམས་སྣང་འགྱུར་ཡང་། །ནམ་མཁའ་ཉིད་དུ་རང་འབྱུང་བཞིན། །ཀུན་ཁྱབ་སེམས་ཀྱི་མཚན་ཉིད་ལས། །ཅི་ལྟར་སྣང་ཞིང་གྲགས་པ་དང་། །གོ་ཞིང་རྟོགས་པ་ཐམས་ཅད་ཀུན། །རང་བྱུང་རྒྱལ་པོའི་ཡེ་ཤེས་ལས། །གལ་ཏེ་ལས་ཀྱི་དབང་བཙན་ན། །རང་བྱུང་ཡེ་ཤེས་དེ་ཡང་མེད། །འཁོར་བ་ཉིད་དུ་སེམས་པ་ཡང་། །འཁོར་བ་རང་བྱུང་ཡེ་ཤེས་པས། །རྟོགས་པའི་མན་ངག་མ་བསྟན་འབྱུང་། །དུས་གསུམ་ཉིད་དུ་སེམས་པ་ཡང་། །དུག་གསུམ་རང་བྱུང་ཡེ་ཤེས་པས། །ཇི་ལྟར་སེམས་པ་དེ་བཞིན་བཟང་། །རང་བྱུང་ཡེ་ཤེས་སྤྱད་པ་ལ། །འཁོར་བ་ངན་སོང་མིང་ཡང་མེད། །སེམས་ཅན་ངང་ལས་སྤང་ལེན་མེད། །རྟོགས་པ་ཀློང་དུ་རང་བྱུང་བས། །རྒྱལ་བ་ཉིད་ཀྱིས་འདི་ལ་བསྔགས། །སེམས་ལ་དྲན་རིག་འབྱུང་བ་ཡང་། །རང་བྱུང་རྒྱལ་པོ་ཡེ་ཤེས་ཡིན། །སེམས་ལ་བྱུང་ཚོར་བྱུང་བ་ཡང་། །རང་བྱུང་རྒྱལ་པོ་ཡེ་ཤེས་ཡིན། །རང་བྱུང་ཡེ་ཤེས་ཆེན་པོ་ནི། །དུས་གསུམ་རྒྱལ་བའི་རྗེ་བཙན་ཏེ། །ལྟ་བ་སྐྱེ་ཤི་མེད་པའི་ཀློང་། །རྟོགས་པ་འདུ་འབྲལ་མེད་པའི་ངང་། །སྤྱོད་པ་བཅོས་མེད་སྙིང་པོར་སྤྱོད། །སྒྲུབ་པ་བཙལ་བ་མེད་པར་བསྒྲུབ། །དོན་གྱི་སྙིང་པོ་ངེས་པའི་ལུང་། །རང་ལ་ཡོད་པས་བདེ་བའི་ཞིང་། །རྒྱུ་ཉིད་དག་པས་ཐར་པའི་གནས། །གཞུང་དང་མཐུན་པས་ངེས་པའི་དོན། །འདི་ལྟར་སེམས་སྤྱོད་གང་ཡིན་པས། །ཅི་ལྟར་སྤྱད་ཀྱང་སྤྱད་དུ་ཟད། །རང་བྱུང་ཉིད་ལས་མ་གཏོགས་པ། །ཞེན་ཅིང་ཆགས་པ་གང་ཡང་མེད། །འདི་ལྟར་དུས་དང་རྒྱུན་མེད་པར། །མན་ངག་འདི་ལས་མ་ཡེངས་ན། །སེམས་ཀྱི་རང་བྱུང་སྤྱོད་པར་བཤད། །དེ་ལ་སེམས་འགྱུར་བ་མེད་པའི་སྙིང་པོར་སྤྱོད་པར་བཤད་པ་ནི། སེམས་ཁ་དོག་དང་ ― DNG008_Page_0294 ―
[མ་དཔེ་གཟིགས་ན་འདིར་གནོན།]
དབྱིབས་སུ་འགྱུར་བ་མེད་པས། འགྱུར་བ་མེད་པ་དོན་གྱི་སྙིང་པོ་ཡིན་པས། དཔེར་ན་གསལ་བ་གང་ཡིན་པ་ཉི་མ་ཡིན་ལ། ཉི་མ་གང་ཡིན་པ་གསལ་བ་དང་འདྲ་བར། དུས་མི་འགྱུར་བ་ཐོག་མ་དང་ཐ་མ་མེད་པར་ཤེས་པ་དང་། སྤྱོད་པ་མི་འགྱུར་བ་ཉིན་དང་མཚན་མེད་པར་ཤེས་པ་དང་། སེམས་མི་འགྱུར་བ་སྐྱེ་ཤི་མེད་པར་ཤེས་པ་ཉིད་འགྱུར་བ་མེད་པའི་སྙིང་པོ་ཡིན་ལ། །འགྱུར་མེད་ཀྱི་སྙིང་པོ་ཉིད་དེ་ལྟར་ཤེས་པ་ཡིན་པས། དེ་ནི་འབྱུང་བའི་སྙིང་པོ་ཡིན། །བར་སྣང་མཚོན་གྱི་ཆར་འབབས་ན། །སྐྱེ་ཤི་གཉིས་ཀྱི་མིང་བཏགས་ཀྱང་། །བྱང་ཆུབ་སེམས་ལ་འགྱུར་བ་མེད། །དེ་ནི་སེམས་ཀྱི་སྙིང་པོ་ཡིན། །སེམས་ལ་དངོས་པོ་རྫས་མེད་པས། །ཁ་དོག་དབྱིབས་སུ་འགྱུར་བ་མེད། །སེམས་ལ་བརྟག་པའི་མུ་མེད་པས། །སྐྱེ་ཤི་གཉིས་སུ་འགྱུར་བ་མེད། །སེམས་ལ་བརྟེན་པའི་གནས་མེད་པས། །ཕྱོགས་རིས་གཉིས་སུ་འགྱུར་བ་མེད། །སེམས་ལ་ཆགས་པའི་གཞི་མེད་པས། །སྤང་ལེན་གཉིས་སུ་འགྱུར་བ་མེད། །སེམས་ལ་ང་དང་བདག་མེད་པས། །བཟང་ངན་གཉིས་སུ་འགྱུར་བ་མེད། །སེམས་ལ་རིག་པའི་རྒྱུ་མེད་པས། །རྒྱུ་འབྲས་གཉིས་སུ་འགྱུར་བ་མེད། །སེམས་ལ་འཛིན་པའི་སེམས་མེད་པས། །མཐའ་དབུས་ཆེ་ཆུང་འགྱུར་བ་མེད། །སེམས་ལ་དམིགས་པའི་སེམས་མེད་པས། །ཡངས་དོག་མཐོ་དམན་འགྱུར་བ་མེད། །དེ་ནི་སྙིང་པོ་ངེས་པའི་ལུང་། །འདི་ལྟར་རྟོགས་པའི་རྣལ་འབྱོར་པས། །འགྱུར་མེད་སྙིང་པོར་སྤྱོད་པ་བཟང་། །དེ་ལྟར་དུས་གསུམ་འགྱུར་མེད་པས། །ལྟ་བ་འདི་ལ་གང་གནས་པ། །སེམས་བསྐྱེད་བརྩོན་པ་དོན་དང་ལྡན། །ངང་ཉིད་བཅོས་མེད་སྙིང་པོར་འགྲུབ། །སངས་རྒྱས་རྣལ་འབྱོར་དུས་གསུམ་དུ། །ཀུན་ཏུ་བཟང་པོའི་དགོངས་པ་འཆང་། །གང་ལྟར་སྤྱད་ཀྱང་སྤྱད་དུ་ཟད། །འགྱུར་མེད་སྙིང་པོ་ཡིན་པར་ངེས། །དེ་ལ་སེམས་བཅོས་ ― DNG008_Page_0295 ―
[མ་དཔེ་གཟིགས་ན་འདིར་གནོན།]
མེད་ཆོས་ཉིད་ཀྱི་དོན་དུ་སྤྱོད་པ་ནི། ཆོས་རྣམས་ཀྱི་ཆོས་ཉིད་ནི་ཡང་དག་པར་སངས་རྒྱས་ཉིད་ཀྱིས་ཀྱང་བཅོས་པར་དཀའ་ལ་ཀུན་རྫོབ་ཏུ་སེམས་ཀྱང་མ་བསླད་བསླད་དུ་མེད་པས། དེ་བཞིན་དུ་སེམས་ཀྱི་དོན་ཡང་གནས་པས་གཞན་དུ་བསྟན་པ་མེད་དེ། དེ་ཅིའི་ཕྱིར་ཞེ་ན། དེ་ནི་དཔེར་ན་དངོས་པོ་མེད་པ་ལ། གང་གིས་བཟུང་བར་དཀའ་བ་བཞིན། ཆོས་ཉིད་སྟོང་པ་ལ་སྒྲོ་འདོགས་པར་དཀའ་བས། དོན་ཉིད་ཡིན་པར་ཤེས་པར་དཀའ་བ་ལ། མ་བཅོས་པར་དེ་དང་མཐུན་པར་སྤྱོད་པ་ནི། བཅོས་པ་མེད་པ་ཆོས་ཉིད་ཀྱི་ངང་དུ་སྤྱོད་པ་སྟེ། དེ་ལ་འདི་སྐད་ཅེས་བཤད་པར་བྱའོ། །སེམས་ཉིད་མ་སྐྱེས་ཆོས་ཉིད་ནི། །ཚིག་དང་ཡི་གེ་ཀུན་སྤངས་པས། །འདི་འདྲའི་སེམས་ནི་བརྟག་པར་དཀའ། །སེམས་ཀྱི་མཚན་ཉིད་དེ་བཞིན་ལ། །རང་བཞིན་བཅོས་པ་མེད་པ་ཡིས། །དེ་ནི་ཆོས་ཉིད་ཡིན་ཞེས་བྱ། །རང་བཞིན་མ་སྐྱེས་གང་ཤེས་པ། །དེ་ནི་ཆོས་ཉིད་སྤྱོད་པ་ཡིན། །ཅི་ལྟར་བཟོ་མཁས་ཚུལ་ཤེས་ཀྱང་། །སེམས་ཉིད་བཅོས་པར་ཡོངས་མ་གསུངས། །ཚིག་དང་ཡི་གེར་མ་བཅོས་པ། །དེ་ནི་སྐྱེ་འགག་མེད་པའི་དབྱིངས། །རང་བཞིན་དུ་ནི་བཟང་པོ་ཞིག །ངེས་པར་ཡང་དག་བསྟན་པར་བྱའོ། །མ་བཅོས་པ་ཡི་ཆོས་ཉིད་ལ། །སངས་རྒྱས་ཐམས་ཅད་ཀུན་འབྱུང་བ། །བྱུང་ཙམ་ཉིད་ནས་བཅོས་སུ་མེད། །དཔེར་ན་ནམ་མཁའི་མཚན་ཉིད་ལ། །འཇའ་ཚོན་གཟུགས་བརྙན་སྣང་བ་ཡང་། །སྣང་ཙམ་ཉིད་ནས་རང་བཞིན་མེད། །དེ་བཞིན་བཅོས་པ་མེད་པ་ཡིས། །སྐྱེ་དང་འགག་སྤངས་ཆོས་ཉིད་དབྱིངས། །གཉིས་མེད་སོ་སོ་མ་ཡིན་པས། །སྐྱེ་བ་མེད་ལས་སྤྲོས་པ་མེད། །རང་བཞིན་མེད་པས་འཛིན་པ་མེད། །འཕོ་འགྱུར་མེད་པས་ཡུམ་གྱི་ཀློང་། །དེ་ལ་སྐྱེ་དང་འགག་སྤངས་པའི། །ཀུན་ལ་རོལ་པས་ཡུམ་གྱི་དབྱིངས། །ཡབ་ཡུམ་གཉིས་མེད་སོ་སོ་མིན། །དེ་བཞིན་བཅོས་མེད་ཆོས་ཉིད་དེ། །སུས་ཀྱང་བཅོས་མེད་བཅོས་མི་འགྱུར། །འདི་ལྟར་རྟགས་པའི་རྣལ་འབྱོར་པས། །བཅོས་ ― DNG008_Page_0296 ―
[མ་དཔེ་གཟིགས་ན་འདིར་གནོན།]
མེད་ཆོས་སུ་སྤྱོད་པ་དེ། །དེ་ལྟར་ཉིན་དང་མཚན་མེད་པར། །མན་ངག་འདི་ལ་གང་གནས་པ། །སེམས་སྤྱོད་སྤྱོད་པ་དོན་དང་ལྡན། །ངེས་པ་ཉིད་དུ་བསྒྲུབ་པ་སྟེ། །དེ་ནི་རྟག་ཏུ་ངེས་པ་ཡིན། །མན་ངག་ཀློང་ལ་གནས་པའོ། །དེ་ལ་སེམས་བཙལ་བ་མེད་པའི་ཡེ་ཤེས་སུ་སྤྱོད་པ་ནི། སེམས་ཀྱི་མཚན་ཉིད་ཡེ་ནས་ཡེ་ཤེས་ཀྱི་དོན་དང་ལྡན་པ་སྟེ། དེ་ལ་རྒྱུ་རྐྱེན་རྟེན་འདྲེལ་གྱིས་བཙལ་བ་མེད་དེ། རང་གི་རང་བཞིན་གྱི་སྙིང་པོ་མན་ངག་གི་དོན་དང་ལྡན་པས།ཐམས་ཅད་དུ་ལེགས་པ་འབྱུང་བའི་རང་བཞིན་པས། དེ་ལྟ་བུའི་དོན་ཤེས་ཤིང་རྟོགས་པ་དང་ལྡན་པར་སྤྱོད་པ་ནི། བཙལ་བ་མེད་པའི་ཡེ་ཤེས་སུ་སྤྱོད་པ་སྟེ།དེ་ཅིའི་ཕྱིར་ཞེ་ན། དེ་ནི་རིག་གར་ཡང་མ་ལུས་པར་ཡིད་བཞིན་གྱི་ནོར་བུ་རིན་པོ་ཆེ་ལྟར། དགོས་པ་འབྱུང་བས། མན་ངག་དང་ལྡན་པའི་དགོས་པ་ཉིད་ནི་རིག་པ་གསལ་བ་ནང་ནས་ཤར་བས། བཙལ་བ་མེད་པར་སྤྱོད་པ་ཡིན་པས།དེ་ལ་འདི་སྐད་ཅེས་བཤད་པར་བྱའོ། །བཙལ་བ་མེད་པའི་སེམས་ཉིད་ནི། །ཆོས་ཀྱི་སྐུ་ཡི་གདེང་ཆེན་ཏེ། །མ་གཡོས་པ་ཡི་དབྱིངས་ཉིད་ལ། །མ་བཅོས་པ་ཡི་ཆོས་ཉིད་གསལ། །མ་བཙལ་བ་ཡི་ཡེ་ཤེས་ཤར། །ཤར་བས་སངས་རྒྱས་ཐམས་ཅད་ཐོབ། །སངས་རྒྱས་ཐོབ་པས་སེམས་ཅན་ཟད། །ཉི་མ་ཤར་བས་མུན་པ་ནུབ། །རིག་པ་གསལ་བས་མུན་པ་སྟོངས། །ཡེ་ཤེས་གསལ་བས་འཁོར་བ་དྭངས། །དེ་ལ་སུས་ཀྱང་བཙལ་བ་མེད། །བཙལ་མེད་སྙིང་པོར་ཤར་བ་ལས། །རྒྱུ་འབྲས་ཅན་དུ་དེ་མ་བསྟན། །བཅོས་པ་མེད་པར་ཤེས་པ་ལས། །གཉེན་པོ་ཅན་དུ་དེ་མ་བསྟན། །འགྱུར་བ་མེད་པའི་ཤེས་པ་ལས། །འཆི་འཕོ་ཅན་དུ་དེ་མ་བསྟན། །མ་གཡོས་པ་ཡི་ཤེས་པ་ལས། །འཛིན་རྟོག་ཅན་དུ་དེ་མ་བསྟན། །མཉམ་པ་ཉིད་ཀྱི་ཤེས་པ་ལས། །ཆེ་ཆུང་ཅན་དུ་དེ་མ་བསྟན། །ཀུན་ཏུ་བཟང་པོའི་ཤེས་པ་ལ། །གཙང་སྨེ་ཅན་དུ་དེ་མ་བསྟན། །མཐའ་དབུས་མེད་པའི་ཤེས་པ་ལ། །ཕྱོགས་རིས་ཅན་དུ་དེ་མ་བསྟན། །དེ་ལྟར་ཤེས་པས་སེམས་ ― DNG008_Page_0297 ―
[མ་དཔེ་གཟིགས་ན་འདིར་གནོན།]
ཤེས་ལ། །སེམས་ཤེས་པས་ནི་མ་བཙལ་བ། །མ་བཙལ་བས་ནི་ཡེ་ཤེས་ཆེ། །ཡེ་ཤེས་དེ་ཞེས་སྤྱོད་པ་ཡིན། །ཐིག་ལེ་ཆེན་པོ་བཙལ་བ་མེད། །སྟོང་པ་ཆེན་པོ་བཙལ་བ་མེད། །སྐྱེ་འགག་མེད་པས་བཙལ་བ་མེད། །མ་གཡོས་ཆོས་ཉིད་བཙལ་བ་མེད། །དེ་ལྟར་ཤེས་པའི་སེམས་ཅན་ནི། །དེ་ནི་སྤྱོད་པ་དོན་དང་ལྡན། །འདི་ལྟར་རྟོགས་པ་བཙལ་བ་མེད། །བཙལ་བ་ཉིད་ན་བཙལ་བ་མེད། །འདི་ལྟར་རྟོགས་པ་སྤྱོད་པ་ཡིན། །སྤྱོད་པ་ཉིད་ན་སྤྱོད་པ་མེད། །འདི་ལྟར་བརྩོན་པ་དོན་དང་ལྡན། །ཡེངས་མེད་བརྩོན་པ་དོན་དང་ལྡན། །འདི་ལྟར་རྟོགས་པའི་རྣལ་འབྱོར་པ། །བཙལ་བ་མེད་པར་སུས་སྤྱོད་པ། །བརྩོན་པ་དོན་ལྡན་ཡིན་ཞེས་བྱ། །དེ་ཉིད་སངས་རྒྱས་ཉིད་དུ་བསྟན། །བཅོམ་ལྡན་འདས་ཀྱིས་ཡང་ལུང་བསྟན། །མན་ངག་ངེས་པ་ཉིད་ལུང་བསྟན། །འདི་ལྟར་སྤྱོད་པ་ཐར་པ་སྟེ། །ཐར་པ་ཉིད་ན་མ་ཐར་གནས། །དེ་ཕྱིར་བཙལ་བ་མེད་པའོ། །བཙལ་བ་མེད་པར་བཤད་པ་ཡང་། །ལུས་དང་གནས་ལ་བཙལ་བ་དང་། །འདུ་འཛི་གཡེང་བས་བཙལ་བ་དང་། །སྡུག་བསྔལ་ཕྱོགས་རིས་བཙལ་བ་དང་། །གཞན་ནས་གཞན་དུ་བཙལ་བ་མེད། །དེ་བཞིན་དེ་ལ་དེ་བཞིན་བཙལ། །མན་ངག་དེ་ལ་ཉིང་ཁུར་བཙལ། །འགྱུར་མེད་དེ་ལ་ཀློང་དུ་བཙལ། །བཅོས་མེད་དེ་ལ་སྤྲོས་མེད་བཙལ། །ཡིན་པའི་དོན་ལ་ངེས་པར་བཙལ། །གནས་པའི་དོན་ལ་བརྟགས་པར་བཙལ། །ཤེས་པའི་དོན་ལ་སྤྱོད་པར་བཙལ། །དེ་ནི་བཙལ་བ་མེད་པ་ཡིས། །ཡེ་ཤེས་སྤྱོད་པ་ཡིན་ཞེས་བྱ། །དེ་ལ་སེམས་ཀྱི་ལྟ་བ་གང་དང་ལྡན་ན་དོན་དང་ལྡན་པ་ནི། །སེམས་ཀྱི་ལྟ་བ་ཡེངས་པ་མེད་པ་དང་། །སེམས་ཀྱི་ལྟ་བ་འགྱུར་བ་མེད་པ་དང་། །སེམས་ཀྱི་ལྟ་བ་བཅོས་སུ་མེད་པ་སྟེ། །དེ་ལ་སེམས་ཀྱི་ལྟ་བ་མ་ཡེངས་པ་ནི། །གཉེན་པོས་བཅོས་པ་མ་ཡིན། རང་གི་རང་བཞིན་གྱིས་མ་ཡེངས་པ་སྟེ། དེ་ཅིའི་ཕྱིར་ཞེ་ན། ཅི་ལྟར་སྤྱད་པ་བདེ་བ་ ― DNG008_Page_0298 ―
[མ་དཔེ་གཟིགས་ན་འདིར་གནོན།]
ཆེན་པོའི་ཀློང་ཡིན་པས། ཡེངས་པ་མེད་པའོ། །སེམས་ཀྱི་ལྟ་བ་འགྱུར་བ་མེད་པ་ནི། རང་བཞིན་མི་གཡོ་བ་ལ་ཚིག་དང་ཡི་གེས་གཞན་དུ་བསྟན་པར་དཀའ་བས་ཅིས་ཀྱང་མི་འགྱུར་བའི་དོན་ནོ། །སེམས་ཀྱི་ལྟ་བ་བཅོས་པ་མེད་པ་ནི། དཔེར་ན་ནམ་མཁའ་ལ་ཆ་ཤས་སུ་བགོས་ཞིང་བཅོས་པས་ཚི་ཆད་པ་དང་འདྲ་བར་ཀུན་གཞི་བྱང་ཆུབ་སེམས་ཀྱི་མཚན་ཉིད་ཡེ་ནས་ཁྱབ་ཅིང་གདལ་བ་ཆེན་པོ་གྲུབ་ཟིན་པ་ལ། ཚིག་དང་ཡི་གེས་འཆོས་པར་དཀར་བའི་དོན་དེ་ལ་འདི་སྐད་ཅེས་བཤད་པར་བྱའོ། །རང་སེམས་མེད་པའི་སྔོན་རོལ་ན། །སངས་རྒྱས་བྱང་ཆུབ་ཡོད་མ་ཡིན། །དུས་གསུམ་རྗེ་བཙན་བྱང་ཆུབ་སེམས། །གཞན་ལ་ཕན་འདོགས་ནུས་པའི་མཐུ། །རང་ལ་གནས་མེད་གོམས་པའི་གདེང་། །གཞི་བཞག་དོན་གྱི་སྙིང་པོར་བལྟའོ། །སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། སེམས་ཀྱི་སྤྱོད་པ་གང་ལྟར་སྤྱོད་ཅིང་ལྟ་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་ཐབས་ཀྱི་སྤྱོད་པ་གང་ལྟར་སྤྱོད་ཅིང་བལྟ་བ་གང་དང་ལྡན་ན་འདི་ཆེད་ཏུ་བརྗོད་དོ། །ཐབས་ཀྱིས་སྤྱོད་པ་གང་ཡིན་པ། །རྡོ་རྗེ་སེམས་དཔས་ཉན་པར་གྱིས། ངེས་པར་ལུང་འདི་བསྟན་པར་བྱའོ། །དེ་ལ་ཐབས་ཀྱིས་སྤྱོད་པ་རྣམ་པ་གསུམ་སྟེ། ཀུན་རྫོབ་དངོས་པོའི་ཆོས་ལ་ཐབས་ཀྱིས་སྤྱོད་པ་དང་། ཉོན་མོངས་པ་ནང་གི་ཆོས་ལ་ཐབས་ཀྱིས་སྤྱོད་པ་དང་། བདེ་བ་ཆེན་པོ་ཡུམ་གྱི་བྷ་ག་ལ་གཉིས་སུ་མེད་པར་ཐབས་ཀྱིས་སྤྱོད་པའོ། །དེ་ལ་ཀུན་རྫོབ་དངོས་པོའི་ཆོས་ལ་ཐབས་ཀྱིས་སྤྱོད་པ་ནི། གནམ་རི་དང་ས་བྲག་རྩི་ཤིང་དང་ནགས་ཚལ་ལ་སོགས་པ། ཇི་སྲིད་རྫས་སུ་ཡོད་པ་ཐམས་ཅད་དང་།འབྱུང་བ་ཆེན་པོ་ལ་སོགས་པར་བསྐྱེད་ཅིང་སྙོམས་པ་ཐམས་ཅད་སྐྱོན་དུ་བལྟས་ནས་སྤང་བ་མ་ཡིན། དེ་ཉིད་ཐམས་ཅད་ཀྱི་སྤྱོད་པ་སྟེ། དཔེར་ན་སྐྱེས་བུ་དཔའ་རྩལ་དང་ལྡན་ཞིང་ཐབས་ལ་མཁས་པས་སྡང་བའི་ཕྱོགས་ཐམས་ཅད་ཐབས་ཀྱིས་ ― DNG008_Page_0299 ―
[མ་དཔེ་གཟིགས་ན་འདིར་གནོན།]
བཏུལ་ནས་ཡོན་ཏན་དུ་སྣང་བ་འདྲ་བར་ཐབས་མཁས་པའི་སྤྱོད་པས་མཚན་མ་རྫས་སུ་སྣང་བ་ཐམས་ཅད་སྒྱུ་མ་ཡིན་པ་དང་། རང་བཞིན་མ་གྲུབ་པས་གཉིས་སུ་མེད་པ་དང་། མ་སྐྱེས་པས་གང་ལ་སྤྱད་ཀྱང་ཡོན་ཏན་ལས་སྐྱོན་མེད་དེ། སྒྱུ་མ་ལྟར་ཤེས་ཤིང་མ་སྐྱེས་པར་གོ་བས་སྲོག་གཅོད་པ་ཡང་ཡོན་ཏན་ལས་སྐྱོན་མེད་དེ། རང་བཞིན་མེད་པར་ཤེས་ལ། མཉམ་པ་ཉིད་དུ་གོ་བས་མ་བྱིན་པ་བླངས་པ་ཡང་ཡོན་ཏན་ལས་སྐྱོན་མེད་དེ་གཉིས་སུ་མེད་པར་ཤེས་ལ། ཐ་མི་དད་པས་མི་ཚངས་པར་སྤྱད་ཀྱང་ཡོན་ཏན་ལས་སྐྱོན་མེད་དེ། དེ་དོན་ལས་སོ་མ་གསོགས་སུ་མི་སྟོན། མན་ངག་སྤྱི་ལྡིངས་སུ་སྟོན་པ་ཐབས་ཀྱིས་སྤྱོད་པའོ། །དེ་ལ་ཕྱོགས་ཆའི་རིས་སུ་མ་ཕྱེ། བདག་མེད་ཀྱི་ཤེས་རབ་ཏུ་བརྡལ་བས་ཀྱང་ཐབས་ཀྱིས་སྤྱོད་པའོ། །དེ་ལ་བཟང་ངན་གྱི་སྤྱོད་པར་མ་ཕྱེ། རང་བྱུང་གི་ལོངས་སྤྱོད་དུ་མཛད་པས་ཀྱང་ཐབས་ཀྱིས་སྤྱོད་པ་སྟེ། དེ་ལ་འདི་སྐད་ཅེས་བཤད་པར་བྱའོ། །སྣང་སྲིད་མཚན་མའི་རྫས་རྣམས་ཀུན། །མ་རིག་རྨོངས་པའི་བློ་རྣམས་ཀྱིས། །ཡོད་པ་ཉིད་དུ་སྣང་བ་སྟེ། །ཐབས་ལ་མཁས་པའི་རྣལ་འབྱོར་པས། །རང་བཞིན་མེད་པར་འདྲིས་པར་སྤྱོད། །རྒྱུ་འབྲས་མཚན་མའི་ཆགས་སེམས་ལ། །གང་ཟག་འཁྲུལ་པས་རྟོག་པ་ཆགས། །མཁས་པས་ཡེ་ནས་དངོས་མེད་རྟོགས། །འབྱུང་བ་མ་སྐྱེས་ཡུམ་གྱི་ཀློང་། །འགྱུར་མེད་སྙིང་པོ་ཡིན་པར་སྟོན། །སྤྱོད་པའི་རྒྱལ་པོ་འདི་ལས་བྱུང་། །ལུས་ཀྱི་སྤྱོད་པས་ཐམས་ཅད་བསྒྲལ། །སེམས་ཅན་ཐམས་ཅད་བསྒྲལ་བ་ནི། །རྒྱལ་བ་མཉེས་ཏེ་སྲས་སུ་སྐྱེ། །གཙང་སྨེ་མེད་པར་ཟ་བ་ནི། །རྒྱལ་བ་མཉེས་ཏེ་སྲས་སུ་སྐྱེ། །སྤང་ལེན་མེད་པར་སྦྱོར་བ་ནི། །རྒྱལ་བ་མཉེས་ཏེ་སྲས་སུ་སྐྱེ། །བཟང་ངན་མེད་པར་སྤྱོད་པ་ནི། །རྒྱལ་བ་མཉེས་ཏེ་སྲས་སུ་སྐྱེ། །ཐབས་ཀྱི་སྤྱོད་པས་མ་སྤྱད་ན། །སྤང་བ་ཉིད་ཀྱང་འཁོར་བའི་རྒྱུ། །ཐབས་ཀྱི་སྤྱོད་པས་སྤྱད་པ་ནི། ། ― DNG008_Page_0300 ―
[མ་དཔེ་གཟིགས་ན་འདིར་གནོན།]
བདག་པོ་ཞིང་ལ་ལོངས་སྤྱོད་འདྲ། །གང་ཞིག་དེ་དང་མི་ལྡན་ན། །རང་ནོར་སྤྱད་ཀྱང་མ་བྱིན་བླངས། །ཐབས་ལ་མཁས་པའི་སྤྱོད་པས་ནི། །འབྱུང་བའི་ཆོས་ཉིད་ཡུམ་དུ་སྤྱོད། །སྣང་སྲིད་ཀུན་ཏུ་བཟང་མོར་སྤྱོད། །ཡུལ་ནི་ཆོས་ཀྱི་དབྱིངས་སུ་སྤྱོད། །ལུས་ནི་ཕྱག་རྒྱ་ཆེན་པོར་སྤྱོད། །ཕུང་པོ་རྣམ་གྲོལ་ཞིང་དུ་སྤྱོད། །དུག་གསུམ་སྐུ་གསུང་ཐུགས་སུ་སྤྱོད། །དོན་དམ་ཉིད་དུ་མ་སྐྱེས་པས། །ཐབས་ཀྱིས་སྤྱད་ཀྱང་གོལ་ས་མེད། །མ་ཆགས་རྟོག་པ་མེད་པར་སྤྱོད། །དོན་དང་མཐུན་ཞིང་འགལ་མེད་པའོ། །དེ་ལ་ཉོན་མོངས་པ་ནང་གི་ཆོས་ལ་ཐབས་ཀྱིས་སྤྱོད་པ་ནི། །དཔེར་ན་ཉི་མའི་དཀྱིལ་འཁོར་ལ་མུན་པ་ངང་གིས་མི་གནས་པ་བཞིན་དུ། །མཁས་པའི་སྤྱོད་པ་ལ་ཉོན་མོངས་པ་ངང་གིས་མི་གནས་ཏེ། །ཐབས་ཀྱིས་སྤྱོད་པས་འདོད་ཆགས་ཆོས་ཉིད་དག་པའི་རྒྱན་དུ་སྤྱོད། །ཞེ་སྡང་ཐུགས་རྗེ་ཆེན་པོའི་ཞིང་དུ་སྤྱོད། །གཏི་མུག་མ་སྐྱེས་པའི་དབྱིངས་སུ་སྤྱོད། །ང་རྒྱལ་ཆེ་བའི་ཡོན་ཏན་གྱི་མཆོག་ཏུ་སྤྱོད། །ཕྲག་དོག་རྣམ་པར་རྟོག་པ་མི་གནས་པར་སྤྱོད། དཔེར་ན་དེ་བཞིན་གཤེགས་པའི་སྐུ་ལ་གང་ལྟར་བལྟས་པས་ལེགས་པ་བཞིན། །ཐབས་མཁས་པའི་སྤྱོད་པས་ཇི་ལྟར་བལྟས་པ་ལེགས་པའི་ཞིང་ཡིན་པས། །དེ་ལ་འདི་སྐད་ཅེས་བཤད་པར་བྱའོ། །ཉོན་མོངས་རྒྱུ་རྣམས་ཐམས་ཅད་ཀུན། །ཐབས་ཀྱིས་སྤྱོད་པའི་ཞིང་ཡིན་པས། །དེ་ལ་མི་སྤང་སྤྱད་པར་བྱ། །གཏི་མུག་ཐབས་ཀྱིས་མ་སྤྱད་ན། །དེ་བཞིན་རིགས་ཀྱི་སྐུ་མི་འགྲུབ། །ཞེ་སྡང་ཐབས་ཀྱིས་མ་སྤྱད་ན། །རྡོ་རྗེའི་རིགས་ཀྱི་སྐུ་མི་འགྲུབ། །ང་རྒྱལ་ཐབས་ཀྱིས་མ་སྤྱད་ན། །རིན་ཆེན་རིགས་ཀྱི་སྐུ་མི་འགྲུབ། །འདོད་ཆགས་ཐབས་ཀྱིས་མ་སྤྱད་ན། །པདྨའི་རིགས་ཀྱི་སྐུ་མི་འགྲུབ། །ཕྲག་དོག་ཐབས་ཀྱིས་མ་སྤྱད་ན། །ལས་ཀྱི་རིགས་ཀྱི་སྐུ་མི་འགྲུབ། །ཉོན་མོངས་ལྔ་པོ་ཐབས་སུ་མཉམ། །རིགས་ཀྱི་སྐུ་ལྔ་སྤྱོད་པར་འདུས། །ཉོན་མོངས་ལྔ་པོ་སྒྱུ་མར་སྤྱད། །རིགས་ཀྱི་སྐུ་ལྔ་གཉིས་མེད་ཐབས། ། ― DNG008_Page_0301 ―
[མ་དཔེ་གཟིགས་ན་འདིར་གནོན།]
ཉོན་མོངས་ལྔ་པོ་ཡེ་ནས་དག །རིགས་ཀྱི་སྐུ་ལྔ་གདོད་ནས་བྱུང་། །ཉོན་མོངས་ལྔ་པོ་ནམ་མཁའི་ཁམས། །རིགས་ཀྱི་སྐུ་ལྔ་གཟའ་སྐར་ཚུལ། །ཉོན་མོངས་ལྔ་པོ་རྒྱ་མཚོ་བཞིན། །རིགས་ཀྱི་སྐུ་ལྔ་ཉི་ཟླ་ལྟར། །རྒྱ་མཚོ་ཆུ་ཟླ་དབྱེར་མེད་མཉམ། །དོན་ལ་གཉིས་མེད་ཐབས་སྤྱོད་པས། །ཉོན་མོངས་ཆོས་ལ་ཐབས་ཀྱིས་སྤྱོད། །མན་ངག་དོན་འདི་སུས་སྤྱོད་པ། །དུས་དྲུག་ཉིན་དང་མཚན་མེད་པར། །ཕྲིན་ལས་ཚེ་བར་མ་ཆགས་པས། །བརྩོན་པ་དོན་དང་ལྡན་ཞེས་བྱའོ། །དེ་ལ་བདེ་ཆེན་ཡུམ་གྱི་བྷ་ག་ལ་གཉིས་སུ་མེད་པར་ཐབས་ཀྱིས་སྤྱོད་པ་ནི།ཐམས་ཅད་དུ་བདེ་བའི་ལོངས་སྤྱོད་དེ། དཔེར་ན་གསེར་གྱི་གླིང་ལ་རྡོ་བཙལ་གྱིས་མི་རྙེད་ལ། འདོད་ཆགས་ཀྱི་དགའ་བ་བསྟར་ན་གང་ལ་ཡང་མི་དགའ་བ་དང་མི་བདེ་བ་མེད་པ་བཞིན། ཆོས་ཉིད་བདེ་བ་ཆེན་པོའི་དོན་མན་ངག་ལ།འཁོར་བའི་སྐྱོན་དང་ཟུག་རྡུ་བཙལ་གྱིས་མི་རྙེད་ལ། ཆོས་ཉིད་དགའ་བདེ་སེམས་ཀྱི་རོ་སྙོམས་སུ་བསྟར་ནས། དགའ་བའི་ལོངས་སྤྱོད་མ་ཡིན་པ་དང་། བདེ་བའི་ལོངས་སྤྱོད་གང་ཡང་མ་ཡིན་པ་གང་ཡང་མེད་པར་ཤེས་པས། དེ་ཉིད་བློའི་ཆགས་པར་བྱ་བའི་ཡུལ་དུ་གྱུར་པ་ཡིན་པས་ཡུམ་གྱི་བྷ་ག་ཡིན་ལ། དེ་གཉིས་སུ་མེད་པར་སྤྱོད་པ་ནི་ཐབས་ཏེ། དུས་ཐམས་ཅད་དུ་རྩོལ་བ་དང་མ་བྲལ་བས། གཉིས་སུ་མེད་པའི་རོལ་པ་རྒྱུན་མ་ཆད་པ། བྲལ་ན་བྲལ་ཏེ་ལེགས་པས།བཙལ་མེད་ཀྱི་དགའ་བ་དེ་ལ་ཞུགས། སེམས་ཀྱིས་ཐམས་ཅད་དུ་དྲན་རིག་སྐྱེས་པས། དུས་གསུམ་རིག་པའི་དབྱིངས་ལོན་པས། འདུ་འབྲལ་མེད་པའི་གཟུགས་སུ་རྒྱུན་མ་ཆད། དྲན་རིག་མ་སྐྱེས་ན་མ་སྐྱེས་སུ་ཟད་དེ། དྲན་མེད་ཤེས་རབ་ཀྱི་ཀློང་ན། འཛིན་མེད་ཐབས་ཀྱི་རྒྱལ་པོ། འགྱུར་མེད་དགའ་བ་དེའི་ཀློང་ན་བཞུགས་པས། དེ་ལ་འདི་སྐད་ཅེས་བཤད་པར་བྱའོ། །བཙལ་བ་གཉིས་སུ་མེད་པ་ནི། །ཡབ་ཡུམ་གཉིས་སུ་སྤྱོད་པ་སྟེ། །དོན་འདི་རྟོགས་ཤིང་ཤིན་ཏུ་བདེའོ། །དབྱིངས་ལ་སྦྱོར་བ་ཡུམ་ཞེས་བྱའོ། །ཐབས་ལ་སྤྱོད་པས་ཡབ་ཅེས་བྱའོ། །ཉམས་སུ་ལོན་པས་བྱང་ཆུབ་སེམས། །བློ་ལ་བསྟར་བས་དགྱེས་པའི་རོ། །གང་ཡིན་པ་ ― DNG008_Page_0302 ―
[མ་དཔེ་གཟིགས་ན་འདིར་གནོན།]
ཡི་ཆོས་རྣམས་ལ། །དེ་ཡི་ཤེས་པ་དེ་བཞུགས་པས། །བདེ་བ་ཆེན་པོ་ཐབས་སུ་སྤྱོད། །མུ་མཐའ་མེད་པའི་སྤྱོད་པ་ལ། །དེ་ཡི་རྩོལ་བ་དེ་ཞུགས་པས། །བདེ་བ་ཆེན་པོའི་ཐབས་སུ་སྤྱོད། །མ་སྤངས་པ་ཡི་རྒྱུ་རྣམས་ལ། །རོལ་པ་ཆེན་པོའི་ཐབས་ཞུགས་པས། །བདེ་བ་ཆེན་པོའི་ཐབས་སུ་སྤྱོད། །གཉིས་སུ་མེད་པས་དགའ་ཞེས་བྱའོ། །གསལ་བ་དགའ་བས་བདེ་ཞེས་བྱ། །ཆགས་པར་བྱ་བ་ཡུམ་ཞེས་བྱ། །དམིགས་པར་བྱ་བས་ཡབ་ཅེས་བྱའོ། །གནས་པར་བྱ་བ་བྷ་གའོ། །དགའ་བདེ་སྐྱེས་པས་བྷ་གའོ། །སྤྱད་པར་བྱ་བས་བྷ་གའོ། །རྡོ་རྗེ་སེམས་དཔའི་དགའ་བའོ། །ཀུན་ཏུ་བཟང་པོའི་བདེ་བའོ། །མཉམ་པ་ཉིད་ཀྱི་སྤྱོད་པའོ། །སྐྱེ་འགག་མེད་པའི་ཕྲིན་ལས་སོ། །རྣལ་འབྱོར་ཐུགས་ཀྱི་དགོངས་པའོ། །སངས་རྒྱས་རྣམས་ཀྱི་མཛད་སྤྱོད་དོ། །འདི་ལྟར་མན་ངག་དོན་འཆང་བ། །ཐབས་ཀྱི་སྤྱོད་པ་དམ་པ་འཆང་། །འདི་ལྟར་ཐམས་ཅད་དུ་གནས་པ། །བརྩོན་པ་དོན་དང་ལྡན་པའོ། །ཐབས་ཀྱི་སྤྱོད་པ་ཡིན་ཞེས་བྱའོ། །དེ་ལ་ལྟ་བ་གང་དང་ལྡན་པ་ནི། །ལྟ་བ་ཐོག་མ་ཉིད་ནས་བལྟ་བ་ལ། །དེ་ཇི་ལྟར་དུ་ཡིན་པ་དེ་བཞིན་དུ་བལྟ་བའོ། །དེ་ཡང་གང་ཞེ་ན། དེ་ཡང་ཐོག་མ་ཉིད་ནས་རང་བཞིན་མེད་པ་མ་སྐྱེས་པ་ཡིན་པས་དེ་བཞིན་དུ་བལྟ་བ་དང་། ཐོག་མ་ཉིད་ནས་མ་གཡོས་བཞིན་གཉིས་སུ་མེད་པ་དེ་བཞིན་དུ་བལྟ་བ་དང་། ཐོག་མ་ཉིད་ནས་མ་བཅོས་ཤིང་མི་འགྱུར་བ་དེ་བཞིན་དུ་བལྟའོ། །དེ་ནས་དེ་ལ་འདི་སྐད་ཅེས་བཤད་པར་བྱའོ། །ཡེ་ནས་བཅོས་པ་མེད་པ་ཡི། །རང་བྱུང་སྙིང་པོ་ཡིན་པ་ལ། །དེ་བཞིན་བཙལ་བ་མེད་པ་ཡིས། །དེ་བཞིན་གཡོས་པ་མེད་པར་བཞག །དེ་བཞིན་ཆོས་ཉིད་ཡིན་ཤེས་ན། །གཞན་དུ་ཆོས་ཉིད་བཏགས་མི་དགོས། །མ་བཅོས་པ་ཡི་མན་ངག་ལ། །དེ་ལ་གོམས་པའི་གདེང་ཆེན་དུ། །ངེས་པར་ལུང་བསྟན་བཤད་པར་བྱའོ། །དེས་ནི་ཡིད་ཆེས་ལ་བཟླས་སོ། །སྤྱོད་པ་ཐམས་ཅད་ཀྱི་རྒྱལ་པོ་ ― DNG008_Page_0303 ―
[མ་དཔེ་གཟིགས་ན་འདིར་གནོན།]
བརྩོན་པ་དོན་ལྡན་གྱི་རྒྱུད་ལས། ཐབས་ཀྱི་སྤྱོད་པ་གང་ལྟར་སྤྱོད་ཅིང་ལྟ་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔས་ཤིན་ཏུ་གདུང་བའི་མཆི་མས་ངུས་སོ། །དེ་ནས་བཅོམ་ལྡན་འདས་ཀྱིས་རྡོ་རྗེ་སེམས་དཔའི་ཐུགས་ངལ་བསང་བའི་ཕྱིར། འདི་སྐད་ཅེས་བཀའ་སྩལ་ཏོ། །འགྲོ་ལ་ཕན་པའི་གཙོ་ཆེན་གྱིས། །གདུང་བ་སྐྱེ་བ་ཤིན་ཏུ་ལེགས། །གང་ཞིག་མཉན་པར་བརྩོན་པ་ནི། །ལེགས་འོང་བུ་ལ་བཤད་པར་བྱའོ། །དེ་ནས་རྡོ་རྗེ་སེམས་དཔས་གསོལ་པ། སངས་རྒྱས་ཐམས་ཅད་སྤྱོད་པས་སངས་རྒྱས་ན།སེམས་ཅན་སྤྱོད་པས་དེ་ལྟར་མ་རྟོགས་པ་ཤིན་ཏུ་འགྱོད་དོ། །ལུས་ཀྱི་སྤྱོད་པ་རོལ་པ་གཉིས་སུ་མེད་པའི་ཐབས་དང་ཤེས་རབ་ཡིན་པ་ལ། སེམས་ཅན་གྱིས་དེ་ལྟར་མ་རིག་པ་ཤིན་ཏུ་འགྱོད་དོ། །སེམས་ཅན་གྱིས་སྤྱོད་པ་ཅི་བསམས་ཤིང་དྲན་པ་ཐམས་ཅད་ཡེ་ཤེས་ངང་གིས་རོལ་པ་ལགས་པ་དེ། མ་རྟོགས་པ་ཤིན་ཏུ་འགྱོད་དོ། །སེམས་ཅན་ཐམས་ཅད་ཀྱིས་ལུས་ཀྱི་སྤྱོད་པ་མ་ཤེས་པས་སྡུག་བསྔལ་སྣ་ཚོགས་ཉམས་སུ་མྱོང་ནས། ཐབས་དང་ཤེས་རབ་ནུབ་པར་གྱུར་པ་དང་། ངག་གི་སྤྱོད་པ་མ་ཤེས་པས་ལྕེ་ལ་ཞིང་རྨོ་བ་ལ་སོགས་པ་སྡུག་བསྔལ་ཉམས་སུ་མྱོང་ནས། ཆོས་ཉིད་སྐྱེ་བ་མེད་པའི་དོན་ནུབ་པར་གྱུར་པ་དང་། སེམས་ཀྱི་སྤྱོད་པ་མ་ཤེས་པས་ཉོན་མོངས་པ་ཁ་ལོ་བསྒྱུར་བས། སྡུག་བསྔལ་སྣ་ཚོགས་ཉམས་སུ་མྱོང་ནས། རིག་པའི་ཡེ་ཤེས་ནུབ་པར་འགྱུར་བ་དང་། ཐབས་ཀྱི་སྤྱོད་པ་མ་ཤེས་པས།འཇིག་ཚོགས་ཀྱི་དབྱེན་སྤྱོས་པས། སྡུག་བསྔལ་སྣ་ཚོགས་ཉམས་སུ་མྱོང་ནས།སངས་རྒྱས་ཀྱི་དགོངས་སྤྱོད་དང་བྲལ་བར་གྱུར་པའི་སེམས་ཅན་གླེན་པ་རྣམས་ལ། ཐབས་མཁས་པའི་ལྟ་བའི་རྒྱལ་པོ་སྤྱོད་པ་འདི་ལྟ་བུ་མངའ་བ་དེ། སེམས་ཅན་གྱིས་དེ་ལྟ་བུ་མ་འཚལ་བ་དེ་ནི་ཇི་ལྟ་བུ་ལགས། སེམས་ཅན་གནས་པ་ཡང་སྤྱོད་པ། འཁོར་བར་འཁྱམས་པ་ཡང་སྤྱོད་པ། ― DNG008_Page_0304 ―
[མ་དཔེ་གཟིགས་ན་འདིར་གནོན།]
ཉོན་མོངས་ཤིང་ཉམ་ཐག་པ་ཡང་སྤྱོད་པ། འདི་ལྟར་གསུངས་ན་དེ་ཉིད་བདེ་བ་ཡང་དག་པ་ལས་སྐྱོན་དུ་མ་སོང་བ་དེ། སེམས་ཅན་གྱིས་དེ་ལྟར་མ་འཚལ་བ་དེ་ཇི་ལྟ་བུ་ལགས། སངས་རྒྱས་ཀྱི་ཐུགས་ཡང་དག་པའི་ཡེ་ཤེས་བཙལ་བ་མེད་པའི་སྙིང་པོ་དེ། སེམས་ཀྱི་སྤྱོད་པ་དང་སྐྱོན་ཉིད་ལས་བྱུང་བ་ལས། སེམས་ཅན་གྱིས་མ་འཚལ་བ་དེ་ཇི་ལྟ་བུ་ཞིག་ལགས། ཆོས་ཀྱི་སྒོ་བཀའ་ཅི་སྙེད་གསུངས་པ་ཡང་། འཁོར་བ་ཉིད་ན་དེ་ཉིད་བྱང་ཆུབ་ཀྱི་ཆོས་སུ་གསུངས་པ་དེ། སེམས་ཅན་རྣམས་ཀྱིས་ཆོས་དེ་བཞིན་དུ་མ་འཚལ་བ་དེ་ཅི་ལྟ་བུ་ཞིག་ལགས། དེ་དག་ནི་ཇི་ལྟ་བུ་ཞིག་ལགས། དེས་བདག་ནི་ཤིན་ཏུ་མཆི་མ་དཀུའོ་ཞེས་ངུས་སོ། །དེ་བཞིན་དུ་རིགས་ལྔ་ཀུན་ཀྱང་ངུས་སོ། །རྣམ་པར་སྣང་མཛད་ཀྱིས་སེམས་རྟག་ཆད་གཉིས་སུ་བལྟ་བ་ལ་ངུས་སོ། །རིན་པོ་ཆེའི་རིགས་ཀྱི་སངས་རྒྱས་ཀྱིས་སེམས་བཟང་ངན་གཉིས་སུ་བལྟ་བ་ལ་ངུས་སོ། །པདྨའི་རིགས་ཀྱི་སངས་རྒྱས་ཀྱིས་སེམས་གཙང་སྨེ་གཉིས་སུ་བལྟ་བ་ལ་ངུས་སོ། །ལས་ཀྱི་རིགས་ཀྱི་སངས་རྒྱས་རྣམས་ཀྱིས་སེམས་སྤང་ལེན་གཉིས་སུ་བལྟ་བ་ལ་ངུས་སོ། །རིགས་ཀྱི་ཡུམ་རྣམས་ཀྱིས་ཀྱང་། སེམས་ཅན་རྣམས་ཐབས་ལ་མི་མཁས་པ་ལ་ངུས་སོ། །སྲས་བྱང་ཆུབ་སེམས་དཔའ་རྣམས་ཀྱིས་སེམས་ཅན་རྣམས་ཀྱིས་ལམ་མ་ཤེས་པ་ལ་ངུས་སོ། །དེ་ལྟར་ངུས་ཙམ་ཉིད་ན། རྡོ་རྗེ་སེམས་དཔའ་ལ་སོགས་པ་རིགས་ལྔའི་སངས་རྒྱས་ཡབ་ཡུམ་དང་། བྱང་ཆུབ་སེམས་དཔའ་ལ་སོགས་པ་གང་ཡང་མེད་ཅིང་གང་གིས་ཀྱང་མ་ངུས་སོ། །དེ་ནས་བཅོམ་ལྡན་འདས་ཀྱིས་མ་གསུངས་པར་བཀའ་སྩལ་པ། རྡོ་རྗེ་སེམས་དཔའ་སེམས་ཅན་གྱི་སྤྱོད་པས། སྡུག་བསྔལ་གྱི་ཁ་བརྒྱུད་པ་ནི། དཔེར་ན་སྨན་གྱི་སྦྱོར་བཏང་མི་ཤེས་པས། སྨན་དུ་སྦྱར་ཡང་དུག་ཏུ་འགྱུར་ལ། སྨན་གྱི་སྦྱོར་ཐབས་ལ་མཁས་པས། དུག་སྦྱར་ཡང་ནད་འཇིལ་བའི་མཐུ་སྟོབས་ཡོད་པ་བཞིན་དུ། སྤྱོད་པའི་རྒྱལ་པོ་འདི་མ་ཐོས་པས་ནི། སངས་རྒྱས་ ― DNG008_Page_0305 ―
[མ་དཔེ་གཟིགས་ན་འདིར་གནོན།]
ཀྱི་སྤྱོད་པ་བཙལ་ཡང་སྡུག་བསྔལ་གྱི་གཏན་ཞིང་དུ་འགྱུར་ལ། རྒྱུད་ཀྱི་རྒྱལ་པོ་འདི་ཐོས་པས་ནི་སྡུག་བསྔལ་ཞིང་སྦྱང་ཀྱང་ཐར་པ་བདེ་བ་ཆེན་པོ་སངས་རྒྱས་ཀྱི་མཛད་སྤྱོད་དུ་འགྱུར་རོ། །རྡོ་རྗེ་སེམས་དཔའ་སེམས་ཅན་གྱི་སྤྱོད་པས་འཁོར་ཞིང་འཁྱམས་པ་ལ་རྒྱུད་འདི་གསུངས་ན་འཁོར་བ་ཉིད་བདེ་བ་ཡང་དག་པར་འགྱུར་བ་ནི། དཔེར་ན་ཟས་སྤྱོད་མ་ལེགས་པས་ནང་དུ་འགྱུར། འཆི་བར་འགྱུར་ལ། དེ་ཉིད་སྤྱོད་པ་ལེགས་པས་གཟི་མདངས་བཀྲག་དང་ལྡན་པ་བཞིན་དུ་རྒྱུད་འདི་མ་རྟོགས་ཤིང་མ་གོ་བས། སེམས་ཅན་འཁོར་བར་འཁྱམས་ལ། རྒྱུད་འདི་རྟོགས་ཤིང་གོ་ན། འཁོར་བ་ཉིད་བདེ་བའི་རོར་བསྟར་བར་འགྱུར་རོ། །རྡོ་རྗེ་སེམས་དཔའ་སངས་རྒྱས་ཀྱི་ཐུགས་ཡང་དག་པའི་ཡེ་ཤེས་བཙལ་བ་མེད་པའི་སྙིང་པོ་ཉིད་སེམས་ཀྱི་སྤྱོད་པ་དང་སྐྱོན་ལས་བྱུང་བ། སེམས་ཅན་གྱི་ངོ་མ་ཤེས་པས་ནི། དཔེར་ན་རྒྱལ་རིགས་སམ། བྲམ་ཟེའི་རིགས་སམ། ཁྱིམ་བདག་གི་རིགས་ལྟ་བུ་གཞོན་པ་ལ། བརྡའ་དང་།རྩེད་མོ་དང་། གཞོན་ནུའི་རོལ་པ་ལ་སོགས་པ་བུས་པ་དེ་ཉིད་རང་ལ་ཚང་བར་ཡོད་ཀྱང་། འཚོ་བའི་མ་མ་དང། རྩེ་གྲོགས་ལ་སོགས་པ་རྣམས་ཀྱིས་མ་བསྟན་ན། དེ་ལྟར་ངོ་མི་ཤེས་ལ། བསྟན་ན་ངོ་ཤེས་པ་བཞིན། དོན་གོང་མ་འདི་དག་སེམས་ཀྱི་སྐྱོན་ཉིད་ཡིན་པ་དེ། ལུང་ངེས་པ་འདི་མ་བསྟན་ན་དེ་བཞིན་དུ་མི་ཤེས་ཤིང་མི་རྟོགས་པ། ལུང་འདི་དག་བསྟན་ན་སྐྱོན་ཡང་ཡང་དག་པའི་ལུང་དུ་འགྱུར་རོ། །རྡོ་རྗེ་སེམས་དཔའ་ཆོས་ཀྱི་སྒོ་སེམས་ཅན་ཉིད་ལས་བྱུང་བ་ནི།དཔེར་ན་ནམ་མཁའ་ལ་ཆར་པ་བབ་པ་དེ་ཉིད་མཚོ་ཉིད་ལས་བྱུང་ཞིང་དེ་ཉིད་དུ་འབབས་པ་བཞིན་གནས་ཀྱང་། ཤེས་པ་དག་པས་དེ་བཞིན་རྟོགས་ལ། ཤེས་པ་མ་དག་པས་དེ་བཞིན་དུ་མི་ཤེས་པ་བཞིན། ཆོས་ཀྱི་སྒོ་མོ་བསམ་གྱིས་མི་ཁྱབ་པར་གསུངས་པ་ཡང་། སེམས་ཅན་གྱི་རྒྱུ་གཉིས་ཉོན་མོངས་པ་དང་། འཁོར་བ་ཉིད་ཀྱིས་གསུངས་ལ། ཡིན་ཡང་དེ་ཉིད་ཡིན་ལ། འབྲས་བུ་དེ་ཉིད་གཞན་དུ་བཙལ་དུ་མེད་པའི་དོན། རྒྱུད་འདི་བློ་ལ་འདྲིས་པ་རྣམས་ཀྱིས་དེ་བཞིན་དུ་ཤེས་པ་ལས། འདི་བློ་ལ་མ་འདྲིས་པ་རྣམས་ཀྱིས་དེ་བཞིན་དུ་མི་ཤེས་ ― DNG008_Page_0306 ―
[མ་དཔེ་གཟིགས་ན་འདིར་གནོན།]
པས། འདི་བློ་ལ་མ་འདྲིས་པ་རྣམས་ཀྱིས་རྟོགས་པར་དཀའོ། །དེ་ཅིའི་ཕྱིར་ཞེ་ན། དེ་ནི་སྤྱོད་པ་ཉིད་དུ་གནས་པ་དང་། གནས་པ་ཉིད་དུ་གནས་པ་མེད་པའི་དོན་མ་རྟོགས་པས། དེ་ལ་འདི་སྐད་ཅེས་བཤད་པར་བྱའོ། །ཀུན་ནས་གསང་བའི་མན་ངག་ནི། །གནས་པ་ཉིད་ཀྱིས་མ་རྟོགས་ཏེ། །འཇིག་རྟེན་ཁམས་ན་འཕྱན་ཞིང་ཉེན། །ཡང་གསང་ངེས་པའི་ཐེག་པ་འདི། །རང་ཉིད་ཡིན་པས་བརྟགས་པའི་རྒྱུ། །ཞེས་བྱ་སྟེ། དེ་བས་ན་རྡོ་རྗེ་སེམས་དཔའ་སེམས་ཅན་གྱི་ཉོན་མོངས་པ་མེད་པའི་དངོས་གྲུབ་ནི། བདེ་བར་གཤེགས་པ་ལ་ཡང་མི་མངའོ། །སེམས་ཅན་གྱི་སྐྱོན་མེད་པའི་ཡོན་ཏན་ནི། བདེ་བར་གཤེགས་པས་ཀྱང་མ་བཤད་དོ། །སེམས་ཅན་གྱི་སྤྱོད་པ་ཆོས་ཉིད་ཡིན་པ་ལས། དེ་ལས་གཞན་པའི་ཆོས་ནི་སྟོན་པས་ཀྱང་མ་གསུངས་སོ། །འཁོར་བ་མྱ་ངན་ལས་འདས་པ་ཡིན་པ་ལས། གཞན་དུ་མྱ་ངན་ལས་འདས་པ་མ་བསྟན་ཏོ། །སེམས་ཅན་གྱི་ཅི་བྱས་ཅི་སྤྱད་པ་ཉིད། རྣམ་པར་དག་པའི་སངས་རྒྱས་ཀྱི་མཛད་སྤྱོད་ཡིན་པ་ལས། གཞན་དུ་སངས་རྒྱས་ཀྱི་མཛད་སྤྱོད་མ་བྱུང་ངོ་། །རྒྱུ་ཉིད་གདོད་མ་ནས་དག་པའི་འབྲས་བུ་ཡིན་པ་ལས། བཙལ་བ་དང་བཅོས་པའི་འཕོ་འཇུག་གི་རང་རིག་པའི་བློང་ནས་མ་ཕྱེའོ། །དེ་ལྟ་བུའི་དོན་སེམས་ཅན་ལ་རང་ལ་རང་ཆས་སུ་ཡོད་ན་འགྱོད་པའི་རྒྱུ་ཅི་ཡོད། ཅེས་བཀའ་སྩལ་པས། རྡོ་རྗེ་སེམས་དཔའ་མྱ་ངན་ལས་འདས་པར་གྱུར་ཏོ། །སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། རྡོ་རྗེ་སེམས་དཔའ་མྱ་ངན་ལས་འདས་པའི་ལེའུ་སྟེ་ལྔ་པའོ།། །།དེ་ནས་རྡོ་རྗེ་སེམས་དཔས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཁོར་བ་མྱ་ངན་ལས་འདས་པར་བསྟན་པའི་རྒྱུད་འདི། མ་བསླད་པའི་ཡོན་ཏན་ཁྱད་དུ་ཆེ་བས་ཆེ་བ་དང་། མ་བཙལ་བའི་མཐུ་དཔག་ཏུ་མེད་པ་དང་། མ་བསྒྲུབས་པའི་དངོས་གྲུབ་ཤིན་ཏུ་བརྗོད་ཀྱིས་མི་ལངས་པ་དང་། མ་གསུངས་པའི་ཆོས་བསམ་གྱིས་མི་ཁྱབ་པ་དང་ལྡན་པའི་རྒྱུད་འདི་ནི། ཉན་ཐོས་དང་ཐེག་པ་དམན་པ་རྣམས་ཀྱིས་རྟོགས་པ་ལྟ་ཅི་སྨོས་ཀྱི། མིང་ཙམ་ཡང་ཐོས་པར་མི་འགྱུར་ལ། སངས་རྒྱས་ཐམས་ཅད་ཀྱིས་ཀྱང་། འདིའི་ཡོན་ཏན་བརྗོད་ ― DNG008_Page_0307 ―
[མ་དཔེ་གཟིགས་ན་འདིར་གནོན།]
ཀྱིས་མི་ལངས་པ་ལགས་ཏེ། ནམ་མཁའ་ལ་ཆ་ཤས་སུ་ཕྱེ་ཞིང་བསྔོ་བར་རུང་གི་འདིའི་ཡོན་ཏན་བརྗོད་པར་མི་ནུས་སོ། །འབྱུང་བ་ཐམས་ཅད་ནི་འབྲུའི་ཉག་མ་ཙམ་ནས་བགྲང་བར་ནུས་པར་ཟད་ཀྱི། འདིའི་ཡོན་ཏན་བགྲང་བ་ལས་འདས་པའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་འདིའི་དོན་ནི་གྲངས་སམ་མུ་མཐའ་དཔག་ཏུ་མེད་པའི་ཕྱིར་རོ། །དེ་ལྟ་བས་ན་རྒྱུད་འདི་ཡང་སུས་ཐོབ་པ་སྟོན་པ་ཉིད་དོ། །སྟོན་པ་ཉིད་ཀྱང་རྒྱུད་འདིའོ། །ཀུན་ཏུ་བཟང་པོ་ཡང་རྒྱུད་འདིའོ། །འདི་ཡིད་ལ་དྲན་པས་སངས་རྒྱས་ཐམས་ཅད་ཀྱི་ཐུགས་ཀྱི་ཡེ་ཤེས་སོ། །གོང་དུ་བསྟན་པ་ལྟར་དཀོན་པ་ཉིད་ཀྱི་དཔེ་ནི། ཨུ་དུམ་ཝ་ར་དང་འདྲའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ་དང་། རྡོ་རྗེ་སེམས་དཔའ་ལེགས་སོ་ལེགས་སོ། །རྒྱུད་འདི་ང་ཀུན་ཏུ་བཟང་པོས་དུས་གསུམ་དུ་དགོངས་པ་ཉིད་ཡིན་ནོ། །ངའི་དགོངས་པ་ཉིད་འདིར་བསྟན་པ་ཡིན་པས། རྒྱུད་འདི་ཡང་རིམ་གྱི་སྣང་བ་ལས། ཀུན་ཏུ་རྒྱས་པར་མ་བསྟན་ཏེ་ཡང་དག་པའི་མན་ངག་ངེས་པར་འདོད་པ་དང་། དོན་མན་ངག་འདི་དང་ཕྲད་ན་ཟང་ཟིང་ཡོན་དང་གྲོགས་ཚེགས་ལ་མི་བལྟ་བའི་རྣལ་འབྱོར་པ་འགའ་ཞིག་སྲིད་པ་དག་ལ་བསྟན་པར་བྱའོ། །གང་ཞིག་སྣོད་དང་མི་ལྡན་པ་རྣམས་ལ་ནི། དམུས་ལོང་ལ་བཞིན་མཐོང་དུ་མི་བཏུབ་པའི་དཔེ་བཞིན། མན་ངག་བསྟན་ཀྱང་གོ་ཞིང་རྟོགས་པར་མི་ནུས་པ་ཡིན་པས། དེ་བས་ཤིན་ཏུ་གསང་བར་བསྟན་པའོ། །རྡོ་རྗེ་སེམས་དཔའ་རྒྱུད་འདིའི་མིང་ཙམ་འཛིན་པའམ་ཡང་ཐ་ན་ཚིག་འབྲུ་གཅིག་ཙམ་ཡང་། ཁ་ཏོན་དུ་འདོན་ན་མན་ངག་གི་དངོས་གྲུབ་ཐོབ་པ་ཡིན་པས། དེ་ལ་ནི་གོལ་བ་མེད་དོ། །དེ་སྐད་ཅེས་སུས་ཀྱང་མ་གསུངས་པར་བཀའ་སྩལ་པས། རྡོ་རྗེ་སེམས་དཔའ་དེ་དང་མི་གཉིས་གཅིག་པའི་གང་ཟག་རྣལ་འབྱོར་པ་རྣམས་ཀྱིས་རྒྱུད་འདིའི་དོན་རྟོགས་པར་གྱུར་ཏོ། །སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས། ཡོན་ཏན་དང་རྒྱུད་གཏད་པའི་ལེའུ་སྟེ་དྲུག་པའོ།། །།སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལས་གསུངས་པ་མེད་པའི་མཛོད། སེམས་ཀྱི་འབྲས་བུ་མཆོགས་མ་ཏི་རྫོགས་སོ།། །།བར་འདིར་དམ་ཚིག་རྒྱལ་པོ་དམ་ཚིག་བཀོད་པའི་རྒྱུད་འཛུད། ཞི་བ་ལྷ་རྒྱུད་ཆེན་པོ་ཞེས་བྱ་བ།― DNG008_Page_0308 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤཱནྟི་དེ་ཝ་ཏནྟྲ་མ་ཧཱ་ནཱ་མ། བོད་སྐད་དུ།ཞི་བ་ལྷ་རྒྱུད་ཆེན་པོ་ཞེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་བསྟན་པའི་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་ཡབ་ཀུན་ཏུ་བཟང་པོ་དེ་ནི། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་སྙིང་པོ། དེ་བཞིན་གཤེགས་པ་ཀུན་གྱི་བཙུན་མོའི་བྷ་ག་ལ་བཞུགས་སོ། །བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དང་། ཡུམ་སངས་རྒྱས་སྤྱན་མ་དང་།རྡོ་རྗེ་སེམས་དཔའ་དང་། ཡུམ་དབྱིངས་ཕྱུག་མ་དང་། རིན་ཆེན་འབྱུང་ལྡན་དང་། ཡུམ་མཱ་མ་ཀི་དང་། སྣང་བ་མཐའ་ཡས་དང་། ཡུམ་གོས་དཀར་མོ་དང་། དོན་ཡོད་གྲུབ་པ་དང་། ཡུམ་དམ་ཚིག་སྒྲོལ་མ་དང་། ཉིད་ལས་མི་གཞན་པའི་འཁོར་རིགས་ལྔའི་སངས་རྒྱས་ཡབ་ཡུམ་རྣམས་ཀྱང་ཆོས་ཀྱི་དབྱིངས་ན་བཞུགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སའི་སྙིང་པོ་དང་། རྡོ་རྗེ་སྒེག་མོ་དང་། ནམ་མཁའི་སྙིང་པོ་དང་། རིན་ཆེན་ཕྲེང་བ་དང་། སྤྱན་རས་གཟིགས་དང་། པདྨ་དབྱངས་མཁན་མ་དང་། ཕྱག་ན་རྡོ་རྗེ་དང་། ལས་ཀྱི་གར་མཁན་མ་དང་། ནང་གི་བྱང་ཆུབ་སེམས་དཔའ་ཡབ་ཡུམ་རྣམས་ཀྱང་བཞུགས་སོ། །བྱམས་པ་དང་། རྡོ་རྗེ་བདུག་སྤོས་མ་དང་།སྒྲིབ་པ་རྣམ་པར་སེལ་བ་དང་། རིན་ཆེན་མེ་ཏོག་མ་དང་། ཀུན་ཏུ་བཟང་པོ་དང་། པདྨ་མར་མེ་མ་དང་། འཇམ་དཔལ་དང་། ལས་ཀྱི་དྲི་ཆབ་མ་དང་།ཕྱིའི་བྱང་ཆུབ་སེམས་དཔའ་སེམས་མ་རྣམས་ཀྱང་བཞུགས་སོ། །གཞན་ཡང་རིགས་དྲུག་འདུལ་བར་མཛད་པ་ནི། ལྷའི་ཐུབ་པ་སྲིད་ཐུབ་འཛིན་དང་། ལྷ་མ་ཡིན་གྱི་ཐུབ་པ་རྣམ་པར་རྒྱལ་བ་དང་། མིའི་ཐུབ་པ་ཤཱཀྱ་སེང་གེས་མཐོ་རིས་གནས་གསུམ་པོ་འདུལ་བའི་ཞིང་དུ་ཡང་གཟིགས་སོ། །བྱོལ་སོང་གི་ཐུབ་པ་སེང་གེ་རབ་བརྟན་དང་། ཡི་དྭགས་ཀྱི་ཐུབ་པ་ཁ་འབར་རྒྱལ་མོ་དང་། དམྱལ་བའི་ཐུབ་པ་ཆོས་ཀྱི་རྒྱལ་པོས་ངན་སོང་གནས་གསུམ་འདུལ་བའི་ཞིང་དུ་གཟིགས་སོ། །གཞན་ཡང་གདུག་པ་ཅན་འདུལ་བ་ནི་གཤིན་རྗེ་ ― DNG008_Page_0309 ―
[མ་དཔེ་གཟིགས་ན་འདིར་གནོན།]
གཤེད་དང་། གསང་བའི་ཡུམ་རྒྱས་འདེབས་མ་དང་། སྟོབས་པོ་ཆེ་རྣམ་པར་རྒྱལ་བ་དང་། གསང་བའི་ཡུམ་ཚེ་འཕེལ་མ་དང་། རྟའི་མགྲིན་པ་ཅན་དང་། གསང་བའི་ཡུམ་ཟ་བྱེད་མ་དང་། བདུད་རྩི་འཁྱིལ་པ་དང་། གསང་བའི་ཡུམ་རྨོངས་བྱེད་མ་དང་། རིག་པའི་ཁྲོ་བོ་ཁྲོ་མོས་སྒོ་བསྲུང་བར་མཛད་དོ། །གཞན་ཡང་རིག་འཛིན་བྱང་ཆུབ་སེམས་དཔའ་མང་པོ་དང་བཅས་པ་ནི་དཔེར་ན་ཏིལ་གྱི་གང་བུ་ལྟར་བཞུགས་སོ། །ཞི་བ་ལྷ་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་འཆང་ཆེན་པོས་འཁོར་གྱི་འཇིག་རྟེན་ཐམས་ཅད་ལ་གཟིགས་ནས། རང་གི་བཙུན་མོ་ལ་སྙོམས་པར་ཞུགས་པར་མཛད་དོ། །ཞུགས་མ་ཐག་ཏུ་འཁོར་ཐམས་ཅད་ལ་བདེ་བས་ཁྱབ་པ་ནི། ལ་ལ་ནི་གོ་རིམ་གྱི་བདེ་བ་བཞིར་ཤར་རོ། །ལ་ལ་ནི་ཕྱི་ནང་གི་གནས་ལ་ལྟོས་པའི་བདེ་བ་བཞིར་ཤར་རོ། །ལ་ལ་ནི་སྤང་བྱ་ལ་ལྟོས་པའི་བདེ་བ་བཞིར་ཤར་རོ། །ལ་ལ་ནི་རང་གི་ངོ་བོ་ལ་ལྟོས་པའི་བདེ་བ་བཞིར་ཤར་རོ། །དེ་ནས་འཁོར་གྱི་སངས་རྒྱས་དང་བྱང་ཆུབ་སེམས་དཔའ་རྣམས་ངོམས་ནས་འདི་སྐད་ཅེས་བརྗོད་དོ། །མར་མེ་མང་པོ་ཁྱིམ་དུ་སྦར་གྱུར་ཀྱང་། །མིག་མེད་པ་ལ་མུན་པར་སྣང་བ་བཞིན། །ལྷན་ཅིག་སྐྱེས་པས་ཀུན་ལ་ཁྱབ་མོད་ཀྱང་། །ཉེ་ཡང་རྨོངས་པ་ཉིད་ལ་ཤིན་ཏུ་རིང་། །སྐལ་ངན་སེམས་ཅན་ཐབས་ཀྱིས་གྲོལ་བའི་ཕྱིར། །དངོས་པོ་གཤིས་ཀྱི་གནས་ལུགས་ལས་བྱུང་བའི། །ཀ་དག་ལྷུན་གྲུབ་རྩོལ་བྲལ་ཆེན་པོའི་ཆོས། །གནས་ལུགས་རང་བཞིན་ཞི་བ་ཇི་ལྟར་གནས། །ཁམས་གསུམ་སེམས་ཅན་རང་སེམས་མ་རིག་པ། །ཁམས་གསུམ་ཉོན་མོངས་སྣང་བའི་རང་བཞིན་ཅན། །རྒྱུ་དྲུག་སེམས་ཅན་སྐྱེ་བ་རྣམ་བཞི་ལ། །རང་རྒྱུད་ཕུང་པོའི་ཞི་བ་གང་དུ་གནས། །རྣལ་འབྱོར་པ་ནི་ཉམས་ཀྱི་སྣང་བ་ལ། །གདུལ་བྱ་སྤྲུལ་པའི་ཞི་བ་རྣམ་པ་དུ། །སྐུ་གསུང་མི་ཟད་རྒྱན་གྱི་འཁོར་ལོའི་ཐུགས། །བདེ་བར་གཤེགས་པའི་སྣང་བ་རྣམ་དག་པ། །སྐུ་གསུམ་སྐུ་བཞི་སྐུ་ལྔར་སྣང་བ་ཡི། །མཐར་ཕྱིན་འབྲས་བུའི་ཞི་བ་ཇི་ལྟར་བཞུགས། །སྐལ་ངན་སེམས་ཅན་གདུལ་དཀའ་བ། །ཁྱོད་ཀྱིས་འདུལ་བའི་དུས་ལ་བབ། །གཞི་ལམ་འབྲས་བུ་མི་ ― DNG008_Page_0310 ―
[མ་དཔེ་གཟིགས་ན་འདིར་གནོན།]
ཤེས་པ། །ཁྱེད་ཀྱིས་བསྟན་པའི་དུས་ལ་བབ། །ཅེས་བརྗོད་ནས། སྟོན་པའི་ཞལ་དུ་གཟིགས་སོ། །ཞི་བ་ལྷ་རྒྱུད་ཆེན་པོ་ལས། གླེང་སློང་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ནི་ཆོས་ཐམས་ཅད་ཀྱི་དེ་ཁོ་ན་ཉིད་མ་བཅོས་པའི་གཉུག་མ་དངོས་པོ་རྣམས་ཀྱི་གནས་ལུགས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་སེམས་དཔའ་རྣམས་འགྲོ་དོན་རྫོགས་པར་བྱ་བའི་ཕྱིར་འདི་གསུངས་སོ། །ཨེ་མ་ཧོ་རབ་ཏུ་གསང་བའི་ཆོས། །གནས་ལུགས་ངོ་བོ་ཉིད་ཀྱི་གཞི། །འཁོར་དང་འདས་པ་ཀུན་གྱི་རྒྱུ། །བཅིང་གྲོལ་མེད་པར་ངང་གིས་གནས། །ཨེ་མ་ཧོ་རབ་ཏུ་རྟོགས་པའི་ཆོས། །རྒྱུད་ཆེན་རྣལ་འབྱོར་ཆེན་པོ་ནི། །སྣོད་བཅུད་ཐམས་ཅད་ཤེས་རབ་ཏུ། །ཕྱག་རྒྱ་ཀ་དག་ཆེན་པོར་རྟོགས། །ཨེ་མ་ཧོ་རབ་ཏུ་རྟོགས་པའི་ཆོས། །ལུང་ཆེན་རྗེས་སུ་རྣལ་འབྱོར་ནི། །ཀུན་བཟང་ཡབ་ཡུམ་དབྱིངས་ཡེ་ཤེས། །བདེ་ཆེན་སྲས་སུ་སངས་རྒྱས་སོ། །ཨེ་མ་ཧོ་རབ་ཏུ་མཁྱེན་པའི་ཆོས། །མན་ངག་རྫོགས་པ་ཆེན་པོ་ནི། །སྣང་ཞིང་སྲིད་པས་བསྡུས་པའི་ཆོས། །སེལ་མེད་སངས་རྒྱས་ཉིད་དུ་གནས། །དག་པ་ཆེན་པོ་ཆོས་ཀྱི་སྐུ། །བྱ་རྩོལ་མི་མངའ་ངང་གིས་རྫོགས། །ཨེ་མ་ཧོ་ངོ་མཚར་རྨད་ཀྱི་ཆོས། །ཆོས་ཅན་མཚན་མའི་དངོས་པོ་རྣམས། །ཆོས་ཉིད་ངང་དུ་ལྷུན་གྱིས་གྲུབ། །དུས་གསུམ་རྒྱལ་བ་མ་ལུས་ལ། །ལྷུན་གྲུབ་མཆོག་ཏུ་དགོངས་པས་གོ། །གང་ཡིན་དེ་ལས་དཔག་ཏུ་མེད། །སངས་རྒྱས་ཀུན་གྱིས་རབ་ཏུ་བསྔགས། །ཡེ་ནས་ལྷུན་གྱིས་གྲུབ་པའོ། །འཁོར་བ་ཀ་དག་རིན་ཆེན་གླིང་། །མྱ་ངན་འདས་པར་དེར་བརྗོད་དོ། །ཉི་མའི་དཀྱིལ་ན་མུན་མེད་ལྟར། །ཡེ་ཤེས་རང་སྣང་མ་རྟོགས་པ། །ཉོན་མོངས་འཁོར་བ་ངང་གིས་མེད། །གནས་ལུགས་ཉིད་དུ་ཀ་དག་པའོ། །དངོས་པོ་གཤིས་ཀྱི་གནས་ལུགས་ཉིད། །བཅིང་མེད་རྣམ་པར་གྲོལ་མེད་པའི། །ཡེ་ནས་ལྷུན་གྲུབ་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །ཅེས་གསུངས་སོ། །ཞི་བ་ལྷ་རྒྱུད་ཆེན་པོ་ལས།གཞི་གནས་ལུགས་རང་བཞིན་གྱིས་ཞི་བ་བསྟན་པ་སྟེ་ལེའུ་གསུམ་པའོ།། །། ― DNG008_Page_0311 ―
[མ་དཔེ་གཟིགས་ན་འདིར་གནོན།]
དེ་ནས་བཅོམ་ལྡན་འདས་དཀོན་མཆོག་དཔལ་རིན་ཆེན་འབྱུང་ལྡན་ཉིད། འཁྲུལ་པ་ཐམས་ཅད་གྲོལ་བར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས། འདི་གསུངས་སོ། །བདེ་གཤེགས་སྙིང་པོའི་རང་བཞིན་འདི། །ཁམས་གསུམ་ཡོངས་ལ་ཡེ་ནས་གནས། །ལྷན་ཅིག་སྐྱེས་པའི་མ་རིག་པ། །ལུས་དང་གྲིབ་མ་ལྟ་བུར་བྱུང་། །བསྐལ་པ་སྔོན་ལས་བསགས་པ་ཡི། །འཁོར་བ་སྔོན་གྱི་རྣམ་སྨིན་བྱུང་། །ལས་སུ་ཉོན་མོངས་ལྔ་པོ་ཡིས། །འབྱུང་ལྔ་འདུས་པའི་ཕུང་པོར་སྨིན། །སྣོད་ཀྱི་འཇིག་རྟེན་སྣང་བ་ཡང་། །སངས་རྒྱས་ཞིང་ཁམས་ཡིན་པར་ཤེས། །ཤར་ཕྱོགས་མངོན་པར་དགའ་བའི་ཞིང་། །ལྷོ་ན་དཔལ་ལྡན་ནུབ་ཕྱོགས་བདེ། །བྱང་ཕྱོགས་རྣམ་དག་བཀོད་པ་ལ། །དབུས་ཀྱི་བྱང་ཆུབ་སྙིང་པོར་གནས། །འདི་ལ་སོགས་པའི་སངས་རྒྱས་ཞིང་། །གུད་ན་མེད་པར་རབ་རྟོགས་ལ། །མི་དགེ་བཅུ་པོ་ཁྲོ་བཅུའི་མཚམས། །ཉོན་མོངས་ལྔ་པོ་མཚོན་ཆ་ལྔ། །སྤྱི་བོ་སྣ་ཚོགས་རྡོ་རྗེ་ལ། །རྐང་མཐིལ་རྡོ་རྗེའི་ས་གཞི་ལ། །རྩིབ་མ་རྡོ་རྗེའི་ར་བ་དང་། །པགས་པ་རྡོ་རྗེའི་གུར་དུ་ཕུབ། །བ་སྤུ་མདའ་ཡི་དྲ་བ་ཡིན། །སེན་མོ་མེ་དཔུང་རབ་ཏུ་འབར། །ལུས་ཁམས་བདུད་རྩི་རྣམ་པ་ལྔ། །འབྱུང་བ་ལྔའམ་བཞིར་གནས་པ། །ཁམས་དགུ་འདུས་པའི་དྭངས་མ་ནི། །རང་བྱུང་བདུད་རྩིའི་མཆོད་པ་ཉིད། །དབང་པོ་རྣམ་དྲུག་འདོད་ཡོན་དྲུག །པདྨ་རཀྟ་མཆོད་རྫས་ཉིད། །ཀུན་གཞི་ཆོས་ཀྱི་ཕོ་བྲང་དུ། །ཡིད་ནི་ཀུན་བཟང་རང་བྱུང་སྐུ། །ལུས་དང་ངག་ཡིད་རྣམ་པ་གསུམ། །ཡེ་ནས་གཤེགས་པར་གནས་པའོ། །རང་གི་ལུས་ཉིད་འདོམ་གང་ལ། །ཐམས་ཅད་ཚང་བར་གནས་པ་ནི། །ཀུན་གཞི་དེ་རྟིང་ཉོན་ཡིད་མེད། །ཡིད་ནི་རྒྱུ་ཉིད་ཨར་གནས་སོ། །རྐང་མཐིལ་རླུང་ལ་སུམ་མདོ་མེ། །ལྟེ་བ་ཆུ་ལ་སྙིང་ག་ས། །སྒལ་ཚིགས་རི་རབ་སྐྲ་ནི་མེ། །མི་མཉམ་མེད་པའི་གྲུ་བཞི་ལུས། །སྙིང་གའི་རྩ་བཞི་སྒོ་བཞི་ལ། །རྐང་བརྒྱད་ཀ་བ་རྣམ་པ་བརྒྱད། །མིག་གཉིས་པཉྩ་རེ་ཁཱ་ལ། །སྣ་ནི་རིན་ཆེན་ཕ་གུ་ཉིད། །སོ་ནི་དྲ་བ་དྲ་ཕྱེད་ལ། །ལྕེ་ཆུ་འདོད་ཡོན་ལྷ་མོ་འབྱུང་། །རྣ་བ་རྟ་བབས་ཉིད་དུ་གནས། །སྙིང་ནི་མི་འཇིགས་སེང་ ― DNG008_Page_0312 ―
[མ་དཔེ་གཟིགས་ན་འདིར་གནོན།]
གེའི་གདན། །མཁལ་མ་སྟོབས་བཅུ་གླང་པོ་ཆེ། །མཆེར་བ་རྫུ་འཕྲུལ་རྟ་ཡི་ཁྲི། །མཆིན་པ་དབང་བཅུ་རྨ་བྱ་ཉིད། །གློ་བ་ཐོགས་མེད་ནམ་མཁའ་ལྡིང་། །ཕོ་བ་རིན་ཆེན་ཁྲི་རྐང་ལ། །མཆིན་དྲི་དཀར་ནག་ཉི་ཟླའི་གདན། །རྒྱུ་ལོང་ཆགས་མེད་པདྨ་ཡིན། །ཁྱབ་བྱེད་གཟུགས་ཕུང་རྣམ་སྣང་མཛད། །སྲོག་འཛིན་རྣམ་ཤེས་མི་བསྐྱོད་པ། །མེ་མཉམ་ཚོར་བ་རིན་ཆེན་འབྱུང་། །གྱེན་རྒྱུ་འདུ་ཤེས་སྣང་མཐའ་ཡས། །ཐུར་སེལ་འདུ་བྱེད་དོན་ཡོད་གྲུབ། །སྲ་བ་ས་ནི་སངས་རྒྱས་སྤྱན། །ནམ་མཁའ་དབྱིངས་ཕྱུག་མ་ཉིད་ལ། །མཉེན་པའི་ཆུ་དབྱིངས་མཱ་མ་ཀི། །དྲོ་བའི་མེ་དབྱིངས་གོས་དཀར་མོ། །བསྐྱོད་པའི་རླུང་ནི་དམ་ཚིག་སྒྲོལ། །བཅུད་ནི་ཡབ་ལ་སྣོད་ནི་ཡུམ། །སྤྱད་བྱར་གྱུར་པའི་བཙུན་མོ་ཡིན། །རྒྱུ་བ་ས་སྙིང་མེ་རླུང་མིག །གཟུགས་ནི་སྒེག་མོར་གནས་པའོ། །ཤིན་ཏུ་རྒྱུ་བ་ནམ་མཁའ་ཉིད། །ནམ་སྙིང་སྣ་ལ་གནས་པ་དང་། །དྲི་ནི་ལྷ་མོ་ཕྲེང་བ་མོ། །མངོན་པར་རྒྱུ་བ་སྤྱན་རས་གཟིགས། །རྡོ་རྗེ་མྱོང་བར་བྱེད་པ་སྟེ། །རོ་ནི་ལྷ་མོ་གླུ་ལེན་མ། །རབ་ཏུ་རྒྱུ་བ་ཕྱག་རྡོར་ཉིད། །རྣ་བ་ལ་གནས་ཐོས་པ་ལ། །སྒྲ་ནི་ལས་ཀྱི་གར་བྱེད་མ། །རྣམ་ཤེས་དབང་པོའི་བྱང་ཆུབ་སེམས། །ཡུལ་ལ་སྣང་བ་མཆེད་པ་དང་། །ཐོབ་པར་བྱེད་པ་སྣང་བ་གསུམ། །བྱམས་པ་མེ་ཡི་རླུང་དུ་བཤད། །དཔྱིད་ནི་འདས་དུས་སྤོས་མེ་མ། །སྒྲིབ་སེལ་སྣ་ཡི་རླུང་ཡིན་ཏེ། །དེ་ལྟར་དབྱར་ནི་མེ་ཏོག་མ། །ཀུན་བཟང་མེ་ནི་མངོན་པར་རྒྱུ། །འབྱུང་དུས་སྟོན་ཏེ་མར་མེ་མ། །འཇམ་དཔལ་རླུང་ཉིད་གནས་པ་ཡང་། །མ་ངེས་དགུན་དེ་དྲི་ཆབ་མ། །དབང་པོར་སྣང་བའི་ལྷ་འདི་ཀུན། །རང་ལ་ཡེ་ནས་དུས་སྤྱོད་ཡུལ། །ཡིད་ནི་སྙིང་རྗེ་ཐབས་མཆོག་ཡབ། །ཆོས་ནི་སྟོང་པ་ཤེས་རབ་ཡུམ། །ཞེ་སྡང་དམྱལ་བར་སྣང་བ་ཡང་། །ཐུབ་པས་ཞེ་སྡང་མེ་ཡང་གསོད། །སེར་སྣས་ཡི་དྭགས་སྣང་བ་ཡང་། །ང་རྒྱལ་རི་སྙིལ་ཐུབ་པ་ཡིན། །གཏི་མུག་བྱོལ་སོང་སྐྱེས་པ་ལ། །ཐུབ་པས་གཏི་མུག་མུན་པ་སེལ། །འདོད་ཆགས་མི་ཡི་སྐྱེ་གནས་ཉིད། །འདོད་ཆགས་དུག་འཇོམས་ཤཱཀྱ་ཐུབ། །ཁོང་ཁྲོས་ལྷ་མ་ཡིན་དུ་སྐྱེ། ། ― DNG008_Page_0313 ―
[མ་དཔེ་གཟིགས་ན་འདིར་གནོན།]
བདག་གཞན་བྲལ་བས་ལྷ་མིན་ཐུབ། །ཕྲག་དོག་ལྷ་ཡི་གནས་སྣང་བས། །ཕྲག་དོག་ལྕགས་འགྲོལ་ལྷ་ཡི་ཐུབ། །ལུས་ཀྱི་འདུས་ཏེ་རེག་པ་ནི། །རྡོ་རྗེ་རེག་པ་གཤིན་རྗེའི་གཤེད། །རེག་པ་སྲ་བ་ས་ཡིན་ཏེ། །རྟོག་པར་མ་ཡིན་ལྕགས་ཀྱུ་མ། །ལུས་ཀྱི་དབང་པོ་རེག་བྱེད་ཉིད། །ཡབ་ཀྱི་རྡོ་རྗེ་སྟོབས་པོ་ཆེ། །གཤེར་བར་འབྱུང་བ་ཆུ་ཉིད་སྟེ། །ཆད་པར་མ་ཡིན་ཞགས་པ་མ། །ལུས་ཀྱི་ཡུལ་ནི་རེག་བྱ་ཉིད། །ཡུམ་གྱི་པདྨ་རྟ་མགྲིན་དཔལ། །ཚ་ཞིང་དྲོ་བ་མེ་ཡིན་ཏེ། །བདག་ཏུ་མ་ཡིན་ལྕགས་སྒྲོག་མ། །ལུས་ཀྱི་རྣམ་པར་ཤེས་པ་ནི། །དམ་རྫས་དཀར་དམར་བདུད་རྩི་འཁྱིལ། །གཡོ་རླུང་སྟོང་བདེའི་ནམ་མཁའ་ནི། །མཚན་མར་མ་ཡིན་དྲིལ་བུ་མ། །སྲིད་གསུམ་ཁམས་གསུམ་སེམས་ཅན་ལ། །ཡེ་ནས་རང་ལ་ལྷུན་གྱིས་གྲུབ། །རང་གནས་ཆེན་པོ་རྟོགས་གྱུར་ནས། །རང་བཞིན་དཀྱིལ་འཁོར་བསྐྱེད་པར་བྱ། །དེ་ནས་བཅོམ་ལྡན་འདས་དཀོན་མཆོག་དཔལ་གྱིས། ཚོམ་བུའི་དཀྱིལ་འཁོར་རང་ལ་གནས་པ་འདི་གསུངས་སོ། །སྤྱི་གཙུག་བདེ་ཆེན་དཀྱིལ་འཁོར་ན། །རྣམ་པར་སྣང་མཛད་ཡབ་ཡུམ་ལ། །སྒོ་བ་ཡབ་ཡུམ་བརྒྱད་ཀྱིས་བསྐོར། །འདི་ནི་སྐུ་ཡི་དཀྱིལ་འཁོར་ཏེ། །རྩ་དང་ཐིག་ལེ་སྔགས་དང་རླུང་། །དབུ་ཡི་གཙུག་ཏོར་རྩེ་མོ་ནི། །རིགས་བདག་ཀུན་བཟང་ཡབ་ཡུམ་ལ། །ཐུབ་དྲུག་སྤྲུལ་པའི་འཁོར་གྱིས་བསྐོར། །འདི་ནི་སྤྱི་ཡི་དཀྱིལ་འཁོར་ཡིན། །མགྲིན་པ་ལོངས་སྤྱོད་དཀྱིལ་འཁོར་ལ། །སྣང་བ་མཐའ་ཡས་ཡབ་ཡུམ་ལ། །སྤྱན་རས་གཟིགས་དང་གླུ་མ་དང་། །ཀུན་བཟང་མར་མེ་མ་ཡིས་བསྐོར། །འདི་ནི་གསུང་གི་དཀྱིལ་འཁོར་ཉིད། །གནས་རྟེན་གྲུབ་པས་གཡོ་བར་གྲུབ། །སྙིང་ག་ཆོས་ཀྱི་འཁོར་ལོ་ལ། །མི་བསྐྱོད་ཡབ་དང་ཡུམ་དུ་བཅས། །ས་ཡི་སྙིང་པོ་སྒེག་མོ་དང་། །བྱམས་པ་བདུག་སྤོས་མ་ཡིས་བསྐོར། །འཁོར་ལོ་ཐིག་ལེ་སྔགས་དང་རླུང་། །འདི་ནི་ཐུགས་ཀྱི་དཀྱིལ་འཁོར་ཉིད། །ལྟེ་བ་སྤྲུལ་པའི་དཀྱིལ་འཁོར་ནས། །དཀོན་མཆོག་དཔལ་ནི་ཡབ་ཡུམ་ལ། །ནམ་མཁའི་སྙིང་པོ་ཕྲེང་བ་མ། །སྒྲིབ་སེལ་མེ་ཏོག་མ་དང་བཅས། །འདི་ནི་ཡོན་ཏན་འཁོར་བཅས་ཏེ། །འཁོར་ལོ་ཁམས་བཅུད་ ― DNG008_Page_0314 ―
[མ་དཔེ་གཟིགས་ན་འདིར་གནོན།]
སྔགས་དང་རླུང་། །གསང་བ་མེ་རླུང་འཁོར་ལོ་ལ། །གྲུབ་པ་གདོན་མི་ཟ་བ་ལ། །ཕྱག་ན་རྡོ་རྗེ་གར་མ་དང་། །འཇམ་དཔལ་དྲི་ཆབ་མ་ཡིས་བསྐོར། །འཁོར་ལོ་བདུད་རྩི་ཡི་གེ་གཡོས། །འདི་ནི་ཕྲིན་ལས་འཁོར་ལོ་ཡིན། །གནས་པ་རྩ་ཡི་རང་བཞིན་ལས། །དཀྱིལ་འཁོར་སྤྲོས་པ་བསྒོམ་པར་བྱ། །གྲུབ་པ་སྔགས་ཀྱི་ཡི་གེ་ལས། །ཚོམ་བུ་སྤྲོས་པ་བསྒོམ་པར་བྱ། །ལུས་ཁམས་བདུད་རྩི་ཐིག་ལེ་ལས། །ཞལ་ཕྱག་སྤྲོས་པ་བསྒོམ་པར་བྱ། །སྙིང་པོ་རླུང་གི་ཡན་ལག་ལས། །རྣམ་གྲངས་སྤྲོས་པ་བསྒོམ་པར་བྱ། །རྣལ་འབྱོར་བློ་ཡི་ཁྱད་པར་ལས། །ཆུ་ལས་ཉ་ལྡང་ཇི་བཞིན་དུ། །སྙིང་པོ་བརྗོད་པས་ཕྱག་རྒྱར་གསལ། །ཅིག་ཆར་ལམ་དུ་བསྒོམ་པར་བྱ། །སྲིད་པ་མངལ་ནས་ཆགས་ཚུལ་དུ། །ལོ་དང་ཟླ་བས་སྨིན་པ་བཞིན། །རྒྱུ་རྐྱེན་འདུས་པ་ལས་བྱུང་བ། །རིམ་གྱིས་བསླབས་ཏེ་བསྒོམ་པར་བྱ། །ཞེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། རང་རྒྱུད་ཕུང་པོའི་ཞི་བ་སེམས་ཅན་ཐམས་ཅད་ལ་གནས་པ་སྟེ་ལེའུ་བཞི་པའོ།། །།དེ་ནས་བཅོམ་ལྡན་འདས་སྣང་བ་མཐའ་ཡས་ཀྱིས་གདུལ་བྱ་ཐམས་ཅད་ཞིང་དག་པར་གཟུང་བ་འདི་གསུངས་སོ། །ཇི་ལྟར་གདུལ་བྱ་སྤྲུལ་བྱུང་ནས། །དེ་ཉིད་ལམ་དུ་བྱས་པ་ཡི། །ཆོས་འདི་སྣོད་ལྡན་ཀུན་དོན་དུ། །རྡོ་རྗེ་སྙིང་པོ་ཉིད་ལ་བཤད། །སངས་རྒྱས་ཀུན་ཏུ་བཟང་པོ་ཉིད། །སྟོང་གསུམ་ཞིང་ཁམས་གྲངས་མེད་པར། །ཐུབ་པའི་དཀྱིལ་འཁོར་ཀུན་སྤྲོས་ནས། །ཁམས་གསུམ་སེམས་ཅན་མཐའ་ཡས་པ། །འདུལ་ཕྱིར་དཀྱིལ་འཁོར་སྣ་ཚོགས་པ། །ཡིད་བཞིན་ནོར་བུ་བཞིན་དུ་སྣང་། །གང་ཞིག་རིགས་ཀྱིས་འདུལ་བ་ལ། །གཏི་མུག་ཅན་ལ་བདེ་གཤེགས་རིགས། །ཞེ་སྡང་འདུལ་ཕྱིར་མི་བསྐྱོད་པ། །ང་རྒྱལ་ཅན་ལ་དཀོན་མཆོག་དཔལ། །འདོད་ཆགས་པདྨ་ཚེ་དཔག་མེད། །ཕྲག་དོག་དོན་གྲུབ་ལས་ཀྱི་རིགས། །རིགས་ལྔར་གཏོགས་པ་འདི་དག་གིས། །འདོད་དང་ཐར་པ་རབ་སྒྲུབ་བྱེད། །གང་གིས་མཚོན་པས་འདུལ་བ་ལ། །རང་བཞིན་སྐུ་མདོག་སྣང་བ་ཡང་། །སྣུམ་ཞིང་དྭངས་ལ་མཛེས་ཤིང་སྡུག །དབྱིབས་མཛེས་མདངས་གསལ་མདོག་ཕྱེད་འཕྲོ། །གང་ཞིག་ ― DNG008_Page_0315 ―
[མ་དཔེ་གཟིགས་ན་འདིར་གནོན།]
བསྒྱུར་བས་འདུལ་བ་ལ། །རྟག་པ་ཆེན་པོ་ཤངྑ་སྟེ། །མི་བསྐྱོད་ཨིནྡྲ་ནཱི་ལའི་མདོག །རིན་ཆེན་འབྱུང་ལྡན་བཙོ་མ་གསེར། །པདྨ་རཱ་ག་ཚེ་དཔག་མེད། །དོན་གྲུབ་ཨིནྡྲ་ནཱི་ལ་ཡིན། །རིགས་མཐུན་མདོག་ཏུ་གནས་པའམ། །ཡང་ན་ཉི་ཤུ་རྩ་ལྔར་སྟོན། །ཞལ་ཕྱག་འདུལ་བར་དགོངས་པ་ལ། །ཆོས་སྐུ་སྤྲོས་པ་མེད་པའི་ཕྱིར། །ཞལ་ནི་གཅིག་ཏུ་བསྟན་པ་ཡིན། །དབྱིངས་དང་ཡེ་ཤེས་འདྲེལ་པའི་ཕྱིར། །ཕྱག་ནི་གཉིས་སུ་བསྟན་པ་ཡིན། །ཐབས་དང་ཤེས་རབ་མཉམ་པས་ན། །ཞབས་ཀྱང་རྡོ་རྗེའི་སྐྱིལ་ཀྲུང་བཞུགས། །བཀྲི་དང་འབྲས་བུ་རྣམ་ཐར་གསུམ། །ངེས་དོན་འབྲས་བུ་སྐུ་གསུམ་སྣང་། །དེ་ཕྱིར་ཞལ་ཡང་གསུམ་དུ་བསྟན། །ངེས་པར་ཆོས་ཉིད་ཞལ་ལས་འདས། །ཕ་རོལ་ཕྱིན་དྲུག་སྣང་བ་ཡང་། །སྦྱིན་པ་བཏང་ཞིང་ཚུལ་ཁྲིམས་བསྲུངས། །བརྩོན་འགྲུས་བརྩམས་ཤིང་བསམ་གཏན་བསྒོམས། །བཟོད་པ་བསྒོམས་ནས་ཤེས་རབ་རྟོགས། །རྒྱུ་ཡི་ལམ་ནས་བགྲོད་འདུལ་བ། །རྡོ་རྗེའི་ཕྱག་ཀྱང་དྲུག་ཏུ་བྱུང་། །སྟོང་པ་ཉིད་ཀྱི་ཡེ་ཤེས་དང་། །ཆོས་དབྱིངས་མེ་ལོང་ལྟ་བུ་དང་། །སོ་སོར་རྟོག་དང་མཉམ་པ་ཉིད། །བྱ་བ་གྲུབ་པར་མཐར་ཕྱིན་པས། །འབྲས་བུའི་སྒོ་ནས་མཐར་ཕྱིན་པས། །རྡོ་རྗེའི་ཕྱག་མཚན་དྲུག་པོ་རྣམས། །དབྱིངས་དང་ཡེ་ཤེས་མི་འབྲལ་ཞིང་། །ཐབས་དང་ཤེས་རབ་སྦྱོར་བ་དང་། །སྣང་སྟོང་ཟུང་དུ་འཇུག་པ་དང་། །ཡུལ་སེམས་དབྱེར་མེད་སྣང་བས་ན། །གདུལ་བྱའི་ཤེས་པར་གྲོལ་མཚོན་པས། །ཡབ་ཡུམ་ཞབས་དང་སྐྱིལ་ཀྲུང་འཁྲིལ། །རྒྱན་ཆས་འདུལ་བར་གྱུར་པ་ལ། །རིག་པའི་དབང་ལྔ་རྫོགས་པ་དང་། །རིགས་གཅིག་རིགས་ལྔ་དབྱེར་མེད་ཕྱིར། །དབུ་ལ་རིན་ཆེན་ཟེའུ་ཕྲོག་ལྔ། །ཀུན་འདར་ནང་དུ་སེམས་བཟློག་པས། །གཙུག་ཏོར་ཐོར་ཚུགས་ཡིད་བཞིན་འབར། །མུ་སྟེགས་ལྟ་ངན་རབ་འཇོམས་པས། །མགོན་པོ་རལ་པའི་ཅོད་པན་འཕྱང་། །རོ་རྐྱང་ཐབས་དང་ཤེས་རབ་ལྡན། །ཕྱོགས་རྣམས་མཛེས་པའི་ཅོད་པན་མཛེས། །རིགས་རྣམས་བདེ་བས་གང་བས་ན། །མེ་ཏོག་ཆུན་པོས་ཐོད་བཅིངས་མཛེས། །བྱང་ཆུབ་ཡན་ལག་བདུན་ལྡན་པས། །རྣ་རྒྱན་མགུལ་ཆུ་དཔུང་རྒྱན་དང་། །སྐུ་ ― DNG008_Page_0316 ―
[མ་དཔེ་གཟིགས་ན་འདིར་གནོན།]
རེག་དང་ནི་དོ་ཤལ་དང་། །ཕྱག་ཞབས་གདུ་བུས་རབ་ཏུ་མཛེས། །འཕགས་ལམ་ཡན་ལག་བརྒྱད་ལྡན་པས། །བཀྲ་ཤིས་རྟགས་བརྒྱད་ལུས་ལ་རྫོགས། །ཆ་ལུགས་ཆེན་པོས་བརྗིད་པས་ན། །སྐུ་ཡི་སྟོད་གཡོགས་རབ་མཛེས་ཤིང་། །གསུང་གི་སྨད་དཀྲིས་ལྷུབ་དང་ལྡན། །ཐུགས་ཀྱི་ཟེའུ་ལྡན་རྣམ་པར་བགོས། །ཡོན་ཏན་ཆོས་གོས་བསྣམས་ནས་ནི། །མཛད་པ་ལས་ཀྱི་ཕུ་རུང་ལྡན། །ཞིང་ཁམས་རྣམ་པར་དག་པས་ན། །རྒྱབ་ཡོལ་ཟླ་བའི་དཀྱིལ་འཁོར་དང་། །སྣ་ལྔ་འོད་ཀྱི་གང་བུ་དང་། །འོད་ཟེར་དྲ་བས་རབ་ཏུ་སྤྲས། །གདུལ་བྱའི་རེ་བ་བསྐང་མཛད་པས། །བ་སྤུའི་བུ་ག་རེ་རེ་ནས། །འོད་ཟེར་བྱེ་བ་དྲུག་སྟོང་འཕྲོ། །བདེ་གཤེགས་སྣང་བ་སྣ་ཚོགས་སྟོན། །མཚན་གྱི་མེ་ཏོག་རྒྱས་པ་ལ། །དཔེ་བྱད་འབྲས་བུས་སྤྲས་པའི་ཕྱིར། །སེམས་དཔའ་ཡབ་ཡུམ་རང་གི་རིག །སྲས་ཀྱི་ཚོགས་ཀྱིས་ཀུན་ནས་སྤྲས། །སྲས་ཚོགས་མ་ལུས་པ་རྣམས་ཀྱང་། །རིགས་ལྔའི་དགོངས་པ་ཚང་བས་ན། །རིགས་ཀྱི་བདག་པོས་དབུ་བརྒྱན་ཅིང་། །སྙན་ཆ་རིན་ཆེན་འབྱུང་ལྡན་ལ། །མགུལ་ཆུ་སྣང་བ་མཐའ་ཡས་ཏེ། །དོ་ཤལ་སྐུ་རེགས་རྣམ་སྣང་མཛད། །ཕྱག་ཞབས་གདུ་བུ་དོན་གྲུབ་ལ། །དབུ་རྒྱན་མི་བསྐྱོད་པ་ཡི་བརྡའ། །ཕྱག་མཚན་འདུལ་བར་དགོངས་པ་ལ། །དངོས་པོ་འཇོམས་པའི་རྡོ་རྗེ་དང་། །རྨད་བྱུང་སྒྲོགས་པའི་འཁོར་ལོ་བསྐོར། །དགོས་འདོད་སྐོང་བའི་རིན་པོ་ཆེ། །སྐྱོན་གྱིས་མ་གོས་པདྨ་འབར། །ལོག་ལྟ་འཇོམས་པའི་རལ་གྲི་དང་། །ཆོས་ཀྱི་སྒྲ་སྒྲོགས་དྲིལ་བུ་རྣམས། །རིགས་རྣམས་དབྱེར་མེད་ཡིན་པས་ན། །ཕྱག་མཚན་གཅིག་ལ་ཀུན་ཀྱང་ཚང་། །ས་བཅུ་ཐོབ་དང་རིག་འཛིན་པས། །ས་སྙིང་དཀར་སྐྱ་རིན་ཆེན་མྱུག །ནམ་སྙིང་མཐིང་ག་རལ་གྲི་འཛིན། །སྤྱན་གཟིགས་དམར་པོ་པདྨ་དཀར། །ཕྱག་རྡོར་ལྗང་གུ་རྡོ་རྗེ་བསྣམས། །སྣང་བ་གསུམ་གྱིས་གྲོལ་བ་དང་། །རྫས་ཀྱི་ལོངས་སྤྱོད་ལྡན་པས་ན། །སྒེག་མོ་མེ་ལོང་རིན་ཆེན་འཕྲེང་། །པདྨ་གླིང་དུང་གར་བྱེད་ལས། །བྱམས་དཀར་ཀླུ་ཤིང་སྤོས་མེ་ཡུམ། །སྒྲིབ་སེལ་མཐིང་ག་པུསྡི་ཉིད། །ཡུམ་ནི་མེ་ཏོག་ཕྲེང་བ་ཉིད། །ཀུན་བཟང་དམར་སྐྱ་རིན་ཆེན་སྙེ། །ཡུམ་ནི་མར་མེ་ ― DNG008_Page_0317 ―
[མ་དཔེ་གཟིགས་ན་འདིར་གནོན།]
འོད་གསལ་སྣང་། །འཇམ་དཔལ་ལྗང་སེར་ཨུ་ཏྤལ། །ཡུམ་ནི་དྲི་ཆབ་སྲིན་མཐེབ་འཐོར། །རིགས་བདག་ཐམས་ཅད་དབྱེར་མེད་པས། །ཀུན་བཟང་ཡབ་ཡུམ་མཉམ་གཞག་རྒྱ། །ལྷ་རྣམས་ལེ་ལོས་གཡེངས་པ་ལ། །བརྩོན་འགྲུས་མཐར་ཕྱིན་པི་ཝང་རོལ། །ལྷ་མིན་ཁོང་ཁྲོ་འཐབ་རྩོད་ལ། །འདུལ་ཕྱིར་བསམ་གཏན་གོ་མཚོན་བསྣམས། །མི་རྣམས་འདོད་ཆགས་བཟའ་བཏུང་ཆགས། །དེ་ཕྱིར་ཚུལ་ཁྲིམས་གསེག་པར་བསྣམས། །བྱོལ་སོང་གཏི་མུག་འཐིབ་བསལ་ཕྱིར། །པོ་ཏི་ཤེས་རབ་ཕ་རོལ་ཕྱིན། །ཡི་དྭགས་བཀྲེས་སྐོམ་འཇུངས་པས་ན། །དེ་ཕྱིར་སྦྱིན་པ་རིན་ཆེན་སྒྲོམ། །དམྱལ་བ་ཞེ་སྡང་ཚ་གྲང་ལ། །མེ་ཆུ་བཟོད་པའི་ཕ་རོལ་ཕྱིན། །འཆི་བདག་བདུད་འདུལ་འཁོར་བ་འདྲེན། །གཤིན་རྗེ་ཐོད་དབྱུག་ལྕགས་ཀྱུ་ཡུམ། །སྟོབས་ཆེན་ཕུང་པོའི་བདུད་འདུལ་བས། །རྡོ་རྗེ་གནོན་ཏེ་ཞགས་པ་ཡུམ། །ཉོན་མོངས་བདུད་འཇོམས་རྟ་མགྲིན་དཔལ། །ཐོད་སྦྲུལ་བསྣམས་ཏེ་ལྕགས་སྒྲོག་ཡུམ། །ལྷ་བདུད་བདུད་རྩི་འཁྱིལ་འདུལ་བས། །རྡོ་རྗེ་རྒྱ་གྲམ་དྲིལ་བུ་ཡུམ། །ཞི་བའི་མཛད་པས་འདུལ་དོན་དུ། །ཡབ་ཀྱི་སྐུ་ཡི་ཚུལ་བཞི་ནི། །གསལ་འཚེར་ལྷུན་སྡུག་གཟི་བྱིན་ལྡན། །ཡུམ་གྱི་ཚུལ་ལྔ་ལྡན་པས་ན། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །ཐུབ་དྲུག་སེམས་དཔའ་དོན་མཛད་པས། །འོད་ཟེར་འཕྲོ་བའི་ཚོགས་ཆེན་པོ། །སྒོ་སྐྱོང་གདུག་པ་འདུལ་བས་ན། །འབར་བའི་འཕྲེང་བས་འཁྲིགས་པ་སྟེ། །སྤྱིར་ནི་ཀུན་དང་ཀུན་བཟང་ཡུམ། །མཐའ་དབུས་མེད་པར་ཁྱབ་པའོ། །བཞུགས་ཐབས་འདུལ་བར་དགོངས་པ་ལས། །སངས་རྒྱས་རྣམས་ནི་ཡབ་ཡིན་པས། །རྡོ་རྗེའི་སྐྱིལ་མོ་ཀྲུང་དུ་བཞུགས། །རིག་མ་གཟུངས་མ་ཡུམ་རྣམས་ནི། །པདྨའི་སྐྱིལ་མོ་ཀྲུང་དུ་བཞུགས། །བྱང་ཆུབ་སེམས་དཔའ་ཡབ་ཡུམ་རྣམས། །སེམས་དཔའི་སྐྱིལ་མོ་ཀྲུང་དུ་བཞུགས། །ཐུབ་པ་འགྲོ་བའི་དོན་མཛད་པས། །བཞེངས་ནས་གདུལ་བྱར་མཐུན་པར་བཞུགས། །སྒོ་བ་གདུག་པ་འདུལ་བས་ན། །ཡབ་ཡུམ་བརྐྱངས་བསྐུམས་དོར་ཐབས་བཞུགས། །ཕྲིན་ལས་འདུལ་བར་དགོངས་པ་ལ། །ཡབ་ལྔས་ཕུང་པོ་བྱིན་གྱིས་བརླབ། །ཡུམ་ལྔས་འབྱུང་བ་བྱིན་གྱིས་ ― DNG008_Page_0318 ―
[མ་དཔེ་གཟིགས་ན་འདིར་གནོན།]
བརླབ། །བྱང་སེམས་རང་རྒྱུད་བཀྲ་ཤིས་བྱེད། །ཐུབ་པས་ཉོན་མོངས་འདུལ་ཞིང་སྦྱོང་། །ཀུན་བཟང་ཐབས་ཤེས་འདྲེལ་བར་བརླབ། །ཁྲོ་བོས་མཚམས་གཅོད་གདུག་པ་འདུལ། །གདན་ཁྲིས་འདུལ་བར་དགོངས་པ་དང་། །ཆོས་ཀྱི་འཁོར་ལོ་བསྐོར་བའི་གདན། །འོག་གཞི་འཁོར་ལོ་རྩིབས་བཞི་འབར། །དགོས་འདོད་རེ་བ་སྐོང་བས་ན། །ཡིད་བཞིན་རིན་ཆེན་ཁྲི་རྐང་བརྩེགས། །ཡོན་ཏན་ཆེ་བས་བཅོམ་པས་ན། །སྟོབས་བཅུ་ཚང་བ་གླང་པོའི་གདན། །མི་འཇིགས་བཞི་བཅོམ་སེང་གེ་ཉིད། །རྫུ་འཕྲུལ་རྐང་བཞི་རྟ་ཡི་གདན། །དབང་བཅུ་མཚོན་པས་རྨ་བྱ་ལ། །ཕྲིན་ལས་ཐོགས་མེད་ནམ་མཁའ་ལྡིང་། །ས་ཡི་ཁྱད་པར་བགྲོད་པས་ན། །ཉི་མ་ཟླ་བ་པདྨའི་གདན། །འབྲས་བུའི་ས་གསུམ་གནོན་པའོ། །གནས་ཀྱིས་འདུལ་བར་དགོངས་པ་ལ། །ཁྱད་པར་འཕགས་པ་འོག་མིན་གནས། །གཞན་མིན་རང་སྣང་སྤྲུལ་པའི་ཁྱིམ། །གསང་བ་ཡུམ་གྱི་བྷ་ག་ཉིད། །དེ་ཉིད་ཀུན་གཞི་ཕོ་བྲང་ལ། །གདོས་པ་ཅན་ལས་རབ་གྲོལ་བས། །ཕྱི་ནང་མེད་པར་གསལ་བ་ནི། །ཤེལ་གྱི་ཕོར་པར་བཅུད་བཞག་འདྲ། །ཁྱད་པར་ཞིང་ཁམས་ལྔར་ཡང་སྣང་། །ཞེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། ཇི་ལྟར་གདུལ་བར་བྱ་བ་སྤྲུལ་པར་བྱུང་བའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་དེ་ཉིད་ལམ་དུ་བྱ་བ་འདི་དག་གསུངས་སོ། །དེ་བཞིན་གཤེགས་པ་རིགས་ལྔ་ལ། །ལམ་ནི་རྣམ་པ་གཉིས་ཡོད་དེ། །གྲོལ་ལམ་ལྟ་བ་བསྟན་པ་དང་། །ཐབས་ལམ་དབང་གིས་བགྲོད་པར་བཤད། །ལྟ་བ་བདེན་པ་དབྱེར་མེད་ཉིད། །སྐོར་བདུན་ངོ་བོ་ཉིད་དུ་གནས། །བདེར་གཤེགས་དཀྱིལ་འཁོར་སྤྱན་དྲངས་ནས། །མཆོད་པས་རབ་ཏུ་དགྱེས་པར་བྱ། །རང་གི་གནས་རྣམས་སྦྱང་བར་བྱ། །ཡི་གེ་ཨ་དཀར་ལས་སྐྱེས་པ། །རི་རབ་རྩེ་ལ་ལྷ་ཡི་གནས། །ལྷ་མ་ཡིན་གྱི་སུ་སེར་པོ། །རི་རབ་ཁོང་སེང་ནང་ན་གནས། །གླིང་བཞི་མི་ནི་ནྲྀ་སྔོན་པོ། །བཞི་དང་གླིང་ཕྲན་བཅུ་གཉིས་གནས། །བྱོལ་སོང་དུ་ཡིག་དུད་ཀ་ནི། །ཕྱི་ཡི་རྒྱ་མཚོའི་ནང་ནའོ། །པྲེ་དམར་ལས་སྐྱེས་ཡི་དྭགས་རྣམས། །གྲོང་ཁྱེར་སེར་སྐྱའི་ ― DNG008_Page_0319 ―
[མ་དཔེ་གཟིགས་ན་འདིར་གནོན།]
གནས་ན་ཡོད། །དམྱལ་བ་ཏྲི་ཡིག་ནག་པོ་དེ། །རྡོ་རྗེ་གདན་གྱི་འོག་ན་གནས། །འདི་དྲུག་འདོད་ཁམས་གནས་རྣམས་སྦྱངས། །འདི་སྐོར་ཡིག་སྐྱོན་ཞིག་ཡོད་དམ། གཟུགས་ཁམས་བསམ་གཏན་མུ་བཞི་སོགས། །ཡི་གེ་ཨཱོཾ་དུ་ཤེས་པར་བྱ། །གཟུགས་མེད་སྐྱེ་མཆེད་མུ་བཞི་ཨཱ། །ཉམས་ནི་སེམས་ལ་འཆར་བ་ཡིན། །གར་ནི་ལུས་ལ་འཆར་བ་ཡིན། །སྔགས་ནི་ངག་ལ་འཆར་བ་དང་། །མཐོང་སྣང་ཡུལ་ལ་འཆར་བ་ལ། །བག་ཆགས་རྨི་ལམ་ཤར་བ་ནི། །ཁམས་གསུམ་གནས་ལས་ངེས་པར་གྲོལ། །འབྲུ་གསུམ་སྦྱངས་ན་ངེས་པར་ནི། །སྐུ་གསུམ་གནས་ལ་བཞུགས་པར་འགྱུར། །རྟོགས་པས་བདག་ནི་བསྒྲལ་ཞེས་བྱ། །གང་ཞིག་ཐུགས་རྗེས་གཞན་བསྒྲལ་ན། །ཞིང་དུ་གྱུར་པའི་བསྒྲལ་བྱ་རྣམས། །མཉེས་པ་ལྔ་དང་སྟོང་པ་ལྔ། །དགོངས་པ་ལྔ་དང་གྱུར་པ་ལྔ། །དེ་སོགས་ཡུམ་གྱི་མཁའ་ལ་འཕངས། །སྐུ་གསུམ་རྒྱལ་བའི་ཞིང་དུ་ངེས། །ཚོགས་ཆེན་གཉིས་ཀྱང་རྫོགས་པར་འགྱུར། །ཐབས་ཀྱི་ལམ་ལ་སྦྱོར་འདོད་ན། །རང་དོན་གསལ་བ་རྣམ་པ་གསུམ། །གསང་དབང་ཤེས་རབ་ཡེ་ཤེས་དང་། །བདེ་བ་ཆེན་པོའི་དབང་གསུམ་ཉིད། །གཏུམ་མོ་འཁོར་ལོ་སྲོག་ཤིང་གསུམ། །འདི་ལས་འབྱུང་བའི་ལམ་ཡིན་ནོ། །ལུས་ཀྱི་འཁྲུལ་འཁོར་ལེགས་གནས་ན། །རླུང་གིས་མེ་ནི་རབ་ཏུ་འབར། །ཀྵ་ནི་ཀུན་ཏུ་བཟང་པོ་ཉིད། །བདུད་རྩི་འབབ་པ་ཀུན་བཟང་མོ། །བདེ་བའི་ཡེ་ཤེས་རོལ་མོ་ཡིས། །རང་གི་ལུས་ཀྱི་ལྷ་རྣམས་མཉེས། །ཡེ་ཤེས་སྒྱུ་མའི་དངོས་གྲུབ་ནི། །རྣལ་འབྱོར་པ་ཡིས་ཐོབ་པར་འགྱུར། །ལུས་ལ་དཀྱིལ་འཁོར་རྣམ་པ་བཞི། །བསྒོམས་པས་བདེ་བ་རྣམ་པ་བཞི། །གསང་བ་སྔགས་ཀྱི་ཡིག་འབྲུ་བཞི། །སྙིང་པོ་རླུང་གི་གནས་པ་བཞི། །དཀྱིལ་འཁོར་སྲོག་ཤིང་རྣམ་པ་གསུམ། །ལུས་དང་ངག་དང་ཡིད་དུ་གནས། །སྲིད་པ་གསུམ་དང་གྲོང་ཁྱེར་གསུམ། །འཁོར་བ་གཟུང་འཛིན་འདས་པ་གསུམ། །གཞན་དོན་སྦྱོར་བའི་མཆོད་པ་འབུལ། །བདེ་གཤེགས་ཡུམ་ལྔ་གཟུངས་མ་ནི། །གླང་པོ་ཅན་མ་སངས་རྒྱས་སྤྱན། །དུང་ཅན་མ་ནི་དབྱིངས་ཕྱུག་མ། །རི་དྭགས་ཅན་མ་མཱ་མ་ཀཱི། །རི་མོ་ཅན་ནི་གོས་དཀར་མོ། །སྣ་ཚོགས་ཅན་མ་དམ་ཚིག་སྒྲོལ། ། ― DNG008_Page_0320 ―
[མ་དཔེ་གཟིགས་ན་འདིར་གནོན།]
སྦྱོར་བ་ཉིད་ནི་རིགས་ལྔ་ཉིད། །རིག་པ་སྲ་བ་ས་ཡིན་ཏེ། །དེ་ཉིད་རྟག་པ་རྣམ་པར་སྣང་། །གཤེར་བ་ཆུ་སྟེ་དཀོན་མཆོག་དཔལ། །དྲོ་བ་མེ་ནི་ཚེ་དཔག་མེད། །གཡོ་བ་རླུང་ནི་དོན་ཡོད་གྲུབ། །ཐིག་ལེ་ནམ་མཁའ་མི་བསྐྱོད་ཡིན། །བདེ་བ་བཅུ་དྲུག་སེམས་དཔར་ཤར། །ཕྱི་ཡི་གནས་ལ་ལྟོས་པ་ནི། །ལུས་ཀྱི་ཁོལ་བུར་བྱམས་པ་སྐྱེས། །ལུས་ལ་ཕལ་ཆེར་སྒྲིབ་སེལ་ཉིད། །ཀུན་ཏུ་བཟང་པོས་ལུས་ཀུན་ཁྱབ། །འཇམ་དཔལ་སྣང་དངོས་བདེ་བར་འཆར། །ནང་གི་གནས་ལ་ལྟོས་པ་ཡུམ། །བདེ་བ་སྤྱི་མགྲིན་སྤོས་མ་ཉིད། །མཆོག་བདེ་མགྲིན་སྙིང་མེ་ཏོག་འཐོར། །སྙིང་ག་ལྟེ་བ་མར་མེ་གསལ། །ལྟེ་བ་གསང་གནས་ལྷན་སྐྱེས་དྲི། །སྤང་བྱ་ལྟོས་པ་རྣམ་པ་བཞི། །ས་སྙིང་གཟུགས་འཛིན་རགས་རིམ་འགོག །ནམ་སྙིང་བདག་རྟོག་རགས་རིམ་འགོག །གཟུགས་ཀྱི་རྟོག་འགོག་སྤྱན་རས་གཟིགས། །བདེ་གསུམ་རྟོག་འགོག་ཕྱག་རྡོར་ཉིད། །རང་གི་ངོ་བོར་ལྟོས་པ་བཞི། །བདེ་བ་རྡོ་རྗེ་སྒེག་མོ་མ། །མཆོག་བདེ་རིན་ཆེན་ཕྲེང་བ་མ། །བདེ་བྲལ་པདྨ་གླུ་ལེན་མ། །ལྷན་སྐྱེས་ལས་ཀྱི་གར་མཁན་ཉིད། །སྐད་ཅིག་བཞི་རུ་ཤར་བ་ནི། །རྣམ་པ་སྣ་ཚོགས་སྐད་ཅིག་མ། །ཁྲོ་བོ་གཤིན་རྗེའི་གཤེད་པོ་ཡིན། །རྣམ་པར་ཉིད་པའི་སྐད་ཅིག་མ། །ཁྲོ་བོ་སྟོབས་ཆེན་གཞན་མི་ཐུབ། །རྣམ་པར་སྨིན་པའི་སྐད་ཅིག་མ། །ཁྲོ་བོ་རྟ་མཆོག་ཆེན་པོ་ལ། །མཚན་ཉིད་བྲལ་བའི་སྐད་ཅིག་མ། །ཁྲོ་བོ་བདུད་རྩི་འཁྱིལ་པ་ཡིན། །དྲོད་གསུམ་རྣམ་པ་བཞིར་བྱུང་བ། །འབར་བའི་དྲོད་ནི་རྣམ་པ་གཉིས། །དང་པོ་འབར་བ་ལྕགས་ཀྱུ་མ། །རབ་ཏུ་འབར་བ་ཞགས་པ་ཉིད། །ལྕགས་སྒྲོག་ཐིག་ལེ་གཡོ་བའི་དྲོད། །དྲིལ་བུ་ཐིག་ལེ་བརྟན་པའི་དྲོད། །འགྱུར་བ་དྲུག་ནི་ཐུབ་པ་དྲུག །རྒྱ་མཚོ་རི་རབ་སྐམ་པ་ཉིད། །ཆོས་ཀྱི་རྒྱལ་པོས་འདུལ་བ་ཡིན། །གླིང་བཞི་དབང་དུ་བྱ་བ་ནི། །ཤཱཀྱ་སེང་གེས་འགྲོ་དོན་མཛད། །རོ་འཛིན་རང་གི་གནས་སུ་སྦྱར། །ཡི་དྭགས་ཁ་འབར་འདུལ་བྱེད་དོ། །དབང་པོའི་མཆོག་ནི་སྟེང་དུ་བཞག །ལྷ་ཡི་བལྟས་པས་ཚིམ་པ་འདུལ་། །ངག་ཏུ་སྟོབས་ཀྱི་ཧཱུཾ་དྲག་རིང་། ། ― DNG008_Page_0321 ―
[མ་དཔེ་གཟིགས་ན་འདིར་གནོན།]
སེང་གེ་དམ་ལྡན་འདུལ་བ་ལ། །ཏིང་འཛིན་ཧཱུཾ་ཕཊ་མདའ་གཞུ་འཕངས། །བགད་པས་ཚིམ་པ་ལྷ་མ་ཡིན། །ཀུན་ཏུ་བཟང་པོའི་བྱ་བ་བཞི། །འབེབས་པ་མི་མཁས་མྱུར་དུ་ཉམས། །གཟུང་བ་མི་མཁས་བདེ་ཡུན་ཐུང་། །བཟློག་པ་མི་མཁས་ཆུ་དང་བསྡང་། །དགྲམ་པ་མི་མཁས་ནད་དུ་འགྱུར། །ཀུན་ཏུ་བཟང་མོའི་མཁས་པ་བཞི། །དབབ་པར་མཁས་པས་རུས་སྦལ་འགྲོས། །གཟུང་མཁས་ལུས་ངག་འགྱུར་བ་གསུམ། །བཟློག་མཁས་དུད་འགྲོའི་འགྱུར་བ་བཞི། །ཁྱབ་མཁས་རྣམ་གྲོལ་ཕྱག་རྒྱ་བཅའ། །འདོད་ཆགས་ཐར་པ་བྱང་ཆུབ་སེམས། །བཞི་བཅུ་རྩ་གཉིས་ལྷུན་གྱིས་གྲུབ། །ཅེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། ལམ་དབང་དུ་བྱ་བ་ཆགས་ལམ་ལྷ་རྒྱུད་ཀྱི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། དགོངས་པའི་ཕྲིན་ལས་འདི་དག་ཡོངས་སུ་རྫོགས་པར་གསུངས་སོ། །ཧཱུཾ་ཆོས་ཉིད་སྤྲོས་དང་བྲལ་བའི་རང་བཞིན་ལས། །ཅིར་འདུལ་ཐབས་ཀྱིས་བསྟན་པའི་ལས་མཛད་པ། །བདེ་གཤེགས་དཀྱིལ་འཁོར་ཐིག་ལེ་ཆེན་པོ་ནས། །འཁོར་འདས་བྱང་ཆུབ་སེམས་ཀྱི་རྒྱུན་ཡང་འབེབས། །ལོངས་སྤྱོད་དཀྱིལ་འཁོར་ཆེན་པོའི་ཞལ་ཧོམ་དུ། །འདོད་ཡོན་ལྔ་ཡི་མཆོད་པས་དགྱེས་མཛད་ཅིང་། །ཆོས་དབྱིངས་དཀྱིལ་འཁོར་ཆེན་པོའི་ཀློང་ཡངས་ནས། །འཁོར་དང་མྱ་ངན་འདས་པ་ཀུན་མཁྱེན་ཞིང་། །སྤྲུལ་པའི་དཀྱིལ་འཁོར་ཆེན་པོ་བདེ་བ་འབེབས། །འགྲོ་དྲུག་སྐྱེད་མཛད་མྱ་ངན་འདས་པར་འདྲེན། །དཀྱིལ་འཁོར་བཞི་ཡི་བདག་པོས་ཕྲིན་ལས་མཛད། །དང་པོ་སངས་རྒྱས་རྣམ་པར་སྣང་མཛད་ནི། །ཡི་གེ་ཨཱོཾ་ལས་བསྐྱེད་ནས་སྐུ་རུ་སྣང་། །སངས་རྒྱས་སྣང་མཐའ་ཚེ་དཔག་མེད་པ་ནི། །ཡི་གེ་ཨཱཿལས་བསྐྱེད་ནས་གསུང་དུ་སྣང་། །བདེ་གཤེགས་རྡོ་རྗེ་སེམས་དཔའ་མི་བསྐྱོད་པ། །འགྱུར་མེད་ཧཱུཾ་ལས་སྤྲུལ་ནས་ཐུགས་སུ་སྣང་། །ཡོན་ཏན་རིན་འབྱུང་སངས་རྒྱས་དཀོན་མཆོག་དཔལ། །སྭཱ་ལས་སྤྲུལ་ནས་ཡོན་ཏན་ཡིད་བཞིན་སྣང་། །ལས་མཛད་གྲུབ་པ་གདོན་མི་ཟ་བ་ནི། །ཧཱ་ལས་སྐྱེས་ནས་ཕྲིན་ལས་མཛད་པར་སྣང་། །རིགས་ཀྱི་སངས་རྒྱས་ལྔ་ཡི་རང་བཞིན་གྱིས། །གྲུབ་པ་སྔགས་ཀྱི་ ― DNG008_Page_0322 ―
[མ་དཔེ་གཟིགས་ན་འདིར་གནོན།]
ཕྲིན་ལས་ཁྱེད་ཀྱིས་མཛོད། །བདུད་རྩི་དྲི་ཆེན་གསེར་མདོག་རྣམ་སྣང་མཛད། །མི་བསྐྱོད་བྱང་ཆུབ་སེམས་ཀྱི་ཁུ་བའི་སྐུ། །ཤ་ཆེན་དགོས་འདོད་འབྱུང་བ་དགོས་འདོད་སྐུ། །པདྨ་རཀྟ་སྣང་བ་མཐའ་ཡས་ཉིད། །དྲི་ཆུ་ལས་རབ་མགོན་པོ་དོན་ཡོད་གྲུབ། །གླང་ཆེན་མཱང་ས་ཡུམ་མཆོག་སངས་རྒྱས་སྤྱན། །བྱ་ཤ་མཁའ་ལ་འཕྱོ་བ་དབྱིངས་ཕྱུག་མ། །མགྱོགས་བྱེད་རྟ་ནི་དབྱིངས་ཕྱུག་མཱ་མ་ཀི། །བ་གླང་སྐྱོན་གྱིས་མ་གོས་ན་བཟའ་དཀར། །ཁྱི་ཤ་ལས་རབ་དམ་ཚིག་སྒྲོལ་མར་སྣང་། །ཁམས་ཀྱི་དྭངས་མ་བདུད་རྩི་མཆོག་གི་སྐུ། །རིགས་ལྔ་ཡབ་ཡུམ་ཁྱེད་ཀྱིས་ཕྲིན་ལས་མཛོད། །ཁྱབ་བྱེད་རྣམ་སྣང་སངས་རྒྱས་སྤྱན་དང་འཁྲིལ། །སྲོག་འཛིན་མི་བསྐྱོད་ཡུམ་ཆེན་དབྱིངས་ཕྱུག་མ། །མི་མཉམ་རིན་ཆེན་འབྱུང་ལྡན་མཱ་མ་ཀི། །གྱེན་རྒྱུ་སྣང་བ་མཐའ་ཡས་གོས་དཀར་མ། །ཐུར་སེལ་དོན་ཡོད་གྲུབ་པ་དམ་ཚིག་སྒྲོལ། །རྒྱུ་བ་ས་ཡི་སྙིང་པོ་སྒེག་མོའི་སྐུ། །བྱམས་པ་བདུག་སྤོས་མ་ཡི་སྐུ་རུ་སྣང་། །ཕྱིར་ལ་ལྡང་བ་ཀུན་ཏུ་བཟང་པོ་ཉིད། །ནང་དུ་འཇུག་པ་ཐུབ་དྲུག་འགྲོ་དོན་རྫོགས། །ཁོང་དུ་གནས་པ་ཀུན་ཏུ་བཟང་མོ་ཉིད། །ཁ་སྦྱོར་བཟུང་བ་སྒོ་སྲུང་ཡབ་ཡུམ་བརྒྱད། །བཞི་བཅུ་རྩ་གཉིས་རྒྱལ་བ་ཐུགས་དམ་ཅན། །འདུ་བྱེད་སྙིང་པོའི་ཕྲིན་ལས་ཁྱེད་ཀྱིས་མཛོད། །རྩ་གནས་དཀྱིལ་འཁོར་གྲུབ་པའི་གཞལ་ཡས་ནས། །ཁམས་ཀྱི་བདུད་རྩི་སངས་རྒྱས་སྐུ་བཞུགས་ཤིང་། །གྲུབ་པ་སྔགས་ཀྱི་ནུས་མཐུ་ངག་ལ་འཆར། །སྙིང་པོ་རླུང་གི་ཐུགས་ཀྱིས་ཡོངས་ལ་ཁྱབ། །གནས་པ་རྩ་ཡིས་སྐུ་དབྱིབས་གསལ་བྱེད་ཅིང་། །ཁམས་ཀྱི་བདུད་རྩིས་རྣམ་པ་བདེ་བ་དང་། །སྔགས་ཀྱི་ཡིག་འབྲུས་རང་བཞིན་སྟོང་གསལ་བྱེད། །སྙིང་པོ་རླུང་གིས་ངོ་བོ་ཟུང་དུ་འཇུག །ལུས་ཀྱི་སྒྲིབ་སྦྱངས་བུམ་པའི་དབང་རྣམས་རྫོགས། །ངག་གི་སྒྲིབ་དག་གསང་བའི་དབང་ཆེན་འབེབས། །ཡིད་ཀྱི་སྒྲིབ་དག་ཤེས་རབ་ཡེ་ཤེས་སྤྱོད། །ལུས་ངག་ཡིད་སྒྲིབ་དག་བྱེད་བདེ་ཆེན་དབང་། །བདག་ཏུ་བལྟ་བའི་གཟུང་འཛིན་རྣམ་སྤོང་བ། །སངས་རྒྱས་བདེ་གཤེགས་ཁྱེད་ཀྱིས་བྱིན་གྱིས་རློབས། །ཞེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། ཕྲིན་ལས་བཅོལ་ ― DNG008_Page_0323 ―
[མ་དཔེ་གཟིགས་ན་འདིར་གནོན།]
བ་སྟེ་ལེའུ་བདུན་པའོ།། །།དེ་ནས་བཅོམ་ལྡན་འདས་དོན་ཡོད་གྲུབ་པས་མཐར་ཕྱིན་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། །བསྙེན་བསྒྲུབ་རྣམ་བཞིའི་གསང་སྔགས་ཀྱིས། །ཐུན་མོང་རིག་འཛིན་ས་ཐོབ་ནས། །སྐུ་ལྔ་ལྷུན་གྲུབ་ཉིད་དུ་གནས། །ཐུགས་རྗེས་མཛད་བྱེད་མ་ལུས་འདུལ། །ཨོཾ་ཛི་ན་ཛིཀ །ཧཱུཾ་བཛྲ་དྷྲྀཀ །སྭཱ་རཏྣ་དྷྲྀཀ །ཨཱཾ་ཨཱ་རོ་ལིཀ །ཧཱ་པྲཛྙཱ་དྷྲྀཀ །ལཱཾ་དྭེ་ཥ་ར་ཏི། མཱུཾ་དྷཱ་ཏྭཱི་ཤྭཱ་རཱི། མཱཾ་མོ་ཧ་ར་ཏི། པཱཾ་རཱ་ག་ར་ཏི། ཏཱཾ་བཛྲ་ར་ཏི། བསྙེན་པའི་གསང་སྔགས་ཞེས་བྱ་བ། །རྒྱལ་བ་རིགས་ལྔ་ཡབ་ཡུམ་གྱི། །གསང་སྔགས་རབ་ཏུ་བཟླས་གྱུར་ན། །ཕུང་པོ་ལྔ་དང་འབྱུང་ལྔར་སྦྱོར། །ཀྵཱི་ཧི་རཱ་ཛ་ཡ། ཏྲཾ་ཨཱ་གརྦྷ་ཡ། ཧྲཱིཾ་ཧ་ཧཱུཾ་པདྨ་པཱ་ད་མ། ཛིཾ་ཀུ་རུ་པཱ་ཎ། ཧཱུཾ་ལཱ་སྱེ་ས་མ་ཡ་སྟྭཾ། ཏྲཾ་མཱ་ལེ་ས་མ་ཡ་ཧོཿ། ཧྲཱིཾ་གཱི་ཏི་རཱ་ཀོ྅ཧཾ། ཨ་ནི་རྟི་རཱ་ག་ཡཱ་མི། མཻ་དྷ་ར་ཎེ་སྭཱ་ཧཱ།་ནི་སྶ་རཾ་བྷཱ་ཡ་སྭཱ་ཧཱ། ཧཱུཾ་སྭ་རཱ་ཛ་ཡ་སྭཱ་ཧཱ། མུཾ་ཤྲཱི་ཨཾ་རཱ་གཱ་ཡ་སྭཱ་ཧཱ། ཛཿདྷཱུ་པེ་པྲ་བེ་ཤ །ཧཱུཾ་པུཥ྇་ཨཱ་བེ་ཤ །བཾ་དཱི་པ་སུ་གི་རཱི། ཧོཿགནྡྷེ་ཙིཏྟ། ཉེ་བསྙེན་ནང་གི་དབང་པོ་ཡུལ། །ཕྱི་ཡི་དབང་པོ་དུས་བཞི་རྣམས། །བྱང་ཆུབ་སེམས་དཔའ་ཡབ་ཡུམ་གྱི། །འཁོར་དུ་ཉེ་བར་བསྙེན་པའོ། །ཧཱུཾ་ཧཱུཾ་ཧཱུཾ་བཛྲ་ཙིཏྟ་ཨོཾ། ཨ་ཨ་ཨཱ་བཛྲ་བྷ་དྲཱ་ས་མན་ཏ་ཨཿ། ཨོཾ་མུ་ནེ་ཀྲིཾ་སྭཱ་ཧཱ། ཨོཾ་མུ་ནེ་ཧཱུཾ་ཏྲུཾ་སྭཱ་ཧཱ། ཨོཾ་མུ་ནེ་སྲུཾ་སྭཱ་ཧཱ། ཨོཾ་མུ་ནེ་པྲཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། བསྒྲུབ་པ་ཀུན་བཟང་ཡབ་དང་ཡུམ། །ཐུབ་དྲུག་སྤྲུལ་པའི་སངས་རྒྱས་རྣམས། །འགྲོ་བའི་དོན་ལ་རབ་བརྩོན་པས། །ཞི་བའི་འགྲོ་དོན་བསྒྲུབ་པར་བྱ། །ཧཱུཾ་ཡ་མཱནྟྲ་ཀྲྀཏ་ཕཊ། ཧཱུཾ་བིགྷྣཱཾ་ཏ་ཀྲྀཏ་ཕཊ། ཧཱུཾ་པདྨཱནྟ་ཀྲྀཏ་ཕཊ། ཧཱུཾ་པྲཛྙཱ་ནྟ་ཀྲྀཏ་ཕཊ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་རཏྣ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་པདྨ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་ཀརྨ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། སྒྲུབ་ཆེན་སྒོ་སྐྱོང་ཡབ་དང་ཡུམ། །དཀྱིལ་འཁོར་ཕྱི་ནས་ལས་བྱེད་པས། །ཕྱག་རྒྱ་བཞིས་ནི་ཀུན་ལ་ཁྱབ། །དེ་ཕྱིར་སྒྲུབ་ཆེན་ཉིད་དུ་འགྲུབ། །ཡིད་ཀྱིས་ལྷ་ཡི་གཟུགས་བཟུང་བ། །སེང་གེ་མངལ་རྒྱར་ཆུད་པ་ལྟར། །ཁྱུང་གི་སྒོང་རྒྱ་ལྟ་བུ་སྟེ། །རྣལ་འབྱོར་པ་ནི་ ― DNG008_Page_0324 ―
[མ་དཔེ་གཟིགས་ན་འདིར་གནོན།]
ལུས་ཀྱི་རྒྱ། །སྒྲོན་མ་བཟློག་ན་སྦ་བ་ནུབ། །ལྟེ་བ་མཁྲང་ལ་སེང་བའི་ཁོག །གདུང་ཁེབས་གཙུག་ཏོར་དྲུག་པ་ནི། །ཉི་ཟླའི་ཚེ་དང་མཉམ་པ་ཡིན། །རང་དོན་སྟོང་དང་དྲུག་བརྒྱ་ཉིད། །གཞན་དོན་ལོ་བརྒྱར་གཟུགས་སུ་གནས། །བསྒོམས་པས་མངོན་དུ་གྱུར་པའི་ལྷ། །གང་བསྒོམ་ལྷ་ཡི་ཆ་བྱད་ཉིད། །དགོངས་པ་ཉིད་ལ་སངས་རྒྱས་ཤིང་། །མཉམ་པར་མ་བཞག་དེ་མིན་པ། །རིག་འཛིན་ཀུན་གྱི་རྒྱལ་པོ་སྟེ། །ལྷུན་གྲུབ་རིག་པ་འཛིན་པའོ། །ཆོས་སྐུ་དྲི་མ་མེད་པ་དང་། །ལོངས་སྐུ་འཁོར་ལོས་སྒྱུར་རྒྱལ་འདྲ། །སྤྲུལ་པ་མཛད་པ་མཐར་ཕྱིན་ཅིང་། །སྐྱེ་འཇིག་བྲལ་བ་རྡོ་རྗེ་ཉིད། །ཡུལ་མེད་རང་གསལ་མངོན་བྱང་སྐུ། །སྐུ་ལྔ་ལྷུན་གྱིས་གྲུབ་པའོ། །ཆོས་ནི་སྐྱེ་མེད་དོན་གྱི་གསུང་། །ལོངས་སྤྱོད་དགོངས་པ་བརྡའ་ཡིས་སྟོན། །སྤྲུལ་པ་ཚངས་པའི་གསུང་དབྱངས་སྙན། །མངོན་བྱང་རིག་པ་བྱིན་གྱིས་བརླབས། །འཇིགས་མེད་དབྱེར་མེད་རྡོ་རྗེའི་གསུང་། །གསུང་ལྔ་ཉིད་དུ་ལྷུན་གྱིས་གྲུབ། །སོ་སོར་སྣང་བ་གདུལ་བྱའི་བློ། །ཐ་དད་བྱ་བ་གང་ལ་ཡོད། །བདེ་བ་ཆེན་པོའི་ཐུགས་དང་ནི། །རྣམ་པར་མི་རྟོག་ཐུགས་ཉིད་དང་། །འགྲོ་བ་ཐམས་ཅད་སྒྲོལ་བ་དང་། །མཉམ་པ་ཆེན་པོའི་མཆོག་གནས་དང་། །དབྱེར་མེད་རྡོ་རྗེའི་ཐུགས་ལྔར་གནས། །ཐ་དད་འདོད་ན་ཐ་དད་སྣང་། །དབྱེར་མེད་འདོད་ན་དབྱེར་མེད་སྣང་། །ཞིང་ཁམས་དང་ནི་གཞལ་ཡས་ཁང་། །འོད་ཟེར་དང་ནི་གདན་ཁྲི་རྒྱན། །ལོངས་སྤྱོད་ལྔ་ནི་ཡོན་ཏན་ཏེ། །བདེ་བར་གཤེགས་ལ་རྩོལ་མེད་སྣང་། །ཞི་རྒྱས་དབང་དང་མངོན་སྤྱོད་དང་། །ལྷུན་གྱིས་གྲུབ་པའི་ཕྲིན་ལས་ཡིན། །ཕྱོགས་མེད་རང་སྣང་ཞིང་ཁམས་ན། །གདུང་རྟེན་རང་སྣང་གཞལ་ཡས་ཁང་། །འོད་ཟེར་སྒྲིབ་མེད་འོད་གསལ་བ། །གདན་ཁྲི་འབྲས་ཆོས་རྫོགས་རང་གདན། །རྒྱན་ནི་མ་སྤངས་རང་སྣང་རྒྱན། །དེ་ཡང་རྣམ་པ་ལྔ་ལྔར་སྣང་། །གདལ་ཁྱབ་ཆེན་པོ་མཁའ་ཁྱབ་ཞིང་། །བདེ་བ་ཅན་ནི་འོག་མིན་གནས། །མོས་པ་ཅན་ནི་རིགས་དྲུག་གནས། །ཕྱོགས་བཅུར་མ་ལུས་རིགས་སྣང་བ། །པདྨ་ཅན་དེ་ཡུམ་གྱི་མཁའ། །ཡོངས་རྫོགས་ཕྱི་ནང་མེད་པར་སྣང་། །འོག་མིན་ངེས་པ་ལྔ་ལྡན་ཏེ། །ཐ་དད་མ་ངེས་སྤྲུལ་སྐུའི་ཁང་། ། ― DNG008_Page_0325 ―
[མ་དཔེ་གཟིགས་ན་འདིར་གནོན།]
སྐུ་ཉིད་འོད་དེ་རིག་པ་ཉིད། །ཡུམ་མཁའ་སྐྱེ་གནས་གཞལ་ཡས་ཁང་། །ཀུན་ཁྱབ་ཡེ་ཤེས་དོན་འོད་ཟེར། །ཁ་དོག་དྲུག་སྟེ་རྟགས་ཀྱི་འོད། །དབུ་ཕྱག་ལས་བྱུང་འགྲོ་འདུལ་འོད། །འོད་རིགས་ཀུན་དེ་རང་བཞིན་འོད། །བདེ་ཆེན་ཆོས་ཉིད་འོད་ཟེར་རོ། །མི་འཇིགས་སྟོབས་དབང་རྫུ་འཕྲུལ་ལས། །ཏེ་རྟགས་སེམས་ཅན་ཆེན་པོ་ལྔ། །ཉི་རྐྱང་ཁྲོ་ལ་པད་རྐྱང་ཐུབ། །ཆོས་ཉིད་ཇི་བཞིན་འབྲས་བུའི་གདན། །གསང་པད་ཉི་ཟླ་ཐིག་ལེའོ། །རིག་པ་རང་སྣང་འོད་ཀྱི་རྒྱན། །མཚན་དང་དཔེ་བྱད་རྟགས་ཀྱི་རྒྱན། །སྟོད་གཡོགས་སྨད་དཀྲིས་ཁྲིམས་ཀྱི་རྒྱན། །ཆོས་རྣམས་མ་སྤངས་རང་བཞིན་རྒྱན། །ཁུ་བ་ཡེ་ཤེས་ལས་ཀྱི་རྒྱན། །ཆོས་སྐུའི་ཕྲིན་ལས་རྣམ་པ་ལྔ། །མཚན་མ་ཐམས་ཅད་ངང་གིས་ཞི། །དེ་ཉིད་ཤེས་བྱ་ཐམས་ཅད་རྒྱས། །འབྲས་བུའི་ཆོས་རྣམས་དབང་དུ་འདུས། །རྟོག་པ་ངང་གིས་རླག་བྱེད་དྲག །བཞི་ག་ལྷུན་གྲུབ་གསལ་ཡའི་ལས། །སྣང་མཛད་ལ་སོགས་རིགས་ལྔ་པོ། །ལས་ལྔ་སྦྱར་བ་དངོས་སྣང་ལས། །ལས་བཞིའི་ཚད་རྒྱུ་བཞི་སྦྱར་ཞིང་། །བསྡུ་བཞིའི་ལྷུན་གྲུབ་ཕན་འདོགས་ལས། །ལས་བཞི་སྟོངས་གནས་ཆགས་དང་འཇིག །རིག་པར་ལྷུན་གྲུབ་ངོ་བོའི་ལས། །ལས་བཞིའི་རྟོག་དག་བདེ་བ་རྒྱས། །ཡེ་ཤེས་རང་ཤར་མཚན་མ་ནོན། །རང་ཤར་ལྷུན་གྲུབ་དངོས་ཀྱི་ལས། །དེ་ལྟར་འབྲས་བུ་ཉེར་ལྔའོ། །གཞན་ནས་ཡོད་འོང་མ་ཡིན་ཏེ། །འགྲོ་བ་གཅིག་ཉིད་རེ་རེ་ལའང་། །ལུས་ངག་ཡིད་ལ་ནུས་པ་ལྔ། །གནས་བཞིན་མ་འདྲེས་ཡོངས་རྫོགས་ཤེས། །ལྷག་པའི་ཆོས་སྐུ་ཆེན་པོ་ལས། །རྟག་པ་རྒྱུན་དུ་ཐུགས་རྗེ་སྐྱེ། །སེམས་ཅན་རྣམས་ཀྱིས་དེ་མ་རིག །དཔེར་ན་ཆུ་བོ་གངྒཱ་བཞིན། །ལོངས་སྤྱོད་རྫོགས་པའི་སྐུ་ལ་ནི། །བསྐུལ་ཞིང་གསོལ་བ་བཏབ་པས་སྐྱེ། །སྤྲུལ་སྐུ་བྱང་ཆུབ་རྣམ་པ་དྲུག །ཡུལ་དང་ཕྲད་ན་ཐུགས་རྗེ་སྐྱེ། །མངོན་བྱང་སྐུ་དང་རྡོ་རྗེའི་སྐུ། །རང་བཞིན་ཤུགས་ཀྱིས་ཐུགས་རྗེ་སྐྱེ། །ཞེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། མཐར་ཕྱིན་པའི་ཞི་བ་སྐུ་ལྔ་ལྷུན་གྱིས་གྲུབ་པར་བསྟན་པ་སྟེ་ལེའུ་བརྒྱད་པའོ།། །།དེ་ནས་རྡོ་རྗེ་སྙིང་པོ་ཡིས། །བཅོམ་ལྡན་འདས་ལ་འདི་སྐད་ ཆོས་ཉིད་ཞི་བའི་ལྷ་རྒྱུད།― DNG008_Page_0326 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། དྷརྨ་ཏཱ་ཤཱནྟ་དེ་བ་ཏནྟྲ། བོད་སྐད་དུ།ཆོས་ཉིད་ཞི་བའི་ལྷ་རྒྱུད། བཅོམ་ལྡན་འདས་ཀུན་བཟང་ཀུན་ཏུ་ཞི་བའི་ལྷ་ལ་ཕྱག་འཚལ་ལོ། །འདི་སྐད་བསྟན་པའི་དུས་གཅིག་ན། བཅོམ་ལྡན་འདས་ཀུན་ཏུ་བཟང་པོ་ཞེས་བྱ་བའི་ལྷ་ཞིག་ཐམས་ཅད་དུ་རང་གི་སེམས་ལ་གནས་སོ། །སེམས་ནི་ནམ་མཁའ་ལ་གནས་སོ། །ནམ་མཁའ་ཅི་ལ་ཡང་མི་གནས། ཅི་ལ་ཡང་མ་ཡིན། མེད་པ་ཡང་མ་ཡིན་པའོ། །དེ་བཞིན་དུ་སེམས་དང་ཀུན་ཏུ་བཟང་པོ་ཡང་དེ་བཞིན་ནོ། །དེ་དེ་བཞིན་ཉིད་དོ། །ཆོས་ཉིད་ནི་སངས་རྒྱས་སོ། །སངས་རྒྱས་ནི་མཐའ་ལ་མི་ ― DNG008_Page_0327 ―
[མ་དཔེ་གཟིགས་ན་འདིར་གནོན།]
གནས་ཤིང་དབུས་སུ་མི་འཛིན་པའོ། །སངས་རྒྱས་ནི་ཕྱོགས་སུ་མི་འཛིན་ཅིང་། ང་རུ་མི་བྱེད་པའོ། །སངས་རྒྱས་ནི་དང་དུ་མི་ལེན་ཅིང་གཙོར་མི་འཛིན་ལ། སྐྱོན་དུ་མི་འདོར་ཞིང་སྤང་བར་མི་བྱེད་པའོ། །དེ་བཞིན་དུ་དབྱིངས་འཕོ་འགྱུར་མེད་པའོ། །སེམས་སྐྱེ་ཤི་མེད་པའོ། །རིག་པ་འདུ་འབྲལ་མེད་པའོ། །ཀུན་གཞི་བཟང་ངན་མེད་པའོ། །རྟོག་པ་སྐྱོ་དུབ་མེད་པའོ། །ཡེ་ཤེས་ལྡོག་འགྱུར་མེད་པའོ། །དུས་ལ་ཉིན་མཚན་མེད་པའོ། །བསྒོམ་པ་འབྱུང་འཇུག་མེད་པའོ། །སྐུ་ལ་མདུན་རྒྱབ་མེད་པའོ། །གསུང་ལ་སྐྱེ་འགག་མེད་པའོ། །ཐུགས་ལ་རྟག་ཆད་མེད་པའོ། །ཡོན་ཏན་བདེ་སྡུག་མེད་པའོ། །ཕྲིན་ལས་རྩོལ་བསྒྲུབ་མེད་པའོ། །དེ་ལྟ་བུ་ཞིག་གི་རང་བཞིན་ཡིན་ཀྱང་། ཆོས་ཉིད་སྐྱོན་དུ་མཐོང་བ་དང་། ཆོས་ཅན་མཚན་མར་འཛིན་པ་དང་། སེམས་ལ་དངོས་པོར་འཛིན་པ་རྣམས་ལ། རྣམ་པར་དབྱེ་བ་འདི་སྐད་ཅེས་བཀའ་སྩལ་ཏོ། །ཡུལ་དང་དབང་པོའོ། །སེམས་དང་ཕུང་པོའོ། །ཕྱི་དང་ནང་ངོ་། །རྒྱུ་དང་འབྲས་བུའོ། །སངས་རྒྱས་དང་སེམས་ཅན་ནོ། །དེ་ལ་སེམས་ཅན་ཐམས་ཅད་ནི། མ་རིག་པས་སེམས་ཅན་ནོ། །དེ་བས་ཀྱང་ཐམས་ཅད་ལ་ཆགས་པས་སེམས་ཅན་ནོ། །དེ་བས་ཀྱང་ཐམས་ཅད་ལ་འཛིན་པས་སེམས་ཅན་ནོ། །དེ་བས་ཀྱང་འཛིན་པའི་མཐུ་བརྟས་པས་སེམས་ཅན་ནོ། །དེ་ལ་སངས་རྒྱས་ཐམས་ཅད་ནི། བསམ་པ་རྣམ་པར་དག་པས་སངས་རྒྱས་སོ། །དེ་བས་ཀྱང་ཐམས་ཅད་ལ་མ་ཆགས་པས་སངས་རྒྱས་སོ། །དེ་བས་ཀྱང་ཐམས་ཅད་ལ་མི་འཛིན་པས་སངས་རྒྱས་སོ། །དེ་བས་ཀྱང་མི་འཛིན་པའི་མཐུ་བརྟས་པས་སངས་རྒྱས་སོ། །སེམས་ཅན་ཐམས་ཅད་ནི་ཡོད་པར་འཛིན་པས་སེམས་ཅན་ནོ། །དེ་བས་ཀྱང་ཡོད་ལ་རྟག་པར་འཛིན་པས་སེམས་ཅན་ནོ། །དེ་བས་ཀྱང་རྟག་ལ་ཐེར་ཟུག་པར་འཛིན་པས་སེམས་ཅན་ནོ། །དེ་བས་ཀྱང་ཐེར་ཟུག་པར་འཛིན་པའི་མཐུ་བརྟས་པས་སེམས་ཅན་ནོ། །སངས་རྒྱས་ཐམས་ཅད་ནི་གང་ལ་ཡོད་མེད་དུ་མི་བལྟ་བས་སངས་རྒྱས་སོ། །དེ་བས་ཀྱང་རྟག་པར་མི་འཛིན་པས་སངས་རྒྱས་སོ། །དེ་བས་ཀྱང་ཐེར་ཟུག་པར་མི་འཛིན་པས་སངས་རྒྱས་སོ། །དེ་བས་ཀྱང་ཐེར་ཟུག་པར་མི་འཛིན་ ― DNG008_Page_0328 ―
[མ་དཔེ་གཟིགས་ན་འདིར་གནོན།]
པའི་མཐུ་བརྟས་པས་སངས་རྒྱས་སོ། །སེམས་ཅན་ཐམས་ཅད་ནི་སྐྱེ་བར་འཛིན་པས་སེམས་ཅན་ནོ། །དེ་བས་ཀྱང་འཆི་བར་འཛིན་པས་སེམས་ཅན་ནོ། །དེ་བས་ཀྱང་འཕོ་ཞིང་འགྱུར་བར་འཛིན་པས་སེམས་ཅན་ནོ། །དེ་བས་ཀྱང་འཕོ་འགྱུར་དུ་འཛིན་པའི་མཐུ་བརྟས་པས་སེམས་ཅན་ནོ། །སངས་རྒྱས་ཐམས་ཅད་ནི་མི་སྐྱེ་བར་མཁྱེན་པས་སངས་རྒྱས་སོ། །དེ་བས་ཀྱང་མི་འཆི་བར་མཁྱེན་པས་སངས་རྒྱས་སོ། །དེ་བས་ཀྱང་འཕོ་འགྱུར་མེད་པས་སངས་རྒྱས་སོ། །དེ་བས་ཀྱང་འཕོ་འགྱུར་མེད་པར་མཁྱེན་པའི་མཐུ་བརྟས་པས་སངས་རྒྱས་སོ། །སེམས་ཅན་ཐམས་ཅད་ནི་ཕྱོགས་དང་རིས་སུ་བལྟས་པས་ཀྱང་སེམས་ཅན་ནོ། །དེ་བས་ཀྱང་གཟུང་བ་དང་འཛིན་པར་བལྟ་བས་སེམས་ཅན་ནོ། །དེ་བས་ཀྱང་རྟག་པ་དང་ཆད་པར་བལྟ་བས་སེམས་ཅན་ནོ། །དེ་བས་ཀྱང་ཡོད་པ་དང་མེད་པར་བལྟ་བས་ཀྱང་སེམས་ཅན་ནོ། །དེ་བས་ཀྱང་གཙང་བ་དང་མི་གཙང་བར་བལྟ་བས་སེམས་ཅན་ནོ། །དེ་བས་ཀྱང་བཟང་བ་དང་ངན་པར་བལྟ་བས་སེམས་ཅན་ནོ། །དེ་བས་ཀྱང་གྲུབ་པ་དང་མ་གྲུབ་པར་བལྟ་བས་སེམས་ཅན་ནོ། །དེ་བས་ཀྱང་བདེ་བ་དང་སྡུག་པར་བལྟ་བས་སེམས་ཅན་ནོ། །དེ་བས་ཀྱང་ཡིན་པ་དང་མ་ཡིན་པར་བལྟ་བས་སེམས་ཅན་ནོ། །དེ་བས་ཀྱང་སྣང་བ་དང་མི་སྣང་བར་བལྟ་བས་སེམས་ཅན་ནོ། །དེ་བས་ཀྱང་དེ་རྣམས་ཀྱི་མཐུ་བརྟས་པས་སེམས་ཅན་ནོ། །སངས་རྒྱས་ཐམས་ཅད་ནི་ཕྱོགས་དང་རིས་སུ་མི་བལྟ་བས་སངས་རྒྱས་སོ། །དེ་བས་ཀྱང་སྣང་བ་གཟུང་འཛིན་གཉིས་སུ་མི་བལྟ་བས་ཀྱང་སངས་རྒྱས་སོ། །དེ་བས་ཀྱང་རྟག་ཆད་གཉིས་སུ་མི་བལྟ་བས་ཀྱང་སངས་རྒྱས་སོ། །དེ་བས་ཀྱང་ཡོད་མེད་གཉིས་སུ་མི་བལྟ་བས་སངས་རྒྱས་སོ། །དེ་བས་ཀྱང་གཙང་བ་དང་མི་གཙང་བ་གཉིས་སུ་མེད་པར་མཁྱེན་པས་སངས་རྒྱས་སོ། །དེ་བས་ཀྱང་བཟང་བ་དང་ངན་པ་གཉིས་སུ་མེད་པར་མཁྱེན་པས་སངས་རྒྱས་སོ། །དེ་བས་ཀྱང་གྲུབ་པ་དང་མ་གྲུབ་པ་གཉིས་སུ་མེད་པར་མཁྱེན་པས་སངས་རྒྱས་སོ། །དེ་བས་ཀྱང་བདེ་བ་དང་སྡུག་བསྔལ་གཉིས་སུ་མེད་པར་མཁྱེན་པས་སངས་རྒྱས་སོ། །དེ་བས་ཀྱང་ཡིན་པ་དང་མ་ཡིན་པ་གཉིས་སུ་མེད་པར་མཁྱེན་པས་སངས་ ― DNG008_Page_0329 ―
[མ་དཔེ་གཟིགས་ན་འདིར་གནོན།]
རྒྱས་སོ། །དེ་བས་ཀྱང་སྣང་བ་དང་མི་སྣང་བ་གཉིས་སུ་མེད་པར་མཁྱེན་པས་སངས་རྒྱས་སོ། །དེ་བས་ཀྱང་དེ་རྣམས་ཀྱི་མཐུ་བརྟས་པས་སངས་རྒྱས་སོ། །ཆོས་ཐམས་ཅད་ནི་རང་བཞིན་མེད་ན་ཆོས་ཉིད་དོ། །མཚན་མ་མེད་ན་ཆོས་ཉིད་དོ། །སྟོང་པ་ཉིད་ན་ཆོས་ཉིད་དོ། །དངོས་པོ་མེད་ན་ཆོས་ཉིད་དོ། །སྐྱེ་བ་མེད་ན་ཆོས་ཉིད་དོ། །འགག་པ་མེད་ན་ཆོས་ཉིད་དོ། །འཕོས་པ་མེད་ན་ཆོས་ཉིད་དོ། །སེམས་ཅན་ཐམས་ཅད་ནི་མཐའ་ལ་མི་གནས་ན་སེམས་ཉིད་དོ། །དབུས་ལ་མི་གནས་ན་སེམས་ཉིད་དོ། །མཐའ་དབུས་གཉིས་ཀ་ལ་མི་གནས་ན་སེམས་ཉིད་དོ། །ཡོད་པ་ལ་མི་གནས་ན་སེམས་ཉིད་དོ། །མེད་པ་ལ་མི་གནས་ན་སེམས་ཉིད་དོ། །ཡོད་མེད་གཉིས་ཀ་མེད་ན་སེམས་ཉིད་དོ། །སྐྱེ་བ་ལ་མི་གནས་ན་སེམས་ཉིད་དོ། །འཆི་བ་ལ་མི་གནས་ན་སེམས་ཉིད་དོ། །སྐྱེ་འཆི་གཉིས་ཀ་ལ་མི་གནས་ན་སེམས་ཉིད་དོ། །ཐོག་མ་ལ་མི་གནས་ན་སེམས་ཉིད་དོ། །ཐ་མ་ལ་མི་གནས་ན་སེམས་ཉིད་དོ། །ཐོག་མ་དང་ཐ་མ་གཉིས་ཀ་ལ་མི་གནས་ན་སེམས་ཉིད་དོ། །དེའི་ཤེས་པ་ཡེ་ཤེས་སོ། །དེ་ལྟ་བུའི་ཀླུང་དུ་གནས་པ་ལ་འཁྲུལ་པ་དང་ཕྱིན་ཅི་ལོག་པའི་དབང་གིས། སེམས་ཅན་གྱི་གཟུགས་དང་དབྱིབས་རྣམ་གྲངས་ཐ་དད་པར་སྣང་ངོ་། །ཁ་དོག་དང་ཡུལ་གྲངས་ཐ་དད་པར་སྣང་ངོ་། །གནས་དང་སྤྱོད་པ་གྲངས་ཐ་དད་པར་སྣང་ངོ་། །དེ་ཡང་ཐམས་ཅད་དུ་རང་གི་སེམས་སོ། །དེ་འདུལ་བའི་དོན་དུ་སེམས་ཉིད་མ་སྐྱེས་པའི་ཀློང་ནས། ཀུན་ཏུ་བཟང་པོ་ཆོས་ཀྱི་སྐུར་བཞེངས་པའི་བྱིན་གྱིས་རླབས་ལས། སངས་རྒྱས་ཀྱི་སྐུ་དང་དབྱིབས་གྲངས་རྣམ་པ་ཐ་དད་པར་སྣང་ངོ་། །འོད་ཟེར་དང་ཞིང་ཁམས་གྲངས་རྣམ་པ་ཐ་དད་པར་སྣང་ངོ་། །བཞུགས་གནས་དང་ཕྲིན་ལས་གྲངས་རྣམ་པ་ཐ་དད་པར་སྣང་ངོ་། །དེ་ཡང་སྣང་ཙམ་ན་ཐམས་ཅད་རང་གི་སེམས་སོ། །སེམས་ཅན་གཅིག་གི་ལུས་ལ་ཡང་འབྱུང་བ་ཆེན་པོ་ལྔས་བསྐྱེད་དོ། །སངས་རྒྱས་ཀྱིས་དེ་ལྟ་བུའི་རྡོས་པ་ཅན་མ་ཡིན་གྱི་ཆོས་ཉིད་དུ་མཁྱེན་པས། སངས་རྒྱས་ཀྱི་སྐུ་སྣང་ལ་དངོས་པོ་མེད་པར་བྱུང་བས། དེ་འདུལ་བའི་དོན་དུ་ཡུམ་ཆེན་མོ་ལྔར་སྣང་ངོ་། །སེམས་ཅན་གཅིག་གི་ལུས་ལ་ཕུང་པོ་ལྔ་ཚང་བར་གནས་སོ། ། ― DNG008_Page_0330 ―
[མ་དཔེ་གཟིགས་ན་འདིར་གནོན།]
སངས་རྒྱས་ཀྱིས་དེ་ལྟ་བུའི་རྡོས་པ་ཅན་མ་ཡིན་པ་དོན་ཆོས་ཉིད་བྱང་ཆུབ་སེམས་སུ་མཁྱེན་པས། སངས་རྒྱས་ཀྱི་སྐུ་སྣང་ལ་རང་བཞིན་མེད་པ་བྱུང་བས། དེ་འདུལ་བའི་དོན་དུ་རྒྱལ་བ་རིགས་ལྔར་སྣང་ངོ་། །དེ་བཞིན་དུ་སེམས་ཅན་གྱི་རྣམ་པར་ཤེས་པའི་ཚོགས་བརྒྱད་ཀྱང་སེམས་དཔའ་བརྒྱད་དོ། །ཡུལ་དང་དུས་ཀྱང་སེམས་མ་བརྒྱད་དོ། །ཕྱིན་ཅི་ལོག་པས་ཁྲོ་བོ། ཡུལ་གྱིས་ཁྲོ་མོའོ། །མཚན་དང་སེམས་དཔའ་བཅུ་དྲུག་ལ་སོགས་པ་སྣང་ལ་རང་བཞིན་མེད་པར་དེ་འདུལ་བའི་དོན་དུ་སྣང་ངོ་། །སེམས་ཅན་གྱི་གནས་ན་འགྲོ་བ་རིགས་དྲུག་ཏུ་སྣང་ངོ་། །སངས་རྒྱས་ཀྱིས་དེ་ལྟ་བུའི་རྡོས་པ་ཅན་མ་ཡིན་གྱི།དོན་ཐུགས་ཡེ་ཤེས་སུ་མཁྱེན་པས། སངས་རྒྱས་ཀྱི་སྐུ་སྣང་ལ་རང་བཞིན་མེད་པ་བྱུང་བས་དེ་འདུལ་བའི་དོན་དུ་ཐུབ་པའི་སྐྱེས་བུ་དྲུག་ཏུ་སྣང་ངོ་། །སེམས་ཅན་གཅིག་ལ་ཡང་ཕྱི་ནང་སྣོད་བཅུད་གནས་སོ། །སངས་རྒྱས་ཀྱིས་དེ་ལྟ་བུའི་རྡོས་པ་ཅན་མ་ཡིན་གྱི། དོན་དབྱིངས་དང་ཡེ་ཤེས་སུ་མཁྱེན་པས། སངས་རྒྱས་ཀྱི་སྐུ་སྣང་ལ་རང་བཞིན་མེད་པར་བྱུང་བས། དེ་འདུལ་བའི་དོན་དུ་ཡིད་དང་ཆོས་སུ་སྣང་ངོ་། །སེམས་ཅན་གཅིག་གི་ཤེས་པའི་རྒྱུད་ལ་ཡང་ཉོན་མོངས་པ་བརྒྱད་ཁྲི་བཞི་སྟོང་ཚང་བར་གནས་ལ། སངས་རྒྱས་ཀྱིས་དེ་ལྟ་བུའི་རྡོས་པ་མ་ཡིན་གྱི་སྐྱེ་བ་མེད་པར་མཁྱེན་པས། དེ་གདུལ་བའི་དོན་དུ་ཆོས་ཀྱི་སྒོ་མོ་བརྒྱད་ཁྲི་བཞི་སྟོང་དུ་སྣང་ངོ་། །སེམས་ཅན་གཅིག་གི་གནས་སྐབས་ལ། ལམ་རྒྱུད་ལྔར་གནས་སོ། །སངས་རྒྱས་ཀྱི་གནས་སྐབས་ན། དེ་འདུལ་བའི་དོན་དུ་དཔའ་བོ་འབྲུ་ལྔར་སྣང་ངོ་། །སེམས་ཅན་གཅིག་གི་གནས་སྐབས་ན། ཉོན་མོངས་པ་ལྔས་དབང་བྱས་ཏེ། ཕྱིན་ཅི་ལོག་ཏུ་གནས་སོ། །སངས་རྒྱས་ཀྱི་གནས་སྐབས་ན། དེ་འདུལ་བའི་དོན་དུ་བྱང་ཆུབ་ཀྱི་སེམས་ཀུན་ཏུ་བཟང་པོའི་རང་བཞིན་ལས། ཞེ་སྡང་འདུལ་བའི་དོན་དུ་རྡོ་རྗེ་སེམས་དཔའི་སྐུ་ཕྱག་རྒྱར་གསལ་ལོ། །གཏི་མུག་འདུལ་བར་རྣམ་པར་སྣང་མཛད་ཀྱི་སྐུ་ཕྱག་རྒྱར་གསལ་ལོ། །ང་རྒྱལ་འདུལ་བར་རིན་ཆེན་འབྱུང་ལྡན་གྱི་སྐུ་ཕྱག་རྒྱར་གསལ་ལོ། །འདོད་ཆགས་འདུལ་བར་སྣང་བ་མཐའ་ཡས་ཀྱི་སྐུ་ཕྱག་རྒྱར་གསལ་ལོ། །ཕྲག་དོག་འདུལ་ ― DNG008_Page_0331 ―
[མ་དཔེ་གཟིགས་ན་འདིར་གནོན།]
བར་དོན་ཡོད་གྲུབ་པའི་སྐུ་ཕྱག་རྒྱར་གསལ་ལོ། །ངན་སོང་གསུམ་ཟད་པར་མཛད་པས། དེ་རྣམས་དབུ་གསུམ་པར་གསལ་ལོ། །སྐུ་གསུང་ཐུགས་སུ་སྣང་བས་ཁ་དོག་གསུམ་དུ་གསལ་ལོ། །རྒྱུད་དྲུག་འདམ་ནས་འདོན་པས་དེ་རྣམས་ཕྱག་རྒྱ་དྲུག་ཏུ་གསལ་ལོ། །དེ་ཡང་ཡེ་ཤེས་དྲུག་ཏུ་མཐར་ཕྱིན་པས། ཕྱག་མཚན་དྲུག་ཏུ་གསལ་ལོ། །དེ་ཡང་དོན་ཆོས་ཉིད་མཉམ་པའི་ངང་ལ་བཞུགས་པས་སྐྱིལ་མོ་ཀྲུང་དུ་གསལ་ལོ། །དེ་ཕྱིན་ཅི་ལོག་ཐམས་ཅད་ལས་རྒྱལ་བས། དབུ་རྒྱན་སྙན་ཆ་ལ་སོགས་པ་འཁོར་ལོས་སྒྱུར་བའི་ཆ་བྱད་དུ་གསལ་ལོ། །མཁྱེན་པའི་ཡེ་ཤེས་གསལ་ལ་མ་འདྲེས་པས། བསྟྲ་ཙི་ཏྲའི་ཤམ་ཐབས་ལ་སོགས་པ་གསལ་ལོ། །དེ་ཡང་ཐབས་མཁས་པས་ཡབ་ཀྱི་བཞུགས་ཚུལ་དུ་བྱུང་བ་དང་། ཕྱོགས་བཞི་དབུས་དང་ལྔར་བརྟགས་པས་རིགས་ལྔར་སྣང་བ་དང་། དེ་ཉིད་ཡེ་ཤེས་ལྔ་དང་ལྡན་པས་ཁ་དོག་ལྔར་གསལ་ལོ། །ཡང་ཆོས་ཉིད་ལོངས་སྤྱོད་རྒྱུན་མི་འཆད་པར་མཛད་པའི་རྟགས་གདན་དང་ཁྲི་རྐང་དུ་གསལ་ལོ། །ཐམས་ཅད་དུ་སྒྲོན་ལམ་མཐར་ཕྱིན་པས། སེམས་ཅན་ཆེན་པོ་ལ་སོགས་པར་གསལ་ལོ། །དེ་ཡང་ཆོས་ཀྱི་དབྱིངས་དང་འདུ་འབྲལ་མེད་པའི་རྟགས་སུ་ཡུམ་དུ་བྱུང་སྟེ། སྲ་བར་མཚན་མར་འཛིན་པའི་དོན་དུ་སངས་རྒྱས་སྤྱན་མ་དང་། གཤེར་བར་མཚན་མར་འཛིན་པའི་དོན་དུ་མཱ་མ་ཀཱི་དང་། དྲོ་བར་མཚན་མར་འཛིན་པའི་དོན་དུ་གོས་དཀར་མོ་དང་། བསྐྱོད་པར་མཚན་མར་འཛིན་པའི་དོན་དུ་དམ་ཚིག་སྒྲོལ་མ་དང་། སྟོང་པར་མཚན་མར་འཛིན་པའི་དོན་དུ་ཀུན་ཏུ་བཟང་མོ་དང་། ཐམས་ཅད་སྐྱེད་པར་བྱེད་པའི་རྟགས་སུ་བུད་མེད་ཡུམ་གྱི་གཟུགས་སུ་གསལ་ལོ། །གཉིས་སུ་མེད་པས་གཙོ་གཟུངས་འཁྲིལ་པའི་ཚུལ་དུ་གསལ་ལོ། །གཉིས་སུ་མེད་པ་ལས་ཐམས་ཅད་བྱུང་བས་རྣམ་པར་ཤེས་པ་ལ་སོགས་པ་མཚན་མར་འཛིན་པའི་དོན་དུ། མིག་གི་རྣམ་པར་ཤེས་པ་མཚན་མར་འཛིན་པའི་དོན་དུ། སའི་སྙིང་པོར་གསལ་ལོ། །དེ་བཞིན་དུ་སྣ་ནམ་མཁའི་སྙིང་པོ་དང་། ལྕེ་སྤྱན་རས་གཟིགས་དང་། རྣ་བ་ཕྱག་ན་རྡོ་རྗེ་དང་།མིག་གི་དབང་པོ་ལ་སོགས་པ་བཞི། ཀུན་ཏུ་བཟང་པོ་དང་། བྱམས་པ་དང་། སྒྲིབ་པ་ ― DNG008_Page_0332 ―
[མ་དཔེ་གཟིགས་ན་འདིར་གནོན།]
རྣམ་པར་སེལ་བ་དང་། འཇམ་དཔལ་ལ་སོགས་པར་གསལ་ལོ། །དེ་ཉིད་ཀྱང་ཐབས་དང་ཤེས་རབ་དང་ལྡན་པའི་དོན་དུ། སེམས་མར་བྱུང་སྟེ།ཡུལ་གཟུགས་ལྷ་མོ་ལཱ་སྱེ་མར་གསལ་ལོ། །སྒྲ་མཱ་ལེ་དང་། དྲི་གཱིརྟི་དང་། རོ་ནི་རྟིར་གསལ་ལོ། །དེ་རྣམས་ཀྱང་དུས་བཞིར་གསལ་བར་བྱེད་པས། ལྷ་མོ་བཞི་སྟེ། འདས་པ་དྷཱུ་པེར་གསལ་ལོ། །དེ་བཞིན་དུ་ད་ལྟར་མེ་ཏོག་གོ། །སླད་ཀྱིས་འབྱུང་བ་མར་མེ། དུས་འབྱུང་བར་མ་ངེས་པ་དྲིར་གསལ་ལོ། །དེ་རྣམས་ཀྱང་གཉིས་སུ་མེད་པ་ཆོས་ཉིད་ཀྱི་རོས་ཚིམས་པའི་རྟགས་སུ། སེམས་དཔའ་སེམས་མ་རྣམས་དབྱེར་མེད་པར་བཞུགས་སོ། །དེ་ཡང་ཐམས་ཅད་དུ་གསལ་ཞིང་མཐར་ཕྱིན་པས། བུས་པ་ཁྱེའུ་དང་བུ་མོ་ལ་སོགས་གཞོན་ཤ་ཆགས་པའི་མཚན་ཉིད་དུ་གསལ་ལོ། །དེ་ཡང་རྒྱུ་དང་འབྲས་བུ་མཐར་ཕྱིན་པར་མཛད་པས། རྒྱུ་དང་འབྲས་བུའི་བྱང་ཆུབ་སེམས་དཔའ་སུམ་ཅུ་རྩ་གཉིས་ཏེ། ཤར་ཕྱོགས་ན་རྡོ་རྗེ་སེམས་དཔའ་དང་། རྡོ་རྗེ་རྒྱལ་པོ་དང་། རྡོ་རྗེ་ཆགས་པ་དང་། རྡོ་རྗེ་ལེགས་པ་གསལ་ལོ། །ཤར་ལྷོ་མཚམས་ན་དཔའ་བར་འགྲོ་བ་དང་། ཀུན་ཏུ་བཟང་པོ་དང་། ཟླ་འོད་གཞོན་ནུ་དང་། བཟང་སྐྱོང་ཀུན་གསལ་ལོ། །ལྷོའི་ཕྱོགས་ན། རྡོ་རྗེ་རིན་ཆེན་དང་། རྡོ་རྗེ་ཉི་མ་དང་། རྡོ་རྗེ་རྒྱལ་མཚན་དང་། རྡོ་རྗེ་བཞད་པ་གསལ་ལོ། །ལྷོ་ནུབ་མཚམས་ན། དྲ་བ་ཅན་གྱི་འོད་དང་། རྡོ་རྗེ་སྙིང་པོ་དང་། འོད་དཔག་མེད་དང་། ནམ་མཁའ་མཛོད་གསལ་ལོ། །ནུབ་ཕྱོགས་ན། རྡོ་རྗེ་ཆོས་དང་། རྡོ་རྗེ་རྣོན་པོ་དང་། རྡོ་རྗེ་འཁོར་ལོ་དང་། རྡོ་རྗེ་སྨྲ་བ་གསལ་ལོ། །ནུབ་བྱང་ན། མྱ་ངན་ཀུན་འཇོམས་དང་། རྒྱལ་བའི་ཡེ་ཤེས་ཏོག་དང་། བློ་གྲོས་མི་ཟད་པ་དང་། སྤོབས་པ་བརྩེགས་པར་གསལ་ལོ། །བྱང་ཕྱོགས་ན་རྡོ་རྗེ་ལས་དང་། རྡོ་རྗེ་གོ་ཆ་དང་། རྡོ་རྗེ་མཆེ་བ་དང་། རྡོ་རྗེ་ཁུ་ཚུར་དུ་གསལ་ལོ། །བྱང་ཤར་མཚམས་ན། ངན་སོང་ཀུན་འདྲེན་དང་། མཻ་ཏྲི་དང་། སྤོས་ཀྱི་གླང་པོ་དང་། དོན་ཡོད་གྲུབ་པར་གསལ་ལོ། །དེ་ཡང་སྐྱེ་བོ་ལས་དབང་འདུལ་བ་ལ་བརྩོན་པས། བྱང་ཆུབ་སེམས་དཔའ་དབུ་ལྕང་ལོ་ཅན་དུ་བཞུགས་སོ། །དེ་ལས་ཡང་རིགས་བསམ་གྱིས་མི་ཁྱབ་ན་ཡང་། མདོར་དྲུག་ཏུ་འདུས་པས། ལྷ་ལ་བརྒྱ་བྱིན་དུ་ ― DNG008_Page_0333 ―
[མ་དཔེ་གཟིགས་ན་འདིར་གནོན།]
གསལ་ལོ། །དེ་བཞིན་དུ་ལྷ་མ་ཡིན་ལ་ཐགས་བཟང་རིས་དང་། མི་ལ་ཤཱཀྱ་ཐུབ་པ་དང་། བྱོལ་སོང་ལ་ཤཱཀྱ་སེང་གེ་དང་།ཡི་དྭགས་ལ་ཁ་འབར་མ་དང་། དམྱལ་བ་ལ་གཤིན་རྗེ་ཆོས་ཀྱི་རྒྱལ་པོ་ལ་སོགས་པར་གསལ་ལོ། །ཕྱི་ནང་ཡིད་ཆོས་ལ་ཀུན་བཟང་ཡབ་ཡུམ་དུ་གསལ་ལོ། །གཞན་ཡང་རྣམ་པར་རྟོག་པ་མི་གནས་པར་སེལ་བའི་རྟགས་སུ་ཁྲོ་བོ་དང་ཁྲོ་མོ་ལ་སོགས་པར་གསལ་ཏེ། ནམ་མཁའི་མཛོད་དང་ཕུར་པ་ལས་འབྱུང་ངོ་། །དེ་ཐམས་ཅད་ཀྱང་སེམས་ཅན་ཇི་ལྟར་འདུལ་བར་ཆ་མཐུན་པར་དོན་མཛད་པས། ཞལ་གཅིག་ཕྱག་གཉིས་པ་ལ། མཚོན་ཆ་སྣ་ཚོགས་པར་གསལ་ལོ། །དེ་ལས་ཀྱང་ཐུགས་ཡེ་ཤེས་གསལ་ལ་མ་བསྒྲིབས་པའི་ཕྱིར། ཡེ་ཤེས་ཀྱི་འོད་ཟེར་ཁ་དོག་རྣམ་པ་དྲུག་ཏུ་འཕྲོས་ཏེ། དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། གནག་པ་དང་། རིན་པོ་ཆེའི་ཁ་དོག་ལ་སོགས་པ། རེ་རེ་ལ་ཡང་འོད་ཟེར་བྱེ་བ་ཁྲག་ཁྲིག་གྲངས་དྲུག་ཅུ་དྲུག་ཅུ་སྟེ། དྲུག་ཅུ་ཚོ་དྲུག་ལས་འོད་ཀྱི་ལྷ་མོ་དྲུག་ཅུ་ཚོ་དྲུག་བྱུང་བས། ཕྱི་སྣོད་གྱི་འཇིག་རྟེན་གྱི་གླིང་བཞི་དང་།གླིང་ཕྲན་དང་། ལྕགས་རི་དང་། ཉི་ཟླ་ལ་སོགས་པ་སངས་རྒྱས་ཀྱི་ཞིང་དུ་བསྒྱུར། ནང་བཅུད་ཀྱི་འཇིག་རྟེན་སྐྱེ་འགྲོ་རིས་དྲུག་ལ་སོགས་པ། གྲངས་བསམ་གྱིས་མི་ཁྱབ་པ་ཐམས་ཅད། ལོང་བས་གཟུགས་མཐོང་བ། འོན་པས་སྒྲ་ཐོས་པ་ལ་སོགས་པ་ཐམས་ཅད་དང་། སྣོད་དུ་རུང་བ་དང་། བསྐུལ་བ་དང་།དོང་སྤྲུགས་པ་དང་། སངས་རྒྱས་པར་ལུང་བསྟན་པ་ནས་རྒྱལ་བ་རྒྱ་མཚོ་ལ་ཐུགས་དམ་གྱི་རྒྱུད་བསྐུལ་བ་ལ་སོགས་པ་ལ། ཆོས་ཉིད་ཀྱི་ལོངས་སྤྱོད་ཆེན་པོར་མཛད་དེ། ཕར་འཕྲོ་བ་དང་། ཚུར་འདུ་བ་དང་། འོད་བསྣོལ་མར་འཁྲུགས་པ་དང་། མཉེས་པ་དང་། ཚིམ་པ་དང་། དངོས་གྲུབ་སྩོལ་བ་དང་། གཉིས་སུ་མེད་པ་དང་། གདོད་ནས་དག་པའི་རང་བཞིན་ལྷུན་གྱིས་གྲུབ་པའི་དཀྱིལ་འཁོར་ན། དགྱེས་པ་ཆེན་པོ་མཐར་ཕྱིན་པའི་རང་བཞིན་དུ་བཞུགས་སོ། །དེ་ལ་མ་ཁྱབ་པ་མེད་ཅིང་། མ་འདུས་པ་དང་། མི་ཤོང་བ་དང་། ཕྱི་ནང་དང་། སྟེང་འོག་དང་། ཡངས་དོག་མེད་པས། གཞལ་ཡས་ཁང་གི་རྒྱན་སྣ་ཚོགས་པར་ཡང་གསལ་ལོ། །དོན་དེ་བཞིན་དུ་སེམས་ཅན་ལ་སོགས་པ་ཡོད་པའི་ ཁྲོ་བོ་ལྷ་རྒྱུད་ཆེན་མོ་ཞེས་བྱ་བ།― DNG008_Page_0334 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་ཏ་དེ་ཝ་ཏནྟྲ་མ་ཧཱ་ནཱ་མ། བོད་སྐད་དུ།ཁྲོ་བོ་ལྷ་རྒྱུད་ཆེན་མོ་ཞེས་བྱ་བ། བཅོམ་ལྡན་དཔལ་ཁྲག་འཐུང་རྔོམ་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ཧེ་རུ་ཀའི་གནས་བཅུ་ན་བཞུགས་ཤིང་། དུར་ཁྲོད་ཆེན་པོའི་གནས་བརྒྱད་ན་སྤྱོད་པ་ནི། དུས་གསུམ་གྱི་སངས་རྒྱས་བཅོམ་ལྡན་འདས། རྣམ་པ་ཐམས་ཅད་མཁྱེན་པའི་བདེ་བར་གཤེགས་པ་རྣམས། གདུལ་བྱ་གདུག་པ་ཅན་ལ་སྐུ་ཁྲོ་བོར་བསྟན་པ་ནི། བཅོམ་ལྡན་འདས་དཔལ་ཀུན་བཟང་ཧེ་རུ་ཀ་ནི་འབར་བ་ཆེན་པོའི་ཞལ་དགུ་ལ། དབུས་ཀྱི་ཞལ་མཐིང་ནག་ཏུ་གནས་པ། གཡས་སྨུག་ནག །གཡས་ཀྱི་ཐ་མ་སེར་ནག །གཡོན་དང་པོ་དམར་ནག །གཡོན་ཐ་མ་ལྗང་ནག །དབུས་མ་དེའི་ཞལ་སྟེང་མ་དམར་པོར་གནས། དེའི་གཡས་དཀར་པོ། གཡོན་མཐིང་ག །དེའི་སྟེང་གི་ཞལ་དཀར་པོར་གནས་སོ། །ཕྱག་བཅོ་བརྒྱད་པའི་གཡས་དང་པོ་རྡོ་རྗེ་རྩེ་དགུ་པ། གཉིས་པ་ན་རྩེ་ལྔ་པ། གསུམ་པ་ན་འཁོར་ལོ། བཞི་པ་ན་ཁོར་ཡུག །ལྔ་པ་ན་རིན་པོ་ཆེ་འབར་བ། དྲུག་པ་ན་རལ་གྲི།བདུན་པ་ན་སྟྭ་རེ་རིན་པོ་ཆེའི་དབྱུག་པ། བརྒྱད་པ་ན་དབང་ཕྱུག་ཆེན་པོའི་ལིངྒ་། དགུ་པ་ན་དབང་ཕྱུག་ཆེན་པོའི་སྙིང་བསྣམས་པའོ། །གཡོན་དང་པོ་ན་དུང་ཆེན་བདུད་རྩིས་བཀང་བ། གཉིས་པ་ན་དྲིལ་བུ། གསུམ་པ་ན་པདྨ། བཞི་པ་ན་དགྲ་སྟྭ། ལྔ་པ་ན་རལ་གྲི། དྲུག་པ་ན་གཤོལ། བདུན་པ་ན་ཁ་ཊྭཱཾ་ག །བརྒྱད་པ་ན་ཨུམ་དེ་བཱིའི་ལིངྒ་། དགུ་པ་ན་རྒྱུ་མའི་འཕྲེང་བའི་ཞགས་པ། ཞབས་རྣམ་པ་བརྒྱད་ཀྱིས་དྲེགས་པའི་ ― DNG008_Page_0335 ―
[མ་དཔེ་གཟིགས་ན་འདིར་གནོན།]
གདན་ལ་བཞུགས་སོ། །གནས་ན་བཞུགས་པ་ནི།དཀར་མོ་དང་། རྐུན་མོ་དང་། རྨོངས་མོ་དང་། ཐལ་བྱེད་མའོ། །ཉེ་བའི་གནས་ན་བཞུགས་པ་ནི། སྦོས་མོ་དང་། གཏུམ་མོ་དང་། སྨེ་ཤ་ཅན་དང་། མ་ཚོགས་མའོ། །གཞན་ཡང་ཡུལ་ན་བཞུགས་པ་ནི། སེང་གདོང་དང་། སྟག་གདོང་དང་། སྤྱང་གདོང་དང་། ཝ་གདོང་མའོ། །ཉེ་བའི་ཡུལ་ན་བཞུགས་པ་ནི། བྱ་རྒོད་གདོང་དང་། ཀང་ཀའི་གདོང་དང་། བྱ་རོག་གདོང་མ་དང་། འུག་གདོང་མའོ། །ཞིང་དང་ཉེ་བའི་ཞིང་ན་བཞུགས་པ་ནི། རྟའི་གདོང་དང་། ཕག་གདོང་དང་། སྤྲེའུ་གདོང་དང་། སྤྱང་གདོང་མའོ། །དུར་ཁྲོད་དང་ཉེ་བའི་དུར་ཁྲོད་ན་བཞུགས་པ་ནི། མིའི་སྲིན་མོ་དང་། ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མ་དང་། དམར་མོ་དང་། བདུད་རྩི་མོ་དང་། ཞི་བ་མོ་དང་། བེ་ཅོན་མོ་དང་། སྲིན་མོ་དང་། ཟབ་མོ་དང་། དགའ་མོ་དང་། ར་རོ་ཁྲག་འཐུང་མྱོས་མ་དང་།གཅིག་པུར་སྤྱོད་མ་དང་། ཡིད་འཕྲོག་མ་དང་། གྲུབ་མོ་དང་། རླུང་མོ་དང་། གསོད་བྱེད་མོ་དང་། མེ་མོ་དང་། ཕག་མོ་དང་། རྒན་བྱེད་མོ་དང་། སྣ་ཆེན་མོ་དང་། ཆུ་ལྷ་མོ་དང་། ཚནྡྷོ་དང་། ཉེ་བའི་ཚནྡྷོ་དག་ན་ནི། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་རྣ་སྔོ་ནག་ཆེན་མོ་དང་། གསུས་འཛིན་སེར་ནག་ཆེན་མོ་རྣམས་བཞུགས་སོ། །དེ་བཞིན་གཤེགས་པའི་རིགས་ཐམས་ཅད་ཀྱི་མངའ་བདག་བུཌྜྷ་ཧེ་རུ་ཀ་དང་། བུཌྜྷ་ཀྲོ་དྷཱི་ཤྭ་རཱི་དང་།རྡོ་རྗེའི་རིགས་ཐམས་ཅད་ཀྱི་བདག་པོར་གྱུར་པ་བཛྲ་ཧེ་རུ་ཀ་དང་། བཛྲ་ཀྲོ་དྷཱི་ཤྭ་རཱི་དང་། རིན་ཆེན་རིགས་ཐམས་ཅད་ཀྱི་བདག་པོར་གྱུར་པ་རཏྣ་ཧེ་རུ་ཀ་དང་། རཏྣ་ཀྲོ་དྷཱི་ཤྭ་རཱི་དང་། པདྨའི་རིགས་ཐམས་ཅད་ཀྱི་བདག་པོར་གྱུར་པ་པདྨ་ཧེ་རུ་ཀ་དང་། པདྨ་ཀྲོ་དྷཱི་ཤཱ་རཱི་དང་། ཀརྨའི་རིགས་ཐམས་ཅད་ཀྱི་བདག་པོར་གྱུར་པ་ཀརྨ་ཧེ་རུ་ཀ་དང་། ཀརྨ་ཀྲོ་དྷཱི་ཤྭ་རཱི་དང་། དེ་དག་ཀྱང་རཱུ་ཏྲ་དང་། ལྷ་ཆེན་དང་། གཤིན་རྗེ་དང་། ཀླུ་དང་། གནོད་སྦྱིན་འདུལ་བར་བཞུགས་སོ། །དེ་ནས་རྡོ་རྗེ་སྙིང་པོ་རང་གི་གདན་ལས་བཞེངས་ནས། བཅོམ་ལྡན་འདས་ཀུན་བཟང་ཧེ་རུ་ཀ་ལ་འདི་སྐད་ཅེས་གསོལ་ཏོ། །གཞི་ལ་འཁོར་འདས་དབྱེར་མེད་པའི། །གནས་ལུགས་རང་ ― DNG008_Page_0336 ―
[མ་དཔེ་གཟིགས་ན་འདིར་གནོན།]
བཞིན་ཁྲོ་བོ་དང་། །སེམས་ཅན་ཉོན་མོངས་ཀུན་ལྡན་པའི། །མ་དག་པ་ཡི་སྣང་བ་ལ། །རང་རྒྱུད་ཕུང་པོའི་ཁྲོ་བོ་ནི། །ཀུན་ལ་ཇི་ལྟར་གནས་པ་ཡོད། །རྣལ་འབྱོར་ལམ་པའི་ཏིང་འཛིན་ལ། །ཉམས་ཀྱི་སྣང་བ་ཤར་བ་ནི། །གདུལ་བྱ་སྤྲུལ་པའི་ངོ་བོ་གང་། །ཇི་ལྟར་སྤྲུལ་པར་གྱུར་པ་ལགས། །བདེ་བར་གཤེགས་པའི་སྐུ་གསུང་ཐུགས། །མི་ཟད་རྒྱན་གྱི་འཁོར་ལོ་ལ། །ཡང་དག་པ་ཡི་སྣང་བ་གང་། །སྐལ་ངན་སེམས་ཅན་གདུལ་དཀའ་བ། །ཇི་ལྟར་འདུལ་བའི་དོན་དུ་གསུངས། །ཞེས་གསོལ་བ་འདེབས་སོ། །དེ་ནས་བཅོམ་ལྡན་འདས་ཀྱིས་འདི་སྐད་གསུངས་སོ། །གནས་ལུགས་རང་བཞིན་ཁྲོ་བོ་ནི། །ཀ་དག་ལྷུན་གྲུབ་གཞི་ཡི་དོན། །ངོ་བོའི་གཞི་དང་བཏགས་པའི་གཞི། །རང་བཞིན་ཁྲོ་བོར་དེ་བཤད་དོ། །རང་རྒྱུད་ཕུང་པོའི་ཁྲོ་བོ་ནི། །རྩ་དང་སྔགས་དང་ཐིག་ལེ་རླུང་། །གྲོལ་ལམ་དང་ནི་ཐབས་ལམ་སྟེ། །འཁྲུལ་པའི་སྣང་བར་གནས་པ་ཡིན། །གདུལ་བྱ་སྤྲུལ་པའི་ཁྲོ་བོ་ནི། །ཉོན་མོངས་རགས་པའི་རཱུ་དྲ་ལ། །ཞལ་ཕྱག་རྣམ་པར་སྣང་བ་ནི། །གདུལ་བྱའི་སྣང་བ་བསམ་ཡས་སྣང་། །མཐར་ཕྱིན་འབྲས་བུའི་ཁྲོ་བོ་ནི། །སྐུ་ལྔ་ལྷུན་གྲུབ་སྐུ་གསུང་ཐུགས། །རིག་འཛིན་བགྲོད་པར་བྱ་བ་དང་། །མི་ཟད་རྒྱན་གྱི་འཁོར་ལོར་སྣང་། །ཞེས་གསུངས་སོ། །ཁྲོ་བོ་ལྷ་རྒྱུད་ཆེན་པོ་ལས། གླེང་གཞི་དང་གླེང་སློང་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་ཀུན་བཟང་ཧེ་རུ་ཀ་ལ་རྡོ་རྗེ་སྙིང་པོས་འདི་སྐད་ཅེས་གསོལ་ཏོ། །བདག་མེད་གཉིས་རྟོགས་སྒྲིབ་པ་གཉིས་སྤངས་པ། །ཐུགས་རྗེའི་སྤྲུལ་པས་འགྲོ་བ་མ་ལུས་སྒྲོལ། །ཡུལ་མེད་མ་སྐྱེས་བྱམས་པའི་ཆོས་དབྱིངས་ལས། །འཛིན་པ་མི་རྟོག་སྙིང་རྗེས་ཞེན་ཆགས་ཁྲོ། །གཉིས་མེད་དགའ་ལས་ཕྲིན་ལས་སྙིང་རྗེ་སྙོམས། །དཔལ་ཆེན་ཁྲག་འཐུང་ཁྱོད་ལ་ཕྱག་འཚལ་ལོ། །རྟོག་འཇོམས་སྤྱོད་པ་མཐུན་པས་འགྲོ་འདུལ་ཞིང་། །བརྡའ་ཅན་ཡང་དག་ལེན་པས་དོན་གོ་ལ། །ལྷ་རྒྱུད་བརྗོད་པས་དངོས་གྲུབ་ཀུན་དང་འདྲེལ། །ད་ལྟ་འདིར་གནས་དམན་ལ་བཤད་པ་དང་། །མ་འོངས་རྗེས་འཇུག་རྣལ་འབྱོར་ཀུན་དོན་དུ། །བཀའ་དོན་གཏན་ཚིགས་རིག་པས་བརྗོད་ ― DNG008_Page_0337 ―
[མ་དཔེ་གཟིགས་ན་འདིར་གནོན།]
པར་འོས། །ཁྱོད་ཀྱིས་ལུང་བསྟན་མ་འོངས་རྒྱུད་རྟོགས་བྱེད། །སྐབས་འདིར་ལྷ་རྒྱུད་བཤད་པའི་དུས་ལ་བབ། །གོ་རིམ་བཞིན་དུ་དཔའ་བོས་གསུང་དུ་གསོལ། །བདག་ཅག་མ་འོངས་དོན་དུ་ངེས་པར་གཟུང་། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་གཞའི་གནས་ལུགས་སྟོན་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་དག་གསུངས་སོ། །ཡེ་ནས་རང་སེམས་སངས་རྒྱས་པས། །འཁོར་བར་སྣང་བ་འཁྲུལ་པའི་ཆོས། །དེ་ཉིད་སངས་ན་སངས་རྒྱས་ཉིད། །ཀ་དག་ཆེན་པོར་བཤད་པ་ཡིན། །བདེ་གཤེགས་ཡེ་ཤེས་སྒྱུ་མའི་སྐུ། །འཁོར་བ་ལོག་རྟོག་སྒྱུ་མའི་སྐུ། །ཡེ་ཤེས་བག་ཆགས་ཐ་དད་པ། །སྒྱུ་མའི་ངང་དུ་རང་བཞིན་མཉམ། །ཆོས་རྣམས་དབྱིངས་སུ་ཀ་དག་པ། །སངས་རྒྱས་རྣམས་ཀྱིས་རབ་ཏུ་གསུངས། །ཕུང་པོ་ཁམས་དང་སྐྱེ་མཆེད་སོགས། །སངས་རྒྱས་ཉིད་ལས་མ་གཏོགས་པའི། །ཆོས་ཉིད་གུད་ན་ཡོད་མ་ཡིན། །དེ་ཕྱིར་ཕྱག་རྒྱ་ཀ་དག་པའོ། །འཁོར་འདས་བཅིངས་གྲོལ་མ་གྲུབ་ཕྱིར། །ངོ་བོ་ལྷུན་གྱིས་གྲུབ་པར་གནས། །ཆོས་ཉིད་འདུས་བྱས་འཁོར་བར་སྣང་། །འདུས་བྱས་སྟོང་པས་ཆོས་ཉིད་གྲུབ། །འཁོར་འདས་བཟང་ངན་འཛིན་འགྱུར་ཡང་། །རིག་པ་བྱང་ཆུབ་སེམས་ལ་འདུས། །དེ་ཉིད་ཆོས་ཅན་ལྷུན་གྱིས་གྲུབ། །རང་གི་ངང་གིས་དེར་གནས་སོ། །རྡོ་རྗེའི་སྐུ་ལ་ཐེར་ཟུག་བྲལ། །རྟག་ཆད་ཀུན་མིན་ལྷུན་གྱིས་གྲུབ། །རྟག་ཆད་བློ་ཡི་ངན་རྟོག་སྟེ། །ཆོས་ཉིད་གཤིས་ལ་དེ་མ་གྲུབ། །ཆོས་རྣམས་རྩ་བ་བྱང་ཆུབ་སེམས། །མཆོག་ཏུ་ལྷུན་གྲུབ་རྣམ་པར་དག །ངང་ཁྲོ་ཤུགས་ཀྱིས་ཁྲོ་བ་ཡིན། །དེ་ཉིད་ཁྲོ་བོའི་དཀྱིལ་འཁོར་གནས། །ཞེས་གསུངས་སོ། །ཁྲོ་བོ་ལྷ་རྒྱུད་ཆེན་པོ་ལས། གཞིའི་ཆོས་ཉིད་དངོས་པོ་གཤིས་ཀྱི་གནས་ལུགས་བསྟན་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དཔལ་ཁྲག་འཐུང་རིགས་ལྔར་སྣང་བའི་སངས་རྒྱས་རྣམས་ནི་འཆད་པའི་སྐྱེས་བུ་མཛད་པའི་ཕྱིར། སེམས་ཅན་མ་ལུས་པའི་ལུས་སངས་རྒྱས་པར་སྟོན་པ་འདི་གསུངས་སོ། །ཀུན་གཞི་ཀུན་ཚང་རྩ་བའི་རྒྱུད། །དེ་རྟོགས་ལུས་ནི་བཤད་པའི་རྒྱུད། །རྩ་བཤད་རྒྱུད་ལ་ལྷ་གནས་སོ། ། ― DNG008_Page_0338 ―
[མ་དཔེ་གཟིགས་ན་འདིར་གནོན།]
རོ་རྐྱང་ཀུན་འདར་སྲོག་ཤིང་གསུམ། །ཉི་མ་ཟླ་བ་རཱ་ཧུ་ལ། །དཀྱིལ་འཁོར་བཞི་ལྡན་དཀྱིལ་འཁོར་ནི། །ལུས་ལ་ཡེ་ནས་གནས་པའོ། །གནས་ལུགས་ཤེས་ནས་བསྒོམ་པ་ནི། །བདེ་ཆེན་ལོངས་སྤྱོད་ཆོས་སྤྲུལ་བཞི། །དཀྱིལ་འཁོར་ལ་ནི་དཀྱིལ་འཁོར་བསྒོམ། །སྤྱི་བོར་བུཌྜྷ་ཧེ་རུ་ཀ །ཉི་ཤུ་རྩ་བརྒྱད་དབང་མོས་བསྐོར། །གཏི་མུག་མི་རྟོག་ངང་ན་གནས། །མགྲིན་པར་ལོངས་སྤྱོད་པདྨ་ལ། །པྲ་མོ་ཧཱ་དང་སྨ་ཤ་ནཱི། །སྲྀ་ལ་མུ་ཁ་བྱ་རོག་གདོང་། །འདོད་ཆགས་བདེ་བའི་ངང་ཚུལ་ཅན། །སྙིང་ག་ཆོས་ལ་རྡོ་རྗེ་ཉིད། །གཽ་རཱི་མ་དང་པུཀྐ་སཱི། །སིང་ཧ་མ་དང་གྲྀ་ཌྷ་མ། །ཞེ་སྡང་གསལ་བའི་ངོ་བོ་ཉིད། །ལྟེ་བ་སྤྲུལ་པ་རིན་ཆེན་ལ། །ཙཽ་རཱི་མ་དང་ཙཎྜ་ལཱི། །བྱཱ་གྷྲཱི་མ་དང་ཀང་ཀཱ་མ། །ང་རྒྱལ་ཤེས་པ་རྣོ་བ་ཉིད། །གསང་བར་མེ་རླུང་ལས་ཀྱི་རིགས། །བེ་ཏཱ་ལཱི་དང་གྷསྨ་རཱི། །ཤྭ་ནཱ་མ་དང་ཨུ་ལཱུ་ཀ །ཕྲག་དོག་ལྟ་ངན་འཇོམས་པ་ཉིད། །དཀྱིལ་འཁོར་དཀྱིལ་འཁོར་ལས་བྱུང་བས། །རང་གནས་རཱུ་ཏྲ་འདུལ་བ་ནི། །གསང་གནས་དམར་ནག་ཡི་གེ་ཀྵ། །སྲིན་པོ་རཱུ་ཏྲར་རང་གནས་པ། །རྟོགས་ན་ཀུན་བཟང་ཧེ་རུ་ཀ །གནས་ལུགས་རྟོགས་པ་མཆོག་གྱུར་པའི། །ཐུགས་དམ་དཀྱིལ་འཁོར་དཀྱིལ་འཁོར་མཆོག །ཁམས་ཀྱི་བདུད་རྩི་རྣམ་པ་ལྔ། །ཡེ་ཤེས་ཁྲག་འཐུང་ཡབ་དང་ཡུམ། །མཉེས་བྱེད་གཏུམ་མོའི་བདེ་བར་གནས། །ཁམས་དགུ་འདུས་པའི་དྭངས་མ་དེ། །སྙིང་པོ་ཐིག་ལེ་མཉམ་སྦྱར་ནས། །བདེ་བའི་ཡེ་ཤེས་རོལ་མོ་ཡིས། །ཡེ་ཤེས་དགྱེས་ལ་མཆོད་པ་འབུལ། །ཟག་པ་མེད་པའི་བསོད་ནམས་ཀྱིས། །ཡེ་ཤེས་སྒྱུ་མར་རང་སྣང་བ། །རོལ་མོའི་དཀྱིལ་འཁོར་མཐའ་ཡས་མཆོག །རླུང་བཅུ་སྙིང་པོ་དེ་ཁོ་ན། །སྣང་བའི་ཐེག་ལེའི་དཀྱིལ་འཁོར་དབྱིངས། །ས་ཆུ་མེ་རླུང་ནམ་མཁའ་ལྔ། །འབྱུང་བ་ཤེས་རབ་རིགས་ཀྱི་ཡུམ། །ནམ་མཁའ་ལྟ་བུར་ཁྱབ་པའི་རླུང་། །ས་ལྟར་བརྟན་ཞིང་ཆུ་ལྟར་འགྲོགས། །མེ་དང་མཉམ་པ་རླུང་ལྟར་ཡང་། །ཆེན་པོ་རིགས་ཀྱི་དེ་བཞིན་ཏེ། །ཁྲག་འཐུང་ལྔ་ཡི་ངོ་བོ་ཉིད། །སྙིང་པོ་རླུང་དུ་ངང་གིས་ཤར། །རྒྱུ་བ་རབ་རྒྱུ་ཤིན་ཏུ་རྒྱུ། །མངོན་རྒྱུ་ཡང་དག་རྒྱུ་བ་ཡིན། །བྱང་ཆུབ་སེམས་ ― DNG008_Page_0339 ―
[མ་དཔེ་གཟིགས་ན་འདིར་གནོན།]
མ་རྡོ་རྗེའི་ཚོགས། །དབང་པོ་ཡུལ་དུས་རིག་པ་རྣམས། །དབང་པོ་ཐུབ་པ་སྤྲུལ་འདུལ་བ། །ཀུན་ཏུ་བཟང་པོའི་དཀྱིལ་འཁོར་ལ། །སྲོག་ནི་ནང་ན་གནས་པ་ལ། །རྩོལ་བ་ཕྱིར་ལ་ལྡང་བ་ཉིད། །བདག་ཉིད་ཆེན་པོ་ལྷག་པ་ཡིས། །ཐུགས་ཀྱི་ཡེ་ཤེས་ལྔ་བལྟ་ཞིང་། །ཧཱུཾ་ལས་བསྐྱེད་པའི་ཧེ་རུ་ཀ །ཧ་ལས་ཤར་བའི་མཁའ་འགྲོ་མ། །ཧེ་ལས་བྱུང་བའི་ཕྲ་མེན་མ། །ཕཊ་ལས་བསྐྱེད་པའི་སྒོ་མ་བཞི། །བྷྱོ་ལས་གནས་པའི་དབང་ཕྱུག་མ། །རང་གནས་དཀྱིལ་འཁོར་ལྷུན་གྱིས་གྲུབ། །རང་གནས་དཀྱིལ་འཁོར་གནས་པ་ནི། །བདག་ཉིད་སྔོན་གྱི་སངས་རྒྱས་ཉིད། །བདག་གི་སྲས་སུ་སངས་རྒྱས་བྱ། །རིགས་རྣམས་མི་ནུབ་ལྷུན་གྲུབ་ཕྱིར། །བདེ་གཤེགས་སྲས་སུ་བདག་བྱས་སོ། །དེ་བསྐྱེད་འཁྲུལ་སྣང་རང་ལོག་འགྱུར། །ཞེས་གསུངས་སོ། །ཁྲོ་བོ་ལྷ་རྒྱུད་ཆེན་པོ་ལས། ཕུང་པོ་རང་རྒྱུད་ཁྲོ་བོའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་དཔལ་ཁྲག་འཐུང་གི་ཚོགས་རྣམས་འདུལ་བ་ལ་སྣང་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རཱུ་དྲའི་ཚོགས་རྣམས་ལ་རང་ཤར་བར་སྣང་བ་འདི་གསུངས་སོ། །ལུང་གསུམ་མན་ངག་གསུམ་དང་སྤྱི་དོན་གསུམ། །ལུང་གི་མན་ངག་སྤྱི་སྤྱོད་གདེང་དུ་བྱ། །སྤྱི་ཁོག་བཅུ་བཞིས་སྟོད་ཀྱི་ཁོག་ཕུབ་ལ། །བཞི་བཅོམ་དྲུག་ལྡན་རྩིས་འགོས་ས་བཅད་དོ། །ཁྲོ་བོའི་རྟོག་པ་མཚན་མའི་གཉེར་གྱིས་བཤད། །འདི་ནི་ཁྲག་འཐུང་རྔམ་བརྗིད་རྒྱལ་པོའི་ལུང་། །དེ་ལ་ཐོག་མར་ལུང་གསུམ་ནི། །ཞི་གནས་མི་རྟོག་དངོས་པོ་མཁའ་ཁྱབ་འདྲ། །ལྷག་མཐོང་མ་རྨོངས་མཁའ་ལ་གཟའ་སྐར་བཀྲམ། །དོན་བཅས་པ་དང་བཅུ་ཞིང་འཚམས་པར་བཤད། །ཏིང་འཛིན་ཤེས་རབ་བཀའ་ལུང་གསུམ་དུ་ཤེས། །དེ་ལ་མན་ངག་རྣམ་གསུམ་ནི། །བདག་ཏུ་མི་རྟོག་སྤྲུལ་པ་མཛོད། །ཡུལ་དུ་མ་གྲུབ་གཞན་མེད་མཛོད་དུ་གཤེགས། །ཡུལ་སེམས་གཉིས་མེད་མ་སྐྱེས་དབྱིངས་སུ་གཅིག །ཉན་ཐོས་རང་རྒྱལ་སེམས་ཙམ་སྤོང་མན་ངག །དེ་ལ་སྤྱི་དོན་གསུམ་པོ་ནི། །མེད་རྒྱུ་བཏགས་ཆགས་བསྒྲུབ་འགྲུབ་བརྟས་པར་སྣང་། །སྤྱོད་མཐུན་ཁྲོ་དྲག་གདུག་པ་དཔའ་བོས་འདུལ། །རྟོག་འཇོམས་སླད་རྫས་དང་ལེན་དངོས་གྲུབ་རྒྱུ། །འདི་ ― DNG008_Page_0340 ―
[མ་དཔེ་གཟིགས་ན་འདིར་གནོན།]
ནི་ཁྲོ་བོའི་སྤྱི་ཡི་དོན་དུ་བཤད། །དེ་ལ་སྤྱི་ཁོག་རྣམ་པ་བཅུ་བཞི་ནི། །གང་ཁྲོ་གང་ལ་ཅི་ཕྱིར་གང་གིས་ཁྲོ། །གང་ཁྲོ་རྣམ་པ་བཞིར་ནི་ཤེས་བྱ་སྟེ། །རང་ཁྲོ་ཤུགས་ཁྲོ་ཁྲོ་བར་བཅས་དང་བཅོས། །རྟོགས་པས་ཐུགས་རྗེས་རང་བཞིན་འདུལ་བའི་དབང་། །གང་ལ་སྙིང་རྗེས་ཁྲོས་ཏེ་ཡུལ་དང་གནས། །ལས་དང་འབྲས་བུ་སེམས་ཅན་གྲུབ་པའོ། །ལས་བཞི་འབྲས་བུ་སྐུ་གསུང་ཐུགས། །ཅི་ཕྱིར་རྒྱུ་དང་འབྲས་བུ་གཉིས་ལས་ནི། །དུག་གསུམ་མི་སྤོང་ཤ་རུས་ཁྲག་ལ་རོལ། །གང་གིས་རྒྱུ་ནི་ཧཱུཾ་དང་ཧ་ཧེ་ཕཊ། །གནས་ནི་སྟེང་འོག་མཁའ་སྟེ་ཡེ་ཤེས་སྐུ། །སྐྱེད་ཐབས་ཆོ་འཕྲུལ་གསུམ་པོས་ཁྲོ་བོའི་སྐུ། །འབྲས་བུ་དཔལ་ཆེན་ཕྲ་མེན་འཁོར་གྱིས་བསྐོར། །ཕྲིན་ལས་དྲག་པོས་འགྲོ་བ་ཅིས་འདུལ་མཛད། །དེ་ལ་བདུད་བཞི་བཅོམ་པ་ནི། །ཚམ་རྔམས་དྲག་པོས་ལྷ་ཆེན་འདར་བསྒྱེལ་བརྫིས། །བརྟུལ་ཞུགས་རོལ་པས་རྡོས་བཅས་ཕུང་པོ་བཤིག །དུག་གསུམ་མི་སྤོང་ཤ་རུས་ཁྲག་ལ་ཟ། །རྣམ་ཤེས་འཆི་མེད་རྒྱལ་བའི་སྲས་སུ་སྟོབ། །དེ་ལས་ས་བཅད་རྩིས་འགོ་དྲུག་པོ་ནི། །དབང་དང་རབ་ཏུ་ལྡན་པ་དང་། །དཔལ་དང་གཟུགས་དང་གྲགས་པ་དང་། །ཡེ་ཤེས་དང་ནི་ནན་ཏན་དང་། །དྲུག་དང་ཡང་དག་ལྡན་ཕྱིར་རོ། །དེ་ལ་དབང་དང་ལྡན་པ་ནི། །ཆགས་སྡང་ང་རྒྱལ་གཏི་མུག་ཕྲག་དོག་ནི། །མཉེས་སྟོབ་ཡུམ་དང་འཇིགས་ཚུལ་སྐུ་ཡི་སྤྲུལ། །དྲན་མེད་ཐོད་པ་ཁམ་ཕོར་གཡང་གཞི་དང་། །ཁ་ཊྭཱཾ་རྒྱལ་མཚན་ཆེ་དང་ལྷ་ཆེན་དྲེགས་པ་གནོན། །དེ་ལ་ཁྲོ་བོའི་དཔལ་དྲུག་ནི། །བྱམས་པས་ཁྱབ་པས་ཐུགས་དམ་དམིགས་ཀྱིས་སྒྲོལ། །ཐུགས་རྗེས་འགྲོ་བ་ཐམས་ཅད་བུ་ལྟར་དགོངས། །སྨོན་ལམ་དབང་གིས་འཁོར་བ་ཇི་སྲིད་བཞུགས། །གཞན་དོན་མཛད་པས་བདག་དོན་ལྷུན་གྱིས་གྲུབ། །ཡོངས་སུ་རྫོགས་པས་བདེ་བ་ཆེན་པོའི་དཔལ། །ཁྲོ་རྒྱལ་ཁྲག་འཐུང་དཔལ་ཆེན་རྣམ་དྲུག་ཡིན། །དེ་ལ་བདེ་ཆེན་ཡོངས་རྫོགས་པའི། །དཔལ་ནི་བསམ་མི་ཁྱབ་བཞི་སྟེ། །སྐུ་གསུམ་ས་གསུམ་སེམས་དཔས་རྟོགས་དཀའ་བ། །མཁའ་ཁྱབ་སྤྲིན་བརྡལ་ཆར་འབབ་ཆུ་བོའི་རྒྱུན། །ཏིང་འཛིན་བསམ་ཡས་བྱང་ཆུབ་ཐོགས་པ་མེད། །བསམ་ཡས་ ― DNG008_Page_0341 ―
[མ་དཔེ་གཟིགས་ན་འདིར་གནོན།]
བསམ་ཁྱབ་མཁའ་ལ་གཟའ་སྐར་གསལ། །ཀླུ་མཐུ་འདུལ་ཕྱིར་ཀླུ་ལྔས་སྐུ་བརྒྱན་པ། །རྔ་ཆེན་གསུང་སྒྲ་བྱམས་དང་ཕོ་ཉའི་ཚོགས། །དུག་ལྔ་རྡོས་བཅས་འདུལ་བྱེད་རྒྱན་བྱས་པ། །ཁྲག་སྦྲུལ་གཡང་གཞི་ཁ་ཊྭཱཾ་དྲེགས་པ་གནོན། །དེ་ལ་ཁྲོ་གཟུགས་རྣམ་བཞི་ནི། ། གཉིས་བྱུང་། མི་ཐུང་བྱིས་པའི་གཟུགས་འདྲ་ལ། །ཨ་ཀོན་ལ་ནི་ཡན་ལག་བཏགས། །དྲང་སྲོང་ཁྲོས་པའི་ཆ་བྱད་ལ། །ཤིན་ཏུ་སྐེམ་ཞིང་འཁྲང་བག་བྲི། །གནོད་སྦྱིན་སྙིལ་བག་མི་ཐུང་གཟུགས་དང་ནི། །འདུལ་དབང་ཡི་དྭགས་སྲིན་པོ་དྲང་སྲོང་འདྲ། །དེ་ལ་གྲགས་པ་ཞེས་པ་ནི། །སངས་རྒྱས་བྱང་ཆུབ་བསྟོད་ལ་དེ་སྲས་དགོངས། །གཏི་མུག་གཟེངས་བསྟོད་ང་རྒྱལ་གནོན་པར་གྲགས། །དེ་ལ་ཡེ་ཤེས་བྱ་བ་ནི། །རྣམ་དག་དབྱིངས་མཁྱེན་འཁོར་བའི་སྐྱོན་དང་བྲལ། །འགྲོ་བའི་རྒྱུད་མཁྱེན་མྱ་ངན་མཐའ་ལས་འདས། །གཉིས་སུ་མེད་པ་མཁྱེན་པ་དབུ་མའི་ངང་། །མདོར་ན་ཐམས་ཅད་མཁྱེན་པའི་ཡེ་ཤེས་ཡིན། །དེ་ལ་ནན་ཏན་བཤད་པ་ནི། །ནན་ཏན་སྙིང་པོ་ཟག་བཅས་ཟག་མེད་འདུ། །ནན་ཏན་ཕྲིན་ལས་འགྲོ་བའི་གནས་ན་སྟོན། །བསམ་ཡས་འགྲོ་བ་ནན་ཏན་ཆུད་མི་གཟོན། །ནན་ཏན་མཆོག་གི་མཆོག་ཏུ་ཤེས་པར་བྱའོ། །ད་ནི་ཁྲོ་བོའི་རྟོག་པ་བཤད། །དེ་ཡང་མི་ཟད་རྒྱན་གྱི་ལུང་། །ཆེ་མཆོག་ཡོན་ཏན་ལུང་དང་ནི། །ཡན་ལག་རྟགས་ཀྱི་ལུང་གིས་བཤད། །དེ་ལ་མི་འདའ་རྒྱན་ལུང་ནི། །གླང་ཆེན་འདུལ་སྟོབས་ཐེག་པའི་རྒྱན་ཞེས་པ། །བདུད་འཇོམས་སྨན་རྫས་གྲུབ་པ་བལྟ་བའི་ལུང་། །སྟག་ནི་དཔའ་རྟུལ་ཟ་བྱེད་རྒྱན་ཞེས་པ། །ཡེ་ཤེས་ཐུགས་རྗེ་ཕྲིན་ལས་རྒྱན་དུ་བསྟན། །སྦྲུལ་ནི་དཔའ་བརྗིད་མཉེན་ལྕུག་རྒྱན་ཞེས་པ། །འཇིགས་ཚུལ་གདུག་གནོན་འཁྲིལ་བའི་ཡུམ་ཞེས་བྱ། །ཐོད་ཕྲེང་དབང་ཆས་སྒྲོལ་བའི་རྒྱན་ཞེས་པ། །སྐུ་གསུམ་ཐེག་གསུམ་དུས་གསུམ་དབང་ཆས་སྒྲོལ། །གཡང་གཞི་ཚུལ་ཁྲིམས་གོས་ཀྱི་རྒྱན་ཞེས་པ། །བྱང་ཆུབ་སེམས་ཚུལ་དམ་ཁྲིམས་གོས་ཞེས་བྱ། །རཀྟ་ཐུགས་རྗེ་ཆགས་པའི་རྒྱན་ཞེས་པ། །མི་རྟོག་དབྱིངས་ནས་ཐུགས་རྗེ་པདྨའི་སྤྱན། །གཟི་ཆེན་དོན་དམ་བཅུད་ཀྱི་རྒྱན་ཞེས་པ། །བཅུད་ཀྱི་ཐིག་ལེ་དོན་དམ་ཀུན་ཏུ་འོད། །ཐལ་བ་འདུལ་བྱེད་ཕྲིན་ལས་རྒྱན་ ― DNG008_Page_0342 ―
[མ་དཔེ་གཟིགས་ན་འདིར་གནོན།]
ཞེས་པ། །ཡི་གེ་འཁོར་ལོས་མཚན་མ་ཐལ་བར་རློག །མེ་འབར་འཕྲོ་འདུ་སྲེག་ཀློང་དཀྱིལ་ཞེས་པ། །ཡེ་ཤེས་ཐུགས་རྗེའི་དབྱིངས་འདུ་ཕྲིན་ལས་ཏེ། །ཟད་པར་བྱེད་པའི་མཐའ་འདས་དཀྱིལ་ཞེས་བྱ། །མེ་སྒྲ་སྒྲ་ཆེན་ཐ་དད་སྒྲ་ཞེས་པ། །ཆོས་སྐུས་ཁྱབ་དང་ཏིང་འཛིན་སྣ་ཚོགས་འཕྲོ། །རལ་པ་འཛིངས་ཤིང་ཁམ་ནག་འཕྱོ་བ་ནི། །ཡེ་ནས་ཆོས་ཉིད་དབང་དྲག་སྤྲུལ་པ་འཕྲོ། །སྐུ་མདོག་མཐིང་ནག་ནམ་མཁའི་རྒྱན་ཞེས་པ། །འདུལ་དབང་ཡོན་ཏན་མཐའ་མེད་དགོངས་པའི་གཏིང་། །མི་དཔོགས་དེ་ལ་ཡན་ལག་རྟགས་ཀྱི་ལུང་། །སྤྱི་དང་བྱེ་བྲག་སྣང་བ་ཡང་། །སྤྱིར་ན་དཔལ་ཆེན་ཧེ་རུ་ཀའི། །སྐུ་མདོག་ཕྱག་མཚན་མ་ངེས་ཏེ། །གང་ལྟར་བསྒྲུབས་ཀྱང་འགྲུབ་པར་འགྱུར། །མཚན་ཉིད་མེད་པའི་ཕྱག་རྒྱ་དང་། །དེ་ལྟས་དངོས་འབྱུང་ཕྱག་རྒྱ་རྣམས། །ངེས་པ་མེད་པར་དཔའ་བོས་བཤད། །མཁས་པས་ཅི་དགར་བསྒོམས་ན་འགྲུབ། །བྱེ་བྲག་ཡན་ལག་རྟགས་ལུང་ནི། །གྲུབ་པ་རྟགས་ཀྱི་ཕྱག་རྒྱ་དང་། །མཛད་པ་ལས་ཀྱི་ཕྱག་རྒྱའོ། །གྲུབ་པ་རྟགས་ཀྱི་ཕྱག་རྒྱ་ནི། །དབུ་གསུམ་དུག་གསུམ་སྐུ་གསུམ་ལྷུན་གྱིས་གྲུབ། །ལྟ་སྤྱོད་རྣམ་པ་གསུམ་གྱིས་གྲུབ་པའི་རྟགས། །སྤྱན་དགུ་ས་གསུམ་སྐུ་གསུམ་ཡེ་ཤེས་སོ། །བགྲོད་མེད་ཐོབ་མེད་དམིགས་པའི་ཡུལ་ལས་འདས། །རྟག་ཆད་སྤྱན་གཉིས་མཐའ་སྤངས་དབུ་མའི་ངང་། །ཤངས་གསུམ་སྲོག་ལ་མངའ་མཛད་ཏིང་འཛིན་གསུམ། །དེ་བཞིན་ཉིད་རྒྱུ་ཀུན་ཏུ་སྣང་ཞེས་བྱ། །སྒྲ་ཆེན་ཐ་དད་སྒྲ་སྟེ་ཆོས་སྐུ་ཏིང་འཛིན་སྙན། །ཞལ་གསུམ་རྣམ་ཐར་སྒོ་གསུམ་ལྷུན་གྱིས་གྲུབ། །ལྗགས་གསུམ་ཐེག་གསུམ་མཐར་ཕྱིན་ཤེས་པའི་རྟགས། །མཆེ་བཞི་ཕྲིན་ལས་མཐར་ཕྱིན་བཞི་ཡི་ཚུལ། །ཡེ་ཤེས་དྲུག་ནི་མཐར་ཕྱིན་ཕྱག་དྲུག་སྟེ། །ཕ་རོལ་ཕྱིན་དྲུག་མཐར་ཕྱིན་ཕྱག་མཚན་དྲུག །ཞབས་བཞིས་ལམ་བཞི་བགྲོད་པ་མེད་པར་ཐོབ། །དེ་ལ་མཛད་པ་རྟགས་ཀྱི་ཕྱག་རྒྱ་ནི། །སྤྱི་དང་ཕྱག་མཚན་རྟགས་ཀྱི་ལུང་། །སྤྱན་དགུས་ས་དགུ་འདུལ་བའི་བྱེ་བྲག་གཟིགས། །སྤྱན་གསུམ་སྲིད་གསུམ་འགྲོ་རྒྱུད་སོ་སོར་མཁྱེན། །ཤངས་གསུམ་ནས་བྱུང་སྤྲུལ་པས་སྟོང་གསུམ་འགེངས། ། ― DNG008_Page_0343 ―
[མ་དཔེ་གཟིགས་ན་འདིར་གནོན།]
སྙན་དྲུག་འགྲོ་དྲུག་གནས་ནས་ཅི་གསོལ་གསན། །དབུ་གསུམ་སྲིད་གསུམ་མགོན་མཛད་སྐུ་གསུང་ཐུགས། །ཞལ་གསུམ་དབྱིངས་སུ་དུག་གསུམ་ཟད་པར་རྡུབ། །ལྗགས་གསུམ་ཐེག་གསུམ་སྟོན་པའི་གདངས་ངང་སྒྲོགས། །ཁམས་གསུམ་ཉུག་བྱེད་རྡོ་རྗེ་སྲིན་པོའི་ལྕེ། །མཆེ་བཞི་སྐྱེ་བཞི་རྩད་ནས་གཅོད་པར་བྱེད། །ཕྱག་དྲུག་རྒྱུད་དྲུག་འཁོར་བ་གཏིང་ནས་འདོན། །ཕྱག་མཚན་ཕ་རོལ་ཕྱིན་དྲུག་འགྲོ་དོན་མཛད། །ཞབས་བཞི་ཕྲིན་ལས་རྣམ་བཞིས་བགྲོད་མེད་སྒྲོལ། །དེ་ལ་ཕྱག་མཚན་ཡན་ལག་རྟགས་ལུང་ནི། །རྡོ་རྗེ་ཡེ་ཤེས་ཕ་རོལ་ཕྱིན་པ་ནི། །རང་བཞིན་མི་འགྱུར་ལས་ནི་འཕགས་ཤིང་འཇོམས། །ཆོས་སྐུ་མི་འགྱུར་རྟོག་དང་བག་ཆགས་བསྲེག །ཡེ་ཤེས་ཡིན་ཕྱིར་དེ་ལ་དེ་སྐད་བྱ། །བྷནྡྷ་བཟོད་པའི་ཕ་རོལ་ཕྱིན་པ་ནི། །ཆོས་དབྱིངས་སྤྲོས་མེད་ཡེ་ཤེས་བཞི་དང་ལྡན། །ཡེ་ཤེས་དབྱིངས་རྟོགས་ཞེན་ཆགས་ཐུགས་རྗེ་སྐྱེ། །མཐའ་གཉིས་སྐྱོན་གྱིས་མི་སྦགས་བཟོད་པའི་མཆོག །ཁ་ཊྭཱཾ་སྟོབས་ཀྱི་ཕ་རོལ་ཕྱིན་པ་ནི། །དུག་གསུམ་སྒྲོལ་བྱེད་དྲེགས་པ་ལྷ་བདུད་གནོན། །སྟོབས་གསུམ་སྲིད་གསུམ་ཡོངས་འདུལ་རྒྱལ་བའི་རྟགས། །ཀུན་ལ་མངའ་མཛད་འཁོར་རྣམས་དབང་དུ་སྡུད། །ཞིང་ཆེན་སྨོན་ལམ་ཕ་རོལ་ཕྱིན་པ་ནི། །འབོད་པའི་གཡབ་མོས་འཁོར་རྣམས་དབང་སྡུད་ཅིང་། །སྦྱིན་པའི་བཟའ་བས་མཁའ་འགྲོ་ཚིམས་པར་བྱེད། །བརྡེག་པའི་དབྱུག་པས་རྡོས་བཅས་ཕུང་པོ་བཤིག །རྟོགས་པའི་ཆོས་ཉིད་དྲན་མེད་ཤེས་ལྔས་བཟུང་། །ཇི་ལྟར་སྨོན་བཞིན་གྲུབ་པས་དེ་སྐད་བྱ། །ཐོང་གཤོལ་ཐབས་ཀྱི་ཕ་རོལ་ཕྱིན་པ་ནི། །ཉོན་མོངས་ཐུགས་རྗེས་ཐ་བ་རློག་མཛད་ཅིང་། །ཡེ་ཤེས་ཆོས་དབྱིངས་མཐའ་དང་བྲལ་བ་རྟོགས། །ཐབས་ཀྱི་སྐུ་གསུམ་ལྷུན་གྲུབ་སྤྲུལ་པ་འཕྲོ། །རྔ་ནི་ཤེས་རབ་ཕ་རོལ་ཕྱིན་བསྟན་པ། །ཡུལ་མེད་རྣམ་དག་ཆོས་ཀྱི་རྔ་ལོགས་ལ། །འཛིན་པ་བདག་མེད་རིག་པའི་དབྱིག་གུས་བརྡུངས། །གསུང་རབ་རྔ་སྒྲས་འགྲོ་བ་ཤེས་རབ་བསྐྱེད། །འཁོར་ལོ་བསམ་གཏན་ལྷག་པ་གསུམ་གྱི་མཚན། །ཚུལ་ཁྲིམས་ཏིང་འཛིན་ཡེ་ཤེས་གསུམ་དང་ལྡན། །བདག་མེད་སེམས་ལས་རིན་ཆེན་དགོས་འདོད་སྐོང་། །མི་ཟད་པར་ལྡན་སྦྱིན་ ― DNG008_Page_0344 ―
[མ་དཔེ་གཟིགས་ན་འདིར་གནོན།]
པའི་ཕ་རོལ་ཕྱིན། །པདྨ་འདམ་སྐྱེས་མ་ཆགས་ཐུགས་རྗེས་སྤྱོད། །ཚུལ་ཁྲིམས་ཕ་རོལ་ཕྱིན་པའི་ངང་དུ་བསྟན། །རལ་གྲི་ཡེ་ཤེས་ཐུགས་རྗེས་མཐའ་གཉིས་གཅོད། །རྩེ་གཅིག་ཏིང་འཛིན་གཉིས་ལ་བརྩོན་འགྲུས་མཛད། །དགྲ་སྟྭ་ཞགས་པ་ལ་སོགས་ཕྱག་མཚན་རྣམས། །རང་གཉེར་ལས་ཀྱི་བརྡའ་ཙམ་ཆོས་སྐུ་རྟོགས། །ཆེ་མཆོག་ཡོན་ཏན་སྤྱིར་དྲིལ་ལུང་བཤད་ན། །ཡོན་ཏན་དག་གི་བརྗིད་བཞི་ལ། །ཕྲིན་ལས་རྔམ་ནི་སུམ་ཅུ་དྲུག །དེ་ལ་སྐུ་ཡི་རྔམ་བཞི་ནི། །ནམ་མཁའི་རི་མོ་ཕྱག་རྒྱ་རྔམ། །ཅིར་ཡང་འགྱུར་བའི་བཞུགས་སྟབས་རྔམ། །ཟིལ་གྱིས་གནོན་པའི་གདན་ཡང་རྔམ། །ཚམ་རྔམས་ཆེན་པོའི་སྟོབས་ལྡན་རྔམ། །དེ་ཡང་ཀུན་རྫོབ་རང་བཞིན་མེད། །ནམ་མཁའི་སྤྲིན་ནི་དྭངས་པའི་ཚུལ། །ལྷ་འཕགས་ཚངས་པ་སྨོན་ལམ་དང་། །ཅིར་ཡང་འགྱུར་བའི་བཞུགས་སྟབས་ཚུལ། །སྲིད་པའི་འཁོར་ལོ་ཟིལ་གནོན་པ། །དྲི་མེད་པདྨ་ཉི་ཟླ་ཡོན་ཏན་རྟགས། །གདན་ཁྲིའི་ཚུལ་རྣམས་སྟོབས་ཆེན་བཅུའི། །དེ་ལ་གསུང་གི་རྔམ་བཞི་ལ། །ཧོམ་ལྔར་འདྲེལ་འབྱུང་ཞལ་ཡང་རྔམ། །ཟླ་གམ་ཅིར་སྟོན་ལྗགས་ཀྱང་རྔམ། །སྐྱེ་ཤི་རྩད་གཅོད་མཆེ་བ་རྔམ། །འབྲུག་ལྟར་སྒྲོགས་པའི་གསུང་དབྱངས་རྔམ། །དེ་ཞལ་ཡེ་ཤེས་ཕྱག་རྒྱ་ལས། །རོ་མཆོག་རྣམ་ལྔ་བསྲེག་ཁང་དུ། །ཚིམ་ཞིང་འདྲེལ་རོ་ལྔ་ཡི་ཚུལ། །གསུང་དབང་ཚུལ་གྱིས་འདུས་བྱས་དང་། །རང་བཞིན་མ་འདྲེས་སྟོན་པའི་ཚུལ། །མཆེ་བ་ཡེ་ཤེས་འཕྲོ་འདུས་ནི། །དུག་བཞི་རྣམ་ཤེས་བཞི་གཅོད་ཚུལ། །འབྲུག་སྒྲོགས་ཡན་ལག་དྲུག་ཅུའི་དབྱངས། །བསྙད་པས་མདོ་སྡེ་གོ་བར་གྲགས། །ཟིལ་གྱིས་གནོན་པའི་ཚུལ་རྣམ་བརྒྱད། །ཐུགས་ཀྱི་རྔམ་ནི་རྣམ་བཞི་ལ། །ཏིང་འཛིན་ནམ་མཁའི་སྐར་ཚོགས་རྔམ། །ཕྲིན་ལས་རྒྱ་མཚོའི་རྦ་རླབས་རྔམ། །ཡོན་ཏན་མི་ཟད་རྩི་ཤིང་རྔམ། །མཛད་པའི་རོལ་མོ་གར་ཐབས་རྔམ། །རྒྱན་བཞི་རང་བཞིན་རྒྱན་དུ་དབྱེ། །ལྷག་མཐོང་དག་གི་རང་བཞིན་ལས། །ལྷག་མཐོང་མ་གཡོས་སྣང་བའི་ཚུལ། །ཞི་གནས་དག་གི་རང་བཞིན་ལས། །ཞི་གནས་རྒྱན་གྱི་ཁྱད་འབྱུང་ཚུལ། །ཞི་གནས་རང་བཞིན་བཟོད་ ― DNG008_Page_0345 ―
[མ་དཔེ་གཟིགས་ན་འདིར་གནོན།]
པ་ལས། །ལྷག་མཐོང་ཕན་པ་འདོགས་པའི་ཚུལ། །ཞི་གནས་རང་བཞིན་མི་ཟད་ལས། །ལྷག་མཐོང་ཅིར་འབྱུང་དགའ་བསྐྱེད་ཚུལ། །དེ་ལ་མཐུ་ཡི་རྔམ་བཞི་ནི། །རཱུ་ཏྲ་བཅོམ་པའི་གནས་ཀྱང་རྔམ། །ལྷ་ཆེན་གནོན་པའི་གདན་ཡང་རྔམ། །ཁམས་གསུམ་བསྒྲལ་བའི་ཞིང་རྔམ་ཞིང་། །རྟོག་འཇོམས་སྤྱོད་པའི་བརྟུལ་ཞུགས་རྔམ། །དེ་ཡང་གནས་ནི་ཁྱད་པར་ཅན། །བཀྲ་ཤིས་ཅིས་ཀྱང་མི་ཚུགས་ཚུལ། །གདན་ཁྱད་ཐམས་ཅད་ཟིལ་གནོན་ཚུལ། །ཞིང་ཁྱད་ཁམས་གསུམ་ཡོངས་བསྒྲལ་ཚུལ། །སྤྱོད་ཁྱད་སྲིད་རྟོག་དུས་གཅིག་འཇོམས། །དེ་ལྟར་རྔམ་ཚུལ་སུམ་ཅུ་གཉིས། །དེ་ལ་སྐུ་ཡི་བརྗིད་བཞི་ལ། །སྐུ་ཆེ་ཡན་ལག་རགས་པས་བརྗིད། །གྲངས་མང་རྐྱེན་དང་འཚམས་པས་བརྗིད། །བཀུར་འོས་གཙོ་བོར་མཐོང་བས་བརྗིད། །ཁྱད་ཞུགས་ཡིད་དང་འཐད་པས་བརྗིད། །ཆོས་སྐུ་མཉམ་བྱུང་སྒོ་ནས་ཆེ། །ཐུགས་རྗེ་མཉམ་བྱུང་སྒོ་སྤྲུལ་རགས། །འདུ་བྱེད་མཉམ་བྱུང་སྒོ་སྤྲུལ་མང་། །སྨོན་ལམ་སྒོ་རིགས་མཐུན་རྐྱེན་འཚམས། །སྤྱོད་ལམ་སྒོ་ནས་བཀུར་བར་འོས། །རིགས་བཙུན་པ་ཡི་གཙོ་བོར་མཐོང་། །རང་བཞིན་གྲུབ་སྒོ་ནས་ཁྱད་ཞུགས། །ཕྲིན་ལས་སྒོ་ནས་ཡིད་དང་འཐད། །དེ་ཡང་གསུང་གི་བརྗིད་བཞི་ལ། །གདངས་ཆེ་སྟོང་གསུམ་གང་བས་བརྗིད། །ཚིག་མྱུར་ཐེ་ཚོམ་གཅོད་པས་བརྗིད། །བདག་ལ་ཉི་ཚེར་སྟོན་པས་བརྗིད། །ཁྱད་ཞུགས་ཡོན་ཏན་མཐོང་བས་བརྗིད། །ཆོས་སྐུས་ཁྱབ་སྒོ་ནས་གདངས་ཆེ། །ཐ་དད་སྒྲ་སྒྲོགས་སྟོང་གསུམ་འགེངས། །དབྱངས་ཀྱི་སྒོ་ནས་གོ་བར་མྱུར། །ཉེ་བར་གྱུར་པས་ཐེ་ཚོམ་གཅོད། །བྱམས་པའི་སྒོ་ནས་བདག་ལ་གཟིགས། །ཐུགས་རྗེའི་སྒོ་ནས་ཉི་ཚེར་སྟོན། །ཤེས་པའི་བྱེ་བྲག་སྒོ་ཁྱད་ཞུགས། །ཚིག་གི་ཡོན་ཏན་སྒོ་ཀུན་འདུལ། །དེ་ཡང་ཐུགས་ཀྱི་བརྗིད་བཞི་ལ། །ཡངས་ལ་རེ་དོགས་མེད་པས་བརྗིད། །གསལ་བ་མཐའ་གཉིས་སྤངས་པས་བརྗིད། །ཐུགས་རྗེ་ཐུགས་དམ་མཐར་ཕྱིན་བརྗིད། །མ་རྨོངས་ཐབས་ཀྱིས་འདུལ་བས་བརྗིད། །གཉིས་སུ་མེད་པའི་སྒོ་ནས་ཡངས། །སྤང་བླང་མེད་སྒོས་རེ་དོགས་མེད། །ལྷག་མཐོང་སྒོ་ནས་དབུ་མར་གསལ། །ཞི་གནས་མི་འགྱུར་ ― DNG008_Page_0346 ―
[མ་དཔེ་གཟིགས་ན་འདིར་གནོན།]
མཐའ་རྣམས་སྤངས། །མཛད་རྒྱུན་མི་འཆད་ཐུགས་རྗེ་ཆེ། །ཐུགས་དམ་མཐར་ཕྱིན་ཇི་སྲིད་བཞུགས། །ཤེས་རབ་སྒོ་ནས་མ་རྨོངས་ཤིང་། །ཏིང་འཛིན་སྒོ་ནས་ཐབས་ཀྱིས་འདུལ། །དེ་ཡང་ཡོན་ཏན་བརྗིད་བཞི་ལ། །མེད་ལ་ཟད་མི་ཤེས་པས་བརྗིད། །གཅིག་ལས་འདོད་དགུར་འབྱུང་བས་བརྗིད། །གནོད་སྦྱོར་ཕན་པར་མཛད་པས་བརྗིད། །ཐབས་མཁས་སྐྱོན་གྱིས་མ་གོས་བརྗིད། །བདག་ཏུ་མི་འཛིན་སྒོ་ནས་མེད། །མེད་པའི་སྒོ་ནས་ཟད་ཡེ་ཤེས། །ཡེ་ཤེས་དག་གི་སྒོ་ནས་གཅིག །སེམས་ཀྱི་བསམ་སྒོ་འདོད་དགུར་སྟོན། །སེམས་ཅན་སྒོ་ནས་གནོད་པར་སྦྱོར། །གྲུབ་རྒྱུའི་སྒོ་ནས་ཕན་པར་མཛད། །ཤེས་བྱའི་སྒོ་ནས་ཐབས་ལ་མཁས། །སྤྱོད་པའི་སྒོ་ནས་སྐྱོན་མ་གོས། །དེ་ལ་ཕྲིན་ལས་བརྗིད་བཞི་ལ། །མི་དངངས་ཉམས་བག་ཆེ་བས་བརྗིད། །འཁོར་བ་ཡུན་རིང་མི་བསྙེལ་བརྗིད། །མགོན་སྐྱབས་རྒྱུན་དུ་མཛད་པས་བརྗིད། །དགོངས་པའི་དོན་རྣམས་བསྒྲུབས་པས་བརྗིད། །སྒྱུ་མར་སྟོན་སྒོ་ནས་མི་དངངས། །རང་བཞིན་སྒོ་ནས་ཉམས་བག་རོལ། །དོན་མཛད་འཁོར་བར་ཡུན་རིང་བཞུགས། །བྱ་མེད་སྒོ་ནས་མི་བསྙེལ་ལ། །མཐུ་ཡི་སྒོ་ནས་མགོན་སྐྱབས་ཆེ། །དམ་བཅས་འགྲོ་དོན་མྱུར་དུ་མཛད། །རྩེ་གཅིག་མཐའ་གཉིས་དོན་ལ་དགོངས། །ནན་ཏན་སྒོ་ནས་བྱ་བ་འགྲུབ། །དེ་དག་བརྗིད་ནི་ཉི་ཤུ་སྒོ། །བཞི་བཅུ་དང་ནི་སྤྱིར་དྲུག་ཅུ། །རྒྱལ་རྟགས་ནང་ནས་ཕྱི་རོལ་ལ། །དེ་ལ་རིན་ཆེན་སྣ་བདུན་ནི། །འཁོར་ལོ་དབང་བཅུ་སྐྱེ་བཞི་བསྒྱུར། །བཙུན་མོ་ཡུམ་བཞིས་རྒྱལ་མཉེས་འབུལ། །དམག་དཔོན་ཚུལ་དགུས་དཔུང་ལང་འཇོམས། །ཁྱིམ་བདག་ཚད་མེད་ཆབ་སྲིད་འཛིན། །གླང་པོ་སྟོབས་བཅུས་བདག་གཞན་དོན། །རྟ་མཆོག་རྐང་བཞིས་བགྲོད་པར་སླེབ། །ཡིད་བཞིན་རྣམ་བཞིས་རེ་འདོད་སྐོང་། །དེ་ལ་འཁོར་ལོའི་དབང་བཅུ་ནི། །སྐྱེ་བཞི་སྐུར་སྟོན་སྐྱེ་ཤི་སྐྱོལ་མཛད་པ། །ལྷ་མི་སྡིག་སྦྲུལ་སྒུལ་ཡང་འདུག་སྐྱེ་བ་བཞི་རུ་བསྟན། །ཡོ་བྱད་སྲིད་པའི་འདོད་ཡོན་ལྔ་དང་ནི། །རྟོག་པ་གཞོམ་ཕྱིར་སྨན་ལྔ་དང་ལེན་རོལ། །ཇི་ལྟར་འདོད་བཞིན་ཚུལ་དགུའི་གཟུགས་སྟོན་པ། །གར་དབང་ཐབས་ཀྱི་ཚུལ་དགུས་རོལ་པ་མཛད། །རྫུ་འཕྲུལ་བ་སྤུའི་དབྱིངས་ནས་ཕྲ་ ― DNG008_Page_0347 ―
[མ་དཔེ་གཟིགས་ན་འདིར་གནོན།]
མེན་འཕྲོ། །ལུས་ནི་ཅིར་བརྫུ་སེམས་ནི་ཆོ་འཕྲུལ་སྟོན། །གད་རྒྱངས་གདངས་ངར་སྣ་ཚོགས་ཕྱོགས་བཅུར་སྒྲོགས། །མཆེ་བས་ཟིལ་གནོན་ཐ་དད་ཆོས་རྣམས་སྟོན། །ཤེས་རབ་ཐབས་ལྡན་སྤྱན་གཉིས་དབུ་མའི་ངང་། །དབྱིངས་ལས་མི་གཡོ་ཅི་ཡང་ས་ལེར་མཁྱེན། །སེམས་ཀྱི་བྱེ་བྲག་ཏིང་འཛིན་ས་ཡ་འཕྲོ། །བསམ་གྱིས་མི་ཁྱབ་བཞི་ལ་རོལ་པར་མཛད། །རྡོ་རྗེའི་སྡེར་མོ་པགས་པ་སྤུ་ཕྲེང་རྒྱན། །འཁོར་བ་ཇི་སྲིད་བཞུགས་པའི་ཚེ་ལ་དབང་། །ལྟ་བ་རྣམ་བཞིའི་སྤྱན་ཟུར་གྱིས་བསྐུལ་བས། །ཕྲ་མེན་བཞི་འཕྲོ་ཕྱོགས་བཞིར་ལས་བཞི་མཛད། །སྨོན་ལམ་དབང་གི་དྲག་པོའི་སྐུར་སྟོན་ཞིང་། །དུས་མཐའི་བསྐལ་པ་བཞིན་དུ་བཤོལ་དུ་མེད། །དེ་ལ་བཙུན་མོ་རིན་ཆེན་ཡུམ་བཞི་ནི། །མ་ཆགས་རྡོ་རྗེའི་གཟུགས་ཀྱི་ཡུམ་གྱིས་འཁྱུད། །ཞི་གནས་ཏིང་འཛིན་མི་གཡོ་ཡུམ་གྱིས་སྦྱོར། །ཐོགས་མེད་ཤུགས་འཆང་དོན་གྲུབ་ཡུམ་གྱིས་བསྐྱོད། །ལྷག་མཐོང་ཡེ་ཤེས་ཡུམ་གྱིས་གཉིས་མེད་འབེབས། །འབྱུང་བ་བཞི་པོ་རྡོ་རྗེའི་ལྷ་མོ་དེས། །བདེ་བ་ཆེན་པོའི་སྐུ་ལ་མཉེས་པ་འབུལ། །དེ་ལ་དམག་དཔོན་རིན་ཆེན་ཚུལ་དགུ་ནི། །ནང་དང་ཕྱི་ཡི་ཚུལ་གཉིས་ནི། །སྒེག་པས་འགྲོ་བ་ཤེས་རབ་བསྐྱེད་པའི་ཚུལ། །ཉམ་ང་མེད་པས་མཛད་སྤྱོད་དཔའ་བོའི་ཚུལ། །གདུག་རྩུབ་རྔམས་པས་བརྒྱན་པས་འཇིགས་པའི་ཚུལ། །ལོག་པར་ལྟ་བ་ཞེ་གཅོད་གཤེ་བའི་ཚུལ། །རྨད་དུ་བྱུང་བའི་ཆོས་སྒྲོགས་བཞད་པའི་ཚུལ། །ཤིན་ཏུ་གདུལ་དཀའ་ཁྲོ་བོའི་སྙིང་རྗེའི་ཚུལ། །སྨོན་ལམ་དབང་གིས་མི་བཤོལ་རྔམས་པའི་ཚུལ། །ཉོན་མོངས་གྲུབ་པའི་རྒྱུར་མཛད་ངོ་མཚར་ཚུལ། །ཁྲོ་དྲག་དབྱིངས་ནས་མི་གཡོ་ཞི་བའི་ཚུལ། །དེ་ལ་ཕྱི་ཚུལ་གར་དགུ་ནི། །སྒེག་པ་དཔའ་བ་འཇིགས་པའི་སྐུ། །རྒོད་དང་གཤེ་དང་རྔམས་པ་གསུམ། །ངོ་མཚར་སྙིང་རྗེ་ཞི་བའི་ཐུགས། །དབང་ཕྱུག་འདོད་ཆགས་ཉམས་ཅན་བཅོམ་པས་སྒེག །ལྷ་མིན་བ་སུ་ཀ་ར་བསད་པས་དཔའ་བོར་མཛད། །ཁྱབ་འཇུག་སེང་གེ་ཕག་གདོང་སྦྲུལ་བཏུལ་འཇིགས། །གཞོན་ནུ་སྨིན་དྲུག་རྟ་སྐད་དྲག་པོར་དགོད་པས་བཏུལ། །ཚོགས་བདག་གླང་སྣ་གཤེ་བའི་གདུལ་བྱ་བཏུལ། །སྒྲ་གཅན་རཱ་ཧུས་ཉི་ཟླ་ཁར་ནི་མིད་ ― DNG008_Page_0348 ―
[མ་དཔེ་གཟིགས་ན་འདིར་གནོན།]
པས་རྔམས། །ཀླུ་ཆེན་བེ་ཤྭ་རཱ་ཙས་འགྲེ་ལྡོག་ས་གཡོས་ངོ་ཡང་མཚར། །བརྒྱ་བྱིན་རང་གི་འཁོར་རྣམས་སྐྱོང་མཛད་སྙིང་རྗེའི་ཚུལ། །མེ་ལྷས་འཇིག་རྟེན་བསྲེག་མཛད་སྟོང་པས་ཞི། །ཁྱིམ་བདག་རིན་པོ་ཆེ་ཡི་ཚད་མེད་རྣམ་བཞི་ནི། །ཁྲོ་གཏུམ་ཚད་མེད་བྱམས་པར་སྣང་། །གསོད་ཆེན་སྙིང་རྗེའི་མཚན་ཉིད་དེ། །བསྒྲལ་ཞིང་བསྟབ་པས་དགའ་བའི་མཆོག །ཡལ་བར་མི་འདོར་བཏང་སྙོམས་སོ། །གླང་པོ་རིན་ཆེན་སྟོབས་བཅུ་ནི། །ཐུགས་རྗེའི་སྟོབས་ནི་དྲེགས་ཆེན་སྤྱི་ནས་གནོན། །ཆོས་ཉིད་སྟོབས་ནི་མི་དམིགས་ནམ་མཁའི་མདོག །མི་འབྱེད་སྤྱོད་པའི་སྟོབས་ནི་གླང་པོའི་རྫས་ལ་རོལ། །གྲུབ་པའི་སྟོབས་ནི་བདུད་རྩིའི་དངོས་གྲུབ་རྒྱུ། །མ་སྤངས་སྟོབས་ནི་རྡོས་བཅས་སྐུ་ལ་བརྒྱན། །མ་གཡོས་སྟོབས་ནི་དོན་མཐུན་གྲོལ་བའི་བརྒྱན། །སྨོན་ལམ་སྟོབས་ནི་བསྐལ་པར་གཡོ་སྒྲོལ་མཛད། །སྤྲུལ་པའི་སྟོབས་ནི་མགོ་བརྙན་ཕྲ་མེན་འཕྲོ། །ཕྲག་དོག་འཁོར་བར་ལོག་པར་གཅིག་མི་གཏོང་། །འདོད་ཆགས་ཕྲག་དོག་ཡུལ་ཆགས་སྤྱན་དམར་ཟློག །རྟ་མཆོག་རིན་ཆེན་རྫུ་འཕྲུལ་རྐང་བཞི་ནི། །ཆོས་ཉིད་རྫུ་འཕྲུལ་མེད་བཞིན་ཅིར་སྣང་བ། །མཁའ་ལ་འཇའ་ཚོན་བཞིན་དུ་རྣམ་པར་བཀྲ། །ཡེ་ཤེས་རྫུ་འཕྲུལ་ཆོས་ཀྱི་དབྱིངས་རྟོགས་པ། །མཁའ་ལ་ཉི་ཤར་འདྲ་སྟེ་གསལ་ལ་སྟོང་། །ཚོགས་གཉིས་རྫོགས་པའི་རྫུ་འཕྲུལ་བྱེ་བྲག་ནི། །མཁའ་དང་མཉམ་པའི་སྤྲིན་ཕུང་བཞིན་དུ་གདལ། །སྤྲུལ་པའི་བྱེ་བྲག་འཕྲོ་བའི་རྫུ་འཕྲུལ་ནི། །རོ་གཅིག་ཆར་འབབ་སྣོད་ཀྱི་བྱེ་བྲག་ཕྱེ། །དེ་ལ་ནོར་བུ་རིན་ཆེན་རང་བཞིན་ནི། །འགྲོ་རྣམས་ཇི་ལྟར་འདུལ་བཞིན་རེ་འདོད་སྐོང་། །མི་ཟད་བདག་མེད་གཏེར་ཆེན་ནམ་མཁའི་མཛོད། །སྲིད་གསུམ་མུན་ནག་སེལ་བའི་ཡེ་ཤེས་སྒྲོན། །དུས་གསུམ་རྒྱུན་མི་འཆད་པ་རིན་ཆེན་འཕྲེང་། །ཞེས་གསུངས་སོ། །ཁྲོ་བོ་ལྷ་རྒྱུད་ཆེན་པོ་ལས། ཁྲོ་བོའི་རྟགས་བསྟན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཁྲག་འཐུང་རྣམས་གདུལ་བྱ་ལ་སྣང་བ་བསྒྲུབ་ཅིང་མཆོད་པའི་ཐབས་འདི་གསུངས་སོ། །བསྙེན་པ་རིགས་ལྔ་ཁྲག་འཐུང་སྔགས། །ཉེ་བསྙེན་ཡུམ་གྱི་སྔགས་ཡིན་ལ། །སྒྲུབ་པ་ལྷ་མོ་ཉི་ཤུའི་ ― DNG008_Page_0349 ―
[མ་དཔེ་གཟིགས་ན་འདིར་གནོན།]
སྔགས། །སྒྲུབ་ཆེན་དབང་མོ་ཉེར་བརྒྱད་ཡིན། །ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཧཱུཾ་ཕཊ། སྤྱིར་བསྒྲུབ་ན་ནི་དྲིལ་བ་འམ། །སྒོས་སུ་སོ་སོར་བཟླས་པ་སྟེ། །རེ་རེ་ལ་ནི་འབུམ་འབུམ་དང་། །བྱེ་བ་ས་ཡ་སོགས་པར་བཟླ། །ཨོཾ་སརྦ་ཏ་ཐཱ་ག་ཏ་མ་ཧཱ་ཀྲོ་དྷཱི་ཤྭ་རཱི་སརྦ་དུཥྚན་ཧཱུཾ་ཕཊ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་མ་ཧཱ་སཱུརྱ་རཏྣ་མ་ཧཱ་ཀྲོ་དྷཱི་ཤྭ་རཱི་བིད་མ་ཧཱུཾ་ཕཊ། ཨོཾ་ཧྲི་ཤྲུ་ཏ་ས་མ་ཧཱ་པདྨ་མ་ཧཱ་ཀྲོ་དྷཱི་ཤྭ་རཱི་ཁཱ་ཧི་ཧཱུཾ་ཕཊ། ཨོཾ་སརྦ་ཨ་མོ་གྷ་མ་ཧཱ་ཀྲོ་དྷཱི་ཤྭ་རཱི་བི་ཤྭ་ཧཱུཾ་ཕཊ། །ཉེ་བསྙེན་འབུམ་དང་བྱེ་བ་སོགས། །སྤྱིའམ་སྒོས་སུ་གང་བཟླས་པ། །ཁྲོ་མོ་ཡུམ་གྱི་དངོས་གྲུབ་རྣམས། །སྒྲུབ་པ་པོ་ལ་སྟེར་བར་འགྱུར། །ཨོཾ་བཛྲ་གཽ་རི་ཧཱ། བཛྲ་ཙཽ་རི་ཧཱ། བཛྲ་པྲ་མོ་ཧེ་ཧཱ། བཛྲ་བེ་ཏཱ་ལཱི་ཧཱ། བཛྲ་ཙཎྜ་ལཱི་ཧཱ། བཛྲ་པུཀྐ་སི་ཧཱ། བཛྲ་གྷསྨ་རི་ཧཱ། བཛྲ་སྨ་ཤ་ནི་ཧཱ། བཛྲ་སིདྷ་མུ་ཁཱི་ཧེ། བཛྲ་བྱཱ་གྷྲྀ་མུ་ཁཱི་ཧེ། བཛྲ་སྲྀ་ལ་མུ་ཁཱི་ཧེ། བཛྲ་ཤྭ་ན་མུ་ཁཱི་ཧེ། བཛྲ་གྲྀ་ཌྷ་མུ་ཁཱི་ཧེ། བཛྲ་ཀངྈ་མུ་ཁཱི་ཧེ། བཛྲ་ཀཱ་ཀ་མུ་ཁཱི་ཧེ། བཛྲ་ཨུ་ལཱུ་ཀ་མུ་ཁཱི་ཧེ། བཛྲ་ཨཱརྱ་ཏེ་ཛ་ཏང་ཛ། བཛྲ་ཨ་མུ་ཁེ་ཧཱུཾ། བཛྲ་ལོ་ཀ་བཾ། བཛྲ་བྷསྨི་པ་ལ་ཡ་བ་ཏུ་ཧོ། གནས་དང་ཡུལ་གྱི་མ་མོ་དང་། །སྒོ་བཞི་ལྷ་མོ་ཉི་ཤུ་ལ། །གནས་ཡུལ་དུར་ཁྲོད་ཚནྡྷོ་ཞིང་། །ཀུན་ནས་དངོས་གྲུབ་སྟེར་བས་བསྒྲུབ། །མ་ནུ་རཀྵ་སཱི་བྷྱོ། བྲཧྨ་ཎཱི་བྷྱོ། རོའུ་ཏྲཱི་བྷྱོ། བཻཥྞ་བཻ་བྷྱོ། ཀོའུ་མཱ་རཱི་བྷྱོ། ཨིནྡྲ་ཎཱི་བྷྱོ། པིངྒ་ལཱི་བྷྱོ། ཨ་མྲྀ་ཧཾ་བྷྱོ། སོའུ་མྱ་བྷྱོ། དཎྜ་དི་བྷྱོ། རཀྵ་སཱི་བྷྱོ། བྷ་ཀྵ་སཱི་བྷྱོ། ར་ཏི་བཛྲ་བྷྱོ། རུ་དྷི་ར་མཏྟ་བྷྱོ། ཨེ་ཀ་ཙ་ར་ཎཱི་བྷྱོ། མ་ནོ་ཧཱ་རཾ་བྷྱོ། སིདྡྷི་ཀ་བྷྱོ། བཱ་ཡ་བཱི་བྷྱོ། མ་ཧཱ་མ་ར་ཎ་བྷྱོ། ཨག་ན་ཡེ་བྷྱོ། བ་ར་ཧཱི་བྷྱོ། ཙ་མུཎྜཱི་བྷྱོ། སུ་ཏ་ན་བྷྱོ། བ་རུ་ཎཱི་བྷྱོ། མ་ཧཱ་ཀཱ་ལཱི་བྷྱོ། ཙ་ཀཱ་ལཱི་བྷྱོ། ཀུམ་བྷ་ཀཪྞ་བྷྱོ། ལཾ་བོ་ད་ར་བྷྱོ། ཞི་དང་རྒྱས་དང་དབང་དང་དྲག །ལས་རྣམས་མ་ལུས་ཀུན་བྱེད་པས། །སྒྲུབ་པ་ཆེན་པོ་བྱ་བ་ནི། །ལས་རྣམས་མ་ལུས་བྱེད་པ་ཡིན། །དེ་ནས་ཁྲག་ ― DNG008_Page_0350 ―
[མ་དཔེ་གཟིགས་ན་འདིར་གནོན།]
འཐུང་ལྷ་རྣམས་ལ། །འཛབ་བསྟོད་བྱ་བ་འདི་གསུངས་སོ། །འགྲོ་རྣམས་ཇི་ལྟར་འདུལ་ཞིང་གཤེགས་མཛད་པ། །ཤེས་རབ་ནམ་མཁའི་བསྐལ་པས་རྒས་རྒུད་སྟོངས། །གཏི་མུག་ཚུལ་གྱིས་གཏི་མུག་འཇོམས་མཛད་པའི། །གཏི་མུག་རྡོ་རྗེ་བུཌྜྷ་ཧེ་རུ་ཀ །ཡེ་ཤེས་རྡོ་རྗེས་ཉོན་མོངས་འཁོར་བ་འཇོམས། །ཐབས་འཛིན་མཚོན་ཆའི་བསྐལ་པས་དངོས་པོ་འཇིག །ཞེ་སྡང་ཚུལ་གྱིས་ཞེ་སྡང་འཇོམས་མཛད་པ། །ཞེ་སྡང་རྡོ་རྗེ་བཛྲ་ཧེ་རུ་ཀ །རིན་ཆེན་དབྱིག་ལྟར་རེ་བ་ཀུན་སྐོང་ཞིང་། །བདག་མེད་ཞི་གནས་ཆུ་ཡི་བསྐལ་པས་འཁྲུ། །ང་རྒྱལ་ཚུལ་གྱིས་ང་རྒྱལ་འཇོམས་མཛད་པ། །ང་རྒྱལ་རྡོ་རྗེ་རཏྣ་ཧེ་རུ་ཀ །འཁོར་བའི་འདམ་དུ་པད་ལྟར་སྐུ་འཁྲུངས་ཀྱང་། །ལྷག་མཐོང་མེ་ཆེན་བསྐལ་པས་ཐམས་ཅད་བསྲེག །འདོད་ཆགས་ཚུལ་གྱིས་འདོད་ཆགས་འཇོམས་མཛད་པ། །འདོད་ཆགས་རྡོ་རྗེ་པདྨ་ཧེ་རུ་ཀ །ཕྲིན་ལས་རྒྱ་མཚོས་འགྲོ་བའི་དོན་མཛད་ཅིང་། །ཤེས་རབ་ཐོགས་མེད་བསྐལ་པའི་རླུང་གིས་བསྐྱོད། །ཕྲག་དོག་ཚུལ་གྱིས་ཕྲག་དོག་འཇོམས་མཛད་པ། །ཕྲག་དོག་རྡོ་རྗེ་ཀརྨ་ཧེ་རུ་ཀ །སྐུ་ཡི་ལོངས་སྤྱོད་སྣ་ཚོགས་མི་དམིགས་ཤིང་། །ཤེས་རབ་མཐར་ཕྱིན་གཏི་མུག་རྣམ་པར་དག །ཕྱག་རྒྱ་གཟུགས་ཀྱི་མཆོད་པས་མཉེས་མཛད་མ། །ཆོས་དབྱིངས་ནམ་མཁའི་རང་བཞིན་ཁྲོ་བོའི་རྒྱལ། །ཐུགས་ཀྱི་ལོངས་སྤྱོད་སྣ་ཚོགས་མི་དམིགས་ཤིང་། །བརྩོན་འགྲུས་མཐར་ཕྱིན་ཞེ་སྡང་རྣམ་པར་དག །རྟོགས་པ་རེག་བྱའི་མཆོད་པས་མཉེས་མཛད་མ། །སྲ་བརྟན་རྡོ་རྗེ་དབང་བསྒྱུར་ཁྲོ་མོའི་རྒྱལ། །གསུང་གི་ལོངས་སྤྱོད་སྣ་ཚོགས་མི་དམིགས་ཤིང་། །ཚུལ་ཁྲིམས་མཐར་ཕྱིན་འདོད་ཆགས་རྣམ་པར་དག །གསུང་རབ་སྒྲ་ཡི་མཆོད་པས་མཉེས་མཛད་མ། །ལྷག་མཐོང་ཡེ་ཤེས་དབང་བསྒྱུར་ཁྲོ་མོའི་རྒྱལ། །ཡོན་ཏན་ལོངས་སྤྱོད་སྣ་ཚོགས་མི་དམིགས་ཤིང་། །སྦྱིན་པ་མཐར་ཕྱིན་ང་རྒྱལ་རྣམ་པར་དག །ཏིང་འཛིན་རོ་མཆོག་མཆོད་པས་མཉེས་མཛད་ཅིང་། །བདག་མེད་ཞི་གནས་དབང་བསྒྱུར་ཁྲོ་མོའི་རྒྱལ། །ཕྲིན་ལས་ལོངས་སྤྱོད་སྣ་ཚོགས་མི་དམིགས་ཤིང་། །བཟོད་པ་མཐར་ཕྱིན་ཕྲག་དོག་རྣམ་པར་དག །ཚུལ་ཁྲིམས་དྲི་ཡི་ ― DNG008_Page_0351 ―
[མ་དཔེ་གཟིགས་ན་འདིར་གནོན།]
མཆོད་པས་མཉེས་མཛད་མ། །ཐོགས་མེད་ལས་ལ་དབང་བསྒྱུར་ཁྲོ་མོའི་རྒྱལ། །ཐུགས་མཆོག་རྣམ་དག་ཡེ་ཤེས་དཀར་མོའི་ཚོགས། །འགུགས་བྱེད་ཡེ་ཤེས་ལྔ་ཡི་དབྱིག་པ་ཅན། །དྲན་པས་རྒྱུད་ལྔ་སྒྲོལ་མཛད་ཞི་བར་གཟིགས། །སྲིད་གསུམ་འཇོམས་མཛད་དབྱིག་ཐོགས་གཽ་རི་མ། །སྐུ་ཡི་ཡོན་ཏན་ཚོགས་སྡུད་རྐུན་མོའི་ཚོགས། །མཐུ་འཕྲོག་ཞི་གནས་ལྷག་མཐོང་ཟུང་དུ་འདྲེལ། །བདེན་གཉིས་བལྟ་བས་ཁྲོ་ཚུལ་འགྲོ་ལ་གཟིགས། །དམ་ཚིག་དབྱིངས་མཆོག་སྐུལ་བྱེད་ཙཽ་རཱི་མ། །གསུང་གིས་ཐམས་ཅད་ཟིལ་གནོན་རློངས་མོའི་ཚོགས། །དབང་མཛད་མཐའ་གཉིས་མི་གཏོང་ཆུ་སྲིན་ཅན། །མི་གནས་རྒྱལ་མཚན་འཛིན་ཅིང་མྱོས་པར་བལྟ། །སྟོང་གསུམ་དབང་མཛད་རྒྱལ་བྱེད་པྲ་མོ་ཧཱ། །ཐལ་བར་བྱེད་པས་ཐལ་བྱེད་མ་ཡི་ཚོགས། །ཀུན་གྱིས་ལས་སྒྲུབ་རྡོ་རྗེ་རྩེ་དགུ་འཛིན། །ས་དགུའི་རྟོག་འཇོམས་ཤི་བ་སློང་བར་གཟིགས། །འཇིག་རྟེན་ཐལ་བྱེད་རྔེའུ་ཐོགས་བེ་ཏཱ་ལཱི། །འབྱེད་མེད་ཤེས་རབ་མི་རྟོག་སྤོས་མོའི་ཚོགས། །འཁོར་བའི་རྒྱུད་འཛིན་འཆིང་ཞིང་དབང་འདྲེན་ལས། །ཁྲོ་གང་གཟིགས་ཚུལ་རྒྱུན་གྱི་ཐུགས་རྗེས་སྒྲོལ། །བདེ་ཆེན་དབྱིངས་སུ་འདྲེན་མཛད་པུཀྐ་སཱི། །ཞེ་སྡང་ཚུལ་གྱིས་སྒྲོལ་མཛད་གཏུམ་མོའི་ཚོགས། །མྱོས་བྱེད་དབྱིངས་དང་ཡེ་ཤེས་གཉིས་མེད་ལས། །ཐུགས་རྗེས་དཀྲུག་ཅིང་རོ་ཟའི་ཚུལ་དུ་གཟིགས། །ཕྱོག་བཅུར་དཀྲུགས་ནས་གསོལ་མཛོད་གྷསྨ་རཱི། །ཆགས་པའི་ཚུལ་གྱིས་དོན་མཛད་སྨེ་ཤ་ཅན། །མ་ནིང་རྒྱུད་འཕེལ་གཟུང་འཛིན་བྲལ་བའི་རྟགས། །མཐའ་གཉིས་མ་སྤངས་རྣམ་པར་གཡེངས་ཚུལ་གཟིགས། །འབར་མེ་སྟོང་གསུམ་སྟོབ་བྱེད་ཙཎྜ་ལཱི། །ཐམས་ཅད་འབྱུང་བའི་ཡུམ་གྱུར་མ་ཚོགས་མ། །ཀུན་གྱི་ལས་མཛད་ཆོས་སྐུའི་སྙིང་པོ་འཛིན། །ཀུན་ལ་རོལ་པས་འཇིགས་ཚུལ་ཀུན་དང་ལྡན། །ཐུགས་རྗེས་འཇིག་རྟེན་སྒྲོལ་མཛད་སྨ་ཤ་ནཱི། །འཇོམས་བྱེད་རྩལ་མཆོག་རྡོ་རྗེ་ཐུགས་ཀྱི་ཡུམ། །གཉེན་པོའི་སྟོབས་ཀྱིས་ཐམས་ཅད་ཟིལ་གྱིས་གནོན། །ཤེས་རབ་ཐབས་ལྡན་སྐུ་གསུམ་བདག་གཞན་དོན། །སྡུག་བསྔལ་ཞེ་སྡང་གསོད་བྱེད་སིདྷ་མ། །དཔའ་བརྟུལ་ཟ་བྱེད་ཡེ་ཤེས་ཐུགས་རྗེའི་ལས། །བརྩོན་འགྲུས་ ― DNG008_Page_0352 ―
[མ་དཔེ་གཟིགས་ན་འདིར་གནོན།]
མྱུར་བའི་ཤུགས་འཆང་འགྲོ་དོན་མཛད། །ཐུགས་རྗེ་རྩེ་གཅིག་ཡེ་ཤེས་སོ་སོར་གཟིགས། །ང་རྒྱལ་འཆི་བདག་འཇིགས་བྱེད་བྱཱ་གྷྲ་མ། །འཇོམས་བྱེད་དམ་ཚིག་རྣམ་དག་གསུང་གི་ཡུམ། །ཐབས་མཁས་སྤྱོད་པས་བདག་དང་གཞན་དོན་མཛད། །དོན་གྱི་ཆོས་སྐུ་ཏིང་འཛིན་ལྗགས་ལ་བསྟར། །འདོད་ཆགས་དུར་ཁྲོད་བགེགས་འཇོམས་སྲི་གཱ་ལ། །མི་འབྱེད་སྤྱོད་པས་ལས་མཆོག་རིགས་ཀྱི་ཡུམ། །གཡེངས་པའི་ཕྲིན་ལས་འགྲོ་ལ་ཐུགས་རྗེས་བསྲུང་། །ཆོས་ཉིད་སྐུ་ལ་ཡེ་ཤེས་སྤྱན་གྱིས་གཟིགས། །ཕྲག་དོག་ཀུན་ལས་མཛད་པར་ཤྭ་ན་མ། །ཡིད་ཀྱིས་ཡེ་ཤེས་སོ་སོར་ཀུན་ལ་རྟོགས། །རྣམ་ཤེས་གསད་མཛད་དགོངས་འདྲེལ་ཚུལ་ཁྲིམས་བསྲུང་། །འཁོར་བའི་རྒྱུད་འཛིན་རྒྱུན་གཅོད་སྤུ་གྲི་འཛིན། །མགྱོགས་མས་སྙོགས་བྱེད་ཁྲག་འཐུང་གྲྀ་ཌྷ་མ། །རྣམ་ཤེས་མཉམ་ཉིད་ཡིད་འཕྲོག་མཚན་མ་འཇོམས། །བསད་པའི་གོད་རྣམས་སྦྱིན་པའི་ཕ་རོལ་ཕྱིན། །མཐའ་འདས་ཆོས་སྐུས་གཟུང་འཛིན་སྤང་ཚུལ་འཛིན། །འགྲོ་བའི་སྡུག་བསྔལ་ཚེ་འཕྲོག་ཀངྈ་མ། །བསླད་པས་མི་འགྱུར་བཀྲུས་པས་མི་འདག་པས། །མི་འགྱུར་གཉེན་པོས་མི་ཤིགས་བཟོད་པའི་མཆོག །ཆོས་སྐུ་ཐུགས་སུ་ཚུད་ཕྱིར་ཞལ་ན་ཐོགས། །ཡོན་ཏན་ཡིད་བཞིན་བདག་ཉིད་ཀཱ་ཀ་མ། །དབྱིངས་ལས་མི་རྟོག་འགྲོ་ལ་ཐུགས་རྗེས་གཟིགས། །གཉིས་ལ་མི་གནས་ཤེས་རབ་ཕ་རོལ་ཕྱིན། །དབྱིངས་ཀྱི་ཐུགས་རྗེས་ཕྲིན་ལས་འདུས་མ་བྱས། །མཐའ་གཉིས་སྤང་བའི་རྔམ་ཚུལ་ཨུ་ལཱུ་ཀ །བཅུ་དྲུག་ཞག་གིས་ཟླ་བའི་དཀྱིལ་འཁོར་རྫོགས། །དཔལ་ཆེན་བཅུ་དྲུག་ས་ལ་ལྷུན་གྱིས་གྲུབ། །བསོད་ནམས་ཡེ་ཤེས་ཚོགས་ཆེན་རྫོགས་པའི་སྐུ། །ཐོག་མཐའ་མེད་ཅིང་ཡོན་ཏན་བཟླས་པ་མེད། །སྦྱིན་པས་རིག་པའི་ཀླུང་དུ་མཚོ་དྲངས་ལྟར། །འཁོར་བའི་འཇིང་ནས་ཐུགས་རྗེའི་ལྕགས་ཀྱུས་འདྲེན། །དཔའ་བར་འགྲོ་བའི་ཏིང་འཛིན་འགྲོ་དོན་མཛད། །ཐུགས་རྗེ་ཤར་མཛད་རྟ་གདོང་ལྕགས་ཀྱུ་མ། །དོན་དང་མཐུན་པས་ཀུན་ཀྱང་དགའ་བར་མཛད། །བྱམས་པའི་ཞགས་པས་འཁོར་བའི་རྒྱུད་འཛིན་ཅིང་། །རིན་ཆེན་ཕྱག་རྒྱས་སེམས་ཅན་དགོས་འདོད་སྐོང་། །ཡོན་ཏན་ཚོགས་རྫོགས་ཕག་གདོང་ཞགས་ ― DNG008_Page_0353 ―
[མ་དཔེ་གཟིགས་ན་འདིར་གནོན།]
པ་མ། །གཞན་གྱི་དོན་དུ་སྤྱད་པས་བདག་གི་དོན། །ཤེས་རབ་སྒྲོན་མས་དུག་ལྔའི་མུན་པ་སེལ། །དོན་གཉིས་མི་འདའ་ལྷུན་གྲུབ་དགའ་བའི་མཆོག །ཀུན་མཁྱེན་མ་རིག་ནུབ་མཛད་ཉི་ཟླའི་སྤྱན། །སྙན་པར་སྨྲ་བས་ཀུན་ཀྱང་བཀའ་བཞིན་བྱེད། །བཏང་སྙོམས་ཐབས་མཁས་ཐུགས་རྗེས་འགྲོ་དོན་མཛད། །ཕན་པས་རྣམ་ཤེས་ཐལ་བའི་གཟུགས་ཀྱང་འཚོ། །ཆོས་སྟོན་བག་ཆགས་བྱང་མཛད་དྲིལ་བུ་མ། །རྔམ་པའི་ཚུལ་གྱིས་སྲིན་མོའི་ཚུལ་འཛིན་ཅིང་། །ཐོད་རུས་གདུག་པའི་འབྲུ་མར་ཟས་སུ་ཟ། །སྲིད་པའི་སེམས་ཅན་སྙིང་ཁྲག་ཁྲག་མཚོ་གསོལ། །དབང་དྲག་ལས་མཛད་མ་ནུ་རཀྵ་སཱི། །སྡུག་བསྔལ་མྱ་ངན་འདས་རྟོགས་ཚངས་པའི་གཟུགས། །ཚད་མེད་བཞི་རྫོགས་དཔལ་གྱི་དབུ་བཞིར་ལྡན། །ཞལ་བཞིས་སྨྲང་འདོན་གླིང་བཞིར་བཀྲ་ཤིས་ལྡན། །གཏི་མུག་ཡིད་བཞིན་རིན་ཆེན་བྲཧྨ་ཎཱི། །ཐམས་ཅད་མཉམ་ཉིད་རྟོགས་པའི་རིགས་མཆོག་མ། །མ་རིག་དུག་གསུམ་འཇོམས་མཛད་དཔལ་རྩེ་བསྣམས། །བུད་མེད་ཆགས་ཚུལ་དབང་མཛད་དཀའ་ཟློག་མ། །ཆགས་པའི་སྐྱོན་བྲལ་ལྷ་ཆེན་རཽ་ཏྲི་མ། །ཐམས་ཅད་སྒྱུ་མ་བཞིན་དུ་རྟོགས་མཁྱེན་མ། །འདྲེལ་བའི་ཐུགས་རྗེས་འཇིག་རྟེན་གསུམ་ལ་རྟོགས། །ཕྲིན་ལས་རྒྱ་མཚོས་སྒྲོལ་བའི་བཞད་ཆེན་མ། །འཁོར་བའི་རྒྱུན་གཅོད་དྲག་པོ་བཻཥྞ་བཻ། །འདུ་བྱེད་མི་རྟག་དྲིལ་བུའི་སྒྲ་ལྟར་མཁྱེན། །རྟག་པར་གཞོན་ཚུལ་འཁོར་བ་ཇི་སྲིད་བཞུགས། །ཉོན་མོངས་ཐ་བ་འབིགས་པའི་མདུང་ཐུང་འཕེན། །གཞོན་ཚུལ་ཆགས་པས་དབང་མཛད་ཀོའུ་མཱ་རཱི། །རྡོ་རྗེའི་ལས་མཛད་ཀུན་གྱི་བླ་ན་མེད། །ལྷ་ཡི་རྒྱལ་སྲིད་ཚོགས་ལ་དབང་བསྒྱུར་ཞིང་། །མཆོད་སྦྱིན་ཕྱག་རྒྱས་མི་དམིགས་སྐུ་མདོག་དཀར། །གསོད་བྱེད་རྡོ་རྗེ་ལྕེ་འབེབས་ཨིན་དྲ་ཎཱི། །བྱམས་པའི་ཐུགས་རྗེས་དབང་མཛད་སྐུ་མདོག་དཀར། །བྷནྡྷ་བཅུད་ཡངས་སྣོད་ཀྱི་ཁྲག་མཚོ་ལ། །རྔམ་པའི་ཞལ་དུ་དུག་གསུམ་ཟ་བྱེད་མ། །སྡུག་བསྔལ་དབྱིངས་སུ་སྐོང་མཛད་པིང་ག་ལམ། །སེམས་ཅན་ཐམས་ཅད་འདུལ་ཐབས་མཆོག་ཏུ་མཁྱེན། །མུན་སེལ་སྒྲོན་འབར་བདུད་རྩིས་ནད་གསོ་མཛད། །འདམ་སྐྱེས་པད་ལྟར་འཁོར་བར་སྐུ་འཁྲུངས་ཀྱང་། །ཆགས་པའི་སྐྱོན་བྲལ་དབང་མཛད་ཨ་མྲྀ་ཏ། ། ― DNG008_Page_0354 ―
[མ་དཔེ་གཟིགས་ན་འདིར་གནོན།]
ཞི་བའི་ལས་ནི་བསོད་ནམས་ཀྱང་འདུག་གསོད་པའི་མཆོག་ཏུ་མཁྱེན། །ཟླ་ལྟར་ཡོན་ཏན་ཆ་ཤས་མཐར་ཕྱིན་སྐུ། །གདུང་བའི་ནད་སེལ་འཇིག་རྟེན་སྒྲོལ་མཛད་ཅིང་། །གད་ན་མཆོག་ཐམས་ཅད་སྟོབ་བྱེད་སོའུ་མྱ་ཡ། །དབྱིག་པས་འཆོག་པར་འདྲ་བར་གཞལ་མེད་མཁྱེན། །ཐབས་ཀྱིས་མ་རྨོངས་ལྗང་གུ་ཕྲིན་ལས་མདོག །ནན་དབང་དྲག་ཤུལ་ཅན་གྱི་དབྱུག་ཏོ་བསྣམས། །དྲེགས་བྱེད་སྤྱི་ནས་འཇོམས་མཛད་དཎྜ་དཾ། །ལོག་པར་ལྟ་བ་འཇིགས་བྱེད་སྤྱན་གྱི་མཆོག །སྐྱེ་བ་འཕྲོག་བྱེད་སྐྱེ་དགུའི་ཁྲག་མཚོ་གསོལ། །ལས་མཛད་ཆགས་ཚུལ་གསེར་གྱི་སྐེད་ཆིངས་ཅན། །དྲག་མོ་རྔམ་ཚུལ་གློག་འགྱུར་རཀྵ་སཱི། །ཕྲེང་བ་རྒྱན་གྱི་ནང་ན་མཆོག་ཏུ་མཛེས། །སྙིང་རྗེ་རྒྱུན་སྐུད་པ་སུའི་ཞགས་པ་ཡིས། །ཆགས་མེད་ཞིང་དུ་ཁམས་གསུམ་འདྲེན་མཛད་མ། །རྒྱུན་གྱི་ཐུགས་རྗེས་སྒྲོལ་མཛད་བྷཀྵ་སཱི། །འཚོག་པའི་དབྱིག་པས་ཚད་མ་མཆོག་ཏུ་མཁྱེན། ། གཏུམ་པོས་ཀྱང་འདུག་གཏུན་བུས་གདུག་པ་མ་ལུས་འཇོམས་མཛད་ཅིང་། །ཡོན་ཏན་མི་ཟད་ནོར་གྱི་གཏེར་འཛིན་མ། །སྟོང་གསུམ་ནོར་གྱིས་རྒྱས་མཛད་ར་ཏི་མ། །ར་རོ་འདྲ་བའི་དཔའ་བོ་གཞན་མེད་མཁྱེན། །ཆོས་རྣམས་གཉིས་མེད་དོན་རྟོགས་རྟག་ཏུ་མྱོས། །ཉོན་མོངས་ཐ་བ་རློག་པའི་གཤོལ་བསྣམས་ཤིང་། །དགེ་བའི་ལོ་ཐོག་བསྐྱེད་མཛད་རུ་དྷི་རེ་མཏྟཱ། །བརྟན་པས་གཞན་རྣམས་ཕམ་བྱེད་དཔའ་བའི་མཆོག །མ་ལུས་གསོད་བྱེད་ལས་ལ་འཇུག་བྱེད་ཅིང་། །བསྙེལ་བ་མི་མངའ་འགྲོ་དོན་གཅིག་ཏུ་སྤྱོད། །གསོད་བྱེད་འདྲལ་མཛད་ཨེ་ཀ་ཙ་རེ་ཎཱི། །བུད་མེད་ཚུལ་ཆགས་འགྲོ་བ་དབང་དུ་སྡུད། །ཐམས་ཅད་མ་ལུས་འགུགས་བྱེད་དགའ་བའི་ལས། །འདོད་ལྷའི་མདའ་འཕེན་སྲིད་གསུམ་ཡིད་འཕྲོག་ཅིང་། །ཐུགས་རྗེས་ཞེན་པའི་མ་ནོ་ཧ་ར་མ། །ཁྲག་ལས་ཟས་གཞན་མེད་པར་རྟོགས་མཁྱེན་ཞིང་། །གདོད་ནས་དབང་དུ་བསྒྱུར་བའི་རྦོད་གཏོང་ཅན། །མི་ཟད་གཏེར་ལྡན་ནོར་གྱི་བུམ་པ་འཛིན། །སྡུག་བསྔལ་རེ་སྐོང་མཐར་ཐུག་སིདྡྷི་ཀྵ། །རེག་བྱའི་སེམས་མ་རླུང་གི་ཁམས་ཏེ་མཆོག །སྲིད་གསུམ་དབུགས་ཀྱི་སྲོག་འབྱིན་ཚེ་འཕེལ་མ། །བདེ་གཤེགས་ལས་རྒྱུད་སེམས་ཅན་སྒྲོལ་མཛད་ཅིང་། །ཁམས་གསུམ་གནས་ནས་བསྐྱོད་མཛད་ཝཱ་ཡ་བཱི། །སྙིགས་མ་ལྔ་ལྡན་ལྔ་ ― DNG008_Page_0355 ―
[མ་དཔེ་གཟིགས་ན་འདིར་གནོན།]
བརྒྱའི་ཐ་མ་ལ། །སྲིད་གསུམ་འཁོར་བའི་སེམས་ཅན་གདུལ་དཀའ་བ། །བསང་བ་ཉི་ཚེའི་ལས་ཀྱིས་འདུལ་བར་མཁྱེན། །སྡུག་བསྔལ་དབྱིངས་སུ་སྒྲོལ་མཛད་མཱ་ར་ཎ། །གཟི་བརྗིད་ཅན་ནི་མེ་ཡི་ཁམས་ཀྱི་མཆོག །འབར་བའི་མཆོག་གིས་གདུག་པ་མ་ལུས་བསྲེག །ཟ་བྱེད་བསྐལ་པ་དུས་མཐའི་ཚུལ་སྟོན་པ། །ལྷག་མཐོང་ཡེ་ཤེས་འབར་འཕྲོ་ཨག་ན་ཡེ། །མཆེ་བ་དག་པས་སྐྱེ་ཤི་རྩད་གཅོད་ཞུགས། །ཉོན་མོངས་ཐ་བ་རློག་བྱེད་ཕག་གི་དབུ། །ལོག་པའི་ཕྱོགས་རྣམས་སྲིད་གསུམ་སྟོབས་ཀྱིས་སྔོར། །སྐྱེ་བཞི་རྩད་གཅོད་ཟ་བྱེད་ཝ་ར་ཧཱི། །འཆི་བདག་ཐམས་ཅད་གནས་ནས་མ་འཕོས་མཁྱེན། ། སྨོས་ཀྱང་འདུག་ཐམས་ཅད་གསོད་བྱེད་དམ་ཉམས་འཆི་བདག་མཛད། །དམ་ཚིག་བསྲུང་བའི་འཆི་བདག་བཟློག་མཛད་ཅིང་། །ལུང་གི་དུར་ཁྲོད་དབང་མཛད་ཙ་མུཎྜཱི། །འཇིགས་ལས་ལྷག་པའི་བགེགས་ནི་གཞན་མེད་མཁྱེན། །སྟོང་ཕྲག་བརྒྱད་ཅུའི་བགེགས་ལ་མངའ་མཛད་ཅིང་། །སྣ་ཆེན་གླང་སྣ་བདུད་རྩི་གི་ཧཾ་འཐོར། །སྡུག་བསྔལ་ནད་གསོ་མཛད་པའི་སུ་ཏ་ན། །ཆུ་ལས་ལྷག་པའི་རོ་ནི་གཞན་མེད་མཁྱེན། །ནོར་གྱི་ཚོགས་རྣམས་མ་ལུས་འཕྲོག་མཛད་ཅིང་། །གདུག་པ་འདུལ་ཕྱིར་དུག་སྡོང་སྦྲུལ་ཞགས་བསྣམས། །ཞི་གནས་ཏིང་འཛིན་དབང་སྡུད་པ་རུ་ཎཱི། །འགྲོ་བའི་དོན་མཛད་མི་འགྱུར་སྐུ་མདོག་ནག །སྲིད་གསུམ་འཇོམས་མཛད་ཏྲི་ཤཱུལ་གདེངས་པ་བསྣམས། །ཐུགས་རྗེས་ཤུགས་ཀྱིས་འདྲེན་མཛད་ལྕགས་ཀྱུ་བསྣམས། །འཁོར་བར་ཐུགས་རྗེ་ཤར་བའི་ཀཱ་ལི་མ། །ཆགས་པའི་སྐྱོན་གྱི་དོན་མཛད་ར་མགོ་མ། །བྱམས་པའི་ཞགས་པས་འཁོར་བའི་རྒྱུད་འཛིན་ཅིང་། །གང་ལ་ཅིས་འདུལ་དེ་ལ་དེར་སྟོན་པ། །ཡོན་ཏན་ཚོགས་ཀྱིས་རེ་སྐོང་ཙ་ཀ་ལཱི། །སྟོན་པའི་བཀའ་དང་རང་གི་དམ་བཅས་གཉིས། །མི་འདའ་མ་གྲུབ་བར་དུ་བརྟན་པར་བཞུགས། །དམ་ཚིག་སྒྲོག་གིས་སེམས་ཅན་སྒྲོལ་མཛད་ཅིང་། །མ་རིག་ནུབ་མཛད་ཀུམ་བྷ་ཀཪྞ་མོ། །སྐུ་གསུང་ཡོན་ཏན་ཕྲིན་ལས་མཐའ་ཡས་པས། སྟོང་པའི་སྒྲས་བསྐུལ་འགྲོ་བའི་རྒྱུད་ལ་འབེབས། །སོ་སོའི་སྐད་དུ་ཆོས་ཀྱི་སྒྲ་སྒྲོགས་ཤིང་། །བག་ཆགས་བྱང་མཛད་ལམ་བདོར་མ། །ཞེས་གསུངས་སོ། ། ― DNG008_Page_0356 ―
[མ་དཔེ་གཟིགས་ན་འདིར་གནོན།]
ཁྲོ་བོ་ལྷ་རྒྱུད་ཆེན་པོ་ལས། ཁྲོ་བོའི་ལྷ་རྒྱུད་བསྟན་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་རིགས་ལྔའི་ཁྲག་འཐུང་གི་ཚོགས་ཀྱིས་མཐར་ཕྱིན་པའི་འབྲས་བུའི་ཁྲོ་བོ་འདི་གསུངས་སོ། །སྤྱིར་ན་ཐེག་པ་བསམ་ཡས་པ། །རང་རང་འབྲས་བུ་སྐུ་གསུམ་ཡིན། །དེ་ཡང་མི་འདྲ་བསམ་ཡས་རྣམས། །སྐུ་གསུམ་སོ་སོའི་ཁྱད་པར་ཡིན། །ཉན་ཐོས་རྣམས་ལ་སྣང་བ་ཡང་། །ཞི་བ་མྱང་འདས་ཆོས་ཀྱི་སྐུ། །ཤཱཀ་ཐུབ་ལོངས་སྤྱོད་ཆོས་དབང་ཕྱུག །ཉན་ཐོས་སྤྲུལ་སྐུ་བྱམས་པ་ཉིད། །རང་རྒྱལ་རྣམས་ལ་སྣང་བ་ཡང་། །ཆོས་སྐུ་ཞི་བ་མྱ་ངན་འདས། །ཆོས་ཀྱི་དབང་ཕྱུག་ལོངས་སྐུ་ཡིན། །རྫུ་འཕྲུལ་ཡ་ཟུང་དོན་བྱེད་སྤྲུལ། །བྱང་ཆུབ་སེམས་དཔའི་ཐེག་པ་ནི། །དོན་དམ་ཀུན་འོད་ཆོས་ཀྱི་སྐུ། །ཡེ་ཤེས་ལོངས་སྤྱོད་སྣང་མཛད་སྐུ། །ཤཱཀྱ་ཐུབ་པ་སྤྲུལ་པའི་སྐུ། །བྱ་བ་རྒྱུད་ཀྱི་འབྲས་བུ་ནི། །དག་པ་ཆོས་ཉིད་མངོན་བྱང་སྐུ། །རིགས་གསུམ་ལོངས་སྤྱོད་རྫོགས་པའི་སྐུ། །ཞིང་ཁམས་ཐ་དད་དོན་བྱེད་སྤྲུལ། །སྤྱོད་པའི་རྒྱུད་ལ་སྣང་བ་ཡང་། །འོད་གསལ་མངོན་བྱས་རྡོར་འཆང་ཆོས། །རིགས་བཞི་རྡོ་རྗེ་འཛིན་ལོངས་སྤྱོད། །ཞིང་ཁམས་ཐ་དད་དོན་མཛད་དོ། །རྣལ་འབྱོར་རྒྱུད་ལ་སྣང་བ་ཡང་། །ཆོས་སྐུ་དབྱིངས་དག་སྟུག་པོ་བཀོད། །རྣམ་སྣང་རྡོར་དབྱིངས་ཡུམ་བཅས་སྐུ། །སྤྲུལ་སྐུས་ཞིང་ཁམས་ཀུན་དོན་བྱེད། །རྣལ་འབྱོར་ཆེན་པོ་ནང་པ་ནི། །རང་བྱུང་འོད་གསལ་ཆོས་ཀྱི་སྐུ། །རྒྱལ་དྲུག་ཡུམ་དང་འདུ་འབྲལ་མེད། །ཐུན་མོང་དྲུག་ཁྱད་ཁྲོ་ཕྱིར་སྤྲུལ། །རྫོགས་པ་རྗེས་སུ་རྣལ་འབྱོར་ནི། །དབྱིངས་ཤེས་འདུ་འབྲལ་མེད་སྲས་བདེ། །ཀུན་བཟང་ཡུམ་དང་འདུ་འབྲལ་མེད། །ཐུབ་ཁྱད་འཕྲོ་སྤྲུལ་ཡི་གེ་འཁོར། །རྫོགས་ཆེན་ཐེག་པའི་ཡང་རྩེ་ནི། །ཡེ་ཇི་བཞིན་སྨྲ་བསམ་འདས་ཆོས། །ཐུན་མོང་ལྷུན་གྲུབ་ལོངས་སྤྱོད་རྫོགས། །ཅིར་ཡང་སྣང་བ་དེ་ཁོ་ན། །སྐུ་གསུམ་ཁྱད་ཆེ་སེམས་བསྐྱེད་ཚུལ། །ལམ་སྟེགས་གོལ་ས་ཕྱི་ནང་ཕྱེ། །འདིར་ནི་སྐུ་ཡི་རྣམ་གྲངས་མཚན། །འབྲས་བུ་ཉེར་ལྔ་ཀུན་ངོ་རུ། །དབྱེར་མེད་སངས་རྒྱས་སྤྱི་གཟུགས་ཅན། །སྐུ་ལྔའང་ ― DNG008_Page_0357 ―
[མ་དཔེ་གཟིགས་ན་འདིར་གནོན།]
ཀུན་བཟང་དབྱེར་མེད་པས། །རྒྱལ་བ་དྲུག་པ་ཞེས་བྱའོ། །རིགས་ལྔ་ཀུན་བཟང་དབྱེར་མེད་པས། །རིགས་དྲུག་པ་ཞེས་བྱ་བ་ཡིན། །ལ་བཟླ་ལྷུན་གྲུབ་ཀུན་ངོ་བོ། །གནས་ལུགས་ཉིད་དུ་ལ་བཟླ་ན། །མདོར་ན་གཉིས་པར་བརྗོད་དོ་ཅོག །ཐུག་པས་ཐུག་ཕྱིར་མཐའ་ཡིན་ཏེ། །ཡང་དག་རྒྱལ་བས་ཐུག་མཐའ་མེད། །ཐ་སྙད་ཙམ་དུ་གྲོལ་ཞེས་བརྗོད། །དེ་ཕྱིར་གཞི་དོན་སྐྱེ་མེད་པའོ། །རང་གནས་ཞེན་བྲལ་མངོན་བྱས་ལ། །མི་བརྗོད་འདི་ལྟར་གནས་སྨྲ་དཀའ། །བདག་ཕྱིར་གཞན་ཡང་སྤང་བ་མེད། །མིང་ལས་བཟློག་པའི་དོན་ལ་མེད། །ཐབས་ཀྱི་རང་བཞིན་ལུས་གྲོལ་ན། །རྩ་རྣམས་སྤྲུལ་སྐུས་བུམ་དབང་རྫོགས། །སྔགས་ཀྱི་ཡི་གེ་ལོངས་སྤྱོད་གསང་། །ཁམས་ཀྱི་བདུད་རྩིས་ཤེས་རབ་ཆོས། །སྐུ་གསུམ་མི་ཟད་རྒྱན་འཁོར་ལོ། །སྐུ་ཡི་མི་ཟད་རྒྱན་གྱི་འཁོར། །སྐུ་ཡི་གསང་བ་བསམ་མི་ཁྱབ། །ཐམས་ཅད་པ་ཡི་སྐུར་བརྗོད་པ། །ངེས་མེད་ཀུན་ཁྱབ་ཆོས་ཀྱི་སྐུ། །དངོས་གཉིས་བདེ་གཤེགས་ལོངས་སྤྱོད་སྐུ། །ཅིར་ཡང་སྤྲུལ་པས་སྤྲུལ་པའི་སྐུ། །ཡུལ་མེད་རང་གསལ་མངོན་བྱང་སྐུ། །སོ་སོ་དབྱེར་མེད་རྡོ་རྗེའི་སྐུ། །གསུང་གི་མི་ཟད་རྒྱན་འཁོར་ནི། །གསུང་གི་གསང་བ་བསམ་མི་ཁྱབ། །ཐམས་ཅད་པ་ཡི་གསུང་ཡིན་ཏེ། །སྐྱེ་མེད་དོན་དང་དགོངས་པ་བརྡའ། །ཚངས་པའི་གསུང་དང་རིག་བྱིན་རླབས། །འཇིག་མེད་དབྱེར་མེད་རྡོ་རྗེའི་གསུང་། །ཐུགས་ཀྱི་མི་ཟད་རྒྱན་འཁོར་ནི། །ཐུགས་ཀྱི་གསང་བ་བསམ་མི་ཁྱབ། །ཐམས་ཅད་པ་ཡི་ཐུགས་ཡིན་ཏེ། །བདེ་ཆེན་ཐུགས་དང་རྣམ་མི་རྟོག །འགྲོ་བ་སྒྲོལ་དང་རྣམ་མཁྱེན་མཆོག །དབྱེར་མེད་རྡོ་རྗེའི་ཐུགས་ཡིན་ནོ། །སྐུ་ཡི་ཁྱད་པར་ལས་བྱུང་བ། །ཡོན་ཏན་ཕྲིན་ལས་སྣང་བ་ནི། །སྐུ་དང་གསུང་དང་ཐུགས་དང་གསུམ། །མི་ཟད་རྒྱན་གྱི་འཁོར་ལོར་གནས། །ཞེས་གསུངས་སོ། །ཁྲོ་བོའི་ལྷ་རྒྱུད་ཆེན་པོ་ལས། མཐར་ཕྱིན་པའི་འབྲས་བུ་བསྟན་པའི་ལེའུ་སྟེ་དྲུག་པའོ།། །།དེ་ནས་འཁོར་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་བསྟོད་པ་མཛད་དོ། །ཨེ་མ་ཧོ་ངོ་མཚར་ཡ་མཚན་གྱི། ཁྲོ་བོ་རིགས་ལྔ་ཧེ་རུ་ཀ ། ཁྲོ་བོ་ལྷ་རྒྱུད་ཀྱི་རྟོག་པ་ཆེན་པོ།― DNG008_Page_0358 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་དེ་བ་ཏནྟྲ་མ་ཧཱ་ཀལྤ། བོད་སྐད་དུ།ཁྲོ་བོ་ལྷ་རྒྱུད་ཀྱི་རྟོག་པ་ཆེན་པོ། བཅོམ་ལྡན་འདས་རིགས་ལྔ་ཁྲག་འཐུང་འཁོར་རྒྱ་མཚོ་དང་བཅས་པ་ལ་ཕྱག་འཚལ་ལོ། །བདག་མེད་གཉིས་རྟོགས་སྒྲིབ་པ་གཉིས་བྲལ་ལས། །ཐུགས་རྗེའི་སྤྲུལ་པས་འགྲོ་བ་མ་ལུས་སྒྲོལ། །ཡུལ་མེད་མ་སྐྱེས་བྱམས་པའི་ཆོས་དབྱིངས་ལས། །འཛིན་པ་མི་རྟོག་སྙིང་རྗེ་ཞི་ཆགས་ཁྲོ། །གཉིས་མེད་ངང་ལས་ཕྲིན་ལས་སྙིང་རྗེ་སྙོམས། །དཔལ་ཆེན་ཁྲག་འཐུང་མཆོག་ལ་ཕྱག་འཚལ་ལོ། །རྟོག་འཇོམས་སྤྱོད་པ་མཐུན་པས་འགྲོ་འདུལ་ཞིང་། །བརྡའ་ཅན་ཡང་དག་ལེན་པས་དོན་གོ་ལ། །ལྷ་རྒྱུད་བརྗོད་པས་དངོས་གྲུབ་ཀུན་དང་འདྲེལ། །བཀའ་དོན་གཏན་ཚིགས་རིགས་པས་བརྗོད་པར་འོས། །ཞེས་བྱའོ། །ལུང་གསུམ་མན་ངག་གསུམ་དང་སྤྱི་དོན་གསུམ། །ལུང་གི་སྤྱི་གཅོད་མན་ངག་གདེངས་སུ་བྱ། །སྤྱི་ཁོག་བཅུ་གཉིས་དོན་གྱི་ཁོག་ཕུབ་ལ། །བཞི་བཅོམ་དྲུག་ལྡན་རྩིས་འགོས་ས་བཅད་དེ། །ཁྲོ་བོའི་རྟོག་པ་མཚན་མའི་གཉེར་གྱིས་བཤད། །འདི་ནི་ཁྲག་འཐུང་རྔམ་བརྗིད་རྒྱལ་པོའི་ལུང་། །ཞེས་ཚིག་ཉུང་ཞིང་མདོར་བསྡུས་ལ་དོན་མང་པོར་འབྱུང་བས་མདོའི་སྡེ་ཞེས་བྱའོ། །དེ་ལ་བཤད་པ་ནི། ― DNG008_Page_0359 ―
[མ་དཔེ་གཟིགས་ན་འདིར་གནོན།]
ལུང་གསུམ་གྱིས་སྣ་དྲངས་ཏེ་གདངས་སུ་བྱའོ། །མན་ངག་གསུམ་གྱིས་མཇུག་བསྡུས་ཏེ་བློ་ལ་བཞག་པའི་མན་ངག་ཏུ་བྱའོ། །སྤྱི་དོན་གསུམ་གྱིས་ལུང་ཐམས་ཅད་ཀྱི་སྤྱི་བཅད་དོ། །སྤྱི་དོན་བཅུ་གཉིས་དོན་གྱི་ཁོག་དབུབ་བོ། །བདུད་བཞི་བཅོམ་པས་ཡོན་ཏན་ཀུན་ལ་སྣང་བའི་བདུད་བཅོམ་མོ། །རྩིས་འགོ་དྲུག་གིས་ས་བཅད་དོ། །ཁྲོ་བོའི་རྟོག་པ་མཚན་མ་གཉེར་གྱིས་བཤད་པས་ནི་གོལ་ས་དང་སྒྲིབ་པ་སྤང་ངོ་། །ཡོན་ཏན་ཀུན་ལ་རྔོམ་པས་བརྗིད་གཞན་ལ་སྣང་བར་བྱ་ཕྱིར་རྔོམ་བརྗིད་ཆེན་པོ་སུམ་ཅུ་རྩ་དྲུག་བསྟན་ནོ། །རྒྱལ་པོ་ཡིན་པའི་ཕྱིར། རྒྱལ་མཚན་གྱི་རྟགས་སུ་རིན་པོ་ཆེ་སྣ་བདུན་གྱིས་རྒྱལ་པོ་ཆེན་པོར་མངའ་གསོལ་ལོ། །ལུང་རྣམ་པ་གསུམ་སྤྱིར་དྲིལ་ཏེ་སྤྱད་དོ། །དེ་ལྟར་རྣམ་པ་བཅུར་གསེས་ནས། ད་ནི་ཕྱེ་བྱང་བུ་ངོ་བསྟུན་པས་གསེས་ནས་བཤད་དོ། །དེ་ལ་ལུང་གསུམ་ནི། ཞི་གནས་མི་རྟོག་དངོས་པོ་མཁའ་ཁྱབ་འདྲ། །ལྷག་མཐོང་མ་རྨོངས་མཁའ་ལ་གཟའ་སྐར་བཀྲམ། །རྔོས་བཅས་དོན་དང་བསྟུན་ཞིང་འཚམས་པར་བཤད། །ཏིང་འཛིན་ཤེས་རབ་བཀའ་ལུང་གསུམ་དུ་འདུས། །དེ་ལ་མན་ངག་གསུམ་ནི།བདག་ཏུ་མི་རྟོག་སྤྲུལ་པ་མཛད་ནས་འཐོན། །ཡུལ་དུ་མ་གྲུབ་གཞན་མེད་མཛོད་དུ་གཤེགས། །ཡུལ་སེམས་གཉིས་མེད་མ་སྐྱེས་དབྱིངས་སུ་གཅིག །ཉན་ཐོས་རང་རྒྱལ་སེམས་ཙམ་ཡོད་མན་ངག །དེ་ལ་སྤྱི་དོན་གསུམ་ནི། མེད་རྒྱུ་བཏགས་ཆགས་བསྒྲུབས་འགྲུབ་བརྟས་པས་སྣང་། །སྤྱོད་མཐུན་ཁྲོ་དྲག་གདུག་པ་དཔའ་བོས་འདུལ། །རྟོག་འཇོམས་སྨད་རྫས་དང་ལེན་དངོས་གྲུབ་རྒྱུ། །འདི་ནི་ཁྲོ་བོ་སྤྱི་ཡི་དོན་དུ་བཤད། །དེ་ལ་སྤྱི་ཁོག་བཅུ་བཞི་ལ། །གང་ཁྲོ་གང་ལ་ཅིའི་ཕྱིར་གང་གིས་ཁྲོ། །གང་ཁྲོ་རྣམ་པ་བཞིར་ནི་ཤེས་པར་བྱ། །ངང་ཁྲོ་ཤུགས་ཁྲོ་ཁྲོ་བར་བཅས་དང་བཅོས། །རྟོགས་པས་ཐུགས་རྗེའི་རང་བཞིན་འདུལ་བའི་དབང་། །གང་ལ་སྙིང་རྗེ་ཁྲོས་ཏེ་ཡུལ་དང་གནས། །ལས་དང་འབྲས་བུ་སེམས་ཅན་གྲུབ་པ་པོ། །ལས་ཀྱི་བཞི་ཡང་བྱུང་འབྲས་བུ་སྐུ་གསུང་ཐུགས། །ཅི་ཕྱིར་རྒྱུ་དང་འབྲས་བུ་གཉིས་ལ་ནི། །དུག་གསུམ་མི་སྤང་ཤ་རུས་ཁྲག་ལ་རོལ། །གང་ ― DNG008_Page_0360 ―
[མ་དཔེ་གཟིགས་ན་འདིར་གནོན།]
གི་རྒྱུ་ནི་ཧཱུཾ་དང་ཧ་ཧེ་ཕཊ། །གནས་ནི་སྟེང་འོག་མཁའ་སྟེ་ཡེ་ཤེས་སྐུ། །བསྐྱེད་ཐབས་ཆོ་འཕྲུལ་གསུམ་པོ་ཁྲོ་བོའི་སྐུ། །འབྲས་བུ་དཔལ་ཆེན་ཕྲ་མེན་འཁོར་གྱིས་བསྐོར། །ཕྲིན་ལས་དྲག་པོས་འགྲོ་བ་ཅིས་འདུལ་མཛད། །དེ་ལ་བདུད་བཞི་བཅོམ་པ་ནི། །ཚམ་རྔམས་དྲག་པོས་ལྷ་ཆེན་འདར་བསྒྱེལ་བརྫིས། །བརྟུལ་ཞུགས་རོལ་པས་རྡོས་བཅས་ཕུང་པོ་བཤིག །དུག་གསུམ་མི་སྤང་ཤ་རུས་ཁྲག་ལ་ཟ། །རྣམ་ཤེས་འཆི་མེད་རྒྱལ་བའི་གནས་སུ་སྟོབ། །དེ་ལ་རྩིས་འགོ་དྲུག་ནི། དབང་དང་རབ་ཏུ་ལྡན་པ་དང་། །དཔལ་དང་གཟུགས་དང་གྲགས་པ་དང་། །ཡེ་ཤེས་དང་ནི་ནན་ཏན་དང་། །དྲུག་དང་ཡང་དག་ལྡན་ཕྱིར་རོ། །དེ་ལ་དབང་བ་ནི། ཆགས་སྡང་གཏི་མུག་ང་རྒྱལ་ཕྲག་དོག་ནི། །མཉེས་སྟོབས་ཡུམ་དང་འཇིགས་ཚུལ་སྐུ་ཡི་སྤྲུལ། །དྲན་མེད་ཐོད་པ་ཁམ་ཕོར་གཡང་གཞི་དང་། །ཁ་ཊྭཱཾ་རྒྱལ་མཚན་ཆེ་དང་ལྷ་ཆེན་དྲེགས་པ་གནོན། །དེ་ལ་དཔལ་དྲུག་ནི། བྱམས་པས་ཁྱབ་ལ་ཐུགས་དམ་དམིགས་ཀྱིས་སྒྲོལ། །ཐུགས་རྗེས་འགྲོ་བ་ཐམས་ཅད་བུ་ལྟར་དགོངས། །སྨོན་ལམ་དབང་གིས་འཁོར་བ་ཇི་སྲིད་བཞུགས། །གཞན་དོན་མཛད་པས་བདག་དོན་ལྷུན་གྱིས་གྲུབ། །ཡོངས་སུ་རྫོགས་པས་བདེ་བ་ཆེན་པོའི་དཔལ། །ཁྲོ་རྒྱལ་ཁྲག་འཐུང་དཔལ་ཆེན་རྣམ་དྲུག་ཡིན། །དེ་ལ་བདེ་བ་ཆེན་པོ་ཡོངས་སུ་རྫོགས་པའི་དཔལ་ནི། བསམ་གྱིས་མི་ཁྱབ་པ་བཞི་སྟེ། དེ་ཡང་གང་ཞེ་ན། སྐུ་གསུམ་ས་གསུམ་སེམས་དཔས་རྟོགས་དཀའ་བ། །མཁའ་ཁྱབ་སྤྲིན་བརྡལ་ཆར་འབབ་ཆུ་བོའི་རྒྱུན། །ཏིང་འཛིན་བསམ་ཡས་བོ་དྷི་ཐོགས་པ་མེད། །བསམ་ཡས་བསམ་ཁྱབ་མཁའ་ལ་གཟའ་སྐར་གསལ། །ཀླུ་མཐུ་འདུལ་ཕྱིན་ཀླུ་ལྔས་སྐུ་བརྒྱན་པ། །རྔ་ཆེན་གསུང་སྒྲ་བྱམས་དང་ཕོ་ཉའི་དབང་། །དུག་ལྔ་རྟོག་བཅས་འདུལ་བྱེད་རྒྱན་བྱས་པ། །ཁྲག་སྦྲུལ་གཡང་གཞི་ཁ་ཊྭཱཾ་དྲེགས་པ་གནོན། །དེ་ལ་གཟུགས་རྣམ་བཞི་ཡང་བྱུང་གཉིས་པོ་ནི། །མི་ཐུང་བྱིས་པའི་གཟུགས་འདྲ་ལ། །ཨ་ནི་ག་ལ་རྐང་ལག་རྟགས། །དྲང་སྲོང་ཁྲོས་པའི་ཆ་བྱད་ལ། །ཤིན་ ― DNG008_Page_0361 ―
[མ་དཔེ་གཟིགས་ན་འདིར་གནོན།]
ཏུ་སྐེམ་ཞིང་མཁྲང་བག་བྲི། །གནོད་སྦྱིན་སྙིལ་བག་མི་ཐུང་གཟུགས་ལ་ནི། །འདུལ་དབང་ཡི་དྭགས་སྲིན་པོ་འདྲ། །དེ་ལ་གྲགས་པ་ནི། བུཌྜྷ་བོ་དྷིས་བསྟོད་ལ་སྲས་སྤུན་དགོངས། །གཏི་མུག་གཟེངས་བསྟོད་ང་རྒྱལ་གནོན་པར་གྲགས། །དེ་ལ་ཡེ་ཤེས་ནི། རྣམ་དག་དབྱིངས་མཁྱེན་འཁོར་བའི་སྐྱོན་དང་བྲལ། །འགྲོ་བའི་རྒྱུད་མཁྱེན་མྱ་ངན་མཐའ་ལས་འདས། །གཉིས་སུ་མེད་པར་མཁྱེན་པས་དབུ་མའི་ངང་། །མདོར་ན་ཐམས་ཅད་མཁྱེན་པའི་ཡེ་ཤེས་ཡིན། །དེ་ལ་ནན་ཏན་ནི།ནན་ཏན་སྙིང་པོ་ཟག་བཅས་ཟག་མེད་འདུ། །ནན་ཏན་ཕྲིན་ལས་འགྲོ་བའི་གནས་ནས་འདོན། །བསམ་ཡས་ནན་ཏན་འགྲོ་བ་ཆུད་མི་གསན། །ནན་ཏན་མཆོག་གི་མཆོག་ཏུ་ཤེས་པར་བྱ། །ད་ནི་ཁྲོ་བོའི་རྟོག་པ་བཤད་དེ། དེ་ཡང་མི་འདའ་རྒྱན་གྱི་ལུང་དང་། ཆེ་མཆོག་ཡོན་ཏན་གྱི་ལུང་། ཡན་ལག་རྟགས་ཀྱི་ལུང་གིས་བཤད་དེ། དེ་ལ་མི་འདའ་བརྒྱན་གྱི་ལུང་ནི། གླང་ཆེན་འདུལ་སྟོབས་ཐེག་པའི་རྒྱན་ཞེས་པ། །བདུད་འཇོམས་སྨན་རྫས་གྲུབ་དང་ལྟ་བའི་གཞུང་། །སྟག་ནི་དཔའ་བརྟུལ་ཟ་བྱེད་རྒྱན་ཞེས་པ། །ཡེ་ཤེས་ཐུགས་རྗེ་ཕྲིན་ལས་རྒྱན་དུ་བསྟན། །སྦྲུལ་ནི་དཔའ་བརྗིད་མཉེན་ལྕུག་རྒྱན་ཞེས་པ། །འཇིགས་ཚུལ་གདུག་གནོན་འཁྲིལ་བའི་ཡུམ་ཞེས་བྱ། །ཐོད་ཕྲེང་དབང་ཆས་སྒྲོལ་བའི་རྒྱན་ཞེས་པ། །སྐུ་གསུམ་ཐེག་གསུམ་དུས་གསུམ་དབང་ཆས་སྒྲོལ། །གཡང་གཞི་ཚུལ་ཁྲིམས་གོས་ཀྱི་རྒྱན་ཞེས་པ། །བྱང་ཆུབ་སེམས་ཚུལ་དམ་ཁྲིམས་གོས་ཞེས་བྱ། །རཀྟ་ཐུགས་རྗེ་ཆགས་པའི་རྒྱན་ཞེས་པ། །མི་རྟོག་དབྱིངས་ནས་ཐུགས་རྗེའི་པད་མའི་སྤྱན། །གཟི་ཆེན་དོན་དམ་བཅུད་ཀྱི་རྒྱན་ཞེས་པ། །བཅུད་ཀྱི་ཐིག་ལེ་དོན་དམ་ཀུན་ཏུ་འོད། །ཐལ་བ་འདུལ་བྱེད་ཕྲིན་ལས་རྒྱན་ཞེས་པ། །ཡི་གེ་འཁོར་ལོས་མཚན་མ་ཐལ་བར་རློག །མེ་འབར་འཕྲོ་འདུ་སྲེག་ཀློང་དཀྱིལ་ནས་བཞེངས་པའོ། །ཡེ་ཤེས་ཐུགས་རྗེའི་དབྱིངས་སུ་ཕྲིན་ལས་ཏེ། །ཟད་པར་ཤེས་པ་མཐའ་འདས་དཀྱིལ་ཞེས་བྱ། །མེ་སྒྲ་སྒྲ་ཆེན་ཐ་དད་སྒྲ་ཞེས་པ། །ཆོས་སྐུས་ཁྱབ་དང་ཏིང་འཛིན་སྣ་ཚོགས་འཕྲོ། །རལ་ ― DNG008_Page_0362 ―
[མ་དཔེ་གཟིགས་ན་འདིར་གནོན།]
པ་འཇིགས་ཤིང་ཁམ་ནག་འཕྱོ་བ་ནི། །ཡེ་ནས་ཆོས་ཉིད་དབང་དྲག་སྤྲུལ་པ་འཕྲོ། །སྐུ་མདོག་མཐིང་ནག་ནམ་མཁའི་རྒྱན་ཞེས་པ། །འདུལ་དབང་ཡོན་ཏན་མཐའ་མེད་དགོངས་པ་གཏིང་མི་དཔོག །ཅེས་བྱའོ། །དེ་ལ་ཁྲག་འཐུང་ཞེས་བྱ་བའི་སྒྲ་ནི་གོང་དུ་བཤད་པར་ཟད་དོ། །དེ་ལ་དཔལ་ཧེ་རུ་ཀ་སྐུ་མདོག་དང་ཕྱག་མཚན་ཅིར་ཡང་མ་ངེས་པར་འབྱུང་སྟེ། གང་ལྟར་བསྒྲུབས་ཀྱང་འགྲུབ་པའོ་ཞེས་བཤད་དོ། །དེ་ཡང་མཚན་ཉིད་མེད་པའི་ཕྱག་རྒྱ་དང་། །དེ་ལས་དངོས་འབྱུང་ཕྱག་རྒྱ་རྣམས། །ངེས་པ་མེད་པར་དཔའ་བོས་བཤད། །མཁས་པས་ཅི་དགར་བསྒོམས་ན་འགྲུབ་ཅེས་འབྱུང་། །འོན་ཀྱང་འདི་སྐབས་སུ་ཧེ་རུ་ཀ་དབུ་གསུམ་ཕྱག་དྲུག་ཞབས་བཞིར་བགྲད་དེ། དེ་ཡང་ཡན་ལག་རྟགས་ཀྱི་ལུང་གིས་བཤད་ན། གྲུབ་པ་རྟགས་ཀྱི་ཕྱག་རྒྱ་དང་། མཛད་པ་ལས་ཀྱི་ཕྱག་རྒྱ་དང་གཉིས་སོ། །དེ་ལ་གྲུབ་པ་རྟགས་ཀྱི་ཕྱག་རྒྱ་ནི། །དབུ་གསུམ་དུག་གསུམ་སྐུ་གསུམ་ལྷུན་གྱིས་གྲུབ། །ལྟ་སྤྱོད་རྣམ་པ་གསུམ་གྱིས་གྲུབ་པའི་རྟགས། །སྤྱན་དགུ་ས་གསུམ་སྐུ་གསུམ་ཡེ་ཤེས་གསུམ། །བསྒྲུབ་མེད་ཐོབ་ཟིན་དམིགས་པའི་ཡུལ་ལས་འདས། །རྟག་ཆད་སྤྱན་གཉིས་མཐའ་སྤངས་དབུ་མའི་ངང་། །ཤངས་གསུམ་སྲོག་ལ་མངའ་མཛད་ཏིང་འཛིན་གསུམ། །དེ་བཞིན་ཉིད་རྒྱུ་ཀུན་སྣང་ཞེས་བྱའོ། །སྒྲ་ཆེན་ཐ་དད་སྒྲ་དེ་ཆོས་སྐུ་ཏིང་འཛིན་སྙན། །ཞལ་གསུམ་རྣམ་ཐར་སྒོ་གསུམ་ལྷུན་གྱིས་གྲུབ། །ལྗགས་གསུམ་ཐེག་གསུམ་མཐར་ཕྱིན་ཤེས་པའི་རྟགས། །མཆེ་བཞི་ཕྲིན་ལས་མཐར་ཕྱིན་བཞི་ཡི་ཚུལ། །ཡེ་ཤེས་དྲུག་ནི་མཐར་ཕྱིན་ཕྱག་དྲུག་སྟེ། །ཕ་རོལ་ཕྱིན་དྲུག་མཐར་ཕྱིན་ཕྱག་མཚན་དྲུག །ཞབས་བཞི་ལམ་བཞི་བགྲོད་པ་མེད་པར་ཐོབ། །དེ་ལ་མཛད་པ་རྟགས་ཀྱི་ཕྱག་རྒྱ་ཞེས་བྱ་བ་ནི། སྤྱན་དགུས་ས་དགུ་འདུལ་བའི་བྱེ་བྲག་གཟིགས། །སྤྱན་གསུམ་སྲིད་གསུམ་འགྲོ་རྒྱུད་སོ་སོར་མཁྱེན། །ཤངས་ནས་རླུང་བྱུང་སྤྲུལ་པས་སྟོང་གསུམ་འགེངས། །སྙན་དྲུག་འགྲོ་དྲུག་གནས་ནས་ཅི་གསོལ་གསན། །དབུ་གསུམ་སྲིད་གསུམ་མགོན་མཛད་སྐུ་གསུང་ཐུགས། ། ― DNG008_Page_0363 ―
[མ་དཔེ་གཟིགས་ན་འདིར་གནོན།]
ཞལ་གསུམ་དབྱིངས་སུ་དུག་གསུམ་ཟད་པར་རྡུབ། །ལྗགས་གསུམ་ཐེག་གསུམ་བསྟན་པའི་གདངས་རང་སྒྲོགས། །ཁམས་གསུམ་ཉུག་བྱེད་རྡོ་རྗེ་སྲིན་པོའི་ལྕེ། །མཆེ་བཞི་སྐྱེ་ཤི་རྩད་ནས་གཅོད་པར་བྱེད། །ཕྱག་དྲུག་རྒྱུད་དྲུག་འཁོར་བ་གཏིང་ནས་འདོན། །ཕྱག་མཚན་ཕ་རོལ་ཕྱིན་དྲུག་འགྲོ་དོན་མཛད། །ཞབས་བཞིས་ཕྲིན་ལས་རྣམ་བཞིས་བགྲོད་མེད་སྒྲོལ། །ཡན་ལག་རྟགས་ཀྱི་ལུང་ནི་འདི་ལྟར་སྦྱར། །རྡོ་རྗེ་ཡེ་ཤེས་ཕ་རོལ་ཕྱིན་པ་ནི། །རང་བཞིན་མི་འགྱུར་ལས་ནི་འབིགས་ཤིང་འཇོམས། །ཆོས་སྐུ་མི་འགྱུར་རྟོག་དང་བག་ཆགས་སྲེག །ཡེ་ཤེས་ཡིན་ཕྱིར་དེ་ལ་དེ་སྐད་བྱ། །བྷནྡྷ་བཟོད་པའི་ཕ་རོལ་ཕྱིན་པ་ནི། །ཆོས་དབྱིངས་སྤྲོས་མེད་ཡེ་ཤེས་བཞི་དང་ལྡན། །ཡེ་ཤེས་དབྱིངས་རྟོགས་ཞེན་ཆགས་ཐུགས་རྗེ་སྐྱེ། །མཐའ་གཉིས་སྐྱོན་གྱིས་མི་སྦགས་བཟོད་པའི་མཆོག །ཁ་ཊྭཱཾ་སྟོབས་ཀྱི་ཕ་རོལ་ཕྱིན་པ་ནི། །དུག་གསུམ་སྒྲོལ་བྱེད་དྲེགས་པའི་ལྷ་བདུད་འཇོམས། །སྟོབས་གསུམ་སྲིད་གསུམ་ཡོངས་འདུལ་རྒྱལ་བའི་རྟགས། །ཀུན་ལ་མངའ་མཛད་འཁོར་རྣམས་དབང་དུ་སྡུད། །ཞིང་ཆེན་སྨོན་ལམ་ཕ་རོལ་ཕྱིན་པ་ནི། །འབོད་པའི་གཡབ་མོས་འཁོར་རྣམས་དབང་དུ་སྡུད། །སྦྱིན་པའི་བཟའ་བས་མཁའ་འགྲོ་ཚིམས་པར་བྱེད། །བརྡེག་པའི་དབྱུག་པས་རྡོས་བཅས་ཕུང་པོ་བཤིག །རྟོགས་པའི་ཆོས་ཉིད་དྲན་མེད་ཡེ་ཤེས་ལྔ་ཡིས་བཟུང་། །ཇི་ལྟར་སྨོན་ལམ་འགྲུབ་པས་དེ་སྐད་བྱ། །ཐོད་གཤོལ་ཐབས་ཀྱི་ཕ་རོལ་ཕྱིན་པ་ནི། །ཉོན་མོངས་ཐུགས་རྗེས་ཐ་བ་རློག་མཛད་ཅིང་། །ཡེ་ཤེས་ཆོས་དབྱིངས་མཐའ་དང་བྲལ་བ་རྟོགས། །ཐབས་ཀྱི་སྐུ་གསུམ་ལྷུན་གྲུབ་སྤྲུལ་པ་འཕྲོ། །རྔ་ནི་ཤེས་རབ་ཕ་རོལ་ཕྱིན་བསྟན་པ། །ཡུལ་མེད་ཆོས་སྐུ་རྣམ་དག་རྔ་ལོགས་ལ། །འཛིན་པ་བདག་མེད་རིག་པའི་དབྱུག་གུས་བརྡུངས། །གསུང་རབ་རྔ་སྒྲས་འགྲོ་བ་ཤེས་རབ་བསྐྱེད། །འཁོར་ལོ་བསམ་གཏན་ལྷག་པ་གསུམ་གྱི་མཚན། །ཚུལ་ཁྲིམས་ཏིང་འཛིན་ཤེས་རབ་གསུམ་དང་ལྡན། །བདག་མེད་སེམས་ལས་རིན་ཆེན་དགོས་འདོད་སྐོང་། །མི་ཟད་པར་ལྡན་སྦྱིན་པའི་ཕ་རོལ་ཕྱིན། ། ― DNG008_Page_0364 ―
[མ་དཔེ་གཟིགས་ན་འདིར་གནོན།]
པདྨ་འདམ་སྐྱེས་མ་ཆགས་ཐུགས་རྗེས་སྤྱོད། །ཚུལ་ཁྲིམས་ཕ་རོལ་ཕྱིན་པའི་ངང་དུ་བསྟན། །རལ་གྲི་ཡེ་ཤེས་ཐུགས་རྗེས་མཐའ་གཉིས་གཅོད། །རྩེ་གཅིག་ཏིང་འཛིན་གཉིས་ལ་བརྩོན་འགྲུས་མཛད། །དགྲ་སྟྭ་ཞགས་པ་ལ་སོགས་ཕྱག་མཚན་རྣམས། །རང་གཉེར་ལས་ཀྱི་བརྡའ་མཚོན་ཆོས་སྐུ་རྟོགས་པར་བསྟན། །དེ་ལ་འདི་མན་ཆད་ཆེ་མཆོག་ཡོན་ཏན་གྱི་ལུང་གི་སྤྱི་དྲིལ་ཏེ་བཤད་པ་ནི། ཡོན་ཏན་གྱི་བརྗིད་ལས་ཕྲིན་ལས་ཀྱི་རྔོམ་སུམ་ཅུ་སོ་དྲུག་གིས་བསྟན་པ་ནི། དེ་ལ་སྐུའི་རྔོམ་བཞི་ལ་ནི། །ནམ་མཁའི་རི་མོར་ཕྱག་རྒྱར་རྔོམ། །ཅིར་ཡང་འགྱུར་བའི་བཞུགས་ཐབས་རྔོམ། །ཟིལ་གྱིས་གནོན་པའི་གདན་ཡང་རྔོམ། །ཚམ་རྔམས་ཆེན་པོའི་སྟོབས་ལྡན་རྔོམ་སྟེ་བཞིའོ། །དེ་ཡང་ཀུན་རྫོབ་ཏུ་རང་བཞིན་མེད་པ་ནམ་མཁར་ལས་སྤྲིན་དེངས་པའི་ཚུལ་དང་། ལྷ་དང་འཕགས་པ་དང་ཚངས་པ་དང་། སྨོན་ལམ་དང་ཅིར་ཡང་འགྱུར་བའི་བཞུགས་ཐབས་ཀྱི་ཚུལ་དང་། སྲིད་པའི་འཁོར་ལོ་ཟིལ་གྱིས་གནོན་པ་དྲི་མེད་པདྨ་ཉི་ཟླ་འོད་ཀྱི་ཡོན་ཏན་རྟགས་ཏེ་གདན་ཁྲིའི་ཚུལ་དང་། སྟོབས་ཆེན་བཅུའི་ཚུལ་རྣམས་ནི་འོག་ནས་འཆད་དོ། །གསུང་གི་རྔམ་བཞི་ལ།ཧོ་མ་ལྔ་འདྲེལ་པར་འབྱུང་བའི་ཞལ་རྔམ། ཟླ་གམ་ཅིར་ཡང་རྔམས་པའི་ལྗགས་རྔམ། སྐྱེ་ཤིའི་རྩ་བ་གཅོད་པའི་ཚེམས་རྔམ། གསུང་སྒྲ་འབྲུག་ལྟར་སྒྲོག་པའི་དབྱངས་རྔམ་དང་བཞིའོ། །དེ་ཡང་ཞལ་ཡེ་ཤེས་ཀྱི་ཕྱག་རྒྱ་ལས། རོ་རྣམ་པ་ལྔའི་སྲེག་ཁང་དུ། རོ་རྣམ་ལྔས་ཚིམས་ཤིང་མཆོད་པས་འདྲེལ་པ་ལྔའི་ཚུལ་དང་། གསུང་དབང་ཚུལ་གྱིས་འདུས་བྱས་དང་། རང་བཞིན་དང་། ཟུར་མ་འདྲེས་པར་སྟོན་པའི་ཚུལ་དང་། མཆེ་བ་ཡེ་ཤེས་ཀྱི་འཕྲོ་འདུས། དུག་བཞི་རྣམ་ཤེས་བཞི་གཅོད་པའི་ཚུལ་དང་། འབྲུག་ལྟར་སྒྲོགས་པ་ཡན་ལག་དྲུག་ཅུ་དབྱངས་ཀྱིས་བསྙད་པས་མདོ་སྡེ་གོ་བར་སྒྲོགས་ཤིང་ཟིལ་གྱིས་གནོན་པའི་ཚུལ་དང་རྣམ་པ་བརྒྱད་དོ། །ཐུགས་ཀྱི་རྔམ་བཞི་ལ། ཏིང་ངེ་འཛིན་ནམ་མཁའི་རྒྱན་གྱི་སྐར་ཚོགས་ལྟར་རྔམ། ཕྲིན་ལས་རྒྱ་མཚོའི་རྦ་རླབས་རྔམ། ཡོན་ཏན་མི་ཟད་རྩི་ ― DNG008_Page_0365 ―
[མ་དཔེ་གཟིགས་ན་འདིར་གནོན།]
ཤིང་རྔམ། མཛད་པའི་རོལ་མོ་གར་ཐབས་རྔམ། དེ་ཡང་རྒྱན་ཆེན་པོ་བཞི་ནི།རང་བཞིན་དང་རྒྱན་དུ་དབྱེའོ། །ལྷག་མཐོང་གི་རང་བཞིན་ལས། ལྷག་མཐོང་གི་རྒྱན་མ་གཡོས་པར་སྣང་བའི་ཚུལ་དང་། ཞི་གནས་ཀྱི་རང་བཞིན་བཟོད་པ་ལས་ལྷག་མཐོང་གིས་ཕན་འདོགས་པའི་ཚུལ། ཞི་གནས་ཀྱི་རང་བཞིན་མ་གོད་མི་ཟད་པ་ལས་ལྷག་མཐོང་གིས་ཅིར་ཡང་འབྱུང་ཞིང་དགའ་བ་བསྐྱེད་པའི་ཚུལ་ལོ། །མཐུའི་རྔོམ་བཞི་ལ། རཱུ་དྲ་བཅོམ་པའི་གནས་རྔམ། ལྷ་ཆེན་བརྟུལ་བའི་གདན་རྔམ། ཁམས་གསུམ་བསྒྲལ་བའི་ཞིང་རྔམ། རྟོག་འཇོམས་སྤྱོད་པའི་བརྟུལ་ཞུགས་རྔམ་པ་དང་བཞིའོ། །དེ་ནས་ཡང་གནས་ཁྱད་པར་ཅན་བཀྲ་ཤིས་ཤིང་ཅིས་ཀྱང་མི་ཚུགས་པའི་ཚུལ་དང་། གདན་ཁྱད་པར་ཅན་ཐམས་ཅད་ཟིལ་གྱིས་གནོན་པའི་ཚུལ་དང་། ཞིང་ཁྱད་པར་ཅན་ཁམས་གསུམ་ཡོངས་སུ་སྒྲོལ་བའི་ཚུལ་དང་། སྤྱོད་པ་ཁྱད་པར་ཅན་སྲིད་པའི་རྟོག་པ་དུས་གཅིག་ཏུ་འཇོམས་པའི་ཚུལ་ལོ། །དེ་ལྟར་རྔམ་ཚུལ་སུམ་ཅུ་རྩ་གཉིས་ཀྱིས་བཤད་དོ། །དེ་ལ་སྐུའི་བརྗིད་ཆེན་པོ་བཞི་ལ། སྐུ་ཆེ་ཡན་ལག་རགས་པས་བརྗིད་ཆེ། གྲངས་མང་རྐྱེན་དང་འཚམས་པས་བརྗིད་ཆེ། བཀུར་འོས་གཙོ་བོར་མཐོང་བས་བརྗིད་ཆེ། ཁྱད་ཞུགས་ཡིད་དང་ལྡན་པས་བརྗིད་ཆེ་སྟེ་བཞིའོ། །དེ་ཡང་ཆོས་ཀྱི་སྐུ་དང་མཉམ་པར་འབྱུང་བའི་སྒོ་ནས་ཆེ། ཐུགས་རྗེ་མཉམ་པར་བྱུང་བའི་སྒོ་ནས་ཡན་ལག་རགས། འདུ་བྱེད་མཉམ་པར་བྱུང་བའི་སྒོ་ནས་སྤྲུལ་པ་མང་། སྨོན་ལམ་གྱི་སྒོ་ནས་རིགས་མཐུན་གྱི་རྐྱེན་དང་འཚམས། སྤྱོད་ལམ་གྱི་སྒོ་ནས་བཀུར་བར་འོས།རིགས་བཙུན་པའི་སྒོ་ནས་གཙོ་བོར་སྣང་། རང་བཞིན་གྱིས་གྲུབ་པའི་སྒོ་ནས་ཁྱད་ཞུགས། ཕྲིན་ལས་ཀྱི་སྒོ་ནས་ཡིད་དང་འཐད། གསུང་གི་བརྗིད་བཞི་ལ།གདངས་ཆེ་སྟོང་གསུམ་གང་བས་བརྗིད་ཆེ། ཚིག་མྱུར་ཐེ་ཚོམ་གཅོད་པས་བརྗིད་ཆེ། བདག་ལ་ཉི་ཚེར་སྟོན་པར་སྣང་བས་བརྗིད་ཆེ། ཁྱད་ཞུགས་ཡོན་ཏན་མཐོང་བས་བརྗིད་ཆེ་སྟེ་བཞིའོ། །དེ་ཡང་ཆོས་སྐུས་ཁྱད་པའི་སྒོ་ནས་གདངས་ཆེ། སྒྲ་ཐ་དད་པའི་སྒོ་ནས་སྟོང་ ― DNG008_Page_0366 ―
[མ་དཔེ་གཟིགས་ན་འདིར་གནོན།]
གསུམ་འགེངས། །སྐད་དབྱངས་ཀྱི་སྒོ་ནས་ཀུན་གྱིས་གོ་བར་མྱུར། ཉེ་བར་གྱུར་པའི་སྒོ་ནས་ཐེ་ཚོམ་གཅོད། བྱམས་པའི་སྒོ་ནས་བདག་ལ་གཟིགས། ཐུགས་རྗེའི་སྒོ་ནས་ཉི་ཚེར་སྟོན། ཤེས་པའི་བྱེ་བྲག་གི་སྒོ་ནས་ཁྱད་ཞུགས། །ཚིག་གི་ཡོན་ཏན་གྱི་སྒོ་ནས་ཀུན་འདུལ། ཐུགས་ཀྱི་བརྗིད་བཞི་ལ། ཡངས་ལ་རེ་དོགས་མེད་པས་བརྗིད་ཆེ། གསལ་བ་མཐའ་གཉིས་སྤངས་པས་བརྗིད་ཆེ། ཐུགས་རྗེས་ཐུགས་དམ་མཐར་ཕྱིན་པས་བརྗིད་ཆེ། མ་རྨོངས་ཐབས་ཀྱིས་འདུལ་བས་བརྗིད་ཆེའོ། །དེ་ཡང་གཉིས་སུ་མེད་པའི་སྒོ་ནས་ཡངས། བླང་དོར་མོད་པའི་སྒོ་ནས་རེ་དོགས་མེད། ལྷག་མཐོང་གི་སྒོ་ནས་དབུ་མར་གནས། ཞི་གནས་ཀྱི་སྒོ་ནས་མི་འགྱུར་བས་མཐའ་སྤངས། མཛད་པ་རྒྱུན་མི་འཆད་པའི་སྒོ་ནས་ཐུགས་རྗེ་ཆེ། འཁོར་བ་ཇི་སྲིད་དུ་བཞུགས་པའི་སྒོ་ནས་ཐུགས་དམ་མཐར་ཕྱིན། ཤེས་རབ་ཀྱི་སྒོ་ནས་མ་རྨོངས། ཏིང་ངེ་འཛིན་གྱི་སྒོ་ནས་ཐབས་ཀྱིས་འདུལ། ཡོན་ཏན་གྱི་བརྗིད་བཞི་ལ། མེད་ལ་ཟད་མི་ཤེས་པས་བརྗིད་ཆེ། གཅིག་ལས་འདོད་དགུར་སྟོན་པས་བརྗིད་ཆེ། གནོད་སྦྱོར་ཕན་པར་མཛད་པས་བརྗིད་ཆེ། ཐབས་མཁས་སྐྱོན་གྱིས་མི་གོས་པས་བརྗིད་ཆེ། དེ་ཡང་བདག་ཏུ་མི་འཛིན་པའི་སྒོ་ནས་མེད། མེད་པའི་སྒོ་ནས་ཟད་མི་ཤེས། ཡེ་ཤེས་ཀྱི་སྒོ་ནས་གཅིག །སེམས་ཀྱི་བསམ་པའི་སྒོ་ནས་འདོད་དགུར་སྟོན། སེམས་ཅན་གྱི་སྒོ་ནས་གནོད་པར་སྦྱོར། གྲུབ་པའི་རྒྱུའི་སྒོ་ནས་ཕན་པར་མཛད། ཤེས་བྱའི་སྒོ་ནས་ཐབས་མཁས། སྤྱོད་པའི་སྒོ་ནས་སྐྱོན་གྱིས་མ་གོས། ཕྲིན་ལས་ཀྱི་བརྗིད་བཞི་ལ། མི་དངངས་ཉམས་བག་ཆེ་བས་བརྗིད་ཆེ། འཁོར་བ་ཡུན་རིང་མི་བསྙེལ་བས་བརྗིད་ཆེ། མགོན་སྐྱབས་རྒྱུན་ཏུ་མཛད་པས་བརྗིད་ཆེ། དགོངས་པའི་དོན་རྣམས་མཛད་པས་བརྗིད་ཆེ། དེ་ཡང་སྒྱུ་མར་མཛད་པའི་སྒོ་ནས་མི་བསྙེངས། རང་བཞིན་གཅིག་པའི་སྒོ་ནས་ཉམས་བག་ཏུ་རོལ། དོན་མཛད་པའི་སྒོ་ནས་འཁོར་བར་ཡུན་རིང་པོར་གནས། བྱ་བ་མེད་པའི་སྒོ་ནས་མི་བསྙེལ། མཐུའི་སྒོ་ནས་མགོན་སྐྱབས་ ― DNG008_Page_0367 ―
[མ་དཔེ་གཟིགས་ན་འདིར་གནོན།]
ཆེ། དམ་བཅས་པའི་སྒོ་ནས་འགྲོ་དོན་རྒྱུན་དུ་མཛད། རྩེ་གཅིག་པའི་སྒོ་ནས་མཐའ་གཉིས་ཀྱི་དོན་ལ་དགོངས། ནན་ཏན་གྱི་སྒོ་ནས་བྱ་བ་གྲུབ། བརྗིད་ཉི་ཤུ་ནི། སྒོ་བཞི་བཅུ་དང་། སྤྱིར་དྲུག་ཅུའོ། །དེ་ལ་རིན་པོ་ཆེ་སྣ་བདུན་ནི། འཁོར་ལོ་རིན་པོ་ཆེས་ནི་དབང་བཅུས་སྐྱེ་བ་རྣམ་བཞི་ལ་དབང་བསྒྱུར་རོ། །བཙུན་མོ་རིན་པོ་ཆེས་ནི་ཡུམ་བཞི་རྒྱལ་པོ་མཉེས་པ་འབུལ།དམག་དཔོན་རིན་པོ་ཆེས་ནི་ཚུལ་དགུས་ཕ་རོལ་གྱི་དཔུང་འཇོམས་སོ། །ཁྱིམ་བདག་རིན་པོ་ཆེས་ནི་ཚད་མེད་པ་བཞིས་རྒྱལ་པོའི་ཆབ་སྲིད་འཛིན་ནོ། །གླང་པོ་རིན་པོ་ཆེས་ནི་སྟོབས་བཅུས་བདག་དང་གཞན་གྱི་དོན་བྱེད་དོ། །རྟ་མཆོག་རིན་པོ་ཆེས་ནི་མྱུར་མགྱོགས་ཀྱི་རྫུ་འཕྲུལ་གྱི་རྐང་པ་བཞིས་བགྲོད་པའི་གནས་སུ་སླེབ་པར་བྱེད་དོ། །ཡིད་བཞིན་གྱི་ནོར་བུ་རིན་པོ་ཆེས་ནི་རྣམ་པ་བཞིའི་སྒོ་ནས་སེམས་ཅན་གྱི་རེ་འདོད་སྐོང་ངོ་། །ལུང་རྣམ་པ་གསུམ་ནི། མི་འདའ་རྒྱན་གྱི་ལུང་ལ་སོགས་པ་གོང་དུ་རྩིས་འགོས་སྤྱིར་སྦྱར་བར་ཟད་དོ། །དེ་ལ་འཁོར་ལོ་རིན་པོ་ཆེའི་དབང་བཅུ་ནི། སྐྱེ་བཞི་སྐུར་སྟོན་སྐྱེ་བཞི་སྒྲོལ་མཛད་པ། །ལྷ་མི་སྡིག་སྦྲུལ་སྐྱེ་བ་བཞི་རུ་བསྟན། །ཡོ་བྱད་སྲིད་པའི་འདོད་ཡོན་ལྔ་དང་ནི། །རྟོག་པ་གཞོམ་ཕྱིར་སྨན་ལྔ་དང་ལེན་རོལ། །ཇི་ལྟར་མོས་བཞིན་ཚུལ་དགུའི་གཟུགས་བསྟན་པ། །གང་དག་ཐབས་ཀྱི་ཚུལ་དགུས་རོལ་པ་མཛད། །རྫུ་འཕྲུལ་བ་སྤུའི་དབྱིངས་ནས་ཕྲ་མེན་འཕྲོ། །ལུས་ནི་ཅིར་བརྫུ་སེམས་ནི་ཆོ་འཕྲུལ་སྟོན། །གད་རྒྱངས་གདངས་ངར་སྣ་ཚོགས་ཕྱོགས་བཅུར་སྒྲོགས། །མཆེ་བས་ཟིལ་གནོན་ཐ་དད་ཆོས་རྣམས་སྟོན། །ཤེས་རབ་ཐབས་ལྡན་སྤྱན་གཉིས་དབུ་མའི་ངང་། །དབྱིངས་ནས་མི་གཡོ་ཅིར་ཡང་ས་ལེ་མཁྱེན། །སེམས་ཀྱི་བྱེ་བྲག་ཏིང་འཛིན་ས་ཡ་འཕྲོ། །བསམ་གྱིས་མི་ཁྱབ་བཞི་ལ་རོལ་པ་མཛད། །རྡོ་རྗེའི་སྡེར་མོ་པགས་པ་སྤུ་ཕྲེང་བརྒྱན། །འཁོར་བ་སྲིད་པར་བཞུགས་པའི་ཚེ་ལ་དབང་། །ལྟ་བ་རྣམ་བཞིའི་སྤྱན་ཟུར་གྱིས་བསྐུལ་བས། །ཕྲ་མེན་བཞི་འཕྲོ་ཕྱོགས་བཞིར་ལས་བཞི་མཛད། །སྒྲོན་ལམ་དབང་གིས་དྲག་པོའི་སྐུར་སྟོན་ཅིང་། །དུས་མཐའི་བསྐལ་པ་བཞིན་དུ་བཤོལ་དུ་མེད། ། ― DNG008_Page_0368 ―
[མ་དཔེ་གཟིགས་ན་འདིར་གནོན།]
དེ་ལ་བཙུན་མོ་རིན་པོ་ཆེའི་ཡུམ་བཞི་ནི། མ་ཆགས་རྡོ་རྗེའི་གཟུགས་ཀྱི་ཡུམ་གྱིས་འཁྱུད། །ཞི་གནས་ཏིང་འཛིན་མི་གཡོ་ཡུམ་གྱིས་སྦྱོར། །ཐོགས་མེད་ཤུགས་འཆང་དོན་གྲུབ་ཡུམ་གྱིས་བསྐྱོད། །ལྷག་མཐོང་ཡེ་ཤེས་ཡུམ་གྱིས་གཉིས་མེད་འབེབས། །འབྱུང་བ་བཞི་པོ་རྡོ་རྗེའི་ལྷ་མོ་དེས། །བདེ་བ་ཆེན་པོའི་སྐུ་ལ་མཆོད་པ་འབུལ། །དེ་ལ་དམག་དཔོན་རིན་ཆེན་ཚུལ་དགུ་ནི། །སྒེག་པས་འགྲོ་བ་ཤེས་རབ་སྐྱེད་པའི་ཚུལ། །ཉམ་ང་མེད་པའི་མཛད་སྤྱོད་དཔའ་བོའི་ཚུལ། །གདུག་རྩུབ་རྔམས་པས་བརྒྱན་པས་འཇིགས་པའི་ཚུལ། །ལོག་པའི་བལྟ་བ་ཞེ་གཅོད་གཤེ་བའི་ཚུལ། །རྨད་དུ་བྱུང་བའི་ཆོས་སྒྲོགས་བཞད་པའི་ཚུལ། །ཤིན་ཏུ་གདུལ་དཀའ་ཁྲོ་བོས་སྙིང་རྗེའི་ཚུལ། །སྨོན་ལམ་དབང་གིས་མི་བཤོལ་རྔམས་པའི་ཚུལ། །ཉོན་མོངས་གྲུབ་པའི་སྒྱུར་མཛད་ངོ་མཚར་ཚུལ། །ཁྲོ་དྲག་དབྱིངས་ནས་མི་གཡོ་ཞི་བའི་ཚུལ། །དེ་ལ་ཁྱིམ་བདག་རིན་པོ་ཆེའི་ཚད་མེད་པ་བཞི་ནི། །ཁྲོ་གཏུམ་ཚད་མེད་བྱམས་པར་སྣང་། །གསོད་ཆེན་སྙིང་རྗེའི་བདག་ཉིད་དེ། །བསྒྲལ་ཞིང་སྟོབ་པས་དགའ་བའི་མཆོག །ཡལ་བར་མི་འདོར་བཏང་སྙོམས་སོ། །དེ་ལ་གླང་པོ་རིན་པོ་ཆེའི་སྟོབས་བཅུ་ནི། ཐུགས་རྗེའི་སྟོབས་ནི་དྲེགས་ཆེན་སྤྱི་ནས་གནོན། །ཆོས་ཉིད་སྟོབས་ནི་མི་དམིགས་ནམ་མཁའི་མདོག །མི་འབྱེད་སྤྱོད་པའི་སྟོབས་ནི་གླང་པོའི་རྫས་ལ་རོལ། །གྲུབ་པའི་སྟོབས་ནི་བདུད་རྩི་དངོས་གྲུབ་རྒྱུ། །མ་སྤངས་སྟོབས་ནི་རྡོས་བཅས་སྐུ་ལ་བརྒྱན། །མ་གཡོས་སྟོབས་ནི་དོན་མཐུན་གྲོལ་བའི་རྒྱན། །སྨོན་ལམ་སྟོབས་ནི་བསྐལ་པར་གཡོ་སྒྲོལ་མཛད། །སྤྲུལ་པའི་སྟོབས་ནི་མགོ་བརྙན་ཕྲ་མེན་འཕྲོ། །ཕྲག་དོག་འཁོར་བར་ལོག་པར་གཅིག་མི་གཏོང་། །འདོད་ཆགས་ཕྲག་དོག་ཡུལ་ཆགས་སྤྱན་མདོག་དམར། །དེ་ལ་རྟ་མཆོག་རིན་པོ་ཆེའི་རྫུ་འཕྲུལ་གྱི་རྐང་པ་བཞི་ནི། ཆོས་ཉིད་རྫུ་འཕྲུལ་མེད་བཞིན་ཅིར་སྣང་བ། །མཁའ་ལ་འཇའ་ཚོན་བཞིན་ཏེ་རྣམ་པར་བཀྲ། །ཡེ་ཤེས་རྫུ་འཕྲུལ་ཆོས་ཀྱི་དབྱིངས་ལ་རོལ། ། ― DNG008_Page_0369 ―
[མ་དཔེ་གཟིགས་ན་འདིར་གནོན།]
མཁའ་ལ་ཉི་ཤར་འདྲ་སྟེ་གསལ་ལ་སྟོང་། །ཆོས་ཉིད་རྫོགས་པའི་རྫུ་འཕྲུལ་བྱེ་བྲག་ནི། །མཁའ་དང་མཉམ་པའི་སྤྲིན་ཕུང་བཞིན་དུ་གདལ། །སྤྲུལ་པའི་བྱེ་བྲག་འཕྲོ་བའི་རྫུ་འཕྲུལ་ནི། །རོ་གཅིག་ཆར་འབབ་སྣོད་ཀྱི་བྱེ་བྲག་ཕྱེ། །དེ་ལ་ནོར་བུ་རིན་པོ་ཆེའི་རང་བཞིན་ནི། །འགྲོ་རྣམས་ཇི་ལྟར་འདུལ་བཞིན་རེ་འདོད་སྐོང་། །མི་ཟད་བདག་མེད་གཏེར་ཆེན་ནམ་མཁའི་མཛོད། །སྲིད་པའི་མུན་ནག་སེལ་བའི་ཡེ་ཤེས་སྒྲོན། །དུས་གསུམ་རྒྱུན་མི་ཆད་པར་རིན་ཆེན་འཕྲེང་། །ལུང་རྣམ་པ་གསུམ་རྩིས་འགོས་སྦྱར་ཏེ་བཤད་པ་ཡིན་ནོ། །ད་ནི་ལྷའི་རྒྱུད་ཀྱི་རྟོག་པ་སོ་སོར་བཤད་པར་བྱའོ། །འགྲོ་རྣམས་ཇི་ལྟར་འདུལ་བཞིན་གཤེགས་མཛད་པ། །ཤེས་རབ་ནམ་མཁའི་བསྐལ་པས་རྒས་རྒུད་སྟོངས། །གཏི་མུག་ཚུལ་གྱིས་གཏི་མུག་འཇོམས་མཛད་པ། །གཏི་མུག་རྡོ་རྗེ་བུཌྜྷ་ཧེ་རུ་ཀ །ཡེ་ཤེས་རྡོ་རྗེས་ཉོན་མོངས་འཁོར་བ་འཇོམས། །ཐབས་འཛིན་མཚོན་ཆའི་བསྐལ་པས་དངོས་པོ་འཇིག །ཞེ་སྡང་ཚུལ་གྱིས་ཞེ་སྡང་འཇོམས་མཛད་པའི། །ཞེ་སྡང་རྡོ་རྗེ་བཛྲ་ཧེ་རུ་ཀ །རིན་ཆེན་དབྱིག་ལྟར་རེ་འདོད་ཀུན་ཏུ་སྐོང་། །གདུག་མེད་ཞི་གནས་ཆུ་ཡི་བསྐལ་པས་འཁྲུ། །ང་རྒྱལ་ཚུལ་གྱིས་ང་རྒྱལ་འཇོམས་མཛད་པ། །ང་རྒྱལ་རྡོ་རྗེ་རཏྣ་ཧེ་རུ་ཀ །འཁོར་བའི་འདམ་དུ་པད་ལྟར་སྐུ་འཁྲུངས་ཤིང་། །ལྷག་མཐོང་མེ་ཆེན་བསྐལ་པས་ཐམས་ཅད་བསྲེག །འདོད་ཆགས་ཚུལ་གྱིས་འདོད་ཆགས་འཇོམས་མཛད་པ། །འདོད་ཆགས་རྡོ་རྗེ་པདྨ་ཧེ་རུ་ཀ །ཕྲིན་ལས་རྒྱ་མཚོས་འགྲོ་བ་འདྲེན་མཛད་ཅིང་། །ཤེས་བྱ་ཐོགས་མེད་བསྐལ་པའི་རླུང་གིས་བསྐྱོད། །ཕྲག་དོག་ཚུལ་གྱིས་ཕྲག་དོག་འཇོམས་མཛད་པ། །ཕྲག་དོག་རྡོ་རྗེ་ཀརྨ་ཧེ་རུ་ཀ །སྐུ་ཡི་ལོངས་སྤྱོད་སྣ་ཚོགས་མི་དམིགས་ཤིང་། །ཤེས་རབ་མཐར་ཕྱིན་གཏི་མུག་རྣམ་པར་དག །ཕྱག་རྒྱ་གཟུགས་ཀྱི་མཆོད་པས་མཉེས་མཛད་མ། །ཆོས་དབྱིངས་ནམ་མཁའི་རང་བཞིན་ཁྲོ་མོའི་རྒྱལ། །ཐུགས་ཀྱི་ལོངས་སྤྱོད་སྣ་ཚོགས་མི་དམིགས་ཤིང་། །བརྩོན་འགྲུས་མཐར་ཕྱིན་ཞེ་སྡང་རྣམ་པར་དག །རྟོགས་པ་རེག་བྱའི་མཆོད་པས་མཉེས་མཛད་ ― DNG008_Page_0370 ―
[མ་དཔེ་གཟིགས་ན་འདིར་གནོན།]
པ། །སྲ་བརྟན་རྡོ་རྗེ་དབང་བསྒྱུར་ཁྲོ་མོའི་རྒྱལ། །གསུང་གི་ལོངས་སྤྱོད་སྣ་ཚོགས་མི་དམིགས་ཤིང་། །ཚུལ་ཁྲིམས་མཐར་ཕྱིན་འདོད་ཆགས་རྣམ་པར་དག །གསུང་རབ་སྒྲ་ཡི་མཆོད་པས་མཉེས་མཛད་མ། །ལྷག་མཐོང་ཡེ་ཤེས་དབང་བསྒྱུར་ཁྲོ་མོའི་རྒྱལ། །ཡོན་ཏན་ལོངས་སྤྱོད་སྣ་ཚོགས་མི་དམིགས་ཤིང་། །སྦྱིན་པ་མཐར་ཕྱིན་ང་རྒྱལ་རྣམ་པར་དག །ཏིང་འཛིན་བྲོ་མཆོག་མཆོད་པས་མཉེས་མཛད་ཅིང་། །བདག་མེད་ཞི་གནས་དབང་བསྒྱུར་ཁྲོ་མོའི་རྒྱལ། །ཕྲིན་ལས་ལོངས་སྤྱོད་སྣ་ཚོགས་མི་དམིགས་ཤིང་། །བཟོད་པ་མཐར་ཕྱིན་ཕྲག་དོག་རྣམ་པར་དག །ཚུལ་ཁྲིམས་དྲི་ཡི་མཆོད་པས་མཉེས་མཛད་ཅིང་། །ཐོགས་མེད་ལས་ལ་དབང་བསྒྱུར་ཁྲོ་མོའི་རྒྱལ། །ཐུགས་མཆོག་རྣམ་དག་ཡེ་ཤེས་དཀར་མོའི་ཚོགས། །འགུགས་བྱེད་ཡེ་ཤེས་ལྔ་ཡི་དབྱུག་པ་ཅན། །དྲན་པས་རྒྱུད་ལྔ་སྒྲོལ་མཛད་ཞི་བར་གཟིགས། །སྲིད་གསུམ་འཇོམས་མཛད་དབྱུག་ཐོགས་གཽ་རཱི་མ། །སྐུ་ཡི་ཡོན་ཏན་ཚོགས་སྡུད་རྐུན་མོའི་ཚོགས། །མཐུ་འཕྲོག་ཞི་གནས་ལྷག་མཐོང་ཟུང་དུ་འདྲེལ། །བདེན་གཉིས་ལྟ་བས་ཁྲོ་ཚུལ་འགྲོ་ལ་གཟིགས། །དམ་ཚིག་དབྱིངས་མཆོག་སྐུལ་བྱེད་ཙཽ་རཱི་མ། །གསུང་གི་ཐམས་ཅད་ཟིལ་གནོན་རྨོངས་མོའི་ཚོགས། །དབང་མཛད་མཐའ་གཉིས་མི་སྤོང་ཆུ་སྲིན་ཅན། །མི་གནས་རྒྱལ་མཚན་འཛིན་ཅིང་མྱོས་པར་བལྟ། །སྟོང་གསུམ་དབང་མཛད་རྒྱལ་བྱེད་པྲ་མོ་ཧཱ། །ཐལ་བར་བྱེད་པས་ཐལ་བྱེད་མ་ཡི་ཚོགས། །ཀུན་གྱི་ལས་སྒྲུབ་རྡོ་རྗེ་རྩེ་དགུ་འཛིན། །ས་དགུའི་རྟོག་འཇོམས་ཤི་བ་སློང་པར་གཟིགས། །འཇིག་རྟེན་ཐལ་བྱེད་རྡེའུ་ཐོགས་པེ་ཏཱ་ལཱི། །འབྱེད་མེད་ཤེས་རབ་མི་རྟོག་སྦོས་མོའི་ཚོགས། །འཁོར་བའི་རྒྱུད་འཛིན་འཆིང་ཞིང་དབང་འདྲེན་ལས། །ཁྲོ་གར་གཟིགས་ཚུལ་རྒྱུན་གྱི་ཐུགས་རྗེས་སྒྲོལ། །བདེ་ཆེན་དབྱིངས་སུ་འདྲེན་མཛད་པུཀྐ་སཱི། །ཞེ་སྡང་ཚུལ་གྱིས་སྒྲོལ་མཛད་གཏུམ་མོའི་ཚོགས། །མྱོས་བྱེད་དབྱིངས་དང་ཡེ་ཤེས་གཉིས་མེད་ལས། །ཐུགས་རྗེས་དཀྲུག་ཅིང་རོ་ཟའི་ཚུལ་དུ་གཟིགས། །སྣོད་བཅུད་གཏིང་ ― DNG008_Page_0371 ―
[མ་དཔེ་གཟིགས་ན་འདིར་གནོན།]
ནས་དཀྲུགས་མཛད་གྷསྨ་རཱི། །ཆགས་པའི་ཚུལ་གྱིས་དོན་མཛད་སྨེ་ཤ་ཅན། །མ་ནིང་རྒྱུད་འཕེལ་གཟུང་འཛིན་བྲལ་བའི་རྟགས། །མཐའ་གཉིས་མ་སྤངས་རྣམ་པར་གཡེངས་ཚུལ་གཟིགས། །འབར་མ་སྟོང་གསུམ་སྟོབ་བྱེད་ཙཎྜ་ལཱི། །ཐམས་ཅད་འབྱུང་བའི་ཡུམ་གྱུར་མ་ཚོགས་མ། །ཀུན་གྱི་ལས་མཛད་ཆོས་སྐུ་སྙིང་པོ་འཛིན། །ཀུན་ལ་རོལ་པས་འཇིགས་ཚུལ་ཀུན་དང་ལྡན། །ཐུགས་རྗེས་འཇིག་རྟེན་སྒྲོལ་མཛད་སྨ་ཤ་ནཱི། །འཇོམས་བྱེད་རྩལ་མཆོག་རྡོ་རྗེ་ཐུགས་ཀྱི་ཡུམ། །གཉེན་པོའི་སྟོབས་ཀྱིས་ཐམས་ཅད་ཟིལ་གྱིས་གནོན། །ཤེས་རབ་ཐབས་ལྡན་སྐུ་གསུམ་བདག་གཞན་དོན། །སྡུག་བསྔལ་ཞེ་སྡང་གསོད་བྱེད་སིདྷ་མ། །དཔའ་བརྟུལ་ཟ་བྱེད་ཡེ་ཤེས་ཐུགས་རྗེའི་ལས། །བརྩོན་འགྲུས་མྱུར་བའི་ཤུགས་འཆང་འགྲོ་དོན་མཛད། །ཐུགས་རྗེ་རྩེ་གཅིག་ཡེ་ཤེས་སོ་སོར་གཟིགས། །ང་རྒྱལ་འཆི་བདག་འཇོམས་མཛད་བྱཱ་གྷྲི་མ། །འཇོམས་བྱེད་དམ་ཚིག་རྣམ་དག་གསུང་གི་ཡུམ། །ཐབས་མཁས་སྤྱོད་པས་བདག་དང་གཞན་དོན་མཛད། །དོན་གྱི་ཆོས་སྐུ་ཏིང་འཛིན་ལྗགས་ལ་བསྟར། །འདོད་ཆགས་དུར་ཁྲོད་བགེགས་འཇོམས་སྲིང་གཱ་ལ། །མི་འབྱེད་སྤྱོད་པས་ལས་མཆོག་རིགས་ཀྱི་ཡུམ། །གཡེང་བའི་ཕྲིན་ལས་འགྲོ་ལ་ཐུགས་རྗེས་བསྲུང་། །ཆོས་ཉིད་སྐུ་ལ་ཡེ་ཤེས་སྤྱན་གྱིས་གཟིགས། །ཕྲག་དོག་ལས་ཀུན་འགྲུབ་བྱེད་ཤྭ་ན་མ། །ཡིད་ཀྱི་ཡེ་ཤེས་སོ་སོར་ཀུན་རྟོགས་ལ། །རྣམ་ཤེས་ཀྱིས་གསོད་དགོངས་འདྲེལ་ཚུལ་ཁྲིམས་བསྲུང་། །འཁོར་བའི་རྒྱུད་འཛིན་རྒྱུན་གཅོད་སྤུ་གྲི་འཛིན། །མགྱོགས་པས་སྙེག་བྱེད་ཁྲག་འཐུང་གྲྀ་ཌྷ་མ། །རྣམ་ཤེས་མཉམ་ཉིད་ཡིད་འཕྲོག་མཚན་མ་འཇོམས། །བསད་པའི་གོད་རྣམས་སྦྱིན་པའི་ཕ་རོལ་ཕྱིན། །མཐའ་འདས་ཆོས་སྐུས་གཟུང་འཛིན་སྤོང་ཚུལ་འཛིན། །འགྲོ་བའི་སྡུག་བསྔལ་ཚེ་འཕྲོག་ཀངྈ་མ། །བསླད་པས་མི་འགྱུར་བཀྲུས་པས་མི་འདག་པས། །མི་འགྱུར་གཉེན་པོས་མི་ཤིགས་བཟོད་པའི་མཆོག །ཆོས་སྐུ་ཐུགས་སུ་ཆུད་ཕྱིར་ཞལ་ན་ཐོགས། །ཡོན་ཏན་ཡིད་བཞིན་བདག་ཉིད་ཀཱ་ཀ་མ། །དབྱིངས་ལས་ ― DNG008_Page_0372 ―
[མ་དཔེ་གཟིགས་ན་འདིར་གནོན།]
མི་རྟོག་འགྲོ་ལ་ཐུགས་རྗེས་གཟིགས། །གཉིས་ལ་མི་གནས་ཤེས་རབ་ཕ་རོལ་ཕྱིན། །དབྱིངས་ཀྱི་ཐུགས་རྗེས་ཕྲིན་ལས་འདུས་མ་བྱས། །མཐའ་གཉིས་སྤངས་པའི་རྔམ་ཚུལ་ཨུ་ལཱུ་ཀཱ། །བཅུ་དྲུག་ཞག་གིས་ཟླ་བའི་དཀྱིལ་འཁོར་རྫོགས། །དཔལ་ཆེན་བཅུ་དྲུག་ས་ལ་ལྷུན་གྱིས་གྲུབ། །བསོད་ནམས་ཡེ་ཤེས་ཚོགས་ཆེན་རྫོགས་པའི་སྐུ། །ཐོག་ཐ་མེད་ཅིང་ཡོན་ཏན་བཟླས་པ་མེད། །སྦྱིན་པས་རིག་པའི་ཀློང་དུ་མཚོ་དྲངས་ལྟར། །འཁོར་བའི་རྫིང་ནས་ཐུགས་རྗེའི་ལྕགས་ཀྱུས་འདྲེན། །དཔའ་བར་འགྲོ་བའི་ཏིང་འཛིན་འགྲོ་དོན་མཛད། །ཐུགས་རྗེ་ཤར་མཛད་རྟ་གདོང་ལྕགས་ཀྱུ་མ། །དོན་དང་མཐུན་པས་ཀུན་ཀྱང་དགའ་བར་མཛད། །བྱམས་པའི་ཞགས་པས་འཁོར་བའི་རྒྱུད་འཛིན་ཅིང་། །རིན་ཆེན་ཕྱག་རྒྱས་སེམས་ཅན་རེ་འདོད་སྐོང་། །ཡོན་ཏན་ཚོགས་རྫོགས་ཕག་གདོང་ཞགས་པ་མ། །གཞན་གྱི་དོན་དུ་སྤྱད་པས་རང་གི་དོན། །ཤེས་རབ་སྒྲོན་མས་དུག་ལྔའི་མུན་པ་སེལ། །དོན་གཉིས་མི་འདའ་ལྷུན་གྲུབ་དགའ་བའི་མཆོག །ཀུན་མཁྱེན་མ་རིག་ནུབ་མཛད་ཉི་ཟླའི་སྤྱན། །སྙན་པར་སྨྲས་པས་ཀུན་ཀྱང་བཀའ་བཞིན་བྱེད། །བཏང་སྙོམས་ཐབས་མཁས་ཐུགས་རྗེས་འགྲོ་དོན་མཛད། །ཕན་པས་རྣམ་ཤེས་ཐལ་བའི་གཟུགས་ཀྱང་འཚོ། །ཆོས་སྟོན་བག་ཆགས་སྦྱོང་མཛད་དྲིལ་འཁྲོལ་མ། །ད་ནི་རྡོ་རྗེ་སྲིན་པོའི་ལྷ་རྒྱུད་བཤད་པ་སྟེ། །བཅོ་བརྒྱད་ཤངས་ནས་བཅོ་བརྒྱད་སྤྲུལ་པ་འཕྲོ། །བཅོ་བརྒྱད་ཁམས་ལ་བཅོ་བརྒྱད་སྐུར་སྟོན་པ། །བཅོ་བརྒྱད་ཐུགས་ཀྱིས་བཅོ་བརྒྱད་འདུལ་ཐབས་མངའ། །བཅོ་བརྒྱད་སྙན་གྱིས་བཅོ་བརྒྱད་ཁམས་གསན་ཅིང་། །བཅོ་བརྒྱད་ལྗགས་ཀྱིས་བཅོ་བརྒྱད་གསུང་རབ་འཆད། །བརྒྱ་རྩ་བརྒྱད་ཀྱི་དགོངས་པ་བསམ་མི་ཁྱབ། །ས་དགུ་ཐུགས་རྗེས་དོན་མཛད་དབུ་དགུར་ལྡན། །བརྗིད་གནོན་ཞབས་བརྒྱད་ཕྱོགས་བརྒྱད་ལྷ་བརྒྱད་གནོན། །ཇི་ལྟར་རོལ་ཀྱང་སྤྱན་དགུ་དབྱིངས་མི་གཡོ། །འདུལ་བའི་དབང་དུ་བསྐལ་པའི་ཚུལ་སྟོན་ཅིང་། །རྡོ་རྗེ་སྲིན་པོས་ཅི་འདུལ་ཡིད་བཞིན་རྫོགས། །རྣམ་ཐར་གསུམ་ ― DNG008_Page_0373 ―
[མ་དཔེ་གཟིགས་ན་འདིར་གནོན།]
ལས་སྐུ་གསུམ་ཕྲིན་ལས་འབྱུང་། །སྤྱོད་པ་རྣམ་དག་སྨོན་ལམ་སྟོབས་ཀྱིས་གཤེགས། །རལ་གསིག་སྤྲུགས་པས་འགྲོ་དོན་རྩེ་ཞིང་རོལ། །བཅོ་བརྒྱད་སྟོང་པས་མཉེས་མཛད་ཛ་ཊཱི་མ། །བརྗིད་པའི་སྟོབས་ཀྱིས་ཀླུ་རྣམས་ཟིལ་གྱིས་གནོན། །ཕྲ་མའི་སྐྱོན་སྤངས་ངག་གི་དབང་ཕྱུག་ཆེ། །འབད་པ་མེད་པའི་བརྩོན་འགྲུས་ཤུགས་དང་ལྡན། །ཆོས་ལ་དབང་མཛད་ཧ་ཡ་གྲཱི་བའི་དཔལ། །འཛིན་ཚུལ་སྟོབས་ཀྱིས་དྲང་སྲོང་ཚར་གཅོད་ཅིང་། །ལོག་པའི་ཉེས་སྤངས་ཡང་དག་དོན་དང་ལྡན། །ཚུལ་ཁྲིམས་མཐར་ཕྱིན་དྲང་སྲོང་ཀང་པས་ཆེ། །སྐྱེ་ལ་དབང་མཛད་བྲན་ཚུལ་མི་གཡོ་མགོན། །ཤུགས་འཆང་སྟོབས་ཀྱིས་རླུང་ལྷ་གཟིར་གནོན་ཅིང་། །འཁྱལ་བའི་སྐྱོན་སྤངས་ངག་གི་དབང་ཕྱུག་ཆེ། །གཉེན་པོའི་སྨོན་ལམ་མཐར་ཕྱིན་བདུད་འདུལ་ཐུགས་རྗེའི་རྩི། །ལས་ལ་དབང་མཛད་བདུད་རྩི་ཀུཎྜ་ལི། །གནོན་པའི་སྟོབས་ཀྱིས་འབྱུང་པོ་ཚར་གཅོད་ཅིང་། །གནོད་སེམས་སྐྱོན་སྤངས་ཐུགས་ཀྱི་དབང་ཕྱུག་ཆེ། །གཉེན་པོའི་སྟོབས་ཀྱིས་མི་མཐུན་གནོན་མཛད་ཅིང་། །རྫུ་འཕྲུལ་དབང་མཛད་འཇིགས་བྱེད་སྟོབས་པོ་ཆེ། །བརྡེག་པའི་སྟོབས་ཀྱིས་སྲིན་པོ་ཚར་གཅོད་ཅིང་། །བདེན་དང་བྲལ་བའི་རྫུན་དང་སྐྱོན་སེལ་བའི། །མཚན་མའི་ཐབས་ཀྱིས་མཚན་མ་ཀུན་འདུལ་བ། །ཡེ་ཤེས་དབང་མཛད་དབྱུག་པ་སྔོན་པོ་ཅན། །ལྡེག་པའི་སྟོབས་ཀྱིས་ས་བདག་ཚར་གཅོད་ཅིང་། །བརྣབ་སེམས་སྐྱོན་སྤངས་ཐུགས་ཀྱི་དབང་ཕྱུག་ཆེ། །བཟོད་པ་ས་གཞི་ལྟ་བུའི་གཞིར་གྱུར་ལ། །སྨོན་ལམ་དབང་མཛད་འདམ་སྐྱེས་ཀུཎྜ་ལི། །རོལ་པའི་སྟོབས་ཀྱིས་གཟའ་སྐར་ཚར་གཅོད་ཅིང་། །འདོད་ཆགས་སྐྱོན་སྤངས་སྐུ་ཡི་དབང་ཕྱུག་ཆེ། །ཡེ་ཤེས་མཐར་ཕྱིན་ཉི་ཟླའི་འོད་བཞིན་གསལ། །སྐྱེ་ཞིང་མོས་ལ་དབང་མཛད་ཧཱུཾ་ཀཱ་ར། །ཟློག་པའི་སྟོབས་ཀྱིས་ལྷ་རྣམས་ཚར་གཅོད་ཅིང། །མ་བྱིན་ལེན་པའི་སྐྱོན་སྤངས་བདག་ཉིད་ཆེ། །རབ་ཏུ་ཤེས་པའི་ཤེས་རབ་མཐར་ཕྱིན་པ། །ཡོ་བྱད་དབང་མཛད་གཞན་གྱིས་མི་ཐུབ་རྒྱལ། །འཇིགས་བྱེད་སྟོབས་ཀྱིས་འཆི་བདག་ཟིལ་གནོན་ཅིང་། ། ― DNG008_Page_0374 ―
[མ་དཔེ་གཟིགས་ན་འདིར་གནོན།]
སྲོག་གཅོད་ཉེས་སྤངས་སྐུ་ཡི་དབང་ཕྱུག་ཆེ། །གཟུང་འཛིན་སྐྱོན་སྤངས་བསམ་གཏན་ངང་ལ་གནས། །ཚེ་ལ་དབང་མཛད་འཇིགས་བྱེད་གཤིན་རྗེ་གཤེད། །ཡེ་ཤེས་ཐུགས་རྗེས་ཟིན་པས་མཐར་མི་འཆིང་། །ཐུགས་རྗེ་ཡེ་ཤེས་ཟིན་པས་སྲིད་ལས་སྒྲོལ། །གཉིས་ལ་མི་གནས་མཐའ་བྲལ་དབུ་མར་བསྙེམས། །འདོད་པའི་རྒྱལ་པོ་མཉེས་མཛད་ལཱ་སྱེ་ཀི། །རིག་པའི་སྡེར་ཆེན་ཆོས་ཀྱི་དབྱིངས་ཉིད་འཛིན། །ཐུགས་རྗེའི་ལྕགས་ཀྱུས་འགྲོ་བ་མི་གཏོང་ཞིང་། །ཤེས་རབ་ཐབས་ཀྱི་ལྕགས་ཀྱུས་མཐའ་གཉིས་འཛིན། །གཙོ་བོ་དབྱུག་སྔོན་མཉེས་མཛད་ཏྲ་ཏི་རུ། །ཡེ་ཤེས་མཚན་ལྡན་ཐུགས་རྗེའི་ཁྲོད་འབྱུང་ཞིང་། །སྤྲུལ་པས་འགྲོ་སྒྲོལ་སྐུ་དང་ཡེ་ཤེས་འཕྲོ། །ཤེས་སྙིང་མ་སྐྱེས་དབུ་མའི་རིག་པ་སྐྱེ། །ཤྨ་ཤ་པ་ཏིས་ཁྲོ་རྒྱལ་གཤིན་རྗེ་མཉེས། །དབྱིངས་སུ་མཚན་མ་ཤེས་རབ་ཐོ་བས་བརྡུང་། །ཐུགས་རྗེའི་ཕྲིན་ལས་སེམས་ཅན་མཚན་མ་བཅོམ། །དབུ་མར་ཡེ་ཤེས་སྙིང་རྗེས་མི་རྟོག་ངང་། །མི་གཡོ་མགོན་པོ་མཉེས་མཛད་མུ་ས་ལ། །རྡོ་རྗེ་གཏུམ་མོས་མཚན་མའི་དངོས་པོ་བཅོམ། །ཐུགས་རྗེས་རྔམ་ཚུལ་སྲིན་པོ་ཐལ་བར་རློག །གཉིས་ལ་མི་གནས་མཐའ་བྲལ་དབུ་མར་བསྡིགས། །ཧ་ཡ་གྲཱི་བ་མཉེས་མཛད་ཙཎྜ་ལཱི། །ཕྲ་མོར་འབིགས་པས་ཡེ་ཤེས་དབྱིངས་སུ་འཕེན། །འབིགས་པའི་ཡེ་ཤེས་གནད་དུ་ཐུགས་རྗེས་བརྡེག །མ་འཁྱོགས་དབུ་མ་ཆེན་པོའི་དོན་རྟོགས་པས། །གཞན་གྱིས་མི་ཐུབ་མཉེས་མཛད་ས་བྱཱ་ཏི། །མཚན་མ་མེད་པའི་དབྱིངས་ཐོས་རིག་པའི་སྒྲ། །དབྱིངས་ཉིད་རིག་ཤེས་དབྱིངས་ལ་ཉལ་བའི་སྒྲ། །དེ་ལ་བསྟན་པ་གསུང་གི་སྒྲ་འབྱིན་པ། །བདུད་རྩི་འཁྱིལ་པ་ས་བྱཱ་མི་ཏས་མཉེས། །བདག་ཏུ་རྟོགས་པའི་མཚན་མ་ཀུན་བཅོམ་ཞིང་། །ཟ་བྱེད་མཆེ་བས་སྐྱེ་ཤི་རྩད་བཅད་དེ། །སྐུ་དང་ཡེ་ཤེས་མ་སྐྱེས་མི་དམིགས་པ། །པདྨ་འཁྱིལ་པ་མཉེས་བྱེད་མཱ་ར་ཎ། །ཐུགས་དམ་དབང་གིས་རྣམ་དག་དབྱིངས་ནས་བསྐུལ། །ཐུགས་རྗེའི་ཤུགས་ཀྱིས་འགྲོ་བ་གནས་ནས་འདྲེན། །མཉེས་བྱེད་མཆོད་བསྐུལ་དབུ་མའི་དགྱེས་པ་སྟོབ། ། ― DNG008_Page_0375 ―
[མ་དཔེ་གཟིགས་ན་འདིར་གནོན།]
མ་ཧཱ་བ་ལ་མཉེས་མཛད་ཙུན་དཱ་མ། །བསྐྱོད་པའི་ཡེ་ཤེས་ས་རྣམས་དུས་གཅིག་གཅོད། །ཐུགས་རྗེའི་ཤུགས་ཀྱིས་འགྲོ་རྣམས་གནས་ནས་སྤོར། །ཐབས་དང་ཤེས་རབ་བསྐྱོད་པས་མཐའ་གཉིས་སྤངས། །དཱི་བ་ཡ་ཏིས་ཁམས་གསུམ་ཧཱུཾ་མཛད་མཉེས། །ཁམས་གསུམ་ཐུགས་རྗེའི་མི་བཟོད་ཕྲིན་ལས་ཀྱིས། །ཡལ་བར་མི་འདོར་བརྩོན་འགྲུས་ཤུགས་ཀྱིས་བརྟུལ། །གདོད་ནས་དོན་མཛད་འཁོར་བ་མཐར་གཏུག་སྒྲོལ། །དེ་ཕྱིར་དཔའ་བརྟུལ་ཟ་བྱེད་བྱཱ་གྷྲྀ་མ། །སྡང་མིག་ཐུགས་རྗེས་མི་འགྱུར་ཞེ་ལ་གནོན། །མཐུ་རྩལ་རྔོམ་བརྗིད་འགྱུར་མེད་བདུད་དཔུང་བཟློག །ཚམ་རྔམས་རལ་གསིག་གདངས་ངར་འཇིག་རྟེན་འགེངས། །དེ་ཕྱིར་ཕྲ་མེན་འགྱུར་མེད་ཙ་མ་ར། །རྟོག་པའི་སྒྲ་སྤངས་དྲན་པའི་དགོན་པར་གནས། །འཁྲུལ་སྐྱོན་དྲི་མ་ཤེས་བཞིན་རྫིས་ཚོར་སྤངས། །འགྲོ་དོན་དུས་ལ་བབ་ལ་ཐུགས་རྗེ་འཇུག །དེ་ཕྱིར་འཇུག་པར་བྱེད་པའི་ཧ་རི་ཎ། །ཆོས་དབྱིངས་གནས་ལ་རྟོག་པའི་སྐྱོན་སེལ་ཞིང་། །ཐུགས་རྗེས་སྤྲུལ་པས་སྤུ་རིས་བསམ་མི་ཁྱབ། །དུག་གསུམ་འཇོམས་མཛད་ཤ་རུས་ཁྲག་ལ་རོལ། །སེལ་བྱེད་སྤྲུལ་པས་དོན་མཛད་བྱཱ་གྷྲྀ་མ། །ཡང་བག་ཟོན་ཆགས་འགྲོ་དོན་ཐབས་མཁས་ལྡན། །མི་འདུལ་ཟིན་ཐུབ་བཏང་སྙོམས་ཆེན་པོར་བཞུགས། །དུས་ལས་མི་འདའ་བརྩོན་འགྲུས་ཤུགས་དང་ལྡན། །དེ་ཕྱིར་མཁས་བརྩོན་མཛད་པའི་བི་ཌཱ་ལ། ། ཚིག་གཅིག་ཆད། ཡེ་ཤེས་དབྱིངས་ལ་འཇུག་པས་ཤེས་བྱ་ཟ། །ཐུགས་རྗེས་ཡེ་ཤེས་ཕྲིན་ལས་འཁོར་བ་ཟ། །དེ་ཕྱིར་ཟ་བྱེད་ཤྭ་ན་མུ་ཁ་མ། །རིགས་བཙུན་གཉེན་པོར་གྱུར་པས་ཐམས་ཅད་འདུལ། །ཕྲིན་ལས་རྩལ་གྱིས་བདུད་དཔུང་མ་ལུས་འཇོམས། །སྟོང་ཉིད་སྒྲ་སྒྲོགས་མུ་སྟེགས་ཝ་ཚོགས་འཇོམས། །དེ་ཕྱིར་འཇོམས་བྱེད་རྩལ་མཆོག་སིདྷ་མ། །དབྱིངས་ལ་ཡེ་ཤེས་ཉལ་ཞིང་ཐུགས་རྗེས་རྨི། །མཐིང་ནག་ཆེན་པོར་དྲག་པོའི་སྐུར་སྟོན་ཅིང་། །ཐུགས་མཆོག་རྣམ་དག་ཆོས་ཉིད་དབྱིངས་སུ་མཁྱེན། །དེ་ཕྱིར་རྨི་བྱེད་ཕྲ་མེན་རྀ་ཀྵ་ཀ །ཡེ་ཤེས་ཐུགས་རྗེའི་སྟོབས་ཀྱིས་མཐའ་གནོན་ཏེ། །ཚམ་རྔམས་རལ་གསིག་སྤྲུལ་པས་བདུད་དཔུང་འཇོམས། །ལས་སུ་ཅི་མཛད་བརྩོན་འགྲུས་ ― DNG008_Page_0376 ―
[མ་དཔེ་གཟིགས་ན་འདིར་གནོན།]
སྟོབས་ཀྱིས་རོལ། །དེ་ཕྱིར་སྟོབས་ལྡན་ཕྲ་མེན་ཏ་རཀྵུ། །ལྷག་མཐོང་ཆོས་དབྱིངས་ཞི་གནས་རླན་གྱིས་རྒྱལ། །འཁོར་བ་ཐུགས་རྗེ་སྨོན་ལམ་སྟོབས་ཀྱིས་མྱོས། །རྟོག་འཇོམས་རྫས་ལ་གཙང་སྨེ་མེད་པར་རོལ། །དེ་ཕྱིར་མྱོས་བྱེད་ཕྲ་མེན་སཱུ་ཀ་ར། །ཡིད་གཡོ་ལས་ཅན་སེམས་པར་གྱུར་པ་ནི། །ཡེ་ཤེས་དབང་གི་ཐུགས་རྗེ་འགྲོ་ལ་གཡོ། །དོན་མཛད་ཡེ་ཤེས་གོད་འབྲང་དབྱིངས་སུ་མཁྱེན། །དེ་ཕྱིར་ཚུལ་ཁྲིམས་ཆེན་པོ་གྲྀ་ཌྷ་མ། །བསམ་པའི་དངོས་པོ་འདོད་ལ་འདུན་པར་གྱུར། །དབྱིངས་ཉིད་ཡེ་ཤེས་མཁྱེན་པས་ཤེས་བྱ་ཟ། །ཐུགས་རྗེས་འདུན་པས་འཁོར་བའི་བག་ཆགས་བླ། །དེ་ཕྱིར་ཟ་བྱེད་དྲོ་ཎ་ཀཱ་ཀ་མ། །དམིགས་ལ་སེམས་འཛིན་ཡིད་ལ་བྱེད་པར་འགྱུར། །ཡེ་ཤེས་དབྱིངས་རྟོགས་དྲངས་པས་ཉིན་མོ་ཉལ། །འགྲོ་འོང་རྨོངས་ལ་ཐུགས་རྗེས་མཚན་མོ་ལྡང་། །ཡེ་ཤེས་ཐུགས་རྗེས་དྲངས་པའི་ཨུ་ལཱུ་ཀ །བརྟགས་པའི་དངོས་ལ་དེ་གཅིག་ཏིང་འཛིན་གྱུར། །མཉམ་ཉིད་ཐོབ་བྲལ་དབྱིངས་ལས་མི་གཡོ་བ། །རྟོགས་པའི་སྤྱོད་ཡུལ་བྱིས་པས་མི་མཐོང་སྟེ། །དེ་ཕྱིར་ཕྲ་མེན་སྦེད་བྱེད་བཱ་ཡ་ས། །ལས་འབྲས་བདེན་ལ་ཡིད་ཆེས་དད་པར་འགྱུར། །མཉམ་ཉིད་དབྱིངས་སུ་ཐུགས་རྗེའི་ཤུགས་ཀྱིས་མགྱོགས། །ཞི་གནས་སྤྱན་གྱིས་ལྷག་མཐོང་བགྲོད་ཚེགས་ཆུང་། །དེ་ཕྱིར་མགྱོགས་བྱེད་པྲ་མེན་བག་ཤ་སི། ། བྷ་ཀྵསཱི་ངེས་པའི་དངོས་ལ་འཛིན་པ་མྱོས་པར་གྱུར། །ལྷག་མཐོང་ཡེ་ཤེས་དབྱིངས་ཉིད་མཉམ་གྱུར་འཛིན། །ཞི་གནས་གཅེས་པར་འཛིན་པས་མི་འཕྲོག་སྟེ། །དེ་ཕྱིར་འཛིན་པའི་ཕྲ་མེན་ཙ་ཏཱ་མ། ། བཎྜིར་ཡང་འདུག་འདྲིས་པའི་དངོས་པོ་མ་འདྲེས་དྲན་པར་གྱུར། །དབྱིངས་དང་ཡེ་ཤེས་མཉམ་ཉིད་མི་བརྗིད་དྲན། །ཏིང་འཛིན་འབུམ་ཕྲག་ལྷག་མཐོང་སོ་སོར་གསལ། །གཉིས་ལས་མ་རྨོངས་ཟིན་པའི་ཏི་ཏཱི་ལ། །ཆོས་རྣམས་འབྱེད་པའི་བྱེ་བྲག་གྱུར་པ་ནི། །མཉམ་ཉིད་ངང་དུ་ལོག་ལྟ་སེལ་བྱེད་ཅིང་། །རིག་པ་བསྐྱེད་པས་སོམ་ཉི་ཐེ་ཚོམ་གཅོད། །དེ་ཕྱིར་ཕྲ་མེན་གསོད་བྱེད་ན་ཀུ་ལ། །འཇུག་པ་རང་དབང་མེད་པས་གཉིད་གྱུར་པས། །མཉམ་དང་མི་མཐུན་ལོག་བལྟ་ ― DNG008_Page_0377 ―
[མ་དཔེ་གཟིགས་ན་འདིར་གནོན།]
མྱོས་པ་སྟེ། །བསྟན་པའི་ཆོས་བསྒྲགས་ལོག་བལྟ་མོས་པ་ཡིས། །ཐབས་ཀྱིས་སོས་བྱེད་ཕྲ་མེན་མཱུ་ཥི་ཀ །གསུམ་འདུས་གཅོད་པ་རེག་པར་གྱུར་པ་ནི། །ཕྲིན་ལས་བྱེ་བྲག་མང་པོ་མི་མཛད་ཀྱང་། །ཕྱག་རྒྱ་བཞི་པོ་མ་སྐྱེས་དབྱིངས་སུ་འབྲོས། །དེ་ཕྱིར་ཕྲ་མེན་འབྲོས་བྱེད་ཀ་སི་ཀ །འཁོར་བའི་རྡོ་རྗེ་བརྗོད་པས་མྱ་ངན་འདས། །ཆོས་སྐུ་རྡོ་རྗེས་གཅོད་པས་མཐའ་གཉིས་སྤངས། །བརྗོད་མེད་བརྗོད་བྲལ་དོན་གྱི་ཚིག་དང་བྲལ། །དེ་ཕྱིར་བརྗོད་མེད་བཛྲ་ཡཀྵྀ་ཎཱི། །ཆོས་ཉིད་རྡོ་རྗེས་མཚན་མའི་དངོས་པོ་བཤིག །ཡེ་ཤེས་རྡོ་རྗེས་གཟུང་འཛིན་རྟོག་པ་བསྲེག །ཕྱག་མཚན་རྡོ་རྗེས་གནས་པའི་ལྷ་བདུད་བཅོམ། །དེ་ཕྱིར་འཇོམས་བྱེད་བཛྲ་བྷཻ་རྟ་བ། །འཆི་མེད་བདུད་རྩིས་ཡུལ་སེམས་སྐྱེ་འགག་མེད། །གྲུབ་པའི་བདུད་རྩིས་བསམ་པའི་འབྲས་བུ་ཐོབ། །ཐུགས་རྗེས་འགྲོ་བས་བདུད་རྩྭི་བླ་མེད་འགྲུབ། །དེ་ཕྱིར་རྩི་མཆོག་ཡེ་ཤེས་བཛྲ་ཨ་མྲྀ་ཏ། །ཡེ་ཤེས་འཕྲོག་བྱེད་ཡོན་ཏན་རྒྱ་མཚོ་འགྲུབ། །ཐུགས་རྗེས་འཕྲོག་བྱེད་སྲིད་པ་དབང་དུ་སྡུད། །ཡེ་ཤེས་ཐུགས་རྗེས་གཉིས་མེད་དབྱིངས་སུ་ནུབ། །དེ་ཕྱིར་རླག་བྱེད་བཛྲ་མཱ་ར་ཎཱི། །ང་ནི་པདྨ་དབང་ཆེན་དང་། །དབང་ཕྱུག་མའི་ལྷ་རྒྱུད་བརྗོད་པར་བྱའོ། །བཅོ་ལྔའི་སྤྱན་གྱིས་རྒྱུད་ལྔའི་མི་དགེ་བཅུ། །ཡེ་ཤེས་ལྔ་པོ་སོ་སོས་ཅི་འདུལ་མཁྱེན། །སྙན་བཅུས་མི་དགེ་བཅུ་ཡི་སྡུག་བསྔལ་སེལ། །ཤངས་ལྔ་ནས་བྱུང་རིགས་ལྔའི་སྤྲུལ་པ་འཕྲོ། །རྒྱུད་ལྔའི་མགོན་མཛད་བརྩོན་ལྡན་རྟ་དབུ་ལྔ། །དུག་ལྔ་ཞལ་དུ་ཤར་ཏེ་རྔུབ་མཛད་ཅིང་། །ལྗགས་ལྔ་ཐེ་ཚོམ་གཅོད་ཅིང་ཐེག་ལྔ་འཆད། །སྐྱེ་བཞི་ལས་བཞིས་སྒྲོལ་མཛད་གཤོག་གཞི་སྐྱོད། །བཅུ་དྲུག་དམྱལ་ཁམས་བཅུ་དྲུག་ཕྱག་གིས་འདྲེན། །ཕྱོགས་བརྒྱད་འདུལ་ཕྱིར་ཞབས་བརྒྱད་ཁྲོ་བརྒྱད་གནོན། །རིགས་བཞི་སྣོད་བཅུད་ཉི་ཟླའི་འོད་དང་རྫིས། །ཕྱོགས་བཞི་རྩལ་དྲུག་དབང་ཕྱུག་ཡང་ཆེ་གནོན། །ཆེ་བའི་ཆེ་བ་ཡང་ཆེ་བླ་ན་མེད། །བཅུ་དྲུག་ཞག་གིས་ཟླ་དཀྱིལ་རྫོགས་པ་ལྟར། །ཚོགས་གཉིས་རྫོགས་པ་བཅུ་དྲུག་ས་ལ་བཞུགས། །ཕྱོགས་བཞི་དབུས་ལྔར་འབར་ལྟར་རིགས་ལྔའི་དབུ། །མཁྱེན་པའི་ཡེ་ཤེས་ཐུགས་ ― DNG008_Page_0378 ―
[མ་དཔེ་གཟིགས་ན་འདིར་གནོན།]
རྗེས་སོ་སོར་གཟིགས། །དབང་ཆེན་ཡོངས་སུ་འདུལ་བའི་དཀྱིལ་འཁོར་དང་། །ཚོགས་ཆེན་གཉིས་རྫོགས་ཐུགས་རྗེས་ལྷུན་གྲུབ་པ། །དཀྱིལ་འཁོར་གསུམ་གྱིས་བརྗིད་པའི་ཁྲོ་རྒྱལ་སྐུ། །ཐུགས་རྗེས་འདམ་སྐྱེས་སྤྱོད་པས་སྐྱོན་མ་གོས། །མཐའ་གཉིས་དབང་མཛད་པདྨ་ཧེ་རུ་ཀ །རྔམས་པའི་ཚུལ་གྱིས་སྲིན་མོའི་གཟུགས་འཛིན་ཅིང་། །ཐོད་རུས་གདུག་པའི་འབྲུ་མར་ཟས་སུ་ཟ། །སྲིད་པ་སེམས་ཅན་སྙིང་ཁྲག་དྲོན་མོར་གསོལ། །དབང་དྲག་ལས་མཛད་མ་ནུ་རཀྵ་སཱི། །སྡུག་བསྔལ་མྱ་ངན་འདས་སྟོན་ཚངས་མའི་གཟུགས། །ཚད་མེད་བཞི་རྫོགས་དཔལ་གྱི་དབུ་བཞིར་ལྡན། །ཞལ་བཞིས་སྨྲང་འདོན་གླིང་བཞིར་བཀྲ་ཤིས་ལྡན། །གཏི་མུག་ཡིད་བཞིན་རིན་ཆེན་བྲཧྨ་ཎཱི། །ཐམས་ཅད་མཉམ་པ་ཉིད་རྟོགས་རིགས་མཆོག་མ། །མ་རིག་དུག་གསུམ་འཇོམས་མཛད་དཔལ་རྩེ་བསྣམས། །བུད་མེད་ཆགས་ཚུལ་དབང་མཛད་དཀའ་ཟློག་མ། །ཆགས་པའི་སྐྱོན་བྲལ་ལྷ་ཆེན་རཽ་ཏྲི་མ། །ཐམས་ཅད་སྒྱུ་མ་བཞིན་དུ་རྟོགས་མཁྱེན་མ། །འདྲེལ་བའི་ཐུགས་རྗེས་འཇིག་རྟེན་གསུམ་ལ་རྟོགས། །ཕྲིན་ལས་རྒྱ་མཚོས་སྒྲོལ་བའི་བཞད་ཆེན་མ། །འཁོར་བའི་རྒྱུན་གཅོད་དྲག་མོ་བཻཥྞ་བཻ། །འདུ་བྱེད་མི་རྟག་དྲིལ་བུའི་སྒྲ་ལྟར་མཁྱེན། །རྟག་པར་གཞོན་ཚུལ་འཁོར་བ་ཇི་སྲིད་བཞུགས། །ཉོན་མོངས་ཐ་བ་འབིགས་པའི་མདུང་ཐུང་འཕེན། །གཞོན་ཚུལ་ཆགས་པས་དབང་མཛད་ཀཽ་མ་རཱི། །རྡོ་རྗེའི་ལས་མཛད་ཀུན་གྱི་བླ་ན་མེད། །ལྷ་ཡི་རྒྱལ་སྲིད་ཚོགས་ལ་དབང་བསྒྱུར་ཞིང་། །མཆོག་སྦྱིན་ཕྱག་རྒྱས་མི་དམིགས་སྐུ་མདོག་དཀར། །གསོད་བྱེད་རྡོ་རྗེ་ལྕེ་འབེབས་ཨིནྡ་ཎཱི། །བྱམས་མའི་ཐུགས་རྗེས་དབང་མཛད་སྐུ་མདོག་དམར། །བྷནྡྷ་བཅུད་མངས་སྣོད་ཀྱི་ཁྲག་མཚོ་ལ། །རྔམ་པའི་ཞལ་དུ་དུག་གསུམ་ཟ་བྱེད་མ། །སྡུག་བསྔལ་དབྱིངས་སུ་སྐོར་བྱེད་པིངྒ་ལཾ། །སེམས་ཅན་ཐམས་ཅད་འདུལ་ཐབས་མཆོག་ཏུ་མཁྱེན། །མུན་སེལ་སྒྲོན་འབར་བདུད་རྩིས་ནད་གསོ་མཛད། །འདམ་སྐྱེས་པད་ལྟར་འཁོར་བར་སྐུ་འཁྲུངས་ཀྱང་། །ཆགས་པའི་སྐྱོན་བྲལ་དབང་མཛད་ཨ་མྲྀ་ཏ། །ཞི་བའི་ལས་ནི་བསོད་ནམས་བསོད་པའི་ཡང་འདུག མཆོག་ཏུ་མཁྱེན། །ཟླ་ལྟར་ཡོན་ཏན་ཆ་ཤས་མཐར་ཕྱིན་སྐུ། །གདུང་བའི་ནད་སེལ་འཇིག་རྟེན་སྒྲོལ་མཛད་ཅིང་། །གདན་མཆོག་ ― DNG008_Page_0379 ―
[མ་དཔེ་གཟིགས་ན་འདིར་གནོན།]
ཐམས་ཅད་སྟོབས་མཛད་སོའུ་མྱ་མ། །དབྱིག་པས་འཚོག་པ་འདྲ་བ་གཞལ་མེད་མཁྱེན། །ཐབས་ཀྱིས་མ་རྨོངས་ལྗང་གུ་ཕྲིན་ལས་མདོག །རྣན་དབང་དྲག་ཤུལ་མཆོག་གི་དབྱུག་ཏོ་རྣམས། །དྲེགས་བྱེད་སྤྱི་ནས་འཇོམས་མཛད་དཎྜ་དཾ། །ལོག་པར་བལྟ་བ་འཇིགས་བྱེད་སྤྱན་གྱི་མཆོག །སྐྱེ་བ་འཕྲོག་བྱེད་སྐྱེ་རྒྱུན་ཁྲག་མཚོ་གསོལ། །ལས་མཛད་ཆགས་ཚུལ་གསེར་གྱི་སྐེད་ཆིངས་ཅན། །དྲག་མོ་རྔམ་ཚུལ་གློག་ཕྲེང་རཀྵ་སཱི། །ཕྲེང་བ་རྒྱན་གྱི་ནང་ན་མཆོག་ཏུ་མཛེས། །སྙིང་རྗེའི་རྒྱུན་སྐུད་བ་སུའི་ཞགས་པ་ཡིས། །ཆགས་མེད་ཞིང་དུ་ཁམས་གསུམ་སྒྲོལ་མཛད་མ། །ཐུགས་རྗེའི་རྒྱུན་གྱིས་སྒྲོལ་མཛད་བྷཀྵ་སཱི། །ཚོགས་པའི་དབྱིག་པས་མཆོད་པ་མཆོག་ཏུ་མཁྱེན། །གཏུམ་པོས་གདུག་པ་མ་ལུས་འཇོམས་མཛད་ཅིང་། །ཡོན་ཏན་མི་ཟད་ནོར་གྱི་གཏེར་འཛིན་མ། །སྟོང་གསུམ་ནོར་གྱིས་རྒྱས་མཛད་ར་ཏི་མ། །ར་རོ་འདྲ་བའི་དཔའ་བོ་གཞན་མེད་མཁྱེན། །ཆོས་རྣམས་གཉིས་མེད་དོན་རྟོགས་རྟག་ཏུ་མྱོས། །ཉོན་མོངས་ཐ་བ་རློག་པའི་གཤོལ་བསྣམས་ཤིང་། །དགེ་བའི་ལོག་རྟོག་སྐྱེད་པའི་རུ་དྷི་རེ་མཏྟ། །བརྟན་པས་གཞན་རྣམས་ཕམ་བྱེད་དཔའ་བའི་མཆོག །མ་ལུས་གསོད་བྱེད་ལས་ལ་འཇུག་བྱེད་ཅིང་། །བསྙེངས་པ་མི་མངའ་འགྲོ་དོན་གཅིག་པུར་སྤྱོད། །གསོད་བྱེད་དྲལ་མཛོད་ཨེ་ཀ་ཙ་རི་ཎཱི། །བུད་མེད་ཚུལ་ཆགས་འགྲོ་བ་དབང་དུ་སྡུད། །ཐམས་ཅད་མ་ལུས་འགུགས་བྱེད་དགའ་བའི་མཆོག །འདོད་ལྷའི་མདའ་འཕེན་སྲིད་གསུམ་ཡིད་འཕྲོག་ཅིང་། །ཐུགས་རྗེས་ཞེན་པའི་མ་ནོ་ཧ་ར་མ། །ཁྲག་ལས་ཟས་གཞན་མེད་པར་རྟོགས་མཁྱེན་ཅིང་། །དོན་རྣམས་དབང་དུ་བསྒྱུར་ནས་རྦོད་གཏོང་ཅན། །མི་ཟད་གཏེར་ལྡན་ནོར་གྱི་བུམ་པ་འཛིན། །སྡུག་བསྔལ་རེ་སྐོང་མཐར་ཐུག་སིདྡྷི་ཀཱ། །རེག་བྱའི་སེམས་མ་རླུང་གི་ཁམས་ཏེ་མཆོག །སྲིད་གསུམ་དབུགས་ཀྱི་སྲོག་འབྱིན་ཚེ་འཕེལ་མ། །བདེ་གཤེགས་ལས་རྒྱུད་སེམས་ཅན་སྒྲོལ་མཛད་ཅིང་། །ཁམས་གསུམ་གནས་ནས་སྐྱོད་མཛད་བཱ་ཡ་བཱི། །སྙིགས་མ་ལྔ་ལྡན་ལྔ་བརྒྱའི་མཐའ་མ་ལ། །སྲིད་གསུམ་འཁོར་བའི་སེམས་ཅན་གདུལ་དཀའ་བ། །གསད་པ་ཉི་ཚེའི་ལས་ཀྱིས་གདུལ་བར་མཛད། །སྡུག་བསྔལ་དབྱིངས་སུ་གསོད་མཛད་མཱ་ཎ། །གཟི་བརྗིད་ཅན་ནི་མེ་ཡི་ཁམས་ཏེ་མཆོག །འབར་བ་ ― DNG008_Page_0380 ―
[མ་དཔེ་གཟིགས་ན་འདིར་གནོན།]
མཆོག་གིས་གདུག་པ་མ་ལུས་བསྲེག །ཟ་བྱེད་བསྐལ་པ་དུས་མཐའི་ཚུལ་སྟོན་པ། །ལྷག་མཐོང་ཡེ་ཤེས་འབར་འཕྲོ་ཨག་ན་ཡེ། །མཆེ་བ་དག་པས་སྐྱེ་བཞི་རྩད་གཅོད་ཞུགས། །ཉོན་མོངས་ཐ་བ་རློག་པ་ཕག་གི་དབུ། །ལོག་པའི་ཕྱོགས་རྣམས་སྲིད་གསུམ་སྟོབས་ཀྱིས་སྤོར། །སྐྱེ་བའི་རྩད་གཅོད་ཟ་བྱེད་བ་ར་ཧཱི། །འཆི་བདག་ཐམས་ཅད་གནས་ནས་མ་སྨོས་མཁྱེན། །ཐམས་ཅད་གསོད་བྱེད་དམ་ཉམས་འཆི་བདག་མཛད། །དམ་ཚིག་སྲུང་བའི་འཆི་བདག་བཟློག་མཛད་ཅིང་། །ལུང་གི་དུར་ཁྲོད་དབང་མཛད་ཙ་མུཎྜཱི། །འཇིགས་ལས་ལྷག་པའི་བགེགས་ནི་གཞན་མེད་མཁྱེན། །སྟོང་ཕྲག་བརྒྱད་ཅུའི་བགེགས་ལ་དབང་མཛད་ཅིང་། །སྣ་ཆེན་གླང་སྣ་བདུད་རྩི་གི་ཧཾ་ཐོགས། །སྡུག་བསྔལ་ནད་སོས་མཛད་པའི་སུ་ཏ་ན། །ཆུ་ལས་ལྷག་པའི་ཟས་ནི་གཞན་མེད་མཁྱེན། །ནོར་གྱི་ཚོགས་རྣམས་མ་ལུས་འཕྲོག་མཛད་ཅིང་། །གདུག་པ་འདུལ་ཕྱིར་དུག་སྣོད་སྦྲུལ་ཞགས་བསྣམས། །ཞི་གནས་ཏིང་འཛིན་དབང་སྡུད་ཝ་རུ་ཎཱི། །འགྲོ་བའི་དོན་མཛད་མི་འགྱུར་སྐུ་མདོག་གནག །སྲིད་གསུམ་འཇོམས་མཛད་ཏྲི་ཤཱུལ་གདེངས་པ་བསྣམས། །ཐུགས་རྗེས་ཤུགས་ཀྱིས་འདྲེན་མཛད་ལྕགས་ཀྱུ་བསྣམས། །འཁོར་བ་ཐུགས་རྗེ་ཤར་མཛད་ཀ་ལཱི་མ། །ཆགས་པའི་ཚུལ་གྱིས་དོན་མཛད་ར་མགོ་ཅན། །བྱམས་པའི་ཞགས་པས་འཁོར་བའི་རྒྱུད་འཛིན་ཅིང་། །གང་ལ་ཅིས་འདུལ་དེ་ལ་དེར་སྟོན་པའི། །ཡོན་ཏན་ཚོགས་རྫོགས་རེ་སྐོང་ཙ་ཀ་ལཱི། །སྟོན་པའི་བཀའ་དང་རང་གི་དམ་བཅས་གཉིས། །མི་འདའ་མ་གྲུབ་བར་དུ་བརྟན་པར་བཞུགས། །དམ་ཚིག་སྒྲོག་གིས་སེམས་ཅན་སྒྲོལ་མཛད་ཅིང་། །མ་རིག་ནུབ་མཛད་ཀུམྦྷ་ཀརྞ་མ། །སྐུ་གསུང་ཡོན་ཏན་ཕྲིན་ལས་མཐའ་ཀླས་པ། །སྟོང་པའི་སྒྲས་བསྐུལ་འགྲོ་བའི་རྒྱུད་ལ་འབེབས། །སོ་སོའི་སྐད་དུ་ཆོས་ཀྱི་སྒྲ་སྒྲོགས་ཤིང་། །བག་ཆགས་བྱང་མཛད་ལམྦོ་ད་ར་མ། །མཚན་དང་དཔེ་བྱད་གཉིས་ལས་འཕྲོ། །མགྱོགས་པ་མགྱོགས་མའི་ཕོ་ཉ་སྟེ། །རྔམ་པ་གཏུམ་པའི་གཟུགས་ཅན་ནི། །དྲ་བ་མོ་དང་གློག་འགྱུར་གྲགས། །ཆོས་ཉིད་ཞགས་པས་མཚན་མ་དབྱིངས་སུ་སྡུད། །ཡེ་ཤེས་ཐུགས་རྗེས་འདྲེལ་པས་ཀུན་ལ་ཁྱབ། །ཕྲིན་ལས་དྲ་བས་འགྲོ་བ་རླབས་ཀྱིས་སྒྲོལ། །དེ་ཕྱིར་ལྷ་མོ་རིན་ཆེན་དྲ་བ་མོ། །ཨོཾ་ ― DNG008_Page_0381 ―
[མ་དཔེ་གཟིགས་ན་འདིར་གནོན།]
བཛྲ་ཛཱ་ལ་བཛྲ་ཧཱུཾ། ཡེ་ཤེས་གློག་འགྱུས་མཚན་མ་དབྱིངས་སུ་གཅོད། །སྐད་ཅིག་ཐུགས་རྗེས་འཁོར་བ་དབྱེ་བསལ་མེད། །ཕྲིན་ལས་གློག་འགྱུས་འགྲོ་བ་ཡིད་ཀྱིས་སྒྲོལ། །དྲ་བས་བསྡུས་ལ་གློག་འགྱུ་མ་ཡིས་འདྲེན། །བཛྲ་ཨ་མོ་ཀ་ཧཱུཾ། འོད་ཟེར་དུད་ཁ་འཕྲོ་བ་ནི། །ཧཱུཾ་དང་ཕཊ་ཀྱི་སྒྲ་སྒྲོགས་ཤིང་། །བསྐལ་པའི་འབྲུག་སྒྲ་ཆེན་པོ་བཞིན། །ཀུན་ཀྱང་མགྱོགས་པའི་རླུང་དང་མཚུངས། །མིག་གསུམ་པོ་ལ་ལྕགས་སྡེར་ཅན། །མགོ་གསུམ་པོ་ལ་རྐང་གསུམ་པོ། །མཱང་ས་ཟ་ཞིང་བདུད་ཁྱིམ་འཇོམས། །བལྟས་པས་བདུད་རྣམས་འཇིགས་པར་བྱེད། །ཀླུ་ཡི་གནས་ཀྱང་ངེས་པར་འཇོམས། །འདི་རྣམས་ཁྲོ་བོའི་ཕོ་ཉ་སྟེ། །ཧ་ཧ་རུ་ལུའི་སྒྲ་སྒྲོགས་ཤིང་། །གང་གི་རླུང་ཕྱོགས་སོང་བའི་ཚེ། །ཁྲོ་བོ་ཐམས་ཅད་ངེས་པར་འཆི། །ན་མོ་བི་ཙ་ར་བྷྱོ། ཧ་ཧ་རུ་ལུ་བྷྱོ།མགོ་བརྒྱད་པོ་ལ་ལག་བརྒྱད་པོ། །རྐང་པ་བརྒྱད་ལ་མིག་ཀྱང་བརྒྱད། །ལག་པ་བརྒྱད་ནི་རྡོ་རྗེ་འཛིན། །རྟ་མགྲིན་གནས་ནི་ངེས་པར་འཇོམས། །རྐང་པ་དྲུག་ལ་མགོ་དྲུག་པོ། །ལག་པ་དྲུག་ནི་རྒྱུད་དྲུག་གཅོད། །གཡོན་པ་དྲུག་ནི་གཏོར་མ་འཛིན། །གཡས་པ་གསུམ་ནི་ཕུར་བུ་འཛིན། །གང་ནས་གང་དུ་འགྲོ་བའི་ཚེ། །བདག་གི་རྐང་པ་ཕུར་པ་ཡིན། །རྐང་པ་ལྕགས་ཕུར་རབ་ཏུ་གྲགས། །འོད་ཟེར་དུད་ཁས་རེག་པས་ནི། །ཚངས་པའི་གནས་ཀྱང་ངེས་པར་འཇོམས། །ལག་པ་གཡོན་པ་བསྐྱོད་པས་ནི། །ཕྲ་མེན་འཁོར་བཅས་རལ་པ་གསིག །ལྕགས་ཀྱི་དགྲ་སྟྭ་རབ་ཐོགས་ཤིང་། །ཞིང་ཆེན་ཡན་ལག་འཛིན་པ་འཕྲོ། །བྱང་གི་ཕྱོགས་ནས་འབྱུང་བ་ནི། །ལྕགས་ཀྱི་ཁྱི་སྟེ་རྐང་གསུམ་པོ། །ལྕགས་ཀྱི་ལུས་ལ་ཉི་མའི་མིག །སྤུ་ནི་ལྕགས་ཀྱུ་བསྲེགས་པ་འདྲ། །སྒྲ་ནི་འབྲུག་པས་རབ་ཏུ་ཆེ། །བང་ནི་གློག་པས་རབ་ཏུ་མགྱོགས། །རབ་ཏུ་མི་བསྲུན་འདི་དག་ནི། །ཕྱག་ན་རྡོ་རྗེའི་མཐུ་ཡང་འཕྲོག །མགོ་དགུ་པོ་ལ་རྐང་གཅིག་པོ། །ལུས་ནག་པོ་ལ་འོད་ཕུང་ཅན། །རལ་པ་གནག་ཅིང་མཆེ་བ་གནག །མིག་ཀྱང་གནག་ཅིང་རལ་པ་གནག །མགྱོགས་པ་རླུང་གིས་བསྐྱོད་དུ་མེད། །འདི་དག་ཕོ་ཉའི་མཆོག་ཡིན་ཏེ། །ཞུམས་པ་མེད་ཅིང་སྟོབས་ཆེན་འཇོམས། །ཕ་རོལ་རྣམ་ཤེས་ངེས་པར་འཇིག །རྐང་གཅིག་འདི་དག་ཕོ་ཉ་ཡང་། །ཁ་དོག་འབར་བ་ཅི་འདྲ་སྟེ། །གཅིག་ལ་གཅིག་ནི་རབ་ཏུ་ ― DNG008_Page_0382 ―
[མ་དཔེ་གཟིགས་ན་འདིར་གནོན།]
འཁྲིལ། །ཡང་ན་ལག་པ་བགྲད་སྟེ་འགྲོ། །མིག་ཀྱང་མེད་དེ་ཅང་མི་སྨྲ། །ལོང་བ་ཀུན་གྱི་མཆོག་ཡིན་ཏེ། །རྟ་བབས་དག་གི་སྒོར་བསྒོམས་ཏེ། །ལན་འགའ་དྲག་ཏུ་མངགས་ན་ནི། །གཉི་ག་སོང་སྟེ་དེར་ཕྱིན་ནས། །གང་ལ་དམིགས་པ་ལེན་པར་བྱེད། །སུས་ཀྱང་བཟློག་པར་མི་འགྱུར་རོ། །ཕོ་ཉ་དེ་རྣམས་སེམས་ཀྱི་ཁྱད་པར་ལས་བྱུང་སྟེ། །སྐུལ་བྱེད་མས་ནི་གཞན་འདེབས་ཤིང་། །མགྱོགས་པའི་ལམ་ནི་ཕྱིན་པར་འགྲོ། །ལྷག་གཏུལ་མ་སྲིད་བུ་མོ་ཆུང་མ་བཞིན། །ཕྱི་ཁྲོ་ནང་ཚུལ་བྱམས་ཕྱིར་ཕྲ་མེན་ནོ། །དེ་ལ་ཕོ་ཉ་བཞི་སྟེ་ཐུགས་དམ་བསྐུལ། །ཀུན་ཏུ་ཁྱབ་དང་འཇལ་བ་ངེས་ཚིག་གོ། །ཐུགས་དམ་བསྐུལ་བ་བསྙེན་པ་ལས་བཞི་པོ། །ཏིང་འཛིན་སྤྲུལ་པ་ལས་དང་རྣམ་ཤེས་གཡོ། །རྩལ་དང་རྩལ་ཆེན་མི་རྟ་ཅི་བཞིན་ནོ། །ཁྱབ་པ་ཀུན་རྫོབ་ཁྱབ་པ་དོན་དམ་གཉིས། །ལུས་ལ་གཉེན་པོ་དཀྱིལ་འཁོར་རང་བཞིན་ཁྲོ། །ལུས་ལ་རང་བཞིན་དངོས་པོ་མེད་པ་གཅོད། །ཁྱབ་པ་ཆོས་ཉིད་ཁྱབ་པ་ཟ་བྱེད་ན། །དོན་དམ་མཁའ་ལ་ཉི་ཤར་གསལ་སྟོང་ཁྱབ། །གསོད་པའི་ལས་ནི་གྲུབ་པ་ཡིན། །སོ་སོ་ཡིད་འཕྲོག་བསྒྲུབ་པ་ཡིས། །འཕྲོག་ཅེས་འབྱུང་བ་དེ་ལྟར་བྱ། །ཕྲ་མེན་ཞེས་བྱའི་ངེས་ཚིག་ནི། །དོན་དམ་རང་བཞིན་བྱིན་རླབས་རྟགས་དང་སྤྲུལ། །བརྟུལ་བ་ཡིན་ཏེ་རྣམ་པ་དྲུག་ཏུ་བཤད། །དོན་ནི་དབྱིངས་དང་ཡེ་ཤེས་གཉིས་མེད་ཚུལ། །གསེར་དངུལ་བསྲེས་པའི་སྤ་བརྗིད་ཇི་བཞིན་དུ། །བྱིན་རླབས་བྱམས་དང་སྙིང་རྗེ་གཉིས་སྣང་བ། །ཉི་འོད་དྲོ་དང་བསྲེག་པ་ལྟ་བུའི་ཚུལ། །གཉིས་ལས་བྱུང་ཕྱིར་རང་བཞིན་ཤ་རུས་ཏེ། །ཕྱི་རོལ་གདུག་ཟ་ནང་ཚུལ་བྱམས་པ་ཡིན། །རྟགས་ནི་ཞི་དྲག་གཉིས་ཀྱི་དོན་མཛད་པ། །ཤ་ཟའི་མགོ་བཅད་མི་ཡི་ཐོད་དུ་བཏགས། །སྤྲུལ་པའི་ལས་དང་ཐུགས་དམ་འདྲེལ་བས་ན། །དེ་འདྲའི་རྫུ་འཕྲུལ་སྒྱུ་འདྲ་འཕྲུལ་ལ་སྣང་། །ངེས་ཚིག་ཡེ་ཤེས་ཕོ་ཉས་དབྱིངས་ལ་འཇུག །སོ་སོར་རང་བཞིན་དངོས་པོ་ཉམས་དོན་འཇལ་ཞེས་བྱའོ། །བརླང་པོའི་ལས་མཛད་ཁྲོ་ཚུལ་རྔམ་པ་འདི། །བཅོམ་ལྡན་དགོངས་པའི་མཛད་སྤྱོད་མི་རྟོགས་པའི། །རྨོངས་པས་དཔྱད་ན་བདག་གི་དགྲ་བོ་ཞེས། །དོན་ནོར་ཞེར་འདེབས་སྒྲོ་སྐུར་དབྱེ་བར་བྱེད། །མིའི་ཙམ་བཤད་ལོག་བལྟ་ཉེས་སྒྲིབས་པར་སྤངས། ། ཐུགས་རྗེ་ཆེན་པོའི་གཏོར་མ་དང་ཤ་ཁྲག་རུས་པའི་གཏོར་རྒྱུད་ཆེན་པོ།― DNG008_Page_0383 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། མ་ཧཱ་ཀཱ་རུ་ཎཱ་བ་ལིཤྩ་མཱཾ་ས་རཀྟཱ་སྠོ་མ་ཧཱ་བ་ལི་སྟནྟྲ། བོད་སྐད་དུ། ཐུགས་རྗེ་ཆེན་པོའི་གཏོར་མ་དང་། ཤ་ཁྲག་རུས་པའི་གཏོར་རྒྱུད་ཆེན་པོ། བཅོམ་ལྡན་འདས་དཔལ་ཀུན་ཏུ་བཟང་པོ་བླ་ན་མེད་པའི་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཤེས་ནས་བཤད་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་རང་རིག་པའི་ཀློང་ན་བཞུགས་པ་ལ། དེ་ཉིད་ཀྱི་ཁྱད་པར་ལས། དེ་ཉིད་དང་གཉིས་སུ་མེད་པའི་ཡུམ་དེས་འདི་སྐད་བསྐུལ་ལོ། །ཨཀྴ་ཧོ། དང་པོ་སྐྱེ་མེད་ཆོས་རྣམས་ཡུམ་གྱི་ངང་། །མ་བྱུང་མ་སྐྱེས་སེམས་ཉིད་སྐྱེ་བ་མེད། །སྐྱེ་བ་མེད་པའི་སེམས་ཉིད་དག་པ་ལས། །འཁོར་བ་ངན་སོང་ཡེ་ནས་མེད་པ་ལ། །བརྟགས་པས་འཁྲུལ་པའི་རྫས་སུ་སྣང་བ་ཀུན། །ཐུགས་རྗེ་ཆེན་པོས་སྦྱང་བའི་དུས་ལ་བབ། །ངོ་མཚར་ཆེ་བའི་ལྷ་ལ་ཕྱག་འཚལ་བསྟོད། །ཅེས་གླེང་བསླངས་པ་དང་། ཡབ་ཀྱིས་ཡུམ་ལ་འདི་སྐད་ཅེས་བཀའ་སྩལ་ཏོ། །ཨཀྴ་ཧོ། མ་བཅོས་ཡོངས་ཀྱིས་དག་པའི་ཞིང་ཁམས་སུ། །ཐམས་ཅད་གཉིས་མེད་རྒྱལ་བའི་སངས་རྒྱས་བཞུགས། །དེ་ཚེ་ལོག་རྟོག་མཚན་མ་མིང་ཡང་མེད། །སྟོང་པ་ཉིད་ལས་སྟོང་པའི་རང་བཞིན་གནས། །སྟོང་ཉིད་བརྟགས་པས་སྟོང་ཉིད་རང་བཞིན་བདེ། །མི་སྐྱེའི་ཆོས་ལས་ཆོས་རྣམས་ཐམས་ཅད་འབྱུང་། །ཆོས་ཉིད་ལོངས་སྤྱོད་རྒྱན་དུ་གཅིག་པར་བྱོས། །ཞེས་ཆེད་དུ་བརྗོད་དོ། །དེ་ནས་སུས་ཀྱང་མ་བརྗོད་པའི་རང་སྒྲ་ ― DNG008_Page_0384 ―
[མ་དཔེ་གཟིགས་ན་འདིར་གནོན།]
ཙམ་ཉིད་ལས། ཧཱུཾ་ཨོཾ་སྭཱ་ཨཱཾ་ཧཱ་ལྔ་ལས། རྣམ་པར་ཤེས་པའི་ཚོགས་ཀྱིས་བསྡུས་པ་ཐམས་ཅད་རྡོ་རྗེའི་རིགས་ཀྱི་གཏོར་མར་གྱུར་ཏོ། །གཟུགས་ཀྱི་ཕུང་པོས་བསྡུས་པ་ཐམས་ཅད་དེ་བཞིན་གཤེགས་པའི་རིགས་ཀྱི་གཏོར་མར་གྱུར་ཏོ། །ཚོར་བར་སྣང་བ་ཐམས་ཅད་རིན་པོ་ཆེ་རིགས་ཀྱི་གཏོར་མར་གྱུར་ཏོ། །འདུ་ཤེས་ཀྱིས་བསྡུས་པ་ཐམས་ཅད་པདྨའི་རིགས་ཀྱི་གཏོར་མར་གྱུར་ཏོ། །འདུ་བྱེད་ཀྱིས་བསྡུས་པ་ཐམས་ཅད་ལས་ཀྱི་རིགས་ཀྱི་གཏོར་མར་གྱུར་ཏོ། །དེ་ཡང་གང་ཞེ་ན། རྣམ་པར་ཤེས་པའི་ཚོགས་བརྒྱད་དེ། མིག་གི་རྣམ་པར་ཤེས་པ་ནི། སྡུག་ཅིང་མཛེས་པས་གཟུགས་སྡུག་པ་དང་། མི་སྡུག་པ་དང་། གཉིས་ཀ་མ་ཡིན་པ་དང་། དཀར་བ་དང་། དམར་བ་དང་། སེར་བ་དང་། ལྗང་བ་ལ་སོགས་ཏེ། མེ་ཏོག་སྣ་ཚོགས་པའི་གཏོར་མར་སྤྲུལ་ཏེ། དེས་ཀྱང་དོན་བྱ་བ་དང་། མཆོད་པ་དང་། ཐུགས་དམ་བསྐུལ་བ་དང་། ཚིམ་པ་དང་དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་ཆོས་ཉིད་ལ་ཆོས་ཉིད་རོལ་པ་དང་། གཉིས་སུ་མེད་པ་དང་། གདོད་ནས་དག་པ་དང་། སངས་རྒྱས་ཤིང་གཏོར་མར་གྱུར་ཏོ། །དེ་ཡང་བྱམས་ཤིང་ཐུགས་རྗེ་ཆེ་ལ་ཡོངས་ལ་ཁྱབས་པས་གཏོར་མར་གྱུར་ཏོ། །སྣའི་རྣམ་པར་ཤེས་པ་ནི། ཚིམས་པར་བྱེད་པས་དྲི་ཞིམ་པ་དང་། མི་ཞིམ་པ་དང་།གཉིས་ཀ་མ་ཡིན་པ་དང་། སྤོས་དང་། བདུག་པ་དང་། སྨན་གྱི་དྲི་དང་།ཞལ་ཟས་ཀྱི་དྲི་ལ་སོགས་པ་སྤོས་སྣ་ཚོགས་ཀྱི་གཏོར་མར་སྤྲུལ་ཏེ། ངེས་ཀྱང་དོན་བྱ་བ་དང་། མཆོད་པ་དང་། ཐུགས་དམ་སྐུལ་བ་དང་། སྒྲིབ་པ་སྦྱོང་བ་དང་། དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་ཆོས་ཉིད་ལ་ཆོས་ཉིད་རོལ་པ་དང་། ཡེ་ཤེས་ལ་ཡེ་ཤེས་རོལ་པ་དང་། གཉིས་སུ་མེད་པ་དང་། གདོད་ནས་དག་པ་དང་། རྫས་སུ་སྣང་བ་སྟེ། ཐམས་ཅད་དུ་སངས་རྒྱས་ཤིང་གཏོར་མར་གྱུར་ཏོ། །དེས་ཀྱང་བྱམས་ཤིང་ཐུགས་རྗེ་ཆེན་པོས་ཡོངས་ལ་ཁྱབ་པས་གཏོར་མར་གྱུར་ཏོ། །ལྕེའི་རྣམ་པར་ཤེས་པ་ནི། མྱོང་བར་བྱེད་པས་རོ་བྲོ་བ་དང་། མི་བྲོ་བ་དང་། གཉིས་ཀ་མ་ཡིན་པ་དང་། ཁ་བ་དང་། མངར་བ་དང་། སྐྱུར་བ་དང་། རྩུབ་པ་དང་། ལན་ཚྭའི་རོ་ལ་སོགས་པ་བཤོས་སྣ་ཚོགས་ཀྱི་གཏོར་མར་སྤྲུལ་ཏེ། དེས་ཀྱང་དོན་བྱ་ ― DNG008_Page_0385 ―
[མ་དཔེ་གཟིགས་ན་འདིར་གནོན།]
བ་དང་། མཆོད་པ་དང་། ཚིམ་པ་དང་། ཐུགས་དམ་སྐུལ་བ་དང་། སྒྲིབ་པ་སྦྱོང་བ་དང་།དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་ཆོས་ཉིད་ལ་ཆོས་ཉིད་རོལ་པ་དང་། ཡེ་ཤེས་ལ་ཡེ་ཤེས་རོལ་པ་དང་། གཉིས་སུ་མེད་པ་དང་། གདོད་ནས་དག་པ་དང་། རྫས་སུ་སྣང་བ་དང་། འབྲས་བུ་ཐོབ་པར་བྱས་ཏེ། ཐམས་ཅད་སངས་རྒྱས་ཤིང་གཏོར་མར་གྱུར་ཏོ། །ངེས་ཀྱང་བྱམས་ཤིང་ཐུགས་རྗེ་ཆེ་ལ་ཡོངས་ལ་ཁྱབ་པས་གཏོར་མར་གྱུར་ཏོ། །ལུས་ཀྱི་རྣམ་པར་ཤེས་པ་ནི། རེག་པར་བྱེད་པས། འཇམ་པ་དང་། རྩུབ་པ་དང་། གཉིས་ཀ་མ་ཡིན་པ་དང་། ལྷ་དང་མིའི་གོས་ལ་སོགས་པ་སྣ་ཚོགས་ཀྱི་གཏོར་མར་སྤྲུལ་ཏེ། དེས་ཀྱང་དོན་བྱ་བ་དང་། མཆོད་པ་དང་། ཚིམ་པ་དང་། ཐུགས་དམ་སྐུལ་བ་དང་། སྒྲིབ་པ་སྦྱོང་བ་དང་། དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་དོན་གོང་མ་བཞིན་དུ་གྱུར་ཏོ། །རྣ་བའི་རྣམ་པར་ཤེས་པ་ནི། ཐོས་པར་བྱེད་པས། སྒྲ་སྙན་པ་དང་། མི་སྙན་པ་དང་། གཉིས་ཀ་མ་ཡིན་པ་དང་། ཅི་ལྟར་ལྷ་དང་མིའི་སྒྲ་དང་། རོལ་མོ་དང་། འབྱུང་བ་ཆེན་པོ་ལས་གྱུར་པ་ཐམས་ཅད་དང་། སྒྲ་སྣ་ཚོགས་ཀྱི་གཏོར་མར་སྤྲུལ་ཏེ། དེས་ཀྱང་དོན་གོང་མ་བཞིན་དུ་གྱུར་ཏོ། །ཀུན་གཞིའི་རྣམ་པར་ཤེས་པས་ལས་སོགས་པར་བྱེད་པས། བག་ཆགས་བཟང་པོ་དང་། ངན་པ་དང་། གཉིས་ཀ་མ་ཡིན་པ་དང་། རྗེས་སུ་རྒྱུ་བ་དང་། དྲན་པ་དང་། རྩོལ་བ་དང་། ཤེས་རབ་རྣོ་བ་ལ་སོགས་པ་སྣང་བ་སྣ་ཚོགས་ཀྱི་གཏོར་མར་སྤྲུལ་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །ཉོན་མོངས་པ་ཅན་གྱི་ཡིད་ཀྱི་རྣམ་པར་ཤེས་པ་ནི། རྗེས་སུ་རྒྱུ་བར་བྱེད་པས། ཚོར་བ་དང་། སྣང་བ་དང་། ཐོས་པ་དང་། གནས་པ་ལ་སོགས་པ་སྣང་བ་ཡོངས་སུ་སྣང་བའི་གཏོར་མར་སྤྲུལ་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །ཡིད་ཀྱི་རྣམ་པར་ཤེས་པ་ནི། གསལ་བར་གཅོད་པས། ལྷ་དང་མིའི་གཟུགས་ལ་སོགས་པ་དང་། ཚིག་དང་སྒྲའི་དོན་ཐམས་ཅད་ཤེས་པ་དང་། འཛིན་པ་དང་། མི་བརྗེད་པ་དང་། སྣོད་དུ་གྱུར་པ་ལ་སོགས་པ་ཡོངས་སུ་སྣང་བའི་གཏོང་མར་སྤྲུལ་ཏེ། དེས་ཀྱང་དོན་བྱ་བ་དང་ ― DNG008_Page_0386 ―
[མ་དཔེ་གཟིགས་ན་འདིར་གནོན།]
མཆོད་པ་དང་། ཚིམ་པ་དང་། ཐུགས་དམ་སྐུལ་བ་དང་། སྒྲིབ་པ་སྦྱོང་བ་དང་། དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་དོན་བྱ་བ་དང་། ཆོས་ཉིད་ལ་ཆོས་ཉིད་རོལ་པ་དང་། ཡེ་ཤེས་ལ་ཡེ་ཤེས་རོལ་པ་དང་། གཉིས་སུ་མེད་པ་དང་། གདོད་ནས་དག་པ་དང་། རྫས་སུ་སྣང་བ་དང་། འབྲས་བུ་ཐོབ་པར་བྱེད་སྟེ། ཐམས་ཅད་ཡོངས་སུ་རྒྱས་ཤིང་གཏོར་མར་གྱུར་ཏེ། དེས་ཀྱང་བྱམས་ཤིང་ཐུགས་རྗེ་ཆེན་པོ་ཡོངས་ལ་ཁྱབ་པས་གཏོར་མར་གྱུར་ཏོ། །དེ་ལ་གཟུགས་ཀྱིས་བསྡུས་པ་ནི་གང་ཞེ་ན། རྒྱུའི་གཟུགས་བཞི་དང་། འབྲས་བུའི་གཟུགས་བཅུ་གཅིག་དང་། ལྷ་དང་མིའི་གཟུགས་ལ་སོགས་པ་སྣ་ཚོགས་ཏེ། རྒྱུའི་གཟུགས་བཞི་ནི། འབྱུང་བ་ཆེན་པོ་བཞི་ནམ་མཁའ་སྤྱིར་བཏང་བ་དང་ལྔ་སྟེ། ནམ་མཁའ་ནི་ཤོང་ཡངས་ཆེ་བ་དང་། སྟེང་འོག་མེད་པར་གདལ་བ་དང་། མཐའ་དབུས་མེད་པར་ཁྱབ་པ་དང་། ཕྱོགས་རིས་མེད་པར་ཁྱབ་པ་དང་། ཐུག་པ་མེད་པར་དཔལ་གྱི་གཏོར་མར་གྱུར་ཏོ། །དེས་ཀྱང་བྱམས་པ་ལ་སོགས་པ་གོང་མ་བཞིན་ནོ། །ས་ནི་སའི་རང་བཞིན་སྲ་བ་དང་།རྒྱ་ཆེ་བ་དང་། གྲངས་མང་བ་དང་། སྐྱེ་བ་སྨིན་པར་བྱེད་པ་དང་། ཁ་དོག་གསལ་བ་དང་། རི་རབ་དང་གླིང་དུ་ལྡན་པའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །ཆུ་ནི་གཤེར་བ་དང་། རླན་པ་དང་། སྡུད་པར་བྱེད་པ་དང་། གཏིང་ཟབ་པ་དང་། འབབ་པ་དང་། རྒྱ་མཚོ་དང་། གཏིང་དཔག་ཡངས་པའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །མེ་ནི་དྲོ་བ་དང་། ཚ་བ་དང་། གསལ་བ་དང་། མཆེད་པ་དང་། སྲེག་པ་དང་། དྲོ་ཞིང་ཤར་བའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །རླུང་ནི་བསྐྱོད་པ་དང་། ཡང་བ་དང་། འདེགས་པ་དང་། བསིལ་བ་དང་། འབྱེད་པ་དང་། ཁྱབ་པ་དང་། འཐོར་བའི་གཏོང་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །དེས་བསྐྱེད་པའི་འབྲས་བུའི་གཟུགས་ནི། ཡུལ་ལྔ་དབང་པོ་ལྔ་དང་།རྣམ་པར་རིག་པ་མ་ཡིན་པ་ལ་སོགས་པ་ཐམས་ཅད་གསལ་བ་དང་། སྣང་བ་དང་། ལྡན་པ་དང་། བརྟན་ ― DNG008_Page_0387 ―
[མ་དཔེ་གཟིགས་ན་འདིར་གནོན།]
པ་དང་། དངོས་སུ་སྣང་བའི་གཏོར་མར་གྱུར་ཏོ། །དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །ཚོར་བས་བསྡུས་པ་གང་ཞེ་ན། བདེ་བ་དང་། སྡུག་བསྔལ་བ་དང་། གཉིས་ཀ་མ་ཡིན་པ་སྟེ།དེ་དག་ཀྱང་རྒྱུ་འབྲས་ཁྱད་པར་གྱི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །འདུ་ཤེས་ཀྱིས་བསྡུས་པ་གང་ཞེ་ན། རྒྱ་ཆེ་བ་དང་། ཆུང་ངུ་དང་། ཚད་མེད་པ་སྟེ། དེ་དག་ཀྱང་ཀུན་ལ་ཁྱབ་པའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །འདུ་བྱེད་ཀྱིས་བསྡུས་པ་གང་ཞེ་ན། ལྔ་བཅུ་རྩ་གཅིག་སྟེ། དེ་དག་ཀྱང་ཁམས་གསུམ་ཁྱབ་པའི་གཏོར་མར་གྱུར་ཏོ། །དེས་ཀྱང་དོན་བྱ་བ་དང་། མཆོད་པ་དང་།ཚིམ་པ་དང་། ཐུགས་དམ་སྐུལ་བ་དང་། སྒྲིབ་པ་སྦྱོང་བ་དང་། དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་ཆོས་ཉིད་ལ་ཆོས་ཉིད་རོལ་པ་དང་། ཡེ་ཤེས་ལ་ཡེ་ཤེས་རོལ་པ་དང་། གཉིས་སུ་མེད་པ་དང་།གདོད་ནས་དག་པ་དང་། རྫས་སུ་སྣང་བ་དང་། འབྲས་བུ་ཐོབ་པར་བྱེད་དེ།ཐམས་ཅད་དུ་སངས་རྒྱས་ཤིང་གཏོར་མར་གྱུར་ཏོ། །དེ་ཡང་བྱམས་ཤིང་ཐུགས་རྗེ་ཆེ་ལ། ཡོངས་ལ་ཁྱབ་པའི་གཏོར་མའོ། །དེ་ནས་ཆོས་ཉིད་སྐྱེ་བ་མེད་པའི་ཀློང་ཡེ་ནས་གདལ་བ་ལ། རང་རིག་ཡེ་ཤེས་རྒྱལ་པོའི་སྐུ་མངོན་དུ་ཕྱུང་བས་གཏོར་མའོ། །རང་རིག་པའི་རྒྱལ་པོ་ཤར་བས་མ་སྐྱེས་པའི་ཡུལ་གདལ་བས་གཏོར་མའོ། །ཡབ་ཡུམ་གཉིས་སུ་མེད་པས་གླེང་བསླངས་པས། རིགས་ལྔའི་སངས་རྒྱས་མ་སྐྱེས་རྫོགས་པའི་ཚུལ་དུ་བྱུང་བས་གཏོར་མའོ། །རྫས་ཀྱིས་ཀུན་ལ་ཁྱབ་པས་གཏོར་མའོ། །མཐའ་ལ་ཐུག་པ་མེད་པས་གཏོར་མའོ། །དབྱིངས་ལས་བྲི་བ་མེད་པས་གཏོར་མའོ། །དེ་ཙམ་ན་ཡོད་པར་འཛིན་པ་རྫས་ཀྱི་གཏོར་མར་བྱུང་སྟེ། དེ་ཡང་འདི་ལྔ་སྟེ། གནས་ཤིང་བརྟན་པའི་དུས་ན་རྩ་བའི་གཏོར་མ་སྟེ། རྩ་བའི་བྱེ་བྲག་རྣམ་པ་སྣ་ཚོགས་ཀྱི་གཏོར་མ་གྲངས་ཀྱིས་མི་ལངས་པ།བརྗོད་ཀྱིས་མི་ལངས་པ། རྩ་བའི་གཏོར་མ་སྣ་ཚོགས་པས་སྟོང་གསུམ་གྱི་སྟོང་ཆེན་པོ་སངས་རྒྱས་ཀྱི་དགོངས་པ་གང་ཞིང་རྒྱས་པར་འགྱུར་རོ། །སྒོག་པ་དང་སྔོ་སྨན་འབྱུང་ཞིང་སྐྱེ་བའི་དུས་ན་ལོ་མའི་གཏོར་མ་སྟེ། རྩི་ཤིང་ནགས་ ― DNG008_Page_0388 ―
[མ་དཔེ་གཟིགས་ན་འདིར་གནོན།]
ཚལ་ལ་སོགས་པ་མྱང་བའི་གཏོར་མ་རྣམ་པ་སྣ་ཚོགས་པ་ཡང་། དེ་བཞིན་དུ་གང་ཞིང་རྒྱས་པའི་གཏོར་མར་གྱུར་ཏོ། །གསལ་ཞིང་སྡུག་པའི་དུས་ན་མེ་ཏོག་གི་གཏོར་མ་རྣམ་པ་སྣ་ཚོགས་པ། པདྨ་དང་ཨུཏྤལ་ལ་སོགས་པ་བལྟ་བའི་གཏོར་མ་ལ་སོགས་རྣམ་པ་སྣ་ཚོགས་པ་ཡང་དེ་བཞིན་དུ་གྱུར་ཏེ། སྨིན་ཅིང་གྲུབ་པའི་དུས་ན་འབྲས་བུའི་གཏོར་མ་རྣམ་པ་སྣ་ཚོགས་པ་སྨན་དང་། གེལ་པ་དང་། འབྲུ་ལ་སོགས་པ་བཟའ་བའི་གཏོར་མ་རྣམ་པ་སྣ་ཚོགས་པ་དེ་ཡང་དེ་བཞིན་དུ་གྱུར་ཏོ། །དེ་ཙམ་ན་མེད་པར་འཛིན་པ་རྣམས་ལ་ཆོས་ཉིད་ཀྱི་གཏོར་མ་རྒྱ་ཆེ་བ། ཟབས་པ་གཏིང་དཔག་དཀའ་བ། མཐའ་དབུས་མེད་པའི་སྙིང་པོ་ཅན་གྱིས་ཡོངས་སུ་ཁྱབ་པར་གྱུར་ཏོ། །དེ་ཙམ་ན་ལྷའི་སྐུར་སྣང་བར་འདོད་པ་ལ་ཐམས་ཅད་ལྷའི་དཀྱིལ་འཁོར་ཏེ། སེམས་དཔའ་དང་། སེམས་མ་དང་། ཁྲོ་བོ་དང་། ཁྲོ་མོ་ལ་སོགས་པའི་དཔེ་བྱད་དུ་ལྡན་པའི་གཏོར་མ་རྣམ་པ་སྣ་ཚོགས་པས་གང་བར་གྱུར་ཏོ། །དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ། །དེ་བཞིན་དུ་ཅི་ལྟར་འདོད་པ་དེ་བཞིན་དུ་གཏོར་མར་སྣང་བར་གྱུར་ཏོ། །དེ་ནས་ཉིད་ལ་ཉིད་ཆེད་དུ་གླེང་ངོ་། །སྟོང་གསུམ་སྟོང་གི་འཇིག་རྟེན་ན། །རྨད་བྱུང་ཡོན་ཏན་བསམ་མི་ཁྱབ། །ཡེ་ཤེས་དབྱིངས་ཀྱི་རོལ་པ་ནི། །དམིགས་པ་མེད་ལས་དམིགས་པར་སྣང་། །ཞེས་བརྗོད་དོ། །དེ་ནས་ཡུམ་གྱིས་མིང་ཙམ་ལས་སངས་རྒྱས་ཀྱི་སྐུ་མི་ཕྱེད་རྫོགས་པའི་ཚུལ་གྱིས་འབྱུང་བ་འདི་ལྟ་སྟེ། སྲས་མཆོག་རིགས་ལྔའི་སངས་རྒྱས་དང་། །སྲས་བཅས་བྱང་ཆུབ་སེམས་དཔའ་རྣམས། །ཀུན་ཀྱང་ལྷག་མ་མེད་མཐོང་སྟེ། །གནས་པ་མེད་པའི་ཚུལ་གྱིས་འཁོར། །དེ་ནས་སྣོད་ཀུན་ཏུ་བཟང་མོའི་གཏོར་མར་གྱུར་པ་ལས། ནམ་མཁའ་ཀུན་ཏུ་བཟང་མོས་ཡངས་ཤིང་རྒྱ་ཆེ་བའི་གཏོར་མར་བྱིན་གྱིས་བརླབས་པ། ཨེ་མཁའ་ཀློང་རང་བཞིན་མཐའ་དབུས་གཡོ་བ་མེད། །ཀུན་ལ་ཁྱབ་པས་ཐུགས་རྗེ་འབྱུང་བའི་ཡུམ། །ཡངས་དོག་མེད་པ་མཁའ་ཀློང་ཆེན་པོ་རུ། །གདོད་ནས་དག་པའི་གཏོར་གཞོང་ཆེན་པོར་གྱུར། །ཨེ་བ་ལིཾ་ཏ། ཞེས་བྱ་བའི་སྒྲ་ཕྱོགས་བཅུ་ཐམས་ཅད་དུ་གྲགས་སོ། །གྲགས་མ་ཐག་ཏུ་ཅིས་ཀྱང་མི་འགྱུར་བའི་ ― DNG008_Page_0389 ―
[མ་དཔེ་གཟིགས་ན་འདིར་གནོན།]
དབྱིངས་ཀྱི་གཏོར་མར་ཤར། དེ་ནས་སྣོད་དམ་ཚིག་སྒྲོལ་མ་ཡང་ཞིང་གཡོ་བའི་གཏོར་མར་བྱིན་གྱིས་བརླབས་པ། ཡཾ་ཅི་ལྟར་གཡོ་བ་རླུང་གི་རང་བཞིན་ལ། །སྤྲུལ་པའི་ཕྲིན་ལས་ཅིར་ཡང་འགྱུར། །ཕྲིན་ལས་ཡུམ་གྱི་མཁའ་ཀློང་དག་པ་རུ། །གདོད་ནས་དག་པའི་གཏོར་གཞོང་ཆེན་པོར་གྱུར། །ཡཾ་བ་ལིཾ་ཏ། ཞེས་བྱ་བའི་སྒྲ་ཕྱོགས་བཅུ་ཐམས་ཅད་དུ་གྲགས་སོ། །གྲགས་མ་ཐག་ཏུ་ཅིས་ཀྱང་མི་ཚུགས་པའི་དབྱིངས་ཀྱི་གཏོར་མར་ཤར་རོ། །དེ་ནས་སྣོད་མཱ་མ་ཀཱིར་གྱུར་པ་ལས། ཆུ་མཱ་མ་ཀི་བརླན་ཞིང་སྡུད་པའི་གཏོར་མར་བྱིན་གྱིས་བརླབས་པ། མཱཾ་བརླན་ཞིང་སྡུད་པ་ཆུ་ཡི་རང་བཞིན་ལ། །ཆེ་བའི་ཡོན་ཏན་ཐུགས་རྗེ་ཅིར་ཡང་འབྱུང་། །ཡོན་ཏན་ཡུམ་གྱི་མཁའ་ཀློང་དག་པ་རུ། །གདོད་ནས་དག་པའི་གཏོར་གཞོང་ཆེན་པོར་གྱུར། །མཱཾ་བ་ལིཾ་ཏ། ཞེས་བྱ་བའི་སྒྲ་མ་བརྗོད་པར་ཕྱོགས་བཅུ་ཐམས་ཅད་དུ་གྲགས་སོ། །གྲགས་མ་ཐག་ཏུ་ཅིས་ཀྱང་མི་བརྗོད་པའི་དབྱིངས་ཀྱི་གཏོར་མར་ཤར་རོ། །དེ་ནས་སྣོད་སངས་རྒྱས་སྤྱན་དུ་གྱུར་པ་ལས།ས་སངས་རྒྱས་སྤྱན་སྲ་ཞིང་འདེགས་པའི་གཏོར་མར་བྱིན་གྱིས་བརླབས་པ། ལཾ་སྲ་ཞིང་འདེགས་པ་ས་ཡི་རང་བཞིན་ལ། །ཐུགས་རྗེའི་ཆོ་འཕྲུལ་སྣ་ཚོགས་ཅིར་ཡང་སྟོན། །ཐུགས་རྗེ་ཡུམ་གྱི་མཁའ་ཀློང་དག་པ་ན། །གདོད་ནས་དག་པའི་གཏོར་གཞོང་ཆེན་པོར་གྱུར། །ལཾ་བ་ལིཾ་ཏ། ཞེས་བྱ་བའི་སྒྲ་མ་བརྗོད་པར་ཕྱོགས་བཅུ་ཐམས་ཅད་དུ་གྲགས་སོ། །གྲགས་མ་ཐག་ཏུ་ཅིས་ཀྱང་མི་འགྱུར་བའི་དབྱིངས་ཀྱི་གཏོར་མར་ཤར་རོ། །དེ་ནས་སྣོད་གོས་དཀར་མོར་གྱུར་པ་ལས། མེ་གོས་དཀར་མོས་ཚ་ཞིང་སྲེག་པའི་གཏོར་མར་བྱིན་གྱིས་བརླབས་པ། རཾ་ཚ་ཞིང་སྲེག་པ་མེ་ཡི་རང་བཞིན་ལ། །ཡོངས་སུ་སྙོམས་པའི་ཐུགས་རྗེ་ཅིར་ཡང་འབྱུང་། །གསུང་མཆོག་ཡུམ་གྱི་མཁའ་ཀློང་དག་པ་རུ། །གདོད་ནས་དག་པའི་གཏོར་གཞོང་ཆེན་པོར་གྱུར། །རཾ་བ་ལིཾ་ཏ། ཞེས་བྱ་བའི་སྒྲ་མ་བརྗོད་པར་ཕྱོགས་བཅུ་ཐམས་ཅད་དུ་གྲགས་སོ། །གྲགས་མ་ཐག་ཏུ་ཅིས་ཀྱང་མི་འགྱུར་བའི་དབྱིངས་ཀྱི་གཏོར་མར་ཤར་རོ། །དེ་ནས་སྣོད་བྷྲཱུཾ་ལས་རིན་པོ་ཆེའི་གཞལ་ཡས་ཁང་དུ་གྱུར་པ་ལས། ཕྱོགས་བཅུའི་སངས་རྒྱས་ཐམས་ཅད་བཞུགས་པའི་གཏོར་མར་བྱིན་གྱིས་བརླབས་པ། ― DNG008_Page_0390 ―
[མ་དཔེ་གཟིགས་ན་འདིར་གནོན།]
བྷྲཱུཾ་གཞལ་ཡས་ཕྱོགས་བཞི་མཐའ་དབུས་མེད་པ་ཡི། །རིག་པའི་ཆོ་འཕྲུལ་སྣ་ཚོགས་ཅིར་ཡང་སྟོན། །དུས་གསུམ་རྒྱལ་བ་བཞུགས་པའི་མཁའ་ཀློང་དུ། །གདོད་ནས་དག་པའི་གཏོར་གཞོང་ཆེན་པོར་གྱུར། །བྷྲཱུཾ་བ་ལིཾ་ཏ་བ་ལ། ཞེས་བྱ་བའི་སྒྲ་མ་བརྗོད་པར་ཕྱོགས་ཐམས་ཅད་དུ་གྲགས་སོ། །གྲགས་མ་ཐག་ཏུ་ཡངས་དོག་མེད་པའི་དབྱིངས་ཀྱི་གཏོར་མར་ཤར་རོ། །དེ་ནས་ཙཀྲར་གྱུར་པ་ལས།ཕྱོགས་བཅུའི་སངས་རྒྱས་ཐམས་ཅད་ཀྱི་དཀྱིལ་འཁོར་གཏོར་མར་བྱིན་གྱིས་བརླབས་པས། ཙ་འཁོར་ལོ་རྩིབས་བཞི་མུ་ཁྱུད་དང་བཅས་པའི། །གྲུ་ཆད་བཞི་དང་བར་ཁྱམས་སྒོ་བཞིར་ལྡན། །སྲས་དང་འཁོར་བཅས་བཞུགས་པའི་མཁའ་ཀློང་དུ། །གདོན་ནས་དག་པའི་གཏོར་གཞོང་ཆེན་པོར་གྱུར། །ཧཱུཾ་བ་ལིཾ་ཏ་ཙཀྲ། ཅེས་བྱ་བའི་སྒྲ་སུས་ཀྱང་མ་བརྗོད་པར་ཕྱོགས་བཅུ་ཐམས་ཅད་ཀུན་ཏུ་གྲགས་སོ། །གྲགས་མ་ཐག་ཏུ་བར་ཆད་མེད་པ་དབྱིངས་ཀྱི་གཏོར་མར་ཤར་རོ། །དེ་ནི་ཐམས་ཅད་བསྐྱེད་ཅིང་འབྱུང་བའི་གཏོར་མའོ། །དེ་ནི་ཐམས་ཅད་དུ་གནས་ཤིང་ལོངས་སྤྱོད་པའི་གཏོར་མའོ། །དེ་ནི་ཐམས་ཅད་དུ་མི་གནས་ཤིང་མཐར་ཕྱིན་པའི་གཏོར་མའོ། །ད་ནི་སྣོད་ཀྱི་གཏོར་གཞོང་དུ་བཅུད་ཀྱི་མགྲོན་གཤེགས་པ་འདི་ལྟ་སྟེ། ཡིད་བྱེད་པ་པོ་ཐམས་ཅད་ནི་ཀུན་ཏུ་བཟང་པོའི་སྐུ་མཚན་དང་དཔེ་བྱད་དུ་ལྡན་པ་དང་། ཆོས་བྱ་བ་མོ་ཐམས་ཅད་ནི་ཀུན་ཏུ་བཟང་མོའི་སྐུ་མཚན་དང་དཔེ་བྱད་དུ་ལྡན་པ་དང་། བྱུང་ཡང་བྱུང་། མ་བྱུང་ཡང་མ་བྱུང་། ཡོད་ཀྱང་ཡོད། མེད་ཀྱང་མེད། སྣང་ཡང་སྣང་། མི་སྣང་ཡང་མི་སྣང་། གསལ་ཡང་གསལ། མི་གསལ་ཡང་མི་གསལ། །གྲུབ་ཀྱང་གྲུབ། མ་གྲུབ་ཀྱང་མ་གྲུབ། ཡིད་ཀྱང་ཡིན། མིན་ཀྱང་མིན། སྤྱན་དྲངས་ཀྱང་དྲངས། མ་དྲངས་ཀྱང་མ་དྲངས།བྱོན་ཀྱང་བྱོན། མ་བྱོན་ཀྱང་མ་བྱོན། བཞུགས་ཀྱང་བཞུགས། མི་བཞུགས་ཀྱང་མི་བཞུགས། དེ་ལྟ་བུའི་སྐུ་བགྲང་དུ་ཡོད་ཀྱང་ཡོད། མེད་ཀྱང་མེད་པའི་གཏོར་མའི་མགྲོན་དུ་གྱུར་ཏོ། །དེ་བཞིན་དུ་རིགས་ལྔ་དང་། ཡུམ་ལྔ་དང་།སེམས་དཔའ་དང་། སེམས་མ་དང་། སྒོ་བ་དང་། སྒོ་མ་དང་། ཁྲོ་བོ་དང་། ཁྲོ་མོ་དང་། དོན་མཛད་པའི་ཐུབ་པ་ལ་སོགས་ ― DNG008_Page_0391 ―
[མ་དཔེ་གཟིགས་ན་འདིར་གནོན།]
པ་སྐུ་མཚན་དང་དཔེ་བྱད་དུ་ལྡན་པ་བྱུང་ཡང་བྱུང་། མ་བྱུང་ཡང་མ་བྱུང་བ་གཏོར་མའི་མགྲོན་དུ་གྱུར་ཏོ། །དེ་དག་ཀུན་ཀྱང་སྐུ་མདོག་ཕྱག་མཚན་ལ་གྲངས་སུ་གཟུང་དུ་ཡང་རུང་། མི་གཟུང་དུ་ཡང་རུང་། དེ་ལྟ་བུའི་མགྲོན་རྣམས་ཏིལ་འབྲུ་མར་གྱིས་ཁྱབ་པ་བཞིན་དུ་གང་ནས་ཀྱང་ཁྱབ་པར་འཁོད་དོ། །དེ་ནས་གཏོར་མའི་མགྲོན་དེ་དག་ལ་མཆོད་ཅིང་བསྟོད་པ་ནི་སུས་ཀྱང་བསྐྱེད་པ་མེད་པར་ས་གཞི་དེ་དག་ལས། ཕྱི་བ་ལྟར་ནི་མེ་ཏོག་རྣམ་པ་སྣ་ཚོགས་པ་དང་། པདྨ་དང་། ཨུཏྤ་ལ་དང་། བནྡྷུ་ཛི་བ་ཀ་ལ་སོགས་པ་གོང་མ་ལྟ་བུའི་གཏོར་གཞོང་ལས་རང་སྐྱེས་སོ། །དེ་ལ་རྟོག་གེ་པ་རྣམས་ད་ལྟ་མེ་ཏོག་གི་དུས་སོ་ཞེས་འདོགས་སོ། །ནང་པ་ལྟར་མེ་ཏོག་གེ་སར་རེ་རེ་ལ་མེ་ཏོག་ལྷ་མོ་གྲངས་བརྗོད་ཀྱིས་མི་ལངས་པའི་ཡང་བརྗོད་ཀྱིས་མི་ལངས་པར་གྱུར་ནས། རྒྱལ་བའི་དཀྱིལ་འཁོར་དེ་དག་ལ་མཆོད་པ་དང་། དོན་བྱ་བ་དང་།དོན་བྱས་པ་ལ་སོགས་པ་གཏོར་མའི་ལོངས་སྤྱོད་རྒྱུན་མི་འཆད་པར་མཛད་དོ། །དེ་ལ་དམིགས་པར་འཛིན་པ་རྣམས་ཀྱིས་མེ་ཏོག་གི་ལྷ་མོ་ཞེས་མིང་དང་མཚན་དུ་བཏགས་སོ། །གསང་བ་བླ་ན་མེད་པ་ལྟར་ན། དེ་ཡང་གཉིས་སུ་མེད་དེ།རོལ་པ་མཛད་སྤྱོད་ཐ་མི་དད་དབྱེར་མེད་པའི་རོལ་པ་གཏོར་མར་ལོངས་སྤྱོད་པར་གྱུར་ཏོ། །དེ་བཞིན་དུ་སྤོས་དང་། དེ་བཞིན་དུ་མར་མེ་དང་། དེ་བཞིན་དུ་བྱུག་པ་དང་། དེ་བཞིན་དུ་གཟུགས་དང་། དེ་བཞིན་དུ་སྒྲ་དང་། དེ་བཞིན་དུ་དྲི་དང་། དེ་བཞིན་དུ་རོ་དང་། དེ་བཞིན་དུ་རེག་དང་། དེ་བཞིན་དུ་ཆོས་ལ་སོགས་པ་ཕྱི་འདུས་བྱས་སུ་སྣང་བ་སྟེ། རྫས་ཀྱི་མཆོད་པ་རང་རྒྱུད་ལ་གནས་སོ། །ནང་འདུས་མ་བྱས་ཏེ། ལྷའི་ཏིང་ངེ་འཛིན་ལ་གནས་པའོ། །གསང་བ་གཉིས་སུ་མེད་པ་སྟེ། རོལ་པ་ཆེན་པོའི་མཛད་སྤྱོད་དུ་གནས་པའོ། །དེ་ལྟ་བུའི་གཏོར་མ་རྫོགས་པ་ལ་ཕྱི་ནང་སྣོད་བཅུད་དང་ལྡན་ནོ། །རང་གི་རིག་པ་ལ་འདུ་འབྲལ་མེད་པར་གནས་སོ། །དོན་ལ་སྤྱོད་པ་ཆེན་པོའི་ལྷུན་ལ་དུས་གསུམ་དང་། སྔ་ཕྱི་དང་། ཆེ་ཆུང་དང་། མཐོ་དམན་དང་། ཕྱོགས་རིས་དང་། བདེ་སྡུག་མེད་པར་ཐུགས་རྗེ་ཆེན་པོའི་གཏོར་མར་ལོངས་སྤྱོད་དུ་རོལ་ལོ། །དེ་བཞིན་དུ་ཡེ་ནས་སུས་ཀྱང་མ་བྱས་པས་རང་ ― DNG008_Page_0392 ―
[མ་དཔེ་གཟིགས་ན་འདིར་གནོན།]
རྒྱུད་ཀྱི་གཏོར་མར་ཡོད་དོ། །དེ་ནི་སུས་ཀྱང་མ་བྱས་པས་ཡོད་པར་ཡང་མེད་དོ། །དེ་ནི་རང་རིག་པས་མེད་པར་ཡང་འབྱུང་ངོ་། །དེ་ནི་ཤེས་པས་བྱུང་ཙམ་ན་ལོངས་སྤྱོད་དོ། །དེ་ནི་ལོངས་སྤྱོད་ཙམ་ན་བདེ་བའི་ངོ་རྒྱུན་མི་འཆད་པ་བསྟར་རོ། །དེ་ལྟ་བུའི་དོན་སུས་ཐོས་པས་གཏོར་མ་ཐམས་ཅད་ཀྱི་འབྱུང་ཁུངས་ཤེས་པའོ། །དེ་ནས་སངས་རྒྱས་ཐམས་ཅད་ཀྱི་བདག་པོ་དང་། སངས་རྒྱས་ཐམས་ཅད་ཀྱིས་མགྲིན་གཅིག་ཏུ་འདི་སྐད་ཅེས་གླེང་མ་བསླངས་པར་ལངས་སོ། །ཧཱུཾ་རྣལ་མ་སྣོད་ཀྱི་གཏོར་མ་ཡིན་པ་ལ། །བཅུད་ཀྱི་དཀྱིལ་འཁོར་གསལ་བ་སྣང་བའི་སྐུ། །འབྱོར་པའི་ལོངས་ནི་རང་ལ་རང་བཞིན་འཆར། །འདུ་འབྲལ་མེད་པའི་མཆོད་པ་རྒྱན་མེད་ཀྱིས། །རྒྱལ་བ་སྲས་དང་བཅས་པ་ཐམས་ཅད་དུ། །རྣལ་འབྱོར་གསང་བའི་མཆོད་པ་རྒྱུན་མེད་མཛད། །ཡེ་ནས་ཡིན་པས་ནམ་ཡང་འབྲལ་བ་མེད། །གཏོར་མའི་རང་བཞིན་རྒྱལ་བས་བརྗོད་མི་ལངས། །ཐམས་ཅད་གཉིས་སུ་མེད་པར་ལོངས་སྤྱོད་ཕྱིར། །མཉམ་ཉིད་རྒྱལ་བའི་ཐུགས་ལ་གཟུང་བར་བྱའོ། །ཞེས་མགྲིན་གཅིག་ཏུ་མ་གསུངས་པར་གླེང་བསླང་ངོ་། །དེས་བློ་ཐ་མལ་པ་ནི། རྒྱུ་བསོད་ནམས་ཀྱི་ཚོགས་དང་།འབྲས་བུ་ཡེ་ཤེས་ཀྱི་ཚོགས་མཐར་ཕྱིན་པ་ཟེར་རོ། །དེ་བློ་ཐ་མལ་པ་ཕལ་ཆེར་རྣམས་ནི་རིག་པ་དང་རྟོག་པ་ཅེས་ཟེར་ཏེ། དེ་ལ་བློ་ཐ་མལ་པ་ཆེན་པོ་རྣམས་ནི། ཡེ་ནས་དེ་ལྟར་དབྱེར་མེད་ཅེས་ཟེར་རོ། །གཏོར་རྒྱུད་ཆེན་པོ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོའི་ཀློང་རུམ་ནས། རྡོ་རྗེ་སེམས་དཔའ་བྱུང་ངོ་། །རྡོ་རྗེ་སེམས་དཔའ་ཀུན་ཏུ་བཟང་པོའི་མདུན་ན་བཀའ་ནོད་པ་ལས། ཀུན་ཏུ་བཟང་པོས་བཀའ་སྩལ་པ། །མ་རིག་ལིང་ཏོག་བསལ་བ་དང་། །སེར་སྣ་སྦྱིན་པར་བྱ་བ་དང་། །སྣོད་ཆོས་ཉིད་དུ་བསྒྱུར་བ་དང་། །བཅུད་ལྷའི་ཞལ་ཟས་སུ་བྱ་བ་དང་། །འཁོར་བ་རྣམ་པར་དག་པའི་ཀློང་དུ་བསླང་བའི་སླད་དུ། ལུས་དང་སེམས་གཏོར་མའི་རྒྱུ་དང་རྐྱེན་དུ་སྤྲུལ་ཅིག །ཅེས་བཀའ་བསྒོ་བ་དང་། དེ་ནས་རྡོ་རྗེ་སེམས་དཔས་ལུས་རྡུལ་སྙེད་དུ་སྤྲུལ་ནས་གཏོར་མའི་རྒྱུ་འབྱུང་བ་ ― DNG008_Page_0393 ―
[མ་དཔེ་གཟིགས་ན་འདིར་གནོན།]
འདི་ལྟ་སྟེ། ས་དང་ཆུ་དང་མེ་དང་རླུང་རྡོ་རྗེ་སེམས་དཔའི་ལུས་སྤྲུལ་པ། འདི་ཡང་གཏོར་མའི་རྒྱུ་ཡིན་ནོ། །འདོད་ཁམས་གཟུགས་ཁམས་གཟུགས་མེད་ཁམས། །དེ་ཡང་རྡོ་རྗེ་སེམས་དཔའི་ལུས། །སྐྱེ་བཞི་འགྲོ་དྲུག་ཁམས་ལྔ་ཡང་། །དེ་ཡང་རྡོ་རྗེ་སེམས་དཔའི་ལུས། །གཏོར་མའི་རྒྱུ་རུ་རབ་ཏུ་བཤད། །རི་རབ་གླིང་བཞི་མཐའ་བསྐོར་བ། །ཉི་ཟླ་གཟའ་སྐར་དེ་བཞིན་ནོ། །དེ་ན་སྐྱེ་བའི་རྫས་རྣམས་ཀྱང་། །རྡོ་རྗེ་སེམས་དཔའི་ལུས་ཡིན་པས། །མིང་གིས་མེད་དུ་མི་རུང་ངོ་། །མཁས་པས་དེ་དག་རྫས་ཤེས་བྱ། །གཏོར་མའི་སྣོད་ཀྱང་རྡོ་རྗེ་སེམས། །གཏོར་མའི་རྒྱུ་ཡང་རྡོ་རྗེ་སེམས། །གཏོར་མའི་མགྲོན་ཡང་རྡོ་རྗེ་སེམས། །དེ་ནས་རྡོ་རྗེ་སེམས་དཔའི་ལུས་གཏོར་མའི་རྒྱུ་རུ་གྱུར་ཏེ། ཕྱི་སྣོད་ཀྱི་འཇིག་རྟེན་གླིང་བཞི་གླིང་ཕྲན་དང་བཅས་པ། གྲངས་བྱེ་བ་ཐེར་འབུམ་དུ་གཏོར་མའི་སྣོད་དུ་གྱུར་ཏོ། །འཛམ་བུའི་གླིང་གཏོར་སྣོད་ཀྱི་ནང་དུ། གཏོར་མའི་རྒྱུ་མེ་ཏོག་རྣམ་པ་སྣ་ཚོགས་པ། གཡའ་རི་དང་། གངས་རི་དང་། དམའ་བ་དང་། ནགས་དང་། འདམ་དང་། མཚོ་ལ་སོགས་པ་རྣམས་ལ་རྡོ་རྗེ་སེམས་དཔའི་ལུས་ཁ་དོག་གསལ་བ་རྣམ་པ་སྣ་ཚོགས་པ་རང་ལས་རང་སྐྱེས་ནས་གཏོར་མའི་རྒྱུར་མཆོད་མ་རག་པར་གནས་སོ། །དེ་ལྟ་བུའི་གཏོར་སྣོད་ན། འབྲུ་རྣམ་པ་སྣ་ཚོགས་པ། ཤིང་དང་རྩ་དང་ཞིང་ལ་སོགས་རྣམས་ལ། རང་ལ་རང་སྐྱེས་ནས་གཏོར་མའི་རྒྱུར་མཆོད་མ་རག་པར་སྨིན་ཏོ། །དེ་ལྟ་བུའི་གཏོར་སྣོད་ན།སྨན་རྣམ་པ་སྣ་ཚོགས་པ། རྩ་བ་དང་ཤུན་ལྤགས་དང་ལོ་མ་དང་། འབྲས་བུ་ཐང་ཆུ་དང་ཁུ་བ་དང་། ར་སཱ་ཡ་ན་སྣ་ཚོགས་པ་རང་ལ་རང་སྐྱེས་ནས་གཏོར་མའི་རྒྱུར་མཆོད་མ་རག་པར་དྲི་བྲོའོ། །དེ་ནས་ཡང་རྡོ་རྗེ་སེམས་དཔའི་ལུས་ལས་རྡོ་རྗེ་སེམས་དཔའི་གཏོར་མའི་སྣོད་དུ་གྱུར་པའི་ནང་ན། རིན་པོ་ཆེ་རྣམ་པ་སྣ་ཚོགས་པ་སྟེ། གླིང་དང་བྱེ་མར་བརྡལ་པ། བཞུ་བ་དང་། བརྡུང་བ་དང་།སྐྱེས་པ་ལ་སོགས་པ་ཁ་དོག་རྣམ་པ་སྣ་ཚོགས་པར་རང་ལས་རང་སྐྱེས་ནས་གཏོར་མའི་རྒྱུར་མཆོད་མ་རག་པར་གནས་སོ། །དེ་ལྟ་བུའི་གཏོར་སྣོད་ན། སྒྲ་རྣམ་པ་སྣ་ ― DNG008_Page_0394 ―
[མ་དཔེ་གཟིགས་ན་འདིར་གནོན།]
ཚོགས་པ་རང་རྒྱུད་ཀྱིས་གྲགས་པ་དང་། ལྷ་དང་མིས་བྱས་པ་དང་། རྩོལ་བ་དང་། ཐབས་ལས་བྱུང་བ་གཟུགས་དང་དབྱིབས་སུ་ཡོད་པ་དང་། མེད་པ་རྣམ་པ་སྣ་ཚོགས་པར་རང་ལ་རང་སྐྱེས་ནས། གཏོར་མའི་རྒྱུར་མཆོད་མ་རག་པར་གྲགས་སོ། །དེ་ལྟ་བུའི་གཏོར་སྣོད་ཀྱི་ནང་ན། ཆུ་བོ་དང་། ཆུ་བྲན་དང་། སྨན་ཆུ་དང་། མཚོ་དང་། ཆར་པ་དང་། འོག་ཆུ་དང་། བདུད་རྩིའི་ཆུ་དང་། འབབ་ཆུ་ལ་སོགས་པ་རང་ལ་རང་སྐྱེས་ནས། གཏོར་མའི་རྒྱུར་མཆོད་མ་རག་པར་གནས་སོ། །དེ་ལྟ་བུའི་གཏོར་སྣོད་ན། ཉི་འོད་དང་། ཟླ་འོད་དང་། རིན་པོ་ཆེའི་འོད་དང་། འོད་འདོམ་གང་བ་དང་། འབྲུ་མར་གྱི་མེ་དང་། གཙུབ་ཤིང་གི་མེ་དང་། འབྱུང་བའི་མེ་དང་། མེ་ཐ་མལ་པ་ལ་སོགས་པ་རང་ལ་རང་སྐྱེས་ནས། གཏོར་མའི་རྒྱུར་མཆོད་མ་རག་པར་འབར་རོ། །དེ་ལྟ་བུའི་གཏོར་སྣོད་ན། ཙན་དན་དང་། ཐང་ཆུ་ལ་སོགས་པ་ཐམས་ཅད་སྤོས་རྣམ་པ་སྣ་ཚོགས་པ་རང་ལ་རང་སྐྱེས་ནས། གཏོར་མའི་རྒྱུར་མཆོད་མ་རག་པར་གནས་སོ། །དེ་ལྟ་བུའི་གཏོར་སྣོད་ན། བཤོས་རྣམ་པ་སྣ་ཚོགས་པ་དང་།རང་རྒྱུད་ཀྱི་གནས་དང་། བསོད་ནམས་ཀྱི་སྤྱོད་པ་དང་། ལྷ་དང་མིའི་སྦྱོར་བའི་གཏོར་མའི་རྒྱུར་མཆོད་མ་རག་པར་གྲངས་སོ། །དེ་ལྟ་བུའི་གཏོར་སྣོད་ན།ལྷའི་ན་བཟའ་དང་། རྒྱུ་ལས་བྱུང་བ་དང་། མ་བྱུང་བ་དང་། ལྷ་དང་མིས་བྱས་པ་ལ་སོགས་གཏོར་མའི་རྒྱུར་མཆོད་མ་རག་པར་གཡོགས་སོ། །དེ་ལ་རྟོག་གེ་པའི་ཐ་མལ་པ་ལ་སོགས་པ་རྣམས་ནི། རྡོ་རྗེ་སེམས་དཔའ་ཞེས་བྱ་བའི་དོན་དཀའ་ཞིང་མི་རིག་ནས། ཕྱི་སྣོད་ཀྱི་འཇིག་རྟེན་ན་ཅི་ཡང་སྐྱེ་ཞེས་འདོགས་སོ། །དེ་ལྟར་འབྱུང་བ་ཡང་དེ་ཉིད་ཀྱི་དོན་དུ་འབྱུང་ངོ་། །དེ་ནས་གཏོར་གཞོང་དང་གཏོར་རྫས་སུ་སྣང་བའི་གནས་དེ་ན། སྤྱི་མཐུན་གྱི་ལས་ལས། སྐྱེ་འགྲོ་བསམ་གྱིས་མི་ཁྱབ་ན་ཡང་། རིགས་དྲུག་གཅིག་ཏུ་ཐུགས་རྗེ་ཆེན་པོའི་གཏོར་མས་བཟུང་མ་རག་པར་ཞེས་སོ་འཁོད་དོ། །དེ་ལ་ནི་རྟོག་གེ་རྣམས་ཀྱིས་སྔོན་གྱི་བསྐལ་པ་དང་པོ་ཞེས་འདོགས་སོ། །དེ་ནས་ཡང་རྡོ་རྗེ་སེམས་ ― DNG008_Page_0395 ―
[མ་དཔེ་གཟིགས་ན་འདིར་གནོན།]
དཔའི་ལུས་སངས་རྒྱས་ཀྱི་ཞིང་རྡུལ་གཅིག་གི་སྟེང་ན་རྡུལ་སྙེད་དུ་སྤྲུལ་ནས། དེའི་ནང་ན་ཡང་ཐུབ་པའི་སྐྱེས་བུ་དྲུག་ཏུ་སྤྲུལ་ཏེ། ལྷའི་རིགས་སུ་གཏོགས་པའི་གནས་ན། ལྷའི་དབང་པོ་བརྒྱ་བྱིན་ལྟ་བུ་གཅིག་ཏུ་སྤྲུལ་ཏེ། ལྷའི་རིགས་སུ་གཏོགས་པ་བསྡུས་ཏེ། རིན་པོ་ཆེའི་གཏོར་གཞོང་ན། ལྷའི་ཞལ་ཟས་རོ་མཆོག་བརྒྱ་དང་ལྡན་པ་གཏོར་མར་བཤམས་ནས། ལྷ་ཅི་སྙེད་ཡོད་པའི་སངས་རྒྱས་དེ་སྙེད་ཅིག་སྤྱན་དྲངས་ནས།དེ་ལ་མཆོད་པ་འབུལ་བ་དང་། དོན་བྱ་བ་དང་། ཐུགས་དམ་བསྐུལ་ཞིང་སངས་རྒྱས་པར་བྱེད་དོ། །མིའི་གནས་སུ་དགེ་སྦྱོང་གོའུ་ཏ་མ་ལྟ་བུར་སྤྲུལ་ནས།མིའི་རིགས་སུ་གཏོགས་པ་རྣམས་བསྡུས་ནས། ས་གཞིའི་གཏོར་གཞོང་དུ་རིན་པོ་ཆེ་དང་། ས་དང་རྡོ་དང་ཤིང་ལ་སོགས་པའི་གཏོར་གཞོང་ན། མིའི་ཞལ་ཟས་སྣ་ཚོགས་པ་གཏོར་མར་བཤམས་ནས། མི་ཇི་སྙེད་ཡོད་པའི་སངས་རྒྱས་སྤྱན་དྲངས་ནས། ཡང་གོང་མ་བཞིན་དུ་སངས་རྒྱས་པར་བྱེད་དོ། །བྱོལ་སོང་གི་གནས་ན་སེང་གེ་རབ་བརྟན་ལྟ་བུ་གཅིག་ཏུ་སྤྲུལ་ནས། བྱོལ་སོང་གི་རིགས་སུ་གཏོགས་པ་རྣམས་བསྡུས་ནས། ས་གཞིའི་གཏོར་གཞོང་དུ་རྩ་མཆོག་སྣ་ཚོགས་ཀྱི་གཏོར་མར་བཤམས་ནས། བྱོལ་སོང་ཅི་སྙེད་པའི་སངས་རྒྱས་སྤྱན་དྲངས་ནས།ཡང་གོང་མ་བཞིན་དུ་སངས་རྒྱས་པར་བྱེད་དོ། །ཡི་དྭགས་ཀྱི་གནས་ན་ཁ་འབར་ལྟ་བུར་སྤྲུལ་ནས། འབྱུང་བའི་གཏོར་གཞོང་དུ་ཆགས་པ་སེལ་བའི་གཏོར་མར་བཤམས་ནས། ཡང་གོང་མ་བཞིན་དུ་སངས་རྒྱས་པར་བྱེད་དོ། །དམྱལ་བའི་གནས་སུ་གཤིན་རྗེ་ཆོས་ཀྱི་རྒྱལ་པོ་ལྟ་བུ་གཅིག་ཏུ་སྤྲུལ་ནས། རྡོ་རྗེ་ཁ་འབར་མའི་གཏོར་གཞོང་དུ། ཉོན་མོངས་པ་སེལ་བའི་གཏོར་མར་བཤམས་ནས། དམྱལ་བ་ཇི་སྙེད་ཡོད་པའི་སངས་རྒྱས་དེ་སྙེད་སྤྱན་དྲངས་ནས། དེ་ལ་མཆོད་པ་འབུལ་བ་དང་། དོན་བྱ་བ་དང་། ཐུགས་དམ་བསྐུལ་ཞིང་སངས་རྒྱས་པར་བྱེད་དོ། །དེ་ལ་གང་ཟག་མ་རྟོགས་པ་དག །ནང་བཅུད་ཀྱི་སེམས་ཅན་ལ་ཅི་ཡང་བྱེད་དོ་ཞེས་རྟོག་གོ། །དེ་ཙམ་ན་རྡོ་རྗེ་སེམས་དཔའི་ཐུགས་རྗེས་ཕྱི་སྣོད་ཀྱི་འཇིག་རྟེན་གཏོར་གཞོང་དུ་བྱུང་བ་ནི། ཆོས་ ― DNG008_Page_0396 ―
[མ་དཔེ་གཟིགས་ན་འདིར་གནོན།]
ཀྱི་དབྱིངས་སྐྱེ་བ་མེད་པའི་གཞལ་ཡས་ཁང་དུ་བྱིན་གྱིས་བརླབས་སོ། །དེ་ལས་སྐྱེས་པའི་རྫས་གཏོར་མའི་རང་བཞིན་ནི།འདོད་པའི་ཡོན་ཏན་རྣམ་པ་ལྔ་ཆོས་ཉིད་དག་པའི་ལོངས་སྤྱོད་དུ་བྱིན་གྱིས་བརླབས་སོ། །དེ་ན་གནས་པའི་ནང་བཅུད་ཀྱི་འགྲོ་བ་སེམས་ཅན་རྣམས་ལྷའི་དཀྱིལ་འཁོར་དུ་བྱིན་གྱིས་བརླབས་སོ། །དེ་ནས་གཉིས་སུ་མེད་པའི་ལོངས་སྤྱོད་བདེ་བ་ཆེན་པོ་རྒྱུན་ཆད་མེད་པར་མཛད་ཙམ་ན། བྱ་རྒོད་ཕུང་པོའི་རི་ལ་སོགས་པ་རྣམས་ནི། གང་ཟག་ཕྱིན་ཅི་ལོག་ཚོགས་རྣམས་སྟོན་པའི་ཆོས་སྒྲ་སྒྲོགས་པ་ནི་ཅི་ལྟར་ཡིན་ཆ་ཡང་མེད་ཅེས་ཟེར་ཏོ། །གཏོར་རྒྱུད་ཆེན་པོ་ལས། རྡོ་རྗེ་སེམས་དཔས་ལུས་གཏོར་མར་སྤྲུལ་པའི་ལེའུ་སྟེ་གཉིས་པའོ།། །།དེ་ནས་རྡོ་རྗེ་སེམས་དཔས་གང་ཟག་ཕྱིན་ཅི་ལོག་ཐུགས་རྗེས་གཟུང་བའི་ཕྱིར། གཏོར་མ་བྱིན་གྱིས་བརླབས་པའི་སྔགས་དང་ཕྱག་རྒྱའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་གཏོར་གཞོང་བྱིན་གྱིས་རླབས་པའི་སྔགས་དང་ཕྱག་རྒྱ་འདི་གསུངས་སོ། །ལག་པ་ཐལ་མོ་སྦྱར་ལ་སྣོད་ལ་གཏུགས་ལ། ཨོཾ་རཏྣ་བི་ཤུདྡྷེ་ཁ་ཏ་ལི་བི་བྷྲཱུཾ་ཞེས་བརྗོད་པས། ཕྱི་ལྟར་གཏོར་གཞོང་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་། རྒྱ་ཁྱོན་དཔག་ཏུ་མེད་པར་དམིགས་ལ། ནང་ལྟར་ཆོས་ཉིད་ཀྱི་དབྱིངས་མཐའ་དང་དབུས་མེད་པའི་ཕོ་བྲང་དུ་ལྷུན་གྱིས་གྲུབ་པར་དམིགས་ལ། གསང་བ་ལྟར་ཡུམ་གྱི་མཁའ་ཀློང་རྣམ་པར་དག་པའི་བྷ་ག་ཡངས་པའི་ཕོ་བྲང་དུ་དམིགས་ལ་གཏོར་གཞོང་བྱིན་གྱིས་བརླབས་སོ། །དེ་ནས་ཡང་གཏོར་མའི་རྫས་ལ་བཤོས་རྣམ་པ་སྣ་ཚོགས་པར་བྱིན་གྱིས་རླབས་པའི་སྔགས་དང་ཕྱག་རྒྱ་འདི་གསུངས་སོ། །ལག་པ་ཐལ་མོ་དེ་ཉིད་ལས་མཛུབ་མོ་ཡིད་ཙམ་བཀུག་ལ། ཨོཾ་ཀེའུ་ཤི་ཤུདྡྷོ་ཡཾ་རཾ་སྭཱ་ཧཱ། ཞེས་བརྗོད་པས། ཕྱི་ལྟར་ལྷའི་ཞལ་ཟས་རོ་མཆོག་བརྒྱ་དང་ལྡན་པ་ལྷུན་ནམ་མཁའི་གཏོས་སུ་དམིགས་ལ། ནང་ལྟར་འདོད་པའི་ཡོན་ཏན་ལོངས་སྤྱོད་ལྔར་དམིགས་ལ། གསང་བ་ལྟར་གཉིས་སུ་མེད་པའི་ལྷ་ལ་ལྷ་ཐིམ་པར་དམིགས་ལ་ཞལ་ཟས་བྱིན་གྱིས་བརླབས་སོ། །དེ་ནས་ཡང་ ― DNG008_Page_0397 ―
[མ་དཔེ་གཟིགས་ན་འདིར་གནོན།]
གཏོར་མའི་རྫས་འབྲུ་དང་མེ་ཏོག་རྣམ་པ་སྣ་ཚོགས་པ་བྱིན་གྱིས་རླབས་པའི་སྔགས་དང་ཕྱག་རྒྱ་འདི་གསུངས་སོ། །ལག་པ་དེ་ཉིད་ཐལ་མོ་སྦྱར་ལ། ཨོཾ་སྟ་མ་ལ་སུ་ཡེ་སྭཱ་ཧཱ། ཕྱི་ལྟར་འབྲུ་དང་མེ་ཏོག་གིས་གང་ཞིང་རྒྱས་པར་དམིགས་ལ། ནང་ལྟར་དེས་གང་ཁྱབ་པར་འབྲུ་དང་མེ་ཏོག་ལ་སོགས་ཐོགས་པའི་ལྷ་མོས་གང་ཞིང་ཁྱབ་པར་དམིགས་ལ། གསང་བ་ལྟར་སྡུག་ཅིང་མཛེས་པའི་ལྷ་མོ་རྣམས་ཕོ་ལ་ཐིམ། ཕོ་རྣམས་མོ་ལ་ཐིམ་པ་གོང་མ་བཞིན་དམིགས་པ་ནི། འབྲུ་དང་མེ་ཏོག་བྱིན་གྱིས་བརླབས་པའོ། །དེ་ནས་བཏུང་བ་རྣམ་པ་སྣ་ཚོགས་པ་བྱིན་གྱིས་རླབས་པའི་སྔགས་དང་ཕྱག་རྒྱ་འདི་གསུངས་སོ། །ཐལ་མོ་དེ་ཉིད་ལས། གུང་མོ་ཕྱིར་བསྒྲེང་བ་གཅུ་ཐབས་བྱས་ལ། ཨོཾ་ཨཱ་ཧཱ་ར་ཎ་སྥ་ར་ཎ་ཨ་མྲྀ་ཏ་གྷ་ཡཱ་སྭཱ་ཧཱ། ཞེས་བརྗོད་པས། ཕྱི་ལྟར་བདུད་རྩིའི་ཆུ་རྒྱུན་རྒྱ་མཚོ་དང་ཆུ་བོར་དམིགས་ལ། ནང་ལྟར་དྲིའི་ལྷ་མོ་བསམ་གྱིས་མི་ཁྱབ་པར་དམིགས་ལ་སྐུད་པ་དང་འབྱུག་པར་དམིགས་ལ། གསང་བ་ལྟར་ལྷ་རྣམས་གཉིས་སུ་མེད་པ་ལྷག་པའི་བྱང་ཆུབ་སེམས་དགྱེས་པའི་རོས་བསྟར་བ་དམིགས་ལ། བཏུང་བ་རྣམས་བྱིན་གྱིས་བརླབས་སོ། །དེ་ནས་གཏོར་མ་ལྷའི་དཀྱིལ་འཁོར་དུ་བྱིན་གྱིས་རླབས་པ་འདི་གསུངས་སོ། །ལུས་ངག་ཡིད་གསུམ་པའི་ཕྱག་རྒྱ་འདི་བཅས་ལ། ཨ་ཀྵ། ཐ་ཋ་ཏ་ཊ་ད་ཌ་དྷ་ཌྷ་ན་ཎ། ཀ་ཁ་ག་གྷ། པ་ཕ་བ་བྷ། ཙ་ཚ་ཛ་ཛྷ། འ་ཡ་ར་ལ། ང་ཉ་མ་ཨོ། ཤ་ཥ་ས་ཧ། ཨི་ཨཱིཾ། ཨུ་ཨཱུ། ཨེ་ཨཱེ། གཞན་ཡང་རྩ་བའི་སྙིང་པོ་བརྗོད་པས། ཕྱི་ལྟར་བདག་དང་སེམས་ཅན་ཐམས་ཅད་ཀྱི་ཕུང་པོ་དང་། ཁམས་དང་སྐྱེ་མཆེད་གནས་སུ་དག་པར་དམིགས་ལ། ནང་ལྟར་བུཌྜྷ་བཞི་བཅུ་རྩ་གཉིས་ཀྱི་ཕྱག་རྒྱའི་དཀྱིལ་འཁོར་དུ་དམིགས་ལ། གསང་བ་ལྟར་ན་ཐབས་དང་ཤེས་རབ་གཉིས་སུ་མེད་པར་རོལ་པར་དམིགས་ལ། གཏོར་མ་ལྷའི་དཀྱིལ་འཁོར་དུ་བྱིན་གྱིས་བརླབས་པའོ། །དེ་ནས་གཏོར་མ་ཉུང་ངུ་མང་པོར་བྱིན་དབབ་པ་དང་། ཆུང་ངུ་ཆེན་པོར་བྱ་བའི་སྔགས་དང་ཕྱག་རྒྱ་ནི། ལག་པ་རིན་པོ་ཆེའི་སྣོད་དུ་བྱས་ལ།ཨོཾ་ཨ་བྷི་སྥ་ར་ཎ་ཧི་མཾ་གྷ་གྷ་ན་ཁཾ། ཞེས་བརྗོད་པས། ཆེ་བ་རི་རབ་མང་བ་རྒྱ་ ― DNG008_Page_0398 ―
[མ་དཔེ་གཟིགས་ན་འདིར་གནོན།]
མཚོ་ཙམ་དུ་བྱིན་གྱིས་བརླབས་སོ། །དེ་ནས་གཏོར་མ་མང་ཞིང་ཆེ་བར་བདུད་རྩིར་བྱིན་གྱིས་རླབས་པའི་སྔགས་དང་ཕྱག་རྒྱ་ནི། ལག་པ་དེ་ཉིད་ལས་ཆུ་རྒྱུན་གྱི་ཚུལ་དུ་བྱས་ལ། ཨོཾ་སརྦ་པཉྩ་ཨ་མྲྀ་ཏ་ཧཱུཾ། ཞེས་བརྗོད་པས། བཏུང་བས་མི་འཆི་བ། ཟོས་པས་མི་ལྟོག་པ། མྱང་བས་སངས་རྒྱས་པར་བྱིན་གྱིས་བརླབས་སོ། །དེ་ནས་གཏོར་མ་བདུད་རྩི་ཅི་ལྟར་འདོད་པར་བྱིན་གྱིས་རླབས་པའི་སྔགས་དང་ཕྱག་རྒྱ་ནི། ལག་པ་དེ་ཉིད་ལས་རིན་པོ་ཆེ་འབར་བ་ལྟར་བྱས་ལ། ཨོཾ་སཾ་བྷ་ར་ཧ་ར་ཧ་ན་ན་ཡ་ཏེ་ཡེ་ན་སྭཱ་ཧཱ། ཞེས་བརྗོད་པས། བདུད་རྩི་སོ་སོའི་ཡིད་ལ་འཐད་པར་བྱིན་གྱིས་བརླབས་སོ། །དེ་ནས་གཏོར་མ་ཡིད་ལ་འདོད་པ་དེ་སོ་སོར་ཁྱབ་པར་དབང་བསྐུར་བའི་སྔགས་དང་ཕྱག་རྒྱ་ནི། ལག་པ་དབང་བསྐུར་གྱི་ཕྱག་རྒྱ་བྱས་ལ། ཨོཾ་མ་ཧཱ་ཤཱ་ར་སྥ་ར་ཎ་བཛྲ་ཧཱུཾ། ཞེས་བརྗོད་པས། ཡོངས་ལ་ཁྱབ་པས་མྱ་ངན་འདས་པར་དབང་བསྐུར་ཞིང་བྱིན་གྱིས་བརླབས་སོ། །དེ་ནས་ནམ་མཁའ་སྔགས་དང་ཡིག་འབྲུས་གང་བར་དམིགས་པ་ནི་སྔགས་ཀྱི་གཏོར་མའོ། །དེ་ནས་ནམ་མཁའ་ལ་གར་དང་ཕྱག་རྒྱས་གང་བར་དམིགས་པ་ནི་གར་དང་ཕྱག་རྒྱའི་གཏོར་མའོ། །དེ་ནས་ནམ་མཁའ་གོས་དང་རྒྱན་གྱིས་གང་བར་དམིགས་པ་ནི།གོས་དང་རྒྱན་གྱི་གཏོར་མའོ། །དེ་བཞིན་དུ་འབྲུ་དང་། མེ་ཏོག་དང་། བྲོ་གར་འདུ་འཕྲོ་དང་། སྤོས་དང་། བྱུག་པ་དང་། བཟའ་བ་དང་། བཏུང་བ་དང་། སྤྱད་པ་དང་། སྒྲ་དང་། སྐད་དང་། ཚིག་དང་དོན་ལ་སོགས་པ་དེ་དག་གི་གཏོར་མ་གོང་མ་བཞིན་ནོ། །དེ་ནས་རྡོ་རྗེ་སེམས་དཔས་དེ་ལྟ་བུའི་གཏོར་མ་ཉིད་དུ་སྤྲུལ། ཉིད་ཀྱིས་དོན་མཛད་པས། རྡོ་རྗེ་སེམས་དཔའ་མངོན་པར་སངས་རྒྱས་ནས། ཀུན་ཏུ་བཟང་པོ་དང་མི་གཉིས་པར་ཐ་དད་པའི་ངང་དུ་བཞུགས་སོ། །གཏོར་རྒྱུད་ཆེན་པོ་ལས། གཏོར་མ་བྱིན་གྱིས་བརླབས་པའི་སྔགས་དང་ཕྱག་རྒྱའི་ལེའུ་སྟེ་གསུམ་པའོ།། །།དེ་ནས་རྡོ་རྗེ་སེམས་དཔའི་ཐུགས་རྗེའི་བྱིན་རླབས་དེས། འཇིག་རྟེན་གྱི་ཁམས་དེ་དག་ཐམས་ཅད་ནི། ཁ་ཅིག་རྡོ་རྗེ་སེམས་དཔའ་དམིགས་ནས། ལུས་རྡོ་རྗེ་སློབ་དཔོན་གྱིས་བཟུང་ནས། གཏོར་གཞོང་ལ་སོགས་པ་འབྱོར་པ་ཆེ་ཆུང་གིས་བརྡུངས་ཤིང་དབྱིབས་དང་རྒྱན་མཛེས་པར་བཤམས་ནས། དེའི་ནང་དུ་ལྷ་དང་མིའི་ལོངས་ ― DNG008_Page_0399 ―
[མ་དཔེ་གཟིགས་ན་འདིར་གནོན།]
སྤྱོད་སྣ་ཚོགས་པ་འབྱོར་པ་ཆེ་ཆུང་གིས་སྩལ་ཏེ། གོང་མ་བཞིན་རྟོགས་པར་བྱས་ནས། སྔགས་དང་ཕྱག་རྒྱས་བྱིན་གྱིས་བརླབས་ནས་གཏོར་མར་ཕུལ་བས། ལུས་ངོ་བོར་ས་ཐོབ་པ་ཤ་སྟག་ཀྱང་གནས་སོ། །ཕལ་པ་ཁ་ཅིག་ནི་དེ་ལྟར་མི་སྤྱོད་པར་གསང་སྔགས་ཚིག་ཙམ་ལ་ཁུངས་ཕྱུང་ནས། གཞན་བྱེད་པའི་ལད་མོ་ཙམ་ལ་བལྟས་ནས་གཏོར་མ་བཏང་སྟེ། ངེས་པ་མེད་པས་ཚི་ཆད་ནས།ཕྱོགས་རིས་གཉིས་སུ་བཅད་ཅིང་དམ་ཚིག་ལས་འགལ་ཏེ་མི་སྲུན་ཏོ། །དེས་ཀྱང་དོན་ཆོས་ཉིད་དང་མཐུན་པར་མི་འགྱུར་རོ། །དེ་ལྟར་རྡོ་རྗེ་སེམས་དཔར་སངས་རྒྱས་ན་ཡང་། ཚིག་གི་སངས་རྒྱས་ལས་དོན་གྱི་སངས་རྒྱས་སུ་མ་གྱུར་ན། རྡོ་རྗེ་སེམས་དཔའ་དེ་ཡང་ཤིན་ཏུ་འགྱོད་པ་དྲག་པོ་སྐྱེས་ནས་ཁ་བུབ་ཏུ་འགྱེལ་ཏོ། །དེ་ནས་བཅོམ་ལྡན་འདས་ཀུན་ཏུ་བཟང་པོས། རྡོ་རྗེ་སེམས་དཔའ་བརྒྱལ་བ་བསླང་བའི་ཕྱིར། འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་ལུས་མཚན་དང་དཔེ་བྱད་དུ་ལྡན་ནས། འཆི་བ་མེད་པའི་སྐུ་ཐོབ་པ་དང་། འབྱོར་པའི་ལོངས་སྤྱོད་ཐམས་ཅད་གཏོར་མར་ཕུལ་ནས། ལྷའི་ལོངས་སྤྱོད་དང་འབྲལ་བ་མེད་པར་ལྡན་པ་ནི། སངས་རྒྱས་ཞེས་མི་བྱའོ། །སངས་རྒྱས་ཞེས་བྱ་བ་ནི།ཉོན་མོངས་པ་དུག་གསུམ་ལ་འདོད་ཆགས་ཁྲག་གི་རྒྱ་མཚོ་ལ་ཟད་པ་མེད་པ་རྒྱ་མཚོ་ཙམ་ཞིག་ཡོད་དོ། །ཞེ་སྡང་རུས་ལ་ཟད་པ་མེད་པ་རི་རབ་ཙམ་ཞིག་ཡོད་དོ། །གཏི་མུག་ཤ་ལ་ཟད་པ་མེད་པ་རི་རབ་སྤུངས་པ་ཙམ་ཞིག་ཡོད་དོ། །ཉོན་མོངས་པ་སྲོག་དང་རྩ་བ་དང་། དབུགས་ཕྱི་ནང་དུ་རྒྱུ་བ་ལ་ཟད་པ་མེད་པ་རླུང་ཙམ་ཞིག་ཡོད་དེ། འདི་དག་རང་གིས་རང་སྒྲོལ་ཤེས་པ། རང་གིས་རང་བསྒྲལ་ནས་དུས་གསུམ་དུ་འཕགས་པའི་ཚོགས་ལ་ཡང་མཆོད་པ་འབུལ་ཞིང་ཐུགས་དམ་བསྐང་། མ་མོ་དང་མཁའ་འགྲོ་ཇི་སྙེད་ཡོད་པ་ལ་ཡང་མཆོད་པ་དང་། འགྲོ་བ་ཡོངས་ལ་ཡང་བསྔོ་བར་བཟོད་པ་ནི་ཡང་དག་པའི་སངས་རྒྱས་སུ་འགྲོ་ཞེས་བཀའ་སྩལ་པ་ལས། སླར་རྡོ་རྗེ་སེམས་དཔའ་བརྒྱལ་བ་ལངས་པ་ལས། ཕྱག་གཡས་པས་འཇམ་དཔལ་ཀ་ཏ་རིའི་ཤིང་ཐོགས་ནས། ཉིད་ཀྱིས་ཉིད་བསྒྲལ་ཏེ། ཁོག་པ་ཁ་ཤག་གིས་ཕྱེས་ནས། བྷྲཱུཾ་ཁ་ཏ་ལི་བི་ཧཱུཾ་ཞེས་བརྗོད་པས། ཁོག་པ་གཏོར་མའི་ ― DNG008_Page_0400 ―
[མ་དཔེ་གཟིགས་ན་འདིར་གནོན།]
གཞལ་ཡས་ཁང་དུ་བསྒྱུར་ནས། ཀུན་ཏུ་བཟང་པོ་མ་སྐྱེས་ཀློང་དུ་དེར་སལ་གྱིས་གྱུར་ཏོ། །མ་ཧཱ་ཙིཏྟ་ཛཱ་རཾ་ཧཱུཾ་ཞེས་བརྗོད་པས། ཙིཏྟ་ཟུར་གསུམ་པ་གཏོར་སྣོད་ཀྱི་ནང་དུ་བཅུག་ནས་ཡེ་ཤེས་དཔལ་ཆེན་པོར་དེར་སངས་རྒྱས་སོ། །བཛྲ་ཤཀྟི་བྷནྡ་ཧཱུཾ་ཕཊ། ཞེས་བརྗོད་པས། ཉིད་ཀྱི་བྷནྡ་དུམ་བུ་གསུམ་དུ་བཅད་ནས་བྷནྡ་སྣོད་གསུམ་གྱིས་ཙིཏྟའི་མཐའ་བསྐོར་བས། ཆོས་ཀྱི་སྐུ་སྐྱེ་བ་མེད་པར་ལྷག་གིས་གྱུར་ཏོ། །དེ་ནས་བ་སུ་ཏའི་རྒྱུ་ཕྲེང་གི་མཐའ་བསྐོར་བས་ཐམས་ཅད་དུ་ཐིག་ལེ་ཆེན་པོའི་ངང་དུ་ལྷུན་གྱིས་གྲུབ་པོ། །དེ་ནས་སྲོག་དང་དབུགས་ཐམས་ཅད་ཡུམ་ཚེ་འཛིན་རྒྱལ་མོའི་མཁའ་ལ་བསྒྲལ་ལོ། །གུ་ཧྱ་གསང་བའི་ཀློང་ཐག་ན་ཡེ་ཤེས་སེམས་དཔའི་སྐུར་གྱུར་ཏོ། །དེ་ནས་རཀྟའི་རྒྱ་མཚོ་སྦྲེངས་པས་ཆོས་ཉིད་མ་སྐྱེས་པའི་ཀློང་ཕྱོགས་བཅུར་གདལ་ལོ། །ཀེང་རུས་ཀྱི་རི་རབ་བརྩེགས་ནས་གཏོར་མར་ཕུལ་བས། མཉམ་པ་ཆེན་པོའི་ཀློང་ཕྱོགས་བཅུར་གདལ་ལོ། །ཤའི་ཕུང་པོར་སྤུངས་ཏེ་གཏོར་མར་ཕུལ་བས་མ་བཅོས་པའི་སྐུ་ལ་འགྱུར་བ་མེད་པའི་ཀློང་ཕྱོགས་བཅུར་གདལ་ལོ། །དེ་ལྟར་གདལ་བས་རྡོ་རྗེ་སེམས་དཔའ་རང་བྱུང་གི་ཡེ་ཤེས་ཆེན་པོར་སངས་གཟོད་རྒྱས་ནས། ཀུན་ཏུ་བཟང་པོ་ཡབ་ཡུམ་དང་གཉིས་སུ་མེད་པའི་ཀློང་དུ་གྱུར་ནས་འདི་སྐད་ཅེས་ཆོས་ཉིད་བདེན་པའི་ཚིག་གིས་བསྟོད་པ་ཕུལ་བ། །ཧཱུཾ་ཆོས་ཉིད་མ་བཅོས་དོན་ཉིད་མ་ཤེས་པས། །ཅི་ལྟར་བསྒོམས་པས་སྡུག་བསྔལ་ཉིད་དུ་འགྱུར། །ལྟ་བ་ཀུན་ཏུ་བཟང་ལ་མཐོལ་བཤགས་ན། །ཕུང་པོ་གཏོར་མའི་མཆོད་པ་བཞེས་སུ་གསོལ། །སེམས་ཉིད་གདོད་ནས་དག་པར་མ་ཤེས་པས། །ཅི་ལྟར་བརྩམས་པས་སྡུག་བསྔལ་ཉིད་དུ་གྱུར། །ཕྲིན་ལས་ཀུན་ཏུ་བཟང་ལ་མཐོལ་བཤགས་ན། །སྲོག་དབུགས་གཏོར་མའི་མཆོད་པ་བཞེས་སུ་གསོལ། །ཐིག་ལེ་གྲྭ་ཟུར་མེད་པར་མ་ཤེས་པས། །ཅི་ལྟར་བསྐྱེད་པས་སྡུག་བསྔལ་ཉིད་དུ་གྱུར། །སྤྱོད་པ་ཀུན་ཏུ་བཟང་ལ་མཐོལ་བཤགས་ན། །རྣམ་ཤེས་གཏོར་མའི་མཆོད་པ་བཞེས་སུ་གསོལ། །རང་བྱུང་བཙལ་བ་མེད་པར་མ་ཤེས་པས། །ཅི་ལྟར་བསྒྲུབས་པས་སྡུག་བསྔལ་ཉིད་དུ་གྱུར། །དམ་ཚིག་ཀུན་ཏུ་བཟང་ལ་མཐོལ་བཤགས་ན། །ལོངས་སྤྱོད་གཏོར་མའི་མཆོད་པ་བཞེས་སུ་གསོལ། །ཁོག་པ་མི་ཕང་གཏོར་མར་བརྩེགས། །ཤ་ནི་ ― DNG008_Page_0401 ―
[མ་དཔེ་གཟིགས་ན་འདིར་གནོན།]
མི་ཕང་གཏོར་མར་གཏུབས། །རུས་ནི་མི་ཕང་གཏོར་མ་གཏོར། །ཁྲག་ནི་མི་ཕང་ཨ་གྷ་སྦྲེངས། །མ་ཧཱ་རཀྟ་ཏྲག་ཤ་ཨ་མྲྀ་ཏ་ཁཱ་ཧི། ཞེས་བརྗོད་པས། ཀུན་ཏུ་བཟང་པོའི་ཀློང་མི་གཉིས་གཅིག་པར་བཞུགས་སོ། །དེ་བཞིན་དུ་རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། སྣང་བ་མཐའ་ཡས་དང་། གདོན་མི་ཟ་བར་གྲུབ་པ་ལ་སོགས་པ་ཡང་རྡོ་རྗེ་སེམས་དཔའི་དེ་བཞིན་དུ་འགྱོད་པ་སྐྱེས་ནས་དེ་བཞིན་དུ་གཏོར་མ་ཕུལ་ཏེ། བཤགས་ཤིང་བསྟོད་ནས་གཟོད་སངས་རྒྱས་ཏེ་ཀུན་ཏུ་བཟང་པོ་སྐྱེ་བ་མེད་པའི་ཀློང་མི་གཉིས་གཅིག་པར་བཞུགས་སོ། །རིགས་ཀྱི་ཡུམ་རྣམས་ཀྱང་དེ་བཞིན་དུ་འགྱོད་པ་སྐྱེས་ནས་ཉིད་ལ་ཉིད་བསྒྲལ་ནས། ལུས་ཕུལ་ཏེ་མངོན་སངས་རྒྱས་སོ། །བཤགས་ཤིང་བསྟོད་ནས་ཀུན་ཏུ་བཟང་པོ་སྐྱེ་བ་མེད་པའི་ཀློང་ན་མི་གཉིས་གཅིག་པར་བཞུགས་སོ། །དེ་ནས་བྱང་ཆུབ་སེམས་དཔའ་དང་སེམས་མ་དང་། ཁྲོ་བོ་དང་ཁྲོ་མོ་དང་། ཐུབ་པ་ལ་སོགས་པ་རྣམས་ཀྱང་། ཤིན་ཏུ་བརྒྱལ་ནས་འགྱོད་པ་སྐྱེས་ནས་ལུས་གཏོར་མར་ཕུལ་ནས། ཉིད་ལ་ཉིད་བསྒྲལ་ནས། གཟོད་ཉིད་ལས་མི་གཞན་པའི་སྲས་སུ་སྐྱེས་སོ། །དེ་ནས་སངས་རྒྱས་ཀྱང་ཉིད་ལ་ཉིད་བསྒྲལ་ནས་དུག་གསུམ་གཏོར་མར་ཕུལ་བས་སངས་རྒྱས། བྱང་ཆུབ་སེམས་དཔའ་ལ་སོགས་པ་རྣམས་ཀྱང་ཉིད་ལ་ཉིད་བསྒྲལ་ནས་དུག་གསུམ་གཏོར་མར་ཕུལ་ཙམ་ན་ཡང་གང་ཡང་དེ་ལྟ་བུར་བསྒྲལ་ཞིང་བསྒྲུབ་པ་མེད་དོ། །དེ་ནས་སངས་རྒྱས་རྣམས་ནི་མ་ཆགས་མི་གཡོ་མ་སྐྱེས་པའི་ངང་ལ་བཞུགས་པ་དེ། ཉིད་ལ་ཉིད་བསྒྲལ་ཞིང་། ཉིད་ཀྱི་ལུས་དེ་ཉིད་གཏོར་མར་ཕུལ་ནས་སངས་རྒྱས་པའི་ཐབས་མཁྱེན་པ་ལ། དེ་ནས་མངའ་བའི་ཚོགས་རྣམས་ཀྱིས་དེ་ཉིད་དུ་རང་བསྒྲེལ་བའི་ཐབས་མ་ཤེས་ནས། བྱང་ཆུབ་སེམས་དཔའི་ཚོགས་རྣམས་ཀྱིས་རྡོ་རྗེ་སེམས་དཔའ་ལ་ལུས་ཞིང་གི་རྡུལ་སྙེད་དུ་སྤྲུལ་ནས། ཕྱི་ནང་གསང་བའི་མཆོད་པས་མཆོད་ནས། འདི་སྐད་ཅེས་གསོལ་ཏོ། །བཅོམ་ལྡན་འདས་རྒྱལ་བ་རྡོ་རྗེ་འཛིན་པ། སངས་རྒྱས་ཐམས་ཅད་གཏོར་མར་སངས་རྒྱས་པའི་དོན་ཐུགས་སུ་ཆུད་ནས། ལུས་ཞིང་གི་རྡུལ་སྙེད་དུ་སྤྲུལ་ནས་གཏོར་མར་མཛད་པས་སངས་རྒྱས་པ་ལ་ཡང་ངོ་མཚར་ཆེའོ། །དེ་ཡང་ཡང་དག་པའི་སངས་རྒྱས་སུ་མ་གྱུར་ནས། ཤིན་ཏུ་བསྒྲལ་ ― DNG008_Page_0402 ―
[མ་དཔེ་གཟིགས་ན་འདིར་གནོན།]
ནས་ཉིད་ལ་ཉིད་བསྒྲལ་ཏེ་དུག་གསུམ་གཏོར་མ་ཆེན་པོར་ཕུལ་བས་ཡང་དག་པའི་སངས་རྒྱས་སུ་གྱུར་པ་སྟེ། དེ་བས་ཀྱང་ངོ་མཚར་ཆེ་ནས། འཇིག་རྟེན་མངའ་བའི་ཚོགས་ཀྱིས། དེ་ཉིད་རང་བསྒྲལ་བའི་ཐབས་དེ་མ་འཚལ་ན། བཅོམ་ལྡན་འདས་མ་ཐུགས་རྗེ་ཆེ་ལ་ཐབས་མཁས་པས་ལུང་བསྟན་དུ་གསོལ་ལོ། །བདེ་བར་གཤེགས་པས་ལུང་བསྟན་དུ་གསོལ། དེ་སྐད་ཅེས་གསོལ་པ་དང་། རྡོ་རྗེ་སེམས་དཔས་བཀའ་སྩལ་པ། རྡོ་རྗེ་སེམས་དཔའ་ངས་ཀྱང་རང་གིས་རང་སྒྲོལ་བའི་ཐབས་དེ་མ་ཤེས་ནས། བསྐལ་པ་བྱེ་བ་སྙེད་དུ་སངས་མ་རྒྱས་ཏེ། ཀུན་ཏུ་བཟང་པོའི་དགོངས་པ་ཉག་གཅིག་པོ་འདིས། རང་ལ་རང་བསྒྲལ་ཏེ་གཏོར་མར་ཕུལ་བས་སངས་རྒྱས་པ་ཡིན་ཏེ། དེ་བས་དམའ་བའི་ཚོགས་ཀྱིས་མི་ཤེས་པ་ནི། བདག་ཉིད་ཀྱི་དོན་མ་ཤེས་པ་ཡིན་ཏེ། བདག་ཉིད་ཀྱི་དོན་ཤེས་པར་བྱ་བའི་ཐབས་ནི་འདིའོ། །སྐྱེ་མེད་ཐམས་ཅད་དུག་གསུམ་བསྒྲལ། །གདོད་ནས་དག་པས་དེ་དག་སྐྱོན། །ཐ་སྙད་སྒྲོ་བཏགས་ནུས་པའི་ལམ། །འཁྲུལ་པའི་ལམ་བཙལ་ཐོབ་པར་དཀའ། །ལུས་སེམས་བདེ་བའི་དོན་རྟོགས་ན། །སངས་རྒྱས་བྱང་ཆུབ་ཐག་མི་རིང་། །སེམས་ཉིད་ཉག་གཅིག་དོན་ཤེས་ན། །བསྒྲལ་བའི་གཏོར་མར་རབ་ཏུ་བཤད། །བསྒྲལ་ཙམ་ཉིད་ན་བསྒྲལ་མེད་པ། །དུག་གསུམ་ཆོས་ཉིད་གཏིང་ཕྱིན་ཡིན། །དེས་ན་མ་གཏོར་གང་ཡང་མེད། །གཏོར་ཙམ་ཉིད་ནས་གཏོར་མེད་པ། །རང་སེམས་གདོད་ནས་ཡིན་ཤེས་ཏེ། །དེས་ན་མ་གཏོར་གང་ཡང་མེད། །རྩ་བའི་གཏོར་མར་མ་རིག་ན། །དེ་ཚེ་སངས་རྒྱས་ཡང་མི་སྲིད། །འཁྲུལ་པའི་ལོངས་སྤྱོད་རྒྱུ་འབྲས་ལས། །དེ་ཚེ་ཕུང་པོ་ཉིང་མཚམས་སྦྱོར། །དེ་ནི་གྲངས་བརྗོད་བྱ་བ་འདས། །དེས་ཀྱང་ཡང་དག་སངས་མི་རྒྱ། །དེ་རྙེད་གཏོར་མ་མི་དགོས་ཏེ། །འཆི་བ་མེད་པའི་སངས་རྒྱས་ལ། །རྟོགས་པའི་ཀློང་དུ་བདག་བསྒྲལ་ནས། །ཚི་མི་ཆད་པར་མངོན་སངས་རྒྱ། །ཀུན་བཟང་བདེ་བའི་གནས་སུ་ཕྱིན། །དེ་ཚེ་གཏོར་མའི་སྙིང་པོར་བཤད། །ཅེས་བཀའ་སྩལ་པས། ལྷ་ཆེན་པོ་རྣམས་མགྲིན་གཅིག་ཏུ། ཨེ་མ་ཨ་ལ་ལ་འདི་ལྟ་བུའི་གཏོར་མ་ལ། འབྱོར་པ་དང་ལོངས་སྤྱོད་གཏོར་མར་འབུལ་བ་ལྟ་ཅི་སྨོས་ཀྱི། སྲོག་ལུས་དབུགས་ཀྱང་ ― DNG008_Page_0403 ―
[མ་དཔེ་གཟིགས་ན་འདིར་གནོན།]
གཏོར་མར་འབུལ་ལོ། །ཞེས་མགྲིན་གཅིག་ཏུ་ཟེར་ནས། ཉིད་ལ་ཉིད་བསྒྲལ་ཏེ་གཏོར་མ་ཕུལ་ལོ། །དེ་ནས་ཀླུ་རྣམས་ཀྱང་ངོ་མཚར་སྐྱེས་ནས། ཉིད་ལ་ཉིད་བསྒྲལ་ཏེ་གཏོར་མར་ཕུལ་ལོ། །དེ་ནས་གཟའ་སྐར་རྣམས་ཀྱིས་ཀྱང་། ཉིད་ལ་ཉིད་བསྒྲལ་ཏེ་གཏོར་མར་ཕུལ་ལོ། །སྲིན་པོ་རྣམས་ཀྱིས་ཀྱང་ངོ་མཚར་སྐྱེས་ནས། ཉིད་ལ་ཉིད་བསྒྲལ་ཏེ་གཏོར་མར་ཕུལ་ལོ། །གནོད་སྦྱིན་རྣམས་ཀྱིས་ཀྱང་ངོ་མཚར་སྐྱེས་ནས་ལུས་སྲོག་གཏོར་མར་ཕུལ་ལོ། །མ་མོ་རྣམས་ཀྱིས་ཀྱང་ངོ་མཚར་སྐྱེས་ནས་ལུས་སྲོག་གཏོར་མར་ཕུལ་ལོ། །མི་རྣམས་ཀྱིས་ཀྱང་ལུས་སྲོག་གཏོར་མར་ཕུལ་ལོ། །བྱོལ་སོང་རྣམས་ཀྱིས་ཀྱང་ལུས་སྲོག་གཏོར་མར་ཕུལ་ལོ། །ཡི་དྭགས་རྣམས་ཀྱིས་ཀྱང་ལུས་སྲོག་གཏོར་མར་ཕུལ་ལོ། །དམྱལ་བ་རྣམས་ཀྱིས་ཀྱང་ལུས་སྲོག་གཏོར་མར་ཕུལ་ལོ། །ཕྱོགས་སྐྱོང་བ་རྣམས་ཀྱིས་ཀྱང་ལུས་སྲོག་གཏོར་མར་ཕུལ་ལོ། །དེར་གཟོད་གཏོར་མས་སངས་མ་རྒྱས་པ་གང་ཡང་མེད་དེ། ཀུན་ཏུ་བཟང་པོ་བདེ་བ་ཆེན་པོའི་སངས་རྒྱས་སུ་མི་གཉིས་གཅིག་པར་མཐའ་ཡས་པའི་སྐྱེ་འགྲོ་ཐམས་ཅད་གྱུར་ཏོ། །གཏོར་རྒྱུད་ཆེན་པོ་ལས། རྟོགས་པས་བདག་བསྒྲལ་བའི་ལེའུ་སྟེ་བཞི་པའོ།། །།དེ་ནས་རྡོ་རྗེ་སེམས་དཔའ་ཡབ་ཡུམ་འདུ་འབྲལ་མེད་པའི་བྱང་ཆུབ་སེམས་ཀྱི་གཏོར་མ་འདི་རྒྱས་པར་གཏོར་རོ། །ཆོས་ཉིད་ཀྱི་རྒྱན་ཡབ་ཡུམ་མཚན་དང་ལྡན་པའི་མཁའ་ཀློང་གི་གཏོར་གཞོང་དུ། བྱང་ཆུབ་སེམས་ཀྱི་མུ་ཏིག་གཏོར་མར་སྦྱངས་པས་དུས་གསུམ་འཕགས་པའི་ཚོགས་ཐམས་ཅད་སྤྱན་དྲངས་ནས། དགྱེས་པ་ཆེན་པོའི་མཆོད་སྤྲིན་གཏོར་མར་ཕུལ་བས། འཕགས་པ་ཐམས་ཅད་དང་མཐའ་ཡས་པའི་སེམས་ཅན་ཐམས་ཅད་གཉིས་སུ་མེད་པའི་བྱང་ཆུབ་སེམས་ཀྱི་དངོས་གྲུབ་དང་། ཐབས་དང་ཤེས་རབ་འདུ་འབྲལ་མེད་པའི་དབང་དམ་པ་ཐོབ་པ་འདི་ལྟ་སྟེ། ཧཱུཾ་ཨེ་མ་རང་བྱུང་རོལ་པའི་སྐུ། །སྒྲོས་བཏགས་མཚན་མའི་སྤྱོད་པ་རྣམས། །གཉིས་མེད་གཏོར་མའི་ལོངས་སྤྱོད་དེ། །ཡོངས་ལ་ཁྱབ་པར་གསལ་སྤྲོས་པའི། །ལྷ་ཡི་དཀྱིལ་འཁོར་ཐམས་ཅད་ནི། །མ་ལུས་འདུས་པའི་ཐིག་ལེ་ ― DNG008_Page_0404 ―
[མ་དཔེ་གཟིགས་ན་འདིར་གནོན།]
ཆེ། །སངས་རྒྱས་བྱང་ཆུབ་ལས་བྱུང་བའི། །སངས་རྒྱས་ཉིད་ཀྱི་རྒྱུ་ཡིན་པས། །ཐམས་ཅད་སངས་རྒྱས་ཉིད་ཀྱིས་མཛད། །མ་ལུས་ཡོངས་ཀྱི་རེ་སྐོང་ནི། །རཀྟ་དང་ནི་བྱང་ཆུབ་སེམས། །དེ་ཚེ་གཏོར་མར་སྦྱར་བའི་ཚེ། །རྒྱལ་བའི་དཀྱིལ་འཁོར་ཚང་བར་འབྱུང་། །ཕུང་པོ་ཁམས་དང་སྐྱེ་མཆེད་ཀྱང་། །དབྱེར་མེད་ངོ་བོ་ཉིད་མཉམ་པས། །ཐམས་ཅད་རྒྱལ་བའི་གཏོར་མར་བཤད། །འབར་བའི་བྱིན་རླབས་འཕྲོ་འདུ་ལས། །ཞི་བར་འདོད་ན་གཏུམ་པོ་ཞི། །རྒྱས་པར་འདོད་ན་ཟླ་ཉ་བཞིན། །དབང་ནི་ཁམས་གསུམ་སྒྲོལ་བར་སྦྱོར། །དྲག་པོས་མ་རུངས་འཇོམས་པར་བྱེད། །ཐིམ་པའི་ལྷར་ནི་རབ་སྦྱར་ནས། །དབང་པོའི་ཚོགས་ལ་དགྱེས་པར་རོལ། །ཨོཾ་སུ་ར་ཏི་སྟཾ། ས་མ་ཡ་སྟྭཾ། ས་མ་ཡ་ཧོ། མ་ཧཱ་སུ་ཁ་ཧཱུཾ། བཛྲ་པདྨ་མཎྜ་ལ། དེ་ནས་རྡོ་རྗེ་སེམས་དཔས་འཁོར་རྣམས་ལ་གསང་བའི་གཏོར་མ་བཤད་པ། རྣམ་པར་སྣང་མཛད་ལ་སོགས་པ་གཏོར་མའི་རྒྱུ་དང་གསང་བ་བཤད་པས་ཉོན་ཅིག །དེ་ཡུམ་གྱི་ཆོས་ཀྱི་དབྱིངས་ཏེ། གསང་བའི་གཏོར་མ་ཐམས་ཅད་འབྱུང་བའི་རྒྱུའམ་གནས་སོ། །དེའི་གསང་བའི་མཁའ་ནི། གསང་བའི་གཏོར་སྣོད་དག་པའི་གཞལ་ཡས་ཁང་གི་རང་བཞིན་ནོ། །གསང་བའི་རྡོ་རྗེ་ནི་ཡབ་རིག་པའི་ཡེ་ཤེས་ཏེ། གཏོར་མ་དེ་ཉིད་ཀྱི་རྒྱུ་དང་། གཏོར་མ་དེ་ཉིད་ཀྱི་དབྱེ་བ་དང་། བྱེད་པ་པོའི་སྐྱེས་བུ་དང་། མགྲོན་ཡང་ཡིན། བྱང་ཆུབ་སེམས་ཀྱི་བདུད་རྩིའི་ཆུ་རྒྱུན་མི་ཆད་པར་སྦྲེངས་པར་བྱེད་པས་དངོས་གྲུབ་ཐམས་ཅད་ཀྱི་རྒྱུ་དང་རྐྱེན་ཡང་ཡིན། རྣལ་འབྱོར་པའི་མཆོད་པ་ཐམས་ཅད་ཀྱི་རྩ་བ་ཡང་ཡིན་པས། སངས་རྒྱས་ཐམས་ཅད་ཀྱི་དགྱེས་པ་འཇོ་བའི་ཆགས་པ་ཆེན་པོ།ཡི་གེ་འཁོར་ལོ་ཚོགས་ཆེན་གྱིས་ཞེས་ཀྱང་དེ་ལ་བྱ་སྟེ། སངས་རྒྱས་ཐམས་ཅད་ཀྱི་ཕོ་བྲང་ངོ་། །འདི་ལྟར་རིག་ཅིང་རྟོག་པའི་དུས་ན། སྐྱེ་ཤིའི་ལས་ཀྱིས་མི་འཁོར་ཞིང་། སངས་རྒྱས་ཉིད་ཀྱི་གསང་བའི་གཏོར་མ་ཆེན་པོའོ། །འདི་ལྟར་མ་རིག་ཅིང་མ་རྟོགས་པའི་དུས་ན། གསང་བའི་གཏོར་མ་བཀའ་ནུབ་པས། སྐྱེ་ཤི་འཁྲུལ་པའི་སྡུག་བསྔལ་གྱི་ལས་དང་། བག་ཆགས་ངན་པ་ལ་སོགས་པ་བརྟས་པའི་དབང་གིས། གཟུགས་ ― DNG008_Page_0405 ―
[མ་དཔེ་གཟིགས་ན་འདིར་གནོན།]
དངོས་པོར་སྣང་ཞིང་འཁོར་བ་རྒྱུར་གྱུར་པར་བྱེད་དོ། །དེ་བས་ན་སངས་རྒྱས་ཐམས་ཅད་ལ་ཡང་གསང་བའི་གཏོར་མ་འདི་ལས་གཞན་མི་མངའ་སྟེ། དགོངས་སྤྱོད་ཟབ་མོ་འདི་ཐུགས་སུ་ཆུད་ན། གསང་བའི་གཏོར་མ་དུས་གསུམ་འདུ་འབྲལ་མེད་དེ་ཆོས་སྐུ་གསང་བའི་གཏོར་མའོ། །དེ་ནི་རིགས་བཞིའི་སངས་རྒྱས། ཚིག་ཆད་དམ། དུས་ནམ་ཞིག་གི་ཚེ་ན་དོན་མ་རྟོགས་པའི་བཀའ་ལ་རྟོག་པའི་སྦྱོར་བ་ཤ་སྟག་བྱེད་དེ། ཐེག་པ་འོག་མའི་སྤྱོད་པ་རྣམས་ཀྱིས་བྱས་ཤིང་སྐུར་བ་འདེབས་ཏེ། ཆོས་གཉིས་སུ་མེད་པ་མ་ཡིན་ཏེ། བཀའ་ཅི་སྙེད་བཤད་ཀྱང་དོན་ཡ་ཆར་སོང་བས་སོ། །གཟུང་འཛིན་བྱས་པས་ཆུད་ཟོས་པས།རྩ་བ་བདུད་རྩི་ལས་གོལ་ནས་མནར་མེད་པར་ལྷུང་ངོ་། །གཏོར་རྒྱུད་ཆེན་པོ་ལས།གསང་བའི་གཏོར་མའི་ལེའུ་སྟེ་ལྔ་པའོ།། །།དེ་ནས་རྡོ་རྗེ་སེམས་དཔའ་ལ་སོགས་པའི་སངས་རྒྱས་ཐམས་ཅད་ཀྱིས། ཅི་མཛད་པའི་ཕྲིན་ལས་གཏོར་མའི་ཕྲིན་ལས་མཛད། ཅི་ལྟར་སངས་རྒྱས་པ་ཡང་།གཏོར་མའི་སྒོ་ནས་སངས་རྒྱས། ཅི་ལྟར་སྣང་ཞིང་སྲིད་པ་ཡང་། གཏོར་མའི་རང་བཞིན་དུ་བྱུང་ན་ཡང་། དཔེར་ན་དམུས་ལོང་ལ་ཁ་དོག་ཅི་བཞིན་པ་དང་འདྲ་སྟེ། གང་ལ་བསྟན་པ་དེ་གང་ཡིན་ཆ་མེད་པ་དང་འདྲ་བར། སེམས་ཅན་ཐམས་ཅད་ཅི་ལས་བྱུང་བ་རྒྱུ་གཏོར་མ་ལས་བྱུང་། མཐའ་ཡས་པའི་སེམས་ཅན་ཐམས་ཅད་བརྟེན་པ་གཏོར་མ་ལ་བརྟེན། མཐའ་ཡས་པའི་སེམས་ཅན་ཐམས་ཅད་ཅི་སྤྱོད་པ་གཏོར་མ་ལ་སྤྱོད་ན། རང་རིག་པའི་རྩལ་མ་ཤར་བས། མ་རིག་པའི་སྨག་ནི་དམུས་ལོང་བཞིན་འཐིབས། གཏི་མུག་གི་མུན་པའི་སྨག་རུམ་ལ།ཞེ་སྡང་བརྟས་པའི་བྲག་བཅེར་ནས། འདོད་ཆགས་ཞེན་པའི་བསེ་རྩི་དང་འདྲ་པར་ཆགས་པས། སྣང་སྲིད་གཏོར་མའི་དོན་མ་ཤེས་པས། འགྲོ་བ་རིགས་དྲུག་ཏུ་སྐྱེས། དེ་ཉིད་མཆོད་པའི་རྒྱན་དུ་མ་རྟོགས་པས། ལམ་རྒྱུད་ལྔར་འཁོར་ཏེ། འདི་ལྟ་སྟེ། ཨ་ནྲྀ་སུ་ཏྲི་པྲེ་དུ། སྣོད་ཀྱི་འཇིག་རྟེན་གཏོར་གཞོང་ལ། རྫས་ཀྱི་མཚན་མ་གཏོར་མ་ལ། བཅུད་ཀྱི་འཇིག་རྟེན་གཏོར་མའི་མགྲོན་དུ་མ་རྟོགས་པས། ཞེ་སྡང་གི་མེ་ཆེན་པོ་འབར་བ་ལ། ལས་ཀྱི་རླུང་དམར་པོའི་ནུས་པས། སྣོད་ ― DNG008_Page_0406 ―
[མ་དཔེ་གཟིགས་ན་འདིར་གནོན།]
ཀྱི་འཇིག་རྟེན་ལ་གཤིག་ལྔས་སྤྱོ་བ་བྱས་ཏེ། གསད་པ་དང་། བཅོམ་ཞིང་ཕྲོག་པ་དང་། མནན་ཞིང་གཟིར་བ་དང་། གནས་ནས་དབྱུང་བ་དང་། བཟའ་ཞིང་བཅའ་བ་ལ་སོགས་པས། རྒྱུ་གཏོར་མ་ནི་སྡིག་པ་མི་དགེ་བ་རུ་སྤྱོད། འབྲས་བུ་སངས་རྒྱས་ནི་དམྱལ་ཁམས་བཅོ་བརྒྱད་དུ་གོལ་བ་འདི་ལྟ་སྟེ། རྡོ་རྗེའི་དམྱལ་བ་དང་། ཆད་པའི་དམྱལ་བ་དང་། ཉམས་པའི་དམྱལ་བ་དང་། སྐུར་བའི་དམྱལ་བ་དང་། སྤངས་པའི་དམྱལ་བ་དང་། འགྱོད་པའི་དམྱལ་བ་དང་། མ་རིག་པའི་དམྱལ་བ་དང་། ཉོན་མོངས་པའི་དམྱལ་བ་དང་། ལོག་པའི་དམྱལ་བ་དང་། གཟུང་བ་དང་འཛིན་པའི་དམྱལ་བ་དང་། དོག་པའི་དམྱལ་བ་དང་། ཕྲ་བའི་དམྱལ་བ་དང་། རྨོངས་པའི་དམྱལ་བ་དང་། འཆལ་པའི་དམྱལ་བ་དང་། སྤྱོད་པའི་དམྱལ་བ་དང་། དེད་པའི་དམྱལ་བ་དང་། འབྲོས་པའི་དམྱལ་བ་དང་། རྟག་པའི་དམྱལ་བའོ། །དེ་ལ་རྡོ་རྗེའི་དམྱལ་བ་གང་ཞེ་ན།གཏོར་མའི་དོན་མ་གོ་བས། འོག་རྡོ་རྗེའི་གཏན་ས་ལ། སྟེང་རྡོ་རྗེའི་ཐོ་བས་ཡུད་ཙམ་ཡང་མི་འགྱངས་པར་བརྡུང་ཞིང་། ཨ་ཚ་དང་ཨ་ནའི་སྨྲེང་ཡང་སྐད་འགའ་ཙམ་ཡང་མི་ཐོན་པ་ཤ་སྟག་མྱོང་བར་གནས་ཏེ། ཚེའི་ཚད་ཀྱང་མེད་དེ།ལྕགས་ཀྱི་རི་རབ་ཆེན་པོ་བརྒྱད་ཞིག་ལ། བྱ་རེག་འཇམ་གྱི་པགས་པས་རེག་ནས་ནམ་རི་རབ་བརྒྱད་པོ་ཟད་པ་དང་ཐར་བར་འགྱུར་ཞེས་སྨོས་ན། དེ་ནི་ཐོན་ཅིང་ཐར་བར་མི་འགྱུར་བའི་ཐ་ཚིག་གོ། །དེ་ཅི་ལས་བྱུང་ཞེ་ན། རྩ་བའི་གཏོར་མའི་དོན་མ་རྟོགས་པས། ལུས་དང་འདོད་པ་དང་གྱེན་དུ་ཆགས་པས་རྡོ་རྗེ་སློབ་དཔོན་ལ་སོགས་པ་ལ་མི་རིགས་ཤིང་ཚུལ་མ་ལགས་པ་བགྱིས་པའི་དབང་གིས་ཤིན་ཏུ་སྡུག་བསྔལ་ཞིང་སྙིང་རྗེའོ། །དེ་ལ་ཆགས་པའི་དམྱལ་བ་གང་ཞེ་ན། ལུས་ལ་སྣང་བ་མེད་པའི་མེས་རེག་མ་ཐག་ཏུ་ཐར་བར་འགྱུར་ཞིང་། སླར་ལངས་པ་དང་རེག་པ་མེད་པའི་ཆུས་རེག་མ་ཐག་ཏུ་ཤིང་ཤུན་རླུང་གིས་བསྐྱོད་པ་ལྟར་གས་ནས་སླར་འབྱོར་པ་དང་། སྣང་བ་མེད་པའི་མཚོན་གྱིས་བརྒྱབ་ནས། རེག་མ་ཐག་ཏུ་ཚགས་མ་བཞིན་དུ་གྱུར་ནས། སླར་སོས་པ་ལ་སོགས་པའི་སྡུག་ ― DNG008_Page_0407 ―
[མ་དཔེ་གཟིགས་ན་འདིར་གནོན།]
བསྔལ་བསྐལ་པ་ཆེན་པོ་གྲངས་ཀྱིས་མི་ལངས་པར་སྤྱོད་ཅིང་གནས་པར་འགྱུར་རོ། །དེ་ཅི་ལས་བྱུང་ཞེ་ན། རྩ་བའི་གཏོར་མའི་དོན་མ་རྟོགས་པས། འདོད་པ་དང་ལོངས་སྤྱོད་ལ་ཆགས་པའི་དབང་གིས་རང་ལ་ཕན་པར་འདོད་ནས་བསད་པ་དང་། ཕྲོག་པ་དང་། བཟའ་བ་དང་། སྤྱད་དང་། ཅི་བདེར་འཚལ་བ་དང་། དགེ་སྡིག་གི་འབྲས་བུ་འགྲུབ་པ་མེད་པར་ཐག་བཅད་པས། རྩོལ་བའི་དོན་གང་བྱེད་པ་ལ་ཁོ་ཐག་ཆད་པའི་དབང་གིས་གནས་དེར་ཤིན་ཏུ་སྡུག་བསྔལ་ཞིང་སྙིང་རྗེའོ། །དེ་ལ་ཉམས་པའི་དམྱལ་བ་གང་ཞེ་ན། ལུས་སྐེད་པ་མན་ཆད་ལྕགས་ཀྱི་སྡིག་པ་ཆེན་པོའི་ཁར་བཅུག་ནས། ཤིན་ཏུ་ཉོན་མོངས་པའི་ཟུག་གཟེར་ཆེ་བ་རྣམ་པ་སྣ་ཚོགས་པས་གང་བ་དང་། སྟོད་ནས་ཁྲོ་ཆུ་ཁོལ་མས་ཐལ་མར་གྱུར་པའི་བར་དུ་བླུགས་ཤིང་། ཤིན་ཏུ་སྡུག་བསྔལ་ཞིང་སྨྲེ་སྔགས་ཉིན་མཚན་རེ་ལ་ཡུད་ཙམ་རེ་འབྱིན་པར་མི་ནུས་ཤིང་། ཤིན་ཏུ་ཉོན་མོངས་པར་འགྱུར་རོ། །དེ་ལྟ་བུའི་གནས་ན་ཉོན་མོངས་ཤིང་སྡུག་བསྔལ་ཚེ་ཚད་བསྐལ་པ་སྟོང་ཕྲག་བརྒྱད་ཁྲི་བཞི་སྟོང་དུ་སྤྱོད་ཅིང་གནས་པར་འགྱུར་རོ། །དེ་ཅི་ལས་བྱུང་ཞེ་ན། ཐམས་ཅད་གཏོར་མ་ཡིན་པའི་དོན་མ་རྟོགས་པས་གཞན་གྱི་འདོད་པ་ཕྲལ་བ་དང་། སྐྱེ་བོ་མཚན་མར་འཛིན་པ་བཟུང་བ་ནི། སྡིག་པར་གྱུར་པའི་དཔོན་བྱས་ཏེ། གཞན་གཏོར་མའི་ལོངས་སྤྱོད་དང་། རྐྱེན་དང་རིས་སུ་གཏོགས་པ་ལ་ཕྲག་དོག་བཟའ་བ་དང་། བརྣབ་སེམས་ཡིད་ལ་འཛིན་པ་དང་། གསང་སྔགས་རྣལ་འབྱོར་གྱི་ཆ་འཛིན་ན་ཡང་། ཚིག་ཙམ་ལ་ཁུངས་ཕྱུང་ནས་གཏོར་མའི་སྤྱོད་པ་དང་ཕྲིན་ལས་ཀྱི་གནས་སུ་མ་བསྐངས་ཤིང་སྲིན་པོའི་ཟ་ཚོགས་པར་གྱུར་པ་དང་། རྣལ་འབྱོར་གྱི་ཚོགས་སུ་འཛིན་པ་ན་ཚོགས་དང་གཏོར་མའི་ཕུད་ཉམས་ཤིང་མ་འབྱོར་པ་དང་། གསང་སྔགས་རྐུན་འབུ་དང་། རྒྱབ་ཉན་བྱེད་པ་དང་། དམ་པའི་ཆོས་འཛིན་པ་དང་། སྔགས་ལ་ཡ་ག་དང་། མཚང་ཚིག་འདོགས་པ་དང་།གསང་སྔགས་གསང་བའི་རྒྱུར་ཞུགས་ནས་དེད་དཔོན་ལ་སོགས་པ་བྱས་ཏེ། གསང་བའི་རྒྱུ་མངོན་དུ་ཕྱུང་ཞིང་། གཞན་ཐབས་དང་ཟོལ་གྱིས་བསླུ་བ་དང་། སྦྱོར་སྒྲོལ་གྱི་དོན་གནས་སུ་མ་སྟོབས་ ― DNG008_Page_0408 ―
[མ་དཔེ་གཟིགས་ན་འདིར་གནོན།]
པས། གསང་སྔགས་ནང་ཅིག་ལ་གཅིག་འཕྱས་ཤིང་སྐུར་པ་འདེབས་པ་ན་སྨད་པ་དང་། རྩོད་ཅིང་འཁྲུག་པ་བཤམ་པ་དང་། ཐབས་དང་ཆེ་ངག་དང་། ཕྲ་མ་དང་དབྱེན་ལ་སོགས་པས་ཕ་རོལ་གྱི་མགོ་གནོན་པ་ལ་སོགས་པའི་ལས་བགྱིས་པ་རྣམས་གནས་དེར་སྐྱེས་ནས་ཤིན་ཏུ་སྡུག་བསྔལ་སྙིང་རྗེའོ། །དེ་ལ་སྐུར་པའི་དམྱལ་བ་གང་ཞེ་ན། ཤིན་ཏུ་མི་བཟད་པའི་ཁང་པར་ཞུགས་ནས། ཤིན་ཏུ་གཏོགས་ཤིག་ཆོད་ཅིག་པའི་སྒྲ་རྣ་བར་གྲགས་ཤིང་ཡུད་ཙམ་ལ་ལུས་དང་ཡན་ལག་ཡུངས་འབྲུ་ཙམ་བསམ་གྱིས་མི་ཁྱབ་པར་གཏུབས་ནས། དེ་མ་ཐག་ཏུ་སླར་འབྱོར་ཞིང་དེ་མ་ཐག་ཏུ་གཏུབས་པ་དང་།ལྕེའི་དབང་པོ་ཞིང་ལྷུ་གཅིག་ཙམ་དུ་སྐྱེས་ནས། ལྕགས་ཀྱི་གླང་དང་རྨོད་པའི་ཐོང་གཤོལ་གྱིས་ཤིན་ཏུ་སྲིང་ཟེར་བའི་སྒྲ་གྲགས་ཤིང་། ན་བ་དང་ཚ་བའི་སྒྲ་ནི་འབྱིན་པར་མི་ནུས། བར་བར་དུ་མཁུན་པ་ཙམ་འབྱིན་པར་ནུས་ཏེ། དེ་ལྟ་བུའི་གནས་ན་ཤིན་ཏུ་སྡུག་བསྔལ་ཞིང་སྤྱོད་པའི་ཚེ་ཚད་ནི་བསྐལ་པ་སྟོང་ཕྲག་བདུན་ཁྲིར་སྦྱང་བར་གནས་པར་འགྱུར་རོ། །དེ་ཅི་ལས་བྱུང་ཞེ་ན། ཐམས་ཅད་གཏོར་མ་ཡིན་པ་མ་རྟོགས་པའི་དབང་གིས། གཞན་སྨད་པར་འདོད་པའི་ཕྱིར་གང་ཟག་སྐྱེ་བོའི་རིགས་སུ་སྐྱེས་པས་ཏ་ན་ག་ཎ་ལ་སོགས་པ་བྱར་བྱས་ཤིང་རྩ་བ་བཅད་ནས་འཕྱས་པ་དང་། རྣ་བ་སེམས་ཅན་ཡོངས་ལ་ཞེ་བ་ལ་མི་འབབ་པའི་ཚིག་སྨྲ་ཞིང་། མིང་མཁན་ལོག་པར་འདོགས་པ་དང་། གང་ཟག་དམ་པའི་ཆོས་ཀྱི་རྗེས་སུ་འབྲང་བ་ཡིན་ན་ཡང་། གསང་སྔགས་ལ་ཡ་ག་དང་སྒྲོ་སྐུར་འདེབས་ཤིང་། ཐེག་པ་དམན་པའི་རིགས་འཛིན་ཅིང་། དམ་ཚིག་གཅིག་པའི་གྲོགས་པོ་ཐབས་ཀྱིས་སྨད་པའི་ཐབས་འཕྱ་ཞིང་སྐུར་པ་འདེབས་པ་ལ་སོགས་པའི་དབང་གིས་དེ་ལྟ་བུའི་གནས་སུ་སྐྱེས་ཏེ། དེ་ལ་ཤིན་ཏུ་སྡུག་བསྔལ་སྙིང་རྗེའོ། །དེ་ལ་སྤངས་པའི་དམྱལ་བ་གང་ཞེ་ན། སྟག་དང་དོམ་ལ་སོགས་པ་འཇིགས་པའི་སེམས་ཅན་རྣམས་ཀྱིས་དེད་ནས། ལྕགས་ཀྱི་དོམ་དང་སྡིག་པ་ལ་སོགས་པའི་སེམས་ཅན་རྣམས་ཀྱིས་བཟུང་ནས། འཇིགས་པའི་མཚོན་ཆ་སྣ་ཚོགས་རྣོན་པོ་ཐོགས་པ་རྣམས་ཀྱིས་ཤ་དང་རུས་པ་ཕྲལ་ཞིང་བཏོག་གོ། །ཟད་པར་ཕྲལ་ཡང་ལས་ཀྱི་དབང་གིས་ ― DNG008_Page_0409 ―
[མ་དཔེ་གཟིགས་ན་འདིར་གནོན།]
སླར་སྐྱེའོ། །དེས་ནི་བསྐལ་པ་རེ་རེ་ལ་ཤིན་ཏུ་གདུང་བའི་མཆི་མས་ངུ་ཞིང་མགོན་སྐྱབས་ཞེས་འབོད་པར་བྱེད་དོ། །དེ་ལྟ་བུའི་གནས་ན་ཤིན་ཏུ་སྡུག་བསྔལ་ཞིང་སྦྱང་བའི་ཚེ་ཚད་ནི། བསྐལ་པ་སྟོང་ཕྲག་སུམ་ཁྲིར་གནས་ཤིང་སྦྱོང་བར་འགྱུར་རོ། །དེ་ཅི་ལས་བྱུང་ཞེ་ན། ཐམས་ཅད་གཏོར་མ་ཡིན་པར་མ་རྟོགས་པའི་དབང་གིས་ཚེ་ཕྱི་མ་མི་ཤེས་པས་གང་ཟག་སྐྱེ་བོའི་ས་འཛིན་པ་དང་། དཀོན་མཆོག་གསུམ་ལ་རྒྱབ་ཀྱིས་ཕྱོགས་པ་དང་། བདེན་པའི་ཚིག་འགའ་ཙམ་ཐོས་ན་ཡང་མི་ཉན་པ་དང་། དགེ་བ་བཅུའི་ཕྱོགས་སྤངས་ནས་སྲོག་གཅོད་པ་ལ་སོགས་པ་མི་དགེ་བ་བཅུའི་ཕྱོགས་ཁྲིམས་ཕྱུང་ནས་བྱེད་པ་དང་། གང་ཟག་དམ་པའི་ཆོས་ཀྱི་རྗེས་སུ་འབྲང་བ་ཡིན་ན་ཡང་ཁྲིམས་དང་། སྡོམ་པ་དང་། དམ་ཚིག་ལ་སོགས་པ་རྣམས་མནོས་ནས་མི་བསྲུང་བ་དང་། སྔགས་དང་ཕྱག་རྒྱ་སྐད་ཅིག་ཙམ་ཡང་མི་བསྲུང་བ་དང་། གསང་བའི་དཀྱིལ་འཁོར་སྤངས་ནས་ཡུད་ཙམ་ཡང་མི་བལྟ་བ་དང་། ཡི་དམ་གྱི་ལྷ་སྤངས་ནས་མའི་དོད་ཀྱི་ཡོན་ཏན་ཙམ་ཡང་མི་འཛིན་པ་དང་། རྡོ་རྗེ་སློབ་དཔོན་སྤངས་ནས་ཕའི་དོད་ཀྱི་མཆོད་པ་ཙམ་ཡང་མི་བྱེད་པ་དང་། རྡོ་རྗེ་མཆེད་ལྕམ་སྤངས་ནས་བརྩེ་གདུང་འཛོམ་ཕྲད་མི་འདོད་པ་རྣམས་ལས་ཀྱི་དབང་གིས་གནས་དེར་སྐྱེས་ནས་དེ་ན་ཤིན་ཏུ་སྡུག་བསྔལ་ཞིང་སྙིང་རྗེའོ། །དེ་ལ་འགྱོད་པའི་དམྱལ་བ་གང་ཞེ་ན། ཤིན་ཏུ་སྔོན་ལས་ཅི་བྱས་པ་དྲན་པའི་གནས་དགེ་སྡིག་ཅི་བྱས་པའི་ལས་དོན་དང་ལས་ཀུན་རྡེའུ་དང་ཁྲམ་དུ་བཀྲམ་ཞིང་། དེའི་ཚེ་འདི་ལྟ་བུའི་ལས་བྱེད་པ་ཁྱོད་ཡིན་ནོ། །ཅེས་རྒྱ་གག་ཟེར་ཞིང་རྐུབ་ནས་ཐོབས་བརྡུངས་ཤིང་མདུང་རྩེས་བརྒྱབས་ནས་ཆུ་བོ་རབ་མེད་ལ་བརྒལ་བར་བྱེད་དོ། །ཆུ་བོ་རབ་མེད་དེའི་ནང་དུ་སྡུག་བསྔལ་རྣམ་པ་སྣ་ཚོགས་པས་བཟོད་པའི་བླག་མེད་པར་གདུངས་ནས་རིངས་ཤིང་དྲག་པར་ཕབ་པར་ཕྱིན་པ་དང་། ཤ་ཀུན་བུད་ནས་རུས་པ་ཁར་ཐོན་ནོ། །ཐོན་པ་དང་དེ་མ་ཐག་ཏུ་ལས་ཀྱི་དབང་གིས་ཤ་སོས་པར་འགྱུར་རོ། །ཤ་སོས་པར་གྱུར་མ་ཐག་ཏུ་ཡང་རང་གི་སྔོན་ལས་ཅི་བྱས་པའི་དབང་གིས་རྡེའུ་དང་ཁྲམ་ཐོག་ནས། ཡང་གོང་མ་ལྟར་རྒྱ་གག་ཟེར་ཞིང་མདུང་གིས་བརྒྱབ་པ་དང་། ཐོ་བས་བརྡུངས་ནས་སྐད་ཅིག་ཙམ་ཡང་མ་ལོན་པར་ཕྱིན་བཟློག་གོ། །དེ་ ― DNG008_Page_0410 ―
[མ་དཔེ་གཟིགས་ན་འདིར་གནོན།]
ནས་ཡང་ཕ་རོལ་དུ་ལོག་པ་དེ་བཞིན་དུ་སྡུག་བསྔལ་མྱངས་ནས་སླར་ལོག་པ་དང་གོང་མ་བཞིན་དུ་བྱས་ནས་ཏེ། དེ་ལྟ་བུའི་གནས་ན་ཤིན་ཏུ་སྡུག་བསྔལ་ཞིང་སྦྱང་བའི་ཚེ་ཚད་ནི། བསྐལ་པ་སྟོང་ཕྲག་ཁྲིར་གནས་ཤིང་སྦྱང་བར་འགྱུར་རོ། །དེ་ཅི་བགྱིས་པའི་དབང་གི་རྣམ་པར་སྨིན་པ་ལས་འགྱུར་ཞེ་ན། ཐམས་ཅད་གཏོར་མའི་དོན་མ་རྟོགས་པས། དགེ་བ་དང་སྡིག་པའི་དོན་ངོ་མ་ཤེས་ཤིང་། བདག་ཉིད་རྟག་ཏུ་རེ་བས་གང་ཟག་སྐྱེ་བོའི་སར་སྐྱེས་པ་ནི། དཀོན་མཆོག་གསུམ་གྱི་དཀོར་ལ་འབགས་པ་དང་། མ་ཉེས་པའི་སེམས་ཅན་བསད་པ་དང་། མ་ཉེས་པའི་སེམས་ཅན་བརྡུངས་པ་དང་། མཆོད་པ་ཚོལ་བའི་ཕྱིར་མ་ཉེས་པའི་ནོར་དང་ལོངས་སྤྱོད་ཕྲལ་བ་དང་། མ་ཉེས་པའི་དུག་དང་གནས་ནས་དབྱུང་བ་ལ་སོགས་པའི་ལས་བྱེད་པ་དང་། གང་ཟག་དམ་པའི་ཆོས་ལ་ཞུགས་པ་ཡིན་ན་ཡང་། མ་ཉེས་པའི་སྐྱེ་བོ་ལ་མཐུ་བསྙེན་བཏང་བ་དང་། རང་དང་འགལ་བ་སོགས་ལ་མངོན་སྤྱོད་ཕྲིན་ལས་ཀྱི་ལས་བྱེད་པ་དང་། གྲོགས་པོ་ཉེས་པ་མེད་པའི་ཆོས་ལ་སྐུར་པ་འདེབས་ཤིང་འཕྱ་བ་དང་། ཤིན་ཏུ་སྨད་ཅིང་དམས་པར་བཤམས་པ་དང་། འཁོར་དང་སློབ་མ་ཡན་ཆད་ཕྱོགས་གཅིག་ཏུ་རིས་སུ་བཟུང་ནས། མཚང་ཚིག་སྨྲ་ཞིང་རྩོད་པ་རྣམས་ཀྱི་དབང་གིས་གནས་དེར་སྐྱེས་ཏེ། ཤིན་ཏུ་སྡུག་བསྔལ་ཞིང་སྙིང་རྗེའོ། །དེ་ལ་མ་རིག་པའི་དམྱལ་བ་གང་ཞེ་ན། ཤིན་ཏུ་གནག་ཅིང་མུན་པའི་གནས་ན་སྐྱེས་བུའི་ལག་པ་བརྐྱང་བསྐུམ་ཙམ་ཡང་མི་མཐོང་བའི་གནས་ན། ཤིན་ཏུ་ཡང་གྲང་ཞིང་ལུས་དང་ཡན་ལག་ཤིན་ཏུ་གས་ཤིང་། ཐམས་ཅད་དུ་འཁྱགས་པ་བཞིན་དུ་གྱུར་པ་ནས།ཨ་ཆུ་བྱ་བའི་སྒྲ་ཡང་འདོན་མི་ནུས་པར་གནས་སོ། །དེ་ལྟ་བུའི་གནས་ན་ཤིན་ཏུ་སྡུག་བསྔལ་བའི་ཚེ་ཚད་ནི། བསྐལ་པ་སྟོང་ཕྲག་སྟོང་དུ་གནས་ཤིང་སྦྱང་བར་འགྱུར་རོ། །དེ་ཅི་སྤྱད་པའི་ལས་ཀྱི་རྣམ་པར་སྨིན་པ་ལས་བྱུང་ཞེ་ན། ཐམས་ཅད་གཏོར་མར་སྣང་བའི་དོན་མ་རྟོགས་ལས། གཞན་གྱི་ཉེས་པ་ནི་སོ་སོ་སྐྱེ་བོའི་སར་སྐྱེས་པ་ན། སེམས་ཅན་གསོད་པའི་ལས་རྒྱ་ཚེ་ཚད་མ་དང་། མདའ་དང་། རལ་གྲི་དང་། སྤུ་གྲི་དང་། དགྲ་སྟ་དང་། གཞན་ཡང་ ― DNG008_Page_0411 ―
[མ་དཔེ་གཟིགས་ན་འདིར་གནོན།]
དེའི་ཐབས་དང་། མང་དག་གཞན་ལ་བྱེད་དུ་བཅུག་པ་དང་། སྤྱད་པ་དང་དེ་བསྐུལ་བ་དང་།རང་ལ་ཕན་པ་མེད་པའི་ཁར་ཉེས་པ་བསྒོ་བ་དང་། གཞན་ཡང་རང་གིས་ཅི་འགྲུབ་པ་བྱེད་ཅིང་། རང་གིས་མ་འགྲུབ་ན་ཡང་གཞན་ལ་སློབ་ཅིང་སྡིག་པའི་ལས་ཆ་སྣ་ཚོགས་པ་བཤམས་པ་ལ་སོགས་པ་དང་། གང་ཟག་དམ་པའི་ཆོས་ལ་སྤྱོད་པ་ཡིན་ན་ཡང་ཁེ་དང་གྲགས་པ་ཚོལ་བ་དང་། ཚུལ་འཆོས་པ་དང་། ཆོས་ལོག་པར་སྤྱོད་དེ། ཡང་དག་པའི་བཀའ་བས་ལོག་པའི་ཆོས་སྤྱོད་པ་ལ་རྗེས་སུ་ཡི་རང་བ་འབུལ་བ་དང་། ཆོས་འདོང་བ་རྣམས་ལ་ལོག་པར་འཆང་བ་དང་།དམ་ཉམས་པའི་འབྱུང་པོ་ལ་སྲུང་བའི་ཆོ་ག་བྱེད་པ་དང་། ཐེག་པ་ཆེན་པོ་ལ་དཔྱད་འདོག་པ་དང་། བཀའ་ཡང་དག་པའི་དོན་མི་ཉན་པ་དང་། དཔེ་རྐུན་དང་འོག་བྲུས་བྱེད་པ་དང་། དཀྱིལ་འཁོར་གཉན་པོའི་དོན་པོར་ནས་བསྙེན་སྔགས་ལ་དགའ་བ་ལ་སོགས་པའི་ལས་ཀྱི་དབང་གིས་གནས་དེར་སྐྱེས་ནས། དེ་ལ་སྙིང་རྗེ་ཞིང་སྡུག་བསྔལ་བར་གནས་སོ། །དེ་ལ་ཉོན་མོངས་པའི་དམྱལ་བ་གང་ཞེ་ན། ཤིན་ཏུ་ཚ་བའི་ཟངས་ཁང་ཆེན་པོའི་ནང་དུ་བཅུག་ནས། ཕྱི་ནས་བསྐལ་པའི་མེ་འབར་བས་བསྲེགས་ཤིང་། ཤིན་ཏུ་ཨ་ཚ་ཚ་ཞེས་བྱ་བའི་སྒྲ་བསམ་གྱིས་མི་ཁྱབ་པར་འདོན་པར་བྱེད་དོ། །དེ་ལྟ་བུའི་གནས་ན་ཤིན་ཏུ་སྡུག་བསྔལ་བའི་ཚེ་ཚད་ནི། བསྐལ་པ་སྟོང་ཕྲག་ལྔ་བརྒྱར་གནས་ཤིང་སྦྱང་བར་འགྱུར་རོ། །དེ་ཅི་ལྟར་སྤྱད་པའི་ལས་ཀྱི་རྣམ་པར་སྨིན་པ་གང་ལས་བྱུང་ཞེ་ན། རྩ་བའི་གཏོར་མ་འདིའི་དོན་མ་རྟོགས་པས། ཉོན་མོངས་ཀྱི་དབང་གིས་ངོ་མ་ཤེས་པས། སོ་སོ་སྐྱེ་བོར་སྐྱེས་པ་ན། ཞེ་སྡང་གིས་སེམས་ཅན་ཁ་མར་བསད་པ་དང་། འདོད་ཆགས་ཀྱི་ཤ་ཁྲག་ཟ་བ་དང་། གཏི་མུག་རང་ཁམས་ངོ་མ་ཤེས་པ་དང་། ཕྲག་དོག་རང་ཁམས་གཞན་ཕུང་བར་བྱ་བ་དང་། ང་རྒྱལ་གྱིས་གཞན་དུ་གནོད་དུ་འཇུག་པས་ཉོན་མོངས་རང་ཁམ་ལ་སོགས་པ་དང་། གང་ཟག་དམ་པའི་ཆོས་སྤྱོད་པ་ཡིན་ན་ཡང་། དུག་ལྔ་དང་ཉོན་མོངས་པ་ཐམས་ཅད་སྔགས་ལ་ཁུངས་ཕྱུང་ནས་བསྟན་ཀྱང་ཆོས་ཉིད་དོན་དང་མ་མཐུན་པར་གོལ་ཏེ། འདོད་ཆགས་མ་དག་པས་ཆོག་ཤེས་པའི་དུས་མེད་ ― DNG008_Page_0412 ―
[མ་དཔེ་གཟིགས་ན་འདིར་གནོན།]
པ་དང་། གཏི་མུག་མ་དག་པས་དོན་གྱི་སྟེང་དུ་མི་ཕེབས་པ་དང་། ཞེ་སྡང་མ་དག་པས་རཱུ་ཏྲ་རང་རྒྱུད་བྱེད་པ་དང་། ང་རྒྱལ་མ་དག་པས་གཞན་ལ་ཁེངས་པ་དང་། ཕྲག་དོག་མ་དག་པས་གཞན་སྨད་པ་རྣམས་ལས་ཀྱི་དབང་གིས་གནས་དེར་སྐྱེས་ནས། དེ་ན་སྡུག་བསྔལ་ཞིང་སྙིང་རྗེ་བར་གནས་སོ། །དེ་ལ་ལོག་པའི་དམྱལ་བ་གང་ཞེ་ན། ཤིན་ཏུ་གྲང་ཞིང་འཁྱགས་པ་ལ་ལྟོ་སྦྱར་བའི་གནས་སུ་ཤིན་ཏུ་ཨ་ཆུ་ཞེས་འབོད་ཅིང་ལུས་ཨུཏྤལ་ལྟར་གས་པར་འགྱུར་རོ། །དེ་ལྟ་བུའི་གནས་ན་ཤིན་ཏུ་སྡུག་བསྔལ་ཞིང་ཚེ་ཚད་ནི་བསྐལ་པ་སྟོང་ཕྲག་སུམ་བརྒྱར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་གང་བསྐྱེད་པ་ལས་བྱུང་ཞེ་ན། རྩ་བའི་གཏོར་མའི་དོན་མ་རྟོགས་པས། འཕྲལ་གྱི་ལྡོག་འགྱུར་གྱི་དོན་སྤྱད་པས། སོ་སོ་སྐྱེ་བོའི་སར་སྐྱེས་པ་ནི།གཡོ་དང་སྒྱུ་དང་ཟོལ་དང་ཟོག་དང་ཡང་དག་པ་དགེ་བའི་ལས་བྱེད་པ་མཐོང་ན་ཡང་། དེ་ལ་རྗེས་སུ་ཡི་རང་བ་མི་སྐྱེ་བར་གང་དག་སྡིག་པའི་ལས་མཐོང་ན།དེ་ལ་སེམས་འཕང་སྐྱེ་བ་དང་། ཡང་དག་པའི་བཀའ་བས་ཕྱིན་ཅི་ལོག་བསྟན་པ་ལ་དགའ་བ་དང་། དཀོན་མཆོག་གསུམ་གྱི་བཀའ་ལ་མི་ཉན་པ་ལ་སོགས་པ་དང་། གང་ཟག་དམ་པའི་ཆོས་སྤྱོད་ཅི་ཡིན་ན་ཡང་། དང་པོ་ཉན་ཐོས་ཀྱི་འདུལ་བ་ལ་ཞུགས་ནས། ཁས་བླངས་ནས་ལོག་པ་དང་། དེ་བཞིན་དུ་བྱང་ཆུབ་སེམས་དཔའི་སྡོམ་པ་དང་། སྔགས་ཀྱི་དམ་ཚིག་མནོས་ནས་བསྲུང་བར་མ་བཅས་ཏེ།ཁས་བླངས་པ་ལས་ལོག་སྟེ་སྐྱེ་བོ་ལས་དམན་པར་སྤྱོད་པ་དང་། ཡང་དག་པའི་གསང་སྔགས་རྡོ་རྗེ་ཐེག་པ་ལ་ཞུགས་ནས། དེ་ལ་ལོག་ནས་མཚན་ཉིད་ཀྱི་ཐེག་པ་ལ་ཞུགས་ཏེ་སྔགས་ལ་སྨོད་པ་དང་། ཐེག་པ་འོག་མ་པའི་ཆས་བཟུང་ནས།གོང་མ་ལ་སྨད་པ་རྣམས་ལས་ཀྱི་དབང་གིས་དེར་སྐྱེས་ནས། དེ་ན་ཤིན་ཏུ་སྡུག་བསྔལ་ཞིང་སྙིང་རྗེ་བར་གནས་སོ། །དེ་ལ་གཟུང་བ་དང་འཛིན་པའི་དམྱལ་བ་གང་ཞེ་ན། རབ་ཏུ་གྲང་བའི་གླིང་ཆབ་རོམ་ཆེན་པོར་འདུག་པའི་གནས་ན།གདུང་བའི་སྨྲེ་སྔགས་ཀྱིས་ཨ་ཆུ་ཞེས་འབོད་ཅིང་། ལུས་ཨུཏྤ་ལ་ལྟར་རབ་ཏུ་ཡང་གས་ཏེ་འདི་བས་ཚ་བའི་སྡུག་བསྔལ་མྱོང་ན་ཅི་མ་རུང་ཞེས་བོས་ནས། དེ་ནས་ཡང་ཡུན་ཅུང་ཟད་ཙམ་ཡང་མ་ལོན་པར་ ― DNG008_Page_0413 ―
[མ་དཔེ་གཟིགས་ན་འདིར་གནོན།]
དམྱལ་བའི་ཟངས་དཀར་ཆེན་པོར་ཕྱིན་ཏེ། ཚ་བའི་མེ་ཆེན་བསྐྱར་ཏེ་རབ་ཏུ་ཡང་ཚོས་པར་བཙོས་ནས། ཡང་ཨ་ཚ་ཚ་ཞེས་གདུང་བའི་སྨྲེ་སྔགས་བོས་ནས། དེ་བཞིན་དུ་ལས་ཀྱི་དབང་གིས་ཕར་འཁོར་ཚུལ་འཁོར་བྱེད་པར་འགྱུར་རོ། །དེ་ལྟ་བུའི་གནས་ན་ཤིན་ཏུ་སྡུག་བསྔལ་བའི་ཚེ་ཚད་ནི། བསྐལ་པ་སྟོང་ཕྲག་བརྒྱར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་འབྱུང་ཞེ་ན། རྩ་བའི་གཏོར་མ་འདིའི་དོན་བློ་ལ་མ་ཤར་བས། གཡེལ་བགས་ཀྱི་སྐྱོན་གྱིས་སོ་སོ་སྐྱེ་བོའི་སར་སྐྱེས་ནས།དགྲ་རིས་སུ་འཛིན་པ་དང་། དེ་ལ་མནར་སེམས་རུང་དང་ལྡན་པར་བྱེད་པ་དང་། གཉེན་དང་སྤུན་དུ་བཟུང་བ་དང་། དེ་ལ་ཕྱོགས་དང་གལ་དུ་སྐྱོབ་པ་དང་། མི་མཐུན་པའི་ཕྱོགས་ལ་དགེ་བ་སྤྱོད་དུ་མི་སྟེར་བ་དང་། མཐུན་པའི་ཕྱོགས་ལ་ལེགས་པའི་ལམ་ལས་འགོག་པ་ལ་སོགས་པ་དང་། གང་ཟག་དམ་པའི་ཆོས་སྤྱོད་པ་ཡིན་ན་ཡང་། ཕྱི་གཟུང་བའི་ཡུལ་མེད་པ་ལ། གཟུང་བའི་ཡུལ་དུ་བཟུང་བའི་རྟགས་སུ། ཕྱོགས་རིས་སུ་སྨད་ཅིང་གཞན་གྱི་ཆོས་ལ་སྨད་པ་དང་། ནང་འཛིན་པའི་སེམས་མེད་པ་ལ་འཛིན་པའི་སེམས་སུ་བཟུང་བའི་རྟགས་སུ། ངའི་བཀའ་ལྟར་ཡིན་པ་ལས་གཞན་གྱིས་ལྟར་མིན་ནོ། །ཞེས་བདུད་ཀྱི་ཚིག་ཏུ་སྨྲ་བ་དང་། དེ་ལྟར་གཟུང་འཛིན་གཉིས་སུ་འཛིན་པའི་དབང་གིས། སྲིན་པོ་མངོན་སུམ་པ་འདྲ་བའི་སྤྱོད་པ་བྱེད་པ་རྣམས། ལས་ཀྱི་དབང་གིས་དེར་སྐྱེས་ནས།དེ་ན་སྡུག་བསྔལ་ཞིང་སྙིང་རྗེ་བར་གནས་སོ། །དེ་ལ་དོག་པའི་དམྱལ་བ་གང་ཞེ་ན། རྡོ་རྗེའི་བྲག་གིས་གཏམས་པའི་ནང་དུ་སྐྱེས་ནས། ལུས་ནི་རབ་ཏུ་འཕེལ་ཞིང་སྐྱེ། རྡོ་རྗེའི་བྲག་ལ་ཡངས་པའི་སྐྱེད་མེད་པའི་གནས་སུ་སྐྱེ་བ་དང་། དེ་ལས་ཡང་ཐར་ནས་རྡོ་རྗེའི་བྲག་གཉིས་ཀྱི་བར་དུ་ལུས་ཆ་ཆར་བཏང་ནས། བྲག་བྱེ་བ་དང་སླར་ལངས་ནས། ཡར་ཆར་གྱིས་བཏང་བའི་གནས་ན་སྐྱེ་བར་འགྱུར་རོ། །དེ་ན་ཤིན་ཏུ་སྡུག་བསྔལ་བའི་ཚེ་ཚད་ནི། བསྐལ་པ་སྟོང་ཕྲག་དགུ་བཅུར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་བྱུང་ཞེ་ན། ― DNG008_Page_0414 ―
[མ་དཔེ་གཟིགས་ན་འདིར་གནོན།]
རྩ་བའི་གཏོར་མ་མ་འབྱངས་པས། འཕྲལ་གྱི་མ་རིག་པས་བསྒྲིབས་ནས། སོ་སོ་སྐྱེ་བོའི་སར་སྐྱེས་པ་ན། སེམས་ཅན་ལ་བརྡུངས་ཤིང་རབ་ཏུ་བཙོག་པ་དང་། དུད་འགྲོ་ལ་མི་ཐེག་པར་ཆེར་འགྲེལ་ཞིང་བསྣུན་པ་དང་།གནས་ཕྱུང་ཞིང་ཕྲོགས་པ་དང་། དེ་བཞིན་གཤེགས་པའི་སྐུ་སྨད་པ་ལ་སོགས་པ་དང་། གང་ཟག་དམ་པ་ཞིག་གི་ཆོས་ལ་སྤྱོད་པ་ཡིན་ན་ཡང་། ལྟ་བ་ཟབ་མོ་ལ་དཔྱས་འདོགས་ཤིང་། རྟོག་པའི་ཆོས་ལ་དགའ་བ་དང་། དངོས་གྲུབ་ཀྱི་རྒྱུ་ཉིད་སྐྱོན་དུ་མཐོང་ནས། འཕྱ་ཞིང་སྐུར་པ་ལ་སོགས་པ་རྣམས་ལས་ཀྱི་དབང་གིས་གནས་དེར་སྐྱེས་ནས། དེ་ན་སྡུག་བསྔལ་ཞིང་སྙིང་རྗེ་བར་གནས་སོ། །དེ་ལ་ཕྲ་བའི་དམྱལ་བ་གང་ཞེ་ན། ཤིན་ཏུ་གདུང་བའི་གནས་ན། བདག་གི་ཡིད་དུ་འོང་བའི་སྐྱེས་པ་དང་། བུད་མེད་དང་ཕྲད་པར་འདོད་པ་དང་། ཞགས་པ་གང་ཙམ་གྱིས་བར་ཆོད་པར་བྱས་ནས། བཞིན་གཅིག་ལ་གཅིག་མཐོང་ནས་འཕྲོད་པར་བསམས་པ་ན། ལུས་ཞེ་སྡང་གི་སྦྲུལ་ནག་ཆེན་པོ་རེས་སྒོ་ངའི་སྦུབས་ཞུགས་པ་བཞིན་འཁྲིས་ནས། སྦྲུལ་གྱི་གདུག་པས་ལུས་ཚ་ཞིང་སྡུག་བསྔལ་ནས།གདུང་བའི་མཆི་མས་ངུ་ཞིང་རབ་ཏུ་སྡུག་བསྔལ་བའི་གནས་སུ་འགྱུར་རོ། །དེ་ལྟ་བུའི་གནས་ན་ཤིན་ཏུ་སྡུག་བསྔལ་བའི་ཚེ་ཚད་ནི། བསྐལ་པ་སྟོང་ཕྲག་བདུན་ཅུར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པའི་རྒྱུ་གང་སྤྱད་པ་ལས་བྱུང་ཞེ་ན། རྩ་བའི་གཏོར་མའི་དོན་མ་རྟོགས་པས། འདོད་ཆགས་ལ་ཞེན་པའི་སོ་སོའི་སྐྱེ་བོའི་སར་སྐྱེས་པ་ན། སེམས་ཅན་རྣམས་ལ་འདོད་ཆགས་རང་ག་མར་སྤྱད་པ་དང་། གཞན་གྱིས་སྲུང་བའི་བུད་མེད་ལ་སོགས་པར་གཡེམ་པ་དང་། སེམས་ཅན་སྐྱེས་པའི་རྒྱུ་བྱས་ནས། དུས་མ་ཡིན་པར་བསད་པ་ལ་སོགས་པ་རྣམས་དང་། གང་ཟག་དམ་པའི་ཆོས་སྤྱོད་པ་ཡིན་ན་ཡང་། དུས་ཁྲིམས་དང་གནས་ཁྲིམས་ཉམས་པ་དང་། གསང་སྔགས་ཀྱི་སྤྱོད་པ་དཀའ་བ་བསྟེན་པ་ ― DNG008_Page_0415 ―
[མ་དཔེ་གཟིགས་ན་འདིར་གནོན།]
ཙམ་བྱས་ནས་སྐྱེ་བོ་བཞིན་སྤྱད་པ་དང་། གསང་སྔགས་ཀྱི་སྤྱོད་པ་ཟབ་མོ་རྣམས་སྐྱེ་བོས་མཐོང་ཞིང་སྤྱད་སླར་གྱུར་པ་རྣམས། ལས་ཀྱི་དབང་གི་གནས་དེར་སྐྱེས་ནས། དེ་ན་ཤིན་ཏུ་སྡུག་བསྔལ་ཞིང་སྙིང་རྗེ་བར་གནས་སོ། །དེ་ལ་རྨོངས་པའི་དམྱལ་བ་གང་ཞེ་ན། ཤིན་ཏུ་དམྱལ་བ་མི་བཟོད་པའི་གནས་ན།མགོ་མཇུག་ཏུ་ཐིག་བརྒྱད་བཏབ་ནས། གཏིང་བར་བརྒྱད་དུ་དྲས་ཏེ་ལས་ཀྱི་དབང་གིས་དེ་མ་ཐག་ཏུ་འབྱར་ཞིང་ཡང་འདྲའོ། །དེ་ལྟ་བུའི་གནས་ན་ཤིན་ཏུ་ཉོན་མོངས་པའི་ཚེ་ཚད་ནི། བསྐལ་པ་སྟོང་ཕྲག་དྲུག་ཅུར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་བྱུང་ཞེ་ན། རྩ་བའི་གཏོར་མ་མ་ཐོས་པས། འཕྲལ་གྱི་ཉོན་མོངས་པའི་ལས་ཀྱིས་བསྒྲིབ་སྟེ། གང་ཟག་སོ་སོའི་སྐྱེ་བོར་སྐྱེས་པ་ན། སངས་རྒྱས་ཀྱི་ཞལ་ནི་ཉི་ཟེར་ཙམ་ཡང་མི་མཐོང་བ་དང་། ཆོས་ཉིད་བདེན་པའི་དོན་ཚིག་འབྲུ་གཅིག་ཙམ་ཡང་མ་ཐོས་པ་དང་། ངན་པའི་ལས་རྣམས་བླུན་པོ་བྱོལ་སོང་བཞིན་དུ་བགྱིས་པ་དང་། གང་ཟག་དམ་པའི་ཆོས་ལ་གནས་པ་ཞིག་ཡིན་ན་ཡང་། ཆོས་ཉིད་ཡིད་ལ་མི་འཇོག་པ་དང་།འདོད་པས་གཡེང་བ་དང་། འདུ་འཛི་དང་བུས་པའི་སྤྱོད་པ་ལ་ཞུགས་པ་དང་།ལོངས་སྤྱོད་དང་ལེ་ལོའི་ཁར་འདོར་བ་དང་། གཞན་ལ་སྐུར་པ་ཆེན་པོ་བཏབ་པ་དང་། སེམས་ཅན་སྒྲོལ་བའི་ལས་ལ་བབ་ཆོལ་དུ་བྱེད་པ་དང་། དཔྱལ་གྱི་རྟོག་པ་ཆོལ་ཕྱིར་མོ་དང་པྲ་འདེབས་པ་རྣམས་ལས་ཀྱི་དབང་གིས། གནས་དེར་སྐྱེས་ནས་དེ་ན་ཤིན་ཏུ་སྡུག་བསྔལ་བའི་གནས་སོ། །དེ་ལ་འཁྱལ་བའི་དམྱལ་བ་གང་ཞེ་ན། ཤིན་ཏུ་དུས་མ་ཡིན་པའི་གནས་ན། རེས་འཚོད་པ་དང་། རེས་འཁྱགས་པ་ལ་ལྟོ་སྦྱོར་བ་དང་། རེས་འགའ་སྤུ་གྲིས་མགོ་གཤོགས་པའི་གནས་ན་ཤིན་ཏུ་ཉོན་མོངས་པའི་ཚེ་ཚད་ནི། བསྐལ་པ་སྟོང་ཕྲག་ལྔ་བཅུར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་བྱུང་ཞེ་ན། རྩ་བའི་གཏོར་མའི་དོན་བློ་ལ་མ་ཤར་བས། གང་ཟག་སྐྱེ་བོའི་ལས་བྱེད་པའི་ཚེ་སོད་དང་། ཆོད་དང་ ― DNG008_Page_0416 ―
[མ་དཔེ་གཟིགས་ན་འདིར་གནོན།]
གཏོགས་ཤིག་པའི་ཚིག་འཁྱལ་པ་སྨྲ་བ་དང་། གཞན་དེ་སྐད་སྨྲ་བའི་ངག་ཉན་ནས། བསད་བཅད་བརྡུང་བ་ལ་སོགས་པའི་ལས་བྱས་པ་དང་། གང་ཟག་ཆོས་སྤྱོད་པའི་ལམ་ལ་གནས་པ་ཡིན་ན་ཡང་། གསང་བའི་བཀའ་ཟབ་མོ་སྣོད་མ་ཡིན་པ་སྣང་དགུ་ལ་དབང་མ་ཐོབ་པར་འཆལ་བར་སྨྲ་བ་དང་། ཏན་གཎ་གྱི་ཕྲིན་ལས་གནས་ལམ་འབྱངས་ཤིང་མི་ནག་ཡོངས་ཀྱིས་སྨད་པར་བྱས་པ་རྣམས་ལས་ཀྱི་དབང་གིས་གནས་དེར་སྐྱེས་ནས། ཤིན་ཏུ་སྡུག་བསྔལ་ཞིང་སྙིང་རྗེ་བར་གནས་སོ། །དེ་ལ་སྤྱོད་པའི་དམྱལ་བ་གང་ཞེ་ན། ཤིན་ཏུ་གྲང་བའི་དམྱལ་བར་འཁྱགས་པ་ལ་ལྟོ་འབྱར་བའི་གནས་ན། ལུས་པདྨ་དང་པདྨ་ཆེན་པོ་ལྟར་གས་ཏེ། ཤིན་ཏུ་སྡུག་བསྔལ་བའི་ཚེ་ཚད་ནི། བསྐལ་པ་སྟོང་ཕྲག་སུམ་ཅུར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་ཅི་ལས་བྱུང་ཞེ་ན། རྩ་བའི་གཏོར་མའི་དོན་ཐོག་ཏུ་མ་ཕེབས་པས། གང་ཟག་སྐྱེ་བོའི་ལས་བྱེད་པ་ལ།དུས་གསུམ་ཕ་མ་སྤངས་ནས་མ་རུངས་པ་བསྟེན་པ་དང་། དགེ་བ་སྤངས་མི་དགེ་བ་བསྟེན་པ་དང་། གང་ཟག་ཆོས་སྤྱོད་པ་ཞིག་ཡིན་ན་ཡང་། ཐེག་པ་ཆེན་པོའི་ཆོས་སྤངས་ཤིང་། ཐེག་པ་འོག་མའི་ཆོས་སྤྱོད་པ་དང་། ལུས་དང་མན་ངག་ལ་དཔྱས་འདོགས་ཤིང་། སྙན་ངག་དང་སྡེབ་སྦྱོར་དང་། གླུ་དབྱངས་སློབ་པ་ལ་དགའ་བའི་ལས་ཀྱིས་གནས་དེར་སྐྱེས་ནས། དེ་ན་སྡུག་བསྔལ་ཞིང་སྙིང་རྗེ་བར་གནས་སོ། །དེ་ལ་དེད་པའི་དམྱལ་བ་གང་ཞེ་ན། ལྕགས་ཀྱི་ཤལ་མ་རི་ལ་ཡར་འཛེགས་ཙ་ན། གཉེན་འདུན་དང་བརྩེ་བས་ངུ་སྐད་ཀྱིས་འབོད་པ་ལ་སོགས་པས་ཤིན་ཏུ་ཉོན་མོངས་པའི་ཚེ་ཚད་ནི། བསྐལ་པ་སྟོང་ཕྲག་ཉི་ཤུར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་བྱུང་ཞེ་ན། རྩ་བའི་གཏོར་མ་མ་ཐོས་པས། གང་ཟག་སྐྱེ་བོའི་ལས་བྱེད་པ་ན། རི་དྭགས་ལ་སོགས་པ་སེམས་ཅན་མང་པོ་འདེད་ཅིང་གསོད་པ་དང་། གང་ཟག་དམ་པའི་ཆོས་བྱེད་པ་ན་ཡང་། ལུས་རབ་ཏུ་བྱུང་བའི་ལུས་སུ་བསྒྱུར་ནས། སེམས་ཅན་མང་ ― DNG008_Page_0417 ―
[མ་དཔེ་གཟིགས་ན་འདིར་གནོན།]
པོ་ལ་མི་ཐེག་པར་བསྐལ་ནས་བརྡུངས་པ། འཐག་པ་འདེད་པ་དང་གསོད་པ་དང་། གཡོ་དང་། སྒྱུ་དང་། ཐབས་དང་། བསླུ་བ་ལ་སོགས་པའི་ཉོ་ཚོང་གི་རྣམ་པར་སྨིན་པས་གནས་དེར་སྐྱེས་ནས། ཤིན་ཏུ་སྡུག་བསྔལ་གྱིས་སྙིང་རྗེ་བར་གནས་སོ། །དེ་ལ་འབྲོས་པའི་དམྱལ་བ་གང་ཞེ་ན། ཤིན་ཏུ་གསོད་ལ་དགའ་བའི་གནས་ན། གཤིན་རྗེ་ཕག་ཤན་ཆེན་པོས་མགོ་ནས་བཟུང་ནས།རྐེད་པ་དང་སྐེ་དང་རྐང་པ་དང་གསུམ་དུ་བཏུབ་ནས། བསད་ཏེ་ཟོས་པ་དང་།ཤི་མ་ཐག་ཏུ་ལུས་གཅིག་ཏུ་བླང་ཏེ་སོས་པ་ལ་སོགས་པ་ཡང་ཤི་ཡང་སོས་ཀྱིས་སྡུག་བསྔལ་པའི་ཚེ་ཚད་ནི། བསྐལ་པ་སྟོང་ཕྲག་བཅོ་ལྔར་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་བྱུང་ཞེ་ན། རྩ་བའི་གཏོར་མ་མ་ཐོས་པས། བྲོས་པས་ཐར་བར་རེ་བས། གང་ཟག་སྐྱེ་བོར་སྐྱེས་པ་ན།གཙུག་ལག་ཁང་དང་མཆོད་རྟེན་གྱི་དཀོར་བརྐུས་ནས་བྲོས་པ་དང་། གང་ཟག་ཆོས་ཀྱི་རྗེས་སུ་འབྲངས་པ་ཡིན་ན་ཡང་། དྷརྨའི་གླེགས་བམ་བརྐུས་ནས་བྲོས་པ་རྣམས། ལས་ཀྱི་དབང་གིས་གནས་དེར་སྐྱེས་ནས། ཤིན་ཏུ་སྡུག་བསྔལ་ཞིང་སྙིང་རྗེ་བར་གནས་སོ། །དེ་ལ་རྟག་པའི་དམྱལ་བ་གང་ཞེ་ན། ཤིན་ཏུ་ཁྲོ་བའི་གནས་ན། ལུས་ལ་ལྕགས་ཀྱི་སེར་བས་བརྡུངས་པ་དང་། མཚོན་ཆའི་ཆར་པ་སུས་ཀྱང་མ་བབས་པར་རང་བབས་ནས། ལུས་ལན་ཚའི་སྡུག་བསྔལ་གྱིས་སྒྲ་འབྱིན་ནོ། །དེ་ལྟ་བུའི་སྡུག་བསྔལ་གྱི་ཚེ་ཚད་ནི། བསྐལ་པ་སྟོང་ཕྲག་གསུམ་དུ་གནས་ཤིང་སྦྱང་བར་འགྱུར་རོ། །དེ་ལས་ཀྱི་རྣམ་པར་སྨིན་པ་གང་སྤྱད་པ་ལས་བྱུང་ཞེ་ན། གང་ཟག་སྐྱེ་བོར་སྐྱེས་པའི་ཚེ། ཟས་དང་ནོར་ལ་རྟག་ཏུ་རེ་བས།ཆགས་ཤིང་བརྐམ་པའི་ལས་བྱས་པ་དང་། གཞན་གྱི་ནོར་རང་གིས་འདོད་པའི་ཕྱིར་སྲོག་དང་ཕྲལ་བ་ལ་སོགས་པ་དང་། གང་ཟག་ཆོས་ཀྱི་རྗེས་སུ་འབྲངས་པ་ཡིན་ན་ཡང་། ང་ནི་མཐུ་ཆེ་བ་ཡིན་ནོ། །ང་ནི་རྩལ་ཆེ་བ་ཡིན་ནོ། །ཞེས་ཆེ་བའི་ངག་འདོན་ཆེར་བྱེད་ཅིང་། བདག་རྟག་པ་དང་གནས་པར་འཛིན་པ་རྣམས། ལས་ཀྱི་དབང་གིས་གནས་དེར་སྐྱེས་ནས། ཤིན་ཏུ་སྡུག་ ― DNG008_Page_0418 ―
[མ་དཔེ་གཟིགས་ན་འདིར་གནོན།]
བསྔལ་ཞིང་སྙིང་རྗེ་བར་གནས་སོ། །དེ་ལྟ་བུའི་དམྱལ་བའི་གྲངས་ཀྱང་དམྱལ་བ་འོད་ཀྱང་བསྟན་སར་ཟད་ཀྱི། རྩ་བའི་གཏོར་མའི་དོན་འདི་མ་ཉན་པས། བདག་ཉིད་ཀྱི་རུང་ན་གྲངས་བསམ་གྱིས་མི་ཁྱབ་པར་དམྱལ་བ་འབུམ་ཕྲག་སྙེད་འཁོད་པར་ཡོད་དོ། །གཏོར་རྒྱུད་ཆེན་པོ་ལས། གཏོར་མའི་དོན་མ་ཐོས་ཤིང་མ་རྟོགས་ན། སེམས་ཅན་དམྱལ་བའི་ལེའུ་སྟེ་དྲུག་པའོ།། །།དེ་ནས་ཡང་ཐམས་ཅད་གཏོར་མ་ཡིན་པའི་དོན་མ་ཤེས་ནས། གང་ཟག་སྐྱེ་བོར་སྐྱེས་ན། གཏོར་མ་མ་ཤེས་རྫས་སུ་བཟུང་བས། འཁྲུལ་པའི་དབང་གིས་ཆགས་པ་དང་། འཇུངས་པ་དང་། བརྐམ་པ་ལ་སོགས་པའི་ལས་སྤྱད་པ་དང་། གང་ཟག་ཆོས་ཀྱི་ཕྱོགས་སུ་འབྲངས་པ་ཡང་། སྙིང་རྗེ་ཆུང་བ་དང་། སེར་སྣ་ཆེ་བ་དང་། གཞན་ལ་ཡོད་པར་མི་དགའ་བ་དང་། གཞན་གྱིས་ཡོན་ཏན་ལོབས་པར་མི་དགའ་བ་དང་། གཞན་ལ་འཁོར་རྒྱས་འདེགས་པར་མི་དགའ་བ་རྣམས། ལས་ཀྱི་དབང་གིས་སེམས་ཅན་ཡི་དྭགས་ཀྱི་གནས་སུ་སྐྱེས་ཏེ། ཕྱིའི་སྒྲིབ་པ་ཅན་དང་། ནང་གི་སྒྲིབ་པ་ཅན་དང་། སྒྲིབ་པ་ཅན་གྱི་སྒྲིབ་པ་ཅན་ལ་སོགས་པའི་གནས་སུ། བསྐལ་པ་སྟོང་ཕྲག་བརྒྱར་སྡུག་བསྔལ་ཉམས་སུ་མྱོང་བར་འགྱུར་རོ། །དེ་ཡང་ཐམས་ཅད་གཏོར་མ་ཡིན་པའི་དོན་མངོན་པར་མ་ཤེས་པས། གང་ཟག་སྐྱེ་བོར་སྐྱེས་པ་ན། ཟས་ཐམས་ཅད་གཏོར་མའི་རྫས་མ་ཡིན་པར། སོ་སོ་གཏི་མུག་གིས་རང་རང་གི་འཚལ་མར་མཐོང་། གཏོར་མའི་ལྷ་ཐམས་ཅད་སེམས་ཅན་རང་གཟུགས་སོ་སོར་མཐོང་བ་དང་། གང་ཟག་ཆོས་ཀྱི་རྗེས་སུ་འབྲངས་པ་ཡིན་ན་ཡང་། གཏོར་མའི་རྒྱུད་འདི་མ་རྟོགས་པར་སྤྱད་པའི་ཐབས་ཀྱི་གཏོར་མ་དང་། གཏོར་མའི་རྒྱུད་འདི་མི་འཛིན་པ་དང་། རྒྱུད་འདི་མི་མཉན་པ་དང་། རྒྱུད་འདིའི་མིང་ཙམ་ཡང་ཆ་མེད་པ་རྣམས། བྱོལ་སོང་དུ་སྐྱེས་ཏེ། ཟས་ངན་པ་སྣ་ཚོགས་པ་ཟ་བ་དང་། ལས་ངན་པ་སྣ་ཚོགས་པ་བྱེད་པ་དང་། བསད་པ་དང་། སྤྱུར་པ་དང་། ― DNG008_Page_0419 ―
[མ་དཔེ་གཟིགས་ན་འདིར་གནོན།]
བཤའ་བ་དང་། གཞུར་བ་དང་། སྤྱད་པ་དང་། བཀོལ་བ་དང་། བརྡུང་བ་དང་། བདའ་བ་ལ་སོགས་པ་ཤིན་ཏུ་སྡུག་བསྔལ་བའི་གནས་ན། བསྐལ་པ་ལྔ་བརྒྱར་སྡུག་བསྔལ་ཉམས་སུ་མྱོང་བར་འགྱུར་རོ། །དེ་ནས་ཡང་ཐམས་ཅད་གཏོར་མར་གནས་པའི་དོན་མ་རྟོགས་ནས། གང་ཟག་སྐྱེ་བོའི་སར་སྐྱེས་པ་ན། ཡུལ་དང་གནས་ལ་ཕྱོགས་རིས་སུ་འཛིན་པ་དང་། རྫས་དང་གཡོག་འཁོར་ལ་ཕྱོགས་དང་རིས་སུ་འཛིན་པ། གང་ཟག་ཆོས་སྤྱོད་པ་ན་ཡང་།ཆོས་ལ་ཕྱོགས་རིས་སུ་འཛིན་པ་དང་། ཡང་དག་པའི་དོན་མཁྱེན་པ་ལ་ཕྲག་དོག་ཏུ་འཛིན་པ་རྣམས་ལྷ་མ་ཡིན་གྱི་གནས་སུ་སྐྱེས་ནས། འཐབ་པ་དང་རྩོད་པའི་རྒྱུར་འགྱུར་རོ། །དེ་ནས་ཡང་གཏོར་མའི་རྫས་དང་གཏོར་མའི་སྣོད་དང་།གཏོར་མའི་ལྷ་ངོ་མ་ཤེས་པས་གཞན་དུ་བསོད་ནམས་ཀྱི་ཚོགས་གསོག་པ་ནི། ལྷ་ཞེས་བྱ་བའི་རིས་སུ་བཟུང་སྟེ་འཆི་འཕོ་དང་ལྟུང་བའི་སྡུག་བསྔལ་ཉམས་སུ་མྱོང་བར་འགྱུར་རོ། །དེས་ན་གནས་ཀྱང་གཏོར་མ་ལ་གནས། སྤྱོད་ཀྱང་གཏོར་མ་ལ་སྤྱོད། ཡིན་ཡང་གཏོར་མའི་ལྷ་ཡིན་པའི་དོན་མ་ཐོས་པ་དང་། མ་རིག་པ་དང་མི་གནས་ནས་རྫས་ལ་སྤྱད་དུ་ཕངས་པ་ནི། བཀྲེས་ཤིང་སྐོམ་པའི་གནས་སུལ་དང་། གྱེན་མི་འཛེག་པ་དང་མཐུར་མི་ཕེབ་པ་དང་། གཏོར་མའི་དོན་མ་རིག་པས། འོན་པ་དང་། དིག་པ་དང་། གཏོར་མའི་གནས་མ་འབྱོངས་པས། ན་བ་དང་། ཚ་བ་དང་། གཏོར་མའི་འབྲས་བུ་མ་ཤེས་པས། རྒས་པ་དང་། རྒུད་པ་དང་། གཏོར་མའི་ཆོས་ཉིད་མ་ཤེས་པས། སྐྱེ་བ་དང་། འཆི་བ་དང་། གཏོར་མའི་སྒྲིབ་པ་མ་དག་པས། ནད་དུ་མཛེ་དང་། ཤུ་བ་དང་། འབྲུམ་བུ་ལ་སོགས་པ་ནད་སྣ་ཚོགས་མྱོང་ནས། བསྐལ་པ་རེ་རེར་སྡུག་བསྔལ་བ་སྣ་ཚོགས་སྤྱོད་པའི་རྒྱུར་འགྱུར་རོ། །གཏོར་རྒྱུད་ཆེན་པོ་ལས། གཏོར་མའི་རང་བཞིན་མ་ཤེས་པས། འགྲོ་བ་སེམས་ཅན་སོ་སོར་སྐྱེ་བའི་ལེའུ་སྟེ་བདུན་པའོ།། །།དེ་ནས་གཞི་ཐམས་ཅད་གཏོར་མའི་སྣོད་ཡིན་པར་མ་ཤེས་པས། ལ་ལས་ཤལ་མ་རི་དང་། ཟངས་ཀྱི་ཁང་པ་དང་། ― DNG008_Page_0420 ―
[མ་དཔེ་གཟིགས་ན་འདིར་གནོན།]
མཚོན་ཆའི་ཆར་ལ་སོགས་པ་དང་། དམྱལ་བའི་སྤྱོད་པར་མཐོང་ངོ་། །ལ་ལས་རྣག་ཁྲག་དང་། ཚེར་དོང་ལ་སོགས་པ་ཡི་དྭགས་ཀྱི་གནས་སུ་མཐོང་ངོ་། །ལ་ལས་གང་ཡིན་པར་ངོ་མ་ཤེས་སོ། །ལ་ལས་ཚེར་དོང་དང་བྱ་སྐྱིབས་དང་། གྱེན་དང་མཐུར་དང་། ངམ་གྲོག་ལ་སོགས་པའི་གནས་སུ་མཐོང་ངོ་། །ལ་ལས་བརྒལ་ཞིང་བསད་པའི་གནས་སུ་མཐོང་ངོ་། །ལ་ལས་ཡིད་དུ་འོང་བའི་གནས་དང་། བསོད་ནམས་ཆེ་ཆུང་གི་གནས་སུ་འདུག་པར་མཐོང་ངོ་། །གཏོར་མའི་མཆོད་རྫས་ཀྱི་ལོངས་སྤྱོད་ངོ་མ་ཤེས་པས། ལ་ལས་བདེ་བ། ལ་ལས་སྡུག་བསྔལ་དུ་མཐོང་ངོ་། །ལ་ལས་སྨན་ལ་ལས་དུག་ཏུ་མཐོང་ངོ་། །ལ་ལས་ཟས་ལ་ལས་སྨན་དུ་མཐོང་ངོ་། །གཏོར་མའི་ལྷ་ངོ་མ་ཤེས་པས། ལ་ལའི་གཤེད་མ་ལ་ལ་ལའི་གྲོགས་མཐོང་ངོ་། །ལ་ལའི་དགྲ་ལ་ལ་ལས་གཉེན་དུ་བྱེད་པ་དང་། ལ་ལའི་གཉེན་ལ་ལ་ལས་དགྲར་བྱེད་པ་དང་། ལ་ལའི་སྒྱེན་ལ་ལ་ལས་ལེགས་པར་བྱེད་པ་དང་། ལ་ལའི་སྐྱོན་མ་རུངས་པ་ལ་ལ་ལས་འབྲས་བུར་བསྒྲུབ་པ་ལ་སོགས་པ། གནས་དང་ལོངས་སྤྱོད་དང་། འབྲས་བུ་མི་ཤེས་པར་དོན་གཉིས་ལོག་པར་གོལ་བ་དང་། སྐྱོན་ཉིད་ཡོན་ཏན་ཡིན་པར་མ་རྟོགས་པས་ལོག་པའི་ལས་ཀྱིས་སྣང་ངོ་། །གཏོར་རྒྱུད་ཆེན་པོ་ལས། འབྲས་བུ་ལོག་པའི་ལེའུ་སྟེ་བརྒྱད་པའོ།། །།དེ་ནས་ཁ་ལོ་ཕྱིན་ཅི་ལོགས་སུ་བལྟ་བ་ལས། འཛིན་བྱེད་ཀྱི་ཞགས་པས་ཀྱང་མ་འཆུན་ནས། གོལ་བའི་ལམ་དུ་ཤོར་བ་ལ། ཐུགས་རྗེའི་ལྕགས་ཀྱུས་ཀྱང་མ་ཟིན། གཏི་མུག་གི་མུན་པ་ལ་ཡེ་ཤེས་ཀྱི་སྣང་བས་ཀྱང་མ་གསལ། ཞེ་སྡང་གི་ཕྲག་ཆེན་ལ། རྫུ་འཕྲུལ་གཟོང་གིས་ཀྱང་མ་ཚད། འདོད་ཆགས་བ་མོ་ལ།ཐུགས་རྗེའི་ཉི་མས་ཀྱང་མ་ཞུ། ང་རྒྱལ་གྱི་ཀོ་ཁེངས་ལ། ཞི་བའི་ཏི་ལ་མར་གྱིས་ཀྱང་མ་ཐུལ། ཕྲག་དོག་གི་རླུང་ནག་འཚུབས་མ་ལ། མཐུ་སྟོབས་ཀྱི་དཔའ་བརྟན་གྱིས་ ― DNG008_Page_0421 ―
[མ་དཔེ་གཟིགས་ན་འདིར་གནོན།]
མ་ཁེབས་ནས། ཤིན་ཏུ་གོལ་ཏོ། །ཤིན་ཏུ་སྡུག་བསྔལ་ལོ། །ཤིན་ཏུ་ཉོན་མོངས་སོ། །ཤིན་ཏུ་གཏོར་མའི་བཀའ་ནུབ་པར་གྱུར་ཏོ། །དེ་ལྟ་བུའི་གནས་ན། རྫས་ལོག་པ་དང་། ཆོས་བལྟ་བ་ལ་ལོག་པ་དང་། ཆོས་ཉིད་ལོག་པ་དང་། འབྲས་བུ་ལོག་པ་དང་། ལམ་ལོག་པ་ཤ་སྟག་མང་བར་འགྱུར་རོ། །གཏོར་རྒྱུད་ཆེན་པོ་ལས། ཉོན་མོངས་པ་མཐུ་བརྟས་ཀྱི་ལེའུ་སྟེ་དགུ་པའོ།། །།དེ་ནས་རྡོ་རྗེ་སེམས་དཔས་སྟུག་པོས་བརྒྱན་པའི་ཞིང་ཁམས་ནས། ཡེ་ཤེས་ཀྱི་སྤྱན་གྱིས་གཟིགས་ཏེ། རྟགས་པར་འདི་དཔྱད། ངན་སོང་གི་རྒྱུར་གྱུར་ཏེ་ལ་ལས་ནི་ཚ་གྲང་གི་སྡུག་བསྔལ། སྤྱོད་པ་གཅིག་མཛད་པ་ལས། ཡིད་དང་དབང་པོས་བསྡུས་པ་ཐམས་ཅད། ཆོས་ཉིད་བརྟན་པ་ནི་རྫས་སུ་གོལ། གཏོར་མའི་རིགས་ཐམས་ཅད་འཇིགས་པའི་ལམ་དུ་སྨིན། གཏོར་མའི་སྣོད་ཐམས་ཅད་ངན་སོང་གི་རྒྱུར་གྱུར་ཏེ། ལ་ལ་ནི་ཚ་གྲང་གི་སྡུག་བསྔལ་གྱི་དབྱེན་སྦྱོན་ཞིང་ཚ་སྟེ་སྡུག་བསྔལ་བར་གཟིགས་སོ། །ལ་ལ་བཀྲེས་ཤིང་སྐོམ་པར་གཟིགས་སོ། །ལ་ལ་སྤྱད་ཅིང་བཀོལ་ཏེ་སྡུག་བསྔལ་བར་གཟིགས་སོ། །ལ་ལ་གསུམ་དང་བརྒྱད་ཀྱིས་སྡུག་བསྔལ་བར་གཟིགས་སོ། །ལ་ལ་འཐབ་པ་དང་རྩོད་པས་སྡུག་བསྔལ་བར་གནས་པར་གཟིགས་སོ། །ལ་ལ་འཆི་བ་དང་འཕོ་བ་དང་ལྟུང་བའི་སྡུག་བསྔལ་བར་གཟིགས་སོ། །གཞན་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དག་ན།གཏོར་མའི་ལས་བོར་ནས་རྟོག་པའི་ལས་ཀྱིས། ལ་ལ་ནི་སྙིང་རྗེ་བྲལ་ཏེ་གཅིག་གིས་གཅིག་འཇིགས་པ་དང་། ལ་ལ་ནི་གཅིག་གིས་གཅིག་སྙིང་རྗེ་དང་བྲལ་ཏེ་དེད་པ་དང་། ལ་ལ་ནི་སྙིང་རྗེ་དང་བྲལ་ཏེ་གཅིག་གིས་གཅིག་གསོད་པ་དང་།ལ་ལ་སྙིང་རྗེ་དང་བྲལ་ཏེ་གཅིག་གིས་གཅིག་ཟ་བ་དང་། ལ་ལ་གཏི་མུག་རྨོངས་པའི་དབང་དུ་བྱས་ནས། ཡང་དག་པའི་སྒོ་འགོག་ཤིང་། ལོག་པའི་ལམ་དུ་ཁྲིད་པ་དང་། ལ་ལ་འདོད་ཆགས་ཞེན་པའི་དབང་དུ་བྱས་ནས། སེམས་ཅན་བསད་པའི་ཤ་ཟ་ཞིང་ཁྲག་འཐུང་བ་དང་། ལ་ལ་ང་རྒྱལ་དྲེགས་པའི་དབང་གིས། ཞེ་ ― DNG008_Page_0422 ―
[མ་དཔེ་གཟིགས་ན་འདིར་གནོན།]
སྡང་སྲིན་པོ་ཆེན་པོའི་ལུས་བླངས་པ་དང་། མགོ་གཅིག་ལ་ལུས་མང་པོར་སྤྲུལ་ནས་འཁོར་མ་མོ་དང་མཁའ་འགྲོ་དང་། ཤ་ཟ་ལ་སོགས་པས་བསྐོར་ནས་རབ་ཏུ་དྲེགས་པའི་བརྟུལ་ཞུགས་ཀྱིས། སངས་རྒྱས་ཀྱི་བཀའ་ལ་རྒྱབ་ཀྱིས་ཕྱོགས་ནས་དམྱལ་བའི་སྲིན་པོའི་སྤྱོད་པ་དང་། སྣང་སྣང་ནི་སྒྲོལ། རྙེད་རྙེད་ནི་ཟ། ཕྲད་ཕྲད་ནི་སྦྱོར་ཞིང་ངའི་གོང་ན་སུ་ཡང་མེད་དོ་ཞེས་འདུ་ཤེས་སྐྱེ་བར་བྱེད་པ་རྣམས་གཟིགས་པས། རྡོ་རྗེ་སེམས་དཔའ་ཤིན་ཏུ་སྔངས་ཤིང་ཤིན་ཏུ་ཡང་བརྒྱལ་ཏེ་འགྱེལ་ཏོ། །ང་ལ་མགོན་མེད་དོ། །ང་ལ་སྐྱབས་མེད་དོ། །ང་ལ་དཔུང་གཉེན་མེད་དོ་ཞེས་དམོད་དུ་བོར་ནས་བརྒྱལ་ལོ། །དེ་ལྟར་བརྒྱལ་སངས་པ་དང་རིགས་ལྔའི་སངས་རྒྱས་རྣམས་ཀྱང་སྟུག་པོས་བརྒྱན་པར་འདུས་སོ། །རྡོ་རྗེ་སེམས་དཔའ་བརྒྱལ་སངས་པ་དང་། རིགས་ལྔའི་སངས་རྒྱས་རྣམས་དྲུང་ན་འཁོད་པ་མཐོང་ནས། རིགས་ལྔའི་སངས་རྒྱས་རྣམས་ལ་སྟོང་གསུམ་གྱི་སྟོང་ཆེན་པོ་ཐམས་ཅད་གཏོར་མའི་སྣོད་དང་། གཏོར་མའི་རྫས་དང་། གཏོར་མའི་ལྷ་ཡིན་ན་ལོག་པར་གོ་བ་མཐོང་ངམ་ཞེས་བཀའ་སྩལ་པས། རིགས་ལྔའི་སངས་རྒྱས་རྣམས་ཀྱིས་གསོལ་པ། རྡོ་རྗེ་སེམས་དཔའ་ཆེན་པོ། །དེ་དེ་བཞིན་ནོ། །དེ་དེ་བཞིན་ཏེ། འདི་དྲག་པོའི་གཏོར་མས་འདུལ་བའི་དུས་ལ་བབས་སོ་ཞེས་གསོལ་པས། རྡོ་རྗེ་སེམས་དཔའ་གཏོར་མ་ལ་ཁ་ལོ་ཕྱིན་ཅི་ལོག་ཏུ་སྣང་བ་རྣམས་ལ། ཐུགས་རབ་ཏུ་ཁྲོས་སྐུ་རབ་ཏུ་འཚིགས་ནས། ཀུན་ཏུ་བཟང་པོ་ཧེ་རུ་ཀ་ལ་སོགས་པ་ཡེ་ཤེས་ཀྱི་ཧེ་རུ་ཀ་བཞི་ཆོས་ཀྱི་སྐུ་ལས་བཞེངས་སུ་གསོལ། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་སུ་གཟིགས་པ་ལས། ཐམས་ཅད་གཏོར་མའི་རང་བཞིན་དུ་ལྷུན་གྱིས་གྲུབ་ཏེ་བཞུགས་པ་ལ། དེ་ལ་གཏོར་མར་མི་རྟོག་མི་འཛིན་པར་ཕྱིན་ཅི་ལོག་ཏུ་རྟོག་ཅིང་འཛིན་པས། རིགས་གཅིག་པའི་སངས་རྒྱས་ཀྱི་གཏོར་མ་ལས།འགྲོ་བ་མང་པོ་སྡུག་བསྔལ་ཐ་དད་པར་སྣང་བ་གཟིགས་ནས། ཡེ་ཤེས་ཀྱི་ཧེ་རུ་ཀ་རྣམས་སྐུ་རབ་ཏུ་ཁྲོས། ཐུགས་རབ་ཏུ་འཚིགས་ནས། དབུ་དགུ་པ་དང་།དབུ་ཉི་ཤུ་རྩ་གཅིག་པ་དང་། དབུ་གསུམ་པ་དང་། ཕྱག་དྲུག་པ་དང་། ཕྱག་བཅོ་བརྒྱད་པ་དང་། ཕྱག་བཞི་བཅུ་རྩ་གཉིས་པ་དང་། ཞབས་བཞི་པ་དང་། ― DNG008_Page_0423 ―
[མ་དཔེ་གཟིགས་ན་འདིར་གནོན།]
ཞབས་བརྒྱད་པ་དང་། འབར་བའི་ཆ་ལུགས་སུ་མཐོང་ནས་ཞལ་ནས་ཀྱང་།ཨོཾ་ཤྲཱི་ཧེ་རུ་ཀ་རུ་ལུ་རུ་ལུ་ཧཱུཾ། གྷུ་ཧྱ་ཤྲཱི་ཧེ་རུ་ཀ་རུ་ལུ་རུ་ལུ་ཧཱུཾ། རཀྴ་ཤྲཱིར་ཧེ་རུ་ཀ་རུ་ལུ་རུ་ལུ་ཧཱུཾ། བི་ཤྭ་ཤྲཱི་ཧེ་རུ་ཀ་རུ་ལུ་རུ་ལུ་ཧཱུཾ། ཞེས་སྒྲ་བརྗོད་ཅིང་གནས་སོ། །དེ་ནས་རྡོ་རྗེ་སེམས་དཔས་ཀུན་ཏུ་བཟང་མོའི་བྷ་ག་ཡུམ་གྱི་མཁའ་ལས་ཕྱོགས་བཞིར་འབར་བའི་གཟུགས་བལྟས་ནས། ཧཱུཾ་ཧཱུཾ་ཞེས་བརྡའ་ཞིག་མཛད་པས། ཕྱོགས་བཅུའི་རྒྱལ་བ་ཡབ་ཡུམ་སྲས་དང་བཅས་པ་ཐམས་ཅད་ཡུམ་གྱི་མཁའ་ལ་གནས་གཅིག་ཏུ་ཚོགས་ནས། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་སུ་གཟིགས་པ་དང་། ཡང་གོང་མ་ལྟར་གཟིགས་པས། ཁྲོ་ཞིང་འཚིགས་པར་གྱུར་པས་སྟུག་པོས་བརྒྱན་པའི་ཞིང་ཁམས་སུ་བདེ་བར་གཤེགས་པ་ཐམས་ཅད་གདན་འཛོམ་བཀའ་བགྲོས་ནས། ཞི་བ་དང་བྱམས་པའི་ཏིང་ངེ་འཛིན་གྱིས་ཐུལ་བ་མི་འདྲ་བས། དྲག་པོའི་ལས་ཀྱིས་འདུལ་བའི་དུས་ལ་བབ་པར་གཟིགས་ནས། རི་རབ་རྩེར་དཔལ་རྟ་མགྲིན་སོ་ལ་བཏང་སྟེ། དཔལ་རྟ་མགྲིན་གྱིས་ས་བླུངས་ལེན་གྱིས་བལྟས་པས། ཕྱིན་ཅི་ལོག་གི་མཐུ་བརྟས་པ། ལ་ལ་ཉོན་མོངས་པའི་གནས་ན་ཁ་ལོ་ཕྱིན་ཅི་ལོག་གི་དབང་བགྱིས། ལ་ལ་དྲེགས་པ་ཆེན་པོའི་གཟུགས་དང་ཆ་བྱད་དུ་སྤྲུལ་ནས། དུས་གསུམ་གྱི་དབང་གིས་ཤ་ཁྲག་ཟ་ཞིང་།ཉོན་མོངས་པའི་ལས་ཞེ་སྡང་དྲག་པོས་རཱུ་ཏྲ་ཉིད་དུ་གྱུར་ནས། ལུས་ཆེ་ལ་ཡན་ལག་རགས་པའི་འཕྲས་ཀྱང་། ཤ་ཟ་དང་། མཁའ་འགྲོ་དང་། མ་མོ་དང་།དབང་ཕྱུག་མས་བསྐོར་ནས། ཤིན་ཏུ་གདུལ་དཀའ་བར་གཟིགས་པས་སླར་ལོག་པ་དང་། བཅོམ་ལྡན་འདས་ཀྱིས་ཧཱུཾ་ཞེས་བཅོ་བརྒྱད་ཀྱི་འགྱུར་བཞེངས་ནས།རིགས་ལྔ་ལ་སོགས་པ་ཡབ་ཡུམ་གནས་བསྒྱུར། ཧེ་རུ་ཀ་ཡབ་ཡུམ་བཅོ་བརྒྱད་དུ་བསྒྱུར་ནས། སྟོང་གསུམ་གྱི་སྟོང་ཆེན་པོ་ཐམས་ཅད་ཧེ་རུ་ཀ་ཡབ་ཡུམ་གྱིས་ལྷག་གིས་ཁེངས་ནས། གཏར་ཚན་རྩི་སྦུར་ལ་རེག་པ་བཞིན་དུ་ཏྲ་དང་དྲེགས་པ་ཅན་ཐམས་ཅད་རེག་པ་ཙམ་གྱིས་བསྒྲལ་ནས། འབྱུང་བ་ཡུམ་གྱི་གཏོར་གཞོང་དུ། དུར་ཁྲོད་འབར་བའི་གཏོར་མ་གཅལ་བཀྲམ་ནས། ཉོན་མོངས་པ་ཟད་པར་མཛད་པའི་སྐུ་ཐམས་ཅད་གཉིས་སུ་མེད་པའི། ཆོས་ཉིད་ཀྱི་ལོངས་ ― DNG008_Page_0424 ―
[མ་དཔེ་གཟིགས་ན་འདིར་གནོན།]
སྤྱོད་བདེ་བ་ཆེན་པོའི་ངང་དུ་མཛད་དེ། ཆོས་ཉིད་བྷན་དྷའི་སྣོད་དུ་འདོད་ཆགས་ཟད་པར་མཛད་པའི་ཕྱིར། རཀྟའི་དུང་ཁྲག་འཁྲུག་ཅིང་གསོལ། གཞན་ཡང་ཆོས་ཉིད་ཀྱི་ལོངས་སྤྱོད་ལ་ལས་ཤ་ལ་རོལ། ལ་ལས་རུས་ལ་རོལ། ལ་ལས་ཁྲག་ལ་རོལ།ལ་ལས་ཙིཏྟ་ལ་རོལ། ལ་ལས་བ་སུ་ཏ་ལ་རོལ། ལ་ལས་དབང་པོ་ལྔ་ལ་རོལ།ཆོས་ཉིད་ཀྱི་རྒྱན་དུ་བྱས། ཉོན་མོངས་པ་དཔའ་རྟགས་སུ་ཁྱེར། ལ་ལས་ཞིང་གི་གདན་དཔའ་རྟགས་སུ་ཁྱེར། ལ་ལས་ཞིང་གི་གཡང་གཞི། ལ་ལས་ཐོད་པའི་ཕྲེང་བ། ལ་ལས་ཁྲག་གི་ཐིག་ལེ། ལ་ལས་ཞག་གི་ཟོ་རིས། ལ་ལས་ཐལ་བའི་མཚན་མ་རྟགས་སུ་ཁྱེར་རོ། །ལ་ལས་ཉོན་མོངས་པའི་ཕྱག་ཆ་རང་ལ་བསྐོར་ཏེ།རལ་གྲི་དང་། དགྲ་སྟྭ་དང་། ཐང་གཤོལ་དང་། ཁ་ཊྭཱཾ་ག་ལ་སོགས་པ་ཡང་དཔའ་རྟགས་སུ་ཁྱེར་རོ། །ལ་ལས་ཉོན་མོངས་པ་ལས་རྒྱལ་བ་དཔའ་རྟགས་སུ་ཁྱེར་ཏེ། ཁྱུང་གི་གཤོག་པ་དང་། སྦྲུལ་གྱི་ཆུན་པོ་དང་། གླང་པོ་ཆེའི་ཀོ་བ་རློན་པ་དང་། སྟག་གི་ཤམ་ཐབས་ལ་སོགས་པ་དཔའ་རྟགས་སུ་ཁྱེར་ནས།ཁམས་གསུམ་ཐོ་ལེ་ཆེན་པོས་བཏབ། དམྱལ་བ་དོང་སྤྲུགས་ནས། རྒྱལ་བའི་དཀྱིལ་འཁོར་བྱིན་དབབ་པས། ཉོན་མོངས་པ་རང་རྒྱུད་དུ་དག །དུག་བདུད་རྩིར་བསྒྱུར། རཱུ་ཏྲ་རྫས་ཀྱི་གཏོར་མར་ལོངས་སྤྱོད་པས། དེ་ནི་བདུད་བཅོམ་བགེགས་བསད་པའི་གཏོར་མའོ། །གཏོར་རྒྱུད་ཆེན་པོ་ལས། བདུད་རཱུ་ཏྲ་བཏུལ་བའི་ལེའུ་སྟེ་བཅུ་པའོ།། །།དེ་ནས་འབྲས་བུ་བསྒྲལ་ཀྱང་ས་བོན་གྱི་རྩ་བ་མཆོད། རཱུ་ཏྲ་བསྒྲལ་ཀྱང་ངན་སོང་གི་སྡུག་བསྔལ་མཆོད་སྟེ། ཉོན་མོངས་པའི་སྐྱེ་བོ་དང་། སྔགས་ལོག་པར་སྤྱོད་པ་རང་རྒྱུད་དུ་གནས་པས། ད་ནི་ཁྲོ་མོས་འདུལ་བའི་དུས་ལ་བབ་པར་གཟིགས་ནས། འཁོར་ཉེ་བའི་སྲས་བརྒྱད་གཽ་རཱི་ཁྲོ་མོ་བརྒྱད་དུ་སྤྲུལ། སེམས་མ་བརྒྱད་ནི་ཕྲ་མེན་ཆེན་མོ་བརྒྱད་དུ་བསྒྱུར། ཐུབ་པ་དྲུག་དང་ཡིད་དང་ཆོས་ནི་སྤོར་བྱེད་ཆེན་མོ་བརྒྱད་དུ་བསྒྱུར། རྒྱུའི་བྱང་ཆུབ་ ― DNG008_Page_0425 ―
[མ་དཔེ་གཟིགས་ན་འདིར་གནོན།]
སེམས་དཔའ་བཅུ་དྲུག་དང་། འབྲས་བུའི་བྱང་ཆུབ་སེམས་དཔའ་བཅུ་དྲུག་ནི། མཁའ་འགྲོ་སུམ་ཅུ་རྩ་གཉིས་སུ་བསྒྱུར། སྒོ་བ་རང་ལོག་ཏུ་བསྒྱུར་ནས་དཀྱིལ་འཁོར་དུ་འཁོད་པ་དང་། ཆོ་འཕྲུལ་ཕྲིན་ལས་མཛད་པ་དང་། ཆོས་བསྟན་པ་དང་། ཞི་བས་མི་འདུལ་བ་ཡང་དྲག་པོའི་ཕྲིན་ལས་མཛད་ནས། རིགས་ངེས་པའི་སྲས་དང་ཐབས་ཅིག་པ་གཉིས་སུ་མེད་པའི་དེ་རྣམས་ཀྱང་། གཏོར་མའི་རང་བཞིན་དུ་བསྒྱུར་ཞིང་ཕྲིན་ལས་མཛད་དོ། །དེ་ནས་ཁ་ལོ་ཕྱིན་ཅི་ལོག་ཏུ་བལྟས་པས་འཕགས་པའི་ཞལ་ཉི་ཟེར་ཙམ་ཡང་མི་མཐོང་བ། བསོད་ནམས་ཀྱི་སྐལ་བ་ཆུང་བ་རྣམས་ལ། ཐུགས་རྗེ་སྤྲུལ་པའི་འཁོར་ལྷ་ཆེན་པོ་དང་། ཀླུ་ཆེན་པོ་དང་། གཟའ་ཆེན་པོ་དང་།གནོད་སྦྱིན་ཆེན་པོ་དང་། རྒྱུ་སྐར་ལ་སོགས་པ་དང་། དབང་ཕྱུག་ཉི་ཤུ་རྩ་བརྒྱད་དང་། ཕོ་ཉ་སུམ་བརྒྱ་དྲུག་ཅུ་དང་། གིང་ཆེན་བཅོ་བརྒྱད་དང་། མ་བདུན་སྲིང་བཞི་ལ་སྤྲུལ་ནས། དེ་ཡང་ལས་ངན་པའི་འཕྲོ་གཅོད་ཅིང་། གཏོར་མའི་ཕྲིན་ལས་མཛད་དོ། །དེ་བས་ཀྱང་དམ་ཚིག་ཉམས་པར་གྱུར་པ་རྣམས་ལ་ནི། ཡང་སྤྲུལ་ཆེན་པོ་མཁའ་འགྲོ་འབུམ་སྡེར་སྤྲུལ་ནས། འཇིག་རྟེན་གྱི་ཁམས་ཐམས་ཅད་དུ། ཡུལ་དང་། གནས་དང་། རི་དང་། ནགས་དང་། མཚོ་དང་། གཡའ་རི་དང་། གངས་རྒྱུད་ལ་འཁོད་ནས། དེས་ཀྱང་གཏོར་མའི་ཕྲིན་ལས་སུ་འབུལ་བར་མཛད་ནས། ལས་ངན་པའི་དབང་གིས་དྲེགས་པར་མཛད་དོ། །གཏོར་རྒྱུད་ཆེན་པོ་ལས། དྲག་པོའི་གཏོར་མའི་ལེའུ་སྟེ་བཅུ་གཅིག་པའོ།། །།དེ་ནས་རྡོ་རྗེ་སེམས་དཔས། འབྱུང་བ་ལྔ་དང་སྣོད་ཐམས་ཅད་གཏོར་མའི་སྣོད། དངོས་པོ་ཐམས་ཅད་གཏོར་མའི་རྫས། རྣམ་པར་ཤེས་པ་དང་། ཕུང་པོས་བསྡུས་པ་ཐམས་ཅད་གཏོར་མའི་མགྲོན། དུག་གསུམ་དང་ཉོན་མོངས་པ་ཐམས་ཅད་གཏོར་མའི་རྩ་བ། བདུད་དང་རཱུ་ཏྲ་དང་དྲེགས་པ་ཐམས་ཅད་གཏོར་མའི་རྒྱུ། རྒྱུད་དྲུག་ལམ་གྱིས་བསྡུས་པ་ཐམས་ཅད་གཏོར་མའི་ལོངས་སྤྱོད། ― DNG008_Page_0426 ―
[མ་དཔེ་གཟིགས་ན་འདིར་གནོན།]
ཁ་ལོ་ཕྱིན་ཅི་ལོག་གི་ངན་སོང་གི་སྡུག་བསྔལ་ཐམས་ཅད་གཏོར་མའི་ཕྲིན་ལས། དེ་ཉིད་གཏོར་མར་རྟོགས་པ་ཐམས་ཅད་དངོས་གྲུབ་སྟེ། འདི་ལྟར་རིག་པའི་དཀྱིལ་འཁོར་དང་། འདི་ལྟར་རྟོགས་པའི་རྣལ་འབྱོར་པ། ཕྱིས་གྲངས་ཀྱིས་འབྱུང་བ་དང་། འདི་ལྟ་བུའི་རྒྱུད་མཐར་གནས་པས་དེའི་དོན་མཁྱེན་པས་གཏོར་རྒྱུད་འདི་ལྟ་བུ་འབྱུང་བ་ཡིན་པས། རྡོ་རྗེ་སེམས་དཔའི་ཐུགས་ཆབ་ཕོག་པར་འགྱུར་རོ། །གཏོར་རྒྱུད་ཆེན་པོ་ལས། རྡོ་རྗེ་སེམས་དཔས་ཐུགས་ཆབ་ཕོག་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ཀུན་ཏུ་བཟང་པོ་བླ་ན་མེད་པའི་ཧེ་རུ་ཀའི་སྐུ་ལས། གསུང་ཡིག་འབྲུ་འདི་དག་བྱུང་ངོ་། །ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧ་ཧ་ཧ་ཧ་ཧ་ཧ་ཧ་ཧ། ཧེ་ཧེ་ཧེ་ཧེ་ཧེ་ཧེ་ཧེ་ཧེ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ་ཕཊ་ཕཊ་ཕཊ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། ར་ར་ར། ལི་ལི་ལི་བཅུ་དྲུག །ཛ་ཛ་ཛ་སུམ་བརྒྱ་དྲུག་ཅུ། མ་མ་མ་བདུན། མི་མི་མི་བདུན། ཨ་ཧ་ཨ་ཧ་བཅུ་དྲུག །རུ་ལུ་རུ་ལུ་བྷྱོ་ལ་སོགས་པ་སྐུ་ལས་ཐོན་ནས། ཡེ་ཤེས་ལྔར་བྱིན་གྱིས་བརླབས་པས། འཇིག་རྟེན་གྱི་ཁམས་ཐམས་ཅད་གཡོས་རབ་ཏུ་གཡོས། འུར་འུར་རབ་ཏུ་འུར། ཆེམ་ཆེམ་རབ་ཏུ་ཆེམ་པར་གྱུར་ནས། ཐམས་ཅད་མགྲིན་གཅིག་ཏུ་བདེ་བའི་ཚོགས་མནོས། དམ་བཅས་ནས་དཀྱིལ་འཁོར་གྱི་གདན་དུ་བཏིང་ངོ་། །དེ་ནས་གསུང་ཡིག་འབྲུའི་དཀྱིལ་འཁོར་ལ། ཡེ་ཤེས་ཆེན་པོའི་ཁྱད་པར་ཉིད་ལས་མི་གཞན་པའི་འཁོར་དང་། འགྲོ་བ་འདུལ་བའི་འཁོར་དང་།ཐུགས་རྗེ་སྤྲུལ་པའི་འཁོར་ལ་སོགས་པ་ཐམས་ཅད་མ་སྐྱེས་པ་ལས་སྐྱེ་བའི་ཆོ་འཕྲུལ་དུ་མཐོང་བས། ཇི་ལྟར་སྣང་བ་ཐམས་ཅད་ཚིག་གིས་མ་བསྡུས་པ་གང་ཡང་མེད་པ་ལ། ཚིག་ཐམས་ཅད་ཡི་གེས་མ་བསྡུས་པ་གང་ཡང་མེད་པས། འོ་ན་ཡི་གེའི་རང་བཞིན་ནི། སངས་ ― DNG008_Page_0427 ―
[མ་དཔེ་གཟིགས་ན་འདིར་གནོན།]
མ་རྒྱས་པ་གང་ཡང་མེད་པས། ཇི་ལྟར་སྣང་བའི་ཆོས་ཐམས་ཅད་སངས་མ་རྒྱས་པ་གང་ཡང་མེད་པས། ཀུན་གཞི་ཡུལ་གྱི་རྣམ་པ་ལ་སྣང་ངོ་། །གཟུགས་དང་ཕུང་པོས་བསྡུས་པ་ཐམས་ཅད་ཁ་དོག་དང་དབྱིབས་སུ་མི་སྣང་བ་གང་ཡང་མེད་ལ། ཁ་དོག་དང་དབྱིབས་ཐམས་ཅད་ལྷའི་དཀྱིལ་འཁོར་དུ་སངས་མ་རྒྱས་པ་གང་ཡང་མེད་པས། རྣམ་པར་ཤེས་པའི་ཕུང་པོ་ཐམས་ཅད་སངས་མ་རྒྱས་པ་གང་ཡང་མེད་པར་དབང་པོ་སེམས་ཀྱི་རྣམ་པ་ལ་སྣང་ངོ་། །དེ་ལྟར་ཡུལ་དང་དབང་པོ་ཐམས་ཅད་དབྱིངས་དང་ཡེ་ཤེས་གཉིས་སུ་མེད་པ་ལས། ཐབས་དང་ཤེས་རབ་འདུ་འབྲལ་མེད་པར་ལྷུན་གྱིས་གྲུབ་སྟེ། སྐུ་གསུང་ཐུགས་ཕྱག་རྒྱའི་འཁོར་དུ་ལྷུན་གྱིས་གྲུབ་སྟེ། སངས་མ་རྒྱས་པ་གང་ཡང་མེད་དོ། །གཏོར་རྒྱུད་ཆེན་པོ་ལས། གསུང་ཡིག་འབྲུའི་ལེའུ་སྟེ་བཅུ་གསུམ་པའོ།། །།དེ་ནས་རྡོ་རྗེ་སེམས་དཔས་ཀུན་ཏུ་བཟང་པོ་ལ་ཕྱི་ནང་གསང་བའི་མཆོད་པས་མཆོད་ནས། དྲག་པོའི་གཏོར་མ་བྱིན་གྱིས་བརླབས་པའི་སྔགས་དང་ཕྱག་རྒྱ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སེམས་དཔའ་དྲག་པོའི་གཏོར་མ་བྱིན་གྱིས་བརླབས་པའི་སྔགས་དང་ཕྱག་རྒྱ་འདི་ཡིད་ལ་ཟུང་ཞིག །ལག་པ་སོར་མོ་བསྣོལ་ལ་མཛུབ་མོ་མཐེ་བོང་ལ་གཏུགས། མཐེ་བོང་གཉིས་ཕྱིར་བསྒྲེངས་ལ། ཨོཾ་བཛྲ་པདྨ་བྷནྡ་ལ། བ་ལིང་ཏ་བི་ཤྭ་ཙཀྲ་བྷྲཱུཾ། ཞེས་བརྗོད་པ་འདི་ནི་གཏོར་མའི་སྣོད་བྱིན་གྱིས་བརླབས་པའི་སྔགས་དང་ཕྱག་རྒྱའོ། །དེ་ནས་ཡང་ལག་པ་ཁུ་ཚུར་བཅངས་ལ། མཆེ་བའི་ཕྱག་རྒྱ་བཅས་ལ། ཨོཾ་མ་ཧཱ་སྨྲིག་ཏ་ཛཱ་ལ་བ་ལིཾ་ཏ་མཎྜ་ལ་ཁཱ་ཧི། ཞེས་བརྗོད་པ་ནི། ཤའི་གཏོར་མར་བྱིན་གྱིས་རླབས་པའི་སྔགས་དང་ཕྱག་རྒྱའོ། །དེ་ནས་ཡང་ལག་པ་ཐལ་མོ་སྦྱར་བ་ལས། རཀྟ་སྦྲེངས་པའི་ཚུལ་བྱས་ལ་གཏོར་མ་ལ་གཏུགས་ལ། མ་ཧཱ་རཀྟ་ཛྭ་ལ་མཎྜ་ལ་ཁ་རི་ཁཱ་ཧི། བ་ལིང་ཏ་ཞེས་པ་ཁྲག་གི་གཏོར་མ་སྣ་ཚོགས་པར་བྱིན་གྱིས་རླབས་པའི་སྔགས་དང་ ― DNG008_Page_0428 ―
[མ་དཔེ་གཟིགས་ན་འདིར་གནོན།]
ཕྱག་རྒྱའོ། །དེ་ནས་ཡང་ལག་པ་སོ་སོའི་ཕྲེང་བ་བཅས་ལ། མ་ཧཱ་ཀེཾ་ནི་རི་ཏི་ཛྭ་ལ་མཎྜ་ལ་ཁཱ་ཧི་བ་ལིང་ཏ་ཅེས་བརྗོད་པ་ནི། རུས་པའི་གཏོར་མར་བྱིན་གྱིས་བརླབས་པའི་སྔགས་དང་ཕྱག་རྒྱའོ། །དེ་ནས་ཡང་ལག་པ་ཐལ་མོ་སྦྱར་ལ་སྙིང་གར་གཏུགས། དེ་ནས་ཐོད་ཕྲེང་གི་ཕྱག་རྒྱ་བཅས་ལ་ལུས་བསྐོར། དེ་ནས་ལག་པ་རིན་པོ་ཆེ་འབར་བཞིན་དུ་བྱས་ལ་གཏོར་མའི་རྫས་ལ་གཏུགས་ལ། ཨཱོཾ་ཀ་པཱ་ལ་བྷ་སུ་ཏ་རི་ལ་གྲོད་ཁྲོད་དེ། བྷྱོ་བྷྱོ་རུ་ལུ་རུ་ལུ་ཧཱུཾ། བ་ལིང་ཏ་མཎྜལ་ཧཱུཾ། ཞེས་བརྗོད་པ་ནི། རྨད་དུ་བྱུང་བའི་གཏོར་མར་བྱིན་གྱིས་བརླབས་པའི་སྔགས་དང་ཕྱག་རྒྱའོ། །དེ་ནས་གཏོར་མའི་རྒྱུད་ལག་པའི་མཐེ་བོང་གིས།མཐེའུ་ཆུང་ལག་མཐིལ་དུ་བཀུག་ལ། སོར་མོ་གསུམ་གཤིབས་ཏེ་བསྒྲེངས་ལ།ཨོཾ་ཤག་ཏི་དུམ་བུ་མ་ཧཱ་ཛྭ་ལ་བྷ་ལིང་ཏ་མཎྜལ་ཁཱ་རམ་ཁཱ་ཧི་ཞེས་བརྗོད་པ་ནི། གཏོར་མ་སྦྱོང་བའི་སྔགས་དང་ཕྱག་རྒྱའོ། །དེ་ནས་ཡང་ལག་པ་ཐལ་མོ་མཉམ་པར་སྦྱར་ལ། ཨཱོཾ་ཨཱཿཧཱུཾ་སྭཱ་ཧཱ། མུཾ་ལཾ་མཱཾ་པཱཾ་། སུ་ར་ཏི་ཞེས་བརྗོད་པས།གཏོར་མའི་གཟུགས་ལྷ་དང་ལྷ་མོའི་དཀྱིལ་འཁོར་གཉིས་སུ་མེད་པའི་བདེ་བ་ཆེན་པོར་བྱིན་གྱིས་བརླབས་པའི་སྔགས་དང་ཕྱག་རྒྱའོ། །དེ་ནས་ཡང་ལག་པ་གཟུགས་ཀྱི་མེ་ལོང་འཛིན་པ་དང་། སྒྲའི་པི་ཝཾ་ཐོགས་པ་དང་། དྲིའི་སྤོས་ཀྱི་ཕྱག་རྒྱ་དང་། རོའི་སྣོད་ཀྱི་ཕྱག་རྒྱ་དང་། རེག་གི་ན་བཟའི་ཕྱག་རྒྱ་དང་། ཆོས་ཀྱི་མཉམ་པའི་ཕྱག་རྒྱ་དང་། དེ་བྱི་མོ་ཧ་ར་ཏི་ལ་སོགས་པ་བརྗོད་པ་ནི། གཏོར་མ་འདོད་པའི་ལོངས་སྤྱོད་དུ་བྱིན་གྱིས་བརླབས་པའི་ཕྱག་རྒྱའོ། །དེ་ནས་ལག་པ་གཡས་པས་དཀྲུག་པའི་ཚུལ་དུ་བྱས་ལ། གཡོན་པས་ཐུགས་ཀར་སྣོད་འཛིན་པའི་ཚུལ་དུ་བྱས་པ་ནི། ཧེ་རུ་ཀ་སྤྱིའི་དམ་ཚིག་གི་ཕྱག་རྒྱའོ། །དེ་ནས་ལག་པ་གཡོན་པས་དུང་ཆེན་པོ་སྟོབ་པ་ལ། གཡས་པས་དཀྲུག་པའི་ཚུལ་དུ་བྱས་པ་ནི།ཡུམ་རྣམས་སྤྱིའི་ཕྱག་རྒྱའོ། །དེ་ནས་ལག་པ་ ― DNG008_Page_0429 ―
[མ་དཔེ་གཟིགས་ན་འདིར་གནོན།]
གཡོན་པས་འཛིན་པ་ལྟར་བྱས་ལ།གཡས་པས་ཟ་བ་ལྟར་བྱས་པ་ནི། ཁྲོ་མོ་བརྒྱད་ཀྱི་སྤྱིའི་ཕྱག་རྒྱའོ། །དེ་ནས་ལག་པ་གཡོན་པས་གནོན་པ་ལྟར་བྱས་ལ། གཡས་པས་རྔམ་པའི་ཚུལ་གྱིས་འབྲུ་ཚུགས་སུ་བལྟ་བ་ནི། ཕྲ་མེན་བརྒྱད་སྤྱིའི་ཕྱག་རྒྱའོ། །དེ་ནས་ལག་པ་གཡས་འཐོར་ཐབས་སུ་བྱས་པ་ལ། གཡོན་པས་འདེགས་པ་ལྟར་བྱས་ནས་བསྟན་པའི་ཚུལ་དུ་གནས་པ་ནི། སྒོ་བ་བཞི་སྤྱིའི་ཕྱག་རྒྱའོ། །དེ་ནས་ལག་པ་གཡས་པས་གནོན་པ་ལྟར་བྱས་ལ། གཡོན་པ་འདེགས་པ་ལྟར་བྱས་པ་ནི། སྤོར་བྱེད་མ་བརྒྱད་སྤྱིའི་ཕྱག་རྒྱའོ། །དེ་ནས་ལག་པ་གཡས་པ་རང་རྟགས་ཀྱི་ཕྱག་རྒྱ་འཕྱར་བ་ལྟར་བྱས་ལ། གཡོན་པ་ཁྲག་འཐུང་བའི་ཚུལ་དུ་བྱས་པ་ནི། དབང་ཕྱུག་མ་ཉི་ཤུ་རྩ་བརྒྱད་སྤྱིའི་ཕྱག་རྒྱའོ། །དེ་ནས་ལག་པ་གཡོན་བསྣོལ་ལ་ཁ་སྦུབ་ལ། མཐེའུ་ཆུང་གཉིས་འཁྱུད་ལ་སོར་མོ་ཕྱི་མ་བརྐྱང་ལ་སྣོད་ལ་གཏུགས་ལ། ཨོཾ་བཛྲ་ཨཱ་རལླི། ཨ་ཨཱ་རལླི། ས་མ་ཡ་ཨཱ་རལླི། ཞེས་བརྗོད་པ་ནི། མཁའ་འགྲོ་སུམ་ཅུ་རྩ་གཉིས་ཀྱི་ཕྱག་རྒྱའོ། །དེ་ནས་ལག་པ་གཉིས་སྙིང་ག་གཡས་གཡོན་དུ་བཟུང་ལ། མཆོང་ཞིང་རྒྱུག་པའི་ཚུལ་དུ་བྱས་ལ། ཨཱོཾ་བཛྲ་ཧ་ལ་ཧ་ལ་བྷ་ན་བྷ་ན་ཨཾ་ཀུ་ཤ་ཛཿཞེས་བརྗོད་པ་ནི། ཕོ་ཉ་སུམ་བརྒྱ་དྲུག་ཅུ་སྤྱིའི་སྔགས་དང་ཕྱག་རྒྱའོ། །དེ་ནས་ལག་པ་གཡས་པ་མི་གཡོ་བའི་ཚུལ་དུ་བྱས་ལ། གཡོན་པ་སྙིང་འབྱིན་པའི་ཚུལ་དུ་བྱས་ལ། ཨཱོཾ་མཾ་མཾ་བཛྲ་མ་བྷྱོ། མ་མ་དུན་ཏིང་བྷྱོ། ཞེས་བརྗོད་པ་ནི། མ་མོ་སྤྱིའི་སྔགས་དང་ཕྱག་རྒྱའོ། །དེ་ནས་ལག་པ་གཡོན་པ་ཕྱར་ལ། སོར་མོ་གཞན་བཀུག་སྲིན་ལག་བསྒྲེངས་ལ། ཨོཾ་ཏི་པ་ཨ་ག་དད་དོལ་དུན་ཏི་ན་མ་བྷྱོ། ཞེས་བརྗོད་པ་ནི། སྲིང་བཞི་སྤྱིའི་སྔགས་དང་ཕྱག་རྒྱའོ། །དེ་ནས་ལག་པ་གཡོན་པ་ལྕགས་ཀྱུ་འཛིན་པའི་ཚུལ་དུ་བྱས་ལ། གཡས་པ་འཇམ་དཔལ་ཐོགས་པའི་ཚུལ་དུ་བྱས། ཨོཾ་བཛྲ་ཀརྟ་རི་ཤ་ཧཱུཾ། ཞེས་བརྗོད་པ་ནི། གིང་བཅོ་ ― DNG008_Page_0430 ―
[མ་དཔེ་གཟིགས་ན་འདིར་གནོན།]
བརྒྱད་ཀྱི་སྔགས་དང་ཕྱག་རྒྱའོ། །གཏོར་རྒྱུད་ཆེན་པོ་ལས། གཏོར་མ་བྱིན་གྱིས་བརླབས་པའི་སྔགས་དང་ཕྱག་རྒྱའི་ལེའུ་སྟེ་བཅུ་བཞི་པའོ།། །།དེ་ནས་ཀུན་ཏུ་བཟང་པོས་བཀའ་སྩལ་པ། རྡོ་རྗེ་སེམས་དཔའ་གཏོར་རྒྱུད་ཆེན་པོ་འདི། ཕྲིན་ལས་དར་ཞིང་རྒྱས་པ་ལ་སོགས་པ་འགྲོ་བ་ལ་རྒྱས་པར་སྟོན་ཅིག་ཅེས་བཀའ་སྩལ་ཏོ། །དབང་བསྐུར་ནས་གསང་སྔགས་ཀྱི་ལུང་སྟོན་པར་ཁས་ལེན་པའོ། །དེ་ནས་རྡོ་རྗེ་སེམས་དཔའ་ཕྲིན་ལས་ཀྱི་གཏོར་མ་འདི་རིམ་པར་ཕྱེ་སྟེ་བཤད་པའོ། །དེ་ལ་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ན། ཁ་དོག་རྣམ་པ་ལྔ་ཞིག་ཡོད་དོ། །གཟུགས་ལྔ་ཞིག་ཡོད་དོ། །སྐུ་རྣམ་པ་ལྔ་ཞིག་ཡོད་དོ། །ཡེ་ཤེས་ལྔ་ཞིག་ཤར་རོ། །དེ་ལ་ཁ་དོག་དཀར་པོར་སྣང་བ་ཐམས་ཅད་ཞི་བའི་གཏོར་མའོ། །དེ་བཞིན་དུ་ཁ་དོག་སེར་པོར་སྣང་བ་རྒྱས་པའོ། །ཁ་དོག་དམར་པོ་དབང་། ཁ་དོག་མཐིང་ག་དྲག་པོ། ཁ་དོག་ལྗང་གུ་ལས་ཀུན་གྲུབ་པའི་ཕྲིན་ལས་སོ། །གཟུགས་ཟླུམ་པོ་ཞི་བའི་གཟུགས་སོ། །གྲུ་བཞི་རྒྱས་པའོ། །ཟླ་གམ་དབང་། ཟུར་གསུམ་དྲག་པོའོ། །དབྱིབས་ཐ་དད་པ་ལས་ཀུན་གྲུབ་པའི་གཟུགས་སོ། །དེ་བས་ན་སྣོད་བཅུད་གཏོར་མའི་རང་བཞིན་དུ་གཅིག་ཀྱང་། ལས་ཐ་དད་པའི་དབང་གིས། གཏོར་མ་ལྔར་སྣང་ངོ་། །བརྒྱར་ཡང་སྣང་ངོ་། །སྟོང་དུ་ཡང་སྤྲུལ་ཏོ། །དེ་བས་ན་དེ་བཞིན་གཏོར་མ་དེ་རྟོགས་ན། གང་ལྟར་འདོད་པ་དེ་བཞིན་སྣང་། །ལས་ཐབས་དབང་གིས་འཆོས་པར་ཟད། །ཕྲིན་ལས་སྣ་ཚོགས་གཏོར་མ་ཡིན། །དེ་བཞིན་གཏོར་མ་མ་རྟོགས་ནས། །འདི་ལས་དེ་བཞིན་དེ་མི་འབྱུང་། །གཅིག་ཏུ་ཡང་གནས་ཤིང་བསྟན་པར་དཀའ། །དེ་རྟོགས་ལྷུན་གྱིས་གྲུབ་པ་ལ། །ཞི་བའི་བློ་ཡིས་གསལ་བར་ཕྱེ། །ཅི་ལྟར་བརྟགས་པ་དེ་བཞིན་སྣང་། །གང་ཞིག་གཞན་ལ་ཕན་པར་བྱེད་པ་ལ། །འབར་བའི་གཏུམ་པོ་མ་རུངས་ཀྱང་། །ཞི་བར་འདོད་ན་ཞི་བར་བྱེད། །འདོད་པའི་འབྱོར་པ་ཐམས་ཅད་ཀུན། རྒྱས་ ― DNG008_Page_0431 ―
[མ་དཔེ་གཟིགས་ན་འདིར་གནོན།]
པར་འདོད་ན་རྒྱས་པར་བྱེད། །ཁམས་གསུམ་མ་ལུས་ཐམས་ཅད་ཀུན། །དབང་དུ་འདོད་ན་དབང་དུ་བྱེད། །མ་རུངས་ལས་ཀྱིས་མནར་བ་རྣམས། །མངོན་སྤྱོད་ལས་ཀྱིས་སྒྲོལ་བར་བྱེད། །གཞན་གྱི་ལས་རྣམས་ཐམས་ཅད་ཀུན། །ཅི་ལྟར་འདོད་པ་གང་དགར་བསྒྱུར། །གཏོར་རྒྱུད་ཆེན་པོ་ལས། ཕྲིན་ལས་རྣམ་པ་བཞིའི་ལེའུ་སྟེ་བཅོ་ལྔ་པའོ།། །།དེ་ནས་གཏོར་མ་ཆེན་པོ་འདི་རྣལ་འབྱོར་པ་རྣམས་ལ་ཕན་པར་བྱ་བར་འདོད་ན། རྣལ་འབྱོར་པ་ལ་ནད་བཞི་བརྒྱ་རྩ་བཞིའི་སྐབས་ཚོལ་བ་དང་། རིམས་དང་། ཤུ་བ་དང་། འབྲུམ་བུ་ལ་སོགས་པས་འཇིགས་པ་ན། རྩ་བའི་གཏོར་མ་འདི་རྟོགས་པའི་སྐྱེས་བུས། གཞུང་འདི་ལས་འབྱུང་བ་བཞིན་ཐམས་ཅད་གཏོར་མར་བསྔོས་ན། གཏོར་མ་ལས་འོད་འཕྲོས་པས། ནད་ཀྱི་དངོས་པོ་ཐམས་ཅད་ཞི་བར་བྱས་ནས། ཆོས་ཉིད་བདེ་བའི་རོར་བྱིན་གྱིས་བརླབས་ནས།ནད་ཐམས་ཅད་དང་། མཛེ་དང་ཕོལ་མིག་ཞི་བར་འགྱུར་རོ། །གཞན་ཡང་རྣལ་འབྱོར་པ་རྣམས་ལ་བགེགས་རིགས་སྟོང་ཕྲག་བརྒྱད་ཅུའི་གླགས་བལྟས་ནས། དངོས་གྲུབ་ཀྱི་བར་ཆད་བྱེད་པ་དང་། དུས་མ་ཡིན་པར་འཆི་བར་བྱེད་ཅིང་།ལོག་པར་འདྲེན་པར་བྱེད་ན་རྩ་བའི་གཏོར་མ་འདི་ལྟར་རྟོགས་ནས་ཕྲིན་ལས་ཀྱིས་འདི་ལྟར་གཏོར་མ་བཏང་ན། ཐམས་ཅད་ཞི་བར་མ་ཟད། སླར་དངོས་གྲུབ་ཀྱི་ཚད་སྟོངས་དང་། འབྱོར་པའི་ལོངས་སྤྱོད་འབུལ་བར་བྱེད་དོ། །དེ་བཞིན་དུ་རྣམ་པ་གང་ལ་ལ་ཞིག་ལ། ཚེ་དང་ལོངས་སྤྱོད་དང་། འབྱོར་པའི་ལོངས་སྤྱོད་ལ་སོགས་པ་མེད་ན། རྩ་བའི་གཏོར་མ་རྨད་དུ་བྱུང་བའི་གཏོར་མ་ཆེན་པོ་འདི་འཁོར་རྒྱལ་བ་རྒྱ་མཚོ་སྲས་དང་བཅས་པ་ལ་སྦྱིན་པ་དང་། རྒྱལ་བ་རྒྱ་མཚོ་ལ་མཆོད་པ་ཕུལ་ནས། ཚེ་དང་བསོད་ནམས་དང་། འབྱོར་པའི་ལོངས་སྤྱོད་ལ་སོགས་པ་ཐམས་ཅད་རང་ཡིད་ལ་ཅི་ལྟར་འདོད་པ་བཞིན་དུ་འཕེལ་ཞིང་རྒྱས་པར་བྱེད་དོ། །སྔོན་གྱི་ལས་ཀྱི་རྣམ་པར་སྨིན་པ་ཡང་ཟད་པར་འགྱུར་རོ། །རྣལ་འབྱོར་པས་ཁམས་གསུམ་གྱི་མ་ ― DNG008_Page_0432 ―
[མ་དཔེ་གཟིགས་ན་འདིར་གནོན།]
མོ་མཁའ་འགྲོ་ལ་སོགས་པ་དབང་དུ་བྱ་བར་འདོད་ན་ཡང་། རྩ་བ་རྨད་དུ་བྱུང་བའི་གཏོར་མ་འདི། རྒྱལ་བ་རྒྱ་མཚོ་དང་བཅས་པ་རྣམས་ལ་དགྱེས་པར་ཕུལ་བ་དང་། ཟུངས་སུ་བཟུང་ཞིང་ཕྲིན་ལས་བཅོལ་ན།ཅི་ལྟར་དབང་དུ་བྱ་བར་འདོད་པ་ཐམས་ཅད་བྲན་སྙིང་ཉེ་བ་བཞིན་དུ་ལས་བྱེད་པ་དང་། ཐམས་ཅད་ལ་ཅི་དགའ་བར་དབང་བསྒྱུར་བར་འགྱུར་རོ། །རྣལ་འབྱོར་པ་གང་ལ་ལ་ཞིག་མ་རུངས་པས་འཚེ་བ་དང་བསྟན་པ་འཇིག་པ་དང་། ཡོངས་ལ་གནོད་པ་དང་། དམ་ཉམས་པ་དང་། སྐུ་དགྲར་གྱུར་པ་ཡོད་ན་ཡང་། རྩ་བ་རྨད་དུ་བྱུང་བའི་གཏོར་མ་འདི་རྟོགས་པར་བྱས་ལ་བདེ་བར་གཤེགས་པ་འཁོར་རྒྱལ་བ་རྒྱ་མཚོ་དང་བཅས་པ་རྣམས་ལ་གཏོར་མའི་དོན་གྱིས་མཆོད་པ་འདིའི་གཞུང་ལས་བྱུང་བ་བཞིན་མཆོད་ཅིང་ཕུལ་ན། གང་བསྒྲལ་བ་ལྟ་ཅི་སྨོས་ཀྱིས་སངས་རྒྱས་ཉིད་ཀྱང་སྒྲོལ་བར་འགྱུར་རོ། །ཐ་ན་ཡང་རྩ་བའི་གཏོར་མ་འདི་ཟུངས་སུ་བཟུང་ནས། གང་ལ་དམིགས་པའི་ཡུལ་ཕྱོགས་སམ་ཁང་པའི་གནས་སམ། གྲོང་ངམ་ལུས་ལ་གཏོར་ན་ཡང་འཆི་བར་འགྱུར་རོ། །གཞན་ཡང་ལས་སྣ་ཚོགས་པ་སྟེ། ཚེ་བསྲིང་བ་དང་། དཔལ་བསྐྱེད་པ་དང་། གདོན་བཀར་བ་དང་། གཏེར་སྩལ་བ་དང་། ཡིད་ལ་ཅི་འདོད་པ་རྣམས་འགྲུབ་པར་འགྱུར་རོ། །མཁའ་དབྱིངས་རྣམ་པར་དག་པའི་ཀློང་དུ་མི་ཟད་པའི་གཏེར་སྦས་ན། ཟད་པ་མེད་པའི་དངོས་གྲུབ་ཀྱི་གཏེར་དུ་འགྱུར་རོ། །གཞན་ཡང་འདིའི་ཡོན་ཏན་བརྗོད་ཀྱིས་མི་ལངས་སོ། །གཏོར་རྒྱུད་ཆེན་པོ་ལས། ཕྲིན་ལས་གང་བྱ་བའི་ཕན་ཡོན་གྱི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས། ལྷ་མ་སྲིན་དང་འཇིག་རྟེན་གྱི་བསོད་ནམས་ལས་གྲུབ་པ་རྣམས་ལ། འདི་ལྟ་བུའི་སྒྲ་མ་བརྗེད་པར་གསུངས་སོ། །ནོར་པས་མཚན་མར་བཟུང་བ་ནི། །འབྱོར་པའི་ལོངས་སྤྱོད་ཐམས་ཅད་ལ། །ཆགས་པས་བཟུང་ནས་གང་སྤྱད་པ། ། ― DNG008_Page_0433 ―
[མ་དཔེ་གཟིགས་ན་འདིར་གནོན།]
འོ་དོད་འབོད་པ་མྱོང་བར་འགྱུར། །ཅི་ཕྱིར་ཞེ་ན་གཏོར་མ་ཡིན། །དེ་ལ་ཆགས་ན་གཏོར་མ་འཆིང་རྒྱུར་འགྱུར། །མ་ཆགས་གྲོལ་ན་ཚོགས་གཉིས་རྫོགས། །སངས་རྒྱས་མཆོད་པའི་རྒྱན་ཡིན་པས། །མ་ཆགས་སེམས་ཀྱིས་མཆོད་བྱེད་ཅིང་། །ཆགས་པ་མེད་པས་རྐྱེན་དུ་ཕུལ། །དེ་ཚེ་སངས་རྒྱས་ཐག་མི་རིང་། །ཆུ་རྣམས་ཐམས་ཅད་རྒྱ་མཚོར་བབས། །དེ་ཕྱིར་རྒྱ་མཚོ་ཉིད་ཀྱི་ངང་། །བདག་གི་ལོངས་སྤྱོད་གཏོར་མ་སྟེ། །དེ་བཞིན་གཏོར་མ་ཉིད་ཀྱི་རྒྱུ། །དཔེར་ན་འཇིག་རྟེན་ལོ་ཏོག་བཞིན། །སྔ་མ་སྨིན་པས་མི་ཆོག་སྟེ། །ཕྱིས་ཀྱང་རྒྱུན་མར་སྨིན་པ་བཞིན། །དེ་བཞིན་ཆགས་པ་མེད་གཏོར་ན། །རྒྱུ་འབྲས་རིམ་གྱིས་དེ་ལྟར་སྨིན། །དེ་མིན་ན་རཀ་འགྲོ་ཞེས་བཤད། །དེ་སྐད་བྱ་བའི་སྒྲ་འཇིག་རྟེན་བསོད་ནམས་ལས་གྲུབ་པའི་ལྷ་དང་མི་རྣམས་ཀྱིས་ཐོས་པས། འཇིག་རྟེན་གྱི་ལྷ་མ་སྲིན་ལ་སོགས་པ་རྣམས་ཀྱིས་རང་རང་གི་འབྱོར་པ་ཅི་ཡོད་པ་གཏོར་མར་ཕུལ་ནས། འབྲས་སུ་མི་འཁོར་བའི་སྨོན་ལམ་འདེབས་པ་འདི་ལྟ་སྟེ། ལྷའི་རྒྱལ་པོ་བསོད་ནམས་ལས་གྲུབ་པ་རྣམས།གཟུགས་སྡུག་པའི་ལོངས་སྤྱོད་ཀྱི་རྫས་རྣམ་པ་མང་པོ་དང་། དེ་བཞིན་སྒྲ་སྙན་པ་དང་། དྲི་ཞིམ་པོ་དང་། རོ་བྲོ་བ་དང་། རེག་བྱ་ཁྱད་པར་དུ་འཇམ་པ་ལ་སོགས་པའི་འདོད་པའི་ལོངས་སྤྱོད་རྣམ་པ་སྣ་ཚོགས་པ། དང་པོ་ཡང་བཅོམ་ལྡན་འདས་རྡོ་རྗེ་སེམས་དཔའི་སྤྲུལ་པ་གཏོར་མ་ལགས་ཏེ། བདག་ཅག་ལྷའི་རྒྱལ་པོ་རྣམས་ཀྱིས་ངོ་མཚར་བས། བདག་ཅག་རྣམས་གཏོར་མའི་ལོངས་སྤྱོད་དང་རྐྱེན་དུ་འབུལ་བས། ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི་སྤྱན་ལམ་དུ།ཆོས་ཉིད་མ་སྐྱེས་པའི་གཏོར་མ། སངས་རྒྱས་རྣམས་ཀྱིས་ཅི་ལྟར་ལོངས་སྤྱོད་པ་དེ་བཞིན་དུ་འབྱུང་བར་གྱུར་ཅིག །དེ་ལྟར་ཕུལ་བའི་བྱིན་རླབས་ཀྱིས། བདག་དང་མཐའ་ཡས་པའི་སེམས་ཅན་ཐམས་ཅད་ཁམས་གསུམ་དུ་མི་འཁོར་ཞིང་། ངན་སོང་གསུམ་དུ་མི་གོལ་བར། ཆོས་ ― DNG008_Page_0434 ―
[མ་དཔེ་གཟིགས་ན་འདིར་གནོན།]
ཉིད་གཏོར་མར་སངས་རྒྱས་པར་གྱུར་ཅིག །དུས་ནམ་ཞིག་གི་ཚེ་ན། བདག་ཅག་ལྷའི་རྒྱལ་པོ་དྲེགས་པ་ཅན་གྱི་རིགས་དང་། ཚེ་ཚད་ནད་འབྱུང་སྲིད་ན་ཡང་། དྲེགས་པར་མི་བྱེད་ཅིང་།འདོད་པ་འདི་དག་ལ་མ་ཆགས་ནས། ཐམས་ཅད་གཏོར་མར་ཕུལ་ཞིང་སངས་རྒྱས་པར་སྨོན་ལམ་འདེབས་པར་གྱུར་ཅིག །གལ་ཏེ་དེ་བཞིན་བདག་ཅག་གི་རིགས་དང་། རྒྱུད་རྣམས་ཀྱིས་མ་བགྱིས་ན། བདག་ཅག་བདུད་རཱུ་ཏྲ་དང་འདྲ་བར་འགྱུར་ནས། རྒྱུ་འབྲས་གོལ་བས་ངན་སོང་གི་སྡུག་བསྔལ་རིམ་གྱིས་བརྒྱུད་ནས། བདག་ཅག་གི་གཙོ་བོ་དཔལ་ཆེན་པོས་མངོན་སུམ་དུ་སྙིང་ཕྱུང་སྟེ་བསྒྲལ་ནས། དུར་ཁྲོད་ཆེན་པོའི་གཞལ་ཡས་ཁང་དང་། ཐུགས་རྗེ་ཆེན་པོའི་རྫས་སུ་སྤྱོད། བདག་ཅག་འཁོར་དང་རིགས་རྣམས་ཀྱང་། །རང་དབང་མེད་པར་དབང་དུ་བསྡུས་ནས། ཁྲོ་བོ་ཆེན་པོའི་གདན་དུ་དུས་ཐམས་ཅད་དུ་འདིངས་པར་གྱུར་ཅིག །མ་ཧཱ་ས་མ་ཡ་དེ་བ་གུ་ཧྱ་ཧོ། །ལྷ་ཆེན་པོ་རྣམས་ཀྱི་སྙིང་ལ་དམ་ཚིག་ཤོག་ཅིག་ཟེར་ཅིང་། དམ་བཅས་ནས་སྨོན་ལམ་འདེབས་སོ། །དེ་ལྟ་བུའི་བྱིན་རླབས་ཀྱིས་འདོད་པའི་ཡོན་ཏན་ཕྱོགས་བཅུར་སྣང་བར་འགྱུར་རོ། །དེ་ནས་ཡང་འདོད་ཁམས་དང་། གཟུགས་ཁམས་ལ་སོགས་པའི་ལྷའི་བུ་ཐམས་ཅད་ཀྱིས།ལྷའི་ལོངས་སྤྱོད་འབྲུ་རྣམ་པ་སྣ་ཚོགས་པ་དང་། མེ་ཏོག་རྣམ་པ་སྣ་ཚོགས་པ་དང་། རོལ་མོའི་རྒྱུ་ལ་སོགས་པ་དང་། ལྷའི་ལོངས་སྤྱོད་རྣམ་པ་སྣ་ཚོགས་པ་ཐོགས་ཏེ། ཀུན་ཀྱང་མགྲིན་གཅིག་ཏུ་འདི་སྐད་ཅེས་ཟེར་ཏོ། །ཅི་ལྟར་སྣང་བ་ལྷའི་ལོངས་སྤྱོད་རྣམ་པ་སྣ་ཚོགས་པ། ད་ལྟ་བདག་ཅག་ལོངས་སྤྱོད་འདི་དག་ཐམས་ཅད། ཡེ་དང་པོའམ། ཐོག་མ་ནས་བཅོམ་ལྡན་འདས་རྡོ་རྗེ་འཛིན་པའི་གཏོར་མ་ལགས་པས། སྔར་དེ་བཞིན་དུ་བདག་ཅག་རྣམས་ཀྱིས་མ་འཚལ་བ་མཐོལ་ཞིང་བཤགས་སོ། །དེ་ལྟ་བུའི་དོན་གྱིས་བདག་ཅག་གི་སྦྱོར་བ་འདི་དག་ཕྱོགས་བཅུ་དུས་གསུམ་གྱི་འཕགས་པ་རྣམས་ལ། གཏོར་མའི་རྐྱེན་དུ་འགྱུར་རོ། ། ― DNG008_Page_0435 ―
[མ་དཔེ་གཟིགས་ན་འདིར་གནོན།]
མཐའ་ཡས་པའི་སེམས་ཅན་ཐམས་ཅད་ལ་ཡོངས་སུ་ཁྱབ་པར་གྱུར་ཅིག །དེའི་མཐུ་དང་བྱིན་རླབས་ཀྱིས་བདག་ཅག་རྣམས་གཏོར་མའི་རང་བཞིན་དུ་མངོན་པར་རྫོགས་པར་སངས་རྒྱས་པར་གྱུར་ཅིག །བདག་ཅག་རྣམས་ཀྱི་རིགས་དང་རྒྱུད་ཀྱང་དེ་བཞིན་དུ་གཏོར་མར་གཏོང་ཞིང་། སྨོན་ལམ་འདེབས་པར་གྱུར་ཅིག །གལ་ཏེ་བདག་ཅག་རྣམས་ཀྱིས་རིགས་དང་རྒྱུད་ཀྱིས་དེ་ལྟར་མ་བགྱིས་ནས་དམ་ལས་ལོག་ན་ལྕགས་ཀྱི་ཕ་བོང་འགྲིལ་བ་བཞིན་དུ་དམ་ལོག་སྟེ། གནས་འཕོས་ནས་གསོད་པ་ལ་མི་འཛེམ་པ་དང་། ཐབས་ཀྱིས་བསླུ་བ་ལ་འཛེམ་པའི་གནས་སུ་སྐྱེས་ནས། དེ་ལས་ཀྱང་ངན་སོང་གསུམ་དུ་སྐྱེ་བར་གྱུར་ཅིག །ཅེས་དམ་བཅའ་ཞིང་སྨོན་ལམ་འདེབས་སོ། །དེ་ལྟ་བུའི་བྱིན་རླབས་ཀྱིས་འཇིག་རྟེན་གྱི་ཁམས་ཡོངས་སུ་ཁྱབ་ཅིང་སྣང་བར་འགྱུར་རོ། །དེ་ནས་ལྷ་མ་ཡིན་རྣམས་ཀྱིས་ཀྱང་།གོ་ཆ་དང་མཚོན་ཆ་དང་སྨན་དང་། སྐྱེ་འཁྲུངས་ལ་སོགས་པ་གཏོར་མར་ཕུལ་ནས་གོང་མ་དེ་བཞིན་དུ་སྨོན་ལམ་འདེབས་ཤིང་དམ་བཅའོ། །དེ་ནས་ཡང་གནོད་སྦྱིན་རྣམས་ཀྱིས་ཀྱང་། རིན་པོ་ཆེ་རྣམ་པ་སྣ་ཚོགས་པ་དང་། འབྲུའི་ཆང་དང་བཅོས་པའི་ཆང་དང་། སྦྱར་བའི་ཆང་ལ་སོགས་པ་ཆང་རྣམ་པ་སྣ་ཚོགས་པ་དང་། གོས་དང་རྒྱན་རྣམ་པ་སྣ་ཚོགས་པ་གཏོར་མའི་རྒྱན་དུ་ཕུལ་ནས། གོང་མ་བཞིན་དུ་དམ་བཅའ་ཞིང་སྨོན་ལམ་འདེབས་སོ། །དེ་ནས་ཡང་སྲིན་པོ་རྣམས་ཀྱིས་ཀྱང་། ཤ་དང་ཁྲག་དང་རྐང་དང་། ཚིལ་བུ་ལ་སོགས་པ་གཏོར་མར་ཕུལ་ཞིང་དམ་བཅས་ཤིང་སྨོན་ལམ་འདེབས་སོ། །དེ་ནས་ཡང་ཀླུ་རྣམས་ཀྱིས་ཀྱང་། སྙིང་པོ་རྣམ་པ་སྣ་ཚོགས་པ་དང་། ཞོ་དང་འོ་མ་དང་མར་དང་ཐུད་ལ་སོགས་པ་གཏོར་མའི་རྒྱན་དུ་ཕུལ་ནས་དམ་བཅའ་ཞིང་སྨོན་ལམ་འདེབས་སོ། །དེ་ནས་ཡང་དྲི་ཟ་རྣམས་ཀྱིས་ཀྱང་། སྤོས་དང་དྲི་རྣམ་པ་སྣ་ཚོགས་པ་གཏོར་མའི་རྐྱེན་དུ་ཕུལ་ནས་དམ་བཅའ་ཞིང་སྨོན་ལམ་འདེབས་སོ། །དེ་ནས་ཡང་གཤིན་རྗེ་རྣམས་ཀྱིས་ཀྱང་། འབྲུ་མར་དང་ཐོད་ཁྲག་ལ་ ― DNG008_Page_0436 ―
[མ་དཔེ་གཟིགས་ན་འདིར་གནོན།]
སོགས་པ་རྣམས།གཏོར་མའི་རྐྱེན་དུ་ཕུལ་ནས་དམ་བཅའ་ཞིང་སྨོན་ལམ་འདེབས་སོ། །དེ་བཞིན་དུ་མིའི་རྒྱལ་པོ་རྣམས་ཀྱིས་ཀྱང་། རྒྱལ་སྲིད་རིན་པོ་ཆེ་སྣ་བདུན་ལ་སོགས་པ་གཏོར་མའི་རྐྱེན་དུ་ཕུལ་ནས་གོང་མ་བཞིན་ནོ། །དེ་བཞིན་དུ་མ་མོ་རྣམས་དང་།ཤ་ཟ་རྣམས་དང་། རིག་སྔགས་གྲུབ་པ་རྣམས་དང་། བགེགས་ཀྱི་རིགས་རྣམས་དང་། ལྟོ་འཕྱེ་དང་། མིའམ་ཅི་དང་། འགྲོ་བ་རིགས་སོ་སོ་ཐ་དད་པ་རྣམས་ཀྱིས་ཀྱང་། རང་རང་གི་འབྱོར་པ་དང་ལོངས་སྤྱོད་ཅི་ཡོད་པ་གཏོར་མའི་རྫས་སུ་ཕུལ་ནས། དམ་བཅའ་ཞིང་སྨོན་ལམ་འདེབས་སོ། །ཐམས་ཅད་གཏོར་མའི་རང་བཞིན་དུ་སངས་རྒྱས་པར་བྱེད་དོ། །དེ་ལྟ་བུའི་དོན་གྱིས་ཐམས་ཅད་གཏོར་མ་ལ་གནས་ཤིང་། གཏོར་མའི་རང་བཞིན་དུ་ལོངས་སྤྱོད་པར་གྱུར་ཏོ། །དེ་ནས་ཡང་བཅོམ་ལྡན་འདས་རྡོ་རྗེ་སེམས་དཔས་འདི་སྐད་ཅེས་བཀའ་སྩལ་ཏོ། །གསང་སྔགས་རྣལ་འབྱོར་ལ་གནས་པས། མཐར་ཕྱིན་པ་གསང་བའི་གཏོར་མ་འདི་དག་གར་སྤྱོད་པ་དེ་ཉིད་དམ་ལ་གནས་པའི་རྣལ་འབྱོར་ལ། ཅི་བསྒོ་བ་བགྱིས་ཤིང་བྲན་བཞིན་ཉན་པ་དང་། བསྟན་པ་བསྲུང་ཞིང་དེ་ལ་བསྐྱབ་པར་བྱོས། །སྲིད་པ་གཅིག་གི་ཆུ་ལ་མི་འཐུང་གང་ཡང་མེད། །འཇིག་རྟེན་འདི་ཡི་དམ་ལ་མི་གནས་གང་ཡང་མེད། །གང་ཞིག་བཀའ་བཞིན་མི་བྱེད་དམ་ལ་མི་གནས་ན། །ཁྱེད་རྣམས་གསོད་ཅིང་དགའ་ལས་ལ་བྱོས། །ཞེས་བཀའ་སྩལ་པས། འཇིག་རྟེན་གྱི་དྲེགས་པ་དང་ལྷ་མ་སྲིན་རྣམས་ཀྱིས་དེ་བཞིན་དུ་བགྱིའོ། །ཞེས་དལ་འབྱོར་གཉིས་དམ་མནོས་ནས་ཕྱི་རབས་ཀྱི་རྣལ་འབྱོར་པ་དམ་ལ་གནས་པ་རྣམས་ཀྱི་སྟོངས་གྲོགས་བྱེད་པར་འགྱུར་ལ། དམ་ལ་མི་གནས་པ་རྣམས་ཀྱི་བདུད་དུ་བབ་པར་འགྱུར་རོ། །གཏོར་རྒྱུད་ཆེན་པོ་ལས། རྣལ་འབྱོར་པས་ལོངས་སྤྱོད་གཏོར་མར་ཕུལ་བ་དང་། སྨོན་ལམ་འདེབས་ནས་དམ་བཅས་པའི་ལེའུ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་ ― DNG008_Page_0437 ―
[མ་དཔེ་གཟིགས་ན་འདིར་གནོན།]
པོས། ཤིན་ཏུ་འདའ་དཀའ་བའི་དམ་ཚིག་གི་ལེའུ་འདི་གསུངས་སོ། །སེམས་དཔའ་ཆེན་པོ་དམ་ཚིག་ནི་ཆོས་ཐམས་ཅད་ཀྱི་ཐོག་མར་འགྲོ་བ་སྟེ། དེ་ཅིའི་ཕྱིར་ཞེ་ན། དཔེར་ན་ས་གཞི་ལ་སྐྱེ་འཁྲུངས་སྨིན་པར་བྱེད་པ་དང་འདྲ་བས། དམ་ཚིག་འདི་ལ་སངས་རྒྱས་དང་།ཆོས་ཀྱི་དངོས་གྲུབ་ཐམས་ཅད་འབྱུང་བའི་རྒྱུའོ། །དེ་ཡང་དམ་ཚིག་རྩ་བ་གང་ཞེ་ན། རྡོ་རྗེ་སློབ་དཔོན་དང་། མཆེད་དང་ལྕམ་བྲལ་ལོ། །དེ་ལ་རྡོ་རྗེ་སློབ་དཔོན་ནི། བདག་ཉིད་ལ་རྒྱུད་གདམས་ངག་འཆད་པ་དེ་ཉིད་དུ་མ་ཟད་ཀྱིས།གང་ལ་ཤེས་པ་ཅན་དང་། བསྒོམས་ཤིང་དམ་ལ་གནས་པ་མཐའ་དག་གོ། །དེ་ཅིའི་ཕྱིར་ཞེ་ན། ཐུགས་ཡེ་ཤེས་ཀྱི་དགོངས་སྤྱོད་གཅིག་ཏུ་ལྷན་ནེར་གནས་པའོ། །མཆེད་དང་ལྕམ་དྲལ་ཡང་བདག་ཉིད་དང་འདྲེས་ཤིང་གཅིག་པ་དེ་གཅིག་པུར་མ་ཟད་ཀྱིས། བཀའ་དང་དམ་ལ་གནས་པའི་རྣལ་འབྱོར་གྱི་དོན་སྤྱོད་པ་མཐའ་དག་གོ། །དེ་ཅིའི་ཕྱིར་ཞེ་ན། གསང་སྔགས་མཉམ་པ་ཆེན་པོའི་དོན་ལ་གཅིག་ཅིང་དབྱེ་བ་སྲིད་མེད་པའོ། །དེ་དག་ལ་དམན་སེམས་དང་འཕྱ་སེམས་དང་།འཐབ་ཅིང་རྩོད་པ་དང་། བཀའ་བསླུ་ཞིང་འགལ་བར་བྱེད་པ་ལྟ་ཅི་སྨོས་ཀྱིས།དྲེ་མོས་བླུན་པོ་ཡང་སྨྲ་བར་བྱ་བ་མ་ཡིན་པའོ། །དམ་དེ་ཐུབ་ཅིང་དམ་ལ་གནས་ན། གཞན་གྱི་འབད་རྩོལ་ཅི་མ་བྱས་ཀྱང་། ད་ལྟ་ཉིད་ནས་སངས་རྒྱས་པ་ལ་གདོན་མི་ཟའོ། །གལ་ཏེ་དམ་དེ་མ་ཐུབ་ན། རྩོལ་བསྒྲུབ་ཀྱི་བསྒོམ་རི་རབ་ཙམ་བྱས་ཀྱང་མནར་མེད་པར་སྐྱེ་བ་ལ་གདོན་མི་ཟའོ། །སེམས་དཔའ་ཆེན་པོ་དེ་ནི་དུས་ནམ་ཞིག་གི་ཚེ་ན། སྐུའི་དམ་ཚིག་དེ་དག་མི་བསྲུང་བར་རྩོལ་བསྒྲུབ་དང་རྣམ་པར་དཀར་བའི་ཕྱོགས་དག་སྤྱོད་པར་བྱེད་ཅིང་། གཅིག་གི་འོག་ཏུ་གཅིག་མི་ཆུད་པར་རྩོད་པ་ཤ་སྟག་འབྱུང་སྟེ། དེ་ནི་བྱས་པ་ཆུད་ཟོས་ཤིང་ངལ་བ་ཚི་ཆད་པར་འགྱུར་རོ། །དཔེར་ན་སྲོག་པ་རྩ་དང་སྙིང་རྩ་ནད་ཀྱིས་གང་བ་ལ།འཚོ་བྱེད་ཀྱི་སྨན་པ་མཁས་པས་ཀྱང་མི་འཆོས་པ་དང་འདྲའོ། །དེས་ནི་སྡུག་བསྔལ་ ― DNG008_Page_0438 ―
[མ་དཔེ་གཟིགས་ན་འདིར་གནོན།]
བ་དང་། འཆི་བའི་དུས་ན་འགྱོད་པ་དྲག་པོར་འགྱུར་ཏེ། འབྲས་བུ་སྨིན་པས་ཕན་པ་མེད་དོ། །གསུང་གི་དམ་ཚིག་སྔགས་དང་ཕྱག་རྒྱ་དང་ལྡན་པར་བྱ་བ་སྟེ། རྟོགས་པ་ཀློང་དུ་གྱུར་པ་རྣམས་ཀྱིས་ནི། ངག་གི་གླེང་བརྗོད་དང་། ལུས་ཀྱིས་སྒུལ་སྐྱོད་སྔགས་དང་ཕྱག་རྒྱར་ལྡན་པར་འགྱུར་ལ། ཕལ་པས་དང་དུ་བླངས་ནས་གཙོར་བྱས་པས་ལྡན་པར་འགྱུར་ལ། ཐ་ན་ཡང་དུས་དང་གྲངས་མང་ཉུང་ཙམ་དུ་ཡང་ལྡན་པར་བྱའོ། །དམ་དེ་ལས་མི་འདའ་བར་དང་དུ་ལེན་ན།བཀའ་རྒྱ་ཆེ་བ་ལྟ་ཅི་སྨོས་ཀྱིས། གང་ཡིན་པའི་ཚིག་གཅིག་བཟླས་པ་རང་གིས་སྐུ་གསུང་ཐུགས་ཀྱི་དངོས་གྲུབ་ཐོབ་པར་འགྱུར་རོ། །གལ་ཏེ་དམ་དེ་ལ་མི་གནས་ན། བཀའ་ཕྱི་ནང་གི་དོན་མཐའ་དག་གི་དོན་འཆང་ན་ཡང་། སྐྱེ་བོ་ཕལ་པ་དང་མཚུངས་སོ། །སེམས་དཔའ་ཆེན་པོ་དུས་ནམ་ཞིག་གི་ཚེ་ན། གསུང་གི་དམ་ཚིག་འདི་ལ་མི་བརྩོན་པར་ཁེ་དང་གྲགས་པ་ལ་སོགས་པས། མདོ་སྡེའི་རིགས་བཟུང་ནས་སྡེ་དང་གྲངས་མང་པོ་ཡོད་ཟེར་ནས། ཐེག་པ་ཆེན་པོ་ལ་དཔྱས་འདོགས་ཤིང་། སྔགས་དང་ཕྱག་རྒྱ་སྤངས་ནས། རྣལ་འབྱོར་ཚོགས་ཀྱི་ལོངས་སྤྱོད་བཀུག་ནས་ཟ་བ་དང་། ཁྲིམས་ལ་གནས་པར་མི་བྱེད་ཅིང་། མཚང་ཚིག་སྨྲ་བ་ཤ་སྟག་འབྱུང་སྟེ། དེ་ལ་བདག་ཉིད་བསླུས་ཤིང་སྨྱོས་ནས་ལོག་པའི་ལམ་དུ་སོང་བས། དཔེར་ན་སོལ་བའི་མཐུས་དཀར་གྱིས་མི་འགྱུར་བ་དང་འདྲའོ། །ཆོས་ལོག་པ་དང་ངག་གི་སྒྲིབ་པས་མནར་མེད་པ་ཡིན་ནོ། །དེ་ཅིའི་ཕྱིར་ཞེ་ན།ཆོས་ཉིད་ལ་རིས་སུ་སངས་རྒྱས་རྣམས་ཀྱིས་མ་གསུངས་སོ། །ཐུགས་ཀྱི་དམ་ཚིག་ནི་གསང་བའི་མན་ངག་གཞན་ལ་མི་སྤེལ་བ་སྟེ། དེ་ལ་གསང་སྔགས་རྣལ་འབྱོར་གྱི་ཆོས། གར་སོང་སོང་དུ་བབ་བབ་དང་ཆལ་ཆོལ་དུ་སྣོད་མེད་པ་ལ་མི་སྨྲ་བ་དང་། གསང་སྔགས་ཀྱི་སྤྱོད་པ་དམ་རྫས་བདུད་རྩིར་གྱུར་པ་རྣམས། རང་བཞིན་གྱིས་སྤྱད་ལེགས་པར་བྱས་ཏེ། འཁུ་འཕྲིགས་དང་སྤང་བླང་དུ་མ་སོང་བར་སྤང་དང་། གསང་སྔགས་ཀྱི་ ― DNG008_Page_0439 ―
[མ་དཔེ་གཟིགས་ན་འདིར་གནོན།]
ཕྲིན་ལས་སྦྱོར་སྒྲོལ་དང་། གླུ་ཚིག་ལ་སོགས་པ་རྣམས། སྐྱེ་བོ་དང་དམའ་བའི་རིས་ཕལ་པ་ཀུན་གྱིས་མ་མཐོང་མ་ཐོས་ཤིང་།ཡིད་ལ་མ་འཕྲིགས་པར་བྱ་སྟེ། ཡ་ག་སྒྲོ་སྐུར་མེད་པར་བྱ་བ་དང་། གསང་སྔགས་ཀྱི་རྫས་ལག་ཅ་ཡང་དེ་དང་འདྲ་བ་ལ། གང་ཟག་སྲིན་པོ་དང་གནོད་སྦྱིན་གྱི་སྤྱོད་པ་བྱེད་པའི་སར། བསྒྲུབ་པ་བྱེད་པའི་གནས་དང་། དུས་དང་གྲོགས་དང་། གཟུངས་མ་ལ་སོགས་པ་དེ་བཞིན་དུ་གསང་བ་དང་། སྙིང་པོ་དང་ལྷ་རྒྱུད་དང་། མངོན་རྟོགས་ལ་སོགས་པ་རྣམས་ཀྱང་དེ་བཞིན་དུ་གསང་བ་དང་།གསང་སྔགས་སྤྱོད་པ་འདི་དག་གསང་བར་འོས་པ། གསང་བར་གཉེར་གཏད་པ་ཡིན་པས། གསང་སྔགས་ཀྱི་དོན་སྤྱད་ལེགས་ཤིང་། གཞན་གྱིས་ཡ་ག་དང་འཕྱའ་ཞིང་སྐུར་པར་མ་གྱུར་པར་སྤྱད་དེ། དཔེར་ན་སེང་གེ་གངས་ལ་རྩལ་འགྱིངས་པ་ལྟར་གནས་པ་ནི། གསང་སྔགས་ཀྱི་དམ་ཚིག་མ་ཉམས་པ་ཡིན་ཏེ།དེས་ནི་ཕྱག་རྒྱ་ཆེན་པོའི་རིག་འཛིན་གྱི་གནས་སུ་སངས་རྒྱས་པར་འགྱུར་བ་ཡིན་ནོ། །སེམས་དཔའ་ཆེན་པོ་དུས་ནམ་ཞིག་གི་ཚེ། ཐུགས་ཀྱི་དམ་ཚིག་འདི་ལ་མི་ཉན་པར། ཐམས་ཅད་སློབ་དཔོན་བྱེད་པར་འདོད་པས། ནང་རྒྱུད་གསང་སྔགས་ཀྱི་རྣལ་འབྱོར་ལ་བཙུད་པས། གསང་སྔགས་ཀྱི་སྤྱོད་པ་ཅི་འདྲ་བ་ནི་ཀུན་ལ་བསྟན་ཅིང་ཆ་ཡོད་པར་བྱས། གནས་སུ་གཅིག་མི་དགོངས་པའི་སློབ་དཔོན་མང་པོ་འབྱུང་བ་དང་། གསང་སྔགས་ཀྱི་དོན་ཟབ་མོ་ཀུན་ཀྱང་ཤེས་ཤིང་བཟོས་པ་རྣམས་ཀྱིས་ཀྱང་། ལ་ལ་ཁེ་དང་གྲགས་པར་འདོད་པའི་ཆོས་གྲ་དང་སློབ་པ་བཙུག་སྟེ། སྣོད་ཡིན་རུང་མིན་རུང་སྣང་རྒུ་བསྡུས་ཏེ་གྲངས་མང་དུ་བསྟན་པས་གཅིག་གི་བཀའ་བཞིན་དུ་གཅིག་གིས་ཀྱང་མི་བྱེད་བཞིན་དུ། སློབ་མ་མང་པོ་འདུས་ཏེ་སློབ་དཔོན་བྱེད་པ་དང་། ལ་ལ་ཟང་ཟིང་དང་འདོད་པ་ལ་ཆགས་པའི་ཕྱིར་གསང་སྔགས་ཟབ་མོའི་དོན་ཁུར་དུ་ཁུར་བ་དང་། ཁལ་དུ་བཀལ་ཏེ་རྒྱལ་ཁམས་སུ་སྣོད་ཡིན་རུང་མིན་རུང་འདོན་པ་དང་ཚོང་དུ་ ― DNG008_Page_0440 ―
[མ་དཔེ་གཟིགས་ན་འདིར་གནོན།]
བརྗེ་ཞིང་བཀའ་འཆལ་བར་གཏོར་བའི་སློབ་དཔོན་བྱེད་པ་ལ་སོགས་པ་རྣམས་ནི། བཟང་ངན་དང་ང་ཁྱོད་མེད་པར་ཀུན་ཡོ་ཉམས་སུ་འགྱུར་བས། ཀུན་དམྱལ་བར་འགྲོ་ལ། དེའི་ཚེ་གསང་སྔགས་ཀྱི་དོན་སྤྱོད་པའི་རྣལ་འབྱོར་པ་རྣམས་ཀྱི་བསམ་པ་མི་འགྲུབ་པ་དང་། དམ་ཚིག་གི་བྱ་ར་བ་རྣམས་མི་འགོ་བའི་ཤུགས་ཀྱིས། སྔགས་མཐུ་བྱིན་ཆུང་བར་འགྱུར། དེའི་སྐྱོན་གྱིས་སྐུ་ལ་བསྡོ་བའི་དགྲ་དང་། བགེགས་འབྱུང་ཞིང་།ནད་ཀྱི་རྣམ་པ་ལ་སོགས་པ་མི་འདོད་པ་རྣམས་ཀྱང་འབྱུང་བ་དང་། སྔགས་པ་གཅིག་གིས་གཅིག་འཐབ་ཅིང་རྩོད་པ་དང་། མཐུ་བྱིན་ཆུང་བས་སྐྱེ་བོའི་མཚོན་ཆའི་ལས་བྱེད་པ་དང་། སེམས་ཅན་ཕལ་པ་ཡོངས་ཀྱིས་དོན་འདི་འདྲ་ན་ཆོས་བརྫུན་ནོ་ཞེས་ཟེར་ཞིང་འཕྱ་ཞིང་ཡ་གར་གྱུར་པ་དང་། ཐེག་པ་འོག་མ་མདོ་སྡེ་སྤྱོད་པ་རྣམས་ཀྱང་། གསང་སྔགས་ལ་འཕྱས་གདགས་བྱང་དོགས་ན། ཤིན་ཏུ་ཡང་འགལ་བའི་དཔྱས་ཆེན་པོ་འདོགས་པ་དང་། དེའི་ཡ་ག་དང་རྣམ་པར་སྨིན་པས། དེའི་ཚེ་སྔགས་དང་མདོ་སྡེ་ཕྱེ་མ་མེད་པར། སོ་སོ་སྐྱེ་བོ་ཚུན་ཆད་མ་ལུས་པར་སེར་བསླད་ནས་དམྱལ་བར་བུངས་ཅི་ཆེར་འགྲོ་བར་བྱེད་དོ། །དེའི་ཕྱིར་དམ་ཚིག་འདའ་བར་དཀའ་བ་སྟེ། འདི་སྐད་ཅེས་གསུངས་སོ། །དམ་ཚིག་དམ་ཚིག་ཅེས་བྱ་བ། །འདའ་བར་དཀའ་བས་དམ་ཚིག་སྟེ། །སངས་རྒྱས་བཀའ་ལས་གསུངས་པའི་ཚིག །འདི་ལས་འདའ་བར་གང་བྱེད་པ། །ལྷ་ཡང་འདས་ན་བརླག་པར་འགྱུར། །སེམས་ཅན་འདས་ན་སྨོས་ཅི་དགོས། །སྐུ་ཡི་དམ་ཚིག་མ་གཡོས་པའོ། །གསུང་གི་དམ་ཚིག་མི་འགྱུར་བའོ། །ཐུགས་ཀྱི་དམ་ཚིག་མ་ཡེངས་པའོ། །ཡན་ལག་དམ་ཚིག་ལྔ་ལྔ་རྣམས། །ལྷན་ནེ་བར་ཡང་ཡིད་ལ་འཆང་། །མ་འདས་འཕགས་པའི་སྤྱོད་ཡུལ་ཡིན། །དེ་ཚེ་འདས་ན་མནར་མེད་བརླག །གཞན་ཡང་དམ་ཚིག་ཅེས་བྱ་བ། །གསང་སྔགས་དོན་སྤྱད་རྣལ་འབྱོར་པས། །ལུས་ངག་ཡིད་ཀྱི་སྒོ་གསུམ་ནས། ། ― DNG008_Page_0441 ―
[མ་དཔེ་གཟིགས་ན་འདིར་གནོན།]
སྐྱེ་བོས་སྤྱད་པར་ཡང་མི་བྱ། །དེ་ཚེ་སྤྱད་ན་ཉམས་པ་ཡིན། །བཟླས་བརྗོད་ཏིང་འཛིན་ལ་སོགས་པ། །བར་ཆོད་བགེགས་དང་བྱ་ར་མ། །སྔགས་འཆང་རྣམས་ཀྱིས་སྤྱད་མི་བྱ། །དེ་དག་བར་ཆད་བྱེད་པས་ན། །དེ་དག་བསྒྲིམས་ལ་ཉམས་མི་བྱ། །གང་ཞིག་ཉམས་པར་བྱེད་པ་དང་། །རང་སེམས་རྟག་པར་བལྟ་བ་རྣམས། །དམ་ལ་ལོག་པར་བྱེད་པ་ཡི། །དྲུང་ན་སུ་ཡང་མི་འདུག་ལ། །གཞན་གྱིས་མཐོང་བར་མ་བྱས་ཀྱང་། །དམ་ཚིག་དབང་པོ་སྙིང་ལ་འདུག །དེ་དང་འདྲ་བར་བལྟ་བ་ནི། །གྲངས་ཀྱིས་མི་ལ་ཀུན་གྱིས་མཐོང་། །དེ་བཞིན་གཟིགས་པའི་སེམས་ཀྱིས་ལ། །མ་འདའ་དམ་ལ་གནས་པར་གྱིས། །ས་བཅུ་མཐར་ཕྱིན་སངས་རྒྱས་ཀྱང་། །དམ་ཚིག་འདའ་བར་མི་བྱེད་ན། །རྣལ་འབྱོར་བསྒྲུབ་པས་ཅི་སྟེ་འདའ། །འཇིགས་པའི་སྐྱབས་ནི་དམ་ཚིག་མཆོག །དམ་ཚིག་དབང་ཕྱུག་ཉིད་ཀྱང་མི་འདའ་ན། མ་ཚོགས་མཁའ་འགྲོ་ཅི་སྟེ་འདའ། །ལྷས་ཀྱང་ལྷ་ལ་དབང་མི་ཟ། །མིས་ཀྱང་དེ་བཞིན་དམ་མི་འདའ། དམ་ཚིག་མ་ཉམས་དེ་བསྲུངས་པ། །སྐུ་གསུང་ཐུགས་ཀྱི་ཕྱག་རྒྱ་ཆེ། །རྣལ་འབྱོར་ཀུན་ཏུ་བསྐྱེད་པའོ། །ཐམས་ཅད་ཡོངས་ཀྱི་མ་ཞེས་བྱའོ། །རྒྱལ་བའི་དཀྱིལ་འཁོར་གསལ་བར་བརྩེགས། །གཏོར་རྒྱུད་ཆེན་པོ་ལས། དམ་ཚིག་བསྲུང་བའི་ལེའུ་སྟེ་བཅོ་བརྒྱད་པའོ།། །།དེ་ནས་སེམས་དཔའ་ཆེན་པོས། དམ་ཚིག་འདི་དག་མ་ཉམས་ཏེ་བསྲུངས་པའི་ཕན་ཡོན་ནི། འཇིག་རྟེན་གྱི་ཁམས་འདིར་ཚེ་རིང་ཞིང་། འབྱོར་པའི་ལོངས་སྤྱོད་ལ་སོགས་པ། ཡིད་ལ་བསམས་པ་བཞིན་འགྲུབ་པ་དང་། འགྲོ་བ་གཞན་ལ་ཡིད་ལས་བྱུང་བའི་དྲན་ཚིག་བཟླས་ཀྱང་དེ་ལ་ཕན་པ་དང་། བསྒོ་བ་བཞིན་ཉན་པ་དང་། དགྲ་དང་བགེགས་དང་བར་དུ་གཅོད་པ་རྣམས་ཀྱང་བདག་ཉིད་ཀྱིས་མ་བསྐུལ་བར་རྡུལ་ཕྲ་མོ་ཙམ་ཡང་མ་ལུས་པར་འགྲོ་བ་དང་། མ་ཚོགས་མཁའ་འགྲོ་ལ་སོགས་སྤྲིན་ཕུང་བཞིན་དུ་ ― DNG008_Page_0442 ―
[མ་དཔེ་གཟིགས་ན་འདིར་གནོན།]
གཏིབ་ནས། བདག་གར་འགྲོ་བར་ལུས་དང་གྲིབ་མ་བཞིན་དུ་འགྲོགས་ནས། ཅི་བསྒོ་བ་བྲན་སྙིང་ཉེ་བ་བཞིན་དུ་ཉན་པ་དང་། གཞན་ཡང་དམ་ལ་གནས་པ་རྣམས་ཀྱིས། ཅི་འདོད་པའི་ལོངས་སྤྱོད་སྤེལ་བར་བྱེད་པ་དང་། འཇིག་རྟེན་ཕྱི་མར་ཀུན་ཏུ་བཟང་པོ་དང་སྐལ་བ་མཉམ་པར་འགྱུར་རོ། །དམ་ཚིག་མ་ཉམས་པར་བསྲུངས་ན། བཀའ་ཚིག་གཅིག་བཟླས་མ་ཤེས་ཀྱང་སངས་རྒྱའོ། །གཞན་ཡང་དམ་ཚིག་བསྲུང་བའི་ཡོན་ཏན་ནི།གྲངས་འདིར་བརྗོད་ཀྱིས་མི་ལངས་ཏེ་མཐའ་ཡས་སོ། །གཏོར་རྒྱུད་ཆེན་པོ་ལས། དམ་ཚིག་བསྲུང་བའི་ཡོན་ཏན་གྱི་ལེའུ་སྟེ་བཅུ་དགུ་པའོ།། །།དེ་ནས་དཔལ་ཀུན་ཏུ་བཟང་པོས། ཡན་ལག་གི་དམ་ཚིག་འབུམ་སྡེ་ལས།ཡན་ལག་གི་དམ་ཚིག་བརྒྱ་རྩ་བརྒྱད་དུ་བསྡུས་ཏེ་བཀའ་སྩལ་པ་འདི་ལྟ་སྟེ། དང་པོ་ཏིང་ངེ་འཛིན་གྱི་རྩལ་འབྱོངས་པར་བྱས་ལ། ཅིར་སྣང་བ་ཐམས་ཅད་བསྒྲལ་ལ། རྒྱལ་བ་མ་མོའི་ཐུགས་དམ་བསྐུལ་ཞིང་། བདེ་བར་གཤེགས་པའི་སྲས་སུ་བྱས་ནས། བདག་དང་གཅིག་པའི་དབང་གིས། དམ་ཚིག་ལས་མི་འདའ་བར་བྱ་བ་དང་། ཞིང་བཅུར་གྱུར་པ་སྐད་ཅིག་ཙམ་ཡང་མི་བཞག་པར་བསྒྲལ་ལ་དམ་ཚིག་ལས་མི་འདའ་བར་བྱ་བ་དང་། མཚན་ཉིད་ཐེག་པས་མི་འདུལ་བས་དེ་ཡང་བསྒྲལ་ལ་དམ་ཚིག་ལས་མི་འདའ་བར་བྱ་བ་དང་། གཟུང་འཛིན་གྱི་མཐུ་བརྟས་པའི་ཏྲ་རྣམ་པ་གསུམ་པོ་བསྒྲལ་ལ་དམ་ཚིག་ལས་མི་འདའ་བར་བྱ་བ་དང་། གསང་སྔགས་ལ་གལ་དུ་འཇུག་ཅིང་བཀའ་ངེས་པའི་དོན་ནུབ་པར་བྱེད་པ་བསྒྲལ་ལ་དམ་ཚིག་ལས་མི་འདའ་བར་བྱ་བ་དང་། ཡུལ་ཆོས་ཉིད་དུ་སྦྱོར་ཞིང་ཐབས་དང་ཤེས་རབ་ཀྱི་དམ་ཚིག་ལས་མི་འདའ་བར་བྱ་བ་དང་། འབྱུང་བ་ཆེན་པོའི་ཀློང་གདལ་སྦྱོར་ཞིང་། ཐབས་དང་ཤེས་རབ་ཀྱིས་དམ་ཚིག་ལས་མི་འདའ་བར་སྦྱོར་ཞིང་། ཕོ་རང་བཞིན་མེད་པའི་བར་དུ་སྦྱོར་ཞིང་ཐབས་དང་ཤེས་རབ་ཀྱི་དམ་ ― DNG008_Page_0443 ―
[མ་དཔེ་གཟིགས་ན་འདིར་གནོན།]
ཚིག་ལས་མི་འདའ་བར་བྱ་བ་དང་། མོ་རིགས་གཟུངས་མ་མཚན་དང་ལྡན་པར་སྦྱོར་ཞིང་ཐབས་དང་ཤེས་རབ་ཀྱི་དམ་ཚིག་ལས་མི་འདའ་བར་བྱ་བ་དང་། སེར་སྣ་ཅན་གྱི་ནོར་མ་བྱིན་པར་བླངས་ལ་ཚོགས་དང་གཏོར་མའི་མཆོད་པར་ཕུལ་ལ་དམ་ཚིག་ལས་མི་འདའ་བར་བྱ་བ་དང་། བཀྲ་ཤིས་དག་པའི་རྫས་མ་བྱིན་པར་བླངས་ལ། དཀྱིལ་འཁོར་ཆེན་པོར་ལོངས་སྤྱོད་སྟེ་དམ་ཚིག་ལས་མི་འདའ་བར་བྱ་བ་དང་། ནག་པོའི་ཕྱོགས་ནས་མི་མོ་མཚན་དང་ལྡན་པ་མ་བྱིན་པར་བླངས་པ་ལ། བྱང་ཆུབ་སེམས་ཀྱི་དངོས་གྲུབ་བླངས་ཤིང་དམ་ཚིག་ལས་མི་འདའ་བར་བྱ་བ་དང་། བཀའ་ངེས་པའི་དོན་མི་བསླུ་བ་སྦས་པ་རྣམས་མ་བྱིན་པར་བླངས་ལ་ཡིད་ལ་བཞག་ཅིང་དམ་ལས་མི་འདའ་བར་བྱ་བ་དང་། རྡོ་རྗེ་སློབ་དཔོན་དང་མཆེད་དང་ལྕམ་དྲལ་ལ་གནོད་པ་བྱེད་དུ་འོང་བ་ལ་རྫུན་དུ་སྨྲས་ལ་དམ་ལས་མི་འདའ་བར་བྱ་བ་དང་། དམ་ཚིག་ཉམས་ཤིང་དམ་མེད་པ་རྣམས་ལ་རྫུན་དུ་སྨྲས་ལ་དམ་ལས་མི་འདའ་བར་བྱ་བ་དང་། སྐྱེ་བོ་ཕལ་པས་གསང་སྔགས་ཀྱི་སྤྱོད་པ་རླབས་པོ་ཆེ་འདྲི་ན་རྫུན་དུ་སྨྲས་ལ་དམ་ཚིག་ལས་མི་འདའ་བར་བྱ་བ་དང་། ལུང་མེད་པར་ངེས་པའི་བསྟེན་བཅོས་རྣམས་ལ་རྫུན་དུ་སྨྲས་ལ་དམ་ཚིག་ལས་མི་འདའ་བར་བྱ་བ་དང་། གཏི་མུག་སྤང་ཡང་མི་སྤང་བར་ཆོས་ཉིད་དུ་རྟོགས་པར་བྱས་ལ་དམ་ལས་མི་འདའ་བར་བྱ་བ་དང་། གཏི་མུག་དེ་བཞིན་གཤེགས་པའི་སྐུ་ཡིན་པར་བྱས་ལ་དམ་ཚིག་ལས་མི་འདའ་བར་བྱ་བ་དང་། གཏི་མུག་སྟོང་པ་ཉིད་ཀྱི་ཡེ་ཤེས་ཡིན་པར་བྱས་ལ་དམ་ཚིག་ལས་མི་འདའ་བར་བྱ་བ་དང་། གཏི་མུག་སྤངས་པས་སངས་རྒྱས་སུ་འགྲུབ་པར་དཀའ་བའི་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ཞེ་སྡང་སྤང་ཡང་མི་སྤང་བར་ཞེ་སྡང་ཆོས་ཉིད་དུ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ཞེ་སྡང་དེ་བཞིན་གཤེགས་པའི་ཐུགས་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ཞེ་སྡང་མེ་ལོང་ ― DNG008_Page_0444 ―
[མ་དཔེ་གཟིགས་ན་འདིར་གནོན།]
ལྟ་བུའི་ཡེ་ཤེས་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ཞེ་སྡང་སྤངས་ན་སངས་རྒྱས་སུ་འགྲུབ་པར་དཀའ་བའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། འདོད་ཆགས་སྤང་ཡང་མི་སྤང་བར་འདོད་ཆགས་ཆོས་ཉིད་དུ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། འདོད་ཆགས་དེ་བཞིན་གཤེགས་པའི་གསུངས་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། འདོད་ཆགས་སོ་སོར་རྟོགས་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། འདོད་ཆགས་སྤངས་ན་སངས་རྒྱས་སུ་འགྲུབ་པར་དཀའ་བའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ང་རྒྱལ་སྤང་ཡང་མི་སྤང་བར། ང་རྒྱལ་ཆོས་ཉིད་དུ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ང་རྒྱལ་དེ་བཞིན་གཤེགས་པའི་ཡོན་ཏན་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ང་རྒྱལ་མཉམ་པ་ཉིད་ཀྱི་ཡེ་ཤེས་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ང་རྒྱལ་སྤངས་ན་སངས་རྒྱས་སུ་འགྲུབ་པར་དཀའ་བའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ཕྲག་དོག་སྤང་ཡང་མི་སྤང་བར་ཕྲག་དོག་ཆོས་ཉིད་དུ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་།ཕྲག་དོག་དེ་བཞིན་གཤེགས་པའི་ཕྲིན་ལས་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ཕྲག་དོག་བྱ་བ་ནན་ཏན་གྱི་ཡེ་ཤེས་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་།ཕྲག་དོག་སྤངས་པས་སངས་རྒྱས་སུ་འགྲུབ་པར་དཀའ་བའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། དྲི་ཆེན་དུག་བདུད་རྩིར་སྒྱུར་བའི་རྩ་བ་ཡིན་པའི་དོན་དེ་རྟོགས་པར་བྱས་ལ། ― DNG008_Page_0445 ―
[མ་དཔེ་གཟིགས་ན་འདིར་གནོན།]
དམ་ཚིག་ལས་མི་འདའ་བར་བྱ་བ་དང་། དྲི་ཆེན་དང་སྦྱར་ན་དུག་སེལ་བའི་བདུད་རྩི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། དྲི་ཆེན་མཁྲིས་པ་བརྒྱ་རྩ་བརྒྱད་དང་སྦྱར་ན། མཛེ་ནད་སེལ་བའི་བདུད་རྩི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། དྲི་ཆེན་བསྟེན་ཅིང་དང་དུ་བླངས་ན། རྣམ་པར་སྣང་མཛད་ཀྱི་དངོས་གྲུབ་འཐོབ་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བྱང་ཆུབ་སེམས་དུག་བདུད་རྩིར་སྒྱུར་བའི་རྩ་བ་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བྱང་ཆུབ་སེམས་དང་ཤེལ་ག་པུར་དུ་སྦྱར་ན་རུས་པ་སྲ་ཞིང་མཁྲེགས་ལ་རིང་དུ་འགྲོ་བའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བྱང་ཆུབ་སེམས་དང་སྙིང་ཞོ་ཤ་ར་བསྲེས་ན་སེམས་གསལ་ཞིང་དབང་པོ་རྣོ་བའི་བདུད་རྩི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བྱང་ཆུབ་སེམས་བསྟེན་ཅིང་དང་དུ་བླངས་ན། རྡོ་རྗེ་སེམས་དཔའི་དངོས་གྲུབ་འཐོབ་པར་འགྱུར་བའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་།མཱང་ས་དུག་བདུད་རྩིར་སྒྱུར་བའི་རྩ་བ་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱས་དང་། མཱང་ས་ཟོས་པས་མཐུ་བྱིན་ཆེ་བར་འབྱུང་བའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། མཱང་ས་སྤྱོད་སྣག་དང་སྦྱར་ན་རླུང་ནད་སེལ་བའི་བདུད་རྩི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། མཱང་ས་བསྟེན་ཅིང་དང་དུ་བླངས་ན། རིན་པོ་ཆེའི་རིགས་ཀྱི་དངོས་གྲུབ་ཐོབ་པར་འགྱུར་བའི་བདུད་རྩི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། པདྨ་རཀྟ་དུག་བདུད་རྩིར་སྒྱུར་བའི་རྩ་བ་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། པདྨ་རཀྟ་མུ་འཛའ་རབ་ ― DNG008_Page_0446 ―
[མ་དཔེ་གཟིགས་ན་འདིར་གནོན།]
ཏུ་སྦྱར་ན་གློའམ་ཆམ་པའི་ནད་སེལ་ཅིང་། མདོག་སྡུག་པའི་བདུད་རྩི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། པདྨ་རཀྟ་ཤིང་ཟིར་དང་སྦྱར་ན་མདངས་དང་ལྡན་ཞིང་བད་མཁྲིས་སེལ་བའི་བདུད་རྩི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། པདྨ་རཀྟ་བསྟེན་ཅིང་དང་དུ་བླངས་ན་སྣང་བ་མཐའ་ཡས་ཀྱི་དངོས་གྲུབ་ཐོབ་པར་འགྱུར་བའི་བདུད་རྩི་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། དྲི་ཆུ་དུག་བདུད་རྩིར་སྒྱུར་བའི་རྩ་བ་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། དྲི་ཆུ་ཤིང་པུ་རིའི་ལོ་མ་དང་སྦྱར་ན། ལྕེ་བདེ་ཞིང་དབྱངས་སྙན་པར་འགྱུར་བའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། དྲི་ཆུ་ནཱི་ལོ་ཏྤལ་ལ་དང་སྦྱར་ན་གློ་དང་གག་པའི་ནད་སེལ་བའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། དྲི་ཆུ་བསྟེན་ཅིང་དང་དུ་བླངས་ན། དོན་ཡོད་གྲུབ་པའི་དངོས་གྲུབ་ཐོབ་པར་འགྱུར་བའི་བདུད་རྩི་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཕུང་པོ་ལྔ་རྒྱལ་བ་རིགས་ལྔའི་རང་བཞིན་ཡིན་པ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་འབྱུང་བ་ལྔ་རིགས་ཀྱི་ཡུམ་ལྔའི་རང་བཞིན་ཡིན་པར་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་རྣམ་པར་ཤེས་པའི་ཚོགས་བརྒྱད་བྱང་ཆུབ་སེམས་དཔའ་བརྒྱད་ཡིན་པར་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཡུལ་བཞི་དང་དུས་བཞི་སེམས་མ་བརྒྱད་ཀྱི་རང་བཞིན་ཡིན་པར་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཕྱིན་ཅི་ལོག་བཞི་ཁྲོ་བོ་བཞི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཆད་པར་མ་ཡིན་སོགས་མུ་བཞི་ཁྲོ་མོ་བཞིའི་ ― DNG008_Page_0447 ―
[མ་དཔེ་གཟིགས་ན་འདིར་གནོན།]
རང་བཞིན་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་འཇིག་རྟེན་དྲུག་གི་ཆ་འཛིན་པ་དྲུག་ཐུབ་པ་དྲུག་གི་རང་བཞིན་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཡུལ་ཕར་སྣང་བ་ཐམས་ཅད་ཆོས་བྱ་བ་མོ་ཀུན་ཏུ་བཟང་མོ་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་དབང་པོ་ཚུར་སྣང་བ་ཐམས་ཅད་ཀུན་ཏུ་བཟང་པོའི་རང་བཞིན་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཁམས་དང་སྐྱེ་མཆེད་དཀྱིལ་འཁོར་ལྷའི་རང་བཞིན་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་།བདག་གི་རྫས་དང་ཡོ་བྱད་ཚོགས་དང་གཏོར་མའི་རང་བཞིན་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཡན་ལག་ཆེན་པོ་བདུན་མ་མོ་བདུན་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཡན་ལག་བཞི་སྲིང་མོ་བཞི་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་སྒལ་ཚིགས་ཉི་ཤུ་རྩ་བརྒྱད་དབང་ཕྱུག་ཉི་ཤུ་རྩ་བརྒྱད་ཀྱི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་མཚན་སུམ་ཅུ་རྩ་གཉིས་མཁའ་འགྲོ་མ་སུམ་ཅུ་རྩ་གཉིས་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་གུར་ཚིགས་བཅོ་བརྒྱད་གིང་ཆེན་པོ་བཅོ་བརྒྱད་ཀྱི་རང་བཞིན་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ནམ་ཚོང་གི་རྩིབ་མ་བཞི་གསང་བའི་ཡུམ་བཞིའི་རང་བཞིན་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་རུས་འགོ་སུམ་བརྒྱ་དྲུག་ཅུ་ཕོ་ཉ་སུམ་བརྒྱ་དྲུག་ཅུའི་རང་བཞིན་ཡིན་པའི་དོན་དེ་རྟོགས་པར་བྱས་ལ། དམ་ ― DNG008_Page_0448 ―
[མ་དཔེ་གཟིགས་ན་འདིར་གནོན།]
ཚིག་ལས་མི་འདའ་བར་བྱ་བ་དང་། བདག་གི་ཕྱིན་ཅི་ལོག་ལྔ་སྐུ་ལྔའི་རང་བཞིན་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཁ་དོག་ལྔ་ཡེ་ཤེས་ལྔའི་རང་བཞིན་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ལམ་རྒྱུད་ལྔ་དཔའ་བོ་འབྲུ་ལྔའི་རང་བཞིན་ཡིན་པའི་དོན་དེ་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་ཕྱོགས་བཞི་དབུས་དང་ལྔ། གཞལ་ཡས་ཆོས་ཀྱི་དབྱིངས་ཡིན་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་།བསྒྲལ་བའི་ཞིང་བཅུ་ལ་ངག་བརླང་པོར་སྨྲས་ལ། དམ་ཚིག་ལས་མི་འདའ་བར་བྱ་བ་དང་། ཡང་དག་པའི་དོན་ལ་ཕྱིན་ཅི་ལོག་ཏུ་ཁྲིད་པ་ལ་ངག་བརླང་པོར་སྨྲས་ལ། དམ་ཚིག་ལས་མི་འདའ་བར་བྱ་བ་དང་། ལས་ལོག་པ་བྱེད་པ་རྣམས་ལ་ངག་བརླང་པོར་སྨྲས་ལ། དམ་ཚིག་ལས་མི་འདའ་བར་བྱ་བ་དང་། མ་རྟོགས་པ་རྣམས་ལ་ཆོས་ཟབ་མོའི་ངག་བརླང་པོར་སྨྲས་ལ། དམ་ཚིག་ལས་མི་འདའ་བར་བྱ་བ་དང་། བདག་གི་སེམས་སངས་རྒྱས་ཡིན་པའི་དོན་རྟོགས་ནས་འགྲུབ་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ལུས་དང་ཕུང་པོ་རྒྱལ་བ་རིགས་ལྔར་གྲུབ་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། གནམ་ས་རི་བྲག་ཁམས་དང་སྐྱེ་མཆེད་ལྷའི་དཀྱིལ་འཁོར་དུ་གྲུབ་པར་བྱས་པས། དམ་ཚིག་ལས་མི་འདའ་བར་བྱ་བ་དང་། ཕྱི་ནང་གཉིས་ཡུལ་དང་དབང་པོ་ཡིད་དང་ཆོས་སུ་ཚིག་ཆད་གྲུབ་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ཕྱི་ནང་སྣོད་བཅུད་ཆོས་ཀྱི་སྐུར་གྲུབ་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། དམ་རྫས་ལྔ་དུག་བདུད་རྩིར་གྲུབ་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བསྒྲལ་བའི་སེམས་ཅན་རིགས་ངེས་པའི་སྲས་སུ་གྲུབ་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ― DNG008_Page_0449 ―
[མ་དཔེ་གཟིགས་ན་འདིར་གནོན།]
སྦྱོར་བའི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མར་གྲུབ་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། ལྷའི་སྐུ་མདོག་དང་ཕྱག་མཚན་ཏིང་ངེ་འཛིན་གྱི་ས་གསལ་བར་བྱས་ལ།དམ་ཚིག་ལས་མི་འདའ་བར་བྱ་བ་དང་། མཐའ་ཡས་པའི་སེམས་ཅན་ཐམས་ཅད་བུ་ལ་མ་བྱམས་པ་བཞིན་བསམས་ལ་ཐུགས་རྗེས་ཟིན་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། གསང་སྔགས་གསང་བའི་རྒྱུ་ཁེ་དང་གྲགས་པ་སྤངས་ཤིང་དམ་ཚིག་ལས་མི་འདའ་བར་བྱ་བ། བཟླས་བརྗོད་དང་འཕྲོ་འདུ་མངོན་དུ་གྲུབ་པར་བྱས་ལ། དམ་ཚིག་ལས་མི་འདའ་བར་བྱ་བ་དང་།འཕགས་པ་རྣམས་ལ་ཚོགས་དང་གཏོར་མ་རབ་ཀྱིས་ཉིན་མཚན་རྒྱུན་འཆད་པ་མེད་པར་མཆོད་པ་ཕུལ་ལ། དམ་ཚིག་ལས་མི་འདའ་བར་བྱ་བ་དང་། འབྲིང་གིས་ཉིན་ལན་རེ་མཆོད་པར་ཕུལ་ལ། དམ་ཚིག་ལས་མི་འདའ་བར་བྱ་བ་དང་།ཐ་ན་ཡང་ལོ་དང་ཟླ་བར་མ་འདས་པར་མཆོད་པ་ཕུལ་ལ། དམ་ཚིག་ལས་མི་འདའ་བར་བྱ་བ་དང་། ལོ་ཟླ་ལ་བསྐང་ལ་དམ་ལ་མི་འདའ་བར་བྱ་བ་དང་།ཉམས་པ་ཡོད་ན་སོར་བཅུག་ལ་དམ་ཚིག་ལས་མི་འདའ་བར་བྱ་བ་དང་། ལེ་ལོ་བཏང་སྙོམས་ལ་སོགས་པ་སྤངས་ལ། དམ་ཚིག་ལས་མི་འདའ་བར་བྱ་བ་དང་།འཕྱ་བཞད་དང་གཉིད་དབང་དུ་མི་བཏང་བར་དམ་ཚིག་ལས་མི་འདའ་བར་བྱ་བ་དང་། བསྒྲུབ་ཅིང་དང་དུ་བླངས་ཏེ་དམ་ཚིག་ལས་མི་འདའ་བར་བྱ་བ་དང་།བལྟ་བས་གཉིས་སུ་མེད་པའི་དོན་རྟོགས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། སྤྱོད་པས་དོན་དང་མི་འགལ་ཞིང་ཡོངས་ཀྱིས་མ་དཔྱས་པར་བྱས་ལ། དམ་ཚིག་ལས་མི་འདའ་བར་བྱ་བ་དང་། བརྒྱ་རྩ་བརྒྱད་པོ་འདི་དག་བསྲུངས་ན། བདུད་རྩི་ཡིན་ནོ། །ཡེ་ཤེས་ཡིན་ནོ། །སངས་རྒྱས་ཡིན་ནོ། །རྡོ་རྗེ་སེམས་དཔའ་ཡིན་ནོ། །ཀུན་ཏུ་བཟང་པོ་ཡིན་ནོ། །དུས་གསུམ་གྱི་སངས་རྒྱས་ཐམས་ཅད་ཀྱང་། ཚིག་ཆད། དམ་ཚིག་འདི་བསྲུངས་པས་སངས་རྒྱས་པ་ལས་གཞན་མ་ཡིན་པས། སངས་རྒྱས་ཐམས་ཅད་ཀྱིས་དམ་ཚིག་ ― DNG008_Page_0450 ―
[མ་དཔེ་གཟིགས་ན་འདིར་གནོན།]
ལ་བསྔགས་སོ། །དམ་ཚིག་འདི་མ་བསྲུངས་ན། དུག་འཐུངས་པ་དང་འདྲ་སྟེ། ཆོས་སྤྱོད་གང་ཤེས་ཀྱང་མནར་མེད་པའི་དམྱལ་བར་འགྲོའོ། །གཏོར་རྒྱུད་ཆེན་པོ་ལས། ཡན་ལག་གི་དམ་ཚིག་བརྒྱ་རྩ་བརྒྱད་ཀྱི་ལེའུ་སྟེ་ཉི་ཤུ་པའོ།། །།རྡོ་རྗེ་སེམས་དཔའ་གཞན་ཡང་། དམ་ཚིག་ཉམས་པར་གྱུར་པའི་མཚན་མ་འདིའོ། །རྣལ་འབྱོར་པ་མི་ཆོས་ཀྱི་བློན་པོ་ལྟ་བུའི་ལས་བྱེད་པས། ཐབས་ཀྱིས་གཞན་སྨད་པ་དང་། འཐབ་ཅིང་རྩོད་པ་དང་། ཕྱོགས་འཆོས་པའི་ལས།རླབས་དང་ཆེ་འདོད་པ་ནི་དམ་ཚིག་ཉམས་པར་གྱུར་པའི་མཚན་མའོ། །རྣལ་འབྱོར་པ་གདེང་མ་ཟིན་པར། རིགས་རྒྱུད་ཀྱི་བུ་སྡུད་ཅིང་། ཡོངས་ཀྱི་འདེབས་པའི་དབང་གིས། ཛ་གད་ཀྱི་དབང་བཙན་པར་བྱས་ནས་དྲེགས་པའི་ཁར་བཏང་ནས། སྙིང་རྗེ་དང་བྲལ་བ་རྣམས་ནི་དམ་ཚིག་ཉམས་པའི་མཚན་མའོ། །གསང་སྔགས་གསང་བའི་བཀའ་དར་དྲགས་པར་ཀུན་སྤྱོད་ན་ཡང་། དམ་ཚིག་ཉམས་པར་གྱུར་པའི་མཚན་མའོ། །ལྟ་བ་ལ་ཕྱོགས་རིས་སུ་བལྟས་ན་ཡང་། དམ་ཚིག་ཉམས་པའི་མཚན་མའོ། །ཆོས་ལ་བཟང་ངན་དུ་འཛིན་པ་ཡང་དམ་ཚིག་ཉམས་པའི་མཚན་མའོ། །ཐུགས་རྗེ་ལ་དབྲི་བཀོལ་དུ་བྱེད་ན་ཡང་དམ་ཚིག་ཉམས་པའི་མཚན་མའོ། །རྣལ་འབྱོར་གྱི་ཆོས་ལ་རིས་གཉིས་སུ་འཛིན་པར་བྱེད་ན་ཡང་དམ་ཚིག་ཉམས་པའི་མཚན་མའོ། །མཚན་ཉིད་ངན་པ་རྣམས་ལ་རྣལ་འབྱོར་གྱི་ཆོས་བསྟན་ན་ཡང་། དམ་ཚིག་ཉམས་པའི་མཚན་མའོ། །ཕོངས་ཤིང་ཉམ་ཐག་པ་ལ་སྤྱོད་པ་རྩིང་པོར་སྤྱད་ན་ཡང་། དམ་ཚིག་ཉམས་པར་གྱུར་པའི་མཚན་མའོ། །གཏོར་རྒྱུད་ཆེན་པོ་ལས། དམ་ཚིག་ཉམས་པར་གྱུར་པའི་མཚན་མ་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །།རྡོ་རྗེ་སེམས་དཔའ་གཞན་ཡང་དམ་ཚིག་ཉམས་པའི་སྤྱོད་པ་ནི། རྒྱུ་ལ་འབད་པ་མེད་པར་འབྲས་བུ་ལ་རེ་ཆེ་བར་འཇོག་པ་དང་། རང་གི་བྱས་པའི་འབྲས་བུ་མེད་པར་ ― DNG008_Page_0451 ―
[མ་དཔེ་གཟིགས་ན་འདིར་གནོན།]
གཞན་ལ་དངོས་སུ་རེ་བ་དང་། མ་བསྒོམས་པར་དངོས་གྲུབ་ཐོབ་ཏུ་རེ་བ་དང་། དམ་ཚིག་མ་བསྲུངས་པར་མཐུ་ཆེ་བར་འདོད་པ་དང་།བསླབས་ཤིང་རྡོ་རྗེ་མ་སྦྱངས་པར་མཁས་ཤིང་བཙུན་པར་འདོད་པ་དང་། ཕྱི་ནང་གི་དབང་མ་བསྐུར་བར་སློབ་དཔོན་བྱེད་པ་རྣམས་ནི། དམ་ཚིག་ཉམས་པའི་སྤྱོད་པ་ཡིན་ནོ། །མཁས་པ་ལ་མི་མཁས་པའི་སྒྲོ་འདོགས་པ་ཡང་། དམ་ཚིག་ཉམས་པའི་སྐྱོན་དང་སྤྱོད་པ་ཡིན་ནོ། །མི་མཁས་པ་ལ་མཁས་པའི་ཆེ་འབྱིན་ན་ཡང་། དམ་ཚིག་ཉམས་པའི་སྤྱོད་པ་ཡིན་ནོ། །བཀའ་མནོས་པའི་སློབ་དཔོན་ཁུངས་བསུབས་ནས་དད་པའི་ཕྱོགས་ནས་ཁུངས་འབྱིན་པར་བྱེད་ན་ཡང་། དམ་ཚིག་ཉམས་པའི་སྤྱོད་པ་བྱེད་པ་ཡིན་ནོ། །གཞན་བཀའ་མ་ནོར་བར་སྤྱོད་པའི་ཆོས་ལ་མིན་ཞེས་སྨྲས་ནས། བཀའ་མིན་པ་ལ་ལེགས་པར་སྟོན་པ་ཡང་། དམ་ཚིག་ཉམས་པའི་སྤྱོད་པ་ཡིན་ནོ། །སྔོན་གྱི་རྒྱལ་བའི་བཀའ་བརྒྱུད་བསྣུབས་ཏེ།མེ་ལ་བསྲེག་ཅིང་གང་ཟག་གྲུབ་པ་མ་ཐོབ་པས་མི་ཚིག་ཏུ་ལེགས་པར་བསྟན་པ་དག་ལ་བསྟོད་ཅིང་དར་བར་བྱེད་ན་ཡང་། དམ་ཚིག་ཉམས་པའི་སྤྱོད་པ་བྱེད་པ་ཡིན་ནོ། །མན་ངག་ངེས་པའི་དོན་གཞན་མཁས་པས་མཛད་པར་ཡིད་ཆེས་ཀྱང་། སེམས་ཅན་གྱི་ལུས་སུ་ཆེ་ཆུང་བཟུང་ནས། དེ་མི་ཉན་པར་བྱེད་ན་ཡང་། དམ་ཚིག་ཉམས་པར་གྱུར་པའི་སྤྱོད་པ་ཡིན་ནོ། །བཀའི་ཞལ་ཆབ་གྱུར་པ་ཐོབ་པར་གྱུར་པ་ལ། དོན་གྱིས་མི་ཉན་པར་ཐོབ་ཀྱིས་བྲོས་ཤིང་རང་ངོམ་པར་བྱེད་ན་ཡང་། ཉམས་པར་གྱུར་པའི་སྤྱོད་པ་ཡིན་ནོ། །རྣལ་འབྱོར་གྱི་མཆོད་ཆ་ལ་སོགས་པ་གཅིག་ལ་གཅིག་འགྲོལ་བ་མནོག་ཅིང་། གསང་བར་བྱེད་ན་ཡང་། ཉམས་པར་གྱུར་པའི་སྤྱོད་པ་ཡིན་ནོ། །སྣོད་མི་བལྟ་བར་འཁོར་དང་སྡེ་མང་པོར་འདོད་པས། གསང་སྔགས་ཀུན་ལ་གྲགས་པར་བྱེད་པ་ཡང་། ཉམས་པར་གྱུར་པའི་སྤྱོད་པ་ཡིན་ནོ། །ཚིག་གི་ཟུར་ཁྱོད་དང་ང་རུ་འབྱེད་པར་བྱེད་ཅིང་། ཆེ་ངག་དག་འཐོན་པར་བྱེད་པ་ ― DNG008_Page_0452 ―
[མ་དཔེ་གཟིགས་ན་འདིར་གནོན།]
ཡང་། ཉམས་པར་གྱུར་པའི་སྤྱོད་པ་ཡིན་ནོ། །གཞན་གྱི་ཡོན་ཏན་ཅི་ཡོད་པ་མ་གྲགས་ཤིང་སུབས་པར་དགའ་ལ། སྐྱོན་ཅི་ཡོད་པ་བརྗོད་པར་བྱེད་ན། ཉམས་པར་གྱུར་པའི་སྤྱོད་པ་ཡིན་ནོ། །རང་ནི་གྲུབ་ཅིང་མཐོ་བར་འདོད་ལ། གཞན་ནི་དམས་ཤིང་མ་གྲུབ་པར་འདོད་ན། ཉམས་པར་གྱུར་པའི་སྤྱོད་པ་ཡིན་ནོ། །འདི་ལྟར་སྤྱོད་པ་ལེགས་སུ་རེ་སྟེ་མ་ལེགས་སོ། །འདི་ལྟར་སྤྱོད་པ་གྲུབ་ཏུ་རེ་སྟེ་མི་འགྲུབ་པོ། །འདི་ལྟར་སྤྱོད་པ་མཁས་སུ་རེ་སྟེ་མི་མཁས་སོ། །འདི་ལྟར་སྤྱོད་པ་སྤྱད་ཞིང་ཤེས་སུ་རེ་སྟེ། མི་སྤྱང་ཞིང་གླེན་ནོ། །དེ་ཅིའི་ཕྱིར་ཞེ་ན། ཆོས་ཉིད་མ་རྟོགས་ཤིང་མི་ཆོས་ཀྱི་སྒྲིན་དུ་རེ་བས། ངན་སོང་གི་ཚོགས་སོགས་པ་ཡིན་ནོ། །གཞན་ཡང་ཉམས་པའི་སྤྱོད་པ་ནི། གནས་ཉམས་པའི་སྤྱོད་པ་གྲོང་གསེབ་ཏུ་གསང་སྔགས་སྤྱོད་པ་དང་། མི་ནག་གི་སར་སྤྱོད་པ་དང་། དམ་ཚིག་ཉམས་ཤིང་མེད་པ་དང་འདྲེས་པར་སྤྱོད་པ་དང་།གསང་སྔགས་ཀྱི་དམ་རྫས་སྐྱེ་བོ་ཡོངས་ཀྱིས་མཐོང་ཞིང་ཆ་ཡོད་པར་བྱས་པ་ཡང་། ཉམས་པར་གྱུར་པའི་སྤྱོད་པ་ཡིན་ནོ། །གཏོར་རྒྱུད་ཆེན་པོ་ལས། དམ་ཚིག་ཉམས་པའི་སྤྱོད་པ་བསྟན་པའི་ལེའུ་སྟེ་ཉེར་གཉིས་པའོ།། །།རྡོ་རྗེ་སེམས་དཔའ་གཞན་ཡང་དམ་ཚིག་ཉམས་པའི་རྟགས་ནི། འཇིག་རྟེན་ཁམས་འདིར་ཡང་མཛེ་དང་ཤུ་བ་དང་། འབྲུམ་བུ་ལ་སོགས་པ་ནད་ངན་པ་སྣ་ཚོགས་པ་འབྱུང་བ་དང་། བགེགས་དང་བསམ་སྦྱོར་ངན་པའི་ལས་ལ་སོགས་པའི་བར་ཆོད་འབྱུང་བ་དང་། མུ་གེ་དང་ཡ་ང་བ་སྣ་ཚོགས་ཉམས་སུ་མྱོང་བ་དང་།བུ་དང་ཆུང་མ་དང་འཁོར་ལ་སོགས་པ་དང་འབྲལ་བ་དང་། རྒྱལ་སྲིད་དང་ལོངས་སྤྱོད་ལ་སོགས་པ་འབྱོར་པ་རྣམས་མི་རྟག་པར་འགྱུར་བ་དང་། རྒྱལ་བོ་དང་བློན་པོ་ལ་སོགས་པའི་བཀའ་ཆད་པ་དང་། ན་བས་འབྱུང་བ་དང་། མི་ཡང་མཉེས་པར་འཛུག་པར་འབྱུང་ན། དེ་དག་རྒྱལ་བ་དང་། ལོ་ཕྱུགས་མི་ལེགས་ཤིང་ཡིད་དུ་མི་འོང་བ་སྣ་ཚོགས་པ་དག་བྱུང་ན། ཉམས་པའི་སྔ་རྟགས་ ― DNG008_Page_0453 ―
[མ་དཔེ་གཟིགས་ན་འདིར་གནོན།]
ཡིན་པས། གསོ་ཞིང་བསྐྱར་བའི་ཆོ་ག་བྱ། འདི་དག་ཉམས་པ་མ་ཚོར་བར་བྱུང་ན་ཡང་། དུས་སྔ་མ་ལ་ཉམས་པ་ཡིན་པས་བསྐང་གསོའི་ཆོ་ག་ལ་སོགས་པས་དག་པར་བྱའོ། །དེ་དག་བསྐང་དང་ངན་སོང་གི་སྡུག་བསྔལ་ཉམས་སུ་མི་མྱོང་ངོ་། །གང་དག་ཉམས་པར་གྱུར་པ་ལ། རྟགས་འདི་དག་མི་འབྱུང་བར་སླར་ལེགས་པ་དག་འབྱུང་བར་བྱེད་ན། མནར་མེད་པར་སྐྱེ་བར་འགྱུར་རོ། །མནར་མེད་པ་ལས་ཐམས་ཅད་དུ་ཐོན་པར་མི་འགྱུར་རོ། །སྡུག་བསྔལ་གྱི་རྒྱུན་ལས་མ་གཏོགས་པ། བདེ་བ་སྐད་ཅིག་ཙམ་ཡང་འཇུག་པའི་སྐབས་མེད་པས། ཕྱི་མའི་བདེ་བ་འདི་རུ་སྨིན་ནས། ཕྱི་མ་ཕན་ཆད་ལ་བདེ་བ་སྤྱོད་པའི་སྐབས་མེད་དོ། །མནར་མེད་པ་ལ་ཤིན་ཏུ་ཉོན་མོངས་ཤིང་འཁོད་དོ། །གང་དག་ཉམས་པ་འདིར་བྱུང་བ་རྣམས་ནི། འབྲས་བུ་འདིར་སྨིན་པས་ཕྱི་མ་ལ་མི་འབྱུང་བའི་ཐ་ཚིག་གོ། །གཏོར་རྒྱུད་ཆེན་པོ་ལས། ཉམས་པའི་སྔ་རྟགས་བསྟན་པའི་ལེའུ་སྟེ་ཉེར་གསུམ་པའོ།། །།དེ་ནས་ཀུན་ཏུ་བཟང་པོས་དམ་ཚིག་ཉམས་པའི་སྐྱོན་བསྟན་པ་འདི་ཆེད་དུ་བརྗོད་དོ། །སྐུའི་དམ་ཚིག་རྡོ་རྗེ་སློབ་དཔོན་དང་། མཆེད་དང་ལྕམ་དྲལ་ལ་མནར་སེམས་དང་། འཕྱ་སེམས་ཙམ་དུ་ཡང་སྤྱད་པར་མི་རུང་ན། གནོད་པ་དངོས་སུ་བྱེད་པ་དང་། འཁུ་ཞིང་ལྡོག་པ་དང་། ཟང་ཟིང་གི་དོན་ལ་བརྐམ་པ་དང་། འཐབ་ཅིང་རྩོད་པ་ལྟ་ཅི་སྨོས་ཏེ། སྐུའི་དམ་ཚིག་ཉམས་པས་སོལ་དུམ་ལ་ལྗོན་ཤིང་མི་སྐྱེ་བ་དང་འདྲ་སྟེ། བསྐལ་པ་གཅིག་གི་བར་དུ་སེམས་ཅན་དམྱལ་བར་སྐྱེ་ཞིང་། གཞན་དགེ་བའི་རྩ་བ་ཅི་བྱས་ཀྱང་ཕན་མེད་པ་དང་། གསུང་གི་དམ་ཚིག་སྔགས་དང་ཏིང་ངེ་འཛིན་པར་མི་བཅད་དོ་བྱས་ཏེ་ཁས་བླངས་ནས་ལོ་དང་ཟླ་བ་ཙམ་ལ་མ་དོད་ཀྱིས་ཡུད་ཙམ་མི་དྲན་པས་ས་བོན་མེས་ཚིག་པ་དང་འདྲ་སྟེ། བསྐལ་པ་གཉིས་ཀྱི་བར་དུ་སེམས་ཅན་དམྱལ་བར་སྐྱེ་ཞིང་། གཞན་གྱི་དག་པའི་རྩ་བ་ཅི་བྱས་ཀྱང་ཕན་མེད་པ་དང་། ཐུགས་ཀྱི་དམ་ཚིག་གསང་བའི་མན་ངག་གཞན་ལ་མི་སྤེལ་ ― DNG008_Page_0454 ―
[མ་དཔེ་གཟིགས་ན་འདིར་གནོན།]
ལོ་བྱས་ནས། དམ་ཉམས་པ་དང་། དམ་མེད་པ་དང་། ཆོས་ལོག་པར་འཛིན་པ་མཐའ་དག་ལ་འཆད་ཅིང་མ་ཀར་གཏོང་བ་དང་། བཀའ་འཆལ་བ་ལྟ་ཅི་སྨོས་ཏེ་ཐུགས་ཀྱི་དམ་ཚིག་ཉམས་ན་བསྐལ་པ་གསུམ་དུ་མནར་མེད་པར་ལྟུང་ཞིང་། མེ་ཏོག་སད་ཀྱིས་བསད་པ་དང་འདྲ་སྟེ། གཞན་དགེ་བའི་རྩ་བ་ཅི་བྱས་ཀྱང་ཕན་པ་མེད་པ་དང་། གསུམ་ག་ཉམས་ནས་གཞི་འཇིག་པ་དང་འདྲ་སྟེ། བསྐལ་པ་དཔག་གིས་མི་ལངས་པར་དམྱལ་བར་སྐྱེའོ། །ཡན་ལག་གི་དམ་ཚིག་ཉམས་ན་ཤིང་ཏཱ་ལའི་ལོ་མ་བཅད་པ་དང་འདྲ་སྟེ། བསྐལ་པ་ཆེན་པོར་དམྱལ་ཁམས་བཅོ་བརྒྱད་དུ་སྡུག་བསྔལ་ཉམས་སུ་མྱོང་བ་དང་། དམ་ཚིག་ཀུན་ཉམས་ནི་མི་སྲིད་ན། ཉམས་ན་གླེང་བརྗོད་ལས་འདས་སོ། །དེ་སྐད་ཅེས་བཀའ་སྩལ་ཏོ། །དམ་ཚིག་ཚིག་ཏུ་གསུངས་པ་ཡང་། །མ་ཉམས་བསྲུངས་ན་དམ་ཚིག་ཡིན། །དམ་ཚིག་བསྲུངས་པར་དཀའ་ན་ཡང་། །ཐར་པར་བསྙེག་པ་ཤིན་ཏུ་ཉེ། །དམ་ཚིག་ཉམས་པ་རབ་སླ་ཡང་། །དམྱལ་བའི་སྤྱོད་པ་ཡ་རེ་ཆ། །བླུན་པོས་དེ་ལྟར་མ་རིག་སྟེ། །འཁོར་བའི་སྡུག་བསྔལ་བཟོད་བླག་མེད། །དེ་སྐད་ཅེས་བཀའ་སྩལ་པ་དང་། རིགས་ལྔའི་སངས་རྒྱས་ལ་སོགས་པ་ཡེ་ཤེས་ཆེན་པོའི་ཁྱད་པར་ཉིད་ལས་མི་གཞན་པའི་འཁོར་དང་། འགྲོ་བ་འདུལ་བའི་འཁོར་དང་། ཐུགས་རྗེ་སྤྲུལ་པའི་འཁོར་ལ་སོགས་པ། འཁོར་ཕུན་སུམ་ཚོགས་པ་ཐམས་ཅད་ཤིན་ཏུ་སྔངས་ནས་སྐྲག་ཅིང་འདར་ཏེ་བརྒྱལ་ནས་ཁ་སྦུབ་ཏུ་འགྱེལ་ཏོ། །གཏོར་རྒྱུད་ཆེན་པོ་ལས། དམ་ཚིག་ཉམས་པའི་སྐྱོན་བསྟན་པའི་ལེའུ་སྟེ་ཉེར་བཞི་པའོ།། །།དེ་ནས་རྡོ་རྗེ་སེམས་དཔས་དེ་དག་བརྒྱལ་བ་བསྲུང་བར་བྱ་བའི་ཕྱིར་ན། འདི་སྐད་ཅེས་བྱ་བའི་གླུ་བླངས་སོ། །སྟོང་པ་ཤིན་ཏུ་ཡོད་མེད་རྣལ་འབྱོར་མཐུས། །ནམ་མཁའ་བཞིན་ལས་དམ་ཚིག་ཉེ་བར་གནས། །བདེ་གཤེགས་མ་ལུས་བཞུགས་པ་བཞེངས་སུ་གསོལ། །རྡོ་རྗེ་སེམས་དཔའ་བསྐལ་བཟང་འཁོར་དང་བཅས། །འདི་ ― DNG008_Page_0455 ―
[མ་དཔེ་གཟིགས་ན་འདིར་གནོན།]
དག་ཉིད་དུ་རྒྱལ་བས་གླུ་བླངས་ན། །ཤིན་ཏུ་སྲིད་ལས་མ་ལུས་འདས་པ་དང་། །ཤི་བར་གྱུར་པ་སླར་ཡང་ལངས་འགྱུར་ན། །ཡང་དག་སྲིད་ལ་བལྟ་ཞིང་སྨོས་ཅི་དགོས། །ཞེས་བྱ་བའི་གླུ་བླངས་པས། དེ་དག་བརྒྱལ་བ་ལས་སླར་ལངས་སོ། །དེ་ནས་མགྲིན་གཅིག་ཏུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མ་ཧོ་ངོ་མཚར་རབ་འབྱམས་ཀྱི། །སངས་རྒྱས་མཛད་པ་ངོ་མཚར་བས། །གསེར་སྐྱོགས་དངུལ་སྐྱོགས་ཞོམ་པ་བཞིན། །ཐུགས་རྗེ་ཆེ་བའི་ལྷ་ཁྱོད་ཀྱིས། །འདྲེན་པའི་ཐུགས་རྗེས་བཟུང་ནས་ཀྱང་། །ལས་ཀྱི་དབང་དུ་མི་གཏང་བར། །དུས་ལ་བབ་པའི་ཕྲིན་ལས་ཀྱིས། །དམ་ཚིག་ཉམས་པ་བསྐང་དུ་གསོལ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དམ་ཚིག་འདི་དག་ཉམས་པ་སོར་ཆུད་པའི་ཐབས་ཞུས་པ་ནི། ལེགས་སོ་ལེགས་སོ། །འདི་དག་སྐོང་བའི་ཐབས་མ་ཤེས་ན། ཕལ་ཉམས་པ་ཤ་སྟག་འབྱུང་བས།བསྐང་བའི་ཆོ་ག་བཤད་པར་བྱ་སྟེ། སྐུའི་དམ་ཚིག་ཉམས་ན་གནས་སུ་བསྐང་ངོ་། །གསུང་གི་དམ་ཚིག་ཉམས་ན་བདུད་རྩི་བདེ་བ་ཆེན་པོ་ལ་སོགས་པ་བསྒྲུབ་པ་ལན་གསུམ་གྱིས་བསྐང་ངོ་། །ཐུགས་ཀྱི་དམ་ཚིག་ཉམས་ན་ཏིང་ངེ་འཛིན་ལས་རུང་བས་བསྐང་ངོ་། །ཡན་ལག་གི་དམ་ཚིག་ཉམས་ན། ཚོགས་དང་གཏོར་མ་བརྒྱ་རྩ་བརྒྱད་ཀྱིས་བསྐང་ངོ་། །དེ་དག་ལས་ཡིད་ཟུངས་སུ་བཟུང་བས་བསྐང་བར་བྱའོ། །གཏོར་རྒྱུད་ཆེན་པོ་ལས། དམ་ཚིག་ཉམས་པ་བསྐང་བའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་རྡོ་རྗེ་སེམས་དཔའ་ལ་སོགས་པ་སངས་རྒྱས་རྣམས་ལ། གཏོར་རྒྱུད་ཆེན་པོ་འདི་དག་བཀའ་སྩལ་པས། ཐམས་ཅད་ཀུན་ཏུ་བཟང་པོའི་གཏོར་མའི་རང་བཞིན་དུ་སངས་རྒྱས་པར་གྱུར་ཏོ། །དེ་ནས་ཀུན་ཏུ་བཟང་པོས་རྔ་སྒྲ་སྐྱེ་བ་མེད་པ་འདི་ཆེད་དུ་བརྗོད་དོ། །ཧཱུཾ་ལྡི་རིའི་རྔ་ཆེན་འདི་བརྡུངས་པས། །ཁམས་གསུམ་མ་ལུས་དབང་དུ་བསྡུས། །ལྡི་རིའི་རྔ་ཆེན་འདི་བརྡུངས་པས། ། ― DNG008_Page_0456 ―
[མ་དཔེ་གཟིགས་ན་འདིར་གནོན།]
བདུད་ཀྱི་ཀླད་པ་ཚལ་བར་གཤོགས། །ལྡི་རིའི་རྔ་ཆེན་འདི་བརྡུངས་པས། །དགྲ་བོའི་མགོ་ལུས་དུམ་བུར་གཏུབ། །ལྡི་རིའི་རྔ་ཆེན་འདི་བརྡུངས་པས། །བགེགས་ཀྱི་ཚོགས་རྣམས་རྡུལ་དུ་རློག །ལྡི་རིའི་རྔ་ཆེན་འདི་བརྡུངས་པས། །མ་མོ་མཁའ་འགྲོ་བྲན་དུ་ཁོལ། །ལྡི་རིའི་རྔ་ཆེན་འདི་བརྡུངས་པས། །སྟོང་གསུམ་ཆོས་སྒྲ་ཆེན་པོར་སྒྲོགས། །ལྷ་རྣམས་ཕྲག་དོག་ཆེ་བ་ལ། །ཤེས་རབ་ངེས་པའི་ཆོས་ཀྱང་སྟོན། །མི་རྣམས་མངོན་ཤེས་ཆུང་བ་ལ། །ཤེས་རབ་རྣོ་བའི་ཆོས་ཀྱང་བཤད། །བྱོལ་སོང་བླུན་ཞིང་གཏི་མུག་པར། །ཤེས་རབ་གསལ་བའི་ཆོས་ཀྱང་བཤད། །ཡི་དྭགས་བཀྲེས་སྐོམས་ཉེན་པ་ལ། །ཤེས་རབ་མཆོག་གི་ཆོས་ཀྱང་སྟོན། །དམྱལ་བ་ཚ་གྲང་ཉེན་པ་ལ། །ཤེས་རབ་རྟོགས་པའི་ཆོས་ཀྱང་སྟོན། །ཙནྡན་དཀར་པོའི་རྔ་ཤིང་ལ། །བན་གླང་དཀར་པོས་གཡོགས་བྱས་པ། །གནོད་པའི་དགྲ་བགེགས་ཞི་བའི་རྔ་། །སྨར་མོ་དག་གི་རྔ་ཤིང་ལ། །མི་ལྤགས་གཡང་གཞིའི་གཡོགས་བྱས་པ། །ཚེ་དང་བསོད་ནམས་རྒྱས་པའི་རྔ་། །སེང་ལྡེང་དམར་པོའི་རྔ་ཤིང་ལ། །སྟག་ལྤགས་དམར་པོས་གཡོགས་བྱས་པ། །ཐམས་ཅད་དབང་དུ་སྡུད་པའི་རྔ་། །འབྲུག་མོ་ཚེར་མའི་རྔ་ཤིང་ལ། །མི་ལྤགས་གཡང་གཞིའི་གཡོགས་བྱས་པ། །གནོད་པའི་དགྲ་བགེགས་བསྒྲལ་བའི་རྔ་། །རྔ་ནི་ཆོས་ཀྱི་དབྱིངས་ཀྱི་རྔ་། །རྔ་ལྡིར་རིག་པའི་ཡེ་ཤེས་ཡིན། །རིག་པའི་ཡེ་ཤེས་དབྱིངས་ལ་བརྡུངས། །དབྱིངས་དང་ཡེ་ཤེས་བྱིན་བརླབས་ལས། །ཆོས་ཀྱི་རྔ་སྒྲ་བསམ་ཡས་ཀྱིས། །སྟོང་གསུམ་ཆོས་སྒྲ་ཆེན་པོས་གང་། །འདུལ་བའི་ཐབས་སུ་སོ་སོར་སྟོན། །འདུལ་བ་མདོ་སྡེ་ཆོས་མངོན་དང་། །རང་རྒྱལ་མདོ་སྡེ་ལ་སོགས་པ། །གང་ལྟར་འདུལ་བ་བཞིན་དུ་སྟོན། །དེ་ཚེ་གནས་ནས་རབ་མཚོན་ནས། །ཐམས་ཅད་གཏོར་མར་གཅིག་པར་བྱས། །ཞི་བ་ལ་ནི་ཟླུམ་པོའི་རྔ་། །རྒྱས་པ་ལ་ནི་གྲུ་བཞི་སྟེ། །ཟླ་གམ་ ― DNG008_Page_0457 ―
[མ་དཔེ་གཟིགས་ན་འདིར་གནོན།]
དབང་གི་རང་བཞིན་ལ། །ཟུར་གསུམ་དྲག་པོ་འཇོམས་པ་ཡི། །འཁོར་བ་བཀའ་ཉན་ཅི་བགྱིས་བྲན། །ཡང་བྲན་ཡང་སྤྲུལ་ལ་སོགས་པ། །རྔ་སྒྲ་དྲག་པོས་ལས་ལ་བཙུད། །ཅེས་ཆེད་དུ་བརྗོད་པས། མ་མོ་དང་མཁའ་འགྲོ་མས་ཅི་བསྒོ་བ་ཉན་ཅིང་། ཁམས་གསུམ་རྔ་སྒྲའི་རང་བཞིན་དུ་སངས་རྒྱས་པར་གྱུར་ཏོ། །གཏོར་རྒྱུད་ཆེན་པོ་ལས། ཕྱག་ཆ་རྔའི་ལེའུ་སྟེ་ཉེར་དྲུག་པའོ།། །།དེ་ནས་བཅོམ་ལྡན་འདས་ཀྱིས། ཅི་ལྟར་སྣང་བ་སངས་རྒྱས་པའི་དོན་ཆེད་དུ་བརྗོད་དོ། །ཕྱི་ནང་སྣོད་བཅུད་ལ་སོགས་པ། །སྒྲོ་བཏགས་བུས་པས་བཟུང་བ་རྣམས། །ཕྱིན་ཅི་ལོག་ཏུ་རྣམས་བརྟགས་ཀྱང་། །གྲོལ་བར་ཐར་པའི་ལམ་དུ་བསྟན། །མྱ་ངན་འདས་དང་འཁོར་བའི་གནས། །ཐམས་ཅད་གཅིག་པའི་རང་བཞིན་དུ། །དབྱེར་མེད་ངོ་བོ་ཉིད་མཉམ་པས། །བྱང་ཆུབ་ཉིད་དེ་ལྟུང་གནས་མེད། །ཐར་པའི་ལམ་ནི་ལོག་པ་ཡིན། །ལོག་རྟོག་གཉིས་མེད་ཆོས་སྐུ་སྟེ། །ལོག་དང་ཐར་པ་གཉིས་མེད་པར། །མཉམ་དུ་གོམས་པ་ལམ་དུ་བདེ། །བྱ་བ་མེད་པས་ཐམས་ཅད་བྱས། །བྱེད་པའི་ལས་ཀུན་དེ་རྟོགས་ན། །དེ་ལས་དེ་རྟོགས་དེ་མི་འབྱུང་། །དེ་བཞིན་བྱར་མེད་མ་བཙལ་ཞོག །གང་ལ་གནས་པས་སངས་རྒྱས་ཡིན། །དེ་ཚེ་སྤངས་ན་དོན་མེད་པས། །མ་སྤངས་ནམ་མཁའི་ངང་དུ་གནས། །སྒྱུ་མ་ཙམ་ལས་ལྟོས། ཆོས་རྣམས་གཅིག་གི་ངོ་བོ་ལ། །ཚིག་བརྗོད་མང་པོས་ཡོངས་སུ་བསླད། །དོན་དུ་འཚམས་པར་མ་གྱུར་ན། །བུ་གཅིག་མ་སྨྲ་བདེ་བར་གནས། །ཡོངས་ལ་ཁྱབ་ཅིང་དོག་པ་མེད། །ཀུན་དང་མ་འགལ་དོན་དང་མཐུན། །རང་སེམས་སངས་རྒྱས་ཡ་རྟོགས་ན། །ཅི་བརྗོད་སངས་རྒྱས་གསུང་ཡིན་པས། །བློ་ལྡན་བུ་གཅིག་ཅི་ཡོད་སྨྲོས། །འཚམས་པར་གྱུར་པ་ལུང་ལས་གསུངས། །གཏོར་རྒྱུད་ཆེན་པོ་ལས། ལྟ་བ་ཆོས་ཉིད་ཀྱི་ལེའུ་སྟེ་ཉེར་བདུན་པའོ།། །།དེ་ནས་བཅོམ་ལྡན་འདས་ ― DNG008_Page_0458 ―
[མ་དཔེ་གཟིགས་ན་འདིར་གནོན།]
ཀྱིས། རྡོ་རྗེ་སེམས་དཔའ་ལ་སོགས་པ་ལ།དབང་བསྐུར་བའི་དོན་འདི་ཆེད་དུ་བརྗོད་དོ། །རྒྱུ་དང་འབྲས་བུ་ལ་སོགས་པ། །ཞལ་ནས་གསུངས་པ་ཐམས་ཅད་དང་། །གསང་བ་གསང་ཆེན་གསང་མཆོག་རྣམས། །རྣ་དབང་ཡིད་ལ་ཉན་པར་བྱོས། །ཨོཾ་དྷརྨ་ཙཀྲ་ཧཱུཾ། ཨེ་མ་ཧོ། སློབ་མ་བློ་ལྡན་བུས། རྒྱལ་བ་རྣམས་ཀྱིས་གང་གསུངས་པ། །བླ་མའི་ཚིག་ལས་མ་ནོར་བར། །སྣོད་དང་ལྡན་པ་རྣམས་ལ་སྟོན། །ཨོཾ་དྷརྨ་ཙཀྲ་ཕཊ། སྔགས་དང་ཕྱག་རྒྱ་ལ་སོགས་པ། །མ་ཡེངས་རྩེ་གཅིག་ཏིང་འཛིན་གྱིས། །གྲངས་ཚད་རྟགས་རྣམས་མངོན་གྱུར་པར། །རྣལ་འབྱོར་གསང་བར་བསྒྲུབ་པར་གྱིས། །ཨོཾ་ཨཱཿཧཱུཾ་སརྦ་ཨེ་ཤུདྡྷེ་ཧཱུཾ་ཕཊ། རྡོ་རྗེ་རྒྱལ་པོ་སྐུ་གསུམ་འཆང་། །དབྱེར་མེད་ཏིང་འཛིན་མི་གཡོ་བ། །ཐམས་ཅད་ཀུན་གྱིས་འདྲེན་པ་པོ། །མ་ལུས་རྣལ་འབྱོར་འདྲེན་པར་གྱིས། །ཨོཾ་བཛྲ་གྷ་རུ་ས་མ་ཏི་ཧཱུཾ། དེ་ནས་ལས་རྣམས་ཀུན་རྫོགས་པས། །སྔགས་དང་ཕྱག་རྒྱ་ལ་སོགས་པ། །ལས་ཀྱི་བྱེ་བྲག་མང་པོ་དག །ཕྲིན་ལས་རྣམ་བཞི་གང་བྱོས་ཤིག །ཨོཾ་ཀརྨ་སིདྡྷི་ཧཱུཾ། ཞལ་ནས་གསུངས་པའི་ཆོས་ཀུན་ལ། །དེ་ཚེ་བདག་ཉིད་དང་འདྲ་བས། །དང་པོ་ཐོབ་པའི་དབང་བསྐུར་བས། །བདག་དང་འདྲ་བར་ལས་བྱས་ཤིག །ཨཱོཾ་བཛྲ་ར་ཙེ་ས་ཏེ་ཧཱུཾ། དེ་ནས་དབང་དང་གྲུབ་པ་རྣམས། །བརྟན་ཞིང་ཆགས་པར་འདོད་པ་དེས། །རྒྱལ་སྲིད་ལོངས་སྤྱོད་སྣ་ཚོགས་དང་། །བུ་དང་ཆུང་མ་འདྲེལ་པའི་གྲོགས། །ཅི་ཡོད་ལུས་དང་སྲོག་གིས་མཐུད། །བླ་མ་ལ་ནི་མ་ལུས་པར། །གསོག་འཇོག་མེད་པར་དབུལ་བར་བྱ། །དེ་ནི་དཔག་གིས་མི་ལངས་ཏེ། །དབང་བསྐུར་གནང་བ་དེ་བཞིན་དུ། །ཡིད་ལ་ཅི་དགར་དབང་གྱུར་ཏེ། །མཁའ་ལ་འགྲོ་ན་བྱ་བཞིན་ནོ། །འཕགས་པའི་སྐུ་དང་ཐ་མི་དད། །རྒྱལ་བ་ཉིད་ཀྱང་ཅི་བཞིན་དུ། །ཡིད་ལ་བསམ་པས་དབང་བསྐུར་ནས། །གཞན་གྱིས་ལས་རྣམས་སྨོས་ཅི་དགོས། །གང་ཞིག་དབང་རྣམས་མ་ཐོབ་པར། །གང་ཞིག་སྔགས་ལ་ ― DNG008_Page_0459 ―
[མ་དཔེ་གཟིགས་ན་འདིར་གནོན།]
སྤྱོད་བྱེད་པ། །ས་བོན་མེ་ཡིས་ཚིག་པ་བཞིན། །འབྲས་བུ་མེད་ཅིང་བརླག་པར་འགྱུར། །གཏོར་རྒྱུད་ཆེན་པོ་ལས། དབང་གི་ལེའུ་སྟེ་ཉེར་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་སྤྱོད་པ་ཆེན་པོ་འདི་ཆེད་དུ་བརྗོད་དོ། །གཏོར་ནི་ཐབས་ཀྱི་རང་བཞིན་ལ། །མ་ནི་ཤེས་རབ་རང་བཞིན་ཏེ། །ཐབས་དང་ཤེས་རབ་གཉིས་སུ་སྤྱོད། །གཏོར་ནི་ཐབས་ཀྱི་འཕྲོ་འདུ་ཡིན། །མ་ནི་ཤེས་རབ་བསྟན་པའི་ས། །ཐབས་དང་ཤེས་རབ་གཉིས་སུ་སྤྱོད། །གཏོར་ནི་ཐབས་ཀྱི་ཡེ་ཤེས་ཏེ། །མ་ནི་ཤེས་རབ་བརྟེན་པའི་ས། །གཏོར་ནི་ཐབས་ཀྱི་ཡེ་ཤེས་ཏེ། །མ་ནི་དབྱིངས་ཀྱི་ཤེས་རབ་པས། །ཐབས་དང་ཤེས་རབ་གཉིས་སུ་སྤྱོད། །གཏོར་ནི་ཡབ་ཀྱི་བྱང་ཆུབ་སེམས། །མ་ནི་ཡུམ་གྱི་བྱང་ཆུབ་སེམས། །ཐབས་དང་ཤེས་རབ་གཉིས་སུ་སྤྱོད། །གཏོར་མ་ཐབས་དང་ཤེས་རབ་ཀྱིས། །ཐམས་ཅད་སྤྱད་པས་སངས་རྒྱས་རྒྱུ། །འདི་ནི་སྤྱོད་པའི་རྒྱལ་པོའོ། །གཏོར་རྒྱུད་ཆེན་པོ་ལས། སྤྱོད་པའི་ལེའུ་སྟེ་ཉེར་དགུ་པའོ།། །།དེ་ནས་ཡེ་ཤེས་རྒྱལ་པོས་བསྒྲལ་བའི་ཞིང་བཅུ་འདི་ཐུགས་རྗེས་བཟུང་བ་འདི་ཆེད་དུ་བརྗོད་དོ། །ཨེ་མ་ཧོ། གཏོར་མའི་ཞིང་ཁམས་འདི་དག་ན། །མ་རུངས་ཞིང་བཅུ་འབྱུང་སྲིད་སྟེ། །དམིགས་ནི་འཁྲུལ་འཁོར་ཡོངས་སུ་བལྟ། །ཀུན་ལ་གནོད་ཅིང་ཆོམ་རྐུན་བྱེད། །དཀོན་མཆོག་གསུམ་གྱི་ལམ་བཀག་ནས། །ཐུགས་རྗེ་ཆེན་པོའི་གཏོར་མ་དང་ཤ་ཁྲག་རུས་པའི་གཏོར་རྒྱུད་ཆེན་པོ། ངན་སོང་གསུམ་གྱི་ས་བོན་འདེབས། །བདག་དང་སློབ་དཔོན་མཆེད་ཀྱི་དགྲ། །ཉམས་དང་དམ་ལས་ལོག་པ་དང་། །འཁུ་དང་བར་གཅོད་བྱེད་པ་དང་། །མཚམས་མེད་ལྔ་དང་གསོད་ལ་བརྩོན། །ཡེ་ནས་ངན་པའི་ངང་ཚུལ་ཅན། །དེ་དག་བསྒྲལ་བར་བྱ་བའི་ཕྱིར། །ཕོ་ཉ་ཕྱག་བརྙན་ལ་སོགས་རྣམས། །མངོན་སུམ་འདྲ་བར་སྤྲུལ་ནས་ཀྱང་། །དེ་ཚེ་ཁུག་པར་བསམས་ནས་ཀྱང་། །རཾ་ཡཾ་ཁཾ་གིས་བསྲེག་སྦྱངས་ནས། །རིགས་དྲུག་སྐྱེ་བའི་སྙིང་པོ་ལ། །ཡི་གེ་དཔའ་བོ་ ― DNG008_Page_0460 ―
[མ་དཔེ་གཟིགས་ན་འདིར་གནོན།]
འབྲུ་ལྔ་ཡིས། །ཆོ་ག་རྣམ་གསུམ་འཕྲོ་འདུ་ལས། །ངན་སོང་འཁོར་བའི་སྒོ་བཀག་སྟེ། །ལྷ་ཡི་དཀྱིལ་འཁོར་གསལ་བར་བྱེད། །ཡེ་ཤེས་ལྔ་ཡི་ཕྱག་རྒྱ་ཡིས། །རྣམ་ཤེས་ཧཱུཾ་དུ་བསྡུས་ནས་ཀྱང་། །ཨ་དང་ཡང་གི་འཕྲོ་འདུ་ལས། །ཕཊ་ཀྱི་བྱིན་རླབས་དྲག་པོ་ཡིས། །འོག་མིན་བླ་མེད་གནས་མཆོག་ཏུ། །སྦྱོང་བའི་ལྷུམས་སུ་འཕངས་ནས་ཀྱང་། །རྒྱལ་བའི་སྲས་སུ་སྐྱེས་ནས་ཀྱང་། །འཁོར་བར་མི་ལྟུང་སྒོ་བཀག་ནས། །ཐར་པའི་གནས་ལ་དགོད་པར་བྱ། །ཕུང་པོ་གཏོར་མའི་རྫས་སུ་སྤྱད། །མཁའ་འགྲོ་ལ་སོགས་གཟན་དུ་བོར། །ཀུན་གྱིས་ཟོས་པར་བསམས་ནས་ཀྱང་། །རྟགས་མ་ཕྱིན་པར་མི་གཏང་ངོ་། །ཐ་ན་ལན་བདུན་བྱས་པས་ཀྱང་། །སྒྲོལ་བར་འགྱུར་ཏེ་ཐེ་ཚོམ་མེད། །དེ་ཚེ་གཡེལ་ན་དོན་མེད་དོ། །གཏོར་རྒྱུད་ཆེན་པོ་ལས། ཐུགས་རྗེས་གཞན་བསྒྲལ་བའི་ལེའུ་སྟེ་སུམ་ཅུ་པའོ།། །།དེ་ནས་ཡེ་ཤེས་རྒྱལ་པོས། གཉིས་སུ་མེད་པར་སྦྱོར་བ་འདི་ཆེད་དུ་བརྗོད་དོ། །གཏོར་མ་ལ་སོགས་གསང་སྔགས་ཀྱི། །ཡུམ་གྱི་མཚན་ཉིད་བསྟན་པ་ནི། །མཚན་ལྡན་ཚུལ་རྒྱུད་ཤེས་པ་དང་། །རིགས་དང་ཁ་དོག་དབྱིབས་ལ་སོགས། །ཤེས་རབ་མཚན་མཆོག་ཚང་པ་རྣམས། །རྒྱལ་རིགས་རྗེའུ་རིགས་བྲམ་ཟེའི་རིགས། །དམངས་རིགས་གདོལ་བ་ལ་སོགས་པ། །གང་དག་ཡུམ་མཆོག་རྙེད་པ་དེ། །གཡོན་ཕྱོགས་གནས་ལ་ཚུལ་བཞིན་དུ། །མཁའ་གསང་རྣམ་གཉིས་བྱིན་བརླབས་ནས། །བྱང་ཆུབ་སེམས་ཀྱི་འཕྲོ་འདུ་ལས། །བསྙེན་པ་དང་ནི་ཉེ་བསྙེན་པོ། །སྒྲུབ་པ་དང་ནི་སྒྲུབ་ཆེན་པོས། །མཁའ་དབྱིངས་སངས་རྒྱས་དཀྱིལ་འཁོར་ལ། །གཉིས་མེད་བདེ་བའི་དགྱེས་པས་བསྡིམ། །དེ་ཚེ་མཆོད་པ་རྒྱུན་མེད་འབུལ། །དངོས་གྲུབ་ལ་སོགས་གང་འདོད་ལ། །བྱང་ཆུབ་སེམས་ལ་བསྒྲུབ་ཅིང་བླང་། །འདི་ནི་གཉིས་མེད་སྦྱོར་བའི་མཆོག ། ― DNG008_Page_0461 ―
[མ་དཔེ་གཟིགས་ན་འདིར་གནོན།]
གཏོར་རྒྱུད་ཆེན་པོ་ལས། སྦྱོར་བའི་ལེའུ་སྟེ་སོ་གཅིག་པའོ།། །།དེ་ནས་ཡེ་ཤེས་རྒྱལ་པོས། བསྒྲུབ་པ་ཆེན་པོ་འདི་ཆེད་དུ་བརྗོད་དོ། །གཏོར་མ་ལ་སོགས་གང་བསྒྲུབས་ཀྱང་། །དང་པོ་ཕུན་སུམ་ཚོགས་པའི་གནས། །ཡིད་འོང་གཞན་དང་མཐུན་པ་རུ། །དཀྱིལ་འཁོར་ལྷ་ཡི་བཞུགས་གནས་བཞིན། །བྲིས་ཏེ་བསྒོམས་སམ་གང་ཡང་རུང་། །གོམས་པ་ཡིད་ཀྱིས་གསལ་བྱེད་ནས། །སྨན་དང་གཏོར་མ་ལ་སོགས་པ། །བདུད་རྩིའི་ལུང་དང་གཏོར་མའི་ལུང་། །དེ་བཞིན་རྟོགས་ཤིང་དེ་བརླབས་པས། །དཀྱིལ་འཁོར་གཉིས་པོ་རིམ་བཞིན་ནོ། །སྤྱན་དྲང་མཆོད་འབུལ་ཚོགས་དྲངས་ནས། །བསྒོམ་སྦྱངས་ཡི་གེ་འབྲུ་བརྒྱད་བཟླས། །རྟགས་དང་མཚན་མ་མ་བྱུང་བར། །རྒྱུན་མི་འཆད་པར་བསྙེན་ཅིང་བསྒྲུབ། །རབ་ཀྱིས་ཉིན་ཞག་གཅིག་གིས་འགྲུབ། །འབྲིང་གིས་ལོ་དང་ཟླ་བས་འགྲུབ། །ཐ་མས་ལོ་ཟླ་ཚུན་ཆོད་ཀྱིས། །འགྲུབ་གྱུར་འདི་ལ་ཐེ་ཚོམ་མེད། །ཐམས་ཅད་དཀྱིལ་འཁོར་མཐོང་བ་དང་། །ལྷ་མོའི་གཟུགས་དང་སྒྲ་སྙན་དང་། །མཁའ་འགྲོ་ལ་སོགས་མ་ཚོགས་ཀྱིས། །མངོན་སུམ་གཏོར་མ་ལེན་པར་བྱེད། །གཞན་ཡང་མཚན་མ་སྣ་ཚོགས་སྟོན། །དེ་དག་མཐོང་དང་འགྲུབ་པའི་ཚེ། །མྱུར་བར་དངོས་གྲུབ་མཆོག་ཏུ་བླངས། །དེ་ཚེ་གཡེལ་ན་དོན་མེད་པས། །བགེགས་དང་བར་ཆོད་བྱེད་ལ་སོགས། །དྲག་པོའི་གཏོར་མས་བཟློག་པར་བྱ། །གཏོར་རྒྱུད་ཆེན་པོ་ལས། གཏོར་མ་བསྒྲུབ་པའི་ལེའུ་སྟེ་སོ་གཉིས་པའོ།། །།དེ་ནས་ཡེ་ཤེས་རྒྱལ་པོས། རྣལ་འབྱོར་པ་ཡོངས་ལ་ཕན་གདགས་པའི་ཕྱིར།མཚན་མ་ཚོགས་ཀྱི་གཏོར་མ་འདི་ཆེད་དུ་བརྗོད་དོ། །ཚོགས་དང་གཏོར་མ་ལ་སོགས་པ། །རྣལ་འབྱོར་མཆོག་གི་ལོངས་སྤྱོད་སྟེ། །མ་ཉམས་ཐབས་ཀྱིས་དེ་སྤྱོད་པ། །གསང་སྔགས་ཆེ་བའི་རྒྱལ་པོ་ཡིན་ཞེས་བྱ། །ཚོགས་ལ་ཡང་རྣམ་པ་གསུམ་སྟེ། །སྐལ་ལྡན་མའི་ཚོགས་དང་ ― DNG008_Page_0462 ―
[མ་དཔེ་གཟིགས་ན་འདིར་གནོན།]
དགའ་ལྡན་ལྷའི་ཚོགས་དང་། །འབྱོར་ལྡན་ལོངས་སྤྱོད་ཀྱི་ཚོགས་སོ། །དེ་ལ་སྐལ་ལྡན་མིའི་ཚོགས་ནི། །ལྟ་སྤྱོད་མཐུན་པར་བསྡེབ་པའོ། །དགའ་ལྡན་ལྷའི་ཚོགས་ནི། ལྟ་བ་དང་དམ་ཚིག་དང་ཏིང་ངེ་འཛིན་དུ་ལྡན་པའོ། །འབྱོར་ལྡན་ལོངས་སྤྱོད་ཀྱི་ཚོགས་ནི། རྐྱེན་དང་ལོངས་སྤྱོད་རྫོགས་དང་ཡོ་བྱད་དུ་ལྡན་པའོ། །དེ་ལ་འབྱོར་པ་ཆེ་ཆུང་དང་། །རྩོལ་འཕང་མཐོ་དམན་གྱི་རྒྱུ་སྦྱར། རྟོག་པ་ཆེ་ཆུང་དང་། དགོངས་པ་ཆེ་ཆུང་གིས་རྐྱེན་སྦྱར། ལས་འཕྲོ་བཟང་ངན་དང་། གོ་རིམ་ཆེ་ཆུང་གི་མཆོད་པ་ཕུལ་ནས། དམ་ལ་གནས་པ་དང་ཚུལ་དུ་ཤིས་པས་ལོངས་སྤྱོད་ཅིང་ཐུགས་དམ་བསྐང་། སྣོད་དང་ལྡན་ཞིང་བསྒོམ་སྲན་ཆེ་བས་དངོས་གྲུབ་བླང་། ཀློང་དུ་གྱུར་ཅིང་དོན་དང་ལྡན་པས་ལོངས་སྤྱོད་དེ། འགྲོ་བ་ཡོངས་ལ་ཕན་པ་དང་། ལས་ལ་གཟུད་པའི་ཕྱིར། ཕམ་ཕབ་ལྷག་མ་གཅིག་ཏུ་བསྡུས་ཏེ། ཡོངས་ལ་ཁྱབ་པས་གཏོར་མ་ནི། གཏོར་རྒྱུད་ཆེན་པོ་ལས། གཏོར་མའི་ལེའུ་སྟེ་སོ་གསུམ་པའོ།། །།དེ་ནས་ཚོགས་ཀྱི་ལོངས་སྤྱོད་དག །འཇིག་རྟེན་ཁམས་ན་ཡོད་པ་ཀུན། །ལྷ་ཡི་ལོངས་སྤྱོད་རྐྱེན་ཡིན་པས། །འབྱོར་པས་བཤམས་ལ་དབུལ་བར་བྱའོ། །དེ་ལ་དང་པོ་ཚོགས་དྲངས་པ་ནི། རོལ་མོ་དང་རྒྱུད་ཀྱིས་སྣ་དྲངས། དྲི་བསུང་དང་སྤོས་ཀྱི་ངད་སྦྱར། མེ་ཏོག་དང་གཟུགས་ཀྱིས་རྒྱན་བཀྲམ་ནས། དང་པོ་ཚོགས་དྲངས་པ་འདི་སྐད་དོ། །ཧཱུཾ་གཞལ་ཡས་རིན་ཆེན་དམ་པ་འདིར། །བཀའ་དང་མཐུན་པའི་རྫས་མཆོག་བཀྲམ། །གཞུང་ལས་བྱུང་བའི་དཀྱིལ་འཁོར་བཀོད། །རྒྱུད་ལས་བྱུང་བའི་གཏོར་མ་བཞག །ལུང་ལས་བྱུང་བའི་སྨན་སྩལ་ཏེ། །བདེ་གཤེགས་དཀྱིལ་འཁོར་སྤྱན་དྲངས་ཏེ། །བྱོན་བཞུགས་བདག་ཅག་མཆོད་འབུལ་ན། །དམིགས་པ་བཞིན་དུ་བཞེས་སུ་གསོལ། །བསྐུལ་བ་བཞིན་དུ་ཐུགས་དམ་བསྐངས། །བསྟབས་པ་བཞིན་དུ་ ― DNG008_Page_0463 ―
[མ་དཔེ་གཟིགས་ན་འདིར་གནོན།]
ཞལ་དུ་གསོལ། །བཅོལ་བ་བཞིན་དུ་ཕྲིན་ལས་མཛོད། །ཞུ་བ་བཞིན་དུ་དངོས་གྲུབ་སྩོལ། །ཞེས་བརྗོད་ལ་འབྱོར་ཚོགས་ཀྱིས་མཆོད་པ་དྲངས་ལ། ཁྲོ་བོ་བཅུའི་སྔགས་ཀྱིས་མཚམས་བཅད་ནས། དང་པོར་རྡོ་རྗེ་དབྱིངས་ཀྱི་ལྷ་ལ་མཆོད་པར་བྱ་སྟེ། དེ་ལ་དང་པོ་མཆོད་པ་རྣམ་པ་བཞི་ལས། དང་པོ་ཕྱིའི་མཆོད་པའི་ཚོགས་ལས། ཧཱུཾ་བཛྲ་ལཱ་སྱེ་ས་མ་ཡཱ་སྟམ་དུ་གྱུར། དེ་ལས་ལྷ་མོ་ལཱ་སྱེ་མ་འོད་ཟེར་ཁུ་ཚུར་འགྱིངས་པའི་མཆོད་པར་གྱུར་ནས། ཤར་ཕྱོགས་རྡོ་རྗེའི་རིགས་ཀྱི་ལྷ་ལ་ལྷ་ཐིམ་པའི་ཚོགས་ཀྱིས་མཆོད་པར་གྱུར་ཏོ། །དེ་ཡང་མཆོད་པའི་ཚོགས་ལས། ཏྲཾ་མཱ་ལེ་ས་མ་ཡ་ཧོར་གྱུར་ནས། དེ་ལས་ལྷ་མོ་རིན་ཆེན་ཕྲེང་གི་མཆོད་པར་གྱུར་ནས། ལྷོ་ཕྱོགས་རིན་ཆེན་རིགས་ཀྱི་ལྷ་ལ་ལྷ་ཐིམ་པའི་ཚོགས་ཀྱིས་མཆོད་པར་གྱུར་ཏོ། །དེ་ནས་ཡང་མཆོད་པའི་ཚོགས་ལས།ཧྲཱྀཿགཱི་ཏི་ར་ཀོ྅ཧཾ་དུ་གྱུར་ནས། དེ་ལས་ལྷ་མོ་པི་ཝཾ་རྒྱུད་ཀྱི་མཆོད་པར་གྱུར་ནས། ནུབ་ཕྱོགས་པདྨ་རིགས་ཀྱི་ལྷ་ལ་ལྷ་ཐིམ་པའི་མཆོད་པར་གྱུར་ཏོ། །དེ་ནས་ཡང་མཆོད་པའི་ཚོགས་ལས། ཨཾ་ནིར་ཏི་རཱ་ག་ཡཱ་མིར་གྱུར་ནས། དེ་ལས་ལྷ་མོ་གར་གྱི་མཆོད་པར་གྱུར་ནས། བྱང་ཕྱོགས་ལས་ཀྱི་རིགས་ཀྱི་ལྷ་ལ་ལྷ་ཐིམ་པའི་ཚུལ་གྱིས་མཆོད་པར་གྱུར་ཏོ། །དེ་ནས་ནང་གི་མཆོད་པ་ནི། ཚོགས་ཀྱི་མཆོད་པ་ལས། ཛཿདྷཱུ་པེ་པྲ་ཝེ་ཤ །ཧཱུཾ་པུཥ྇་ཨཱ་ཝེ་ཤ །བཾ་དཱི་པཾ་སུ་གི་རཱི། ཧོ་གྷནྡི་ཙིཏྟ་ལས་གོང་མ་བཞིན་དུ་ལྷ་མོ་བཞིའི་སྐུར་གྱུར་ནས། མཚམས་བཞིར་ཚོགས་ཀྱིས་མཆོད་པར་གྱུར་ཏོ། །དེ་ནས་གསང་བའི་མཆོད་པ་ནི། ཚོགས་ཀྱི་མཆོད་པ་ལས། ཨང་ཀུ་ཤ་ཛཿ། པཱ་ཤ་ཧཱུཾ། སྥོ་ཊ་བཾ། གྷནྡི་ཧོར་གྱུར་ནས། དེ་ལས་ཚད་མེད་པའི་ལྷ་མོ་བཞིར་གྱུར་ནས། སྒོ་བཞིར་ཚོགས་ཀྱིས་མཆོད་པར་གྱུར་ཏོ། །དེ་ནས་རབ་ཏུ་གསང་བའི་མཆོད་པ་ནི། ཚོགས་ཀྱི་མཆོད་པ་ལས། མོ་ཧ་རཱ་ཏི་ལ་སོགས་པ་དྲུག་ཏུ་གྱུར། དེ་ལས་ལྷ་མོ་དྲུག་གི་སྐུར་གྱུར་ནས། དཀྱིལ་ ― DNG008_Page_0464 ―
[མ་དཔེ་གཟིགས་ན་འདིར་གནོན།]
འཁོར་གྱི་མགོ་མཇུག་ཏུ་ཚོགས་ཀྱིས་མཆོད་པར་གྱུར་ཏོ། །དེ་ལས་གཞན་ཡང་མཆོད་པའི་ལྷ་མོ་ཅི་འབྱོར་པས་མཆོད་དོ། །དེ་ནས་འབར་བའི་དཀྱིལ་འཁོར་ལ་ཚོགས་ཀྱིས་མཆོད་པ་ནི། བསྒྲལ་བའི་ཞིང་བཅུ་བཀུག་པར་བྱས་ལ། ཚོགས་ཀྱི་རྟེན་ལ་བསྡིམ། དེ་འགུགས་པའི་ཕོ་ཉ་བཏང་བ་འདི་སྐད་དོ། །ཧཱུཾ་བསྐལ་པ་མེ་ལྟར་འབར་བའི་དཀྱིལ་འཁོར་ནས། རྔམས་པའི་ཁྲོ་བོར་སྐུར་སྤྲུལ་ཏེ། །དྲག་ཤུལ་ལས་ཀྱི་ཕོ་ཉའི་ཚུལ། །གཏུམ་ཆེན་རབ་འབར་ཁྲོ་བོ་བཅུ་ལ་སོགས། །རྣམ་པར་རྒྱལ་དང་དབྱུག་སྔོན་ཅན། །གཤིན་རྗེ་གཤེད་དང་མི་གཡོ་མགོན། །རྟ་མགྲིན་དཔལ་དང་འདོད་པའི་རྒྱལ། །བདུད་རྩི་འཁྱིལ་དང་སྟོབས་པོ་ཆེ། །ཁམས་གསུམ་རྣམ་རྒྱལ་ཧཱུཾ་ཀ་ར། །ཕོ་ཉ་ཕྱག་བརྙན་ཉི་ཤུ་རྣམས། །དམ་ཚིག་ཉམས་པ་འདིར་ཁུག་ལ། །ཕོ་ཉ་མང་པོ་ནམ་མཁའི་སྐར་ལྟར་ཁྲོམས། །འགུགས་བྱེད་མང་པོ་བར་སྣང་སྤྲིན་ལྟར་གཏིབས། །ཕྱག་བརྙན་མང་པོ་མཁའ་ལ་ཆར་ལྟར་ཕོབ། །མགྱོགས་བྱེད་མང་པོ་བར་སྣང་གློག་ལྟར་འཁྱུག །ཟ་བྱེད་མང་པོས་སྤྱང་ཚོགས་ལྟར་དུ་རོལ། །གསོད་བྱེད་མང་པོས་བྱ་གྷྲ་གཟན་ལྟར་ཆུམ། །འཛིན་བྱེད་མང་པོས་ཆུ་སྲིན་ཁ་ལྟར་གྱིས། །འཆིང་བྱེད་མང་པོས་ཕྱག་རྒྱའི་ཚོགས་ལྟར་སྡོམས། །གང་ལ་དམིགས་པར་བྱ་བའི་རྣམ་ཤེས་དྲོངས། །བསྡམས་ཤིང་ཁུག་ལ་ཚོགས་ལ་བསྡིམས། །ཨང་ཀུ་ཤ་ཛ་ཛ་ཞེས་བརྗོད་པས། འགྲོ་བ་རིགས་དྲུག་གི་རང་རང་གི་སྙིང་པོ་དྲངས་ལ། ཚོགས་ལ་བསྡིམས་ལ། རཾ་ཡཾ་ཁཾ་གིས་བསྲེག་སྦྱངས་ཚུལ་བཞིན་བྱས་ལ། གཡས་པ་ཡ་མཱན་ཏ་ཀའི་སྐུ་ལས། མུ་ལས་འཇམ་དཔལ་གྱི་རལ་གྲི་རྣོན་པོར་བསམས་ནས། བསྒྲལ་བའི་ཚིག་འདི་སྐད་བརྗོད་དོ། །ཧཱུཾ་གཡས་པ་ཡ་མཱན་ཏ་ཀ་སྟེ། །གསོད་པའི་ལས་ལ་ཤིན་ཏུ་བརྩོན། །འཇམ་དཔལ་རལ་གྲི་རྣོན་པོ་ཡིས། །མི་ཤེས་སྒྲིབ་པའི་དྲ་བ་གཅོད། །འཇམ་དཔལ་སྔོན་ ― DNG008_Page_0465 ―
[མ་དཔེ་གཟིགས་ན་འདིར་གནོན།]
པོ་དཔལ་གྱི་ཞིང་། །བྱམས་དང་སྙིང་རྗེ་གོ་བགོས་ཏེ། །རལ་གྲི་ཨུཏྤལ་སྔོན་པོའི་སོ་འདྲ་བས། །མ་རིག་པ་ཡི་སྦུབས་བཅོམ་སྟེ། །འཁོར་བའི་དྲ་བ་རྒྱུན་བཅད་ནས། །དུག་ཀྱང་ཡེ་ནས་སྨན་དུ་མཛད། །འདི་ནི་ཞེ་སྡང་རྣམ་པར་དག །བསད་པ་འབའ་ཞིག་ལས་སུ་རུང་། །སྙིང་རྗེས་བསྒྲལ་བའི་དམ་ཚིག་ཡིན། །པྲ་བེ་ཤ་ཡ་ཕཊ། ཅེས་བརྗོད་པས། བསྒྲལ་བའི་བསམ་རྒྱུད་ཚུལ་བཞིན་དུ་བྱས་ལ། འཇམ་དཔལ་གྱིས་གཏུབས་ལ། དང་པོ་ཕུད་དང་རྣམ་པར་ཤེས་པ་དང་། །ཕུང་པོས་ཐུགས་དམ་བསྐང་ཞིང་དངོས་གྲུབ་གསོལ་བ་འདི་སྐད་དོ། །ཧཱུཾ་ཁྲག་འཐུང་ཆེན་པོའི་དཀྱིལ་འཁོར་ནས། །འཇིགས་བྱེད་ཁྲོ་བོའི་ཚུལ་སྟོན་པ། །དཔལ་ཆེན་དགུ་དང་ཡུམ་ཆེན་དགུ། །གཉིས་མེད་སྦྱོར་བའི་བྱིན་རླབས་ལས། །ཀཽ་རིའི་ཚོགས་དང་ཕྲ་མེན་ཚོགས། །སྒོ་མའི་ཚོགས་དང་སྤོར་མའི་ཚོགས། །མཁའ་འགྲོ་དབང་ཕྱུག་ཕོ་ཉའི་ཚོགས། །མ་བདུན་སྲིང་བཞི་གིང་ཆེན་ཚོགས། །ཕུང་པོ་དཔལ་ཆེན་ཚོགས་ལ་འབུལ། །དཔལ་ཆེན་ཐུགས་དམ་བསྐང་གྱུར་ཅིག །ཐུགས་དམ་བསྐངས་ནས་དངོས་གྲུབ་སྩོལ། །འབྱུང་ལྔ་ཡུམ་ཆེན་ཚོགས་ལ་འབུལ། །རྣམ་ཤེས་ཀཽའུ་རིའི་ཚོགས་ལ་འབུལ། །ཡུལ་ནི་ཕྲ་མེན་ཚོགས་ལ་འབུལ། །ཡན་ལག་སྒོ་མའི་ཚོགས་ལ་འབུལ། །སྒལ་ཚིགས་དབང་ཕྱུག་ཚོགས་ལ་འབུལ། །རུས་པ་མཁའ་འགྲོའི་ཚོགས་ལ་འབུལ། །ཁྲག་ནི་མ་སྲིང་ཚོགས་ལ་འབུལ། །ཤ་ནི་ཕོ་ཉའི་ཚོགས་ལ་འབུལ། །སྲོག་ནི་གིང་ཆེན་ཚོགས་ལ་འབུལ། །ལྷག་མ་འཁོར་དུ་གཏོགས་ལ་འབུལ། །ཁྱེད་ཀྱི་ཐུགས་དམ་བསྐངས་གྱུར་ནས། །ཕུལ་བའི་དངོས་གྲུབ་སྩལ་དུ་གསོལ། །དེ་ནས་ཕྱིས་འབྱུང་བར་བྱེད་པའི་སྐུ་ལ་བརྡོ་ཞིང་བར་དུ་གཅོད་པའི་དགྲ་བགེགས་དག་འབྱུང་སྲིད་པས། དེ་དག་ཀྱང་ཚུལ་དེ་བཞིན་དུ་བསྟབ་ཅིང་། འབུལ་བར་བྱས་ཏེ་འདི་སྐད་དོ། །ཧཱུཾ་དཔལ་ཆེན་འཁོར་ཚོགས་ ― DNG008_Page_0466 ―
[མ་དཔེ་གཟིགས་ན་འདིར་གནོན།]
ལ་སོགས་དང་། ཅི་བགྱི་བཀའ་ཉན་ཕོ་ཉའི་ཚོགས། །བྲན་དང་ཡང་བྲན་གཡོག་དང་ཡང་གཡོག་དང་། །སྤྲུལ་དང་ཡང་སྤྲུལ་ལྷ་ཚོགས་རྣམས། །ཟས་སུ་གཙང་སྨེ་མེད་པར་ཟ། །སྐོམ་དུ་ཁ་མངར་མེད་པར་འཐུང་། །བང་ནི་རི་ལུང་མེད་པར་རྒྱུག །མཱང་ས་ཟ་ཞིང་བདུད་ཁྱིམ་འཇོམས། །གསོད་ལ་དགའ་ཞིང་ཟ་ལ་དགའ། །ཁྲག་ལ་རྔམ་ཞིང་གསུར་ལ་བསྣམ། །ཤ་ལ་ཟ་ཞིང་རུས་ལ་རོལ། །ཉམས་པ་ལེན་ཅིང་བསྒྲུབ་ལ་སོགས། །ཕྱིས་འབྱུང་དགྲ་བགེགས་ཕུང་པོ་འདི། །མ་བསྟབས་བར་དུ་བཞེས་མི་མཁྱེན། །དཔལ་ལ་བསྟབས་པས་མཚན་མ་བཞེས། །ཡུམ་ལ་བསྟབས་པས་དངོས་པོ་བཞེས། །སྲས་ལ་བསྟབས་པས་རྣམ་ཤེས་གསོལ། །འཁོར་ལ་བསྟབས་པས་གཟུགས་ཕུང་ཆོམ། །ཛ་ཛ་ཛ་ཡིས་དབང་དུ་སྡུད། །ཁ་ཁ་ཁཱ་ཧིས་ཞལ་དུ་གསོལ། །ཁཱ་རཾ་རཀྟ། ཁཱ་རཾ་ཏྲག་ཤ །ཁུ་རཾ་སྨྲིག་ཏ། ཞེས་བརྗོད་ལ། དགོངས་པ་རྣམས་བསྟབས་སོ། །དེ་ནས་གཉིས་མེད་ལོངས་སྤྱོད་ནས། །སྐུ་གསུང་ཚུལ་དུ་གནས་པ་ཡི། །འཁོར་དང་བྲན་དུ་བྱས་པའི་ཕྱིར། །ཞལ་ཆབ་བམ་སོགས་གསལ། །སྔོན་ཚེ་ང་ལས་ཁས་བླངས་ཤིང་། །རྡོ་རྗེའི་དམ་མནོས་ཁས་བླངས་ཡིན། །རང་བཞིན་གནས་དང་སྲིད་འབྱུང་གཉིས། །གོ་རིམ་ཤེས་པར་འདི་གྱིས་ལ། །སྤྲུལ་པའི་དཀྱིལ་འཁོར་གསལ་བསྐྱེད་ནས། །བྲན་ལ་སོགས་པ་དེ་བཞིན་དུ། །གོམ་པ་བདུན་ཅུའི་ཕྱི་རོལ་དུ། །སྤགས་ལ་ལས་བཅོལ་དམོད་པ་གདབ། །ལས་དང་འབྲས་བུ་བརྩམས་པ་ཀུན། །བསམས་པ་བཞིན་དུ་འགྲུབ་པར་འགྱུར། །འགྲོ་དོན་ཙམ་དུ་གདབ་པར་བྱ། །ཡང་དག་དོན་ལ་དེ་དག་མེད། །དེ་ནས་ལས་བཅོལ་ཡོངས་ལ་བསྔོ། །ཕྱོགས་བཅུ་ཀུན་ཏུ་ཁྱབ་པར་གཏོར། །གཏོར་མ་ཆ་གསུམ་བཏང་བའི་རིགས། །དང་པོ་མི་བཟད་གཏེར་དུ་སྦ། །བར་མ་བསྲེག་རྫས་ལུགས་སུ་འབུལ། །ཐ་མ་སྟོང་གསུམ་ཁྱབ་པར་གཏོར། གཏོར་ ― DNG008_Page_0467 ―
[མ་དཔེ་གཟིགས་ན་འདིར་གནོན།]
རྒྱུད་ཆེན་པོ་ལས། ཚོགས་ཀྱི་མཆོད་པའི་ལེའུ་སྟེ་སོ་བཞི་པའོ།། །།དེ་ནས་རྡོ་རྗེ་སེམས་དཔས་འདི་སྐད་ཅེས་གསོལ་ཏོ། །བཅོམ་ལྡན་འདས་ཡབ་ཀུན་ཏུ་བཟང་པོ་མི་མཁྱེན་དགུ་མཁྱེན་པ་དང་། ཡུམ་ཀུན་ཏུ་བཟང་མོས་མི་གཟིགས་དགུ་གཟིགས་པས། ཚོགས་དང་གཏོར་མ་ལ་སོགས་ཏེ། ཅི་ལྟར་སྣང་བའི་ཆོས་འདི་དག་ཐམས་ཅད་དང་པོ་ནས་ཅི་ལྟར་ལགས། འཁྲུལ་པ་ཅི་ལྟར་ལགས། ད་ལྟ་ཆོས་ཐམས་ཅད་ཅི་ལྟར་གནས། འཁྲུལ་པ་ཅི་ལྟར་གནས།ཕྱིས་ཆོས་ཐམས་ཅད་ཅི་ལྟར་འགྱུར། འཁྲུལ་པས་ཅི་ལྟར་འགྱུར་བ་ལུང་བསྟན་དུ་གསོལ། ཡབ་གཅིག་ལུང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སེམས་དཔའ་ཆེན་པོ་ཅི་ལྟར་སྣང་བའི་ཆོས་ཐམས་ཅད། སུས་ཀྱང་མ་བྱས་མ་བཅོས་མ་སྐྱེས་མི་འགག སྐྱེ་བ་མེད་པ་ཡིན་ལ། འཁྲུལ་པས་རྒྱུ་འབྲས་དང་།ཆགས་འཛིན་དུ་སྣང་ངོ་། །ད་ལྟར་ཆོས་ཐམས་ཅད་མི་དམིགས་མི་གཡོ་བའི་རང་བཞིན་ལ། འཁྲུལ་པས་ང་དང་གཞན་དུ། ཕྱི་དང་ནང་དུ་སྣང་ངོ་། །ཕྱིས་ཆོས་ཐམས་ཅད་མི་འཕོ་མི་འགྱུར་བའི་རང་བཞིན་ལ། འཁྲུལ་པས་བཟང་ངན་དང་ཆེ་ཆུང་དང་ཕྱོགས་རིས་སྐྱེ་ཞིང་བལྟ་བ་འདི་ལྟ་སྟེ། སངས་རྒྱས་དང་སེམས་ཅན་ཐམས་ཅད་ཀུན་ཏུ་བཟང་པོའི་ངང་ཉིད་དུ་གནས་པ་ལ། སུ་ཡང་མ་ཡིན།སུ་ཡང་མི་གནས། སུ་ཡང་མི་གསུང་། སུས་ཀྱང་མི་བསྟན། འཁྲུལ་པ་ལ་ལ་ནི་སྟོན་པ་ཀུན་ཏུ་བཟང་པོ་སེམས་ཉིད་ཀྱི་ཀློང་ན་བཞུགས་པ། ཨ་ཏི་ཡོ་ག་ཐེག་པའི་ལུང་བསྟན་དུ་གསོལ་ཞེས་འཛེར་ཏོ། །འཁྲུལ་པ་ལ་ལ་ནི་ཀུན་ཏུ་བཟང་མོའི་མཁའ་ལ་ཀུན་ཏུ་བཟང་པོའི་རྡོ་རྗེ་ཞུགས་པས། ཨ་ནུ་ཡོ་གའི་ཐེག་པ་ལུང་བསྟན་དུ་གསོལ། ཞེས་འཛེར་ཏོ། །འཁྲུལ་པ་ལ་ལ་བཙུན་མོའི་བྷ་ག་ལ། སྟོན་པ་རྡོ་རྗེ་སེམས་དཔའ་བཞུགས་པས། མ་ཧཱ་ཡོ་གའི་ཐེག་པ་ལུང་བསྟན་དུ་གསོལ་ཞེས་ཟེར་ཏོ། །འཁྲུལ་པ་ལ་ལ་རིན་པོ་ཆེ་དང་རྡོ་རྗེའི་གནས་ན། ― DNG008_Page_0468 ―
[མ་དཔེ་གཟིགས་ན་འདིར་གནོན།]
སྟོན་པ་རྣམ་པར་སྣང་མཛད་བཞུགས་པས། ཡོ་གའི་ཐེག་པ་ལུང་བསྟན་དུ་གསོལ་ཞེས་འཛེར་ཏོ། །འཁྲུལ་པ་ལ་ལ་ནི་རི་རབ་ཀྱི་ཟོམ་ན། རྡོ་རྗེ་འཛིན་པ་བཞུགས་པས། ཀྲི་ཡའི་ཐེག་པ་ལུང་བསྟན་དུ་གསོལ་ཞེས་འཛེར་ཏོ། །འཁྲུལ་པ་ལ་ལ་ནི་བྱ་རྒོད་ཕུང་པོའི་རི་ལ་ཤཱཀྱ་ཐུབ་པ་བཞུགས་པས། མཚན་ཉིད་ཀྱི་ཐེག་པ་ལུང་བསྟན་དུ་གསོལ་ཞེས་འཛེར་ཏོ། །དེ་བཞིན་དུ་ལ་ལས་ནི་རིགས་ལྔའི་འཁོར་དུ་མཐོང་། ལ་ལས་ནི་རིགས་ལྔ་དང་བྱང་ཆུབ་སེམས་དཔའི་འཁོར་དུ་མཐོང་། ལ་ལས་ནི་བྱང་ཆུབ་སེམས་དཔའ་དང་ལྷའི་འཁོར་དུ་མཐོང་། ལ་ལས་བྱང་ཆུབ་སེམས་དཔའ་དང་ལྷ་མ་ཡིན་གྱི་འཁོར་དུ་མཐོང་། ལ་ལས་བྱང་ཆུབ་སེམས་དཔའ་དང་ཉན་ཐོས་ཀྱི་འཁོར་དུ་མཐོང་། ལ་ལས་ཆོས་ཐོས་པར་མཐོང་། ལ་ལས་ཆོས་མ་ཐོས་པར་མཐོང་། ལ་ལས་འགྲོ་བ་རིགས་ཐ་དད་པར་མཐོང་། ལ་ལས་བདེ་སྡུག་གི་དོན་སོ་སོར་སྣང་བར་མཐོང་། དེ་ལྟར་མཐོང་ཡང་དེ་ལྟར་སྟོན་ཅིང་དེ་ལྟར་འབྱུང་བ་ནི་གང་ཡང་མེད་དོ། །དེ་ཅིའི་ཕྱིར་ཞེ་ན། སྐྱེ་བ་མེད་པ་ལ་སྐྱེ་བའི་ཆོ་འཕྲུལ་དུ་སྣང་བའོ། །གཞན་ཡང་ལ་ལ་ནི་ཉན་ཐོས་རྣམས་ཀྱིས་བསྡུས་པར་མཐོང་ངོ་། །དེ་ལ་ཡང་གྲངས་བསམ་གྱིས་མི་ཁྱབ་པར་མཐོང་ངོ་། །ལ་ལས་བྱང་ཆུབ་སེམས་དཔའ་རྣམས་ཀྱིས་བསྡུས་པར་མཐོང་ངོ་། །དེ་ཡང་རིས་བསམ་གྱིས་མི་ཁྱབ་པར་མཐོང་ངོ་། །ལ་ལ་ནི་རིགས་ལྔ་རྣམས་ཀྱིས་བསྡུས་པར་མཐོང་ངོ་། །དེ་ལ་ཡང་རིགས་བསམ་གྱིས་མི་ཁྱབ་པར་མཐོང་ངོ་། །ལ་ལ་ཀུན་ཏུ་བཟང་པོ་ཉིད་ཀྱིས་བསྡུས་པར་མཐོང་ངོ་། །དེ་ལ་ཡང་རིགས་བསམ་གྱིས་མི་ཁྱབ་པར་མཐོང་ངོ་། །དེ་ལྟར་མཐོང་ཡང་སྟོན་པ་མེད། སྡུད་པ་མེད། བསྡུས་པ་མེད། མཐོང་བ་མེད། མ་མཐོང་བ་མེད། །དེ་ཅིའི་ཕྱིར་ཞེ་ན། སྐྱེ་བ་མེད་པ་ལས་ཆོ་འཕྲུལ་འབྱུང་བ་ཡང་མ་གཡོས་པའོ། །གཞན་ཡང་ལ་ལས་བསྟན་པ་གོང་དུ་བྱུང་བར་མཐོང་ངོ་། །ལ་ལས་ཡེ་མ་མཐོང་ངོ་། །ལ་ལས་བསྟན་པ་རབ་ ― DNG008_Page_0469 ―
[མ་དཔེ་གཟིགས་ན་འདིར་གནོན།]
འབྱུང་བར་མཐོང་ངོ་། །ལ་ལས་མ་མཐོང་ངོ་། །ལ་ལས་བསྟན་པ་ཕྱིས་འབྱུང་བར་མཐོང་ངོ་། །ལ་ལས་མ་མཐོང་ངོ་། །ལ་ལས་ཤོག་ཤོག་དཀར་པོ་ལ་སྣག་ཚ་ནག་པོས་བྲིས་ནས་གཙུག་ལག་ཁང་ཆེན་པོ་ན་བཞུགས་ཤིང་སྤྱོད་པར་མཐོང་ངོ་། །ལ་ལས་མ་མཐོང་མ་ཐོས་སོ། །ལ་ལས་གྲོང་ཁྱེར་ན་གླེགས་བམ་དུ་བཞུགས་ནས་མཆོད་ཅིང་བསྟོད་པར་མཐོང་ངོ་། །ལ་ལས་བསྟན་པ་ཕྱིས་འབྱུང་བར་མཐོང་ངོ་། །ལ་ལས་རི་རྩེ་ནས་རིན་པོ་ཆེས་བྲིས་ནས་མཆོད་ནས་བསྒོམ་ཞིང་སྤྱོད་པར་མཐོང་ངོ་། །ལ་ལས་མ་མཐོང་མ་བསྒོམས་སོ། །ལ་ལས་རྒྱལ་པོའི་ཁང་སྟེངས་ནས་བསྒོམས་ནས་བསྒྲུབ་ཅིང་སྤྱོད་པར་མཐོང་ངོ་། །ལ་ལས་མ་མཐོང་མ་བསྒྲུབས་སོ། །ལ་ལས་ནི་དུར་ཁྲོད་ཆེན་པོ་ནས་གོ་ཞིང་སྤྱོད་པར་མཐོང་ངོ་། །ལ་ལས་མ་གོ་མ་མཐོང་ངོ་། །ལ་ལས་གསེར་གྱི་གླེགས་བམ་ལ་རིན་པོ་ཆེ་བཞུ་བས་བྲིས་ནས། ཀོ་ཥའི་མཛོད་ནས་གོ་ནས་རྟོགས་ཤིང་སྤྱོད་པར་མཐོང་ངོ་། །ལ་ལས་མ་མཐོང་མ་རྟོགས་སོ། །དེ་བཞིན་དུ་ལ་ལས་རྒྱུ་འབྲས་སུ་མཐོང་ངོ་། །ལ་ལས་བཟང་ངན་དུ་མཐོང་ངོ་། །ལ་ལས་ཕྱི་ནང་དུ་མཐོང་ངོ་། །ལ་ལས་མཐོ་དམན་དུ་མཐོང་ངོ་། །ལ་ལས་རྒྱུ་འབྲས་ལ་སོགས་པ་གང་དུ་ཡང་མ་མཐོང་མ་རྟོགས་སོ། །དེ་ལྟར་མཐོང་ཡང་དེ་གང་དུ་ཡང་བརྟན་ཅིང་ཕྱེ་བ་མེད་དོ། །དེ་ཅིའི་ཕྱིར་ཞེ་ན། ཆོས་ཉིད་ལ་བཟང་ངན་དུ་མ་གསུངས་སོ། །གཞན་ཡང་ལ་ལས་གང་ཟག་འཕགས་པའི་ཁོངས་སུ་གཏོགས་པ་རྣམས་ཀྱིས་བཤད་ཅིང་བསྟན་པར་མཐོང་ངོ་། །ལ་ལས་གང་ཟག་འཕགས་པའི་ཞལ་མཐོང་བ་རྣམས་ཀྱིས་བཤད་ཅིང་བསྟན་པར་མཐོང་ངོ་། །ལ་ལས་གང་ཟག་འཕགས་པའི་དངོས་གྲུབ་ཐོབ་པ་རྣམས་ཀྱིས་བཤད་ཅིང་བསྟན་པར་མཐོང་ངོ་། །ལ་ལས་གང་ཟག་འཕགས་པའི་སྤྲུལ་པ་རྣམས་ཀྱིས་བཤད་ཅིང་བསྟན་པར་མཐོང་ངོ་། །ལ་ལས་འཕགས་པ་དང་གང་ཟག་ཐ་མི་དད་པ་རྣམས་ཀྱིས་བཤད་ཅིང་བསྟན་པར་མཐོང་ངོ་། །ལ་ལས་འཕགས་པ་དང་གང་ཟག་གཉིས་ཀྱིས་བཤད་ཅིང་བསྟན་ ― DNG008_Page_0470 ―
[མ་དཔེ་གཟིགས་ན་འདིར་གནོན།]
པར་མཐོང་ངོ་། །ལ་ལས་དེ་གང་ཡང་མ་མཐོང་མ་བཤད་དོ། །དེ་ལྟར་མཐོང་ཡང་སྐྱེ་བ་མེད་པའི་དོན་ལ་ཆེ་ཆུང་དང་བཟང་ངན་བསྟན་པ་གང་ཡང་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་རང་གི་བྱང་ཆུབ་ཀྱི་སེམས་སུ་གཅིག་པ་ལས་གང་དུ་ཡང་བསྟན་པ་མེད་དོ། །སེམས་དཔའ་ཆེན་པོ་དེ་བཞིན་དུ་གཅིག་པ་ལ། དཔེར་ན་ནམ་མཁའི་སྤྲིན་བཞིན་དུ་འཁྲུལ་པ་རང་གིས་གཅིག་ལ་གཅིག་བསྒྲིབ་པར་བྱེད་དོ། །གཅིག་ལ་གཅིག་གནོད་པར་བྱེད་དོ། །གཅིག་ལ་གཅིག་སྨོད་པར་བྱེད་དོ། །དེ་དག་ཀྱང་འདི་ལྟ་སྟེ། ཆོས་གཅིག་ལ་འཇིག་རྟེན་པའི་ཆོས་དང་། མྱ་ངན་ལས་འདས་པ་གཉིས་སུ་སྤྱོད་པར་བྱེད་དོ། །དེ་གཉིས་རིས་སུ་བཟུང་བས་མུ་སྟེགས་ལ་སོགས་པ་སངས་རྒྱས་ཀྱི་བཀའ་ལ་ལོག་པར་རྒོལ་བ་ཤ་སྟག་འབྱུང་བར་བྱེད་དོ། །དེའི་ཚེ་སངས་རྒྱས་ཀྱི་བསྟན་པ་ལྔ་བརྒྱ་བདུན་དུ་གནས་པ་ལས། བསྟན་པ་དང་པོ་ལ་མུ་སྟེགས་ཀྱི་དགྲས་རྒྱུའི་ཆོས་དྷརྨ་གླེགས་བམ་ཐམས་ཅད། མེ་དང་ཆུ་ལ་སོགས་པས་མེད་པར་བྱེད་ཅིང་། བསྟན་པ་ལ་དགྲ་ལན་གསུམ་དར་བར་བྱེད་དོ། །དེ་ནས་བསྟན་པ་འདི་རྒྱ་གར་ཡུལ་དུ་ཕོག་ཅིག་ནུབ་པར་བྱེད་དོ། །དེ་ནས་བྲམ་ཟེའི་རིགས་དག་གིས། སྐྱེ་བས་ཐོབ་པ་དང་། རྒྱལ་ཁམས་གཞན་དག་ལས་ཕལ་ཆེར་བསྡུས་ནས། ཅུང་ཟད་ཅིག་རྒྱས་ཤིང་འཕེལ་བར་བྱེད་དོ། །དེ་ཙམ་ན་གསང་སྔགས་འབྲས་བུའི་ཆོས་གླེགས་བམ་ཀུན་ནི། མེ་དང་ཆུ་ལ་སོགས་པས་ཚིག་ཅིང་རུལ་བར་མ་གྱུར་ཏེ། སའི་གཏེར་དང་རིན་པོ་ཆེའི་སྒྲོམ་ན་གནས་པར་བྱེད་དོ། །དེ་ལ་སྔོན་གྱི་ལས་ཀྱིས་འཇུག་པའི་གསང་སྔགས་སྤྱོད་པར་རབ་ཅིག་ནི། ཕྱག་རྒྱ་ཆེན་པོའི་རིག་འཛིན་དུ་སངས་རྒྱས་པ་ཚོམ་བུ་བརྒྱ་དང་སྟོང་འབྱུང་བར་བྱེད་དོ། །ལོག་པའི་ཆོས་ཀྱང་རྒྱུ་ལས་མང་དུ་འབྱུང་སྟེ། ནད་དང་མུ་གེ་དང་མ་རུངས་པ་དང་། དམྱལ་བར་སྐྱེ་བ་ཡང་ཤ་སྟག་འབྱུང་བར་བྱེད་དོ། །ལྔ་བརྒྱ་གཉིས་པ་ལ། རྒྱུའི་ཆོས་དར་བར་འགྱུར་ཏེ། རིང་བསྲེལ་དང་། གཙུག་ལག་ ― DNG008_Page_0471 ―
[མ་དཔེ་གཟིགས་ན་འདིར་གནོན།]
དང་། རྟེན་པའི་དགེ་བ་ཁམས་གཅིག་ཀྱང་སྤྱོད་པར་འགྱུར་བ་དང་། རྒྱ་གར་ཡུལ་དང་།ཨུ་རྒྱན་དང་། ཁ་ཆེ་དང་། ལིའི་ཡུལ་དང་། བོད་ཀྱི་ཡུལ་ལ་སོགས་པ་རྣམས་སུ་ཡང་། སྔོན་གྱི་སྨོན་ལམ་ལས་རྒྱལ་པོ་དད་པ་ཅན་ཤས་ཀྱང་འབྱུང་བར་འགྱུར་ལ། རྒྱལ་ཁམས་ཀྱི་སྐད་མི་མཐུན་པ་མཐའ་དག་ཏུ་ཡང་རྒྱུའི་ཆོས་དར་བར་བྱེད་པའི་ལོ་ཙཱ་བ་ཡང་ཤ་སྟག་ཏུ་འབྱུང་བར་འགྱུར་རོ། །དེ་ཙམ་ན་གསང་སྔགས་འབྲས་བུའི་ཆོས་མཐའ་དག་རྒྱ་གར་ཡུལ་གྱི་གནས་གསུམ་པོ་དག་ན། སློབ་དཔོན་ཡེ་ཤེས་སེམས་དཔའི་སྤྲུལ་པ་དག་གིས། གནས་གསང་བ་ན་དར་ཞིང་སྤྱོད་པར་བྱེད་དེ། བློ་རྩལ་དང་ལྡན་པ་འགས་ཀྱང་འཕྲིགས་ཤིང་རྒྱས་པར་འགྱུར་རོ། །དེའི་ཚེ་རྒྱལ་ཁམས་སུ་འཁྲུག་པ་དང་། རིམས་ནད་དང་། མུ་སྟེགས་ཀྱི་རྒོལ་བ་ལ་སོགས་པ་བདུད་ཀྱི་བར་ཆད་ཁམས་གཅིག་འབྱུང་བར་འགྱུར་རོ། །དེ་ནས་ལྔ་བརྒྱ་གསུམ་པ་ལ། དཔལ་ཆེན་པོའི་ཐུགས་ཀྱི་སྤྲུལ་པ་ཞིག་ཨུ་རྒྱན་གྱི་ཡུལ་དུ་འབྱུང་ནས། དེས་གསང་སྔགས་འབྲས་བུའི་ཆོས་སྔོན་གྱི་གླེགས་བམ་དུ་བཞུགས་པ་དང་། དབང་མི་བཟའ་བའི་རྒྱུད་ཀྱི་རིམ་པ་མནོས་ནས། ཨུ་རྒྱན་དང་ཟ་ཧོར་དང་། བལ་པོ་དང་ལི་ལ་སོགས་པའི་རྒྱལ་ཁམས་དྲུག་ཏུ་གྲགས་ཤིང་འཕེལ་བར་འགྱུར་ཏེ་དེའི་ཚེ་ཆོས་སྤྱོད་པ་རྣམས་ཀྱིས་མུ་སྟེགས་དང་ལོག་པའི་ཕྱོགས་ལོག་པ་ཚར་གཅོད་པ་དང་། བདུད་དང་སྲིན་པོ་ཐམས་ཅད་གཏོར་མས་དམ་ལ་འདོགས་པ་དང་། ཐམས་ཅད་ཀྱང་རྩ་བའི་གཏོར་མ་འདི་དང་དུ་ལེན་ཅིང་ཚོམ་བུའི་རིགས་བསམ་གྱིས་མི་ཁྱབ་པ་ཀུན་ཚེ་ལོ་བསམ་གྱིས་མི་ཁྱབ་པ་ཐུབ་པར་འགྱུར་ཞིང་། ཕོ་དང་མོའི་རིགས་ལུས་མ་བོར་བར་ཕྱག་རྒྱ་ཆེན་པོའི་གནས་སུ་སངས་རྒྱས་པར་འགྱུར་རོ། །དེའི་ཚེ་དུས་བཟང་ཞིང་རྒྱལ་ཁམས་ཡོངས་སུ་ལེགས་པ་མཐའ་དག་འབྱུང་ཞིང་ཉེས་པ་སྣ་འགའ་ཙམ་ཡང་མི་འབྱུང་བར་གནས་པར་འགྱུར་རོ། །དེ་ལས་ཀྱང་བལ་པོའི་ཡུལ་དུ་ཟབ་ཅིང་རྒྱས་པར་གྱུར་ཏེ། ― DNG008_Page_0472 ―
[མ་དཔེ་གཟིགས་ན་འདིར་གནོན།]
དེ་དག་ཀྱང་གྲུབ་པ་ཐོབ་པ་དེ་བཞིན་ནོ། །དེ་ནས་ལྔ་བརྒྱ་བཞི་པ་ལ། འདུལ་བའི་ཤས་ཕྲན་ཚེགས་དར་བར་འགྱུར་ལ། མུ་སྟེགས་དང་སངས་རྒྱས་ཀྱི་བཀའ་གཉིས་ལོ་ཉིས་བརྒྱར་རེས་བཟུང་ནས་སྤྱོད་པར་འགྱུར་རོ། །ལོ་སུམ་བརྒྱ་ལ་མུ་སྟེགས་དར་ནས་སངས་རྒྱས་ཀྱི་བསྟན་པ་ཕྱེད་ཤས་ནུབ་པར་བྱས་ཏེ། འཇིག་རྟེན་གྱི་འདྲེ་སྲིན་མང་བར་འཕེལ་ཏེ། རྒྱ་གར་གྱི་ཡུལ་ན་གླེགས་བམ་གྱི་ཆོས་རྣམས་རྒྱ་ནག་པོའི་ཡུལ་རྣམས་སུ་འགྲོ་ཞིང་། དེའི་རྒྱལ་ཁམས་ཐམས་ཅད་མུ་སྟེགས་ནག་པོའི་ལས་ཀྱིས། བོད་ཡུལ་དང་མོན་ལ་སོགས་པ་ཡུལ་གྱི་རུ་མཚམས་རྣམས་སུ་འཕྱོ་ཞིང་འཁྲུག་པ་དང་། འཕོ་འཕྱུགས་ཀྱི་ལས་དང་། སྡུག་བསྔལ་ལོ་བརྒྱར་གནས་པར་འགྱུར་རོ། །དེ་ནས་ལོ་བཞི་བརྒྱ་ལ། སའི་བྱང་ཆུབ་སེམས་དཔའ་རྣམས་ཀྱིས་སྤྲུལ་པ་ལས། ཆོས་སྐྱོང་བའི་རྒྱལ་པོ་དང་། འཕགས་པའི་ཁོངས་སུ་གཏོགས་པའི་གང་ཟག་རྫུ་འཕྲུལ་ཡ་མ་ཟུང་དང་ལྡན་པས་མུ་སྟེགས་རྟག་ཆད་ཀྱི་ལྟ་བ་སུན་ཕྱུང་ཞིང་བཏུལ་ལོ། །དེའི་ཚེ་མུ་སྟེགས་བསྟན་པ་ནུབ་ཅིང་སངས་རྒྱས་ཀྱི་བསྟན་པ་འཕེལ་བ་ཡང་བྱེད་དོ། །དེ་ནས་ལོ་ལྔ་བརྒྱ་ལ་དད་པ་ཅན་དང་སྐལ་ལྡན་མཁས་པའི་ལོ་ཙཱ་བ་མང་དུ་བྱུང་ནས། སྡེ་སྣོད་ཀྱི་ཆོས་མང་པོས་ཁྱབ་ཅིང་རྒྱལ་ཁམས་མཐའ་དག་ཏུ་དར་ཞིང་རྒྱས་ཏེ། གླེགས་བམ་ལ་སོགས་པ་ལ་མཆོད་ཅིང་བཀུར་སྡི་བྱེད་པར་འགྱུར་རོ། །ཡུལ་བར་ཏ་ནི་ནས་ཨུ་ཏྲོ་དང་། སིང་ག་ལ་དང་བོད་ཀྱི་ཡུལ་ལ་སོགས་པ་རྣམས་སུ་རྒྱས་ཤིང་འཕེལ་བར་འགྱུར་རོ། །དེ་ནས་ལྔ་བརྒྱ་ལྔ་པ་ལ། དང་པོ་བརྒྱ་ལ་གཙུག་ལག་དང་། སྨན་དཔྱད་ལ་སོགས་པ་བྱང་ཆུབ་སེམས་དཔའ་རྣམས་ཀྱིས་རྒྱས་ཤིང་འཕེལ་ལོ། །བརྒྱ་གཉིས་པ་ལ་རྒྱལ་ཁམས་ཡོངས་སུ་ཁང་ཁྱིམ་དང་། སྡེ་དང་རིས་དང་། ཁྲིམས་དང་བཅའ་གཞི་འཕེལ་ལོ། །བརྒྱ་གསུམ་པ་ལ། ཆེ་ཆུང་དང་བཟང་ ― DNG008_Page_0473 ―
[མ་དཔེ་གཟིགས་ན་འདིར་གནོན།]
ངན་དུ་འཕེལ་ཏེ།ཆོས་མདོ་སྡེ་དར་ཏེ་དགེ་སྡིག་དང་ཆོས་ལ་ཡིད་ཆེས་པའི་རྒྱལ་པོ་དང་། བློན་པོ་གྲངས་ཀྱིས་བྱུང་ནས་དད་པ་དང་བསྙེན་བཀུར་གྱིས་བསོད་ནམས་དང་ཚོགས་སྐྱེ་བ་ཤ་སྟག་གནས་སོ། །དེ་ཙམ་ཡན་ཆད་དུ་གསང་སྔགས་གཏོར་མའི་ཆོས་འདི་པ་ལ། རྒྱལ་པོ་ཆོས་ཉིད་ལ་མི་ཕྱོགས་པ་དང་། བློན་པོ་ཕྲག་དོག་ཅན་གྱིས་དབང་བསྒྱུར་ཏེ། གསང་སྔགས་ཀྱི་ཆོས་དབང་ཡོད་པ་དང་། ཐབས་མཁས་པ་འགའ་ཙམ་གསང་ནས་སྤྱོད། གཞན་སྤྱོད་དུ་མི་སྟེར་ཞིང་། གསང་སྔགས་ས་དབྱིབས་དང་། གཙུག་ལག་ཁང་གི་ཀ་བ་ལ་སོགས་པར་སྦས་སོ། །དེའི་དུས་སུ་རྒྱལ་ཁམས་སུ་མི་བདེ་བ་དང་། སྙིང་རྗེ་མེད་པར་གཅིག་གིས་གཅིག་གསོད་པ་དང་། རྗེ་ཁོལ་དང་ཆེ་ཆུང་གི་རིམ་པ་མེད་པར་གསོད་ཅིང་སྤྱུགས་པ་དང་། གནས་ནས་འདོན་པ་ལ་སོགས་མི་བདེ་བའི་སྡུག་བསྔལ་སྣ་ཚོགས་པ་མྱང་ཞིང་རྒྱལ་ཁམས་སིལ་བུར་འཆད་པར་འགྱུར་རོ། །དེ་ནས་བརྒྱ་གསུམ་པ་ལ། འདིའི་བརྒྱ་གྲངས་གོང་འོག་མ་འགྲིབ་པར་དཔྱད། ལུང་རྒྱུད་སྔ་གཉིས་སུ་ཆད་ནས། རྒྱུད་ཀྱི་ཆོས་གདལ་བ་ཆེན་པོར་སྤྱད། ཐམས་ཅད་ཡོངས་སུ་དམ་ལ་བཙུད་དེ་དར་ཞིང་རྒྱས་པར་སྤྱོད་ནས།ལུང་བསུབས་པས་སྟོན་པས་མཐུ་བྱིན་ཆུང་ལ་འབྲས་བུའི་ཆོས་ལ་ཞུགས་པས་རྒྱལ་ཁམས་ཀུན་ཅུང་ཟད་ཅིག་བདེ་ཞིང་། རྩ་བའི་གཏོར་མ་འདི་རྟོགས་མ་རྟོགས་ཀུན་སྤྱོད་པར་འགྱུར། རྒྱུད་ཉིད་ཀྱང་རིས་གཉིས་སུ་འཛིན་ཅིང་། གཅིག་ལ་གཅིག་སྐུར་པ་འདེབས་ཏེ། དམ་ཉམས་པས་མཐུ་བྱིན་མེད་པར། ཀེའུ་ཤང་དང་གསར་བུའི་ཆོས་སྡེབས་པ་མང་པོར་སྤྱོད་པར་འགྱུར་རོ། །དེ་ནས་བརྒྱ་བཞི་པ་ལ། མཐུ་བྱིན་མེད་པས་མ་རུངས་པ་དག་འབྱུང་ལ། རྒྱུད་དང་མདོ་སྡེར་ཆད་ནས། མདོ་སྡེས་རྒྱུད་བསུབས་ཏེ། སྔོན་གྱི་ཟབ་ཅིང་རྒྱ་ཆེ་བའི་བཀའ་བརྒྱུད་ལས། གཞན་ནི་སངས་རྒྱས་ཀྱི་བཀའ་མིན་ཞེས་སྒྲོ་འདོགས་པར་བྱེད་དོ། །དེའི་མཐའ་འཁོབ་པའི་རྒྱལ་པོ་དག་ཀྱང་། རྒྱུའི་ཆོས་དར་ཆེ་བར་འབྱིན་ལ། འབྲས་ ― DNG008_Page_0474 ―
[མ་དཔེ་གཟིགས་ན་འདིར་གནོན།]
བུའི་ཆོས་ནུབ་པར་སྒྲོ་འདོགས་པར་བྱེད་དོ། །དེའི་དུས་ན་འཁྲུག་པ་དང་རིམས་ནད་མང་བར་འབྱུང་ཞིང་། མུ་གེ་ཡང་སྐབས་སུ་འབྱུང་ཞིང་། དེ་རྣམས་ཀྱང་དུས་མ་ཡིན་པར་འཆི་ལྟས་ངན་པ་དག་འབྱུང་བར་འགྱུར་རོ། །དེ་ནས་ལྔ་བརྒྱ་པ་ལ་མདོ་སྡེ་ནུབ་ནས་འདུལ་བ་ཤེས་འབྱུང་སྟེ། བྱང་ཕྱོགས་ཀྱི་རྒྱུད་དུ་དར་བར་འགྱུར་རོ། །དེ་ཙམ་ན་གསང་སྔགས་འབྲས་བུའི་ཆོས་ནི། གང་ཟག་གཅིག་འགས་སྤྱོད་པར་འགྱུར་ཏེ། དེ་འབྲས་བུའི་འཕང་མི་ཞན་པ་ཐོབ་པར་འགྱུར་རོ། །དེ་ཙམ་ན་རྩ་བའི་གཏོར་མ་འདི་ལ་དུས་དང་སྐབས་དང་། གང་རིག་འཛིན་རྣམས་ཀྱིས་སྤྱོད་ཅིང་། ལྷ་མ་སྲིན་ལས་འཕྲོ་དང་ལྡན་པ་ཤ་སྟག་དམ་ལ་འདོགས་ཤིང་གཉན་ཞིང་མཐུ་བྱིན་དང་ལྡན་པར་སྤྱོད་པར་འགྱུར་རོ། །དེ་ནས་བརྒྱ་བཞི་པ་ལ། ཤྲཱི་ན་ལེནྡྲ་དང་། རྡོ་རྗེ་གདན་ལ་སོགས་པ་རྒྱ་གར་དང་། ཁ་ཆེ་དང་། ལི་དང་། ཨུ་རྒྱན་ཡུལ་ལ་སོགས་པ་གནས་ཁྱད་པར་ཅན་དུ།གང་ཟག་ཁྱད་པར་ཅན་གྱིས་བསྒྲུབ་པ་ཁྱད་པར་ཅན་གྱིས་གསང་སྔགས་འབྲས་བུའི་སྒོ་ནས་གྲུབ་པ་ཐོབ་པ་ཤ་སྟག་འབྱུང་སྟེ། དངོས་གྲུབ་ཐོབ་པ་དང་།འཕགས་པའི་ཞལ་མངོན་དུ་གྲུབ་པར་མཐོང་བ་དང་། ཡིད་ཆེས་ཤིང་མཐར་ཕྱིན་པར་འགྱུར་རོ། །དེ་ནས་བརྒྱ་ལྔ་པ་ལ། པཎྜི་ཏ་ལྔ་བརྒྱ་ལ་སོགས་པ་འཕགས་པ་ཉིད་དུ་བཞུགས་པ་རྣམས། ལས་འཕྲོ་དང་ལྡན་པ་ལ་ཟབ་ཅིང་རྒྱས་པར་སྟོན་པའི་ཕྱིར། བཞུགས་ཐབས་དང་སྡེར་འཁོད་ནས། དད་པ་དང་མཆོད་གནས་ཀྱི་རྟེན་དུ་གནས་སོ། །དེ་ནས་ལྔ་བརྒྱ་དྲུག་པ་ལ། བྱང་ཆུབ་སེམས་དཔའི་རྒྱལ་པོ་བཅོ་བརྒྱད་བྱུང་ནས། རྒྱལ་ཁམས་བཅོ་བརྒྱད་དུ་གསང་སྔགས་འབྲས་བུའི་ཆོས་དར་བར་འགྱུར་རོ། །དེ་ནས་བོད་ཀྱི་རྒྱལ་པོ་བྱང་ཆུབ་སེམས་དཔས་དད་པ་དང་ཐུགས་དམ་དུ་བཅས་ནས། བོད་ཀྱི་རྒྱལ་ཁམས་སུ་གསང་སྔགས་འབྲས་བུའི་ཆོས་དར་ཞིང་རྒྱས་པར་འགྱུར་རོ། །དེ་ཙམ་ན་གྲུབ་པ་ཐོབ་ཅིང་སངས་རྒྱས་པ་ ― DNG008_Page_0475 ―
[མ་དཔེ་གཟིགས་ན་འདིར་གནོན།]
རྒྱལ་ཁམས་མཐའ་དག་ཏུ་འབྱུང་བར་འགྱུར་རོ། །སྔར་གྲུབ་པ་ཐོབ་པ་དང་། ཕྱིས་གྲུབ་པ་ཐོབ་པ་རྣམས་ཀྱིས། གཡའ་རི་དང་གངས་རྒྱུད་ཀྱི་དྲེགས་པ་ཅན་ཐམས་ཅད་དམ་ལ་བཏགས་ནས་གཏོར་མ་བྱིན་ཏེ། གསང་སྔགས་འབྲས་བུའི་ཆོས་སྤྱོད་པའི་སྲུང་མར་ཁས་འཆེས་སོ། །རྒྱལ་ཁམས་ཀུན་ཏུ་ཡོང་བདེ་བ་འཕེལ་ཞིང་ཉེས་པ་ཤས་ཙམ་ཡང་མི་འབྱུང་ངོ་། །དེ་ནས་ལྔ་བརྒྱ་བདུན་པའི་ཐ་མ་ལ། རྒྱ་དང་བོད་ལ་གསང་སྔགས་སྤྱོད་པའི་པཎྜི་ཏ་མཁས་པ་མང་དུ་འབྱུང་སྟེ། ལོག་པའི་ཆོས་དང་མུ་སྟེགས་ལ་སོགས་པ་སུན་ཕྱུང་སྟེ། གཏན་སངས་རྒྱས་ཀྱི་བསྟན་པ་ལ་རྒོལ་བའི་སྐབས་མེད་པར་འགྱུར་རོ། །གསང་སྔགས་འབྲས་བུའི་ཆོས་ལས་ཀྱང་ལུང་དང་མན་ངག་གི་ཕྱོགས་ཐམས་ཅད་ཀྱང་རྒྱས་ཤིང་འཕེལ་བར་བྱེད་དོ། །དེ་ལ་གྲུབ་པ་ཐོབ་པ་དང་། མཐུ་བྱིན་དང་ལྡན་པར་གྲངས་ཀྱིས་འབྱུང་བར་འགྱུར་རོ། །དེ་ལ་གཉིས་སུ་ཡང་གྱུར་པ་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ཆོས་ཉིད་འདུས་མ་བྱས་ཀྱི་གཏོར་མ་ལས། གཞན་གང་དུ་ཡང་འགྱུར་བ་མེད་དོ། །གཏོར་རྒྱུད་ཆེན་པོ་ལས། བསྟན་པ་དར་ནུབ་ཀྱི་ལེའུ་སྟེ་སོ་ལྔ་པའོ།། །།དེ་ནས་ཡང་རྡོ་རྗེ་སེམས་དཔས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཐམས་ཅད་གཏོར་མར་འདུས་ལ། གཏོར་མའི་རང་བཞིན་མ་གཡོས་པ་ལས། དེ་ལྟར་སྣང་འགྱུར་ལས། སྣང་ཞིང་འགྱུར་ཙམ་ན། གཏོར་མའི་ཆོས་ཉིད་ལས་མ་གཡོས་པ་ལགས་ན། གཏོར་མའི་ཆོས་ཉི་ཚེའི་བསྟན་པ་ཡུལ་གང་དུ་འབྱུང་། དར་བ་དང་། ནུབ་པ་དང་། ལེགས་ཉེས་མཆིས་མ་མཆིས།བདེ་བར་གཤེགས་པས་ལུང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གཏོར་མའི་རང་བཞིན་དུ་ཅི་ལྟར་སྣང་བ་ཐམས་ཅད་འགྱུར་བ་མེད་པ་ལས། ལོགས་སུ་བསྟན་པ་ནི་དཀའ་བ་སྟེ། བཤད་ཅིང་བསྟན་པ་མེད་ན་ཡང་། ― DNG008_Page_0476 ―
[མ་དཔེ་གཟིགས་ན་འདིར་གནོན།]
དཔེར་ན་ནམ་མཁའ་ལ་འགྱུར་བ་མེད་པ་ལ། གཟའ་སྐར་དང་ཚེས་གྲངས་དང་ལོ་ཟླ་དང་དབྱར་དགུན་དུ་བརྩི་ཞིང་བགྲང་བ་དང་འདྲ་སྟེ། ཆོས་ཉིད་ནི་དུས་གསུམ་དུ་འགྱུར་བ་མེད་པ་ཡིན་ལ། ཆོས་ཅན་ཅི་ལྟར་ཡང་གྲངས་དང་རྟགས་སུ་སྣང་བ་ནི་འདི་ལྟ་སྟེ། ཆོས་ཐམས་ཅད་ནི་མ་སྐྱེས་པའི་དབྱིངས་ཡིན་ལ། དེ་ལས་ཆོས་ཀྱི་སྒོ་ཡང་བསམ་གྱིས་མི་ཁྱབ་པར་སྣང་ཡང་། ཐར་པ་ཆེན་པོའི་གནས་སུ་གཅིག་ཅིང་དབྱེ་བ་མེད་པས་ཆོས་ཐམས་ཅད་འབྲས་བུར་འདུས་སོ། །འབྲས་བུའི་ཆོས་ཀྱང་གཏོར་མར་འདུས་སོ། །དེ་ལྟ་བས་ན་ཐམས་ཅད་དུ། གཏོར་མའི་རང་བཞིན་དུ་གནས་པ་ལས། འཁྲུལ་པ་ཙམ་གྱིས་མཚན་མར་སྣང་བ་ནི།གཏོར་མ་ལོག་པར་གོལ་བ་ནི། དུས་དང་བསྐལ་པ་དང་བགྲང་བ་ཤ་སྟག་འབྱུང་བ་འདི་ལྟ་སྟེ། དང་པོ་གཏོར་མའི་རྒྱུ་ལ་ཆགས་པའི་བསྐལ་པ་དང་། སྲིད་པར་འདོགས་པ་མས་ཆགས་པ་བཞི་དང་ལྡན་པས་གཅིག་གོ། །དེ་ནས་གཏོར་མའི་མགྲོན་གོལ་བ་ལས། ཁམས་གསུམ་དུ་སྲིད་དེ་གཉིས་སོ། །དེ་ནས་གཏོར་མའི་རྫས་གོལ་བ་ལས། གཟུགས་དང་ཁ་དོག་དང་དབྱིབས་དང་ཐ་དད་པར་སྣང་བ་ནི། བཞི་དང་བཅུ་གཉིས་སོ། །དེ་ནས་གཏོར་མའི་མགྲོན་གོལ་བ་ལས། སྐྱེ་འགྲོ་དང་སྣོད་གོལ་བ་ལས་སྣོད་ཀྱི་འཇིག་རྟེན། རྫས་གོལ་བ་ལས་རྩི་ཤིང་དང་ནགས་ཚལ་ལ་སོགས་པར་གནས་པ་ལ། ཁམས་གསུམ་སྲིད་གསུམ་ཞེས་འདོགས་སོ། །དེ་ལྟར་སྟོན་པའི་གཏོར་མའི་ཏན་ཏྲ་འདི་གང་ཡིན་པ་ནི་ཀུན་ཏུ་བཟང་པོ་ལ། གང་ལས་སྤྲོས་པ་ཀུན་ཏུ་བཟང་མོ་ལས་སྤྲོས་པ་འདི། དང་པོ་རྒྱ་གར་ཡུལ་དུ་དར་བར་འགྱུར་རོ། །དེ་ནས་ཀྱང་སིང་ག་ལའི་ཡུལ་དུ་དར་བར་འགྱུར་བ་ལ། ལོ་ལྔ་བརྒྱར་གནས་སོ། །དེ་ནས་ལོ་ཉིས་བརྒྱ་ནས་ནུབ་པར་འགྱུར་རོ། །དེ་ནས་ལོ་སུམ་བརྒྱ་ལ། ཨུ་རྒྱན་ཡུལ་དུ་དར་བར་འགྱུར་རོ། །དེ་ནས་ལོ་བརྒྱ་ལ། རྒྱ་གར་དང་། ཨུ་རྒྱན་དང་། སིང་ག་ལ་ ― DNG008_Page_0477 ―
[མ་དཔེ་གཟིགས་ན་འདིར་གནོན།]
དང་། ཟ་ཧོར་ཡུལ་དང་། བྲུ་ཤའི་ཡུལ་དང་། ལི་ལ་སོགས་པའི་རྒྱལ་ཁམས་དྲུག་ཏུ་གྲགས་པར་འགྱུར་ཏེ། སྐུ་ལུས་མ་བོར་བར་ཕྱག་རྒྱ་ཆེན་པོའི་རིག་འཛིན་གྱི་གནས་སུ་སངས་རྒྱས་པར་འགྱུར་རོ། །དེ་ནས་ལོ་ལྔ་བརྒྱ་ན་གཏོར་མའི་ཆོས་འདི་ནུབ་ནས། རྒྱུའི་ཆོས་དར་བར་འགྱུར་རོ། །དེ་ནས་ལོ་བརྒྱ་ལ་རིག་པ་ཅན་ལ་སོགས་པ་རྣམས་ཀྱིས། གསང་སྔགས་འབྲས་བུས་ཆོས་དང་། གཏོར་རྒྱུད་རྣམས་སྔོན་གྱི་དཔེ་རྙིང་པ་ལས་དར་བར་འགྱུར་ནས། །དེས་ཀྱང་གྲུབ་པ་ཐོབ་ཅིང་ཡིད་ཆེས་པའི་རྟགས་དང་ལྡན་ནས་མཐུ་དང་རྫུ་འཕྲུལ་ལྡན་པ་མང་པོ་ཡང་སངས་རྒྱས་ཤིང་འཕེལ་བར་འགྱུར་རོ། །དེ་ནས་ལོ་ལྔ་བརྒྱ་ལ་བོད་ཀྱི་རྒྱལ་ཁམས་སུ་དར་བར་འགྱུར་རོ། །དེ་ནས་དམ་ལ་གནས་ཤིང་ཚུལ་དུ་ཤིས་པ་གྲངས་ཀྱིས་སངས་རྒྱས་ཤིང་འཚེངས་པར་འགྱུར་བ་ཡང་མང་ངོ་། །དམ་ལ་མི་གནས་ཤིང་རིས་འཛིན་པ་ཕུང་བ་ཡང་གྲངས་ཀྱིས་མང་བར་འགྱུར་རོ། །དེ་ཅིའི་ཕྱིར་ཞེ་ན། བོད་ཕྲག་དོག་ལ་གནས་པ། སངས་རྒྱས་ཀྱི་བསྟན་པ་དང་། ལོག་པའི་ཕྱོགས་སུ་ཡང་རིས་འཛིན། སངས་རྒྱས་ཀྱི་བསྟན་པ་ཡང་རྒྱུ་འབྲས་གཉིས་སུ་རིས་འཛིན། འབྲས་བུའི་ཆོས་ཀྱང་བཟང་ངན་གཉིས་སུ་རིས་འཛིན་པའི་ཕྱིར་རོ། །དེ་ནས་ལོ་ལྔ་བརྒྱ་ལ་རྒྱུའི་ཆོས་དར་བ་མང་བར་སྤྱོད། འབྲས་བུའི་ཆོས་ནི་ནུབ་པར་སྤྱོད་པ་ཉུང་ཤས་ཙམ་གནས་ནས་གཉིས་ཀའི་ནང་ན་སངས་རྒྱས་ཀྱི་བཀའ་བས་གང་ཟག་གིས་བསླད་པ་མང་བར་ཡོད་དེ། མི་ཚིག་མང་བར་དར་བས། བྱིན་དང་འབྲས་བུ་ཆུང་བར་འགྱུར་རོ། །དེ་ནས་གསང་སྔགས་གཏོར་མ་འདི་དག་སྤྱོད་པ་ཉུང་ཤས་ཙམ་ཞིག་ལས། བརྒྱ་ཐ་མ་ལ་བག་ཙམ་དར་བར་གྱུར་ནས། དེ་ནས་ཆོས་ཐམས་ཅད་ནུབ་པར་གྱུར་ནས།བསྐལ་པ་རིས་ཕྲ་མོ་བདུན་ཙམ་གྱི་ཉེས་པ་ལས། སྐྱེ་བས་ཐོགས་པའི་བྱང་ཆུབ་སེམས་དཔའ་གཅིག་གིས་རྒྱུ་འབྲས་ཀྱི་ཐེག་པ་བསྟན་ནས། དེ་ཕྱིས་རིང་ཞིག་ ― DNG008_Page_0478 ―
[མ་དཔེ་གཟིགས་ན་འདིར་གནོན།]
ཏུ་དུས་ཀྱང་ཕྱིར་ཞིང་བཟང་སྟེ། ས་ཐོབ་པ་དང་། གྲུབ་པ་ཐོབ་པ་མང་བར་འབྱུང་ཞིང་། དེ་ལ་དར་ནུབ་ཀྱང་མི་འབྱུང་བར་རྒྱུ་འབྲས་ཀྱི་ཆོས་གང་ལ་དད་པ་རེས་ཀྱིས་ལོ་སྟོང་ཕྲག་གསུམ་དུ་གནས་པར་འགྱུར་རོ། །དེ་ནས་ཐམས་ཅད་གཏོར་གཞོང་ཡང་ཆོས་ཉིད་དུ་བསྡུས་ཏེ་སྲིད་པ་ཞིག་གོ། །གཏོར་མའི་རྫས་སྐྱེ་འཁྲུངས་ཀྱང་སྐྱེ་བ་མེད་པར་གསོལ་ཏེ་དེངས་སོ། །གཏོར་མགྲོན་ཡང་རིག་པ་གཅིག་གི་དཀྱིལ་འཁོར་དུ་འདུས་ཏེ་འཕྲོས་སོ། །དེ་ཡང་གཏོར་མའི་རང་བཞིན་ལ་མ་རིག་མ་རྟོགས་པ་ལ་སྐྱེ་བའི་ཆོ་འཕྲུལ་གོང་མ་ལྟར་སྣང་ངོ་། །ཡང་དག་པའི་ཆོས་ཉིད་གཏོར་མ་འདི་རིག་ཅིང་རྟོགས་ན། དེ་གང་དུ་ཡང་གྲུབ་ཅིང་བསྟན་པ་མེད་ལ།ལྷུན་གྱིས་གྲུབ་པ་གཏོར་མ་རང་བཞིན་མེད་པའི་ཡེ་ཤེས་སུ་གནས་སོ། །གཏོར་རྒྱུད་ཆེན་པོ་ལས། གཏོར་མའི་རིམ་པ་བྱུང་བའི་ལེའུ་སྟེ་སོ་དྲུག་པའོ།། །།དེ་ནས་རྡོ་རྗེ་སེམས་དཔས་ཐམས་ཅད་གཏོར་མའི་རང་བཞིན་ལ། འཁྲུལ་པས་ཆགས་འཛིན་དུ་མཐོང་བ་ལ། སྙིང་རྗེ་བའི་སེམས་སྐྱེས་ནས། འཕོ་འགྱུར་བྲལ་བའི་དབྱིངས་སུ་འབུལ་བའི་གཏོར་མ་འདི་སྐད་ཅེས་གསུངས་སོ། །ཧཱུཾ་མ་རིག་འཁྲུལ་པའི་རྫས་སུ་སྣང་བ་ལ། །འཛིན་ཆགས་བྱིས་པའི་སྤྱོད་པས་སོ་སོར་སྣང་། །བག་ཆགས་བརྟས་པའི་དབང་གིས་བཅིངས་པ་རྣམས། །འབར་བྱེད་ཆེན་པོའི་ཀློང་དུ་གཤེགས་སུ་གསོལ། །བཅོམ་ལྡན་དཔལ་ཆེན་ཆེ་མཆོག་ཧེ་རུ་ལ། །རྒྱུད་དྲུག་ལས་ཀྱིས་བསྡུས་པའི་གཏོར་མར་འབུལ། །འཁོར་བའི་སྡུག་བསྔལ་བྱང་ཆུབ་དོན་མཛད་ནས། །མི་ལྡོག་དོན་གྱི་མཆོད་པ་བཞེས་སུ་གསོལ། །བཅོམ་ལྡན་དཔལ་ཆེན་བུཌྜྷ་ཧེ་རུ་ལ། །ལོག་རྟོག་གཟུགས་ཀྱིས་བསྡུས་པའི་གཏོར་མ་འབུལ། །མཚན་མ་རྫས་ཀྱི་དངོས་པོ་ཞི་མཛད་ནས། །མི་དམིགས་དོན་གྱི་མཆོད་པ་བཞེས་སུ་གསོལ། །བཅོམ་ལྡན་དཔལ་ཆེན་བཛྲ་ཧེ་རུ་ལ། །རྣམ་ཤེས་ཚོགས་ཀྱིས་བསྡུས་པའི་གཏོར་མ་འབུལ། །ཉོན་མོངས་ཞེན་པའི་མཚན་མ་ཞི་མཛད་ནས། །མི་རྟོག་དོན་གྱི་མཆོད་པ་བཞེས་སུ་གསོལ། །བཅོམ་ལྡན་དཔལ་ ― DNG008_Page_0479 ―
[མ་དཔེ་གཟིགས་ན་འདིར་གནོན།]
ཆེན་རཏྣ་ཧེ་རུ་ལ། །བདེ་སྡུག་གཉིས་མེད་དོན་གྱི་གཏོར་མ་འབུལ། །ཚོར་སྲེད་ལེན་པའི་མཚན་མ་ཞི་ནས་ཀྱང་། །མི་སྤང་དོན་གྱི་མཆོད་པ་བཞེས་སུ་གསོལ། །བཅོམ་ལྡན་དཔལ་ཆེན་པདྨ་ཧེ་རུ་ལ། །ཆེ་ཆུང་ཚད་མེད་བསྡུས་པའི་གཏོར་མར་འབུལ། །འདོད་ཆགས་ཞེན་པའི་མཚན་མ་ཞི་མཛད་ནས། །མི་འགྱུར་དོན་གྱི་མཆོད་པ་བཞེས་སུ་གསོལ། །བཅོམ་ལྡན་དཔལ་ཆེན་ཀརྨ་ཧེ་རུ་ལ། །འདུ་བྱེད་རྣམ་རྟོག་བསྡུས་པའི་གཏོར་མ་འབུལ། །དགེ་སྡིག་ལས་ཀྱི་མཚན་མ་ཞི་མཛད་ནས། །བཅོས་མེད་དོན་གྱི་མཆོད་པ་བཞེས་སུ་གསོལ། །བཅོམ་ལྡན་དཔལ་ཆེན་རཀྴ་ཧེ་རུ་ལ། གཟུང་འཛིན་གཉིས་ཀྱིས་བསྡུས་པའི་གཏོར་མ་འབུལ། །ཆགས་སྡང་ལས་ཀྱི་མཚན་མ་ཞི་མཛད་ནས། །སྤྲོས་མེད་དོན་གྱི་མཆོད་པ་བཞེས་སུ་གསོལ། །བཅོམ་ལྡན་དཔལ་ཆེན་བི་ཤྭ་ཧེ་རུ་ལ། །སྐྱོན་ཡོན་གཉིས་ཀྱིས་བསྡུས་པའི་གཏོར་མ་འབུལ། །ཉེས་ལེགས་ལས་ཀྱི་མཚན་མ་ཞི་མཛད་ནས། །གཡོ་མེད་དོན་གྱི་མཆོད་པ་བཞེས་སུ་གསོལ། །བཅོམ་ལྡན་དཔལ་ཆེན་གུ་ཧྱ་ཧེ་རུ་ལ། །ཕྱི་ནང་གསང་བས་བསྡུས་པའི་གཏོར་མ་འབུལ། །སྣོད་བཅུད་ལས་ཀྱི་མཚན་མ་ཞི་མཛད་ནས། །འགྱུར་མེད་དོན་གྱི་མཆོད་པ་བཞེས་སུ་གསོལ། །ཁམས་གསུམ་ཡུམ་མཆོག་དྷཀྐི་དགུ་རྣམས་ལ། །འབྱུང་ལྔ་སྣོད་བཞིའི་བསྡུས་པའི་གཏོར་མ་འབུལ། །ཡོད་མེད་དངོས་པོའི་མཚན་མ་ཞི་མཛད་ནས། །མ་སྐྱེས་དབྱིངས་ཀྱི་མཆོད་པ་བཞེས་སུ་གསོལ། །ཀཽ་རི་ལ་སོགས་ཁྲོ་མོ་བརྒྱད་རྣམས་ལ། །རྣམ་ཤེས་དབང་པོས་བསྡུས་པའི་གཏོར་མ་འབུལ། །མཐོང་ཐོས་ཕྱོགས་རིས་མཚན་མ་ཞི་མཛད་ནས། །སྐྱེ་འགག་མེད་པའི་མཆོད་པ་བཞེས་སུ་གསོལ། ། ― DNG008_Page_0480 ―
[མ་དཔེ་གཟིགས་ན་འདིར་གནོན།]
སིདྷ་ལ་སོགས་ཕྲ་མེན་བརྒྱད་རྣམས་ལ། །དུར་ཁྲོད་གནས་བརྒྱད་བསྡུས་པའི་གཏོར་མ་འབུལ། །ཕྱི་ནང་དུར་ཁྲོད་མཚན་མ་ཞི་མཛད་ནས། །སྤྲོས་པ་མེད་པའི་མཆོད་པ་བཞེས་སུ་གསོལ། །རྣམ་རྒྱལ་ལ་སོགས་ཁྲོ་བོ་བཅུ་རྣམས་ལ། །བཟའ་བཏུང་བགོ་བས་བསྡུས་པའི་གཏོར་མ་འབུལ། །ཆགས་སེམས་ལས་ཀྱི་མཚན་མ་ཞི་མཛད་ནས། །སྤང་མེད་དོན་གྱི་མཆོད་པ་བཞེས་སུ་གསོལ། །སྙེམས་མ་ལ་སོགས་ཁྲོ་མོ་བཅུ་རྣམས་ལ། །སྣང་སྲིད་དག་པས་བསྡུས་པའི་གཏོར་མ་འབུལ། །སྐྱེ་འགྲོ་ལས་ཀྱི་མཚན་མ་ཞི་མཛད་ནས། །རྟོག་མེད་དོན་གྱི་མཆོད་པ་བཞེས་སུ་གསོལ། །མི་སྲིན་ལ་སོགས་ཉི་ཤུ་བརྒྱད་རྣམས་ལ། །མཁའ་དབྱིངས་བྷ་གས་བསྡུས་པའི་གཏོར་མ་འབུལ། །ལྟུང་སེམས་གོལ་བའི་མཚན་མ་ཞི་མཛད་ནས། །གཉིས་མེད་དོན་གྱི་མཆོད་པ་བཞེས་སུ་གསོལ། །དགའ་བྱེད་མཁའ་འགྲོ་སུམ་ཅུ་རྩ་གཉིས་ལ། །ཤ་ཁྲག་རུས་པས་བསྡུས་པའི་གཏོར་མ་འབུལ། །དུག་གསུམ་ལས་ཀྱི་མཚན་མ་ཞི་མཛད་ནས། །མ་གཡོས་དོན་གྱི་མཆོད་པ་བཞེས་སུ་གསོལ། །བརྩེ་གདུང་ཚུལ་བཞིན་མ་བདུན་སྲིང་བཞི་ལ། །དམ་རྫས་གཉིས་སུ་བསྡུས་པའི་གཏོར་མ་འབུལ། །སྐྱོན་ཡོན་ལས་ཀྱི་མཚན་མ་ཞི་མཛད་ནས། །མ་སྐྱེས་དོན་གྱི་མཆོད་པ་བཞེས་སུ་གསོལ། །ཕོ་ཉ་སྡེར་མོ་སུམ་བརྒྱ་དྲུག་ཅུ་ལ། །དུར་ཁྲོད་ཕུང་པོས་བསྡུས་པའི་གཏོར་མ་འབུལ། །སྐྱེ་ཤིའི་ལས་ཀྱི་མཚན་མ་ཞི་མཛད་ནས། །མ་བཅོས་དོན་གྱི་མཆོད་པ་བཞེས་སུ་གསོལ། །རྡོ་རྗེ་ཀ་ཏར་རྡོ་རྗེ་གིང་ཆེན་བཅོ་བརྒྱད་ལ། །སྲོག་དབུགས་གཉིས་སུ་བསྡུས་པའི་གཏོར་མ་འབུལ། །འཕོ་འགྱུར་ལས་ཀྱི་མཚན་མ་ཞི་མཛད་ནས། །མ་སྤངས་དོན་གྱི་མཆོད་པ་བཞེས་སུ་གསོལ། །ཞེས་བརྗོད་པས་ལོག་པའི་འཕོ་འགྱུར་རི་རབ་ཙམ་བྱང་བར་འགྱུར་རོ། །གཏོར་རྒྱུད་ཆེན་པོ་ལས། གཏོར་མ་ ― DNG008_Page_0481 ―
[མ་དཔེ་གཟིགས་ན་འདིར་གནོན།]
འབུལ་ཞིང་བསྟབ་པའི་ལེའུ་སྟེ་སོ་བདུན་པའོ།། །།དེ་ནས་ཡང་ཀུན་ཏུ་བཟང་པོས་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་ཕྱོགས་བཅུ་དུས་གསུམ་གྱི་སངས་རྒྱས་ཀྱི་སྐུ་འཛིན་ཅིང་ཞལ་མཐོང་བ་ཞེས་བྱ་བ་ཡང་གཞན་མ་ཡིན་ཏེ་གཏོར་རྒྱུད་ཆེན་པོ་འདི་ཚིག་དང་ཡི་གེར་བྲིས་ནས། གང་འཆང་བ་དང་། གང་ཞིག་གིས་ཞལ་མཐོང་བ་ནི་སངས་རྒྱས་ཐམས་ཅད་ཞལ་མཐོང་ཞིང་འཆང་བ་ཡིན་ནོ། །སེམས་དཔའ་ཆེན་པོ་དེ་བཞིན་གཤེགས་པའི་གསུང་རབ་མི་འཆད་པར་འཛིན་ཅིང་བཟླས་པ་ཡང་གཞན་མ་ཡིན་ཏེ། ཏན་ཏྲ་འདི་ཀློག་ཅིང་འདོན་པའོ། །སེམས་དཔའ་ཆེན་པོ་དེ་བཞིན་གཤེགས་པའི་ཐུགས་ཡང་དག་པའི་ཡེ་ཤེས་རྟོགས་པ་ཞེས་བྱ་བ་ཡང་། གཞན་མ་ཡིན་ཏེ།རྒྱུད་འདི་ཡིད་ལ་འཛིན་ཅིང་གཟུངས་སུ་འཆང་བ་དེ་དེ་བཞིན་གཤེགས་པའི་ཐུགས་ཡང་དག་པར་རྟོགས་པའོ། །སེམས་དཔའ་ཆེན་པོ། དེ་བཞིན་གཤེགས་པའི་ཡོན་ཏན་ཞེས་བྱ་བ་ཡང་གཞན་མ་ཡིན་ཏེ། རྒྱུད་འདི་ཡིད་ལ་འཛིན་ཅིང་འཆང་བ་ལ་དེ་བཞིན་གཤེགས་པའི་ཡོན་ཏན་གང་ཡང་མ་ཚང་བ་མེད་པའོ། །སེམས་དཔའ་ཆེན་པོ། དེ་བཞིན་གཤེགས་པའི་ཕྲིན་ལས་ཞེས་བྱ་བ་ཡང་གཞན་མ་ཡིན་ཏེ། རྒྱུད་འདིའི་དོན་མཐར་ཕྱིན་པས་དེ་བཞིན་གཤེགས་པའི་ཕྲིན་ལས་མ་རྫོགས་པ་མེད་པའོ། །སེམས་དཔའ་ཆེན་པོ། སྔར་འདུས་པའི་དེ་བཞིན་གཤེགས་པ་ཡང་རྒྱུད་འདིའི་དོན་ཐུགས་སུ་ཆུད་པས་མངོན་པར་རྫོགས་པར་སངས་རྒྱས་ལ། དེ་བཞིན་དུ་ད་ལྟར་དང་ཕྱིས་འབྱུང་བ་རྣམས་ཀྱང་དེ་བཞིན་དུ་སངས་རྒྱས་པས། རྒྱུད་འདི་སངས་རྒྱས་ཀྱི་དགོངས་སྤྱོད་དེ་ཁོ་ན་ཉིད་ཅེས་བྱ་སྟེ།རྒྱུད་འདི་ཤེས་ཤིང་འཛིན་པ་ཏ་ཨ་ཅང་ཡང་ཆེས་ཏེ་ཞལ་ཙམ་ཡང་མཐོང་བ་དང་མིང་ཙམ་ཡང་འཛིན་པ་ཡང་ངན་སོང་ལས་གྲོལ་ནས་ཐར་པའི་བདེ་བ་ལོངས་སྤྱོད་རྒྱུན་མི་འཆད་པར་འགྱུར་རོ། །སེམས་དཔའ་ཆེན་པོ། ― DNG008_Page_0482 ―
[མ་དཔེ་གཟིགས་ན་འདིར་གནོན།]
རྒྱུད་འདི་ནི་ཕན་ཡོན་ཆེ་ཡང་ཆེ་ལ་ཆུང་ཡང་ཆུང་ངོ་། དེ་ཅིའི་ཕྱིར་ཞེ་ན། རྒྱུད་འདི་ཐོས་ཤིང་རྟོགས་པ་རྣམས་མ་བཙལ་ལྷུན་གྱིས་གྲུབ་པ་དང་པོ་ནས་རང་རྒྱུད་དུ་འགྲུབ་པར་འགྱུར་ལ། འདི་མ་ཐོས་མ་རྟོགས་ན་ཁམས་གསུམ་འཁོར་བའི་སྡུག་བསྔལ་ལས་ནམས་ཀྱང་ཐར་པར་མི་འགྱུར་རོ། །སེམས་དཔའ་ཆེན་པོ། རྒྱུད་འདི་ཐུགས་རྗེ་ཆེ་ཡང་ཆེ་ལ་ཆུང་ཡང་ཆུང་ངོ་། །དེ་ཅིའི་ཕྱིར་ཞེ་ན། སྔོན་གྱི་ལས་འཕྲོ་དང་ལྡན་པས་རྒྱུད་འདིའི་ཞལ་མཐོང་ཞིང་ཐོས་པར་འགྱུར་ལ། ལས་འཕྲོ་དང་མི་ལྡན་པས་རྒྱུད་འདིའི་ཞལ་མི་མཐོང་ཞིང་སྐལ་བ་དང་མི་ལྡན་པའི་དོན་ནོ། །སེམས་དཔའ་ཆེན་པོ། རྒྱུད་འདིས་ནི་ཁྱབ་ཀྱང་ཁྱབ་ལ་མ་ཁྱབ་ཀྱང་མ་ཁྱབ་པོ། །དེ་ཅིའི་ཕྱིར་ཞེ་ན། ཐམས་ཅད་འདི་ལས་བྱུང་ཞིང་འདིར་འདུས་པས་ཁྱབ་ལ། དེ་ལྟར་ཁྱབ་ཀྱང་དེ་ལྟར་ཤེས་ཤིང་རྟོགས་པར་དཀའ་བས་མ་ཁྱབ་པོ། །སེམས་དཔའ་ཆེན་པོ། རྒྱུད་འདི་ནི་ཡོད་ཀྱང་ཡོད་ལ་མེད་ཀྱང་མེད་དོ། །དེ་ཅིའི་ཕྱིར་ཞེ་ན། རྟོགས་པའི་ཀློང་ཡོད་ན་གོ་བའི་ཡུལ་ན་ཡོད་ལ། མ་རིག་པ་དང་སྒྲོ་སྐུར་ཅན་ན་མེད་དོ། །སེམས་དཔའ་ཆེན་པོ། རྒྱུད་འདི་གནས་ཀྱང་གནས་ལ། མི་གནས་ཀྱང་མི་གནས་ལ། །དེ་ཅིའི་ཕྱིར་ཞེ་ན། དམ་ཚིག་ལ་གནས་པའི་རྒྱལ་བའི་སྲས་པོ་ལ་ཚིག་དང་ཡི་གེར་བྲིས་ཏེ་གནས་ལ། །དམ་ལ་མི་གནས་ཤིང་ཕྱོགས་ཆར་བྱེད་པ་ལ་ནམ་ཡང་གནས་པར་མི་འགྱུར་རོ། །སེམས་དཔའ་ཆེན་པོ། རྒྱུད་འདི་ནི་འཇིག་རྟེན་གྱི་ཁམས་སུ་གྲགས་ཀྱང་གྲགས་ལ། མ་གྲགས་ཀྱང་མ་གྲགས་སོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ཀྱི་རྩ་བར་གྱུར་པས་གྲགས་ལ། དཔེར་ན་སེང་གེའི་འོ་མ་དང་འདྲ་བར་ཀུན་གྱིས་མི་ཐེག་ཅིང་སྣོད་དང་ལྡན་པ་གཅིག་འགའ་ལ་སྲིད་པའི་ཕྱིར་རོ། །དེ་ལྟ་བུའི་དོན་ཀྱང་རྩ་བའི་གཏོར་མ་དཀོན་ཞིང་རིན་ཆེ་བ་སྟེ། རིན་ཐང་དཔག་ཏུ་མེད་པའི་ཕན་ ― DNG008_Page_0483 ―
[མ་དཔེ་གཟིགས་ན་འདིར་གནོན།]
ཡོན་ཏེ། རྒྱུད་འདི་འབྱུང་བར་ཡང་དཀོན་ལ། ནུབ་པར་ཡང་མི་འགྱུར་བའི་དཔེའོ། །དེ་སྐད་ཅེས་བཀའ་སྩལ་པས། རྡོ་རྗེ་སེམས་དཔས་རྒྱུད་འཛིན་ཅིང་སྣོད་དུ་འགྱུར་བར་བྱ་བའི་ཕྱིར། ལྷ་དང་མིའི་དཀོར་དང་ལོངས་སྤྱོད་ཀུན་ཏུ་བཟང་པོ་ལ་ཕུལ་ལོ། །གཏོར་རྒྱུད་ཆེན་པོ་ལས། རྒྱུད་ཀྱི་ཕན་ཡོན་བསྟན་པའི་ལེའུ་སྟེ་སོ་བརྒྱད་པའོ།། །།དེ་ནས་རྡོ་རྗེ་སེམས་དཔས་ཀུན་ཏུ་བཟང་པོའི་བཀའ་དེ་ཐོས་པས། ཤིན་ཏུ་འགྲོ་བ་རྣམས་ཆགས་ཤིང་གོལ་བར་གཟིགས་ནས། འགྲོ་བ་སེམས་ཅན་སྣོད་དག་པར་བྱ་བ་དང་། རྒྱུད་ཐོས་པར་བྱ་བ་དང་། མན་ངག་གཏིང་ཕྱིན་པར་བྱ་བ་དང་། ལུང་ནམ་དུ་ཡང་མི་ནུབ་པར་བྱ་བ་དང་། བྱས་པའི་འབྲས་བུ་ཆུད་མི་ཟོས་པར་འགྲུབ་ངེས་པར་བྱ་བའི་ཕྱིར། འགྲོ་བ་ཡོངས་ལ་འདི་སྐད་ཅེས་བྱ་བའི་སྒྲ་བསྒྲགས་སོ། །མི་འགྱུར་དབྱིངས་སུ་གང་འདོད་པའི། །རྒྱལ་བའི་སྲས་པོ་ཀུན་ཡིན་པས། །རྒྱལ་བས་ཅི་ལྟར་གསུངས་པ་བཞིན། །བུ་མཆོག་རྣམས་ཀྱིས་མཉན་པར་གྱིས། །འཁོར་བ་མེད་པར་བྱ་བའི་ཕྱིར། །ཕ་མ་སྤུན་དང་མིང་སྲིང་དང་། །བདག་དང་རྒྱལ་སྲིད་བུ་དང་གྲོགས། །བླ་མ་ལ་ནི་བྲན་དུ་འབུལ། །དེ་ཚེ་བླ་མ་མ་བཞེད་ན། །ཅི་རི་བ་ཡི་རིན་གྱིས་བླུ། །རྒྱུད་ཆེན་ཐོས་པར་དེ་གྱུར་ན། །གཟོད་ཅིག་འཁོར་བ་མྱ་ངན་མེད། །ཆགས་པ་མེད་པར་བྱ་བའི་ཕྱིར། །གསེར་དངུལ་ལ་སོགས་རིན་ཆེན་ལྔ། །སྤུག་ལ་སོགས་པའང་དེ་བཞིན་དུ། །གླང་པོ་ལ་སོགས་རྟ་རྣམས་དང་། །དར་དང་ལྷབ་ལྷུབ་ན་བཟའ་དང་། །ཞལ་ཟས་ལ་སོགས་ཚོགས་རྣམས་ཀྱིས། །བླ་མ་མཉེས་པར་ཀུན་ཕུལ་ནས། །ཞུ་བ་དག་ནི་ཚུལ་བཞིན་བྱ། །གསོལ་བཏབ་གནང་བ་ཐོབ་བྱས་ནས། །གཟོད་ཅིག་སངས་རྒྱས་སེམས་ཅན་མེད། །གནས་པ་མེད་པར་བྱ་བ་དང་། །འཆི་བ་མེད་པར་བྱ་བའི་ཕྱིར། །གནས་དང་ཡུལ་དང་ཞིང་རྣམས་དང་། །བྲན་དང་གཉེན་ལ་སོགས་པ་རྣམས། །དད་པས་དམིགས་ ― DNG008_Page_0484 ―
[མ་དཔེ་གཟིགས་ན་འདིར་གནོན།]
ལ་དབུལ་བར་བྱ། །གསོལ་བཏབ་གནང་བ་ཐོབ་བྱས་ན། །ལུང་ཆེན་གནས་པར་དེ་གྱུར་ནས། །གཟོད་ཅིག་འཁོར་བ་མྱ་ངན་མེད། །ཐ་ན་དེ་དག་མ་འབྱོར་ཅིང་། །གང་ཡང་ཡོད་པར་མ་གྱུར་ན། །ལུས་དང་སྲོག་མི་འཕངས་བྱས་ནས། །བརྩོན་འགྲུས་དཀའ་བའི་གྲིམས་ཕྱུང་ནས། །གཡོ་སྒྱུ་མེད་པར་རབ་ཏུ་འབད། །བཀའ་སྩལ་བསྙེན་བཀུར་ཐུགས་ཟིན་ན། །དེ་བཞིན་གཤེགས་པའི་བཀའ་བརྒྱུད་དང་། །རྒྱུད་དང་ལུང་དང་མན་ངག་རྣམས། །ཅི་ལྟར་འདོད་པ་བཞིན་དུ་ཐོས། །གཏོར་རྒྱུད་འདི་ཡི་ཞལ་མཐོང་ཞིང་། །ཐེག་པ་ཆེན་པོའི་ཆོས་ཐོས་ནས། །མྱ་ངན་འདས་པའི་དོན་རྟོགས་ཤིང་། །ཀུན་ཏུ་བཟང་པོར་གདོན་མི་ཟའོ། །གང་ཞིག་དེ་ལྟར་མི་བྱེད་ཅིང་། །ཆགས་པའི་ཚུལ་གྱིས་གཏོར་མི་ཤེས། །འཛིན་པའི་སེམས་ཀྱིས་རྟག་པར་སེམས། །གཞུང་དང་མི་མཐུན་ཟོལ་ཐབས་ཀྱིས། །རྒྱུད་ལུང་མན་ངག་ཅི་སྨོས་ཀྱིས། །བཀའ་ཆོས་ཉི་ཟེར་ཙམ་ཡང་དེས་མི་མཐོང་། །དེ་ཚེ་ངན་སོང་གསུམ་དང་འགྲོགས། །ཆགས་དང་འཛིན་པས་དེར་མ་ཤེས། །ཡུལ་འཁོར་ལ་སོགས་འདི་ཀུན་ཡང་། །གཏོང་ཕོད་གང་གནས་དམ་པ་ཡིན། །དེ་ཚེ་གཏོང་ཡང་མི་འབྲལ་འགྲོགས། །དེར་ཡང་མ་ཟད་དཔག་མི་ལངས། །གང་ཞིག་འཛིན་ཆགས་གཏང་མི་ཤེས། །དེ་ཚེ་བཟུང་ཡང་མི་འགྲོགས་ཏེ། །བཟུང་བ་དབུལ་པོས་གཏེར་སྟོར་ནས། །གར་ཡང་འགྲོགས་མེད་ཕན་མེད་འགྱོད། །མ་རིག་བུ་གཅིག་སྙིང་རེ་རྗེ། །ཆོས་མེད་ཐན་པས་རྔོས་སམ་ཚིག །བྱང་ཆུབ་ཆར་གྱིས་མ་བརླན་ན། །རྒྱུ་འབྲས་གཉིས་ཀ་ཚིག་བསྐམས་ནས། །མྱུ་གུ་བྱང་ཆུབ་འབྲས་བུ་མེད། །ངན་སོང་དུ་སྐྱེས་བཟོད་བླག་མེད། །གང་ཞིག་ཐེག་ཆེན་ཁྲིམས་ཐོས་པས། །ཕངས་མེད་ཡོན་གྱིས་སྣ་འདྲེན་ཅིང་། །གཟུགས་སྣང་རྟོགས་པའི་ཞིང་རྨོས་ཏེ། །བྱང་ཆུབ་ལམ་གྱི་ས་བོན་བཏབ། །མན་ངག་བདུད་རྩིའི་ཆར་ཆེན་གྱིས། ། ― DNG008_Page_0485 ―
[མ་དཔེ་གཟིགས་ན་འདིར་གནོན།]
ཡེ་ཤེས་ལས་ཀྱི་འབྲས་བུ་སྨིན། །རྩ་བའི་གཏོར་མའི་རང་བཞིན་དུ། །སངས་མ་རྒྱས་པ་གཅིག་ཀྱང་མེད། །མཐའ་ཡས་གནས་པའི་འགྲོ་ཀུན་གྱིས། །ཀུན་ཐོས་འདི་རྟོགས་གྲོལ་བར་ཤོག །ཅེས་བྱ་བའི་སྒྲ་བསྒྲགས་པས། ཅི་ལྟར་ཕྱིས་འབྱུང་ཐམས་ཅད་ཀུན། །གཏོར་མའི་སྣོད་དུ་རུང་བར་བྱིན་གྱིས་བརླབས་སོ། །དེ་སྐད་ཅེས་བྱ་བའི་སྒྲ་མཐའ་ཡས་པའི་སེམས་ཅན་ཐམས་ཅད་ཀྱིས་ཐོས་པས། ཆགས་པ་དང་བྲལ་ནས། རྒྱུད་དང་ལུང་དང་མན་ངག་གི་སྣོད་དུ་རུང་ངོ་། །གཏོར་རྒྱུད་ཆེན་པོ་ལས། མན་ངག་གི་སྣོད་སློང་བའི་ཕྱིར། ཡོན་འབུལ་བའི་ལེའུ་སྟེ་སོ་དགུ་པའོ།། །།དེ་ནས་རྣལ་འབྱོར་པ་རྣམས་ལ་ཕན་གདགས་པའི་ཕྱིར། ཟ་མའི་གཏོར་མ་ཆེད་དུ་བརྗོད་དོ། །རྣལ་འབྱོར་ལུང་དང་ལྡན་རྣམས་ཀྱིས། །སྔགས་དང་ཕྱག་རྒྱར་ལྡན་བྱས་ནས། །མཆོད་པའི་ཚོགས་ཀྱི་ཁྱད་པར་ལས། །དགོངས་པའི་ཟ་གཏོར་གཏང་བར་བྱ། །དེ་ལ་རྣལ་འབྱོར་པ་མཐའ་དག་དུས་བཞི་དག་ཏུ་འདོད་པ་ལ་ལོངས་སྤྱོད་པར་བྱེད་དོ། །དེ་ཆོས་ཉིད་དུ་སྤྱོད་པར་ཤེས་ན་ཡང་གཏོར་མའོ། །རྣལ་འབྱོར་པ་ནི་དུས་ཐམས་ཅད་དུ་ཆོས་ལ་ལོངས་སྤྱོད་དོ། །དེའི་དགོངས་སྤྱོད་ཀྱང་གཏོར་རྒྱུད་ཆེན་པོ་འདི་ལྟར་སྤྱོད་ན་ཡང་གཏོར་མའོ། །དེའི་ཕྱིར་ཟ་མ་ཐམས་ཅད་ནི་ཚོགས་ལ། དེ་བསྔོ་བ་དང་ལྡན་པ་ནི་གཏོར་མའོ། །དེ་ཅིའི་ཕྱིར་ཞེ་ན། དཔེར་ན་ཤིང་མཁན་ཐབས་ལ་མཁས་པས་ཤིང་ཐམས་ཅད་འཕྲུལ་དུ་བྱིན་གྱིས་བརླབས་པ་བཞིན། ཐབས་འདི་ལྟར་མཁས་པས་ཐམས་ཅད་དུ་གཏོར་མར་ལོངས་སྤྱོད་ཅིང་། གཏོར་མ་ལོངས་སྤྱོད་པ་ལས་མངོན་པར་རྫོགས་པར་སངས་རྒྱས་པར་བྱིན་གྱིས་རློབས་པའི་མཐུ་ཡོད་པའོ། །དེ་ལ་དང་པོ་ཟ་མའི་གཏོར་མའི་དགོངས་རྒྱུད་ནི། རྣམ་པ་བདུན་དང་ལྡན་པར་བྱ་བའམ། ཡང་ན་ལྔ་དང་ལྡན་པར་བྱ་བ་སྟེ། དེ་ཡང་གང་ཞེ་ན། དང་པོ་གཏོར་མའི་དགོས་པ་དང་། ཐེག་པ་ཆེན་པོར་ཀུན་ཚང་བའི་ ― DNG008_Page_0486 ―
[མ་དཔེ་གཟིགས་ན་འདིར་གནོན།]
དགོས་པ་དང་། གཉིས་སུ་མེད་པར་ཚོགས་ཀྱི་ལོངས་སྤྱོད་བྱ་བ་དང་། ལྷག་མའི་ཕྲིན་ལས་ཀྱི་མཆོད་པས་གཉིས་སུ་མེད་པར་བྱ་བ་དང་། དངོས་པོ་དང་མཚན་མ་མི་གནས་པའི་ཆོས་ཉིད་སྟོང་པའི་ངང་དུ་གཏོར་མ་བྱ་བའོ། །དེ་ལ་དང་པོ་ཟ་མའི་གཏོར་མའི་དགོངས་པ་ནི། ལག་པ་གཡས་པ་འཇམ་དཔལ་གྱི་ཕྱག་རྒྱ་བཅས་ལ། བདག་ལ་དགྲ་བགེགས་ཡོད་ན་རྟོག་པ་ཡོད་པས། དགྲ་བགེགས་ཐམས་ཅད་ཏིང་ངེ་འཛིན་གྱིས་ཁུགས་པར་བསམས་ལ། ཚེ་དང་གལ་པྱི་ལ་དབྱེར་མེད་པར་བསྡིམས་ལ། སྲིད་པའི་དྲྭ་བ་གཅོད་པས་མི་གནས་པར་བསྒྲལ་ལ། རྒྱལ་བའི་སྲས་སུ་རིགས་ངེས་པར་དབང་བསྐུར་ལ་བཞག །དེ་ནས་རྣལ་འབྱོར་པའི་ལོངས་སྤྱོད་དང་། མཆོད་པའི་ཡོ་བྱད་ལས། གཏོར་མ་བསྔོ་བར་བྱ་བ་ནི། ཧཱུཾ་བཅོམ་ལྡན་དཔལ་ཆེན་པོ་ཡབ་ཡུམ་སྲས་དང་བཅས་པ་དང་། འཁོར་རྒྱལ་བ་རྒྱ་མཚོ་དང་བཅས་པ་རྣམས། རྣམ་རྟོག་ཟད་པར་བྱ་བའི་གཏོར་མ་བཞེས་སུ་གསོལ། ཨོཾ་བ་ལིན་ཏ་ཁ་རཾ་ཁཱ་ཧི། ཁ་རཾ་ཏ་ཀཱི་ནི། ཁཱ་ཡོ་གི་ནི། ང་རྟ་བ་ག་ཨ་ལ་ལ་ཧོ་ཞེས་བརྗོད་ལ། ཅི་ལྟར་སྣང་བ་ཐམས་ཅད་གཏོར་མའི་རང་བཞིན་དུ་འཕགས་པ་རྣམས་ལ་མཆོད་ཅིང་། རྒྱལ་བ་རྒྱ་མཚོ་རྣམས་ལ་ཐུགས་དམ་གྱི་རྒྱུད་བསྐུལ་ནས། གཏོར་མའི་མཆོད་པས་དུས་རྟག་ཏུ་མཆོད་པ་རྒྱུན་མི་ཆད་པར་བསྒོམ་པའོ། །དེ་ནས་ཐེག་པ་ཆེན་པོར་ཀུན་ཚང་བར་བསྒོམ་པ་ནི། གཞུང་དུ་མ་དག་ལས་ཤེས་པར་བྱའོ། །དེ་ནས་གཉིས་སུ་མེད་པར་བགྱི་སྟེ། བདག་མཆོད་ཀུན་མཉེས་སངས་རྒྱས་ཐམས་ཅད་འགྲངས། །ཞེས་འབྱུང་ཞིང་བསྟན་པས། དོན་དེ་ལྟ་བས་ན། བདག་མཆོད་པ་ལ་སོགས་སོ། །ཚོགས་ཀྱིས་བདག་ལ་ཐིམ་པ་ནི། །རྒྱལ་བ་མཉེས་པར་བསམ་པའོ། །རྒྱལ་བ་མཉེས་པས་ནི། བདག་གི་དངོས་གྲུབ་ཐོབ་པར་བསྒོམ་པའོ། །བདག་དངོས་གྲུབ་ཐོབ་པས་ཐམས་ཅད་སངས་རྒྱས་པར་ཚོགས་དང་གཏོར་ ― DNG008_Page_0487 ―
[མ་དཔེ་གཟིགས་ན་འདིར་གནོན།]
མར་ལོངས་སྤྱོད་པའོ། །དེ་ནས་ལྷག་མའི་ཕྲིན་ལས་སུ་བྱ་བ་ནི། །དང་པོར་དངོས་པོ་དེ་ལས་ཆོས་ཉིད་དུ་དབྱིངས་གཅིག་ཅིང་། རྟོགས་པའི་གེགས་མེད་པར་བྱ་བ་ནི། ཚོགས་ཀྱི་ལྷག་མ་ལ་སྤྱི་སྡོམ་སྟེ། ཨོཾ་བཛྲ་རཏྣ་པདྨ་ཀརྨ་བུཌྜྷ་བ་ལིན་ཏ་ཁ་ཁཱ་ཞེས་བརྗོད་ལ། གང་ཡང་མི་གནས་པའི་ཕྲིན་ལས་བཅོལ་ལོ། །དེ་ནས་དངོས་པོ་དང་མཚན་མར་མི་གནས་པར་བྱ་བ་ནི། ཐམས་ཅད་སྟོང་པའི་རང་བཞིན་ལས་མ་གཏོགས་པ།རྟོག་པ་དང་མཚན་མ་གར་ཡང་མི་གནས་པར་ཚོགས་ཀྱི་གཏོར་མར་ལོངས་སྤྱོད་པས། ཐམས་ཅད་ཆོས་ཉིད་དབྱིངས་ཀྱི་གཏོར་མར་སངས་རྒྱས་པར་བསྒོམ་པའོ། །གཏོར་རྒྱུད་ཆེན་པོ་ལས། ཟ་མའི་གཏོར་མའི་ལེའུ་སྟེ་བཞི་བཅུ་པའོ།། །།དེ་ནས་བཅོམ་ལྡན་འདས་རྡོ་རྗེ་སེམས་དཔས། ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ། བཅོམ་ལྡན་འདས་དེ་ལྟ་བུའི་གཏོར་མ་འདི། །གཏོར་ཞིང་གང་ལ་གཏང་བ་ལགས། གཏེར་གང་དུ་བཞག་པ་ལགས། སྤྱད་ཅིང་བཙའ་བའི་ཐབས་ཅི་ལྟ་བུ་ལགས། ཡང་བཅོམ་ལྡན་འདས་ཀྱིས་ལུང་བསྟན་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་འཛིན་པ་ཆེན་པོ་ལུང་བསྟན་པ་འདི། ཕྱོགས་བཅུའི་སངས་རྒྱས་རྣམས་ཀྱིས་ཀྱང་བཤད་ལ། ངས་ཀྱང་བཤད་པར་བྱའོ། །གཏོར་མ་འདི་དག་གཏོར་ཞིང་གཏང་བར་བྱ་བ་ནི།འབྱུང་བ་ཆེན་པོ་ལྔ་ལ་གཏོར་ཞིང་གཏང་བར་བྱའོ། །དེ་ཅིའི་ཕྱིར་ཞེ་ན། དེ་ནི་གཏོར་མ་ཐམས་ཅད་ཀྱི་རྒྱུ་ཡང་ཡིན་ལ། གཏོར་མའི་མགྲོན་གྱི་བཞུགས་གནས་ཀྱང་ཡིན་ལ། གཏོར་མའི་འབྲས་བུ་ཆོས་ཀྱི་དབྱིངས་རྣམ་པར་དག་པའི་ཀློང་ཡང་ཡིན་པས། གཏོར་མ་ནམ་མཁའ་ལ་གཏོང་བ་ནི། ནམ་མཁའི་མཐོངས་སུ་ནམ་མཁའ་ལ་གཏོར་བའོ། །དེ་ཅིའི་ཕྱིར་ཞེ་ན། དེ་ནི་ཆོས་ཉིད་སྐྱེ་བ་མེད་པའི་དབྱིངས་ཀྱིས་ཐམས་ཅད་ཤེས་ཤིང་གོ་འབྱེད་པའོ། །གཏོར་མ་ས་ལ་གཏོང་བ་ནི། གང་ན་གནས་པའི་ས་ཕྱོགས་བཞི་དང་མཚམས་བརྐྱང་དུ་ཁྱབ་པར་ ― DNG008_Page_0488 ―
[མ་དཔེ་གཟིགས་ན་འདིར་གནོན།]
གཏོར་བའོ། །དེ་ཅིའི་ཕྱིར་ཞེ་ན། དེ་ནི་ཆེ་བའི་ཡོན་ཏན་གྱིས་ཐམས་ཅད་བསྐྱེད་ཅིང་སྨིན་པར་བྱེད་པའོ། །གཏོར་མ་ཆུ་ལ་གཏང་བ་ནི། རྒྱ་མཚོ་ཆེན་པོའི་འཇིང་སླེབ་པའི་ཆབ་ཆུ་དང་གཞུང་ལ་གཏོར་བའོ། །དེ་ཅིའི་ཕྱིར་ཞེ་ན། དེ་ནི་ཐུགས་རྗེ་ཆེན་པོས་ཐམས་ཅད་སྣུམས་པའོ། །གཏོར་མ་མེ་ལ་གཏང་བ་ནི། །ཙུ་ཏའི་ཤིང་ལ་སོགས་པ་ལ་འབར་བའི་མེ་བཏང་སྟེ་བསྲེགས་ལ་གཏོར་བའོ། །དེ་ཅིའི་ཕྱིར་ཞེ་ན།དེ་ནི་ཏིང་ངེ་འཛིན་གྱི་འོད་ཟེར་རྣམ་རྟོག་བསྲེག་པའོ། །གཏོར་མ་རླུང་ལ་གཏང་བ་ནི། རྡོ་རྗེ་རླུང་ཞོན་པའི་རི་གསུམ་གྱི་རྩེ་ལ་བཏང་ངོ་། །དེ་ཅིའི་ཕྱིར་ཞེ་ན། དེ་ནི་རྣམ་པར་རྟོག་པའི་དགྲ་བགེགས་ཐམས་ཅད་འཐོར་ཞིང་གཡེང་བའོ། །གཏོར་རྒྱུད་ཆེན་པོ་ལས། གཏོར་མ་བཏང་བའི་ལེའུ་སྟེ་ཞེ་གཅིག་པའོ།། །།དེ་ནས་གཏོར་མ་གཏེར་དུ་སྦ་བ་ནི། གོང་དུ་གཏོར་མ་འདི་སྤྱོད་པར་ས་ལ་དོང་ཆག་གང་བུས་ལ། དང་པོ་ཆོས་ཀྱི་སྐུའི་གཏོར་མ་ལ། རིན་པོ་ཆེ་སྣ་ཚོགས་ཀྱིས་གཏོར་མར་སྦྱར་ལ་གཏེར་དུ་སྦའོ། །དེ་ཅིའི་ཕྱིར་ཞེ་ན། དེ་ཡང་ཆོས་ཀྱི་སྐུ་མི་འགྱུར་བའི་ཀློང་ན་བཞུགས་པ་ལ། ཡོན་ཏན་གྱི་ཚོགས་ཅིར་ཡང་སྣང་ཞིང་འབྱུང་བའོ། །དེ་ལ་འདི་སྐད་ཅེས་བརྗོད་པར་བྱའོ། །ཧཱུཾ་ཀུན་ཏུ་བཟང་མོའི་མཁའ་དབྱིངས་སུ། །ཆོས་སྐུ་འགྱུར་བ་མེད་པ་ཡིས། །རྡོ་རྗེ་རིགས་ཀྱི་གཏེར་སྦས་པས། །སྒྲུབ་པ་པོ་ལ་དངོས་གྲུབ་སྩོལ། །སངས་རྒྱས་སྤྱན་གྱི་མཁའ་དབྱིངས་སུ། །ལོངས་སྤྱོད་རྫོགས་པར་རབ་སྣང་བའི། །རིན་ཆེན་རིགས་ཀྱི་གཏེར་སྦས་པས། །སྒྲུབ་པ་པོ་ལ་དངོས་གྲུབ་སྩོལ། །མཱ་མ་ཀི་ཡི་མཁའ་དབྱིངས་སུ། །གཟུགས་སྐུ་གཞའ་ཚོན་གསལ་བ་ཡི། །རིན་ཆེན་རིགས་ཀྱི་གཏེར་སྦས་པས། །སྒྲུབ་པ་པོ་ལ་དངོས་གྲུབ་སྩོལ། །གོས་དཀར་མོ་ཡི་མཁའ་དབྱིངས་སུ། །མངོན་པར་གསལ་བའི་སྐུར་སྣང་བའི། །པདྨ་རིགས་ཀྱི་གཏེར་སྦས་པས། །སྒྲུབ་པ་པོ་ལ་དངོས་གྲུབ་སྩོལ། ། ― DNG008_Page_0489 ―
[མ་དཔེ་གཟིགས་ན་འདིར་གནོན།]
དམ་ཚིག་སྒྲོལ་མའི་མཁའ་དབྱིངས་སུ། །སྤྲུལ་པའི་སྐུ་དང་རབ་ལྡན་པའི། །ལས་ཀྱི་རིགས་ཀྱི་གཏེར་སྦས་པས། །སྒྲུབ་པ་པོ་ལ་དངོས་གྲུབ་སྩོལ། །ཞེས་བརྗོད་པས། ཟད་པ་མེད་པའི་གཏེར་དམ་པ་དང་ལྡན་པར་བྱིན་གྱིས་བརླབ་བོ། །གཏོར་རྒྱུད་ཆེན་པོ་ལས། རིན་པོ་ཆེའི་གཏོར་མ་སྦ་བའི་ལེའུ་སྟེ་ཞེ་གཉིས་པའོ།། །།དེ་ནས་གཏོར་མ་རྣམ་པ་གསུམ་པོ་ཡང་། དང་པོ་ཙིཏྟ་སྤུངས་པ་ཡང་།རྣམ་པར་ཤེས་པ་དབང་པོ་དང་། གཏོར་མའོ། །བར་པ་ཕུང་པོ་བཏུབས་པ་ཡང་། ནང་རོལ་གྱི་གཏོར་མའོ། །ཐ་མ་རྫས་ཀྱི་ལྷག་མ་ལ། དུག་གསུམ་གྱི་གཏོར་མའོ། །གཏོར་རྒྱུད་ཆེན་པོ་ལས། གཏོར་མ་རྣམ་གསུམ་གྱི་ལེའུ་སྟེ་ཞེ་གསུམ་པའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས། བཅོམ་ལྡན་འདས་དཔལ་ཀུན་ཏུ་བཟང་པོ་ལ། འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། ཐབས་མཁས་པའི་དབང་ཕྱུག་ཆེན་པོ།ཀུན་ལ་སྙོམས་པའི་འགྲོ་བའི་མགོན་པོ། ཐམས་ཅད་ལ་དབང་བསྒྱུར་བའི་མཐུ་རྩལ་དང་ལྡན་པ་དེ་ལ་ཕྱག་འཚལ་ལོ། །ཞེས་བྱ་བས་བསྟོད་དོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སེམས་དཔའ། སངས་རྒྱས་ཐམས་ཅད་ཀྱང་རྒྱུད་འདི་ཡིན་ལ། རྒྱུད་འདི་ཡང་སངས་རྒྱས་ཐམས་ཅད་ཀྱི་མཛད་སྤྱོད་དམ་པའི་རང་བཞིན་ཏེ། རྒྱུད་འདི་ནི་ཐམས་ཅད་ལ་གྲོལ་ཞིང་སྨོན་པར་ངས་བསྟན་པ་སྟེ། ཐུགས་ཡེ་ཤེས་ཉིད་རྒྱུད་འདིའི་རང་བཞིན་ཏེ། འདི་ནི་སངས་རྒྱས་འཇིག་རྟེན་དུ་འབྱུང་བ་དང་འདྲ་པར་དཀོན་པས། འདི་གང་དུ་གནས་པར་སངས་རྒྱས་ཐམས་ཅད་གནས་པས། རྣལ་འབྱོར་པ་དམ་ལ་གནས་ཤིང་སྣོད་ཡོད་པ་རྣམས་ལ་སེམས་དཔའ་ཆེན་པོས་ལུང་སྟོན་ཅིག །རྒྱུད་འདི་ནི་གང་ཞིག་འཛིན་ཅིང་འཆང་ན་ཡང་། དེ་ཡང་སངས་རྒྱས་དང་འདྲ་བ་ཡིན་པས། དེ་ལ་ནི་འཁོར་རྣམས་ཀྱིས་ཀྱང་ རྣལ་འབྱོར་ནང་གི་ཚོགས་རྒྱུད་ཆེན་པོ།― DNG008_Page_0490 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཡོ་གཱ྅དྷྱཱདྨ་ཀ་ག་ཎ་མ་ཧཱ་ཏནྟྲ། བོད་སྐད་དུ། རྣལ་འབྱོར་ནང་གི་ཚོགས་རྒྱུད་ཆེན་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་ཆོས་ཀྱི་དབྱིངས་ཀྱི་ཕོ་བྲང་། ཡུམ་གྱི་བྷ་ག་མཁའ་དབྱིངས་ ― DNG008_Page_0491 ―
[མ་དཔེ་གཟིགས་ན་འདིར་གནོན།]
རྣམ་པར་དག་པ་ན། བཅོམ་ལྡན་འདས་རྡོ་རྗེ་སེམས་དཔའ་དང་། རིགས་ལྔའི་སངས་རྒྱས་དང་། གསང་བའི་ཡུམ་དང་། འཁོར་སེམས་དཔའ་དང་སེམས་མ་དང་། ཁྲོ་བོ་དང་ཁྲོ་མོ་དང་། མཁའ་འགྲོ་མ་དང་སྤྲུལ་པ་འཁོར་དང་བཅས་པ་དང་ཐབས་ཅིག་ཏུ་བཞུགས་པའི་ཚེ། བཅོམ་ལྡན་འདས་དཔལ་རྡོ་རྗེ་སེམས་དཔའི་དབུའི་གཙུག་ཏོར་དྲང་པོ་ལས། འོད་ཟེར་བསམ་གྱིས་མི་ཁྱབ་པ་འཕྲོས་པས། ནམ་མཁའི་དབྱིངས་གང་ནས་གང་དུ་ཁྱབ་སྟེ་འཇིག་རྟེན་གྱི་ཁམས་ཐམས་ཅད་ཁྱབ་པས། ལྷ་དང་ལྷ་མོའི་དཀྱིལ་འཁོར་བསམ་གྱིས་མི་ཁྱབ་པ། ཕྱག་ན་ཡང་རྣལ་འབྱོར་ཚོགས་ཀྱི་མཆོད་པ་བསམ་གྱིས་མི་ཁྱབ་པ་ཐོགས་པས། རྒྱལ་བའི་དཀྱིལ་འཁོར་རབ་འབྱམས་བསམ་གྱིས་མི་ཁྱབ་པ་ཐམས་ཅད་ལ། མཆོད་པའི་རྣམ་པ་ཐབས་དང་ཤེས་རབ་ཀྱི་ཚུལ་དུ་མཆོད། དགྱེས་པ་ཆེན་པོའི་གཟི་མདངས་ཀྱིས་ཚིམས་པར་མཛད། བདེ་བར་གཤེགས་པ་རྣམས་ཀྱི་སྐུ་གསུང་ཐུགས་ལ་ཕོག་པས། ཐུགས་དམ་ཆེན་པོའི་རྒྱུད་བསྐུལ་ཏེ། སྐུ་ལ་ཕོག་པས། མཛད་པའི་ཕྲིན་ལས་དང་མ་འགལ་བར་ཐུགས་དམ་བསྐུལ། གསུང་ལ་ཕོག་པས། བདེན་པའི་ཆོས་ཉིད་ལས་མ་གཡོས་པར་ཐུགས་དམ་བསྐུལ། ཐུགས་ལ་ཕོག་པས། མཉམ་པའི་སེམས་མ་གཡོས་པར་ཐུགས་དམ་བསྐུལ། དབང་གི་མཆོག་ཞུས། ལྷ་དབང་ལུས་ལ་བརྩེགས་པ་དང་། སྤྱི་དབང་འདོད་དགུར་བསྒྱུར་བ་དང་། མོས་དབང་སེམས་དང་འདྲེས་པ་དང་།གསང་དབང་ལྷུན་གྱིས་གྲུབ་པ་དང་། དབང་བཞི་མནོས། དངོས་གྲུབ་ཀྱི་མཆོག་ཞུས། སྐུའི་དངོས་གྲུབ་ཕྱག་རྒྱ་ཆེན་པོར་རང་སྣང་བ་དང་། གསུང་གི་དངོས་གྲུབ་ཆོས་ཉིད་མ་སྐྱེས་པར་རང་སྣང་བ་དང་། ཐུགས་ཀྱི་དངོས་གྲུབ་སེམས་ཡེ་ནས་སངས་རྒྱས་སུ་མནོས། སྐྱེ་འགྲོ་མིང་དང་གཟུགས་ཀྱིས་བསྡུས་པ་ཐམས་ཅད་ལ་ཁྱབ་པས། སེམས་ཅན་གྱི་དོན་བྱས་ ― DNG008_Page_0492 ―
[མ་དཔེ་གཟིགས་ན་འདིར་གནོན།]
ཏེ། ལོང་བས་གཟུགས་མཐོང་བ་ལ་སོགས་པའི་དོན་བྱས། འཁོར་བའི་སྐྱོན་བསལ་ཏེ། དངོས་པོར་བལྟ་བའི་རྡོས་པ་བཤིགས། ལོག་པའི་སྐྱོན་བཅོམ། མ་རིག་པའི་མུན་པ་བསལ། སྡུག་བསྔལ་གྱི་རྒྱུ་བཤིགས། འཁོར་བའི་འདམ་ནས་དྲངས། བྱང་ཆུབ་ཀྱི་ཤུལ་བསྲངས། དངོས་གྲུབ་ཀྱི་སྟོང་དུ་རུང་བར་མཛད། རིགས་ངེས་པའི་སྲས་སུ་མཛད། འོད་ཟེར་དེ་དག་སླར་རྡོ་རྗེ་སེམས་དཔའི་སྐུ་ལ་འདུས། རྡོ་རྗེ་སེམས་དཔའི་སྐུ་ཉིད་ཤིན་ཏུ་ལྷན་ནེ་བ། ལྷན་ནེ་བ་ཡང་མ་ཡིན་པ། ཤིན་ཏུ་སང་ངེ་བ། སང་ངེ་བ་ཡང་མ་ཡིན་པ། ཅི་ལྟ་བུར་ཡང་སྣང་ལ། ཅི་ལྟ་བུར་ཡང་མ་ཡིན། ཐམས་ཅད་དུ་གསལ་བ། མ་བསྒྲུབས་པ་ཉི་མའི་འོད་དང་འདྲ་བ། དེ་ལྟ་བུའི་རྡོས་པ་ཅན་ཡང་མ་ཡིན་པ། ཐམས་ཅད་དུ་བལྟ་བས་མི་ངོམས་པ་ལ།བརྟགས་ཀྱིས་ཀྱང་མི་ལངས་པའི་སྐུ་གཅིག་ཀྱང་གཅིག །བསམ་གྱིས་ཀྱང་མི་ཁྱབ། མཐར་ཐུག་པ་ཡང་མེད། དབུས་སུ་བརྟགས་པ་ཡང་མེད། དངོས་པོ་ཡང་མ་ཡིན། སྟོང་པ་ཡང་མ་ཡིན། ཡོད་པར་ཡང་མི་སྣང་། མེད་པར་ཡང་མ་སོང་། བཏུང་ནས་ཉེ་བར་མེད། བཀྱེད་ནས་རིང་བ་མེད་པས་ཐམས་ཅད་དུ་ལྷུན་གྱིས་གྲུབ་པ་ལ། འདི་ཞེས་བསྟན་དུ་མེད་པ་ལ། ཅི་ལྟ་བུར་ཡང་དམིགས་སུ་མེད་པ། གང་ཡང་མ་ཚང་བ་མེད་པས་སྐུ་གསལ་པ་ལས། རྡོ་རྗེ་སེམས་དཔའི་ཆོས་ཀྱི་སྐུར་གྱུར་ཏོ། །དེ་ནས་རྡོ་རྗེ་སེམས་དཔས་ལྗགས་ཀྱི་པདྨ་ལས། ཡིག་འབྲུ་བཞི་བཅུ་རྩ་གཉིས་ཁ་དོག་རྣམ་པ་སྣ་ཚོགས་པའི་འོད་ཟེར་བསམ་གྱིས་མི་ཁྱབ་པ་འཕྲོས་པས། སྟོང་གསུམ་གྱི་སྟོང་ཆེན་པོ་ལྟ་བུའི་གྲངས་མ་ཡིན། ཇི་ལྟར་ནམ་མཁའ་ནས་གང་དུ་ཁྱབ་པ་ཐམས་ཅད་གཟུགས་དང་སྒྲ་ལ་སོགས་པས་བསྡུས་ལ། དེ་ཐམས་ཅད་ཚིག་གི་བསྡུས། ཚིག་ཐམས་ཅད་ཡི་གེས་བསྡུས། ཡི་གེ་ཐམས་ཅད་སངས་རྒྱས་ཀྱི་རང་བཞིན་དུ་ལུང་བསྟན། ― DNG008_Page_0493 ―
[མ་དཔེ་གཟིགས་ན་འདིར་གནོན།]
ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱི་ལྗགས་དང་གསུང་ལ་ཕོག་པས། གང་ན་སངས་རྒྱས་བཅོམ་ལྡན་འདས་གསུང་གི་སྒོ་ནས་ཆོས་ཀྱི་འཁོར་ལོ་བསྐོར་བར་བཞེད་པ་རྣམས་བསྐུལ་བའི་ས་ལ་བཞེངས་ཏེ་བཞུགས་པ་རྣམས་ལ། གསུང་གི་སྒོ་ནས་ཐུགས་དམ་གྱི་རྒྱུད་བསྐུལ་ཏེ། དགྱེས་པ་ཆེན་པོ་ཆོས་ཉིད་ཀྱི་མཆོད་པ་ཕུལ་ནས། ཆོས་ཐམས་ཅད་ཚིག་དང་ཡི་གེའི་སྒོ་ནས། སངས་རྒྱས་པའི་དོན་ཐུགས་ཡེ་ཤེས་ཀྱི་ཀློང་རུམ་ནས་དགོངས་ནས་མགུར་གསང་བའི་བུམ་པར་ཕྱུང་ནས། ལྗགས་ཀྱི་དབང་པོ་མཆོག་ལ་བཀྲམ་ནས་འགྲོ་བ་སེམས་ཅན་ལ་ཆོས་ཀྱི་འཁོར་ལོ་བསྐོར་བར་བསྐུལ། གང་ནས་སངས་རྒྱས་བཅོམ་ལྡན་འདས་ཆོས་ཀྱི་འཁོར་ལོ་བསྐོར་ཏེ། འགྲོ་བ་མི་རྟག་པར་བསྟན་པའི་སླད་དུ། ཐབས་ཀྱིས་མྱ་ངན་ལས་འདས་པའི་ཚུལ་བསྟན་པར་བཞེད་པ་རྣམས་ལ་ཡང་ཕོག་པས། དགྱེས་པ་ཆེན་པོའི་མཆོད་པ་ཕུལ། ཐུགས་དམ་ཆེན་པོའི་རྒྱུད་བསྐུལ་ནས། ཐབས་ཀྱིས་མྱ་ངན་ལས་མི་འདའ་ཞིང་། འཇིག་རྟེན་དུ་ཡུན་རིང་དུ་བཞུགས་པར་གསོལ་བ་གདབ། སྟུག་པོས་བརྒྱན་པའི་སངས་རྒྱས་རྣམས་ལ་ཕོག་པས། ཡིག་འབྲུ་གཟུགས་ཀྱི་མཆོད་པས་མཚན་དང་དཔེ་བྱད་དུ་ལྡན་པའི་སྒོ་ནས་བདག་དང་གཉིས་སུ་མེད་པར་ཐུགས་དམ་བསྐུལ། ཡིག་འབྲུ་ཚིག་གི་མཆོད་པས་གསུང་དབྱངས་བསམ་གྱིས་མི་ཁྱབ་པ་དང་ལྡན་པའི་སྒོ་ནས་ཚིག་གི་དོན་གསལ་ནས་ཆོས་ཉིད་མ་སྐྱེས་པར་ཐུགས་དམ་བསྐུལ། ཡིག་འབྲུ་དོན་གྱི་མཆོད་པས་ཐམས་ཅད་མཁྱེན་པའི་ཡེ་ཤེས་དང་ལྡན་པའི་སྒོ་ནས་དོན་གྱིས་རྟོགས་པར་བྱས་ལ་སངས་རྒྱས་པར་བྱས་ཏེ། འཁོར་བའི་རྒྱུ་བཙལ་གྱིས་མི་རྙེད་ཅིང་།ཐམས་ཅད་བྱང་ཆུབ་སྙིང་པོ་ཅན་དུ་ལྷུན་གྱིས་གྲུབ་པར་དབང་བསྐུར་ཏེ། སླར་འདུས་ཏེ་རྡོ་རྗེ་སེམས་དཔའི་ཐུགས་ཀར་འདུས་པ་ལས། རྡོ་རྗེ་སེམས་དཔའི་ཐུགས་གཅིག་ཏུ་མི་སྣང་བ། གཉིས་སུ་མ་ཕྱེ། གྲངས་སུ་ ― DNG008_Page_0494 ―
[མ་དཔེ་གཟིགས་ན་འདིར་གནོན།]
མ་བརྗོད། རིས་སུ་མི་སྣང་བ། བརྗོད་དུ་མེད་ཅིང་བརྗོད་པའི་མཐའ་ལས་འདས་པ། སྨྲ་བ་ཡང་མེད་པ། རིམ་པ་ཨེ་ཡིན། མ་གསུངས་པ་མེད་པ། ཐུགས་ནམ་མཁའ་དང་འདྲ་བ་ལ།རྟོགས་པ་འོད་ཟེར་བཞིན་གདལ་བ་ལས། སྣང་བ་ཐམས་ཅད་ནི་ལྷའི་དཀྱིལ་འཁོར། བརྗོད་པ་ཐམས་ཅད་ནི་ཆོས་ཉིད་ཀྱི་བརྗོད་པ། གྲགས་པ་ཐམས་ཅད་ནི་སྐྱེ་བ་མེད་པའི་ཀློང་། རི་བོ་ཐམས་ཅད་ནི་ཐབས་དང་ཤེས་རབ་ཀྱི་རང་བཞིན། དགོངས་པ་ཐམས་ཅད་ནི་མ་སྐྱེས་པའི་ཀློང་དུ་ལྷུན་གྱིས་གྲུབ་པས། བྱང་ཆུབ་སེམས་དཔའ་མཐའ་ཡས་པ་ཐམས་ཅད། རྡོ་རྗེ་སེམས་དཔའི་ཆོས་ཀྱི་སྐུར་ལྷུན་གྱིས་གྲུབ་པས། བྱང་ཆུབ་སེམས་དཔའ་རྣམས་ངོ་མཚར་དུ་གྱུར་ནས། བཅོམ་ལྡན་འདས་རྡོ་རྗེ་སེམས་དཔའ་ལ། མགྲིན་གཅིག་ཏུ་འདི་སྐད་ཅེས་གསོལ་ཏོ། །ཨེ་མ་ཨ་ལ་ལ། བཅོམ་ལྡན་འདས་འདི་ཅིའི་རྒྱུ། ཅིའི་རྐྱེན། ཅི་ལས་བྱུང་བ་ལགས། ཐུགས་རྗེ་ཆེ་དང་ལྡན་པས་ལུང་བསྟན་དུ་གསོལ། །བདེ་བར་གཤེགས་པས་ལུང་བསྟན་དུ་གསོལ། །རྡོ་རྗེ་སེམས་དཔས་བཀའ་སྩལ་པ། འདི་ནི་རྣལ་འབྱོར་གྱི་ཚོགས་ཀྱི་རྒྱུད་དོ། །རྣལ་འབྱོར་གྱི་ཚོགས་ཀྱི་རྒྱུད་ནི་དེ་བཞིན་གཤེགས་པ་རྣམས་ཀྱི་རྐྱེན་ནོ། །རྡོ་རྗེ་སེམས་དཔའ་ང་ཡང་རྣལ་འབྱོར་གྱི་ཚོགས་ཀྱིས་མཆོད་པ་ཕུལ་བས་སངས་རྒྱས་པས། དེ་དག་ཐམས་ཅད་ནི་ཚོགས་ཀྱི་མཆོད་པ་ཕུལ་བ་ལས་བྱུང་བའོ། །བྱང་ཆུབ་སེམས་དཔའ་རྣམས་ཀྱིས་གསོལ་པ། ཚོགས་ཞེས་བགྱི་བ་ངེས་ཚིག་ཅི་ལགས། ཚོགས་ཀྱི་དཀྱིལ་འཁོར་ཇི་ལྟར་བསྐྱེད།ཚོགས་ཀྱི་སློབ་དཔོན་ཇི་ལྟ་བུ་ལ་བགྱི། ཚོགས་ཀྱི་རྒྱལ་ཚབ་དང་གར་དང་གིང་ཅི་ལྟ་བུ་ལ་བགྱི། ཡུམ་ཇི་ལྟ་བུ་ལ་བགྱི། ཚོགས་ཀྱི་ཡོ་བྱད་ཅི་འཚལ། མཆོད་པ་ཇི་ལྟར་འབུལ། གྲངས་སུ་འཚལ། ཚོགས་ཀྱི་འབྲས་བུ་ཅི་ཐོབ་པ་ལགས།ཡུན་ཅི་ཙམ་གྱིས་འགྲུབ། ཕུལ་བའི་ཡོན་ཏན་དང་། མ་ཕུལ་བའི་སྐྱོན་ཅི་མཆིས། ― DNG008_Page_0495 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་ཀྱིས་ལུང་བསྟན་དུ་གསོལ། བདེ་བར་གཤེགས་པས་ལུང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཁྱེད་ལ་སོགས་པ་རྣམས་མོས་ཤིང་ཐོས་པར་འདོད་ན། ཡིད་ལ་ཟུང་ལ་རྣ་བའི་དབང་པོས་ཉོན་ཅིག །རྣལ་འབྱོར་གྱི་ཚོགས་རྒྱུད་ཆེན་པོ་འདི། དུས་གསུམ་གྱི་སངས་རྒྱས་རྣམས་ཀྱིས་ཀྱང་གསུངས་ལ་ངས་ཀྱང་བཤད་དོ། །དེ་ལ་ཚོགས་ཞེས་བྱ་བའི་ངེས་ཚིག་ནི། དོན་དང་མཐུན་པ་ལ་བཀའ་དང་མི་འགལ་ཞིང་གཞུང་བཞིན་བསྒྲུབ་པ་ལ་ཚོགས་པ་ལ་ཚོགས་ཞེས་བྱ་སྟེ། ཉན་ཐོས་དང་རང་སངས་རྒྱས་དང་དགྲ་བཅོམ་པའི་མིང་ཡང་མེད་པ། ཤིན་ཏུ་རྣལ་འབྱོར་དབང་ཕྱུག་ཆེན་པོ། གསང་སྔགས་རྡོ་རྗེ་ཐེག་པ་ལ་མོས་ཤིང་གཞོལ་བ་དང་། འདི་དག་བཤད་ཅིང་བསྟན་པའི་སྣོད་དུ་གྱུར་པ་ཡང་། རྩ་བ་དང་ཡན་ལག་གི་དམ་ཚིག་ལ་གནས་ཤིང་མ་ཉམས་པར་བསྲུང་བ་དང་། རས་གཅོད་དང་གཟུ་ལུམས་མ་ཡིན་པར། ཕྱི་ནང་གི་དབང་རྣམས་ལུང་བཞིན་དུ་ནོད་པ་དང་། རྒྱུད་དང་ཕྱི་ནང་གི་དོན་ལ་མོས་ཤིང་མཁས་པའོ། །དེ་མ་གཏོགས་པ་དེ་རྣམས་དང་མི་ལྡན་པ་འཇུངས་པ་དང་། འཆིངས་པ་མ་གྲོལ་བ་དང་། དགོངས་པ་གནང་དུ་མ་ཕེབས་པ་རྣམས་ནི་མ་གཏོགས་སོ། །དེ་ལ་ཚོགས་ཀྱི་དཀྱིལ་འཁོར་བསྐྱེད་པ་འདི་སྐད་དོ། །ཆོས་རྣམས་སྟོང་པའི་རང་བཞིན་ལས། ངོ་བོ་ཉིད་ཀྱིས་ཀུན་ཏུ་དག །ལྟ་བའི་ཆོས་ཉིད་ཚིག་ཙམ་མ་ཡིན་པར་རྟོགས་པ་དང་། སྤྱོད་པས་དེ་དང་མི་འགལ་བར་སྤྱོད་པ་དང་། ཕྲིན་ལས་ཀྱིས་བབ་ཅོལ་དུ་མི་བྱེད་ཅིང་། གོང་འོག་རིན་པོ་ཆེའི་ཕྲེང་བ་བརྒྱུས་པ་ལྟར་མ་ནོར་བ་དང་། བསྒོམ་ཞིང་བསྒྲུབ་པ་ལ་བཞད་གད་དང་གཉིད་དབང་དུ་མི་གཏོང་ཞིང་། དད་དང་བརྩོན་འགྲུས་ཀྱིས་མགོ་ལ་མེ་ཤོར་བ་དང་འདྲ་བར་འབད་པ་དང་། རྣལ་འབྱོར་གྱི་དོན་གང་ལ་ཡང་ཤོང་ཡངས་སུ་ཆེ་བ་དང་། རྟོག་པ་དང་འཁུ་འཕྲིགས་མེད་ཅིང་། འཁུ་ལྡོག་དང་ཡ་ག་དང་མཚང་ཚིག་ལ་ ― DNG008_Page_0496 ―
[མ་དཔེ་གཟིགས་ན་འདིར་གནོན།]
སོགས་པས་མི་སྨོད་ཅིང་། རྣལ་འབྱོར་གྱིས་མཆོད་པའི་རྒྱུ་འདོད་པའི་ཡོན་ཏན་ལྔ་ལ་སོགས་པ་གང་ཡང་མ་ཚང་བ་མེད་ཅིང་། ཟུངས་སུ་ཡང་བཟུང་བས་ཐམས་ཅད་ཚང་ཞིང་ཚོགས་པ་ལ་ཚོགས་ཞེས་བྱ་བ་ལས། མ་ཚང་ཞིང་མ་ཚོགས་པ་དང་། མི་མཐུན་པ་ཚོགས་པ་ལ་ཚོགས་ཞེས་བྱ་བའི་ངེས་ཚིག་མེད་དོ། །དེ་ལ་ཚོགས་ཀྱི་སློབ་དཔོན་ནི་ཀུན་གྱིས་བྱ་བ་མ་ཡིན་གྱིས། ལྟ་བ་གཉིས་སུ་མེད་པའི་བྱང་ཆུབ་ཀྱི་སེམས་རྟོགས་པ། སྤྱོད་པ་གསང་བའི་བཀའ་དང་མི་འགལ་ཞིང་། ཐབས་ལ་མཁས་པས་སྣོད་མ་ཡིན་པ་དང་། མུ་སྟེགས་དང་ལོག་པའི་ཕྱོགས་རྣམས་ཀྱིས་མ་ཚོར་མ་འཕྲིགས་པའི་ཐབས་ལ་མཁས་པར་སྤྱོད་པ་དང་། དབང་རིམ་པས་བརྩེགས་ཏེ། རིགས་པའི་རྒྱལ་པོ་རབ་འབྱམས་ཀྱི་དབང་ཐོབ་ནས། དབང་རྒྱུད་དང་། དབང་རྫས་དང་། དབང་རྟགས་དང་། དབང་བསྒྲུབ་དང་། དབང་བསྙེན། དབང་བསྐུར་བ་ལ་མཁས་པ་དང་།དམ་ཚིག་གཞི་དང་འདྲ་བར་ཤོང་ཡངས་དང་། ཐེག་པ་ཆེ་ཞིང་སྙིང་ལ་འཆང་སྟེ་བསྲུང་བ་དང་། ཕྲིན་ལས་ཀྱི་སྔགས་དང་ཕྱག་རྒྱ་དང་ཏིང་ངེ་འཛིན་དང་། མ་ནོར་བའི་ཚུལ་དགུ་སྟེ། དགོངས་པའི་ལྷ་ཚུལ་དང་། གར་ཡེ་ཤེས་ཀྱི་ཚུལ་དང་། ཕྱག་རྒྱ་སྐུའི་ཚུལ་དང་། སྔགས་གསུང་གི་ཚུལ་དང་། སྙིང་པོ་ཐུགས་ཀྱི་ཚུལ། མཆོད་པ་ཡོན་ཏན་གྱི་ཚུལ། གླུ་ཕྲིན་ལས་ཀྱི་ཚུལ། སྐྱིལ་ཀྲུང་ཞི་བའི་ཚུལ།སྟངས་སྟབས་ཁྲོ་བོའི་ཚུལ་ཏེ། ཚིག་ཏུ་འདྲེལ་པ་དང་། གོང་འོག་མ་འཆོལ་བ་དང་། དགོངས་པའི་དཀྱིལ་འཁོར་ཆེན་པོར་རྫོགས་པས་འཛིན་པའོ། །དེ་ལ་ཚོགས་ཀྱི་རྒྱལ་ཚབ་ནི། དཔེར་ན་རྒྱལ་པོའི་བཀའ་བསྒོ་བློན་པོས་གསུངས་པ་དང་འདྲའོ། །དགོངས་སྤྱོད་ཀྱི་དོན་ཐ་མི་དད་པ་དེ་ཉིད་དང་མཚུངས་པ་ལས།གཞན་འདྲེན་པའི་ཐབས་ལ་མཁས་པ་དང་། སློབ་དཔོན་གྱི་སྐུ་བསྙེལ་པ་དང་། ཐུན་སྤོ་བ་དང་། སྙོམས་པ་ལ་སོགས་པ་ལ་བར་མི་གཅོད་ཅིང་ ― DNG008_Page_0497 ―
[མ་དཔེ་གཟིགས་ན་འདིར་གནོན།]
འགྲུབ་པར་བྱ་བ་དང་། སློབ་དཔོན་གྱི་ཞལ་ཚབ་ཏུ་ཆོས་བསྟན་པ་ལ་མཁས་པའོ། །ཚོགས་ཀྱི་གར་མ་ནི། ཕྲིན་ལས་རྣམ་བཞི་ལ་སོགས་པ་དང་། མཆོད་པ་དང་བརྡའི་དོན་མཐའ་དག་ལ་མཁས་པ་ལས་མ་གཏོགས་པ། ཁེ་ཤོང་དང་བློས་འདེབས་དང་།མོས་པ་ཙམ་དུ་བྱ་བ་མ་ཡིན་ནོ། །ཚོགས་ཀྱི་གིང་ནི། རང་གི་དགོས་ཆེད་མི་ལན་རྣལ་འབྱོར་གྱི་སྤྱི་ཆས་ལ་བརྩོན་པ་དང་། ཞིང་བཅུར་གྱུར་པ་ལ་ཐུགས་རྗེས་སྒྲོལ་ངེས་པ་དང་། དགོངས་པ་དང་ལས་རྒྱུད་དུ་ལྡན་པ་ལས་མ་གཏོགས་པ།སྒྲོལ་བ་བཙན་ཐབས་དང་། རང་གང་ལ་དགའ་བ་ལ་མངོན་སྤྱོད་དང་། དྲག་ཤུལ་གྱི་ལས་བརྩམས་པ་མ་ཡིན་ནོ། །ཚོགས་ཀྱི་ཡུམ་ནི། གཙོ་བོའི་དགོངས་པ་བཞིན་དུ་བྱེད་ནུས་པ་དང་། གཞུང་དགུ་དང་ལྡན་ཏེ། ཚུལ་ཤིས་པ། ཡ་ཤ་ཆེ་བ། ནོག་ཐུབ་པ། གསང་སྒོ་དམ་པ། དམ་ལ་གནས་པ། དད་པས་མོས་པ། རྟོག་པ་ཆུང་བ། མཚན་གྱིས་བརྒྱན་པ། སེམས་བཟང་བ་དང་དགུར་ལྡན་པ་ལས་མ་གཏོགས་པ། འདོད་མོས་དང་། གཉན་བཙན་དང་། སྨོན་འདྲིད་དང་། མཚན་ངན་དང་། གསང་བ་འཛག་པ་ནི་མ་ཡིན་པའོ། །དེ་ལ་ཚོགས་ཀྱི་ཡོ་བྱད་ནི། སངས་རྒྱས་རྣམས་ལ་ཏ་སྦྲེབས་པ་དང་། སྐྱེམས་པ་དང་། བསེར་བ་དང་བསྙུན་མི་མངའ་ཆགས་པ་མི་མངའ་བ་ལགས་ཀྱང་། དཔེར་ན་རྒྱལ་པོ་ཆེན་པོ་ལ་དཀོར་དང་ལོངས་སྤྱོད་ཀྱིས་མི་དྲེལ་མི་ཕོངས་པ་ལ་ཡང་འབངས་ལ་སོགས་པས་དཀོར་དང་ལོངས་སྤྱོད་ཕུལ་ན་འཕྲལ་གྱི་ཕན་པ་དང་ཡུན་གྱི་བདེ་བ་དང་། བདག་གི་ཡིད་ལ་དད་པ་རྩོལ་བ་དང་འདྲ་བར་སངས་རྒྱས་རྣམས་ལ་བཞེད་པ་མི་མངའ་ན་ཡང་། ཕྱི་རབས་ཀྱི་རྣལ་འབྱོར་པས་ཚོགས་ཀྱིས་མཆོད་པས་འབྱོར་པ་བསགས། དཀོན་པ་བཙལ། མོས་པ་དང་དད་པས་ཕུལ་ན།འདི་དང་ཕ་རོལ་གཉིས་ཀའི་ཕན་པ་དང་བདེ་བ་སྩོལ་བར་མཛད་ཅིང་། ཆོས་ཉིད་ཀྱི་དགའ་བདེ་ཆེན་པོ་ད་ལྟ་ཉིད་དུ་འགྲུབ་པར་རྩོལ་བར་མཛད་པས། དེའི་ཕྱིར་འདོད་པའི་ཡོན་ཏན་ལྔ་པོ་གཞུང་བཞིན་དུ་བཤམ་ ― DNG008_Page_0498 ―
[མ་དཔེ་གཟིགས་ན་འདིར་གནོན།]
པར་བྱ་སྟེ། གཟུགས་ལ་ཡང་གསུམ་སྟེ། རྒྱན་དང་དབྱིབས་དང་སྣོད་དོ། །རྒྱན་ལ་ཡང་རྣམ་པ་གསུམ་སྟེ། བཀོད་པ་ལྷའི་རྒྱན་དང་། མཛེས་པ་ལུས་ཀྱི་རྒྱན་དང་། གཞལ་ཡས་སྤྲུལ་པའི་རྒྱན་ནོ། །དབྱིབས་ལ་ཡང་རྣམ་པ་གསུམ་སྟེ། ལྷའི་ཞལ་ཟས་ཀྱི་དབྱིབས་དང་། མིའི་ཞལ་ཟས་ཀྱི་དབྱིབས་དང་། འབྱུང་བ་རང་སྐྱེས་ཀྱི་དབྱིབས་སོ། །སྣོད་ལ་ཡང་རྣམ་པ་གསུམ་སྟེ། བཟའ་བའི་སྣོད་དང་། བཅའ་བའི་སྣོད་དང་། བཏུང་བའི་སྣོད་དང་། དྲི་ལ་ཡང་རྣམ་པ་གསུམ་སྟེ། དབང་པོ་ཚིམས་བྱེད་ཀྱི་དྲི་དང་། མདོག་གསལ་རྒྱས་པ་སྨན་གྱི་དྲི་དང་། བཅུད་གསལ་ཡིད་འོང་ཞལ་ཟས་ཀྱི་དྲིའོ། །རོལ་ཡང་རྣམ་པ་གསུམ་སྟེ། རང་བཞིན་གྱིས་བརླབས་པ་ལན་ཚྭ་དང་། ཤིང་ཏོག་ལ་སོགས་པ་ཁ་བ་དང་། མངར་བ་དང་། སྐྱུར་པ་དང་། ཚ་བ་དང་། རྩུབ་པ་དང་། བསྐལ་པ་ལ་སོགས་པ་ཕྱིའི་འབྱུང་བ་རང་སྐྱེས་པའི་རོ་དང་། འགྲོ་བ་རྣམས་ཀྱིས་བཙལ་བའི། ཕབ་དང་། རུ་མ་དང་། མནན་པ་དང་། འདུས་པ་དང་། བྱིབས་དང་། བྱ་ན་བཙོས་པ་དང་། སྦྱར་བ་དང་། བསྲེགས་པ་དང་། བསིངས་པ་ལ་སོགས་པའི་རོ་དང་། སྔགས་དང་ཏིང་ངེ་འཛིན་གྱིས་བྱིན་གྱིས་བརླབས་པའི་རོ་དང་། ཆུང་ངུ་ལས་ཆེན་པོ།ཉུང་ངུ་ལས་མང་པོ། མི་ཞིམ་པ་ལས་ཞིམ་པོ། ལྷའི་རོ་མཆོག་བརྒྱ་དང་ལྡན་པའི་རོའོ། །སྒྲ་ལ་ཡང་རྣམ་པ་གསུམ་སྟེ། ཤེས་པས་ཟིན་པའི་སྒྲ་གླུ་དབྱངས་ལ་སོགས་པ་སྙན་ཅིང་ཡིད་དུ་འོང་བའི་སྒྲ་སྣ་ཚོགས་པ་དང་། ཤེས་པས་མ་ཟིན་པའི་སྒྲ་འབྱུང་བ་རང་རྒྱུད་ཀྱི་གྲགས་པའི་སྒྲ་དང་། རྩོལ་བ་དང་བཅས་པའི་སྒྲ་སྐྱེས་བུའི་ལག་པ་དང་རྐན་དང་། དབུགས་དང་འདོམས་པའི་སྒྲའོ། །རེག་ལ་ཡང་རྣམ་པ་གསུམ་སྟེ། དྲོ་འཇམ་གོས་ཀྱི་རེག་པ་དང་། དགའ་འཇམ་དགྱེས་པ་ཡུམ་གྱི་རེག་པ་དང་། རྒྱན་གྱིས་སྒེག་པ་ཡུམ་གྱི་རིན་པོ་ཆེའི་ཆས་ཀྱིས་བརྒྱན་པའི་རེག་པའོ། །དེ་ལྟ་བུ་འདོད་ ― DNG008_Page_0499 ―
[མ་དཔེ་གཟིགས་ན་འདིར་གནོན།]
པའི་ཡོན་ཏན་ཐམས་ཅད་ནི། ཚོགས་ཀྱི་ཡོ་བྱད་ཡིན་ནོ། །ཚོགས་ཀྱི་ཡོ་བྱད་ནི་འདོད་པའི་ཡོན་ཏན་རྣམ་པ་ལྔའོ། །དེ་དག་ཚང་ཞིང་ཚོགས་ན་ཡང་ལེགས། བར་འདིར་ཚིག་ཆད་སོང་། དེ་ཅིའི་ཕྱིར་ཞེ་ན། མ་གཡོས་པ་ཐམས་ཅད་ཚོགས་ཀྱི་དཀྱིལ་འཁོར་ཆེན་པོ་ཡིན་ནོ། །སངས་རྒྱས་ཉིད་ཀྱིས་མཆོད་པའི་རྒྱན་དུ་བྱིན་གྱིས་བརླབས་པའོ། །དེ་བས་ཀྱང་ཐམས་ཅད་དུ་ཏིང་ངེ་འཛིན་ལ་གནས་ཤིང་གཉིས་སུ་མེད་པ་ལས། རྟོགས་པ་སྨྲ་བསམ་ཡུལ་ལས་འདས། བསྒོམ་པ་དམིགས་སུ་མེད་པའོ། །ཨཱོཾ་མ་ཧཱ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨདྨ་ཀོ྅ཧཾ། དབྱིངས་གཅིག་རང་བཞིན་མི་གཉིས་ཀྱང་། །མ་རིག་རྨོངས་ལ་བསྟན་པའི་ཕྱིར། །ཁྱབ་པའི་སྙིང་རྗེ་ཡོངས་ཀྱིས་འབྱུང་། །དེ་ཚེ་རྗེ་བ་མེད་པར་བསྒོམ། །ཨཱོཾ་དྷརྨ་དྷཱ་ཏུ་སྭ་བྷཱ་ཝ་ཨཱདྨ་ཀོ྅ཧཾ། མཐའ་དབུས་མེད་པའི་བྱང་ཆུབ་སེམས། །ཆོས་རྣམས་ཀུན་གྱི་རྩ་བ་ཡིན། །སེམས་ནི་ཡི་གེའི་རང་བཞིན་རྒྱུ། །ཡི་གེ་མཆོག་ཏུ་བསྒོམ་པར་བྱའོ། །ཧཱུཾ་བཛྲ་ཙིཏྟ་ཧཱུཾ། ཨེ་ཡཾ་མཾ་ལཾ་བཾ་བི་ཤྭ་བི་ཤུདྷི། མཁའ་དབྱིངས་ནམ་མཁའི་ཀློང་ཡངས་སུ། །འབྱུང་བ་རླུང་གི་སྒྲ་བཅས་ཏེ། །བདུད་རྩིའི་ཆུ་བསྐྱིལ་མཱ་མ་ཀི། །གསེར་གྱི་ས་གཞི་རི་རབ་མཛེས། །ཁ་དོག་ལྔར་བཅས་རིན་ཆེན་ལྔར། །བྷྲཱུཾ་ལས་རིན་ཆེན་གཞལ་ཡས་ཁང་། །ཏཱ་ལའི་བསྐྱེད་ཤིང་ཙོང་ཙོང་སྦྲེལ། །ཡིད་བཞིན་རིན་ཆེན་གྲ་ན་གསལ། །ལྡ་ལྡི་འཇའ་ཚོན་སྤྲིན་རུམ་ཡང་། །མུ་ཏིག་ཆུན་པོ་སྣ་ཚོགས་དྲེས། །ཉི་ཟླ་ཐབས་དང་ཤེས་རབ་ཀྱིས། །འཁོད་ཅིང་གསལ་བའི་བྱིན་རླབས་ཀྱི། །མ་རིག་མུན་སེལ་ཡེ་ཤེས་སྒྲོན། །གསེར་གྱི་དྲིལ་བུ་གཡེར་ཁ་ལས། །ཐེག་པའི་བྱེ་བྲག་སྣ་ཚོགས་སྒྲོགས། །ཕྱི་ནང་མེད་པའི་བཞུགས་གནས་དེར། །ཡངས་དོག་མེད་པའི་དཀྱིལ་འཁོར་བསྐྱེད། །ཨཱོཾ་ཛྙཱ་ན་ཙཀྲ་མཎྜལ་ཧཱུཾ། དཀྱིལ་འཁོར་བཞི་བཅུ་རྩ་གཉིས་ནི། །མ་བསྐྱེད་རྫོགས་པའི་ཚུལ་གྱིས་སུ། །རང་རྒྱུད་གཞན་དང་མཐུན་པར་བསྐྱེད། །སེམས་དཔའ་སུམ་ཅུ་རྩ་གཉིས་ཀྱང་། །མ་བསྐྱེད་ ― DNG008_Page_0500 ―
[མ་དཔེ་གཟིགས་ན་འདིར་གནོན།]
རྫོགས་པའི་ཚུལ་གྱིས་བསྐྱེད། །བཛྲ་སཏྭ་ཧཱུཾ། བཛྲ་རཱ་ཛ་ཛ། བཛྲ་རཱ་ག་ཧོ། བཛྲ་སཱ་དྷུ་དྷུ། བཛྲ་རཏྣ་ཏྲཾ། བཛྲ་སཱུརྻ་རྻ། བཛྲ་ཀེ་ཏུ་བྷྲྀ། བཛྲ་ཧ་ས་ཧ། བཛྲ་དྷརྨ་ཧྲཱྀཿ། བཛྲ་ཙཀྲ་དྷྲི། བཛྲ་ཏིཀྵྞ་དྷཱིཿ། བཛྲ་བྷཱ་ཥ་བྷཱ། བཛྲ་ཀརྨཱ་ཀཾ། བཛྲ་རཀྵ་རཾ། བཛྲ་ཡཀྵ་ཀྵཾ། བཛྲ་སནྡྷི་བཾ། ཧཱུཾ་ཧཱུཾ་ཧཱུཾ་ཧཱུཾ། ཏྲཱཾ་ཏྲཱཾ་ཏྲཱཾ་ཏྲཱཾ། ཧྲཱྀ་ཧྲཱྀ་ཧྲཱྀ་ཧྲཱྀ། ཨ་ཨ་ཨ་ཨ། སྐུ་བསྐྱེད་གསལ་བཏབ་དབང་བསྐུར་ནས། །སྤྱན་འདྲེན་ཆོ་ག་གཞུང་བཞིན་བྱ། །མཆོད་པ་ལ་སོགས་མཆོད་བྱས་ནས། །དེ་ཉིད་ལ་ནི་གནས་བསྒྱུར་ཏེ། ཧེ་རུ་དགུ་དང་ཡུམ་ཆེན་དགུ། །གཽ་རི་བརྒྱད་དང་ཕྲ་མེན་བརྒྱད། །སྤོར་མ་བརྒྱད་དང་སྒོ་མ་བཞི། །དབང་ཕྱུག་ཉི་ཤུ་རྩ་བརྒྱད་དང་། །མཁའ་འགྲོ་སུམ་ཅུ་རྩ་གཉིས་དང་། །ཕོ་ཉ་སུམ་བརྒྱ་དྲུག་ཅུ་དང་། །མ་མོ་བདུན་དང་སྲིང་མོ་བཞི། །རྡོ་རྗེའི་གིང་ཆེན་བཅོ་བརྒྱད་རྣམས། །མ་བསྐྱེད་རྫོགས་པའི་ཚུལ་གྱིས་སུ། །དཔལ་འབར་ཁྲོ་བོའི་རྒྱུད་བཞིན་བསྐྱེད། །སྐུ་བསྐྱེད་གསལ་བཏབ་དབང་བསྐུར་ནས། །སྤྱན་དྲང་མཆོད་པ་གཞུང་བཞིན་འབུལ། །དེ་དག་འདིར་བཤད་མངས་པའི་ཕྱིར། །གཞན་དང་མཐུན་པར་རྒྱལ་བས་གསུང་། །ཚོགས་རྒྱུད་ཆེན་པོ་ལས། དཀྱིལ་འཁོར་བསྐྱེད་པའི་ལེའུ་སྟེ་དང་པོའོ།། །།དེ་ནས་ཚོགས་ཀྱི་མཆོད་པ་ལ་ཡང་། དོན་རྣམ་པ་གསུམ་སྟེ། ཚོགས་བྱིན་གྱིས་བརླབ་པ་དང་། ཚོགས་དྲང་བ་དང་། ཚོགས་ཀྱི་མཆོད་པ་འབུལ་བའོ། །དེ་ལ་ཚོགས་བྱིན་གྱིས་བརླབ་པ་ནི། དེ་བཞིན་གཤེགས་པ་ཐམས་ཅད་ལ་འཁོར་རྣམ་པ་གཉིས་ཏེ། བསམ་པ་མྱ་ངན་ལས་འདས་ཤིང་། དགོངས་པ་ཆོས་ཉིད་དང་ལྡན་པའི་འཁོར་དང་། འཇིག་རྟེན་དབང་དུ་སྡུད་པའི་འཁོར་རོ། །དེ་ལ་དགོངས་པ་ཆོས་ཉིད་དང་ལྡན་པའི་འཁོར་ནི། ཆོས་མཉམ་པ་ཉིད་ལ་བཞུགས་ནས། ཐུགས་རྗེ་དབྲི་བཀོལ་མི་མཛད་པའི་དོན་གྱིས། སེམས་ཅན་ཐམས་ཅད་ཀྱི་དོན་ལ་མགོན་དང་། སྐྱབས་དང་དཔུང་གཉེན་མཛད་ ― DNG008_Page_0501 ―
[མ་དཔེ་གཟིགས་ན་འདིར་གནོན།]
ཅིང་བཞུགས་པས། དམིགས་པ་ཡོད་ན་བཞེས་སུ་གནང་བ། བྱིན་གྱིས་བརླབས་ཤིང་། དངོས་གྲུབ་སྩོལ་བར་མཛད་པས། བྱིན་གྱིས་བརླབ་མི་དགོས་སོ། །འཇིག་རྟེན་དབང་དུ་བསྡུས་པའི་འཁོར་ནི། ཆོས་མཉམ་པ་ལ་བཞུགས་ནས། ཐམས་ཅད་ལ་བྱ་ར་དང་ཚུལ་རྟོག་སྟེ། དམ་ཚིག་བསྲུངས་མི་བསྲུང་བལྟ། དམ་ཚིག་སྲུང་བ་ལ་སྟོངས་གྲོགས་བྱེད། དམ་ཚིག་མི་བསྲུང་ཞིང་ཉམས་པ་ལ་ཆད་པས་གཅོད།མནར་མེད་པར་ལྟུང་བར་བྱེད། རྣལ་འབྱོར་གྱི་མཆོད་པ་ལ་ཕུད་ཉམས་མ་ཉམས་དང་། གཙང་སྦྲ་བྱེད་མི་བྱེད་བལྟ། ཕུད་མ་ཉམས་ཤིང་གཙང་སྦྲ་བྱེད་ན། ཅི་འདོད་པའི་དངོས་གྲུབ་དང་། གང་བཅོལ་བའི་ལས་བྱེད། ཕུད་ཉམས་ལ་གཙང་སྦྲ་མ་བྱས་ན། དངོས་གྲུབ་ཀྱི་བར་ཆད་བྱེད། ལས་བཅོལ་པ་ལོག་པར་བསྒྲུབ། རྣལ་འབྱོར་བྱིན་གྱིས་བརླབས་མ་བརླབས་དང་། དགོངས་པ་དག་མ་དག་བལྟ། བྱིན་གྱིས་བརླབས་ལ་དགོངས་པ་དག་ན། བསྒོ་བ་ཉན་པ་དང་།ལུས་དང་གྲིབ་མ་བཞིན་འཁོར་བ་དང་། འཁོར་དང་རིགས་བསྲུང་བ་དང་།དབང་དང་མཐུ་སྟེར་བ་དང་། གཏོར་མ་སྤྱི་བོ་ལ་མངོན་དུ་ཁྱེར་ཏེ། བྲན་སྙིང་ཉེ་བ་བཞིན་ལས་བྱེད་ཅིང་། འཁུ་ལྡོག་མེད་ལ། རྣལ་འབྱོར་པའི་དགོངས་པ་མ་དག་པས། བྱིན་གྱིས་མ་བརླབས་ན། བར་ཆོད་ཀྱི་གེགས་བྱེད། ཆོ་འཕྲུལ་སྟོན། མཐུ་དབང་འཕྲོག །འཁུ་ལྡོག་ཆེ། མི་བདེ་བའི་དོན་དང་། སྡུག་བསྔལ་དང་། སྲོག་གི་བར་ཆད་དང་། འཁོར་དང་སྡེ་ལ་གནོད་པས། བྱིན་གྱིས་བརླབ་དགོས་ཏེ། དང་པོ་ཚོགས་ཀྱི་ཞལ་ཟས་ལ་ཕུད་མ་ཉམས་ཤིང་བསགས་ཏེ། གཙང་སྦྲ་དང་ལྡན་པར་བསགས་ལ། དྲི་ཆབ་ལ་ཆོས་ཉིད་རྣམ་པར་དག་པའི་སྔགས་དང་། ཕྱག་རྒྱས་བྱིན་གྱིས་བརླབས་པས་བསངས་ལ། དེ་ནས་ཁྲོ་མོ་དབང་ཕྱུག་མའི་སྔགས་ཀྱིས་བྱིན་གྱིས་བརླབས་པ་ནི། ཆུ་གཙང་མའི་ནང་དུ་ཙན་དན་དམར་པོ་བརྡར་ཏེ། དེ་ལ་ཡི་གེ་ཧཱུཾ་དམར་པོ་གཅིག་ཏུ་བསྒོམ། ― DNG008_Page_0502 ―
[མ་དཔེ་གཟིགས་ན་འདིར་གནོན།]
དེ་ནས་མ་ཧཱ་ཀྲོ་དྷཱི་ཤྭ་རཱི་ཞེས་བརྗོད་པས། ཁྲོ་མོ་དབང་ཕྱུག་མ་སྐུ་མདོག་དམར་མོ་ཚོན་གང་བ་ཞིག་ཏུ་གྱུར་པའི་ཐུགས་ཀར་ཡི་གེ་ཨཱོཾ་བཀོད་ལ་སྲིན་མཐེབ་ཀྱི་བར་དུ་ཡིག་འབྲུ་བཟུང་སྟེ། ཨཱོཾ་མ་ཧཱ་ཀྲོ་དྷཱི་ཤྭ་རཱི་ཧཱུཾ་ཧྲཱྀཿཋཱ། ཨཱོཾ་སརྦ་དྲ་བྱཾ་ཤོ་དྷ་ཡ་ཧཱུཾ། ཞེས་བརྒྱ་རྩ་བརྒྱད་བཟླས་པས། ཁྲོ་མོ་དབང་ཕྱུག་མ་འོད་དུ་ཞུ་ནས། ཚོགས་ཀྱི་ལོངས་སྤྱོད་ཐམས་ཅད་མཁའ་དབྱིངས་རྣམ་པར་དག་པར་བྱིན་གྱིས་བརླབས་ཏེ། དེ་ནས་ཚོགས་ཀྱི་ལོངས་སྤྱོད་ལ། ཡི་གེ་སྭ་མཐིང་ག་གཅིག་བཀོད་ལ། དེ་འཕྲོ་ཞིང་འདུས་པ་ལས། ཨཱོཾ་རཏྞ་བྷ་ག་ལ་ཁཾ་ཞེས་བརྗོད་ལ། ལག་པ་ཐལ་མོ་སྦྱར་ཏེ་གཏུགས་ལ། ཚོགས་ཀྱི་མཆོད་པ་ཐམས་ཅད་རྒྱ་ཆེ་བ་ནམ་མཁའ་དང་མཉམ་པ།ལྷུན་སྡུག་པ་རི་རབ་དང་མཉམ་པ། གྲངས་མང་པ་སའི་སྐྱེ་འཁྲུངས་དང་མཉམ་པ། གཏིང་ཟབས་པ་རྒྱ་མཚོ་དང་མཉམ་པ་མཚུངས་པར་བྱིན་གྱིས་བརླབས་སོ། །དེ་ནས་ཚོགས་ཀྱི་ཞལ་ཟས་ལ། ཧཱུཾ་དང་མཱུཾ་ལས་རྡོ་རྗེ་སེམས་དཔའ་ཡབ་ཡུམ་དུ་གྱུར། ཡབ་ཡུམ་གཉིས་སུ་མེད་པའི་མཁའ་ལས། ཞི་ཁྲོའི་དཀྱིལ་འཁོར་བསམ་གྱིས་མི་ཁྱབ་པར་འཕྲོས་པས། འཇིག་རྟེན་གྱི་རྣམ་རྟོག་ཐམས་ཅད་བསྲེག་སྦྱང་དུ་བྱས། རྒྱལ་བའི་དཀྱིལ་འཁོར་རབ་འབྱམས་བསམ་གྱིས་མི་ཁྱབ་པ་ལ། དགྱེས་པ་ཆེན་པོའི་མཆོད་པ་ལྷ་ལ་ལྷ་ཐིམ་པའི་ཚུལ་གྱིས་ཕུལ། མཉེས་པ་ཆེན་པོས་ཆོས་ཉིད་དག་པའི་རྒྱུད་བསྐུལ་ནས། རྒྱལ་བའི་བྱིན་རླབས་དང་། དཔལ་གྱི་ཕམ་ཕབ་ཀྱིས་ཁམས་གསུམ་གྱི་སེམས་ཅན་དང་། །ཕྱོགས་བཅུའི་འཇིག་རྟེན་གྱི་ཁམས་ན། རྡོ་རྗེ་སློབ་དཔོན་དང་མཆེད་དང་ལྕམ་དྲལ། གསང་སྔགས་ཡོ་ག་རྣམ་གསུམ་གྱི་སྒོར་ཞུགས་ཤིང་། རྣལ་འབྱོར་གྱི་བཀའ་གཞུང་བཞིན་མཛད་པ་ཐམས་ཅད་ལ། འདོད་པའི་ལོངས་སྤྱོད་རྣམ་ལྔ་ཆོས་ཉིད་ཀྱི་རྒྱན་དུ་མཆོད་པ་ཕུལ། ཐམས་ཅད་ ― DNG008_Page_0503 ―
[མ་དཔེ་གཟིགས་ན་འདིར་གནོན།]
མཉེས་ཤིང་ཚིམ་པ་དང་། །འགྲངས་ཤིང་ངོམས་པར་བྱས། གཡར་དམ་ཉམས་པ་སོར་ཆུད་ནས། ལུས་ངག་ཡིད་གསུམ་གྱི་སྒྲིབ་པ་སྦྱངས། མ་མོ་དང་མཁའ་འགྲོ་ཐམས་ཅད་ལ་ཁྱབ་པས། དམ་རྫས་གང་ལ་དད་པས་མཆོད།རང་རང་གི་དམ་ཚིག་བསྲུང་། དཔལ་གྱི་བཀའ་དང་དམ་ལས་མི་འདའ་བར་བྱས། རྣལ་འབྱོར་གྱི་ལས་དང་གཉེར་གཏད་མཐར་ཕྱིན་པར་དམ་ཚིག་མནོས་ཏེ། རྣལ་འབྱོར་གྱི་དགོངས་པ་མཐར་ཕྱིན་པར་བྱིན་གྱིས་བརླབ་བོ། །ཚོགས་རྒྱུད་ཆེན་པོ་ལས། བྱིན་གྱིས་བརླབ་པའི་ལེའུ་སྟེ་གཉིས་པའོ།། །།དེ་ནས་ཚོགས་ཀྱི་མཆོད་པ་དྲང་བ་འདི་སྐད་དོ། །རྔ་སྒྲ་ཅང་ཏེའུ་པི་ཝང་དང་། །གླིང་བུ་དང་ནི་ཀརྐོ་ཏ། །གྷཎྜ་ཆ་ལང་སྣ་ཚོགས་དང་། །གླུ་དང་ལེའུ་དང་ཚིག་དང་བཅས། །སྙན་པའི་གླུ་དབྱངས་སྣ་ཚོགས་ཀྱི། །སྙན་གྱི་མཆོད་པ་བཞེས་སུ་གསོལ། །རྒྱལ་བའི་ཐུགས་དམ་མཉེས་གྱུར་ཅིག །གར་དང་ཕྱག་རྒྱ་སྟངས་སྟབས་དང་། །གཟུགས་དང་དབྱིབས་དང་རྫས་དང་རྟེན། །སྡུག་དང་མཛེས་དང་ཡིད་འོང་ཞིང་། །ཁ་དོག་གསལ་བ་སྣ་ཚོགས་ཀྱི། །སྤྱན་གྱི་མཆོད་པ་བཞེས་སུ་གསོལ། །རྒྱལ་བ་རྒྱ་མཚོའི་ཐུགས་དམ་བསྐང་། །དྲི་དང་སྤོས་དང་བདུག་པ་དང་། །བསྲེག་དང་བཙོས་དང་སྦྱར་བ་དང་། །རླངས་པ་དུད་པ་སྣ་ཚོགས་ཀྱི། །ཤངས་ཀྱི་མཆོད་པ་བཞེས་སུ་གསོལ། །དཀྱིལ་འཁོར་ཐུགས་དམ་བསྐང་གྱུར་ཅིག །བཟའ་དང་བཅའ་དང་བཏུང་བ་དང་། །བཤོས་དང་ཞལ་ཟས་སྣ་ཚོགས་དང་། །ཁ་དང་མངར་དང་སྐྱུར་བ་དང་། །ཚ་དང་རྩུབ་དང་ལན་ཚྭའི་རོ། །ལྗགས་ཀྱི་མཆོད་པ་བཞེས་སུ་གསོལ། །སྲས་བཅས་འཁོར་གྱི་ཐུགས་དམ་བསྐང་། །ལྷ་དང་མི་ཡི་ན་བཟའ་དང་། །གོས་དང་རྒྱན་དང་ལྷབ་ལྷུབ་དང་། །རིན་ཆེན་དབུ་རྒྱན་ཅོད་པན་དང་། །དཔུང་རྒྱན་དོ་ཤལ་སེ་མོ་དོ། །དར་དཔྱངས་པ་ཏི་ཤམ་བུ་དང་། །སྙན་ཆ་མགུར་ཆུ་བླ་མེད་འདི། །སྐུ་ཡི་མཆོད་པ་བཞེས་སུ་གསོལ། ། ― DNG008_Page_0504 ―
[མ་དཔེ་གཟིགས་ན་འདིར་གནོན།]
དགའ་ལྡན་ལྷ་ཡི་ལོངས་སྤྱོད་དང་། །འབྱོར་ལྡན་མི་ཡི་ལོངས་སྤྱོད་དང་། །དགོངས་ལྡན་འཕྲུལ་གྱི་ལོངས་སྤྱོད་རྣམས། །དཀྱིལ་འཁོར་ཆེན་པོས་བཞེས་སུ་གསོལ། །འཕགས་པའི་ཐུགས་དམ་བསྐང་གྱུར་ཅིག །འབྲུ་ཚིག་དོན་དང་མན་ངག་དང་། །གསལ་དང་གོ་འབྱེད་སྙིང་པོའི་རྒྱུ། །དབང་པོ་ཚིམས་བྱེད་རྒྱལ་བའི་བཀའ། །ཕྱག་རྒྱ་ཆེན་པོའི་གསུང་ལྡན་པའི། །ཆོས་ཀྱི་མཆོད་པ་བཞེས་སུ་གསོལ། །མ་ལུས་ཐུགས་དམ་བསྐང་གྱུར་ཅིག །ཅེས་དྲང་ངོ་། །ཚོགས་རྒྱུད་ཆེན་པོ་ལས། ཚོགས་དྲང་བའི་ལེའུ་སྟེ་གསུམ་པའོ།། །།དེ་ནས་ཚོགས་ཀྱི་མཆོད་པ་ཡང་རྣམ་པ་གསུམ་སྟེ། ཕྱི་གཟུགས་ཀྱི་མཆོད་པ་དང་། ནང་སྒྲོལ་བའི་མཆོད་པ་དང་། གསང་བ་ཐབས་དང་ཤེས་རབ་བྱང་ཆུབ་སེམས་ཀྱིས་མཆོད་པའོ། །དེ་ལ་ཕྱི་གཟུགས་ཀྱི་མཆོད་པ་ལ་ཡང་རྣམ་པ་བཅུ་དྲུག་སྟེ། རྣམ་པར་མི་རྟོག་པ་དོན་གྱི་མཆོད་པ་དང་། ཏིང་ངེ་འཛིན་གྱི་མཆོད་པ་དང་། གར་གྱི་མཆོད་པ་དང་། ཕྱག་རྒྱའི་མཆོད་པ་དང་། སེམས་དཔའ་བཅུ་དྲུག་གི་མཆོད་པ་དང་། སེམས་མ་བཅུ་དྲུག་གི་མཆོད་པ་དང་། འདོད་པའི་ཡོན་ཏན་རྣམ་པ་ལྔའི་མཆོད་པ་དང་། ཀུན་ཏུ་བཟང་པོའི་མཆོད་པ་དང་།བདེ་བ་ཆེན་པོའི་མཆོད་པ་དང་། འདུས་བྱས་རྫས་ཀྱི་མཆོད་པ་དང་། བླ་ན་མེད་པའི་མཆོད་པ་དང་། རྣམ་པར་གྲོལ་བའི་མཆོད་པ་དང་། འཁོར་གསུམ་ཡོངས་སུ་དག་པའི་མཆོད་པ་དང་། གཉིས་སུ་མེད་པའི་མཆོད་པ་དང་།མཉམ་པར་བཞག་པའི་མཆོད་པ་དང་། ལྷུན་གྱིས་གྲུབ་པའི་མཆོད་པའོ། །དེ་ལ་རྣམ་པར་མི་རྟོག་པ་དོན་གྱིས་མཆོད་པ་འདི་སྐད་དོ། །ཆོས་ཉིད་སྟོང་པའི་རང་བཞིན་ལ། །རྣམ་རྟོག་མཚན་མ་མི་གནས་ཤིང་། །དབུ་མ་ལ་ཡང་མི་གནས་ཤིང་། །མི་རྟོག་མི་གཡོ་སྐྱོན་བསལ་ཏེ། །གཟུང་འཛིན་གཉིས་ཀ་ལས་འདས་པའི། །མི་རྟོག་མཆོད་པ་བཞེས་སུ་ ― DNG008_Page_0505 ―
[མ་དཔེ་གཟིགས་ན་འདིར་གནོན།]
གསོལ། །ཨཱོཾ་དྷརྨ་དྷཱ་ཏུ་པཱུ་ཛ་སྭཱ་ཧཱ་ཞེས་དགོངས་པ་བཟུང་ངོ་། །དེ་ནས་ཏིང་ངེ་འཛིན་གྱི་མཆོད་པ་འདི་སྐད་དོ། །ཕྱོགས་བཅུ་སྟོང་གསུམ་བསམ་མི་ཁྱབ། །རབ་འབྱམས་དཔག་ཏུ་མེད་པ་ན། །ཕྱི་ནང་སྣོད་བཅུད་མ་ལུས་ཀུན། །ཐབས་དང་ཤེས་རབ་རང་བཞིན་ལས། །ཕྱག་རྒྱ་ཆེན་པོའི་དཀྱིལ་འཁོར་ཏེ། །རྟོགས་དང་ལྡན་པས་གསལ་བསྒོམས་ནས། །དབྱེར་མེད་ངོ་བོ་ཉིད་མཉམ་ཕྱིར། །དམིགས་པའི་ཏིང་འཛིན་མཆོད་པར་བཞེས། །ཨཱོཾ་ས་མཱ་དྷི་ཙ་ཏུ་པཱུ་ཛ་སྭཱ་ཧཱ། ཞེས་དགོངས་པས་བརླབ་བོ། །དེ་ནས་གར་གྱིས་མཆོད་པ་འདི་སྐད་དོ། །ཨཱོཾ་གར་གྱི་རྒྱུ་དང་གར་གྱི་ཁུངས། །གར་གྱི་གར་ཐབས་དྲངས་དང་བཅས། །གར་གྱི་གླེང་གཞི་ཡོན་ཏན་གྱིས། །གར་གྱི་མཆོད་པ་དབུལ་བར་བྱ། །ཨཱོཾ་དང་པོ་དམ་ཚིག་གར་ལགས་ཏེ། །ནམ་མཁའ་ཀུན་ཀྱང་གར་གྱིས་ཁེངས། །གར་མཁན་ཚུལ་དུ་སངས་རྒྱས་ཤིང་། །གསང་ཆེན་བདེ་བའི་མཆོག་སྟོན་པ། །ངོ་མཚར་ཆེ་ལ་ཕྱག་འཚལ་ལོ། །གཡས་ཀྱི་སེ་གོལ་ཏ་ལ་ཧོ། །གཡོན་གྱི་སེ་གོལ་བཤམ་པ་བརྒྱ། །ཏ་ལ་ཀྴམ་རྒྱ་རྩེ་བསྡམས་པ། །འདས་པའི་སངས་རྒྱས་ཀུན་འདུས་ན། །ཕྱི་ནང་གཞན་ལྟ་སྨོས་ཅི་འཚལ། །སྤྲིན་ཕུང་བཞིན་དུ་འཁོར་འདུས་ནས། །གཟུགས་དང་སྒྲ་དང་དྲི་དང་རོ། །ལོ་ཙཱ་ན་ལ་སོགས་པ་ལྔས། །དུས་གསུམ་རྒྱལ་བའི་ཐུགས་དམ་བསྐངས་གྱུར་ནས། །རྣལ་འབྱོར་བཅོལ་པའི་ཕྲིན་ལས་གྲུབ་པར་མཛོད། །ཨཱོཾ་མ་ཧཱ་ཤཱུནྱ་ཏ་ཡོ་ག་པྲ་བ་ནེ།ཨཀྵ་མུ་ས་སྭ་པྲ་བ་སཱེ། སུ་ཀ་ར་སུ་ཀེ་ཏན་ཞེས་གར་གྱི་མཆོད་པ་ཕུལ་ནས།གར་འབྱུང་བའི་རྒྱུ་ནི། གཡོན་པས་ཁུ་ཚུར་བཅང་བ་ལས་འབྱུང་ངོ་། །གར་གྱི་གར་དྲང་ཐབས་ནི། སྒྲུབ་ཐབས་སྐུ་གསུང་ཐུགས་སུ་འདུས་སོ། །གར་གྱི་ཡོན་ཏན་ནི། གར་བསྒྱུར་ནས་ཕྱག་རྒྱ་བཅང་བའི་ཚེ། །སྐུ་ལྷའི་ཕྱག་རྒྱར་གསལ་བར་བྱས་ནས། དེར་ཡང་གྲོལ་བར་ ― DNG008_Page_0506 ―
[མ་དཔེ་གཟིགས་ན་འདིར་གནོན།]
འགྱུར་རོ། །དེ་ནས་ཕྱག་རྒྱའི་མཆོད་པ་འདི་སྐད་དོ། །ཕྱག་རྒྱ་བཞུགས་ཚུལ་ལས། སྐུ་ཡི་ཕྱག་རྒྱ་འདའ་བ་མེད། །མི་འགྱུར་ཕྱག་རྒྱའི་མཆོད་པ་ལས། །རྒྱལ་བ་མཉེས་ཏེ་དངོས་གྲུབ་སྩོལ། །སེམས་དཔའི་སྐྱིལ་མོ་མཉམ་བཞག་ནས། །གཡོན་པའི་ལག་བརྐྱང་རྐང་སྟེང་ན། །གཡས་པ་དེ་སྟེང་མཉམ་བཞག་པ། །ཀུན་བཟང་ཉིད་ཀྱི་ཕྱག་རྒྱ་ཡིན། །ལག་པ་ཐལ་སྦྱར་སོར་བསྣོལ་ནས། །གུང་མོ་རྩེ་སྤྲད་མཐེའུ་ཆུང་བསྒྲེང་། །མཐེ་བོང་གཉིས་ཀྱང་དེ་བཞིན་བསྒྲེང་། །རྡོ་རྗེ་རིགས་ཀྱི་ཕྱག་རྒྱ་ཡིན། །སོར་མོ་བཞི་པོ་རྒྱབ་བསྣོལ་ཏེ། །གཅིག་ལ་གཅིག་འཁྱུད་ལུ་གུ་རྒྱུད། །མཐེ་བོང་གཉིས་ཀྱང་མཐིལ་དུ་སྦྱར། །དེ་བཞིན་རིགས་ཀྱི་ཕྱག་རྒྱ་ཡིན། །ཐལ་མོ་ཁོང་སྟོང་སྦྱར་བ་ལས། །མཐེ་བོང་གློར་བཞག་མཛུབ་ཟུར་ཅན། ། སྦྱར་ཡིན་ནམ། གུང་མོ་སོར་དྲུག་འོད་ལྟར་བཀྲམ། །རིན་ཆེན་རིགས་ཀྱི་ཕྱག་རྒྱ་ཡིན། །ལག་པ་ཐལ་མོ་དེ་ཉིད་ལས། །སོར་མོ་རྩེ་སྤྲད་དགུ་བྱས་ནས། །པདྨ་ཁ་འབུས་ཚུལ་དུ་བྱས། །པདྨ་རིགས་ཀྱི་ཕྱག་རྒྱ་ཡིན། །ལག་པ་ཐལ་མོ་དེ་ཉིད་ལས། །སྲིན་ལག་གཉིས་ནི་ནང་དུ་བཀུག །བཞི་པོ་རྩེ་སྤྲད་ཕྱོགས་བཞིར་བགྲད། །ལས་ཀྱི་རིགས་ཀྱི་ཕྱག་རྒྱ་ཡིན། །ཕྱག་རྒྱ་དེ་ཉིད་བཅངས་པ་ལས། །བཞི་པོ་རྩེ་སྤྲད་གྱེན་བསྒྲེངས་ནས། །དམ་དུ་བརྩུམས་ཏེ་བསྒྲེངས་པ་ནི། །རིགས་ཀྱི་ཡུམ་ལྔའི་ཕྱག་རྒྱ་ཡིན། །ཐལ་མོ་གཉིས་ནི་མཉམ་སྦྱར་ནས། །སོར་མོ་གཞན་རྣམས་རྒྱབ་ཏུ་བསྣོལ། །ཟུར་ཅན་མྱུ་གུའི་ཡི་ཚུལ། །ས་ཡི་སྙིང་པོའི་ཕྱག་རྒྱ་ཡིན། །གཡས་པའི་མཐེ་བོང་མཐེའུ་ཆུང་མནན། །སོར་མོ་གསུམ་ཕྱར་རལ་གྲིའི་ཚུལ། །གཡོན་པ་ཤུབས་ལྟར་བྱས་པ་ནི། །ནམ་མཁའི་སྙིང་པོའི་ཕྱག་རྒྱ་ཡིན། །ལག་པ་ཐལ་མོ་སྦྱར་ནས་ཀྱང་། །སོར་མོ་སྤེལ་ཏེ་ཡིད་ཙམ་བསྣོལ། །པདྨ་ཁ་རྒྱས་ཚུལ་དུ་བྱས། །སྤྱན་རས་གཟིགས་དབང་ཕྱག་རྒྱ་ཡིན། །གཡས་གཡོན་སོར་ ― DNG008_Page_0507 ―
[མ་དཔེ་གཟིགས་ན་འདིར་གནོན།]
བསྣོལ་གུང་མོ་བསྒྲེངས། །མཛུབ་མོ་རྡོ་རྗེའི་རྭ་ལྟར་བཀུག །མཐེ་བོང་གཉིས་ནི་གློར་བཞག་པ། །ཕྱག་ན་རྡོ་རྗེའི་ཕྱག་རྒྱ་ཡིན། །གཡས་པ་སྐྱབས་ཀྱི་ཕྱག་རྒྱ་ལས། །གཡོན་པ་མཐེ་བོང་མཛུབ་མོ་སྤྲད། །སྙེ་མ་འཛིན་པ་ལྟར་བྱས་པ། །སེམས་དཔའ་ཀུན་བཟང་ཕྱག་རྒྱ་ཡིན། །གཡས་པ་ལག་མཐིལ་ལྟེ་བར་བརྐྱང་། །གཡོན་པ་བརླ་ལ་སེ་གོལ་ཚུལ། །པོ་ཏི་འཛིན་པ་ལྟར་བྱས་པ། །སྒྲིབ་པ་རྣམ་སེལ་ཕྱག་རྒྱ་ཡིན། །ལག་པ་གཡས་པ་མཆོག་སྦྱིན་ཚུལ། །གཡོན་པ་བརྐྱངས་ཏེ་ས་གནོན་གྱིས། །ཀླུ་ཤིང་འཛིན་པ་ལྟར་བྱས་པ། །བྱམས་པ་མཆོག་གི་ཕྱག་རྒྱ་ཡིན། །ལག་པ་གཡས་གཡོན་རྟིང་སྦྱར་ནས། །སོར་མོ་ཕྱིར་བཀྱེད་རྩེ་མོ་དགུག །ཨུཏྤལ་ཚུལ་དུ་བྱས་པ་ནི། །འཇམ་དཔལ་གཞོན་ནུའི་ཕྱག་རྒྱ་ཡིན། །ལག་པ་ཁུ་ཚུར་དཀུར་བརྟེན་ནས། །འགྱིང་བའི་ཚུལ་དུ་གནས་པ་ལ། །འཛུམ་ཞིང་སྒེག་པས་གཡས་སུ་འདུད། །ལ་སེ་སྒེག་མོའི་ཕྱག་རྒྱ་ཡིན། །ལག་པ་གཡས་གཡོན་མཐེབ་མཛུབ་སྤྲད། །གཡོན་པས་ཕྲེང་བ་འཛིན་པ་ལ། །གཡས་པས་སྨིན་མཚམས་འདྲེན་པ་ནི། །མ་ལེ་ཕྲེང་བ་འདྲེན་པའི་ཕྱག་རྒྱ་ཡིན། །གཡོན་པ་རིན་ཆེན་པི་ཝང་ལ། །སོར་མོས་དེའུ་གནོན་པ་ལས། །གཡས་པ་རྡེབ་པ་ལྟར་བྱས་པ། །དབྱངས་མཁན་མ་ཡི་ཕྱག་རྒྱ་ཡིན། །གཡོན་པའི་ཐལ་མོ་བཀན་པ་ལ། །གཡས་པ་སྟེང་དུ་ལྟོ་བསྣོལ་ཏེ། །འཁྲིལ་པའི་ཚུལ་གྱི་ཕྱག་རྒྱ་ནི། །གར་མཁན་སྐྱོང་མའི་ཕྱག་རྒྱ་ཡིན། །ལག་པ་གཡོན་པའི་གྲུ་མོ་ནས། །གཡས་པས་འདེགས་པ་ལྟར་བྱས་ལ། །གཡོན་པ་སྤོས་ཕོར་ཚུལ་དུ་བྱ། །དྷཱུ་བེ་ཚིམས་བྱེད་ཕྱག་རྒྱ་ཡིན། །ལག་པ་གཡས་གཡོན་ཐལ་མོ་སྦྱར། །སྙིམས་པ་ཡིད་ཙམ་བཀན་པ་ལས། །འཐོར་བའི་ཐབས་སུ་སྤྱོད་པ་ནི། །པུཥ྇་མེ་ཏོག་འཐོར་བའི་ཕྱག་རྒྱའོ། །ལག་པ་གཡས་གཡོན་སྙིམས་པ་ལས། །མཐེ་ཆུང་གཉིས་ནི་དཀྱིལ་ནས་ ― DNG008_Page_0508 ―
[མ་དཔེ་གཟིགས་ན་འདིར་གནོན།]
བསྒྲེངས། །གཤིབས་ཏེ་གྱེན་དུ་བསྒྲེངས་པ་ནི། །ཞུན་མར་ཨཱ་ལོའི་ཕྱག་རྒྱ་ཡིན། །ལག་པ་གཡོན་པས་སྐྱོར་བ་ལས། །གཡས་པའི་མཐེབ་སྲིན་ཕྱག་རྒྱ་ཡིས། །གཏོར་ཐབས་ཚུལ་དུ་བྱས་པ་ནི། །གན་བྷེ་དྲི་ཡི་ཕྱག་རྒྱ་ཡིན། །ལག་པ་ཁུ་ཚུར་བཅངས་ནས་ནི། །ནྲྀ་མགོ་ཕྱག་རྒྱ་ཆེན་པོ་ལས། །བཏེགས་པའི་ཚུལ་དུ་ཕྱར་བ་ནི། །གཤིན་རྗེ་གཤེད་ཀྱི་ཕྱག་རྒྱ་ཡིན། །གཡོན་པས་སྡིགས་པའི་མཛུབ་མོ་ལས། །གཡས་པ་རྡོ་རྗེ་བེ་ཅོན་གྱིས། །བརྡེག་པའི་ཐབས་སུ་འདེབས་པ་ནི། །དཔལ་ལྡན་ཆེན་པོའི་ཕྱག་རྒྱ་ཡིན། །རྟ་མགྲིན་དཔལ་ནི་རྟ་ཡི་རྒྱ། །ཡང་ན་གཡོན་པ་ཐོད་ཁྲག་ལས། །གཡས་པ་སྦྲུལ་ཞགས་སྡོམ་པ་ནི། །ཧ་ཡ་གྲཱི་ཝའི་ཕྱག་རྒྱ་ཡིན། །ལག་པ་གཡས་གཡོན་བསྣོལ་བ་ལས། །རྡོ་རྗེ་རྒྱ་གྲམ་ཚུལ་དུ་བྱ། །འགྱིང་བའི་ཐབས་སུ་བརྗིད་པ་ནི། །བདུད་རྩི་འཁྱིལ་བའི་ཕྱག་རྒྱ་ཡིན། །མཛུབ་མོ་ལྕགས་ཀྱུ་ལྟར་བྱས་པ། །མི་ཕམ་མ་ཡི་ཕྱག་རྒྱ་ཡིན། །ཞགས་པ་བསྡོག་པ་ལྟར་བྱས་པ། །ཁྲོ་གཉེར་མ་ཡི་ཕྱག་རྒྱ་ཡིན། །འཁྱུད་པ་ལྕགས་སྒྲོག་ལྟར་བྱས་པ། །རོ་ལངས་མ་ཡི་ཕྱག་རྒྱ་ཡིན། །དྲིལ་བུ་འཁྲོལ་བ་ལྟར་བྱས་པས། །རལ་གྲི་མ་ཡི་ཕྱག་རྒྱ་ཡིན། །པི་ཝང་རྡེབས་པ་ལྟར་བྱས་པས། །ལྷ་ཡི་ཐུབ་པའི་ཕྱག་རྒྱ་ཡིན། །གོ་ཆ་བགོ་བ་ལྟར་བྱས་པས། །ལྷ་མིན་ཐུབ་པའི་ཕྱག་རྒྱ་ཡིན། །གསེག་པར་འཛིན་པ་ལྟར་བྱས་པ། །མི་མགོན་ཐུབ་པའི་ཕྱག་རྒྱ་ཡིན། །པོ་ཏི་ཆོས་འཆད་ཕྱག་རྒྱ་ནི། །བྱོལ་སོང་ཐུབ་པའི་ཕྱག་རྒྱ་ཡིན། །རིན་ཆེན་སྒྲོམ་བུ་ཁ་འབྱེད་ནི། །ཡི་དྭགས་ཐུབ་པའི་ཕྱག་རྒྱ་ཡིན། །མེ་འབར་ཆུ་བླུག་ལག་གཉིས་ནི། །དམྱལ་བའི་ཐུབ་པའི་ཕྱག་རྒྱ་ཡིན། །ཕྱག་རྒྱ་མཆོད་པ་སྣ་ཚོགས་ཀྱིས། །དཀྱིལ་འཁོར་ཐུགས་དམ་བསྐང་གྱུར་ཅིག །རྒྱལ་སྲས་མཆོད་པས་མཉེས་གྱུར་ནས། །མཐར་ཕྱིན་དངོས་གྲུབ་སྩལ་དུ་གསོལ། །ཨཱོཾ་མུ་དྲ་ཙེ་ ― DNG008_Page_0509 ―
[མ་དཔེ་གཟིགས་ན་འདིར་གནོན།]
རི་པཱུ་ཛ་སྭཱ་ཧཱ། ཞེས་མ་ནོར་བར་འབུལ། དེ་ནས་སེམས་དཔའ་བཅུ་དྲུག་གི་མཆོད་པ་འདི་སྐད་དོ། །སེམས་མ་བཅུ་དྲུག་གི་སྔགས་རྣམས་དཔྱད་དགོས། རྡོ་རྗེ་སེམས་དཔའ་བདེ་བ་ཆེ། །རྡོ་རྗེ་རྒྱལ་པོ་དགའ་བ་ཆེ། །རྡོ་རྗེ་ཆགས་པ་འདེབས་པ་ཆེ། །རྡོ་རྗེ་ལེགས་པ་བླ་ན་མེད། །རྡོ་རྗེ་རིན་ཆེན་དྲི་མ་མེད། །རྡོ་རྗེ་ཉི་མ་གསལ་བ་ཆེ། །རྡོ་རྗེ་རྒྱལ་མཚན་དགའ་བ་ཆེ། །རྡོ་རྗེ་བཞེད་པ་ཐབས་ཆེན་པོ། །རྡོ་རྗེ་ཆོས་མཆོག་གསུང་བ་ཆེ། །རྡོ་རྗེ་འཁོར་ལོ་ཡིད་བཞིན་བསྐོར། །རྡོ་རྗེ་རྣོན་པོ་ཐོགས་པ་མེད། །རྡོ་རྗེ་སྨྲ་བ་གསུང་བ་ཆེ། །རྡོ་རྗེ་ལས་རབ་འདུལ་མཁས་པ། །རྡོ་རྗེ་གནོད་སྦྱིན་གདུང་བ་སེམས། །རྡོ་རྗེ་གོ་ཆ་དཔའ་བོ་སྟེ། །རྡོ་རྗེ་ཁུ་ཚུར་ལེགས་པ་ཆེ། །སེམས་དཔའ་ཆེན་པོ་མཆོད་པ་ཡི། །ཕྱག་རྒྱ་ཆེན་པོས་མཉེས་གྱུར་ཏེ། །མ་ལུས་དགྱེས་ཏེ་ཐུགས་དམ་བསྐང་། །རྩ་བའི་སྔགས་བརྗོད་སེམས་དཔའ་གཞན་ཡང་མཆོད་དོ། །དེ་ནས་སེམས་མ་བཅུ་དྲུག་གི་མཆོད་པ་འདི་སྐད་དོ། །ཨཱོཾ་སུ་ར་ཏོ་བཛྲ་མནོད་པ་བཱ་དྷ། ཨཱོཾ་སུ་ར་ཏོ་བཛྲ་ཀི་ལི་ཀི་ལི་ཧཱུཾ། །ཨཱོཾ་སུ་ར་ཏོ་བཛྲ་སྨེད་ཏ་ཧྲཱྀཿ། །ཨཱོཾ་སུ་ར་ཏོ་བཛྲ་གྷར་བྷེ་ཧཱུཾ། བདེ་བ་ཟ་བྱེད་ཡབ་ཡུམ་ཕྱག་རྒྱར་གསལ། །བདེ་བ་རྨོངས་བྱེད་གཉིས་སུ་མེད་པར་སྤྱོད། །བདེ་བ་རྒྱས་འདེབས་དཀྱིལ་འཁོར་ཕྲིན་ལས་རྫོགས། །བདེ་བ་ཚེ་འཕེལ་སྐྱེ་ཤི་མེད་པའི་ངང་། །ཨཱོཾ་ཧེ་མ་ཧཱ་སུར་ཏོ་བྷ་མ་ས་ནི་ཏྲ་ཐཱ། ཏྲ་ཐཱ། མ་ཧཱ་སུ་ཏ་ཧ་སེ་ཧ་ཧཱ། ཨཱོཾ་མ་ཧཱ་སུ་ཏ་ཏ་བཛྲ་གཱི་ཏི་ཏེ་ཏེ། ཨཱོཾ་མ་ཧཱ་སུ་ར་ཏ་བཛྲ་ནི་རྟི་ཕེ་པ་ཕེ་པ། རྡོ་རྗེ་སྒེག་མོ་བྱང་ཆུབ་སེམས་ཀྱི་ངང་། །རིན་ཆེན་དཔལ་ཕྲེང་གཟུངས་དང་ཏིང་ངེ་འཛིན། །པདྨ་དབྱངས་མཁན་གསུང་རབ་རྒྱ་མཚོ་སྒྲོགས། །ལས་ཀྱི་གར་མཁན་ཕྲིན་ལས་རྒྱ་མཚོས་སྒྲོལ། །ཨཱོཾ་སུ་ར་ཏོ་བཛྲ་མ་དུ་ག་རེ་གུམ་གུམ། ཨཱོཾ་སུ་ར་ཏོ་བཛྲ་མ་ཀེ་ཏང་ཏང་། ཨཱོཾ་སུ་ར་ཏོ་བཛྲ་ཤ་ར་ཏ་ཨ་ཨཱ། ཨཱོཾ་སུ་ར་ཏོ་བཛྲ་ཤྲི་གན་ཏེ་ཧོ་ཧོ། རྡོ་རྗེ་བདུག་པ་མ་ནི་བྱང་ཆུབ་སེམས་ཉིད་འདོད་པའི་དང་། །རྡོ་རྗེ་མེ་ཏོག་མ་ནི་དཀྱིལ་ ― DNG008_Page_0510 ―
[མ་དཔེ་གཟིགས་ན་འདིར་གནོན།]
འཁོར་གསལ་བར་འཐོར། །རྡོ་རྗེ་མར་མེ་མས་ནི་དཀྱིལ་འཁོར་གསལ་བར་མཐོང་། །རྡོ་རྗེ་དྲི་ཆབ་མས་ནི་བྱང་ཆུབ་སེམས་ཀྱི་ཐིག་ལེ་སྤྲོ། །ཨཱོཾ་སུ་ར་ཏོ་བཛྲ་མ་ཧཱ་རཱུ་བེ་བྷི་ཤ་རུ་པེ་ཛ་ཛ། ཨཱོཾ་སུ་ར་ཏོ་བཛྲ་ཤཔྟ་སུ་ཀི་ཧཱུཾ། ཨཱོཾ་སུ་ར་ཏོ་བཛྲ་གནྡི་ཧོ་ཧོ། ཨོཾ་སུ་ར་ཏོ་བཛྲ་སྤཪྴེ། ཐུགས་རྗེའི་ལྕག་ཀྱུས་ཐུགས་ཀྱི་རྒྱུད་བསྐུལ་ཞིང་། །བྱམས་པའི་ཞགས་པས་གནས་ནས་སྤྱན་དྲངས་ལ། །དགའ་བའི་ཕོ་ཉ་ལྕགས་སྒྲོག་གནས་སྤྱོད་ནས། །བདེ་གཤེགས་རྟོག་བྲལ་མས་ནི་དགྱེས་པ་བསྐྱེད། །ཞེས་ཏིང་ངེ་འཛིན་དང་མཐུན་པར་སྦྱར་རོ། །དེ་ནས་འདོད་པའི་ཡོན་ཏན་རྣམ་པ་ལྔ་ཡིས་མཆོད་པ་འདི་སྐད་དོ། །གཟུགས་ཀྱི་ལྷ་མོའི་མཆོད་པ་ནི། །གཟུགས་མཛེས་གསལ་བའི་མེ་ལོང་བསྣམས། །མཛེས་པའི་གཟུགས་ཀྱི་མཆོད་པ་འབུལ། །སྤྱན་གྱི་མཉེས་པས་དགྱེས་གྱུར་ཅིག །སྒྲ་ཡི་ལྷ་མོའི་མཆོད་པ་ནི། །ཕྱག་གཉིས་དབྱངས་སྙན་པི་ཝང་བསྣམས། །སྙན་པའི་རོལ་མོའི་མཆོད་པ་འབུལ། །སྙན་གྱི་མཆོད་པས་མཉེས་གྱུར་ཅིག །དྲི་ཡི་ལྷ་མོའི་མཆོད་པ་ནི། །ཕྱག་ན་ཚིམས་བྱེད་སྤོས་ཕོར་བསྣམས། །དྲི་མཆོག་སྣ་ཚོགས་མཆོད་པ་འབུལ། །ཤངས་ཀྱི་དགྱེས་པས་མཉེས་གྱུར་ཅིག །རོ་ཡི་ལྷ་མོའི་མཆོད་པ་ནི། །རོ་མཆོག་ཞལ་ཟས་སྣ་ཚོགས་བསྣམས། །བདུད་རྩི་རོ་མཆོག་སྣ་ཚོགས་ཀྱིས། །ལྗགས་ལ་ཕོག་པས་མཉེས་གྱུར་ཅིག །རེག་གི་ལྷ་མོའི་མཆོད་པ་ནི། །ན་བཟའ་པཉྩཱ་ལི་ཀ་བསྣམས། །དྲོ་འཇམ་ཚ་བསིལ་རེག་བདེ་བའི། །སྐུ་ལ་གསོལ་བས་མཉེས་གྱུར་ཅིག །ཞེས་སྔགས་དང་ཕྱག་རྒྱ་དང་ལྡན་པས་ཀྱང་མཆོད་དོ། །དེ་ནས་ཀུན་ཏུ་བཟང་པོའི་མཆོད་པ་ནི། །བདེ་བར་གཤེགས་སོ་བཅོམ་ལྡན་འདས། །རྒྱལ་བ་རྒྱ་མཚོའི་ཡེ་ཤེས་ཀྱིས། །སྲིད་པ་རྒྱ་མཚོ་མཐའ་ཡས་ཀུན། །ཀུན་བཟང་མཆོད་སྤྲིན་མཆོག་ཏུ་རོལ། །ཨཱོཾ་ཤྲི་ས་མནྟ་བྷ་དྲ་སརྦ་ཏ་ཐཱ་ག་ཏེ་བྷྱོ་བི་ཤྭ་ ― DNG008_Page_0511 ―
[མ་དཔེ་གཟིགས་ན་འདིར་གནོན།]
མུ་ཁེ་བྷྱཿསརྦ་ཏརྔྷེ་ཨུངྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཞེས་ལྟ་བ་ཡངས་པར་བྱའོ། །དེ་ནས་བདེ་བ་ཆེན་པོའི་མཆོད་པ་འདི་སྐད་དོ། །བདེ་བ་ཆེན་པོ་དག་ལ་གང་གནས་པ། །རྟག་པ་ཆེན་པོ་ལོངས་སྤྱོད་རྫོགས་པའི་སྐུ། །ཁམས་གསུམ་ལས་འདས་བྱང་ཆུབ་རོལ་པ་ཆེ། །སྟོན་པས་བཙལ་ཀྱང་རྙེད་པར་ག་ལ་འགྱུར། །ཐིག་ལེ་ཆེན་པོ་ཡེ་ནས་གནས་པ་ལ། །ཡེ་ཤེས་སྙིང་པོ་འདི་ལས་གཞན་མེད་དོ། །འཁོར་བ་མྱ་ངན་སྐྱེ་ཤི་མེད་པའི་དབྱིངས། །བདེ་བ་ཆེན་པོའི་ངང་ལ་རྣམ་པར་རོལ། །ཨཱོཾ་ཅི་ལ་བདེ་བས་ཅི་ལ་རོལ། །བདེ་མཆོག་དེ་དང་མི་མཉམ་བདེ། །སྲིད་པ་ཤིན་ཏུ་དག་བྱའི་ཕྱིར། །མི་སྲིད་དབྱིངས་སུ་མཉམ་སྦྱར་ནས། །བཅོམ་ལྡན་རྡོ་རྗེ་སེམས་དཔའ་དང་། །དཀྱིལ་འཁོར་རྒྱལ་སྲས་བཅས་པ་ལ། །དམ་ཚིག་མཆོད་པ་འདི་འབུལ་ན། །ནམ་མཁའི་རྡོ་རྗེ་སྩལ་དུ་གསོལ། །སརྦ་ཏ་ཐཱ་ག་ཏ་ཨ་རྒྷཾ་མ་ཧཱ་སུ་ཁ་པུ་ཛི་ཏེ་ཧོ། དེ་ནས་འདུས་བྱས་ཀྱི་མཆོད་པ་འདི་སྐད་དོ། །རིན་ཆེན་སྣ་ཚོགས་རྒྱན་ལས་གྲུབ་པ་ཡི། །རྒྱལ་མཚན་འཕན་གདུགས་བླ་རེ་ལྷབ་ལྷུབ་དང་། །བདུག་སྤོས་དྲི་ཞིམ་མེ་ཏོག་སིལ་མ་བཀྲམ། །བདུད་རྩིའི་དྲི་དང་སྣང་གསལ་སྒྲོན་མར་བཅས། །ལྷ་དང་མི་ཡི་རོལ་མོ་སྣ་ཚོགས་དང་། །གླུ་གར་ཏེའུ་དང་ཚིགས་སུ་བཅད་པས་བསྟོད། །བཟའ་བཏུང་བདུད་རྩིའི་རོ་མཆོག་རྣམ་མང་དང་། །རྒྱལ་སྲིད་རིན་ཆེན་སྣ་བདུན་ལ་སོགས་རྫས། །མཚན་མཆོག་བཙུན་མོ་ཡིད་དུ་འོང་བ་ཡང་། །གོས་དང་རྒྱན་དང་རིན་ཆེན་རྒྱན་གྱིས་མཛེས། །ཐབས་ལྡན་རོལ་པའི་ཚུལ་གྱིས་བཞེས་སུ་གསོལ། །བསོད་ནམས་ཚོགས་ཀྱི་དངོས་གྲུབ་སྩལ་དུ་གསོལ། །དེ་ནས་བླ་ན་མེད་པའི་མཆོད་པ་འབུལ་བ་ནི། བླ་མེད་མཆོག་གི་མཆོད་པ་དམ་པ་སྦྱར་བ་འདི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པ་ལྔ་ཡི་ལོངས་སྤྱོད་མཁོ་དགུར་ལྡན། །ནམ་མཁའི་མཐའ་ཀླས་གཏེར་ཆེན་འབྱུང་གྱུར་ཅིག །ཕུང་པོ་ ― DNG008_Page_0512 ―
[མ་དཔེ་གཟིགས་ན་འདིར་གནོན།]
བླ་མེད་རྒྱལ་བ་ཡེ་ཤེས་ལྔ། །འབྱུང་བ་བླ་མེད་གསང་བའི་ཡུམ་ཆེན་ལྔ། །རྣམ་ཤེས་ཡུལ་དུས་སེམས་དཔལ་སེམས་མ་ལ། །མཆོད་པ་བླ་མེད་དུས་དང་རྒྱན་དུ་འབུལ། །དམྱལ་ཚོགས་མེ་ལྟར་འབར་བ་ཞི་བར་མཛོད། །དེ་ནས་རྣམ་པར་གྲོལ་བའི་མཆོད་པ་འདི་སྐད་དོ། །ཕུང་པོ་ཁམས་དང་སྐྱེ་མཆེད་དང་། །ཕྱི་ནང་སྣོད་བཅུད་མ་ལུས་ཀུན། །སངས་རྒྱས་ཞིང་ཡིན་རྣམ་གྲོལ་བའི། །འཛིན་མེད་ཆགས་དང་བྲལ་བ་ཡིས། །འཁོར་བའི་ཆོས་ལས་ཀུན་སྒྲོལ་བ། །མྱ་ངན་འདས་པའི་དཀྱིལ་འཁོར་བཀོད། །རྟོག་བྲལ་བག་ཆགས་མེད་པ་ལ། །འདི་ཞེས་མཚོན་པ་མེད་པ་ཡིས། །ཤེས་རབ་ཤིན་ཏུ་རྣམ་པར་གྲོལ། །བློ་ཆེན་པོ་དང་ལྡན་པའི་བདག །བྱང་ཆུབ་ཉིད་དེ་རྣམ་གྲོལ་བའི། །ཐབས་ལྡན་གྲོལ་བའི་མཆོད་པ་འབུལ། །གཉིས་མེད་དོན་གྱི་ཚངས་པ་སྩོལ། །དེ་ནས་འཁོར་གསུམ་ཡོངས་སུ་དག་པའི་མཆོད་པ་འབུལ་བ་ནི་འདི་སྐད་དོ། །མ་ཆགས་པ་ཡང་ཆགས་པ་མེད། །ཆགས་པ་ལ་ཡང་མ་ཆགས་མེད། །བདག་མེད་རྟོགས་པ་མྱ་ངན་འདས། །འཛིན་མེད་དབྱིངས་ལ་ཡེ་ཤེས་རོལ། །རྒྱལ་སྲིད་དང་ནི་རང་གི་ལུས། །འཕགས་པ་རྣམས་ལ་འབུལ་གྱིས་བཞེས། །བུ་དང་ཆུང་མ་བུ་མོ་དང་། །ནོར་དང་དབྱིག་དང་སྦས་པའི་གཏེར། །བླ་མ་རྣམས་ལ་འབུལ་ལགས་ཀྱིས། ། ཚིག་ཆད། རྟ་མཆོག་རྒྱན་གྱིས་བརྒྱན་པ་དང་། །དུད་འགྲོ་གླང་ཆེན་ནེ་ཤ་དང་། །འདབ་ཆགས་ལ་སོགས་ཐམས་ཅད་ཀྱང་། །འཁོར་བཅས་རབ་འབྱམས་བཞེས་སུ་གསོལ། །སྡུག་བསྔལ་ལ་ཡང་སྡུག་བསྔལ་མེད། །འཁོར་བ་ལ་ཡང་འཁོར་བ་མེད། །མ་ལུས་བཞེས་ཏེ་དགྱེས་མཛོད་ལ། །འཁོར་བའི་ཁྲི་མུན་སྟོངས་པར་མཛོད། །དེ་ནས་གཉིས་སུ་མེད་པའི་མཆོད་པ་འབུལ་བ་འདི་སྐད་དོ། །རང་བཞིན་དཀྱིལ་འཁོར་སྤྱན་དྲངས་ནས། །གཟུགས་བརྙན་དཀྱིལ་འཁོར་ ― DNG008_Page_0513 ―
[མ་དཔེ་གཟིགས་ན་འདིར་གནོན།]
གསལ་བྲིས་ཏེ། །ཏིང་འཛིན་དཀྱིལ་འཁོར་གསལ་བསྒོམས་ནས། །བདེ་བར་གཤེགས་ལ་མཆོད་པ་འབུལ་བ་རྣམས། །གཉིས་མེད་དབྱིངས་ཀྱི་སྦྱོར་བ་ལས། །དམ་ཚིག་ཐུགས་དམ་བརྩེར་དགོངས་ཏེ། །གཉིས་སུ་མེད་པར་མཆོད་པ་འབུལ། །འཁོར་བ་དང་ནི་མྱ་ངན་འདས། །གཉིས་སུ་འཕགས་པ་ཅང་མི་གསུང་། །དབྱེར་མེད་རང་བཞིན་གཅིག་པའི་ཕྱིར། །གཉིས་མེད་མཆོད་པ་བཞེས་སུ་གསོལ། །ཉོན་མོངས་ལ་སོགས་དུག་ལྔ་རྣམས། །ཐབས་མཁས་རྒྱལ་བའི་དཀྱིལ་འཁོར་དེ། །ཐབས་དང་ཤེས་རབ་རོལ་པ་ལས། །གཉིས་མེད་མཆོད་པ་བཞེས་སུ་གསོལ། །མི་མཉམ་འཁོར་བའི་སྡུག་བསྔལ་བསལ་དུ་གསོལ། །དེ་ནས་མཉམ་པར་བཞག་པའི་མཆོད་པ་འབུལ་བ་འདི་སྐད་དོ། །མཉམ་ཉིད་མི་གཡོ་མཉམ་ཉིད་སངས་རྒྱས་པའི། །ང་རྟོག་མཚན་མའི་སྤྱོད་ཡུལ་ངང་གིས་མེད། །གཟུང་འཛིན་མཚན་མ་ཀུན་ལས་འདས་པ་ཡི། །མཉམ་པ་ཆེན་པོའི་མཆོད་པ་རྣམ་པར་རོལ། །ལོག་རྟོག་སྒྱུ་མར་རོལ་པའི་སེམས་ཅན་དང་། །ཡེ་ཤེས་སྒྱུ་མར་སྣང་བའི་སངས་རྒྱས་ཀྱིས། །ཡེ་ཤེས་ལོག་རྟོག་ཁྱད་པར་བསམ་ཡས་ཀྱང་། །སྒྱུ་མ་ཡིན་པས་རང་བཞིན་ཡོངས་ཀྱིས་མཉམ། །མཉམ་པ་ཆེན་པོའི་མཆོད་པ་བཞེས་སུ་གསོལ། །རྣམ་པར་རྟོག་མེད་དུས་གསུམ་རྒྱལ་བའི་སྐུ། །ལྔ་ཡི་ཉོན་མོངས་དུག་ལྔ་རང་ཐད་ཀྱང་། །དོན་རྟོགས་གསལ་བའི་སྐྱེས་བུར་གཉིས་སུ་མེད། །མཉམ་པ་ཆེན་པོའི་མཆོད་པ་བཞེས་སུ་གསོལ། །རིག་དང་མ་རིག་སྒྱུ་མའི་ཁྱད་པར་ལས། །ལྷུན་གྱིས་གྲུབ་པའི་ངང་ལ་བཙལ་མེད་པས། །གཉིས་མེད་དོན་གྱི་ངང་དུ་གཅིག་པའི་ཕྱིར། །མཉམ་པར་བཞག་པའི་མཆོད་པ་བཞེས་སུ་གསོལ། །དེ་ནས་ལྷུན་གྱིས་གྲུབ་པའི་མཆོད་པ་འབུལ་བ་འདི་སྐད་དོ། །ཕུང་པོ་ལྷ་ཡི་དཀྱིལ་འཁོར་དུ། །ཕྱག་རྒྱ་ཆེན་པོར་ལྷུན་གྱིས་གྲུབ། །ལྷ་དང་ལྷ་མོའི་དཀྱིལ་འཁོར་དུ། ། ― DNG008_Page_0514 ―
[མ་དཔེ་གཟིགས་ན་འདིར་གནོན།]
ཐམས་ཅད་མ་ལུས་ལྷུན་གྱིས་གྲུབ། །བྲོ་གར་འདུ་འཕྲོ་ལ་སོགས་པ། །འཛུལ་ལམ་མཁའ་ལ་འགྲོ་བ་སོགས། །གར་ཡང་ཐོགས་པ་མེད་པ་ཡི། །མཁའ་འགྲོ་ཆེན་པོར་ལྷུན་གྱིས་གྲུབ། །སྒྲ་རུ་གྲགས་པ་ཇི་སྙེད་དང་། །ཚིག་དང་ཡི་གེ་ཐམས་ཅད་པ། །གསུང་གི་ཕྱག་རྒྱར་ལྷུན་གྱིས་གྲུབ། །བཟའ་བཏུང་ལོངས་སྤྱོད་ཐམས་ཅད་ཀུན། །སྐྱེ་དང་བདུད་རྩིར་ཐམས་ཅད་གྲུབ། །ཆོས་ཉིད་ལྷན་ནེ་ལྷང་ངེར་གསལ། །བདེ་ཆེན་རྒྱལ་པོར་ལྷུན་གྱིས་གྲུབ། །ལྷུན་གྲུབ་མཐར་ཕྱིན་མཆོད་པ་བཞེས། །གྲུབ་པའི་འབྲས་བུ་རྫོགས་པར་མཛོད། །ཚོགས་རྒྱུད་ཆེན་པོ་ལས།ཕྱི་གཟུགས་ཀྱི་མཆོད་པའི་ལེའུ་སྟེ་བཞི་པའོ།། །།དེ་ནས་བསྒྲལ་བའི་མཆོད་པ་ལ་ཡང་རྣམ་པ་ལྔ་སྟེ། དང་པོ་བསྒྲལ་བའི་རྒྱུ་དང་། དེའི་དགོངས་པ་དང་། དེའི་ཕྲིན་ལས་དང་། ཐུགས་དམ་བསྐུལ་བ་དང་། ཞལ་དུ་བསྟབ་པའོ། །དེ་ལ་དང་པོ་བསྒྲལ་བའི་རྒྱུ་ལ་ཡང་དོན་རྣམ་པ་ལྔ་སྟེ། གང་བསྒྲལ་བ་དང་། གང་གིས་བསྒྲལ་བ་དང་། དོན་ཆེད་ཅིའི་ཕྱིར་བསྒྲལ་བ་དང་། མ་བསྒྲལ་བའི་སྐྱོན་ནོ། །དེ་ལ་གང་བསྒྲལ་ན་ཞིང་བཅུར་གྱུར་པ་འདི་བསྒྲལ་ཏེ། དཀོན་མཆོག་གསུམ་གྱི་སྐུ་དགྲར་གྱུར་པ་དང་། ངན་པའི་ངང་ཚུལ་ཅན་ལ་སོགས་པ་བཅུ་པོ་དེ་བསྒྲལ་ལོ། །དེ་གང་གིས་བསྒྲལ་ན།ཐབས་ལ་མཁས་པའི་སྐྱེས་བུ་ཆེན་པོས་ལྷའི་དཀྱིལ་འཁོར་དང་གཉིས་སུ་མེད་པས་བསྒྲལ་ལོ། །གང་དུ་བསྒྲལ་ན་འོག་མིན་ཆོས་ཀྱི་དབྱིངས་ཀྱི་ཕོ་བྲང་ཡུམ་གྱི་མཁའ་ཀློང་དུ་བསྒྲལ་ལོ། །དགོས་ཆེད་ཅིའི་ཕྱིར་བསྒྲལ་ན། དེ་མནར་མེད་པར་ལྟུང་ངེས་པས། དེ་མཐོ་རིས་སུ་འགོད་པའི་ཕྱིར། ཐུགས་རྗེ་ཆེན་པོས་བསྒྲལ་ལོ། །དེ་མ་བསྒྲལ་བའི་སྐྱོན་ནི། རྡོ་རྗེ་ཐེག་པའི་བཀའ་བཅག་ཅིང་། རྣལ་འབྱོར་གྱི་ཆོས་སྤྱོད་ནུབ་ནས། རྒྱལ་ཁམས་ཡོངས་སུ་ཕུང་བར་འགྱུར་བའི་ ― DNG008_Page_0515 ―
[མ་དཔེ་གཟིགས་ན་འདིར་གནོན།]
སྐྱོན་ཡོད་དོ། །དེ་བསྒྲལ་བའི་དགོས་པ་ནི། བདག་ཉིད་ཕྱག་རྒྱ་ཆེན་པོའི་དཀྱིལ་འཁོར་དུ་གསལ་བར་བྱས་ལ། དཀྱིལ་འཁོར་ཆེན་པོར་དྲངས་ཏེ། འཁོར་བ་ཞེ་གཅོད་པའི་རྒྱ་གད་བྱས་ལ། དང་པོ་ཡི་གེ་རཾ་དང་ཡཾ་དང་ཁཾ་གིས་བསྲེག་སྦྱངས་ཚུལ་བཞིན་བྱས་ལ། དང་པོ་མཚོན་ཆ་རྣམ་པ་ལྔའི་ཆར་ཕབ་སྟེ། ཙཀྲ་ཨཱོཾ་ཞེས་བརྗོད་ནས། རྡོ་རྗེའི་འཁོར་ལོ་སྤྱི་བོའི་གཙུག་ཏུ་བརྒྱབ་པས། གཏི་མུག་གནས་སུ་དག་པར་བཅོམ། ཙཀྲ་ཧཱུཾ་ཞེས་བརྗོད་ནས། རྡོ་རྗེ་སྙིང་གར་བརྒྱབ་པས། ཞེ་སྡང་གནས་སུ་དག་པར་བཅོམ། ཙཀྲ་སྭཱ་བྷྲཱུཾ་ཞེས་བརྗོད་ནས། རིན་པོ་ཆེ་ལྟེ་བར་བརྒྱབ་པས་ང་རྒྱལ་གནས་སུ་དག་པར་བཅོམ། ཙཀྲ་ཨཱཾ་ཞེས་བརྗོད་ནས། པདྨ་ལྕེ་ལ་བརྒྱབ་པས་འདོད་ཆགས་གནས་སུ་དག་པར་བཅོམ། ཙཀྲ་ཧཱ་ཞེས་བརྗོད་ནས། རལ་གྲི་རྐང་པའི་མཐིལ་དུ་བརྒྱབ་པས། ཕྲག་དོག་གནས་སུ་དག་པར་བཅོམ། རྣམ་པར་ཤེས་པའི་སེམས་ཡི་གེ་ཧཱུཾ་དུ་བསྒྱུར། ཟླ་བའི་དཀྱིལ་འཁོར་གྱི་སྟེང་དུ་བཞག །འོག་ཏུ་ཡཾ་ལས་རླུང་གི་དཀྱིལ་འཁོར་གྱིས་བཏེགས། ཡབ་ཡུམ་སྦྱོར་བའི་མཚམས་སུ་འཕངས། སྒལ་ཚིགས་གསང་བའི་ཕྱག་རྒྱ་བཞི་ལྡན་བསྒོམ་བྱས་ནས། །ཁྱོད་ནི་རྒྱལ་བའི་སྲས་སུ་འགྱུར། །སེམས་ཅན་ཁྱོད་ཀྱི་གསང་བ་ན། །ཡི་གེ་ཏི་གཅིག་གནས་པ་ནི། །དམྱལ་བའི་བཙོ་བསྲེག་གནས་ཡིན་ཏེ། །བཙོ་བསྲེག་གནས་སུ་ཁྱོད་མི་གཏང་། །ཏི་ཡི་སྟེང་དུ་ཧ་གཅིག་བསྒོམ། །ཏི་ལས་ཧཱ་ལྗང་འོད་ལྡན་པས། །ཆོ་ག་རྣམ་གསུམ་འཕྲོ་འདུ་ལས། །དོན་ཡོད་གྲུབ་པ་རྒྱལ་བའི་སྐུ། །ཕྱག་རྒྱ་ལྔ་དང་ལྡན་པར་བསྒོམ། །རྒྱལ་བའི་སྲས་སུ་སྐྱེ་བར་འགྱུར། །བཅོམ་ལྡན་འདས་ཀྱི་ཞལ་ནས་གསུངས། །འདིས་ཀྱང་སྦྱོར་བའི་ལས་མཛོད་ཅིག །གཞན་ཡང་ཕྲིན་ལས་རྣམ་བཞི་དང་། །བརྟུལ་ཞུགས་ཆེན་པོ་མཆོག་རྣམས་ཀྱིས། །སྤོར་དང་སྤར་བའི་ལས་མཛོད་ཅིག །ད་ནས་ཐུགས་དམ་རྒྱུད་བསྐུལ་བ་འདི་སྐད་དོ། །རྡོ་རྗེ་ཁྲོ་རྒྱལ་དཔལ་ཆེན་ ― DNG008_Page_0516 ―
[མ་དཔེ་གཟིགས་ན་འདིར་གནོན།]
ཧེ་རུ་ཀ །དྲན་རྟོག་ཁྲོ་ཚུལ་ཞེ་སྡང་མི་མངའ་ཡང་། །གཏུམ་ཁྲོ་གདུག་པ་མ་ལུས་འདུལ་བའི་ཕྱིར། །ཐུགས་རྗེ་ཆེན་པོས་སྒྲོལ་བའི་ཕྲིན་ལས་མཛོད། །འབར་བའི་དཀྱིལ་འཁོར་ཀུན་ལ་མཆོད་པ་ནི། །སྒེག་མོ་རིན་ཆེན་ཕྲེང་ཐོགས་དབྱངས་དང་གར། །སྤོས་ཀྱི་དྲི་མཆོག་མེ་ཏོག་མར་མེ་དྲི། །ཧཱུཾ་མཛད་ཧཱུཾ་ལ་ཧཱུཾ་སྟེ་བཞེས་སུ་གསོལ། །བཅོམ་ལྡན་དཔལ་ཆེན་བཛྲ་ཧེ་རུ་ལ། །བསྒྲལ་བའི་ཞིང་བཅུའི་རྣམ་ཤེས་མཆོད་པ་འབུལ། །རྡོ་རྗེ་རིགས་ཀྱི་ཐུགས་དམ་བསྐང་གྱུར་ནས། །ཐུགས་ཀྱི་དངོས་གྲུབ་སྩལ་དུ་གསོལ། །བཅོམ་ལྡན་དཔལ་ཆེན་བུཌྜྷ་ཧེ་རུ་ལ། །བསྒྲལ་བའི་གཟུགས་ཀྱི་ཕུང་པོ་མཆོད་པ་འབུལ། །དེ་བཞིན་རིགས་ཀྱི་ཐུགས་དམ་བསྐང་གྱུར་ནས། །སྐུ་ཡི་དངོས་གྲུབ་སྩལ་དུ་གསོལ། །བཅོམ་ལྡན་དཔལ་ཆེན་རཏྣ་ཧེ་རུ་ལ། །བསྒྲལ་བའི་ཚོར་བའི་ཕུང་པོ་མཆོད་པ་འབུལ། །རིན་ཆེན་རིགས་ཀྱི་ཐུགས་དམ་བསྐང་གྱུར་ནས། །ཡོན་ཏན་དངོས་གྲུབ་དུས་འདིར་སྩལ་དུ་གསོལ། །བཅོམ་ལྡན་དཔལ་ཆེན་པདྨ་ཧེ་རུ་ལ། །བསྒྲལ་བའི་འདུ་ཤེས་ཕུང་པོ་མཆོད་པ་འབུལ། །པདྨ་རིགས་ཀྱི་ཐུགས་དམ་བསྐང་གྱུར་ནས། །གསུང་གི་དངོས་གྲུབ་སྩལ་དུ་གསོལ། །བཅོམ་ལྡན་དཔལ་ཆེན་པདྨ་ཧེ་རུ་ལ། །བསྒྲལ་བའི་འདུ་བྱེད་ཕུང་པོ་མཆོད་པ་འབུལ། །ལས་ཀྱི་རིགས་ཀྱི་ཐུགས་དམ་བསྐང་གྱུར་ནས། །ཕྲིན་ལས་དངོས་གྲུབ་དུས་འདིར་སྩལ་དུ་གསོལ། །ཡུམ་ཆེན་ཀྲོ་དྷཱི་ཤྭ་རཱི་ལ། །བསྒྲལ་བའི་བཀྲག་དང་མདངས་ཀྱི་མཆོད་པ་འབུལ། །རྡོ་རྗེ་དབྱིངས་ཕྱུག་ཐུགས་དམ་བསྐང་གྱུར་ནས། །མཁའ་ལ་དབྱིངས་ཕྱུག་དངོས་གྲུབ་སྩལ་དུ་གསོལ། །ཡུམ་ཆེན་བུཌྜྷ་ཀྲོ་དྷཱི་ཤྭ་རཱི་ལ། །བསྒྲལ་བའི་ཤ་དང་རུས་པའི་མཆོད་པ་འབུལ། །བུཌྜྷ་ཡུམ་ཆེན་ཐུགས་དམ་བསྐང་གྱུར་ནས། །ཡུམ་ཆེན་ཀྲོ་དྷཱིའི་དངོས་གྲུབ་སྩལ་དུ་གསོལ། །ཡུམ་ཆེན་ ― DNG008_Page_0517 ―
[མ་དཔེ་གཟིགས་ན་འདིར་གནོན།]
རཏྣ་ཀྲོ་དྷཱི་ཤྭ་རཱི་ལ། །བསྒྲལ་བའི་ཁྲག་དང་ཆུ་ཡི་མཆོད་པ་འབུལ། །རཏྣ་ཀྲོ་དྷཱིའི་ཐུགས་དམ་བསྐང་གྱུར་ནས། །རིན་ཆེན་དབྱིངས་ཕྱུག་དངོས་གྲུབ་སྩལ་དུ་གསོལ། །ཡུམ་ཆེན་པདྨ་ཀྲོ་དྷཱི་ཤྭ་རཱི་ལ། །བསྒྲལ་བའི་དྲོད་དང་མེ་ཡི་མཆོད་པའི་འབུལ། །པདྨ་ཡུམ་ཆེན་ཐུགས་དམ་བསྐང་གྱུར་ནས། །པདྨ་དབྱིངས་ཕྱུག་དངོས་གྲུབ་སྩལ་དུ་གསོལ། །ཡུམ་ཆེན་ཀརྨ་ཀྲོ་དྷཱི་ཤྭ་རཱི་ལ། །བསྒྲལ་བའི་དབུགས་དང་རླུང་གིས་མཆོད་པ་འབུལ། །ཀརྨ་ཀྲོ་དྷཱིའི་ཐུགས་དམ་བསྐང་གྱུར་ནས། །ལས་ཀྱི་དབྱིངས་ཕྱུག་དངོས་གྲུབ་སྩལ་དུ་གསོལ། །ཀཽ་རི་ལ་སོགས་ཁྲོ་མོ་བརྒྱད་རྣམས་ལ། །བསྒྲལ་བའི་རྣམ་ཤེས་བརྒྱད་ཀྱི་མཆོད་པ་འབུལ། །ཁྲོ་མོ་བརྒྱད་ཀྱི་ཐུགས་དམ་བསྐང་གྱུར་ནས། །སྟོང་པ་བརྒྱད་ཀྱི་དངོས་གྲུབ་སྩལ་དུ་གསོལ། །སེང་ཧ་ལ་སོགས་ཕྲ་མེན་བརྒྱད་རྣམས་ལ། །བསྒྲལ་བའི་དུར་ཁྲོད་བརྒྱད་ཀྱི་མཆོད་པ་འབུལ། །མགོ་བརྙན་བརྒྱད་ཀྱི་ཐུགས་དམ་བསྐང་གྱུར་ནས། །གྲུབ་པའི་གནས་བརྒྱད་དངོས་གྲུབ་སྩལ་དུ་གསོལ། །རྟ་གདོང་ལ་སོགས་སྒོ་མ་བཞི་རྣམས་ལ། །བསྒྲལ་བའི་ཡན་ལག་བཞི་ཡི་མཆོད་པ་འབུལ། །སྒོ་མ་བཞི་ཡི་ཐུགས་དམ་བསྐང་གྱུར་ནས། །ཕྲིན་ལས་བཞི་ཡི་དངོས་གྲུབ་སྩལ་དུ་གསོལ། །དབང་ཕྱུག་ཁྲག་འཐུང་ཉི་ཤུ་བརྒྱད་རྣམས་ལ། །བསྒྲལ་བའི་སྒལ་ཚིགས་ཉེར་བརྒྱད་མཆོད་པ་འབུལ། །དབང་ཕྱུག་ཉི་ཤུ་བརྒྱད་ཀྱི་ཐུགས་དམ་བསྐང་། །བཅོལ་བའི་འབྲས་བུ་མཆིས་པའི་དངོས་གྲུབ་སྩལ་དུ་གསོལ། །མ་བདུན་སྲིང་བཞི་གསང་བའི་ཡུམ་ཆེན་ལ། །བསྒྲལ་བའི་གློ་སྙིང་ཕོ་མཆིན་ནང་རོལ་དང་། །མཁྲིས་པ་མཁལ་མ་ལ་སོགས་འབུལ། །ཐུགས་དམ་གཉེན་བསྐང་དངོས་གྲུབ་སྩལ་དུ་གསོལ། །ཕོ་ཉ་སུམ་བརྒྱ་དྲུག་ཅུ་ལ། །བསྒྲལ་བའི་རུས་པ་སུམ་བརྒྱ་དྲུག་ཅུ་རྣམས། །ཕོ་ཉའི་ཚོགས་རྣམས་མཆོད་འབུལ་ ― DNG008_Page_0518 ―
[མ་དཔེ་གཟིགས་ན་འདིར་གནོན།]
ཐུགས་དམ་བསྐང་། །ཕོ་ཉ་རྐང་མགྱོགས་དངོས་གྲུབ་སྩལ་དུ་གསོལ། །རྡོ་རྗེ་གིང་ཆེན་ཀ་ཏར་གིང་མཆོག་བཅྭོ་བརྒྱད་ལ། །བསྒྲལ་བའི་རྩིབ་མ་བཅོ་བརྒྱད་མཆོད་པ་འབུལ། །གིང་ཆེན་ཐུགས་དམ་བསྐང་སྟེ་དངོས་གྲུབ་སྩོལ། །དེ་ནས་ཞལ་དུ་བསྟབ་པ་འདི་སྐད་དོ། །བསྟབ་པོ་ཁ་རི་ཞལ་ཕྱེས་ཤིག །འབར་བ་ཆེན་པོ་ཞལ་ཕྱེས་ཤིག །རྣམ་རྟོག་མ་ལུས་ཞལ་དུ་བསྟབ། །དབུ་དང་ཕྱག་མང་ཞལ་ཕྱེས་ཤིག །དགྲ་བགེགས་མ་ལུས་ཞལ་དུ་བསྟབ། །ཞིང་གསོལ་ཆས་བརྒྱད་ཞལ་ཕྱེས་ཤིག །བར་དུ་གཅོད་པ་ཞལ་དུ་བསྟབ། །ཤ་ཟ་ཁྲག་འཐུང་ཞལ་ཕྱེས་ཤིག །བསྒྲལ་བའི་ཞིང་བཞི་ཞལ་དུ་བསྟབ། །རྔམ་བྱེད་མ་ལུས་ཞལ་ཕྱེས་ཤིག །བདུད་དང་སྲིན་པོ་བར་གཅོད་བྱེད་པ་དང་། །རྡོ་རྗེ་སློབ་དཔོན་སྐུ་དགྲ་རྣམས། །མ་ལུས་བཞེས་ཏེ་རོལ་པར་མཛོད། །འབྱུང་པོའི་ཁྲག་ནི་ཆང་བས་ཞིམ། །འདོད་ཆགས་མཆོད་པ་བླ་ན་མེད། །འདོད་ཆགས་མཆོད་པ་བཞེས་སུ་གསོལ། །གསུང་གི་དངོས་གྲུབ་སྩལ་དུ་གསོལ། །འབྱུང་པོའི་རུས་པ་མར་བས་ཞིམ། །ཞེ་སྡང་མཆོད་པ་བླ་ན་མེད། །ཞེ་སྡང་མཆོད་པ་འདི་བཞེས་ལ། །ཐུགས་ཀྱི་དངོས་གྲུབ་སྩལ་དུ་གསོལ། །འབྱུང་པོའི་ཤ་ནི་ཟན་བས་ཞིམ། །གཏི་མུག་མཆོད་པ་བླ་ན་མེད། །གཏི་མུག་མཆོད་པ་འདི་བཞེས་ལ། །སྐུ་ཡི་དངོས་གྲུབ་སྩལ་དུ་གསོལ། །མ་ཧཱ་རཀྟ་མ་ཧཱ་མཱཾ་ས་མ་ཧཱ་ཀིཾ་ནི་རི་ཏི་ཁ་རཾ་ཁཱ་ཧི། ཚོགས་རྒྱུད་ཆེན་པོ་རྫོགས་སོ། །དེ་ནས་གསང་བ་ཐབས་དང་ཤེས་རབ་བྱང་ཆུབ་སེམས་ཀྱི་མཆོད་པ་ལ་ཡང་དོན་རྣམ་པ་ལྔ་སྟེ། གཟུངས་མ་བྱིན་གྱིས་བརླབ་པ་དང་། གཉིས་སུ་མེད་པར་སྦྱོར་བ་དང་།གསང་བའི་མཁའ་ལ་སེམས་ཅན་ཐམས་ཅད་དབང་བསྐུར་ཏེ་གནས་སྤར་བ་དང་། དཀྱིལ་འཁོར་གྱི་ལྷ་ལ་བྱང་ཆུབ་སེམས་ཀྱི་མཆོད་པ་འབུལ་བ་དང་། བྱང་ཆུབ་སེམས་རྡོ་རྗེའི་ལྕེ་ཡིས་དངོས་གྲུབ་བླང་བ་དང་ལྔའོ། །དེ་ལ་དང་པོ་གཟུངས་མ་བྱིན་གྱིས་བརླབ་པ་ནི། གཟུངས་མ་ཉིད་ཡུམ་ཤེས་ ― DNG008_Page_0519 ―
[མ་དཔེ་གཟིགས་ན་འདིར་གནོན།]
རབ་ཀྱི་ཕ་རོལ་ཏུ་ཕྱིན་པའི་རང་བཞིན་དུ། དུས་གསུམ་བདེ་བར་གཤེགས་པའི་བཞུགས་གནས་གཞལ་ཡས་ཁང་དུ་བྱིན་གྱིས་བརླབས་ལ། གསང་བའི་མཁའ་ལ་དཀྱིལ་འཁོར་གྱི་ལྷ་ཚང་བར་གསལ་བར་བསྒོམ་པ་དང་། གནས་ལྔར་ཡི་གེ་དཔའ་བོ་འབྲུ་ལྔ་ལས། རིགས་ལྔར་གྱུར་པ་དང་། གསང་བའི་ཡུམ་བཞིའི་བསྐོར་བར་བྱིན་གྱིས་བརླབ་པའོ། །དེ་ནས་གཉིས་སུ་མེད་པར་སྦྱོར་བ་ནི། དང་པོ་སྤྱན་གྱིས་བརྡ་ཞིག་མཛད་དེ།འདི་སྐད་བསྐུལ་ལོ། །མཚན་མཆོག་བརྒྱན་པའི་ཡུམ་མཆོག་ཤེས་རབ་སྤྱན། །ཤེས་རབ་དོན་གྱི་བརྒྱན་པའི་ཐུགས་དམ་བསྐུལ། །མི་དམིགས་སྙིང་རྗེ་ཐམས་ཅད་ཡོངས་ལ་སྙོམས། །ཐབས་དང་ཤེས་རབ་ཚུལ་ཁྲིམས་ཀྱིས། །ས་མ་ཡ་སྟྭམ་ཞེས་བསྐུལ་བ་དང་། ཡུམ་གྱིས་ཡབ་ལ་འདི་སྐད་ཅེས་བསྐུལ་ལོ། །ཐབས་ལ་མཁས་པའི་འགྲོ་བ་འདྲེན་པའི་གཙོ། །འཁོར་བ་མ་སྤངས་གནས་སུ་དག་པ་ལ། །འཕགས་པ་རྣམས་ལ་དགྱེས་པའི་ཐུགས་དམ་བསྐུལ། །བདེ་བ་ཆེན་པོའི་མཆོད་པ་རྒྱན་དུ་གཞེས། །ས་མ་ཡ་ཧཱུཾ་ཞེས་བསྐུལ་བས། ཡབ་ཀྱི་ཕྱག་རྒྱ་ཆེན་པོ་བཞིས་མཉམ་པར་སྦྱར། ཧཱུཾ་ལས་གསང་བའི་རྡོ་རྗེ་རྩེ་ལྔ་པར་བསྒོམ། རྡོ་རྗེའི་རྭ་ལྔ་ལ་རིགས་ལྔའི་སྙིང་པོ་འགོད། ཡུམ་གྱི་མཁའ་པདྨ་འདབ་མ་བརྒྱད་ལ་ཡུམ་གྱི་སྙིང་པོ་འགོད། པྲ་བེ་ཤ་ཕཊ་ཀྱིས་སྒོ་ཕྱེས། སུ་ར་ཏོ་སྟྭཾ་གྱིས་བསྐུལ་བས། དེ་བཞིན་གཤེགས་པ་ཐམས་ཅད་དགྱེས་པ་གཅིག་ཏུ་བལྟས་ཏེ། མཉེས་པ་ཆེན་པོའི་ཐུགས་དམ་བསྐང་། དོན་དབྱིངས་དང་ཡེ་ཤེས། རྟགས་ཐབས་དང་ཤེས་རབ་གཉིས་སུ་མེད་པར་ལྷུན་གྱིས་གྲུབ་པོ། །དེ་ནས་གསང་བའི་མཁའ་ལ་སེམས་ཅན་ཐམས་ཅད་གནས་སྤར་ཏེ་དབང་བསྐུར་བ་ནི། ནམ་མཁས་གང་ནས་གང་དུ་ཁྱབ་པར་ཆོས་ཀྱི་དབྱིངས་ཀྱིས་ཀྱང་གང་ནས་གང་དུ་ཁྱབ་པར། ཡུམ་གྱི་མཁའ་ཀློང་རྣམ་པར་དག་པས་ཁྱབ་པས། སྣོད་ཀྱི་འཇིག་རྟེན་ཐམས་ཅད་ཡབ་ཡུམ་གྱི་མཁའ་དབྱིངས་རྣམ་པར་དག་པ་གཞལ་ཡས་ཁང་དུ་གྱུར་པའི་ནང་ན། མཐའ་ཡས་པའི་སེམས་ཅན་ཐམས་ཅད་ཀྱི་སེམས་མེ་མར་རླུང་གིས་མ་བསྐྱོད་པ་ ― DNG008_Page_0520 ―
[མ་དཔེ་གཟིགས་ན་འདིར་གནོན།]
ལྟར་གནས་པ་ལ། ཀུན་གཞི་ཨའི་རང་བཞིན་དང་། ཡིད་ཧཱུཾ་གི་རང་བཞིན་དུ་བསྡུ། ཡུམ་གྱི་མཁའ་ལ་གནས་པ་དེ། ཡབ་ཡུམ་འོད་བསྣོལ་མར་གཏིབས་པས། ཨ་དང་ཧཱུཾ་དང་བྱང་ཆུབ་སེམས་གསུམ་དུ་འདྲེས་པ་ལས། ཐམས་ཅད་རྡོ་རྗེ་སེམས་དཔའ་ཀུན་ཏུ་བཟང་པོའི་སྲས་སུ་གྱུར་ཏེ། སེམས་ཅན་ཐམས་ཅད་རྒྱལ་བའི་སྲས་སུ་བཞེངས། དཀྱིལ་འཁོར་གྱི་ལྷ་རྣམས་ཀྱིས་ཀྱང་། རྡོ་རྗེ་མིང་གི་དབང་བསྐུར་ཏེ། སངས་རྒྱས་ཀྱི་གདུང་འཛིན་ཅིང་བྱང་ཆུབ་སེམས་ཀྱི་དབང་བྱིན་ཏེ་བཞག་གོ། །དེ་ནས་དཀྱིལ་འཁོར་གྱི་ལྷ་རྣམས་ལ་བྱང་ཆུབ་སེམས་ཀྱི་མཆོད་པ་འབུལ་བ་ནི། མེ་ལོང་ཡུ་བ་ཅན་གྱི་ནང་དུ་བཞག་ལ། སྲིན་མཐེབ་ཀྱིས་ཕྱག་རྒྱས་གཙོ་བོ་དང་འཁོར་ཡན་ལ་མཆོད་པ་ཕུལ་བས། དགྱེས་པ་ཆེན་པོའི་བདུད་རྩིས་མཉེས་ནས། དངོས་གྲུབ་སྩོལ་ཞིང་བྱིན་གྱིས་བརླབ་པར་མཛད་པའོ། །དེ་ནས་བྱང་ཆུབ་ཀྱི་སེམས་ལས་རྡོ་རྗེ་ཚེའི་དངོས་གྲུབ་བླང་བ་ནི། དཀྱིལ་འཁོར་ལྷ་ཐམས་ཅད་ཡབ་ཡུམ་གཉིས་སུ་མེད་པར་སྦྱོར་བ་མཛད་པའི་བྱང་ཆུབ་ཀྱི་སེམས་ཀུནྡ་དཀར་ཙ་ར་ར་ཟག་པས་བདག་གི་བྱང་ཆུབ་ཀྱི་སེམས་དང་འདྲེས་ཏེ། ལྕེ་ལ་བླང་ནས་ཙིཏྟ་ལ་ཐིམ་པས་ཡེ་ཤེས་སེམས་དཔའི་སྐུ་ཚོན་གང་བར་གྱུར་ཏེ། སྐྱེ་ཤི་མེད་པའི་གཡུང་དྲུང་དུ་གྱུར་ཏོ། །ཚོགས་རྒྱུད་ཆེན་པོ་ལས། ཚོགས་ཀྱི་མཆོད་པ་ཕུལ་བའི་ལེའུ་སྟེ་ལྔ་པའོ།། །།དེ་ནས་ཚོགས་ཀྱི་མཆོད་པའི་གྲངས་ནི། རབ་ཀྱིས་ཉིན་ལན་གསུམ་མཚན་ལན་གསུམ་དུ་དབུལ་བར་བྱའོ། །འབྲིང་གིས་དུས་བཞིར་དབུལ་བར་བྱའོ། །ཐ་མས་ཀྱང་ཉིན་ལན་རེ་མཚན་ལན་རེ་དབུལ་བར་བྱའོ། །དེ་ཅིའི་ཕྱིར་ཞེ་ན་སྤྱད་ཐང་རེ་ཞིང་གྲོལ་ཐང་རེ་དང་། སྨིན་པའི་མཆོག་རེ་རེ་འགྲུབ་པར་གསུངས་སོ། །དེ་ལ་ཚོགས་ཀྱི་མཆོད་པའི་འབྲས་བུ་ནི། རྒྱུ་མཚན་ཉིད་ཀྱི་ཐེག་པ་ལྟར།དཀའ་བ་ད་ལྟར་སྤྱད་ནས་འབྲས་བུ་ཕྱིས་འོང་དུ་རེ་བ་མ་ཡིན་ཏེ། ཚོགས་ཀྱི་འབྲས་བུ་ནི་ཡི་གེ་འཁོར་ལོ་ཚོགས་ཆེན་གྱི་ས་ལ་ས་བཅུ་རིམ་གྱིས་བགྲོད་མི་དགོས་ཏེ། ད་ལྟ་ཉིད་ནས་རིགས་ལྔའི་ ― DNG008_Page_0521 ―
[མ་དཔེ་གཟིགས་ན་འདིར་གནོན།]
སངས་རྒྱས་དང་མཉམ་པར་སངས་རྒྱས་པར་འགྱུར་རོ། །དེའི་ཕྱིར་སངས་རྒྱས་རྣམས་ཀྱིས་ཀྱང་འདི་སྐད་གསོལ་ཏོ། །ཚོགས་ཀྱི་མཆོད་པའི་འབྲས་བུ་ནི། །ཕུང་པོ་མི་གནས་མྱ་ངན་འདས། །རིག་འཛིན་ས་ལ་བདེ་བར་གནས། །ཕྱོགས་བཅུའི་སངས་རྒྱས་ཀུན་མཉེས་ཏེ། །བྱིན་གྱི་རླབས་ཀྱིས་དབང་བསྐུར་ནས། །དངོས་གྲུབ་དམ་པར་སྩོལ་བར་མཛད། །ཆོས་ཀྱི་སྐུ་དང་གཉིས་སུ་མེད། །ཅེས་སངས་རྒྱས་རྣམས་ཀྱིས་གསུངས་སོ། །དེ་ལ་ཚོགས་ཀྱི་མཆོད་པ་འདིས། །ཡུན་ཅི་ཙམ་གྱིས་འགྲུབ་ཅེ་ན། །རབ་ཀྱིས་ཟླ་བ་གཅིག་ནས་འགྲུབ། །འབྲིང་གི་ལོ་གཅིག་དག་ནས་འགྲུབ། །ཐ་མ་ལོ་གསུམ་ཚུན་ཆད་དུ། །ཚོགས་ཀྱི་མཆོད་པ་འབུལ་བྱས་ན། །རྡོ་རྗེ་སེམས་དཔའ་ཉིད་དུ་འགྱུར། །སངས་རྒྱས་བྱང་ཆུབ་ཐག་མི་རིང་། །ཞེས་གསུངས་སོ། །ཚོགས་ཕུལ་བའི་ཡོན་ཏན་ནི། འཇིག་རྟེན་གྱི་ཁམས་འདིར་ཡང་རྒྱལ་བ་སྲས་དང་བཅས་པའི་ཞལ་མཐོང་བར་འགྱུར་བ་དང་། མ་མོ་དང་མཁའ་འགྲོ་ཐམས་ཅད་སྤྲིན་ཕུང་བཞིན་དུ་གཏིབས་ཏེ། ཅི་བསྒོ་བའི་བཀའ་ཉན་ཅིང་། དངོས་གྲུབ་ཀྱི་སྟོངས་དང་གྲོགས་བྱེད་པས་མཐུ་དབང་ཕུན་སུམ་ཚོགས་པ་སྦྱིན་ཏེ། ཐམས་ཅད་དུ་བདེ་སྐྱིད་ཕུན་སུམ་ཚོགས་པ་དང་ལྡན་པ་དང་། ལོངས་སྤྱོད་ཐམས་ཅད་འཕེལ་བ་དང་འཁོར་ཐམས་ཅད་འདུ་ཞིང་། ནད་དང་དུཿཁ་མི་འབྱུང་ཞིང་འཇིག་རྟེན་གྱི་ལྷ་མ་སྲིན་ཐམས་ཅད་ཀྱང་མཉེས་ཤིང་བྱིན་ཆེ་བར་མཐོང་བ་དང་། དེ་ལ་གར་གྱི་སྤྱི་གཙུག་ལྟར་ལེན་པ་དང་། སེམས་ཅན་ཐམས་ཅད་ཀྱིས་ཀྱང་མིག་གི་འབྲུ་ལྟར་མཐོང་ངོ་། །ཡིད་དུ་འོངས་ཤིང་དགའ་བར་འགྱུར་བ་དང་། འཇིག་རྟེན་ཕྱི་མར་རིག་འཛིན་ཐམས་ཅད་ཀྱིས་མདུན་བསུ་སྟེ། ལྕང་ལོ་ཅན་གྱི་གནས་སུ་ཕྱིན་པར་འགྱུར་རོ། །ཚོགས་མ་ཕུལ་བའི་སྐྱོན་ནི། བསྒྲུབས་ཀྱང་དོན་མེད་ཅིང་བདེ་བར་གཤེགས་པ་རྣམས་ཀྱང་ཞལ་འཛུམ་པར་མི་མཛད་ཅིང་། བསོད་ནམས་དང་སྐལ་བའི་སྐལ་བ་ཆུང་སྟེ་དམྱལ་བ་དང་ཡི་དྭགས་དང་བྱོལ་སོང་གི་གནས་སུ་སྐྱེ་བར་འགྱུར་རོ། །ཚོགས་རྒྱུད་ཆེན་པོ་ལས། ཚོགས་ཕུལ་བའི་ཕན་ཡོན་དང་མ་ཕུལ་བའི་སྐྱོན་བསྟན་པའི་ལེའུ་སྟེ་དྲུག་པའོ།། །།རྣལ་འབྱོར་གྱི་ཚོགས་རྒྱུད་ཆེན་པོ་རྫོགས་སོ།། །། དཔལ་འབར་ཁྲོ་མོའི་རྒྱུད།― DNG008_Page_0522 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤྲཱི་ཛྭ་ལ་ཀྲོ་དྷཱི་ཏནྟྲ། བོད་སྐད་དུ། དཔལ་འབར་ཁྲོ་མོའི་རྒྱུད། བཅོམ་ལྡན་འདས་ཞི་ཁྲོའི་ལྷ་ལ་ཕྱག་འཚལ་ལོ། །འདི་སྐད་བདག་གིས་ཐོས་ནས་བཤད་པའི་དུས་གཅིག་ན། ཇི་ལྟར་སྣང་ཞིང་སྲིད་པ་དང་། མཐོང་ཞིང་ཐོས་པ་དང་། བསྟན་ཅིང་རྟོགས་པ་འདི་དག་ཐམས་ཅད། ཡེ་ནས་མ་གཡོས་ཤིང་། བཅོས་པ་མེད་པའི་ཆོས་ཉིད་ལ། སྣང་བ་ནི་ལྷ་དང་ལྷ་མོའི་སྐུ་གསུང་ཐུགས། ཕྱག་རྒྱ་ཆེན་པོའི་དཀྱིལ་འཁོར་དུ་སྣང་ལ། མི་སྣང་ན་དངོས་པོ་དང་མཚན་མ་དང་། གཟུང་འཛིན་དང་རྟག་ཆད་དུ་མི་སྣང་བ་ཡིན་ལ། ཡོད་ན་ནི་སེམས་ཀྱི་ཡེ་ཤེས་གསལ་ལམ་བསྒྲིབས་པར་སངས་རྒྱས་པར་ཡོད་ལ། མེད་ན་གཉིས་སུ་སྣང་བ་དང་། ཕྱོགས་དང་རིས་སུ་ཕྱེ་བ་མེད་པ་ཡིན་ལ། རོལ་ན་ཐབས་དང་ཤེས་རབ་དབྱིངས་དང་ཡེ་ཤེས་དགའ་བ་དང་བདེ་བའི་ལོངས་སྤྱོད་ཆེན་པོར་རོལ་པ་ཡིན་ལ། མི་རོལ་ན་ཆོས་ཉིད་མཉམ་པ་ཉིད་ཀྱི་ངང་ལ། གང་ལ་ཡང་མ་ཆགས་གང་ལ་ཡང་མི་འཛིན། གང་ལ་ཡང་མི་གནས་པ་ཡིན་པས།མ་རིག་པའི་དབང་གིས་རྟོག་པའི་རིགས་བསམ་གྱིས་མི་ཁྱབ་པར་སྣང་བས། དཔེར་ན་ནམ་མཁའ་ལ་འདི་ཞེས་གཟུང་རྒྱུ་མེད་པ་ལ། མིག་ནད་ཅན་ལ་སོགས་པ་འཁྲུལ་པའི་དབང་གིས་ཇི་ལྟར་ཡང་སྣང་ལ། སྣང་བའི་དབང་གིས་ཐ་དད་པར་སྣང་བ་བཞིན་དུ། ཡང་དག་པའི་ཆོས་ཉིད་ལ། གང་ཡང་གྲུབ་པ་མེད་པ་ལ། ལོག་པ་དང་འཁྲུལ་པའི་དབང་གིས་སོ་སོར་སྣང་སྟེ། ཆོས་ཉིད་སྣང་བ་མ་རྟོགས་པས་མ་རིག་པའི་དབང་དུ་གྱུར་ལ། མ་རིག་པའི་དབང་གིས་མུན་པའི་སྨག་བཞིན་འཐིབས་པས། ཡེ་ཤེས་ཀྱི་སྣང་བ་ནུབ་པར་གྱུར་ཏོ། །རྟོགས་པའི་དབང་གིས་ལས་སྣ་ཚོགས་ཡང་སྣང་བར་གྱུར་ཏོ། །ཉོན་མོངས་པའི་དབང་གིས་འདུ་བྱེད་སྣ་ཚོགས་པར་སྣང་བར་གྱུར་ཏོ། །ཕྱིན་ཅི་ལོག་གི་དབང་གིས་གོལ་བ་སྣ་ཚོགས་སུ་གྱུར་ཏོ། །འཁྲུལ་པའི་དབང་གིས་རྒྱུ་འབྲས་སྣ་ཚོགས་སུ་གྱུར་ཏོ། །སྡིག་པའི་དབང་གིས་སྡུག་བསྔལ་སྣ་ཚོགས་སུ་གྱུར་ཏོ། ། ― DNG008_Page_0523 ―
[མ་དཔེ་གཟིགས་ན་འདིར་གནོན།]
ལས་ཀྱི་དབང་གིས་ཉོན་མོངས་ཤིང་མྱང་བ་སྣ་ཚོགས་སུ་གྱུར་ཏོ། །དེ་དག་ཀྱང་གང་ཞེ་ན། འདི་ལྟ་སྟེ།འཁྲུལ་པ་ལ་ལས་རྩ་བ་དང་ཡན་ལག་གི་དམ་ཚིག་མི་འདའ་བའི་ཆོས་ཉིད་ལ། འདའ་བར་བྱར་མེད་པ་ལ། རྡོ་རྗེ་སློབ་དཔོན་ལ་སོགས་པ་ལ་མི་རིགས་ཤིང་འདའ་བའི་ལས་བྱས་པས། འཇིག་རྟེན་གྱི་ཁམས་འདིར་ཡིད་དུ་མི་འོང་བ་ལ་སོགས་པ་རྣམ་པ་སྣ་ཚོགས་ཉམས་སུ་མྱོང་ནས། མནར་མེད་པའི་དམྱལ་བ་ལ་སོགས་པར་སྡུག་བསྔལ་སྣ་ཚོགས་ལས་ནམ་ཡང་ཐར་པའི་དུས་མེད་པར་སྐྱེས་པ་དང་། འཁྲུལ་པ་ལ་ལས་འདོད་པ་དང་། ལོངས་སྤྱོད་ལ་ཆགས་པའི་དབང་གིས་མཆོད་པ་དང་རྒྱུ་རྐྱེན་ལ་སོགས་པ་རྣམས་ལ། བརྐམ་ཆགས་སྣ་ཚོགས་པར་སྤྱད་པའི་དབང་གིས། ཡི་དྭགས་ལ་སོགས་པའི་གནས་སུ་ཡུན་རིང་བར་འཁོད་པ་དང་། འཁྲུལ་པ་ལ་ལས་གཏི་མུག་གི་དབང་གིས། དེ་བཞིན་གཤེགས་པའི་སྐུ་ལ་ཐུག་ཐུབ་ཏུ་སྤྱད་པ་དང་། ཐམས་ཅད་མ་རྟོགས་པའི་དབང་གིས་བབ་ཅོལ་དུ་གྱུར་པས། བྱོལ་སོང་ལ་སོགས་པའི་གནས་སུ་སྐྱེས་ནས། དེ་ལས་འཆི་ན་ཡང་སླར་ལུས་དེ་ཉིད་ལེན་ཅིང་བསྐལ་པ་ཡུན་རིང་བར་གནས་པ་དང་། དེ་བཞིན་དུ་མི་དང་ལྷ་དང་ལྷ་མ་ཡིན་ལ་སོགས་པའི་འཆི་འཕོ་བ་དང་། འཐབ་ཅིང་རྩོད་པ་དང་། འགྱུར་བའི་སྡུག་བསྔལ་ལ་སོགས་པ་ཉམས་སུ་མྱོང་ཞིང་འཁོར་རོ། །འཁྲུལ་པ་ལ་ལས་བསྟན་ཅིང་བསྒྲག་པ་དང་། བསྒོམ་ཞིང་བསྒྲུབ་པར་བྱ་བ་རྣམས་ནི། བདག་གིས་མ་རྟོགས་ཤིང་གཞན་ལ་མ་ཁྲོལ་བར་བྱས། གསང་ཞིང་སྦ་བ་དང་ཐབས་ཀྱིས་སྤྱོད་པ་རྣམས་ནི། བདག་གི་ངོ་མཐོན་དང་གསང་མཚམས་མེད་པར་སྤྱད་ལ། གཞན་ལ་ཡང་དེ་ལྟར་བསྟན་ཅིང་དེ་བཞིན་དུ་བསྒོམ་སྟེ། ལྟ་བས་མཆོད་པ་ཐམས་ཅད་ལ་བསྒོམ་པ་དང་། །བསྒོམས་པས་མཆོད་པར་ཅི་ལ་ཡང་འཇུག་པ་དང་། བསྒྲུབ་པ་མཐར་མ་ཕྱིན་པར་ལས་རྣམ་པ་སྣ་ཚོགས་པ་བརྩམས་ཏེ། བདག་ཉིད་ཕུང་པོ་ལྷའི་དཀྱིལ་འཁོར་དུ་སྒྲོལ་མ་ཤེས་པར། སེམས་ཅན་གཞན་ལ་མངོན་སྤྱོད་ཀྱིས་སྒྲལ་བའི་ལས་ལ་བབ་ཅོལ་བར་ ― DNG008_Page_0524 ―
[མ་དཔེ་གཟིགས་ན་འདིར་གནོན།]
བྱས་པ་དང་། བདག་ཉིད་སེམས་ཀྱི་ཆོས་ཉིད་མ་སྐྱེས་པ་ལ། རྟོགས་པའི་ཡེ་ཤེས་སྦྱོར་མ་ཤེས་པར། གཞན་ཡིད་དུ་འོང་བ་ལ་གླགས་ལ་བབ་པ་དང་། ཐབས་འོག་ཏུ་ཆུད་པ་དང་། རྡོ་རྗེ་གཡོས་པའི་དབང་གིས། མོའི་རིགས་སྣང་སྣང་ལ་སྦྱོར་བའི་ལས་བབ་ཅོལ་བྱས་པ་དང་། བདག་ཉིད་བསྒོམ་པའི་ཏིང་འཛིན་མ་གསལ་བར།གཞན་དྲང་བར་འདོད་པའི་ཕྱིར། དཀྱིལ་འཁོར་ལ་སོགས་པའི་དཔོན་བྱས་ཏེ་གཞན་ཚོམ་བུ་ལ་སོགས་པ་བསྡུས་ནས། བཀའ་བཞིན་དུ་ནི་གང་ཡང་མ་བྱས།ཕྲིན་ལས་ཀྱི་ལུང་འཆོལ་བ་སྣ་ཚོགས་པར་བྱས་པ་དང་། བདག་ཉིད་བསྒྲུབས་པའི་རང་རྩལ་མ་རྫོགས་པར་འཇིག་རྟེན་གྱི་ཁེ་གྲགས་དང་གཞན་ཐུབ་པར་འདོད་པའི་མཐུ་རྩལ་འདོད་པའི་ཕྱིར། མུ་སྟེགས་ལ་སོགས་པའི་ལོག་པའི་ཆོས་དང་།དེ་ལ་བརྟེན་པའི་གང་ཟག་གིས་འདོད་པ་ཚོལ་བའི་བཅོས་བུ་དང་། འཕྲལ་བསྡེབས་བྱས་ནས་དམ་མེད་པས། གཞན་ལ་བསླུས་པའི་འགལ་བ་ཆེན་པོ་ལ་ཁྲིམས་ཕྱུང་ནས། དང་དུ་ལེན་པར་བྱེད་པ་དང་། བདག་ཉིད་དངོས་གྲུབ་གསལ་བར་མ་ཐོབ་པར། གཞན་གྱིས་བཀུར་བར་འདོད་པ་དང་། བཙུན་ཞིང་མཁས་པར་འདོད་པའི་ཕྱིར། ལུང་ལས་བཏུས་པ་དང་། ཡིད་ལས་བྱུང་བའི་སྙན་ངག་ཏུ་སྡེབ་སྦྱོར་བྱས་ནས། གཞན་ལ་འཆད་ཅིང་སྟོན་པར་བྱེད། བདག་ཉིད་རྒྱལ་བའི་བཀའ་བརྒྱུད་གསལ་བར་མ་གྱུར་པས། གཞན་ལས་བདག་ཉིད་ཆུང་བར་མཐོང་བས། བདག་ཉིད་ཀྱིས་ཕྱོགས་བསྡུས་ནས་གཞན་དང་རིས་སུ་བཅད་ནས། བཀའ་འདི་ལས་ལྷག་པ་གཞན་ན་མེད་དོ། །ཞེས་སྨྲ་བར་བྱེད་ཅིང་དེའི་སྡེ་དང་འཁོར་གྱིས་ཀྱང་དེ་བཞིན་དུ་རང་རང་གི་རིས་བཟུང་ཞིང་ཆེ་བར་ཕྱུང་ནས། གསང་བའི་དོན་བློ་ལ་མ་སོན་པས་སྨྲ་བའི་རྒྱུ་ཆུང་བས། གསང་བ་སྐད་སྨྲ་ཞིང་ཉོན་མོངས་པའི་མཐུ་གཏིང་བརྟས་པར་བྱེད་པ་དང་། བདག་ཉིད་ཉོན་མོངས་པ་ལ་ཤས་ཆེར་སྤྱད་པས། གཞན་ཡང་དེ་ལ་ལན་འདོན་པའི་དབང་གིས། བདག་ ― DNG008_Page_0525 ―
[མ་དཔེ་གཟིགས་ན་འདིར་གནོན།]
དང་གཞན་དངོས་སུ་འཐབ་པ་དང་། སྐྱོན་དང་ཟོལ་ལ་སོགས་པ་བཤམས་ནས། འཁྲུག་པ་དང་གསོད་པ་ལ་སོགས་པ་བྱེད་པ་དང་། བདག་ཉིད་ཀྱིས་མི་རྟག་པ་དང་། སྒྱུ་མ་ལྟ་བུའི་དོན་མི་ཤེས་པས། མི་ཆོས་ཀྱི་བློན་པོ་ལྟ་བུ་དང་། འདུ་འཛི་གཡེང་བ་སྤྱོད་པའི་ལས་བྱེད་པ་དང་། དེ་ལྟ་བུའི་ལོག་པར་འདྲེན་པའི་སློབ་མ་མང་བའི་དབང་གིས། གཞན་ཐམས་ཅད་ཀྱང་དེ་ལྟ་བུའི་ལས་བྱེད་པ་དང་། གཅིག་ལ་གཅིག་འཛུག་པ་དང་། འཐབ་ཅིང་རྩོད་པ་དང་།ཕྲག་དོག་རློམ་པ་དང་། ཆེ་བ་དང་བཀུར་བའི་རིམ་པ་མེད་པར་གནད་དུ་བཙུགས་ནས། ལོག་པའི་ལས་རྣམ་པ་སྣ་ཚོགས་པ་བཤམ་པ་དང་། ལོག་པ་དང་སྡིག་པའི་ལས་རྣམ་པ་སྣ་ཚོགས་པར་སྤྱད་པའི་དབང་གིས། ཡོངས་ཀྱིས་དཔྱ་སླ་བར་གྱུར་ནས། ཀུན་ཀྱང་འཇིག་རྟེན་གྱི་ཁམས་འདིར་མི་བདེ་བ་རྣམ་པ་སྣ་ཚོགས་པ་ཉམས་སུ་མྱོང་ནས། བསྒྲུབ་པ་ལ་དོན་མེད་ཅིང་དུས་མ་ཡིན་པར་ཚེ་ཟད་ནས། དམ་ཚིག་ཉམས་པ་རྣམས་ནི་སེམས་ཅན་དམྱལ་བའི་ཡང་གཏིང་དུ་སྐྱེ་བར་འགྱུར་རོ། །ནམ་ཡང་འཐོན་པའི་དུས་མེད་པ་ཡིན་ནོ། །ཕལ་པ་རྣམས་དང་སློབ་མ་རྣམས་ཀྱིས་སྣ་དྲངས་ནས། མནར་མེད་པ་མ་གཏོགས་པ་ཡན་ཆད་ནས། ཉི་ཚེ་བ་མན་ཆད་དུ་བསྐལ་པ་དུ་མ་ཞིག་གི་བར་དུ་སྡུག་བསྔལ་ཉམས་སུ་མྱོང་ནས། དེ་ལས་ཐར་ནས་བྱོལ་སོང་དང་ཡི་དྭགས་ཀྱི་གནས་སུ་སྐྱེ་ན་ཡང་།སྔོན་གསང་སྔགས་སྤྱོད་ཙ་ནས། ཞེ་སྡང་གི་དབང་གིས་མགོ་ལུས་མང་བར་བསྒོམས་པའི་ཁ་མིག་མགོ་ལུས་མང་བར་སྐྱེས་ནས། དེར་ཡང་སྡུག་བསྔལ་ཤས་ཅིག་ཉམས་སུ་མྱོང་ནས། དེ་ནས་ཐར་ནས་སྐྱེན་ཡང་ཐར་པའི་སྒོ་ལྷོ་ནུབ་པས།གནས་ཀྱང་ལྷོ་ནུབ་མཚམས་དུར་ཁྲོད་ཀ་རངས་ཞེས་བྱ་བར་སྐྱེས། ད་དངོས་པོར་འཛིན་དབང་གིས་ལྷོ་ནུབ་མཚམས་དེ་ཡང་ཕྱོགས་བཞི་དབུས་དང་ལྔར་གནས། ཐ་མ་གྲོང་ཁྱེར་གྱིས་བསྐོར་བ། ཕྱི་མཐའ་དུར་ཁྲོད་ཀྱི་ཚོགས་མང་བར་གནས་པའི་ཡུལ་དུ་སྐྱེས། དེ་ལ་གནས་པ་དེ་ལ་ཡང་རང་རྒྱུད་ཀྱི་གནས་མ་ ― DNG008_Page_0526 ―
[མ་དཔེ་གཟིགས་ན་འདིར་གནོན།]
ཡིན་ཏེ་ཁྲོ་བོའི་ལས་དབང་གི་སྣང་བའོ། །དེ་ལྟ་བུའི་དབུས་སུ་ན། སྔོན་གསང་སྔགས་ཀྱི་དོན་སྤྱོད་ཙ་ན། དངོས་པོ་ལ་བརྟག་པར་འཛིན་པའི་མཐུ་བརྟས་པས། རཱུ་ཏྲ་རྣམ་པ་གསུམ་གྱི་བདག་པོ་དབུས་ན་གནས་པ་དེ། སྔོན་དངོས་པོ་ཡོད་པ་ལ་ཆེ་བར་བསྒོམས་པའི་དབང་གིས། ལུས་རི་རབ་ཙམ་ལ། སྡིག་པའི་ལས་སྔོན་དུ་ཐལ་ཞིང་། བསོད་ནམས་ཀྱི་ལས་ཕྱིར་ལུས་པས། མདོག་ཀྱང་ཐལ་མདོག་སྔོ་སྐྱར་འདུག་པ། ཉོན་མོངས་པ་དུག་གསུམ་གྱི་རྩ་བ་ལས། ཉོན་མོངས་པ་བསམ་གྱིས་མི་ཁྱབ་པར་སྔོན་སྤྱད་པའི་མཐུས། ལག་ན་ཡང་མདུང་རྩེ་གསུམ་པ་ལ་སོགས་ཏེ། མཚོན་ཆ་བསམ་གྱིས་མི་ཁྱབ་པ་ཐོགས་པ། སྔོན་ཉོན་མོངས་པ་གྲགས་པ་ཆེ་བའི་འཁོར་དང་སྨོན་ལམ་མཐུན་པས། དེའི་འཁོར་ཡང་ཤར་གཏི་མུག་ཆེ་བ་དྲི་ཟའི་སྲིན་པོ། ལྷོ་ང་རྒྱལ་ཆེ་བ་གཤིན་རྗེའི་སྲིན་པོ། ནུབ་འདོད་ཆགས་ཆེ་བ་ཀླུའི་སྲིན་པོ། བྱང་ཕྲག་དོག་ཆེ་བ་གནོད་སྦྱིན་སྲིན་པོ། དེ་རྣམས་ཀྱང་ཆོས་ཉིད་ལ་ཆོག་ཤེས་པའི་ཏིང་ངེ་འཛིན་མེད་པས། ཀུན་ཀྱང་སེམས་ཅན་མང་པོ་ཟོས་འཆོས་ཀྱང་སྐེམ་པ་ལ་ཧྲིད་པ་རྩ་རྒྱུས་སྲ་བ། པགས་པ་གཉེར་མ་རུས་གོང་ཆེ་བའོ། །དེ་རྣམས་ཀྱང་སྔོན་འདོད་ཆགས་དང་འབྲལ་མ་ཤེས་པས། ཆུང་མ་རེ་རེ་དང་འཁྲིལ་ཏེ། དེ་རྣམས་སྔོན་འདོད་ཆགས་ལ་ཆོག་པའི་དུས་མེད་པས་གཞན་ཡིད་དུ་འོང་བའི་བྱི་མོ་དང་། སླས་དང་དུར་ཁྲོད་ལ་སོགས་པའི་མོ་རྣམས་ལ་ཆགས་པ་སྤྱད་པའི་དབང་གིས། དེ་རྣམས་ཀྱི་འཁོར་ན་སྲིན་མོ་བརྒྱད་དང་། མགོ་བརྙན་མ་བརྒྱད་དང་། ཤ་ཟ་ཉི་ཤུ་རྩ་བརྒྱད། མཁའ་འགྲོ་སུམ་ཅུ་རྩ་གཉིས། གཙོ་མོ་བཞི་སྟེ་རྩ་དྲུག །ལས་དང་མངག་གཞུག་སུམ་བརྒྱ་དྲུག་ཅུ་དང་། གསོད་པ་བཅོ་བརྒྱད་ཡང་ཕྲན་བརྒྱད་ཁྲི་བཞི་སྟོང་། སུམ་བརྒྱ་དྲུག་ཅུ། བཅོ་བརྒྱད། བཅུ་བཞི། བཞི་ལ་སོགས་པ་ལ་ནད་བཞི་བརྒྱ་རྩ་བཞི་བརྒྱ་རྩ་བཞི་ལག་ཆར་བསྐུར་ནས། སྐྱེ་འགྲོ་མཐོང་དག་ནི་བསྒྲལ་ནས། ཐམས་ཅད་ཕུང་བར་བྱས་ཏེ། གཙང་སྨེ་མེད་པར་ཟ་སྟེ། ཏ་ནའི་ལས་ ― DNG008_Page_0527 ―
[མ་དཔེ་གཟིགས་ན་འདིར་གནོན།]
ལ་དུས་དང་རྒྱུན་མེད་པར་བྱེད། ཆུང་མ་དང་འཁོར་ཐམས་ཅད་ལ་བཟང་ངན་མེད་པར་སྦྱོར་ཞིང་། འདོད་ཆགས་ཀྱི་ལས་ལ་དུས་དང་རྒྱུན་མི་འཆད་པར་བྱེད། གསོད་གཅོད་དང་མི་སྙན་པའི་དགྲ་དྲག་པོ་དུས་མེད་པར་གྲགས། ཤ་དང་རུས་པ་ནི་རི་ལྟར་སྤུངས། ཁྲག་དང་ཆུ་སེར་ནི་མཚོ་ལྟར་བསྐྱིལ། གཟུགས་དང་ཁོག་པ་ནི་རྫ་ལྟར་བསྙིལ། གསུར་དང་དུད་པའི་དྲི་བསུང་སྤྲིན་ལྟར་གཏིབས། ཧ་ཧ་དང་ཁ་ཁ་འབྲུག་ལྟར་བསྒྲག །མཚོན་ཆ་དང་རྣག་ཁྲག་ཆར་ལྟར་འབབ། གཞན་ཡང་སྟོང་གསུམ་གྱི་སྟོང་གི་འཇིག་རྟེན་གྱི་ཁམས་ཐམས་ཅད་དུ། སྲིན་མོ་ནད་གཏོང་མ་བརྒྱ་དང་། ལྕགས་ཀྱི་ཏིཥྚྲ་སྤྲུལ་པ་བཞི་ལ་སོགས་པ་བཏང་སྟེ། དང་པོ་དུད་འགྲོའི་གནས་བཞི་ལ། ནད་སྣ་ཚོགས་དང་། མཚོན་ཆ་སྣ་ཚོགས་བཏང་སྟེ་ཟོས། དེ་ནས་གླིང་བཞིའི་མི་ཟོས། དེ་བཞིན་དུ་འདོད་ཁམས་དང་། གཟུགས་དང་།གཟུགས་མེད་པའི་ཁམས་རིལ་དབང་དུ་སྡུས་ཤིང་ཟོས་ཏེ། ཐམས་ཅད་དུ་གསོད་པ་དང་། སྦྱོར་བའི་ལས་མཐའ་དག་གཙོར་སྤྱོད་ཅིང་། འབྲས་བུ་ངན་སོང་གསུམ་དང་མནར་མེད་པའི་ལས་སྣ་ཚོགས་པ་བསྒྲུབ་པ་ལ། འོག་མིན་ཆོས་ཀྱི་དབྱིངས་ནས། བདེ་བར་གཤེགས་པ་རྣམས་ཀྱིས་གཟིགས་ནས། ཤིན་ཏུ་ཉམ་ཐག་ཅིང་གོལ་བར་གཟིགས་ཏེ། སངས་རྒྱས་ཐམས་ཅད་ཀྱིས་ཀྱང་དེ་དང་ཆ་མཐུན་སྤྲུལ་པར་མཛད་དེ། བཅོམ་ལྡན་འདས་ཡིད་བྱེད་པ་ཀུན་ཏུ་བཟང་པོས་ཁྲོ་བོ་ཐམས་ཅད་ཀྱི་མཆོག་ཧེ་རུ་ཀར་སྤྲུལ་ཏེ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་སྐུ་ལ་ཚང་ཞིང་རྫོགས་ནས། ཁྱབ་ཅིང་གདལ་བའི་ཕྱིར་ན།དབུ་ཉི་ཤུ་རྩ་གཅིག་ཕྱག་བཞི་བཅུ་རྩ་གཉིས་སུ་སྤྲུལ། ཡུམ་ཀུན་ཏུ་བཟང་མོ་ཀྲོ་དྷཱི་ཤྭ་རི་གནམ་ཞལ་མར་སྤྲུལ་ནས། ཡབ་ཡུམ་གཉིས་སུ་མེད་པའི་མཁའ་ལས་རིགས་ལྔའི་སངས་རྒྱས་ཡབ་ཡུམ་རྣམས་ཡེ་ཤེས་ཀྱི་ཧེ་རུ་ཀ་ཡབ་ཡུམ་བཅུར་གྱུར་ཏེ། རྣམ་པར་སྣང་མཛད་ཡབ་ཡུམ་བུཌྜྷ་ཧེ་རུ་ཀ་ཡབ་ཡུམ་དུ་གྱུར་ནས། ད་ཅི་བས་ཀྱང་སྐུ་ཆེ་བ་ཕྱག་མང་བ་མཚོན་ཆ་རྣོ་བ་མེ་དཔུང་འབར་བ། ང་རོ་ཆེ་བ་ ― DNG008_Page_0528 ―
[མ་དཔེ་གཟིགས་ན་འདིར་གནོན།]
མཐུ་ཆེ་བ་དྲག་ཅིང་རྔམ་པ། གསོད་པ་ལ་བརྩོན་པར་སྤྲུལ་ཏེ། དྲེགས་པ་ཆེན་པོ་གཙོ་བོར་ཏྲ་དངོས་སུ་བསྒྲལ་ལོ། །ཡུམ་གྱིས་དེའི་ཆུང་མ་བསྒྲལ་ལོ། །དེ་བཞིན་དུ་བཛྲ་ཧེ་རུ་ཀ་ཡབ་ཡུམ་གྱིས། ཤར་གྱི་དྲི་ཟའི་སྲིན་པོ་ཕོ་མོ་བསྒྲལ་ལོ། །རཏྣ་ཧེ་རུ་ཀ་ཡབ་ཡུམ་གྱིས། ལྷོ་གཤིན་རྗེའི་སྲིན་པོ་ཕོ་མོ་བསྒྲལ་ལོ། །པདྨ་ཧེ་རུ་ཀ་ཡབ་ཡུམ་གྱིས། ནུབ་ཀླུའི་སྲིན་པོ་ཕོ་མོ་བསྒྲལ་ལོ། །ཀརྨ་ཧེ་རུ་ཀ་ཡབ་ཡུམ་གྱིས། བྱང་གནོད་སྦྱིན་གྱི་སྲིན་པོ་ཕོ་མོ་བསྒྲལ་ལོ། །བདུད་དང་སྲིན་པོའི་ལག་ཆ་མདུང་རྩེ་གསུམ་རྒྱལ་བྱེད་རྟགས་ཀྱི་ཁ་ཊྭཱཾ་གར་བསྣམས། པགས་པ་གཡང་གཞིར་སྐུ་ལ་གསོལ་ལོ། །ཐོད་པ་མནབས་ཞལ་དུ་མཛད་དོ། །རྣམ་པར་ཤེས་པའི་སེམས་རིགས་ངེས་པའི་སྲས་སུ་གྱུར་པས། རཀྴ་ཧེ་རུ་ཀའི་སྐུར་གྱུར་ཏོ། །ངན་སོང་གསུམ་དུ་སྐྱེ་ངེས་པའི་སྲས་སེམས་རིགས་ངེས་པའི་སྲས་སུ་བསྒྲལ་བས། ས་ནུ་ཧེ་རུ་ཀར་གྱུར་ཏོ། །འཁོར་བྱང་ཆུབ་སེམས་དཔའ་སེམས་མ་རྣམས་ཀྱིས་ཀྱང་།དེ་རྣམས་ཀྱི་འཁོར་རྣམས་བཏུལ་ཏེ། སྲིན་པོ་དེའི་དུར་ཁྲོད་གྲོང་ཁྱེར་གྱི་ཤར་ཕྱོགས་ན། སྲིན་མོ་ཆེན་མོ་ཀེང་རུས་ཐོད་ཡངས་མ་ཞེས་བྱ་བ། ཀེང་རུས་ཐོད་དུ་བཅིངས་ནས། ཞིང་གི་དབྱུག་པ་དང་། ཐོད་ཁྲག་ཐོགས་ནས། དུར་ཁྲོད་ཆེན་པོའི་ཁྲག་འཐུང་ཡུལ་ན་འཁོད་པ་ལ། བྱམས་པ་དང་ཞི་བའི་ཏིང་ངེ་འཛིན་གང་གིས་ཀྱང་མ་ཐུལ་བ་ལས། བྱང་ཆུབ་སེམས་དཔའ་སའི་སྙིང་པོས། ཁྲོ་མོ་ཀོའུ་རི་མར་སྤྲུལ་ཏེ། ལག་པ་གཡས་ན་ཞིང་གི་དབྱིག་པ་ཐོགས་པས། མོའི་དབྱིག་པ་དབང་དུ་བསྡུས། གཡོན་པ་བྷནྡྷ་རཀྟས་མོའི་ཐོད་ཁྲག་དབང་དུ་བསྡུས། སྐུ་དང་འོད་མེ་དཔུང་གིས་མོའི་འོད་ཟིལ་གྱིས་མནན་ནས། སྲིན་མོ་དེས་བསམས་པ། བདག་པས་ཀྱང་མཐུ་བྱིན་ཆེ་བས་སྐྱབས་ཀྱང་བཙལ། བདག་དང་སྤྱོད་པ་ཆ་མཐུན་པས་ལུང་སྩལ་བ་ཡང་མཉན་ལ། བདག་དང་རིགས་གཅིག་པ་ཅིག་ཀྱང་གཟོད་འབྱུང་བསམས་པ་ལས། ཁྲོ་མོ་དེས་སྨྲས་པ། ཁྱོད་ཐོད་ཁྲག་དང་ཞིང་དབྱུག་ཐོགས་ནས་ཁྲག་འཐུང་བ་ ― DNG008_Page_0529 ―
[མ་དཔེ་གཟིགས་ན་འདིར་གནོན།]
ལ་དོན་ཅི་ལྟ་བུ་ཞེས་སྨྲས་པ་ལས། སྲིན་མོ་དེས་གསོལ་བ། བདག་བཀྲེས་ཤིང་སྐོམ་པ་ལ་ཆོག་པའི་དུས་མེད་པས་འཚལ་ལོ། །ཞེས་གསོལ་ཏོ། །ཁྲོ་མོས་སྨྲས་པ། དེ་ལྟར་མ་ཡིན་ཏེ། ང་ཐོད་ཁྲག་ཐོགས་པ་ནི་ཉོན་མོངས་པ་ཁྲག་དང་འདྲ་བ་དེ་ཆོས་ཉིད་དུ་ཟད་པར་བྱེད་པའི་རྟགས་ཡིན་ལ། ཞིང་གི་དབྱིག་པ་ནི་མ་རིག་པ་བཅོམ་ནས་འཁོར་བ་རྡུལ་དུ་བརླག་པའི་རྟགས་ཡིན་ནོ། །ཞེས་སྨྲས་པས། སྲིན་མོ་དེས་ཀྱང་དེ་བཞིན་དུ་བསྒོམས་པས།སྲིན་མོ་དེས་ཕྱིར་མི་ལྡོག་པའི་ས་ཐོབ་པས། མ་འོངས་པའི་འགྲོ་བའི་དོན་དུ་ཀོའུ་རིའི་བྲན་དང་ཡང་བྲན་དང་། ཁོལ་དང་ཡང་ཁོལ་དུ་དབང་བྱིན་ཏེ་བཞག་གོ། །དེ་བཞིན་དུ་སྲིན་པོའི་ཡུལ་གྱི་ལྷོ་ཕྱོགས། དུར་ཁྲོད་ཆེན་པོ་འཇིགས་པའི་ཡུལ་ན།སྲིན་མོ་མདའ་འཕེན་མས་སེམས་ཅན་ཐམས་ཅད་གསོད་ཅིང་ཟ་སྟེ། བྱམས་དང་སྙིང་རྗེ་ནི་མེད། ཉོན་མོངས་པ་རང་ག་མ་ལ་ཞི་བའི་ཏིང་ངེ་འཛིན་གང་གིས་ཀྱང་མ་ཐུལ་བ་ལས། བྱང་ཆུབ་སེམས་དཔའ་ནམ་མཁའི་སྙིང་པོས་ལྷ་མོ་ཙོའུ་རི་མ་ཐབས་ཀྱི་མདའ་འགེངས་མར་སྤྲུལ་ནས། སྲིན་མོ་དེ་དང་སྤྱོད་པ་ཆ་མཐུན་པར་བྱས་ནས་བཏུལ་ཏེ། ཕྱིར་མི་ལྡོག་པའི་ས་ལ་བཀོད་ནས། བྲན་དང་ཡང་བྲན་དང་ཁོལ་དང་ཡང་ཁོལ་དུ་དབང་བྱིན་ཏེ་བཞག་གོ། །དེ་བཞིན་དུ་སྲིན་པོའི་ཡུལ་གྱི་ནུབ་ཕྱོགས་དུར་ཁྲོད་ཆེན་པོ་འཛིན་བྱེད་ན། སྲིན་མོ་འཛིན་བྱེད་མ་ཞེས་བྱ་བ་ལག་ན་ཆུ་སྲིན་གསོན་མ་པི་ཏ་ཐོགས་པས། སེམས་ཅན་ཐམས་ཅད་འཛིན་ཅིང་མི་གཏང་བར་ཟ་བ་ལ། བྱམས་པའི་ཏིང་ངེ་འཛིན་གང་གིས་མ་ཐུལ་བ་ལས།བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས། ཁྲོ་མོ་པྲ་མོ་ཧ་མདོག་དམར་བ་ལག་པར་ཆུ་སྲིན་གྱི་རྒྱལ་མཚན་ཐོགས་པར་སྤྲུལ་ཏེ། དེ་དང་སྤྱོད་པ་ཆ་བསྟུན་ཞིང་རིགས་གཅིག་པར་བྱས་ནས་བཏུལ་ཏེ། ཡང་གོང་མ་བཞིན་དུ་བཞག་གོ། །སྲིན་པོའི་ཡུལ་གྱི་བྱང་ཕྱོགས་དུར་ཁྲོད་སྒྲོལ་བ་ན། སྲིན་མོ་བེ་ཏཱ་ནག་མོ་ཞེས་བྱ་ལ། ལག་གཡས་སྤར་ཁྱིམ་གདེངས་ནས་བུས་པ་བརྡུང་བ། གཡོན་པས་བུས་པ་ཁོག་རངས་སུ་ཟ་བ་ཅིག་ ― DNG008_Page_0530 ―
[མ་དཔེ་གཟིགས་ན་འདིར་གནོན།]
གནས་པ་ལ། ཡང་ཅིས་ཀྱང་མ་ཐུལ་བ་ལས། བྱང་ཆུབ་སེམས་དཔའ་ཕྱག་ན་རྡོ་རྗེས། ཁྲོ་མོ་བེ་ཏཱ་ལཱི་གཡས་རྡོ་རྗེ་གཡོན་བུས་པ་ཟ་བར་སྤྲུལ་ནས། གོང་མ་བཞིན་དུ་བཞག་གོ། །སྲིན་པོའི་ཡུལ་གྱི་ཤར་ལྷོ་མཚམས་ནས། དུར་ཁྲོད་འདྲེན་བྱེད་ཅེས་བྱ་བ་ན། སྲིན་མོ་ནང་ཁྲོལ་འདྲེན་མ་ཞེས་བྱ་བས་སེམས་ཅན་ཐམས་ཅད་བསད་ནས་ནང་ཁྲོལ་དང་རྒྱུ་མ་ཤ་ཁྲག་རློན་པར་ཟ་བ་ལས། བྱང་ཆུབ་སེམས་དཔའ་བྱམས་པས། ཁྲོ་མོ་པུཀྐ་སཱིར་སྤྲུལ་ནས། ཡང་གོང་མ་བཞིན་དུ་བཞག་གོ། །སྲིན་པོའི་ཡུལ་གྱི་ལྷོ་ནུབ་མཚམས་ན་དུར་ཁྲོད་ཆེན་པོའི་ཚལ་སྔོན་ན། སྲིན་མོ་ཆེན་མོ་རབ་འཇིགས་མ་ཞེས་བྱ་བ། སེམས་ཅན་ཐམས་ཅད་ཀྱི་མགོ་བོ་ཕོར་པར་བཅད་ནས། ཤ་ཁྲག་ཚིལ་བུས་བཀང་སྟེ།སོར་མོ་གསུམ་གྱིས་དཀྲུག་ཅིང་འཐུང་བ་ལས། བྱང་ཆུབ་སེམས་དཔའ་སྒྲིབ་པ་རྣམ་པར་སེལ་བས། ཁྲོ་མོ་གྷས་མ་རིར་སྤྲུལ་ནས་བཏུལ་ཏེ་ཡང་གོང་མ་བཞིན་དུ་བཞག་གོ། །སྲིན་པོའི་ཡུལ་གྱི་ནུབ་བྱང་གི་མཚམས་ན་དུར་ཁྲོད་ས་ལ་ཞེས་བྱ་བ་ན། སྲིན་མོ་ཆེན་མོ་སྲོག་གཅོད་མ་ཞེས་བྱ་བ། སེམས་ཅན་ཐམས་ཅད་ཀྱི་སྙིང་ཁྲག་རྩ་བ་ནས་ཕྱུང་ནས་ཟ་བ་ལ། བྱང་ཆུབ་སེམས་དཔའ་ཀུན་ཏུ་བཟང་པོས།ཁྲོ་མོ་སྨ་ཤ་ནཱིར་སྤྲུལ་ནས་བཏུལ་ཏེ། ཡང་དེ་བཞིན་དུ་བཞག་གོ། །སྲིན་པོའི་ཡུལ་གྱི་བྱང་ཤར་མཚམས་ན། དུར་ཁྲོད་ཆེན་པོ་ཀ་པ་ལ་ན། སྲིན་མོ་སྨྱོན་མ་ཞེས་བྱ་བ། སེམས་ཅན་ཐམས་ཅད་ཀྱི་མགོ་ལུས་བཅད་ནས། སྨྱོན་མའི་བརྟུལ་ཞུགས་ཀྱིས་གར་ཤ་སྟག་བྱེད་པ་ལས། བྱང་ཆུབ་སེམས་དཔའ་འཇམ་དཔལ་གྱིས། ཁྲོ་མོ་ཙཎྜ་ལཱིར་སྤྲུལ་ནས། ཡང་དེ་བཞིན་དུ་བཏུལ་ནས་བཞག་གོ། །དེ་ནས་སྲིན་པོའི་ཡུལ་དང་གནས་ཀྱི་ཕྱི་རོལ་ན། ཤར་ཕྱོགས་འཇིགས་པ་ཆེན་པོའི་ཡུལ་ན། སྲིན་མོ་མགོ་བརྙན་མ་འཇོམས་བྱེད་ཆེན་མོ་སེང་གེའི་མགོ་ཅན། སེམས་ཅན་ཐམས་ཅད། ཁ་ལོང་དུ་བླང་ནས། སྤྲུག་ཅིང་རིལ་མིད་པར་བྱེད་པ་ལ། ཐབས་ཅིས་ཀྱང་མ་ཐུལ་བ་ལས། ལྷ་མོ་ལཱ་སྱ་མས་ཕྲ་མེན་མ་སིང་ཧ་མར་སྤྲུལ་ཏེ། དེ་དང་ ― DNG008_Page_0531 ―
[མ་དཔེ་གཟིགས་ན་འདིར་གནོན།]
སྤྱོད་པ་ཆ་མཐུན་པར་བྱས་ནས་བཏུལ་ཏེ། ཕྱིར་མི་ལྡོག་པའི་ས་ལ་བཀོད་ནས། མ་འོངས་པའི་འགྲོ་བའི་དོན་དུ་བྲན་དང་ཡང་བྲན་དང་། གཡོག་དང་ཡང་གཡོག་ཏུ་དབང་བྱིན་ཏེ་བཞག་གོ། །ལྷོ་ཕྱོགས་གཤིན་རྗེའི་ཡུལ་ན། སྲིན་མོ་ཕྲ་མེན་ཟ་བྱེད་སྟག་མགོ་མ། ལག་པ་བསྣོལ་ནས་བམ་ཆེན་པོ་ལ་འབྲུ་ཚུགས་སུ་བལྟ་བ་ལ། ལྷ་མོ་མཱ་ལེ་མས་ཕྲ་མེན་མ་སྟག་མགོ་ཅན་དུ་སྤྲུལ་ནས་བཏུལ་ཏེ།དེ་བཞིན་དུ་བཞག་གོ། །ནུབ་ཕྱོགས་ཀླུའི་ཡུལ་ན་སྲིན་མོ་ཕྲ་མེན་མ་ལེན་བྱེད་མ་ཞེས་བྱ་བ། ཝའི་མགོ་ཅན་མ་དཔག་ཚད་བརྒྱད་ཁྲི་བཞི་སྟོང་ནས། བམ་ཆེན་མོའི་དྲི་ཚོར་ནས་ལེན་པར་བྱེད་པ་ལ། ལྷ་མོ་གཱིར་ཏི་མས་སྲི་ལ་མུ་ཁར་སྤྲུལ་ཏེ་བཏུལ་ནས། དེ་བཞིན་དུ་བཞག་གོ། །སྲིན་མོ་ཕྲ་མེན་མང་རོ་མ་ཞེས་བྱ་བ།བྱང་ཕྱོགས་གནོད་སྦྱིན་གྱི་ཡུལ་ན། ཁྱིའི་མགོ་ཅན་བམ་ཆེན་པོ་ལ་འདྲད་ཅིང་ཟ་བ་ལ། ལྷ་མོ་ནཱིར་ཏི་མས། ཕྲ་མེན་མ་ཤྭ་ན་མུ་ཁར་སྤྲུལ་ནས། དེ་བཞིན་དུ་བཏུལ་ཏེ་བཞག་གོ། །ཡང་ཤར་ལྷོའི་མཚམས་དྲང་སྲོང་གི་ཡུལ་ན། སྲིན་མོ་ཕྲ་མེན་མ་ཁྲག་འཐུང་མ། བྱ་རྒོད་ཀྱི་མགོ་ཅན་ཐོད་ཁྲག་འཐུང་བ་ལ། ལྷ་མོ་དྷཱུ་པེ་མས་གྲྀཌྜྷ་མུ་ཁར་སྤྲུལ་ནས་བཏུལ་ཏེ་བཞག་གོ། །ལྷོ་ནུབ་ནཻཪྲྀ་ཏྱའི་ཡུལ་ན།སྲིན་མོ་ཕྲ་མེན་མ་རྐང་ཟ་བ་ཞེས་བྱ་བ། བྱ་ཀངྈའི་མགོ་ཅན་མ་བམ་ཆེན་པོ་ཕྲག་ལ་ཁུར་ནས། ཤ་དང་ཁྲག་དང་རྐང་དང་ཚིལ་བུ་ཟ་བ་ལ། ལྷ་མོ་བཛྲ་པུཥ྇་མས་ཕྲ་མེན་དུར་བྱའི་མགོ་ཅན་མར་སྤྲུལ་ནས་བཏུལ་ཏེ་བཞག་གོ། །ནུབ་བྱང་རིག་སྔགས་འཆང་བའི་ཡུལ་ན། སྲིན་མོ་ཕྲ་མེན་མ་འཇོམས་བྱེད་མ་བྱ་རོག་གི་མགོ་ཅན། ལག་ན་སྤུ་གྲི་ཀ་མ་ལ་ཐོགས་ནས། བམ་ཆེན་པོའི་མགོ་བཅད་པ་ཐོགས་ཤིང་ཟ་བ་ལ། ལྷ་མོ་མར་མེ་མས། ཀཱ་ཀ་མུ་ཁར་སྤྲུལ་ནས་བཏུལ་ཏེ་བཞག་གོ། །བྱང་ཤར་འབྱུང་པོ་མང་པོའི་ཡུལ་ན། སྲིན་མོ་ཕྲ་མེན་མ་སྐུལ་བྱེད་མ་འུག་པའི་མགོ་ཅན། ལྕགས་ཀྱུ་དང་ཐོད་ཁྲག་ཐོགས་ནས། བམ་ཆེན་པོའི་ཙིཏྟ་བརྐུ་བ་ལས། ལྷ་མོ་དྲི་ཆབ་མས་ཨཱུ་ལུ་མུ་ཁར་སྤྲུལ་ནས་བཏུལ་ཏེ། དེ་བཞིན་དུ་བཞག་གོ། །སྲིན་མོའི་ ― DNG008_Page_0532 ―
[མ་དཔེ་གཟིགས་ན་འདིར་གནོན།]
ཡུལ་དང་གནས་ཀྱི་ཕྱི་རོལ་ན། གྲོང་ཁྱེར་ཆེན་པོ་བཞི་ལ།ཤར་ཕྱོགས་གྲོང་ཁྱེར་ཙ་ཀ་ལི་བྱི་ན། མིའམ་ཅིའི་སྲིན་མོ་རྟ་མགོ་ཅན་ལག་ན་ལྕགས་ཀྱུ་ཐོགས་ཏེ། ཐམས་ཅད་འཛིན་ཅིང་ཟ་བ་ལས། བྱམས་པ་ཆེན་པོས་ལྕགས་ཀྱུ་མར་སྤྲུལ་ནས་བཏུལ་ཏེ་བཞག་གོ། །ལྷོ་ཕྱོགས་ཀྱི་གྲོང་ཁྱེར་ཆེན་པོ་ཡ་མ་ཡོ་ཏི་ན། གྲུལ་བུམ་གྱི་སྲིན་མོ་ཕག་མགོ་ཅན་ལག་ན་ཞགས་པ་ཐོགས་ཏེ།ཐམས་ཅད་འཆིང་ཞིང་ཟ་བ་ལ། སྙིང་རྗེ་ཆེན་པོས་ཞགས་པ་མར་སྤྲུལ་ཏེ་བཏུལ་ནས་བཞག་གོ། །ནུབ་ཕྱོགས་སུ་གྲོང་ཁྱེར་མཱ་ར་ཡ་ན། ལྟོ་འཕྱེའི་སྲིན་མོ་དྲེད་མགོ་ཅན་ལག་ན་ལྕགས་ཀྱི་དྲ་བ་ཐོགས་ནས། ཐམས་ཅད་ཟ་བ་ལ། དགའ་བ་ཆེན་པོས་ཉི་ཟླ་ལྕགས་སྒྲོག་ཅན་གྱི་སྐུར་སྤྲུལ་ནས་བཏུལ་ཏེ་བཞག་གོ། །བྱང་ཕྱོགས་གྲོང་ཁྱེར་ཆེན་པོའི་རྩ་མའི་རི་ན་ཤ་ཟའི་སྲིན་མོ་སྤྱང་ཀིའི་མགོ་ཅན། ལག་གཉིས་སྡེར་འཛིངས་སུ་སྦྱར་ཏེ། ཐམས་ཅད་སྤོར་ཅིང་ཟ་བ་ལས། བཏང་སྙོམས་ཆེན་མོ་དྲིལ་བུ་མར་སྤྲུལ་ནས་བཏུལ་ཏེ་དེ་བཞིན་དུ་བཞག་གོ། །དེའི་ཕྱི་རིམ་ཕྱོགས་བཞི་མཚམས་བརྒྱད་ན། ཕྱོགས་སྐྱོང་སྲིན་པོ་བརྒྱད་ཀྱི་བུ་མོ་འབར་མ་བརྒྱད་ལས། ཤར་ཕྱོགས་དྲི་ཟ་མང་པོ་བསམ་གྱིས་མི་ཁྱབ་པའི་གྲོང་ཁྱེར་ན་དྲི་ཟའི་རྒྱལ་པོའི་བུ་མོ་འབར་མ་ཉི་མའི་ཞགས་པ་ཅན་ལག་ན་ཉི་ཟེར་གྱི་ཞགས་པ་ཐོགས་ནས། སྟོང་གསུམ་མམ་ཁམས་གསུམ་འཛིན་ཅིང་ཟ་བ་ལ། སྟོན་པ་ཀུན་ཏུ་བཟང་པོའི་ཐུགས་ལས་ཡི་གེ་ཀྴ་ཕྱུང་། དེ་ལས་སྤོར་བྱེད་ཉི་ཟེར་ཞགས་པ་ཅན་དུ་སྤྲུལ་ནས། དེ་དང་སྤྱོད་པ་ཆ་མཐུན་པར་བྱས་ནས་བཏུལ་ཏེ། ཕྱིར་མི་ལྡོག་པའི་ས་ལ་བཀོད་དེ། མ་འོངས་པའི་སེམས་ཅན་ཐམས་ཅད་ཀྱི་དོན་དུ་བྲན་དང་ཡང་བྲན་དང་། གཡོག་དང་ཡང་གཡོག་དང་། འཁོར་དང་ཡང་འཁོར་དུ་དབང་བྱིན་ཏེ་བཞག་གོ། །དེ་བཞིན་དུ་ཤར་ལྷོའི་དྲང་སྲོང་མང་པོའི་གྲོང་ཁྱེར་ན། མེ་ལྷ་ཨག་ནེའི་བུ་མོ་འབར་མ་མེ་ཁྱེར་གློག་ཕྲེང་འཛིན་ལ། ཡི་ ― DNG008_Page_0533 ―
[མ་དཔེ་གཟིགས་ན་འདིར་གནོན།]
དྭགས་ཀྱི་ཐུབ་པ་ཁ་འབར་མས། སྤོར་བྱེད་མེ་ཁྱེར་གློག་འཛིན་དུ་སྤྲུལ་ནས་བཏུལ་ཏེ། གོང་མ་བཞིན་དུ་བཞག་གོ། །ལྷོ་ཕྱོགས་གཤིན་རྗེ་མང་པོའི་གྲོང་ཁྱེར་ན། གཤིན་རྗེའི་བུ་མོ་འབར་མ་གཏུམ་མོ་མདུང་ཐུང་འཕེན་ལ། མིའི་ཐུབ་པ་ཤཱཀྱ་ཐུབ་པས་སྤོར་བྱེད་མ་དེར་སྤྲུལ་ཏེ་བཏུལ་ལོ། །ལྷོ་ནུབ་སྲིན་པོའི་གྲོང་ཁྱེར་ན། སྲིན་པོ་ནེཪྲྀ་ཏྱའི་བུ་མོ་འབར་མ་གཤིན་རྗེ་རལ་གྲིའི་སྐྲ་ལ་དམྱལ་བའི་ཐུབ་པས་དེར་སྤྲུལ་ནས་བཏུལ་ལོ། །ནུབ་ཕྱོགས་ཆུ་ལྷ་མང་པོའི་གྲོང་ཁྱེར་ན། བ་རུ་ཎའི་བུ་མོ་འབར་མ་རྡོ་རྗེ་དྲིལ་འཁྲོལ་མ་ལ། ཆོས་བྱ་བ་མོ་ཀུན་ཏུ་བཟང་མོའི་ཐུགས་ལས་ཡི་གེ་ཨ་བྱུང་། ཨ་ལས་སྤོར་བྱེད་རྡོ་རྗེ་དྲིལ་འཁྲོལ་མར་སྤྲུལ་ནས་བཏུལ་ལོ། །ནུབ་བྱང་གི་ཕྱོགས་མཚམས་རླུང་ལྷ་མང་པོའི་གྲོང་ཁྱེར་ན། རླུང་ལྷ་བ་དན་གྱི་བུ་མོ་འབར་མ་གནོད་སྦྱིན་ཁྱུང་ཐོགས་མ་ལ། ལྷའི་ཐུབ་པས་སྤོར་བྱེད་མ་དེར་སྤྲུལ་ནས་བཏུལ་ལོ། །བྱང་ཕྱོགས་གནོད་སྦྱིན་ཀུ་བེ་རའི་གྲོང་ཁྱེར་ན། གནོད་སྦྱིན་དབྱུག་ཐོ་ཅན་གྱི་བུ་མོ་འབར་མ་ཐོགས་མེད་སྐར་མདའི་གཏོང་ལ། ལྷ་མ་ཡིན་གྱི་ཐུབ་པས་སྤོར་བྱེད་མ་དེར་སྤྲུལ་ནས་བཏུལ་ལོ། །བྱང་ཤར་བགེགས་མང་པོ་གནས་པའི་གྲོང་ཁྱེར་ན། དཔལ་ལྡན་གྱི་བུ་མོ་འབར་མ་བ་གླང་སྣལ། བྱོལ་སོང་གི་ཐུབ་པས་སྤོར་བྱེད་མ་འཇིག་རྟེན་པཱཀྵ་རྒྱ་བལ་དུ་སྐྱེ་བའི་ཤིང་གི་བྱེ་བྲག་ཅིག་རྡེབ་ཏུ་སྤྲུལ་ནས་བཏུལ་ཏེ་དེ་བཞིན་དུ་བཞག་གོ། །སྲིན་པོའི་ཡུལ་དང་གནས་ཀྱི་གྲུ་བཞི་ན།བདུད་ཀྱི་བུ་མོ་ཟ་བྱེད་མ་དང་། རྨོངས་བྱེད་མ་དང་། ཟ་བ་རྒྱས་འདེབས་མ་དང་། རྨོངས་པ་སྐེམ་བྱེད་མ་བཞི་ལ། དཔལ་ཆེན་པོའི་ཐུགས་གསང་བའི་གཟུངས་མ་བཞི་ལས། གསང་བའི་ཡུམ་ཆེན་མོ་བཞི་སྟེ། བདེ་བ་ཟ་བྱེད་མ་དང་། བདེ་བ་རྨོངས་བྱེད་མ་དང་། བདེ་བ་རྒྱས་འདེབས་མ་དང་། བདེ་བ་ཚེ་འཕེལ་མ་དང་བཞིར་སྤྲུལ་ནས། དེ་རྣམས་ཀྱི་འདོད་པའི་སྤྱོད་པ་དང་ཆ་མཐུན་པར་བྱས་ནས་ ― DNG008_Page_0534 ―
[མ་དཔེ་གཟིགས་ན་འདིར་གནོན།]
བཏུལ་ཏེ། ཕྱིར་མི་ལྡོག་པའི་ས་ལ་བཀོད་ནས། མ་འོངས་པའི་དོན་དུ་གསང་བའི་གཟུངས་མའི་གཡོག་དང་ཡང་གཡོག་ལ་སོགས་པའི་དབང་བྱིན་ཏེ་བཞག་གོ། །དེ་ནས་སྲིན་པོའི་ཡུལ་དང་། གནས་ཀྱི་ཕྱི་རོལ་ན། སྲིན་པོའི་འཁོར་དང་མཁའ་འགྲོ་མ་ཤ་ཁྲག་རུས་པའི་ལྷག་སྡུད་ཆེན་མོ་ལ། ཕྱོགས་བཞི་ན་བཞི་བཞི། མཚམས་བཞི་ན་གསུམ་གསུམ། སྒོ་བཞི་ན་རེ་རེ་སྟེ་སུམ་ཅུ་རྩ་གཉིས་ལ། སེམས་དཔའ་ཆེན་པོ་སུམ་ཅུ་རྩ་གཉིས་ཀྱིས་བཏུལ་ཏེ། ཤར་ཐལ་བ་ཡོད་པའི་གླིང་ན། རྡོ་རྗེ་མཁའ་འགྲོ་མ་བཞི་བཏུལ་བ་ལས་དགའ་བར་བྱེད་པའི་མཁའ་འགྲོ་མ་མདོག་ཐལ་སྐྱ། ལག་ན་པདྨ་ལོ་མ་དང་ཆས་པར་བྱས་ནས།སེམས་ཅན་ཐམས་ཅད་དབང་དུ་སྡུད་ཅིང་ཟ་བ་ལས། སེམས་དཔའ་ཆེན་པོ་རྡོ་རྗེ་སེམས་དཔས་མཁའ་འགྲོ་དགའ་བར་བྱེད་པ་ལག་ན་རྡོ་རྗེ་རྩེ་གསུམ་ཐོགས་པར་སྤྲུལ་ཏེ། དེ་དང་སྤྱོད་པ་ཆ་མཐུན་པར་བྱས་ནས། ཐབས་ཀྱིས་བཏུལ་ཏེ་ཕྱིར་མི་ལྡོག་པའི་ས་ལ་བཀོད་ནས། མ་འོངས་པའི་འགྲོ་བའི་དོན་དུ། བྲན་དང་ཡང་བྲན་ལ་སོགས་པར་དབང་བྱིན་ཏེ་བཞག་གོ། །དེ་བཞིན་དུ་མཁའ་འགྲོ་འདྲེན་བྱེད་ལག་ན་ལྕགས་ཀྱུ་ཐོགས་པ་ལ། སེམས་དཔའ་ཆེན་པོ་རྡོ་རྗེ་རྒྱལ་པོས་མཁའ་འགྲོ་མ་འདྲེན་བྱེད་མར་སྤྲུལ་ནས་བཏུལ་ལོ། །དེ་བཞིན་དུ་སེམས་དཔའ་ཆེན་པོ་རྡོ་རྗེ་ལེགས་པས། མཁའ་འགྲོ་མ་གསོད་བྱེད་མར་སྤྲུལ་ནས། སྲིན་པོའི་འཁོར་གསོད་བྱེད་མ་བཏུལ་ལོ། །སེམས་དཔའ་ཆེན་པོ་རྡོ་རྗེ་ཆགས་པས་མཁའ་འགྲོ་མ་སྤོར་བྱེད་མར་སྤྲུལ་ནས། སྲིན་པོའི་འཁོར་སྤོར་བར་བྱེད་མ་བཏུལ་ལོ། །ལྷོ་ཕྱོགས་མེ་ཏོག་བཀྲམ་པའི་གླིང་ན། རིན་ཆེན་རིགས་ཀྱི་སེམས་དཔའ་བཞིས་བཏུལ་བའི་མཁའ་འགྲོ་མ་ལ། འབར་བྱེད་མ་མདོག་སྔོ་ལག་ན་མེ་འབར་བ་ལ། སེམས་དཔའ་ཆེན་པོ་རྡོ་རྗེ་རིན་ཆེན་གྱི་མཁའ་འགྲོ་མ་འབར་བྱེད་མར་སྤྲུལ་ནས་བཏུལ་ ― DNG008_Page_0535 ―
[མ་དཔེ་གཟིགས་ན་འདིར་གནོན།]
ཏེ་གོང་མ་བཞིན་བཞག་གོ། །དེ་བཞིན་དུ་རྡོ་རྗེ་ཉི་མས་སྲིན་པོའི་འཁོར་གཟི་བརྗིད་མ་བཏུལ་ལོ། །རྡོ་རྗེ་རྒྱལ་མཚན་གྱིས་ཁྲོ་གཉེར་མ་བཏུལ་ལོ། །རྡོ་རྗེ་བཞད་པས་འཇོམས་བྱེད་མ་བཏུལ་ལོ། །ནུབ་ཕྱོགས་ཁྲག་གི་རྒྱ་མཚོའི་གླིང་ན། སྲིན་པོའི་མཁའ་འགྲོ་མ་བཞི་ལ། པདྨ་རིགས་ཀྱི་སེམས་དཔའ་བཞིས་བཏུལ་བ་ལ། མཁའ་འགྲོ་ཆགས་ཆེན་མ་ལག་ན་པདྨ་གདེངས་པ་མདོག་དམར་མོ་ལ། སེམས་དཔའ་ཆེན་པོ་རྡོ་རྗེ་ཆོས་ཀྱིས། མཁའ་འགྲོ་ཆགས་ཆེན་མར་སྤྲུལ་ནས་བཏུལ་ལོ། །དེ་བཞིན་དུ་རྡོ་རྗེ་རྣོན་པོས་ཆགས་བྲལ་མ་བཏུལ་ལོ། །རྡོ་རྗེ་འཁོར་ལོས་འཁོར་ལོ་མ་བཏུལ་ལོ། །རྡོ་རྗེ་སྨྲ་བས་རྒྱས་འདེབས་མ་བཏུལ་ལོ། །བྱང་ཕྱོགས་ཤའི་ཕུང་པོ་སྤུངས་པའི་གླིང་ན། སྲིན་པོའི་མཁའ་འགྲོ་མ་བཞི་ལ་ལས་ཀྱི་རིགས་ཀྱི་སེམས་དཔའ་བཞིས་བཏུལ་བ། མཁའ་འགྲོ་སྣ་ཚོགས་མ་ལུས་མདོག་སེར་ལག་ན་མཚོན་ཆ་རྒྱ་གྲམ་ཐོགས་པ་ལ། སེམས་དཔའ་ཆེན་པོ་རྡོ་རྗེ་ལས་ཀྱིས། མཁའ་འགྲོ་སྣ་ཚོགས་ལུས་མདོག་ལྗང་གུ། རྡོ་རྗེ་རྒྱ་གྲམ་ཐོགས་པར་སྤྲུལ་ནས་གོང་མ་བཞིན་དུ་བཏུལ་ནས་བཞག་གོ། །དེ་བཞིན་དུ་རྡོ་རྗེ་གོ་ཆས་སྲུང་བ་མོ་བཏུལ་ལོ། །རྡོ་རྗེ་མཆེ་བས་གནོད་སྦྱིན་མོ་བཏུལ་ལོ། །རྡོ་རྗེ་ཁུ་ཚུར་གྱིས་ཡན་ལག་འཕྲོག་མ་བཏུལ་ལོ། །ཤར་ལྷོ་མཚམས་ན་རྐང་སྣ་ཚོགས་སྤུངས་པའི་གླིང་ན། སྲིན་པོའི་འཁོར་མཁའ་འགྲོ་མ་གསུམ་ལ། མཁའ་འགྲོ་བྱ་རོག་མགོ་ལག་ན་གྲི་ཐོགས་པ་ལ།སེམས་དཔའ་ཆེན་པོ་དཔའ་བར་འགྲོ་བས་བྱ་རོག་གི་མགོར་སྤྲུལ་ཏེ། ལག་ན་གྲི་དང་འཁར་གཞོང་ཐོགས་པས་སྤྱོད་པ་ཆ་མཐུན་པར་བྱས་ནས་བཏུལ་ཏེ་གོང་མ་བཞིན་དུ་བཞག་གོ། །དེ་བཞིན་དུ་ཀུན་ཏུ་བཟང་པོས་འཇིགས་བྱེད་མ་བཏུལ་ལོ། །ཟླ་འོད་གཞོན་ནུས་འུག་མགོ་མ་བཏུལ་ལོ། །ལྷོ་ནུབ་ཚིལ་སྣ་ཚོགས་སྤུངས་པའི་གླིང་ན། སྲིན་པོའི་འཁོར་མཁའ་འགྲོ་མ་གསུམ་ལ། སེམས་དཔའ་ཆེན་པོ་ ― DNG008_Page_0536 ―
[མ་དཔེ་གཟིགས་ན་འདིར་གནོན།]
བཟང་སྐྱོང་ཀུན་ལ་སྐྱོང་གིས། མཁའ་འགྲོ་བཞད་མགོ་མར་སྤྲུལ་ནས། སྲིན་པོའི་འཁོར་བཞད་མགོ་མ་བཏུལ་ལོ། །དེ་བཞིན་དུ་དྲ་པ་ཅན་གྱི་འོད་ཀྱིས་ཁྱི་མགོ་མ་བཏུལ་ལོ། །རྡོ་རྗེ་སྙིང་པོས་ཕག་མགོ་མ་བཏུལ་ལོ། །ནུབ་བྱང་ཞག་སྣ་ཚོགས་སྤུངས་པའི་གླིང་ན། སྲིན་པོའི་འཁོར་མཁའ་འགྲོ་མ་གསུམ་ལ། སེམས་དཔའ་ཆེན་པོ་ནམ་མཁའ་མཛོད་ཀྱིས། མཁའ་འགྲོ་རྔ་མོའི་མགོར་སྤྲུལ་ནས། སྲིན་མོ་རྔ་མོའི་མགོ་ཅན་བཏུལ་ལོ། །དེ་བཞིན་དུ་འོད་དཔག་མེད་ཀྱིས་བོང་བུའི་མགོ་ཅན་བཏུལ་ལོ། །མྱ་ངན་ཀུན་འཇོམས་ཀྱིས་ར་མགོ་མ་བཏུལ་ལོ། །བྱང་ཤར་མཚམས་ན་ནང་ཁྲོལ་དང་བ་སུ་ཏ་སྣ་ཚོགས་སྤུངས་པའི་གླིང་ན། སྲིན་པོའི་འཁོར་མཁའ་འགྲོ་མ་གསུམ་ལ། སེམས་དཔའ་ཆེན་པོ་རྒྱལ་བའི་ཡེ་ཤེས་ཏོག་གིས། མཁའ་འགྲོ་མ་བྱི་ལའི་མགོ་ཅན་མར་སྤྲུལ་ནས། སྲིན་མོ་བྱི་ལའི་མགོ་ཅན་མ་བཏུལ། དེ་བཞིན་དུ་བློ་གྲོས་མི་ཟད་པས་ཀེང་རུས་དཀར་པོ་འཛིན་པ་བཏུལ།སྤོབས་པ་བརྩེགས་པས་མཁའ་འགྲོ་མ་རུས་པའི་ཕྲེང་བ་ཅན་གོང་མ་བཞིན་དུ་བཏུལ་ལོ། །དེ་རྣམས་ཀྱི་སྒོ་བཞི་ན། ཤར་ན་སྲིན་པོ་བུམ་སྣ། ལྷོ་ན་གཤིན་རྗེ་དྷ་ཤ་གྲཱི་བ་ལ་སོགས་པ་བཞི་ནི། གཤིན་རྗེ་གཤེད་པོ་ལ་སོགས་པ་ཁྲོ་བོ་བཞིས་བསྒྲལ། དེ་རྣམས་ཀྱི་ཆུང་མ་བཞི་གནས་པ་ལ། བྱང་ཕྱོགས་ཀྱི་སེམས་དཔའ་ཆེན་པོ་བཞིས་བཏུལ་ཏེ། ཤར་ཕྱོགས་ཀྱི་སྒོར་བྱང་ཆུབ་སེམས་དཔའ་ངན་སོང་ཀུན་འདྲེན་གྱིས། མཁའ་འགྲོ་མ་ལྕགས་ཀྱུ་མར་སྤྲུལ་ནས། ཤར་ཕྱོགས་སྲིན་པོ་བུམ་སྣའི་ཆུང་མ་ལག་ན་ལྕགས་ཀྱི་ཀུ་ཀུ་ར་ཐོགས་པ་དང་སྤྱོད་པ་ཆ་མཐུན་པར་བྱས་ཏེ། གོང་མ་བཞིན་དུ་བཏུལ་ནས་བཞག་གོ། །སེམས་དཔའ་ཆེན་པོ་བྱམས་པ་མཻ་ཏྲིས། མཁའ་འགྲོ་མ་ཞགས་པ་མར་སྤྲུལ་ནས། ལྷོ་སྒོར་གཤིན་རྗེ་རྣམ་པར་འཇོམས་པའི་ཆུང་མ་ལྕགས་ཀྱི་ཐག་པ་འཕེན་པ་བཏུལ་ལོ། །སེམས་དཔའ་ ― DNG008_Page_0537 ―
[མ་དཔེ་གཟིགས་ན་འདིར་གནོན།]
ཆེན་པོ་སྤོས་ཀྱི་གླང་པས། མཁའ་འགྲོ་མ་ལྕགས་སྒྲོག་མར་སྤྲུལ་ནས། ནུབ་སྒོར་སྲིན་པོའི་རྒྱལ་པོ་ལངྈ་མགྲིན་བཅུའི་ཆུང་མ་ལག་ན་ལྕགས་ཀྱི་ལུ་གུ་རྒྱུད་བསྡམས་པ་བཏུལ་ལོ། །སེམས་དཔའ་ཆེན་པོ་དོན་ཡོད་གྲུབ་པས། མཁའ་འགྲོ་རྡོ་རྗེ་དྲིལ་འཁྲོལ་མར་སྤྲུལ་ནས། བྱང་སྒོར་གནོད་སྦྱིན་འབོད་སྒྲོག་གི་ཆུང་མ། ལག་ན་མི་རྐང་གི་གླིང་བུ་ཐོགས་པ་དང་སྤྱོད་པ་ཆ་མཐུན་པར་བྱས་ཏེ་བཏུལ་ནས། ཕྱིར་མི་ལྡོག་པའི་ས་ལ་བཀོད་དེ། མ་འོངས་པའི་དུས་ན་བྲན་དང་ཡང་བྲན་དང་།གཡོག་དང་ཡང་གཡོག་ཏུ་དབང་བྱིན་ཏེ། ལས་ཀྱི་མཁའ་འགྲོ་མར་བཞག་གོ། །དེ་ནས་སྲིན་པོའི་ཡུལ་དང་གནས་ཀྱི་ཕྱོགས་བཞི་བླ་འོག་ན། སྔོན་གསང་སྔགས་ཀྱི་དོན་སྤྱོད་ཙམ་ན། གཟུང་འཛིན་དང་རྟག་ཆད་ཀྱི་བལྟ་བ་སུམ་བརྒྱ་དྲུག་ཅུའི་མཐུ་བརྟས་པ་ལས། སྲིན་པོའི་ཕོ་ཉ་དང་ཕྱག་བརྙན་སུམ་བརྒྱ་དྲུག་ཅུ་ལས།སྙེགས་པའི་ཕོ་ཉ་དང་ཕྱག་བརྙན་གཤོག་པ་ཅན་བརྒྱ་ཉི་ཤུ། འཛིན་པའི་ཕོ་ཉ་དང་ཕྱག་བརྙན་སྡེར་མོ་ཅན་བརྒྱ་ཉི་ཤུ། གསོད་པའི་ཕོ་ཉ་དང་ཕྱག་བརྙན་མཆེ་བ་ཅན་བརྒྱ་ཉི་ཤུ་ལས། ཕྱོགས་བཞི་བླ་འོག་ཏུ་དྲུག་ཅུ་དྲུག་ཅུ་བཀྱེ་སྟེ། སེམས་ཅན་ཐམས་ཅད་ཀྱི་གཉེན་པོར་གྱུར་པ་ལས། དེ་བཞིན་གཤེགས་པ་ཐམས་ཅད་ཀྱི་སྐུ་ལས་འོད་ཟེར་བཀྱེ་སྟེ། དཀར་པོ་སེར་པོ་དམར་པོ་ལྗང་གུ་མཐིང་ག་རིན་པོ་ཆེའི་ཁ་དོག་ལ་སོགས་པ། འོད་ཟེར་རེ་རེ་ལ་ཡང་གྲངས་བྱེ་བ་ཁྲག་ཁྲིག་དྲུག་ཅུ་དྲུག་ཅུར་སྤྲོས་ཏེ། ཕྱོགས་བཞི་མཚམས་བརྒྱད་བླ་འོག་ཕྱོགས་བཅུ་ཐམས་ཅད།འོད་ཟེར་གྱི་སྣང་བ་ཆེན་པོས་ཁྱབ་པར་བྱས་ནས། དོན་བྱ་བ་དང་བསྐུལ་བར་བྱ་བ་དང་། བྱི་དོར་བྱ་བ་དང་། སྣོད་དུ་རུང་བར་བྱིན་གྱིས་བརླབས་ནས།འོད་ཟེར་དེ་དག་སླར་འདུས་པ་ལས། མི་མོ་སུམ་བརྒྱ་དྲུག་ཅུར་གྱུར་ཏེ། ཤར་ཕྱོགས་ནས་དུང་གི་མི་མོ་དྲུག་ཅུ། ལྷོ་ནས་ལྕགས་ཀྱི་མི་མོ་དྲུག་ཅུ། ནུབ་ཕྱོགས་ནས་ཟངས་ཀྱི་མི་མོ་དྲུག་ཅུ། བྱང་ནས་གཡུའི་མི་མོ་དྲུག་ཅུ། འོག་ནས་གསེར་གྱི་མི་མོ་དྲུག་ཅུ། སྟེང་ ― DNG008_Page_0538 ―
[མ་དཔེ་གཟིགས་ན་འདིར་གནོན།]
ནས་བསེའི་མི་མོ་དྲུག་ཅུ་དེ་རྣམས་ཀྱང་མཐུན་པར་ཞལ་གཅིག་ཕྱག་བཞི་བཞི་སྟེ། གཡས་ཀྱི་དང་པོ་སྙེགས་བྱེད་ཀྱི་ཕོ་ཉ་གཤོག་པ་ཅན་བསམ་གྱིས་མི་ཁྱབ་པ་བསྣམས་པ། འོག་མ་ན་འཛིན་བྱེད་ཀྱི་ཕོ་ཉ་སྡེར་མོ་ཅན་བསམ་གྱིས་མི་ཁྱབ་པ་བསྣམས་པ། གཡོན་དང་པོ་ན་སྡོམ་བྱེད་ཀྱི་ཕོ་ཉ་མཚོན་ཆ་ཅན་བསམ་གྱིས་མི་ཁྱབ་པ་བསྣམས་པ། ཐ་མ་སྒྲོལ་བྱེད་ཀྱི་ཕོ་ཉ་མཆེ་བ་ཅན་བསམ་གྱིས་མི་ཁྱབ་པ་བསྣམས་པ། །དེ་ལྟ་བུ་དངོས་སུམ་བརྒྱ་དྲུག་ཅུ་ལ་དོན་གྱི་བྱེ་བ་ཁྲག་ཁྲིག་དང་ལྡན་པའོ། །དེ་དག་གྱི་མྱུར་བ་ནི་གློག་གིས་ཀྱང་བསྐྱད་དུ་མེད་པ། མགྱོགས་པ་རླུང་གིས་ཀྱང་བསྐྱད་དུ་མེད་པ། གཉེན་པོས་མི་ཚུགས་པ་རྡོ་རྗེ་ཕ་ལམ་གྱིས་བསྐྱད་དུ་མེད་པ། ཅི་ལ་ཡང་ཐོགས་པ་མེད་པ་ཤ་སྟག་གོ། །དེ་ལས་ཤར་ཕྱོགས་ནས་མེ་ལོང་ལྟ་བུའི་ཡེ་ཤེས་ཀྱི་རྟགས། འོད་དཀར་པོ་ལས་རྡོ་རྗེ་རིགས་ཀྱི་ཕོ་ཉ་དུང་གི་མི་མོ་དྲུག་ཅུ། སྐུ་དང་གསུང་དང་ཐུགས་དང་རྡོ་རྗེ་ལས་བྱུང་ངོ་། །ཨོཾ་བཛྲ་བྷ་ན་བྷ་ན་ཨཾ་ཀུ་ཤ་ཛ། ཞེས་དྲུག་ཅུ་ཐམ་པ་བརྗོད་པས། ཕོ་ཉ་རྡོ་རྗེ་འབར་མ་དང་། རྡོ་རྗེ་སྡེར་མོ་དང་། རྡོ་རྗེ་ཀཱི་ལ་ཡ་དང་། རྡོ་རྗེ་འབིགས་མ་དང་། རྡོ་རྗེ་རོ་ལངས་མ་དང་། རྡོ་རྗེ་དྲག་མོ་དང་། རྡོ་རྗེ་མགྱོགས་མ་དང་། རྡོ་རྗེ་གཏུམ་མོ་དང་། རྡོ་རྗེ་འབེབས་མ་དང་། རྡོ་རྗེ་གསལ་མ་དང་། རྡོ་རྗེ་སྡོམ་མ་དང་། རྡོ་རྗེ་འགུགས་མ་དང་། རྡོ་རྗེ་ཐོགས་མེད་དང་། རྡོ་རྗེ་བསྐྱོད་མ་དང་། རྡོ་རྗེ་འཆང་བདག་དང་། རྡོ་རྗེ་ཕྲ་མེན་དང་། རྡོ་རྗེ་མྱུར་བྱེད་མ་དང་། རྡོ་རྗེ་སྐུལ་བྱེད་མ་དང་། རྡོ་རྗེ་གསལ་བཀྲ་མ་དང་། རྡོ་རྗེ་ཡང་དག་དང་། རྡོ་རྗེ་རྩེ་དང་། རྡོ་རྗེ་དབང་ཕྱུག་དང་། རྡོ་རྗེ་རིན་ཆེན་མོ་དང་། རྡོ་རྗེ་ཁ་འབར་མ་དང་། རྡོ་རྗེ་གསལ་བཀྲ་མ་དང་།རྡོ་རྗེ་ཁྲོ་མོ་དང་། རྡོ་རྗེ་འཆང་མ་དང་། རྡོ་རྗེ་གཏུམ་མོ་དང་། རྡོ་རྗེ་ཁྲོས་མ་དང་། རྡོ་རྗེ་ལས་བྱེད་མ་དང་། རྡོ་རྗེ་དུས་མཚམས་མ་དང་། རྡོ་རྗེ་ཐར་མ་དང་། རྡོ་རྗེ་ཀུ་ལ་དང་། རྡོ་རྗེ་དཔལ་འབར་མ་དང་། རྡོ་རྗེ་སྐྱོང་ཆེན་མ་དང་། རྡོ་རྗེ་ལུས་ཁྲོ་མ་དང་། རྡོ་རྗེ་ངག་ཁྲོ་མ་དང་། རྡོ་རྗེ་ཡིད་གཏུམ་མ་དང་། རྡོ་རྗེ་སྡེར་ཆེན་མ་དང་། རྡོ་རྗེ་གསོད་བྱེད་མ་དང་། རྡོ་རྗེ་བརླང་བ་དང་། རྡོ་རྗེ་གསོད་མོ་དང་། རྡོ་རྗེ་ཟ་བ་མོ་དང་། རྡོ་རྗེ་ཁྲག་ ― DNG008_Page_0539 ―
[མ་དཔེ་གཟིགས་ན་འདིར་གནོན།]
འཐུང་མ་དང་། རྡོ་རྗེ་འཆང་བ་མོ་དང་། རྡོ་རྗེ་ཚེ་ལེན་མ་དང་། རྡོ་རྗེ་མདངས་ལེན་མ་དང་། རྡོ་རྗེ་སྲོག་འཕྲོག་མ་དང་། རྡོ་རྗེ་སྙིང་འབྱིན་མ་དང་། རྡོ་རྗེ་གཅོད་བྱེད་མ་དང་། རྡོ་རྗེ་སྐུལ་བྱེད་མ་དང་། རྡོ་རྗེ་སྣ་ཚོགས་གཟུགས་དང་། རྡོ་རྗེ་སྨྱོན་མ་དང་། རྡོ་རྗེ་འཇུག་བྱེད་མ་དང་། རྡོ་རྗེ་ཡིད་འཕྲོག་མ་དང་། རྡོ་རྗེ་རྐུན་མོ་དང་། རྡོ་རྗེ་རྫུ་བྱེད་མ་དང་། རྡོ་རྗེ་འཇིགས་བྱེད་མ་དང་། རྡོ་རྗེ་བཅུད་ལེན་མ་དང་དེ་ལྟར་དྲུག་ཅུ་པོ་ཡང་སྤྲུལ་པ་མཆེ་བ་ཅན་དྲུག་ཅུ་འབྲངས་པས། སྲིན་པོ་ཤར་ཕྱོགས་ཀྱི་ཕོ་ཉ་དྲུག་ཅུ་དང་སྤྱོད་པ་མཐུན་པར་བྱས་ཏེ། ཕོ་ཉ་རྣམས་ལ་སྨྲས་པ། ཁྱེད་ལ་སོགས་པ་རྣམས་སྲིན་པོའི་ཕོ་ཉ་བྱེད་པ་དེ། རྟོགས་པ་ཅི་དང་ལྡན། དོན་ཅིས་བྱེད། ཕོ་ཉ་རྣམས་ཀྱིས་སྨྲས་པ། བདག་ཅག་གི་རྗེ་བོས་བདག་ཅག་རྣམས་ལ་ཕོ་ཉར་བྱིན་ཏེ། ལས་དང་མཐུར་ལྡན་པས་སེམས་ཅན་ཐམས་ཅད་འགུགས་པའི་ཕོ་ཉ་བགྱིད་པ་ལགས་སོ། །རྡོ་རྗེ་རིགས་ཀྱི་ཕོ་ཉ་མོས་སྨྲས་པ།སེམས་ཅན་ལ་ཡང་ད་རུང་མ་འོངས་པའི་སངས་རྒྱས་ཀྱང་ཡོད་ལ། ཚོགས་གསོག་པ་ལ་གནས་པ་དང་། དགེ་བ་བཅུ་ལ་གནས་པ་རྣམས་ནི་མ་གཏོགས་སོ། །དཀོན་མཆོག་གསུམ་གྱི་སྐུ་དགྲར་གྱུར་ཅིང་། ངན་པའི་ངང་ཚུལ་ཅན་བསྒྲལ་བའི་ཞིང་བཅུར་གྱུར་པ་རྣམས་ནི། མ་བཀུག་ཅིང་མ་བསྒྲལ་ན་ཉམས་པ་ཆེན་པོའི་རྒྱུར་འགྱུར་བས་སྙིང་རྗེ་ཆེན་པོས་ཟིན་པར་བྱས་ལ། རྒྱལ་བའི་དཀྱིལ་འཁོར་དུ་བཅུག་ཅིང་དྲངས་ལ། ལྷའི་དཀྱིལ་འཁོར་དུ་བྱིན་གྱིས་བརླབས་ལ། གཉིས་སུ་མེད་པའི་ངང་དུ་བྱའོ། །ཞེས་སྨྲས་པས། ཕོ་ཉ་དེ་དག་ཐམས་ཅད་དགའ་ཆེས་ཏེ། དེ་བཞིན་དུ་བགྱིའོ་ཞེས་ཁས་བླངས་ཏེ་མནའ་བོར་ཏེ། བྲན་དང་ཡང་བྲན་དུ་དབང་བྱིན་ཏེ་འཁོར་དུ་བཞག་གོ། །དེ་ནས་ནུབ་ཕྱོགས་སོ་སོར་རྟོག་པའི་ཡེ་ཤེས་ཀྱི་རྟགས་འོད་ཟེར་དམར་པོ་ལས། པདྨ་རིགས་ཀྱི་ཕོ་ཉ་མོ་ཟངས་ཀྱི་མི་མོ་དྲུག་ཅུ་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །གརྫ་གརྫ་སྥོ་ཊ་བཾ།ཞེས་དྲུག་ཅུ་བརྗོད་པ་ལས། པདྨ་ཐོགས་འབེབས་མ་དང་། པདྨ་འབྲུག་སྒྲོགས་མ་དང་། པདྨ་ཆར་འབེབས་མ་དང་། པདྨ་འོད་འགྱེད་མ་དང་། ― DNG008_Page_0540 ―
[མ་དཔེ་གཟིགས་ན་འདིར་གནོན།]
པདྨ་བཀྲག་གསལ་མ་དང་། པདྨ་གཞའ་ཚོན་མ་དང་། པདྨ་འོད་འཕྲོ་མ་དང་། པདྨ་འོད་གསལ་མ་དང་། པདྨ་ཁྲག་འཐུང་མ་དང་། པདྨ་གར་གྱི་དབང་ཕྱུག་མ་དང་། པདྨ་ས་བདག་མ་དང་། པདྨ་འགུགས་བྱེད་མ་དང་། པདྨ་དཀར་ཤམ་མ་དང་། པདྨ་སྒྲ་སྒྲོགས་མ་དང་། པདྨ་ཡིད་གཞུངས་མ་དང་། པདྨ་ལྟ་ན་མཛེས་པ་དང་། པདྨ་སེང་ཕྲོག་མ་དང་། པདྨ་བདུད་རྩི་འབེབས་མ་དང་།པདྨ་མགྱོགས་བྱེད་མ་དང་། པདྨ་གསོད་བྱེད་མ་དང་། པདྨ་སྙིང་འབྱིན་མ་དང་། པདྨ་དམར་འཐུང་མ་དང་། པདྨ་རྐང་འཇིབ་མ་དང་། པདྨ་ལས་བྱེད་མ་དང་། པདྨ་ཞགས་ཐོགས་མ་དང་། པདྨ་བླ་འཕྲོག་མ་དང་། པདྨ་ཐོགས་བྱེད་མ་དང་། པདྨ་ཟ་བྱེད་མ་དང་། པདྨ་སྨྱོས་བྱེད་མ་དང་། པདྨ་རྨུགས་བྱེད་མ་དང་། པདྨ་རྫུ་བྱེད་མ་དང་། པདྨ་འཁྲུགས་བྱེད་མ་དང་། པདྨ་དྲག་མོ་དང་། པདྨ་བརྐམ་མ་དང་། པདྨ་འཇོམས་བྱེད་མ་དང་། པདྨ་དགའ་མ་དང་། པདྨ་འཛིན་མ་དང་། པདྨ་གློག་འགྱུ་མ་དང་། པདྨ་གཡུལ་འཇོམས་མ་དང་། པདྨ་ལྷ་འདྲེལ་མ་དང་། པདྨ་སྲོག་འདྲེལ་མ་དང་། པདྨ་མྱུར་བྱེད་མ་དང་། པདྨ་རངས་བྱེད་མ་དང་། པདྨ་སྲེག་བྱེད་མ་དང་། པདྨ་གློག་བྱེད་མ་དང་། པདྨ་ཐོ་བ་མ་དང་། པདྨ་གཏུན་ཁུང་མ་དང་། པདྨ་ཞགས་འཕེན་མ་དང་། པདྨ་མེ་ཁྱེར་མ་དང་། པདྨ་སྡུད་བྱེད་མ་དང་། པདྨ་གཡེངས་བྱེད་མ་དང་། པདྨ་བདུད་འཇོམས་མ་དང་། པདྨ་དཔལ་མོ་དང་། པདྨ་དབང་ཕྱུག་མ་དང་། པདྨ་དྲག་མོ་དང་། པདྨ་གཏུམ་བག་ཅན་དང་། པདྨ་ཀ་ལ་མ་དང་། པདྨ་སྡེ་ཚོགས་དང་། པདྨ་མ་ཧཱ་ལ་མི་ཌོ་དང་། པདྨ་རབ་བརྗིད་མ་དང་།དྲུག་ཅུ་རྣམས་ཀྱང་སྦྲུལ་གཤོག་པ་ཅན་དྲུག་ཅུ་འགབ་ན་འདྲེངས་པས། སྲིན་པོའི་ནུབ་ཕྱོགས་ཀྱི་ཕོ་ཉ་དྲུག་ཅུ་དང་སྤྱོད་པ་མཐུན་པར་བྱས་ཏེ། གོང་མ་དེ་བཞིན་དམ་མནོས་དབང་བྱིན་ཏེ་བཞག་གོ། །དེ་ནས་ལྷོ་ཕྱོགས་མཉམ་པ་ཉིད་ཀྱི་ཡེ་ཤེས་ཀྱི་རྟགས་འོད་ཟེར་མཐིང་ག་ལས། རིན་པོ་ཆེའི་རིགས་ཀྱི་ཕོ་ཉ་མོ་ལྕགས་ཀྱི་མི་མོ་དྲུག་ཅུ་སྐུ་དང་གསུང་དང་ཐུགས་རྡོ་རྗེ་ལས་བྱུང་ངོ་། །ཧ་ལ་ཧ་ལ་པཱ་ཤ་ཧཱུཾ་དྲུག་ཅུ་ལས་རིན་ཆེན་དབང་ཕྱུག་མ་དང་། རིན་ཆེན་མཁའ་ ― DNG008_Page_0541 ―
[མ་དཔེ་གཟིགས་ན་འདིར་གནོན།]
འགྲོ་མ་དང་། རིན་ཆེན་མཐུ་འབེབས་མ་དང་། རིན་ཆེན་སྲ་བ་མོ་དང་། རིན་ཆེན་མཆོངས་མ་དང་། རིན་ཆེན་ཁྲོ་གཏུམ་མ་དང་། རིན་ཆེན་བརྩོན་བྱེད་མ་དང་། རིན་ཆེན་འཇིགས་མ་དང་། རིན་ཆེན་ཤ་ཟ་མ་དང་། རིན་ཆེན་ཁྲག་འཐུང་མ་དང་། རིན་ཆེན་སོ་གཙིགས་མ་དང་། རིན་ཆེན་རལ་གསིགས་མ་དང་། རིན་ཆེན་འཁྲུགས་བྱེད་མ་དང་། རིན་ཆེན་འཛུལ་བྱེད་མ་དང་། རིན་ཆེན་ལྷུག་བྱེད་མ་དང་། རིན་ཆེན་མཐུ་མོ་ཆེ་དང་། རིན་ཆེན་ནག་མོ་ཆེ་དང་། རིན་ཆེན་རྟོག་མེད་མ་དང་། རིན་ཆེན་རྟོག་འཇོམས་མ་དང་། རིན་ཆེན་ཡོངས་གྲུབ་མ་དང་། རིན་ཆེན་སྣ་ཚོགས་ལུས་དང་། རིན་ཆེན་སྲེད་པ་མ་དང་། རིན་ཆེན་སྡོང་གཅིག་མ་དང་། རིན་ཆེན་དུར་ཁྲོད་མ་དང་། རིན་ཆེན་དབྱིངས་ཕྱུག་མ་དང་། རིན་ཆེན་བདེ་འགྲོ་མ་དང་། རིན་ཆེན་རྒྱས་བྱེད་མ་དང་། རིན་ཆེན་འཛུམ་བྱེད་མ་དང་། རིན་ཆེན་ཁྲག་གི་མྱོས་བྱེད་མ་དང་། རིན་ཆེན་རྔམ་འཛིན་མ་དང་། རིན་ཆེན་མགྱོགས་བྱེད་མ་དང་། རིན་ཆེན་སྡུམ་མ་དང་། རིན་ཆེན་མདུང་ཐུང་སྡེར་དང་། རིན་ཆེན་འགྱུར་མ་དང་། རིན་ཆེན་ཐོག་འབེབས་མ་དང་། རིན་ཆེན་སྤྲོས་མེད་མ་དང་། རིན་ཆེན་འཁྲུགས་བྱེད་མ་དང་། རིན་ཆེན་དབྱུག་མ་དང་། རིན་ཆེན་ཀ་ལ་ཡ་དང་། རིན་ཆེན་གསལ་བཀྲ་མ་དང་། རིན་ཆེན་མཁའ་བསྒྱུར་མ་དང་། རིན་ཆེན་ཀུན་སྒྲོལ་མ་དང་། རིན་ཆེན་ར་རོ་མ་དང་། རིན་ཆེན་ཁྲག་འཐུང་མ་དང་། རིན་ཆེན་འབར་མ་དང་། རིན་ཆེན་མི་ཟད་མ་དང་། རིན་ཆེན་འཕྲོག་བྱེད་མ་དང་། རིན་ཆེན་སྒྲོལ་བྱེད་མ་དང་། རིན་ཆེན་སྣ་ཚོགས་སྟོབས་དང་། རིན་ཆེན་ཡིད་འཕྲོག་མ་དང་། རིན་ཆེན་སྲོག་ལེན་མ་དང་། རིན་ཆེན་བཅུད་ལེན་མ་དང་། རིན་ཆེན་ཚེ་རྐུན་མ་དང་། རིན་ཆེན་དབང་མོ་ཆེ་དང་། རིན་ཆེན་དྲག་འཇོམས་མ་དང་། རིན་ཆེན་སྡུད་བྱེད་མ་དང་། རིན་ཆེན་གླང་འཛིན་མ་དང་། རིན་ཆེན་སྲོག་འཛིན་མ་དང་། རིན་ཆེན་རྩ་འགྲོ་མ་དང་། རིན་ཆེན་སྣ་འབྱིན་མ་དང་། རིན་ཆེན་སྣས་སྟོང་མ་ལ་སོགས་པ་དྲུག་རེ་གཅིག་འདུག་ཅུ་རྣམས། ཡང་སྤྲུལ་རྨིག་བུའི་མགོ་ཅན་དྲུག་ཅུས་འགྲམ་ནས་འདྲེངས་པ། སྲིན་པོའི་ལྷོ་ཕྱོགས་ཀྱི་ཕོ་ཉ་དྲུག་ཅུ་དང་སྤྱོད་པ་མཐུན་པར་བྱས་ཏེ། ― DNG008_Page_0542 ―
[མ་དཔེ་གཟིགས་ན་འདིར་གནོན།]
ཐབས་སྣ་ཚོགས་ཀྱིས་བཏུལ་ནས་གོང་མ་བཞིན་དུ་དམ་མནོས་ཏེ་བྲན་དུ་དབང་བྱིན་ནས་བཞག་གོ། །དེ་ནས་བྱང་ཕྱོགས་ནས་བྱ་བ་ནན་ཏན་གྱི་ཡེ་ཤེས་ཀྱི་རྟགས་འོད་ཟེར་ལྗང་གུ་ལས། ལས་ཀྱི་རིགས་ཀྱི་ཕོ་ཉ་གཡུའི་མི་མོ་དྲུག་ཅུ་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །པ་ཙ་པ་ཙ་གྷཎྜ་ཧོཿདྲུག་ཅུ་ལས། ལས་རྡོ་རྗེ་མ་དང་། ལས་འཇོམས་མ་ཆེན་མོ་དང་། ལས་ཁ་ལོ་འདུལ་མ་དང་། ལས་དབང་ཕྱུག་མ་དང་། ལས་གྲུབ་བྱེད་མ་དང་། ལས་ལ་སྐུལ་མ་དང་། ལས་གྲུབ་པ་མོ་དང་། ལས་མཐར་ཕྱིན་པ་མོ་དང་། ལས་ཆུད་མི་ཟ་བ་དང་། ལས་དབང་སྒྱུར་མ་དང་། ལས་ཐོགས་མེད་མ་དང་། ལས་གྲུབ་པ་མོ་དང་། ལས་གསལ་བྱེད་མ་དང་། ལས་དབང་བྱེད་མ་དང་། ལས་ཀྱི་དམ་ཚིག་མ་དང་། ལས་ཀྱི་བྱ་ར་མ་དང་། ལས་ཀྱི་སྟངས་འཛིན་མ་དང་།ལས་ཀྱི་སྟངས་གཅོད་མ་དང་། ལས་ཀྱི་གལ་འཛིན་མ་དང་། ལས་ཀྱི་སྐུལ་བྱེད་མ་དང་། ལས་ཀྱི་བྱ་ར་མོ་དབང་མོ་དང་། ལས་ཀྱི་བྱ་ར་མོ་ཕག་མོ་དང་།ལས་ཀྱི་བྱ་ར་མོ་སྤྱན་བརྒྱ་མོ་དང་། ལས་ཀྱི་བྱ་ར་མོ་མིག་སྟོང་ལྡན་མ་དང་།ལས་ཀྱི་བྱ་ར་མོ་འོད་མགྱོགས་མ་དང་། ལས་ཀྱི་བྱ་ར་མོ་རླུང་ཞོན་མ་དང་།ལས་རྫུ་འཕྲུལ་ཅན་དང་། ལས་སྒྱུ་མ་དང་། ལས་དབང་ཕྱུག་རྒྱལ་མོ་དང་།ལས་གྲགས་རྒྱལ་མ་དང་། ལས་དཔལ་ཤམ་མ་དང་། ལས་ཡཀྴ་མོ་དང་།ལས་ཁྲོ་བག་ཅན་དང་། ལས་མཆེ་བ་མོ་དང་། ལས་དབང་བསྐུར་མ་དང་།ལས་དངོས་གྲུབ་བདག་མོ་དང་། ལས་སྒྲོལ་བྱེད་ཆེན་མོ་དང་། ལས་ཐམས་ཅད་ཀྱི་བདག་པོ་དང་། ལས་འོད་འཕྲོ་མ་དང་། ལས་དྲག་མོ་དང་། ལས་ཁྲོ་སྐྱེན་མོ་དང་། ལས་མྱུར་གྲུབ་མ་དང་། ལས་ཆུད་མ་ཟོས་པ་དང་། ལས་འདུལ་བྱེད་མ་དང་། ལས་རྒྱ་མཚོ་དང་། ལས་སྟངས་འཛིན་མ་དང་། ལས་ཀྱི་སྒྲོལ་བྱེད་མ་དང་། ལས་འདུལ་མཁས་མ་དང་། ལས་ལ་གོམས་མ་དང་།ལས་ལ་མཁས་མ་དང་། ལས་ཀྱི་དབང་ ― DNG008_Page_0543 ―
[མ་དཔེ་གཟིགས་ན་འདིར་གནོན།]
བསྐུར་མ་དང་། ལས་ཀྱི་མཆོག་སྒྲོལ་མ་དང་། ལས་ཀྱི་རྒྱུ་སྒྲོལ་མ་དང་། ལས་ཀྱི་རྔམ་པ་མོ་དང་། ལས་སྤྲོ་སྐྱེན་མོ་དང་། ལས་གཏུམ་ཆེན་མ་དང་། ལས་མིག་དམར་མ་དང་། ལས་སེན་མོ་ཅན་དང་། དྲུག་ཅུ་ང་བརྒྱད་བསམ་བྱུང་། རྣམས་ཀྱང་སྤྲུལ་སྡེར་མོ་ཅན་གྱི་ཚོགས་དྲུག་ཅུ་བགབ་ནས་འདྲེངས་པས། སྲིན་པོའི་བྱང་ཕྱོགས་ཀྱི་ཕོ་ཉ་དྲུག་ཅུ་དང་ཆ་མཐུན་པར་བྱས་ཏེ། དེ་རྣམས་བཏུལ་ནས་དམ་ཕོག་ནས་དབང་བྱིན་ཏེ་བཞག་གོ། །དེ་ནས་དབུས་སྟོང་པ་ཉིད་ཀྱི་ཡེ་ཤེས་ཀྱི་རྟགས་འོད་ཟེར་སེར་པོ་ལས། གསེར་གྱི་མི་མོ་དྲུག་ཅུ་ཁྲོ་བོ་དང་ཁྲོ་མོར་སྤྲུལ་ཏེ། སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཀྲོ་དྷ་ཀྲོ་དྷཱི་ཧཱུཾ་ཕཊ། དྲུག་ཅུ་ལས་ཁྲོ་བོ་ཆེན་པོ་བི་ཛ་ཡ་དང་། ཁྲོ་མོ་ཆེན་མོ་རྡོ་རྗེ་རྣམ་བསྙེམས་མ་དང་། ཁྲོ་བོ་ཆེན་པོ་དབྱུག་པ་ཆེན་པོ་དང་།ཁྲོ་མོ་ཆེན་མོ་རྡོ་རྗེ་སྡེར་མོ་ཅན་དང་། ཁྲོ་བོ་ཆེན་པོ་ཡ་མཱན་ཏ་ཀ་དང་། ཁྲོ་མོ་ཆེན་མོ་རྡོ་རྗེ་དུར་ཁྲོད་མ་དང་། ཁྲོ་བོ་ཆེན་པོ་མི་གཡོ་མགོན་པོ་དང་། ཁྲོ་མོ་ཆེན་མོ་རྡོ་རྗེ་གཏུན་ཁུང་མོ་དང་། ཁྲོ་བོ་ཆེན་པོ་རྟ་མགྲིན་དང་། ཁྲོ་མོ་ཆེན་མོ་རྡོ་རྗེ་གཏུམ་མོ་དང་། ཁྲོ་བོ་ཆེན་པོ་གཞན་གྱིས་མི་ཐུབ་པ་དང་། ཁྲོ་མོ་ཆེན་མོ་མདའ་སྙེམས་མ་དང་། ཁྲོ་བོ་ཆེན་པོ་བདུད་རྩི་འཁྱིལ་པ་དང་། ཁྲོ་མོ་ཆེན་མོ་རླུང་འབྱིན་མ་དང་། ཁྲོ་བོ་ཆེན་པོ་ཁམས་གསུམ་རྣམ་པར་རྒྱལ་བ་དང་། ཁྲོ་མོ་ཆེན་མོ་གསོད་བྱེད་མ་དང་། ཁྲོ་བོ་ཆེན་པོ་མ་ཧཱ་བ་ལ་དང་། ཁྲོ་མོ་ཆེན་མོ་བསྐྱོད་ཆེན་མ་དང་། ཁྲོ་བོ་ཆེན་པོ་ཧཱུཾ་ཀ་ར་དང་། ཁྲོ་མོ་ཆེན་མོ་སྒྲ་འབྱིན་མ་དང་། ཁྲོ་བོ་ཆེན་པོ་བཛྲ་ཀཱི་ལ་ཡ་དང་། ཁྲོ་མོ་ཆེན་མོ་རྒྱས་འདེབས་ཆེན་མོ་དང་། ཁྲོ་བོ་ཆེན་པོ་དམེ་བརྩེགས་དང་། ཁྲོ་མོ་ཆེན་མོ་འདམ་འབྱིན་མ་དང་། ཁྲོ་བོ་ཆེན་པོ་བཛྲ་ཡཀྴ་དང་། ཁྲོ་མོ་ཆེན་མོ་ས་མ་ཡེ་ཤྭ་རཱི་དང་། ཁྲོ་བོ་ཆེན་པོ་དམར་ནག་དང་། ཁྲོ་མོ་ཆེན་མོ་དབང་སྒྱུར་མ་དང་། ཁྲོ་བོ་ཆེན་པོ་བཛྲ་འབའ་ཏ་ལ་དང་། ཁྲོ་མོ་ཆེན་མོ་རྡོ་རྗེ་ཟག་མོ་དང་། ཁྲོ་བོ་ཆེན་ ― DNG008_Page_0544 ―
[མ་དཔེ་གཟིགས་ན་འདིར་གནོན།]
པོ་སུ་སུ་ཏི་ཀ་ར་དང་། ཁྲོ་མོ་འབར་འཇིགས་མ་དང་། ཁྲོ་བོ་ཆེན་པོ་ཤྲཱི་མ་ཧཱ་ཀཱ་ལ་དང་། ཁྲོ་མོ་ཆེན་མོ་རལ་པ་འགྲེང་མ་དང་། ཁྲོ་བོ་མི་འཆི་ཐབས་སྦྱོར་དང་། ཁྲོ་མོ་འཇོམས་བྱེད་ཆེན་མོ་དང་། ཁྲོ་བོ་ཆེན་པོ་ལས་ཐམས་ཅད་པ་དང་། ཁྲོ་མོ་ལས་ཀུན་གྲུབ་མ་དང་། ཁྲོ་བོ་ཆེན་པོ་རབ་རྔམས་དང་། ཁྲོ་མོ་ཆེན་མོ་གཏུམ་མོ་དང་། ཁྲོ་བོ་ཆེན་པོ་འཇིག་རྟེན་གསུམ་སྣང་དང་། ཁྲོ་མོ་ཆེན་མོ་མི་ཕམ་མ་དང་། ཁྲོ་བོ་ཆེན་པོ་འཇིག་རྟེན་གསུམ་འདུལ་དང་། ཁྲོ་མོ་ཆེན་མོ་ལྕགས་ཀྱུ་མ་དང་། ཁྲོ་བོ་ཆེན་པོ་འཇིག་རྟེན་གསུམ་འཇིག་དང་། ཁྲོ་མོ་ཆེན་མོ་ཁྲོ་གཉེར་མ་དང་། ཁྲོ་བོ་ཆེན་པོ་འཇིག་རྟེན་གསུམ་འཆིང་དང་། ཁྲོ་མོ་ཆེན་མོ་ཞགས་པ་མ་དང་། ཁྲོ་བོ་ཆེན་པོ་པདྨ་རྒྱལ་དང་། ཁྲོ་མོ་ཆེན་མོ་རོ་ལངས་མ་དང་། ཁྲོ་བོ་ཆེན་པོ་བེ་ཅོན་སྔོན་པོ་དང་། ཁྲོ་མོ་ཆེན་མོ་ལྕགས་སྒྲོག་མ་དང་། ཁྲོ་བོ་ཆེན་པོ་ཀ་ནི་བཛྲ་དང་། ཁྲོ་མོ་ཆེན་མོ་རལ་གཅིག་མ་དང་། ཁྲོ་བོ་ཆེན་པོ་རྡོ་རྗེ་གོ་ཆ་དང་། ཁྲོ་མོ་ཆེན་མོ་དྲིལ་བུ་མ་དང་། ཁྲོ་བོ་ཆེན་པོ་རྔམ་ཆེན་དང་། ཁྲོ་མོ་ཆེན་མོ་དབང་སྡུད་མ་དང་། ཁྲོ་བོ་ཆེན་པོ་རྡོ་རྗེ་ཐོ་བ་དང་། ཁྲོ་མོ་ཆེན་མོ་ཟ་བྱེད་མ་དང་དྲུག་ཅུ་རྣམས་ཀྱང་། ཡང་སྤྲུལ་མགོ་བརྙན་དང་། ཕྲ་མེན་མ་དང་། ཕྲ་ཐབས་ཉི་ཤུ་རྩ་གཅིག་གི་ཚོགས་དྲུག་ཅུ་བགབ་ནས་འདྲེངས་པས། སྲིན་པོ་དབུས་ཀྱི་ཕོ་ཉ་དང་། སྟེང་གི་ཕོ་ཉ་སྲིན་པོ་ཕོ་མོ་དྲུག་ཅུ་དང་སྤྱོད་པ་མཐུན་པར་བྱས་ཏེ། དེ་རྣམས་བཏུལ་ནས་བྲན་དང་ཡང་བྲན་དབང་བྱིན་ཏེ། ཕྱིར་མི་ལྡོག་པའི་ས་ལ་བཀོད་དེ། དམ་བྱིན་དབང་ཕོག་སྟེ་བཞག་གོ། །དེ་ནས་མཐའ་དང་བླ་འོག་མེད་པ་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ཀྱི་རྟགས་འོད་མཐིང་ནག་ལས། བསེའི་མེ་མོ་དྲུག་ཅུ་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །མཱ་མ་མཱ་མ་བྷྱོ་བྷྱོ། ཞེས་དྲུག་ཅུ་ལས་མ་མོ་ཆེན་མོ་རལ་པ་གཅིག་མ་དང་། སྦས་པའི་མ་མོ་ཆེན་མོ་དང་། དུར་ཁྲོད་ཚོགས་ཀྱི་མ་མོ་དང་། ཟ་བྱེད་རྔམ་པའི་མ་མོ་ཆེན་མོ་དང་། ཁམས་གསུམ་སྡུད་པའི་མ་མོ་ཆེན་མོ་དང་། ― DNG008_Page_0545 ―
[མ་དཔེ་གཟིགས་ན་འདིར་གནོན།]
རྒྱུ་དྲུག་སྒྲོལ་བའི་མ་མོ་དང་། སྲིད་གསུམ་ཟ་བའི་མ་མོ་ཆེན་མོ་དང་། ཡོངས་ལ་དབང་བསྒྱུར་བའི་མ་མོ་ཆེན་མོ་དང་། མཐུ་དཔུང་བསྐྱོད་དུ་མེད་པའི་མ་མོ་ཆེན་མོ་དང་། ཤ་ཁྲག་གསུར་ལ་དགའ་བའི་མ་མོ་ཆེན་མོ་དང་། ནང་ཁྲོལ་གློ་སྙིང་འབྱིན་པའི་མ་མོ་ཆེན་མོ་དང་། ཟ་བྱེད་ཚེ་སྲོག་འཕྲོག་པའི་མ་མོ་ཆེན་མོ་དང་། རྔམ་ཆེན་མཆོད་ལ་དགའ་བའི་མ་མོ་ཆེན་མོ་དང་། འཛིན་བྱེད་ཞལ་དུ་སྟོབ་པའི་མ་མོ་ཆེན་མོ་དང་།བགེགས་ཆེན་སྙིང་ལ་འདེབས་པའི་མ་མོ་ཆེན་མོ་དང་། ཞིང་བཅུ་གཏན་ནས་ལེན་པའི་མ་མོ་དང་། དམ་ཉམས་སྙིང་ལ་འདེབས་པའི་མ་མོ་དང་། འབྱུང་པོ་སྒྲོལ་བའི་མ་མོ་དང་། གཤིན་རྗེ་སྒྲོལ་བའི་མ་མོ་ཆེན་མོ་དང་། ཀླུ་སྒྲོལ་བའི་མ་མོ་དང་། གནོད་སྦྱིན་སྒྲོལ་བའི་མ་མོ་དང་། སྲིན་པོ་སྒྲོལ་བའི་མ་མོ་དང་།སྲིན་མོ་སྒྲོལ་བའི་མ་མོ་དང་། གཟའ་ཆེན་ལེན་པའི་མ་མོ་དང་། ཁྲག་འཐུང་བའི་མ་མོ་དང་། དྲོད་འཕྲོག་པའི་མ་མོ་དང་། དབུགས་ལེན་པའི་མ་མོ་དང་། སྲོག་འཕྲོག་པའི་མ་མོ་དང་། མདངས་འཇིབ་པའི་མ་མོ་དང་། བྱ་རྒོད་མགོའི་མ་མོ་དང་། ཁྲག་སྐྱུག་མའི་མ་མོ་དང་། ཆུ་སྲིན་ཁའི་མ་མོ་དང་། དུར་ཁྲོད་རྒྱན་གྱི་མ་མོ་དང་། རྡོ་རྗེ་གར་གྱི་མ་མོ་དང་། པདྨ་གར་གྱི་མ་མོ་དང་། ས་བདག་དབང་ཕྱུག་མ་མོ་དང་། རི་རབ་རྩེ་ནས་བསྙིལ་བའི་མ་མོ་དང་། རྒྱ་མཚོའི་གཏིང་ནས་སྐེམ་པའི་མ་མོ་དང་། རྡོ་རྗེ་ཐོ་བའི་མ་མོ་དང་། རྡོ་རྗེ་གཏུན་ཁུང་གི་མ་མོ་དང་། རྡོ་རྗེ་དུར་ཁྲོད་བདག་གི་མ་མོ་དང་། རྡོ་རྗེ་འདེགས་པ་མོའི་མ་མོ་དང་། རྡོ་རྗེ་གསའ་བཀྲ་མའི་མ་མོ་དང་། རྡོ་རྗེ་ཁྲག་འཐུང་མའི་མ་མོ་དང་། རི་ལུང་དྲེའུ་ཞོན་པའི་མ་མོ་དང་། དུས་བཞིའི་རྒྱལ་མོ་འཇོམས་པའི་མ་མོ་དང་། ཁྱི་སྤྱང་གཅན་དུ་སྤྲུལ་པའི་མ་མོ་དང་། སྟག་དོམ་དྲེད་ལྟར་རྫུ་བའི་མ་མོ་དང་། འཛུམ་བྱེད་ཁྲ་ལྟར་ལྡིང་བའི་མ་མོ་དང་། རི་ཀླུང་མེད་པར་ཁེབས་པའི་མ་མོ་དང་། ངལ་དུབ་མེད་པར་རྒྱུག་པའི་མ་མོ་དང་། གཙང་སྨེ་མེད་པར་སྒྲོལ་ ― DNG008_Page_0546 ―
[མ་དཔེ་གཟིགས་ན་འདིར་གནོན།]
པའི་མ་མོ་དང་། ཡ་བྱིན་རལ་དཀར་མཆོད་པའི་མ་མོ་དང་། བསེ་བྱིན་རྩལ་མོ་ཆེ་ཡི་མ་མོ་དང་། ཕག་བྱིན་ཐོགས་པ་མེད་པའི་མ་མོ་དང་། དེ་བྱིན་གྲུབ་པ་མོ་ཡི་མ་མོ་དང་། ཚེ་སྲོག་ཀུན་ལ་དབང་སྒྱུར་མ་མོ་དང་། གཡའ་རི་གངས་ལ་བརྟེན་པའི་མ་མོ་དང་། འབྲོག་སྲིན་སྐྱེས་པ་འདུལ་བའི་མ་མོ་དང་། ཁྲོ་ཚིག་མྱུར་བར་བརྩོན་པའི་མ་མོ་དང་། དྲུག་ཅུ་རྣམས་ནི་ཡང་སྤྲུལ་བུད་མེད་བརྡའ་མ་འཕྲོད་པ། པཎི་ཚེ་བ་བཟློག་དཀའ་བ། འཁོར་དྲུག་ཅུ་དྲུག་ཅུར་འདྲེངས་པ། སྲིན་པོའི་མགོ་དང་མཐའི་ཕོ་ཉ་བྱེད་པའི་སྲིན་མོ་དྲུག་ཅུ་དང་ཆ་ལུགས་མཐུན་པར་བྱས་ཏེ། སྲིན་མོ་རྣམས་ལ་སྨྲས་པ། ཁྱོད་ལ་སོགས་པ་ནི་སྲིན་པོའི་ཕོ་ཉ་བྱེད་ཅིང་སེམས་ཅན་ཐམས་ཅད་བཀུག་བཅིང་བསྒྲལ་ནས། ཤ་ཁྲག་རུས་པ་ཟ་ཞིང་འདུག་པ་དེ་དོན་ཆེད་ཅི་ཡོད། རྟོགས་པ་ཅི་དང་ལྡན།ཞེས་སྨྲས་པ་དང་། སྲིན་མོ་རྣམས་ཀྱིས་སྨྲས་པ། བདག་ཅག་གི་ཇོ་བོ་བདུད་རཱུ་ཏྲ་ཆེན་པོས་ཁམས་གསུམ་དབང་བསྒྱུར་བས་ཕོ་ཉར་དབང་སྩལ་ཏེ། སེམས་ཅན་ཐམས་ཅད་དགུག་ཅིང་བསྒྲལ་བའི་ཕོ་ཉ་བགྱིད་འཚལ་བ་ལས། དོན་ཆེད་དང་རྟོགས་པ་གཞན་མ་མཆིས་སོ། །གྲོགས་མོ་དག་རྟོགས་པ་དང་དོན་ཅི་མཆིས།མ་མོ་རྣམས་ཀྱིས་སྨྲས་པ། བདག་ཅག་རྣམས་ནི་ཐུགས་རྗེ་ཆེན་པོ་དང་ལྡན་པས།བདག་དང་གཞན་བསྒྲལ་ནས། བླ་ན་མེད་པའི་བྱང་ཆུབ་ཆེན་པོར་འདོན་པའོ། །སྲིན་མོ་རྣམས་ཀྱིས་སྨྲས་པ། རྟོགས་པ་དང་དོན་ཆེད་དེ་ལྟ་བུ་ལྡན་པ་ཨེ་མ་ཨ་ལ་ལ་ཧོ། །བདག་ཅག་རྣམས་ལ་དེ་མ་འཚལ་བ་ཡང་འགྱོད་ན། དེ་ད་རུང་རྟོགས་པ་མ་འབྱོངས་ཤིང་། འཇིག་རྟེན་ཆ་ལ་བརྟེན་པས་འཚལ་བ་མ་མཆིས་སོ། །མ་མོ་རྣམས་ཀྱིས་སྨྲས་པ། དེ་འཆལ་བ་ཡང་མ་མཆིས་ལ། རྟོགས་པ་དང་དོན་ཆེད་དུ་ལྡན་པ་བྱོས་ཤིག །གང་ཟག་དགེ་བཅུ་དང་ལྡན་པ་དང་། རྩ་བ་དང་ཡན་ལག་གི་དམ་ཚིག་བསྲུང་བ་མ་གཏོགས་སོ། །དམ་ཚིག་དག་དང་མི་ལྡན་ཞིང་དེ་དག་ཉམས་པ་རྣམས་ནི་ཡུད་ཀྱིས་མི་བསྒྲལ་དུ་ ― DNG008_Page_0547 ―
[མ་དཔེ་གཟིགས་ན་འདིར་གནོན།]
མི་རུང་སྟེ། དེ་ཅིའི་ཕྱིར་ཞེ་ན།དེ་ནས་ངན་སོང་འཁོར་བའི་རྒྱུ་གསོག་ཅིང་། མནར་མེད་པར་འགྲོ་བས་དེ་དག་རྟོགས་པ་དང་སྙིང་རྗེར་ལྡན་པས་བསྒྲལ་ལ། བདག་ཉིད་ཆེན་པོར་ལོངས་སྤྱོད་པར་བྱའོ། །ཞེས་སྨྲས་པ་དང་། སྲིན་མོ་ཐམས་ཅད་དགའ་ཆེས་ཏེ། དེ་བཞིན་བགྱིའོ་ཞེས་ཁས་བླངས་དམ་མནོས་བྲོ་བོར་ཏེ། བྲན་དང་ཡང་བྲན་དང་ཁོལ་དང་ཡང་ཁོལ་དང་ཡང་གཡོག་ཏུ་བྱིན་ཏེ། ཕྱིའི་དམ་ཚིག་དཀར་པོའི་འཁོར་བསྲུང་བ་དང་། ནང་གི་རྣལ་འབྱོར་དམ་ཚིག་གི་དོན་བསྒྲུབ་པ་དང་། བཅོམ་ལྡན་འདས་དཔལ་ཆེན་པོའི་བཀའ་བསྲུང་ཞིང་། རང་གི་དམ་ཚིག་ལས་མི་འདའ་བར་ཞལ་གྱིས་འཆོས། གཡར་གྱིས་བླངས་ཏེ། ཕྱིར་མི་ལྡོག་པའི་ས་ལ་བཀོད་ནས།མ་འོངས་པའི་རྣལ་འབྱོར་པའི་དོན་དུ། ཕོ་ཉ་སུམ་བརྒྱ་དྲུག་ཅུར་མཆན་བཏགས་ཏེ་བཞག་གོ། །དེ་ནས་ཡང་འཇིག་རྟེན་གྱི་ཁམས་ན། སྲིན་པོའི་ཕོ་ཉ་མོ་སྲིན་མོ་ཆེན་མོ་ནད་གཏོང་ཞིང་ཤ་ཟ་བ་བདུན་ལ། སྲིན་མོ་ཆེན་མོ་བརྐམ་མ་དང་།སྲིན་མོ་ཆེན་མོ་རབ་ཏུ་བརྐམ་མ་དང་། སྲིན་མོ་ཆེན་མོ་དྲི་མ་འདོན་པ་དང་།སྲིན་མོ་ཆེན་མོ་ཕོར་ཐོགས་དང་། སྲིན་མོ་ཆེན་མོ་གཡང་གཞི་མ་དང་། སྲིན་མོ་ཆེན་མོ་སྐུལ་བྱེད་མ་དང་། སྲིན་མོ་ཆེན་མོ་མྱོས་བྱེད་མ་དང་བདུན་གྱིས་ནད་དང་རིམས་རྣམ་པ་སྣ་ཚོགས་པ་བཏང་སྟེ། སེམས་ཅན་རིལ་ཁ་འདོགས་པ་ལས།དཔལ་ཆེན་པོའི་ཐུགས་ཡེ་ཤེས་ཀྱི་སྤྲུལ་པ་ལས། ཡི་གེ་ཧཱུྃ་བདུན་བྱུང་། ཡི་གེ་ཧཱུྃ་བདུན་ལས། གསང་བའི་མ་བདུན་བྱུང་སྟེ། རྡོ་རྗེ་ཧཱུྃ་གྲགས་མ་དང་། རྡོ་རྗེ་ཀུན་གསལ་མ་དང་། རྡོ་རྗེ་ཀུན་བཟང་མོ་དང་། རྡོ་རྗེ་ཆེན་མོ་ཡེ་ཤེས་མཆོག་དང་། རྡོ་རྗེ་འོད་ཆགས་མ་དང་། རྡོ་རྗེ་འོད་གསལ་མ་དང་། རྡོ་རྗེ་གཡུ་སྒྲོན་རལ་གཅིག་མ་དང་བདུན་གྱིས། དེ་རྣམས་དང་སྤྱོད་པ་མཐུན་པར་སྤྲུལ་ཏེ།ནད་རྣམ་པ་སྣ་ཚོགས་པ་བཏང་སྟེ། བཏང་ཙམ་ན་བཏང་བའི་ངོ་བོ་ཅི་ཡང་མེད་པར་སེམས་ཅན་མང་པོ་བསད་ལ་བསད་པ་ཙམ་ན་བསད་པའི་ངོ་བོ་ཅི་ཡང་མེད་པར་ ― DNG008_Page_0548 ―
[མ་དཔེ་གཟིགས་ན་འདིར་གནོན།]
བྱས་ཏེ། སྲིན་མོ་རྣམས་ཀྱིས་མཐུ་ཟིལ་གྱིས་མནན་ནས། སྲིན་མོ་རྣམས་ལ་སྨྲས་པ། ཁྱེད་ལ་སོགས་པ་རྣམས་ནད་རྣམ་པ་སྣ་ཚོགས་པ་གཏོང་ཞིང་།སེམས་ཅན་རྣམས་ཀྱིས་ཤ་ཁྲག་ལ་བརྐམ་པ་དེ། ལས་ཅིའི་དབང་གི་རྩ་བ་ཡིན།སེམས་ཅན་དམྱལ་བ་ཆེན་པོའི་གནས་སུ་བསྐལ་པ་དཔག་ཏུ་མེད་པར་མི་ལྟུང་ངམ། སྲིན་མོ་བདུན་གྱིས་སྨྲས་པ། བདག་ཅག་རྣམས་ནི་དང་པོ་ཕ་དང་མས་ཟས་སུ་སེམས་ཅན་ཐམས་ཅད་ཀྱི་ཤ་ཁྲག་བསྐོས་ལ། ལག་ཆར་ནད་ཀྱི་རྐྱལ་པ་གཏད་པ་ལས། སེམས་ཅན་དམྱལ་བ་ཞེས་བྱ་བའི་དོན་མ་རིག་གོ། །གྲོགས་མོ་དག་འདི་ལྟར་སྤྱོད་པའི་དོན་དང་གཏན་ཚིགས་ཅི་མཆིས། མ་མོ་བདུན་གྱིས་སྨྲས་པ། ཁོ་མོ་ཅག་ནི་དོན་ཆོས་ཀྱི་དབྱིངས་ཀྱི་ངང་ལས་གནས་པས། དུག་དང་བདུད་རྩིར་དབྱེར་མེད་པ་ལ། འཁྲུལ་པས་ཕྱིན་ཅི་ལོག་གི་ལམ་དུ་ཁྲིད་པས་སེམས་ཅན་དམྱལ་བར་སྐྱེ་ངེས་པ་དེ་དག་ཐབས་དང་སྙིང་རྗེར་ལྡན་པས། འཁོར་བ་དང་ངན་སོང་དུ་མི་གཏོང་ཞིང་བླ་ན་མེད་པའི་ལམ་ལ་བཀོད་པ་ལས། ལོག་པའི་ལམ་དུ་བསྟན་པ་མ་ཡིན་ནོ་ཞེས་སྨྲས་པ་དང་། སྲིན་མོ་རྣམས་འཇིགས་སྐྲག་ནས།འདི་སྐད་སྨྲས་སོ། །ཨེ་མའོ་གཏི་མུག་རང་དབང་གིས། །ངན་སོང་གསུམ་དུ་སྐྱེ་ངེས་པས། །སྐྱོབ་པའི་ཐུགས་ནི་ཅི་ཞིག་མངའ། །འདི་ལ་སྐྱོབ་པའི་མཐུ་མངའ་ན། །བཀའ་ཉན་དམ་ནོད་འབངས་སུ་མཆི། །འཚལ་བའི་ཟས་སྐལ་གང་ལ་བགྱི། །འདྲེན་པ་ཁྱོད་ཀྱིས་བཤད་དུ་གསོལ། །མ་བདུན་གྱིས་སྨྲས་པ། སྔར་ཉེས་པ་དྲན་པ་རྣམས་ཀྱང་རྗེས་སུ་འགྱོད་པ་ལེགས་སོ། །སླན་ཆད་ཀྱང་དེ་ལྟ་བུ་བབ་ཆོལ་མི་བྱེད་པར་དམ་དུ་ཆོས་ལ་སླན་ཆད་ཀྱང་སྡོམ་པར་ཟུང་ཞིག །ཁྱེད་ཀྱི་ཟས་སྐལ་ནི་དེ་བཞིན་གཤེགས་པའི་ཚིག་ཆད་སོང་དཀར་པོའི་ཕྱོགས་དང་། དམ་ལ་གནས་པ་རྣམས་ནི་མ་གཏོགས་སོ། །ནག་པོའི་ཕྱོགས་དང་དམ་ལ་མི་གནས་ཤིང་། ཞིང་བཅུར་གྱུར་པའི་བརྣག་པ་དེ་ཁོ་ན་རྣམས་བསྔོས་སོ། །ཞེས་པ་དང་། སྲིན་མོ་ ― DNG008_Page_0549 ―
[མ་དཔེ་གཟིགས་ན་འདིར་གནོན།]
རྣམས་རབ་ཏུ་དགའ་མགུ་ཡི་རང་སྟེ། དེ་བཞིན་བགྱིའོ་ཞེས་ཁས་བླངས་དམ་མནོས་ཏེ། བྲན་དང་ཡང་བྲན་དུ་མནའ་བོར་ཏེ། བཅོམ་ལྡན་འདས་ཀྱི་བསྟན་པ་བསྲུང་བ་དང་། འཁོར་སྐྱོང་བར་བཞག་གོ། །ཨི་ཏི། གུ་ཧྱ་ས་མ་ཡ་རྫོགས་སོ།། །།དེ་ནས་ཡང་བདུད་ཀྱི་གླེང་གཞི་ལ། ཤར་ཕྱོགས་ཀྱི་གླིང་ན་དྲི་ཟའི་མགྱོགས་མ་དང་། ལྷོ་གཤིན་རྗེའི་མགྱོགས་མ་དང་། ནུབ་ཀླུའི་མགྱོགས་མ་དང་། བྱང་གནོད་སྦྱིན་གྱི་མགྱོགས་མ་དང་བཞིས་སྲིན་པོའི་གསང་བའི་གཟུངས་མ་བཞིར་བྱས་ཏེ། ཤིན་ཏུ་ཡང་ཆགས་པ་རང་ག་མས་སེམས་ཅན་ཐམས་ཅད་ཡིད་བསླུ་ཞིང་ཆགས་པའི་དབང་གིས་སྲོག་དང་འབྲལ་བར་བྱེད་པ་ལས། དཔལ་ཆེན་པོའི་ཐུགས་གསང་བའི་ཡུམ་དཀར་མོ་མིག་གཅིག་རྒྱས་འདེབས་མ་དང་། བདེ་བ་རྨོངས་བྱེད་མ་དང་། བདེ་བ་ཟ་བྱེད་མ་དང་། བདེ་བ་ཚེ་འཕེལ་མ་དང་བཞིས། དེ་རྣམས་དང་སྤྱོད་པ་ཆ་མཐུན་པར་བྱས་ནས། མཐུ་དཔུང་ཟིལ་གྱིས་མནན་ནས་བཏུལ་ཏེ། དེ་རྣམས་ལ་སྨྲས་པ། ཁྱེད་རྣམས་ཆགས་པའི་དབང་གིས་སེམས་ཅན་ཐམས་ཅད་ཀྱི་ཡིད་བསླུ་ཞིང་སྲོག་དང་འབྲལ་བར་བྱེད་པ་དེས་ངན་སོང་གསུམ་གྱི་གནས་སུ་སྐྱེ་བར་མི་འགྱུར་རམ་ཞེས་སྨྲས་པ་དང་། མགྱོགས་མ་བཞིས་སྨྲས་པ། གྲོགས་མོ་དག་དེ་ལྟར་བྱེད་པ་ཅི་ལགས། ཡུམ་བཞིས་སྨྲས་པ། ཁོ་མོ་ཅག་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་ལ་ཆགས་ཙམ་ན། ཆགས་པ་མེད་པ་མཐར་ཕྱིན་པས་ཉོན་མོངས་པ་དང་གཟུང་འཛིན་ལ་འཆེལ་བ་ལ་སོགས་པ་སྡུག་བསྔལ་གྱི་སྲོག་དང་འབྲལ་བ་ཡིན་ནོ་ཞེས་སྨྲས་པས་དེ་བཞིན་དུ་ངོ་མཚར་དུ་གྱུར་ནས་དེ་བཞིན་དུ་བགྱིད་ལགས་པས། བདག་ཅག་རྣམས་ལ་དེའི་དབྱེ་བ་དང་རིམ་པ་གང་ལགས་པ་བཀའ་སྩལ་དུ་གསོལ། ཡུམ་བཞིས་སྨྲས་པ། ཆགས་པར་བྱ་བའི་ཡུལ་ནི་ཡེ་ཤེས་ཀྱི་དབྱིངས་རྟོགས་པ་དེས། མ་དང་སྲིང་མོ་དང་བུ་མོ་ལ་སོགས་པ་གང་ལ་ཡང་མི་རྟོག་ཅིང་། རྟོག་པ་མེད་པའི་ཆོས་ཉིད་དུ་མཁྱེན་པ་ལས་མ་གཏོགས་ ― DNG008_Page_0550 ―
[མ་དཔེ་གཟིགས་ན་འདིར་གནོན།]
པ། ཕལ་བ་རྣམས་ནི་ཆགས་པར་བྱ་བའི་ཡུལ་མ་ཡིན་ལ།འཁོར་བ་ལས་བསླུ་བའི་ཆགས་པའི་ཡུལ་ནི། མ་རིག་པ་ཕལ་བ་ཡིད་དང་མཐུན་པར་བྱ་ཞིང་། ཆགས་པ་མེད་པ་དང་། སྲོག་དང་འབྲལ་བ་ཡང་། གང་སངས་རྒྱས་ཀྱི་བསྟན་པ་ལ་དད་པའི་དགེ་བའི་ཕྱོགས་དང་། དམ་ཚིག་ལ་གནས་ཤིང་བསྲུང་བའི་རྣལ་འབྱོར་པ་རྣམས་ནི། རྡོ་རྗེ་རིགས་ཀྱི་སྤུན་དང་མིང་སྲིང་ཡིན་པས་བརྩེ་གདུང་དང་མི་འབྲལ་བའི་སྲོག་གི་ལུ་གུ་རྒྱུད་བྱས་པ་ལས། དེ་རྣམས་ལ་སྲོག་གི་བར་ཆད་ལྟ་ཅི་སྨོས་ཀྱི། དེའི་བཀའ་ལས་ཟུར་ཙམ་ཡང་འགལ་ན། སྲོག་གི་བར་ཆད་དུ་འགྱུར་ནས་མནར་མེད་པའི་དམྱལ་བར་སྐྱེ་བར་འགྱུར་རོ། །དེ་ལ་སྲོག་དང་མ་འབྲལ་དུ་མི་རུང་བ་གང་ཞེ་ན། སྡིག་པའི་ཕྱོགས་ལ་བརྟེན་པ་དང་། དམ་ལ་མི་གནས་ཤིང་མི་བསྲུང་བ་དང་། དེ་དག་མནོས་ནས་ཉམས་པར་གྱུར་པ་ལ་ནི། སྲོག་དང་མ་ཕྲལ་ན་ངན་སོང་དང་མི་ཁོམ་པའི་གནས་སུ་སྐྱེ་བར་འགྱུར་བས། དམ་འདི་བཞིན་དུ་གནས་ཤིང་དམོད་ལོངས་ཤིག །དེ་རྣམས་ཀྱིས་དམོད་བཙུགས་པ། རྣལ་འབྱོར་པ་བཀའ་དང་དམ་ལ་གནས་པ་རྣམས་ནི་བདག་ཅག་གིས་བསྒོ་བ་བརྩི་ཞིང་གདུང་བ་སྲི་ཞུའི་ཚོགས་བགྱིད་དེ། བཀའ་དང་དམ་ལས་འགལ་བ་རྣམས་སྲོག་དང་འབྲལ་བར་བགྱིའོ། །དེ་བཞིན་དུ་མ་བགྱིས་ན་བདག་ཅག་རྣམས་ཀྱི་ལུས་སྲོག་ཚིག་པར་གྱུར་ཅིག་ཅེས་དམ་བཅས་ཏེ། བཅོམ་ལྡན་འདས་ཀྱིས་རྡོ་རྗེ་ཐེག་པའི་བཀའ་དང་བསྟན་པ་བསྲུང་བ་དང་། འཁོར་བསྲུང་བར་དབང་བྱིན་ཏེ། སྲིང་མོ་བཞིར་མིང་བཏགས་ཏེ་བཞག་གོ། །དེ་ནས་ཡང་སྲིན་པོའི་འཁོར་ལས་ཀྱི་གིང་བཅོ་བརྒྱད་ལ། བདུད་ལྷ་ཡོར་ཐོམ་དང་། བདུད་ལྷ་གར་གྱི་དབང་ཕྱུག་དང་། བདུད་མོ་བརྒྱ་བྱིན་ཀུན་དགའ་མོ་དང་། ཚངས་པ་དུང་གི་ཐོར་ཚུགས་ཅན་དང་། གནམ་ས་གཉིས་ཀྱི་བདག་པོ་དབང་ཕྱུག་ཆེན་པོའི་ལས་མཁན་དང་། མ་བདུད་རྒྱལ་མོ་དང་། རྟ་ཞོན་རྐྱ་བཞི་དང་། ― DNG008_Page_0551 ―
[མ་དཔེ་གཟིགས་ན་འདིར་གནོན།]
དམུ་བདུད་རྔམས་པ་དང་། ཚངས་པའི་ཐེའུ་བྲང་དང་། འབྲོག་སྲིན་མགོ་དགུ་དང་། ཤར་ཕྱོགས་ནས་ཁམས་གསུམ་གྱི་བདག་པོ་དང་། སྤྲིན་གྱི་སྒྲོན་མ་དང་། རྡོ་རྗེ་མཆུ་དང་། བི་ནཱ་ཡ་ག་དང་། ལྷ་མོ་ནག་མོ་དང་།ནམ་གྲུ་དང་། གཤིན་རྗེའི་རྒྱལ་མོ་རྨིག་པ་མགོ་དང་། ཤེལ་གྱི་སྲོག་བདག་ལ་སོགས་པ་བཅོ་བརྒྱད་ཀྱིས། ཁམས་གསུམ་གྱི་སེམས་ཅན་ཐམས་ཅད་སྒྲོལ་བ་འབའ་ཞིག་བྱེད་པ་ལས། བཅོམ་ལྡན་འདས་དཔལ་ཆེན་ཞལ་བཞད་པའི་སྤྲུལ་པ་ལས། རྡོ་རྗེའི་གིང་བཅོ་བརྒྱད་དུ་སྤྲུལ་ཏེ། དེ་རྣམས་ཀྱང་གང་ཞེ་ན། དཔའ་བོ་ཆེན་པོ་ལས་རྣམས་ཀུན་བྱེད་པ་དང་། ཁྲོ་མོ་ཆེན་མོ་ཁམས་གསུམ་དབང་སྡུད་མ་དང་། རྡོ་རྗེ་གིང་ཀ་ར་དང་། རྡོ་རྗེ་གནོད་སྦྱིན་དང་། རྡོ་རྗེ་སྤྱང་ཀི་དང་། རྡོ་རྗེ་གཤིན་རྗེ་དང་། རྡོ་རྗེ་རོལ་པ་དང་། རྡོ་རྗེ་འཆི་བདག་དང་། རྡོ་རྗེ་དུས་མཚམས་དང་། རྡོ་རྗེ་རོ་ལངས་དང་། རྡོ་རྗེ་འཇོམས་མ་དང་། དབང་སྡུད་ལྕགས་ཀྱུས་འདྲེན་པ་ཆེན་མོ་དང་། ཁམས་གསུམ་གཡབ་མོས་འདེབས་པ་ཆེན་མོ་དང་། གཟུགས་མེད་རླུང་ལྟར་གྱུར་པ་ཆེན་མོ་དང་། གར་གྱི་གློག་ལྟར་སྒྱུར་བ་ཆེན་མོ་དང་། རྦོད་གཏོར་ལེན་པར་བྱེད་པ་ཆེན་མོ་དང་། རྣ་ཉན་ཕྲ་མ་ཟེར་བ་ཆེན་མོ་དང་། སྲིད་གསུམ་སྒྲོལ་བར་བྱེད་པ་ཆེན་མོ་དང་། ཟ་བྱེད་ཆེན་མོ་མ་དེ་བཅོ་བརྒྱད་དུ་སྤྲུལ་ནས། དེ་རྣམས་དང་སྤྱོད་པ་ཆ་མཐུན་པར་བྱས་ཏེ་བགེགས་བཅོ་བརྒྱད་པོ་ལ་སྨྲས་པ། ཁྱོད་ལ་སོགས་པ་རྣམས་སེམས་ཅན་ཐམས་ཅད་ཀྱི་སྒྲོལ་བའི་གིང་འབའ་ཞིག་བྱེད་པ་དོན་ཆེད་ཅི་ཡོད། ཐབས་ཅི་ཡོད།སྙིང་རྗེ་ཅི་དང་ལྡན། ངན་སོང་གསུམ་དུ་མི་སྐྱེའམ། ཞེས་པ་དང་། བགེགས་རྣམས་ཀྱིས་སྨྲས་པ། བདག་ཅག་རྣམས་ནི་སྔོན་ནས་ཕ་མས་སེམས་ཅན་ཐམས་ཅད་སྒྲོལ་བའི་གིང་གྱིས་ཤིག་པར་དབང་བསྐུར་བ་ལས། ཐབས་དང་སྙིང་རྗེ་མ་མཆིས་སོ། །གྲོགས་པོ་དག་ཐབས་དང་སྙིང་རྗེ་ཅི་དང་ལྡན། ངན་སོང་གསུམ་ཞེས་པ་ཅི་ལྟ་བུ་ཞེས་ཟེར་བ་དང་། གིང་རྣམས་ཀྱིས་སྨྲས་པ། དེ་ལྟ་ ― DNG008_Page_0552 ―
[མ་དཔེ་གཟིགས་ན་འདིར་གནོན།]
བུའི་ཉོན་མོངས་པ་དང་། གདོལ་བ་ཅན་ནི་ཤིན་ཏུ་འཁྲུལ་པ་སྟེ། དོན་ཆེད་ནི་སེམས་ཅན་མ་རིག་པ་རྣམས་རིག་པར་བྱ་བ་དང་། རྟོགས་པ་ཅན་རྣམས་སུན་དབྱུང་བའི་དོན་ཆེད་ཡིན་ལ། སྙིང་རྗེ་ནི་མ་རྟོགས་པའི་དབང་གིས་ལོག་པའི་ཕྱོགས་མཐའ་དག་བྱས་པས་ཤིན་ཏུ་སྡུག་བསྔལ་ཡ་ངའི་གནས་སུ་སྐྱེས་པ་དེ། བུ་གཅིག་ལ་མ་བྱམས་པ་དང་འདྲ་བར་བསྐྱེད་ལ། ཐབས་ཀྱིས་སྙིང་རྗེ་བའི་སར་མི་བཞག་པར། དེ་ཉིད་མཐུ་དང་ཐབས་ཀྱིས་བསྒྲལ་ཏེ། བླ་ན་མེད་པའི་ས་ལ་བཀོད་པའི་ཆེད་དུ་བསྟན་པ་ལས། དེ་དང་མི་ལྡན་པ་རྣམས་ནི། དམྱལ་བ་ཡི་དྭགས་བྱོལ་སོང་ལ་སོགས་པ་ཤིན་ཏུ་མི་བཟད་པའི་ཡ་ང་བ་ལས་ཐོན་པར་མི་འགྱུར་རོ་ཞེས་པ་དང་། བགེགས་རྣམས་ཀྱིས་སྨྲས་པ། ཨེ་མ་ཨ་ལ་ལ་ལ་དེ་བཞིན་དུ་བདག་ཅག་རྣམས་ཀྱང་བགྱིད་པས། མཐུ་དང་ཐབས་ཀྱིས་མངོན་སུམ་དུ་བསྒྲལ་དམིགས་དང་། མི་སྒྲོལ་བ་གང་ལགས་པ་དེའི་དབང་དང་དམ་ཚིག་སྩལ་དུ་གསོལ། གིང་རྣམས་ཀྱིས་སྨྲས་པ། བསྒྲལ་བའི་དམིགས་ནི་ཐུགས་རྗེའི་དཔྱང་ཐག་ཆད་དེ། ཞེ་སྡང་ལོག་པའི་ལམ་དགུ་ལ་ཞུགས་པ་དང་། ཉོན་མོངས་རང་ག་མས་དབང་བྱས་ཏེ། ཞིང་བཅུར་གྱུར་ནས། ལོག་པའི་ལས་མཐའ་དག་བྱེད་པ་དང་། གསང་བའི་ཐེག་པའི་སྐུ་དགྲར་གྱུར་པ་དང་། སེམས་ཅན་ཚེ་ཟད་ཅིང་དུས་ལ་བབ་པ་རྣམས་སྒྲོལ་ཅིག །གང་ཞིག་རྣལ་འབྱོར་པ་གཞུང་དང་མཐུན་པ་ལྟ་ཅི་སྨོས་ཀྱི། འགལ་བ་མེད་པའི་སེམས་ཅན་ཚེ་མ་ཟད་པ་རྣམས་ནི་མ་སྒྲོལ་ཅིག་ཅེས་པ་དང་། བགེགས་ཀྱི་རིགས་རྣམས་དགའ་མགུ་ཡི་རངས་ནས། དེ་བཞིན་བགྱིའོ་ཞེས་ཁས་བླངས་དམ་བཅས་དམོད་བོར་མནའ་བསྐྱལ་ཏེ། བསྟན་པ་འཇིག་པའི་ཕྱིའི་དགྲ་བོ་ཐམས་ཅད་སྒྲོལ་ཅིག་པར། ཕྱིའི་གིང་བཅོ་བརྒྱད་དུ་དབང་བྱིན་ཏེ་བཞག་གོ། །དེ་ནས་རཱུ་ཏྲ་དྲེགས་པ་ཆེན་པོ་དང་བཅས་པ་རྣམས་བསྒྲལ་ཏེ། ཁོག་པ་ ― DNG008_Page_0553 ―
[མ་དཔེ་གཟིགས་ན་འདིར་གནོན།]
དུར་ཁྲོད་ཀྱི་གཞལ་ཡས་ཁང་དུ་བརྩིགས། རྣམ་པར་ཤེས་པ་འོག་མིན་གྱི་ཡུམ་གྱི་མཁའ་ལ་གནས་སྤར་ཏེ་ཐུགས་སྲས་སུ་བྱས་ནས་ཕྱིར་མི་ལྡོག་པའི་ས་ལ་བཀོད། འཁོར་ཅི་བགྱིའི་བཀའ་ཉན་ཐམས་ཅད་དབང་དུ་བསྡུས་ཏེ།བྲན་དང་ཡང་གཡོག་ཏུ་བགྱིས་ཏེ། རཱུ་ཏྲ་དང་དྲེགས་པའི་ཕྱོགས་ཐམས་ཅད་མིང་ཡང་མི་གྲག་ཅིང་། སངས་རྒྱས་ཀྱི་བསྟན་པ་ཡུན་རིང་དུ་གཉན་པར་གནས་ཏེ།ཆོས་ཉིད་ཡུམ་གྱི་མཁའ་བདེ་བ་ཆེན་པོ་ན། དགྱེས་པ་ཆེན་པོའི་ལྷུན་ལ་རྟག་པར་བཞུགས་པ་ལ། བློའི་ཁྱད་པར་གྱིས་སོ་སོར་མཐོང་ཞིང་རྟོགས་ཏེ། ལ་ལས་བྱང་ཆུབ་ཀྱི་ཤིང་དྲུང་རྩར་བཅོམ་ལྡན་འདས་ཤཱཀྱ་ཐུབ་པས་བདུད་རྣམ་བཞི་རིམ་གྱིས་བཏུལ་ནས། དྲེགས་པ་ཐམས་ཅད་ཞི་བའི་ཏིང་འཛིན་གྱིས་བཏུལ་ནས། ལེ་ལོ་ཅན་དང་། རྟག་པ་སུན་དབྱུང་བའི་ཕྱིར། ཐབས་ཀྱིས་མྱ་ངན་ལས་འདའ་བའི་ཚུལ་བསྟན་ནས། སངས་རྒྱས་ཀྱི་བསྟན་པ་ཡུན་རིང་དུ་གནས་ཤིང་། སེམས་ཅན་ཐམས་ཅད་བདེ་བ་ལ་འགོད་པར་མཐོང་ཞིང་རྟོགས་པ་དང་། ལ་ལས་རི་རབ་ཀྱི་ཟོམ་ལ་ཕྱག་ན་རྡོ་རྗེས་ཡེ་ཤེས་ཀྱི་རྡོ་རྗེ་གསེར་ཏེ། ལྷ་མ་ཡིན་ཐམས་ཅད་སྔངས་སྐྲག་ནས། སྲིད་པ་གསུམ་ཡང་འདར་ཞིང་གཡོས་ཏེ། མདོངས་གསོལ་དུ་རང་རང་གི་སྲོག་གི་སྙིང་པོ་ཕུལ་ཏེ། དྲེགས་པ་ཅན་ཐམས་ཅད་བཏུལ་ནས།ལྷའི་ཚིག་བདེན་པས་ཞལ་གྱིས་འཆེས་ཤིང་དམ་མནོས། ལྷ་སྲིན་སྡེ་བརྒྱད་བྲན་དང་ཆད་གྱུར་བགོས་ནས། ཕྱིའི་དམ་ཚིག་དཀར་པོའི་མུ་རན་གྱི་འཁོར་བསྲུང་ཞིང་། ངན་སོང་གསུམ་པོ་རིམ་གྱིས་ལྷ་དང་མིའི་བདེ་བ་ལ་འཁོད་ཅིང་།སེམས་ཅན་ཐམས་ཅད་རིག་འཛིན་གྱིས་ལ་གནས་ཤིང་འཁོད་པར་མཐོང་ཞིང་རྟོགས་པ་དང་། ལ་ལས་རྣམ་པར་སྣང་མཛད་ལོངས་སྤྱོད་རྫོགས་པའི་སྐུས།ལྷའི་ཁང་པ་རིན་པོ་ཆེ་འོད་འབར་བའི་གནས་ནས། ཁྲོ་བོ་ཆེན་པོ་ཁམས་གསུམ་རྣམ་པར་རྒྱལ་བའི་སྐུར་སྤྲུལ་ཏེ། དབང་ཕྱུག་ཆེན་པོའི་སྲིན་པོ་དང་། དྲེགས་པ་ཅན་ཐམས་ཅད་བསྒྲལ་ཞིང་། ཐལ་བ་ཡོད་ ― DNG008_Page_0554 ―
[མ་དཔེ་གཟིགས་ན་འདིར་གནོན།]
པའི་ཞིང་ཁམས་ན། སླར་དྲན་པ་རྙེད་པར་བྱས་ཏེ། བདུད་དང་སྲིན་པོ་ཐམས་ཅད་བཏུལ་ཞིང་ཚར་བཅད་ནས། འཁོར་དང་བྲན་དུ་བྱས་ཏེ་བཀའ་དང་དམ་ཚིག་མནོས་ནས། ལྷ་དང་ལྷ་མ་ཡིན་པ་དང་མི་དང་མི་མ་ཡིན་པ་ལ་སོགས་པ་ཐམས་ཅད་ཀྱིས། བཀའ་དང་བསྟན་པ་བསྲུང་བ་དང་། འཁོར་དང་གང་ཟག་སྐྱོང་བ་གཡར་གྱིས་འཆེས་ཏེ། འདོད་ཁམས་དང་། གཟུགས་ཁམས་དང་། གཟུགས་མེད་པའི་ཁམས་ལ་སོགས་པ་ཐམས་ཅད་རིམ་གྱིས་སངས་རྒྱས་ཀྱི་ས་ལ་བཀོད་པར་མཐོང་ཞིང་རྟོགས་པ་དང་། ལ་ལས་འདི་ལྟར་ཡུམ་གྱི་མཁའ་ལ། རྒྱལ་བ་རིགས་ལྔ་རྡོ་རྗེ་དབྱིངས་ཀྱི་དཀྱིལ་འཁོར་དུ་བཞུགས་པ་ལས། ཁྲོ་བོ་དང་། དཔལ་འབར་ཁྲོ་མོའི་རྒྱུད་འདི་ལྟར།བདུད་དང་རཱུ་ཏྲ་རིམ་གྱིས་བཏུལ་ནས། སངས་རྒྱས་དང་བྱང་ཆུབ་སེམས་དཔའ་སེམས་ཅན་ཐམས་ཅད་རིམ་གྱིས་ཆོས་ཀྱི་དབྱིངས་བདེ་བ་ཆེན་པོ་ཡི་གེ་འཁོར་ལོ་ཚོགས་ཆེན་གྱི་ས་ལ་རིམ་གྱིས་འཁོད་པར་མཐོང་ཞིང་རྟོགས་པ་ཐམས་ཅད་ནི། དཔལ་ཀུན་ཏུ་བཟང་པོ་ངོ་བོ་ཉིད་ཀྱི་སྐུ་ཆོས་ཉིད་མ་བཅོས་པའི་བྱིན་གྱིས་རླབས་ལས་སྣང་བ་ལས་མ་གཏོགས་པ། སོ་སོར་སྣང་ཞིང་གཉིས་སུ་མེད་པར་བསྟན་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་ནི་བཏགས་པ་དང་མཚན་མ་ཅན་མ་ཡིན་པའི་ཐ་ཚིག་གོ། །དེ་ལྟ་བུའི་ཆོས་འདི་ཐམས་ཅད་ལ་བསམ་གྱིས་མི་ཁྱབ་བསམ་དུ་ཡང་མེད་དོ། །དེ་ཅིའི་ཕྱིར་ཞེ་ན། དེ་ནི་དམིགས་པ་མེད་ཅིང་། མི་དམིགས་པའི་ཐ་ཚིག་གོ། །དེ་ལྟ་བུའི་ཆོས་འདི་དག་ཐམས་ཅད་ལ་བསྐལ་པ་དཔག་གིས་མི་ལངས་པར་ཡང་བརྗོད་པའི་མཐའ་མེད་ལ། སྐད་ཅིག་ཡུད་ཙམ་ཅིག་མ་བརྗོད་པར་ཡང་ཐམས་ཅད་འདུས་སོ། །དེ་ཅིའི་ཕྱིར་ཞེ་ན། དེ་ནི་ཡུན་རིང་བ་དང་ཐུང་བ་མེད་པའི་ཐ་ཚིག་གོ། །དེ་ལྟ་བུའི་ཆོས་འདི་དག་ཐམས་ཅད་ནི། ཐུགས་ཞི་བའི་ངང་ལས་མ་གཡོས་པར། སྐུ་འབར་བའི་ཆ་ལུགས་ཁྲོ་བོ་དང་ཁྲོ་མོའི་སྐུ་གསུང་ ― DNG008_Page_0555 ―
[མ་དཔེ་གཟིགས་ན་འདིར་གནོན།]
ཐུགས་ཀྱི་རོལ་པ་བསམ་གྱིས་མི་ཁྱབ་པར་སྣང་ལ། དེ་ལྟར་སྣང་ཙམ་ན་ཐུགས་ཞི་བའི་ངང་ལས་ཀྱང་གཡོས་པ་རྡུལ་ཙམ་ཡང་མེད་དོ། །དེ་ཅིའི་ཕྱིར་ཞེ་ན། ཆོས་ཉིད་མ་གཡོས་པའི་ཐ་ཚིག་གོ། །དེ་ལྟ་བུའི་ཆོས་འདི་དག་ཐམས་ཅད་ལ།མཐའ་ཡང་མེད་ལ་དབུས་ཀྱང་མེད་དོ། །དེ་ཅིའི་ཕྱིར་ཞེ་ན། ཐམས་ཅད་དུ་ཉེ་རིང་དང་། ཐམས་ཅད་དུ་ཕྱོགས་རིས་དང་། ཐམས་ཅད་དུ་སྔ་ཕྱི་དང་།ཐམས་ཅད་དུ་ཆེ་ཆུང་མེད་པའི་དོན་ནོ། །དེ་ལྟ་བུའི་ཆོས་འདི་དག་ཐམས་ཅད་སངས་རྒྱས་ཐམས་ཅད་ཀྱི་ཐུགས་ཡེ་ཤེས་ལ་གནས་སོ། །སངས་རྒྱས་ཐམས་ཅད་ཀྱང་ཀུན་ཏུ་བཟང་པོའི་ཐུགས་ལ་གནས་སོ། །ཀུན་ཏུ་བཟང་པོ་ཡང་རང་གི་སེམས་ལ་གནས་སོ། །རང་གི་སེམས་ནི་ནམ་མཁའ་ལ་གནས་སོ། །ནམ་མཁའ་ནི་ཅི་ཡང་མིན་ལ་ཅི་ལ་ཡང་མི་གནས་པས། ཆོས་འདི་དག་ཐམས་ཅད་རང་བཞིན་གྱིས་འདུས་མ་བྱས་ཤིང་སྨྲ་བསམ་གྱི་ཡུལ་ལས་འདས་པས་བརྗོད་དུ་མེད་པའི་ཆོས་ཉིད་དོ། །བརྗོད་དུ་མེད་པ་སྐྱེ་འགག་མེད་པའི་ཆོས་ཉིད་དོ། །སྐྱེ་འགག་མེད་པ་ལས་མ་གཡོས་པ། མ་གཡོས་པ་བཙལ་དུ་མེད་པས་རྣམ་པར་རྟོག་པ་ཐམས་ཅད་འཇོམས་ཤིང་མི་གནས་པར་བྱེད་པས་ཁྲོ་མོ་ཞེས་བྱ་ལ། དེ་ལས་སྐྱེ་ཞིང་འབྱུང་བར་བྱེད་པས་ཡུམ་ཞེས་བྱ་ལ། དེ་ལྟ་བུའི་ལས་ཐམས་ཅད་ལ་རོལ་པས་ཡབ་ཅེས་ཀྱང་བྱ་ལ། དེའི་ངང་ལ་འདུ་འབྲལ་མེད་པའི་རྣལ་འབྱོར་པས་ཐབས་དང་ཤེས་རབ་ཀྱི་དོན་ལ་མཁས་པ་ཞེས་བྱ་སྟེ། འདི་ནི་དུས་ཐམས་ཅད་དུ་རྡོ་རྗེ་སློབ་དཔོན་གྱི་ཐུགས་ལ་གནས་པས། འདི་ལྟར་རྟོགས་པའི་སྐྱེས་བུ་ནི་ཕྱག་གི་མཛད་པ་ཕྱག་རྒྱའོ། །ཐུགས་ལ་བཞག་པ་དགོངས་པའོ། །ཞལ་དུ་བརྗོད་པ་གསུང་རབ་བོ། །དེ་ཅིའི་ཕྱིར་ཞེ་ན། དེར་ནི་དོན་ཐམས་ཅད་འདུས་པས།དཔེར་ན་རྒྱ་མཚོ་ཆེན་པོ་ལས་ཀླུའི་རྒྱལ་པོའི་སྟོབས་ཀྱིས། ཆུ་བོ་དང་ཆུ་བྲན་ཆར་ལ་སོགས་པར་སྤྲོས་ནས། སླར་རྒྱ་མཚོ་ཆེན་པོར་འདུས་པ་དང་འདྲ་བར་དཔལ་འབར་ཁྲོ་མོའི་རྒྱུད་ཆེན་པོ་འདི་ལས། རྣལ་ ― DNG008_Page_0556 ―
[མ་དཔེ་གཟིགས་ན་འདིར་གནོན།]
འབྱོར་གྱི་སྐྱེས་བུ་ཆེན་པོའི་དགོངས་པས། བལྟ་བ་དང་བསྒྲུབ་པ་དང་། དཀྱིལ་འཁོར་དང་བསྒོམ་པ་ལ་སོགས་པ་བྱུང་ནས། སླར་འདི་ཉིད་དུ་འདུས་སོ། །དཔལ་འབར་ཁྲོ་མོའི་རྒྱུད་འདི་ནི།འདས་པའི་སངས་རྒྱས་ཐམས་ཅད་ཀྱང་རྒྱུད་འདི་ལ་བརྟེན་ནས་མངོན་པར་རྫོགས་པར་སངས་རྒྱས་སོ། །ད་ལྟར་བྱུང་བའི་སངས་རྒྱས་ཐམས་ཅད་ཀྱང་རྒྱུད་འདིའི་དོན་རྟོགས་པས་མངོན་པར་རྫོགས་པར་སངས་རྒྱས་ལ། དེ་བཞིན་ཕྱིས་འབྱུང་བའི་སངས་རྒྱས་ཐམས་ཅད་ཀྱང་། རྒྱུད་འདིའི་དོན་རྟོགས་ནས་མངོན་པར་རྫོགས་པར་སངས་རྒྱ་བར་འགྱུར་བའོ། །དེ་ཅིའི་ཕྱིར་ཞེ་ན། དེ་ནི་དཔེར་ན་ཨུ་དུམ་ཝ་རའི་ཚལ་ནི། སངས་རྒྱས་ཐམས་ཅད་འབྱུང་བའི་དཔེ་ཡིན་ལ། ཨུ་དུམ་ཝ་རའི་ཚལ་དང་། ཙན་དན་གྱི་ནགས་ལ་སོགས་རྣམས་ནི་སེམས་ཅན་ཐམས་ཅད་ཀྱི་ནད་འཇིལ་བའི་མཐུ་ཡོད་པ་དང་འདྲ་བས་ན། རྒྱུད་འདི་ནི་དེ་བཞིན་གཤེགས་པ་ཐམས་ཅད་ཀྱི་སྐུའི་དཔེ་ཡང་ཡིན་ལ། སེམས་ཅན་ཐམས་ཅད་ཀྱི་ལུས་ངག་ཡིད་གསུམ་ཕྱག་རྒྱ་ཆེན་པོའི་རང་བཞིན་དུ་གྱུར་པ་ཡང་ཡིན་ནོ། །རྒྱུད་འདིའི་དོན་མ་རིག་ཅིང་མ་རྟོགས་ན། ཉོན་མོངས་པ་མ་རིག་པའི་བདུད་དང་།ཕུང་པོ་སྡུག་བསྔལ་གྱི་བདུད་དང་། ལྷའི་བུ་མྱ་ངན་གྱི་བདུད་དང་། འཆི་བདག་མི་རྟག་པའི་བདུད་དེ། དཔེར་ན་ནད་དང་རིམས་ལ་སོགས་པ་དང་པོ་དབུགས་ལ་ཞུགས། ཞུགས་ནས་རྩ་ལ་རྒྱུའོ། །དེ་ནས་ཤ་དང་ཁྲག་ལ་རྒྱུའོ། །དེ་ནས་རྐང་དང་སྲི་ལ་འཁོལ་ལོ། །དེ་ནས་སྲོག་རྩར་འདུས་ནས་མི་རྟག་པའི་ལས་སུ་འགྱུར་རོ། །དེ་ལས་ལོག་པའི་ཕལ་པ་རྣམས་ནི། སྲོག་པ་རྩ་ལ་ཅུང་ཟད་འཁོད་ནས། ཤ་དང་རུས་པ་ལ་ཕྱིར་བྱུང་ནས། ཁྲག་དང་བ་སྤུ་ལ་བྱུང་སྟེ།ཕྱིའི་འབྱུང་བ་ལ་ལྟོས་སོ། །དེ་བཞིན་དུ་བདུད་དང་ཉོན་མོངས་པ་ལ་སོགས་པ་ཐམས་ཅད་དང་པོ་རྒྱུ་མ་རིག་པ་ལས་བྱུང་ངོ་། །དེ་ནས་ཉོན་མོངས་པ་ཐམས་ ― DNG008_Page_0557 ―
[མ་དཔེ་གཟིགས་ན་འདིར་གནོན།]
ཅད་ཀྱི་ཡིད་དང་ཡིད་ཀྱི་རྣམ་པར་ཤེས་པས་བཅད་ནས། ཀུན་གཞི་ལ་ལས་སྣ་ཚོགས་ཀྱི་བག་ཆགས་སྣ་ཚོགས་སུ་སྩོགས་སོ། །དེ་ནས་སེམས་ཅན་སྡུག་བསྔལ་གྱིས་གཏན་ཞིང་དུ་འཁྱམས་སོ། །དེ་ལས་སྨན་བཟང་པོ་དང་སྨན་པ་མཁས་པ་འདྲ་བའི་རྒྱུད་འདི་སྟོན་པའི་དགེ་བའི་བཤེས་གཉེན་ནམ་འདི་སྟོན་པ་དང་འཆད་པའི་རྡོ་རྗེ་སློབ་དཔོན་དང་འཕྲད་ན་སྡུག་བསྔལ་ཉིད་བྱང་ཆུབ་ཡིན་པ་དང་། ཉོན་མོངས་པ་ཉིད་ལམ་ཡིན་པ་དང་། མ་རིག་པ་ཉིད་ཆོས་ཉིད་ཡིན་པ་དང་།འཁོར་བ་ཉིད་ཡང་དག་པའི་ལམ་གནས་སུ་བསྟན་པས། གཟུང་འཛིན་གྱི་འཆེལ་བ་ཐམས་ཅད་ཆོས་ཉིད་བདེ་བ་ཆེན་པོར་ཡེ་ནས་གནས་པ་ལས། ཐམས་ཅད་ལྷ་དང་ལྷ་མོའི་དཀྱིལ་འཁོར་དུ་སངས་རྒྱས་པར་མཛད་དོ། །དོན་དེ་ལྟ་བུ་དང་ལྡན་པའི་རྒྱུད་འདི་ནི་དམ་ཚིག་ལ་མི་གནས་པ་དང་སྣོད་མ་ཡིན་པ་རྣམས་ཀྱི་སྤྱོད་ཡུལ་མ་ཡིན་ཏེ། དཔེར་ན་ནོར་བུ་རིན་པོ་ཆེ་ཏིར་ཡ་ཀ་ནི་ལྷའི་དབང་པོ་དང་ཀླུའི་དབང་པོའི་བསོད་ནམས་ཡིན་པ་དང་འདྲ་བར། འདི་ནི་དམ་ཚིག་ལ་གནས་ཤིང་སྣོད་དུ་གྱུར་པ་རྣམས་ཀྱི་སྤྱོད་ཡུལ་ཡིན་པའོ། །དེ་ལྟ་བུའི་རྒྱུད་འདི་ནི་འོག་མིན་གྱི་གནས་དང་། སྐྱེ་མཆེད་མུ་བཞི་དང་། འདོད་ཁམས་དང་གཟུགས་ཁམས་ཀྱི་ལྷའི་རིས་སུ་ཁྱབ་ན་ཡང་། རིལ་ལུས་མ་བོར་བར་ཕྱག་རྒྱ་ཆེན་པོའི་གནས་སུ།གྲངས་དང་ཚོམ་བུ་བསམ་གྱིས་མི་ཁྱབ་པ། མངོན་པར་རྫོགས་པར་སངས་རྒྱ་བར་འགྱུར་རོ། །དེ་ནས་ལྷ་དང་མི་ཀླུའི་གནས་སུ་ཁྱབ་ན་ཡང་། རིལ་ལུས་མ་བོར་བར་ཚེ་འདི་ཉིད་ལ་ཕྱག་རྒྱ་ཆེན་པོའི་གནས་སུ་གྲངས་དང་ཚོམ་བུ་བསམ་གྱིས་མི་ཁྱབ་པ་མངོན་པར་རྫོགས་པར་སངས་རྒྱ་བར་འགྱུར་རོ། །དེ་དག་ཐུགས་རྗེ་ཆེན་པོ་དང་ལྡན་པས། སེམས་ཅན་ཐམས་ཅད་ཀྱང་བླ་ན་མེད་པའི་བྱང་ཆུབ་ལ་དགོད་པར་བྱེད་དོ། །དེ་ནས་ཀྱང་ཐབས་དང་ཤེས་རབ་ཏུ་ལྡན་པས་རིགས་ངེས་པའི་སྲས་སུ་བྱ་བ་དང་། མ་འོངས་པའི་སངས་རྒྱས་པའི་རྒྱུར་གཞག་པའི་ཕྱིར། ― DNG008_Page_0558 ―
[མ་དཔེ་གཟིགས་ན་འདིར་གནོན།]
ཐུགས་གསང་བའི་མཛོད་ཐུགས་ཀྱི་ས་བོན། ཡིག་འབྲུར་བཞག་ནས་སླར་འཁོར་བར་མི་ལྟུང་བའི་ཕྱིར། ཕྱག་རྒྱ་ཆེན་པོས་ཁ་བཅད་དེ་བཞག་གོ། །དེ་ལྟ་བུའི་རྒྱུད་འདིའི་རང་བཞིན་དུ། འཁོར་བ་དང་མྱ་ངན་འདས་པ་ཐམས་ཅད་དང་།ཕུང་པོ་དང་། ཁམས་དང་སྐྱེ་མཆེད་ཐམས་ཅད་སངས་རྒྱས་པར་བསྟན་པ་ལས།རྡོ་རྗེ་སེམས་དཔས་གསོལ་པ། བཅོམ་ལྡན་འདས་བདེ་བ་ཆེན་པོའི་ལྷའི་དཀྱིལ་འཁོར་དུ། ཐམས་ཅད་རིལ་འདུས་པ་ལས་ཕྱིས་ལོག་པའི་ཕྱོགས་དག་བྱུང་བ་ལ།ནན་ཏན་ཅི་ལྟར་བསྐྱེད་པར་བགྱི། ཡབ་བདེ་བ་ཆེན་པོ་བླ་ན་མེད་པས་བཀའ་སྩལ་པ། ཐམས་ཅད་འདིར་འདུས་པ་ལས་ཕྱིས་ལོག་པ་འབྱུང་བ་ལ་ནན་ཏན་བསྐྱེད་པ་ལེགས་སོ། །ལེགས་སོ། །ལེགས་པའི་ལམ་ལས་ལོག་པར་འབྱུང་བ་ནི། དཔེར་ན་རྒྱལ་པོའམ་བྲམ་ཟེའམ། ཁྱིམ་བདག་གི་རིགས་ཤིང་སཱ་ལ་ལྟ་བུ་ལས།རིགས་འཆོལ་ཏེ་གདོལ་པའམ། བཤན་པ་ལྟ་བུའི་ལས་བྱེད་པ་ནི། སྐྱེ་བོ་ཡོངས་ཀྱིས་ཀྱང་སྨད་པ་དང་། ཉེ་འཁོར་རྣམས་ཀྱིས་ཀྱང་སྤང་བར་འགྱུར་ལ། དེ་ཉིད་ཀྱང་རིས་དམས་ཤིང་མི་བདེ་བའི་གནས་སུ་གྱུར་ནས། རྒྱལ་པོ་ཆེན་པོའི་བཀའ་ཆད་ཀྱི་གནས་སུ་གྱུར་པ་དང་འདྲ་བར། གང་ཟག་གང་ཞིག་གསང་སྔགས་རྡོ་རྗེ་ཐེག་པའི་སྒོར་ཞུགས་པའམ། དེ་ལ་གནས་པ་གང་ཡིན་པ་ལོག་པར་གོལ་ཏེ། ཏིང་འཛིན་རྣམ་པ་བརྒྱད་ཀྱིས་ལོག་པར་ཁྲིད་དེ་འདི་ལྟ་སྟེ། བརླང་པོ་ཕྱལ་བའི་ཏིང་ངེ་འཛིན་དང་། རྒྱུ་ལས་གོལ་བའི་ཏིང་ངེ་འཛིན་དང་། གཡེངས་པ་ཆེན་པོའི་ཏིང་ངེ་འཛིན་དང་། བསླད་པས་འཆལ་བའི་ཏིང་ངེ་འཛིན་དང་། མཚན་མར་འཛིན་པའི་ཏིང་ངེ་འཛིན་དང་། འཁྲུལ་པར་སྣང་བའི་ཏིང་ངེ་འཛིན་དང་།ཆགས་པར་གཟུང་བའི་ཏིང་ངེ་འཛིན་དང་། དེའི་མཐུ་བརྟས་པའི་ཏིང་ངེ་འཛིན་དང་བརྒྱད་དོ། །དེ་ལ་བརླང་པོ་ཕྱལ་བའི་ཏིང་ངེ་ ― DNG008_Page_0559 ―
[མ་དཔེ་གཟིགས་ན་འདིར་གནོན།]
འཛིན་གང་ཞེ་ན། ཕྱི་ནང་གི་དབང་གང་ཡང་མེད་པར་ལས་ཐམས་ཅད་ལ་འཇུག་པའི་ལས་བྱེད་པའོ། །རྒྱུ་ལས་གོལ་བའི་ཏིང་ངེ་འཛིན་ནི་གང་ཞེ་ན། གསང་སྔགས་ཐབས་ཀྱི་སྤྱོད་པ་ཐམས་ཅད་ལ་གཏི་མུག་དང་། རང་བྱན་དང་ཐུག་ཐུབ་དུ་སྤྱད་པས་ལུང་མེད་པར་ངེས་པའི་ལན་བརྗོད་པའོ། །གཡེང་བ་ཆེན་པོའི་ཏིང་ངེ་འཛིན་གང་ཞེ་ན།གླུ་གར་དང་རོལ་མོ་དང་བཞད་གད་ལ་སོགས་པ་འཇིག་རྟེན་གཡེང་བའི་ཆོས་ལ་བསྟེན་པ་སྟེ། དོན་དང་མི་འཚམ་པར་རྩ་བ་བདུད་རྩི་ལས་གོལ་བའོ། །བསླད་པས་འཆལ་བའི་ཏིང་ངེ་འཛིན་ནི། ཆོས་ཉིད་ཚིག་དང་མིང་གིས་གདགས་སུ་མེད་པ་ལ། ཡོད་མེད་རྟག་ཆད་དུ་བསླད་པ་དང་། སེམས་ལས་གཟུང་འཛིན་དུ་གདགས་སུ་མེད་པ་ལ། སྐྱེ་འཆི་འཕོ་འགྱུར་དུ་བསླད་པ་དང་། དེ་བཞིན་གཤེགས་པ་ཐམས་ཅད་ཀྱི་དགོངས་པ་བཀའ་རྒྱ་མཚོ་རབ་འབྱམས་དཔག་གིས་མི་ལངས་པ་འདི། ས་བཅུའི་བྱང་ཆུབ་སེམས་དཔའ་རྣམས་ཀྱིས་ཀྱང་ཐོབ་པར་ཟད་ཀྱིས་དོན་ནི་མ་རྟོགས་པ་ལ། གང་ཟག་མིང་ཙམ་མཚན་མར་འཛིན་པ་རྣམས་ཀྱིས། ཚིག་གི་སྒྲོ་བཏགས་པ་དང་། སྐུར་པ་གདབ་པ་དང་། ཚིག་གི་ཀེའུ་ཤང་གིས་བསླད་པ་རྣམས་ནི་གང་ཟག་འཆལ་བར་གྱུར་ཏེ། དོན་མེད་པའི་ལས་སུ་སྩལ་བའོ། །མཚན་མར་འཛིན་པའི་ཏིང་ངེ་འཛིན་ནི་གང་ཞེ་ན། གབ་པ་དང་གསང་བའི་སྦས་པ་ལ་མི་གནས་པར་རྫས་དང་ལག་ཆ་དང་། ཡོ་བྱད་ལ་མངོན་པར་འཆེལ་ཏེ། མཚན་མར་འཛིན་ཏེ་མུ་སྟེགས་པ་དང་འདྲ་བར་སྤྱོད་པའོ། །འཁྲུལ་པར་སྣང་བའི་ཏིང་ངེ་འཛིན་ནི། ཡང་དག་པའི་དོན་བསྟན་པ་ལས་སྙན་དངགས་དང་། རང་བཟོ་དང་། ཁེའུ་ཤང་དང་། སྡེབ་སྦྱོར་དང་། ཕྱོགས་ཆར་འཛིན་པའི་ཏིང་ངེ་འཛིན་ལ་བརྟེན་ཏེ། འཁྲུལ་པའི་དབང་གིས་རིས་འཛིན་ཅིང་གཞན་སྨོད་པར་བྱེད་དོ། །ཆགས་པར་བཟུང་བའི་ཏིང་ངེ་འཛིན་ནི། ཏན་དང་ག་ཎ་ལ་སོགས་པ་ཆོས་ཉིད་ལ་ཁུངས་འབྱིན་ཅིང་། དེ་ཉིད་ལ་མཐོ་གནོན་ ― DNG008_Page_0560 ―
[མ་དཔེ་གཟིགས་ན་འདིར་གནོན།]
དང་བཙན་ཐབས་དང་། འདོད་པའི་དབང་བཙན་དུ་སྤྱོད་པ་ནི། བཤན་པའམ་སྨད་འཚོང་མ་ལྟ་བུ་ལ་བརྟེན་པའོ། །དེའི་མཐུ་བརྟས་པའི་ཏིང་ངེ་འཛིན་ནི། དེ་དག་ལོག་པའི་ལམ་གྱི་མཐུ་བརྟས་པས། ཡི་དྭགས་དང་སྲིན་པོའི་གཟུགས་སུ་སྣང་བ་དང་། དམྱལ་བའི་འཇིག་རྟེན་དང་། ཡི་དྭགས་ཀྱི་འཇིག་རྟེན་དང་། གཤིན་རྗེའི་འཇིག་རྟེན་དུ་སྨིན་པ་དང་། དེ་དག་ལུས་ངག་ཡིད་གསུམ་རབ་ཏུ་ཁྲོ་གཏུམ་ཆེ་ཞིང་། ཤིན་ཏུ་གདུལ་དཀའ་བ་རྣམས་སོ། །དེ་དག་ལ་ཅིའི་ཕྱིར་ཏིང་ངེ་འཛིན་ཞེས་བྱ་ཞེ་ན། དེ་དག་ལ་གཙོར་བླངས་ཏེ་རྩེ་གཅིག་པ་དང་བཅས་པས། ནན་ཏན་དུ་བཟུང་སྟེ་སྤྱོད་པའོ། །དེ་ལྟ་བུའི་ཏིང་ངེ་འཛིན་བརྒྱད་པོ་ལ་གནས་པ་ནི། སྐྱེ་བོ་ཡོངས་ཀྱི་དཔྱས་ཤིང་སྨད་པ་དང་། དེ་ཉིད་ཡ་ག་དང་སྒྲོ་སྐུར་དུ་གྱུར་པས། རྣལ་འབྱོར་པ་ཡོངས་ཀྱིས་སྨད་ཅིང་བསྡིང་བ་སྟེ་དམ་ཚིག་ལས་ཉམས་པས་བྱ་ར་མ་རྣམས་ཀྱིས་ཀྱང་རབ་ཏུ་ཁྲེལ་ཏེ། སྲོག་གི་བར་ཆད་དུ་བྱེད་ཅིང་། འཇིག་རྟེན་འདིར་ཡང་མི་བདེ་བ་རྣམ་པ་སྣ་ཚོགས་ཉམས་སུ་མྱོང་ནས། འབྲས་བུ་ངན་སོང་གསུམ་དུ་སྐྱེ་ཞིང་སྡུག་བསྔལ་རྣམ་པ་སྣ་ཚོགས་ཉམས་སུ་མྱོང་ནས། ཤིན་ཏུ་གདུང་བའི་སྨྲེ་སྔགས་འདོན་ཅིང་། མགོན་དང་སྐྱབས་མེད་པའི་སྡུག་བསྔལ་བརྒལ་པ་དཔག་ཏུ་མེད་པར་མྱངས་ནས། དེ་ལས་ཐར་ནས་ཀྱང་སྲིན་པོ་ཆེན་པོའི་ལུས་བླངས་ཏེ། སྲིད་པ་གསུམ་ཡང་ཕུང་བར་བྱས་ཏེ། སངས་རྒྱས་ཐམས་ཅད་ཀྱི་ཐུགས་ཁྲེལ་དུ་གྱུར་ནས། བླ་ན་མེད་པའི་ཐེའུ་ཀའི་བཀའ་ཆད་ཀྱིས་གོང་མ་བཞིན་བསྒྲལ་བར་འགྱུར་རོ། །རྡོ་རྗེ་སེམས་དཔའ་གཞན་ཡང་མ་བརྟགས་པའི་དོན་བརྒྱད་ཀྱིས་གོལ་བའི་རྒྱུར་འགྱུར་ཏེ། དེ་ཡང་གང་ཞེ་ན། ཡིན་པ་ལ་ནི་མ་ཡིན་པར་སྒྲོ་འདོགས་པ་དང་། མ་ཡིན་པ་ལ་ཡིན་པར་སྒྲོ་འདོགས་པ་དང་། མཁས་པ་ལ་ནི་མི་མཁས་པར་སྐུར་པ་འདེབས་པ་དང་། མི་མཁས་ ― DNG008_Page_0561 ―
[མ་དཔེ་གཟིགས་ན་འདིར་གནོན།]
པ་ལ་མཁས་པར་བསྟོད་པ་དང་། ཐེག་པ་འོག་མ་རྣམས་ལ་གོང་མ་ཡིན་ཞེས་ཆེ་བ་འབྱིན་པར་བྱེད་པ་དང་། གོང་མ་ལ་འོག་མ་ཡིན་ཞེས་སྨོད་པ་དང་། དེ་བཞིན་གཤེགས་པའི་བཀའ་ལ་བདུད་ཀྱི་ཚིག་ཡིན་ཞེས་སྨོད་པ་དང་། བདུད་ཀྱི་ཚིག་ལ་དེ་བཞིན་གཤེགས་པའི་བཀའ་ཡིན་ཞེས་སྨྲ་བའོ། །དེ་ལ་ཡིན་པ་ལ་མ་ཡིན་པར་སྒྲོ་འདོགས་པ་ནི། ཆོས་ཉིད་དོན་དམ་པའི་བདེན་པ་སངས་རྒྱས་ཐམས་ཅད་ཀྱི་ཐུགས་མངོན་དུ་ཕྱུང་བ་འདི་ལ། སྣོད་མ་ཡིན་པ་ལ་གསང་བ་དང་། ཕལ་གྱིས་ཐོས་ན་སྐྲག་ཅིང་སྐུར་པ་འདེབས་པ་དང་། སྨོད་པར་འགྱུར་བས་ཀུན་གྱི་ཐུན་མོང་མ་ཡིན་ཏེ། རང་བཞིན་གྱིས་གསང་བ་འདི་ལ།གང་ཟག་དད་པ་ཆུང་བ་དང་། ཤེས་རབ་ཞེན་པ་དང་། ཐོས་པ་ཆུང་བ་རྣམས་ཀྱིས་འདི་དག་གི་དོན་ལ་འཕྱ་ཞིང་འཕྲལ་བསྡེབས་དད་མོས་ཙམ་དུ་བྱས་པ་ཡིན། ཡང་དག་པ་མ་ཡིན་ནོ། །ཞེས་སྒྲོ་འདོགས་པར་བྱེད་དོ། །མ་ཡིན་པ་ཡིན་པར་སྒྲོ་འདོགས་པ་ནི་ཕལ་ཆེར་ཁྱེའུ་ཤང་དང་། རང་བཟོ་ལ་སོགས་པ་ཐོས་པ་ཆུང་ཞིང་ཤེས་རབ་དམན་པ་དང་། འགལ་བའི་དོན་མ་རིག་པའི་ཚིག་སྡེབ་དང་།ཕར་བསླད་པ་ཚུར་བསྲེས་པས་བཅོས་པ་རྣམས་ལ་སྨོན་པ་འབུལ་ཏེ། བཟང་སྟེ་དོན་ཡོད་དོ་ཞེས་སྒྲོ་འདོགས་པ་བྱེད་པའི་གང་ཟག་རྣམས་སོ། །མཁས་པ་ལ་མི་མཁས་པར་སྐུར་པ་འདེབས་པ་ནི། ལྟ་བས་ཆོས་ཉིད་གཉིས་སུ་མེད་པའི་དོན་རྟོགས་ནས། ཤེས་བྱ་ལ་ཡེ་མ་རྨོངས་པས། རིག་པའི་གནས་ལྔ་ལ་མཁས་ཤིང་།དབང་པོ་རབ་ཏུ་གྱུར་པ་རྣམས་ཀྱིས་ཤེས་རབ་རྣམ་གསུམ་ལ་རྒྱུད་སྦྱངས་ནས། རྒྱུད་དཀྲུགས་པ་དང་ལུང་གཅུས་པ་དང་། མན་ངག་གབ་པ་རྣམས་ལ། ཚིག་ཆད་སོང་། ཕྲག་དོག་གི་དབང་གིས་གཞན་གྱི་ཡོན་ཏན་སྨད་པར་འདོད་པའི་ཕྱིར།དེ་ནི་མཁས་པ་མ་ཡིན་ནོ། །ཞེས་སྨོད་ཅིང་རྒྱུ་མེད་པའི་སྐྱོན་བརྗོད་པར་བྱེད་པའོ། །མི་མཁས་པ་ལ་མཁས་པར་བསྟོད་པ་ནི་གང་ཟག་བདག་ཕྱོགས་ཀྱི་ཆེ་ ― DNG008_Page_0562 ―
[མ་དཔེ་གཟིགས་ན་འདིར་གནོན།]
བར་འདོད་པ་དང་། གཞན་ལ་ཐབས་ཀྱིས་བཀའ་སྩལ་པ་དང་། ཕ་རོལ་པོ་མཐོ་བར་དོགས་པའི་ཕྱིར། དབང་རྣམ་པ་ལྔ་ལྟ་ཅི་སྨོས་ཀྱི། རྣལ་འབྱོར་ཁ་དབང་ཡང་མ་བསྐུར་བ་ལ། དབང་རྫོགས་ཞེས་སྨྲ་བ་དང་། ཕྱི་ནང་གི་བཀའ་མཐའ་དག་ལྟ་ཅི་སྨོས་ཀྱི། ཐེག་པ་ཆེན་པོ་འདིའི་མིང་ཙམ་ཡང་མ་ཐོས་པ་ལ་རྡོ་རྗེ་རྒྱལ་པོ་ཞེས་བརྗོད་པ་དང་། རྩ་བའི་དམ་ཚིག་དང་ཡན་ལག་གི་དམ་ཚིག་ལྟ་ཅི་སྨོས་ཀྱི།བཀའ་དང་དམ་ལ་ཡང་ཟུར་ཙམ་ཡང་མི་གནས་ཏེ། རལ་ཆོད་དང་གཟུ་ལུམས་དང་། རང་བྱན་དང་ཆེ་དག་ཏུ་སྤྱོད་པ་ལ་མཁས་པར་བསྟོད་པ་རྣམས་སོ། །ཐེག་པ་འོག་མ་ལ་གོང་མར་ཆེ་བ་འབྱིན་པ་ནི། བསམ་གཏན་རྣམ་པར་མི་རྟོག་པའི་བལྟ་བ་བདེན་པ་ལ་ཞུགས་ནས། སྟོང་པ་ལ་ཁུངས་འབྱིན་པ་ལ་སྔགས་ཀྱི་དེ་བཞིན་ཉིད་ཏིང་ངེ་འཛིན་ཅི་ལ་ཡང་མི་རྟོག་པ་དང་མཉམ་ཞེ་ཆེ་བ་འབྱིན་པར་སྨྲ་བའོ། །གོང་མ་ལ་འོག་མ་ཡིན་ཞེས་སྨོད་པ་ནི། རྡོ་རྗེའི་ཐེག་པ་བླ་ན་མེད་པ་སྣོད་དུ་མ་གྱུར་པ་རྣམས་ཀྱི་སྤྱོད་ཡུལ་མ་ཡིན་པ་ལ། འདི་ནི་ཐེག་པ་གང་བས་ཀྱང་དམའ་བ་སྟེ། མུ་སྟེགས་ལོག་པའི་ཆོས་ཡིན་ནོ་ཞེས་སྨོད་པ་དང་འཕྱ་བ་རྣམས་སོ། །དེ་བཞིན་གཤེགས་པའི་བཀའ་ལ་བདུད་ཀྱི་ཚིག་ཡིན་ཞེས་སྨྲ་བ་ནི།དེ་བཞིན་གཤེགས་པ་རྣམས་ནི་ཅི་ཡང་མི་གསུང་། མི་གསུང་བ་ནི་རྒྱ་ཆེ་བའོ། །དེ་བཞིན་གཤེགས་པ་ནི་ཅི་ཡང་མི་མཛད། མི་མཛད་པ་ནི་གཏིང་ཟབ་པའོ། །དེ་བཞིན་གཤེགས་པ་རྣམས་ནི་གང་ན་ཡང་མི་བཞུགས། མི་བཞུགས་པ་གྲངས་མང་བའོ། །ཞེས་བརྗོད་པ་དང་། དེའི་དོན་བློས་མི་དཔོག་པ་རྣམས། དེ་ནི་བདུད་ཀྱི་ཚིག་ཡིན་ཞེས་སྨྲ་བ་དང་། གང་ཟག་བཅུད་ལ་མི་རྟོག་ཅིང་། ཡུལ་ལ་བལྟ་བ་རྣམས་བཀའ་ཡང་དག་པས་གྲགས་པ་འདོད་པ་དང་། གཞན་ལ་སོགས་པ་ལ་ཁྱད་པར་འདོད་པའི་དོན། བདེན་པ་མེད་པ་བདུད་ཀྱི་ཚིག་གོ་ཞེས་ ― DNG008_Page_0563 ―
[མ་དཔེ་གཟིགས་ན་འདིར་གནོན།]
སྨྲ་བ་རྣམས་སོ། །བདུད་ཀྱི་ཚིག་ལ་དེ་བཞིན་གཤེགས་པའི་བཀའ་ཡིན་ནོ་ཞེས་སྨྲ་བ་ནི། རྟོགས་པའི་ལྟ་བ་དང་ཏིང་ངེ་འཛིན་དུ་མི་ལྡན་པར་ཏན་གཎ་གྱི་ལས་ལ་བབ་ཆོལ་དུ་སྤྱོད་ཅིང་བདུད་ཀྱི་ལས་སྤྱོད་པ་ལ། དེ་བཞིན་གཤེགས་པའི་བཀའ་ཡིན་ཞེས་སྨྲ་བ་དང་། གསང་བའི་དམ་ཚིག་དང་། དུར་ཁྲོད་ཀྱི་ཆས་ལ་སོགས་པ་རྣམས་མུ་སྟེགས་ཕྱལ་བ་དང་འདྲ་བར་ཐོགས་ཏེ་བདུད་ཀྱི་སྤྱོད་པ་བྱེད་པ་ལ་དེ་བཞིན་གཤེགས་པའི་བཀའ་ལས་བྱུང་བ་ཡིན་ཞེས་སྨྲ་བ་དང་། གསང་སྔགས་དང་གསང་བའི་རྒྱུད་འདི་དག་ཐམས་ཅད་སྣོད་མ་ཡིན་པ་ལྟ་ཅི་སྨོས་ཀྱི་དབང་མ་ཐོབ་པར་རྡོ་རྗེའི་ལྕེ་ཡོད་ཀྱང་མི་བཤད་ལ། དབང་མ་བསྐུར་བར་སྣོད་དང་ལྡན་པ་ལ་ཡང་མི་བསྟན་ནོ། །ཞེས་འབྱུང་བ་ལ་སྣོད་མེད་པ་དང་། དམ་མེད་པ་དང་། རྟོག་པ་མེད་པ་དང་། འཁྲུལ་པ་དང་། གཏི་མུག་དང་། ཐུག་ཐུབ་ཏུ་ཐམས་ཅད་ལ་གྲངས་མང་བར་བསྟན་ནས་བདུད་ཀྱི་དབང་དུ་བཏད་པ་ལ། དེ་བཞིན་གཤེགས་པའི་བཀའ་ཡིན་ནོ་ཞེས་སྨྲ་བ་ནི། །དེ་བཞིན་གཤེགས་པའི་བཀའ་སྨད་དེ་བདུད་ཀྱི་ཚིག་ཏུ་སྨྲ་བ་ཡིན་ནོ། །སེམས་དཔའ་ཆེན་པོ་དེ་ནི་དཔེར་ན་བདུད་སྡིག་ཏོ་ཅན་སངས་རྒྱས་བཅོམ་ལྡན་འདས་ཀྱི་ཆ་བྱད་དུ་སྤྲུལ་ནས། དགེ་སློང་རྗེས་སུ་ཡི་རང་བ་རྣམས་ལ་སྨྲས་པ། ང་ཡི་སངས་རྒྱས་ཞིང་འདི་སྟོངས་ལ་ཁད། །གོའུ་ཏ་མའི་བསྟན་པར་མ་ཉན་པར། །རྣོ་བའི་མཚོན་ཐོགས་དྲག་ཤུལ་ལས་བྱས་ཏེ། །ཕ་རོལ་གཡུལ་ལས་ཀུན་ཏུ་རྒྱལ་བར་བྱའོ། །ཞེས་སྨྲས་པ་དང་། དགེ་སློང་རྣམས་ཀྱིས་བདུད་ཀྱི་ཚིག་ཡིན་པར་ཤེས་ཤིང་། ཚིག་ཆད་སོང་། གོང་མ་ལྟར་སྨྲ་བ་རྣམས་ནི་བདུད་ཀྱི་ཚིག་ཡིན་པར་བློ་དང་ལྡན་པ་རྣམས་ལ་སྣང་ངོ་། །རྡོ་རྗེ་འཛིན་པས་གསོལ་པ། དེ་བཞིན་གཤེགས་པའི་བཀའ་ཞེས་བགྱི་བ་ཅི་ལྟ་བུ།བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པའི་བཀའ་ནི་དོན་དམ་པའི་བདེན་པ་ཞེས་བྱ་སྟེ། དེ་ལ་དེ་བཞིན་གཤེགས་པའི་བཀའ་ནི། ང་དང་གཞན་གཉིས་སུ་མ་ཕྱེ་བ་གང་ཡིན་པ་ནི། དེ་ ― DNG008_Page_0564 ―
[མ་དཔེ་གཟིགས་ན་འདིར་གནོན།]
བཞིན་གཤེགས་པའི་བཀའ་ཡིན་ནོ། །ཕྱོགས་དང་རིས་སུ་མ་བཟུང་བ་གང་ཡིན་པ་དེ་བཞིན་གཤེགས་པའི་བཀའ་ཡིན་ནོ། །རྒྱུ་འབྲས་གཉིས་སོ་སོར་མ་ཕྱེ་བ་གང་ཡིན་པ་དེ་བཞིན་གཤེགས་པའི་བཀའ་ཡིན་ནོ། །ཆོས་ཉིད་གདལ་བ་ཆེན་པོ་མ་སྐྱེས་པ་ལ། སྐྱེ་འགག་མེད་ཅིང་སྤྲོས་པ་དང་བྲལ་བ་དེ་བཞིན་གཤེགས་པའི་བཀའ་ཡིན་ནོ། །ཐམས་ཅད་སྐྱེ་འཆི་དང་འཕོ་འགྱུར་མེད་ཅིང་། ང་དང་བདག་མེད་པ་དེ་བཞིན་གཤེགས་པའི་བཀའ་ཡིན་ནོ། །དུས་ལ་སྔ་ཕྱི་མེད་ཅིང་གནས་ལ་མཐོ་དམན་མེད་ལ་ཡུན་ལ་རིང་ཐུང་མེད་པ་དེ་བཞིན་གཤེགས་པའི་བཀའ་ཡིན་ནོ། །དེ་ཅི་ཡང་མེད་པ་ལས་ནི་ཅིར་ཡང་སྣང་བ་ལ། ཅིར་ཡང་སྣང་ཙམ་ན་ཅིར་མེད་པ་ལས་མ་གཡོས་པ་ནི། དེ་བཞིན་གཤེགས་པའི་བཀའ་ཡིན་ནོ། །གཅིག་ལས་མ་གཡོས་པར་མང་པོ་བསམ་གྱིས་མི་ཁྱབ་པར་སྣང་ལ། མང་པོ་བསམ་གྱིས་མི་ཁྱབ་པར་སྣང་ཙམ་ན།གཅིག་ལས་མ་གཡོས་པ་ནི་དེ་བཞིན་གཤེགས་པའི་བཀའ་ཡིན་ནོ། །གཅིག་ཏུ་འདུས་ལ་གཉིས་སུ་མེད་ཅིང་། གསུམ་དུ་སྣང་བ་དེ་བཞིན་གཤེགས་པའི་བཀའ་ཡིན་ནོ། །བསམ་གྱིས་མི་ཁྱབ་པ་ལ་ཡང་བསམ་དུ་མེད་ཅིང་བརྗོད་ཀྱིས་ཀྱང་མི་ལངས་ལ། བརྗོད་དུ་ཡང་མེད་ལ་བགྲང་དུ་ཡང་མེད་པ་ནི་དེ་བཞིན་གཤེགས་པའི་བཀའ་ཡིན་ནོ། །སྤངས་ཀྱང་མ་སྤངས་ལ། ཆགས་ཀྱང་མ་ཆགས་པ་ནི་དེ་བཞིན་གཤེགས་པའི་བཀའ་ཡིན་ནོ། །ཅིར་ཡང་སྣང་ཅི་ལྟ་བུར་ཡང་མ་གྲུབ་ཅིང་། བསམ་གྱིས་ཀྱང་མི་ཁྱབ་ལ། དཔག་གིས་ཀྱང་མི་ལངས་ལ། དཔག་ཏུ་ཡང་མེད་པ་ནི་དེ་བཞིན་གཤེགས་པའི་བཀའ་ཡིན་ནོ། །ཆོས་མ་བྱུང་མ་སྐྱེས་པ་སྐྱེ་བ་མེད་པའི་རྟོགས་པ་ཆེན་པོའི་ཐུགས་མཉམ་པ་ཆེན་པོའི་སངས་རྒྱས་ནི། དེ་བཞིན་གཤེགས་པའི་བཀའ་བཞིན་དུ་མི་འགྱུར་བ་ཡིན་ཏེ། ས་གཞི་ནམ་མཁའ་ལ་འཕགས་སྲིད་ལ། ཆུ་ཀླུང་རྒྱུན་ལས་ལྡོག་ ― DNG008_Page_0565 ―
[མ་དཔེ་གཟིགས་ན་འདིར་གནོན།]
སྲིད་ཀྱང་། དེ་བཞིན་གཤེགས་པའི་བཀའ་གཞན་དུ་འགྱུར་མི་སྲིད་དོ། །དེ་ནི་རྩོལ་བ་དང་བཅས་པ་མ་ཡིན། རྩོལ་དུ་མེད་པའི་བདག་ཉིད་ཡིན་ལ། མཚན་མ་དང་བཅས་པ་མ་ཡིན། མཚན་མ་མེད་པའི་ངང་དུ་བརྡལ་བས། དོན་དམ་པ་ཡང་ཡིན་ནོ། །དེ་ནི་སྒྲོ་སྐུར་དང་གྲོན་ཐེབས་མེད་དེ། གྲུབ་ཅིང་མཐར་ཕྱིན་པར་འགྱུར་ངེས་པས་བདེན་པ་ཡིན་ནོ། །དེ་ནི་དཔེར་ན་རྒྱ་གར་གྱི་ཡུལ་ན་བསོད་ནམས་ལས་གྲུབ་པའི་རྒྱལ་པོ་འབའ་ལི་ཏ། རྒྱལ་སྲིད་རིན་པོ་ཆེ་སྣ་བདུན་ལ་དབང་བྱེད་ཅིང་ཆགས་པ་ལ་ཐུགས་རྗེ་ཆེན་པོས་ཆགས་པ་ལས་བཟློག་པའི་ཕྱིར་སྤྲང་པོའི་གཟུགས་ལས་བཀྲེས་པ་ཉམ་ཐག་པ་ཅིག་བྱུང་ནས། རྒྱལ་པོས་སྨྲས་པ། ཨེ་མ་ཉམ་ཐག་པའི་སེམས་ཅན་བཀྲེས་སྐོམ་གྱིས་ཉེན་པ། འདོད་པའི་ལོངས་སྤྱོད་ལ་ཅུང་ཟད་བརྟེན་ནམ། བྲམ་ཟེ་སྤྲང་པོས་སྨྲས་པ། གསེར་གྱི་རི་ལ་གཡུ་ཡི་རྫ་ལྷགས་ཏེ། གྲམ་པ་ལ་སོགས་རིན་ཆེན་བཅལ་བཀྲམ་ཞིང་། །ཆུ་ཀླུང་འདི་ཀུན་བདུད་རྩིར་འབབ་གྱུར་ཀྱང་། །ནོར་གྱིས་ཆོག་དང་ཟས་ཀྱིས་ཆོག་ཤེས་བཟང་། །དགོས་པའི་དོན་ནི་བླ་མེད་སངས་རྒྱས་སོ། །ཞེས་སྨྲས་པས། རྒྱལ་པོ་རྒྱལ་སྲིད་ལ་སྐྱོ་སེམས་སྐྱེས་ནས། ཕྱིར་མི་ལྡོག་པའི་ས་ལ་བཀོད་དོ་དེ་བཞིན་དུ། དེ་བཞིན་གཤེགས་པའི་བཀའ་བདེན་པ་འདི་ནི། སངས་རྒྱས་དང་བྱང་ཆུབ་སེམས་དཔའ་ལྟ་བུ་མ་ཡིན་གྱི། ཐན་བྱ་དང་རི་དྭགས་དང་མེ་སྒྲ་རླུང་སྒྲ་ལས་གྲགས་ཀྱང་། ཀུན་ཏུ་བཟང་པོའི་ངང་ཉིད་ཀྱིས་བྱིན་གྱིས་བརླབས་ཀྱིས་བསྟན་པ་ཡིན་པར་ཤེས་པར་བྱའོ། །དེ་ཅིའི་ཕྱིར་ཞེ་ན། དེ་ནི་ཐམས་ཅད་དུ་བཟང་ངན་དང་སྤང་ལེན་མེད་པའི་ཕྱིར་རོ། །གསོལ་པ། ཚད་མ་ཞེས་བགྱི་བ་གང་ལགས། བཀའ་སྩལ་པ། ཚད་མ་ཞེས་བྱ་བ་ནི།དྲང་ཞིང་དོན་དང་མཐུན་པ་དེ་ཡིན་ཞིང་། སྟེང་དུ་ཕེབས་པ་ལ་ཚད་མ་ཞེས་བྱ་སྟེ། སྟོན་པའི་བཀའ་ཚད་མ་ནི་འགྱུར་བ་མེད་པའོ། །རྡོ་རྗེ་སློབ་དཔོན་གྱི་བཀའ་ཚད་མ་ནི་གོལ་ ― DNG008_Page_0566 ―
[མ་དཔེ་གཟིགས་ན་འདིར་གནོན།]
བ་མེད་པའོ། །རང་གི་རྟོགས་པ་ཚད་མ་ནི་བཅོས་པ་མེད་པའོ། །དེ་ཅིའི་ཕྱིར་ཞེ་ན། སྟོན་པའི་བཀའ་ཚད་མ་འགྱུར་བ་མེད་དེ། དེ་བཞིན་གཤེགས་པའི་མཐུས་ཆོས་ཉིད་ལ་བཞུགས་པ་ལ། མུ་སྟེགས་བྱེད་ཀྱི་སྟོན་པ་ལྟར། བྱེད་པ་པོ་དང་བྱེད་པའི་སྐྱེས་བུ་དང་། རྟག་ཆད་ཀྱི་མཚན་མ་ཅན་མ་ཡིན་པའོ། །དེ་ལྟ་བུའི་དོན་འདི་ཐམས་ཅད་རྡོ་རྗེ་སློབ་དཔོན་གྱིས་རྟོགས་ནས།སྒྲོ་སྐུར་མེད་པར་སྣོད་དང་ལྡན་པ་རྣམས་ལ་བསྟན་ན། དེས་ཚད་མ་ཐག་ཏུ་ཕེབས་ནས། འཁོར་བ་དང་ངན་སོང་གི་རྒྱུར་གོལ་བ་མེད་པའོ། །རང་གི་རྟོགས་པ་ཚད་མས་བཅོས་པ་མེད་དེ། ཆོས་ཉིད་ཚིག་དང་ཡི་གེས་གདགས་སུ་མེད་པ་ལ། སངས་རྒྱས་ཀྱིས་མ་མཛད། སེམས་ཅན་གྱིས་མ་བཅོས། མཛད་ཅིང་བཅོས་པའི་མཐའ་ལས་འདས་པས། འདི་ལྟར་ཚད་མས་རྟོགས་ན། ལས་དང་སྡུག་བསྔལ་གྱིས་བཅོས་སུ་མེད་དེ། བཅོས་པ་མེད་པའོ། །ཚད་མ་ཞེས་བྱ་བ་ནི་ངེས་པའོ། །ཚད་མ་ཞེས་བྱ་བ་སྐྱོན་མེད་པའོ། །ཚད་མ་ཞེས་བྱ་བ་ནི་མཐར་ཕྱིན་པའོ། །དེ་ཅིའི་ཕྱིར་ཞེ་ན། སྔ་རབས་འདས་པའི་སངས་རྒྱས་དང་། ད་ལྟར་དང་མ་བྱོན་པའི་སངས་རྒྱས་ཀྱང་། ཚད་མ་ངེས་པའི་དོན་རྟོགས་ནས་སངས་རྒྱས་སོ། །དེ་བཞིན་སྔ་རབས་འདས་པ་དང་། ད་ལྟར་དང་མ་འོངས་པའི་རྡོ་རྗེ་སློབ་དཔོན་ཀྱང་ཚད་མ་སྐྱོན་མེད་པ། འདི་དག་གི་དོན་རྟོགས་ནས་གྲུབ་པ་བརྙེས་པ་ཡིན་ནོ། །དེ་བཞིན་དུ་སྣོད་དང་ལྡན་པའི་རྣལ་འབྱོར་ཕྱིས་འབྱུང་བ་ཡང་། ཚད་མའི་དོན་རྟོགས་ན་ཚེ་གཅིག་གིས་རིག་འཛིན་གྱི་གནས་སུ་སངས་རྒྱ་བར་འགྱུར་རོ། །གསོལ་པ། སངས་རྒྱས་ཞེས་བྱ་བ་ཅི་ལྟ་བུ་ལ་བགྱི།བཀའ་སྩལ་པ། སངས་རྒྱས་ཞེས་བྱ་བ་ནི། སེམས་ཅན་ལ་ཡང་བྱ་ན། རྟོགས་པ་ཀློང་དུ་གྱུར་ཏེ་ཉམས་སུ་ལེན་པ་ལ་བྱ། དེ་ཅིའི་ཕྱིར་ཞེ་ན། སེམས་ཅན་ཐམས་ ― DNG008_Page_0567 ―
[མ་དཔེ་གཟིགས་ན་འདིར་གནོན།]
ཅད་བྱང་ཆུབ་ཀྱི་སྙིང་པོ་ཅན་ཡིན་པ་དང་། སངས་རྒྱས་ཐམས་ཅད་ཉིད་སེམས་ཅན་ལས་བྱུང་བའོ། །དེ་ལྟར་རྟོགས་པ་ཀློང་དུ་གྱུར་པ་ནི། གཟུང་འཛིན་རྟག་ཆད་དང་། ཡོད་མེད་སྡུག་བསྔལ་ལ་སོགས་སངས་ལ། དེ་ཉིད་མི་རྟོག་པའི་རིག་པའི་རྒྱལ་པོ་རང་དབང་དུ་རྒྱས་པས། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཉམས་སུ་ལོན་པའོ། །གཞན་ཡང་སངས་རྒྱས་ཞེས་བྱ་བ་ནི། དངོས་པོ་དང་མཚན་མ་མེད་པའི་སངས་རྒྱས་ཆོས་ཉིད་ལ། དེ་རྟོགས་པ་མཐར་ཕྱིན་པར་རྒྱས་པས་སངས་རྒྱས་པའོ། །གསོལ་པ། ཆོས་ཉིད་སྐྱེ་བ་མེད་པ་ལ། །གཉིས་སུ་མ་མཆིས་པ་ལགས་ན། །སེམས་ཅན་བགྱི་བ་ཇི་ལྟ་བུ།བཀའ་སྩལ་པ། སེམས་ཅན་ཞེས་བྱ་བ་ནི། ཆོས་ཐམས་ཅད་ལ་མ་རིག་པའི་དབང་གིས་མཚན་མར་བཟུང་བས། འཛིན་རྟོག་ལ་བློ་འཆེལ་བ་དང་། གཞན་ཡང་རཱུ་ཏྲ་རྣམ་པ་གསུམ་སྟེ། ཕྱི་གཟུང་བར་བྱ་བའི་ཡུལ་མེད་པ་ལ་གཟུང་བའི་ཡུལ་དུ་འཛིན་པ་མ་ཏྲཾ་ཀ་རུ་དྲའོ། །ནང་འཛིན་པར་བྱེད་པའི་སེམས་མེད་པ་ལ།འཛིན་པའི་སེམས་སུ་བཟུང་བ་ནི་ཨ་ཀར་ཤ་རུ་དྲའོ། །གཟུང་འཛིན་རྣམ་པ་གཉིས་ཡུལ་སེམས་བརྟས་པ་ལས་གྲུབ་པ་ནི་ཁ་ཏྲཾ་ཁ་རུ་དྲའོ། །རཱུ་ཏྲ་རྣམ་པ་གསུམ་ཡང་སེམས་ཅན་ནོ། །གཞན་ཡང་རྣལ་འབྱོར་པ་ཆོས་ལོག་པར་སྤྱོད་པ་ཡང་སེམས་ཅན་ཡིན་ནོ། །དེ་ལ་ཆོས་ལོག་པར་སྤྱོད་པ་ཞེས་བྱ་བ་ནི། ཐེག་པ་ཆེན་པོ་རྡོ་རྗེ་ཐེག་པ་འདི་སྤྱོད་པ་ལས། དཔེར་ན་རྒྱལ་པོ་དམངས་ཀྱི་ལས་སྤྱོད་པ་དང་འདྲ་བར། ཐེག་པ་འོག་མ་པའི་གཞུང་སྤྱད་ནས་འདི་ལ་སྒྲོ་དང་སྐུར་པ་ལ་སོགས་པས་སྨོད་པར་བྱེད་པ་དང་། གསང་བའི་ཐེག་པ་འདི་ལྟར་སྤྱོད་ན་ཡང་།ལྟ་བས་མ་རྟོགས་ཤིང་སྤྱོད་པས་འདི་དག་འཕྱས་ཟློས་སུ་སྤྱོད་ཅིང་། ཚིག་གི་གཞུང་མེད་པས་གཞན་དང་རིས་སུ་ཆད་ནས་ནང་རིས་མི་མཐུན་པས་རྩོད་པ་དང་འགལ་ཞིང་འཕྱུགས་པའི་གཞིར་གྱུར་པ་རྣམས་ནི་མཚན་མ་ལ་སྤྱོད་པས་སེམས་ཅན་ནོ། །དེའི་ཕྱིར་ན་གསང་བའི་ ― DNG008_Page_0568 ―
[མ་དཔེ་གཟིགས་ན་འདིར་གནོན།]
རྒྱུད་ཆེན་པོ་འདི་ཐིག་ལེ་སྤྱོད་པ་ཉམས་པ་དང་། དམྱལ་བ་རྡོ་རྗེ་བྱེད་པ་དང་། སྙིང་རྗེའི་ལམ་ལས་ལོག་པ་དང་སྣོད་ངན་པ་རྣམ་པ་གསུམ་ལ་ནི། ཚིག་འབྲུ་གཅིག་ཙམ་ཡང་བསྟན་པར་མི་བྱ་སྟེ། དེ་དག་ལ་བསྟན་ན་མནར་མེད་པའི་དམྱལ་བ་དང་། སེམས་ཅན་དམྱལ་བ་ཞེས་བྱ་བའི་ནང་དུ་སྐྱེ་བར་འགྱུར་རོ། །དེ་ལ་ཐིག་ལེ་སྤྱོད་པ་ཉམས་པ་ཞེས་བྱ་བ་ནི།བླ་མའི་བཀའ་ལས་ཐིག་ནི་དྲང་པོ་ལེ་ནི་གདལ་བ་སྟེ་ཐམས་ཅད་དུ་དྲང་ཞིང་ཆོས་ཉིད་དུ་གདལ་བ་ཡིན་པ་ལ། སྤྱོད་པ་ཐམས་ཅད་ལོག་པར་སྤྱད་པས། ཐིག་ལེ་སྤྱོད་པ་ཉམས་ཞེས་བྱ་སྟེ། རྩ་བའི་དམ་ཚིག་གསུམ་ཉམས་པ་དང་། ཁྱད་པར་དུ་བླ་མའི་གཟུངས་མ་དང་། བཞུགས་གནས་གསང་བ་ལ་སྤྱོད་པ་དང་། རྡོ་རྗེ་མཆེད་དང་གསང་བ་གཉེན་པོའི་གསང་བའི་མཁའ་ལ། མ་རིག་པའི་ལས་སྤྱད་པ་དང་། གསང་བའི་བཀའ་ངེས་པ་ལ་བཀའ་རྐུན་དང་ལུང་མེད་པ་དང་།དབང་མ་མནོས་པར་མཐའ་དག་ལ་སྟོན་ཅིང་། འདོད་པ་ཚོལ་བའི་ཕྱིར་སྒྲོག་པ་རྣམས་ནི། ཁྱད་པར་དུ་ཐིག་ལེ་སྤྱོད་པ་ཉམས་པ་སྟེ། འདི་དག་ལ་བསྟན་ན་གཉིས་ཀ་དམྱལ་བར་ལྟུང་ངོ་། །དམྱལ་བ་རྡོ་རྗེ་ཞེས་བྱ་བ་ནི། ཤིན་ཏུ་རྙེད་དཀའ་བའི་མི་ལུས་ཐོབ་པ་ལ། མི་ལ་སོགས་པ་གཡོ་སྒྱུ་མེད་པའི་དྲང་པོ་རང་བཞིན་གྱིས་དགེ་བ་ལ་གནས་པ་ལས། ངན་སོང་གསུམ་གྱིས་སྤྱོད་པ་ལ་ཞུགས་ཏེ།དགེ་སྡིག་དོན་ལ་ཡང་འཇོམ་པ་མེད་ཅིང་། དེ་དག་ལ་ཆེར་མི་བལྟ་ཞིང་མ་རྟོགས་པས་བླུན་པོ་བྱོལ་སོང་དང་འདྲ་བར་སྤྱོད་པ་དང་། གཞན་ཡང་མིར་སྐྱེས་ན་ཡང་ཤིན་ཏུ་ཆགས་ཤིང་ཞེན་པའི་དབང་གིས། ཐམས་ཅད་དུ་འདོད་པ་ལ་ཆགས་ཏེ།གཞན་ལ་མི་དབང་བར་སྤྱད་པ་དང་། གཞན་ལས་དམ་དུ་འབོག་པ་དང་།སེར་སྣ་ལ་སོགས་པ་འཇུངས་པས་ཡི་དྭགས་འདྲ་བའི་ལས་བྱེད་པ་དང་། མིའི་ལུས་ཐོབ་པ་ལ་བསད་པ་དང་བཅད་པ་ལ་སོགས་ དེ་བཞིན་གཤེགས་པ་ཐམས་ཅད་ཀྱི་རཀྟ་དམར་གྱི་རྒྱུད་ཅེས་བྱ་བ།― DNG008_Page_0569 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། སརྦ་ཏ་ཐཱ་ག་ཏ་རཀྟ་རཱ་ག་ཏན་ཏྲ་ནཱ་མ།བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་རཀྟ་དམར་གྱི་རྒྱུད་ཅེས་བྱ་བ།དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ཀུན་ཏུ་བཟང་མོའི་བྷ་ག་ཡངས་པའི་ཀློང་ན། ཡིད་བྱེད་པ་པོ་ཀུན་ཏུ་བཟང་པོ་ཧེ་རུ་ཀ་དང་། ཡུམ་ཀྲོ་དྷཱི་ཤྭ་རཱི་མ་དང་། བྷུཌྜྷ་ཧེ་རུ་ཀ་དང་།རཏྣ་ཧེ་རུ་ཀ་དང་། པདྨ་ཧེ་རུ་ཀ་དང་། ཀརྨ་ཧེ་རུ་ཀ་དང་། བྷུཌྜྷ་ཀྲོ་དྷཱི་ཤྭ་རཱི་མ་དང་། རཏྣ་ཀྲོ་དྷཱི་ཤྭ་རཱི་མ་དང་། པདྨ་ཀྲོ་དྷཱི་ཤྭ་རཱི་མ་དང་། ཀརྨ་ཀྲོ་དྷཱི་ཤྭ་རཱི་མ་དང་། གཉིས་སུ་མེད་པ་ཐུགས་ལས་བྱུང་བའི་འཁོར་གཽ་རི་མ་དང་། སིང་ཧ་མ་དང་། སྒོ་མ་དང་། དབང་ཕྱུག་མ་དང་། མཁའ་ ― DNG008_Page_0570 ―
[མ་དཔེ་གཟིགས་ན་འདིར་གནོན།]
འགྲོ་མ་དང་།ཤུགས་འགྲོ་མ་དང་། གིང་དང་ལང་ཀ་དང་། ལས་ཀྱི་དབང་མོ་དང་།འབར་མ་དང་། མ་བདུན་དང་། སྲིང་བཞི་དང་། ཕོ་ཉ་དང་། མ་མོ་ནག་མོ་ཁྲག་གཤོག་མ་དང་། ཡང་སྤྲུལ་བསམ་གྱིས་མི་ཁྱབ་པ་འདུས་ནས་འདི་སྐད་ཅེས་གླེང་ངོ་། །སྟོན་པ་ཁྲག་འཐུང་རྒྱལ་པོ་ལགས། །ཉོན་མོངས་ཆགས་པ་རྩད་གཅོད་ལ། །ཁྲག་གི་སྦྱོར་ཀ་མི་འཚལ་ལམ། །ཁྲག་ཅེས་བྱ་བའི་དོན་ཅི་ཞིག །དཔའ་བོ་ཆེན་པོས་གསུང་དུ་གསོལ། །བཀའ་སྩལ་པ། ཉོན་ཅིག་ཆགས་པ་རལ་པ་ཅན། །སྐྱེ་འགྲོ་ཁྲག་གི་རང་བཞིན་ཡིན། །སྣོད་བཅུད་ཁྲག་གི་རང་བཞིན་ཡིན། །ཁམས་གསུམ་ཁྲག་གི་རང་བཞིན་ཡིན། །ཁམས་གསུམ་སེམས་ཅན་ཐམས་ཅད་ཀྱང་། །ཁྲག་ལས་མ་སྐྱེས་གང་ཡང་མེད། །དུས་གསུམ་སངས་རྒྱས་ཐམས་ཅད་ཀྱང་། །ཁྲག་ལས་མ་སྐྱེས་གང་ཡང་མེད། །ཐམས་ཅད་ཁྲག་གི་རང་བཞིན་ནོ། །རཀྟ་དམར་གྱི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་ཆགས་པ་རལ་པ་ཅན་གྱིས་འདི་སྐད་ཅེས་གླེང་ངོ་། །དེ་ལ་རཀྟའི་ངོ་བོ་གང་ཞིག་ལགས། །རཀྟའི་ངེས་ཚིག་གང་ཞིག་ལགས། །རཀྟའི་རྣམ་གྲངས་དུ་རུ་ངེས། །རཀྟའི་བྱུང་ཁུངས་ཇི་ལྟར་ལགས། །རཀྟའི་ལྟ་བ་གང་ཞིག་ལགས། །རཀྟའི་སྤྱོད་པ་ཇི་ལྟ་བུ། །རཀྟའི་དབང་ནི་གང་གིས་བགྱི། །རཀྟའི་ཕྲིན་ལས་ཇི་ལྟ་བུ། །རཀྟའི་དམ་ཚིག་ཇི་ལྟ་བུ། །རཀྟའི་དཀྱིལ་འཁོར་གང་དག་ལགས། །རཀྟའི་མཆོད་པ་ཇི་ལྟ་བུ། །རཀྟའི་འབྲས་བུ་གང་དག་ལགས། །དཔའ་བོ་ཆེན་པོས་བཤད་དུ་གསོལ། །ཉོན་ཅིག་ཆགས་པ་རལ་པ་ཅན། །རཀྟའི་ངོ་བོ་ཆགས་པ་ཡིན། །ཐམས་ཅད་རག་པས་རཀྟ་ཡིན། །རཀྟའི་རྣམ་གྲངས་གསུམ་དུ་ངེས། །རཀྟའི་བྱུང་ཁུངས་གསང་ཡུམ་བཞི། །སྣང་སྲིད་རཀྟར་བལྟ་བས་ལྟ་བ་ཡིན། །སྤྱོད་པ་ཆགས་པ་དག་པ་ཡིན། །རཀྟའི་ ― DNG008_Page_0571 ―
[མ་དཔེ་གཟིགས་ན་འདིར་གནོན།]
དབང་ནི་ཕྱི་ནང་རྣམ་པ་གསུམ། །ཕྲིན་ལས་ཞི་རྒྱས་དབང་དྲག་བཞི། །རཀྟའི་དམ་ཚིག་དམར་ཆེན་ཁྲག་གིས་བཟུང་། །མཆོད་པ་དུས་བཞི་འདུ་འབྲལ་མེད། །སྒྲུབ་པ་ཐུན་མོང་ཁྱད་པར་ཡིན། །འབྲས་བུ་སྐུ་དང་ཡེ་ཤེས་ཐོབ། །མ་མོ་མཁའ་འགྲོ་བྲན་བཞིན་ཉན། །དུས་གསུམ་བདེ་གཤེགས་བྱིན་གྱིས་བརླབ། །གཟུངས་མ་བྲན་འཁོར་དབང་དུ་འདུ། །དགྲ་བགེགས་འབྱུང་པོ་འདར་ཞིང་སྐྲག །རཀྟ་དམར་གྱི་རྒྱུད་ལས། གླེང་བསླང་བའི་ལེའུ་སྟེ་གཉིས་པའོ།། །།དེ་ནས་ཆགས་པ་རལ་པ་ཅན་གྱིས་ཞུས་པ། སྟོན་པ་ཁྲག་འཐུང་རྒྱལ་པོ་ལགས། །རཀྟའི་ཁུངས་ནི་ཇི་ལྟར་ལགས། །ཉོན་ཅིག་ཆགས་པ་རལ་པ་ཅན། །རཀྟ་ཅེས་ནི་གྲགས་པ་ནི། །གཞི་ཡི་རཀྟ་འབྱུང་བ་ཆུ། །རྒྱུ་ཡི་རཀྟ་པདྨའི་ཁྲག །རིགས་ཀྱི་རཀྟ་སྣང་མཐའ་ཡས། །འབྲས་བུའི་རཀྟ་ཙིཏྟའི་ཁྲག །གྲངས་ཀྱི་རཀྟ་སུམ་ཅུ་ལྔ། །ས་ཡི་རཀྟ་ལྔ་དང་ཤིང་གི་རཀྟ་ལྔ། །མེ་ཏོག་རཀྟ་ལྔ་དང་རྩི་ཡི་རཀྟ་ལྔ། །སྲོག་ལས་བྱུང་བའི་རཀྟ་ལྔ། །སྨན་གྱི་རིགས་ཀྱི་རཀྟ་ལྔ། །འབྲས་བུའི་རཀྟ་ལྔ་ཞེས་སོ། །སའི་རཀྟ་ལྔ་ནི། བཙག་དང་ལི་ཁྲི་དམར་པོ་དང་། །ལྡོང་རོས་དམར་པོ་མཚལ་དང་ནི། །རྡོ་དྲེག་དམར་པོ་ལ་སོགས་ལྔ། །ཤིང་གི་རཀྟ་ལྔ་ལ་ཀུན་ཏུ་ར། །གོ་ཤིཪྵ་དང་ཙན་དན་དམར། །འདའ་མུར་དམར་པོ་བཙོད་དང་ནི། །ཉི་ཙ་པ་ཙ་ཏ་པ་ཏ། །རྒྱ་སྐྱེགས་དང་། མོ་ར་དམར་པོ་འོམ་པུ་དང་། །ཀཎྜ་ཀ་རི་དམར་པོ་སེང་ལྡེང་ལྔ། །མེ་ཏོག་རཀྟ་རྣམ་ལྔ་ནི། ། རྟགས་བར་འདི་དཔྱད། ཧ་ལོ་ཀྲི་ཡང་སེ་བའི་མེ་ཏོག་དང་། །འོག་ཆུ་ཧ་པུཥ་པ་ཨུག་ཆོས། །ལེང་ལེང་ཧའི་པུཥ་པ་མེ་ཏོག་ལྔ། །དམར་པོ་མྱུ་གུའི་པུཥ་པ་སྲད་མའི་མེ་ཏོག་དང་། །ཤིང་ཏའི་པུཥ་པ་ལུག་རུ་དམར་པོའི་མེ་ཏོག་དང་། །རྩིའི་རཀྟ་རྣམ་ལྔ་ནི། །ཚངས་པའི་རཀྟ་སྐྱུ་རུ་ར། །ཨཾ་ལི་ཀ་ཟླ་བའི་རཀྟ་དང་། །ཉི་མའི་རཀྟ་སྟར་བུ་དང་། །སྡེ་ལ་ཧི་རཀྟ་རྒུན་འབྲུ་དང་། །ཁྱབ་འཇུག་རཀྟ་འབྲམ་ཏ་ལ་ལྔ། །འབྲས་བུའི་རཀྟ་རྣམ་ལྔ་ནི། །ཤིང་གི་ལྷ་མོའི་རཀྟ་ ― DNG008_Page_0572 ―
[མ་དཔེ་གཟིགས་ན་འདིར་གནོན།]
སྣ་མའི་འབྲས་བུ། །ནགས་ཀྱི་ལྷ་མོའི་རཀྟ་རམ་བུ་དང་། །རྩིའི་ལྷ་མོའི་རཀྟ་ནི་སྤྲིན་དང་ནི། །སྨན་གྱི་ལྷ་མོའི་རཀྟ་བུར་མ་དང་། །སའི་ལྷ་མོའི་རཀྟ་གྲོ་མ་དང་། །འབྲས་བུའི་རཀྟ་ལྔ་ཞེས་པ། །མ་ཧཱ་པདྨའི་རཀྟ་དང་། །ནཱ་ས་གཡས་ཀྱི་རཀྟ་དང་། །བྱིའུ་འབར་མའི་རཀྟ་དང་། །གདང་བྱིན་རཀྟ་ལ་ཡང་རུང་། །འབྲས་བུ་ཙིཏྟའི་རཀྟ་དང་། །ཁཱ་སྦལ་ཁཱ་ཧི་སྦལ་པ་ནག་པོའི་རཀྟ་དང་། ། འདི་བར། རྩ་བ་བརྒྱད་ནི་སྦས་པ་ནང་གི་བཞི། །མངོན་པ་ཕྱི་ཡི་བཞི་དང་བརྒྱད། །ཡབ་ཀྱི་ནཱ་ས་གཡས་ཀྱི་ཁྲག །ཡུམ་གྱི་པདྨའི་རཀྟ་དང་། །འབྲས་བུ་ཆེན་པོ་བསྒྲལ་བའི་ཁྲག །རྩ་ཁྲག་རཀྟ་མཱུ་ལ་བཞི། །གླང་པོ་མ་ཧེ་སྟག་དང་ནི། །ཙིཏྟ་མཆོག་གི་ཁྲག་དང་བརྒྱད། །རཀྟ་དམར་གྱི་རྒྱུད་ལས། རཀྟའི་རྣམ་གྲངས་ཀྱི་ལེའུ་སྟེ་གསུམ་པའོ།། །།དེ་ནས་ཆགས་པ་རལ་པ་ཅན་གྱིས་ཞུས་པ། རཀྟའི་རྣམ་གྲངས་དེ་ལགས་ན། །རཀྟའི་བྱུང་ཁུངས་ཇི་ལྟར་ལགས། །ཞེས་གསོལ་པས། དཔལ་ཁྲག་འཐུང་རྒྱལ་པོས་འདི་སྐད་ཅེས་བཀའ་སྩལ་ཏོ། །མེ་ཏོག་རཀྟ་ལྔ་ལ། ཧ་ལོ་ཨུག་ཆོས་ཁ་བྱེད་ལེམ་བུ་མེ་ཏོག་ཨུཏྤལ་དང་ལྔ། སའི་རཀྟ་ལྔ་ལ། མཚལ་ཅོག་ལ་མ་དང་། ལི་ཁྲི་དང་། ལྡོང་རོས་དང་། ས་རམ་དང་། བཙག་དང་ལྔའོ། །འབྲས་བུའི་རཀྟ་ལྔ་ལ་རྒུན་འབྲུ་དང་། བ་མཁོལ་དང་། བུ་རམ་དང་། སྟར་བུ་དང་།ཁ་གསལ་དྲེ་བོ་དང་ལྔའོ། །རྩ་བའི་རཀྟ་ལྔ་ལ། ར་མོ་ཤག་རྩ་བ་དང་། ཉེ་ཤིང་རྩ་བ་དང་། རམ་བུའི་རྩ་བ་དང་། རྙ་ལོའི་རྩ་བ་དང་། ལྕ་བའི་རྩ་བ་དང་ལྔའོ། །ཤིང་གི་རཀྟ་ལྔ་ལ། སེང་ལྡེང་དང་། སྟར་བུ་དང་། ཁ་གསལ་དྲེ་བོ་དང་། ཤེལ་ཤིང་འོག་ཏུ་ཤིང་ཤིང་བྱུང་ནག་པོ་དང་། སྲེ་ཤིང་སྣ་མ་ལྔའོ། །རྡོའི་རཀྟ་ལྔ་ལ། མེ་ཤེལ་དང་། ཆུ་ཤེལ་དང་། མཆོད་རྡོ་མེ་འབྱིན་དང་། རྡོ་བྲ་མཚལ་དང་། མཚལ་ཁ་དང་ལྔ་ལ་བྱ། ― DNG008_Page_0573 ―
[མ་དཔེ་གཟིགས་ན་འདིར་གནོན།]
དེ་ཀུན་གྱི་ཁུངས་ནི། དང་པོ་བཅོམ་ལྡན་འདས་ཀྱི་ཐུགས་ཀ་ནས། མ་མོ་བྷ་ག་ཧྲི་ཏི་མ་དེས་སྲིད་རྩེ་ལྷ་གནས་མན་ཆད་ནས། ན་རག་དམྱལ་ཁམས་ཡན་ཆད་ཀུན། ཐུགས་རྗེས་མ་བཟུང་བ་གཅིག་ཀྱང་མེད་དེ། མ་མོའི་རྒྱལ་མོ་ཨེ་ཀ་ཛཱ་ཊཱི་མ་བྱུང་སྟེ། དེ་ལས་ཁྲག་དྭངས་སྙིགས་གསུམ་དུ་ཕྱེས་ཏེ། དྭངས་མ་ལས་སངས་རྒྱས་བྱང་ཆུབ་སེམས་དཔའ་བསྐྱེད། བར་མ་ལས་ལྷ་དང་མི་བསྐྱེད། ཐ་མ་ལས་ངན་སོང་གསུམ་བསྐྱེད་དོ། །དེ་ནས་བཅོམ་ལྡན་འདས་དཔལ་ཆེན་པོའི་དཔྲལ་བའི་དབྱིངས་ནས། སྨེ་བ་དམར་པོ་གཅིག་ཕྱུང་སྟེ། སྨེ་བ་དེའི་ནང་ནས་གསང་བའི་ཡུམ་བཞི་ཕྱུང་སྟེ།མཁའ་ལ་གཤོག་གཅིག་མ་ནི་ནམ་མཁའི་དབྱིངས་སུ་རྒྱུ། གཙུག་ན་རལ་གཅིག་མ་ནི་དཔལ་ཆེན་པོའི་དཔྲལ་བའི་དབྱིངས་ན་བཞུགས་སོ། །གླིང་བཞི་དྲག་མོ་རྒྱལ་ནི་ཀུན་ཏུ་རྒྱུའོ། །མཁའ་ལ་གཤོག་གཅིག་མ་ལས་ནི། མེ་ཏོག་གི་རཀྟ་ལྔ་བྱུང་སྟེ། ཁུད་བྱེད་ལམ་དུ་དཔྱིད་སྐྱེ། ཨུག་ཆོས་དབྱར་སྐྱེ། ཨུད་པ་ལ་སྟོན་སྐྱེ། །ཧ་ལོ་དགུན་སྐྱེ། མེ་ཏོག་རྒྱ་སྐྱེགས་ཁ་ཐམས་ཅད་དུ་སྐྱེའོ། །གཙུག་གི་རལ་གཅིག་མའི་རཀྟ་ལྔ་ནི། རྩ་བའི་རཀྟ་ལྔ་སྟེ། ར་མོ་ཤག་དང་ཉེ་ཤིང་རམ་བུ་ལྕ་བ་རྙ་ལོའི་རྩ་བ་ལྔའོ། །དབྱིངས་ཀྱི་རལ་གཅིག་མའི་རཀྟ་ལྔ་ནི། རྡོའི་རཀྟ་ལྔ་སྟེ།མེ་ཤེལ་དམར་པོ་དང་། ཆུ་ཤེལ་དམར་པོ་དང་། མཆོང་རྡོ་མེ་འབྱིན་དང་།རྡོ་བྲ་མཚལ་དང་མཚལ་ཁ་དང་ལྔའོ། །གླིང་བཞི་དྲག་མོ་རྒྱལ་གྱི་རཀྟ་ལྔ་ནི།འབྲས་བུའི་རཀྟ་ལྔ་སྟེ། དཔྱིད་ཆུ་བོའི་གཞུང་ལ་འཕྱོ་ཞིང་རླུང་ནག་འཚུབས་མའི་སྣ་འདྲེན་པའི་དུས་ན། རཀྟ་བབས་པ་ནི། ཁགས་པ་བྲ་བོ་ཏེ་དཔྱིད་སྨིན་ནོ། །དབྱར་གྱི་རིང་བར་སྣང་མཁའ་ལ་གནས་ཏེ། ཞལ་ནས་བདུད་རྩིའི་ཆར་པ་འབེབས་པའི་དུས་ན་རཀྟ་བྱུང་བ་ནི་རམ་བུ་སྟེ་དབྱར་སྨིན་ནོ། །སྟོན་གྱི་རིང་རེ་ར་བ་ཟོམ་ལ་གནས་ཤིང་ལོ་ཐོག་ཀུན་གྱི་བཅུད་ལེན་པའི་དུས་ན། རཀྟ་བྱུང་བ་ནི་སྟར་བུ་སྟེ་སྟོན་སྨིན་ནོ། །དགུན་རྒྱ་མཚོའི་གཏིང་ན་གནས་ཤིང་ཀླུ་རྣམས་ཀུན་དང་སྦྱོར་བ་ ― DNG008_Page_0574 ―
[མ་དཔེ་གཟིགས་ན་འདིར་གནོན།]
མཛད་པའི་དུས་ན། རཀྟ་འབབ་པ་ནི་རྒུན་འབྲུ་སྟེ་དགུན་སྨིན་ནོ། །དུས་ཐམས་ཅད་དུ་སྨིན་པ་ནི་གཙུག་གི་རལ་གཅིག་མའི་རཀྟ་སྟེ་ལྔའོ། །སའི་རཀྟ་ལྔ་ལ། མཚལ་ཅོག་ལ་མ་ནི་ཡུམ་ཀྲོ་དྷཱི་ཤྭ་རཱི་མའི་རཀྟའོ། །ལི་ཁྲི་ནི་དྲང་སྲོང་སྐར་མ་ལ་དགའ་བའི་རཀྟའོ། །ལྡོང་རོས་ནི་གནོད་སྦྱིན་གསང་བའི་རཀྟའོ། །ས་དམར་པོ་ནི་ལྷ་མོ་ནག་མོའི་རཀྟའོ། །བཙག་ནི་རྒྱ་ཟ་ལྡོང་བུའི་གསང་བའི་རཀྟའོ། །དེ་ལ་ཤིང་གི་རཀྟ་ལྔ་ནི། ཙན་དན་དམར་པོ་ཀུན་ཏུ་བཟང་མོའི་རཀྟའོ། །ཤིར་ཤིང་སྤྲེའུ་ཧ་ནུ་མནྠའི་ཡིན། སྲི་ཤིང་སྣ་མ་ནི་ལྷ་ཚེ་རིང་གི་ཁྲག་ཡིན། མཛོ་མོ་ཕྲ་མེན་མ་སྨད་འཚོང་མའི་ཁྲག་ཡིན་ནོ། །རཀྟ་དམར་གྱི་རྒྱུད་ལས། རཀྟའི་བྱུང་ཁུངས་ཀྱི་ལེའུ་སྟེ་བཞི་པའོ།། །།དེ་ནས་ཡང་གསོལ་པ། རཀྟའི་བྱུང་ཁུངས་དེ་ལགས་ན། །རཀྟའི་བསྡུ་ཐབས་ཇི་ལྟར་ལགས། །སྟོན་པ་ཁྲག་འཐུང་བཤད་དུ་གསོལ། །ཉོན་ཅིག་ཆགས་པ་རལ་པ་ཅན། །བརྐོ་བའི་དུས་ནི་འདི་ལྟ་སྟེ། །སྟོན་ཟླ་ར་བའི་ཉ་གསུམ་ལ། །བརྐོ་བའི་དུས་ནི་དེ་ལ་བསྟན། །སྟོན་ཟླ་ར་བ་ནམ་ཟླ་དུས་བཞིའི་ནང་ན་གཉན། །བཅོམ་ལྡན་དེ་ཉིད་དེ་ན་བཞུགས་པ་ལ། །གཞན་གྱི་དུག་ཐུལ་མི་ཐུབ་པས། །སྨན་བཅུད་ཐམས་ཅད་གཅིག་ཏུ་འདུས། །དུས་རྣམས་དེ་ལ་བརྐོ་བར་བྱ། །དེ་ཡང་ཤིན་ཏུ་གཉན་པས་ན། །བརྐོ་བའི་ཚེ་ཡང་མཎྜལ་བྱ། །ཙན་དན་དམར་པོས་དེ་ལ་བྱུགས། །སྣང་བ་མཐའ་ཡས་སྤྱན་དྲངས་ལ། །མཆོད་བསྟོད་གཏོར་མ་གཞུང་བཞིན་བྱ། །རྩི་ཡི་ལྷ་མོ་གཤེགས་སུ་གསོལ། །ཨོཾ་རཀྟ་མཱུ་ལ་པུཎྱེ་པུཎྱེ་སྭཱ་ཧཱ། ཞེས་པ་བགྲང་ཞིང་བརྐོ་བྱའོ། །ཨོཾ་ནི་སྐུ་ལྔ་ཡེ་ཤེས་ལྔ། །རཀྟ་ཆགས་པའི་རང་བཞིན་ལ། །མཱུ་ལ་རྩ་བའི་དངོས་གྲུབ་སྩོལ། །པུཎྱེ་པུཎྱེ་བསོད་ནམས་ཀྱི། །ཚོགས་ནི་ཟད་པར་མི་ཤེས་པས། །དེ་ལྟར་བཟླས་ལ་བརྐོ་བའོ། །སྭཱ་ཧཱ་ཞི་བ་ཆེན་པོའོ། །དངོས་གྲུབ་མྱུར་དུ་སྩོལ་ཅིག་ ― DNG008_Page_0575 ―
[མ་དཔེ་གཟིགས་ན་འདིར་གནོན།]
པའོ། །རཀྟ་མཱུ་ལ་ཁྲག་གི་ཉུང་མ་ཞེས། །མང་ཡུལ་ཁྲི་བབས་བོད་ཡུལ་གྱི། །གླང་ཐང་སྒྲོལ་མའི་གནས་སུ་སྐྱེ། །འདི་ཡང་སྲིད་པའི་རཀྟ་ཡིན། །མེ་ཏོག་རཀྟ་དུས་གཅིག་བཏུ། །འབྲས་བུའི་རཀྟ་དུས་བཞིར་བཏུ། །རྩི་ཡི་རཀྟ་ངེས་པ་མེད། །རཀྟ་དམར་གྱི་རྒྱུད་ལས།རཀྟ་བཏུ་བའི་ལེའུ་སྟེ་ལྔ་པའོ།། །།དེ་ནས་ཆགས་པ་རལ་པ་ཅན་གྱིས་ཞུས་པ། རཀྟ་བསྡུ་བ་དེ་ལགས་ན། །རཀྟ་སྒྲུབ་པ་ཇི་ལྟར་ལགས། །ཁྲག་འཐུང་ཆེན་པོས་བཤད་དུ་གསོལ། །ཉོན་ཅིག་ཆགས་པ་རལ་པ་ཅན། །ཡིད་འོང་བར་ཆད་མེད་པའི་གནས། །ཡང་ན་ཞི་རྒྱས་དབང་དྲག་བཞི། །ཕུན་སུམ་ཚོགས་པ་ལྡན་པ་རུ། །ས་ཡི་བྱ་བ་ཀུན་རྫོགས་ནས། །བསོད་ནམས་ཚོགས་གསོག་མཆོད་སྦྱིན་བྱ། །ཕྱི་ནང་བར་ཆད་བསལ་ནས་ཀྱང་། །ར་བ་གུར་གྱིས་མཚམས་བཅད་ནས། །སྟེགས་བུ་མདའ་གང་གྲུ་བཞི་ལ། །བདུད་རྩི་ལྔ་ཡིས་སྐྱང་ནུལ་བྱ། །ཡང་ན་ཁྲག་ཆེན་བྱུག་པར་བྱ། །ཐིག་གདབ་ཚོན་རྣམས་རིམ་པར་དགྱེ། །ཕོ་ཐོད་མོ་ཐོད་ཁ་སྦྱར་དུ། །རཀྟ་སྣ་ཚོགས་འབྱོར་པར་བསགས། །དཀྱིལ་འཁོར་རྣམ་གསུམ་བསྐྱེད་བྱས་ནས། །ཡེ་ཤེས་དཀྱིལ་འཁོར་སྤྱན་དྲང་བསྡིམ། །མཆོད་དང་བཟླས་པ་སྔོན་དུ་དབྱུང་། །རབ་འབྲིང་ཐ་མའི་རྟགས་ཐོན་ནས། །བསྒྲུབ་པ་ཆེན་པོ་བརྩམ་པར་བྱ། །རཀྟ་དབང་གི་དཀྱིལ་འཁོར་བསྐྱེད། །རཀྟ་ཐུན་མོང་ལས་བརྒྱད་རྫོགས་པར་སྦྱར། །བཟླས་པ་མཐར་དབྱུང་བཤགས་བསྟབ་བྱ། །དངོས་གྲུབ་ཅི་རིགས་བླངས་བྱས་ནས། །དབང་བསྐུར་བྱིན་རླབས་ཁྱད་པར་ཅན། །རིགས་ཀྱི་བུ་མཆོག་དེ་ལ་སྦྱིན། །དེ་དག་བསྐུར་བའི་སློབ་དཔོན་ལ། །ཡོན་མཆོག་དད་པས་དབུལ་བར་བྱ། །ལྷག་མས་མཁའ་འགྲོ་བསྐྱང་བ་དང་། །ཟ་ལམ་བསྟན་དང་སྦྱིན་སྲེག་བྱ། །མི་ཟད་གཏེར་སྦ་སྨོན་ལམ་བཏབ། །དཀྱིལ་འཁོར་བསྡུ་ཞིང་སྤྱོད་ལམ་བྱ། །རཀྟ་དམར་གྱི་རྒྱུད་ལས། སྒྲུབ་པའི་ ― DNG008_Page_0576 ―
[མ་དཔེ་གཟིགས་ན་འདིར་གནོན།]
ལེའུ་སྟེ་དྲུག་པའོ།། །།དེ་ནས་ཆགས་པ་རལ་པ་ཅན་གྱིས། རཀྟའི་སྒྲུབ་པ་དེ་ལགས་ན། །རཀྟའི་དམ་ཚིག་ཇི་ལྟར་ལགས། །ཉོན་ཅིག་ཆགས་པ་རལ་པ་ཅན། །རྒྱས་པར་དམ་ཚིག་འབུམ་སྡེ་ཡང་། །རྩ་བའི་དམ་ཚིག་ཉི་ཤུ་བརྒྱད། །བསྡུས་པས་རྩ་བ་གསུམ་དུ་གསུངས། །མི་འདའི་ཕྱིར་ན་དམ་ཚིག་སྟེ། །རྡོ་རྗེ་སློབ་དཔོན་གཙོ་ཉིད་དང་། །རྡོ་རྗེ་མཆེད་དང་ལྕམ་དྲལ་ལ། །ལུས་དང་སྲོག་ལ་བབ་གྱུར་ཀྱང་། །ཞེ་སྡང་མནར་སེམས་མི་བསྐྱེད་དོ། །ལུང་དང་ལྡན་པའི་སློབ་དཔོན་གྱིས། །སྣོད་དང་ལྡན་པའི་སློབ་མ་ལ། །ཡི་དམ་གསལ་བའི་ལྷ་ཕོག་ནས། །སྔགས་དང་ཕྱག་རྒྱ་རྒྱུན་མི་གཅད། །ཐུན་མོང་མ་ཡིན་གསང་ཆེན་ནི། །མན་ངག་གཞན་དུ་སྤེལ་མི་བྱ། །མན་ངག་གཞན་དུ་མ་སྤེལ་ཅིག །གསང་བཅུ་གཞན་ལ་མ་སྨྲ་ཞིག །སྦྱོར་སྒྲོལ་མ་བྱིན་ལེན་དང་རྫུན་དུ་སྨྲ། །ཚིག་བརླང་ལ་སོགས་ཉོན་མོངས་ལྔ། །འགྲོ་དོན་བཀའ་གཞུང་བཞིན་དུ་སྤྱད་པར་བྱ། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་ལ་སོགས་ཉོན་མོངས་ལྔ། །རིགས་ལྔའི་རང་བཞིན་ཡིན་པར་ཀུན་གྱིས་སྤྱད། །དྲི་ཆེན་དྲི་ཆུ་དམར་ཆེན་ཟིལ་པ་དང་། །མདངས་ཆེན་ལ་སོགས་དམ་རྫས་ལྔ། །ཐེ་ཙོམ་མེད་པར་ཀུན་གྱིས་སྤྱད། །ཕུང་པོ་ལྔ་དང་འབྱུང་བ་ལྔ། །རྣམ་ཤེས་ལྔ་དང་ཡེ་ཤེས་ལྔ། །ཡབ་ཡུམ་ལྔ་ལ་སོགས་པར་སྦྱོར་ཞིང་ཤེས། །རྡོ་རྗེའི་རིགས་དང་དེ་བཞིན་གཤེགས་པའི་རིགས། །རིན་ཆེན་པདྨ་ལས་ཀྱི་རིགས་ལ་སོགས། །བསྒྲུབ་པར་བྱ་བའི་དམ་ཚིག་མཐའ་རུ་དབྱུང་། །བསྲུངས་པའི་ཡོན་ཏན་བསམ་མི་ཁྱབ། །ཉམས་པའི་རྣམ་སྨིན་བསམ་མི་ཁྱབ། །ཤེས་པར་བྱས་ལ་ཀུན་གྱིས་སྤྱད། །ཚེ་འདི་ཉིད་ལ་སངས་རྒྱའོ། །རཀྟ་དམར་གྱི་རྒྱུད་ལས། དམ་ཚིག་གི་ལེའུ་སྟེ་བདུན་པའོ།། །།དེ་ནས་ཆགས་པ་རལ་པ་ཅན་གྱིས། ཁྲག་འཐུང་རྒྱལ་པོ་ལ་འདི་སྐད་ཅེས་ཞུས་སོ། །དམ་ཚིག་སྲུང་ཐབས་དེ་ལགས་ན། །དབང་གི་རིམ་པ་ཇི་ལྟར་ལགས། །ཁྲག་འཐུང་ ― DNG008_Page_0577 ―
[མ་དཔེ་གཟིགས་ན་འདིར་གནོན།]
རྒྱལ་པོས་བཀའ་སྩལ་པ། །ནུབ་རི་མཐོ་ལ་ཤར་རི་གཞོལ། །ལྷོ་རི་བྱང་རི་སྤོ་ནས་སྐྱོར། །ཧྲད་ཧྲོད་སྒང་གཤོངས་མེད་པའི་གནས། །ཆུ་བྲན་སྣ་ཚོགས་འབབ་པ་ལ། །མེ་ཏོག་ཤིང་རྩི་སྣ་ཚོགས་སྐྱེ་གནས་སུ། །ས་ཡི་བྱ་བ་ཀུན་བྱས་ནས། །བར་གཅོད་བགེགས་རྣམས་བསལ་བྱས་ཏེ། །གྲོགས་མཆོག་མཚན་ལྡན་བཙལ་བྱས་ནས། །རྫས་དང་ཡོ་བྱད་ཁྱེར་ནས་སུ། །ཡོན་ཏན་བརྒྱད་ལྡན་བླ་མ་ལ། །སྐྱོན་དྲུག་སྤངས་པའི་སློབ་མ་ཡིས། །རབ་ཏུ་ཡིད་འཐད་རབ་ཏུ་འབུལ། །དཀྱིལ་འཁོར་རིམ་བཞིན་བརྩིགས་ནས་ནི། །བདུད་རྩི་ལྔ་ཡིས་ཆག་ཆག་གདབ། །ཐིག་བཏབ་དཀྱིལ་འཁོར་བྲིས་ནས་ཀྱང་། །དབང་རྫས་རིམ་པར་བཀོད་ནས་ཀྱང་། །བྱིན་བརླབ་གཞུང་བསྲང་བསྙེན་པ་བཟླས། །བདུན་འབུམ་ཉི་ཁྲི་སྔོན་དུ་སོང་། །རབ་འབྲིང་ཐ་མའི་རྟགས་ཐོན་ནས། །བསྒྲུབ་པ་ཆེན་པོའི་ལས་ལ་འཇུག །དངོས་གྲུབ་ཞལ་ཟས་བསྟར་བྱས་ནས། །མཚན་སྟོན་བསྙེན་པ་རྫོགས་པ་དང་། །སློབ་མ་དཀྱིལ་འཁོར་ནས་བཏོན་ནས། །སློབ་དཔོན་སངས་རྒྱས་བཞུགས་པ་དེས། །དབང་གི་རྫས་རྣམས་ཐོགས་ནས་སུ། །རིགས་ཀྱི་བུ་མཆོག་མངོན་དུ་བཞག །བདེན་བདར་མཚམས་བཅད་བསྒྲག་བཤད་བྱ། །རིམ་པས་དབང་རྣམས་བསྐུར་བར་བྱ། །ཕྱི་ནང་དབང་རྣམས་རྫོགས་པ་དང་། །དབང་རྒྱས་བཏབ་ལ་མན་ངག་བཞིན། །མི་དམིགས་བལྟ་བའི་དོན་ལ་གནས། །རྒྱལ་པོ་རྒྱལ་རིགས་དབང་བསྐུར་བ། །འཁོར་ལོས་སྒྱུར་བའི་རྒྱལ་པོ་བཞིན། །རིགས་ཀྱི་བུ་མཆོག་སློབ་མ་དེ། །སངས་རྒྱས་ས་ལ་འཁོར་ལོ་བསྒྱུར། །འཇིག་རྟེན་དབང་ལྟ་སྨོས་ཅི་དགོས། །ཞེས་གསུངས་སོ། །རཀྟ་དམར་གྱི་རྒྱུད་ལས།དབང་གི་ལེའུ་སྟེ་བརྒྱད་པའོ།། །།དེ་ནས་ཡང་ཆགས་པ་རལ་པ་ཅན་གྱིས་ཞུས་པ། སྟོན་པ་ཁྲག་འཐུང་རྒྱལ་པོ་ལགས། །དབང་གི་རིམ་པ་དེ་ལགས་ན། །དཀྱིལ་འཁོར་རིམ་ ― DNG008_Page_0578 ―
[མ་དཔེ་གཟིགས་ན་འདིར་གནོན།]
པ་ཇི་ལྟར་ལགས། །ཁྲག་འཐུང་རྒྱལ་པོས་བཀའ་སྩལ་པ། །སྐུ་ཡི་དཀྱིལ་འཁོར་བསམ་ཡས་ཀྱང་། །ཁྲག་འཐུང་རྒྱལ་པོའི་སྐུ་ལ་འདུས། །དབུས་ཞལ་མཐིང་བ་དཔལ་ཆེན་ཉིད་ཀྱི་ཞལ། །གཡས་དཀར་ཁྲོ་མོ་ཀཽ་རི་མ། །གཡོན་དམར་ལྷ་མོ་པྲ་མོ་ཧ། །ཕྱག་མཚན་དྲུག་པོ་ལྷ་མོ་དྲུག །རྒྱན་ཆས་འཁོར་གྱི་ལྷ་རྣམས་ཏེ། །ལྔ་བཅུ་ཐམ་པ་ཚང་བར་བསྒོམ། །གསུང་གི་དཀྱིལ་འཁོར་བསམ་ཡས་ཀྱང་། །ཁྲག་འཐུང་རྒྱལ་པོའི་གསུང་དུ་འདུས། །རུ་ལུ་འབྲུ་བརྒྱད་གསུང་གི་སྔགས། །་ནི་ཡེ་ཤེས་ཁྲག་འཐུང་ལྔ། །རུ་ལུ་གོང་མ་གཽ་རི་བརྒྱད། །རུ་ལུ་འོག་མ་སིང་ཧ་བརྒྱད། །ཧཱུཾ་ནི་ཕྱག་རྒྱ་སྒོ་མ་བཞི། །བྷྱོ་ནི་རྣལ་འབྱོར་ཉི་ཤུ་བརྒྱད། །ཧཱུྃ་ནི་ཡེ་ཤེས་སེམས་དཔའི་ཐུགས། །བསྙེན་པའི་དཀྱིལ་འཁོར་གསུང་གི་ལྷ། །ཐུགས་ཀྱི་དཀྱིལ་འཁོར་བསམ་ཡས་ཀྱང་། །ཁྲག་འཐུང་རྒྱལ་པོའི་ཐུགས་ལ་འདུས། །ཡེ་ཤེས་སེམས་དཔའ་ཐུགས་དམ་ལྷ། །སངས་རྒྱས་རྩ་གཉིས་ཐུགས་ཀྱི་དངོས། །ཐིག་ལེ་བྱང་ཆུབ་སེམས་ཉིད་དེ། །བྱ་བཙལ་མེད་པར་ཀུན་ལ་གནས། །འཛིན་ཆགས་མེད་པ་ཐུགས་ཀྱི་མཆོག །མ་འགགས་ཤར་བ་ཐུགས་ཀྱི་རྒྱན། །རང་སར་རྫོགས་པ་ཐུགས་ཀྱི་གནས། །ཞེས་གསུངས་སོ། །རཀྟ་དམར་གྱི་རྒྱུད་ལས། དཀྱིལ་འཁོར་གྱི་ལེའུ་སྟེ་དགུ་པའོ།། །།དེ་ནས་ཆགས་པ་རལ་པ་ཅན་གྱིས་གསོལ་པ། སྟོན་པ་ཁྲག་འཐུང་རྒྱལ་པོ་ལགས། །རཀྟའི་དཀྱིལ་འཁོར་དེ་ལགས་ན། །རཀྟའི་མཆོད་པ་ཇི་ལྟར་ལགས། །ཉོན་ཅིག་ཆགས་པ་རལ་པ་ཅན། །རཀྟ་བྱིན་གྱིས་བརླབས་པ་ནི། །བན་དྷ་མཚན་ལྡན་སྐྱ་ཡོལ་དུ། །རཀྟ་སུམ་ཅུ་རྩ་ལྔ་ལ། །མཆོག་བསྒྲལ་རཀྟ་ཉི་ཤུ་གཉིས། །ར་ས་ཡ་ན་ལ་སོགས་གསུམ། །སྐྱ་ཡོལ་ནང་དུ་གཅིག་ཏུ་སྦྱར། །ཞེ་སྡང་མ་སྤངས་རཱུ་ཏྲའི་ཁྲག །མ་ཧཱ་དེ་ཝ་གཏི་མུག་ཁྲག །ཚངས་པ་ང་རྒྱལ་བསྒྲལ་ ― DNG008_Page_0579 ―
[མ་དཔེ་གཟིགས་ན་འདིར་གནོན།]
བའི་ཁྲག །འཇོག་པོ་འདོད་ཆགས་བསྒྲལ་བའི་ཁྲག །ཁྱབ་འཇུག་ཕྲག་དོག་བསྒྲལ་བའི་ཁྲག །དུག་ལྔ་བསྒྲལ་བའི་ཁྲག་ཆེན་ཡིན། །རྣམ་ཤེས་ཚོགས་བརྒྱད་རང་རྒྱུད་སྤྱོད། །ལྷ་ཆེན་བརྒྱད་པོ་དྲེགས་ཅན་དང་། །མ་ཧཱ་དེ་བ་བིཥྞུ་རཱ་ཙ་དང་། །བྷྲྀ་གི་རི་ཏི་ཚོགས་བདག་དང་། །དགའ་བྱེད་དབང་ཕྱུག་ཁྱབ་འཇུག་དང་། །སྟོབས་བཟང་གཞོན་ནུ་སྨིན་དྲུག་བསྒྲལ་བའི་རོ། །རྣམ་ཤེས་ཚོགས་བརྒྱད་བསྒྲལ་བའི་ཁྲག །བསྒྲལ་བའི་ཞིང་བཅུ་བསྒྲལ་བའི་ཁྲག །མི་དགེ་བཅུ་པོ་བསྒྲལ་བའི་ཕྱིར། །སངས་རྒྱས་བསྟན་པ་བཤིགས་པ་དང་། །དཀོན་མཆོག་དབུ་འཕང་སྨོད་པ་དང་། །དབེན་རིགས་གཉེན་པོ་འཇོམས་པ་དང་། །ཞེ་སྡང་མེ་ལྟར་འབར་བ་དང་། །གཏི་མུག་མུན་ལྟར་གཏིབས་པ་དང་། །ང་རྒྱལ་རི་ལྟར་སྤུངས་པ་དང་། །འདོད་ཆགས་ཆུ་ལྟར་འབྲུབ་པ་དང་། །ཕྲག་དོག་རླུང་ལྟར་འཚུབས་པ་དང་། །བུ་ལྟར་གསོས་ནས་དགྲ་ལྟར་སྡང་། །མི་ཤེས་ཤེས་རྫུ་འདེབས་དང་བཅུ། །བསྒྲལ་བའི་ཁྲག་ནི་བསྟན་པ་གཉེན། །ཁྲག་འཐུང་ཆེན་པོའི་ཏིང་འཛིན་གྱིས། །ར་ལས་རཀྟའི་རྒྱ་མཚོར་བསྐྱེད། །ཤར་གྱི་རྦ་རླབས་ནུབ་ཏུ་འཕྱོ། །ནུབ་ཀྱི་རྦ་རླབས་ཤར་དུ་འཕྱོ། །ལྷོ་ཡི་རྦ་རླབས་བྱང་དུ་འཕྱོ། །བྱང་གི་རྦ་རླབས་ལྷོ་རུ་འཕྱོ། །སྟེང་གི་རྦ་རླབས་འོག་ཏུ་འཕྱོ། །འོག་གི་རྦ་རླབས་སྟེང་དུ་འཕྱོ། །ཤ་ཆེན་ལྷུ་དུམ་ལང་ལོང་དང་། །ཙིཏྟ་ཚིལ་ཆེན་ཆོ་ལོ་ལོ། །རཀྟའི་རླངས་པ་ཕྱུ་རུ་རུ། །དྲི་ཡི་ངད་པ་ཆི་ལི་ལི། །གཟུགས་ཀྱི་ལྷ་མོས་བམ་དབྱུག་འཕྱར། །སྒྲ་ཡི་ལྷ་མོས་རྐང་གླིང་འབུད། །ཡང་ན་བན་དྷ་ཆ་ལང་བརྡེབ། །དྲི་ཡི་ལྷ་མོས་གསུར་ཆེན་བསྣམས། །རོ་ཡི་ལྷ་མོས་ཤ་ཆེན་ཐོགས། །རེག་བྱའི་ལྷ་མོས་ཞིང་ལྤགས་གྱོན། །བདེ་གཤེགས་རྣམས་ཀྱི་ཐུགས་དམ་བསྐང་། །མ་མོ་མཁའ་འགྲོས་ཚོགས་སུ་རོལ། །རྣལ་འབྱོར་དབང་ཕྱུག་དབྱར་དམ་བསྐང་། །ཁྲག་འཐུང་ཆེན་པོའི་ཐུགས་ཀ་ནས། །བཟླས་པའི་སྙིང་པོ་འདི་བརྗོད་དོ། ། ― DNG008_Page_0580 ―
[མ་དཔེ་གཟིགས་ན་འདིར་གནོན།]
རཀྟ་ཛྭ་ལ་མཎྜ་ལ་ཧཱུཾ། ཞེས་བརྒྱ་རྩ་བརྒྱད་བཟླས་སོ། །མདོག་དམར་པོ་གང་ལ་རེག་པ་དོན་བྱེད་ནུས་པར་བྱིན་གྱིས་བརླབས་ལ། མཆོད་པའི་རྫས་སུ་གཞག་གོ། །རཀྟ་དམར་གྱི་རྒྱུད་ལས། བྱིན་རླབས་ཏིང་ངེ་འཛིན་གྱི་ལེའུ་སྟེ་བཅུ་པའོ།། །།དེ་ནས་ཡང་ཆགས་པ་རལ་པ་ཅན་གྱིས། ཁྲག་འཐུང་རྒྱལ་པོ་ལ་ཞུས་པ།རཀྟ་བྱིན་རླབས་དེ་ལགས་ན། །རཀྟའི་མཆོད་པ་ཇི་ལྟར་ལགས། །ཉོན་ཅིག་ཆགས་པ་རལ་པ་ཅན། །ཕྱི་ཡི་དུས་ན་དམར་གྱི་གཏོར་མ་ཡིན། ། ནང་གི་ཆད། གསང་བའི་མཎྜལ་ཁྲག་གིས་ཆག་ཆག་གདབ། །ཐིག་གི་དུས་ན་ཡུམ་གྱི་གསང་བའི་ཁྲག །རྫས་རྒོད་དུས་ན་ཡབ་ཀྱི་ནཱ་སའི་ཁྲག །རྟགས་ཀྱི་དུས་ན་ཁྲག་ཆེན་ཐིག་ལེས་མཚན། །དབང་ཆེན་དུས་ན་རཀྟའི་རྒྱ་མཚོར་རླབས། །ཕྱག་མཚན་དུས་ན་བན་དྷ་དམར་གྱིས་བཀང་། །སྤྱན་དྲང་དུས་ན་ཁྲག་འཐུང་འཁོར་བཅས་གཤེགས་སུ་གསོལ། །མཆོད་པའི་དུས་ན་དམར་ཆེན་རྒྱ་མཚོར་སྐྱིལ། །གསོལ་བའི་དུས་ན་རཀྟ་ཁཱ་ཧི་བརྗོད། །དབང་གི་དུས་ན་བྱང་སེམས་དཀར་དམར་ཁྲག །ལྷག་མའི་དུས་ན་མཆོད་པ་དམ་རྫས་ཁྲག །བཀའ་ཉན་རོལ་པའི་བུ་མོ་ནི། །རྡོ་རྗེ་སྒེག་མོ་འདོད་ཆགས་ཆེ། །འདོད་ཅིང་ཆགས་པ་ཆགས་པའི་མཆོག །མཆོད་པའི་རྫས་སུ་བཞུགས་སུ་གསོལ། །རཀྟ་མ་ཧཱ་ས་མ་ཡ་ཏིཥྛ་ལྷན། །ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་ཁྲག་འཐུང་འཁོར་དང་བཅས། །གནས་འདིར་སྤྱན་འདྲེན་གཤེགས་སུ་གསོལ། །མ་ཧཱ་མཱཾ་ས་རཀྟ་ཨ་མྲྀ་ཏ་ཁཱ་ཧི་ཧ་ཧ་ཧེ་ཧེ། ཨ་ལ་ལ། ད་ནི་ཟ་བྱེད་ཆེན་པོ་སྟེ། །ཁམས་གསུམ་མ་ལུས་བསྒྲལ་བ་དང་། །གདུལ་དཀའ་མཐའ་དག་གདུལ་བྱའི་ཕྱིར། །ཤ་རུས་ལ་སོགས་བཟའ་བར་བྱའོ། །ད་ནི་ཁྲག་འཐུང་ཆེན་པོ་སྟེ། །འཁོར་བའི་དྲ་བ་ཆགས་པའི་རྒྱུད། །དམར་ཆེན་པོ་ནི་རྒྱ་མཚོར་བསྐྱིལ། །མཁའ་འགྲོའི་ཚོགས་བཅས་རྣམས་ལ་རོལ། །མ་ལུས་བཅས་ ― DNG008_Page_0581 ―
[མ་དཔེ་གཟིགས་ན་འདིར་གནོན།]
ནས་གཤེགས་སུ་གསོལ། །མ་ཧཱ་རཀྟ་ཁཱ་ཧི། མ་ཧཱ་ཙིཏྟ་ཁཱ་ཧི། གོ་རོ་ཙ་ན་ཁཱ་ཧི། ག་ཎ་ཁཱ་ཧི། ཙཀྵུ་ཁཱ་ཧི། བ་སུ་ཏ་ཁཱ་ཧི། བ་ལིང་ཏ་ཁཱ་ཧི། ཀེང་ནི་རི་ཏི་ཁཱ་ཧི། མཱ་ངས་ཁཱ་ཧི། པག་ཤུ་ཁཱ་ཧི། ཞེས་མཆོད་པའི་ལྷ་མོ་ནམ་མཁའ་གང་བ་དང་། ས་གཞི་གང་བ་དང་། བར་སྣང་གང་བས་མཆོད་དོ། །རཀྟ་དམར་གྱི་རྒྱུད་ལས། མཆོད་པའི་ལེའུ་སྟེ་བཅུ་གཅིག་པའོ།། །།དེ་ནས་ཆགས་པ་རལ་པ་ཅན་གྱིས་ཞུས་པ། མཆོད་པའི་ལས་ནི་དེ་ལགས་ན། །ཕྲིན་ལས་རིམ་པ་ཇི་ལྟར་ལགས། །སྟོན་པས་གསུངས་པ། ཉོན་ཅིག་ཆགས་པ་རལ་པ་ཅན། །བཀྲ་ཤིས་ཉམས་དགའ་ཡིད་འོང་དུ། །ཕུན་སུམ་ཚོགས་པ་བཞི་ལྡན་པས། །ཕྲིན་ལས་ཞི་རྒྱས་དབང་དྲག་བཞི། །ཞི་བའི་དཀྱིལ་འཁོར་ཟླུམ་པོ་ལ། །ཙན་དན་ལྡེ་གུས་ལེགས་བྱུགས་ཏེ། །སྣང་བ་མཐའ་ཡས་འཁོར་བཅས་བཀོད། །ཞི་བའི་མཆོད་པ་རྒྱས་ཕུལ་ནས། །ཤཱན་ཏིང་ཀུ་རུའི་སྔགས་བརྗོད་པས། །ནད་དང་གདོན་ཚོགས་ཞི་བར་འགྱུར། །རྒྱས་པའི་དཀྱིལ་འཁོར་གྲུ་བཞི་ལ། །སྲི་ཤིང་ཆུ་ཡིས་ལེགས་བཏབ་ནས། །འབྱུང་ལྡན་འཁོར་བཅས་སྤྱན་དྲངས་ཏེ། །མེ་ཏོག་རཀྟ་ལྔ་ཡིས་མཆོད། །པུཥྚིང་ཀུ་རུའི་སྔགས་བརྗོད་པས། །ཚེ་དང་ལོངས་སྤྱོད་རྒྱས་པར་འགྱུར། །མཎྜལ་ཟླ་ཁམ་ལེགས་པ་ལ། །ལི་ཁྲི་དམར་པོས་ལེགས་བྱུགས་ལ། །འོད་དཔག་མེད་པ་སྤྱན་དྲངས་ནས། །ས་ཡི་རཀྟས་མཆོད་པ་ནི། །ཝ་ཤང་ཀུ་རུའི་སྔགས་བརྗོད་པས། །གཟུངས་མ་བྲན་རྣམས་དབང་དུ་འདུས། །མཎྜལ་ནག་པོ་གྲུ་གསུམ་དུ། །བསྒྲལ་བའི་ཁྲག་གིས་ལེགས་བྱུགས་ནས། །ཁྲག་འཐུང་འཁོར་བཅས་སྤྱན་དྲངས་ཏེ། །འབྲས་བུའི་ཁྲག་གིས་མཆོད་པ་ནི། །མ་བྷ་ནི་ཡི་སྔགས་བརྗོད་པས། ། ཚིག་ཆད་སོང་། དགྲ་བགེགས་ལ་སོགས་སྨོས་ཅི་དགོས། །རཀྟ་དམར་གྱི་རྒྱུད་ལས། ཕྲིན་ལས་བཞིའི་ལེའུ་སྟེ་བཅུ་གཉིས་ ― DNG008_Page_0582 ―
[མ་དཔེ་གཟིགས་ན་འདིར་གནོན།]
པའོ།། །།ཉོན་ཅིག་ཆགས་པ་རལ་པ་ཅན། །དྲག་པོའི་ཁྲག་ཟོར་སྒྲུབ་པའི་ཐབས། །དྲག་པོ་ལས་ཀྱི་དཀྱིལ་འཁོར་དུ། །ཨེ་ཀ་ལི་ཡིས་བསྒྲུབས་པའི་ཟོར། །ཡུལ་མཁར་ཁྱིམ་ལ་ཁྲག་ཟོར་ཡ། །གཟའ་སྐར་ཚོགས་ཀྱི་དཀྱིལ་འཁོར་དུ། ། འདི་ནས་ཀྱང་ཚིག་ཁ་ཤས་ཆད། དྲང་སྲོང་དེ་བས་བསྒྲུབས་པའི་ཟོར། །མཆན་གྱི་བུ་སྨད་ཁྲག་ཟོར་ཡ། །གཤིན་རྗེའི་རྒྱལ་པོའི་དཀྱིལ་འཁོར་དུ། །མ་མོའི་ཚོགས་ཀྱིས་བསྒྲུབས་པའི་ཟོར། །བེ་ལུག་སྤུ་ཕྱུགས་ཁྲག་ཟོར་ཡ། །པདྨ་ཧེ་རུའི་དཀྱིལ་འཁོར་དུ། །མ་མོའི་ཚོགས་ཀྱིས་བསྒྲུབས་པའི་ཟོར། །འོག་གི་ནག་མོ་པུས་འགྲོ་མ། །རྒྱུ་ཁྲག་བཅོས་ཤིག་རོ་ཙ་ན། །རླུང་ལྷ་དེ་བའི་དཀྱིལ་འཁོར་དུ། །ཆོས་དབྱིངས་མ་མོས་བསྒྲུབས་པའི་ཟོར། །དམ་ཉམས་དགྲ་བོའི་མགོ་ལ་གཟོར། །བྱང་ཤར་མཚམས་ཀྱི་དཀྱིལ་འཁོར་དུ། །བྱང་ཆུབ་མ་གཡོས་བསྒྲུབས་པའི་ཟོར། །དབང་པོས་བཅོས་ཤིག་ད་ར་མ། །སྟེང་གི་ལྷ་ཡི་དཀྱིལ་འཁོར་དུ། །ཕྱག་ན་རྡོ་རྗེ་བསྒྲུབས་པའི་ཟོར། །བདུད་འདུལ་དབང་པོ་ཡོངས་ལ་གཟོར། །བར་སྣང་མི་ཡི་དཀྱིལ་འཁོར་དུ། །པདྨ་ཧེ་རུས་བསྒྲུབས་པའི་ཟོར། །སྲིན་པོའི་གྲོང་ཁྱེར་ཚོགས་ལ་གཟོར། །དམ་ཉམས་སྙིང་ལ་ཙིཏྟ་ཀུ་ཏ་ན། །དང་པོ་ཟོར་གྱི་སྐྱེས་བུ་ནི། །འཕེན་བྱེད་ཆེན་པོའི་དུས་ལ་བབ། །ཤར་གྱི་ཕྱོགས་ནས་གཤེགས་སུ་གསོལ། །དྲི་ཟའི་འཁོར་ལ་མངའ་བརྙེས་པ། །དུང་གི་གླང་པོའི་གདན་སྟེང་ན། །དུང་གི་སྐྱེས་བུ་སྤྱན་གཅིག་པ། །དབུ་ལ་ཤེལ་གྱི་ཞྭ་དཀར་གསོལ། །དངུལ་ཁྲབ་ཞོལ་མོ་འཇོལ་ལེ་འཇོལ། །ཕྱག་ན་ཐོད་པ་ཁྲག་གིས་བཀང་། །དམ་ཉམས་དགྲ་བོའི་སྙིང་ལ་གཟོར། །ཙ་ཏེ་ཙི་ཏ་གཟོར། ལྷོ་ཡི་དབྱིངས་ཕྱུག་མ་མོས་ཡིན་ནམ་ཕྱོགས་ནས་བསྐུལ་བ་ནི། །གཤིན་རྗེ་གྲུལ་བུམ་མངའ་བརྙེས་པ། །ཅང་ཤེས་རྟ་ཡི་གདན་སྟེང་ན། །བསེ་ཡི་སྐྱེས་བུ་དབང་བྱེད་དོ། །དབུ་ལ་རིན་ཆེན་བཞད་གར་གསོལ། །ཆིབས་སུ་གཡུ་ཡི་སྤྱང་ཁུ་ཆིབས། ། ― DNG008_Page_0583 ―
[མ་དཔེ་གཟིགས་ན་འདིར་གནོན།]
གཡུ་ཁྲབ་སྔོན་མོ་འཇོལ་ལེ་འཇོལ། །གཡས་ཀྱི་ཕྱག་གིས་གཞུ་བདུངས་ནས། །མཐིང་གི་མདའ་མོ་ལྟོང་སྦྱར་ནས། །ད་ནི་གཟོར་རོ་དགྲ་ལ་གཟོར། །ངག་གི་དབང་པོ་ལྕེ་ལ་གཟོར། །བྷྱོ་ལྕེ་ལ་ཏི་ལྕེ་ཏི་གཟོར། །ནུབ་ཀྱི་ཕྱོགས་ནས་བསྐུལ་པ་ནི། །ཀླུ་རྒྱལ་དབང་ཆེན་མངའ་བརྙེས་པ། །རྨ་བྱ་མཛེས་པའི་གདན་སྟེང་ན། །བསེ་ཡི་སྐྱེས་བུ་གདུག་པ་ཅན། །དབུ་ལ་བསེ་ཡི་ལྡན་དཀར་གསོལ། །ཆིབས་སུ་བསེ་ཡི་སྤྱང་མོ་ཆིབས། །བསེ་ཁྲབ་ཁྲ་བོ་འཇོལ་ལེ་འཇོལ། །གཡས་པས་བསེ་ཡི་གཞུ་བདུངས་ནས། །ཟངས་ཀྱི་མདའ་མོ་ལྟོང་སྦྱར་ནས། །དེ་ནི་སྡང་བའི་དགྲ་ལ་གཟོར། །གྲོས་ཀྱི་འདུན་ཕུང་སྤྱི་བོར་གཟོར། །གཟོར་རོ་གཟོར་རོ་ཐིལ་གཟོར་རོ། །བྱང་གི་ཕྱོགས་ནས་བསྐུལ་བ་ནི། །གནོད་སྦྱིན་ནག་མོ་མངའ་བརྙེས་མ། །ཞིང་ཆེན་བསྣོལ་བའི་གདན་སྟེང་ན། །ལས་ཀྱི་སྐྱེས་བུ་གདུག་པ་ཅན། །དབུ་ལ་བསེ་ཡི་ཞྭ་གསོལ་པ། །ཆིབས་སུ་གསེར་གྱི་སྤྱང་ཀི་ཆིབས། །གསེར་ཁྲབ་སེར་པོ་འཇོལ་ལེ་འཇོལ། །གཡས་པས་གསེར་གྱི་གཞུ་བདུངས་ནས། །ར་གན་མདའ་མོ་ལྟོང་སྦྱར་ཏེ། །ཉམས་པའི་དགྲ་བོའི་དབུགས་ལ་ཡ། །ཕོག་པར་གྱིས་ཤིག་ཨཱ་ཀོ་ཊ། །སྐྱེས་བུ་དེ་ཡི་ཞབས་དྲུང་ན། །སེམས་ཅན་བཞི་ཡི་གདན་གཏིང་ཞིང་། །དུས་བཞིར་སྤྱང་ཀི་བཞི་ཡང་འགྱེད། །མངོན་སྤྱོད་ཕྲིན་ལས་མྱུར་དུ་མཛོད། །དྲག་པོ་ཡེ་སེང་བྷྱོ་རུ་ལུ་རུ་ལུ། ཞེས་བཟླས་ཤིང་ཕྲིན་ལས་བཅོལ་ལོ། །དུས་ཀྱི་བནྡྷའི་ནང་དུ་བུད་མེད་ཡུགས་ས་མོའི་ཁྲག་སྒྱུར་ཞིང་དེ་བཟླས། འཕེན་པའི་སྔགས། ཡ་ཡ་དཾ་དཾ་མེ་ཐཱིག །ཨེ་མྱག་མྱག །ཐུན་ཐུན། རམ་རམ། མྱོག་མྱོག །ཅེས་བྱ་ཞིང་བརྡེག །ལས་དེ་གང་དུ་བྱས་ཀྱང་འགྲུབ་པར་འགྱུར། །གཏོར་མ་ལྷོ་ནུབ་མཚམས་སུ་ནི། །ཀྱི་ལྕེ་ནག་པོ་དབྱི་མོང་དང་། །སྤྱང་ཚེར་དུག་སྣ་སྣ་ཚོགས་དང་། །ཐར་ནུ་ཁྲག་དང་སྦྱར་བཤམས་ལ། །མ་མོ་སེར་ནག་ངས་ནི་མ་ཉེས་སོ། །དམ་ཉམས་ཐལ་བ་ ― DNG008_Page_0584 ―
[མ་དཔེ་གཟིགས་ན་འདིར་གནོན།]
བཞིན་དུ་རློགས། །དེ་སྐད་བྱས་ལ་འོ་དོད་འབོད། །ཧྲཱྀཿདཔལ་གཏོར་དུག་གི་གཏོར་ཆེན་འདི། །མ་མོ་མཁའ་འགྲོའི་དམ་རྫས་རྟེན། །ཁྲོ་བོ་ཀུན་གྱི་རེ་གནས་ཡིན། །དུར་ཁྲོད་ཀུན་གྱི་གནས་ཉུལ་ནི། །གང་དུ་མངགས་པ་ཐལ་བར་རློགས། །དམ་ཚིག་ཚུལ་བཞིན་མི་གཤེགས་སམ། །མ་མོ་ཆེན་མོ་རལ་གཅིག་མ། །རལ་པའི་ཟར་བུ་གཡས་གཡོན་འཁྱིལ། །ཞལ་ནས་ཁྲག་དང་ཞག་འཛག་མ། །མིག་ནས་མཆི་མ་བདུད་རྩི་འབབ། །ལག་ན་དུག་གི་ཕོར་པ་ཐོགས། །འདི་འདྲ་གཅིག་ཏུ་མ་ངེས་ཏེ། །མ་མོ་ཀུན་ཀྱང་དེ་བཞིན་ནོ། །བསྐུལ་ལོ་མཁའ་འགྲོ་མི་བཟད་མ། །དྲག་ཤུལ་ཆེན་པོ་རབ་མཛད་དེ། །གང་དུ་འཕངས་པས་ཕུང་བར་བྱེད། །སྔོན་གྱི་དམ་བཅས་བསྙེལ་མ་རིང་། །ཧཱུྃ་ཁོན་རྫོང་གི་རིགས་ལ། དུག་གི་ཕོར་པ་བརྒྱབ་པ་ཡིས། །རྫོང་ཡང་སྒལ་པ་ལིངས་ཀྱིས་བཏང་། །རོལ་པས་སྤྲུལ་ལོ་འདུ་འཕྲོ་ཡིས། །མ་མོ་ཀུན་ཀྱང་འདར་ཞིང་གཡེང་། །ཁྱད་པར་སྤྱན་དམར་མི་བཟད་པ། །གང་དུ་བབ་པ་ཐལ་བར་རློགས། །ཞེས་གསུངས་སོ། །རཀྟ་དམར་གྱི་རྒྱུད་ལས། དྲག་པོ་ཁྲག་ཟོར་གྱི་ལེའུ་སྟེ་བཅུ་གསུམ་པའོ།། །།དེ་ནས་ཆགས་པ་རལ་པ་ཅན་གྱིས་ཡང་ཞུས་པ། སྟོན་པ་ཆེན་པོ་རྒྱལ་པོ་ལགས། །ཆགས་པའི་ཟོར་ནི་དེ་ལགས་ན། །ཆགས་པ་རྒྱལ་པོ་ཇི་ལྟར་ལགས། །ཁྲག་འཐུང་རྒྱལ་པོས་བཤད་དུ་གསོལ། །ཞེས་གསོལ་པ་དང་། ཉོན་ཅིག་ཆགས་པ་རལ་པ་ཅན། །སྔོན་བསྐལ་པ་གྲངས་མེད་པའི་སྔོན་རོལ་དུ། །བསྐལ་པ་དགའ་བ་ཞེས་བྱ་བ་ལ། སྟོན་པ་འོད་བསམ་གྱིས་མི་ཁྱབ་པ་ཞེས་བྱ་བའི་བསྟན་པ་ལ། རྒྱ་གར་གྱི་ཡུལ་འོད་མ་ཅན་ཞེས་བྱ་བ་ན། རྒྱལ་པོ་འོད་སྣང་བ་ཞེས་བྱ་བ་ལ། ཡུམ་པདྨ་ཅན་ཞེས་བྱ་བ། ལོངས་སྤྱོད་ཆེ་བ། མངའ་ཐང་ཆེ་བ། རིན་པོ་ཆེའི་བང་མཛོད་མངའ་བ་ལ། སྲས་མེད་ནས། ཡུམ་བརྒྱ་ཁབ་ཏུ་བཞེས་ནས། གཞན་ལ་སྲས་མ་བྱུང་། ― DNG008_Page_0585 ―
[མ་དཔེ་གཟིགས་ན་འདིར་གནོན།]
ཡུམ་པདྨ་ཅན་ལ་སྲས་གཅིག་འཁྲུངས་པ་ལ། ཡབ་མངའ་ཐང་གིས་མ་ངོམས་ནས། གླིང་བཞི་གླིང་ཕྲན་བཅུ་གཉིས་དང་། དེས་ཀྱང་མ་ངོམས་ནས། སྟེང་ལྷའི་འཇིག་རྟེན་དུ་རིན་པོ་ཆེ་སྣ་བདུན་དང་ཆས་ནས་གཤེགས་པས། ལྷའི་དབང་པོ་བརྒྱ་བྱིན་ལངས་ནས་ཚུར་སྤྱན་དྲངས་རྒྱལ་པོ་བྱོན་པ་ལེགས་སོ་ཞེས་ཟེར་ནས། སྟན་ཕྱེད་ལ་བདར་རོ། །དེའི་བར་དུ་རྒྱལ་བུས།རིན་པོ་ཆེའི་བང་མཛོད་མངའ་ཐང་དང་ཡུམ་དང་བཅས་པ་ཐམས་ཅད། སྟོན་པ་འོད་བསམ་གྱིས་མི་ཁྱབ་པ་ལ་ཕུལ་ནས་རྒྱལ་བུ་དད་པ་སྐྱེས་ཏེ། དེ་བཞིན་གཤེགས་པའི་དྲུང་དུ་འདི་སྐད་ཅེས་གླེངས་སོ། །ང་བསྟན་པ་འདི་འདས་པའི་འོག་རོལ་དུ། ཨུ་རྒྱན་གྱི་ཡུལ། བྱན་ལག་མཆོད་ཀྱི་རི། ཀོ་ཆུ་བརྩོད་མ་ཐང་དུ་སྲིན་པོའི་གནས་སུ་རྣག་ཁྲག་གི་མཚོ་གསེབ་ན་སྲིན་པོའི་གྲོང་ཁྱེར་སྟོང་ཕྲག་བརྒྱད་ཅུ་ཡོད་པའི་གནས་ན། ཡབ་ཞེ་སྡང་དུག་གི་རལ་པ་ཅན་དང་། མ་འདོད་ཆགས་ཁྲག་གི་རལ་ཅན་དུ། ང་སྲིན་ཕྲུག་ཁྲག་འཐུང་དུ་སྐྱེས་སོ། །སྲིད་པ་གསུམ་བརླག་པར་བྱས་སེམས་ཅན་ཕོ་མཐོང་བསད། མོ་མཐོང་སྦྱར་ནས།ཟས་སུ་ཤ་ཁྲག་དང་རུས་པ་འཆའ། སྐོམ་དུ་ཁྲག་གི་རྒྱ་མཚོ་འཐུངས་ཀྱང་མི་ངོམས། ལས་སུ་སེམས་ཅན་ཐམས་ཅད་བསད་ཀྱང་ཟིན་པ་མེད། ཡབ་དང་ཡུམ་ཐམས་ཅད་མནར་མེད་པར་འགྲོ་བར་གཟིགས་ནས། སྲས་ཀྱིས་སྨོན་ལམ་འདི་སྐད་ཅེས་བཏབ་བོ། །ང་འདི་འདས་པའི་འོག་རོལ་དུ། །ཡབ་ནི་ཞེ་སྡང་དུག་གི་རལ་པ་ཅན། །ཡུམ་ནི་འདོད་ཆགས་ཁྲག་རལ་ཅན། །ང་ནི་སྲིན་ཕྲུག་ཁྲག་འཐུང་སྟེ། །ཕ་བསད་མ་སྦྱར་བྱས་ནས་སུ། །འཁོར་གྱི་ལྷ་མོ་བྲན་དུ་བཀོལ། །དུག་ལྔ་ཚོང་ནས་ཕྱུང་ནས་སུ། །ཞེ་སྡང་རུས་པ་ངས་འཆའ་ཡི། །འདོད་ཆགས་ཁྲག་ལ་ངས་འཐུང་ཞིང་། །ང་རྒྱལ་ཤ་ཆེན་ངས་ཟ་ཞིང་། །ཕྲག་དོག་རྩ་རྒྱུས་ངས་བལྡད་ཅིང་། །གཏི་མུག་མུན་ནག་ངས་འཇོམས་ཏེ། །མི་དགེ་བཅུ་ལ་གནས་བཅས་ནས། ། ― DNG008_Page_0586 ―
[མ་དཔེ་གཟིགས་ན་འདིར་གནོན།]
མི་དགེ་བཅུ་ལ་མ་ཞེན་ཏེ། །བསྒྲལ་བའི་ཞིང་བཅུ་ང་ཡིས་བསྒྲལ། །དུར་ཁྲོད་གནས་བརྒྱད་ང་ཡི་གནས། །མ་མོ་མཁའ་འགྲོ་ང་ཡི་བྲན། །དྲེགས་པ་རྩ་གཉིས་བསྒྲལ་ནས་ཀྱང་། །ཞི་བའི་བཀའ་ལ་མི་ཉན་པ། །དམ་ཉམས་འབྱུང་པོ་དགྲ་དང་བགེགས། །ཡང་དག་དོན་ལ་མི་གནས་པ། །ཐམས་ཅད་བསྒྲལ་བའི་འཇིགས་བྱེད་དེ། །ཡང་དག་དོན་ལ་མོས་པ་ནི། །དེ་ཡི་མགོན་སྐྱབས་བྱེད་པར་ཤོག། །ངན་སོང་ལམ་གྱི་སྒོ་བཀག་ནས། །མཐོ་རིས་ཐར་པའི་སྒོ་ཕྱེ་ནས། །ཉམས་པའི་གནས་ནི་བསྒྲལ་ནས་ཀྱང་། །ཞིང་ལྤགས་གཡང་གཞི་སྐུ་ལ་གསོལ། །ཐོད་རུས་རྣམས་ནི་རྒྱན་དུ་བྱས། །འདོད་ཆགས་ཁྲག་གི་རྒྱ་མཚོ་སྐོམ་དུ་འཐུང་། །གཙང་སྨེ་མེད་པར་ཀུན་ཟ་ཞིང་། །སྙིང་རྗེས་སེམས་ཅན་ཀུན་སྒྲོལ་བ། །ཐབས་ཀྱིས་ཀུན་ལ་སྦྱར་བྱས་ནས། །དམྱལ་བའི་གནས་ཀྱང་སངས་རྒྱས་ས། །དེ་ལྟ་བུར་ནི་སྐྱེ་བར་ཤོག །ཅེས་སྨོན་ལམ་བཏབ་པོ། །དེ་ནས་དུས་འདས་པ་དང་ཀོ་ཆུ་བརྩོངས་དམར་ཐང་དུ་ཡབ་རྒྱལ་པོ་ནི། ཞེ་སྡང་དུག་གི་རལ་པ་ཅན། ཞེ་སྡང་གི་མེ་འབར། གཏི་མུག་གི་མུན་གཏིབས། ང་རྒྱལ་གྱི་བྲག་འཚེར། འདོད་ཆགས་ཀྱི་ཆུ་བྲུབ། ཕྲག་དོག་གི་རླུང་འཚུབས་པ། མིག་གིས་མཐོང་ཚད་གསོད་པ། རྣ་བས་ཐོས་ཚད་འཇོམས་པ། སེམས་ལ་དྲན་པ་ལ་ལོག་ལྟ་འབའ་ཞིག་ལས་མེད་པ་ཞིག་བྱུང་སྐད། ཁ་ནས་ནད་ཀྱི་ཆར་འབེབས་པ།མིག་ནས་མེའི་བསྐལ་པ་གཏོང་བ། སྣ་ནས་འཚུབས་ནག་དང་ས་གཡོས་གཏོང་བ། ཁ་ནས་ཐོག་སེར་འབེབས་པ། མ་རུངས་པ་ཞིག་བྱུང་སྐད། ཡུམ་ཡང་དེ་འདྲ་བ་གསོད་གཅོད་ལ་བརྩི་བ་ཞིག་བྱུང་ངོ་། །ཆུང་མ་བརྒྱ་ཐམ་པ་ཡང་དེ་དང་འདྲ་བ། རྣག་ཁྲག་གི་མཚོ་བསྐྱིལ། ཀེང་རུས་ཀྱི་མཁར་བརྩིགས། ཤ་ཚིལ་གྱི་བྲུངས་བརྩིགས། དྲི་ཆེན་དྲི་ཆུ་དང་། མཱང་ས་དང་། སེམས་ཆུ་ལ་སོགས་པ་ཐང་མར་བརྡལ་བ། ཞིང་ལྤགས་ཞིང་ཕྲན་དང་། བུམ་རིལ་ ― DNG008_Page_0587 ―
[མ་དཔེ་གཟིགས་ན་འདིར་གནོན།]
དང་། ཁོག་སྟོད་དང་། ཁོག་སྨད་གསུར་ཆེན་གྱི་དྲི་དང་། ཁྱི་བྱ་རོག་སྟག་གཟིག་དང་། ཁྲ་དང་འུག་པ་དང་། གྲྀ་ཌྷ་དང་། ཁྭ་ཏ་སྤྱང་ཀི་དང་། དྲེད་དང་ཅེ་སྤྱང་དང་། ཀང་ཀ་དང་སེང་གེ་དང་། དེ་ལ་སོགས་པ་གཅན་གཟན་སྣ་ཚོགས་ཀྱིས་སྒྲ་འབྱིན་སྐྱི་གཡའ་བར་གནས་སོ། །དེ་རུ་རྒྱལ་བུས་སྔོན་གྱི་སྨོན་ལམ་དྲན་ནས། དུས་གསུམ་བདེ་བར་གཤེགས་པ་ལ་གསོལ་བ་བཏབ་པས། སངས་རྒྱས་རྣམས་བཀའ་བགྲོས་ནས། བཅོམ་ལྡན་འདས་ཆེ་མཆོག་ཧེ་རུ་ཀ་དབུ་དགུ་ཕྱག་བཅོ་བརྒྱད་པ།ཞབས་དྲུག་བགྲད་པ། སྐུ་མདོག་སྨུག་ནག་པ། མེ་དཔུང་འབར་བའི་དཀྱིལ་ན་དུར་ཁྲོད་ཀྱི་ཆས་སྣ་ཚོགས་ཀྱིས་བརྒྱན་པ་ཅིག་བྱོན་ནས་རྒྱལ་བུ་ལ་འདི་སྐད་ཅེས་བཀའ་སྩལ་ཏོ། །རྒྱལ་བུ་སྔོན་གྱི་དམ་བཅས་དྲན་ལགས་སམ། བདེ་བར་གཤེགས་པ་བཀའ་བགྲོད་ནས། །ང་ཉིད་འདི་རུ་བྱོན་པ་ཡིན། །ཁྱོད་ལ་དེ་བཞིན་གཤེགས་པ་ཡིས། །ཏིང་འཛིན་འབུམ་ཕྲག་བརྒྱད་ཅུ་དང་། །མཐུ་རྩལ་བསམ་གྱིས་མི་ཁྱབ་པ། །དབང་མཆོག་མཐའ་དག་ཁྱོད་ལ་བསྐུར། །ང་ཡི་ཆས་སུ་ཞུགས་ལ་ནི། །ཏིང་འཛིན་སྤྲུལ་པ་སྣ་ཚོགས་ཀྱིས། །ཕ་མ་དྲེགས་པ་མ་རུངས་པ། །ངན་སོང་དམྱལ་བར་འགྲོ་བ་དེ། །ཏིང་འཛིན་སྤྲུལ་པས་དེ་སྒྲོལ་ལ། །གནས་དང་འཁོར་ལ་སོགས་པ་ཀུན། །ཏིང་ངེ་འཛིན་གྱི་བྱིན་རླབས་ཀྱིས། །བདེ་གཤེགས་སྤྲུལ་པར་བྱིན་གྱིས་རློབས། །ཞེས་གསུངས་སོ། །དེ་ནས་རྒྱལ་བུ་སྲིན་ཕྲུག་དེ་སྔོན་གྱི་ཏིང་འཛིན་ལ་ཞུགས་ནས། ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ། ཅེས་བརྗོད་པས། ལུས་མ་བོར་བར་སངས་རྒྱས་ནས་དཔལ་ཁྲག་འཐུང་ཧེ་རུ་ཀ །ཞལ་གསུམ་པ། ཕྱག་དྲུག་པ། དུར་ཁྲོད་ཀྱི་རྒྱན་གྱིས་བརྒྱན་པ། མེ་དཔུང་འབར་བའི་ཀློང་ན་བཞུགས་པ། སྤྲུལ་པ་སྣ་ཚོགས་འགྱེད་པ་ཅིག་བྱུང་ནས། དེ་བྱུང་བ་དང་ཡབ་ཡུམ་སྐྲག་ནས་བརྒྱལ། འཁོར་རྣམས་ཀྱང་འགྱེལ། དེར་ཁྲག་འཐུང་དེ་ལ། ཧེ་རུ་ཀ་དགུས་ ― DNG008_Page_0588 ―
[མ་དཔེ་གཟིགས་ན་འདིར་གནོན།]
གཡས་དང་པོར་རྡོ་རྗེ་རྩེ་དགུ་པ་བྱིན། དབུ་ལ་རིགས་ལྔའི་སངས་རྒྱས་ཀྱིས་དབང་བསྐུར། རིགས་ཀྱི་ཡུམ་རྣམས་ཀྱིས་གཡོན་དང་པོར་དྲིལ་བུ་བྱིན། དྲེགས་པ་ཡབ་ཀྱིས་ཁ་ཊྭཱཾ་ག་རྩེ་གསུམ་པ་གཡས་པར་ཚགས་བྱས། ཡུམ་གྱིས་ཕྱག་མཚན་དུང་དམར་འབར་བ་ཚགས་བྱས། ཁམས་གསུམ་ཀུན་ཏུ་ཆོས་ཀྱི་སྒྲ་སྒྲོགས་པའི་རྟགས་སུ་རྔེའུ་ཆུང་བྱིན། རྒྱུད་དྲུག་གྱེན་དུ་འདྲེན་པའི་རྟགས་སུ་རྒྱུ་ཞགས་ཚགས་བྱས། ཉོན་མོངས་པ་འཇོམས་པའི་རྟགས་སུ་མེ་དཔུང་དཀྱིལ་ན་བཞུགས་པས། སྔོན་གྱི་སྨོན་ལམ་གྱིས་དྲེགས་པ་བསྒྲལ་བ་འདི་སྐད་དོ། །ཧཱུྃ་པྲཛྙཱ་ཀེ་ཤི་ཙིཏྟ་ཛྭ་ལ་མཎྜལ་ཧཱུྃ། མ་ཏྲང་རྱ་དྲ་ཧཱུྃ་ཛ་ཞེས་ཡབ་བསྒྲལ་ལོ། །ཡི་གེ་དཔའ་བོ་འབྲུ་ལྔས་རྒྱུད་ལྔའི་ལམ་གྱི་སྒོ་བཀག །ཡཾ་གིས་རིག་པ་སྤར་རོ། །མ་ཡུམ་ཀྲོ་དྷཱི་ཤྭ་རི་མར་བྱིན་གྱིས་བརླབས་ནས་སྦྱོར་ཡུམ་བྱས་སོ། །ཡུམ་གཞན་པ་བརྒྱ་པོ་ཚེ་འཕོས་ནས་ཀྱང་། ཀཽ་རི་བརྒྱད་དང་། སིང་ཧ་མ་དང་། སྒོ་མ་དང་། དབང་ཕྱུག་མ་ཉི་ཤུ་རྩ་བརྒྱད་དང་། མཁའ་འགྲོ་སུམ་ཅུ་རྩ་གཉིས་དང་། འབར་མ་དང་། མ་བདུན་དང་། སྲིང་བཞི་དང་། མ་མོ་ཁྲག་གཤོག་ཅན་དུ་བྱིན་གྱིས་བརླབས་སོ། །དུར་ཁྲོད་གནས་ནི་གཞལ་ཡས་ཁང་དུ་བྱིན་གྱིས་བརླབས་སོ། །མི་གཙང་རྫས་ནི་དམ་རྫས་ལྔ་རུ་བྱིན་གྱིས་བརླབས་སོ། །ཡབ་ནི་ཕྱིར་མི་ལྡོག་པའི་ས་ལ་འཁོད་པར་བྱིན་གྱིས་བརླབས་ནས་བཞག་གོ། །ཕ་བསྒྲལ་མ་ལ་སྦྱར། མི་གཙང་སྨེ་བ་ཟས་སུ་གསོལ་བས། སྨེ་བརྩེགས་ཞེས་བྱའོ། །ཡུམ་དང་འཁོར་རྣམས་ཁྲག་འཐུང་གི་ལྷར་སངས་རྒྱས་སོ། །རཀྟ་དམར་གྱི་རྒྱུད་ལས། ཁྲག་འཐུང་གི་ལེའུ་སྟེ་བཅུ་བཞི་པའོ།། །།དེ་ནས་ཁྲག་འཐུང་གིས་ཆགས་པ་རལ་པ་ཅན་ལ་འདི་སྐད་བསྟན་ནོ། །རྒྱུད་འདི་འཆང་བའི་རྣལ་འབྱོར་ལ། །ཚེ་དང་པྲ་དང་རོ་ལངས་དང་། །རྐང་མགྱོགས་ལ་སོགས་སྨོས་ཅི་དགོས། །འཇིག་རྟེན་འདིར་ རིན་པོ་ཆེ་མེ་ལྷ་ཞི་བར་གྱུར་པ་འབར་བའི་རྒྱུད།― DNG008_Page_0589 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། རཏྣ་ཨགྣི་ཤཱནྟིཾ་བྷཱུ་ཏ་ཛྭ་ལ་ཏན་ཏྲ། བོད་སྐད་དུ། རིན་པོ་ཆེ་མེ་ལྷ་ཞི་བར་གྱུར་པ་འབར་བའི་རྒྱུད། བཅོམ་ལྡན་འདས་ལྷུན་གྱིས་གྲུབ་པའི་རྒྱལ་པོ་ལ་ཕྱག་འཚལ་ལོ། །ཐོག་མ་མེད་པའི་དུས་ཉིད་ན། །རང་བཞིན་ལྷུན་གྲུབ་གནས་དེ་རུ། །ཆོས་དབྱིངས་སྟོན་པ་ཆེན་པོ་དེས། །རང་བྱུང་ཡེ་ཤེས་འཁོར་རྣམས་ལ། །སྦྱོར་བ་ཆེན་པོའི་བསྟན་པ་བཤད། །རིག་པ་རང་གསལ་ཆེན་པོའི་དུས། །གཡོས་པ་མེད་པའི་གནས་དེ་རུ། །ཡེ་ཤེས་ཆེན་པོའི་སྟོན་པ་དེས། །རིག་པ་འོད་ཀྱི་འཁོར་ལོ་ལ། །སྦྱོང་བ་ཞི་བར་བསྟན་པ་བཤད། །རིག་པ་རྩལ་དུ་སྣང་དུས་སུ། །རིག་པའི་འཁོར་མེད་གནས་ཉིད་དུ། །ལོངས་སྤྱོད་རྫོགས་པའི་སྟོན་པ་དེས། །བྱང་ཆུབ་སེམས་དཔའི་འཁོར་རྣམས་ལ། །སྒྲིབ་པ་སྦྱོང་བའི་བསྟན་པ་བཤད། །སྣང་བས་འདུལ་བའི་དུས་ཉིད་དུ། །རང་བཞིན་འོག་མིན་གནས་དེ་རུ། །བྱང་སེམས་ཀུན་ཏུ་བཟང་པོ་ཡིས། །ཉོན་མོངས་ཞི་བའི་བསྟན་པ་བཤད། །ཐོག་མེད་བག་ཆགས་དུས་ཉིད་དུ། །སྲིད་པ་ཆགས་པའི་གནས་དེ་རུ། །ཡེ་ཤེས་ཀུན་ཏུ་བཟང་པོ་ཡིས། །རིགས་དྲུག་སེམས་ཅན་འཁོར་རྣམས་ལ། །སྡིག་ ― DNG008_Page_0590 ―
[མ་དཔེ་གཟིགས་ན་འདིར་གནོན།]
སྒྲིབ་སྲེག་པའི་བསྟན་པ་བཤད། །སྦྱོང་བ་ལ་ནི་རྣམ་གཉིས་ཏེ། །སེམས་སྦྱོང་བ་དང་ལུས་སྦྱོང་བའོ། །གླེང་གཞིའི་ལེའུ་སྟེ་དང་པོའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །གཤེད་བསྐྲད་ལན་ཆགས་སྦྱོང་བ་གང་། །སྟོན་པའི་སྟོན་པ་ཀུན་ཏུ་བཟང་པོ་དེས། །བགེགས་བསྐྲད་པ་ལ་རྣམ་པ་གསུམ་ཡིན་ཏེ། །ཏིང་འཛིན་སྔགས་དང་བསྐུལ་གྱིས་བསྐྲད་པའོ། །ཀུན་ཏུ་བཟང་པོ་ཆེ་བ་ཡི། །ལྷ་ཡི་ང་རྒྱལ་དག་གིས་བསྐྲད། །དེ་བཞིན་སྔགས་ཀྱིས་བསྐྲད་པ་ནི། །ཡེ་ཤེས་ཁྲོ་བོའི་སྔགས་ཀྱིས་བསྐྲད། །ཨཱོཾ་བི་ཤྭ་ཀྲོ་དྷ་ཛྭ་ལ་མཎྜ་ལ། ཧ་ལ་ཧ་ལ། ཏིཥྛ་ཏིཥྛ། བན་དྷ་བན་དྷ། ཧ་ན་ཧ་ན། པ་ཙ་པ་ཙ། ཧུ་ལུ་ཧུ་ལུ། བཛྲ་ཏིཥྛ་ཧཱུྃ་ཕཊ། རོ་ལ་སྔགས་ཀྱིས་བཏབ་ནས་ཡང་། །སྐུལ་ཚིག་འདི་ཡང་རབ་ཏུ་བརྗོད། །ཧཱུྃ་ཧཱུྃ་ཧཱུྃ། ཚེ་འདས་རིགས་ཀྱི་བུ་འདི་ལ། །ཐོག་མ་མེད་ནས་གནས་པ་ཡི། །རྟག་ཏུ་སྲོག་ལ་དབང་བྱེད་པའི། །བགེགས་ཀྱི་རྒྱལ་པོ་གང་ཡོད་ཀྱང་། །ཟས་སུ་སྲོག་ཟ་དབུགས་སྤྱོད་པའི། །ཚེ་འདས་གཤེད་མར་བྱེད་པ་ཡི། །ཚེ་འདས་ལུས་ཉིད་བཟུང་ནས་སུ། །ཀུན་ཏུ་འཁྱམས་ཤིང་ཀུན་ཏུ་གནོད། །བགེགས་ཀྱི་རྒྱལ་པོ་ཁྱོད་སོང་ཞིག །ཧཱུྃ་ང་ཡི་བཀའ་ལས་འདའ་ནས་སུ། །ཚེ་འདས་གཤེད་མར་བྱེད་པ་ན། །ཡེ་ཤེས་ཁྲོ་བོ་ཆེན་པོ་ཡིས། །རུས་ལ་གནས་པ་ཞེ་སྡང་བགེགས། །ཞེ་སྡང་མཚོན་གྱི་ཆར་ཕོབ་ཅིག །ཁྲག་ལ་གནས་པ་འདོད་ཆགས་བགེགས། །མྱོས་བྱེད་དུག་གི་ཆར་ཕོབ་ཅིག །ཤ་ལ་གནས་པའི་གཏི་མུག་བགེགས། །ཁྲོ་ཆུང་ཉུང་དཀར་ཆར་ཕོབ་ཅིག །ཨ་ར་ལི་ཤི་ཛྭ་ལ་བཛྲ་ཧཱུྃ་ཧཱུྃ་ཕྲཊ་ཕྲཊ། ཚེ་འདས་བགེགས་དང་དབྲལ་བ་བསྟན་པའི་ལེའུ་སྟེ་གཉིས་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །རིགས་དྲུག་གནས་ནས་ ― DNG008_Page_0591 ―
[མ་དཔེ་གཟིགས་ན་འདིར་གནོན།]
དྲང་བ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུྃ་ཞེ་སྡང་མནར་མེད་ལས་ཀྱི་ས་བོན་གྱིས། །སེམས་ཅན་དམྱལ་བའི་གནས་སུ་སྐྱེ་བ་ན། །ལས་དང་ཐུགས་རྗེ་དམ་ཚིག་གིས། །ཡེ་ཤེས་ཐུགས་རྗེས་དྲངས་ཤིང་དགུག །དུ་ཨཾ་ཀུ་ཤ་ཛ་ཧཱུཾ། སྐྱེ་བར་ངེས་པའི་སེམས་ཅན་ཁྱོད། །འགྲོ་དྲུག་གནས་སུ་འཁྱམས་པ་ན། །སྟོང་གསུམ་མུན་ནག་རིག་པ་འཁྱམས། །བག་ཆགས་སྦྱང་ཕྱིར་དགུག་པར་བྱའོ། །ཤོ་ཏ་ན་ཏི་བཛྲ་ཤོ་ཏ་ཧཱུཾ་ཧཱུཾ། ཚེ་འདས་ལུས་བརྗེས་རིགས་ཀྱི་བུ་ཁྱོད་ནི། །ལས་ཀྱི་དབང་གིས་སྟོང་གསུམ་མུན་ནག་འཁྱམས། །ཕྱིན་ཅི་ལོག་གིས་ཉོན་མོངས་ཁུ་རྣམས་བཅིངས། །ཡེ་ཤེས་གསལ་བའི་རལ་གྲིས་ཉོན་མོངས་འདྲལ། །བཛྲ་ཨ་ཏི་མུ་ཏི་བཾ་ཧཱུཾ། མཁའ་དབྱིངས་རྣམ་དག་ཡུམ་གྱི་བྷ་ག་རུ། །ཐབས་དང་ཤེས་རབ་གཉིས་མེད་དཀྱིལ་འཁོར་གསལ། །བག་ཆགས་སྦྱང་ཕྱིར་ཡེ་ཤེས་བདུད་རྩིའི་ཆུས། །ཚེ་འདས་བག་ཆགས་གཏན་ནས་སྦྱང་བར་མཛོད། །ཨཱོཾ་ཨཱཿཧཱུཾ་བཛྲ་ཨ་མྲྀ་ཏེ་ཧེ་ཤོ་ད་ན་ཏི་ཤོ་དྷ་ཡ་སྭཱ་ཧཱ། ཧཱུཾ་བཅོམ་ལྡན་ཐུབ་པ་དམྱལ་བའི་གཙོ་ཆེན་པོ། །ཚེ་འདས་རིགས་ཀྱི་བུ་འདི་ཉིད། །ཚ་གྲང་སྡུག་བསྔལ་ཤིན་ཏུ་གདུངས་པས་ན། །ཀུན་བཟང་ཐུབ་པ་ཁྱོད་ལ་སྐྱབས་སུ་མཆིའོ། །བཛྲ་ས་མ་ཡ་སྟྭཾ། ཧཱུཾ་འབྲུ་བཅུད་སྟོང་དང་ལྡན་པའི་གསེར་སྐྱེམས་འདི། །གཤིན་ལ་གཤེད་དུ་བྱེད་པའི་བགེགས། །གསོན་ལ་བདུད་དུ་བྱེད་པའི་འདྲེ། །འབྲུ་བཅུད་གསེར་སྐྱེམས་འདི་ལོངས་ལ། །ཚེ་འདས་བླ་བཟུང་གཏང་དུ་གསོལ། །ཧཱུཾ་གླུད་ཀྱི་གཏོར་མ་རྒྱན་ཅན་འདི། །སྲིད་པའི་རྩེ་ནས་དམྱལ་བའི་གནས་ཡན་ཆད། །འཕགས་པའི་སྤྱན་གྱིས་གཟིགས་པའི་སེམས་ཅན་ཀུན། །མཆོད་སྦྱིན་གཏོར་མ་འདི་བསྔོས་པས། །ཚེ་འདས་དམྱལ་བའི་ལན་ཆགས་དག་པར་ཤོག །ཧཱུཾ་སེར་སྣ་འདོད་ཆགས་ལས་ཀྱི་ས་བོན་གྱིས། །བཀྲེས་སྐོམ་ཡི་དྭགས་གནས་སུ་སྐྱེ་བ་ན། །ལས་དང་ཐུགས་ ― DNG008_Page_0592 ―
[མ་དཔེ་གཟིགས་ན་འདིར་གནོན།]
རྗེ་དམ་ཚིག་གིས། །ཡེ་ཤེས་ལྕགས་ཀྱུས་དྲངས་ཤིང་དགུག །ཏྲི་ཨཾ་ཀུ་ཤ་ཛ། ཧཱུཾ་མ་རིག་གླེན་ལྐུགས་ལས་ཀྱི་ས་བོན་གྱིས། །བྱོལ་སོང་ལྐུགས་པའི་གནས་སུ་འཁྱམས་པ་ན། །ལས་དང་ཐུགས་རྗེ་དམ་ཚིག་གིས། །ཡེ་ཤེས་ལྕགས་ཀྱུས་དྲངས་ཤིང་དགུག །ཏྲི་ཨཾ་ཀུ་ཤ་ཛ། ང་རྒྱལ་དྲེགས་པ་ལས་ཀྱི་ས་བོན་གྱིས། །དྲེགས་པ་མི་ཡི་གནས་སུ་འཁྱམས་པ་ལ། །ལས་དང་ཐུགས་རྗེ་དམ་ཚིག་གིས། །ཡེ་ཤེས་ལྕགས་ཀྱུས་དྲངས་ཤིང་དགུག །ནྲྀ་ཨཾ་ཀུ་ཤ་ཛ། ཧཱུཾ་ཕྲག་དོག་འཐབ་རྩོད་ལས་ཀྱི་ས་བོན་གྱིས། །ལྷ་མིན་ཕྲ་མེན་གནས་སུ་སྐྱེས་པ་ན། །ལས་དང་ཐུགས་རྗེ་དམ་ཚིག་གིས། །ཡེ་ཤེས་ལྕགས་ཀྱུས་དྲངས་ཤིང་དགུག །སུ་ཨཾ་ཀུ་ཤ་ཛ། ཧཱུཾ་ལེ་ལོ་ཡིད་སྤྱོད་ལས་ཀྱི་ས་བོན་གྱིས། །ལྟུང་བ་ལྷ་ཡི་གནས་སུ་སྐྱེས་པ་ན། །ལས་དང་ཐུགས་རྗེ་དམ་ཚིག་གིས། །ཡེ་ཤེས་ལྕགས་ཀྱུས་དྲངས་ཤིང་དགུག །ཨ་ཨཾ་ཀུ་ཤ་ཛ། རིགས་དྲུག་གནས་ནས་དྲང་བ་བསྟན་པའི་ལེའུ་སྟེ་གསུམ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །གསང་བ་ནང་གི་ཁྲུས་ཉིད་བྱ་བ་དང་། །འགྲོ་དྲུག་པདྨའི་གདན་ལ་ཁྲུས་ཉིད་བྱ་བ་ཇི་ལྟ་བུ། །སྟོན་པ་ཀུན་ཏུ་བཟང་པོས་བཀའ་སྩལ་པ། ཧཱུཾ་བདུད་རྩི་ཡེ་ཤེས་ལྔ་དང་ལྡན། །གཉིས་མེད་བདུད་རྩི་ཡེ་ཤེས་ཆུས། །ཚེ་འདས་བག་ཆགས་སྦྱང་བའི་ཕྱིར། །ཚེ་འདས་སྐུ་ལ་སྐུ་ཁྲུས་གསོལ། །ཨོཾ་བཛྲ་ཨ་ཏི་ཤོ་ད་ན་ནི་ཧཱུཾ། པདྨ་འདབ་མ་བཞི་པ་ལ། །ཡེ་ཤེས་རིགས་ལྔ་ཡིག་འབྲུ་དགོད། །ཨཱོཾ་ཧཱུཾ་སྭཱ་ཨཱཾ་ཧཱ། དེ་ནས་སྐུལ་ཚིག་འདི་བརྗོད་དོ། །ཧཱུཾ། གོས་མེད་མ་ཆགས་པདྨའི་གདན། །མཛེས་པའི་ཐུགས་རྗེ་ཆགས་པ་མེད། །ཚེ་འདས་བག་ཆགས་དག་པའི་ཕྱིར། །རིགས་ལྔ་བདེ་བའི་གདན་ལ་བཞུགས། །པདྨ་ས་མ་ཡ་སྟྭཾ།དེ་ནས་ཚེ་འདས་བུ་དེ་ཡང་། །ཐུགས་རྗེ་ཆེན་པོས་སེམས་བསྐྱེད་དེ། །སེམས་ལ་འགྱུར་བ་མེད་པས་ན། །སྣ་ཚོགས་གཟུགས་བརྙན་ཅིར་ཡང་སྣང་། ། ― DNG008_Page_0593 ―
[མ་དཔེ་གཟིགས་ན་འདིར་གནོན།]
སྣང་མེད་རང་བཞིན་བྱང་ཆུབ་སེམས། །རྡོ་རྗེ་སེམས་དཔར་སེམས་བསྐྱེད་དོ། །ཧཱུཾ།སེམས་ལས་ཐམས་ཅད་འབྱུང་བས་ན། །མཉམ་ཉིད་རྟོག་པ་མེད་པའི་སེམས། །རང་བཞིན་མ་འགགས་ཐམས་ཅད་འབྱུང་། །རིན་ཆེན་འབྱུང་བར་སེམས་བསྐྱེད་དོ། །ཧཱུཾ། སེམས་དེར་ཅིར་ཡང་སྣང་བས་ན། །སྣ་ཚོགས་ཡེ་ཤེས་སོ་སོར་རྟོག །རྟོག་མེད་རང་བཞིན་ལྷུན་གྱིས་གྲུབ། །སྣང་བ་མཐའ་ཡས་སེམས་བསྐྱེད་དོ། །ཧཱུཾ། སེམས་ལས་ཐམས་ཅད་གྲུབ་པས་ན། །བྱ་རུ་མེད་པའི་ཡེ་ཤེས་གྲུབ། །གྲུབ་མེད་རང་བཞིན་རིན་པོ་ཆེ། །དོན་ཡོད་གྲུབ་པར་སེམས་བསྐྱེད་དོ། །ཁྲུས་བྱ་ཞིང་གདན་དབུལ་བ་དང་། སེམས་བསྐྱེད་པའི་ལེའུ་སྟེ་བཞི་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཡེ་ཤེས་སྡོང་བུ་དགོད་པ་དང་། །དྲི་ཡི་ཐིག་ལེ་བྱུག་པ་དང་། །ལྷ་ཡི་མཚན་མས་གདབ་པ་གང་། །སྟོན་པའི་སྟོན་པ་ཀུན་ཏུ་བཟང་པོ་དེས། །ཚེ་འདས་རིགས་ཀྱི་བུ་དེ་ལ། །ལྷ་ཡི་གྲངས་དང་བཅས་པ་ཡི། །ཡེ་ཤེས་གསལ་བའི་སྡོང་བུ་དགོད། །ཚེ་འདས་རིགས་ཀྱི་བུ་ཁྱོད་ནི། །ཉོན་མོངས་དུག་གསུམ་མུན་ནག་འཁྱམས། །ཡེ་ཤེས་གསལ་བའི་སྒྲོན་མེ་འདིས། །དཀྱིལ་འཁོར་ལྷ་ཚོགས་གསལ་བར་ཤོག །ས་མ་ཡ་བཛྲ་ཨཱ་ལོ་ཀེ་ཧཱུཾ། བདུད་རྩི་ཙ་ནཱན་དྲི་ཡིས་ནི། །ལྷ་ཡི་གྲངས་ཙམ་ལུས་ལ་དགོད། །རང་རང་སྔགས་དང་བཅས་པ་ཡིས། །གནས་སུ་དྲི་ཡི་ཐིག་ལེ་བྱའོ། །ཧཱུཾ་ཚེ་འདས་རིགས་ཀྱི་བུ་འདི་ལ། དྲི་ཡི་ཐིག་ལེ་བཀོད་པ་ཡིས། །བདེ་བར་གཤེགས་པ་ཐམས་ཅད་ཀྱི། །རྟགས་ཀྱི་སྤྱི་རྒྱ་བཏབ་པ་ཡིས། །ལྷ་ཡི་མཚན་མ་གདབ་པ་ནི། །རང་རང་ལྷ་ཡི་ཕྱག་མཚན་དང་། །ཡིག་འབྲུ་བཅས་ཏེ་གདབ་པར་བྱ། །ཧཱུཾ་རྡོ་རྗེ་འཁོར་ལོ་རིན་པོ་ཆེ། །པདྨ་རལ་གྲི་དྲིལ་བུའི་ཚོགས། །བདེ་གཤེགས་སྐུ་ཡི་ཕྱག་མཚན་ཏེ། །འདི་ཉིད་བཏབ་པ་ཙམ་གྱིས་སུ། །རྒྱལ་བའི་སྲས་སུ་འགྱུར་བར་ཤོག །ཧཱུཾ་སྐུ་གསུང་ཐུགས་ཀྱི་ཡི་གེ་འདི། ། ― DNG008_Page_0594 ―
[མ་དཔེ་གཟིགས་ན་འདིར་གནོན།]
འདི་ཉིད་བཏབ་པ་ཙམ་གྱིས་སུ། །བདེ་གཤེགས་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་སྲས་སུ་ཤོག །ཨཱོཾ་བུད་དྷ་ཀཱ་ཡ་བཛྲ་ས་མ་ཡ་ཨོཾ། ཨཱོཾ་བུད་དྷ་བཱ་ཀ་བཛྲ་ས་མ་ཡ་ཨཱཿ། ཨཱོཾ་བུད་དྷ་ཙིཏྟ་བཛྲ་ས་མ་ཡ་ཧཱུཾ། ཡེ་ཤེས་སྡོང་བུ་དགོད་ཅིང་དྲིའི་ཐིག་ལེ་བྱུགས་པ་དང་། ཕྱག་མཚན་ཡིག་འབྲུ་འདོགས་པའི་ལེའུ་སྟེ་ལྔ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །དཀྱིལ་འཁོར་སྒོ་ཕྱེ་ལུས་ཀྱི་སྡིག་པ་བཤགས་པ་དང་། །རང་གི་ལུས་ཉིད་དཀྱིལ་འཁོར་ལྷ་ལ་དབུལ་བ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཤར་ཕྱོགས་རྡོ་རྗེ་རིགས་ཀྱི་སྒོ། །སྙིང་རྗེ་ཚད་མེད་སྒོ་མོ་སྟེ། །མེ་ལོང་ལྟ་བུའི་སྒོ་ཕྱེ་ཞིག །ཚེ་འདས་དད་པས་འཇུག་པར་བྱའོ། །བཛྲ་ཛྙཱ་ན་པྲ་བེ་ཤ་ཡ་ཕཊ། ཧཱུཾ་ལྷོ་ཕྱོགས་རིན་ཆེན་རིགས་ཀྱི་སྒོ། །བྱམས་པ་ཚད་མེད་སྒོ་མོ་སྟེ། །མཉམ་པ་ཉིད་ཀྱི་སྒོ་ཕྱེ་ཞིག །ཚེ་འདས་དད་པས་འཇུག་པར་བྱའོ། །རཏྣ་ཛྙཱ་ན་པྲ་བེ་ཤ་ཡ་ཕཊ། ཧཱུཾ་ནུབ་ཕྱོགས་པདྨ་རིགས་ཀྱི་སྒོ། །དགའ་བ་ཚད་མེད་སྒོ་མོ་སྟེ། །སོ་སོར་རྟོག་པའི་སྒོ་ཕྱེ་ཞིག །ཚེ་འདས་དད་པས་འཇུག་པར་བྱའོ། །པདྨ་ཛྙཱ་ན་པྲ་བེ་ཤ་ཡ་ཕཊ། ཧཱུཾ་བྱང་ཕྱོགས་ལས་ཀྱི་རིགས་ཀྱི་སྒོ། །བཏང་སྙོམས་ཚད་མེད་སྒོ་མོ་སྟེ། །བྱ་བ་གྲུབ་པའི་སྒོ་ཕྱེ་ཞིག །ས་མན་ཏ་ཛྙཱ་ན་པྲ་བེ་ཤ་ཡ་ཕཊ། དཀྱིལ་འཁོར་ལྷ་ཚོགས་ཐམས་ཅད་ལ། །ཚུལ་དང་ལྡན་པའི་ལུས་བཟུང་སྟེ། །སྔོན་གྱི་སྡིག་སྒྲིབ་ཐམས་ཅད་བཤགས། །ཧཱུཾ་ཐོག་མ་མེད་ནས་འཁོར་བར་འཁྱམས། །བག་མེད་དབང་གིས་ཉོན་མོངས་སྤྱད། །མ་རིག་དབང་གིས་སྡིག་པ་སྤྱད། །ཀུན་ཏུ་བཟང་པོའི་ཐུགས་དང་འགལ། །རྣམ་སྣང་སྐུ་ལ་བཟོད་པར་གསོལ། །ཧཱུཾ་རྟག་ཏུ་འཁོར་བར་འཁྱམས་པ་ཡིས། །རཱུ་ཏྲའི་དབང་གིས་སྡིག་པ་སྤྱད། །ཞེ་སྡང་དབང་གིས་སྲོག་བཅད་པ། །རྡོ་རྗེ་སེམས་ལ་བཟོད་པར་གསོལ། །ཧཱུཾ་སྲིད་པ་ཀུན་ཏུ་འཁྱམས་པ་ཡིས། །ཁེངས་སེམས་དབང་གིས་ང་རྒྱལ་སྤྱད། །ཆེ་བའི་དབང་གིས་ཁེངས་པས་བཅིངས། ། ― DNG008_Page_0595 ―
[མ་དཔེ་གཟིགས་ན་འདིར་གནོན།]
རིན་ཆེན་འབྱུང་ལ་བཟོད་པར་གསོལ། །ཧཱུཾ་རྟག་ཏུ་རིགས་དྲུག་གནས་སུ་འཁྱམས། །འདོད་ཆགས་དབང་གིས་ཉོན་མོངས་སྤྱད། །སེར་སྣའི་དབང་གིས་འཆིང་བས་བཅིངས། །སྣང་མཐའི་སྐུ་ལ་བཟོད་པར་གསོལ། །ཧཱུཾ་ཚེ་རབས་ཐོག་མ་མེད་པ་ནས། །ལས་ཀྱི་དབང་གིས་ཁམས་གསུམ་བག་མེད་འཁོར། །ཉོན་མོངས་ཕྲག་དོག་རང་གར་སྤྱད། །དོན་ཡོད་གྲུབ་ལ་བཟོད་པར་གསོལ། །ཧཱུཾ་སེམས་ཅན་བདག་གི་ལུས་འདི་ཡང་། །ཐོག་མ་མེད་ནས་འཁོར་བར་འཁྱམས། །ཉོན་མོངས་བག་མེད་རང་གར་སྤྱད། །དེ་ཡི་དབང་གིས་ཤ་ཁྲག་ལུས། །འབུ་སྲིན་མང་པོའི་ལོངས་སྤྱོད་འདི། །བདེ་བར་གཤེགས་པ་རྣམས་ལ་འབུལ། །གཏི་མུག་ཤ་ལས་གྲུབ་པའི་ལུས། །ཀུན་ཏུ་བཟང་ལ་མཆོད་པར་འབུལ། །ཞེ་སྡང་རུས་ལས་གྲུབ་པའི་ལུས། །རྡོ་རྗེ་སེམས་ལ་མཆོད་པར་འབུལ། །ང་རྒྱལ་ཚིལ་ལས་གྲུབ་པའི་ལུས། །རིན་ཆེན་འབྱུང་ལ་མཆོད་པར་འབུལ། །འདོད་ཆགས་ཁྲག་ལས་གྲུབ་པའི་ལུས། །སྣང་མཐའི་སྐུ་ལ་མཆོད་པར་འབུལ། །ཕྲག་དོག་རྩ་ལས་གྲུབ་པའི་ལུས། །དོན་ཡོད་གྲུབ་ལ་མཆོད་པར་འབུལ། །དབང་པོ་རྣམ་ཤེས་ཁམས་རྣམས་ཀུན། །སེམས་དཔའ་སེམས་མ་རྣམས་ལ་འབུལ། །སྐྱེ་མཆེད་ཡུལ་རྣམས་མང་པོ་ཀུན། །ཁྲོ་བོ་རྣམས་ལ་མཆོད་པར་འབུལ། །དོན་སྙིང་ནང་ཁྲོལ་མང་པོ་ཀུན། །ཐུབ་པ་རྣམས་ལ་མཆོད་པར་འབུལ། །རྐང་པ་ཡན་ལག་བཞི་པོ་ཀུན། །སྒོ་བ་བཞི་ལ་མཆོད་པར་འབུལ། །ཚེ་འདས་ཀྱི་སྒོ་དབྱེ་བ་དང་། སྡིག་པ་བཤགས་པ་དང་། ཚེ་འདས་ལུས་དབུལ་བའི་ལེའུ་སྟེ་དྲུག་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་སེམས་ལ་དབང་བསྐུར་དང་། །བྱིན་གྱིས་རླབས་པ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཚེ་འདས་སེམས་ལ་དབང་བསྐུར་དང་། །བྱིན་གྱིས་བརླབ་པ་འདི་ལྟ་སྟེ། །དམ་རྫས་རྣམ་པ་ལྔ་ཡིས་བསྐུར། །ཧཱུཾ་ཚེ་འདས་རིགས་ ― DNG008_Page_0596 ―
[མ་དཔེ་གཟིགས་ན་འདིར་གནོན།]
ཀྱི་བུ་ཁྱོད་ལ། །འཇོམས་བྱེད་རྡོ་རྗེའི་དབང་བསྐུར་བས། །གཤེད་མའི་བདུད་ལས་ཐར་བ་དང་། །རྡོ་རྗེའི་སྐུ་ཡི་ལུས་ཐོབ་ཤོག །བཛྲ་ཨ་བྷི་ཥིཉྩ་ཨ། ཧཱུཾ་ཚེ་འདས་རིགས་ཀྱི་བུ་ཁྱོད་ལ། །ལོངས་སྤྱོད་གཏོར་མ་འདི་ཡི་དབང་བསྐུར་བས། །སྔོན་གྱི་ལེན་ཆགས་དག་གྱུར་ཏེ། །བདུད་རྩིའི་ཟས་ལ་ལོངས་སྤྱོད་ཤོག །ཨ་མྲྀ་ཏ་བ་ལིཾ་ཏ་ཨ་བྷི་ཥིཉྩ་ཨ། ཧཱུྃ་ཚེ་འདས་རིགས་ཀྱི་བུ་ཁྱོད་ལ། །འཁོར་ལོ་འབར་བའི་དབང་བསྐུར་བས། །སྲིད་པའི་འཁོར་ལོ་རྒྱུན་བཅད་དེ། །བར་དོའི་གནས་ནས་ཐར་བར་ཤོག །ཙཀྲ་ཛྙཱ་ན་ཨ་བྷི་ཥིཉྩ་ཨ། །ཧཱུྃ་ཚེ་འདས་རིགས་ཀྱི་བུ་ཁྱོད་ལ། །ཆོས་དབྱིངས་དྲིལ་བུའི་དབང་བསྐུར་བས། །སྐྱེ་གནས་སྡུག་བསྔལ་རྒྱུན་བཅད་དེ། །ཆོས་ཉིད་ངང་ལ་གནས་པར་ཤོག །ས་མན་ཏ་ནཱ་མ་ཀ་ཨ་བྷི་ཥིཉྩ་ཨ། །ཧཱུྃ་ཚེ་འདས་རིགས་ཀྱི་བུ་ཁྱོད་ལ། །དབུ་རྒྱན་དབང་མཆོག་བསྐུར་བ་ཡིས། །ཉོན་མོངས་དུག་ལྔ་གནས་དག་སྟེ། །ཡེ་ཤེས་རིགས་ལྔ་ཐོབ་པར་ཤོག །སརྦ་ཏ་ཐཱ་ག་ཏ་བུད་དྷ་ཨ་བྷི་ཥིཉྩ་ཨ། །ཧཱུྃ་ཚེ་འདས་རིགས་ཀྱི་བུ་ཁྱོད་ནི། །སྣང་བ་སྐུ་ཡི་རང་བཞིན་ཏེ། །གཟུང་འཛིན་རྣམ་རྟོག་རྣམ་དག་ཕྱིར། །བདེ་གཤེགས་སྐུ་ཡིས་བྱིན་བརླབ་བོ། །སརྦ་ཏ་ཐཱ་ག་ཏ་ཀཱ་ཡ་བཛྲ་ཧཱུྃ། །ཧཱུཾ་ཚེ་འདས་རིགས་ཀྱི་བུ་ཁྱོད་ནི། །གྲགས་པ་གསུང་གི་རང་བཞིན་ཏེ། །མིང་ཚིག་རྟོག་པ་རྣམ་དག་ནས། །བདེ་གཤེགས་གསུང་དུ་བྱིན་བརླབ་པོ། །སརྦ་ཏ་ཐཱ་ག་ཏ་ཝཱ་ཀ་བཛྲ་ཧཱུྃ། །ཧཱུཾ་ཚེ་འདས་རིགས་ཀྱི་བུ་ཁྱོད་ནི། །དྲན་རྟོག་ཐུགས་ཀྱི་རང་བཞིན་ཏེ། །རྣམ་པར་རྟོག་པ་རྣམ་དག་ནས། །བདེ་གཤེགས་ཐུགས་སུ་བྱིན་བརླབ་པོ། །ཧཱུཾ་སརྦ་ཏ་ཐཱ་ག་ཏ་ཙིཏྟ་བཛྲ་ཧཱུཾ། །ཚེ་འདས་ལ་དབང་བསྐུར་ཞིང་བྱིན་གྱིས་རླབས་པའི་ལེའུ་སྟེ་བདུན་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་རིགས་ཀྱི་བུ་དེ་ལ། །དཀྱིལ་འཁོར་བསྟན་ཅིང་ ― DNG008_Page_0597 ―
[མ་དཔེ་གཟིགས་ན་འདིར་གནོན།]
ཡི་དམ་དབོག་པ་དང་། །སྔགས་ཀྱི་བྱེ་བྲག་དབོག་པ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཚེ་འདས་རིགས་ཀྱི་བུ་དེ་ལ། །དེ་ནས་དཀྱིལ་འཁོར་བསྟན་པར་བྱའོ། །ཧཱུཾ་ཚེ་འདས་རིགས་ཀྱི་བུ་ཁྱོད་ཀྱང་། །མ་བུའི་འདུ་ཤེས་རབ་ཞོག་ལ། །རིག་པའི་ཤེས་པ་ཚུར་ཉོན་དང་། །ང་ནི་རྡོ་རྗེ་བླ་མ་སྟེ། །ང་ཡི་བཀའ་ཉིད་མ་བཅག་པར། །དཀྱིལ་འཁོར་བཟང་པོ་འདི་ལ་ལྟོས། །འདི་ནི་ཀུན་བཟང་དཀྱིལ་འཁོར་ཏེ། །བདེ་གཤེགས་འདུས་པའི་ཕོ་བྲང་ཡིན། །གནས་མཆོག་འདི་ནི་བསྒྲུབ་པའི་གནས། །ཚེ་འདས་རིགས་ཀྱི་བུ་ཁྱོད་ཀྱང་། །དཀྱིལ་འཁོར་གནས་འདིར་ལོངས་སྤྱོད་ཤོག །ཧཱུྃ་ཚེ་འདས་རིགས་ཀྱི་བུ་ཁྱོད་ལ། །ལྷ་རུ་ཀུན་བཟང་བདེ་གཤེགས་བསྒོམ། །སྐུ་མདོག་སེར་པོ་འོད་ཟེར་འཕྲོ། །མཚན་རྫོགས་དཔེ་བྱད་ལྡན་པ་སྟེ། །མཉམ་པར་བཞག་པའི་ཕྱག་རྒྱ་ཅན། །རྟག་ཏུ་ལྷ་མཆོག་དེ་སྒོམས་ཤིག །དེ་ནས་སྔགས་ཀྱི་བསྙེན་པ་དབོག་པར་བྱ། །ཧཱུྃ་ཚེ་འདས་རིགས་ཀྱི་བུ་ཁྱོད་ལ། །སྔགས་སུ་གསང་སྔགས་འབྲུ་བདུན་ཟློས། །དེ་ཡི་ངང་ལས་མ་འདའ་བར། །བཟླས་བརྗོད་བསྙེན་པ་རྒྱུན་དུ་བྱ། །ཧཱུྃ་ཧཱུྃ་བཛྲ་ཙིཏྟ་ཧཱུྃ། ཚེ་འདས་ལ་དཀྱིལ་འཁོར་དང་ལྷ་དང་སྔགས་དབོག་པ་བསྟན་པའི་ལེའུ་སྟེ་བརྒྱད་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཡེ་ཤེས་མེ་ལྷ་སྤྱན་དྲང་དང་། །མཆོད་དང་བསྟོད་པ་ཇི་ལྟ་བུ། །སྟོན་པ་ཀུན་ཏུ་བཟང་པོ་དེས། །སྟོང་པ་བདག་མེད་གསལ་བར་གནས་པ་ལ། །ཡི་གེ་ཨ་ཉིད་ཞུགས་ཁང་ནང་དུ་བསྒོམས། །ཨ་དེ་ཞུ་ཞིང་ཡོངས་སུ་གྱུར་པ་ལས། །དམ་ཚིག་མེ་ལྷ་དམར་པོ་གཙུག་ཕུད་ཅན། །མཉམ་གཞག་བདུད་རྩིའི་བུམ་པ་ཕྱག་ན་བསྣམས། །ཐུགས་ལས་རང་བྱུང་ཡེ་ཤེས་མེ་འབར་བས། །འཁོར་བའི་བག་ཆགས་ཉོན་མོངས་སྲེག་པར་བྱེད། །དེ་ནི་ཡེ་ཤེས་མེ་ལྷ་སྤྱན་དྲངས་པའོ། ། ― DNG008_Page_0598 ―
[མ་དཔེ་གཟིགས་ན་འདིར་གནོན།]
ཧཱུྃ་མེ་ལྷའི་རྒྱལ་པོ་དྲང་སྲོང་མཆོག །དམར་པོ་གཅེར་བུ་གཙུག་ཕུད་ཅན། །རྒྱལ་བ་ཀུན་གྱི་འོད་མཆོག་སྟེ། །སྲེག་སྦྱང་ལུས་འདི་བཞེས་ནས་ཀྱང་། །འབར་བའི་གདན་ལ་བཞུགས་སུ་གསོལ། །ཨགྣི་ཛྭ་ལ་མཎྜ་ལ་ཧཱུྃ། ཧཱུྃ་མེ་ཡི་ལྷ་མོ་ཀུན་ཏུ་བཟང་། །འབྱུང་བ་མེ་ལ་དབང་བསྒྱུར་ཞིང་། །རྒྱལ་བ་ཀུན་གྱི་གཟི་བརྗིད་མཆོག །སྲེག་སྦྱང་ལུས་འདི་འབུལ་ལགས་པས། །གནས་འདིར་སྤྱན་འདྲེན་གཤེགས་སུ་གསོལ། །བཛྲ་པ་ཏྲ་ཨགྣི་ཛྭ་ལ་རཾ་ཛཿཧཱུྃ་བཾ་ཧོཿ། ཧཱུྃ་བདེ་གཤེགས་ཕོ་བྲང་གནས་མཆོག་འདིར། །མེ་ལྷའི་རྒྱལ་པོ་འཁོར་དང་བཅས། །འབྱུང་བ་མེ་ལ་དབང་བྱའི་ཕྱིར། །འབར་བའི་གདན་ལ་བཞུགས་སུ་གསོལ། །ཛྭ་ལ་མཎྜ་ལ་ཧཱུྃ། ཕྱི་དང་ནང་གི་མཆོད་པ་ཡང་། །མེ་ལྷ་འཁོར་དང་བཅས་ལ་འབུལ། །དེ་ནས་ཕྱི་ཡི་མཆོད་པ་འབུལ། །ཧཱུྃ་ཕྱོགས་བཅུ་རབ་འབྱམས་ཐམས་ཅད་ན། །ཡོན་ཆབ་ཇི་སྙེད་ཡོད་པ་ཀུན། །མེ་ལྷ་འཁོར་དང་བཅས་ལ་འབུལ། །ཚེ་འདས་སྒྲིབ་པ་སྦྱང་དུ་གསོལ། །བཛྲ་ཨགྣི་ཨཱ་ཧ་ར་པཱུ་ཛ་ས་མ་ཡེ་ཧཱུྃ། ཧཱུྃ་ལྷན་ཅིག་སྐྱེས་དང་སྦྱར་བའི་དྲི། །བདུག་སྤོས་ཇི་སྙེད་ཡོད་པ་ཀུན། །མེ་ལྷ་འཁོར་དང་བཅས་ལ་འབུལ། །ཚེ་འདས་སྒྲིབ་པ་སྦྱང་དུ་གསོལ། །བཛྲ་ཨགྣེ་དྷཱུ་པེ་པཱུ་ཛ་ས་མ་ཡེ་ཧཱུྃ། །ཧཱུྃ་ཆུ་དང་ཐང་ལས་སྐྱེས་པ་ཡི། །སྤྱན་གྱི་ལོངས་སྤྱོད་མེ་ཏོག་འདི། །མེ་ལྷ་འཁོར་དང་བཅས་ལ་འབུལ། །ཚེ་འདས་སྒྲིབ་པ་སྦྱང་དུ་གསོལ། །བཛྲ་ཨགྣེ་པུཥ྇་པཱུ་ཛ་ས་མ་ཡེ་ཧཱུཾ། རྒྱལ་བའི་འོད་དང་རིན་ཆེན་འོད། །མར་མེའི་སྣང་བ་འདི་རྣམས་ནི། །མེ་ལྷ་འཁོར་དང་བཅས་ལ་འབུལ། །ཚེ་འདས་སྒྲིབ་པ་སྦྱང་དུ་གསོལ། །བཛྲ་ཨགྣེ་ཨཱ་ལོ་ཀེ་པཱུ་ཛ་ས་མ་ཡེ་ཧཱུྃ། ཧཱུཾ་དྲི་མཆོག་དྲི་ཚོགས་ཚང་བ་སྤོས་ཀྱི་ཆབ། །དྲི་ཆབ་ཇི་སྙེད་ཡོད་པ་ཀུན། །མེ་ལྷ་འཁོར་དང་བཅས་ལ་འབུལ། །ཚེ་འདས་སྒྲིབ་པ་སྦྱང་དུ་གསོལ། །བཛྲ་ཨགྣེ་གནྡྷེ་པཱུ་ཛ་ས་མ་ཡེ་ཧཱུྃ། ཧཱུྃ་རོ་མཆོག་ ― DNG008_Page_0599 ―
[མ་དཔེ་གཟིགས་ན་འདིར་གནོན།]
བརྒྱ་ལྡན་ལྷ་ཡི་ཟས། །བདུད་རྩིའི་ཞལ་ཟས་དག་པ་འདི། །མེ་ལྷ་འཁོར་དང་བཅས་ལ་འབུལ། །ཚེ་འདས་སྒྲིབ་པ་དག་པར་མཛོད། །བཛྲ་ཨགྣེ་ནཻ་བིདྱ་པཱུ་ཛ་ས་མ་ཡེ་ཧཱུྃ། ཧཱུྃ་གདུང་བ་སེལ་བའི་སྒྲ་མཆོག་ནི། །ཚངས་པ་དབྱངས་ཀྱི་སྒྲ་སྙན་འདི། །མེ་ལྷ་འཁོར་དང་བཅས་ལ་འབུལ། །ཚེ་འདས་སྒྲིབ་པ་སྦྱང་བར་མཛོད། །བཛྲ་ཨགྣེ་ཤབྡ་རཏྣ་པཱུ་ཛ་ས་མ་ཡ་ཧོ། མེ་ལྷའི་རྒྱལ་པོ་འཁོར་བཅས་ལ། །ནང་གི་མཆོད་པ་འབུལ་བ་ནི། །ཧཱུྃ་དད་པ་དང་ནི་དམ་ཚིག་གིས། །མེ་ལྷའི་རྒྱལ་པོ་འཁོར་དང་བཅས། །འབར་བ་ཡེ་ཤེས་མེ་ཀློང་ནས། །མེ་ལྷ་འབར་བའི་སྐུར་བཞེངས་ལ། །སྲེག་སྦྱོང་འབར་བའི་ཞལ་ཟས་འདི། །མེ་ལྷ་འཁོར་དང་བཅས་ལ་འབུལ། །བཛྲ་ཨགྣེ་པ་པ་མ་ཀ་ཡེ་སྭཱ་ཧཱ། ཧཱུཾ་མེ་ལྷའི་རྒྱལ་པོ་འོད་མཐའ་ཡས། །འབྱུང་བ་མེ་ལ་དབང་བསྒྱུར་བའི། །རྒྱལ་བ་ཀུན་གྱི་འོད་མཆོག་སྟེ། །ཆོས་ཉིད་སྐྱེ་མེད་ཧོམ་ཁུང་དུ། །རང་བྱུང་ཡེ་ཤེས་མེ་སྤར་བས། །ཚེ་འདས་བག་ཆགས་བསྲེག་སྦྱང་རོལ། །བཛྲ་ཨགྣེ་ཆེ་གེ་མོ་སརྦ་པཱ་པཾ་ཤཱན་ཏིང་ཀུ་རུ་སྭཱ་ཧཱ། ཧཱུྃ་མེ་ལྷའི་རྒྱལ་པོ་དྲང་སྲོང་མཆོག །གདོང་ལྔ་གཙུག་ཕུད་ཐོར་ཚུགས་ཅན། །སྐུ་མདོག་དམར་པོ་འོད་འབར་བ། །ཕྱག་ན་མེ་ཡི་འཁོར་ལོ་བསྣམས། །སེམས་ཅན་བག་ཆགས་བསྲེག་མཛད་པ། །དམ་རྫས་འབར་བའི་མཆོད་པ་འདི། །མེ་ལྷའི་རྒྱལ་པོ་རྣམས་ལ་འབུལ། །བཛྲ་ཨགྣེ་པ་ན་ཀ་ཡེ་སྭཱ་ཧཱ། མེ་ལྷ་མཆོད་པའི་ལེའུ་སྟེ་དགུ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །རིགས་ལྔ་བདེ་བར་གཤེགས་པ་ཡབ་ཡུམ་ལ། །དམ་རྫས་མཆོད་པ་འབུལ་བ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུཾ་རྣམ་ཤེས་ཕུང་པོ་མངོན་སངས་རྒྱས་པའི་སྐུ། །གཏི་མུག་རྣམ་པར་དག་པའི་གསུང་ཉིད་ཅན། །ཆོས་དབྱིངས་ཡེ་ཤེས་རྣམ་པར་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། ། ― DNG008_Page_0600 ―
[མ་དཔེ་གཟིགས་ན་འདིར་གནོན།]
ཀུན་ཏུ་བཟང་པོའི་སྐུ་ལ་མཆོད་པར་འབུལ། །ཧཱུཾ་ཧཱུཾ་བཛྲ་ཙིཏྟ་ཧཱུཾ་སརྦ་པཱ་པཾ་ཤཱནྟིང་ཀུ་རུ་པཱུ་ཛ་སྭཱ་ཧཱ། ཧཱུཾ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །ཉོན་མོངས་གཏི་མུག་ཤ་ཡི་ཡམ་ཤིང་ལ། །རང་བྱུང་ཡེ་ཤེས་མེ་སྤར་བས། །མ་རིག་བག་ཆགས་ཐམས་ཅད་བསྲེག་སྦྱང་རོལ། །ཧཱུཾ་བཛྲ་ཙིཏྟ་རཾ། ཧཱུཾ་གཟུགས་ཀྱི་ཕུང་པོ་རྣམ་པར་དག་པའི་སྐུ། །ཉོན་མོངས་ཞེ་སྡང་རྣམ་པར་དག་པའི་གསུང་། །ཆོས་ཉིད་ཡེ་ཤེས་མེ་ལོང་ལྟ་བུའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་ཀུན་ཏུ་བཟང་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་བཛྲ་དྷྲྀག་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ།ཧཱུཾ་སྐྱེ་བ་མེད་པའི་ཧོམ་ཁུང་དུ། །ཞེ་སྡང་རུས་པའི་ཡམ་ཤིང་ལ། །མེ་ལོང་ཡེ་ཤེས་མེ་སྤར་བས། །ཚེ་འདས་བག་ཆགས་ཐིམ་སྦྱང་རོལ། །ཧཱུཾ་བཛྲ་དྷྲྀག་ཛྭ་ལ་རཾ། ཧཱུཾ་ཚོར་བའི་ཕུང་པོ་གནས་སུ་དག་པའི་སྐུ། །ཉོན་མོངས་ང་རྒྱལ་གནས་སུ་དག་པའི་གསུང་། །མཉམ་པ་ཉིད་ཀྱི་ཡེ་ཤེས་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །རིན་ཆེན་ཀུན་ཏུ་བཟང་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །སྭཱ་རཏྣ་དྷྲྀག་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། འགག་པ་མེད་པའི་ཧོམ་ཁུང་དུ། །ང་རྒྱལ་རྩ་ཡི་ཡམ་ཤིང་ལ། །མཉམ་ཉིད་ཡེ་ཤེས་མེ་སྤར་བས། །ཚེ་འདས་བག་ཆགས་ཐིམ་སྦྱང་རོལ། །སྭཱ་རཏྣ་ཛྙཱ་ན་ཛྭ་ལ་རཾ། ཧཱུཾ་འདུ་ཤེས་ཕུང་པོ་གནས་སུ་དག་པའི་སྐུ། །ཉོན་མོངས་འདོད་ཆགས་གནས་སུ་དག་པའི་གསུང་། །སོ་སོར་རྟོག་པའི་ཡེ་ཤེས་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །པདྨ་ཀུན་བཟང་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་པར་མཛོད། །ཨཾ་ཨཱ་རོ་ལིག་ཆེ་གེ་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། ཧཱུཾ་ཆོས་ཉིད་གནས་པ་མེད་པའི་ཧོམ་ཁུང་དུ། །འདོད་ཆགས་ཁྲག་གི་ཡམ་ཤིང་ལ། །སོ་སོར་རྟོག་པའི་ཡེ་ཤེས་ ― DNG008_Page_0601 ―
[མ་དཔེ་གཟིགས་ན་འདིར་གནོན།]
མེ་སྤར་བས། །ཚེ་འདས་བག་ཆགས་ཐམས་ཅད་ཐིམ་པར་རོལ། །ཨཾ་ཨཱ་རོ་ལིག་ཛྭ་ལ་རཾ། ཧཱུྃ་འདུ་བྱེད་ཕུང་པོ་གནས་སུ་དག་པའི་སྐུ། །ཉོན་མོངས་ཕྲག་དོག་གནས་སུ་དག་པའི་གསུང་། །ནན་ཏན་ཡེ་ཤེས་མཆོག་གི་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །ཀུན་བཟང་དོན་ཡོད་གྲུབ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧ་པྲཛྙཱ་དྷྲྀག་ཆེ་གེ་མོ་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། ཧཱུཾ་ཆོས་ཉིད་དམིགས་པ་མེད་པའི་ཧོམ་ཁུང་དུ། །ཉོན་མོངས་ཕྲག་དོག་ཆུ་སེར་ཡམ་ཤིང་ལ། །བྱ་བ་གྲུབ་པའི་ཡེ་ཤེས་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་སྦྱང་རོལ། །ཧ་པྲཛྙཱ་དྷྲྀག་ཛྭ་ལ་རཾ། ཧཱུཾ་འབྱུང་བ་ནམ་མཁའ་གནས་སུ་དག་པའི་སྐུ། །མ་བྱིན་ལེན་པ་གནས་སུ་དག་པའི་གསུང་། །ཆོས་ཉིད་མཚན་མ་མེད་པའི་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །ཀུན་བཟང་དབྱིངས་ཕྱུག་མ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །ཆོས་ཅན་སྐྱེ་བར་སྣང་བའི་ཡམ་ཤིང་ལ། །ཆོས་ཉིད་མཚན་མ་མེད་པའི་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་སྦྱང་རོལ། །ཧཱུཾ་འབྱུང་བ་ས་ཉིད་གནས་སུ་དག་པའི་སྐུ། །ཉོན་མོངས་འདོད་ཆགས་གནས་སུ་དག་པའི་གསུང་། །ཆོས་ཉིད་སྟོང་པ་ཉིད་ཀྱི་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་སངས་རྒྱས་སྤྱན་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ཆོས་ཉིད་སྟོང་པའི་ཧོམ་ཁུང་དུ། །མཚན་མ་འདོད་པར་ལོག་པའི་ཡམ་ཤིང་ལ། །ཆོས་ཉིད་ཡེ་ཤེས་ཆེན་པོའི་མེ་སྤར་བས། །ཚེ་འདས་བག་ཆགས་ཐམས་ཅད་ཐིམ་སྦྱང་རོལ། །ཧཱུཾ་འབྱུང་བ་ཆུ་ཉིད་གནས་སུ་དག་པའི་སྐུ། །རྫུན་དུ་སྨྲ་བ་གནས་སུ་དག་པའི་གསུང་། །ཆོས་ཉིད་སྨོན་པ་མེད་པའི་ཐུགས་མངའ་བ། །དམ་རྫས་བདུད་ ― DNG008_Page_0602 ―
[མ་དཔེ་གཟིགས་ན་འདིར་གནོན།]
རྩི་འབར་བའི་མཆོད་པ་འདི། །རིན་ཆེན་མཱ་མ་ཀི་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུྃ་ཆོས་ཉིད་སྨོན་པ་མེད་པའི་ཧོམ་ཁུང་དུ། །ཉོན་མོངས་ཀུན་ཏུ་སྣང་བའི་ཡམ་ཤིང་ལ། །རིག་པའི་ཡེ་ཤེས་ཆེན་པོའི་མེ་སྤར་བས། །ཚེ་འདས་བག་ཆགས་ཐམས་ཅད་བསྲེག་སྦྱང་རོལ། །ཧཱུཾ་འབྱུང་བ་མེ་ཉིད་གནས་སུ་དག་པའི་སྐུ། །ཉོན་མོངས་ཆགས་སེམས་གནས་སུ་དག་པའི་གསུང་། །ཆོས་ཉིད་འགག་མེད་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །པདྨ་གོས་དཀར་མོ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་བདག་མེད་ཆེན་པོའི་ཧོམ་ཁུང་དུ། །ཉོན་མོངས་ཆགས་སེམས་ཡམ་ཤིང་ལ། །བདག་འཛིན་མེད་པའི་མེ་སྤར་བས། །ཚེ་འདས་བག་ཆགས་ཐིམ་སྦྱང་རོལ། །ཧཱུཾ་འབྱུང་བ་རླུང་ཉིད་གནས་སུ་དག་པའི་སྐུ། །ཉོན་མོངས་གནོད་སེམས་གནས་སུ་དག་པའི་གསུང་། །རང་བཞིན་འོད་གསལ་ལྟ་བུའི་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །དམ་ཚིག་སྒྲོལ་མའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་བྱང་གྱུར་ཅིག །ཧཱུཾ་ཆོས་ཉིད་འོད་གསལ་ཆེན་པོའི་ཧོམ་ཁུང་དུ། །ཉོན་མོངས་གནོད་སེམས་བྱེད་པའི་ཡམ་ཤིང་ལ། །རིག་པའི་འོད་གསལ་ཆེན་པོའི་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་པར་རོལ། །རིགས་ལྔ་ཀུན་བཟང་ཡབ་ཡུམ་ལ། ཚེ་ལས་འདས་པའི་མཆོད་པའི་ལེའུ་སྟེ་བཅུ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ལས་ཀྱི་བག་ཆགས་སྦྱང་བའི་ཕྱིར། །རྡོ་རྗེ་སེམས་དཔའི་ཚོགས་ལ་མཆོད་པ་འབུལ་བ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་ཡིས། །ཧཱུྃ་སྦྱིན་པའི་ཕ་རོལ་ཕྱིན་པ་རྣམ་པར་དག་པའི་སྐུ། །དགའ་བའི་ས་ལ་རབ་ཏུ་སྤྱོད་པའི་གསུང་། །དབུལ་ ― DNG008_Page_0603 ―
[མ་དཔེ་གཟིགས་ན་འདིར་གནོན།]
བ་སེལ་བ་རིག་པའི་ཐུགས་འཆང་བར། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་ས་སྙིང་སྐུ་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་དག་གྱུར་ཅིག །ཧཱུྃ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །མིག་གི་དབང་པོའི་རྟོག་པའི་ཡམ་ཤིང་ལ། །རང་བྱུང་ཡེ་ཤེས་ཆེན་པོའི་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་སྦྱང་རོལ། །ཧཱུཾ་ཚུལ་ཁྲིམས་ཕ་རོལ་ཕྱིན་པ་རྣམ་པར་དག་པའི་སྐུ། །ཉོན་མོངས་སེལ་བྱེད་དཔའ་བོ་ཆེན་པོའི་གསུང་། །དྲི་མེད་ས་ལ་སྤྱོད་པའི་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་ནམ་མཁའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་དག་གྱུར་ཅིག །ཧཱུཾ་ཆོས་ཉིད་སྤྲོས་པ་མེད་པའི་ཧོམ་ཁུང་དུ། །རྣ་བའི་དབང་པོའི་རྟོག་པའི་ཡམ་ཤིང་ལ། །རང་བྱུང་ཡེ་ཤེས་ཆེན་པོའི་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་སྦྱང་རོལ། །ཧཱུཾ་བཟོད་པའི་ཕ་རོལ་ཕྱིན་པ་རྣམ་པར་དག་པའི་སྐུ། །ཁྲོ་བ་སེལ་མཛད་ཞི་བ་ལྟ་བུའི་གསུང་། །འོད་འཕྲོའི་ས་ལ་རབ་ཏུ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །བྱང་སེམས་ཀུན་བཟང་སྐུ་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་དག་གྱུར་ཅིག །ཧཱུཾ་ཆོས་ཉིད་གཡོས་པ་མེད་པའི་ཧོམ་ཁུང་དུ། །སྣ་ཡི་དབང་པོའི་རྟོག་པའི་ཡམ་ཤིང་ལ། །རྟོག་མེད་རིག་པ་ཆེན་པོའི་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་སྦྱང་རོལ། །ཧཱུཾ་བརྩོན་འགྲུས་ཕ་རོལ་ཕྱིན་པ་རྣམ་པར་དག་པའི་སྐུ། །ལེ་ལོ་སེལ་མཛད་རྟུན་པའི་གསུང་ཉིད་ཅན། །འོད་བྱེད་ས་ལ་རབ་ཏུ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་སྤྱན་རས་གཟིགས་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་དག་གྱུར་ཅིག །ཧཱུཾ་ཆོས་ཉིད་ཐིག་ལེ་ཆེན་པོའི་ཧོམ་ཁུང་དུ། །ལྕེ་ཡི་དབང་པོའི་རྟོག་པའི་ཡམ་ཤིང་ལ། །རང་བྱུང་རིག་པའི་ཡེ་ཤེས་མེ་སྤར་བས། །ཚེ་འདས་ལས་ཀྱི་བག་ཆགས་ ― DNG008_Page_0604 ―
[མ་དཔེ་གཟིགས་ན་འདིར་གནོན།]
ཐིམ་སྦྱང་རོལ། །ཧཱུཾ་ཤེས་རབ་ཕ་རོལ་ཕྱིན་པ་རྣམ་པར་དག་པའི་སྐུ། །གཏི་མུག་སེལ་མཛད་ཡེ་ཤེས་ཆེན་པོའི་གསུང་། །སྦྱང་བར་དཀའ་བའི་ས་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་འཇམ་དཔལ་སྐུ་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་དག་གྱུར་ཅིག །ཧཱུཾ་ཆོས་ཉིད་སྟོང་པ་ཆེན་པོའི་ཧོམ་ཁུང་དུ། །ལུས་ཀྱི་དབང་པོའི་རྟོག་པའི་ཡམ་ཤིང་ལ། །རྟོག་མེད་མཉམ་པ་ཆེན་པོའི་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་སྦྱང་རོལ། །ཧཱུཾ་བསམ་གཏན་ཕ་རོལ་ཕྱིན་པ་རྣམ་པར་དག་པའི་སྐུ། །བྱིང་རྒོད་སེལ་བའི་ཆོས་ཉིད་དག་པའི་གསུང་། །མངོན་གྱུར་ས་ལ་རབ་ཏུ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །བྱམས་པ་མཻ་ཏྲིའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་དག་གྱུར་ཅིག །ཧཱུཾ་ཆོས་རྣམས་ནམ་མཁའ་ལྟ་བུའི་ཧོམ་ཁུང་དུ། །རྟོག་པར་སྣང་བ་ཡིད་ཀྱི་ཡམ་ཤིང་ལ། །རྟོག་མེད་ནམ་མཁའ་ཆེན་པོའི་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་སྦྱང་རོལ། །ཧཱུཾ་སྨོན་ལམ་ཕ་རོལ་ཕྱིན་པ་རྣམ་པར་དག་པའི་སྐུ། །སྐྱེ་བ་སེལ་མཛད་རང་ཉིད་རིག་པའི་གསུང་། །རིང་དུ་སོང་བའི་ས་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །ཕྱག་ན་རྡོ་རྗེའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་དག་གྱུར་ཅིག །ཧཱུཾ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །གཟུགས་སུ་སྣང་བའི་རྟོག་པའི་ཡམ་ཤིང་ལ། །གཉིས་སུ་མེད་པར་རྟོགས་པའི་མེ་སྤར་བས། །ཚེ་འདས་ལས་ཀྱི་བག་ཆགས་ཐིམ་སྦྱང་རོལ། །ཧཱུཾ་སྟོབས་ཀྱི་ཕ་རོལ་ཕྱིན་པ་རྣམ་པར་དག་པའི་སྐུ། །གདུག་པ་སེལ་མཛད་གཞན་རྒྱུད་འཛིན་པའི་གསུང་། །ཆོས་ཀྱི་སྤྲིན་གྱི་ས་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་འགག་མེད་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་ ― DNG008_Page_0605 ―
[མ་དཔེ་གཟིགས་ན་འདིར་གནོན།]
དག་གྱུར་ཅིག །ཧཱུཾ་ཆོས་ཉིད་འགག་པ་མེད་པའི་ཧོམ་ཁུང་དུ། །སྒྲ་རུ་སྣང་བའི་རྟོག་པའི་ཡམ་ཤིང་ལ། །འགག་པ་མེད་པའི་ཡེ་ཤེས་མེ་སྤར་བས། །ཚེ་འདས་ལས་ཀྱི་བག་ཆགས་བསྲེག་སྦྱང་རོལ། །ཧཱུཾ་ཡེ་ཤེས་ཕ་རོལ་ཕྱིན་པ་རྣམ་པར་དག་པའི་སྐུ། །སྒྲིབ་པ་སེལ་མཛད་གསལ་བའི་རྒྱུད་རིག་གསུང་། །ལེགས་པའི་བློ་གྲོས་ས་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་བདེ་བའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ཆོས་ཉིད་གནས་པ་མེད་པའི་ཧོམ་ཁུང་དུ། །དྲི་རུ་སྣང་བའི་རྟོག་པའི་ཡམ་ཤིང་ལ། །རྟོག་མེད་རིག་པ་ཆེན་པའི་མེ་སྤར་བས། །ཚེ་འདས་ལས་ཀྱི་བག་ཆགས་བསྲེག་སྦྱང་རོལ། །ཧཱུཾ་ཡན་ལག་མ་འགགས་ཕ་རོལ་ཕྱིན་པའི་སྐུ། །རིག་པ་སེལ་མཛད་རིག་མེད་ཆེན་པོའི་གསུང་། །བདེ་བ་ལེགས་པའི་ས་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་རོལ་པའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ཆོས་ཉིད་མཉམ་པ་ཆེན་པོའི་ཧོམ་ཁུང་དུ། །རོ་རུ་སྣང་བའི་རྟོག་པའི་ཡམ་ཤིང་ལ། །དམིགས་མེད་ཡེ་ཤེས་ཆེན་པོའི་མེ་སྤར་བས། །ཚེ་འདས་ལས་ཀྱི་བག་ཆགས་བསྲེག་སྦྱང་རོལ། །ཧཱུཾ་སྤྲུལ་པ་གང་འདུལ་ཕ་རོལ་ཕྱིན་པའི་སྐུ། །འགྲོ་བའི་ལོག་པར་རྟོག་པ་སེལ་བའི་གསུང་། །པདྨ་ཅན་གྱི་ས་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་སྤྲུལ་པའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ཆོས་ཉིད་འགྲོ་བ་མེད་པའི་ཧོམ་ཁུང་དུ། །རེག་པར་སྣང་བའི་ལུས་ཀྱི་ཡམ་ཤིང་ལ། །ཆོས་ཉིད་འདོད་པ་མེད་པའི་མེ་སྤར་བས། །ཚེ་འདས་ལས་ཀྱི་བག་ཆགས་བསྲེག་སྦྱང་རོལ། །ཧཱུཾ་འདི་སྣང་ཕ་རོལ་ཕྱིན་པ་རྣམ་པར་དག་པའི་སྐུ། །སྐུ་ཉིད་སྣང་བས་སྒྲིབ་པ་སེལ་བའི་གསུང་། །ཡེ་ཤེས་ཚོགས་ཆེན་འཁོར་ལོའི་ས་ལ་སྤྱོད་པའི་ ― DNG008_Page_0606 ―
[མ་དཔེ་གཟིགས་ན་འདིར་གནོན།]
ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་གསལ་བའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ལྷུན་གྲུབ་བདེ་བ་ཆེན་པོའི་ཧོམ་ཁུང་དུ། །ལོག་རྟོག་ཆོས་སུ་སྣང་བའི་ཡམ་ཤིང་ལ། །བདེ་ཆེན་རིག་པ་ཆེན་པོའི་མེ་སྤར་བས། །འཁོར་བའི་བག་ཆགས་རྣམ་རྟོག་བསྲེག་སྦྱང་རོལ། །ཧཱུཾ་འོད་ཀྱི་རིག་འདུས་ཕ་རོལ་ཕྱིན་པའི་སྐུ། །རིག་པའི་སྣང་བས་རྟོག་པ་སེལ་བའི་གསུང་། །འཇོམས་བྱེད་རིག་པའི་ས་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་བཞད་པའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ཆོས་ཉིད་བདེ་བ་ཆེན་པོའི་ཧོམ་ཁུང་དུ། །གཟུང་བར་སྣང་བའི་རིག་པའི་ཡམ་ཤིང་ལ། །བདེ་བ་ཆེན་པོའི་ཡེ་ཤེས་མེ་སྤར་བས། །ཚེ་འདས་ལས་ཀྱི་སྒྲིབ་པ་ཐིམ་སྦྱང་རོལ། །ཧཱུཾ་ཡེ་ཤེས་ལྷུན་གྲུབ་ཕ་རོལ་ཕྱིན་པའི་སྐུ། །གཉིས་མེད་ཡེ་ཤེས་གཟུང་འཛིན་སེལ་བའི་གསུང་། །ལྷུན་གྲུབ་བདེ་བའི་ས་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་ལྷུན་གྲུབ་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །འཛིན་པར་སྣང་བ་རྟོག་པའི་ཡམ་ཤིང་ལ། །རིག་པ་ཡེ་ཤེས་ཆེན་པོའི་མེ་སྤར་བས། །ཚེ་འདས་ལས་ཀྱི་སྒྲིབ་པ་ཐིམ་སྦྱང་རོལ། །ཧཱུཾ་ཆོས་དབྱིངས་མི་འགྱུར་ཕ་རོལ་ཕྱིན་པའི་སྐུ། །རིས་མེད་བླང་དོར་གཉིས་མེད་སེལ་བའི་གསུང་། །མ་བཅོས་ནམ་མཁའི་ངང་ལ་སྤྱོད་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་སྐྱེ་མེད་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་གྱུར་ཅིག །ཧཱུཾ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །མཚན་མའི་རྣམ་པར་རྟོག་པའི་ཡམ་ཤིང་ལ། །རང་བྱུང་ཡེ་ཤེས་རིག་པའི་མེ་སྤར་བས། །ཚེ་འདས་ལས་ཀྱི་བག་ ― DNG008_Page_0607 ―
[མ་དཔེ་གཟིགས་ན་འདིར་གནོན།]
ཆགས་བསྲེག་སྦྱང་རོལ། །འོག་ཏུ་སེམས་མ་བཅུ་བདུན་དང་འདིར་སེམས་དཔའ་བཅོ་ལྔ་བྱུང་བ་གྲངས་མཚན་སང་དགོས་སམ་དཔྱད། ཚེ་འདས་བག་ཆགས་སྦྱང་ཞིང་རྡོ་རྗེའི་སེམས་དཔའ་རྣམས་ལ་མཆོད་པར་འབུལ་བའི་ལེའུ་བཅུ་གཅིག་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ལས་ཀྱི་སྒྲིབ་པ་སྦྱང་པའི་ཕྱིར། །རྡོ་རྗེ་སེམས་མ་རྣམས་ལ་མཆོད་པ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུཾ་ཀུན་གཞིའི་རྣམ་ཤེས་གནས་སུ་དག་པའི་སྐུ། །ཉོན་མོངས་སེར་སྣ་གནས་སུ་དག་པའི་གསུང་། །མིག་གི་རྣམ་ཤེས་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་སྒེག་མོའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ཉོན་མོངས་ཡིད་ནི་གནས་སུ་དག་པའི་སྐུ། །ཉོན་མོངས་ཆགས་པ་གནས་སུ་དག་བྱེད་གསུང་། །རྣ་བའི་རྣམ་ཤེས་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་ཕྲེང་བའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ཡིད་ཀྱི་རྣམ་ཤེས་གནས་སུ་དག་པའི་སྐུ། །ཉོན་མོངས་དྲི་མ་གནས་སུ་དག་བྱེད་གསུང་། །སྣ་ཡི་རྣམ་ཤེས་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་དབྱངས་མའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་མིག་གི་རྣམ་ཤེས་གནས་སུ་དག་པའི་སྐུ། །ཉོན་མོངས་བག་མེད་གནས་སུ་དག་པའི་གསུང་། །མིག་གི་སྐྱེ་མཆེད་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་གར་མའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་རྣ་བའི་རྣམ་ཤེས་གནས་སུ་དག་པའི་སྐུ། །ཉོན་མོངས་ཕྲ་མ་གནས་སུ་དག་པའི་གསུང་། །རྣ་བའི་སྐྱེ་མཆེད་གནས་སུ་དག་པའི་ཐུགས། །དམ་ ― DNG008_Page_0608 ―
[མ་དཔེ་གཟིགས་ན་འདིར་གནོན།]
རྫས་བདུད་རྩི་འབར་བའི་མཆོད་པ་འདི། །རྡོ་རྗེ་དཀར་མོའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་སྣ་ཡི་རྣམ་ཤེས་གནས་སུ་དག་པའི་སྐུ། །ཉོན་མོངས་བག་མེད་གནས་སུ་དག་བྱེད་གསུང་། །སྣ་ཡི་སྐྱེ་མཆེད་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་མེ་ལྷའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ལྕེ་ཡི་རྣམ་ཤེས་གནས་སུ་དག་པའི་སྐུ། །ཉོན་མོངས་ལེ་ལོ་གནས་སུ་དག་བྱེད་གསུང་། །ལྕེ་ཡི་སྐྱེ་མཆེད་གནས་སུ་དག་བྱེད་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་གཱི་ཏིའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ལུས་ཀྱི་རྣམ་ཤེས་གནས་སུ་དག་པའི་སྐུ། །མ་བྱིན་ལེན་པ་གནས་སུ་དག་པའི་གསུང་། །ལུས་ཀྱི་སྐྱེ་མཆེད་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་ནིར་ཏིའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་མིག་གི་དབང་པོ་གནས་སུ་དག་པའི་སྐུ། །ཉོན་མོངས་ཆགས་སེམས་གནས་སུ་དག་པའི་གསུང་། །སྒྲ་ཡི་སྐྱེ་མཆེད་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་འོད་འཛིན་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་སྣ་ཡི་དབང་པོ་གནས་སུ་དག་པའི་སྐུ། །ཉོན་མོངས་དྲི་མ་གནས་སུ་དག་པའི་གསུང་། །དྲི་ཡི་སྐྱེ་མཆེད་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་འོད་འཛིན་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ལུས་ཀྱི་དབང་པོ་གནས་སུ་དག་པའི་སྐུ། །ལོག་པའི་བལྟ་བ་གནས་སུ་དག་པའི་གསུང་། །ལུས་ཀྱི་སྐྱེ་མཆེད་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་ ― DNG008_Page_0609 ―
[མ་དཔེ་གཟིགས་ན་འདིར་གནོན།]
པ་འདི། །རྡོ་རྗེ་འཇོམས་པ་མོ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ཡིད་ཀྱི་དབང་པོ་གནས་སུ་དག་པའི་སྐུ། །ཉོན་མོངས་བརྣབ་སེམས་གནས་སུ་དག་པའི་གསུང་། །ཆོས་ཀྱི་སྐྱེ་མཆེད་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་ཡིད་སྤྱོད་མ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་དངོས་པོར་སྣང་བ་གནས་སུ་དག་པའི་སྐུ། །ཉོན་མོངས་གནོད་སེམས་གནས་སུ་དག་པའི་གསུང་། །ཡུལ་དུ་འཛིན་པའི་མཚན་མ་འཇོམས་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་བརྗིད་པ་མོ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་བདག་ཏུ་འཛིན་པ་རྣམ་པར་དག་པའི་སྐུ། །ངག་གི་ཉེས་པ་གནས་སུ་དག་པའི་གསུང་། །བདག་མེད་ནམ་མཁའ་ལྟ་བུའི་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་བདུག་པའི་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་མཚན་མར་འཛིན་པ་གནས་སུ་དག་པའི་སྐུ། །ལུས་ཀྱི་ཉེས་པ་གནས་སུ་དག་པའི་གསུང་། །མཚན་མེད་ནམ་མཁའ་ལྟ་བུའི་ཐུགས་མངའ་བར། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་མེ་ཏོག་མ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་རྒྱུ་རུ་འཛིན་པ་གནས་སུ་དག་པའི་སྐུ། །ཡིད་ཀྱི་ཉེས་པ་གནས་སུ་དག་པའི་གསུང་། །རྒྱུ་མེད་འཛིན་པ་གནས་སུ་དག་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་མར་མེ་མ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག ། ― DNG008_Page_0610 ―
[མ་དཔེ་གཟིགས་ན་འདིར་གནོན།]
ཧཱུཾ་ལོག་པར་བལྟ་བ་གནས་སུ་དག་པའི་སྐུ། །གྲུབ་པའི་ལོངས་སྤྱོད་གནས་སུ་དག་པའི་གསུང་། །ཡེ་ཤེས་དག་པའི་ཐུགས་ཀྱི་དགོངས་པ་ཅན། །དམ་རྫས་བདུད་རྩི་འབར་བའི་མཆོད་པ་འདི། །རྡོ་རྗེ་དྲི་ཆབ་མ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །ཆོས་ཅན་སྐྱེ་བར་སྣང་བའི་ཡམ་ཤིང་ལ། །རང་བྱུང་ཡེ་ཤེས་ཆེན་པོའི་མེ་སྤར་བས། །ཚེ་འདས་ལས་ཀྱི་སྒྲིབ་པ་བསྲེག་སྦྱང་ཐིམ། །ཨཱོཾ་བོ་དྷི་ཙིཏྟ་ཆེ་གེ་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། བཛྲ་ཨགྣེ་ཆེ་གེ་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། ཚེ་ལས་འདས་པའི་བག་ཆགས་བསྲེག་ཅིང་། རྡོ་རྗེ་སེམས་མ་རྣམས་ལ་མཆོད་པ་འབུལ་བའི་ལེའུ་སྟེ་བཅུ་གཉིས་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ལས་ཀྱི་བག་ཆགས་སྦྱང་བའི་ཕྱིར། །ཐུབ་པ་དྲུག་ལ་མཆོད་པ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུཾ་ལེ་ལོའི་སྐྱོན་སྤངས་གནས་སུ་དག་པའི་སྐུ། །བདེ་བའི་ལོངས་སྤྱོད་འཛིན་པ་རིག་པའི་གསུང་། །རིག་པའི་ཡེ་ཤེས་ཐུགས་ཀྱིས་ལྷ་རྣམས་འདུལ། །འཇོམས་མཛད་ལྷ་ཡི་ཐུབ་ལ་མཆོད་པར་འབུལ། །ཚེ་འདས་ལས་ཀྱི་བག་ཆགས་སྦྱང་བ་དང་། །ཧཱུཾ་ཕྲག་དོག་སྐྱོན་སྤངས་གནས་སུ་དག་པའི་སྐུ། །སྨོད་པའི་ལོངས་སྤྱོད་འཛིན་པ་རིག་པའི་གསུང་། །དཔའ་བོ་ལྷ་ཡི་ཐུགས་རྗེས་ལྷ་མིན་འདུལ། །རྡོ་རྗེ་ལྷ་མིན་ཐུབ་ལ་མཆོད་པར་འབུལ། །ཧཱུཾ་ང་རྒྱལ་སྐྱོན་སྤངས་གནས་སུ་དག་པའི་སྐུ། །ཁྲོ་བོའི་རིག་པའི་ལོངས་སྤྱོད་འཛིན་པའི་གསུང་། །འགྲོ་བའི་གཉེན་པོས་མི་རྣམས་འདུལ་བའི་ཐུགས། །འདུལ་བྱེད་ཐུབ་པའི་སྐུ་ལ་མཆོད་པར་འབུལ། །ཧཱུཾ་གཏི་མུག་སྐྱོན་སྤངས་གནས་སུ་དག་པའི་སྐུ། །གཉིས་མེད་ལོངས་སྤྱོད་འཛིན་པའི་རིག་པའི་གསུང་། །གླེན་ལྐུགས་སྒྲིབ་པ་གཅོད་པའི་རིག་པའི་ཐུགས། །འཇོམས་བྱེད་ཐུབ་པའི་སྐུ་ལ་མཆོད་པར་འབུལ། །ཧཱུཾ་འདོད་ཆགས་སྐྱོན་སྤངས་གནས་སུ་དག་པའི་སྐུ། །སེར་སྣའི་འཆིང་བ་འགྲོལ་བར་བྱེད་པའི་གསུང་། །འགྲོ་བའི་གཉེན་པོས་ཡི་དྭགས་འདུལ་བའི་ཐུགས། །སེལ་མཛད་ཡི་དྭགས་ཐུབ་ལ་མཆོད་པར་འབུལ། །ཧཱུཾ་ཞེ་སྡང་སྐྱོན་སྤངས་གནས་སུ་དག་པའི་སྐུ། །ཚ་གྲང་སྡུག་བསྔལ་སེལ་བྱེད་རིག་པའི་ ― DNG008_Page_0611 ―
[མ་དཔེ་གཟིགས་ན་འདིར་གནོན།]
གསུང་། །རིགས་མཆོག་དམྱལ་བ་འདྲེན་མཛད་དཔའ་བོའི་ཐུགས། །དཔའ་བརྟན་དམྱལ་བའི་ཐུབ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །ཉོན་མོངས་རྒྱུད་དྲུག་རྟོག་པའི་ཡམ་ཤིང་ལ། །རིག་པའི་ཡེ་ཤེས་ཆེན་པོའི་མེ་སྤར་བས། །ཚེ་འདས་ལས་ཀྱི་སྒྲིབ་པ་ཐིམ་སྦྱང་རོལ། །ཨ་ནྲྀ་སུ་ཏྲི་པྲེ་དུ་ཤཱནྟིཾ་ཀུ་རུ་སྭཱ་ཧཱ། ཚེ་ལས་འདས་པའི་བག་ཆགས་སྦྱངས་ཤིང་། སྤྲུལ་སྐུ་ཐུབ་པ་ལ་མཆོད་པའི་ལེའུ་སྟེ་བཅུ་གསུམ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ལས་ཀྱི་བག་ཆགས་སྦྱང་བའི་ཕྱིར། །ཡེ་ཤེས་ཁྲོ་བོ་རྣམས་ལ་མཆོད་པ་འབུལ་བ་གང་། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུཾ་ཁྲོ་ལ་ཁྲོས་པས་ཞི་བའི་སྐུ། །ཁྲོ་དཔུང་ཆེན་པོ་འཇོམས་པའི་གསུང་། །ཁྲོས་པས་ཉེ་བའི་སྤྲིན་ཆེན་ཐུགས། །ཞི་མཛད་ཁྲོ་བོའི་སྐུ་ལ་མཆོད་པར་འབུལ། །ཧཱུཾ་ལྷ་རྣམས་འདུལ་བ་གཙོ་བོའི་སྐུ། །འཇོམས་བྱེད་དབང་ཕྱུག་ཆེན་པོའི་གསུང་། །ཞི་མཛད་རབ་ཏུ་འཇིགས་པའི་ཐུགས། །འཇོམས་བྱེད་ཁྲོ་ལ་མཆོད་པར་འབུལ། །ཧཱུཾ་ཤར་ཕྱོགས་དྲེགས་པ་ཀུན་འདུལ་སྐུ། །དྲི་ཟའི་གཙོ་གཟུངས་བརྫིས་པའི་གསུང་། །འཇོམས་བྱེད་དབང་ཕྱུག་འདུལ་བའི་ཐུགས། །གཤེད་མཛད་འདུལ་ལ་མཆོད་པར་འབུལ། །ཧཱུཾ་ཤར་ལྷོ་དྲེགས་པ་འདུལ་བའི་སྐུ། །བདེན་བྲལ་གཙོ་གཟུངས་འདུལ་བའི་གསུང་། །འཇོམས་བྱེད་དབང་ཕྱུག་རིག་པའི་ཐུགས། །བདེན་བྲལ་འདུལ་ལ་མཆོད་པར་འབུལ། །ཧཱུཾ་ལྷོ་ཕྱོགས་དྲེགས་པ་འདུལ་བའི་སྐུ། །གཤིན་རྗེ་གཙོ་གཟུངས་འདུལ་བའི་གསུང་། །འཇོམས་བྱེད་དབང་ཕྱུག་འདུལ་བའི་ཐུགས། །ཚེ་གཤེད་ཁྲོ་ལ་མཆོད་པར་འབུལ། །ཧཱུཾ་ལྷོ་ནུབ་དྲེགས་པ་འདུལ་བའི་སྐུ། །སྲིན་པོ་འདུལ་བ་རིག་པའི་གསུང་། ། ― DNG008_Page_0612 ―
[མ་དཔེ་གཟིགས་ན་འདིར་གནོན།]
འཇོམས་བྱེད་དབང་ཕྱུག་ཐུགས་རྗེའི་བདག །མཐར་བྱེད་ཁྲོ་ལ་མཆོད་པར་འབུལ། །ཧཱུྃ་ནུབ་ཕྱོགས་དྲེགས་པ་འདུལ་བའི་སྐུ། །ཀླུ་ཡི་གཙོ་གཟུངས་གདན་བཏིང་གསུང་། །འཇོམས་བྱེད་དབང་ཕྱུག་ཡིད་ཀྱི་ཐུགས། །འདུལ་བྱེད་ཁྲོ་ལ་མཆོད་པར་འབུལ། །ཧཱུཾ་ནུབ་བྱང་དྲེགས་པ་འདུལ་བའི་སྐུ། །རླུང་ལྷའི་གཙོ་གཟུངས་གདན་བཏིང་གསུང་། །འཇོམས་བྱེད་རྒྱལ་པོ་ཐུགས་ཀྱི་བདག །འདུལ་བྱེད་ཁྲོ་ལ་མཆོད་པར་འབུལ། །ཧཱུཾ་བྱང་ཕྱོགས་དྲེགས་པ་འདུལ་བའི་སྐུ། །གནོད་སྦྱིན་གཙོ་གཟུངས་གདན་བཏིང་གསུང་། །འདུལ་བྱེད་དབང་ཕྱུག་ཐུགས་ཀྱི་བདག །དབང་མཆོག་ཁྲོ་ལ་མཆོད་པར་འབུལ། །ཧཱུཾ་བྱང་ཤར་དྲེགས་པ་འདུལ་བའི་སྐུ། །དབང་ལྡན་གདན་བཏིང་རིག་པའི་གསུང་། །འཇོམས་བྱེད་སྟོབས་ཀྱིས་གནོན་པའི་ཐུགས། །སྟོབས་ལྡན་ཁྲོ་ལ་མཆོད་པར་འབུལ། །ཧཱུཾ་ཕྲིན་ལས་འཇོམས་པའི་ཧོམ་ཁུང་དུ། །གདུག་པ་ཉོན་མོངས་ཡམ་ཤིང་ལ། །འཇོམས་བྱེད་ཁྲོ་བོའི་མེ་སྤར་བས། །ཚེ་འདས་གཤེད་མ་བསྲེག་སྦྱང་རོལ། །ཧཱུཾ་བཛྲ་ཀྲོ་ཏ་བི་ཛ་ཡ་ཆེ་གེ་སརྦ་པཱ་པཾ་མཱ་ར་ཡ་ཛྭ་ལ་རཾ། ཚེ་ལས་འདས་པའི་གཤེད་མ་སྦྱང་ཞིང་། ཡེ་ཤེས་ཁྲོ་བོ་ལ་མཆོད་པ་དབུལ་བའི་ལེའུ་སྟེ་བཅུ་བཞི་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཞིང་སྐྱོང་རྡོ་རྗེ་འགྲོ་བའི་དཔལ་མཛད་ལ། །ཚེ་འདས་སྒྲིབ་པ་སྦྱང་ཞིང་མཆོད་པ་གང་། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུཾ་བདེ་གཤེགས་ཐམས་ཅད་འོད་ལས་སྤྲུལ་པའི་སྐུ། །རྒྱལ་བ་ཀུན་གྱི་ཞིང་ཁམས་སྐྱོང་བའི་གསུང་། །ཡོན་ཏན་འགག་མེད་ཐམས་ཅད་མཁྱེན་པའི་ཐུགས། །དམ་རྫས་བདུད་རྩི་འབར་བའི་མཆོད་པ་འདི། །ཞིང་སྐྱོང་དཔལ་མཛད་སྐུ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་སྦྱང་བར་མཛོད། །ཨ་བཛྲ་ཏྲ་ཨ་ཆེ་གེ་མོ་ཤཱནྟིཾ་ཀུ་རུ་སྭཱ་ཧཱ། ཧཱུཾ་ ― DNG008_Page_0613 ―
[མ་དཔེ་གཟིགས་ན་འདིར་གནོན།]
གཉིས་མེད་བྷ་གའི་ཧོམ་ཁུང་དུ། །འབྱུང་བ་འོད་ཀྱི་མེ་སྤར་བས། །ཚེ་འདས་བག་ཆགས་བསྲེག་སྦྱང་རོལ། །བཛྲ་ཨགྣེ་ཆེ་གེ་མོ་ཛྭ་ལ་རཾ། །ཞིང་སྐྱོང་དཔལ་མཛད་མའི་མཆོད་པ་དབུལ་བའི་ལེའུ་སྟེ་བཅོ་ལྔ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ལས་ཀྱི་བག་ཆགས་སྦྱང་བའི་ཕྱིར། །ཡེ་ཤེས་སྒོ་བ་རྣམས་ལ་མཆོད་པར་འབུལ་བ་གང་། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུཾ་ལོག་པར་བལྟ་བའི་མཚན་མ་འཇོམས་པའི་སྐུ། །དམིགས་པ་འཛིན་པ་འགྲོ་བ་འདུལ་བའི་གསུང་། །མ་འགགས་ཡེ་ཤེས་རིག་པའི་ཐུགས་མངའ་བ། །རྣམ་པར་རྒྱལ་བའི་སྐུ་ལ་མཆོད་པར་འབུལ། །ཧཱུཾ་མཚན་མར་བལྟ་བ་མཚན་མེད་དག་པའི་སྐུ། །རྣམ་པའི་ཡུལ་གྱིས་འགྲོ་བ་འདུལ་བའི་གསུང་། །མི་གཡོ་བ་ཡི་ཡེ་ཤེས་ཐུགས་མངའ་བ། །གཤིན་རྗེ་གཤེད་པོའི་སྐུ་ལ་མཆོད་པར་འབུལ། །ཧཱུཾ་བདག་ཏུ་བལྟ་བའི་མཚན་མ་འཇོམས་པའི་སྐུ། །ཡུལ་དུ་འཛིན་པའི་རིག་པ་མེད་པའི་གསུང་། །རྒྱ་མ་ཆད་པའི་ཡེ་ཤེས་ཐུགས་མངའ་བ། །དབང་སྡུད་རྟ་མགྲིན་སྐུ་ལ་མཆོད་པར་འབུལ། །ཧཱུཾ་ཆད་པར་བལྟ་བ་བདེ་བས་སེལ་བའི་སྐུ། །དམིགས་པ་མེད་པ་རིག་པ་ཆེན་པོའི་གསུང་། །མི་འགྱུར་བ་ཡི་ཡེ་ཤེས་ཐུགས་མངའ་བ། །གསོལ་མཛད་བདུད་རྩི་འཁྱིལ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་བྱང་གྱུར་ཅིག །ཧཱུཾ་ཕྲིན་ལས་ལས་ལ་གྲུབ་པའི་ཧོམ་ཁུང་དུ། །ལོག་རྟོག་རྒྱུ་རུ་སྣང་བའི་ཡམ་ཤིང་ལ། །འཇོམས་མཛད་ཡེ་ཤེས་ཆེན་པོའི་མེ་སྤར་བས། །ཚེ་འདས་བག་ཆགས་ཐམས་ཅད་བསྲེག་སྦྱང་རོལ། །ཧཱུཾ་བཛྲ་ཀྲོ་དྷ་ཆེ་གེ་མོ་ཤཱནྟིཾ་ཀུ་རུ་སྭཱ་ཧཱ། ཡེ་ཤེས་སྒོ་བ་ལ་མཆོད་པ་དབུལ་བའི་ལེའུ་སྟེ་བཅུ་དྲུག་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཡེ་ཤེས་སྒོ་མ་རྣམས་ལ་མཆོད་པ་འབུལ་བ་དང་། །ཚེ་འདས་སྒྲིབ་པ་སྦྱོང་བ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་ ― DNG008_Page_0614 ―
[མ་དཔེ་གཟིགས་ན་འདིར་གནོན།]
པོ་དེས། །ཧཱུཾ་སྟོང་ཉིད་ཆེན་པོ་མངོན་སངས་རྒྱས་པའི་སྐུ། །རིག་པའི་ལྕགས་ཀྱུས་འགྲོ་བ་འདྲེན་པའི་གསུང་། །སྙིང་རྗེ་ཚད་མེད་འགྲོ་བའི་ཐུགས་འཆང་བ། །རྡོ་རྗེ་ལྕགས་ཀྱུའི་སྐུ་ལ་མཆོད་པར་འབུལ། །ཧཱུཾ་སྨོན་པ་ཆེན་པོ་མངོན་སངས་རྒྱས་པའི་སྐུ། །ཡེ་ཤེས་ཞགས་པས་འགྲོ་བ་འདྲེན་པའི་གསུང་། །བྱམས་པ་ཚད་མེད་འགྲོ་བའི་ཐུགས་འཆང་བ། །རྡོ་རྗེ་ཞགས་པ་མ་ལ་མཆོད་པར་འབུལ། །ཧཱུཾ་བདག་མེད་ཆེན་པོ་མངོན་སངས་རྒྱས་པའི་སྐུ། །ཐུགས་རྗེའི་ལྕགས་སྒྲོག་འགྲོ་བ་འདྲེན་པའི་གསུང་། །དགའ་བ་ཚད་མེད་འགྲོ་བའི་ཐུགས་འཆང་བ། །རྡོ་རྗེ་ལྕགས་སྒྲོག་མ་ལ་མཆོད་པར་འབུལ། །ཧཱུཾ་རང་བཞིན་འོད་གསལ་མངོན་སངས་རྒྱས་པའི་སྐུ། །ཕྲིན་ལས་འདུལ་བའི་རྡོ་རྗེ་དྲིལ་བུའི་གསུང་། །བཏང་སྙོམས་ཚད་མེད་འགྲོ་བའི་དོན་མཛད་ཐུགས། །འཇོམས་བྱེད་དྲིལ་བུ་མ་ལ་མཆོད་པར་འབུལ། །ཚེ་འདས་ལས་ཀྱི་སྒྲིབ་པ་དག་པར་ཤོག །ཨོཾ་བཛྲ་ཀྲོ་དྷཱི་པཱུ་ཛ་ས་མ་ཡ་ཧཱུཾ། ཧཱུཾ་ཆོས་ཉིད་སྐྱེ་བ་མེད་པའི་ཧོམ་ཁུང་དུ། །རྟོག་པ་ཆེན་པོ་འབྱུང་བའི་ཡམ་ཤིང་ལ། །རྟོག་མེད་ཡེ་ཤེས་ཆེན་པོའི་མེ་སྤར་བས། །ཚེ་འདས་ལས་ཀྱི་བག་ཆགས་བསྲེག་སྦྱང་རོལ། །ཨོཾ་ཀྲོ་དྷཱི་ཆེ་གེ་མོ་ཤཱནྟིཾ་ཀུ་རུ་བཛྲ་ཛྭ་ལ་རཾ། ཡེ་ཤེས་སྒོ་མ་བཞི་ལ་བསྲེག་རྫས་མཆོད་པ་དབུལ་བའི་ལེའུ་སྟེ་བཅུ་བདུན་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་བག་ཆགས་སྦྱང་བའི་ཕྱིར། །ཕྲིན་ལས་རྣམ་བཞིའི་སྦྱིན་སྲེག་བྱ་བ་གང་། །སྟོན་པའི་སྟོན་པ་ཀུན་ཏུ་བཟང་པོ་དེས། །ཨོཾ་དུང་ངམ་དཀར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟླུམ་པོ། །ལོགས་ལ་ཞི་བའི་ལྷ་བསྒོམས་པས། །ཉོན་མོངས་བག་ཆགས་ཞི་བར་འགྱུར། །ཞི་བར་མ་གྱུར་གང་ཡང་མེད། །ཞི་མཛད་ལྷ་ལ་མཆོད་པར་འབུལ། །ཤཱནྟིཾ་ཀུ་རུ་སྭཱ་ཧཱ། ཧཱུཾ་ཕྲིན་ལས་ཆུ་ཡི་ཐབ་ཁུང་དུ། ། ― DNG008_Page_0615 ―
[མ་དཔེ་གཟིགས་ན་འདིར་གནོན།]
ཞེ་སྡང་རུས་པའི་ཡམ་ཤིང་ལ། །ཀུན་བཟང་ཐུགས་ཀྱི་མེ་སྤར་བས། །འཁོར་བའི་ཉོན་མོངས་ཞི་བར་འགྱུར། །དུ་ཤཱནྟིཾ་ཀུ་རུ་སྭཱ་ཧཱ།ཧཱུཾ་གསེར་རམ་སེར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་བཞི། །ལོགས་ལ་རྒྱས་པའི་ལྷ་བསྒོམས་པས། །ཡོན་ཏན་མ་ལུས་རྒྱས་པར་འགྱུར། །རྒྱས་མཛད་ལྷ་ལ་མཆོད་པར་འབུལ། །པུཥྚིཾ་ཀུ་རུ་སྭཱ་ཧཱ། ཧཱུཾ་ཕྲིན་ལས་ས་ཡི་ཧོམ་ཁུང་དུ། །ཉོན་མོངས་ང་རྒྱལ་ཡམ་ཤིང་ལ། །ཀུན་བཟང་རྫོགས་པའི་མེ་སྤར་བས། །སྐྱེ་བའི་བག་ཆགས་བསྲེག་སྦྱང་རོལ། །སུ་པུཥྚིཾ་ཀུ་རུ་སྭཱ་ཧཱ། ཧཱུཾ་ཟངས་སམ་དམར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟླ་གམ། །ལོགས་ལ་དབང་གི་ལྷ་བསྒོམས་པས། །གང་འདོད་ཡེ་ཤེས་དབང་དུ་སྒྱུར། །དབང་སྡུད་ལྷ་ལ་མཆོད་པར་འབུལ། །བ་ཤང་ཀུ་རུ་སྭཱ་ཧཱ། ཧཱུཾ་ཕྲིན་ལས་མེ་ཡི་ཧོམ་ཁུང་དུ། །ཉོན་མོངས་འདོད་ཆགས་ཡམ་ཤིང་ལ། །ཀུན་བཟང་རིག་པའི་མེ་སྤར་བས། །གནས་པའི་བག་ཆགས་བསྲེག་སྦྱང་རོལ། །པྲེ་མ་ཏ་ཀུ་རུ་སྭཱ་ཧཱ། ཧཱུཾ་ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུན་རྩེ་ཟུར་གསུམ། །ལོགས་ལ་དྲག་པོའི་ལྷ་བསྒོམས་པས། །གནོད་གདུག་ཉོན་མོངས་བརླག་པར་འགྱུར། །བརླག་མཛད་ལྷ་ལ་མཆོད་པར་འབུལ། །བཛྲ་ཀྲོ་དྷ་སུམྦྷ་གྷྲྀ་ཧྞཱ་པ་ཡ་ཧཱུཾ། ཧཱུཾ་ཕྲིན་ལས་རླུང་གི་ཧོམ་ཁུང་དུ། །ཉོན་མོངས་ཕྲག་དོག་ཡམ་ཤིང་ལ། །ཁྲོ་རྒྱལ་འཇོམས་པའི་མེ་སྤར་བས། །གནོད་བྱེད་ཉོན་མོངས་བསྲེག་སྦྱང་རོལ། །ཨོཾ་བཛྲ་ཀྲོ་དྷི་སུམྦྷ་གྷྲྀ་ཧྞཱ་པ་ཡ་ཆེ་གེ་མོ་ཛྭ་ལ་རཾ། ཕྲིན་ལས་རྣམ་པ་བཞིའི་ལྷ་ལ་མཆོད་པ་དབུལ་བའི་ལེའུ་སྟེ་བཅོ་བརྒྱད་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །བསྲེག་རྫས་སྔགས་ཀྱིས་དབུལ་བ་ཇི་ལྟར་ལགས། །དཀྱིལ་འཁོར་ལྷ་ཚོགས་ཐམས་ཅད་ལ། །རྫས་ཀྱི་མཆོད་ ― DNG008_Page_0616 ―
[མ་དཔེ་གཟིགས་ན་འདིར་གནོན།]
པ་འདི་རྣམས་ཀུན། །ལྷ་རྣམས་ཀུན་ལ་རེ་རེ་འབུལ། །དང་པོ་ཡེ་ཤེས་ལྷ་ལ་ཞལ་ཟས་བདུད་རྩི་མར་གྱིས་མཆོད། ཨཱོཾ་ཨགྣ་ཡེ་ཨ་མོ་ཀེ་ཤཱནྟིཾ་ཀུ་རུ་སྭཱ་ཧཱ། ཨོཾ་ཨགྣ་ཡེ། ཨཱོཾ་བཛྲ་ཛ་ཡ་ཛ་ཡ་སྭཱ་ཧཱ། ཤཱནྟིཾ་ཀུ་རུ་སྭཱ་ཧཱ། དེ་ནས་དུར་བའི་མྱུ་གུ་ལ། །སྔགས་འདི་བཟླས་ཏེ་མཆོད་པ་འབུལ། །ཨཱོཾ་ཨགྣ་ཡེ། བཛྲ་ཨཱ་ཡུ་ཥེ་ཤཱནྟིཾ་ཀུ་རུ་སྭཱ་ཧཱ། དེ་ནས་ནས་ཀྱི་སྙིང་པོ་ལ། །སྔགས་འདི་བཟླས་ལ་མཆོད་པར་འབུལ། །ཨཱོཾ་ཨགྣ་ཡེ་སྭཱ་ཧཱ། མ་ཧཱ་བེ་གཱ་ཡ་ཤཱནྟིཾ་ཀུ་རུ་སྭཱ་ཧཱ། དེ་བཞིན་གྲོ་ཡི་སྙིང་པོ་ལ། །སྔགས་འདི་བཟླས་ཏེ་མཆོད་པར་འབུལ། །ཨཱོཾ་ཨགྨ་ཡེ། བཛྲ་གྷསྨ་རི་ཤཱནྟིཾ་ཀུ་རུ་སྭཱ་ཧཱ། ཏིལ་དང་ཡུངས་ཀར་མར་རྣམས་ལ། །སྔགས་འདི་བཟླས་ལ་མཆོད་པར་འབུལ། །ཨཱོཾ་ཨགྣ་ཡེ་བཛྲ་སརྦ་པཱ་པ་ད་ཧ་ན་བཛྲ་སྭཱ་ཧཱ། ཤཱནྟིཾ་ཀུ་རུ་སྭཱ་ཧཱ། དེ་ནས་ཞོ་དང་ཟན་ཉིད་ལ། །སྔགས་འདི་བཟླས་ཏེ་མཆོད་པར་འབུལ། །ཨཱོཾ་ཨགྣ་ཡེ་སརྦ་སམྦ་དེ་ཤཱནྟིཾ་ཀུ་རུ་སྭཱ་ཧཱ། དེ་ནས་རྩྭ་མཆོག་ཀུ་ཤ་ལ། །སྔགས་འདི་བཟླས་ཏེ་མཆོད་པར་འབུལ། །ཨཱོཾ་ཨགྣ་ཡེ། ཨ་པྲ་ཏི་ཧ་ཏ་བཛྲ་ཡ། ཤཱནྟིཾ་ཀུ་རུ་སྭཱ་ཧཱ། དེ་ནས་འབྲུ་རྣམས་ཐམས་ཅད་ལ། །སྔགས་འདི་བཟླས་ཤིང་མཆོད་པར་འབུལ། ཨཱོཾ་ཨགྣ་ཡེ། བཛྲ་བི་ཛཱ་ཡ།ཤཱནྟིཾ་ཀུ་རུ་སྭཱ་ཧཱ། དེ་ནས་མ་ཤ་ཀ་ཉིད་ལ། །སྔགས་འདི་བཟླས་ཤིང་མཆོད་པར་འབུལ། །ཨཱོཾ་ཨགྣ་ཡེ། མ་ཧཱ་བ་ལཱ་ཡ་ཤཱནྟིཾ་ཀུ་རུ་སྭཱ་ཧཱ། དེ་ནས་འབྲས་ཀྱི་ལྡེ་གུ་ལ། །སྔགས་འདི་བཟླས་ཏེ་མཆོད་པར་འབུལ། །ཨཱོཾ་གགྣ་ཡེ། བཛྲ་པུཥྣཱ་ཡ་ཤནྟིཾ་ཀུ་རུ་སྭཱ་ཧཱ། དེ་ནས་ཞོ་ཤ་རྣམ་ལྔ་ལ། །སྔགས་འདི་བཟླས་ཏེ་མཆོད་པར་འབུལ། །ཨཱོཾ་ཨགྣ་ཡེ། མ་ཧཱ་ཤཱི་བ་ཡེ་ཤཱནྟིཾ་ཀུ་རུ་སྭཱ་ཧཱ། དེ་ནས་ལྷ་རྣམས་ཐམས་ཅད་ལ། །སྔགས་དང་སྦྱར་ཏེ་དབུལ་བར་བྱ། །ཕྱི་དང་ནང་གི་མཆོད་པ་ཡང་། །ལྷ་རྣམས་ཀུན་ལ་རེ་རེ་འབུལ། །རང་གི་སྔགས་དང་མཆོད་པའི་སྔགས། །སྦྱར་ཏེ་ཐིམ་པར་རྒྱས་པར་འབུལ། །སྔགས་ཀྱིས་ ― DNG008_Page_0617 ―
[མ་དཔེ་གཟིགས་ན་འདིར་གནོན།]
རྫས་དབུལ་བ་བསྟན་པའི་ལེའུ་སྟེ་བཅུ་དགུ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཕྱི་ཡི་མཆོད་པ་སྔགས་ཀྱིས་དབུལ་བ་དང་། །ཚེ་འདས་སྡིག་སྒྲིབ་སྦྱང་བ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །དེ་ནས་ཞབས་བསིལ་དབུལ་བ་ནི། །ཨཱོཾ་ཨཱཿཛཿཧཱུཾཿབཾ་ཧོཿཧཱུཾ་ཧཱུཾ་བཛྲ་ཙིཏྟ་ཧཱུཾ་ནཱི་རཱཾ་ཁཱ་ཧི་ཤཱནྟིཾ་ཀུ་རུ་སྭཱ་ཧཱ། དེ་ནས་མེ་ཏོག་དབུལ་བ་ནི། ཧཱུཾ་ཧཱུཾ་བཛྲ་ཙིཏྟ་ཧཱུཾ་བཛྲ་པཱུཥ྇་པུ་ཛ་ཤཱནྟིཾ་ཀུ་རུ་སྭཱ་ཧཱ། དེ་ནས་བདུག་སྤོས་དབུལ་བ་ནི། ཧཱུཾ་ཧཱུཾ་བཛྲ་ཙིཏྟ་ཧཱུཾ་དྷཱུ་བེ་པཱུ་ཛ་ཤཱནྟིཾ་ཀུ་རུ་སྭཱ་ཧཱ། དེ་ནས་མར་མེ་དབུལ་བ་ནི། ཧཱུཾ་ཧཱུཾ་བཛྲ་ཙིཏྟ་ཧཱུཾ་ཨཱ་ལོ་ཀེ་པཱུ་ཛ་ཤཱནྟིཾ་ཀུ་རུ་སྭཱ་ཧཱ། དེ་ནས་དྲི་ཆབ་དབུལ་བ་ནི། ཧཱུཾ་ཧཱུཾ་བཛྲ་ཙིཏྟ་ཧཱུཾ་གནྡྷེ་པཱུ་ཛ་ཤཱནྟིཾ་ཀུ་རུ་སྭཱ་ཧཱ། དེ་ནས་ལྷ་བཤོས་དབུལ་བ་ནི། ཧཱུཾ་ཧཱུཾ་བཛྲ་ཙིཏྟ་ཧཱུཾ་ནཻ་བཌྱི་པཱུ་ཛ་ཤཱནྟིཾ་ཀུ་རུ་སྭཱ་ཧཱ། དེ་ནས་ཏིལ་དང་མར་དབུལ་ལོ། ཧཱུཾ་ཧཱུཾ་བཛྲ་ཙིཏྟ་ཧཱུཾ། སརྦ་པཱ་པཾ་ད་ཧ་ན་བཛྲ་ནི་སྭཱ་ཧཱ། ཀུ་ཤ་འབྲུ་རྣམས་ལ་སོགས་ཀྱང་། །སྔགས་ཀྱི་རིམ་པར་སྦྱར་ཏེ་དབུལ། སྡིག་པ་སྦྱང་ཞིང་ཀུན་ཏུ་བཟང་པོ་ལ་མཆོད་པ་དབུལ་བའི་ལེའུ་སྟེ་ཉི་ཤུ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ཟན་ཉིད་གཏད་པ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཚེ་འདས་རིགས་ཀྱི་བུ་ཁྱོད་ཡང་། །དྲི་མ་འདི་ནི་སྐུ་ཡི་རྟེན། །འཕན་ཕྲན་འདི་ནི་ལུས་ཀྱི་ཚད། །ཙུ་ཏ་འདི་ནི་བླ་ཡི་ཤིང་། །གདུགས་ཕུབས་འདི་ནི་སྐུ་ཡི་ཁེབས། །གནས་མཆོག་འདི་ནི་བསྒྲུབ་པའི་གནས། །དཀྱིལ་འཁོར་དམ་པ་འདི་ལ་ལྟོས། །ཀུན་བཟང་ཡི་དམ་ལྷ་མཆོག་བསྒོམ། །སྙིང་པོ་ཡི་གེ་འབྲུ་བཅུ་བཟླས། །རང་གི་སློབ་དཔོན་འདི་ལ་ཉོན། །མེ་མར་གསལ་བའི་མདངས་ལ་ལྟོས། །ལུ་གུ་རྒྱུད་ཀྱི་ཕྱག་རྒྱ་ཆིངས། །རྡོ་རྗེ་གཉེན་པོའི་མིང་ནས་བོས། །རྡོ་རྗེའི་འགྲོས་ཀྱིས་དཀྱིལ་འཁོར་ ― DNG008_Page_0618 ―
[མ་དཔེ་གཟིགས་ན་འདིར་གནོན།]
བསྐོར། །གདུང་བའི་སེམས་ཀྱིས་ལྷ་བསྲུང་སྟེ། །མ་བུའི་འདུ་ཤེས་ཉེར་ཞོག་ལ། །རྡོ་རྗེའི་སྤུན་ལ་ཉེ་བར་དགོངས། །རྫས་མཆོག་ལོངས་སྤྱོད་འདི་ལ་རོལ། །བཤོས་དང་གལ་ཕྱི་ཛ་གད་དང་། །ཟླ་ཁྲོམ་ཟླ་རྒྱས་ཟླ་ཚོགས་དང་། །ཚེ་ཡི་སྙིང་པོ་ཚིམས་བྱེད་དང་། །ལོངས་སྤྱོད་ལྔ་ལྡན་ཐམས་ཅད་ནི། །ཀུན་གྱི་ཟས་སུ་ཐོབ་བྱའི་ཕྱིར། །རང་ཉིད་རྡོ་རྗེ་དཔོན་སློབ་སྟེ། །ཞལ་ཟས་ལོངས་སྤྱོད་འདི་ལ་རོལ། །ཚེ་ལས་འདས་པའི་ཟན་ཚོགས་སུ་གཏད་པའི་ལེའུ་སྟེ་ཉེར་གཅིག་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཁྱད་པར་ཟན་དང་ནོར་བསྔོ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཚེ་འདས་རིགས་ཀྱི་བུ་ལ་ཆུ་བསྔོ་བ་ནི། །དེ་རིང་ཚེ་འཕོས་ལུས་ཀྱི་རེ་བས་ཏེ། །གདུང་བའི་གཉེན་དང་འགྲོགས་པར་མ་གྱུར་ཏེ། །འཇིག་རྟེན་ཕ་རོལ་གནས་སུ་ཕྱིན་པ་ལས། །བག་ཆགས་བཀྲུ་ཕྱིར་བསིལ་ཆབ་འདི་བསྔོས་པས། །ལུས་ངག་ཡིད་གསུམ་སྡུག་བསྔལ་དག་གྱུར་ཅིག །ཚ་ཞིང་གདུང་བའི་སྡུག་བསྔལ་དག་གྱུར་ཅིག །ཧཱུཾ་དེ་རིང་ལས་ཀྱི་འདྲེལ་བའི་བུ་སྨད་དང་། །མི་ཡུལ་འདི་ན་སྨོན་ལམ་མཐུ་མེད་ནས། །གཏན་དུ་འགྲོགས་པའི་དབང་དང་སྐལ་མེད་པས། །འཇིག་རྟེན་ཕ་རོལ་གནས་སུ་ཕྱིན་པ་ལ། །ཡིད་གཅུགས་གདུངས་པས་བསམས་ཏེ་མཆི་མ་ཕྱུང་། །སྲི་ཞུ་གུས་པའི་ཚུལ་གྱིས་སེམས་བསྐྱེད་ནས། །སེར་སྣ་ཆགས་པ་མེད་པའི་མདུད་པ་གྲོལ། །རོ་མཆོག་བརྒྱ་དང་ལྡན་པའི་ཞལ་ཟས་འདི། །ནམ་གཞག་གཏན་གྱི་བཤོས་ཀྱི་སྐལ་བར་བསྔོ། །ཧཱུཾ་དེ་རིང་ཡིད་གཅུགས་འདྲིས་པའི་ཤ་རོགས་པོས། །ཕ་མ་སོ་སོས་བསྐྱེད་ཀྱང་ཡིད་གཅུགས་སེམས་འདྲིས་པས། །མཐུན་པར་ཟས་ཟོས་དགའ་བའི་རྩེད་མོ་བྱས། །བསྐལ་པར་བགྲོགས་ཀྱང་ ― DNG008_Page_0619 ―
[མ་དཔེ་གཟིགས་ན་འདིར་གནོན།]
སྐད་ཅིག་སྐྱོ་མེད་ན། །ཚེ་འཕོས་ལུས་བརྗེས་ལས་ཀྱི་རེ་བས་ཏེ། །འཇིག་རྟེན་ཕ་རོལ་གནས་སུ་ཕྱིན་པ་ལ། །ནམ་གཞག་གཏན་གྱི་བཞེས་པ་འདྲེན་ལགས་ཀྱི། །རོ་མཆོག་བརྒྱ་དང་ལྡན་པའི་ཞལ་ཟས་འདི། །དར་ཅིག་གསོལ་བས་ཕུང་པོ་བཀྲག་མདངས་གསལ། །ལུས་ཀྱི་ནད་སྐྱོན་ཐམས་ཅད་ཞི་བར་བསྔོ། །ནམ་གཞག་ཡུན་གྱི་བཞེས་པའི་སྐལ་བར་བསྔོ། །ཧཱུཾ་འཇིག་རྟེན་ལས་ཀྱིས་འདྲེལ་པའི་གྲོགས་པོ་དང་། །གཏན་དུ་འགྲོགས་པའི་དབང་དང་སྐལ་མེད་ནས། །འཇིག་རྟེན་ཕ་རོལ་གནས་སུ་ཕྱིན་པ་ལ། །བརྩེ་ཞིང་གདུང་བའི་གྲོགས་པོས་འབོད་ལགས་ཀྱི། །ལས་འཕྲོ་གཅིག་པའི་གྲོགས་པོ་འདི་རུ་སྤྱོན། །དགེ་བའི་བཤེས་གཉེན་ཆེན་པོའི་བཀའ་དྲིན་གྱིས། །དམ་ཚིག་བདུད་རྩི་གསུང་རབ་གཉེན་པོ་བསྒྲུབ། །ཚོགས་ཀྱི་ཞལ་ཟས་ལོངས་སྤྱོད་རྒྱ་མཚོ་ལ། །ཅི་བདེར་རོལ་ཞིང་སྤྱད་པར་འདི་རུ་སྤྱོན། །མཐུན་པའི་ཟས་ཟ་གསང་བའི་གྲོས་བྱ་ཡི། །བསིང་བུ་སྔོ་མཐར་འབྱམས་སུ་དཀར་བཏིང་སྟེང་། །དགའ་སྡུག་བདེ་བའི་ལོངས་སྤྱོད་ཚེ་ལོ་དགེ། །ཕམ་པར་མི་དོགས་རྒྱལ་ཐབས་ཐོབ་པར་ངེས། །སྤྱོད་ལམ་གཅིག་པའི་གྲོགས་པོ་འདི་རུ་སྤྱོན། །ལྷ་མོ་ཆོས་ཀྱི་དབྱིངས་ཀྱི་འཕེན་ཅིག་བཙུགས། །ཡེ་ཤེས་རྟོགས་པའི་མདའ་ཞིག་འོ་སྐོལ་འཕངས། །ཡང་དག་ཆ་ལུ་དཀྱིལ་དུ་བརྡེག་འཚལ་གྱི། །སྤྱོད་ལམ་གཅིག་པའི་གྲོགས་པོ་ད་ཚུར་སྤྱོན། །བཅའ་དང་ཉུར་མོ་ལྕགས་ལས་མེ་ཞིག་ཕྱུང་། །བཏང་སྙོམས་ལྷ་ཡི་ཤིང་ལ་མེ་ཞིག་སྤུང་། །ཐུགས་རྗེ་བདག་མེད་དྲོད་ལ་ལྷན་ཅིག་བསྲོ། །སྤྱོད་ལམ་གཅིག་པའི་གྲོགས་པོ་ད་ཚུར་སྤྱོན། །བཀྲེས་སྐོམ་གདུང་བ་བསལ་ཕྱིར་འཛར་བ་བཤམས། །དར་ཅིག་གསོལ་བས་ལུས་ཀྱི་ནད་རྣམས་བྱང་། །གདུངས་པ་ཚིམས་པས་ལུས་ཀྱི་བཀྲག་མདངས་གསལ། །འཁོར་བའི་གཅོང་རོང་དེ་ན་ཅི་ཞིག་བྱེད། །མཐོ་རིས་དགའ་ལྡན་གནས་མཆོག་ཡོད་བཞིན་དུ། །ན་རག་སྡུག་བསྔལ་གནས་ཀྱིས་ ― DNG008_Page_0620 ―
[མ་དཔེ་གཟིགས་ན་འདིར་གནོན།]
ཅི་ཞིག་བྱེད། །དྲེང་དྲེང་ཐུགས་ལ་དགོངས་ལ་འདི་རུ་སྤྱོན། །ཧཱུཾ་ཚེ་གཅིག་ལས་ཀྱི་འདྲེལ་བའི་གྲོགས་མོ་དང་། །ཡུན་དུ་འགྲོགས་ཀྱང་སྐད་ཅིག་སྐྱོ་མེད་ན། །མགོན་བཙུན་ཕ་དང་འགྲོགས་པའི་སྐལ་མེད་ན། །འཇིག་རྟེན་ཕ་རོལ་གནས་སུ་ཕྱིན་པ་ལས། །སང་སང་གསལ་བ་ཚངས་པའི་སྒྲ་ལྡན་ཞིང་། །བྱང་ཆུབ་རྒྱུན་ཐག་བསྒྲེངས་པས་ནད་དང་སྡུག་བསྔལ་ཞི། །ཐུགས་རྗེས་འདབ་མས་ཡིད་བཞིན་གོས་དང་ཟས། །གདུང་བའི་གླུ་ཡིས་བྱང་ཆུབ་རྗེས་དྲན་ནས། །སྨྲ་བའི་ཚིག་གིས་སྐུ་གསུང་ཐུགས་དང་འདྲེལ། །ཟས་དང་བཏུང་བས་སྐུ་ཡི་བཀྲག་མདངས་རྙེད། །ནམ་གཞག་གཏན་གྱི་ཟས་ཀྱི་སྐལ་བར་བསྔོ། །ཧཱུཾ་གསེར་དངུལ་མུ་ཏིག་ཟངས་དང་མཆོང་། །གཟི་གཡུ་ཤེལ་ཟངས་ར་གན་དང་། །བྱེས་ཡུལ་སྤྱད་པའི་བང་ཆ་དང་། །བསྟད་སྒ་འཁོར་གསུམ་སྲབ་མདའ་དང་། །མདའ་གཞུ་མཚོན་ཆ་རུ་མཚོན་དང་། །སྐེ་རགས་གྲི་གསེག་གོ་ཆ་དང་། །ཉོར་ཆུབ་དུང་རྣ་གསོའ་བཙོད་དང་། །སྟག་གཟིག་གྲང་སྲབ་ཕུབ་རྨོག་དང་། །སག་ཏི་ཤ་ལྷམ་སུ་རུག་རྣམས། །བརྩེ་གདུང་བྱམས་པའི་ཤ་རོགས་པོས། །མི་ཟད་གཏན་གྱི་ནོར་དུ་བསྔོ། །ཀུན་ཏུ་བཟང་པོའི་ཐུགས་རྗེ་ཡིས། །བསྐལ་པ་དུ་མར་མི་ཟད་ཅིང་། །བདེ་སྐྱིད་ལོངས་སྤྱོད་ལྡན་པར་ཤོག །ཧཱུཾ་དེ་རིང་རྩེ་གཅིག་ལས་ཀྱིས་འདྲེལ་བའི་བུ་སྲིང་གིས། །གཏན་དུ་འགྲོགས་པའི་དབང་དང་སྐལ་མེད་དེ། །མི་ལུས་འདི་ནས་འཇིག་རྟེན་ཚེ་འཕོས་ཏེ། །འཇིག་རྟེན་ཕ་རོལ་གནས་སུ་ཕྱིན་པ་ལས། །ཚེ་འདས་ལུས་བརྗེས་རང་གི་རེ་བས་ཏེ། །གདུང་ཞིང་བརྩེ་བར་བསམ་པའི་ལྕམ་དང་སྲིང་། །གདུང་བའི་སེམས་ཀྱིས་ཡིད་དྲན་མཆི་མ་ཕྱུང་། །སྲི་ཞུ་གུས་པའི་ཚུལ་གྱིས་སེམས་བསྐྱེད་ནས། །ཡིད་བཞིན་བདུད་རྩི་ལོངས་སྤྱོད་ཞལ་ཟས་འདི། །ནམ་གཞག་གཏན་གྱི་བཞེས་པའི་སྐལ་དུ་བསྔོ། །ཧཱུཾ་ཡིད་བཞིན་ལོངས་སྤྱོད་བདུད་རྩི་ཞལ་སྐྱེམས་འདི། །སྡུག་བསྔལ་གདུང་ ― DNG008_Page_0621 ―
[མ་དཔེ་གཟིགས་ན་འདིར་གནོན།]
བའི་གནས་ནས་གྲོལ་བའི་ཕྱིར། །བསིལ་བའི་བདུད་རྩི་རབ་ཏུ་སྦྱར་བ་ཡིས། །འབྲས་བུའི་ཆོས་དང་སྦྱར་བ་མ་ཡིན་ཀྱང་། །དཀོན་མཆོག་གསུམ་པོའི་ཐུགས་རྗེའི་བྱིན་རླབས་ཀྱིས། །རབ་ཏུ་གདུང་བའི་ཤུགས་ཀྱིས་མཆི་མ་ཕྱུང་། །སྔོན་དུ་བསྒྲུབས་པའི་བསོད་ནམས་མཐུ་ཡིན་ཏེ། །མཆུ་ལ་རེག་ན་སྒོ་གསུམ་དབང་པོ་རྣོ། །ལྕེ་ལ་རེག་ན་དྲན་ཞིང་ཤེས་པ་གསལ། །ཁོང་དུ་འཐུངས་ན་ནད་དང་སྡུག་བསྔལ་ཞི། །ཁ་ཟས་སྐོམ་དུ་སྦྱར་བས་ལུས་ཀྱི་སྡུག་བསྔལ་ཞི། །བྱམས་གདུང་བརྩེ་བའི་བསམ་པས་གཉེན་བཤེས་ཀྱིས། །ཡིད་ལ་གཅགས་པའི་སྡུག་བསྔལ་ངེས་བསལ་བའི། །བརྩེ་བའི་བསམ་པས་ནད་དང་སྡུག་བསྔལ་ཞི། །མཆུ་ལ་རེག་པས་ཤེས་རབ་དབང་པོ་རྣོ། །ཁོང་དུ་ཆུད་པས་རླུང་ཞི་འཇམ་ལ་བདེ། །ཁ་ཟས་སྐོམ་དུ་སྦྱར་བས་མདོག་དང་བཀྲག་ཉིད་གསལ། །ཡིད་བཞིན་བདུད་རྩིར་སྦྱར་བ་གསོལ་བ་ཡིས། །བསྐལ་པ་དུ་མའི་བདུད་རྩིར་འདི་གྱུར་ཅིག །ནམ་གཞག་གཏན་གྱི་སྐྱེམས་ཀྱི་སྐལ་བར་བསྔོ། །ཚེ་འདས་ལ་ཟས་ནོར་གཏད་པའི་ལེའུ་སྟེ་ཉེར་གཉིས་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ལམ་ཉིད་བསྟན་པ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུཾ་སོང་ཞིག་སོང་ཞིག་རིགས་ཀྱི་བུ། །ཚེ་འདས་རིགས་ཀྱི་བུ་ཁྱོད་ནི། །འཇིག་རྟེན་འདི་རུ་རྟག་པར་མ་གྱུར་ཏེ། །ད་ལྟ་སྐྱེ་ཤིའི་ལས་ལ་བབས། །ས་འདི་བཅད་པ་མན་ཆད་ནི། །འཇིག་རྟེན་པ་ཡི་ས་ཡིན་ཏེ། །དེ་ལ་ཆགས་པ་མ་སྐྱེ་ཞིག །ཚེ་འདས་རིགས་ཀྱི་བུ་ཁྱོད་ལ། །རྣམ་པར་ཐར་པའི་ལམ་བསྟན་པས། །སྒྲིབ་གཉིས་སྤངས་ནས་ཚོགས་གཉིས་རྫོགས། །ས་བཅུ་རིམ་གྱིས་བགྲོད་པ་ལ། །དེར་ཡང་ཤིན་ཏུ་མི་གནས་པས། །ས་བཅུའི་ཡེ་ཤེས་མཐར་ཕྱིན་ཏེ། །ཀུན་ཏུ་འོད་ཀྱི་ས་ལས་འདས། །པདྨ་ཅན་དུ་གྱུར་པ་ལས། །ཡི་གེ་ཚོགས་ཆེན་ས་ལས་འདས། ། ― DNG008_Page_0622 ―
[མ་དཔེ་གཟིགས་ན་འདིར་གནོན།]
རང་བྱུང་ཡེ་ཤེས་འཕྲོ་འདུའི་ཚུལ། །སངས་རྒྱས་ས་གསུམ་ལྷུན་གྲུབ་ཀྱི། །བྱང་ཆུབ་ཆེན་པོའི་ས་ལས་འདས། །སྟུག་པོ་བཀོད་པའི་ཞིང་ཁམས་ན། །འོག་མིན་ལྷུན་གྲུབ་ཕོ་བྲང་དུ། །རྒྱས་པ་ཆེན་པོའི་ཚལ་ཆེན་ཡིན། །སྐྱེ་མེད་ཆོས་ཀྱི་དབྱིངས་ཉིད་དུ། །གདོད་ནས་དག་པ་བྱུང་བ་ཡི། །རང་བྱུང་ཆོས་སྐུ་ཆེན་པོ་ཐོབ། །རྩོལ་བ་མེད་པར་ལྷུན་གྱིས་རྫོགས། །ཐམས་ཅད་མ་ལུས་སངས་རྒྱས་པའི། །དབྱེར་མེད་ཀུན་བཟང་གཅིག་ཏུ་གྱུར། །བདེ་བ་ཆེན་པོའི་ངང་དུ་གནས། །མ་བཙལ་ཆོས་སྐུ་རང་བཞིན་ཐོབ། །ཡེ་ནས་དག་པའི་དོན་ཉིད་དོ། །ཨ་ནས་རབ་ཏུ་སྐྱེ་བར་གྱུར་ཏོ། །ཤེས་རབ་སྐྱེ་མེད་དབྱིངས་ཀྱི་གཞུ། །ལྷག་མཐོང་ཡེ་ཤེས་ཐབས་ཀྱི་མདའ། །ཐབས་དང་ཤེས་རབ་འདྲེལ་བ་ཡིས། །ཉོན་མོངས་དུག་གསུམ་གནད་ལ་འདེབས། །ཉོན་མོངས་བག་ཆགས་ཀུན་བྱང་ནས། །བྱང་ཆུབ་ཆེན་པོའི་ལམ་ཐོབ་ཤོག །ཚེ་འདས་རིགས་ཀྱི་བུ་ཁྱོད་ཀྱང་། །ཡེ་ཤེས་ཆེན་པོའི་ལམ་སོང་ལ། །ཆོས་ཉིད་སྐྱེ་མེད་གནས་སུ་སོང་། །གནས་མཆོག་དེ་ལས་མི་འདའོ། །ཚེ་ལས་འདས་པ་ལམ་བསྟན་པའི་ལེའུ་སྟེ་ཉེར་གསུམ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ཉོན་མོངས་སྦྱངས་ཏེ་བདེ་གཤེགས་སྲས་སུ་བསྐྱེད་པ་གང་། །སྟོན་པའི་སྟོན་པ་ཀུན་ཏུ་བཟང་པོ་དེས། །ཧཱུཾ་ནམ་མཁའ་མཐའ་དང་མཉམ་པའི་དཀྱིལ་འཁོར་ནས། །རྒྱལ་བ་སྲས་དང་བཅས་པའི་དཀྱིལ་འཁོར་ནི། །ཚེ་འདས་ལུས་བརྗེས་རིགས་ཀྱི་བུ་ཁྱོད་ལ། །ཐུགས་རྗེ་ལྕགས་ཀྱུས་ཡེ་ཤེས་ཛས་དྲངས་ནས། །མདུན་གྱི་མཁའ་ལ་དབྱར་གྱི་སྤྲིན་ལྟ་བུ། །ཀུན་བཟང་རྒྱལ་བའི་དཀྱིལ་འཁོར་རབ་ཏུ་གསལ། །རྒྱལ་བའི་དཀྱིལ་འཁོར་ཐུགས་ཀ་ནས། །ཕཊ་ཀྱི་འོད་ཟེར་ནག་པོ་ཡིས། །ཚེ་འདས་བག་ཆགས་གཏན་ནས་སྦྱངས། །ཕ་ནི་གསོད་པར་བྱེད་པ་སྟེ། ། ― DNG008_Page_0623 ―
[མ་དཔེ་གཟིགས་ན་འདིར་གནོན།]
ཊ་ནི་སྲེག་པར་བྱེད་པའི་མཆོག །མཐོ་རིས་སྒོ་འགེག་ངན་སོང་སྒོ་འབྱེད་པའི། །དངོས་གྲུབ་གེགས་སུ་བྱེད་པ་ཐམས་ཅད་དང་། །ལས་ཀྱི་སྒྲིབ་པ་བག་ཆགས་ཐམས་ཅད་ཀུན། །ཕཊ་ཀྱི་འོད་ཟེར་ནག་པོས་བསྲེག་པར་བྱའོ། །ཚེ་འདས་རིགས་ཀྱི་བུ་ཁྱོད་ནི། །ལས་དང་ཉོན་མོངས་བག་ཆགས་ཀུན་བྱང་ནས། །འབྲས་བུ་ཆོས་སྐུ་ཆེན་པོ་ཐོབ་བྱའི་ཕྱིར། །བྱང་ཆུབ་སེམས་ཀྱི་ཐིག་ལེ་གཅིག་ཏུ་གྱུར། །བདེ་གཤེགས་རྒྱལ་བའི་སྲས་སུ་བྱིན་བརླབས་པས། །སྐུ་གསུང་ཐུགས་ལས་བྱུང་བའི་ཡིག་འབྲུ་གསུམ། །ཐིག་ལེ་བྱང་ཆུབ་སེམས་ལ་རབ་ཏུ་ཐིམ། །སྐུ་གསུང་ཐུགས་ཀྱི་སྲས་སུ་སྐུ་བསྐྱེད་དོ། །ཧཱུཾ་ཧཱུཾ་བཛྲ་ཙིཏྟ་ཧཱུཾ།སྐུ་གསུང་ཐུགས་ལས་བསྐྱེད་པའི་སྲས་པོ་ཁྱོད། །བདེ་ཆེན་ལོངས་སྤྱོད་རྫོགས་སྐུ་ཐོབ་པ་དང་། །འགྲོ་དོན་རྫོགས་པའི་སྤྲུལ་སྐུ་ཐོབ་ཕྱིར་དུ། །རི་མོར་བྲིས་པའི་གཞལ་ཡས་འདིར་ཞུགས་པས། །ཚེ་འདས་རིགས་ཀྱི་བུ་ཁྱོད་ཀྱིས། །ཀུན་ཏུ་བཟང་པོའི་དཀྱིལ་འཁོར་ཐོབ་གྱུར་ཅིག །ཆོས་སྐུ་ལོངས་སྐུ་སྤྲུལ་སྐུ་གསུམ་ཐོབ་པས། །སྐུ་གསུམ་ཐུགས་ལས་བྱུང་བའི་སྲས་པོ་ཁྱོད། །གཟུགས་སྒྲ་དྲི་རོ་རེག་བྱའི་ལྷ་མོ་ཡིས། །འདོད་པའི་ཡོན་ཏན་ལྷ་མོ་ཐིམ་པར་རོལ། །ཉོན་མོངས་བག་ཆགས་བྱང་བྱས་ནས། སངས་རྒྱས་སྲས་ཐོབ་པའི་ལེའུ་སྟེ་ཉེར་བཞི་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །ཚེ་འདས་ལུས་བརྗེས་རིགས་ཀྱི་བུ་དེ་ལ། །སྦྱིན་སྲེག་བྱས་པས་འབྲས་བུ་ཐོབ་པ་ཇི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །རིགས་དྲུག་གནས་ནས་དྲངས་པ་ཡིས། །ཉོན་མོངས་དྲུག་ཉིད་དག་ནས་སུ། །ཐུབ་པ་དྲུག་གི་གནས་སུ་སྐྱེ། །རིགས་དྲུག་གཏོར་མ་ཕུལ་བ་ཡིས། །ཉོན་མོངས་ལས་དང་བག་ཆགས་དང་། །བདུད་རྩི་ཟས་དང་ལོངས་སྤྱོད་འོང་། །བདུད་རྩི་ཡེ་ཤེས་ཆེན་པོའི་ཁྲུས་བྱས་པས། །ཉོན་མོངས་བག་ཆགས་ཀུན་བྱང་ནས། །ཟག་པ་མེད་པའི་ལུས་ཀྱི་འབྲས་བུ་ ― DNG008_Page_0624 ―
[མ་དཔེ་གཟིགས་ན་འདིར་གནོན།]
ཐོབ། །སྤྲུལ་སྐུ་ཐུབ་པ་རྣམས་ལ་སྐྱབས་སུ་གསོལ་བ་ཡིས། །འབྲས་བུ་སྤྲུལ་སྐུ་ཆེན་པོའི་ལུས་ཐོབ་བོ། །ཚེ་འདས་སེམས་བསྐྱེད་བྱས་པ་ཡིས། །བག་ཆགས་སྣ་ཚོགས་སེམས་ཉིད་ལས་ནས་ཡང་། །འབྲས་བུ་རང་བྱུང་ཡེ་ཤེས་སེམས་ཐོབ་བོ། །ཚེ་འདས་དབང་བསྐུར་བྱིན་བརླབ་བྱས་པ་ཡིས། །འཁོར་བའི་སྡུག་བསྔལ་གཏན་ནས་བྱང་ནས་ཀྱང་། །འབྲས་བུ་བདེ་གཤེགས་རྣམས་ཀྱི་སྲས་སུ་འགྱུར། །རང་གི་རྟོག་ཚོགས་དཀྱིལ་འཁོར་ལྷ་ལ་ཕུལ་བ་ཡིས། །འབྲས་བུ་རྟོག་མེད་ལྷ་ཡི་ལུས་ཐོབ་བོ། །རང་གི་ཕུང་པོས་མེ་ལྷ་མཆོད་པ་ཡིས། །སྒྲིབ་པ་མང་པོ་དག་སྟེ་གཉིས་མེད་ཐོབ། །བདེ་གཤེགས་དཀྱིལ་འཁོར་ལྷ་ཚོགས་ཐམས་ཅད་ལ། །མཆོད་བསྟོད་བྱེ་བྲག་མང་པོ་བྱས་པ་ཡིས། །འབྲས་བུ་སྐུ་གསུམ་ལྷུན་གྲུབ་དབྱེར་མེད་ཐོབ། །ཀུན་ཏུ་བཟང་པོའི་དཀྱིལ་འཁོར་ཞུགས་པ་ཡིས། །ཐེག་པ་ཀུན་གྱི་དཀྱིལ་འཁོར་ཞུགས་པ་ཡིན། །འབྲས་བུ་ཐེག་པ་ཀུན་གྱི་ཡང་རྩེ་ཐོབ། །ཚེ་འདས་ཟན་ཉིད་གཏད་པ་ཡིས། །བདུད་རྩིའི་ཟས་ལ་རྟག་ཏུ་ལོངས་སྤྱོད་ཅིང་། །བག་ཆགས་སྦྱངས་ཏེ་གནས་ཉིད་སྤར་བ་ཡིས། །འབྲས་བུ་ཀུན་ཏུ་བཟང་པོའི་སྲས་སུ་འགྱུར། །ཚེ་འདས་ལུས་ཀྱི་ཕུང་པོ་ལ། །མཆོད་པ་སྦྱིན་བསྲེག་བྱས་པ་ཡིས། །བདེ་གཤེགས་ཀུན་གྱི་སྲས་སུ་འགྱུར། །འཁོར་བའི་འདམ་ལས་ཐར་ནས་ཀྱང་། །ལྷག་མེད་བྱང་ཆུབ་ཆེན་པོ་འཐོབ། །སྦྱིན་སྲེག་བྱས་པའི་འབྲས་བུ་བསྟན་པའི་ལེའུ་སྟེ་ཉེར་ལྔ་པའོ།། །།སྡུད་པའི་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །རྒྱུད་འདི་གང་ལ་གཏད་ཅིང་གང་དུ་བརྒྱུད་ནས་གང་གི་འབྲས་བུ་ཐོབ། །སྟོན་པའི་སྟོན་པ་ཀུན་ཏུ་བཟང་པོ་དེས། །ཆོས་ཉིད་མཉམ་པ་ཉིད་ཀྱི་ཡེ་ཤེས་ཀྱིས། །བསྲེག་ཏུ་མེད་པའི་འཁོར་བའི་བག་ཆགས་བསྲེགས། །ཐོབ་ཏུ་མེད་པའི་ལྷུན་ རྡོ་རྗེ་དུར་མོའི་ཏནྟྲ་ཞེས་བྱ་བའི་རྒྱུད་ཆེན་པོ།― DNG008_Page_0625 ―
[མ་དཔེ་གཟིགས་ན་འདིར་གནོན།]
བོད་སྐད་དུ། རྡོ་རྗེ་དུར་མོའི་ཏནྟྲ་ཞེས་བྱ་བའི་རྒྱུད་ཆེན་པོ།བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དཔལ་རྡོ་རྗེ་སེམས་དཔའ་འོག་མིན་གྱི་གནས། སྟུག་པོ་བཀོད་པའི་ཞིང་ཁམས་ན། དེ་བཞིན་གཤེགས་པ་རྣམ་པར་སྣང་མཛད་ལ་སོགས་ཏེ། རིགས་ལྔའི་ ― DNG008_Page_0626 ―
[མ་དཔེ་གཟིགས་ན་འདིར་གནོན།]
སངས་རྒྱས་དང་། དཔལ་ཕྱག་ན་རྡོ་རྗེ་ལ་སོགས་ཏེ། བྱང་ཆུབ་སེམས་དཔའ་ཐམས་ཅད་དང་། དགའ་ལྡན་གྱི་ལྷ་ལ་སོགས་པའི་འཇིག་རྟེན་དང་། འཇིག་རྟེན་ལས་འདས་པའི་འཁོར་ཕུན་སུམ་ཚོགས་པ་དང་ཐབས་ཅིག་ཏུ་བཞུགས་པ་ལས། སྡུད་པ་པོ་ཕྱག་ན་རྡོ་རྗེས།མཆོད་པ་རྒྱ་ཆེ་བ་དཔག་ཏུ་མེད་པས། བཅོམ་ལྡན་འདས་ལ་མཆོད་ནས་ལན་བརྒྱ་སྟོང་དུ་མར་ཕྱག་འཚལ་ནས་འདི་སྐད་ཅེས་ཞུས་སོ། །སྟོན་པ་དཔལ་རྡོ་རྗེ་སེམས་དཔའ་ཐམས་ཅད་མཁྱེན་པ། འཇིག་རྟེན་དུ་དཀོན་མཆོག་གསུམ་གྱི་དབུ་འཕང་བསྟོད་པ་དང་། ལས་རྣམ་བཞིའི་བྱིན་རླབས་བརྟན་པར་མཛད་པ་དང་།དགྲ་བགེགས་གདུག་པ་ཅན་རྣམས་འདུལ་བའི་ཕྱིར་དྲག་པོའི་ཕྲིན་ལས་བཀའ་སྩལ་དུ་གསོལ་ཞེས་གསང་བའི་བདག་པོ་ལག་ན་རྡོ་རྗེས་ཞུས་པ་དང་། དཔལ་རྡོ་རྗེ་སེམས་དཔའ་གདན་སེང་གེའི་སྟེང་ན། སྐུ་མདུན་དང་རྒྱབ་མེད་པར་ཐམས་ཅད་དུ་ཐལ་ལེ་གསལ་ཞིང་། མཚན་དང་དཔེ་བྱད་ཐམས་ཅད་དུ་ལྡན་པ། ཐམས་ཅད་དུ་བསམ་གྱིས་མི་ཁྱབ་པའི་སྐུ་གསུང་ཐུགས་ཡོན་ཏན་ཕྲིན་ལས་སྣ་ཚོགས་པར་སྣང་བ། ཐབས་དང་ཤེས་རབ་ཀྱི་ཞབས་གཉིས་བརྐྱང་བསྐུམ་དུ་བཞུགས་ནས།གདུལ་དཀའི་སེམས་ཅན་ཐམས་ཅད་ལ་ཐུགས་བརྩེ་བར་དགོངས་ནས། ཉིད་ཀྱི་གསང་བའི་ཕྲིན་ལས་འདི་ཉིད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ལས་ཕྱུང་ནས། གདུལ་དཀའ་བའི་སེམས་ཅན་ཐམས་ཅད་ལ། ཐུགས་བརྩེ་བར་དགོངས་པས་བཀའ་སྩལ་ཏོ། །བདག་དང་གཞན་གྱི་དབང་དུ་རྒྱུད་འདི་གསུངས་སོ། །ཐོག་མར་བརྟག་པའི་ས་དཔྱད་དེ། །ཟླ་གམ་ཡོད་པའི་གནས་སུ་ནི། །ས་གཞི་བྱིན་དུ་ནག་པོ་ལ། །དང་པོར་ས་བསླང་བ་དང་། སྦྱང་བ་དང་བརྟན་དང་བྱིན་རླབས་དྲག་པོར་བྱ། ཧོམ་ཁུང་དབྱིབས་ནི་གྲུ་གསུམ་དུ་བརྐོ། ངོས་ནི་རིང་པོ་ཆ་དྲུག་ཏུ་བྱ་བ་དང་། ཐུག་ལ་ཆག་གང་བར་བྱ་སྟེ། ཐུར་ ― DNG008_Page_0627 ―
[མ་དཔེ་གཟིགས་ན་འདིར་གནོན།]
དུ་ཁྲུ་གང་བརྐོ་བར་བྱ། དེའི་དབུས་སུ་མེ་ཐབ་བཅའ། ཁ་ཁྱེར་ཟུར་གསུམ་པ་ཞིག་བྱས་ལ།ཁ་རན་རིམ་པ་གསུམ་པོ་ཡང་། །ཞེང་ཚད་སོར་གསུམ་པར་བྱས་ཏེ། །དེ་ལ་རྡོ་རྗེའི་ར་བས་བསྐོར། །དེ་ཡི་ཕྱི་རིམ་མཛུབ་གང་ལ། །བང་རིམ་གསུམ་དུ་གཅད་པར་བྱ། །སྟེགས་བུ་ཁྲུ་ལྔ་གྲུ་བཞི་ལ། །འཕང་དུ་ཆག་གང་ཡན་ཆད་བྱ། །དེ་ནས་ཞལ་ནི་ནག་པོར་བགྱི། །ངོས་ནི་དམར་པོར་བྱུག་པར་བྱ། །སྒོ་ནི་བྱང་གི་ཕྱོགས་སུ་བསྟན། །ཁ་རན་གསུམ་གྱི་དང་པོ་ལ། ། ཚིག་ཆད་སོང་། དེ་ཡི་ཕྱི་རིམ་བང་རིམ་ལ། །ཐོད་པ་མདའ་གཞུ་སྤེལ་མར་བཏང་། །དེ་ཡི་ཕྱི་རིམ་བང་རིམ་ལ། །འབར་བའི་མེ་ལྕེ་འཁྲིགས་པ་བྲིས་པ་ལ། །དེ་ཡི་ཕྱི་རིམ་བང་རིམ་ངོས་གསུམ་དུ། །སྒོ་གསུམ་དག་ནི་དོད་པར་བྱ། །དེ་ཡི་ཕྱི་རིམ་བར་ཁྱམས་གཉིས། །སྒོ་བཞི་དག་དང་ལྡན་པར་བྱ། །ཚོན་རྩི་དམར་པོ་མེ་འོད་བཏང་། །རྩེ་མོ་ཐམས་ཅད་ལྷོར་བསྟན་ནོ། །ཐབ་ཀྱི་ཞབས་སུ་རྡོ་རྗེ་དགོད། །རྡོ་རྗེའི་ཚད་དུ་སོར་བརྒྱད་པ། །སྦོམ་དུ་ཚད་ནི་སོར་གསུམ་པ། །སངས་རྒྱས་སྤྱན་ནི་ཟླུམ་ལེབ་ལ། །འབྱིས་འབྱིལ་ཡང་འཕར་དུ་བསྐོར། །དཀྱིལ་འཁོར་དག་གི་དབུས་སུ་བཞག །དེ་ནས་དཀྱིལ་འཁོར་དབུས་སུ་བཀྲམ། །ཤར་ལྷོའི་མཚམས་སུ་ཡི་གེ་རཾ། །ནུབ་བྱང་མཚམས་སུ་ཡི་གེ་ཡཾ། །ཁ་ཁྱེར་ནང་དུ་མེ་འོད་བྲི། །དེ་ན་ལྷ་རྣམས་དགོད་པར་བྱ། །ཁ་ཁྱེར་དང་པོ་མཐོན་པོ་ལ། །བཛྲ་མཱ་ལེ་ལ་སོགས་དགོད། །དེ་ཡི་ཕྱི་རིམ་བང་རིམ་ལ། །ཀཽ་རི་ལ་སོགས་མ་བརྒྱད་དང་། །སེང་ཧ་ལ་སོགས་ཕྲ་མེན་དགོད། །དེ་ཡི་ཕྱི་རིམ་བང་རིམ་ལ། །ཁྲོ་བོ་ཆེན་པོ་བཅུ་དག་དགོད། །དེ་ཡི་ཕྱི་རིམ་སྒོ་བཞི་ལ། །ལྕགས་ཀྱུ་མ་དང་ཞགས་པ་དང་། །ལྕགས་སྒྲོག་དྲིལ་བུ་བཞི་དག་དགོད། །དེ་ཡི་ཕྱི་རིམ་སྣམ་བུ་ལ། །དབང་ཕྱུག་ཉི་ཤུ་རྩ་བརྒྱད་དགོད། །དེ་ཡི་ཕྱི་རིམ་སྣམ་བུ་ལ། །ཕོ་ཉ་དྲུག་ཅུ་རྩ་བཞི་དགོད། །དེ་སྐད་གསུངས་ ― DNG008_Page_0628 ―
[མ་དཔེ་གཟིགས་ན་འདིར་གནོན།]
པས། འཁོར་རྣམས་ཡི་སྔགས་འདི་རྣམས་ངོས་དག་པོ་རྙེད་ན་བསྡུར་རབ་ཏུ་རང་ངོ་། །རྡོ་རྗེ་དུར་མོའི་ཏནྡྲ་ལས། གླེང་གཞི་དང་ཁྱད་པར་དཀྱིལ་འཁོར་གྱི་ལེའུ་སྟེ་དང་པོའོ།། །།དེ་ནས་ཚེར་མ་ནག་པོ་འམ། །སེ་སྐྱེར་ལ་སོགས་པ་ཡི་ནི། །ཚེར་མ་ཅན་གྱི་ཤིང་ཉིད་ལ། །ཆག་དྲུག་པ་ཡི་ཚད་དུ་བྱ། །མགོ་མཇུག་མ་ནོར་བར་བྱས་ལ། །དྲི་ཆུ་གཙང་མས་བསང་གཏོར་བྱ། །ཁྲོ་བོ་བཅུ་ཡི་སྔགས་བཟླས་ཤིང་། །ཁྲོ་བོའི་ཤིང་རྩི་བརྫང་བར་བྱ། །བགེགས་ཀྱི་དབང་དུ་མི་གཏང་བར། །མཚམས་བཅད་དྲག་ཏུ་བསྐྲད་པར་བྱ། །གདོན་བགེགས་བསྐྲད་པའི་སྔགས་ལ། དྷིག་ཨ་དྷི་སྭཱ་ཧཱ། ཧཱུཾ་ཧྲཱྀཿལན་གསུམ་བཟླའོ། །ཁྲོ་བོའི་རྩི་ཤིང་འདི་བརྫངས་པ་དང་། སྔགས་འདིས་སྦྱང་ཞིང་ཤིས་པར་བྱའོ། །ཨཱོཾ་སརྦ་དྷིག་ནི་ཡཾ་ཡཾ། ཨཱོཾ་བཛྲ་ལི་ལི། ཨཱོཾ་བུཌྜྷ་ཛྭ་ལ་བུཌྜྷ་ཛྭ་ལ། མ་ཧཱ་རཾ་རཾ་ཧེ་མ་བརྦེ་རཾ། དྲེད་ན་མ་བེ་ལཾ། མ་ཧཱ་བེ་རཾ། ཡཾ་ཛྭ་ལ་རཾ། ཨོཾ་བཛྲ་གར་ཤིང་། རཾ་རཾ་ཨག་ནི་ཏི་རཾ། ཡཾ་ཛྭ་ཞེས་བཟླས།ཐབ་ཏུ་མེ་གཞུག་པའི་སྙིང་པོའོ། །ཨཱོཾ་བྱཾ་བྱཾ་ཧཱུཾ་ཧཱུཾ་ཞེས་བཟླས། ཡང་ན་ཨཱོཾ་བྲུཾ་བྲུཾ་ཏ། མེ་སྤར་བའི་སྙིང་པོའོ། །ཨཱོཾ་ལ་ཏེ་ཤི། ད་བེ་ཏ་པ་ཙ་ཧཱུཾ། བུམ་པུ་སྭ་མ་ས་སས་ཧཱུཾ། ཛུཾ་སྭ། ཨཱོཾ་དྷི་པྲི་ཁ་ནན། ཧཱུཾ་སརྦ་ནན་ཤང་ཡ་སྟཾ་བལ། ཧཱུཾ་ཧཱུཾ་ཕཊ་ཕཊ། ཡང་ན་རྣམ་པ་གཅིག་ལ། ཨཱོཾ་ཏཾ་སུཾ་ཧ་ཧྲི་ཧ། ཧཱུཾ་ཧི་ཕཊ། ཡང་ན། ཨོཾ་རཾ་རཾ་ཧཱུཾ་ཡཾ་ཡཾ་རཾ། ཞེས་བརྒྱ་རྩ་བཟླས་སོ། །ཕོ་ཉ་དཔལ་དང་བཅས་པ་ཡང་། །ཁ་ཅིག་དེ་ཡི་ཚིག་བཤད་རུང་། །རྣོག་པོ་སྣང་ཡང་གྱེན་དུ་བསྟན། །དཀྱིལ་འཁོར་དེ་ཡི་དབུས་ཉིད་དུ། །ལས་ཀྱི་ཚད་འཛིན་སྔགས་ཀྱང་བཟླས། །ཞེས་གསུངས་སོ། །རྡོ་རྗེ་དུར་མོའི་ཏནྟྲ་ལས། ཁྱད་པར་སྔགས་བསྟན་པའི་ལེའུ་སྟེ་གཉིས་པའོ།། །།དཀྱིལ་འཁོར་དེ་ཡི་ཆ་རྐྱེན་ལ། །གདུགས་འཕན་ཟུང་གཅིག་འཁོར་དུ་དགོད། །དཀར་པོའི་ཅོད་པན་རྩི་རང་གདང་། །ལྕགས་ཐག་ལ་སོགས་མདའ་ ― DNG008_Page_0629 ―
[མ་དཔེ་གཟིགས་ན་འདིར་གནོན།]
རྒྱན་དང་། །ལྷ་བཤོས་དག་ནི་གཏོར་མར་བཅས། །གཞན་ཡང་མ་ལུས་ཚོགས་པར་བསགས། །དར་རམ་རས་སམ་ཤིང་ཡང་རྒྱུད། །ཞལ་ཁེབས་ནག་པོ་གཅིག་གིས་དགབ། །ལྕགས་ཐག་ནག་པོས་དཀྱིལ་འཁོར་བསྐོར། །ཟུར་གསུམ་དག་ཏུ་ཕུར་པ་དགོད། །མདའ་དང་དར་སྣ་བཅས་པར་གཟུག །རལ་གྲི་གསུམ་དང་ལྷ་བཤོས་གསུམ། །ཕུར་པ་ཉི་ཤུ་རྩ་གཅིག་དང་། །རྩ་ཆེན་དྲུག་ཅུ་རྩ་གཉིས་ནི། །དཀྱིལ་འཁོར་དག་ཏུ་དགོད་པར་བྱ། །དེ་ནས་སྔགས་མཁན་ཆས་གོས་ནི། །སྔགས་ཀྱི་ཆས་གོས་རྣམ་པ་ལྔ། །སྔགས་བེར་སྔགས་ཐོད་སྟོད་གཡོགས་སྨད་དཀྲིས་དང་། །སྔགས་ཀྱི་ཕུ་དུང་ལ་སོགས་པ། །དར་རམ་རས་སམ་རེ་བ་འམ། །ནན་ཏན་གྱིས་ནི་དཀྲི་བར་བྱ། །གཡབ་དར་སྔོན་དམར་ཁ་ཚོན་དོ། །མེ་འདྲེན་མདའ་དང་བཅས་པར་བྱ། །དེ་ནས་འབྱུང་པོའི་གཟུགས་སམ་དགྲ་བོའི་གཟུགས། །གྲོགའམ་རས་སམ་ཤིང་ཤུན་ལ། །གཟབས་ལ་ལེགས་པར་བྲི་བར་བྱ། །ཡང་ན་རྗེས་ཀྱི་ས་དག་ལས། །བནྡྷའི་ཤིང་རྩི་དག་དང་ནི། །རི་བོང་དག་གི་རིལ་མ་བསྲེ། །དེ་ལ་གཟུགས་སུ་བྱས་ནས་ནི། །དེ་ཡི་སྙིང་གར་མིང་རུས་བྱ། །སྙིང་པོ་དང་ནི་བཅས་པར་བྲིའོ། །དེ་ལ་སྦྲུལ་ནག་ཞགས་པས་བཅིངས། །ཡན་ལག་ལྔ་ནི་བཅིངས་བཞིན་དུ། །ཁྲོ་བོའི་སྐུ་ལ་བརྟོད་དེ་བཞག །དེ་ནས་མཆོད་རྫས་བརྩམ་པ་ནི། །མཆོད་པ་རྣམ་ལྔ་ཚུལ་བཞིན་བརྩམ། །མར་ཁུ་དང་ནི་སྦྲང་རྩི་དང་། །འབྲས་ཆེན་འབྲས་ཀྱི་ཐུག་པ་དང་། །ཤུག་གུ་རྟིང་དཀར་དང་ནི་ལ་དུ་བ། །མེ་ཏོག་དང་ནི་ཏིལ་མར་དང་། །འབྲུ་ཐུག་དང་ནི་ལག་སམ་དང་། །འོལ་ཀོན་དང་ནི་ཡབ་ཐེའུ་རྣམས་སུ་བཅས། །རིན་ཆེན་ལྔ་དང་སྤོས་ལྔ་སྨན་ལྔ་དང་། །སྙིང་པོ་ལྔ་དང་འབྲས་ཀྱི་ལག་པན་དང་། །གཞན་ཡང་སྨན་གྱི་སྟོང་པ་སོགས། །ཐམས་ཅད་མ་ལུས་ཚོགས་པར་བྱ། །དེ་ནས་ཁྲོ་བོའི་མཆོད་རྫས་བརྩམ་ ― DNG008_Page_0630 ―
[མ་དཔེ་གཟིགས་ན་འདིར་གནོན།]
པ་ནི། །མར་ཁུ་དང་ནི་ཐུབ་པ་ནག་པོ་དང་། །ཡམ་ཤིང་ནག་པོ་ཚེར་ཐེའུ་དང་། །དུག་གསུམ་གྱི་ནི་མཆོད་རྫས་དང་། །རིལ་བུ་གཅིག་ལ་བདུན་གསུམ་ཚོགས་པ་དང་། །ཀུ་ཤ་སྐེ་ཚེ་ལྡོང་རོས་དང་། །ཏིལ་མར་ཚ་དང་ར་སྙིང་དང་། །ཤ་ཁུ་དང་ནི་ལྕགས་ཕྱེ་རྡོ་ཕྱེ་དང་། །སྲན་ཆེན་དང་ནི་གུ་གུལ་དཀར་ནག་དང་། །དེ་ལ་སོགས་པའི་མཆོད་རྫས་ཚོགས་པའོ། །ཞེས་གསུངས་ཏེ། རྡོ་རྗེ་དུར་མོའི་ཏནྟྲ་ལས། ཁྱད་པར་དཀྱིལ་འཁོར་གྱི་ཆ་རྐྱེན་དང་། མཆོད་པའི་ལེའུ་སྟེ་གསུམ་པའོ།། །།དེ་ནས་གསད་པའི་ལས་བརྩམས་པ། །ལྕགས་ཕྱེ་ཟངས་ཕྱེ་རྡོ་དྲེག་དང་། །ར་དུག་སྦྱང་དུག་བཙན་དུག་དང་། །ཤ་དུག་དག་དང་འོ་དུག་དང་། །དུག་གི་རིགས་སུ་གཏོགས་པ་ཐམས་ཅད་དོ། །དུག་གི་ཟས་སུ་སྣོད་དང་བཅས་པར་བརྩམས། །དེ་ནས་གསད་པར་བྱ་བའི་ཕུར་བ་ནི། །ལྕགས་སམ་ནག་པོའི་ཤིང་རྣམས་སམ། །གདུག་པའི་དུག་ཤིང་ཚེར་མ་ཅན། །མགོ་གཞུག་མ་ནོར་པར་བཞོགས་ཏེ། །ཟུར་གསུམ་རྒྱ་མདུད་བཅས་པར་བྱ། །དུག་གི་གཏོར་མ་ནག་པོ་དང་། །རྡོ་རྗེ་ཐོ་བ་རལ་གྲི་དང་། །བརྡུང་བཞི་ཧ་རུ་ནི་གཡང་གཞི་དང་། །ཧ་སྟ་གཡས་པ་དག་དང་ནི། །བུད་མེད་མ་མམ་བརྡུང་གོས་ནག་པོའམ། །དེ་ལ་སོགས་ཏེ་ཕྱག་ཆ་ཚང་བར་བསོག །དེ་ནས་མཆོད་པ་རྣམ་ལྔ་དང་། །ཡོ་བྱད་ཆ་རྐྱེན་མ་ལུས་པ། །ཀུན་ཀ་སོགས་ལ་བྱིན་གྱིས་བརླབས། །བྱིན་གྱིས་བརླབས་པའི་དྲི་ཆུས་བསང་བར་བྱ། །དེ་དག་ཀུན་གྱི་བྱང་ཕྱོགས་གཡོན་དུ་བཞག །དེ་ནས་མཚམས་ཀྱི་ཆོ་ག་དྲག་ཏུ་བྱ། །དེ་ནས་རྡོ་རྗེའི་འགྲོས་ཀྱིས་བསྐོར་བ་དང་། །ཁྲོ་བོ་བཅུ་ཡིས་མཚམས་བཅད་དོ། །དེ་ནས་འོད་ཆེན་ཤར་བ་དང་། །དྲག་པོའི་ལས་སུ་ཁྱད་པར་བསྟན། །ཁྲོ་བོ་རྣམས་ཀྱིས་བྱིན་ཡང་བསྐྱེད། །སེམས་བཙན་པོ་ར་གཟུད་དོ། །རྡོ་རྗེའི་བསྒོ་བ་ཕ་མས་བུ་འཚོ་ལྟ་བུ། །སྐུ་གསུང་ཐུགས་ ― DNG008_Page_0631 ―
[མ་དཔེ་གཟིགས་ན་འདིར་གནོན།]
ཀྱི་རང་བཞིན་ལས་འགལ་བར་བྱ་བ་མ་ཡིན་ནོ། །ཚད་མེད་པ་བཞིའི་གཞི་བཟུང་མོད། དེ་ལྟར་མ་བགྱིས་ན་ལས་ཀྱི་སྲིན་པོར་སྐྱེ་བའི་ཉེན་ཡོད། དཔལ་ཆེན་པོའི་ཚུལ་དུ་གནས་སོ། །རྡོ་རྗེ་དུར་མོའི་ཏནྟྲ་ལས། གསད་པར་བྱ་བའི་ལས་ཀྱི་ཁྱད་པར་གྱི་ལེའུ་སྟེ་བཞི་པའོ།། །།དེ་ནས་མེ་བླང་བ་ནི། དུར་ཁྲོད་ཀྱི་མེ་གདོལ་བའི་མེའམ། ཡུགས་ས་མོའི་ཁྱིམ་ནས་མེའི་ས་བོན་བླང་། དེ་ནས་མེའི་བསྙེན་པ་བགྱི་བར་བྱ། བསྙེན་པའི་དོན་ནི་འཛབ་ཏུ་བཟླས། དེ་ནས་ཆོ་ག་ཕུན་སུམ་ཚོགས་པས་དྲང་བར་བྱ། ད་ནི་དྲག་པོའི་ཕྲིན་ལས་བགྱི་སྟེ། འགུགས་འདྲེན་དྲག་ཏུ་བགྱི། དགྲ་བགེགས་ལ་སོགས་པ་བཀུག་ནས། དུག་སྣ་ཚོགས་ཀྱིས་མེ་བསད་དེ། འདི་སྐད་དོ། །ཤིང་གི་གཉེན་པོ་མེ་ཡིན་ཏེ། །མེ་ཡིས་ཤིང་བསྲེག་སྙིང་རེ་ཚིམ། །མེ་ཡི་གཉེན་པོ་ཆུ་ཡིན་ཏེ། །ཆུ་ཡིས་མེ་བསད་སྙིང་རེ་ཚིམ། །ཆུ་ཡི་སྙིང་པོ་དུག་ཡིན་ཏེ། །དུག་གིས་ཆུ་བསད་སྙིང་རེ་ཚིམ། །དུག་གི་སྙིང་པོ་སྨན་ཡིན་ཏེ། །སྨན་གྱིས་དུག་བསད་སྙིང་རེ་ཚིམ། །སྨན་ནི་ལྷ་ཡི་སྤྲུལ་པ་ཡིན། །སྨན་གྱིས་གང་ཞིག་གསོ་བར་བྱེད། །ཅེས་བརྗོད་དེ་སྨན་སྦྱར་བསླར་བླུག་སྟེ་མེ་གསོའོ། །མེ་གསོ་བའི་ཡས་སྟག་ལ། ཤུག་ལོ་མཆན་ཁུང་གང་དང་། མར་དཀར་སྲུངས་ཤིག་སླར་མེ་གསོའོ། །ཨཱོཾ་རཾ་རཾ་བ་ཡ་ཧཱུཾ། རཾ་ཀ་ལ་ཡ་ཧཱུཾ་ཛྭ་ལ་ཛྭ་རཾ་ཧཱུཾ། མ་མ་ནི་རཾ་རཾ་ཡཱ། ཕཊ་ཕཊ་ཧཱུཾ་ཧེ་རཾ་ཏྲཾ་རཾ། དེ་ནས་ཐུགས་དམ་འདི་སྐད་བསྐུལ། མེ་ལྷ་རྒྱལ་པོ་ཆེན་པོ་སྟེ། །སྐྱིན་ཆེན་གཤིབས་པའི་ཁྲི་ལ་བཞུགས། །རྡོ་རྗེ་འབར་བ་ཕྱག་ན་བསྣམས། །མེ་ཡི་རལ་པས་བར་སྣང་ཁེབས། །ཤངས་ནས་དུ་བའི་སྤྲིན་དུ་འཁྲིགས། །ལྗགས་ནས་མེ་ཡི་རྦ་ཀློང་འཁྱིལ། །ཤར་གྱི་ཕྱོགས་ནས་མེ་དྲོངས་ཤིག །ལྷོ་ཡི་ཕྱོགས་ནས་བསྐུལ་བ་ནི། །མེ་ཡི་རྒྱལ་པོ་ཆེན་པོ་སྟེ། །ཆུ་གླང་སྔོན་པོའི་ཁྲི་ལ་ ― DNG008_Page_0632 ―
[མ་དཔེ་གཟིགས་ན་འདིར་གནོན།]
བཞུགས། །སྐུ་མདོག་སྔོ་ནག་རལ་པ་ཅན། །དྲིལ་ཆེན་འབར་བ་ཕྱག་ན་བསྣམས། །མེ་ཡི་རལ་པས་བར་སྣང་ཁེབས། །ཤངས་ནས་དུ་བའི་སྤྲིན་དུ་འཁྲིགས། །ཞལ་ནས་མེ་ཡི་རྦ་ཀློང་འཁྱིལ། །ལྷོ་ཡི་ཕྱོགས་ནས་མེ་དྲོངས་ཤིག །ནུབ་ཀྱི་ཕྱོགས་ནས་བསྐུལ་བ་ནི། །པདྨ་རིགས་ཀྱི་མེ་ལྷ་སྟེ། །སྐུ་མདོག་དམར་ལ་རལ་པ་ཅན། །ཤིང་རྟ་བལྟབས་པའི་ཁྲི་ལ་བཞུགས། །ཕྱག་ན་པདྨ་དཀར་པོ་བསྣམས། །མེ་ཡི་རལ་པས་བར་སྣང་ཁེབས། །ཤངས་ནས་དུ་བའི་སྤྲིན་དུ་འཁྲིགས། །ཞལ་ནས་མེ་ཡི་རྦ་ཀློང་འཁྱིལ། །ནུབ་ཀྱི་ཕྱོགས་ནས་མེ་དྲོངས་ཤིག །བྱང་གི་ཕྱོགས་ནས་བསྐུལ་བ་ནི། །མེ་ལྷའི་རྒྱལ་པོ་ཆེན་པོ་སྟེ། །སྐུ་མདོག་ལྗང་སེར་རལ་པ་ཅན། །ཀླུ་ལུག་གྲོ་མོའི་ཁྲི་ལ་བཞུགས། །རྡོ་རྗེ་རྒྱ་གྲམ་ཕྱག་ན་བསྣམས། །མེ་ཡི་རལ་པས་བར་སྣང་ཁེབས། །ཤངས་ནས་དུ་བའི་སྤྲིན་དུ་འཁྲིགས། །ཞལ་ནས་མེ་ཡི་རྦ་ཀློང་འཁྱིལ། །བྱང་གི་ཕྱོགས་ནས་མེ་དྲོངས་ཤིག །དུང་སྤུད་མ་དང་དུང་མཆུ་མ། །དུང་གི་མི་མོ་ཆེན་མོ་དང་། །དུང་གི་སྤུད་མཆུ་ཆེན་མོ་ནི། །གཡས་ན་དུང་གི་སྤུད་པ་ཐོགས། །གཡོན་ན་ཁྱུང་གི་ཁྲ་ཐོགས་ཤིང་། །གཤོག་པ་གཡོབས་ལ་མེ་བུས་ཤིག །མཆེད་ལྔའི་ཚིག་བསྐུལ་བ་ནི། ཨགྣེ་དམར་སེར་མེ་ཡི་ལྷ། །མེ་དཔུང་འབར་བའི་དཀྱིལ་འཁོར་ནས། །སྐྱིན་ཆེན་ཁམ་པའི་ཁྲི་ལ་བཞུགས། །མེ་ཡི་རལ་པས་བར་སྣང་ཁེབས། །སྤྱན་ནས་མེ་སྟག་ཕྱོགས་བཞིར་འཕྲོས། །ཞལ་ནས་མེ་ཡི་རྦ་ཀློང་འཁྱིལ། །ལྗགས་ནས་མེ་ཡི་དཀྱིལ་འཁོར་འདྲིལ། །ཕྱག་ན་མེ་ཡི་བགྲང་ཕྲེང་འཛིན། །རྒྱལ་ཆེན་རིགས་བཞི་ཕྱོགས་བཞི་བསྲུངས། །བྲམ་ཟེ་ཕོ་མོ་ལྔ་བརྒྱ་ཡང་། །འཁོར་ན་གནས་པའི་འཁོར་ལགས་ཀྱི། །ཁ་འབར་མས་ནི་མེ་བུས་ལ། །བྲམ་ཟེ་རྒྱལ་པོས་འགལ་སྐུ་ལ་ཅིག །མེ་ཡི་ས་ ― DNG008_Page_0633 ―
[མ་དཔེ་གཟིགས་ན་འདིར་གནོན།]
བོན་མ་བཅུག་ཀྱང་། །འབྱུང་བ་ཆེན་པོ་མེ་ཡི་རྒྱུ། །སོ་སོའི་རྒྱུ་ལས་མེ་དྲོངས་ལ། །རྒྱ་མཚོའི་གཏིང་ནས་མེ་དྲོངས་ལ། །འཁོར་བའི་རྒྱ་མཚོ་སྐམ་པ་དང་། །ཉོན་མོངས་བུད་ཤིང་བསྲེགས་པ་དང་། །སྡང་བའི་དགྲ་དང་གནོད་པའི་བགེགས། །དེ་ཡི་བག་ཆགས་བསྲེག་དགོས་ཀྱིས། །བུས་ཤིག་བུས་ཤིག་མེ་བུས་ཤིག །སྐུལ་ཅིག་སྐུལ་ཅིག་འགལ་སྐུལ་ཅིག །མ་མ་མ་མོའི་ཚོགས་འབར་བ། །ཆུ་ཀླུང་སྐེམ་པར་བྱེད་པ་སྟེ། །རྒྱ་མཚོའི་གཏིང་དུ་མེ་བུས་པས། །རི་རབ་རྩེ་ལ་ལྗོན་ཤིང་ཆགས། །རྒྱ་མཚོའི་གཏིང་དུ་རྡོ་བཅག་པས། །རྡོ་རྗེ་ཁྲོ་བོར་གྱུར་ནས་སུ། །ཞེ་སྡང་བྱེད་པ་རྡུལ་དུ་རློགས། །སྲིད་གསུམ་བསྲེག་པའི་མེ་སྤར་བས། །ཁྲོ་བོ་འབར་བའི་ཐུགས་དམ་བསྐང་། །དབང་ཕྱུག་མ་དང་བྲན་མོའི་ཚོགས། །ཁྱེད་རྣམས་འདུས་ལ་ལས་རྣམས་གྱིས། །དྲག་པོའི་ལས་ལ་ཁྱད་པར་བསྐུལ་བའི་ལེའུ་སྟེ་ཐ་མའོ།། །།དེ་ནས་དཔལ་རྡོ་རྗེ་སེམས་དཔས་སྲེག་ལས་ཀྱི་ལེའུ་འདི་གསུངས་སོ། །ཐུགས་རྗེ་དབང་གི་དཀྱིལ་འཁོར་དུ། །ཡེ་ཤེས་འབར་བའི་མེ་བྱུང་བས། །དུ་བ་མཐོན་མཐིང་ཆོས་ཀྱི་སྤྲིན། །ཞི་བའི་མཆོད་པ་འབུལ་བ་ནི། །སྲིད་པའི་རྩེ་མོ་མན་ཆད་ནས། །བསམ་གཏན་གསལ་བའི་གནས་རྣམས་སུ། །སྐྱེ་མཆེད་ཕྱོགས་ཀྱི་ཐུགས་དམ་བསྐང་། །དཀོན་མཆོག་གསུམ་གྱི་ཐུགས་དམ་མཆོད་སྤྲིན་རྒྱུ། །རྒྱལ་བའི་བྱིན་རླབས་འཕེལ་བར་ཤོག །མེ་ལྕེ་འབར་བའི་མཆོད་པ་འདིས། །བདེ་གཤེགས་ལྷ་ཡུལ་དགའ་ལྡན་དུ། །དགྲ་བཅོམ་འགྲོ་བའི་དོན་བྱས་ནས། །རྒྱལ་བའི་བཀའ་དང་བྱང་ཆུབ་སེམས། །ཐུགས་དམ་ཡོངས་སུ་བསྐངས་གྱུར་ནས། །སྐུ་གསུང་ཐུགས་ཀྱི་དཀྱིལ་འཁོར་དུ། །རང་རིག་འབྲས་བུ་བསྐྱེད་པ་དང་། །དཔལ་གྱི་བྱིན་རླབས་འཕེལ་བར་ཤོག །མེ་འོད་འབར་བའི་མཆོད་པ་འདིས། །ལྷ་དང་བཅས་པའི་སློབ་དཔོན་དང་། །སྲོག་ ― DNG008_Page_0634 ―
[མ་དཔེ་གཟིགས་ན་འདིར་གནོན།]
གི་འདྲེལ་བའི་མཆེད་ལྕམ་ལ། །བདུད་རྩི་མཆོད་པ་དམ་པ་འདིས། །ཐུགས་དམ་ཡོངས་སུ་བསྐངས་གྱུར་ནས། །དབང་དང་དངོས་གྲུབ་བླང་བའི་ཕྱིར། །དགོངས་པ་མེ་འོད་འབར་བ་བཞིན། །ཐུགས་དམ་ཡོངས་སུ་བསྐངས་གྱུར་ནས། །དཔལ་གྱི་བྱིན་རླབས་འཕེལ་བར་ཤོག །བདག་ལ་ཐུགས་རྗེ་དཔལ་གྱི་ཞིང་། །དབང་གི་མཆོད་པ་དམ་པ་འདིས། །སྐུ་གསུང་ཐུགས་ཀྱི་དཀྱིལ་འཁོར་དུ། །བྱང་ཆུབ་སྙིང་པོར་རྫོགས་གྱུར་ཤོག །ཐལ་བ་ངན་སོང་གསུམ་དུ་དབོ། །བདུད་བཞི་ཐལ་བར་བརླག་པའི་ཕྱིར། །ལས་ཀྱི་མཆོད་པ་དམ་པ་འདིས། །རྒྱལ་ཆེན་བཞི་དང་ཕྱོགས་སྐྱོང་བཅུ། །རྡོ་རྗེའི་རིགས་ཀྱི་ཐུགས་དམ་བསྐང་། །འདོད་ཁམས་གནས་རིགས་ཉི་ཤུ་དང་། །གཟུགས་ཁམས་གནས་རིགས་བཅུ་བདུན་དང་། །སྐྱེ་མཆེད་འགྲོ་དྲུག་གནས་རྣམས་སུ། །སོ་སོའི་ལས་དང་འདུ་ཤེས་ཀྱིས། །ཆག་ཉམས་ཕམ་ལྟུང་ཅི་མཆིས་རྣམས། །ཆག་ཉམས་ཕམ་ལྟུང་འཕྲོ་བསབས་ཏེ། །སྐུ་གསུང་ཐུགས་ཀྱི་དཀྱིལ་འཁོར་དུ། །བྱང་ཆུབ་སྙིང་པོར་རྫོགས་གྱུར་ཤོག །སྦྱིན་སྲེག་གི་ལེའུ་ལས།འབར་བ་མེའི་སྦྱིན་སྲེག་གི་ལེའུ་སྟེ་དང་པོའོ།། །།དེ་ནས་སྲེག་རྫས་རྣམས་བསྲེགས་ནས། །མེ་ཏོག་བསྲེགས་པའི་མཆོད་པ་འདིས། །བྱང་ཆུབ་ཕྱོགས་དང་རྒྱལ་བའི་རིགས། །ཐུགས་དམ་དཀར་པོ་བསྐང་གྱུར་ཏེ། །ཡོན་བདག་ཚེ་དང་གཟི་བརྗིད་རྣམས། །སྐྱེད་མོས་ཚལ་གྱི་ལྗོན་ཤིང་ལྟར། །དཔལ་དང་གཟི་བྱིན་འཕེལ་བར་གྱུར། །རྒྱལ་བའི་བྱིན་རླབས་འཕེལ་བར་ཤོག །མར་ནི་ཐམས་ཅད་ཀུན་གྱི་སྙིང་པོ་སྟེ། །འགྲོ་བ་ཀུན་གྱི་གསོས་ཡིན་པས། །བདུད་རྩིའི་མཆོད་པ་དམ་པ་འདིས། །འདོད་ཁམས་གནས་རིས་ཉི་ཤུ་དང་། །གཟུགས་ཁམས་གནས་རིས་བཅུ་བདུན་དང་། །དམྱལ་ཁམས་བཅུ་དྲུག་ཡན་ཆད་དུ། །སོ་སོའི་ལས་དང་འདུ་ཤེས་དང་། །ཆག་ཉམས་ཕམ་ལྟུང་ ― DNG008_Page_0635 ―
[མ་དཔེ་གཟིགས་ན་འདིར་གནོན།]
ཅི་མཆིས་རྣམས། །ལས་ཀྱི་ཕམ་ལྟུང་འཕྲོ་བསབས་ཏེ། །སྐུ་གསུང་ཐུགས་ཀྱི་དཀྱིལ་འཁོར་དུ། །ཐུགས་དམ་ཡོངས་སུ་བསྐངས་གྱུར་ནས། །བྱང་ཆུབ་སྙིང་པོར་རྫོགས་གྱུར་ཏེ། །མེ་ལྷ་དྲང་སྲོང་འཁོར་བཅས་དང་། །བྱང་ཆུབ་མཆོག་ཆེན་སུམ་ཅུ་བདུན། །རྒྱལ་བའི་བྱིན་རླབས་འཕེལ་བར་ཤོག །འབྲུ་ཐུག་ཡིད་བཞིན་རིན་ཆེན་གཏེར། །སྐྱེ་འགྲོ་ཀུན་གྱི་ལོངས་སྤྱོད་གསོས། །ལོངས་སྤྱོད་མཆོད་པ་ཆེན་པོ་འདིས། །མེ་ལྷ་དྲང་སྲོང་འཁོར་བཅས་དང་། །བྱང་ཆུབ་མཆོག་ཆེན་སུམ་ཅུ་བདུན། །ཐུགས་དམ་ཡོངས་སུ་བསྐང་གྱུར་ཏེ། །བདག་དང་དེང་གི་ཡོན་བདག་རྣམས། །རིན་ཆེན་གཏེར་ལ་སྤྱོད་པར་ཤོག །ལག་ཆེན་འབྲུ་ཡི་སྙིང་པོ་སྟེ། །འདོད་པ་ཀུན་གྱི་སྙིང་པོ་མཆོག །འགྲོ་བ་རྒྱ་མཚོ་ཚིམ་པའི་ཕྱིར། །ཚིམ་གྱུར་མཆོད་པ་ཆེན་པོ་འདི། །མེ་ལྷ་དྲང་སྲོང་འཁོར་བཅས་དང་། །བྱང་ཆུབ་མཆོག་ཆེན་སུམ་ཅུ་བདུན། །ཐུགས་དམ་ཡོངས་སུ་བསྐང་གྱུར་ཏེ། །དེང་གི་ཡོན་བདག་འཁོར་བཅས་རྣམས། །དབང་གི་སྤྱོད་ཡུལ་ཚིམ་བྱེད་ཤོག །འོ་སྐོལ་བདུད་རྩིའི་མཆོད་པ་འདིས། །སྐྱེ་འགྲོ་ཀུན་གྱི་སྨན་དང་གསོས། །ཡིད་བཞིན་ལོངས་སྤྱོད་འཕེལ་བའི་སྨན། །བདུད་རྩི་ཞལ་ཟས་རིན་ཆེན་འདིས། །མེ་ལྷ་དྲང་སྲོང་འཁོར་བཅས་དང་། །བྱང་ཆུབ་མཆོག་ཆེན་སུམ་ཅུ་བདུན། །ཉོན་མོངས་དུག་སེལ་སྨན་གྱི་མཆོག །རྣམ་པར་རྟོག་པའི་དུག་བཅོམ་ནས། །བྱང་ཆུབ་མཆོག་ཆེན་སུམ་ཅུ་བདུན། །ཐུགས་དམ་ཡོངས་སུ་བསྐང་གྱུར་ཏེ། །ཡོན་བདག་འཁོར་དང་བཅས་པ་རྣམས། །ཁམས་གསུམ་འཁོར་བའི་བདུད་བཅོམ་ནས། །བྱང་ཆུབ་སྙིང་པོར་རྫོགས་གྱུར་ཤོག །ཞི་བ་ཤཱནྟིཾ་ཀུ་རུ་སྭཱ་ཧཱ། ཞི་བ་ལ་དུམ་ཀུ་རུ་སྭཱ་ཧཱ། ཤག་ཐེའུ་ཡི་རབས་འདི་སྐད་དོ། །ཐུགས་རྗེ་དབང་གི་དཀྱིལ་འཁོར་དུ། །དེང་གི་ཡོན་བདག་འཁོར་བཅས་རྣམས། །ལུས་ངག་ཡིད་གསུམ་རང་བཞིན་ནི། །སྒོ་གསུམ་ ― DNG008_Page_0636 ―
[མ་དཔེ་གཟིགས་ན་འདིར་གནོན།]
འཁྲུལ་བའི་ཉེས་བྱས་ཀྱིས། །ལུས་ངག་ཡིད་གསུམ་འབྲས་བུར་སྨིན། །ཁམས་གསུམ་འཁོར་བའི་རྒྱུན་ཡང་ཡིན། །ངན་སོང་ལྟུང་བའི་གཞི་ཡང་ཡིན། །དེ་ཡི་སྒྲིབ་པ་སྦྱང་བའི་ཕྱིར། །ཡམ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །སྐུ་གསུང་ཐུགས་ཀྱི་དཀྱིལ་འཁོར་དུ། །ཡེ་ཤེས་འབར་བའི་མེས་བསྲེགས་ཏེ། །བྱང་ཆུབ་སྙིང་པོར་རྫོགས་པར་ཤོག །ཕུང་པོ་ལྔ་ཡི་རང་བཞིན་ནི། །རྟོག་པས་འཁྲུལ་པའི་ཉེས་བྱས་ཀྱིས། །ཕུང་པོ་ལྔ་ནི་འབྲས་བུར་སྨིན། །ངན་སོང་ལྔ་ཡི་གཞི་ཡང་ཡིན། །རྒྱུད་ལྔར་འཁོར་བའི་རྒྱུ་ཡང་ཡིན། །དེ་ཡི་སྒྲིབ་པ་སྦྱང་བའི་ཕྱིར། །ཡབ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །སྐུ་གསུང་ཐུགས་ཀྱི་དཀྱིལ་འཁོར་དུ། །ཡེ་ཤེས་འབར་བའི་མེས་བསྲེགས་ནས། །སྐུ་ལྔ་འབར་བའི་དཀྱིལ་འཁོར་དུ། །བྱང་ཆུབ་སྙིང་པོར་རྫོགས་པར་ཤོག །རྣམ་ཤེས་བརྒྱད་ཀྱི་སྤྱོད་ཡུལ་ནི། །འཁོར་བ་ལྔ་དང་དུག་གསུམ་གྱིས། །རྣམ་ཤེས་བརྒྱད་ཀྱི་འབྲས་བུར་སྨིན། །སྡུག་བསྔལ་བརྒྱད་ཀྱི་གཞི་ཡང་ཡིན། །ཉོན་མོངས་བརྒྱད་ཀྱི་རྒྱུ་ཡང་ཡིན། །དེ་ཡི་སྡུག་བསྔལ་བསལ་བའི་ཕྱིར། །ཡབ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །ཡེ་ཤེས་བརྒྱད་ཀྱི་དཀྱིལ་འཁོར་དུ། །ཡེ་ཤེས་འབར་བའི་མེས་བསྲེགས་ཏེ། །རྣམ་པར་ཤེས་པ་བརྒྱད་ཀྱི་དཀྱིལ་འཁོར་དུ། །བྱང་ཆུབ་སྙིང་པོར་རྫོགས་གྱུར་ཅིག །སྐྱེ་མཆེད་བཅུ་གཉིས་རང་བཞིན་ནི། །སྒྱུ་མ་རྟོག་པའི་འཛིན་ཆགས་ཀྱིས། །སྐྱེ་མཆེད་བཅུ་གཉིས་འབྲས་བུར་སྨིན། །འདུ་ཤེས་ཚོལ་བའི་རྒྱུད་ཡང་ཡིན། །གཏི་མུག་འཁོར་བའི་ལམ་ཡང་ཡིན། །དེ་ཡི་སྡུག་བསྔལ་བསལ་བའི་ཕྱིར། །ཡབ་ཐེའུ་ཐབས་ ― DNG008_Page_0637 ―
[མ་དཔེ་གཟིགས་ན་འདིར་གནོན།]
དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །ཡེ་ཤེས་འབར་བའི་མེས་བསྲེགས་ནས། །མཛེས་པའི་ལྷ་མོ་ཟུང་གཉིས་ཀྱིས། །དཀྱིལ་འཁོར་གསང་བའི་དབང་བསྐུར་ཏེ། །ཐུགས་རྗེའི་དབྱིངས་སུ་རྫོགས་གྱུར་ཅིག །ཁམས་ཆེན་བཅོ་བརྒྱད་སྤྱོད་ཡུལ་ནི། །བྱིང་རྨུགས་ལས་ཀྱི་རྣམ་སྨིན་གྱིས། །ཁམས་ཆེན་བཅོ་བརྒྱད་འབྲས་བུར་སྨིན། །བྱང་ཆུབ་ལྟུང་བའི་གནས་ཀྱང་ཡིན། །ངན་འགྲོར་སྐྱེ་བའི་ལས་ཡང་ཡིན། །དེ་ཡི་སྡུག་བསྔལ་སྦྱང་བའི་ཕྱིར། །ཡབ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །སྟོང་པ་བཅོ་བརྒྱད་དཀྱིལ་འཁོར་གྱི། །ཡེ་ཤེས་ཆེན་པོའི་མེས་བསྲེགས་ནས། །ལས་ཀྱི་སྒྲིབ་པ་རྣམ་པར་སྦྱངས། །ཐུགས་དམ་དབང་གི་དཀྱིལ་འཁོར་དུ། །ཐུགས་དམ་ཡོངས་སུ་བསྐངས་གྱུར་ནས། །བྱང་ཆུབ་ཆེན་པོར་རྫོགས་གྱུར་ཅིག །ཀུ་ཤ་བསྲེགས་པའི་མཆོད་པ་འདིས། །རྒྱལ་བའི་བཀའ་དང་སྔགས་ཀྱི་དབང་། །མི་ཤེས་ཚུལ་ཁྲིམས་གཞུང་ཉམས་པའི། ། ཚིག་ཆད་སོང་། བྱང་ཆུབ་སྙིང་པོར་རྫོགས་གྱུར་ཏེ། །དེང་གི་ཡོན་བདག་འཁོར་བཅས་རྣམས། །དབང་དང་དངོས་གྲུབ་བསྐྱེད་པའི་ཕྱིར། །སྐྱེད་མོས་ཚལ་གྱི་ལྗོན་པ་ལྟར། །བླ་མའི་སྟན་ལ་འདུག་པར་ཤོག །ཏིལ་འབྲུ་བསྲེགས་པའི་མཆོད་པ་འདིས། །དེང་གི་ཡོན་བདག་འཁོར་བཅས་རྣམས། །བསྐལ་པར་བསགས་པའི་སྡིག་སྦྱངས་ཏེ། །ཀུན་གྱི་གནས་སུ་ཞེན་པ་ལས། །ཐུགས་ཀྱི་སྤྲུལ་པའི་བྱིན་རླབས་ཀྱིས། །བླ་མའི་གནས་སུ་འབྱོར་བར་ཤོག །སྙིང་པོ་བསྲེགས་པའི་མཆོད་པ་འདིས། །བདག་ཅག་རིག་འཛིན་སྔགས་མཁན་གྱི། །ལུས་ངག་ཡིད་གསུམ་ལྡན་པ་ཡིས། །ཕྲིན་ལས་ཡོ་བྱད་གཞུང་བསྲང་སྟེ། །སྲིད་པའི་རྩེ་མོ་མན་ཆད་ ― DNG008_Page_0638 ―
[མ་དཔེ་གཟིགས་ན་འདིར་གནོན།]
ནས། །རྡོ་རྗེས་གཏམས་པ་ཡན་ཆད་དུ། །མེ་ལྕེ་དཔལ་གྱིས་ཚིག་པ་རྣམས། །གསོ་ཞིང་གནས་སུ་བསྐང་བའི་ཕྱིར། །བྱང་ཆུབ་སྙིང་པོར་རྫོགས་གྱུར་ཏེ། །བདག་ཅག་སྔགས་མཁན་རྒྱལ་པོ་རྣམས། །ཆག་ཉམས་ཕམ་ལྟུང་འཕྲོ་བསབས་ནས། །ཡུན་གྱི་སྒྲིབ་པ་བྱང་གྱུར་ཅིག །སྦྱིན་སྲེག་ལས་ཀྱི་ལེའུ་ལས། རྫས་ཀྱི་སྦྱིན་སྲེག་གི་ལེའུ་སྟེ་ཐ་མའོ།། །།དེ་ནས་སྦྱིན་སྲེག་བྱ་བ་ནི། །ཤ་ཁྲག་བསྲེགས་པའི་མཆོད་པ་འདིས། །དུར་ཁྲོད་འབར་བའི་དཀྱིལ་འཁོར་དུ། །ཁྲོ་མཆོག་རྒྱལ་པོ་སྤྱན་དྲངས་ཏེ། །སྔོན་གྱི་སྒྲིབ་པ་སྦྱང་བའི་ཕྱིར། །ཕྲིན་ལས་རྣམ་བཞིའི་མངའ་གསོལ་གྱིས། །ལས་ཀྱི་འབྲས་བུ་མཆིས་པར་མཛོད། །སྲན་ཆེན་བསྲེགས་པའི་མཆོད་པ་འདིས། །ཕྲ་མེན་ཚོགས་དང་དབང་ཕྱུག་འཁོར། །ཕོ་ཉ་དྲུག་ཅུ་ཕྱག་རྒྱའི་ཚོགས། །ཐུགས་དམ་ཡོངས་སུ་བསྐངས་གྱུར་ནས། །ཕྲིན་ལས་རྣམ་བཞིར་དབང་བྱིན་ནས། །ལས་ཀྱི་འབྲས་བུ་མཆིས་པར་མཛོད། །ལྕགས་ཕྱེ་བསྲེགས་པའི་མཆོད་པ་འདིས། །ལྷ་སྲིན་སྡེ་བརྒྱད་གནས་སུ་རྣམས། །གནོད་ཅིང་འདུལ་བའི་རྐྱེན་བྱེད་རྣམས། །རྡོ་རྗེ་ལྕགས་ཀྱུའི་འཕྲོ་འདུ་འདིས། །གདུག་པའི་ལུས་ངག་རྒྱུད་བརླགས་ནས། །བྱང་ཆུབ་ཀློང་དུ་བསྒྲལ་བྱས་ནས། །ཁྲོ་ཚོགས་འབར་བའི་ཞལ་དུ་བསྟབ། །རྡོ་ཕྱེ་བསྲེགས་པའི་མཆོད་པ་འདིས། །དམ་འདས་སྲི་དང་ལས་ངན་བགེགས། །གཏུམ་ཆེན་འབར་བའི་དཀྱིལ་འཁོར་དུ། །མགྱོགས་པའི་ཚོགས་རྣམས་བསྡུས་བྱས་ནས། །རྡོ་ཕྱེས་ཕྱེ་མར་བརླག་བྱས་ནས། །གྲུ་གསུམ་མཐིང་ནག་དཀྱིལ་འཁོར་དུ། །འབར་བའི་ཚོགས་རྣམས་ཞལ་དུ་བསྟབ། །ཚྭ་དང་རྭ་སྙིང་བསྲེགས་པ་ཡིས། །དུག་གསུམ་ལས་ཀྱི་རྣམ་སྨིན་གྱིས། །ངན་སོང་གསུམ་གྱི་འབྲས་བུར་སྨིན། །ཕྲ་མེན་རྒྱ་མཚོའི་མཚོན་ཆ་འདིས། །འཁོར་བའི་རྒྱུ་ལྔ་བརླག་པའི་ ― DNG008_Page_0639 ―
[མ་དཔེ་གཟིགས་ན་འདིར་གནོན།]
ཕྱིར། །རང་རྒྱུད་རླག་པའི་མཚོན་ཆ་འདིས། །ཙིཏྟའི་དཀྱིལ་ནས་དྲངས་བྱས་ནས། །གྲུ་གསུམ་མཐིང་ནག་དཀྱིལ་འཁོར་དུ། །ཐབས་ཀྱི་ཕྱག་རྒྱས་དྲངས་ནས་སུ། །རྔམས་པའི་ཚོགས་ཀྱི་ཞལ་དུ་བསྟབ། །སྐེ་ཚེ་བསྲེགས་པའི་མཆོད་པ་འདིས། །ཕུང་པོ་ཁམས་དང་སྐྱེ་མཆེད་དང་། །རྣམ་ཤེས་སེམས་ཀྱི་དཀྱིལ་འཁོར་དུ། །དམ་ཚིག་ལས་ཀྱི་ཕམ་ལྟུང་གིས། །སྲིད་པའི་དམ་དྲལ་སྡིག་བྱེད་རྣམས། །གཤིན་རྗེ་གདུག་པའི་འཁོར་བཅས་རྣམས། །གྲུ་གསུམ་མཐིང་ནག་དཀྱིལ་འཁོར་དུ། །ཐབས་ཀྱི་ཕྱག་རྒྱས་བསྒྲལ་བྱས་ནས། །རཀྴའི་ཚོགས་ཀྱི་ཞལ་དུ་སྟོབ། །ལྡོང་རོས་བསྲེགས་པའི་མཆོད་པ་འདིས། །བདག་དང་དེང་གི་ཡོན་བདག་ལ། །མཐོ་རིས་སྲི་དང་འབྱུང་པོའི་གདོན། །རྣལ་འབྱོར་དམ་སྲིད་དམ་བདུད་དང་། །ལས་ཀྱི་ཉེས་བྱས་ཕམ་ལྟུང་རྣམས། །རྡོ་རྗེ་གཤོག་པའི་ཕྱག་རྒྱ་དང་། །མཆེ་བ་སྡེར་མོ་ཟང་ཡག་འདིས། །དཀར་ནག་མཚམས་ནས་དྲངས་བྱས་ནས། །ལས་ངན་གདུག་པ་བརླག་པ་ནི། །མཐིང་ནག་འབར་བའི་དཀྱིལ་འཁོར་དུ། །ཕྲ་མེན་རྒྱ་མཚོ་སྤྱན་དྲངས་ནས། །ངན་སོང་རྒྱུད་ལྔ་བརླག་པའི་ཕྱིར། །ཨ་ཛ་ལི་ཡི་དོགས་པ་ལྟར། །ས་བདག་ཆེན་པོའི་ཞལ་དུ་བསྟབ། །ཁྲོ་བོའི་སྦྱིན་སྲེག་གི་ལེའུ་སྟེ་དང་པོའོ།། །།དེ་ནས་འདི་སྐད་དུ། ང་ནི་སྔགས་མཁན་རྒྱལ་པོ་སྟེ། །ཁམས་གསུམ་ཐུགས་རྗེ་དཔལ་གྱི་ཞིང་། །ང་ནི་ཕྱག་རྒྱ་ཆེན་པོ་སྟེ། །རྒྱལ་བ་རིགས་ཀྱི་ཐུགས་དམ་ཡིན། །ང་ནི་སྨན་པའི་རྒྱལ་པོ་སྟེ། །ཐུགས་རྗེ་དབང་གི་དཀྱིལ་འཁོར་དུ། །ཡེ་ཤེས་འབར་བའི་མེ་བྱུང་བས། །སྲིད་པའི་རྩེ་མོ་མན་ཆད་ནས། །དམྱལ་ཁམས་གནས་རིས་ཡན་ཆད་དུ། །དཀོན་མཆོག་གསུམ་དང་བྱང་ཆུབ་སེམས། །འཇིག་རྟེན་ལྷ་དང་སྲིད་པའི་དཔལ། །གནས་རིས་ཀླུ་དང་དུག་རིས་སྨན། །ལྷ་སྲིན་སྡེ་བཅུའི་གནས་རིས་སུ། །མེ་ལྕེ་མཚོན་གྱིས་སྨས་པ་རྣམས། ། ― DNG008_Page_0640 ―
[མ་དཔེ་གཟིགས་ན་འདིར་གནོན།]
ཐུགས་རྗེ་དབང་གི་དཀྱིལ་འཁོར་དུ། །གསང་སྔགས་ཐབས་ཀྱི་ཕྱག་རྒྱ་ཡིས། །བདུད་རྩི་སྨན་གྱིས་གསོ་བར་བྱ། །དེ་ཕྱིར་སྨན་པའི་རྒྱལ་པོ་སྟེ། །སྐྱེས་མཆོག་ང་ཡི་ལས་བྱས་ནས། །བགེགས་ཀྱང་བཏུལ་ནས་བྱང་ཆུབ་སེམས། །དུག་ཀྱང་སྦྱངས་ནས་སྨན་གྱི་མཆོག །སྨན་དུ་མ་གྱུར་གང་ཡང་མེད། །མེ་ལྕེས་སྨས་པ་གསོས་པར་ཤོག །དབལ་གྱིས་ཚིག་པ་གསོས་པར་བྱེད། །དེ་ནས་མེ་ལྷ་སླར་གཤེགས་སུ་གསོལ་བ་ནི། མེ་ལྷ་ཨགྣེ་སྦྱིན་སྲེག་ལྷ། །ཁྱོད་ཀྱིས་སེམས་ཅན་ཀུན་གྱི་དོན། །ཚུལ་བཞིན་དུ་ནི་མཛད་ལགས་ཀྱིས། །སངས་རྒྱས་ཡུལ་དུ་གཤེགས་སུ་གསོལ། །གཙྪ་མུ། ཞེས་ཤར་ལྷོ་མཚམས་སུ་གཤེགས་སུ་གསོལ། ཁྲོ་བོའི་སྦྱིན་སྲེག་ལས་ཀྱི་ལེའུ་ལས། མེ་ལྕེ་མཚོན་གྱིས་ཚིག་པ་གསོ་བ་དང་། ལས་ཀྱི་ཕམ་ལྟུང་བསལ་བ་དང་། མེ་ལྷ་གཤེགས་སུ་གསོལ་བའི་ལེའུ་སྟེ་ཐ་མའོ།། །།དེ་ནས་ཁྲོ་བོའི་ལས་བྱ་བའི་ཕྱིར། ཁྲོ་བོ་ཀི་ལི་ཀི་ལིའི་ཕྱག་རྒྱས་མེ་སྦྱང་བ་ནི། ལག་པ་གཡོན་པ་ཁ་ཕར་བསྟན་པ་དང་། གཡས་པ་ཁ་ཚུར་བསྟན་པ་གཉིས།གཅིག་ཏུ་སྦྱར་ལ་སོར་མོ་བསྐྱོད་ལ་སྔགས་འདི་བཟླས་སོ། །ཨོཾ་ཀི་ལི་ཀི་ལི་བི་ལི་ཏེའུ་དྲི་བ་ཀྲི་ཏ་མ་ཧཱ་བཛྲ་ཀྲི་ཏ་ཡོ་ནི་ཀྲོ་དྷ་ན་ཧཱུྃ། དེས་ནི་དམ་ཚིག་གཙང་མར་བྱིན་བརླབ་བོ། །དེ་ནས་འབར་བའི་དཀྱིལ་འཁོར་རིམ་པར་འབར་བའི་སྲེག་ཁང་དུ་སྤྱན་དྲང་པ་ནི། ལྷ་ཀུན་གྱི་ཚིག་བཤད་འདིས་བསྐུལ་ཞིང་། སྔགས་དང་སྦྱར་ཏེ་སྤྱན་དྲངས་སོ། །དེ་ནས་ཕྱག་རྒྱ་བཅས་ལ་འདི་སྐད་དོ། །དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་བཅོམ་ལྡན་འདས། །འབར་བའི་ཁང་དུ་བཞུགས་ནས་ཀྱང་། །སྲེག་བླུགས་ཞལ་ཟས་བཞེས་སུ་གསོལ། །ཨེ་ཧྱེ་ཧི་བྷ་ག་བཱ་ན་མ་ཧཱ་ཀཱ་རུ་ཎི་ཀ་དྲྀ་ཤྱ་ཧོ། ས་མ་ཡ་སྟྭཾ། ཛཿཧཱུཾ་བཾ་ཧོཿ། བཛྲ་ཨགྣ་ཡེ་བཛྲ་ཨཾ་ཀུ་ཤ །ཨཱ་གཙྪ་ཨཱ་ ― DNG008_Page_0641 ―
[མ་དཔེ་གཟིགས་ན་འདིར་གནོན།]
གཙྪ་ཞེས་སྤྱན་དྲང་ངོ་། །དེ་ནས་བྱོན་པ་དང་མེ་ཏོག་ཅིག་ཐབ་ཏུ་བོར་ཏེ། པདྨ་ས་མ་ཡ་སྟྭཾ་ཞེས་གདན་དུ་བཏིངས་ལ།བཅོམ་ལྡན་འདས་ལྷའི་ཆེད་དུ་སྦྱིན་སྲེག་སྩལ་ན། མེ་འབར་བའི་ནང་དུ་བཞུགས་སུ་གསོལ་ཞེས་བརྗོད། དེ་ནས་སྲེག་རྫས་ཀྱིས་མཆོད་པ་ནི། སོ་སོའི་སྔགས་བརྗོད་ཅིང་བདུན་གསུམ་ཉི་ཤུ་རྩ་གཅིག་ཏུ་འབུལ་ལོ། །དེ་ནས་བསྟོད་པ་བྱ།དེ་ནི་དྲག་པོ་བྱ་བའི་ལས་བྱས་སོ། །དེ་ནས་སླར་གཤེགས་སུ་གསོལ། དེ་ནས་ཡང་མེ་སྦྱང་། དེ་ནས་ལྷ་ཕྱི་མ་རྣམས་སྤྱན་དྲངས་ཏེ། གོ་རིམ་གོང་མ་ལྟར་བྱའོ། །དྲག་པོ་ལས་ཀྱི་གོ་རིམ་ལས། མེ་སྦྱང་བ་དང་། སྤྱན་དྲངས་པ་དང་། གདན་དབུལ་ཞིང་བརྟན་པར་བཞུགས་སུ་གསོལ་བ་དང་། མཆོད་པ་འབུལ་བའི་ལེའུ་སྟེ་དང་པོའོ།། །།དེ་ནས་བསྟོད་པ་བྱ་བ་འདི་སྐད་དོ། །ཧཱུྃ་ཁྱོད་ནི་མགོན་པོ་རྡོ་རྗེ་འཛིན། །ཁྱོད་ནི་གླང་པོའི་རྣ་བ་ཅན། །ཁྱོད་ནི་བཟང་པོའི་རྒྱན་དང་ལྡན། །ཁྱོད་ནི་རྣམ་པར་གནོན་པ་ཡིན། །ཡོན་ཏན་རིན་ཆེན་འབྱུང་གནས་ཁྱོད། །ཁྱོད་ནི་བདེ་བ་སྦྱིན་པ་སྟེ། །ཁྱོད་ནི་གཟུགས་ནི་མཛེས་པའི་རྒྱན། །ཁྱོད་ནི་མེ་ལྷ་རལ་པ་ཅན། །ཁྱོད་ནི་གཟུགས་ནི་མཛེས་པ་ཡིན། །དེ་ནས་དྲག་པོ་སྦྱོར་བའི་ལས་དང་སླར་གཤེགས་སུ་གསོལ། དེ་ནས་ཡང་མེ་སྦྱང་། ཕྱི་མ་སྤྱན་དྲངས་གདན་དབུལ་བ་དང་། །བཞུགས་སུ་གསོལ་བ་དང་། སྲེག་རྫས་མཆོད་པ་རེ་རེ་དང་། རྩ་བའི་སྔགས་རེ་རེ་དང་སྦྱར་ཞིང་། བདུན་གསུམ་ཉི་ཤུར་དབུལ་ལོ། །རྡོ་རྗེ་སེམས་དཔའ་ཐུགས་རྗེས་འགྲོ་དོན་དུ། །འཇིགས་བྱེད་འབར་བའི་རོལ་པའི་སྐུར་སྟོན་པ། །ཡེ་ཤེས་བསྐལ་པ་མེ་ཆེན་འབར་བའི་འོད། །སྲིད་གསུམ་མ་རིག་མུན་བསལ་གཏིང་ནས་འཇོམས། །གཞན་གྱིས་མི་ཐུབ་སྐུ་གསུང་ཐུགས་དང་ལྡན། །ཁྲོ་རྒྱལ་ཐུགས་རྗེས་རོལ་ལ་ཕྱག་འཚལ་ལོ། །ཧཱུྃ་མི་གཡོ་མགོན་པོ་རི་རབ་འཛིན། །རྣམ་རྟོག་པ་ཡི་རླུང་ ― DNG008_Page_0642 ―
[མ་དཔེ་གཟིགས་ན་འདིར་གནོན།]
གིས་བསྐྱོད། །རྟོག་པའི་དྲ་བས་དཀྲིས་པའི་བདུད་རྣམས་འཇོམས། །སྲིད་གསུམ་བླ་མེད་གནས་སུ་སྒྲོལ་མཛད་པ། །དྲན་པས་རེ་བ་སྐོང་མཛད་པ། །ཡེ་ཤེས་འབར་བའི་དབྱིངས་ལ་ཕྱག་འཚལ་ལོ། །ཧཱུྃ་ཁྲོ་བོའི་རྒྱལ་པོ་འཇིགས་བྱེད་ཧཱུྃ་སྒྲ་ཅན། །ཐུགས་རྗེ་ཆེན་པོ་ཉོན་མོངས་ཀུན་གྱི་དགྲ། །མཆེ་བ་ཟིལ་གནོན་འཇིགས་བྱེད་རྒྱན་གྱིས་བཞུགས། །ཡན་ལག་དྲུག་ལྡན་འཇིགས་བྱེད་གཤིན་རྗེའི་གཤེད། །ཡེ་ཤེས་སྤྱན་གྱིས་མ་རིག་མུན་སེལ་བ། །གཞོན་ནུའི་ཚུལ་འཆང་ཉིད་ལ་ཕྱག་འཚལ་ལོ། །ཧཱུྃ་སྐུ་གསུང་ཐུགས་ཀྱི་བྱིན་རླབས་བསམ་མི་ཁྱབ། །མ་རིག་མུན་པ་སེལ་བའི་མཐུས་བརླབས་པ། །དད་པའི་ཚུལ་གྱིས་ཆོ་འཕྲུལ་སྟོན། །ཡེ་ཤེས་དབྱུག་པས་དུག་གསུམ་རྡུལ་དུ་རློག །ཐར་པའི་གནས་སུ་སྒྲོལ་བར་མཛད་པ་ཡི། །རྡོ་རྗེ་དབྱུག་ཏོ་བསྣམས་ལ་ཕྱག་འཚལ་ལོ། །ཧཱུྃ་ཡེ་ཤེས་ཧ་ཡ་གྲཱི་བ་རྟ་མཆོག་དཔལ། །སྐུ་མདོག་ཆགས་མེད་ནུབ་ཀའི་དམར་ཐག་འདྲ། །འབར་འཕྲོ་དབུ་སྐྲ་རལ་པ་གྱེན་དུ་བརྫེས། །མ་རིག་ཚངས་པ་ཁ་སྦུབས་བསྣོལ་བའི་ལྷ། །པདྨ་རིགས་སྔགས་རྒྱལ་ལ་ཕྱག་འཚལ་ལོ། །ཧཱུྃ་ཆགས་པའི་ཐབས་ལ་དབང་བསྒྱུར་བ། །པདྨ་འདམ་གྱིས་མི་གོས་དག་པ་བཞིན། །འདོད་ཆགས་ཀུན་ལ་དབང་བསྒྱུར་འབར་བའི་སྐུ། །མཐོང་ཐོས་དྲན་པས་རེ་བ་ཀུན་སྐོང་ཞིང་། །ཡེ་ཤེས་ནམ་མཁའ་ལྟ་བུར་དབང་བསྒྱུར་བ། །ཁྲོ་རྒྱལ་འདོད་པའི་དཔལ་ལ་ཕྱག་འཚལ་ལོ། །ཧཱུྃ་ཐབས་ཀྱིས་མ་རྨོངས་ཕྲིན་ལས་མཛད་པའི་རྟགས། །སྐུ་མདོག་དམར་ནག་བསྐལ་པའི་མེ་ལྟར་འབར། ། ཚིག་ཆད་སོང་། ཧཱུྃ་སྐུ་གསུང་ཐུགས་ཀྱི་བྱིན་རླབས་ཐུགས་རྗེས་རོལ། །སྲིད་པ་གསུམ་གྱི་སྐྱེ་གནས་རྡུལ་དུ་རློག །གཡོན་པས་ཞགས་པ་སྡིགས་མཛུབ་མེ་ལྟར་འབར། །ངན་སོང་གནས་ནས་འགྲོ་དྲུག་འདྲེན་ཅིང་སྒྲོལ། །ཡེ་ཤེས་མི་གཡོ་རྡོ་རྗེ་དྲག །འོད་ཕུང་བརྗིད་པས་དོན་མཛད་འབར་བའི་སྐུ། །ཁྲོ་རྒྱལ་ ― DNG008_Page_0643 ―
[མ་དཔེ་གཟིགས་ན་འདིར་གནོན།]
སྟོབས་པོ་ཆེ་ལ་ཕྱག་འཚལ་ལོ། །ཧཱུྃ་མ་ཆགས་པདྨ་འཁོར་ལོ་འབར་བའི་སྐུ། །ལོག་འདྲེན་བགེགས་ཀྱི་བདུད་དཔུང་འཇོམས་མཛད་པ། །ལོག་རྟོག་འདམ་སྐྱེས་བླ་མེད་གནས་སྟོབས་པ། །ཁྲོ་རྒྱལ་པདྨ་འཁྱིལ་ལ་ཕྱག་འཚལ་ལོ། །ཧཱུྃ་མཛད་གསང་བའི་མཛོད་འཛིན་པ། །དུས་གསུམ་རྒྱལ་བ་ཀུན་གྱི་ཐུགས། །ལྷ་དང་ལྷ་མིན་དབང་པོ་ཉེ་དབང་བཅས། །ང་རྒྱལ་མཐུ་བསྙེམས་དྲེགས་པས་ཁེངས་པ་ཡི། །སྲིད་གསུམ་གཙོ་བོ་དཔུང་དང་བཅས་པའི་ཚོགས། །བཛྲ་ཧཱུྃ་གིས་བདུད་དཔུང་འཇོམས་མཛད་ཅིང་། །ཐར་པའི་གནས་སུ་སྒྲོལ་བར་མཛད་པ་ཡི། །ཧཱུྃ་མཛད་འབར་བའི་དབྱིངས་ལ་ཕྱག་འཚལ་ལོ། །གོང་མ་བཞིན་དུ་ལྷ་རེ་རེ་ལ་བསྟོད་པའི་རྗེས་ལ་དྲག་པོའི་སྦྱིན་སྲེག་བྱའོ། །ལས་ཀྱི་རིམ་པ་ལས། བསྟོད་པའི་ལེའུ་སྟེ་གཉིས་པའོ།། །།དེ་ནས་དྲག་པོའི་སྦྱོར་བའི་ལས་བྱ་བ་ནི། འདི་སྐད་བརྗོད་དོ། །ཨེ་ཡི་ཚོགས་ཀྱི་དཀྱིལ་འཁོར་མཆོག །འབར་བའི་གཏུམ་ཆེན་འབར་བ་ལ། །ཁྲོ་བོའི་ཡིད་ཀྱིས་མཆོད་སྦྱིན་བྱ། །སངས་རྒྱས་བསོད་ནམས་སྐུ་ཡང་འཇིག །བདུད་རྩི་ལྔའམ་ཟག་རྫས་ལ། །མཚན་མའི་མིང་དུ་བཅས་པར་བྱ། །བཀུག་ནས་རྡོ་རྗེ་ཕུར་པས་བཏབ། །རྡུལ་དུ་བྱས་ལ་ཚོགས་སུ་བསྟབ། །སངས་རྒྱས་ཀུན་གྱི་སྐུ་གསུང་ཐུགས། །ཞེ་སྡང་རྡོ་རྗེ་འཁོར་བཅས་ཀུན། །འཇིག་རྟེན་ཁམས་ནི་རབ་འབྱམས་ཀུན། །ཁྲོ་བོ་ཆེན་པོའི་བྱིན་རླབས་ཀྱིས། །སྐད་ཅིག་ཡུད་ལ་བརླག་མཛད་དེ། །བརླག་པར་མ་གྱུར་གང་ཡང་མེད། །དར་ཕུ་ཙར་ཕུ་ནར་ཕུ་ཨ་བྷི་ཙ་ར་མཱ་ར་ཎ་ཧཱུྃ་ཕཊ། ཞེས་བསྐུལ་ལོ། །ཨེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་འདྲེལ་བསྡམས་ནས། །བཅིང་བསྒྱུར་བསྐྱོད་ནས་ཕྱོགས་བཅུར་གཡོས། །མྱོས་ནས་བསད་དེ་ཚིག་པར་འགྱུར། །ཞེས་བརྗོད་དོ། །ལས་ཀྱི་ལེའུ་ལས། དྲག་པོར་སྦྱོར་བའི་ལེའུ་སྟེ་གསུམ་པའོ།། །། ― DNG008_Page_0644 ―
[མ་དཔེ་གཟིགས་ན་འདིར་གནོན།]
དེ་ནས་ལྷ་ཚོགས་རེ་རེ་རྫོགས་པ་དང་། དྲག་པོའི་ལས་བྱ་བར་གསུངས་སོ། །དེ་ལ་དང་པོར་དྲང་བ་ནི། གོང་དུ་མཆོད་པའི་ཁྲོ་བོ་རྣམས། ཚིགས་སུ་བཅད་པས་རེ་རེ་ནས་བསྐུལ་ཏེ་འདི་སྐད་བརྗོད་དོ། །ཧཱུྃ་ཁྲོ་བོ་ཉི་མའི་དཀྱིལ་འཁོར་འོད་འབར་བ། །རྔམ་པའི་འོད་ཟེར་དཀྱིལ་ནས་གྲུབ་པ་ཐོག་ཐོག་འཕྲོ། །ཐུགས་རྗེས་གདུག་པ་འདུལ་དུ་གསོལ། །ཨཱརྱ་ཀྲོ་དྷ་ན་ཧཱུྃ་ཕཊ། ཁྲོ་ཆེན་མི་ཐུབ་འབར་བའི་སྐུ། །ཐུགས་རྗེའི་བྱིན་རླབས་དཔལ་གྱི་སྐུ་མངའ་བས། །ཐུགས་རྗེ་ཆེན་པོ་དབུ་གསུམ་སྡང་མིག་ཅན། །མཆེ་གཙིགས་རྩེ་ལས་རྡོ་རྗེ་གནམ་ལྕགས་འབེབས། །རྔམ་པའི་ཞལ་ནས་རྡོ་རྗེ་མེ་སྟག་འཕྲོ། །བདུད་འདུལ་རྒྱལ་པོ་གདུག་པ་འདུལ་དུ་གསོལ། །ཨཱོཾ་བཛྲ་ཀྲོ་དྷ་ནི། ཛྭ་ལ་ནི་ཏིད་པ་ཏ་ཧཱུྃ་ཕཊ། ཧཱུྃ་ཁམས་གསུམ་སྣང་མཛད་སྐུ་གསུང་ཐུགས་ཀྱི་གཙོ། །ཧཱུྃ་མཛད་ཧཱུྃ་གི་དབུ་ལ་རིགས་ལྔའི་སངས་རྒྱས་བཀོད། །ཧཱུྃ་གིས་དུས་གསུམ་རྒྱལ་བའི་གསུང་ལས་སྐྱེས་པ་ཡི། །མེ་དབལ་སྔོན་པོ་འབར་བའི་རང་བཞིན་ཅན། །མེ་དབལ་སྔོན་པོས་བགེགས་རྣམས་འདུལ་དུ་གསོལ། །ཏྲཻ་ལོཀྱ་བི་ཛ་ཡ་ཧཱུྃ་ཕཊ། ཧཱུྃ་མཛད་འཕགས་པ་ཏ་ཀྲྀཏ་མི་གཡོ་མགོན། །ཤེས་རབ་རལ་གྲི་བསྐལ་པའི་མེ་བཞིན་འབར། །མེ་ལྷ་རལ་པ་ཅན་དང་བིཥྞུ་སྐུ་ལ་བཞུགས། །མི་གཡོ་རལ་གྲི་འཛིན་པས་གདུག་པ་རྡུལ་དུ་བརླག །ཨཱརྱ་ཨ་ཙ་ལ་ཀྲོ་དྷ་ནི་ཧཱུྃ་ཕཊ། ཧཱུྃ་མཛད་རིན་ཆེན་མཆོག་སྟེ་ཡ་མ་གཤིན་རྗེའི་གཤེད། །བྱམས་དང་ཐུགས་རྗེ་ལྡན་པའི་འཇམ་དཔལ་རྣོན་པོ་ཡིས། །མ་རིག་དུག་གསུམ་དྲ་བ་གཅོད་མཛད་པའི། །དམ་ཚིག་སྒྲོལ་བར་མཛད་ཅིང་དཔལ་གྱི་གནས་སུ་འདོན། །བརྗིད་པ་མ་ཧེའི་སྒྲོམ་དུ་ཁེངས་པ་གཟིར། །གཤིན་རྗེ་ཐོད་དབྱུག་འབར་བས་བདུད་འདུལ་མཛད། །ཡ་མཱན་ཏ་ཀྲྀད་ཀྲོ་ཏ་པ་ཙ་པ་ཙ་ཧཱུཾ་ཕཊ། ཧཱུྃ་མཛད་ཏ་ཀྲྀད་དབྱུག་སྔོན་འབར་བའི་སྐུ། །དབྱུག་སྔོན་འབར་བ་དང་ནི་རྡོ་རྗེ་ཞགས་པས་སྡིགས། །རྒྱུ་ཚིལ་རྐང་ ― DNG008_Page_0645 ―
[མ་དཔེ་གཟིགས་ན་འདིར་གནོན།]
དང་ཁོང་ཁྲག་དམར་པོ་གསོལ། །རི་རབ་རྒྱ་མཚོ་འདྲིལ་ཞིང་ཧ་ལའི་དུག་ཀྱང་གསོལ། །ཆུ་སྲིན་རྒྱལ་པོའི་གཙུག་ནས་ཡིད་བཞིན་འབར་བ་ཕྲོགས། །ཏ་ཀྲྀཏ་དབྱུག་སྔོན་ཅན་གྱིས་འདུལ་བར་མཛོད། །ནཱི་ལ་དཎྜ་ཀྲོ་དྷ་ད་ཧ་ད་ཧ་ཧཱུྃ་ཕཊ། ཧཱུྃ་མཛད་རིག་པའི་རྒྱལ་པོ་རྟ་མགྲིན་འཕགས་པའི་སྐུ། །ཨསྨ་གར་བྷའི་དཀྱིལ་ནས་རྡོ་རྗེ་འབར་མ་འདྲེན། །དབུ་ལ་རྟ་སྐད་རྔམ་ཞིང་འཚེར་བས་ནི། །སྟོང་གསུམ་གཡོ་ཞིང་ཀླུ་རྒྱལ་འདུལ་བར་མཛད། །ཁྱོད་ཀྱིས་ལྷ་མ་ཡིན་གྱིས་སྡུག་བསྔལ་སྦྱང་དུ་གསོལ། །ཧ་ཡ་གྲཱི་བ་ཧུ་ལུ་ཧུ་ལུ་ཧཱུྃ་ཕཊ། ཧཱུྃ་མཛད་ཏ་ཀྲྀཏ་རྒྱལ་པོ་འབར་བའི་སྐུ། །ཕྱག་ན་གདུག་པའི་མཚོན་ཆ་ལྕགས་ཀྱུ་འབར་བ་འཛིན། །དམ་ཚིག་འདྲལ་བ་བསྒྲལ་ཏེ་སྙིང་དང་ཐོད་ཁྲག་གསོལ། །བགེགས་ཀྱི་སྙིང་ནས་དྲངས་ཏེ་ཁྲག་འཐུང་ཐལ་བར་བརླག །ཕྲ་མེན་ཀུན་དང་རོལ་པས་དུག་གི་སྤྲུལ་པས་ནམ་མཁའ་འགེངས། །མེ་ཡི་སྐྱེ་མཆེད་གདུག་པ་འདུལ་བའི་དུས་ལ་བབ། །ཊཱ་ཀི་རཱ་ཛ་ཙྪིནྡ་ཙྪིནྡ་ཧཱུྃ་ཕཊ། ཧཱུྃ་མཛད་བདུད་རྩི་འཁྱིལ་པའི་དཔལ་འབར་ལས་ཀྱི་སྐུ། །ཕྱག་ན་རྡོ་རྗེ་རྒྱ་གྲམ་དང་ནི་བདུད་རྩིའི་བུམ་པ་འཛིན། །དངོས་གྲུབ་དཔལ་གྱི་བདུད་རྩི་མཆོག་གསོལ་བ། །ཧཱུྃ་མཛད་བདུད་རྩི་འཁྱིལ་ལ་ཕྱག་འཚལ་ལོ། །ཁྱོད་ཀྱིས་གནོད་སྦྱིན་གདུག་པ་གདུལ་དུ་གསོལ། །་ཨ་མྲྀ་ཏ་ཀུཎྜ་ལི་ཙྪིནྡ་ཙྪིནྡ་ཧཱུྃ་ཕཊ། ཧཱུྃ་མ་ཧཱ་བ་ལ་འཕགས་པའི་སྐུ། །ཕྱག་ན་རྔ་ཡབ་དང་ནི་ཀླུ་ཡི་རྒྱལ་པོ་འཛིན། །མཆེ་གཙིགས་རྩེ་ལས་རྡོ་རྗེ་གནམ་ལྕགས་འབེབས། །བགེགས་ཀྱི་རྒྱལ་པོ་བི་ནཱ་ཡ་ཀ་གནོན། །བཙུན་མོ་འཕྲོག་ཅིང་སྦྱོར་བའི་ཐབས་ཀྱིས་རོལ། །ཁྲོ་རྒྱལ་སྟོབས་པོ་ཆེ་ཡི་ཐུགས་དམ་བསྐུལ། །མ་ཧཱ་བ་ལ་སྥོ་ཊ་སྥོ་ཊ་ཧཱུྃ་ཕཊ། ཁྲོ་བོའི་རྒྱལ་པོ་ཀ་མ་ལ་ཡི་མཚན། །ཁྲོས་པའི་སྤྱན་བགྲད་སྨིན་མ་གློག་བཞིན་འགྱུ། །དབུ་གསུམ་ཕྱག་དྲུག་འཚེར་བས་བདུད་འཁྱིལ་མུན་ཁང་འཇོམས། །གཟི་བྱིན་འབར་བས་ནམ་མཁའ་ཁེངས། །ཕྱག་དྲུག་མཚོན་ ― DNG008_Page_0646 ―
[མ་དཔེ་གཟིགས་ན་འདིར་གནོན།]
ཆས་དམྱལ་བའི་སྡུག་བསྔལ་སེལ། །ཞབས་དྲུག་འཚེར་བས་ངན་སོང་ཀུན་བསྒྲལ་ཏེ། །ཐུགས་རྗེ་ཐབས་ཀྱིས་འགྲོ་བའི་དོན་རྣམས་མཛོད། །ཀ་མ་ལ་ཀུཎྜ་ལི་ཧཱུྃ་ཕཊ། ཧཱུྃ་མཛད་ཧཱུྃ་གི་རྒྱལ་པོ་ཧཱུྃ་ཀཱ་ར། ཧཱུྃ་ནི་མི་སྐྱེ་པ་ཡི་ཆོས་ཉིད་ཅན། ཧཱུྃ་ནི་དུས་གསུམ་རྒྱལ་བའི་གསུང་ལས་སྐྱེས། །མེ་དབལ་སྔོན་པོ་འབར་བའི་རང་བཞིན་ཅན། །གོམས་པའི་སྟབས་ཀྱིས་བརྐྱང་བསྐུམ་གར་བྱེད་ཅིང་། །རྒྱལ་བ་ཧཱུྃ་ཀཱ་ར་ཡི་ཐུགས་དམ་བསྐུལ། །ཧཱུྃ་ཀཱ་ར་གར་ཛ་གར་ཛ་ཧཱུྃ་ཕཊ། ཅེས་བརྗོད་ལ་འགུགས་འདྲེན་དྲག་ཏུ་བྱའོ། །དྲག་པོ་ལས་ཀྱི་ལེའུ་ལས། སྐུལ་བ་འགུགས་འདྲེན་གྱི་ལེའུ་སྟེ་དང་པོའོ།། །།དེ་ལྟར་འགུགས་འདྲེན་ལག་ན་ཕུར་པའི་ལས་བྱ་བ་ནི། ལྕགས་སྣ་ལྔའམ་ཤིང་ཚེར་མ་ཅན་ལ་སོགས་པས་སོར་བརྒྱད་དང་བཅུ་གཉིས་པར་བྱས་ལ། མགོ་མཇུག་མ་ནོར་བར་རྩ་བའི་ངོས་སུ་མགོ་བྱས་ཏེ། མགོ་སོར་གཅིག་ལ་རྒྱ་མདུད།སྟོད་ཟུར་བརྒྱད། རྐེད་པ་སོར་གཅིག་ལ་རྒྱ་མདུད། སྨད་ཟུར་གསུམ་པར་བྱས་པ་ལ། དང་པོ་ཁོ་ནར་སྟོང་པ་ཉིད་དུ་བསྒོམས་ཏེ། ཆོས་ཀྱི་སྐུར་བྱིན་གྱིས་བརླབ། དེ་ནས་སྤྱི་བོའི་རྒྱ་མདུད་གཞལ་ཡས་ཁང་དུ་བསྒོམ། ཕྱོགས་བཞི་དབུས་དང་ལྔར་ཧཱུྃ་བསྒྲིལ་མ་ལྔར་བསྒོམ། དེ་ལས་དཔལ་ཧེ་རུ་ཀ་དང་ཁམས་གསུམ་རྣམ་པར་རྒྱལ་བ་དང་། གཤིན་རྗེའི་གཤེད་པོ་དང་རྟ་མགྲིན་དང་།སྟོབས་པོ་ཆེ་དང་། འདི་རྣམས་སོ་སོའི་སྙིང་པོ་བརྗོད་པས། ཡུམ་དང་གཉིས་སུ་མེད་པར་བསྒོམ་མོ། །དེ་ནས་ཧེ་རུ་ཀའི་ཐུགས་ཀ་ནས་ཧཱུྃ་མཐིང་ནག་ལས་སྲས་ཕུར་བུ་སྐྱེས་ཏེ། ལྟོ་བ་མན་ཆད་མཐིང་ནག་ལ། དབུ་རལ་པ་ཁམ་ནག་ཟུར་གསུམ་དུ་འགྲེང་བ། སྦྲུལ་དཀར་ནག་གིས་བརྒྱན་པ། ཐོད་རློན་གྱི་ཕྲེང་བས་བརྒྱན་པ། སྤྱན་གསུམ་བགྲད་ནས་གཡོན་དུ་གཟིགས་པ། མཆེ་བ་གཙིགས་ནས་ཞལ་རྔམས་པ། ཕྱག་བཞི་པ་ལ་དང་པོ་གཉིས་ན་དགྲ་སྟྭ་རྡོ་རྗེ་བསྣམས་པ། འོག་མ་གཉིས་ན་རི་རབ་ཕུར་བུ་ཟུར་གསུམ་ ― DNG008_Page_0647 ―
[མ་དཔེ་གཟིགས་ན་འདིར་གནོན།]
བསྣམས་པ། སྟོབས་དང་མཐུ་དཔུང་ལ་སོགས་པ་ནི་ཁྲོ་བོ་ཐམས་ཅད་འདུས་པ་ལས་ཀྱང་ཆེ་བ་གཅིག་བསྒོམ་མོ། །དེ་ཡི་གནས་ལྔར་འབྲུ་ལྔས་བྱིན་གྱིས་བརླབ། སྐུ་གསུང་ཐུགས་སུ་བྱིན་གྱིས་བརླབ།དེ་ནས་ལག་གི་འདུ་ཤེས་ཀྱི་བྱིན་གྱིས་བརླབས་ཤིང་དབང་བསྐུར་ལ། འདི་སྐད་བརྗོད་དོ། །ལྕགས་སམ་དྲག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ཁྲོ་བོ་ཁྲོ་མོའི་འཁོར་བསྒོམས་ནས། །དྲག་པོར་གྱུར་པའི་ཕུར་པ་སྟེ། །བཏབ་ན་ལྷ་ཡང་བརླག་པར་འགྱུར། །གདུག་རྩུབ་གཞན་ལྟ་སྨོས་ཅི་དགོས། །བཛྲ་ཀྲོ་དྷ་ཁཱ་ད། ཙྪིནྡ་ཙྪིནྡ་ཧཱུྃ། མཱ་ར་ཎ་མཱ་ར་ཎ་ཧཱུྃ་ཕཊ། ཞེས་བརྗོད་དེ་གདབ་བྱའི་གནས་ལྔར་གདབ་བོ། །གཞན་ཡང་ཕུར་པའི་རྒྱུད་ལས་བྱུང་བ་བཞིན་བསྐུལ་ཞིང་གདབ་བོ། །དྲག་པོ་ལས་ཀྱི་ལེའུ་ལས། བསད་པའི་ཕུར་བུའི་ལེའུ་སྟེ་གཉིས་པའོ།། །།དེ་ནས་བརྡུང་བའི་ལས་ནི་ལྕགས་སམ། རྡོ་ནག་པོའི་གཏུན་ཁུང་གྲུ་གསུམ་ནང་དུ། གང་ལ་བྱ་བའི་གཟུགས་བཅུག་ལ། ལྕགས་སམ། སེང་ལྡེང་ངམ།ཤིང་ཚེར་མ་ཅན་གྱི་གཏུན་བུས་ཞིབ་ལེགས་སུ་བརྡུང་ཞིང་། ཐབས་དང་ཤེས་རབ་ཀྱི་མཚན་ཉིད་དུ་རྟོགས་པར་བྱས་ལ། འདི་སྐད་བརྗོད་དེ། ལྕགས་སམ་ནག་པོའི་གཏུན་ཁུང་ནི། །ཁྲོ་མོ་རྣམས་ཀྱི་གཏུན་ཁུང་དུ། །ཁྲོ་བོའི་ཐོ་བས་བརྡུངས་བྱས་ན། །དྲག་པོར་གྱུར་པའི་ཐོ་བ་སྟེ། །བརྡུང་ན་ལྷ་ཡང་བརླག་པར་འགྱུར། །བརླག་པར་མ་གྱུར་གང་ཡང་མེད། །གནོད་བྱེད་གཞན་ལྟ་ཅི་ཞིག་སྨོས། །བཛྲ་ཁ་ཐཾ་བཛྲ་ཀྲོ་དྷ་ཁ་ཐཾ། མཱ་ར་ཎ་ཁ་ཐཾ། ཞེས་བརྡུང་ངོ་། །དྲག་པོའི་ལས་ལས། གསད་པའི་བརྡུང་བའི་ལེའུ་སྟེ་གསུམ་པའོ།། །།དེ་ནས་དྲག་པོ་གཏོར་མའི་ལས་ནི། ལྕགས་སམ་ཤིང་ཚེར་མ་ཅན་གྱི་སྣོད་གྲུ་གསུམ་དུ། ལྕགས་ཕྱེ་དང་ཟངས་ཕྱེ་དང་རྡོ་ཕྱེ་དང་། དུག་སྣ་ཚོགས། ནས་ནག་གམ་སྲན་ཕྱེ་རྣམས་བསྲེས་ལ། ཁྲག་སྣ་ཚོགས་དང་བསྲེས་ལ་ ― DNG008_Page_0648 ―
[མ་དཔེ་གཟིགས་ན་འདིར་གནོན།]
གཏོར་མ་བྱ། ཁ་སླེའུ་ནག་གིས་བཅད་ལ། གང་ལ་བྱ་བ་དེ་ཁུག་པ་དང་། གཏོར་མ་ཁ་ཕྱེ་བས་དུག་གི་རླངས་པས་ཤི་བར་བསམས་ལ། གང་ལ་བྱ་བ་ལ་གཏོར་བས་ལུས་ངག་རྡུལ་དུ་བརླག་པར་བསམས་ལ། འདི་སྐད་བརྗོད། ལྕགས་ཕྱེ་དུག་དང་རྡོ་ཕྱེ་རྣམས། །ཁྲག་གིས་སྦྲུས་པའི་གཏོར་མ་སྟེ། །མ་རྒ་ཅན་དང་སྦྱར་བ་དག །དྲག་པོར་གྱུར་པའི་གཏོར་མ་སྟེ། །སྦྱོར་བས་དེ་གཏོར་བརླག་པར་གྱུར། །བརླག་པར་མ་གྱུར་གང་ཡང་མེད། །ཙ་ར་ན་མཱ་ར་ཎ་ཕཊ། ཏྲ་ག་ཁཾ་མཱ་ར་ཎ་ཕཊ། ཅེས་བརྗོད་ལ་གཏོར་རོ། །དྲག་པོའི་ལས་ལས། བཤིག་དྲལ་གཏོར་མའི་ལེའུ་སྟེ་བཞི་པའོ།། །།དེ་ནས་གཏུབ་པའི་ལས་ནི། གཏན་པ་དྲག་པོའི་ཤིང་ལས་གྲིའམ་རལ་གྲི་ལྕགས་སྣ་ལས་བྱས་པ་སྐུ་གསུང་ཐུགས་དང་ལྡན་པའམ། ཡེ་ཤེས་ཀྱི་མཚོན་ཆར་དམིགས་ལ། གང་ལ་བྱ་བའི་གཟུགས་དུག་གསུམ་གྱི་གཞི་མོ་རྩད་ནས་གཅད་པར་དམིགས་ལ་གཏུབ་སྟེ་འདི་བརྗོད་དོ། །ང་ནི་དུས་གསུམ་བཞུགས་པ་ཡི། །སངས་རྒྱས་ཡིན་ཏེ་ཡེ་ཤེས་སྐུ། །ཡེ་ཤེས་སྤྲུལ་པའི་བྱིན་རླབས་ལས། །ཡེ་ཤེས་རྣོ་དབལ་མཚོན་ཆ་སྟེ། །དྲག་པོར་གྱུར་པའི་མཚོན་ཆ་འདིས། །འདོད་ཆགས་ཞེ་སྡང་གཏི་མུག་རྒྱུ། །འབྲས་བུ་ངན་སོང་གསུམ་དུ་འཁོར། །ལོག་རྟོག་འཁོར་བ་རྒྱུན་གཅོད་དོ། །ཙཀྲ་ཨོཾ་བྲུཾ་ཙཀྲ་ཧཱུཾ་བྲུཾ་ཙཀྲ་སྭཱ་བྲུཾ། ཙཀྲ་ཧྲཱྀཿབྲུཾ། ཙཀྲ་ཧཱ་བྲུཾ།བཛྲ་ཁཌྒ། ཙྪིནྡ་ཧ་ན་ཧཱུྃ་ཕཊ། ཞེས་ལུས་དུམ་བུར་གཏུབ་བོ། །དྲག་པོའི་ལས་ལས། གཏུབ་པའི་ལེའུ་སྟེ་ལྔ་པའོ།། །།དེ་ནས་བསྟབ་པའི་ལས་ནི། གཟུགས་ཀྱི་ཕུང་པོ་ནི། མཆོད་པའི་རྫས་སུ་བསྔོ་སྟེ། རྒྱལ་བ་རིགས་ལྔའི་གདན་ཁྲིར་གྱུར་པར་བསྔོ། སེམས་ནི་རྒྱལ་བའི་སྲས་སུ་བསྐྱེད་པ་འདི་སྐད་དོ། །འདོད་ཆགས་ཞེ་སྡང་གཏི་མུག་རྒྱུ། །འབྲས་བུ་ངན་སོང་གསུམ་དུ་འཁོར། །དུག་གསུམ་རྒྱུ་འབྲས་སྦྱར་བའི་ཕྱིར། ། ― DNG008_Page_0649 ―
[མ་དཔེ་གཟིགས་ན་འདིར་གནོན།]
ཤ་རུས་ལ་སོགས་ཁྲག་བཅས་བསྟབ། །དེ་ནས་གནས་སྤར་བ་ནི། འདི་སྐད་དུ། དྲག་པོའི་ལས་ཀྱིས་བསྒྲལ་བ་རྣམས། །འཁོར་བའི་ལམ་རྣམས་སྒོ་བཅད་དེ། །རྣམ་ཤེས་ཧཱུྃ་གིས་བསྡུས་ནས་ནི། །ཧཱུྃ་གིས་ངན་སོང་སྟོངས་པར་བྱེད། །ཆགས་པའི་བདེ་བ་བླ་ན་མེད། །རྒྱལ་བ་ཐམས་ཅད་ཧཱུྃ་གིས་བསྐྱེད། །འོག་མིན་བླ་ན་མེད་པའི་གནས་མཆོག་ཏུ། །ཁྲོ་བོ་དང་ནི་ཁྲོ་མོ་ཡི། །སྦྱོར་བའི་མཚམས་སུ་ཕཊ་ཀྱིས་འཕང་། །ཧོ་ཡིས་གཡེང་ཞིང་ཡཾ་གིས་འདེགས། །ཞེས་བརྗོད་ལ་སྤར་ནས་ཧཱུྃ་གིས་བསྟབ་པོ། །ཏ་ཐཱ་ག་ཏ། བཛྲ་ར་ཙ་རཏྣ་ར་ཙ་ཞེས་གནས་སྤར་རོ། །དྲག་པོའི་ལས་ལས། གནས་སྤར་བའི་ལེའུ་སྟེ་དྲུག་པའོ།། །།དེ་ནས་དྲག་པོ་སྦྱོར་བའི་ལས་ནི། གཟུགས་གཏུབས་པ་ལྟར། དུག་གཏོར་གཉིས་བསྲེག་མ་ཐག་ཏུ་གཏོར་བས། ཡེ་ཤེས་ཀྱི་མེས་བག་ཆགས་དང་བཅས་པ་ཐུལ་གྱིས་བསྲེག་པར་བསམས་ལ་འདི་སྐད་དོ། །རྡོ་རྗེའི་ཐུགས་རྗེའི་བྱིན་རླབས་ཀྱིས། །འཇིག་རྟེན་ཁམས་ནི་རབ་འབྱམས་ཀུན། །རྡོ་རྗེ་གཏུན་ཁུང་ལྡན་བྱས་ཏེ། །དྲག་པོའི་མཐུ་ཡིས་ལྡན་པར་མཛོད། །ཞེ་སྡང་རྡོ་རྗེ་འཁོར་བཅས་ཀྱིས། །འཇིག་རྟེན་ཁམས་ནི་མ་ལུས་ཀུན། །སྐད་ཅིག་ཡུད་ལ་བརླག་པར་མཛོད། །བརླག་པར་མ་གྱུར་གང་ཡང་མེད། །དར་པཱུ་ཙར་པཱུ་ནར་པཱུ་ཨ་བྷི་ཙ་ར། མཱ་ར་ཎ་ཕཊ། ཆེ་གེ་མོ་ཞིག་མཱ་ར་ཎ་ཕཊ། ཅེས་བརྗོད་དོ། །དྲག་པོའི་ལས་ལས། རྗེས་དྲག་པོའི་ལས་བསྡུས་པའི་ལེའུ་སྟེ་བདུན་པའོ།། །།དེ་ནས་རྫོགས་ནས་ལས་ཀྱི་ལྷག་ཆད་སྐོང་བའི་ཕྱིར། མེ་ལྷ་ལན་གཅིག་སྤྱན་དྲངས་ནས། དཀྱིལ་འཁོར་དུ་བཞུགས་སུ་གསོལ། མཆོད་པ་རྣམ་པ་ལྔ་དང་། སྦྱིན་སྲེག་གི་རྫས་ཅི་ལྷག་པས་མཆོད་དེ། ལས་མ་དག་པ་བཟོད་པར་གསོལ།མེ་ལྷ་སླར་གཤེགས་སུ་གསོལ། དེ་ནས་དཀྱིལ་འཁོར་གྱི་ལྷ་བྱིན་ལ་བཟོད་པར་གསོལ་ཏེ། མ་རིག་བདག་ ― DNG008_Page_0650 ―
[མ་དཔེ་གཟིགས་ན་འདིར་གནོན།]
ཅག་ལུས་དང་ངག་སེམས་ཀྱིས། །བག་མེད་ཚུལ་གྱིས་དམ་ལས་འགལ་གྱུར་ཏེ། །རྒྱལ་བ་རྒྱ་མཚོའི་ཐུགས་དང་ཅི་འགལ་བ། །ཐུགས་རྗེའི་ཆེ་མངའ་ཁྱེད་ལ་བཟོད་པར་གསོལ། །ཁྱེད་ཀྱི་ཐུགས་རྗེ་ནམ་མཁའི་མཐའ་དང་མཉམ། །འགྲོ་ལ་ཕན་ཕྱིར་ཚངས་པ་སྩལ་དུ་གསོལ། །དེ་ལྟར་བཤགས་པ་བགྱིས་ཏེ་བཟོད་པར་གསོལ། །དྲག་པོའི་ལས་ཀྱི་ལྷག་ཆད་བསྐང་བའི་ལེའུ་སྟེ་བརྒྱད་པའོ།། །།དེ་ནས་མནན་པའི་ཆོ་ག་བགྱི་སྟེ། ཧོམ་ཁུང་གི་ནང་དུ་ཐོད་ཆེན་ནམ།ཕག་ཐོད་བཅུག་ལ། ཐོད་པའི་ནང་དུ་དགྲ་བགེགས་ཀྱི་མིང་རུས་བཅུག་སྟེ།གཡམ་པ་སྔོན་པོ་ལ་དབུས་སུ་འཁོར་ལོ་བྲི། ཕྱོགས་བཞིར་རྒྱ་གྲམ་བྲི། ཟུར་བཞིར་རི་རབ་བྲིས་ལ་མནན་ནོ། །ཚིག་ཏུ་ཡང་། མནན་ནོ་རི་རབ་བརྗིད་ཀྱིས་མནན། །བསྐྱོན་ནོ་འཁོར་ལོའི་རྩིབས་ལ་བསྐྱོན། །འཕང་ངོ་རྒྱ་མཚོའི་གཏིང་དུ་འཕང་། །སྦྱིན་ནོ་གནོད་སྦྱིན་ཟས་སུ་སྦྱིན། །གཏད་དོ་གཤིན་རྗེའི་ལག་ཏུ་གཏད། །དཔག་ཚད་ལྔ་བརྒྱའི་འོག་ཤེད་ན། །གཤིན་རྗེའི་རྒྱལ་པོས་ཆོས་འཆད་ཀྱིས། །དེ་ཡི་དྲུང་དུ་ཆོས་ཉོན་ཅིག །བྱང་ཆུབ་སེམས་ནི་མ་སྐྱེས་ཚེ། །ནམས་ཀྱང་གཏང་བར་མི་བྱའོ། །ནམ་ཞིག་བྱང་ཆུབ་སེམས་སྐྱེས་ནས། །དེ་ཚེ་གནས་ངན་དེ་ལས་དྲང་བར་བྱ། །ཨཱོཾ་ལཾ་སུཾ་ལཾ་པྲཾ་ལཾ། པྲ་ཏི་ཏ་ནན། བྱི་ཙི་ཡ་སུཾ་བྷ་ཡ། མོ་ཧཱ་ཡ། གྷ་ཏ་ཡ། བག་མ་ནི། པ་ཙ་ལཾ་ལཾ་ལཾ། མཱ་ར་ཎ་ནན་ནན་ནན།དྲག་པོའི་ལས་ལས། མནན་པའི་ལེའུ་སྟེ་དགུ་པའོ།། །།རྡོ་རྗེ་དུར་མོའི་མ་རྒྱུད་ལས། ཁྲོ་བོའི་ལས་རྫོགས་སོ།། །།དེ་ནས་དཔལ་རྡོ་རྗེ་སེམས་དཔས་ལས་རྣམ་བཞིའི་ཚུལ་གྱིས་ཧོམ་བྱ་བ་འདི་གསུངས་སོ། །ཐོག་མར་ལས་གང་བྱེད་པའི་ཁ་དོག་བཞིན། ཕྱག་རྒྱ་ཆེན་པོར་བསྒྱུར་ཞིང་གནས་བསྲུང་། བླ་འོག་ཕྱོགས་བཞི་བྱིན་གྱིས་བརླབས་ཏེ། རེ་ཞིག་ལས་གང་བྱ་བ་མ་ཟིན་གྱི་བར་དུ། བར་ཆད་མི་འབྱུང་བར་བྱ་བའི་ཕྱིར། གདོན་ ― DNG008_Page_0651 ―
[མ་དཔེ་གཟིགས་ན་འདིར་གནོན།]
བགེགས་རྒྱང་གྲགས་གཅིག་ཚུན་ཆད་མི་འདའ་བར་མཚམས་བཅད། མཆོད་པའི་ཡོ་བྱད་སྦྱར་ཏེ། ལྷ་བཤོས་དང་མཆོད་གཏོར་དང་ལན་ཆགས་ཀྱི་གཏོར་མ་དང་། མེའི་མཆོད་པའི་རྐྱེན། ཕྱེ་མར་དང་། མར་ཁུ་དང་། སྨན་དྲི་ཆུ་ཡན་ཆད་བཤམས་ཏེ། ཧོམ་གྱི་ཡོ་བྱད་སྦྱར་བ་ལ། མེ་སྔར་ལ་མ་རིག་པར་བྱས་ལ། འཕགས་པ་རྣམས་སྤྱན་དྲངས་ཏེ། མཆོད་ཅིང་གཏོར་མ་མཆོད་གཏོར་བསྔོ་སྟེ། ལས་མ་ཟིན་གྱི་བར་དུ་མི་དགྱེ། ཕྱི་གཏོར་ནི་འཕྲལ་དུ་དགྱེ།འཕགས་པ་མན་ཆད་དང་། ཕྱི་གཏོར་དུ་བསྡུས་པ་རྣམས་ལ་ཡང་འདི་སྐད་དུ།དེང་གནོད་བྱེད་ཐམས་ཅད་བཀུག་ཅིང་། སྦྱིན་སྲེག་མཛད་དུ་གསོལ། ཕན་གནོད་བྱེད་པ་རྣམས་མཚམས་བཅད། ཕྲིན་ལས་མ་རྫོགས་ཀྱི་བར་དུ་མི་གཤེགས་པར་སྟོང་གྲོགས་མཛོད་ཅིག་ཅེས་བཅོལ་ལ། བདག་གིས་ཀྱང་དེ་བཞིན་དམིགས།ཧོམ་ཁུང་ཟུར་གསུམ་ཚད་བཞིན་བརྐོས་ལ། ཁ་ཚན་བསྐོར་མཎྜལ་ཞེང་ཁྲུ་གང་ཙམ་ཞིག་བགྱིས་ལ། ཚོན་མཐིང་ནག་དགྱེ་སྟེ། དེའི་སྟེང་དུ་ཚོན་དམར་པོས་འོད་འབར་བྲི། རྡོ་ཟུར་གསུམ་གཅིག་ལ། ཨཱོཾ་ཨཱཿཧཱུྃ་ཟུར་རེ་རེར་བྲིས་ལ། ཧོམ་ཁུང་གི་ཞབས་སུ་བཞག །དེ་ནས་ཤིང་རློན་པ་སྐྱེར་པ་དང་། གླ་བ་དང་།ཤུག་པ་དང་། སེང་ལྡེང་དང་སྦྱར་བ་དང་། ཐང་ཤིང་རྣམས་ཕྲེང་གཅིག་ཏུ་གཤགས་ལ་སྲིད་དུ་ཁྲུ་རེ་རེ་ཡམ་ཤིང་སྐམ་པོ་གོང་མ་དང་། མཉམ་པོར་བགྱིས་ལ། འདི་རྣམས་ཧོམ་ཁུང་དུ་འགྲེང་བུར་བརྫང་ཞིང་། བྱིན་གྱིས་བརླབ་པའི་སྙིང་པོ།ཨཱོཾ་ཧི་ས་ཞེས་བརྒྱ་རྩ་བརྒྱད་མན་ཆད། སུམ་ཅུ་ཡན་ཆད་བཟླས་ཤིང་བརྫངས་ལ།ཡམ་ཤིང་གི་དབུས་སུ་རྫང་མའི་སོལ་བ་ཉུང་ཤས་བླུགས་ལ། པགས་པ་ནག་པོའམ་སྣམ་བུ་ནག་པོས་ཁ་བཅད་དེ། མེ་སྤར་ནས་དར་ནག་པོ་ཁ་གང་མདའ་ལ་བཏགས་ནས། མེ་དག་གི་ཉམས་དང་སྦྱར་ཏེ་ས་བོན་མཐེ་བོང་ཙམ་བག་ཀ་ཙམ་ཅིག་གསལ་ལ། ― DNG008_Page_0652 ―
[མ་དཔེ་གཟིགས་ན་འདིར་གནོན།]
ཧོམ་ཁུང་གི་ཟུར་གསུམ་དུ་ཆུ་བླུགས་ལ། མེ་ཉམས་ཆེ་ན་ཆུས་གང་། མི་ཆེ་ན་མེ་ལ་མ་ཐུག་ཙམ་མམ་ཕྱེད་མན་ཆད་བཀང་ལ། ཧ་ཧ་ཧ་ཞེས་ལན་གསུམ་བརྗོད་ལ། མེ་ལྷ་ནག་པོ་འཁོར་དང་བཅས་ཏེ་བྱོན་ནས། མཉེས་ཤིང་མདངས་ཕྱུང་བར་བསམས་ནས། ཤར་ཕྱོགས་ནས་མེ་ལྷ་དཀར་པོ་སྐུ་དཀར་སེར་དབུ་རལ་པ་ཅན་ཕྱག་ན་བ་དན་དཀར་པོ་ཐོགས་པ། སྐྱིན་ཁམ་པ་ལ་ཞོན་པ། ལྷོ་ཕྱོགས་ཀྱི་མེ་ལྷ་ནག་པོ་ཨགྣི་སྐུ་མདོག་སྔོན་པོ་དབུ་གསུམ་རལ་པ་མདུན་དུ་འཁྱིལ་པ། ཕྱག་ན་རྡོ་རྗེ་རྩེ་ལྔ་ཐོགས་པ། སྐྱིན་སྔོན་པོ་རུ་གཅིག་ལ་ཞོན་པ།ནུབ་ཕྱོགས་ཀྱི་མེ་ལྷ་དམར་པོ་རལ་པ་ཅན། ཕྱག་ན་བ་དན་དཀར་པོ་ཐོགས་པ།ཤིང་རྟ་ལ་བཅིབས་པ། བྱང་ཕྱོགས་ཀྱི་མེ་ལྷ་ལྗང་གུ་གསུས་པོ་ཆེ། ཕྱག་ན་དབྱུག་པ་ཐོགས་པ། ཀླུ་ལུག་གྲོ་མོ་རྭ་ལྟག་པ་གཡས་སུ་འཁྱིལ་པ་ལ་ཞོན་པ།འདི་རྣམས་ཕྱོགས་བཞི་ནས་ལྕགས་ཀྱུས་དྲངས་ནས་སྐུ་ལས་མེ་འབར་ཞིང་ཧོམ་ཁུང་ནང་དུ་བྱོན་ཏེ། ཞལ་ནས་ཧཱུྃ་དང་ཕཊ་ཀྱི་སྒྲ་སྒྲོགས་ཤིང་། ཧ་ཧ་ཧ་ཞེས་གསུངས་པས། སྐུ་དང་ཞལ་གྱི་ནང་ནས་མེ་ལམ་ལམ་འབར་ཞིང་བྱོན་པས་བྱིན་གྱིས་བརླབ་པར་བསམ། མེ་ལྷ་ཆེན་པོ་ཀོའུ་རཱི་དང་། ཙོའུ་རཱི་དང་། པྲ་མོ་ཧཱ་དང་། པུཀྐ་སཱི་དང་། ཨགྣེ་དང་། ཙུནྡཱ་དང་། ཀོའུ་ཤི་ཀ་དང་། གཟི་ཅན་དང་། འབར་མ་ལ་སོགས་པའི་སྐུ་ལས། མེ་སྟག་འཕྲོ་ཞིང་དུ་བ་འཐུལ་བར་བསམ། ཧོམ་ཁུང་དུ་བྱོན་ནས་མེ་འབུད་དོ། །མེ་འབར་བར་བསམ། རླུང་གི་རྒྱལ་པོ་ཤ་རྐྱང་མགྱོགས་པ་ལ་ཞོན་པ། ལག་ན་རུ་མཚོན་དམར་པོ་དང་རླུང་གི་རྐྱལ་པ་ཐོགས་པ་ཧོམ་ཁུང་དུ་བྱོན་ཏེ་མེ་འུར་འུར་འབུད་པར་བསམས་ཏེ། འདི་རྣམས་ཀུན་ཀྱང་ལྕགས་ཀྱུའི་ཕྱག་རྒྱ་དང་། སྙིང་པོས་སྤྱན་དྲངས་ཏེ། དུས་གཅིག་ཏུ་མེ་འབུད་ཅིང་འབར་བར་བསམས་ལ། གདོང་བཞི་པའི་ཕྱག་རྒྱ་བཅས་ཏེ། མེ་སྤར་བའི་སྙིང་པོ་ཨཱོཾ་བཛྲ་རཾ་རཾ་ཧཱུཾ་ཧཱུཾ་ཡཾ་ཡཾ་རཾ་ཞེས་བརྒྱ་རྩ་ ― DNG008_Page_0653 ―
[མ་དཔེ་གཟིགས་ན་འདིར་གནོན།]
བརྒྱད་བཟླས་ཏེ། དགའ་བའི་མདངས་ཕྱུང་སྟེ། ཧ་ཧ་ཧ་ཞེས་ལན་གསུམ་བརྗོད། འུར་འུར་འུར་ཞེས་ལན་གསུམ་བརྗོད་པས་མེ་འབར་བར་བསམས་ལ། དབྱངས་སྙན་པོ་བླངས་ཏེ་བསྟོད་པ་དང་། མེ་འབུད་པའི་ལས་བྱ་བའི་ཐུགས་དམ་བསྐུལ་ཏེ། གཡབ་དར་གྱིས་གཡབ་ཅིང་སྙིང་པོ་བཟླའ་ཞིང་མེ་སྤར་རོ། །མེ་འབར་ནས་མར་ཁུ་ཕྱེ་མར་དྲི་ཆབ་སྩལ་བས་མཆོད་ནས། །ལས་ཅི་བཅོལ་བ་རྣམས་འགྲུབ་པར་གསོལ།གདོན་བགེགས་སོགས་ཀྱི་མིང་རུས་བྲིས་ཏེ། བགེགས་གཏོར་ཡང་དྲུང་དུ་བཞག་ལ། གདོན་ལེན་ཏེ་དྲང་ཞིང་ཧོམ་ཁུང་གི་ནང་དུ་གཟུགས་དྲངས་ལ། དམ་གཏོར་སྤར་ཏེ་དོང་དུ་བཅུག་ལ། མེ་སྨན་ཆུས་མ་ཤི་བ་ཙམ་དུ་བསད་དེ། ཡང་སྤར་འབར་རེས་ལ་ལན་རེ་མཆོད་ཅིང་། དབྱངས་དང་བསྟོད་པ་དང་བསྐུལ་ཞིང་ལས་བྱ། འདི་བཞིན་ལན་གསུམ་ཙམ་བགྱི། ཧོམ་ཁུང་ནང་དུ་ཆུ་བླུག་པའི་ཚེ།ཛ་ཡ་ཛ་ཡ། ཞེས་སམ་རྒྱལ་བ་རྒྱལ་བ་ཞེས་བརྗོད་དོ། །ཆུའི་ཆུ་དཔལ་ལན་གསུམ་གཡེང་ཞིང་བཤལ་བས། འཕགས་པ་ཆུ་དཔལ་དང་ལྷའི་བྱིན་རླབས་ཀྱིས།བགེགས་ཀྱི་གདུག་སེམས་ཞི་ཞིང་། བག་ཆགས་བྱང་བར་བསམ་མོ། །ཧོམ་ཁུང་དངོས་ནི་རིན་པོ་ཆེའི་གཞལ་ཡས་ཁང་ཟུར་ནི་སྐུ་གསུང་ཐུགས་ཤིང་ནི་རིགས་ལྔའི་ཐུགས་དམ་དང་མ་བདུན་གྱི་འཁོར་དང་ཁྲོ་བོ་དང་ཁྲོ་མོའོ། །མེ་ནི་ཡེ་ཤེས་ཀྱི་རང་བཞིན་ཆུ་ནི་ཆོས་ཀྱི་དབྱིངས་ཀྱི་རང་བཞིན་ཏེ། དགྲ་བགེགས་ཧོམ་ཁུང་དུ་སོང་བ་ཙམ་གྱིས། བག་ཆགས་བྱང་ཞིང་མཐོ་རིས་སུ་ཐར་བའམ། ཡང་ན་འཕགས་པ་རྣམས་དང་མེ་ལྷའི་ཞལ་དུ་དངོས་སུ་བསྟབ་ཞིང་། རྣམ་པར་ཤེས་པ་མཐོ་རིས་སུ་སྤར་རོ། །མནན་པ་ཞིག་བྱ་ན་ཡང་། ཧོམ་ཁུང་དུ་དགྲ་བགེགས་བཀུག་ལ། ལོ་གྲངས་འདི་ཙམ་ཞིག་བར་དུ་འདི་ནས་གཞན་དུ་འགྲོར་མི་གནང་བར་མཚམས་བཅད་ཅིང་གཟིར་ལ་དམ་ཆུ་དམ་གཏོར་བྱིན་ལ། ཧོམ་ཁུང་ནང་ནས་མེའི་ས་བོན་ ཧཱུཾ་མཛད་ཆེན་པོའི་རྒྱུད།― DNG008_Page_0654 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། མ་ཧཱ་ཧཱུྃ་ཀཱ་ར་ཏནྟྲ། བོད་སྐད་དུ། ཧཱུཾ་མཛད་ཆེན་པོའི་རྒྱུད། བཅོམ་ལྡན་འདས་དབང་ཆེན་བདུད་འདུལ་རོལ་པ་ལ་ཕྱག་འཚལ་ལོ། །འདས་པའི་དུས་མ་བྱུང་བའི་སྔོན་རོལ་ན། བཅོམ་ལྡན་འདས་དབང་གི་རྒྱལ་པོ་དེས། སྲིད་པ་ཐམས་ཅད་ཡུམ་ཀུན་ཏུ་བཟང་མོ་གཟི་ལྡན་པདྨ་ཅན་གྱི་མཁར་མཁྱེན་ནས། ཡུམ་གྱི་མཁའ་བདེ་ཀློང་ཆེན་པོ་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་རང་བཞིན། ཡི་གེ་ཧཱུཾ་དམར་ལ་བཀྲ་བ།སེར་ལ་གསལ་བ་ལས། ཧཱུཾ་ཧཱུཾ་ཞེས་བརྗོད་པས། ཧཱུཾ་གྲངས་མེད་པ་འཕྲོས་ནས། དུག་གསུམ་གྱི་འཁོར་བ་ཐམས་ཅད་གཏན་ནས་སྦྱངས་སོ། །འདས་པ་དང་མ་བྱོན་པ་དང་ད་ལྟར་བཞུགས་པ་རྣམས་ཀྱི་སྐུ་ཡང་མཚོན་པར་བྱེད་དོ། །ཧཱུཾ་དེ་ལས་སྤྲུལ་པའི་སྐུ་སྣ་ཚོགས་པས་ཀྱང་དོན་མཛད་དོ། །ཧཱུཾ་དེ་དམར་བ་ནི་པདྨ་ཧེ་རུ་ཀའི་ཐུགས་ཧཱུཾ་དེ་དཀར་བ་ནི་བུཌྜྷ་ཧེ་རུ་ཀའི་ཐུགས། སེར་བ་ནི་རཏྣ་ཧེ་རུ་ཀའི་ཐུགས། མཐིང་བ་ནི་བཛྲ་ཧེ་རུ་ཀའི་ཐུགས། ལྗང་བ་ནི་ཀརྨ་ཧེ་རུ་ཀའི་ཐུགས་སོ། །རེ་རེ་ལ་སྣ་ཚོགས་སུ་འབར་བ་ཡང་དེ་བཞིན་གཤེགས་པ་ཐམས་ཅད་ཀྱི་ཐུགས་སོ། །དེ་ལས་ཐམས་ཅད་འཐོར་ཞིང་། ཐམས་ཅད་བསྲེག །ཐམས་ཅད་དབང་དུ་སྡུད་པར་བྱེད་དོ། །དེ་ལྟར་ཐམས་ཅད་ཧཱུཾ་གིས་རྒྱས་པར་མཛད་དོ། །ཧཱུཾ་མཛད་ཆེན་པོའི་རྒྱུད་ལས་གླེང་གཞི་དང་ཧཱུཾ་གི་དབྱེ་བའི་ལེའུ་སྟེ་དང་པོའོ།། །།སྲས་ ― DNG008_Page_0655 ―
[མ་དཔེ་གཟིགས་ན་འདིར་གནོན།]
ཀྱི་དམ་པ་ཧེ་རུ་ཀ་དེས། བཅོམ་ལྡན་འདས་དབང་གི་རྒྱལ་པོ་ལ་འདི་སྐད་གསོལ་ཏོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད། བཅོམ་ལྡན་འདས་དབང་གི་རྒྱལ་པོ་ཆེ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཡི་གེ་ཧཱུཾ་དེ་ལས་ཐམས་ཅད་བསྐྱེད་ཅིང་ཆུབ་པར་བྱེད་ན། དེ་ནི་དང་པོ་གང་ལས་བྱུང་། །དེ་ཡིས་འབྱུང་བ་ཇི་ལྟར་བསྐྱེད། །དེ་ལས་ལྷ་ནི་ཇི་ལྟར་ལགས། །བཟླས་པའི་ཐབས་ནི་ཇི་ལྟར་ལགས། །དེ་ལ་ནུས་པ་ཅི་ཙམ་བདོག །དབང་གི་རྒྱལ་པོས་བཀའ་སྩོལ་ཅིག །ཅེས་གསོལ་ཏོ། །དེ་ནས་བཅོམ་ལྡན་དབང་གི་རྒྱལ་པོས་བཀའ་སྩལ་པ། ལས་ཐམས་ཅད་ཀྱི་དེད་དཔོན། སྲས་ཀྱི་དམ་པ་ཧེ་རུ་ཀ །ཧཱུཾ་ལས་ཐམས་ཅད་འབྱུང་བ་སྟེ། །དང་པོ་ཆོས་ཉིད་དབྱིངས་ནས་ཤར། །ཐམས་ཅད་སྲོག་གི་ས་བོན་ཡིན། །དེ་ཡིས་ཇི་ལྟར་འདོད་པར་འགྲུབ། །འབྱུང་བ་བསྐྱེད་པའི་རིམ་པ་ནི། །ཧཱུཾ་ལས་ཨེ་འཕྲོས་ནམ་མཁའ་འོ། །ཧཱུཾ་ལས་ཡཾ་གྱི་གཙར་དུ་འཕྲོས། །རླུང་གི་དཀྱིལ་འཁོར་དེ་བཞིན་ཆགས། །ཧཱུཾ་ལས་ཡི་གེ་ར་འཕྲོས་པས། །ཆགས་པའི་རྒྱ་མཚོ་ཆེན་པོའོ། །ཧཱུཾ་ལས་ཡི་གེ་སུ་སེར་འཕྲོས། །གསེར་གྱི་ས་གཞི་སེར་པོ་ཆགས། །ཧཱུཾ་ལས་ཀེད་འཕྲོས་རི་རབ་བོ། །བང་རིམ་རིམ་པར་ལྡན་པའོ། །ཧཱུཾ་ལས་རཾ་འཕྲོས་མེ་འབར་བའོ། །འབྱུང་བ་རིམ་བཞིན་དེ་ལྟར་བསྐྱེད། །གཞལ་ཡས་ཟླ་གམ་ཁ་སྤྲོད་ལ། །དབུས་སུ་སྒོ་གཉིས་ལྡན་པའོ། །ཟླུམ་པོ་དག་ལ་འཁོར་ལོ་རྩིབས་བརྒྱད་དང་། །གྲུ་ཆད་གྲུ་བཞི་སྒོ་དང་སྒོ་ཁྱུད་བཅས། །དེ་ལྟར་གསལ་བར་བྱའོ། །དེ་ནི་སྒོའི་རིམ་པ་རྩ་བའི་དཀྱིལ་འཁོར་རོ། །དབུས་ནི་ཟླུམ་པོ་ཟླ་གམ་བཅད། །མཐའ་མ་པདྨ་འདབ་མ་བཞི། །གྲུ་ཆད་སྒོ་དང་བཅས་པ་ནི། །པདྨའི་ལས་ཀྱི་དཀྱིལ་འཁོར་ཡིན། །དཀྱིལ་འཁོར་གྲུ་བཞི་ལྷམ་པ་ལ། །སེམས་ཅན་ཆེན་པོ་གཟུགས་བཞི་སྟེ། །ཟུར་བཞི་དག་ལ་ལུས་བསྐྱོན་ལ། ། ― DNG008_Page_0656 ―
[མ་དཔེ་གཟིགས་ན་འདིར་གནོན།]
རྐང་པ་ནང་བརྡོལ་མཚམས་བཞི་དགོད། །ལག་པ་བར་གྱི་མཚམས་ལ་དགོད། །དེ་ནི་བསད་པ་འབའ་ཞིག་སྟེ། །མ་ཏྲཾ་ཞལ་གྱི་དཀྱིལ་འཁོར་ཡིན། །གྲུ་བཞི་ལྷམ་པའི་དཀྱིལ་འཁོར་ལ། །དབུས་ནི་ཐིག་བཏབ་ལེ་ཚེ་དགུ། །དེ་ཡི་ཕྱི་རིམ་ཟླ་གམ་དགུ། །དེ་ཡི་ཕྱི་རིམ་རིན་ཆེན་འབར་བ་དགུ། །དེ་ཡི་ཕྱི་རིམ་གྲུ་ཆད་ལ། །གྲུ་བཞི་སྒོ་ནི་ཉིས་བརྩེགས་བཅས། །ཁྱམས་དང་སྒོ་ཁྱུད་ལྡན་པ་ནི། །ཁྱད་པར་དབང་གི་དཀྱིལ་འཁོར་རོ། །དེ་ནས་ཡང་ནི་བཤད་བྱ་བ། །དཀྱིལ་འཁོར་གྲུ་བཞི་ལྷམ་པ་ལ། །དབུས་ནི་ཟླུམ་དང་ཟླ་གམ་སྒོ་གཅིག་པ། །ཟླ་གམ་ཕྱིར་བལྟས་ནང་བལྟས་བརྒྱད། །དེ་ལ་རིན་ཆེན་རྒྱན་དང་ལྡན། །གྲུ་བཞི་སྒོ་དང་སྒོ་ཁྱུད་བཅས། །མཐའ་མ་མེ་རི་འབར་བ་ནི། །དེ་ནི་གྲུབ་པ་ཚེ་ཡི་ཡིན། །དེ་ལྟར་རིམ་པར་བསྒྲུབ་པའོ། །ཧཱུཾ་མཛད་ཆེན་པོའི་རྒྱུད་ལས། དཀྱིལ་འཁོར་བསྟན་པའི་ལེའུ་སྟེ་གཉིས་པའོ།། །།པདྨའི་སྲས་ཀྱི་དམ་པ་ཧེ་རུ་དེས། །དབང་གི་རྒྱལ་པོ་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་དབང་མཆོག་ཆེ། །ཡི་གེའི་དོན་ལ་བདག་ཉན་འཚལ། །གནས་པ་ཇི་ལྟར་གནས་པ་ལགས། །བཟླས་པའི་ཐབས་ནི་ཇི་ལྟར་བགྱི། །ཞེས་གསོལ་ཏོ། །དེ་ནས་ཡང་བཀའ་སྩལ་པ། ཉོན་ཅིག་སྲས་ཀྱི་དབང་གི་ཧེ་རུ་ཀ །ཡི་གེ་སྲོག་གི་འཁོར་ལོ་སྟེ། །འཁོར་ལོ་ལྔ་ཡི་རྟེན་དུ་གནས། །སྤྱི་བོ་བདེ་བ་ཆེན་པོའི་འཁོར་ལོ་སྟེ། །དབུས་ནི་ཟླུམ་པོ་ཕོ་བྲང་ལ། །དར་དཀར་ཡོལ་དུ་ཕུབ་པའོ། །འདབ་མ་སུམ་ཅུ་རྩ་གཉིས་སོ། །ལྟེ་བ་ཕོ་བྲང་ཐིག་ལེ་ལ། །ཡི་གེ་ཨོཾ་དཀར་འབར་བ་ལ། །མཐའ་ལ་ཧུ་ལུའི་ཡིག་འབྲུས་བསྐོར་བའོ། །ཨཱོཾ་ནི་དཀར་དམར་འཚེར་པ་ལ། །ཡི་གེ་མཐའ་བསྐོར་འཛག་འཛག་འདྲ། །ཧཱུཾ་དར་ཆེན་བདེ་བ་ཆེན་པོའི་ཕོ་བྲང་ནས། །དར་དཀར་ ― DNG008_Page_0657 ―
[མ་དཔེ་གཟིགས་ན་འདིར་གནོན།]
ཡོལ་དྲེས་འོད་ལྡན་ལ། །རྡུལ་གྱི་གསེར་ཆེན་ལུ་གུ་རྒྱུད། །སེམས་ཀྱི་ཡི་གེ་ཨཱོཾ་དཀར་ལ། །མཐའ་མ་ཧུ་ལུའི་ཡིག་འབྲུས་བསྐོར། །གསེར་གྱི་བ་ཐག་གཟེངས་པ་ལྟར། །འཕྲོ་འདུའི་དགོངས་པ་རྒྱུན་མི་གཅད། །ཕར་འཕྲོས་པས་ནི་སངས་རྒྱས་ཐུགས་དམ་བསྐུལ། །སླར་འདུས་པས་ནི་དངོས་གྲུབ་འབེབས། །ཨཱོཾ་ཧུ་ལུ་ཧུ་ལུ་ཕཊ། ཨེ་ཨཱ་ར་ལི་ཧཱུཾ་ཧྲཱྀཿཛཿ། དེ་ཡང་དབང་གི་བཀའ་ཡི་བཟླས་པ་ཡིན། །མགྲིན་པ་ལོངས་སྤྱོད་འཁོར་ལོ་འདབ་བཅུ་དྲུག །ལྟེ་བ་གེ་སར་པདྨ་འབུར་དུ་དོད། །མཐའ་མ་འདབ་མ་བཅུ་དྲུག་མཚོན། །ལྟེ་བ་ཨཱཾ་དམར་འོད་འབར་ལ། །མཐའ་མ་ཧུ་ལུའི་ཡི་གེ་འབྲུས་བསྐོར་བའོ། །ཕོ་བྲང་པདྨ་འབུར་གྱི་ལྟེ་བ་ལ། །ཡི་གེ་ཨཱཾ་དམར་འོད་དུ་ལྡན། །མཐའ་མ་ཡིག་འབྲུས་བསྐོར་བ་ནི། །མགལ་མེ་ཀླད་ལ་བསྐོར་བ་བཞིན། །འཕྲོ་འདུའི་དགོངས་པ་རྒྱུན་མི་གཅད། །ཕར་སྤྲོས་པས་ནི་རྒྱལ་བའི་ཐུགས་དམ་བསྐུལ། །སླར་འདུས་པས་ནི་སྒྲུབ་པ་པོ་ལ་དངོས་གྲུབ་འབེབས། །འདི་ཡང་གསུང་གི་བཟླས་པ་ཡིན། །ཨཱོཾ་ཧུ་ལུ་ཧུ་ལུ་ཕཊ། ཨེ་ཨཱ་ར་ལི་ཧཱུཾ་ཧྲཱྀཿཛཿ། ཙིཏྟ་རིན་ཆེན་གཞལ་ཡས་ལ། །དབུས་ནི་དཔལ་བེའུ་རྡོ་རྗེ་བསྐྱེད། །ཡི་གེ་ཧཱུཾ་དམར་འོད་ལྡན་པའོ། །མཐའ་མ་ཆོས་ཀྱི་འཁོར་ལོ་འདབ་མ་བརྒྱད། །དེ་ལ་ཧུ་ལུས་བསྐོར་བའོ། །ཧཱུཾ་ཙིཏྟ་རིན་ཆེན་གཞལ་ཡས་ཁང་། །ཆོས་ཀྱི་འཁོར་ལོ་འདབ་མ་བརྒྱད། །ཐུགས་ཀྱི་དཔལ་བེའུ་ལྟེ་བ་ལ། །སྟོན་པའི་ཡི་གེ་ཧཱུཾ་དམར་དེ། །མཐའ་ལ་རིན་ཆེན་གསེར་གྱི་སྐུད་པ་ལ། །ཧུ་ལུའི་ཡིག་ཕྲེང་བཅུ་གསུམ་བརྒྱུས། །ཕར་འཕྲོས་པས་ནི་རྒྱལ་བའི་ཐུགས་དམ་བསྐུལ། །སླར་འདུས་པས་ནི་དངོས་གྲུབ་འབེབས། །འཕྲོ་འདུའི་དགོངས་པ་རྒྱུད་མི་གཅད། །འདི་ཡང་དབང་གི་ཐུགས་ཀྱི་བཟླས་པ་ཡིན། །སངས་རྒྱས་དགོངས་པ་འདི་ཡིས་བསྒྲུབ། །ཨོཾ་ཧུ་ལུ་ཧུ་ལུ་ཕཊ། ཨེ་ཨཱ་ར་ལི་ཧཱུཾ་ཧྲཱྀཿཛཿ། ལྟེ་བ་སྤྲུལ་པའི་ ― DNG008_Page_0658 ―
[མ་དཔེ་གཟིགས་ན་འདིར་གནོན།]
གཞལ་ཡས་ན། །འདབ་མ་དྲུག་ཅུ་རྩ་བཞི་ལ། །ཚིག་ཁ་ཤས་ཆད། མཐའ་ལ་ཧུ་ལུས་བསྐོར་བའོ། །སྭཱ་ལྟེ་བ་སྤྲུལ་པའི་གཞལ་ཡས་ན། །སྟོང་པའི་ཡི་གེ་སྭཱ་སེར་པོ། །དོན་གྱི་ཡི་གེ་ཧུ་ལུས་བསྐོར། །ལྕགས་ཀྱི་ཚ་ཚ་བརྡབས་པ་བཞིན། །འཕྲོ་འདུའི་དགོངས་པ་རྒྱུན་མི་གཅད། །ཕར་སྤྲོས་པས་ནི་ཐུགས་དམ་བསྐུལ། །སླར་འདུས་པས་ནི་དངོས་གྲུབ་འབེབས། །འདི་ཡང་དབང་གི་རིན་ཆེན་འབེབས་པ་ཡིན། །སྭཱ་ཧུ་ལུ་ཧུ་ལུ་ཕཊ། ཨེ་ཨཱ་ར་ལི་ཧཱུཾ་ཧྲཱྀཿཛཿ། གསང་བ་མེ་རླུང་ལས་ཀྱི་འཁོར་ལོ་ལ། །གྲུ་གསུམ་གཞུ་ཡི་གནས་ཆེན་ན། །སྟོན་པའི་ཡི་གེ་ཧ་ལྗང་གུ། །མཐའ་མ་ཧུ་ལུའི་འབྲུ་ཡིས་བསྐོར། །རིན་ཆེན་རྩར་གྱི་ཕྲེང་བ་བཞིན། །གཅིག་ལ་གཅིག་འཕྲོ་འོད་ནི་འཛག་འཛག་འདྲ། །ཕར་འཕྲོས་པས་ནི་ཐུགས་དམ་བསྐུལ། །སླར་འདུས་པས་ནི་དངོས་གྲུབ་འབེབས། །འདི་ཡང་དབང་གི་ལས་ཀྱི་བཟླས་པ་ཡིན། །ཨཱོཾ་ཧུ་ལུ་ཧུ་ལུ་ཕཊ། ཨེ་ཨཱ་ར་ལི་ཧཱུཾ་ཧྲཱྀཿཛཿ། ཧཱུཾ་དང་པོ་གསུང་གི་སྒྲ་བསྒྲགས་པས། །དུས་གསུམ་རྒྱལ་བའི་ཐུགས་དམ་བསྐུལ། །བར་དུ་གསུང་གི་སྒྲ་བསྒྲགས་པས། །སྒྲུབ་པ་པོ་ལ་དངོས་གྲུབ་འབེབས། །མཐའ་མར་དབང་གི་སྒྲ་བསྒྲགས་པས། །ངན་སོང་འཁོར་བ་གཏན་ནས་སྒྲོལ། །བདུད་དང་སྲིན་པོ་ཀླུ་རྣམས་ཟིལ་གྱིས་མནན། །དབང་གི་མཛད་པ་དེ་ལྟར་མཛད། །དེ་ལྟར་སྤྱོད་པ་འདི་ལྟར་སྤྱོད། །སྔགས་ཀྱི་བྱིན་རླབས་འདི་ལྟར་འབྱུང་། །དེ་ཕྱིར་ཧུ་ལུ་བསྙེན་པའི་མཆོག །ཅེས་གསུངས་སོ། །ཧཱུཾ་མཛད་ཆེན་པོའི་རྒྱུད་ལས། བཟླས་བརྗོད་སྔགས་ཀྱི་ལེའུ་སྟེ་གསུམ་པའོ།། །།དེ་ནས་སྲས་ཀྱི་ཧེ་རུ་དེས། །དབང་གི་རྒྱལ་ལ་འདི་སྐད་གསོལ། །དབང་གི་རྒྱལ་པོ་ཧེ་རུ་ཀ །སྟོན་པ་མཆོག་ལ་བདག་ཉན་འཚལ། །སྒོས་སུ་བསྒྲུབ་ན་ཇི་ལྟར་བགྱི། །སྤྱི་ཡི་བསྒྲུབ་པ་ཇི་ལྟར་སྤྱད། །བསད་གསོའི་ལས་ནི་དུ་ཡི་བསྟན། །ལས་ཀྱི་མཐའ་འདི་གང་ ― DNG008_Page_0659 ―
[མ་དཔེ་གཟིགས་ན་འདིར་གནོན།]
ལ་གསུང་། །ཞེས་གསོལ་ཏོ། །དེ་ནས་དབང་གི་རྒྱལ་པོས་བཀའ་སྩལ་པ། །ཉོན་ཅིག་སངས་རྒྱས་མང་པོ་འདུས་པའི་སྲས། །སྤྱི་རུ་བསྒྲུབ་པ་བསྟན་པ་ནི། །རྩ་བའི་དཀྱིལ་འཁོར་དེ་དག་ལ། །དེ་ལ་ངེས་པར་བསྒྲུབ་པར་བྱོས། །བྲིས་པའི་སྐུ་གཟུགས་དག་ལ་བརྟེན་བཅས་ནས། །དེ་ལ་ཕྱག་བཅས་བསྒྲུབ་པར་བྱ། །དམ་ཚིག་མ་ནོར་གཞུང་དུ་བསྲུང་། །མཆོད་པ་དུས་གསུམ་དག་ཏུ་མཆོད། །སྔགས་དང་སྙིང་པོ་ལྷ་རྣམས་ཀུན། །ཡིད་ལ་མ་ནོར་དྲན་པར་བྱ། །འདོད་ཆགས་ཅན་གྱི་བུད་མེད་ལ། །དེ་ལ་སྨད་པར་བྱ་བ་མིན། །ཁྲག་ཆགས་ཤིང་ཡང་གཅད་མི་བྱ། །དམར་པོའི་རིགས་ལ་སྨད་མི་བྱ། །པདྨའི་ཕྱག་རྒྱ་བཅའ་བར་བྱ། །གསུང་གིས་སྒྲ་སྙན་གདོན་པར་བྱ། །དབྱིངས་དང་བཏུང་བ་དེ་བཞིན་བྱ། །གསུང་གི་ཡན་ལག་སྟོབས་སུ་འགྱུར། །རྟག་ཏུ་ཡི་དམ་འབའ་ཞིག་བསྒྲུབ། །དེ་ཡི་ནུས་པའི་མཐུ་དག་གིས། །བདུད་སྡེ་འཁོར་བཅས་ཟིལ་གྱིས་གནོན། །བྱང་ཆུབ་འབྲས་བུ་ཐོབ་པར་འགྱུར། །དེ་ཡི་ཡོན་ཏན་དཔག་ལས་འདས། །དེ་ཕྱིར་སྤྱི་རུ་བསྒྲུབ་པའོ། །སྒོས་སུ་བསྒྲུབ་པར་བསྟན་པ་ནི། །རྟ་ཡི་རྒྱལ་པོ་གཅིག་ཏུ་བསྒྲུབ། །དཀྱིལ་འཁོར་ཟླ་གམ་སྒོ་གཅིག་པ། །ལྷ་ནི་ཞལ་གཅིག་ཕྱག་གཉིས་རྒྱན་གཅིག་པ། །དབུ་ཡི་གཙུག་ཏུ་རྟ་མགོ་གཅིག །དམར་པོ་རལ་པ་འཁྱིལ་བའོ། །གཡས་ན་སྟྭ་རེ་གཡོན་པ་སྦྲུལ་ཞགས་བསྣམས། །གླང་ཆེན་ཀོ་རློན་ཞིང་གི་གཡང་གཞི་གྱོན། །སྟག་ལྤགས་སྨད་དཀྲིས་འོག་སླ་འདོམས་སུ་བསྡུས། །མི་བཟད་མཆེ་གཙིགས་སྟག་གི་ཁྲི། །དམར་པོ་ཧཱུཾ་ལ་སྔགས་འདི་བརྗོད། །དེ་ཡིས་རྟ་མཆོག་མགྲིན་དུ་བསྐྱེད། ། ཨོཾ་ཡོད་པ་ཨེ་ཡིན་པདྨ་ཤྲཱི་རཱ་ག་ཧ་ཡ་ཧྲཱྀ་གྲཱི་བ་ཨེ་ཡིན་ད་ར་ཧཱུཾ་ཕཊ། ཡིག་འབྲུ་བཅུ་གཉིས་པའོ། །སྟོང་པའི་ངང་ལས་ཡི་གེ་ཧཱུཾ། །དེ་ལས་སྔགས་བརྗོད་རྟ་མགྲིན་བསྐྱེད། །སྤྱན་དྲང་བསྐྱེད་པ་དེ་ལ་བསྡིམ། །གཉིས་མེད་ ― DNG008_Page_0660 ―
[མ་དཔེ་གཟིགས་ན་འདིར་གནོན།]
དེ་ལ་ཕྱག་འཚལ་མཆོད་པའོ། །སྨན་དང་རཀྟ་གཏོར་མས་མཆོད། །བསད་དང་གསོ་བའི་ལས་འདི་བཅོལ། །སྲིད་པའི་མ་མོ་བཏུལ་བའི་ལས་ལ་རྦད། །ཅེས་གསུངས་སོ། །ཧཱུཾ་མཛད་ཆེན་པོའི་རྒྱུད་ལས།སྤྱི་དང་ཡི་དམ་བྱ་ཞིང་བསྲུང་བ་དང་ནུས་པའི་ལེའུ་སྟེ་བཞི་པའོ།། །།དེ་ནས་སྟོན་པས་བཀའ་སྩལ་ཏེ། དབང་གི་པདྨ་ཧེ་རུ་ཀའི་ཐུགས་ཀ་ནས།དཔལ་བེ་ཧཱུཾ་གི་ལྟེ་བ་ལ། ཛ་ཞེས་བརྗོད་པས་དཔལ་གྱི་ཐུགས་ཀ་ནས། ཛ་ཛ་ཛ་ཛ་ཛ་ཛ་ཛ་ཛ་བརྒྱད་བར་མ་ཆད་འཐོན་ཏོ། །ཀུ་ཀུ་ཀུ་ཀུ་ཀུ་ཀུ་ཀུ་ཀུ་རཱ་ཙ་ཞེས་བརྗོད་པས། ཁྱིའི་རྒྱལ་པོ་བརྒྱད་དུ་འགྱུར་རོ། །རཀྴ་ཁ་ལོང་ཀ་དཔྱད་དགོས ། ཡཀྴ་ཁ་ལོང་ཀ །ཏྲཀྴ་ཁ་ལོང་ཀ །ཁ་ཡ་ཁ་ལོང་ཀ །དུམ་པ་ཁ་ལོང་ཀ །མ་ཏོ་ཁ་ལོང་ཀ །ཛ་ལེ་ཛ་ལོ་ཀ །མུ་ཀ་ཁ་ལོང་ཁ་ཀ །སྙིང་པོ་དེ་ཡིས་བསྐུལ་བས་ཇི་ལྟ་བ་བཞིན་དུ་ལས་བྱེད་དོ། །དུར་ཁྲོད་གླིང་ངམ་ནགས་ཚལ་གནས། །དེ་རུ་དཀྱིལ་འཁོར་བརྩིག་པར་བྱ། །གྲུ་གསུམ་འབར་བའི་དཀྱིལ་འཁོར་ལ། །མཐའ་མ་ཁྱི་བརྒྱད་བསྐོར་བར་བྱ། །དབུས་སུ་དབང་གི་རྒྱལ་པོ་བསྐྱེད། །ཟླ་གམ་གསུམ་ལ་དམ་རྫས་སོ། །བྱ་ལུག་མི་དང་རྟའི་ཤ་ཁྲག་ལ་གཏོར་མ་བྱ། །ལིང་ག་མཚན་དང་ལྡན་པར་བྱ། །དཔྲལ་བར་རུས་ལ་སྙིང་གར་མིང་། །སྤྱི་བོར་སོད་ལ་འདོམས་སུ་མཱ་ར་ཡ། །གཡས་སུ་ཧཱུཾ་ལ་གཡོན་དུ་ཕཊ། །དེ་དང་ལྡན་པར་བསྒྲུབ་པར་བྱ། །ཚོན་སྣ་ལྔ་ཡིས་བྱད་དུ་གཞུག །དེ་ནས་དམ་རྫས་ཚོགས་པ་དང་། །ཏིང་འཛིན་རྣམ་གསུམ་རིམ་གྱིས་བསྒོམ། །ཧཱུཾ་མ་ནོར་མ་བཅོས་ཆོས་ཀྱི་དབྱིངས། །སྙིང་རྗེ་ཆེན་པོ་ཡོངས་ལ་བརྡལ། །རིག་པ་ཡེ་ཤེས་ཧཱུཾ་དུ་ཤར། །ཧཱུཾ་ལས་ཡི་གེ་རིམ་གྱིས་ཆད། །ཨེ་ཡཾ་ར་སུཾ་ཀེང་རཾ་བྷྲཱུཾ། ཨེ་ནི་ནམ་མཁའ་ཁྱབ་གདལ་དང་། །ཡཾ་ལས་རླུང་གི་དཀྱིལ་འཁོར་ཏེ། །དེ་ལས་སྤྲིས་རྟེན་ཆུའི་དཀྱིལ་འཁོར། །དེ་སྟེང་ ― DNG008_Page_0661 ―
[མ་དཔེ་གཟིགས་ན་འདིར་གནོན།]
ས་གཞི་བརྟན་མཁྲེགས་སྲ། །ཀེང་རཾ་བྷྲཱུཾ་ལས་རི་རབ་གཞལ་ཡས་ཁང་། །ཧཱུཾ་དང་ཀུ་ཡི་འཕྲོ་འདུ་ལས། །དཔལ་ཆེན་པདྨ་ཧེ་རུ་ཀ །ཀུ་ལས་དཔལ་གྱི་ཁྱི་བརྒྱད་བསྐྱེད། །ཧཱུཾ་དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་དཔལ་གྱི་ཁྱི། །དཔལ་ཆེན་ཐུགས་ལས་སྐྱེས་པའི་ཕོ་ཉ་མོ། །འཁོར་བའི་ཉོན་མོངས་བདུད་སྡེ་གདུལ་བའི་ཕྱིར། །དཔལ་གྱི་ཕོ་ཉ་བརྟན་པར་བཞུགས། །ཏིཥྛ་བཛྲ། སྲིད་གསུམ་འདྲེན་མཛད་ཐར་ལམ་འདྲེན་པའི་གཙོ། །དབང་གི་རྒྱལ་པོའི་སྐུ་ལ་ཕྱག་འཚལ་ལོ། །ཁམས་གསུམ་སྒྲོལ་བར་མཛད་ཅིང་ཤ་དང་ཁྲག་ལ་དགྱེས། །དཔལ་གྱི་ཕོ་ཉ་འཇིག་རྟེན་སྐྱོང་མཛད་མ། །བདུད་འདུལ་ཕོ་ཉའི་ཚོགས་ལ་ཕྱག་འཚལ་ལོ། །རང་བྱུང་གདོད་ནས་དག་པ་ཡི། །རྩ་བ་བརྒྱད་ལ་ཡན་ལག་སྟོང་། །ར་ས་ཡཱ་ན་ལ་སོགས་རྫས། །དབང་གི་རྒྱལ་པོའི་སྐུ་ལ་འབུལ། །བདུད་རྩི་འཁྱིལ་པ་ར་ས་ཡཱ་ན་འདི། །དཔལ་གྱི་ཕོ་ཉའི་ཚོགས་ལ་འབུལ། །མ་ཧཱ་པཉྩ་ཨ་མྲྀ་ཏ་ཁཱ་ཧི། ཞེས་དབུལ་ལོ། །ཨོཾ་ཀཱ་ཡ་སིདྡྷི་ཨོཾ། ཝཱཀ་སིདྡྷི་ཨཱཿ། ཙིཏྟི་སིདྡྷི་ཧཱུཾ། ཨཱོཾ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། མ་ཧཱ་བ་ལིཾ་ཏ་ཁཱ་ཧི། མ་ཧཱ་རཀྟ་ཁ་རཾ་ཁཱ་ཧི། ཞེས་དབུལ། དཔལ་གྱི་སྤྱན་སྔར་དམ་བཅས་ལྟར། །མ་རུངས་ལོག་པ་གདུལ་བ་དང་། །མཐུ་དང་དབང་གི་དངོས་གྲུབ་སྩོལ། །ཞེས་བྱའོ། །ཨཱོཾ་ཛ་ཛ་རཀྴ་ཡཀྴཛ་ཡ་དུ་ནི་ཧཱུཾ། དེ་ནི་དྲང་ཞིང་དབང་དུ་བྱའོ། །འདི་ནི་རྦད་པའི་སྙིང་པོའོ། །རཀྴ་ཁ་ལ་ཛ་དུར་ལིང་སྲོག་ལ་ཡཾ་ཁུག་རིལ་དབུགས་ལོང་རྦ་ན་རྦད་ཡ་ཞུང་ཏྲི་ཡཾ་ཡཾ། ཞེས་པ་དང་རྦད་པར་བྱའོ། །ཧཱུཾ་དཔལ་གྱི་ཕོ་ཉ་ཆེན་མོ་སྟེ། །དཔལ་ཆེན་ཐུགས་ལས་སྐྱེས་པའི་ཕོ་ཉ་མོ། །ཡེ་ཤེས་ཐུགས་ཀྱི་ཁྱི་བརྒྱད་ཡིན། །ཞབས་ནི་རླུང་གི་འཁོར་ལོ་ཡིན། །སྙན་ནི་སྒྲ་རྣམས་ཀུན་ལ་གསལ། །ཤངས་ནི་དུག་གསུམ་དྲི་མ་སྣོམས། །ཞལ་ནི་བདུད་བཞི་རྔུབ་པར་བྱེད། །མིག་ན་ཉི་ཟླ་འོད་དུ་འབར། །མཇུག་མ་ལྕགས་ཀྱུས་ཉམས་པ་ ― DNG008_Page_0662 ―
[མ་དཔེ་གཟིགས་ན་འདིར་གནོན།]
འཛིན། །ཁ་ནས་མི་ཡི་སྐྱུགས་པ་སྐྱུགས། །རྒྱུག་པའི་སྟོབས་ནི་སྤྱང་མོ་འདྲ། །ཁྱེད་ནི་བསྒྲུབ་པ་ལས་ཀྱི་བྱ་ར་མཛད། །ཕྱོགས་བཞི་མཚམས་བཞིར་རྒྱུག་པའི་ཚེ། །ཕྱོགས་སྐྱོང་བདུད་རྣམས་རྡུལ་དུ་རློག །བཅོལ་པའི་ལས་ཀུན་བསྒྲུབ་པར་གྱིས། །དབང་གི་ཞིང་ཁམས་ཆེན་པོ་སྐྱོང་། །ཞེས་བསྐུལ་ཞིང་ལས་བྱའོ། །ཧཱུཾ་མཛད་ཆེན་པོའི་རྒྱུད་ལས། དཔལ་གྱི་ཁྱི་བརྒྱད་བསྒྲུབ་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱི་ཐུགས་ཀ་ནས། མི་ཡི་ལུས་ལ་ཁྱིའི་ཆ་བྱད་ཅན། ཁྱི་དང་ཆས་པ། རྟ་དབུ་ལ་མིའི་ལུས་ལ་རྟ་མགོ་ཅན་རྟ་དང་ཆས་པ། གཤོག་པ་ལས་མིའི་ལུས་ལ་བྱའི་མགོ་ཅན་བྱ་དང་ཆས་པ། ཞབས་ལས་མིའི་ལུས་ལ་ཕག་གི་མགོ་ཅན་བྱུང་ངོ་། །དེ་བཞིས་མ་དད་གདུག་པ་འདུལ་བར་བྱེད། །དེ་ཡི་སྒྲུབ་པ་བསྟན་པ་ནི། །རྦད་ཅིང་ལས་ཀུན་བྱེད་པའོ། །གཅན་གཟན་གདུག་ཅན་ཝ་འཕར་སྤྱང་ཀི་ཁྱི་རྣམས་མིན། ཁྲ་དང་གཡག་དང་། སྟག་དང་། དོམ་གྱི་སྙིང་དེ་ལ་གཏོར་མ་བྱ་བ་ཡིན། སྔགས་ནི་དྲག་པོ་འདི་སྐད་གསུངས། ཨོཾ་དྷི་ག་རུ་རྦད་ཡ། ཀུ་ཀུ་རཀྴ་ཙ་ཏུ་ར་ཡཾ། ཀྭ་ཏེ་རཀ་ཏོ་ཙ་ལེ་རྦད། དུ་ར་རྦ་ཤ་ཡཾ།དེ་བཟླས་རྦད་པར་བྱའོ། །དེ་ཡི་ལས་ཀྱི་ནུས་པ་དཔག་ལས་འདས། །དེ་ནས་བརྟུལ་ཞུགས་སྤྱད་པར་བྱ། །དེ་ནས་བྲོ་ཡང་དྲག་པོར་བརྡུང་། །དེ་ནས་ཕོ་ཉ་དྲག་པོ་དགྱེ། །ཧཱུཾ་མཛད་ཆེན་པོའི་རྒྱུད་ལས། བརྟུལ་ཞུགས་བཞི་བསྒྲུབ་པའི་ལེའུ་སྟེ་དྲུག་པའོ།། །།དེ་ནས་དབང་གི་ཞབས་ལས། དབང་མོ་ཉི་ཤུ་རྩ་བརྒྱད་གསེར་གྱི་སེང་གེ་ཉི་ཤུ་རྩ་བརྒྱད་དུ་སྤྲུལ་ནས། འགྲོ་བའི་ལས་བྱེད་པར་སྤྲུལ་ལོ། །དེ་རྣམས་རྦད་ཅིང་བྷྱོ་བཟློག་བྱའོ། །རྩང་ཉི་ཤུ་རྩ་བརྒྱད་མདེའུ་ཐུང་ཉི་ཤུ་རྩ་བརྒྱད་ལ་བཙུགས་ལ། དེ་ལ་ཤ་ཁྲག་བསྐུ་དང་དག་ལ། དེ་ནས་ཉུང་དང་ཚི་དང་བཅས་ ― DNG008_Page_0663 ―
[མ་དཔེ་གཟིགས་ན་འདིར་གནོན།]
པའོ། །དེ་ལྟར་བྱས་ལ་བདུད་རྩི་གཏོར་མ་རཀྟས་མཆོད། དེ་ནས་དྲག་པོའི་སྔགས་རྣམས་བཟླས། ཨཱོཾ་སིང་ང་ལ་ཛཾ་བ་དྲག་ཤ་མ་མ་རིལ་བྷྱོ། མ་རི་རཀྴ་ཀ་ལཾ་སེང་ང་སྦྲེང་བྷྱོ། ཨེ་ཀ་ཙཀྴ་ལཾ་རྦད་བྷྱོ། འདི་ནི་ལས་ཀྱི་བསྐུལ་བ་ལ། ས་མ་ཡ་རཀྴ་ཀ་ལཾ་ཏྲི་ལེ་ཏྲི་ལེ་ར་ར་ར་ར་དྲེང་ཤར་ཐུན་ལིང་བྷྱོ། ཧཱུྃ་མ་གཡེལ་མ་གཡེལ་དབང་མོའི་ཚོགས། །མཁའ་ལ་འགྲོ་བའི་མཁའ་འགྲོ་མ། །དབང་གིས་དབང་བསྐུར་དབང་ཕྱུག་མ། །དཔལ་ལ་བརྩེ་ཕྱིར་གཤེགས་སུ་གསོལ། །སྲིད་པ་གསུམ་ལ་དབང་ཡང་བྱེད། །ཚེ་དང་དབུགས་ལ་དབང་བསྒྱུར་མ། །རྦད་པའི་ལས་ལ་དཀའ་སླ་མེད། །ཏྲཀ་རཀྴ་དྲག་པོ་སྲོག་ལ་སྐུར། །བྷྱོ་ནི་ཕྲིན་ལས་བསྒྱུར་བཟློག་བྱེད། །བྷྱོ་མཁའ་འགྲོ་དབྱིངས་ནས་བསྐུལ་ལོ་དྲག་པོའི་ལས་མཛོད་ཅིག །མཁའ་འགྲོ་རཀྴ་སི་ལ་སོགས་ཏེ་ཉི་ཤུ་བརྒྱད། །སྐུ་མདོག་ཅིར་ཡང་བྱེད་མ་ངེས། །ཐོད་པ་རྡོ་རྗེ་དབྱུག་པ་འཛིན། །བྷྱོ་བཟློག་བསྒྱུར་བའི་ལས་མཛོད་ཅིག །ཕོ་ཉ་སྲིན་མོ་སྲོག་ལེན་ལས་ལ་བྷྱོ། །མི་སྲིན་གཡག་གི་མགོ་ཅན་བྷྱོ། །ཚངས་པ་སྦྲུལ་གྱི་མགོ་ཅན་བྷྱོ། །ཁྲོ་མོ་གཟིག་གི་མགོ་ཅན་བྷྱོ། །ཁྱབ་འཇུག་ཟེར་མོ་མགོ་ཅན་བྷྱོ། །གཞོན་ནུ་ཕ་ཝང་མགོ་ཅན་བྷྱོ། །དབང་མོ་དྲེད་ཀྱི་མགོ་ཅན་བྷྱོ། །སྨུག་ནག་སྟག་གདོང་ལྕགས་ཀྱུ་མ་བྷྱོ། །དམར་མོ་དོམ་གྱི་མགོ་ཅན་བྷྱོ། །ཞི་བ་སྡིག་པའི་མགོ་ཅན་བྷྱོ། །བདུད་རྩི་ཆུ་སྲིན་མགོ་ཅན་བྷྱོ། །ལྗང་ནག་ཁྲ་ཡི་མགོ་ཅན་བྷྱོ། །བེ་ཅོན་ཝ་ཡི་མགོ་ཅན་བྷྱོ། །ཟ་བྱེད་སྟག་གི་མགོ་ཅན་བྷྱོ། །སེར་ནག་ར་གདོང་ཞགས་པ་མ་བྷྱོ། །རྒན་བྱེད་བྱ་རྒོད་མགོ་ཅན་བྷྱོ། །གཅིག་པུ་ཁྱུང་གི་མགོ་ཅན་བྷྱོ། །ཁྲག་འཐུང་རྟ་ཡི་མགོ་ཅན་བྷྱོ། །ཡིད་འཕྲོག་ཁྱི་ཡི་མགོ་ཅན་བྷྱོ། །གྲུབ་མོ་པུ་ཤུད་མགོ་ཅན་བྷྱོ། །རླུང་མོ་ཤ་བའི་མགོ་ཅན་བྷྱོ། །དམར་ནག་སེང་གདོང་ལྕགས་སྒྲོག་བྷྱོ། །གསོད་བྱེད་སྤྱང་ཀིའི་མགོ་ཅན་བྷྱོ། །མེ་མོ་སྐྱིན་གྱི་མགོ་ཅན་བྷྱོ། །སྣ་ཆེན་གླང་གི་མགོ་ ― DNG008_Page_0664 ―
[མ་དཔེ་གཟིགས་ན་འདིར་གནོན།]
ཅན་བྷྱོ། །འབར་མ་ཁྭ་ཡི་མགོ་ཅན་བྷྱོ། །གྲུབ་མོ་སྡིག་པའི་མགོ་ཅན་བྷྱོ། །ལྗང་ནག་ཕག་གདོང་མགོ་ཅན་བྷྱོ། །བསྐུལ་ལོ་ཕྲིན་ལས་གྲུབ་པར་མཛོད། །ཅེས་གསུངས་སོ། །ཧཱུྃ་མཛད་ཆེན་པོའི་རྒྱུད་ལས། དབང་ཕྱུག་མ་བསྒྲུབ་པའི་ལེའུ་སྟེ་བདུན་པའོ།། །།དེ་ནས་དབང་ཆེན་སྤྱན་གཡས་གཡོན་ནས། རྩ་དང་དྭངས་མ་ལ་དབང་བྱེད་མ། རྩ་ཁྲོ་བའི་མ་མོ་བཅུ་གསུམ་གྱི་རྦད་པའོ། །ལས་ཀྱི་བདུད་མོ་རྩ་ཁྲོ་མ་ཆ་གཉིས་སོ། །འདི་ནི་ཡེ་ཤེས་ཀྱི་མཁའ་འགྲོ་མ་ལས་ལ་རྦད་པར་བྱའོ། །ཨཱོཾ་ཁྲི་མུན་ལན་ལེན་ཤག་ཏེ་ཤུགས་ཏི་ལ་རྦད་ན་ཡཾ། ཞུང་ཏ་རྩ་ལ་ཡ་ཡ། འབྱུང་པོའི་རི་ལི་ཡ། འབྱུང་པོ་ནི་རྩའོ། །སྲི་ནི་བགེགས་སོ། །དེས་འདོད་ཅིང་འདུལ་བ་ཡིན། དབང་གི་རྒྱལ་པོ་ཡེ་ཤེས་ཀྱི་མཁའ་འགྲོ་མ་རྦད། ཡེ་ཤེས་ཀྱི་མཁའ་འགྲོ་མས་ལས་ཀྱི་མཁའ་འགྲོ་རྩ་ཁྲོ་མ་རྦད། དེ་ལྟར་བྱས་པས་ལས་རྣམས་བྱེད། རྩ་དང་ཐིག་ལེ་ལ་གནས་པ་སྟེ། མི་རིགས་རྣམ་པ་བཞི་ལ་རྩ་རིགས་རྣམ་པ་བཞི་ཡོད་དེ། རྒྱལ་རིགས་རྩ་ནི་མགོ་ཡང་མཐོ། །རྗེ་རིགས་འཕར་ལ་སྡོད་པ་ཡིན། །དམངས་རིགས་འཇམ་ལ་ཕྲ་བ་ཡིན། །གདོལ་པ་གཏུམ་པ་ཉུང་བ་ཡིན། །རྩ་ལ་རིགས་ནི་རྣམ་བཞི་ཡིན། །བྱང་ཆུབ་སེམས་དཔའི་རིགས་ཀྱི་རྩ་ནི་དལ་ལ་འཇམ། །ཁྲོ་གཏུམ་སྲིན་པོའི་རྩ་ནི་དྲག་ལ་མྱུར། །བྲམ་ཟེ་ནག་མོའི་རྩ་ནི་ཚ་ལ་ཕྲ། །བློན་པོ་གདུག་པའི་རྩ་ནི་སྦོམ་ལ་རིང་། །བུད་མེད་བྱིས་བུའི་རྩ་ནི་རྩུབ་ལ་འཕར། །དེ་ལྟར་སྤྱད་ལ་བརྡ་བའོ། །རྩ་ནི་ཆེན་པོ་གསུམ་ཡོད་དེ། །དབུས་ཀྱི་རྩ་ཆེན་དང་ནི་གཡས་གཡོན་ནོ། །དེ་ལས་གྱེས་པའི་རྩ་ཆེན་བཞི། །བདུད་སྒོ་ལྟག་རྩ་ནག་པོ་དང་། །རྩ་ཆེན་མཁལ་མ་རྩ་ཆེན་དང་། །པུས་དང་གྲི་གུག་རིམ་པའོ། །དེ་ལས་ཆང་ཕྲ་རྩ་གྱེས་ཏེ། །དེ་ལ་ཕྱིའི་སྒོ་བཞི་དང་། ནང་གི་སྒོ་བཞི་དང་།གསང་བ་དང་། ཚངས་པ་གཉིས་ཏེ་བཅུ་པའོ། །དེ་ལ་རིམ་པར་བྱ་ཞིང་བརྡ། ཞེས་གསུངས་སོ། །ཧཱུཾ་ ― DNG008_Page_0665 ―
[མ་དཔེ་གཟིགས་ན་འདིར་གནོན།]
མཛད་ཆེན་པོའི་རྒྱུད་ལས། སྤྱན་ནས་མཁའ་འགྲོ་རྩ་ཁྲོ་མ་དང་རྩའི་དམིགས་བསྟན་པའི་ལེའུ་སྟེ་བརྒྱད་པའོ།། །།དེ་ནས་མ་དད་པའི་དགྲ་བགེགས་ནི་བསྒྲལ་ཅིང་ཚར་གཅད། སྒྲིབ་པ་སྦྱང་བའི་ཕྱིར། ཐུགས་རྗེ་ཆེན་པོ་དྲག་ཤུལ་གྱིས་གདུལ་བ་མཛད། བདུད་སྡེ་དཔུང་གིས་བཏུལ། རྒྱལ་ཆེན་ཐབས་ཀྱིས་བཏུལ། ཀླུ་ཆེན་རྫུ་འཕྲུལ་གྱིས་བཏུལ། ཐེ་བྲང་ལིངས་སུ་བཏབ་པོ། གདུལ་ཐབས་བཞི་མཛད་དོ། །དེ་ནས་ཐུགས་རྗེ་ཤུགས་ཀྱིས་བསྒྲལ་བའི་བྲོ་བརྡུངས་ཏེ། གཟི་ལྡན་འབར་བའི་དཀྱིལ་འཁོར་ནས། །དབང་གི་སྐུ་གཅིག་བཞུགས་པ་ལ། །དགྱེས་པ་མདངས་ཀྱི་མཆོད་པ་འབུལ། །ཕྱི་མཆོད་རྡོ་རྗེའི་ཚིག་དྲུག་པོ། །གླུ་ཡང་དྲུག་ལ་བྲོ་ཡང་དྲུག །གླུ་དྲུག་གསང་བའི་དབྱངས་དང་སྦྱར། །གླུ་དྲུག་དབྱངས་སུ་བླངས་པ་ནི། །གྲུབ་པའི་གླུས་ནི་ཐུགས་རྗེ་བསྐུལ། །ཚངས་པའི་གླུས་ནི་ཞིང་ཁམས་སྦྱོང་། །གདུང་བའི་གླུས་ནི་མ་སྲིང་མཉེས། །ལས་ཀྱི་གླུས་ནི་ཕོ་ཉ་འགྱེད། །སྒྱུ་མའི་གླུས་ནི་དགོངས་རྒྱུད་གསལ། །འབར་བའི་གླུས་ནི་བདུད་བཞི་འདུལ། །ཧཱུཾ་གི་གླུས་ནི་འཕྲོ་འདུ་འཁྲུགས། །གླུ་དྲུག་རྫོགས་པའི་བལྟ་བར་གཞག །བྲོ་དྲུག་རྫོགས་པའི་སྤྱོད་ལམ་བཞི། །གར་གྱི་བྲོ་བརྡུངས་བྱིན་རླབས་ཆེ། །དབང་གི་བྲོ་བརྡུངས་དུག་གསུམ་འཇོམས། །པདྨའི་བྲོ་བརྡུངས་ཆགས་པ་མེད། །ཁྲོ་བོའི་བྲོ་བརྡུངས་དྲེགས་པ་འཇོམས། །རྟ་བྲོ་འཁོར་གསུམ་སྲིན་པོ་འཇོམས། །འདི་ནི་གསང་ཚིག་ངེས་པའི་བྲོ། །ཐུགས་མཆོག་གསང་བའི་སྙིང་པོ་ཡིན། །རྒྱལ་བ་ཀུན་དང་མཉམ་སྦྱོར་བས། །དགོངས་རྒྱུད་གསལ་བ་བཞིན་དུ་བསྒོམ། །རྟ་བྲོ་འཁོར་གཅིག་དང་པོ་ལ། །ཁྲོ་བོའི་སྤྲིན་གྱིས་དབང་བསྡུས་ནས། །དུས་གསུམ་རྒྱལ་བས་རོལ་པ་མཛད། །རྟ་བྲོ་འཁོར་གཉིས་བར་མ་ལ། །རྡོ་རྗེ་དབྱིངས་ཀྱི་དཀྱིལ་འཁོར་དུ། །རིགས་ཀྱི་ཡུམ་དང་རོལ་པ་མཛད། །རྟ་བྲོ་འཁོར་གསུམ་ཐ་མ་ལ། །མ་སྲིན་རྒྱ་མཚོ་འཁོར་བསྡུས་ནས། །ཕྲ་མེན་ཀུན་དང་ ― DNG008_Page_0666 ―
[མ་དཔེ་གཟིགས་ན་འདིར་གནོན།]
རོལ་པ་མཛད། །འདི་ནི་སྐུ་གསུང་ཐུགས་ཀྱི་བྲོ། །པདྨ་གསང་བའི་དམ་བསྐངས་ནས། །གདུལ་བྱའི་བྲོ་བཞི་བྱུང་བ་ནི། །ནུབ་ཀྱི་ཕྱོགས་སུ་བྲོ་གཅིག་བྱུང་། །ཀླུ་འབྲུག་འདུལ་བའི་བྲོ་བོ་ཆེ། །ཁ་ཡང་ནུབ་ཏུ་བལྟ་བྱ་སྟེ། །གྲུ་མོ་གདེངས་ནས་རྐང་པས་བརྡུངས། །ཁ་ནས་སྔགས་ཚིག་འདི་ཡང་བཟླས། །རཱ་ག་ནཱ་ག་རྔུབས་ཡ་རྔུབ་ཡ། །ཀླུ་རྣམས་ཀུན་ཀྱང་ཞབས་ཀྱིས་བཙིར། །གདུལ་བྱའི་བྲོ་གཅིག་བྱང་དུ་བྱུང་། །གནོད་སྦྱིན་འདུལ་བའི་བྲོ་བོ་ཆེ། །ལག་པ་གཡས་གཡོན་མགོ་ལ་ཁྱེར། །བྱང་གི་ཕྱོགས་སུ་ཁ་བལྟས་ཏེ། །ཨཱ་ར་ཀུ་རུ་པ་ར་དུམ་ཡང་ལིང་ཡཾ་སྟེ། གནོད་སྦྱིན་བསྒྲལ་བའི་སྟེང་དུ་བརྡུངས། །གདུལ་བྱའི་བྲོ་གཅིག་ཤར་དུ་བྱུང་། །དྲི་ཟའི་རྒྱལ་པོ་འདུལ་བའི་བྲོ། །ལག་པ་གར་ཐབས་བསྐྱོད་བྱས་ཏེ། །ལྷ་ཚོགས་མང་པོ་དབང་དུ་སྡུད། །ཨ་རག་ས་མ་ས་དུ་དུ་བཟླས། །གདུལ་བྱའི་བྲོ་གཅིག་ལྷོ་རུ་བརྡུངས། །གྲུལ་བུམ་འདུལ་བའི་བྲོ་བོ་ཆེ། །ཡ་མ་ཙབ་ཤ་ལིང་བཟློག་ཅིང་། །གྲུལ་བུམ་སྟེང་དུ་བྲོ་ཡང་བརྡུངས། །ལ་ལ་རླུང་ལྷ་འདུལ་བའི་བྲོ། །ལ་ལ་བགེགས་ཆེན་འཇོམས་པའི་བྲོ། །རྟ་ཡི་བྲོ་ནི་ཤར་ནས་བརྡུངས། །རྡོ་རྗེའི་བྲོ་ནི་ལྷོ་ནས་བརྡུངས། །ཕུང་པོའི་བྲོ་ནི་ནུབ་ནས་བརྡུངས། །སྤྲུལ་པའི་བྲོ་ནི་བྱང་ནས་བརྡུངས། །ལ་ལས་ཟ་བྱེད་ཆེན་པོ་འདུལ། །ལ་ལས་གཡོ་འགུལ་མེད་པར་བྱེད། །ལ་ལས་རྩལ་གྱིས་དབང་དུ་སྡུད། །ལ་ལས་དུག་གསུམ་བཙོན་ར་སྦྱོང་། །ལ་ལས་ཕུར་པས་དབྱིངས་སུ་འདེབས། །ལ་ལས་སྦྱོར་བའི་ངན་སྔགས་གཅོད། །ལ་ལས་ང་རྒྱལ་གཤོགས་པར་བྱེད། །ལ་ལས་ཐམས་ཅད་བསྟན་པར་བྱེད། །ཀུན་ཏུ་བཟང་མོའི་མཁའ་དབྱིངས་ལ། །ཚོམ་བུ་བརྒྱད་ཀྱི་བྲོ་བྱུང་བ། །ཁྲོ་བོ་ཀུན་གཞི་མཉམ་པར་སྦྱོར། །ཤེས་རབ་ཕ་རོལ་ཕྱིན་པའི་བྲོ། །འདི་ནི་དཔལ་གྱི་ཐུགས་དམ་ཡིན། །འདི་ནི་མ་སྲིང་དངོས་གྲུབ་ཡིན། །འདི་ཡང་ཕོ་ཉའི་ལོངས་སྤྱོད་ཡིན། །ཞེས་བརྡུང་ངོ་། །ཧཱུྃ་མཛད་ཆེན་པོའི་རྒྱུད་ལས། བྲོའི་ལེའུ་སྟེ་དགུ་པའོ།། །།འདུས་ ― DNG008_Page_0667 ―
[མ་དཔེ་གཟིགས་ན་འདིར་གནོན།]
པའི་སྲས་ཆེན་ཧེ་རུ་དེས། །དབང་གི་རྒྱལ་ལ་འདི་སྐད་གསོལ། །གང་དེ་བསྒྲལ་བའི་ཕུང་པོ་འམ། །སེམས་ཅན་ཚེ་ཡི་དུས་བྱས་ནས། །དམྱལ་བའི་གནས་སུ་ལྷུང་བ་ལ། །དྲང་བའི་ཐབས་ནི་ཇི་ལྟར་ལགས། །སེམས་ཉིད་དོན་དེ་ཇི་ལྟར་ལགས། །དབང་ཆེན་ཁྱོད་ལས་བདག་ཉན་འཚལ། །ཞེས་གསོལ་པས། དབང་གི་རྒྱལ་པོས་བཀའ་སྩལ་པ། །སེམས་ཅན་འདུས་བྱས་འཁྱམས་པ་ལ། །ཡང་དག་རང་གནས་མ་བསྟན་ན། །མ་རྟོགས་རྩོལ་བསྒྲུབ་བྱས་ཀྱང་ཐར་ས་མེད། །ལས་ཀྱི་ཧེ་རུ་ཀ་ཉོན་ཅིག །རང་གི་སེམས་ཉིད་གདོད་ནས་མ་དག་ན། །འཕྲལ་དུ་ཕྱོགས་ཙམ་བསྒོམ་པས་དག་མི་འགྱུར། །ཐབས་ཀྱི་རྩ་བ་སྙིང་རྗེ་མ་ཤར་ན། །འཕྲལ་གྱི་ཆོས་ཀྱིས་ཡོངས་ལ་ཁྱབ་མི་འགྱུར། །རྒྱུད་ཉིད་དག་པའི་དོན་ཉིད་མ་ཤེས་ན། །འཕྲལ་གྱི་དམིགས་པས་རང་རིག་གསལ་མི་འགྱུར། །རང་རིག་རྩེ་ཡིས་ཡོངས་ལ་མ་གདའ་ན། །འཕྲལ་དུ་འཕྲོ་འདུས་ཉོན་མོངས་དག་མི་འགྱུར། །ཡེ་ནས་བཙལ་མེད་དཀྱིལ་འཁོར་མ་རྟོགས་ན། །འཕྲལ་དུ་ཡུད་ཙམ་རྒྱལ་བའི་སྐུ་མི་རྫོགས། །ཡིད་ཀྱི་མཆོད་པས་སྟོང་གསུམ་མ་ཁྱབ་ན། །བཤམས་ཙམ་ཕུལ་བས་རྒྱལ་བ་མཉེས་མི་འགྱུར། །དོན་གྱི་བསྙེན་པ་ཁོང་ནས་མ་ཤར་ན། །འཕྲུལ་དུ་མཚན་མར་བརྗོད་པས་གྲུབ་པ་མེད། །སེམས་ཀྱི་དབང་ཕྱུག་འདོད་དགུར་མ་ཤེས་ན། །འཕྲལ་ཐབས་ཡེ་ཤེས་ལྔ་ཡི་དབང་མི་ཆགས། །རྣམ་སྨིན་ལས་ཀྱིས་བརྟས་པའི་སྲིན་པོ་དང་། །ཉོན་མོངས་འདམ་དུ་འཁོར་བ་རཱུ་ཏྲ་ཡང་། །རྟོགས་དང་ལྡན་པའི་བལྟ་བས་མ་བཏུལ་ན། །མཚན་མར་བསྒོམ་པའི་རྟོགས་པས་གནས་མི་འབྱོངས། །ཡེ་ཤེས་རང་གནས་དོན་འདི་མ་ཤེས་ན། །འབད་རྩོལ་བྱས་པས་གནས་མཆོག་ཡང་མི་རྙེད། །དབང་གིས་རྒྱལ་པོས་དེ་སྐད་ཅེས་གསུངས་སོ། །ཧཱུཾ་མཛད་ཆེན་པོའི་རྒྱུད་ལས། རང་གི་གནས་བསྟན་པའི་ལེའུ་སྟེ་བཅུ་པའོ།། །།ལས་ཀྱི་ཧེ་རུ་ལ་སོགས་པ་འཁོར་རྣམས་གསུངས་པ་ལ་རྗེས་སུ་ཡི་རངས་ནས་བསྟོད་དོ། །དབང་གི་རྒྱལ་པོས་བཀའ་སྩལ་པ། རྒྱུད་འདི་ཟུངས་ཤིག་ཆོངས་ཤིག །ཀློག་ཅིག །ཅེས་གསུང་ནས་འཁོར་རྣམས་རང་རང་ས་ལ་འཁོད་དོ། །ཧཱུཾ་མཛད་ཆེན་པོའི་རྒྱུད་ལས། རྒྱུད་ཡོངས་སུ་གཟུང་ཞིང་གཏད་པའི་ལེའུ་སྟེ་བཅུ་གཅིག་པའོ།། །།ཧཱུཾ་མཛད་ཆེན་པོའི་རྒྱུད་རྫོགས་སོ། །སློབ་དཔོན་རྡོ་རྗེ་གྲོ་ལོད་དང་། ལོ་ཙཱ་བ་རྡོ་རྗེ་ཞང་དྲུང་གིས་བསྒྱུར་རོ། །བར་འདིར་ནམ་མཁའ་མཛོད་ཀྱི་རྒྱུད་འཇིག་རྟེན་ལས་འདས་པའི་མདོ་འཛུད། ཟླ་གསང་ཆེན་པོའི་མདོ།― DNG008_Page_0668 ―
[མ་དཔེ་གཟིགས་ན་འདིར་གནོན།]
ཟླ་གསང་ཆེན་པོའི་མདོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཟླ་གསང་ཆེན་པོ་ཡུམ་རྣམ་པར་དག་པའི་མཁའ་ཀློང་ན། ཡེ་ཤེས་ཀྱི་རླུང་ནག་ནི་འཚུབས། བསྐལ་པའི་མེ་ལྕེ་ནི་འབར། ཁྲག་གི་རྒྱ་མཚོ་རྦ་ཀློང་ནི་འཁྲུག །མཱཾས་ཤ་ཆེན་གྱི་ས་གཞི་ནི་བརྡལ། ཀེང་རུས་གསར་རྙིང་གི་རི་རབ་ནི་བརྩིགས། ཡེ་ཤེས་ཀྱི་གཞལ་ཡས་ཁང་ཀུན་ཏུ་འཕྲོ་བའི་གནས་ན་བརྗོད་ཀྱི་མི་ལངས་པའི་ཡང་མི་ལངས་པ། འཁོར་འབུམ་ཕྲག་བསམ་གྱིས་མི་ཁྱབ་པའི་ཚོགས་བསམ་གྱིས་མི་ཁྱབ་པ་ལ། འདི་ལྟ་སྟེ། དེ་བཞིན་གཤེགས་པ་ཞེ་སྡང་རྡོ་རྗེ་དང་། དེ་བཞིན་གཤེགས་པ་གཏི་མུག་རྡོ་རྗེ་དང་། དེ་བཞིན་གཤེགས་པ་ང་རྒྱལ་རྡོ་རྗེ་དང་། དེ་བཞིན་གཤེགས་པ་འདོད་ཆགས་རྡོ་རྗེ་དང་།དེ་བཞིན་གཤེགས་པ་ཕྲག་དོག་རྡོ་རྗེ་ལ་སོགས་ཏེ། རྡོ་རྗེའི་འཁོར་ཚོགས་ཐམས་ཅད་དང་། དབང་ཕྱུག་མ་ཆེན་མོ་ཀེའུ་རཱི་མ་དང་། དབང་ཕྱུག་མ་ཆེན་མོ་ཙོ་འུ་རི་མ་དང་། དབང་ཕྱུག་མོ་ཆེན་མོ་པྲ་མོ་ཧཱ་དང་། དབང་ཕྱུག་མ་ཆེན་མོ་བཻ་ཏཱ་ལི་དང་། དབང་ཕྱུག་ཆེན་མོ་པུཀྐ་སཱི་དང་། དབང་ཕྱུག་ཆེན་མོ་སྨ་ཤ་ནཱི་དང་། དབང་ཕྱུག་ཆེན་མོ་གྷསྨ་རཱི་དང་། དབང་ཕྱུག་ཆེན་མོ་ཙཎྜ་ལི་ལ་སོགས་ཏེ། དབང་ཕྱུག་ཆེན་མོའི་ཚོགས་བསམ་གྱིས་མི་ཁྱབ་པ་དང་། ཕྲ་མེན་མའི་འཁོར་ཚོགས་རྣམས་ལ། སེང་གེ་དང་། སྟག་དང་། ཝ་དང་། སྤྱང་ཀི་དང་། ཀང་ཀ་དང་། བྱ་རོག་དང་། འུག་པ་དང་། རྔ་མོ་དང་། བོང་བུ་དང་། ཁྱི་དང་། ཕག་ལ་སོགས་ཏེ་ཁྲོས་པའི་གཟུགས་ཅན་མང་པོའི་ཚོགས་བསམ་གྱིས་མི་ཁྱབ་པ་དང་། རྡོ་རྗེ་སྲིན་པོ་བསམ་གྱིས་མི་ཁྱབ་པ་དང་། རྡོ་རྗེ་སྲིན་མོ་བསམ་གྱིས་མི་ཁྱབ་པ་དང་། ལྕགས་ཀྱུ་དང་། ཞགས་པ་དང་། ལྕགས་སྒྲོག་དང་། དྲིལ་བུ་དང་། ཕྲ་མོ་ལ་མོས་པའི་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་སོགས་ཏེ། ཕྲ་མོ་ལ་མོས་པའི་བྱང་ཆུབ་སེམས་དཔའ་རྣམས་དང་ཐབས་ཅིག་ཏུ་ཡུམ་རྣམ་པར་དག་པའི་མཁའ་ཀློང་དུ་ཁྱབ་ནས་བཞུགས་སོ། །དེ་ནས་ ― DNG008_Page_0669 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་སེམས་ཅན་གྱི་དོན་ལ་སྦྱོར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འཁོར་དེ་དག་དུ་སྐུ་ལ་འཇུག་པར་མཛད་དོ། །འཁོར་དེ་དག་ཐམས་ཅད་ཀྱང་སྐུ་ལས་འཐོན་ནས། སེམས་ཅན་གྱི་དོན་ལ་གནས་ནས་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ་ལ་སོགས་སྦྱར་བ་འདི། །ཀུན་གྱིས་ཐམས་ཅད་གསལ་བའི་ཆོས་བསྟན་ཏེ། །སྣ་ཚོགས་ངོ་བོ་སངས་རྒྱས་ཁྱབ། །གྲུ་བཞི་ཀུན་ཏུ་དཀྱིལ་འཁོར་ལྡན། །འོད་ཟེར་རྣམ་ལྔས་ཀུན་ཏུ་འཁྲིགས། །རྒྱན་རྣམས་ཐམས་ཅད་རྒྱས་གྱུར་ཏོ། །དེ་ནས་འོད་ཟེར་བརྗོད་པ་ལས། །ཕྱག་ན་རྡོ་རྗེ་ལ་སོགས་པ། །འཁོར་རྣམས་འབུམ་ཕྲག་བསམ་ཡས་དང་། །རིགས་རྣམས་ལྔ་པོ་འཁོར་བཅས་དང་། །ཐམས་ཅད་འདུས་པའི་འཁོར་ཚོགས་ལ། །འདི་སྐད་ཅེས་ནི་བཀའ་སྩལ་ཏོ། །ཨེ་མའོ་རྒྱལ་བ་ཐམས་ཅད་ཀྱི། །རྫོགས་པའི་སེམས་ནི་རང་བྱུང་བ། །བདེ་གཤེགས་ཀུན་གྱི་ཟླ་གསང་ཉིད། །མ་རྟོགས་པ་ལ་གནས་མེད་དོ། །དེ་ནས་དེ་བཞིན་གཤེགས་པ་ཐམས་ཅད་གཅིག་ཏུ་བསྡུས་ནས། བཅོམ་ལྡན་འདས་ཟླ་གསང་ཆེན་པོ་ལ། དེ་བཞིན་གཤེགས་པ་སོ་སོའི་དམ་ཚིག་གིས་མཆོད་དེ། ལུས་ངག་གིས་ཕྱག་བཙལ་ནས་འདི་སྐད་ཅེས་གསོལ་ཏོ། །འདུས་པ་ཟླ་བ་ལས་བྱུང་བ། །བདེ་གཤེགས་ཀུན་གྱི་ཟླ་བ་ཉིད། །མི་འགྱུར་སྙིང་པོ་དམ་པ་ཉིད། །བཅོམ་ལྡན་འདས་ཀྱིས་བཤད་དུ་གསོལ། །དེ་ནས་བཅོམ་ལྡན་འདས་ཟླ་གསང་ཆེན་པོ་དེ་བཞིན་གཤེགས་པས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །སྤོབས་ནི་སྤོབས་ན་སངས་རྒྱས་ཐམས་ཅད་ཀྱང་། ཐེ་ཚོམ་སྐྱེ་བར་བྱེད་ཡིན་ན། མོས་པ་ཕྲ་མོ་རྣམས་ལྟ་ཅི་སྨོས། སངས་རྒྱས་ཐམས་ཅད་ངོ་མཚར་དུ་གྱུར་ནས་བདག་ཅག་གི་སོམ་ཉི་གཅོད་པ། ཟླ་གསང་ཆེན་པོ་ལ་འདི་སྐད་ཅེས་གསོལ་ཏོ། །སངས་རྒྱས་ཀྱི་ཁྱད་པར་ཡང་། སངས་རྒྱས་ཉིད་ཀྱི་འཁོར་དུ་སངས་རྒྱས་ཉིད་འགྱུར་བས། སྲོག་གི་སྙིང་པོ་དབུལ་དུ་གསོལ། དམ་ཚིག་བསྐུལ་དུ་གསོལ། བརྗོད་པ་མཛད་དུ་ ― DNG008_Page_0670 ―
[མ་དཔེ་གཟིགས་ན་འདིར་གནོན།]
གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཟླ་གསང་ཆེན་པོ་ཉིད་ཀྱིས་སྲོག་གི་སྙིང་པོ་ཕུལ་བས། བཛྲ་ཤྲཱི་ཧེ་རུ་ཀ་ཛ་སྟྭཾ། ཙཎྜ་གུ་ཧྱ་ཛ་སྟྭཾ། ཤྲཱི་ཧེ་རུ་ཀ་ཛ་སྟྭཾ། གནས་དེ་ཕྱུང་མ་ཐག་ཏུ། དབུ་དགུ་ཕྱག་བཅོ་བརྒྱད་པ་གཅིག་ཏུ་གྱུར་ཏོ། །དེ་ནས་སྐུ་ཅི་ཡང་མ་ངེས་པ་གཅིག་ཏུ་གྱུར་པས། ཕྱོགས་བཅུའི་སངས་རྒྱས་ཐམས་ཅད་ཀྱིས་རིགས་སོ་སོས་བསྐུལ་བ་མཛད་དོ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། འདི་ལྟ་སྟེ། ཛ་དུ་པྲ་ཏི་ནི་ཛ། ཧ་ཧ་ཧ་ཧ་ཧ་ཧ་ཧ་ཧ། ཧེ་ཧེ་ཧེ་ཧེ་ཧེ་ཧེ་ཧེ་ཧེ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཛཿཧཱུྃ་བཾ་ཧོཿ། དེ་ནས་སོ་སོས་བསྐུལ་བ་དང་། དེ་སྐད་ཅེས་ནི་བརྗོད་པ་དང་། སོ་སོར་འདར་ཞིང་བརྒྱལ་བར་གྱུར་ནས། ཕྱག་ན་རྡོ་རྗེའང་འདི་སྐད་བརྗོད་དོ། །ཨེ་མའོ་བཅོམ་ལྡན་ཟླ་གསང་མཆོག །བདག་བྱིན་གྱིས་བརླབ་ཏུ་གསོལ། དེ་སྐད་ཅེས་ནི་གསོལ་པ་དང་། དེ་ནས་བཅོམ་ལྡན་འདས་ཟླ་གསང་ཆེན་པོས་རྣམ་དག་མཁའ་ཀློང་ནས་བཞེངས་ནས། ཕྱག་ན་རྡོ་རྗེ་ལ་སོགས་པ་བྱིན་གྱིས་འདི་སྐད་ཅེས་བརླབས་སོ། །ཤྲཱི་ཧེ་རུ་བཛྲ་ཙཀྲ། ཀཱ་ཡ་ཝཱ་ཀ་ཙིཏྟ་རཾ། དེ་སྐད་ཅེས་ནི་བརྗོད་པ་དང་། །ལས་ཀྱི་དབང་དང་ལྡན་གྱུར་ནས། །ཨེ་མའོ་མི་གསུང་གསུང་མཆོག་རྒྱལ་པོའི་ཐུགས། །དེ་ཡི་དབང་དང་ལྡན་གྱུར་ནས། །ཕྱག་ན་རྡོ་རྗེའི་མཐུ་སྟོབས་དང་། །བྱིན་རླབས་མཐུ་ཆེན་གཟི་འཕེལ་འགྱུར། །དེ་སྐད་ཅེས་བཀའ་སྩལ་ནས། འབྱོར་པའི་ཏིང་འཛིན་རྒྱས་པར་མཛད་དོ། །བཅོམ་ལྡན་འདས་ཟླ་གསང་ཆེན་པོ་ལས། བྱིན་གྱིས་བརླབས་པའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། བྱང་ཆུབ་སེམས་དཔའ་ཕྲ་མོ་ལ་མོས་པ་རྣམས་ཀྱིས་གསོལ་པ། བདུད་དང་མུ་སྟེགས་རྣམས་ཀྱིས་ནི། རྒྱལ་བའི་བཀའ་ལ་མོས་པ་རྣམས་བཟློག་ཅིང་། བསྟན་པ་ལ་གནས་པ་རྣམས་དཀྲུག་པར་བྱེད་ཅིང་། སློབ་དཔོན་ལ་སྨོད་པ་འདི་དག་བརླག་པར་ནི་ཇི་ལྟར་བགྱི།ཐབས་ནི་གང་གིས་བསྒྲུབ། དཀྱིལ་འཁོར་ནི་ཇི་ལྟར་བྲི། དེ་སྐད་ཅེས་ ― DNG008_Page_0671 ―
[མ་དཔེ་གཟིགས་ན་འདིར་གནོན།]
གསོལ་པ་དང་། བཅོམ་ལྡན་འདས་ཟླ་གསང་ཆེན་པོས་འདི་སྐད་ཅེས་བཀའ་སྩལ་ཏོ། །ཕྲ་མོ་ལ་མོས་པའི་བྱང་ཆུབ་སེམས་དཔའ་རྣམས་ཉོན་ཅིག །ལས་ལས་གྲུབ་པའི་འགྲོ་དྲུག་རྣམས། །སྙིང་པོ་འདི་དག་བརྗོད་བྱ་སྟེ། །ཨ་ནྲྀ་སུ་ཏྲི་པྲེ་དུ། ཛ་ཛ་ཛ་ཛ་ཛ་ཛ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། བཾ་བཾ་བཾ་བཾ་བཾ་བཾ། ཧོ་ཧོ་ཧོ་ཧོ་ཧོ་ཧོ། བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུྃ་ཕཊ། མིའི་མགོ་ལ་རྒྱལ་བའི་དཀྱིལ་འཁོར་རྒྱས་པར་འགོད། ཧཱུྃ་ཧ་ཧེ་ཧཱུྃ་བྷྱོ། གྲུ་གསུམ་ཟླ་གམ་གསུམ་པ་ལ། །འབར་བའི་བར་ཁྱམས་གཉིས་དང་ལྡན། །གྲུ་བཞི་སྒོ་ཁྱུད་ལྡན་པར་མཛེས། །དཀྱིལ་འཁོར་དེ་ཡི་ལྷོ་སྒོ་རུ། །གཤིན་རྗེ་གཤེད་ཉིད་ལོག་འདྲེན་སྟེང་། །ཞལ་གསུམ་ཕྱག་དྲུག་རྣམ་པར་ལྡན། །སྨུག་ནག་འཇིགས་པའི་ཁ་དོག་ལ། །གཡས་ན་ལྕགས་ཀྱུ་དགྲ་སྟྭ་མེ་དབལ་ཐོགས། །གཡོན་ན་ཁྲག་འཚེའུ་ཞགས་པ་ཕུར་བ་བསྣམས། །ལས་ཀྱི་རྦོད་གཏོང་ཆེན་པོ་སྟེ། །བདུད་དང་མུ་སྟེགས་གཞོམ་པའི་ཕྱིར། །རྦོད་གཏོང་ཆེན་པོའི་དུས་ལ་བབ། །གང་ལ་ཅིས་འདུལ་ཁྱོད་ཉིད་ཡིན། །བྱ་རྒོད་གཟུགས་ཅན་ཀང་ཀ་དང་། །ཝ་དང་སྤྱང་ཀི་སྟག་གཟིག་འཕྲོ། །སྡེར་ཆགས་བྱི་ལ་འུག་པ་དང་། །མཆེ་གཤོག་སྡེར་མོ་ཅན་ལ་སོགས། །ཕོ་ཉ་རྣམས་ཀྱི་ཐུགས་དམ་ནི། །རབ་ཏུ་བསྐུལ་བའི་དུས་ལ་བབ། །མིའི་ལག་པའི་སོར་བརྒྱད་པའི་ཚད་ཆེན་ལ། །ཁྲོ་བོ་བཅུ་དག་བསྒོམ་པར་བྱ། །ཕྲ་མོའི་ཏིང་འཛིན་གསལ་ནས་ཀྱང་། །རྒྱུན་གྱི་སྙིང་པོ་འདི་ལྟ་སྟེ། །མ་ཧཱ་ཤྲཱི་ཧེ་རུ་ཀ་མ་ཧཱ་ཀྲོ་དྷཱི་ཤྭ་རཱི་སྟྭཾ། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ། ནྲྀ་བཛྲ། བྱེ་བའམ་ཡང་ན་དེ་དག་བརྗོད། །དེ་སྐད་ཅེས་ནི་བཀའ་སྩལ་ཏོ། །ཟླ་གསང་གི་དཀྱིལ་ནས་འདི་སྐད་ཅེས་བཀའ་སྩལ་ཏོ། །བདག་ཉིད་ལོག་འདྲེན་ཆེན་པོར་གྱུར། །ལིང་ག་བཤམས་པ་འདི་དག་ནི། །ཛཿཧཱུྃ་བཾ་ཧོཿས་བསྒོམས་ནས་ཀྱང་། །ནྲྀ་ཞེས་བྱ་བའི་སྙིང་པོ་འདི། །ཨོཾ་དང་ཧཱུྃ་གི་བར་དུ་གཞུག །མཆན་ཁུང་གཡས་པ་འདི་དག་ནས། །སྔགས་རྣམས་འདི་དག་གཞུག་པར་བྱ། ནྲྀ་ཛ། ནྲྀ་ན་ཛ། ནྲྀ་མུ་ཛ་ ― DNG008_Page_0672 ―
[མ་དཔེ་གཟིགས་ན་འདིར་གནོན།]
ཛ། མུ་འུ་ར་ཛ་ཛ། མིང་དང་གཟུགས་ལ་ནི་ཡ་ཛ་ཛ། ནྲྀ་ཨཱ་བེ་ཤ་ཡ། སོར་མོ་རྒྱབ་ཏུ་བསྣོལ་ནས་ནི། །མཐེ་བོང་གཉིས་ནི་ནང་དུ་དགུག །དེ་ནས་ཕྱོགས་བཅུར་བཏེགས་ནས་ཀྱང་། །མིང་དང་གཟུགས་ལ་སླར་ལ་ཟློག །དེས་ནི་དབབ་པའི་ལས་བྱའོ། །ཕྱག་ན་རྡོ་རྗེ་དང་ཕེབས་པར་འགྱུར། །ལག་པ་གཉིས་ནི་རྒྱབ་སྦྱར་ལ། །མཐེའུ་ཆུང་གཉིས་ནི་སྦྱར་ལ་འཁྱུད། །མཛུབ་མོ་གཉིས་ནི་ལྕགས་ཀྱུར་བཅས། །འདི་ནི་དགུག་པའི་རྒྱ་ཆེན་ཡིན། །ཨཾ་ཀུ་ཤ་ཛ། ནྲྀ་ཛ། པུ་ག་དུ་སྔགས་འདི་ལེགས་སྦྱར་དངོས་སུ་མི་འདུག་ཅིང་ཟུར་ཆག་ཀྱང་མངས་བས་མ་ཕྱི་སོར་གཞག་བགྱིས་པ་དཔྱོད་ལྡན་རྣམས་ཀྱིས་དགོངས་དཔྱད་འཚལ་ལ་ཤཾ་བ་རི་ཛ་གུ་གུ་དུ་ལ། སུ་མ་ཏི་གུ་གུ་དུ་ལ། ནྲྀ་ཛ། ནྲྀ་ཛ། ནྲྀ་ཛ། པྲ་ཏི་ནྲྀ་ཛ། ཨོཾ་གྷ་གྷ། གྷཱ་ཏ་ཡ། གྷཱ་ཏ་ཡ། སརྦ་དུཥྚ་ན་ཕཊ། ཀཱི་ལི་ཀཱི་ལ་ཡ། ཀཱི་ལ་ཡ། སརྦ་པཱ་པཾ་ཕཊ། ཧཱུྃ་ཧཱུྃ། བཛྲ་ཀཱི་ལ་ཡ། བཛྲ་དྷ་ར། ཨཱ་ཛྙཱ་པ་ཡ་ཏི། ཀཱ་ཡ་ཝཱ་ཀ་ཙིཏྟ། བཛྲ་ཀཱི་ལ་ཡ་ཧཱུྃ་ཕཊ། ཨོཾ་ཚིནྡྷཚིནྡྷ། ཧ་ན་ཧ་ན། དཱིབྟ་ཙཀྲ་ཧཱུྃ་ཕཊ། འདི་དག་བཟླས་མ་ཐག་ཏུ་ནི། །སངས་རྒྱས་བྱང་ཆུབ་སེམས་དཔའ་དང་། །ཕྱག་ན་རྡོ་རྗེའང་འཇིག་པར་འགྱུར། །དེ་ཡི་སྦྱོར་བ་འདི་དག་བྱ། །དུར་ཁྲོད་རས་སམ་ཤིང་ཤུན་ནམ། །སོལ་བ་ཤང་ཅིག་ལས་བྱས་པ་ཡི། །དགྲ་བགེགས་གང་གི་ལིང་ག་བཤམས། །ཚེར་མའི་ཤིང་དང་གདུག་པར་བཅས། །ཚ་བའི་མེ་དང་སྐེ་ཚེ་དང་། །མཱཾ་ས་ཤ་ཆེན་ལ་སོགས་ཏེ། །སྔགས་པའི་རྫས་ཆེན་འདི་དག་རྣམས། །གཞལ་ཡས་སོ་སོའི་ཕྱི་རོལ་ནས། །གོམ་པ་བཅུ་གསུམ་བཅལ་བར་དུ། །འཁོར་ལོ་རྩིབས་བཞི་གྲུ་ཆད་བཅས། །དེ་ནས་བཅུ་གསུམ་བཅལ་བར་དུ། །གྲུ་གསུམ་ཨེ་དཀྱིལ་སྣམ་བུ་གཉིས། །དེ་ནས་བཅུ་གསུམ་བཅལ་བར་དུ། །ཕྱི་ཁྱམས་ལྕགས་རི་ཆེན་པོར་བཞག །སྦྱིན་སྲེག་ཆ་གསུམ་ལྡན་བར་དུ། །བྱས་ན་དངོས་གྲུབ་ཆེན་པོ་ཐོབ། །ཕྱག་ན་རྡོ་རྗེའང་ཁྲག་ཏུ་སྐྱུགས། །ལིང་ག་མཚན་གསུམ་མཆོད་པར་འབུལ། །སྦྱིན་སྲེག་ཐ་མ་འདི་ཉིད་ལ། །ལོག་འདྲེན་རྒྱལ་པོ་འདི་ལ་དབུལ། །ཨོཾ་ན་མཿས་མན་ཏ། སྙིང་ཁར་ནི། ནྲྀ་ཁ་རག་རྦད། ཛྭ་ལ་རཾ། ― DNG008_Page_0673 ―
[མ་དཔེ་གཟིགས་ན་འདིར་གནོན།]
ཤིག་ཤིག །ཛྭ་ལ་རཾ། ནྲྀ་པྲ་ཏ་ཛྭ་ལ་རཾ། ཨོཾ་ཨཱཿཧཱུྃ་སྭཱ་ཧཱ། རཾ་རཾ་རཾ། ཁ་རཾ། དེ་ནས་ལིང་ག་འདི་དག་ནི། །གནས་མདུན་དག་ཏུ་ལན་བདུན་གདབ། །མེ་ཡི་མགོ་ལ་གང་བར་གདབ། །ཡབ་ཡུམ་ཉི་ཤུ་ཚང་བ་དང་། །སྤྲུལ་པ་ཟ་གསོད་ཉི་ཤུར་བཅས། །སྒོ་བ་བཞི་དང་ཞེ་བཞིར་བཅས། །ལྡན་པའི་སྔགས་ཀྱིས་བརྡུང་བར་བྱ། །ཆོ་ག་དེ་དག་ལྡན་གྱུར་ན། །ཕྱག་ན་རྡོ་རྗེའང་བསྲེག་པར་འགྱུར། །དགྲ་ཡི་སྒོ་ཁར་བྱས་གྱུར་ན། །ཟླ་བ་ཕྱེད་ནི་ཚུན་ཆད་ཀྱིས། །སྐབས་སམ་ཡང་ན་འཆི་བར་འགྱུར། །དེ་ནས་བཅོམ་ལྡན་འདས་ཟླ་གསང་གིས་འདི་སྐད་ཅེས་བཀའ་སྩལ་པ། ཕྲ་མོའི་བྱང་ཆུབ་སེམས་དཔའ་རྣམས། །མཛད་པ་ལེགས་སོ། །དཀྱིལ་འཁོར་ནི་ལེགས་པའོ། །བཟླས་པ་བརྗོད་པ་ནི་ལེགས་པའོ། །ཕྲིན་ལས་ནི་ལེགས་པའོ། །དེ་ལྟར་ལེགས་པར་བསྒྲུབ་ནས་ནི། །ལས་རྣམས་ཐམས་ཅད་འགྲུབ་པའོ། །ཟླ་གསང་དབུས་ཀྱི་དཀྱིལ་འཁོར་ཆེན་པོ་ལས། བདུད་དང་མུ་སྟེགས་འདུལ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལུས་དང་ངག་སེམས་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རྡོ་རྗེ་སློབ་དཔོན་སྨོད་པ་དང་། །གང་དག་སྡང་ཞིང་གདུག་སེམས་ལྡན། །འབྱུང་པོ་མ་རུངས་གནོད་པ་ཅན། །འདི་དག་རབ་ཏུ་བསྒྲལ་བར་བྱའོ། །སངས་རྒྱས་ཀུན་གྱི་ཁྲོ་བོར་བསྒོམ། །དགྲ་རྣམས་གསད་པར་བྱ་བ་ནི། །རྡོ་རྗེ་རྩེ་ལྔ་ཁ་བཞི་པ། །ལག་པ་གཡས་པ་གཟུང་བར་བྱ། །གཡོན་པ་ལྕགས་ཀྱུ་འདེབས་པའི་ཚུལ། །ཁྲོ་བོ་ཁྲོས་པ་རྔམས་པའི་གཟུགས། །འཇིགས་ཤིང་མི་སྡུག་གཏུམ་བག་ཅན། །འབར་བའི་མཚོན་ཆ་སྣ་ཚོགས་འཛིན། །བརྩམས་པའི་ལས་ནི་གསོད་པར་བྱེད། །དགྲ་བགེགས་རྣམས་ནི་གསོད་པ་དང་། །ཕྱག་ན་རྡོ་རྗེའང་གསོད་པར་བསྒོམ། །ཉི་མ་བཅུ་གཅིག་ཚུན་ཆད་ཀྱིས། །བྱས་ན་རྒྱལ་བས་དངོས་གྲུབ་སྟེར་བར་འགྱུར། །དེ་ནས་བཅོམ་ལྡན་འདས་ངག་གི་དབང་ཕྱུག་ཆེན་པོས། འདི་སྐད་ཅེས་ ― DNG008_Page_0674 ―
[མ་དཔེ་གཟིགས་ན་འདིར་གནོན།]
བཀའ་སྩལ་ཏོ། །ཨོཾ་བཛྲ་ཀཱི་ལི་ཀཱི་ལ་ཡ་ནྲྀ་ནེ་ཛ། བྱེ་བ་འབུམ་དུ་བཟླས་བྱས་ན། །མཐུ་ཆེན་ཐམས་ཅད་འགྲུབ་པར་འགྱུར། །དེ་ནས་ལོག་འདྲེན་ལ་འདི་སྐད་ཅེས་བཀའ་སྩལ་ཏོ། །ས་མ་ཡ། ས་མ་ཡ། ས་མ་ཡ། ཀཱ་ལ་རུ་པ། ཀཱ་ལ་རུ་པ། ཀཱ་ལ་རུ་པ། ཀྵྀ་ན་སྔགས་འདི་ཡང་མ་ཕྱི་སོར་བཞག་ཛ་ཛ་ལི་ནཱི་ཛ་མ་ལེ། ས་མ་ཡེ་སྟྭཾ། རཀྵུ་ན། རཀྵུ་ན། ཁ་ལ་མུ་རག །ཁ་ལ་མུ་རག །མུ་ནྲི་ཁྲག་མུ་ནྲི་ཁྲག །མུ་ནྲི་ཁྲག །པ་རཀྵྀ་ན། པ་རཀྵྀ་ན། པ་རཀྵྀ་ན། རང་གི་སྲོག་གི་དམ་ཚིག་ཕུལ་ན།གཞན་ལྟ་ཅི་སྨོས། སྲོག་གི་དམ་ཚིག་སྙིང་པོ་ཕུལ་ལོ། ། སོར་བཞག་ནྲི་ཛ། ཏྲིང་ནྲི་ཛ། ཏྲི་ཙི་ནྲི་ཛ། ཏྲི་ཙི་ནྲི་ཛ། ཏྲིང་ནྲི་ཛ། ཏྲིང་ཙི་ནྲི་ཛ། ཏྲིང་ནི་ཛ། ཁ་ལ་རཀྴ། པྲ་ཏི་ཛ་ནྲི། ཛྭ་ལ་རཀྴ། པྲ་ཏྲི་ཛ་ནི་ནི་ཛ། ཁ་ལ་མུ་ཛི། དེ་སྐད་གསུངས་མ་ཐག་ཏུ་ནི། །ནམ་མཁའི་དབུས་ཀྱང་རབ་ཏུ་འདུག །སངས་རྒྱས་རྡོ་རྗེ་ཅན་ཀུན་ཡང་། །ཁྲག་ཏུ་སྐྱུགས་ཤིང་བརྒྱལ་བར་འགྱུར། །དགྲ་བགེགས་རྨོངས་པར་བྱེད་པའི་ཏིང་ངེ་འཛིན་ནོ། །དེ་ནས་བཅོམ་ལྡན་འདས་ཀྱིས་དགྲ་རྣམས་འཇོམས་པ་ཞེས་བྱ་བའི་ཏིང་ངེ་འཛིན་འདི་བཀའ་སྩལ་ཏོ། །དང་པོར་མ་སྐྱེས་ཆོས་ཉིད་དབྱིངས། །བྱང་ཆུབ་སེམས་ནི་ཀུན་ཏུ་འཕྲོ། །ཡིག་འབྲུ་འཕྲོ་ཞིང་ཀུན་ཏུ་གསལ། །ཡི་གེའམ་ཕྱག་མཚན་ཕྱག་རྒྱར་གྱུར། །ཞལ་གསུམ་ཕྱག་དྲུག་རབ་ཏུ་འབར། །དེས་ནི་དགྲ་བགེགས་དབང་དུ་སྡུད། །ཕོ་ཉ་རྣམ་པར་བསྐུལ་བ་ནི། །རྡོ་རྗེ་ཅན་སོགས་རྒྱབ་ནས་ཕུལ། །ལྕགས་ཀྱུ་ཅན་སོགས་མདུན་ནས་འདྲེན། །ཟ་བའི་ཕོ་ཉ་ཚོགས་ཆེན་རྣམས། །དྲག་པོ་གཏུམ་པོ་ཁྲོ་བོ་དང་། །སྟག་དང་བྱ་རོག་ཝ་རྣམས་ཚོགས། །ཁྱི་འམ་བྱ་རོག་སེང་གེར་བསྒོམ། །དེ་དག་དྲངས་ཤིང་རབ་ཏུ་བརྡུང་། །དེ་ལྟར་བསྒོམས་ན་སངས་རྒྱས་ཀྱང་། །ཟླ་བ་ཕྱེད་ནི་ཚུན་ཆད་ཀྱིས། །འཆི་བར་འགྱུར་བར་གདོན་མི་ཟ། །ཟླ་གསང་ཆེན་པོ་ལས། དགྲ་ཉེ་བར་འཆི་བར་བྱེད་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། ཁྲོ་བོ་ཆེན་པོ་ ― DNG008_Page_0675 ―
[མ་དཔེ་གཟིགས་ན་འདིར་གནོན།]
གཤིན་རྗེའི་གཤེད་པོས་འདི་སྐད་ཅེས་གསོལ་ཏོ། །དགྲ་བགེགས་འདུལ་བ་ཇི་ལྟར་བགྱི།ཐབས་ནི་གང་ལགས། སྐུལ་བའི་སྙིང་པོ་ནི་ཇི་སྐད་བརྗོད། དེ་སྐད་ཅེས་གསོལ་པ་དང་། བཅོམ་ལྡན་འདས་ཟླ་གསང་ཆེན་པོས་འདི་སྐད་བཀའ་སྩལ་ཏོ། །བསྒྲུབ་པར་བྱ་བའི་གནས་མཆོག་ན། །རབ་ཏུ་ཤིས་པར་བཙལ་བ་སྟེ། །འཁོར་ལོ་པདྨ་འདབ་བརྒྱད་དེ། །ཡིད་དུ་འོང་དང་དབེན་པའི་མཆོག །ངེས་པར་ས་གཞི་རྙེད་གྱུར་ནས། །ས་བཟུང་བསྐྲད་དང་བསླང་བར་བྱ། །དེ་ནས་བུད་མེད་སྒྱུ་མ་རྒྱལ། །ཤེས་རབ་མཚན་ལྡན་གཟུང་བར་བྱ། །ཁང་བུ་ངོས་འཇམ་བསྟར་བར་བྱ། །མཎྜལ་འཐས་པའི་ངེས་ཡིན་ནམ་རྒྱས་པའི་འདི་དག་ལ། །དབུས་སུ་མ་ཏྲང་བཞི་བསྣོལ་ལ། །སྙིང་གར་གྲུ་གསུམ་སོ་སོར་བྲི། །རྩེ་ཟུར་ནང་པའི་ཕྱོགས་སུ་བསྟན། །ལག་པ་བརྒྱད་ནི་ཟུར་བཞིར་དགྲམ། །རྐང་པ་བརྒྱད་ནི་གྲུ་བཞིར་བསྣོལ། །སོ་སོའི་བྲང་གི་དབུས་དག་ཏུ། །ནྲྀ་ཞེས་བྱ་བ་གཞག་པར་བྱ། །དེ་ཡི་དབུས་ཀྱི་དཀྱིལ་དག་ཏུ། །ཐིག་གིས་ས་བཅད་ཡུལ་ཡང་བཅད། །འཁོར་ལོ་རྩིབས་བརྒྱད་མུ་ཁྱུད་བཅས། །འབར་བའི་བར་ཁྱམས་ཉིད་ཀྱིས་མཛེས། །ཀུན་ཏུ་གྲུ་བཞི་སྒོ་ཁྱུད་ལྡན། །ལྷ་རྣམས་རིམ་པར་རྒྱས་པར་བསྐྱེད། །སྤྱན་དྲང་བཞུགས་སུ་གསོལ་ནས་སུ། །མཆོད་ཅིང་བསྐུལ་དང་བསྟོད་པ་བརྗོད། །ཀཱ་པ་ལི་དང་ཀ་པུ་ཆུང་། །ཡན་ལག་རིང་ཐུང་དབང་པོར་བཅས། །དངོས་གྲུབ་འབྱུང་བའི་རྟེན་དུ་བྱ། །དགྲ་བོ་མ་ལུས་དགུག་པར་བྱ། །བདག་ནི་ཁྲོ་བོ་འཇིགས་སུ་རུང་། །འཇིགས་པ་དག་ཀྱང་འཇིགས་པར་བྱེད། །སྦྲུལ་གྱི་སྐེ་རགས་ཐོད་པའི་ཕྲེང་བས་བརྒྱན། །མེ་དཔུང་ཐོད་དབྱུག་འབར་བ་རལ་གྲི་ཐོགས། །དབུ་གསུམ་སྨུག་ནག་འཇིགས་ཤིང་འཚེར་བའི་ཞལ། །མཆེ་གཙིགས་རྣམ་པར་བརྒྱན་ཅིང་རྔམ་པའི་ཚུལ། །གློ་སྙིང་ནང་ཁྲོལ་ཟ་ཞིང་ཁྲོ་ཞིང་གཏུམ། །དེ་ལྟར་འཁོར་ཚོགས་མ་ལུས་ཀུན། །ཐམས་ཅད་གཏུམ་ཞིང་དྲག་པོའི་ཚུལ། །ཁྲོ་ཆེན་ཚུལ་འཆང་འབར་བ་རྣམས། །ཕྱག་ན་རལ་གྲི་འབར་བ་བསྣམས། །དེ་ནས་ ― DNG008_Page_0676 ―
[མ་དཔེ་གཟིགས་ན་འདིར་གནོན།]
གདུག་པའི་སྔགས་ཆེན་དག །ཚིག་གི་བརྗོད་པ་འདི་སྐད་བསྐུལ། །ཨོཾ་གྷ་གྷ་གྷཱ་ཏ་ཡ་སརྦ་དུཥྚན་ཕཊ། ཀཱི་ལི་ཀཱི་ལི་ལ་ཡ། སརྦ་པཱ་པཾ་ཕཊ། ཧཱུྃ་ཧཱུྃ་བཛྲ་ཀཱི་ལ་ཡ། བཛྲ་དྷ་ར་ཨཱ་ཛྙ་པ་ཡ་ཏི་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། ཧཱུྃ་ཚིན་དྷ་ཚིན་དྷ། ཧ་ན་ཧ་ན་དཱིཔྟ་ཙཀྲ། བཛྲ་ཀཱི་ལ་ཡ། དཱིཔྟ་ཙཀྲ་བཛྲ་ཛྭ་ལ་ཀཱི་ལ་ཡ། ཤག་ཤག །ཚལ་ཚལ། ཙིཏྟ་ཚལ་ཚལ། ཙིཏྟ་ཁ་ཁ་ཛྭ་ལ་ཁ་ཁ། ཙིཏྟ་ཛྭ་ལ་ཁ་ཁ། ནྲྀ་ཏྲི་ཛྭ་ལ་ཁ་ཁ་ཁ་ན་མཿས་མན་ཏ། ཀཱ་ཡ་ཝཱ་ཀ་ཙིཏྟ་བཛྲཱ་ཎཱཾ། ཨོཾ་ཁ་ཁ་ཁཱ་ཧི་ཁྭ་ཧི། སརྦ་དུཥྚ་སཏྭ་ད་མ་ཀ །ཨ་སི་མུ་ས་ལ། པ་རི་ཤུ་པཱ་ཤ་ཧ་སྭཱ་ཡ་ཕཊ། འདི་ནི་གསུངས་མ་ཐག་ཏུ་ཡང་། །གྲགས་པ་མཐུ་ཆེན་སངས་རྒྱས་ཀུན། །འཇིགས་ཤིང་འདར་ནས་ཁྲག་ཏུ་སྐྱུགས། །སངས་རྒྱས་རྡོ་རྗེ་སེམས་སྤ་བཀོང་། །དགྲ་རྣམས་ལ་ནི་གདོན་མི་ཟ། །ཐོད་པ་མ་གས་མ་ཆག་པ། །གཟུགས་མཛེས་ཡིད་དུ་འོང་བ་ལ། །གཤིན་རྗེའི་གཤེད་པོའི་ཚུལ་དུ་བྱས། །གསང་སྔགས་རྗེས་སུ་དྲན་པར་བྱ། །དབྱིངས་ཕྱུག་མ་ཡང་འགུགས་པར་འགྱུར། །ན་མཿས་མན་ཏ་ཀཱ་ཡ་ཝཱ་ཀ་ཙིཏྟ་བཛྲ་ཎཱཾ། ན་མོ་བཛྲ་ཀྲོ་དྷཱ་ཡ། མ་ཧཱ་ཀྲོ་དྷ་ཡ། ཨ་སི་མུ་ས་ལ་སརྦ་བཛྲ་བན་དྷ་ནན། མ་ཧཱ་ཀ་ར་ནི་ཙིཏྟ་སྭཱ་ཧཱ། དེ་ནི་གསུངས་མ་ཐག་ཏུ་ཡང་། །ཕྱོགས་བཅུའི་སངས་རྒྱས་ཆེན་པོ་ཀུན། །བརྒྱལ་ཞིང་འཇིགས་ཤིང་དངངས་པར་འགྱུར། །བཅོམ་ལྡན་འདས་ཟླ་གསང་ཆེན་པོ་ལས། དཀྱིལ་འཁོར་དང་ཕྲིན་ལས་སུ་དགོད་པའི་ལེའུ་སྟེ་བཞི་པའོ།། །།དེ་ནས་ཕྱག་ན་རྡོ་རྗེ་ཆེན་པོས་དམ་ཚིག་འདི་དག་གསོལ་ཏོ། །ལུས་ངག་ཡིད་གསུམ་བསད་པ་ནི། །བདག་གི་དམ་ཚིག་རྩ་བ་བསྐྱེད། །ཤ་དང་ཁྲག་དང་རུས་པ་དང་། །དུག་གསུམ་གཞོམ་ཕྱིར་བཟའ་བར་བྱ། །མཱཾ་ས་ཤ་ཆེན་དྲི་ཆུ་དང་། །རཀྟ་ཞིང་ཆེན་ཁུ་བ་ཁྲག །རྒྱལ་བ་མཉེས་ཕྱིར་བཟའ་བར་བྱ། །སུས་མ་རིག་པའི་ས་ཕྱོགས་སུ། །གཅེར་བུར་ཕུད་དེ་སྐྲ་བཤིགས་ལ། །གཤང་གཅིས་གཤེར་བར་བྱས་པའི་གོས། །བདག་གི་ལུས་ལ་བགོས་ནས་ ― DNG008_Page_0677 ―
[མ་དཔེ་གཟིགས་ན་འདིར་གནོན།]
ཀྱང་། །ཐོད་པའི་ཕྲེང་བས་ལུས་ལ་བརྒྱན། །པྲ་ཚིལ་ལ་སོགས་གཟུགས་བརྙན་ནམ། །ཡང་ན་རི་མོ་འབུར་དུ་བྱ། །མདོག་ནི་སྨུག་ནག་འཚིར་བར་བྱ། །དེ་ནས་ལས་ཀྱི་ལྷར་བསྒོམས་ལ། །ཨ་དང་མ་ཡི་སྦྱོར་བ་ལས། །ཡི་གེ་ཧཱུྃ་དུ་གསལ་འཚེར་བསྒོམས། །ཧཱུྃ་ལས་རྡོ་རྗེ་རྩེ་ལྔར་ལྡན། །དེ་ནས་ཕྱག་རྒྱ་དབུ་གསུམ་པ། །རྡོ་རྗེ་ཕྱག་རྒྱ་འཇིགས་པའི་གཟུགས་དང་ལྡན། །གཡས་ཀྱི་གསུམ་ན་འཛིན་པ་ནི། །ཁ་ཊྭཱཾ་སྟྭ་རེ་རྡོར་དབྱུག་གཡས། །གཡོན་གྱི་གསུམ་ན་འཛིན་པ་ནི། །བྷནྡྷ་ལྕགས་ཀྱུ་ཞགས་པ་གཡོན། །ཁ་ཊྭཱཾ་གིས་ནི་རྡོར་དབྱུག་སྦྱོར། །ལྕགས་ཀྱི་སྟྭ་རེས་མིད་པ་གཅོད། །བྷནྡྷས་སྙོད་ཅིང་ལྕགས་ཀྱུས་དྲངས། །ཞགས་པས་བསྡམས་ཤིང་ཞལ་ཏུ་རྔུབས། །འདི་ཡང་དམ་ཚིག་མཆོག་ལགས་སོ། །གསང་བའི་དམ་ཚིག་ཆེན་པོ་ནི། །ཐེག་པ་གཉན་པོ་སྤོང་བ་དང་། །རྡོ་རྗེ་སློབ་དཔོན་སྨོད་པ་དང་། །དམ་ཚིག་རྣམ་པར་འདྲལ་བྱེད་དང་། །རྒྱལ་བའི་བཀའ་ལས་འདའ་འགྱུར་ན། །དབེན་པ་ཆེན་པོའི་ས་ཕྱོགས་སུ། །དགུག་ཅིང་གསད་པའི་ལས་ཆེན་ནི། །རི་རྩེ་ཉམས་ནི་དགའ་བ་དང་། །ནགས་ཚལ་ཡིད་དུ་འོང་བ་དང་། །ཡིད་འོང་ནགས་ཚལ་དམ་པ་དེར། །དགུག་ཅིང་ལིང་ག་ལ་ནི་དབབ། །དེ་ལ་གསང་སྔགས་བརྗོད་པར་བྱ། ས་མ་ཡ་ཛཿ། ས་མ་ཡ་ཛཿ། ས་མ་ཡ་ཛཿ། ཉི་ཤུ་རྩ་གཅིག་བར་དུ་བཟླས། །ལུས་ངག་ཡིད་གསུམ་དྲན་པར་བྱས་སོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ།འདི་ཞེས་བྱ་བ་མཱ་ར་ཎ། ཆེ་གེ་འདི་ཞེས་བྱ་བའམ། ས་མ་ཡའམ། གྲངས་མེད་བརྗོད་པར་བྱ། དེ་ནས་སྐུ་གསུང་ཐུགས་ཀྱི་དམ་ཚིག་རྗེས་སུ་གདམས་པ་ནི། སྐུ་དང་གསུང་དང་ཐུགས་ཉིད་ཀྱི། །རྡོ་རྗེ་ཆེ་བའི་དམ་ཚིག་ལ། །འདི་དག་རབ་ཏུ་གནས་པར་བྱ། །བསྲུང་བྱ་བསྲུང་བའི་རྒྱལ་པོ་ནི། །སྒོ་གསུམ་དག་གི་མ་ཉམས་པར། །བསྡམ་པར་བྱ་བའི་དམ་ཚིག་གོ། །བཅོམ་ལྡན་འདས་ཟླ་གསང་ཆེན་པོ་ལས། དམ་ཚིག་བཀོད་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་གཤིན་རྗེའི་ ― DNG008_Page_0678 ―
[མ་དཔེ་གཟིགས་ན་འདིར་གནོན།]
གཤེད་ཀྱིས། བཅོམ་ལྡན་འདས་ཟླ་གསང་ཆེན་པོ་ལ་འདི་སྐད་ཅེས་གསོལ་ཏོ། །བྱང་ཆུབ་སེམས་ནི་རྗེས་སུ་དྲན་པ་དང་། །སྲིན་མོ་མ་རུངས་གཏུམ་མོ་དང་། །བདུད་དང་མུ་སྟེགས་མ་རུངས་པར། །སྦྱོར་བ་ཆེན་པོ་ཇི་ལྟར་བྱ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཟླ་གསང་ཆེན་པོའི་དཀྱིལ་ནས། ངོ་མཚར་ཆེན་པོའི་ཁྲོ་བོ་བྱུང་། །ཁྲོ་བོའི་སྔགས་ནི་བརྗོད་བྱས་པས། །འདི་དག་རབ་ཏུ་བསྐུལ་བའི་ཕྱིར། ཨོཾ་ཧཱུྃ་ཧཱུྃ་ཧཱུྃ། ཏ་རུ་ལ། བི་རུ་ལ། སརྦ་བི་ཥ་གྷཱ་ཏ་ཀ །སརྦ་བི་ཥ་གྷཱ་ཏ་ཀ་ཛྭ་ལ་བི་སྥུ་ལིངྒཱ་ཊྚཱ་ཊྚཱ་ཧཱ་ས་ཀེ་ཤ་རི་ས་ཊ། ཨཱ་ཊ་པ་ཊཾ་ཀཱ་ར་བཛྲ་ཁུ་ར་ནི་ཏ་ན་ཙ་ལི་ཏ་བ་སུ་དྷཱ་ཏ་ལ་ནི་ཤྭ་ས་མཱ་རུ་ཏོ་དཀྵྀ་པྟ་དྷ་ར་ཎཱི་དྷ་ར་བཱི་ཥ་ཎ་ཨ་ཊྚཱ་ཊྚཱ་ཧཱ་ས། ཨ་པ་རི་མི་ཏ། བ་ལ་པ་རཱ་ཀྲ་མ་ཨཱརྻ་ག་ཎ་ཏ་བྷཱུ་ཏ་ག་ཎཱ་ཥིཏ། བུདྷྱ་བུདྷྱ། ཧ་ཡ་གྲཱི་བ། ཁཱ་ད་ཁཱ་ད། པ་ར་མ ལླྼཱྀ་ཚིནྡྷ་ཚིནྡྷ། སིདྡྷི་མེ་དི་ཤ །ཨཱ་བེ་ཤ་ཡ་ཨཱ་བེ་ཤ་ཡ། སརྦ་ཛྭ་ར་བི་ཤཱ་ཙཱནྶ་རྦ་གྲ་ཧེ་ཥྭ་པྲ་ཏི་ཏ་ཏོ་བྷ་ཝ་བཛྲ་དཾཥྚཱ། ཀིཉྩི་རཱ་ཡ་སེ། ཨི་དཾ་དུཥྚ་ཀྲ་ཧི་དུཥྚ་སརྦ་མ་བཱ། དྷུ་ན་དྷུ་ན།མ་ཐ་མ་ཐ། མ་ཊ་མ་ཊ། པཱ་ཊ་ཡ་པཱ་ཊ་ཡ། བནྡྷ་བནྡྷ། བུཌྜྷ་དྷརྨ་སཾ་གྷ། ཨ་ནུ་ཛྙཱ་ཏཾ་ཀརྨ་ཀུ་རུ་ཤཱི་གྷྲཾ། ཧ་ཡ་གྲཱི་བ་ཡ་ཕཊ། བཛྲ་ཡ་ཕཊ། བཛྲ་གཱ་ཏྲཱ་ཡ་ཕཊ། བཛྲ་ནེ་ཏྲཱ་ཡ་ཕཊ། བཛྲ་དཾཥྚི་ཡ་ཕཊ། བཛྲ་ཁུ་ར་ཡ་ཕཊ། བཛྲ་ཁུ་ར་ནི་ཏ་ནཱ་ཡ་ཕཊ། པ་ར་མནྟ་བི་ནཱ་ཤ་ནཱ་ཡ་ཕཊ། ཏྲཻ་ལོཀྱ་བྷ་ཡཾ་ཀ་རཱ་ཡ་ཕཊ། སརྦ་ཀརྨི་ཥྭ་པྲ་ཏི་ཧ་ཏཱ་ཡ་ཕཊ། བཛྲ་ཀུ་ལ་སཾ་ཏྲཱ་ས་ནཱ་ཡ་ཕཊ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་སྭཱ་ཧཱ། འདི་ནི་གསུངས་མ་ཐག་ཏུ་ཡང་། །ཆོས་ཀྱི་རྡོ་རྗེ་མཆོག་སྐྱེས་ནས། །འཇིགས་ཤིང་རབ་ཏུ་བརྒྱལ་བར་གྱུར། །ཡེ་ཤེས་རྒྱལ་པོ་རྗེས་སུ་དྲན། །མཁའ་དབྱིངས་གྲུབ་ཀྱི་ཡོངས་གང་བ། །རྡོ་རྗེ་མི་བཟད་པ་ཡི་འོད། །ཁྲོ་བོའི་རྒྱལ་པོ་བསྐུལ་བ་ནི། །དུག་རྣམས་ཐམས་ཅད་མེད་པར་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་གདོན་མི་ཟ་བར་གྱུར་ཏེ་རྡོ་རྗེ་དཔལ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་བེ་ཅོན་སྔོན་པོ་ཁྲོ་བོ་འདི་ཉིད་ཀྱི་སྐུ་གསུང་ ― DNG008_Page_0679 ―
[མ་དཔེ་གཟིགས་ན་འདིར་གནོན།]
ཐུགས་རྡོ་རྗེ་ལས་ཕྱུང་བའོ། །སྔགས་སོར་བཞག །ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ཎཱི། ཨོཾ་ཨེ་ཧྱེ་ཧི་བྷ་ག་ཝཱན་ནཱི་ལ་བཛྲ་དཎྜ། ཏུ་རུ་ཏུ་རུ། ཧུ་ལུ་ཧུ་ལུ། ཧཱ་ཧཱ། གུ་ལུ་གུ་ལུ། གུ་ལཱ་པ་ཡ་གུ་ལཱ་པ་ཡ། ཀྲ་མ་ཀྲ་མ་བྷ་ག་ཝཱ་ནཱ་ཡུ་བེ་ག་ན་བྷཱུ་ཏཱ་ན་ཤཱི་གྷྲཾ། ད་ཧ་ད་ཧ། ད་ར་ད་ར། ཧ་ན་ཧ་ན། པ་ཙ་པ་ཙ། མ་ཐ་མ་ཐ། པཱ་ཏ་ཡ་པཱ་ཏ་ཡ། མ་ཊ་མ་ཊ། མཱ་ཊ་པ་ལ་སརྦ་ཀརྨཱ་ཎི། ཚིནྡྷ་ཚིནྡྷ། བྷ་ཀྵ་ཡ་བྷ་ཀྵ་ཡ། མེ་ད་མ་ཧྱ་རུ་དྷི་ར་མ་སྱ་མེ་ད་མཛྫ་ཛ་རུ་དྷི་ར་པྲི་ཡ། ཨེ་ཧྱེ་ཧི་བྷ་ག་ཝཱན་སརྦ་བིགྷ་ནཱ་ནི། སརྦ་བིདྱཱ་ནི།སརྦ་མནྟྲ་ཎི། སརྦ་མཱུ་ལ་ཀརྨཱ་ཎི། སརྦ་གྲ་ཧཱ་ན་ཧ་ན་ཧ་ན། བྷཉྫ་བྷཉྫ།མཪྡ་མཪྡ། ཨི་དམྨེ་ཀཱ་སཱ་དྷ་ཡ་ཧཱུྃ། ནཱི་ལཱ་ཡ་ནཱི་ལ་བཛྲ་དཎྜཱ་ཡ་ཏུ་རུ་ཏུ་རུ། བིགྷྣཱན་བི་ནཱ་ཡ་ཀཱ་ན་ནཱ་ཤ་ཡ། ཧུ་རུ་ཧུ་རུ། དཱིཔྟ་ཙཀྲཱ་ཡ། སརྦ་ཤ་ཏྲཱུ་ཎཱཾ། ཧྲྀ་ད་ཡཱ་ནི་པཱི་ཌ་ཡ། ཚིནྡ་ཚིནྡ་བིདྱཱ་ནཱཾ་ཚེ་ད་ཀ་ཧཱུྃ། བིདྱཱ་ནཱཾ་ཤིཥྚཾ་ཀཾསྨ་ར་ས་མ་ཡཾ་བཛྲ་དྷ་ར་པ་ཙ་ནཱཾ། མ ཉྶི་ཎི་ནི་ཀྲྀནྟ་ཧཱུྃ། ཧ་ན་ཧ་ན། ད་ཧ་ད་ཧ། ཏུ་རུ་ཧུ་རུ། ཏུ་རུ་ཏུ་རུ། ཀུ་རུ་ཀུ་རུ། ཕཊ་ཕཊ་ཧཱུྃ་ཧཱུྃ་ཀྲྀ་ཏཱནྟཱ་ཡ། བི་ཥི་རཾ་ཥི་བི་དྲ་བ་ཎ་ཀ་རཱ་ཡ་ཧ་ན་ཧ་ན་དཎྜན་སྭཱ་ཧཱ། འདི་ནི་གསུངས་མ་ཐག་ཏུ་ཡང་། །གདུག་པའི་མཆོག་ལས་བྱུང་བ་ཀུན། །འཇིགས་ཤིང་རབ་ཏུ་སྐྲག་གྱུར་ནས། །རྡོ་རྗེ་སེམས་དཔའ་རྗེས་སུ་དྲན། །ཁྲོ་བོ་རྒྱལ་པོ་དྲག་པོ་ནི། །བརྒྱ་ནི་རྩ་བརྒྱད་བཟླས་པ་དང་། །ཆོ་གའི་ཚུལ་བཞིན་བསྐུལ་བ་ཡིས། །སངས་རྒྱས་ཀུན་ཀྱང་གསོད་པར་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་མི་བསྐྱོད་པ། ཀུན་ཏུ་སྤྲིན་གྱི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ། རྡོ་རྗེ་སྟོབས་པོ་ཆེ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ན་མཿས་མནྟ། ཀཱ་ཡ་ཝཱ་ཀ་ཙིཏྟ་བཛྲ་ཎཱཾ། ཨཱོཾ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཨོཾ་ཨུ་གྲ་ཤཱུ་ཡ་པཱ་ཎི་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཨཱོཾ་ཛྱོ་ཏི་ནིརྞི་ད། ཧཱུྃ་ཧཱུྃ་ཧཱུྃ། ཨོཾ་ཨོཾ་ཨོཾ། ཕཊ་ཕཊ་ཕཊ། ཨོཾ་ཧཱ་བ་ལ་སྭཱ་ཧཱ། འདི་ནི་གསུངས་མ་ཐག་ཏུ་ཡང་། །སྟོབས་ཆེན་མ་ལུས་ཀུན་དགུག་ནས། །རྡོ་རྗེ་གསུམ་ནི་རབ་ཏུ་དྲན། །ལས་རྣམས་མ་ལུས་འགྲུབ་པར་འགྱུར། །ཆར་ཆུ་དུས་སུ་འབབ་པར་འགྱུར། །རྡོ་ ― DNG008_Page_0680 ―
[མ་དཔེ་གཟིགས་ན་འདིར་གནོན།]
རྗེ་གསུམ་པས་འདི་ཕྱུང་བས། །བགེགས་རྣམས་མ་ལུས་འགུགས་པར་འགྱུར། །ན་མཿས་མནྟ། ཀཱ་ཡ་ཝཱ་ཀ་ཙིཏྟ་བཛྲཱ་ཎཱི་ཧཱུྃ་ཛ། བདག་ཉིད་སངས་རྒྱས་ཆེན་པོ་ཀུན། །མ་ལུས་པར་ནི་དྲན་ནས་འཇིག །ལིངྈ་རྐང་པ་གཡས་ཀྱིས་མནན། །སྐུ་གསུང་རྡོ་རྗེ་ཆེན་པོ་ཡིས། །མི་གཡོ་འཇིགས་པའི་ཐོ་བས་བརྡུངས། །ཨཱོཾ་ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ཎཱཾ། ཨ་ཙ་ལ་ཀཱན། ཧ་ན་ཧ་ན་ཕཊ། བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། སོར་གཞག་ན་མོ་སྲ། ཨ་པྲ་ཧ་ཏེ་བྱ། ཛ་ལ་ཡ། ཏྲ་ཐ་ཡ། ཨ་པ་ར་ན། ཚིག་འདི་བརྗོད་མ་ཐག་ཏུ་ཡང་། །ལྷ་རྣམས་བརྒྱལ་ཞིང་བསྲེག་པར་འགྱུར། །མཐུ་ཆེན་ལྷ་རྣམས་བསྲེགས་ནས་ཀྱང་། །ཐམས་ཅད་མ་ལུས་འཇོམས་པར་བྱེད། །རྡོ་རྗེ་སྦྱོར་བ་ཆེན་པོ་ཡིས། །སྙིང་གི་དཀྱིལ་དུ་རྡོ་རྗེ་ལྕགས་ཀྱུ་བསམ། །ཐམས་ཅད་མ་ལུས་དགུག་པར་བྱ། །དེ་ནས་ཕུར་བུས་ངེས་པར་གདབ། །ལྕགས་ཀྱི་ཕུར་པ་སོར་བརྒྱད་ཀྱི། །སྙིང་གི་དཀྱིལ་དུ་བརྒྱབ་བྱས་ནས། །ཡན་ལག་རྣམས་ཀྱང་བཅིང་བར་བྱ། །དེ་ནི་སྦྱོར་བ་ཆེན་པོ་ཡིན། །བཅོམ་ལྡན་འདས་ཟླ་གསང་ཆེན་པོ་ལས། དགྲ་བགེགས་ཀྱི་སྦྱོར་བའི་ལེའུ་སྟེ་དྲུག་པའོ།། །།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ཟླ་གསང་ཆེན་པོ་ལ། འདི་སྐད་ཅེས་གསོལ་ཏོ། །ལྷ་ཆེན་པོ་དང་། ཕྱོགས་སྐྱོང་དང་། ཚངས་པ་དང་། གཟའ་དང་། རྒྱུ་སྐར་དང་། འབྱུང་པོ་དང་། རོ་ལངས་དང་། རྦོད་གཏོང་ཕྲ་མོ་དང་། དྲེགས་པ་ཅན་མུ་སྟེགས་ཀྱི་རྦོད་གཏོང་དང་།མཐུ་རྩལ་དྲེགས་པ་ཅན་ཀླུ་དང་། གནོད་སྦྱིན་དང་། གང་དག་གཟའ་ཆེན་པོ་ཁྲོས་པའི་གཟུགས་ཅན་མང་པོ་དང་། རྡོ་རྗེ་སློབ་དཔོན་སྨོད་པ་དང་། ཐེག་པ་ཆེན་པོ་སྨོད་པ་དང་། གང་དག་བཀྲ་མི་ཤིས་པར་བགྱིད་པ་འདི་དག་ཐམས་ཅད། བཅོམ་ལྡན་འདས་ཇི་ལྟར་བཟློག་པར་བགྱི། གཟིར་མནན་གྱི་ལས་ནི་ཇི་ལྟར་བགྱི། དགུག་ནི་ཇི་ལྟར་དགུག །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བདག་ཉིད་གཏུམ་བག་འཇིགས་པའི་གཟུགས། ། ― DNG008_Page_0681 ―
[མ་དཔེ་གཟིགས་ན་འདིར་གནོན།]
ཁྲོས་པའི་སྤྲིན་ཆེན་འཇིགས་པར་གཏིབས། །རཀྟའི་ཆུ་ཡིས་གཤེར་བའི་གོས། །བགོས་ནས་དབེན་ས་ཆེན་པོ་རུ། །ལྷ་ཆེན་ལིངྒ་རྐང་པས་མནན། །ཁྲོ་བོའི་རྒྱལ་པོའི་སྟངས་སྟབས་བཅས། །ལྕགས་ཀྱུ་དཀར་དམར་ལག་ན་ཐོགས། །ངེས་པར་བཀུགས་ཅིང་བརྡུང་བ་དག །དེ་ནས་མཚོན་ཆས་གཅད་པར་བྱ། །གང་ཡིན་པ་ཡི་གཟུགས་བྲིས་ལ། །དགུག་ཅིང་དེ་ལ་དབབ་པར་བྱ། །སོ་སོའི་སྔགས་དང་མིང་དག་བྲིས། །དེ་ནས་ཐལ་བས་གཤེར་བ་བྱས་ལ་བརྡུངས། །བཤང་གཅི་རུལ་པའི་དྲི་མནམས་པ། །དེ་ཡི་གོས་ལ་བྱུགས་ནས་ནི། །བདག་ཉིད་དུ་ནི་བགོ་བར་བྱ། །ཁྲོ་ཞིང་འཁྲུགས་པའི་གཟུགས་ཅན་དུ། །བདག་ཉིད་རབ་ཏུ་བསྒོམ་པར་བྱ། །ཁྲོ་བོའི་སྔགས་ནི་ཀུན་བཟླས་ནས། །མ་རུངས་པ་ནི་ཚིག་བསམས་ནས། །མནན་ནམ་གཟིར་བའི་སྔགས་བྱས་ནས། །མྱུར་དུ་སྐོམ་སྟེ་འཆི་བར་འགྱུར། །བརྒྱ་ནི་རྩ་བརྒྱད་སྔགས་བཟླས་ན། །སངས་རྒྱས་ཀུན་ཡང་འཇིག་པར་འགྱུར། །སྐྲ་བཤིག་གོས་ནི་གཤེར་བར་བྱ། །འཇིགས་པའི་ཚུལ་འཆང་ཁྲོས་པའི་གཟུགས། །ཁྲོ་རྒྱལ་འཇིགས་ཚུལ་མང་པོ་སྤྲུལ། །མ་མོ་རྔམས་པ་མང་པོའང་སྤྲུལ། །ཤ་ཟན་ཚོགས་བཅས་མང་པོ་སྤྲུལ། །དེ་ནས་རྐང་པས་ལིངྒ་མནན། །ལམ་པོ་དུར་ཁྲོད་ཁང་སྟོང་དང་། །བཞི་མདོ་གླིང་གཅིག་ཤིང་དྲུང་དང་། །སྲིན་པོ་ཁྲོས་པའི་གནས་དག་ཏུ། །དྲག་པོའི་ལས་ཆེན་བཤད་པར་བྱ། །མི་ཡི་རུས་པའི་ཕུར་བུ་དག །སོར་བརྒྱད་དང་ནི་བཅུ་གཉིས་ལ། །སྔགས་ནི་འདི་དག་བཟླས་བྱ་སྟེ། །ཧ་ཡ་གྲཱི་བ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། ཁྲོ་བོའི་སྔགས་ཀྱང་ཀུན་བཟླས་ལ། །དགྲ་བོའི་སྒོའམ་གྲོང་དུ་བྱ། །རྒྱལ་བ་ཡི་ནི་སྐུ་གསུང་ཐུགས། །མ་ལུས་པ་ནི་སྦྱིན་པའི་མཆོག །ཉོན་མོངས་རྣམ་པར་རབ་སྤངས་པའི། །ཟླ་བ་ཕྱེད་ནི་ཚུན་ཆད་ཀྱི། །སྐབས་སམ་ཡང་ན་འཆི་བར་འགྱུར། །ཡང་ན་སྨྱོའམ་འབོག་པར་འགྱུར། །ཁྲག་ཏུ་སྐྱུག་ཅིང་འབྲོས་པར་འགྱུར། །ཡང་ན་སྨྲ་ཅོལ་འབོད་ཅིང་ནི། །དེ་ནས་ངེས་པར་ ― DNG008_Page_0682 ―
[མ་དཔེ་གཟིགས་ན་འདིར་གནོན།]
ལྐུགས་ནས་འཆི། །ཡང་ན་ཐོད་པ་ལེགས་པ་དག །སློབ་དཔོན་ཡོན་ཏན་ལྡན་པས་བཙལ། །ཧེ་རུ་ཀ་དང་དབང་ཕྱུག་ཆེ། །ཕྲ་མེན་ཁྲོ་བོ་ཁྲོ་མོར་བཅས། །སངས་རྒྱས་ཀུན་གྱི་སྔགས་ཆེན་དག །རབ་ཏུ་ཐོད་པའི་ནང་དུ་བྲི། །མ་རུངས་པ་ཡི་སྒོར་བཞག་ན། །དགྲ་རྣམས་ངེས་པར་བསྐྲད་པར་འགྱུར། །ཡང་ན་ཏ་ལའི་ལོ་མའམ། །ཤིང་ཤུན་གྲོ་གའམ་རས་ཀྱང་རུང་། །དྲག་པོའི་སྔགས་ནི་ཀུན་བྲིས་ནས། །ཁྱིམ་མམ་གནས་སུ་སྦས་གྱུར་ན། །ཤི་འམ་སྐབས་སམ་བསྐྲད་པར་འགྱུར། །རྡོ་རྗེའི་གསུང་ལས་འདི་ཕྱུང་ངོ་། །ཨོཾ་གྷ་གྷ། གྷཱ་ཏ་ཡ། གྷཱ་ཏ་ཡ། སརྦ་དུཥྚཾ་ཕཊ། ཀཱི་ལ་ཡ། ཀཱི་ལ་ཡ་སརྦ་པཱ་པཾ་ཕཊ། ཧཱུྃ་ཧཱུྃ་བཛྲ་ཀཱི་ལ་ཡ། བཛྲ་དྷ་ར་ཨཱ་ཛྙཱ་པ་ཡ་ཏི། ཀཱ་ཡ་ཝཱ་ཀ་ཙིཏྟ། བཛྲ་ཀཱི་ལ་ཡ་ཧཱུྃ་ཕཊ། ཨོཾ་ན་མཿས་ས་མནྟ། བུདྡྷཱ་ནཱཾ། སརྦ་པཱ་པཾ་ཕཊ། མ་ཧཱ་བཛྲ་ཀཱི་ལ་ཡ་ཧཱུྃ་ཕཊ། ཙིཏྟ་ཁོ་ལ་བཛྲ་ཀཱི་ལ་ཡ་ཧཱུྃ་ཕཊ། །གསང་སྔགས་འདི་དག་བརྗོད་མ་ཐག །རྫུ་འཕྲུལ་ཆེན་པོའི་སངས་རྒྱས་ཀུན། །འཇིགས་ཤིང་བརྒྱལ་ནས་ཁྲག་ཏུ་སྐྱུགས། །མིང་རུས་སེང་ལྡེང་ལྕགས་ལས་བྱས། །སོར་བརྒྱད་པ་ཡི་ཚད་དེ་ལ། །གསང་སྔགས་འདི་དག་བརྗོད་ནས་ནི། །དགྲ་ཡི་ལིངྒ་ལ་བཏབ་ན། །སངས་རྒྱས་དག་ཀྱང་འཇིག་པར་འགྱུར། །དགྲ་རྣམས་ལ་ནི་གདོན་མི་ཟ། །བདག་ཉིད་ལྷ་ཡི་སྐུར་བསྒོམས་ནས། །རྡོ་རྗེ་ཕུར་བུ་ཆེན་པོ་དག །དེ་དག་ལག་པ་གཡོན་དུ་ཐོགས། །སྤྱི་ནས་བརྒྱབ་ཅིང་རྐང་བར་བསྡིམ། །སྤྲུལ་པའི་ཕུར་བུ་ཁྲོས་པས་གདབ། །མྱུར་དུ་བཏབ་ན་འཆི་བར་འགྱུར། །གནས་བདུན་དག་ཏུ་གདབ་པར་བྱ། །ཨོཾ་ན་མཿས་མནྟཱ་ནཱཾ། བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཨོཾ་ཙྪིནྡྷ་ཙྪིནྡྷ་ཧ་ན་ཧ་ན། ཏིཔྟ་ཙཀྲ་ཧཱུྃ་ཕཊ། ཕུར་བུ་རྡོ་རྗེས་བཏབ་ནས་ནི། །དེ་ནས་མོད་ལ་སངས་རྒྱས་ཀྱང་། །འཇིགས་ཤིང་འདར་ནས་འགྱེལ་བར་འགྱུར། །དགྲ་བགེགས་རྣམས་ལ་གདོན་མི་ཟ། །ངེས་པར་འདོད་ཆགས་རྡོ་རྗེའི་ཚུལ། །ཕུར་བུའི་ལས་རྣམས་འདི་བྱས་པས། །ཚངས་པ་ལྷ་ཆེན་ལ་སོགས་རྣམས། །ཚིག་ ― DNG008_Page_0683 ―
[མ་དཔེ་གཟིགས་ན་འདིར་གནོན།]
ནས་རྨོངས་པར་རབ་ཏུ་འགྱུར། །བཅོམ་ལྡན་འདས་ཟླ་གསང་ཆེན་པོ་ལས། དྲེགས་པ་ཆེན་པོ་ཐམས་ཅད་གསད་པའི་ལེའུ་སྟེ་བདུན་པའོ།། །།དེ་ནས་དཀྱིལ་འཁོར་ཐམས་ཅད་བྱིན་གྱིས་རློབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་བཅོམ་ལྡན་འདས་ཀྱིས། དཀྱིལ་འཁོར་གྲུ་བཞིར་བྱིན་གྱིས་བརླབས་སོ། །བུ་མོ་ཨུཏྤལ་འཚེར་བའི་མཆོག །ལོ་གྲངས་བཅུ་གཉིས་ལོན་པ་ལ། །དཀྱིལ་འཁོར་རྒྱས་པར་བྱིན་གྱིས་བརླབས། །ཉམས་དགའ་དབེན་པའི་ས་ཕྱོགས་སུ། །བསྒྲུབ་པ་བརྩམ་པ་རབ་ཏུ་ཤིས། །དེ་ནས་དཀྱིལ་འཁོར་གྲུ་བཞི་ལ། །དེ་ནས་ལས་རྣམས་བརྩམ་པར་བྱ། །བདུད་རྩི་རྣམ་ལྔས་སྐྱང་ནུལ་བྱ། །དེ་ནས་སྲད་བུའི་སྦྱོར་བ་དག །ཉིད་ཀྱིས་ས་བཅད་སྙོམས་པར་བྱ། །འཁོར་ལོ་རྩིབས་བཞི་མུ་ཁྱུད་བཅས། །འབར་བའི་བར་ཁྱམས་གཉིས་ཀྱིས་མཛེས། །ཀུན་ཏུ་གྲུ་བཞི་མུ་ཁྱུད་ལྡན། །དབུས་སུ་དབུ་དགུ་འཇིགས་པར་བསྟན། །བྷནྡྷ་ཁ་སྦྱོར་ཡབ་ཡུམ་ལས། །དངོས་གྲུབ་འབྱུང་བའི་རྟེན་དུ་བཞག །ཆོས་ཀྱི་འཁོར་ལོའི་ཤར་ཕྱོགས་སུ། །ཞེ་སྡང་འཇོམས་བྱེད་ཧེ་རུ་ཀ་ཡབ་ཡུམ་བཞུགས། །ཆོས་ཀྱི་འཁོར་ལོའི་ལྷོ་ཕྱོགས་སུ། །ང་རྒྱལ་འཇོམས་བྱེད་ཧེ་རུ་ཀ་ཡབ་ཡུམ་བཞུགས། །ཆོས་ཀྱི་འཁོར་ལོའི་ནུབ་ཕྱོགས་སུ། །འདོད་ཆགས་འཇོམས་བྱེད་ཧེ་རུ་ཀ་ཡབ་ཡུམ་བཞུགས། །ཆོས་ཀྱི་འཁོར་ལོའི་བྱང་ཕྱོགས་སུ། །ཕྲག་དོག་འཇོམས་བྱེད་ཧེ་རུ་ཀ་ཡབ་ཡུམ་བཞུགས། །འབར་བའི་བར་ཁྱམས་དང་པོ་ལ། །དབང་ཕྱུག་ཆེན་མོ་བརྒྱད་རྣམས་བཞུགས། །འབར་བའི་བར་ཁྱམས་གཉིས་པ་ལ། །ཕྲ་མན་ཁྲོ་ཚོགས་སྤྲུལ་པར་བཅས། །སྒོ་བཞིར་སྒོ་བ་བཞི་རྣམས་བཞུགས། །ཕྱི་ཁྱམས་ལྕགས་རི་ཆེན་པོ་ལ། །དབང་ཕྱུག་རྒྱ་མཚོ་འཁོར་ཚོགས་དགོད། །དེ་ནས་ལས་ཀྱི་སྐལ་བདེ་རུ། །གཤིན་རྗེ་འདུག་པའི་ཕྱོགས་ཆེན་དུ། །དཀྱིལ་འཁོར་གྲུ་གསུམ་བརྩེགས་མ་ལ། །ཐོད་པ་མདའ་གཞུ་མེ་རིས་བསྐོར། །ཆོས་ནི་བཟང་པོ་རྒྱས་པ་ ― DNG008_Page_0684 ―
[མ་དཔེ་གཟིགས་ན་འདིར་གནོན།]
ལ། །བཤང་གཅིའི་དམ་ཚིག་ཤ་ཆེན་བཟའ། །དེ་ནས་ལས་ཀྱི་སྐལ་བདེ་རུ། །སྔགས་མཁན་གྱིས་ནི་མི་གཟུགས་བྲི། །ཐོ་བ་ཆེན་པོ་གནམ་འཕྱར་ནས། །དེ་ཡིས་མགོ་ལ་བརྡུང་བར་བྱ། །ཁྲོས་པས་འཇིགས་ཤིང་གཏུམ་པོར་བྱ། །སྔགས་རྣམས་འདི་དག་བཟླས་ཤིང་བརྡུངས། །ཨོཾ་ཧྲིཿ་བི་ཀྲྀ་ཏཱ་ན་ན། སརྦ་ཤ་ཏྲུཾ་ནན། ནཱ་ཤཱ་ཡ། སྟམ་བྷ་ཡ། ཧཱུྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཁྲག་དང་སྐེ་ཚེ་ལན་ཚྭ་རྣམས། །ཁྲོ་བོ་གཏུམ་པོས་མེ་སྤར་ལ། །ཚེར་མའི་མེ་ལ་ཁྲོས་པས་བསྲེགས། །མིང་ངམ་རུས་སམ་མཚན་མ་སྟེ། །དུམ་བུར་བཅད་ཅིང་མེ་ལ་བསྲེག །ནམ་ཕྱེད་དམ་ནི་ཉི་མའི་གུང་། །སྟོང་རྩ་བརྒྱད་ནི་ཚུལ་བཞིན་དབུལ། །བདག་ཀྱང་ཁྲོ་ཞིང་ཚིག་པ་ཡིས། །བསྲེགས་ཤིང་མེ་ལྷས་གཟུགས་ཕུང་བཅོམ། །དེ་ལྟར་མ་བྱས་རྨོངས་བྱས་ན། །དེ་ནི་འཇིག་རྟེན་ཚེ་ཟད་འགྱུར། །དུར་ཁྲོད་སོལ་བ་ཆོ་ག་བཞིན་དུ་བྱ། །མིང་དང་གཟུགས་ནི་རབ་ཏུ་བྲི། །རྡོ་རྗེ་ཐོ་བས་བཏགས་ནས་ཀྱང་། །མིང་དང་གཟུགས་ལ་དབབ་ཅིང་བརྡུང་། །རྡོ་རྗེ་འབར་བའི་ཧཱུྃ་རིང་ལས། །རྡོ་རྗེའི་མེ་སྟག་ཕྱོགས་བཅུར་འཕྲོས། །རྡོ་རྗེའི་མེ་སྟག་རེ་རེ་ལས། །ཡེ་ཤེས་སྤྲུལ་པ་བསམ་མི་ཁྱབ། །ཡེ་ཤེས་སྤྲུལ་པའི་ཐུགས་རྗེ་ལས། །རྡོ་རྗེ་ལྕགས་ཀྱུ་ཕྱོགས་བཅུར་འདེབས། །བཀུག་ཅིང་མིང་དང་གཟུགས་ལ་དབབ། །འཇིགས་ཚུལ་མང་པོས་སྙིང་ནས་དྲངས། །ལག་པས་སྟ་རེ་ཆེན་པོ་བརྡེག །དགྲ་ཡི་མིང་ས་བཅས་པར་བསྒོམས། །དེ་ལྟར་བསམས་ཤིང་བཅད་གྱུར་ན། །སངས་རྒྱས་བཙུན་མོའང་འཆི་བར་འགྱུར། །རླུང་ལ་སོགས་པའི་ཕྱག་རྒྱ་ཅན། །དགྲ་རྣམས་རབ་ཏུ་འཕྱར་བར་བསམས། །ཞག་ནི་བཅུ་གཅིག་ཚུན་ཆད་ཀྱིས། །དགྲ་རྣམས་མ་ལུས་འཆི་བར་འགྱུར། །ལས་ཀྱི་རྡོ་རྗེའི་སྙིང་པོ་ནི། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཁྲོ་རྒྱལ་གཏུམ་ཞིང་འཇིགས་པའི་གཟུགས། །གཟུགས་ནི་རྡོ་རྗེ་མི་འགྱུར་ཏེ། །ཐུགས་ནི་རྡོ་རྗེ་སྲ་མཁྲེགས་བདག །གསུང་ནི་ཆགས་མེད་རྡོ་རྗེའི་གསུང་། །ཨོཾ་ཨཱཿཧཱུྃ་ཛོ་ཧཱུྃ་ཛོ་ཧཱུྃ། ཛོ་འུ་རི་ཛོ་འུ་རི། ― DNG008_Page_0685 ―
[མ་དཔེ་གཟིགས་ན་འདིར་གནོན།]
དེ་ནས་རྒྱལ་པོ་འཇིགས་པའི་གཟུགས། །བརྟུལ་ཞུགས་ལྡན་པར་བདག་བྱས་ལ། །དགྲ་བགེགས་གདུག་པ་ཐམས་ཅད་གཞིག །བདུད་དམ་དགྲ་ཡི་གཟུགས་བྱས་ལ། །མི་རོ་བོར་བའི་དུར་ཁྲོད་དུ། །གཅེར་བུར་ཕྱུང་སྟེ་སྐྲ་བཤིག་ལ། ། དཔྱད་དགོས། ཕན་ཚུན་འདི་ན་དགྲ་བགེགས་གནོད་བྱེད་པ། །བདག་ཉིད་ཁྲོ་ཚོགས་རྔམ་པར་བྱས། །གཡས་ཀྱི་ཁ་ཊྭཱཾ་གིས་བསྒྱེལ་ལ། །གཡོན་གྱི་ལྕགས་ཀྱུས་རིལ་མིང་བྱ། །ཡང་ན་དགྲ་ཡི་མིང་བྱང་ནི། །དུར་ཁྲོད་སོལ་བ་དག་ལ་བྱ། །དེ་ལ་སྔགས་རྣམས་བཟླས་པ་ནི། །སྟོང་ནི་རྩ་བརྒྱད་དག་ཏུ་བཟླས། །ཧོམ་ཁུང་གྲུ་གསུམ་མཐིང་ནག་ཏུ། །ཚེར་མའི་མེ་ལ་ཁྲོ་ཞིང་དབུལ། །རྡོ་རྗེ་སེམས་དཔའ་འང་འཆི་བར་འགྱུར། །སྐེ་ཚེ་ལན་ཚྭ་འབྲུ་མར་དང་། །དགྲ་ཡི་གཟུགས་བརྙན་ལེགས་སུ་བྱ། །ཆུ་འགྲམ་གཉིས་སུ་བསྐུལ་ལ་བཏབ། །ཡུངས་ཀར་གྱི་ནི་འབྲུ་ཙམ་དག །དུག་དང་རྩུབ་པའི་མེ་ལ་བསྲེག །མེ་ལྕེ་དམར་ནག་ཕྱོགས་བཅུར་འཕྲོ། །དེ་ཡི་འདུ་འཕྲོས་བག་ཆགས་བསྲེགས། །འབར་ཞིང་མཆེད་པ་དུར་ཁྲོད་མེ། །ཉོན་མོངས་བསྲེག་པའི་མེ་སྦར་བས། །ཁམས་གསུམ་ཉོན་མོངས་བསྲེག་པར་བྱེད། །ཁམས་གསུམ་དགྲ་བགེགས་ལུས་དག་བསྲེག །འདི་ལྟར་སྦྱོར་བ་ཆེར་བྱས་ན། །སངས་རྒྱས་དག་ཀྱང་བརླག་པར་བྱེད། །དུག་གི་འབྲུའམ་སྐེ་ཚེའམ། །མར་ལས་བྱུང་བའི་རྫས་ཆེན་འདིས། །རྒྱལ་བ་ཐམས་ཅད་བསད་པ་ལ། །མཆོག་གི་སྦྱོར་བ་འདི་དག་གིས། །ཁྲག་དང་རུས་ཕྱེ་དུག་རྣམས་བསྲེས་ནས་སུ། །རང་གི་ལུས་ལ་བྱུགས་པར་བྱ། །ལིངྒ་ལ་ནི་རྐང་པས་མནན། །དེ་ནས་སྲིན་པོ་ཕོ་མོ་རྦད། །སྲིན་པོའི་ལས་ཆེན་ཤ་ལ་དགའ། །སྲིན་པོའི་ལས་ཆེན་ཁྲག་ལ་དགའ། །སྲིན་པོའི་ལས་ཆེན་རུས་ལ་དགའ། །སྲིན་པོའི་ལས་ཆེན་དོན་སྙིང་འབྱིན། །སྲིན་པོའི་ལས་ཆེན་ནང་ཁྲོལ་ཟ། །སྲིན་པོའི་ལས་ནི་སྲོག་རྩ་གཅོད། །སྲིན་པོའི་ལས་ནི་ངུ་ཞིང་རྒྱུག །གཡབ་མོ་འདོར་ཞིང་ཕོ་དོད་འབོད། །མི་ཡི་ཀེང་རུས་ཕུང་པོར་བརྩིག །མི་ ― DNG008_Page_0686 ―
[མ་དཔེ་གཟིགས་ན་འདིར་གནོན།]
ཡི་ཐོད་པ་ཕྲེང་བར་ཐོགས། །མི་ཡི་ཁྲག་གིས་རྒྱ་མཚོར་བསྐྱིལ། །གཟུགས་ཁམས་ལྷ་ཚོགས་ཐམས་ཅད་ཀྱང་། །ཐལ་མོ་བརྡབ་པས་རྡུལ་དུ་རློག །སངས་རྒྱས་རྡོ་རྗེ་སེམས་དཔའ་ཡང་། །རབ་ཏུ་འཇིགས་ཤིང་བརྒྱལ་བར་འགྱུར། །སྲིན་པོ་སྨུག་ནག་ཆེན་པོ་ཡང་། །ར་ལ་རུ་ལུའི་གླུ་ཡང་ལེན། །སྙན་པའི་ཚིག་དང་སྙན་པའི་གླུས། །དགའ་བའི་རོལ་མོ་སྣ་ཚོགས་བྱེད། །དཔའ་བོ་རྒོད་པོ་འཇིགས་པར་བྱེད། །མ་ལུས་པར་ནི་རྡུལ་དུ་རློག །ཁྲག་གམ་དུག་གམ་རུས་ཆེན་ལ། །དགྲ་ཡི་གཟུགས་བརྙན་བྱས་གྱུར་ན། །སངས་རྒྱས་རྡོ་རྗེ་སེམས་དཔའ་ཡང་། །མྱུར་དུ་སྲིན་པོ་ཕོ་མོས་འཁྱེར། །དགྲ་རྣམས་ལ་ནི་གདོན་མི་ཟ། །ཨོཾ་ན་མཿས་མནྟ་བུཌྜྷ་ནཱཾ། ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཝཱ་ཀ་ཙིཏྟ་བཛྲཱ་ཎཱཾ། ཨོཾ་ཧུ་ལུ་ཧུ་ལུ་ཏིཥྛ་ཏིཥྛ་བནྡྷ་བནྡྷ། ད་ཧ་ད་ཧ། པ་ཙ་པ་ཙ། ཀཱི་ལི་ཀཱི་ལ་ཡ། གརྫ་གརྫ། སྥོ་ཊ་ཡ་སྥོ་ཊ་ཡ། སརྦ་བིགྷྣཱན། བི་ནཱ་ཡ་ཀཱ་ནཱན། མ་ཧཱ་ཀཱི་ལ་ཡ། ག་ཎཱ་ཡ། བ་རི་ཙིཏྟ་ཙིཏྟ་བི་ཏ་ན་ཏ་ཀ་བཛྲ་ར་ཡ། ཀཱི་ལ་ཡ་སྭཱ་ཧཱ། བསམ་གཏན་པ་ལ་སོགས་པ་ཡང་། །དེ་ཡི་ལུས་ངག་སེམས་ཀྱང་གཅིག །སེམས་ལ་རྩེ་གཅིག་འདུད་ལ་བྱ། །ཁྲོ་བོ་རྡོ་རྗེའི་སྔགས་པ་ཆེ། །ཁ་མིག་བགྲད་ནས་འཇིགས་པའི་ཚུལ། །ལག་ཆའི་ཐོ་བ་སྟ་རེས་བརྡུང་། །ཏིང་འཛིན་རྩེ་གཅིག་རབ་ཏུ་བསམ། །འདི་ནི་གསོད་པའི་ཁྲོ་ཚོགས་ཡིན། །ནམ་མཁའི་མཐའ་ནི་ཀུན་ཀླས་པར། །སངས་རྒྱས་ཁྲོ་བོའི་སྤྲུལ་པ་དག །སྤྲུལ་པའི་ཚོགས་བཅས་དེ་ཀུན་གྱིས། །དགྲ་བགེགས་གནས་ནས་བཀུག་ནས་ཀྱང་། །མཚོན་ཆ་འབར་བས་གཏུབ་ཅིང་བཅད། །ཕྲ་མོའི་བྱང་ཆུབ་སེམས་དཔས་ཀྱང་། །ནམ་མཁའ་ཡོངས་སུ་གང་བར་བྱེད། །ཁྲོ་བོའི་སེམས་ཀྱིས་ཁྲོས་ནས་ཀྱང་། །རྔམས་པའི་ཚུལ་གྱིས་གསད་པར་བྱ། །དེ་ལྟར་སྦྱོར་བ་བྱས་ནས་ཀྱང་། །ཡོན་ཏན་རྣམ་པ་སྣ་ཚོགས་འགྲུབ། །སངས་རྒྱས་རྡོ་རྗེ་འཛིན་ཀུན་ཀྱང་། །འཆི་བར་འགྱུར་བ་གདོན་མི་ཟ། །རྒྱལ་བའི་གནོད་བྱེད་དགྲ་རྣམས་ལ། །ཁྲོས་ཤིང་རྔམ་པས་ཁུག་ནས་ནི། །སློབ་དཔོན་མཁས་པ་ ― DNG008_Page_0687 ―
[མ་དཔེ་གཟིགས་ན་འདིར་གནོན།]
ཡིད་གཞུངས་ཀྱིས། །བྱས་ན་འཆི་བར་གདོན་མི་ཟ། །སྲིན་པོ་སྲིན་མོ་ཁྲོ་བོའི་ཚོགས། །ཁྲོ་འཁྲུགས་གཏུམ་པ་མི་བཟད་པས། །ཏིང་འཛིན་ཁྲོ་བོའི་ཆ་ལུགས་བྱ། །ཏིང་འཛིན་དེ་ཡི་སྦྱོར་བ་བྱས་གྱུར་ན། །སངས་རྒྱས་ཡེ་ཤེས་ཅན་ཡང་འཆི། །རྦོད་གཏོང་རྣམ་པ་འབྱུང་བ་ནི། །ཁྲ་དང་བྱ་རོག་འུག་པ་ཁྲོ་བོའི་གཟུགས། །ཁྭ་ཏ་ཝ་དང་སྤྱང་ཀིའི་གཟུགས། །སེང་གེ་སྟག་དང་དྲེད་ཀྱི་གཟུགས། །མ་ཧེ་ཁྱུ་མཆོག་ཤ་བའི་གཟུགས། །དོམ་དང་གཟིག་དང་ཕག་གི་གཟུགས། །སྦྲུལ་དང་ནེ་ལེ་བྱི་ལའི་གཟུགས། །ཀང་ཀ་བྱ་རྒོད་བྱ་རོག་གཟུགས། །སྲེ་མོ་སྨིག་བུ་ཁྱི་ཡི་གཟུགས། །དེ་ལྟར་བསམས་ཤིང་ཁྲོས་གྱུར་ན། །སངས་རྒྱས་རྡོ་རྗེ་སེམས་དཔའ་ཡང་། །ཁྲག་ཏུ་སྐྱུག་ཅིང་ངེས་པར་འཆི། །ཁྲོ་བོ་ཀུན་ཡང་བརྒྱལ་འགྱུར་འཆི། །དེ་ཡི་སྔགས་ནི་བརྗོད་བྱ་བ། །ཨོཾ་ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། ཨོཾ་ལཾ་ཧཱུྃ་ལཾ་མོ་ཧཱ་ཡ་རཀྵ་སྟྭཾ་བྷ་ཡ་ནན། རྐང་པ་གཡོན་པས་ལིངྒ་མནན། །སྙིང་གར་ལྕགས་ཀྱི་ཕུར་པ་གདབ། །ཐོ་བས་བརྡུང་ཞིང་སྟ་རེས་གཅད། །སྦྲུལ་ནག་གདེངས་པ་མང་པོས་ཀྱང་། །དེ་ལ་རབ་ཏུ་དཀྲི་ཞིང་གདུག་པར་བསམ། །ཚེ་དང་བསོད་ནམས་ཕྲོག་ནས་ཀྱང་། །བདག་གི་ཙིཏྟའི་བཀྲག་ལ་བྱོན། །ཉོན་མོངས་ལྔ་རྣམས་བསྒྱུར་ནས་ཀྱང་། །ཡེ་ཤེས་ལྔ་རུ་གནས་པ་སྟེ། །བདག་དང་གཉིས་སུ་མེད་པར་བྱ། །དེ་ནས་ལས་ཀྱི་སྐལ་བདེ་རུ། །སྦྱིན་སྲེག་ཆ་རྣམས་མཆོད་པར་དབུལ། །གཤིན་རྗེ་ཆོས་ཀྱི་རྒྱལ་པོ་ལ། །དགྲ་བགེགས་དེ་དག་གཏད་པར་བྱ། །ཕྲིན་ལས་རྣམ་བཞིས་མནན་ཅིང་བསད། །དེ་ནས་སེམས་ཀྱི་སྐལ་བདེ་རུ། །ཏིང་འཛིན་ཁྲོས་པའི་གཟུགས་ཅན་དང་། །གལ་ཏེ་མ་རུངས་པ་རྣམས་ཀུན། །ཟ་ཞིང་ཁྲོ་ཚུལ་རྔམ་སྟབས་བསྟན། །ཧཱུྃ་ཀ་ར་ཡ་ཏིང་འཛིན་ནི། །ཕྱག་གཉིས་རྡོ་རྗེ་ལུ་གུ་རྒྱུད། །གཡས་གཉིས་རྡོ་རྗེ་དགྲ་སྟྭ་གདེངས། །གཡོན་གཉིས་རྡེའུ་ཆུང་ཕུར་བུ་འདྲིལ། །ཞལ་གསུམ་དུག་གསུམ་གཏིང་ནས་རྔུབ། །སྤྱན་དགུ་ཐེག་ཆེན་རྣམ་ ― DNG008_Page_0688 ―
[མ་དཔེ་གཟིགས་ན་འདིར་གནོན།]
པར་གཟིགས། །མཆེ་གཙིགས་ཡེ་ཤེས་དུག་གསུམ་གསོལ། །གསུང་མཆོག་རྣམ་ཐར་རྒྱ་མཚོ་སྒྲོགས། །དེ་ཡི་ཏིང་འཛིན་ཆེར་སྦྱར་ན། །སངས་རྒྱས་ཀུན་ཀྱང་ཕུང་བར་འགྱུར། །འབྱུང་པོ་རྣམས་ལ་སྨོས་ཅི་དགོས། །བཅོམ་ལྡན་ཟླ་གསང་ཆེན་པོ་ལས། རྩ་བའི་དཀྱིལ་འཁོར་གྱི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་རྡོ་རྗེ་སེམས་དཔའ་ཆེན་པོས་བཅོམ་ལྡན་འདས་ཟླ་གསང་ཆེན་པོ་ལ་འདི་སྐད་ཅེས་གསོལ་ཏོ། །ལྷ་ཡི་དམ་ཚིག་ཆེན་པོ་ནི། །ལྷ་ཡི་གནས་གསུམ་འདི་ལྟ་སྟེ། །འདོད་ཁམས་གཟུགས་ཁམས་གཟུགས་མེད་ཁམས། །སོ་སོའི་མིང་ངམ་གཟུགས་སུ་བྲི། །ཚངས་པ་བརྒྱ་བྱིན་བི་དང་། །ཁྱབ་འཇུག་མ་ཧཱ་དེ་བ་དང་། །གཞོན་ནུ་ལང་ཚོ་འདུས་པ་རྣམས། །སྙིང་པོ་འདི་ཡིས་དགུག་པར་བྱེད། །དེ་བ་ཛ་ཛ་དེ་བ་ཛ། །བདག་ཉིད་འཇིགས་པའི་གཟུགས་དང་ལྡན། །ཁྲོས་ཤིང་རྔམ་པའི་ཚུལ་གྱིས་དགུག །བཀུག་ན་སངས་རྒྱས་ཀུན་ཡང་ཁུག །ལྷ་རྣམས་ཀུན་ཀྱང་གདོན་མི་ཟ། །ལྷ་རྣམས་ཁུགས་པར་གྱུར་པ་ན། །རྡོ་རྗེ་སྟ་རེས་ལྷག་པར་བཏགས། །བྱས་ན་ལྷ་རྣམས་ངེས་པར་འཆི། །དེ་ཡི་སྦྱོར་བ་ཆེན་པོ་ནི། །བདག་ཉིད་འཇིགས་ཚུལ་རབ་ཏུ་རྔམ། །གཤིན་རྗེ་ཁྲོས་ཤིང་གདུག་པར་བྱ། །ལག་ན་ལྕགས་ཀྱུ་རྣོ་བསྣམས་ནས། །ལྷ་ཡི་སྙིང་ག་ནས་ནི་བཟུང་། །དབབ་ཅིང་རྡོ་རྗེ་ཆེན་པོས་བརྡུངས། །ཕྱག་ན་རྡོ་རྗེའང་འཆི་འགྱུར་ན། །ལྷ་རྣམས་ལ་ནི་གདོན་མི་ཟ། །བདག་ཉིད་ཁྲོས་པའི་གཟུགས་སུ་བྱ། །དེ་ནས་སྔགས་ཀྱི་ཚིག་བརྗོད་པ། །ཨོཾ་ན་མཿས་མནྟ་བཛྲ་མུ་ཏི་ནན། ག་རུ་ནན།ཚལ་ཚལ་སུམ་བྷ་ནི་སུམ་བྷ། དེ་ལྟར་བསྙེན་ཅིང་རབ་བསྒྲུབས་ན། །སངས་རྒྱས་སོགས་ཀྱང་བརླག་པར་བྱེད། །ལྷ་རྣམས་ལ་འང་སྨོས་ཅི་དགོས། །བཅོམ་ལྡན་འདས་ཟླ་གསང་ཆེན་པོ་ལས། ལྷའི་ཚོགས་བསད་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །གནོད་སྦྱིན་ཕོ་མོ་མ་རུངས་པ། ། ― DNG008_Page_0689 ―
[མ་དཔེ་གཟིགས་ན་འདིར་གནོན།]
འདི་དག་ཐམས་ཅད་དགུག་པའམ་བཅིང་བ་ཅི་ལྟར་བགྱི། བཀའ་སྩལ་པ། གནོད་སྦྱིན་ཕོ་མོའི་གཟུགས་བཅས་ལ། །ཕྱག་ན་རྡོ་རྗེ་ཁྲོ་བག་ཆེ། །གཏུམ་ཞིང་འཇིགས་པའི་གཟུགས་སུ་བསམ། །སྦྲུལ་ནག་རབ་ཏུ་ཁྲོ་བ་ནི། །འཇིགས་པའི་སྐུར་ཡང་རབ་ཏུ་སྣང་། །བདག་གི་དཔྲལ་བའི་དབྱིངས་ཉིད་དུ། །ཡི་གེ་ཧཱུྃ་གི་ཚོགས་འདུས་ནས། །ཕྱག་ན་རྡོ་རྗེ་མང་པོ་འཕྲོས། །ནམ་མཁའི་ཁམས་ཀུན་བཀང་ནས་ཀྱང་། །གནོད་སྦྱིན་ཕོ་མོའི་ལག་ནས་འཛིན། །སྙིང་ནས་འདྲེན་ཅིང་རྒྱབ་ནས་འཕུལ། ཁྲོས་པའི་གཟུགས་ཅན་མང་པོས་ཡང་། །གནོད་སྦྱིན་ཕོ་མོ་འགུགས་པར་བྱེད། །བདག་གི་ལུས་ཀྱང་ནམ་མཁའ་ཁེབས། །དེ་ལྟར་བྱས་ཤིང་བསམས་གྱུར་ན། །སངས་རྒྱས་མཐུ་ཡང་མྱུར་དུ་ཐུབ། །སངས་རྒྱས་རྣམ་པར་སྣང་མཛད་ཀྱང་། །ཁྲག་ཏུ་སྐྱུག་ཅིང་མཐུ་སྟོབས་སྟེར། །གནོད་སྦྱིན་རྣམས་ལྟ་སྨོས་ཅི་དགོས། །བདག་ཉིད་ཁྲོས་ཤིང་འཁྲུགས་པ་ཡིས། །གསང་སྔགས་འདི་དག་བཟླ་བར་བྱ། །ཡཀྵ་ཛྭ་ལ་ས་མ་ཡ་ན་མཿས་མནྟ་བུདྡྷཱ་ནཱཾ། བཛྲ་ཀཱི་ལི་ཀཱི་ལ་ཡ། ཨོཾ་གྷ་གྷ། གྷཱ་ཏ་ཡ། གྷཱ་ཏ་ཡ། སརྦ་དུཥྚན་ཕཊ། ན་མཿས་མནྟ་བུདྡྷཱ་ནཱཾ། དེ་སྐད་ཅེས་ནི་བརྗོད་གྱུར་ན། །གནོད་སྦྱིན་སྲོག་ལྟ་སྨོས་ཅི་དགོས། །ཐོ་བ་རྡོ་རྗེ་ལག་ན་ཐོགས། །བཤང་གཅི་ཟས་སུ་བཟའ་བ་དང་། །སྐུ་གསུམ་རྡོ་རྗེ་སྟེར་བའི་མཆོག །སངས་རྒྱས་དྲག་པོ་མཐུ་ཆེན་ཆེ། །སངས་རྒྱས་ཀུན་ཀྱང་གནོན་པར་བྱེད། །དེས་ནི་གསོད་པའི་ལས་མཆོག་ཡིན། །སངས་རྒྱས་ཀུན་ཀྱང་འགུགས་གྱུར་ན། །གནོད་སྦྱིན་ཕོ་མོ་སྨོས་ཅི་དགོས། །ཆོ་ག་འདི་ཡི་སྦྱོར་བ་ཡིས། །དངོས་གྲུབ་མཆོག་གསུམ་ཐོབ་པར་འགྱུར། །བཅོམ་ལྡན་འདས་ཟླ་གསང་ཆེན་པོ་ལས། གནོད་སྦྱིན་ཕོ་མོ་དགུག་པའི་ཆོ་གའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །ལྷ་མ་ཡིན་དང་ནམ་མཁའ་ལྡིང་། །ལྟོ་འཕྱེ་དྲི་ཟ་གྲུལ་བུམ་ཚོགས། །འདི་དག་ཞི་བར་བྱ་བའི་དོན། །བཅོམ་ལྡན་འདས་ཀྱིས་བཤད་དུ་གསོལ། །སྟོབས་ཆེན་ཁྲོ་བོ་ཆེན་པོའི་གཟུགས། ། ― DNG008_Page_0690 ―
[མ་དཔེ་གཟིགས་ན་འདིར་གནོན།]
འདི་དག་རབ་ཏུ་དགུག་པའི་ཕྱིར། །བདག་ནི་རྟ་མགྲིན་རྒྱལ་པོར་བསྒོམ། །དེ་ཡི་ཐུགས་ཀྱི་དཀྱིལ་འཁོར་དུ། །ཧྲཱྀཿཡི་ཚོགས་ནི་མང་པོ་འཕྲོས། །དབང་མཆོག་རྟ་ཡི་རྒྱལ་པོའི་ཚོགས། །ཕྱོགས་བཅུ་དག་ཏུ་འཕྲོས་ནས་ཀྱང་། །ལྷ་མ་ཡིན་ལ་སོགས་པའི་ཚོགས། །མ་ལུས་པར་ནི་དགུག་པར་བྱ། །དབང་དུ་སྡུད་ཅིང་ཐལ་བར་བརླག །སྦྲུལ་ནག་འཇིགས་པའི་ཞགས་པ་ཐོགས། །ཁྲོ་བོ་འཁྲུགས་ཤིང་ནག་པོར་འབར། །མཆེ་བ་གཙིགས་ཤིང་རབ་ཏུ་རྔམ། །རྡོ་རྗེ་སེམས་དཔའ་དབང་དུ་འགྱུར། །ལྷ་མ་ཡིན་སོགས་སྨོས་ཅི་དགོས། །རྡོ་རུས་སོལ་བའམ་སའང་རུང་། །ཏ་ལའི་ཤུན་པའམ་མཱཾ་ས་ལ། །ལྷ་མ་ཡིན་སོགས་གཟུགས་བྲིས་ཏེ། །འདི་ཡི་སྔགས་ནི་བརྗོད་བྱས་ཏེ། ཨ་ནྲྀ་ཛ་ཛ། ཀྲོ་དྷ་ཛྭ་ལ། ཀཱི་ལ་ཡ། མཱ་ར་ཡ་ནན་ཕཊ། ཨོཾ་ཚིན་དྷ་ཚིན་དྷ་ཕཊ། དཱིཔྟ་ཙཀྲ་རུ་ལུ་རུ་ལུ་ཧཱུྃ་ཕཊ། བདག་ཉིད་ཁྲོ་བོ་འཇིགས་པའི་གཟུགས། །ཞིང་ལྤགས་གཡང་གཞི་ཀོ་རློན་གོན། །ཐོད་པའི་ཕྲེང་བ་སེ་རལ་ཁ། །གཡས་ན་རྡོ་རྗེ་རྩེ་ལྔ་འཕྱར། །གཡོན་ན་ལྕགས་ཀྱི་ཕུར་བུ་བརྡེག །སངས་རྒྱས་རྡོ་རྗེ་སེམས་དཔའ་འཆི། །ལྷ་མ་ཡིན་སོགས་རྡུལ་དུ་རློག །དེ་ལྟར་བྱས་ཤིང་བསྒྲུབས་གྱུར་ན། །སྐུ་གསུང་ཐུགས་ཀྱི་དངོས་གྲུབ་ཐོབ། །བཅོམ་ལྡན་ཟླ་གསང་ཆེན་པོ་ལས། ལྷ་མ་ཡིན་དགུག་པའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །ཀླུ་མ་རུངས་པ་འདི་དག་ཐམས་ཅད་ཇི་ལྟར་དགུག་པར་བགྱི།དགུག་པའི་ཐབས་ནི་ཇི་ལྟར་དགུག །བསད་པའི་ལས་ནི་ཇི་ལྟར་བགྱི། །བཅོམ་ལྡན་འདས་ཀྱིས་བཀའ་སྩལ་པ། བདག་ཉིད་དབང་གི་ལྷར་གྱུར་ནས། །དེ་ཡི་ཐུགས་ཀྱི་དཀྱིལ་འཁོར་དུ། །ཡི་གེ་ཧཱུྃ་གི་ཚོགས་བསྐྱེད་ནས། །དེ་ནས་སྣ་ཡི་དབུགས་སུ་དྲི། །ཕྱོགས་བཅུར་འཕྲོས་པས་རྒྱལ་བའི་ཐུགས། །སླར་བསྡུས་གཉིས་སུ་མེད་པར་སྦྱར། །དེ་ནས་ཕྱག་ན་རྡོ་རྗེ་ཉིད། །ཁྲོས་ཤིང་འཁྲུགས་ནས་རྔམ་པའི་ཚུལ། ། ― DNG008_Page_0691 ―
[མ་དཔེ་གཟིགས་ན་འདིར་གནོན།]
ཀླུ་རྣམས་རབ་ཏུ་འགུགས་པར་བསམ། །ཁྲོ་བོའི་གཟུགས་བརྙན་ཀུན་འདུས་ནས། །སངས་རྒྱས་ཀུན་ཡང་འགུགས་འགྱུར་ན། །ཀླུ་རྣམས་ལ་ནི་གདོན་མི་ཟ། །དེ་ཡི་སྔགས་ནི་བརྗོད་བྱ་བ། །ཨོཾ་ནཱ་ག་ཛ། ནཱ་གས་རྨ་ཡ་ཛ། ན་ནི་ན་ཛ། ས་མ་ཡ་ཛ། ཁྲག་དང་ཀེ་ཚེ་ལན་ཚྭར་སྦྱར། །བ་ཡི་ལྕི་བ་སོལ་ཕྱེ་དང་། །སྐེ་ཚེ་རུས་པའི་ཕྱེ་མ་དང་། །མར་དང་སྦྱར་ལ་གཟུགས་སུ་བྱ། །མ་རུངས་ཀླུ་རྣམས་སྙིང་ག་རུ། །ལྕགས་ཀྱི་ཕུར་པ་སོར་བརྒྱད་པས། །མ་རུངས་པ་ཡི་སྙིང་གར་གདབ། །བདག་ཉིད་ཁྲོས་ཤིང་འཁྲུགས་པ་ཡི། །ཕྱག་ན་རྡོ་རྗེའི་གཟུགས་སུ་བྱ། །དེ་ཡི་སྤྲུལ་པའི་འཁོར་ཚོགས་ནི། །བྱ་ཁྱུང་རླབས་ཆེན་མང་པོ་དང་། །འདབ་ཆགས་རྒྱུ་ཞིང་མགོ་བརྙན་སྤྲུལ། །དེ་ལྟར་བཀུག་ཅིང་དབང་བསྡུས་ན། །ཕྱོགས་བཅུའི་སངས་རྒྱས་རྣམས་ཀྱང་ཁུག །ཀླུ་རྣམས་ལ་ནི་གདོན་མི་ཟ། །ཕྱག་ན་རྡོ་རྗེ་ཞལ་གསུམ་པ། །ཞབས་དྲུག་ཀླུ་རྣམས་ཐམས་ཅད་བརྫིས། །གཡས་ཀྱི་གསུམ་ན་བསྣམས་པ་ནི། །ཁ་ཊྭཱཾ་རྩེ་གསུམ་འབར་བས་རྒོལ། །རྡོ་རྗེ་ཆེན་པོས་འཐག་ཅིང་བརྡུང་། །འཁོར་ལོ་འབར་བས་དུམ་བུར་གཅོད། །གཡོན་གྱི་ཕྱག་ན་བསྣམས་པ་ནི། རཀྟ་བྷན་དམར་དང་པོས་གཏོར། །བར་མ་ལྕགས་ཀྱུ་དཀར་དམར་འདྲེན། །ཐ་མ་ཞགས་པས་འཆིང་ཞིང་བསྡོམ། །མཆོག་གི་སྦྱོར་བ་འདི་བྱས་ན། །སངས་རྒྱས་ཉིད་དང་འདྲ་བ་ཡིན། །བཅོམ་ལྡན་འདས་ཟླ་གསང་ཆེན་པོ་ལས། ཀླུའི་མཆོག་གི་སྦྱོར་བའི་ལེའུ་སྟེ་བཅུ་གཉིས་པའོ།། །།བཅོམ་ལྡན་འདས་ཟླ་གསང་ཆེན་པོ་ལ། ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །མུ་སྟེགས་ལོག་ལྟའི་བལྟ་བ་ལ། །ཞེན་ཅིང་འཆེལ་བའི་གང་ཟག་དང་། །དམ་ཉམས་བཀའ་ལ་སྨོད་པ་དང་། །ལོག་ལྟ་དུག་ཆེན་སྐྱོན་ཆེན་དང་། །ལོག་པར་བྱེད་པའི་མུ་སྟེགས་དང་། །རྒྱལ་བའི་བཀའ་ལ་སྨོད་འགྱུར་རྣམས། །ཇི་ལྟར་མནན་ཞིང་བརླག་པར་བགྱི། །དེ་སྐད་ཅེས་ནི་གསོལ་པ་དང་། །ཉོན་ཅིག་ཕྲ་མོའི་སེམས་དཔའ་རྣམས། །མུ་སྟེགས་ལོག་ལྟའི་ལྷ་རྣམས་དང་། །གང་ཟག་སྐྱོན་ཅན་ལྟ་རྣམས་ལ། །ཆོ་ག་གོང་མ་བཞི་སྦྱར་ན། །སངས་རྒྱས་ ― DNG008_Page_0692 ―
[མ་དཔེ་གཟིགས་ན་འདིར་གནོན།]
རྡོ་རྗེ་སེམས་དཔའ་ཡང་། །སྐམས་སམ་ཡང་ན་འཆི་བར་འགྱུར། །གལ་ཏེ་ཤི་བར་མ་གྱུར་ན། །སྤོགས་པའི་ཆོ་ག་འདི་དག་བརྩམས། །དཀྱིལ་འཁོར་ས་ཕྱོགས་ལེགས་པ་རུ། །བྱིན་གྱིས་བརླབས་ཤིང་ཐིག་གདབ་པོ། །འཁོར་ལོ་རྩིབས་བརྒྱད་འབར་བའི་ཐིག །འབར་བའི་བར་ཁྱམས་གསུམ་དུ་བྱ། །སྒོ་ཁྱམས་འབར་བ་ཆེན་པོར་བྱ། །དེ་དབུས་གྲུ་གསུམ་འབར་བ་ལ། །རྡོ་རྗེ་གཞོན་ནུ་འཁོར་བཅས་ནི། །ཡབ་ཡུམ་གཉིས་སུ་མེད་པར་སྟོན། །ཤར་དུ་ཞེ་སྡང་རྡོ་རྗེ་ཡབ་ཡུམ་དགོད། །ལྷོ་རུ་ང་རྒྱལ་རྡོ་རྗེ་ཡབ་ཡུམ་དགོད། །ནུབ་ཏུ་འདོད་ཆགས་རྡོ་རྗེ་ཡབ་ཡུམ་དགོད། །བྱང་དུ་ཕྲག་དོག་རྡོ་རྗེ་ཡབ་ཡུམ་དགོད། །རྩིབས་མཆན་བཞི་ནི་ཡུལ་དུ་དགོད། །འབར་བའི་བར་ཁྱམས་དང་པོ་ལ། །ཁྲོ་རྒྱལ་ཡབ་ཡུམ་ཉི་ཤུ་དགོད། །ཟ་གསོད་ཡབ་ཡུམ་ཉི་ཤུ་ཡང་། །འབར་བའི་བར་ཁྱམས་དང་པོ་ལ། །རིམ་བཞིན་དགོད་ཅིང་ངེས་པར་བཞག །འབར་བའི་བར་ཁྱམས་གཉིས་པ་ལ། །དབང་ཕྱུག་ཆེན་མོ་བརྒྱད་རྣམས་དགོད། །འབར་བའི་བར་ཁྱམས་གསུམ་པ་ལ། །ཕྲ་མེན་བརྒྱད་དང་སྤྲུལ་པའི་ཚོགས། །མ་ལུས་པར་ནི་དགོད་པར་བྱ། །ཕྱི་ཁྱམས་ལྕགས་རི་ནག་པོ་ལ། །དབང་ཕྱུག་ཉི་ཤུ་བརྒྱད་རྣམས་དགོད། །སྒོ་བཞིར་ཁྲོ་ཆེན་བཞི་རྣམས་དང་། །སྒོ་མ་བཞི་རྣམས་བཅས་ཏེ་དགོད། །ཐོད་པ་སྐམ་རློན་ཕྲེང་བས་བསྐོར། །དཀྱིལ་འཁོར་ཆེན་པོ་འདི་ཉིད་ལ། །མཆོད་ཅིང་དམ་ཚིག་རྗེས་སུ་བསྐུལ། །བདག་ཉིད་དམ་ཚིག་རྗེས་དགོངས་ན། །ལས་ཀྱི་ལྷ་སྟེ་ཧེ་རུ་ཀ །འཇིགས་པ་དག་ཀྱང་འཇིགས་འཇིགས་འདྲ། །འཁོར་བའི་གཟུགས་ཅན་མང་པོ་འབྱུང་། །ཐམས་ཅད་རྒྱུག་ཅིང་དབང་དུ་སྡུད། །ཝ་གཅིག་ཁྲོས་པ་ཐམས་ཅད་ཀྱིས། །སངས་རྒྱས་ཀུན་ཀྱང་འགུགས་པར་བྱེད། །མུ་སྟེགས་ལོག་ལྟ་ཅན་རྣམས་དང་། །མ་ལུས་པར་ནི་གསད་པར་བྱ། །ཆོ་ག་འདི་ཡི་སྦྱོར་བ་ཡིས། །སངས་རྒྱས་ཁྲག་ཏུ་སྐྱུགས་ཤིང་འཆི། །དེ་ཡི་སྔགས་ཀྱི་སྦྱོར་བ་ནི། །གསང་སྔགས་འདི་དག་བརྗོད་པར་བྱ། །ཨཱོཾ་ན་མཿས་མནྟ་བུཌྜྷ་ནཱན། ཨཱོཾ་ཀཱི་ལི་ནི་སྭཱ་ཧཱ། ལྕགས་སམ་སེང་ལྡེང་ཕུར་པ་ལ། །སྐུ་གསུང་ཐུགས་སུ་བྱིན་གྱིས་ ― DNG008_Page_0693 ―
[མ་དཔེ་གཟིགས་ན་འདིར་གནོན།]
བརླབས། །ཨཱོཾ་ཀཱ་ཡ་བཛྲ། ཨཱ་ཝཱཀ་བཛྲ། ཧཱུྃ་ཙིཏྟ་བཛྲ། ཨཱོཾ་ན་མཿས་མནྟ་བུདྡྷཱ་ནཱཾ། གྷཱ་ཏ་ཡ། གྷཱ་ཏ་ཡ། སརྦ་དུཥྚ་ན་ཕཊ། ཀཱི་ལ་ཡ། ཀཱི་ལ་ཡ་སརྦ་པཱ་པཾ་ཕཊ། ཧཱུྃ་ཧཱུྃ་བཛྲ་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། བརྒྱ་རྩ་བརྒྱད་ནི་བཟླས་གྱུར་ན། །སངས་རྒྱས་སྐུ་ཡང་འཇིག་པར་འགྱུར། །གདུག་པ་ཅན་རྣམས་སྨོས་ཅི་དགོས། །ཆོ་ག་འདི་ཡི་སྦྱོར་བ་ཡིས། །སངས་རྒྱས་ཀུན་གྱི་དངོས་གྲུབ་བརྙེས། །བཅོམ་ལྡན་འདས་ཟླ་གསང་ཆེན་པོ་ལས། ཆོ་ག་སྦྱོར་བའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །སྲིན་པོ་མ་རུངས་པ་འདི་དག་ཐམས་ཅད་ནི་ཇི་ལྟར་ཞི་བར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཁྲོ་བདག་གཏུམ་ཞིང་འཇིགས་པའི་ཚུལ། །སྲིན་པོ་མ་རུངས་གླུ་བླངས་ཤིང་། །སྲིན་པོ་རྣམས་ནི་དགུག་པར་བྱ། །སྔགས་ཀྱི་བརྗོད་ཅིང་ཚིག་གིས་བསྐུལ། །གསང་སྔགས་འདི་དག་བརྗོད་པར་བྱ། །རཀྵ་ས་མ་ཡ་ཛ། ཕུ་ལུ་ན་ལ་ཛ། ཀྵཾ་པ་རི་ཛ། རཀྵ་ཤམ་པ་ཛ་ཛ། བདག་ཉིད་ཁྲོས་ཤིང་ལིངྒའི་ཚུལ། །རྔམ་པའི་ཚུལ་གྱིས་དགུག་པར་བྱ། །བདག་ཉིད་ཁྲོས་ཤིང་འཇིགས་པའི་གཟུགས། །གྱད་ཀྱི་དོར་བའི་ཚུལ་དུ་བྱ། །དེས་ནི་བདག་ཉིད་ཆེན་པོའང་ཁུག །སྲིན་པོ་རྣམས་ནི་སྨོས་ཅི་དགོས། །ཁྲག་དང་རུས་པ་ལས་བྱས་པའི། །ལིངྒ་སྐུ་གནག་ཉིད་དུ་བྱ། །སྲིན་པོ་ཕོ་མོ་དེ་ལ་དགུག །བདག་ཉིད་ཁྲོས་པའི་གཟུགས་སུ་བྱ། །ལྕགས་ཀྱི་སྟྭ་རེ་ལག་ཏུ་ཐོགས། །རྐང་པ་གཡོན་པས་ལིངྒ་མནན། །སྟྭ་རེས་མིད་པ་གཅད་པར་བྱ། །སྙིང་ལ་ཟོས་པར་བསམས་གྱུར་ན། །སངས་རྒྱས་རྣམ་པར་སྣང་མཛད་ཀྱང་། །ཁྲག་ཏུ་སྐྱུག་ནས་འཆི་བར་འགྱུར། །སྲིན་པོ་རྣམས་ལ་གདོན་མི་ཟ། །མཆོག་གི་སྦྱོར་བ་དེ་བྱས་ན། །སངས་རྒྱས་ཀུན་གྱི་དངོས་གྲུབ་ཐོབ། །བཅོམ་ལྡན་འདས་ཟླ་གསང་ཆེན་པོ་ལས། སྲིན་པོ་གདུལ་བའི་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱོལ་སོང་རིགས་ཅན་རྣམས་རབ་ཏུ་བརླག་པར་བགྱི་འཚལ་ ― DNG008_Page_0694 ―
[མ་དཔེ་གཟིགས་ན་འདིར་གནོན།]
ན། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྟ་དང་སེང་གེ་ཁྱུ་མཆོག་དང་། །སྟག་དང་སེང་གེ་གཟིག་ཆེན་དང་། །དྲེད་དང་དོམ་དང་དྲེད་མོ་དང་། །གུང་དང་བྱི་ལ་སྲེ་མོ་དང་། །སྤྱང་ཀི་གཡི་དང་འཕར་བ་དང་། །སྡེར་ཆགས་ཆུ་འབྱིན་ཕག་རྒོད་དང་། །བསྭེ་དང་ཁ་སྒོ་སྲིན་བུ་དང་། །ཉ་མིད་རུས་སྦལ་ཆུ་སྲིན་དང་། །ཅེ་སྤྱང་སྡེར་ཆགས་མང་པོ་དང་། །བ་ལང་གླང་ཆེན་བ་མེན་དང་། །ཤ་བ་ཤན་པར་སྤྲེའུ་ཆེན་དང་། །ལུག་དང་ར་དང་བོང་བུ་དང་། །རྔ་མོ་དུང་དང་མིག་ཆེན་དང་། །སྦྲུལ་དང་བྱི་ཤུ་པགས་ཤུ་དང་། །ཁྭ་དང་ཆུ་ལི་རུ་མིག་དང་། །རྐང་མང་རྐང་མེད་ལྟོ་འཕྱེ་དང་། །ཁྱུང་དང་བྱ་རོག་འུག་པ་དང་། །ངང་པ་ཁྲུང་ཁྲུང་བྱ་གག་དང་། །རྨ་བྱ་རི་སྐེགས་ངུར་པ་དང་། །ནེ་ཚོ་ཁུ་བྱུག་ཤང་ཤང་ཏེའུ། །སྒྲ་འབྱིན་ཀུ་ཁུག་ཤིང་སྟག་དང་། །ཀ་ན་ཏེ་ཡི་སྒྲ་འབྱིན་དང་། །རྩ་ནི་རྩ་རྨ་རོ་འབེ་དང་། །འདི་དག་མ་ལུས་ཐམས་ཅད་ཀྱི། །མིང་དང་གཟུགས་བརྙན་བྲི་བར་བྱ། །བཅོམ་ལྡན་འདས་ཀྱིས་བཀའ་སྩལ་པ། །བཤང་དང་གཅི་དང་སོལ་བ་ལ། །གང་དགུག་པ་ཡི་གཟུགས་བྱས་ནས། །བདག་ཉིད་ཁྲོ་བོའི་ཚུལ་དུ་བྱ། །དེ་ནས་སྔགས་ནི་འདི་དག་བརྗོད། །ཧྲི་ས་མ་ཡ་ཛ། ཨཱོཾ་ཀྵྀ་ཏི་ཀྵྀ་ཏི། ཨཱོཾ་ནཱ་མཿས་མནྟ་བུདྡྷཱ་ནཱཾ། ཨཱོཾ་གྷ་གྷ། གྷཱ་ཏ་ཡ་གྷཱ་ཏ་ཡ། སརྦ་དུཥྚཱན་ཕཊ། ཀཱི་ལ་ཡ་ཀཱི་ལ་ཡ། སརྦ་པཱ་པཾ་ཕཊ། ཧཱུྃ་ཧཱུྃ་བཛྲ་ཀཱི་ལ་ཡ། བཛྲ་དྷ་ར་ཨཱ་ཛྙཱ་པ་ཡ་ཏི། ཀཱ་ཡ་ཝཱཀ་ཙིཏྟ། བཛྲ་ཀཱི་ལ་ཡ་ཧཱུྃ་ཕཊ། ཨཱོཾ་བཛྲ་བཛྲ། བདག་ཉིད་ཁྲོས་པའི་ཚུལ་ཆེན་ལས། །མི་རུས་སེང་ལྡེང་ལྕགས་ལས་བྱས། །སོར་བརྒྱད་པ་ཡི་ཚད་ཆེན་ལས། །གཤིན་རྗེ་གཤེད་པོར་བདག་བསྒོམ་སྟེ། །ཕུར་བུ་འདྲིལ་ཞིང་བཏབ་བསམས་ན། །གཤིན་རྗེའི་གཤེད་ཀྱི་རྒྱ་ཆེན་ཡིན། །ཞག་ནི་གསུམ་ནི་ཚུན་ཆད་ཀྱིས། །བརྒྱལ་ཞིང་ཁྲག་ཏུ་སྐྱུག་ནས་ཀྱང་། །འཆི་བར་འགྱུར་བ་གདོན་མི་ཟ། །དངོས་གྲུབ་འབྱོར་པ་འདི་བྱས་ན། །ཀུན་ཏུ་བཟང་པོའི་དངོས་གྲུབ་ལེན། །བདག་ཉིད་གཤིན་རྗེ་ལྟར་བྱས་ལ། །སྡང་མིག་ཁྲོ་ཞིང་འཇིགས་པར་བལྟ། །ཕ་རོལ་དམག་ཚོགས་གཞོམ་འདོད་ན། །བདག་ཉིད་ཕྱག་ན་ ― DNG008_Page_0695 ―
[མ་དཔེ་གཟིགས་ན་འདིར་གནོན།]
རྡོ་རྗེར་བསྒོམ། །བདག་ཉིད་སྙིང་གི་དཀྱིལ་འཁོར་ནས། །ཡི་གེ་ཧཱུྃ་ཆེན་མཐིང་ནག་འཕྲོས། །ཕྱག་ན་རྡོ་རྗེ་གྲངས་མེད་པས། །ཕ་རོལ་དམག་ཚོགས་འཇོམས་པར་བསམས། །གསང་སྔགས་འདི་དག་བརྗོད་པར་བྱ། །ཨོཾ་བཛྲ་རཱ་ཛ་ཧཱུྃ་བཛྲ་ཀཱི་ལ་ཡ་མཱ་ར་ཡ་ཕཊ། ཆོ་ག་འདི་ཡི་སྦྱོར་བ་ཡིས། །སྐུ་གསུང་ཐུགས་ཀྱི་དངོས་གྲུབ་འཐོབ། །བཅོམ་ལྡན་འདས་ཟླ་གསང་ཆེན་པོ་ལས། བྱོལ་སོང་གི་དམག་དཔུང་གཞོམ་པའི་ལེའུ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །ཡི་དྭགས་ཀྱི་སྡུག་བསྔལ་ནི་ཇི་ལྟར་ཞི་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། བདག་ཉིད་གཤིན་རྗེའི་ཚུལ་དུ་བྱ། །དབང་དུ་བསྡུ་ཞིང་དགུག་པར་བྱ། །ཁྲག་གི་ཞིང་ཆེན་ལས་བྱས་པའི། །སྐེམ་ཞིང་རིད་པའི་གཟུགས་བྲིས་ལ། །ཡི་དྭགས་རྣམ་པར་དགུག་པར་བྱ། །ས་མཱ་ཛ་ཛ། ཨོཾ་སརྦ་དུཥྚ་ན་ཕཊ། ཡཀྵ་ཀྲོ་དྷ་དུཥྚན་ཕཊ། འཇིགས་ཤིང་བགྲད་པའི་གཟུགས་སུ་བསམ། །དེས་ནི་རྡོ་རྗེ་སེམས་དཔའ་འང་ཁུག །ཡི་དྭགས་སྡུག་བསྔལ་རྣམ་པ་རྣམས། །མ་ལུས་པར་ནི་ཁུགས་པར་འགྱུར། །དེ་ནས་གཟུགས་ལ་ཕབ་ནས་ཀྱང་། །ལྕགས་ཀྱི་ཕུར་བུ་སོར་བརྒྱད་པ། །སྙིང་གི་དཀྱིལ་དུ་བརྒྱབ་ནས་ཀྱང་། །རྨད་དུ་བྱུང་བའི་གཏོར་མ་བཅས། །རྒྱལ་བའི་ཚོགས་སུ་དབུལ་བར་བྱ། །དེ་ལྟར་སྦྱོར་བ་ཆེར་བྱས་ན། །དངོས་གྲུབ་རྣམ་གསུམ་ཐོབ་པར་འགྱུར། །བཅོམ་ལྡན་ཟླ་གསང་ཆེན་པོ་ལས། ཡི་དྭགས་གདུལ་བའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །ཚ་གྲང་སྡུག་བསྔལ་མི་བཟད་པ། །འདི་ཡི་སྦྱོར་བ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བདག་ཉིད་གཤིན་རྗེ་ཁྲོས་པའི་ཚུལ། །ཁྲོ་བོ་གཤིན་རྗེ་གཤེད་པོར་བསྒོམ། །གྲོང་ཞིང་ཚ་ཞིང་འདར་བའི་གཟུགས། །གྲོ་གའམ་ཤིང་ཤུན་རས་ལ་བྲི། །གཤིན་རྗེ་གཤེད་པོའི་ཐུགས་ཀ་ནས། །ཡི་གེ་ཛ་ཞེས་བྱུང་ནས་ཀྱང་། །དེ་ལ་ལྕགས་ཀྱུ་དཀར་པོ་འཕྲོས། །ལྕགས་ཀྱུ་དེ་དག་ཐམས་ཅད་ལ། །དབང་གི་ལྷ་མོ་བསམ་མི་ཁྱབ། །རང་རྟགས་འབར་བའི་ཕྱག་མཚན་བསྣམས། །ཐུགས་ ― DNG008_Page_0696 ―
[མ་དཔེ་གཟིགས་ན་འདིར་གནོན།]
རྗེའི་ལྕགས་ཀྱུ་དེ་དག་གིས། །དམྱལ་བའི་གནས་ནས་བཀུག་ནས་ཀྱང་། །ལིངྒ་ལ་ནི་ཕོབ་ནས་ཀྱང་། །རྡོ་རྗེའི་གླུ་ནི་བླངས་བྱས་ཏེ། །ཡེ་ཤེས་ལྷ་མོ་ཐུགས་རྗེའི་བདག །བདེ་བར་གཤེགས་པའི་ཕོ་ཉ་མོས། །ཚ་གྲང་སྡུག་བསྔལ་གནས་ནས་བཀུག །ཚ་གྲང་སྡུག་བསྔལ་ཞི་བར་མཛོད། །དེ་ནས་བདག་ཉིད་ཞི་བའི་སྐུ། །ཆ་ལུགས་འཛུམ་པར་བྱས་ནས་ནི། །དངུལ་གྱི་ཕུར་པ་ཆེན་པོ་ཞིག །དེ་ཡི་སྙིང་གི་དཀྱིལ་དུ་གདབ། །ཨཱོཾ་ན་མཿས་མནྟ་བུདྡྷཱ་ནཱཾ། བཛྲ་ཀཱི་ལ་ཡ། ཨཱོཾ་གྷ་གྷ། གྷཱ་ཏ་ཡ། གྷཱ་ཏ་ཡ། སརྦ་དུཥྚན་ཕཊ། ཀཱི་ལ་ཡ། ཀཱི་ལ་ཡ། སརྦ་པཱ་པཾ་ཕཊ། ཧཱུྃ་བཛྲ་ཀཱི་ལ་ཡ་བཛྲ་དྷ་ར་ཨཱ་ཛྙཱ་པ་ཡ་ཏི། ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། མཆོག་གི་སྦྱོར་བ་དེ་བྱས་ན། །སངས་རྒྱས་བྱང་ཆུབ་སེམས་དཔའའང་ཁུགས། །ཚ་གྲང་སྡུག་བསྔལ་སྨོས་ཅི་དགོས། །དེ་ཡི་སྦྱོར་བ་བྱས་གྱུར་ན། །སྐུ་གསུང་ཐུགས་ཀྱི་དངོས་གྲུབ་ཐོབ། །བཅོམ་ལྡན་ཟླ་གསང་ཆེན་པོ་ལས། ཚ་གྲང་གི་སྡུག་བསྔལ་ཞི་བར་བྱ་བའི་ལེའུ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ་ལ། བཅོམ་ལྡན་འདས་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བགེགས་ཆེན་བཞི་པོ་འདི་དག་དང་། །དྲེགས་པ་མཐུ་ཆེན་མ་རུངས་པ། །འདི་དག་རབ་ཏུ་ཇི་ལྟར་གཞིག །རྡོ་རྗེ་སློབ་དཔོན་སྨོད་བྱེད་དང་། །ཐེག་པ་མཆོག་ལས་ལོག་པ་ཡི། །མ་རུངས་སྒྲོ་སྐུར་འདེབས་པ་རྣམས། །འདི་དག་བརླག་པ་ཇི་ལྟར་བགྱི། །བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ནེའུ་ནི་ཝ་དང་རྣམ་པར་འཇིགས། །སོ་གཅིག་ལ་སོགས་རྣམ་པ་བཞི། །རྣམ་པ་སྤྲིན་གྱི་སྒྲོན་མ་དང་། །རྡོ་རྗེའི་མཆུ་དང་བི་ན་ཀ །བཅོམ་ལྡན་འདས་ཀྱིས་གདོན་གྱི་རིམ། །གྲོ་གའམ་རས་སམ་ཤིང་ཤུན་ལ། །གཟུགས་སམ་མིང་རུས་བྲིས་ནས་ནི། །འཁོར་བ་ཅན་གྱི་གཞལ་ཡས་སུ། །ཁྲུ་གང་གྲུ་བཞིའི་ཚད་དེ་ལ། །དྲི་ཞིམ་ཙནྡན་ལྡེ་གུས་བསྐུ། །ལྷ་རྣམས་རིམ་པར་དགོད་པར་བྱ། །ཡབ་ཡུམ་བཅུ་པོ་ཚུལ་བཞིན་གནས། །གནས་དང་ཡུལ་གྱི་ཕྱག་རྒྱ་རྣམས། །སོ་སོའི་གནས་སུ་དགོད་པར་བྱ། །སྒོ་བ་བཞི་ཡང་ ― DNG008_Page_0697 ―
[མ་དཔེ་གཟིགས་ན་འདིར་གནོན།]
ཚུལ་བཞིན་དགོད། །བདག་ཉིད་བདུད་རྩི་འཁྱིལ་པར་བསྒོམ། །བགེགས་ཆེན་འདི་དག་དགུག་པའི་ཕྱིར། །བདག་ཉིད་ཁྲོས་ཤིང་རྔམ་པའི་ཚུལ། །ཁྲོས་པའི་ཚུལ་གྱིས་བཀུག་གྱུར་ན། །བགེགས་རྣམས་འདི་དག་སྨོས་ཅི་དགོས། །དེ་ཡི་གསང་སྔགས་བརྗོད་པར་བྱ། །མཱ་ར་ཡ་ས་མཱ་ཛ། ཨཱོཾ་བཛྲ་ཨཾ་ཀུ་ཤ་ཛ། ཤྲཱི་ཧེ་རུ་ཀ་ཛཿཧཱུྃ་བཾ་ཧོཿ། བདག་ཉིད་ཁྲོས་ཤིང་བསྐུལ་གྱུར་ན། །རྡོ་རྗེ་སེམས་དཔའང་ཁྲག་ཏུ་སྐྱུག །བགེགས་ཆེན་རྣམས་ནི་སྨོས་ཅི་དགོས། །སྦྱོར་བ་ཆེན་པོ་དེ་བྱས་ན། །རྡོ་རྗེ་སེམས་དཔའི་དངོས་གྲུབ་ཐོབ། །བཅོམ་ལྡན་ཟླ་གསང་ཆེན་པོ་ལས། བགེགས་ཞི་བར་བྱ་བའི་ལེའུ་སྟེ་བཅོ་བརྒྱད་པའོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་འདི་སྐད་ཅེས་བཀའ་སྩལ་ཏོ། །རྒྱལ་རིགས་བྲམ་ཟེ་རྗེའུ་རིགས་དང་། །དམངས་རིགས་གདོལ་པ་ཅན་གྱི་རིགས། །མུ་སྟེགས་རལ་པ་གཅེར་བུ་དང་། །ཀ་ཏྱ་བུ་དང་ནོག་ཅན་དང་། །བུ་མོ་མིག་རེངས་མ་ལུས་དང་། །ལྷ་མོ་ཀླུ་མོ་རིགས་ངན་སོགས། །བཤན་པ་གསོད་པའི་རིགས་ཅན་དང་། །མ་རུངས་གནོད་པའི་རིགས་ཅན་གང་། །འདི་དག་གསོད་པའི་སྦྱོར་བ་བྱ། །ཚད་མེད་སྙིང་རྗེ་བསྐྱེད་ནས་ཀྱང་། །བྱང་ཆུབ་སེམས་ནི་གཟུང་བར་བྱ། །དེ་ཡི་སྦྱོར་བ་ཆེན་པོ་ནི། །བདག་ཉིད་ཁྲོས་ཤིང་འཇིགས་པའི་གཟུགས། །བ་གླང་ཁྱི་ཤ་རྟ་ཤ་དང་། །ཤ་རྣམས་གཙང་སྨེ་མེད་པར་བཟའ། །སེམས་ཅན་སྲོག་ཀྱང་གཅད་པར་བྱ། །རྣལ་འབྱོར་རིག་པ་འཛིན་པ་དག །འབྱུང་པོ་ཁྲག་གི་དྲི་སྣོམ་ཚུལ། །མ་ཀུན་རྔམ་པའི་ཆ་ལུགས་སུ། །སྲིན་མོ་མི་སྡུག་འཇིགས་པའི་གཟུགས། །ལིངྒ་སྲིན་མོའི་ཚུལ་ལྟར་བསྒོམ། །སྦྲུལ་ནག་ཙནྡ་ཆེན་པོར་བསྒོམ། །དེ་ནས་ལས་ཀྱི་སྟེགས་བུ་དག །ལས་ཀྱི་སྐྱེས་བུ་ཆགས་བྱེད་པས། །མེ་རིས་བསྐོར་ཏེ་བྲི་བར་བྱ། །དཀྱིལ་འཁོར་དེ་ཡི་མཎྜལ་ནི། །སུམ་བརྩེགས་བྱ་བའི་དབུས་ཟླ་གམ། །འཁོར་ལོ་རྩིབས་བརྒྱད་མཛེས་པར་བྱ། །དེ་ཡི་མཐའ་མ་ཐོད་པས་བསྐོར། །མེ་དཔུང་འབར་བས་དེ་མཐའ་བསྐོར། །དམར་ཆེན་རྒྱས་པས་དེ་མཐའ་བསྐོར། །བཅོམ་ལྡན་དཔལ་ཆེན་ཟླ་གམ་དབུས། །ཟླ་གམ་བརྒྱད་ལ་གནས་བརྒྱད་དག །མཐིང་ནག་ཡ་ཐ་མེ་རི་འབར། །ད་ ― DNG008_Page_0698 ―
[མ་དཔེ་གཟིགས་ན་འདིར་གནོན།]
འོག་ཐོད་པ་ཚར་གསུམ་དང་། །སྒོ་ཁྱམས་དུར་ཁྲོད་རྫས་ཀྱིས་བསྐོར། །རྣམ་བཞིའི་ལས་ཀྱི་དཀྱིལ་འཁོར་བརྩམ། །དཀྱིལ་འཁོར་བསྐལ་པ་འཇིགས་བྱེད་དུ། །ཕྱག་རྒྱ་འབར་བ་ཟ་བྱེད་ཀྱིས། །ཐར་པར་རྩད་ནས་བསྒྲལ་བར་བྱ། །བདག་ཉིད་འཇིགས་པའི་གཟུགས་ཅན་གྱིས། །མ་རུངས་པ་རྣམས་དགུག་པར་བྱ། །ཨོཾ་ནྲྀ་ཛ། བཛྲ་ཨཾ་ཀུ་ཤ་ཛ། ནྲྀ་ཛ་ནྲྀ་ཛ་ནྲྀ་ཛ། ས་མ་ཡ་ནྲྀ་ཛ། ལིངྒ་སྨུག་ནག་འཆེར་བ་ལ། །ནྲྀ་ཞེས་བྱ་བས་དབབ་པར་བྱ། །གོང་མའི་སྔགས་དང་ཚིག་གིས་བསྐུལ། །དེ་ལྟར་བསྐུལ་ཞིང་བསྒྲུབས་གྱུར་ན། །སངས་རྒྱས་རྣམ་པར་སྣང་མཛད་ཀྱང་། །ཟླ་བ་ཕྱེད་ནི་ཚུན་ཆད་ཀྱིས། །སྐམས་སམ་ཡང་ན་འཆི་བར་འགྱུར། །བཅོམ་ལྡན་འདས་ཟླ་གསང་ཆེན་པོ་ལས། མི་མྱུར་དུ་བསྒྲལ་བའི་ལེའུ་སྟེ་བཅུ་དགུ་པའོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་འདི་སྐད་གསུངས་སོ། །དཀྱིལ་འཁོར་གྲུ་བཞི་ལྡན་པ་ལ། །དུར་ཁྲོད་གོ་མ་ཡེ་རུ་བྱ། །གྲུ་བཞིར་མཎྜལ་བཞི་བྱས་ལ། །བཞི་ལས་དེ་བཞིན་ཆག་རེ་བསྲེག །དེ་ལ་མ་ཏྲཾ་གཟུགས་སུ་བྱ། །དབུས་སུ་སྙིང་ག་མན་ཆད་བསྣོལ། །མཎྜལ་ཆེན་པོའི་འོག་ཏུ་གཞུག །འཁོར་ལོ་འབར་བ་བཞི་ཡི་ཐིག །དཔལ་ཆེན་ལྔ་ཡི་ཕྱག་རྒྱ་བཅའ། །འབར་བའི་བར་ཁྱམས་བཞི་དག་ལ། །གནས་དང་ཡུལ་གྱི་ཕྱག་རྒྱ་དགོད། །སྒོ་བཞི་རྡོ་རྗེ་རྭ་བ་བཞི། །མགོ་བརྙན་ཡན་ལག་སྤྲུལ་པའི་གནས། །དེ་ནས་ཕྱི་ཁྱམས་ཆེན་པོ་ལ། །རྡོ་རྗེ་མེ་རི་ཕྲེང་ཆེན་བཏང་། །སྐམ་དང་ར་རི་རློན་པས་བསྐོར། །མེ་དཔུང་བསྐལ་པའི་བུ་ཡུག་བྲི། །སྒོ་བཞིར་གྲུ་གུ་རྡུལ་དང་སྦྲུལ་གྱི་ཕྲེང་། །བྷནྡྷ་དཔལ་ཆེན་ལྡན་པ་ལ། །དཔལ་ཆེན་ཡིག་བྲིས་ཁ་སྦྱར་ཡུམ། །ཀ་པ་བཅུ་ལ་སོགས་པ་ལ། །བརྒྱད་བྲི་དབུས་སུ་གནོད་པར་བྱ། །ལས་བྱེད་བརྒྱད་དམ་བཅུ་གཉིས་བྲི། །འབྱུང་པོ་གདོལ་པ་ང་རྒྱལ་ཅན། །ཆགས་སྡང་གཏི་མུག་རྒྱུ་ཡིས་བསླད། །འབྱུང་པོ་དུག་གསུམ་བཤིག་པའི་ཕྱིར། །རྣལ་འབྱོར་སྒྲུབ་པ་ཆེན་པོ་བཤད། །རུ་དྲ་ལྔ་ཡི་ཉོན་མོངས་ཅན། །ཡེ་ཤེས་ཆེན་པོ་ལྔས་གཞོམ་ཕྱིར། །ཚོགས་བདག་དཔལ་ཆེན་ཧེ་རུ་ཀ །འཇིགས་པ་ཆེན་པོ་ ― DNG008_Page_0699 ―
[མ་དཔེ་གཟིགས་ན་འདིར་གནོན།]
འཇིགས་པ་རུ། །ཁྲོ་བའི་མིག་ཅན་སྤུ་གྲི་ཐོགས། །མ་རིག་མུན་པའི་སྒོ་ཕྱེ་ནས། །རྩ་ཡི་དབུས་ནས་བཟུང་ནས་ཀྱང་། །སྙིང་རྗེ་ཆེན་པོ་མཉམ་པ་ཡིས། །དྲེགས་པ་ཆེན་པོ་གཞོམ་པ་དང་། །འཁོར་བའི་དགྲ་བགེགས་གསད་པའི་ཕྱིར། །ཁྲོ་ཚོགས་རྔམ་པའི་སྤྲིན་འཕྲོས་པས། །རྔམ་པ་གཏུམ་འཐུང་མགྱོགས་པའི་ཚུལ། །སེང་གེ་སྟག་དང་དོམ་དང་དྲེད། །ཕྱག་བརྙན་ཕྱག་ཆེན་ཕབ་ནས་ནི། །ཤ་དང་རུས་པ་ཁྲག་ལ་དགའ། །མ་ལུས་པར་ནི་གསད་ནས་སུ། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བཏིང་། །དུར་ཁྲོད་དབང་ཕྱུག་ང་ཉིད་ཆེ། །ཡེ་ཤེས་སྐུ་སྟེ་སངས་རྒྱས་མཆོག །གནོན་པའི་དམག་ཚོགས་ཐུགས་རྗེ་ཅན། །ཡེ་ཤེས་རྣོན་པོ་མཚོན་ཆ་ཡིས། །དགྲ་བགེགས་མ་ལུས་རྒྱུན་བཅད་ནས། །དཀྱིལ་འཁོར་གྲུ་བཞི་ཐབ་བཞི་བརྩིག །ཞི་རྒྱས་དབང་དང་མངོན་སྤྱོད་བཞིན། །དབུས་སུ་འཁོར་ལོ་ཐོག་ཏུ་བརྩིག །ཤར་ལྷོ་ནུབ་བྱང་དཀར་སེར་དམར། །མཐིང་ག་ནག་པོ་ཐལ་མཆོག་སྦྱར། །ཤར་ཕྱོགས་ཟླུམ་པོ་པདྨ་བཞི། །ལྷོ་ཕྱོགས་ཟླ་གམ་ཟུར་བརྒྱད་རྒྱས། །ནུབ་ཕྱོགས་ཟླ་གམ་གཞུ་དབྱིབས་དབང་། །བྱང་ཕྱོགས་ཟུར་གསུམ་མངོན་སྤྱོད་དྲག །སྙིང་ག་འཁོར་བའི་ཐབ་ཏུ་བྱ། །རིགས་ཀྱི་ཡབ་ལྔ་བརྩིགས་པར་ལྷ། །མི་ཤེས་འདྲེལ་པ་ལྔ་ཡི་ཧོམ། །ཐུགས་རྗེ་ལྔ་ཡི་ཧོམ་ཁུང་དུ། །ཉོན་མོངས་ལྔ་ཡི་ཡམ་ཤིང་ལ། །ཡེ་ཤེས་ལྔ་ཡི་མེ་སྤར་ནས། །འབར་བའི་བསྲེག་རྫས་འདི་རྣམས་ཀུན། །རྒྱལ་བ་ཀུན་ལ་རབ་འབུལ་ལོ། །རྣམ་དག་ཆོས་དབྱིངས་ཧོམ་ཁུང་དུ། །མཚན་མའི་ཆོས་ཅན་ཡམ་ཤིང་ལ། །ཡེ་ཤེས་ཆོས་ཉིད་དག་པའི་མེས། །བག་ཆགས་མཚན་མ་བསྲེག་སྦྱངས་ཏེ། །བག་ཆགས་ངན་པའི་ཧོམ་ཁུང་དུ། །སྤྲུལ་པ་ཆགས་པའི་ཡམ་ཤིང་ལ། །བྱང་ཆུབ་བདེ་ཆེན་མེ་སྤར་ཏེ། །འཁོར་བ་འཁོར་བསྲེག་ཡམ་ཤིང་བྱུང་། །ཧེ་རུ་ཞལ་གྱི་ཧོམ་ཁུང་དུ། །དུག་ལྔ་ལྔ་ཡི་ཡམ་ཤིང་ལ། །འཇོམས་པ་ལྔ་ཡི་མེ་སྤར་ཏེ། །རྣམ་པར་རྟོག་རྫས་བསྲེག་བྱས་ཏེ། །སྣང་སྲིད་བྷ་གའི་ཧོམ་ཁུང་དུ། །དབང་ཕྱུག་ཡུམ་བཞིའི་ཡམ་ཤིང་ལ། །རྡོ་རྗེ་སྐུ་མཆོག་མེ་སྤར་ཏེ། །སྲིད་ ― DNG008_Page_0700 ―
[མ་དཔེ་གཟིགས་ན་འདིར་གནོན།]
པའི་དངོས་མཚན་བསྲེག་སྦྱངས་ཐིམ། །ཕྲིན་ལས་རྣམ་བཞིའི་རྫས་རྣམས་ནི། །ཞི་བ་ལ་ནི་དཀར་པོའི་ཚུལ། །རྒྱས་པ་ལ་ནི་སེར་པོའི་ཚུལ། །དབང་ལ་དམར་པོ་རབ་ཏུ་ཤིས། །མངོན་སྐྱོད་ལ་ནི་ནག་པོར་བྱ། །ཞི་རྒྱས་དབང་དང་མངོན་སྤྱོད་རྣམས། །སོ་སོའི་ལྷ་རྣམས་སོ་སོར་བསྒོམ། །སྒྲུབ་པའི་སྦྱོར་བ་དེ་བྱས་ན། །སངས་རྒྱས་རྡོ་རྗེ་སེམས་དཔའ་ཡང་། །ཞག་ནི་བཅུ་གཅིག་ཚུན་ཆད་ཀྱིས། །སྐབས་སམ་ཁྲག་ཏུ་སྐྱུག་ནས་འཆི། །མཆོག་གི་སྦྱོར་བ་འདི་བྱས་པས། །སངས་རྒྱས་དངོས་གྲུབ་འཐོབ་པར་འགྱུར། །དེ་ནས་བཅོམ་ལྡན་འདས་ཟླ་གསང་ཆེན་པོས། སྦྱོར་བའི་ཏིང་ངེ་འཛིན་འདི་བཀའ་སྩལ་ཏོ། །ཨ་དང་མ་ཡི་སྦྱོར་བ་ལས། །ཡི་གེ་ཧཱུྃ་དུ་རྣམ་པར་གསལ། །ཧཱུྃ་ལས་རྡོ་རྗེ་རྩེ་ལྔར་ཨཱོཾ། །དེ་ལས་ཁྲོ་བོ་འཇིགས་པའི་གཟུགས། །ལག་ན་ལྕགས་ཀྱུ་སྟྭ་རེ་ཐོགས། །བཀུག་ནས་སྟྭ་རེས་བཅད་ནས་ཀྱང་། །ལིངྒ་ཤ་ཆེན་སྦྱར་ནས་ཀྱང་། །དེ་དག་སྲེག་པའི་རྫས་སུ་བྱ། །དེ་ལྟར་སྦྱོར་བ་བྱས་གྱུར་ན། །ཟླ་བ་ཕྱེད་ནི་ཚུན་ཆད་ཀྱིས། །སངས་རྒྱས་དངོས་གྲུབ་ཐོབ་པར་འགྱུར། །བཅོམ་ལྡན་འདས་ཟླ་གསང་ཆེན་པོ་ལས། དཀྱིལ་འཁོར་གསང་བ་སྦྱོར་བའི་ལེའུ་སྟེ་ཉི་ཤུ་པའོ།། །།དེ་ནས་ཕྱག་ན་རྡོ་རྗེས་ཁྲོ་བོ་བཅུ་མཐར་ཕྱིན་པའི་ཏིང་ངེ་འཛིན་ལ་སྙོམས་པར་ཞུགས་ནས། དཀྱིལ་འཁོར་ཆེན་པོ་འདི་ཐོན་ཏོ། །ཀུན་ཏུ་གྲུ་བཞིར་ལྡན་པ་ལ། །ཆེ་ཆུང་ཚད་མེད་གནས་ཀྱིས་སྦྱར། །མ་ཏྲཾ་གཟུགས་ཆེན་བསྒྱེལ་བ་ནི། །དེ་ཡི་སྙིང་གར་བང་རིམ་གསུམ། །དང་པོ་གྲུ་བཞི་དམར་པོར་བརྩིག །གཉིས་པ་གྲུ་གསུམ་མཐིང་ནག་བྱ། །གསུམ་པ་ཟླ་གམ་སྨུག་ནག་བྱ། །མགོ་བོ་ཡན་ལག་དྲུག་དང་ནི། །གསང་བའི་སྒོ་ཆེན་གཉིས་བརྒྱད་ལ། །ཆག་ཕྱེད་སྟེགས་བུ་གྲུ་བཞི་བརྒྱད། །དེ་ལ་ཡབ་ཡུམ་བརྒྱད་རྣམས་དགོད། །གྲུ་བཞི་གྲུ་གསུམ་ཟླ་གམ་ལ། །སྐུ་གསུང་ཐུགས་ཀྱི་མཚན་མ་དགོད། །དེ་ནས་བར་ཁྱམས་བར་མ་ལ། །གནས་དང་ཡུལ་གྱི་ཕྱག་རྒྱ་དགོད། །དེ་ནས་བར་ཁྱམས་ཕྱི་མ་ལ། །ཆག་ཕྱེད་པ་ཡི་སྟེགས་ལ་བཅུའི། །ཁྲོ་བོའི་མིང་དང་གཟུགས་སུ་བྲི། །དེ་ནས་སྒོ་བ་ཆེན་པོ་བཞི། །དེ་ནས་སྟེགས་བུ་གོང་དང་འདྲ། །ཕྱི་རོལ་ ― DNG008_Page_0701 ―
[མ་དཔེ་གཟིགས་ན་འདིར་གནོན།]
ལྕགས་རི་ནག་པོ་ལ། །ཕོར་ཐོགས་བརྒྱད་དང་གཞོང་ཐོགས་བརྒྱད། །ལྷ་བདུད་བཅུ་གཉིས་དགོད་པར་བྱ། །ཤ་ཟན་མགོ་བརྙན་མང་པོའི་ཚོགས། །རྔམས་པའི་ཚོགས་ཅན་མང་པོའང་སྤྲུལ། །ཛཿཧཱུཾ་བཾ་ཧོས་དགྲ་བགེགས་ཁུག །དེ་ནས་ལྷ་ཡི་ཕོ་ཉ་འཁོར་བཅས་མང་པོ་ཁུག །དེ་ནས་ལས་ཀྱི་གནས་སྐབས་འདིར། །དེ་ཡི་སེམས་ཡིད་མང་འཁྲུགས་པས། །ཁ་ཊྭཱཾ་འབར་བའི་ཕྱག་རྒྱ་བསྣོལ། །མ་ཧཱ་ཤྲཱི་ཧེ་རུ་ཀ །ཧ་ཧ་པྲ་བེ་ཤ་ཕཊ།དགྲ་བགེགས་མཱ་ར་ཡ་ཕཊ། ནྲྀ་མ་ར་ན་ར་བེ་ཤ་ཕཊ། ལྕགས་སམ་སེང་ལྡེང་ལས་བྱས་པའི། །ཕུར་བུ་ཆེན་པོ་དེ་ཉིད་ལ། །སྐུ་གསུང་ཐུགས་དང་ཡེ་ཤེས་ལྔ། །རིན་ཆེན་ལྔ་དང་སྐུ་གསུམ་དང་། །ཁྲོ་ཚོགས་འབར་བར་བྱིན་བརླབས་པའི། །ཕུར་པ་སྙིང་གར་གདབ་ནས་ཀྱང་། །ཚེ་དང་གཟི་བརྗིད་འཕྲོག་པར་བྱེད། །ཨཱོཾ་གྷ་གྷ། གྷཱ་ཏ་ཡ། གྷཱ་ཏ་ཡ། སརྦ་དུཥྚན་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུཾ་ཧཱུཾ་བཛྲ་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡ་ཝཱ་ཀ་ཙིཏྟ། བཛྲ་ཀཱི་ལ་ཡ་ཧཱུཾ། ཨོཾ་ན་མཿས་མནྟ་བུདྡྷཱ་ནཱན། ཚིནྡྷ་ཚིནྡྷ། ཧ་ན་ཧ་ན། དཱིཔྟ་ཙཀྲ་ཧཱུཾ་ཕཊ། ཁྲོས་ཤིང་འཁྲུག་པའི་ཚུལ་གྱིས་གདབ། །ཕྱག་རྒྱའི་ཚོགས་ཀྱིས་གནན་པར་བྱ། །དུག་དང་འདྲེས་པའི་གཏོར་མ་སྦྱིན། །གུ་གུལ་གྱིས་བདུག་ཉུང་དཀར་གདབ། །ཤག་ཤག་ཚལ་ཚལ་མྱོས་མྱོས། དེ་ནས་ཡུངས་ཀར་རྒྱལ་པོས་བརྡེག །ཛ་ལ་སྐྱེ་ཚེ་ད་པ་ར་བྱི་ཏ་ཧཱུཾ་ཕཊ། དེ་ནས་བསྙེན་ཅིང་བསྒྲུབས་གྱུར་ན། །མ་དང་མཁའ་འགྲོ་དབང་དུ་འདུ། །མཁའ་འགྲོའི་འཁོར་ཚོགས་ཐམས་ཅད་ཀྱིས། །དངོས་གྲུབ་དམ་པའང་སྟེར་བར་འགྱུར། །འབར་བའི་འཁོར་ཚོགས་མ་ལུས་ཀུན། །བྲན་གྱིས་བཀའ་བཞིན་བྱེད་པར་འགྱུར། །དེ་ལྟར་སྦྱོར་བ་ཆེར་བྱས་ན། །ནམ་མཁའི་དབྱིངས་ཀྱང་འཇིག་པར་འགྱུར། །མཚན་མ་ཅན་ལྟ་སྨོས་ཅི་དགོས། །བཅོམ་ལྡན་འདས་ཟླ་ ― DNG008_Page_0702 ―
[མ་དཔེ་གཟིགས་ན་འདིར་གནོན།]
གསང་ཆེན་པོ་ལས། ཡོངས་སུ་གྲུབ་པའི་ལེའུ་སྟེ་ཉེར་གཅིག་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོས། དབང་གི་དམ་པ་འདི་བཀའ་སྩལ་ཏོ། །ཕྱི་ཡི་དབང་དང་ནང་གི་དབང་། །སྒྲུབ་པའི་དབང་དང་གསང་བའི་དབང་། །རྒྱལ་པོའི་དབང་དང་རྒྱལ་ཐེབས་དབང་། །ཉན་པའི་དབང་དང་ཀར་མའི་དབང་། །དྲོད་འཛིན་དབང་དང་གིང་གི་དབང་། །མཆོད་པའི་དབང་དང་སྒྲོལ་བའི་དབང་། །བསྒོམ་པ་ཆེན་པོ་ལ་གནས་དབང་། །འདི་དག་རབ་ཏུ་བསྐུར་བར་བྱ། །དབང་གི་སྣོད་ཀྱང་འདི་ལྟ་སྟེ། །དད་ལྡན་སྲི་ཞུ་ཆེ་བ་དང་། །ཅི་ལའང་ཆགས་མེད་གཏོང་བ་དང་། །ཁྱོགས་དང་རྐང་འགྲོས་གླང་ཆེན་དང་། །ནོར་དང་བུད་མེད་དབྱིག་གི་མཆོག །ཅི་ལའང་ཆགས་མེད་སྟོང་ལྡན་དང་། །འདི་ལ་དབང་མཆོག་སྦྱིན་པར་བྱ། །ནུས་པའི་དབང་དང་ཕན་པའི་དབང་། །ཕྱག་རྒྱ་རྫས་དང་སྙིང་པོ་སྦྱིན། །ཨཱོ་སྭ་ཏི་ཧ། རྡོ་རྗེ་འཁོར་ལོ་རིན་པོ་ཆེ། །པདྨ་རལ་གྲི་དྲིལ་བུ་འབར། །རིན་ཆེན་སྣ་བདུན་བཀྲ་ཤིས་བརྒྱད། །གཟུངས་མ་མཚན་ལྡན་གྲགས་པ་ཅན། །སྟག་དང་སེང་གེ་དོམ་དྲེད་གདན། །ཞིང་ཆེན་གཡང་གཞི་སྦྲུལ་ནག་དང་། །གླང་ཆེན་ཀོ་རློན་མེ་དཔུང་དང་། །ཐོད་ཕྲེང་ཞག་གི་ཚོམ་བུ་དང་། །ཐལ་ཆེན་རཀྟའི་ཚོམ་བུ་དང་། །ཡན་ལག་རིང་ཐུང་དབང་པོའི་ཕྲེང་བ་དང་། །གསང་བའི་ལྷ་མོ་བརྒྱད་རྣམས་དང་། །རྒྱལ་བའི་དཀྱིལ་འཁོར་མན་ཆད་ནས། །ཐང་ཤོལ་འབར་བ་ཆེན་པོ་དང་། །བྷནྡྷ་དམར་གྱིས་བཀང་བ་རྣམས། །དབང་ནོད་ཆེན་པོ་དེ་ལ་སྦྱིན། །མཁའ་འགྲོ་འབར་བའི་དབང་མཆོག་ཀྱང་། །དབང་ནོད་རྒྱལ་པོ་དེ་ལ་སྦྱིན། །དབང་ཕྱུག་རྒྱལ་པོའི་གསང་མིང་ཡང་། །དབང་ནོད་རྒྱལ་པོ་དེ་ལ་སྦྱིན། །ཕྱོགས་བཅུར་ཡོངས་སུ་གྲགས་པ་ཡི། །དབང་མཆོག་ཆེན་པོ་མ་ལུས་ཀྱང་། །དབང་ནོད་རྒྱལ་པོ་དེ་ལ་སྦྱིན། །བཅོམ་ལྡན་འདས་ཟླ་ ― DNG008_Page_0703 ―
[མ་དཔེ་གཟིགས་ན་འདིར་གནོན།]
གསང་ཆེན་པོ་ལས། དབང་གི་ལེའུ་སྟེ་ཉེར་གཉིས་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོ། འཁོར་ཚོགས་བསྐལ་པའི་མེ་དཔུང་དང་བཅས་པ་དང་། ཕྱག་ན་རྡོ་རྗེ་འཇིགས་པ་དང་བཅས་པ་ལ། ལྷ་མོ་མདངས་འཛིན་མས་བསྟོད་ཅིང་མཆོད་པ། ཀྱེ་མ་ཧོ། དམར་གྱི་གཏོར་མ་ཆེན་པོ་དང་། །ཤ་ཆེན་མཱཾ་ས་རཀྟ་དང་། །དྲི་ཆེན་ཁུ་བ་ཞུན་ཆེན་དང་། །རུས་པ་ཤ་དང་ཙནྡན་དང་། །རྒྱུ་ཞགས་དབང་པོའི་ཚོགས་མཆོག་དང་། །རང་བྱུང་གདོད་ནས་དག་པའི་རྫས། །གཉིས་མེད་དོན་ལ་སྦྱོར་བའི་ཕྱིར། །དག་པ་ཆེན་པོ་གཟི་ལྡན་བཞེས་སུ་གསོལ། །བདུད་རྩི་ཆུ་རྒྱུན་འཆི་མེད་གཡུང་དྲུང་དབྱིབས། །དག་པས་དག་པ་ཆེན་པོར་བཞེས་སུ་གསོལ། །ཧཱུཾ་ཧ་ཧེ་ཕཊ་བྷྱོ། སྦྱོར་བའི་མཆོད་པ་ཆེན་པོ་རྣམས། །རྡོ་རྗེ་གླུ་དང་གར་གྱིས་བྱོས། །ཚིག་དང་སྒྲ་ཡིས་བསྟན་ཅིང་མཆོད། །དག་པའི་ཆོས་ཉིད་བདུད་རྩིའི་ཆུ་རྒྱུན་འདིས། །རྒྱལ་པོ་ཡབ་ཡུམ་མཆོད་དང་བསྐངས་གྱུར་ཏེ། །དེ་ལྟར་མཆོད་ཅིང་བསྐངས་གྱུར་ན། །སྐུ་གསུང་ཐུགས་ཀྱི་དངོས་གྲུབ་ཐོབ། །བཅོམ་ལྡན་འདས་ཟླ་གསང་ཆེན་པོ་ལས།མཆོད་པའི་གླུའི་ལེའུ་སྟེ་ཉེར་གསུམ་པའོ།། །།དེ་ནས་ཟླ་གསང་ཆེན་པོ་ཉིད། །མི་དམིགས་ཆོས་དབྱིངས་རྣམ་པར་དག །བྱེད་སྤྱོད་ཐམས་ཅད་དམིགས་པ་མེད། །ལས་རྣམས་དག་པའི་དབྱིངས་སུ་གཅིག །ཆོས་སྐུ་རོ་གཅིག་འགྱུར་མེད་དང་། །གཟུང་འཛིན་མཐའ་ལས་རྣམ་པར་གྲོལ། །སྐྱེ་མེད་དབྱིངས་ཀྱི་ངང་དུ་གཅིག །ཆོས་སྐུ་ངོ་བོ་མཉམ་རྫོགས་མཆོག །བཅོམ་ལྡན་འདས་ཟླ་གསང་ཆེན་པོ་ལས། ཆོས་ཉིད་རྒྱ་མཚོའི་ལེའུ་སྟེ་ཉེར་བཞི་པའོ།། །།དེ་ནས་བཅོམ་ལྡན་འདས་ཟླ་གསང་ཆེན་པོས་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཐུགས་ཀྱི་བརྣག་པ་ཟླ་དཀྱིལ་ནས། །ཟླ་གམ་དབང་ ― DNG008_Page_0704 ―
[མ་དཔེ་གཟིགས་ན་འདིར་གནོན།]
ཆེན་དཀྱིལ་འཁོར་དུ། །སྒྲོ་སྐུར་རྣམ་པར་སྤང་བའི་ཕྱིར། །མུ་སྟེགས་ལོག་ལྟ་བལྟ་ལ་དགའ། །དད་མེད་དམ་ཉམས་དམ་ལས་ལོག །བྱང་ཆུབ་ཐག་པ་གཏིང་ནས་ཆད། །དེ་ཕྱིར་ཕྱག་ན་རྡོ་རྗེ་ཁྱོད། །བདག་གི་བཀའ་གསང་དམ་པ་འདི། །ཁྱོད་ཉིད་ལ་ནི་རབ་ཏུ་གཏད། །རྒྱལ་བའི་གཞུང་མཆོག་དམ་པ་འདི། །བཀའ་གསང་རྨད་ནས་བྱུང་བའི་མཆོག །ཟླ་གསང་ནག་པོ་རྒྱས་པའི་དཔལ། །ཡོན་ཏན་རྒྱས་པའི་མཆོག་ཆེན་འདི། །ཕྱག་ན་རྡོ་རྗེ་ཁྱོད་ལ་གཏད། །བཀའ་གསང་གཞན་ལས་ཁྱད་འཕགས་པའི། །གསང་བ་སྐུ་གསུང་ཐུགས་ལས་བྱུང་། །ཉན་ཐོས་རང་རྒྱལ་འདྲེན་པའི་མཆོག །འཁོར་བའི་སྐམས་ལིངས་བྱེད་པའི་དཔལ། །ཕྱག་ན་རྡོ་རྗེ་ཁྱོད་ལ་གཏད། །ཅེས་གསུངས་སོ། །ཡོངས་སུ་གཏད་པའི་ལེའུ་སྟེ་ཉེར་ལྔ་པའོ།། །།བཅོམ་ལྡན་འདས་ཟླ་གསང་ཆེན་པོའི་མདོ་རྫོགས་སོ།། །། |
