 རྙིང་མ་རྒྱུད་འབུམ་པོད་བཅུ་གཅིག་པ། ད༽སྡེ་དགེའི་ཤིང་པར་རྙིང་མ་རྒྱུད་འབུམ།རྩོམ་མཁན།Nitartha internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། ལྷ་མོ་སྒྱུ་འཕྲུལ་དྲ་བ་ཆེན་མོ་ཞེས་བྱ་བའི་རྒྱུད།― DNG011_Page_0001 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། དེ་བཱི་ཛཱ་ལི་མ་ཧཱ་མཱ་ཡཱ་ཏནྟྲ་ནཱ་མ། བོད་སྐད་དུ། ལྷ་མོ་སྒྱུ་འཕྲུལ་དྲ་བ་ཆེན་མོ་ཞེས་བྱ་བའི་རྒྱུད། བཅོམ་ལྡན་འདས་གསང་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་གསུངས་པ་ཉིད་དུ་གྱུར་པའི་ཚེ་ན་བཅོམ་ལྡན་འདས་དེ་བཞིན་གཤེགས་པ་ནམ་མཁའ་དང་མཉམ་པའི་རྣལ་འབྱོར་ཆེན་པོ་དང་། རྣལ་འབྱོར་མ་ཆེན་མོ་དང་། ཤིན་ཏུ་མོས་པ་ཆེན་མོ་དང་། མོས་པ་དང་བཅས་པ་སྲུང་བར་བྱེད་པ། རབ་ཏུ་རྣམ་པར་སྲུང་བར་བྱེད་ཉེ་བ་མོ་དང་བཅས་པ་ཉེ་བར་ཞི་བ་ཆེན་པོ་དང་ཞི་བར་མཛད་པ་ཆེན་པོ་མཛེས་པ་དང་མདོག་ཏུ་ལྡན་པ། ཤེས་པ་དང་སྐྱབས་སུ་ལྡན་པ་ནི་འདི་ལྟ་སྟེ། གཙོ་བོ་རྣལ་འབྱོར་འཁོར་ལོ་ཞེས་བྱ་བ་དང་། རྣལ་འབྱོར་ཆེན་པོ་རྡོ་རྗེ་ཉིད་དུ་འདུས་པ་ཞེས་བྱ་བ་དང་། རྣལ་འབྱོར་ཆེན་པོ་བཏང་སྙོམས་ཞེས་བྱ་བ་དང་། རྣལ་འབྱོར་ཆེན་པོ་དབང་དུ་མཛད་པ་ཞེས་བྱ་བ་དང་། རྣལ་འབྱོར་ཤིན་ཏུ་རྣམ་པར་རྒྱ་གྲམ་གྱི་ཚུལ་འཛིན་པ་དང་བཅས་ ― DNG011_Page_0002 ―
[མ་དཔེ་གཟིགས་ན་འདིར་གནོན།]
པ་ནི་ཅིར་ཡང་སྟོན་པའི་གཟུགས་ཀྱིས་ཁ་དོག་བཞི་དང་ལྡན་ཏེ་འདུག་པའི་ཆ་ལུགས་ཀྱིས་ཅོད་པན་ལྔ་དང་ལྡན་ཏེ། མ་བསྒྲིབས་མི་སྒྲིབ་བསྒྲིབ་པ་མི་འགོག་སྒྲིབ་ཏུ་མེད་པའི་དབྱིངས་ནས་ཡང་དག་པའི་གཞལ་ཡས་ཆེན་པོ་ན་མཉམ་པ་ཆེན་པོའི་ཚུལ་རྡོ་རྗེ་ཞེས་སྐུ་མ་བཀག་པས་མཛད་པ་བསམ་གྱིས་མི་ཁྱབ་པས་བཞུགས་སོ། །དེ་ཡང་འདི་ལྟར་སོ་སོར་གསལ་བར་མཉམ་པ་ཆེན་པོ་དང་འཁོར་དང་བཅས་པ་མཉམ་པ་ཆེན་པོས་ཡོ་བྱད་ཆེན་པོ་ནི་ཀུན་གྱི་གདུང་འཛིན་པའི་རང་བཞིན་དུ་གནས་པ་ནི་བརྟེན་པས་ཕྱིན་ཅི་མ་ལོག་པ་དང་གཉིས་སུ་དུ་མ་མེད་པ་ནི་གཟུངས་རྣལ་འབྱོར་མ་ཆེན་མོ་སྟེ། བྱང་ཆུབ་ཆེན་མོ་ནམ་མཁའ་ཞེས་བྱ་བ་དང་། བྱང་ཆུབ་ཆེན་མོ་ནམ་མཁའ་འཛིན་མ་ཞེས་བྱ་བ་དང་། བྱང་ཆུབ་ཆེན་མོ་ས་སྲུང་མ་ཞེས་བྱ་བ་དང་། བྱང་ཆུབ་ཆེན་མོ་རླན་པར་བྱེད་པ་ཆེན་མོ་དང་། བྱང་ཆུབ་ཆེན་མོ་རྣམ་པར་ཁེངས་པ་སྤང་བ་ཞེས་བྱ་བ་དང་། བྱང་ཆུབ་ཆེན་མོ་ལས་གྲུབ་པར་མཛད་མ་ཞེས་བྱ་བ་དང་། བྱང་ཆུབ་ཆེན་མོ་རྡོ་རྗེ་རབ་ཏུ་ཆགས་པ་ཆེན་པོ་འཛིན་ཞེས་བྱ་བ་དང་། རབ་ཏུ་མ་ཆགས་པ་གསོད་ཅེས་བྱ་བ་དང་། བྱང་ཆུབ་ཆེན་མོ་རབ་ཏུ་རྨོངས་སེལ་ཞེས་བྱ་བ་དང་། བྱང་ཆུབ་ཆེན་མོ་གསུང་གི་ ― DNG011_Page_0003 ―
[མ་དཔེ་གཟིགས་ན་འདིར་གནོན།]
འཁོར་ལོ་མ་ཞེས་བྱ་བ་སྟེ། དེ་དག་ཀྱང་འདི་ལྟ་སྟེ། ཤིན་ཏུ་ཨུཏྤལ་ལྟ་བུའི་མདོག་དང་། ཤག་ཀྲ་དང་། བཻ་ཌཱུརྱ་དང་། པདྨ་རཱ་ག་དང་། ཨསྨ་གར་བ་ལ་སོགས་པ་རྫས་ཀྱིས་སྔགས་པས་འཕགས་པར་འཚེར་བ་མ་སྨིན་པ་མེད་པར་བཞུགས་པ་ནི་རྣལ་འབྱོར་མ་ཀུན་ཏུ་བཟང་པོ་འཁོར་དང་བཅས་པའོ། །དེ་ཡང་གུས་པ་ཆེན་པོ་གསང་བ་དང་། གུས་པ་ཆེན་པོ་སྣ་ཚོགས་པའི་དྲི་དང་། གུས་པ་ཆེན་པོ་དབང་སྒྱུར་བ་ནི་གསང་བའི་དབང་པོ་ཞེས་བྱ་བ་དང་། གསལ་བ་འཛིན་བྱེད་མ་དང་། རྣམ་པར་དྲི་ཡི་གནས་སུ་གྱུར་པ་དང་། རྣམ་པར་སྒྲ་བྱེད་པའི་གཟུགས་འཛིན་པའོ། །དེ་ཉིད་མཐོང་བར་བྱེད་པའི་དབང་པོ་དང་། ཉན་པར་བྱེད་པའི་དབང་པོ་དང་། བསུང་བྱེད་ཆེན་པོའི་དབང་པོ་དང་། བཏང་བ་ཆེན་པོའི་དབང་པོ་དང་། ཤིན་ཏུ་གཏོང་བར་མཛད་པ་དང་། ཤིན་ཏུ་རྟོག་པར་མཛད་པ་དང་། ཤིན་ཏུ་འཛིན་དབང་ཆེན་པོ་དང་། ཤིན་ཏུ་གྲུབ་པར་མཛད་པ་དང་། ཆ་ལུགས་མི་གཏོང་བའི་བཙུན་མོ་དང་བཅས་པའོ། །ཡོད་པ་རྣམ་པར་རྟོག་པར་མཛད་པ་དང་། མེད་པ་སེལ་བར་མཛད་པ་དང་། རྣམ་པར་འདུ་ཤེས་རྒྱལ་བ་ཡིན་པར་མཛད་པ་དང་། ཤིན་ཏུ་འགོག་པ་རྣམ་པར་འཇོམས་པ་ཆེན་མོ་དང་། མངོན་སྤྱོད་ཀྱི་ལས་ཀྱིས་གཉིས་སུ་མེད་པར་འཁྲིལ་ནས་ཆོས་ཀྱི་དབྱིངས་མཉམ་པ་ཆེན་པོའི་གཞལ་ཡས་ན་བཞུགས་སོ། །དེ་ནས་བཅོམ་ལྡན་འདས་གསང་བ་ཆེན་མོའི་རྣལ་འབྱོར་མའི་གཞལ་ཡས་སུ་དགྱེས་ནས་མ་སྐྱེས་པའི་དབྱིངས་ཤེས་རབ་ཀྱི་ཚོགས་ཆེན་མོ་མུ་ཁྱུད་ཀུན་དང་ལྡན་པ། ཟླ་རྒྱས་ལྟ་བུའི་དཀྱིལ་འཁོར་མཐའ་དབུས་མེད་པར་ཁྱབ་པ། རིན་པོ་ཆེ་ཀུན་དང་ལྡན་པ། གྲྭ་དང་ངོས་དང་ཁ་དོག་དང་དབྱིབས་རྒྱ་ཁྱོན་དཔག་ཏུ་མེད་པར་གྱུར་པ། ཡེ་ཤེས་བསམ་གྱིས་མི་ཁྱབ་པ་ཆ་ལུགས་ཀྱིས་རྣམ་པར་མཛེས་པ། ཡིད་བཞིན་ཆེན་པོའི་རྒྱན་གྱིས་རྣམ་པར་སྤྲས་པ། སྣ་ཚོགས་པའི་བྱེ་བྲག་གིས་རྒྱལ་བ་རྣམས་ཀྱི་གདུང་འཛིན་པ། སྒྱུ་འཕྲུལ་ཆེན་པོའི་སྒོ་བཞི་དང་ལྡན་པ། ཐེག་པ་ཕྱིའི་རྣལ་འབྱོར་རྣམས་ཀྱི་ཐེག་པ་ཆེན་པོ་འབབ་གཞོལ་དགེ་སྡིག་ཆེན་པོའི་མཆོག་ཤིན་ཏུ་གསང་བ་ཆེན་མོ་དང་བཅས་པ། པདྨ་ཆེན་པོའི་དབུས་ན་ལྕེ་ཁ་དོག་བཞིའི་བྱེ་བྲག་གིས་མཛེས་པར་གྱུར་པ། ཕྱོགས་བཞི་དྲེ་བ་རིམ་ ― DNG011_Page_0004 ―
[མ་དཔེ་གཟིགས་ན་འདིར་གནོན།]
པ་གསུམ་གྱི་ཆ་ལུགས་ཀྱིས་གསང་བ་ཆེན་པོའི་དཀྱིལ་འཁོར་དུ་གྱུར་པའོ། །དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་སྒྲིབ་པ་མཆོག་ཏུ་སེལ་བ་སྟེ་ལེའུ་དང་པོའོ།། །།དེ་ནས་བཅོམ་ལྡན་འདས་ལོངས་སྤྱོད་ཆེན་པོ་གདུང་བ་མཆོག་ཏུ་སེལ་བར་མཛད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། འཛུམ་པ་ཆེན་པོས་རབ་ཏུ་ཆགས་པ་ཆེན་པོ་ལ་དབང་སྒྱུར་བར་དགྱེས་ཏེ། གསང་བ་ཆེན་མོའི་མཁའ་ལ་པདྨ་དབང་གི་མདོག་གིས་རྒྱས་པར་མཛད་དེ། ཨོཾ་སུ་ར་ཏྭ་སུ་ཁེ་ཞེས་བརྗོད་པས་རྡོ་རྗེ་རིགས་བསམ་གྱིས་མི་ཁྱབ་པ་བཙུན་མོ་དང་བཅས་པར་གྱུར་ཏོ། །དེ་ནས་རབ་ཏུ་འདི་བརྗོད་པར་མཛད་དོ། །བཞི་པ་ཁ་དོག་དཀར་ལ་འཚེར། །བཏང་སྙོམས་ཀུན་གྱི་སྤྲོ་བསྡུ་ཡིས། །གསུམ་པ་རྫོགས་པར་གསལ་བ་དང་། །ཕྱག་རྒྱའི་ཚོགས་མཆོག་དེ་དག་ལས། །རྒྱལ་མོ་དག་དང་མཉམ་དུ་དགྱེས། །ཕྱག་རྒྱ་རྡོ་རྗེ་དྲིལ་བུ་འཛིན། །བཅུ་གསུམ་པ་ཡི་ཆ་ལུགས་ཀྱིས། །ཆེ་ཆུང་མེད་པར་གསལ་བར་བསྒོམ། །དབུ་ལ་གཉིས་པའི་ཡི་གེར་ལྡན། །གསལ་བ་ཉིད་ཀྱི་དུས་དག་ཏུ། །ཅོད་པན་ལྔ་ཡི་རིན་ཆེན་ལས། །རྒྱན་གྱི་རིགས་ནི་གསལ་བ་ཡིན། །དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་རྒྱན་དམ་པ་ཞེས་བྱ་བའི་ཕྱག་རྒྱའོ། །གསུམ་པ་མཐིང་འབར་ཡི་གེ་ཆེ། །རིགས་ཀྱི་རིན་ཆེན་སྤྲོ་བསྡུ་ལས། །ཕྱག་རྒྱར་གསལ་བས་སྐུར་གསལ་བ། །རྒྱལ་མོ་དག་དང་མཉམ་དུ་དགྱེས། །སྒྲིབ་པ་ཀུན་སྤངས་སྡིག་མེད་སྡོམས། །གཉིས་པ་ཡི་ནི་ཡི་གེ་ལས། །ཅོད་པན་ལྔ་ལྡན་ཡི་གེར་གསལ། །ཐམས་ཅད་བློ་སྦྱངས་ཡིད་བཞིན་གཏེར། །མཉམ་པ་འཁྲིལ་བའི་ཚུལ་འཛིན་པ། །རིན་ཆེན་རིགས་ཀྱི་ཕྱག་རྒྱར་གསལ། །ལས་ཐམས་ཅད་ཀྱི་མཆོག་རྒྱལ་མོ་རྣམ་པར་རོལ་པའི་ཕྱག་རྒྱའོ། །པདྨ་རཱ་ག་འདྲ་བའི་མདོག །ཆོས་སྐུ་ཟླ་ཚེས་རབ་ལྡན་པ། །གསལ་བའི་ཁ་དོག་མཛེས་པ་ནི། །ཐམས་ཅད་མ་ལུས་དབང་དུ་མཛད། །སྦྱར་དང་བསྐྱེད་དང་བསྡུ་བ་ཡིས། །ཕྱག་རྒྱར་གསལ་བར་དབང་གི་སྐུ། །བཙུན་མོ་དག་དང་མཉམ་དུ་དགྱེས། །གཉིས་སུ་མེད་པར་འཁྲིལ་བ་ཡིས། །དབུ་རུ་ཡི་གེ་གཉིས་པ་ལྡན། །རིན་ཆེན་རིགས་ཀྱི་སྤྲོ་བསྡུ་ལས། །ཅོད་པན་རིགས་ལྔ་ཁ་དོག་སྟེ། །ཇི་བཞིན་ ― DNG011_Page_0005 ―
[མ་དཔེ་གཟིགས་ན་འདིར་གནོན།]
པ་ཡི་ཏིང་འཛིན་གྱིས། །ཕྱག་རྒྱ་བཞུགས་ཚུལ་པདྨའི་ཚུལ། །མཉམ་པར་བསམ་པས་དཀྱིལ་འཁོར་ཡིན། །མི་འབྱེད་པ་ཡི་ཏིང་འཛིན་གྱིས། །རྫོགས་པའི་དཀྱིལ་འཁོར་ཀུན་འདུས་མཆོག །པདྨ་རིགས་ཀྱི་ཕྱག་རྒྱར་གསལ། །མུན་པ་སེལ་བའི་མར་མེ་བཞིན། །གསལ་དག་ཡིད་གཉིས་མེད་པར་བསྒོམ། །ཆུ་སྐྱེས་འཛུམ་པའི་འོད་དུ་ལྡན། །སྟེག་དང་སྤྲོད་པའི་རོལ་མོ་ཡིས། །དགྱེས་ཤིང་མཉམ་པའི་མཆོད་པར་བཤམ། །འདི་ལྟར་གསལ་བས་དབང་ཡང་རྫོགས། །ཐམས་ཅད་སྡུད་པ་ཞེས་སུ་བྱ། །དེ་བཞིན་དབང་སྟེ་ལས་ཐམས་ཅད་ཀྱི་ཕྱག་རྒྱའི་ཡེ་ཤེས་སོ། །དུས་གསུམ་པ་ཡི་མཛད་པ་ཆེ། །རིགས་ཀུན་འདུས་པ་བདེ་གཤེགས་ལས། །མཉམ་པ་ཇི་བཞིན་ཏིང་འཛིན་ཏེ། །ཡི་གེ་འབྲུ་གཅིག་ཀུན་གྱི་མཆོག །བཤད་པས་ཁྱད་པར་ལས་ཀུན་རྫོགས། །ཆུ་སྐྱེས་གསལ་བའི་འདབ་མ་སྟེང་། །གཉིས་སུ་མེད་པར་གསལ་བ་ནི། །རྣམ་པ་གཉིས་ཀྱི་བྱེ་བྲག་གིས། །འདུས་པ་གསལ་བས་སྐུར་གྱུར་པ། །འདོད་ཅིང་ཆགས་པ་མ་ཡིན་ཞིང་། །བློ་ལ་ཡིད་གཉིས་མེད་པ་དང་། །ཕྱག་རྒྱར་གསལ་བས་རྒྱལ་བའི་སྐུ། །རྒྱལ་མོ་དང་ནི་མཉམ་དུ་དགྱེས། །དབུ་གཉིས་པ་ཡི་ཡི་གེར་ལྡན། །སྦྱིན་པ་རྒྱ་ཆེན་ཁེངས་པ་ན། །རང་གི་འདོད་པའི་གནས་སུ་བསྡུ། །བོང་ཚོད་ལོ་གྲངས་ཁྱད་པར་མེད། །གཉིས་སུ་མེད་པར་འཁྲིལ་བར་གསལ། །དུས་ཀུན་དུ་ནི་མཉམ་ལྡན་པས། །གསང་བའི་མཆོད་པ་རབ་ཏུ་རྫོགས། །ཟླ་རྒྱས་ལྟ་བུའི་གཙོ་བོ་བསྒོམ། །ཆགས་པ་མེད་པར་འདོད་སྡུད་པའི། །ཡུམ་དང་ལྷན་ཅིག་བསྒོམ་པ་ནི། །ཨཱ་ལི་ཀཱ་ལི་བྱེད་པའི་དོན། །ཕྱག་རྒྱ་ལས་ཀྱི་བྱེ་བྲག་གིས། །བདེ་བ་ཆེན་པོའི་ཚུལ་གནས་པ། །རྒྱལ་བ་ཀུན་ཀྱང་དེ་བཞིན་མཐུན། །ཕྱག་ལག་སྣོལ་མར་གནས་པ་ཡི། །ཀུན་ཀྱང་སེམས་དཔའི་དཀྱིལ་འཁོར་རོ། །ཕྱག་རྒྱ་ཐལ་མོ་རྡོ་རྗེ་ནི། །ཀུན་ཀྱང་ཡུམ་གྱི་རྒྱབ་ཏུ་བསྣོལ། །ཞལ་གཉིས་མཛེས་པར་རབ་རྒྱས་ནས། །ཟླ་གམ་པ་ཡི་ལྗགས་གཉིས་མཛེས། །དུང་གི་ཕུར་ ― DNG011_Page_0006 ―
[མ་དཔེ་གཟིགས་ན་འདིར་གནོན།]
བུས་མཁུར་ཚོས་ལ། །གདབ་ཅིང་སྡེབས་པའི་ཚུལ་དུ་བཞུགས། །བསྙེན་པ་ཉེ་བསྙེན་དབང་རྫོགས་པ། །རྒྱལ་བ་ཀུན་གྱི་སྐུ་ཡི་མཆོག །བཞད་དང་འཛུམ་པའི་གཙོ་གཟུངས་བསྒོམ། །རྣལ་འབྱོར་དཀའ་ཐུབ་ཆེན་པོའི་དོན། །གསང་བ་སྤྱོད་ལ་ཤིན་ཏུ་དགྱེས། །གསང་བ་ཉིད་དུ་སེམས་ཅན་འདྲེན། །ཐམས་ཅད་ཀུན་གྱི་རྨོངས་པ་སེལ། །ཡུལ་གྱི་ལས་ཀྱི་ཁྱད་པར་ནི། །ས་ཡི་རིམ་པ་ཀུན་སྦྱོང་ཞིང་། །ཟས་ལ་བགོ་ལ་དབང་མེད་པ། །ཉན་ཐོས་འགོག་པ་ལ་སོགས་པ། །བྱང་ཆུབ་སེམས་ཀྱི་ཆར་ཆེན་གྱིས། །དམ་པོར་བཅིངས་པ་ཚར་གཅོད་མཛད། །དམ་ཚིག་ཆེན་པོ་སྡོམ་པ་སྟེ། །རྒྱལ་བ་ཀུན་གྱི་དཀྱིལ་འཁོར་ཡིན། །ཕྱག་རྒྱ་ཆེན་པོའི་ཚོགས་མཆོག་ནི། །དག་པ་དོན་གྱི་རིགས་མཆོག་ཡིན། །མྱུར་བར་རྟག་ཏུ་མ་ཡེངས་ན། །གདོན་མི་ཟ་བར་འགྲུབ་པ་ནི། །འདོད་ཁམས་ལྷ་ཡི་ཉིན་ཕྱེད་ཀྱིས། །གསང་བ་ཀུན་དང་མཉམ་པར་འགྱུར། །དེ་བཞིན་གཤེགས་པའི་གསང་བ་མཉམ་པ་ཞེས་བྱ་བའི་ཕྱག་རྒྱའོ། །ཀུན་ཏུ་བཟང་པོ་རྣལ་འབྱོར་མཆོག །གསང་བ་ཉིད་ཀྱི་མཁའ་དབྱིངས་ནས། །ཡི་གེ་ཨ་ལྡན་ཚེག་དྲག་བཅས། །རྣལ་འབྱོར་བདེ་ཆེན་ཐུགས་ཀྱི་སྲས། །གཟུགས་ཁམས་ལ་སོགས་བྱིན་བརླབས་ནས། །ཕྱག་མཚན་འཁོར་ལོར་གསལ་བ་དང་། །བདེ་བ་རྣལ་འབྱོར་དེ་བཞིན་གཤེགས། །བཙོ་མ་གསེར་གྱི་ཁ་དོག་ལ། །ཉི་མ་ཟེར་གྱི་འོད་བཞིན་དུ། །གསལ་བ་འཚེར་བ་བཅོམ་ལྡན་འདས། །དབུ་རུ་ཡི་གེ་གཉིས་པ་ལས། །རིན་ཆེན་མྱུ་གུ་ཁང་པ་འབར། །སངས་རྒྱས་ལྔ་ཡི་དབུ་རྒྱན་གྱིས། །ལེགས་པར་བརྒྱན་པ་མཚན་རྣམས་རྫོགས། །རྫོགས་པ་ཆེན་པོའི་བཞུགས་ཚུལ་དང་། །ཏིང་འཛིན་མཐུན་པས་འགྲོ་ལ་དམིགས། །པདྨ་གེ་སར་དབུས་གནས་པའི། །ཐིག་བཞི་གསང་བ་བཞི་དང་ལྡན། །མདུན་དུ་ལྷ་མོ་ཆགས་པ་མོ། །ལོ་གྲངས་ཉི་ཤུ་མཛེས་དང་ལྡན། །མ་ཧཱ་སུ་ཀའི་གནས་ལ་དགྱེས། །མཛེས་པའི་ལག་པ་གར་དང་ཆས། ། ― DNG011_Page_0007 ―
[མ་དཔེ་གཟིགས་ན་འདིར་གནོན།]
གཉིས་སུ་མེད་པའི་བཞུགས་ཚུལ་ནི། །གཙོ་ལ་བརྟེན་པའི་ཚུལ་དུ་བཞུགས། །རྒྱབ་ཏུ་ལྷ་མོ་དགྱེས་ཆེན་མོ། །སངས་རྒྱས་བརྟེན་པར་མཛད་ཚུལ་གྱིས། །ཐལ་མོས་འཛིན་པ་སྐུ་བརྟན་པ། །སྐུ་ཚེ་བཅུ་དྲུག་རྩ་དམར་སྐུ། །སངས་རྒྱས་གདུང་འཛིན་ཆགས་པས་སྦྱོང་། །འདོད་ཆགས་ཅན་ལ་མཐུན་པར་མཛད། །གཡས་སུ་ཞེ་སྡང་གདུལ་བ་མོ། །རྡོ་རྗེ་པདྨོར་སྦྱོར་ལ་དགྱེས། །མ་དད་པ་རྣམས་དབང་མེད་པར། །དྲག་པོར་སྦྱོར་མཛད་ཞེ་སྡང་སེལ། །ཆགས་པ་ཆེན་པོ་བཅོམ་ལྡན་འདས། །གཉིས་སུ་མེད་པར་སྦྱོར་བ་ཡིས། །གཏོང་བ་མེད་པར་བསྟན་པའི་ཚུལ། །སྔོ་བསངས་མདངས་ལྡན་ཁྱད་པར་ཆེ། །ཁྲུ་ཚད་བཅྭ་ལྔ་ཆགས་པ་ཅན། །དུས་མཐའ་མེད་པར་སྦྱོར་ལ་དགྱེས། །སྟེག་དང་སྒེག་པའི་ཆ་ལུགས་ཀྱིས། །སེམས་ཅན་ཀུན་གྱི་སྡུག་བསྔལ་འཁྲུ། །རབ་ཏུ་སྐམས་པ་འགོག་པ་རྣམས། །རླང་ནས་རྒྱལ་བའི་སྲས་སུ་འགྱུར། །ཨ ལྣཱ་མ་ལིའི་ཕྲིན་ལས་ཀྱིས། །ཐམས་ཅད་བྱང་ཆུབ་ཆེན་པོར་མཛད། །མིག་གཉིས་འཛུམས་དང་སྦོམ་པོ་ཡིས། །དབང་མོར་ལྡན་པར་བྱས་པ་ན། །གཉིས་སུ་མེད་པར་སྦྱོར་འདོད་ཡིན། །སྣ་ཡི་རྩེ་མོར་མཐེའུ་ཆུང་འཛིན། །མ་བཏང་བཞུགས་ལ་བརྩོན་བྱས་པའོ། །སོ་རྣམས་བསྡམས་ནས་ཁ་ཕྱེ་བ། །དུས་ལ་བབ་ཅེས་བྱ་བ་སྟེ། །ཏིང་འཛིན་གསལ་བར་རྒྱུ་བ་ན། །དུས་ལ་བབ་ཅེས་བྱ་བ་ཡིན། །འདི་ལྟར་བརྡ་ལྡན་ཏིང་འཛིན་ལ། །དམ་ཅན་བུད་མེད་མི་འདུད་པ། །དངོས་གྲུབ་མི་འགྱུར་དམ་ཚིག་ཉམས། །ཚེ་རབས་ཀུན་དུ་བརླག་པར་འགྱུར། །འདི་ལྟར་རྩེན་པར་བྱེད་པ་ན། །གཡན་པ་བསླང་བ་རྣམ་བཞི་ཡིས། །སྐྱེས་བུ་ན་ཆུང་ཚུལ་བཞིན་དུ། །རྡོ་རྗེ་པདྨའི་མཚམས་ཉིད་དུ། །དབྱིངས་ཕྱུག་ལྔ་ཡི་སྦྱོར་ལྡན་པས། །དལ་བུས་དལ་བུས་གཞུག་པ་དང་། །དལ་བུས་དལ་བུས་རབ་ཏུ་བསྒུལ། །དྲག་པོའི་ཡི་གེ་སྤྲོས་པ་ན། །བྱང་ཆུབ་སེམས་ཀྱིས་པདྨ་དགང་། །སྦོམ་པོ་དབང་ངམ་ལྔ་རྣམས་ཀྱིས། །ཡུམ་ ― DNG011_Page_0008 ―
[མ་དཔེ་གཟིགས་ན་འདིར་གནོན།]
གྱིས་བླངས་ཏེ་གཙོ་ལ་མཆོད། །ཉེ་བའི་བསྙེན་པ་ལ་སོགས་པས། །བསྙེན་པ་ཆེ་ཆུང་རྫོགས་པར་བསྒོམ། །བྱང་ཆུབ་སེམས་ཀྱི་དཀྱིལ་འཁོར་ལས། །མཆོད་པ་བརྒྱད་ཀྱིས་བསྟོད་པར་མཆོད། །དེ་ལྟར་ལོངས་སྤྱོད་རྫོགས་པ་དང་། །གཉིས་སུ་མེད་པར་ལུང་བཞིན་དུ། །མཉམ་པར་འཁྲིལ་བའི་ཚུལ་དུ་བསྟན། །དུས་གསུམ་ཀུན་དུ་གདུང་འཛིན་པ། །གཡོན་ཕྱོགས་བརྟེན་པའི་སྐལ་དང་ལྡན། །བོང་ཚོད་ལོ་ནི་བཅུ་དགུ་པའི། །སྡོང་པོ་དུལ་བ་དག་ལ་དགྱེས། །གཡས་པར་བཟུར་བའི་སྤྱན་གྱིས་གཟིགས། །དྲིལ་བུ་སྒྲ་སྙན་འཁྲོལ་ལ་བརྩོན། །རྡོ་རྗེ་རབ་ཏུ་སྒྲོགས་བྱེད་མ། །སངས་རྒྱས་ལྔ་ཡི་དབུ་རྒྱན་ཅན། །མངོན་དུ་སྦྱོར་ལ་རབ་བརྩོན་པ། །བརྡ་དང་བཅས་པའི་གར་གྱིས་ནི། །སངས་རྒྱས་ཀུན་ལ་སློང་མཛད་མ། །བྱང་ཆུབ་སེམས་ཀྱི་སྤྲིན་ཆེན་གྱིས། །མཆོད་པ་ཆེན་པོས་རབ་མཆོད་མཉེས། །སྤྲུལ་པ་བསམ་ཡས་མཐའ་ཀླས་པ། །དུས་གསུམ་འཁོར་ལོ་བསྐོར་བར་བསྐུལ། །ངོ་སོར་ཆགས་པའི་མདངས་ཀྱིས་ནི། །མཉེས་དང་བཅས་པའི་གར་གྱིས་མཆོད། །གྲུ་ཆད་བཞི་ཡི་རིམ་པ་ལ། །ཐོས་བྱེད་གསལ་བྱེད་གསུང་བ་ཆེ། །དྲི་དང་ལྡན་པ་ལ་སོགས་པས། །བཙུན་མོ་དག་དང་ཐབས་ཅིག་ཏུ། །གཉིས་སུ་མེད་པའི་ཚུལ་དུ་བཞུགས། །བར་ཁྱམས་བཞི་ལ་གནས་པ་ནི། །ཐོས་བྱེད་དབང་དང་ཉན་བྱེད་དབང་། །དྲི་མཆོག་དབང་དུ་ལྟ་བྱེད་དབང་། །དུས་ནི་བཞི་རྣམས་ལྷ་མོ་བཞི། །བཙུན་མོའི་ཚོགས་དང་ལྡན་པར་གནས། །ཞེ་སྡང་འཇོམས་བྱེད་ལ་སོགས་པས། །སྒོ་རྣམས་ཀུན་དུ་གནས་པ་ནི། །སྙིང་རྗེའི་ཡུམ་དང་བཅས་པར་གནས། །ཉི་མ་ཟླ་བ་པདྨ་མཆོག །རིན་ཆེན་དུང་དང་བཅས་པ་སྟེ། །ཚངས་པ་བརྒྱ་བྱིན་གཉིས་གཉིས་ཀྱིས། །བཏེག་པའི་ཁྲི་ལ་རབ་ཏུ་བཞུགས། །རྫོགས་པ་ཆེན་པོར་ཀུན་ཀྱང་གནས། །སེམས་དཔའ་ཆེན་པོའི་བཞུགས་ཚུལ་དུ། །ཀུན་ཀྱང་རབ་ཏུ་གནས་པར་བསྟན། །ཞལ་ནི་ཀུན་དུ་སལ་ལེ་བ། ། ― DNG011_Page_0009 ―
[མ་དཔེ་གཟིགས་ན་འདིར་གནོན།]
ཐུགས་ནི་ཀུན་དུ་ལྷན་ནེ་བ། །སྐུ་ནི་ཀུན་ལ་ཁྱབ་པར་གསལ། །ཨེ་མ་མི་སྐྱེ་མི་འགག་མཆོག །ཨེ་མ་མི་སེལ་མི་ལེན་མཆོག །ཨེ་མ་ཚམ་ངམ་དྲག་ཤུལ་སྤྱོད། །ཨེ་མ་གཤེགས་པའི་སྟབས་དང་བཅས། །ཨེ་མ་མཚན་མ་སེལ་བར་སྟོན། །ཨེ་མ་གསུང་རབ་རྒྱ་མཚོ་སྒྲོགས། །ཨེ་མ་བྱོལ་སོང་སྤྲོ་བ་བསྐྱེད། །ཨེ་མ་སྤྲུལ་པ་བསམ་ཡས་མཆོག །ཨེ་མ་མྱ་ངན་འདས་པར་མཛད། །ཨེ་མ་གསང་བ་ངེས་དོན་མཛད། །ཨེ་མ་གཟུངས་དང་མཉམ་པར་སྦྱོར། །ཨེ་མ་ཅི་ཡང་མི་མཛད་མཆོག །ངོ་མཚར་སྤྲིན་ལས་འདི་དག་གིས། །ས་ཡི་རིམ་པ་འབྱོངས་པར་འགྱུར། །ཞེས་སངས་རྒྱས་པ་ཉིད་མངོན་པར་སངས་རྒྱས་པ་ལ་གླེང་སྟེ་མཉེས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་རྣལ་འབྱོར་བདེ་བ་ཆོས་ཀྱི་འཁོར་ལོ་ཞེས་བྱ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་བདེ་བ་ཆེན་པོ་ཀུན་དུ་བཟང་མོ་རྣལ་འབྱོར་མ་ལ་འཇུག་པར་དགྱེས་ཏེ་རབ་ཏུ་འདྲིས་པ་ཆེན་པོ་དགོངས་པ་དང་། ཀུན་དུ་བཟང་མོ་རྣལ་འབྱོར་མས། ཞལ་འཛུམ་པ་དང་བཅས་པ། ཨེ་མ་སེམས་དཔའ་ཐིག་ལེ་ཆེ། །བག་ཆགས་ཀུན་གྱི་གཉེན་པོར་གསུངས། །འདི་ལས་འཇུག་པའི་ཆོས་འགའ་མེད། །ཞེས་བརྗོད་དོ། །དེ་ནས་གསང་བ་ཆེན་མོ་དང་གཉིས་སུ་མེད་པར་འཁྲིལ་བར་གྱུར་ཏེ། གཡོན་པ་བསྐྱེད་པ་རྣམ་པ་མང་པོས་མཉེས་པ་དང་པདྨ་སྦས་པ་ལ་སོགས་པ་འབྱུང་བ་སྤེལ་བར་མཛད་ནས་རབ་ཏུ་དགྱེས་ཏེ་གླུ་འདི་བླངས་སོ། །ཨེ་མ་བདེ་བ་མཆོག་ལས་སྐྱེས་པ་ཕྱག་ན་རྡོ་རྗེ་ཅན། །ཆོས་ཀུན་དངོས་པོ་མེད་པར་གསལ་བ་ལ། །འབྱུང་གནས་ཆེན་པོས་ཡ་མཚན་འབྱུང་བར་མཁྱེན་པ་ཨེ་མ་ངོ་མཚར་ཆེ། །རྒྱུ་ཉིད་སྟོང་པས་འབྲས་བུ་བཙལ་མེད་པའི། །རྒྱུ་དང་འབྲས་བུ་ཉིད་ཀྱང་རྒྱལ་བས་ཡོང་མི་རྙེད། །སྟོང་པ་ཉིད་ལ་དགའ་བའི་ཆགས་པའི་ཆོ་འཕྲུལ་པ། །དེ་ཕྱིར་སྐྱེ་འགག་མེད་ཅེས་རྒྱལ་བ་རྣམས་ཀྱིས་འདི་ལ་བརྗོད། །ཆོས་ཀུན་དབྱེར་ ― DNG011_Page_0010 ―
[མ་དཔེ་གཟིགས་ན་འདིར་གནོན།]
མེད་མ་རྙིངས་པ་ཉིད་ལས། །ཀུན་གྱི་དགའ་བ་འབྱུང་བ་རྒྱལ་བ་ཀུན་བས་ཤིན་ཏུ་འཕགས། །ཞེས་བརྗོད་པས་གསང་བའི་མཁའ་ལ་ཀུན་དུ་བཟང་པོ་རྣལ་འབྱོར་འཇུག་པར་མཛད་དེ་ཤིན་ཏུ་རྔམ་པའི་གླུ་འདི་བླངས་སོ། །སྒྱུ་མ་ཀུན་ལས་འཕགས་པས་དབྱེར་མེད་རྣམ་པར་འཕྲུལ་བྱེད་པ། །ཀུན་དུ་བཟང་པོ་རྣལ་འབྱོར་དེ་ནི་བདེར་གཤེགས་ཡུམ་ཆེན་ཀུན་གྱི་གསོས། །སྡུག་བསྔལ་ཀུན་སྦྱོང་བདེར་གཤེགས་ཡུམ་ལ་འཇུག་པ་ཐུགས་དམ་ཡིན་ཞེས་རྒྱལ་བས་གསུངས། །ཨོཾ་ཧཱུྃ་མི་འགོག་ཇི་ཡང་མཛད་པ་ཉིད་ནི་མི་མཛད་མཉམ་པ་ཡིན་ཞེས་རྒྱལ་བས་གསུངས། །འདི་ནི་གླུ་རུ་བླངས་པ་ཡིས། །མྱ་ངན་འདས་ཀུན་འགྲོ་བའི་མགོན། །སྟོང་པ་ཆོས་ཀྱི་དཀྱིལ་འཁོར་ལ། །དཀའ་ཐུབ་ཆེན་པོ་ཐོབ་པར་འགྱུར། །ཞེས་གཉིས་སུ་མེད་པར་གླེངས་སོ། །དེ་ནས་སྙིང་པོ་མཆོག་གི་ཡི་གེ་ནི། །དང་པོའི་གནས་སུ་བསྒོམ་པར་བྱ། །དེ་སྙིང་ཡི་གེ་བཞི་པ་སྟེ། །རྡོ་རྗེ་ཆེན་པོ་གསལ་བ་མཆོག །ཡི་གེ་ཨ་ལྡན་ཐིག་ལེ་ཆེ། །ཆོས་ཀུན་འདུས་པར་རྣམ་པར་བསྒོམ། །དང་པོར་མེ་ལོང་ལྟ་བུ་སྟེ། །མཉེས་པའི་ཁ་དོག་ཤིན་ཏུ་འབར། །ཕྱག་ལག་འཁྱུད་པ་སྤྲོད་པ་ཡིས། །ཐམས་ཅད་དེ་དང་འདྲ་བར་གསལ། །ཨོཾ་ཧཱུྃ་སུ་ར་ཏ་སུ་ཀེ་ཛྙཱ་ན་ད་ཨོཾ་ཨཱྃ་ཧཱུྃ། བདེར་གཤེགས་རྒྱལ་མོ་མཁའ་དབྱིངས་སུ། །གསལ་དག་ལས་རྣམས་འགྲུབ་པར་བསྒོམ། །ཆུ་སྐྱེས་པདྨ་འདབ་མ་སྟོང་། །བཤད་པའི་སྒྲས་ནི་རྣམ་པར་བརྒྱན། །དེ་སྟེང་ཆོས་ཀྱི་སྐུ་རུ་གསལ། །ཟླ་རྒྱས་ལྟ་བུའི་མཁའ་དབྱིངས་ནས། །ཐམས་ཅད་བསྡུ་བ་གསུམ་གྱིས་བསྡུས། །ཨོཾ་སུ་ར་ཏྭ་སུ་ཁེ་དྷརྨ་དྷཱ་ཏུ་སྭ་བྷཱ་བ་ཨོཾ་ཨཱཿཧཱུྃ། གཉིས་སུ་མེད་པའི་ཡི་གེ་མཆོག །མི་སྐྱེ་བ་ནི་ཨ་དང་ལྡན། །བྱིན་བརླབས་རྒྱལ་བ་ཀུན་གྱི་གནས། །མཆོད་པ་བརྒྱད་དང་གསལ་བར་ལྡན། །སོ་སོར་གསལ་བའི་མཁའ་དབྱིངས་ལ། །ཧཱུྃ་གི་ཟེར་གྱིས་རེག་པར་མཛད། །ཨོཾ་སུ་ར་ཏྭ་སུ་ཁེ་ན་པྲ་ཛྙཱ་བྷ་ཀྵ་ན་སྭ་བྷཱ་བ་ཨོཾ་ ― DNG011_Page_0011 ―
[མ་དཔེ་གཟིགས་ན་འདིར་གནོན།]
ཨཱཿཧཱུྃ། བྱང་ཆུབ་སེམས་ཀྱི་ཆར་ཆེན་ནི། །ཡི་གེ་གཉིས་པ་རྩ་དམར་སྐུ། །གཉིས་སུ་མེད་པར་ལྡན་པ་ན། །བདུད་ཀུན་རྣམ་པར་བཏུལ་བ་དང་། །དབྱིངས་ཀྱི་བདེ་ལ་གསལ་བ་ནི། །སྒོ་དབྱེ་བ་ཡི་ཚུལ་གྱིས་ནི། །པདྨ་དབྱེ་བ་སྣ་ཚོགས་བྱ། །སྤྲོ་བ་དང་ནི་བསྡུ་བ་ཡིས། །བྱ་བ་ནན་ཏན་ཡེ་ཤེས་བསྐྱེད། །འདི་ལྟར་རྒྱལ་བ་ཀུན་མཛད་པ། །སྤྲུལ་པ་བསམ་གྱིས་མི་ཁྱབ་ལས། །མཆོད་པ་མང་པོ་ལྷ་མོར་ལྡན། །ཨོཾ་སུ་ར་ཏྭ་སུ་ཁེ་ན་དུཥྚ་ཛྙཱ་ན་བཛྲ་སྭ་བྷཱ་བ་ཨོཾ་ཨཱཿཧཱུྃ། རྣལ་འབྱོར་སྐལ་ལྡན་ཆེན་པོ་ནི། །སྐལ་ངན་ཀུན་གྱི་གསོས་སུ་གསུངས། །གཉིས་སུ་མེད་པའི་བྱང་ཆུབ་སེམས། །མཾ་ས་བཤང་གཅི་རྫས་རྣམས་ནི། །དོགས་པ་མེད་པའི་དངོས་གྲུབ་སྟེ། །རྒྱལ་བ་ཉིད་ལ་རྒྱལ་བས་མཆོད། །དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་ལས་བག་ཆགས་གཏན་ལ་འབེབས་པ་གཉིས་སུ་མེད་པར་གླེང་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་གསང་བའི་སྙིང་པོ་རྡོ་རྗེ་རྣལ་འབྱོར་མ་དང་གཉིས་སུ་མེད་པའི་ཕྱག་རྒྱའི་མཆོག་ནི་འདི་ལྟ་སྟེ། སྒྱུ་འཕྲུལ་དྲ་བའི་ཕྱག་རྒྱ་ལས། །མཛེས་པར་གསལ་བ་ཡབ་ཡུམ་བཅུ། །སོར་མོ་ཕན་ཚུན་སྤེལ་ལེགས་པ། །རྡོ་རྗེ་ཐལ་མོ་བྱང་ཆུབ་རྒྱ། །གསང་བ་རྣལ་འབྱོར་ཐུགས་ཀྱི་མཆོག །དམ་ཚིག་སྡོམ་པ་འདའ་བར་དཀའ། །རྣལ་འབྱོར་པ་ལ་ཨ་ལཱི་གསལ། །ཀུན་དུ་བཟང་ལ་ཀ་ར་བྱེད། །ལྔ་ཆར་ཟུང་དུ་ལྡན་པ་ནི། །གཅིག་ཏུ་གྱུར་པས་གར་གྱི་གཞི། །ཨོཾ་ཧཱུྃ་ཏྲཾ་ཨཱཿཧཱུྃ། མཱ་ཨཱ་ཀཱ་ཧཱུྃ་རཱ། ཐལ་མོ་བཏང་སྙོམས་ཚུལ་གྱིས་ནི། །མཛེས་པའི་མཐའ་ན་གར་གྱིས་བྱ། །སྙིང་གར་བཅིངས་པས་རྣལ་འབྱོར་དོན། །གར་གྱི་ཕྱག་རྒྱ་དང་ཉིད་པས། །གར་དུ་བྱས་པས་ཐལ་མོ་བསྣོལ། །མཇུག་ཏུ་དབུལ་བའི་ཚུལ་གྱིས་བསྟོད། །རྡོ་རྗེ་གར་གྱི་ཕྱག་རྒྱ་ལས། །གཡོན་པ་རྩེ་གསུམ་གཡས་པས་གཟུང་། །དེ་ཉིད་གཞན་དུ་འབིགས་པར་བྱ། །རྡོ་རྗེ་གར་གྱི་ཕྱག་རྒྱ་ལས། །དགའ་བའི་མདངས་དང་ལྡན་པ་ཡིས། ། ― DNG011_Page_0012 ―
[མ་དཔེ་གཟིགས་ན་འདིར་གནོན།]
གཡས་སུ་འདུད་པའི་ཚུལ་གྱིས་ནི། །གཡས་པ་ཡི་ནི་ཐུགས་ཀར་བསྒྲེང་། །གཡོན་པ་གསུང་ཉན་འཁྲིལ་བའི་ཚུལ། །རྡོ་རྗེ་གར་གྱི་ཕྱག་རྒྱ་ལས། །མཛེས་པའི་མཐའ་ནས་གར་བྱས་ཤིང་། །གཞན་ནས་བསྡུས་ནས་གཡས་གཡོན་འཇོག །རྡོ་རྗེ་གར་ནི་དེ་དག་ལས། །ལག་པ་གཡས་པ་འདེགས་པ་དང་། །དབུལ་བའི་ཚུལ་དུ་རྣམ་པར་བརྟག །རྡོ་རྗེ་གར་ནི་དེ་དག་ལས། །སྤྱན་དང་དབུ་ནི་གཡོན་དུ་འདུད། །ཅང་ཏེའུ་ཐོགས་པའི་ཚུལ་གྱིས་ནི། །མཆོད་པ་བྱེད་པར་རྣམ་པར་བསྔགས། །རྡོ་རྗེ་གར་གྱི་ཕྱག་རྒྱ་ལས། །ལུས་ནི་གཡས་གཡོན་བསྒྱུར་བ་དང་། །གར་ལས་ལག་པ་ཕྲལ་བསྐྱེད་པའོ། །རྡོ་རྗེ་གར་གྱི་ཕྱག་རྒྱ་ལས། །གཡོན་པས་གཡས་པའི་གྲུ་མོ་གཟུང་། །གཡས་པ་ཉུག་པའི་ཚུལ་དུ་བྱའོ། །དེ་ཉིད་རྡོ་རྗེ་གར་དག་ལས། །དམ་ཚིག་ཕྱག་རྒྱ་འཐོར་བར་བསྟན། །རྡོ་རྗེ་གར་གྱི་ཕྱག་རྒྱ་ལས། །དམ་ཚིག་ཕྱག་རྒྱ་སྟེང་དུ་བསྒྱུར། །དེ་ཉིད་གཡོན་པའི་ནང་དག་ལས། །གཡས་པའི་དམ་ཚིག་ཕྱག་རྒྱས་གཏོར། །དེ་ཉིད་གཡས་པས་དྲངས་པར་ལྡན། །དེ་ཉིད་གཉིས་པས་གཟུང་བ་ཡིན། །དེ་ཉིད་གཉིས་ཀ་ཐལ་མོ་བསྡམ། །དེ་ཉིད་དྲིལ་བུ་འཛིན་པར་བསྒོམ། །ཨོཾ་སརྦ་ཏ་ཐཱ་ག་ཏ། མུ་ཀ་ཀ་ར་སུ་ཁེ་ན་ཨོཾ། ཨོཾ་སརྦ་ཏ་ཐཱ་ག་ཏ་ས་མ་རཱ་ག་སྟྭཾ་སུ་ཁེ་ན་ཧཱུྃ། ཨོཾ་སརྦ་ཏ་ཐཱ་ག་ཏ་ཛྭ་ལ་ཡ་ནཱ་ནཱ་མ་མ་ཧཱ་སུ་ཁེ་ན་ཏྲཱྃ། ཨོཾ་སརྦ་ཏ་ཐཱ་ག་ཏ་དྷརྨ་བྷ་ཤྲ་སུ་ཁེ་ན་ཧཱ་ཧཱ་ཧཱ། དེ་ཉིད་གཙོ་བོའི་ཕྱག་རྒྱར་བཅས། །ཨོཾ་སརྦ་ཏ་ཐཱ་ག་ཏ་སརྦ་བུཌྜྷ་ལོ་ཙཱ་ན་ཨཱདྨ་ནཾ། སུ་ར་ཏྭ་སུ་ཁེ་ན་མཎྜ་ལ་པཱུ་ཛ་ཡ་པཱུ་ཛ་ཡ། ཨོཾ་ཨོཾ་ཨྃ། ཨོཾ་སརྦ་ཏ་ཐཱ་ག་ཏ་མ་ཧཱ་དྷུ་ཛ་ཛ། ཨོཾ་སུ་ར་ཏྭ་སུ་ཁེ་ན་བྷནྡྷ་བྷནྡྷ། པཱུ་ཛ་ཡ་པཱུ་ཛ་ཡ། ཧཱུྃ་ཧཱུྃ་ཧཱུྃ་ཨཱ། ཨོཾ་སུ་ར་ཏྭ་སུ་ཁེ་ན། མན་ཤ་མོ་ཧ། པཱུ་ཛ་ཡ་པཱུ་ཛ་ཡ། ཧྲི་ཧྲི་ཧྲི། ཨོཾ་སུ་ར་ཏྭ་སུ་ཁེ་ན་སརྦ་ཏ་ཐཱ་ག་ཏ་དྷརྨ་དནྟྲ། སཱ་དྷ་ཀ་ན་ད་ཧོ་ཧོ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་ལཱ་སྱེ། བཛྲ་གརྦྷེ་སུ་ཁེ་ན་པཱུ་ཛ་ཡ་པཱུ་ཛ་ཡ། ཨོཾ་ཧཱུྃ་ཧཱུྃ་ཧཱུྃ་ཨ། སརྦ་ཏ་ཐཱ་ག་ཏ་ཤྲཱི་བཛྲ་གརྦྷེ་སུ་ཁེ་ན་པཱུ་ཛ་ཡ་པཱུ་ཛ་ཡ། ཏྲཾ་ཏྲཾ་ལྔ་ཨ། ཨོཾ་སརྦ་ཏ་ཐཱ་ག་ཏ་ཤྲཱི་ ― DNG011_Page_0013 ―
[མ་དཔེ་གཟིགས་ན་འདིར་གནོན།]
བཛྲ་གནྡྷེ། བཛྲ་གརྦྷེ་སུ་ཁེ་ན། དྷི་པ་དྷི་པ། པཱུ་ཛ་ཡ་པཱུ་ཛ་ཡ། ཧྲིཾ་ཧྲིཾ་ཧྲིཾ་ཨ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་ནིར་ཏེ་བཛྲ་གརྦྷེ་མ་ཧཱ་ཏི་ལ་ཀ་སུ་ཀེ་ན་པཱུ་ཛ་ཡ་པཱུ་ཛ་ཡ། ཨ་ཨ་ཨ། ཨོཾ་ཧཱུྃ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་དྷཱུ་བེ། བཛྲ་གརྦྷེ་སུ་ཁེ་ན་པཱུ་ཛ་ཡ་པཱུ་ཛ་ཡ། ཨོཾ་ཏང་ཏང་ཏང་ཧཱུྃ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་པུཥ྇་བཛྲ་གརྦྷེ་སུ་ཁེ་ན་པཱུ་ཛ་ཡ་པཱུ་ཛ་ཡ། ཧཱྃ་ཧཱྃ་ཧཱྃ་ཨྃ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་ཨ་ལོ་ཀ་ཛྙཱ་ན་མཎྜ་ལ་ཏི་ལ་ཀ །བུཌྜྷ་སུ་ཁེ་ན་པཱུ་ཛ་ཡ་པཱུ་ཛ་ཡ། ཨོཾ་ཧྲི་ཧྲི་ཧྲི་ཨོཾ་ཨཱཿཧཱུྃ། ཨོཾ་སརྦ་ཏ་ཐཱ་ག་ཏ་ཤྲཱི་བཛྲ་གནྡྷེ། བཛྲ་གརྦྷ་མ་ཧཱ་མཎྜལ་ཏི་ལ་ཀ་སུ་ཁེ་ན་པཱུ་ཛ་ཡ་པཱུ་ཛ་ཡ། ཨ་ཨ་ཨ། ཨོཾ་ཨཱཿཧཱུྃ། དེ་བཞིན་གཤེགས་པ་ཐམས་ཅད་མཉེས་པའི་མཆོག་ལས་གར་གྱི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་མོ་དང་བཅས་པ་དམ་ཚིག་བླ་ན་མེད་པའི་རྒྱན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཐམས་ཅད་སྡོམ་པ་ལ་གནས་པར་མཁྱེན་ནོ། །དམ་ཚིག་ཆེན་པོ་འདི་དག་གསུངས། །སོ་སོའི་ཐེག་པ་བསམ་ཡས་པ། །སོ་སོར་ཉེས་པ་མེད་ན་བདེ། །འཇིག་རྟེན་པ་ལ་ཆད་མདོ་བཙན། །འདུལ་བ་འཛིན་ལ་བསྲུངས་ན་བདེ། །གཙང་སྦྲར་སྤྱོད་ལ་གཙང་སྦྲར་སྤྱད། །མི་དགེ་བཟློག་ན་དགེ་བ་བཅུ། །སྤྱད་པས་ལྷག་པའི་འཇིག་རྟེན་འཛིན། །རང་གི་དོན་གྱི་ཏིང་འཛིན་གྱིས། །བྱང་ཆུབ་ས་ལ་གནས་པ་རྣམས། །ཉམས་པ་མེད་དེ་མ་བཅོལ་ན། །ཉམས་པ་མེད་དེ་ལས་ཀྱང་འགྲུབ། །རྣལ་འབྱོར་སྤྱད་པ་སྤྱོད་པས་འགྲུབ། །ཚིག་ཅིག་གོམས་པས་ཐེག་པ་འཇོམས། །གཙོ་མཆོག་བཤེས་གཉེན་མི་སྤོང་ཞིང་། །བཀུར་སྡི་རིམ་གྲོ་མཆོག་ཀྱང་བསྐྱེད། །ཏིང་འཛིན་གོམས་པར་ཆ་ལུགས་བསྒོམ། །ཚིག་གི་བཟླས་པ་བར་མི་གཅད། །དམ་ཚིག་མཆེད་ལ་གདུང་བ་བསྐྱེད། །སྐུ་ཡི་དམ་ཚིག་བསམ་མི་ཁྱབ། །གསུང་གི་དམ་ཚིག་བསྔགས་པ་ཡིན། །ཐུགས་ཀྱི་དམ་ཚིག་ལྷག་པར་གསུངས། །རིགས་ལྔ་བསྲུངས་པའི་དམ་ཚིག་རྣམས། །ཉམས་ན་ཤིན་ཏུ་བསྐང་བར་དཀའ། །སྤྱད་པའི་དམ་ཚིག་རྫས་ ― DNG011_Page_0014 ―
[མ་དཔེ་གཟིགས་ན་འདིར་གནོན།]
རྣམས་ནི། །ཉམས་ན་མྱུར་བར་བསྐང་བ་ཡིན། །ཉམས་པ་མ་བསྐངས་ལེ་ལོ་ཡིས། །སངས་རྒྱས་ཀུན་དང་གཙུགས་ཆེན་ཏེ། །འཁྱམ་པ་རྣམ་པ་བཅུ་པོར་ནི། །མྱུར་བར་སྐྱེ་བར་ངེས་པ་སྟེ། །དེ་བས་རིགས་ཀྱི་བུ་མཆོག་ནི། །མཆོག་དང་ཐ་མ་འབྲིང་གི་རྣམས། །རབ་ཀྱིས་བར་ཆད་མེད་པར་སྤྱད། །འབྲིང་གིས་ལོ་ཟླ་དུས་དྲུག་སྟེ། །ཐ་མས་ལོ་མཚམས་མི་བཟླ་ཞེས། །རྒྱལ་བ་རྣམས་ཀྱིས་ཤིན་ཏུ་གསུངས། །རྡོ་རྗེ་དྲི་དང་བྱང་ཆུབ་སེམས། །རཀྟ་དྲི་ཆེན་ཚེ་ཆེན་པོ། །དག་པའི་སྣོད་དང་རབ་ལྡན་པས། །བྱིན་གྱིས་བརླབས་ཏེ་འཐུང་བྱེད་པ། །དམ་ཚིག་སྡོམ་ལ་གནས་པ་སྟེ། །འདས་ན་བརླག་པ་ཆེན་པོར་འགྱུར། །མཉམ་པར་བཞག་པའི་ཆོས་ཐམས་ཅད། །མཉམ་པར་ཤེས་པས་སྤྱད་པ་དང་། །མཉམ་པ་ཉིད་དུ་གསལ་བ་ན། །རྣལ་འབྱོར་སེམས་དཔའ་ཡིན་ཞེས་གསུངས། །རྣལ་འབྱོར་སྣོད་དུ་བྱ་བ་གང་། །རྫས་ཀྱི་བསྔགས་པ་ཡོད་པ་རྣམས། །རབ་ཏུ་བཀྲུ་ཞིང་བྱི་དོར་བྱ། །ཀ་ལ་པིང་ཀའི་མདོག་བཞིན་དུ། །གཞོང་བུ་ཕུར་བུ་སྣོད་ཀྱི་རྣམས། །དྲི་མ་བཀྲུ་ཞིང་མཛེས་པར་བྱ། །དུས་གསུམ་དུ་ནི་སྨན་སྦྱར་བ། །དང་པོར་དངུལ་གྱི་གཞོང་པར་སྦྱར། །དེ་ནས་ར་གན་གཞོང་པ་སྟེ། །ཟངས་ཀྱི་གཞོང་པར་སྦྱར་བ་ནི། །སྲང་རེ་སྦྱར་བའི་སྨན་རྣམས་ལས། །ཟངས་དང་དངུལ་དང་ར་གན་ནམ། །གསེར་དང་ལྕགས་སུ་རབ་བསྲེས་ལ། །རྣམ་རྟོག་ནད་ལ་སྨན་སྦྱར་བ། །མན་དཱ་ར་བའི་མདོག་བཞིན་སྦྱར། །མན་དཱ་ར་བར་མ་གྱུར་ཚེ། །ནམ་ཡང་སྦྱར་བར་མ་གསུངས་ཏེ། །ཉི་ཟླ་དུས་གཅིག་ཤར་བ་ན། །དེ་ནས་རྫས་ཀྱི་བསྔགས་པ་ལས། །སྨན་གྱི་སྦྱོར་བ་རབ་ཏུ་བརྩམ། །ཤིན་ཏུ་སྨན་རྣམས་འབྱོར་པ་ན། །འོད་ཀྱི་དཀྱིལ་འཁོར་བསམ་ཡས་སུ། །ཀ་ལ་པིང་ཀའི་མདོག་ཏུ་བརྟག །འདི་ལ་གང་ཞིག་མི་བརྩོན་པ། །དམ་ཚིག་མི་བཙུན་སྡོམ་པ་མེད། །རྡོ་རྗེ་སྤུན་ལས་དབེན་པར་གདོན། །ལྷ་དང་རྡོ་རྗེ་སློབ་དཔོན་ལ། །བག་མེད་པར་ནི་བརྙས་པ་དང་། །རྨོངས་པས་མ་མཐོང་གཡེལ་བ་དང་། །དམ་ཆོས་སྲོག་ལ་མི་ལྟ་བ། །སངས་རྒྱས་རྒྱལ་བ་ ― DNG011_Page_0015 ―
[མ་དཔེ་གཟིགས་ན་འདིར་གནོན།]
བདུན་ལ་བརྙས། །དཀྱིལ་འཁོར་བ་ཡི་ལས་བྱས་པ། །སེམས་ཅན་དམྱལ་བ་ཆེན་པོ་སྟེ། །ཚེ་ཐུང་ནད་ཀྱིས་བཏབ་པ་དང་། །འཇིག་རྟེན་འདི་རུ་གནོད་པ་མང་། །ཤི་ནས་དམྱལ་བ་ངན་སོང་སྐྱེ། །དེ་བས་སྡོམ་པ་འདི་དག་ལས། །འདའ་བར་མཛད་པ་གང་ཡང་མེད། །འདི་ལས་འདས་པར་མི་བྱེད་པས། །ཚེ་འདི་ཉིད་ལ་རྒྱལ་བའི་སྐུ། །ལྷུན་གྱིས་གྲུབ་པའི་ས་ལ་གནས། །ཞེས་དེ་བཞིན་གཤེགས་པ་ཐམས་ཅད་ཉིད་ལ་ཉིད་དམ་ཚིག་ཆེན་པོའི་སྡོམ་པ་འདིས་ཤིན་ཏུ་བསྙེངས་པར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་བདེ་བ་སྡོམ་པ་ཐམས་ཅད་ཀྱི་མཆོག་གི་ལེའུ་ཞེས་བྱ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀུན་དུ་བཟང་པོ་ཆེན་པོ་རྣལ་འབྱོར་མ་དང་བཅས་པ་དགོངས་པ་གཅིག་ཏུ་གནས་པར་མཛད་དོ། །རྣལ་འབྱོར་གྱི་དབང་ཕྱུག་ཆེན་པོ་སྤྱད་པ་མཆོག་དང་ལྡན་པའི་སྤྱོད་པ་མ་ལུས་པ་ཉིད་དང་ཟབ་མོའི་དོན་ཡིན་པར་མཁྱེན་ཏོ། །མཁྱེན་ནས་སྒྱུ་འཕྲུལ་ཆེན་མོའི་ཐབས་འདི་གསུངས་སོ། །ཨེ་མ་ཆོས་དབྱིངས་རྣམ་དག་སྤྱོད་ཡུལ་ལས། །སངས་རྒྱས་སེམས་ཅན་གཉིས་སྟོན་ཡ་མཚན་འཕྲུལ་ཆེན་ཡིན། །དེ་ཡང་ཡེ་ཤེས་ཚོགས་ལས་སྣ་ཚོགས་སྣང་མོད་ཀྱི། །བུད་མེད་ཀུན་གྱི་སྒྱུ་མ་ལས་ནི་རབ་ཏུ་སྤྲུལ་ཏེ་འཆར། །བདེན་གཉིས་སོ་སོར་སྣང་བ་ཉིད་ཀྱང་ཡུམ་གྱི་མཁའ་ཞེས་རྒྱལ་བས་གསུངས། །མ་ནོར་ལམ་ཆེན་སྒོམ་ན་ཀུན་དུ་བཟང་མོ་བསྒོམས་པས་ལམ་དུ་ཞུགས་པ་ཡིན། །སངས་རྒྱས་ཀུན་གྱི་དགོངས་པ་ཀུན་ཤེས་རབ་བུད་མེད་ལས་ནི་མཆོད་ཅིང་བསྙེན་པས་ཡེ་ཤེས་ཆེན་པོར་འགྲུབ་བོ། །དཀྱིལ་འཁོར་གདོན་པའི་ལས་ཀྱི་དངོས་གྲུབ་མཆོག་གི་ལ་རྡོ་རྗེ་གླུའི་དོན་དེ་ཉིད་ཀྱིས་གཉིས་སུ་མེད་པའི་དགོངས་པ་ལ་གསལ་བར་གྱུར་ཏེ། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དཔལ་ཀུན་དུ་བཟང་པོས་ཐབས་དང་ཤེས་རབ་ཀྱི་ལོངས་སྤྱོད་འདི་གསུངས་སོ། །མངོན་སྤྱོད་ལས་ཀྱི་འཇུག་པ་ནི། །ཕན་ཚུན་དུ་ནི་དགའ་སྤྱོད་པ། །རྣལ་འབྱོར་སྡོམ་ལ་གནས་པ་ཡིན། །དེ་ལ་མཆོད་པ་དམ་པ་ནི། །སྦྱོར་བ་རབ་ཏུ་སྦྱོར་བ་སྟེ། ། ― DNG011_Page_0016 ―
[མ་དཔེ་གཟིགས་ན་འདིར་གནོན།]
ཀུན་དུ་ཁྱབ་པ་ཀུན་དུ་སྦྱོར། །རྗེས་སུ་ཆགས་པ་དམ་ཚིག་མཆོག །དེ་ཕྱིར་ཀར་ཤམ་མདོག་དང་ལྡན། །བཅུ་དྲུག་བོང་ཚོད་རིང་བ་ལས། །ལུགས་སུ་བླུགས་པ་ལྟ་བུ་སྟེ། །ལུས་ལེགས་མཛེས་དང་ལྡན་པ་དང་། །དཔྲལ་བ་དབྱེས་ཆེ་ཀོས་ཀོ་ཕྲ། །ནུ་མ་ཆུང་ཞིང་སོར་མོ་རིང་། །ཡིད་ཙམ་བཟུར་ལ་མིག་དཀྱུས་རིང་། །དཀར་ཞིང་རྩ་དམར་མདངས་སུ་ཆགས། །སོ་དཀར་ཐགས་བཟངས་འཚམས་ཐུང་ཞིང་། །སྐད་སྦོམ་གདངས་དང་ལྡན་པ་ནི། །རྡོ་རྗེ་སེམས་དཔའི་གནས་མཆོག་སྟེ། །འདི་ལ་རྩེ་བར་བྱེད་པ་ནི། །རིགས་ཀྱི་རྡོ་རྗེ་གདོན་མི་ཟ། །ཚེ་འདི་ཉིད་ལ་འགྲུབ་པར་འགྱུར། །གནས་རབ་དབེན་པར་རབ་བརྟག་སྟེ། །ཤ་དཀར་མདངས་ལྡན་མདོག་དང་ལྡན། །ལུས་འབྲིང་ཟླུམ་པ་ཆ་བྱད་ཅན། །སོ་དཀར་ཐགས་དམ་མིག་དཀྱུས་ཟླུམ། །སྐད་ཕྲ་མདོག་དཀར་སྤྲོ་རིང་བ། །དཔྲལ་དབྱེས་ལ་སོགས་བཟང་གནས་པ། །རྨ་དག་གནས་པ་ལ་སོགས་ནི། །རྟག་པར་ཆོས་ལ་འདུད་པ་ཡིན། །ཚངས་པ་དབྱངས་ཀྱི་རིགས་ཅན་ཏེ། །འདི་ལ་བརྩོན་བྱས་བསྒྲུབ་པ་ཡིས། །དེ་བཞིན་རིགས་ཀྱི་ཏིང་འཛིན་ལ། །ཕན་ཚུན་དུ་ནི་དགའ་སྤྱད་ན། །ཚངས་པའི་སྔ་དྲོ་གཅིག་ཙམ་གྱིས། །གདོན་མི་ཟ་བར་འགྲུབ་པར་འགྱུར། །རྣལ་འབྱོར་སྦྱོར་བ་དགའ་བ་ནི། །སྦྱོར་བ་བརྩོན་པས་འགྲུབ་པར་གསུངས། །བུད་མེད་ཆ་ལུགས་ལེགས་པ་ནི། །བོང་ཚོད་མི་རིང་ལུས་ཕྲ་ཞིང་། །རྐང་ལག་ཆུང་ཞིང་སྐད་གསལ་བ། །མིག་ལེགས་ངོ་ཟླུམ་རྩ་དམར་ཆེ། །ལྷུན་དུ་ཆགས་ལ་མི་ཤེས་མེད། །ལུས་ལ་མཚན་གྱི་རྨ་འདྲས་བརྒྱན། །ཚིག་གསལ་རྨི་ལམ་ཉུང་བ་དང་། །སོ་དཀར་མཆུ་ལེགས་དད་པར་ལྡན། །ཆོས་སེམས་པ་ཡི་ཏིང་འཛིན་གྱིས། །གསང་བའི་མཁའ་ལ་ཉི་ཟླའི་འོད། །རྡོ་རྗེ་པདྨར་ལྡན་བྱས་ཏེ། །ཕན་ཚུན་དུ་ནི་དགའ་སྤྱད་ན། །འདོད་ཁམས་ལྷ་ཡི་སྐད་ཅིག་གིས། །འགྲུབ་པར་འགྱུར་བ་གདོན་མི་ཟ། །ལུས་ཟླུམ་བརྟུན་དང་ང་རྒྱལ་བཅས། །ཁོང་ན་ཚིག་རྣོན་སེམས་ལ་འཛིན། །བྱ་བར་དྲན་ལ་མི་གཏོང་ལྡན། །བསླབ་པ་བློ་རྟུལ་ཤ་རུས་ ― DNG011_Page_0017 ―
[མ་དཔེ་གཟིགས་ན་འདིར་གནོན།]
ཆེ། །མདངས་བཀྲག་བརྟགས་ན་ཕྱི་ཕྱིར་ཆེ། །སྦྱིན་ལ་དགའ་ཞིང་ཆོས་ལ་དད། །རིན་ཆེན་རིགས་ཀྱི་ཏིང་འཛིན་གྱིས། །བག་ཆགས་ཡི་གེས་རྩད་གཅོད་ཅིང་། །ཏིང་འཛིན་བློ་ལ་གསལ་བ་ན། །བསྒྲུབ་པ་དུས་ལ་བབ་པ་སྟེ། །དེ་ཚེ་རབ་ཏུ་བརྩོན་པ་ཡིས། །ཡུམ་གྱི་པདྨ་ཁ་ཕྱེ་སྟེ། །བདེ་བ་ཐུགས་ཀྱི་འདུ་འཕྲོ་ཡིས། །ཕན་ཚུན་དུ་ནི་དགའ་སྤྱད་ན། །རིགས་ཀྱི་རིན་ཆེན་འགྲུབ་པ་ནི། །ཚེ་འདི་ཉིད་ལ་ཐོབ་པར་འགྱུར། །ཐུགས་རྗེ་མཛད་སྤྱོད་བྱེ་བྲག་གིས། །འཇིག་རྟེན་དག་ན་དམན་པའི་རིགས། །རབ་ཏུ་བཀུག་སྟེ་དགའ་སྤྱོད་ན། །སྙིང་རྗེ་མཆོག་དང་ཐབས་ལྡན་པ། །རྣལ་འབྱོར་སྤྱོད་པ་ཆེན་པོར་གསུངས། །ཤན་པ་རིགས་ངན་སྨད་འཚོང་བ། །ངན་པའི་རིགས་དང་ལོངས་སྤྱོད་རྣམས། །འཇོམས་པ་པོ་ཡིས་ཏིང་འཛིན་གྱིས། །མྱུར་དུ་སྤྱད་ན་འགྲུབ་པར་གསུངས། །ཡི་དྭགས་གནོད་སྦྱིན་བྱོལ་སོང་དང་། །ཁྱི་དང་རུས་སྦལ་སྤྲེའུ་ལ་སོགས། །མི་དང་ལྷ་ཡི་གནས་མཆོག་ཀུན། །སོ་སོར་འཚམ་པར་དགའ་སྤྱད་ན། །དྲེགས་པ་ཅན་ལ་ཞི་བ་ཆེ། །བརྩོན་ལ་དགའ་བ་བརྩོན་པར་མཛད། །ཐབས་ཀྱི་མཛད་སྤྱོད་ཀུན་གྱི་མཆོག །སེམས་ཅན་འདི་དག་དོན་གྱི་ཕྱིར། །ཕྱིན་ཅི་ལོག་ཏུ་གང་སྤྱོད་རྣམས། །འདུལ་བའི་མཛད་པ་སྣ་ཚོགས་ཀྱིས། །མི་མཛད་པ་ནི་ཅི་ཡང་མེད། །ཤིན་ཏུ་གཏུམ་པའི་ཆ་ལུགས་ཀྱིས། །གཏུམ་པོ་ཐམས་ཅད་དབང་དུ་མཛད། །ཤིན་ཏུ་ཞི་བའི་ཆ་ལུགས་ཀྱིས། །དྲེགས་པ་ཅན་རྣམས་དབང་དུ་མཛད། །ཤིན་ཏུ་མདངས་ལྡན་ཆ་ལུགས་ཀྱིས། །ཆགས་པའི་ཡིད་རྣམས་དབང་དུ་མཛད། །ཨེ་མ་ཤིན་ཏུ་ངོ་མཚར་ཆེ། །ཅི་ཡང་ཡིན་པས་ཅིར་མི་དགོངས། །ཞེས་གསུངས་པས་ཐམས་ཅད་རབ་ཏུ་བརྩོན་པ་ཆེན་པོ་དང་ལྡན་པར་གྱུར་ཏོ། །བཅོམ་ལྡན་འདས་དེ་བཞིན་གཤེགས་པ་བསམ་གྱིས་མི་ཁྱབ་པ་ནམ་མཁའ་དང་མཉམ་པ་རྡུལ་ཕྲ་མོའི་རྡུལ་སྙེད་རབ་ཏུ་འདུན་པའི་ཐུགས་ཀྱིས་མཉན་པ་བརྩོན་པར་མཛད་དོ། །རྡོ་རྗེ་ཆོས་ཀྱི་མཆོག་ལ་སོགས་པ་རིགས་བསམ་གྱིས་མི་ཁྱབ་པ་རབ་ཏུ་མཉན་པ་དང་གུས་པ་མཆོག་དང་ལྡན་པས་ཡོངས་སུ་གཟུང་བའི་ལེའུ་མཛད། ― DNG011_Page_0018 ―
[མ་དཔེ་གཟིགས་ན་འདིར་གནོན།]
དེ་ནས་བཅོམ་ལྡན་འདས་རྣལ་འབྱོར་ཆེན་མོས་རབ་ཏུ་བརྩོན་པ་མཛད། རབ་ཏུ་བརྩོན་པའི་ཡིད་ཀྱིས་སྤྲོད་པ་དང་འཁྱུད་པ་དང་གྱད་ཀྱི་དགྱེས་པ་དང་མགུ་བ་བླ་ན་མེད་པས་ཕན་ཚུན་དུ་དགའ་བ་སྤྱད་དོ། །དེ་ནས་དེ་བཞིན་ཉིད་ཀྱི་དབྱིངས་ནས་སྐུ་དང་གསུང་དང་ཐུགས་རྡོ་རྗེ་ལས་འདི་གསུངས་སོ། །ཨོཾ་ཧཱུྃ་ཡེ་ཤེས་རྣལ་འབྱོར་མཆོག་ལྡན་པས། །སྐལ་བཟང་མཆོག་གི་དངོས་གྲུབ་སྩོལ། །རབ་ཏུ་རྨོངས་པ་བསལ་ཕྱིར་འགོག་པ་ཀུན་སློང་བ། །རྣལ་འབྱོར་བདེ་མཆོག་གཉིས་སུ་མེད་པ་འདི་དག་ཤིན་ཏུ་ངོ་མཚར་ཆེ། །རིན་ཆེན་ཡིད་བཞིན་གཟུངས་ནི་ཀུན་གྱི་དབང་ལྡན་པ། །ཚངས་མའི་མདངས་ལྡན་གཟུངས་མ་དྲངས་ཏེ་དེ་བརྩོན་པས། །གྲུབ་པར་འགྱུར་བ་འདི་ལ་དགའ་སྤྱོད་ཨ་ལ་ལ། །ཤིན་ཏུ་སྲིད་པ་འདི་དག་བཞིན་དུ་སྤྱད་པས་འགྲུབ་པར་གསུངས་པས་ས་ལ་གནས་པས་ཀུན་བས་འཕགས། །རྒྱལ་བ་ཀུན་གྱི་ནང་ན་ཀུན་དུ་བཟང་པོ་རྒྱལ་བ་ཀུན་བས་འཕགས། །དེ་ཡང་ཀུན་དུ་བཟང་མོ་ཡིན་ཞེས་སྔོན་གྱི་རྒྱལ་བ་ཀུན་གྱིས་གསུངས། །མཚན་མ་ཀུན་བྲལ་རབ་ཏུ་དགའ་སྦྱོར་མི་གཏོང་བས། །སེམས་དཔའ་རྡོ་རྗེ་ཉིད་ཀྱང་དེ་ཡིན་རྒྱལ་བ་ཀུན་གྱིས་གསུངས། །ཚངས་པ་མཆོག་གི་གླུ་འདི་དག །བརྩོན་པར་བྱེད་ཅིང་ལེན་པ་ནི། །དཀའ་ཐུབ་རྣལ་འབྱོར་ཏིང་འཛིན་ཏེ། །ཚངས་པ་མཆོག་གི་དྲོ་གཅིག་གིས། །གདོན་མི་ཟ་བར་འགྲུབ་པར་གསུངས། །ཞེས་བརྗོད་དོ། །དེ་བཞིན་གཤེགས་པ་ཐམས་ཅད་རབ་ཏུ་བརྩོན་པ་ཆེན་པོས་གཅིག་གི་རང་བཞིན་དུ་གྱུར་པར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་ཞེས་བྱ་བའི་ལེའུ་སྟེ་དྲུག་པའོ།། །།དེ་ནས་དུས་གསུམ་གྱི་སྟོན་པ་ཐམས་ཅད་བདེ་བར་གཤེགས་པའི་རང་བཞིན་ཏེ་རབ་ཏུ་མཆོད་པ་ཆེན་པོས་མཉེས་ཤིང་མ་རིག་པ་བརྒྱད་ཁྲི་བཞི་སྟོང་འདུལ་བར་མཁྱེན་ཏོ། །མཁྱེན་ནས་མ་རིག་པ་གྲོལ་བར་མཛད་པ་དང་ཞེ་སྡང་རྣམ་པར་གྲོལ་བར་དགྱེས་ཏེ། དེ་དག་མཉམ་པ་ཆེན་པོའི་རང་བཞིན་གྱིས་འདུལ་བའི་ཐབས་སུ་སྒྲོལ་བ་དང་། དབང་གི་རིགས་ཀྱི་སྦྱོར་ ― DNG011_Page_0019 ―
[མ་དཔེ་གཟིགས་ན་འདིར་གནོན།]
བས་རབ་ཏུ་བསྲུངས་ཤིང་བསྲུང་བ་མཛད་དོ། །བདག་གི་རྣལ་འབྱོར་ཀུན་དུ་བཟང་། །མཚན་ཉིད་ཀུན་བརྟགས་གཉིས་སུ་མེད། །རྒྱལ་བ་ཀུན་དང་མཉམ་སྦྱོར་ན། །མཉམ་པའི་ས་ལ་གནས་པ་ཡིན། །རང་སེམས་ཟླ་རྒྱས་དབུས་གནས་པ། །རྡོ་རྗེ་སེམས་དཔའི་ཏིང་འཛིན་ཏེ། །དོན་རྟོགས་གསལ་བར་གྱུར་པ་ཡིས། །རབ་ཏུ་བསྒྲལ་བ་ཆེན་པོ་སྟེ། །མཆོག་གི་ས་ལ་གནས་རྒྱུད་ཡིན། །སྐུ་ཡི་ཆོ་འཕྲུལ་རིགས་ཀུན་རྫོགས། །གསུང་གི་སྟོན་པ་བླ་ན་མེད། །ཐུགས་ཀྱི་མཛད་པ་རྟགས་དང་ལྡན། །ཏིང་འཛིན་འདི་ལྟར་གསལ་བ་ཡིས། །བློ་རྨོངས་སྡུག་བསྔལ་སྦྱང་བའི་ཕྱིར། །གཉིས་སུ་མེད་པར་གསལ་བ་ཡིས། །ཛཿཧཱུྃ་བྃ་ཧོས་བསྡུ་བ་མཛད། །མངོན་སྤྱོད་ལས་ཀྱིས་སྒྲོལ་བ་མཛད། །གཉིས་སུ་མེད་པར་འགྲུབ་པར་འགྱུར། །རྟགས་དང་ཤེས་པ་ཕུན་སུམ་ཚོགས། །བྱམས་པ་མཛད་པ་རྣལ་འབྱོར་ཐུགས། །གཟུངས་ཀྱི་མཆོད་པ་མཉམ་ལྡན་པས། །རྒྱལ་བ་མཉེས་པར་སྦྱོར་ཤེས་ན། །མཉེས་པ་ཆེན་པོས་བདག་ཉིད་མཆོད། །བདེན་པའི་ཚུལ་དུ་དབྱེར་མེད་པའི། །སེམས་ཉིད་རྟོགས་པ་རྣམ་སྦྱང་ཕྱིར། །ཏིང་འཛིན་ཤུགས་ཀྱིས་ཀུན་བསྒྲལ་ཏེ། །མངོན་སྤྱོད་ལས་ཀྱིས་སྒྲོལ་བར་མཛད། །གསང་བའི་མཁའ་ལ་ཀུན་ཏུ་སྦྱོར། །དེ་བཞིན་གཤེགས་པ་ཐམས་ཅད་ཀྱི་མཛད་སྤྱོད་བསམ་གྱིས་མི་ཁྱབ་པ་ལས་མཆོད་པ་དེ་ཁོ་ན་ཉིད་དེ་ལེའུ་བདུན་པའོ།། །།དེ་ནས་བཅོམ་ལྡན་འདས་འཁོར་རབ་ཏུ་སྐྱོང་བ་ལ་དགྱེས་ཏེ། སློབ་མ་མཆོག་དང་འབྲིང་དང་ཐ་མས་ཡོན་གྱི་དབུལ་བ་མང་པོ་བྱས་ཏེ་དཀྱིལ་འཁོར་དུ་གཟུད་པ་མཛད་དོ། །བགེགས་ཚར་གཅད་པའི་ཕྱིར་རྡོ་རྗེ་སེམས་དཔའི་ཏིང་ངེ་འཛིན་གྱིས་གདོང་པར་བསྟན་རིན་པོ་ཆེས་ལག་སོར་བཀང་སྟེ་སྙིང་པོ་འདི་ཟློས་སུ་གཞུག་གོ། །ཨོཾ་སརྦ་ཏ་ཐཱ་ག་ཏ་པཱུ་ཛི་དྷི་དྷ་ཏིཥྛ་ཧཱུྃ། ཨོཾ་མ་ཧཱ་མཎྜ་ལ་དེ་བ་ཀ་ར་པཱུ་ཛ་ཡ་པཱུ་ཛ་ཡ་ཧཱུྃ་ཨ། ཞེས་བརྗོད་དེ་མེ་ཏོག་འཐོར་དུ་གཞུག་གོ། །གང་ལ་བབ་པའི་བཤེས་གཉེན་བསྟན། །སྔགས་དང་ཕྱག་རྒྱ་དམ་ཚིག་བསྟན། །དེ་ནས་དམ་ཚིག་ཆུ་བླུད་ཅིང་། །ཚིག་འདི་རབ་ཏུ་གོ་བར་བསྒོ། །སེམས་ཅན་གྱི་ནི་གཟུགས་ཆེན་པོ། །ལས་ ― DNG011_Page_0020 ―
[མ་དཔེ་གཟིགས་ན་འདིར་གནོན།]
ལ་སོགས་ཏེ་དབང་བསྐུར་བ། །རྒྱལ་བའི་སྲས་སུ་དབང་བསྐུར་ཡིན། །དེ་རིང་ཕན་ཆད་བུ་ཁྱོད་ཀྱིས། །དམ་ཚིག་གཉེན་པོ་འདི་དག་ནི། །སྲོག་གི་ཕྱིར་ཡང་མི་གཏོང་ཞིང་། །སློབ་དཔོན་མ་བཏང་གྲོགས་ལ་མཆོད། །བཀའ་ལ་གུས་པར་མཉན་པར་བྱོས། །གལ་ཏེ་བཀའ་ལས་འདས་གྱུར་ན། །གཞོམ་དང་གཞིག་དང་དམ་རྩལ་དང་། །སྤྲོ་དང་སྤར་དང་དམྱལ་བར་སྐྱེ། །སེམས་ལ་ཆུ་འདི་གནས་པ་ནི། །ཕྲིན་ལས་རྣམ་བཞི་འཚམ་པར་བྱ། །ཞེས་བརྗོད་ནས། རྡོ་རྗེ་སློབ་དཔོན་དཀྱིལ་འཁོར་དང་། །ཀུན་དུ་བཟང་དང་མཆེད་ལ་སོགས། །ཞབས་ལ་གཏུགས་དང་གུས་པར་བྱ། །རྒྱུད་ཀྱི་མཉན་པ་ཐམས་ཅད་བྱ། །བསྒྲུབ་པའི་གཟུགས་ལ་བརྟེན་པས་འགྲུབ། །དེ་ནས་རིགས་ཀྱི་བུ་མཆོག་ལ། །གསང་བའི་མིང་གི་དབང་ཡང་བསྐུར། །གུས་པར་ལྡན་པའི་བུ་མཆོག་དེས། །རྒྱལ་པོ་དབང་ཡོད་རྒྱལ་པོ་སྲིད། །རང་ལུས་གནས་དང་འཁོར་ཡུལ་དང་། །བུ་དང་ཆུང་མ་ཚ་རྒྱུད་དང་། །རིན་པོ་ཆེ་དང་ཤེལ་དང་དངུལ། །སྣ་བདུན་རིན་ཆེན་ནོར་གྱི་དབྱིག །རྟ་དང་གླང་པོ་ཤིང་རྟ་དང་། །མ་ཧེ་ནེའུ་ལེ་ཅི་ཡོད་རྣམས། །གཏེར་དང་དབྱིག་དང་ཡིད་འཐད་པ། །སེམས་ལ་ཐེ་ཚོམ་མེད་པ་ཡིས། །བཀུར་སྡི་རིམ་གྲོ་མཆོག་བསྐྱེད་ལ། །ཕུལ་ན་རྒྱལ་བ་མཉེས་པར་འགྱུར། །དེ་ནས་དབང་མནོད་ཐེག་པའི་ཚད། །རིམ་པ་བཞིན་དུ་མནོད་པར་བྱ། །མཉན་པ་གྲུབ་པ་ལ་སོགས་དང་། །ལས་དང་གིང་དང་རྒྱལ་འཐེབ་དང་། །སྤྱན་དང་རྡོ་རྗེ་ཚད་འཛིན་པ། །བྱེ་བྲག་མངག་པ་ལ་སོགས་རྣམས། །གསང་བའི་དབང་རྣམས་གང་ནོད་པ། །ཉི་ཤུའམ་བཅུ་གཉིས་ལོན་པ་ལ། །གོས་དང་དབུ་རྒྱན་བཟའ་བཏུང་དང་། །ཕྱག་རྒྱ་དྲིལ་བུ་ལ་སོགས་པ། །དཀྱིལ་འཁོར་འདི་ལྟར་གསལ་བསྒོམས་ཏེ། །རྒྱལ་བ་ཀུན་གྱིས་བྱིན་གྱིས་བརླབས། །མངོན་དུ་སྟན་བཏིང་དགའ་སྤྱོད་ཅིང་། །སྟེང་ནས་རྒྱལ་པོས་དབང་བསྐུར་ན། །གདོན་མི་ཟ་བར་དངོས་གྲུབ་ཐོབ། །ཚིག་གི་ལེགས་པ་བསྟོད་ར་བྱ། །དེ་ནས་རིགས་ཀྱི་བུ་མཆོག་དེས། །ཞབས་ལ་གཏུགས་ཏེ་གཏང་རག་གཏོང་། །རྡོ་རྗེ་ ― DNG011_Page_0021 ―
[མ་དཔེ་གཟིགས་ན་འདིར་གནོན།]
སྤུན་དང་གཟུངས་མ་ཡིས། །རྒྱལ་བའི་རྒྱལ་བ་ཡིན་ཞེས་བརྗོད། །དུས་གསུམ་ཀུན་གྱི་སྲས་ཆེན་པོ། །དུས་གསུམ་ཀུན་གྱི་སྤྱད་པ་སྤྱོད། །ཁམས་གསུམ་ཀུན་གྱི་སྒྲོལ་བ་པོ། །སྒྲོལ་བ་མཆོག་གི་སྤྱད་པ་སྤྱོད། །ཤིན་ཏུ་རྣལ་འབྱོར་སྐལ་ལྡན་པ། །དམ་ཚིག་སྡོམ་ལ་གནས་པ་དང་། །མཚན་མ་མེད་པའི་ཆུ་འཐུང་ཞིང་། །ཇི་ལྟར་བསྒོ་བའི་ལས་བྱེད་པ། །ཀུན་ལ་ཕྱད་པར་རབ་གྲགས་ཡིན། །ཕྱི་རབས་འདྲེན་པའི་གདུང་འཛིན་པ། །སྒྱུ་འཕྲུལ་དྲ་བའི་ས་ལ་གནས། །དེ་བཞིན་གཤེགས་པའི་སྐུ་དང་གསུང་དང་ཐུགས་ཀྱི་གསང་བ་དེ་ཁོ་ན་ཉིད་ལས་མཆོད་ཡོན་དམ་པ་དང་སྙིང་རྗེའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་གསང་བ་རྡོ་རྗེ་བཀོད་པའི་རྒྱན་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་གནས་པར་མཛད་དོ། །མཛད་ནས་སྣྲེལ་ཞི་དང་བྱ་བྱེད་ཡན་མན་མང་པོ་མི་འགོག་པ་ལ་སྙོམས་པར་ཞུགས་སོ། །དེ་ནས་ཡང་ལས་ལ་ལྟོས་པ་རང་ཐད་ཀྱི་སྡུག་བསྔལ་རྣམས་མི་གཡོ་བའི་ཏིང་ངེ་འཛིན་གྱིས་འཇོག་པར་མཛད་དོ། །དེ་ནས་ཡང་མུ་སྟེགས་རྟག་པར་ལྟ་བ་ཐེར་ཟུག་པ་ལ་རྟག་པ་ཐེར་ཟུག་གི་ཆ་ལུགས་ཀྱིས་འདུལ་བར་མཛད་དོ། །ཆད་པ་ཕྱིས་མི་འདོད་ཅེས་བྱ་བ་ལ་ཆ་ལུགས་དེས་མཉམ་པ་ལ་འཛུད་པར་མཛད་དོ། །མཛད་ནས་རབ་ཏུ་འགོག་པའི་དཀའ་ཐུབ་ཀྱིས་མྱུར་བ་བདེ་བ་ལ་གནས་པར་མི་སྟེར་བ་རྣམས་ལ་དཀའ་ཐུབ་འགྱུར་བ་ཆེན་པོའི་ཚུལ་གྱིས་འདུལ་དབང་ཆེན་པོ་མཛད་དོ། །དྲག་ཤུལ་གྱི་བཙན་ཐབས་ལ་དགའ་བ་དེ་ཐགས་ཟངས་རིས་ཀྱི་ཆ་ལུགས་ཀྱིས་འདུལ་བར་མཛད་དོ། །གཞན་ལ་སྙིང་རྗེར་མ་གྱུར་པའི་ཕྱོགས་གཅིག་པའི་ས་རྒྱལ་རྣམས་ལ་ཡིད་བཞིན་གྱི་ཏིང་ངེ་འཛིན་གྱིས་འདུལ་བར་མཛད་དོ། །གླིང་བཞིའི་དགེ་སྡིག་ཆ་མི་ཤེས་པ་ལ་འཁོར་ལོས་སྒྱུར་བ་ཆེན་པོར་མཛད་ནས་འདུལ་བར་མཛད་དོ། །སྦྲེབས་པ་ཆེན་པོ་དང་གཏུབ་པ་ཆེན་པོ་དང་། བཙོ་བ་དང་རབ་ཏུ་སོ་ཐམ་ཐམ་ཆེ་ཆུང་རྣམས་གཉེན་པོ་དང་ཟངས་ཁ་དང་། གཤེད་པོ་ཆེན་པོའི་ཚུལ་གྱིས་འདུལ་བར་མཛད་དོ། །དེ་དག་ཀྱང་ཆོས་མཉམ་པ་ཆེན་པོ་བྱང་ ― DNG011_Page_0022 ―
[མ་དཔེ་གཟིགས་ན་འདིར་གནོན།]
ཆུབ་ཀྱི་ཚུལ་རྡོ་རྗེ་ཐེག་པ་ཀུན་གྱི་མཆོག་རང་བཞིན་གྱི་ཚུལ་གྱིས་གནས་པ་ཐབས་དང་ཤེས་རབ་དབྱེར་མེད་དེ་རོལ་པ་བསམ་གྱིས་མི་ཁྱབ་པ་ལ་གནས་པར་མཛད་དོ། །ཐབས་ཀྱི་མཛད་པ་ཁྲོ་བོ་རྣམ་པར་འཕྲུལ་བ་ཞེས་བྱ་བའི་ཕྱག་རྒྱའོ། །དེ་ནས་བཅོམ་ལྡན་འདས་ཀུན་དུ་བཟང་པོ་ཆེན་པོ་བདུད་འདུལ་བ་ཞེས་བྱ་བའི་རྣམ་པར་འཕྲུལ་པའི་ཏིང་ངེ་འཛིན་ལ་སྙོམས་པར་ཞུགས་པར་མཛད་དོ། །དེ་ནས་བདུད་ཞེ་སྡང་ཆེན་པོ་ཞེས་བྱ་བ་དེ་བསྐལ་པ་སྟོང་གི་དུས་ན་སྡུག་བསྔལ་བསམ་གྱིས་མི་ཁྱབ་པ་བླངས་པས་བྱང་ཆུབ་ཏུ་སེམས་མ་བསྐྱེད་པ། རབ་ཏུ་གདུག་པ། སྐྱི་བུང་བ། བོང་ཆེ་ཞིང་ཚོར་སང་ཆེ་བ། མཚོན་ཆ་དང་ཁྲག་གི་གདུག་པས་སེམས་ཅན་ལ་གནོད་པ། མཚོན་གྱི་མཆེ་བ་དང་བཅས་པ་དཔག་ཚད་ནས་དྲི་ཚོར་ཏེ་རབ་ཏུ་གསོད་གཅོད་ཟ་འཐུང་བྱེད་ཅིང་མེ་དཔུང་གི་དཀྱིལ་ན་གདུག་པའི་མདའ་འཕེན་ཅིང་གཡོ་བ་ཆེན་པོས་བསྔོ་བ་དྲག་པོ་དང་ཚམ་ངམ་དུ་གནས་པར་གྱུར་ཏོ། །དེ་ནས་བཅོམ་ལྡན་འདས་ཅང་མི་གསུང་བས་ཀུན་དུ་བཟང་མོ་ལ་འཛུམ་པ་མཛད་དོ། །ཡབ་ཡུམ་གྱི་བྱང་ཆུབ་ཀྱི་སེམས་ཀྱི་སྤྲིན་ལས། ཨོཾ་དྷུ་དྷུ་དྷུ་དྷུ་ར་དྷུ་ར་དྷུ་ར་ཧོ་ཧོ། ཧཱུྃ་ཧཱུྃ་ཧཱུྃ། ཧྲིཾ་ཧྲིཾ་ཧྲིཾ། ཧོ་ཧོ་ཞེས་བརྗོད་པས་ཚངས་པའི་ཆུང་མ་དང་། དབང་པོའི་ཆུང་མ་དང་། ཁྱབ་འཇུག་གི་ཆུང་མ་དང་། ཙཀྲའི་ཆུང་མ་དང་། དེ་བའི་ཆུང་མ་དང་། རུ་ཏྲའི་ཆུང་མ་དང་། ག་རུ་ཌའི་ཆུང་མ་དང་། ཡུལ་འཁོར་སྲུང་གི་ཆུང་མ་དང་། རྣམ་ཐོས་ཀྱི་ཆུང་མ་དང་། འཕགས་སྐྱེས་ཀྱི་ཆུང་མ་དང་། མིག་མི་བཟང་གི་ཆུང་མ་རྣམས་རབ་ཏུ་ཆགས་པའི་འདུ་ཤེས་རང་དབང་མེད་པར་སྐྱེས་ཏེ་འདུ་བར་མཛད་དོ། །དེ་ཡང་བྱང་ཆུབ་སེམས་ཀྱི་སྤྲིན་ལས། སཏྭ་བཛྲ་ཧེ་རུ་ཀ །མ་ཧཱ་ས་མ་ཡ་སརྦ་སིདྡྷི། ཧཱུྃ་ཧཱུྃ་ཧཱུྃ། ཧོ་ཧོ་ཧོ་ཞེས་བརྗོད་པས་དེ་བཞིན་གཤེགས་པའི་གཟུགས་མང་པོས་མཛེས་པ་དང་ལྡན་པར་གྱུར་ཏེ་བཞུགས་པ་ལ་ཚངས་པའི་ཆུང་མ་ལ་སོགས་པ་འདུས་པ་ཐམས་ཅད་ཀྱིས་སོ་སོ་རེ་རེ་ཤིན་ཏུ་ཆགས་པ་ཆེན་པོའི་ཡིད་སྐྱེས་ཏེ་འཁྲིལ་བར་གྱུར་ཏོ། །འཁྲིལ་ནས་ཀྱང་རོལ་པའི་བྱང་ཆུབ་ཀྱི་སེམས་ལས་ཆུའི་དཀྱིལ་འཁོར་ ― DNG011_Page_0023 ―
[མ་དཔེ་གཟིགས་ན་འདིར་གནོན།]
བསམ་གྱིས་མི་ཁྱབ་པས་འཇིག་རྟེན་འཁྲུ་ཞིང་འཇིག་པར་མཛད་དོ། །མེའི་དཀྱིལ་འཁོར་མང་པོས་འཇིག་རྟེན་རབ་ཏུ་སྲེག་པར་མཛད་དོ། །རླུང་གི་དཀྱིལ་འཁོར་མང་པོས་འཇིག་རྟེན་སེམས་ཅན་གཏོར་བར་མཛད་དོ། །དེ་ནས་བྱང་ཆུབ་སེམས་ཀྱི་སྤྲིན་གྱིས་རིགས་ངེས་པར་དབང་བསྐུར་བར་མཛད་དོ། །དེ་ནས་གཉིས་སུ་མེད་པ་ལས་བཞེངས་ཏེ། ཨོཾ་ཨོཾ་སརྦ་བི་སི་དུ་ཤཤྠ་ཛ་ཛ་ཛ་ཞེས་བརྗོད་པས་ཚངས་པ་དང་ཁྱབ་འཇུག་གི་ཆུང་མ་ལ་སོགས་པ། གཟུངས་ལས་བྲན་མོར་དམ་མནོས་ཏེ་སླར་གནས་སུ་ཕྱིན་པར་གྱུར་ཏོ། །དེ་ནས་སྐུའི་ཆ་ལུགས་དེ་ལས་མཉམ་པ་ཆེན་པོ་ལ་གནས་པར་མཛད་དེ། ཨོཾ་བྷ་རཱ་མུ་ཏྲཱ་མ་ཧཱ་ཙཎྜ་ཙ་ཏུར་ཡོ་གི་ནི་མཎྜལ་ཀྲོ་དྷ་ཧ་ལ་ཧ་ལ་ཧཱུྃ་ཧཱུྃ་ཧཱུྃ་ཕཊ་ཅེས་བརྗོད་པས་སོ་སོའི་ཆུང་མ་དང་བུ་སྲིང་རྡོ་རྗེ་གསོད་བྱེད་མ་ཆེན་མོར་གྱུར་ཏེ། བདུད་གདུག་པ་ཆེན་པོ་ཞེ་སྡང་ཅན་ལ་སོགས་པ་ལ་ཇོ་བོ་དམ་མནོས་བཞེངས་ཞེས་སྨྲས་ཏེ། བདུད་གདུག་པའི་ལུས་ལ་ཁྲག་བཞིབས་ནས་གནས་སོ། །འོན་ཀྱང་དམ་ཉན་པར་མ་བཏུབ་སྟེ་གཡོ་བག་མེད་པར་ཤིན་ཏུ་སྡོ་བར་གནས་པར་གྱུར་ཏོ། །དེ་ནས་བཅོམ་ལྡན་འདས་སྤྲུལ་པ་ཐམས་ཅད་གཅིག་ཏུ་སྡུ་བ་མཛད་དེ་དབུ་གསུམ་ཕྱག་དྲུག་ཞབས་བཞི་ཐོ་བ་དང་རྡོ་རྗེ་དང་། རྔེའུ་ཆུང་དང་། མདའ་གཞུ་དང་། ཞགས་པ་དང་། སྡིགས་པའི་མཛུབ་མོ་དང་། བྷན་དྷ་འཁྲུག་པའི་རོལ་པས་ཀུན་ཏུ་བཟང་མོ་དང་འཁྲིལ་ནས་དབུ་གསུམ་གསིགས་ཏེ། སརྦ་བྷ་ཐ་སརྦ་བྷ་ཐ་ཧཱུྃ་ཧཱུྃ་ཕཊ་ཕཊ་ཅེས་བརྗོད་པས་ཞབས་ཀྱི་འོག་ཏུ་བདུད་བཞི་དང་། ཚངས་པ་དང་བརྒྱ་བྱིན་ལ་སོགས་པ་རྒྱལ་ཆེན་ཆོས་སྐྱོང་བསྡུས་ཏེ། ཁཱ་ཧི་ཁཱ་ཧི་ཕཊ་ཕཊ་རུ་ལུ་རུ་ལུ་རུ་ལུ་ཧཱུྃ་ཧཱུྃ་ཞེས་པས་བསྒྲལ་ཏེ། བྷནྡྷར་བཀང་ནས་གསོལ་ཏེ་མི་གནས་པར་མཛད་དོ། །ཡང་ཞབས་གཡས་པ་འཕེན་ཅིང་འགྲེང་སྦྱོར་གྱི་ཚུལ་གྱིས། ཨོཾ་སརྦ་ཏ་ཐཱ་ག་ཏ་མ་ཧཱ་ཛྙཱ་ན་གར་བྷ་ཧོ་དྷུ་ཧོ་དྷུ་ཧོ་དྷུ། ཙཎྜ་ལ་བྷ་ལ་མ་ཧཱ་ཤྲཱི་ཧེ་རུ་ཀ་ཧཱུྃ་ཧཱུྃ་ཧཱུྃ། ཏྲཱུྃ་ཏྲཱུྃ་ཏྲཱུྃ། ཧྲིཾ་ཧྲིཾ་ཧྲིཾ། ཕཊ་ཕཊ་ཕཊ་ཅེས་བརྗོད་པས་སོ་སོའི་ཆུང་མ་བུ་མོས་རང་དབང་མེད་པར་ ― DNG011_Page_0024 ―
[མ་དཔེ་གཟིགས་ན་འདིར་གནོན།]
བཏེག་སྟེ་ཕྱིན་ཏོ། །དེ་ནས་བདུད་ཞེ་སྡང་ཆེན་པོ་དེ་ཡང་དྲེགས་པའི་ཆུང་མས་བཏེག་སྟེ་ཕྱིན་ཏོ། །ཕྱིན་ནས་བཅོམ་ལྡན་འདས་དཔལ་ཧེ་རུ་ཀ་སྐུ་གསུང་ཐུགས་ཀྱི་ཡོན་ཏན་ཆེན་པོས། ཨོཾ་སརྦ་ཏ་ཐཱ་ག་ཏ་མ་ཧཱ་ས་མ་ཡ་ཤྲཱི་ཧེ་རུ་ཀ་དུཥྚཾ་དྷ་ཀ་ཧ་ན། ད་ཧ་ད་ཧ་ད་ཧ། པ་ཙ་པ་ཙ་པ་ཙ། ཧཱ་ཧཱ་ཧཱ་ཧཱ་ཧཱ་ཞེས་བརྗོད་པས་རྡོ་རྗེ་རྣལ་འབྱོར་གྱི་དབང་ཕྱུག་ཆེན་མོ་རྣལ་འབྱོར་མ་སྐུལ་བྱེད་མ་དང་། རྣལ་འབྱོར་མ་གསོད་བྱེད་མ་དང་། ཟ་བྱེད་མ་དང་། རྣལ་འབྱོར་མ་གཏུམ་མོ་དང་། ལས་ལ་གྲུབ་པ་ཆེན་མོ་དང་། རྡོ་རྗེ་སྲེག་བྱེད་མ་དང་། དབང་སྡུད་ཆེན་མོ་རྣམས་ཡུམ་གྱི་གསང་བའི་མཁའ་ལས་བྱང་ཆུབ་ཀྱི་སེམས་ཀྱི་སྤྲིན་ལས་འཐོན་ནས་གདུག་པའི་ཚོགས་བདུད་མགོ་ནས་བཟུང་སྟེ་མཚོན་ཆ་དང་ཕྲལ་ནས་བསྒྲལ་ཏེ་ལྷུ་སུག་ཕྲལ་ནས་བསྣམས་ཤིང་བསྟབས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོའི་དཔལ་རྡོ་རྗེ་ཁྲག་འཐུང་ཆེན་པོས་འགྲོ་བ་གནོད་སྦྱིན་བདུད་ཀྱི་རིགས་ཀྱི་འཁོར་དང་ཡི་དྭགས་ཀྱི་ལུས་རྟའི་ལུས་ཅན་གྱི་སྲིན་མོ་ཆེན་མོ་དང་། འུག་པ་མོ་ཆེན་མོ་དང་། དུར་བྱ་ཆེན་མོ་དང་། སྟག་དང་། སེང་གེ་བ་གླང་། ཝ་དང་། ཁྱི་དང་། ཕ་ཝང་དང་། སྤྲེའུ་དང་། བྱ་རོག་དང་། བྱ་རྒོད་དང་། རྔ་མོ་དང་། ཕག་ལ་སོགས་པ་མ་ཏང་རུ་ཏྲ་དང་ཆས་ཏེ་གནས་པ་ལ་མཚན་མར་མ་ཆགས་པའི་སྦྱོར་བ་མཛད་ནས། ཧེ་ཧེ་ཧེ་ཧེ་ཧེ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཅེས་བརྗོད་པས་བྱང་ཆུབ་ཀྱི་སེམས་ཀྱི་སྤྲིན་ལས་སེང་གེ་སྟབས་ཆེན་པོ་དང་། སྟག་གི་ཆ་ལུགས་ཆེན་མོ་དང་། མྱོས་བྱེད་རྟ་མགོ་ཆེན་མོ་དང་། འུག་པའི་མགོ་ཅན་དང་། བྱ་རོག་དང་། བྱ་རྒོད་དང་། མཆུ་རིངས་ལ་སོགས་པ་སྲིན་མོའི་ཆ་ལུགས་དང་མ་བྲལ་བའི་མདོག་གིས་འཐོན་ནས། ཕཊ་ཕཊ་ཕཊ་ཙཎྜ་མ་ཧཱ་མཎྜ་ལ་ཧཱུྃ་ཕཊ་ཞེས་བརྗོད་པས་གདུག་པའི་ཚོགས་བསྒྲལ་བར་མཛད་དེ་བྱ་དང་། མཆེ་བ་ཅན་དང་། སྡེར་ཆགས་ཀྱི་ཟ་སྟངས་ཀྱིས་འཕྲོག་ཅིང་གསོལ་བ་མཛད་དོ། །དེ་བཞིན་གཤེགས་པ་དཔལ་སྒྱུ་འཕྲུལ་ཆེན་མོས་ཡང་ཕྱིས་བསྟན་པ་ལ་མི་སྒྲིབ་པར་བྱ་བའི་ ― DNG011_Page_0025 ―
[མ་དཔེ་གཟིགས་ན་འདིར་གནོན།]
ཆེད་དུ་ལས་ཀྱི་འདས་པ་འདི་བཀའ་སྩལ་ཏོ། །འཇིག་རྟེན་དྲུག་གི་ཕྱོགས་བཅུ་རུ། །ཁོར་ཡུག་དུར་ཁྲོད་ཆེན་པོ་སྟེ། །འབར་བའི་དཀྱིལ་འཁོར་གསལ་འགྱུར་ནས། །དྲག་པོ་འདུལ་བའི་དོན་ཆེད་དུ། །དཀྱིལ་འཁོར་འབར་བ་དེ་དབུས་སུ། །ཁྲག་འཐུང་ཡེ་ཤེས་ཆེན་པོ་སྟེ། །དབུ་གསུམ་ཕྱག་དྲུག་ཞབས་བཞིར་བགྲད། །སེར་ནག་འཇིགས་པ་ཆེན་པོའི་སྐུ། །སངས་རྒྱས་ཁྲོས་པའི་རྒྱལ་མོ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྔུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །སྐུ་ཡི་དཀྱིལ་འཁོར་ཆེན་པོར་བསྡུས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་གསོལ། །འཇིགས་པའི་རལ་པ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲ་དྲག་པོས་སྲོག་ཆགས་བརྒྱལ། །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །སྡིག་པ་རྔེའུ་ཆུང་ཏྲི་ཤཱུ་ཞིང་། །ཕྱག་ན་བསྣམས་ཤིང་རིལ་མིད་མཛད། །སྟབས་གླུ་ཕྱག་རྒྱ་སྔགས་ཚིག་གིས། །ཞིང་བཅུ་གསོད་ཅིང་ཚུལ་བཞིན་དུ། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །ཞབས་བཞི་བདུད་བཞི་སྒྲོལ་ཞིང་གནོན། །གཞལ་ཡས་མཐིང་ནག་ཆེན་པོས་ནི། །འཇིག་རྟེན་ཁམས་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་པགས་ཆེན་ཡང་། །ཚམ་ངམ་ཆེན་པོའི་ན་བཟར་གསོལ། །ཅི་ཡང་སྒྱུར་ཡང་གཟུགས་ཅན་ཏེ། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་འཐུང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ ― DNG011_Page_0026 ―
[མ་དཔེ་གཟིགས་ན་འདིར་གནོན།]
ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་ཧཱུྃ། རྡོ་རྗེ་རིགས་ཆེན་མི་བསྐྱོད་ཐུགས། །རྡོ་རྗེ་ཁྲག་འཐུང་ཆེན་པོ་སྟེ། །དབུ་གསུམ་ཕྱག་དྲུག་ཞབས་བཞིར་བགྲད། །ཞིང་ཆེན་གཤིབས་པའི་གདན་སྟེངས་ན། །ཞབས་བཞི་བདུད་བཞི་རབ་ཏུ་གནོན། །སྨུག་ནག་འཇིགས་པ་ཆེན་པོའི་སྐུ། །རྡོ་རྗེ་ཁྲོས་པའི་རྒྱལ་མོ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྔུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །ཐུགས་ཀྱི་དཀྱིལ་འཁོར་ཆེན་པོར་བསྡུས། །སྙིང་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་གསོལ། །འཇིགས་པའི་རལ་པ་གྱེན་དུ་འཁྲིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲས་རིགས་ཀུན་བརྒྱལ་ཞིང་འབུབ། །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །སྡིག་པའི་རི་རབ་ཏྲི་ཤཱུལ་ཞིང་། །ཕྱག་ན་བསྣམས་ཤིང་ཁྲག་འཐུང་བ། །སངས་རྒྱས་ཀུན་དུ་བཟང་མོ་དང་། །རོལ་པའི་ཚུལ་གྱིས་མཉམ་སྦྱོར་ཞིང་། །སྟབས་གླུ་ཕྱག་རྒྱ་སྔགས་ཚིག་གིས། །ཞིང་ཆེན་གསོད་ཅིང་ཕུང་མཛད་པ། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །གཞལ་ཡས་སྨུག་ནག་ཆེན་པོ་སྟེ། །འཇིག་རྟེན་སྟོང་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་པགས་ཆེན་ཡང་། །ཚམ་ངམ་ཆེན་པོ་ན་བཟར་གསོལ། །ཅིར་ཡང་སྒྱུར་བའི་གཟུགས་ཆེན་པོ། །ཆེའོ་ཆེའོ་དཔལ་ཆེན་པོ། །སངས་རྒྱས་སྐུ་ཡང་ཆེམ་ཆེམ་གསོལ། །སྲོག་ཆགས་གཞན་ལྟ་སྨོས་ཅི་དགོས། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་འཐུང་། །གསོད་ཅིང་སྦྱོར་བའི་ ― DNG011_Page_0027 ―
[མ་དཔེ་གཟིགས་ན་འདིར་གནོན།]
མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཁྲག་འཐུང་འབར་མ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་རྒྱུ་ལ་ཤིན་ཏུ་དགྱེས། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ། རིན་ཆེན་རིགས་ཆེན་ཡོན་ཏན་སྐུ། །རིན་ཆེན་ཁྲག་འཐུང་ཆེན་པོ་སྟེ། །དབུ་གསུམ་ཕྱག་དྲུག་ཞབས་བཞིར་བགྲད། །སྡི་ར་ཆེ་ཆུང་གདན་ལ་བཞུགས། །བདུད་བཞི་སྟེང་དུ་བརྐྱང་བསྐུམ་པ། །ཉོན་མོངས་ལྔ་དག་ཚར་གཅོད་ཅིང་། །མཐེའུ་ཆུང་སྲིན་ལག་རྩེ་གཉིས་ཀྱིས། །ཨ་མྲྀ་ཏ་ལ་སོགས་པ་ཡི། །བདུད་རྩི་ཟིལ་དངར་ཆེན་པོ་དག །དང་བའི་སྐུ་ལ་རབ་བརྒྱན་ཅིང་། །སྔོ་གནག་འཇིགས་པ་ཆེན་པོའི་སྐུ། །རིན་ཆེན་ཁྲོས་པའི་རྒྱལ་མོ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྔུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །ཡོན་ཏན་དཀྱིལ་འཁོར་ཆེན་པོར་བསྡུས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་གསོལ། །འཇིགས་པའི་རལ་པ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲས་ཡོན་ཏན་རིགས་ཀུན་བརླག །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །སྡི་རའི་གློ་སྙིང་འབྱིན་ཅིང་གསོལ། །དགྲ་སྟྭ་ཏྲི་ཤཱུལ་རྒྱུ་འདྲེན་ཞགས། །ཕྱག་ན་བསྣམས་ཤིང་ཁྲག་འཐུང་བ། །རིན་ཆེན་ཀུན་དུ་བཟང་མོ་དང་། །རོལ་པའི་ཚུལ་དུ་མཉམ་སྦྱོར་ཞིང་། །སྟབས་གླུ་ཕྱག་རྒྱ་སྔགས་ཚིག་གིས། །ཐམས་ཅད་ཐམས་ཅད་གཅོད་པར་མཛད། །རོལ་པ་ཆེན་པོའི་ཚུལ་བཞིན་དུ། །ཁྲག་ཆེན་པོ་ཡང་ཞལ་གྱིས་འཇིབ། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། ། ― DNG011_Page_0028 ―
[མ་དཔེ་གཟིགས་ན་འདིར་གནོན།]
ཕཊ་ཕཊ་ཕཊ་ཀྱིས་ཟ་བྱེད་ཆེ། །གཞལ་ཡས་སྔོ་ནག་ཆེན་པོར་ནི། །འཇིག་རྟེན་སྟོང་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་པགས་པ་ཡང་། །ཚམ་ངམ་ཆེན་པོའི་ན་བཟར་གསོལ། །ཅི་ཡང་སྒྱུར་བའི་གཟུགས་ཅན་ཏེ། །ཆེའོ་ཆེའོ་དཔལ་ཆེན་པོ། །སངས་རྒྱས་སྐུ་ཡང་ཆེམ་ཆེམ་གསོལ། །གཟུགས་ཁམས་ལྷ་ཚོགས་མང་པོ་ཡང་། །མགོ་ཡི་ཕྲེང་བས་རྒྱན་དུ་བྱས། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་འཐུང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ། དྲག་པོ་འདུལ་བའི་དོན་ཆེད་དུ། །དཀྱིལ་འཁོར་འབར་བའི་ཕྱོགས་དག་ཏུ། །ཁྲག་འཐུང་པདྨ་ཆེན་པོ་སྟེ། །མཚུངས་པ་མེད་པའི་ཁྱད་པར་མངའ། །དབུ་གསུམ་ཕྱག་དྲུག་ཞབས་བཞིར་བགྲད། །དམར་ནག་འཇིགས་པ་ཆེན་པོའི་སྐུ། །པདྨ་ཁྲོས་པའི་རྒྱལ་མོ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྔུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །གསུང་གི་དཀྱིལ་འཁོར་ཆེན་པོར་བསྡུས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་དཀྲུག་ཅིང་གསོལ། །འཇིགས་པའི་རལ་པ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲ་དྲག་པོས་སྲོག་ཆགས་བརྒྱལ། །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །ཏྲི་ཤཱུལ་རྔེའུ་རྡུང་རྒྱུ་འདྲེན་ཞགས། །ཕྱག་ ― DNG011_Page_0029 ―
[མ་དཔེ་གཟིགས་ན་འདིར་གནོན།]
ན་བསྣམས་ཏེ་ཤ་ཁྲག་གསོལ། །གཟུགས་ཁམས་ལྷ་ཚོགས་མང་པོ་དག །དགྲ་བཅོམ་བྱང་ཆུབ་སེམས་དཔའ་ཡིས། །མགོ་ཡི་ཕྲེང་བས་རྒྱན་དུ་བྱས། །དགོངས་ངེས་བཙན་ཐབས་ཆེན་པོས་མྱོས། །འདོད་ཆགས་བསྙེངས་པའི་དགོངས་པ་ཡིས། །གཟུགས་ཅན་བུད་མེད་ལུས་ཀུན་སྡུད། །ང་རྒྱལ་བསྙེངས་པའི་མཐུ་ཡིས་ནི། །བསོད་ནམས་ཅན་རྣམས་ཐམས་ཅད་གནོན། །ཕྲག་དོག་བསྙེངས་པའི་དགོངས་པ་ཡིས། །གཟུགས་ཀུན་ཀུན་བསྡུས་འཕྲོག་ཅིང་སྦྱོར། །གཏི་མུག་བསྙེངས་པའི་དགོངས་པ་ཡིས། །དབྱེ་བསལ་མི་མཛད་ངེས་པའི་ཐུགས། །མཆོད་དོ་མཆོད་དོ་སྟོབས་ཆེན་པོ། །བདག་ལ་བདག་མཆོད་མཉེས་པ་ཆེ། །ཁྲོ་མོ་པདྨའི་དཀྱིལ་འཁོར་དུ། །འཇིགས་པའི་སྟབས་དང་གར་མཛད་པས། །མི་བཟད་མཁའ་འགྲོའི་ཀློང་ཆེན་འབྱུང་། །སྟབས་གླུ་ཕྱག་རྒྱ་སྔགས་ཚིག་གིས། །ཞིང་བཅུ་གསོད་ཅིང་ཚུལ་བཞིན་དུ། །དངོས་ལ་ལོངས་སྤྱོད་ཆེན་པོར་མཛད། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །ཞབས་བཞི་བདུད་བཞི་སྒྲོལ་ཞིང་གནོན། །གཞལ་ཡས་དམར་ནག་ཆེན་པོར་ནི། །འཇིག་རྟེན་ཁམས་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་པགས་ཆེན་ཡང་། །ཚམ་ངམ་ཆེན་པོའི་ན་བཟར་གསོལ། །ཅིར་ཡང་སྒྱུར་བའི་གཟུགས་ཆེན་ཏེ། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་འཐུང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ་བྷྱོ་ཧཱུྃ། དྲག་པོའི་དངོས་གྲུབ་སྦྱིན་མཛད་པ། །དཀྱིལ་འཁོར་འབར་བའི་ཕྱོགས་དག་ཏུ། ། ― DNG011_Page_0030 ―
[མ་དཔེ་གཟིགས་ན་འདིར་གནོན།]
ཁྲག་འཐུང་ལས་ཀྱི་སྐུ་གསུང་ཐུགས། །དབུ་གསུམ་ཕྱག་དྲུག་ཞབས་བཞིར་བགྲད། །ལྗང་ནག་འཇིགས་པ་ཆེན་པོའི་སྐུ། །ལས་ཀྱི་རྒྱལ་ཅིང་ཁྲོས་མ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྔུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །སྟོང་ཁམས་རྣམ་པ་མང་པོ་རྣམས། །སྐུ་ཡི་དཀྱིལ་འཁོར་ཆེན་པོར་བསྡུས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཅིང་གསོལ། །འཇིགས་པའི་རལ་པ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲ་དྲག་པོས་སྲོག་ཆགས་བརྒྱལ། །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །རྒྱ་གྲམ་དབྱུག་པ་རྔེའུ་ཆུང་དང་། །ཏྲི་ཤཱུལ་ཞིང་ཆེན་རྒྱུ་ཞགས་འདྲེན། །ཚེམས་རྣོན་སྡི་ར་ཟ་བྱེད་ཆེ། །སྟབས་གླུ་ཕྱག་རྒྱ་སྔགས་ཚིག་གིས། །ཞིང་བཅུ་གསོད་ཅིང་ཚུལ་བཞིན་དུ། །ཕྲིན་ལས་དཀྱིལ་འཁོར་ཉིད་ལ་མཆོད། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །ཞབས་བཞི་བདུད་བཞི་སྒྲོལ་ཞིང་གནོན། །གཞལ་ཡས་ལྗང་ནག་ཆེན་པོར་ནི། །འཇིག་རྟེན་ཁམས་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་ཆེན་པོའི་པགས་ཆེན་ཡང་། །ཚམ་ངམ་ཆེན་པོའི་ན་བཟར་གསོལ། །ཅིར་ཡང་སྒྱུར་བའི་གཟུགས་ཆེན་པོ། །ཆེའོ་ཆེའོ་དཔལ་ཆེན་པོ། །སངས་རྒྱས་སྐུ་ཡང་ཆེམ་ཆེམ་གསོལ། །སྲོག་ཆགས་གཞན་ལྟ་སྨོས་ཅི་དགོས། །འཇིགས་བྱེད་སྐུ་སྟེ་ཆོ་འཕྲུལ་བ། །དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་དང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་ ― DNG011_Page_0031 ―
[མ་དཔེ་གཟིགས་ན་འདིར་གནོན།]
མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ་ས། རུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ་བྷྱོ་ཧཱུྃ། སངས་རྒྱས་ཁྲོས་པའི་རྒྱལ་མོ་སྟེ། །སངས་རྒྱས་ཀུན་གྱི་ཡུལ་ཆེན་མོ། །ཀྲོ་དྷི་ཤྭ་རི་དེ་བཞིན་རིགས། །དབུ་གསུམ་ཕྱག་དྲུག་ཞབས་བཞིར་བགྲད། །ཁྲོ་གཉེར་སྤྱན་གསུམ་མཆེ་གཙིགས་ཤིང་། །དབུ་སྐྲ་མུཉྫཱ་རྒྱ་བཅིངས་ཏེ། །ཐོད་རློན་མང་པོས་རྒྱན་དུ་བྱས། །སྤྱན་གསུམ་འཇིགས་པའི་སྡང་མིག་ཅན། །སེར་ནག་གྱད་ཀྱི་འདོར་ཚུལ་དུ། །བྷནྡྷ་རཀྟར་ལྡན་པ་ཡིས། །འཁྲིལ་བའི་ཚུལ་གྱིས་གཙོ་ལ་སྟོབས། །དུར་ཁྲོད་འབར་བའི་མེ་ཆེན་དབུས། །ཞབས་བཞི་བརྐྱང་བསྐུམ་གནོན་ཚུལ་དུ། །ཞིང་ཆེན་གཤིབས་པའི་གདན་ལ་བཞུགས། །རྡོ་རྗེ་གཤིབས་པའི་གཤོག་རྐྱོང་ཞིང་། །སྲིན་ལག་མཐེ་བོང་རྩེ་གཉིས་ཀྱིས། །ཨ་མྲྀ་ཏ་ལ་སོགས་པ་ལྔ། །བླངས་ཏེ་ཐུགས་དམ་སྐུལ་བར་མཛད། །དགྱེས་པས་རྡོ་རྗེ་པདྨར་འཇོག །རོལ་ཕྱིར་སྟ་ན་མཆོག་ཀྱང་མཛད། །ཀ་ལ་ཀི་ལ་དགྱེས་པས་རོལ། །རྡོ་དབྱུག་ཏྲི་ཤཱུལ་སྡི་ར་ཟ། །ཨ་ཨ་ཧི་ཧི་གད་མོས་འགེངས། །ཐུགས་དམ་སྐུ་ཡི་དཀྱིལ་འཁོར་དུ། །འཇིག་རྟེན་ཇི་སྲིད་ཐམས་ཅད་སྡུད། །ཁམས་གསུམ་ཀུན་གྱི་དབང་སྒྱུར་མཛད། །སངས་རྒྱས་ཀུན་གྱི་ཡུམ་ཆེན་མོ། །པགས་ཆེན་བརྗིད་པའི་གཡང་གཞི་གསོལ། །དཔལ་ཆེན་འབར་བ་མ་གཏོགས་བར། །ཀུན་ཀྱང་ཐལ་བ་བཞིན་དུ་རློག །ཁྲོས་པའི་སྙིང་རྗེ་གཡོས་པ་ན། །ཐབས་ཆེན་པོ་ཡང་ཆེམ་ཆེམ་གསོལ། །ཞེ་སྡང་ཆེན་པོའི་དགྱེས་ཆེན་ཡང་། །རོལ་པས་དབང་དུ་བསྡུས་ནས་ནི། །ཁྲག་འཐུང་ཆེན་པོའི་ཞལ་དུ་སྟོབས། །ཟས་སུ་སྲོག་ཆགས་ཀུན་གསོལ་བ། །མ་ཧཱ་མཾ་སས་སྐུ་བརྒྱན་ཅིང་། །ཟླ་གམ་མཆོད་པ་ཆེན་པོ་ཡིས། །ཁྲག་འཐུང་ཆེན་པོ་འཛུམ་པར་མཛད། །ཡིད་དུ་འོང་བའི་གཟུགས་སྟོན་ཅིང་། །ཉམས་ན་རབ་ཏུ་བརླག་པར་མཛད། །རྣལ་འབྱོར་དབང་ ― DNG011_Page_0032 ―
[མ་དཔེ་གཟིགས་ན་འདིར་གནོན།]
ཕྱུག་ཆེན་མོ་སྟེ། །དམ་ཚིག་ཅན་ལ་དངོས་གྲུབ་སྦྱིན། །ཁམས་གསུམ་ཁྲག་ཏུ་བསྒྱུར་ནས་ནི། །ཧུབ་ཧུབ་ཧུབ་ཀྱིས་ཞལ་དུ་གསོལ། །རྡུལ་གྱི་གོང་བུ་མང་པོ་རྣམས། །ཆེམ་ཆེམ་ཆེམ་གྱིས་ཞལ་དུ་གསོལ། །སོད་ཅིག་སོད་ཅིག་དཔལ་གྱི་ཡུམ། །ཆོམས་ཤིག་ཆོམས་ཤིག་དཔལ་གྱི་ཡུམ། །གཏོགས་ཤིག་གཏོགས་ཤིག་དཔལ་གྱི་ཡུམ། །སྲེགས་ཤིག་སྲེགས་ཤིག་དཔལ་གྱི་ཡུམ། །ཆིངས་ཤིག་ཆིངས་ཤིག་དཔལ་གྱི་ཡུམ། །གནོད་པར་བྱེད་པའི་བདུད་རྣམས་ཀུན། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཨཱ་ཧོ་སརྦ་ཏ་ཐཱ་ག་ཏ་པྲཛྙཱ་པ་ར་མི་ཏཱ། སིད་དྷ་རཱུ་པེ་ཛ། ལོ་ཧི་ནི་ལ་ཤ་ཏ་ཙ་ར་ན་ཨ་ཁི་ཡ་མེ་ཧུ་བྷོ་ག་ཡོ་ཀ་ས་མ་ཡོ་བྷ་བེ། ཏ་རུ་ལ་སརྦ་ཡོ་གི་མ་ཧཱ་ནར་ནྲི། རཀྟ་ཛཱ་ཡ། སོ་ཁྱ་མ་ནུ་བི་ལ་སི། ཀ་བ་ས་མ་ལེ་མ་ཀུ་དྷ། ཏྲི་ཤཱུ་ལ་རཀྵ་བྷོ་ག་ཡོ་གི་ནི། མ་ཧཱ་ས་ཧུ་མཎྜ་ལ་ཏི་ལ་ཀ །བན་དྷ་ན། ཨ་ལ་ལ་ཧོ། རྡོ་རྗེ་ཡུལ་ཆེན་རྒྱལ་གཅིག་མ། །ཀྲོ་དྷི་ཤྭ་རི་དཔལ་གྱི་ཡུམ། །སངས་རྒྱས་ལྔ་ཡི་དབུ་རྒྱན་ཅན། །ཉི་མ་འབུམ་གྱི་གཟི་ལྡན་མ། །ཀེང་རུས་འབུམ་གྱི་གདན་ལ་བཞུགས། །སྨུག་ནག་གྱད་ཀྱི་འདོར་ཚུལ་དུ། །བྷན་དྷ་རཀྟ་གཙོ་ལ་སྟོབས། །གདུག་པའི་ཚོགས་ཆེན་མང་པོ་རྣམས། །མཉེས་བྱེད་ཕྱིར་ན་སྐུ་ལ་འཁྲིལ། །དབུ་གསུམ་ཕྱག་དྲུག་ཞབས་བཞིར་བགྲད། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །དབུ་སྐྲ་མུཉྫཱ་རྒྱ་བཅིངས་ཏེ། །ཐོད་རློན་མང་པོས་རྒྱན་དུ་བྱས། །སྤྱན་གསུམ་འཇིགས་པའི་སྡང་མིག་ཅན། །ཙིཏྟའི་གློ་སྙིང་མང་པོ་རྣམས། །ཞལ་དུ་གསོལ་ནས་འཁྲིལ་ཞིང་བཞུགས། །ཆགས་པའི་གར་ཐབས་ཆེན་པོ་ཡིས། །གདུག་པ་ཆེན་པོའི་སྤྲིན་འཕྲོ་ཞིང་། །ལས་སུ་གསོད་ལ་ཤིན་ཏུ་དགྱེས། །དུར་ཁྲོད་འབར་བའི་མེ་ཆེན་དབུས། ། ― DNG011_Page_0033 ―
[མ་དཔེ་གཟིགས་ན་འདིར་གནོན།]
ཞབས་ནི་བརྐྱང་བསྐུམ་ཆེན་པོར་བཞུགས། །རྡོ་རྗེ་གཤིབས་པའི་གཤོག་རྐྱོང་ཞིང་། །སྲིན་ལག་མཐེ་བོང་རྩེ་གཉིས་ཀྱིས། །ཨ་མྲྀ་ཏ་ལ་སོགས་པ་ལྔ། །དང་བའི་སྐུ་ལ་རབ་བརྒྱན་ཅིང་། །དགྱེས་པས་རྡོ་རྗེ་པདྨར་འཇོག །རོལ་ཕྱིར་སྟ་ན་མཆོག་ཀྱང་མཛད། །ཀ་ལ་ཀི་ལས་རོལ་པས་དགྱེས། །རྡོ་རྗེ་རྔེའུ་ཆུང་རྡུང་བ་དང་། །ཏྲི་ཤཱུལ་འཕེན་ཅིང་སྡི་ར་ཟ། །ཨ་ཨ་ཧི་ཧི་གད་མོས་འགེངས། །ཐུགས་དམ་སྐུ་ཡི་དཀྱིལ་འཁོར་དུ། །འཇིག་རྟེན་ཇི་སྲིད་ཐམས་ཅད་སྡུད། །ཁམས་གསུམ་ཀུན་གྱི་དབང་སྒྱུར་མཛད། །སངས་རྒྱས་ཀུན་གྱི་ཡུམ་ཆེན་མོ། །པགས་ཆེན་བརྗིད་པའི་གཡང་གཞི་གསོལ། །དཔལ་ཆེན་འབར་བ་མ་གཏོགས་པར། །ཀུན་ཀྱང་ཐལ་བ་བཞིན་དུ་རློག །ཁྲོས་པའི་སྙིང་རྗེ་གཡོས་པས་ན། །ཐབས་ཆེན་པོ་ཡང་ཆེམ་ཆེམ་གསོལ། །ཞེ་སྡང་ཆེན་པོའི་བགེགས་ཆེན་ཡང་། །རོལ་པས་དབང་དུ་བསྡུས་ནས་ནི། །ཁྲག་འཐུང་ཆེན་པོའི་ཞལ་དུ་སྟོབས། །སེ་རལ་ཁ་ཡི་ཚུལ་དག་ཏུ། །ཁ་ཊྭཱཾ་ག་ལ་རྒྱབ་བརྟེན་བྱས། །རོལ་ལ་རྔམ་པའི་ཆ་ལུགས་ཀྱིས། །བཀའ་ལས་འདས་པ་འཕྲོག་ཅིང་གསོལ། །ཟས་སུ་སྲོག་ཆགས་ཀུན་གསོལ་བ། །མ་ཧཱ་མཾ་སས་སྐུ་བརྒྱན་ཅིང་། །ཟླ་གམ་མཆོད་པ་ཆེན་པོས་ནི། །ཁྲག་འཐུང་བ་ཡི་མདོག་སྐྱེད་ཅིང་། །ཡིད་དུ་འོང་བའི་གཟུགས་སྟོན་ཅིང་། །ཉམས་ན་རབ་ཏུ་བརླག་པར་མཛད། །རྣལ་འབྱོར་དབང་ཕྱུག་ཆེན་མོ་སྟེ། །དམ་ཚིག་ཅན་ལ་དངོས་གྲུབ་སྦྱིན། །ཁམས་གསུམ་ཁྲག་ཏུ་བསྒྱུར་ནས་ནི། །ཧུབ་ཧུབ་ཧུབ་ཀྱིས་ཞལ་དུ་གསོལ། །ཀེང་རུས་རྡུལ་གྱི་གོང་བུ་རྣམས། །ཆེམ་ཆེམ་གྱིས་ནི་ཞལ་དུ་གསོལ། །སོད་ཅིག་སོད་ཅིག་རྡོ་རྗེ་ཡུམ། །ཆོམས་ཤིག་ཆོམས་ཤིག་རྡོ་རྗེ་ཡུམ། །གཏོགས་ཤིག་གཏོགས་ཤིག་རྡོ་རྗེ་ཡུམ། །སྲེགས་ཤིག་སྲེགས་ཤིག་རྡོ་རྗེ་ཡུམ། །ཆིངས་ཤིག་ཆིངས་ཤིག་རྡོ་རྗེ་ཡུམ། །གནོད་པར་བྱེད་པའི་བདུད་རྣམས་ཀྱང་། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་འབར་བ་མ་གཏོགས་པ། །གཅིག་ ― DNG011_Page_0034 ―
[མ་དཔེ་གཟིགས་ན་འདིར་གནོན།]
ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཨོཾ་ཧཱུྃ་སཏྭ་ཀ་ར་རཱུ་པ། རཀྟ་ཛྭ་ལ་སི་པཉྩ་ཏ་ཐཱ་ག་ཏ་སིད་དྷ་ཀཱ་ཡ་རཱུ་པ། པཉྩ་ཙིཏྟ་ཏ་ཐཱ་ག་ཏ་རཱུ་པོ། ཏ་ཐཱ་ག་ཏ་བྷ་ག་སིད་དྷི། ཡོ་ག་ཡོ་གི་ཛྭ་ལ་དྷ། ཧ་ན་བན་དྷ་ན་ཨཱ་ལ་ལ་ལ་ཧོ། རིན་ཆེན་ཁྲོས་པའི་རྒྱལ་གཅིག་མ། །ཚད་མེད་བཞི་ཡི་ཡོན་ཏན་ཅན། །བཀྲེས་སྐོམ་ཕོངས་ལ་གཏེར་སྦྱིན་མཛད། །རང་བཞིན་རྣལ་འབྱོར་ཡིད་བཞིན་གཏེར། །མི་ཟད་མཛོད་དུ་གྱུར་པས་ན། །རྣལ་འབྱོར་མ་ཞེས་མཚན་དུ་གསོལ། །ཡེ་ཤེས་ཁྲོ་མོ་ཁྲོ་རྒྱལ་གཙོ། །དག་པས་མཚན་རྫོགས་རྒྱལ་བའི་ཡུམ། །མཐིང་ནག་གྱད་ཀྱི་འདོར་ཚུལ་གྱིས། །བྷན་དྷ་རཀྟ་གཙོ་ལ་སྟོབས། །ཉི་མ་འབུམ་གྱི་གཟི་ལྡན་མ། །གདུག་པའི་ཚོགས་ཆེན་མང་པོ་རྣམས། །མཉེས་པའི་ཕྱིར་ནི་སྐུ་ལ་འཁྲིལ། །ནུ་འབུར་སྟོད་སྨད་དབྱེ་ཞིང་འགྱིང་། །དབུ་གསུམ་ཕྱག་དྲུག་ཞབས་བཞིར་བགྲད། །གཡོན་དུ་འགྱིང་སྟབས་སྦྱོར་བ་ཡིས། །ཐལ་སྒྲ་དྲག་པོས་གདུག་པ་གསོད། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །དབུ་སྐྲ་མུཉྫཱ་རྒྱ་བཅིངས་ཤིང་། །ཐོད་རློན་མང་པོས་རྒྱན་དུ་བྱས། །སྤྱན་གསུམ་འཇིགས་པའི་སྡང་མིག་ཅན། །ཡན་ལག་གཅད་གཏུབས་ཕྲལ་ནས་ཀྱང་། །ཞལ་དུ་གསོལ་ནས་ཆགས་པས་འཁྲིལ། །ཆགས་པའི་གར་ཐབས་ཆེན་པོས་ནི། །གདུག་པ་ཆེན་པོའི་སྤྲིན་འཕྲོ་ཞིང་། །ལས་སུ་གསོད་ལ་ཤིན་ཏུ་དགྱེས། །དུར་ཁྲོད་འབར་བའི་མེ་ཆེན་དབུས། །ཞབས་ནི་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །རིན་ཆེན་གཤིབས་པའི་གཤོག་རྐྱོང་ཞིང་། །སྲིན་ལག་སྤར་གྱིས་ཁྲག་ཆེན་འཐུང་། །དགྱེས་པས་རྡོ་རྗེ་པདྨར་འཇོག །རོལ་ཕྱིར་སྟ་ན་མཆོག་ཀྱང་མཛད། །ཀ་ལ་ཀི་ལས་དགྱེས་པས་རོལ། །དབྱུག་པ་རྔེའུ་ཆུང་ཁ་ཊྭཱཾ་འཛིན། །གློ་སྙིང་ཡན་ལག་ཀུན་གསོལ་ཞིང་། །ཨ་ཨ་ཧི་ཧི་བཞད་མོས་འགེངས། །རོལ་པའི་རྐན་སྒྲས་ཐོག་ཐོག་གཡོ། །རྡོ་རྗེ་སྤྱུགས་ ― DNG011_Page_0035 ―
[མ་དཔེ་གཟིགས་ན་འདིར་གནོན།]
པས་དགྱེས་མཛད་པའི། །ཐུགས་དམ་སྐུ་ཡི་དཀྱིལ་འཁོར་དུ། །གསད་པའི་དུར་ཁྲོད་ཀུན་གསོལ་མཛད། །ཁམས་གསུམ་ཀུན་གྱི་དབང་མཛད་མ། །སངས་རྒྱས་ཀུན་གྱི་ཡུམ་ཆེན་མོ། །པགས་ཆེན་བརྗིད་པའི་གཡང་གཞི་གསོལ། །དཔལ་ཆེན་འབར་བ་མ་གཏོགས་པར། །ཀུན་ཀྱང་ཐལ་བ་བཞིན་དུ་རློག །ཁྲོས་པའི་སྙིང་རྗེ་གཡོས་པ་ན། །ཐབས་ཆེན་པོ་ཡང་ཆེམ་ཆེམ་གསོལ། །ཞེ་སྡང་ཆེན་པོའི་བགེགས་ཆེན་ཡང་། །རོལ་པས་དབང་དུ་བསྡུས་ནས་ནི། །ཁྲག་འཐུང་ཆེན་པོའི་ཞལ་དུ་སྟོབས། །རོ་ལ་བརྐམ་པའི་ཡུམ་ཆེན་མོ། །བཀའ་ལས་འདས་པ་འཕྲོག་ཅིང་གསོལ། །ཟས་སུ་སྲོག་ཆགས་ཀུན་གསོལ་བ། །མ་ཧཱ་མཾ་སས་སྐུ་བརྒྱན་ཅིང་། །ཟླ་གམ་མཆོད་པ་ཆེན་པོས་ནི། །ཁྲག་འཐུང་པ་ཡང་འཛུམ་པར་མཛད། །ཡིད་དུ་འོང་བའི་གཟུགས་སྟོན་པས། །ཉམས་ན་རབ་ཏུ་བརླག་པར་མཛད། །རྣལ་འབྱོར་ཡུམ་ཆེན་ཆེན་མོ་སྟེ། །དམ་ཚིག་ཅན་ལ་དངོས་གྲུབ་སྦྱིན། །ཁམས་གསུམ་ཁྲག་ཏུ་བསྒྱུར་ནས་ནི། །ཧུབ་ཧུབ་ཀྱིས་ནི་ཞལ་དུ་གསོལ། །སྡི་ར་ཆེ་ཆུང་མང་པོ་རྣམས། །ཆེམ་ཆེམ་ཀྱིས་ནི་ཞལ་དུ་གསོལ། །སོད་ཅིག་སོད་ཅིག་རིན་ཆེན་ཡུམ། །ཆོམས་ཤིག་ཆོམས་ཤིག་རིན་ཆེན་ཡུམ། །གཏོགས་ཤིག་གཏོགས་ཤིག་རིན་ཆེན་ཡུམ། །སྲེགས་ཤིག་སྲེགས་ཤིག་རིན་ཆེན་ཡུམ། །ཆིངས་ཤིག་ཆིངས་ཤིག་རིན་ཆེན་ཡུམ། །གནོད་པར་བྱེད་པའི་བདུད་རྣམས་ཀྱང་། །རབ་ཏུ་རོལ་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཨོཾ་ཧཱུྃ་སངས་རྒྱས་ཀུན་གྱི་མི་ཟད་རྒྱན་དང་ལྡན་པ་རང་བཞིན་ཧེ་རུ་དཔལ། །དུར་ཁྲོད་བདག་པོ་ཟ་བྱེད་ཡུམ་ཆེན་མོ། །རྒྱལ་བ་ཀུན་གྱི་ཡོན་ཏན་གཏེར་ལྡན་མ། །བྱང་ཆུབ་སྙིང་པོའི་དགོངས་པ་ངེས་ལྡན་བསྣམས་ཤིང་གསོལ། །རྨོངས་པ་ལོག་པ་ལྔ་ ― DNG011_Page_0036 ―
[མ་དཔེ་གཟིགས་ན་འདིར་གནོན།]
དང་ལྡན་རྣམས་དྲོངས་ལ་ཚུལ་བཞིན་སྟོབས། །ཀུན་གྱི་དབང་མོ་དབང་དང་ལྡན་པའི་ཡུམ་ཆེན་ཀུན་རོལ་ཅིག །སེམས་དཔའ་ཁྲག་འཐུང་ཉིད་ཀྱང་སྐུ་ལ་ཐིམ་པར་རོལ། །ཁྲག་ཆེན་གསོལ་ཞིང་གློ་སྙིང་ཟ་ལ་བརྐམ་པས་རྣལ་འབྱོར་ཀུན་གྱི་ལས་མཛོད་ཅིག །བདག་དང་ལྡན་པས་དཀྱིལ་འཁོར་མ་ལུས་ཐམས་ཅད་རྫོགས་པ་ཡིན། །ཨ་ལ་ལ་ལ་ཧོ། སྐུ་གསུང་ཐུགས་ལྡན་རྣལ་འབྱོར་མ། །པདྨའི་གསུང་གི་སངས་རྒྱས་ཡུམ། །ཆགས་པའི་པདྨ་རྒྱ་ཅིག་མ། །ཡུམ་ཆེན་ཀྲོ་དྷི་ཤྭ་རི་སྟེ། །སངས་རྒྱས་ལྔ་ཡི་དབུ་རྒྱན་ཅན། །དམར་ནག་སྐུ་ཡི་ཆ་ལུགས་མ། །དབུ་གསུམ་ཕྱག་དྲུག་ཞབས་བཞིར་བགྲད། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཅིང་གསོལ། །ཆགས་པའི་ཐལ་མོ་བརྐྱང་ནས་ཀྱང་། །ཁྲག་འཐུང་པདྨའི་སྐུ་ལ་འཁྲིལ། །གློག་སྟོང་འགྱུར་བའི་འོད་མངའ་བས། །མུན་པ་ནག་པོ་ཐིབས་པོ་སེལ། །སྡང་མིག་མཆེ་གཙིགས་ཚེམས་རྣོན་གསོད། །རྔེའུ་ཆུང་རྡུང་ཞིང་སྡིར་ཆེན་ཟ། །ཤ་ཁྲག་འཛག་ཅིང་རོ་ལ་བརྐམ། །བྱ་བྱེད་མང་པོའི་ནུས་མཐུ་ཡིས། །ལྷ་ཆེན་པོ་ཡི་མགོ་ཡང་འགེམས། །ཚངས་པ་ཆེན་པོའི་པགས་ཆེན་ཡང་། །ཡུམ་ཆེན་མོ་ཡི་ན་བཟར་གསོལ། །མུཉྫཱ་ཅོད་པན་རལ་པ་ཅན། །གདུག་པ་ཚོགས་ཆེན་མང་པོས་བསྐོར། །ཐོད་རློན་རྒྱན་གྱི་ཕྲེང་བས་བརྒྱན། །བརྐྱང་བསྐུམ་སྡི་རའི་གདན་སྟེངས་ན། །གྱད་ཀྱི་དགྱེས་པའི་འདོར་ཚུལ་གྱིས། །སྟ་ན་བྱེད་ཅིང་རོ་ལ་བརྐམ། །སངས་རྒྱས་ཀུན་གྱི་ཡུམ་ཆེན་མོ། །བགེགས་ཆེན་ཀུན་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །བསྐལ་པའི་མེ་དཔུང་ཆེན་པོའི་དབུས། །ཚོགས་ལ་རོལ་ལ་ཚུལ་བཞིན་དུ། །དང་བའི་སྐུ་ལ་རྒྱན་དུ་བྱས། །ཚམ་ངམ་དྲག་ཤུལ་སྡེར་ཚོགས་དང་། །དུར་ཁྲོད་ལས་ལ་ཤིན་ཏུ་དགྱེས། །འདི་དག་དགོངས་པའི་དམ་ཚིག་སྟེ། །དེ་བཞིན་མ་བྱས་ཉིད་སྒྲོལ་ཞེས། །དབང་ཕྱུག་རྒྱལ་པོས་རབ་ཏུ་གསུངས་སོ། །ཨོཾ་པཉྩ་རཱུ་པེ་བྷི་ཏ་རཱུ་པེ་བྷི་ཏ་རཱུ་ལ་པདྨ་མ་མ་ཀྲོ་དྷི་ཤྭ་རི་ས་མ་ཡ་ ― DNG011_Page_0037 ―
[མ་དཔེ་གཟིགས་ན་འདིར་གནོན།]
ཡོད་བྷ་བད། སརྦ་བྷི་ཤ་རཱུ་པེ་ས་མ་ཡོ་གི་ནི་ཧཱུྃ། བྷི་ཡུ་ལི་ག་ཐ་པདྨ་ཀྲོ་དྷི་ཤྭ་རི་ས་མ་ཡོ་གི་ནི། ཨ་ཧ་ཧ་མ་ན་ས་མ་ཡ་ཡོ་གི་ནི། པཉྩ་རཱུ་པེ་སིཌྜྷ་ཧཱུྃ། ཏ་ཐཱ་ག་ཏ་ཛྙཱ་ན་ཁཱ་ཧི་ཧི། ལས་ཀྱི་རིགས་ཀྱི་ཡུམ་ཆེན་མོ། །སྐུ་མདོག་ལྗང་གནག་འཇིགས་པའི་སྐུ། །ཕྱག་གཉིས་གྱད་ཀྱི་འདོར་ཐབས་ཀྱིས། །བྷན་དྷར་རཀྟས་གཙོ་ལ་སྟོབས། །སྣུམ་ཆེན་ལྡན་ཞིང་རོ་ལ་བརྐམ། །ཀྲོ་དྷི་ཤྭ་རི་ཡུམ་ཆེན་མོ། །དབུ་གསུམ་ཕྱག་དྲུག་ཞབས་བཞི་བགྲད། །ཁྲོ་གཉེར་སྡང་མིག་མཆེ་གཙིགས་ཤིང་། །ཉི་མ་འབུམ་གྱི་གཟི་ལྡན་ཞིང་། །གདུག་པའི་ཚོགས་ཆེན་མང་པོ་རྣམས། །མཉེས་བྱེད་ཕྱིར་ནི་སྐུ་ལ་འཁྲིལ། །ནུ་འབུར་སྟོད་སྨད་དབྱེ་ཞིང་འགྱིང་། །གཡོན་དུ་འགྱིང་སྟབས་སྦྱོར་བ་ཡིས། །ཐལ་སྒྲ་དྲག་པོས་གདུག་པ་གསོད། །དབུ་སྐྲ་མུཉྫཱ་རྒྱ་བཅིངས་ཤིང་། །ཐོད་རློན་མང་པོས་རྒྱན་དུ་བྱས། །སྤྱན་གསུམ་འཇིགས་པའི་སྡང་མིག་ཅན། །ཡན་ལག་ནང་ཁྲོལ་དྲངས་ནས་ཀྱང་། །ཞལ་དུ་གསོལ་ནས་ཆགས་པས་འཁྲིལ། །ཆགས་པའི་གར་ཐབས་ཆེན་པོ་ཡིས། །གདུག་པ་ཆེན་པོའི་སྤྲིན་འཕྲོ་ཞིང་། །ལས་སུ་གསོད་ལ་ཤིན་ཏུ་དགྱེས། །དུར་ཁྲོད་འབར་བའི་མེ་ཆེན་དབུས། །ཞབས་བཞི་བརྐྱང་བསྐུམ་སྣོལ་མར་ཡང་། །ཀེང་རུས་ཚོགས་ཆེན་གདན་ལ་བཞུགས། །པདྨ་གཤིབས་པའི་གཤོག་རྐྱོང་ཞིང་། །སྙིམ་པ་སྦར་གྱིས་ཁྲག་ཆེན་འཐུང་། །དགྱེས་པས་རྡོ་རྗེ་པདྨར་འཇོག །རོལ་ཕྱིར་སྟ་ན་མཆོག་ཀྱང་མཛད། །ཀ་ལ་ཀི་ལས་དགྱེས་པས་རོལ། །རལ་གྲི་དགྲ་སྟྭ་རྔེའུ་ཆུང་ཞིང་། །འཇིགས་པའི་གཟུགས་ཀྱིས་ཕྱག་ན་བསྣམས། །སྡི་རའི་ཞགས་པ་འདྲེན་ཅིང་གསོལ། །ཨ་ཨ་ཧི་ཧི་བཞད་མོས་དགྱེས། །རོལ་པའི་རྐན་སྒྲས་སྟོང་གསུམ་གཡོ། །རྡོ་རྗེ་སྤྱུགས་པས་དགྱེས་མཛད་པའི། །ཐུགས་དམ་སྐུ་ཡི་དཀྱིལ་འཁོར་དུ། །ཁམས་གསུམ་མ་ལུས་ཀུན་འདུས་པ། །ཁམས་གསུམ་ཀུན་གྱི་དབང་མཛད་མ། །སངས་རྒྱས་ཀུན་གྱི་ཡུམ་ཆེན་མོ། །པགས་ཆེན་བརྗིད་པའི་གཡང་གཞི་གསོལ། །དཔལ་ ― DNG011_Page_0038 ―
[མ་དཔེ་གཟིགས་ན་འདིར་གནོན།]
ཆེན་འབར་བ་མ་གཏོགས་པ། །ཀུན་ཀྱང་ཐལ་བ་བཞིན་དུ་རློག །ཁྲོས་པའི་སྙིང་རྗེ་གཡོས་པ་ན། །ཐབས་ཆེན་པོ་ཡང་ཆེམ་ཆེམ་གསོལ། །ཞེ་སྡང་ཆེན་པོའི་བགེགས་ཆེན་ཡང་། །རོལ་པས་དབང་དུ་བསྡུས་ནས་ནི། །ཁྲག་འཐུང་ལས་ཀྱི་ཞལ་དུ་སྟོབས། །རོ་ལ་བརྐམ་པའི་ཡུམ་ཆེན་མོ། །བཀའ་ལས་འདས་པ་འཕྲོག་ཅིང་གསོལ། །ཟས་སུ་སྲོག་ཆགས་ཀུན་གསོལ་བ། །མ་ཧཱ་མཾ་སས་སྐུ་བརྒྱན་ཅིང་། །ཟླ་གམ་མཆོད་པ་ཆེན་པོ་སྟོབས། །ཡིད་དུ་འོང་བའི་གཟུགས་སྟོན་པས། །ཉམས་ན་རབ་ཏུ་བརླག་པར་མཛད། །རྣལ་འབྱོར་ཡུམ་གཅིག་ཆེན་མོ་དང་། །དམ་ཚིག་ཅན་ལ་དངོས་གྲུབ་སྦྱིན། །ཁམས་གསུམ་ཁྲག་ཏུ་བསྒྱུར་ནས་ནི། །ཧུབ་ཧུབ་ཀྱིས་ནི་ཞལ་དུ་གསོལ། །སྡི་ར་ཆེ་ཆུང་མང་པོ་རྣམས། །ཆེམ་ཆེམ་གྱིས་ནི་ཞལ་དུ་གསོལ། །སོད་ཅིག་སོད་ཅིག་ལས་ཀྱི་ཡུམ། །ཆོམས་ཤིག་ཆོམས་ཤིག་ལས་ཀྱི་ཡུམ། །གཏོགས་ཤིག་གཏོགས་ཤིག་ལས་ཀྱི་ཡུམ། །ཆིངས་ཤིག་སྡོམས་ཤིག་ལས་ཀྱི་ཡུམ། །སྲེགས་ཤིག་སྣོམས་ཤིག་ལས་ཀྱི་ཡུམ། །གནོད་པར་བྱེད་པའི་བདུད་རྣམས་ཀྱང་། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་འབར་བ་མ་གཏོགས་པ། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །ཧ་ཧ་ཁཱ་ཧི་ཁཱ་ཧི། ཨོཾ་ཧཱུྃ་ལས་སུ་གསོད་ལ་དགའ་བའི་རྣལ་འབྱོར་མ། །བདེ་གཤེགས་ལས་ཀྱི་རིགས་ཀུན་སྐུ་ལ་རྫོགས་པར་རབ་སྣང་ཡུམ་ཆེན་མོ། །ཚམ་ངམ་བརླང་བའི་ཟ་སྟངས་གར་དང་བཅས་ཏེ་གཙོ་ལ་སྟོབས། །ཀུན་གྱི་དབང་དང་ལྡན་པ་བསོད་ནམས་ལུས་ལ་དབང་སྒྱུར་མ། །སྡེར་ཆགས་མང་པོའི་ཚོགས་དང་བཅས་ཏེ་རོལ་ཅིང་དགྱེས་པར་མཛོད། །ཤ་ཁྲག་དམར་ཆེན་མཆོག་ལ་དགའ་བས་དང་དུ་ཀུན་ལོང་ལ། །རྣལ་འབྱོར་དམ་ཚིག་ཅན་ལ་བྱིན་གྱིས་རློབས། །ཨ་ལ་ལ་ཧོ། དཔལ་ཆེན་འབར་བའི་ ― DNG011_Page_0039 ―
[མ་དཔེ་གཟིགས་ན་འདིར་གནོན།]
ཐུགས་ཀ་ནས། །རྣམ་པར་བསྒྱུར་བའི་གཟུགས་བྱུང་བ། །ཅིར་ཡང་འགྱུར་བའི་སྐུ་མངའ་བ། །རྣལ་འབྱོར་སྔོ་གནག་ཀེའུ་རི་མ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །རལ་པ་འཁྱིལ་པའི་མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །མི་ལྤགས་རློན་པའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །འཇིག་རྟེན་སྲེག་པའི་མེ་དཀྱིལ་ནས། །ཚམ་ངམ་གཟུགས་སྐུ་ཆེན་པོ་ཡིས། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཅིང་གསོལ། །སྡེར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །དབྱུག་པ་རྔེའུ་ཆུང་ཕྱག་ན་བསྣམས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ནས་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །ཚམ་ངམ་སྐུས་ནི་ཚུལ་བཞིན་དུ། །དབང་དུ་བསྡུ་བ་མཛད་ནས་ནི། །རོ་ལ་བརྐམ་པའི་སྟངས་ཀྱིས་སུ། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོངས་ཤིག་རྣལ་འབྱོར་མ། །གཏོར་ཅིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛ་ཛ། །ཆིངས་ཤིག་ཆིངས་ཤིག་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ། །རོལ་ཅིག་རོལ་ཅིག་ཕཊ་ཕཊ། །དེ་བཞིན་མ་བྱས་དེ་ཉིད་བརླག །སྐུ་ཡི་དཀྱིལ་འཁོར་མཛོད་སྟོང་པ། །སངས་རྒྱས་ཀུན་གྱི་ཡུམ་ཆེན་མོ། །རྣལ་འབྱོར་སེར་ནག་ཙཽ་རཱི་མ། །འཇིགས་སུ་རུང་བའི་གཟུགས་འཆང་བ། །ཁྲོ་གཉེར་སྤྱན་བགྲད་མཆེ་གཙིགས་ ― DNG011_Page_0040 ―
[མ་དཔེ་གཟིགས་ན་འདིར་གནོན།]
ཤིང་། །རལ་པ་འཁྱིལ་པའི་མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །མི་ལྤགས་རློན་པའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །འཇིག་རྟེན་སྲེག་པའི་མེ་དཀྱིལ་ནས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཅིང་གསོལ། །སྡིར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །དྲག་ཤུལ་མདའ་འཕེན་འགེངས་པ་ཡིས། །དཔལ་ཆེན་འབར་བའི་ཐུགས་ཀར་གཟོ། །རྔེའུ་ཆུང་ཏྲི་ཤཱུལ་ཕྱག་ན་བསྣམས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །དཔལ་ཆེན་འབར་བའི་ཐུགས་ཀར་གཟོ། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་འབར་བའི་སྐུ་ལ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་འབར་བའི་སྐུ་ལ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །ཚམ་ངམ་སྐུས་ནི་ཚུལ་བཞིན་དུ། །དབང་དུ་བསྡུ་བ་མཛད་ནས་ནི། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་འབར་མའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོངས་ཤིག་རྣལ་འབྱོར་མ། །གཏོགས་ཤིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ། །སྒྲོལ་ཅིག་ ― DNG011_Page_0041 ―
[མ་དཔེ་གཟིགས་ན་འདིར་གནོན།]
སྒྲོལ་ཅིག་ཕཊ་ཕཊ། །དེ་བཞིན་མ་བྱས་དེ་ཉིད་བརླག །ཁྲོ་མོ་རྣལ་འབྱོར་དམར་ནག་སྐུ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །རལ་པ་མུཉྫཱ་རྒྱ་བཅིངས་ཤིང་། །ཐོད་རློན་མང་པོའི་ཅོད་པན་ཅན། །སྡི་རའི་ཕྲེང་བས་རྒྱན་དུ་བྱས། །ཀོ་རློན་མང་པོའི་ན་བཟར་གསོལ། །མི་ལྤགས་གཡང་གཞི་ཤམ་ཐབས་ཅན། །དབུ་གསུམ་ཕྱག་དྲུག་ཞབས་བཞིར་བགྲད། །གསུང་གི་དཀྱིལ་འཁོར་མཛོད་གཏོང་བ། །སངས་རྒྱས་ཀུན་གྱི་ཡུམ་ཆེན་མོ། །རྣལ་འབྱོར་ཆེན་མོ་པྲ་མོ་ཧ། །དུར་ཁྲོད་མང་པོའི་ཚོགས་དང་ནི། །བསུར་ཆེན་སྲེག་པའི་མེ་ཆེན་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་གསོལ། །སྡིར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཆུ་སྲིན་རྒྱལ་མཚན་རྔེའུ་ཆུང་རྡུང་། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་འབར་བའི་ཞལ་དུ་སྟོབས། །ཁམས་གསུམ་ཟ་བྱེད་ཞལ་དུ་སྟོབས། །པདྨ་གསུང་གི་ཡུམ་ཆེན་མོ། །གཞལ་ཡས་དམར་ནག་ཆེན་པོ་ནས། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་ཀུན། །ཚམ་ངམ་སྐུས་ནི་ཚུལ་བཞིན་དུ། །དབང་དུ་བསྡུ་བ་མཛད་ནས་ནི། །གར་མཁན་ཆེན་མོའི་སྟོབས་ཚུལ་གྱིས། །ཁྲག་འཐུང་ཆེན་པོའི་ཞལ་དུ་སྟོབས། །ཁྲོ་མོ་རྣལ་འབྱོར་ཁྱོད་ཀྱིས་རོལ། །ཁྲོ་མོ་རྣལ་འབྱོར་ཁྱོད་ཀྱིས་སོད། །ཁྲོ་མོ་རྣལ་འབྱོར་ཁྱོད་ཀྱིས་ནི། །ལོངས་ཤིག་ཆིངས་ལ་ཚུལ་བཞིན་དུ། །གཏོགས་ཤིག་སྦྱོངས་ལ་བསྣམས་སུ་གསོལ། །དེ་བཞིན་ཐུགས་དམ་ཉིད་པས་ན། །དེ་བཞིན་མ་བྱས་དེ་ཉིད་བརླག །ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། རྣལ་འབྱོར་ཁྲོ་མོ་མཐིང་ནག་ ― DNG011_Page_0042 ―
[མ་དཔེ་གཟིགས་ན་འདིར་གནོན།]
སྐུ། །སྡིར་ཆེན་ཟ་བའི་བེ་ཏ་ལཱི། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །རལ་པ་འཁྱིལ་པའི་མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །མི་ལྤགས་རློན་པའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །འཇིག་རྟེན་སྲེག་པའི་མེ་དཀྱིལ་ན། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེས་གདུག་པའི་གླང་ཆེན་འགེམས། །འཁྲིལ་བས་གྱད་ཀྱི་འདོར་ཚུལ་དུ། །བྷན་དྷ་རཀྟས་ཞལ་དུ་སྟོབས། །སྡིར་ཆེན་ཟ་ཞིང་རྔེའུ་ཆུང་རྡུང་། །སྡིར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །ཚམ་ངམ་སྐུས་ནི་ཚུལ་བཞིན་དུ། །དབང་དུ་བསྡུ་བ་མཛད་ནས་ནི། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོངས་ཤིག་རྣལ་འབྱོར་མ། །གཏོར་ཅིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་བཞིན་མ་བྱས་དེ་ཉིད་བརླག །རྣལ་འབྱོར་ཁྲོ་མོ་ལྗང་ནག་སྐུ། །སྡིར་ཆེན་ཟ་བའི་གྷསྨ་རཱི། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། ། ― DNG011_Page_0043 ―
[མ་དཔེ་གཟིགས་ན་འདིར་གནོན།]
རལ་པ་འཁྱིལ་པའི་མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །མི་ལྤགས་རློན་པའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་ཆེན་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་དཀྲུག་ཅིང་གསོལ། །སྡིར་ཆེན་གློ་སྙིང་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཏྲི་ཤཱུལ་འཕེན་ཚུལ་རྔེའུ་ཆུང་ཞགས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་དང་། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །རབ་ཏུ་དྲོངས་ལ་ཚུལ་བཞིན་དུ། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོངས་ཤིག་རྣལ་འབྱོར་མ། །གཏོགས་ཤིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་བཞིན་མ་བྱས་དེ་ཉིད་བརླག །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཁཱ་ཧི་ཁཱ་ཧི་ཁཱ་ཧི་ཁཱ་ཧི་ཁཱ་ཧི། རྣལ་འབྱོར་ཁྲོ་མོ་སེར་ནག་སྐུ། །སྡིར་ཆེན་ཟ་བའི་ཙཎྜ་ལཱི། །གཏུམ་མོ་ཆེན་མོ་ཞེ་སྡང་འཇོམས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །སྡིར་ཆེན་ནང་ཁྲོལ་འབྱིན་ཅིང་གསོལ། །རལ་པ་འཁྱིལ་པའི་མུཉྫཱ་ལ། །ཐོད་རློན་ཚོགས་ཀྱིས་ ― DNG011_Page_0044 ―
[མ་དཔེ་གཟིགས་ན་འདིར་གནོན།]
རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །ཞིང་ལྤགས་སར་པའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོ་མེ་ཆེན་དབུས། །ཚམ་ངམ་བརྐྱང་བསྐུམ་ཆེན་པོས་ནི། །རིན་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་དག་འཁྲུག་ཅིང་གསོལ། །ཏྲི་ཤཱུལ་རྔེའུ་ཆུང་ཕྱག་ན་བསྣམས། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །རབ་ཏུ་དྲོངས་ལ་ཚུལ་བཞིན་དུ། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་བཞིན་མ་བྱས་དེ་ཉིད་བརླག །རྣལ་འབྱོར་ཁྲོ་མོ་མཐིང་ནག་སྐུ། །སྡིར་ཆེན་ཟ་བའི་ཡུམ་ཆེན་མོ། །ཆགས་པ་ཆེན་མོ་སྨ་ཤཱ་ནཱ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །རོལ་པས་སྡིར་ཆེན་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །རལ་པ་འཁྱིལ་པའི་མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །དབུ་གསུམ་ཕྱག་དྲུག་ཞབས་བཞིར་བགྲད། །ཞིང་ལྤགས་སར་པའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཆེམ་ ― DNG011_Page_0045 ―
[མ་དཔེ་གཟིགས་ན་འདིར་གནོན།]
ངམ་བརྐྱང་བསྐུམ་ཆེན་པོ་ཡིས། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་དཀྲུག་ཅིང་གསོལ། །སྤུ་གྲི་འདེབས་ཤིང་རྔེའུ་ཆུང་རྡུང་། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྲུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །གཞལ་ཡས་མཐིང་ནག་ཆེན་མོ་ནས། །སངས་རྒྱས་ཀུན་གྱི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་སོད་ཅིག་རྣལ་འབྱོར་མ། །གཏོགས་ཤིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་བཞིན་མ་བྱས་དེ་ཉིད་བརླག །རྣལ་འབྱོར་ཁྲོ་མོ་དམར་སེར་སྐུ། །གསོད་བྱེད་སྡིར་ཆེན་ཟ་བ་མོ། །རོལ་པའི་རྣལ་འབྱོར་པུཀྐ་སཱི། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །རོལ་པས་སྡིར་ཆེན་འདྲེན་ཚུལ་དུ། །ཁྲག་འཐུང་ཆེན་པོའི་ཞལ་དུ་སྟོབས། །རལ་པ་འཁྱིལ་པའི་མུཉྫཱ་ལ། །ཐོད་རློན་ཚོགས་ཀྱིས་རྣམ་པར་བརྒྱན། །མ་ཧཱ་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཡེ་ཤེས་སྐུ་ཡི་ཆ་ལུགས་ཀྱིས། །མི་འཇིགས་སྦྱོར་བའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །སྲིན་ལག་མཐེ་བོང་རྩེ་སྤྲད་དེ། །ཨ་མྲྀ་ཏ་ལ་སོགས་པ་ལྔ། །ལྗགས་ལམ་དབང་པོར་སྐུ་བརྒྱན་ཅིང་། ། ― DNG011_Page_0046 ―
[མ་དཔེ་གཟིགས་ན་འདིར་གནོན།]
ཨ་ཧོཿསུ་ཀས་དགྱེས་ཤིང་འཁྲིལ། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་ན། །བདུད་བཞི་གནོན་པའི་ཚུལ་དུ་བཞུགས། །བཀའ་ལས་མི་འདའ་ཐུགས་དམ་སྐོང་། །འདས་ན་ལྷ་ཡང་བརླག་པའི་ཕྱིར། །ལྷ་ཆེན་མང་པོའི་ཀླད་འགེམས་ཤིང་། །བསོད་ནམས་སྐུ་ཡང་ཆེམ་ཆེམ་གསོལ། །རྡོ་རྗེ་བྷན་དྷར་ལྡན་པ་ཡིས། །ཁྲག་ཆེན་པོ་ཡང་དཀྲུག་ཅིང་གསོལ། །ཟངས་གྲི་རྣོན་པོས་ཡན་ལག་གཅོད། །རྔེའུ་ཆུང་རྡུང་ཞིང་ཁ་ཊྭཱཾ་འཕེན། །ཤ་ཁྲག་ཟ་བའི་རྣལ་འབྱོར་མ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །ཞིང་བཅུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །གཞལ་ཡས་དམར་ནག་ཆེན་པོ་ནས། །སངས་རྒྱས་སྐུ་ཡི་ཡུམ་ཆེན་མོ། །སྟབས་གླུ་ཕྱག་རྒྱ་སྔགས་ཚིག་གིས། །ལོག་པར་ལྟ་བའི་བདུད་རྣམས་ཀུན། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །རོལ་ཅིག་སྤྲུལ་ཅིག་རྣལ་འབྱོར་མ། །སོད་ཅིག་ལོངས་ཤིག་རྣལ་འབྱོར་མ། །གཏོགས་ཤིག་སྦྱོངས་ཤིག་རྣལ་འབྱོར་མ། །ཆོམས་ཤིག་ཆོམས་ཤིག་རྣལ་འབྱོར་མ། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་ལས་ལ་ཤིན་ཏུ་དགྱེས། །དྲོངས་ཤིག་དྲོངས་ཤིག་ཛཿཛཿཛཿ། །ཆིངས་ཤིག་ཆིངས་ཤིག་ཧཱུྃ་ཧཱུྃ་ཧཱུྃ། །སྡོམས་ཤིག་སྡོམས་ཤིག་ཧ་ཧ་ཧ། །སྒྲོལ་ཅིག་སྒྲོལ་ཅིག་ཕཊ་ཕཊ་ཕཊ། །དེ་བཞིན་མ་བྱས་ཏེ་ཉིད་བརླག །ཨོཾ་ཧཱུྃ་ཏ་ཐཱ་ག་ཏ་སུ་པ་ཨུ་གོ་བ། ཀྲོ་དྷ་ཀི་ལི། ས་མ་ཡ་ཡོ་གི་ནི། མ་ཧཱ་མཎྜ་ལ། ཨརྒྷཾ་པྲ་ཏིཙྪ། ཀཱ་ལ་ཀྲིཥྞ་པི་ཏ་ལོ་ཧི་ཏི་ཛཱ་ལ་སུ་ཁེ་ན་ཡཱ་མི། ཡོ་ག་ཀཱ་ཡ། སརྦ་བུཌྜྷ་ལ། མ་ཧཱ་ཧེ་རུ་ཀ །ས་མ་ཡ་ཡོ་ག་རུ་ལུ་ཡོཏྟ་མ་ཛྭ་ལ་ནི། ཧ་ན་དྷ་ཧ་རཱུ་པེ་པ་ཛཿ། སརྦ་སིདྡྷི་ ― DNG011_Page_0047 ―
[མ་དཔེ་གཟིགས་ན་འདིར་གནོན།]
ཀཱ་རུ་ཎཱི་ཀ །མ་ཧཱ་སུ་ཁེ་ན། བ་ཐ་ར་སུ་ཁེ་ན་ས་མ་ཡ་ཡོ་ག་ཛཱ་ལ་ཨ་སུ་ཨཱ། བོ་ག་ཡོ་གི་སིདྡྷི། ཨ་ལ་ལ་ཧོཿ། མུ་ཁཱ་གསོད་བྱེད་སེང་གེའི་མགོ། །སེར་ནག་གྱད་ཀྱི་འགྱིང་སྟབས་ཀྱིས། །ཕྱག་གི་ཐལ་མོ་བསྣོལ་ནས་ནི། །ཁྲག་འཐུང་ཆེན་པོའི་ཞལ་དུ་སྟོབས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོའི་འཁོར་དུ་བྱས། །ཞེ་སྡང་འཇོམས་མའི་ཟ་བྱེད་མ། །མ་ཧཱ་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །མཐིང་ནག་སེང་གེའི་རལ་པ་ཕྱར། །ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་ནས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་སྟེངས་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བྷན་དྷ་རཀྟས་ཞལ་དུ་སྟོབས། །རྡོ་རྗེ་ཀླད་འགེམས་རྔེའུ་ཆུང་རྡུང་། །ཞིང་ཆེན་ཟ་བའི་མུ་ཁཱ་སྟེ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་སྟག་གི་མགོ། །དམར་ནག་གྱད་ཀྱི་འགྱིང་སྟབས་ཅན། །ཕྱག་གཉིས་བདུད་རྩི་ཐལ་སྦྱར་ཞིང་། །ཤིན་ཏུ་དགའ་བའི་མདངས་ཀྱིས་འཁྲིལ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་ ― DNG011_Page_0048 ―
[མ་དཔེ་གཟིགས་ན་འདིར་གནོན།]
གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོའི་འཁོར་དུ་བྱས། །ང་རྒྱལ་འཇོམས་པའི་ཟ་བྱེད་མ། །མ་ཧཱ་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སེ་རལ་ཁ་ཡི་ཚུལ་དག་ཏུ། །ཐོད་རློན་ཕྲེང་བས་ལུས་བརྒྱན་ཅིང་། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བྷན་དྷ་རཀྟ་ཞལ་དུ་སྟོབས། །དགྲ་སྟས་ཀླད་འགེམས་ལྕགས་ཀྱུས་འདྲེན། །རྔེའུ་ཆུང་རྡུང་ཞིང་སྡིར་ཆེན་ཟ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་དུ་གཅོད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་དུར་རྐུན་མགོ། །སྔོ་གནག་གྱད་ཀྱི་འགྱིང་སྟབས་ཀྱིས། །སྡིར་ཆུང་ཟ་ཞིང་གཙོ་ལ་སྟོབས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོ་འཁོར་དུ་བྱས། །འདོད་ཆགས་འཇོམས་མའི་ཟ་བྱེད་མ། །ཐལ་ཆེན་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སེ་རལ་ཁ་ཡི་ཚུལ་དག་ཏུ། །ཐོད་རློན་མང་པོའི་ཕྲེང་བས་བརྒྱན། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ ― DNG011_Page_0049 ―
[མ་དཔེ་གཟིགས་ན་འདིར་གནོན།]
ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་ཆེན་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །སྤུ་གྲིས་མགོ་གཅོད་རྔེའུ་རྡུང་ཞིང་། །ཁ་ཊྭཱཾ་འཕེན་ཅིང་བྷན་དྷ་འཐུང་། །གསོད་ལ་དགའ་བའི་མུ་ཁཱ་སྟེ། །ཞགས་པས་འཆིང་བའི་མཁའ་འགྲོ་མ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་མོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་ཤྭ་ནའི་མགོ། །མཐིང་ནག་གྱད་ཀྱི་འགྱིང་སྟབས་ཅན། །གློ་སྙིང་འདྲེན་ཅིང་གཙོ་ལ་སྟོབས། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །སྤྱན་གསུམ་འཇིགས་པའི་སྡང་མིག་ཅན། །མཆེ་ཚོགས་མང་པོའི་འཁོར་དུ་བྱས། །ཕྲག་དོག་འཇོམས་པའི་ཟ་བྱེད་མ། །ཐལ་ཆེན་ཁྲག་གིས་སྐུ་བརྒྱན་ཅན། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བྷན་དྷ་རཀྟས་ཞལ་དུ་སྟོབས། །ཁ་ཊྭཱཾ་འཕེན་ཅིང་རྔེའུ་ཆུང་རྡུང་། །ཞིང་ཆེན་ཟ་བའི་མུ་ཁཱ་སྟེ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། ། ― DNG011_Page_0050 ―
[མ་དཔེ་གཟིགས་ན་འདིར་གནོན།]
སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་བྱ་རྒོད་མགོ། །དམར་ནག་གྱད་ཀྱི་འགྱིང་སྟབས་ཅན། །ཞིང་ཆེན་རྒྱུ་འདྲེན་ཞལ་དུ་སྟོབས། །ཁྲོ་གཉེར་སྤྱན་བགྲད་ཞལ་གདངས་ཤིང་། །སྤྱན་གསུམ་འཇིགས་པའི་སྡང་མིག་ཅན། །གཤོག་ཚོགས་མང་པོའི་རྒྱན་དུ་བྱས། །གཏི་མུག་འཇོམས་པའི་ཟ་བྱེད་མ། །ཐལ་ཆེན་ཁྲག་གིས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །བྷན་དྷར་འཐུང་ཞིང་རྔེའུ་ཆུང་རྡུང་། །ཞིང་ཆུང་རིལ་མིད་ཟངས་གྲིས་འདེབས། །ཞིང་ཆེན་ཟ་བའི་མུ་ཁཱ་སྟེ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་མོ་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རབ་ཏུ་དྲོངས་ལ་ཚུལ་བཞིན་དུ། །རོ་ལ་བརྐམ་པའི་ཟ་སྟངས་ཀྱིས། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་སྣར་མགོ་རིང་། །སེར་ནག་གྱད་ཀྱི་འགྱིང་སྟབས་ཅན། །ཞིང་ཆེན་ལག་གིས་གཙོ་ལ་སྟོབས། །ཁྲོ་གཉེར་སྤྱན་བགྲད་ཞལ་གདངས་ཤིང་། །སྤྱན་གསུམ་ ― DNG011_Page_0051 ―
[མ་དཔེ་གཟིགས་ན་འདིར་གནོན།]
འཇིགས་པའི་སྡང་མིག་ཅན། །གཤོག་ཚོགས་མང་པོའི་རྒྱན་དུ་བྱས། །བཀའ་ལས་འདས་པ་ཟ་བྱེད་མ། །མ་ཧཱ་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་ནས་འདྲེན། །བསོད་ནམས་ལུས་ཀྱང་ཆེམ་ཆེམ་གསོལ། །བྷན་དྷ་རཀྟས་ཞལ་དུ་སྟོབས། །དབྱུག་པས་ཀླད་འགེམས་རྔེའུ་ཆུང་རྡུང་། །ཞིང་ཆེན་ཟ་བའི་མུ་ཁཱ་སྟེ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་བྱ་རོག་མགོ། །མཐིང་ནག་གྱད་ཀྱི་འགྱིང་སྟབས་ཅན། །རྡོ་རྗེ་ཀླད་འགེམས་སྤུ་གྲིས་གཅོད། །བྷན་དྷར་ཁྲག་ཆེན་གཙོ་ལ་སྟོབས། །ཁྲོ་གཉེར་སྤྱན་བགྲད་ཞལ་གདངས་ཤིང་། །འཇིགས་སུ་རུང་བའི་སྡང་མིག་ཅན། །གཤོག་ཚོགས་མང་པོའི་རྒྱན་དུ་བྱས། །ཞིང་བཅུ་གསོད་ཅིང་ཟ་བྱེད་མ། །མ་ཧཱ་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རྣམ་པར་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་དཀྱིལ་ ― DNG011_Page_0052 ―
[མ་དཔེ་གཟིགས་ན་འདིར་གནོན།]
དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་མང་པོའི་སྙིང་འདྲེན་ཅིང་། །བསོད་ནམས་སྐུ་ཡང་ཆེམ་ཆེམ་གསོལ། །ཁ་ཊྭཱཾ་འཕེན་ཅིང་རྔེའུ་ཆུང་རྡུང་། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །མུ་ཁཱ་གསོད་བྱེད་འུག་པའི་མགོ། །སེར་ནག་གྱད་ཀྱི་འགྱིང་སྟབས་ཀྱིས། །ལག་གཉིས་བྷན་དྷས་ཁྲག་ཆེན་སྟོབས། །སྙིང་ཆེན་གློ་སྙིང་འདྲེན་ཚུལ་དུ། །ཁྲོ་གཉེར་སྤྱན་བགྲད་མཆེ་གཙིགས་ཤིང་། །འཇིགས་སུ་རུང་བའི་སྡང་མིག་ཅན། །གཤོག་ཚོགས་མང་པོའི་རྒྱན་དུ་བྱས། །ཤ་ཁྲག་ཟ་བའི་མཁའ་འགྲོ་མ། །མ་ཧཱ་རཀྟས་སྐུ་བརྒྱན་ཅིང་། །དབུ་གསུམ་ཕྱག་དྲུག་ཞབས་བཞིར་བགྲད། །ཐོད་རློན་ཚོགས་ཀྱིས་རབ་ཏུ་བརྒྱན། །ཡེ་ཤེས་སྐུ་ཡི་ཆ་ལུགས་ནི། །མི་འཇིགས་སྦྱོར་བའི་གཡང་གཞི་གསོལ། །སྡི་ར་ཆུང་ངུ་མང་པོའི་ཚོགས། །བརྒྱུས་ནས་སྐུ་ཡི་རྒྱན་དུ་བྱས། །དུར་ཁྲོད་ཆེན་པོའི་མེ་ཆེན་དབུས། །ཚམ་ངམ་བརྐྱང་བསྐུམ་ཆེན་པོས་ནི། །ཞིང་ཆེན་གཤིབས་པའི་གདན་ལ་བཞུགས། །བཀའ་ལས་མི་འདའ་ཐུགས་དམ་སྐོང་། །སྲོག་ཆགས་ཆེན་པོའི་སྙིང་འདྲེན་ཅིང་། །བསོད་ནམས་ལུས་ཀྱང་ཆེམ་ཆེམ་གསོལ། །ལྕགས་ཀྱིས་འདྲེན་ཅིང་རྔེའུ་རྡུང་རོལ། །འཇིགས་སུ་རུང་བའི་རྐན་སྒྲ་དང་། །དགྱེས་པ་ཆེན་པོའི་སྤྱུགས་པ་ཡིས། །སེ་གོལ་སྣོལ་མར་གཏོགས་ནས་ནི། །བགེགས་ཆེན་དྲངས་ཏེ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །ཁྲག་ ― DNG011_Page_0053 ―
[མ་དཔེ་གཟིགས་ན་འདིར་གནོན།]
འཐུང་ཆེན་པོའི་མཁའ་འགྲོ་མ། །སྟབས་གླུ་ཕྱག་རྒྱ་སྔགས་ཚིག་གིས། །བར་ཆད་བྱེད་པའི་བགེགས་ཆེན་རྣམས། །རོ་ལ་བརྐམ་པའི་ཟ་སྟངས་ཀྱིས། །རབ་ཏུ་དྲོངས་ལ་ཚུལ་བཞིན་དུ། །ཁྲག་འཐུང་ཆེན་པོའི་ཞལ་དུ་སྟོབས། །དེ་བཞིན་མ་བྱས་དེ་ཉིད་བརླག །ཁཱ་ཧི་ཁཱ་ཧི། རྡོ་རྗེ་བཀའ་ཡི་ཕོ་ཉ་རྣམས། །རྡོ་རྗེ་བྲན་མོ་གཏུམ་བག་ཅན། །འཇིགས་པའི་གཟུགས་ཅན་མང་པོ་སྟེ། །སྣ་ཚོགས་ལས་རྣམས་གྲུབ་པར་བྱེད། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་སེར་མི་སྲིན་ཆགས་པས་འགྱིང་། །དབུ་གཅིག་པ་ལ་ཕྱག་དྲུག་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །གཡག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཞིང་ཟ་ལྕགས་ཀྱུས་ཏྲི་ཤཱུལ་འཕེན། །སྤུ་གྲིས་གསོད་ཅིང་རྒྱུ་འདྲེན་ཞགས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་སྐྱ་ཚངས་མ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །སྦྲུལ་གདུག་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྩེ་ལྔ་རྡོ་རྗེ་ཞིང་ཆེན་ཟ། །ཁ་ཊྭཱཾ་འཕེན་ཅིང་ལྕགས་ཀྱུ་ཞགས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་ཚུལ་གྱིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་བྱེད། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་མཛོད། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སེར་ནག་ཁྲོ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །དྲིལ་འཁྲོལ་དབྱུག་ཏོ་སྡིར་ཆེན་ཟ། །བྷན་དྷས་ཁྲག་ཆེན་གཙོ་ལ་སྟོབས། །གཟིག་ཆེན་མགོ་ཡི་ཞལ་གདངས་ ― DNG011_Page_0054 ―
[མ་དཔེ་གཟིགས་ན་འདིར་གནོན།]
ཤིང་། །སྒྲ་དང་བཅས་པས་བཀའ་བཞིན་བྱེད། །ལྕགས་ཀྱུས་འདྲེན་ཚུལ་སྤུ་གྲིས་འདེབས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་མཛོད། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དཀར་དམར་ཁྱབ་འཇུག་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །བྱ་བང་མགོ་ཡི་ཞལ་གདངས་ནས། །སྒྲ་དང་བཅས་པས་བཀའ་བཞིན་བྱེད། །སྡི་ར་ཁྲག་ཆེན་ཁ་ཊྭཱཾ་རྔེའུ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་མཛོད། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སེར་ནག་གཞོན་ནུ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་རྒྱུ་འདྲེན་གཙོ་ལ་སྟོབས། །ཕ་ཝང་མགོ་ཅན་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །བྷན་དམར་ཁ་ཊྭཱཾ་འཁོར་ལོ་འདྲིལ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་མཛོད། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་སེར་དབང་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་ཁོག་འདྲེ་གཙོ་ལ་སྟོབས། །དྲེད་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །བྷན་དམར་དབྱུག་ཆེན་ལྕགས་ཀྱུས་འདྲིལ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་ ― DNG011_Page_0055 ―
[མ་དཔེ་གཟིགས་ན་འདིར་གནོན།]
བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་མོ་འཕྲོག་ཆེན་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་རྒྱུ་འདྲེན་ཞགས་པས་སྟོབས། །དོམ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དྲིལ་འཁྲོལ་ལྕགས་ཀྱུ་དུང་དམར་དབྱུག །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སྔོ་ནག་བདུད་རྩི་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །ཆུ་སྲིན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཁ་ཊྭཱཾ་མདའ་འཕེན་རིན་ཆེན་ཡུམ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སྔོ་སྐྱ་ཞི་བ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །གློ་སྙིང་འདྲེན་ཅིང་གཙོ་ལ་སྟོབས། །སྡིག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དྲིལ་འཁྲོལ་རྩེ་ལྔ་དུང་དམར་དང་། །རིན་ཆེན་བུམ་པ་ཁྲོས་པས་འཛིན། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ནག་མོ་བེ་ཅོན་ཆགས་པས་འགྱིང་། །དབུ་གཅིག་ ― DNG011_Page_0056 ―
[མ་དཔེ་གཟིགས་ན་འདིར་གནོན།]
ཕྱག་དྲུག་འཇིགས་པའི་གཟུགས། །སྡིར་ཆེན་གློ་སྙིང་འདྲེན་ཅིང་སྟོབས། །ཁྲ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཁྲག་ཆེན་དུང་འཐུང་ཁ་ཊྭཱཾ་འཕེན། །གྲིས་འདེབས་རྒྱུ་ཞགས་དབང་ཕྱུག་མ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སེར་ནག་ཁྲོ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །ཝ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཞིང་ཆེན་རྒྱུ་འདྲེན་སྡི་རའི་རྔེའུ། །རབ་ཏུ་གཏུམ་པས་ཁ་ཊྭཱཾ་འཕེན། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །མཐིང་ནག་ཟ་བྱེད་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྡིར་ཆེན་སྙིང་འདྲེན་གཙོ་ལ་སྟོབས། །སྟག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དུང་དམར་དྲིལ་འཁྲོལ་ཁ་ཊྭཱཾ་གྲིས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་མོ་ཁྲག་འཐུང་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བགེགས་འདུལ་ལྕགས་ཀྱུས་ཞལ་དུ་སྟོབས། །རྒོད་ཆེན་མགོ་ཡི་ཞལ་གདངས་ཤིང་། །སྒྲ་དང་ ― DNG011_Page_0057 ―
[མ་དཔེ་གཟིགས་ན་འདིར་གནོན།]
བཅས་པས་བཀའ་བཞིན་བྱེད། །དུང་དམར་ཞིང་དབྱུག་ཁ་ཊྭཱཾ་འཕེན། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་མོ་ཁྲག་འཐུང་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །རྟ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྩེ་ལྔ་དྲིལ་དབྱུག་ཁ་ཊྭཱཾ་འཕེན། །ཞིང་ཆེན་ཟ་བའི་དབང་ཕྱུག་མ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དཀར་དམར་གཅིག་པུ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །བྱི་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྡོ་རྗེ་ཏྲི་ཤཱུལ་དྲིལ་དབྱུག་ཞིང་། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་ནག་ཡིད་འཕྲོག་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྡིར་ཆུང་ཟ་ཞིང་གཙོ་ལ་སྟོབས། །སྤྱང་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཁ་ཊྭཱཾ་དུང་དམར་ལྕགས་ཀྱུ་གྲི། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་ ― DNG011_Page_0058 ―
[མ་དཔེ་གཟིགས་ན་འདིར་གནོན།]
གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དཀར་དམར་གྲུབ་པ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྡིར་ཆེན་གློ་སྙིང་གཙོ་ལ་སྟོབས། །པུ་ཤུད་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །པདྨ་ཁ་ཊྭཱཾ་དུང་དམར་ཞགས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་སྡོད་མ། །འཇིགས་སུ་རུང་བའི་སྡང་མིག་ཅན། །ལྗང་སེར་ཀླུ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །ཤ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྔེའུ་རྡུང་ཁ་ཊྭཱཾ་གྲི་འདེབས་ཞིང་། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་ནག་གསོད་ཆེན་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །སྡིར་ཆེན་གློ་སྙིང་གཙོ་ལ་སྟོབས། །སྤང་ཏི་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྡོ་རྗེ་རལ་གྲི་རྔེའུ་ཆུང་རྡུང་། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ལྗང་དམར་མེ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་རྒྱུ་འདྲེན་ཞལ་དུ་སྟོབས། །སྦྱིན་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་ ― DNG011_Page_0059 ―
[མ་དཔེ་གཟིགས་ན་འདིར་གནོན།]
བཀའ་བཞིན་བྱེད། །དུང་དམར་ཁ་ཊྭཱཾ་ལྕགས་ཀྱུ་དྲིལ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ལྗང་སེར་ཕག་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །ཕག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །རྩེ་ལྔ་ཞིང་ཟ་ཁ་ཊྭཱཾ་གྲི། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ལྗང་ནག་སྣ་ཆད་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བདུད་རྩི་དུང་དམར་ཞལ་དུ་སྟོབས། །རྔ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ཁ་ཊྭཱཾ་ཟངས་གྲི་ཞགས་པ་འཛིན། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སྔོ་སྐྱ་ཆུ་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་གློ་སྙིང་འདྲེན་ཅིང་སྟོབས། །བྱ་རོག་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དུང་དམར་དྲིལ་འཁྲོལ་ཁ་ཊྭཱཾ་གྲི། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། ། ― DNG011_Page_0060 ―
[མ་དཔེ་གཟིགས་ན་འདིར་གནོན།]
དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་སྐྱ་རྒན་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བདུད་རྩི་དུང་དམར་ཞལ་དུ་སྟོབས། །སྐེག་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་དུ། །དབྱུག་དྲིལ་ཁ་ཊྭཱཾ་རྒྱུ་འདྲེན་ཅིང་། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །གནག་ཅིང་ནག་མོ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆུང་ཟ་ཞིང་གཙོ་ལ་སྟོབས། །ཁུ་བྱུག་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །ལྕགས་ཀྱུ་དུང་དམར་ཁ་ཊྭཱཾ་གྲི། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །སྔོན་མོ་ར་ནི་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་རྒྱུ་ཞགས་འདེབས་ཤིང་སྟོབས། །ར་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དུང་དམར་ཁ་ཊྭཱཾ་དྲིལ་ཆེན་ཞགས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །དམར་མོ་བུམ་རྣ་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །བྷན་དྷས་ཁྲག་ཆེན་གཙོ་ལ་སྟོབས། །སྤྲེའུ་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། ། ― DNG011_Page_0061 ―
[མ་དཔེ་གཟིགས་ན་འདིར་གནོན།]
ཞིང་ཆེན་ཁ་ཊྭཱཾ་འཕེན་ཚུལ་དུ། །ལྕགས་སྒྲོག་ཀུན་འཛིན་ཟངས་གྲིས་འདེབས། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །དབང་ཕྱུག་ཚོགས་ཀྱི་བཀའ་ཉན་མ། །འཇིགས་སུ་རུང་བའི་སྡང་མིག་ཅན། །ལྗང་ནག་གསུས་འཛིན་ཆགས་པས་འགྱིང་། །དབུ་གཅིག་ཕྱག་དྲུག་འཇིགས་པའི་གཟུགས། །ཞིང་ཆེན་གློ་སྙིང་གཙོ་ལ་སྟོབས། །སྤྱང་ཆེན་མགོ་ཡི་ཞལ་གདངས་ཤིང་། །སྒྲ་དང་བཅས་པས་བཀའ་བཞིན་བྱེད། །དྲིལ་ཆེན་སྒྲ་སྒྲོགས་དུང་དམར་འཐུང་། །ཁ་ཊྭཱཾ་འཕེན་ཅིང་རྔེའུ་ཆུང་ཟ། །ཐོད་རློན་གཡང་གཞིས་རྒྱན་དུ་བྱས། །བརྐྱང་བསྐུམ་རྐང་གིས་ཞིང་ཆེན་གནོན། །རྣལ་འབྱོར་ཡོངས་ཀྱི་བཀའ་བཞིན་དུ། །སྟབས་གླུ་ཕྱག་རྒྱ་སྔགས་ཚིག་གིས། །ཅི་འདོད་ལས་དེ་གྲུབ་པར་བྱོས། །ཕོ་ཉ་རྡོ་རྗེ་དབང་ཕྱུག་མ། །ཅིར་ཡང་འགྱུར་བའི་གཟུགས་ཅན་རྣམས། །འཇིགས་པའི་གཟུགས་ཅན་མང་པོ་ཡིས། །དམ་བཅས་བཞིན་དུ་ལས་ཀུན་བྱོས། །དེ་བཞིན་གཤེགས་པ་ཁྲོ་བོའི་སྤྲིན་རྣམ་པར་སྤྲོས་པ་བདུད་བཏུལ་བའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་ཧེ་རུ་ཀ་ཁྲག་འཐུང་ཆེན་པོ་རྣམས་བྱང་ཆུབ་ཀྱི་སེམས་ཀྱི་སྤྲིན་ལས། ཨོཾ་མ་ཧཱ་ཙིཏྟཱ་མཎྜ་ལ། ཀྲོ་དྷ་ཧ་ཧ་ཧ། ཧེ་ཧེ་ཧེ། ཕཊ་ཕཊ་ཕཊ། ཙ་ཏུར་ཡོ་གཱི་ནི་ཧྲིང་ཧྲིང་ཧྲིང་། ཏྲིང་ཏྲིང་ཏྲིང་། མྲིང་མྲིང་མྲིང་། ཀྲིང་ཀྲིང་ཀྲིང་། ཧ་ཧ་ཧ་ཞེས་བརྗོད་པས་རྡོ་རྗེ་ཧེ་རུ་ཀ་སྐུ་བསམ་གྱིས་མི་ཁྱབ་པ་ཁྲོས་པས་རྔམ་པར་གནས་སོ། །རཏྣ་ཧེ་རུ་ཀ་སྦྱིན་པའི་ཁྲོ་བ་མཛད་དོ། །ཆགས་པའི་ཧེ་རུ་ཀ་དང་སྐུ་དབང་གི་ཚུལ་གྱིས་ཤིན་ཏུ་ཁྲོ་བ་མཛད་དོ། །ལས་ཀྱི་ཧེ་རུ་ཀ་ཀུན་དུ་མི་མཛད་པ་མེད་པའི་ཚུལ་གྱིས་གདུག་པའི་ཁྲོ་བོ་ཆེན་པོའོ། །དེ་དག་ཀྱང་རྡོ་རྗེ་འཛིན་མ་ཁྲོ་མོ་དང་། རིན་ཆེན་དབྱུག་ཏོ་མ་ཞེས་བྱ་བའི་ཁྲོ་མོ་དང་། པདྨ་བྷན་དྷ་འཛིན་མ་ཞེས་བྱ་བའི་ཁྲོ་མོ་དང་། ལས་ཀྱི་དབྱུག་ཏོ་མ་ཞེས་བྱ་བའི་ཁྲོ་མོ་དང་བཅས་པ་རྣམས་བརྐྱང་བསྐུམ་གྱི་སྟབས་ཀྱིས་དཔལ་ཧེ་ ― DNG011_Page_0062 ―
[མ་དཔེ་གཟིགས་ན་འདིར་གནོན།]
རུ་ཀ་ལ་འཁྲིལ་ནས་གཉིས་སུ་མེད་པའི་ཚུལ་གྱིས་མཉམ་པ་ཆེན་པོར་གནས་སོ། །དེའི་ཕྱི་རིམ་ན་རྣལ་འབྱོར་ཆེན་མོ་དཀར་མོ་དང་། རྣལ་འབྱོར་ཆེན་མོ་སྐུལ་བྱེད་མ་དང་། གསོད་བྱེད་མ་དང་། ཟ་བྱེད་མ་དང་། རྣལ་འབྱོར་མ་དང་། གཏུམ་མོ་དང་། རྣལ་འབྱོར་མ་ལས་གྲུབ་པར་བྱེད་མ་དང་། རྡོ་རྗེ་རིགས་བྱེད་མ་དང་། དབང་སྡུད་ཆེན་མོ་དང་། དྲག་པོའི་ཆ་བྱད་ཀྱིས་ཁྲག་དང་ཀེང་རུས་ཀྱི་དཀྱིལ་ན་ཞབས་གཉིས་ཐབས་དང་ཤེས་རབ་ཀྱི་ཚུལ་དུ་བརྐྱང་བསྐུམ་གྱི་ཚུལ་དུ་གནས་སོ། །དེའི་ཕྱི་རིམ་ན་རྡོ་རྗེ་ཕྲ་མེན་ཆེན་མོ་དང་། སེང་གེ་མགོ་ཆེན་མོ་སྟབས་དང་ལྡན་མ་དང་། སྟག་མགོ་ཆེན་མོ་སྟབས་དང་ལྡན་མ་དང་། མྱོས་བྱེད་རྟ་མགོ་ཆེན་མོ་དང་། འུག་པའི་མགོ་ཅན་དང་། བྱ་རྒོད་མགོ་གསོད་བྱེད་སྟབས་ཆེན་མོ་དང་། མཆུ་རིངས་མགོ་ཅན་གཅོད་བྱེད་ཆེན་མོ་དང་། ཝའི་མགོ་ཅན་སྐུལ་བྱེད་མའི་སྟབས་ཆེན་མོ་དང་། རབ་ཏུ་སྒྲ་འབྱིན་གྱི་མགོ་ཅན་དང་། རྣམ་པར་རབ་ཏུ་སྒྱུས་གསོད་མཛད་ཕ་ཝང་མགོ་ཅན་ཆེན་མོ་དང་། མི་གཏོང་བར་ཟ་བར་བྱེད་མ་ཕག་གི་མགོ་ཅན་ཞེ་སྡང་ཆེན་མོ་རྣམས་རང་རང་གི་ལག་ཆ་དང་། གདུག་པའི་མཚོན་དང་ཆས་ནས་གནས་པར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་གསང་བ་ལས་རྣམ་པར་བསྒྱུར་བའི་ཡེ་ཤེས་ཀྱི་འཁོར་ལོ་སྟེ་ལེའུ་བཅུ་པའོ།། །།དེ་ནས་བཅོམ་ལྡན་འདས་གཏུམ་པ་ཆེན་མོ་དང་། རྣམ་པར་སྒྱུར་བའི་ཚོགས་རྨོངས་པ་སེལ་བའི་ཏིང་ངེ་འཛིན་གྱིས་དགྱེས་པར་མཛད་དེ་འདི་དག་ཕྱུང་བས་ཀུན་དུ་གཡོ་བ་ཆེན་པོ་མཛད་དོ། །ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། མ་ཧཱ་ཤྲཱི་ཧེ་རུ་ཀ་སརྦ་ཁ་ཐཾ། དུ་པ་ཙ་མ་ཧཱ་ཙཎྜ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཨོཾ་མ་ཧཱ་ཀཱ་རུ་ཎི་ཀཱ་ཡ། མ་ཧཱ་རཏྣ་ཧེ་རུ་ཀ་སརྦ་ཁ་ཏཾ་དྷུ། པ་ཙ་མ་ཧཱ་ཙཎྜ་ཏྲཱྃ་ཏྲཱྃ་ཏྲཱྃ། ཕཊ་ཕཊ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། མ་ཧཱ་ཤྲཱི་པདྨ་ཧེ་རུ་ཀ་སརྦ་ཁ་ཏཾ་མ་དྷུ། ཧྲཱིཾ་ཧྲཱིཾ་ཧྲཱིཾ་ཧྲཱིཾ་ཧྲཱིཾ། ཕཊ་ཕཊ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། མ་ཧཱ་ཤྲཱི་ཀརྨ་ཧེ་རུ་ཀ་སརྦ་ཁ་ཏཾ་དྷུ། པ་ཙ་མ་ཧཱ་ཙཎྜ་ཧ་ཧ་ཧ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཧ་ལ་ཧ་ ― DNG011_Page_0063 ―
[མ་དཔེ་གཟིགས་ན་འདིར་གནོན།]
ལ་ཧ་ལ་ཧཱུྃ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། བུཌྜྷ་ལོ་ཙ་ནཱ་ཌཱ་ཀི་ནི། ཧ་ན་ཧ་ན་ཧ་ན། ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་ཀཱ་རུ་ཎི་ཀཱ་ཡ། བཛྲ་ལོ་ཙ་ན་མ་ཧཱ་ཌཱ་ཀི་ནི་དྷ་ཀ་དྷ་ཀ་ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། རཏྣ་ལོ་ཙ་ན་ཌཱ་ཀི་ནི། པ་ཙ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། མ་ཧཱ་པདྨ་ལོ་ཙ་ན་ཌཱ་ཀི་ནི་དྷ་ཧ་དྷ་ཧ་དྷ་ཧ། ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་མ་ཧཱ་ཀཱ་རུ་ཎི་ཀཱ་ཡ། ཀརྨ་ལོ་ཙ་ན་མ་ཧཱ་ཌཱ་ཀི་ནི་ཚིན་དྷ་ཚིན་དྷ་ཧཱུྃ་ཧཱུྃ་ཧཱུྃ། ཏྲཱུྃ་ཏྲཱུྃ་ཏྲཱུྃ། ལྲཱ་ལྲཱ་ལྲཱ ། ཧ་ཧ་ཧ། ཕཊ་ཕཊ་ཕཊ། ཨོཾ་རུ་ལུ་གཽ་རཱི། ཨོཾ་རུ་ལུ་ཙཽ་རཱི། ཨོཾ་རུ་ལུ་པྲ་མོ་ཧཱ། ཨོཾ་རུ་ལུ་བི་ཏ་ལཱི། ཨོཾ་རུ་ལུ་ཙཎྜ་ལཱི། ཨོཾ་རུ་ལུ་གྷསྨ་རཱི། ཨོཾ་རུ་ལུ་སྨ་ཤཱ་ནཱི། བིན་དྷ་བིན་དྷ། གྷུ་མ་གྷུ་མ་གྷུ་མ། ཧ་ན་ཧ་ན་ཧ་ན། ཧཱུྃ་ཧཱུྃ་ཧཱུྃ་ཕཊ་ཕཊ། ཨོཾ་ཙཽ་ར་ཀ་ར་སིདྷ་ཧེ་ཧེ། ཨོཾ་གཽ་ར་ཀ་ར་བྱཱ་གྷྲི་ཧེ་ཧེ། ཨོཾ་ཙཻ་ར་ཀ་ཀ་ར་སྲི་གླ་ཧེ་ཧེ། ཨོཾ་ཤྭ་ན་ཀ་ར་གྲྀ་ཌྷ་ཧེ་ཧེ། ཨོཾ་ཀཱང་ཀ་ཀ་ར་ཀཱ་ཀ་ཕཊ་ཕཊ། ཨོཾ་ག་ཏ་ཀ་ར་པཉྩ་མ་ཧེ་ཧེ་ཕཊ། ཧསྟ་ཀ་ར་ཨཱུ་ལུ་ཀ་ཧེ་ཧེ་ཧེ། ཧྲིཾ་ཧྲིཾ་ཧྲིཾ། ཕཊ་ཕཊ། མ་ཧཱ་ཙ་ཏུར་ཡོ་གི་ནི་ཧ་ཧ་ཧ། ཧེ་ཧེ་ཧེ། ཧཱུྃ་ཧཱུྃ་ཧཱུྃ། ཕཊ་ཕཊ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ། རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ་རུ་ལུ། ཁཱ་ཧི་ཁཱ་ཧི་ཁཱ་ཧི་ཁཱ་ཧི་ཁཱ་ཧི་ཁཱ་ཧི། ཕཊ་ཕཊ་ཕཊ། ས་མ་ཡ་ས་མ་ཡ། ཡོ་ག་ཡོ་གི་ནི་ཕཊ་ཕཊ་ཕཊ། ཧཱུྃ་ཧཱུྃ་ཧཱུྃ་ཞེས་བརྗོད་པས་ཐམས་ཅད་རབ་ཏུ་བརྒྱལ། རབ་ཏུ་དངངས། རབ་ཏུ་མྱོས། རབ་ཏུ་བསྒྲལ་བར་གྱུར་ཏོ། །བསྣམས་ཤིང་གསོལ་ནས་མི་གནས་པར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་གསང་བ་མཉེས་པ་ལས་སྔགས་པའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་སྐུ་གསུང་ཐུགས་རྔམ་པའི་སྟབས་ཀྱིས་ཛཿཛཿཛཿཧཱུྃ་ཧཱུྃ་ཧོཿཧོཿཞེས་པར་མཛད་དོ། །མངོན་སྤྱོད་ཀྱི་ལས་ཀྱི་སྦྱོར་བ་ཆེན་པོ་མཛད་དོ། །གསང་བའི་རྡོ་རྗེའི་མཛོད་ནས་གསང་བའི་ཡུམ་གྱི་པདྨ་ཡོངས་སུ་ཡངས་པའི་ནང་དུ་སེམས་ཅན་གྱི་ཚོགས་བྱང་ཆུབ་སེམས་སུ་མཛད་ནས་མཁའ་ཕབ་སྟེ་སྲས་སུ་བསྐྱེད་པར་མཛད་དེ་མཛད་ནས་དྲན་པ་རྙེད་དོ། །སངས་རྒྱས་ ― DNG011_Page_0064 ―
[མ་དཔེ་གཟིགས་ན་འདིར་གནོན།]
ཀྱི་སྐུ་བསམ་གྱིས་མི་ཁྱབ་པ་མེ་དཔུང་བསམ་གྱིས་མི་ཁྱབ་པ་མཚོན་ཆ་དང་དབུ་དང་ཞལ་མང་ཞིང་སྐྱི་བུང་ཞེས་བྱེད་པ་དངངས་ཞིང་གསོད་པར་མཐོང་སྟེ་སྨྲས་པ། རབ་ཏུ་འཇིགས་པའི་ཁྲོ་བོ་རྣམས། །ཤིན་ཏུ་བདེ་བའི་གནས་ཤིག་ནས། །བཏོན་པ་སྐལ་བ་རབ་ཏུ་ཆུང་། །ད་ནི་ཅི་མཛད་ལ་གོར་མཛོད། །ལྷ་ཅིག་རྗེ་ཅིག་འོན་ཞེས་སྨྲས་པའི་ཚིག་གིས་སེམས་ཅན་གྱི་མཚན་མ་འབྱོངས་པར་གྱུར་པར་མཁྱེན་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོས་རབ་ཏུ་སྨྲོས་ལ་གནོང་ལོང་ཤིག །རྗེ་ལ་གུས་པར་དམ་ནོས་ལ། །འདི་ལ་གནས་པར་སྐལ་མེད་པས། །ཕྱི་ཡི་དཀྱིལ་འཁོར་ས་ལ་འདུག །ཅེས་བཀའ་སྩལ་པས་དངངས་པ་རྟས་པར་གྱུར་ཏེ། རྡོ་རྗེ་བྲན་མོའི་མནའ་བོར་ནས་སྨྲས་པ། སྐྱེས་མཆོག་ལྷ་རྗེས་སུ་ཞིག་ལགས། །འབངས་དང་བཀའ་སྩལ་བདག་ཅག་ཉན། །ཕྱི་ཡི་གནས་སུ་གནས་སུ་བགྱི། །མ་སྲིང་བྲན་གཡོག་འཁོར་ཡུག་རྣམས། །འཇིགས་པའི་སྐུས་ནི་གཞེས་སུ་གསོལ། །ཅི་མཛད་ཁྱོད་མཁྱེན་གཞེས་སུ་གསོལ། །ཡུན་དུ་སྐལ་ལྡན་གཞེས་སུ་གསོལ། །བདག་ཅག་འཇིག་རྟེན་སྐྱོང་བའི་རྣམས། །དི་རིང་དམ་མནོས་སླན་ཆད་དུ། །འཁོར་རྣམས་སྐྱོང་བར་མི་བགྱིད་དམ། །བཀའ་བཞིན་ལས་ཀུན་མི་སྒྲུབ་བམ། །ཐེག་པ་འཛིན་ལ་མི་སྟོང་ངམ། །བཞུགས་པའི་དཀྱིལ་འཁོར་མི་ཟིན་ན། །ད་ལྟ་བཞིན་དུ་འཇིགས་པ་དང་། །ཤི་ནས་དམྱལ་བར་ཤོག་ཅེས་སྨྲས་ཏེ་མནའ་བོར་རོ། །དེ་ནས་ཁྲག་འཐུང་ཆེན་པོས་ཅང་མི་གསུང་བར་བཞུགས་པ་ལས་རབ་ཏུ་གསོད་བྱེད་མ་དང་། ཚངས་པ་མོ་དང་། གཞོན་ནུ་མོ་དང་། དབང་མོ་དང་། གྲུབ་མོ་དང་། བསྐྱོད་ཆེན་མོ་དང་། རྡོ་རྗེ་ར་གདོང་ཆེན་མོ་དང་། མི་མོ་རླག་པར་བྱེད་པ་ཆེན་མོ་དང་། ཕག་མོ་གསོད་བྱེད་མ་དང་། གཏུམ་པར་མཛད་མ་དང་། བརླན་པར་མཛད་མ་དང་། ཕག་ཆེན་མོ་དང་། ནག་མོ་རལ་པ་ཆེན་མོ་དང་། རྡོ་རྗེ་འཛིན་མ་ཆེན་མོ་དང་། རྡོ་རྗེ་ནག་མོ་ཆེན་མོ་དང་། རྡོ་རྗེ་རྒན་བྱད་ཆེན་མོ་དང་། རྡོ་རྗེ་ཡིད་ ― DNG011_Page_0065 ―
[མ་དཔེ་གཟིགས་ན་འདིར་གནོན།]
འཕྲོག་པར་བྱེད་མ་དང་། རབ་ཏུ་གཅིག་ཏུ་ཟ་བ་མོ་དང་། རྡོ་རྗེ་སྲིན་མོའི་ཆ་བྱད་ཆེན་མོ་དང་། སྔོ་གནག་ཆེན་མོ་དང་། ལྗང་ནག་ཆེན་མོ་དང་། བེ་ཅོན་ཆེན་མོ་དང་། ཞི་བ་བུམ་སྣ་ཆེན་མོ་དང་། ལས་ལ་གྲུབ་པ་མོ་དང་། བཀའ་ཉན་པར་བྱེད་མ་དང་། ཚམ་ངམ་གྱི་གཟུགས་དང་། དྲག་ཤུལ་མ་དང་། ཉུལ་བ་མོར་ཚུལ་སྟོན་མ་དེ་དག་ལ་སོགས་པ་མ་དང་སྲིང་མོ་བུ་མོ་རྣམས་རབ་ཏུ་གུས་པར་བཀའ་ཉན་ཏེ། རྡོ་རྗེ་བྲན་མོར་བཀའ་ཉན་ཏེ། །རྡོ་རྗེ་བྲན་མོར་དམ་བླངས་ནས། །ཅི་འདོད་ལས་རྣམས་བདག་ཅག་བགྱིད། །ཅེས་མནའ་བོར་ཏེ་འཇིགས་པའི་གཟུགས་དང་། མཚོན་ཆ་དང་། གནས་པའི་གཞིར་བཅས་ཏེ་ཕྱིའི་སྣམ་བུ་ལ་གནས་པའི་ལས་བྱེད་པར་གནས་སོ། །དེ་དག་གི་དཀྱིལ་འཁོར་བསྒྲུབ་པ་བཤད་དེ། དཀྱིལ་འཁོར་ཕྱི་རོལ་གྲུ་བཞིར་བཅས། །དབུས་སུ་ཟླ་གམ་རཀྟར་བཅས། །བཱ་སུ་ཏ་ཡི་མཎྜ་ལ། །དྲི་ཆུ་རཀྟའི་ཚོམ་བུར་བྲི། །ཧྲཱྀཿལས་དབུས་སུ་བཅྭ་བརྒྱད་གཟུགས། །ཡང་ན་དབུ་གསུམ་ཕྱག་དྲུག་པ། །ཐོད་པ་བྷན་དྷ་དམར་ཆེན་བཀང་། །བརྒྱད་དམ་ཉི་ཤུ་དགུ་རུ་ལྡན། །ཡང་ན་ལྔ་དང་ལྡན་པ་ལ། །ལྔ་པའི་ཡི་གེས་བྱིན་གྱིས་བརླབ། །ཟད་འཕྲོ་ཕུད་དང་ལྡན་པ་ལ། །ཨུཙྪུཥྚ་ཡི་སྔགས་ཀྱིས་བཟླས། །ཐོད་པ་དམར་བླུགས་བཏུང་བྱ་ཞིང་། །མིང་ངམ་བྷྱོ་འམ་རུ་ལུ་ཡིས། །མངོན་སུམ་ཕྱིན་པར་བོས་ནས་ནི། །ཁ་ནས་རཀྟས་རབ་གཏོར་ཏེ། །ཧེ་རུ་ཀ་ཡི་ལས་རྣམས་ཀུན། །གོང་ནས་འབྱུང་བའི་ལས་བཞིན་བྱ། །སྒེག་མོ་ན་ཆུང་དེ་དག་ལ། །དབང་གི་ཆགས་པས་འདོད་སྤྱད་དེ། །ཏ་མ་ལ་ཡི་ཕུར་བུས་གདབ། །ཅི་འདོད་ལས་རྣམས་གྲུབ་པར་སྦྱིན། །ཆགས་དང་གསོད་དང་རྒྱགས་པ་ཆེ། །མཉམ་པ་ཉིད་ཀྱི་ཏིང་འཛིན་གྱིས། །ཙཽ་ར་ཀ་རའི་འཁོར་རྣམས་ཀྱང་། །བཞི་ཡི་ལས་ལ་འཇུག་པར་ནི། །མིང་ཙམ་འཛིན་པའི་རྣལ་འབྱོར་པས། །བསྐུལ་ན་རྩེ་གཅིག་ལས་རྣམས་འགྲུབ། །དེ་ནས་ཀུན་དུ་བཟང་མོ་ཆེན་མོས་མིང་ཙམ་དུ་ཆོས་ཐམས་ཅད་གནས་པར་མཁྱེན་ཏོ། །གསང་བ་སྒྱུ་འཕྲུལ་ཆེན་པོ་འདི་བསྡུ་བ་ཆེན་པོ་མཛད་དོ། ། ― DNG011_Page_0066 ―
[མ་དཔེ་གཟིགས་ན་འདིར་གནོན།]
དེ་ནས་སེམས་དཔའ་རྣལ་འབྱོར་མཆོག །ཀུན་ཀྱང་སེམས་དཔའ་རྣལ་འབྱོར་མཆོག །ཆོས་ཀུན་མིང་ཙམ་རྣལ་འབྱོར་ཡིན། །མིང་ཙམ་རྣལ་འབྱོར་མ་ཡིན་པར། །སེམས་དཔའ་རྣལ་འབྱོར་འགའ་ཡང་མེད། །དེ་ཉིད་དུས་གསུམ་རང་བཞིན་ཏེ། །དེ་ཉིད་ཀུན་དུ་བཟང་མོ་མཆོག །སྒྱུ་འཕྲུལ་དྲ་བའི་རྒྱུད་དག་ལས། །སེམས་མ་རྡོ་རྗེ་དེ་དག་ལས། །གསང་བའི་ངེས་དོན་གང་ཡང་མེད། །ཅེས་ཆོས་ཐམས་ཅད་འདུས་པ་ཆེན་མོར་མཁྱེན་ཏོ། །དེ་བཞིན་གཤེགས་པ་ཐམས་ཅད་ཀྱི་ཧེ་རུ་ཀ་འདུས་པ་ཆེན་མོའི་དཀྱིལ་འཁོར་ཏེ་ལེའུ་བཅུ་གཉིས་པའོ།། །།ཨ་ཧོཿརྒྱུ་ཉིད་སྟོང་པས་འབྲས་བུ་མངོན་སུམ་པ། །བྱིན་གྱིས་བརླབ་ཏུ་མེད་པས་བྱིན་གྱིས་བརླབ་པས་འགྲུབ། །སངས་རྒྱས་མཛད་པ་ཉིད་ཀྱང་སེམས་ཅན་ཡིན་ཞེས་རྒྱལ་བས་གསུངས། །དེ་ཉིད་མི་མཛད་མེད་པར་ཤེས་པ་ཀུན་གྱི་ནང་ན་རབ་ཏུ་བསྔགས། །ཆགས་པ་མི་གཏོང་ཆགས་པ་མངོན་སུམ་དགོངས་པ་ཡིན་པས་དཀྱིལ་འཁོར་གོང་མ་ཀུན་གྱི་ངང་། །སྒྲུབ་ལ་དགའ་བས་བསྒྲུབ་ཏུ་མེད་ཕྱིར་བསྒྲུབས་པས་འགྲུབ་ཅེས་རྒྱལ་བས་རབ་ཏུ་གསུངས། །ཕོ་མོ་མེད་ཕྱིར་ཕོ་མོ་སྣང་ལ་དགའ་བ་སྤྱོད་བརྩོན་རྒྱལ་བས་འགྲུབ་ཅེས་བསྒྲུབ་པ་ཀུན་གྱིས་གསུངས། །སྟོང་པར་རྟོགས་ལ་སྤྱོད་ལ་གཡེལ་བ་རྣལ་འབྱོར་མིན་ཞེས་རྒྱལ་བས་གསུངས། །མེད་ལ་གཏོད་ཅིང་དགེ་སྡིག་འཆོལ་བ་སྡིག་ཅན་ཡིན་པར་རབ་ཏུ་གསལ། །དགེ་སྡིག་ཡོད་ཕྱིར་བརྩོན་པས་འགྲུབ་ཅེས་ཐེག་པ་ཀུན་ལས་འབྱུང་། །བག་དང་མི་ལྡན་རང་བཞིན་མེད་པར་གནས་པ་ལ། །གཙོ་མཆོག་མི་བཀུར་ཁུངས་ཕྱིན་ཆོས་ལ་མི་བརྩོན་སེམས་ཅན་ཡིན་པར་མངོན་སུམ་གསལ་བར་སྣང་། །དེ་བས་སྒྱུ་འཕྲུལ་གསང་བ་མཆོག་འདི་བུ་རྣམས་གང་ཞིག་ཉན་བརྩོན་པས། །འགྲུས་པ་བསླབས་པ་བག་དང་ལྡན་པ་ལོབས་པ་དང་པོར་ངོ་ཤེས་བྱ། །སྐད་ཅིག་གཟུགས་ལ་འཕངས་པ་མེད་པར་གུས་ལྡན་གསང་བའི་སྡུད་པ་ཡིན། །རྡོ་རྗེ་སློབ་དཔོན་མཆོག་ལ་དད་པས་སངས་རྒྱས་མ་ལུས་ཀུན་ལ་མཆོད་པ་ཆེན་པོ་ཡིན། །ལམ་ལ་ གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ཆེན་པོ།― DNG011_Page_0067 ―
[མ་དཔེ་གཟིགས་ན་འདིར་གནོན།]
བོད་སྐད་དུ། གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ཆེན་པོའོ། །བཅོམ་ལྡན་འདས་དཔལ་ཀུན་དུ་བཟང་པོ་ཡེ་ཤེས་བླ་མ་ཆེན་པོ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། །སྒྱུ་འཕྲུལ་བླ་མ་ཆེན་པོ་ནི། །སངས་རྒྱས་ཀུན་གྱི་བླ་མ་སྟེ། །རྣལ་འབྱོར་ཀུན་གྱི་གསང་མཆོག་བདེ། །གནས་གསང་བ་ན་བཞུགས་ནས་སུ། །སྙིང་པོ་བླ་མ་འདི་སྐད་བཤད། །དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་གསང་བ་བླ་མའི་ལོངས་སྤྱོད་ཆེན་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་རྡོ་རྗེའི་བདག་ཉིད་ཅན། མ་ལུས་མི་ལུས་ལུས་པ་མེད་པ་ཐམས་ཅད་ཀྱང་སོ་སོ་མ་ཡིན་ཐ་མི་དད་དབྱེར་མེད་པའི་རང་བཞིན་ཏེ། ཤིན་ཏུ་གསང་བ་བླ་མ་ཆེན་པོའི་དབྱིངས་འོག་མིན་གྱི་གནས་མཐའ་དང་དབུས་མེད་པ་ན། གཞི་ཚད་མེད་པའི་ཡེ་ཤེས་ཀྱི་འཁོར་ལོ་གསལ་བ་ལ་ཡེ་ཤེས་རིན་པོ་ཆེ་འབར་བའི་གཞལ་ཡས་ཁང་ནམ་མཁའི་དབྱིངས་ལྟར་རྒྱ་ཕྱོགས་བཅུར་ཡོངས་སུ་མ་ཆད་པ། ཡོན་ཏན་བླ་མ་ཆེན་པོ་དཔག་ཏུ་མེད་པས་རྒྱས་པའི་ཕྱིར་གྲུ་བཞིར་གྱུར་པ། ལྷག་པའི་ཡེ་ཤེས་རིན་པོ་ཆེ་བླ་མའི་གློ་འབུར་བཞིས་མཛེས་པ། རྩེ་མོ་ཕྱོགས་བཅུ་དུས་བཞིའི་སངས་རྒྱས་ཀྱི་ ― DNG011_Page_0068 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་མ་ལུས་པ་ཐམས་ཅད་སོ་སོ་མ་ཡིན་ཐ་མི་དད་པའི་ངོ་བོ་ཉིད་གཅིག་པའི་ཡེ་ཤེས་བླ་མས་ཀུན་དུ་འཁྱིལ་པ། ཡེ་ཤེས་བླ་མ་བསམ་གྱིས་མི་ཁྱབ་པའི་དབྱིངས་དང་། ཁ་དོག་ལ་སོགས་པ་རྣམ་པ་ཐ་དད་པའི་བྱེ་བྲག་དང་ཁྱད་པར་དུ་གྱུར་པ། སྤགས་པ། ཚད་དཔག་ཏུ་མེད་པ། ཡེ་ཤེས་རིན་པོ་ཆེ་བླ་མའི་ཕྲེང་བ་དང་། ཆུན་འཕྱར་དང་། ཤར་བུའི་རྒྱན་དང་། གཟུགས་དང་སྒྲ་དང་། དྲི་རོ་རེག་བྱ་ལ་སོགས་པ་མི་སྒྲིབ་པར་གསལ་བར་རང་བྱུང་ལ། གསལ་བའི་རྒྱན་ཁྱད་པར་ཅན་བླ་མས་བཀླུབས་པ། ཚད་མེད་པ་བཞིའི་སྒོ་ནས་འཇུག་པའི་སྒོ་ཁྱུད་ཅན། རྣམ་པར་ཐར་པ་བརྒྱད་ཀྱི་རྟ་བབས་དང་ལྡན་པ། ཕྱི་དང་ནང་མེད་པ་ཀུན་ཡང་བླ་མ་ཆེན་པོ་ནང་དུ་གྱུར་པ། ཤིན་ཏུ་གསང་བ་བས་ཁྱབ་བདལ་པའི་བླ་མ་ཆེན་པོའི་གཞལ་ཡས་ཁང་ན་ཕ་རོལ་ཏུ་ཕྱིན་པ་ལྔའི་ཁྲི། མི་འཇིགས་པ་སེང་གེའི་ཁྲི་དང་། སྟོབས་གླང་པོ་ཆེའི་ཁྲི་དང་། རྫུ་འཕྲུལ་རྟའི་ཁྲི་དང་། དབང་རྨ་བྱའི་ཁྲི་དང་། ཐོགས་པ་མེད་པ་ནམ་མཁའ་ལྡིང་གི་ཁྲི་དང་། རང་བཞིན་གྱིས་འོད་གསལ་བ་ཉི་ཟླའི་དཀྱིལ་འཁོར་དང་། གོས་པ་མེད་པ་པདྨ་རིན་པོ་ཆེའི་གདན་བརྩེགས་པ་ནི། ཡེ་ནས་གསང་བ་བླ་མའི་ཕྱིར། །ཡུམ་གྱི་གཞལ་ཡས་ཕྱོགས་བཅུར་འབར། །ཡེ་ནས་ཕ་རོལ་ཕྱིན་པའི་ཕྱིར། །ཐོགས་པ་མེད་པའི་ཁྲི་རྐང་བརྟན། །རང་བཞིན་ཡེ་ནས་འོད་གསལ་ཕྱིར། །ཉི་ཟླ་བརྩེགས་པའི་གདན་འབར་ཞིང་། །གདོད་ནས་དྲི་མ་མེད་པའི་ཕྱིར། །རྣམ་པར་དག་པ་པདྨོ་གདན། །རེ་བ་ཡིད་བཞིན་སྐོང་བའི་ཕྱིར། །ཡིད་བཞིན་རིན་ཆེན་གཏེར་གྱི་གདན། །མ་བསགས་ལྷུན་གྱིས་རྫོགས་པའི་ཕྱིར། །སྣ་ཚོགས་དཀྱིལ་འཁོར་ཆེན་པོའི་རྒྱན། །ཡོན་ཏན་ཆེན་པོའི་གདན་སྟེངས་ན། །སྐུ་མདུན་དང་རྒྱབ་མེད་པར་ཐམས་ཅད་ཏུ་ཞལ་བླ་མ་ཐ་ལེ་བར་གསལ་ཞིང་མཚན་དང་དཔེ་བྱད་དུ་ལྡན་པས་ཐམས་ཅད་ཏུ་བསམ་གྱིས་མི་ཁྱབ་པའི་སྐུ་གསུང་ཐུགས་ཡོན་ཏན་ཕྲིན་ལས་སྣ་ཚོགས་པར་སྣང་བ། ཐབས་དང་ཤེས་རབ་ཀྱི་ཞབས་གཉིས་མཉམ་པའི་ ― DNG011_Page_0069 ―
[མ་དཔེ་གཟིགས་ན་འདིར་གནོན།]
བརྟུལ་ཞུགས་ཀྱི་སྐྱིལ་མོ་ཀྲུང་དུ་བཞུགས་པ། ཡེ་ཤེས་དྲུག་གི་ཕྱག་ཡེ་ཤེས་རིན་པོ་ཆེ་འབར་བའི་ཕྱག་རྒྱ་ཅན། སྐུ་གསུང་ཐུགས་བསམ་གྱིས་མི་ཁྱབ་པའི་དབུ་གསུམ་དང་ལྡན་པ། བཅོམ་ལྡན་འདས་དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་བླ་མ་དང་། བཙུན་མོ་དམ་པ་སྲ་བའི་དབྱིངས་ཀྱི་བླ་མ་དང་། དེ་བཞིན་གཤེགས་པ་གཟུགས་ཀྱི་རྒྱལ་པོ་བླ་མ་དང་། བཙུན་མོ་དམ་པ་སྣང་བའི་དབྱིངས་ཀྱི་བླ་མ་དང་། དེ་བཞིན་གཤེགས་པ་ཚོར་བའི་རྒྱལ་པོ་བླ་མ་དང་། བཙུན་མོ་དམ་པ་མཉེན་པའི་དབྱིངས་ཀྱི་བླ་མ་དང་། དེ་བཞིན་གཤེགས་པ་འདུ་ཤེས་ཀྱི་རྒྱལ་པོ་བླ་མ་དང་། བཙུན་མོ་དམ་པ་དྲོ་བའི་དབྱིངས་ཀྱི་བླ་མ་དང་། དེ་བཞིན་གཤེགས་པ་འདུ་བྱེད་ཀྱི་རྒྱལ་པོ་བླ་མ་དང་། བཙུན་མོ་དམ་པ་བསྐྱོད་པའི་དབྱིངས་ཀྱི་བླ་མ་ལ་སོགས་པ་ཡེ་ཤེས་རྒྱལ་པོ་སྟངས་དཔྱལ་ཀུན་ཀྱང་མཐིང་ག་དང་། དཀར་པོ་དང་། སེར་པོ་དང་། ལེ་བརྒན་དང་། ལྗང་གུའི་མདོག་བླ་མར་འཚེར་བ་སྟེ། གཉིས་སུ་མེད་པར་འཁྲིལ་བས་ཆོས་ཀྱི་དབྱིངས་ཀུན་ཏུ་མཐའ་ཡས་པར་བླ་མ་ཆེན་པོའི་སྤྱོད་པས་ཁྱབ་པ་ནི་འདི་ལྟ་སྟེ། དཔེར་ན་ཏིལ་གྱི་གང་བུའམ་མངར་གྱི་སྒྲམ་བུ་བཞིན་ཀུན་དུ་བདེ་བ་ཆེན་པོས་ཁྱབ་པར་བཞུགས་སོ། །དེ་ནས་བྱང་ཆུབ་ཆེན་པོ་རྡོ་རྗེ་མཐོང་དབང་བླ་མ་དང་། བཙུན་མོ་གཟིགས་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་ཐོས་དབང་བླ་མ་དང་། བཙུན་མོ་གསན་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་སྣོམ་དབང་བླ་མ་དང་། བཙུན་མོ་མནམ་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་མྱང་དབང་བླ་མ་དང་། བཙུན་མོ་མྱང་བར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་སོགས་ཤེས་བླ་མ་དང་། བཙུན་མོ་སྒྲོན་མའི་བླ་མ་དང་། བྱང་ཆུབ་ཆེན་པོ་རྡོ་རྗེ་གཅོད་ཤེས་བླ་མ་དང་། བཙུན་མོ་གདུག་པའི་བླ་མ་དང་། བྱང་ཆུབ་ཆེན་པོ་རྡོ་རྗེ་འཇུག་ཤེས་བླ་མ་དང་། བཙུན་མོ་ཆར་འབེབས་བླ་མ་དང་། བྱང་ཆུབ་ཆེན་པོ་རྡོ་རྗེ་འདུས་པའི་བླ་མ་དང་། བཙུན་མོ་རྒྱས་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གཡས་བླ་མ་དང་། བཙུན་མོ་རྟག་པར་མ་ཡིན་ ― DNG011_Page_0070 ―
[མ་དཔེ་གཟིགས་ན་འདིར་གནོན།]
པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གཡོན་བླ་མ་དང་། བཙུན་མོ་ཆད་པར་མ་ཡིན་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གསང་བླ་མ་དང་། བཙུན་མོ་བདག་ཏུ་མ་ཡིན་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་འདུས་བླ་མ་དང་། བཙུན་མོ་མཚན་མར་མ་ཡིན་པའི་བླ་མ་དང་། དེ་ལྟ་བུའི་ཚོགས་བརྗོད་ཀྱིས་མི་ལང་བ་དང་གཉིས་སུ་མེད་པར་གསང་བ་དགྱེས་པའི་དབྱིངས་བླ་མ་ན་བཞུགས་སོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་བླ་མ་དེ་ཉིད་ཀྱི་གསང་བ་བླ་མ་འདི་ཉིད་ཀྱི་སྐུ་དང་གསུང་དང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་བྱུང་ངོ་། །ཨེ་མའོ་དེ་བཞིན་ཉིད་ཀྱི་དབྱིངས་ཉིད་དབང་སྒྱུར་དཀྱིལ་འཁོར་བླ་མའི་ངང་། །རང་ཉིད་རྣམ་དག་བདེ་མཆོག་གསང་བའི་དབྱིངས། །དབྱིངས་ཉིད་མཉམ་སྦྱོར་བདེ་མཆོག་རིན་ཆེན་གཏེར། །མི་ཟད་གཏེར་ལྡན་བདུད་རྩི་གསང་བའི་བླ། །བླ་མེད་བྱང་ཆུབ་ཐིག་ལེ་ཡ་མཚན་དཀྱིལ་འཁོར་སྣང་། །རང་སྣང་བ་ཉིད་ཏིང་འཛིན་གཟུགས་བརྙན་རྣམ་དག་སྣང་བ་ནི། །སྐུ་གསུང་ཐུགས་ཡོན་ཕྲིན་ལས་སེལ་མེད་པའི་ཡིད་བཞིན་རིན་ཆེན་མི་ཟད་པར་ལྡན་པ་རྒྱན་གྱི་འཁོར་ལོ་བླ་མ་རྡོ་རྗེ་མཆོག་གི་གནས་ཉིད་དོ། །རྡོ་རྗེ་གསང་བ་བླ་མའི་ངེས་དོན་དུའོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ལས་དབྱིངས་དང་ཡེ་ཤེས་གསང་བའི་བདེ་བའི་བླ་མ་ངེས་པའི་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཡིད་བྱེད་པ་བླ་མ་རྡོ་རྗེ་ཀུན་དུ་བཟང་པོ་ཐམས་ཅད་མ་ལུས་པའི་ཚུལ་རྡོ་རྗེས་བཙུན་མོ་བྱ་བ་མོ་ཀུན་དུ་བཟང་མོའི་བླ་མ་ལ་འཇུག་པར་གྱུར་ཏོ། །གསང་བའི་བླ་མའི་ཚིག་འདི་ཆེད་དུ་བརྗོད་དོ། །ཨོཾ་ཆོས་ཀྱི་ཆོས་ཉིད་བྱ་བའི་དབྱིངས། །ཀུན་དུ་བཟང་མོ་བཅོམ་ལྡན་འདས་ཡིད་བྱེད་པ་བླ་མ་རྡོ་རྗེ་ཀུན་དུ་བཟང་པོ་ཐམས་ཅད་མ་ལུས་པའི་ཚུལ་རྡོ་རྗེས་བཙུན་མོ་བྱ་བ་མོ་ཀུན་དུ་བཟང་མོའི་བླ་མ་ལ་འཇུག་པར་གྱུར་ཏོ། །གསང་བའི་བླ་མའི་ཚིག་འདི་ཆེད་དུ་བརྗོད་དོ། །ཨོཾ་ཆོས་ཀྱི་ཆོས་ཉིད་བྱ་བའི་དབྱིངས། །ཀུན་དུ་བཟང་མོ་བདེ་བའི་ཡུམ། །མ་གཡོས་རང་བཞིན་དཀྱིལ་འཁོར་ནི། །བདག་ཡིན་བདག་གི་སྤྱོད་ཡུལ་བས། །ཕྱག་རྒྱ་སྣ་ཚོགས་སོ་སོར་གསལ། །ནུབ་ཕྱོགས་འོག་མིན་གནས་མཆོག་ཏུ། །མ་ཆགས་པདྨའི་གདན་བཏིང་བ། །དུས་གསུམ་རྒྱལ་བ་བཞུགས་པའི་གནས། ། ― DNG011_Page_0071 ―
[མ་དཔེ་གཟིགས་ན་འདིར་གནོན།]
རྣམ་པར་ཐར་པའི་སྒོ་བཞི་ལ། །ཕྱག་རྒྱ་བཞི་དང་ཡང་དག་ལྡན། །དབང་མེད་སྐལ་ངན་བསལ་བའི་ཕྱིར། །ནང་གཏན་ཕྱི་རིམ་ལྕགས་དང་ལྡན། །རྒྱལ་བ་ཡོངས་ཀྱི་གསང་བའི་ཆོས། །སུས་ཀྱང་གཏིང་དཔག་བཀའ་བ་སྟེ། །ཀུན་དུ་བཟང་པོ་ཉིད་ཀྱིས་གཟིགས། །ཧོཿདེ་ནས་བཙུན་མོ་བྱ་བ་ཀུན་དུ་བཟང་མོས་གསང་བ་བླ་མའི་ཚིག་འདི་ཆེད་དུ་བརྗོད་དོ། །ཨོཾ་སེམས་ཀྱི་སེམས་ཉིད་བྱེད་པའི་གཙོ། །ཀུན་དུ་བཟང་པོ་རྡོ་རྗེ་ཡིད། །ཡེ་ཤེས་བརྒྱད་ཀྱི་རང་བཞིན་ཏེ། །ཤར་ཕྱོགས་མངོན་དགའ་བསམ་ཡས་ནས། །ནཱི་ལ་ལྟ་བུའི་གཏེར་འབྱིན་པ། །གསང་འདུས་འཕྲུལ་གྱི་ལྡེ་མིག་གིས། །རྣམ་པར་ཐར་པའི་སྒོ་ཕྱེ་སྟེ། །བྱང་ཆུབ་མཆོག་གི་ནང་གཏན་བཀྲོལ། །མ་ཆགས་པདྨའི་གདན་ལ་བཞུགས། །འགྲོ་དོན་བྱང་ཆུབ་སེམས་བསྐྱེད་དེ། །འགྲོ་ལྔ་སྐྱེ་བཞི་དབང་དུ་བསྡུས། །སྐུ་གསུང་ཐུགས་ནས་དབང་བསྐུར་རོ། །ཞེས་གླེང་ངོ་། །དེ་ནས་བྱ་བ་མོ་ཀུན་དུ་བཟང་མོས་གསང་བ་བླ་མའི་མཆོད་པ་འདི་ཆེད་དུ་ཕུལ་ལོ། །ཨོཾ་རིན་ཆེན་པདྨའི་དཀྱིལ་འཇམ་འདི། །འཛུམ་པའི་མདངས་ཀྱིས་འབུལ་ལགས་ཀྱིས། །བླ་མེད་འཕྲུལ་གྱི་ལྡེ་མིག་སྟེ། །དགྱེས་མཆོག་རྡོ་རྗེ་གསོར་ནས་ནི། །བདུད་རྩི་ཆར་ཆེན་དབབ་ཏུ་གསོལ། །ཞེས་ཆེད་དུ་གླེང་ངོ་། །དེ་ནས་ཡང་ཡིད་བྱེད་པ་པོ་རྡོ་རྗེ་ཀུན་དུ་བཟང་པོས་བདུད་རྩི་བླ་མའི་ཆར་པས་སྣོད་བཅུད་ཀྱི་འཛམ་བུའི་གླིང་ཚིམ་པར་བྱ་བའི་ཕྱིར་གསང་བ་བླ་མའི་ཚིག་འདི་ཆེད་དུ་བརྗོད་དོ། །ཨོཾ་རྡོ་རྗེ་བླ་མའི་དགྱེས་རབ་འདི། །གསོར་ནས་བདུད་རྩིའི་ཆར་དབབ་ཕྱིར། །འཛུམ་ཞིང་འཁྱིལ་པའི་གནས་སུ་གསོར། །མི་དམིགས་བདེ་དང་སྤྲོ་བ་འདི། །ཀུན་དུ་བཟང་མོ་དབྱིངས་སུ་བསྐྱིལ། །ཞེས་ཆེད་དུ་གླེང་སྟེ། གཉིས་སུ་མེད་པ་ལས་ཉིད་ཀྱི་སྤྱོད་ཡུལ་ཐམས་ཅད་གསང་བའི་དཀྱིལ་འཁོར་བླ་མ་ཁྱད་པར་དུ་སྤགས་པ་རྡུལ་ཕྲ་མོ་སྙེད་འཐོན་ནས་སྒྱུ་མའི་ཆོ་འཕྲུལ་ཆེན་པོ་བསམ་གྱིས་མི་ཁྱབ་པར་མཛད་པ་ནི། ལ་ལ་ནི་གསང་བ་བླ་མའི་དཀྱིལ་འཁོར་དུ་བཞུགས་ཏེ་ཡན་ལག་ཐམས་ཅད་རྡོ་རྗེར་བྱིན་གྱིས་རློབ། ལ་ལ་ནི་འགྲོ་བ་དྲུག་འདུལ་བའི་དོན་དུ་ཐུབ་པ་ཆེན་པོ་དྲུག་ཏུ་བཞུགས་པ་འདི་ལྟ་སྟེ། ― DNG011_Page_0072 ―
[མ་དཔེ་གཟིགས་ན་འདིར་གནོན།]
ལྷ་ཡི་གནས་ན་བརྒྱ་བྱིན་མགོན། །ལྷ་མ་ཡིན་ལ་ཐགས་ཟངས་རིས། །མི་ལ་བདུད་འདུལ་ཤཱཀྱ་མགོན། །ཡི་དྭགས་གནས་ན་ཁ་འབར་བདེ། །བྱོལ་སོང་སེང་གེ་ཉིད་དུ་སྨྲ། །དམྱལ་བ་ལ་ནི་གཤིན་རྗེ་མགོན། །སྐུ་དང་ཆ་ལུགས་ཚུལ་སྟོན་ཅིང་། །ལ་ལ་ལྷུམས་ཞུགས་སྐུ་ལ་བལྟམས། །ལ་ལ་ཚུལ་བསྲུང་རབ་ཏུ་བྱུང་། །ལ་ལ་བསྙེན་རྫོགས་དཀའ་ཐུབ་བྱེད། །ལ་ལ་དམ་ནོད་འགྲོ་བ་སྒྲོལ། །ལ་ལ་བཅུ་དྲུག་ཆོས་ལ་བཙུད། །ལ་ལ་མེར་འབར་ཆུར་ཡང་འབྲུག །ལ་ལ་ནམ་མཁའ་སྒྲ་རུ་འབར། །ལ་ལ་རྡོ་རྗེ་བྲག་ཏུ་སྲ། །ལ་ལ་གསོ་གསོད་འཕམ་རྒྱལ་བྱེད། །ལ་ལ་བཅིང་སྒྲོལ་འགུག་སྒྲོལ་བྱེད། །ལ་ལ་བདུད་འདུལ་ངན་སོང་སྦྱོང་། །ལ་ལ་དཀྱིལ་འཁོར་མཆོད་སྤྲིན་འཁྲིལ། །ཀུན་ཀྱང་ཆོས་ཀྱི་འཁོར་ལོ་སྐོར། །དེ་ལྟར་རྟག་ཏུ་ཆོས་ཀྱི་འཁོར་ལོ་བསྐོར་བ་ནི་འདི་ལྟ་སྟེ། ཐེག་པ་དང་པོ་བཅུ་དྲུག་མགོན། །གཉིས་པ་བཞི་ཡི་ལྟ་སྤྱོད་བསྲུང་། །གསུམ་པ་བཅུ་གཉིས་ངེས་པར་བསྟན། །བཞི་པ་གཉིས་ཀྱི་ལྟ་སྤྱོད་སྦྱངས། །བཞི་པའི་ཐེག་པ་མདོར་བསྡུས་ན། །བླ་མེད་ཐེག་པའི་དབྱིངས་སུ་བཙུད། །ཐེག་པ་བཞི་ཡི་ངེས་འབྱུང་ལ། །ཐེག་པ་གཅིག་གི་འབྲས་བུར་གནས། །ཀུན་འབྱུང་དཀྱིལ་འཁོར་སྒྱུ་འཕྲུལ་ཆེ། །མང་ལ་འདྲེལ་བས་དྲ་བའི་དོན། །ཐུན་མོང་མིན་པས་གསང་བའི་དོན། །ཐེག་པའི་བཅུད་དེ་སྙིང་པོའི་དབྱིངས། །ཞེས་ཆེད་དུ་གླེང་སྟེ། སྣོད་བཅུད་ཀྱི་འཇིག་རྟེན་རྒྱལ་བའི་དཀྱིལ་འཁོར་གསང་བར་གནས་སྒྱུར་བ་དང་། ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་གསང་བ་བླ་མའི་ཏིང་ངེ་འཛིན་གྱི་གཟིགས་མོས་མཉེས་པར་གྱུར་ཏོ། །དེ་ནས་སྣོད་བཅུད་ཀྱི་འཇིག་རྟེན་ཐམས་ཅད་དང་། སྙིགས་མ་མེད་པར་གསང་བ་བླ་མའི་དཀྱིལ་འཁོར་དུ་མངོན་པར་སངས་རྒྱས་ནས་ཆེད་དུ་བརྗོད་པ་འདི་བརྗོད་དོ། །ཨེ་མའོ་རྡོ་རྗེ་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་ཅན་དང་ ― DNG011_Page_0073 ―
[མ་དཔེ་གཟིགས་ན་འདིར་གནོན།]
མཱ་མ་ཀཱི། །མེ་ལོང་གོས་དཀར་སྒྲོལ་མ་སྟེ། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཞིང་། །ཐམས་ཅད་མ་ལུས་ཆོས་སོ་ཅོག །སངས་རྒྱས་ཉིད་ལས་གཞན་མ་ཡིན། །སངས་རྒྱས་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་རྙེད་དོ། །ཞེས་བརྗོད་པས་དེ་བཞིན་གཤེགས་པ་ཐམས་ཅད་མཉེས་པར་གྱུར་ཏོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་ཐམས་ཅད་ཀྱིས་ཆེད་དུ་བརྗོད་པ་འདི་གསུངས་སོ། །ཨེ་མའོ་ཕྱོགས་བཅུའི་སྟོང་ཁམས་ཡེ་ནས་དབེན། །སྲིད་པ་གསུམ་ཉིད་དག་པའི་ཞིང་། །སྙིགས་མ་ལྔ་ཉིད་བདེ་ལྡན་གནས། །ཕུང་པོ་ལྔ་ཉིད་མངོན་སངས་རྒྱས། །ཐམས་ཅད་མཆོག་གི་སྙིང་པོ་བས། །གཞན་དུ་རྒྱལ་བས་ཆོས་མི་བཙལ། །ཉིད་ལས་གཞན་ཞེས་བྱ་བའི་ཆོས། །བཙལ་ཀྱང་རྒྱལ་བས་མི་རྙེད་དོ། །ཞེས་བརྗོད་པས་ཆོས་ཐམས་ཅད་ཡེ་ནས་སངས་རྒྱས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ། །དེ་ནས་དབྱིངས་དང་ཡེ་ཤེས་གཉིས་སུ་མེད་པ་ལས་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཡེ་ནས་གསང་བའི་ཆོས། །སྣ་ཚོགས་སྣང་བ་རང་བཞིན་གསང་། །གསང་མཆོག་སྙིང་པོ་བླ་ན་མེད། །ཐམས་ཅད་གསང་བའི་དབྱིངས་སུ་ངེས། །བླ་མ་མཆོག་གི་སྙིང་པོ་ལས། །སངས་རྒྱས་སེམས་ཅན་གཉིས་སུ་མེད། །ཅེས་བརྗོད་པས་ཐམས་ཅད་དབྱིངས་སུ་ངེས་པར་མཁྱེན་ཏོ། །དེ་ལྟར་ཡིན་ན་ཡང་འགྲོ་བའི་རྣམ་པར་རྟོག་པས་འགྲོ་བའི་རིགས་བསམ་གྱིས་མི་ཁྱབ་པར་སྨིན་པ་ལ་ཐུགས་རྗེ་ཆེན་པོ་སངས་རྒྱས་ཀྱི་ཆེ་བའི་ཡེ་ཤེས་བསྐྱེད་པའི་ཕྱིར་རྡོ་རྗེ་བླ་མའི་ཚིག་འདི་ཆེད་དུ་བརྗོད་དོ། །ཨེ་མའོ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་སྤྲུལ། །སྣ་ཚོགས་ལུས་དང་ལོངས་སྤྱོད་དང་། །གནས་དང་སྡུག་བསྔལ་ལ་སོགས་པའི། །བདག་དང་བདག་གིར་སོ་སོར་འཛིན། །སུས་ཀྱང་མ་བཅིངས་བཅིངས་མེད་དེ། །བཅིང་བར་བྱ་བ་ཡོད་མ་ཡིན། །རྣམ་རྟོག་བདག་ཏུ་འཛིན་པ་ཡིས། །ནན་གྱིས་མཁའ་ལ་མདུད་པ་བོར། །བཅིངས་མེད་རྣམ་པར་གྲོལ་ ― DNG011_Page_0074 ―
[མ་དཔེ་གཟིགས་ན་འདིར་གནོན།]
མེད་པའི། །ཡེ་ནས་ལྷུན་རྫོགས་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །སྤྲོས་ཀྱང་འཕེལ་འགྲིབ་མེད་པའི་དབྱིངས། །དེ་ལྟར་ཡིན་ན་ཡང་དེ་ལྟར་མ་རྟོགས་པ་རྣམས་ལ་ཀུན་རྫོབ་ཀྱི་ཕུང་པོ་བྱང་ཆུབ་ཀྱི་སེམས་བླ་མའི་དཀྱིལ་འཁོར་དུ་སེམས་ཀྱི་ངོ་བོ་བསྐྱེད་པའི་ཕྱིར། རྡོ་རྗེ་གསང་བའི་ཚིག་འདི་ཆེད་དུ་བརྗོད་དོ། །སྟོང་ཞིང་དབེན་པའི་སེམས་ཉིད་ནི། །རིགས་དང་ཁ་དོག་དབྱིབས་མེད་དེ། །ཅི་ཡང་མེད་ལ་ཅིར་ཡང་སྣང་། །མི་བསྐྱོད་རྫུ་འཕྲུལ་སྣ་ཚོགས་འབྱུང་། །རྒྱལ་བའི་དཀྱིལ་འཁོར་སྣ་ཚོགས་ཀྱང་། །སེམས་ཀྱི་སྒྱུ་འཕྲུལ་ཆེན་པོ་ཡིན། །གཅིག་དང་དུ་མར་མི་དམིགས་ཏེ། །མངོན་ཤེས་དྲུག་གིས་ཐམས་ཅད་བྱེད། །བླ་མའི་ཏིང་འཛིན་ཆེན་པོ་ཡིས། །དཀྱིལ་འཁོར་ཆེན་པོ་བྱེད་པར་བསྟན། །རྒྱུ་ལྔ་རྐྱེན་བཞིས་བསྡུས་པ་ལ། །རྒྱལ་བའི་དཀྱིལ་འཁོར་ཆེ་ཕྲ་བསྒོམ། །བཞི་ཡི་རིམ་པ་ཚུལ་བཞིན་བྱེད། །རྒྱན་དང་ཕྱག་རྒྱའི་ཚུལ་རྣམས་ཀུན། །ཏིལ་འབྲུའི་ནང་དུ་རི་རབ་བསྐྱེད། །སངས་རྒྱས་སྟོང་གི་དཀྱིལ་འཁོར་དང་། །སྟངས་དཔྱལ་གཉིས་ཀྱི་ཕྱག་རྒྱ་ཡང་། །རི་རབ་ཏིལ་འབྲུའི་ཚུལ་བཞིན་དུ། །དཔེ་བྱད་རྒྱན་གྱིས་བརྒྱན་སྤྲས་པའོ། །ངེས་པས་བཞི་བཅུ་རྩ་ལྔ་བསྒོམ། །དབྱིངས་དང་ཡེ་ཤེས་སྟངས་དཔྱལ་གཉིས། །དཀྱིལ་འཁོར་ཀུན་གྱི་བྱེད་པ་པོ། །ཧོཿགཟུགས་ནི་རྣམ་པར་སྣང་མཛད་དེ། །ཡུལ་ལ་ཀུན་དུ་བཟང་མོའོ་ཧོཿ། །ཚོར་བ་རིན་ཆེན་འབྱུང་ལྡན་ཏེ། །ཡུལ་ལ་ཁམས་གསུམ་བྱམས་མའོ་ཧོཿ། །འདུ་ཤེས་སྣང་བ་མཐའ་ཡས་ཏེ། །ཡུལ་ལ་ན་བཟའ་དཀར་མོའོ་ཧོཿ། །འདུ་བྱེད་དོན་ཡོད་གྲུབ་པ་སྟེ། །ཡུལ་ལ་དམ་ཚིག་སྒྲོལ་མའོ་ཧོཿ། །རྣམ་ཤེས་རྡོ་རྗེ་སེམས་དཔའ་སྟེ། །ཡུལ་ལ་ཡངས་པའི་སྤྱན་ཅན་མ་ཧོཿ། །མིག་ལ་ས་ཡི་སྙིང་པོ་སྟེ། །ཡུལ་ལ་དཀར་མོ་སྒེག་ཆེན་ནོ་ཧོཿ། །སྣ་ལ་ནམ་མཁའི་སྙིང་པོ་སྟེ། །ཡུལ་ལ་མེ་ཏོག་དཔའ་ཕྲེང་མའོ་ཧོཿ། །ལྕེ་ལ་སྤྱན་རས་དབང་ཕྱུག་སྟེ། །ཡུལ་ལ་ཆོས་ཀྱི་དབྱངས་ཅན་ནོ་ཧོཿ། །རྣ་བར་ཕྱག་ན་རྡོ་རྗེ་སྟེ། །ཡུལ་ལ་ལས་ཀྱི་གར་མཁན་མའོ་ཧོཿ། །ཀུན་འདུས་སྒྲིབ་པ་རྣམ་སེལ་ཏེ། །ཡུལ་ལ་མེ་ཏོག་ཆར་འབེབས་ཧོཿ། །ཀུན་ ― DNG011_Page_0075 ―
[མ་དཔེ་གཟིགས་ན་འདིར་གནོན།]
ཤེས་ཀུན་དུ་བཟང་པོ་སྟེ། །ཡུལ་ལ་གསལ་བའི་སྒྲོན་མའོ་ཧོཿ། །གཅོད་ཤེས་བྱམས་པའི་བདག་ཉིད་དེ། །ཡུལ་ལ་གདུག་པའི་སྤྲིན་འཕྲོའོ་ཧོཿ། །འཇུག་ཤེས་འཇམ་དཔལ་གཞོན་ནུ་སྟེ། །ཡུལ་ལ་ཙནྡན་ཆར་འབེབས་སོ་ཧོཿ། །གཡས་གཉིས་སྟོབས་ཆེན་ཁྲོ་བོ་སྟེ། །ཡུལ་ལ་གདོང་མོ་འཇིགས་ཚུལ་ཧོཿ། །གཡོན་གཉིས་གཤིན་རྗེའི་གཤེད་པོ་སྟེ། །ཡུལ་ལ་སྡེར་འཕྲོ་འཇིགས་ཚུལ་ཧོཿ། །གསང་བ་རྟ་མགྲིན་དཔའ་བོ་སྟེ། །ཡུལ་ལ་དུར་ཁྲོད་བདག་མོ་ཧོཿ། །ལྟེ་བར་བདུད་རྩི་འཁྱིལ་པ་སྟེ། །ཡུལ་ལ་གཏུམ་མོ་འཇིགས་ཚུལ་ཧོཿ། །རྒྱུད་དྲུག་འཁོར་བའི་གནས་དྲུག་ཏུ། །ཐུབ་དྲུག་ཕྱག་རྒྱ་ཆེན་པོའོ། །ཀུན་དུ་སྐུ་དང་ཀུན་དུ་གསུང་། །ཀུན་དུ་ཐུགས་ཀྱི་ཕྱག་རྒྱ་ཡང་། །ལུས་ངག་ཡིད་ལ་དེ་བཞིན་ཧོཿ། །སེམས་ཉིད་སྒྱུ་འཕྲུལ་དྲ་བ་སྟེ། །སྒྱུ་མའི་ཆོ་འཕྲུལ་ཆེན་པོ་ལས། །དྲ་བའི་དཀྱིལ་འཁོར་བཞི་བཅུ་ལྔ། །གསང་བའི་དཀྱིལ་འཁོར་ངེས་པ་ལས། །སྙིང་པོའི་དཀྱིལ་འཁོར་བླ་མ་ཡིན། །ཞེས་བརྗོད་པས་སེམས་ཅན་ཐམས་ཅད་མངོན་པར་རྫོགས་པར་སངས་རྒྱས་ནས་དེ་བཞིན་གཤེགས་པ་ཐམས་ཅད་དང་དབྱེར་མེད་པར་དགྱེས་ཏེ་མཉམ་པ་ཉིད་ཀྱི་དབྱིངས་ན་བཞུགས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ལས་དབྱིངས་དང་ཡེ་ཤེས་གཉིས་སུ་མེད་པའི་ངང་དུ་སེམས་ཀྱི་རང་བཞིན་ཅིར་ཡང་འགྲུབ་པའི་ལེའུ་སྟེ་གཉིས་པའོ།། །།དེ་ནས་དེ་བཞིན་གཤེགས་པ་ཐམས་ཅད་རང་བཞིན་གཅིག་དང་དུ་མར་དབྱེར་མེད་པའི་རང་བཞིན་ཐམས་ཅད་ཀྱིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ལ་ཉིད་ཀྱི་ཆེ་བའི་དཀྱིལ་འཁོར་བླ་མ་འདི་དབྱུང་བར་བཞེད་ནས་ཆེད་དུ་བརྗོད་པ་འདི་གསུངས་སོ། །ཨོཾ་ཡེ་ཤེས་བླ་མ་རོལ་པ་ཡིས། །ཕྱོགས་བཞི་དབུས་དང་ལྔར་བརྟགས་ན། །དཀྱིལ་འཁོར་བསམ་ཡས་ལྷུན་གྱིས་གྲུབ། །རྫོགས་ཆེན་རྟོགས་པའི་རྣལ་འབྱོར་པས། །ཀུན་འབྱུང་དཀྱིལ་འཁོར་ཆེན་པོར་སྤྱོད། །འཁོར་ལོ་རྩིབས་བཞི་མུ་ཁྱུད་བཅས། །གྲུ་ཆད་བཞིས་བརྒྱན་རྡོ་རྗེའི་ཁྱམས། །ཀུན་དུ་གྲུ་བཞི་སྒོ་ཁྱུད་ལྡན། །རོལ་མོ་ ― DNG011_Page_0076 ―
[མ་དཔེ་གཟིགས་ན་འདིར་གནོན།]
སྣ་ཚོགས་སྤྲིན་ཕུང་བཞིན། །དཀྱིལ་འཁོར་བཞི་བཅུ་གཉིས་ཀྱིས་བརྒྱན། །སེང་གེ་གླང་ཆེན་རྟ་དང་ཁྱུང་། །ནམ་མཁའ་ལྡིང་གི་ཁྲི་ཆེན་ལ། །ཉི་ཟླ་པདྨ་རིན་པོ་ཆེ། །གདན་ལ་རྫོགས་དང་སེམས་དཔའི་ཚུལ། །འཁོར་ལོ་རྒྱལ་པོ་རྒྱལ་མོ་དང་། །གཡས་ནས་མཐོང་ཐོས་མནམ་པ་དང་། །མྱོང་དང་བཙུན་མོའི་ཚོགས་སུ་བཅས། །གྲུ་ཆད་ལ་ནི་གཅོད་བྱེད་དང་། །སྣང་བྱེད་སོགས་བྱེད་འཇུག་བྱེད་རྣམས། །བཙུན་མོའི་ཚོགས་དང་བཅས་པར་གནས། །བར་ཁྱམས་ལ་ནི་ཐུབ་དྲུག་དག །རྒྱུད་དྲུག་སྦྱོང་བའི་ཕྱག་རྒྱར་གནས། །དེ་བཞིན་ཐིག་ལེ་ཆེན་པོ་དག །མདུན་དང་རྒྱབ་ཏུ་བྱེད་པ་དག །བྱ་བ་དག་ནི་གནས་པར་བསྟན། །སྒོ་ཁྱུད་བཞི་ལ་འཇོམས་པ་དག །བཙུན་མོའི་ཚོགས་དང་ལྡན་པར་གནས། །རྡོ་རྗེ་འཁོར་ལོ་རིན་པོ་ཆེ། །པདྨའི་རལ་གྲི་ནོར་བུ་འབར། །ཨུཏྤལ་ཀླུ་ཤིང་ལ་སོགས་མཚན། །མཛེས་ཚུལ་མཉེས་པའི་ཡོ་བྱད་འཛིན། །མཐིང་ག་དཀར་པོ་སེར་ལེ་བརྒན། །ལྗང་གུ་ལ་སོགས་སྣ་ཚོགས་མདོག །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྟུག་གཟི་བྱིན་འབར། །འོད་ཟེར་འཕྲོ་བའི་ཚོགས་ཆེན་པོ། །འབར་བའི་ཕྲེང་བ་འཁྲིགས་པ་སྟེ། །མཐའ་དབུས་མེད་པར་ཁྱབ་པ་ཡི། །དཀྱིལ་འཁོར་བསམ་ཡས་ལྷུན་གྱིས་གྲུབ་ཧོཿ། །ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་མཐའ་ཡས་མུ་མེད་པ་ཐམས་ཅད་དུ་དཀྱིལ་འཁོར་བླ་མ་ཆེན་པོ་བརྗོད་ཀྱིས་མི་ལང་བ་ཞིང་གི་རྡུལ་སྙེད་དུ་གསལ་བར་གྱུར་ཏོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་བླ་མ་འདི་སྐུ་གསུང་ཐུགས་ཡོན་ཏན་ཕྲིན་ལས་འདི་དག་ཕྱུང་ངོ་། །ཨ་ཧོཿ། བདེ་མཆོག་ངོ་མཚར་བྱང་ཆུབ་སེམས་ཆེན་པོ། །ཐིག་ལེ་མཉམ་སྦྱོར་སྒྱུ་འཕྲུལ་བླ་མའི་དབྱིངས། །རྣམ་དག་ཐིག་ལེ་བྱང་ཆུབ་སེམས་ཀྱིས་རོལ། །ངོ་མཚར་རྨད་བྱུང་བླ་མ་ཆེན་པོའི་དབྱིངས་ཧོཿ། །དམིགས་བྱ་དམིགས་བྱེད་མི་དམིགས་གསང་བའི་ ― DNG011_Page_0077 ―
[མ་དཔེ་གཟིགས་ན་འདིར་གནོན།]
དབྱིངས། །ཡེ་ཤེས་རང་རིག་དཀྱིལ་འཁོར་བླ་མ་བསམ་མི་ཁྱབ། །མཉམ་དང་མི་མཉམ་ཀུན་ཁྱབ་གསང་བའི་དབྱིངས། །ཡེ་ཤེས་ཀུན་གསལ་དཀྱིལ་འཁོར་སྤྲོས་མེད་བླ་མའི་ངང་། །ཧོ་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་ངེས་པའི་བླ་མ་ཆེན་པོ་ལས་དཀྱིལ་འཁོར་སྤྲོས་པའི་ལེའུ་སྟེ་གསུམ་པའོ།། །།དེ་ནས་ཡེ་ཤེས་རྒྱལ་པོ་དེ་བཙུན་མོ་བླ་མའི་དབྱིངས་དང་གཉིས་སུ་མེད་པར་གྱུར་ནས། བདེ་བ་ཆེན་པོ་བྱང་ཆུབ་ཀྱི་སེམས་རིམ་པར་གསལ་བ་ཞེས་བྱ་བའི་དགོངས་པ་རྩེར་ཆིབ་ནས་ཏིང་ངེ་འཛིན་གྱི་རྣམ་པ་ཕྱོགས་བཅུ་དུས་བཞིར་དགོས་པར་བཞེད་ནས་སྐུ་གསུང་ཐུགས་བླ་མའི་དབྱིངས་ནས་འདི་དག་ཕྱུང་ངོ་། །དང་པོ་བླ་མའི་ལུང་བསྟན་པ། །མཚོན་དུ་མེད་པའི་བྱང་ཆུབ་སེམས། །ཡེ་ཤེས་སྙིང་པོ་གསལ་བ་དང་། །བསྒོམ་པ་རྣམ་གསུམ་དུས་གཅིག་རྫོགས། །བྱང་ཆུབ་སེམས་ཀྱི་ཐིག་ལེ་ལ། །མ་བཀག་ལྷུན་གྱིས་རྫོགས་པས་ན། །དེ་ནི་ཐིག་ལེ་ཆེན་པོའི་དོན། །དེ་ནི་དེ་བཞིན་ཉིད་ཀྱི་དབྱིངས། །དེ་ནི་ཀུན་དུ་སྣང་བའི་དང་། །དེ་ནི་རྒྱུ་ཡི་རིམ་པར་ལྡན་ཧོཿ། །གསང་བ་བླ་མའི་ཚིག་ཏུའོ། །གསང་བ་བླ་མའི་ངེས་དོན་ལས། །གསང་བ་གསུང་གི་དཀྱིལ་འཁོར་གྲགས། །བྷྲཱུྃ་བི་ཤྭ་བི་ཤུད་དྷི་བཛྲ་སྭཱ་ཧཱ། ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ། ཨ་ཨ་ཨ་བཛྲ་པ་ཏ་ས་མ་ཡ་ཨོཾ། ཧཱུྃ་བཛྲ་དྷྲྀཀ །མཱུྃ་དྷཱ་ཏུ་ཨཱིཾ་ཤྭ་རི། ཨོཾ་ཛི་ན་ཛིཀ །ལཱྃ་དྭེ་ཥ་ར་ཏི། སྭཱ་རཏྣ་དྷྲྀཀ །མཱྃ་མོ་ཧ་ར་ཏི། ཨྃཿཨ་རོ་ལིཀ །པཱྃ་ར་ག་ར་ཏི། ཧ་པྲཛྙཱ་དྷྲྀཀ །་བཛྲ་ར་ཏི། ཀྵྀ་ཧི་རཱ་ཛཱ་ཡ། ཧཱུྃ་ལཱ་སེ་ས་མ་ཡ་སྟྭཾ། ཏྲཱྃ་ཨ་གརྦྷ་ཡ། ཏྲཱྃ་མཱ་ལེ་ས་མ་ཡ་ཧོཿ། ཧྲཱྀཿཧ་ཧོ་པདྨ་བནྡྷ་མ། ཧྲཱྀཿགཱི་ཏིར་ཧོཿ། ཧྃ་ཛིཾ་ཀུ་རུ་པ་ན་ཧྲཱྀཿ། ཨཱཿནྲྀ་ཏྱ་རཱ་ག་ཡཱ་མི། མཻ་དྷཱ་རི་ཎི་སྭཱ་ཧཱ། ཛཿདྷཱུ་པ་པྲ་བེ་ཤ །་ནི་ས་ར་མ་བཱ་ཡ་སྭཱ་ཧཱ། ཧཱུྃ་པུཥྤ་ཨ་བེ་ཤ །ཧཱུྃ་ས་རཱ་ཛཱ་ཡ་སྭཱ་ཧཱ། བྃ་དྷཱུ་པི་སུ་ཀྵ་ཎི། མཱུྃ་ཤྲཱི་ཨཱ་རྃ་གཱ་ཡ་སྭཱ་ཧཱ། ཧོཿགནྡྷེ་ཙིཏྟ། ཨོཾ་མུ་ནེ་ཀྲྀཾ་སྭཱ་ཧཱ། ཨོཾ་མུ་ནེ་ཧཱུྃ་དྲཱུཾ་སྭཱ་ཧཱ། ཨོཾ་མུ་ནེ་པྲྃ་སྭཱ་ཧཱ། ཨོཾ་མུ་ནེ་སྭཱ་ཧཱ། ཨོཾ་མུ་ནེ་ཀྵ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཧཱུྃ་ཡ་མཱནྟ་ཀྲྀཏ་ཕཊ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཧཱུྃ་པྲཛྙཱནྟ་ཀྲྀཏ་ཕཊ། ཨོཾ་མ་ཧཱ་རཏྣ་དྷ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཧཱུྃ་པདྨཱནྟ་ཀྲྀཏ་ཧཱུྃ་ཕཊ། ཨོཾ་མ་ཧཱ་པདྨ་དྷ་ར་མ་ ― DNG011_Page_0078 ―
[མ་དཔེ་གཟིགས་ན་འདིར་གནོན།]
ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཨོཾ་བིགྷྣཱནྟ་ཀྲྀཏ་ཧཱུྃ་ཕཊ། ཨོཾ་མ་ཧཱ་ཀརྨ་དྷ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཨོཾ་ཨེ་ཧྱེ་ཧི་བྷ་ག་བཱན། མ་ཧཱ་ཀཱ་རུ་ཎི་ཀ་དྲྀ་ཤྱ་ཧོཿ། ས་མ་ཡ་སྟྭཾ། ཛཿཧཱུྃ་བྃ་ཧོཿ། ཨོཾ་ཨཱྃཿཧཱུྃ་སྭཱ་ཧཱ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། བཛྲ་ས་མ་ཡ། ཨོཾ་ཨཱྃཿཧཱུྃ་སྭཱ་ཧཱ། ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །སྐྱོན་བྲལ་བྱང་ཆུབ་སེམས་ཆེན་པོ། །དེ་ཉིད་དུ་ནི་མཉམ་སྦྱོར་བས། །ཕྱག་རྒྱ་བླ་མར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། བཛྲ་ས་མ་ཡ་ཧོཿ། ཛཿཧཱུྃ་བྃ་ཧོཿཞེས་གསུངས་པས་གསུང་གི་དཀྱིལ་འཁོར་བླ་མ་ཆེན་པོས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་གྲགས། རབ་ཏུ་གྲགས། ཀུན་ཏུ་གྲགས་སོ། །གྲགས་པས་སྣོད་བཅུད་ཀྱི་འཇིག་རྟེན་ཐམས་ཅད་ཀྱི་དཀྱིལ་འཁོར་བླ་མ་ཆེན་པོས་ཁྱབ་པར་གྱུར་ཏོ། །དེ་ནས་ཡང་ཡེ་ཤེས་རྒྱལ་པོ་སྟངས་དཔྱལ་དག་གཉིས་སུ་མེད་པར་རོལ་པ་མཛད་པ་བླ་མ་ལ་ཐིམ་པར་གྱུར་ཏེ། དེ་ནས་ཡེ་ཤེས་རྒྱལ་པོ་དེ་ཉིད་དང་བྱིན་བསྡུ་བ་ཞེས་བྱ་བ་འདི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཨོཾ་ཆོས་དབྱིངས་མཉམ་པ་ཆེན་པོ་ལས། །ཡེ་ཤེས་གསལ་བ་རྣམ་པར་དག །ཆོས་ཀྱི་དབྱིངས་ཀྱི་ཡེ་ཤེས་ཀྱིས། །སྐྱེ་མེད་ཆོས་ལ་དབང་སྒྱུར་ཤོག །ཨོཾ་མ་ཧཱ་གུ་ཧྱ་མ་ཤཱུ་ནྱ་ཏཱ་དྷརྨ་ཛྙཱ་ན་སྭ་བྷཱ་བ་ཨཱདྨ་ཀོ྅ཧྃ། ཧཱུྃ་དག་ཅིང་གསལ་བའི་རང་བཞིན་ཏེ། །སྐྱོན་མེད་སེམས་ཉིད་རིན་པོ་ཆེ། །མེ་ལོང་ལྟ་བུའི་ཡེ་ཤེས་ཀྱིས། །སྲིད་པ་གསུམ་ལ་དབང་སྒྱུར་ཤོག །ཨོཾ་མ་ཧཱ་གུ་ཧྱ་མ་ཧཱ་ཨཱ་དཪྴ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། རྨྨཱ་ཁམས་གསུམ་རེ་སྐོང་རྒྱལ་པོ་སྟེ། །ཡིད་བཞིན་རིན་ཆེན་གཏེར་གྱི་མཆོག །མཉམ་པ་ཉིད་ཀྱི་ཡེ་ཤེས་ཀྱིས། །འགྲོ་བ་རེ་སྐོང་རྒྱལ་པོར་ཤོག །ཨོཾ་མ་ཧཱ་གུ་ཧྱ་མ་ཧཱ་ས་མནྟ་ཨཱ་བེ་ཤ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨྃ་ཉེས་པའི་སྐྱོན་བྲལ་དྲི་མ་མེད། །སྐྱེ་འགག་མེད་པའི་དངོས་གྲུབ་སྟེ། །སོ་སོར་རྟོག་པའི་ཡེ་ཤེས་ཀྱིས། །སྲིད་གསུམ་ཉེས་དམིགས་སེལ་བར་ཤོག །ཨོཾ་མ་ཧཱ་གུ་ཧྱ་མ་ ― DNG011_Page_0079 ―
[མ་དཔེ་གཟིགས་ན་འདིར་གནོན།]
ཧཱ་པྲ་ཏི་པྲ་བེ་ཤ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཧཱ་དབྱིངས་ཀྱི་དཀྱིལ་འཁོར་མཐར་ཕྱིན་ཅིང་། །གྲུབ་པ་ལས་ཀྱི་བྱེ་བྲག་ལས། །བྱ་བ་ནན་ཏན་ཡེ་ཤེས་ཀྱིས། །སྐྱེ་འགྲོ་དབྱིངས་སུ་སྒྲོལ་བར་ཤོག །ཨོཾ་མ་ཧཱ་གུ་ཧྱ་མ་ཧཱ་ཀྲྀ་ཏ་ཨ་ནུཥྛཱ་ན་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨ་ནི་སྟོང་དང་མི་སྟོང་གཉིས། །དབུ་མ་ལ་ཡང་མི་གནས་ཤིང་། །སྟོང་པ་ཆེན་པོའི་ཡེ་ཤེས་ཀྱིས། །མི་འགྱུར་དབྱིངས་ལ་དབང་སྒྱུར་ཤོག །ཨོཾ་མ་ཧཱ་གུ་ཧྱ་མ་ཧཱ་ཨཱ་བེ་ཤ་ཤུ་ནྱཱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་བདེར་གཤེགས་སྐུ་ཡི་ངོ་བོ་ལས། །མི་ཤིགས་རྡོ་རྗེ་རྒྱལ་བའི་གཙོ། །སྔགས་དང་ཕྱག་རྒྱར་ལྡན་པ་ཡིས། །རྡོ་རྗེ་སྐུ་ཡི་གཙོ་བོར་ཤོག །ཨོཾ་མ་ཧཱ་གུ་ཧྱ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨྃ་བདེར་གཤེགས་གསུང་གི་ངོ་བོ་ལས། །མི་ཤིགས་རྡོ་རྗེ་ཆོས་ཀྱི་དབྱིངས། །སྔགས་དང་ཕྱག་རྒྱར་ལྡན་པ་ཡིས། །རྡོ་རྗེ་གསུང་གི་ངོ་བོར་ཤོག །ཨོཾ་མ་ཧཱ་གུ་ཧྱ་སརྦ་ཏ་ཐཱ་ག་ཏ་བཱ་ཀ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཧཱུྃ་བདེར་གཤེགས་ཐུགས་ཀྱི་གཙོ་བོ་ལས། །མི་ཤིགས་རྡོ་རྗེ་རྡོ་རྗེའི་ཐུགས། །སྔགས་དང་ཕྱག་རྒྱར་ལྡན་པ་ཡིས། །རྡོ་རྗེ་ཐུགས་ཀྱི་བྱིན་རློབས་ཤོག །ཨོཾ་མ་ཧཱ་གུ་ཧྱ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧྃ། གྒྷཱཾ་མི་འགྱུར་བ་ཡི་ཞིང་ཁམས་ནས། །མ་བསྐྱེད་པ་ཡི་འབྲས་བུ་ལགས། །མ་བསགས་པ་ཡི་ལོངས་སྤྱོད་འབྱུང་། །ཅིར་ཡང་གྲུབ་པའི་ཡེ་ཤེས་ཀྱིས། །རང་དབང་ཐབས་ཀྱིས་སྒྱུར་བར་ཤོག །གྒྷཱཾ་མ་ཧཱ་གུ་ཧྱ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཞེས་གསུངས་པས་གསལ་ལ་འབར་བས་ཐིམ་པར་གྱུར་ཏོ། །ཨེ་མ་ངོ་མཚར་རབ་འབྱམ་གྱི། །ངོ་མཚར་ཡ་མཚན་གསང་བའི་ཆོས། །སྒྲ་དང་མིང་ཚིག་ཀུན་ལས་འདས། །སྣ་ཚོགས་སྒྲ་རྣམས་དབྱིངས་སུ་གསལ། །གསུང་གཅིག་ཡན་ལག་དཀྱིལ་འཁོར་ནི། །བསམ་གྱིས་མི་ཁྱབ་ཁྱབ་མཆོག་དབྱིངས། །ཐམས་ཅད་གསུང་གི་ཕྱག་རྒྱ་མཆོག་ཧོཿ། །གསང་བའི་སྙིང་པོ་ངེས་པའི་བླ་མ་ཆེན་པོ་ལས་དཀྱིལ་འཁོར་བསྡུ་བ་དང་གསང་སྔགས་ཀྱི་ལེའུ་སྟེ་བཞི་པའོ།། །།དེ་ནས་ ― DNG011_Page_0080 ―
[མ་དཔེ་གཟིགས་ན་འདིར་གནོན།]
ཡེ་ཤེས་རྒྱལ་པོ་དེ་ཉིད་དེ་བཞིན་གཤེགས་པ་ཐམས་ཅད་ཀྱི་ཡན་ལག་ཐམས་ཅད་དཀྱིལ་འཁོར་བླ་མར་ལྷུན་གྱིས་གྲུབ་པའི་དགོངས་པ་རྩེར་ཆིབ་ནས་རྡོ་རྗེ་བླ་མའི་ཚིག་འདི་ཆེད་དུ་གསུངས་སོ། །སྒྱུ་འཕྲུལ་དྲ་བས་མངོན་རྫོགས་པའི། །ཐམས་ཅད་བྱང་ཆུབ་མཆོག་གི་རྒྱ། །གསང་བ་དེ་ཉིད་ངེས་པ་ཡི། །སྙིང་པོ་ཕྱག་རྒྱ་འདའ་དཀའོ། །མི་བསྐྱོད་ཉི་མའི་དཀྱིལ་ཡི་གེ། །རིན་ཆེན་ཟླ་བའི་དཀྱིལ་ཡི་གེ། །ལྔ་གཉིས་ཟུང་དུ་སྤྲོས་པ་ལས། །སྦྱར་བའི་ཕྱག་རྒྱ་འབྱུང་བའི་རྒྱུ། །ཧཱུྃ་དང་མུྃ་གཉིས་རྩེ་སྦྱར་ཏེ། །འབྲུ་བརྒྱད་བསྣོལ་ནས་ཐུགས་ཀར་བཀན། །རྒྱལ་བ་ཀུན་དང་མཉམ་སྦྱོར་བ། །བདེ་བ་ཆེན་པོ་སྦྱིན་པའི་རྒྱ། །འབྲུ་བཞི་སྦས་ནས་ཐུགས་ཀར་བཀན། །ཧཱུྃ་བསྒྲེང་རྩེ་མོར་རྡོ་རྗེ་འབར། །ཟླ་བརྟུལ་འབྲུ་སྦས་དྲིལ་གསིལ་ཅིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །མུྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །འཁོར་ལོ་འབར་བའི་ལྟེ་དབུས་ན། །སྟོན་པ་རྡོ་རྗེ་སེམས་དཔའ་དག །ཡུམ་མཆོག་ཡངས་མའི་སྤྱན་དང་ནི། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་བཞི་སྦས་ནས་ཐུགས་ཀར་བཀན། །ཨོཾ་བསྒྲེང་རྩེ་མོར་འཁོར་ལོ་འབར། །ཟླ་བརྟུལ་འབྲུ་སྦས་དྲིལ་གསིལ་ཅིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །ལྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །ཤར་གྱི་འཁོར་ལོའི་རྩིབས་སྟེངས་ནས། །བདེ་གཤེགས་རྣམ་པར་སྣང་མཛད་དག །ཡུམ་མཆོག་ཀུན་དུ་བཟང་མོ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་བཞི་སྦས་ནས་ཐུགས་ཀར་བཀན། །སྭ་རྩེ་འབར་བ་རིན་པོ་ཆེ། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་སྦས་བཞི་ནས་ཐུགས་ཀར་བཀན། །མྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ ― DNG011_Page_0081 ―
[མ་དཔེ་གཟིགས་ན་འདིར་གནོན།]
ཀྱིས་ལྟ། །ལྷོ་ཕྱོགས་འཁོར་ལོའི་རྩིབས་སྟེངས་ནས། །བདེར་གཤེགས་རིན་ཆེན་འབྱུང་ལྡན་དག །ཡུམ་མཆོག་ཁམས་གསུམ་བྱམས་མ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་སྦས་བཞི་ནས་ཐུགས་ཀར་བཀན། །ཨཱྃ་བསྒྲེང་རྩེ་མོར་པདྨ་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །པྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །ནུབ་ཕྱོགས་འཁོར་ལོའི་རྩིབས་སྟེངས་ནས། །བདེ་གཤེགས་སྣང་བ་མཐའ་ཡས་དག །ཡུམ་མཆོག་ན་བཟའ་དཀར་མོ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །འབྲུ་བཞི་སྦས་ནས་ཐུགས་ཀར་བཀན། །ཧ་བསྒྲེང་རྩེ་མོར་རལ་གྲི་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །ཏྲཱྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔས་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་ལྟ། །བྱང་ཕྱོགས་འཁོར་ལོའི་རྩིབས་སྟེངས་ནས། །བདེ་གཤེགས་དོན་ཡོད་གྲུབ་པ་དང་། །ཡུམ་མཆོག་དམ་ཚིག་སྒྲོལ་མ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །རིན་ཆེན་མྱུ་གུ་གཡས་ཕྱོགས་ན། །སྒེག་ཅིང་འགྱིང་བ་གཡོན་ཕྱོགས་ན། །ས་སྙིང་དཀར་པོ་རྡོ་རྗེའི་རིགས། །ཡུམ་མཆོག་དཀར་མོ་སྒེག་ཆེན་དང་། །དཀྱིལ་འཁོར་བར་ཁྱམས་ཤར་ཕྱོགས་ན། །གཉིས་མེད་དབྱིངས་ཀྱི་ངང་དུ་འཁྲིལ། །རལ་གྲི་འབྱིན་པ་གཡས་ཕྱོགས་ན། །ཕྲེང་བ་བགྲང་བ་གཡོན་ཕྱོགས་ན། །དཀྱིལ་འཁོར་བར་ཁྱམས་ལྷོ་ཕྱོགས་ན། །ནམ་སྙིང་སེར་པོ་རིན་ཆེན་རིགས། །ཡུམ་མཆོག་དཔལ་གྱི་ཕྲེང་བ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །པདྨ་དཀར་པོ་གཡས་ཕྱོགས་ན། །པི་བང་འགྱེད་པ་གཡོན་ཕྱོགས་ན། །དཀྱིལ་འཁོར་བར་ཁྱམས་ནུབ་ཕྱོགས་ན། །སྤྱན་རས་ལེ་བརྒན་པདྨ་རིགས། །ཡུམ་མཆོག་ཆོས་ཀྱི་དབྱིངས་མཁན་དང་། །གཉིས་མེད་དབྱིངས་ཀྱི་ངང་དུ་འཁྲིལ། །རྡོ་རྗེ་ ― DNG011_Page_0082 ―
[མ་དཔེ་གཟིགས་ན་འདིར་གནོན།]
རྩེ་ལྔ་གཡས་ཕྱོགས་ན། །གར་གྱི་ཅོད་པན་གཡོན་ཕྱོགས་ན། །དཀྱིལ་འཁོར་བར་ཁྱམས་བྱང་ཕྱོགས་ན། །ཕྱག་ན་མཐིང་ག་ལས་ཀྱི་རིགས། །ཡུམ་མཆོག་གར་གྱི་ཅོད་པན་དང་། །གཉིས་མེད་དབྱིངས་ཀྱི་ངང་དུ་འཁྲིལ། །མཛེས་པའི་ཀླུ་ཤིང་གཡས་ཕྱོགས་ན། །བདུག་སྤོས་འདྲེན་པ་གཡོན་ཕྱོགས་ན། །དཀྱིལ་འཁོར་བར་ཁྱམས་ཤར་ལྷོ་ན། །བྱམས་པ་དཀར་སེར་བདེར་གཤེགས་རིགས། །ཡུམ་མཆོག་བདུག་པའི་སྤྲིན་འཕྲོ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །གསེར་གྱི་འཁོར་ལོ་གཡས་ཕྱོགས་ན། །མེ་ཏོག་འཐོར་བ་གཡོན་ཕྱོགས་ན། །དཀྱིལ་འཁོར་བར་ཁྱམས་ལྷོ་ནུབ་ན། །སྒྲིབ་སེལ་དམར་སེར་རིན་ཆེན་རིགས། །ཡུམ་མཆོག་མེ་ཏོག་ཆར་འབེབས་དང་། །གཉིས་མེད་དབྱིངས་ཀྱི་ངང་དུ་འཁྲིལ། །རིན་ཆེན་སྙེ་མ་གཡས་ཕྱོགས་ན། །སྒྲོན་མ་འདེགས་པ་གཡོན་ཕྱོགས་ན། །དཀྱིལ་འཁོར་བར་ཁྱམས་ནུབ་བྱང་ན། །ཀུན་བཟང་དམར་ལྗང་ལས་ཀྱི་རིགས། །ཡུམ་མཆོག་གསལ་བའི་སྒྲོན་མ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །ཨུཏྤལ་སྔོན་པོ་གཡས་ཕྱོགས་ན། །ཙནྡན་འཐོར་བ་གཡོན་ཕྱོགས་ན། །དཀྱིལ་འཁོར་བར་ཁྱམས་བྱང་ཤར་ན། །འཇམ་དཔལ་དཀར་ལྗང་རྡོ་རྗེའི་རིགས། །ཡུམ་མཆོག་ཙནྡན་ཆར་འབེབས་དང་། །གཉིས་མེད་དབྱིངས་ཀྱི་ངང་དུ་འཁྲིལ། །ཐུབ་དྲུག་ཕྱག་རྒྱ་ཆེན་པོ་ནི། །རྒྱུད་དྲུག་གནས་ནས་འདྲེན་པ་སྟེ། །གསེག་པར་ཕྱག་རྒྱ་ཚུལ་འཛིན་པས། །སྐུ་མདོག་སེར་པོས་མི་རྣམས་འདྲེན། །པི་བང་ཕྱག་རྒྱ་ཚུལ་འཛིན་པས། །སྐུ་མདོག་དཀར་པོ་ལྷ་རྣམས་འདྲེན། །གོ་ཆ་མདུང་ཐུང་ཕྱག་རྒྱ་ཡིས། །སྐུ་མདོག་མཐིང་ནག་ལྷ་མིན་འདྲེན། །རིན་ཆེན་འབར་བའི་ཕྱག་རྒྱ་ཡིས། །སྐུ་མདོག་སྔོན་པོ་ཡི་དྭགས་འདྲེན། །པོ་ཏི་བརྩེགས་པའི་ཕྱག་རྒྱ་ཡིས། །སྐུ་མདོག་སེར་ནག་བྱོལ་སོང་འདྲེན། །མེ་འབར་ཆུ་འབེབས་ཕྱག་རྒྱ་ཡིས། །སྐུ་མདོག་སྔོན་པོ་དམྱལ་བ་འདྲེན། །སྒོ་བཞི་ཕྱག་རྒྱ་ཚུལ་གནས་པ། །རྡོ་རྗེ་གནོན་པོ་གཡས་ཕྱོགས་ན། །ལྕགས་ཀྱུ་ ― DNG011_Page_0083 ―
[མ་དཔེ་གཟིགས་ན་འདིར་གནོན།]
འཕེན་པ་གཡོན་ཕྱོགས་ན། །སྟོབས་ཆེན་ཁྲོ་བོ་ཆེན་པོ་ཡང་། །ཡུམ་མཆོག་རྡོ་རྗེ་ལྕགས་ཀྱུ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །ནྲྀ་མགོ་གདེངས་པ་གཡས་ཕྱོགས་ན། །ཞགས་པ་འཕེན་པ་གཡོན་ཕྱོགས་ན། །ཁྲོ་ཆེན་གཤིན་རྗེ་གཤེད་པོ་ཡང་། །ཡུམ་མཆོག་རྡོ་རྗེ་ཞགས་པ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །སྦྲུལ་མགོ་གདེངས་པ་གཡས་ཕྱོགས་ན། །ལྕགས་སྒྲོག་སྡོམ་པ་གཡོན་ཕྱོགས་ན། །ཁྲོ་ཆེན་རྟ་མགྲིན་དཔའ་བོ་ཡང་། །ཡུམ་མཆོག་རྡོ་རྗེ་ལྕགས་སྒྲོག་དང་། །གཉིས་མེད་དབྱིངས་ཀྱི་ངང་དུ་འཁྲིལ། །རྒྱ་གྲམ་གནོན་པ་གཡས་ཕྱོགས་ན། །དྲིལ་བུ་འཁྲོལ་བ་གཡོན་ཕྱོགས་ན། །ཁྲོ་ཆེན་བདུད་རྩི་འཁྱིལ་པ་ཡང་། །ཡུམ་མཆོག་རྡོ་རྗེ་དྲིལ་འཁྲོལ་དང་། །བྱང་གི་སྒོ་ནས་དབྱིངས་སུ་འཁྲིལ། །ཀུན་བཟང་མཉམ་བཞག་ཡེ་ཤེས་འཕྲོ། །ཡུམ་འགྱུར་མཉམ་རྫོགས་པདྨའི་དཀྱིལ། །གཉིས་མེད་དབྱིངས་ཀྱི་གསང་ཆེན་སྤྲོ། །བདེ་མཆོག་ངོ་མཚར་ཐུགས་ཀྱི་དཀྱིལ། །སྤྲོ་བསྡུ་རྡོ་རྗེ་ཐལ་མོ་དག །བསྒྱུར་བས་རང་སེམས་ཡེ་ཤེས་གསལ། །དེ་ཉིད་ཤེས་རབ་ཐབས་སུ་རྫོགས། །སྒྱུ་འཕྲུལ་དྲ་བ་ངེས་པའི་བླ་མ་ཆེན་པོ་ལས་ཕྱག་རྒྱ་སྤྲོས་པའི་ལེའུ་སྟེ་ལྔ་པའོ།། །།དེ་ནས་ཡེ་ཤེས་རྒྱལ་པོ་དེ་རྡོ་རྗེ་བཀོད་པའི་གསང་བའི་དམ་ཚིག་རྒྱན་རྣམ་པར་སྤྲོས་པའི་དགོངས་པ་ལ་ཅིག་ཆར་བཞུགས་ཏེ། རྡོ་རྗེ་གསང་བའི་ཚིག་འདི་བརྗོད་དོ། །ཤིན་ཏུ་ཕྲ་བའི་ཏིང་འཛིན་མཆོག །དཔེ་དང་ཚད་དུ་མི་གཟུང་ཞིང་། །གཞལ་ཡས་ཕྱག་རྒྱ་ལ་སོགས་ཏེ། །མཚོན་དུ་མེད་ལ་སྣང་བར་བསྒོམ། །ཤིན་ཏུ་ཕྲ་བས་རྣམ་སྦྱངས་ཏེ། །རིག་པས་རྒྱ་ཁྱོན་ཚད་མེད་པ། །གཞལ་ཡས་ཕྱག་རྒྱ་ལ་སོགས་པའི། །མཚོན་དུ་མེད་ལ་སྣང་བར་བསྒོམ། །ཕྱི་ནང་གསང་བའི་མཆོད་པ་དང་། །ཚོགས་ཆེན་གཉིས་ལས་འགྲུབ་པ་ཡི། །འདོད་པ་ལྔ་ཡི་ཡོན་ཏན་རྣམས། །ནམ་མཁའི་མཐའ་དང་མཉམ་རྫོགས་ཏེ། །རགས་དང་ཕྲ་དང་འབྲིང་ལ་སོགས། །ཇི་ལྟར་འདོད་པ་རང་གར་བྱ། །ཙ་ཀ་ལི་དང་ཚོན་རྩི་དག །བྱ་དང་མི་བྱ་མེད་པས་ན། །དེ་ལ་དགག་པར་མ་གསུངས་སོ། ། ― DNG011_Page_0084 ―
[མ་དཔེ་གཟིགས་ན་འདིར་གནོན།]
འགྲོ་དོན་འཚམ་པ་དེ་བཞིན་ཏེ། །སྣ་ཚོགས་མཆོད་པས་རྒྱས་པར་མཆོད། །བདག་ཉིད་ཆེན་པོས་མཆོད་པ་ཡིས། །སངས་རྒྱས་དཀྱིལ་འཁོར་མ་ལུས་མཉེས། །སྲིད་གསུམ་འགྲོ་བ་མ་ལུས་ཀུན། །དགའ་བ་ཆེན་པོས་ཚིམ་པ་ཡིན། །སྒྱུ་འཕྲུལ་དྲ་བའི་དགོངས་པ་ཡིས། །རྒྱལ་བའི་དཀྱིལ་འཁོར་མ་ལུས་དང་། །རིགས་དྲུག་འགྲོ་བ་མངོན་དུ་འགྱུར། །ལུས་ངག་སེམས་དང་ཆོས་ཐམས་ཅད། །གང་ནའང་ཡོད་པ་མ་ཡིན་ཏེ། །རྣམ་དག་ཡེ་ཤེས་སྦྱོར་བ་ཡིས། །དབྱིངས་ལ་དབྱིངས་ཉིད་སྒོམ་པ་ཡིས། །ཀུན་བྱས་དབང་ཕྱུག་རིག་པས་འཇུག །དེ་ནས་དད་ལྡན་གུས་འཇུག་པ། །དེ་ནས་རིགས་ཀྱི་བུ་མཆོག་དེས། །རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །སྙིང་ཡང་ཡོན་གྱི་མཆོག་ཡིན་ཏེ། །བླ་མ་མཉེས་ཕྱིར་གུས་ལྡན་དབུལ། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཉེས་པ་ཡིན། །གསལ་བའི་དཀྱིལ་འཁོར་སྨོས་ཅི་དགོས། །སྐྱོན་རྣམས་མ་ལུས་ངེས་པར་འབྱང་། །དད་ལྡན་བརྩོན་འགྲུས་བསྐྱེད་བྱས་ན། །ཕན་པའི་དབང་ནོད་ཐེག་ཚད་སྦྱིན། །དེས་ན་དབང་ཕྱུག་རྒྱལ་པོ་ཡིས། །དབང་གི་རིམ་པ་རྣམས་བསྟན་ཏོ། །འགྲོ་ལ་ཕན་ཕྱིར་ལས་རྣམས་སྦྱིན། །གྲུབ་པ་ས་འཛིན་རྒྱལ་པོ་སྦྱིན། །མི་འགྱུར་རབ་འབྱམ་བདེ་ཆེན་ནོ། །གང་འདོད་རིམ་གྱིས་སྦྱིན་པར་བྱ། །བློ་དང་ལྡན་པས་ཐེག་ཚད་ནོད། །ཡང་ན་སྲས་ཀྱི་དམ་པ་སྟེ། །ཆུད་མ་ཟོས་པར་རྫོགས་དབང་སྦྱིན། །སེམས་ཀྱི་རྣམ་པ་ཉིང་ཁུ་བླུད། །སྒོ་འབྱེད་བདེ་བས་གྱེན་དུ་བསྐྱིལ། །དེ་ནས་དབང་ཕྱུག་ཆེན་པོ་དེས། །མི་འགྱུར་སྒྲོན་མར་སྐུ་བསྐྱོད་ཅིང་། །སེམས་ཀྱི་ཐིག་ལེ་སྒོ་ཕྱེ་སྟེ། །ཚངས་པ་ཆེན་པོའི་དབྱངས་བཞེད་ནས། །གོ་འབྱེད་རྡོ་རྗེའི་ལྗགས་བརྐྱང་སྟེ། །དད་ལྡན་སྐྱེས་བུ་དབང་བསྐུར་བ། །རྫོགས་པ་ཆེན་པོའི་བདེ་དབང་ནི། །ཆེ་མཆོག་གོང་ན་མེད་པ་ན། །གསང་བའི་དབུ་རྒྱན་གྱི་དབང་དང་། །ཐབས་མཁས་བྱིན་བརླབས་ཆེ་བས་ན། །ལས་རྣམས་ ― DNG011_Page_0085 ―
[མ་དཔེ་གཟིགས་ན་འདིར་གནོན།]
ཀུན་གྱི་དབང་དང་ནི། །ཁམས་གསུམ་དབང་དུ་བསྡུས་པས་ནི། །སློབ་དཔོན་ཞལ་ཆབ་ཀྱི་དབང་ངོ་། །ཧཱུྃ་ཐབས་མཁས་ཐུགས་རྗེའི་བྱིན་བརླབས་ཀྱིས། །རིགས་ཀྱི་བུ་མཆོག་དབང་བསྐུར་ཕྱིར། །གསང་བའི་དབུ་རྒྱན་འདི་བཅིངས་པས། །རིགས་ཀྱི་བུ་མཆོག་དེང་ཕན་ཆད། །འཇིག་རྟེན་ཆེ་བ་ཀུན་གྱི་བླ། །ཆེ་བའི་ཆེ་བ་ཟིལ་གྱིས་གནོན། །སངས་རྒྱས་ཆེ་བའི་མཆོད་གནས་ནི། །རྣལ་འབྱོར་ཆེན་པོ་ཁྱོད་ཉིད་ཡིན། །ཨོཾ་སརྦ་ཏ་ཐཱ་ག་ཏོ་གུ་ཧྱ་བཛྲ་རཏྣ་མ་ཀུ་ཊ་ཏྲཱྃ་ཏྲཱྃ། བཛྲ་གུ་ཧྱ་སིད་དྷི་ཧཱུྃ། ཧཱུྃ་ཐབས་མཁས་བྱིན་བརླབས་ཆེན་པོ་ནི། །སངས་རྒྱས་ཀུན་གྱི་ཐུགས་ཡིན་ཏེ། །བྱིན་བརླབས་ཆེན་པོ་རྣམ་བཞི་པོ། །དབང་བསྐུར་གནང་ཕྱིར་གཏད་པས་ན། །རིགས་ཀྱི་བུ་མཆོག་དེང་ཕན་ཆད། །སེམས་ཅན་ཀུན་ལ་སྙིང་བརྩེ་ཕྱིར། །མུ་སྟེགས་རྟག་ཆད་ཡན་ཆད་ནས། །སངས་རྒྱས་ཀུན་གྱི་མཛད་སྤྱོད་ལ། །ཁྱོད་ཀྱིས་མི་བྱ་གཅིག་ཀྱང་མེད། །རྡོ་རྗེ་སེམས་དཔའི་སྤྱོད་པ་ཡིས། །སེམས་ཅན་ཀུན་གྱི་རེ་བ་སྐོང་། །ཨོཾ་ས་མ་ཡ་གུ་ཧྱ་ཨེ་བྃ་མ་ཡ་ཨ། སློབ་དཔོན་ཞལ་ཆབ་ཀྱི་དབང་ནི་ཁམས་གསུམ་ཀུན་ལ་དབང་ཡིད་བཞིན་དུ་སྒྱུར་ཏེ། ཧཱུྃ་ང་ནི་རྒྱལ་བ་ཀུན་གྱི་བླ། །ཐིག་ལེ་བྱང་ཆུབ་སེམས་ཆེན་པོ། །ང་ནི་ཁྲོ་རྒྱལ་ཀུན་གྱི་རྗེ། །ཡེ་ཤེས་རོལ་པའི་འབྱུང་གནས་གཏེར། །ང་ནི་སྤྱི་དཔལ་བླ་ན་མེད། །སྐྱོན་བྲལ་ཐབས་ཀྱི་རྒྱལ་པོ་ཡིན། །སེམས་ཀྱི་དཀྱིལ་ནས་དྲངས་པའི་ཆུ། །ཁྱོད་ཀྱི་ལྕེ་ལ་ཕབ་པ་འདི། །སྙིང་གི་དཀྱིལ་དུ་གཟུང་བར་བྱོས། །རིགས་ཀྱི་བུ་ཁྱོད་དེང་ཕན་ཆད། །རྡོ་རྗེ་སེམས་དཔའི་ཐུགས་མཆོག་ཟུང་། །སངས་རྒྱས་ཀུན་གྱི་གཙོ་བོ་ཡིན། །བྱང་ཆུབ་སེམས་དང་མཉམ་པའི་ཕྱིར། །སེམས་དཔའ་ཀུན་གྱི་མཆོད་གནས་ཡིན། །རིགས་ཀྱི་བུ་ཁྱོད་དེང་ཕན་ཆད། །ཕྱི་དང་ནང་དང་གསང་བ་ཡི། །བསྟན་པ་ཕྱི་ནང་ཟབ་མོ་ཀུན། །སེམས་ཀྱི་དཀྱིལ་དུ་བསྡུས་ནས་ཀྱང་། །རྡོ་རྗེ་ལྕེ་ཡིས་སྒོ་ཕྱེ་སྟེ། །བདུད་རྩི་སྨན་མཆོག་དམ་པ་འདིས། །དད་ལྡན་སྐྱེས་བུ་ངོམས་པར་བྱོས། །སེམས་ཀྱི་ཐིག་ལེ་དཀྱིལ་འཁོར་དུ། །ཞི་ཁྲོ་འབྱམ་པའི་གཏེར་སྒོམས་ལ། །སྲིད་པ་གསུམ་ལ་དབང་སྒྱུར་ཅིག །དབང་ཅན་ཐམས་ ― DNG011_Page_0086 ―
[མ་དཔེ་གཟིགས་ན་འདིར་གནོན།]
ཅད་བཀོལ་བར་བྱོས། །སྐྱེ་འགྲོ་ཀུན་ལ་སྙིང་བརྩེའི་ཕྱིར། །གདུལ་བའི་ཕྱག་རྒྱ་འདི་ཡང་སྤྱོད། །དུག་གསུམ་རྩ་བ་གཅད་པར་བྱོས། །ཕྱི་ནང་སྣོད་བཅུད་རྣམ་པར་དག །རྣམ་དག་ཆེན་པོ་ཉིད་ཀྱི་ལམ། །བྱེད་སྤྱོད་ཐབས་ཚོགས་གཉིས་རྫོགས་པ། །འགྲོ་དོན་བྱང་ཆུབ་སེམས་ཀྱི་དབྱིངས། །སེམས་ཀྱི་ཆུ་འདི་བཏུང་བར་བྱོས། །རྣལ་འབྱོར་ཆེན་པོས་དམ་དུ་ཟུང་། །ཧཱུྃ་དེ་ནས་རིགས་ཀྱི་བུ་མཆོག་དེས། །མཉམ་པའི་དོན་ལ་གཞོལ་བའི་ཕྱིར། །ཡེ་ཤེས་རྒྱལ་པོས་འདི་སྐད་གསུངས། །སྙིང་གི་དཀྱིལ་དུ་རྣམ་སྦྱང་བ། །ཧཱུྃ་ཉིད་རིང་པོས་མཚམས་སྦྱར་ཏེ། །ཐམས་ཅད་བདེ་བ་ཆེན་པོའི་དབྱིངས། །དགེ་སྡིག་ལས་ཀྱིས་མི་བཅོས་ཤིང་། །སྒོམ་དང་སྒྲུབ་པས་མི་འབྱངས་པའི། །རྣམ་དག་སེམས་ཉིད་རིན་ཆེན་གཏེར། །རྡོ་རྗེ་སྙིང་པོ་ཡེ་ཤེས་ཀྱིས། །ཁྲོ་རྒྱལ་ཀུན་གྱི་གཙོར་གྱུར་ཅིག །ཤྲཱི་མ་ཧཱ་སུ་ཁ་བཛྲ་བོ་དྷི་ཧཱུྃ་ཧོ། ཨོཾ་ཨྃ། མི་འགྱུར་པ་ཡི་ཡེ་ཤེས་གནས། །མ་བཙལ་ཕྱིན་པས་བདེ་བའི་མཆོག །མ་བལྟས་གསལ་བས་ཡེ་ཤེས་སྤྱན། །གོང་ན་མེད་པའི་ཀུན་གྱི་རྗེ། །ཡེ་ཤེས་རང་གནས་བདལ་བ་ལ། །མི་འགྱུར་གཡུང་དྲུང་ས་ཐོབ་ཤོག །ཨོཾ་མ་ཧཱ་གུ་ཧྱ་བྲུཾ་ཛྙཱ་ན་མཎྜ་ལ། ཛྙཱ་ན་གུ་ཧྱ་སིད་དྷི་སྭ་བྷཱ་བ་ཨཱདྨ་ཀོ྅ཧྃ། གཟུངས་དང་ཏིང་འཛིན་སྟོབས་དང་མི་འཇིགས་པ། །འགྱུར་བ་མེད་པའི་སྨན་མཆོག་ཐིག་ལེ་ལྔ། །མཚན་མཆོག་རྫོགས་པ་ཆེན་པོས་ལུས་བརྒྱན་ཅིང་། །ཨོཾ་སརྦ་ཏ་ཐཱ་ག་ཏོ་གུ་ཧྱ་ཨཱདྨ་ཨ་བྷི་ཥིཉྩ་ཧོ་ཧ། ཁྱུང་གི་གཤོག་པ་གཡས་གཡོན་གདེངས་པ་ཡིས། །ཀླུ་རྣམས་ཟིལ་གྱིས་གནོན་པར་བྱེད་པ་ལྟར། །སྲིད་གསུམ་ཡོན་ཏན་མཆོག་ཏུ་རྫོགས་པ་ཡི། །སངས་རྒྱས་ཀུན་ལ་མཛེས་པའི་ཅོད་པན་མཆོག །མཆོག་ཏུ་ཆེ་བས་བདུད་བཞི་ཟིལ་གྱིས་གནོན། །ཨོཾ་སརྦ་ཏ་ཐཱ་ག་ཏོ་མ་ཧཱ་གུ་ཧྱ་བཛྲ་ཨ་བྷི་ཥིཉྩ་ཧོ། ཧཱུྃ་བདེ་བ་ཆེན་པོའི་རང་གནས་ལ། །ཡེ་ཤེས་རྒྱལ་པོ་སྟངས་དཔྱལ་དུ། །འགྱུར་བ་མེད་པར་ལོངས་སྤྱོད་ཅིང་། །ཐབས་དང་ཤེས་རབ་འཕྲོ་འདུ་ཡིས། །སྐྱེ་འགྲོ་སྲས་སུ་འཛིན་པར་ཤོག །ཨོཾ་སརྦ་ཏ་ཐཱ་ག་ཏོ་གུ་ཧྱ་ཨ་ནུ་ ― DNG011_Page_0087 ―
[མ་དཔེ་གཟིགས་ན་འདིར་གནོན།]
རཱ་ག་ཏ་བཛྲ་སྭ་བྷཱ་བ་ཨཱདྨ་ཀོ྅ཧྃ། དབྱིངས་ནས་ཉི་ཤར་མཁའ་ལ་རྫོགས་སྲས་འགྱུར། །རྒྱུ་འཕྲུལ་དྲ་བ་བླ་མ་ཆེན་པོ་ལས་རྡོ་རྗེ་བཀོད་པ་གསང་བ་དམ་ཚིག་དང་དབང་སྦྱིན་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཡེ་ཤེས་རྒྱལ་པོ་དེས་ཐུགས་རྗེ་ཆེན་པོ་གདུང་བའི་དམ་ཚིག་ལུ་གུ་རྒྱུད་ལ་སྙོམས་པར་ཞུགས་ནས་དམ་ཚིག་སྟ་ན་ཆེན་པོའི་ཕྲིན་ལས་མཛད་དོ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཞིང་བཅུར་ལྡན་པའི་ལོངས་སྤྱོད་ལ། །གསུང་གི་འཕྲོ་འདུ་རྣམ་སྦྱངས་ཏེ། །ལྔ་ཡི་ཚོམ་བུ་ཡང་དག་གསལ། །སྒོ་ལྔ་བྱིན་རླབས་འདྲེན་པའི་མཆོག །ངོ་མཚར་ངན་འགྲོ་ཐར་པའི་ལམ། །གཙུག་ཏུ་སྣང་མཛད་སེམས་དཔའ་ཆེ། །སྐུར་སྐྱེད་བྱིན་རླབས་རྨད་པོ་ཆེ། །ཕོ་ཉ་མང་པོའི་འཕྲོ་འདུ་ཡིས། །ཞིང་བཅུ་གནས་ནས་བླངས་ནས་སུ། །ཉི་ཟླ་སྟེང་དུ་དེ་བཞག་སྟེ། །ཤེས་པ་གསུམ་པོ་དབྱིངས་སུ་བསྡིམ། །རང་རྒྱུད་འཁོར་བའི་ས་བོན་ལས། །ལྗང་གུ་ནི་རུ་འཕང་བསྟོད་དེ། །ནི་ལྗང་ཧཱུྃ་དུ་གནས་བསྒྱུར་ནས། །ཡས་འདུས་མས་འདུས་ཧཱུྃ་ལ་འདུས། །ཧཱུྃ་ནི་བདེ་གཤེགས་ཡེ་ཤེས་ལྔ། །དཀར་ལ་གསལ་བར་སྐུར་བསྐྱེད་དེ། །བདེ་ཆེན་འོད་ཟེར་འཕྲོ་བས་བརྗིད། །རྡོ་རྗེ་སྔོན་པོ་རྩེ་ལྔ་པ། །ཡབ་ཡུམ་བཅུ་ཡི་བྱིན་རླབས་ཉིད། །ལེ་བརྒན་ཧཱུྃ་ནི་དབྱིངས་སུ་སྦྱོར། །ཀུན་ཏུ་བཟང་མོ་བདེ་བའི་མཁའ། །སངས་རྒྱས་སེམས་ཅན་གཉི་གའི་ཡུམ། །རྡོ་རྗེ་སེམས་དཔའ་སངས་རྒྱས་གཙོ། །སྲས་སུ་གྱུར་པས་བདེ་བའི་མཆོག །ཞིང་གྱུར་མཆོག་དང་མཆོག་ཕྲན་རྣམས། །གནས་ནི་ཀུན་བཟང་ཡུམ་གྱི་མཁའ། །ས་ནི་རྡོ་རྗེ་སེམས་དཔའི་ས། །མི་ལྡོག་ཉི་ཟླའི་གདན་སྟེངས་སུ། །མཁས་པས་སྐུ་ཡི་ཕྱག་རྒྱར་བསྐྱོད། །མཚན་དང་དཔེ་བྱད་ཡང་དག་ལྡན། །རྟག་ཏུ་སྐུ་མཆོག་གཡུང་དྲུང་སྦྱིན། །ཧོ་རྡོ་རྗེ་གསང་བའི་ཚིག་ཏུའོ། །དེ་ནས་ཡེ་ཤེས་རྒྱལ་པོ་དེས། །གསང་མཆོག་བདེ་བའི་མཆོད་སྤྲིན་གྱིས། །ཕྱོགས་བཅུའི་ཞིང་ཁམས་རྡུལ་སྙེད་ན། །རྒྱལ་བའི་དཀྱིལ་འཁོར་རྡུལ་ཕྲན་སྙེད། །དེ་ཀུན་ ― DNG011_Page_0088 ―
[མ་དཔེ་གཟིགས་ན་འདིར་གནོན།]
གསང་མཆོག་མཉེས་བྱའི་ཕྱིར། །ཉིད་ཀྱི་གསང་བའི་རྒྱལ་མོ་དེ། །འཛུམ་པའི་མདངས་ཀྱིས་དབྱིངས་སུ་ཐིམ། །འཁྲིལ་ནས་གསང་བའི་དགོངས་པ་མཛད། །བཅྭ་བརྒྱད་ཕྲག་གཉིས་ཧཱུྃ་སྤྲོས་པས། །ཀློང་དུ་ཧཱུྃ་ཆེན་གཅིག་ཏུ་འཁྱིལ། །ཁ་དོག་རྣམ་བཞི་ཡང་དག་ལྡན། །རིགས་བཞི་ལྷ་མོ་རྣམ་སྤྲོས་ཏེ། །སྟོང་ཁམས་བཀང་ནས་མཆོད་པ་བྱེད། །ལ་ལ་གསང་མཆོག་དབྱིངས་སུ་འཁྲིལ། །ལ་ལ་འདོད་ལྔའི་མཆོད་པ་བྱེད། །རིན་ཆེན་ཁང་པ་སྣ་ཚོགས་དང་། །བླ་རེ་རྒྱལ་མཚན་འཕན་གདུགས་དང་། །རིན་ཆེན་དོ་ཤལ་སེ་མོ་དོ། །དབྱིབས་ལེགས་རིན་ཆེན་ཕུང་པོས་མཛེས། །བསམ་རྫོགས་རིན་ཆེན་སྡོང་པོ་ཡིས། །རྒྱལ་བའི་དཀྱིལ་འཁོར་མ་ལུས་མཆོད། །ལ་ལ་འགྲོ་བ་རེ་བ་སྐོང་། །ལ་ལ་བདུད་འདུལ་ངན་སོང་སྦྱོང་། །ཀུན་ཀྱང་གསང་བའི་མཆོད་འབུལ་བྱེད། །ཉིད་ཀྱི་གསང་བའི་རྒྱལ་མོ་དང་། །གཉིས་སུ་མེད་པར་འཁྲིལ་ནས་སུ། །འཁྲིལ་ནས་ག་ནའི་མཆོད་པ་བྱེད། །སྟོང་ཁམས་ཉུངས་འབྲུར་གཞུག་ཚུལ་དུ། །ག་ནའི་མཆོད་པ་ཆེན་པོ་ཡིས། །ཐམས་ཅད་མཉེས་པ་ཆེན་པོར་གྱུར། །དེ་ནས་ཡེ་ཤེས་རྒྱལ་པོ་དེ་ཉིད་ཀྱི་གསང་བའི་རྒྱལ་མོ་དང་གཉིས་སུ་མེད་པར་འཁྲིལ་ནས་ཆེད་དུ་བརྗོད་པ་འདི་བརྗོད་དོ། །ཨེ་མའོ་བདེ་གཤེགས་སྤྱོད་པའི་མཆོག །སྣ་ཚོགས་སྤྱོད་ལ་རང་བཞིན་གསང་། །མ་ཆགས་པ་ཡི་ངོ་བོ་ལས། །ཆགས་པ་ཆེན་པོའི་སྤྱོད་པ་འབྱུང་། །སྤྱོད་པ་ཆེན་པོ་རྣམ་གཉིས་ལ། །རྟོགས་ནས་ཆགས་པས་སུ་སྤྱོད་པ། །ཡང་དག་ཆགས་པ་ཆེན་པོ་སྟེ། །འདི་ནི་ཚངས་མཆོག་རྒྱལ་པོ་ཡིན། །སེམས་ཀྱི་སྤྱོད་པ་རྣམ་པ་གཉིས། །ཞིང་བཅུ་མཉེས་པའི་ལས་བྱའོ། །ཞེས་ཆེད་དུ་གསུངས་སོ། །དེ་ལྟ་བུས་ཕྱོགས་བཅུ་དུས་བཞིའི་དེ་བཞིན་གཤེགས་པའི་ཞིང་ཁམས་ཀྱིས་བསྡུས་པ་ཐམས་ཅད་མཉེས་པ་ཆེན་པོས་ཐིམ་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་ཐུགས་རྗེ་གདུང་བའི་ལེའུ་སྟེ་བདུན་པའོ།། །།དེ་ནས་དེ་བཞིན་གཤེགས་པ་ཡེ་ཤེས་རྒྱལ་པོ་དེ་མཆོད་པ་བླ་མའི་རྒྱན་བཀོད་ ― DNG011_Page_0089 ―
[མ་དཔེ་གཟིགས་ན་འདིར་གནོན།]
པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་གསུངས་སོ། །སྒྱུ་འཕྲུལ་དྲ་བས་མངོན་རྫོགས་པའི། །དཀྱིལ་འཁོར་བླ་མ་དགོངས་པའི་མཆོག །བྲོ་གར་འདུ་འཕྲོའི་ཕྱག་རྒྱ་ཡིས། །འཛུལ་ལམ་ནམ་མཁར་འགྲོ་བར་ངེས། །གླུ་ཚིག་སྒྲ་ཡི་ཕྱག་རྒྱ་ཡིས། །ཆོས་ཀྱི་སེམས་དཔའི་དངོས་གྲུབ་ལེན། །བཟའ་དང་བཏུང་བའི་ཕྱག་རྒྱ་ཡིས། །ཡིད་བཞིན་སེམས་དཔའི་དངོས་གྲུབ་ལེན། །རྒྱན་དང་བགོ་བའི་ཕྱག་རྒྱ་ཡིས། །འོད་འབར་བླ་མའི་དངོས་གྲུབ་ལེན། །ཨཱ་ལི་ཀཱ་ལིའི་ཕྱག་རྒྱ་ཡིས། །ཐམས་ཅད་གྲུབ་ཅིང་རྡོ་རྗེ་ངེས། །རྒྱུ་འབྲས་དབྱིངས་སུ་སྦྱོར་ཤེས་ཤིང་། །བླ་མའི་དགོངས་པ་གང་སྦྱོར་བ། །རིག་འཛིན་རྒྱལ་བའི་ཞིང་དུ་ངེས། །སྐྱེ་བ་རྣམ་བཞི་རྒྱུད་སྦྱངས་ནས། །མཚན་རྫོགས་ས་ལ་གདོན་མི་ཟ། །ཞེས་གསུངས་པས་ཚོགས་ཆེན་པོ་རྣམ་པ་གཉིས་རྫོགས་པར་གྱུར་ཏོ། །དེ་ནས་ཉིད་ཀྱི་བླ་མའི་མཛད་སྤྱོད་ལ་དགྱེས་པ་ཆེན་པོས་གླུ་འདི་བླངས་སོ། །ཨོཾ་ཕྱོགས་བཅུ་དུས་བཞི་རྫོགས་པ་ཡི། །ཡེ་ཤེས་དཀྱིལ་འཁོར་ཐིག་ལེ་ཆེ། །བསོད་ནམས་དཀྱིལ་འཁོར་སྐུ་ཡི་ཚོགས། །སྣང་སྟོང་ཐིག་ལེ་ཀུན་དུ་རྫོགས། །ཧོ། ཨོཾ་རྡོ་རྗེ་བསོད་ནམས་ཐིག་ལེ་ཆེ། །རྡོ་རྗེ་ཡེ་ཤེས་དཀྱིལ་འཁོར་ལྡན། །རྡོ་རྗེ་སྒྲ་ཆེན་མཐའ་ཡས་པ། །རྡོ་རྗེ་རྒྱལ་པོ་ཐིག་ལེ་ཆེ། །ཧོ། ཨོཾ་མི་དམིགས་སྒྱུ་འཕྲུལ་མཉམ་པའི་དབྱིངས། །མཐའ་ཡས་ཀུན་ནས་སྣ་ཚོགས་འཕྲོ། །མཐའ་ཡས་ཀུན་ནས་ལྷུན་གྱིས་ཐིམ། །སྣ་ཚོགས་སྐུ་གསུང་ཐུགས་ཆེན་པོ། །ཧོ། ཨོཾ་སྐུ་གསུང་ཐུགས་ཀྱི་རྫོགས་པ་ཆེ། །ཡོན་ཏན་ཕྲིན་ལས་ཀུན་ཏུ་རྫོགས། །ཡེ་ནས་ལྷུན་རྫོགས་ཀུན་ཏུ་བཟང་། །འདུས་པའི་རྫོགས་ཆེན་ཐིག་ལེ་ཆེ། །ཧོ། ཨོཾ་ཕྱོགས་བཅུ་འཇིག་རྟེན་རྡུལ་སྙེད་དུ། །རྒྱལ་བའི་དོན་རྣམས་རྡུལ་ཕྲན་སྙེད། །སྤྲུལ་པ་རྡུལ་ཕྲན་བསམ་ཡས་ཀྱི། །སྐད་ཅིག་ཡུད་ལ་ལྷུན་གྱིས་གྲུབ། །ཧོ། ཨོཾ་ཐམས་ཅད་མ་ལུས་སྐུ་གསུང་ཐུགས། །སྐུ་གསུང་ཐུགས་ཀྱི་བདག་ཉིད་ཆེ། །སྐུ་གསུང་ཐུགས་ཀྱི་ཀུན་ཏུ་ཁྱབ། །སྐུ་གསུང་ཐུགས་ཀྱི་ཐིག་ལེ་ཆེ། །ཧོ། ཨོཾ་ཐམས་ཅད་ཐིག་ལེ་བླ་མའི་དོན། །སྒྱུ་འཕྲུལ་བླ་མ་ཐིག་ ― DNG011_Page_0090 ―
[མ་དཔེ་གཟིགས་ན་འདིར་གནོན།]
ལེའི་དབྱིངས། །དབྱིངས་ཉིད་བྱང་ཆུབ་སེམས་ཆེན་པོ། །སྙིང་པོ་བླ་མ་ངེས་པའི་དོན། །ཐིག་ལེ་གཉིས་ལས་གཡོས་པ་མེད། །ཧོ། སྒྱུ་འཕྲུལ་དྲ་བ་བླ་མ་ཆེན་པོ་ལས་ཚོགས་ཆེན་པོ་རྣམ་པ་གཉིས་མཉེས་པའི་ལེའུ་སྟེ་བརྒྱད་པའོ།། །།དེ་ནས་དེ་བཞིན་གཤེགས་པ་ཡེ་ཤེས་རྒྱལ་པོ་དེ་སྒྱུ་འཕྲུལ་བླ་མ་ཆེན་པོའི་འཇིགས་པ་ཆེན་པོའི་ཚུལ་གྱིས་ཏིང་ངེ་འཛིན་མངོན་པར་འདུ་མཛད་དེ། དེ་ཅིའི་ཕྱིར་ཞེ་ན། བདག་ཏུ་ལྟ་བ་དང་། རྨོངས་པའི་དབང་གིས་གབ་པའི་གསང་བ་ཆེན་པོ་ནི་མ་རྟོགས། སྦས་པའི་གསང་བ་ལ་མངོན་པར་ཞེན་པས་ཆོས་མཉམ་པ་ཉིད་ཀྱི་དོན་ནི་ཕྱལ་བར་བོར། བྲམ་ཟེའི་ངན་སྔགས་མང་པོ་ནི་བློའི་གདེང་དུ་བླངས་ནས་སྙིང་རྗེ་ཆེན་པོའི་ལས་དང་ནི་བྲལ་གནས་སུ་མིང་བཏགས་ནས་ཞེ་སྡང་སྒྲོལ་བའི་ལས་ནི་རྒྱུན་དུ་བྱེད། ཐབས་དང་ཤེས་རབ་འདུ་འབྲལ་མེད་པའི་དོན་ནི་མ་རྟོགས། འདོད་ཆགས་སྤྱོད་པའི་ལས་དང་སྐད་ཅིག་ཙམ་ཡང་མ་བྲལ། རང་རིག་པའི་ཡེ་ཤེས་ནི་བློ་ལ་ནུབ། དོན་དམ་པ་ལ་ཀུན་དུ་གཏི་མུག་པས་ནི་རྒྱུན་དུ་ཁེབས། སངས་རྒྱས་ཀྱི་ཆེ་བའི་ཡོན་ཏན་ནི་མ་རྟོགས། ང་རྒྱལ་ཁེངས་པའི་དྲེགས་པའི་ལས་ནི་རྒྱུན་དུ་བྱེད། ཚད་མེད་པ་བཞིའི་ལས་དང་ནི་བྲལ། ཕྲག་དོག་གི་ཚུབ་མས་ནི་རྒྱུན་དུ་ཁྲིད་དེ། བདག་ཏུ་རྨོངས་པ་དང་རྟོག་པ་ལ་ཞེན་ཏེ། ཡང་དག་པའི་མཐའ་དང་བྲལ་བས་རྒྱུ་དང་འབྲས་བུ་ལ་རྨོངས་ཏེ། སྲིད་པའི་ས་བོན་རྩུབ་མོས་འཕངས་ནས་མཚམས་མེད་པའི་སེམས་ཅན་དམྱལ་བ་རྡོ་རྗེ་དམྱལ་བ་ཆེན་པོར་བསྐལ་པ་ཆེན་པོ་སྟོང་ཕྲག་དྲུག་ཅུར་སྐྱེས་སོ། །དེ་ལས་ཐར་ནས་ཉི་ཚེ་བའི་སེམས་ཅན་དམྱལ་བ་ཆེན་པོར་བསྐལ་པ་ཆེན་པོ་དྲུག་ཏུ་སྐྱེས་སོ། །ལས་ཀྱི་སྒྲིབ་པ་རྩུབ་མོ་དེ་ལས་ཐར་ཏེ་སྔོན་གྱི་སྲིད་པས་མཚམས་སྦྱར་ནས་ཡི་དྭགས་སྲིན་པོ་ཆེན་པོ་ལུས་གཅིག་མགོ་བོ་བརྒྱ་པ་མགོ་བོ་སྣ་ཚོགས་པ། ལུས་བརྒྱ་པ་མགོ་གཅིག་པ་ལུས་དང་ཡན་ལག་མང་པོ་འདུག་པ་མཚོན་ཆ་སྣ་ཚོགས་པ་ཐོགས་ཤིང་གདུག་པའི་རྫུ་འཕྲུལ་མང་པོ་སྟོན་པས་ཀླུའི་རིས་ནས་འབྲས་བུ་ཆེ་བ་མན་ཆད་དབང་དུ་བསྡུས་ནས་ས་བོན་རྩུབ་མོས་མང་པོ་འདེབས་སོ། ། ― DNG011_Page_0091 ―
[མ་དཔེ་གཟིགས་ན་འདིར་གནོན།]
དེ་ནས་སྔོན་ལེགས་པར་སྤྱད་པའི་འབྲས་བུས་བསོད་ནམས་དང་ཡེ་ཤེས་ཀྱི་ཚོགས་ཀྱིས་སྐུའི་དབྱིབས་ལེགས་པར་བརྒྱན་པ་ཡེ་ཤེས་ཕྱིན་ཅི་མ་ལོག་པའི་སྤྱན་གྱིས་གཟིགས་ཏེ། ལས་ངན་པའི་སྲིན་པོ་དེ་ཉོན་མོངས་པའི་བག་ཆགས་སྦྱང་བ་དང་། ཁམས་གསུམ་གྱི་སེམས་ཅན་བདེ་བ་ལ་གཞག་པའི་ཕྱིར་ཐུགས་རྗེ་ཆེན་པོའི་ཡེ་ཤེས་སྐྱེས་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་དགྱེས་པ་ཆེན་པོ་ཡེ་ཤེས་ཀྱི་རྒྱལ་པོ་དེ་ཉིད་འཇིགས་བྱེད་ཆེན་པོ་རྒྱལ་བའི་དཀྱིལ་འཁོར་བླ་མ་ཆེན་པོ་སྤྲིན་རྣམ་པར་སྤྲོ་བ་སྒྱུ་འཕྲུལ་བླ་མའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་ཉིད་ཀྱི་བླ་མ་ཆེན་པོའི་དབྱིངས་ནས་ཉིད་ཀྱི་གསང་བའི་བདག་མོ་ཁྲོ་མོའི་རྒྱལ་མོ་ཆེན་མོ་མངོན་དུ་ཕྱུང་སྟེ། ཧི་ཧི་ཞེས་དགྱེས་པའི་གཟི་མདངས་ཀྱིས་པདྨ་རྒྱས་པར་མཛད་དེ། གཉིས་སུ་མེད་པའི་དགྱེས་པ་ཆེན་པོས་ཐིམ་ནས་གསང་བ་བླ་མའི་སྤྲིན་ལས། ཧཱུྃ་ཧཱུྃ་ཧཱུྃ་བཛྲ་ཛྭ་བི་ཥ་ཀྲོ་དྷ་བཛྲ་ཛྭ་ལ་མཎྜ་ལ་ཕཊ་ཕཊ་ཧ་ལ་ཧ་ལ་ཧཱུྃ་ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུར་ཁྲོད་བདལ་བ་ཆེན་པོའི་རང་བཞིན་ཁྲག་གི་རྒྱ་མཚོ་དབའ་རླབས་འཁྲུག་པའི་དཀྱིལ་ན། ཀེང་རུས་ཆེན་པོ་རི་རབ་ཀྱི་སྟེང་ན་རྡོ་རྗེ་མེ་དཔུང་དུ་འཁྱིལ་པའི་དབུས་ན་འོག་རྡོ་རྗེ་རྒྱ་གྲམ་མིག་མངས་རིས་སུ་བྲིས་པ། ཕྱོགས་བཞི་ངོས་བཞི་འབར་བར་ཁྱམས་གསུམ་རྡོ་རྗེ་རིན་པོ་ཆེའི་གློ་འབུར་དུ་མཛེས་པ། སྒོ་བཞི་རྟ་བབས་མུ་ཁྱུད་དུ་བཅས་པ། རྡོ་རྗེ་རིན་པོ་ཆེ་རྒྱ་གྲམ་མཐིང་ག་འབར་བའི་རྩིག་པ་དྲ་བ་རིས་སུ་བརྩིགས་པ། སྟེང་ཡིད་བཞིན་གྱི་རིན་པོ་ཆེ་འབར་བ། རྡོ་རྗེ་རྒྱ་གྲམ་འབར་བའི་བླ་རེ་མིག་མངས་སུ་དྲེས་པ། རྩེ་མོ་དབྱིབས་བླ་མས་འོག་མིན་གྱི་གནས་ན་སྲིད་པའི་རྩེ་མོ་མན་ཆད་བུམ་པའི་ཚུལ་དུ་དབྱིབས་རྡོ་རྗེ་རྒྱ་གྲམ་མིག་མངས་གཅིག་ཏུ་འཁྱིལ་པ། ཡེ་ཤེས་རྡོ་རྗེ་རྒྱ་གྲམ་གྱི་ཆོ་འཕྲུལ་བླ་མའི་འོད་འབར་བས་ཕྱོགས་བཞིར་འཕྲོས་ཤིང་འཁྲུགས་པས་ཁམས་གསུམ་ཐམས་ཅད་བདལ་བ། རྒྱལ་མཚན་བླ་མ་ཆེན་པོ་དང་། རུ་མཚོན་བླ་མ་ཆེན་པོས་ཕྱོགས་བཞི་གྲྭ་བཞི་ ― DNG011_Page_0092 ―
[མ་དཔེ་གཟིགས་ན་འདིར་གནོན།]
ནས་བསྒྲེང་བ། གསང་བ་བླ་མའི་རྩིག་པས་ཕྱི་རིམ་བསྐོར་བ། རྡོ་རྗེ་རིན་པོ་ཆེའི་ཕྱི་རོལ་གྱི་ཤིང་ལྗོན་པ་བླ་མས་ཕྱོགས་མཚམས་གཏིབས་པ། ཕྱི་དང་ནང་མེད་པ་ཀུན་དུ་ཡང་བླ་མ་ཆེན་པོའི་ནང་དུ་གྱུར་པ། ཁམས་གསུམ་ཐམས་ཅད་རྡོ་རྗེ་ར་བའི་རྩིག་པ་འཆོར་བ་མེད་པའི་གཞལ་ཡས་ཁང་ན་ཁྲོ་བོ་དང་ཁྲོ་མོའི་རོལ་པའི་ཕྱག་རྒྱ་སྟོང་གི་འཇིག་རྟེན་རྡུལ་ཕྲ་མོ་སྙེད་འཐོན་པར་གྱུར་ཏོ། །དེ་ནས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་འུར་འུར་དང་ཆེམ་ཆེམ་དང་། ཤིག་ཤིག་དང་། ཐོར་ཐོར་དང་། གཏོགས་ཤིག་དང་། ཆོམས་ཤིག་དང་། སོད་ཅིག་དང་། དྲོལ་ཞིག་དང་། སྦྱོངས་ཤིག་ལ་སོགས་པས་འཇིག་རྟེན་ན་དབང་ཆེ་ཞིང་དཔའ་བརྟུལ་ཆེ་ཞིང་བརྟུལ་ཞུགས་ཅན་རྣམས་བརྒྱལ་བར་གྱུར་ཏོ། །དེ་ནས་དགྱེས་པ་ཆེན་པོས་ཡེ་ཤེས་རྒྱལ་པོ་དེ་ཉིད་དུར་ཁྲོད་བླ་མ་ཆེན་པོར་དགྱེས་ནས་ཁྲག་གི་རྒྱ་མཚོའི་དཀྱིལ་ཀེང་རུས་ཆེན་པོའི་རི་རབ་ཀྱི་སྟེང་ན་རྡོ་རྗེ་མེ་དཔུང་འབར་བའི་ཀློང་དཀྱིལ་ན་རྡོ་རྗེ་ཡེ་ཤེས་ཀྱི་འཁོར་ལོ་རྩིབས་བཞི་པ་ལ་ཉིད་ཀྱི་གསང་བའི་རྒྱལ་མོ་དང་མཆོད་པ་བླ་མ་ཆེན་པོ་མཛད་དེ་གཉིས་སུ་མེད་པའི་དབྱིངས་ནས་འདི་ཕྱུང་ངོ་། །ཧཱུྃ་བཛྲ་དུ་ཏྲི་ནན་སཱུརྱ་ཙནྡྲ་པདྨ་མཎྜ་ལ་དེ་བ་ཏིཥྛ་ནྃ་ཞེས་བརྗོད་པས་ཡེ་ཤེས་རིན་པོ་ཆེའི་འཁོར་ལོ་རྩིབས་བཞི་པ་འོད་འབར་བའི་སྟེང་དུ་དུར་ཁྲོད་གདུག་པའི་ཚོགས་སེང་གེ་ལ་སོགས་པ་བླ་མ་ཆེན་པོའི་ཁྲི་བཙུགས་ཏེ། གདན་བླ་མ་ཉི་ཟླ་དང་པདྨ་སྤེལ་བར་བཏིང་བའོ། །དེ་ནས་ཆོ་འཕྲུལ་བླ་མ་ཆེན་པོས་བཏུལ་བ། བསམ་གཏན་བླ་མ་ཆེན་པོ་སྤགས་པ་ཚད་མེད་པ། དམིགས་པ་ཐམས་ཅད་དང་བྲལ་བའི་ཡེ་ཤེས་བླ་མ་ཆེན་པོས་དྲེགས་པ་ཐམས་ཅད་དུས་གཅིག་ཏུ་བཏུལ་བའི་སྣམ་རྟེན་བླ་མ་ཆེན་པོ་ལ་མཚོན་པ་དང་། དམིགས་པའི་ཡུལ་ལས་འདས་པའི་ཕྱག་རྒྱ་བླ་མ་འོད་འབར་བ་བཞུགས་པ་ནི་བཅོམ་ལྡན་འདས་ཡེ་ཤེས་རྒྱལ་པོ་ཆེན་པོ་སྐུ་མཐིང་ནག་ཅིང་ཡང་འགྱུར་བ། རྡོ་རྗེ་ལྗགས་ཀྱིས་གསུང་འབྲུག་སྟོང་གི་སྒྲ་སྒྲོགས་པས་སྟོང་ཁམས་ཐམས་ཅད་དུས་ ― DNG011_Page_0093 ―
[མ་དཔེ་གཟིགས་ན་འདིར་གནོན།]
གཅིག་ཏུ་འཇིག་པ། ཡེ་ཤེས་མེའི་ཐུགས་ཀྱིས་སྣང་སྲིད་ཀྱི་བུད་ཤིང་དུས་གཅིག་ཏུ་བསྲེགས་པ། སྟེང་འོག་མེད་པར་ཀུན་དུ་སྐྱི་བུང་ཞེས་བྱེད་པ། དབུ་དགུ་ཕྱག་བཅྭ་བརྒྱད་པ། ཞབས་རྣམ་པ་བརྒྱད་དུ་གཏམས་པ། ཕྱག་ན་མཚོན་ཆ་སྣ་ཚོགས་བསྣམས་པ། དུར་ཁྲོད་ཀྱི་རྒྱན་གྱིས་བརྒྱན་པ། སྤྱན་འབར་བ་ཉི་ཤུ་རྩ་བདུན་མངའ་ཞིང་རིགས་ལྔའི་དབུ་རྒྱན་གྱིས་བརྒྱན་པ། རྡོ་རྗེ་མཐིང་ག་ཁྱུང་གི་གཤོག་པས་འཇིག་རྟེན་གྱི་ཁམས་ཡོག་པར་བཀབ་པ། ཁྲོས་པའི་རྒྱལ་མོ་མཐིང་ནག་འབར་བ་དང་གཉིས་སུ་མེད་པར་བཞུགས་སོ། །གཉིས་སུ་མེད་པའི་དབྱིངས་ནས་ཤར་ཕྱོགས་ཀྱི་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་སྟེང་དུ་མ་ཧཱ་དེ་བ་དང་། འདོད་པའི་ལྷ་གན་རྐྱལ་དུ་བརྟུལ་བའི་སྟེང་དུ་ཉིད་ཀྱི་གཟུགས་ཀྱི་ཕུང་པོ་དེ་བཅོམ་ལྡན་འདས་བུཌྜྷ་ཧེ་རུ་ཀ །སྐུ་མདོག་སེར་ནག་དབུ་གསུམ་ཕྱག་དྲུག་ཞབས་བཞིར་གྱུར་པ་དུར་ཁྲོད་ཀྱི་རྒྱན་གྱིས་བརྒྱན་པའོ། །ཕྱག་ན་མཚོན་ཆ་སྣ་ཚོགས་བསྣམས་པའོ། །བདེར་གཤེགས་ཁྲོས་པའི་རྒྱལ་མོ་དང་འཁྲིལ་པ་ཆེན་པོའི་ཚུལ་དུ་བཞུགས་སོ། །ལྷོ་ཕྱོགས་ཀྱི་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་གདན་སྟེངས་སུ་གཤིན་རྗེ་གན་རྐྱལ་དུ་བསྒྱེལ་བའི་གདན་ལ་ཉིད་ཀྱི་ཚོར་བའི་ཕུང་པོ་ལས་བཅོམ་ལྡན་འདས་རཏྣ་ཧེ་རུ་ཀ་སྐུ་མདོག་སྔོ་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། མཚོན་ཆ་སྣ་ཚོགས་འཛིན་པ། དུར་ཁྲོད་ཀྱི་རྒྱན་གྱིས་བརྒྱན་པ། རིན་པོ་ཆེ་ཁྲོས་པའི་རྒྱལ་མོ་དང་འཁྲིལ་བ་ཆེན་མོའི་ཚུལ་གྱིས་བཞུགས་སོ། །ནུབ་ཕྱོགས་ཀྱི་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་སྟེང་དུ་ཆུ་བདག་གི་རྒྱལ་པོ་དང་འཁོར་ལོ་ནག་པོ་བྷྲྀང་གི་རི་ཏི་གན་རྐྱལ་དུ་བསྒྱེལ་བའི་གདན་ལ་ཉིད་ཀྱི་འདུ་ཤེས་ཀྱི་ཕུང་པོ་དེ་བཅོམ་ལྡན་འདས་པདྨ་ཧེ་རུ་ཀ་སྐུ་མདོག་དམར་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། མཚོན་ཆ་སྣ་ཚོགས་འཛིན་པ། དུར་ཁྲོད་ཀྱི་རྒྱན་གྱིས་བརྒྱན་པའོ། །པདྨ་ཁྲོས་པའི་རྒྱལ་མོ་དང་འཁྲིལ་བའི་ཚུལ་དུ་བཞུགས་པའོ། །བྱང་ཕྱོགས་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་གདན་སྟེངས་སུ་གནོད་སྦྱིན་སྟོབས་བཟངས་གན་ ― DNG011_Page_0094 ―
[མ་དཔེ་གཟིགས་ན་འདིར་གནོན།]
རྐྱལ་དུ་བསྒྱེལ་བའི་གདན་ལ་ཉིད་ཀྱི་འདུ་བྱེད་ཀྱི་ཕུང་པོ་དེ་བཅོམ་ལྡན་འདས་ཀརྨ་ཧེ་རུ་ཀ་སྐུ་མདོག་ལྗང་ནག་དབུ་གསུམ་ཕྱག་དྲུག་ཞབས་བཞི་བགྲད་པར་གྱུར་པ། མཚོན་ཆ་སྣ་ཚོགས་འཛིན་པ་སྟེ། དུར་ཁྲོད་ཀྱི་རྒྱན་གྱིས་བརྒྱན་པ། ལས་མཆོག་ཁྲོས་པའི་རྒྱལ་མོ་དང་འཁྲིལ་བ་ཆེན་པོའི་ཚུལ་གྱིས་བཞུགས་སོ། །དེ་ནས་དྲེགས་པ་ཆེན་པོ་ལ་སོགས་པས་གདུག་པའི་སེམས་ཀྱིས་གཏུམ་པའི་རྫུ་འཕྲུལ་སྣ་ཚོགས་བསྟན་པས་མགྲིན་གཅིག་ཏུ་འདུག་པའི་ང་རོས་གཏུམ་པའི་བརླང་ཚིག་ཏུ་སྨྲས་པ། ཐོང་ཐོང་སྙིང་རྗེའི་བདག་པོ་ཅི་འདི་ལྟར་བྱེད་དམ་ཞེས་ཟེར་ཞིང་ཤིན་ཏུ་གཏུམ་པས་རྔམ་མོ། །དེ་ནས་བཅོམ་ལྡན་འདས་དགྱེས་པ་ཆེན་པོས་ཡེ་ཤེས་རྒྱལ་པོ་དེ་ཉིད་སྐུ་གཟི་བརྗིད་ཆེན་པོའི་མདངས་སུ་གྱུར་ཏེ། ཐུགས་རྗེ་ཆེན་པོས་འདུལ་བའི་ཐབས་ཀྱིས་སྒྱུ་འཕྲུལ་དྲ་བའི་གསང་སྔགས་བླ་མའི་རྔམ་པའི་གདངས་སྐད་ཆེན་པོ་འདི་དག་ཕྱུང་ངོ་། །ཧཱུྃ་ཧཱུྃ་ཧཱུྃ། ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཞེས་བརྗོད་པས་དབང་ཕྱུག་ཆེན་པོ་ལ་སོགས་པའི་གདུག་པའི་ཚོགས་དེ་དག་གི་སྙིང་དང་དབང་པོ་ཀུན་ཕྱུང་ནས་ནང་གྲོལ་ཀུན་དྲངས་ཡན་ལག་ཀུན་བཅད་བཏུབས་ཏེ་ཤ་ཟོས། ཁྲག་འཐུངས་རུས་པ་ཀུན་འཆོས་སོ། །དེ་ནས་འཇིགས་བྱེད་ཆེན་པོ་དེ་ཉིད་ཀྱིས་ཧཱུྃ་ཧཱུྃ་ཧཱུྃ་བྷྱོ་ཨེ་ཨ་ར་ལི་ཛཱ་ཛཱ་ཞེས་བརྗོད་པས་ཕྱོགས་བཅུའི་འཇིག་རྟེན་གྱི་ཁམས་ནམ་མཁའ་དང་བཅས་པ་ཡུངས་འབྲུ་གཅིག་ཙམ་དུ་ཆུད་པར་བསྡུས་སོ། །དེ་ནས་འབྱུང་པོ་མ་རུངས་པ་ཐམས་ཅད་ཀྱི་རྗེ་བོའི་ཡང་རྗེ་བོ། དྲེགས་པ་ཆེན་པོ་ལ་སོགས་པའི་ཆུང་མ་འབྱུང་མོ་ཐམས་ཅད་ཀྱི་རྗེ་མོའི་ཡང་རྗེ་མོ། སྲིན་མོ་ཆེན་མོ་མི་སྲུན་མོ་དང་། ཚངས་མ་དང་། ཁྲོ་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མོ་དང་། དམར་པོ་དང་། བདུད་རྩི་མོ་དང་། ཞི་བ་མོ་དང་། བེ་ཆེན་མོ་དང་། སྲིན་མོ་དང་། ཟ་བ་མོ་དང་། དགའ་བ་མོ་དང་། ར་རོ་ཁྲག་འཐུང་མོ་དང་། གཅིག་པུ་སྤྱོད་མ་དང་། ཡིད་འཕྲོག་མ་དང་། གྲུབ་མོ་དང་། རླུང་མོ་དང་། གསོད་བྱེད་མོ་དང་། མེ་མོ་དང་། ཕག་མོ་དང་། རྒན་བྱེད་མོ་དང་། སྣ་ཆེན་ ― DNG011_Page_0095 ―
[མ་དཔེ་གཟིགས་ན་འདིར་གནོན།]
མོ་དང་། ཆུ་ལྷ་མོ་དང་། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་སྣ་སྔོ་ནག་ཆེན་མོ་དང་། གསུས་འཛིན་སྔོ་ནག་ཆེན་མོ་ལ་སོགས་པ་དང་། ཡང་བྲན་དང་། གཡོག་དང་། ཡང་གཡོག་ལ་སོགས་པ་འཁོར་ཞིང་གི་རྡུལ་ཀྱང་བསྡུས་སོ། །དེ་ནས་ཡང་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་དགྱེས་པ་བླ་མའི་གསང་བ་ཆེན་པོ་སྤྲིན་འབྱུང་བ་ཞེས་བྱ་བའི་ཏིང་ངེ་འཛིན་ལ་མངོན་པར་འདུ་མཛད་དེ་སྐུ་གསུང་ཐུགས་བླ་མ་ལས་འདི་དག་ཕྱུང་ངོ་། །ཨོཾ་ཨཱཿཧཱུྃ། བཛྲ་པདྨ་པྲ་བེ་ཤ་པདྨ་ཧཱུྃ་ཨ་ལ་ལ་ཧོ་ཞེས་བརྗོད་པས་འབྱུང་པོ་མ་རུངས་པ་ཐམས་ཅད་ཤིན་ཏུ་ཆགས་པའི་ཡིད་གཡོས་ནས་གསང་བ་རྒྱས་པར་བྱས་ནས་ཁབ་ལེན་གྱི་རྡོ་ལ་ལྕགས་འདུ་བའི་ཚུལ་དུ་བཅོམ་ལྡན་འདས་ཡེ་ཤེས་རྒྱལ་པོའི་སྐུ་ལ་མི་སྲུན་མོ་ལ་སོགས་པ་བརྒྱད་འཁྲིལ་ལོ། །བཅོམ་ལྡན་འདས་སེར་ནག་ཆེན་པོའི་སྐུ་ལ་ཚངས་མ་ལ་སོགས་པ་ལྔ་འཁྲིལ་ལོ། །བཅོམ་ལྡན་འདས་སྔོ་ནག་ཆེན་པོའི་སྐུ་ལ་བདུད་རྩི་མོ་ལ་སོགས་པ་ལྔ་འཁྲིལ་ལོ། །བཅོམ་ལྡན་འདས་དམར་ནག་ཆེན་པོའི་སྐུ་ལ་ཁྲག་གིས་མྱོས་མ་ལ་སོགས་པ་ལྔ་འཁྲིལ་ལོ། །བཅོམ་ལྡན་འདས་ལྗང་ནག་ཆེན་པོའི་སྐུ་ལ་མེ་མོ་ལ་སོགས་པ་ལྔ་འཁྲིལ་ལོ། །དེ་ནས་དགྱེས་པ་ཆེན་པོ་དེ་དག་གིས་ཧཱུྃ་ཞེས་བརྗོད་པས་པདྨའི་ཚོགས་བསྡུས་ཏེ་ཤིན་ཏུ་བཅུམ་པར་གྱུར་ཏོ། །དེ་ནས་དགྱེས་ཏེ་ཧ་ཧ་ཞེས་བརྗོད་པས་ཉིད་ཀྱི་ཤེས་པའི་ཚོགས་རྣམ་པར་ཤེས་པ་བརྒྱད་ལས་དཀར་པོ་ལ་སོགས་པ་བརྒྱད་རང་གི་ལག་ཆ་དང་ངོ་མཚར་དུ་ཆས་ཏེ་འཐོན་པར་གྱུར་ཏོ། །འཐོན་ནས་ཀྱང་འཁོར་ལོ་འབར་བའི་ཕྱི་རོལ་ཤར་ཕྱོགས་ནས་འཁོར་བར་ཁྲོ་བོའི་གཟུགས་ཀྱིས་སྙིང་རྗེ་འཇིགས་ཚུལ་གྱིས་སྟན་ལ་གནས་སོ། །དེ་ནས་དགྱེས་ཏེ་ཧེ་ཞེས་བརྗོད་པས་ཉིད་ཀྱི་ཤེས་པའི་ཡུལ་བརྒྱད་ལས་སེང་གདོང་ཆེན་མོ་ལ་སོགས་པ་བརྒྱད་རང་གི་ལག་ཆ་དང་ངོ་མཚར་དུ་ཆས་ཏེ་འཐོན་ནས་ཡང་འཁོར་ལོ་འབར་བའི་བར་ཁྱམས་སུ་སྙིང་རྗེ་འཇིགས་པའི་ཚུལ་གྱིས་སྟན་ལ་ཤིན་ཏུ་རྔམ་པའི་སྟབས་ཀྱིས་གནས་སོ། །དེ་ནས་དགྱེས་ཏེ་ ― DNG011_Page_0096 ―
[མ་དཔེ་གཟིགས་ན་འདིར་གནོན།]
ཕཊ་ཅེས་ཕྱོགས་བཅུའི་ཞིང་མ་ལུས་པར་བསྒྲགས་པས་ཕྱོགས་བཅུའི་ཞིང་མ་ལུས་པ་ན་འགྲོ་བ་རྣམས་ཀྱི་དོན་མ་ལུས་པར་མཛད་པ་ཐུབ་པ་ཆེན་པོ་དྲུག་བཅོམ་ལྡན་འདས་དྲུག་འགྲོ་བ་རྣམས་ཀྱི་དོན་མཛད་ཅིང་འགྲོ་བ་དྲུག་འདུལ་བ་དང་། ཡིད་ཆོས་དབྱིངས་ནས་རོལ་ཏེ་སྤོར་བྱེད་ཉི་ཟེར་ཞགས་པ་ཅན་ལ་སོགས་པ་བརྒྱད་དུ་གྱུར་ཏེ། འབར་བའི་བར་ཁྱམས་གསུམ་པ་ལ་ཞིང་སྐམ་གཤེར་སྤེལ་བའི་གདན་སྟེངས་སུ་རང་གི་ལག་ཆ་དང་ཤིན་ཏུ་རྔམ་པའི་སྟབས་ཀྱིས་ཤར་ཕྱོགས་ནས་འཁོར་བར་གནས་སོ། །དེ་ནས་དགྱེས་ཏེ་ཕཊ་ཅེས་བརྗོད་པས་ཉིད་ཀྱི་ཕྱིན་ཅི་ལོག་བཞི་ལས་རྡོ་རྗེ་སྲིངས་འགྲོ་མ་ལ་སོགས་པ་བཞི་རང་རང་གི་ལག་ཆ་དང་ངོ་མཚར་དུ་ཆས་ནས་དཀྱིལ་འཁོར་འབར་བ་ཆེན་པོའི་སྒོ་བཞིར་སྙིང་རྗེ་འཇིགས་ཚུལ་གྱི་སྟན་ལ་ཤིན་ཏུ་རྔམ་པའི་གཟུགས་ཀྱིས་ཐབས་དང་ཤེས་རབ་ཀྱི་ཚུལ་དུ་གནས་སོ། །དེ་ནས་དགྱེས་པ་ཆེན་པོའི་སྤྲིན་ལས། བུཌྜྷ་རོལ་པའི་ཕྱག་རྒྱ་བཞི་བཅུ་རྩ་གཉིས་ཀྱིས་དུས་གཅིག་ཏུ་ཕཊ་ཅེས་བརྗོད་པས་ཐམས་ཅད་ཁྲོས་ནས་འབྱུང་མོ་ཐམས་ཅད་ཀྱང་རང་གི་གནས་སུ་ཡུད་ཙམ་གྱིས་ཕྱིན་པར་དགྱེའོ། །དེ་ནས་བཅོམ་ལྡན་འདས་ཁྲག་འཐུང་ཆེན་པོ་དེ་ཉིད་ཐུགས་རྗེ་ཆེན་པོས་བདུད་རྩི་འབྱུང་བ་ཞེས་བྱ་བའི་དགོངས་པ་ཅིག་ཆར་ཞུགས་ཏེ་སྐུ་གསུང་ཐུགས་རྡོ་རྗེ་ལས་འདི་དག་ཕྱུང་ངོ་། །ཨོཾ་བཛྲ་ཨ་མྲྀ་ཏ་མ་ཧཱ་ཀྲོ་དྷི་ཨྃ་ཨྃ་ཞེས་བརྗོད་པས་དབང་ཕྱུག་ཆེན་པོ་ལ་སོགས་པ་ཐམས་ཅད་བཅོམ་ལྡན་འདས་ཁྲག་འཐུང་ཆེན་པོའི་སྣམ་ལོགས་ནས་འཐོན་ཏོ། །འདམ་ཁུ་བླུད་དེ་དྲན་པ་རྙེད་དོ། །དེ་ནས་ཁྲག་འཐུང་ཆེན་པོ་དེ་དག་ཀུན་ཡ་མཚན་ཆེན་པོར་གྱུར་ཏེ་ཆོ་འཕྲུལ་ཆེན་པོ་མཛད་པ་མཐོང་ངོ་། །དེ་དག་གི་དུས་སུ་འཇིག་རྟེན་དྲུག་ན་གནས་པའི་དྲེགས་པ་ཆེན་པོ་རྣམས་དུས་གཅིག་ཏུ་བཏུལ་བར་མཐོང་སྟེ། ཤིན་ཏུ་ཞུམ་ཞིང་དྲེད་ནས་མགྲིན་གཅིག་ཏུ་སྨྲས་པ། འབངས་སུ་མཆི་འབངས་སུ་མཆི། འབངས་སུ་ནན་ཏན་མ་བགྱིས་ན། །མགོ་དང་ལུས་ཀྱང་བརྒྱར་འགས་ཤིང་། །སྙིང་ཡང་གས་ཤིང་གཏུབས་གྱུར་ཅིག །རུལ་ ― DNG011_Page_0097 ―
[མ་དཔེ་གཟིགས་ན་འདིར་གནོན།]
མྱགས་ཚིག་ནས་རླག་པ་དང་། །དམྱལ་བར་ལྷུང་ནས་འབོད་པར་ཤོག །ཅེས་འབངས་སུ་མཆི་བར་རང་རང་གིས་དམོད་བཙུགས་སོ། །དེ་ནས་དེ་དག་ཀུན་དཀྱིལ་འཁོར་གྱི་གདན་དུ་བཞག་གོ། །དེ་ནས་ཡང་དེ་ཐམས་ཅད་ཀྱིས་མགྲིན་གཅིག་ཏུ་སྨྲས་པ། རང་རང་གི་ཆུང་མ་དང་། བུ་མོ་དང་། རང་རང་གི་མ་དང་། སྲིང་མོ་རྣམས་དཀྱིལ་འཁོར་དུ་ཕུལ་ཏེ། བདག་ཅག་རྣམས་ཀྱི་མཆིས་བྲང་དང་། །མ་དང་སྲིང་མོ་བུ་མོ་རྣམས། །དཀྱིལ་འཁོར་ཆེན་པོར་བཞེས་སུ་གསོལ། །དཔའ་བོ་ལྷ་རྗེས་བཞེས་སུ་གསོལ། །བདག་ཅག་འཁོར་ཚོགས་ཐམས་ཅད་ཀྱིས། །འབར་བའི་དཀྱིལ་འཁོར་ཆེན་པོ་འདི། །མིང་ཙམ་འཛིན་པར་སུ་བགྱིད་པ། །ནོར་བུ་རིན་ཆེན་འབར་བ་ལྟར། །དེ་ཡི་དགོས་པ་རྫོགས་པར་བགྱིད། །ཅེས་དམོད་བཙུགས་སོ། །དེ་ནས་དེའི་མ་དང་། སྲིང་མོ་དང་། ཆུང་མ་དང་། བུ་མོ་རྣམས་ཡུད་ཙམ་གྱིས་ཕྱིན་པར་འོངས་ནས་ལས་ཀྱི་དངོས་གྲུབ་སྩོལ་བ་ལས། དེ་ནས་ཁྲག་འཐུང་ཡེ་ཤེས་ཆེན་པོས་མིང་བཏགས། ལག་ཏུ་རྡོ་རྗེ་བྱིན་ནས་རྡོ་རྗེ་བྲན་དང་ཕོ་ཉར་དབང་བསྐུར་རོ། །དེ་ནས་དཀྱིལ་འཁོར་འབར་བ་ཆེན་པོའི་དོན་ཕྱོགས་བཅུ་དུས་བཞིའི་དེ་བཞིན་གཤེགས་པ་རྣམས་ལ་གསལ་ཞིང་འབར་བར་བྱ་བའི་ཕྱིར་ཡེ་ཤེས་རྒྱལ་མོ་དེ་ཉིད་ཀྱི་གསང་བའི་རྒྱལ་མོ་དང་གཉིས་སུ་མེད་པར་གྱུར་ནས་སྐུ་གསུང་ཐུགས་རྡོ་རྗེ་བླ་མ་ལས་འདི་དག་ཕྱུང་ངོ་། །ཨེ་མའོ་ཡེ་ནས་གསང་བའི་ཆོས། །མཁའ་དབྱིངས་གཉིས་སུ་མེད་པ་ལས། །མཁའ་ལ་བླ་མའི་དཀྱིལ་འཁོར་ཤར། །ཁྲི་བཙུགས་ཉི་དཀྱིལ་གདན་སྟེངས་སུ། །དེ་ལ་ལྷ་ཚོགས་གདན་དུ་བཏིང་། །ཧཱུྃ་འཁོར་ལོ་འབར་བའི་ལྟེ་དབུས་སུ། །ཁྲི་བཤམས་ཉི་དཀྱིལ་ཡ་བདུད་གདོན། །དེ་ཡི་སྟེང་དུ་བསམ་བྱ་བ། །བྱང་ཆུབ་སེམས་ལས་སྐུ་བསྐྱེད་པ། །དཔལ་ཆེན་བླ་མེད་ཧེ་རུ་ཀ །དབུ་དགུ་ཕྱག་ཀྱང་བཅྭ་བརྒྱད་དེ། །སྤྱན་ཡང་འབར་བ་ཉི་ཤུ་བདུན། །དབུ་ལ་རིགས་ལྔའི་དབུ་རྒྱན་གསོལ། །ཞབས་ཀྱང་རྣམ་པ་བརྒྱད་དུ་གཏམས། །རྡོ་རྗེ་མཐིང་ག་ཁྱུང་གི་ ― DNG011_Page_0098 ―
[མ་དཔེ་གཟིགས་ན་འདིར་གནོན།]
གཤོག །འཇིག་རྟེན་ཁམས་ཀྱང་ཡོག་པར་བཀབ། །སྦྲུལ་ནག་འཇིགས་སུ་རུང་བ་དང་། །དུར་ཁྲོད་རྒྱན་གྱིས་བརྒྱན་པའོ། །དབུ་གསུམ་དང་ལ་བྱུང་བ་ནི། །གཡས་དཀར་གཡོན་དམར་དབུས་མཐིང་ཞལ། །རྣམ་པར་ཐར་པའི་དབུ་གསུམ་གྱིས། །ཁམས་གསུམ་མྱ་ངན་ཟློ་བའི་ཞལ། །དབུ་གསུམ་བར་ནས་རྔམ་པ་ནི། །གཡས་སྔོ་གཡོན་ལྗང་དབུས་མཐིང་ཞལ། །ཐབས་དང་ཤེས་རབ་སེམས་ཀྱི་དབུ། །སྲིད་གསུམ་དབྱིངས་སུ་རྫོགས་པའི་ཞལ། །དབུ་གསུམ་མཐའ་ནས་རྔམ་པ་ནི། །གཡས་མཐིང་གཡོན་མཐིང་དབུས་མཐིང་ཞལ། །ཁམས་གསུམ་རེ་བ་སྐོང་བ་ཡི། །ལུང་དང་མན་ངག་སེམས་ཀྱི་དབུ། །འགྱུར་བ་མེད་པའི་མཐིང་ནག་ཞལ། །སྐྱེ་ཤི་རྩ་བ་གཅོད་པའི་ཚེམས། །དབུ་དགུ་རོལ་པའི་བྱིན་བརླབས་ལས། །གཡས་གསུམ་གློག་སྟོང་ལྕེ་འབྱིན་ཅིང་། །གཡོན་གསུམ་འབྲུག་སྟོང་སྒྲ་སྒྲོགས་པ། །དབུ་གསུམ་རྡོ་རྗེ་སེར་ཆེན་འབེབ། །སྤྱན་དགུ་དང་ལ་གཟིགས་པ་ནི། །ཆོས་དབྱིངས་ཀུན་དུ་བཟང་པོ་དང་། །ཀུན་དུ་བཟང་མོའི་མཁའ་དབྱིངས་ལ། །འགྱུར་བ་མེད་པའི་ཚུལ་གྱིས་གཟིགས། །སྤྱན་དགུ་བར་ནས་གཟིགས་པ་ནི། །རྣམ་པར་གྲོལ་བའི་ཡེ་ཤེས་ཀྱིས། །སྲིད་པའི་སེམས་ཅན་ཐམས་ཅད་ལ། །བྱམས་མགོན་སྙོམས་པའི་སྤྱན་གྱིས་གཟིགས། །སྤྱན་དགུ་མཐའ་ནས་གཟིགས་པ་ནི། །གཡས་གསུམ་ཞེ་སྡང་ཁྲོས་པའི་སྤྱན། །གཟིགས་པས་བདུད་དང་མུ་སྟེགས་སྒྲོལ། །གཡོན་གསུམ་བྱམས་མགོན་སྙོམས་པའི་སྤྱན། །གཟིགས་པས་མཐའ་ཡས་བདེ་ལ་འཇོག །དབུ་གསུམ་ཡེ་ཤེས་རོལ་པའི་སྤྱན། །གཟིགས་པས་སྐྱེ་འགྲོ་གནས་སུ་སྟོབས། །དབུ་དགུ་རིགས་ལྔའི་དབུ་རྒྱན་དགུ། །ལྔ་དགུ་བཞི་བཅུ་རྩ་ལྔ་ཡང་། །བུཌྜྷ་བཞི་བཅུ་རྩ་ལྔས་བརྒྱན། །སྟོང་པ་ཆེན་པོའི་ཡེ་ཤེས་ཀྱིས། །ཁྱབ་བདལ་ཆེན་པོའི་རྟགས་སུ་བསྣམས། །བཅྭ་བརྒྱད་ཕྱག་ན་རོལ་པ་ཡིས། །སྟོང་པ་བཅྭ་བརྒྱད་དབྱིངས་སུ་སྦྱོར། །ཞབས་བརྒྱད་ང་རྒྱལ་དྲེགས་པ་འཇོམས། །ཐབས་དང་ཤེས་རབ་ལྡན་པ་ ― DNG011_Page_0099 ―
[མ་དཔེ་གཟིགས་ན་འདིར་གནོན།]
ཡིས། །རྡོ་རྗེ་མཐིང་ག་གཤོག་པ་བརྐྱང་། །བཅྭ་བརྒྱད་ཕྱག་ན་བསྣམས་པ་ཡིས། །རྡོ་རྗེ་གློ་སྙིང་ཞིང་ཆུང་གཡས། །བྷན་དྷ་ཞིང་ཆེན་སྡིར་ཆེན་གཡོན། །ནང་ཞགས་ཉི་མ་ཁྱུང་ཆེན་གཡས། །ཞིང་ཆེན་ཟླ་བ་འུག་པ་གཡོན། །མེ་དང་རྒྱ་མཚོ་གའུ་གཡས། །རླུང་དང་རིན་ཆེན་རི་རབ་གཡོན། །ཡོན་ཏན་བཅྭ་བརྒྱད་དབྱིངས་སུ་རྫོགས། །དང་པོ་རྡོ་རྗེ་དུང་ཆེན་ནི། །ཁམས་གསུམ་དབང་དུ་བསྡུས་ནས་ཀྱང་། །བདུད་དང་མུ་སྟེགས་ཀུན་འཇོམས་པའོ། །གཉིས་པ་སྡིར་ཆེན་གློ་སྙིང་ནི། །སྲིད་པའི་སེམས་ཅན་ཐམས་ཅད་ཀུན། །དམ་ཚིག་སྟ་ན་དབྱིངས་སུ་སྒྲོལ། །གསུམ་པ་སྡིར་ཆུང་རིལ་མིད་ནི། །དུག་གསུམ་རྣམ་པར་སྒྲོལ་བའི་རྟགས། །བཞི་པ་སྡིར་ཆེན་ནང་ཞགས་ནི། །རྒྱུད་ལྔའི་སེམས་ཅན་དབྱིངས་སུ་འདྲེན། །ལྔ་པ་ཉི་ཟླ་ཟུང་དུ་འཛིན། །བྱང་ཆུབ་སེམས་ལས་གཡོས་པ་མེད། །དྲུག་པ་ཁྱུང་དང་འུག་པ་ནི། །མཁའ་འགྲོ་ཐམས་ཅད་འཁོལ་བའི་རྟགས། །བདུན་པ་མེ་དཔུང་རླུང་གིས་འཐོར། །སྲིད་པའི་བག་ཆགས་ཐལ་བར་རློག །བརྒྱད་པ་རི་རབ་རྒྱ་མཚོ་རྣམས། །ཐམས་ཅད་མ་ལུས་གཡེང་གནས་ཤིང་། །འབྱུང་བ་ལྔ་ལ་མངའ་བརྙེས་པའོ། །དགུ་པ་རིན་ཆེན་གའུ་ནི། །དངོས་གྲུབ་སྤྲུལ་པ་འབྱུང་བའི་རྟགས། །དགུ་གཉིས་ཟུང་དུ་ལྡན་པ་ལས། །སྟོང་པ་བཅྭ་བརྒྱད་དབྱིངས་སུ་རྫོགས། །དུར་ཁྲོད་རྒྱན་གྱིས་བརྒྱན་པ་ནི། །ཐོད་སྐམ་འབར་བ་ཕྲེང་བ་ཡིས། །ཞི་བ་ཕྱོགས་གཅིག་མྱ་ངན་ཟློ། །མངོན་པར་རྫོགས་པའི་སྐུ་བརྙེས་པའོ། །ཐོད་རློན་འབར་བའི་ཕྲེང་བ་འདི། །ཁམས་གསུམ་དབང་དུ་བསྡུས་ནས་སུ། །སྤྲུལ་པའི་སྐུ་ལ་མངའ་བརྙེས་པའོ། །ཐོད་པ་ཕྱེད་ཚལ་ཕྲེང་བས་ནི། །དུག་ལྔ་བདུད་རྩིར་སྦྱོར་བ་སྟེ། །ལོངས་སྤྱོད་སྐུ་ལ་མངའ་བརྙེས་པའོ། །ཞིང་ཆེན་རློན་པའི་ན་བཟའ་ནི། །ཆོས་དབྱིངས་མཉམ་པ་ཆེན་པོ་སྟེ། །ཆོས་ཀྱི་སྐུ་ལ་མངའ་བརྙེས་པའོ། །སྟག་ལྤགས་གཡང་གཞིའི་ཤམ་ཐབས་ནི། །ཕྲིན་ལས་རྣམ་བཞིའི་རང་བཞིན་ཏེ། །རྡོ་རྗེའི་སྐུ་ལ་མངའ་བརྙེས་པའོ། །སྦྲུལ་ནག་ཆུན་འཕྱང་མང་པོ་ནི། ། ― DNG011_Page_0100 ―
[མ་དཔེ་གཟིགས་ན་འདིར་གནོན།]
ཡེ་ཤེས་ཐམས་ཅད་འབྱུང་བའི་རྟགས། །རྟགས་ཆེན་སྐུ་ལ་མངའ་བརྙེས་པའོ། །ཞབས་བརྒྱད་ལྷ་བརྒྱད་བརྫིས་པ་ནི། །ང་རྒྱལ་ཅན་རྣམས་ཚར་གཅོད་པའོ། །སངས་རྒྱས་ཁྲོས་པའི་རྒྱལ་མོ་ནི། །ཀྲོ་དྷི་ཤྭ་རི་ཡུམ་གྱི་གཙོ། །མཐིང་ནག་འབར་བའི་རལ་པ་ཅན། །རྒྱན་དང་ཆ་ལུགས་གཙོ་དང་མཐུན། །འཁྲིལ་བ་ཆེན་པོའི་ཚུལ་གྱིས་སུ། །བྷན་དྷ་རཀྟ་གཙོ་ལ་སྟོབས། །འཁྲིལ་བ་ཆེན་པོའི་ཚུལ་དུ་བསམ། །ཤར་ཕྱོགས་འཁོར་ལོའི་རྩིབས་སྟེངས་ན། །ཁྲི་དང་ཉི་དཀྱིལ་ཉི་ཟླའི་གདན། །དེ་ཡི་སྟེང་དུ་བསམ་བྱ་བ། །གཟུགས་ཀྱི་ཕུང་པོ་གནས་གྱུར་པ། །ཁྲག་འཐུང་བུཌྜྷ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་ལྗང་གཡོན་སྔོ་དབུས་སེར་ཞལ། །ཕྱག་དྲུག་མངོན་པར་རོལ་པ་ལས། །འཁོར་ལོ་དགྲ་སྟྭ་ཞགས་པ་གཡས། །བྷན་དྷ་རྔེའུ་ཆུང་ཁ་ཊྭཱཾ་གཡོན། །སེར་ནག་དུར་ཁྲོད་རྒྱན་གྱིས་བརྒྱན། །བདེ་གཤེགས་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བསམ། །ལྷོ་ཕྱོགས་འཁོར་ལོའི་རྩིབས་སྟེངས་ན། །ཁྲི་དང་ཉི་དཀྱིལ་གཤིན་རྗེའི་གདན། །དེ་ཡི་སྟེང་དུ་བསམ་བྱ་བ། །ཚོར་བའི་ཕུང་པོ་གནས་གྱུར་པ། །ཁྲག་འཐུང་རཏྣ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་སེར་གཡོན་དམར་དབུས་སྔོ་ཞལ། །ཕྱག་དྲུག་མངོན་པར་རོལ་པ་ལས། །རིན་ཆེན་གཤོལ་དང་གཏུན་ཤིང་གཡས། །བྷན་དྷ་དགྲ་སྟ་རྔེའུ་ཆུང་གཡོན། །སྔོ་ནག་དུར་ཁྲོད་རྒྱན་གྱིས་བརྒྱན། །རིན་ཆེན་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བསམ། །ནུབ་ཕྱོགས་འཁོར་ལོའི་རྩིབས་སྟེངས་སུ། །ཁྲི་དང་ཉི་དཀྱིལ་ཀླུ་ཡི་གདན། །དེ་ཡི་སྟེང་དུ་བསམ་བྱ་བ། །འདུ་ཤེས་ཕུང་པོ་གནས་གྱུར་པ། །ཁྲག་འཐུང་པདྨ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་སྔོ་གཡོན་དམར་དབུས་ལྗང་ཞལ། །ཕྱག་དྲུག་མངོན་པར་རོལ་པ་ལས། །པདྨ་རྔེའུ་ཆུང་སྤུ་གྲི་གཡས། །བྷན་དྷ་ཁ་ཊྭཱཾ་སོ་ཕྲེང་གཡོན། །དམར་ནག་དུར་ཁྲོད་ ― DNG011_Page_0101 ―
[མ་དཔེ་གཟིགས་ན་འདིར་གནོན།]
རྒྱན་གྱིས་བརྒྱན། །པདྨ་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བསམ། །བྱང་ཕྱོགས་འཁོར་ལོའི་རྩིབས་སྟེངས་ན། །ཁྲི་དང་ཉི་དཀྱིལ་གནོད་སྦྱིན་གདན། །དེ་ཡི་སྟེང་དུ་བསམ་བྱ་བ། །འདུ་བྱེད་ཕུང་པོ་གནས་གྱུར་པ། །ཁྲག་འཐུང་ཀརྨ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞིར་བགྲད། །གཡས་དམར་གཡོན་སེར་དབུས་ལྗང་ཞལ། །ཕྱག་དྲུག་མངོན་པར་རོལ་པ་ལས། །རལ་གྲི་ཞགས་པ་རྔེའུ་ཆུང་གཡས། །བྷན་དྷ་ཐོད་དབྱུག་ཁ་ཊྭཱཾ་གཡོན། །ལྗང་ནག་དུར་ཁྲོད་རྒྱན་གྱིས་བརྒྱན། །ལས་མཆོག་ཁྲོས་པའི་རྒྱལ་མོ་དང་། །འཁྲིལ་བ་ཆེན་པོའི་ཚུལ་དུ་བཞུགས། །འཁོར་ལོ་འབར་བའི་ཕྱི་རིམ་ན། །མེ་དཔུང་འབར་བའི་གཞལ་ཡས་ན། །མཁའ་དབྱིངས་གཉིས་སུ་མེད་པ་ལས། །མཁའ་ལས་སྐྱེས་པའི་ཕྲ་མེན་མ། །ཤར་ཕྱོགས་སུ་ནི་བསམ་བྱ་བ། །ས་བདག་བསྒྱེལ་བའི་གདན་སྟེངས་སུ། །ཀུན་གཞི་གནས་གྱུར་ཕྲ་མེན་མ། །རྣལ་འབྱོར་སྔོ་ནག་གོའུ་རི་མ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གསོལ། །སྤྱུགས་པར་གླུ་བླངས་ཧ་ཧས་བཞད། །སྡི་ར་དབྱུག་པ་གཡས་པ་ན། །བྷན་དྷ་རཀྟ་གཡོན་པ་ན། །སྐྱེ་ཤི་མ་ལ་བརྐྱང་བསྐུམ་བཞུགས། །ལྷོ་ཕྱོགས་ངོས་སུ་བསམ་བྱ་བ། །གསོད་སྐྱེན་བསྒྱེལ་བའི་གདན་སྟེངས་སུ། །རྣམ་ཤེས་གནས་གྱུར་ཕྲ་མེན་མ། །རྣལ་འབྱོར་སེར་ནག་ཙོའུ་རི་མ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གསོལ། །སྤྱུགས་པས་གླུ་བླངས་ཧ་ཧས་བཞད། །ཐབས་ཀྱི་མདའ་དྲངས་གཡས་པ་ན། །ཤེས་རབ་བཞུ་བདུངས་གཡོན་པ་ན། །ཡ་མ་ཡེ་ལ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཉི་མ་བསྒྱེལ་བའི་གདན་སྟེངས་སུ། །ཉོན་མོངས་གནས་གྱུར་ཕྲ་མེན་མ། །རྣལ་འབྱོར་དམར་ནག་པྲ་མོ་ཧ། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གྱོན། །སྤྱུགས་པས་གླུ་བླངས་ཧ་ཧས་བཞད། །ཆུ་སྲིན་རྒྱལ་ ― DNG011_Page_0102 ―
[མ་དཔེ་གཟིགས་ན་འདིར་གནོན།]
མཚན་གཡས་པ་ན། །བྷན་དྷ་རཀྟ་གཡོན་པ་ན། །སཱུརྱ་ཡེ་ལ་བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །ཟླ་བ་བསྒྱེལ་བའི་གདན་སྟེངས་སུ། །རེག་བྱ་གནས་གྱུར་ཕྲ་མེན་མ། །རྣལ་འབྱོར་མཐིང་ནག་པེ་ཏ་ལི། །རལ་པ་ཁམ་ནག་གྱེན་དུ་འཁྱིལ། །མཆེ་གཙིགས་རྐན་བརྡབས་གཡང་གཞི་གྱོན། །སྤྱུགས་པས་གླུ་བླངས་ཧ་ཧས་བཞད། །རྡོ་རྗེ་རྩེ་ལྔ་གཡས་པ་ན། །སྡིར་ཆུང་མགོ་གཅོད་གཡོན་པ་ན། །ཙནྟྲ་ཡེ་ལ་བརྐྱང་བསྐུམ་བཞུགས། །ཤར་ལྷོ་མཚམས་སུ་བསམ་བྱ་བ། །མེ་ལྷ་བསྒྱེལ་བའི་གདན་སྟེངས་སུ། །ལྟ་བྱེད་ཕྲ་མེན་གནས་གྱུར་པ། །རྣལ་འབྱོར་དམར་ནག་པུཀྐ་སི། །སྐྲ་འབར་མཆེ་གཙིགས་རྐན་བརྡབས་ཤིང་། །དུར་ཁྲོད་གཡང་གཞི་སླག་པ་གྱོན། །སྤྱུགས་པས་གླུ་བླངས་ཧ་ཧས་བཞད། །སྡི་ར་ཆེན་པོ་གཡས་པ་ན། །ཚེམས་བར་རྒྱུ་འདྲེན་གཡོན་པ་ན། །ཨགྣེ་ཡེ་ལ་བརྐྱང་བསྐུམ་བཞུགས། །ལྷོ་ནུབ་མཚམས་སུ་བསམ་བྱ་བ། །བདེན་བྲལ་བསྒྱེལ་བའི་གདན་སྟེངས་སུ། །ཉན་བྱེད་གནས་གྱུར་ཕྲ་མེན་མ། །རྣལ་འབྱོར་མཐིང་ནག་སྨ་ཤ་ནི། །སྐྲ་འབར་མཆེ་གཙིགས་རྐན་བརྡབས་ཤིང་། །སྲོག་ཆགས་ཆེན་པོ་གཡང་གཞི་གྱོན། །སྤྱུགས་པས་གླུ་བླངས་ཧ་ཧས་བཞད། །སྡི་ར་ཆུང་ངུ་གཡོན་པ་ན། །ཙིཏྟ་ཕྱུང་བ་གཡས་པ་ན། །ནི་རི་ཏི་ལ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །རླུང་ལྷ་བསྒྱེལ་བའི་གདན་སྟེངས་སུ། །སྣོམ་བྱེད་གནས་གྱུར་ཕྲ་མེན་མ། །རྣལ་འབྱོར་སེར་ནག་ཙཎྜ་ལི། །སྐྲ་འབར་མཆེ་གཙིགས་རྐན་བརྡབས་ཤིང་། །འཇིགས་སུ་རུང་བའི་སླག་པ་གསོལ། །སྤྱུགས་པས་གླུ་བླངས་ཧ་ཧས་བཞད། །སྡི་ར་ཆུང་ངུ་གཡས་པ་ན། །བྷན་དྷ་བཅད་པ་གཡོན་པ་ན། །བ་ཡ་བེ་ལ་བརྐྱང་བསྐུམ་བཞུགས། །བྱང་ཤར་མཚམས་སུ་བསམ་བྱ་བ། །དབང་ལྡན་བསྒྱེལ་བའི་གདན་སྟེངས་སུ། །མྱོང་བྱེད་གནས་གྱུར་ཕྲ་མེན་མ། །རྣལ་འབྱོར་ལྗང་ནག་གྷས་མ་རི། །སྐྲ་འབར་མཆེ་གཙིགས་རྐན་བརྡབས་ཤིང་། ། ― DNG011_Page_0103 ―
[མ་དཔེ་གཟིགས་ན་འདིར་གནོན།]
སྡི་ར་ཆེན་པོའི་ཤུན་པ་གསོལ། །སྤྱུགས་པས་གླུ་བླངས་ཧ་ཧས་བཞད། །བྷན་དྷ་རཀྟ་གཡས་པ་ན། །རྩེ་གསུམ་འཁྲུག་པ་གཡོན་པ་ན། །ཨི་ཤྭ་ར་ལ་བརྐྱང་བསྐུམ་བཞུགས། །དཀྱིལ་འཁོར་དེ་ཡི་ཕྱི་རིམ་དུ། །སྨུག་ནག་འབར་བའི་བར་ཁྱམས་ན། །གསང་བའི་མཁའ་ལས་སྐུར་བསྐྱེད་པ། །ཤར་གྱི་ཕྱོགས་སུ་བསམ་བྱ་བ། །དྲི་ཟ་བསྒྱེལ་བའི་གདན་སྟེངས་སུ། །ཀུན་གཞི་ཡུལ་ལས་གནས་གྱུར་པ། །ཕྲ་མེན་ཐོགས་མེད་སེང་གེའི་གདོང་། །རྣལ་འབྱོར་སེར་ནག་སེང་གེ་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་བསྣོལ་ནས་ཤིན་ཏུ་འགྱིང་། །སྡི་ར་ཆེན་པོ་སྤྲུག་ཅིང་གསོལ། །ཨིནྡྲ་ཡེ་ལ་བརྐྱང་བསྐུམ་བཞུགས། །ལྷོ་ཡི་ཕྱོགས་སུ་བསམ་བྱ་བ། །གྲུལ་བུམ་བསྒྱེལ་བའི་གདན་སྟེངས་སུ། །རྣམ་ཤེས་ཡུལ་ལ་གནས་གྱུར་པ། །ཕྲ་མེན་དཔའ་བ་སྟག་གི་གདོང་། །རྣལ་འབྱོར་དམར་ནག་བྱཱ་གྷྲྀ་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་གྱད་ཀྱི་འདོར་ཚུལ་གྱིས། །སྡིར་ཆུང་བསྐྱུར་ནས་འབྲུ་ཚུགས་ལྟ། །ར་ཏྲིའི་གདན་ལ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཡི་དྭགས་བསྒྱེལ་བའི་གདན་སྟེངས་སུ། །ཉོན་མོངས་ཡུལ་ལ་གནས་གྱུར་པ། །ཕྲ་མེན་རྟོག་འདུལ་ཝ་ཡི་གདོང་། །རྣལ་འབྱོར་དམར་ནག་སྲི་ཀ་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་སྡིར་ཆེན་ནང་གྲོལ་འདྲུ། །ཧྲི་འདི་གདན་ལ་བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །གནོད་སྦྱིན་བསྒྱེལ་བའི་གདན་སྟེངས་སུ། །རེག་བྱ་ཡུལ་ལ་གནས་གྱུར་པ། །ཕྲ་མེན་བཏང་སྙོམས་སྤྱང་མོའི་གདོང་། །རྣལ་འབྱོར་མཐིང་ནག་ཤྭ་ན་མ། །མཆེ་གཙིགས་རྐན་བརྡབས་གཡང་གཞི་གྱོན། །ཕྱག་གཉིས་རོལ་པ་ཆེན་པོ་ཡིས། །སྡི་ར་ཕྱེད་མར་བཙལ་ནས་གསོལ། །ཡཀྵའི་གདན་ལ་བརྐྱང་བསྐུམ་བཞུགས། །ཤར་ལྷོ་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེངས་སུ། །ལྟ་བྱེད་ཡུལ་ལ་གནས་གྱུར་པ། །ཕྲ་མེན་གཟི་བརྗིད་བྱ་རྒོད་གདོང་། ། ― DNG011_Page_0104 ―
[མ་དཔེ་གཟིགས་ན་འདིར་གནོན།]
རྣལ་འབྱོར་དམར་ནག་ཀྲི་ཏ་མ། །མཆུ་བརྡར་རྐན་བརྡབས་གཡང་གཞི་གྱོན། །ཟངས་གྲི་རྣོན་པོ་གཡས་པ་ན། །རྒྱུ་ཞགས་དྲང་བ་གཡོན་པ་ན། །རཀྵ་ས་ལ་བརྐྱང་བསྐུམ་བཞུགས། །ལྷོ་ནུབ་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེངས་སུ། །ཉན་བྱེད་ཡུལ་ལ་གནས་གྱུར་པ། །ཕྲ་མེན་གསལ་བྱེད་དུར་བྱའི་གདོང་། །རྣལ་འབྱོར་རྣལ་མ་ཀངྈ་མ། །མཆུ་བརྡར་རྐན་བརྡབས་གཡང་གཞི་གསོལ། །སྡིར་ཆུང་སྟོད་སྨད་གཡས་གཡོན་ན། །རྔམ་པའི་ཚུལ་གྱིས་ཕྲག་ལ་བཀལ། །རཀྵ་ས་ལ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེངས་སུ། །སྣོམ་བྱེད་ཡུལ་ལ་གནས་གྱུར་པ། །ཕྲ་མེན་ས་ལེ་བྱ་རོག་གདོང་། །རྣལ་འབྱོར་དམར་ནག་ཁ་ཁྭ་མ། །མཆུ་བརྡར་རྐན་བརྡབས་གཡང་གཞི་གྱོན། །ཟངས་གྲི་དམར་པོ་གཡས་པ་ན། །བྷན་དྷ་རཀྟ་གཡོན་པ་ན། །རཀྵ་ས་ལ་བརྐྱང་བསྐུམ་བཞུགས། །བྱང་ཤར་མཚམས་སུ་བསམ་བྱ་བ། །སྲིན་པོ་བསྒྱེལ་བའི་གདན་སྟེངས་སུ། །མྱོང་བྱེད་ཡུལ་ལ་གནས་གྱུར་པ། །ཕྲ་མེན་རྫོགས་བྱེད་འུག་པའི་གདོང་། །རྣལ་འབྱོར་ལྗང་ནག་ཧུ་ལུ་མ། །མཆུ་བརྡར་རྐན་བརྡབས་གཡང་གཞི་གསོལ། །རྡོ་རྗེ་ལྕགས་ཀྱུ་གཡས་པ་ན། །སྡིར་ཆུང་སྤྱི་འཇོམས་གཡོན་པ་ན། །རཀྵ་ས་ལ་བརྐྱང་བསྐུམ་བཞུགས། །འབར་བའི་བར་ཁྱམས་ཐ་མ་ལ། །ཐོད་སྐམ་འབར་བའི་གཞལ་ཡས་ན། །ཞིང་ཆེན་བསྣོལ་མའི་གདན་སྟེངས་སུ། །ཤར་གྱི་ཕྱོགས་སུ་བསམ་བྱ་བ། །ཉུལ་བྱེད་ཡུལ་ལ་གནས་གྱུར་པ། །སྤོར་བྱེད་ཆེན་མོ་མི་ཟད་མ། །སྣ་ཚོགས་འགྱུར་བའི་སྐུ་མདོག་མ། །ཞིང་ཆེན་རོལ་པའི་སླག་པ་གསོལ། །རལ་པ་ཁམ་ནག་གྱེན་དུ་འབར། །སྤྱུགས་པས་གླུ་བླངས་སྲིད་གསུམ་འབར། །ཧ་ཧ་གད་མོས་ཡེ་ཤེས་རོལ། །ཉི་ཟེར་ཞགས་པ་གཡས་པ་ན། །བྷན་དྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ལྷོ་ཡི་ཕྱོགས་སུ་བསམ་བྱ་བ། །མི་མགོན་ཐུབ་པ་གནས་ ― DNG011_Page_0105 ―
[མ་དཔེ་གཟིགས་ན་འདིར་གནོན།]
གྱུར་པ། །སྤོར་བྱེད་ཆེན་མོ་མདུང་ཐུང་འཕེན། །རྣལ་འབྱོར་སེར་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འཁྱིལ། །མི་ཡི་གཡང་གཞི་གོས་སུ་གྱོན། །སྤྱུགས་པས་གླུ་བླངས་སྲིད་གསུམ་སྦྱངས། །ཧ་ཧ་གད་མོས་མི་རྣམས་སྤོར། །རྡོ་རྗེ་མདུང་ཐུང་གཡས་པ་ན། །བྷན་དྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ནུབ་ཀྱི་ཕྱོགས་སུ་བསམ་བྱ་བ། །ཆོས་ཀྱི་དབྱིངས་ལས་གནས་གྱུར་པ། །སྤོར་བྱེད་རྡོ་རྗེ་དྲིལ་འཁྲོལ་མ། །རྣལ་འབྱོར་མཚོན་དུ་མེད་པའི་སྐུ། །རལ་པ་ཁམ་ནག་གྱེན་དུ་འབར། །ཆོས་ཉིད་དབྱིངས་ཀྱི་ན་བཟའ་གསོལ། །སྤྱུགས་པས་གླུ་བླངས་སྟོང་ཁམས་སྤོར། །ཧ་ཧའི་གད་མོས་དབྱིངས་སུ་སྦྱོར། །གསུང་བསྒྲགས་དྲིལ་བུ་གཡས་པ་ན། །བྷན་དྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །བྱང་གི་ཕྱོགས་སུ་བསམ་བྱ་བ། །ལྷ་མིན་ཐུབ་པ་གནས་གྱུར་པ། །སྤོར་བྱེད་ཐོད་ཕྲེང་སྐར་མདའི་གདོང་། །རྣལ་འབྱོར་སྔོ་ནག་ཉུལ་ཆེན་མ། །སྲོག་ཆགས་ཆེན་པོའི་གཡང་གཞི་གྱོན། །རལ་པ་ཁམ་ནག་གྱེན་དུ་འབར། །སྤྱུགས་པས་གླུ་བླངས་ཁམས་གསུམ་སྦྱངས། །ཧ་ཧ་གད་མོས་ལྷ་མིན་སྤོར། །རྡོ་རྗེ་སྐར་མདའ་གཡས་པ་ན། །བྷན་དྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ཤར་ལྷོ་མཚམས་སུ་བསམ་བྱ་བ། །ལྷ་འདུལ་ཐུབ་པ་གནས་གྱུར་པ། །སྤོར་བྱེད་ཁྱུང་ཐོགས་གནོད་སྦྱིན་མ། །རྣལ་འབྱོར་མཐིང་ནག་ཉུལ་ཆེན་མ། །འཇིགས་བྱེད་གཡང་གཞི་གོས་སུ་གྱོན། །རལ་པ་ཁམ་ནག་གྱེན་དུ་འབར། །སྤྱུགས་པས་གླུ་བླངས་སྟོང་ཁམས་གྲགས། །ཧ་ཧ་གད་མོས་ལྷ་རྣམས་སྤོར། །རྡོ་རྗེ་ཁྱུང་ཆེན་གཡས་པ་ན། །བྷན་དྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ལྷོ་ནུབ་མཚམས་སུ་བསམ་བྱ་བ། །ཡི་དྭགས་ཐུབ་པ་གནས་གྱུར་པ། །སྤོར་བྱེད་མེ་ཁྱེར་གློག་ཕྲེང་འཛིན། །རྣལ་འབྱོར་དམར་ནག་ཉུལ་ཆེན་མ། །ཡི་དྭགས་མགྲིན་རིངས་གཡང་གཞི་གྱོན། །རལ་པ་ཁམ་ནག་གྱེན་དུ་འབར། །སྤྱུགས་པས་གླུ་བླངས་སྣང་སྲིད་སྦྱངས། ། ― DNG011_Page_0106 ―
[མ་དཔེ་གཟིགས་ན་འདིར་གནོན།]
ཧ་ཧའི་གད་མོས་ཡི་དྭགས་སྤོར། །རྡོ་རྗེ་གློག་ཕྲེང་གཡས་པ་ན། །བྷན་དྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །ནུབ་བྱང་མཚམས་སུ་བསམ་བྱ་བ། །བྱོལ་སོང་ཐུབ་པ་གནས་གྱུར་པ། །སྤོར་བྱེད་འཇིགས་ཆེན་སློག་ཤ་རྡེབས། །རྣལ་འབྱོར་སྨུག་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འབར། །སླག་ཆེན་བརྗིད་པའི་གཡང་གཞི་གྱོན། །སྤྱུགས་པས་གླུ་བླངས་སྟོང་ཁམས་གྲགས། །ཧ་ཧའི་གད་མོས་བྱོལ་སོང་སྤོར། །རྡོ་རྗེ་སླག་ཤ་གཡས་པ་ན། །བྷན་དྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །བྱང་ཤར་མཚམས་སུ་བསམ་བྱ་བ། །དམྱལ་མགོན་ཐུབ་པ་གནས་གྱུར་པ། །སྤོར་བྱེད་གཤིན་རྗེ་རལ་གྲི་སྐྲ། །རྣལ་འབྱོར་སྔོ་ནག་ཉུལ་ཆེན་མ། །རལ་པ་ཁམ་ནག་གྱེན་དུ་འབར། །གཤིན་རྗེ་གཡང་གཞི་གོས་སུ་གྱོན། །སྤྱུགས་པས་གླུ་བླངས་ཁམས་གསུམ་སྦྱངས། །ཧ་ཧའི་གད་མོས་དམྱལ་བ་སྤོར། །རྡོ་རྗེ་རལ་གྲི་གཡས་པ་ན། །བྷན་དྷ་རཀྟ་གཡོན་པ་ན། །རོ་རློན་སྟེང་དུ་བརྐྱང་བསྐུམ་བཞུགས། །འབར་བའི་དཀྱིལ་འཁོར་སྒོ་བཞི་ལ། །ཕྱིན་ཅི་ལོག་བཞི་གནས་གྱུར་པ། །ཤར་གྱི་སྒོར་ནི་བསམ་བྱ་བ། །ཕག་ཆེན་པོ་ཡི་གདན་སྟེངས་སུ། །རྟ་གདོང་སྲིན་མོའི་གཡང་གཞི་གསོལ། །རྡོ་རྗེ་ལྕགས་ཀྱུ་གཡས་པ་ན། །བྷན་དྷ་རཀྟ་གཡོན་པ་ན། །ཕག་ཆེན་པོ་ཡི་གདན་སྟེངས་སུ། །སྟོབས་ཆེན་ཁྲོ་བོ་ཆེན་པོ་དང་། །འཁྲིལ་བ་ཆེན་པོའི་ཚུལ་དུ་བཞུགས། །རྔམ་པའི་ཚུལ་གྱིས་ཕྱིར་བལྟས་པའོ། །ལྷོ་ཡི་སྒོར་ནི་བསམ་བྱ་བ། །ར་གདོང་ཆེན་མོའི་གདན་སྟེངས་སུ། །ཕག་གདོང་ཆེན་མོའི་གཡང་གཞི་གྱོན། །ལྕགས་ཀྱི་དྲིལ་ཞགས་གཡས་པ་ན། །བྷན་དྷ་རློན་པ་གཡོན་པ་ན། །ར་གདོང་ཆེན་མོའི་གདན་སྟེངས་སུ། །ཁྲོ་ཆེན་གཤིན་རྗེ་གཤེད་པོ་དང་། །འཁྲིལ་བ་ཆེན་པོའི་ཚུལ་གྱིས་སུ། །རྔམ་པའི་ཚུལ་གྱིས་བལྟས་པའོ། །ནུབ་ཀྱི་སྒོར་ནི་བསམ་བྱ་བ། །བུམ་རྣ་ཆེན་མོའི་གདན་སྟེངས་སུ། །དྲེད་གདོང་ཆེན་མོ་གཡང་གཞི་གྱོན། །ལྕགས་སྒྲོག་མེ་འབར་ ― DNG011_Page_0107 ―
[མ་དཔེ་གཟིགས་ན་འདིར་གནོན།]
གཡས་པ་ན། །བྷན་དྷ་རློན་པ་གཡོན་པ་ན། །སྲིན་པོ་བུམ་རྣའི་གདན་སྟེངས་སུ། །ཁྲོ་ཆེན་རྟ་མགྲིན་ཆེན་པོ་དང་། །འཁྲིལ་བ་ཆེན་པོའི་ཚུལ་གྱིས་སུ། །རྔམ་པའི་ཚུལ་གྱིས་ཕྱིར་བལྟས་པའོ། །བྱང་གི་སྒོར་ནི་བསམ་བྱ་བ། །གསུས་པོ་ཆེ་ཡི་གདན་སྟེངས་སུ། །སྤྱང་གདོང་ཆེན་མོ་གཡང་གཞི་གྱོན། །དྲིལ་བུ་ཐལ་ཆེན་གཡས་པ་ན། །བྷན་དྷ་རློན་པ་གཡོན་པ་ན། །གསུས་པོ་ཆེ་ཡི་གདན་སྟེངས་སུ། །ཁྲོ་ཆེན་བདུད་རྩི་འཁྱིལ་པ་དང་། །འཁྲིལ་བ་ཆེན་པོའི་ཚུལ་གྱིས་སུ། །རྔམ་པའི་ཚུལ་གྱིས་ཕྱིར་བལྟས་པའོ། །ཧོ་བཛྲ་གུ་ཧྱ་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་སྒྱུ་འཕྲུལ་བླ་མ་ཆེན་པོ་ལས་བདུད་བཏུལ་བ་དང་ཉིད་ཀྱི་སྐུ་གསུང་ཐུགས་ཀྱི་ཆེ་བའི་ཡོན་ཏན་ཕྱོགས་བཅུར་གསལ་བའི་ལེའུ་སྟེ་དགུ་པའོ།། །།དེ་ནས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་གསུང་གི་དཀྱིལ་འཁོར་ཆེན་པོ་འདི་ཡང་དག་པར་གྲགས་ཤིང་དམ་ཚིག་རྗེས་སུ་འཛིན་པའི་དགོངས་པ་རྩེར་ཆིབ་ནས་སྐུ་གསུང་ཐུགས་རྡོ་རྗེ་ལས་འདི་དག་ཕྱུང་ངོ་། །བྲུཾ་བི་ཤྭ་ཀྲོ་དྷ་བཛྲ་ཛྭ་ལ་མཎྜ་ལ་ཙཀྲ་ཧཱུྃ། ཕཊ་ཕཊ་ཕཊ། ཧ་ལ་ཧ་ལ་དུ་ཏྲི་ཙཀྲ་ནཱན། སཱུརྱ་ཙནྡྲ་པདྨ་དེ་བ་ཏིཥྛ་ནཱན། ཧཱུྃ་ཧཱུྃ་ཧ་ཧ་ཧཱུྃ་ཧཱུྃ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། ཧཱུྃ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། ཨོཾ་སརྦ་ཏ་ཐཱ་ག་ཏོ་བུཌྜྷ། མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཨོཾ་ཏྲཱྃ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། ཏྲཱྃ་སཱུརྱ་རཏྣ་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཨོཾ་ཧྲཱྀཿཔདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། ཧྲཱྀཿཤྭ་པདྨ་བ་མུ་ཀ་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། ཧ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། ཀརྨ་མ་ཧཱ་ཀྲོ་དྷཱི་ཤྭ་རི་ཛྭ་ལ་ནི་ཧཱུྃ་ཕཊ། བཛྲ་ཀེའུ་རི་ཧ། བཛྲ་ཙེའུ་རི་ཧ། བཛྲ་པྲ་མོ་ཧཱ་ཧ། བཛྲ་པེ་ཏཱ་ལི་ཧ། བཛྲ་པུཀྐ་སི་ཧ། བཛྲ་གྷསྨ་རི་ཧ། བཛྲ་སྨ་ཤ་ནི་ཧ། བཛྲ་ཙཎྜ་ལི་ཧ། བཛྲ་སིང་ཧ་མུ་ཁ་ཧེ། བཛྲ་བྱཱ་གྷྲྀ་མུ་ཁ་ཧེ། བཛྲ་སྲི་ལ་མུ་ ― DNG011_Page_0108 ―
[མ་དཔེ་གཟིགས་ན་འདིར་གནོན།]
ཁ་ཧེ། བཛྲ་ཤྭ་ན་མུ་ཁ་ཧེ། བཛྲ་གྲྀ་དྷ་མུ་ཁ་ཧེ། བཛྲ་ཀངྈ་མུ་ཁ་ཧེ། བཛྲ་གཱ་ཀ་མུ་ཁ་ཧེ། བཛྲ་ཧུ་ལུ་ཀ་མུ་ཁ་ཧེ། བཛྲ་ཨཱརྱ་ཏེ་ཙ་ཏེ་ང་ཙ། བཛྲ་ཨ་མོ་གྷ་ཧཱུྃ། བཛྲ་ཨཱ་ལོ་ཀ་བྃ། བཛྲ་བྷསྨི་པཱ་ལ་ཡ་བ་ཏོ་ཧོ། ཨེ་ཧྱེ་ཧི་ཕྲི་ཏ་ཨཱརྱ་ནི་ཙ་ཏུར་བ་ཡ་ཕཊ། བཛྲ་བེ་ཡོ་གི་པྲ་ཏི་ཨཱརྱ་ནི་ཙ་ཏུར་ཐཱ་ཡ་ཧཱུྃ་ཕཊ། བཛྲ་མུ་ཨ་ནི་ཨ་པྲ་ཏི་ཨཱརྱ་ནི་པ་ཤི་ཀ་ར་ཕཊ། བཛྲ་མུ་ནི་ཨ་པྲ་ཏི་ཨཱརྱ་པ་ནི་ཤི་ཀ་ར་ཕཊ། བཛྲ་མུ་ནི་ཨ་སུཾ་བ་ཨ་ནི་བ་ཤི་ཀ་ར་ཕཊ། བཛྲ་མུ་ནི་ཨ་པྲ་ཏི་ཨཱརྱ་ནི་ཏྲཾ་སུ་པ་ཤི་ཀ་ར་ཕཊ། བཛྲ་མུ་ཏྲི་ནི་ཨ་པྲ་ཏི་ཨཱརྱ་ནི་པ་ཤི་ཀ་ར་ཕཊ། བཛྲ་མུ་ནི་ཨ་དུ་པྲི་ཏི་ཨ་ནི་པ་ཤི་ཀ་ར་ཕཊ། ཨེ་ཧྱེ་ཧི་ཨཱ་ན་ཡ་ཧོ། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཛཿཧཱུྃ་བྃ་ཧོཿ། བཛྲ་ཀྲོ་དྷ་ས་མ་ཡ་ཧཱུྃ་ཕཊ་ཅེས་གསུང་གི་དཀྱིལ་འཁོར་གྱིས་སྟོང་གསུམ་གྱི་དཀྱིལ་འཁོར་ཁྱབ་པར་དུས་གཅིག་ཁྱབ་པར་གྲགས་པ་དང་། དམ་ནོད་པ་བཀའ་ཉན་གྱི་ཚོགས་མའི་སྲིན་མོ་ལ་སོགས་པ་རྣམས་ཀྱིས་ཀྱང་སོ་སོའི་སྲོག་གི་སྙིང་པོ་ཕུལ་ལོ། །བཛྲ་མ་ནུ་རཱཀྵ་སི། བཛྲ་པྲ་མ་ནི། བཛྲ་རཽ་ཏྲི། བཛྲ་བཻཥྞ་བེ། བཛྲ་པིང་ག་ལཾ། བཛྲ་ཀེ་མ་རི། བཛྲ་ཨིནྡྲ་ན། བཛྲ་སུ་ར་ཡ་ཏྲ། བཛྲ་སོ་ཧུ་མྱ། བཛྲ་ཨ་མྲྀ་ཏ། བཛྲ་ད་ན་ཏ། བཛྲ་རཱཀྵ་སི། བཛྲ་བཀྵ་སི། བཛྲ་ར་ཏི་ཧྃ། བཛྲ་རུ་ཏི་ཧྃ། བཛྲ་ཨེ་ཀ་ཙ་རྃ། བཛྲ་མ་ནོ་ཧ་རྃ། བཛྲ་ས་ན་དྷི་ཧྃ། བཛྲ་བ་ཡ་བྱ། བཛྲ་མ་ཧཱ་མ་རམ་ན། བཛྲ་ཨགྣེ་ཡེ། བཛྲ་ཙ་མུནྟྲི། བཛྲ་པུ་ཏྲ་ན། བཛྲ་བ་རུ་ཎི། བཛྲ་མ་ཧཱ་ཀཱ་ལ། བཛྲ་ཏཱིཀྵྞ་བྃ། བཛྲ་ལཾ་པོ་དྷ་ར། ཡེ་ཤེས་རྒྱལ་པོ་དགོངས་སུ་གསོལ། །ཁྲོ་ལ་ཁྲོས་པས་ཞི་མཛད་པ། །ཐུགས་རྗེས་ཁྲོ་དཔལ་རྔམ་པའི་ཚོགས། །འབར་བའི་བྱིན་བརླབས་རྨད་པོ་ཆེ། །དེ་ཉིད་དུ་ནི་བདག་ལ་སྩོལ། །ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོཿ། བཛྲ་ས་མ་ཡ་ཕཊ། ཨ་ལི་ཨུ་ལི་ཏ་ལི་ཏ་པ་ལི་དྃ་སྟཾ་ཁོ་ན་རཽ་ཏྲི་ཁ་རྃ་ཡོ་ག་ནི་ཁ་རྃ་ཧཱུྃ་ཧ་ཧེ་ཕཊ་ཅེས་བརྗོད་པས། འཇིག་རྟེན་དྲུག་གི་ཕྱོགས་བཅུ་ཀུན། །ཚིག་ཅིང་འབར་བས་ཐམས་ཅད་ཁྱབ། །གསུང་གི་ཁྲོ་ཚོགས་ཆེན་པོ་ཡིས། །ཀུན་དུ་ཁྱབ་ཅིང་གང་གྱུར་ཏོ། །དེ་ནས་བཅོམ་ ― DNG011_Page_0109 ―
[མ་དཔེ་གཟིགས་ན་འདིར་གནོན།]
ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཀྱི་དེ་དག་གི་དཀྱིལ་འཁོར་བསྟན་པའི་ཕྱིར་ངེས་པར་བརྗོད་པ་འདི་བརྗོད་དོ། །འབར་བའི་འཁོར་ལོ་རྩིབས་བཞི་པ། །གྲུ་ཆད་བཞིས་བརྒྱན་བར་ཁྱམས་དང་། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གསུམ་གྱིས་མཛེས། །ཐོད་སྦྲུལ་སྣ་ཚོགས་ཉི་མས་བརྗིད། །འབར་བའི་ཕྲེང་བ་མང་པོ་འཁྲུག །ཁྱུ་མཆོག་མ་ཧེ་གཟིག་དང་སྟག །གཏུམ་པ་དོམ་གྱི་སྦར་བས་ནི། །དབང་ཕྱུག་ལྷ་ཆེན་ལ་སོགས་པ། །དྲེགས་པ་ཆེན་པོ་གཏུམ་ཚོགས་མནན། །གདན་དུ་བྱས་ཏེ་སྐུ་བཞུགས་པ། །སྨུག་ནག་སྔོ་ནག་སེར་ནག་དང་། །དམར་ནག་ལྗང་ནག་འཇིགས་པའི་གཟུགས། །དབུ་དགུ་ཕྱག་ནི་བཅྭ་བརྒྱད་དང་། །དབུ་གསུམ་ཕྱག་དྲུག་ཞབས་བཞིར་བགྲད། །རྔམ་པའི་སྒྲ་ཆེན་འཇིགས་པར་སྒྲོགས། །སྟག་ལུག་སྦྲུལ་དང་ཉི་མར་ཆས། །སྡི་ར་ཆེ་ཆུང་ནང་ཞགས་དང་། །ཁྱུང་དང་ཡིད་བཞིན་ནོར་བུ་དང་། །སྟོང་གི་འཇིག་རྟེན་ཁོར་ཡུག་བཅས། །རྡོ་རྗེ་དུང་ཆེན་གང་བ་དང་། །རལ་གྲི་དགྲ་སྟྭ་གཤོལ་ལ་སོགས། །རང་གི་ལག་ཆ་སྣ་ཚོགས་དང་། །བཙུན་མོ་འཇིགས་པའི་ཚོགས་དང་བཅས། །གནས་དང་ཡུལ་གྱི་ཕྱག་རྒྱ་དང་། །སྤོར་བྱེད་ཆེན་མོ་བརྒྱད་རྣམས་དང་། །དབྱུག་པ་མཚོན་ཆ་སྣ་ཚོགས་འཛིན། །སྒོ་བཞིའི་ཕྱག་རྒྱར་མཛེས་པ་དང་། །ལྕགས་ཀྱུ་ལ་སོགས་ཐོད་པས་མཛེས། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་བརྒྱད་ཀྱིས་མཛེས། །རང་གི་སྟན་དང་ལག་ཆར་ཆས། །ཅི་བགྱི་ཞེས་ནི་ཆས་ཏེ་གནས། །ཞེས་གསུངས་པ་དང་། འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ། སྐུ་གསུང་ཐུགས་བསམ་གྱིས་མི་ཁྱབ་པའི་དཀྱིལ་འཁོར་གྱིས་གང་ཞིང་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཡེ་ཤེས་རྒྱལ་པོ་དེ་ཉིད་དོན་ཡོད་པའི་འབྲས་བུ་ཆེན་པོ་དམ་ཚིག་ཆེན་པོས་གཟུང་བའི་ཕྱིར་འདའ་བར་དཀའ་བའི་དམ་ཚིག་རྡོ་རྗེ་འདི་གསུངས་སོ། །བླ་མེད་མི་སྤོང་བླ་མ་བཀུར། །སྔགས་དང་ཕྱག་རྒྱ་རྒྱུན་མི་གཅད། །ཡང་དག་ལམ་ ― DNG011_Page_0110 ―
[མ་དཔེ་གཟིགས་ན་འདིར་གནོན།]
དུ་ཞུགས་ལ་བྱམས། །གསང་བའི་དོན་ཕྱིར་སྨྲ་མི་བྱ། །རྩ་བའི་དམ་ཚིག་ཆེན་པོ་ནི། །གདོང་ཆེན་བཅུ་ཡི་དོན་རྟོགས་ཀྱང་། །རྩ་བ་གསུམ་པོ་མི་འདའོ། །ཡན་ལག་དམ་ཚིག་ལྔ་གཉིས་ནི། །གཏི་མུག་འདོད་ཆགས་ཞེ་སྡང་དང་། །ང་རྒྱལ་ཕྲག་དོག་མི་སྤོང་ངོ་། །དཀར་རྩི་དམར་རྩི་དྲི་ཤ་ཆུ། །དག་པའི་སྣོད་བཅུད་མི་དོར་རོ། །སྤྱི་དཔལ་བཅུ་ཡི་མངའ་བརྙེས་ཀྱང་། །ཡན་ལག་བཅུ་པོ་མི་དོར་རོ། །གཞན་ཡང་ཡན་ལག་དམ་ཚིག་རྣམས། །འདའ་བར་མི་མཛད་རྡོ་རྗེ་དམ། །ས་མ་ཡ་ནི་རྡོ་རྗེ་ཆེ། །མི་འདའ་རྒྱལ་བ་ཉིད་ཀྱི་དམ། །བསམ་རྫོགས་ལྷུན་གྲུབ་ཆེ་མཐར་ཕྱིན། །སྲིད་གསུམ་དག་པ་དབང་ཆེན་སྒྱུར། །མི་འཇིགས་ཀུན་ཏུ་བཟང་པོར་སྤྱོད། །ཐེག་པ་མཐའ་ཡས་འདུལ་བའི་ཐབས། །ཇི་སྙེད་སྡོམ་པ་མཐའ་ཡས་པ། །མ་ལུས་རྣམ་དག་ལྷུན་གྱིས་རྫོགས། །ཉམས་འགྱུར་ཉེས་པ་བརྗོད་མི་ལང་། །ཚེ་ཐུང་བསམ་པ་ལོག་པ་དང་། །མྱ་ངན་སྡུག་བསྔལ་ཆེན་པོ་དང་། །དམྱལ་བ་ཉིད་ནི་རྡོ་རྗེ་བྱེད། །དགུ་རྫོགས་བཅུར་ལྡན་གསུམ་གྱིས་སྦྱངས། །བསྐང་བ་ལ་སོགས་མཐའ་ཡས་མཆོག །ཅེས་གསུངས་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ཀྱིས་འདུལ་བར་འགྱུར་རོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་འཇིགས་བྱེད་ཆེན་པོ་གསུང་གི་དཀྱིལ་འཁོར་དང་དམ་ཚིག་རྡོ་རྗེའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཆོས་ཐམས་ཅད་མན་ངག་བླ་མ་ཆེན་པོའི་སྙིང་པོ་བྱང་ཆུབ་ཀྱི་སེམས་བདེ་བ་ཆེན་པོའི་ངང་དུ་སྙིགས་མ་མེད་པར་བྱུང་བཏབ་པའི་ཕྱིར་སྐུ་གསུང་ཐུགས་བླ་མ་ཆེན་པོའི་ཐིག་ལེ་ཆེན་པོའི་དཀྱིལ་འཁོར་ནས་མན་ངག་བླ་མ་ཆེན་པོའི་སྙིང་པོ་འདི་ཕྱུང་ངོ་། །བྱང་ཆུབ་སེམས་ཀྱི་བདེ་ཆེན་ལ། །རྒྱུ་རྐྱེན་རྟེན་དང་ལེན་བཅས་པའི། །སྐྱོན་མེད་ཐིག་ལེ་ཆེན་པོ་ལས། །མ་རྟོགས་པ་དང་ལོག་པར་རྟོགས། །ཕྱོགས་རྟོགས་ཡང་དག་ཉིད་མ་རྟོགས། །འདུལ་བ་དགོངས་པ་གསང་བ་དང་། །རང་བཞིན་གསང་བའི་ ― DNG011_Page_0111 ―
[མ་དཔེ་གཟིགས་ན་འདིར་གནོན།]
དོན་རྣམས་ནི། །ཡི་གེ་ཚིག་ལ་རབ་བརྟེན་ཏེ། །ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེའི་ཐུགས་ལ་གནས། །དཀྱིལ་འཁོར་ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག ། དཀྱིལ་འཁོར་གསང་བའི་ཐིག་ལེ་དབྱིངས། །འབྱུང་བ་ཤེས་རབ་རིགས་ཀྱི་ཡུམ། །བྱེད་པ་རིགས་ཀྱི་གཙོ་བོ་སྟེ། །བྱང་ཆུབ་སེམས་ཀྱི་རྡོ་རྗེའི་ཚོགས། །དབང་པོ་ཡུལ་དུས་རིག་པའི་རྣམས། །བདག་ཉིད་ཆེན་པོ་ལྷག་པར་རྫོགས། །ཐུགས་ཀྱི་ཡེ་ཤེས་ལྔས་བལྟ་ཞིང་། །སྙིང་པོ་ཐིག་ལེ་མཉམ་སྦྱོར་བས། །བདེ་བའི་ཡེ་ཤེས་ཆེན་པོར་རོལ། །ཡེ་ཤེས་དགྱེས་པ་མཆོག་ཏུ་འབུལ། །ཟད་མེད་ཟག་པ་མེད་པ་ཡི། །བསོད་ནམས་ཡེ་ཤེས་སྒྱུ་མར་རོལ། །རོལ་མོའི་དཀྱིལ་འཁོར་མཐའ་ཡས་མཆོག །གསང་བའི་ཐིག་ལེ་ཉིད་ཀྱི་དབྱིངས། །ཕྱོགས་བཅུ་དུས་བཞི་རྫོགས་པའི་དབྱིངས། །སྐུ་གསུང་ཡོན་ཏན་ཕྲིན་ལས་ཐུགས། །གསང་བའི་དཀྱིལ་འཁོར་ཐམས་ཅད་ཀུན། །མ་ལུས་བདག་གིས་དབང་སྒྱུར་རོ། །དབང་སྒྱུར་ཡེ་ཤེས་རོལ་པ་ཡིས། །དཀྱིལ་འཁོར་ལ་གནས་དཀྱིལ་འཁོར་རྫོགས། །རྫོགས་པའི་དཀྱིལ་འཁོར་ལྷུན་གྱིས་གྲུབ། །རྫོགས་ཆེན་རྟོགས་པ་ཆེན་པོ་ཡིས། །རྒྱན་དུ་དཀྱིལ་འཁོར་མ་ལུས་ཐོགས། །རྫོགས་པའི་དཀྱིལ་འཁོར་མཉམ་སྦྱོར་བས། །ཐུགས་ཀྱི་དཀྱིལ་འཁོར་མ་ལུས་འབྱུང་། །ཕྱོགས་བཅུའི་དཀྱིལ་འཁོར་འདུལ་བའི་མགོན། །སྒྱུ་མའི་དཀྱིལ་འཁོར་མ་ལུས་སྒྲོལ། །བྱ་བ་མེད་པའི་དཀྱིལ་འཁོར་སྤྱོད། །ཡེ་ཤེས་རྫོགས་པའི་དཀྱིལ་འཁོར་ལ། །ཐོས་བསམ་བསྒོམ་པའི་མཉམ་སྦྱོར་བས། །རང་འབྱུང་ཀུན་ནས་ལྷུན་གྱིས་གྲུབ། །འདི་ནི་སངས་རྒྱས་ཐམས་ཅད་ཀྱི། །རང་བཞིན་རྫོགས་པའི་དཀྱིལ་འཁོར་ཡིན། །རྒྱུ་རྐྱེན་རྟེན་དང་ལྡན་པ་ཡི། །ཐམས་ཅད་བྱང་ཆུབ་སེམས་ཀྱི་དབྱིངས། །བྱང་ཆུབ་སེམས་ཀྱི་བདེ་ཆེན་གྱིས། །དཀྱིལ་འཁོར་ཐམས་ཅད་དབྱིངས་སུ་ཐིམ། ། ― DNG011_Page_0112 ―
[མ་དཔེ་གཟིགས་ན་འདིར་གནོན།]
ཐིག་ལེ་ཆེན་པོ་བླ་མ་ལས། །སྒྱུ་མ་བྱང་ཆུབ་ལམ་དུ་བསྟན། །སྐྱོན་དང་ཡོན་ཏན་ཐམས་ཅད་ཀྱང་། །བྱང་ཆུབ་ཐིག་ལེ་ཉིད་ཀྱི་ངང་། །སྤྱོད་པ་རྣམ་པ་ཉིད་ཀྱི་ཡང་། །ཐིག་ལེ་ཆེན་པོའི་ལམ་དུ་ངེས། །སྒྱུ་མ་རོལ་པའི་དཀྱིལ་འཁོར་ཡང་། །ཐིག་ལེ་ཆེན་པོའི་དབྱིངས་སུ་སྦྱོར། །སྡོམ་པ་རྣམ་པ་བཅུ་གསུམ་དང་། །སྤྱི་ཡི་དམ་ཚིག་མཐའ་ཡས་པ། །ཐིག་ལེ་ཆེན་པོའི་ངང་དུ་གསལ། །སྣོད་བཅུད་འཇིག་རྟེན་མ་ལུས་པ། །ཐིག་ལེ་ཉིད་ཀྱི་རོལ་པའི་དབྱིངས། །ཚོགས་ཆེན་རྣམ་པ་གཉིས་པོ་ཡང་། །བྱང་ཆུབ་སེམས་ཀྱི་དབྱིངས་སུ་ངེས། །གཞལ་ཡས་ཁང་དང་རྒྱན་རྣམས་དང་། །ཆོ་འཕྲུལ་བྱང་ཆུབ་སེམས་སུ་ཐིམ། །ཁྲོ་ཚོགས་བདུད་འདུལ་རོལ་པ་ཡང་། །བྱང་ཆུབ་སེམས་སུ་ངེས་པ་ཡིན། །འགྲོ་དྲུག་སེམས་ཅན་གསུམ་པོ་ཡང་། །ཡེ་ཤེས་དྲུག་དང་སྐུ་གསུམ་དུ། །ངེས་པའི་ཐིག་ལེ་ཆེན་པོ་ཡིན། །ལྔ་ཡི་རྟེན་དང་རྐྱེན་བཞི་ཡང་། །དབྱིངས་ཀྱི་མ་དང་དུས་ཀྱི་སྲིང་། །ཐིག་ལེ་ཆེན་པོའི་ངང་དུ་འདུས། །སྔ་ཕྱི་གསུམ་དང་ཡོད་མེད་ཁམས། །སྐུ་གསུང་ཐུགས་སུ་ངེས་བསྟན་པའི། །ཐིག་ལེ་བྱང་ཆུབ་སེམས་སུ་ངེས། །ཕུང་པོ་ཁམས་དང་སྐྱེ་མཆེད་ཀྱང་། །ཕྱག་རྒྱ་བཞི་བཅུ་གཉིས་པོ་ཡང་། །ཐིག་ལེ་ཉིད་ལས་གཞན་ན་མེད། །བཞི་ཡི་ལས་དང་གཅིག་པོ་ཡང་། །ཐིག་ལེ་སེམས་ཀྱི་ངང་དུ་གསལ། །འགྲོ་བའི་དོན་དུ་འབྱུང་བ་ཡི། །དགུ་དང་སྟོང་ཕྲག་བརྒྱ་བཅུ་བཞི། །བྱང་ཆུབ་སེམས་ལས་གཞན་ན་མེད། །བདེ་སྐྱིད་སྡུག་བསྔལ་མང་པོ་ཡང་། །རྟོགས་པ་བདེ་ཆེན་དབྱིངས་ཀྱི་དོན། །ཡེ་ཤེས་ཡེ་ཤེས་རོལ་པ་ཡང་། །རྡོ་རྗེ་སྙིང་པོའི་དབྱིངས་སུ་ངེས། །ཀུན་བཟང་རྡོ་རྗེ་སེམས་དཔའ་དང་། །དུས་གསུམ་རྒྱལ་བ་རྒྱ་མཚོ་རྣམས། །ཉག་གཅིག་ཡབ་ཏུ་ངེས་པར་རྫོགས། །ཐར་པའི་ལམ་མཆོག་དབྱིངས་ཀྱི་ཡུམ། །ཀུན་དུ་བཟང་མོ་ལ་སོགས་ཀྱང་། །ཐིག་ལེ་མ་ཡི་ངང་དུ་གསལ། །གཞལ་ཡས་ཁང་དང་དཀྱིལ་འཁོར་དང་། །བཞུགས་གནས་ཁྱད་པར་མང་པོ་ཡང་། །ཡེ་ཤེས་ཆེན་པོའི་གནས་སུ་བསྡུ། ། ― DNG011_Page_0113 ―
[མ་དཔེ་གཟིགས་ན་འདིར་གནོན།]
མཆོད་པའི་རྒྱན་དང་ལོངས་སྤྱོད་ཀུན། །རིགས་པའི་བྱང་ཆུབ་སེམས་ཆེན་པོ། །ཆོ་འཕྲུལ་ཆེན་པོའི་ངང་དུ་འདུས། །རྒྱུ་འབྲས་གཉིས་ཀྱི་ངོ་བོ་དང་། །ཆོས་སོ་ཅོག་གི་རང་བཞིན་རྣམས། །བྱང་ཆུབ་སེམས་སུ་ངེས་པས་ན། །དཀར་ནག་ལས་ཀྱིས་མ་གསུངས་སོ། །བྱང་ཆུབ་སེམས་ཀྱི་བདེ་ཆེན་ནི། །ཅི་ཡང་མེད་ལས་ཅིར་ཡང་སྣང་། །ཅིས་ཀྱང་མ་བཅོས་གཡུང་དྲུང་སྐུ། །ཅིར་མི་མཛད་ལ་ཐམས་ཅད་སྒྲོལ། །དམིགས་པ་མེད་པར་ཀུན་ལ་ཁྱབ། །མ་བསྐོས་རྒྱལ་པོ་ཡང་དག་པ། །མ་སྦྱངས་ཡེ་ཤེས་སྙིང་པོ་ཆེ། །མ་བསྒོམས་ཅིག་ཅར་དོན་ཉིད་རྫོགས། །མ་བསྒྲུབས་རྒྱལ་བ་ཀུན་གྱི་གཙོ། །མ་སྦྱངས་སྐྱོན་དང་ཡོན་ཏན་མེད། །ཚིག་དང་ཡི་གེས་མི་མཚོན་ཏེ། །སངས་རྒྱས་ཉིད་ཀྱིས་རྙེད་པར་དཀའ། །ཀུན་བཟང་རྡོ་རྗེ་སེམས་དཔའ་ཡིས། །རྙེད་ནས་རྫོགས་པའི་དཀྱིལ་འཁོར་སྤྱོད། །སྤྱོད་པས་འགྲོ་བ་སྒྲོལ་བ་སྟེ། །དེ་ལ་ཉེས་པའི་སྐྱོན་མི་མངའ། །ཞེས་གསུངས་པས། ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་དབྱེར་མེད་པར་དགྱེས་ནས་སྟུག་པོས་བརྒྱན་པའི་རྒྱན་ཉིད་དུ་བཞུགས་སོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་མན་ངག་སྙིང་པོ་བྱང་ཆུབ་སེམས་བདེ་བ་ཆེན་པོའི་ལེའུ་སྟེ་བཅུ་གཅིག་པའོ།། །།དེ་ནས་ཡང་ཡེ་ཤེས་རྒྱལ་པོ་དེ་ཉིད་དེ་བཞིན་གཤེགས་པ་རྣམས་ཀྱི་དགོངས་པ་ཡང་དག་པའི་ཕྲིན་ལས་ཆེན་པོ་འདི་མ་བྱོན་པའི་དེ་བཞིན་གཤེགས་པ་རྣམས་ཀྱི་ཆེད་དུ་སྐུ་གསུང་ཐུགས་ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་། །ཨེ་ཡི་ཚོགས་ཀྱི་དཀྱིལ་འཁོར་མཆོག །འབར་བ་གཏུམ་ཆེན་རྔམ་པ་ལ། །ཁྲོས་པའི་ཡིད་ཀྱིས་མཆོད་སྦྱིན་བྱ། །སངས་རྒྱས་བསོད་ནམས་སྐུ་ཡང་འཇིག །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱ། །བཀུག་ནས་རྡོ་རྗེའི་ཕུར་པས་གདབ། །རྡུལ་དུ་བྱས་ནས་ཚོགས་ལ་འབུལ། །ཨེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །བཅིངས་གྱུར་བསྐྱོད་ནས་ཕྱོགས་བཅུར་གཡོས། །མྱོས་འགྱུར་གས་ཏེ་ཚིག་ ― DNG011_Page_0114 ―
[མ་དཔེ་གཟིགས་ན་འདིར་གནོན།]
པར་འགྱུར། །བྃ་གྱི་ཚོགས་ཀྱི་དཀྱིལ་འཁོར་མཆོག །འབར་བའི་གཟི་བརྗིད་ལྷུན་ཆེན་ལ། །ཆགས་པའི་ཡིད་ཀྱིས་མཆོད་སྦྱིན་བྱ། །རྡོ་རྗེ་གསུམ་ཡང་དབང་དུ་འགྱུར། །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱ། །རྡོ་རྗེ་ཆགས་པའི་ཕུར་པས་གདབ། །ཆགས་པའི་ཚོགས་ལ་ཐིམ་པར་དབུལ། །བྃ་གྱི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །ཅི་འདོད་དེ་བཞིན་བྱེད་པར་འགྱུར། །མ་ཡི་ཚོགས་ཀྱི་དཀྱིལ་འཁོར་མཆོག །འབར་བའི་འདུ་འཕྲོའི་གཟི་ཆེན་ལ། །དགའ་བའི་ཡིད་ཀྱིས་མཆོད་སྦྱིན་བྱ། །ཡོན་ཏན་ནམ་མཁའི་མཐའ་དང་མཉམ། །བདུད་རྩི་ལྔ་འམ་ཟས་ལྔ་ལ། །ཡོན་ཏན་ཡིད་བཞིན་གཏེར་དུ་བརྟག །ང་རྒྱལ་དགའ་འཕྲོའི་ཕུར་པས་གདབ། །རྡོ་རྗེ་གཟི་བརྗིད་འཕེལ་བར་བརྟག །མ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །གཟི་བརྗིད་འབར་བའི་འཕྲུལ་ཆེན་སྤྲོ། །ཡིད་བཞིན་ནམ་མཁའི་མཐའ་དང་མཉམ། །ཡ་ཡི་ཚོགས་ཀྱི་དཀྱིལ་འཁོར་མཆོག །གསལ་བའི་གཟི་བརྗིད་འཚེར་བ་ལ། །དང་བའི་ཡིད་ཀྱིས་མཆོད་སྦྱིན་བྱ། །གཏུམ་ཆེན་རྔམ་པོའང་ལྷན་ནེར་འགྱུར། །བདུད་རྩི་ལྔ་འམ་ཟས་ལྔ་ལ། །གཏུམ་ཆེན་འཁྲུག་པའི་ངོ་བོར་བརྟག །ལྷན་ནེར་གསལ་བའི་ཕུར་པས་གདབ། །འབར་བ་ལྷན་ནེའི་ཚོགས་ལ་འབུལ། །ཡ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །འབར་བ་ལྷན་ནེའི་བྱིན་གྱིས་ཁྱབ། །ཐམས་ཅད་གཡོ་བ་མེད་པར་འགྱུར། །ཨ། ཐམས་ཅད་རྫོགས་པ་ཆེན་པོ་སྟེ། །ལས་སུ་མ་གྱུར་གཅིག་ཀྱང་མེད། །ལས་ཀྱི་ཁྱད་པར་རྫོགས་པ་ཡི། །སྲིད་པ་གསུམ་དུ་བསྡུས་པ་རྣམས། །བྱིན་གྱིས་མ་བརླབས་གཅིག་ཀྱང་མེད། །རྫོགས་པ་ཆེན་པོའི་ཕྲིན་ལས་ཀྱིས། །སྦྱངས་པས་བསམ་རྫོགས་ལྷུན་གྱིས་གྲུབ། །ཧོ། སླས་དང་བྱི་མོ་བྲན་མོའི་ཚོགས། །ལྷག་མ་ཁ་ཆུ་འདོད་པ་སྦྱིན། །རང་གི་དམ་ཚིག་རབ་བསྒྲུབས་ཏེ། །གང་འདོད་ལས་དེ་བྱེད་པར་བསྒོ། །ཁྲག་འཐུང་ཆེན་པོ་ལ་སོགས་ཏེ། །བྲོ་གར་གླུ་ཚིག་ ― DNG011_Page_0115 ―
[མ་དཔེ་གཟིགས་ན་འདིར་གནོན།]
ཆེན་མོས་ནི། །ཇི་ལྟར་འདོད་པ་ཐམས་ཅད་ཀུན། །ཐམས་ཅད་མ་ལུས་བྱེད་པ་ཡིན། །མཛོད་ལྡན་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །འདུ་བར་འདོད་ན་འདུ་བར་བྱེད། །འཕེལ་བར་འདོད་ན་འཕེལ་བར་བྱེད། །སྦོས་མོ་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །རྨོངས་པར་འདོད་ན་རྨོངས་པར་བྱེད། །མྱོས་པར་འདོད་ན་མྱོས་པར་བྱེད། །སེང་གདོང་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཟ་བར་བྱེད། །རྡུལ་ཆ་ཙམ་ཡང་མེད་པར་བྱེད། །བཞད་གདོང་ཆེན་མོ་ལ་སོགས་ཏེ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་འབྱིན་པར་བྱེད། །ཀུན་ལ་རབ་ཏུ་ཉམས་པར་བྱེད། །ཨ། སྤོར་བྱེད་ཆེན་མོ་ལ་སོགས་ཏེ། །ཉུལ་བྱེད་ཆེན་མོ་བརྒྱད་རྣམས་ལ། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཉུལ་བར་བྱེད། །མ་ལུས་གནས་ནས་སྤོར་བར་བྱེད། །སླས་དང་བྱི་མོ་བྲན་མོའི་ཚོགས། །བྲོ་གར་གླུ་ཚིག་ཆེན་མོས་ནི། །སྦད་ཅིང་གཏང་བར་བྱ་བ་སྟེ། །ཐམས་ཅད་མ་ལུས་བྱེད་པ་ཡིན། །ལྗོན་ཤིང་དང་ནི་ལྕུག་ཕྲན་ཚལ། །སྡོང་གཅིག་དང་ནི་མེ་རེག་ཏུ། །དང་བ་དགའ་བ་ཆགས་པ་དང་། །ཁྲོས་པས་ཀ་ལི་རབ་ཏུ་བྱ། །ཞེས་གསུངས་པས་ཕྲིན་ལས་རྣམ་པ་བཞི་སྡི་རའི་རྔ་དང་བཅས་པར་ཕྱོགས་བཅུ་འཇིག་རྟེན་གྱི་ཁམས་འདུལ་བར་གྱུར་ཏེ། དེ་ནས་བཅོམ་ལྡན་འདས་ཡེ་ཤེས་རྒྱལ་པོ་འཇིགས་བྱེད་ཆེན་པོ་དེ་ཉིད་དམ་ཚིག་སྡི་རའི་རྔ་བླ་མ་རྡུང་ཞིང་སྡི་ར་རྔམ་པའི་མདངས་འདི་ཕྱུང་ངོ་། །ཨེ་ཡི་ཚོགས་ཆེན་འབྱམ་པ་རུ། །སྡི་རའི་རྔ་ཆེན་སྒྲ་བསྒྲགས་པས། །ཧཱུྃ་ཧ་ཧེ་ཕཊ་སྒྲ་འབྱིན་ཅིང་། །ཡིག་འབྲུ་བརྒྱད་ཀྱི་བྱིན་བརླབས་ཀྱིས། །རུ་ལུ་ཧཱུྃ་བྷྱོའི་གསུང་སྒྲོགས་པ། །ཁྲོ་བོ་རྔམ་པའི་སྒྲ་སྐད་ཀྱིས། །སྲིད་པ་གསུམ་ཆར་བཤིག་ནས་ཀྱང་། །སྟོང་གསུམ་བསྒྲལ་བའི་སྒྲ་འབྱིན་པའོ། །སྡི་ར་རྔ་ཆེན་འདི་བརྡུངས་པས། །གནོད་སྦྱིན་སྲིན་པོ་ཀུན་བསྒྲལ་ཏེ། །མུ་སྟེགས་ཀུན་གྱི་སྙིང་ཡང་འབྱིན། །སྡི་རའི་རྔ་ཆེན་འདི་བསྒྲགས་པས། །སྟོང་གསུམ་ཁྲོ་བོའི་ཚོགས་ཀྱིས་བཀང་། །ཀུན་ཀྱང་ ― DNG011_Page_0116 ―
[མ་དཔེ་གཟིགས་ན་འདིར་གནོན།]
རྔ་བརྡུང་དི་རི་རི། །རྔ་སྒྲ་ཆེན་པོས་སྟོང་གསུམ་བཤིག །རྔ་སྒྲ་ཆེན་པོས་བདུད་དཔུང་བསྒྲལ། །རྔ་སྒྲ་ཆེན་པོས་སྲིད་གསུམ་སྦྱངས། །རྔ་སྒྲ་ཆེན་པོས་དགྲ་བགེགས་འདུལ། །རྔ་སྒྲ་ཆེན་པོས་ངན་སོང་སྦྱངས། །རྔ་སྒྲ་འབྲུག་གི་སྒྲ་བསྒྲགས་པས། །ན་རག་དམྱལ་ཁམས་སྟོངས་པར་བྱེད། །རྔ་སྒྲ་ཏུག་ཆེམ་རི་རབ་རྙིལ། །སྡི་ར་རྔ་ཆེན་སྒྲ་ཕྱུང་བས། །ཕྱིན་ཅི་ལོག་རྣམས་སྙིང་ཡང་འབྱིན། །རྔ་ཆེན་འབྲུག་གི་སྒྲ་སྒྲོགས་ཤིང་། །རྔ་ཐབས་གློག་སྟོང་འགྱུར་བ་བཞིན། །དེ་བཞིན་གཤེགས་པའི་ཐུགས་དམ་བསྐང་། །མ་མོ་མཁའ་འགྲོའི་དམ་ཚིག་བསྐང་། །རྣལ་འབྱོར་རྣམ་ལྔའི་དམ་ཚིག་བསྐུལ། །སྡི་ར་རྔ་ཆེན་འདི་བརྡུངས་པས། །ཉན་ཐོས་མདོ་སྡེ་གནས་ནས་སྤར། །རང་རྒྱལ་ལྟ་བ་དབྱིངས་སུ་སྒྲོལ། །སྡི་རའི་རྔ་ཆེན་འདི་བསྒྲགས་པས། །ལྷ་དང་མི་ཡི་ཐེག་པ་ཡང་། །བླ་མེད་ཐེག་པའི་དབྱིངས་སུ་བཙུད། །སྡི་ར་རྔ་སྒྲ་འདི་བསྒྲགས་པས། །སྟོང་ཁམས་སྡི་རའི་རྔ་སྒྲས་བཀང་། །ཀུན་ཀྱང་རྔ་བརྡུང་དི་རི་རི། །རྔ་ཐབས་གློག་སྟོང་ལྕེ་འབྱིན་ཅིང་། །རྔ་སྐད་འབྲུག་སྟོང་སྒྲ་སྒྲོགས་པས། །བྱིན་བརླབས་ལྕགས་ཀྱི་སེར་ཆེན་འབེབས། །སྟོང་གསུམ་འཁྲུག་ཅིང་སྲིད་གསུམ་འཐོར། །རྔ་ཐབས་གཡབ་མོར་བོར་བ་དང་། །ཁ་དང་ཀ་ཡི་རུ་མཚོན་གྱིས། །ཐམས་ཅད་གནམ་ལྕགས་ཆེན་པོས་བཏབ། །ཀ་ལ་ཆེན་པོ་ལ་སོགས་ཏེ། །རྡོ་རྗེ་ཆགས་འོག་ལྡེགས་པའི་རྣམས། །དུས་གཅིག་ཏུ་ནི་ཙིཏྟ་འབྱིན། །སྡི་ར་ཆེན་པོའི་རྔ་སྒྲ་ཡིས། །སྲིད་པ་ཁྲག་གི་རྒྱ་མཚོར་བསྐྱིལ། །དུས་གཅིག་ཏུ་ནི་དབང་ཆེན་རྫོགས། །རྔ་སྒྲ་རིན་ཆེན་ཁང་པ་བརྩེགས། །བསམ་རྫོགས་ཆེ་ལ་དབང་ཐང་ཐོབ། །རྔ་སྒྲས་གཡོ་བ་མེད་པར་བྱེད། །ཆོས་ལ་འཛུད་པའི་སྒྲ་ཡང་འབྱིན། །རྔ་སྒྲས་ཅི་འདོད་དགོངས་པ་རྫོགས། །བྱང་ཆུབ་སེམས་ལྟར་དེ་མ་ཐག །ཅེས་གསུངས་པས་དེ་བཞིན་གཤེགས་པ་ཐམས་ཅད་དེ་བཞིན་གཤེགས་པ་ཉིད་ཀྱི་སྦྱོར་བར་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཀྱི་དཀྱིལ་འཁོར་བླ་མ་ཆེན་པོ་ ― DNG011_Page_0117 ―
[མ་དཔེ་གཟིགས་ན་འདིར་གནོན།]
མན་ངག་གི་སྙིང་པོ་དང་བཅས་པ་དེ་ལ་ཤིན་ཏུ་རྔམ་པའི་མདངས་ཀྱིས་དགྱེས་པ་ཆེན་པོའི་གླུ་འདི་བླངས་སོ། །ཧཱུྃ་གཏུམ་ཆེན་དུས་མཐའི་མེ་ལྟར་འབར། །འོད་ཟེར་ཉི་མ་འབུམ་གྱི་གཟི། །ཁྲོ་གཉེར་གློག་སྟོང་འགྱུ་བ་བཞིན། །མཆེ་བ་ཟང་ཡག་ཟ་བྱེད་ཆེ། །ཧོ། ཧཱུྃ་རྔམ་པའི་ང་རོ་འབྲུག་སྟོང་ལྡིར། །གཏུམ་ཆེན་རི་རབ་འབུམ་སྙིལ་སྐད། །ཨ་ལ་ལ་ཡི་གད་རྒྱངས་ཆེ། །སྤྱུགས་པའི་འཐོར་རླུང་གཡེང་བ་ཆེ། །ཧོ། ཧཱུྃ་ཁྲོ་བོའི་ཤེས་རབ་འོད་པོ་ཆེ། །ཡེ་ཤེས་དཀྱིལ་འཁོར་ཀུན་དུ་གསལ། །འབར་བའི་ཡེ་ཤེས་ཀུན་དུ་འཇོམས། །སྣ་ཚོགས་ཡེ་ཤེས་ཐིག་ལེ་ཆེ། །ཧོ། ཧཱུྃ་ཁྲོ་བོའི་རྒྱལ་པོ་སྤྲིན་ཆེན་པོ། །ཁྲོས་པའི་དཀྱིལ་འཁོར་ཆར་ཆེན་འབེབས། །དཀྱིལ་འཁོར་ཡིད་བཞིན་འབྱུང་བའི་གཏེར། །སྣ་ཚོགས་ཁྲོས་པའི་ཐིག་ལེ་ཆེ། །ཧོ། ཧཱུྃ་བདུད་རྣམས་ཀུན་གྱི་བདུད་ཆེན་པོ། །བདུད་ཀྱི་བདུད་སྟེ་བདུད་རྣམས་འཇོམས། །འཇིགས་པའི་ཚོགས་ཀྱང་འཇིགས་བྱེད་པ། །འཇིགས་བྱེད་ཆེན་པོ་བདལ་བ་ཆེ། །ཧཱུྃ་རྡོ་རྗེ་བྲག་ཆེན་སྲ་བ་པོ། །རྡོ་རྗེ་ཆུ་བོ་སྡུད་ཆེན་པོ། །རྡོ་རྗེ་མེ་སྟེ་ཀུན་འབར་ཆེ། །རྡོ་རྗེ་རླུང་སྟེ་འཐོར་རླུང་ཆེ། །ཧོ། ཧཱུྃ་སྟོང་གསུམ་ཁྲོ་བོའི་དཀྱིལ་འཁོར་ཚོགས། །འཇིགས་བྱེད་མཚོན་དུ་མེད་པའི་སྐུ། །སྣ་ཚོགས་གསུང་དང་སྣ་ཚོགས་ཐུགས། །འཇིགས་བྱེད་རྔམ་པའི་ཡེ་ཤེས་གཏེར། །ཧོ་ཞེས་བླངས་པས་སྟོང་གསུམ་གྱི་དེ་བཞིན་གཤེགས་པའི་འཇིགས་བྱེད་ཆེན་པོ་རྣམས་དབྱེར་མེད་པས་མཉེས་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་ལྷུན་གྱིས་གྲུབ་པའི་ཕྲིན་ལས་དང་ཡོངས་སུ་མཉེས་པའི་ལེའུ་སྟེ་བཅུ་གཉིས་པའོ།། །།རྡོ་རྗེ་སེམས་དཔས་གསུངས་པའི་དོན། །གསང་བ་ཀུན་གྱི་བླ་མ་སྟེ། །སྒྱུ་འཕྲུལ་དྲ་བའི་རྒྱལ་པོ་ཡིན། །ངེས་དོན་ཆོས་ཀྱི་སྙིང་པོ་ལས། །འདུལ་བ་མདོ་སྡེ་ཆོས་མངོན་དང་། །དམ་ཚིག་སྒྲུབ་དང་གྲུབ་པ་དང་། །སྐུ་དང་གསུང་དང་ཐུགས་ཀྱི་རྒྱུད། །སྒྱུ་འཕྲུལ་དྲ་བ་ལས་འཕྲོས་ཏེ། །སྡེ་སྣོད་ཀུན་དང་རྒྱུད་ཀུན་ཡང་། །འབྱུང་ནས་གཏན་ལ་ངེས་པར་འབེབས། །འགྲོ་དྲུག་སེམས་ དཔལ་གསང་བའི་སྙིང་པོ་དེ་ཁོ་ན་ཉིད་རྣམ་པར་ངེས་པ།― DNG011_Page_0118 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤྲཱི་གུ་ཧྱ་གརྦྷ་ཏ་ཏ་བི་ནིཤྩ་ཡ། བོད་སྐད་དུ། དཔལ་གསང་བའི་སྙིང་པོ་དེ་ཁོ་ན་ཉིད་རྣམ་པར་ངེས་པ། བཅོམ་ལྡན་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བཤད་པའི་དུས་ན། དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ལོངས་སྤྱོད་ཆེན་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་། ― DNG011_Page_0119 ―
[མ་དཔེ་གཟིགས་ན་འདིར་གནོན།]
གསུང་དང་། ཐུགས་རྡོ་རྗེའི་བདག་ཉིད། མ་ལུས་མི་ལུས་ལུས་པ་མེད་པ་ཐམས་ཅད་དང་སོ་སོ་མ་ཡིན་ཐ་མི་དད་དབྱེར་མེད་པའི་རང་བཞིན་ཏེ། འོག་མིན་གྱི་གནས་མཐའ་དང་དབུས་མེད་པ་ན་གཞི་ཚད་མེད་པའི་ཡེ་ཤེས་ཀྱི་འཁོར་ལོ་གསལ་བ་ལ་ཡེ་ཤེས་རིན་པོ་ཆེ་འབར་བའི་གཞལ་ཡས་ཁང་། རྒྱ་ཕྱོགས་བཅུར་ཡོངས་སུ་མ་ཆད་པ། ཡོན་ཏན་དཔག་ཏུ་མེད་པར་རྒྱས་པའི་ཕྱིར་གྲུ་བཞིར་གྱུར་པ། ལྷག་པའི་ཡེ་ཤེས་རིན་པོ་ཆེའི་གློ་འབུར་གྱིས་མཛེས་པ། རྩེ་མོ་ཕྱོགས་བཅུ་དུས་བཞིའི་སངས་རྒྱས་ཀྱི་དཀྱིལ་འཁོར་མ་ལུས་པ་ཐམས་ཅད་དང་། སོ་སོ་མ་ཡིན་ངོ་བོ་ཉིད་གཅིག་པའི་ཡེ་ཤེས་ཀུན་ཏུ་འཁྱིལ་པ། ཡེ་ཤེས་བསམ་གྱིས་མི་ཁྱབ་པའི་ཡེ་ཤེས་རིན་པོ་ཆེའི་དབྱིབས་དང་ཁ་དོག་ལ་སོགས་པ་རྣམ་པ་ཐ་དད་པའི་བྱེ་བྲག་དང་ཁྱད་པར་དུ་གྱུར་པ། སྤགས་པ། ཚད་དཔག་ཏུ་མེད་པ། ཡེ་ཤེས་རིན་པོ་ཆེ་སྣ་ཚོགས་པའི་ཕྲེང་བ་དང་། ཆུན་འཕྱང་དང་། ཤར་བུའི་རྒྱན་དང་། གཟུགས་སྣ་ཚོགས་དང་། སྒྲ་སྣ་ཚོགས་དང་། དྲི་སྣ་ཚོགས་དང་། རོ་སྣ་ཚོགས་དང་། རེག་བྱ་སྣ་ཚོགས་ཀྱིས་ཕྱོགས་བཅུར་འཁྲིགས་པར་རང་བྱུང་ལ་མི་སྒྲིབ་པར་གསལ་བའི་རྒྱན་བསམ་གྱིས་མི་ཁྱབ་པར་བཀླུབས་པ། རྣམ་པར་ཐར་པ་བཞིའི་སྒོ་ནས་འཇུག་པའི་སྒོ་ཁྱུད་ཅན། རྣམ་པར་ཐར་པ་བརྒྱད་ཀྱི་རྟ་བབས་དང་ལྡན་པ། ཕྱི་དང་ནང་མེད་པ། ཀུན་ཏུ་ཡང་ནང་དུ་གྱུར་པ་ན་མི་འཇིགས་པ་སེང་གེའི་ཁྲི་དང་། སྟོབས་གླང་པོ་ཆེའི་ཁྲི་དང་། རྫུ་འཕྲུལ་རྟའི་ཁྲི་དང་། དབང་རྨ་བྱའི་ཁྲི་དང་། ཐོགས་པ་མེད་པ་ནམ་མཁའ་ལྡིང་གི་ཁྲི་དང་། རང་བཞིན་གྱིས་འོད་ ― DNG011_Page_0120 ―
[མ་དཔེ་གཟིགས་ན་འདིར་གནོན།]
གསལ་བ་ཉི་ཟླའི་དཀྱིལ་འཁོར་དང་། གོས་པ་མེད་པ་པདྨ་རིན་པོ་ཆེའི་གདན་ལ་སྐུ་མདུན་དང་རྒྱབ་མེད་པ་ཐམས་ཅད་དུ་ཞལ་ཐལ་ལེ་བར་གསལ་ཞིང་མཚན་དང་དཔེ་བྱད་དུ་ལྡན་པ་བསམ་གྱིས་མི་ཁྱབ་པ། ཐམས་ཅད་དུ་སྐུ་གསུང་ཐུགས་སྣ་ཚོགས་པར་ཀུན་དུ་སྣང་བ་དང་། ཐབས་དང་ཤེས་རབ་ཀྱི་ཞབས་གཉིས་མཉམ་པའི་བརྟུལ་ཞུགས་ཀྱི་སྐྱིལ་མོ་ཀྲུང་དུ་བཞུགས་པ། ཡེ་ཤེས་དྲུག་གི་ཕྱག་ཡེ་ཤེས་རིན་པོ་ཆེའི་ཕྱག་རྒྱ་འབར་བ་ཅན། སྐུ་གསུང་ཐུགས་བསམ་གྱིས་མི་ཁྱབ་པའི་དབུ་གསུམ་དང་ལྡན་པ། བཅོམ་ལྡན་འདས་དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་དང་། དེ་བཞིན་གཤེགས་པ་གཟུགས་ཀྱི་རྒྱལ་པོ་དང་། དེ་བཞིན་གཤེགས་པ་ཚོར་བའི་རྒྱལ་པོ་དང་། དེ་བཞིན་གཤེགས་པ་འདུ་ཤེས་ཀྱི་རྒྱལ་པོ་དང་། དེ་བཞིན་གཤེགས་པ་འདུ་བྱེད་ཀྱི་རྒྱལ་པོ་དང་། དེ་དག་ཀུན་ཀྱང་མཐིང་ག་དང་། དཀར་པོ་དང་། སེར་པོ་དང་། ལེ་བརྒན་དང་། ལྗང་གུའི་མདོག་ཏུ་འཚེར་བ། བཙུན་མོ་དམ་པ་སྣང་བའི་དབྱིངས་དང་། སྲ་བའི་དབྱིངས་དང་། མཉེན་པའི་དབྱིངས་དང་། དྲོ་བའི་དབྱིངས་དང་། བསྐྱོད་པའི་དབྱིངས་ལ་སོགས་པ་བཙུན་མོའི་ཚོགས་དང་གཉིས་སུ་མེད་པར་ཆོས་ཀྱི་དབྱིངས་ཀུན་དུ་མཐའ་ཡས་པར་ཁྱབ་པ་ནི་འདི་ལྟ་སྟེ། དཔེར་ན་ཏིལ་གྱི་གང་བུ་བཞིན་དུ་གང་ནས་ཁྱབ་པར་བཞུགས་སོ། །དེ་ནས་བྱང་ཆུབ་ཆེན་པོ་རྡོ་རྗེ་མཐོང་བ་དང་། བྱང་ཆུབ་ཆེན་པོ་རྡོ་རྗེ་ཐོས་པ་དང་། བྱང་ཆུབ་ཆེན་པོ་རྡོ་རྗེ་སྣོམ་པ་དང་། བྱང་ཆུབ་ཆེན་པོ་རྡོ་རྗེ་མྱོང་བ་དང་། བཙུན་མོ་མཐོང་བར་བྱ་བ་དང་། མཉན་པར་བྱ་བ་དང་། མནམ་པར་བྱ་བ་དང་། མྱང་བར་བྱ་བའི་ཚོགས་དང་། བྱང་ཆུབ་ཆེན་པོ་རྡོ་རྗེ་མཐོང་བྱེད་དང་། བྱང་ཆུབ་ཆེན་པོ་རྡོ་རྗེ་ཐོས་བྱེད་དང་། བྱང་ཆུབ་ཆེན་པོ་རྡོ་རྗེ་མནམ་བྱེད་དང་། བྱང་ཆུབ་ཆེན་པོ་རྡོ་རྗེ་མྱོང་བྱེད་དང་། བཙུན་མོ་འདས་པ་དང་། ད་ལྟར་དང་། འབྱུང་བ་དང་། མ་བྱོན་པའི་ཚོགས་དང་། འཇོམས་པ་ཆེན་པོ་རེག་པ་དང་། འཇོམས་པ་ཆེན་པོ་རེག་བྱེད་དང་། འཇོམས་པ་ཆེན་པོ་རེག་བྱ་དང་། ― DNG011_Page_0121 ―
[མ་དཔེ་གཟིགས་ན་འདིར་གནོན།]
འཇོམས་པ་ཆེན་པོ་རེག་ཤེས་དང་། བཙུན་མོ་རྟག་པར་མ་ཡིན་པ་དང་། ཆད་པར་མ་ཡིན་པ་དང་། བདག་ཏུ་མ་ཡིན་པ་དང་། མཚན་མར་མ་ཡིན་པ་ལ་སོགས་པ་དེ་ལྟ་བུའི་ཚོགས་བརྗོད་ཀྱིས་མི་ལང་བ་དང་གཉིས་སུ་མེད་པར་བཞུགས་སོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་གསང་བའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་དང་། གསུང་དང་། ཐུགས་དང་། ཡོན་ཏན་དང་། ཕྲིན་ལས་རྡོ་རྗེ་ལས་ཕྱུང་ངོ་། །ཨེ་ཨེ་ཨེ་མའོ། དེ་བཞིན་ཉིད་དབྱིངས་ཉིད་དབང་སྒྱུར། །ཡེ་ཤེས་དཀྱིལ་འཁོར་ཐུགས་རྗེའི་ངང་། །རང་སྣང་བ་ཉིད་ཏིང་ངེ་འཛིན། །གཟུགས་བརྙན་སྒྱུ་མ་རྣམ་པར་དག །གསལ་བ་ནི་སྐུ་གསུང་ཐུགས་ཡོན་ཏན་ཕྲིན་ལས་སེལ་མེད་པའི་ཡོན་ཏན་ཡིད་བཞིན་རིན་པོ་ཆེ་མི་ཟད་པར་ལྡན་པ་རྒྱན་གྱི་འཁོར་ལོ་རྡོ་རྗེ་མཆོག་གི་གནས་ཉིད་དོ་ཞེས་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་བྱེད་པ་པོ་རྡོ་རྗེ་ཡིད་ཀུན་དུ་བཟང་པོས་ཐམས་ཅད་མ་ལུས་པའི་རང་བཞིན་གྱི་ཚུལ་རྡོ་རྗེ་བཙུན་མོ་བྱ་བ་མོ་ཆོས་ཀུན་དུ་བཟང་མོ་ལ་འཇུག་པར་གྱུར་ཏོ། །ཞུགས་པས་ཕྱོགས་བཅུ་དུས་བཞིའི་དེ་བཞིན་གཤེགས་པ་མ་ལུས་པ་ཐམས་ཅད་གཅིག་གི་རང་བཞིན་དབྱེར་མེད་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ། །ཨེ་མའོ་རྡོ་རྗེ་ཕུང་པོ་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་སྤྱན་དང་མཱ་མ་ཀཱི། །མེ་རླུང་གོས་དཀར་སྒྲོལ་མ་སྟེ། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཞིང་། །ཐམས་ཅད་མ་ལུས་ཆོས་སོ་ཅོག །སངས་རྒྱས་ཉིད་ལས་གཞན་མ་ཡིན། །སངས་རྒྱས་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་བརྙེས་སོ། །ཞེས་བརྗོད་པས། དེ་བཞིན་གཤེགས་པ་ཐམས་ཅད་མཉེས་པར་གྱུར་ཏོ། །དེ་ནས་བཙུན་མོ་བྱ་ ― DNG011_Page_0122 ―
[མ་དཔེ་གཟིགས་ན་འདིར་གནོན།]
བ་མོ་ཆོས་ཀུན་ཏུ་བཟང་མོས། བཅོམ་ལྡན་འདས་ཡིད་ཀུན་དུ་བཟང་པོ་དང་གཉིས་སུ་མེད་པར་གྱུར་ནས་ཆེད་དུ་བརྗོད་པ་འདི་བརྗོད་དོ། །ཀྱེ་མ་ཕྱོགས་བཅུའི་སྟོང་ཁམས་ཡེ་ནས་དབེན། །སྲིད་པ་གསུམ་ཉིད་དག་པའི་ཞིང་། །སྙིགས་མ་ལྔ་ཉིད་བདེ་ལྡན་གནས། །ཕུང་པོ་ལྔ་ཉིད་རྫོགས་སངས་རྒྱས། །ཐམས་ཅད་མཆོག་གི་སྙིང་པོ་བས། །གཞན་དུ་རྒྱལ་བའི་ཆོས་མི་བཙལ། །ཉིད་ལས་གཞན་ཞེས་བྱ་བའི་ཆོས། །བཙལ་ཀྱང་རྒྱལ་བས་མི་བརྙེས་སོ། །ཞེས་བརྗོད་པས། ཐམས་ཅད་ཡེ་ནས་སངས་རྒྱས་པར། །དེ་བཞིན་གཤེགས་པ་ཉིད་ཀྱིས་མཁྱེན་ཏོ། །དེ་ནས་གཉིས་སུ་མེད་པའི་བདག་ཉིད་ཆེན་པོས་ཡེ་ནས་སངས་རྒྱས་པའི་སེམས་ཡེ་ཤེས་སུ་བསྐྱེད་པ་འདི་གསུངས་སོ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེ། །སྐྱེས་པ་ཉིད་ནའང་སྐྱེ་བ་མེད། །ཨེ་མ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགག །འགག་པ་ཉིད་ནའང་འགག་པ་མེད། །ཨེ་མ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ནའང་གནས་པ་མེད། །ཨེ་མ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ནའང་དམིགས་པ་མེད། །ཨེ་མ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ནའང་འགྲོ་འོང་མེད། །ཅེས་བརྗོད་པས། དེ་བཞིན་གཤེགས་པ་ཐམས་ཅད་དང་། བཙུན་མོའི་ཚོགས་ཐམས་ཅད་ཀྱང་མཉེས་པས་ཁྱབ་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་བཙུན་མོའི་ཚོགས་དང་བཅས་པས་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཡེ་ནས་གསང་བའི་ཆོས། །སྣ་ཚོགས་སྣང་ལ་རང་བཞིན་གསང་། །ངོ་བོ་ཉིད་ཀྱིས་རབ་ཏུ་གསང་། ། ― DNG011_Page_0123 ―
[མ་དཔེ་གཟིགས་ན་འདིར་གནོན།]
གཞན་དུ་མིན་ལ་ཤིན་ཏུ་གསང་། །ཞེས་བརྗོད་པས། དེ་བཞིན་གཤེགས་པ་ཐམས་ཅད་དང་། ཆོས་ཐམས་ཅད་ཡེ་ནས་སངས་རྒྱས་པའི་ངོ་བོ་ཉིད་དུ་གཅིག་པའི་མཚན་ཉིད་ཡིན་པས་དབྱེར་མེད་ནའང་། འགྲོ་བའི་རྣམ་པར་རྟོག་པ་མ་རིག་པ་ལས་འགྲོ་བ་ལྔའི་རིས་བསམ་གྱིས་མི་ཁྱབ་པར་སྨིན་པ་ལ་ཐུགས་རྗེ་ཆེན་པོ་སངས་རྒྱས་ཀྱི་ཡེ་ཤེས་ཆེན་པོ་སྐྱེས་ནས་ཆེད་དུ་བརྗོད་པ་འདི་བརྗོད་དོ། །ཨེ་མ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་སྤྲུལ། །སྣ་ཚོགས་ལུས་དང་ལོངས་སྤྱོད་དང་། །གནས་དང་སྡུག་བསྔལ་ལ་སོགས་པ། །བདག་དང་བདག་གིར་སོ་སོར་འཛིན། །སུས་ཀྱང་མ་བཅིངས་བཅིངས་མེད་དེ། །བཅིང་བར་བྱ་བ་ཡོད་མ་ཡིན། །རྣམ་རྟོག་བདག་ཏུ་འཛིན་པ་ཡིས། །ནན་གྱིས་མཁའ་ལ་མདུད་པ་དོར། །བཅིངས་མེད་རྣམ་པར་གྲོལ་མེད་པའི། །ཡེ་ནས་ལྷུན་རྫོགས་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །ཅེས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་གླེང་ངོ་། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དོན་དམ་པ་དང་ཀུན་རྫོབ་ཀྱི་བྱང་ཆུབ་ཀྱི་སེམས་ཡེ་ཤེས་སུ་བསྐྱེད་པའི་ལེའུ་སྟེ་གཉིས་པའོ།། །།དེ་ནས་དེ་བཞིན་གཤེགས་པ་ཐམས་ཅད་ལས་ཐུགས་རྗེ་ཆེན་པོའི་བྱིན་བརླབས་ཞེས་བྱ་བའི་རིགས་པའི་སྐྱེས་བུ་ཐུབ་པ་དྲུག་དེ་བཞིན་གཤེགས་པའི་སྐུ་དང་། གསུང་དང་། ཐུགས་རྡོ་རྗེ་ལས་འཐོན་ཏོ། །འཐོན་ནས་ཀྱང་ལས་ཀྱི་དབང་གིས་སྣྲེལ་ཞི་དང་ཡན་མན་གྱི་འཇིག་རྟེན་དྲུག་གི་ཕྱོགས་བཅུ་མཐའ་ཡས་མུ་མེད་པའི་སྟོང་གསུམ་གྱི་སྟོང་ཆེན་པོ་རེ་རེ་ཐུབ་པ་བཅོམ་ལྡན་འདས་རེ་རེས་འདུལ་བ་རྣམ་པ་བཞིས་འགྲོ་བ་ལྔའི་དོན་མཛད་དེ། བལྟམས་པ་དང་། རབ་ཏུ་བྱུང་བ་དང་། དཀའ་ཐུབ་མཛད་པ་དང་། སངས་རྒྱས་པ་དང་། བདུད་བཏུལ་བ་དང་། ཆོས་ཀྱི་འཁོར་ལོ་བསྐོར་བ་དང་། ཆོ་འཕྲུལ་ཆེན་པོ་སྟོན་པ་དང་། མྱ་ངན་ལས་འདས་པ་ལ་སོགས་པར་སྟོན་པའི་ཐུབ་པ་དུས་བཞི་ཀུན་དུ་མཁྱེན་པ་དང་། ཐམས་ཅད་ཀྱི་སེམས་ཀྱི་རྒྱུད་ཀུན་ ― DNG011_Page_0124 ―
[མ་དཔེ་གཟིགས་ན་འདིར་གནོན།]
དུ་མཁྱེན་པ་དང་། རྫུ་འཕྲུལ་གྱི་སྤྱན་གྱིས་ཐམས་ཅད་ཀུན་དུ་གཟིགས་པ་དང་། རྫུ་འཕྲུལ་གྱི་སྙན་གྱིས་ཀུན་དུ་གསན་པ་དང་། རྫུ་འཕྲུལ་གྱི་ཆོ་གས་ཀུན་དུ་དོན་སྤྱོད་པ་དང་། ཟག་པ་མེད་པས་ཀུན་དུ་བཟང་པོའི་སྤྱོད་པ་རྫོགས་པའི་མངོན་པར་ཤེས་པ་ཆེན་པོ་དྲུག་དང་། ཀུན་དུ་སྐུ་བསམ་གྱིས་མི་ཁྱབ་པ་དང་། ཀུན་དུ་ཐུགས་བསམ་གྱིས་མི་ཁྱབ་པ་དང་། ཀུན་དུ་ཞལ་བསམ་གྱིས་མི་ཁྱབ་པ་དང་། ཀུན་དུ་གསུང་བསམ་གྱིས་མི་ཁྱབ་པ་དང་ལྡན་པ། བསམ་གྱིས་མི་ཁྱབ་པའི་གྲངས་མེད་པ་ཕྱོགས་བཅུར་སྣང་བར་གྱུར་ཏོ། །ཐམས་ཅད་ཀྱང་འདི་ལྟ་སྟེ། འདུལ་བའི་དབང་གིས་ལྷ་དང་། མིའི་ཐེག་པ་དང་། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པ་དང་། བླ་ན་མེད་པའི་ཐེག་པས་མ་རིག་པའི་རྣམ་པར་རྟོག་པ་ཉོན་མོངས་པ་སྟོང་ཕྲག་བརྒྱད་ཅུ་རྩ་བཞིའི་གཉེན་པོར་ཆོས་སྟོང་ཕྲག་བརྒྱད་ཅུ་རྩ་བཞི་གསུངས་སོ། །གསུང་ངོ་། །གསུང་བར་འགྱུར་རོ། །དེ་དག་ཐམས་ཅད་ཀྱང་གཟུང་བ་དང་། འཛིན་པའི་ཕྱི་ནང་གི་རྟེན་ཅིང་འདྲེལ་པར་འབྱུང་བ་དང་། འཛིན་པ་དང་། འཕྲུལ་པ་ལས་འདོགས་པ་དང་། ལས་དང་ལས་ཀྱི་འབྲས་བུ་ཆུད་མི་ཟ་བ་དང་། ལས་དང་ལས་ཀྱི་འབྲས་བུས་མི་གོས། གོས་པར་མི་འགྱུར། གོས་སུ་མེད་པར་སྟོན་པའི་མཐར་ཐུག་གོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ། །ཇི་སྙེད་འཇིག་རྟེན་འཁྲུལ་པའི་ཆོས། །མ་རིག་རྟོག་པའི་གཟུང་འཛིན་གྱིས། །ཕྱི་ནང་རྟེན་འདྲེལ་གཉིས་སུ་འཁོར། །མི་མཐུན་བདེ་སྡུག་མྱོང་བར་འགྱུར། །རང་བཞིན་ཉིད་ལས་ཉམས་པ་མེད། །ཡང་དག་སྒྱུ་མའི་ཚུལ་གཉིས་སུ། །བདག་དང་བདག་གི་གཞན་མེད་དེ། །རྣམ་དག་དབྱིངས་ཉིད་ཚུལ་གཅིག་གོ། །བདག་དང་བདག་གི་གཞན་རྣམས་ནི། །ལོག་པར་རྟོག་པ་ཙམ་ཉིད་ལས། །ཕྲ་ཞིང་ཟབ་པའང་ཡོད་མ་ཡིན། །ལོག་རྟོག་ཉིད་ལ་ཉིད་སྤྱོད་དེ། །གཞན་དུ་གཡོ་བ་ཅི་ཡང་ ― DNG011_Page_0125 ―
[མ་དཔེ་གཟིགས་ན་འདིར་གནོན།]
མེད། །ལོག་རྟོག་རྒྱུ་འབྲས་རྒྱུན་ཉིད་ཀྱང་། །གཞི་རྩ་མེད་དབྱིངས་སྐད་ཅིག་མ། །རྣམ་པར་དག་པའི་དབྱིངས་ཉིད་ཚུལ། །ཉིད་ལ་དབང་སྒྱུར་ཉིད་སྤྱོད་ཕྱིར། །བདག་དང་གཞན་དང་རྟོག་པའི་རྒྱུན། །རྣམ་དག་བླ་མེད་ཐེག་པའི་མཆོག །ཐེག་པ་བཞི་ཡིས་ངེས་འབྱུང་ལ། །ཐེག་པ་གཅིག་གིས་འབྲས་བུར་གནས། །ཡང་དག་རྟོགས་པས་རབ་བརྟགས་ན། །རང་བཞིན་མེད་ལས་ཅིར་ཡང་འགྲུབ། །སངས་རྒྱས་མྱ་ངན་ཡོང་མི་འདའ། །ཆོས་ཀྱང་ནུབ་པར་མི་འགྱུར་ཏེ། །མ་རིག་སྨིན་མཛད་འདུལ་བའི་ཕྱིར། །བྱུང་ནས་མྱ་ངན་འདའ་བར་སྟོན། །འདུལ་བ་མདོ་སྡེ་ཆོས་མངོན་དང་། །དམ་ཚིག་སྒྲུབ་དང་གྲུབ་པ་དང་། །སྐུ་དང་གསུང་དང་ཐུགས་ཀྱི་རྒྱུད། །ཕྱོགས་བཅུ་རྣམས་སུ་རབ་གྲགས་པ། །གསང་བའི་སྙིང་པོ་ལས་འཕྲོས་ཏེ། །རང་བཞིན་གསང་བའི་སྙིང་པོ་འདི། །སྡེ་སྣོད་ཀུན་དང་རྒྱུད་ཀུན་གྱི། །འབྱུང་གནས་གཏན་ལ་ངེས་པར་འབེབས། །ཆོས་རྣམས་མིང་དུ་བཏགས་པ་ཙམ། །སྟོན་པས་དོན་དང་མཐུན་ཕྱོགས་སུ། །མིང་དང་ཚིག་ཏུ་བཏགས་ནས་བསྟན། །སྟོན་མིན་ཚིག་ལ་དངོས་པོ་མེད། །) ཅེས་ཆེད་དུ་བརྗོད་དོ། །དེ་ནས་དེ་བཞིན་གཤེགས་པ་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་དང་། གསུང་དང་། ཐུགས་དང་། ཡོན་ཏན་དང་། ཕྲིན་ལས་རྡོ་རྗེ་ལས་ཕྱུང་ངོ་། །ཨ་ཧོ། སྲིད་རྩ་ཉེས་དམིགས་བདག་ཏུ་རྟོག་ལས་འཕྲོས། །རྒྱུད་དྲུག་སྐྱེ་འགག་ལུས་དང་ལོངས་སྤྱོད་དང་། །གནས་དང་སྡུག་བསྔལ་འཁྲུལ་འཁོར་ལ་སོགས་པ། །ལོག་རྟོག་ཉིད་ལས་གཞན་གཡོ་ཅི་ཡང་མེད། །སྟོང་ཉིད་བདག་མེད་ཡེ་མཁྱེན་རང་རིག་ཐུགས། །དམིགས་བྱ་དམིགས་བྱེད་མེད་པར་དྲན་དབང་སྒྱུར། །ངོ་མཚར་སྐུ་གསུང་ཐུགས་དང་ཡོན་ཏན་ཕྲིན་ལས་ཞིང་ཁམས་ལས། །གཞན་ན་མེད་དེ་དེ་ཉིད་དེ་ལྟར་ཡིན། །ཞེས་རྡོ་རྗེ་གསང་བའི་ཚིག་ཏུའོ་ཞེས་བརྗོད་པས། ཐུབ་པ་དྲུག་གི་སྤྲུལ་པ་གྲངས་མེད་པ་དང་། དེ་བཞིན་གཤེགས་པ་ཐམས་ཅད་ཀྱིས་ ― DNG011_Page_0126 ―
[མ་དཔེ་གཟིགས་ན་འདིར་གནོན།]
གསུངས་པ་ཡང་དེ་དག་ཏུ་འདུས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཆོས་ཐམས་ཅད་གཏན་ལ་ཕབ་པའི་ལེའུ་སྟེ་གསུམ་པའོ།། །།དེ་ནས་དེ་བཞིན་གཤེགས་པ་ཐམས་ཅད་དགོངས་པ་གཅིག་ཏུ་གྱུར་ནས་མཉམ་པ་ཆེན་པོའི་ཚུལ་རྡོ་རྗེའི་དབྱིངས་སུ་ཆོས་ཐམས་ཅད་ཡེ་ནས་སངས་རྒྱས་པའི་ཏིང་ངེ་འཛིན་ལས་མི་གཡོ་བར། ཆོས་ཐམས་ཅད་མིང་ཙམ་དུ་གནས་པའི་ཡི་གེ་ཕྲེང་བའི་འཁོར་ལོ་ཞེས་བྱ་བ་འདི་སྐུ་དང་། གསུང་དང་། ཐུགས་རྡོ་རྗེ་ལས་ཕྱུང་ངོ་། །ཨ་རབ་ཏུ་བརྟན་གྱུར་ཨ་དཀར་ལས། །ཤིན་ཏུ་ཕྲ་བའི་ཨ་རྣམས་སྤྲོ། །ཕྱོགས་བཅུ་གང་བར་གསལ་གྱུར་ནས། །བསྡུས་ཀྱང་འཕེལ་འགྲིབ་མེད་པར་བསྟན། །དེ་ལས་མིང་ཚོགས་གསལ་འབར་ཀུན། །སྤྲོ་ཞིང་བསྡུ་བའང་དེ་བཞིན་ནོ། །འདི་ནི་རྡོ་རྗེ་དངོས་གྲུབ་ཀྱི། །བརྟན་བྱུང་ཡེ་ཤེས་རྒྱུ་ཡིན་ནོ། །ཨ་ཨཱ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ཝ་ར་ལ། ཤ་ཥ་ས་ཧ། ཀྵཿ། ཨི་ཨཱིཾ། ཨུ་ཨཱུ། ཨེ་ཨཻ། ཨོ་ཨཽ། འདི་དག་ཕྱུང་བས་འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་དུ་རབ་ཏུ་གཡོས་ནས། ཆོས་ཐམས་ཅད་མིང་གི་མཚན་ཉིད་ཙམ་དུ་གྱུར་ཏོ། །ཧོཿ། དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ། །ཨ་ནི་སྟོང་དང་མི་སྟོང་གི། །དབུ་མའང་དམིགས་སུ་ཡོད་མ་ཡིན། །ཐམས་ཅད་མིང་ཙམ་སངས་རྒྱས་ཀུན། །ཡི་གེ་ཕྲེང་བ་ཉིད་ལ་གནས། །ཨ་ཉིད་སྣ་ཚོགས་པར་སྣང་བའི། །ཀ་ལ་སོགས་པ་བཞི་བཅུ་གཉིས། །སྒྲ་ཡི་མིང་གིས་ཐམས་ཅད་བསྡུས། །མངོན་རྫོགས་རྒྱལ་པོར་དེ་ཉིད་ངེས། །ཨེ་མ་ངོ་མཚར་ཡ་མཚན་གྱི། །འཕྲུལ་ཆེན་བཞི་བཅུ་རྩ་ལྔའི་མིང་། །ཚིག་རྣམས་མ་ལུས་འཛིན་པའི་གནས། །སྣ་ཚོགས་དོན་ཆེན་སྨྲ་ཞིང་སྟོན། །དངོས་མེད་ཡི་གེའི་རང་བཞིན་སེམས། །བདག་མེད་མཐའ་བྲལ་མི་དམིགས་ཀྱང་། །དབྱིབས་དང་ཁ་དོག་མིང་ཚོགས་ཀྱིས། །རོལ་པ་ཅིར་ཡང་སྤྲུལ་ཅིང་སྟོན། །ཕྱོགས་ ― DNG011_Page_0127 ―
[མ་དཔེ་གཟིགས་ན་འདིར་གནོན།]
བཅུ་དུས་བཞིར་གཤེགས་པ་ཡི། །ཡེ་ཤེས་སེམས་དཔའ་སྐུ་གསུང་ཐུགས། །དཀྱིལ་འཁོར་བཞི་བཅུ་རྩ་ལྔ་ཉིད། །ཡི་གེ་མགོ་ནས་ཀྵཿལ་རྫོགས། །སེམས་ཀྱི་རང་བཞིན་ཡི་གེ་སྟེ། །ཡི་གེའི་དངོས་པོ་ཡོད་མ་ཡིན། །དམིགས་མེད་དེ་ཉིད་སྣ་ཚོགས་པའི། །སྐུ་གསུང་ཐུགས་ཀྱི་འཁོར་ལོ་ཆེ། །སྐུ་གསུང་ཐུགས་ནི་ངོ་མཚར་གྱི། །ངོ་མཚར་འཕྲུལ་ཆེན་རབ་འགུགས་པ། །དབྱིངས་ལ་དབྱིངས་ཀྱིས་བྲིས་པ་སྟེ། །ཡི་གེ་ཞེས་ནི་དེ་ཕྱིར་བརྗོད། །མགོ་ནི་མ་ནོར་ལམ་ཡིན་ཏེ། །ཏིག་ནི་ཤེས་རབ་མིང་དུ་སྨྲ། །ཤད་ནི་ཐབས་ཆེན་ཚིགས་སུ་གཅོད། །ཨ་ནི་སྐྱེ་མེད་དེ་བཞིན་ཉིད། །ཨཱ་ནི་ཐོག་མཐའ་སྟོང་པ་ཉིད། །ཐ་ནི་སྒྱུ་འཕྲུལ་རྡོ་རྗེ་ཉིད། །ཊ་ནི་སྣང་བའི་སྒྱུ་འཕྲུལ་ཉིད། །ཌ་ནི་སྒྱུ་འཕྲུལ་ཡིད་བཞིན་ཉིད། །ཌྷ་ནི་སྒྱུ་འཕྲུལ་སྣང་བདག་ཉིད། །ཎ་ནི་ཀུན་དུ་སྒྱུ་འཕྲུལ་ཉིད། །ཐ་ནི་དྲ་བས་མངོན་རྫོགས་ཉིད། །ཏ་ནི་དྲ་བས་བརྟན་པ་ཉིད། །ད་ནི་དྲ་བས་ལྷན་ནེ་ཉིད། །དྷ་ནི་དྲ་བས་འཁྲིལ་བ་ཉིད། །ན་ནི་དྲ་བས་ཀུན་དུ་འགྱུར། །ཀ་ནི་སྤྱན་གྱི་ཐུགས་ཀྱི་མཆོག །ཁ་ནི་སྙན་གྱི་ཐུགས་ཀྱི་མཆོག །ག་ནི་ཤངས་ཀྱི་ཐུགས་ཀྱི་མཆོག །གྷ་ནི་ལྗགས་ཀྱི་ཐུགས་ཀྱི་མཆོག །ང་ནི་ཐུགས་ཀྱང་འཇིག་བྱེད་པའོ། །ཙ་ནི་སྤྱན་གྱི་སྐུ་ཡི་མཆོག །ཚ་ནི་སྙན་གྱི་སྐུ་ཡི་མཆོག །ཛ་ནི་ཤངས་ཀྱི་སྐུ་ཡི་མཆོག །ཛྷ་ནི་ལྗགས་ཀྱི་སྐུ་ཡི་མཆོག །ཉ་ནི་སྐུའང་འཇིག་བྱེད་པའོ། །པ་ནི་སྤྱན་གྱི་གསུང་གི་མཆོག །ཕ་ནི་སྙན་གྱི་གསུང་གི་མཆོག །བ་ནི་ཤངས་ཀྱི་གསུང་གི་མཆོག །བྷ་ནི་ལྗགས་ཀྱི་གསུང་གི་མཆོག །མ་ནི་གསུང་ཡང་འཇིག་པར་བྱེད། །ཡ་ནི་སྐྱེ་བ་རྣམ་པར་དག །ཝ་ནི་གནས་པ་དག་པ་ཡིན། །ར་ནི་འཇིག་པ་དག་པ་སྟེ། །ལ་ནི་སྟོང་པ་དག་པའོ། །ཤ་ནི་རྟག་པ་མེད་པ་སྟེ། །ཥ་ནི་ཆད་པའང་ཡོད་མ་ཡིན། །ས་ནི་མཐའ་བྲལ་བདག་མེད་པ། །ཧ་ནི་མཚན་མ་མེད་པ་ཉིད། །ཀྵ་ནི་ཡེ་ཤེས་ཐུགས་ཀྱི་ཐུགས། །ཨི་ནི་རྡུལ་སྙེད་ལྷ་རྣམས་སུ། །ཨཱིཾ་ནི་རྡུལ་སྙེད་ལྷ་མ་ཡིན། །ཨུ་ནི་རྡུལ་སྙེད་མི་རྣམས་སུ། །ཨཱུ་ ― DNG011_Page_0128 ―
[མ་དཔེ་གཟིགས་ན་འདིར་གནོན།]
ནི་རྡུལ་སྙེད་བྱོལ་སོང་རྣམས། །ཨེ་ནི་རྡུལ་སྙེད་ཡི་དྭགས་སུ། །ཨཻ་ནི་རྡུལ་སྙེད་དམྱལ་བ་རྣམས། །ཨོ་ནི་ཐམས་ཅད་འཇིག་པར་བྱེད། །ཨཽ་ནི་ཐམས་ཅད་ཞིག་པ་ཡིན། །ཡི་གེ་འཁོར་ལོ་ཚོགས་ཆེན་འདི། །སྐུ་གསུང་ཐུགས་ཀྱི་ཕྲེང་བས་བསྡུས། །ཞེས་བརྗོད་དོ། །ཨ་ཧོཿ། དེ་ནས་དེ་བཞིན་གཤེགས་པ་བཙུན་མོའི་ཚོགས་དང་། གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱིས་གསང་བ་འདི་ཉིད་སྐུ་དང་། གསུང་དང་། ཐུགས་དང་། ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་། །ཨ་ཧོཿ། ཐབས་དང་ཤེས་རབ་དགྱེས་སྤྲིན་བྱང་ཆུབ་སེམས་ཚོགས་རྒྱུ་འཁོར་ལོ། །འབྲས་བུ་རྒྱལ་བ་སྨིན་གྲུབ་ངོ་མཚར་མིང་ཚོགས་བཞི་བཅུ་གཉིས། །འདུས་མ་བྱས་ཉིད་འདུས་བྱས་རྡོ་རྗེ་དཀྱིལ་འཁོར་འབྱིན་པའི་དམ། །འདའ་བར་མི་མཛད་དབང་མེད་རྒྱུ་རྐྱེན་ཚོགས་པའི་མཐུ་ཆེན་ཡིན། །ཧོཿ། རྡོ་རྗེ་གསང་བའི་ཚིག་ཏུའོ། །ཞེས་བརྗོད་པས་དེ་བཞིན་གཤེགས་པ་ཐམས་ཅད་ཡི་གེ་འཁོར་ལོར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཡི་གེ་ཕྲེང་བའི་འཁོར་ལོ་བཀོད་པའི་ལེའུ་སྟེ་བཞི་པའོ།། །།དེ་ནས་ཡི་གེ་འཁོར་ལོ་སྤྲིན་བཀོད་པ་ལས་སྒྱུ་འཕྲུལ་རྣམ་པར་འཕྲོ་བ་འདི་ཆེད་དུ་བརྗོད་དོ། །རྩ་བ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ཏེ། །ཡི་གེ་ཡིད་བཞིན་རིན་ཆེན་སྤྲིན། །སྒྱུ་འཕྲུལ་དཀྱིལ་འཁོར་བཞི་བཅུ་གཉིས། །དྲ་བའི་དཀྱིལ་འཁོར་མངོན་རྫོགས་པས། །ཕྱོགས་བཅུ་དུས་བཞི་རྫོགས་པ་ཡི། །དཀྱིལ་འཁོར་ཐམས་ཅད་འགྲུབ་པར་འགྱུར། །བདུད་རྩི་འགྱུར་ཞིང་འབྱུང་བ་དང་། །བཞི་བརྒྱ་རྩ་བཞིའི་ནད་སེལ་ཅིང་། །ལོངས་སྤྱོད་འབྱུང་བ་ངན་སོང་སྦྱོང་། །ཅིར་ཡང་གཞན་དུ་འགྱུར་བ་འགྲུབ། །ནམ་མཁའ་རྡོ་རྗེ་སྲ་འབྱུང་ཞིང་། །འབར་ནས་མེ་ཡང་འཚིག་པ་དང་། །ཆུར་འགྱུར་འབབ་པའང་དེ་བཞིན་ཏེ། །འཇིག་རྟེན་ཁམས་འདི་འདོར་བ་དང་། །ཐམས་ཅད་སྟོངས་ཤིང་ལྟུང་བར་འགྱུར། །དགུག་དང་བཏང་དང་བཅིང་དང་ ― DNG011_Page_0129 ―
[མ་དཔེ་གཟིགས་ན་འདིར་གནོན།]
གྲོལ། །གསོ་དང་གསད་དང་ཕམ་དང་རྒྱལ། །ཏིང་འཛིན་འདི་ཡིས་བྱེད་པར་འགྱུར། །དེ་ཉིད་ཡེ་ཤེས་རང་སྣང་བའི། །མིང་ཚིག་གཟུགས་སོགས་ཡིད་བཞིན་གྱིས། །མུན་ལ་སྣང་འབྱུང་ཇི་བཞིན་དུ། །འགྱུར་བས་གསེར་འགྱུར་སྨན་གྱི་ཚུལ། །སྟོན་པ་མཆོད་བརྩོན་རྟོགས་པ་གསལ། །དམ་ཚིག་སྔགས་དང་ཕྱག་རྒྱ་རྣམས། །མ་ཉམས་ཤེས་ཤིང་ཡོ་བྱད་ལྡན། །འགྲུབ་འགྱུར་མི་ལྡན་མེད་ཅིང་བརླག །དུས་གསུམ་རྒྱལ་བས་ཐུགས་ཆུད་པའི། །དངོས་གྲུབ་མཆོག་གི་སྙིང་པོ་ནི། །ཟད་པའི་དུས་མེད་ཡིད་བཞིན་མཛོད། །འཕེལ་འགྲིབ་མེད་པར་འབྱུང་བ་སྟེ། །དངོས་པོ་མེད་ལས་དངོས་པོ་སྤྲིན། །སྣ་ཚོགས་རྣམ་པར་འབྱུང་ཞིང་འགྱུར། །དངོས་རྣམས་ཉིད་ན་དངོས་མེད་པར། །རྟོག་པའི་དབང་སྒྱུར་ཏིང་འཛིན་ཡིན། །གང་གིས་དམིགས་མེད་མི་ཤེས་པ། །དེ་ཡིས་ཆོས་ཀྱི་དབྱིངས་མི་ཤེས། །དེ་ཕྱིར་དངོས་དང་དངོས་མེད་པ། །འཇིགས་པས་དམིགས་མེད་ཤེས་པར་གྱིས། །གཞི་རྩ་མེད་པའི་སེམས་ཉིད་ནི། །ཕོ་མོ་མ་ཡིན་མ་ནིང་མིན། །མཚན་མེད་མ་ཡིན་རིགས་རྒྱུད་མིན། །ཁ་དོག་མ་ཡིན་དབྱིབས་མ་ཡིན། །གནས་སུ་མ་ཡིན་གང་ཡང་མིན། །དེ་བཞིན་ཉིད་དབྱིངས་ཡེ་ཤེས་ཏེ། །ཐབས་ཀྱིས་ཕྱག་རྒྱ་ཀུན་གྱི་རྒྱུ། །ཐབས་ལས་ཐབས་འབྱུང་ཐབས་བསམ་ཡས། །ཐ་དད་མེད་ལ་ཐ་དད་པའི། །ནང་དང་ནང་གི་ཕྱི་རོལ་གྱི། །དཀྱིལ་འཁོར་བསམ་ཡས་ཡེ་ཤེས་རོལ། །འཇིགས་མེད་ཀུན་བཟང་ཕྱག་རྒྱའི་མཆོག །གང་གིས་གླང་ཆེན་མྱོས་འདྲའི་སེམས། །མཉམ་པར་བཞག་པས་བཏུལ་ནས་སུ། །སྔགས་དང་ཕྱག་རྒྱ་རབ་བསྟན་ན། །དངོས་གྲུབ་ཡ་མཚན་ཆེན་པོར་འགྱུར། །ཞེས་བརྗོད་པས། དེ་བཞིན་གཤེགས་པ་ཉིད་གཟིགས་མོས་མཉེས་པར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་བསྒྲུབ་པའི་ལེའུ་སྟེ་ལྔ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་རང་བཞིན་གཅིག་དང་དུ་མ་མེད་པའི་བདག་ཉིད་ཆེན་པོ་ཐམས་ཅད་ཀྱིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ལ་ཉིད་ཀྱི་ཆེ་བའི་དཀྱིལ་འཁོར་ ― DNG011_Page_0130 ―
[མ་དཔེ་གཟིགས་ན་འདིར་གནོན།]
འབྱུང་བར་བཞེད་ནས་ཆེད་དུ་བརྗོད་པ་འདི་བརྗོད་དོ། །ཡེ་ཤེས་ཕྱོགས་བཞི་དབུས་བརྟགས་ཏེ། །དཀྱིལ་འཁོར་བསམ་ཡས་ལྷུན་གྱིས་གྲུབ། །རྫོགས་ཆེན་རྟོགས་པའི་རྣལ་འབྱོར་པས། །ཀུན་འབྱུང་དཀྱིལ་འཁོར་ཆེན་པོར་སྤྱོད། །འཁོར་ལོ་རྩིབས་བཞི་མུ་ཁྱུད་བཅས། །གྲུ་ཆད་བཞིས་བརྒྱན་བར་ཁྱམས་ལྡན། །ཀུན་དུ་གྲུ་བཞི་སྒོ་ཁྱུད་ལྡན། །རོལ་མོ་སྣ་ཚོགས་སྤྲིན་ཕུང་བཞིན། །དཀྱིལ་འཁོར་བཞི་བཅུ་གཉིས་ཀྱིས་བརྒྱན། །སེང་གེ་གླང་ཆེན་རྟ་དང་ཁྱུང་། །ནམ་མཁའ་ལྡིང་གི་ཁྲི་ཆེན་ལ། །ཉི་ཟླ་པདྨ་རིན་པོ་ཆེ། །གདན་ལ་རྫོགས་དང་སེམས་དཔའི་ཚུལ། །འཁོར་ལོ་རྒྱལ་པོ་རྒྱལ་མོ་དང་། །གཡས་ན་མཐོང་ཐོས་སྣོམ་པ་དང་། །མྱོང་དང་བཙུན་མོའི་ཚོགས་སུ་བཅས། །གྲུ་ཆད་ལ་ནི་མཐོང་བྱེད་དང་། །ཐོས་བྱེད་སྣོམ་བྱེད་མྱོང་བྱེད་རྣམས། །བཙུན་མོའི་ཚོགས་དང་བཅས་པར་གནས། །བར་ཁྱམས་ལ་ནི་ཐུབ་དྲུག་དང་། །མདུན་དང་རྒྱབ་ན་བྱེད་པ་དང་། །བྱ་བ་དག་ནི་གནས་པར་བསྟན། །སྒོ་ཁྱུད་བཞི་ལ་འཇོམས་པ་ནི། །བཙུན་མོའི་ཚོགས་དང་ལྡན་པར་གནས། །རྡོ་རྗེ་འཁོར་ལོ་རིན་པོ་ཆེ། །པདྨ་རལ་གྲི་དྲིལ་བུ་འབར། །ཨུཏྤལ་ཀླུ་ཤིང་ལ་སོགས་མཚན། །མཛེས་ཚུལ་མཉེས་པའི་ཡོ་བྱད་འཛིན། །མཐིང་ག་དཀར་པོ་སེར་ལེ་བརྒན། །ལྗང་གུ་ལ་སོགས་སྣ་ཚོགས་པའི། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྟུག་གཟི་བྱིན་འབར། །འོད་ཟེར་འཕྲོ་བའི་ཚོགས་ཆེན་པོ། །འབར་བའི་ཕྲེང་བས་འཁྲིགས་པ་སྟེ། །མཐའ་དབུས་མེད་པར་ཁྱབ་པ་ཡི། །དཀྱིལ་འཁོར་བསམ་ཡས་ལྷུན་གྱིས་གྲུབ། །སྐུ་ཡི་ཕྱག་རྒྱ་ཆེ་མཆོག་ནི། །དེ་བཞིན་དབྱིངས་ལས་མ་གཡོས་ཀྱང་། །ཡང་དག་ཐར་པའི་གཟུགས་སྐུ་དང་། །འགྲོ་བ་མ་ལུས་འདུལ་བའི་ཕྱིར། །མཐུན་བྱས་སྐུ་ནི་སྣ་ཚོགས་སྟོན། །སྟོན་ཉིད་སྒྱུ་མ་མིག་ཡོར་ཚུལ། །ཚུལ་ཉིད་དབྱིངས་ལས་གཡོས་པ་མེད། །མ་གཡོས་བཞིན་དུ་སྣ་ཚོགས་པའི། ། ― DNG011_Page_0131 ―
[མ་དཔེ་གཟིགས་ན་འདིར་གནོན།]
དེ་ཚེ་མི་མཐུན་སྣ་ཚོགས་ལ། །སོ་སོ་འདྲ་བར་སྣང་བ་ནི། །དེ་བཞིན་ཉིད་ཀྱིས་མ་བཅོས་ཀྱང་། །ལས་འཕྲོའི་དབང་གིས་སོ་སོར་སྣང་། །དཔེར་ན་མེ་ལོང་ཆུ་ཟླ་བཞིན། །དེ་ཚེ་འགྲོ་དྲུག་ཐམས་ཅད་ལ། །སྡིག་སྤོང་གཟུགས་སུ་རྣམ་པར་བསྟན། །དགེ་ཚུལ་རྣམས་ལ་དགྲ་བཅོམ་གཟུགས། །རང་རྒྱལ་རྣམས་ལ་བསེ་རུའི་གཟུགས། །གཞན་ཡང་ཐེག་མཆོག་རིམ་པ་བཞིན། །འོག་མིན་བླ་མེད་གནས་མཆོག་ཏུ། །སྐུ་ནི་རྣམ་པར་སྣང་མཛད་ཚུལ། །བྱང་ཆུབ་སེམས་དཔའི་འཁོར་རྣམས་ལ། །དེ་བཞིན་གསུང་མཆོག་མི་སྨྲ་སྟེ། །སྐུ་ཡིས་ཆོས་རྣམས་མཇལ་བར་སྟོན། །མེ་ལོང་བསྟན་པའི་ཚུལ་བཞིན་དུ། །དངོས་ཀྱི་མདོག་ངན་ཐམས་ཅད་སེལ། །འཁོར་གྱིས་དེ་བཞིན་སྐུ་བལྟས་ན། །བྱང་ཆུབ་སྒྲིབ་པ་གཏིང་དཔག་མེད། །མེ་ལོང་བཞིན་དུ་སྐུ་ལ་སྣང་། །དེ་ནས་ས་བཅུ་རིམ་གྱིས་འབྱང་། །བླ་མེད་བྱང་ཆུབ་ཡང་དག་འཐོབ། །ཆོས་སྐུ་དཔག་མེད་བརྗོད་དུ་མེད། །ལོངས་སྤྱོད་ཟད་མེད་རིན་ཆེན་གཏེར། །སྤྲུལ་པ་བྱེ་བ་བསམ་མི་ཁྱབ། །མཚན་དང་དཔེ་བྱད་ཐམས་ཅད་རྫོགས། །སྤྱོད་ཡུལ་ཀུན་དུ་མཎྜ་ལ། །ཚོགས་ཆེན་གཉིས་ཀྱང་རྫོགས་པར་རོལ། །ཐབས་དང་ཤེས་རབ་ས་ཡི་མཆོག །དེ་ལ་སོགས་ཏེ་བསམ་ཡས་མཆོག །སྐྱེ་ཤི་མེད་པའི་གཡུང་དྲུང་སྐུ། །ཉོན་མོངས་ཀུན་གྱི་ཞིང་དུ་གནས། །ཟད་མི་ཤེས་པའི་གཏེར་དུ་འགྱུར། །རྡོ་རྗེ་འཛིན་པ་རིག་པའི་སྐུ། །ཐམས་ཅད་དབྱེར་མེད་མཉམ་པའི་སྐུ། །ཐམས་ཅད་མཁྱེན་པའི་ཡེ་ཤེས་སྐུ། །དེ་ཚེ་སྐུ་ལྔ་ཀུན་ཀྱང་རྫོགས། །ཞེས་བརྗོད་པས། འཇིག་རྟེན་དྲུག་གི་ཕྱོགས་བཅུ་མཐའ་ཡས་མུ་མེད་པ་ཐམས་ཅད་དུ་དཀྱིལ་འཁོར་བརྗོད་ཀྱིས་མི་ལང་བ་ཞིང་གི་རྡུལ་སྙེད་གཅིག་གསལ་བར་གྱུར་ཏོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་དང་། གསུང་དང་། ཐུགས་ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་། །ཨ་ཧོ། དམིགས་བྱ་དམིགས་བྱེད་ ― DNG011_Page_0132 ―
[མ་དཔེ་གཟིགས་ན་འདིར་གནོན།]
མི་དམིགས་དཔག་མེད་བསམ་མི་ཁྱབ། །ཡེ་ཤེས་རང་རིག་དཀྱིལ་འཁོར་སྣ་ཚོགས་བརྗོད་མི་ལང་། །མཉམ་དང་མི་མཉམ་ཀུན་ཁྱབ་ཁྱབ་མེད་ཁྱབ་པའི་དབྱིངས། །ཡེ་ནས་ཀུན་གསལ་དཀྱིལ་འཁོར་རྣམ་འཕྲོ་སྤྲོས་པ་མེད། །ཧོ། རྡོ་རྗེ་གསང་བའི་ཚིག་ཏུའོ། །) གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དཀྱིལ་འཁོར་སྤྲོས་པའི་ལེའུ་སྟེ་དྲུག་པའོ།། །།དེ་ནས་དེ་བཞིན་གཤེགས་པ་བཙུན་མོའི་ཚོགས་དང་བཅས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །བྷྲུྃ་བི་སྭ་བི་ཤུདྡྷེ། ཧཱུྃ་བཛྲ་དྷྲྀཀ །ཨོཾ་ཛི་ན་ཛིཀ ། རྨྨཱ་རཏྣ་དྷྲྀཀ །ཨཱུྃ་ཨཱ་རོ་ལིཀ །ཧྃ་པྲཛྙཱ་དྷྲྀཀ །མཱུྃ་དྷཱ་ཏྭཱི་ཤྭ་རཱི། ལཱྃ་དྭེ་ཥ་ར་ཏི། མཱྃ་མོ་ཧ་ར་ཏི། པཱྃ་རཱ་ག་ར་ཏི།་བཛྲ་ར་ཏི། ཐིཾ་ཧི་རཱ་ཛ་ཡ། ཏྲཱྃ་ཨཱ་གརྦྷ་ཡ། ཀྞཻ་ཧ་ཧཱུྃ། པདྨ་བ་ད་མ། ནྱུ་ཀུ་རུ་པཱ་ཎི་ཧྲིཿ། ཧཱུྃ་ལཱ་སྱེ་ས་མ་ཡ་སྟྭཾ། ཏྲཱྃ་མཱ་ལྱེ་ས་མ་ཡ་ཧོཿ། ཧྲཱྀ་གཱི་ཏི་རཱ་གོ྅ཧྃ། ཨཱྃ་ནྲྀ་ཏྱ་རཱ་ག་ཡཱ་མྱེ། མཻ་དྷཱ་ར་ཎེ་སྭཱ་ཧཱ། ཥྲ་ནིསྶ་རྃ་བྷ་ཡ་སྭཱ་ཧཱ། ཧཱུྃ་ས་རཱ་ཛཱ་ཡ་སྭཱ་ཧཱ། མུྃ་ཤྲཱི་ཨྃ་རཱ་གཱ་ཡ་སྭཱ་ཧཱ། ཛེཿདྷུ་པ་པྲ་བི་ས། ཧཱུྃ་པུཥྤ་ཨ་བི་ས། བྃ་དཱི་བ་སུ་ཁཱི་ནི། ཧོཿགནྡྷ་ཙིཏྟྃ། ཧཱུྃ་ཡ་མཱནྟ་ཀྲྀཏ་ཕཊ། ཧཱུྃ་པདྨཱནྟ་ཀྲྀཏ་ཕཊ། ཧཱུྃ་པྲཛྙཱནྟ་ཀྲྀཏ་ཕཊ། ཧཱུྃ་བིགྷྣཱནྟ་ཀྲྀཏ་ཕཊ། ཨོཾ་མ་ཧཱ་བཛྲ་དྷ་རྃ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནཱི་ཧཱུྃ་ཕཊ། ཨོཾ་མ་ཧཱ་རཏྣ་དྷ་རྃ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནཱི་ཧཱུྃ་ཕཊ། ཨོཾ་མ་ཧཱ་པདྨ་དྷ་རྃ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནཱི་ཧཱུྃ་ཕཊ། ཨོཾ་མ་ཧཱ་ཀརྨྨ་དྷ་རྃ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནཱི་ཧཱུྃ་ཕཊ། ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ་ཨ་ཨ་ཨ་བཛྲ་བྷ་དྲ་ས་མནྟ་ཨཱཿ། ཨོཾ་མུ་ནེ་ཀྞཻ་སྭཱ་ཧཱ། ཨོཾ་མུ་ནེ་ཧཱུྃ་སྭཱ་ཧཱ། ཨོཾ་མུ་ནེ་སྭཱ་ཧཱ། ཨོཾ་མུ་ནེ་ཀྲྃ་སྭཱ་ཧཱ། ཨོཾ་མུ་ནེ་ཀྵ་སྭཱ་ཧཱ། ཨོཾ་མུ་ནེ་ཡ་སྭཱ་ཧཱ། ཨོཾ་ཨེ་ཧྱེ་ཧི་བྷ་ག་བཱན་མ་ཧཱ་ཀཱ་རུ་ཎི་ཀ་དྲྀ་ཤྱ་ཧོཿ། ས་མ་ཡ་སྟྭཾ། ཛཿཧཱུྃ་བྃ་ཧོཿ། ཨོཾ་ཨཱྃཿཧཱུྃ་སྭཱ་ཧཱ། བ་བ་བ་བ་བ། པ་པ་པ་པ་པ། ཛ་ཛ་ཛ་ཛ་ཛ། པ་པ་པ་པ་པ། ས་ས་ས་ས་ས། པ་པ་པ་པ་པ། མ་མ་མ་མ་མ། པ་པ་པ་པ་པ། ཡ་ཡ་ཡ་ཡ་ཡ། པ་པ་པ་པ་པ། ཨོཾ་ཨཱྃཿཧཱུྃ་སྭཱ་ཧཱ། ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་ ― DNG011_Page_0133 ―
[མ་དཔེ་གཟིགས་ན་འདིར་གནོན།]
མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོཿ། ཛཿཧཱུྃ་བྃ་ཧོཿ། ཞེས་བརྗོད་པས་གསུང་གི་དཀྱིལ་འཁོར་འདི་དག་གིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་ཁྱབ་པར་གྲགས་སོ། །རབ་ཏུ་གྲགས་སོ། །ཀུན་དུ་གྲགས་སོ། །དེ་ནས་བཅོམ་ལྡན་འདས་བྱེད་པ་པོ་རྡོ་རྗེ་དང་། བྱ་བ་མོ་རྡོ་རྗེ་གཉིས་སུ་མེད་པའི་དཀྱིལ་འཁོར་ལ་ཐིམ་པར་མཛད་དོ། །དེ་ནས་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཆེན་པོས་བདག་ཉིད་ཆེན་པོའི་ཡེ་ཤེས་དང་བྱིན་བསྡུ་བ་ཞེས་བྱ་བ་འདི་སྐུ་དང་གསུང་དང་ཐུགས་རྡོ་རྗེ་སྒྱུ་འཕྲུལ་དྲ་བ་ལས་ཕྱུང་ངོ་། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་ཨཱ་དཪྴ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་པྲ་ཏྱ་བེ་ཀྵ་ཎཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཀྲྀ་ཏྱ་ཨ་ནུཥྛ་ན་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་བཱ་ཀ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཞེས་བརྗོད་པས་ཐིམ་པར་གྱུར། གསལ་བར་གྱུར། འབར་བར་གྱུར་ཏོ། །ཨེ་མ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསུང་། །སྒྲ་དང་མིང་ཚིག་ཀུན་ལས་འདས། །སྣ་ཚོགས་སྒྲ་རྣམས་གསལ་བར་འབྱུང་། །གསུང་གཅིག་དཀྱིལ་འཁོར་ཡན་ལག་ནི། །བསམ་གྱིས་མི་ཁྱབ་ཀུན་དུ་ཁྱབ། །སྒྲ་དང་མིང་ཚིག་སོ་སོར་གྲགས། །ཐམས་ཅད་གསུང་གི་ཕྱག་རྒྱའི་མཆོག །རྒྱུད་མཆོག་སྒྱུ་འཕྲུལ་དྲ་བ་ལས། །བདེ་ལྡན་གསུང་གི་དོན་འབྱུང་བའང་། །ཐམས་ཅད་པདྨའི་ངང་གྱུར་ན། །གྲོལ་ཐར་ལམ་དང་འཁོར་བའི་སྒྲ། །ཇི་སྐད་བརྗོད་ཀྱང་གསུང་མཆོག་ཡིན། །ཐེག་པ་མཐོ་དམན་ཐམས་ཅད་དང་། །ལོག་འགྲོ་མ་ལུས་ཐམས་ཅད་སྐད། །བྱང་ ― DNG011_Page_0134 ―
[མ་དཔེ་གཟིགས་ན་འདིར་གནོན།]
ཆུབ་རྡོ་རྗེའི་གསུང་དུ་བསྡུས། །བསྡུས་ཉིད་ཕྱོགས་བཅུར་རྣམ་པར་གྲགས། །གྲགས་ཉིད་མ་ཆགས་ངང་དུ་གསུངས། །གསུང་བ་ཉིད་ན་བརྗོད་དུ་མེད། །བརྗོད་མེད་དེ་ཉིད་སྣ་ཚོགས་སྒྲ། །ཀུན་ལ་གྲགས་ཤིང་སོ་སོར་འཇལ། །དཔེར་ན་དེ་བཞིན་སྦྲིད་སངས་བཞིན། །གསུང་གཅིག་སྒྲ་ཡིས་ཐམས་ཅད་གོ། །འདི་ནི་གསུང་མཆོག་རྒྱལ་པོ་ཡིན། །ཐེག་པ་མཐོ་དམན་ཐམས་ཅད་ཀྱང་། །དེ་བཞིན་ཉིད་ལས་མ་གསུངས་ཏེ། །འདུལ་བའི་ཐབས་སུ་སོ་སོར་ཐོས། །ཇི་ལྟར་གསུང་རབ་ཀུན་བརྗོད་ཀྱང་། །དེ་བཞིན་ཉིད་ལས་གསུངས་པ་མེད། །ཡི་གེ་མེད་དང་རིག་པའི་གསུང་། །ལྗགས་ཀྱི་རྩེ་མོར་མ་ཕྱུང་ཡང་། །ཐུགས་རྗེ་གསུང་གི་བྱིན་བརླབས་ཀྱིས། །འགྲོ་དོན་སྣ་ཚོགས་སོ་སོར་གསལ། །གསལ་ཉིད་གསུང་གི་རྡོ་རྗེ་མཆོག །དེ་བཞིན་གསུང་གི་འགྲོ་དོན་རྣམས། །དེ་བཞིན་ངང་ལས་མ་གཡོས་ཀྱང་། །དཔེར་ན་བྲག་ཅའི་སྒྲ་བཞིན་ནོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དཀྱིལ་འཁོར་བསྡུས་པ་དང་གསང་སྔགས་ཀྱི་ལེའུ་སྟེ་བདུན་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས་ཡན་ལག་ཐམས་ཅད་དཀྱིལ་འཁོར་དུ་ལྷུན་གྱིས་གྲུབ་པར་བྱིན་གྱིས་རློབ་པ་ཞེས་བྱ་བ་འདི་ཆེད་དུ་བརྗོད་དོ། །སྒྱུ་འཕྲུལ་དྲ་བས་མངོན་རྫོགས་པའི། །ཐམས་ཅད་བྱང་ཆུབ་མཆོག་གི་རྒྱ། །གསང་བ་དེ་ཉིད་ངེས་པ་ཡི། །སྙིང་པོ་ཕྱག་རྒྱ་འདའ་དཀའོ། །མི་བསྐྱོད་ཉི་མའི་དཀྱིལ་ཡི་གེ། །རིན་ཆེན་ཟླ་བའི་དཀྱིལ་ཡི་གེ། །ལྔ་གཉིས་ཟུང་དུ་སྤྲད་པ་ལས། །སྦྱར་བས་ཕྱག་རྒྱ་འབྱུང་བའི་རྒྱུ། །ཨོཾ་དང་མཱུྃ་གཉིས་རྩེ་སྦྱར་ཏེ། །འབྲུ་བརྒྱད་བསྣོལ་ནས་རྩེ་སྤྲད་པ། །རྒྱལ་བ་ཀུན་དང་མཉམ་སྦྱོར་བའི། །བདེ་བ་ཆེན་པོ་སྦྱིན་པའི་རྒྱ། །འབྲུ་བཞི་སྦས་ནས་ཐུགས་ཀར་བཀན། །ཧཱུྃ་བསྒྲེང་རྩེ་མོར་རྡོ་རྗེ་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །མུྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་ ― DNG011_Page_0135 ―
[མ་དཔེ་གཟིགས་ན་འདིར་གནོན།]
མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཨོཾ་བསྒྲེང་རྩེ་མོར་འཁོར་ལོ་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །ལཱྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །སྭཱ་བསྒྲེང་རྩེ་མོར་རིན་ཆེན་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །མཱྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཨཱྃཿབསྒྲེང་རྩེ་མོར་པདྨ་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །ཝྱུ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཧཱ་བསྒྲེང་རྩེ་མོར་རལ་གྲི་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །ཨུཏྤལ་ཀླུ་ཤིང་ལ་སོགས་མཚན། །རིན་ཆེན་མྱུ་གུ་རལ་གྲི་འབར། །པདྨ་དཀར་པོ་རྡོ་རྗེ་འབར། །ཆོས་ཀྱི་འཁོར་ལོ་རིན་ཆེན་སྙེ། །གཟུགས་མཛེས་རིན་ཆེན་ཕྲེང་བ་དང་། །པི་ཝང་གར་མཁན་མཆོག་ཉིད་དེ། །མེ་ཏོག་ཕྲེང་དང་སྤོས་མཆོག་དང་། །མར་མེ་བྱུག་པ་ལ་སོགས་པའི། །ལས་ལ་འཁྲིལ་ཞིང་ཆོས་ལ་བརྟན། །དབུ་རྣམས་འབྱོ་ཞིང་འདུད་པའི་ཚུལ། །གོང་གི་ཕྱག་རྒྱ་ཆེན་པོ་བཞིན། །གཉིས་མེད་དབྱིངས་ཀྱི་ངང་དུ་འཁྲིལ། །སྒོ་བཞི་ཁྲོ་བོའི་ཕྱག་རྒྱ་ནི། །ནྲྀ་མགོ་གདེངས་ ― DNG011_Page_0136 ―
[མ་དཔེ་གཟིགས་ན་འདིར་གནོན།]
དང་རྡོ་རྗེ་གནོན། །ཐོད་སྦྲུལ་ཆེན་པོས་གནོན་པ་དང་། །རྡོ་རྗེ་རྒྱ་གྲམ་ལས་ཀྱིས་གནོན། །ལྕགས་ཀྱུ་ཞགས་པ་སྥོ་ཊ་ཧོ། །སྒོ་བཞིར་གནས་པ་དེ་དག་ཀྱང་། །འདུད་ཚུལ་འཁྲིལ་བ་གོང་མ་བཞིན། །ཐུབ་དྲུག་ཕྱག་རྒྱ་སྣ་ཚོགས་ཏེ། །མདོར་བསྡུས་ཕྱག་རྒྱ་དྲུག་ཡིན་ནོ། །གསེག་པར་དང་ནི་པི་ཝང་དང་། །གོ་ཆ་པོ་ཏི་རིན་ཆེན་སྒྲོམ། །མེ་དང་ཆུ་ནི་རབ་ཏུ་བསྟན། །ཡུམ་ནི་གཉིས་མེད་ཆོས་ཀྱི་དབྱིངས། །ཀུན་བཟང་མཉམ་གཞག་ཡེ་ཤེས་འཕྲོ། །ཡུམ་འགྱུར་མཉམ་རྫོགས་པདྨོའི་དཀྱིལ། །གཞན་ཡང་ཕྱག་རྒྱ་སྣ་ཚོགས་ཏེ། །ཡང་ན་དེ་བཞིན་གཤེགས་ཉིད་དམ། །ཡང་ན་རྡོ་རྗེ་ཐལ་མོ་ཉིད། །ཕྱག་རྒྱ་ཆེན་པོའི་ཚོགས་མཆོག་ནི། །ཐབས་དང་ཤེས་རབ་ལྡན་འབྱོར་ན། །མ་བསྐྱོད་མ་བསྒུལ་ཐམས་ཅད་ཀུན། །ཕྱག་རྒྱ་ཆེན་པོའི་ངང་དུ་གནས། །ཡན་ལག་བཞི་བཅུ་རྩ་གཉིས་ལྡན། །དེ་ཉིད་ཡན་ལག་སྤྲོས་བདག་སྟེ། །བཞི་བཅུ་རྩ་གཉིས་གསུམ་འཕྲོར་འགྱུར། །དེ་ལྟར་ལྡན་པའི་གཙོ་མཆོག་གིས། །རྒྱལ་བ་རྒྱལ་མཆོག་དེ་བཞིན་དུ། །བཅུ་གཉིས་དྲུག་གི་འོད་འཕྲོར་འབར། །དེ་ལ་སོགས་ཏེ་བསམ་མི་ཁྱབ། །ཕྱོགས་བཅུ་དུས་བཞི་བསམ་ཡས་སུ། །འདུལ་བའི་དོན་རྣམས་སོ་སོར་སྟོན། །ཐེག་པ་མཐོ་དམན་ཐམས་ཅད་དང་། །ཕྱིན་ཅི་ལོག་རྣམས་ཐམས་ཅད་དང་། །ཞི་ཁྲོ་ཚོགས་ཆེན་ཐམས་ཅད་ལ། །སོ་སོར་མཐུན་པར་ཀུན་དུ་སྟོན། །དཔེར་ན་གར་མཁན་ཉིད་འདྲ་བ། །ལུས་ལས་མ་བཀོད་སྣ་ཚོགས་སྟོན། །མདོར་ན་ཕྱག་རྒྱ་ཐམས་ཅད་ནི། །འདི་ཞེས་གཅིག་ཅེས་བརྗོད་དུ་མེད། །གཉིས་དང་གསུམ་དུ་རྣམ་པར་འཕྲོ། །བསྐྱེད་དང་སྤྲོ་བའམ་དེ་བཞིན་ཉིད། །མདོར་ན་བསྒུལ་བསྐྱོད་ཐམས་ཅད་ཀུན། །ཕྱག་རྒྱ་ཆེན་པོའི་ངང་དུ་གནས། །གནས་ཉིད་མི་གནས་གནས་པ་མིན། །དེ་སྐད་དག་མཆོག་ཉིད་ཀྱིས་བཤད། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས། ཡན་ལག་དཀྱིལ་འཁོར་དུ་བྱིན་གྱིས་བརླབས་ནས་ཕྱག་རྒྱ་སྤྲོས་པའི་ལེའུ་སྟེ་བརྒྱད་པའོ།། །།དེ་ནས་དེ་བཞིན་གཤེགས་པ་དགྱེས་པ་ཆེན་པོ་རྡོ་རྗེ་ ― DNG011_Page_0137 ―
[མ་དཔེ་གཟིགས་ན་འདིར་གནོན།]
གསང་བའི་དམ་ཚིག་བཀོད་པ་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །ཤིན་ཏུ་ཕྲ་བའི་དམ་ཚིག་མཆོག །ཕྱག་རྒྱ་ཆེན་པོའི་ཕྱག་མཐིལ་དུ། །ཐུགས་ཀྱི་དཀྱིལ་འཁོར་དམ་པ་སྟེ། །སོར་ནི་བཞི་ཡི་ཚད་དུ་བྱ། །འབྲུ་ལྔ་སྤོས་ལྔ་རིན་ཆེན་ལྔ། །སྙིང་པོ་ལྔ་དང་སྨན་ལྔ་དང་། །བདུད་རྩི་ལྔ་ནི་རབ་བསྙམས་ལ། །རིག་པས་ཐིག་ནི་གདབ་པར་བྱ། །ལྟེ་བ་རྩིབས་དང་ལྡན་པ་ཡི། །རྩིབས་བཞི་འཁོར་ལོ་མུ་ཁྱུད་བཅས། །གྲུ་ཆད་བཞི་དང་གྲུ་བཞི་ཡི། །བར་ཁྱམས་སྒོ་ཁྱུད་ལྡན་པར་བྱ། །སེན་ཟླུམ་ཙམ་གྱི་ཉི་ཟླ་ལ། །ཙ་ནའི་འབྲུ་ཙམ་པདྨའི་གདན། །ཡུངས་འབྲུ་ཙམ་གྱི་ཡི་གེ་ལ། །ཕྱག་རྒྱ་ཏིལ་འབྲུ་ཙམ་དུ་བྲི། །བཅོས་བུ་རས་ནི་སྣ་ཚོགས་དང་། །རྒྱན་ཕྲེང་བྲོ་བའི་བཏུང་བས་བསྐོར། །གླུ་ཚིག་བྲོ་གར་རོལ་མོ་ཡི། །སྤྲིན་དཔུང་ཚོགས་ཀྱིས་རབ་ཏུ་མཆོད། །ཡུམ་དང་འཇོ་མ་སེམས་མ་ཡིས། །ཇི་ལྟར་འདོད་པའི་ལས་བཞིན་མཆོད། །དབྱིབས་དང་ཁ་དོག་མཚན་ལྡན་པར། །ཞལ་དུ་གྱུར་པའི་མེ་བོས་ལ། །བཟའ་བཏུང་བྲོ་བའི་ཚོགས་རྣམས་ཀྱིས། །ལས་བཞིའི་མཆོད་པ་རབ་ཏུ་སྦྱིན། །ཁྲོ་བོའི་དཀྱིལ་འཁོར་དེ་བཞིན་ཏེ། །ཤིན་ཏུ་ཕྲ་ལ་སྦྱངས་པ་ཡིས། །བསམ་ཡས་དག་ལའང་དེ་བཞིན་བྱ། །རིག་པས་དཔག་པ་ཙམ་དུའོ། །མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱིས། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་ཡི། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོར་འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་རེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང་། །རང་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱིས། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ ― DNG011_Page_0138 ―
[མ་དཔེ་གཟིགས་ན་འདིར་གནོན།]
ནས། །དཀྱིལ་འཁོར་ཀུན་ལ་རྒྱས་པར་དབུལ། །སྐལ་ལྡན་གསལ་བའི་ཁྱད་པར་གྱིས། །རིམ་གྱིས་ཡང་ན་ཅིག་ཅར་དུ། །ཆོས་ཀྱི་དབྱིངས་དང་མཉམ་སྦྱོར་བའི། །མཆོད་པའི་ཕྱག་རྒྱ་ཆེན་པོར་བསྒོམ། །གསལ་ལྡན་མ་འམ་བྱིན་བརླབས་ལ། །སྟོང་གསུམ་ཡུངས་འབྲུར་འཇུག་ཚུལ་དུ། །དབྱིངས་ནས་དཀྱིལ་འཁོར་སྤྱན་དྲང་མཆོད། །མཉེས་ནས་གྲུབ་པའི་དམ་ཚིག་མཆོག །བདག་ཉིད་ཆེན་པོ་མཆོད་པ་ཡིས། །སངས་རྒྱས་དཀྱིལ་འཁོར་མ་ལུས་མཉེས། །སྲིད་གསུམ་འགྲོ་བ་ཐམས་ཅད་ལ། །དགའ་བ་ཆེན་པོས་ཁྱབ་པར་འགྱུར། །སྒྱུ་འཕྲུལ་དྲ་བ་བརྟན་པ་ཡིས། །ཕྱོགས་བཅུ་དུས་བཞིར་གཤེགས་པ་ཡི། །སངས་རྒྱས་དཀྱིལ་འཁོར་མ་ལུས་དང་། །ཁམས་གསུམ་འགྲོ་རྣམས་མངོན་དུ་འགྱུར། །ལུས་ངག་སེམས་དང་ཆོས་ཐམས་ཅད། །གང་ནའང་མི་གནས་མི་དམིགས་པ། །མིག་ཡོར་ཚུལ་དུ་སྦྱོར་བ་ཡིས། །ནམ་མཁའ་ལ་ནི་ནམ་མཁའ་སྒོམ། །ཀུན་བྱས་དབང་ཕྱུག་རིག་པས་འཇུག །དེ་ནས་སློབ་མ་གཞུག་པར་བྱ། །དེ་ནས་རིགས་ཀྱི་བུ་མཆོག་དེས། །རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཉེས་པ་ཐམས་ཅད་དག་པར་འགྱུར། །དད་བརྩོན་བརྟུལ་ཞུགས་རབ་རྟོག་ནས། །ཕན་པའི་དབང་སྦྱིན་ནུས་པའི་དབང་། །རིམ་པ་བཞིན་དུ་སྦྱིན་པར་བྱ། །སྙིང་རྗེས་ཆུད་མ་ཟོས་པར་གཟུང་། །ཡང་ན་ཐལ་མོ་རབ་བསྣོལ་ནས། །ཕྱག་རྒྱ་ཆེན་པོའི་འཕང་དུ་ནི། །དཀྱིལ་འཁོར་མཛུབ་གང་ཚད་དུ་བྱ། །མཁས་པས་ཆོ་ག་བཞིན་དུ་བྱ། །ཡང་ན་ས་གཞི་རབ་མཉམ་ལ། །དཀྱིལ་འཁོར་ཁྲུ་གང་ཚད་དུ་བྱ། །ཡང་ན་ལུས་གང་ཚད་དུ་སྟེ། །ཡང་ན་ལུས་ནི་གསུམ་གྱི་ཚད། །ཕུར་བུ་སྲད་བུ་ཚོན་ཕྱེ་དང་། །གོས་རྒྱན་མཛེས་པའི་ཡིད་འོང་ ― DNG011_Page_0139 ―
[མ་དཔེ་གཟིགས་ན་འདིར་གནོན།]
གྲོགས། །ཐིག་གདབ་ཆོ་ག་ཕུན་སུམ་ཚོགས། །མཁས་ལྡན་ཆེན་པོས་བསྒྲིམས་ཏེ་བྱ། །ཡང་ན་ཁྲུ་ནི་བཅུ་དྲུག་དང་། །ཉི་ཤུའམ་ཉི་ཤུ་རྩ་ལྔར་བྱ། །རིགས་ཀྱི་དཀྱིལ་འཁོར་ལྔ་རྣམས་བསྒོམ། །སྐུ་གསུང་ཐུགས་ལྡན་གཟུགས་ཀྱང་དགོད། །ཡང་ན་རྒྱང་གྲགས་དཔག་ཚད་ཙམ། །ནམ་མཁའི་དབྱིངས་ནི་བསམ་ཡས་པར། །སངས་རྒྱས་དཀྱིལ་འཁོར་སྣ་ཚོགས་བསྒོམ། །མ་མཐོང་རྨོངས་ལ་བསྟན་ཕྱིར་མཚོན། །ཁ་དོག་ཉི་ཤུ་རྩ་ལྔ་འམ། །ལྔ་ཡི་ཚོན་གྱིས་བྲི་བར་བྱ། །འདུལ་བའི་ཆོ་ག་བཞིན་དུ་བགྱི། །ཏིང་འཛིན་རོལ་མོ་མཐའ་ཡས་མཆོག །ཡི་གེའམ་བརྡ་འམ་སྙིང་པོ་འམ། །ཕྱག་རྒྱའམ་སྐུ་གསུང་ཐུགས་ལྡན་པར། །བྱིན་བརླབས་ཡ་མཚན་རྨད་པོ་ཆེ། །འགྲུབ་འགྱུར་སངས་རྒྱས་ཀུན་གྱི་དམ། །ས་ལ་སོགས་ལ་ཕྱག་རྒྱར་བྱས། །རྣམ་གྲོལ་རིམ་པ་ཐོབ་པར་འགྱུར། །དག་པའི་ཡེ་ཤེས་ཀྱིས་སྦྱངས་ན། །སྨོས་ཅི་དགོས་ཏེ་དེ་ཉིད་ཡིན། །ཕྱོགས་དུས་དཀྱིལ་འཁོར་བདག་ཉིད་ཆེ། །མི་དམིགས་ཐུགས་ཀྱི་དཀྱིལ་འཁོར་ནས། །དཀྱིལ་འཁོར་ཐམས་ཅད་སྤྱན་དྲང་ངོ་། །རང་སྣང་དབྱེར་མེད་དཀྱིལ་འཁོར་ལ། །འཇུག་པའི་མཚན་ཉིད་མཉམ་སྦྱོར་བས། །ཕྱོགས་དུས་ཀུན་ནས་གཤེགས་པ་ཡི། །བསྙེན་པའི་དཀྱིལ་འཁོར་རབ་ཏུ་རྫོགས། །ཉེ་བར་གྱུར་པའི་དམ་ཚིག་མཆོག །དཔག་བསམ་ཤིང་དང་ཡིད་བཞིན་གྱི། །རིན་པོ་ཆེ་དང་འབྱུང་བ་ཀུན། །དེ་དག་རྫས་ཡོད་མ་ཡིན་ཏེ། །རང་སེམས་བསོད་ནམས་བརྟན་པ་ཡིན། །ངོ་མཚར་ཆོ་འཕྲུལ་རྨད་པོ་ཆེ། །གཞན་ནས་ཡོད་འོངས་མ་ཡིན་ཏེ། །ཐབས་ལ་བརྟེན་པའི་ཤེས་རབ་ཉིད། །དེ་ལྟ་བུ་ཡི་ངང་དུ་བྱུང་། །ཤེས་རབ་དབྱིངས་ཀྱི་དེ་བཞིན་ཉིད། །ཐབས་ཀྱི་ཕྱག་རྒྱར་གྱུར་པའི་ཕྱིར། །ཡེ་ཤེས་ལ་ནི་ཡེ་ཤེས་རོལ། །ཡེ་ཤེས་རོལ་པ་ཉིད་ཀྱང་གསོག །རྒྱལ་བ་མངོན་བྱུང་སྐྱོབ་པ་དང་། །བྱིན་བརླབས་སྟོན་པའང་དེ་བཞིན་ཏེ། །བྱ་བྱེད་ནུས་པའི་གཟི་བྱིན་གྱིས། །སྒྱུ་མ་རྡོ་རྗེ་བཙན་པོ་མཆོག །ཆོ་ག་ལྔ་ནི་རྫོགས་བྱས་ཤིང་། །ཡོ་བྱད་ལྔ་ནི་རྫོགས་པར་ལྡན། ། ― DNG011_Page_0140 ―
[མ་དཔེ་གཟིགས་ན་འདིར་གནོན།]
སྔགས་ཀྱི་ཡན་ལག་ལྔ་རྫོགས་པས། །མ་ཉམས་འཇུག་ལ་རབ་བརྩོན་པས། །ཞག་ནི་སུམ་ཅུ་ཕྲག་དྲུག་གམ། །བཅུ་གཉིས་བཅུ་བཞི་བཅུ་དྲུག་གིས། །དབང་བསྒྱུར་རིགས་ཀྱི་དམ་པ་འགྲུབ། །དེ་ཚེ་བཅུ་དྲུག་ཚུན་ཆད་ཀྱིས། །སྐུ་ལྔ་ལྷུན་གྱིས་རྫོགས་པ་ནི། །ཡེ་ཤེས་ཐིག་ལེ་དེ་ཉིད་ལ། །ཡེ་ཤེས་ཐིག་ལེ་ཉིད་སྣང་བ། །བསམ་གྱིས་མི་ཁྱབ་མཐའ་ཡས་མཆོག །ཕྱོགས་བཅུ་དུས་བཞི་མངོན་རྫོགས་པའི། །ཞིང་ཁམས་རྣམ་དག་བསམ་ཡས་པ། །རྒྱ་དང་བྲལ་བའི་གཞལ་ཡས་ཁང་། །འཁོར་ལོའི་རྒྱན་དང་རོལ་མོའི་ཚོགས། །དཀྱིལ་འཁོར་མ་ལུས་བསམ་ཡས་ཀུན། །མཐོང་ནས་ཉེ་བར་མཉེས་པ་དང་། །རྒྱ་ཆེན་གསུང་ལས་དོན་འབྱུང་བ། །མཐུན་པའི་ཤེས་རབ་སྣང་བའོ། །གཅིག་དང་དུ་མར་བྲལ་བ་ཡི། །མཐའ་དང་དབུས་མེད་དེ་བཞིན་ཉིད། །སངས་རྒྱས་ཀྱིས་ཀྱང་མི་གཟིགས་ཏེ། །རང་འབྱུང་ཡེ་ཤེས་གནས་མེད་སྣང་། །ལོག་པར་རྟོག་བརྟགས་རྣམ་དག་ཅིང་། །ཡེ་ཤེས་དབྱིངས་ལས་མི་གཞན་ཕྱིར། །ཐུགས་རྗེ་ཆེན་པོས་འདྲེལ་པས་ན། །འགྲོ་དྲུག་དུས་གནས་མ་ལུས་སྣང་། །བདེ་བ་ཆེན་པོའི་དཀྱིལ་འཁོར་ན། །སྟངས་དཔྱལ་གཉིས་སམ་ཡང་ན་ལྔ། །བྱས་ཏེ་དད་ལྡན་རབ་ཞུགས་ན། །འདོད་པའི་ཡིད་འོང་མཉམ་པར་འགྱུར། །སྐལ་བ་མཉམ་པའི་ཡེ་ཤེས་དེ། །གཉེར་ན་ཉེ་བར་འབྱུང་བ་ཡིན། །ཡ་མཚན་ཆེན་པོ་འབྱུང་བར་ངེས། །དད་མེད་ཉམས་ན་ཕུང་བར་འགྱུར། །ཞེས་ཆེད་དུ་བརྗོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་རྡོ་རྗེ་བཀོད་པ་གསང་བ་དམ་ཚིག་གི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་རྒྱལ་པོ་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ། །ཤེས་རབ་ཐབས་ཀྱི་ཕྱག་རྒྱ་ལས། །བདེ་བའི་འབྲུ་ཚོགས་གསལ་བའི་རྒྱུན། །རྡོ་རྗེའི་ལམ་ནས་པདྨོར་བསྐྱིལ། །རྩ་ནས་བསྡིམ་ཞིང་དཀྱིལ་འཁོར་བསྒྱུར། །ཉན་ ― DNG011_Page_0141 ―
[མ་དཔེ་གཟིགས་ན་འདིར་གནོན།]
བྱེད་འཁོར་ལོའི་གཞལ་ཡས་སུ། །གསལ་བ་ཐིག་ལེའི་ངོ་བོ་ཉིད། །ཏྲཱྃ་གི་ཕྱག་རྒྱའི་ཚོགས་མཆོག་ལས། །རིན་ཆེན་དཀྱིལ་འཁོར་གསལ་སྤྲོ་ཐིམ། །གསང་བ་གསང་ཆེན་གསང་མཆོག་ལས། །གསང་བ་ཀུན་ལ་མཉན་པར་བྱ། །གསང་བའི་དོན་ཉིད་བརྟག་པ་ལས། །གཞན་དུ་སྨྲ་བར་བྱ་བ་ཡིན། །གསལ་བའི་འཁོར་ལོ་གཞལ་ཡས་སུ། །གསལ་བའི་ཐིག་ལེ་ངོ་བོ་ཉིད། །ཡི་གེ་ཕྲེང་བའི་ཚོགས་མཆོག་ལས། །རིགས་ཀྱི་དཀྱིལ་འཁོར་གསལ་སྤྲོ་བསྡིམ། །ཨོཾ་དུས་གསུམ་རྒྱལ་བའི་སྲས་ཆེན་པོ། །སྐུ་གསུང་ཐུགས་ཀྱི་རྡོ་རྗེ་ཟུང་། །རྒྱལ་བ་ཐམས་ཅད་མཉེས་མཆོད་ལ། །རྒྱལ་བ་ཀུན་དང་མཉམ་པར་འགྱུར། །ལག་པའི་འཁོར་ལོ་གཞལ་ཡས་སུ། །གསལ་བའི་ཐིག་ལེ་ངོ་བོ་ཉིད། །ཧཱུྃ་གི་ཕྱག་རྒྱའི་ཚོགས་མཆོག་ལས། །ལས་ཀྱི་དཀྱིལ་འཁོར་གསལ་སྤྲོ་ཐིམ། །ཨོཾ་ཁྱོད་ནི་རྡོ་རྗེ་ལས་ཡིན་གྱིས། །ལས་རྣམས་མ་ལུས་ཀུན་གྱིས་ཤིག །ཕོ་ཉ་མང་པོའི་འདུ་འཕྲོ་ཀུན། །ཁྱོད་ཀྱི་དགོས་པ་བྱེད་པ་ཡིན། །སྨྲ་བྱེད་འཁོར་ལོའི་གཞལ་ཡས་སུ། །གསལ་བའི་ཐིག་ལེའི་ངོ་བོ་ཉིད། །ཧྲཱྀ་ཡི་ཕྱག་རྒྱའི་ཚོགས་མཆོག་ལས། །ཚོགས་ཀྱི་དཀྱིལ་འཁོར་གསལ་སྤྲོ་ཐིམ། །ཨོཾ་ཆོས་ཀྱི་བདུད་རྩི་བླ་མེད་ཀྱིས། །དད་ལྡན་སྐྱེས་བུ་ངོམས་པར་བྱོས། །རབ་འབྲིང་ཐ་མའི་བློ་ཅན་ལ། །མཐུན་པའི་གསང་བསྒྲགས་གཞན་དུ་མིན། །བསྐྱོད་ཆེན་འཁོར་ལོའི་གཞལ་ཡས་སུ། །གསལ་བའི་ཐིག་ལེའི་ངོ་བོ་ཉིད། །ཧཱུྃ་ཨོཾ་སྭཱ་ཨཱྃཿཧཱ་རྣམས་ལས། །དཀྱིལ་འཁོར་ལྔ་དང་ཁྲོ་ཕྲེང་བསྒོམ། །ཨོཾ་ཕྱོགས་བཅུ་དུས་བཞི་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ཆེ། །དཀྱིལ་འཁོར་ཀུན་གྱི་བྱེད་པ་པོ། །དཀྱིལ་འཁོར་ཀུན་གྱི་སྦྱིན་པ་སྤྱོད། །སློབ་དཔོན་མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་པར། །ཉན་པ་ལ་སོགས་རྩོམ་པ་རྣམས། །འབྲས་བུ་མེད་ཅིང་རླག་པར་འགྱུར། །དབུ་རྒྱན་ཅོད་པན་ཕྲེང་བ་དང་། །གོ་ཆ་རྒྱལ་མཚན་ཕྱག་རྒྱ་དང་། །གདུགས་དང་བུམ་པ་བཟའ་བཏུང་དང་། ། ― DNG011_Page_0142 ―
[མ་དཔེ་གཟིགས་ན་འདིར་གནོན།]
སྙིང་པོ་ལྔ་ཡིས་དབང་བསྐུར་ན། །དུས་འདི་ཕྱིན་ཅད་རྒྱལ་བའི་སྲས། །ངན་སོང་ཐམས་ཅད་མེད་པ་དང་། །ཚེ་རིང་བདེ་སྐྱིད་ཕུན་སུམ་ཚོགས། །མཐོ་རིས་ཐར་པའི་བདག་པོར་འགྱུར། །ཞེས་བརྗོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དབང་སྦྱིན་པའི་ལེའུ་སྟེ་བཅུ་པའོ།། །།དེ་ནས་དེ་བཞིན་གཤེགས་པ་དགྱེས་པ་ཆེན་པོས། སྒྱུ་འཕྲུལ་དྲ་བའི་རྒྱལ་པོ་སྒྱུར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ། །རྒྱུ་གཅིག་པ་དང་ཡིག་འབྲུའི་ཚུལ། །བྱིན་གྱིས་བརླབས་དང་མངོན་སུམ་པར། །རབ་ཏུ་རྟོགས་པ་རྣམ་བཞི་ཡིས། །ཐམས་ཅད་མངོན་རྫོགས་རྒྱལ་པོ་ཆེ། །ཡན་ལག་དབང་པོ་རྣམ་ཤེས་ཀུན། །རྣམ་སྨིན་ཨོཾ་དུ་ཤེས་པར་བྱ། །རྫོགས་པའི་དཀྱིལ་འཁོར་ཉིད་དུ་བསྒོམ། །ཡང་ན་ཁྲོས་པའི་དཀྱིལ་འཁོར་བསྒོམ། །གཟུགས་སྒྲ་དྲི་རོ་རེག་ལ་སོགས། །རྣམ་སྨིན་མཱུྃ་དུ་ཤེས་པར་བྱ། །ཡུམ་གྱི་དཀྱིལ་འཁོར་ཉིད་དུ་བསྒོམ། །ཡང་ན་ཁྲོ་མོའི་དཀྱིལ་འཁོར་སྒོམ། །གོས་རྒྱན་བཟའ་བཏུང་གླུ་དང་ཚིག །བྲོ་གར་ཚོགས་ཀྱི་སྤྲིན་ཕུང་གིས། །ཧཱུྃ་དུ་ཤེས་པས་རབ་སྤྱད་ན། །ངོ་མཚར་འབྱུང་བའི་དཀྱིལ་འཁོར་མཉེས། །ལྷ་མོ་ཀླུ་མོ་རིགས་ངན་མོ། །དབྱེ་འམ་ཡང་ན་མི་དབྱེ་བར། །བསྙེན་པ་དང་ནི་ཉེ་བསྙེན་པོ། །སྒྲུབ་པ་དང་ནི་སྒྲུབ་ཆེན་པོ། །ཡུམ་གྱི་པདྨའི་དཀྱིལ་འཁོར་དུ། །བདེ་བ་ཐུགས་ཀྱི་དཀྱིལ་འཁོར་སྤྲོ། །སངས་རྒྱས་སྤྲིན་ཚོགས་མ་ལུས་ལ། །དགྱེས་མཉམ་ཚོགས་ཀྱི་སྦྱིན་པས་བསྡིམ། །བསྒྲུབ་པའི་ཉི་ཟླའི་དཀྱིལ་འཁོར་དེ། །དཀྱིལ་འཁོར་རྡོ་རྗེ་ལྕེ་ཡིས་བླང་། །མཁའ་འགྲོ་གསལ་འབར་ཚེ་ལ་སོགས། །ཡིད་བཞིན་སྤྲིན་གྱི་བདག་པོར་འགྱུར། །ཞིང་འགྱུར་མཆོག་དང་མཆོག་ཕྲན་རྣམས། །ཉི་ཟླའི་སྟེང་དུ་མཁས་པས་བཞག །ང་རྒྱལ་ལག་གི་འདུ་བྱེད་བསྒོམ། །ཧཱུྃ་དུ་གྱུར་པས་རྣམ་པར་དག །དབྱིངས་སུ་ཐིམ་ནས་ཕྱག་རྒྱར་འབར། །སྐུར་འགྱུར་འོད་ཟེར་འཕྲོ་བས་བརྗིད། །གཙུག་ཏུ་རྣམ་པར་རྒྱལ་བ་སྒོམ། །ངོ་མཚར་ངན་འགྲོ་ཐར་པའི་ཐབས། །ཡེ་ཤེས་ ― DNG011_Page_0143 ―
[མ་དཔེ་གཟིགས་ན་འདིར་གནོན།]
སྐྱེ་མེད་དེ་བཞིན་ཉིད། །སྒྱུ་མར་སྣང་བ་མིག་ཡོར་ཚུལ། །སྦྱོར་སྒྲོལ་བྱ་བ་ཀུན་བྱས་ཀྱང་། །རྡུལ་ཆ་ཙམ་ཡང་གོས་པ་མེད། །སྣོད་བཅུད་རྒྱུ་རྣམས་དག་རྟོགས་ཤིང་། །མཉམ་གཉིས་ལྷག་པའི་མཉམ་གཉིས་ཀྱིས། །དཀྱིལ་འཁོར་ཀུན་དུ་བཟང་པོའི་ཞིང་། །བྱེད་སྤྱོད་ཚོགས་ཆེན་གཉིས་གྱུར་ནས། །ཡན་ལག་མ་ཉམས་ཡོ་བྱད་ལྡན། །ཆོ་ག་རྫོགས་པར་ཤེས་པ་ཡིས། །རྣལ་འབྱོར་ཚོགས་པའི་དཀྱིལ་འཁོར་གྱིས། །ངེས་པར་ལེགས་པའི་དགོས་པ་འགྲུབ། །ལྔ་དང་ལྔ་ཡི་སྦྱོར་བ་ཡིས། །ཚོམ་བུ་ལྔ་ཡི་ལྷ་བཀོད་ལ། །ཁྲོ་བོ་བཅུ་དང་ཁྲོ་མོ་བཅུ། །འཁོར་ལོའི་ཚུལ་དུ་རྣམ་པར་བསྒོམ། །དེ་བཞིན་རིགས་དང་རྡོ་རྗེའི་རིགས། །པདྨའི་རིགས་ཏེ་སྐུ་གསུང་ཐུགས། །ཁྲོ་བོའི་ཚོགས་དང་ལྡན་པ་ཡི། །ཚོམ་བུ་གསུམ་གྱི་ལྷ་རྣམས་བསྒོམ། །རིགས་ཀྱི་རིགས་ཏེ་རིགས་ཀྱི་གཙོ། །ཐུགས་ཀྱི་ཐུགས་ཏེ་ཐུགས་ཀྱི་མཆོག །ཁྲོ་བོའི་ཚོགས་དང་ལྡན་པ་ཡི། །ཚོམ་བུ་གཅིག་པའི་ལྷ་རྣམས་བསྒོམ། །ཁྲོ་བོ་ཁྲོ་མོའི་ཚོགས་ཆེན་དང་། །ཕོ་ཉ་ཕྱག་བརྙན་བཀའ་ཉན་ཚོགས། །ཅི་བགྱི་ལ་སོགས་ཚོགས་རྣམས་ཀྱིས། །དངོས་གྲུབ་ལས་རྣམས་རྫོགས་པར་བྱེད། །རྣལ་འབྱོར་སྔགས་འཆང་དངོས་གྲུབ་ནི། །མཉམ་རྫོགས་ལྷུན་གྲུབ་ངང་གནས་ཤིང་། །སྤྱོད་པ་ཅི་ལའང་ཐོགས་མེད་པ། །ཐམས་ཅད་ཡེ་ནས་དབྱེར་མེད་པའོ། །རྡོ་རྗེ་རིགས་སུ་ཐམས་ཅད་དཀྱིལ། །འོད་འཕྲོ་འབར་བར་རབ་ཏུ་བསྒོམ། །ཆགས་མེད་ཚུལ་དུ་བསྡིམ་པར་བྱ། །གཉིས་མེད་གྱུར་ནས་ཕྱག་རྒྱ་ཆེ། །ཡང་ན་སྐུ་གསུང་ཐུགས་ཉིད་དེ། །ཐམས་ཅད་མ་ལུས་སྐུ་གསུང་ཐུགས། །ཏིང་འཛིན་གསལ་བར་འོད་ཟེར་འཕྲོ། །གཉིས་མེད་དབྱིངས་ཀྱི་ངང་དུ་ཐིམ། །རིག་འཛིན་དངོས་གྲུབ་མཆོག་ཐོབ་འགྱུར། །དཀྱིལ་འཁོར་མ་ལུས་འབར་བར་འགྲུབ། །ཉོན་མོངས་སྡུག་བསྔལ་སེལ་བར་བྱེད། །རྡོ་རྗེ་རིགས་སུ་སྐྱེ་བའི་གནས། །སྔགས་འཆང་དངོས་གྲུབ་ཡང་དག་ནི། །ཐབས་དང་ཤེས་རབ་ཐམས་ཅད་ཀྱིས། །དཀྱིལ་འཁོར་ལྔ་དང་ཁྲོ་ཕྲེང་བསྒོམ། །ཆགས་པ་མེད་པའི་ཚུལ་ ― DNG011_Page_0144 ―
[མ་དཔེ་གཟིགས་ན་འདིར་གནོན།]
གྱིས་སུ། །འོད་ཟེར་རྣམ་པ་མང་པོ་འཕྲོ། །གཉིས་སུ་མེད་པར་བསྡིམ་པར་བྱ། །དངོས་གྲུབ་མཆོག་གི་སྙིང་པོ་འགྲུབ། །རྣལ་འབྱོར་ཐབས་དང་ཤེས་རབ་ཀྱིས། །དེ་བཞིན་གཤེགས་དང་ཡུམ་དུ་བསྒོམ། །སེམས་དཔའ་སེམས་མ་ཉིད་དུ་བསྒོམ། །སོ་སོའི་སྔགས་དང་ཕྱག་རྒྱ་དང་། །ཏིང་འཛིན་ཡང་དག་སོ་སོར་གསལ། །གནས་དང་ལོངས་སྤྱོད་ཅི་བདེ་དང་། །མ་ཉམས་བློ་ནི་རབ་ལྡན་པས། །དང་པོ་དམ་མནོས་བཞིན་དུ་བྱ། །ལེ་ལོ་སྒྱིད་སྙོམ་མེད་པ་ཡིས། །ཐེ་ཚོམ་མེད་པར་བསྒྲུབ་བྱས་ན། །དཀྱིལ་འཁོར་ཐམས་ཅད་འགྲུབ་པར་འགྱུར། །རྡོ་རྗེ་གསང་མཆོག་དམ་པ་ཐོབ། །བསྒྲུབ་པའི་ཞག་དང་ཚེས་གྲངས་ནི། །རྒྱུད་ལས་སྨོས་པ་བཞིན་དུ་བཤད། །རྡོ་རྗེ་གསང་བའི་ཚིག་ཏུའོ། །ཞེས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་གླེང་ངོ་། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཚོགས་ཀྱི་དཀྱིལ་འཁོར་གྱི་ལེའུ་སྟེ་བཅུ་གཅིག་པའོ།། །།དེ་ནས་དེ་བཞིན་གཤེགས་པ་དགྱེས་པ་ཆེན་པོས་རོལ་མོའི་སྤྲིན་རྣམ་པར་སྤྲོས་ཏེ། རྒྱན་བཀོད་པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །སྒྱུ་འཕྲུལ་དྲ་བ་མངོན་རྫོགས་པའི། །དཀྱིལ་འཁོར་བརྟན་པའི་ཏིང་ངེ་འཛིན། །བྲོ་གར་ཕྱག་རྒྱའི་འདུ་འཕྲོ་ཡིས། །འཛུལ་ལམ་ནམ་མཁར་འགྲོ་བར་འགྱུར། །གླུ་ཚིག་སྒྲ་ཡི་ཕྱག་རྒྱ་ཡིས། །ཆོས་ཀྱི་དངོས་གྲུབ་ཐོབ་པར་འགྱུར། །རྒྱན་དང་བགོ་བའི་ཕྱག་རྒྱ་ཡིས། །འབར་བའི་རྒྱལ་པོ་ཐུབ་མེད་འགྲུབ། །བཟའ་དང་བཏུང་བའི་ཕྱག་རྒྱ་ཡིས། །ཡིད་བཞིན་སྐུ་དང་བདུད་རྩི་འགྲུབ། །ཨཱ་ལི་ཀཱ་ལིའི་ཕྱག་རྒྱ་ཡིས། །ཐམས་ཅད་ཐམས་ཅད་འགྲུབ་པར་འགྱུར། །ཤེས་འཇུག་མཚན་ཉིད་འབྱོར་པའི་གཟུགས། །འབྲས་བུ་སྨིན་བྱེད་རྒྱུ་དང་རྐྱེན། །ནུས་མཐུ་ཅན་དུ་གང་གྱུར་པ། །རིག་འཛིན་རྒྱལ་བའི་ཞིང་དུ་གྲགས། །མི་དང་ལྷ་དང་ཚངས་པ་ཡི། །སྐྱེ་བ་རྣམ་དག་འཛིན་མོད་ཀྱང་། །ཁྱད་པར་ས་ལ་གནས་འགྱུར་ཡིན། །ཕ་རོལ་ཕྱིན་པ་ཀུན་དུ་རྫོགས། ། ― DNG011_Page_0145 ―
[མ་དཔེ་གཟིགས་ན་འདིར་གནོན།]
ཐབས་དང་ཤེས་རབ་ཐབས་ཀྱི་མཆོག །ཤེས་རབ་མཆོག་གི་མཆོག་འགྱུར་བ། །ས་ཡི་ཁྱད་པར་བཅུ་དང་གསུམ། །རྒྱུ་འབྲས་ཁྱད་པར་ལྷུན་གྱིས་རྫོགས། །མཁའ་དཀྱིལ་དག་པའི་དབྱིངས་ཉི་ཟླ། །ཡེ་ཤེས་རྒྱལ་པོ་སྟངས་དཔྱལ་བསྒོམ། །རྒྱལ་བའི་དཀྱིལ་འཁོར་མཐའ་ཡས་ཀུན། །མ་ལུས་བར་ནི་བསྒོམ་པར་འགྱུར། །དུས་བཞི་ཕྱོགས་བཅུ་གང་ནས་ཀྱང་། །རྫོགས་པའི་སངས་རྒྱས་རྙེད་མི་འགྱུར། །སེམས་ཉིད་རྫོགས་པའི་སངས་རྒྱས་ཏེ། །སངས་རྒྱས་གཞན་ནས་མ་ཚོལ་ཅིག །དཀྱིལ་འཁོར་ཀུན་དུ་རབ་སྦྱོར་བས། །དཀྱིལ་འཁོར་ཐམས་ཅད་འགྲུབ་པར་འགྱུར། །ཆོ་ག་ལྷག་གམ་མ་ཚང་ཡང་། །སྐྱོན་ཉིད་དག་སྟེ་ཉེས་པ་མེད། །ཅེས་ཆེད་དུ་བརྗོད་པས་རོལ་མོའི་སྤྲིན་གྱིས་མཉེས་པར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཚོགས་བསྒྲུབ་པའི་ལེའུ་སྟེ་བཅུ་གཉིས་པའོ།། །།དེ་ནས་དེ་བཞིན་གཤེགས་པ་ཕྱོགས་བཅུ་དུས་བཞིའི་དེ་བཞིན་གཤེགས་པའི་སྐུ་གསུང་ཐུགས་རྡོ་རྗེའི་དཀྱིལ་འཁོར་ཐམས་ཅད་གཅིག་ཏུ་འདུས་ནས། དགྱེས་པ་ཆེན་པོས་ཆོས་ཐམས་ཅད་ཡེ་ནས་རྫོགས་པ་ཆེན་པོར་ལྷུན་གྱིས་གྲུབ་པའི་དམ་ཚིག་ཤིན་ཏུ་གསང་བའི་སྙིང་པོ་སྤྲིན་བཀོད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ། །མ་རྟོགས་པ་དང་ལོག་པར་རྟོགས། །ཕྱོགས་རྟོགས་ཡང་དག་ཉིད་མ་རྟོགས། །འདུལ་བ་དགོངས་པ་གསང་བ་དང་། །རང་བཞིན་གསང་བའི་དོན་རྣམས་ནི། །ཡི་གེ་སྒྲ་རྟགས་མིང་ཚོགས་ལས། །བརྟེན་པའི་ཚིག་གིས་རབ་མཚོན་ཏེ། །ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེའི་ཐུགས་ལ་གནས། །དཀྱིལ་འཁོར་ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག །གསང་བའི་ཐིག་ལེ་དཀྱིལ་འཁོར་དབྱིངས། །འབྱུང་བ་ཤེས་རབ་རིགས་ཀྱི་ཡུམ། །ཆེན་པོ་རིགས་ཀྱི་དེ་བཞིན་ཏེ། །བྱང་ཆུབ་སེམས་ནི་ ― DNG011_Page_0146 ―
[མ་དཔེ་གཟིགས་ན་འདིར་གནོན།]
རྡོ་རྗེའི་ཚོགས། །དབང་པོ་ཡུལ་དུས་རིག་པ་རྣམས། །ཀུན་དུ་བཟང་པོའི་དཀྱིལ་འཁོར་ལ། །བདག་ཉིད་ཆེན་པོ་ལྷག་པ་ཡིས། །ཐུགས་ཀྱི་ཡེ་ཤེས་ལྔས་བལྟས་ཤིང་། །སྙིང་པོ་ཐིག་ལེ་མཉམ་སྦྱོར་བ། །བདེ་བའི་ཡེ་ཤེས་རོལ་མོ་ཡིས། །ཡེ་ཤེས་དགྱེས་ལ་མཆོད་པ་དབུལ། །ཟག་པ་མེད་པའི་བསོད་ནམས་ཀྱིས། །ཡེ་ཤེས་སྒྱུ་མར་རང་སྣང་བའི། །རོལ་མོ་དཀྱིལ་འཁོར་མཐའ་ཡས་མཆོག །གསང་བའི་ཐིག་ལེ་ཉིད་ཀྱི་དབྱིངས། །དེ་ནི་སངས་རྒྱས་ཀུན་གྱི་དངོས། །ཕྱོགས་བཅུ་དུས་བཞི་མངོན་རྫོགས་པའི། །སྐུ་གསུང་ཡོན་ཏན་ཕྲིན་ལས་ཐུགས། །མ་ལུས་བདག་ཉིད་ཞལ་མཐོང་བའི། །དབང་སྒྱུར་མཆོག་ཉིད་དམ་པ་ཡིན། །དཀྱིལ་འཁོར་ལ་གནས་དཀྱིལ་འཁོར་ཉིད། །རྫོགས་པའི་དཀྱིལ་འཁོར་ལྷུན་གྱིས་གྲུབ། །རྒྱན་དུ་དཀྱིལ་འཁོར་མ་ལུས་ཐོགས། །རྫོགས་པའི་དཀྱིལ་འཁོར་མཉམ་སྦྱོར་ལས། །ཐུགས་རྗེའི་དཀྱིལ་འཁོར་ཡོངས་ཀྱིས་འབྱུང་། །ཕྱོགས་དུས་དཀྱིལ་འཁོར་འདུལ་བའི་མཆོག །སྒྱུ་མའི་དཀྱིལ་འཁོར་སྒྲོལ་བ་ཡིས། །བྱ་བྱེད་མེད་པར་དཀྱིལ་འཁོར་སྤྱོད། །ཡེ་ཤེས་རྫོགས་པའི་དཀྱིལ་འཁོར་ལ། །ཐོས་བསམ་བསྒོམ་ལ་མཉམ་སྦྱོར་གྱིས། །རང་བྱུང་ཀུན་ངོམ་ལྷུན་གྱིས་གྲུབ། །འདི་ནི་སངས་རྒྱས་ཐམས་ཅད་ཀྱིས། །འདའ་བར་མི་མཛད་དམ་ཚིག་མཆོག །གང་ཞིག་འདི་ལ་མོས་འགྱུར་བ། །སངས་རྒྱས་དཀྱིལ་འཁོར་ཐམས་ཅད་ཀྱིས། །ཕྱོགས་དུས་ཀུན་ནས་ཐམས་ཅད་དུ། །དཀྱིལ་འཁོར་མ་ལུས་བསྙེན་པ་ཡི། །ཉེ་བའི་སྲས་སུ་དགོངས་པར་འགྱུར། །བསྐལ་པ་ཞིང་གི་རྡུལ་སྙེད་དུ། །ཤིན་ཏུ་སྦྱངས་ལ་རབ་གནས་པའི། །དཀྱིལ་འཁོར་མ་ལུས་བསྙེན་པ་ཡི། །འབྲས་བུ་གསང་ཆེན་འདི་ཡིན་ཏེ། །འཇིག་རྟེན་དྲུག་གི་ཕྱོགས་བཅུ་ན། །འདས་དང་ད་ལྟར་བྱུང་བ་ཡི། །རྒྱལ་བའི་དཀྱིལ་འཁོར་མ་ལུས་པ། །བརྙེས་ནས་སྐུ་ལྔ་ལྷུན་གྱིས་རྫོགས། །འབྱུང་དང་མ་འོངས་ཐམས་ཅད་ཀུན། །འདི་ཡིས་ལྷུན་གྱིས་གྲུབ་པར་འགྱུར། །འདི་ནི་གསང་ཆེན་ངེས་པ་ཡི། །འབྲས་བུ་ལམ་དུ་འགྱུར་ ― DNG011_Page_0147 ―
[མ་དཔེ་གཟིགས་ན་འདིར་གནོན།]
བ་ཡིན། །རྒྱལ་བའི་དཀྱིལ་འཁོར་མ་ལུས་ལ། །འདི་ལས་གསང་བའི་ངེས་དོན་མེད། །བཙལ་ཀྱང་རྒྱལ་བས་མི་བརྙེས་སོ། །ཀུན་གྱི་ཕྱག་རྒྱ་ཆེན་པོའི་མཆོག །ཐོས་བསམ་བསྒོམ་ལ་རབ་སྦྱངས་པའི། །ཤེས་རབ་མིག་ལྡན་རྣམས་ཀྱིས་གཟུང་། །སྣོད་ལྡན་ངང་ཚུལ་བཟང་ལ་བརྟན། །ལུས་དང་ལོངས་སྤྱོད་གཏོང་ལ་སྦྱིན། །གཞན་དུ་ནམ་ཡང་སྦྱིན་མི་བྱ། །རྨོངས་ལ་ཕྱར་བས་གལ་ཏེ་བྱིན། །དུས་མིན་པར་ནི་སྲོག་ཟད་ནས། །བསྲེགས་དང་སྦྲེབས་པར་ཡུན་རིང་གནས། །ཞེས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་བརྗོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་ཏུ་གསང་བ་མན་ངག་གི་ལེའུ་སྟེ་བཅུ་གསུམ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཉིད་ཀྱི་དཀྱིལ་འཁོར་ལ་དགྱེས་པ་ཆེན་པོའི་གླུ་འདི་བླངས་སོ། །ཨོཾ་ཕྱོགས་བཅུ་དུས་བཞི་རྫོགས་པ་ཡི། །ཡེ་ཤེས་དཀྱིལ་འཁོར་ཐིག་ལེ་ཆེ། །བསོད་ནམས་དཀྱིལ་འཁོར་སྐུ་ཡི་ཚོགས། །སྣང་སྟོང་ཐིག་ལེ་ཀུན་དུ་རྫོགས་ཧོཿ། །ཨོཾ་རྡོ་རྗེ་བསོད་ནམས་ཐིག་ལེ་ཆེ། །རྡོ་རྗེ་ཡེ་ཤེས་དཀྱིལ་འཁོར་ལྡན། །རྡོ་རྗེ་སྒྲ་ཆེན་མཐའ་ཡས་པ། །རྡོ་རྗེ་རྒྱལ་པོ་ཐིག་ལེ་ཆེ་ཧོཿ། །ཨོཾ་སྐུ་གསུང་ཐུགས་ཀྱི་རྫོགས་པ་ཆེ། །ཡོན་ཏན་ཕྲིན་ལས་ཀུན་དུ་རྫོགས། །ཡེ་ནས་ལྷུན་རྫོགས་ཀུན་དུ་བཟང་། །འདུས་པའི་ཚོགས་ཆེན་ཐིག་ལེ་ཆེ་ཧོཿ། །ཨོཾ་མི་དམིགས་སྒྱུ་འཕྲུལ་མཉམ་པའི་དབྱིངས། །མཐའ་ཡས་ཀུན་ནས་སྣ་ཚོགས་འཕྲོ། །མཐའ་ཡས་ཀུན་ནས་ལྷུན་གྱིས་ཐིམ། །སྣ་ཚོགས་སྐུ་གསུང་ཐུགས་ཆེན་པོ་ཧོཿ། །ཨོཾ་ཕྱོགས་བཅུའི་འཇིག་རྟེན་རྡུལ་སྙེད་དུ། །རྒྱལ་བའི་དོན་རྣམས་རྡུལ་ཕྲན་སྙེད། །སྤྲུལ་པ་རྡུལ་ཕྲན་བསམ་ཡས་ཀྱིས། །སྐད་ཅིག་ཡུད་ལ་ལྷུན་གྱིས་གྲུབ་ཧོཿ། །ཨོཾ་ཐམས་ཅད་མ་ལུས་སྐུ་གསུང་ཐུགས། །སྐུ་གསུང་ཐུགས་ཀྱི་བདག་ཉིད་ཆེ། །སྐུ་གསུང་ཐུགས་ཀྱིས་ཀུན་དུ་ཁྱབ། །སྐུ་གསུང་ཐུགས་ཀྱི་ཐིག་ལེ་ཆེ་ཧོཿ། །ཞེས་ཆེད་དུ་བསྒྲགས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་མཉེས་པའི་ལེའུ་སྟེ་བཅུ་བཞི་པའོ།། །།དེ་ནས་དེ་བཞིན་ ― DNG011_Page_0148 ―
[མ་དཔེ་གཟིགས་ན་འདིར་གནོན།]
གཤེགས་པ་ཐམས་ཅད་ཀྱི་བདག་པོ་སངས་རྒྱས་ཐམས་ཅད་ཀྱི་ངོ་བོ་ཉིད་ཀྱིས་ཁྲོ་བོའི་དཀྱིལ་འཁོར་དུ་མངོན་པར་འདུ་མཛད་དོ། །དེ་ཅིའི་ཕྱིར་ཞེ་ན། བདག་ཏུ་རྨོངས་པའི་རྟོག་པ་དང་། བརྟགས་པ་ལ་མངོན་པར་ཞེན་པས་ཡང་དག་པའི་ལམ་དང་བྲལ་བ་དག །གབ་པའི་གསང་བ་མ་རྟོགས་པར་སྦས་པའི་གསང་བ་ལ་མངོན་པར་འཆེལ་ནས། རྒྱུ་དང་འབྲས་བུ་ལ་རྨོངས་པས་སྲིད་པའི་ས་བོན་རྩུབ་མོས་འཕངས་ནས་མཚམས་མེད་པའི་རབ་ཏུ་ཚ་བའི་དམྱལ་བར་སྐྱེས་སོ། །དེ་རབ་ཏུ་ཚ་བའི་སྡུག་བསྔལ་དྲག་པོས་གདུངས་པ་དང་། འདི་བས་ཤིན་ཏུ་གྲང་ཡང་ཅི་མ་རུང་སྙམ་པའི་མོད་ལ་རབ་ཏུ་སྦྲེབས་པ་དང་། པདྨ་ལྟར་གས་པའི་སྡུག་བསྔལ་དྲག་པོ་དག་གིས་རབ་ཏུ་ཉེན་པ། དེ་ལྟ་བུའི་སྡུག་བསྔལ་རབ་ཏུ་ཚ་བ་ལ་སོགས་པ་བརྒྱད་དང་། ཤིན་ཏུ་གྲང་བ་ལ་སོགས་པ་བརྒྱད་དུ་འཇིག་རྟེན་གྱི་ཁམས་བརྒྱུད་ཅིང་བསྐལ་པ་ཆེན་པོ་སྟོང་ཕྲག་བཅུ་གཉིས་སུ་ཉམས་སུ་མྱོང་ངོ་། །དེ་ནས་རྣམ་པར་སྨིན་པ་དེ་ཟད་པ་དང་ཡི་དྭགས་ལྟོགས་པ་དང་སྐོམ་པའི་སྡུག་བསྔལ་གྱིས་ཉེན་པ་དང་། འདོད་པའི་དངོས་པོ་རྣམས་ཡིད་དུ་མི་འོང་བ་དང་། གདུག་ཅིང་རྩུབ་པའི་དངོས་པོ་སྣ་ཚོགས་སུ་གྱུར་པ་དང་། ཡོད་མེད་པར་ཡང་གྱུར་ཅིང་ཤིན་ཏུ་རིད་ཅིང་སྐམས་པ་དང་། ལུས་དང་ཡན་ལག་དང་། དབང་པོ་མི་འཚམ་པར་གྱུར་པ། བསྐལ་པ་ཆེན་པོ་དྲུག་ཏུ་སྐྱེས་སོ། །དེ་ནས་ལས་ཀྱི་སྒྲིབ་པ་རྩུབ་མོའི་རྣམ་པར་སྨིན་པ་དེ་ཁད་ཀྱིས་བསྲབས་པ་དང་སྔོན་གྱི་སྲིད་པས་མཚམས་སྦྱར་ནས། ཡི་དྭགས་སྲིན་པོ་རབ་ཏུ་གདུག་པ་གཏུམ་པོ་ལུས་གཅིག་ལ་མགོ་བརྒྱ་པ་དང་། མགོ་སྣ་ཚོགས་པ་དང་། ལུས་བརྒྱ་ལ་མགོ་གཅིག་པ་དང་། ལུས་སྣ་ཚོགས་པ་དང་། ཡན་ལག་མང་པོ་དང་། ཡན་ལག་སྣ་ཚོགས་པ་དང་། གདུག་པའི་ལག་ཆ་སྣ་ཚོགས་ཐོགས་པ་དང་། འཁོར་རབ་ཏུ་མང་པོ་དང་། འཇིགས་པའི་གཟུགས་སྣ་ཚོགས་དང་། འཇིགས་པའི་ང་རོ་སྒྲ་སྐད་སྣ་ཚོགས་པ་སྒྲོགས་པ་དང་། གཟུགས་དང་། ང་རོ་དང་། དྲི་དང་། ཁ་རླངས་ཀྱིས་ཐམས་ཅད་སྐྱི་བུང་ཞེས་བྱེད་ ― DNG011_Page_0149 ―
[མ་དཔེ་གཟིགས་ན་འདིར་གནོན།]
པ་དང་། རབ་ཏུ་འཇིགས་པའི་རླུང་ནག་དང་། གྲང་བ་དང་། ཚ་བའི་དབུགས་ཀྱིས་ཕྱོགས་བཅུ་ཀུན་དུ་ཁམས་འཁྲུག་པར་བྱེད་པ། ནད་བཞི་བརྒྱ་རྩ་བཞིས་འདེབས་པར་བྱེད་པ། མྱོས་ཤིང་ཉམས་པར་བྱེད་པའི་མཐུས་ཀླུའི་རིགས་དང་། ལྷ་མ་ཡིན་གྱི་རིས་དང་། ལྷའི་རིས་དང་། ཚངས་པའི་རིས་དང་། འོད་གསལ་དང་། དགེ་རྒྱས་དང་། འབྲས་བུ་ཆེ་བ་མན་ཆད་དབང་དུ་བསྡུས་སོ། །དེ་སྔོན་བསྟེན་པའི་སྟོབས་ཀྱིས་ཐམས་ཅད་མཁྱེན་པས་གཟིགས་ནས་ཐུགས་རྗེས་འདུལ་བར་གྱུར་ཏོ། །དེ་ནས་དེ་བཞིན་གཤེགས་པ་ཆེན་པོའི་རྡོ་རྗེ་བཀོད་པ། སྒྱུ་འཕྲུལ་དྲ་བས་འཇིག་རྟེན་དྲུག་གི། ཕྱོགས་བཅུའི་སྲིད་པ་གསུམ་གྱི་བདག་པོ་འདུལ་བའི་ང་རྒྱལ་ཆེན་པོ་གཟི་བརྗིད་ཆེན་པོ་བསྟན་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་བདག་པོ་བཅོམ་ལྡན་འདས་དགྱེས་པ་ཆེན་པོ་ཁྲོ་བོའི་རྒྱལ་པོའི་དཀྱིལ་འཁོར་གྱི་སྤྲིན་འབྱུང་བ་ཆེན་པོ་རྣམ་པར་སྤྲོས་པའི། སྒྱུ་འཕྲུལ་དྲ་བའི་རྒྱལ་པོ་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་ཉིད་ཀྱི་དབྱིངས་ལས་ཁྲོ་མོ་དབང་ཕྱུག་མ་ཆེན་མོ་མངོན་དུ་ཕྱུང་སྟེ། ཧི་ཧི་དགྱེས་པའི་གཟི་མདངས་ཀྱིས་པདྨ་རྒྱས་པར་མཛད་ནས་ནི་གཉིས་སུ་མེད་པར་དགྱེས་པའི་འཁྲིལ་བས་ཐིམ་ནས། བྱང་ཆུབ་སེམས་ཀྱི་སྤྲིན་ལས། ཧཱུྃ་ཧཱུྃ་ཧཱུྃ་བི་ཤྭ་བཛྲ་ཀྲོ་དྷ་ཛྭ་ལ་མཎྜ་ལ་ཕཊ་ཕཊ་ཕཊ་ཧ་ལ་ཧ་ལ་ཧ་ལ་ཧཱུྃ་ཧཱུྃ་ཕཊ། ཅེས་བརྗོད་པས། འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་ཁྱབ་པར་གྱུར་ཏོ། །ཁྲོ་བོའི་དཀྱིལ་འཁོར་གྱི་ཚོགས་སྟོང་གསུམ་གྱི་འཇིག་རྟེན་ཙམ་ཕྱོགས་བཅུའི་རྡུལ་ཕྲ་མོ་སྙེད་འཐེན་པར་གྱུར་པས། འཇིག་རྟེན་དྲུག་གིས་ཕྱོགས་བཅུ་ཐམས་ཅད་གཡོས། རབ་ཏུ་གཡོས། ཀུན་དུ་གཡོས་སོ། །འུར་འུར། རབ་ཏུ་འུར་འུར། ཀུན་དུ་རབ་ཏུ་འུར་འུར་རོ། །ཆེམ་ཆེམ། རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ་མོ། །ཤིག་ཤིག །རབ་ཏུ་ཤིག་ཤིག །ཀུན་དུ་རབ་ཏུ་ཤིག་ཤིག་གོ། །གཏོར་གཏོར། རབ་ཏུ་གཏོར་གཏོར། ཀུན་དུ་རབ་ཏུ་གཏོར་གཏོར་རོ། །འཇིག་རྟེན་དྲུག་གི་ཕྱོགས་བཅུའི་སྟོང་ ― DNG011_Page_0150 ―
[མ་དཔེ་གཟིགས་ན་འདིར་གནོན།]
ཁམས་ན་གནས་པའི་དབང་ཆེ་བ་དང་། གཟི་བརྗིད་ཆེ་བ་དང་། མཐུ་ཆེ་བའི་དབང་ཕྱུག་ཆེན་པོ་ལ་སོགས་པ་ཐམས་ཅད་བརྒྱལ་རབ་ཏུ་བརྒྱལ་བར་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཉིད་འཇིགས་བྱེད་ཆེན་པོ་ཤིན་ཏུ་རྔམ་པ་སྐྱི་བུང་ཞེས་བྱེད་པ་འབར་བ་ཆེན་པོའི་ཁྲག་འཐུང་། སྐུ་སྨུག་གནག་ཅིར་ཡང་འགྱུར་བ། དབུ་དང་ཕྱག་དང་ཞབས་སྟོང་ཁམས་ཀྱི་རྡུལ་སྙེད་མཚོན་ཆ་སྣ་ཚོགས་འཛིན་པ་དེ་དབུ་གསུམ་ཕྱག་དྲུག་ཞབས་བཞིར་གྱུར་ཏེ། དུར་ཁྲོད་ཆེན་པོར་དགྱེས་ནས་ཁྲག་གི་རྒྱ་མཚོའི་དཀྱིལ་ན་ཀེང་རུས་ཆེན་པོའི་རི་རབ་ཀྱི་སྟེང་། འབར་བ་ཆེན་པོའི་འཁོར་ལོའི་ཀློང་དཀྱིལ་ན་དབང་ཕྱུག་ཆེན་པོ་དང་། དུར་ཁྲོད་ཀྱི་བདག་པོ་དྲེགས་པ་ཁྱོ་ཤུག་གི་གདན་ལ་བརྐྱང་བསྐུམ་དུ་བཞུགས་སོ། །ཁྲོ་བོའི་དཀྱིལ་འཁོར་སྤྲིན་ཕུང་གི་ཚོགས་ཐམས་ཅད་དེ་དག་ཀྱང་ལ་ལ་ནི་དཔལ་ཁྲག་འཐུང་ཆེན་པོ་རྡོ་རྗེར་གྱུར་ཏེ་ཤར་ཕྱོགས་སུ་བཞུགས་སོ། །ལ་ལ་ནི་དཔལ་ཁྲག་འཐུང་ཆེན་པོ་རིན་པོ་ཆེར་གྱུར་ཏེ་ལྷོ་ཕྱོགས་སུ་བཞུགས་སོ། །ལ་ལ་ནི་དཔལ་ཁྲག་འཐུང་ཆེན་པོ་པདྨར་གྱུར་ཏེ་ནུབ་ཕྱོགས་སུ་བཞུགས་སོ། །ལ་ལ་ནི་དཔལ་ཁྲག་འཐུང་ཆེན་པོ་ཀུན་དུ་ལས་སུ་གྱུར་ཏེ་བྱང་ཕྱོགས་སུ་བཞུགས་སོ། །དེ་དག་ཀུན་ཀྱང་འཇིགས་བྱེད་ཆེན་པོའི་ཆ་ལུགས་དང་། རྔམ་པའི་ང་རོ་དང་། འབར་བའི་ཀློང་ན་དབུ་གསུམ་ཕྱག་དྲུག་ཞབས་བཞིས་དྲི་ཟ་དང་། གནོད་སྦྱིན་དང་། སྲིན་པོ་དང་། གཤིན་རྗེ་ལ་སོགས་པ་ཁྱོ་ཤུག་གི་གདན་བྱས་པ་ལ་བཞུགས་སོ། །བཙུན་མོ་ཁྲག་འཐུང་ཆེན་མོ་རྣམས་ཀྱང་སོ་སོར་སྐུ་ལ་འཁྲིལ་བའི་ཚུལ་གྱིས་བཞུགས་སོ། །རིགས་ལྔའི་ཧེ་རུ་ཀ་ལས་གཅིག་ཏུ་བསྡིམ་སྟེ་བསྡུས་ནས། གཅིག་གིས་མང་པོ་འདུལ་བའི་ངོ་མཚར་བསྟན་ཏེ། དེ་ནས་དྲེགས་པ་ཆེན་པོ་ལ་སོགས་པ་གཏུམ་པོའི་སེམས་ཀྱིས་གདུག་པའི་རྫུ་འཕྲུལ་ཆེན་པོ་སྣ་ཚོགས་པ་བསྟན་ནས་མགྲིན་གཅིག་ཏུ་གདུག་པའི་ང་རོས་གླང་པོའི་གཏུམ་ཚིག་ཏུ་སྨྲས་པ། ཐོང་ཐོང་སྙིང་རྗེའི་བདག་པོ་ཅི་དེ་ལྟར་བྱེད་དམ་ཞེས་འཛེར་ཅིང་ཤིན་ཏུ་གདུག་པའི་སེམས་ཀྱིས་ཁྲོས་ནས་རྔམ་མོ། །དེ་ནས་བཅོམ་ལྡན་ ― DNG011_Page_0151 ―
[མ་དཔེ་གཟིགས་ན་འདིར་གནོན།]
འདས་དགྱེས་པ་ཆེན་པོ་དབུ་དགུ་ཕྱག་བཅྭ་བརྒྱད་ཞབས་བརྒྱད་དུ་གནས་ནས་ཐུགས་རྗེས་འདུལ་བའི་ཐབས་ཀྱིས་ཤིན་ཏུ་ཁྲོས་ནས་རྔམ་པའི་སྐད་ཀྱིས། ཧཱུྃ་ཧཱུྃ་ཧཱུྃ་ཧ་ཧ་ཧ་ཁཱ་ཧི་ཁཱ་ཧི་ཁཱ་ཧི་ཞེས་བརྗོད་པས། དབང་ཕྱུག་ཆེན་པོ་ལ་སོགས་པ་གདུག་པ་ཆེན་པོའི་ཚོགས་ཆེན་པོ་དེ་དག་གི་སྙིང་དང་དབང་པོ་ཀུན་ཕྱུང་། ནང་གྲོལ་ཀུན་དྲངས་ཡན་ལག་ཀུན་བཅད་གཏུབས་ནས་ཁྲག་ཀུན་འཐུངས་ནས་རུས་པ་ཀུན་འཆོས་སོ། །དེ་ནས་ཧཱུྃ་ཧཱུྃ་ཧཱུྃ་བྷྱོ་ཨེ་ཨཱ་ར་ལི་ཛཿཛཿཞེས་བརྗོད་པས། ཕྱོགས་བཅུ་འཇིག་རྟེན་གྱི་ཁམས་ནམ་མཁའ་དང་བཅས་པར་ཡུངས་འབྲུ་གཅིག་ཙམ་གྱི་ནང་དུ་ཆུད་པར་བསྡུས་སོ། །དེ་ནས་འབྱུང་པོ་མ་ལུས་པའི་རྒྱལ་པོའི་ཡང་རྒྱལ་པོ་དྲེགས་པ་ཆེན་པོ་ལ་སོགས་པའི་ཆུང་མ་འབྱུང་མོ་ཐམས་ཅད་ཀྱི་རྗེ་མོའི་ཡང་རྗེ་མོ་སྲིན་མོ་ཆེན་མོ་མིའི་སྲིན་མོ་དང་། ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མ་དང་། དམར་མོ་དང་། བདུད་རྩི་མོ་དང་། ཞི་བ་མོ་དང་། བེ་ཅོན་མོ་དང་། སྲིན་མོ་དང་། ཟ་བ་མོ་དང་། དགའ་བ་མོ་དང་། ར་རོ་ཁྲག་འཐུང་མྱོས་པ་དང་། གཅིག་པུར་སྤྱོད་མ་དང་། ཡིད་འཕྲོག་མ་དང་། གྲུབ་མོ་དང་། རླུང་མོ་དང་། གསོད་བྱེད་མ་དང་། མེ་མོ་དང་། ཕག་མོ་དང་། རྒན་བྱེད་མ་དང་། སྣ་ཆད་མོ་དང་། ཆུ་ལྷ་མོ་དང་། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་སྣ་སྔོ་ནག་མོ་དང་། གསུས་འཛིན་སེར་ནག་ཆེན་མོ་ལ་སོགས་པ། བྲན་དང་ཡང་བྲན་དང་། གཡོག་དང་། ཡང་གཡོག་དང་། འཁོར་ཞིང་གི་རྡུལ་སྙེད་བསྡུས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་ཆེན་པོས་འདུལ་བའི་ཐབས་ཀྱིས་ཡང་རིགས་ལྔའི་འཇིགས་བྱེད་ཆེན་པོར་སྣང་བར་བྱས་ནས། དེ་དག་ཀུན་དགྱེས་པར་རོལ་པའི་དཀྱིལ་འཁོར་སྤྲིན་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་དང་གསུང་དང་ཐུགས་རྡོ་རྗེ་ལས་འདི་དག་ཕྱུང་ངོ་། །ཨོཾ་ཨཱཾཿཧཱུྃ་བཛྲ་པྲ་བེ་ཤ་ཨ་ལ་ལ་ཧོཿ། ཞེས་བརྗོད་པས་འབྱུང་མོའི་རྒྱལ་མོ་རྣམས་ཤིན་ཏུ་ ― DNG011_Page_0152 ―
[མ་དཔེ་གཟིགས་ན་འདིར་གནོན།]
ཆགས་པའི་ཡིད་གཡོས་ནས་པདྨའི་དཀྱིལ་འཁོར་སྡུད་ཅིང་རྒྱས་པར་གྱུར་ནས། དཔེར་ན་ཁབ་ལེན་ལ་ལྕགས་འདུ་བའི་ཚུལ་དུ་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་ཆེན་པོ་རྡོ་རྗེའི་སྐུ་ལ་སྲིན་མོ་ཆེན་མོ་མིའི་སྲིན་མོ་དང་། དམར་མོ་དང་། དགའ་བ་མོ་དང་། གསོད་བྱེད་མ་དང་། ནག་མོ་ཆེན་མོ་དང་། དམར་སེར་ཆེན་མོ་དང་། སྔོ་ནག་ཆེན་མོ་དང་། སེར་ནག་ཆེན་མོ་རྣམས་འཁྲིལ་ལོ། །བཅོམ་ལྡན་འདས་དཔལ་ཁྲག་འཐུང་ཆེན་པོ་རྡོ་རྗེའི་སྐུ་ལ་ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མ་རྣམས་འཁྲིལ་ལོ། །བཅོམ་ལྡན་འདས་དཔལ་ཁྲག་འཐུང་ཆེན་པོ་རིན་པོ་ཆེའི་སྐུ་ལ་བདུད་རྩི་མོ་དང་། ཞི་བ་མོ་དང་། བེ་ཅོན་མོ་དང་། ཟ་བ་མོ་དང་། སྲིན་མོ་རྣམས་འཁྲིལ་ལོ། །བཅོམ་ལྡན་འདས་དཔལ་ཁྲག་འཐུང་ཆེན་པོ་པདྨའི་སྐུ་ལ་ཁྲག་གིས་མྱོས་མ་དང་། གཅིག་པུར་སྤྱོད་མ་དང་། ཡིད་འཕྲོག་མ་དང་། གྲུབ་མོ་དང་། རླུང་མོ་རྣམས་འཁྲིལ་ལོ། །བཅོམ་ལྡན་འདས་དཔལ་ཁྲག་འཐུང་ཆེན་པོ་ཀུན་དུ་ལས་ཀྱི་སྐུ་ལ་མེ་མོ་དང་། ཕག་མོ་དང་། རྒན་བྱེད་མ་དང་། སྣ་ཆད་མོ་དང་། ཆུ་ལྷ་མོ་རྣམས་འཁྲིལ་ལོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཁྲོ་བོའི་དཀྱིལ་འཁོར་དེ་དག་གིས་ཧཱུྃ་ཞེས་བརྗོད་པས་པདྨའི་དཀྱིལ་འཁོར་གྱི་ཚོགས་བསྡུས་ནས་ཤིན་ཏུ་བཅུམ་པར་གྱུར་ཏོ། །དེ་ནས་དགྱེས་ཏེ་ཧ་ཧ་ཞེས་བརྗོད་པས་བྱང་ཆུབ་སེམས་ཀྱི་སྤྲིན་དག་ལས་དཀར་མོའི་ཚོགས་དང་། རྐུན་མོའི་ཚོགས་དང་། རྨོངས་མོའི་ཚོགས་དང་། ཐལ་བྱེད་མའི་ཚོགས་དང་། སྦོས་མོའི་ཚོགས་དང་། གཏུམ་མོའི་ཚོགས་དང་། སྨེ་ཤ་ཅན་གྱི་ཚོགས་དང་། མཚོགས་མའི་ཚོགས་རྣམས་རང་རང་གི་ལག་ཆ་དང་ངོ་མཚར་དུ་བཅས་ནས་འཐོན་ཏོ། །འཐོན་ནས་ཀྱང་འབར་བ་ཆེན་པོའི་འཁོར་ལོའི་མཚན་ཤར་ཕྱོགས་ནས་འཁོར་བར་འཇིགས་པའི་གཟུགས་ཀྱིས་རང་རང་གི་ལག་ཆ་དང་བཅས་ནས་འཁོད་དོ། །དེ་ནས་ཤིན་ཏུ་དགྱེས་ཏེ་ཧེ་ཧེ་ཞེས་བརྗོད་པས་སེང་གདོང་ཆེན་མོའི་ཚོགས་དང་། སྟག་གདོང་ཆེན་མོའི་ཚོགས་ ― DNG011_Page_0153 ―
[མ་དཔེ་གཟིགས་ན་འདིར་གནོན།]
དང་། ཝ་གདོང་ཆེན་མོའི་ཚོགས་དང་། ཁྱི་གདོང་ཆེན་མོའི་ཚོགས་དང་། བཞད་གདོང་ཆེན་མོའི་ཚོགས་དང་། ཀཱང་ཀའི་གདོང་ཆེན་མོའི་ཚོགས་དང་། དུར་བྱའི་གདོང་ཆེན་མོའི་ཚོགས་དང་། འུག་པའི་གདོང་ཆེན་མོའི་ཚོགས་རྣམས་རང་རང་གི་ལག་ཆ་དང་ངོ་མཚར་དུ་ཆས་ནས་འཐོན་པར་གྱུར་ཏོ། །འཐོན་ནས་ཀྱང་འབར་བ་ཆེན་པོའི་འཁོར་ལོའི་ཕྱི་རོལ་ཤར་གྱི་ཕྱོགས་ནས་འཁོར་བར་རྔམ་པའི་མདངས་ཀྱིས་འཁོད་དོ། །དེ་ནས་ཤིན་ཏུ་དགྱེས་པས་ཕྱོགས་བཅུའི་ཞིང་ཁམས་མ་ལུས་པར་ཁྱབ་པར་བྱས་ནས་ཕཊ་ཅེས་བརྗོད་པས། རྡོ་རྗེ་སྲིང་འགྲོ་མའི་ཚོགས་དང་། རྡོ་རྗེ་གདོང་མོའི་ཚོགས་དང་། རྡོ་རྗེ་འཇིག་རྟེན་མའི་ཚོགས་དང་། རྡོ་རྗེ་རོ་ལངས་མའི་ཚོགས་རྣམས་རང་རང་གི་ལག་ཆ་དང་ངོ་མཚར་དུ་ཆས་ནས་འཐོན་པར་གྱུར་ཏོ། །འཐོན་ནས་ཀྱང་འབར་བ་ཆེན་པོའི་དཀྱིལ་འཁོར་གྱི་སྒོར་ཤིན་ཏུ་རྔམ་པའི་གཟུགས་ཀྱིས་གནས་སོ། །དེ་ནས་དགྱེས་པའི་སྤྲིན་ལས་ཕྱོགས་བཅུ་ནས་ཕཊ་ཅེས་བསྒྲགས་པས་ཐམས་ཅད་ཁྲོས་ནས། མ་མོ་ཐམས་ཅད་ཀྱང་རང་རང་གི་གནས་ག་ལ་བ་དེར་ཡུད་ཙམ་གྱིས་ཕྱིན་པར་བཀྱེའོ། །དེ་ནས་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་ཆེན་པོ་དེ་དག་ཀུན་ཐུགས་རྗེ་ཆེན་པོ་བདུད་རྩི་ཆེན་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཨོཾ་བཛྲ་མ་ཧཱ་ཨ་མྲྀ་ཏ་མ་ཧཱ་ཀྲོ་དྷ་ཨྃ་ཨྃ་ཨྃ་ཞེས་བརྗོད་པས་དབང་ཕྱུག་ཆེན་པོ་ལ་སོགས་པ་ཐམས་ཅད་བཅོམ་ལྡན་འདས་ཁྲོ་བོ་ཆེན་པོ་དེ་དག་གི་སྣམ་ནས་བཏོན་ནས། མི་གཙང་བའི་འདམ་གྱི་རྒྱ་མཚོ་ཆེན་པོར་ཆུད་པ་ལས། སྣམ་ནས་ཁྲོ་བོ་ཨུཙྪུསྨ་ཀྲོ་དྷ་ཕྱུང་ནས་འདམ་ཁུ་ཀུན་འཐུངས་པས་དྲན་པ་སླར་རྙེད་དེ། ཁྲོ་བོའི་དཀྱིལ་འཁོར་གྱི་ཚོགས་དེ་དག་ཐམས་ཅད་ཀྱང་དབུ་དགུ་བརྒྱ། ཕྱག་སྟོང་བརྒྱད་བརྒྱ། ཞབས་བརྒྱད་བརྒྱ། སྐུ་འབར་བ་ཆེན་པོའི་དཀྱིལ་ན་བཞུགས་པར་མཐོང་ངོ་། །དེའི་དུས་སུ་འཇིག་རྟེན་དྲུག་གི་ཕྱོགས་བཅུའི་སྲིད་པ་གསུམ་གྱི་བདག་པོ་དྲེགས་པའི་དབང་ཕྱུག་ཐམས་ཅད་འདུལ་བའི་ཐབས་སྣ་ཚོགས་བསམ་ ― DNG011_Page_0154 ―
[མ་དཔེ་གཟིགས་ན་འདིར་གནོན།]
གྱིས་མི་ཁྱབ་པར་སོ་སོར་སྣང་བས་དུས་གཅིག་ཏུ་བཏུལ་ལོ། །དེ་ནས་དེ་དག་ཤིན་ཏུ་འདར་ཞིང་རབ་ཏུ་དྲེད་ཅིང་ཞུམ་པའི་ང་རོས་སྨྲས་པའི་ཚིག །འབངས་སུ་མཆི། འབངས་སུ་མཆི། འབངས་སུ་ནན་ཏན་མ་བགྱིས་ན། །མགོ་དང་ལུས་ནི་བརྒྱར་འགས་ཤིང་། །སྙིང་ཡང་འགས་ཤིང་གཏུགས་འགྱུར་ཅིང་། །རུལ་མྱགས་ཚིག་ནས་བརླག་པ་དང་། །དམྱལ་བར་ལྷུང་ནས་འབོད་པར་ཤོག །ཅེས་འབངས་སུ་མཆི་བར་མནས་བོར་ནས་དཀྱིལ་འཁོར་གྱི་གདན་དུ་བཞག་གོ། །ཐམས་ཅད་ཀྱིས་མགྲིན་གཅིག་ཏུ་སྨྲས་པ། བདག་ཅག་རྣམས་ཀྱི་མཆིས་བྲང་དང་། །མ་དང་སྲིང་མོ་བུ་མོ་རྣམས། །དཀྱིལ་འཁོར་ཆེན་པོར་བཞེས་སུ་གསོལ། །དཔའ་བོ་ལྷ་རྗེས་བཞེས་སུ་གསོལ། །བདག་ཅག་སོ་སོའི་འཁོར་བཅས་ཀྱིས། །ཚོགས་ཀྱི་དཀྱིལ་འཁོར་དམ་པ་འདི། །མིང་ཙམ་འཛིན་པར་བྱེད་པ་ཡང་། །གཙུག་གི་ནོར་བུ་འབར་བ་ལྟར། །གཡོ་སྒྱུ་མེད་ཅིང་གུས་ལྡན་པའི། །སེམས་ཀྱིས་བླངས་ཏེ་སྤྱི་བོ་ཡི། །གཙུག་ཏུ་བཞག་སྟེ་བཀུར་བར་བྱ། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་སྒྲུབ། །གལ་ཏེ་དཔའ་བོའི་སྤྱན་སྔ་འདིར། །སྨྲས་པ་བཞིན་དུ་མ་བགྱིས་ན། །བདག་ཅག་རྣམས་ཀྱི་མགོ་ལུས་སྙིང་། །བཀས་གཏུབས་དུམ་བུར་རུལ་བར་མཆི། །ཞེས་སྨྲས་སོ། །དེ་ནས་དེ་དག་གི་ཆུང་མའི་ཚོགས་དང་། སྲིང་མོ་དང་མ་དང་བུ་མོའི་ཚོགས་ཐམས་ཅད་དཀྱིལ་འཁོར་དུ་ཡུད་ཙམ་གྱིས་འོངས་ནས་ཐམས་ཅད་ཀྱིས་མགྲིན་གཅིག་ཏུ་སྨྲས་པ། བདག་ཅག་འཁོར་ཚོགས་ཐམས་ཅད་ཀུན། །དཔའ་བོ་ཆེན་པོའི་འབངས་སུ་མཆི། །དཔའ་བོ་ཆེན་པོ་བདག་ཅག་རྣམས། །ལས་ཀྱི་དངོས་གྲུབ་སྩལ་དུ་གསོལ། །ཞེས་སྨྲས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོས་ལག་ཏུ་རྡོ་རྗེ་བྱིན་ནས་མིང་གིས་དབང་བསྐུར་ནས་དཀྱིལ་འཁོར་གྱི་ཕྱི་རོལ་དུ་བཀོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོ་རང་བཞིན་གྱི་དཀྱིལ་འཁོར་སྤྲིན་རྣམ་པར་སྤྲོས་པའི་ལེའུ་སྟེ་བཅོ་ལྔ་པའོ།། །། ― DNG011_Page_0155 ―
[མ་དཔེ་གཟིགས་ན་འདིར་གནོན།]
དེ་ནས་བཅོམ་ལྡན་འདས་དགྱེས་པ་ཆེན་པོས་དཀྱིལ་འཁོར་གྱི་ཚོགས་ཆེན་པོ་འདི་དག་དམ་ཚིག་གིས་གྲུབ་པར་བྱ་བའི་ཕྱིར། དེ་བཞིན་གཤེགས་པ་ཁྲོ་བོ་ཁྲག་འཐུང་ཆེན་པོ་བཙུན་མོའི་ཚོགས་དང་བཅས་པ་དེ་དག་གིས། སྐུ་དང་གསུང་དང་། ཐུགས་རྡོ་རྗེ་ཡེ་ཤེས་རྔམ་པ་ལས་གསུང་གི་དཀྱིལ་འཁོར་འདི་དག་ཕྱུང་ངོ་། །ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་ཏ་ཐཱ་ག་ཏ་མ་ཧཱ་ཀྲོ་དྷཱི་ཤྭ་རཱི་སརྦ་དུཥྚཱ་ཧཱུྃ་ཕཊ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལི་ནཱི་ཧཱུྃ་ཕཊ། ཨོཾ་མ་ཧཱ་སཱུརྱ་རཏྣ་མ་ཧཱ་ཀྲོ་དྷི་ཤྭ་རཱི་བི་ད་མ་ཧཱུྃ་ཕཊ། ཨོཾ་ཧྲཱྀ་ཤ་ཏ་ས་མནྟ་པདྨ་ཨོཾ་མ་ཧཱ་སཱ་ར་སྭ་ཏ་མ་ཧཱ་པདྨ། མ་ཧཱ་ཀྲོ་དྷཱི་ཤྭ་རཱི་ཁ་ཧཱུྃ་ཧཱུྃ་ཕཊ། ཨོཾ་སརྦ་ཨ་མོ་གྷ་ཀརྨ་མ་ཧཱ་ཀྲོ་དྷི་ཤྭ་རཱི་བི་ཤྭ་ཧཱུྃ་ཕཊ། ཨོཾ་བཛྲ་གཱི་རཱི་ཡེ་གཽ་རཱི་ཧ། བཛྲ་ཙཽ་རཱི་ཧ། བཛྲ་པྲ་མོ་ཧཱ་ཧ། བཛྲ་བཻཏྟ་ལཱི་ཧ། བཛྲ་ཙཎྜ་ལཱི་ཧ། བཛྲ་པུཀྐ་སཱི་ཧ། བཛྲ་གྷསྨ་རཱི་ཧ། བཛྲ་སྨ་ཤཱ་ནཱི་ཧ། བཛྲ་སིངྷ་མུ་ཁཱི་ཧེ། བཛྲ་བྱཱ་གྷྲ་མུ་ཁཱི་ཧེ། བཛྲ་སྲྀ་གཱ་ལ་མུ་ཁཱི་ཧེ། བཛྲ་ཤྭ་ནཱ་མུ་ཁཱི་ཧེ། བཛྲ་གྲིཌྜྷ་མུ་ཁཱི་ཧེ། བཛྲ་ཀངྈ་མུ་ཁཱི་ཧེ། བཛྲ་ཀཱ་ཀ་མུ་ཁཱི་ཧེ། བཛྲ་ཨུལླུ་ཀ་མུ་ཁཱ་ཧེ། བཛྲ་ཨཱརྱ་ཏེ་ཛ་ཏེ་ར་ཛཿ། བཛྲ་ཨ་མུ་ཀཱ་ཧཱུྃ། བཛྲ་ལོ་ཀཱ་བྃ། བཛྲ་བྷསྨི་ས་མ་ལ་བ་ཏོ་ཧོཿ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། ཨོཾ་རུ་ལུ་རུ་ལུ་རུ་ལུ་ཧཱུྃ། ཨེ་ཧྱེ་ཧི་ཨ་ན་ཡ། ཛཿཧཱུྃ་བྃ་ཧོཿཨོཾ་བཛྲ་ཀྲོ་དྷ་ས་མ་ཡ་ཧཱུྃ། ཨོཾ་ཁྲོ་ལ་ཁྲོས་པས་ཞི་མཛད་པ། །ཐུགས་རྗེ་ཁྲོ་དཔལ་རྔམ་པའི་ཚོགས། །འབར་བའི་བྱིན་བརླབས་རྨད་པོ་ཆེ། །དེ་ཉིད་དུ་ནི་བདག་ལ་སྩོལ། །ཨོཾ་བཛྲ་ཀྲོ་དྷ་ས་མ་ཡ་སྟྭཾ། ཨོཾ་བཛྲ་ཀྲོ་དྷ་ས་མ་ཡ་ཧོཿ། ཨོཾ་བཛྲ་ཀྲོ་དྷ་ས་མ་ཡ་ཕཊ། ཨ་ལི་ཨུ་ལི་ཏཱ་ལི་ཏ་པཱ་ལི་དྃཀྐླཱྀ། གཽ་ན་རཽ་ཏྲི་ཁྃ་རྃ། ཡོ་གི་ནཱི་ ― DNG011_Page_0156 ―
[མ་དཔེ་གཟིགས་ན་འདིར་གནོན།]
ཁཱ་ཧི་ཧོཿཧཱུྃ་ཧ་ཧེ་ཕཊ་བྷྱོ། ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ཀུན་ཚིག །རབ་ཏུ་ཚིག །ཀུན་ཏུ་རབ་ཏུ་ཚིག་གོ། །འབར། རབ་ཏུ་འབར། ཀུན་ཏུ་རབ་ཏུ་འབར་རོ། །ཐམས་ཅད་དུ་འབར་བའི་དཀྱིལ་འཁོར་གྱི་ཚོགས་ཀྱིས་གང་། རབ་ཏུ་གང་། ཀུན་དུ་རབ་ཏུ་གང་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་ཚོགས་ཆེན་པོའི་གསུང་གི་དཀྱིལ་འཁོར་སྤྲོས་པའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་དེ་དག་གི་དཀྱིལ་འཁོར་བསྟན་པའི་ཕྱིར་ཆེད་དུ་བརྗོད་པ་འདི་བརྗོད་དོ། །འབར་བའི་འཁོར་ལོ་རྩིབས་བཞི་པ། །གྲུ་ཆད་བཞི་ཡིས་རྣམ་པར་བརྒྱན། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གཉིས་ཀྱིས་མཛེས། །ཐོད་སྦྲུལ་སྣ་ཚོགས་ཉི་མས་བརྗིད། །འབར་བའི་འཕྲོ་བ་མང་པོས་འཁྲུག །ཁྱུ་མཆོག་མ་ཧེ་གཟིག་དང་སྟག །གཏུམ་པ་དོམ་གྱི་སྦར་བ་ཡིས། །དབང་ཕྱུག་ལྷ་ཆེན་ལ་སོགས་བཟུང་། །སྨུག་ནག་སྔོ་ནག་སེར་ནག་དང་། །དམར་ནག་ལྗང་ནག་འཇིགས་པའི་སྐུ། །དབུ་གསུམ་ཕྱག་དྲུག་ཞབས་བཞིར་བགྲད། །ཀོ་རློན་གོས་ནི་སྣ་ཚོགས་གྱོན། །རྔམ་པའི་སྒྲ་སྐད་འཇིགས་པར་སྒྲོགས། །སྦྲུལ་དང་ཐོད་ཕྲེང་ཉི་ཟླས་བརྗིད། །སྟོང་གི་འཇིག་རྟེན་ཁོར་ཡུག་བཅས། །རྡོ་རྗེ་དུང་ཆེན་གང་བ་དང་། །རལ་གྲི་དགྲ་སྟ་གཤོལ་ལ་སོགས། །རང་གི་ལག་ཆ་སྣ་ཚོགས་བསྣམས། །བཙུན་མོ་འཇིགས་པའི་ཚོགས་དང་འཁྲིལ། །གནས་དང་ཡུལ་གྱི་ཕྱག་རྒྱ་དང་། །སྒོ་བཞི་ཕྱག་རྒྱ་རབ་མཛེས་ཤིང་། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་བརྒྱད་ཀྱིས་མཛེས། །རང་གི་སྟན་དང་ལག་ཆ་དང་། །ཅི་བགྱི་ཞེས་ནི་ཆས་ཏེ་གནས། །ཞེས་བརྗོད་པས། འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་འབར་བའི་དཀྱིལ་འཁོར་ཀུན་དུ་གསལ་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་དཀྱིལ་འཁོར་བསྟན་པའི་ལེའུ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་མཉེས་པའི་ ― DNG011_Page_0157 ―
[མ་དཔེ་གཟིགས་ན་འདིར་གནོན།]
མཆོད་པ་ཆེན་པོ་འདི་ཆེད་དུ་བརྗོད་དོ། །དེ་ལ་མཆོད་སྦྱིན་དམ་པ་འདི། །ཐོག་མར་བདག་ཉིད་རྟོགས་གོམས་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་འཇིག་རྟེན་སྙིང་རེ་རྗེ། །གཉིས་སུ་མེད་པར་བསྒྲལ་བར་བྱ། །འཁྲིལ་པའི་མཆོད་ཆེན་མཉམ་སྦྱོར་བས། །བདག་ཉིད་མཉེས་པས་མཉེས་པར་བྱ། །མཉམ་པའི་གྲུབ་རྫས་ཆེན་པོ་དག །བདག་དང་མཉམ་པའི་ཚོགས་ལ་དབུལ། །བཟའ་དང་བཅའ་དང་བཏུང་དང་བགོ། །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ནི་དཀྱིལ་འཁོར་ཐིམ། །ཕྱོགས་བཅུ་དུས་བཞིར་གཤེགས་པ་ཡི། །བདེ་གཤེགས་ཡོན་ཏན་རྨད་པོ་ཆེ། །གཞན་ནས་ཡོད་འོངས་མ་ཡིན་ཏེ། །ལྷ་སྲིན་ལ་སོགས་སྨོས་ཅི་དགོས། །རྣལ་འབྱོར་ལས་སུ་རུང་རྣམས་ཀྱིས། །ཕྱག་རྒྱ་ཆེན་པོར་རྫོགས་གྱུར་ཅིང་། །གསལ་བ་ཡིད་གཉིས་མེད་པ་ན། །དཀྱིལ་འཁོར་ཆེན་པོ་འབར་བར་འགྱུར། །ཞེས་བརྗོད་པས་མཉེས་པ་ཆེན་པོས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ཁྱབ་པར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་མཆོག་སྦྱིན་དམ་པ་བསྟན་པའི་ལེའུ་སྟེ་བཅྭ་བརྒྱད་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་སྔགས་འཆང་རྣམས་དོན་ཡོད་པར་བྱ་བའི་ཕྱིར་དམ་ཚིག་ཆེན་པོ་འདི་ཆེད་དུ་བརྗོད་དོ། །བླ་མེད་ཐེག་པ་རབ་ངེས་ན། །ཉོན་མོངས་འདོད་ལྔ་ཀུན་སྤྱད་ཀྱང་། །བྱས་ལ་མི་སོག་ཚོགས་འགྱུར་ཏེ། །ཚུལ་ཁྲིམས་སྡོམ་པ་ཕུན་སུམ་ཚོགས། །བླ་མེད་མཆོག་གི་དམ་ཚིག་ཏུ། །འདུལ་བའི་དབང་གིས་ཚུལ་ཁྲིམས་དང་། །ཇི་སྙེད་སྡོམ་པ་བསམ་ཡས་པ། །མ་ལུས་ཀུན་འདུས་རྣམ་པར་དག །ཡོད་མེད་དབུ་མའང་མི་དམིགས་ཤིང་། །སྒྱུ་མ་མིག་ཡོར་ལྟ་བུའི་ཚུལ། །སྲོག་མེད་སྲོག་གཅོད་བཅད་དུ་མེད། །སྲོག་ཀྱང་སྐྱེས་བུའི་ལོག་རྟོག་ཙམ། །བདེན་པ་གཉིས་ཀར་དབྱེར་མེད་པས། །འཕྲུལ་དགའི་ཚུལ་ཏེ་ཐ་དད་མིན། །གཞན་དང་མ་བྱིན་མེད་པའི་ཕྱིར། །བླངས་མེད་ཐམས་ཅད་ཉིད་ཀྱི་དབྱིངས། །ཆོས་རྣམས་སྒྱུ་མ་ལྟ་བུ་ལ། །མིང་དང་ཚིག་ཏུ་བརྟགས་པ་བརྫུན། །བརྫུན་ཉིད་ལ་ནི་བརྫུན་ ― DNG011_Page_0158 ―
[མ་དཔེ་གཟིགས་ན་འདིར་གནོན།]
སྤྱོད་པ། །བརྫུན་ཞེས་བཏགས་ཙམ་ཡོད་མ་ཡིན། །མ་ཆགས་པ་ལ་ཆགས་པ་དང་། །ཆགས་པ་ཉིད་ན་ཆགས་པ་མེད། །དེ་ནི་ཚངས་མཆོག་རྒྱལ་པོ་སྟེ། །ཤིན་ཏུ་ཆགས་པ་ཆེན་པོ་ཡིན། །བླ་མེད་མི་སྤོང་བླ་མ་བཀུར། །སྔགས་དང་ཕྱག་རྒྱ་རྒྱུན་མི་གཅད། །ཡང་དག་ལམ་དུ་ཞུགས་ལ་བྱམས། །གསང་བའི་དོན་ཉིད་སྨྲ་མི་བྱ། །འདི་ནི་རྩ་བ་ལྔ་རྣམས་ཏེ། །བསྒྲུབ་དང་བསྲུང་བའི་དམ་ཚིག་མཆོག །གཏི་མུག་ཆགས་དང་ཞེ་སྡང་དང་། །ང་རྒྱལ་ཕྲག་དོག་མི་སྤོང་ངོ་། །དཀར་རྩི་དམར་རྩི་དྲི་ཤ་ཆེན། །དག་པའི་སྣོད་བཅུད་མི་དོར་རོ། །ཡན་ལག་བཅུ་ཡི་དམ་ཚིག་སྟེ། །ཡེ་ནས་དག་མཉམ་རྟོགས་པས་སྤྱད། །བསྲུང་ཞིང་བསྒྲུབ་པའི་དམ་ཚིག་ལྔ། །རྩ་བ་ཡིན་ཏེ་རིགས་མེད་འགྱུར། །མི་སྤོང་མི་དོར་ལྔ་གཉིས་ནི། །ཡན་ལག་དམ་ཚིག་འདའ་དཀའོ། །མཉམ་ལ་མཉམ་པར་སྦྱོར་བ་ཡིས། །མཉམ་པའི་དམ་ཚིག་ལ་གནས་ན། །མཉམ་རྫོགས་ཆེན་པོ་ཐོབ་འགྱུར་བས། །འདས་ནས་སངས་རྒྱས་མ་ཡིན་ནོ། །རྩ་བ་ཉམས་པའི་ཕྱལ་པ་དག །གསོ་ལ་ཉེ་བར་མི་བརྩོན་དང་། །སྐད་ཅིག་ཡུད་ཙམ་སྨྲ་མི་བྱེད། །ཉམས་གྱུར་ཉེས་པ་བརྗོད་མི་ལང་། །རྩ་བའི་དམ་ཚིག་ཉམས་གྱུར་ན། །སྒྲུབ་པ་ཐམས་ཅད་ལོག་པར་འགྱུར། །ཡིད་དུ་མི་འོང་སྣ་ཚོགས་པའི། །འབྲས་བུ་མི་འདོད་བཞིན་དུ་འདུད། །ཡན་ལག་དམ་ཚིག་ཉམས་གྱུར་ན། །འབྲས་བུ་མེད་ཅིང་ངན་སོང་ལྟུང་། །དམ་ཚིག་རྣམས་ནི་རྡོ་རྗེ་ཆེ། །སངས་རྒྱས་ཀུན་གྱི་བདག་ཉིད་ཡིན། །རྩ་བའི་དམ་ཚིག་ལྔ་ལ་ནི། །གཅིག་ལའང་གཉིས་དང་བཅུ་ཕྲག་གསུམ། །ཡན་ལག་དམ་ཚིག་ལྔ་གཉིས་ལ། །གཅིག་ལའང་བཅུ་ཕྲག་གཉིས་སུ་དབྱེ། །དམ་ཚིག་འདི་ནི་རྨད་པོ་ཆེ། །འཇིག་རྟེན་དྲུག་གི་ཕྱོགས་བཅུ་ན། །སྲིད་གསུམ་འགྲོ་བ་ཇི་སྙེད་པ། །རྟོག་འདུལ་དམ་ཚིག་དེ་སྙེད་སྤྲོ། །གཞན་ཡང་རྒྱལ་མཆོག་ཀུན་བཟང་གི། །ཐམས་ཅད་མ་ལུས་ཕྱག་རྒྱ་ཡི། །སྒྲུབ་བྱེད་དམ་པ་མ་ལུས་འགྲུབ། །དེ་ལ་སོགས་པ་མཐའ་ཡས་མཆོག །རྒྱལ་བའི་རིགས་མཆོག་འཛིན་པ་དེ། །འཇིག་རྟེན་གཙོ་དང་འཁོར་གྱིས་བཀུར། །དམ་པ་མཆོག་དང་དམ་པ་ཡིས། །སྲས་དང་སྤུན་དགོས་བྱིན་གྱིས་རློབ། །བདེ་ ― DNG011_Page_0159 ―
[མ་དཔེ་གཟིགས་ན་འདིར་གནོན།]
གཤེགས་ཉིད་ཀྱི་ཡུལ་ལ་བཞུགས། །འཇིགས་མེད་ཀུན་དུ་བཟང་པོར་སྦྱོར། །ཇི་བཞིན་ཉིད་དང་འདུལ་བའི་ཐབས། །ཇི་སྙེད་སྡོམ་པ་བསམ་ཡས་པ། །མ་ལུས་རྣམ་དག་ལྷུན་གྱིས་གྲུབ། །ཉམས་ན་བསྐངས་པས་རྫོགས་པ་དང་། །དེ་ལ་སོགས་ཏེ་མཐའ་ཡས་མཆོག །ཅེས་བརྗོད་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་འདུལ་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དམ་ཚིག་གི་ལེའུ་སྟེ་བཅུ་དགུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་དགྱེས་པ་ཆེན་པོས་ལྷུན་གྱིས་གྲུབ་པའི་དམ་ཚིག་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ། །ཨེ་ཡི་ཚོགས་ཀྱི་དཀྱིལ་འཁོར་མཆོག །འབར་བ་གཏུམ་ཆེན་རྔམ་པ་ལ། །ཁྲོས་པའི་ཡིད་ཀྱིས་མཆོད་སྦྱིན་བྱ། །སངས་རྒྱས་བསོད་ནམས་སྐུ་ཡང་འཇིག །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱ། །བཀུག་ནས་རྡོ་རྗེ་ཕུར་པས་གདབ། །རྡུལ་དུ་བྱས་ནས་ཚོགས་ལ་དབུལ། །ཨེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །བཅིངས་འགྱུར་བསྐྱོད་ན་ཕྱོགས་བཅུར་གཡོ། །མྱོས་ནས་གལ་ཏེ་འཚིག་པར་འགྱུར། །པྃ་གྱི་ཚོགས་ཀྱི་དཀྱིལ་འཁོར་མཆོག །འབར་བའི་གཟི་ཆེན་ལྷུན་ཆེན་ལ། །ཆགས་པའི་ཡིད་ཀྱིས་མཆོད་སྦྱིན་བྱ། །རྡོ་རྗེ་གསུང་ཡང་དབང་དུ་འགྱུར། །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱས། །རྡོ་རྗེ་ཆགས་པའི་ཕུར་པས་གདབ། །ཆགས་པའི་ཚོགས་ལ་ཐིམ་པར་དབུལ། །བྃ་གྱི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །འགུག་འགྱུར་རྡོ་རྗེའང་ཕྱི་བཞིན་འབྲང་། །ཅི་འདོད་དེ་བཞིན་འོང་བར་འགྱུར། །མ་ཡི་ཚོགས་ཀྱི་དཀྱིལ་འཁོར་མཆོག །འབར་བའི་འདུ་འཕྲོ་གཟི་བྱིན་ལ། །དགའ་བའི་ཡིད་ཀྱིས་མཆོད་སྦྱིན་བྱ། །ཡོན་ཏན་ནམ་མཁའི་མཐའ་དང་མཉམ། །བདུད་རྩི་ལྔ་འམ་ཟས་ལྔ་ལ། །མཚན་མའི་མིང་དུ་བཅས་པར་བྱ། །ཡོན་ཏན་ཡིད་བཞིན་གཏེར་དུ་བརྟག །ང་རྒྱལ་དགའ་འཕྲོའི་ཕུར་པས་གདབ། །རྡོ་རྗེ་གཟི་བྱིན་འབར་བར་འགྱུར། །མ་ཡི་ཚོགས་ཀྱི་དཀྱིལ་ ― DNG011_Page_0160 ―
[མ་དཔེ་གཟིགས་ན་འདིར་གནོན།]
འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །གཟི་བྱིན་འབར་བའི་འཕྲུལ་ཆེན་འཕྲོ། །ཡིད་བཞིན་ནམ་མཁའ་གང་བར་འགྱུར། །ཡ་ཡི་ཚོགས་ཀྱི་དཀྱིལ་འཁོར་མཆོག །གསལ་བའི་གཟི་བརྗིད་འཚེར་བ་ལ། །དང་བའི་ཡིད་ཀྱིས་མཆོད་སྦྱིན་བྱ། །གཏུམ་པོ་རྔམ་པོ་ལྷན་ནེར་འགྱུར། །བདུད་རྩི་ལྔའམ་ཟས་ལྔ་ལ། །གཏུམ་རྔམ་འཁྲུག་པའི་ངོ་བོར་བརྟག །ལྷན་ནེར་གསལ་བའི་ཕུར་པས་གདབ། །འབར་བ་ལྷན་ནེའི་ཚོགས་སུ་དབུལ། །ཡ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་ནས་བསྡམས། །འབར་བ་ལྷན་ནེའི་བྱིན་གྱིས་ཁྱབ། །ཐམས་ཅད་གཡོ་བ་མེད་པར་བྱེད། །སླས་དང་བྱི་མོ་བྲན་མོའི་ཚོགས། །ལྷག་མའི་མཆོད་སྦྱིན་འདོད་པ་སྦྱིན། །རང་གི་དམ་ཚིག་རབ་བསྒྲགས་ན། །གང་འདོད་ལས་ནི་བྱེད་པར་བསྒོ། །སྔོན་ཚེ་དཔལ་ཆེན་ཧེ་རུ་ཀ །ཤིན་ཏུ་གདུག་ཅིང་གཏུམ་བག་ཅན། །ཐམས་ཅད་མ་ལུས་འདུལ་མཛད་པའི། །དབང་དང་བྱིན་བརླབས་རྨད་པོ་ཆེ། །ལྷ་ཆེན་ལ་སོགས་དབང་བསྡུས་ནས། །འཁོར་རྣམས་དབང་ཕྱུག་སླས་སུ་བྱས། །སོ་སོའི་ལས་རྣམས་བསྐོས་པ་དེ། །ཇི་ལྟར་ཁས་བླངས་དམ་བཅས་པ། །མ་ཐོགས་མྱུར་དུ་མངོན་པར་ཕྱུང་། །དམ་བཅས་བཞིན་དུ་མ་བྱས་ན། །ཇི་ལྟར་རང་གི་མནས་བོར་བའི། །སྡོམ་བྱས་དེ་ལས་འདའ་མ་བྱེད། །སྡོམ་བྱས་དེ་ལས་འདས་གྱུར་ན། །མགོ་ལུས་སྙིང་ཡང་ཚལ་པ་བདུན། །ཡཀྵ་ཁྲོ་བོས་གཏུབས་པར་འགྱུར། །དེ་བས་རྣལ་འབྱོར་སྔགས་འཆང་གིས། །ཇི་ལྟར་བཅོལ་བ་བཞིན་དུ་བྱོས། །ལས་དེ་མངོན་དུ་མ་བྱས་ན། །རང་གིས་ཁས་བླངས་མནས་བོར་བཞིན། །རུལ་མྱགས་ཚིག་ནས་དམྱལ་བར་འགྲོ། །རྣལ་འབྱོར་དམ་ལ་གནས་གྱུར་པའི། །ལས་རྣམས་ཡོངས་སུ་བྱ་བ་དང་། །འཁོར་རྣམས་བུ་གཅིག་བཞིན་དུ་སྐྱོངས། །ཕྲ་མེན་མ་ཡང་དངོས་གྲུབ་ཐོབ། །བཅོལ་བའི་ལས་རྣམས་མངོན་དུ་བྱོས། །ཞེས་བསྒོའོ། །ཁྲོ་བོ་བསྒྲུབ་པའི་ལས་ཀྱི་གཙོ་བོ་འདི་ཡིན་ནོ། །ཁྲག་འཐུང་ཆེན་པོ་ལ་སོགས་པའི། །བྲོ་གར་གླུ་ཚིག་ཆེན་པོ་ཡིས། །ཐམས་ཅད་ཐམས་ཅད་ཅི་འདོད་ ― DNG011_Page_0161 ―
[མ་དཔེ་གཟིགས་ན་འདིར་གནོན།]
པར། །ཐམས་ཅད་ཐམས་ཅད་བྱེད་པ་ཡིན། །མཛོད་ལྷ་ཆེན་པོ་ལ་སོགས་པའི། །བྲོ་གར་གླུ་ཚིག་ཆེན་པོས་ནི། །ཐམས་ཅད་ཀུན་ལ་ཟ་བར་བྱེད། །རྡུལ་ཆ་ཙམ་ཡང་མེད་པར་བྱེད། །འདུ་བར་འདོད་ན་འདུ་བར་བྱེད། །འཕེལ་བར་འདོད་ན་འཕེལ་བར་བྱེད། །སྦོས་མོ་ཆེན་མོ་ལ་སོགས་པའི། །བྲོ་གར་གླུ་ཚིག་ཆེན་པོས་ནི། །ལྷན་ནེར་འདོད་ན་ལྷན་ནེར་བྱེད། །རྨུགས་པར་འདོད་ན་རྨུགས་པར་བྱེད། །སེང་གདོང་ཆེན་མོ་ལ་སོགས་པའི། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཟ་བར་བྱེད། །རྡུལ་ཆ་ཙམ་ཡང་མེད་པར་བྱེད། །བཞད་གདོང་ཆེན་མོ་ལ་སོགས་པའི། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་འབྱིན་པར་བྱེད། །ཀུན་ལ་རབ་ཏུ་ཉམས་པར་བྱེད། །སླས་དང་བྱི་མོ་བྲན་མོ་ཡི། །བྲོ་གར་གླུ་ཚིག་ཆེན་མོས་ནི། །སྦད་ཅིང་གཏང་བར་བྱ་བ་སྟེ། །ཐམས་ཅད་ཐམས་ཅད་བྱེད་པ་ཡིན། །ལྗོན་པ་དང་ནི་ལྕུག་ཕྲན་ཚལ། །གདོང་གཅིག་མ་དང་མེ་རེག་དྲུག །དད་པའི་དགའ་བས་ཆགས་པ་དང་། །ཁྲོས་པས་ཀ་ལི་རབ་ཏུ་བྱ། །ཞེས་བརྗོད་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ཀྱིས་སྦྱོང་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ལྷུན་གྱིས་གྲུབ་པའི་ཕྲིན་ལས་བྱིན་གྱིས་བརླབས་པའི་ལེའུ་སྟེ་ཉི་ཤུ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོའི་ཚོགས་ཀྱི་དཀྱིལ་འཁོར་གྱིས་ཤིན་ཏུ་རྔམ་པའི་གདངས་ཀྱིས་གླུ་འདི་བླངས་སོ། །ཧཱུྃ་གཏུམ་ཆེན་དུས་མཐའི་མེ་ལྟར་འབར། །འོད་ཟེར་ཉི་མ་འབུམ་གྱི་གཟི། །ཁྲོ་གཉེར་གློག་སྟོང་འགྱུ་བ་བཞིན། །མཆེ་བ་ཟང་ཡག་ཟ་བྱེད་ཆེ་ཧོཿ། །ཧཱུྃ་རྔམ་པའི་ང་རོ་འབྲུག་སྟོང་ལྡིར། །གཏུམ་ཆེན་རི་རབ་འབུམ་བསྙིལ་སྐད། །ཨ་ཨ་ཧ་ལའི་གད་རྒྱངས་ཆེ། །དབྱུག་པའི་འཐོར་རླུང་གཡེང་བ་ཆེ་ཧོཿ། །ཧཱུྃ་ཁྲོ་བོ་ཤེས་རབ་འོད་པོ་ཆེ། །ཡེ་ཤེས་དཀྱིལ་འཁོར་ཀུན་དུ་གསལ། །འབར་བའི་ཡེ་ཤེས་ཀུན་དུ་འཇོམས། །སྣ་ཚོགས་ཡེ་ཤེས་ཐིག་ལེ་ཆེ་ཧོཿ། །ཧཱུྃ་ཁྲོ་བོའི་རྒྱལ་པོ་སྤྲིན་ཆེན་པོ། །ཁྲོས་པའི་དཀྱིལ་འཁོར་ཆར་ཆེན་འབེབས། །དཀྱིལ་འཁོར་ཡིད་བཞིན་འབྱུང་བའི་གཏེར། །སྣ་ཚོགས་ཁྲོས་པའི་ཐིག་ ― DNG011_Page_0162 ―
[མ་དཔེ་གཟིགས་ན་འདིར་གནོན།]
ལེ་ཆེ་ཧོཿ། །ཧཱུྃ་བདུད་ཀུན་གྱི་ནི་བདུད་ཆེན་པོ། །བདུད་ཀྱི་བདུད་དེ་བདུད་རྣམས་འཇོམས། །འཇིགས་པའི་ཚོགས་ཀྱང་འཇིགས་བྱེད་པ། །འཇིགས་བྱེད་ཆེན་པོ་ཐིག་ལེ་ཆེ་ཧོཿ། །རྡོ་རྗེ་བྲག་སྟེ་སྲ་བ་པོ། །རྡོ་རྗེ་ཆུ་བོ་སྡུད་པ་པོ། །རྡོ་རྗེ་མེ་སྟེ་ཀུན་འབར་ཆེ། །རྡོ་རྗེ་རླུང་སྟེ་འཐོར་རླུང་ཆེ་ཧོཿ། །ཞེས་ཆེད་དུ་གླུ་འདི་བླངས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོ་ལ་བསྟོད་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་དེ་བཞིན་གཤེགས་པ་ཉིད་ལ་སྔགས་ཀྱི་རྒྱལ་པོ་བརྟན་པར་གཟུང་བ་འདི་ཆེད་དུ་བརྗོད་དོ། །ཀྱེ་ཀྱེ་ཕྱོགས་བཅུ་དུས་བཞིའི་རང་བཞིན་འདི། །དེ་བཞིན་གཤེགས་པའི་ངོ་བོ་ཉིད། །གཟུང་འཛིན་སྤྲོས་ལ་འཆེལ་བ་ཡི། །རྣམ་རྟོག་ཞགས་པས་སོ་སོར་ཟིན། །ས་རྣམས་ཁྱད་པར་བཀོད་པ་ཡང་། །གསང་བའི་སྙིང་པོར་འགྲོ་བའི་ལམ། །ཡེ་ཤེས་ངོ་མཚར་རབ་འབྱམ་ཀུན། །དོན་དུ་མི་འགྱུར་ཡོང་མ་གསུངས། །དེ་བཞིན་གཤེགས་པ་ཐམས་ཅད་ཀྱི། །ཕྱག་རྒྱ་གསང་ཆེན་ངེས་པ་འདི། །རྟོགས་ནས་སྨྲ་བར་གང་བྱེད་པ། །དེ་ཉིད་ང་ཡིན་དབང་ཡང་རྫོགས། །དེ་བཞིན་གཤེགས་པ་ཐམས་ཅད་ལ། །གསང་བ་འདི་ལས་གཞན་མི་མངའ། །སྒྲོ་དང་སྐུར་པ་ཞི་བ་ཡི། །གསང་བའི་སྙིང་པོ་དེ་ཁོ་ན། །ཉིད་དེ་ངེས་པའི་དབྱིངས་ནས་ཕྱུང་། །དེ་ནི་ངེས་པར་ལུང་བསྟན་ཏེ། །སྲས་ནི་ཐུགས་ལས་སྐྱེས་པ་ཡིན། །ས་རབ་རིག་པ་འཛིན་ལ་གནས། །ཞེས་བརྗོད་པས། དེ་བཞིན་གཤེགས་པ་ཐམས་ཅད་དབྱེར་མེད་པར་དགྱེས་ནས་དུས་བཞི་མཉམ་པ་ཉིད་ཀྱི་དབྱིངས་སྐུ་གསུང་ཐུགས་ཀྱི་ལྷུན་སྟུག་པོ་བཀོད་པའི་རྒྱན་ཉིད་དུ་བཞུགས་སོ། །འཕགས་པ་རྟོག་པའི་རྒྱལ་པོ་སྒྱུ་འཕྲུལ་དྲ་བའི་ལེའུ་སྟོང་ཕྲག་བརྒྱ་པ་ལས་མཚན་ཉིད་དང་རྒྱུད་ཐམས་ཅད་ཀྱི་ལུང་གི་སྤྱི། དེ་བཞིན་གཤེགས་པ་ཐམས་ཅད་ཀྱི་གསང་བ། གསང་བའི་སྙིང་པོ་དེ་ཁོ་ན་ཉིད་ངེས་པའི་ལེའུ་ལས་ཐམས་ཅད་མ་ལུས་པར་སྤྲོས་ཏེ་འཁོར་ལོ་བསྐོར་བ་དེ་དག་གི་འབྲས་བུའི་མཆོག་གོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་མཉེས་པ་དང་ཡོངས་སུ་གཟུང་བའི་ལེའུ་སྟེ་ཉི་ཤུ་རྩ་གཉིས་པ་རྫོགས་སྷོ།། །། རྡོ་རྗེ་སེམས་དཔའི་སྒྱུ་འཕྲུལ་དྲ་བ་གསང་བ་ཐམས་ཅད་ཀྱི་མེ་ལོང་ཞེས་བྱ་བའི་རྒྱུད།― DNG011_Page_0163 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་སཏྭ་མཱ་ཡཱ་ཛ་ལ་གུ་ཧྱ་སརྦ་ཨཱ་དཪྴ་ནཱ་མ་ཏནྟྲ། བོད་སྐད་དུ། རྡོ་རྗེ་སེམས་དཔའི་སྒྱུ་འཕྲུལ་དྲ་བ་གསང་བ་ཐམས་ཅད་ཀྱི་མེ་ལོང་ཞེས་བྱ་བའི་རྒྱུད། ཨོཾ་རྣམ་པར་སྣང་མཛད་ལ་ཕྱག་འཚལ་ལོ། །ཧཱུྃ་མི་བསྐྱོད་པ་ལ་ཕྱག་འཚལ་ལོ། །ཨོཾ་སྣང་བ་མཐའ་ཡས་ལ་ཕྱག་འཚལ་ལོ། །དེ་ནས་དཔལ་ལྡན་རྡོ་རྗེ་འཆང་། །རྒྱལ་བ་ཀུན་གྱི་གསང་བའི་བདག །ཀུན་གྱིས་དབང་བསྐུར་གཏེར་འཛིན་པས། །དགྱེས་ཤིང་སྤྱན་གདངས་གུས་བཅས་པས། །རྒྱལ་བ་ཀུན་ལ་བསྟོད་བསྐོར་ནས། །སྤྱན་སྔར་གུས་འདུག་འདི་སྐད་གསོལ། །ཨེ་མའོ་སངས་རྒྱས་ཀུན་གྱི་གསུང་། །རྟོག་པ་ཀུན་གྱི་རྒྱལ་པོ་སྟེ། །ཆོ་ག་རྒྱས་པར་བསྟན་པའི་རྒྱུད། །དྲི་མེད་ཟབ་མོ་བརྟག་དཀའ་བ། །འདུལ་བ་མདོ་སྡེ་ཆོས་མངོན་དང་། །དམ་ཚིག་བསྒྲུབ་དང་གྲུབ་པ་དང་། །སྐུ་གསུང་ཐུགས་ཀྱི་ཆོ་གའི་རྒྱུད། །མ་ལུས་གཏན་ལ་འབེབས་པ་འདི། །རྡོ་རྗེ་སེམས་དཔའ་ཇི་ལྟར་ལགས། །སྒྱུ་འཕྲུལ་གང་གིས་བསྟན་པ་དེ། །དྲ་བའི་རྒྱུད་དེ་གང་ཕྱིར་བསྟན། །ལུང་ནི་གང་ཕྱིར་བརྗོད་པ་ཉིད། །གང་ཕྱིར་སྤྱི་ཞེས་བྱ་བར་བཤད། །གསང་བ་ཞེས་ནི་ཇི་ལྟ་བུ། །སྙིང་པོའི་དོན་ནི་ཅི་ཡི་ཕྱིར། །དེ་ཁོ་ཉིད་ཅེས་ཇི་ལྟར་བརྗོད། །ངེས་པ་ཞེས་པ་ཅི་ཡི་ཕྱིར། །མཚན་འདི་གང་ཟག་གང་ལ་གསུངས། །མཚན་གྱི་དྲི་བ་དྲིས་པའོ། །ཐུན་མོང་ཁྱད་པར་ཚུལ་ཉིད་ཀྱི། །སྟོན་པ་ཞེས་ནི་ཅི་ཡི་ཕྱིར། །གནས་དང་འཁོར་ནི་ཇི་ལྟ་བུ། །དུས་དང་སྡུད་པ་ཇི་ལྟ་བུ། །མི་བསྐྱོད་པ་ནི་ཇི་ལྟར་བྱ། །རྣམ་པར་སྣང་མཛད་ཇི་ལྟར་བརྗོད། །རིན་ཆེན་འབྱུང་ལྡན་གང་གི་ཕྱིར། །སྣང་བ་མཐའ་ཡས་གང་གི་ཕྱིར། །དོན་ཡོད་གྲུབ་པ་ཇི་ལྟ་བུ། །སྤྱན་དང་ནམ་མཁའི་དབྱིངས་མ་དང་། །གོས་དཀར་མོ་དང་མཱ་མ་ཀཱི། །སྒྲོལ་མ་ཞེས་པ་གང་གི་ཕྱིར། །ས་ཡི་སྙིང་པོ་ཅི་ཡི་ཕྱིར། །ནམ་སྙིང་སྤྱན་རས་གཟིགས་དབང་དང་། །ཕྱག་ན་རྡོ་རྗེ་གང་ཕྱིར་བརྗོད། །སྒེག་མོ་ཕྲེང་དང་གླུ་གར་ཅི། །བྱམས་དང་སྒྲིབ་སེལ་ཀུན་བཟང་དང་། །འཇམ་དཔལ་ཞེས་པ་ཅི་ཡི་ཕྱིར། །དུས་བཞི་བདུག་སྤོས་མེ་ཏོག་ ― DNG011_Page_0164 ―
[མ་དཔེ་གཟིགས་ན་འདིར་གནོན།]
དང་། །མར་མེ་དྲི་ཆབ་གང་ཕྱིར་བརྗོད། །རྣམ་རྒྱལ་གཤིན་རྗེ་གཤེད་པོ་དང་། །རྟ་མགྲིན་བདུད་རྩི་འཁྱིལ་པ་ཅི། །ལྕགས་ཀྱུ་ཞགས་པ་ལྕགས་སྒྲོག་དང་། །དྲིལ་བུ་ཞེས་པ་གང་ཕྱིར་བརྗོད། །ཡིད་དང་ཆོས་བཟང་གཉིས་ཅི་ཕྱིར། །གཙོ་བོས་བདག་ལ་ངེས་པར་གསུངས། །གང་ཕྱིར་ཐུན་མོང་མ་ཡིན་པའི། །ནང་དང་གསང་བའི་གླེང་གཞི་ལས། །སྟོན་པ་བསྟན་པ་གནས་དང་འཁོར། །དུས་དང་སྡུད་པ་ཇི་ལྟར་བརྗོད། །གྲགས་པ་ཐུན་མོང་གླེང་གཞི་ལས། །སྟོན་པ་འཁོར་གནས་དུས་ཇི་ལྟར། །བསྟན་པ་སྡུད་པ་ཇི་ལྟ་བུ། །སྐྱེས་བུ་ཆེན་པོས་བཤད་དུ་གསོལ། །འདི་ནི་གླེང་གཞིའི་དྲི་བ་ཚིགས་སུ་བཅད་པའོ། །ཐུན་མོང་ཐུན་མོང་མ་ཡིན་པའི། །གླེང་བསླང་གཉིས་སུ་ཅི་ཕྱིར་འགྱུར། །གང་གིས་གང་ལ་གླེང་བསླང་ཞིང་། །ཐབས་དང་འབྲས་བུ་ཅི་ཡིན་སྟོན། །ཐུན་མོང་ཐུན་མོང་མ་ཡིན་པའི། །སེམས་ལྔ་ཡེ་ཤེས་ལྔ་ཡི་རིམ། །གང་དང་འདྲེལ་པ་བཤད་དུ་གསོལ། །འདི་ནི་གླེང་བསླང་བའི་ཚིགས་སུ་བཅད་པའོ། །སྐྱེས་བུ་ཆེན་པོ་སྟོན་པའི་གཙོ། །སྒྱུ་འཕྲུལ་དྲ་བར་མངའ་བརྙེས་ཤིང་། །ཕུན་སུམ་ཚོགས་པ་ཆོས་ཀྱི་རྗེ། །གཟི་བརྗིད་ཕུང་པོ་ཕུན་སུམ་ཚོགས། །བལྟ་བྱ་གང་ལ་ཅི་ཡི་ཕྱིར། །གང་གིས་རྟོགས་པས་ཇི་ལྟར་འགྱུར། །རྟོགས་དང་མ་རྟོགས་ཁྱད་པར་ཅི། །རྟོགས་པའི་སྒོ་ནི་དུ་རུ་གསུངས། །གཏན་ཚིགས་ཚུལ་དང་འབྲས་བུ་ཅི། །འདི་ནི་ལྟ་བའི་དྲི་བའོ། །ཐུན་མོང་སྤྱོད་པ་ཅི་ཡི་ཕྱིར། །ཐུན་མོང་མ་ཡིན་གང་ཅིའི་ཕྱིར། །ཤེས་རབ་ཚོགས་དང་ཐུགས་རྗེ་དང་། །རྟོགས་དང་ཕྱོགས་གཅིག་སྤྱོད་པ་དང་། །འདྲེལ་དང་རིག་འཛིན་སྤྱོད་པ་ཅི། །གང་གིས་གང་ལ་ཇི་ལྟར་སྤྱད། །དེ་ཡི་འབྲས་བུ་གང་ཕྱིར་འགྱུར། །གང་དུ་དེ་དང་མི་ལྡན་པའི། །སྤྱད་པའི་སྐྱོན་ཉིད་བདག་ལ་གསུངས། །འདི་ནི་སྤྱོད་པའི་ཁྱད་པར་གྱི་དྲི་བའོ། །ཐུན་མོང་སྤྱི་དང་ཁྱད་པར་གྱི། །རང་བཞིན་ཉིད་དང་ལྷུན་གྲུབ་ཀྱི། །དཀྱིལ་འཁོར་ཞེས་པ་གང་ཅིའི་ཕྱིར། །དེ་ཉིད་ཕྱི་ནང་གསང་བ་དང་། །འདུལ་ཐབས་གཉིས་སུ་ཇི་ལྟར་འགྱུར། །ཏིང་འཛིན་དཀྱིལ་འཁོར་རིམ་གསུམ་གང་། །ལྷག་པ་ ― DNG011_Page_0165 ―
[མ་དཔེ་གཟིགས་ན་འདིར་གནོན།]
ཏིང་འཛིན་ཞེས་བྱ་བ། །གཉིས་ལ་སྐུ་གསུང་ཐུགས་སྦྱོར་དང་། །ཕྱི་ནང་གསང་བའི་རིམ་པ་ཅི། །གཟུགས་བརྙན་དཀྱིལ་འཁོར་ཇི་ལྟ་བུ། །གང་ཕྱིར་གཟུགས་བརྙན་ཞེས་བརྗོད་ཅིང་། །གང་གི་གཟུགས་བརྙན་གང་ལ་སྣང་། །ཕྱི་ནང་གསང་བར་ཇི་ལྟར་འགྱུར། །ལྷག་པ་ཞེས་པ་གང་ཕྱིར་ཏེ། །གཟུགས་བརྙན་ཞེས་པ་ཇི་ལྟ་བུ། །གཉིས་དང་གསུམ་དང་དྲུག་བསྟན་ཅིང་། །དོན་དམ་ཀུན་རྫོབ་བྱང་ཆུབ་སེམས། །ཕྱི་ནང་གསང་བ་ཇི་ལྟར་སྦྱོར། །ཚོགས་ཀྱི་དཀྱིལ་འཁོར་གཉིས་ཅི་ཞིག །གང་གིས་གང་དུ་གང་ཚོགས་ནས། །ཇི་ལྟར་སྤྱད་པས་ཅི་ཞིག་འགྲུབ། །འདི་དག་བསྟན་པའི་དགོངས་པ་ཅི། །གནས་སྐབས་གང་དང་འདྲེལ་པར་འགྱུར། །ཡན་ལག་རྩ་བ་གང་དང་འདྲེལ། །དཀྱིལ་དང་འཁོར་དུ་ཇི་ལྟར་བརྟག །གསུངས་ཤིག་སྐྱེས་བུ་མཆོག་ཆེན་པོ། །གང་དང་ངེས་པ་མ་རྙེད་པར། །ཀུན་གྱི་སྤྱོད་པར་མ་གྱུར་པ། །ལེགས་པར་གསུངས་ཤིག་རྒྱལ་མཆོག་ཆེ། །འདི་ནི་དཀྱིལ་འཁོར་གྱི་དྲི་བ་དྲིས་པའོ། །གང་གིས་གང་ལ་གང་དག་ཏུ། །ཇི་ལྟར་དབང་བསྐུར་ཕུན་སུམ་ཚོགས། །བདག་གིས་ཇི་ལྟར་ཤེས་པར་བགྱི། །གང་དང་གང་དུ་ཇི་ལྟར་འདྲེལ། །སྐྱོན་དང་ཡོན་ཏན་ཇི་ལྟ་བུ། །འབྲས་བུ་རིམ་པ་བཤད་དུ་གསོལ། །འདི་ནི་འཇུག་པའི་ཆོ་ག་དུ། །ལས་ཀྱི་རིམ་པ་ཇི་ལྟ་བུ། །རྡོ་རྗེ་སེམས་དཔའ་བདེ་ཆེན་པོ། །སྒྱུ་འཕྲུལ་དྲ་བ་མངོན་རྫོགས་པའི། །ཐབས་དང་ཤེས་རབ་གཉིས་མེད་པས། །བདག་གི་ཐེ་ཚོམ་བསལ་དུ་གསོལ། །འདི་ནི་དབང་གི་དོན་མཐའ་དག་ལ་དྲི་བ་དྲིས་པའོ། །གང་ལ་གང་གིས་བརྟེན་པ་ཡི། །དམ་ཚིག་ཅེས་པ་ཅི་ཡི་ཕྱིར། །རྩ་བ་དམ་ཚིག་དུ་ཞིག་བསྟན། །གང་ཕྱིར་རྩ་བར་བརྗོད་པར་བྱ། །ཡན་ལག་དུ་ཞིག་བསྟན་པ་གསུངས། །འདི་དག་ལམ་དང་བསྙེན་བསྒྲུབ་དང་། །གང་ཟག་གང་དོན་ཇི་ལྟར་འདྲེལ། །བསྲུངས་དང་འདས་པའི་སྐྱོན་ཡོན་ཅི། །ཕྱི་ནང་གསང་བར་ཇི་ལྟར་གསུངས། །ལྟ་དང་སྤྱོད་དང་སྒྲུབ་པ་དང་། །ཤེས་བྱ་ཏིང་འཛིན་དམ་ཚིག་ཏུ། །གྲུབ་དང་མི་སྤོང་བསྲུང་ཅི་ཞིག །རྒྱལ་མཆོག་སྐྱེས་བུས་བཤད་དུ་གསོལ། །ཐུན་མོང་ཐུན་མོང་མ་ཡིན་པའི། ། ― DNG011_Page_0166 ―
[མ་དཔེ་གཟིགས་ན་འདིར་གནོན།]
མཆོག་དང་མཆོག་གྱུར་མ་ཡིན་པའི། །བསྒྲུབ་པའི་ཁྱད་པར་ཇི་ལྟ་བུ། །གང་གིས་གང་དུ་ཇི་ལྟར་བསྒྲུབ། །དགུག་དང་བཅིང་དང་གསོ་དང་བསད། །དབྱེ་དང་བསྐྲད་དང་ཕམ་རྒྱལ་ཅི། །གཏེར་དང་མིག་རྣོན་རྐང་མགྱོགས་དང་། །རིག་འཛིན་གོ་འཕང་ཇི་ལྟར་སྒྲུབ། །རྒྱལ་བ་མཆོག་གིས་བཤད་དུ་གསོལ། །འདི་སྒྲུབ་པའི་དྲི་བ་དྲིས་པའོ། །ཕྲིན་ལས་རིམ་པ་གང་ཅི་ཞིག །གང་གིས་གང་དུ་བརྩམ་པར་བྱ། །ཐབ་དང་རྫས་དང་ཕུར་བུ་ཅི། །ཏིང་འཛིན་འདུག་སྟངས་ཧོམ་ཁུང་ཅི། །གདུལ་བྱ་རིམ་པ་གང་ཅི་ཞིག །ཁྱད་པར་རིམ་པ་ཇི་ལྟར་བཤད། །འབྲས་བུ་ཡོན་ཏན་ཇི་ལྟར་འགྱུར། །གསུངས་ཤིག་གསུངས་ཤིག་རྒྱལ་མཆོག་གཙོ། །ཐེ་ཚོམ་ལེགས་པར་ཆོད་པར་མཛོད། །འདི་ནི་ཕྲིན་ལས་ཀྱི་དྲི་བ་དྲིས་པའོ། །རྨད་འབྱུང་སྐྱེས་བུ་གང་ཞིག་གིས། །དང་པོ་ལམ་ཚུལ་ཇི་ལྟ་བུ། །ཕྱི་ནང་གསང་བའི་ལམ་ཅི་ཕྱིར། །སྟོང་པའི་རྣལ་འབྱོར་སྙིང་རྗེ་ཆེ། །ཕྱག་རྒྱ་ཅིག་དང་སྤྲོས་བཅས་ཅི། །རྣམ་སྨིན་དབང་སྒྱུར་ཕྱག་རྒྱ་དང་། །ལྷུན་གྱིས་གྲུབ་པའི་མཚན་ཉིད་ཅི། །མཐར་ཕྱིན་རྣམ་པ་དུ་ཞིག་གསུངས། །ཕྱི་ནང་གསང་བ་མཐར་ཕྱིན་པའི། །འབྲས་བུ་བདག་གཞན་དོན་ཉིད་ཅི། །ཉི་ཤུ་རྩ་ལྔའི་དོན་ཅི་ལྟར། །གང་དག་རྟོག་པའི་རྒྱལ་པོ་སྟེ། །སྒྱུ་འཕྲུལ་དྲ་བ་བླ་ན་མེད། །ཀུན་ལམ་འབྲས་བུ་ཐུགས་ཆུད་པ། །ཆོ་ག་རྒྱས་པར་བཤད་པའི་རྒྱུད། །སྐལ་ངན་རྣམས་ཀྱིས་མ་རྟོགས་པའི། །གསང་བ་གསང་ཆེན་མདོ་སྡེ་དང་། །འདུལ་བ་ཆོས་ཀྱི་ཕུང་པོ་དག །ནམ་མཁར་མཐའ་ཐུག་བཤད་པ་ཀུན། །གསང་བའི་སྙིང་པོ་ལས་འཕྲོས་པས། །ཇི་སྙེད་བསྐྱེད་དང་རྫོགས་པའི་ལམ། །མ་ལུས་ཀུན་གྱི་སྙིང་པོ་འདི། །ཐེག་པ་དམན་དང་མ་སྦྱངས་དང་། །རིགས་ཆད་དབང་དང་མན་ངག་བྲལ། །ཇི་ལྟར་བལྟས་ཀྱང་མི་སྣང་བ། །སྐྱེས་བུ་མཆོག་གི་སྤྱོད་ཡུལ་བས། །རྡུལ་སྙེད་སྦྱངས་པའི་གང་ཟག་ལ། །གསང་ཕྱིར་གསང་བའི་ཐབས་དག་གིས། །དངོས་གྲུབ་མཐའ་ཡས་གྲུབ་ཕྱིར་བསྟན། །ཕྱི་ནང་སྣོད་བཅུད་མ་ལུས་པའི། །རྟེན་དང་བརྟེན་པར་བཅས་པའི་ཆོས། །ཇི་ལྟར་གྲགས་དང་གྲགས་གྱུར་པའི། །ཐམས་ཅད་མ་ལུས་རྒྱུ་གཅིག་ཀྱང་། །རྐྱེན་སྟོབས་ནུས་པ་སོ་སོར་ ― DNG011_Page_0167 ―
[མ་དཔེ་གཟིགས་ན་འདིར་གནོན།]
སྣང་། །ཁྱད་པར་རིམ་པར་གང་གནས་པ། །རང་བཞིན་གདུལ་བྱ་བདེ་གཤེགས་དང་། །འཁྲུལ་པའི་དབང་གིས་སོ་སོར་སྣང་། །མ་བཅོས་ངང་ལ་ཐ་དད་མེད། །རང་སྣང་ལས་ཀྱིས་ཐ་དད་པའི། །བྱེ་བྲག་རྣམ་པར་བསྟན་པ་ཀུན། །དེ་བཞིན་ཉིད་ལ་དགོད་བྱའི་ཕྱིར། །རྒྱལ་མཆོག་བདེ་ཆེན་ཡོངས་གང་བས། །དྲི་བའི་དོན་འདི་ལུང་བསྟན་ཅིང་། །ཐབས་དང་ཤེས་རབ་འདྲེལ་གྱུར་པའི། །གསང་བའི་དོན་ལ་དགོད་དུ་གསོལ། །སྒྱུ་འཕྲུལ་དྲ་བ་རྡོ་རྗེ་སེམས་དཔའ་གསང་བ་མེ་ལོང་གི་རྒྱུད་ལས་དྲི་བ་རྩ་བའི་རྒྱུད་ཅེས་བྱ་བ་བཤད་པ་རྟོག་པའི་རྒྱལ་པོ་རྫོགས་སྷོ།། །།དེ་ནས་གསང་བདག་རྡོ་རྗེ་འཆང་། །སྐྱེས་བུ་མཚན་དཔེ་རབ་ལྡན་ཅིང་། །དཔག་མེད་རྒྱལ་བས་རབ་བསྐོར་ཞིང་། །རང་འབྱུང་དག་པའི་གཞལ་ཡས་ན། །ཐབས་དང་ཤེས་རབ་འཁྲིལ་སྦྱོར་ཞིང་། །ཀུན་ཀྱང་དེ་དང་མཐུན་པ་སྟེ། །འཛུམ་ཞིང་སྟེག་པས་སོས་འདེབས་ཤིང་། །དགྱེས་པའི་ཚུལ་གྱིས་བཀའ་སྩལ་པ། །དཔག་མེད་རྒྱལ་བས་གསུངས་པ་དང་། །གསུང་དང་གསུང་འགྱུར་ཐུགས་ཀྱི་རྒྱུད། །ཐོག་མ་བར་དང་མཐར་དགེ་བ། །ཐབས་དང་ཤེས་རབ་དབྱེར་མེད་པའི། །ཆོ་ག་རྒྱས་པར་དྲིས་པའི་མཆོག །ཉོན་ཅིག་ད་ནི་སེམས་དཔའ་བཤད། །ཆོས་རྣམས་མ་ལུས་གཉིས་མེད་པའི། །རང་རིག་བྱང་ཆུབ་སེམས་ཉིད་དེ། །ཐ་དད་མེད་པའི་རང་བཞིན་ཉིད། །རྡོ་རྗེ་ཞེས་ནི་བཤད་པ་ཡིན། །རང་བཞིན་མཐའ་ཐུག་མེད་པའི་ཆོས། །ཐབས་དང་ཤེས་རབ་འདྲེལ་པ་ཡིས། །ཐུགས་སུ་ཆུད་ཅིང་མངོན་རྟོགས་པ། །ཕྱི་ནང་གསང་བའི་སེམས་དཔར་བཤད། །རང་བཞིན་ཐབས་དང་འབྲས་བུའི་དོན། །ནུས་པའི་རིམ་པ་སྩལ་སྣང་བ། །ཐབས་དང་ཤེས་རབ་འདྲེལ་པའི་དོན། །སྒྱུ་འཕྲུལ་ཞེས་ནི་བཞིར་བཤད་དོ། །ཐ་དད་མིན་ལས་ཐ་དད་པའི། །ངོ་བོ་ཐབས་དང་བདག་ཉིད་དང་། །བྱིན་བརླབས་ཤུགས་ཀྱིས་འདྲེལ་བ་ནི། །དྲང་བའི་དོན་ཞེས་བཤད་པ་ཡིན། །མ་བརྗོད་གྲགས་པའི་བསྟན་པ་ཉིད། །སྒྲོ་སྐུར་མེད་དང་ཞལ་ནས་གསུངས། །དྲི་མ་མེད་པའི་ལུང་ཉིད་དེ། །ལས་དང་ཡེ་ཤེས་སྤྱི་ཉིད་དང་། །རྫོགས་པས་རྫོགས་ ― DNG011_Page_0168 ―
[མ་དཔེ་གཟིགས་ན་འདིར་གནོན།]
ཕྱིར་ལུང་ཉིད་དེ། །བསྟན་པ་སྤྱི་ཡི་བདག་ཉིད་ནི། །ཐམས་ཅད་ཀུན་གྱི་བདག་ཉིད་པས། །གཅིག་དང་དུ་མ་མི་གནས་ཀྱང་། །སོ་སོའི་བསྟན་པ་རྒྱ་མཚོའི་རྒྱུད། །འདི་སྟོན་འདིས་སྟོན་འདི་ཕྱིར་སྟོན། །དོན་ཀུན་འདི་ལ་ཡོངས་རྫོགས་པས། །ལུང་གི་སྤྱི་ཞེས་བཤད་པ་ཡིན། །གང་ཕྱིར་གསང་བ་ཞེས་བྱ་བ། །སྐུ་དང་གསུང་ཐུགས་བདག་ཉིད་དེ། །རང་བཞིན་ཡེ་ནས་ངོ་བོ་དང་། །ཐབས་དང་འབྲས་བུར་གྱུར་པ་ཉིད། །གསང་བའི་དོན་དུ་འདི་བརྗོད་དོ། །ངང་གིས་དམན་དང་མ་སྦྱངས་དང་། །དབང་དང་དམ་ཚིག་བྲལ་བ་དང་། །རང་བརྟགས་བསྒྲིབས་པས་སའི་ཁྱད་པར། །དེ་དང་དེ་ཡི་དབང་གིས་ན། །རོ་མྱང་བྲལ་ཕྱིར་གསང་བར་བཤད། །རང་བཞིན་ཐབས་དང་འབྲས་བུ་ཡི། །ཆོས་རྣམས་ཐིག་ལེ་ཆེན་པོའི་དོན། །འཇིག་རྟེན་འདས་དང་འཇིག་རྟེན་པ། །མ་ལུས་རོ་གཅིག་དབྱེར་མེད་པ། །ཇི་སྙེད་ཐེག་པའི་ཁྱད་པར་དང་། །བསྟན་པའི་བྱེ་བྲག་གནས་པ་རྣམས། །འདིར་འདུས་ཐབས་འདིས་མཚོན་པ་དང་། །རྩ་བར་གྱུར་པ་ཁོ་ན་ཡིན། །ཐབས་དང་ཤེས་རབ་གཉིས་མེད་པའི། །བྱང་ཆུབ་སེམས་ཉིད་བདེ་བ་ཆེ། །རང་འབྱུང་ཡེ་ཤེས་ཐོག་མཐའ་མེད། །རྡོ་རྗེ་སེམས་དཔའི་བདག་ཉིད་དེ། །རྒྱལ་བའི་བྱིན་བརླབས་རབ་སྣང་བ། །བསམ་གྱིས་མི་ཁྱབ་ཆེ་བ་རྣམས། །འདི་ལས་སྟོན་པས་སྙིང་པོ་སྟེ། །སྙིང་པོ་དང་ནི་འོད་བཞིན་ནོ། །རྒྱུ་དང་འབྲས་བུ་བཅུད་འདུས་པས། །སྙིང་པོ་ཞེས་ནི་བཤད་པ་ཡིན། །གང་ཕྱིར་ཐམས་ཅད་བྱང་ཆུབ་སེམས། །མཐའ་དབུས་ཡོངས་སུ་མ་ཆད་པ། །དངོས་པོ་གསུམ་གྱིས་ཁྱབ་གྱུར་པ། །ཡོངས་སུ་རྫོགས་པའི་རྒྱུ་ཡིན་ནོ། །ཐབས་དང་ཤེས་རབ་དབྱེར་མེད་པའི། །དེ་བཞིན་ཉིད་དུ་རྡོ་རྗེས་རིག །བདག་དང་གཞན་དོན་ནུས་པ་རྫོགས། །འབྲས་བུའི་དེ་ཁོ་ན་ཉིད་དོ། །གང་ཕྱིར་དངོས་གཉིས་ཐ་དད་པར། །ལོག་པར་བརྟགས་པའི་སྣང་བ་རྣམས། །མུན་ལ་སྣང་དང་གསེར་འགྱུར་ལྟར། །རོ་གཅིག་ཐབས་ཀྱི་དེ་ཁོ་ན། །དེ་ཕྱིར་དེ་ཁོ་ན་ཞེས་བརྗོད། །དངོས་པོ་སྣ་ཚོགས་དབྱེར་མེད་པའི། །ཐ་དད་དོན་མིན་དོན་གཅིག་མིན། །དེ་ཉིད་གསང་བའི་ངེས་པ་ནི། །གཞི་དང་ལམ་དང་ངོ་བོ་དང་། ། ― DNG011_Page_0169 ―
[མ་དཔེ་གཟིགས་ན་འདིར་གནོན།]
ངེས་པས་ངེས་པ་གསུམ་དུ་བསྟན། །གང་དུ་ཐེག་པ་བཞི་གསུངས་པ། །འགྲོ་བ་འདྲེན་ཕྱིར་མ་ངེས་པ། །རོ་གཅིག་ཐེག་པར་ངེས་གནས་པ། །ངེས་པའི་ཐེག་པ་བླ་ན་མེད། །རང་བཞིན་མ་བཅོས་རང་བྱུང་ལས། །བྱ་བྱེད་ངང་གིས་བྲལ་བ་ཡི། །སྣ་ཚོགས་སྒྱུ་མའི་དཀྱིལ་འཁོར་འཕྲུལ། །རང་སྣང་སྒྱུ་འཕྲུལ་དྲ་བའོ། །རང་བཞིན་མཐའ་དབུས་མེད་པ་ལས། །རྒྱུ་རྐྱེན་ལས་ཀྱིས་སོ་སོར་འཁྲུལ། །དེ་ཉིད་བྱང་ཆུབ་སེམས་ཉིད་དེ། །མཐའ་དབུས་མེད་པར་མཉམ་པར་གནས། །དེ་ལྟར་སོ་སོར་སྣང་བའི་རྒྱུད། །ནམ་མཁའ་དང་རིས་ཕྱེ་བ་ལྟར། །རྒྱུད་ཆེན་སྒྱུ་འཕྲུལ་དྲ་བ་ཡི། །ལམ་གཉིས་འདྲེལ་པར་མངོན་བསྒོམས་པས། །ཐབས་དང་ཤེས་རབ་དབྱེར་མེད་པའི། །བདེ་ཆེན་ཐིག་ལེ་མངོན་སྣང་བ། །འཇུག་དང་གྲོལ་བའི་ལམ་ཉིད་དེ། །སྒྱུ་འཕྲུལ་དྲ་བའི་ལམ་དུ་བརྗོད། །རང་བཞིན་ཡོངས་ཀྱིས་ཁྱབ་པ་ཡི། །དངོས་དབང་ཐབས་ཀྱིས་འདྲེལ་བ་ཡིས། །རིམ་པ་ཇི་བཞིན་སྟོབས་གྱུར་པས། །ཁྱད་པར་ཐབས་ཀྱི་སྒྱུ་འཕྲུལ་ཡིན། །ཐོག་མ་མེད་པའི་རྡོ་རྗེ་སེམས། །ཆོས་ཀུན་རང་གི་ངོ་བོ་ཉིད། །ཟབ་མོ་བསྟན་པ་སྤྱི་ཡི་ལུང་། །ཐབས་དང་ཤེས་རབ་དབྱེར་མེད་པའི། །རྟོག་པའི་ཆོ་ག་རྒྱས་པའི་རྒྱུད། །བསྐལ་པ་གྲངས་མེད་སྔོན་རོལ་ནས། །ཤེས་རབ་སྦྱངས་དང་སྙིང་རྗེ་ལྡན། །དད་དང་བརྩོན་འགྲུས་དམ་ཚིག་དང་། །ཆོ་གས་དག་པར་སྦྱངས་པ་ཡིས། །དབང་པོ་རབ་ཀྱི་སྤྱོད་ཡུལ་ཡིན། །རྡོ་རྗེ་གསང་བའི་ཐེག་པ་འདི། །ངོ་བོ་ཉིད་དང་བྱིན་བརླབས་དང་། །མཚོན་དང་རྡོ་རྗེར་གྲུབ་པ་སྟེ། །རྡོ་རྗེ་ཐེག་པ་བདེ་བ་ཆེ། །རང་བཞིན་ངན་དང་དམན་པ་དང་། །ཕྱིན་ཅི་ལོག་དང་མི་མོས་དང་། །དབང་དང་དམ་ཚིག་མེད་པ་ལ། །གསང་ཕྱིར་གསང་བའི་ཐེག་པར་གསུངས། །ཐབས་དང་བྲལ་བའི་སློབ་དཔོན་གྱིས། །སྣོད་དང་བྲལ་བའི་སློབ་མ་ལ། །གསང་བའི་སྙིང་པོ་བསྟན་གྱུར་ན། །བདག་དང་གཞན་ཀུན་སྡུག་བསྔལ་ཞིང་། །སྲེག་དང་སྒྲིབ་པར་ཡུན་རིངས་གནས། །སྒྱུ་འཕྲུལ་དྲ་བ་རྡོ་རྗེ་མེ་ལོང་གི་རྒྱུད་ཆེན་པོ་ལས་མཚན་གྱི་དོན་གྱི་བཤད་པ་དང་པོའོ།། །།དེ་ནས་གཞན་ཡང་བཤད་བྱ་བ། །ཐུན་མོང་མ་གྱུར་གསང་བའི་ ― DNG011_Page_0170 ―
[མ་དཔེ་གཟིགས་ན་འདིར་གནོན།]
དོན། །ཐུན་མོང་མ་ཡིན་འཁོར་དག་ལ། །ཕྱོགས་བཅུ་རྒྱལ་བ་རྡོ་རྗེ་འཆང་། །དཀྱིལ་འཁོར་མངོན་དུ་ཕྱུང་བ་ཡི། །རྡོ་རྗེ་པདྨ་འདྲེལ་པ་ཡིས། །བྱང་ཆུབ་སེམས་ཀྱི་དབང་བསྐུར་ནས། །ཐུན་མོང་ཐུན་མོང་མ་ཡིན་པའི། །ཉོན་མོངས་ལྟ་དང་ཤེས་བྱ་རྣམས། །སྐད་ཅིག་ཡུད་ལ་བསལ་བྱས་ཏེ། །ཐུན་མོང་ཁྱད་པར་གསང་བ་ཡི། །ལམ་གཉིས་ངེས་པར་སྟོན་པས་ན། །སྟོན་པ་ཞེས་ནི་བརྗོད་པ་ཡིན། །དེ་ཡི་གནས་མཆོག་བཤད་བྱ་བ། །འབྱུང་དང་བཞུགས་དང་རྟེན་པ་དང་། །མཚོན་པ་བྱིན་གྱིས་བརླབས་ཕྱིར་རོ། །ཐབས་དང་ལམ་གྱི་ཁྱད་པར་གྱིས། །ཀུན་བདག་རྡོ་རྗེ་འཆང་ཆེན་ཉིད། །གཙང་མ་རིས་དག་སྤངས་པ་ཡི། །འོག་མིན་གནས་མཆོག་ཆེན་པོ་དེར། །ཡང་དག་སངས་རྒྱས་དེར་སངས་རྒྱས། །སྐལ་མེད་སྐྱེ་བོ་གདུལ་བའི་ཕྱིར། །སྤྲུལ་པ་པོ་ནི་འདིར་སངས་རྒྱས། །སངས་རྒྱས་ཀུན་གྱི་བཞུགས་པའི་གནས། །གཙང་མ་རིགས་དག་རྣམ་སྤངས་པ། །འཇིག་རྟེན་ལས་ཀྱིས་མཐར་གྱུར་པ། །འོག་མིན་འབར་བའི་གཞལ་ཡས་ཁང་། །ཕྱོགས་བཅུར་རྒྱ་ཡོངས་མ་ཆད་པའི། །ཡོན་ཏན་ཁྱད་པར་སྤགས་པ་ན། །གསང་བ་ཡུམ་གྱི་བྷ་ག་ལ། །བཅུ་གསུམ་ས་ཡི་དབང་ཕྱུག་ལྡན། །རྡོ་རྗེ་འཆང་ཆེན་དཔག་མེད་དང་། །ཏིལ་འབྲུའི་ཚུལ་དུ་རབ་ཏུ་བཞུགས། །ཆོས་རྣམས་ཀུན་གྱི་དེ་བཞིན་ཉིད། །ཐོག་མ་ཐ་མ་དབུས་མེད་པའི། །རང་བཞིན་དོན་གྱི་འོག་མིན་ནི། །རྒྱལ་བ་ཀུན་གྱི་ཕོ་བྲང་ཕྱིར། །འདས་དང་ད་ལྟར་མ་བྱོན་པའི། །རྒྱལ་བ་ཀུན་གྱི་བསྟེན་པའི་གནས། །དེ་དག་ཉེ་བར་མཚོན་པ་ཡི། །ཡིད་དང་མཚན་མ་ལས་གྱུར་པའི། །བསྒོམས་དང་བྲིས་དང་བྱས་ལ་སོགས། །དེ་དང་འདྲ་བའི་གཞལ་ཡས་ཁང་། །རྒྱལ་བ་སྔགས་དང་བྱིན་བརླབས་ཀྱིས། །དེར་གནས་དོན་ཕྱིར་མཚོན་པའི་གནས། །ཐུན་མོང་ཐུན་མོང་མ་ཡིན་པའི། །བསོད་ནམས་ཡེ་ཤེས་ཁྱད་པར་ཅན། །བསགས་པ་སྣ་ཚོགས་ལས་བྱུང་བའི། །རྫོགས་ལོངས་སྤྱོད་པ་ཆེན་པོ་ནི། །གཙང་མ་རིས་དག་སྤངས་པ་ཡི། །འོག་མིན་ཆེན་པོའི་གནས་མཆོག་ན། །རིགས་བདག་ཕྱག་རྒྱ་ལྷུན་གྲུབ་སྐུ། །གཅིག་དང་དུ་མ་རྣམ་སྤངས་པ། ། ― DNG011_Page_0171 ―
[མ་དཔེ་གཟིགས་ན་འདིར་གནོན།]
སངས་རྒྱས་ཀུན་གྱི་སྤྱི་གཟུགས་ཏེ། །གདོད་ནས་ཐེག་མཆོག་མཛོད་ཉིད་ཕྱིར། །སྒྲིབ་པ་མཐའ་སྤངས་གདུལ་བྱ་ལ། །སྐད་ཅིག་གཅིག་གིས་སྤང་བར་མཛད། །ཆོས་རྣམས་སྣ་ཚོགས་ཇི་སྙེད་པ། །དངོས་པོ་ཐ་དད་མེད་ཕྱིར་ཟླུམ། །ཁྱབ་དང་སྤགས་དང་ཚད་མེད་དང་། །ཡེ་ཤེས་བཞི་ཕྱིར་འཁོར་ལོ་བསྟན། །ཆོས་དབྱིངས་འདུ་འབྲལ་མེད་པའི་ཕྱིར། །མུ་ཁྱུད་ཟླུམ་པོར་ཀུན་ནས་བསྐོར། །སྐུ་གསུང་ཐུགས་དང་བྱིན་བརླབས་དང་། །ཐུགས་རྗེས་མ་ཁྱབ་མེད་པའི་ཕྱིར། །ཡོན་ཏན་རྒྱས་པའི་དབྱིབས་སུ་བསྟན། །རང་འབྱུང་ཡེ་ཤེས་མཐའ་བྲལ་བས། །ཕྱོགས་བཅུར་འགྲོ་འོང་མི་གནས་པའི། །ཚད་དང་བྲལ་བའི་སེམས་ཀྱི་ཕྱིར། །གཞི་རྩ་ཚད་མེད་འཁོར་ལོར་བསྟན། །གདོད་ནས་བྱིན་བརླབས་ངོ་བོའི་ཕྱིར། །མ་བསགས་ལྷུན་རྫོགས་མཛོད་ཉིད་དེ། །འགྲོ་བ་རེ་འདོད་སྐོང་བའི་ཕྱིར། །རིན་ཆེན་འབར་བའི་གཞལ་ཡས་ཁང་། །སྣ་ཚོགས་དངོས་དང་དངོས་མེད་པའི། །ཆོས་ཀུན་ངོ་བོར་རང་གནས་ཏེ། །བདག་གཞན་གཟུང་འཛིན་བྲལ་བའི་ཕྱིར། །ཕྱི་དང་ནང་བྲལ་སྒྲིབ་པ་མེད། །ཐུན་མོང་ལ་བརྟེན་ཐབས་ཀྱི་འབྲས། །ཡེ་ཤེས་ཐབས་ཀྱིས་འཕགས་པ་ཉིད། །གདུལ་བྱའི་བློ་ལ་མངོན་སྣང་བས། །གློ་འབུར་བཞི་ནི་ལྷག་པར་མཛེས། །ཐུན་མོང་ཐུན་མོང་མ་ཡིན་པའི། །གདུལ་བྱའི་རིམ་པ་མཐོ་དམན་ཀུན། །སྟོང་སྨོན་མཚན་མེད་འོད་གསལ་འཇུག །དེ་ཕྱིར་ཡེ་ཤེས་སྒོ་བཞིར་ཤར། །ཐབས་མང་བསམ་གྱིས་མི་ཁྱབ་པས། །ལམ་བརྒྱད་རིམ་པར་བགྲོད་པ་ཡིས། །འབྲས་བུ་ཡོན་ཏན་ཀུན་རྫོགས་པས། །རྟ་བབས་རྒྱུ་འབྲས་བཅུ་དྲུག་བསྟན། །ཞེན་དང་སྤོང་བའི་ལམ་བྲལ་བས། །འདོད་ཡོན་ཡེ་ཤེས་ལྔ་རོལ་ཏེ། །བདག་མཆོད་ཀུན་མཉེས་ལས་བྱུང་བས། །འདོད་ཡོན་ལྷ་མོས་འཁྲིགས་པར་བསྟན། །ཐབས་དང་ཤེས་རབ་ལྡན་པ་ཡིས། །མ་ཆགས་ཐབས་དང་ལྡན་པ་དང་། །ཆེ་བའི་ཡོན་ཏན་ལྷུན་རྫོགས་པས། །ཉི་ཟླ་པདྨ་རིན་པོ་ཆེ། །ལས་དང་ཐུགས་རྗེ་སྨོན་ལམ་གྱིས། །བྱང་ཆུབ་སེམས་དཔའ་མཐུ་བོ་ཆེ། །སྨོན་ལམ་དབང་གིས་དེ་དག་ཏུ། །ཐོས་པ་རྒྱ་མཚོ་བསག་ཕྱིར་གནས། །དེ་ཚེ་དུས་ཀྱི་ཐ་བྲལ་ཡང་། །ངོ་བོ་དུས་བཞི་མཉམ་པའི་དུས། །དུས་ཀྱི་ ― DNG011_Page_0172 ―
[མ་དཔེ་གཟིགས་ན་འདིར་གནོན།]
མཐའ་ལ་མངོན་རྟོགས་པས། །ཐུན་མོང་མིན་པའི་དུས་སུ་བསྟན། །དེ་ཚེ་ཕྱོགས་བཅུ་རྒྱལ་བ་ཡིས། །བསྐལ་པ་བྱེ་བར་ལུང་བསྟན་པ། །འདུལ་བའི་དུས་བབ་གསང་བའི་བདག །ལག་ན་རྡོ་རྗེས་བསྡུ་བ་མཛད། །དུས་གསུམ་རྒྱལ་བས་བྱིན་བརླབས་ཕྱིར། །འཁོར་གྱི་ནང་ན་སྐལ་མཆོག་ལྡན། །གསང་བའི་རྡོ་རྗེ་འཆང་བསྡུས་ནས། །འདུལ་བའི་འཁོར་ལ་བསྟན་པར་མཛད། །འདས་དང་མ་བྱོན་ད་ལྟར་གྱི། །སྐུ་གསུམ་སྐུ་གསུང་ཐུགས་ངེས་པའི། །དེ་བཞིན་ཉིད་དུ་ཐབས་གང་གིས། །གཤེགས་ཤིང་གཤེགས་དང་གཤེགས་གྱུར་པའི། །ཐར་པ་གསུམ་དང་ཡེ་ཤེས་དང་། །ཕ་རོལ་ཕྱིན་པ་དྲུག་ལྡན་པ། །ཞིང་ཁམས་ཡོན་ཏན་བསམ་མི་ཁྱབ། །བྱེ་བྲག་བརྒྱད་ཅུ་ཀུན་འདུས་པའི། །རྒྱལ་བ་རྒྱ་མཚོ་ཀུན་གྱི་མཚན། །གང་ཕྱིར་རྡོ་རྗེ་ཐུགས་ཆུད་པས། །ལས་དང་སྤྱོད་པ་དཀའ་ཐུབ་དང་། །སྲིད་པའི་རི་བོས་མི་བསྐྱོད་པས། །དེ་ནི་མི་བསྐྱོད་མཆོག་ཏུ་གསུངས། །ཐབས་དང་ཤེས་རབ་འདྲེལ་པ་ཡིས། །ཇི་སྙེད་སྐུ་གསུང་ཐུགས་སྣང་བ། །མོས་དང་ཐབས་ཀྱི་ཁྱད་པར་གྱིས། །རྣམ་པར་སྣང་ཕྱིར་སྣང་མཛད་མཆོག །རྒྱལ་བ་ཀུན་གྱི་ཡོན་ཏན་ནི། །ཚོགས་རྣམས་འདུས་པའི་ངོ་བོ་སྟེ། །ཡོན་ཏན་རིན་ཆེན་ལྟར་འབྱུང་བས། །རིན་ཆེན་འབྱུང་བར་གསུངས་པ་ཡིན། །དཔག་ཏུ་མེད་པའི་གསུང་གི་སྒོ། །དབང་པོ་ཐབས་ཀྱི་བྱེ་བྲག་གིས། །དོན་རྟགས་གསུང་དང་ཡི་གེའི་སྒོ། །མཐའ་ཡས་སྣང་ཕྱིར་མཐའ་ཡས་མཆོག །དཔག་མེད་ཐུགས་རྗེ་མཛད་པ་ཡི། །འགྲོ་འོང་མེད་པའི་ཐུགས་རྗེ་ཡིས། །འགྲོ་བ་སྐྱོབ་པའི་དོན་མཛད་པས། །དོན་གྲུབ་ཅེས་ནི་རྣམ་པར་བསྟན། །རིག་པའི་རྒྱལ་པོ་འདི་དག་ཀྱང་། །ཐ་མལ་ལྔ་ཉིད་གནས་དག་ཅིང་། །དེ་ལས་ཐབས་དེས་མངོན་བྱས་པས། །དེར་དབང་སྒྱུར་ཏེ་ཉིད་སྣང་བ། །རྒྱལ་པོ་ཉིད་དུ་བརྗོད་པ་ཡིན། །སྟེང་འོག་གཉིས་ལས་མངོན་གྱུར་པའི། །སྦྱོར་དང་འཇུ་འདུལ་རླུང་གི་རིམ། །གང་དེ་ཐབས་ལས་མངོན་གྱུར་པའི། །བདེ་བའི་གཟུགས་དང་ཚོར་བ་དང་། །འདུ་ཤེས་དང་ནི་འདུ་བྱེད་དང་། །རྣམ་ཤེས་ཟག་ ― DNG011_Page_0173 ―
[མ་དཔེ་གཟིགས་ན་འདིར་གནོན།]
མེད་བདེ་བའི་རོས། །དབང་སྒྱུར་ཡེ་ཤེས་རྒྱལ་པོར་བཤད། །གང་ཕྱིར་སྣང་དང་བསྒོམས་དང་བྲིས། །ཕྱག་རྒྱ་རྩ་བཅུད་ཐིག་ལེའི་མདོག །དཀར་དང་དམར་དང་སེར་བ་དང་། །སྔོ་དང་ལྗང་དང་རིམས་ལྡན་པའོ། །རྒྱལ་བ་ཀུན་གྱི་བདེ་སྐྱིད་ཅིང་། །སྤྱོད་དང་དེ་ལས་འབྱུང་བའི་ཡུམ། །ཐམས་ཅད་དེ་ལས་སྐྱེད་པ་ལྔ། །ཐ་མལ་ཞེན་པ་དག་པ་དང་། །དབང་སྒྱུར་རྒྱལ་མོ་ལྔ་རང་བཞིན། །སྲ་དང་གཤེར་དང་དྲོད་དང་བསྐྱོད། །ནམ་མཁའི་ཁམས་ཀྱིས་གང་ཕྱེ་བ། །སྟེང་འོག་ཐབས་ལས་མངོན་གྱུར་པ། །ཡུལ་དང་ཤེས་པ་དབྱེར་མེད་ཅིང་། །ཐུགས་རྗེ་ཤེས་རབ་འདྲེལ་པ་ཡིས། །འཁོར་བ་དང་ནི་མྱ་ངན་འདས། །གཉིས་མེད་གཟིགས་པ་སྤྱན་གྱི་མཆོག །ཟག་མེད་སྟོང་པའི་ཀློང་ཆེན་གྱིས། །སྐྱེད་དང་སྡུད་དང་གནས་པའི་ཕྱིར། །མཐའ་དབུས་བྲལ་བའི་དེ་བཞིན་ཉིད། །ནམ་མཁའི་དབྱིངས་ཞེས་གང་བརྗོད་པའོ། །ཐུན་མོང་ཐུན་མོང་མ་ཡིན་པའི། །ལས་དང་ལྟ་བ་ཉོན་མོངས་དང་། །ཤེས་བྱའི་དྲི་མ་མཐའ་ཡས་པ། །རྟོགས་པས་སྦྱོང་ཞིང་སྲེག་པས་ན། །གོས་དཀར་མ་རུ་བརྗོད་པ་ཡིན། །གང་ཕྱིར་ལས་དང་ཏིང་འཛིན་དང་། །ཡེ་ཤེས་ཐུགས་རྗེ་བར་མེད་ཆུས། །གང་དག་འཁྲུད་དང་ཚིམ་བྱེད་པས། །ཆུ་ནི་མཱ་མ་ཀཱི་རུ་བཤད། །གང་ཕྱིར་རྟོགས་དང་ཐབས་དག་དང་། །ཏིང་འཛིན་ཐབས་ཀྱི་རླུང་དག་གིས། །བགྲོད་པ་མེད་པའི་ཞིང་ཁམས་སུ། །སྒྲོལ་བས་སྒྲོལ་མ་ཉིད་དུ་བཤད། །སྙིང་པོ་རང་འབྱུང་ཡེ་ཤེས་ཉིད། །ཀུན་བརྟེན་གནས་དང་ཁྱབ་པའི་ཕྱིར། །བྱང་ཆུབ་སེམས་ཀྱི་རང་བཞིན་ལ། །ས་ཡི་སྙིང་པོར་བརྗོད་པ་ཡིན། །རང་འབྱུང་སྙིང་པོ་བྱང་ཆུབ་སེམས། །ནམ་མཁའ་ལྟ་བུར་བསམ་བརྗོད་མེད། །མཐའ་དབུས་སྒྲོ་སྐུར་གང་འདས་པ། །དེ་ནི་ནམ་མཁའི་སྙིང་པོ་ཉིད། །གང་ཕྱིར་ཐུགས་རྗེ་དཔག་མེད་པས། །འགྲོ་བ་ཆུ་བོ་རྒལ་གྱི་བར། །སྐྱོ་བ་མེད་པར་གཟིགས་པས་ན། །སྤྱན་རས་གཟིགས་དབང་པདྨའི་གཙོ། །རྟོགས་དང་དབྱེར་མེད་རྡོ་རྗེ་ཡིས། །མཐའ་ཡི་བདག་རྟོགས་མཚན་མ་དག །འཇོམས་པས་ཕྱག་ན་རྡོ་རྗེ་སྟེ། །ཐུན་མོང་ཉིད་དང་ཁྱད་ ― DNG011_Page_0174 ―
[མ་དཔེ་གཟིགས་ན་འདིར་གནོན།]
པར་གྱི། །གསང་བའི་རྣམ་པར་ཤེས་པ་བཞི། །ཐུན་མོང་ཡུལ་དང་ཁྱད་པར་ནི། །ཐབས་དང་ཤེས་རབ་འདྲེལ་པ་ལས། །མཚོན་དང་རྟོགས་དང་བསྒོམས་པ་ཡིས། །ལྷ་མོ་བཞིར་ནི་མངོན་སྣང་བ། །བྱང་ཆུབ་སེམས་དང་བདེ་བ་དང་། །ཐབས་ཀྱི་བདེ་བས་རབ་སྒེག་པས། །ལྷ་མོ་འདི་ནི་སྒེག་མོར་བཤད། །གྲོལ་དང་མ་གྲོལ་འཁོར་བ་ཡི། །ཕྱི་ནང་སྒྲ་ཡི་བྱེ་བྲག་ཀུན། །བྲག་ཅ་ལྟ་བུར་བརྗོད་མཛད་པས། །བར་ཆད་མེད་པས་ཕྲེང་བ་མ། །ཚིམ་པའི་ངོ་བོ་གང་བསྟན་པ། །དྲི་དང་ལྡན་པའི་ཁྱད་པར་ཉིད། །དབྱངས་ཉིད་ཚིམ་ཞིང་ཡིད་བདེ་བས། །དེ་ཉིད་རྡོ་རྗེ་གཱི་ཏི་མ། །རོ་ཡིས་ཁྱབ་ཅིང་གར་སྒྱུར་ལྟར། །བདེ་བ་ཆེན་པོ་བཞི་ཡི་གར། །ཁྱབ་དང་མཛེས་དང་ཚིམ་པ་དང་། །མི་གནས་བཀྲོལ་བས་གར་མཁན་མ། །རྒྱན་དང་ཆགས་པའི་སྒྲ་དག་དང་། །ཡིད་ཀྱི་ཕྲེང་བ་བདེ་བའི་གར། །ལྷ་མོ་བཞི་ཡི་རང་བཞིན་ནོ། །མ་རྟོགས་འགྲོ་བ་མཐའ་ཡས་ལ། །རང་བཞིན་ཐུགས་རྗེ་མཛད་པ་ཡིས། །ཡོངས་ལ་ཕན་འདོགས་སྐྱོབ་པ་ནི། །འདི་ནི་བྱམས་པ་ཞེས་བྱའོ། །རྟོགས་གོམས་མཐར་ཕྱིན་ཁྱད་པར་གྱིས། །ལས་དང་ཉོན་མོངས་ལྟ་བའི་རིམ། །སེལ་བ་འདི་ནི་སྒྲིབ་སེལ་ལོ། །ཐབས་དང་ཤེས་རབ་གནས་རྟོགས་ན། །གང་ཕྱིར་སྤོང་ལེན་མི་གནས་པས། །ཕྱི་ནང་སྣོད་བཅུད་མ་ལུས་པ། །དབྱེ་བ་མེད་པས་ཀུན་དུ་བཟང་། །བདག་དང་གཞན་དུ་འཛིན་པ་ཀུན། །ཟག་པ་མེད་པའི་ཤེས་རབ་ཀྱིས། །ལྟ་བའི་དྲ་བ་གཅོད་པས་ན། །ཟག་མེད་ཤེས་རབ་འཇམ་དཔལ་སྐུ། །དབང་པོ་ཡི་གེ་ཐིག་ལེར་བཅས། །གནས་དང་རྟོགས་དང་བསྒོམས་པ་ཡིས། །མངོན་དུ་སྣང་ཕྱིར་བརྗོད་པ་ཡིན། །དུས་བཞི་རིམ་པ་གཉིས་བརྒྱད་དེ། །དེ་ཉིད་དགྲོལ་དང་བྲོད་སྐྱེད་དང་། །སྤྱོད་ཡུལ་དག་ཕྱིར་བརྗོད་པ་ནི། །དྲི་དང་བདེ་བས་དག་ཚིམ་ཞིང་། །ཡིད་ལྡོག་མེད་པས་རྡོ་རྗེ་དྲི། །ཕྱི་ནང་ཁྱབ་པའི་དཀྱིལ་འཁོར་ལ། །མེ་ཏོག་ཐིག་ལེར་བདེར་བཀོད་པས། །རྡོ་རྗེ་མེ་ཏོག་བླ་ན་མེད། །ཕྱི་ནང་སེམས་ལ་གནས་བཅས་པའི། །མུན་པ་བསལ་ཕྱིར་ཤེས་རབ་དང་། །ཡེ་ཤེས་སྣང་བ་བླ་ན་མེད། །རྡོ་རྗེ་གསལ་བའི་མར་མེ་མ། །ཕྱི་ནང་དཀྱིལ་འཁོར་མ་ལུས་ལ། །རང་ ― DNG011_Page_0175 ―
[མ་དཔེ་གཟིགས་ན་འདིར་གནོན།]
འབྱུང་ཏིང་འཛིན་བདེ་བ་ཡིས། །ཐམས་ཅད་ཁྱབ་པར་གནས་པའི་ཕྱིར། །ཁྱབ་བྱེད་རྡོ་རྗེ་དྲི་ཆབ་མ། །དེ་བཞིན་ཉིད་ལ་དགོངས་པ་ཡིས། །འཁོར་བའི་ཆོས་རྣམས་མ་ལུས་པ། །བྱང་ཆུབ་སྙིང་པོར་ཚར་བཅད་པས། །རྣམ་པར་རྒྱལ་བ་ཞེས་སུ་བརྗོད། །གཟུང་འཛིན་བྲལ་བའི་ཡེ་ཤེས་ནི། །གཉིས་འཛིན་རྟོགས་པའི་གཉེན་པོ་སྟེ། །རྟོགས་གོམས་དེ་ཡིས་འཇོམས་པས་ན། །ཡ་མཱནྟ་ཀྲྀཏ་གཤིན་རྗེ་གཤེད། །གང་ཕྱིར་འཁོར་བའི་རྒྱ་མཚོ་ལས། །ཐབས་དང་བཅས་པའི་རྫུ་འཕྲུལ་ལས། །འཇོམས་དང་སྒྲོལ་བར་མཛད་པས་ན། །རྟ་མགྲིན་རྒྱལ་པོར་དེ་བཤད་དོ། །འཁོར་བའི་བདུད་ཀྱི་དུག་ལྔ་ལ། །ཡེ་ཤེས་ལྔ་རུ་གསལ་གོམས་པས། །གཉིས་མེད་རྩི་རུ་གང་འཁྱིལ་པ། །སྒྲིབ་ཟད་བདུད་རྩི་འཁྱིལ་པར་བཤད། །གང་དུ་ལུས་དང་བཅས་པ་ཡི། །དབང་པོ་ཡུལ་དང་རྣམ་ཤེས་རེག །རང་རྒྱུད་བཅད་པའི་ཡེ་ཤེས་ཉིད། །སྒོ་བ་རྣམ་པ་བཞི་རུ་གསུངས། །རང་རྒྱུད་རྟག་ཆད་བཟློག་པ་དང་། །གཟུངས་དང་ལྷ་དང་བདེ་བ་དང་། །ཐིག་ལེ་རིག་པར་བཅས་པ་ཉིད། །གང་ཕྱིར་གནས་ནས་དགུག་པ་དང་། །གང་དུའང་འགྲོ་བར་མི་ནུས་དང་། །དེ་ལས་འདའ་བར་དཀའ་བ་དང་། །བསྡིམས་ནས་བདེ་བས་དྲིལ་བུ་མ། །གཟུང་དང་འཁྱུད་དང་བསྡམ་པ་དང་། །གཉིས་སུ་མེད་པས་བདེ་ཆེན་པོ། །རང་ལུས་སྣང་སྲིད་བརྟན་གཡོ་ལ། །རྟོགས་དང་གོམས་པའི་ཚུལ་གྱིས་སྦྱར། །དེ་དག་མ་ལུས་དྲན་བྱེད་པ། །རིག་པའི་རྒྱལ་པོ་ཀུན་དབྱེར་མེད། །ཀུན་གཞི་རྡོ་རྗེ་མི་ཕྱེད་པ། །ཀུན་དུ་བཟང་པོར་དེ་བཤད་དོ། །མ་ལུས་འདུས་བྱས་མ་བྱས་ཆོས། །མ་ལུས་ཟག་མེད་ཁྱབ་པའི་དབྱིངས། །རྟོགས་དང་ཤེས་དང་གང་གྱུར་པ། །ཀུན་དུ་བཟང་མོར་དེ་བཤད་དོ། །མི་ཤིགས་ཐིག་ལེ་བདེ་ཆེན་པོ། །ཡེ་ཤེས་ལྔ་ལྡན་དྭངས་མའི་བཅུད། །རང་འབྱུང་ལུས་ཅན་ཀུན་གནས་པ། །སྟོན་པ་རིག་པའི་གསུང་ཅན་ཉིད། །དྷརྨ་ཙཀྲ་ཆོས་ཀྱི་གནས། །འོད་བཞི་ཨེ་སོགས་ཚུལ་དུ་ནི། །ལུས་སྦས་པ་ཡི་ཚུལ་དག་གིས། །ལུས་ཅན་ཀུན་ལ་ཁྱབ་པར་གནས། །རང་འབྱུང་ཐུགས་ཀྱི་བདེ་བ་ཉིད། །རྒྱུ་བ་བྲལ་བའི་སྙིང་པོ་ ― DNG011_Page_0176 ―
[མ་དཔེ་གཟིགས་ན་འདིར་གནོན།]
སྟེ། །བར་མ་ཨརྠ་བྱང་ཆུབ་སེམས། །ནམ་མཁའི་ཡེ་ཤེས་ཐུགས་ཀྱི་ཀློང་། །མ་ན་མ་ཏ་དྲན་རྟོག་ཡིད། །རྣམ་ཤེས་རྒྱུ་བའི་དྲན་རྟོག་རྣམས། །ཡེ་ཤེས་ནམ་མཁའི་གསལ་འདོད་པ། །དྲན་རྟོག་རིག་པ་འཁོར་དུ་གནས། །ཟག་མེད་རྣམ་ཤེས་བསམ་མི་ཁྱབ། །མ་ལུས་ནམ་མཁའི་ཡེ་ཤེས་སུ། །བདེ་ཆེན་རིག་པའི་མི་རྟོག་པར། །བསྡུས་ཏེ་ཉམས་ལ་གནས་པར་མཛད། །བདེ་བ་ཆེན་པོ་མ་སྐྱེས་པ། །ནམ་མཁའ་ལྟ་བུར་མི་ཕྱེད་པ། །ནམ་མཁའི་ཡེ་ཤེས་དབྱེར་མེད་སྐུ། །དུས་གསུམ་ཀུན་གྱི་ངོ་བོར་གནས། །འདི་ཞེས་ཉེ་བར་བསྟན་པ་ནི། །ཨེ་སོགས་བཞི་ཡི་ཚུལ་གནས་ཏེ། །ཕྱི་ནང་བར་ཁྱམས་གདོང་བར་བཅས། །གསང་བའི་འོག་མིན་རྒྱན་རྫོགས་པའོ། །ཐིག་ལེ་བྃ་དབྱིབས་སྤྲོས་པ་མེད། །བརྗོད་མེད་བསྟན་པ་བསྲུང་མཛད་ཅིང་། །བྱིན་བརླབས་བདེ་ཆེན་མི་རྟོག་པ། །འཁོར་ལ་སྣང་བར་མཛད་པའོ། །མ་ནི་མ་ནུ་མ་ཏ་སྟེ། །སྡོམ་བྱེད་དྲན་རྟོག་ཡིད་ཀྱི་དངོས། །ལས་ཅན་རྣམ་ཤེས་དེ་དག་གིས། །གསལ་བར་གོ་བར་འཁོར་དུ་བརྗོད། །ཆོས་རྣམས་ཀུན་གྱི་ངོ་བོ་ཉིད། །ཐིག་ལེ་བཅུ་དྲུག་སེམས་ལྔའི་དངོས། །མི་རྟོག་ལྷན་ཅིག་སྐྱེས་པའི་དོན། །བྱིན་བརླབས་མངོན་སུམ་ཚུལ་གྱིས་གསལ། །ཐབས་དང་ཤེས་རབ་གཉིས་མེད་པའི། །ཐིག་ལེ་ཟག་མེད་སྐྱེས་པའི་དུས། །བསམ་མེད་ལྷན་ཅིག་སྐྱེས་པའི་ཚེ། །བདེ་བ་ཆེན་པོའི་དུས་སུ་འདོད། །ཤེས་པ་རྟེན་དང་བརྟེན་པར་བཅས། །ཐབས་ཀྱི་རིམ་པ་ལ་བརྟེན་ནས། །རླུང་གིས་བསྡུས་པའི་དོན་གྱིས་ནི། །རང་རིག་ཐབས་ཀྱི་རྒྱལ་པོར་གསལ། །གང་དང་གང་ལ་གང་དུ་ནི། །གང་གིས་གང་ཚེ་གང་གསུངས་པ། །བརྗོད་འབྱུང་རྩ་བར་དེ་གྱུར་པས། །གླེང་གཞི་ཞེས་ནི་བསྟན་པ་ཡིན། །དེ་བཞིན་གཤེགས་པ་ཐམས་ཅད་ཀྱི། །དབྱེར་མེད་ཡེ་ཤེས་གཅིག་གི་ངང་། །རྡོ་རྗེ་འཆང་ཆེན་ཀུན་བཟང་ལས། །སྣ་ཚོགས་སྐུ་ནི་རྣམ་པར་འཕྲུལ། །དེ་ཚེ་རྒྱལ་བ་ཐམས་ཅད་ཀྱང་། །ལྷ་ལ་རྡོ་རྗེ་འཛིན་པ་ཉིད། །ལྷ་མིན་སྟོན་པ་ཕྲག་དོག་རྗེ། །མི་ལ་ཐུབ་པའི་དབང་པོ་སྟེ། །བྱོལ་སོང་སྒྲ་ཡིས་ ― DNG011_Page_0177 ―
[མ་དཔེ་གཟིགས་ན་འདིར་གནོན།]
འདུལ་མཛད་པ། །ཡི་དྭགས་དྲག་པོས་གདུང་བ་སེལ། །དམྱལ་བ་སྡུག་བསྔལ་ཆོས་ཀྱི་རྒྱལ། །གདུལ་བའི་སྤྲུལ་སྐུ་ངོ་བོར་ཤར། །ལ་ལ་ལྷ་ལས་འཕོ་བ་དང་། །ལ་ལར་ལྷུམས་ཞུགས་བལྟམ་པ་དང་། །དཀའ་ཐུབ་བདུད་བཏུལ་སངས་རྒྱས་ནས། །འཁོར་ལོ་བསྐོར་ཏེ་མྱ་ངན་འདས། །གནས་ལ་ངེས་པ་ཡོད་མིན་ཏེ། །དམྱལ་བ་ཡི་དྭགས་བྱོལ་སོང་དང་། །མི་དང་ལྷ་དང་ལྷ་མིན་ཏེ། །སོ་སོའི་གནས་ཏེ་གང་ཡིན་པ། །འགྲོ་བ་འདུལ་བ་སྟོན་པའི་གནས། །ལྷ་རྣམས་དང་ནི་མི་རྣམས་དང་། །ལྷ་མིན་ཡི་དྭགས་དུད་འགྲོ་དང་། །དམྱལ་བ་སོ་སོའི་འགྲོ་རིས་དག །རང་རང་མོས་དང་ལས་དབང་གིས། །འདུལ་ཚུལ་ཐ་དད་དབང་གིས་འཁོད། །རང་རང་མོས་པས་ཕྲད་པའི་ཚེ། །རང་རང་བརྡ་སྐད་ཐ་དད་པས། །རྟོགས་དང་གྲོལ་བར་གང་གྱུར་པ། །རང་རང་ཇི་བཞིན་སྟོན་པའི་དུས། །བསྟན་པའི་ཐེག་པ་སྣ་ཚོགས་ཏེ། །རང་རང་ཞེན་པ་མཐའ་ཡས་ཕྱིར། །ཚུལ་དང་མོས་པའི་དབང་གིས་ན། །ཐེག་པ་སྣ་ཚོགས་ཚུལ་དུ་སྣང་། །ཐེག་གཅིག་མཉམ་པ་ཉིད་ཀྱི་ཚུལ། །གཉིས་དང་གསུམ་དང་བཞི་དང་ལྔ། །དགུ་དང་བརྒྱད་ཁྲི་ལ་སོགས་པ། །འགྲོ་བ་འདུལ་བའི་ཚུལ་གྱིས་སྣང་། །སྐུ་དང་གསུང་ཐུགས་ལས་དག་གིས། །འདུལ་དབང་ཐབས་ནི་སྣ་ཚོགས་ཀྱིས། །ཆོས་ཀྱི་འཁོར་ལོ་རབ་ཏུ་བསྐོར། །དེ་ཚེ་འགྲོ་བ་སོ་སོ་ཡང་། །རང་གི་གཞི་རྩ་དོན་རིག་ནས། །རིམ་པ་ལྔ་འམ་ཐབས་གཅིག་གིས། །རིག་འཛིན་སངས་རྒྱས་ས་ལ་གནས། །རང་རང་ཆ་འཛིན་སྤྲུལ་པའི་ལུས། །སར་གནས་འཁོར་གྱི་དང་པོ་ཡིས། །དེ་དག་ཞུས་པའི་རིམ་གསུངས་པ། །བློ་དང་ཚིག་དང་ཡི་གེར་བསྡུས། །རྒྱུད་ཅེས་བྱ་བ་རྒྱུན་དུ་གྲགས། །སྐུ་དང་གསུང་དང་ཐུགས་ཀྱི་རྒྱུད། །ལྟ་སྤྱོད་དཀྱིལ་འཁོར་དབང་དམ་དང་། །སྒྲུབ་པ་ཕྲིན་ལས་ལམ་རིམ་ནི། །ཕྱི་དང་ནང་དང་སྦས་པ་སྟེ། །རང་བཞིན་གནས་དང་མངོན་བྱེད་པ། །ཐབས་ཀྱི་རྒྱུད་ནི་གསུམ་དུ་གསུངས། །ཕྱོགས་བཅུ་དུས་བཞི་མངོན་རྫོགས་པའི། །མདོ་སྡེ་འདུལ་བ་མངོན་པ་དང་། །སྐུ་དང་གསུང་དང་ཐུགས་ཀྱི་རྒྱུད། །བསྐྱེད་རྫོགས་ཐབས་རིམ་གང་བསྟན་པ། །སྒྱུ་འཕྲུལ་དྲ་བར་ ― DNG011_Page_0178 ―
[མ་དཔེ་གཟིགས་ན་འདིར་གནོན།]
འདུས་པ་སྟེ། །དེ་ལྟར་གྲགས་པའི་ཆོས་རྣམས་ཀུན། །རྟོག་པའི་ཆོ་ག་ཀུན་བཤད་པའི། །རྒྱུད་ཆེན་སྒྱུ་འཕྲུལ་དྲ་བ་སྟེ། །སངས་རྒྱས་ཀུན་གྱི་གསུང་གི་མཆོག །ཐོག་མ་བར་དང་མཐར་དགེ་བ། །དུས་གསུམ་རྒྱལ་བ་ཀུན་གྱིས་གསུངས། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་གླེང་གཞི་རྣམ་པར་བཤད་པའི་ལེའུ་སྟེ་གཉིས་པའོ།། །།དེ་ནས་གཞན་ཡང་བཤད་བྱ་བ། །གང་ཟག་ཐབས་ནི་ཐུན་མོང་དུ། །བློ་ཡི་ཡུལ་དུ་གང་གྱུར་པ། །དེ་ནི་ཐུན་མོང་ཡུལ་ཉིད་དེ། །གང་ཟག་ཐབས་དང་སྟོན་པ་ཉིད། །དེ་ཡི་སྤྱོད་ཡུལ་མ་གྱུར་ཅིང་། །ཐབས་ཆེན་གསང་བ་དང་ལྡན་པ། །དེ་ནི་ཐུན་མོང་མ་ཡིན་པའོ། །དེ་ཉིད་སྐྱེ་བོ་འཁོར་གཉིས་དོན། །རྣམ་གཉིས་ཚུལ་དུ་སྣང་བར་མཛད། །ཕུང་པོ་ཁམས་དང་སྐྱེ་མཆེད་ཉིད། །རྒྱལ་བ་ཡབ་ཡུམ་སེམས་དཔའ་དང་། །སེམས་མ་ཉིད་དུ་ལྷུན་གྱིས་གྲུབ། །གསང་ཡུལ་དབང་པོ་རྣམ་ཤེས་རེག །མ་ལུས་འཇོམས་ཕྱིར་ཁྲོ་བོ་སྟེ། །རྟགས་སོགས་མཚན་མ་ལས་སྐྱེས་ཕྱིར། །ཡུམ་སྟེ་ལས་ཀྱིས་མི་གནས་བཤད། །ཡིད་ཆོས་བཟང་པོ་བཟང་མོ་ཉིད། །ཆགས་སོགས་ཉོན་མོངས་དྲུག་པོ་ཉིད། །ཐུབ་པ་སྤྲུལ་པ་དྲུག་ཏུ་བཤད། །དེ་ཉིད་ཕྱོགས་བཅུ་དུས་བཞི་ཡི། །ཕུང་པོ་འབྱུང་བ་རྣམ་ཤེས་ཡུལ། །དབང་པོ་དུས་དང་ལུས་ཆོས་བཞི། །མཚན་མ་ཉོན་མོངས་ཡུམ་ཉིད་དེ། །དེ་ཉིད་སེམས་ཕྱིར་མ་སྐྱེས་པས། །ལྷག་པའི་བདེན་གཉིས་འདྲེལ་བ་ལས། །བྱང་ཆུབ་སེམས་ལྔ་རྣམ་པར་འཕྲུལ། །དངོས་པོ་སྣང་གྲགས་ཆོས་ཐམས་ཅད། །སྐྱེ་བ་མེད་དང་འགག་མེད་དང་། །གནས་པ་མེད་དང་དམིགས་མེད་དང་། །འགྲོ་འོང་མེད་པ་ཉིད་དུ་སྣང་། །བདག་ཕྱིར་ཡེ་ཤེས་གསལ་སྣང་ཡང་། །གཞན་ཕྱིར་དེ་དག་མ་རྟོགས་པས། །རང་བཞིན་ངོ་བོ་ཡེ་ནས་གསང་། །ཤིན་ཏུ་གབ་སྦས་གསང་བའི་དོན། །དེ་ཉིད་ལེགས་པར་བཤད་པའི་ཚེ། །ཡེ་ནས་མཉམ་ཉིད་གསང་བ་ལ། །མ་རིག་ལོག་རྟོག་རྐྱེན་དབང་གིས། །འཁོར་བའི་སྡུག་བསྔལ་དེ་བོར་སྣང་། །དེ་ཉིད་བདེ་གཤེགས་སྙིང་པོ་སྟེ། །དངོས་མེད་དངོས་པོའི་སྙིང་པོ་ཅན། །འགྲོ་བ་རྣམས་ནི་ ― DNG011_Page_0179 ―
[མ་དཔེ་གཟིགས་ན་འདིར་གནོན།]
སྨིན་བྱའི་ཕྱིར། །སྐུ་གསུང་ཐུགས་ཀྱི་རང་བཞིན་ལས། །སྤྲུལ་པ་རྣམས་ནི་རྣམ་པར་འཕྲུལ། །སྐུ་དང་གསུང་ཐུགས་སྣ་ཚོགས་ཀྱིས། །ཆོས་ཀྱི་འཁོར་ལོ་རྣམ་པར་བསྐོར། །རྒྱལ་བའི་དཀྱིལ་འཁོར་དེ་དག་ཀྱང་། །སྟོན་པ་འཁོར་གྱིས་གཅིག་ལ་གཅིག །ཡབ་དང་ཡུམ་དང་གཉིས་མེད་དང་། །གང་ལ་གང་གིས་གླེང་བསླང་བ། །བརྡ་དང་དགོངས་པའི་ཚིག་གིས་ཏེ། །བསྟན་པའི་ཚོགས་ནི་སྣང་བར་འགྱུར། །འཕེན་པ་རླུང་གི་སྦྱོར་བ་ཡིས། །ཐབས་དེས་ཡུམ་ལ་གང་བསྐུལ་བས། །གཉིས་མེད་འདྲེལ་པའི་ཆགས་པའི་འོད། །ས་ཡ་བཅུ་གསུམ་སྐུ་གསུང་ཐུགས། །བདེ་ཆེན་ལྷ་རུ་གསལ་བྱས་ཤིང་། །ནམ་མཁའི་ཡེ་ཤེས་མངོན་ཕྱུང་ནས། །བདེ་བའི་ཡེ་ཤེས་གསལ་བའི་རོ། །སྐྱེ་དང་དགའ་དང་གནས་པ་དང་། །འགྲོ་འོང་ཉིད་ལས་ཤེས་པར་འགྱུར། །གང་གིས་གང་ལ་གང་བསླང་བས། །གང་རྐྱེན་དབང་གིས་དེ་དག་ལས། །ཡེ་ཤེས་གསལ་བར་གང་སྣང་བས། །སྣང་སྲིད་ལུས་དང་དངོས་པོར་བཅས། །ནམ་མཁའི་ཡེ་ཤེས་ཅིར་ཡང་སྣང་། །ནང་གི་གླེང་བསླང་ཐབས་ཆེན་ཡིན། །གང་ཕྱིར་ཐབས་ཀྱིས་ཤེས་རབ་ལ། །ཆགས་པའི་གླུ་དང་སྦྱོར་བས་བསྐུལ། །ཤེས་རབ་ཐབས་ལ་ལན་བསྐུལ་བའང་། །ཤ་ད་པ་ཡི་གླུ་གར་དང་། །སྔགས་སྦྱོར་བ་ཡི་རིམ་པ་ཡིས། །ཕྱག་རྒྱ་བཞི་ཡིས་མངོན་སྦྱར་བས། །ཐབས་དང་ཤེས་རབ་གཉིས་མེད་པའི། །རྒྱུ་བ་རླུང་གི་སྦྱོར་བ་ཡིས། །དགུག་དང་བཀུག་པའི་ཐབས་ཉིད་དེ། །དབབ་དང་གཟུང་དང་བསྐྱིལ་བ་དང་། །ཟློག་དང་གཟུང་དང་སྦྱར་བ་ཡིས། །བསྐྱེད་དང་རྫོགས་དང་རྫོགས་ཆེན་པོ། །ཐུན་མོང་ཐུན་མོང་མ་ཡིན་པའི། །མཐར་ཐུག་རིམ་པ་ལས་བྱུང་བའི། །ཀུན་ཀྱང་སེམས་ལྔར་སྣང་བ་སྟེ། །ཐབས་ལས་བྱུང་བའི་ཐིག་ལེ་དང་། །ཤེས་རབ་གསང་བའི་ཐིག་ལེ་དང་། །གཉིས་མེད་བདེ་བ་ལས་བྱུང་བ། །སེམས་ལྔ་རིམ་པར་སྣང་བར་འགྱུར། །ཐབས་དང་ཤེས་རབ་མཉམ་སྦྱོར་ཞིང་། །སྐུ་དང་གསུང་ཐུགས་ལས་བྱུང་བ། །བྱེ་བྲག་བརྒྱད་ཅུ་ཀུན་འདུས་པ། །དཀྱིལ་འཁོར་བཞི་བཅུ་རྩ་གཉིས་ཏེ། །སྐུ་གསུང་ཐུགས་ ― DNG011_Page_0180 ―
[མ་དཔེ་གཟིགས་ན་འདིར་གནོན།]
དང་ཡེ་ཤེས་ལྔས། །ཐབས་དང་རང་བཞིན་འདྲེལ་པ་ཡིས། །འགྲོ་བ་ཀུན་ལ་རྒྱས་བཏབ་པའོ། །སྣོད་བཅུད་བདེ་བའི་རང་བཞིན་གྱིས། །མ་ལུས་ལྷན་ཅིག་སྐྱེས་པར་གནས། །གཡོ་ལྡང་སྨོན་འཇུག་གནས་མཐར་ཕྱིན། །སྐྱེ་བའི་གཞི་དང་ཐབས་དག་དང་། །སྐྱེས་ནས་མཐར་ཕྱིན་ཡེ་ཤེས་ལྔ། །སངས་རྒྱས་ཀུན་གྱི་རང་བཞིན་ཉིད། །ཇི་ལྟ་བ་བཞིན་རྣམ་པར་གནས། །འགྲོ་བ་མོས་པའི་ཁྱད་པར་གྱིས། །གཟུགས་དང་ཁ་དོག་སྔགས་དང་འོད། །དཀྱིལ་འཁོར་ལ་སོགས་སོ་སོར་གནས། །གང་ཟག་བློ་དང་འཚམ་པར་བསྟན། །རྟེན་དང་བརྟེན་ཅན་ལས་བྱུང་བའི། །རང་འབྱུང་བདེ་ཆེན་མི་རྟོག་པ། །ལུས་མེད་ལུས་ལ་གནས་པ་ཡི། །ཁྱབ་པ་གཉིས་མེད་གང་བའི་ཚུལ། །གང་ཕྱིར་ཟག་མེད་བདེ་བ་ཡི། །ཏིང་འཛིན་བདེ་བ་ཁྱད་པར་ཅན། །རང་བཞིན་བརྟགས་དང་སྣང་བ་དང་། །བྱིན་རློབ་ནུས་པའི་ལྷ་ཡིས་ནི། །ཕྱི་ནང་སྣོད་བཅུད་སྐུ་གསུང་ཐུགས། །མ་ལུས་སྦྱོར་བ་གསུམ་ལས་བྱུང་། །རྩ་དང་རླུང་དང་ཐིག་ལེ་དག །རིམ་པར་བསྟེན་དང་སྦྱོར་བ་དང་། །འཕེན་དང་སྡུད་པ་རླུང་གིས་ཏེ། །དྭངས་མར་ཡེ་ཤེས་རླུང་གིས་འཇུག །སྟེང་དང་འོག་ལས་བྱུང་བ་ཡི། །བདེ་བའི་ཐིག་ལེ་རིམ་པ་དག །དྭངས་སྙིགས་རླུང་གི་ཁྱད་པར་གྱིས། །ཇི་ལྟར་འདོད་པའི་འབྲས་བུ་ཉིད། །རྐྱེན་གྱིས་ནུས་པ་ཕྲད་པ་ལྟར། །རྒྱུ་གཅིག་ནུས་པ་སོ་སོར་སྣང་། །འཇིག་རྟེན་འདས་དང་འཇིག་རྟེན་པའི། །ལམ་ནི་རྩ་དང་ཐིག་ལེ་དང་། །རླུང་ནི་ཕྱི་ནང་དྭངས་སྙིགས་དང་། །ལམ་དང་རྒྱུ་བའི་ཚུལ་ལས་བྱུང་། །གང་ཕྱིར་མེད་དང་ནུས་པ་མེད། །སྟོངས་དང་ལོག་པའི་ནུས་མཐུ་ཡིས། །རང་ལུས་འཇིག་དང་སྡུག་བསྔལ་ཞིང་། །དབང་པོ་མ་ཚང་དམན་པར་གྱུར། །གང་ཕྱིར་ཐུན་མོང་ཐུན་མོང་མིན། །སེམས་ལྔ་ཡེ་ཤེས་ལྔ་བསྟན་པ། །རང་བཞིན་ཏིང་འཛིན་གཟུགས་བརྙན་དུ། །གཟུངས་མ་རིགས་ལ་རྟེན་བཅས་པའི། །སེམས་ལྔ་ཡུན་རིང་ཐུང་བཅས་པས། །བདག་གཞན་ཆོས་རྣམས་མ་ལུས་པ། །ལྷན་ཅིག་སྐྱེས་པའི་ཡེ་ཤེས་ཏེ། །དངོས་པོ་མ་ཡིན་དངོས་མེད་མིན། །བདག་གཞན་གཉིས་ཀ་གཉིས་མེད་མིན། །རང་འབྱུང་བདེ་ཆེན་སྒྱུ་མ་ཉིད། །རྡོ་རྗེ་བརྟན་པོ་རང་སྣང་ ― DNG011_Page_0181 ―
[མ་དཔེ་གཟིགས་ན་འདིར་གནོན།]
བ། །ཡེ་ཤེས་སྒྱུ་མ་ལྷུན་གྱིས་གྲུབ། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་གླེང་བསླང་བ་བཤད་པའི་ལེའུ་སྟེ་གསུམ་པའོ།། །།དེ་ནས་གཞན་ཡང་བཤད་བྱ་བ། །ཀུན་གྱི་ཤེས་བྱ་ཡུལ་བཤད་པ། །ཆོས་རྣམས་མ་ལུས་ཐམས་ཅད་ཀུན། །གཅིག་དང་ཐ་དད་ཀུན་བྲལ་བའི། །མཐའ་དང་དབུས་མེད་དེ་བཞིན་ཉིད། །སྒྲོ་སྐུར་ཀུན་བྲལ་མཉམ་པ་ལས། །རྟོགས་དང་མ་རྟོགས་ཁྱད་པར་ལས། །སྣ་ཚོགས་ཆོས་ནི་རྣམ་པར་འཕྲུལ། །གཞི་དང་རྩ་བ་ལས་འདས་པའི། །རང་བཞིན་དབྱེར་མེད་དེ་བཞིན་ཉིད། །དངོས་མེད་དངོས་པོ་ཡུལ་འདས་ལ། །འཁོར་དང་མྱ་ངན་འདས་པ་ཡི། །ངོ་བོ་སྣ་ཚོགས་རང་སྣང་བ། །གཉིས་མེད་ཐབས་ཆེན་རྡོ་རྗེ་ཉིད། །ཨེ་མའོ་གཉིས་མེད་བདེ་ཆེན་ལས། །སྣ་ཚོགས་གནས་དང་ལོངས་སྤྱོད་དང་། །རིགས་དང་ཁ་དོག་ཚེ་ཚད་དང་། །བདེ་སྡུག་དབང་པོ་བྱེ་བྲག་དག །རང་བཞིན་སྣ་ཚོགས་རྣམ་པར་འཕྲུལ། །སྒྱུ་མ་ཆུ་ཟླ་འཇའ་ཚོན་ལྟར། །བྱང་ཆུབ་སེམས་ཀྱི་ངོ་བོར་གནས། །ལས་དང་རྐྱེན་གྱིས་གང་སྣང་བ། །རང་རང་ཞེན་པའི་ཐ་དད་ཀྱིས། །དབང་པོ་ཁྱད་པར་སྣ་ཚོགས་པའི། །རྟོག་པའི་ནུས་པ་སྣ་ཚོགས་མཐོང་། །རང་བཞིན་གཞི་རྩ་མེད་པའི་དབྱིངས། །ལྷན་ཅིག་སྐྱེས་དང་ཀུན་བརྟགས་པའི། །མ་མཐོང་ལོག་ཞེན་རྟས་པ་ཡིས། །འཁྲུལ་འཁོར་ལོག་པའི་སྟོབས་སུ་སྣང་། །འཁོར་བ་མ་བསལ་དག་པ་ཡི། །ཞིང་དང་སྤྱོད་ཡུལ་ལོངས་སྤྱོད་དང་། །ཏིང་འཛིན་དབང་སྟོབས་རྫུ་འཕྲུལ་དང་། །མངོན་ཤེས་ཡེ་ཤེས་དཔག་མེད་པའི། །སྣ་ཚོགས་སྐུ་དང་གསུང་ཐུགས་དང་། །ཡོན་ཏན་ཕྲིན་ལས་རང་སྣང་བ། །བདག་གཞན་ལྷུན་གྱིས་གྲུབ་པའི་དོན། །སྣ་ཚོགས་ཡིད་བཞིན་ནོར་བུ་ལྟར། །མ་བསགས་ལྷུན་གྱིས་གྲུབ་པའི་སྐུ། །སྣ་ཚོགས་ཀུན་དང་དབྱེར་མེད་པའི། །ཀུན་ལ་ཡིད་བཞིན་མཐུན་པར་སྣང་། །ཀུན་ཀྱང་རང་འབྱུང་བྱང་ཆུབ་སེམས། །བདེན་པ་དབྱེར་མེད་དོན་དུ་སྣང་། །གང་ཕྱིར་ནམ་མཁའི་རང་བཞིན་ལྟར། །གང་ལ་དེ་ལྟར་སྣང་བ་ལས། །ཡང་དག་གཅིག་ཏུ་གཟུང་དུ་མེད། །མ་བཅོས་རང་འབྱུང་ཞི་བ་ཉིད། །རྣམ་པར་དག་ ― DNG011_Page_0182 ―
[མ་དཔེ་གཟིགས་ན་འདིར་གནོན།]
པའི་སྙིང་པོ་སྟེ། །འཁོར་བ་ཉིད་ན་མྱ་ངན་འདས། །རྣམ་པར་དག་པའི་དབྱིངས་སུ་མཁྱེན། །སྒྲོ་དང་སྐུར་པ་ཀུན་བྲལ་བའི། །ཐམས་ཅད་རང་སྣང་སྙིང་པོ་ལས། །སྣ་ཚོགས་མ་ལུས་རྣམ་པར་འཕྲུལ། །དངོས་དང་དངོས་པོ་མེད་མིན་ཞིང་། །གང་ལ་དེ་ཉིད་ཡུལ་འདས་པ། །ནམ་མཁའ་ལྟ་བུར་དཔག་མེད་པ། །ཕྱོགས་རིས་མཐའ་དབུས་རྒྱ་དཔག་མེད། །གང་གིས་གང་ལ་ཁྱབ་པ་ལྟར། །མཁའ་སོགས་རྡུལ་བྲལ་འབྱུང་བའི་བཅུད། །ཟག་པ་མེད་པའི་སྙིང་པོ་ཉིད། །ལུས་ཅན་ཀུན་གྱི་དབང་པོ་དང་། །དྭངས་མར་འདྲེལ་བར་གང་སྣང་ཡང་། །མཐོང་བ་ལོག་པའི་སྟོབས་ཀྱིས་སྒྱུར། །བདག་གཞན་མེད་པའི་རང་སྣང་ཡིན། །མ་ལུས་ཐམས་ཅད་དབྱེར་མེད་པའི། །ཐབས་དང་ཤེས་རབ་བཅུད་ལྔའི་རྒྱུན། །ལོངས་སྤྱོད་ཐབས་སུ་བཅས་པ་ཉིད། །འགྲོ་བ་ཀུན་ལ་ཁྱབ་པར་གནས། །གང་ཡང་ཐབས་དང་ཤེས་རབ་ཀྱི། །སྒྱུ་འཕྲུལ་དྲ་བའི་རང་བཞིན་ཉིད། །རང་བཞིན་དབྱེར་མེད་བྱང་ཆུབ་སེམས། །བདེ་བ་ཆེན་པོའི་ངོ་བོ་ཉིད། །འདས་དང་ད་ལྟར་མ་བྱོན་གྱི། །རྒྱལ་བ་རིག་འཛིན་མཐའ་ཡས་དང་། །མ་ལུས་ཀུན་གྱིས་རྟོགས་བྱ་བ། །ཕྱོགས་མེད་ཁྱབ་པའི་ངོ་བོར་གནས། །གང་སྣང་མ་ལུས་དེ་བཞིན་ཉིད། །མ་བཅོས་མ་བྱས་ཞི་བ་སྟེ། །གཅིག་དང་དུ་མ་ལས་འདས་པ། །སངས་རྒྱས་ཀུན་གྱི་རང་བཞིན་ཉིད། །མཐའ་བྲལ་ནམ་མཁའི་རང་བཞིན་ལྟར། །མ་ལུས་གནས་པ་དེ་དག་ཀྱང་། །རྟོགས་པའི་ཁྱད་པར་དབང་པོ་ཡི། །མཐོང་ཚུལ་དག་དང་མ་དག་གིས། །རང་བཞིན་ཡུལ་དུ་མ་གྱུར་པས། །ཕྱི་ནང་གསང་བ་ལ་སོགས་པའི། །དབང་དང་མན་ངག་འདྲེལ་པ་ཡིས། །དེ་ཉིད་མཐོང་རྟོགས་དོན་ཕྱིར་བཤད། །གང་ཕྱིར་རྡོ་རྗེ་སློབ་དཔོན་ཉིད། །ཡོན་ཏན་ཡོངས་རྫོགས་ནུས་པ་ཅན། །དད་དང་བརྩོན་འགྲུས་བརྟུལ་ཞུགས་ཅན། །ཤེས་རབ་ཁྱད་པར་གང་ལྡན་ལ། །དབང་དང་དམ་ཚིག་མན་ངག་དང་། །རྒྱུ་རྐྱེན་འདྲེལ་པའི་ནུས་པ་ཡི། །བདེ་བ་གསལ་བ་མི་རྟོག་པ། །ཐབས་ཀྱིས་ཕུན་སུམ་ཚོགས་པར་འགྱུར། །གསང་བའི་གསང་ཆེན་སྙིང་པོ་ཉིད། །སྐུ་གསུང་ཐུགས་ཀྱི་དངོས་ ― DNG011_Page_0183 ―
[མ་དཔེ་གཟིགས་ན་འདིར་གནོན།]
གྲུབ་སྟེ། །ཕྱི་ནང་བདག་གཞན་མ་ལུས་པ། །ཐམས་ཅད་དབྱེར་མེད་དེ་བཞིན་ཉིད། །ཐབས་བྲལ་ཀུན་ལ་རྒྱས་བཏབ་པས། །མུན་པའི་ཚོགས་སུ་གྱུར་པ་ཡིན། །མུན་སྣང་དུག་དང་གསེར་འགྱུར་རྩི། །ཐབས་མཁས་རང་བཞིན་ངེས་འགྱུར་ལྟར། །གང་དེའི་ལྟ་སྤྱོད་ཏིང་འཛིན་གྱིས། །དེ་མ་ཐག་ཏུ་དེ་བཞིན་འགྱུར། །དབྱེར་མེད་ནམ་མཁའི་རང་བཞིན་དུ། །ཁ་དོག་དབྱིབས་དང་རྫས་ལ་སོགས། །མ་ལུས་ཐ་དད་མེད་པ་ལྟར། །ཐབས་མཁས་མ་ལུས་དེ་བཞིན་འགྱུར། །ཐ་མལ་པ་དང་ལོག་པ་དང་། །དཀའ་ཐུབ་ཅན་དང་རྐྱེན་རྟོགས་དང་། །ཕྱི་ནང་ཅན་དང་ཐ་དད་ཅན། །གཙང་སྨེ་ཅན་དང་ཕྱོགས་རྟོགས་ཉིད། །མཉམ་ཉིད་ལྟ་ལས་གང་འདས་པ། །ངོ་བོ་ཉིད་དང་ཐབས་དག་དང་། །དབང་པོ་ལ་སོགས་ལོག་པ་ཡིས། །དེ་ཉིད་གནོད་པའི་སྟོབས་སུ་འགྱུར། །གང་ལ་གང་གིས་ཟིན་པའི་ནད། །ཐབས་དང་བརྩོན་འགྲུས་ལེགས་པ་ཡིས། །དེ་ལྟར་བརྩོན་པའི་ཁྱད་པར་གྱིས། །དེ་ཉིད་མ་སྤངས་རྣམ་པར་དག །གང་ཕྱིར་དེ་ཉིད་ངེས་པ་ལ། །རྟོགས་དང་མ་རྟོགས་ཁྱད་པར་གྱིས། །ཐ་དད་ཆོས་སུ་གང་སྣང་བ། །དངོས་ལ་དེ་ལྟར་གནས་པ་མིན། །རྡོ་རྗེ་སྐྱེ་མེད་ཤེས་རབ་སྟེ། །མེ་ལོང་ཐབས་ཉིད་སྣ་ཚོགས་སྣང་། །གཉིས་མེད་འདྲེལ་པའི་མཉམ་པ་ཉིད། །མ་ལུས་དབྱེར་མེད་དམ་པར་བཤད། །དེ་ནས་རྟོགས་སྒོ་བཤད་བྱ་བ། །གང་ལ་གང་གི་དོན་མེད་པས། །ལྟ་དང་སྤྱོད་དང་ལམ་འབྲས་དག །འདི་ཉིད་དོན་གཉེར་གཞན་མེད་པའོ། །གང་གིས་དེ་དག་དེ་དོན་དུ། །ཚིག་དང་སྔགས་རྫས་དཀའ་ཐུབ་ཀྱིས། །གང་བསྟན་དེ་ཡི་བྱིན་བརླབས་ཀྱིས། །བདག་གཞན་ཕན་པར་གང་འདོད་པའོ། །གང་ལས་གྱུར་པ་དེ་ཞིག་པས། །ལུས་སེམས་འབྱུང་བའི་བག་ལ་གནས། །ཕྱིན་ཅད་ཕན་གནོད་ཆོས་མེད་པས། །དཀའ་ཐུབ་འབད་རྩོལ་མི་དགོས་སོ། །གང་ཕྱིར་བྱེད་པའི་རྒྱུ་བཞི་དག །མཉེས་དང་དག་པས་བདེ་བྱའི་ཕྱིར། །ལས་དང་དཀའ་ཐུབ་དྲག་ཤུལ་གྱིས། །གྲོལ་ཞིང་ཐར་བར་འདོད་པར་སྣང་། །བདེན་བཞི་བཅུ་དྲུག་ཐ་དད་ལམ། །ཁམས་གསུམ་མཐོང་བསྒོམ་སྤོང་ཚུལ་གྱིས། །རང་དོན་ཟག་པ་ཀུན་བྲལ་ནས། །རང་དོན་ཐར་པ་མྱ་ངན་འདས། །རྐྱེན་རྟོགས་ ― DNG011_Page_0184 ―
[མ་དཔེ་གཟིགས་ན་འདིར་གནོན།]
བག་ཆགས་སད་པ་ཡིས། །འབྱུང་མེད་བཅུ་གཉིས་རང་བརྟགས་ནས། །མ་རིག་འཁྲུལ་འཁོར་རྒྱུ་འབྲས་ཟད། །ཡིད་བཞིན་བདེ་བ་མཆོག་གི་ས། །ཐ་དད་མེད་པའི་རིག་པའི་སེམས། །བདེན་བརྫུན་ཁྱད་པར་ཅིར་བལྟས་པ། །གསལ་ལ་མི་རྟོག་སྙིང་པོ་ཉིད། །བདག་གཞན་ནུས་པའི་སྟོབས་སུ་སྣང་། །ཆོས་རྣམས་སྒྱུ་མ་མིག་ཡོར་དང་། །བྲག་ཅ་ཆུ་ཟླ་འདྲ་བ་ཡི། །དེ་ཉིད་མཐའ་དབུས་བྲལ་བ་ནི། །བདེན་གཉིས་འདྲེལ་པ་དབུ་མའི་ཚུལ། །རྡོ་རྗེ་དམ་པ་གསུམ་བཀོད་དེ། །དངོས་པོ་སྒྱུ་མ་ལས་གྲོལ་ནས། །དག་པའི་རྟེན་འདྲེལ་ལ་བརྟེན་ནས། །ཡེ་ཤེས་སྒྱུ་མ་མངོན་སུམ་ཤར། །གང་ཕྱིར་ལས་དང་བྱ་བ་དང་། །ཁྲུས་དང་གཙང་སྦྲ་ལ་བརྟེན་ནས། །སྔགས་དང་ཕྱག་རྒྱའི་མཐུ་སྟོབས་ཀྱིས། །སྒོ་གསུམ་རྡོ་རྗེ་འཛིན་པའི་ས། །དེ་དག་ལས་མཐུན་ཁྱད་པར་ཉིད། །དེ་ཁོ་ན་ཉིད་བཞི་རྟོགས་ནས། །ལས་དང་ཏིང་འཛིན་འདྲེལ་གོམས་པས། །རྡོ་རྗེ་འཆང་བའི་ས་ལ་གནས། །ཏིང་འཛིན་རིག་པ་གཙོར་བྱས་ནས། །སྔགས་དང་ཕྱག་རྒྱ་བསམ་པ་ཡིས། །ཆ་ལུགས་ཇི་བཞིན་མངོན་སྒྱུར་ཏེ། །གོམས་པས་བདག་གཞན་དོན་གྲུབ་པའོ། །ཐབས་དང་གྲོལ་བའི་ཁྱད་པར་གྱིས། །དབང་པོ་ཡུལ་དང་རྣམ་ཤེས་དང་། །སྣང་སྲིད་ཕྱི་ནང་སྣོད་བཅུད་ཀྱི། །སྤྱོད་ཡུལ་ཇི་ལྟར་འགྱུར་བ་ཀུན། །ཐབས་དང་ཤེས་རབ་དབྱེར་མེད་པའི། །གསང་བའི་ཐབས་ཀྱིས་རྒྱས་བཏབ་པས། །མ་ལུས་རྡོ་རྗེ་ཉིད་དུ་འགྱུར། །སྣང་སྲིད་དཔའ་བོ་ཐབས་ཆེན་དེ། །རང་བཞིན་དབྱེར་མེད་དག་པ་ཡི། །སྣ་ཚོགས་འཕྲུལ་པ་རང་སྣང་བས། །མ་ལུས་གཉིས་མེད་ཡེ་ཤེས་ཡིན། །ཐབས་དང་ཤེས་རབ་གཉིས་མེད་པའི། །ཐབས་དང་རིག་པ་གང་ཟིན་པ། །གཞན་གྱིས་དོར་བའི་འཁོར་བའི་ཆོས། །ཡེ་ཤེས་བདུད་རྩིའི་ངོ་བོར་འགྱུར། །མ་ལུས་གཅིག་དང་ཐ་བྲལ་བའི། །ཇི་ལྟར་མཐུན་པའི་སྙིང་པོ་ལ། །སོ་སོའི་དོན་ལྟར་མི་གནས་པས། །བསྐྱེད་པ་ལྷ་དང་གཞལ་ཡས་དང་། །རྫོགས་པ་ནམ་མཁའི་ཡེ་ཤེས་དང་། །དངོས་པོ་ལྷན་ཅིག་སྐྱེས་པ་རུ། །སྣང་བ་རྐྱེན་གྱིས་སྒྱུར་བ་ལྟར། །མ་ལུས་དེ་ཡི་ངོ་བོར་འགྱུར། ། ― DNG011_Page_0185 ―
[མ་དཔེ་གཟིགས་ན་འདིར་གནོན།]
དེ་དག་བལྟས་པའི་ཁྱད་པར་གྱིས། །རང་རེའི་མོས་དང་བསམ་པ་དང་། །ནུས་པའི་རིམ་པ་ཅིར་སྣང་ཡང་། །ནམ་མཁའ་དང་བའི་རང་བཞིན་ལས། །ཉི་ཟླ་གཟའ་སྐར་སྤྲིན་ཁུ་རླངས། །རང་འབྱུང་རང་དྭངས་འགྱུར་མེད་ལྟར། །ཇི་ལྟར་སྣང་བའི་ཆོས་རྣམས་ཀུན། །དངོས་དབང་དོན་ལས་མ་གཡོས་པས། །དེ་དག་དེ་ལྟར་ཉིད་སྣང་བས། །དེ་ཉིད་ནམ་མཁའི་ཁོངས་སུ་འདུ། །དེ་ནས་གཏན་ཚིགས་བཤད་པར་བྱ། །མ་ལུས་འགྲོ་བ་ཐམས་ཅད་ལ། །བྱང་ཆུབ་སྙིང་པོས་ཀུན་ཁྱབ་པས། །ཀུན་གྱིས་མཐོང་གོམས་བྱ་དགོས་པས། །སོ་སོ་ཐུན་མོང་གཏན་ཚིགས་དང་། །ཐུན་མོང་མ་ཡིན་ལ་སོགས་པ། །རྒྱ་མཚོ་ཀློང་དང་ཆུ་བོ་ལྟར། །མ་ལུས་འདུལ་ཤིང་འབྱུང་བ་ཡིན། །ཐུན་མོང་བཞི་སོགས་གང་ཡིན་པ། །ལོག་ལྟ་ཕྱོགས་འཛིན་དགག་པ་དང་། །དངོས་དབང་ཐབས་དང་འདྲེལ་མཚོན་ཕྱིར། །ཐུན་མོང་གཏན་ཚིགས་བརྗོད་པ་ཡིན། །གང་ཕྱིར་གཏན་ཚིགས་ཐམས་ཅད་ཀྱིས། །རང་ལས་འཕྲུལ་ཕྱིར་མེ་ལོང་ཉིད། །མ་ལུས་གཅིག་དང་ཐ་དད་མིན། །གང་གི་མཐའ་ལས་ཡོངས་གྲོལ་ཏེ། །དབུས་སུ་གཟུང་མེད་གཏན་ལ་ཕེབས། །གཅིག་དང་དུ་མ་བྲལ་བའོ། །རྒྱུ་དང་རྐྱེན་དང་འབྲས་བུ་སྟེ། །ཐབས་དེ་གདོད་ནས་དག་པ་གསུམ། །མ་ལུས་རང་སྣང་རྟོགས་པ་ཉིད། །མཚན་ཉིད་དེ་ཡི་མཚན་ཉིད་དོ། །རྒྱུ་གཅིག་པ་དང་ཡིག་འབྲུའི་ཚུལ། །བྱིན་གྱིས་བརླབས་དང་མངོན་སུམ་པ། །མ་ལུས་རྟོགས་པ་བཞིར་ཤར་ཏེ། །དེ་ཉིད་རྟོགས་པ་བཞིར་སྣང་ངོ་། །མ་སྐྱེས་ངང་ལས་གང་སྣང་བ། །ཆུ་དང་རླབས་བཞིན་གཅིག་པས་ན། །དེ་དང་དེར་གཅིག་དབྱེར་མེད་པས། །དངོས་པོ་ལོ་རྒྱུས་ཉིད་ཀྱིས་ཤེས། །འཁོར་དང་མྱ་ངན་འདས་པ་ཡི། །རྩ་བ་ཆགས་སྡང་ལྔ་ཉིད་དེ། །གཞི་རྩ་མ་བཅོས་སྐད་ཅིག་མ། །དེ་ཉིད་རང་སྤྱིར་གང་སྣང་བ། །རྟོགས་པས་སྤྱི་དང་རང་མཚན་ཤེས། །སྣོད་བཅུད་རྒྱུད་རྣམས་མཐའ་ཡས་དང་། །མཉམ་གཉིས་ལྷག་པའི་མཉམ་གཉིས་ཀྱིས། །དངོས་པོ་སྣང་གྲགས་ཆོས་རྣམས་ཀུན། །མ་བཅོས་དེ་བཞིན་ཉིད་དུ་གནས། །མ་ལུས་སྙིང་པོ་ཐིག་ལེ་དང་། །ལྔ་བདག་བརྒྱད་ཅུ་རྩ་གཉིས་རྒྱུ། །ས་ཡ་བཅུ་ ― DNG011_Page_0186 ―
[མ་དཔེ་གཟིགས་ན་འདིར་གནོན།]
གསུམ་རྩ་ཡན་ལག །རོ་དང་གནས་སྐབས་ཀུན་ལས་གྲོལ། །དང་པོ་གནས་དང་གཉིས་པ་གཉིས། །གསུམ་པ་མ་ལུས་ཁྱབ་བྱེད་པ། །ཉམས་སུ་མྱོང་བྱེད་གཏན་ཚིགས་སོ། །ཐིག་ལེ་གནས་དང་ཡིག་འབྲུ་དང་། །དེ་ཡི་བྱིན་བརླབས་འདྲེས་པ་ཡིས། །བདེ་བ་ཆེན་པོ་མངོན་དུ་སྣང་། །ཆུ་ལས་ཆུ་བོ་ཐ་དད་དེ། །རྒྱ་མཚོ་ལས་ནི་ཆུ་ཐིགས་དང་། །ལམ་དང་ཞིང་སའི་འབྲས་བུ་ལྟར། །ཐབས་ཀྱི་ཁྱད་པར་སྣང་བ་ཡིན། །དྭངས་མ་ལྔ་ལས་གང་བྱུང་བ། །ཇི་སྙེད་ལུས་སེམས་རྩ་ཐིག་ལེ། །ཁམས་ལྔའི་རོ་དང་བཅུད་སྣང་བ། །ཡེ་ཤེས་ཆེན་པོར་གཏོགས་པ་ཡིན། །གསུམ་དངོས་བརྒྱད་སོགས་ཁ་དོག་གྲངས། །གནས་པ་གང་ཡིན་དེ་སྣོད་དེ། །སོ་སོའི་བཅུད་ཀྱི་ཁྱད་པར་ལས། །བྱང་ཆུབ་སེམས་ཉིད་གསལ་བར་སྣང་། །དོན་དམ་ཀུན་རྫོབ་དབྱེར་མེད་པའི། །བདེན་བཞི་དབྱེར་མེད་དྭངས་མ་ཉིད། །མ་ལུས་ཁྱབ་པའི་ཚུལ་གྱིས་སྣང་། །ཐབས་དང་ཤེས་རབ་གཉིས་མེད་པའི། །ཐིག་ལེ་གཅིག་དང་དུ་མ་ཉིད། །བྲལ་བའི་ཡེ་ཤེས་ཆེན་པོ་ཉིད། །གཅིག་དང་དུ་མ་ལས་གྲོལ་བའོ། །བཅུད་འདུས་ཐིག་ལེ་གཉིས་རོ་རྒྱུ། །རླུང་དང་གདམས་ངག་རྐྱེན་ལྡན་པས། །འབྲས་བུ་ལྷན་ཅིག་སྐྱེས་པར་སྣང་། །རང་ལ་གནས་པ་ཐབས་ཀྱིས་གསལ། །ཐབས་དང་ཤེས་རབ་འདྲེལ་བའི་རོ། །རྩ་ཡིག་བཅས་པ་བཅུད་འདུས་པས། །ཐབས་དང་རླུང་གི་གདམས་པ་ཡིས། །མ་ལུས་ལྷན་སྐྱེས་མངོན་སུམ་གསལ། །བདེ་དང་སྟོང་ཉིད་མི་ཕྱེད་པ། །རང་རིག་བདེ་ཆེན་མ་སྐྱེས་གཟུགས། །མ་ལུས་འོད་དང་རྣམ་པ་ལྟར། །དབྱེར་མེད་ཚུལ་དང་རང་སྣང་བའོ། །བདེ་བས་བསྐྱེད་པའི་རྟོག་པ་ལྔ། །རྩ་བ་ཡན་ལག་བཅས་པ་ཉིད། །མ་ལུས་ཡེ་ཤེས་ཆེན་པོ་ཉིད། །ཡེ་ཤེས་ལྔ་ཡི་རྒྱས་བཏབ་པའོ། །དབང་པོ་སྣོད་བཅུད་བཅས་པ་ཡིས། །ཡབ་ཡུམ་འདྲེལ་པར་བཅས་པའི་བཅུད། །སེམས་ལྔའི་རྒྱུད་དུ་རང་སྣང་བ། །མཉམ་པ་བཞི་ཡི་ཚུལ་དུ་གསལ། །དེ་ལ་སོགས་པ་མཐའ་ཡས་པའི། །ཕྱི་ནང་གསང་བ་མཐར་ཐུག་པའི། །གཏན་ཚིགས་མཐའ་ཡས་བཤད་པ་སྟེ། །རྡོ་རྗེ་མེ་ལོང་ ― DNG011_Page_0187 ―
[མ་དཔེ་གཟིགས་ན་འདིར་གནོན།]
བཤད་པའི་རྒྱུད། །གང་གིས་རྟོགས་པ་དེ་ཉིད་ནི། །མ་ལུས་རང་སྣང་སྐུ་གསུང་ཐུགས། །ཡོན་ཏན་ཕྲིན་ལས་རང་སྣང་བ། །ཟག་མེད་རང་འབྱུང་ངང་ལས་འཆར། །ཆོས་རྣམས་འབྲས་བུར་ལྷུན་རྫོགས་པའི། །བདག་དང་གཞན་དོན་ལྷུན་རྫོགས་པ། །མ་བཅོས་ཇི་བཞིན་ངང་བཞག་ལས། །ལྷུན་གྱིས་གྲུབ་པའི་དཀྱིལ་འཁོར་འབྱུང་། །གང་དག་གང་ལ་གང་བརྟེན་པས། །ལྷུན་གྱིས་གྲུབ་པས་འབྲས་བུ་ཉིད། །མ་བཅོས་སྒྱུ་མ་ལྷུན་གྲུབ་ཉིད། །དུས་བཞི་ཕྱོགས་བཅུ་མ་ལུས་པར། །ལྷུན་གྲུབ་འབྲས་བུར་རང་སྣང་བའོ། །རྡོ་རྗེ་སེམས་དཔའི་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་ལྟ་བ་མ་ལུས་པ་བཤད་པའི་ལེའུ་སྟེ་བཞི་པའོ།། །།དེ་ནས་གཞན་ཡང་བཤད་བྱ་བ། །སྒྱུ་འཕྲུལ་དྲ་བ་མངོན་རྫོགས་པའི། །སྤྱོད་པའི་ཁྱད་པར་མ་ལུས་པ། །འདི་དག་བཤད་པར་བྱ་བ་སྟེ། །རང་བཞིན་ཐབས་དང་མངོན་གྱུར་པས། །སྤྱོད་པ་མ་ལུས་བསྟན་པ་ཡིན། །ཨེ་མའོ་རང་རིག་སྙིང་པོ་ལས། །བདེ་སྡུག་གནས་དང་ལོངས་སྤྱོད་དང་། །ཚེ་དང་ཁ་དོག་ལ་སོགས་པ། །ལ་ལར་མངོན་པར་ཆགས་པ་སྟེ། །ལ་ལར་དྲག་ཤུལ་ཞེ་སྡང་སྤྱོད། །ལ་ལར་རི་བོས་ནོན་པ་ཉིད། །ལ་ལར་ལྡོངས་པའི་མུན་པ་ཉིད། །ལ་ལར་ཕྲག་དོག་སྣང་བ་ཡིན། །ལ་ལར་སེར་སྣ་འཐབ་རྩོད་དེ། །ལ་ལར་འཆལ་དང་བྱ་བ་བཏང་། །རྩོལ་དང་མི་རྩོལ་ལ་སོགས་པ། །དེ་ལ་སོགས་པ་མཐའ་ཡས་རྙེད། །ཆོས་དབྱིངས་མཐའ་ཡས་མུ་མེད་པའི། །ནམ་མཁའ་དབྱིངས་ནི་མཐའ་ཡས་པར། །སྤྱོད་པའི་ཁྱད་པར་དེ་ཉིད་དོ། །རང་འབྱུང་ཐབས་ཀྱི་སྤྱོད་པ་ཉིད། །ཇི་ལྟར་བསམ་ཞིང་བརྟགས་པ་ལྟར། །རང་བཞིན་དབྱེ་བ་མེད་པའི་ཕྱིར། །སྒོ་གསུམ་བྱེད་སྤྱོད་བསམ་མི་ཁྱབ། །ཐབས་དང་ཤེས་རབ་རང་བཞིན་གྱིས། །མ་ལུས་སངས་རྒྱས་གནས་གྱུར་ཀྱང་། །མ་རྟོགས་ཐབས་དང་བྲལ་བའི་ཕྱིར། །བདེ་སྡུག་སྣ་ཚོགས་བསམ་མི་ཁྱབ། །ཐབས་ཆེན་དག་དང་ལྡན་པ་ལ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ཆེན་པོ་དག །བྱང་ཆུབ་ལམ་དུ་བདེ་བར་བཤད། །ཐབས་དང་མི་ལྡན་སྐྱེ་བོ་ཡིས། །ཐབས་དང་བྱ་བ་སྣ་ཚོགས་ཀྱིས། །མཛད་སྤྱོད་དཀའ་བ་སྣ་ཚོགས་པ། །མི་དང་ལྷ་ལས་ཐར་བ་མེད། ། ― DNG011_Page_0188 ―
[མ་དཔེ་གཟིགས་ན་འདིར་གནོན།]
དཔེར་ན་དུག་དང་ལྡན་པ་ལ། །ཐབས་ཀྱི་ཁྱད་པར་ཇི་བཞིན་དུ། །རྟོགས་པའི་ཁྱད་པར་ཇི་བཞིན་དུ། །བདེ་དང་སྡུག་བསྔལ་སྣ་ཚོགས་རྒྱུན། །རང་བཞིན་གཉིས་མེད་དག་པ་ལས། །བརྟགས་པའི་བྱེ་བྲག་ཁྱད་པར་གྱིས། །མི་མཐུན་བདེ་སྡུག་སྣ་ཚོགས་མྱོང་། །མ་བཅོས་དབྱིངས་ལས་གཡོས་པ་མེད། །གང་དག་ཐུན་མོང་ངོ་དག་ལས། །ལས་དང་བྱ་བ་སྒོ་ནས་ནི། །སྤྱད་དང་སྤྱོད་དང་སྤྱོད་འགྱུར་ཕྱིར། །འདི་སྐད་སྤྱོད་པས་སྤྱོད་པར་གསུངས། །རང་བཞིན་རྒྱལ་བའི་སྤྱོད་པ་ཡིས། །ཆུ་དང་རླབས་ལྟར་ཁྱབ་གྱུར་ཀྱང་། །སྤོང་ལེན་བྱ་བ་སྣ་ཚོགས་ལས། །སྤྱོད་པ་ཐབས་ཀྱིས་ཟིན་པ་མེད། །གང་ཕྱིར་ཐབས་དང་ཤེས་རབ་དང་། །སྒྲ་དང་རྟོགས་པ་སྣ་ཚོགས་ཀྱིས། །ཐུན་མོང་ཡུལ་དུ་མ་གྱུར་པ། །ཐུན་མོང་མ་ཡིན་ཐབས་སྤྱོད་དེ། །ལ་ལར་ཐུན་མོང་ཉིད་དུ་སྟེ། །ཐར་པ་དང་ནི་མ་ཐར་པ། །ཀུན་དུ་རྒྱུ་དང་མུ་སྟེགས་དང་། །བུད་མེད་དང་ནི་མ་རབས་དང་། །རྒྱལ་པོ་དཔའ་བོ་དཀའ་ཐུབ་ཅན། །བྱིས་པ་ལ་སོགས་ཐ་དད་དེ། །ལ་ལར་དགོད་དང་དྲག་པོ་དང་། །གཤེ་དང་འཇིགས་དང་ཞི་བ་དང་། །ལ་ལར་དེ་བཞིན་ཆགས་ཆེན་པོ། །གཡོ་སྒྱུ་སྤྱོད་དང་གཡེམ་པར་སྟོན། །ཞི་དང་རྐུ་དང་ཕྲག་དོག་སྤྱོད། །འདོད་དང་ལོངས་སྤྱོད་གཟིར་བ་དང་། །གླུ་བྲོ་གར་དང་འཇོ་སྒེག་དང་། །དེ་བཞིན་འཇིགས་དང་སྡིགས་པ་དང་། །མ་རུངས་པ་དང་རྣམ་པར་འཚེ། །ཞིང་ཁམས་རྫུ་འཕྲུལ་སྤྱོད་པ་དང་། །ངོ་མཚར་ཆོ་འཕྲུལ་དུ་མ་དག །གང་དང་གང་གིས་མཛད་པ་དག །སྐྱེ་བོ་མ་ལུས་འདུལ་བའི་ཕྱིར། །མཛད་པ་མཐའ་ཡས་རྣམ་པར་སྟོན། །ཞི་ལ་ཚངས་དང་ཁྲོ་ལ་ཁྲོ། །ཐར་པ་ན་ཆུང་མཛེས་དང་རོལ། །གདུང་དང་རྨོངས་དང་སྡུག་བསྔལ་བ། །རང་རང་དེད་དཔོན་མཐའ་ཡས་པའི། །སྐུ་ཡི་རོལ་པ་མཐའ་ཡས་སྟོན། །བྱིན་གྱིས་བརླབས་དང་རང་སྣང་དང་། །བརྡ་དང་རིག་པ་ཏིང་འཛིན་དང་། །ཚིག་ཏུ་ཆགས་སྡང་རྨོངས་པ་དང་། །ཤིན་ཏུ་རྒྱལ་དང་ཕྲག་དོག་དང་། །འཇམ་དང་དལ་དང་སྙན་མི་སྙན། །རྩུབ་དང་དྲག་དང་སྦོམ་ཕྲ་དང་། །རིང་ཐུང་རོལ་མོ་ལྷ་ཀླུ་དང་། །མི་དང་མི་མིན་ ― DNG011_Page_0189 ―
[མ་དཔེ་གཟིགས་ན་འདིར་གནོན།]
འབྱུང་པོའི་སྒྲ། །ཁྱིམ་བདག་དབང་ཆེན་ལེགས་དཔོན་དང་། །ཆགས་ཅན་གཏུམ་པོ་ལ་སོགས་པའི། །སྣ་ཚོགས་རོལ་པ་མཐའ་ཡས་པ། །དག་དང་མ་དག་ཚུལ་གྱིས་ནི། །གསུང་གི་རོལ་པ་མཐའ་ཡས་སྣང་། །ལ་ལར་བྱམས་དང་སྡང་བ་དང་། །གཡེང་དང་མི་གཡེང་རྨོངས་དང་རི། །སྡུད་དང་མི་སྡུད་ཡལ་བ་དང་། །གྲོལ་དང་མ་གྲོལ་རྣོ་རྟུལ་དང་། །མ་རིག་ཡེ་ཤེས་ལ་སོགས་པ། །ཐུགས་ཀྱི་རོལ་པ་མཐའ་ཡས་པ། །ཐམས་ཅད་མཁྱེན་པའི་ཚུལ་གྱིས་སྣང་། །མཐའ་ཡས་དབྱེར་མེད་དམ་པ་ཉིད། །ལུང་དང་རིགས་པ་མན་ངག་གི། །ཚད་མ་དག་གིས་གང་བཅལ་བ། །ཤེས་བྱ་ཁོང་དུ་ཆུད་པར་འགྱུར། །དེ་ནས་ཆོས་རྣམས་མ་ལུས་པ། །བདག་གཞན་ཕྱི་ནང་དབྱེར་མེད་པའི། །ཐམས་ཅད་མཁྱེན་པའི་ཚུལ་གྱིས་སྣང་། །མཐའ་ཡས་དབྱེར་མེད་དམ་པ་ཉིད། །དྲན་དང་ཤེས་བཞིན་བརྟན་པོ་ཡིས། །དུས་གསུམ་རྒྱ་མཚོ་གཏིང་ལྟ་བུར། །མི་གཡོ་གསལ་བའི་ངང་གྱུར་ནས། །སྒོ་གསུམ་མཉམ་པར་སྦྱོར་བ་ཡིས། །དང་པོ་རྟོགས་པའི་སྤྱོད་པ་སྟེ། །དེ་བཞིན་ཉིད་ལ་གསལ་བརྟན་ཏེ། །སྟོང་པ་ཤེས་རབ་སྤྱོད་པར་བཤད། །དེ་ནས་ཕྱོགས་བཅུ་མ་ལུས་པ། །རང་འབྱུང་བྱང་ཆུབ་སེམས་ཉིད་ཕྱིར། །གང་སྣང་རང་རྒྱུད་དངོས་མེད་དེ། །སྒྱུ་མ་མིག་ཡོར་བྲག་ཅ་དང་། །སྨིག་རྒྱུ་ཆུ་བུར་ལ་སོགས་པ། །གོང་མའི་སྟོབས་དང་འདི་ཉིད་སྟོབས། །མཉམ་པར་སྦྱོར་བས་བསྒོམ་པར་བྱ། །གང་ལ་མ་བལྟས་མངོན་བྱས་དང་། །ཏིང་འཛིན་རིམ་པ་གཉིས་མེད་པས། །ཀུན་ལ་སྙིང་རྗེའི་སྤྱོད་པ་དག །དམ་པ་འདི་ནི་སྤྱད་པར་བྱ། །རང་བཞིན་ཆེད་དུ་དམིགས་པ་དང་། །ཁྱབ་དང་ཤུགས་ལས་གང་བྱུང་བའི། །སྙིང་རྗེའི་སྤྱོད་པར་རྣམ་པར་སྤྱད། །དེ་ནས་སྒྱུ་མ་ལྟ་བུ་ཉིད། །རང་ཉིད་ཕྱོགས་མེད་སྣང་བ་ཡིས། །ཅིར་ཡང་བསྒྱུར་དུ་རུང་བའི་ཕྱིར། །རིག་པ་དབུ་མར་གང་གསལ་བ། །ཉི་ཟླ་བརྩེགས་པའི་གདན་དུ་འབར། །ས་བོན་གང་ལས་ཐབས་ཆོ་གས། །འཕྲོ་འདུ་ཞུ་ནས་མངོན་གྱུར་པ། །རྡོ་རྗེ་གསུམ་གྱི་ངོ་བོར་སྣང་། །དེ་ཉིད་གཅིག་དང་ལྔ་གསུམ་གྱིས། །བརྟན་འབར་མཛེས་པར་གསལ་གྱུར་ཏེ། །མདུན་དང་གཞན་དུ་སྐབས་དག་སྦྱོར། །གཅིག་དང་ ― DNG011_Page_0190 ―
[མ་དཔེ་གཟིགས་ན་འདིར་གནོན།]
ངེས་མེད་རིམ་པ་དང་། །འཁོར་ལོ་ཞེས་བྱ་བཞི་རུ་གྱུར། །གང་གིས་གང་དེ་མ་བརྟེན་པར། །འཕྲོ་འདུ་བསྒོམས་པ་དོན་མེད་དེ། །སྐྱོན་བྲལ་གསལ་བརྟན་འདྲིས་པ་ཡིས། །གང་བསྒོམས་གསལ་བར་མངོན་དུ་འགྱུར། །ཐ་མལ་ཞེན་རྟོག་ཟློག་པ་དང་། །ལམ་གྱི་འདྲེལ་པར་བྱ་བ་དང་། །དངོས་གྲུབ་འབྲས་ལ་མྱུར་འཇུག་པས། །རྟགས་ཀྱི་ལྷ་ནི་བསྒོམ་པར་བྱ། །དེ་ལྟར་བརྟན་འགྱུར་གསལ་བ་ལ། །བདག་གཞན་ཕྱི་ནང་མ་ལུས་པའི། །སྒོ་གསུམ་སྐུ་གསུང་ཐུགས་གསལ་བས། །ཐུན་མོང་སྤྱོད་པ་རྣམ་བཅད་ལ། །སྒོ་གསུམ་མཉམ་བཞག་རྗེས་ཐོབ་མེད། །གང་གིས་དེ་ལྟར་གསལ་བྱའི་ཕྱིར། །ཕྱོགས་གཅིག་སྤྱོད་པ་བརྩམ་པར་བྱ། །དེ་ནས་རྩ་བ་གོམས་པ་དང་། །བསླབ་བྱ་ཁྱད་པར་མཐར་ཕྱིན་ལྟར། །གང་དེ་རིམ་པར་བསྟན་འཕེལ་ཕྱིར། །ཡན་ལག་སྤྲོས་པ་རྣམ་པར་བསྒོམ། །ལྷག་པ་བཅུ་གཅིག་དགུར་ལྡན་པའི། །གཅིག་ལས་རྒྱས་བསྡུས་ཕྱེ་བ་ཡིས། །འཁོར་ལོའི་རྩ་བ་ལྷ་དག་ཀྱང་། །ཡབ་ཡུམ་གནས་དགོད་གསལ་བར་བསྒོམ། །དེ་དག་ལྷག་པའི་ལྷ་དགུ་དག །ཡན་ལག་ཚུལ་དུ་སྤྲོས་ཏེ་བསྒོམ། །འདུལ་བ་གཉིས་ཀྱི་རང་བཞིན་གྱིས། །མཛེས་པའི་ཚུལ་དང་གདུག་པ་འདུལ། །ལྷ་དང་ཞལ་ཕྱག་དབུ་གྲངས་ཀྱང་། །རྩ་བ་ཡན་ལག་སྤྲོས་ཚུལ་གྱིས། །དཀྱིལ་འཁོར་གྲངས་དང་གང་སྦྱར་བའི། །རིམ་པར་སྤྲོས་ཤིང་བསྒོམ་པར་བྱ། །གྲངས་དང་གྲངས་མེད་ཚུལ་དག་གིས། །དཔག་ཚད་རྒྱང་གྲགས་མཁའ་དབྱིངས་སུ། །ཞི་དང་ཁྲོ་ལ་སོགས་པ་ཡི། །སངས་རྒྱས་སྤྲིན་ཚོགས་སྣ་ཚོགས་བསྒོམ། །དང་པོའི་བར་དང་ཐ་མའི་བར། །རིག་པའི་ཏིང་འཛིན་གསལ་བརྟན་ནས། །སྐུ་གསུང་ཐུགས་དང་ལྡན་པ་ཡི། །ཚོམ་བུ་རིམ་པར་བསྒོམ་པར་བྱ། །དགོན་པའི་རིམ་པའམ་ནགས་ཚལ་དང་། །ཆུ་འགྲམ་རི་རྩེ་དུར་ཁྲོད་དང་། །སྐྱོན་བྲལ་ཡོན་ཏན་རྫོགས་པ་སྟེ། །དགྲ་དང་ཕྱོགས་མཚམས་སྐྱོན་མེད་པའི། །བརྟག་པའི་རིམ་པ་ལྡན་པ་ཡིས། །ཤིས་དང་འཐད་པའི་ས་ཕྱོགས་སུ། །གཞལ་ཡས་རིམ་བརྩེགས་མཛེས་ལྡན་པ། །རྒྱན་དང་བཅས་པ་ལྡན་བྱས་ལ། །ཏིང་ ― DNG011_Page_0191 ―
[མ་དཔེ་གཟིགས་ན་འདིར་གནོན།]
འཛིན་མཉམ་པའི་ཤེས་རབ་ཐབས། །མི་ལྡན་གོང་མའི་འོད་ཀྱིས་སྤྱད། །བདག་དང་གཞན་གྱི་ནུས་པ་ཡིས། །མཉམ་ནས་ཚོགས་ལ་འཇུག་པར་བྱ། །ཡོ་བྱད་ལྔ་ལྡན་ཐོགས་མེད་པར། །ཆོ་གའི་རིམ་པ་ཇི་བཞིན་བརྩམ། །བྲོ་གླུ་གར་དང་ཏིང་འཛིན་བཅས། །བར་ཆད་མེད་པར་བསྒྲུབ་པར་བྱ། །གལ་ཏེ་འདོད་པ་མ་རྫོགས་པར། །སྒྱུ་མའི་ལུས་དེ་མ་བརྟན་ན། །ཡིད་ཀྱིས་རྡོ་རྗེ་གསུམ་གསལ་བས། །རྣམ་པར་སྨིན་པའི་རིག་འཛིན་དེ། །ཕྱིན་ཅད་འཇིགས་བྲལ་ཁྱུང་བཞིན་ནོ། །དེ་བས་འདྲེལ་པའི་སྤྱོད་ལྡན་ན། །དབང་སྒྱུར་ཟག་མེད་ས་ཐོབ་སྟེ། །བརྒྱ་དང་སྟོང་སོགས་འཇིག་བྲལ་ཞིང་། །གླིང་དང་འཇིག་རྟེན་བརྒྱ་སྟོང་དུ། །འདུལ་བའི་ཆོ་འཕྲུལ་མཐའ་ཡས་སྣང་། །འཇིགས་པ་མེད་ཅིང་མི་ལྡོག་ས། །དཔའ་བོ་རྫོགས་པའི་རྣལ་འབྱོར་པས། །གཞན་དོན་སྤྱོད་པའི་ཁྱད་པར་དག །འདུལ་བའི་དབང་ནི་སྣ་ཚོགས་ཀྱིས། །རྣམ་པར་བརྩེ་བ་སྣ་ཚོགས་སྤྲོ། །འདི་ནི་རྒྱལ་བ་ཐམས་ཅད་ཀྱི། །ཤེས་རབ་ཕྱི་ཡི་སྤྱོད་པ་སྟེ། །ཆོ་ག་རྒྱས་པར་བསྟན་པ་ཡིན། །དེ་ནས་གཞན་ཡང་བཤད་བྱ་བ། །ནང་དུ་འཇུག་པའི་རིམ་པ་ཡི། །སྤྱོད་པའི་ཁྱད་པར་ཆོ་ག་དག །དེ་ནས་རིམ་པ་འདི་དག་བཤད། །ལུས་ཅན་འགྲོ་བ་ཐམས་ཅད་ལ། །ཙཀྲ་བཞི་དང་སྐུ་གསུང་ཐུགས། །སྤོར་དང་འབར་མ་འཁྱིལ་པ་དང་། །འདྲེལ་དང་མ་འདྲེལ་ཁུག་པ་དང་། །འཛིན་དང་འཛག་དང་གནས་པ་དང་། །དེ་བཞིན་ཁྱབ་དང་འཁྲུལ་པའི་རྩ། །གང་དུ་རྒྱུ་དང་གནས་འཛིན་པས། །རྩ་ཞེས་དེ་ལ་མངོན་བཤད་དེ། །དེ་དག་རྒྱུ་དང་ལམ་འབྲས་དང་། །ཐབས་དང་ཤེས་རབ་གཉིས་མེད་པས། །བདེ་བ་ཆེན་པོ་སྐྱེད་པར་བྱེད། །གོང་དང་འོག་གི་རང་བཞིན་ལས། །སྤྱི་དང་ཁྱད་པར་ཁ་སྦྱོར་འབྱུང་། །ས་བོན་ཁྱབ་བྱེད་འཁོར་ལོ་ཡིས། །ཐམས་ཅད་ཁྱབ་ཅིང་འཛག་པའི་རྩ། །དྭངས་སྙིགས་རླུང་དང་འདྲེལ་པ་ཡིས། །གང་དེ་ཕོ་མོའི་བཅུད་རྐྱེན་གྱིས། །ཟག་དང་ཟག་མེད་བདེ་བ་སྐྱེད། །ལུས་ཀུན་ཁྱབ་པར་གནས་པ་ཉིད། །དྭངས་མ་ཐུར་གྱི་རླུང་དང་འགྲོགས། །གང་ན་སྒྲ་སྦྱོར་འཁོར་ལོ་ཅན། །དེས་ཀྱང་ཀུན་ཁྱབ་རྒྱུ་བ་ཅན། །འཁྲུལ་ཞིང་འཁོར་བས་ ― DNG011_Page_0192 ―
[མ་དཔེ་གཟིགས་ན་འདིར་གནོན།]
འཁོར་ལོ་སྟེ། །གསུང་གི་འཁོར་ལོ་ངག་གི་རྟེན། །རྫོགས་དང་མ་རྫོགས་གང་མི་གསལ། །སྒྲ་སྦྱོར་དག་དང་མ་དག་གྱུར། །བདེ་དང་སྙན་དང་མི་སྙན་དང་། །བྱ་དང་དྲི་ཟ་བུང་བ་དང་། །ཆགས་པའི་སྒྲ་ནི་སྣ་ཚོགས་བྱེད། །མདོག་དམར་ལུས་ཁྱབ་ཀླུ་ལ་སོགས། །ཨུ་ཐའི་རླུང་དང་འགྲོགས་ཏེ་གནས། །དྷརྨ་ཙཀྲ་སྲོག་གི་རྟེན། །མ་ལུས་གཞི་རྩ་ཀུན་གྱི་སྲོག །རྩ་བཞི་ཡན་ལག་བརྒྱད་དང་ལྡན། །དྭངས་མ་ལྔ་འདུས་ཀུན་གྱི་གཙོ། །ཕྱི་རིམ་རིན་ཆེན་སུལ་མང་འདྲ། །མི་ཤིགས་ཐིག་ལེ་བདེ་ཆེན་པོ། །རིན་ཆེན་ཕུང་པོ་ཟ་མ་ཏོག །སྣ་ཚོགས་ཡེ་ཤེས་ལྔ་ཡི་བདག །ཐུང་ངུ་ཨ་ཡི་རང་བཞིན་ཅན། །སྲོག་གི་རླུང་དང་འགྲོགས་ཏེ་གནས། །ཕྱི་རིམ་པདྨ་འདབ་བརྒྱད་དེ། །ཆོས་ཉིད་ཡེ་ཤེས་ཡོན་ཏན་དང་། །རང་རྒྱུད་བཞི་ལ་ཡན་ལག་བརྒྱད། །ཐུན་མོང་ཕྱི་ཡི་རིམ་པ་ཡིན། །འདི་ལ་རྩ་གསུམ་རིམ་པ་སྟེ། །ཟག་པའི་རྩ་དང་མངོན་ཤེས་རྩ། །ཆོས་ཉིད་རིམ་པ་གསུམ་དུ་གནས། །རླུང་ཡང་གཅིག་གམ་གཉིས་ཡིན་ཏེ། །དེ་ལས་བྱེ་བྲག་དཔག་མེད་པའོ། །གནས་པ་དང་ནི་རྒྱུ་བའི་རླུང་། །གནས་པ་སྲོག་དང་ཡེ་ཤེས་ཏེ། །རྒྱུ་བ་བཞི་ནི་མངོན་པར་བརྗོད། །ཕྱི་ནང་ཅན་དང་གྱེན་ཐུར་ཅན། །དེ་རེའང་དྭངས་སྙིགས་ཁྱད་པར་གྱིས། །རིམ་པ་བརྒྱད་དུ་མངོན་སྣང་ཡིན། །གཉིད་དང་འགྲོ་བའི་ས་བོན་གྱིས། །ཆགས་སྡང་དྲན་རྟོག་ཀུན་གྱི་གཞི། །གང་དུ་གནས་དང་གནས་མ་ཡིན། །རྒྱུ་ཞིང་འཕོ་བ་རླུང་གིས་ཏེ། །བདེ་དང་སྡུག་བསྔལ་ཇི་སྙེད་པ། །མྱོང་ཞིང་སྐྱེད་པར་བྱེད་པ་ཡིན། །འདི་ནི་གནས་དང་མི་གནས་ཀྱིས། །སྲོག་དབང་དྲན་པ་དབང་སྒྱུར་བས། །གནས་དང་འཕོ་བ་ཕ་རོལ་དག །གནས་པ་སྲོག་གི་རླུང་ཅན་ནོ། །གང་དུ་འཁྲུལ་པ་འཛེད་པ་ནི། །མ་ལུས་འགྱེད་ཅིང་སྤྲོ་བ་ཡི། །གྱེན་ཐུར་འཛེག་ཅིང་འགེགས་འབྱུང་བའི། །སྒོ་གཉིས་ལུས་ཀུན་ཁྱབ་པའི་རྩ། །དྲུག་ཅུ་རྩ་བཞི་སྙིང་པོ་ཅན། །ཕྱི་རིམ་བཞི་ཡི་རྒྱུན་དུ་འཁྱིལ། །དབུས་ནས་འཁྱིལ་པ་ཐིག་ལེའི་རྩ། །འཕེན་པ་བདེ་བའི་རླུང་དང་འགྲོགས། །གང་དུའང་འཁྲུལ་ཅིང་སྤྲུལ་པའི་ཕྱིར། །སྤྲུལ་པའི་འཁོར་ལོ་ཤེས་རབ་ཉིད། །དེ་འོག་གྲུ་གསུམ་འབར་བའི་རྩ། །གྱེན་དུ་འབར་དང་ཐུར་དུ་འཕྲོ། །འོད་ཀྱིས་འབར་ ― DNG011_Page_0193 ―
[མ་དཔེ་གཟིགས་ན་འདིར་གནོན།]
བའི་ས་བོན་ཅན། །རྩེ་མོའི་འོག་མས་རེག་པའི་ཁམས། །གཏུམ་མོ་ལྟེ་འོག་འབར་བའི་རྩ། །སྐྱེས་བུ་ཆགས་པ་སློང་བ་ལྟར། །འདི་དག་བདེ་བ་བསྐྱེད་པ་སྟེ། །གནས་ས་ཚད་དང་བཅས་པར་གནས། །དེ་འོག་གཡོ་བ་རླུང་གི་རྟེན། །འབྱེད་དང་འཛུམས་པའི་ལས་ཅན་ཉིད། །དེ་དང་དེ་གཉིས་གང་ལྡན་པས། །ལུས་ཀྱི་དྭངས་སྙིགས་འདིས་འབྱེད་པ། །བྱེ་བྲག་བརྒྱད་ཅུ་རྩ་གཉིས་རྩ། །འདུས་པས་སྐུ་གསུང་ཐུགས་ཡིན་ཏེ། །ལྟེ་བ་ཐུར་དུ་འཛག་པའི་རྩ། །རྩ་གསུམ་འདོམ་པའི་བདེ་བའི་གནད། །རྒྱུ་བ་རླུང་ནི་ཐིག་ལེའི་རྟེན། །འགྱེད་ཅིང་འདུད་པ་གཡས་གཡོན་ཏེ། །བཅུ་དྲུག་འདུས་པའི་སྲོག་རྩེ་གོང་། །རྩ་གསུམ་མགྲིན་པར་འདུས་པ་ནི། །སྒྲ་སྦྱོར་འཁོར་ལོ་ངག་གི་གནད། །དེ་ནས་དྭངས་མའི་ཐིག་ལེ་ལ། །མ་ལུས་འདུས་པའི་ཚུལ་དུ་གནས། །རིག་པའི་རྩ་ལ་བཅུད་འདུས་པས། །ཐོགས་མེད་གསལ་བའི་མངོན་ཤེས་འབྱུང་། །ཕྱི་རོལ་ཟག་པའི་རྩ་ཉིད་ལ། །བདེ་བ་ཆེན་པོའི་བཅུད་འདུས་པས། །བདེ་ཆེན་ཉམས་ཉིད་སྐྱེ་བར་འགྱུར། །ཆོས་ཉིད་ཐིག་ལེ་མི་གཡོ་བ། །དྭངས་མ་འདུས་པའི་བཅུད་ཐིམ་པས། །ཡེ་ཤེས་ལྔ་དང་ལྡན་པ་ཡི། །ཟག་མེད་ཡེ་ཤེས་བདེ་བ་ཆེ། །ནམ་མཁའི་དབྱིངས་ནི་རྒྱ་ཆེ་བ། །ཐོག་མཐའ་མེད་པར་ཁྱབ་པར་འགྱུར། །འདི་ཉིད་རྟོགས་དང་མ་རྟོགས་ལས། །འཁོར་དང་མྱ་ངན་འདས་པ་ཡི། །སྤྱོད་པ་སྣ་ཚོགས་འབྱུང་བར་འགྱུར། །ཐབས་ཀྱི་ཁྱད་པར་ཕྱག་རྒྱ་ལྔ། །བསྐྱོད་པ་རླུང་དང་འབར་བ་མེ། །ཐིག་ལེ་ཆུ་དང་འཛིན་པ་ས། །བདེ་ཆེན་ནམ་མཁའི་ཕྱག་རྒྱར་གསལ། །བདེ་བས་བདེ་བའི་དོན་མཐོང་བས། །རྩ་དང་ཐིག་ལེ་རླུང་དག་དང་། །བདེ་བ་རང་རིག་མ་སྐྱེས་པ། །དེ་ཉིད་བདེ་ཆེན་མི་རྟོག་པ། །རང་རྒྱུད་བྲལ་བས་ཟག་པ་མེད། །རང་རྒྱུད་མེད་པའི་བདེ་བ་ཉིད། །དྭངས་མའི་ཐིག་ལེས་ཀུན་ཁྱབ་པས། །ཕྱི་ནང་དབང་པོར་བཅས་པ་ཡིས། །བདེ་བ་སྒྱུ་མའི་རང་བཞིན་འཆར། །མ་ལུས་བདེ་བ་ཆེན་པོ་ཉིད། །དེ་ལ་དེ་ཡིས་རྒྱས་བཏབ་པས། །བདེ་བ་མི་རྟོག་ལྷན་ཅིག་སྐྱེས། །ཕྱག་རྒྱ་གཅིག་ཏུ་གསལ་བར་གནས། །གང་དུ་འཁོར་ ― DNG011_Page_0194 ―
[མ་དཔེ་གཟིགས་ན་འདིར་གནོན།]
ལོ་རྩ་བཅུད་ལྡན། །ས་བོན་ཡི་གེ་བདེ་བ་དང་། །ཁམས་ལྔ་ཡེ་ཤེས་རོ་ལྡན་ཞིང་། །སྟོང་དང་བདེ་བའི་ཐིག་ལེ་འདྲེས། །རྟག་ཏུ་དྲན་པར་གནས་པ་ཉིད། །རེ་རེའང་དེ་ལྟར་གནས་པའི་ཕྱིར། །འཁོར་ལོ་རྩ་བཅུད་ཐིག་ལེར་བཅས། །ལྷ་དང་ཡེ་ཤེས་སྐུ་གསུང་ཐུགས། །རང་ལུས་སྣང་བ་སྣོད་བཅུད་ཀུན། །སྤྲོས་བཅས་ཕྱག་རྒྱའི་གྲངས་སུ་གསལ། །བཅུད་ལྔ་ཡེ་ཤེས་ཁོ་ནའི་ཕྱིར། །དྭངས་སྙིགས་དབྱེར་མེད་ཐིག་ལེའི་དོན། །སོ་སོའི་ཁ་དོག་དབྱིབས་ཚུལ་དང་། །སྦས་པའི་སྐུ་གསུང་ཐུགས་དག་ལ། །དབྱེར་མེད་གསལ་བའི་རིག་པ་ཡིས། །མ་ལུས་བདེ་ཆེན་མངོན་དུ་གསལ། །དེ་ནས་བདེ་བ་ཆེན་པོ་ཉིད། །གར་ཐབས་རླུང་གིས་དབང་བསྒྱུར་ནས། །མ་ལུས་བདེ་བའི་རིག་པ་འཆར། །གཙང་དང་འཛེམ་པ་བྲལ་གྱུར་ནས། །བཤུང་བ་ལྔ་དང་འདོད་པ་ལྔ། །ཐིག་ལེ་བཅུད་དང་དྭངས་མར་བཅས། །ཐིག་ལེ་ཆེན་པོར་འདྲེས་པས་ན། །མི་འགྱུར་འཆི་མེད་ཚེ་ལ་གནས། །རང་རིག་བདེ་བ་ཆེན་པོ་ཉིད། །ཐོག་མ་ཐ་མ་མེད་པར་གནས། །ཐིག་ལེ་རྒྱུ་བ་རླུང་དང་བཅས། །ཟག་མེད་དྭངས་མའི་སྙིང་པོར་ཐིམ། །མངོན་ཤེས་ལྔ་ལྡན་ཟག་པ་མེད། །དྭངས་མའི་སྙིང་པོར་ལམ་མཐར་ཕྱིན། །དེ་ནས་གསང་བ་བཤད་བྱ་བ། །འཁོར་དང་མྱ་ངན་འདས་པ་དག །ཐབས་དང་ཤེས་རབ་ཁ་སྦྱོར་བའི། །བདེན་གཉིས་ཉི་ཟླའི་ཁྱད་པར་ལས། །མ་ལུས་ཐམས་ཅད་གསལ་བར་སྣང་། །གང་དུ་ཐབས་དང་བྲལ་བ་ཡི། །གནས་དང་བདེ་སྡུག་བཏང་སྙོམས་དང་། །ལོངས་སྤྱོད་ཚེ་དང་ཁ་དོག་དང་། །བདག་དང་བདག་གིར་ཞེན་བཅས་པའི། །གཟུགས་དང་སྒྲ་དང་དྲི་དང་རོ། །རེག་དང་དྲན་པ་སྣ་ཚོགས་ཀྱིས། །ཞེན་དང་འཆིང་བའི་རང་བཞིན་གྱིས། །རང་བཞིན་བཞི་ནི་གསལ་བར་འགྱུར། །དེ་ལས་ཐ་མལ་འཁོར་བའི་ལམ། །ཐོག་མ་མེད་ནས་ལུས་གནས་པའི། །བདེ་ཆེན་ནམ་མཁའི་སྙིང་པོ་ཉིད། །ལུས་གཉིས་རྩ་བཅུད་མ་ལུས་པ། །ཐབས་དང་ཤེས་རབ་སྐུ་གསུང་ཐུགས། །སྲིན་བུ་འཁྱུགས་པའི་ཡི་གེ་ལྟར། །དབང་པོ་གཉིས་དང་འདྲེལ་ཏེ་གནས། །ཐབས་དང་མན་ངག་ལྡན་པ་ཡིས། །རྒྱལ་རིགས་རྗེའུ་དང་བྲམ་ཟེ་དང་། །དམངས་རིགས་ཆོས་མ་གར་མཁན་ ― DNG011_Page_0195 ―
[མ་དཔེ་གཟིགས་ན་འདིར་གནོན།]
མ། །རྡོལ་མ་ཉོ་ཚོང་མ་ཉིད་དང་། །མ་དང་སྒྱུག་མོ་སྲིང་མོ་དང་། །མཐར་སྒེག་ལུས་འཚོང་མ་ལ་སོགས། །དངོས་གྲུབ་སྐྱེ་བའི་ཞིང་དུ་བཤད། །བཅུ་གཉིས་བཅུ་བཞི་བཅུ་དྲུག་དང་། །བཅྭ་བརྒྱད་བཅུད་ལྡན་རབ་ཡིན་ཏེ། །ཉི་ཤུ་ལ་སོགས་འབྲིང་དུ་བཤད། །རྩ་ལྔ་ཐ་མའི་ཚད་ཡིན་ཏེ། །གཞན་ལ་དངོས་གྲུབ་མེད་པར་གསུངས། །ལས་དང་བྱ་བ་མ་ལུས་པ། །ཆོ་གའི་སྦྱོར་བ་རབ་ཏུ་བརྩམ། །གནས་པ་འབྱུང་བའི་བཅུད་བཞི་ལ། །འབྱུང་བཞི་གསལ་རྐྱེན་གང་ཕྲད་པས། །ཉི་ཟླ་འདྲེས་པའི་གར་ཐབས་ལས། །ལྷན་ཅིག་སྐྱེས་པ་གསུམ་གཅིག་ལས། །ཉམས་སུ་ཡེ་ཤེས་ལྔ་ཤར་བ། །མ་ལུས་བདེ་བ་ཆེན་པོར་འགྱུར། །གནས་བཞི་རྩ་བཅུད་ཐིག་ལེ་ལས། །ཐབས་དང་ཤེས་རབ་གཉིས་མེད་པའི། །ཕྱག་རྒྱ་བཞིར་ལྡན་མཉམ་སྦྱོར་བས། །དྭངས་སྙིགས་རླུང་གིས་ངོས་བཟུང་ནས། །དངོས་པོ་ལྷན་ཅིག་སྐྱེས་པ་དག །བདག་པོ་གདུང་ཅན་སྦྱར་བ་ཡི། །འཕྲོ་འདུ་བཏང་དང་བཟུང་བ་དང་། །བཟློག་པས་ཉི་ཟླ་དབྱེར་མེད་མྱོང་། །དང་པོ་འཇིག་པ་ལ་སོགས་ནས། །རྡོ་རྗེ་འཆང་ཆེན་གསང་བདག་པར། །ལམ་ལྔ་སེམས་ལྔ་མཐར་ཕྱིན་པས། །སྟོབས་ཀྱི་ཁྱད་པར་གསལ་བར་འགྱུར། །ཐབས་དང་ཤེས་རབ་གཉིས་མེད་པའི། །འོག་མིན་ནམ་མཁའི་ཤར་སྒོ་ནས། །ཉི་ཟླ་དུས་གཅིག་ཤར་བ་ལ། །དུས་ཚོད་གཟའ་ཡིས་གང་བཟུང་བ། །ཉིན་མཚན་མེད་པའི་ཡེ་ཤེས་ཉིད། །འཕེན་པ་རླུང་གི་སྦྱོར་བས་འབྱུང་། །རྣལ་འབྱོར་རིག་པར་སྣང་བ་ཡི། །ཁྱབ་པ་ནམ་མཁའི་འཇིག་རྟེན་ན། །བདེ་ཆེན་མཛེས་པའི་མེ་ཏོག་ལ། །བཅུད་ཀྱི་ཁྱད་པར་གང་གནས་པ། །ཐབས་དང་ཤེས་རབ་འདྲེལ་པ་ཡི། །ཤེལ་དང་བྱུ་རུའི་བུང་བསྡུས་ནས། །རྣལ་འབྱོར་བཅུད་ཀྱིས་རྒྱས་འགྱུར་ནས། །བཅུ་གསུམ་ས་ལ་ལྷུན་གྱིས་གྲུབ། །འཁྱུད་པའི་གར་ཐབས་ལས་བྱུང་བའི། །བདེ་བ་ཆེན་པོ་མི་རྟོག་པ། །སྐད་ཅིག་ཆ་ལས་བྱུང་བ་ཡི། །ཟག་མེད་ཡེ་ཤེས་སྙིང་པོ་སྟེ། །མ་ལུས་དྭངས་མའི་བློ་སྣང་བ། །ཞེན་བྲལ་སྟོང་རྟོག་མི་གནས་པ། །དངོས་པོ་ལྷན་ཅིག་སྐྱེས་པ་སྟེ། །མ་ལུས་ཁྱབ་པར་གནས་པ་ཡིན། །འདུ་ཤེས་ཟད་པའི་རང་བཞིན་ཏེ། ། ― DNG011_Page_0196 ―
[མ་དཔེ་གཟིགས་ན་འདིར་གནོན།]
སྐྱེ་དང་འགྲིབ་པའི་ཐིག་ལེ་ཉིད། །བཅོ་ལྔ་རྫོགས་པའི་ཐ་མ་ཉིད། །སྦྱོར་བ་ཀུན་ཟད་སྟོང་པའི་ངང་། །དེ་ཉིད་བྱིན་བརླབས་ལས་གྱུར་པ། །ཕྱོགས་དུས་སྣོད་བཅུད་ངོ་བོ་ཉིད། །ཐིག་ལེ་རྡུལ་བྲལ་ཞེན་པ་མེད། །སྒྱུ་མ་གཟུགས་བརྙན་བྲག་ཅ་སོགས། །མ་ལུས་བདེ་ཆེན་རང་བཞིན་དུ། །ཐུན་མོང་དྲན་རྟོག་རང་འགགས་ནས། །བདེ་ཆེན་སྒྱུ་མ་མངོན་སུམ་སྣང་། །བདེ་བ་ཆེན་པོའི་སྐུ་གསུང་ཐུགས། །བཅུད་ལྔ་ཞུ་བའི་ཡེ་ཤེས་རོ། །ཐམས་ཅད་རྩེ་གཅིག་དྲན་པ་ཉིད། །དབྱེར་མེད་ཐབས་དང་ཤེས་རབ་སྟེ། །དྲན་པ་གཅིག་ཏུ་མྱོང་བ་ཉིད། །ཐབས་དང་ཤེས་རབ་འདྲེལ་པ་ཡིས། །ས་ཡ་བཅུ་གསུམ་གྲངས་མེད་པའི། །ཐིག་ལེ་བདེ་བ་ཉིད་སྣང་བ། །རང་རང་མ་འདྲེས་ཐིག་ལེ་ལ། །སྐུ་གསུང་ཐུགས་དང་དྲན་པ་དང་། །ཡེ་ཤེས་ལྔ་ཡི་རྒྱས་བཏབ་སྟེ། །མ་ལུས་ཐིག་ལེའི་ཚོགས་སུ་སྣང་། །རང་འབྱུང་བདེ་ཆེན་རིག་པའི་ལྷ། །གཅིག་དང་གྲངས་ལས་འདས་པ་ཡང་། །ཉི་ཟླ་གཉིས་ཀྱི་གདན་ལ་བཞུགས། །ཁྱབ་པ་ཐིག་ལེའི་གུར་ནང་ནས། །བཞུགས་ནས་བདག་པོ་རྟེན་བདག་ཅན། །རྩ་བཅུད་འདྲེལ་བའི་རྒྱན་དང་བཅས། །ཀ་བ་གསུམ་དང་ཕོ་བྲང་བཞི། །ལྡེ་མིག་གཉིས་ལ་འབྱེད་པ་བཞི། །སྒོ་བཞི་ཕྱེ་བས་གཞལ་ཡས་ཁང་། །ལྷ་དང་བཅས་པ་མངོན་དུ་འགྱུར། །དགོན་པ་དུར་ཁྲོད་ལྡན་པ་ཡི། །གསང་བའི་འོག་མིན་འབར་བ་ཉིད། །རིམ་པ་ཕྱི་ནང་བར་ལྡན་པར། །ཉི་ཟླ་པདྨའི་གདན་སྟེངས་ནས། །དུས་གསུམ་ཐིག་ལེར་རོ་གཅིག་པའོ། །བདེ་ཆེན་གཉིས་སུ་མེད་པར་བཞུགས། །ཐབས་དང་ཤེས་རབ་དབྱེར་མེད་པའི། །ཚོམ་བུའི་ཚོགས་ཀྱང་དེ་བཞིན་ཏེ། །ཐུན་མོང་དམ་ཚིག་ཏིང་འཛིན་དང་། །བྱང་ཆུབ་ཤེས་རབ་སྙིང་རྗེ་ལྔ། །གཞན་དུ་ཐབས་དང་ཤེས་རབ་དང་། །སྤྱད་དང་གླུ་གར་རྒྱན་དང་བཅས། །མ་སྤངས་རོལ་པར་ལོངས་སྤྱོད་པས། །ཡེ་ཤེས་ཉི་ཟླ་རྒྱུན་འཆར་བ། །རླུང་སེམས་ཡེ་ཤེས་བཅས་པ་ཉིད། །རྒྱུ་བ་མེད་པས་ཟག་པ་བྲལ། །ནམ་མཁའི་མཐར་ཐུག་བར་ཉིད་དུ། །ཟག་མེད་བདེ་བ་རྒྱུན་མི་འཆད། །དེ་ཉིད་ཚད་མེད་དཀྱིལ་འཁོར་ཏེ། །བདེ་ཆེན་མངོན་དུ་གང་ ― DNG011_Page_0197 ―
[མ་དཔེ་གཟིགས་ན་འདིར་གནོན།]
བར་སྣང་། །དེ་དག་ལམ་ལ་ཞུགས་པ་ཡི། །ཕྱི་ནང་གསང་བ་མ་ལུས་པའི། །སྤྱོད་པའི་ཁྱད་པར་ཐམས་ཅད་ཀུན། །འདིར་ནི་རྒྱས་པར་བསྟན་པ་ཡིན། །ཐབས་དང་ཤེས་རབ་ལྡན་གྱུར་པས། །ཕྱི་ནང་གསང་བ་ལ་སོགས་པ། །སྐབས་ལ་བབ་པའི་རྣལ་འབྱོར་པ། །གང་ཡང་རུང་བས་སྤྱོད་པར་བྱ། །དང་པོ་རྟོགས་ནས་མཐར་ཐུག་པའི། །ཕྱི་ནང་གསང་བའི་ལམ་སྤྱོད་ལ། །སྤྱད་བྱ་ཡུལ་ཞེས་གང་འདོད་དེ། །ཐམས་ཅད་བླང་དོར་མེད་པར་སྤྱོད། །ཐབས་ཀྱི་ལྟ་སྤྱོད་ཏིང་འཛིན་གྱིས། །པདྨ་ལ་ནི་འདམ་བཞིན་ནམ། །མུན་སྣང་གསེར་འགྱུར་ཐབས་བཞིན་དུ། །ཐབས་ལ་མཁས་པས་སྤྱད་པར་བྱ། །སྐྱེས་མཆོག་ཐབས་དང་ལྡན་པ་ཡིས། །ཞིང་དང་སྤྱོད་ཡུལ་དག་པ་ལ། །ཆགས་བྲལ་བདེ་བར་གང་སྤྱད་པས། །ནམ་མཁའ་དབྱིངས་ཀྱི་ལོངས་སྤྱོད་ལ། །བདེ་བ་ཆེན་པོར་ལོངས་སྤྱོད་ཅིང་། །ལྷུན་གྱིས་གྲུབ་པའི་བདག་པོར་འགྱུར། །གང་དག་ཐབས་དང་མི་ལྡན་ཞིང་། །དོན་མེད་ལམ་ལ་མ་འདྲེལ་བར། །སྒྲ་དང་ཚིག་ལ་བརྟེན་པ་ཡིས། །གསང་བའི་སྤྱོད་པ་གང་བརྩམས་པ། །གང་བསྒྲུབས་སྣང་བར་མི་འགྱུར་གྱི། །ནུས་མེད་གཡུལ་དུ་ཞུགས་པ་ལྟར། །བདག་གཞན་གཉིས་ཀ་བརླག་པ་དང་། །མཐོང་བའི་ཆོས་ལ་སྡུག་བསྔལ་ཞིང་། །ངན་འགྲོ་ལོག་པའི་གནས་སུ་འགྱུར། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་སྤྱོད་པ་རྒྱས་པར་བཤད་པའི་ལེའུ་སྟེ་ལྔ་པའོ།། །།དེ་ནས་གཞན་ཡང་བཤད་བྱ་བ། །རང་བཞིན་ཏིང་འཛིན་གཟུགས་བརྙན་དང་། །ལྷག་གཉིས་ཏིང་འཛིན་གཟུགས་བརྙན་དང་། །བྱང་ཆུབ་སེམས་དང་ཚོགས་ཉིད་ཀྱི། །དཀྱིལ་འཁོར་དོན་ནི་བཤད་པར་བྱ། །གང་ཕྱིར་དབང་ཡུལ་རྣམ་ཤེས་ཀུན། །གཞན་སྣང་ཐ་དད་མ་ཡིན་པའི། །མ་ལུས་རང་རིག་བྱང་ཆུབ་སེམས། །མ་བཅོས་རང་བཞིན་འོད་གསལ་བ། །མ་ལུས་ཀུན་གྱི་སྙིང་པོ་སྟེ། །ཕྱོགས་བཅུ་འདས་དང་མ་བྱོན་པའི། །རྒྱལ་བ་རྣམས་ཀྱི་རང་བཞིན་ཡིན། །འཁོར་དང་མྱ་ངན་འདས་པ་ཡི། །ཆོས་རྣམས་མ་ལུས་ཐམས་ཅད་ཀུན། །སྣ་ཚོགས་རང་བཞིན་དབྱེར་མེད་པ། །དེ་ཉིད་རང་བཞིན་ཆོས་སྐུ་ཡིན། །དེ་ཉིད་འཇིག་ ― DNG011_Page_0198 ―
[མ་དཔེ་གཟིགས་ན་འདིར་གནོན།]
རྟེན་བརྟན་གཡོ་སྟེ། །ཇི་ལྟར་སྣང་གྲགས་ཐམས་ཅད་ཀུན། །ངེས་པའི་རང་བཞིན་བཞི་བཅུ་གཉིས། །རང་བཞིན་ལོངས་སྤྱོད་རྫོགས་སྐུར་བཤད། །དེ་ཉིད་ཕྱག་རྒྱ་སྣ་ཚོགས་ཏེ། །ཀུན་དུ་སྐུ་དང་གསུང་དང་ཐུགས། །ཡོན་ཏན་ཕྲིན་ལས་བསམ་ཡས་མཆོག །རང་བཞིན་སྤྲུལ་སྐུ་བསམ་མི་ཁྱབ། །ཇི་སྙེད་འགྲོ་བ་མ་ལུས་ཀྱི། །ལུས་ཅན་སྙིང་ལ་གང་གནས་པའི། །རང་འབྱུང་ཟག་མེད་ཡེ་ཤེས་གཟུགས། །མི་ཤིགས་ཐིག་ལེ་བདེ་ཆེན་པོ། །ནམ་མཁའ་ལྟ་བུར་ཀུན་ཁྱབ་པ། །མི་གནས་ཆོས་སྐུའི་རང་བཞིན་ཡིན། །དེ་ཉིད་རྩ་བའི་རང་བཞིན་ལས། །མ་ལུས་སྣོད་བཅུད་རང་བཞིན་ཅན། །རྟོག་པ་མ་ལུས་དཀྱིལ་འཁོར་ཏེ། །ལོངས་སྤྱོད་རྫོགས་པའི་རང་བཞིན་ཉིད། །དེ་ཉིད་ཐིག་ལེ་ཕྲ་རགས་པར། །སྣང་བའི་མཛད་པ་བསམ་མི་ཁྱབ། །དེ་ཡིས་དེ་འདུལ་སྣང་བའི་རྒྱུ། །སྤྲུལ་པ་རང་བཞིན་ཞེས་བཤད་དོ། །གང་འདིར་ཕུང་པོ་འབྱུང་བ་དང་། །རྣམ་ཤེས་དབང་པོ་ཡུལ་དུས་དང་། །ཉོན་མོངས་རྟག་ཆད་ཡིད་ཆོས་བཅས། །གང་ལ་མངོན་པར་མི་སྣང་ཡང་། །རང་བཞིན་མ་བཅོས་དཀྱིལ་འཁོར་ཏེ། །ཀུན་ལ་ཁྱབ་པར་སྣང་བ་ཡིན། །རང་སྙིང་དྭངས་མ་ལྔར་ལྡན་པ། །དྭངས་མའི་ཕུང་པོ་འབྱུང་བ་དང་། །དབང་པོའི་ཡུལ་དུ་བཅས་པ་ཡི། །རྩ་བཅུད་ཐིག་ལེར་བཅས་པ་ཉིད། །སྐུ་གསུང་ཐུགས་སུ་རང་སྣང་བ། །མ་ལུས་ཀུན་ལ་རྒྱས་བཏབ་བོ། །བཅུད་འདུས་ཐིག་ལེ་ཆེན་པོ་ཉིད། །ཉི་ཟླ་འདྲེས་པའི་རང་བཞིན་ཉིད། །བདེ་བའི་ཐིག་ལེ་རང་སྣང་བ། །མ་ལུས་འདུས་པའི་ཚུལ་དག་གིས། །ཐབས་ཀྱིས་མངོན་དུ་གྱུར་ན་ཡང་། །གཉིས་མེད་ཐིག་ལེ་བདེ་བའི་རོ། །འགྲོ་བ་ཀུན་ལ་རང་བཞིན་སྣང་། །དེ་དག་ཡབ་ཡུམ་སྐུ་གསུང་ཐུགས། །རྩ་བཅུད་ཐིག་ལེར་བཅས་པ་ཉིད། །འདུ་འབྲལ་མེད་པར་ཡེ་གནས་པའོ། །གང་ཕྱིར་རྒྱལ་བ་ཐམས་ཅད་ཀྱི། །ཟག་མེད་ཡེ་ཤེས་རང་སྣང་བ། །དཔག་མེད་ཡོན་ཏན་རྒྱ་མཚོ་ཉིད། །ཡེ་ཤེས་འོག་མིན་ཕོ་བྲང་སྟེ། །ཟག་མེད་ཡོན་ཏན་རྒྱན་ལྡན་པའི། །འཁོར་ལོ་འབར་བའི་ཕོ་བྲང་དབུས། །མི་འཇིགས་ ― DNG011_Page_0199 ―
[མ་དཔེ་གཟིགས་ན་འདིར་གནོན།]
ཕུང་པོའི་གདན་སྟེངས་ན། །བདག་པོ་ཀུན་བཟང་འཁོར་ལོ་བསྐོར། །བཀའ་སྡོད་སྐྱེས་བུ་མདུན་ན་གནས། །གཞན་ཡང་རྒྱལ་བ་རྒྱ་མཚོའི་ཚོགས། །སྐུ་གསུང་ཐུགས་དང་ཡོན་ཏན་ལས། །རང་རང་རིགས་ལྔ་གང་གྱུར་པའི། །རྣམ་ཐར་དབུ་དང་ཡེ་ཤེས་ཕྱག །སོ་སོའི་བཞུགས་ཚུལ་ལྡན་པ་ཡིས། །མདུད་རྒྱབ་ཕྱོགས་བཅུར་འཁོད་པ་ཉིད། །ཡབ་ཡུམ་འདྲེལ་པའི་ཚུལ་གྱིས་གནས། །རང་འབྱུང་མ་བསྒྲིབས་ཡེ་ཤེས་ཕྱིར། །ཟག་མེད་ཚོགས་གཉིས་ལས་བྱུང་བའི། །ནམ་མཁའི་ཁམས་དང་རྒྱ་མཉམ་པའི། །འཇིག་རྟེན་གྲངས་མེད་རྡུལ་དང་བཅས། །བཀོད་པ་ཕུན་སུམ་ཚོགས་པར་གནས། །གང་དེ་ཟག་མེད་ཡེ་ཤེས་ཀྱི། །ཕྱག་དང་ཞལ་དང་ཐབས་ལྡན་པས། །ཞལ་མཐོང་རིགས་ལ་དབང་སྒྱུར་བས། །རྡོ་རྗེ་འཛིན་པ་ཆེན་པོར་གྱུར། །རྒྱལ་བ་དེ་དག་མ་ལུས་པའི། །གསུང་མཆོག་བརྗོད་དུ་མེད་པ་ཉིད། །ནམ་མཁའི་དབྱིངས་ཀྱི་མཐར་ཐུག་པ། །བརྡ་དང་དོན་དང་བྱིན་བརླབས་དང་། །གསང་བ་ལ་སོགས་ཅི་རིགས་པར། །དམ་པའི་ཆོས་སྒྲ་རྒྱ་མཚོ་སྒྲོགས། །ཟག་མེད་ཡེ་ཤེས་རྒྱ་མཚོ་ཡི། །བྱིན་བརླབས་ཆོ་འཕྲུལ་མངོན་ཤར་བ། །ཨ་ཨཱ། ཨི་ཨཱིཾ། ཨུ་ཨཱུ། ཨེ་ཨཻ། ཨོ་ཨཽ། རྀ་རཱྀ། ལྀ་ལཱྀ། ཨྃ་ཨཿ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཏ་ཐ་ད་དྷ་ན། ཊ་ཋ་ཌ་ཌྷ་ཎ། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཀྵ། འདི་དག་རབ་ཏུ་ཕྱུང་བ་ཡིས། །ཕྱོགས་བཅུ་འཇིག་རྟེན་ཁམས་བཅས་པའི། །ནམ་མཁའི་དབྱིངས་དང་རྒྱ་མཚོ་དང་། །ཁོ་ར་ཡུག་དང་ལྷུན་པོ་དང་། །འབབ་ཆུ་ལྟེང་ཀ་མཚེའུ་བཅས། །དེ་ན་གནས་པའི་འགྲོ་བ་རྣམས། །རང་རང་ལོངས་སྤྱོད་བདེ་སྡུག་བཅས། །ཕྱི་ནང་སྣོད་བཅུད་བཅས་པ་རྣམས། །མ་ལུས་གཡོ་ཞིང་ལྡེག་པར་བྱེད། །སྒྲ་བོ་ཆེ་ཡང་སྒྲོགས་པར་བྱེད། །དེ་དག་སྦྱངས་ནས་མི་གནས་པར། །གསུང་གི་ངོ་བོར་བྱིན་བརླབས་ཏེ། །དེ་དག་སྟོང་ཉིད་ལ་ཐིམ་པས། །མ་ལུས་སྟོང་པ་ཉིད་དུ་འགྱུར། །ཨ་ནི་སྟོང་དང་མི་སྟོང་གི། །དབུ་མ་དམིགས་སུའང་ཡོད་མ་ཡིན། །ཇི་སྙེད་སྣང་གྲགས་ཆོས་རྣམས་ཀུན། །ཡི་གེ་ཕྲེང་བ་ཉིད་ལ་གནས། །གང་ཕྱིར་དེ་ཡི་རང་བཞིན་ཡང་། །རང་བཞིན་ཆོ་འཕྲུལ་ ― DNG011_Page_0200 ―
[མ་དཔེ་གཟིགས་ན་འདིར་གནོན།]
ཏིང་འཛིན་དང་། །གསང་བ་བྲིས་པར་གང་སྣང་བ། །རིག་པའི་ཁྱད་པར་སྣང་བ་ཡིན། །རྩ་བ་དང་ནི་རྒྱན་ཞེས་དང་། །ལྷ་ཡི་ཡི་གེ་མངོན་སྣང་བས། །རང་བཞིན་སྐུ་གསུང་ཐུགས་ཉིད་དེ། །ཁྱབ་པའི་ཚུལ་གྱིས་མ་ལུས་སྣང་། །གང་དུ་ཐུགས་རྗེ་བྱིན་བརླབས་དང་། །ཏིང་འཛིན་རིག་པའི་ཆོ་འཕྲུལ་ཏེ། །རང་རང་ཁྱད་པར་མངོན་སྣང་ཡིན། །འདི་དག་རང་བཞིན་སྣ་ཚོགས་པ། །གང་དུ་ཇི་ལྟར་གནས་པ་ཀུན། །ཡི་གེར་མ་གྱུར་མེད་པར་གནས། །རྒྱལ་བ་སངས་རྒྱས་ཐམས་ཅད་ཀྱི། །ཡེ་ཤེས་རྒྱ་མཚོའི་གསང་བའི་ཐུགས། །མཐར་ཐུག་མེད་པའི་ནམ་མཁའ་བཞིན། །ཟག་མེད་རྒྱས་པས་ཀུན་ཁྱབ་ཅན། །ཤེས་བྱའི་དཀྱིལ་འཁོར་མཐའ་ཡས་པ། །གཅིག་དང་དུ་མ་མེད་ཚུལ་གྱིས། །ཡེ་ཤེས་མ་བསྒྲིབས་གསལ་བ་ཡིས། །ནམ་མཁའ་དབྱིངས་ལྟར་གསལ་མཁྱེན་པ། །དུས་གསུམ་ཆོས་དང་འགྲོ་བ་དང་། །ཞིང་ཁམས་རྒྱལ་བ་དཔག་མེད་དང་། །རི་དང་རྒྱ་མཚོ་རྡུལ་བཅས་པ། །སྔ་ཕྱི་མ་བསྒྲིབས་ད་ལྟ་ཉིད། །མེ་ལོང་ལྟ་བུར་མངོན་དུ་སྣང་། །དཔལ་ལྡན་ནམ་མཁའི་དཀྱིལ་འཁོར་དུ། །ཡེ་ཤེས་ལྔ་ཡིས་ཀུན་ཁྱད་ཅན། །ཀུན་མཁྱེན་སྟོབས་བཅུ་མཐའ་ཐུག་མེད། །ནམ་མཁའི་དབང་ཕྱུག་བདེ་ཆེན་པོ། །མངོན་ཤེས་རྒྱ་མཚོ་ཕ་རོལ་བྱོན། །ཤེས་བྱའི་དཀྱིལ་འཁོར་ཐམས་ཅད་ཀུན། །སད་དང་སངས་པའི་བདག་ཉིད་ཅན། །ཐོག་མ་ཐ་མ་མེད་པའི་བདག །བདེ་བ་ཆེན་པོ་སྒྱུ་མ་ཉིད། །རང་འབྱུང་ཐུགས་ལས་གཞན་པ་མིན། །འདི་ནི་རྒྱལ་བ་ཐམས་ཅད་ཀྱི། །སྐུ་གསུང་ཐུགས་ཀྱི་རང་བཞིན་ཏེ། །གདུལ་བྱ་གང་གི་ངོ་དག་ཏུ། །སྣ་ཚོགས་མངོན་པར་འཕྲུལ་པ་ཡིན། །གང་དུ་ཁྲོ་གཏུམ་གདུག་ལྡན་པའི། །སྲིད་གསུམ་དྲེགས་པའི་བདག་པོ་དག །ཐུགས་རྗེ་ཁྲོས་པས་གདུལ་བའི་ཕྱིར། །ཁྲོ་བོའི་དེ་བཞིན་གཤེགས་པར་མཛད། །སྐུ་ནི་རི་རབ་ལྟ་བུ་ཉིད། །ཞབས་དང་ཕྱག་ནི་རྡུལ་སྙེད་དེ། །གང་དེ་གདུལ་བའི་ཁྱད་པར་གྱིས། །ཞལ་གསུམ་ཕྱག་དྲུག་ཞབས་བཞི་དང་། །དབུ་དགུ་བཅྭ་བརྒྱད་ཕྱག་ལ་སོགས། །ཉི་ཤུ་རྩ་གཅིག་དབུ་ལ་སོགས། །དེ་བཞིན་གཡོ་རྡུལ་མི་གཡོ་བའི། ། ― DNG011_Page_0201 ―
[མ་དཔེ་གཟིགས་ན་འདིར་གནོན།]
ཕྱག་ཞབས་ཞལ་ཡང་དེ་བསྐྱེད་དེ། །མཚོན་ཆ་སྣ་ཚོགས་འཛིན་པ་དེས། །ཇི་སྙེད་ཕྱོགས་བཅུ་འཇིག་རྟེན་དུ། །ཆོ་འཕྲུལ་བཞི་ལ་སོགས་པ་ཡི། །མཛད་པའི་གར་ཐབས་སྣ་ཚོགས་ཀྱིས། །དྲེགས་པ་ཆེ་དང་དབང་ཕྱུག་དང་། །ཚངས་པ་ཁྱབ་འཇུག་བརྒྱ་བྱིན་དང་། །དྲི་ཟ་གཤིན་རྗེ་གནོད་སྦྱིན་བཅས། །གདུག་པའི་ང་རྒྱལ་རྒྱུ་འབྲས་ཅན། །རྒྱུ་འབྲས་རྩད་ནས་བཅད་པའི་ཕྱིར། །མ་ལུས་པ་དག་མ་བཏང་བར། །ང་རྒྱལ་ཁྲོ་གཏུམ་ཞུམ་པ་ཡིས། །ཇི་སྐད་སྨྲས་ཀྱང་རང་རང་གི། །ཉོན་མོངས་རྒྱ་མཚོ་མ་སྐམས་པར། །ཐུགས་རྗེ་ཞེ་ལ་མནན་ཚུལ་གྱིས། །དེ་དག་མངོན་དུ་བཏུལ་བར་མཛད། །ལ་ལར་དཔལ་ཆེན་ཁྲག་འཐུང་སྟེ། །ལ་ལར་རྡོ་རྗེ་ཁྲག་འཐུང་ཉིད། །ལ་ལར་རིན་ཆེན་ཁྲག་འཐུང་སྟེ། །ལ་ལར་པདྨ་དེ་བཞིན་གཤེགས། །ལ་ལར་སྣ་ཚོགས་ལས་སུ་བཅས། །རང་རང་བཙུན་མོ་ཚོགས་དང་འཁྲིལ། །རིགས་ཀྱི་མཚོན་ཆ་སྣ་ཚོགས་འཛིན། །མདོག་དང་ཆ་ལུགས་དེ་བཞིན་ཏེ། །དེ་བཞིན་སྲས་དང་བཀའ་ཉན་དང་། །ཕོ་ཉ་ཡང་སྤྲུལ་ལ་སོགས་པ། །རྡོ་རྗེ་བ་སྤུ་བུ་ག་ནས། །ཕོ་ཉ་བྱེ་བ་དྲུག་ཅུ་དག །ཕྱོགས་བཅུ་ཀུན་དུ་རྒྱས་བཀྱེ་སྟེ། །ནམ་མཁའི་ཁམས་དང་མཉམ་པ་ཡི། །གདུག་པའི་ཚོགས་ནི་དེ་དག་ཀུན། །མ་ལུས་དུས་གཅིག་བཏུལ་ནས་ནི། །ཕྱིར་མི་ལྡོག་པའི་ས་ལ་བཀོད། །དེ་དག་གསུང་ཡང་སྣ་ཚོགས་ཏེ། །སྤྲུལ་པ་འགྱེད་པས་གསུང་གཅིག་ཏུ། །ཁམས་གསུམ་སྒྲ་ཡིས་གང་བར་མཛད། །ཧཱུྃ་ཧཱུྃ་ཧཱུྃ་བི་ཤྭ་ཀྲོ་དྷ་ཛྭ་ལཱ་མཎྜ་ལ་ཕཊ་ཕཊ་ཕཊ། ཧ་ལ་ཧ་ལ་ཧ་ལ་ཧཱུྃ་ཕཊ། ཕཊ་ཕཊ་ཕཊ། ཏྲཏ་ཏྲཏ་ཏྲཏ། ཀྲོ་ཊ་ཀྲོ་ཊ་ཀྲོ་ཊ། ཧ་ལ་ཧ་ལ་ཧ་ལ། ཧུ་ལུ་ཧུ་ལུ་ཧུ་ལུ། ཏིཥྛ་ཏིཥྛ་ཏིཥྛ། བནྡྷ་བནྡྷ་བནྡྷ། ད་ཧ་ད་ཧ་ད་ཧ། གྲྀ་ཧྞ་གྲྀ་ཧྞ་གྲྀ་ཧྞ། པ་ཙ་པ་ཙ་པ་ཙ། ཙྪིནྡ་ཙྪིནྡ་ཙྪིནྡ། གརྫ་གརྫ་གརྫ།ཧཱུྃ་ཧཱུྃ་ཧཱུྃ། བྷྱོ་བྷྱོ་བྷྱོ། ཕཊ་ཛྭ་ལ་རྃ། ཞེས་པའི་སྒྲ་ཡིས་ཐམས་ཅད་གང་། །ཇི་སྲིད་ནམ་མཁའི་མཐའ་ཐུག་པར། །རི་དང་གླིང་དང་རྒྱ་མཚོར་བཅས། །འཁོར་ཡུག་སྟོང་གསུམ་འཇིག་རྟེན་བཅས། །མ་ལུས་གཡོ་ཞིང་སྒྲས་བཀང་སྟེ། །གདུག་པའི་ཚོགས་དེ་འཁོར་བཅས་པ། །གང་གི་ ― DNG011_Page_0202 ―
[མ་དཔེ་གཟིགས་ན་འདིར་གནོན།]
དབང་དུ་མ་བཏང་བར། །གདུག་པ་དུས་གཅིག་བཏུལ་བར་མཛད། །དེ་ཚེ་དེ་ཡི་འཁོར་གཡོག་ཀྱང་། །ཞུམ་པས་སྨྲས་ཤིང་གསོལ་བཏབ་ནས། །རང་སྙིང་ཕུལ་ནས་དམ་མནོས་ཏེ། །དམོད་བཙུགས་རང་གི་ལམ་ལ་བཞག །འབར་བའི་དཀྱིལ་འཁོར་དེ་དག་ཀྱང་། །ལ་ལར་གཏི་མུག་རྨུགས་པར་མཛད། །ལ་ལར་ཆགས་ལ་ཆགས་ཆེན་པོ། །ལ་ལར་གཡེམ་ལ་གཡེམ་པར་སྟོན། །སྡང་ལ་དྲག་ཤུལ་སྤྱོད་པ་སྟེ། །ང་རྒྱལ་ཅན་ལ་རི་བོས་གནོན། །ཞི་ལས་སློང་དང་ཞི་བ་ཉིད། །གསལ་དང་ཞེ་ལ་གནོན་པ་དང་། །ཆགས་ཁྲོ་དང་ནི་སྡང་ཁྲོ་དང་། །རྨོངས་ཁྲོ་གནོན་ཁྲོ་ལ་སོགས་པས། །བསྐལ་པ་ཞིང་གི་རྡུལ་སྙེད་དུ། །རང་གི་མཁྱེན་པའི་ཡེ་ཤེས་ཀྱིས། །གདུལ་བའི་ཐབས་ནི་སྣ་ཚོགས་སུ། །སྒྱུ་འཕྲུལ་དྲ་བ་མངོན་རྫོགས་པའི། །ཐུགས་ཀྱི་སྤྲུལ་པ་སྣང་བར་མཛད། །གང་ཕྱིར་སྤྲོས་མེད་གོམས་པ་ཉིད། །དེ་ཉིད་ཏིང་འཛིན་དཀྱིལ་འཁོར་ཏེ། །ཕྱི་ནང་སྣོད་བཅུད་མ་ལུས་པ། །ཇི་སྙེད་ཕྱོགས་བཅུར་གནས་པ་ཀུན། །རང་རིག་རྒྱལ་པོར་གནས་པ་ཉིད། །འདི་ཉིད་ཕོ་མོ་མ་ནིང་དང་། །མཚན་མེད་ལ་སོགས་གང་ཡང་མིན། །དངོས་དང་དངོས་མེད་ལས་འདས་པའི། །དེ་བཞིན་ཉིད་དབྱིངས་ཡེ་ཤེས་ཏེ། །རིག་པ་སྐྱེ་བ་མེད་པའི་ངང་། །འདི་ཉིད་གསལ་བར་བསྒོམ་པར་བྱ། །ཨོཾ་དྷརྨ་དྷཱ་ཏུ་སྭ་བྷཱ་བ་ཨཱདྨ་ཀོ྅ཧྃ། སྐྱེས་དང་མ་སྐྱེས་ལ་སོགས་པའི། །ཐ་སྙད་མིང་ལ་མི་གནས་ཤིང་། །བློ་ཡི་སྦྱོར་བ་ལས་འདས་པས། །འདི་ནི་དེ་བཞིན་ཉིད་ཅེས་བཤད། །འདི་ལ་རིམ་པ་མེད་པ་སྟེ། །སྐྱེས་བུ་མཆོག་གི་ཡུལ་དུ་གསུངས། །མ་ལུས་རང་རིག་རྡོ་རྗེ་ཉིད། །ཁྱབ་པའི་ཚུལ་གྱིས་ནམ་མཁའ་སྟེ། །རྣམ་དག་རང་བཞིན་འོད་གསལ་བ། །དམ་པའི་ཏིང་འཛིན་ཆེན་པོ་ཉིད། །གང་གིས་མ་ལུས་མངོན་གསལ་ནས། །ཕྱི་ནང་ཆོས་རྣམས་ཐམས་ཅད་ཀུན། །གོམས་ནས་སྤྲོས་མེད་དེ་བཞིན་ཉིད། །དེ་དག་ཏིང་འཛིན་ཐུན་མོང་ཉིད། །མི་ཤིགས་ཐིག་ལེ་དྭངས་མའི་བདག །བཞི་འདུས་ལྔ་བདག་གཉིས་སུ་མེད། །རྩ་བཅུད་ཐིག་ལེར་བཅས་པ་ཉིད། །ཐབས་དང་བཅས་པའི་ཏིང་ ― DNG011_Page_0203 ―
[མ་དཔེ་གཟིགས་ན་འདིར་གནོན།]
འཛིན་གྱིས། །ཡེ་ཤེས་ལྔ་ཡི་རོ་དང་བཅས། །བདེ་ཆེན་སྐྱེ་བ་མེད་པའི་དོན། །ཟག་མེད་ཁྱབ་པ་མངོན་དུ་སྨིན། །ཡེ་ཤེས་ནམ་མཁའི་གཟུགས་ཅན་ཉིད། །ཕྱི་ནང་མེད་པའི་རང་འབྱུང་སྟེ། །གསལ་དང་བདེ་བའི་རང་བཞིན་ཅན། །ཐབས་དང་ཐིག་ལེས་དབང་བསྒྱུར་ནས། །ལུས་ཅན་ཀུན་ལ་གསལ་བར་སྐྱེ། །གནས་བཞི་འབྱུང་བའི་དྭངས་མ་ཉིད། །རྟེན་ཅན་བརྟེན་པར་བཅས་པ་ཉིད། །རང་འབྱུང་ཐིག་ལེ་བདེ་བ་ཉིད། །ཕྱོགས་ཆ་མེད་པར་གསལ་ཁྱབ་པས། །བདེ་བ་ཆེན་པོའི་ལུས་སུ་འགྱུར། །རང་འབྱུང་སྙིང་པོ་དྭངས་མའི་ལུས། །འབྱུང་བ་ཟག་མེད་སྙིང་པོར་ཐིམ། །ཐིག་ལེ་སྤྲོས་པ་མེད་པ་སྟེ། །ཐམས་ཅད་མ་ལུས་ཁྱབ་པར་སྣང་། །རང་ལུས་རྩ་བཅུད་ཕྱི་ནང་ཀུན། །སྙིགས་མ་དྭངས་མར་སྨིན་བྱས་ཏེ། །དྭངས་མ་ཡེ་ཤེས་སྙིང་པོར་གསལ། །དེ་ཉིད་རྒྱུ་བ་མེད་པ་ཡི། །རང་འབྱུང་ཐིག་ལེ་སྤྲོས་པ་མེད། །དྭངས་མ་ཟག་མེད་སྟོབས་ལས་སྣང་། །གང་ཕྱིར་སྐྱེས་དང་སྤྲུལ་པ་དང་། །བརྟགས་པའི་གཟུངས་མ་ལས་བྱུང་བ། །དབང་པོ་གཉིས་ནི་བསྲུབས་པ་ལས། །སྐད་ཅིག་བཅུ་དྲུག་མཐའ་ཡི་ཚེ། །ཉི་ཟླ་འདྲེས་པའི་གར་ཐབས་ལས། །དངོས་པོ་ལྷན་ཅིག་སྐྱེས་པ་གསལ། །སེམས་ལྔ་རྫོགས་པའི་སྙིང་པོ་ཉིད། །བརྗོད་མེད་རང་སྣང་བསྟན་པ་ཉིད། །མ་ལུས་སྐུ་གསུང་ཐུགས་གནས་པ། །འཁྱུད་པའི་གར་གསུམ་བསྡམ་པ་ཡིས། །གནས་དང་འབྱུང་བ་མ་ལུས་པ། །རང་རིག་ཡེ་ཤེས་གཟུགས་སུ་སྣང་། །ཐབས་དང་ཤེས་རབ་དབྱེར་མེད་པའི། །བྱང་ཆུབ་སེམས་ཀྱི་ཐིག་ལེ་སྟེ། །རྟེན་དང་བརྟེན་པར་བཅས་པ་ཉིད། །རང་ཉིད་གསལ་བར་བྱིན་བརླབས་ནས། །ཇི་ལྟར་སྣང་སྲིད་ཆོས་ཐམས་ཅད། །ལྷན་ཅིག་སྐྱེས་པའི་ངོ་བོར་གསལ། །མ་ལུས་བདེ་བ་ཆེན་པོའི་རིགས། །དམ་པའི་སྦྱོར་བ་སྣང་བར་འགྱུར། །འདི་ནི་ཕྱི་ནང་གསང་བ་ཡི། །ཏིང་འཛིན་དཀྱིལ་འཁོར་ཉིད་དུ་བཤད། །གང་ཕྱིར་མཚན་མའི་རྣལ་འབྱོར་པས། །དངོས་དང་དངོས་མེད་རྣམ་སྤངས་པའི། །རང་རིག་སྐྱེ་མེད་དེ་བཞིན་ཉིད། །མ་བཅོས་རང་རིག་འོད་གསལ་བ། །དེ་བཞིན་ཉིད་དེ་དང་པོར་བསྒོམ། །དེ་ནས་སྙིང་རྗེ་ནམ་མཁའ་ལྟར། །གསལ་ལ་སྟོང་པའི་རྣལ་ ― DNG011_Page_0204 ―
[མ་དཔེ་གཟིགས་ན་འདིར་གནོན།]
འབྱོར་བསྒོམ། །ཡང་ན་སྒྱུ་མ་བྲག་ཅ་དང་། །ཆུ་ཟླའི་ཚུལ་དུ་བསྒོམ་པར་བྱ། །དེ་ནས་རང་ཉིད་ཡི་གེ་ཉིད། །གསལ་ལ་བརྟན་ཞིང་གོམས་པ་ཡིས། །མ་དག་པ་ནི་སྦྱང་བྱས་ཏེ། །དག་པའི་མཁའ་ལྔ་བསམ་པར་བྱ། །ཨེ་ཡྃ་བྃ་སུ་ལྃ། ས་ཆུ་མེ་རླུང་ནམ་མཁའ་དག །རིག་པ་རང་སྣང་ཚུལ་དུ་བསྒོམ། །དེ་དབུས་རིན་ཆེན་ཁང་པ་དག །མཛེས་པའི་ཚུལ་དང་ལྡན་པ་སྟེ། །རྩིབས་བཞི་འཁོར་ལོ་ལྟེ་བར་བཅས། །མུ་ཁྱུད་ཟླུམ་པོ་ཐོག་མཐའ་མེད། །གྲུ་ཆད་གློ་འབུར་བར་ཁྱམས་དང་། །སྒོ་བཞི་རྟ་བབས་ཐེམ་སྐས་དང་། །ལྔ་བརྩེགས་ཕ་གུ་དྲ་ཕྱེད་དང་། །འདོད་ཡོན་ཀ་བ་ཟ་ར་ཚགས། །མི་སྒྲིབ་གསལ་བའི་རྒྱན་དང་ལྡན། །མི་འཇིགས་ལ་སོགས་ལྔ་དབུས་གདན། །ཉི་ཟླ་པདྨ་ལ་སོགས་པ། །ལྔ་དང་གསུམ་དང་བཞི་གཅིག་གོ། །རིམ་པ་འཚམ་པའི་གདན་སྟེངས་སུ། །ས་བོན་ཆོ་ག་ལས་བྱུང་བ། །གཙོ་གཟུངས་མཐིང་ག་རྡོ་རྗེ་འཛིན། །འཁྲིལ་སྦྱོར་འཛུམ་པའི་བྱིན་བརླབས་ཏེ། །དབང་བསྐུར་ཆོ་ག་ལྔ་ལྡན་པས། །སྦྱོར་བསྐུལ་སྲས་བསྐྱེད་སོ་སོར་དགོད། །ཆོས་དབྱིངས་དཀར་པོ་འཁོར་ལོ་འཛིན། །མཉམ་ཉིད་རིན་ཆེན་སེར་པོ་ལྷོ། །སོར་རྟོག་པདྨ་དམར་པོ་ནུབ། །བྱ་གྲུབ་རལ་གྲི་ལྗང་གུ་བྱང་། །བཙུན་མོ་རིགས་མཐུན་དྲིལ་འཛིན་འཁྲིལ། །འཁོར་ལོའི་རྩིབས་མཚན་ཤར་ལྷོ་ནས། །ས་སྙིང་དཀར་པོ་མྱུ་གུ་འཛིན། །སྒེག་མོ་དུང་མདོག་མེ་ལོང་འཁྲིལ། །ནམ་སྙིང་སྔོན་པོ་རལ་གྲི་འཛིན། །ཕྲེང་འཛིན་མཱ་ལེ་ནམ་མཁའ་མདོག །སྤྱན་རས་ལེ་བརྒན་པདྨ་དཀར། །གཱི་ཏི་པི་ཝང་དམར་མོ་མདོག །རྡོར་འཛིན་ལྗང་གུ་ལས་ཀྱི་རིགས། །ཕྱག་གཉིས་བརྐྱང་ནས་གར་མཛད་ལྗང་། །གྲུ་ཆད་བཞི་ལ་རིམ་པ་བཞིན། །བྱམས་པ་དཀར་སེར་ཀླུ་ཤིང་འཛིན། །སྒྲིབ་སེལ་དམར་སེར་གླེགས་བམ་བསྣམས། །ཀུན་བཟང་དམར་ལྗང་རིན་ཆེན་སྙེ། །འཇམ་དཔལ་དཀར་ལྗང་ཨུཏྤལ་བསྣམས། །བཙུན་མོ་རིགས་དང་མཐུན་པ་སྟེ། །སྤོས་དང་མར་མེ་མེ་ཏོག་དྲི། །འཁྲིལ་ཞིང་འདུད་པ་ཚུལ་བཞིན་བཞུགས། །སྒོ་བཞིར་རིམ་པ་ཇི་བཞིན་དུ། །སྟོབས་ཆེན་གཤིན་རྗེ་གཤེད་པོ་དང་། །རྟ་མགྲིན་བདུད་རྩི་འཁྱིལ་པ་བཞི། །ལྕགས་ཀྱུ་ཞགས་པ་ལྕགས་ ― DNG011_Page_0205 ―
[མ་དཔེ་གཟིགས་ན་འདིར་གནོན།]
སྒྲོག་དྲིལ། །མཐིང་ནག་སེར་ནག་དམར་ནག་དང་། །ལྗང་ནག་རྡོ་རྗེ་ཐོད་དབྱུག་དང་། །ཐོད་སྦྲུལ་རྡོ་རྗེ་རྒྱ་གྲམ་དང་། །ཡུམ་ཡང་སོ་སོའི་ཕྱག་མཚན་བཅས། །སྒོ་བཞིར་རྔམ་ཚུལ་འཁྲིལ་སྦྱོར་བཞུགས། །ཁྱམས་ཀྱི་མདུན་དང་རྒྱབ་ཏུ་ནི། །ཀུན་བཟང་ཡབ་ཡུམ་ནམ་མཁའི་མདོག །ཕྱག་རྒྱ་མ་ངེས་སྣ་ཚོགས་ཏེ། །མཉམ་བཞག་ཡེ་ཤེས་འཕྲོ་བའི་སྟེང་། །རྡོ་རྗེ་དྲིལ་བུའི་མཚན་པའོ། །ཐུབ་དྲུག་དཀར་སེར་མཐིང་ག་དང་། །དམར་ནག་སེར་ནག་དུད་ཀ་སྟེ། །ཕྱོགས་བཞི་སྟེང་འོག་ཤར་ནུབ་ཚུལ། །པི་ཝང་གོ་ཆ་གསེག་པར་སྒྲོམ། །པོ་ཏི་མེ་ཆུར་ཤེས་པར་བྱ། །མི་བསྐྱོད་བྱེད་པོ་ལ་སོགས་པ། །རྡོ་རྗེ་འཆང་བས་རྣམ་པར་བརྒྱན། །གཞན་དག་རང་རང་གིས་ཡིན་ཏེ། །ཡ་མཱནྟ་ཀྲྀཏ་རྟག་པའོ། །ཐུབ་དྲུག་ཀུན་བཟང་བརྒྱན་པ་ཉིད། །སྐུ་གསུང་ཐུགས་འབར་བྱིན་བརླབས་ལྡན། །རྡོ་རྗེ་འཕྲོ་འདུ་སྙིང་པོར་ལྡན། །ཆོ་གའི་རིམ་པ་ཤེས་པར་བྱ། །དྭངས་མ་བཅུད་ལྡན་ཡེ་ཤེས་ཉིད། །མ་བཅོས་དེ་བཞིན་ཉིད་ཡིན་ཏེ། །ཡེ་ཤེས་ནམ་མཁའི་ངང་དང་འདྲེལ། །ཀུན་ལ་ཁྱབ་པའི་སྙིང་རྗེ་ཡིས། །ཁྱབ་བྱེད་བདེ་བའི་སྙིང་པོ་ཉིད། །ཐ་མལ་རྟོག་པ་གང་དག་ནས། །བདེ་བ་ཆེན་པོར་བྱིན་གྱིས་རློབ། །འབྱུང་ལྔ་དྭངས་མའི་སྙིང་པོ་ཉིད། །ཐམས་ཅད་འབྱུང་བའི་རྒྱུ་ཡིན་ཏེ། །དྷརྨ་ཙཀྲ་ཆོས་ཀྱི་དབྱིངས། །མི་ཤིགས་ཐིག་ལེ་ཀུན་གྱི་གནས། །ནུས་པའི་ཁྱད་པར་ཕྲ་རགས་བཞི། །ཐིག་ལེའི་གཟུགས་དང་ཚོར་བ་དང་། །འདུ་ཤེས་འདུ་བྱེད་རྣམ་ཤེས་ཉིད། །ཡེ་ཤེས་ལྔ་ཡི་རང་བཞིན་ཉིད། །རྒྱལ་པོ་ལྔ་རུ་བཤད་པ་ཡིན། །འབྱུང་ལྔ་དྭངས་མར་བཅས་པ་ནི། །དགྱེས་པ་བསྐྱེད་ཕྱིར་བཙུན་མོ་སྟེ། །མིག་སོགས་བདེ་བའི་རྣམ་ཤེས་དང་། །དེ་ཡི་ངོ་བོ་ཡུལ་བཅས་ནི། །གནས་པ་རྩ་བཅུད་ཐིག་ལེར་བཅས། །ནང་གི་སེམས་དཔའ་ཡབ་ཡུམ་ཉིད། །སོ་སོའི་རྩ་བཅུད་གནས་པའི་རྟེན། །དབང་པོ་དུས་བཞིར་བཅས་པ་ཉིད། །ཕྱི་ཡི་སེམས་དཔར་བཤད་པ་ནི། །གནས་དང་དུས་ཀྱིས་ཕྱེ་ཕྱིར་རོ། །གང་དེ་དྭངས་མས་བསྐྱེད་པ་ཡིས། །ལུས་ཀྱི་ཆོས་བཞི་རྟག་ཆད་བཅས། །སྒོ་བཞི་ཡབ་ཡུམ་ཤེས་ ― DNG011_Page_0206 ―
[མ་དཔེ་གཟིགས་ན་འདིར་གནོན།]
པར་བྱ། །བདེ་ཆེན་ཡིད་ཆོས་རང་རིག་ཉིད། །ཀུན་བཟང་རོ་ཡི་བདེ་བ་ཉིད། །ཉོན་མོངས་དྲུག་གི་ཡུལ་རྣམས་སུ། །སྤྲུལ་པའི་ཐིག་ལེར་རང་ཤར་བའོ། །འདུལ་བ་བཞི་ཡིས་དོན་མཛད་པ། །སྤྲུལ་པའི་མཛད་པ་བསམ་མི་ཁྱབ། །ཀུན་ཀྱང་དྭངས་མའི་རང་བཞིན་ལས། །ཡེ་ཤེས་ལྔ་ཡི་རོ་ལྡན་པ། །གནས་དང་ངོ་བོ་ལྔས་བརྒྱད་པ། །ཡེ་ཤེས་ལྔ་ཡིས་རྒྱས་བཏབ་པའོ། །ས་བོན་སྐུ་སྟེ་ཡི་གེ་གསུང་། །བདེ་ཐུགས་སྐུ་གསུང་དཀྱིལ་འཁོར་ལྡན། །འཕྲོ་འདུ་རྩ་བའི་ཐིག་ལེར་བཅས། །མ་ལུས་ཀུན་ལ་འདི་གནས་པས། །ཡན་ལག་ཉིད་དུ་འདི་ཤེས་བྱ། །སྟོང་ཉིད་རྡོ་རྗེ་ལ་སོགས་པ། །སྔོན་བྱས་རང་རྒྱུད་མེད་པ་ཡི། །རིགས་བརྟགས་གཟུངས་མ་བླང་བར་བྱ། །རང་རྒྱུད་སྒོ་གསུམ་དག་བྱས་ལ། །ལྷ་ཡི་རྣལ་འབྱོར་ལུས་སུ་བྱ། །རྡོ་རྗེ་སྙིང་པོ་གེ་སར་ཉིད། །ཕྲད་པ་ས་དང་གཤེར་བ་ཆུ། །དྲོད་མེ་བསྐྱོད་པ་རླུང་ཉིད་དེ། །བདེ་བའི་དྭངས་མ་ནམ་མཁའ་ཉིད། །བྷྲུྃ་དབྱིབས་བྷ་ག་བདེ་བའི་གནས། །སྣ་ཚོགས་འདུས་པའི་གཞལ་ཡས་ཁང་། །ཉི་ཟླ་པདྨ་ནུས་པའི་གདན། །ཆེ་བའི་ཡོན་ཏན་རྫོགས་པར་ལྡན། །ཐབས་དང་ཤེས་རབ་འདྲེལ་པའི་རོ། །ལྔ་ཕུང་འབྱུང་ལྔ་དག་པ་ཡི། །རང་བཞིན་དེ་དང་མཉམ་སྦྱར་བས། །ཡེ་ཤེས་ཕྲ་རགས་གཉིས་སུ་མེད། །ཐབས་དང་ཤེས་རབ་འདྲེལ་པ་ཡི། །དབང་པོ་ཡུལ་དུས་རྣམ་ཤེས་བཅས། །རང་རང་བདེ་བར་སྐྱེས་པའི་ལྷ། །ལྷན་ཅིག་སྐྱེས་པའི་ཡེ་ཤེས་ཉིད། །ཐབས་དང་ཤེས་རབ་གཉིས་མེད་ཅིང་། །རྒྱུ་བའི་རླུང་ལ་དབང་ཐོབ་ནས། །ཐབས་ལམ་བདེ་བའི་གཉེར་དག་གིས། །བརྟགས་པ་རང་གི་རྟོག་པ་ཟློག །དངོས་པོ་རྣམས་ཀྱི་ངོ་བོ་ལ། །བཟློག་བྱ་ངས་ཀྱང་མི་དམིགས་སོ། །བདེ་བའི་ཐིག་ལེ་ས་བོན་ལ། །ཐབས་བཞི་རླུང་གི་གར་ཐབས་ཀྱིས། །དགའ་བའི་ཚད་ལྡན་ནུས་པ་བཅས། །དངོས་འདི་ལྷན་ཅིག་སྐྱེས་པར་བརྟན། །བདེ་བའི་ཕྱག་རྒྱ་ཆེན་པོ་ནི། །ཕྱི་ནང་སྣོད་བཅུད་མ་ལུས་པ། །བདེ་བ་ཆེན་པོར་རོ་གཅིག་ཕྱིར། །མ་ལུས་ལྷན་ཅིག་སྐྱེས་པར་གནས། །བཅུད་འདུས་བདེ་བའི་ཐིག་ལེ་ནི། །ཡོན་ཏན་ཀུན་གྱི་ངོ་བོ་བས། །ཆེ་བའི་ཡོན་ཏན་ཀུན་རྫོགས་ ― DNG011_Page_0207 ―
[མ་དཔེ་གཟིགས་ན་འདིར་གནོན།]
པས། །སངས་རྒྱས་ཀུན་གྱི་ངོ་བོར་གནས། །དེ་ནས་རྒྱལ་བ་རྡོ་རྗེ་འཆང་། །རྒྱལ་བ་ཀུན་གྱི་རྒྱལ་པོ་ཡིས། །མ་ལུས་ལྷག་པའི་ལྷར་བརླབ་ཕྱིར། །གསུང་གི་སྙིང་པོ་བརྗོད་པར་མཛད། །བྷྲུྃ་བི་ཤྭ་བི་ཤུདྡྷེ། ཧཱུྃ་བཛྲ་དྷྲྀཀ །ཨོཾ་ཛཱི་ན་ཛིཀ ། རྨྨཱ་རཏྣ་དྷྲྀཀ །ཨཱྃཿཨཱ་རོ་ལིག །ཧཱྃ་པྲཛྙཱ་དྷྲྀཀ །མུྃ་དྷཱ་ཏྭཱི་ཤྭ་རཱི། ལཱྃ་དྭེ་ཥ་ར་ཏི། མཱྃ་མོ་ཧ་ར་ཏི། ཝྱུ་རཱ་ག་ར་ཏི།་བཛྲ་ར་ཏི། ཀྵཱི་ཧ་རཱ་ཛ་ཡ། ཏྲཱྃ་ཨཱ་གརྦྷ་ཡ། ཧྲཱྀ་ཧ་ཧཱུྃ་པདྨ་བ་ད་ཡ། ནྱུ་ཀུ་རུ་པ་ཎཱི་ཧྲཱྀཿ། ཧཱུྃ་ལཱ་སྱེ་ས་མ་ཡ་སྟྭཾ། ཏྲཱྃ་མཱ་ལྱེ་ས་མ་ཡ་ཧོཿ། ཧྲཱྀ་གཱི་ཏཱི་རཱ་གོ྅ཧྃ། ཨ་ནྲྀ་ཏྱེ་རཱ་ག་ཡཱ་མྱེ། མཻ་དྷ་ར་ཎེ་སྭཱ་ཧཱ།་ནི་སྶ་རྃ་བྷ་ཡ་སྭཱ་ཧཱ། ཧཱུྃ་ས་རཱ་ཛཱ་ཡ་སྭཱ་ཧཱ། མུྃ་ཤྲཱི་ཨ་རྃ་གཱ་ཡ་སྭཱ་ཧཱ། ཛཿདྷཱུ་པ་པྲ་བེ་ཤ །ཧཱུྃ་པུཥྤ་ཨ་བེ་ཤ །པྃ་དཱི་བ་སུ་ཁི་ནི། ཧོ་གནྡྷེ་ཙིཏྟ། ཧཱུྃ་ཡ་མཱནྟ་ཀྲྀཏ་ཛཿཕཊ། ཧཱུྃ་བིགྷྣཱནྟ་ཀྲྀཏ་ཧཱུྃ་ཕཊ། ཧཱུྃ་པདྨཱནྟ་ཀྲྀཏ་བྃ་ཕཊ། ཧཱུྃ་པྲཛྙཱནྟ་ཀྲྀཏ་ཧོཿཕཊ། ཨོཾ་མ་ཧཱ་བཛྲ་དྷཱ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནཱི་ཕཊ། ཨོཾ་མ་ཧཱ་རཏྣ་དྷཱ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནཱི་ཕཊ། ཨོཾ་མ་ཧཱ་པདྨ་དྷཱ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནཱི་ཕཊ། ཨོཾ་མ་ཧཱ་ཀཪྨ་དྷཱ་ར་མ་ཧཱ་ཀྲོ་དྷཱི་ཤྭ་རི་ཛྭ་ལ་ནཱི་ཕཊ། ཧཱུྃ་ཧཱུྃ་ཧཱུྃ་བཛྲ་ཙིཏྟ་ཧཱུྃ། ཨ་ཨ་ཨ་བཛྲ་བྷ་དྲ་ས་མནྟ་ཨོཾ། ཨོཾ་མུ་ནེ་ཊ྄ྲ་སྭཱ་ཧཱ། ཨོཾ་མུ་ནེ་ཧཱུྃ་ཀྜ་སྭཱ་ཧཱ། ཨོཾ་མུ་ནེ་སྭཱ་ཧཱ། ཨོཾ་མུ་ནེ་བྲྃ་སྭཱ་ཧཱ། ཨོཾ་མུ་ནེ་ཤྃ་སྭཱ་ཧཱ། ཨོཾ་མུ་ན་ཡེ་སྭཱ་ཧཱ། ཨོཾ་ཨེ་ཧྱེ་ཧི་བྷ་ག་བཱན། མ་ཧཱ་ཀ་རུ་ཎཱི་ཀ་ཏྲྀ་ཤྱ་ཧོ། ས་མ་ཡ་སྟྭཾ། ཛཿཧཱུྃ་བྃ་ཧོཿ། ཨོཾ་ཨཱཿཧཱུྃ་སྭཱ་ཧཱ། བ་བ་བ་བ་བ། ཛྲ་ཛྲ་ཛྲ་ཛྲ་ཛྲ། ས་ས་ས་ས་ས། མ་མ་མ་མ་མ། ཡ་ཡ་ཡ་ཡ་ཡ། ཨོཾ་ཨཱཿཧཱུྃ་སྭཱ་ཧཱ། ཨོཾ་སྒྱུ་འཕྲུལ་དྲ་བ་གཉིས་མེད་པའི། །གསང་བ་ཟབ་མོ་སྐུ་གསུང་ཐུགས། །གདོད་ནས་བདག་དང་དབྱེར་མེད་པའི། །ད་ལྟ་ཉིད་དུ་དབྱེར་མེད་ཤོག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོཿ། ཛཿཧཱུྃ་བྃ་ཧོཿ། ཞེས་བརྗོད་པས། སྣ་ཚོགས་དཀྱིལ་འཁོར་མཛེས་པ་དག །གཉིས་མེད་རོ་གཅིག་འདྲེས་ནས་ཀྱང་། །སྟོང་གསུམ་དཀྱིལ་འཁོར་གསལ་བར་འགྱུར། །ཨོཾ་ཨཱཿཧཱུྃ་སྭཱ་ཧཱ། མུྃ་མཱྃ་ལཱྃ་པཱྃ་། ཧཱུྃ་ཧཱུྃ་ཧཱུྃ་ཧཱུྃ། ཏྲཱྃ་ཏྲཱྃ་ཏྲཱྃ་ཏྲཱྃ། དྷྲི་དྷྲི་དྷྲི་དྷྲི། ཨཱཿཨཱཿཨཱཿཨཱཿ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཛཿཧཱུྃ་བྃ་ཧོཿརབ་ལྡན་པས། །གཙོ་བོ་ལྔ་དང་གཙོ་མོ་ ― DNG011_Page_0208 ―
[མ་དཔེ་གཟིགས་ན་འདིར་གནོན།]
ལྔ། །འདྲེལ་པ་སུམ་ཅུ་རྩ་གཉིས་དང་། །རྡོ་རྗེ་ཁྲོ་བོ་ཁྲོ་མོ་དང་། །སྒོ་བཞི་རབ་འབྱམ་ལ་སོགས་པ། །དཀྱིལ་འཁོར་རྒྱས་པར་སྣང་བར་མཛད། །འཁོར་ལོ་ཉིས་བརྩེགས་རྩིབས་སུ་བཅས། །ཁྱམས་དང་སྒོར་བཅས་ལྷ་ཡི་རིམ། །རང་རང་ཕྱག་མཚན་གདན་དང་བཅས། །བཞུགས་ཐབས་ཚུལ་བཞིན་གནས་པའོ། །དེ་ནས་རྒྱལ་བ་དེ་དག་གིས། །དཀྱིལ་འཁོར་ཆེན་པོ་དེ་དག་ལ། །དབང་བསྐུར་བྱིན་བརླབས་བྱ་བའི་ཕྱིར། །གསང་བའི་སྔགས་ནི་གསུང་བར་མཛད། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་ཨཱ་དཪྴ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་པྲ་ཏྱཱ་བེཀྵ་ཎཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་ས་མནྟ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་ཀྲྀ་ཏྱ་ཨ་ནུཥྛཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཝཱ་ཀ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཞེས་བརྗོད་ཡེ་ཤེས་སྐུ་གསུང་ཐུགས། །རྩེ་གཅིག་ཐིམ་པར་གསལ་བར་འགྱུར། །ཙིཏྟ་འོག་མིན་འབར་བའི་གནས། །རིན་ཆེན་འབར་བ་རྫོགས་པའི་མཛོད། །མི་ཤིགས་ཐིག་ལེ་ཟ་མ་ཏོག །རྒྱལ་བ་ཀུན་གྱི་བཞུགས་པའི་གནས། །ཙིཏྟའི་ཁམས་ལྔའི་སྙིང་པོ་ལ། །བདེ་བའི་ཐིག་ལེ་ཕྲ་རགས་ཉིད། །ཡེ་ཤེས་ལྔ་ཡི་བདག་ཉིད་དུ། །གསང་བ་འཛིན་པའི་རྒྱལ་པོར་བརྗོད། །གང་དེ་དྭངས་མ་ཡེ་ཤེས་ལྔ། །གང་དུ་མི་ཕྱེད་རྡོ་རྗེར་གསལ། །དུག་ལྔ་ཡེ་ཤེས་བསྐྱེད་པ་དང་། །བཙུན་མོ་དགའ་བདེའི་ངོ་བོར་བརྗོད། །ཁམས་ལྔ་འདུས་པའི་ཡེ་ཤེས་ཉིད། །རང་འབྱུང་ཡེ་ཤེས་བདེ་བའི་ཐུགས། །རྣམ་ཤེས་བཞིར་བཅས་ཐིག་ལེ་ཉིད། །ཐུགས་ཀྱི་སེམས་དཔའ་ཉིད་དུ་བཤད། །དེ་ཡིས་གང་ལ་དབང་སྒྱུར་བའི། །ཡུལ་བཞི་ཐིག་ལེ་བདེ་བའི་བཅུད། །སྒྱུ་མའི་བདེ་བར་གང་འཆར་བ། །ཡུལ་བཞི་རིམ་པར་བཤད་པ་སྟེ། ། ― DNG011_Page_0209 ―
[མ་དཔེ་གཟིགས་ན་འདིར་གནོན།]
དབང་སྒྱུར་གཉིས་མེད་གང་ཡིན་པས། །ཡབ་ཡུམ་འདྲེལ་པའི་ངོ་བོར་བཤད། །རྩ་བཅུད་ཐིག་ལེར་བཅས་པའི་རྟེན། །སོ་སོའི་ནུས་པར་བཅས་པ་ཉིད། །གང་ལ་དེ་དབང་དེ་ཡི་ཕྱིར། །འདི་ནི་ཕྱི་ཡི་རིམ་པར་བཤད། །གང་དེ་ཁམས་ལྔའི་བདེ་བ་ཡིས། །མཉེས་དང་ཐིག་ལེ་བཀོད་པ་དང་། །ནམ་མཁའི་ཡེ་ཤེས་གསལ་བ་དང་། །དེ་ཉིད་ཁྱབ་པའི་རང་བཞིན་ཏེ། །ཟག་མེད་བདེ་བའི་རང་བཞིན་གྱིས། །ཕྱོགས་བཅུའི་ཞིང་ཁམས་མཉེས་པར་མཛད། །དགུག་དང་བཅིང་དང་མཉེས་དང་གསལ། །ཐབས་ལམ་བཅུད་དུ་འདྲེལ་པར་གསུངས། །གང་དེ་ཐབས་ཆེན་གསལ་བྱས་པས། །ལུས་ཀྱི་ཆོས་བཞི་རྟག་ཆད་སྤངས། །བདེ་བའི་ཐིག་ལེ་རང་སྣང་བ། །མ་ལུས་འཇོམས་ལས་ཁྲོ་བོའོ། །བཅུད་ལས་འདས་པའི་ཧཱུྃ་གསུམ་ཉིད། །བྱེད་པ་བྲལ་བའི་ངོ་བོ་ཉིད། །ཡུལ་གསུམ་བྲལ་བས་ཆོས་ཀྱི་དབྱིངས། །མ་ལུས་རྣམ་དག་ཀུན་དུ་བཟང་། །དྭངས་སྙིགས་སྙིང་པོར་འདྲེལ་པ་ཡིས། །ཉོན་མོངས་ས་བོན་དྲུག་བཅས་པས། །ཐིག་ལེས་བཏུལ་ནས་བསྟན་པ་འཆད། །སྤྲུལ་པའི་སྐུ་རུ་བཤད་པ་ཡིན། །ཀུན་ཀྱང་ཡེ་ཤེས་ལྔ་ཡི་རོ། །ཁྱབ་པར་གནས་པས་རྒྱས་བཏབ་ཅིང་། །སྣང་སྲིད་བདེ་ཆེན་སྐུ་གསུང་ཐུགས། །དྲན་པ་རྟག་ཏུ་གསལ་བཟུང་བའོ། །དེ་ནས་གཞན་ཡང་བཤད་པར་བྱ། །གསང་རྩེ་སྣ་ཚོགས་འདུས་པའི་དབུས། །ཕྱི་ནང་རིམ་པའི་དབུ་རྩེ་ཅན། །ངོ་བོ་བྱིན་བརླབས་འཕགས་པ་སྟེ། །ཡོན་ཏན་བྱིན་བརླབས་ཀུན་གྱི་གནས། །གསང་བའི་པདྨའི་རང་བཞིན་དུ། །རྡོ་རྗེ་གཉིས་མེད་ཐིག་ལེར་བལྟ། །ཉི་ཟླ་ཟིལ་པའི་ཐིག་ལེ་ཉིད། །ཕན་ཚུན་འདྲེས་པ་རླུང་གིས་ཕྱེ། །གསང་བའི་ཁམས་ལྔས་ཡེ་ཤེས་རོལ། །སྙིགས་མའི་ཕུང་པོ་ལྔ་དག་ནས། །དྭངས་མ་ལྔ་ཡི་རང་བཞིན་གསལ། །རྒྱལ་པོ་དེ་བཞིན་གཤེགས་པར་གསལ། །གསང་བའི་འབྱུང་བ་ལྔར་བསྟན་པ། །དབང་ཡུལ་ཕྲད་པའི་སྐབས་ལས་ཤེས། །རིགས་མཆོག་ཡུམ་གྱི་ཕྱག་རྒྱ་ལྔ། །སྙིགས་མ་བྲལ་བའི་དུས་ན་བལྟ། །ཐིག་ལེ་ཐུགས་ཀྱི་བདེ་བ་རྣམས། །རང་རང་ཐིག་ལེ་བདེ་བར་གསལ། །ཡེ་ཤེས་རྣམ་ཤེས་དྭངས་མ་རྣམས། །བདེ་བ་ཆེན་ ― DNG011_Page_0210 ―
[མ་དཔེ་གཟིགས་ན་འདིར་གནོན།]
པོ་གསལ་བར་ཤེས། །དམ་ཚིག་བདེ་བའི་ཆས་ཀྱིས་སྒེགས། །སྒོ་གསུམ་འདྲེལ་ཅིང་ཐིག་ལེར་ཆགས། །གང་དུ་བདེ་བའི་སྒྲ་བསྒྲགས་ཏེ། །བསྐྱོད་ཅིང་འཕོ་བའི་གར་གྱིས་མཉེས། །ཐུགས་གང་ཐིག་ལེ་བརྟེན་པའི་གནས། །གང་ཡུལ་བདེ་བར་དབང་བྱེད་པའི། །རྟེན་དང་བཅས་པའི་བདེ་བ་ཡིས། །རང་རང་ཐིག་ལེ་སྐྱེད་པར་བྱེད། །ཐབས་དང་ཤེས་རབ་གཉིས་མེད་པའི། །ཐུགས་དང་ཐིག་ལེར་བཅས་པ་ཉིད། །དགུག་འཛིན་འཁྱུད་ཅིང་གནས་པ་དང་། །ཐིག་ལེ་རླུང་དང་སྟོད་སྨད་བསྡམས། །བསྐྱོད་དང་འབེབས་པའི་ཐབས་ཡིན་ཏེ། །ཚིམ་དང་ཐིག་ལེ་དོར་བ་དང་། །ཡེ་ཤེས་གསལ་བས་བདེ་སེམས་རྒྱས། །རིམ་པ་ཇི་བཞིན་གསལ་བར་བརྟགས། །གསང་ཡུལ་དབང་པོ་རེག་པ་དང་། །རྣམ་ཤེས་གང་ཡིན་ཏ་ཀྲིཏ་དེ། །བདེ་བའི་རང་བཞིན་མ་སྐྱེས་པས། །རྟག་ཆད་མཚན་མ་བདག་མེད་པ། །སྒོ་མའི་རང་བཞིན་གསང་བའི་སྔགས། །ཤེས་སྐྱོབ་དོན་ཕྱིར་གསང་བའི་སྔགས། །ཤེས་པ་གསུམ་འདས་སྒྲིབ་ཟད་པ། །རང་རིག་བྱེད་པ་ཡིད་ཅེས་བྱ། །རྒྱུན་གསུམ་ཟད་པའི་ཆོས་དབྱིངས་ཉིད། །རྟོགས་བྱ་ཀུན་དུ་བཟང་མོར་བཤད། །འཁོར་བའི་ས་བོན་ཉོན་མོངས་བཅས། །ཟིལ་པའི་ཐིག་སྔོན་ལམ་བཞིན་དུ། །ཐབས་སྦྱོར་ཐིག་ལེའི་འཕྲོ་འདུ་ཡིས། །གསང་བའི་མཛད་པ་བཅུ་གཉིས་སྟོན། །ས་བོན་ཐིག་ལེ་མ་སྐྱེས་གཟུགས། །བསྟན་པ་རིམ་པ་གསུམ་དུ་བསྟན། །འདོད་པའི་ཡན་ལག་སུམ་བརྒྱ་དང་། །དྲུག་ཅུ་རྩ་བཞི་ལ་སོགས་པས། །ཐ་མལ་ཞེན་པ་རང་གྲོལ་ནས། །རྡོ་རྗེ་ཟེའུ་འབྲུ་འདྲེལ་བསྐྱོད་པས། །རང་འབར་ཐིག་ལེ་གཟུགས་སུ་ཆགས། །ཡབ་ཡུམ་ལྔ་ཕྱི་ཐབས་ཀྱིས་གཟུང་། །ཉི་མ་ཟླ་བ་ཤར་བའི་འོད། །རྩེ་ནས་རྩེ་རུ་ཕྱིན་པ་ཡིས། །འཁོར་བའི་མུན་པ་ཀུན་བསལ་ནས། །མ་ལུས་ལྷན་ཅིག་སྐྱེས་པར་གསལ། །དེ་ཉིད་གསང་བར་ཤེས་པར་བྱ། །རྒྱལ་བའི་དཀྱིལ་འཁོར་མ་ལུས་པ། །བཞི་བཅུ་རྩ་ལྔར་གནས་པ་ཡི། །ཐུགས་ཀྱི་རང་བཞིན་སྙིང་པོ་ཉིད། །རང་རང་མཚོན་པའི་རྟགས་ཡིན་ཏེ། །རྒྱས་དང་བསྡུས་པའང་དེ་བཞིན་དུ། །རྡོ་རྗེ་འཁོར་ལོ་རལ་གྲི་ ― DNG011_Page_0211 ―
[མ་དཔེ་གཟིགས་ན་འདིར་གནོན།]
འབར། །དྲིལ་བུ་པདྨ་རིན་པོ་ཆེ། །རྡོ་རྗེ་འཛིན་པའི་རིམ་བཤད་པའོ། །གཞན་གང་གནས་སུ་རྡོ་རྗེ་ཤེས། །དང་པོ་ཐུགས་དང་གཡོན་འཁྱུད་པའོ། །རིན་ཆེན་མྱུ་གུ་རལ་གྲི་འབར། །པདྨ་དཀར་པོ་རྡོ་རྗེ་ཆེ། །ཨུཏྤལ་ཀླུ་ཤིང་པོ་ཏི་སྙེ། །གཟུགས་མཛེས་རིན་ཆེན་ཕྲེང་བ་དང་། །པི་ཝང་གར་སྒྱུར་པོག་མེ་དང་། །བྱུག་པ་སོ་སོར་རིམ་ཤེས་བྱ། །ནྲྀ་མགོ་རྡོ་རྗེ་ཐོད་རྒྱ་གྲམ། །ལྕགས་ཀྱུ་ཞགས་པ་སྥོ་ཊ་ཧོཿ། །འོད་འཕྲོ་མཉམ་བཞག་རྡོ་རྗེ་ཐལ། །ཡེ་ཤེས་རྩེ་ལྔ་ཆོས་ཁམས་དྲིལ། །ཐུགས་ལ་བརྟན་པ་ཉིད་དུ་གསུངས། །ཐུབ་ཆེན་ངེས་པར་ཕྱག་གཉིས་ཤེས། །གསེག་པར་གོ་མཚོན་པི་ཝང་བརྡབ། །སྒྲོམ་སྟོབ་པོ་ཏི་ཆོས་འཆད་ཚུལ། །མེ་དཔུང་བུམ་པར་ཤེས་པར་བྱ། །གཞན་ཡང་མཐུན་པ་སྐབས་ཀྱིས་བརྟག །མི་མཐུན་ཁྱད་པར་རྒྱས་པར་བསྟན། །རྡོ་རྗེ་རིན་ཆེན་པདྨ་དང་། །རྒྱ་གྲམ་དྲིལ་བུ་བརྒྱད་ཤེས་བྱ། །རྡོ་རྗེ་ལྕགས་ཀྱུ་མདའ་སེ་གོལ། །རིན་ཆེན་ཉི་མ་རྒྱལ་མཚན་སོ། །པདྨ་འཁོར་ལོ་རལ་གྲི་ལྕེ། །རྒྱ་གྲམ་ཁུ་ཚུར་གོ་ཆ་མཆེ། །གཞན་ཡང་སྐབས་དང་མཐུན་པ་སྟེ། །རང་རང་དོན་ཉིད་རྩེ་གཅིག་པའི། །ཐུགས་ཀྱི་རྟགས་སུ་ཤེས་པར་བྱ། །དྭངས་མའི་ཡེ་ཤེས་ལྔ་འབར་བས། །གཅོད་དང་མི་ཕྱེད་དགའ་བ་དང་། །མ་གོས་བདེ་བ་བསྐྱེད་པ་ཉིད། །རྣམ་པར་མི་རྟོག་རིམ་པར་ཤེས། །ཡོན་ཏན་བསྐྱེད་དང་ཐ་མལ་གཅོད། །དེ་བཞིན་མ་གོས་ཡེ་ཤེས་ཉིད། །སོ་སོ་ཡོན་ཏན་ཆ་ལས་བྱུང་། །རང་རང་རྩ་བཅུད་ཐིག་ལེའི་དབྱིབས། །སོ་སོ་ཉིད་ལྟར་རང་གནས་ཏེ། །བདེ་བའི་ཐིག་ལེ་ཉིད་དུ་ཤེས། །རང་འབྱུང་དྭངས་མའི་ཐིག་ལེ་ཉིད། །འདྲེལ་པའི་ཚུལ་གྱིས་ཀུན་སྣང་བ། །ཁུ་བ་རྩ་ཡི་དབྱིབས་གཟུགས་ཉིད། །རང་རང་ལས་དང་རྟོག་པ་དང་། །སྙིང་པོ་ཕྱག་མཚན་དབྱིབས་བཞིན་པས། །བདེ་ཆེན་ཐུགས་སུ་གསལ་བརྟན་པ། །ཐུགས་ཀྱི་དུས་སུ་ཤེས་པར་བྱ། །ཐབས་དང་ཤེས་རབ་གཉིས་མེད་པའི། །ཐིག་ལེ་གསལ་བའི་རང་བཞིན་ལས། །ཐུགས་མཚན་ཆེ་བའི་ཡེ་ཤེས་ཉིད། །དཔག་ཏུ་མེད་པར་རང་སྣང་བ། །བདེ་བ་ཆེན་པོའི་ཐིག་ལེའི་འོད། །མ་ལུས་དེ་དེར་སྣང་བ་ ― DNG011_Page_0212 ―
[མ་དཔེ་གཟིགས་ན་འདིར་གནོན།]
ཉིད། །མ་ལུས་གཉིས་མེད་ཐིག་ལེ་ཡི། །བདེ་བ་ཆེན་པོའི་ཡེ་ཤེས་ལྔ། །དེ་ལས་ཕྱེ་བས་མཚོན་པའི་སྒོ། །ཐུགས་ཀྱི་རང་རྟགས་བསམ་མི་ཁྱབ། །བདེ་བའི་ཐུགས་ལས་གཞན་མ་ཡིན། །གང་ཕྱིར་དཀྱིལ་འཁོར་འདི་དག་ཀྱང་། །ཐུན་མོང་གནས་སུ་བསྒོམས་པ་དང་། །མི་ཤིགས་ཐིག་ལེའི་སྙིང་པོ་ལ། །སྐུ་གསུང་ཐུགས་ཉིད་གསལ་བར་བྱ། །དོན་དམ་ཐིག་ལེ་པད་རྩེ་ལ། །རིམ་པ་ཇི་བཞིན་གསལ་བར་བྱ། །དེ་ནས་གདུག་པ་གདུལ་བའི་ཕྱིར། །འབར་བའི་དཀྱིལ་འཁོར་གསལ་བར་བཤད། །ཆོ་གའི་རིམ་པ་ཇི་བཞིན་གྱིས། །རང་སྙིང་རྒྱུ་ཡི་ས་བོན་ཧཱུྃ། །དག་པས་རིམ་པས་གསལ་བ་ལ། །རང་རྒྱུད་འབྱུང་ལྔ་ཉོན་མོངས་ལྔ། །རང་འབྱུང་ལྔ་རུ་སྣང་བའི་ཕྱིར། །འབྱུང་བ་ལྔ་ཉིད་བསྒོམ་པར་བྱ། །ཨེ་ཡྃ་རྃ་སུྃ་ཀེཾ་རྃ། སོ་སོ་ལས་རྣམས་བྱས་ནས་ནི། །ནམ་མཁའ་གྲུ་གསུམ་ཟླ་གམ་རླུང་། །ཁྲག་གི་དབའ་ཀློང་འཁྲུག་པ་དང་། །གཏི་མུག་རོ་དང་ང་རྒྱལ་རི། །ཞེ་སྡང་མེ་ཉིད་བསྒོམ་པར་བྱ། །མདོག་ཀྱང་རིམ་པར་ཤེས་བྱ་སྟེ། །ལས་དང་རང་བཞིན་ཤེས་བཞིན་བརྟག །བྷྲུྃ་ལས་དུར་ཁྲོད་གཞལ་ཡས་ཁང་། །འཁོར་ལོ་རྩིབས་བཞི་ཐོད་ཕྲེང་དང་། །བར་ཁྱམས་གཉིས་ནི་སྒོ་དང་བཅས། །ཐོད་ཕྲེང་སྦྲུལ་གྱི་ཟ་ར་ཚགས། །ཞིང་གི་གདུང་དང་ཀ་བ་སྟེ། །སྤྲིན་ནག་དུར་ཁྲོད་རྒྱན་དང་བཅས། །ཁྲོ་མོ་བདུད་རྩི་ལྷ་མོ་དང་། །ཐོད་པ་ལྔ་གསུམ་རྩིག་པ་ཅན། །ཉི་ཟླའི་རྒྱན་ཅན་བསམ་བྱས་ལ། །དྲེགས་པ་གནོད་སྦྱིན་སྲིན་པོ་དང་། །དྲི་ཟ་གཤིན་རྗེ་བཞོན་པར་བཅས། །དེ་བཞིན་གསལ་བར་བསྒོམ་པར་བྱ། །སྐུ་གསུང་ཐུགས་ཀྱི་རྡོ་རྗེ་ཡི། །ཆོ་ག་ལས་བྱུང་རིམ་པ་ཡིས། །གཉིས་མེད་གསལ་བས་དེ་བརྟན་ཕྱིར། །དབང་བསྐུར་བྱིན་བརླབས་རིམ་བཞིན་བྱ། །སྦྱོར་བའི་ཐིག་ལེ་འཕྲོས་པ་ཡིས། །གདུག་པ་མ་ལུས་བཏུལ་ནས་ནི། །རང་རང་རིམ་པ་གསལ་གྱུར་ནས། །ཧཱུྃ་གིས་ཕྱོགས་ཕྱོགས་གདན་ལ་བཞུགས། །ཧ་བརྒྱད་ས་བོན་ལས་བྱུང་བ། །དཀར་མོའི་ཚོགས་དང་རྐུན་མོའི་ཚོགས། །རྨོངས་མོ་དང་ནི་ཐལ་བྱེད་མ། །སྦོས་མོ་དང་ནི་གཏུམ་མོ་དང་། །སྨེ་ཤ་ཅན་དང་མ་ཚོགས་མའི། །སོ་སོའི་ཆ་ལུགས་རྔམ་འཐོན་ནས། །སྤྲུལ་པ་བཞི་པོ་ལ་ཐིམ་ཞིང་། ། ― DNG011_Page_0213 ―
[མ་དཔེ་གཟིགས་ན་འདིར་གནོན།]
རང་རང་ལས་མཛད་སྙིང་པོ་སྒྲོགས། །འདུས་ཏེ་ཕྱོགས་ཕྱོགས་གནས་པར་བྱ། །ཧེ་བརྒྱད་ས་བོན་ལས་བྱུང་བ། །སྟག་དང་སེང་གེ་ཝ་དང་ཁྱི། །བྱ་རྒོད་ཀང་ཀ་འུག་པ་དང་། །ཕོ་རོག་ལ་སོགས་ཕྲ་མེན་རྣམས། །འཕྲོ་འདུ་ལས་དང་ཕྱོགས་མདོག་མཚན། །རིམ་པ་ཇི་བཞིན་དེ་བཞིན་བསམ། །ཕཊ་བཞིས་རྟ་དང་ཕག་གདོང་དང་། །སྦྲུལ་དང་སྤྲེའུ་གདོང་རིམ་པ་བཞིན། །ལས་དང་སྐུ་མདོག་ཕྱག་མཚན་ཡང་། །རིམ་པ་བཞིན་དུ་གནས་པ་ཡིན། །དེ་དག་འཁོར་ལོ་དབུས་དང་ལྔ། །ཡབ་ཡུམ་ཕྱག་རྒྱ་འདྲེལ་པར་གནས། །རྩིབས་མཆན་གྲུ་ཆད་བཞི་དག་ལ། །གནས་ཀྱི་མ་མོ་དགོད་པར་བྱ། །བར་ཁྱམས་དང་པོར་ཕྲ་མེན་བརྒྱད། །ཕྱོགས་མཚམས་རིམ་པར་དགོད་པར་བྱ། །སྒོ་བཞིར་སྒོ་བ་རྔམ་ཚུལ་གནས། །བར་ཁྱམས་ཐ་མ་དག་ལ་ནི། །སླས་དང་བྱི་མོ་བྲན་མོའི་ཚོགས། །སྐུ་མདོག་ཕྱག་མཚན་བཞུགས་ཚུལ་ཉིད། །རིམ་པ་བཞིན་དུ་བཀོད་པར་བྱ། །རིན་ཆེན་ཐོད་པའི་དབུ་རྒྱན་དག །གནས་སྐབས་དག་ཏུ་འཚམ་པར་བྱ། །སྐུ་གསུང་ཐུགས་ཀྱང་དེ་བཞིན་ཏེ། །ཡན་ལག་དཀྱིལ་འཁོར་ཉིད་དུ་བཤད། །གང་ཕྱིར་ནམ་མཁའི་ཡེ་ཤེས་ཉིད། །སྤྲོས་མེད་དམ་པ་ཉིད་དུ་འདོད། །བདེ་བའི་ཐིག་ལེས་ཀུན་ཁྱབ་ལ། །ཆོས་ཉིད་སྙིང་རྗེ་ཀུན་དུ་སྣང་། །ཐིག་ལེ་རང་སྙིང་ས་བོན་རྒྱུ། །ཟག་པ་མེད་པའི་སྙིང་པོ་ཡིན། །མ་ལུས་འདུས་པའི་སྙིང་པོ་ཅན། །ཐིག་ལེ་གོང་འོག་ཀུན་དང་འདྲེལ། །གནས་པ་ཁོང་སྟོང་ཚུལ་དག་གིས། །མ་ལུས་ཀུན་ལ་ཁྱབ་པ་ཡིན། །ཛྷྃ་སྒོ་གཡོ་བའི་ས་སྒོ་ཅན། །བསྐྱོད་དང་ལས་ཀྱིས་ཁྱབ་བྱེད་པ། །ལུས་ཁྱབ་གནས་དང་ལས་དག་ནི། །ཁྱད་པར་སོ་སོར་སྣང་བ་ཡིན། །དེ་སྟེང་ཏི་ལ་ཀའི་རང་བཞིན། །འབར་མ་བརྒྱད་དང་ལྡན་པ་ཉིད། །ཞུ་དང་འབར་བའི་ལས་བྱེད་པ། །དྲག་མོ་ཞེས་ཀྱང་འདོད་པ་ཡིན། །ཐིག་ལེ་སྒོ་ནས་འཛག་པའི་བཅུད། །གཤེར་དང་འཛག་པའི་བྃ་སྙིང་ཅན། །སྡང་དང་བེབས་པའི་རང་བཞིན་ཅན། །ལུས་ཅན་གནས་པ་གསལ་བར་བྱ། །གང་ལ་གང་རྟེན་དེ་ཡི་བརྟེན། །ཐིག་ལེ་རྩར་བཅས་བདེ་བའི་རྟེན། །དེ་ཉིད་བསྐྱེད་དང་གནས་གྱུར་པ། །བརྟེན་ ― DNG011_Page_0214 ―
[མ་དཔེ་གཟིགས་ན་འདིར་གནོན།]
པས་ས་ཡི་དཀྱིལ་འཁོར་ཉིད། །འཁོར་ལོ་གཞལ་ཡས་རང་བཞིན་ཏེ། །རིམ་པ་གོང་འོག་འདྲེལ་པ་ཅན། །ལུས་ལ་གནས་པས་དུར་ཁྲོད་དེ། །ཁ་དོག་རྩ་དང་བཅུད་བསྡུས་པའི། །རྒྱན་དང་གདན་དུ་ལྡན་པ་ཉིད། །གང་ལ་རྟེན་པའི་ཐིག་ལེ་ཉིད། །གཉིས་མེད་བདེ་བ་ཆེན་པོའི་ལྷ། །ས་བོན་ཡི་གེ་བདེ་བ་ཡིས། །སྐུ་གསུང་ཐུགས་དང་ལྡན་པ་ཉིད། །གཅིག་ཀྱང་ཁམས་ལྔའི་བདེ་བའི་རོས། །མ་ལུས་ཁྱབ་པའི་ཚུལ་གྱིས་གནས། །ལུས་ལ་ཐིག་ལེ་ཆེན་པོ་གནས། །གནས་དང་བཅུད་དང་བདེ་བ་ཉིད། །ཐབས་ཆེན་ཐབས་ལས་བྱུང་བ་ཡི། །ནམ་མཁའི་ཡེ་ཤེས་དཔག་ཏུ་མེད། །འཇུག་པ་བཞི་དང་རིམ་པ་བརྒྱད། །ཐིག་ལེ་གཅིག་གིས་ཁྱད་པར་འཕགས། །ཉོན་མོངས་ཟད་པས་ཟད་བྱེད་དེ། །དྭངས་མའི་ཡེ་ཤེས་ལྔ་འབར་ཉིད། །ཡུལ་དང་བཅས་པའི་རང་བཞིན་ལས། །འབར་བའི་དཀྱིལ་འཁོར་གསལ་བར་སྣང་། །གནས་ཀྱི་ཐིག་ལེ་བདེ་བ་ཅན། །དུར་ཁྲོད་མ་བརྒྱད་གསང་བ་སྟེ། །གཉིས་མེད་ཕྲ་མེན་ཉིད་དུ་བཤད། །ཐིག་ལེ་ཐབས་དང་བཅས་པ་ཉིད། །དཀྱིལ་འཁོར་འཇུག་པའི་སྒོ་དང་འདྲེལ། །སྙིང་པོ་ཐིག་ལེ་ཉིད་དུ་སྦྱོར། །གང་དང་ལྷན་ཅིག་སྐྱེས་པ་ལས། །བདེ་བ་ཆེན་པོ་སྐྱེ་བ་མེད། །མ་ལུས་བདེ་བ་ཆེན་པོ་ཉིད། །ཁྱབ་པ་རྒྱ་ཡོངས་མ་ཆད་པའོ། །མ་ལུས་འདུས་པའི་བདེ་བའི་རོ། །ས་ཡང་བཅུ་གསུམ་འདུས་པའི་མཁའ། །རང་འབྱུང་ཁྱབ་པ་ཆེན་པོའི་གཟུགས། །ཀུན་འདུས་ཐིག་ལེ་ཆེན་པོར་གནས། །རྣམ་ཐར་གསུམ་ལྡན་ཨེ་ཡི་གཟུགས། །བདེ་བ་བསྐྱོད་དང་ཐིག་ལེ་བསྐུལ། །འཕྲོ་དང་སྡུད་དང་བསྡམས་པའི་རླུང་། །རྡོ་རྗེ་པདྨ་འདུས་པའི་ས། །རྟེན་དང་བྲལ་བ་བདེ་བའི་ས། །ཤུ་ཀྲའི་ཐིག་ལེ་གང་གཤེར་བ། །གསང་བ་ཆུ་ཡི་རང་བཞིན་ཡིན། །དེ་དག་ཕྱག་རྒྱས་གང་སྦྱར་བས། །བདེ་བའི་དྲོད་ནི་རང་འབར་སྐྱེ། །བྷྲུྃ་ལས་གསང་བའི་གཞལ་ཡས་ཁང་། །སངས་རྒྱས་རིན་ཆེན་ཟ་མ་ཏོག །སྣ་ཚོགས་འདུས་པའི་སྙིང་པོ་ཅན། །ཁྱད་པར་འཕགས་པའི་འོག་མིན་ཏེ། །ཡོན་ཏན་རྫོགས་པའི་དངོས་གཞི་ཅན། །དགའ་བཞི་འཇུག་པའི་སྒོ་ ― DNG011_Page_0215 ―
[མ་དཔེ་གཟིགས་ན་འདིར་གནོན།]
དང་ལྡན། །འབབ་འཛེག་ཐིག་ལེའི་སྐས་དང་ལྡན། །བདེ་བ་ཉི་ཟླ་རྒྱལ་ལ་བཞུགས། །ཐིག་ལེ་འདྲེས་པ་བདེ་བའི་རོ། །ཉི་ཟླ་འདྲེལ་བའི་བདེ་བའི་ལྷ། །འཐུང་དང་རྔུབ་པའི་ཐབས་ཆེན་གྱིས། །འཁོར་བའི་ས་བོན་ཟད་བྱེད་པས། །ཟ་བྱེད་ཁྲོ་བོར་དེ་བཤད་པའོ། །དཔག་མེད་ཐིག་ལེའི་རང་བཞིན་གང་། །ས་ཡ་བཅུ་གསུམ་ཕོ་བྲང་ན། །བདེ་བ་ཆེན་པོ་ཡེ་ཤེས་གཟུགས། །སྐུ་གསུང་ཐུགས་དང་ལྷན་ཅིག་བཞུགས། །འདུ་ཤེས་གསུམ་ལྡན་བྱིན་བརླབས་ཏེ། །གསང་བའི་ཡེ་ཤེས་ལྔ་ལྡན་པས། །དབང་ཐོབ་རྣམས་ལ་རྒྱས་བཏབ་པོ། །གསང་བ་ཐིག་ལེ་ཆེན་པོ་ནི། །རང་འབྱུང་བདེ་བ་ཆེན་པོ་ཉིད། །རྣམ་རྟོག་རྒྱུ་བ་ཆད་པ་ཡི། །རྡོ་རྗེ་པདྨའི་བར་ན་གནས། །འོག་སྒོ་སྙིང་པོ་པདྨ་ནི། །རྒྱལ་བ་ཀུན་གྱི་དཀྱིལ་འཁོར་ཏེ། །གསང་བ་སྐུ་གསུང་ཐུགས་ཉིད་དུ། །ཐབས་དང་ཤེས་རབ་གཉིས་མེད་གནས། །མ་ལུས་འདུས་པའི་ཐིག་ལེ་ཉིད། །གཉིས་མེད་བཅུད་དུ་གྱུར་པ་ན། །དེ་ཡི་བདེ་བ་ཆེན་པོ་ཉིད། །ཁྱབ་པའི་ཚུལ་གྱིས་གང་བར་བཞུགས། །ཡེ་ཤེས་རྒྱ་མཚོ་ལྷན་ཅིག་སྐྱེས། །གསང་བའི་ཐིག་ལེ་བདེ་བའི་རོ། །ཉི་ཟླ་འདྲེས་པའི་ཚུལ་གྱིས་སྣང་། །གསང་བའི་དཀྱིལ་འཁོར་ཆེན་པོར་བཤད། །དེ་ནས་རྒྱལ་བ་ཐམས་ཅད་ཀུན། །གདུལ་བྱའི་བསམ་པའི་ཁྱད་པར་གྱིས། །ནམ་མཁའ་དབྱིངས་ཀྱི་མཐས་གཏུགས་པར། །རྡོ་རྗེ་ཁྲོ་བོར་སྣང་གྱུར་ཏེ། །བསྐྱེད་ཅིང་གདུག་པ་འདུལ་བ་ཡི། །དྲག་པོ་ལྷ་ཡི་སྔགས་དག་དང་། །དེ་ཡི་གཞལ་ཡས་སྣང་བར་མཛད། །བྷྲུྃ་བི་ཤྭ་བི་ཤུདྡྷེ། ཛྙཱ་ན་ཀཱ་པ་ལ་རཏྣ་པཉྩ་ཧཱུྃ། མ་ཧཱ་དེ་པ་སྠོ་ར་བྃ། སཱུརྱ་ཙནྡྲ་མཎྜ་ལ་ཧཱུྃ། དེ་སྟེང་སོ་སོའི་སྐུ་ཉིད་དག །གསལ་བའི་རིམ་པ་དགོད་པར་བྱ། །ཨོཾ་བུཌྜྷ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་སརྦ་ཏ་ཐཱ་ག་ཏ་མ་ཧཱ་ཀྲོ་དྷཱི་ཤྭ་རི་སརྦ་དུཥྚཱན་ཧཱུྃ་ཕཊ། ཨོཾ་མ་ཧཱ་བཛྲ་ ― DNG011_Page_0216 ―
[མ་དཔེ་གཟིགས་ན་འདིར་གནོན།]
དྷ་ར་ཀྲོ་དྷཱི་ཤྭ་རི་ཛ་ལ་ནཱི་ཧཱུྃ་ཕཊ། ཨོཾ་མ་ཧཱ་སཱུརྱ་རཏྣ་མ་ཧཱ་ཀྲོ་དྷཱི་ཤྭ་རི་བི་ད་མ་ཧཱུྃ་ཕཊ། ཨོཾ་ཤྲཱི་ཤ་ཏ་ས་མནྟ་པདྨ་མ་ཧཱ་ཀྲོ་དྷཱི་ཤྭ་རི་ཁཱ་ཧི་ཧཱུྃ་ཕཊ། ཨོཾ་སརྦ་ཨ་མོ་གྷ་མ་ཧཱ་ཀྲོ་དྷཱི་ཤྭ་རི་བི་ཤྭ་ཧཱུྃ་ཕཊ། ཨོཾ་བཛྲ་གཽ་རཱི་ཧ། བཛྲ་ཙཽ་རཱི་ཧ། བཛྲ་པྲ་མོ་ཧཱ་ཧ། བཛྲ་བཻཏྟ་ལཱི་ཧ། བཛྲ་པུཀྐ་སཱི་ཧ། བཛྲ་གྷསྨ་རཱི་ཧ། བཛྲ་སྨ་ཤཱ་ནཱི་ཧ། བཛྲ་ཙཎྜ་ལཱི་ཧ། བཛྲ་སིཾ་ཧ་མུ་ཁཱི་ཧེ། བཛྲ་བྱཱ་གྷྲ་མུ་ཁཱི་ཧེ། བཛྲ་སྲྀངྒཱ་ལ་མུ་ཁཱི་ཧེ། བཛྲ་ཤྭ་ན་མུ་ཁཱི་ཧེ། བཛྲ་གྲྀ་ཌྷ་མུ་ཁཱི་ཧེ། བཛྲ་ཀཱངྈ་མུ་ཁཱི་ཧེ། བཛྲ་ཀཱ་ཀ་མུ་ཁཱི་ཧེ། བཛྲ་ཨུལླཱུ་ཀཱ་མུ་ཁཱི་ཧེ། བཛྲ་ཨཱརྱ་ཏེ་ཛ་ཏེང་ཛ། བཛྲ་ཨ་མུ་ཁཱ་ཧཱུྃ། བཛྲ་ལོ་ཀཱ་པྃ། བཛྲ་བྷསྨི་ས་མ་ཡ་བ་ཏོ་ཧོཿ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བཛྲ་མ་ནུ་རཱཀྵ་སི། བཛྲ་བྲཧྨ་ཎཱི། བཛྲ་རཽ་ཏྲི། བཛྲ་བཻཥྞ་བེ། བཛྲ་ཀཽ་མཱ་རཱི། བཛྲ་ཨིནྡྲ་ཡེ། བཛྲ་སཱུརྱ་ཡེ། བཛྲ་པིངྒ་ལེ། བཛྲ་སཽ་མེ། བཛྲ་ཨ་མྲྀ་ཏཱ། བཛྲ་དཎྜ་ནཱི། བཛྲ་རཱཀྵ་སི། བཛྲ་བྷཀྵ་སི། བཛྲ་ར་ཏི་ཧཾ། བཛྲ་རུ་དྷི་རོ་མ་ཧྱྃ། བཛྲ་ཨེ་ཀ་ཙ་རཾ། བཛྲ་མ་ནོ་ཧ་རཾ། བཛྲ་སིདྡྷི་ཀྃ། བཛྲ་བཱ་ཡ་བེ། བཛྲ་མ་ཧཱ་མཱ་ར་ཎི། བཛྲ་ཨགྣ་ཡེ། བཛྲ་བཱ་རཱ་ཧཱི། བཛྲ་ཙ་མུཎྜཱི། བཛྲ་པཱུ་ཏ་ནཱ། བཛྲ་བཱ་རུ་ཎི། བཛྲ་མ་ཧཱ་ཀཱ་ལཱ། བཛྲ་ཙ་ཀ་ལཱ། བཛྲ་ཀུམྦྷ་ཀརྣཱ། བཛྲ་ལམྦོ་དྷ་རཱ། རུ་ལུ་རུ་ལུ་ཧཱུྃ། ཨེ་ཧྱེ་ཧི་ཨཱ་ན་ཡ། ཛཿཧཱུྃ་བྃ་ཧོཿརྃ། ཨོཾ་བཛྲ་ཀྲོ་དྷ་ཡ་མ་ཡ་ཧཱུྃ། ཨོཾ་ཁྲོ་ལ་ཁྲོས་པས་ཞི་མཛད་པ། །ཐུགས་རྗེ་ཁྲོ་དཔལ་རྔམ་པའི་ཚོགས། །འབར་བའི་བྱིན་བརླབས་རྨད་པོ་ཆེ། །དེ་ཉིད་དུ་ནི་བདག་ལ་སྩོལ། །ཨོཾ་བཛྲ་ཀྲོ་དྷ་ས་མ་ཡ་སྟྭཾ། ཨོཾ་བཛྲ་ཀྲོ་དྷ་ས་མ་ཡ་ཕཊ། ཨོཾ་བཛྲ་ཀྲོ་དྷ་ས་མ་ཡ་ཧོཿ། ཨ་ལི་ཨུ་ལི་ཏཱ་ལི་ཏ་པཱ་ལི། དྃཥྚཱ་གཽ་ན་རཽ་ཏྲི། ཁ་རྃ་ཡོ་གི་ནི་ཁཱ་ཧི་ཧོཿ། ཧཱུྃ་ཧ་ཧེ་ཕཊ་བྷྱོ་རྃ། གསང་སྔགས་དྲག་པོ་མཐུ་ཡིས་ནི། །ཕྱོགས་བཅུ་ཚིག་ཅིང་རབ་ཏུ་ཚིག །ཀུན་དུ་རབ་ཏུ་ཚིག་པར་འགྱུར། །འབར་དང་རབ་འབྱམ་ཀུན་དུ་འབར། །འབར་བའི་དཀྱིལ་འཁོར་ཁྲོ་ཚོགས་ཀྱིས། །གང་ཞིག་རབ་གང་ཀུན་དུ་གང་། །འཁྲུགས་དང་རབ་འཁྲུགས་ཀུན་དུ་འཁྲུགས། །འཐོར་ཞིང་ ― DNG011_Page_0217 ―
[མ་དཔེ་གཟིགས་ན་འདིར་གནོན།]
རབ་འཐོར་ཀུན་དུ་འཐོར། །འགུལ་ཞིང་ལྡེག་པ་དེ་བཞིན་ཏེ། །ཕྱོགས་བཅུ་དུས་བཞི་གང་བ་ཡི། །སྒྲ་བོ་ཆེ་ཡང་སྒྲོགས་པར་བྱེད། །ཕྱོགས་བཅུའི་གདུག་པ་མ་ལུས་པ། །ཐུལ་ཞིང་བརྒྱལ་ནས་མྱོས་གྱུར་ཏེ། །དེ་དག་བདེ་བས་བསླང་བྱས་ཏེ། །བདེ་བ་ཆེན་པོ་དགྱེས་པའི་གར། །ཕྱོགས་བཅུ་ནམ་མཁའི་མཐར་ཐུག་པར། །རྣམ་པར་འཕྲུལ་པའི་གཟུགས་ཀྱིས་བྱེད། །རྡོ་རྗེ་གསང་བ་རང་བཞིན་ལས། །ཐིག་ལེ་ཆེན་པོའི་དཀྱིལ་འཁོར་བསྒྱུར། །གདོད་ནས་ཐིག་ལེའི་རང་བཞིན་ཉིད། །མ་བཅོས་ཐིག་ལེར་གནས་པ་ཉིད། །མ་ལུས་ཐིག་ལེར་རྒྱས་བཏབ་པ། །ནམ་མཁའི་གཟུགས་ཅན་དེ་བཞིན་ཉིད། །མ་ལུས་བདེ་བའི་ཐིག་ལེ་ཉིད། །ཁྱབ་པ་ཆེན་པོའི་རང་བཞིན་ཏེ། །མཐའ་དབུས་བྲལ་བ་བདེ་བ་ཆེ། །སྙིང་རྗེ་ཆེན་པོར་བརྗོད་པ་ཡིན། །ཀུན་གྱི་རྒྱུ་ནི་ཐིག་ལེ་སྟེ། །མ་ལུས་ས་བོན་རྩ་བ་ཉིད། །མི་ཤིགས་སྙིང་གའི་ཕོ་བྲང་ཉིད། །ཡེ་ཤེས་རྫོགས་པའི་གཞལ་ཡས་ཁང་། །ནམ་མཁའ་ལྟ་བུའི་མཚན་ཉིད་དེ། །རྒྱལ་བ་ཀུན་གྱི་བཞུགས་གནས་སོ། །ཉོན་མོངས་གདུག་པའི་གདན་ཁྲི་ཉིད། །གདུལ་བྱ་ཐུབ་པ་ཉིད་དུ་བསྟན། །ཕུང་པོ་ཉོན་མོངས་ལྔ་དག་པ། །རྒྱལ་པོ་ལྔ་ཡི་རང་བཞིན་ཏེ། །རང་སྙིང་དྭངས་མར་བཅས་པ་ཉིད། །དབང་ཕྱུག་ལྔ་རུ་བརྗོད་པ་ཉིད། །རྣམ་ཤེས་ཡུལ་དུ་བཅས་པ་ཉིད། །རྟེན་དང་བརྟེན་པར་བཅས་པ་ཡི། །བདེ་བ་ཕྲ་མེན་བཅུ་དྲུག་ཉིད། །ཕྱི་ལྟ་ནང་ལྟ་དཀྱིལ་འཁོར་ཉིད། །དགུག་དང་འཛིན་དང་ཐིག་ལེས་བསྡམས། །ཐིག་ལེའི་རང་བཞིན་གཉིས་སུ་མེད། །དབུ་མའི་ཐིག་ལེ་བཅས་པའི་ལམ། །དབང་ཕྱུག་ནམ་མཁའི་དབང་མོ་ཚོགས། །དབབ་པ་ཉེ་བའི་ཚུལ་བཟུང་ནས། །ཐིག་ལེ་དབབ་པའི་ཐབས་བཞི་ཡིས། །ཕབ་པས་རང་རྒྱུད་དངོས་པོ་བསྲེག །དྲན་འབྱུང་རིག་པའི་འཕྲོ་འདུ་ཚོགས། །བདེ་བ་ཆེན་པོའི་དོན་ལ་འཇུག །གཉིས་མེད་ཐིམ་པས་དཀྱིལ་འཁོར་འབར། །སྐུ་གསུང་ཐུགས་སུ་ཀུན་གསལ་བས། །གཉིས་མེད་ཐིམ་པས་མཉེས་པར་མཛད། །རང་བཞིན་བདེ་བའི་དཀྱིལ་འཁོར་ཀུན། །རིག་པ་ཉམས་མྱོང་དབྱིངས་ལ་ཐིམ། །དྲན་རྟོགས་འབྱུང་བ་ཉོན་ ― DNG011_Page_0218 ―
[མ་དཔེ་གཟིགས་ན་འདིར་གནོན།]
མོངས་ཀུན། །ཚིག་པ་གསུམ་དུ་ཤེས་པར་བྱ། །ཡེ་ཤེས་བདེ་བ་ཆེན་པོ་ཉིད། །འབར་བ་གསུམ་དུ་ཤེས་པར་བྱ། །བྱང་ཆུབ་སེམས་ཀྱི་བདེ་བ་ཡིས། །མ་ལུས་གང་ཞིང་ཁྱབ་པར་གྱུར། །ཐིག་ལེ་གོང་འོག་སྟེང་འོག་ཉིད། །ཐིག་ལེ་གོང་མ་ཉིད་འོག་ཏུ། །འོག་མ་ཉིད་ནི་སྟེང་དུ་འབར། །གཅིག་གཉིས་ལུས་ཀུན་ཁྱབ་པར་འཐོར། །ལུས་དང་རྩར་བཅས་འགུལ་བ་དང་། །ལྡེག་ཅིང་འབར་བའི་བདེ་བས་གང་། །བདེ་བས་དབང་སྒྱུར་ཚིམ་པའི་སྒྲ། །མ་ལུས་ཁྱབ་པར་སྒྲོགས་པར་བྱེད། །སྐུ་གསུང་ཐུགས་ཀྱི་བྷ་ག་ཉིད། །བདེ་བ་ཆེན་པོ་ནམ་མཁའི་དབྱིངས། །འབྱུང་བཞི་རྡོ་རྗེ་པདྨ་ཉིད། །རེག་པ་འདུས་པའི་བདེ་བ་ཉིད། །རེ་དོགས་རྒྱུ་བ་ཆད་པ་ཉིད། །དེ་བཞིན་ཉིད་དུ་བལྟ་བར་བྱ། །ཐིག་ལེ་འདྲེས་པའི་བདེ་བ་ཡིས། །ས་ཡང་བཅུ་གསུམ་ཁྱབ་པའི་ཡིད། །མ་ལུས་མཁའ་ལྟར་དྲི་མེད་པའི། །རང་འབྱུང་ཕྱོགས་མེད་ཀུན་དུ་སྣང་། །ཐབས་དང་ཤེས་རབ་བདེ་བ་ཡིས། །འབྱུང་བཞི་རིམ་པའི་དྭངས་མ་སྟེ། །ས་བོན་བདེ་བའི་རྒྱུ་ཞེས་གྲགས། །བྷ་ག་པདྨའི་སྙིང་པོ་ཉིད། །སྐུ་གསུང་ཐུགས་ཀྱི་དཀྱིལ་འཁོར་གྱི། །བཞུགས་གནས་བདེ་བ་ཆེན་པོའི་རྟེན། །སངས་རྒྱས་རིན་པོ་ཆེ་ཡི་སྣོད། །ཕུང་པོ་ལྔ་དང་ཉོན་མོངས་ལྔ། །ཡེ་ཤེས་ལྔ་ཡིས་ཟིལ་གྱིས་མནན། །ཉི་ཟླ་པདྨའི་གདན་ལ་བཞུགས། །སངས་རྒྱས་ཀུན་གྱི་སྙིང་པོ་ནི། །བདེ་བ་ཆེན་པོའི་རང་བཞིན་ཉིད། །ཐིག་ལེ་ཕྲད་པའི་དུས་ཉིད་ན། །ཡེ་ཤེས་ལྔ་ཡི་རོ་དང་ལྡན། །གདུལ་བྱ་འཇོམས་པའི་ཁྲོ་བོ་ལྔ། །འབྱུང་ལྔ་དབང་ཕྱུག་རྣམ་པར་བསྟན། །མྱོང་དང་ཡུལ་བཅས་རྣམ་ཤེས་ཡུལ། །ཕྲ་མེན་ཉིད་དུ་ཤེས་པར་བྱ། །ཕྱག་རྒྱར་བཅས་པའི་སྦྱོར་བ་བཞི། །སྒོར་བཅས་ཉིད་དུ་ཤེས་པར་བྱ། །སྒལ་ཚིགས་འཛུག་པའི་ཐིག་ལེ་ཉིད། །དབང་ཕྱུག་བདེ་བར་ཤེས་པར་བྱ། །གཉིས་ཀ་ཕྱོགས་པའི་རང་བཞིན་ཉིད། །བདེ་བ་ཆེན་པོ་སྤྱན་དྲངས་པས། །རྟོག་པ་བདེ་བའི་དཀྱིལ་འཁོར་འཇུག །རིམ་པ་གཉིས་མེད་བརྡ་མཇལ་མཆོག །སྐུ་གསུང་ཐུགས་ཀྱི་ཐིག་ལེ་ཉིད། །གཉིས་སུ་མེད་པར་ཐིམ་པར་མཛད། །རྣལ་འབྱོར་དབང་ཕྱུག་ཕོ་མོ་ཀུན། །བདེ་བ་ཆེན་པོ་མཉེས་པར་གྱུར། །སངས་རྒྱས་གབ་ ― DNG011_Page_0219 ―
[མ་དཔེ་གཟིགས་ན་འདིར་གནོན།]
ཙེ་སྙིང་པོ་ལ། །མ་ལུས་བདེ་བའི་རང་བཞིན་ལྡན། །ཐིག་ལེ་གཉིས་མེད་བདེ་བའི་རོ། །ཡེ་ཤེས་ལྔ་ལྡན་ཟག་པ་མེད། །ཕྱི་ནང་གང་བའི་དཀྱིལ་འཁོར་ཉིད། །མ་ལུས་འདུས་པའི་རང་བཞིན་ཏེ། །ཉི་ཟླ་འདྲེས་པའི་གར་ཐབས་ལས། །ལྷན་ཅིག་སྐྱེས་པ་གསལ་བར་འགྱུར། །ས་ཡ་བཅུ་གསུམ་གཉིས་འདུས་པའི། །ཐིག་ལེ་རྡོ་རྗེའི་རང་བཞིན་ཉིད། །གཉིས་མེད་འཁྲིལ་བ་ཞེས་བྱ་སྟེ། །རང་རིག་བདེ་བ་ཆེན་པོར་ཐིམ། །སངས་རྒྱས་རིན་ཆེན་དེ་ཡི་དབྱིག །ཁ་སྦྱོར་སྙིང་པོ་ཟ་མ་ཏོག །སྐུ་གསུང་ཐུགས་ཀྱི་ཕོ་བྲང་ལས། །མ་ལུས་ཐིག་ལེ་གནས་པར་མཛད། །སྐུ་གསུང་ཐུགས་ཀྱི་ཕོ་བྲང་ནི། །བདེ་བ་ཆེན་པོའི་གནས་ཉིད་དེ། །རྡོ་རྗེ་སྙིང་པོ་རྩ་དང་འདྲེལ། །གཉིས་མེད་བདེ་བའི་ཐིག་ལེར་གནས། །གསང་བའི་ཐིག་ལེ་ཆེན་པོ་ནི། །མ་ལུས་འདུས་པའི་བཅུད་ཉིད་དེ། །གསང་བ་ཡོན་ཏན་རྫོགས་པའི་མཛོད། །སྙིང་པོའི་ལམ་ལ་གནས་པར་བྱ། །རྡོ་རྗེ་ཉི་མའི་སྙིང་པོ་ལ། །རྡོ་རྗེ་ཟླ་བའི་འོད་ཀྱིས་བརྒྱན། །གཉིས་མེད་ཐིག་ལེས་གང་བ་ཡི། །བདེ་བ་ཆེན་པོའི་རང་བཞིན་འཆར། །བརྟེན་ལས་བྱུང་བའི་རྟེན་ཅན་ཉིད། །གང་ལ་གང་གིས་མཉམ་སྦྱོར་བས། །ཐབས་ཆེན་ཐབས་ལས་བྱུང་བ་ཡི། །བདེ་བ་ཆེན་པོ་འབར་བར་འགྱུར། །དེ་ནས་རྡོ་རྗེ་ཁྲག་འཐུང་ཉིད། །རང་རང་ཐུགས་ཀྱི་དཀྱིལ་འཁོར་ཉིད། །གདུལ་བྱའི་ངོ་ལ་དགོངས་མཛད་དེ། །ཐུགས་ཀྱི་དཀྱིལ་འཁོར་སྣང་བར་མཛད། །རྡོ་རྗེ་རྡོ་རྗེ་དྲིལ་བུ་དང་། །འཇིག་རྟེན་ཁོར་ཡུག་བཅས་པ་འདེགས། །དེ་བཞིན་ཁོར་ཡུག་བཅས་པ་འདེགས། །དེ་བཞིན་འཁོར་ལོ་དགྲ་སྟྭ་དང་། །ཁ་ཊྭཱཾ་རབ་ཏུ་འཁྲོལ་བའོ། །ནོར་བུ་རིན་ཆེན་རྒྱུ་ཞགས་དང་། །རྡོ་རྗེ་དགྲ་སྟྭ་རབ་ཏུ་རྡེབས། །ཆགས་མཆོག་པདྨ་ཆེན་པོ་དང་། །དྲིལ་བུ་རྔ་ཡི་སྒྲ་སྒྲོགས་པའོ། །ལས་ནི་རལ་གྲི་གཤོལ་ཆེན་དང་། །འཇིག་རྟེན་རྒྱང་མར་འཕེན་པ་སྟེ། །བར་མ་རྡོ་རྗེ་དུང་དམར་འཁྲུག །སྡི་ར་ཆེན་པོར་བརྡེབས་པའོ། །བཙུན་མོ་ཁྲག་འཐུང་ཆེན་མོ་ཡང་། །འཁྲིལ་བས་པདྨ་རཀྟ་སྟོབས། །གནས་དང་ཡུལ་གྱི་ ― DNG011_Page_0220 ―
[མ་དཔེ་གཟིགས་ན་འདིར་གནོན།]
ཕྱག་རྒྱ་ནི། །བྱིས་དབྱུག་མདའ་གཞུ་རྒྱལ་མཚན་དང་། །བྱིས་སྙིང་རྡོ་རྗེ་ཟ་རྡེག་ཚུལ། །བྱིས་སྙིང་དུང་དམར་བྱིས་རྒྱུ་དང་། །མགོ་ལུས་འདྲེལ་པའི་ཚུལ་དུ་གནས། །སྟེང་འོག་ཕྱི་ནང་བསྣོལ་བ་དང་། །བྱིས་ལྡག་ཁོག་པ་དྲལ་ཞིང་ལྟ། །རྒྱུ་མགོ་ཞིང་ཁུར་རྒྱུ་གྲི་དང་། །རྡོ་རྗེ་ལྕགས་ཀྱུ་འཛིན་པའོ། །ལྕགས་ཀྱུ་ཞགས་པ་ལྕགས་སྒྲོག་དང་། །དྲིལ་བུ་འཁྲོལ་བས་སློང་བར་བྱེད། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་བརྒྱད་ཀྱིས་མཛེས། །རང་གི་སྟན་དང་ལག་ཆ་དང་། །ཅི་བགྱི་ཞེས་ནི་ཆས་ཏེ་གནས། །ཀུན་ཀྱང་མཛེས་པའི་རྒྱན་དང་བཅས། །ཞལ་འཛུམ་སྟེག་མིག་འཁྲིལ་ཚུལ་ཅན། །དབུ་སྐྲ་རལ་པ་ལྕང་ལོ་བཅིངས། །ཤ་ད་པ་ཡི་གླུ་ལེན་ཅིང་། །དམར་ལ་རྡུལ་ལྡེམ་ཆགས་པའི་ཚུལ། །སྣམ་ཞིང་ཆེ་ལ་རྐེད་པ་ཕྲ། །ནུ་འབུར་སྟོད་སྨད་བྱེ་ཞིང་འགྱིང་། །དམར་ལ་ཀླན་ཞིང་འདུད་ཚུལ་ཅན། །གུས་དང་སྟེག་པའི་ངང་ཚུལ་འཆང་། །སོ་སོའི་གདན་ལ་འཁོད་པ་ནི། །སྲིན་མོ་སྨུག་ནག་ཐོད་རློན་འཆང་། །ཚངས་མ་དམར་སེར་པདྨ་བསྣམས། །ལྷ་ཆེན་དཀར་ལྗང་ཏྲི་ཤཱུ་ལ། །གཏོགས་འདོད་སྔོན་མོ་འཁོར་ལོ་འཆང་། །གཞོན་ནུ་དམར་མོ་མདུང་ཐུང་འཕེན། །བརྒྱ་བྱིན་དཀར་མོ་ཨིནྡྲ་གདེངས། །རྡོ་རྗེ་སེར་མོ་ཙནྡན་འཐུང་། །བདུད་རྩི་དམར་མོ་པདྨ་བསྣམས། །ཟླ་བ་དཀར་མོ་པུཎྜ་རཱི། །བེ་ཅོན་ལྗང་གནག་དབྱུག་ཏོ་འཕྱར། །སྲིན་མོ་དམར་མོ་དུང་ཁྲག་འཐུང་། །ཟ་བ་ལྗང་ནག་བ་སུ་འདྲེན། །དགའ་བ་དམར་མོ་ཀ་ཏར་འཆང་། །སྟོབས་ཆེན་དཀར་མོ་གཤོལ་འཛིན་མ། །རྡོ་རྗེ་སེར་མོ་སྤུ་གྲི་གཅོད། །འདོད་པ་དམར་མོ་མདའ་གཞུ་འགེངས། །ནོར་སྲུང་དཀར་མོ་བུམ་པ་འཛིན། །རླུང་ལྷ་སྔོན་མོ་བ་དན་འཕྱར། །གསོད་བྱེད་དཀར་མོ་རལ་གྲི་སོ། །མེ་མོ་དམར་མོ་གསལ་ཤིང་འཆང་། །ཕག་མོ་ནག་མོ་མཆེ་ཞགས་ཅན། །རྒན་བྱེད་དམར་མོ་ཞིང་ཆུང་ཟ། །སྣ་ཚོགས་དཀར་མོ་ཐོད་ཁྲག་འཐུང་། །ཆུ་ལྷ་དམར་སེར་སྦྲུལ་ཞགས་འཛིན། །རྡོ་རྗེ་ནག་མོ་ལྕགས་ཀྱུ་འཛིན། །རྡོ་རྗེ་སེར་མོ་ར་མགོ་ཞགས། །རྡོ་རྗེ་དམར་མོ་ལྕགས་སྒྲོག་སྡོམ། །རྡོ་རྗེ་ལྗང་གནག་དྲིལ་འཁྲོལ་ ― DNG011_Page_0221 ―
[མ་དཔེ་གཟིགས་ན་འདིར་གནོན།]
འགྱིང་། །སོ་སོ་བརྗིད་པའི་སྟབས་ལྡན་པའོ། །དེ་ནས་གཞན་ཡང་བཤད་བྱ་སྟེ། །རྣམ་པར་སྤྲོ་བའི་རྒྱས་པའི་ཕྱིར། །སྐུ་དང་གསུང་དང་ཐུགས་ཉིད་དང་། །ཡོན་ཏན་ཕྲིན་ལས་ཁྲོ་བོའི་ཕྱིར། །ལྔ་བཅུ་བརྒྱད་ལྡན་བྱེ་བྲག་ལྔ། །སྔགས་དང་ཕྱག་རྒྱའི་ཏིང་འཛིན་དང་། །སྐུ་མདོག་བཞུགས་ཚུལ་རིམ་པ་དག །རིགས་རྣམས་ཇི་ལྟར་འགྱུར་བ་བརྟག །དེ་ལྟར་བསམས་དང་བྲིས་པ་དང་། །བརྗོད་དང་མོས་པའི་སྦྱོར་བ་ཡིས། །ཇི་ལྟར་འཚམ་པར་བསྒོམ་པར་བྱ། །དེ་ནས་བཅོམ་ལྡན་དགྱེས་ཆེན་པོས། །རྔམ་པའི་ཞལ་གདངས་སྤྱན་ཟློག་ཅིང་། །མཆེ་གཙིགས་ཕྱོགས་བཅུར་གོམ་པ་ཡིས། །འཇིགས་པའི་སྟང་སྟབས་གར་མཛད་པས། །འཇིགས་བྱེད་བཅུ་ནི་རྣམ་པར་འཕྲུལ། །ཨོཾ་ཨོཾ་ཨོཾ་ཨོཾ་ཨོཾ་ཨོཾ་ཨོཾ་ཨོཾ་ཨོཾ་ཨོཾ། བ་བ་བ་བ་བ་བ་བ་བ་བ་བ། ཛྲ་ཛྲ་ཛྲ་ཛྲ་ཛྲ་ཛྲ་ཛྲ་ཛྲ་ཛྲ་ཛྲ། ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ། དྷ་དྷ་དྷ་དྷ་དྷ་དྷ་དྷ་དྷ་དྷ་དྷ། ཧཱུྃ་ཀཱ་ར་བི་ཛ་ཡ། ནཱི་ལ་དཎྜ། ཡ་མཱནྟ་ཀ །ཨཱརྱ་ཨ་ཙ་ལ། ཧ་ཡ་གྲཱི་བ། ཨ་པ་རཱ་ཛི་ཏ། ཨ་མྲྀ་ཏ་ཀུཎྜ་ལི། ཏྲཻ་ལོཀྱ་བི་ཛ་ཡ། མ་ཧཱ་བ་ལ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། འདི་དག་མངོན་དུ་ཕྱུང་བ་ཡིས། །རི་བོ་ས་གཞི་འགུལ་བྱེད་ཅིང་། །རྒྱ་མཚོ་མ་ལུས་འཁྲུག་པ་དང་། །སྔགས་ཀྱི་སྒྲ་ཆེན་གྲག་པར་འགྱུར། །ཧཱུྃ་མཛད་རྣམ་རྒྱལ་དབྱུག་སྔོན་ཅན། །གཤེད་པོ་མི་གཡོ་རྟ་མགྲིན་དང་། །གཞན་འཇོམས་བདུད་རྩི་ཁམས་གསུམ་རྒྱལ། །སྟོབས་ཆེན་ཁྲོ་བོ་འདི་དག་གིས། །རང་རང་བགེགས་ཀུན་རྣམ་པར་གཟིར། །མ་ལུས་འཇིགས་ཤིང་འཇོམས་པར་མཛད། །གརྫ་གརྫ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བནྡྷ་བནྡྷ། ཧུ་ལུ་ཧུ་ལུ། ཏིཥྛ་ཏིཥྛ། ཚིནྡ་ཚིནྡ། བྷིནྡ་བྷིནྡ། སྥོ་ཊ་སྥོ་ཊ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཁྲོ་བོའི་རྒྱལ་པོ་འདི་དག་ཀྱང་། །བློ་དང་ལྡན་པའི་རྣལ་འབྱོར་གྱིས། །བསྐལ་པའི་མེ་རི་ནང་རོལ་དུ། །བྲིའམ་བསམ་མམ་དམིགས་བྱ་བ། །མཐིང་ག་དཀར་པོ་མཐིང་ནག་དང་། །ལྗང་སྔོན་དམར་གནག་དུད་ཀ་ལྗང་། །དཀར་ལྗང་དུང་དམར་མདོག་ཏུ་སྣང་། །ཁྲོ་མོ་ལུས་དང་གྲིབ་ ― DNG011_Page_0222 ―
[མ་དཔེ་གཟིགས་ན་འདིར་གནོན།]
མར་གནས། །འཁོར་ལོ་ནྲྀ་མགོ་རྡོ་རྗེ་སྡིར། །དྲང་སྲོང་འབར་བར་བཅས་པ་དང་། །གཤིན་རྗེའི་རྐང་བཟུང་ཞིང་དབྱུག་འཕྱར། །རལ་གྲི་བདེན་བྲལ་སྡིར་དབྱུག་གཤོག །བ་དན་བརྒྱད་ཐོགས་བེ་རྃ་ཉིད། །རིན་ཆེན་ནྲྀ་མགོ་གསུམ་གྱི་དབྱུག །རྡོ་རྗེ་རྩེ་གསུམ་ནྲྀ་མགོ་དང་། །ཐོང་གཤོལ་གཏུན་ཤིང་གཡས་གཡོན་ཐོགས། །ཡང་ན་ཞལ་གསུམ་ཕྱག་དྲུག་སྟེ། །བློ་ལྡན་རྣམ་པར་བསམས་ནས་ནི། །བགེགས་དང་གདུག་པ་རྣམ་པར་འཇིག །ཕོ་བྲང་འཁོར་དང་རྣམ་པར་བསྒོམ། །དེ་ནས་གཞན་ཡང་བཤད་བྱ་བ། །རང་ལུས་རྟེན་དང་བརྟེན་པ་ཡི། །དཀྱིལ་འཁོར་ཉིད་དུ་གསལ་བར་བརྟག །ལྟེ་བ་སྙིང་སྟེ་སྐུ་གསུང་ཐུགས། །ཐིག་གིས་ཆ་ཆེན་ཆ་ཆུང་བཅས། །གནས་བཞི་དྭངས་མ་འབྱུང་བ་སྟེ། །ཁོག་པ་དུར་ཁྲོད་གཞལ་ཡས་ཁང་། །ཀ་བ་གདུང་དང་རྟ་བབས་དང་། །བླ་དྲེ་རྡོ་རྗེ་ར་བ་དང་། །འཁོར་ལོ་དྲ་བ་དྲ་ཕྱེད་དང་། །ཉི་ཟླ་སྐར་ཁུང་རྫིང་བུ་དང་། །བསྐྱེད་ཤིང་གཡས་གཡོན་འཁོར་ལོ་བརྩེགས། །ཅོད་པན་ཉི་ཟླ་པདྨར་བཅས། །རྒྱལ་བ་བཞུགས་པའི་གཞལ་ཡས་ཁང་། །རང་འབྱུང་ཙིཏྟའི་འཁོར་ལོ་ན། །ཐིག་ལེ་ཡེ་ཤེས་ལྔ་བདག་ཉིད། །མ་ལུས་ཐིག་ལེ་འདུས་པའི་རོས། །ཆོ་འཕྲུལ་བསྟན་དང་གདུག་པ་འདུལ། །སོ་སོར་འཁོར་ལོ་དགོད་པ་ཡི། །ཏིང་འཛིན་རྫོགས་པའི་ཚུལ་དུ་བསྒོམ། །འབྱུང་བཞི་དྭངས་མ་ཡུམ་ཉིད་དེ། །བདེ་བའི་དྭངས་མ་ནམ་མཁའི་ཁམས། །ཐབས་དང་ཤེས་རབ་གཉིས་མེད་པའི། །རང་བཞིན་ཁམས་ལྔའི་རང་བཞིན་བཅུད། །ཟླ་བ་ཉི་མ་གནས་པ་ཡི། །ཤྲཱི་ར་ཙིཏྟའི་ཐིག་ལེ་ལ། །ནང་གི་གདུག་པ་འཇོམས་པ་དང་། །སྤྱོད་ཡུལ་བདེ་བར་སྒྱུར་བ་དང་། །ཐིག་ལེ་སོ་སོར་དགོད་པར་ནུས། །ཕྱེ་བས་རིམ་པའི་འཁོར་ལོ་སྟེ། །བསྡུས་པས་ཐིག་ལེ་ཆེན་པོ་ཉིད། །ཐིག་ལེ་ཡེ་ཤེས་ལྔར་ལྡན་པ། །ཐབས་ཉིད་དྭངས་མ་ཡུམ་དུ་བཤད། །རྣམ་ཤེས་ཐིག་ལེ་ཉམས་མྱོང་ཉིད། །ཐ་མལ་འཇོམས་པས་ཁྲོ་མོར་སྣང་། །གནས་ཀྱི་ཐིག་ལེ་རྩར་བཅས་པ། །ཕྲ་མེན་ཉིད་དུ་ཤེས་པར་བྱ། །གནས་བཞི་འཇུག་པའི་སྒོ་ཉིད་དེ། །སྒལ་ཚིགས་ལ་རྟེན་བདེ་བའི་བཅུད། །འཕྲོ་ཞིང་སྡུད་པ་དབང་ཕྱུག་མ། །གནས་རྟེན་བཅུ་ཡི་ཐིག་ ― DNG011_Page_0223 ―
[མ་དཔེ་གཟིགས་ན་འདིར་གནོན།]
ལེ་ལ། །འཇོམས་པའི་རང་བཞིན་གསལ་བར་བྱེད། །ཉམས་མྱོང་སྐྱེ་དང་རྣམ་པ་མེད། །སྤྱོད་ཡུལ་དག་པས་ནང་དུ་བཤད། །ཟླ་བ་ཉི་མ་ལ་བརྟེན་ཏེ། །སྐུ་གསུང་ཐུགས་ཀྱི་ལམ་རྒྱུད་དེ། །ཐིག་ལེ་གཡོ་དང་འབར་བ་དང་། །རེ་དོགས་མེད་དང་རྣམ་པར་དྲན། །བདེ་བའི་ཡན་ལག་བཞི་རུ་འགྱུར། །འཁྱུད་པ་གར་གྱི་ཕྱག་རྒྱ་བཞིས། །རྡོ་རྗེ་སྙིང་པོའི་པདྨར་འདྲེལ། །བསྐྱོད་པ་རླུང་དང་མཉམ་སྦྱོར་བས། །ཉི་མ་ཟླ་བ་དུས་གཅིག་འཆར། །དེ་ཉིད་ཀུན་དུ་ཁྱབ་པ་ལས། །མ་ལུས་ལྷན་ཅིག་སྐྱེས་པར་འགྱུར། །བདེ་བ་ཆེན་པོ་གཉིས་མེད་པ། །ཁ་སྦྱར་བསྲུབ་པའི་ཐབས་ལས་སྐྱེས། །ཐབས་ལས་བྱུང་བའི་གསང་ཐིག་ལེ། །མ་ལུས་འདུས་པ་བཅུད་ཀྱི་རོ། །རྟེན་ལ་བརྟེན་ཅན་ཉམས་མྱོང་བ། །ལྷག་པའི་ཡེ་ཤེས་ཐབས་ལས་སྐྱེས། །ཆོས་དབྱིངས་ལ་སོགས་ཡེ་ཤེས་ལྔ། །ཐུགས་ཉིད་མཚོན་ཕྱིར་མཚན་མ་སྟེ། །གང་ལ་རྟེན་དང་འབར་དང་འཛག །བདེ་བའི་རླུང་དང་ནམ་མཁའི་ཁམས། །དེ་བཞིན་བཙུན་མོ་དགྱེས་སྐྱེད་པ། །མི་ཕྱེད་གཉིས་མེད་ལྷན་ཅིག་པ། །གང་དེ་ཐབས་ལས་བྱུང་བ་ཡི། །དངོས་གཉིས་ཡུལ་དང་དབང་པོའི་ཚོགས། །ལྷན་ཅིག་སྐྱེས་པའི་ཐིག་ལེ་ཉིད། །མ་ལུས་བདེ་བར་རང་སྣང་བ། །གཉིས་མེད་འདུས་པའི་སྟོབས་ལས་བྱུང་། །གནས་ཡུལ་ཕྱག་རྒྱའི་ཐིག་ལེར་བསྟན། །དགུག་དང་འཁྱུད་དང་བསྡམ་དང་འབེབས། །ཡེ་ཤེས་འཇུག་པའི་སྒོ་ཡིན་ཏེ། །སྒལ་ཚིགས་བརྒྱུད་པ་ཐིག་ལེའི་རྒྱུན། །དབང་ཕྱུག་མར་ནི་ཤེས་པར་བྱ། །བ་སྤུ་ཐིག་ལེ་འདྲེལ་པ་ཉིད། །ཕྲ་མོ་བསམ་མི་ཁྱབ་སྣང་བ། །གྲངས་ལས་འདས་པའི་ཕྱག་རྒྱ་སྟེ། །བསམ་བྱས་ནམ་མཁའི་ཞིང་དུ་སྦྱར། །སྐུ་བཞི་ལས་བྱུང་གསང་ཐིག་ལེ། །ཁམས་གསུམ་བཅུད་འདུས་བདེ་ཆེན་པོ། །ཡུངས་ཀར་ལྷུང་མེད་བརྟན་པ་ལས། །མ་ལུས་ཁྱབ་པའི་ཚུལ་གྱིས་སྣང་། །ཐིག་ལེ་བདེ་ཆེན་ཐབས་སྦྱོར་བ། །ཐོབ་དང་གོམ་པའི་རང་བཞིན་ལས། །ཞེན་པའི་འདུ་ཤེས་བྲལ་འགྱུར་བས། །རང་དབང་མེད་པའི་རྟགས་འབྱུང་སྟེ། །སྦར་ཞིང་མནན་པའི་ཆོ་ག་བྱ། །སྣང་དང་རིག་པ་སྣ་ཚོགས་ཆོས། །བདེ་བ་ཆེན་པོའི་ ― DNG011_Page_0224 ―
[མ་དཔེ་གཟིགས་ན་འདིར་གནོན།]
ཐིག་ལེར་བརྟེན། །ཉི་མའི་སྙིང་པོ་ལྟ་བ་ལྟར། །བལྟས་པས་མཐོང་བ་མེད་པའི་དོན། །མ་ལུས་བདེ་ཆེན་རྒྱན་དུ་སྣང་། །དེ་ནས་གཟུགས་བརྙན་དཀྱིལ་འཁོར་བཤད། །འཁོར་དང་མྱ་ངན་འདས་པ་ཡི། །ཇི་སྙེད་མ་ལུས་ཆོས་བསྟན་པ། །རང་འབྱུང་ཡེ་ཤེས་ཆེན་པོ་སྟེ། །དེ་ཉིད་དངོས་པོ་སྣ་ཚོགས་མཆོག །ཇི་སྙེད་བརྟན་གཡོ་སྣང་བའི་ཆོས། །ཆེན་པོ་རགས་པ་གནས་པའི་ཆོས། །མ་ལུས་ཀུན་ལས་མཐུན་སྣང་བ། །རང་འབྱུང་ཐབས་ཀྱི་ངོ་བོ་ཉིད། །དེ་དག་གདོད་ནས་མ་སྐྱེས་པའི། །རྡོ་རྗེ་ཤེས་རབ་སྟོང་ཉིད་དེ། །གང་ཡང་དངོས་མིན་ངོ་བོ་ཉིད། །ཤེས་རབ་ཡུམ་གྱི་རང་བཞིན་ནོ། །ཇི་སྙེད་ནམ་མཁའི་མཐར་ཐུག་པ། །རང་འབྱུང་བྱང་ཆུབ་སེམས་ཀྱི་གཟུགས། །མ་ལུས་ཀུན་གྱི་རང་བཞིན་ཉིད། །དཔག་མེད་མཐུན་པར་སྣང་བ་སྟེ། །མེ་ལོང་དང་བའི་རང་བཞིན་ཉིད། །སྣ་ཚོགས་གཟུགས་དང་འདྲེལ་པ་བཞིན། །མ་ལུས་རིག་པའི་ཐིག་ལེ་ལས། །མ་ལུས་སྐུ་ཡི་དཀྱིལ་འཁོར་སྣང་། །ཇི་སྙེད་རབ་འབྱམ་མ་ལུས་པའི། །འཁོར་དང་མྱ་ངན་འདས་པ་དང་། །ཟིན་དང་མ་ཟིན་གཉིས་ཀའི་སྒྲ། །ངེས་པ་དང་ནི་མ་ངེས་པའི། །འཁྲུལ་དང་མ་འཁྲུལ་སྣ་ཚོགས་པ། །བརྗོད་དང་བསམ་དང་འཕྲུལ་པ་དང་། །བྱིན་བརླབས་མཐའ་ཡས་རང་སྣང་བ། །བྱང་ཆུབ་སེམས་ཀྱི་གསུང་མཆོག་སྟེ། །ནམ་མཁའི་སྒྲ་དང་བྲག་ཅ་ལྟར། །རང་རྒྱུད་མེད་པའི་རིག་པ་ཉིད། །བསམ་པ་མཐའ་ཡས་ཇི་སྙེད་པར། །མ་ལུས་གསུང་གི་དཀྱིལ་འཁོར་ཉིད། །རང་རྒྱུད་བརྟན་པོ་མིན་པར་གནས། །གང་དུ་ནམ་མཁའ་མཐའ་ཀླས་པར། །བསྐལ་པ་མཐའ་ཐུག་མེད་པའི་བར། །ནམ་མཁའི་ཆར་དང་ཆུ་བུར་དང་། །སྤྲིན་དང་ཆུ་རླབས་ཕུང་པོ་ལྟར། །ཡེ་ཤེས་བདེ་དང་སྡུག་བསྔལ་དང་། །ངེས་དང་མ་ངེས་དམ་པ་དང་། །དམན་དང་ཆགས་དང་ཆགས་བྲལ་དང་། །ཟིན་དང་ཞེན་དང་མ་ཞེན་དང་། །རྣམ་པ་རྣམ་མེད་བརྟགས་པའི་ཆོས། །དྲན་རྟོག་རིག་པ་གང་ཡང་རུང་། །མ་ལུས་རིག་པ་རང་སྣང་བ། །སྔ་མ་དྲན་པའི་རྣམ་པ་འམ། །རྨི་ལམ་སྒྱུ་མའི་ཉམས་མྱོང་ལྟར། །སྣ་ཚོགས་སྣང་ཡང་རང་རྒྱུད་མིན། །གང་ཡང་རང་རྒྱུད་ཀུན་བྲལ་བའི། །མ་ལུས་དཀྱིལ་འཁོར་བཤད་པ་རྣམས། ། ― DNG011_Page_0225 ―
[མ་དཔེ་གཟིགས་ན་འདིར་གནོན།]
རང་རྒྱུད་མེད་པས་གཟུགས་བརྙན་ཏེ། །ཐབས་དང་ཤེས་རབ་གཉིས་མེད་པའི། །གཟུགས་བརྙན་དཀྱིལ་འཁོར་ལྷུན་གྱིས་གྲུབ། །རང་འབྱུང་ཡེ་ཤེས་སྐྱེ་འགག་མེད། །མ་ལུས་མི་ཕྱེད་རྡོ་རྗེའི་གཟུགས། །རྣམ་པ་མཐར་ཐུག་མེད་པ་ཉིད། །ཡོན་ཏན་ལྷུན་གྲུབ་རང་སྣང་བས། །དེ་ཡི་བརྙན་མ་རང་བཞིན་འཆར། །མཐའ་བྲལ་རང་འབྱུང་དཀྱིལ་འཁོར་ནི། །ཅིར་ཡང་སྣང་ལ་མི་དམིགས་ཕྱིར། །ཡང་དག་བརྟན་པར་མི་གནས་པས། །མ་ལུས་གཟུགས་བརྙན་དཀྱིལ་འཁོར་ཤར། །བདེ་ཆེན་རང་འབྱུང་ལྷུན་གྲུབ་ཉིད། །ཡོན་ཏན་རྫོགས་པའི་ནོར་བུ་ལྟར། །དཔག་མེད་ཆོས་སུ་སྣང་བའི་ཕྱིར། །བདེ་བ་ཆེན་པོའི་གཟུགས་བརྙན་ཏེ། །སྐྱེ་བོ་དག་དང་མ་དག་པའི། །གདུལ་བྱ་མཐོ་དམན་རིམ་པ་ལ། །རིག་སྤྱད་སྤྲོ་བ་བསྐྱེད་པའི་ཕྱིར། །དང་པོ་ནས་བཟུང་མཐར་ཐུག་པར། །རང་རང་བསམ་པ་དེ་བཞིན་དུ། །དེ་དག་ངོ་ལ་དེ་ལྟར་སྣང་། །གཟུགས་བརྙན་ཕྱི་ཡི་རིམ་པ་སྟེ། །ཐུན་མོང་ཡུལ་དུ་གྱུར་ཕྱིར་རོ། །མ་ལུས་ཐ་དད་མེད་པ་ཡི། །ཕྱི་ནང་སྣོད་བཅུད་རྫོགས་པའི་ལུས། །བཅུད་ལྡན་བདེ་བ་མཛད་པའི་གནས། །མི་ཤིགས་ཐིག་ལེ་ཀུན་གྱི་དངོས། །རང་འབྱུང་བདེ་བ་ཆེན་པོའི་གཟུགས། །དྭངས་སྙིགས་འདྲེལ་པའི་ནུས་མཐུ་ལས། །ཟག་པ་ཡོད་དང་མེད་པ་ཡི། །དངོས་པོ་གཉིས་ཀྱི་ཆོས་སུ་སྣང་། །རྒྱུ་ཡི་ཐིག་ལེའི་རང་བཞིན་ལ། །ནུས་པའི་ཁྱད་པར་སོ་སོ་ཡིས། །འབྱུང་བ་དང་ནི་ཡུམ་ཉིད་དང་། །བདེ་བ་ཆེན་པོ་ལ་སོགས་པ། །ཐིག་ལེ་ནུས་པའི་སྟོབས་ལས་སྣང་། །མ་ལུས་འཁོར་ལོའི་སྙིང་པོ་ཉིད། །ཐིག་ལེ་འབར་བ་བདེ་བའི་གཟུགས། །རྩ་ཡིག་བྱེ་བྲག་བཅས་པ་ནི། །བཅུད་འདུས་ཐིག་ལེ་རོས་གང་བ། །མ་ལུས་རྟེན་ཅན་དཀྱིལ་འཁོར་ཉིད། །མ་ལུས་སྣོད་བཅུད་ཀུན་དུ་སྣང་། །ཐབས་ཆེན་གསང་བའི་རིམ་པ་ཉིད། །ཁམས་བཞི་ལས་བརྟེན་ཐིག་ལེ་ཉིད། །གཡོ་དང་འཛག་ཅིང་གནས་དང་ཐིམ། །བྱེ་བྲག་གསུམ་ལས་རྒྱུད་པ་ཡིས། །གྲུ་དང་སྒྱུ་མའི་འཁྲུལ་ཆུ་ལ། །ཞུགས་དང་འཐུངས་པའི་སྤྱོད་ཡུལ་ལམ། །མེ་ལོང་དང་བའི་རི་བོ་ཡི། །རྩེར་ཕྱིན་མ་ལུས་བལྟས་ ― DNG011_Page_0226 ―
[མ་དཔེ་གཟིགས་ན་འདིར་གནོན།]
པ་ལྟར། །བདེ་ཆེན་གཟུགས་བརྙན་ཉིད་དུ་སྣང་། །རིམ་པ་བཞི་ཡི་ཐིག་ལེ་ཉིད། །བདེ་བའི་འདུ་བྱེད་གང་བསྐུལ་བ། །གནས་བཞིའི་ཐིག་ལེའི་བྱེ་བྲག་གསལ། །མུ་ཏིག་ཕྲེང་བ་བརྒྱུས་པ་ལྟར། །འཛག་དང་འབར་བའི་ཐིག་ལེ་ཉིད། །ཏིལ་འབྲུ་འབྲས་བུ་སྨིན་པ་ལྟར། །མ་ལུས་ཏིལ་གྱི་ཕུང་པོ་ལྟར། །ཐིག་ལེའི་ལུས་སུ་གནས་པ་ཡིན། །ཉམས་མྱོང་གསལ་བར་འབར་བའི་ཚེ། །འདར་དང་རྔུལ་དང་བ་སྤུ་ལྡང་། །འཕར་དང་སྒྲ་འབྱིན་དཔའ་བོའི་གར། །རྣམ་པར་རོལ་པའི་ཚོགས་སུ་སྣང་། །སྣང་སྲིད་བདེ་བ་ཆེན་པོ་ཉིད། །ཐ་མལ་ནུབ་ཅིང་བརྟན་གྱུར་ན། །ཐིག་ལེ་ནམ་མཁའི་སྟོབས་ཀྱིས་སྦྱང་། །རྩེ་གཅིག་ནམ་མཁའི་མཐོང་སྟོབས་ཀྱིས། །ཐིག་ལེ་སྟོང་པར་ཐིམ་པ་ན། །ཡེ་ཤེས་ནམ་མཁའི་གཟུགས་སུ་ངེས། །སྣང་སྲིད་སྣོད་བཅུད་མ་ལུས་ཀུན། །བདེ་ཆེན་རིག་པའི་གཟུགས་བརྙན་དུ། །རྒྱ་མཚོ་མཇིངས་ནས་བལྟས་པ་ལྟར། །མ་ལུས་དེ་ལྟར་སྣང་བ་ཡིན། །རིག་པས་ཉམས་སུ་མྱོང་བ་དང་། །སྤྱོད་ཡུལ་དག་པས་ནང་དུ་བཤད། །རང་འབྱུང་བདེ་བ་ཆེན་པོ་ཉིད། །གསང་བའི་གང་ཟག་གདུལ་བ་དང་། །གསང་བའི་ཉམས་མྱོང་མངོན་བསྟན་ཕྱིར། །ཐབས་དང་ཤེས་རབ་འདུས་པ་ཡི། །ཆོ་གའི་བྱ་བ་ཀུན་ལྡན་ཅིང་། །དབང་བསྐུར་བྱིན་བརླབས་སྦྱང་བ་དང་། །བརྒྱ་ཕྲག་གསུམ་དང་དྲུག་ཅུ་དང་། །དྲུག་ཅུ་རྩ་བཞི་རྫོགས་པ་ཡིས། །ཆུ་སྐྱེས་སྙིང་པོ་རྡོ་རྗེ་ཅན། །ཉི་མ་མེ་ཤེལ་འོད་འབྱུང་བ། །རང་འབྱུང་རླུང་གི་ཕྱག་རྒྱས་བསྐྱོད། །ནོར་བུ་ཆུ་འཛག་རང་དབང་མེད། །མ་ལུས་རིག་པའི་ཐིག་ལེར་བསྡུས། །རྒྱུ་བའི་རླུང་ནི་ཆད་པ་ན། །རིག་པ་སྟོང་པའི་ཐིག་ལེར་ཐིམ། །ཨ་ཏ་ལ་བརྟེན་ཐིག་ལེའི་རིམ། །རྒྱུ་དང་མི་རྒྱུའི་རང་བཞིན་ལས། །འཁོར་དང་མྱ་ངན་འདས་པར་སྣང་། །གསང་བའི་ཐིག་ལེ་ལ་བརྟེན་པས། །མ་ལུས་བདེ་ཆེན་འཁོར་ལོ་སྒྱུར། །ལུས་ཀྱི་ཐིག་ལེ་དང་པོར་ཏེ། །དེ་ནས་རིག་པའི་ཐིག་ལེ་ཡིན། །དེ་ནས་ཡེ་ཤེས་ཐིག་ལེ་ཉིད། །ཐ་མ་ཆོས་ཉིད་ཐིག་ལེར་ཐིམ། །དེ་ནས་དུས་གསུམ་འདུ་འབྲལ་མེད། །བདེ་ཆེན་ནམ་མཁའི་ ― DNG011_Page_0227 ―
[མ་དཔེ་གཟིགས་ན་འདིར་གནོན།]
ཁམས་ཉིད་དེ། །ཟབ་ཅིང་རྒྱུ་བ་མེད་པ་ཡི། །རང་རྒྱུད་ཞེན་ཆགས་ཀུན་བྲལ་བའི། །བདེ་བ་ཆེན་པོའི་གཟུགས་བརྙན་ཤར། །མ་རྟོགས་ཁྱབ་པའི་གཟུགས་བརྙན་ཏེ། །རྟོགས་པས་ཉམས་མྱོང་གཟུགས་བརྙན་ཉིད། །མཐར་ཕྱིན་ཡེ་ཤེས་གཟུགས་བརྙན་འདི། །དམན་དང་ཡན་ལག་མ་ཚང་དང་། །དབང་དང་མན་ངག་མེད་པ་དང་། །དཀའ་ཐུབ་ཅན་དང་མ་སྨིན་དང་། །སྐལ་མེད་ཡལ་བའི་ཡུལ་མིན་པས། །གསང་བའི་གསང་ཆེན་དམ་པ་ཉིད། །དེ་ནས་གཞན་ཡང་བཤད་བྱ་བ། །ལྷག་པ་གཟུགས་བརྙན་དཀྱིལ་འཁོར་ཉིད། །ཐ་མལ་བྲོད་པ་བསྐྱེད་པའི་ཕྱིར། །ཆོ་ག་རྒྱས་པར་བཤད་པར་བྱ། །དཀྱིལ་འཁོར་ཆེན་པོ་རྟོགས་འོད་ཀྱང་། །ཇི་བཞིན་མངོན་དུ་མ་གྱུར་ལ། །ལྷག་པར་འདི་ཡིས་རྟོགས་འགྱུར་བས། །ལྷག་པ་ཞེས་ནི་བསྟན་པ་ཡིན། །གང་གིས་གང་ལ་གང་མཚོན་པས། །ལྷག་པར་མཚོན་པར་ཉེ་བ་དང་། །གང་ལ་བརྟེན་ཏེ་གང་བསྒྲུབས་པ། །ལྷག་པར་མྱུར་དུ་འགྲུབ་པའི་ཕྱིར། །འདིས་ནི་ལྷག་པ་ཉིད་དུ་བརྗོད། །གང་ལས་གང་དེ་ཐབས་འདི་ཡིས། །མངོན་པར་ལྷག་པས་ལྷག་པའོ། །རྒྱལ་བ་ཀུན་གྱི་སྐུ་གསུང་ཐུགས། །ཐབས་དེ་གང་གིས་མངོན་སྟོན་ཅིང་། །དངོས་གཞི་ཉིད་མ་ཡིན་པའི་ཕྱིར། །གཟུགས་བརྙན་ཉིད་དུ་བསྟན་པ་ཡིན། །གང་ལ་བརྟེན་པའི་ཐབས་ཉིད་ཀྱིས། །དེ་ཉིད་འདྲ་བར་སྣང་བ་ལྟར། །མ་མཐོང་མོས་པའི་གདུལ་བྱ་ལ། །དེ་དང་འདྲ་བའི་ཐབས་ཉིད་དེ། །དངོས་མིན་འདྲ་ཕྱིར་གཟུགས་བརྙན་ནོ། །རྒྱལ་བ་ཀུན་གྱི་རང་བཞིན་ནོ། །དཔག་མེད་ཡེ་ཤེས་ལྷུན་རྫོགས་པའི། །ཡེ་ཤེས་རང་འབྱུང་ལྔ་ཡི་གཟུགས། །ཟག་མེད་གདུལ་བྱའི་ངོ་ལ་སྣང་། །དེ་ཡི་ཡོན་ཏན་གཟུགས་བརྙན་གྱིས། །ཟག་བཅས་མོས་པའི་གང་ཟག་ལ། །སྐུ་གསུང་ཐུགས་ཀྱི་རྣམ་པ་ཉིད། །འདྲ་བར་མཚོན་ཕྱིར་གཟུགས་བརྙན་ནོ། །གང་ཕྱིར་ཆོས་དབྱིངས་ངོ་བོ་ལ། །ཐ་དད་དབྱེ་བ་མི་གནས་ཀྱང་། །མོས་དང་དྲག་པོའི་དབང་གྱུར་ཏེ། །གང་གིས་གང་དེ་མི་འདུལ་བས། །ཐུགས་རྗེས་ཀུན་ལ་ཁྱབ་པའི་ཕྱིར། །ལོངས་སྤྱོད་སྤྲུལ་པའི་དཀྱིལ་འཁོར་བསྟན། །ཞེན་པ་ཅན་དང་ང་རྒྱལ་ཅན། །ཐབས་དང་དྲག་པོས་ཚར་ ― DNG011_Page_0228 ―
[མ་དཔེ་གཟིགས་ན་འདིར་གནོན།]
བཅད་ཕྱིར། །དེ་ལྟར་སོ་སོར་འཚམ་པ་སྟེ། །ལྷག་པ་གཟུགས་བརྙན་གཉིས་སུ་བཤད། །གང་དུ་བཀྲ་ཤིས་ཡིད་འོང་བའི། །སྟེང་འོག་ཕྱོགས་བཞི་བར་མཚམས་དག །ལེགས་པས་ཡིད་འོང་བར་ཆད་མེད། །ཕྱི་ནང་རི་བོ་དགོན་པའི་མཆོག །རང་གི་ས་གཞི་ལེགས་བརྟགས་ལ། །པྲ་དང་ཉམས་ཀྱིས་ལྟས་བརྟགས་ལ། །མ་དག་མཚན་ངན་སྤང་བྱས་ལ། །དག་ཅིང་ཉམས་དགའ་བླང་བར་བྱ། །ས་གཞི་བྱིན་བརླབས་བཀྲ་ཤིས་པ། །གལ་ཏེ་རྩོད་པ་ཞི་བྱའི་ཕྱིར། །སྣང་དང་མི་སྣང་བདག་པོ་ལ། །མགུ་བས་བར་ཆད་མེད་པར་བསླང་། །གང་དེ་དབང་དུ་བྱ་བའི་ཕྱིར། །ཆོ་གའི་ཡན་ལག་ཀུན་བརྩམས་ཏེ། །མཆོད་དང་མཉེས་པས་ཚིམ་བྱས་ལ། །ས་གཞི་བདག་གིས་དབང་དུ་བྱ། །ཐུན་མོང་སྐྱོན་བསལ་དག་བྱས་ནས། །མི་དམིགས་ཆོས་ལ་བློ་སྦྱངས་ཤིང་། །དངོས་གྲུབ་མྱུར་ཞིང་ཉམས་དགའ་བའི། །ཕྱི་ནང་དག་པ་ཆེན་པོར་སྦྱང་། །རང་བཞིན་བྱིན་བརླབས་ཀུན་གྱི་དངོས། །གདོད་ནས་མ་བཅོས་གནས་པ་ལ། །ལྷག་པའི་བདེན་པ་དབྱེར་མེད་པས། །ལྷ་དང་གཞལ་ཡས་ངོ་བོར་བརླབ། །གང་དེའི་བར་ཆད་བསྲུང་བའི་ཕྱིར། །སྤྲུལ་པའི་དཀྱིལ་འཁོར་གསལ་བཏབ་ལ། །རྡོ་རྗེ་ཁྲོ་བོའི་འཁོར་ལོ་སྤྲོ། །ཧཱུྃ་བཞི་སྔགས་དང་བཅས་པས་བསྲུང་། །དེ་དག་ལེགས་པར་གཟུང་བའི་ཕྱིར། །མ་དག་པ་ནི་མཚམས་བཅད་དེ། །ལས་ཀྱི་བྱ་བ་ཀུན་རྫོགས་ནས། །རྒྱལ་བ་ཀུན་ལ་གསོལ་བཏབ་ལ། །འདོད་པའི་དོན་རྣམས་གྲུབ་པའི་བར། །དངོས་གྲུབ་གཏེར་དུ་མིང་གིས་གཟུང་། །གང་ཕྱིར་བཤད་པའི་ཆོ་ག་ཡིས། །མ་དག་པ་དང་ངན་པ་དག །རྟོགས་དང་ཏིང་འཛིན་ཆོ་ག་ཡིས། །མཉམ་པས་རེ་དོགས་མེད་པར་གནས། །དཀྱིལ་འཁོར་ཕྱི་ནང་བཤད་པ་བཞིན། །ཚད་ནི་རྗེས་སུ་མཐུན་པ་སྟེ། །ཐུགས་ཀྱི་དཀྱིལ་འཁོར་དམ་པ་སྟེ། །ཡང་ན་སོར་བཞི་ཚད་དུ་སྟེ། །ཡང་ན་མཛུབ་གང་ཚད་དུ་བྱ། །ཡང་ན་ལུས་གང་ཚད་དུ་སྟེ། །ཡང་ན་ལུས་ནི་གསུམ་བཞི་ཉིད། །ཡང་ན་བཅྭ་བརྒྱད་ཉིད་དུའམ། །ཉི་ཤུ་ལྔ་ཡི་ཚད་དུ་བྱ། །ཡང་ན་རྒྱང་གྲགས་དཔག་ཚད་དེ། །རང་གི་རིག་པ་རྗེས་མཐུན་པར། །ནམ་མཁའི་དབྱིངས་དང་མཉམ་པའི་ཚད། ། ― DNG011_Page_0229 ―
[མ་དཔེ་གཟིགས་ན་འདིར་གནོན།]
ཚད་དང་ལྡན་པའི་དཀྱིལ་འཁོར་ཏེ། །ཡིད་འོང་བྱུག་བདུག་ཉི་ཤུ་ལྔས། །མཛེས་ཤིང་ལེགས་པར་བྱས་ནས་ནི། །གང་དང་འདྲེལ་པའི་ཆོ་ག་བརྩམ། །གཞན་དུ་ལོངས་སྤྱོད་མ་བྱས་པའི། །རས་བལ་དུར་ཁྲོད་རྒྱུ་ལས་བྱས། །གསར་ཞིང་གྲིམས་ལ་འཇུར་མདུད་མེད། །བྱིན་བརླབས་ལྔ་དང་སྐུ་གསུང་ཐུགས། །ཐིམ་པས་ཡེ་ཤེས་ཐིག་སྐུད་དེ། །རིག་པས་ཐིག་ནི་གདབ་པར་བྱ། །ཐབས་དང་ཤེས་རབ་གཉིས་མེད་པའི། །གསང་བའི་འཕྲོ་འདུ་དེ་བཞིན་ནོ། །དཀྱིལ་འཁོར་ཡིད་འོང་ཕོ་བྲང་ས། །མ་ནོར་གསལ་བས་ཐིག་ཏུ་བཤད། །གང་གིས་གང་མཚོན་དེ་བཞིན་ཏེ། །ཁ་དོག་ལྔ་དང་ཕུང་པོ་དང་། །ཁམས་དང་སྐྱེ་མཆེད་རྣམ་ཤེས་སོགས། །ཡེ་ཤེས་དཀྱིལ་འཁོར་མཚོན་ཕྱིར་རོ། །རྟོགས་པས་འཁོར་བའི་རྒྱ་དྲལ་ཕྱིར། །ཚོན་ཞེས་ཀྱང་ནི་བརྗོད་པ་ཉིད། །མ་མཐོང་རྨོངས་ལ་སྟོན་ཕྱིར་ཚོན། །ཁ་དོག་ཉི་ཤུ་རྩ་ལྔ་འམ། །ལྔ་ཡི་ཚོན་གྱིས་བྲི་བར་བྱ། །གསེར་དང་དངུལ་དང་བཻ་ཌཱུརྱ། །པདྨ་ཨིནྡྲ་ནཱི་ལ་ཉིད། །རིན་ཆེན་ལྔ་དང་ལྡན་པ་ཡིས། །མཁས་པས་འབྱོར་ལྡན་ཅི་བདེར་བྲི། །ཡང་ན་འབྲས་དང་སཱ་ལུ་ལ། །ཁ་དོག་བསྒྱུར་བས་དེ་བཞིན་ནོ། །དམན་དང་འབྱོར་པ་ཆུང་བ་ཡིས། །འབྱུང་ཁུངས་ལྔ་ཡིས་བྲི་བར་བྱ། །ཐབས་དང་ཤེས་རབ་གཉིས་མེད་པའི། །རྒྱལ་བ་བཅུ་ཉིད་ཐིམ་པ་ཡིས། །ཡེ་ཤེས་རིན་ཆེན་ཕྱི་ནང་མེད། །དག་པའི་ངོ་བོར་བལྟ་བར་བྱ། །ཨོཾ་ཨྃ་ཧཱུྃ་སྭཱ་ཧཱ། སརྦ་པཉྩ་རཏྣ་ས་མ་ཡེ་ཧཱུྃ། འབྲུ་བཅུ་སྤུང་ཞིང་འབུན་པ་ཡི། །སྔགས་དང་ཕྱག་རྒྱས་བྱིན་གྱིས་བརླབ། །ཞི་བའི་དཀྱིལ་འཁོར་མ་ལུས་ལ། །ཡེ་ཤེས་རིན་ཆེན་རྩིག་པ་སྟེ། །དྲ་བ་དྲ་ཕྱེད་རྟ་བབས་དང་། །རྡོ་རྗེ་ཟླ་ཕྱེད་འདོད་ཡོན་དང་། །རིན་ཆེན་ས་གཞི་སྐྱེད་ཤིང་དང་། །རྫིང་བུ་དྲིལ་བུ་གཡེར་ཁས་སྤྲས། །རྟག་ཏུ་བྲི་ཞིང་བསྒོམ་པར་བྱ། །གདུག་པ་འདུལ་བའི་དཀྱིལ་འཁོར་ལ། །ཐོད་པ་སྣ་ལྔ་སྣ་གསུམ་དང་། །ཐོད་སྐམ་རྩིག་པའི་རིམ་པ་བཞིན། །ཚངས་དང་ལྷ་དབང་ལ་བརྟེན་པ། །མཆོག་ཆེན་བརྒྱད་ནི་ཡིན་པར་འདོད། །ལྷག་མ་རྣམས་ཀྱིས་ཐོག་ཕུབ་སྟེ། །གཟའ་བརྒྱད་ཉི་ཟླའི་གློ་སྐར་ལྡན། ། ― DNG011_Page_0230 ―
[མ་དཔེ་གཟིགས་ན་འདིར་གནོན།]
སྦྲུལ་དང་ཐོད་པའི་ཕྲེང་བ་ཉིད། །དྲ་བ་དྲ་ཕྱེད་རྣམ་པར་སྤྲས། །ཕྱི་ནང་རྒྱུ་འབྲས་གདུག་པ་དག །གདུལ་ཕྱིར་རྟ་བབས་བཞིར་བཤད་དེ། །སོར་ཕྲེང་ཐོད་པའི་ཕྲེང་བ་དང་། །དབང་པོ་ཉི་ཟླའི་ཕྲེང་བས་སྤྲས། །ཁྲོ་མོ་ཤ་ལྔ་བདུད་རྩི་དང་། །དུར་ཁྲོད་འདོད་ཡོན་ལྡན་པའོ། །དུར་ཁྲོད་ས་གཞི་ཁྲག་དང་བཅས། །སྐྱེས་བུ་གསལ་ཤིང་ཕྱོགས་མཚམས་བརྒྱད། །རཀྟའི་མཚོ་བརྒྱད་རྦ་རླབས་འཁྱིལ། །ཐོད་ཚལ་བརྒྱུས་པ་དུར་ཁྲོད་རླུང་། །འཇིགས་པའི་སྒྲ་དང་མེ་འོད་ལྡན། །ཞིང་འཕན་ཕྱོགས་མཚམས་བརྒྱད་དང་བཅས། །ལྷ་ཆེན་ཐོད་པ་སྦུབ་སྟེངས་ན། །ཙིཏྟའི་ཏོག་ལས་འོད་ཟེར་འཕྲོ། །ཧེ་རུ་ཀ་ཡི་དཀྱིལ་འཁོར་ཉིད། །མ་ལུས་བྲི་ཞིང་བསྒོམ་པར་བྱ། །མ་ལུས་འགྲོ་བའི་རེ་སྐོང་བས། །རིན་ཆེན་ཕྲེང་དང་རྒྱན་དུ་ལྡན། །མི་འཇིགས་སྟོབས་སོགས་ཀུན་ལྡན་པས། །སྟོབས་ལྡན་ཐེག་པར་གནས་པ་ཡིན། །སྤྱོད་ལ་སྐྱོན་གྱིས་མ་གོས་པས། །པདྨ་འབར་བས་མཛེས་པར་སྣང་། །ཐབས་དང་ཤེས་རབ་གཉིས་མེད་པས། །ཉི་ཟླ་མཛེས་པའི་གདན་ལ་བཞུགས། །བདེ་ཆེན་དོན་ལས་མི་འདའ་བས། །འཁྲིལ་སྦྱོར་དགྱེས་པའི་ཚུལ་དུ་བཞུགས། །སྐུ་གསུང་ཡོན་ཏན་ཕྲིན་ལས་ཐུགས། །ཡོངས་རྫོགས་སྐུ་ཡི་རྒྱན་དུ་གནས། །ལམ་དང་བྱང་ཆུབ་ཡན་ལག་རྣམས། །རྫོགས་ཕྱིར་ཕྲེང་བ་ལ་སོགས་ཚུལ། །ཐུགས་རྗེ་འཁོར་བ་མི་གཏོང་བས། །ཆུ་སྲིན་ཀླུ་ཕྲུག་བཟུང་བ་བཞིན། །ཐུགས་རྗེ་བར་ཆད་མི་མངའ་བས། །འདྲེལ་པ་བར་ཆད་མེད་པར་གནས། །བརྩོན་འགྲུས་འཁོར་བ་སྤོང་བའི་ཕྱིར། །རི་དྭགས་དག་ནི་མཉམ་པར་གནས། །ཟག་མེད་སྤྱན་གྱིས་ཀུན་གཟིགས་པས། །དགེ་སྡིག་སྤྱན་གྱིས་གཟིགས་པར་བསྟན། །མ་ལུས་ཟིལ་གནོན་སྟོབས་རྫོགས་ཕྱིར། །བྱ་ཁྱུང་དག་ནི་གནས་པར་བསྟན། །ཆོས་ཀྱི་འཁོར་ལོ་བསྐོར་བྱས་ཤིང་། །ཉོན་མོངས་ཚད་པའི་གདུང་སེལ་བས། །ཐུགས་རྗེ་གདུགས་ཀྱི་འཁོར་ལོ་བསྟན། །མ་ལུས་གཅིག་ཏུ་འདུས་པས་ན། །ཏོག་སྟོང་འོད་ཟེར་འབར་བ་སྟེ། །གདུལ་བྱའི་བསམ་པའི་དོན་ཕྱིར་བསྟན། །ལྷ་རྣམས་སོ་སོའི་རྣམ་པ་ནི། །སྐུ་མདོག་སྣ་ཚོགས་ ― DNG011_Page_0231 ―
[མ་དཔེ་གཟིགས་ན་འདིར་གནོན།]
བཞུགས་ཚུལ་དང་། །གདན་དང་ཕྱག་མཚན་རྒྱན་དུ་བཅས། །ཕོ་མོའི་ཚུལ་དང་བཅས་པ་རྣམས། །དེ་བཞིན་ཉིད་ལ་དམིགས་པ་དང་། །གདུལ་བྱ་གཟིགས་པའི་ཚུལ་ཉིད་ཀྱིས། །གཙོ་འཁོར་ཕྱི་ནང་ལྟ་ཚུལ་གྱིས། །བཞུགས་ཐབས་རིམ་པ་སོ་སོར་བསྟན། །རང་རང་སྙིང་པོ་གང་ཡིན་པ། །ཁ་དོག་སོ་སོར་ཕྱེ་ནས་ནི། །གསུང་གི་དཀྱིལ་འཁོར་བསྟན་པའི་ཕྱིར། །རིམ་པ་བཞིན་དུ་གསལ་བར་བྱ། །རང་རང་ཐུགས་མཚན་གང་ཡིན་པ། །ཁ་དོག་དབྱིབས་དང་བཅས་པ་ཉིད། །ཐུགས་ཀྱི་དཀྱིལ་འཁོར་བསྟན་པའི་ཕྱིར། །རིམ་པ་ཇི་བཞིན་དགོད་པར་བྱ། །གདུག་པ་འདུལ་བའི་དཀྱིལ་འཁོར་ཡང་། །དུང་ཆེན་རས་ཆེན་ལ་སོགས་པ། །སྐུ་གསུང་ཐུགས་ཀྱི་འཁོར་ལོ་ཉིད། །རིམ་པ་བཞིན་དུ་གསལ་བར་དགོད། །དེ་བཞིན་ཉིད་ལ་དམིགས་མེད་དེ། །སྟོང་ཞིང་མི་དམིགས་རིག་པ་ཉིད། །གང་ལ་རྟོག་དཔྱོད་མི་གནས་པ། །ཆོས་དབྱིངས་དེ་བཞིན་ཉིད་དུ་བསྒོམ། །བདེན་གཉིས་དབྱེར་མེད་མཉམ་པ་ཉིད། །ཡེ་ནས་ཁྱབ་ཀྱང་མ་རྟོགས་པས། །ཕྱོགས་མེད་སྙིང་རྗེ་ནམ་མཁའ་ལྟར། །རྣལ་འབྱོར་པས་ནི་བསྒོམ་པར་བྱ། །རང་འབྱུང་ཡེ་ཤེས་རྣམ་པས་ནི། །ཡིག་འབྲུ་རྣམ་པ་གསལ་བ་ལས། །ཞེན་འཛིན་སྦྱངས་ནས་ཡིག་འབྲུ་ཡི། །འཕྲོ་འདུས་འབྱུང་ལྔ་རིམ་གྱིས་བསྐྱེད། །བྲུཾ་གྱིས་གཉིས་མེད་འོད་སྦྱངས་ནས། །གཞལ་ཡས་ཁང་ལྟར་ཡིན་པར་བསྒོམ། །རྣམ་པའི་གང་ཡིན་དེ་དག་དང་། །རང་རིག་ས་བོན་གཉིས་མེད་ལས། །འདྲེས་པས་གང་ཡིན་གཙོ་བོ་ཉིད། །བསྐྱེད་ཅིང་དབང་བསྐུར་བྱིན་བརླབས་ནས། །འཁོར་ཡང་མི་ཕྱེད་འདྲེས་པར་བསྒོམ། །ཡོངས་རྫོགས་སྨིན་ཅིང་རྟས་པ་ལ། །ཛཿཧཱུྃ་བྃ་ཧོས་གཉིས་མེད་དེ། །འདོད་པ་མཐར་ཐུག་བར་དུ་བསམ། །ལས་ཀྱི་བྱ་བ་ཀུན་ཟིན་ནས། །ཐུན་མོང་མཆོད་པ་སྣ་ཚོགས་དང་། །ཀུན་བཟང་མཆོད་པ་ལ་སོགས་པ། །ལྷ་མོ་བརྒྱད་དང་བཅུ་དྲུག་གིས། །མཆོད་པའི་རིམ་པ་བརྩམ་པར་བྱ། །རིན་ཆེན་སྣ་ལྔ་རྟ་གླང་དང་། །འབྲུ་དང་བང་མཛོད་ཁང་ཁྱིམ་དང་། །བུ་དང་ཆུང་མ་བྲན་ཁོལ་དང་། །གནས་དང་ཞིང་དང་ན་བཟའ་དང་། །རྒྱན་ཕྲེང་བཟའ་བཏུང་ལོངས་སྤྱོད་ ― DNG011_Page_0232 ―
[མ་དཔེ་གཟིགས་ན་འདིར་གནོན།]
དང་། །རྫིང་དང་ཆུ་མིག་འབབ་ཆུ་དང་། །མཚེའུ་དང་ཁྲོན་པ་ལུ་མ་དང་། །རི་དང་དེའུ་དང་སྐྱེད་མོས་ཚལ། །ཁོ་ར་ཡུག་དང་ལྷུན་པོ་དང་། །སྐྱེ་བོ་མང་པོ་བྲོ་གླུ་དང་། །ནམ་མཁའི་དབྱིངས་དང་མཉམ་པ་ཡི། །མཆོད་པ་སྣ་ཚོགས་རྒྱས་པར་མཆོད། །དཔའ་བོ་ཤ་ལྔ་བདུད་རྩི་ལྔ། །བཅུད་དང་རོལ་མོ་སྣང་བ་དང་། །སྣ་ཚོགས་དྲི་དང་བྱུག་པ་མཆོག །དག་ཅིང་ལེགས་པར་དབུལ་བར་བྱ། །ཐར་པ་ལ་སོགས་ཞིང་གི་མཆོག །དངོས་དང་ལྟ་སྤྱོད་ཏིང་འཛིན་གྱིས། །བསྒྲུབ་བྱ་མ་ལུས་ཀུན་བསྒྲལ་ཏེ། །རྡོ་རྗེ་ཞིང་དུ་བསྐྱེད་པར་བྱ། །ལྷ་མོ་མི་མོ་རིག་པ་མོ། །ཆོ་གའི་སྦྱོར་བ་རང་རྟོག་བཞིན། །དངོས་དང་ཏིང་འཛིན་སྦྱོར་བ་ཡིས། །བདེ་བ་ཆེན་པོ་རོལ་མོ་ཡིས། །ཕྱི་ནང་ནམ་མཁའི་ཁམས་བཀང་སྟེ། །རིན་ཆེན་ལྷ་མོ་ཡོ་བྱད་དང་། །རེག་པ་ཉམས་མྱོང་བདེ་བ་ཡིས། །རྒྱལ་སྲས་ཞིང་གི་རྡུལ་སྙེད་ལ། །གཉིས་མེད་དག་པའི་ཚུལ་གྱིས་མཆོད། །རོལ་མོ་གླུ་དབྱངས་བཅས་པ་ཡིས། །དཀྱིལ་འཁོར་རིམ་པ་བསྟོད་པར་བྱ། །རྡོ་རྗེ་གསུམ་གྱི་བཟླས་པ་ཡིས། །མཚན་མ་ལེགས་པར་སྣང་བ་ན། །སྦྱང་དང་བྱིན་བརླབས་དབང་བསྐུར་དང་། །མཆོད་དང་བརྟན་པའི་ཆོ་ག་དག །རྟོག་པའི་ཆོ་ག་རྒྱས་པར་བྱ། །དཀྱིལ་འཁོར་དེ་ཡི་ཕྱོགས་བཞི་རུ། །རྣམ་བཞི་ལས་ཀྱི་མེ་ཐབ་ལ། །དུས་བཞིར་རང་རང་རྫས་དག་གིས། །ལྷ་བཞི་ཚུལ་གྱིས་མཆོད་པར་བྱ། །དེ་ནས་གནང་ཐོབ་དབང་ཕྱུག་ཉིད། །དཀྱིལ་འཁོར་ཞུགས་ཤིང་ནུས་ལྡན་ནས། །ཐུགས་རྗེས་འཁོར་བ་བསྒྲལ་བའི་ཕྱིར། །སྐལ་ལྡན་སློབ་མ་གཞུག་པར་བྱ། །དཔལ་ལྡན་རྡོ་རྗེ་སེམས་དཔའ་ཡི། །སྐུ་གསུང་ཐུགས་ཀྱི་འཁོར་ལོ་ཆེ། །མངོན་དུ་མཐོང་ཞུགས་བསོད་ནམས་གང་། །འདིར་ཞུགས་པ་ཉིད་དེ་བཞིན་ནོ། །གང་དུ་སྐུ་གསུང་ཐུགས་ལྡན་པ། །གང་དུ་མོས་པས་སྤྲོ་བསྐྱེད་ཕྱིར། །རྒྱལ་བ་ཀུན་ཀྱང་འཕྲུལ་མཛད་དེ། །སྒོ་གསུམ་བྱིན་གྱིས་རློབ་པར་མཛད། །རྣལ་འབྱོར་ཆོ་ག་རྫོགས་པས་ཀྱང་། །གདུལ་བྱ་ཞི་དང་ཁྲོ་བ་ལ། །སོ་སོའི་མཚན་མ་ཉིད་བསྟན་ཕྱིར། །སྐུ་གསུང་ཐུགས་ཀྱི་རྣམ་པ་དག །བྲིས་དང་བརྡུངས་དང་བླུགས་ ― DNG011_Page_0233 ―
[མ་དཔེ་གཟིགས་ན་འདིར་གནོན།]
པ་དག །སོ་སོའི་གནས་སུ་ལེགས་པར་དགྲམ། །མ་ལུས་སྐུ་གསུང་ཐུགས་དཀྱིལ་འཁོར། །འདི་ལས་མ་གཏོགས་ལྷ་གཞན་མེད། །གང་དུ་དབང་དང་འདྲེལ་པ་ནི། །བཅོ་ལྔའི་རིམ་པས་བྱིན་བརླབ་ཕྱིར། །བཞི་དང་བརྒྱད་ཀྱི་དཀྱིལ་འཁོར་ལ། །ཡབ་ཡུམ་བཅྭ་བརྒྱད་གནས་པར་བྱ། །བཅུ་གཉིས་བཅུ་དྲུག་དཀྱིལ་འཁོར་ལ། །བཞི་བཅུ་གཉིས་དང་ལྡན་པར་བྱ། །ཉི་ཤུའམ་ཉི་ཤུ་རྩ་ལྔ་ལ། །རྒྱས་པའི་ཆོ་ག་རིམ་པར་དགོད། །འདི་དག་ལུགས་དང་འབུར་དང་བཟོ། །བྲི་དང་བསྒོམ་པ་དག་ཀྱང་རུང་། །འདི་ནི་ཕྱི་ཡི་དཀྱིལ་འཁོར་རོ། །ཟབ་མོའི་དབང་གི་དཀྱིལ་འཁོར་ནི། །ཐུན་མོང་ཐུན་མོང་མ་ཡིན་པའི། །སོར་བཞི་མཛུབ་གང་ལ་བརྟེན་ཏེ། །ཕྱི་རོལ་རྣམ་པའི་རྗེས་འབྲང་མིན། །མཐོང་དང་བརྟན་དང་གོམས་པ་ནི། །རིམ་པ་བཞིན་དུ་གསལ་བས་འབྱུང་། །བརྒྱུད་པ་ལམ་གྱི་རིམ་པ་ཡིས། །མཐར་ཕྱིན་ཉམས་སུ་མྱོང་བར་འགྱུར། །དབང་བསྐུར་ཐབས་ཀྱི་རིམ་པ་ཡིས། །བྱིན་བརླབས་མན་ངག་ཡིད་ཆེས་བྱ། །འདི་ནི་དབང་གི་དཀྱིལ་འཁོར་ཏེ། །དེ་བཞིན་གནས་སྐབས་གཞན་དུ་ཡང་། །ཐུན་མོང་ཚོགས་ལ་སྦྱར་བའི་ཕྱིར། །འབྱུང་ལྔ་རྒྱུ་དང་བདག་ཉིད་དང་། །མཁའ་དག་བྱིན་བརླབས་སོ་སོར་གདོན། །རང་གི་ཆོ་གའི་སྦྱོར་བ་ཡིས། །ཇི་ལྟར་བརྩམས་པ་འགྲུབ་པར་འགྱུར། །བསོད་ནམས་ཚོགས་ཞེས་བྱ་བར་བཤད། །གཞན་ཡང་སྟོབས་ལྡན་རྣལ་འབྱོར་པས། །གང་འདོད་མངོན་དུ་བསྒྲུབ་པའི་ཕྱིར། །འཆི་མེད་ཚེ་ཡི་དཀྱིལ་འཁོར་དང་། །མཚན་མ་པྲ་ཡི་དཀྱིལ་འཁོར་དང་། །དུག་འཇོམས་བདུད་རྩིའི་དཀྱིལ་འཁོར་དང་། །ཆོ་འཕྲུལ་རོ་ལངས་ལ་སོགས་པ། །གང་བསྒྲུབ་དོན་ཕྱིར་གང་བཤད་པ། །དེ་ཉིད་བསྒྲུབ་པའི་དཀྱིལ་འཁོར་རོ། །ལས་བཞི་ལྷ་ཡི་རྣལ་འབྱོར་གྱིས། །རིགས་དང་མཐུན་པའི་ས་གཞི་ལ། །ཐབ་ཁུང་སོ་སོའི་མཚན་མ་ཅན། །ཕྲིན་ལས་དཀྱིལ་འཁོར་ཉིད་དུ་བཤད། །སློབ་དཔོན་ནུས་པ་སྟོབས་ལྡན་པས། །རྡོ་རྗེ་ལུས་སུ་བརྟན་བྱའི་ཕྱིར། །རྒྱང་གྲགས་དཔག་ཚད་ལ་སོགས་པ། །སྐུ་གསུང་ཐུགས་སུ་མངོན་གསལ་བ། །རྣལ་འབྱོར་སྐལ་ལྡན་སྤྱོད་ཡུལ་ ― DNG011_Page_0234 ―
[མ་དཔེ་གཟིགས་ན་འདིར་གནོན།]
ཏེ། །ཚོགས་ཀྱི་དཀྱིལ་འཁོར་ཉིད་དུ་བཤད། །དེ་ནས་གཞན་ཡང་བཤད་བྱ་བ། །མཚན་མ་རྟོག་པའི་རང་བཞིན་གྱིས། །མཐོང་བྱ་དོན་ལ་སྒྲིབ་པས་ན། །དེ་དག་སྦྱང་བའི་ཆོ་ག་བཤད། །ཐ་མལ་ཞེན་པས་བརྟགས་པའི་དོན། །ལྷག་པའི་བདེན་གཉིས་རྟོགས་བསྒོམས་པས། །ཕྱི་ནང་སྣོད་བཅུད་མ་ལུས་པ། །སྐུ་གསུང་ཐུགས་ཀྱི་ངང་དུ་བསྲེག །དཀྱིལ་འཁོར་ལྷ་ཡི་མཚན་མ་དག །རྣམ་པ་ཇི་སྙེད་གནས་པ་དག །རང་རིག་རྣམ་པར་འཕྲུལ་པ་ཉིད། །མཚན་མ་ཐིག་ལེའི་ངང་དུ་སྦྱངས། །ཐིག་ལེ་རིམ་པའི་སྣང་ཚུལ་ཏེ། །ཕྱི་ནང་མེད་པའི་བྱང་ཆུབ་སེམས། །དངོས་དང་དངོས་མེད་ཀུན་སྦྱངས་ཏེ། །རང་རིག་བྱང་ཆུབ་སེམས་ཀྱི་མེ། །ཕྱོགས་བཅུར་འབར་ཞིང་དབྱིངས་ལ་སྡུད། །རྣལ་འབྱོར་ལས་རུང་གོམས་པ་ཡིས། །གཞན་དོན་རྩོམ་པའི་དོན་བྱེད་ན། །དང་པོར་ཉེས་བྱས་གསུམ་སྦྱང་ཕྱིར། །རྣམ་གསུམ་ཁྲུས་ཀྱི་རིམ་པ་བརྩམ། །གདུག་པ་འདུལ་བའི་དཀྱིལ་འཁོར་གྱིས། །བར་ཆད་བགེགས་དང་དབྲལ་བྱས་ལ། །བཀུག་བཅིངས་བསྡིམས་ལ་རྣལ་དུ་གཞག །བསྲུང་དང་བྱུག་བདུག་རྒྱན་གྱིས་བརྒྱན། །འཁོར་བའི་ས་བོན་ཀུན་བཀོད་དེ། །ལས་ཀྱི་ཆོ་ག་ཐིམ་པ་དང་། །དཀྱིལ་འཁོར་འཕྲོ་འདུ་རིམ་པ་ཡིས། །འཁོར་བའི་ས་བོན་སྦྱང་བར་བྱ། །དེ་ཚེ་སྡོང་བུ་གནས་བཀོད་དེ། །སྡོང་བུ་རེ་ལ་ལྷ་རྣམས་ཀྱི། །སྙིང་པོ་ཚང་བར་གདགས་པ་དང་། །གསོལ་གདབ་གནང་བྱིན་སྲས་སུ་བསྐྱེད། །འཇུག་དང་དབང་བསྐུར་ལས་རྫོགས་ནས། །ཁྲོ་བོའི་དཀྱིལ་འཁོར་དེ་བཞིན་ཏེ། །ལས་བཞི་མེ་ཡི་ལས་བྱས་ནས། །རྟོག་ཚོགས་ལྷ་གསུམ་དབྱེར་མེད་པའི། །རང་རང་གནས་སུ་དག་པ་ལ། །སྦྱིན་སྲེག་གླུ་བྲོ་གར་གྱིས་མཆོད། །ལས་ཀྱི་བྱ་བ་ཀུན་ཟིན་ནས། །ཐིག་ལེ་ཆེན་པོ་ངང་ལ་བསྡུ། །དེ་ནས་གཞན་ཡང་བཤད་བྱ་བ། །བྱང་ཆུབ་སེམས་ཀྱི་དཀྱིལ་འཁོར་ཏེ། །མ་ལུས་བྱང་ཆུབ་སེམས་ཉིད་དེ། །དེ་རྟོགས་བྱ་ཕྱིར་བཤད་པར་བྱ། །ཆོས་རྣམས་མ་ལུས་ཐམས་ཅད་དང་། །དཀྱིལ་འཁོར་མ་ལུས་ཐམས་ཅད་ཀུན། །ཐ་དད་དབྱེ་བ་མི་གནས་ཏེ། །བྱང་ཆུབ་སེམས་ཀྱི་ ― DNG011_Page_0235 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ཉིད། །རང་འབྱུང་མཐོ་དམན་མེད་པ་ཡི། །སྐུ་གསུང་ཐུགས་དང་ལུས་ངག་ཡིད། །མ་ལུས་གཞི་རྩ་སྙིང་པོ་སྟེ། །རང་འབྱུང་བྱང་ཆུབ་སེམས་ལ་འདུས། །དེ་ཉིད་རང་རིག་འོད་གསལ་བ། །དངོས་པོ་མ་ཡིན་དངོས་མེད་མིན། །གཉིས་ཀ་མ་ཡིན་གཉིས་མེད་མིན། །མཐའ་དབུས་ཆ་ཤས་ཀུན་བྲལ་བའི། །ཟབ་ཅིང་ཡངས་ལ་རྒྱ་ཆེ་བ། །དེ་བཞིན་གཤེགས་པའི་སྤྱོད་ཡུལ་ཏེ། །རྟོག་གེ་རྣམས་ཀྱི་ཡུལ་མིན་པས། །གསང་བའི་གསང་བ་བྱང་ཆུབ་སེམས། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ལས་སྐྱེ་བ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགག །འགག་པ་ཉིད་ན་འགག་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ལ་གནས་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ན་འགྲོ་འོང་མེད། །མ་སྐྱེས་རིག་པའི་བྱང་ཆུབ་སེམས། །དངོས་མེད་དངོས་པོའི་རང་བཞིན་དུ། །རྡོ་རྗེ་སེམས་དཔའི་ངོ་བོ་ཉིད། །གཡོ་དང་མི་གཡོར་བཅས་པ་ཡི། །ཕྱི་ནང་སྣོད་བཅུད་མ་ལུས་ལ། །རང་འབྱུང་སེམས་ཀྱི་དཀྱིལ་འཁོར་ཉིད། །རང་བཞིན་གནས་དང་རྟོགས་པ་དང་། །བསམས་དང་དམིགས་དང་གོམས་པ་ཡི། །སྐུ་གསུང་ཐུགས་ཀྱི་མཚན་མ་དང་། །ལྷ་དང་ལྷ་མིན་གསང་བ་དང་། །ཤ་ཟ་འབྱུང་པོ་མི་འམ་ཅི། །གྲུལ་བུམ་ཡི་དྭགས་ཀླུ་རྣམས་དང་། །རྒྱུ་བའི་སྲོག་ཆགས་མ་ལུས་དང་། །རྩྭ་ཤིང་གེལ་པ་འབྲས་བུ་དང་། །ཕུན་སུམ་ཚོགས་པ་མ་ལུས་པ། །མ་བཅོས་དོན་གྱི་ལྷ་ཉིད་དེ། །བྱང་ཆུབ་སེམས་སུ་ཁྱད་པར་མེད། །ལྷ་ཞེས་གཞན་དུ་བསྟན་པ་ཡང་། །ཚིག་གི་ ― DNG011_Page_0236 ―
[མ་དཔེ་གཟིགས་ན་འདིར་གནོན།]
ཐ་སྙད་ཙམ་དུ་ཟད། །བྱང་ཆུབ་སེམས་ལ་གཉིས་མེད་པར། །རྟོགས་པའི་དོན་ལ་གཅིག་ཏུ་བསྟན། །སྙིང་རྗེ་ཆེན་པོའི་རང་བཞིན་གང་། །གནས་པའི་དོན་དང་མ་ཕྲད་པས། །མ་ལུས་སྙིང་རྗེའི་གནས་གྱུར་པ། །སྙིང་རྗེ་བྱང་ཆུབ་སེམས་ཡིན་ཏེ། །མི་འགལ་དོན་དུ་རབ་སྦྱོར་བ། །ཀུན་རྫོབ་བྱང་ཆུབ་སེམས་སུ་བརྗོད། །ཇི་སྙེད་རྣམ་པར་བཅས་པའི་ཆོས། །མ་ལུས་མཐའ་ཡས་བསྟན་པ་ཀུན། །བྱང་ཆུབ་སེམས་ཀྱི་རྣམ་འཕྲུལ་ཏེ། །ནམ་མཁའི་ཆོ་འཕྲུལ་ཇི་བཞིན་དུ། །སྣ་ཚོགས་སྣང་བཞིན་དངོས་པོ་མེད། །དེ་དག་ཇི་ལྟར་གནས་ཀྱང་རུང་། །བྱང་ཆུབ་སེམས་ལས་གཞན་མིན་ཡང་། །ཐུན་མོང་ཡུལ་ཕྱིར་ཕྱི་རུ་བཤད། །རང་ལུས་ཕྱག་རྒྱའི་དཀྱིལ་འཁོར་ལ། །རང་འབྱུང་འཁོར་ལོ་དྲུག་གནས་པ། །གཡོ་བ་ཡྃ་གིས་སྐྱོད་བྱེད་པ། །འགྲོ་བ་ཀུན་གྱི་ལུས་ལ་གནས། །འཕེན་དང་སྡུད་པའི་རང་བཞིན་ཅན། །སྙིགས་མའི་དུས་སུའང་བདེ་བ་འཆར། །སྨིན་པ་གྲུ་གསུམ་སྨད་ན་གནས། །རྣམ་ཐར་སྐུ་གསུམ་རྩ་མདུད་ཅན། །འབར་ཞིང་ཐིག་ལེ་འབེབས་དང་གནས། །རང་ལུས་བདེ་ཆེན་སྨིན་བྱེད་པ། །དེ་ལ་གང་རྟེན་བདེ་བའི་གནས། །སངས་རྒྱས་རིན་ཆེན་གབ་ཙེ་ལ། །ཐུང་ངུ་ཨ་སྙིང་ལྟེ་བར་གནས། །འཁྲུལ་ཞིང་འཛག་དང་གནས་པའི་རྩ། །རྡོ་རྗེ་དབུ་མའི་ལམ་དང་འདྲེལ། །ཁྱབ་ཅིང་རྒྱས་པའི་སྙིང་པོ་ཅན། །སུམ་ཅུ་གཉིས་གཉིས་རྩ་ཡིག་ལྡན། །དྷརྨ་ཙཀྲ་སྙིང་པོའི་གནས། །རྩ་བཞི་ཡན་ལག་བརྒྱད་ཀྱི་དངོས། །དྭངས་སྙིགས་ཤེས་པ་བརྒྱད་ཀྱི་རྟེན། །རྒྱུ་བ་བཞི་ཡིས་ཤེས་པར་བྱ། །དྭངས་མ་འདུས་པའི་ཐིག་ལེ་ཉིད། །ཨ་ལ་བརྟེན་པའི་ཧཱུྃ་གིས་སྡུད། །ཡེ་ཤེས་ལྔ་ཡི་རང་བཞིན་ཅན། །བདེ་བ་མངོན་ཤེས་ཆོས་ཉིད་ལ། །རིམ་པས་མཐར་ཕྱིན་འབྱུང་བར་འགྱུར། །བཅུ་དྲུག་སྒྲ་སྦྱོར་ཐིག་ལེ་ཅན། །འདབ་མ་ཨཱ་ལི་ལྡན་པ་ཡིས། །མ་ལུས་སྒྲ་སྐད་བདག་ཉིད་ཅན། །ཁྱབ་པ་གསུང་གི་བདག་ཉིད་ཅན། །སྡེ་ཚན་བཅུ་དང་ལྡན་པ་ཉིད། །འབྱུང་འཇུག་གནས་པའི་ལམ་ཡིན་ཏེ། །ཐབས་དང་ཤེས་རབ་བསྐུལ་བ་ཡིས། །བདེ་བ་ ― DNG011_Page_0237 ―
[མ་དཔེ་གཟིགས་ན་འདིར་གནོན།]
འབྱུང་འགྱུར་ཐེ་ཚོམ་མེད། །སུམ་ཅུ་རྩ་གཉིས་དཀྱིལ་འཁོར་ན། །ཐིག་ལེ་དེ་ཡི་མཉམ་པའི་དབྱིངས། །མ་ལུས་འབྱུང་བའི་རྒྱུར་གྱུར་ཅིང་། །ལུས་ཅན་ཀུན་ལ་ཁྱབ་པར་གནས། །ཀུན་གྱི་དངོས་ཡིན་ཀུན་གྱི་གཙོ། །མ་ལུས་ཀུན་འདུས་གཉིས་སུ་མེད། །སྤྱི་གཙུག་འདུས་པའི་སྙིང་པོ་ནས། །རྐང་མཐིལ་གསང་བའི་གནས་ཡན་ཆད། །སྐུ་གསུང་ཐུགས་ཀྱི་ཀ་བས་བཟུང་། །སྣོད་བཅུད་རྒྱུད་རྣམས་རང་བཞིན་བཅུད། །དྭངས་སྙིགས་འདྲེས་པ་ཐབས་ཀྱིས་འབྱེད། །གཡོ་ལྡང་སྨོན་འཇུག་གནས་མཐར་ཕྱིན། །སྐད་ཅིག་རིམ་པ་སྐྱེ་འགྱུར་བ། །ཁམས་ལྔ་འདུས་པའི་རོ་ཡི་སྟོབས། །སེམས་ལྔ་རིམ་པས་ཤེས་པར་འགྱུར། །འདི་ཉིད་གསུམ་དུ་བཤད་པ་སྟེ། །སྐབས་ཀྱི་རིམ་པས་སྦྱར་བ་ཉིད། །རྩ་དང་ཐིག་ལེ་བདེ་བ་ཡིས། །ཕྱི་ནང་གསང་བའི་ཚུལ་དུ་བཤད། །དེ་ནས་རྒྱལ་རིགས་རྗེ་རིགས་དང་། །བྲམ་ཟེ་གདོལ་པ་གར་མཁན་མ། །ཡིད་འོང་ན་ཚོད་དར་ལ་བབ། །ནུས་དང་ཆགས་པ་ཆེ་བ་དང་། །བཀའ་བློ་བདེ་ཞིང་ཡིད་མི་འཁྲུག །ལུས་རན་ཤ་མདངས་དཀར་དམར་ཕྱེད། །སྐད་སྙན་དྲན་པས་ཡིད་འཕྲོག་མ། །བཅྭ་བརྒྱད་བཅུ་དྲུག་བཅུ་བཞི་དང་། །བཅུ་གཉིས་ལྡན་པའི་བུ་མོ་ལ། །སྦྱོར་བ་ཚང་ཞིང་རྟགས་བྱུང་ནས། །ཐ་མལ་སྤངས་པའི་སྦྱོར་བ་ཡིས། །ས་ཡ་བཅུ་གསུམ་གཉིས་ལྡན་པའི། །གསང་དབང་འདུས་པའི་ཁམས་ལྔ་ལས། །གསར་འགྱུར་སྨན་དང་མུན་སེལ་ལྟར། །ཐབས་དང་ཤེས་རབ་གཉིས་མེད་པའི། །ཉི་མ་ཟླ་བ་རྩེ་ཕྲད་པའི། །མ་ལུས་འདུས་པའི་རྩེ་འཁོར་ལོ། །འབྱུང་འཇུག་གནས་པ་རླུང་དང་འགྲོགས། །ལྡང་བས་ཐ་མལ་ཤེས་པ་འགག །གཡོ་བས་ཉམས་ཉིད་རྩེ་གཅིག་པ། །སྨོན་པས་ཡིད་གཅིག་འདྲེས་པ་སྟེ། །འཇུག་པ་ཛཿཧཱུྃ་བྃ་ཧོཿསྟེ། །ཤེས་པ་བདེ་བར་འཇུག་པ་ཉིད། །གནས་པས་ཡུན་རིང་གནས་པ་སྟེ། །མཐར་ཕྱིན་འདྲེས་པའི་གར་ཐབས་ཀྱིས། །བརྗོད་བྲལ་ཐིག་ལེའི་བསྟན་པ་མཚར། །ཐ་མལ་ཞེན་པ་ནུབ་གྱུར་ནས། །ཞེན་པ་ལྡོག་ཅིང་རིག་པ་ཐིམ། །རྣམ་ཤེས་བརྒྱལ་བ་ལ་སོགས་འབྱུང་། །ཡིད་འོང་ ― DNG011_Page_0238 ―
[མ་དཔེ་གཟིགས་ན་འདིར་གནོན།]
གཟི་ལྡན་ཕྱག་རྒྱ་མ། །མཐོང་བས་ལུས་སེམས་བདེ་བ་དང་། །ཕྲད་པས་སྡུག་བསྔལ་ཉམས་པར་འགྱུར། །འདྲིས་པས་བདེ་བ་བརྟན་པོ་འབྱུང་། །ཐབས་དང་ལྡན་པས་སྤྱད་གྱུར་ན། །བསྐལ་པར་སྦྱངས་པས་མི་འབྱོངས་པའི། །རྣམ་རྟོག་ཞེན་པ་ལོག་གྱུར་ནས། །ད་ལྟ་བདེ་བ་ཆེན་པོར་སྨིན། །ཐོབ་པ་བརྟན་འདོད་རྣལ་འབྱོར་པས། །མཐོང་དང་ཐོས་དང་ལྷན་ཅིག་གནས། །འཁྱུད་དང་ཕྲད་དང་སྤྱད་པ་ཡིས། །ལྷན་ཅིག་སྐྱེས་པའི་ཡེ་ཤེས་སྐྱེ། །དབང་དང་མི་ལྡན་སྐལ་ངན་དང་། །དམན་པས་མི་རྟོགས་ཡུལ་མིན་པས། །གསང་བ་ཞེས་ནི་བཤད་པ་ཡིན། །དེ་ནས་གཞན་ཡང་བཤད་བྱ་བ། །རིམ་པའི་ཏིང་འཛིན་མཐར་ཕྱིན་ནས། །སྐུ་དང་གསུང་དང་ཐུགས་ལྡན་པའི། །ཚོམ་བུ་གསུམ་པར་ལྡན་པ་ཡི། །སུམ་ཅུའི་དཀྱིལ་འཁོར་བསྒོམ་པར་བྱ། །གང་དུ་རྒྱས་པའི་དབང་གྱུར་ལ། །རིགས་ལྔ་ཡེ་ཤེས་ལྔར་ལྡན་ཅིང་། །སྐུ་གསུང་ཐུགས་དང་ཡོན་ཏན་ལས། །བདུན་ཅུའི་རིམ་པ་བསྒོམ་པར་བྱ། །མོས་ཆུང་གསང་བར་སྤྱོད་འདོད་པས། །ཚོམ་བུ་གཅིག་པའི་དཀྱིལ་འཁོར་ཏེ། །བཅུའམ་ཡང་ན་བཅྭ་བརྒྱད་པའི། །ཚོམ་བུ་ཐ་མ་བསྒོམ་པར་བྱ། །འདིར་ནི་དཀྱིལ་འཁོར་ཀུན་འདུས་པའི། །ཚོགས་ཀྱི་འཁོར་ལོ་བསྒོམ་པར་བྱ། །གང་དུ་གདུག་པ་འདུལ་བ་ཡི། །དཀྱིལ་འཁོར་རིམ་པ་དེ་བཞིན་ཏེ། །རིམ་པ་བསྒྱུར་བའི་ཁྲོ་བོ་ནི། །རིམ་པ་མ་འདྲེས་ཙམ་དུ་བསྒོམ། །རྣལ་འབྱོར་ཡོ་བྱད་ཚོགས་པ་ཡིས། །དཀྱིལ་འཁོར་ཏིང་འཛིན་སྤྱོད་ཚོགས་པ། །མ་ལུས་ཚོགས་པས་ཚོགས་ཞེས་བྱ། །དང་པོར་དད་དང་བརྩོན་འགྲུས་དང་། །དམ་ཚིག་ལྟ་སོགས་སྔོན་སོང་ཞིང་། །རིམ་བཞིན་ཏིང་འཛིན་མཐར་ཕྱིན་པས། །ནུས་པ་ཡོད་པའི་རྣལ་འབྱོར་པ། །སྐལ་ལྡན་དྲོད་ཚད་མཉམ་པ་འམ། །མི་ལྡན་འཕྲོ་འདུས་སྦྱངས་པས་འགྲུབ། །རབ་ཏུ་དབེན་ཞིང་ཡིད་འོང་བ། །རི་རྩེ་གསང་འདབ་ཆུ་གླིང་ངམ། །དུར་ཁྲོད་རི་འོར་ནགས་འདབ་སྟེ། །སྐྱེ་བོ་འདུས་དང་རྣམ་བྲལ་ཞིང་། །བར་ཆད་བྲལ་བའི་ས་ཕྱོགས་དེར། །རྣལ་འབྱོར་རྒྱལ་པོ་ལྟ་བུའི་ཕྱིར། །རིན་ཆེན་ཡིད་འོང་མཛེས་བརྒྱན་པའི། ། ― DNG011_Page_0239 ―
[མ་དཔེ་གཟིགས་ན་འདིར་གནོན།]
འཁོར་ཁང་ཕྱི་ནང་བར་ལྡན་པ། །འཆག་སར་བཅས་པར་བརྩམ་པར་བྱ། །རྣལ་འབྱོར་ཕོ་མོ་གྲངས་མཉམ་པ། །ལྟ་སྤྱོད་ཏིང་འཛིན་དམ་ཚིག་ཚང་། །བྲོ་གར་འདུ་འཕྲོ་ཡོ་བྱད་དང་། །གླུ་ཚིག་སྒྲ་ཡི་ཡོ་བྱད་དང་། །བཟའ་དང་བཏུང་བའི་ཡོ་བྱད་དང་། །རྒྱན་དང་བགོ་བའི་ཡོ་བྱད་དང་། །ཨཱ་ལི་ཀཱ་ལི་མཉམ་སྦྱར་ཞིང་། །ཉི་ཟླ་བརྩེགས་པའི་ངོ་བོར་བཞུགས། །ལྷ་དང་མི་དང་ཡོ་བྱད་དང་། །གནས་དང་སྤྱོད་པ་ཀུན་ཚོགས་པས། །དེ་དག་ཚོགས་སུ་བཤད་པ་ཡིན། །ཐབས་དང་ཤེས་རབ་འདྲེལ་གྱུར་ནས། །ཡབ་ཡུམ་གསལ་བའི་ཏིང་འཛིན་ལ། །མཐའ་ཐུག་མེད་པའི་རྒྱལ་བ་རྣམས། །ནམ་མཁའི་ཆར་བཞིན་ཀུན་བཀུག་ལ། །ཡབ་ཡུམ་གཉིས་མེད་འདྲེས་པ་ལ། །དབང་བསྐུར་བྱིན་བརླབས་རྒྱན་བཏགས་ཏེ། །བདུད་རྩི་ལྔ་དང་ཤ་ལྔ་དང་། །བཟའ་བཏུང་ལྷ་ལ་ལྷ་རོལ་ཞིང་། །འོད་ཀྱིས་མ་ལུས་ཚིམ་པ་དང་། །འགྲོ་མང་བདེ་བ་ཐོབ་པར་བྱ། །བྲོ་ལྔ་གར་ལྔ་སྟབས་ཚིག་ལྔ། །བྲོ་གར་རྩེ་འཇོ་བརྗོད་པ་ཡིས། །རིགས་ཀྱི་འོད་ཟེར་འཕྲོ་འདུར་གསལ། །འགྲོ་བའི་ཕྱི་ནང་མུན་བསལ་ཏེ། །རིག་འཛིན་ས་ནས་ས་རུ་སྦྱང་། །གླུ་ལྔ་ཚིག་ལྔ་རིགས་ལྔ་ཡིས། །ཕྱོགས་ཕྱོགས་བལྟས་ཏེ་བརྗོད་པ་ནི། །འགྲོ་བ་ཀུན་གྱིས་བདེ་ཐོབ་ཅིང་། །ཆོས་ཀྱི་དུང་ཆེན་སྒྲ་ཡང་སྒྲོགས། །ཕྱི་ནང་རྒྱན་གྱི་ཡོ་བྱད་ནི། །རིན་ཆེན་ཟེའུ་པྲོག་རྣ་ཆ་དང་། །ལག་གདུབ་རྐང་གདུབ་མགུལ་དོ་དང་། །ན་བཟའ་རྒྱན་གྱིས་གང་བརྒྱན་པས། །ཡིད་འོང་ཏིང་འཛིན་གསལ་བ་དང་། །འགྲོ་བས་བལྟ་བའི་འོས་སུ་འགྱུར། །རླུང་དང་ནུས་པའི་སྟོབས་ལྡན་ཞིང་། །སྒོ་གསུམ་བག་ཆགས་ཟད་འགྱུར་ཏེ། །བྱིན་བརླབས་རླུང་ལ་དབང་ཐོབ་པས། །ཨཱ་ལི་ཀཱ་ལི་མཉམ་སྦྱར་བ། །བཅུ་དྲུག་རྫོགས་པའི་དུས་སྦྱར་བས། །བདག་པོ་གདུང་ཅན་ཕྲད་པའི་ཚེ། །ཉི་ཟླ་དུས་གཅིག་ཤར་བའི་ཚེ། །ཐུན་མོང་ཐུན་མོང་མ་ཡིན་པའི། །སྤྱོད་ཡུལ་ནུས་པ་ཀུན་བཟློག་ནས། །མཐོང་ལམ་རང་གི་མཚན་ཉིད་སྐྱེ། །ཟླ་བའམ་ཟླ་ཕྱེད་དུས་མཚམས་སོགས། །བདེ་ཆེན་ཉམས་མྱོང་རྒྱུན་མི་འཆད། །མཐོང་བའི་དོན་ལ་མཉམ་བཞག་པས། །བརྟན་ཞིང་ངེས་པས་གདེང་དུ་གྱུར། །སྐུ་ནི་ཕྱག་རྒྱ་ ― DNG011_Page_0240 ―
[མ་དཔེ་གཟིགས་ན་འདིར་གནོན།]
ཆེན་པོ་སྟེ། །བདེ་ཆེན་ཟག་མེད་ཏིང་ངེ་འཛིན། །བསྐལ་པ་བརྒྱ་ཕྲག་སྟོང་དུ་ཡང་། །བདེ་བ་ཆེན་པོ་རྒྱུན་མི་འཆད། །སྤྲུལ་པའི་ལོངས་སྤྱོད་མཛད་པ་ཡིས། །འཇིག་རྟེན་ཁམས་མང་འགྲོ་བ་དག །དེ་ཚེ་འགྲོ་བའི་དབྱིངས་སུ་སྦྱོར། །རྡོ་རྗེ་ལུས་ཐོབ་དེ་ཕྱིན་ཅད། །སྐྱེ་ཤི་མེད་པའི་གཡུང་དྲུང་ཡིན། །བཅུ་གཉིས་བཅུ་བཞི་བཅུ་དྲུག་གིས། །དབང་སྒྱུར་རིགས་ཀྱི་དམ་པ་འགྲུབ། །དེ་ཚེ་བཅུ་དྲུག་ཚུན་ཆད་ཀྱིས། །ཡེ་ཤེས་ཐིག་ལེ་དེ་ཉིད་ལ། །ཡེ་ཤེས་ཐིག་ལེ་ཉིད་སྣང་བ། །བསམ་གྱིས་མི་ཁྱབ་མཐའ་ཡས་མཆོག །གང་ཟག་རིམ་པར་འཇུག་པ་རྣམས། །དང་པོར་དངོས་དོན་མཐོང་བ་ཡིས། །ཚེ་འདིས་ས་ལ་བགྲོད་བྱ་ཞིང་། །བསམ་བྱས་ལྷུན་གྲུབ་ཉིད་ཐོབ་ཕྱིར། །ལྟ་སྤྱོད་ཏིང་འཛིན་རིམ་འདྲེལ་བས། །བར་ཆད་མེད་པའི་ལམ་ལ་འབད། །གནས་སྐབས་རིམ་པ་ཇི་སྙེད་ཀྱང་། །ཐ་མལ་པ་དང་ལོག་སྤྱོད་དང་། །མོས་པ་ལ་སོགས་ཡུལ་མིན་ཏེ། །ནུས་དང་གྲུབ་པ་ཐོབ་པ་ཡིས། །གསང་བ་ལམ་དང་འདྲེལ་བར་བྱ། །རྣལ་འབྱོར་ཆེན་པོ་ལྔ་ལ་གནས། །རིམ་ནས་རིམ་པར་བརྟན་གྱུར་ཏེ། །གསལ་ལྡན་མི་གཡོ་ཐོབ་པ་ལ། །ཉམ་ང་མེད་པའི་སྟོབས་ལྡན་པས། །པདྨ་ལ་ནི་འདམ་བཞིན་ཏེ། །སྤྱོད་པ་སོ་སོ་གནས་པ་ཡིས། །རྩ་བ་སྤྲོས་བཅས་རྣལ་འབྱོར་ཏེ། །བསྒྲུབ་པ་དུས་ཀྱི་ཚོགས་ལ་གནས། །ཡན་ལག་ཚོགས་ཀྱི་སྤྱོད་པར་གསུངས། །གང་ཕྱིར་དཀྱིལ་འཁོར་ངེས་བསྟན་པ། །རང་རིག་མཐའ་དབུས་མེད་པ་དཀྱིལ། །ཡེ་ཤེས་བཞི་འཕྲོས་འཁོར་ལོའི་ཚུལ། །འཇིག་རྟེན་འདས་པ་དཀྱིལ་ཉིད་དེ། །འཇིག་རྟེན་སྣ་ཚོགས་འཁོར་དུ་བཤད། །རིག་པའི་དོན་ཉིད་དཀྱིལ་ཉིད་དེ། །ཆོ་འཕྲུལ་རང་འབྱུང་འཁོར་དུ་གསུངས། །རྡོ་རྗེ་སེམས་དཔའ་དཀྱིལ་ཉིད་དེ། །རིགས་བཞི་ལྷ་དང་ལྷ་མོ་དང་། །ཁྲོ་བོ་ཁྲོ་མོ་འཁོར་དུ་བཤད། །ལྷ་ཡི་ཏིང་འཛིན་དཀྱིལ་ཉིད་དེ། །སྤྱོད་པ་ཡོ་བྱད་འཁོར་དུ་བཤད། །གང་ལ་གང་གིས་རྒྱས་བཏབ་པ། །གོམས་དང་རྟས་པའི་དབང་གིས་ན། །ཇི་ལྟར་སྣང་གྲགས་ཆོས་ཐམས་ཅད། །དེ་དང་དེ་ཡི་ངོ་བོར་འགྱུར། །རྡོ་རྗེ་སེམས་དཔའི་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ལས་དཀྱིལ་འཁོར་མ་ལུས་ ― DNG011_Page_0241 ―
[མ་དཔེ་གཟིགས་ན་འདིར་གནོན།]
པར་བཤད་པའི་ལེའུ་སྟེ་དྲུག་པའོ།། །།དེ་ནས་གཞན་ཡང་བཤད་བྱ་བ། །དབང་བསྐུར་ཆོ་ག་ཕུན་སུམ་ཚོགས། །ཐབས་ཀྱི་ས་ལ་སྦྱོར་བྱེད་པའི། །རྟོག་པའི་ཆོ་ག་བཤད་པར་བྱ། །རྒྱལ་བ་ཀུན་གྱི་གསང་ཆེན་པོ། །མ་ལུས་པ་ཡི་རྒྱ་མཚོ་ཉིད། །རྒྱལ་བ་ཀུན་གྱི་སྤྱི་གཟུགས་ཏེ། །འཁོར་ཚོགས་ཡེ་ཤེས་རྒྱ་མཚོ་ལ། །རང་བཞིན་དཀྱིལ་འཁོར་ལྷན་ཅིག་ཏུ། །ཡེ་ཤེས་ལྷ་མོ་ལ་བརྟེན་ནས། །ཡེ་ཤེས་ཆེན་པོའི་དབང་བསྐུར་བས། །གསང་བདག་རྡོ་རྗེ་འཆང་ཆེན་འགྱུར། །ཡེ་ཤེས་རྒྱ་མཚོ་དབང་ཕྱུག་གིས། །དང་པོ་ནས་བཟུང་བཅུ་པའི་བར། །ཏིང་འཛིན་འབར་བའི་དཀྱིལ་འཁོར་དུ། །རིག་པའི་ལྷ་མོ་ལ་བརྟེན་ནས། །ཏིང་འཛིན་ཆུ་བོས་དབང་བསྐུར་བས། །ས་དང་ཡེ་ཤེས་ཞིང་ཁམས་དང་། །རྫུ་འཕྲུལ་མཛད་པའི་རིམ་པར་འཕེལ། །མཐོང་ལམ་རྡོ་རྗེ་སྐུ་ཐོབ་པས། །ངེས་འབྱེད་ཉམས་ལྡན་རྣལ་འབྱོར་ལ། །རིག་པ་ཉམས་ཀྱི་དཀྱིལ་འཁོར་དུ། །རིག་པ་རྩལ་གྱིས་གཟུངས་བརྟེན་ནས། །ཟག་མེད་རྡོ་རྗེ་སྐུ་ལ་སྦྱོར། །རིག་པ་བརྟན་ཐོབ་རྣལ་འབྱོར་པས། །ལས་དང་སྐལ་ལྡན་རྣལ་འབྱོར་པ། །ལྷག་པ་གཟུགས་བརྙན་དཀྱིལ་འཁོར་དུ། །རིག་མའི་ཕྱག་རྒྱ་མཛེས་མ་ལ། །དབང་བསྐུར་བྱིན་བརླབས་བརྟེན་བྱས་ནས། །ཆོ་ག་ཐབས་ཀྱི་དབང་བསྐུར་ཞིང་། །བརྒྱུད་པ་དབང་གི་མན་ངག་གིས། །སྦྱོར་བ་ཉམས་ལྡན་རྣལ་འབྱོར་ཐོབ། །ཡེ་ཤེས་རྒྱ་མཚོ་བློ་ལྡན་ཞིང་། །ཐུགས་རྗེ་རྒྱ་མཚོས་འགྲོ་བ་སྐྱོབ། །དམ་ཚིག་དབང་དང་རིག་པའི་དྲོད། །རིམ་པར་བརྒྱུད་པའི་དབང་ཐོབ་ཅིང་། །དགོངས་ཟབ་དོན་ལ་མཁས་པ་དང་། །རྐྱེན་ཐུབ་ས་བོན་གཟི་བརྗིད་ཆེ། །ལས་དང་བྱ་བ་མ་རྨོངས་ཤིང་། །མ་ཡེངས་བརྩོན་འགྲུས་བར་ཆད་མེད། །རི་དྭགས་རྒྱལ་པོ་སེང་གེ་ལྟར། །གཟི་ཆེན་གཞན་གྱིས་ཉམ་ང་མེད། །བྱིན་བརླབས་འདུས་པའི་ནུས་པ་ཅན། །ཚིག་དང་བདེན་པའི་བྱིན་བརླབས་འགྲུབ། །དེ་ཡིས་དབང་བསྐུར་ཆོ་ག་བརྩམ། །དད་དང་དམ་ཚིག་ལྡན་པ་དང་། །སྙིང་རྗེ་ཆེ་ལ་སློབ་ལ་བརྩོན། །བརྩོན་འགྲུས་ཤེས་རབ་ཕུན་སུམ་ཚོགས། །བསྐལ་པ་ཞིང་ ― DNG011_Page_0242 ―
[མ་དཔེ་གཟིགས་ན་འདིར་གནོན།]
གི་རྡུལ་སྙེད་དུ། །ཐོས་བསམ་བསྒོམས་ལ་རབ་གནས་པའི། །འགྱུར་མེད་བརྟན་པའི་བསམ་པ་ཡིས། །ཐ་མལ་བསམ་པ་སྤང་བྱས་ཏེ། །བླ་མ་ལ་ནི་དེ་བཞིན་གཤེགས། །འདུལ་དབང་ཐབས་མཁས་བསམ་པར་བྱ། །བླ་མ་སངས་རྒྱས་དེས་ཀྱང་ནི། །སྙིང་རྗེས་ནད་པ་བཞིན་བསམ་ཞིང་། །སྐྱོན་དང་མནར་དང་སླུ་སེམས་སྤང་། །རང་རང་ནུས་པ་ལྡན་པ་དང་། །བདག་གཞན་དོན་ནུས་བརྩོན་འགྲུས་ལྡན། །བརྟུལ་ཞུགས་གསུམ་དང་རབ་ལྡན་ཞིང་། །དངོས་གྲུབ་དོན་དུ་གཉེར་བ་ཡི། །གསང་ཆེན་རིགས་སུ་ངེས་པ་དང་། །གཞན་གྱི་དབང་དུ་མི་འགྱུར་ན། །དབང་དང་མན་ངག་སྦྱིན་པར་བྱ། །རི་བོའི་ཕྱོགས་སོགས་འབྱོར་པ་མོད། །ལྗོན་ཤིང་མེ་ཏོག་རྒྱས་པའི་ཚུལ། །ཙནྡན་དྲི་བསུང་ལྡན་པའི་རི། །བདག་དབང་བར་ཆད་མེད་པའི་གནས། །ཕྱི་དང་ནང་དང་གསང་བ་ཡི། །རི་བོ་དགོན་པ་ཡོན་ཏན་གནས། །མ་ལུས་འདུས་པའི་དགོན་པ་དེར། །རྙེད་དང་དེར་ནི་གནས་པར་བྱ། །ས་བཅུ་མཐར་ཕྱིན་གང་ཟག་ལ། །ཞིང་ཁམས་མཐའ་ཐུག་མེད་གནས་སུ། །རྒྱལ་བ་རྡོ་རྗེ་འཆང་ཆེན་གྱིས། །ཡེ་ཤེས་ལྷ་མོ་ལ་བརྟེན་ཏེ། །སྐད་ཅིག་ཡེ་ཤེས་དབང་བསྐུར་བས། །བཅྭ་བརྒྱད་ཡོན་ཏན་ལྷུན་གྲུབ་པ། །སྐད་ཅིག་ཉིད་ལ་ལྷུན་རྫོགས་ཏེ། །པདྨ་སྤྱན་གྱི་ས་ལ་གནས། །ཡི་གེ་འཁོར་ལོ་ས་ལ་སྨིན། །བདག་གཞན་འབྱེད་པ་མེད་པ་ཡི། །བདེ་ཆེན་ཕྱོགས་རིས་མེད་པར་དགོངས། །འཕེལ་འགྲིབ་མེད་པའི་རང་བཞིན་པས། །གཞན་དོན་ཡིད་བཞིན་ནོར་བུ་བཞིན། །ས་ཐོབ་གོམས་བརྟན་སྐྱེས་བུ་ལ། །ཏིང་འཛིན་རིག་པའི་ཕོ་བྲང་དུ། །རྒྱལ་ཚབ་སྐྱེས་བུ་མཐའ་བདག་གིས། །རིག་པའི་ལྷ་མོ་ན་སོ་མེད། །རིགས་བྲལ་ཏིང་འཛིན་སྟོབས་ལས་གྲུབ། །དེ་ལ་སློབ་མས་ངེས་བརྟེན་ནས། །ཇི་ལྟར་ཆུ་ལ་ཇི་བཞིན་དུ། །ཏིང་འཛིན་བྱིན་བརླབས་དབང་བསྐུར་བས། །རྣམ་པ་དང་བྲལ་དབང་རྣམས་ནི། །ཉམས་མྱོང་དབང་དུ་རང་ཤར་ཏེ། །ཐོབ་དང་བརྟན་དང་གོམས་པ་ཡིས། །འཇིག་རྟེན་བརྒྱ་དང་སྟོང་ཕྲག་བཅུ། །འབུམ་སོགས་བདག་གཞན་དོན་རྫོགས་ཏེ། །སྐད་ཅིག་ཉིད་ ― DNG011_Page_0243 ―
[མ་དཔེ་གཟིགས་ན་འདིར་གནོན།]
ལ་རག་ལུས་པས། །རྒྱལ་ཚབ་ཆོས་ཀྱི་རྒྱལ་པོར་བཤད། །ལམ་ཞུགས་རིགས་ཕྱེད་རྟགས་ཐོབ་ལ། །སློབ་དཔོན་མཐར་ཉེ་ལམ་གནས་པས། །རྒྱང་གྲགས་དཔག་ཚད་ལ་སོགས་པར། །རྡོ་རྗེ་ཐིག་ཚད་སྦྱོར་བརྗོད་པའི། །ཕྱག་རྒྱ་དཀྱིལ་འཁོར་གསལ་ལྡང་བ། །སྣ་ཚོགས་དཀྱིལ་འཁོར་མཆོག་ཏུ་གསུངས། །སྣ་ཚོགས་རིག་པས་དབང་སྒྱུར་བའི། །སངས་རྒྱས་སྟོང་གི་དཀྱིལ་འཁོར་དུ། །སྟོབས་ལྡན་བུ་མོ་ལ་བརྟེན་ཏེ། །ཐབས་དང་ཏིང་འཛིན་དབང་བསྐུར་བས། །རྡོ་རྗེ་ཚེ་ལ་དབང་ཐོབ་ཅིང་། །ཆོ་འཕྲུལ་མངོན་ཤེས་ལྡན་པར་འགྱུར། །དང་པོ་ཡོན་ཏན་ཀུན་ལྡན་པའི། །རིགས་སུ་ངེས་པའི་བུ་མཆོག་སྟེ། །དད་བརྩོན་བརྟུལ་ཞུགས་ལྡན་པ་ཡི། །མི་འགྱུར་བརྟན་པའི་རིགས་ཅན་ལ། །དྲོད་ལྡན་གནང་ཞིང་དབང་ཐོབ་པ། །རྒྱལ་པོ་ལྟ་བུ་བླ་མ་ཡིས། །ལྷག་པ་གཟུགས་བརྙན་བྱིན་ལྡན་དུ། །དད་མོས་བརྩོན་འགྲུས་འཇུག་པའི་སེམས། །མི་ལྡོག་ངང་བརྟན་ཚུལ་གྱིས་བཞུགས། །དབུ་རྒྱན་ཅོད་པན་ཕྲེང་བ་དང་། །གདུགས་དང་བུམ་པ་བཟའ་བཏུང་དང་། །གོ་ཆ་ཕྱག་རྒྱ་རྒྱལ་མཚན་དང་། །སྙིང་པོ་ལྔ་ཡིས་དབང་བསྐུར་བ། །རང་བཞིན་ངོ་བོས་གནས་ཚུལ་ལ། །རྫས་ཐབས་ཏིང་འཛིན་དབང་བསྐུར་བས། །ནུས་པའི་བྱིན་བརླབས་མངོན་ཤར་ནས། །ཐེག་ཆེན་རྡོ་རྗེ་རིགས་སུ་འགྱུར། །དེ་ནས་སྐལ་ལྡན་སློབ་མ་དེ། །ཐ་མལ་འདུ་ཤེས་ཀུན་བཟློག་སྟེ། །རང་རང་ལྷར་བྱས་གསལ་བ་ལ། །ནུས་པའི་ཚད་དང་ཉམས་སྦྱར་ནས། །ཉན་པའི་དབང་དང་བསྒོམ་པ་དང་། །འཆང་དང་ཕྲིན་ལས་བྱེད་པ་དང་། །རྡོ་རྗེ་རྒྱལ་པོ་སློབ་དཔོན་དབང་། །རང་བཞིན་ངོ་བོས་གནས་པ་ལ། །ཇི་ལྟར་ཆུ་ལ་ཆུ་བཞག་དང་། །ཐབས་དང་ཏིང་འཛིན་དབང་བསྐུར་བས། །མི་ནུས་ནུས་པ་ཐོབ་པའི་ཚད། །མི་ནུས་པ་ལ་བསྐུར་བ་མིན། །ཚད་ལྡན་རྣམས་ལ་རིམ་པས་བསྐུར། །རིག་མ་ལས་ཀྱི་ཕྱག་རྒྱ་མོ། །བཅུ་དྲུག་བཅྭ་བརྒྱད་ལྡན་པ་ཡི། །དྲི་ཞིམ་ཡོན་ཏན་ལྡན་པ་ལ། །ཐབས་དང་ཤེས་རབ་གཉིས་མེད་པའི། །རྒྱལ་བ་ཀུན་གྱི་བཅུད་འདུས་པའི། །རྡོ་རྗེ་པདྨའི་རྩ་འཁོར་ལོ། །ཡེ་ཤེས་ལྔ་ཡི་རོ་ལྡན་པ། །ཐབས་དང་ ― DNG011_Page_0244 ―
[མ་དཔེ་གཟིགས་ན་འདིར་གནོན།]
ཤེས་རབ་སྣོད་ཀྱི་མཆོག །ཐབས་གསུམ་ཚུལ་གྱིས་རྩེར་བསྡིམས་པས། །དུས་གསུམ་རྒྱལ་བ་ཐམས་ཅད་ཀུན། །ཡུངས་ཀར་ཚད་ཙམ་རྡོ་རྗེ་སེམས། །རྩེ་ནས་རྩེ་རུ་ཐིམ་པ་ལས། །གནས་ངན་ལེན་པ་གསུམ་སྦྱངས་ཏེ། །རྩ་བཅུད་ཐིག་ལེའི་ངོ་བོ་ཉིད། །མར་མེ་འོད་ལྟར་གསལ་གྱུར་པས། །བདེ་ཆེན་ཉམས་དང་རྟགས་ཐོབ་པ། །ད་ལྟ་ཉིད་འབྱུང་ཐེ་ཚོམ་མེད། །རྡོ་རྗེ་ཉི་མ་རབ་ལྡན་པའི། །བཅུ་བཞི་བཅུ་དྲུག་རབ་ལོན་པ། །ཕྱི་ནང་གསང་བའི་ཡོན་ཏན་ཉིད། །བྱིན་བརླབས་རིག་མ་ལྷ་མོར་བྱས། །ཆགས་པ་བསྐྱེད་པའི་ཐབས་རྣམས་ཉིད། །བློ་དང་ལྡན་པས་མངོན་སུམ་བྱ། །དེ་ནས་ཆོ་ག་ཀུན་རྫོགས་ནས། །བླ་མས་གཉིས་མེད་གཏད་བྱའི་ཕྱིར། །བྱིན་བརླབས་སྦྱོར་བ་བྱས་ནས་ཡང་། །གཉིས་ཀའི་སྲིན་ལག་བཟུང་ནས་ནི། །སློབ་མ་འདི་ལ་ལེགས་གཏད་ལ། །གསང་བའི་གནང་བ་སྦྱིན་པར་བྱ། །སྐྱེས་བུ་འདི་བཟུང་བཟང་བ་ཡིན། །དི་རིང་ཕན་ཆད་བུ་མཆོག་ཁྱོད། །སྒོ་གསུམ་ལྷ་རུ་མཉམ་སྦྱོར་བས། །ཐ་མལ་དམན་པའི་ལྟ་བ་སྤོངས། །བདེ་བ་ཆེན་པོ་ཉམས་མྱོང་བས། །དཀའ་ཐུབ་ཐེག་པའི་ལྟ་བ་སྤོངས། །ཐབས་དང་ཤེས་རབ་གཉིས་མེད་པས། །བདེ་བའི་ཉམས་མྱོང་བརྟན་པར་བྱོས། །བརྟན་པ་བར་ཆད་མེད་བསྒོམས་པས། །རྡོ་རྗེ་འཆང་གི་ས་ལ་འགྲོ། །དེ་བས་སྐལ་ལྡན་རིགས་བཟང་ཀྱེ། །གཏན་དུ་འབྲལ་བར་མ་བྱེད་ཅིག །སྦྱོར་བའི་ཐབས་དང་ཏིང་འཛིན་དང་། །རྒྱུ་བའི་རླུང་ལ་དབང་ཐོབ་པས། །ཐིག་ལེའི་ལས་ལ་ཐོགས་པ་མེད། །རྒྱལ་བའི་དཀྱིལ་འཁོར་རྡུལ་ཕྲན་སྙེད། །མ་ལུས་འདུས་པའི་ཐིག་ལེ་ཉིད། །ས་ཡང་བཅུ་གསུམ་གཉིས་ལྡན་པ། །ཉམས་མྱོང་བརྟེན་ཅིང་གཉིས་མེད་སྦྱར། །རླུང་གིས་བརྟེན་པའི་ཐིག་ལེ་ཉིད། །རོ་གཅིག་དུས་མཉམ་ཚུལ་བྱུང་བ། །དྲག་པ་མ་ཡིན་དལ་བ་མིན། །དགོངས་པ་ཉམས་དང་ཞེན་ཆགས་མིན། །ཨཱ་ལི་ཀཱ་ལི་ཞུ་བའི་སེམས། །སངས་རྒྱས་ཕྲེང་བ་གཉིས་སུ་མེད། །རྡོ་རྗེ་པདྨ་རབ་བསྐྱོད་ཅིང་། །འཁྱུད་པ་གར་གྱི་ཕྱག་རྒྱ་ལས། །ཉི་ཟླ་རྩེ་ཕྲད་འབྱོར་པ་ན། །བྱེད་པ་རླུང་གི་ཐིག་ལེ་བཟུང་། །རྒྱུ་བ་བཅད་ཅིང་ཐིག་ལེ་ ― DNG011_Page_0245 ―
[མ་དཔེ་གཟིགས་ན་འདིར་གནོན།]
མནན། །ཤེས་པ་ནམ་མཁའི་ངང་ལ་གཏད། །དབང་པོ་ཤེས་རབ་ཆེ་ཆུང་གིས། །ལན་གསུམ་བརྟན་པར་གྱུར་པ་འམ། །མ་ཐོབ་བར་དུ་སྦྱིན་པར་བྱ། །རྡོ་རྗེ་ཟླ་འོད་མཛེས་ལྡན་མ། །དམན་དང་རིགས་ངན་རྣམ་པར་སྤངས། །རྡོ་རྗེ་དབང་པོས་མ་ཕོག་ཅིང་། །གཞན་དབང་ལོངས་སྤྱོད་མ་བྱས་པ། །བཅུ་གཉིས་བཅུ་བཞི་བཅོ་ལྔའང་རུང་། །ཐབས་དང་ཟས་དང་སྤྱོད་ལམ་གྱིས། །བསྙེན་པའི་ཆོ་ག་གཞུང་བཞིན་བྱ། །རྡོ་རྗེ་ལྕེ་དང་སྲིན་ལག་དང་། །སྲིན་ལག་བཅོས་མ་ལ་སོགས་པ། །ཐབས་དང་བྱུག་པའི་ཡན་ལག་གིས། །གསང་བའི་ཕོ་བྲང་རྒྱས་པར་བྱ། །འཁོར་བ་ཟིལ་གནོན་རྩ་རྙེད་ནས། །བདག་པོ་གདུང་ཅན་རྣམ་པར་སྦྱར། །ཐིག་ལེ་མྱུར་བུལ་རྟགས་བྱུང་ནས། །རྒྱུ་བ་རླུང་གི་ཚད་དུ་ཟུང་། །ཉི་ཟླ་དུས་གཅིག་ཤར་བ་ལ། །འཁོར་བ་ཟིལ་གནོན་ཐབས་ཆེན་པོ། །མྱོང་བས་ཆུ་རྒྱུན་ཏིང་འཛིན་ཐོབ། །གལ་ཏེ་རྩ་དང་བྲལ་བ་ན། །ཕཊ་དང་ལྡན་ན་འཕྲོ་བར་འགྱུར། །དྭངས་རླུང་མཉམ་པས་ཟིན་པར་འགྱུར། །བཟློག་པ་འདྲེན་པའི་ཧཱུྃ་གིས་ཤེས། །སྡུད་པའི་ཧཱུྃ་གིས་བསྡམས་གནས་པ། །ཐིག་ལེས་ལུས་ལ་ཁྱབ་པར་བྱེད། །དང་པོར་ས་བོན་འཇོག་པ་སྟེ། །གཉིས་པས་ནུས་པ་བསྐྱེད་པ་ཡིན། །གསུམ་པས་ཉམས་མྱོང་བསྐྱེད་པ་ཡིན། །བཞི་པས་དེ་ཉིད་བརྟན་པར་བྱེད། །ལྔ་པས་བརྟན་པས་ཉམས་བླངས་པས། །མཆོག་གི་དངོས་གྲུབ་ཚེ་འདིས་འགྲུབ། །རྡོ་རྗེ་སློབ་དཔོན་གནང་ཐོབ་པ། །ནུས་ལྡན་རབ་གནས་ཆོ་ག་བརྩམ། །དེ་ནས་སློབ་མ་ཚུལ་བཞིན་གཞུག །སྒོ་གསུམ་ཉེས་པ་ཀུན་བྲལ་བའི། །སྡོམ་པའི་དམ་ཚིག་ཕོག་བྱས་ལ། །དབང་བསྐུར་རིམ་པ་སྦྱིན་པར་བྱ། །དབང་གི་ཉམས་མྱོང་བརྟན་བྱའི་ཕྱིར། །གདམས་ངག་རྗེས་མཐུན་སྦྱིན་པར་བྱ། །གདམས་ངག་ཉམས་བརྟན་ལམ་རིམ་སྟེ། །ལམ་མཐར་ཕྱིན་པ་འབྲས་བུ་ཉིད། །དྲོད་མཐར་ཕྱིན་དང་ས་བརྒྱད་དང་། །གྲགས་ཆེན་སངས་རྒྱས་ས་དག་ལ། །རང་རིག་རྟགས་དང་ཐུགས་རྗེ་ཡིས། །འདྲེན་སྟོབས་མཁའ་འགྲོ་གསུམ་དུ་སྣང་། །མཁའ་དང་སྒྲ་དང་གཟུགས་ཅན་གྱི། །པདྨ་ཅན་ཞེས་གྲགས་པ་ཡི། །སྦྱོར་དང་གླུ་དབྱངས་སྣང་བ་དང་། །གཟུགས་ ― DNG011_Page_0246 ―
[མ་དཔེ་གཟིགས་ན་འདིར་གནོན།]
ཙམ་བརྟན་པས་གྲོལ་བར་འགྱུར། །དབང་བསྐུར་རྩ་བའི་དཀྱིལ་འཁོར་ནི། །མ་བཅོས་རྡོ་རྗེ་དབྱིངས་དཀྱིལ་འཁོར། །ཁྲོ་བོའི་དཀྱིལ་འཁོར་ཡན་ལག་སྟེ། །བསྒྲུབ་དང་གདུག་པ་གདུལ་ཕྱིར་ཡིན། །དང་ལ་རྩ་བའི་དབང་ཐོབ་ནས། །ཕྱི་མའི་དཀྱིལ་འཁོར་དབང་ཐོབ་བྱ། །གདུལ་བྱ་མོས་པའི་དབང་བརྩན་ལ། །ཐུན་མོང་ཙམ་དུ་ངེས་པ་མེད། །དང་པོ་གཉིས་པ་གསུམ་པ་དག །རྡོ་རྗེ་སེམས་དཔའི་དབང་བསྐུར་ཡིན། །བཞི་པ་དང་ནི་ལྔ་པ་ཉིད། །ཧེ་རུ་ཀ་ཡི་དཀྱིལ་འཁོར་རོ། །དུས་གསུམ་རྒྱལ་བས་བྱིན་བརླབས་པའི། །མ་ནོར་ལམ་སྟོན་སློབ་དཔོན་ལ། །མཉེས་དང་བཀུར་བར་མི་བྱེད་ཅིང་། །རང་རང་ནུས་ཤིང་འཇུག་པ་ལ། །དབང་བསྐུར་གནང་བ་མ་བྱིན་པར། །གསང་བ་བཤད་དང་ཉན་པ་དང་། །བསྒོམ་དང་བསྒྲུབ་པ་ལ་སོགས་པས། །བསྐལ་པ་བྱེ་བ་དཔག་མེད་དུ། །འབྲས་བུ་ཐོབ་པར་མི་འགྱུར་གྱི། །དམྱལ་བའི་གནས་སུ་སྐྱེ་བར་འགྱུར། །དེ་ནི་དམ་པ་ཀུན་བརྙས་པས། །ནད་དང་སྡུག་བསྔལ་མང་པོ་དང་། །མཁའ་འགྲོ་མ་དང་གདོན་གྱིས་འཚེ། །དེ་ནས་ངེས་པར་འཆི་བར་འགྱུར། །བྱིན་བརླབས་ལྡན་པའི་བླ་མ་ཡིས། །དད་བརྩོན་བརྟུལ་ཞུགས་རབ་ལྡན་པའི། །རིགས་ངེས་སྐྱེས་བུ་མཆོག་ཉིད་ལ། །ཐབས་ཀྱིས་དབང་བསྐུར་བྱིན་བརླབས་ན། །རྒྱལ་བ་དང་ནི་མཁའ་འགྲོ་དང་། །རིག་འཛིན་གྲུབ་པ་ཕོ་མོ་ཡིས། །ཚེ་འདིར་བསམ་པ་ཀུན་སྐོངས་ཤིང་། །བྱིན་བརླབས་དབང་དང་དངོས་གྲུབ་ཀྱི། །ཕུན་སུམ་ཚོགས་པའི་བདག་པོར་འགྱུར། །གང་གིས་གང་ལ་དབང་བསྐུར་བས། །ཐ་མལ་ཞེན་པ་དག་པ་དང་། །བདེ་ཆེན་ལམ་ལ་མངོན་ཞུགས་པས། །དངོས་གྲུབ་གང་ལ་ཐོགས་མེད་དེ། །ལས་རྣམས་གང་བརྩམས་འགྲུབ་པ་དང་། །འདོད་པའི་དོན་ལ་རོལ་པ་ཡིས། །ས་བཅུ་རིམ་པ་མཐར་ཕྱིན་ནས། །པདྨ་སྤྱན་གྱི་ས་ཐོབ་སྟེ། །ཡི་གེ་འཁོར་ལོ་ས་ལ་གནས། །སྐུ་གསུང་ཐུགས་དང་ཡོན་ཏན་ལས། །ཉི་ཤུ་རྩ་ལྔ་ལྷུན་གྲུབ་པ། །དབང་གི་འབྲས་བུ་རང་ལས་ཤར། །ཐབས་ཆེན་འདི་དང་གང་བྲལ་ན། །བསྐལ་པ་གང་གཱའི་བྱེ་སྙེད་དུ། །བརྩོན་པས་འབྲས་བུ་ ― DNG011_Page_0247 ―
[མ་དཔེ་གཟིགས་ན་འདིར་གནོན།]
ཚོལ་བྱེད་པ། །འདོད་པའི་འབྲས་བུ་སྟོངས་པར་འགྱུར། །གང་ཕྱིར་སློབ་དཔོན་སློབ་མ་དང་། །དཀྱིལ་འཁོར་རིམ་པ་ཇི་བཞིན་དུ། །ལས་དང་ཏིང་འཛིན་བྱིན་བརླབས་ཀྱིས། །འཇུག་པའི་ཆོ་ག་གསུམ་དུ་བཤད། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་གསང་ཆེན་པོ། །སྒྱུ་འཕྲུལ་དྲ་བའི་ལམ་ཆེན་པོ། །མ་ལུས་ཆོ་ག་རྒྱ་ཆེན་པོ། །དཔལ་ལྡན་རྡོ་རྗེ་མེ་ལོང་གི། །འཇུག་པའི་རིམ་པ་ཇི་བཞིན་དུ། །གསང་བ་ཀུན་ལ་ཤེས་པར་བྱ། །རྡོ་རྗེ་བླ་མ་དེ་ཉིད་ཀྱིས། །ཆ་བྱད་གུས་ལྡན་མཛེས་པ་ཡིས། །མེ་ཏོག་ལྡན་པས་འཁོར་ལོ་ཉིད། །མངོན་བྱས་སྐུ་གསུང་བསྐུལ་བ་ཡིས། །དམ་ཚིག་དྲན་ཏེ་དགོངས་པར་འགྱུར། །རྡོ་རྗེ་སེམས་དཔའི་དཀྱིལ་འཁོར་དུ། །གསལ་དང་རིག་པའི་སྟོབས་ཀྱིས་ནི། །རྡོ་རྗེ་སློབ་མ་བྱིན་བརླབ་ཕྱིར། །སློབ་དཔོན་དག་ཀྱང་འཇུག་པར་བྱ། །དེ་ནས་སློབ་མ་འཇུག་བྱ་སྟེ། །ཁྲུས་བྱས་དྲི་ཞིམ་གོས་བཟང་གྱོན། །དད་དང་གུས་ལྡན་རིན་ཆེན་བཅས། །གུས་བཅས་སྙན་པའི་ཚིག་གིས་ནི། །ལུས་དབུལ་དག་པའི་སེམས་ཀྱིས་གནས། །བདུད་རྩི་འཁྱིལ་པའི་སྦྱོར་བ་ཡིས། །བར་ཆད་སྦྱོར་བསལ་བསྲུང་བ་བྱ། །ཆོ་ག་གང་ཡིན་ལྷར་བསྐྱེད་ལ། །མཚན་མ་རྫོགས་པར་ནན་ཏན་བྱ། །རྒྱལ་བ་ཀུན་གྱི་དམ་ཚིག་ལྔ། །འབྲུ་གསུམ་སྐུ་གསུང་ཐུགས་ལྡན་སྦྱིན། །སྙིང་གར་རྡོ་རྗེ་བརྟན་བྱས་ལ། །དམ་ཚིག་ལེགས་པར་དབོག་པར་བྱ། །ཙནྡན་དཀར་དམར་བྱིན་བརླབས་ཆུ། །ལན་གསུམ་བླུད་ལ་སྣོད་དོར་རོ། །དེ་ནས་རང་གིས་དམ་བསྒྲགས་ཏེ། །གསང་བའི་དོན་ལ་ངེས་པར་བྱ། །རང་རང་འདྲེལ་བའི་ལྷ་ཉིད་ལ། །རིན་ཆེན་དོར་ཏེ་བརྟག་པར་བྱ། །སྔགས་དང་ཕྱག་རྒྱས་དེ་བཀུག་ལ། །བསྡིམ་ལ་དབྱེར་མེད་གནས་པ་ལ། །རྟག་ཏུ་བྱིན་བརླབས་གནས་པའི་ཕྱིར། །ལེགས་པར་བརྟན་པའི་ཆོ་ག་བྱ། །མི་ཤེས་རབ་རིབ་བསལ་བྱས་ལ། །འཁོར་ལོ་མངོན་པའི་ང་རྒྱལ་བྱ། །དེ་ནས་ལྷ་དང་དཀྱིལ་འཁོར་གྱི། །དག་པ་རིམ་གྱིས་བསྟན་པར་བྱ། །དེ་ནས་བླ་མ་སངས་རྒྱས་ལ། །མ་ལུས་ཅི་ཡོད་དབུལ་བར་བྱ། །བྱིན་བརླབས་ཆོ་ག་དག་པ་ཡི། །དཀྱིལ་འཁོར་མཆོད་དང་བསྒོམས་པ་དང་། །ཞུགས་པའི་ཡོན་ ― DNG011_Page_0248 ―
[མ་དཔེ་གཟིགས་ན་འདིར་གནོན།]
ཏན་བསམ་མི་ཁྱབ། །རྡོ་རྗེ་འཛིན་པ་ཉིད་དུ་འགྱུར། །དེས་ན་རིགས་སུ་ངེས་པ་ཡིས། །དང་པོར་འཇུག་པའི་རིམ་པ་བསྟན། །རྩ་བ་ཡན་ལག་ཀུན་ཐོབ་ནས། །རིམ་པ་བཞིན་དུ་དབང་བསྐུར་རོ། །དེ་ནས་བླ་མའི་བཀའ་མནོས་ལ། །འདོད་པའི་དངོས་གྲུབ་བསྒྲུབ་པར་བྱ། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ལས་དབང་བསྐུར་བ་མ་ལུས་པ་བཤད་པའི་ལེའུ་སྟེ་བདུན་པའོ།། །།དེ་ནས་གཞན་ཡང་བཤད་བྱ་བ། །རྡོ་རྗེ་དམ་ཚིག་བླ་ན་མེད། །སྡོམ་པ་བརྟན་པོ་དམ་བཅས་པ། །འདི་དག་ལེགས་པར་བཤད་པར་བྱ། །དུས་གསུམ་སངས་རྒྱས་ཐམས་ཅད་ཀྱིས། །འདས་དང་མ་བྱོན་དུས་གསུམ་དུ། །རྒྱལ་ཁྲིམས་ཐ་ཚིག་བཀས་བཅད་ལྟར། །རིམ་པས་དམོད་བོར་བཀས་བཅད་པའི། །བྱིན་བརླབས་རང་བཞིན་འདའ་དཀའ་བ། །ཀུན་གྱིས་བསྲུང་བྱ་ཡིན་པར་བཤད། །གང་ཕྱིར་དམ་པས་བྱིན་བརླབས་པའི། །དམ་ཚིག་ཆེན་པོ་འདི་ཉིད་ལ། །འདས་དང་ད་ལྟར་མ་བྱོན་པའི། །རྒྱལ་བ་སྲས་དང་བཅས་པ་དང་། །རིག་འཛིན་རྣམས་དང་མཁའ་འགྲོ་དང་། །ལྷ་རྣམས་དང་ནི་མི་རྣམས་དང་། །ཀླུ་དང་མི་མིན་འབྱུང་པོའི་ཚོགས། །རྫུ་འཕྲུལ་ལྡན་པའི་ལྷ་ཆེན་ཀྱང་། །དམ་པ་འདས་པས་འཚིག་པར་འགྱུར། །དམ་པ་ཉིད་ཀྱི་རང་བཞིན་འདི། །རྒྱལ་བ་ཀུན་གྱི་དགོངས་པ་ལ། །སྒྲ་བཞིན་སྤྱོད་པའི་གང་ཟག་རྣམས། །ལོག་པར་སྤྱད་པས་ཚིག་པར་འགྱུར། །དམ་པ་རྣམས་ཀྱིས་བཀས་བཅད་ཅིང་། །བྱིན་བརླབས་དམོད་བོར་རང་བཞིན་གྲུབ། །དམ་པ་འདི་ལས་གང་འདའ་བ། །རྡོ་རྗེ་ཅན་ཡང་ཚིག་པར་འགྱུར། །དམ་པ་རྣམས་ཀྱི་དགོངས་པ་ལ། །དབང་དང་བྱིན་བརླབས་ཐོབ་པ་ཡིས། །དམ་པའི་ཚུལ་བཞིན་ངེས་སྤྱད་ན། །མི་མཐུན་ཕྱོགས་རྣམས་འཚིག་པར་འགྱུར། །དེ་ཕྱིར་དུས་གསུམ་སངས་རྒྱས་ཀྱིས། །དམ་ཚིག་ཅེས་ནི་རྣམ་པར་བསྒྲགས། །བླ་ན་མེད་པའི་དམ་ཚིག་ནི། །མ་ལུས་རང་རིག་བྱང་ཆུབ་སེམས། །མཐའ་དབུས་འགྲོ་འོང་ལས་གྲོལ་བ། །གཞི་རྩ་མེད་པའི་སེམས་ཉིད་དེ། །གང་གིས་དོན་རྟོགས་གནས་གྱུར་པ། །དོན་དམ་བྱང་ཆུབ་སེམས་སུ་བརྗོད། །མ་སྐྱེས་བྱང་ཆུབ་སེམས་ཉིད་ནི། ། ― DNG011_Page_0249 ―
[མ་དཔེ་གཟིགས་ན་འདིར་གནོན།]
སྐྱེ་བའི་རང་བཞིན་ཉིད་སྣང་བ། །རང་ལུས་རྒྱལ་བའི་ཕྱག་རྒྱ་སྟེ། །མ་ལུས་དེར་སྣང་ངོ་བོ་གཅིག །རང་ལྟར་སྒོ་གསུམ་གསལ་རྟོགས་པ། །ཀུན་རྫོབ་བྱང་ཆུབ་སེམས་སུ་བཤད། །གསང་བ་བཤད་དང་དབང་བསྐུར་དང་། །མན་ངག་ལུང་དང་ཉམས་ཆགས་སྐོང་། །མཆོག་དང་ཐུན་མོང་ལ་སོགས་པ། །དངོས་གྲུབ་སྟེར་ཞིང་གྲོལ་བྱེད་པ། །འདི་ནི་སངས་རྒྱས་མཉམ་པའི་ཕྱིར། །སྐད་ཅིག་གདུང་བ་ཉམས་མི་བྱ། །རང་གི་ལྷ་དང་གཉིས་མེད་ནས། །ཕྱག་རྒྱ་བཞིར་གསལ་རྣལ་འབྱོར་པས། །རང་གི་སྒོ་གསུམ་མ་ཉམས་པར། །ཆུ་བོ་ལྟ་བུར་བར་ཆད་མེད། །སངས་རྒྱས་ཀུན་གྱི་གསང་བ་ནི། །ཐེག་ཆེན་གསང་བ་ཉིད་ཡིན་པས། །སྣོད་མེད་དམན་སོགས་ལོག་པ་ལ། །གསང་བཅུ་ལ་སོགས་བརྗོད་མི་བྱ། །དང་པོར་གསང་བར་སྲོག་གཅིག་པས། །བྱང་ཆུབ་སྙིང་པོར་མི་འབྲལ་བས། །རང་སྲོག་རང་གིས་གཅོད་ཀྱང་སླ། །བརྩེ་གདུང་དམ་ཚིག་བྲལ་མི་བྱ། །ལམ་དང་བསྒྲུབ་པའི་རྩ་བ་དང་། །དངོས་གྲུབ་ཀུན་གྱི་རྩ་བ་དང་། །འདི་དག་ཉམས་ན་ཀུན་ཉམས་པས། །རྩ་བ་ཞེས་སུ་བསྟན་པ་ཡིན། །ཡན་ལག་ཐུན་མོང་དམ་ཚིག་དང་། །ཐུན་མོང་མིན་པར་བཤད་པར་བྱ། །དང་པོར་གསང་བའི་ལུང་ཐོབ་ནས། །ནུས་པ་མངོན་དུ་སྣང་བར་དུ། །བདག་དང་གཞན་ཕྱིར་ཐུན་མོང་གི། །འགལ་དང་སྒྲོ་སྐུར་ཀུན་འདས་ཤིང་། །ཀུན་དང་བསམ་པ་དགའ་བྱེད་པ། །ཐུན་མོང་དམ་ལས་མི་འགལ་བ། །ཐུན་མོང་དམ་ཚིག་ཡིན་པར་བཤད། །ཐུན་མོང་མ་ཡིན་གང་ཟག་གིས། །ཐབས་ཆེན་ཐུན་མོང་མ་ཡིན་པ། །ཉོན་མོངས་ལྔ་དང་སྤྱོད་པ་ལྔ། །བདུད་རྩི་ལྔ་དང་ཤེས་པ་ལྔ། །གྲུབ་པ་ལྔ་ཡི་ཆོས་རྣམས་ཉིད། །སྐྱེས་བུ་རིགས་ཕྱེད་སྤྱོད་ཡུལ་ཏེ། །ཐུན་མོང་རྣལ་འབྱོར་ཡུལ་མིན་པས། །ཐུན་མོང་མ་ཡིན་ཞེས་སུ་བཤད། །དང་པོ་ནས་བཟུང་རྟགས་ཐོབ་བར། །རྩ་བ་ཡན་ལག་བཅས་པ་ཡི། །ལུས་སེམས་མ་ཡེངས་རྩེ་གཅིག་པས། །རྣམ་པ་དང་བཅས་དང་དུ་བླང་། །ས་ཐོབ་གོམས་དང་མཐར་ཕྱིན་པར། །ཏིང་འཛིན་དོན་ལ་གནས་པའི་ཚེ། །འགལ་བའི་ ― DNG011_Page_0250 ―
[མ་དཔེ་གཟིགས་ན་འདིར་གནོན།]
སྒོ་གསུམ་མི་འབྱུང་བས། །ཏིང་འཛིན་རྒྱུན་གྱི་དམ་ཚིག་ལ། །རྣམ་པའི་དམ་ཚིག་མ་ལུས་འདུས། །དོན་ལས་ལངས་ཚེ་སྙིང་རྗེ་དང་། །རྩ་བ་ཡན་ལག་ཤུགས་ལྡན་ཡིན། །སངས་རྒྱས་ས་ལ་གནས་པ་ན། །འདའ་བ་མེད་པའི་དམ་ཚིག་སྟེ། །རྒྱ་མཚོ་རླན་བཞིན་ཐོབ་སྤངས་མེད། །བསྲུང་མེད་ཡེ་ཤེས་དམ་ཚིག་སྟེ། །དམ་ཚིག་འདི་ནི་རྨད་པོ་ཆེ། །བསྙེན་པ་རྟགས་དང་ལྡན་བར་དུ། །སྤྱི་ཡི་དམ་ཚིག་བསྲུང་བྱ་ཞིང་། །བསྒྲུབ་པ་གང་ཡིན་འགྲུབ་པ་ན། །ཁྱད་པར་རང་རང་རྟོག་པ་ཡི། །དམ་ཚིག་མེད་པར་འགྲུབ་མི་འགྱུར། །གང་ཟག་གང་ལ་དགའ་བ་ལ། །དམ་ཚིག་དཀའ་ཐུབ་སྒོ་ནས་ནི། །གསང་བའི་དོན་ལ་དགོད་བྱའི་ཕྱིར། །དམ་ཚིག་རྣམ་པ་མཐའ་ཡས་བསྟན། །དང་པོ་ལས་ཅན་རྣལ་འབྱོར་ལ། །རྩ་བ་ཐུན་མོང་དམ་ཚིག་བསྟན། །བརྟན་ནས་ཉམས་ལྡན་གང་ཟག་ལ། །ཐུན་མོང་མིན་པའི་དམ་ཚིག་བསྟན། །རྟོགས་པའི་འཇིགས་མེད་གང་ཟག་ལ། །འདའ་ཉམས་མེད་པའི་དམ་ཚིག་བསྟན། །ས་ཐོབ་གོམས་མཐར་ཕྱིན་པ་ལ། །ཏིང་འཛིན་རྒྱུན་གྱི་དམ་ཚིག་བསྟན། །དངོས་གྲུབ་རྟོགས་པ་ཀུན་དང་འདྲེལ། །དམ་ཚིག་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་བརླབས་པའི། །རྩ་བ་ཡན་ལག་བཅས་པ་འདི། །ཐོབ་ནས་དམ་པར་གང་བསྲུངས་པ། །ཡོན་ཏན་ཆུང་ཡང་འགྲུབ་པར་བཤད། །མཆོག་དང་ཐུན་མོང་ལ་སོགས་པ། །དངོས་གྲུབ་རྟོག་པ་མ་ལུས་པ། །ཆོ་ག་གང་དང་ཏིང་འཛིན་གང་། །བསྒྲུབ་པ་གང་དང་གང་ཡང་རུང་། །མ་ཉམས་ཚུལ་དུ་རབ་བརྩོན་པས། །མྱུར་དུ་འགྲུབ་པ་ཉིད་དུ་འགྱུར། །གལ་ཏེ་བྱིན་གྱིས་མ་བརླབས་ན། །རྡོ་རྗེ་འཆང་ཉིད་བརླག་པར་འགྱུར། །རྒྱལ་བ་ཀུན་གྱི་ཡོན་ཏན་ཉིད། །དམ་ཚིག་རྡོ་རྗེ་ལས་བྱུང་བས། །དམ་པ་འདི་ལ་གང་བརྟེན་པས། །ཡིད་བཞིན་ནོར་བུ་ལྟ་བུར་གྱུར། །དུས་གསུམ་རྒྱལ་བ་ཐམས་ཅད་ཀྱི། །སྐུ་གསུང་ཐུགས་དང་ཡན་ལག་གི། །བསྲུང་བྱ་དཀའ་ཐུབ་དམ་པ་འདི། །ཀུན་གྱིས་འདའ་བ་མ་ཡིན་ཞིང་། །གནས་པ་དམ་པ་ཉིད་ཡིན་ཏེ། །ལས་དང་སྐལ་བ་དམན་པ་དང་། །རིགས་དམན་ལེ་ལོ་ཆེ་བ་དང་། ། ― DNG011_Page_0251 ―
[མ་དཔེ་གཟིགས་ན་འདིར་གནོན།]
རང་བཞིན་ངན་པའི་གང་ཟག་གིས། །བླུན་པོ་གང་ཞིག་འདའ་བྱེད་ཅིང་། །དངོས་གྲུབ་གཉིས་ལ་རྒྱབ་ཕྱོགས་ནས། །དམ་པ་རྣམས་ལ་དམོད་བྱེད་པ། །སངས་རྒྱས་ཀུན་ལ་ཉེས་བྱས་པས། །རྡོ་རྗེ་འཛིན་རྒྱལ་ཁྲོས་ནས་ནི། །བདུན་རྒྱུད་ཚུན་ཆད་བརླག་པར་མཛད། །མཁའ་འགྲོ་མ་དང་རིག་འཛིན་དང་། །ཁ་འབར་གཏུམ་འཁྲུག་རྔམ་པའི་ཚོགས། །དེ་མ་ཐག་ཏུ་སྲོག་བཅད་ནས། །དམྱལ་བའི་གནས་སུ་སྐྱེ་བར་འགྱུར། །གལ་ཏེ་འཇིག་པར་གྱུར་ན་ནི། །འཇིག་རྟེན་གཞན་དུ་སྐྱེ་འགྱུར་ཞིང་། །ཇི་སྲིད་ནམ་མཁའ་འཇིག་པ་འམ། །ཕྱི་ཡི་རྒྱ་མཚོ་ཟད་པའི་ཚེ། །ཐར་ཏེ་གཞན་དུ་ནམ་ཡང་མིན། །དམ་པའི་བླ་མ་སྤོང་བ་དང་། །རྡོ་རྗེ་མཆེད་ལ་འཁུ་བ་དང་། །བྱང་ཆུབ་སེམས་ཉིད་མི་དྲན་ཞིང་། །སྔགས་དང་ཕྱག་རྒྱ་ཡལ་བ་དང་། །སྣོད་མིན་གསང་བ་བཤད་པ་དང་། །གསང་བའི་དོན་ལ་སྐུར་པ་ནི། །འདིར་ཡང་སྡུག་བསྔལ་མྱོང་འགྱུར་ཞིང་། །སྐད་ཅིག་འགགས་པས་དེ་མ་ཐག །བར་མའི་ལུས་དང་བྲལ་གྱུར་པའི། །རྡོ་རྗེ་དམྱལ་བར་སྐྱེ་བར་འགྱུར། །གང་དུ་རྩ་བ་ཡན་ལག་བཅས། །བསྲུང་དང་དབོག་པར་བྱ་བའི་ཆོས། །ཐུན་མོང་དབང་དང་འདྲེལ་བཅས་པའི། །ཐུན་མོང་སྤྱི་ཡི་ཡུལ་གྱུར་པ། །དེ་ནི་ཐུན་མོང་བསྲུང་བྱ་སྟེ། །འདི་ནི་ཕྱི་ཡི་དམ་ཚིག་གོ། །ཐབས་དང་ཤེས་རབ་སྦྱར་བའི་སེམས། །ཐིག་ལེའི་སེམས་ལྔའི་ལམ་གྱི་རིམ། །རིག་པ་མ་ལུས་གསལ་བའི་ཚེ། །ཐིག་ལེ་གཉིས་མེད་ཉམས་སུ་བྱུང་། །བདེ་བའི་ཐིག་ལེའི་བཅུད་བསྒྱུར་བས། །ཚོགས་དྲུག་རང་སྣང་ཐིག་ལེའི་གྲོགས། །མ་ལུས་ཐིག་ལེས་བྱིན་བརླབས་པས། །ཐམས་ཅད་བདེ་ཆེན་ཕྱག་རྒྱར་གསལ། །ཐིག་ལེ་རིག་པ་ཁར་དབྱུང་མིན། །འཁོར་ལོ་ཁ་སྦྱོར་བདེ་བ་ཡིས། །ཐ་མལ་བདེ་བར་དབང་པོར་བསྒྱུར། །རྒྱལ་བའི་དགོངས་སྤྱོད་ཐབས་ཀྱིས་མྱོང་། །ཐ་མལ་ཞེན་པ་རྣམ་པར་བཟློག །ཐབས་ལྡན་དོན་ལ་གསང་བའི་དོན། །རང་སྙིང་འོད་ཀྱི་དཀྱིལ་འཁོར་ལྔ། །འཆར་དང་ནུབ་པའི་རིམ་པ་ཡིས། །ཐབས་ཆེན་གསང་བའི་ཐིག་ལེ་ལྟར། །ཤེས་ནས་སྤང་དུ་མེད་པར་གནས། །རང་འབྱུང་གནས་པའི་བཅུད་ལྔ་ ― DNG011_Page_0252 ―
[མ་དཔེ་གཟིགས་ན་འདིར་གནོན།]
ནི། །རང་ལུས་རྟེན་གྱི་དོན་སྣང་བ། །ཁྱབ་པར་རྒྱུ་བའི་ཚུལ་དག་གིས། །དྭངས་སྙིགས་གཉིས་ཀྱི་ཚུལ་དུ་གནས། །རང་ལུས་རྟོག་པ་དྭངས་སྙིགས་དང་། །ཁ་དོག་ཡན་ལག་ཉིང་ལག་གིས། །བདེ་བའི་ཡེ་ཤེས་ལྔར་ཤེས་དང་། །བདེ་བ་ཆེན་པོ་ཉིད་དུ་གསུངས། །ཁམས་ལྔ་བཅུད་ལས་སྐྱེས་པ་ཡི། །མ་ལུས་ཐིག་ལེའི་རང་བཞིན་ཏེ། །ཡེ་ཤེས་ལྔ་ཡི་རོ་ལྡན་པས། །རྒྱལ་བ་ལྔ་རུ་ཡང་དག་གསུངས། །ཐབས་དང་ཤེས་རབ་རྡོ་རྗེ་དྲིལ། །ཉི་ཟླའི་རིམ་པའི་འོད་གསལ་བ། །སེམས་ལྔས་མཁའ་ལ་གསལ་བའི་ཚེ། །རྟེན་ཅན་རྟེན་དང་གཉིས་མེད་པ། །ལྷན་ཅིག་སྐྱེས་པའི་ཡེ་ཤེས་སྣང་། །མ་ཟིན་རྡོ་རྗེ་ལྕེ་ཡིས་བླང་། །གཉིས་ཀྱི་རྟོག་པ་མ་ལུས་པ། །བདེ་ཆེན་རོ་གཅིག་བྱིན་གྱིས་བརླབས། །སྐད་ཅིག་བྲལ་མེད་བདེ་བའི་སེམས། །དུས་གསུམ་མི་འབྲལ་བརྟན་པར་གནས། །རླུང་དང་ཐིག་ལེའི་བཟླས་པ་ཡིས། །ཐམས་ཅད་བདེ་ཆེན་ཕྱག་རྒྱར་གསལ། །བདེ་ཆེན་ཐབས་དང་ཉམས་ཀྱིས་ཏེ། །བརྗོད་དང་ཚིག་གིས་ཕེབས་པ་མིན། །གཉིས་སྦྱོར་ཕྲད་པའི་བདེ་བ་ཡིས། །ཐ་མལ་ཟད་དང་བདེ་ཆེན་སྦྱོར། །གང་གིས་སྦྱིན་པར་མི་ནུས་པ། །ད་ལྟར་ནུས་པ་རང་གིས་མྱོང་། །གཞན་གྱི་བརྫུན་པའི་དོན་འདི་ནི། །ཐབས་ཀྱིས་བདེན་པར་མངོན་དུ་བསྟན། །ཐ་མལ་ཞེན་པ་སྤང་བའི་ཕྱིར། །ཁ་ན་མ་ཐོ་བག་ཚ་བྲལ། །སྐྱེས་དང་ནུས་དང་གནས་པའི་ཚེ། །རང་བཞིན་ལྔ་ནི་ཤུགས་ཀྱིས་གྲུབ། །རང་གི་རྩ་བཅུད་སོ་སོ་ལས། །བདུད་རྩི་བྲལ་བ་མེད་པར་གནས། །འབྱུང་ལྔ་དབང་པོ་གཟུགས་སོགས་བཅས། །ཐབས་ལྡན་སྦྱོར་བའི་བྱིན་བརླབས་ཀྱིས། །བདེ་ཆེན་ལྷན་ཅིག་སྐྱེས་པར་ཤེས། །ཉི་ཟླ་རླུང་གིས་ཟིན་པ་ཡི། །མཚན་མ་བྲལ་བ་ངོ་བོ་ལས། །ཞེན་པ་མེད་པའི་ཐབས་ཆེན་པོས། །ལྷན་ཅིག་སྐྱེས་པའི་རང་བཞིན་ལས། །ཡེ་ཤེས་ལྔ་ཡི་རོས་གང་བས། །མ་ལུས་རྒྱལ་བ་ལྔ་རུ་གྲུབ། །འདི་ནི་ཕྱི་ནང་གསང་བ་ཡི། །རང་བཞིན་དམ་ཚིག་ཆེན་པོ་ཡིན། །དམ་ཚིག་རྣམ་པ་མཐའ་ཡས་པ། །ཤིན་ཏུ་བསྡུས་པ་རྣམ་པ་གཉིས། ། ― DNG011_Page_0253 ―
[མ་དཔེ་གཟིགས་ན་འདིར་གནོན།]
འབྲིང་དུ་རྩ་བ་ལྔ་ཉིད་དང་། །ཡན་ལག་བཅུ་རུ་ཤེས་པར་བྱ། །ཤིན་ཏུ་རྒྱས་པའི་དམ་ཚིག་ནི། །སྤྱིར་ནི་སུམ་བརྒྱ་དྲུག་ཅུ་སྟེ། །རང་བཞིན་འོད་གསལ་བ་ཉིད་དང་། །ཉིད་ཀྱི་དཀྱིལ་འཁོར་སྣང་བ་དང་། །དུས་བཞི་རྒྱལ་མཆོག་ཉིད་དང་ནི། །བསྒྲུབ་མེད་མཉམ་པར་རྫོགས་པ་ཉིད། །ལྷུན་གྲུབ་བདེ་གནས་དམ་ཚིག་དང་། །རྣམ་དག་བྱང་ཆུབ་གཟུང་འཛིན་བྲལ། །རྟོགས་ནས་དོན་འཛིན་དམ་ཚིག་དང་། །སེམས་ལ་གནས་བཅས་དམ་ཚིག་དང་། །ཡེ་ནས་མ་བཅོས་དམ་ཚིག་དང་། །འདུས་བྱས་རྣམ་དག་དམ་ཚིག་དང་། །ཆོས་རྣམས་དབྱེར་མེད་དམ་ཚིག་དང་། །ཐམས་ཅད་འཇིགས་མེད་དམ་ཚིག་དང་། །གཡུང་དྲུང་ཚེ་འཕེལ་དམ་ཚིག་དང་། །ཐམས་ཅད་བསྲུང་དུ་མེད་པ་སྟེ། །འདི་དག་ལྟ་བའི་དམ་ཚིག་ཡིན། །ཐམས་ཅད་སྦྱོར་བའི་དམ་ཚིག་དང་། །མ་ལུས་བསྒྲལ་བའི་དམ་ཚིག་དང་། །མ་བྱིན་ལེན་པའི་དམ་ཚིག་དང་། །བརྫུན་དུ་སྨྲ་བའི་དམ་ཚིག་དང་། །ཐམས་ཅད་སྤྱོད་པའི་དམ་ཚིག་དང་། །དམ་རྫས་སྤྱོད་པའི་དམ་ཚིག་སྟེ། །འདི་དག་སྤྱོད་པའི་དམ་ཚིག་ཡིན། །བསྒྲུབ་པའི་དམ་ཚིག་རྣམ་གསུམ་ནི། །རྡོ་རྗེ་སྐྱེ་གནས་དམ་ཚིག་དང་། །འདྲེན་བྱེད་གནས་སྟོབས་དམ་ཚིག་དང་། །ལམ་ལ་སྟོན་བྱེད་དམ་ཚིག་དང་། །རབ་ཏུ་རྟོགས་བྱེད་དམ་ཚིག་དང་། །སྒྱུར་བྱེད་བྱང་ཆུབ་དམ་ཚིག་དང་། །ཐམས་ཅད་དབང་སྒྱུར་དམ་ཚིག་དང་། །རིག་འཛིན་གནས་སྟོབས་དམ་ཚིག་སྟེ། །བསྒྲུབ་བྱ་རྟོགས་པའི་དམ་ཚིག་ཡིན། །ཡུམ་གྱུར་དབྱིངས་ཕྱུག་དམ་ཚིག་དང་། །ཐབས་ཉིད་ཤེས་རབ་སྦྱོར་དམ་ཚིག །ཤེས་རབ་ཐབས་སུ་སྦྱོར་དེ་བཞིན། །གླང་པོ་བརྗིད་གནོན་དམ་ཚིག་དང་། །ཐམས་ཅད་མི་ཆུད་དམ་ཚིག་དང་། །ཐམས་ཅད་བསྲུང་བའི་དམ་ཚིག་དང་། །ཏིང་འཛིན་ཕྱག་རྒྱའི་དམ་ཚིག་སྟེ། །བསྒྲུབ་པ་ཐབས་ཀྱི་དམ་ཚིག་ཡིན། །ཚོགས་ཀྱི་མཆོད་པའི་དམ་ཚིག་དང་། །ཚོགས་ཀྱི་དཀྱིལ་འཁོར་དམ་ཚིག་དང་། །ཚོགས་ཀྱི་ཕྲིན་ལས་དམ་ཚིག་དང་། །ཕྲ་མེན་ཚིམ་བྱེད་དམ་ཚིག་སྟེ། །བསྒྲུབ་པའི་ཕྲིན་ལས་དམ་ཚིག་ཡིན། །ཡང་དག་དོན་སྟོན་དམ་ཚིག་དང་། ། ― DNG011_Page_0254 ―
[མ་དཔེ་གཟིགས་ན་འདིར་གནོན།]
གསུང་མཆོག་མཐའ་ཡས་དམ་ཚིག་དང་། །ཐམས་ཅད་སྐད་མཇལ་དམ་ཚིག་དང་། །ཡི་གེ་མེད་མཇལ་དམ་ཚིག་དང་། །སྟོང་གསུམ་ཀུན་གྲགས་དམ་ཚིག་དང་། །ཡེ་ཤེས་གསུང་མཆོག་དམ་ཚིག་དང་། །བསམ་ཡས་རྡོ་རྗེ་གསུང་དམ་ཚིག །མི་འགྱུར་རྡོ་རྗེའི་དམ་ཚིག་སྟེ། །བདག་གིས་ཤེས་བྱའི་དམ་ཚིག་ཡིན། །ཤེས་བྱ་ཏིང་འཛིན་དམ་ཚིག་བཞི། །ནམ་མཁའ་སྣང་བྱེད་དམ་ཚིག་དང་། །རྟེན་བྱེད་ས་ཡི་དམ་ཚིག་དང་། །སྲེག་བྱེད་མེ་ཡི་དམ་ཚིག་དང་། །འཁྲུག་བྱེད་ཆུ་ཡི་དམ་ཚིག་དང་། །གཡེངས་བྱེད་ཆེན་པོའི་དམ་ཚིག་སྟེ། །ཤེས་རབ་ལྔ་ཡི་དམ་ཚིག་དང་། །ཕུང་པོ་ལྔ་ཡི་དམ་ཚིག་ནི། །ཐབས་མཆོག་ལྔ་ཡི་དམ་ཚིག་ཡིན། །ཆོས་རྣམས་གཟུགས་བརྙན་དམ་ཚིག་དང་། །སྒྲ་ལྟར་ཤེས་པའི་དམ་ཚིག་དང་། །དྲི་ལྟར་ཤེས་པའི་དམ་ཚིག་དང་། །རོ་ལྟར་ཤེས་པའི་དམ་ཚིག་དང་། །རེག་ལྟར་ཤེས་པའི་དམ་ཚིག་ནི། །གཉིས་སུ་མེད་པའི་དམ་ཚིག་ཡིན། །ཁ་དོག་ལྔ་ཡི་དམ་ཚིག་དང་། །ཕྱོགས་ལྔ་ཡི་ནི་དམ་ཚིག་དང་། །དབང་ལྔ་ཡི་ནི་དམ་ཚིག་སྟེ། །གསུམ་པོ་སྤྱིར་ཁྱབ་དམ་ཚིག་ཡིན། །བདེ་བའི་ངང་ཉིད་དམ་ཚིག་དང་། །ལྷུན་གྲུབ་ཡེ་ཤེས་དམ་ཚིག་དང་། །མི་འཇིགས་རྒྱལ་མཆོག་དམ་ཚིག་དང་། །མཉམ་རྫོགས་ལྷུན་གྲུབ་དམ་ཚིག་དང་། །ཕྱོགས་དུས་དབྱེར་མེད་དམ་ཚིག་དང་། །ཉིད་ཀྱི་དཀྱིལ་འཁོར་དམ་ཚིག་དང་། །ཆོས་ལ་སྐྱོན་མེད་དམ་ཚིག་དང་། །བརྗོད་མེད་སྤྲོས་མེད་དམ་ཚིག་དང་། །ཕྱོགས་དུས་གཉིས་མེད་དམ་ཚིག་དང་། །གཉིས་མེད་བྱང་ཆུབ་སེམས་དམ་ཚིག །འདུས་མ་བྱས་པའི་དམ་ཚིག་དང་། །ཐམས་ཅད་རྒྱས་འདེབས་དམ་ཚིག་དང་། །ཐམས་ཅད་མི་འགོག་དམ་ཚིག་སྟེ། །ངོ་བོ་ཏིང་འཛིན་དམ་ཚིག་ཡིན། །གྲུབ་པར་བྱ་བ་ལྔ་བསྟན་པ། །ཆོས་ཀྱི་འཁོར་ལོའི་དམ་ཚིག་དང་། །རིན་ཆེན་འབྱུང་བའི་དམ་ཚིག་དང་། །པདྨ་ཆགས་མེད་དམ་ཚིག་དང་། །དོན་རྣམས་གྲུབ་པའི་དམ་ཚིག་དང་། །འཇིགས་བྱེད་རྡོ་རྗེ་དམ་ཚིག་དང་། །དེ་བཞིན་སྐུ་ཉིད་དམ་ཚིག་དང་། །ཐམས་ཅད་འབྱོར་ལྡན་དམ་ཚིག་སྟེ། །སྐུ་ཡི་དམ་ཚིག་བདུན་དུ་ ― DNG011_Page_0255 ―
[མ་དཔེ་གཟིགས་ན་འདིར་གནོན།]
བཤད། །ཡང་དག་དོན་སྟོན་ལ་སོགས་པ། །གསུང་གི་དམ་ཚིག་བརྒྱད་པོ་ཉིད། །རང་ལ་རྫོགས་པར་ཤེས་བྱ་སྟེ། །འབྲས་བུའི་བསྲུང་བས་བསྒྲུབ་བྱ་ཡིན། །རང་རིག་དབང་སྒྱུར་དམ་ཚིག་དང་། །ཆེ་མཆོག་རྣམ་དག་དམ་ཚིག་དང་། །རང་བཞིན་འོད་གསལ་དམ་ཚིག་དང་། །བྱང་ཆུབ་སྡོམ་བྱེད་དམ་ཚིག་དང་། །ཐམས་ཅད་དབང་སྒྱུར་དམ་ཚིག་དྲུག །ཐུགས་ཀྱི་དམ་ཚིག་ཉིད་དུ་བཤད། །བྱང་ཆུབ་ཞིང་བཀོད་དམ་ཚིག་དང་། །ཡེ་ཤེས་བཞུགས་གནས་དམ་ཚིག་དང་། །གཞལ་ཡས་ཁང་བསྟན་དམ་ཚིག་དང་། །སྣ་ཚོགས་ཀུན་སྒྱུར་དམ་ཚིག་དང་། །ཟད་མེད་གཏེར་ལྡན་དམ་ཚིག་དང་། །བསྒྲུབ་པ་ཟད་མེད་དམ་ཚིག་དང་། །ཟད་མེད་གཏེར་ཆེན་དམ་ཚིག་ནི། །ཡོན་ཏན་དམ་ཚིག་བདུན་དུ་བཤད། །ཐམས་ཅད་བྱིན་རློབ་དམ་ཚིག་དང་། །བདུད་སྡེ་ཚར་གཅོད་དམ་ཚིག་དང་། །སེམས་ཅན་དོན་བྱེད་དམ་ཚིག་ནི། །ཕྲིན་ལས་དམ་ཚིག་གསུམ་དུ་བཤད། །སྤོང་བ་རྡོ་རྗེ་དམ་ཚིག་དང་། །ཆགས་པའི་ཡེ་ཤེས་དམ་ཚིག་དང་། །གཏི་མུག་ཆེན་པོའི་དམ་ཚིག་དང་། །ཕྲག་དོག་ཆེན་པོའི་དམ་ཚིག་དང་། །ང་རྒྱལ་བདེ་མཆོག་དམ་ཚིག་དང་། །ཉོན་མོངས་ལྔ་ཡི་དམ་ཚིག་སྟེ། །མི་སྤོང་བ་ཡི་དམ་ཚིག་ཡིན། །གཏན་དུ་མ་ཡེངས་བསྲུང་བ་ནི། །མཉམ་པ་ལྔ་ཡི་དམ་ཚིག་དང་། །བདེན་པ་དབྱེར་མེད་དམ་ཚིག་དང་། །སྐུ་གསུང་ཐུགས་སྦྱོར་དམ་ཚིག་དང་། །ལམ་ལྔ་རྫོགས་པའི་དམ་ཚིག་དང་། །ཐམས་ཅད་བདེ་སྦྱོར་དམ་ཚིག་དང་། །རྡོ་རྗེ་ལོག་འཇོམས་དམ་ཚིག་དང་། །འཁོར་བ་ཟིལ་གནོན་དམ་ཚིག་དང་། །མ་བཅོས་ལྷུན་གྲུབ་དམ་ཚིག་དང་། །ཐིག་ལེ་བདེ་སྦྱོར་དམ་ཚིག་ནི། །ལྟ་བ་རྒྱུན་བསྲུང་དམ་ཚིག་ཡིན། །ཏིང་འཛིན་རྒྱུན་བསྒོམ་དམ་ཚིག་དང་། །བཅིང་བ་ཕྱག་རྒྱའི་དམ་ཚིག་དང་། །བཟླས་པ་སྒྲ་སྙན་དམ་ཚིག་དང་། །སྒོ་གསུམ་མཉམ་པའི་དམ་ཚིག་དང་། །ཤེས་རབ་བདེ་སྦྱོར་དམ་ཚིག་ནི། །ཏིང་འཛིན་རྒྱུན་གྱི་དམ་ཚིག་ཡིན། །ཐ་སྙད་ཟིལ་གནོན་དམ་ཚིག་དང་། །སྤྱོད་ལམ་བདེ་འབྱོར་དམ་ཚིག་དང་། །རིག་པ་ཐོད་རྒལ་དམ་ཚིག་དང་། །མ་བཅོས་གནས་ ― DNG011_Page_0256 ―
[མ་དཔེ་གཟིགས་ན་འདིར་གནོན།]
དག་དམ་ཚིག་དང་། །རང་འབྱུང་གནས་བྲལ་དམ་ཚིག་སྟེ། །ཅིག་ཅར་གནས་པའི་བསྲུང་ཐབས་ཡིན། །ཐམས་ཅད་སྐྱེད་བྱེད་དམ་ཚིག་དང་། །རྒྱུད་དྲུག་སྦྱོར་བྱེད་དམ་ཚིག་དང་། །རྟོགས་པས་ཚིམ་བྱེད་དམ་ཚིག་དང་། །ཁྱབ་པ་ནམ་མཁའི་དམ་ཚིག་དང་། །གཞན་དོན་ཤུགས་གྲུབ་དམ་ཚིག་ནི། །དམ་ཚིག་ཆེ་བ་བསྟན་པ་ཡིན། །དམྱལ་ཆེན་དམྱལ་བ་ཕལ་པ་དང་། །ཡི་དྭགས་བྱོལ་སོང་སྲིན་པོ་དང་། །གནོད་སྦྱིན་མངལ་སྲིན་ཁ་འབར་ལྕེ། །ལྷ་དང་ལྷ་མིན་རུ་དྲ་དང་། །རྩངས་པ་ལ་སོགས་འཁོར་བ་སྟེ། །ཆད་པའི་སྐྱེ་གནས་བསྟན་པ་ཡིན། །བསྲུང་བའི་དམ་ཚིག་ཆེན་པོ་ཡིན། །གལ་ཏེ་སྟོང་པའི་དོན་རྟོགས་ན། །བསྐང་དང་ཉམས་པའི་ཚུལ་མེད་དེ། །ཆད་པའི་ཡུལ་ལས་འདས་པ་ཡིན། །གང་ཟག་འགའ་ཞིག་སྤྱོད་ཡུལ་ཡིན། །གལ་ཏེ་རྩ་བའི་དམ་ཉམས་ན། །བླ་མ་གྲོགས་པོ་བརྒྱ་དག་ལ། །བཤགས་པ་སྟོང་ཕྲག་བརྒྱ་རུ་བྱ། །བཟླས་པ་བྱེ་བ་ཕྲག་བདུན་བྱ། །གཏོར་མ་འབུམ་ཕྲག་བདུན་དུ་བྱ། །སྦྱིན་སྲེག་འབུམ་ཕྲག་བཅུ་གཅིག་བྱ། །དེ་ནས་སླར་ཡང་བླང་བ་འམ། །བླ་མས་གནང་ནས་གནས་པར་བྱ། །གལ་ཏེ་ཡུལ་དེ་མི་གནས་སམ། །ལོ་གསུམ་ཕན་ཆད་འདས་པ་འམ། །གལ་ཏེ་བཤགས་པའི་ཚུལ་མཐོང་བས། །མ་དད་འདོད་པའི་སེམས་སྐྱེས་ནས། །བསྐང་བའི་ཚད་ལས་འདས་པ་སྟེ། །བསྐལ་པ་ཆེན་པོ་བརྒྱད་ཁྲིའི་བར། །བཤགས་ཀྱང་དག་པར་མི་འགྱུར་ཏེ། །རྡོ་རྗེ་དམྱལ་བ་ཞེས་བྱ་བར། །མི་བཟད་སྡུག་བསྔལ་མྱོང་ནས་ནི། །ཇི་སྲིད་ནམ་མཁའ་གནས་པའི་བར། །མཚོན་ཆའི་འཁོར་ལོ་བཞིན་དུ་འཁོར། །ཡན་ལག་དམ་ཚིག་ཉམས་གྱུར་ན། །ཟླ་བ་བདུན་དུ་སྨྲ་བཅད་བྱ། །སྦྱིན་སྲེག་སྟོང་རྩ་བརྒྱད་དུ་བྱ། །བཟླས་པ་བྱེ་བ་ཚད་འབུམ་གཅིག །གཏོར་མ་ཁྲི་ཕྲག་གཅིག་ཏུ་བཏང་། །དེ་ནས་སླར་ཡང་བླང་བ་དང་། །དག་དང་ཚངས་པར་བསྒྲགས་པར་བྱ། །དག་པའི་སྣོད་དང་མི་ལྡན་པར། །གསང་བ་སྟོན་ཅིང་འཆད་པ་དང་། །དབང་མ་ཐོབ་པར་བཀའ་འགོམ་དང་། །བདེར་གཤེགས་བཀའ་ལས་འདས་པ་དང་། །ཚད་དང་ལྡན་པའི་སྣོད་མིན་ལ། །གསང་ ― DNG011_Page_0257 ―
[མ་དཔེ་གཟིགས་ན་འདིར་གནོན།]
བ་ཚད་དུ་སྒྲོགས་པ་དང་། །གསང་བ་ཉམས་སུ་མི་ལེན་པར། །འཕྱར་བས་ཀུན་ལ་སྤེལ་བ་ནི། །ཚད་ལས་འདས་པའི་གང་ཟག་སྟེ། །སངས་རྒྱས་ཀུན་ལ་བརྙས་བྱེད་པས། །དུས་གསུམ་སངས་རྒྱས་ཁྲོས་པ་ཡིས། །བདུན་རྒྱུད་ཚུན་ཆད་བརླག་པར་མཛད། །བླ་མ་དང་ནི་གྲོགས་རྣམས་དང་། །ཕ་མ་གཉེན་བཤེས་རྒྱལ་བློན་དང་། །རྒྱལ་འབངས་ཉེས་མེད་སྡང་བ་ནི། །དམ་ཚིག་ཉམས་པའི་རྟགས་སུ་བཤད། །ཟབ་མོ་དག་ལ་གེགས་འབྱུང་དང་། །བསྒྲུབས་པས་འདོད་པ་མི་འབྱུང་ཞིང་། །བསྲུང་བའི་ལྷ་རྣམས་གཡེལ་བ་དང་། །མ་ཉེས་ཡ་ཁ་འབྱུང་བ་དག །དམ་ཚིག་ཉམས་པའི་རྟགས་སུ་བཤད། །དང་པོར་བླ་མའི་ལུང་ཐོབ་ནས། །རང་གིས་ཉམས་པ་མ་ཚོར་ཞིང་། །བདེ་ལེགས་བསམ་པ་འགྲུབ་འགྱུར་ཞིང་། །བདག་གཞན་བསམ་པའི་ཁྱད་པར་དག །སྔོན་དུ་ཡིད་བཞིན་ནོར་བུ་བཞིན། །འགྲུབ་ཅིང་བསྔགས་པས་ཐོབ་པ་ནི། །མ་ཉམས་དོན་དང་ལྡན་པའི་རྟགས། །རྣལ་འབྱོར་དབང་ཕྱུག་རྒྱལ་པོ་ཡིན། །གལ་ཏེ་མ་ཉམས་རྟགས་བྱུང་ན། །བསྐང་གསོའི་ཆོ་ག་མྱུར་དུ་བརྩམ། །གལ་ཏེ་ཉམས་ལ་རྟགས་མེད་ཅིང་། །ལེགས་པར་སྣང་ན་མི་རུང་སྟེ། །བདག་གི་ས་བོན་ཚིག་པ་སྟེ། །བདེ་བ་ཟད་བྱས་གཏན་དུ་སྡུག །མ་ཉམས་རྟགས་བྱུང་མྱུར་བསྐངས་ན། །སྔོན་གྱི་བག་ཆགས་ཟད་པར་འགྱུར། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ལས་དམ་ཚིག་མ་ལུས་པ་བཤད་པའི་ལེའུ་སྟེ་བརྒྱད་པའོ།། །།དེ་ནས་ཡང་དག་བཤད་བྱ་བ། །མཆོག་དང་ཐུན་མོང་ལ་སོགས་པ། །བསྒྲུབ་པའི་ཁྱད་པར་ཇི་སྙེད་པའི། །རྟོག་པའི་ཆོ་ག་མདོར་བསྡུས་བཤད། །རྒྱུད་ཀྱི་རྒྱལ་པོ་མ་ལུས་ལས། །ཐུན་མོང་དག་ལ་མོས་ཞུགས་པས། །ཐུན་མོང་ཡོ་བྱད་ཏིང་འཛིན་དང་། །སྔགས་དང་ཕྱག་རྒྱ་འབྲལ་གོམས་པས། །རྟགས་དང་ནུས་པ་མཐར་ཕྱིན་པས། །གང་ལྟར་དམིགས་པ་འགྲུབ་འགྱུར་ཏེ། །ཟག་བཅས་ཐུན་མོང་དངོས་གྲུབ་ཡིན། །དེ་ལས་གཞན་པ་བཤད་པར་བྱ། །གང་དུ་མཆོག་གི་རྣལ་འབྱོར་པ། །དབང་དང་དམ་ཚིག་ཏིང་འཛིན་དག །ཕྱི་ནང་གསང་བའི་རིམ་ ― DNG011_Page_0258 ―
[མ་དཔེ་གཟིགས་ན་འདིར་གནོན།]
ཐོབ་ན། །མི་ལྡོག་བརྟན་པའི་རྣལ་འབྱོར་ཐོབ། །མཐོང་ནས་བསྒོམ་ལམ་མ་ངེས་རིགས། །ཏིང་འཛིན་གང་བསྒོམ་བར་ཆད་མེད། །ཚེ་འདིས་དབང་སྒྱུར་འཇིགས་བྲལ་ཏེ། །དེ་ནས་སྐུ་ལྔའི་བདག་ཉིད་ཐོབ། །མཆོག་ལྡན་མཆོག་གིས་མཆོག་ཐོབ་པས། །མཆོག་གི་དངོས་གྲུབ་ཐུན་མོང་མིན། །དད་དང་དམ་ཚིག་ཤེས་རབ་དང་། །བརྩོན་འགྲུས་བརྟུལ་ཞུགས་བཟོད་པ་ཐོབ། །བརྟན་ཅིང་སྙིང་བརྩེ་དབང་རྫོགས་ཤིང་། །བསྒྲུབ་དང་ལམ་གྱི་སྦྱོར་བ་ཤེས། །ཡིད་ཐུབ་མི་ལྡོག་བརྟན་པ་ཅན། །ཉམས་ཐོབ་དང་དུ་ལེན་པ་ནི། །གཅིག་དང་ལྔ་གསུམ་གང་ཟག་གིས། །རི་བོ་རི་སུལ་གསང་བར་དང་། །ཆུ་གླིང་ངམ་གྲོག་བྲག་རྫོང་དང་། །དུར་ཁྲོད་རི་ཕུག་ཆུ་མདོ་དང་། །ཡིད་འོང་བཀྲ་ཤིས་ཉམས་དགའ་བར། །ཆོ་ག་བྱིན་བརླབས་རྫོགས་པ་ཉིད། །ལས་ཀྱི་ཆོ་ག་གང་ཡིན་པ། །བདག་གམ་གཞན་གྱིས་བྱས་པ་ནི། །བདག་དབང་བཀྲ་ཤིས་ཕུན་སུམ་ཚོགས། །དམ་ཚིག་དབང་དང་ལྟ་བ་དག །སྔོན་དུ་བྱ་བ་རྫོགས་པ་ཡིས། །སྔོན་དུ་རྣལ་འབྱོར་གསུམ་ཐོབ་བམ། །དང་པོ་ཡིད་བརྟན་གང་ཡིན་ཀྱང་། །གང་ལ་ཡིད་ཀྱིས་དམིགས་པ་དེ། །ཆོ་ག་ཏིང་འཛིན་འདྲེལ་པ་ཉིད། །རང་རང་རྟོག་པ་ཇི་བཞིན་དུ། །ཐ་མལ་པ་དང་ལེ་ལོ་དང་། །ཐེ་ཚོམ་དད་པའི་སྟོབས་ཀྱིས་ཏེ། །གལ་ཏེ་དེ་དག་མི་ལྡན་ན། །ས་ཐོབ་ཀྱིས་ཀྱང་མ་ཡིན་ན། །གང་ཟག་སྐྱེ་བོས་སྨོས་ཅི་དགོས། །གལ་ཏེ་དགུག་པའི་ལས་བྱ་ན། །བདག་ཉིད་དབང་དྲག་ཁྲོ་བོ་སྟེ། །དམར་ཐག་དུད་ཀའི་མདོག་འདྲ་བའི། །གོང་ལྟར་གནས་པའི་འཕྲོ་འདུ་ནི། །ཞགས་པ་ལྕགས་ཀྱུ་ཤ་སྟག་སྟེ། །དམིགས་པ་བརྟན་ཅིང་རྟགས་ཐོབ་ནས། །མངོན་དུ་གྱུར་གྱི་བར་དུ་ནི། །རང་སྔགས་བརྗོད་པ་དེ་ཡི་མཐར། །ཆེ་གེ་མོ་ཞིག་ཛཿཧཱུྃ་ཞེས། །དགྲ་དང་བགེགས་དང་ལྷ་དང་གཟུངས། །མཐུ་དང་རྫུ་འཕྲུལ་ལྡན་ཡང་རུང་། །ཐ་མལ་དབང་མེད་བཞིན་དུ་དགུག །གལ་ཏེ་དེ་ཡི་དགོས་པ་དག །མྱུར་དུ་གྲུབ་པར་མ་གྱུར་ན། །དེ་དག་ལེགས་པར་གྲུབ་ཀྱི་བར། །གང་ཡིན་མཁས་པས་བཅིང་བར་བྱ། །ངག་དང་ཐབས་དང་ཏིང་འཛིན་གྱིས། །འགྲུབ་པར་འགྱུར་བར་ ― DNG011_Page_0259 ―
[མ་དཔེ་གཟིགས་ན་འདིར་གནོན།]
གདོན་མི་ཟ། །བདག་ཉིད་དབང་དྲག་གསལ་བ་ཡི། །ལྕེ་ལ་དབང་གི་འཁོར་ལོ་བསམ། །ཡི་གེ་གསུམ་ལྡན་དགུ་བཀོད་ནས། །འོད་ཀྱིས་ནམ་མཁའི་ཁམས་བཀང་ཞིང་། །པདྨ་རཱ་ག་ཞུ་འདྲ་བས། །གང་ཐིམ་བདག་གི་དབང་གྱུར་ཞིང་། །བདེན་པ་བདར་ཞིང་ངག་གིས་བཅིང་། །ཡང་ན་གང་ལ་གང་ཆགས་པའི། །རྫས་ལ་རིང་དུ་འདོད་པ་ལྟར། །འདོད་པ་གྲུབ་ན་དམ་བཅས་ཤིང་། །ཡིད་འོང་འདུལ་བའི་ཏིང་འཛིན་གྱིས། །དགའ་བའི་ཐབས་ཀྱིས་བསྟེན་བྱས་ན། །གལ་ཏེ་འགྲོ་ཞིང་འཕྲོ་འདོད་ན། །དབང་དྲག་ཕྱག་རྒྱས་བསྡིགས་བཅིང་གཟིར། །དགའ་བའི་ཐབས་ཀྱིས་ཡིད་འཕྲོག་ནས། །རོལ་མོ་སྒྱུ་མཁན་དག་དེ་ཡིས། །འདུས་པའི་གང་ཟག་ཆགས་པ་ཅན། །བྱ་བ་ཐབས་ཀྱིས་བྲལ་བ་ལྟར། །བྲལ་བ་མེད་པར་གནས་པར་འགྱུར། །ཏིང་འཛིན་བརྟན་པའི་ནུས་པ་ཡིས། །གང་ཡང་རུང་བའི་སེམས་ཅན་དེ། །སྣ་ཚོགས་ཁྲོ་བོ་ཁྲོ་མོ་ཡིས། །འོད་དང་ཕྱག་རྒྱ་འབར་བ་ཡིས། །བཅིངས་ནས་མདུན་དུ་གནས་པར་བལྟ། །དགའ་དང་བསྡིགས་པ་རྫས་ཀྱི་མཐའ། །ཏིང་འཛིན་བརྟན་པས་ངེས་པར་འགྲུབ། །མེད་ལས་དངོས་པོར་ངེས་གྲུབ་ཅིང་། །མི་མཐུན་བརྒྱད་སོགས་ངེས་འགྲུབ་ན། །ཡོད་དང་སྣང་བའི་འགྲོ་བ་དག །དབང་པོས་བསྒྱུར་བ་སྨོས་ཅི་དགོས། །གལ་ཏེ་གསོ་བའི་ལས་བྱས་ན། །ལས་ནི་གཉིས་ཏེ་བརྩམས་པས་འགྲུབ། །བདག་ཉིད་རྟག་པར་སྐྱེས་ནས་ནི། །དབང་བསྐུར་བྱིན་བརླབས་ཀུན་བསྡིམས་ནས། །མདུན་དུ་ཤེལ་གྱི་བུམ་པ་རུ། །ཐུགས་ལས་ཆུ་ཡི་ལྷ་མོ་བསྐྱེད། །ཕྱོགས་བཅུའི་རྒྱལ་བ་དེར་གྱུར་ནས། །བུམ་པར་ལྷ་མོ་འོད་དུ་ཞུ། །ནད་དང་སྡུག་བསྔལ་བྱང་བར་བསམ། །དམར་སེར་བ་ཡི་འོ་མ་དང་། །སྨན་དང་རིན་ཆེན་སྤོས་དང་འབྲུ། །བདུད་རྩི་སྙིང་པོ་ཆ་རྐྱེན་ལ། །མཱ་མ་ཀཱི་ཡི་སྔགས་ཀྱིས་གདབ། །ཨོཾ་མཱ་མ་ཀཱི་སརྦ་པ་པ་དུ་རུ་དུ་རུ་སྭཱ་ཧཱ། ནད་དང་སྡུག་བསྔལ་ལྡན་པའི་ལུས། །བཀྲུས་པས་འཚོ་བར་ཐེ་ཚོམ་མེད། །བདག་ཉིད་བརྟུལ་ཞུགས་བདེ་ལྡན་པས། །སྔོན་དུ་བྱ་བ་སྔོན་སོང་བས། །དགོན་པ་བས་མཐའ་རབ་དབེན་པར། །མ་སྨས་མ་རུལ་ཚད་ལྡན་པའི། །དུར་ཁྲོད་ཞིང་ ― DNG011_Page_0260 ―
[མ་དཔེ་གཟིགས་ན་འདིར་གནོན།]
ཆེན་མཚན་ལྡན་ལ། །ཁྲུས་དང་བྱུག་བདུག་ཀུན་བྱས་ནས། །ཕོ་མོ་ལ་སོགས་ཡིན་པ་ཡི། །ལས་དེ་ངེས་པར་འགྲུབ་པར་འགྱུར། །དེ་དག་མཎྜལ་གཙང་མ་ཡི། །དབུས་སུ་ལེགས་པར་བཞག་ནས་ནི། །བདག་ཉིད་ཁྲོ་བོ་གང་ཡང་རུང་། །གསལ་བས་ཚངས་པ་བརྒྱ་བྱིན་རུང་། །རང་སྔགས་སྲོག་སྙིང་ཛ་ཡིས་དགུག །ཕྱག་རྒྱ་བཞི་ཡིས་དབབ་པར་བྱ། །གལ་ཏེ་འདར་དང་རྒོད་པ་དང་། །ངུ་དང་འཇིགས་པའི་སྒྲ་བྱུང་ན། །དམ་ཚིག་ཕྱག་རྒྱ་བསྟན་པར་བྱ། །དམ་ཆུ་བྱིན་ལ་མནས་བསྒགས་ཏེ། །གང་འདོད་ལས་ལ་མངག་པར་བྱ། །གལ་ཏེ་འཇིག་རྟེན་ཐེ་ཚོམ་ཟོས། །དེ་ཡིས་ཟོས་དང་བརྒྱལ་བ་དང་། །འཕྲལ་དུ་བདག་ཉིད་འཆི་བར་འགྱུར། །གང་ཞིག་ཏིང་འཛིན་བརྟན་པ་ཡིས། །བར་ཆད་མེད་པར་བསྒྲུབས་པའི་ཚེ། །མདངས་ལྡན་ཡིད་འོང་དང་པོ་སྟེ། །དྲི་ཞིམ་འོད་ཆགས་གཉིས་པ་ཡིན། །དགའ་བའི་སྒྲ་སྒྲོགས་གསུམ་པ་ཡིན། །བཀྲག་དང་གཟི་མདངས་ཉམས་སོད་ཡིན། །ཞིང་ཆེན་ཁ་ནས་ཧྲི་བྱུང་ན། །ཏིང་འཛིན་རྡོ་རྗེ་སོ་ཡིས་བཅད། །རོ་ལངས་བརྡབས་ན་གསེར་དུ་འགྱུར། །ལྕེ་ཡི་རལ་གྲིས་དེ་བཅད་ན། །ཅིས་ཀྱང་མི་ཚུགས་གོ་མཚོན་ཏེ། །ལྷ་མིན་གཡུལ་ཡང་ཕམ་བྱེད་ན། །དཔའ་བོ་སྟོབས་ལྡན་སྨོས་ཅི་དགོས། །དེ་ཡི་དབང་པོ་ལྔ་དག་ལ། །མངོན་ཤེས་ལྔ་ཡི་དངོས་གྲུབ་ཡོད། །རང་གི་རྟོག་པ་ཇི་བཞིན་དུ། །མཁས་པས་བསྒྲུབས་ན་འགྲུབ་པར་འགྱུར། །གལ་ཏེ་བཅུ་བདུན་བཅྭ་བརྒྱད་མའི། །ཞིང་མཛེས་བཀྲུ་ཞིང་བྱུགས་བྱས་ཏེ། །རྒྱན་དང་གོས་ཀྱིས་ལེགས་པར་གདགས། །དྲི་ཞིམ་དབང་པོ་དག་པ་ལ། །བདག་ཉིད་དབང་དྲག་རྣལ་འབྱོར་གྱིས། །ཡེ་ཤེས་འཇིག་རྟེན་གང་རུང་བའི། །ལྷ་མོ་ཡིད་འོང་འོད་འབར་མ། །སྔགས་དང་ཕྱག་རྒྱས་བཀུག་བཅིངས་ནས། །རྟགས་བྱུང་བར་དུ་བསྡིམ་པར་བྱ། །དྲི་དང་སྒྲ་དང་འོད་དག་དང་། །འདར་དང་འགུལ་དང་དགོད་པ་དག །དང་པོའི་རྟགས་ནི་ཡིན་པར་བཤད། །ལྷ་དང་གཏམ་དང་གཉིས་པ་སྟེ། །དངོས་སུ་ལངས་པ་ཚད་ཡིན་པས། །དམ་བདར་མནས་བསྒགས་དབང་དུ་བསྡུ། །གལ་ཏེ་སྦྱར་དུ་སད་པ་ན། །ཆོ་འཕྲུལ་ ― DNG011_Page_0261 ―
[མ་དཔེ་གཟིགས་ན་འདིར་གནོན།]
ཆེ་ཞིང་ལོག་སྟོན་ན། །དབང་དྲག་ང་རྒྱལ་ཆེན་པོ་ཡིས། །དབང་དུ་བསྡུ་དང་ཟིལ་གྱིས་མནན། །དེ་དག་ཆགས་པས་རོལ་སྤྱད་ན། །སྐད་ཅིག་ཆོ་འཕྲུལ་བཞི་ཐོབ་སྟེ། །སྐྱེ་ཤི་མེད་པར་གནས་པ་དང་། །མ་ལུས་བདེ་ཆེན་འབར་བ་དང་། །ཞིང་ཁམས་ཀུན་དུ་བགྲོད་པ་དག །ཐོགས་པ་མེད་པར་འགྲུབ་པར་འགྱུར། །གཙང་མ་བྱིས་པ་རྨ་མེད་པ། །ཡིད་འོང་ལེགས་པ་བཙལ་བླངས་ནས། །དག་ཅིང་བདུད་རྩིས་དྲི་བྱུགས་ལ། །འདའ་ཧཱུ་མ་ཏས་ལེགས་བྱུགས་ལ། །ཁ་དོག་ལྔ་ཡི་གཟུགས་ཀྱིས་གདགས། །ཚངས་པ་དང་ནི་བརྒྱ་བྱིན་དང་། །ལྷ་མོ་གང་རུང་སྙིང་པོས་དགུག །རྟག་ཏུ་ཕྱག་རྒྱ་བཞིས་བསྡིམ་ཞིང་། །བདག་ཉིད་ཧ་ཡ་གྲཱི་བ་འམ། །ཡ་མཱནྟ་ཀ་ལ་སོགས་པ། །གང་རུང་ཁྲོ་བོར་གསལ་བསྒོམས་ལ། །དྲག་ཏུ་དགུག་ཅིང་བསྡིམ་པར་བྱ། །རྟགས་བྱུང་མཐར་ཐུག་མངོན་གྱུར་ནས། །ལེགས་ཉེས་དེ་ཡིས་སྨྲ་བར་འགྱུར། །གལ་ཏེ་འདར་ཞིང་མི་བརྗོད་ན། །ཨོཾ་གྱི་འོད་དང་ཨ་མྲྀ་ཏས། །ལྕེ་ལ་ཐབས་ཀྱིས་དབང་བསྐུར་ཞིང་། །ཧ་ཡ་གྲཱི་བས་གད་མོས་བསྡིགས། །ལེགས་པར་སྨྲ་བར་ཐེ་ཚོམ་མེད། །གལ་ཏེ་གསང་བའི་ལས་བྱེད་ན། །གསལ་ལ་བརྟན་ཐོབ་རྣལ་འབྱོར་པས། །དུར་ཁྲོད་ཤིང་གཅིག་བཞི་མདོ་འམ། །ལྷ་འདྲེ་མངོན་དུ་གནས་པའི་སར། །བདག་ཉིད་ཞེ་སྡང་རྡོ་རྗེ་སྟེ། །དུད་ཀ་ནག་པོ་འོད་འབར་བ། །སྤྱན་བཟློག་མཚོན་ཆ་མེ་ལྟར་འབར། །སྤྲུལ་པའི་ཆར་ལྟར་འཁྲུག་པར་བསམ། །མདུན་དུ་ཧོམ་ཁུང་ཁྲུ་གང་ཚད། །གྲུ་གསུམ་དུར་སོལ་ཁྲག་ཆེན་བྱུག །ནང་དུ་ལིངྒ་བདུད་རྩི་ལྔ། །ཆགས་པའི་རྒྱུ་དང་ཚ་བ་དང་། །ཤེས་པ་ཆགས་པའི་རྟེན་ལ་བྱས། །ཕོ་ཉས་མིང་རུས་བཅས་བཀུག་ལ། །བསྡིམས་ལ་ཕྱག་རྒྱས་བཅིང་བར་བྱ། །ལྕགས་སམ་ནག་པོའི་ཤིང་ལས་བྱས། །དྲག་པོའི་ཕུར་པས་གནས་གསུམ་གདབ། །ཧྲིཿཥྚཱིཿདྲག་པོས་གཡས་གཡོན་ནས། །ཁྲོས་པའི་སེམས་ཀྱིས་བསྲེག་བྱས་ནས། །དེ་ནང་དྲག་པོ་ཚེར་མ་ཅན། །ནམ་ཕྱེད་གཅེར་བུས་བསྲེགས་བྱས་ནས། །ལྷ་ཡང་རུང་སྟེ་བརླག་པར་འགྱུར། ། ― DNG011_Page_0262 ―
[མ་དཔེ་གཟིགས་ན་འདིར་གནོན།]
གལ་ཏེ་དབྱེ་བའི་ལས་བྱེད་ན། །བདག་ཉིད་ཡ་མཱནྟ་ཀ་སྟེ། །རྔམ་ཞིང་གདུག་གཏུམ་ང་རྒྱལ་ཅན། །ཤིན་ཏུ་འཇིགས་ཤིང་བསྡིགས་པར་བསྒོམ། །ཉི་མས་འཇིགས་པའི་དང་རུ་དང་། །མུན་པས་འཇིགས་པའི་གུང་རུ་ལ། །གང་ཡིན་དེ་ཉིད་བྲིས་ལ་བླན། །ལྷ་དང་ལྷ་མིན་གཉིས་ལ་གཏད། །རླུང་གི་ཕྱོགས་སུ་དེ་ཡིས་བསྐྱོད། །སྤྲུལ་པ་ཕོ་ཉས་གཡུལ་འགྱེད་ཅིང་། །འཐབ་ཅིང་རྩོད་པར་རྣམ་པར་བསམ། །བར་དུ་ཁྲ་དང་བྱ་རོག་འཐབ། །མེ་ཆུ་རླུང་གིས་འབུད་བསམས་ན། །དེ་ནི་གང་ཡིན་སུ་ཡང་རུང་། །འབྲལ་ཞིང་འཐབ་པ་ཉིད་དུ་འགྱུར། །རྒྱལ་པོ་བྲམ་ཟེ་བློན་པོ་དག །གདུག་པ་གནོད་པ་ཅན་གྱི་རིགས། །མི་གནས་བསྐྲད་པར་བྱ་བའི་ཕྱིར། །བདག་ཉིད་ཨ་བར་ཙིཏྟ་སྟེ། །དྲག་པོ་ཁྲོས་པའི་ཚུལ་དུ་བསྒོམ། །དགྲ་བགེགས་གང་ཡང་རུང་བ་ཡི། །འོག་ཏུ་རླུང་སྙིང་བཅས་པ་བྲི། །སྟེང་དུ་མིང་རུས་བཅས་བསྐྱོན་ལ། །མདུན་ན་གནས་པའི་གདུལ་བྱ་དེ། །རླུང་ལྷ་རྔ་མོའི་སྟེང་དུ་ཞོན། །ཕོ་ཉ་སྤྲུལ་པ་མཐའ་ཡས་ཀྱིས། །འཁྲིད་ཅིང་འཚོག་པར་རབ་བསམས་ལ། །གཤིན་རྗེའི་དྲུང་དུ་ཁྲིད་པར་བསམ། །འདིས་ནི་དབུགས་མེད་བརྒྱལ་བ་ཡང་། །གཞན་དུ་དྲག་པོས་ཕྱིན་འགྱུར་ན། །སྲོག་དང་ལྡན་པས་སྨོས་ཅི་དགོས། །གལ་ཏེ་དགྲ་དཔུང་ཕམ་འདོད་ན། །བདག་ཉིད་མི་གཡོ་མགོན་པོ་སྟེ། །ཇི་ལྟར་གནས་པར་རབ་ཏུ་བསྒོམ། །དེ་ཡི་གཟུགས་བརྙན་བྲིས་ནས་ཀྱང་། །ཆོ་གས་དེ་རུ་བྱིན་བརླབས་ལ། །སྔགས་ནི་བདུན་འབུམ་ལ་སོགས་པ། །ལྕགས་སྣ་བདུན་ལས་བཅུ་གཉིས་ཆད། །རལ་གྲི་སྙིང་པོར་བཅས་པ་ལ། །གསལ་བར་དེ་དག་རྟགས་བྱུང་བཟླས། །འོད་དང་སྒྲ་དང་ས་གཡོས་དང་། །རལ་གྲི་སྐད་ནི་འདོན་པ་ན། །ཕྱུང་བས་གཡུལ་ལས་ལྡོག་པ་དང་། །བསྐོར་བས་དམག་དཔུང་འབྲོས་པར་འགྱུར། །བདག་ཉིད་རྒྱལ་ཞིང་ཆེ་འདོད་ན། །བདག་ཉིད་གསལ་ཞིང་བརྟན་གྱུར་ནས། །ཞེ་སྡང་རྡོ་རྗེར་གསལ་བྱས་ལ། །དུར་ཁྲོད་རས་ལ་མིང་རུས་བྲི། །སྔགས་དང་ཕྱག་རྒྱས་བཀུག་བསྡིམས་ལ། །ངེས་པར་བརྟན་པའི་ལྟས་བྱུང་ནས། །ཧེ་རུ་ཀ་ ― DNG011_Page_0263 ―
[མ་དཔེ་གཟིགས་ན་འདིར་གནོན།]
ཡི་ཞབས་ཀྱིས་གནོན། །རྟ་མགྲིན་གད་མོ་དྲག་པོས་བསྡིགས། །ཁྱུང་གཤོག་ཕྱག་རྒྱ་ཟིལ་གྱིས་གནོན། །བདག་དང་ཁྱི་ཡི་སྒྲོམས་ནས་གདོན། །བདག་ཉིད་ཐེམ་པའི་འོག་ཏུ་གནོན། །ཡང་ན་བདག་གི་འོག་ཏུ་གནོན། །རྡོ་རྗེ་རྒྱ་གྲམ་ཕྱག་རྒྱ་ཡིས། །སྟེང་ནས་གནོན་ཅིང་བདེན་པ་བདར། །བདག་ཉིད་དེ་ཡི་རྒྱལ་པོར་འགྱུར། །དབུལ་པོ་གཏེར་དང་ཕྲད་འདོད་ན། །བདག་ཉིད་ལས་ལ་གོམས་པ་ཡིས། །རིགས་ལྔ་ལྷག་པའི་ལྷ་གསལ་ནས། །སོ་སོའི་ཕྱག་མཚན་ཡུངས་འབྲུ་ཙམ། །དབང་པོར་མཐོང་གི་བར་དུ་ནི། །བསམ་ཞིང་སྔགས་བཟླས་བདེན་པ་བདར། །མཚན་མ་བརྟན་པོ་གསལ་བ་ན། །གང་ན་ཡོད་པའི་ཕྱོགས་དེར་དོང་། །བདེན་པ་ཏིང་འཛིན་སྔགས་བཅས་མཐུས། །འདུག་གམ་སྨྲ་འམ་མཐོང་བ་འམ། །ཕྲ་མོ་དེར་ནི་ལྟུང་བར་འགྱུར། །དེ་ནས་གཏེར་དང་ཕྲད་གྱུར་ནས། །དབུལ་བ་ཀུན་ལས་ཐར་བར་འགྱུར། །དེ་ནས་རྡོ་རྗེ་རྣལ་འབྱོར་པས། །མངོན་ཤེས་མིག་དང་ལྡན་འདོད་ན། །བདག་ཉིད་ལྷ་ཡི་རྣལ་འབྱོར་པ། །རབ་ཏུ་དབེན་པའི་ས་ཕྱོགས་སུ། །མིག་སྣ་ལྔ་དང་བདུན་པའི་ཞག །དེ་ཡི་ཞུན་མར་དུད་པར་བཅས། །འཕྲུལ་གྱི་འོ་མ་དག་གིས་སྦྱར། །རྡོ་རྗེ་པྲ་ཡིས་ཞག་བདུན་བསྒྲུབ། །ཉམས་དང་དྲོད་རྟགས་ཐོབ་པ་ན། །མིག་ལ་ལེགས་པར་སྔགས་ཀྱིས་བྱུག །སྐད་ཅིག་སྟོང་གསུམ་བཅས་པ་ཡི། །ཕྱོགས་བཅུ་མངོན་པར་ཤེས་པས་མཐོང་། །གང་ཟག་རྒྱུད་ནི་བརྟག་པ་དང་། །སྡུག་བསྔལ་དྲག་པོས་ཞེན་བཟློག་ཅིང་། །སོ་སོ་དག་པའི་ཞིང་ཁམས་ཀྱིས། །ཡིད་བདེ་གྲུབ་པར་བྱ་བའི་ཕྱིར། །མངོན་ཤེས་མཚན་མས་ལེགས་པར་བསྒྲུབ། །རྐང་མགྱོགས་ཐོབ་པར་འདོད་པ་ཡིས། །བདག་ཉིད་ལྷག་པའི་ལྷར་བསྒོམས་ནས། །བརྟན་ཞིང་བར་ཆད་མེད་ཐོབ་ནས། །ཟླ་བའི་དཀྱིལ་འཁོར་ལ་འདུག་སྟེ། །ཡྃ་ལས་རླུང་གི་དཀྱིལ་འཁོར་ཏེ། །སྐད་ཅིག་དཔག་ཚད་བརྒྱར་འགྲོ་བ། །དེ་ལ་གནས་བསམ་མ་ཡེངས་པས། །རླུང་གིས་ཁྱབ་པ་ཇི་ལྟ་བར། །དཔག་ཚད་བརྒྱ་ཕྲག་དུ་མ་ཡང་། །སྐད་ཅིག་ཙམ་ ― DNG011_Page_0264 ―
[མ་དཔེ་གཟིགས་ན་འདིར་གནོན།]
གྱིས་བགྲོད་པར་འགྱུར། །གལ་ཏེ་རྫུ་འཕྲུལ་བཞི་དག་གིས། །རིག་འཛིན་གོ་འཕང་འགྲོ་འདོད་ན། །སྔོན་དུ་དག་པའི་དོན་ཐོབ་ནས། །ཕྱག་རྒྱ་གསལ་བར་གྱུར་པའི་ཚེ། །ནམ་མཁའ་ལིངྒ་ཟླ་བ་ལ། །ཧཱུྃ་ལས་རྡོ་རྗེ་ཆོ་ག་གསུམ། །རིམ་པར་བརྟན་པའི་དབང་ཐོབ་ནས། །དྭངས་མའི་ཕྱག་རྒྱ་ལ་བརྟེན་པས། །རྡོ་རྗེ་ཟླར་བཅས་རླུང་བརྟེན་པས། །གང་འཐད་ཞིང་དུ་བསྐྱོད་པའི་ས། །རྡོ་རྗེ་རིག་པ་འཛིན་པ་ཡིས། །ཞིང་ཁམས་དག་པའི་བྱ་བ་འགྲུབ། །མདུན་གྱི་ནམ་མཁར་ཟླ་བ་ལ། །ཨོཾ་ལ་ཆོ་གའི་ཚུལ་གྱིས་བསྒྱུར། །བརྟན་པའི་འཁོར་ལོ་ཟླ་རླུང་གིས། །དྭངས་མའི་སྟོབས་ཀྱིས་ལུས་གནས་པས། །དེ་བཞིན་གཤེགས་པའི་རིག་འཛིན་པ། །ཞིང་ཁམས་སོ་སོར་བསྐྱོད་བྱས་ནས། །རང་གི་བསམ་པ་བསྒྲུབ་པར་བྱ། །ནམ་མཁའ་དབྱིངས་ཀྱི་ཟླ་བ་ལ། །ཏྲཾ་ལས་སྐྱེས་པའི་ཆོ་ག་ཡིས། །རིན་ཆེན་རླུང་ཟླར་བཅས་པ་ཡིས། །ཏིང་འཛིན་དྲག་པོ་བསྐྱོད་པའི་ཤུགས། །དྭངས་མ་ལུས་ཡིད་བཅས་པ་ཡིས། །དག་པའི་ཞིང་ཁམས་ཀུན་བསྐྱོད་དེ། །ལྷག་པའི་བསམ་པ་འགྲུབ་པར་འགྱུར། །ནམ་མཁའི་དཀྱིལ་འཁོར་དབུས་གནས་པར། །པདྨར་བཅས་པའི་ཟླ་བ་བསྒོམ། །ཧྲིཿལས་སྣ་ཚོགས་ཆོས་མཆོག་སེམས། །གསལ་བརྟན་རླུང་གིས་སྟོབས་བསྟན་པས། །དྭངས་མའི་ལུས་ཡིད་གང་ཡིན་པ། །ཞིང་བསྐྱོད་བསམ་པ་གྲུབ་པར་འགྱུར། །ནམ་མཁའ་དབྱིངས་ཀྱི་དབུས་གནས་པར། །གསལ་བྱེད་སྣ་ཚོགས་བཅས་པ་བསྒོམ། །ཨ་འམ་ཧ་ལས་རང་ཉིད་ཀྱི། །ལས་ཀྱི་ཕྱག་རྒྱར་གོམས་པར་བྱ། །བརྟན་ནས་དྭངས་མ་རླུང་སྟོབས་ཀྱིས། །ཞིང་ཁམས་གང་དུ་མངོན་བསམས་པའི། །འདོད་པའི་བསམ་པ་འགྲུབ་པར་འགྱུར། །འདིས་ནི་འབྱུང་ཞིང་དབང་མེད་ཅིང་། །འཆི་མེད་རླུང་ལ་དབང་ཐོབ་ནས། །ཆོ་འཕྲུལ་བཞི་ཡིས་ཟིལ་མནན་ནས། །མངོན་ཤེས་གདུག་པ་འདུལ་བ་ཡིས། །ལས་རྣམས་མི་འགྲུབ་གཅིག་ཀྱང་མེད། །དེ་ནས་གཞན་ཡང་ཆགས་ལྡན་རིམ། །སྐལ་བས་དམན་དང་སྦྱོར་བས་ཟད། །བདེ་བའི་དོན་འདོད་དཀའ་ཐུབ་ཅན། །འདི་དག་དོན་ལ་ཐབས་ཀྱིས་དགོད། །ཐབས་ལྡན་ལུས་ཀྱི་ ― DNG011_Page_0265 ―
[མ་དཔེ་གཟིགས་ན་འདིར་གནོན།]
གོང་བུ་ལ། །རང་རང་ཆོ་གའི་ཐབས་ལྡན་ན། །བདེ་ཆེན་གར་ཐབས་སྣ་ཚོགས་པ། །རྣམ་པར་འཕྲུལ་བའི་རོ་ཡིས་བྱེད། །བདེ་ཆེན་ལོངས་སྤྱོད་ཆོས་ཀྱི་གནས། །སྤྲུལ་པའི་ཐིག་ལེ་བདེ་བའི་རོ། །མ་ལུས་མཁའ་ལྔའི་རང་བཞིན་གྱིས། །རང་ལུས་མ་བཅོས་གནས་ཉིད་བདེ། །བརྟུལ་ཞུགས་ཐིག་ལེ་གསུམ་ཐོབ་ནས། །སྒྲོལ་མ་དང་ནི་ཐིག་ལེ་དང་། །གནས་དང་ཐབས་དང་ཏིང་འཛིན་གྱིས། །བྱེ་བྲག་བརྒྱད་ཅུ་ཀུན་འདུས་པའི། །ཐབས་ཀྱིས་མཚོན་པ་ལས་བྱུང་བས། །དངོས་གྲུབ་ཆོ་ག་སྣ་ཚོགས་འགྲུབ། །རང་རྟེན་ཐིག་ལེར་བཅས་པ་ཡིས། །དྭངས་མའི་རང་བཞིན་ཁྱབ་གནས་པ། །བསྐུལ་བ་ཐབས་ཀྱི་སྦྱོར་བ་ཡིས། །མ་ལུས་བསྐྱོད་ཅིང་འགུགས་པར་བྱེད། །དྭངས་སྙིགས་རྒྱུ་དང་མི་རྒྱུ་བའི། །རླུང་གི་ཐིག་ལེས་དབང་སྒྱུར་ནས། །འཕྲོ་ཞིང་འཛག་པའི་ཐིག་ལེ་ཉིད། །རླུང་གིས་འཆིང་བ་ཉིད་ཡིན་ཏེ། །ཐིག་ལེ་སྙིགས་མར་ཉམས་གྱུར་པ། །ཐབས་དང་རླུང་བཅུད་སྟོབས་ལྡན་པས། །པདྨ་ལ་ནི་ཆུ་བཞིན་ནོ། །རང་འབྱུང་ཐིག་ལེའི་རང་བཞིན་ལས། །རྟེན་དང་ཟག་པ་སྙིགས་མ་དང་། །འཁོར་བའི་རྩ་དང་ས་བོན་དང་། །ལོག་རྟོག་ཐིག་ལེ་ཞེན་བཅས་པ། །རང་བྱུང་ནམ་མཁའི་ཐིག་ལེས་འཇིག །རང་ལུས་བདེ་ཆེན་སྙིང་པོ་ལ། །ནམ་མཁའ་སྤྲིན་ལྟར་མི་ཕྱེད་ཅིང་། །དྭངས་སྙིགས་བདེ་བའི་རང་བཞིན་ཉིད། །ཐིག་ལེ་ཆུ་དང་འོ་མ་དང་། །གནས་པ་རླུང་དང་རྟེན་སྟོབས་ཀྱིས། །དྭངས་སྙིགས་ཕྱེ་ལ་དྭངས་མ་བསྡིམ། །རང་སྙིང་ལུས་ལ་འོད་སྣང་བའི། །ཕྱི་ནང་དངོས་རྟོག་མ་ལུས་པ། །རླུང་སོགས་འཁོར་ལོའི་འཕེན་སྟོབས་ཀྱིས། །དེར་མི་གནས་པར་གོམས་པར་བྱ། །གང་དུ་ས་བོན་སྙིགས་བཅས་པ། །ནམ་མཁའི་ཡེ་ཤེས་ལྔ་འབར་བས། །གང་དུ་རྒྱུ་བར་གནས་པའི་ཡིད། །དེ་མ་ཐག་པར་རྣམ་པར་བརླག །རླུང་དང་རྩ་དང་ཐིག་ལེར་བཅས། །ཐབས་ཀྱིས་བསྐུལ་བའི་རོ་ལྡན་པས། །མ་ལུས་ཐིག་ལེའི་རང་བཞིན་པས། །མི་མཐུན་ཞེན་པས་རྣམ་གྲོལ་བས། །རང་སེམས་རྟེན་བཅས་ཐིག་ལེ་ནི། །དྭངས་མའི་ཡེ་ཤེས་བློ་ལྡན་པ། །ཀུན་ཁྱབ་བདེ་འབྱུང་སྙིང་པོ་ཅན། །གསང་བའི་རིག་ ― DNG011_Page_0266 ―
[མ་དཔེ་གཟིགས་ན་འདིར་གནོན།]
པའི་གཏེར་ཁ་འབྱེད། །ཕྱི་ནང་རྒྱུ་བ་ཐིག་ལེར་བཅས། །སྙིང་ནང་བདེ་བར་འབར་གྱུར་ནས། །རང་ལུས་རྟགས་སུ་བདེ་ཆེན་འབར། །མངོན་ཤེས་རིན་ཆེན་རྩ་ལ་ཕོག །རིག་པའི་མངོན་ཤེས་ལྔ་རུ་འཆར། །དེ་ནས་མི་འགྱུར་སྟོང་པའི་རྩ། །འགྱུར་མེད་ཀུན་སྣང་རླུང་ལ་ཐིམ། །དམན་པས་མི་འགྲུབ་ཁྱད་པར་ཐབས། །གསང་བའི་ཐིག་ལེ་འབབ་ཞོན་གྱིས། །རྩ་བཅུད་ཏིང་འཛིན་འདྲེལ་བའི་སྟོབས། །བསྐལ་པ་དུ་མའི་སྟོབས་འགགས་ཏེ། །དྭངས་མའི་ཡེ་ཤེས་རླུང་དུ་གྲུབ། །ཕྱིན་པ་མེད་པར་མཐར་སོང་བ། །བདེ་ཆེན་གོམས་པའི་སྟོབས་ལས་གྱུར། །བཅུད་ལྔ་འདུས་པའི་ཐིག་ལེ་ནི། །རོ་ལྔ་འདྲེས་པའི་བདེ་ཆེན་དེ། །བསྒོམ་དང་མཐར་ཕྱིན་ཁྱད་པར་གྱིས། །བདེ་བ་ཆེན་པོ་རིགས་མཆོག་གནས། །དེ་ནས་གང་ཡིན་བརྗོད་བྱ་བ། །ཟབ་མོ་ཀུན་རྫོགས་བརྟུལ་ཞུགས་ཅན། །དབང་པོ་དར་ཞིང་སྨིན་པ་ཡི། །ཆགས་ཅན་ཉི་ཟླ་འཛིན་ནུས་པས། །སྤྱི་གཙུག་ཐིག་ལེའི་འཁོར་ལོ་དང་། །གསང་བའི་འོག་མིན་ནུས་ལྡན་པ། །འབྱོར་པའི་རྟེན་ཅན་འདི་ཉིད་གནས། །ཐབས་དང་རོལ་པའི་ཁྱད་པར་དང་། །ཏིང་འཛིན་རླུང་གི་དབང་ཐོབ་སྟེ། །འབྱུང་བཞི་སྙིགས་ཕྱེ་དྭངས་དུས་སུ། །ཉི་ཟླ་འདྲེས་པའི་གར་ཐབས་ཀྱིས། །ལྷ་མོ་རྣམས་དང་ལྷན་ཅིག་ཏུ། །རོལ་པའི་ཐབས་ཀྱིས་གང་རྩེན་པ། །བྱེ་བྲག་བརྒྱད་ཅུ་གཉིས་འདུས་པའི། །པདྨའི་སྙིང་པོ་ཀུན་བཀུག་སྟེ། །ཐིག་ལེ་དཔའ་བོ་ལྔ་ཡི་སྟོབས། །མི་སྡོད་འཕྲོ་བའི་རང་བཞིན་ཉིད། །ཐབས་དང་ལྡན་པའི་རྣལ་འབྱོར་གྱིས། །བཅིངས་ལ་གཟུང་ཞིང་གནས་པར་བྱ། །དེ་དང་རྩེ་ཕྲད་གཉིས་བཟློག་པས། །བདེ་བའི་མྱུ་གུ་གསོ་བྱས་པས། །ཐ་མལ་ཞེན་པ་ཀུན་བྲལ་ནས། །རྟོག་དང་ལྷན་ཅིག་གང་སྐྱེས་པ། །དྭངས་སྙིགས་ཕྱེ་བའི་ཉམས་དག་གིས། །སྙིགས་མ་བག་ཆགས་ཞེན་བཅས་པ། །དེ་ཡི་སྟོབས་ཀྱིས་གནས་མི་འགྱུར། །གསང་བའི་ཐིག་ལེ་སྟོབས་ལྡན་པས། །རིགས་ངན་ཐ་མལ་ཞེན་ཆགས་དང་། །དྲན་རྟོག་མ་ལུས་ཕམ་བྱས་ཏེ། །ཕྱི་ནང་སྣོད་བཅུད་མ་ ― DNG011_Page_0267 ―
[མ་དཔེ་གཟིགས་ན་འདིར་གནོན།]
ལུས་པ། །ལྷན་ཅིག་སྐྱེས་པའི་རང་བཞིན་དུ། །མ་ལུས་དཔང་བཙུགས་རྒྱལ་བར་མཛད། །རྡོ་རྗེ་པདྨའི་སྙིང་པོ་ལ། །དགའ་བའི་རོལ་པའི་བདག་ཉིད་ཀྱིས། །ཐབས་དང་ཤེས་རབ་གསལ་བའི་རོ། །ཕྱོགས་བཅུའི་རྒྱལ་བ་འདུས་པའི་ཚེ། །ཟག་མེད་ཡོན་ཏན་གཏེར་ཆེན་དེ། །གསང་བ་ཐབས་ཀྱིས་སྟོབས་ལས་གྲུབ། །བདེ་ཆེན་སྙིང་པོ་ཐིག་ལེའི་རོ། །དབབ་དང་གཟུང་བཟློག་འབྱོངས་པ་ཡིས། །རྩ་གསུམ་གང་ཞིག་ཐིམ་པའི་ཚེ། །བར་ཆད་མེད་པའི་བདེ་བ་དང་། །ཐམས་ཅད་མཁྱེན་པའི་མངོན་ཤེས་དང་། །སྐྱེ་ཤི་མེད་པའི་ཚེ་འཐོབ་ཅིང་། །མི་འགྱུར་ཆོས་སྐུ་ཐིག་ལེ་ལ། །རྒྱུ་བ་སྤངས་པའི་ཚུལ་གྱིས་གནས། །བདེ་ཆེན་ཆོ་འཕྲུལ་དཔག་མེད་པས། །གསང་བའི་ཞིང་ཁམས་དག་བྱེད་ཅིང་། །གསང་བ་ཆོས་ཀྱི་འཁོར་ལོ་བསྐོར། །བདེ་ཆེན་ཉམས་དང་དགའ་བའི་གར། །ཆགས་པའི་སྒྲ་ནི་སྣ་ཚོགས་པས། །ཇི་སྲིད་ནམ་མཁའི་མཐར་ཐུག་པར། །གླུ་ནི་སྣ་ཚོགས་ལེན་བྱེད་ཅིང་། །མཛེས་དང་ངོ་ཚ་སྤངས་པའི་ཚུལ། །མདོག་དམར་རླན་དང་ལྡན་པ་ཡིས། །རོལ་པའི་ཚུལ་ནི་སྣ་ཚོགས་ཀྱིས། །རྡོ་རྗེ་བཅུད་ཆེན་ཟླར་བཅས་པས། །ཉི་མ་ཆགས་པ་དང་བཅས་པའི། །པདྨའི་སྙིང་པོའི་སྤོངས་མཛད་ཅིང་། །དགའ་བའི་འོད་དང་འཁྱུད་པའི་གར། །རླུང་གི་སྙིང་པོ་རྗོད་བྱེད་ཅིང་། །སྲིད་པའི་མྱུ་གུ་འགོག་པར་མཛད། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་མེ་ལོང་གི་རྒྱུད་ཆེན་པོ་ལས། བསྒྲུབ་པ་མ་ལུས་པ་བཤད་པའི་ལེའུ་སྟེ་དགུ་པའོ།། །།དེ་ནས་གཞན་ཡང་བཤད་བྱ་བ། །རྟོག་པའི་རྒྱལ་པོ་མ་ལུས་པ། །བྱ་བ་ལས་ཀྱི་རིམ་པ་དག །བཞིར་ནི་གསལ་བར་གསུངས་པ་ཡིན། །དང་པོར་ཞི་བའི་རང་བཞིན་ཏེ། །དེ་འོག་རྒྱས་པས་རྒྱས་ཕྱིར་རོ། །རྒྱས་པས་དབང་དུ་བྱ་བ་དང་། །དབང་མི་འདུ་བ་བསྒྲལ་ཕྱིར་ཏེ། །ཐུན་མོང་ཁྱད་པར་ཡོན་ཏན་རྫོགས། །བྱ་བའི་ལས་ལ་མ་རྨོངས་ཤིང་། །ནུས་པ་བརྟན་པའི་རང་བཞིན་གྱིས། །རིམ་པ་ཇི་བཞིན་བརྩམ་པར་བྱ། །གངས་དཀར་འདབ་དང་ཡིད་འདང་བ། །ཞི་བའི་ལྗོན་ཤིང་མེ་ཏོག་ཚལ། །འབྲས་ལྡན་རྒྱས་པའི་རང་བཞིན་ནོ། །སུམ་མདོ་ངམ་གྲོག་གཏིང་ཟབ་པས། །དབང་དུ་བསྡུ་ ― DNG011_Page_0268 ―
[མ་དཔེ་གཟིགས་ན་འདིར་གནོན།]
བའི་གནས་སུ་བཤད། །དུར་ཁྲོད་མཚན་གཅིག་རྒྱ་གྲམ་གནས། །འབྱུང་པོ་འདུ་སར་དྲག་པོ་ཤིས། །ཞི་ལ་ས་གཞི་དཀར་ལྡན་པ། །ཟླུམ་པོ་སུམ་རིམ་ཨོཾ་དང་བཅས། །འཁོར་ལོ་འོད་དཀར་དང་བཅས་པ། །ཞི་བའི་ཐབ་ཀྱི་རང་བཞིན་ནོ། །རྒྱས་ལ་སེར་པོ་ཙནྡན་བཅས། །གྲུ་བཞི་རིམ་གསུམ་ཏྲཾ་དང་བཅས། །རིན་ཆེན་འོད་ཟེར་འཕྲོ་བཅས་པ། །ཐབ་ནི་རྒྱས་པར་གསུངས་པ་ཡིན། །དབང་ལ་ས་དམར་ཆགས་འོད་ཅན། །ཟླ་གམ་གཞུ་འདྲ་པདྨས་མཚན། །རིམ་གསུམ་ཧྲི་དང་བཅས་པ་ནི། །དབང་དུ་བྱ་བའི་ཐབ་ཡིན་ནོ། །དྲག་པོ་ས་ནག་དུར་སོལ་ཅན། །གྲུ་གསུམ་རྡོ་རྗེ་རྩེ་གསུམ་གདེང་། །ཐོད་ཕྲེང་འོད་ནག་རིམ་གསུམ་ཧཱུྃ། །དྲག་པོ་ཐབ་ཀྱི་རིམ་པ་ཡིན། །འོ་མ་ཅན་དང་གསེར་ཅན་དང་། །ཆགས་པ་ཅན་དང་ཚེར་མ་ཅན། །ཕྲིན་ལས་བཞི་ནི་སོ་སོ་ཡི། །ཡམ་ཤིང་བསྲེག་ཤིང་ཉིད་དུ་བཤད། །ལིངྒ་ཁ་དོག་སོ་སོ་སྟེ། །གནས་ཀྱང་ཐབ་ཁུང་བཞི་དང་མཚུངས། །མར་དཀར་འབྲས་དཀར་ཏིལ་དཀར་དང་། །ནས་དཀར་ཆན་དང་འོ་མ་ཞོ། །དངུལ་ཕྱེ་གཏོར་མ་དཀར་པོར་བཅས། །ཞི་བའི་བསྲེག་གཏོར་རྫས་སུ་བཤད། །མར་རྙིང་བུ་རམ་སྦྲང་རྩི་དང་། །འབྲས་དང་ཆན་རྣམས་ལྡོང་རོས་དང་། །མེ་ཏོག་གསེར་དང་ཙནྡན་བཅས། །གསེར་ཕྱེ་གཏོར་མ་སེར་པོར་བཅས། །འདི་དག་རྒྱས་པའི་རྫས་ཉིད་དེ། །དཔལ་དང་གཟི་བྱིན་རྒྱས་པར་འགྱུར། །ཚ་བའི་མར་དང་ཆང་སྐྱུར་དང་། །དམ་བུ་པདྨ་རཀྟ་དང་། །འབྲས་དམར་ཙནྡན་ཟངས་ཕྱེ་དང་། །གཏོར་མ་དམར་པོ་དབང་རྫས་ཡིན། །ཚིལ་ཆེན་མར་དང་ཚ་བ་གསུམ། །ཀླུང་ཆེན་ཤ་ཁྲག་སྲན་ཆན་དང་། །དུག་གསུམ་ཐལ་ཆེན་ཚ་བའི་མར། །སྐེ་ཚེ་ཕྱེ་གསུམ་མི་ཁྲག་དང་། །མིང་རུས་སྤེལ་མར་བཅས་གཏོར་མས། །བསྒྲལ་བ་དྲག་པོའི་རྫས་སུ་བཤད། །དངུལ་ལམ་དཀར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟླུམ་པོ། །ལོགས་ལ་ཞི་བའི་ལྷ་བཀོད་ལ། །དེ་བཞིན་གཤེགས་པར་གསལ་བས་གདབ། །གསེར་རམ་སེར་པོའི་ཤིང་རྣམས་ལ། །མགོ་རྩེ་རྒྱ་མདུད་གྲུ་བཞི་བཅས། །ལོགས་ལ་རྒྱས་པའི་ལྷ་བསྒོམས་ཏེ། ། ― DNG011_Page_0269 ―
[མ་དཔེ་གཟིགས་ན་འདིར་གནོན།]
རིན་ཆེན་ང་རྒྱལ་བཅས་པས་གདབ། །ཟངས་སམ་བྱུ་རུ་དམར་ཤིང་རྣམས། །མགོ་བོ་རྒྱ་མདུད་རྩེ་ཟླ་གམ། །ལོགས་ལ་དབང་གི་ལྷ་བཀོད་ལ། །ཆགས་པ་རྡོ་རྗེར་གསལ་བས་གདབ། །ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ལོགས་ལ་དྲག་པོའི་ལྷ་བཀོད་དེ། །ཞེ་སྡང་རྡོ་རྗེར་གསལ་བས་གདབ། །ཨོཾ་དང་ཏྲཾ་ཧྲི་ཧཱུྃ་ཉིད་ལས། །འབྱུང་ལྔའི་རིམ་པ་གསལ་སྟེངས་སུ། །ཨེ་བྃ་མ་ཡ་བྷྲུྃ་ལས་བསྐྱེད། །གཞལ་ཡས་ཟླུམ་པོ་གྲུ་བཞི་དང་། །ཟླ་གམ་གྲུ་གསུམ་ཇི་བཞིན་དབྱིབས། །ཁ་དོག་རང་གི་ཚུལ་བཞིན་བསྐྱེད། །རང་རང་ས་བོན་གདན་སྟེངས་ལ། །འོད་བཞི་འཕྲོ་འདུའི་ཆོ་ག་ཡིས། །ལས་བཞི་གཙོ་བོ་ལས་བཞིན་བསྐྱེད། །འཁོར་མང་གཙོ་བོའི་ཆ་འདྲ་བ། །ཕྱག་མཚན་རང་རང་ཐུགས་རྟགས་ལ། །ལས་བཞི་རྟགས་ཀྱི་མཚན་མ་སྟེ། །ཁ་དོག་ལས་ཀྱིས་དབྱེ་བར་བཤད། །དབང་བསྐུར་ལས་བཞི་རིགས་ཀྱིས་བརྒྱན། །ལས་བཞི་འོད་ཀྱི་འཕྲོ་འདུ་ཅན། །ཆོ་གས་གསལ་བར་བསྐྱེད་བྱས་ལ། །སྤྱན་དྲང་བསྡིམ་སོགས་ལས་རྫོགས་བྱ། །ལས་དང་ཏིང་འཛིན་བཞི་ཉིད་ཀྱིས། །ལས་བཞི་རྩེ་གཅིག་ཏིང་འཛིན་བྱ། །གང་དུ་དམིགས་པ་རྩེ་གཅིག་པས། །ལས་བཞི་བྱ་བའི་ཆོ་ག་དག །མ་ལུས་པ་དག་འགྲུབ་འགྱུར་ན། །ཕྲ་མོའི་ལས་རྣམས་སྨོས་ཅི་དགོས། །ཤར་ཕྱོགས་སུ་ནི་ཁ་བལྟས་ཏེ། །དང་བའི་ཡིད་ནི་མི་གཡོ་བས། །རྫོགས་པའི་སྐྱིལ་ཀྲུང་ལ་གནས་ཏེ། །མ་རུངས་གདུག་པ་ཞི་བར་བྱ། །ལྷོ་ཕྱོགས་སུ་ནི་ཁ་བལྟས་ཏེ། །དགའ་བའི་འདུ་ཤེས་རྩེ་གཅིག་པས། །རིན་ཆེན་སྐྱིལ་ཀྲུང་ལ་གནས་པས། །དཔལ་དང་གཟི་བྱིན་འཕེལ་བར་བྱ། །ནུབ་ཀྱི་ཕྱོགས་སུ་ཁ་བལྟས་ཏེ། །ཆགས་དང་ཞེན་པ་རྩེ་གཅིག་པ། །པདྨའི་སྐྱིལ་ཀྲུང་ལ་གནས་ཏེ། །མ་ལུས་དབང་དུ་བསྡུ་བར་བྱ། །བྱང་ཕྱོགས་ཉིད་དུ་ཁ་བལྟས་ཏེ། །ཁྲོས་པའི་སེམས་ཀྱིས་སོ་བཅའ་ཞིང་། །རུས་སྦལ་དང་ནི་གྱད་སྟབས་ཀྱིས། །གདུག་པ་བསྒྲལ་ཏེ་ལམ་དུ་གཞུག །སོ་སོའི་སྔགས་ཀྱི་རིམ་པ་དག །སྔ་དྲོ་ཞི་བའི་ལས་བྱས་ཏེ། །གུང་ལ་རྒྱས་པ་ཉིད་དུ་བྱ། ། ― DNG011_Page_0270 ―
[མ་དཔེ་གཟིགས་ན་འདིར་གནོན།]
དགོངས་ཀ་དབང་གི་དུས་ཉིད་དེ། །དྲག་པོ་ནམ་གྱི་གུང་ལ་བྱ། །ནམ་ཟླ་དུས་བཞིར་བསྒྲུབས་པས་ན། །ངེས་པར་ལས་བཞི་འགྲུབ་པར་འགྱུར། །ཨོཾ་ཆེ་གེ་མོ་ཤཱནྟིཾ་ཀུ་རུ་སྭཱ་ཧཱ། སྭཱ་ཆེ་གེ་མོ་པུཥྚིཾ་ཀུ་རུ་སྭཱ་ཧཱ། ཧྲཱྀ་ཆེ་གེ་མོ་པ་ཤཾ་ཀུ་རུ་སྭཱ་ཧཱ། ཧཱུྃ་ཆེ་གེ་མོ་མཱ་ར་ཡ་ཕཊ། ལིངྒའི་གནས་ཀྱང་ལས་བཞིའི་དབྱིབས། །དགུག་དང་ཕུར་བུ་བཞི་བཏབ་ལ། །རིལ་བུའམ་ལྷག་མ་གཏུབས་པ་དེ། །སོ་སོ་ལྷ་ཡི་ཞལ་དུ་བསྟབས། །རྩེ་མོ་ཞི་བྱེད་ཡལ་ག་རྒྱས། །སྡོང་པོ་དབང་ལ་རྩ་བ་དྲག །ཁ་དང་མངར་སྐྱུར་ཚ་བའི་ཤིང་། །རོ་ཡི་མཆོད་པ་དེ་བཞིན་ཏེ། །རྒྱུད་བཟང་རྒྱལ་པོ་སྨད་འཚོང་མ། །ཤན་པའི་ཁྱིམ་ནས་མེ་བླངས་ཏེ། །ལས་དང་མཐུན་པའི་ར་སྐྱེས་མནན། །ས་བོན་བཞི་ལས་རིམ་པ་བཞིན། །པ་པ་ཀ་དང་དབང་ཆེན་དང་། །གཟི་བྱིན་ཅན་དང་འཇོམས་བྱེད་བཞི། །སྐུ་མདོག་ལས་བཞིས་ཕྱེ་བ་སྟེ། །གུན་དྷི་སྒྲོམ་དང་ཞགས་པ་དང་། །རྩེ་གསུམ་གཡོན་པ་བགྲང་ཕྲེང་ཉིད། །རིགས་བཞིས་ལས་བཞི་བྱིན་བརླབས་དབུ། །སྤྱན་དྲང་མཆོད་སྟོན་ལས་རྫོགས་ནས། །ལྟོ་བར་བྷྲུྃ་ལས་གཞལ་ཡས་སུ། །ལས་དང་མཐུན་པའི་ལྷ་བསྐྱེད་ལ། །རང་རང་རྟོག་པའི་ཆོ་ག་བཞིན། །བསྲེག་དང་བྲོ་གར་ལས་བྱས་པས། །གང་ཡང་འགྲུབ་པར་ཐེ་ཚོམ་མེད། །ཞེ་སྡང་ཅན་དང་ང་རྒྱལ་ཅན། །སྡུག་བསྔལ་གདུག་སེམས་ནད་གཟིར་བ། །དེ་འདྲ་ཞི་བར་བྱ་བའི་ཕྱིར། །ཞི་བའི་ལས་ནི་རྩོམ་པ་ཡིན། །ཚེ་ཐུང་ནད་མང་དཔལ་ལོངས་སྤྱོད། །ཕོངས་དང་ཉམ་ང་འཇིགས་པ་དག །དྭངས་སྙིགས་ཟད་ནས་སྙིང་པོར་ཐིམ། །ཐིག་ལེ་མི་ཤིགས་བཅུད་འདུས་པ། །སྟོང་ཉིད་ཐིག་ལེའི་ངང་དུ་འགག །རྒྱུ་བའི་རླུང་ལ་དབང་ཐོབ་ཅིང་། །མངོན་ཤེས་སྐྱེ་འཇིག་ཐོབ་བྲལ་བས། །བདེ་ཆེན་ནམ་མཁའི་ཡེ་ཤེས་ཉིད། །རྡོ་རྗེ་ཐིག་ལེ་འགྱུར་འཇིག་མེད། །སྟེང་དང་འོག་ལས་གང་སྦྱར་བས། །སྐུ་གསུང་ཐུགས་ཀྱི་ཕོ་བྲང་དག །བདེ་ཆེན་ཏིལ་འབྲུ་བཅུད་བཞིན་དུ། །ཉི་ཟླ་གནས་པའི་བར་དུ་འབར། །འབབ་པ་ཐིག་ལེ་ཟླ་བའི་གཟུགས། །ཁ་བཅད་རླུང་གིས་གཟུང་བྱ་ཞིང་། །འོག་གིས་ཕུལ་ཞིང་ ― DNG011_Page_0271 ―
[མ་དཔེ་གཟིགས་ན་འདིར་གནོན།]
སྟེང་གིས་དྲང་། །མ་ལུས་བདེ་ཆེན་ཁྱབ་པར་གནས། །མི་རྟོག་གསལ་བ་མཐར་ཕྱིན་པ། །སེང་ཕྲུག་ཟླ་བ་རྫོགས་པ་ལྟར། །ཐབས་དང་ཏིང་འཛིན་སྦྱོར་བ་ཡིས། །བདེ་བའི་ཡེ་ཤེས་ཆེན་པོ་ལ། །མ་ལུས་ཡོན་ཏན་རྫོགས་པར་གནས། །ཆགས་ཅན་བརྟུལ་ཞུགས་བྲལ་བ་ཡི། །ལུས་དང་དྲན་རྟོགས་བག་ཆགས་བཅས། །རིགས་དང་རིགས་མིན་གང་ཡང་རུང་། །སྒོ་གསུམ་མ་ལུས་བཅས་པ་དག །སྟེང་སྒོའི་གདུལ་བྱ་དེས་འདུལ་ཡིན། །དང་པོར་གསང་བའི་རིམ་ཐོབ་པས། །རླུང་དང་ཐིག་ལེའི་ལས་གོམས་ནས། །བདེ་ཆེན་བྱང་ཆུབ་སེམས་ཀྱི་རོ། །སེམས་ལྔའི་ཚུལ་གྱིས་གང་སྣང་བ། །གཡོ་ཐོབ་བརྟན་པའི་ཉམས་ཉིད་ཀྱིས། །ལུས་དང་ཕྱི་ནང་དྲན་རྟོགས་བཅས། །ནམ་མཁའི་གཟུགས་ཅན་ཉིད་དུ་སྐྱེ། །ལུས་དང་སྣང་བར་བཅས་པ་ཡི། །ནམ་མཁའི་མཐའ་ལྟར་མི་ཕྱེད་པ། །བདེ་ཆེན་ཐིག་ལེ་ཨ་དང་གནས། །ཐིག་ལེ་སྟོང་པའི་རི་མོ་ཅན། །གསལ་བར་ཤེས་པ་རྒྱུ་བས་མངོན། །འོག་ནས་བསྐུལ་ཞིང་སྟེང་ནས་མནན། །དྭངས་སྙིགས་བསྲེ་བའི་ཐབས་ལ་འཇུག །བདེ་བའི་རླུང་ཅན་ཡཾ་གི་སྒོ། །བསྐྱོད་པའི་སྦྱོར་བས་གྱེན་དུ་ཕུལ། །རྒྱུ་བ་རླུང་གི་སྙིང་པོ་ཅན། །དཔའ་བོ་ལམ་ནས་ཐུར་དུ་འཐེན། །རིག་པའི་ཡེ་ཤེས་གནས་པའི་རླུང་། །སྟོང་ཉིད་ནམ་མཁའི་དབྱིངས་སུ་ཐིམ། །ཕྱི་ནང་རྒྱུ་བ་ཆད་པ་དང་། །རིག་པ་ཐིག་ལེའི་ངང་ལ་གནས། །བདེ་བའི་རྟགས་ནི་འབྱུང་འགྱུར་ཏེ། །འདར་དང་རྔུལ་དང་བ་སྤུ་ལྡང་། །སྒྲ་དང་ལུས་བདེ་རྒྱུག་པ་དང་། །དགོད་དང་བརྒྱལ་སོགས་གང་བྱུང་བ། །བརྟན་དང་སྦྱང་བའི་ཆོ་ག་བྱ། །མི་མཐུན་ལོག་པའི་ཆོས་བརྟགས་ན། །ཐབས་ཀྱི་རིམ་པའི་ཆོ་ག་ཡིས། །གདོན་དང་སྤོས་དང་གནོན་པ་དག །ཇི་ལྟར་རིགས་པར་བརྟག་པར་བྱ། །རང་ལུས་ཐིག་ལེའི་ཉམས་མྱོང་ལ། །བར་ཆད་མེད་པར་གསལ་འཇུག་པ། །ཐ་མལ་ཞེན་པ་བསྒྱུར་བ་དང་། །བདེ་བའི་དབང་ཕྱུག་སྨིན་པ་དང་། །དྲན་རྟོགས་རྒྱུད་སོགས་ཞི་བ་དང་། །བདེ་ཆེན་རྒྱས་པས་ཁྱབ་པ་དང་། །རླུང་དང་བདེ་བའི་རྣལ་འབྱོར་གྱིས། །ཐམས་ཅད་དབང་དུ་སྡུད་པ་དང་། ། ― DNG011_Page_0272 ―
[མ་དཔེ་གཟིགས་ན་འདིར་གནོན།]
དྲན་རྟོག་ཨ་ཡི་ངང་དུ་གནས། །འདི་ནི་ནང་གི་རིམ་པ་ཡིན། །དེ་ནས་གསང་བ་བཤད་བྱ་བ། །ཐབས་དང་ཤེས་རབ་འདྲེལ་པ་ལས། །གསང་བའི་ཕྲིན་ལས་བཞིར་འབྱུང་བ། །དཀའ་ཐུབ་ཅན་དང་ཐ་མལ་དང་། །ཐུན་མོང་ལམ་ལས་བཟློག་ཕྱིར་རོ། །འདོད་ཆགས་ཞེན་ཅིང་དབང་པོ་སྨིན། །ཚད་ལྡན་ཡུམ་དང་བཅས་པ་ཡི། །བདེ་ཆེན་དགོན་པ་ཐིག་ལེའི་གནས། །ཡོན་ཏན་ཁྱད་པར་ཀུན་དུ་རྫོགས། །གཉིས་མེད་འཁྲིལ་བའི་ངོ་བོ་ནི། །བདེ་བ་ཆེན་པོ་འབྱུང་བའི་གནས། །གསང་བའི་བྷ་ག་རྒྱས་པ་ནི། །ཞི་རྒྱས་དབང་དྲག་ཚུལ་བཞིན་དང་། །ནུས་པ་བྱིན་བརླབས་གང་ལྡན་པ། །གསང་བའི་ཐིག་ལེའི་ཚུལ་ལ་གནས། །པདྨ་གསང་བའི་ཐབ་ཁུང་དུ། །གསང་བའི་སྦྱིན་སྲེག་གང་ཕུལ་བ། །ལོ་དང་ཟླ་བ་མ་ཡིན་པར། །མྱུར་དུ་བདེ་ཆེན་ལུས་སུ་འགྱུར། །ཐབས་དང་ཤེས་རབ་ལས་བྱུང་བའི། །དྭངས་སྙིགས་བཅུད་དང་བག་ཆགས་དང་། །ཉི་ཟླ་ཁུ་བར་བཅས་པ་ནི། །བདེ་ཆེན་གསང་བ་མཆོད་པའི་རྫས། །གདུང་དང་བདེ་བ་བྲལ་བ་དང་། །ཞེན་རྟོག་དེ་ཉིད་ཆགས་པ་ཡི། །རང་གི་ལིངྒ་དེ་ཉིད་ལ། །གསང་བའི་ཕུར་པ་བཞི་རྫོགས་པ། །གསང་བའི་ཡུལ་ལ་བཏབ་པ་ཡིས། །ལྷན་ཅིག་སྐྱེས་པའི་ཏིང་འཛིན་ལ། །ལས་བཞི་མ་བཙལ་རྫོགས་པར་ལྡན། །རོལ་པའི་ཚུལ་དང་ཐིག་ལེ་གཉིས། །པདྨ་རྡོ་རྗེ་སྙིང་པོའི་རྩ། །ཉམས་དང་སྦྱོར་ཚུལ་གང་ཡིན་པ། །གསང་བའི་སྦྱོར་བའི་དུས་སུ་བལྟ། །གནས་པ་རྩ་ཡི་ཚུལ་དག་ནི། །ཁ་དོག་དབྱིབས་སོགས་ཐ་དད་པས། །མཆོད་རྫས་ཉི་ཟླར་བཅས་ཀུན་ལ། །གཟར་བུ་གཉིས་བཅས་ཐབ་ཕུལ་བས། །ཐིག་ལེ་ཆེན་པོར་འབབ་པར་འགྱུར། །གསང་བའི་དོན་ལ་དགའ་བ་དང་། །རིག་པའི་བརྟུལ་ཞུགས་སྤྱོད་པ་དང་། །དབང་པོ་དར་ཅིང་སྨིན་པ་དང་། །ཐིག་ལེའི་དོན་ལ་མོས་པ་དང་། །རླུང་དང་བཅུད་ལ་གོམས་པ་ཡིས། །རྣལ་འབྱོར་ཕོ་མོར་བཅས་པ་ཀུན། །དྲན་རྟོག་ཕྱི་མ་བཅས་པའི་ཡིད། །གདུལ་བྱའི་དོན་དུ་དེ་བཤད་དོ། །གང་དག་ཐབས་ལ་མཁས་པ་དང་། །དབང་དང་དམ་ཚིག་ལྡན་པ་ཡིས། །ཐབས་དང་ ― DNG011_Page_0273 ―
[མ་དཔེ་གཟིགས་ན་འདིར་གནོན།]
སྦྱོར་བ་ལ་བརྩོན་ཞིང་། །ཉི་ཟླ་རྩེ་སྦྱོར་དབང་ཐོབ་ནས། །གཟུང་ཟློག་འབྱངས་པའི་གར་ཐབས་ཀྱིས། །དངོས་པོ་ལྷན་ཅིག་སྐྱེས་པའི་དོན། །སེམས་ལྔའི་ཚུལ་གྱིས་གསལ་བར་སྐྱེ། །ཉི་ཟླ་ཞོན་པའི་རྫུ་འཕྲུལ་དང་། །རྒྱུ་བའི་རླུང་ལ་དབང་ཐོབ་པས། །ཁམས་བཞི་འདུས་པའི་སྙིང་པོ་ལས། །བདེ་ཆེན་ཐིག་ལེ་མི་རྟོག་པ། །ཐབས་ཀྱིས་ད་ལྟར་མངོན་དུ་སྣང་། །ཐབས་དང་བྲལ་བའི་སློབ་དཔོན་གྱིས། །སྐལ་མེད་ལས་ཀྱིས་དམན་པ་ལ། །དབང་དང་བརྒྱུད་པ་བྲལ་བ་ཡིས། །ཚིག་དང་རིགས་པས་ཅི་བསྟན་ཀྱང་། །རིགས་ངན་རྒྱལ་སར་བཞག་པ་ལྟར། །བདག་ཕུང་གཞན་བརླག་འཇིག་པར་འགྱུར། །གང་དུ་གསང་བའི་ཐིག་ལེ་ཉིད། །གསང་བའི་ལམ་ལྔར་ཉམས་སྐྱེས་པས། །ཟག་མེད་བདེ་བའི་དཀྱིལ་འཁོར་དུ། །མཁའ་འགྲོ་གསུམ་ལ་གང་བརྟེན་ནས། །ཡེ་ཤེས་ཐིག་ལེ་རྒྱ་དཔག་མེད། །རིམ་པས་མཐར་ཐུག་གནས་སུ་འགྱུར། །གང་ཞིག་འདི་ལ་འདྲིས་གོམས་པས། །རྒྱུ་བ་ཐིག་ལེར་ཐིམ་པ་དང་། །ངན་རྟོག་ནམ་མཁར་གསལ་བ་དང་། །བདེ་ཆེན་སྔོན་དུ་སྨིན་པ་ཡིས། །འཆི་མེད་སངས་རྒྱས་ས་ལ་སྦྱོར། །འཇིགས་པ་ཀུན་ལས་གྲོལ་བ་དང་། །ལྷ་མོ་ཚོགས་ཀྱིས་བྱིན་བརླབས་ནས། །རོལ་རྩེད་སྣ་ཚོགས་སྒྱུར་བྱེད་ཅིང་། །ཐབས་དང་ཤེས་རབ་གཉིས་མེད་ཅིང་། །ལོངས་སྤྱོད་རྫོགས་པའི་ཞལ་མཐོང་ཞིང་། །རྡོ་རྗེ་དབང་གིས་མཚམས་སྦྱར་ནས། །ཡི་གེ་འཁོར་ལོ་ཚོགས་མཆོག་མཉེས། །ནམ་མཁའི་མཐར་ཐུག་བར་དུ་ནི། །བདེ་ཆེན་ཡེ་ཤེས་ཟག་པ་མེད། །ཡེ་ཤེས་རྒྱ་མཚོ་བྱིན་བརླབས་ཅན། །ནམ་མཁའ་ལྟ་བུར་དཔག་མེད་པ། །རྒྱལ་བ་ཀུན་གྱི་ངོ་བོར་འགྱུར། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ལས་ཕྲིན་ལས་མཐའ་ཡས་པ་བཤད་པའི་ལེའུ་སྟེ་བཅུ་པའོ།། །།དེ་ནས་གཞན་ཡང་བཤད་བྱ་བ། །གསང་བའི་ལམ་ལ་གང་དགའ་བས། །ཐུན་མོང་མ་གྱུར་གསང་བའི་ལམ། །རིམ་པ་ཉིད་དུ་བཤད་པར་བྱ། །དད་དང་བརྟུལ་ཞུགས་ཆེ་བ་དང་། །ཐེག་པ་ཆེན་པོར་རིགས་ངེས་ཤིང་། །སྙིང་བརྩེ་དབང་དང་དམ་ཚིག་ལྡན། །སྒྲུབ་ལ་ ― DNG011_Page_0274 ―
[མ་དཔེ་གཟིགས་ན་འདིར་གནོན།]
བརྩོན་པའི་གང་ཟག་གིས། །ལུས་དང་ལོངས་སྤྱོད་འཚོ་བ་དང་། །བུ་དང་ཆུང་མ་རྒྱལ་སྲིད་ཀྱིས། །དང་པོར་བླ་མ་མཉེས་བྱས་ལ། །ཐབས་ལ་མཁས་པས་འདོད་པ་བླང་། །ཕྱི་ནང་སྣོད་བཅུད་མ་ལུས་པ། །རང་བྱུང་ཡེ་ཤེས་རང་སྣང་བ། །གཅིག་དང་དུ་མ་མེད་ཚུལ་གྱིས། །བདེན་པ་གཉིས་མེད་འདྲེལ་བ་ཉིད། །བྱིན་བརླབས་སྒྲ་དང་གཏན་ཚིགས་ཀྱི། །རང་འབྱུང་ཡེ་ཤེས་མངོན་དུ་སྣང་། །རང་གནས་འཁོར་ལོ་བསམ་མི་ཁྱབ། །རྟོག་གེའི་སྤྱོད་ཡུལ་མ་གྱུར་པ། །ཐབས་ཆེན་ཐབས་ལས་བྱུང་བ་ཡི། །འཕེལ་དང་དགའ་བདེ་ལོངས་སྤྱོད་ཕྱིར། །རྒྱས་པའི་ལས་ལ་འབད་པར་བྱ། །དབང་ཆེན་གཟི་བྱིན་ཆེ་བ་དང་། །རྒྱལ་རིགས་བློན་པོ་བྲམ་ཟེ་དང་། །གདུག་པ་དབང་དུ་བསྡུ་བའི་ཕྱིར། །རྗེས་དགུག་དབང་གི་ལས་བརྩམ་མོ། །དགྲ་དང་བགེགས་སོགས་མ་རུངས་པ། །གང་གིས་འདུལ་བར་མི་ནུས་པ། །གཟིར་ཞིང་འདུ་ཤེས་བསྒྱུར་བའི་ཕྱིར། །དྲག་པོ་བསྒྲལ་བའི་ཕྲིན་ལས་བརྩམ། །གང་ཡང་རུང་བའི་དངོས་པོ་ལ། །དང་པོ་མི་མཐུན་ཞི་བར་བྱ། །དེ་ནས་ཡོན་ཏན་རྒྱས་པར་བྱ། །དེ་ཉིད་དབང་བསྡུ་ལས་ལ་སྦྱར། །གལ་ཏེ་དབང་དུ་མ་གྱུར་ན། །དྲག་པོས་གཟིར་ཏེ་བསྒྲལ་བར་བྱ། །གལ་ཏེ་ལོག་པར་ལྟུང་སྲིད་པས། །འོག་མིན་གནས་སུ་ཕཊ་ཀྱིས་འཕང་། །ངེས་པར་འགྲུབ་འགྱུར་གདོན་མི་ཟ། །དང་པོར་སྔོན་བྱའི་ལས་ཀྱིས་ནི། །ནུས་དང་མི་ནུས་ཁྱད་པར་བརྟག །དེ་ནས་ནུས་པ་ཐོབ་པ་སྟེ། །དེ་ནས་བདེ་བའི་རྩལ་ཐོབ་ནས། །ཐོགས་པ་མེད་པའི་ཕྲིན་ལས་འགྲུབ། །ཟག་མེད་ལམ་ལ་གོམས་སྦྱངས་པས། །ཆོ་འཕྲུལ་བཞི་དང་ཕྲིན་ལས་བཞི། །གདུལ་བྱ་ཞིང་དང་ནུས་མཐུ་དང་། །བྱིན་བརླབས་རྩལ་གྱི་ཁྱད་པར་འཕགས། །མཐར་ཕྱིན་སྐུ་ལྔའི་ཞིང་ཐོབ་པས། །མ་རྩལ་ཆུ་དང་རླབས་བཞིན་དུ། །དཔག་མེད་ཡོན་ཏན་ངོ་བོའི་ཕྱིར། །ལྷུན་གྱིས་གྲུབ་པའི་ཕྲིན་ལས་ཡིན། །ལས་དང་ཉོན་མོངས་གདུག་པ་དང་། །སྡུག་བསྔལ་རྟོག་པ་ཇི་སྙེད་པ། །ཆོ་ག་ཐབས་དང་ཏིང་འཛིན་གྱིས། །ལྷན་ནེ་ལྷང་ངེར་ཞི་བར་འགྱུར། །ང་རྒྱལ་རིན་ཆེན་གཟི་བརྗིད་ཀྱིས། །དཔལ་དང་ལོངས་ ― DNG011_Page_0275 ―
[མ་དཔེ་གཟིགས་ན་འདིར་གནོན།]
སྤྱོད་འཕེལ་བ་དང་། །ཚེ་དང་ལང་ཚོ་སྟོབས་ལྡན་ཞིང་། །ཡོན་ཏན་ནམ་མཁའི་མཐའ་དང་མཉམ། །འདོད་ཆགས་རྡོ་རྗེ་ཏིང་འཛིན་གྱིས། །བདུད་དང་གདུག་པ་རྒྱལ་པོ་དང་། །ལྷ་དབང་སྲིན་པོ་མཁའ་འགྲོ་མ། །ཕྱག་ན་རྡོ་རྗེའང་དབང་དུ་འགྱུར། །ཞེ་སྡང་རྡོ་རྗེ་ཏིང་འཛིན་གྱིས། །ཆོ་ག་རྫས་དང་སྔགས་ལྡན་པས། །ཆོས་སྐུ་རྡོ་རྗེའང་འཇིག་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །རང་ལུས་བདེ་ཆེན་ཀུན་གྱི་དབྱིངས། །རང་ལུས་ཐིག་ལེའི་ཐབས་མཁས་པས། །སྦྱོར་བ་རླུང་གི་གོམས་སྟོབས་ཅན། །དཀྱིལ་འཁོར་ནང་ལ་གནས་གྱུར་པས། །ཉམས་ཀྱིས་ལས་བཞི་གསལ་གྱུར་ཏེ། །རིམ་པ་ཇི་བཞིན་འགྱུར་བ་དང་། །རང་གི་མངོན་པར་གསལ་གྱུར་པ། །ནུས་པ་བརྟན་པས་མངོན་དུ་འགྱུར། །གཞན་མིན་འཁོར་ལོ་ཕོ་བྲང་ཉིད། །གནས་དང་འཇུག་དང་གཟུང་བ་དང་། །བསྡིམ་ཞིང་གནས་པ་གང་ཡིན་པ། །དེ་དག་ཉིད་དུ་བཤད་པ་ཡིན། །དྷརྨ་ཙཀྲ་གཞལ་ཡས་ཁང་། །རྩ་བཞི་ཡན་ལག་བརྒྱད་དཀྱིལ་ན། །ཨེ་བྃ་མ་ཡ་ལས་བཞི་དབྱིབས། །ཁ་དོག་ལས་ཀྱིས་གཙོར་གྱུར་པ། །བག་ཆགས་ས་བོན་སྙིགས་མ་དང་། །རྟོག་དང་ཐ་མལ་ཞེན་པའི་རྫས། །ཉམས་མྱོང་འགྱུར་མེད་བཞིར་གནས་ཏེ། །ཐིག་ལེས་དེ་ཉིད་ཞི་བ་དང་། །རང་ལུས་ཕྱི་ནང་ཐིག་ལེས་རྒྱས། །རླུང་དང་ཐིག་ལེ་རྟོག་པར་བཅས། །ནུས་པས་དབང་དུ་འདུས་པ་དང་། །ཐིག་ལེས་མ་བཅོས་ནམ་མཁའི་ངང་། །སྲོག་དང་ཐིག་ལེར་བཅས་བསྡུས་པ། །ཨ་ཡི་ངང་དུ་ཐིམ་འགྱུར་དེ། །རྒྱུ་བ་དྭངས་ཤིང་འཕར་བ་གནོན། །མི་འགྱུར་དབྱིངས་ལ་གནས་པར་བྱ། །རང་ལུས་ཐབས་ཀྱི་ངོ་བོ་ལས། །འཁོར་ལོ་བཞི་དང་མེ་རླུང་དང་། །བསྐྱོད་པ་རླུང་གིས་ལས་རུང་བས། །ནམ་མཁའི་ཡེ་ཤེས་ཅིར་ཡང་གསལ། །ཐིག་ལེས་རྒྱུད་དང་ལུས་རྒྱས་པས། །བདེ་ཆེན་དབང་ཐོབ་ཞེན་ཆགས་བྲལ། །ཏིང་འཛིན་སྦྱོར་བས་གང་བསྐུལ་ན། །རིམ་པའི་རྟགས་དང་ནུས་པ་བྱུང་། །ཁ་དོག་གྲངས་དང་སྙིང་པོ་དང་། །དབྱིབས་དང་ཚད་དང་ཐིག་ལེ་ཡི། །ཁྱབ་པ་ལ་སོགས་མཐའ་ཡས་པ། ། ― DNG011_Page_0276 ―
[མ་དཔེ་གཟིགས་ན་འདིར་གནོན།]
བཞུགས་ཚུལ་དེ་ཉིད་དེ་བཞིན་ནོ། །འཁོར་ལོ་བཞི་ཡི་ཐབ་ཁུང་དུ། །གཏུམ་མོ་བྱིན་ཟའི་ལས་བསྐུལ་བས། །དྭངས་སྙིགས་རྟོག་པའི་བག་ཆགས་དག །མི་ཤིགས་ཐིག་ལེར་མཆོད་པ་ཕུལ། །ཕྱི་ནང་རྒྱུ་བ་མ་ལུས་པ། །རང་འབྱུང་འཁོར་ལོ་ཐིག་ལེ་མཆོག །སྤྱོད་ཡུལ་ཐུན་མོང་མ་ལུས་པ། །ཕྱི་ཡི་རྣམ་པ་ལམ་བྱེད་པས། །ཐུན་མོང་ཕྱི་ཡི་ལམ་དུ་བཤད། །དེ་ཉིད་ནང་དུ་རྩ་འཁོར་ལོ། །ཐིག་ལེས་ནང་དུ་ཉམས་སྐྱེད་པ། །རིམ་པ་འདི་ནི་ནང་དུ་བཤད། །དབང་ཐོབ་སྦྱངས་པ་མ་རྟོགས་པ། །སྐལ་ངན་རིགས་ཆད་ཡུལ་མིན་པ། །གསང་བས་གསང་བ་ཞེས་བཤད་དོ། །དང་པོར་བློ་ལྡན་གང་ཟག་ནི། །མ་ལུས་བདེན་པ་དབྱེར་མེད་ལ། །རང་བཞིན་རིག་པའི་གཏན་ཚིགས་ཀྱིས། །ཕུང་པོ་ཁམས་དང་སྐྱེ་མཆེད་ལ། །ཐབས་དང་ཤེས་གཉིས་མེད་པའི་དོན། །ཡེ་ནས་སངས་རྒྱས་རྫོགས་པ་ཉིད། །དེ་ཉིད་དུས་གསུམ་མ་སྐྱེས་པ། །གང་ལ་བརྟེན་ནས་རྟོགས་པ་ལ། །ལམ་གྱི་ཡན་ལག་ཀུན་རྫོགས་ཏེ། །ས་བཅུ་རིམ་པར་མ་བཀོད་རྫོགས། །མ་ལུས་ཡོན་ཏན་རང་ཤར་བས། །ཐམས་ཅད་མ་ལུས་མ་འདའ་ལ། །ཚོགས་གཉིས་རྫོགས་པའི་འབྲས་བུ་ཉིད། །དབང་པོ་ཅིག་ཅར་སྤྱོད་ཡུལ་ཡིན། །གང་སུ་བློ་དང་མོས་པ་དང་། །རྟོགས་ཆུང་མཚན་མ་དགའ་བ་ལ། །ཐུན་མོང་སྒོ་མཐུན་ཁྱད་པར་ཅན། །རིམ་པའི་རྣལ་འབྱོར་བསླབ་པར་བྱ། །དང་པོར་ཕྱི་ནང་སྣོད་བཅུད་ཀུན། །རང་ས་ཉིད་ན་མི་དམིགས་པ། །མ་བཅོས་མ་བསལ་མི་གནས་པ། །དངོས་པོ་ཅི་ལའང་མི་བརྟག་ཅིང་། །དེ་ཉིད་ལ་ཡང་མི་རྟོག་པ། །འཛིན་རྟོག་ཞེན་པ་མི་གནས་པར། །བསམ་དང་བསམ་བྱ་མེད་ཚུལ་གྱིས། །བདག་གཞན་ཕྱི་ནང་མ་ལུས་པ། །གང་གི་ངོ་བོར་མ་གྲུབ་པ། །ཅི་ལའང་མི་གནས་སྦྱོར་བ་ཡིས། །རང་སར་མི་རྟོག་ངོ་བོ་ཉིད། །བཅོས་པ་མེད་པའི་ཚུལ་དུ་བསྒོམ། །གལ་ཏེ་མཚན་མའི་རྒྱུ་བ་དག །ཆུ་ལས་རྙོག་པའི་ཚུལ་བྱུང་ན། །མ་བཅོས་རང་བཞིན་བཞག་པ་ཡིས། །མ་ལུས་རྟོག་མེད་དེ་བཞིན་ཉིད། །རང་བཞིན་བཞག་པས་དག་པར་འགྱུར། །ནམ་མཁའ་དག་ ― DNG011_Page_0277 ―
[མ་དཔེ་གཟིགས་ན་འདིར་གནོན།]
པར་འགྱུར་བའི་ཚེ། །སྤྲིན་ཀྱང་རང་འབྱུང་དག་པ་ལྟར། །བྱུང་ཚོར་དྲན་རྟོག་མ་ལུས་པ། །ཆོས་ཉིད་སྟོང་པའི་རང་བཞིན་ནོ། །གང་དུ་སྣང་སྲིད་མ་ལུས་པ། །ཕྱི་ནང་མེད་པའི་སེམས་ཉིད་དེ། །དེ་ཉིད་སྟོང་པའི་རང་བཞིན་དུ། །གོམས་ཤིང་ནུས་པ་བརྟན་པའི་ཚེ། །དེ་ཉིད་རྣལ་འབྱོར་དེ་ཉིད་ནི། །སྟོང་པ་ཆེན་པོ་རྣལ་འབྱོར་ཡིན། །སྒོ་གསུམ་བྱེད་སྤྱོད་མ་བཅོས་པ། །མ་བརྟགས་མི་རྟོག་ཅིར་མི་གནས། །འདི་ནི་རྣལ་འབྱོར་རྩེ་གཅིག་པས། །བྱ་བ་སྤངས་པའི་སྤྱོད་པ་ཡིན། །དེ་ནས་དེ་ལས་ལངས་པའི་ཚེ། །སྒྱུ་མ་ཆུ་ཟླ་སྨིག་རྒྱུ་དང་། །འཇའ་ཚོན་དབུ་བ་ཆུ་བུར་ལྟར། །སྣང་ཡང་དངོས་པོར་གནས་མ་ཡིན། །རིག་པ་ཕྱི་ནང་མ་ལུས་པ། །སྟོང་པའི་ཆོ་འཕྲུལ་སྣང་དུ་ཟད། །མ་ལུས་རིག་པའི་ངོ་བོ་སྟེ། །དེ་ཡང་སྒྱུ་མའི་རང་བཞིན་ལྟར། །ཞེན་ཆགས་མེད་པའི་ཚུལ་དུ་བསྒོམ། །ཡེ་ཤེས་སྒྱུ་མའི་ཆོ་འཕྲུལ་ནི། །དཔག་མེད་ངོ་བོར་རང་སྣང་ཡང་། །བྱིན་བརླབས་ཆོ་འཕྲུལ་རང་སྣང་བ། །དེ་ལྟར་མ་རྟོགས་དམན་པ་ལ། །རང་འབྱུང་སྙིང་རྗེར་འཆར་བའི་ཕྱིར། །སྙིང་རྗེ་ཆེན་པོ་རྣལ་འབྱོར་ཡིན། །འགྲོ་བ་གང་དང་གང་དག་ལས། །སྙིང་རྗེ་ཆེན་པོ་གང་གཟིགས་པས། །སྣ་ཚོགས་མཛད་པའི་ཚུལ་ཉིད་ཀྱིས། །དེ་སྙེད་སྤྱོད་ལ་མཐའ་ཡས་ཏེ། །དོན་དང་མཐུན་པ་འབའ་ཞིག་སྟོན། །ཐ་མལ་པ་དང་ཐབས་ཉིད་དང་། །ལུས་ངག་ཡིད་ཀྱིས་ཅི་འཚམ་པར། །དོན་འགྱུར་སྤྱོད་པ་བསམ་མི་ཁྱབ། །གང་དུ་བྱམས་དང་སྙིང་རྗེ་ཡིས། །མ་ཁྱབ་མིང་གི་རྣལ་འབྱོར་ཏེ། །ཐེག་པ་ཆེན་པོའི་རིགས་ཆད་ཅིང་། །དམན་པའི་རིགས་སུ་གྱུར་པ་ཡིན། །རྩ་བ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་སྟེ། །ནམ་མཁའི་རིས་དང་དབྱེར་མེད་ལྟར། །མ་ལུས་རང་རྒྱུད་བྲལ་བ་ཡི། །ངོ་བོ་བདེན་མིན་བརྫུན་པ་མིན། །ཆོས་རྣམས་མིང་ཙམ་དངོས་པོ་མེད། །སྒོ་གསུམ་འདི་ལྟར་བརྟན་པ་ནི། །ཐུགས་རྗེ་ཆེན་པོ་སྤྱོད་པ་ཡིན། །དེ་ནས་སྒྱུ་མའི་རང་བཞིན་ཉིད། །རང་བཞིན་གཉིས་མེད་རིག་པ་ནི། །ཡི་གེ་ཧཱུྃ་དུ་གསལ་བར་བསྒོམ། །ཕྱི་ནང་སྣོད་བཅུད་མ་ལུས་པ། །འཕྲོ་འདུས་ཧཱུྃ་དུ་གསལ་བར་བྱ། །རྡུལ་ཕྲན་དེ་སྙེད་འདུས་པ་ལས། །ཐིག་ལེ་མི་ ― DNG011_Page_0278 ―
[མ་དཔེ་གཟིགས་ན་འདིར་གནོན།]
དམིགས་སྟོང་པར་བལྟ། །མ་དང་ཨ་ལས་ཉི་ཟླའི་གདན། །གང་བསྒྲིལ་ཧཱུྃ་བཅས་གསལ་བར་བྱ། །རང་རང་གསུང་ཡང་འགལ་བ་མེད། །སྒྲིལ་མའི་སྙིང་པོ་ཕྱག་མཚན་ཏེ། །འཕྲོ་འདུ་ཕྲ་མོའི་རང་བཞིན་སྐུ། །གསལ་ལ་སྐྱོན་དང་བྲལ་བར་བསྒོམ། །དེ་ནས་རང་རང་ཚད་གྱུར་པ། །རིགས་པའི་ཕྱག་རྒྱ་ཆེན་པོ་ཉིད། །ཞི་དང་ཁྲོ་བོ་སྐབས་ཉིད་དུ། །ཇི་ལྟར་འཐད་པར་བསྒོམ་པར་བྱ། །ཡང་ན་ཞལ་གཅིག་ཕྱག་གཉིས་ཏེ། །ཡང་ན་ཞལ་གསུམ་ཕྱག་དྲུག་བསྒོམ། །གནས་གཅིག་གནས་གསུམ་གནས་ལྔར་ཡང་། །ཡན་ལག་ལྷ་ནི་ཚང་བར་བསྒོམ། །གོམས་ནས་བསྡིམས་ཏེ་སྤྱོད་ཡུལ་ཀུན། །དེ་ལྟར་གསལ་བར་བརྟག་པར་བྱ། །རྩ་བ་གཅིག་པའི་ལྷ་བསྒོམ་པ། །ཕྱག་རྒྱ་གཅིག་པའི་རྣལ་འབྱོར་ཡིན། །སྒོ་གསུམ་བསྒོམ་ལ་རབ་འབད་པས། །རྣམ་པར་གཡེང་བའི་ཆོས་སྤྱོད་འདས། །མ་ལུས་རྩ་བའི་སྤྱོད་པ་སྟེ། །ཕྱོགས་གཅིག་པ་ཡི་སྤྱོད་པར་གསུངས། །དེ་ནས་རྟོག་པའི་ཡན་ལག་དག །གཉིས་ཀ་ཐབས་དང་ཤེས་རབ་ཏུ། །བརྟགས་ཏེ་དེ་ལྟར་བསྒོམ་པར་བྱ། །འོད་ཟེར་འཕྲོ་བ་འབྲུ་གསུམ་ཉིད། །ཡང་ན་ཡེ་ཤེས་ལྔ་ཉིད་དེ། །གནས་གཅིག་སྙིང་པོར་གནས་པར་བྱ། །དེ་བཞིན་གཙོ་བོ་གཙོ་མོ་དང་། །སེམས་དཔའ་དང་ནི་སེམས་མ་དང་། །ཁྲོ་བོ་ཁྲོ་མོ་སྤྲུལ་པ་དང་། །ཡིད་ཆོས་དག་ལའང་ཤེས་པར་བྱ། །ཞལ་དང་ཕྱག་དང་ལྷ་གྲངས་དང་། །ཚོམ་བུ་སྤྲོས་པས་སྤྲོས་བཅས་ཡིན། །སྐུ་གསུང་ཐུགས་དང་ཡོན་ཏན་ལས། །ཚོམ་བུ་ལྔ་ལ་ཁྲོ་བཅས་བསྒོམ། །ཡང་ན་སྐུ་གསུང་ཐུགས་ལྡན་པའི། །ཚོམ་བུ་གསུམ་དང་བཅས་པ་ཡི། །ཁྲོ་བོ་ཁྲོ་མོ་འཁོར་དུ་བསྒོམ། །རིགས་ཀྱི་གཙོ་སྟེ་ཐུགས་ཀྱི་མཆོག །ཁྲོ་བོ་ཚོགས་དང་བཅས་པ་ཡི། །མོས་པའི་ཚུལ་དང་སྦྱོར་བ་ཡིས། །ཚོམ་བུ་གཅིག་པའི་ལྷ་རྣམས་བསྒོམ། །སློབ་དཔོན་མཐར་ཉེའི་ལམ་གནས་པས། །རྒྱང་གྲགས་དཔག་ཚད་ལ་སོགས་པ། །རྡོ་རྗེ་ཐིག་ཚད་བོར་ཙམ་གྱིས། །ཕྱག་རྒྱའི་དཀྱིལ་འཁོར་གསལ་ལྡན་པ། །སྣ་ཚོགས་དཀྱིལ་འཁོར་མཆོག་ཏུ་གསུངས། །དང་པོ་རྒྱང་གྲགས་དཀྱིལ་འཁོར་ཏེ། །དེ་ནས་ ― DNG011_Page_0279 ―
[མ་དཔེ་གཟིགས་ན་འདིར་གནོན།]
དཔག་ཚད་དཀྱིལ་འཁོར་ཉིད། །ནམ་མཁའི་དབྱིངས་ནི་བསམ་ཡས་པར། །སངས་རྒྱས་དཀྱིལ་འཁོར་སྣ་ཚོགས་བསྒོམ། །དེ་ནས་ཡོ་བྱད་ལྔ་ལྡན་པས། །ཏིང་འཛིན་མོས་པ་སྤྱོད་མཐུན་པའི། །སྐྱེ་བོ་ཙམ་དུ་གྲགས་མཐུན་པས། །ཚོམ་བུས་འདོད་པའི་དོན་བསྒྲུབ་བྱ། །ཐབས་དང་ཤེས་རབ་འདྲེལ་པ་ཡི། །ཕོ་མོ་འདུས་པའི་གྲངས་མཉམ་པར། །ཡོ་བྱད་འདུས་པའི་ཚོགས་ལྡན་པས། །དགོན་པར་འཁོར་ཁང་རབ་བརྩིགས་ཏེ། །རང་རང་ཐབས་དང་ཤེས་རབ་ཏུ། །བརྟགས་ཏེ་ཡོ་བྱད་ལོངས་སྤྱད་ཅིང་། །རྡོ་རྗེ་གླུ་བྲོ་གར་ཐབས་ཀྱིས། །ཞག་ནི་སུམ་ཅུ་ཕྲག་དྲུག་གམ། །བཅུ་གཉིས་བཅུ་བཞི་བཅུ་དྲུག་གིས། །ཚེ་ལ་དབང་སྒྱུར་ཟག་མེད་ཐོབ། །དེ་ནས་བརྒྱ་ཕྲག་བཅུ་དྲུག་གིས། །སྐུ་ལྔ་ལྷུན་གྱིས་གྲུབ་པར་འགྱུར། །སྐྱེ་བོ་མཛའ་བ་ཀུན་ཚོགས་པ། །རྣལ་འབྱོར་འདུས་པའི་ཚོགས་ཞེས་བྱ། །འབྱོར་པའི་ལོངས་སྤྱོད་ཚང་བ་ནི། །བདེ་བའི་ལོངས་སྤྱོད་ཚོགས་སུ་བཤད། །ལྷ་དང་དམ་ཅན་ཀུན་འདུས་པས། །འདུས་པ་ཆེན་པོའི་ཚོགས་སུ་གསུངས། །ཐམས་ཅད་སྤྱོད་པ་མི་འཛིན་པས། །ཚོགས་གཉིས་རྒྱུན་དུ་རྫོགས་བྱེད་པས། །ཚོགས་ཆེན་པོ་རུ་ངེས་པར་བཤད། །བར་ཆད་མེད་པའི་ལམ་རྫོགས་པས། །རིག་པའི་སྐྱེས་བུ་ཐུབ་པ་མེད། །ལྷ་མི་ཆ་བྱད་འཛིན་མོད་ཀྱི། །འབྱུང་ལྔ་ཆོ་འཕྲུལ་དབང་སྒྱུར་ཐོབ། །ཞིང་དང་ལོངས་སྤྱོད་དག་པ་ཡིས། །གོང་ནས་གོང་དུ་མཉམ་པར་སྦྱོར། །རྡོ་རྗེ་རིག་པ་འཛིན་གྱི་སྐུ། །ཞིང་ཁམས་ཀུན་ལ་གནས་པར་བྱེད། །གལ་ཏེ་མཚན་མར་ཞེན་དབང་གིས། །རྟོགས་པའི་སྟོབས་ནི་ཆུང་གྱུར་ན། །བྱང་ཆུབ་ཕྱག་རྒྱ་རྡོ་རྗེ་སྐུ། །མཚན་དང་དཔེ་བྱད་ལ་སོགས་པ། །ཆ་ལུགས་མངོན་དུ་བྱུང་ན་ཡང་། །ཞི་བ་དེ་ཉིད་མཐོང་བ་མིན། །གང་དུ་སྦྱར་བའི་ཡུམ་རྣམས་ཀྱང་། །ཐུན་མོང་ལམ་དང་སྐབས་གཉིས་སུ། །ནུས་པའི་ཁྱད་པར་ཆེ་ཆུང་གིས། །ཕྲིན་ལས་བཞི་རུ་བཤད་པ་ནི། །དཀར་མོ་བོང་ཆུང་སྐད་ཆེ་ལ། །བཞིན་ལུས་གཙུག་ཕུད་གཡས་སུ་འཁྱིལ། །ཡན་ལག་ཕྲ་འཇམ་སྐད་གསལ་ཞིང་། །རླུང་ཁར་ལྕི་བས་ཞི་བ་བྱ། །ཟླ་དང་ཡན་ལག་མང་བ་དང་། །ཕྲ་ཞིང་བཤན་ལ་གཟངས་སུ་རིང་། ། ― DNG011_Page_0280 ―
[མ་དཔེ་གཟིགས་ན་འདིར་གནོན།]
བཞིན་ལུས་སེར་ཞིང་གྲུ་བཞིར་གནས། །རྣམ་འཕྱངས་ཤ་དང་ནུ་མ་རྒྱས། །འཕེལ་བའི་དུས་སུ་འདི་དག་གཟུང་། །བཞིན་མདོག་བད་འདྲ་སོག་ཀ་ལ། །སྨིན་དཀྱུས་རིང་ལ་སྟོད་སྨད་ཕྱེད། །ལུས་དང་ཆུ་རླུང་དྲི་ཞིམ་ཞིང་། །བདེ་བ་ལྡན་ཞིང་ཡན་ལག་མེད། །འདི་ནི་སྡུད་པའི་མཆོག་ཏུ་འགྱུར། །ནག་མོ་གྲུ་གསུམ་རྩིད་མགོ་མ། །ཁྲོ་གཉེར་བྱིས་པའི་ལུས་ལྡན་ཞིང་། །གཏུམ་ཞིང་བརླང་ཚིག་འཛེམ་པ་མེད། །གཙང་སྨེའི་རྟོག་བྲལ་གསོད་པར་བཤད། །གང་དུ་ནུས་པ་བརྟན་ཐོབ་པ། །དེ་དག་ས་ནས་སར་སྦྱོང་བ། །རིག་པའི་སྐྱེས་བུ་དམ་པ་ཉིད། །རྣལ་འབྱོར་རིམ་པའི་ལུང་ལྡན་པ། །མ་སྐྱེས་མཉམ་ལ་དབང་སྒྱུར་ཞིང་། །མ་ལུས་གསལ་བར་མཐར་ཕྱིན་པའོ། །རང་རིག་ཡེ་ཤེས་རྒྱུད་དོན་ཕྱིར། །རང་སྣང་རིག་པ་མངོན་བྱས་པ། །རིག་འཛིན་མཆོག་སྟེ་ལྷུན་གྲུབ་པའོ། །ཏིང་འཛིན་ནུས་པའི་མཐུ་མེད་ཀྱང་། །ས་སྤྱོད་སེམས་དཔའ་བསྐྱེད་དུ་མེད། །བདེར་གཤེགས་ཉིད་དང་སྤྱོད་ཡུལ་གཅིག །རིག་པའི་སྐྱེས་བུའི་ལུང་ཐོབ་པའོ། །གལ་ཏེ་འབྱུང་བའི་ལུས་འཇིག་ན། །བདག་ཉིད་སྒོ་གསུམ་ལྷར་ལྟ་ཞིང་། །འབྱུང་བ་བསགས་པའི་ལུས་ལས་གྲོལ། །ཏིང་འཛིན་ཕྱག་རྒྱ་ཆེན་པོར་སྨིན། །ཁྱུང་ཕྲུག་སྦུབས་དང་བྲལ་བ་ལྟར། །མ་ལུས་ཕྱག་རྒྱ་སྒྱུ་མའི་མཆོག །རྣམ་པར་སྨིན་ཅེས་དེ་ལ་བརྗོད། །ཟག་པ་ཟད་པ་རྡོ་རྗེ་ལུས། །ཕྱིན་ཅད་འགྱུར་འཇིག་ཆོས་དང་བྲལ། །བདེ་བ་ཆེན་པོ་ལུང་ཐོབ་པས། །ཟག་བཅས་བསླབ་པའི་ཆོས་དང་བྲལ། །ཞིང་ལ་དབང་སྒྱུར་སྤྲུལ་པའི་ལུས། །ཏིང་འཛིན་ལོངས་སྤྱོད་དཔག་ཏུ་མེད། །བསྒྲུབས་པའི་ནུས་པ་གང་བརྟན་པ། །རྡོ་རྗེ་ལུས་གྱུར་འཇིག་པ་མེད། །འཇིག་པ་ལྔ་བྲལ་ཟག་པ་ཟད། །དབང་སྒྱུར་གསུམ་ལ་དབང་ཐོབ་པས། །བདེ་བ་ལོངས་སྤྱོད་དཔག་ཏུ་མེད། །གྲངས་མེད་བསྐལ་པར་དོན་བྱེད་ཅིང་། །མཐོང་བས་དེ་བཞིན་གཉིས་མེད་རིགས། །རྒྱལ་ཚབ་སྐྱེས་བུ་ས་སྦྱོང་བ། །ཕྱི་ནང་སྣོད་བཅུད་མ་ལུས་པ། །ནམ་མཁའ་ལྟ་བུར་དཔག་མེད་ཅིང་། །མཐའ་དབུས་བསམ་པའི་རྒྱུན་ལས་འདས། །འཇིགས་ ― DNG011_Page_0281 ―
[མ་དཔེ་གཟིགས་ན་འདིར་གནོན།]
བྲལ་དབུགས་ཕྱིན་མྱ་ངན་འདས། །རང་སྣང་དཔག་མེད་ཞལ་མཐོང་བས། །གཞན་དུ་བལྟ་བའི་ཡུལ་དང་བྲལ། །ཏིང་འཛིན་རིག་པ་གོམས་པའི་མཐུ། །མཚན་མ་སྡུག་པོ་ཡུལ་ལས་འདས། །འཇིག་རྟེན་སྟོང་ཕྲག་དབང་སྒྱུར་ཞིང་། །གཉིས་མེད་ཕྱག་རྒྱ་ཆེན་པོའི་རིགས། །ནམ་མཁའ་མཐར་ཐུག་མེད་པ་ལྟར། །བསྒོམས་དང་ནུས་པའི་རྩལ་སྟོབས་ཀྱིས། །བག་ཆགས་མཚན་མའི་ཚང་ཚིང་ལ། །ཏིང་འཛིནརིག་པའི་མེ་བྱུང་བས། །ཞིང་ཁམས་རྒྱ་བྲལ་དཔག་མེད་དུ། །ཏིང་འཛིན་རིག་པས་གང་སྦྱངས་པ། །བསྒོམས་དང་ཏིང་འཛིན་རིག་པ་ཡིས། །རྡོ་རྗེ་འཛིན་པའི་ལུང་ཐོབ་པ། །ཕྱག་རྒྱ་ཆེན་པོའི་རིག་འཛིན་ཡིན། །དེ་ནས་རིག་པའི་རྩལ་རྫོགས་ཤིང་། །ཡེ་ཤེས་ལྷ་མོ་རོལ་དབང་གིས། །མཐར་ཕྱིན་རིག་པའི་སྐྱེས་བུ་སྟེ། །ཞིང་ཁམས་བྱེ་བའི་དབང་ཐོབ་ཅིང་། །རྡོ་རྗེ་འཛིན་པ་ཉིད་ཀྱི་སྲས། །དབང་དང་ཆོ་འཕྲུལ་ཀུན་ཐོབ་པ། །ནམ་མཁའི་མཐའ་ལྟར་དགོངས་པས་ཁྱབ། །མཉམ་བཞག་རྗེས་ཐོབ་ཁྱད་པར་གྱིས། །རྒྱལ་བའི་ལུང་མནོད་བཀའ་ལ་གནས། །ཞིང་ཁམས་དག་པར་ཀུན་སྤྱོད་ཀྱང་། །རྨད་འབྱུང་གསང་བའི་རང་བཞིན་ལ། །སྤྱོད་ཀྱང་ལྟ་བའི་རང་བཞིན་གྱིས། །ཕྱོགས་བྲལ་ནམ་མཁའ་མི་མཐོང་བས། །དབང་དང་དགོངས་པས་མཐར་ཕྱིན་འགྱུར། །དབང་དང་དམ་ཚིག་བརྟུལ་ཞུགས་ཏེ། །དང་པོ་བསླབ་པ་མཐར་ཕྱིན་ཅིང་། །ཐིག་ལེ་རྫོགས་པར་འདོད་པ་ཡིས། །གསང་བ་ནང་གི་དོན་ལ་སྦྱར། །ཐུན་མོང་བྱ་བ་མཐར་ཕྱིན་ནས། །ལུས་དང་སྤྱོད་ཡུལ་བཅས་པ་དང་། །ལྷ་ཡི་རྣལ་འབྱོར་མ་ལུས་པ། །བདེ་ཆེན་ཐིག་ལེ་ཉིད་དུ་བལྟ། །ལྷ་དང་བདེ་བར་མཉམ་སྦྱོར་བས། །ཐིག་ལེ་བདེ་བར་སྣང་བ་ནུབ། །སྐུ་བཞི་དཀྱིལ་འཁོར་ཁམས་ཐིག་ལེ། །དྭངས་མ་ལྔ་རུ་མཉམ་སྦྱོར་བས། །ངོ་བོ་དང་ནི་རྐྱེན་དག་གིས། །ཐབས་ཀྱི་རིམ་པ་བསྐུལ་ལས་ཤེས། །བདེ་བའི་ཐིག་ལེ་ཉམས་མྱོང་བ། །མི་རྟོག་བདེ་བ་ཆ་ཤས་མེད། །མི་ཤིགས་ཐིག་ལེ་ཀུན་གྱི་བདག །སྟོང་ཉིད་འདྲེལ་པའི་རི་མོ་ཅན། །ཐ་མལ་བྱ་བ་ཀུན་བྲལ་བ། །སྤྱོད་པ་ཉིད་དུ་བསྟན་པ་ཡིན། །ཐིག་ལེ་བཅུ་པའི་རང་བཞིན་གྱིས། །འཛག་འབར་ ― DNG011_Page_0282 ―
[མ་དཔེ་གཟིགས་ན་འདིར་གནོན།]
ཐིམ་གང་བདེ་བ་ནི། །ས་ཡང་བཅུ་གསུམ་བདེ་བས་བརྒྱན། །ལུས་ཀུན་ཁྱབ་པའི་ཐིག་ལེ་ཤུམ། །ཏིལ་འབྲུ་བཅུད་ཀྱིས་ཁྱབ་པ་ལྟར། །མ་ལུས་ཁྱབ་པའི་རོས་གང་བ། །མ་ལུས་འོད་དང་སྙིང་པོ་ལྟར། །སྣང་སྲིད་ཐིག་ལེ་ཆེན་པོ་ཉིད། །བདེ་བ་ཆེན་པོས་ཁྱབ་པར་གསལ། །མ་ལུས་འདུས་པའི་ཐིག་ལེ་ནི། །ཁམས་ལྔ་འདྲེས་པའི་སྙིང་པོ་སྟེ། །མི་ཤིགས་ཐིག་ལེ་བདེ་བའི་བཅུད། །མ་ལུས་བདེ་བའི་རྒྱས་བཏབ་པས། །ནམ་མཁའི་ཡེ་ཤེས་ཅིར་ཡང་གསལ། །དུས་གསུམ་རྒྱལ་བའི་དགོངས་པ་སྟེ། །ཐིག་ལེ་གཅིག་གིས་ཀུན་ཁྱབ་པས། །བདེ་ཆེན་སྙིང་རྗེས་གཅིག་ཏུ་འཁྱིལ། །དེ་ཉིད་བདེ་ཆེན་ཕྱག་རྒྱ་སྟེ། །ནང་གི་ཕྱག་རྒྱ་གཅིག་པར་བཤད། །དེ་ཉིད་ངེས་པར་ལས་རུང་བས། །ཐིག་ལེ་བདེ་ཆེན་དང་བཅས་པའི། །བྱེ་བྲག་བརྒྱད་ཅུ་མ་ལུས་པར། །སོ་སོའི་ཐིག་ལེར་སྐུ་འཕྲོས་ཤིང་། །ཁམས་ལྔ་ཡེ་ཤེས་རོ་དང་བཅས། །ས་བོན་ཐིག་ལེ་བདེ་བས་བརྒྱན། །མི་རྟོག་ཐིག་ལེ་ཐུགས་མཆོག་སྒྲ། །རང་ལུས་སྨིན་ནས་སྣང་བར་སྤྲོ། །གང་ནས་གང་ལ་སྤྲོས་གྱུར་པ། །དེ་སྲིད་ཐིག་ལེའི་ཕྱག་རྒྱ་སྟེ། །བདེ་བའི་ཐིག་ལེ་གྲངས་ལས་འདས། །ཡེ་ཤེས་ལྔ་དང་སྐུ་གསུང་ཐུགས། །མི་ཕྱེད་རོ་ཡིས་གང་ཁྱབ་པས། །གྲངས་འདས་བདེ་ཆེན་ཚོགས་རྫོགས་ནས། །མ་ལུས་བདེ་བའི་ཕྱག་རྒྱར་སྣང་། །གང་དེ་དེ་ཡིས་རྒྱས་བཏབ་པས། །དེ་ཉིད་བདེ་ཆེན་ཐིག་ལེར་སྨིན། །རྣམ་པ་ཕྱི་ནང་སྙིགས་མར་བཅས། །བདེ་ཆེན་ཐིག་ལེའི་ངོ་བོར་སྨིན། །སྙིགས་མ་འབྱུང་བའི་ལུས་ལས་འདས། །སྙིང་པོ་བར་ཆད་མེད་པའི་ལུས། །ཐིག་ལེས་ཐ་མའི་སྣོད་གང་བས། །མ་ལུས་བདེ་བ་ཆེན་པོར་སྨིན། །དེ་ནས་ཐབས་དང་ཏིང་འཛིན་དང་། །རླུང་གི་འདྲེན་པའི་སྟོབས་ལྡན་པ། །རིན་ཆེན་ལུང་གི་ཐིག་ལེར་ཞུགས། །སྐད་ཅིག་མངོན་ཤེས་ལྔར་སྨིན་ཅིང་། །འགྲོ་བ་རིས་དང་ཐར་བར་འགྱུར། །མི་ཤིགས་ཨ་ལ་ཐིག་ལེ་ཐིམ། །འབྱུང་འཇུག་མེད་པའི་རླུང་འཐོབ་ཅིང་། །འགྱུར་འཇིག་མེད་པའི་ལུས་ལ་གནས། །འཕེལ་འགྲིབ་མེད་པའི་བདེ་བ་ཉིད། །སྣང་བ་ཐིག་ལེ་ཉིད་དུ་སྟེ། །ཐིག་ལེ་ཐུང་ངུ་ཨ་རུ་ཐིམ། །གཉིས་མེད་བདེ་བ་ ― DNG011_Page_0283 ―
[མ་དཔེ་གཟིགས་ན་འདིར་གནོན།]
ཆ་ཤས་བྲལ། །འདི་ནི་ཟག་མེད་རང་བྱུང་བ། །རྐྱེན་དང་བྲལ་བའི་བདེ་ཆེན་ཉིད། །དཔེར་ན་མེ་དང་ཚ་བ་འམ། །རྒྱ་མཚོ་དང་ནི་རླན་བཞིན་ནོ། །རླུང་དང་ཐིག་ལེ་རིག་པ་དང་། །ཚེ་དང་ལོངས་སྤྱོད་འབྱུང་བ་དང་། །འདོད་ལྔ་ཀུན་ལ་དབང་སྒྱུར་ཐོབ། །བདེ་བའི་ཕྱག་རྒྱ་ཆེན་པོ་ནི། །མ་ལུས་ཟག་མེད་ཐིག་ལེ་སྟེ། །རྒྱ་བྲལ་རིག་པའི་ཐིག་ལེ་ཉིད། །སྙིགས་མའི་ཟག་པ་རླུང་ཟད་པས། །ཏིང་འཛིན་བདེ་ཆེན་ཐིག་ལེར་གསལ། །རིག་པ་བདེ་ཆེན་རོར་གསལ་བས། །ཅི་མཐོང་བདེ་ཆེན་ཕྱག་རྒྱ་ཉིད། །འདུ་བས་སྒྱུར་བའི་སྤྱོད་ཡུལ་ལམ། །མུན་འགྱུར་དུག་རྩི་ཇི་བཞིན་དུ། །རྒྱ་དང་བྲལ་བའི་ཞིང་ཁམས་དག །བདེ་ཆེན་ཕྱག་རྒྱ་ཆེན་པོར་འགྱུར། །གང་དག་བསྒོམས་པའི་སྐྱེས་བུ་ནི། །ཐ་མལ་པ་དང་བརྐམ་ཆགས་པ། །རྣམ་པའི་སྤྲོས་པ་མ་ལུས་པ། །བསྒོམས་དང་ཆེད་དུ་མ་བྱས་པར། །བདེ་ཆེན་ཐིག་ལེར་ལྷུན་གྱིས་གྲུབ། །དཔེར་ན་ཆུ་དང་རླབས་བཞིན་ནམ། །རྒྱ་མཚོར་ཕྱིན་པའི་འདུ་ཤེས་ལྟར། །གོམས་པས་བདེ་ཆེན་གསལ་མཐར་ཕྱིན། །རྐྱེན་དང་གནོད་པ་མ་ལུས་པ། །རེག་དང་མཐོང་ཐོས་དྲན་པས་ཀྱང་། །བདེ་ཆེན་ཐིག་ལེ་ཉམས་སུ་འབར། །བསྐལ་པ་དུ་མར་གནས་གྱུར་ཅིང་། །འབྱུང་བ་ལྔ་དང་སྤྱོད་ཡུལ་ཀུན། །རང་ལུས་བདེ་བར་བསྲེ་བ་འགྲུབ། །གསང་བའི་ལམ་ལ་གོམས་བྱེད་ན། །མཚོན་བྱེད་རིག་པའི་བདེ་བ་ཡིས། །ལྷན་ཅིག་སྐྱེས་པའི་དགའ་བ་རྟོགས། །མཐར་ཕྱིན་ལམ་གྱི་རིམ་པ་འགྲུབ། །དབང་པོ་དར་ཞིང་ཆགས་པ་དང་། །བདེ་ཆེན་མོས་པའི་རྣལ་འབྱོར་པས། །ཨེ་དང་བྃ་ལ་གནས་པ་ཡི། །བྱང་ཆུབ་རྡོ་རྗེ་དྲིལ་ལས་འབྱུང་། །དངོས་པོ་ལྷན་ཅིག་སྐྱེས་པ་ཡིས། །མ་ལུས་བདེ་བར་རྟོགས་བྱས་ལ། །ཕྱི་ནང་སྦྱོར་བའི་ཆོ་ག་ཡིས། །གང་ཞིག་རྟགས་དང་ལྡན་པའི་ཚེ། །གསང་བའི་ཕྱག་རྒྱ་བཞི་ལྡན་པས། །བདེ་ཆེན་མཆོག་ལ་རོལ་བར་བྱ། །ཡེ་ཤེས་ཉི་ཟླ་མཉམ་ལྡན་པས། །རེ་དོགས་ཆད་པའི་ཐིག་ལེ་འབྱུང་། །ལྷུང་མེད་གནས་དང་ཐིམ་པ་དང་། །བདག་པོ་གདུང་ཅན་ཕྲད་པ་ལས། །ཉིན་མཚན་བྲལ་བའི་སྣང་བ་ལྟར། །དུས་གཅིག་ཉི་ཟླ་ཤར་བའི་ཚེ། །མ་ལུས་བདེ་བས་ཁྱབ་གྱུར་ ― DNG011_Page_0284 ―
[མ་དཔེ་གཟིགས་ན་འདིར་གནོན།]
ན། །གཡོ་བ་མེད་པའི་ཐིག་ལེ་འཆར། །གལ་ཏེ་ཉམས་པའི་ལྟས་བྱུང་ན། །ཐབས་དང་ཉམས་དང་རོལ་པ་ཡིས། །རིམ་པ་བཞིན་དུ་བསླབ་པར་བྱ། །ཐབས་དང་ཤེས་རབ་གཉིས་མེད་པའི། །ཉི་ཟླ་འདྲེས་པའི་ཐིག་ལེ་ཉིད། །དངོས་བྲལ་ལྷན་ཅིག་སྐྱེས་པ་ཉིད། །རྒྱལ་བ་ཀུན་གྱི་ཕྱག་རྒྱ་ཡིན། །ལྷན་ཅིག་སྐྱེས་ལ་གནས་པའི་ཚེ། །མ་ལུས་བདེ་ཆེན་རོ་གཅིག་པས། །བདེ་ཆེན་ཕྱག་རྒྱ་གཅིག་ཏུ་གནས། །རྡོ་རྗེ་པདྨའི་ཐིག་ལེ་ཉིད། །ས་ཡ་བཅུ་གསུམ་ཕྲག་གཉིས་རྩ། །ཉི་ཟླ་འདྲེས་པའི་གར་ཐབས་ཀྱིས། །སོ་སོ་བདེ་བའི་ཕོ་བྲང་དུ། །ཐིག་ལེས་གང་བར་སྤྲོས་པའི་ཚེ། །སྐུ་གསུང་ཐུགས་དང་ཡེ་ཤེས་ལྔ། །ཉམས་མྱོང་རོ་ཡིས་རྒྱས་བཏབ་བོ། །ལུས་ཀྱི་བདེ་བ་མཐར་ཕྱིན་ནས། །རྒྱུ་རྐྱེན་རྟེན་འདྲེལ་ལས་འདས་པའི། །རིག་པའི་བདེ་བ་ལ་གནས་བྱ། །གལ་ཏེ་ཉམས་ན་བསམ་པ་འམ། །བལྟ་དང་མཉན་པ་ལ་སོགས་པས། །བར་ཆད་མེད་པར་བསྒོམ་པར་བྱ། །རིག་པ་བདེ་བར་གང་སྨིན་པས། །སྒོ་གསུམ་བདེ་བ་ཆེན་པོར་སྨིན། །སྤྱོད་ཡུལ་རླུང་དང་ཐིག་ལེར་བཅས། །གོམས་པའི་ཐབས་ལ་དབང་སྒྱུར་བས། །རྟེན་དང་བརྟེན་པར་བཅས་པ་ཡི། །ཐིག་ལེ་རླུང་ལ་དབང་སྒྱུར་ཞིང་། །ལྷ་མོ་མི་མོ་གནོད་སྦྱིན་མོ། །མཁའ་འགྲོ་རྣམས་ལ་དབང་བྱེད་ནུས། །ཐིག་ལེ་དབབ་དང་འཛིན་པ་དང་། །ཟློག་དང་སྦྱོར་ལ་དབང་སྒྱུར་ཏེ། །གལ་ཏེ་མཁའ་ལ་འཕྲོས་པའི་ཚེ། །དངོས་གྲུབ་ལམ་དང་བྲལ་བ་ཡིན། །ཕྱིན་ཅད་མཆོད་དང་ནུས་པ་སྦྱིན། །རང་གི་སྐབས་ནི་མ་གཏོགས་པ། །གཞན་དུ་ཐིག་ལེ་མི་ལྟུང་ཞིང་། །དབང་སྒྱུར་ལམ་ལ་གོམས་པར་བྱ། །ཉི་ཟླ་འདྲེས་པའི་བདེ་བ་ཉིད། །ཟག་མེད་སྙིང་པོར་ཐིམ་པའི་ཚེ། །སེམས་ཀྱི་བདེ་བར་རང་སྣང་ཞིང་། །སེམས་ཀྱི་བདེ་བ་བར་ཆད་མེད། །གསལ་བྱེད་སྟོབས་དང་བྲལ་བའི་ཚེ། །མ་ལུས་བདེ་ཆེན་ཕྱག་རྒྱ་སྟེ། །ལུས་སེམས་མཉམ་དུ་གནས་པ་ཉིད། །ཚད་དང་རྒྱ་དབྱིངས་རོ་ལས་འདས། །དཔག་མེད་བདེ་བའི་རོལ་མོ་ནི། །སངས་རྒྱས་ཀུན་གྱི་དགྱེས་ཆེན་ཏེ། །ཐིག་ལེ་ས་བོན་ཟག་པ་བྲལ། །བདེ་ཆེན་ཉམས་མྱོང་རྒྱུན་མི་ཆད། །རང་ཉིད་ཐིག་ལེར་ ― DNG011_Page_0285 ―
[མ་དཔེ་གཟིགས་ན་འདིར་གནོན།]
ཉམས་མྱོང་བས། །སྙིང་པོའི་ཐིག་ལེ་བྲལ་བ་མེད། །ཕྲ་ཞིང་རྡུལ་བྲལ་དྲི་མ་མེད། །རྡོ་རྗེ་ཐིག་ལེ་དྲིལ་བུ་ཉིད། །འབད་རྩོལ་མེད་པར་རང་སྣང་བ། །བྲལ་ཐོབ་མེད་པའི་ངོ་བོར་གནས། །གང་དུ་ཡོན་ཏན་ཚོགས་ཀྱིས་རབ་རྒྱས་པ། །བདེ་ཆེན་ཆུ་རྒྱུན་ལྟ་བུའི་རྒྱུན་ལས་བྱུང་། །ཚོགས་གཉིས་ཡོངས་རྫོགས་བདག་གཞན་ལྷུན་གྱིས་གྲུབ། །གཞན་ན་མེད་དེ་རང་ཉིད་སྣང་བར་ཟད། །རང་བཞིན་གནས་ཕྱིར་གཞན་ནས་འོང་བ་མེད། །ཞེན་པ་བཟློག་པས་བདག་ཞལ་བདག་གིས་མཐོང་། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་ལམ་གྱི་ཁྱད་པར་མ་ལུས་པ་བཤད་པའི་ལེའུ་སྟེ་བཅུ་གཅིག་པའོ།། །།དེ་ནས་གཞན་ཡང་བཤད་བྱ་བ། །མ་ལུས་ཀུན་གྱི་བསྒྲུབ་བྱ་ཉིད། །ཕྱོགས་བཅུ་མ་ལུས་རྡུལ་སྙེད་ཀྱི། །ཆེ་བའི་ཡོན་ཏན་བཤད་པར་བྱ། །མཐར་ཕྱིན་ལྔ་ཡི་རང་བཞིན་ནི། །རྟོགས་དང་འབྲས་བུར་གནས་མོད་ཀྱི། །མཐོང་དང་གོམས་དང་གྲུབ་པ་ཉིད། །ཐུན་མོང་འབྲས་བུར་ཡང་དག་བཤད། །ཡང་དག་མཐར་ཕྱིན་འབྲས་བུར་ནི། །ཐབས་ཆེན་ཐབས་ལས་བྱུང་བ་ཡི། །ཡིད་བཞིན་ནོར་བུ་རིན་པོ་ཆེ། །དཔག་མེད་ཡོན་ཏན་ལྷུན་རྫོགས་པ། །ཚད་དང་དམིགས་པ་ལས་འདས་པ། །བསམ་ཡས་ལྷུན་གྱིས་གྲུབ་པ་སྟེ། །ནམ་མཁའི་མཐའ་ལྟར་དཔག་མེད་པ། །ཐམས་ཅད་མཁྱེན་པའི་ཡེ་ཤེས་ནི། །མ་ལུས་མཆོག་གི་གཏེར་གྱུར་པ། །ཟད་འཕེལ་མེད་པའི་ནོར་བུ་སྟེ། །མ་ལུས་ཀུན་ལ་མཉམ་དུ་གནས། །སངས་རྒྱས་ཀུན་གྱི་རང་བཞིན་ནི། །རྒྱ་དབྱིངས་ཚད་ལས་འདས་པ་ཡི། །དག་དང་མ་དག་ཅི་སྣང་ཡང་། །བླང་དོར་ཕྱོགས་རིས་ཡོངས་ཀྱིས་མེད། །རང་འབྱུང་འོད་གསལ་མཎྜལ་ལ། །མ་ལུས་གཅིག་གི་རང་བཞིན་ཏེ། །ཐུགས་རྗེའི་བྱིན་བརླབས་ཚད་མེད་པས། །མ་ལུས་བསམ་པ་སྐོང་བར་མཛད། །རང་བྱུང་ཡེ་ཤེས་ལྷུན་གྲུབ་ནི། །ཆོས་རྣམས་ཀུན་གྱི་ངོ་བོ་བས། །མ་ལུས་ཕྱོགས་མེད་རང་སྣང་ཡང་། །ཞེན་དང་ཆེད་དུ་བྱས་པ་མེད། །ས་དང་ལམ་ལ་སོགས་པ་ཡི། །ཐེག་པ་ཀུན་གྱི་འབྲས་བུ་ནི། །རང་རང་ལྟོས་པའི་ ― DNG011_Page_0286 ―
[མ་དཔེ་གཟིགས་ན་འདིར་གནོན།]
མཐར་ཐུག་ཀྱང་། །ཆེ་མཆོག་ལྷུན་གྲུབ་མཉམ་དང་བྲལ། །སྐད་ཅིག་ཉིད་ལ་ལྷུན་རྫོགས་པའི། །སངས་རྒྱས་དཔག་མེད་ཡོན་ཏན་རྣམས། །རིགས་བདག་རྡོ་རྗེ་འཆང་ཆེན་གྱིས། །ཡེ་ཤེས་ལྷ་མོ་རོལ་དབང་གིས། །ཉི་ཟླའི་བདེ་བ་མངོན་ཐོབ་སྟེ། །རྡོ་རྗེ་འཆང་གི་ས་ལ་བཀོད། །དཔག་མེད་རྒྱལ་བ་ཐམས་ཅད་ཀྱི། །འགྲོ་བའི་གདུལ་བྱ་མཐའ་ཡས་པས། །སྐུ་གསུང་ཐུགས་ཀྱང་དེ་བཞིན་ཏེ། །བཞུགས་ཚུལ་དཔག་མེད་རྣམ་པར་སྣང་། །ཆེ་བའི་ཡོན་ཏན་ལྷུན་རྫོགས་པའི། །སངས་རྒྱས་དྲུག་པའི་རང་བཞིན་ཏེ། །ནམ་མཁའི་མཐས་གཏུགས་མཚན་པ་ཡིས། །བདེ་ཆེན་ཡེ་ཤེས་རྒྱས་པར་གནས། །བཅུ་དྲུག་ཞག་གིས་རྫོགས་པ་ལྟར། །མ་ལུས་རྫོགས་པའི་ཡེ་ཤེས་ཉིད། །ས་མཐའི་ཉེས་པ་ཀུན་བྲལ་བ། །ཀུན་གྱི་ཡོན་ཏན་བདག་ཉིད་གནས། །སངས་རྒྱས་ཞིང་ཁམས་མཐའ་ཡས་པའི། །ནམ་མཁའི་མཐའ་ཐུག་བར་དུ་ནི། །གདུལ་བྱའི་རྡུལ་སྙེད་གནས་ཀྱི་བར། །སྐད་ཅིག་འདུ་འབྲལ་མེད་པར་གནས། །བཅུད་འདུས་ཐིག་ལེ་ཆེན་པོ་ནི། །བདེ་བའི་ཟག་མེད་ཐིག་ལེ་སྟེ། །ཨ་དང་བདེ་བར་འདྲེལ་པ་ཡི། །མ་ལུས་ཁྱབ་པའི་ཚུལ་དུ་བཞུགས། །ཐིག་ལེའི་བྱེ་བྲག་བརྒྱད་ཅུའི་རྩ། །བཅུད་འདུས་གསང་བའི་ཐིག་ལེའི་རོ། །མ་སྐྱེས་མཉམ་ལ་གནས་འགྱུར་ཞིང་། །མ་ལུས་གང་བའི་ཚུལ་གྱིས་ནི། །ཞིང་ཁམས་ཕྱོགས་བཅུ་མཐའ་ཡས་པ། །ཟག་མེད་ཐིག་ལེར་རོ་གཅིག་པས། །ནམ་མཁའི་གཟུགས་ཅན་དེ་བཞིན་ཉིད། །སྐུ་བཞི་འདུས་པའི་ཁམས་ཐིག་ལེ། །དྭངས་མ་ལྔ་འདུས་སྙིང་པོ་ཅན། །གསུམ་འདུས་མི་འགྱུར་སྙིང་པོ་སྟེ། །བདེས་གང་བཞི་བཅུ་རྩ་གཉིས་པོ། །ཐིག་ལེ་རོ་ཡིས་གང་ཕྱེ་བ། །དཔག་མེད་སྐུ་གསུང་ཡོན་ཏན་ཐུགས། །བསམ་གྱིས་མི་ཁྱབ་རང་སྣང་བ། །ཐིག་ལེ་ཕྱག་རྒྱ་བསམ་མི་ཁྱབ། །ཕྱི་ནང་དྭངས་སྙིགས་མ་ལུས་པ། །རང་འབྱུང་དྭངས་མའི་ཐིག་ལེ་ཉིད། །གཞན་མེད་ཕྱོགས་མེད་རང་སྣང་བ། །ཕྱོགས་མེད་བདེ་བ་ཆེན་པོ་ཉིད། །གསང་བའི་ཐིག་ལེ་ཆེན་པོ་ནི། །ཡོན་ཏན་རྫོགས་པའི་ངོ་བོ་སྟེ། །བདེ་བ་ཆེན་པོའི་སྙིང་པོ་ལས། ། ― DNG011_Page_0287 ―
[མ་དཔེ་གཟིགས་ན་འདིར་གནོན།]
དཔག་མེད་ཡོན་ཏན་རྣམ་པར་འཕྲུལ། །བདེ་བ་ཆེན་པོའི་ཐིག་ལེ་ནི། །འདུ་འཕྲོ་དྲེལ་བས་ཟག་པ་མེད། །ཕྱོགས་རིས་འདས་པས་མ་ཁྱབ་མེད། །ཐོག་མཐའ་མེད་པར་མཉམ་པ་ཡིན། །རྒྱལ་བ་ཀུན་གྱི་རང་བཞིན་ཏེ། །ཐིག་ལེ་རོ་ལ་མཉམ་བཞུགས་པས། །ནམ་མཁའི་མཐས་གཏུགས་ཆོས་ཐམས་ཅད། །བདེ་བ་ཆེན་པོར་གསལ་བར་མྱོང་། །མཚན་དང་དཔེ་བྱད་ཚད་འདས་པ། །རང་ལ་རྫོགས་པའི་ཐིག་ལེ་ཉིད། །ཇི་སྙེད་བདེ་བའི་རོལ་པ་ཀུན། །རང་ལ་རྫོགས་པ་ཉིད་དུ་གནས། །སངས་རྒྱས་ཀུན་གྱི་བདེ་བ་ནི། །རང་འབྱུང་ཐིག་ལེ་ཆེན་པོ་སྟེ། །ཨཱ་ལི་ཀཱ་ལི་ཞུ་བ་ལས། །ནམ་མཁའ་ཁྱབ་པའི་བདེ་བ་འབྱུང་། །གསང་བའི་ཐིག་ལེ་ཀུན་གྱི་རྒྱུ། །ནམ་མཁའི་ཐིག་ལེ་གསང་བའི་ངང་། །ཁྱབ་པ་ཆེན་པོ་ཕྱོགས་ཆ་མེད། །ལུས་གནས་རང་བཞིན་མ་སྐྱེས་པ། །བདེ་བའི་དབང་ཕྱུག་སྐུ་གསུང་ཐུགས། །ནམ་མཁའ་ལྟ་བུར་དཔག་ཏུ་མེད། །ཐབས་དང་ཤེས་རབ་དབྱེར་མེད་པའི། །གསང་བའི་ཐིག་ལེ་བཞུགས་པའི་གནས། །དཔག་མེད་ཏིལ་འབྲུ་རྡུལ་སྙེད་ཀྱི། །རྒྱལ་བ་ཀུན་དང་ལྷན་ཅིག་ཏུ། །མ་ལུས་བདེ་བ་ཆེན་པོའི་རོ། །ལྷན་ཅིག་སྐྱེས་པའི་རང་བཞིན་གྱིས། །མ་གསུངས་རིག་པས་ཉམས་བཏང་བས། །མི་འཛིན་ལོངས་སྤྱོད་ཆེན་པོའི་གནས། །རང་འབྱུང་ཉི་ཟླ་རྟེན་གྱི་རོ། །མ་སྤངས་འདུས་པས་འདུ་འབྲལ་མེད། །གསང་བའི་ཐིག་ལེ་བཅུད་འདུས་པ། །ནམ་མཁའ་གང་བ་བདེ་བའི་རོ། །གཉིས་མེད་འཁྲིལ་བའི་སྟོབས་ལས་བྱུང་། །མཁའ་དབྱིངས་བྱང་ཆུབ་འབྱོར་པའི་སེམས། །མ་བཏང་མ་སྤྲོས་ཐིག་ལེ་ཆེ། །ནམ་མཁའ་རྒྱས་པའི་མཐའ་བཞིན་དུ། །བདེ་བའི་ཚད་ཀྱང་དཔག་ཏུ་མེད། །ཡབ་ཡུམ་གནས་པའི་གྲངས་ཚད་ཀྱང་། །ནམ་མཁའི་ཁམས་ཀྱི་རྡུལ་སྙེད་དེ། །རེ་རེའང་བདེ་བའི་དཀྱིལ་འཁོར་ནི། །རྡུལ་སྙེད་ནམ་མཁའི་མཐའ་དང་མཉམ། །ཡབ་ཡུམ་གཉིས་མེད་འདྲེལ་པ་ཡི། །ཐབས་དང་ཤེས་རབ་བཅུད་འདུས་པ། །གང་ཡང་མི་སྒྲིབ་ཐིག་ལེའི་རོ། །སྣང་གསུམ་མཚན་མ་ལས་འདས་པ། །སངས་རྒྱས་རིན་ཆེན་ཀུན་གྱི་བཅུད། །བྱེ་བ་རྡུལ་སྙེད་གྲངས་འདས་པའི། །མ་ལུས་ཀུན་དང་ ― DNG011_Page_0288 ―
[མ་དཔེ་གཟིགས་ན་འདིར་གནོན།]
ལྷན་ཅིག་ཏུ། །མོས་དང་ཆགས་པའི་ཁྱད་པར་གྱིས། །ཆ་ལུགས་མཐའ་ཡས་སྣང་བ་ནི། །ལ་ལར་ཆགས་པར་ལྟ་བའི་ཚུལ། །དེ་བཞིན་འཇམ་པར་སྨྲ་བ་དང་། །ལ་ལར་འཁྱུད་ཅིང་ལྟ་བ་སྟེ། །ལ་ལར་སེན་ཐབས་ཞལ་སྦྱོར་ཞིང་། །ལ་ལར་མཉེ་དང་རྡེབས་དང་འབུད། །འགྱེད་དང་འདུད་དང་འགྱིང་བ་ཡི། །དཀར་འཛིན་སྟོན་དང་ལྟེ་བ་སྟོན། །འོ་དང་འཚིར་དང་དགོད་པ་དག །སྣ་ཚོགས་རོལ་པ་འདི་དག་གིས། །མ་ཆགས་པ་དག་ཆགས་བྱེད་ཅིང་། །ཆགས་པ་མྱུར་དུ་ཉམས་པར་བྱེད། །ཐ་སྐམ་མྱུར་དུ་བེངས་བྱེད་ཅིང་། །བདེ་ཆེན་ལོ་ཏོག་སྐྱེད་པར་བྱེད། །བྱེ་བ་རྡུལ་སྙེད་བཅས་པ་ཡི། །ལྷ་དང་ལྷ་མོ་འཁོར་བཅས་པས། །སྟེག་ཅིང་འཛུམ་པས་ལྷན་ཅིག་ཏུ། །རོལ་ཅིང་གླུ་ནི་ལེན་པར་བྱེད། །ཨེ་མའོ་སངས་རྒྱས་ཀུན་གྱི་རང་བཞིན་བདེ་བ་ཆེ། །ལྷན་ཅིག་སྐྱེས་པ་མཁའ་ལྟར་རྡུལ་དང་བྲལ་བ་སྟེ། །རྡོ་རྗེ་པདྨར་བཅུག་བསྐྱོད་པས་ནི་བརྟགས་པའི་སྣང་བ་ནུབ། །མ་ལུས་ཁྱབ་པས་མཁའ་ལྟར་དགའ་བར་བྱས་ཀྱང་དབང་པོ་རླུང་གིས་རླབས། །བདེ་བའི་ས་བོན་ཟག་པ་རྣམས་ནི་སླར་ཡང་ལྡང་བར་བྱེད། །རྒྱུ་བ་རྣམ་པར་ཆད་པའི་ཁ་སྦྱོར་བདེ་ཆེན་ནི། །ནམ་མཁའི་རྒྱ་མཉམ་ཡུན་ཡང་དེ་སྲིད་བར་དུ་གནས་པ་སྟེ། །འདོད་པའི་ཡོན་ཏན་ལྔ་ནི་ལྷ་མོ་ཁྱོད་ལ་ཚང་བ་སྟེ། །བདག་ནི་ཁྱོད་ལ་བསྟེན་ཅིང་དགའ་བས་མིག་བཏེག་མ་ལུས་རྒྱལ་བའི་ཞིང་དུ་བལྟ། །གང་ཚེ་འགྲོ་བ་ཐ་མལ་བདེར་སྤྱོད་ཡུལ་ལ་ཆགས་པར་ཞུགས་པ་ན། །དགའ་དང་བདེ་དང་རྩེ་གཅིག་ཡིད་འོང་འདོད་པར་རབ་ཞུགས་པས། །དབང་པོ་གཉིས་རོལ་ཉི་ཟླ་ཕྲད་ཅིང་བདེ་ཆེན་མཆོག་སྐྱེས་ཆེ། །སྐྱེ་རྒ་ན་འཆི་རེ་དོགས་ངོ་ཚ་མི་ཚ་གྲགས་པའི་ཆོས་བརྒྱད་ཚོད་ཀྱང་བྱིས་པས་མི་ཤེས་སོ། །གང་ཞིག་ཐབས་དང་ཤེས་རབ་བྲལ་བས་གསང་བའི་དོན་འཇུག་པ། །རྒྱ་མཚོ་ལ་ནི་ས་བོན་བཏབ་བཞིན་འདོད་པའི་འབྲས་བུ་མི་འབྱུང་སྟེ། །ཉན་ཐོས་རང་རྒྱལ་བྱང་ཆུབ་སེམས་དཔའ་ཐ་སྐམས་ཏེ། །རྒྱལ་བ་ཉིད་ཀྱང་ཐབས་དང་ཤེས་རབ་བྲལ་བས་བྱང་ཆུབ་མྱུ་གུ་གཏན་ནས་སྐམས་ཧོ། །འདི་ནི་གླུ་ ― DNG011_Page_0289 ―
[མ་དཔེ་གཟིགས་ན་འདིར་གནོན།]
རུ་བླངས་པ་ཡིས། །རྡུལ་སྙེད་བཅས་པའི་འཁོར་ཚོགས་རྣམས། །རང་རང་རྒྱན་དང་གོས་དོར་ཏེ། །དཔའ་བོ་སྒེག་མོའི་ཚུལ་འཛིན་ཅིང་། །དཀྱིལ་འཁོར་ཕྱོགས་བཅུའི་རྡུལ་སྙེད་དུ། །གླུ་དང་གར་ནི་སྣ་ཚོགས་ཀྱིས། །ཐ་མལ་ཡིད་རྟོགས་བཅད་ནས་ནི། །བདེ་ཆེན་ཡིད་ནི་འཕྲོག་པར་མཛད། །དེ་བཞིན་དཀྱིལ་འཁོར་བསམ་ཡས་དང་། །ཞིང་ཐབས་བདེ་བ་རྨད་འབྱུང་བ། །འདུལ་བའི་ཐབས་ནི་སྣ་ཚོགས་པ། །དཔག་མེད་མཐའ་མས་ཅིར་སྣང་ཡང་། །རང་བྱུང་ཡེ་ཤེས་བྱང་ཆུབ་སེམས། །ཐིག་ལེ་གཅིག་གི་ངོ་བོ་ལས། །མཛད་པའི་གར་ཐབས་སྣ་ཚོགས་ཀྱིས། །འདུལ་བའི་དབང་དུ་ཅི་ཡང་སྤྲོ། །ཐབས་ལ་ཐབས་ཀྱིས་དབང་སྒྱུར་བས། །ཐབས་ཆེན་ཐབས་ལས་བྱུང་བ་ཡི། །ངོ་མཚར་ཡ་མཚན་རྨད་པོ་ཆེ། །སངས་རྒྱས་ཀུན་གྱི་རང་བཞིན་ཏེ། །ཐབས་ཆེན་སྒྱུ་མ་རྨད་དུ་བྱུང་། །སྒྱུ་མ་སྐྱེ་འགག་མེད་པའི་དབྱིངས། །སྐུ་གསུང་ཡོན་ཏན་ཕྲིན་ལས་ཐུགས། །མ་ལུས་ཀུན་འདུས་རྣམ་པར་དག །ཐམས་ཅད་རང་རིག་བྱང་ཆུབ་སེམས། །ཀུན་ནས་འཁྱིལ་པའི་དཀྱིལ་འཁོར་ཏེ། །ཀུན་གྱི་རང་བཞིན་འབྱུང་གནས་ཉིད། །བྱ་བ་བྱེད་ལ་བྱས་པ་མེད། །ཟད་དང་འཕེལ་བ་མེད་པ་ཡི། །དངོས་གྲུབ་གཏེར་ཆེན་བསམ་མི་ཁྱབ། །ཡེ་ཤེས་ཐིག་ལེ་རང་སྣང་བ། །བསམ་གྱིས་མི་ཁྱབ་མཐའ་ཡས་མཆོག །མཐའ་དབུས་མེད་པའི་ཡེ་ཤེས་ནི། །གཅིག་ཅེས་འདི་ཞེས་བརྗོད་དུ་མེད། །ནམ་མཁའ་རང་འབྱུང་རྟག་པ་ལྟར། །འཕོ་འགྱུར་མེད་པས་དེ་བཞིན་ནོ། །ནམ་མཁའ་མཐའ་དབུས་མེད་པ་བཞིན། །རང་འབྱུང་ཡེ་ཤེས་ཐོག་མཐའ་མེད། །མ་བྱུང་མ་སྐྱེས་བྱང་ཆུབ་སེམས། །ཡེ་ཤེས་ཉི་མའི་འོད་ལྟར་གསལ། །སངས་རྒྱས་སེམས་ཅན་གྲོལ་ཐར་ཀུན། །མ་ལུས་རང་རིག་འོད་གསལ་བས། །རང་འབྱུང་ཡེ་ཤེས་རང་སྣང་ཕྱིར། །མཁྱེན་དང་བསྒྲིབས་པ་ཆུང་ཟད་མེད། །མཁྱེན་པའི་ཡེ་ཤེས་ཉག་གཅིག་ལ། །རང་གི་ཆ་ཤས་ཆོས་བྲལ་བས། །ནམ་མཁའི་མཐའ་ཐུག་ཆོས་རྣམས་ཀུན། །སྐད་ཅིག་མ་འདྲེས་ཚུལ་དུ་མཁྱེན། །རང་རིག་བྱང་ཆུབ་སེམས་ཉིད་ ― DNG011_Page_0290 ―
[མ་དཔེ་གཟིགས་ན་འདིར་གནོན།]
ལས། །མཐོ་དམན་བླང་དོར་མ་དམིགས་པས། །འཁོར་བའི་ངོ་བོར་རང་སྣང་ཡང་། །མ་ཆགས་སྐྱོན་མེད་པདྨ་འདྲ། །དཔག་མེད་ཡོན་ཏན་ངོ་བོ་རྣམས། །རང་འབྱུང་རིག་པ་རང་སྣང་བས། །མ་ལུས་ངོ་མཚར་རྒྱ་མཚོ་རྣམས། །རང་སྣང་གཞན་ལས་ཐོབ་བྱ་མེད། །བྱིན་བརླབས་ཆོ་འཕྲུལ་རྨད་ཀྱི་ཆོས། །རང་འབྱུང་ཉིད་ལས་རྣམ་པར་སྤྲོ། །ཚུལ་ནི་རྣམ་པ་སྣ་ཚོགས་ཏེ། །དག་དང་མ་དག་ཁྱད་པར་གྱིས། །ངོ་བོ་གཅིག་ལས་མ་གཡོས་ཀྱང་། །མོས་པས་མཐོང་ཚུལ་དེ་བཞིན་ནོ། །གསུང་ནི་ནམ་མཁས་ཁྱབ་པར་ནི། །ཕྱོགས་བཅུ་ཁྱབ་པར་སྒྲ་སྒྲོགས་པ། །མོས་པ་བཞིན་དུ་སྣ་ཚོགས་པའི། །བསམ་ཡས་འདུལ་ཐབས་སྣ་ཚོགས་སྣང་། །ཐུགས་ནི་མ་ལུས་མཁྱེན་པའི་ཐུགས། །ཕན་དང་བདེར་བཅས་བརྩེར་ལྡན་པའི། །མངོན་ཤེས་མཁྱེན་པའི་ཡེ་ཤེས་སྤྲོ། །ཡེ་ཤེས་ཐུགས་ལ་ཁྱད་པར་མེད། །ཡོན་ཏན་ཚད་ཁྱད་བྲལ་བ་སྟེ། །ནམ་མཁའི་ནོར་བུ་གཏེར་འཆང་བ། །དཔག་མེད་བསམ་པ་བསྐང་བའི་ཕྱིར། །བྱིན་བརླབས་ཡིད་བཞིན་ནོར་བུའི་ཚུལ། །ཕྲིན་ལས་བྱིན་བརླབས་རང་སྣང་བ། །འགྲོ་འོང་མེད་པའི་དོན་ཚུལ་གྱིས། །དཔག་བསམ་བུམ་དང་རིན་ཆེན་གྱི། །བྱ་བྱེད་མེད་པར་དོན་རྣམས་རྫོགས། །མ་ལུས་སྤྲོས་པ་རྣམ་དག་ཅིང་། །རང་འབྱུང་རིག་པ་མཐའ་དབུས་མེད། །མ་ལུས་ཀུན་གྱི་འབྱུང་གནས་ཏེ། །བདེ་བ་ཆེན་པོ་ཆོས་ཀྱི་སྐུ། །འདོད་པའི་ལོངས་སྤྱོད་ཐམས་ཅད་ནི། །གཉིས་མེད་ངང་ལ་ཀུན་རྫོགས་པས། །དེ་ཉིད་ཚད་བྲལ་མངའ་བརྙེས་པས། །ལོངས་སྤྱོད་ཡོངས་སུ་རྫོགས་པའི་སྐུ། །སྐུ་གཅིག་ཐིག་ལེའི་ངོ་བོ་ལས། །འཇིག་རྟེན་ཁམས་ནི་ཐམས་ཅད་དུ། །ཇི་ལྟར་འདུལ་བའི་ཚུལ་བཞིན་དུ། །རྣམ་པར་འཕྲུལ་པ་སྤྲུལ་པའི་སྐུ། །མ་བྱུང་མ་སྐྱེས་དོན་རྟོགས་པས། །མ་ལུས་དབྱེར་མེད་རྡོ་རྗེ་ཉིད། །མི་འཇིགས་གཉེན་པོ་ཀུན་བྲལ་བ། །རྡོ་རྗེ་སྐུ་ཞེས་རྣམ་པར་བསྟན། །གང་དུ་མངོན་པར་བྱང་ཆུབ་པའི། །འོད་གསལ་ནམ་མཁའི་མཐའ་དབུས་མེད། །སྐུ་བཞི་མཐའ་ཡིས་མ་རེག་པ། །དང་པོ་མངོན་པར་བྱང་ཆུབ་པའོ། །མ་ལུས་དབྱེ་བ་མཐའ་སྤངས་ཤིང་། །དེ་ལྟར་ཀུན་དང་ ― DNG011_Page_0291 ―
[མ་དཔེ་གཟིགས་ན་འདིར་གནོན།]
མཉམ་པར་གནས། །དོན་གྱིས་མ་ལུས་ཁྱབ་འགྱུར་བ། །བརྗོད་མེད་དོན་གྱི་གསུང་ཉིད་དོ། །སྐུ་དང་ཕྱག་རྒྱ་གཟིགས་ཚུལ་གྱིས། །ཏིང་འཛིན་དགོངས་པས་འདུལ་བ་ལ། །བརྗོད་མེད་ཚུལ་གྱིས་གང་སྟོན་པ། །བརྡ་ཡི་གསུང་དུ་རྣམ་པར་བསྟན། །གང་ཡང་རུང་བ་མཐོང་ཐོས་ཚེ། །དཔའ་བོས་བལྟས་པས་གཡུལ་སེལ་ལྟར། །དངོས་པོས་བྱང་ཆུབ་ནམ་མཁར་རྟོགས། །བྱིན་བརླབས་རྟོགས་པའི་གསུང་ཞེས་བྱ། །གང་གི་དོན་དུ་གང་སྣང་བ། །གཉེན་པོ་བར་ཆད་མི་གནས་ཤིང་། །གཞན་དག་ཕམ་བྱེད་མི་ཐུབ་པ། །ཟིལ་གྱིས་གནོན་པའི་གསུང་དུ་བརྗོད། །ཚིག་གཅིག་བརྗོད་པས་ཚིག་མཐའ་ཡས། །མོས་པ་དེ་རྙེད་རྣམ་གྲོལ་ཅིང་། །ཡོན་ཏན་རྒྱ་མཚོ་ཕུན་སུམ་ཚོགས། །འདི་ནི་བརྗོད་པ་ཚིག་གི་གསུང་། །ཇི་སྙེད་མང་པོར་རྣམ་སྤྲོས་ཀྱང་། །ཆོས་ཀྱི་དབྱིངས་ལ་ཁྱད་པར་མེད། །རྟོག་ལ་རྣམ་རྟོག་མཚན་མ་ཡང་། །མི་རྟོག་ཡེ་ཤེས་གྲོལ་བའི་ཐུགས། །གཉིས་མེད་བདེ་བ་ཆེན་པོ་ཡིས། །འདོད་པའི་ལོངས་སྤྱོད་ལྔ་ལ་རོལ། །མ་ལུས་བདེ་བར་སྣང་བའི་ཚེ། །འདི་ནི་བདེ་བ་ཆེན་པོའི་ཐུགས། །བདག་གཞན་ཕྱི་ནང་མི་མངའ་ཡང་། །རང་འབྱུང་གཉིས་ཀྱི་ཕྱོགས་བྲལ་བས། །གདུལ་བྱའི་བསམ་པ་ཀུན་མཁྱེན་པས། །འགྲོ་བ་མ་ལུས་བསྒྲལ་བའི་ཐུགས། །ཇི་སྙེད་རིག་པའི་དོན་སྣང་ཞིང་། །མ་ལུས་ཀུན་གྱི་ངོ་བོ་ལ། །སྐྱེ་འཇིག་གཉེན་པོ་གདོད་ནས་སྟོང་། །མི་འགྱུར་རྡོ་རྗེ་ཐུགས་ཞེས་བྱ། །དཔག་མེད་ནམ་མཁའི་ཞིང་ཁམས་དང་། །ཆེ་བའི་ཁྱད་པར་བསྟན་པའི་གདན། །ཟག་པ་མེད་པའི་རྒྱན་རྣམས་དང་། །ཡེ་ཤེས་འབར་བའི་གཞལ་ཡས་ཁང་། །མཐའ་དབུས་མེད་པར་ཁྱབ་པ་ཡི། །འོད་ཟེར་ཚོགས་ནི་རྣམ་པར་སྣང་། །གཞན་ཡང་ཡོན་ཏན་ཆེན་པོ་ནི། །མཐའ་དབུས་མེད་པའི་ནམ་མཁའ་ལྟར། །དཔག་ཅིང་གཞལ་བར་མི་ནུས་ཏེ། །ཟག་མེད་ཆེ་བའི་ཡོན་ཏན་སྣང་། །གཞན་ཡང་མཛད་པའི་ཕྲིན་ལས་ནི། །གདུལ་བྱའི་ཡུལ་ནི་ཇི་སྙེད་པ། །མཛད་པའི་སྒོ་ནི་བསམ་ཡས་ཏེ། །མཐའ་ཐུག་མེད་པར་རྣམ་པར་སྣང་། །འདི་དག་བསྡུས་པས་བཤད་བྱ་ན། །ཞི་རྒྱས་ ― DNG011_Page_0292 ―
[མ་དཔེ་གཟིགས་ན་འདིར་གནོན།]
དབང་དྲག་ལ་སོགས་པས། །མཐའ་ཡས་བཞིས་ནི་རྣམ་པར་བསྡུས། །ལྷུན་གྱིས་གྲུབ་པར་ཀུན་ཀྱང་འགྲུབ། །མདོར་ན་འབྲས་བུའི་རྣམ་གྲངས་ནི། །བསྡུས་པས་ཉི་ཤུ་རྩ་ལྔར་གནས། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་ལྷུན་གྱིས་གྲུབ་པ་མ་ལུས་པ་བཤད་པའི་ལེའུ་སྟེ་བཅུ་གཉིས་པའོ།། །།དེ་ནས་གསང་བདག་རྡོ་རྗེ་འཛིན། །དཔག་མེད་རྒྱལ་བས་དབང་བསྐུར་བ། །གསང་བའི་བདག་པོ་སྔགས་ཀྱི་མཛོད། །གཏེར་འཛིན་རྒྱལ་པོ་སྟོབས་པོ་ཆེ། །རང་གི་ལག་གི་རྡོ་རྗེ་ཉིད། །དགའ་ཞིང་མགུ་བས་གསོར་བྱས་ཏེ། །བྱེ་བ་རྡུལ་སྙེད་བཅས་པ་ཡིས། །རབ་ཏུ་བསྐོར་བ་བྱས་པ་ཡིས། །འཇིག་རྟེན་དྲུག་ཏུ་བཅས་པ་དག །འཁྲུགས་ཤིང་རྣམ་པར་གཡོ་མཛད་དེ། །ཀུན་དུ་རབ་གཡོ་རྣམ་པར་གཡོ། །སྟོང་གསུམ་འཇིག་རྟེན་འཁོར་ཡུག་བཅས། །འོད་དང་སྒྲ་ཡིས་གང་མཛད་དེ། །རྨད་འབྱུང་སྐུ་གསུང་ཐུགས་རྣམས་ཀྱི། །ངོ་མཚར་ཆོ་འཕྲུལ་རྣམ་པར་སྣང་། །ངོ་མཚར་ཆོ་འཕྲུལ་རྨད་འབྱུང་གི། །ཕྱི་ནང་གསང་བའི་མཆོད་པ་དང་། །འདོད་ཡོན་ལྔ་ཡིས་ཁྱབ་མཛད་དེ། །རྒྱལ་བའི་ཚོགས་ཀུན་མཉེས་པར་བྱས། །ཀུན་ཀྱང་དགའ་ཞིང་མོས་པ་ཡིས། །ཞིང་ཁམས་རྡུལ་དང་མཉམ་པ་ཡི། །འཁོར་ཚོགས་རྣམས་ནི་བསྟོད་པ་འདི། །སྣ་ཚོགས་སྒྲས་ནི་གླུ་རུ་བླངས། །ཨོཾ་ཨཱཿཧཱུྃ་ཨ་ལ་ལ་ཧོ། སྒྱུ་འཕྲུལ་དྲ་བའི་ཐུགས་ནི་མི་སྐྱེ་ཡེ་ཤེས་བདེ་བའི་ཐུགས། །མི་རྟོགས་གསལ་བའི་ཐུགས་ནི་ཀུན་ལ་ཁྱབ་པར་གནས། །གང་ཡང་དབྱེར་མེད་འདུས་བྱས་མ་ཡིན་འདུས་མ་བྱས་མིན་སྐྱེ་འཇིག་མེད། །དམ་པའི་ཐུགས་ལ་བྱུང་ཚོར་གཡོ་འགོག་ཅི་ཡང་མེད་པས་བདེ་ཧོ། །སྒྱུ་འཕྲུལ་དྲ་བའི་སྐུ་ནི་སྣ་ཚོགས་འོད་འབར་བདེ་བའི་སྐུ། །སྣ་ཚོགས་མཐའ་ཡས་ཇི་ལྟར་སྣང་བ་ངོ་བོས་དབེན། །དེ་ཉིད་འདུ་བའི་ཐབས་ཀྱིས་དེ་ལྟར་ཡིད་འཕྲོག་ཚིམ་པའི་སྐུ། །མཐའ་ཡས་སྣ་ཚོགས་བྱེ་བྲག་ཇི་ལྟར་གསལ་ཡང་ནམ་མཁའི་ངང་དུ་བྱེ་བྲག་མེད་ཧོ། །སྒྱུ་འཕྲུལ་དྲ་བའི་ཡོན་ཏན་ཡིད་བཞིན་ནོར་བུ་རིན་པོ་ཆེ། །མི་ཟད་པར་ལྡན་ ― DNG011_Page_0293 ―
[མ་དཔེ་གཟིགས་ན་འདིར་གནོན།]
རྒྱན་གྱི་འཁོར་ལོ་དཔག་མེད་རྒྱས་པར་སྣང་། །འགྲོ་བ་རྣམས་ནི་ཡིད་འཕྲོག་བལྟས་པས་ཆོག་ཤེས་མེད་པར་མཛེས། །རྒྱལ་བ་མ་ལུས་ཡོན་ཏན་རྫོགས་པར་སྣང་ལ་དེ་དག་མཐའ་ཐུག་མེད་ཧོ། །སྒྱུ་འཕྲུལ་དྲ་བའི་གསུང་ནི་ཟབ་ཅིང་རྒྱ་ཆེར་ནམ་མཁའ་འདྲ། །མ་ལུས་གོ་ཞིང་ཚིམ་མཛད་རྡོ་རྗེའི་སྒྲ་འབྱིན་སྙན་སྒྲོགས་པ། །རྡོ་རྗེ་སྒྲ་ཆེན་མཐའ་ཡས་མོས་དང་འཐད་པ་དེ་བཞིན་རྣམ་པར་སྣང་ཧོ། །སྒྱུ་འཕྲུལ་དྲ་བའི་ཕྲིན་ལས་སྣ་ཚོགས་བྱ་བ་ལྷུན་གྱིས་གྲུབ། །བསྐལ་པ་ཞིང་གི་རྡུལ་སྙེད་འགྲོ་བ་མ་ལུས་ཀུན་འདུལ་བ། །ཐབས་དང་ཤེས་རབ་འདུ་འབྲལ་མེད་པའི་རྫུ་འཕྲུལ་སྣ་ཚོགས་འདི་ནི་རྣམ་པར་རོལ་ཧོ། །དེ་ནས་རྒྱལ་མཆོག་སྐྱེས་བུ་ཡིས། །རྡོ་རྗེ་འཛིན་པ་ལ་སོགས་པ། །བྱེ་བ་རྡུལ་སྙེད་བཅས་པ་ལ། །གསང་བ་འདི་ནི་གཏད་པར་མཛད། །ང་ཡི་གསང་བའི་སྙིང་པོ་འདི། །དུས་གསུམ་སངས་རྒྱས་ཐམས་ཅད་ཀྱི། །བསྟན་པ་ཀུན་གྱི་རང་བཞིན་ཏེ། །མ་ལུས་ཀུན་གྱི་ཐབས་སུ་སྣང་། །གསང་སྔགས་རྡོ་རྗེ་ཐེག་པ་སྟེ། །དཔལ་ལྡན་སྒྱུ་འཕྲུལ་ཐུགས་ཀྱི་རྒྱུད། །ཆོས་རྣམས་མ་ལུས་ཀུན་སྣང་བ། །གསང་བའི་མེ་ལོང་ཐབས་ཀྱི་རྒྱུད། །རྒྱལ་བ་རྡུལ་སྙེད་ཀུན་འདུས་ནས། །དམ་པ་འདི་ལ་བསྔགས་པར་མཛད། །སྒྱུ་འཕྲུལ་དྲ་བའི་རྒྱུད་ཆེན་པོ། །ཟབ་མོའི་ལུང་གི་ངེས་དོན་འདི། །རིགས་ཆད་དམན་པའི་གང་ཟག་གིས། །ཐམས་ཅད་ལ་ནི་མེ་ལོང་ལྟར། །བལྟས་ཀྱང་གཟུགས་བརྙན་མི་སྣང་བས། །སྟོན་པ་གཉིས་ལ་རྒྱབ་ཕྱོགས་ཤིང་། །བརྟགས་པའི་ཕྱི་རོལ་ཆོས་ལ་ཞེན། །སློབ་དཔོན་ལ་ནི་བརྙས་བྱེད་དང་། །རྡོ་རྗེ་སྤུན་ལ་སྡང་སེམས་ཆེ། །ཟབ་མོའི་དོན་ལ་སྐུར་བྱེད་ཅིང་། །གསང་རྒྱུད་དོན་ལ་འཕྱ་བ་དང་། །སེར་སྣ་རང་ཕྱོགས་ཆགས་པ་ཆེ། །དད་དང་དམ་ཚིག་མི་ལྡན་ཞིང་། །རྒྱལ་སྲིད་རིན་ཆེན་མི་གཏོང་བའི། །ཕྱི་ནང་གཉིས་ལྟའི་གང་ཟག་ལ། །བསྐལ་པ་ཞིང་གི་རྡུལ་སྙེད་དུ། །ལུས་སེམས་བྲལ་བར་བྱེད་གྱུར་ཀྱང་། །གསང་བའི་གླེགས་བམ་མི་བསྟན་ན། །དབང་དང་དངོས་གྲུབ་ནམས་ཀྱང་མིན། །རྨོངས་པས་གལ་ཏེ་བྱིན་ན་ནི། །དེ་ཉིད་མནར་མེད་དམྱལ་བར་ལྟུང་། །དད་དང་དམ་ཚིག་ལྡན་པ་ཡིས། །ཕུན་ ― DNG011_Page_0294 ―
[མ་དཔེ་གཟིགས་ན་འདིར་གནོན།]
སུམ་ཚོགས་པ་ཀུན་གཏོང་ཞིང་། །དམ་པའི་ཡོ་བྱད་ལྡན་གྱུར་པས། །ལུས་དང་སྲོག་ལའང་མི་ལྟ་ན། །དམན་པའི་ལོངས་སྤྱོད་ནམས་ཀྱང་མིན། །ཐེག་པ་ཆེ་ལ་མོས་པ་དང་། །བརྟུལ་ཞུགས་སྙིང་བརྩེར་གུས་པར་ལྡན། །རྡོ་རྗེ་སློབ་དཔོན་བསྙེན་བཀུར་ཞིང་། །སྐྱོན་དང་སྤྱོ་བ་ཡོངས་སུ་བཟོད། །བསྐལ་པར་འགྲོགས་ཀྱང་ཡིད་མི་འཁྲུག །ཉེས་དང་ལེགས་པ་ཅི་ལ་ཡང་། །ངོ་མཚར་སྐྱོ་བའི་འདུ་ཤེས་མེད། །རང་བཞིན་བཟང་དང་ཚུལ་ཤེས་དང་། །འགྲོགས་པས་དུག་ནད་མི་ལྡང་བའི། །དམ་པ་འདི་ལ་གསང་བ་གཏད། །སློབ་དཔོན་མན་ངག་མི་ལྡན་ཅིང་། །གསང་བའི་དོན་ལ་མ་གོམས་པས། །རང་རྟགས་ལོག་པའི་ཚད་མ་ཡིས། །གསང་བའི་སྦས་དོན་གཏན་ལ་འབེབས། །བླུན་པོ་མུན་པས་ཆོད་པ་རྣམས། །ལོག་པར་ཞེན་པའི་རྗེས་འབྲངས་ནས། །མཐོང་བའི་ཆོས་ལ་དམྱལ་བར་སྨིན། །དེ་བཞིན་གཤེགས་པ་ཐམས་ཅད་ཀྱི། །ཕྱག་རྒྱ་གསང་ཆེན་སྙིང་པོ་འདི། །མ་ལུས་ཀུན་གྱི་གསང་ཡིན་པས། །རྟོགས་ནས་གསལ་བར་གང་བྱེད་པ། །དབང་དང་དཀྱིལ་འཁོར་རྫོགས་པ་སྟེ། །བདག་དང་གཞན་དོན་ལྷུན་གྱིས་གྲུབ། །རྡུལ་སྙེད་ཞིང་ལ་བསྙེན་བཀུར་ཞིང་། །ཚོགས་ཀྱི་བླ་མ་བསྟེན་བྱས་པའི། །འབྲས་བུ་གསང་ཆེན་འདི་ཡིན་ཏེ། །དེ་བས་རྒྱལ་སྲས་གཅིག་གི་ཡུལ། །རྙེད་དང་བཀུར་སྡིས་འཚོ་བ་ཡི། །གྲགས་པའི་སྟོབས་ལྡན་རྣམ་པར་སྤངས། །ཨ་ཧོ་རྡོ་རྗེ་གསང་བའི་ཚིག་ཏུའོ། །རྡོ་རྗེ་སེམས་དཔའི་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ལས་མཐར་ཕྱིན་པའི་ལེའུ་སྟེ་བཅུ་གསུམ་པའོ།། །།རྡོ་རྗེ་སེམས་དཔའི་སྒྱུ་འཕྲུལ་དྲ་བ་རྡོ་རྗེ་སེམས་དཔའ་གསང་བ་མེ་ལོང་གི་རྒྱུད་ཆེན་པོ་རྫོགས་སྷོ།། །།རྒྱ་གར་གྱི་མཁན་པོ་བི་མ་ལ་མི་ཏྲ་དང་། བནྡི་ཛྙཱ་ན་ཀུ་མཱ་རས་བསྒྱུར་ཅིང་ཞུས་ཏེ་གཏན་ལ་ཕབ་པ། སླད་ནས་བི་མ་ལ་མི་ཏྲ་ཉིད་ལ་ཟེ་མོ་དགེ་སློང་མས་ཡང་དང་ཡང་དུ་ཞུས་པ་འདི་གཞན་ལ་སྤེལ་ན་དམ་ཚིག་ཉམས་སོ།། །། གསང་བའི་སྙིང་པོ་དེ་ཁོ་ན་ཉིད་ངེས་པ།― DNG011_Page_0295 ―
[མ་དཔེ་གཟིགས་ན་འདིར་གནོན།]
བོད་སྐད་དུ། གསང་བའི་སྙིང་པོ་དེ་ཁོ་ན་ཉིད་ངེས་པ། བཅོམ་ལྡན་འདས་དཔལ་ཀུན་དུ་བཟང་པོ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ལོངས་སྤྱོད་ཆེན་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་བདག་ཉིད་མ་ལུས་མི་ལུས་ལུས་པ་མེད་པ་ཐམས་ཅད་དང་སོ་སོ་མ་ཡིན་ཐ་མི་དད་དབྱེར་མེད་པའི་རང་བཞིན་ཏེ། འོག་མིན་གྱི་གནས་མཐའ་དང་དབུས་མེད་པ་ན་གཞི་ཚད་མེད་པའི་ཡེ་ཤེས་ཀྱི་འཁོར་ལོ་ཁྱབ་པར་གསལ་བ་ལ་ཡེ་ཤེས་རིན་པོ་ཆེ་སྣ་ཚོགས་འབར་བའི་གཞལ་ཡས་ཁང་། རྒྱ་ཕྱོགས་བཅུར་ཡོངས་སུ་མ་ཆད་པ། ཡོན་ཏན་དཔག་ཏུ་མེད་པར་རྒྱས་པའི་ཕྱིར་གྲུ་བཞིར་གྱུར་པ། ལྷག་པའི་ཡེ་ཤེས་རིན་པོ་ཆེའི་གློ་འབུར་གྱིས་མཛེས་པ། རྩེ་མོ་ཕྱོགས་བཅུ་དུས་བཞིའི་སངས་རྒྱས་ཀྱི་དཀྱིལ་འཁོར་མ་ལུས་པ་ཐམས་ཅད་སོ་སོ་མ་ཡིན་ངོ་བོ་ཉིད་གཅིག་པའི་ཡེ་ཤེས་ཀུན་དུ་འཁྱིལ་པ། ཡེ་ཤེས་བསམ་གྱིས་མི་ཁྱབ་པའི་རིན་པོ་ཆེ་དབྱིབས་དང་ཁ་དོག་ལ་སོགས་ཏེ། རྣམ་པ་ཐ་དད་པའི་བྱེ་བྲག་དང་ཁྱད་པར་དུ་གྱུར་པའི་ཚད་དཔག་ཏུ་མེད་པ། ཡེ་ཤེས་རིན་པོ་ཆེ་སྣ་ཚོགས་ཀྱི་ཕྲེང་བ་དང་། ཆུན་འཕྱང་དང་། ཤར་བུའི་རྒྱན་དང་། གཟུགས་སྣ་ཚོགས་དང་། སྒྲ་སྣ་ཚོགས་དང་། དྲི་སྣ་ཚོགས་དང་། རོ་སྣ་ཚོགས་དང་། རེག་བྱ་སྣ་ཚོགས་ཀྱིས་ཕྱོགས་བཅུར་འཁྲིགས་པར་རང་བྱུང་ལ། མི་སྒྲིབ་པར་གསལ་བའི་རྒྱན་བསམ་གྱིས་མི་ཁྱབ་པས་བཀླུབས་པ། རྣམ་པར་ཐར་པ་བཞིའི་སྒོ་ནས་འཇུག་པའི་སྒོ་ཁྱུད་ཅན། རྣམ་པར་ཐར་པ་བརྒྱད་ཀྱི་རྟ་བབས་དང་ལྡན་པའི་ཕྱི་དང་ནང་མེད་པར་ཀུན་དུ་ཡང་ནང་དུ་གྱུར་པ་ན་མི་འཇིགས་པ་སེང་གེའི་ཁྲི་དང་། སྟོབས་ཀྱི་གླང་པོའི་ཁྲི་དང་། རྫུ་འཕྲུལ་གྱི་རྟའི་ཁྲི་དང་། དབང་གི་རྨ་བྱའི་ཁྲི་དང་། ཐོགས་པ་མེད་པ་ནམ་མཁའ་ལྡིང་གི་ཁྲི་དང་། རང་བཞིན་གྱིས་འོད་གསལ་བ་ཉི་ཟླའི་དཀྱིལ་འཁོར་དང་། ― DNG011_Page_0296 ―
[མ་དཔེ་གཟིགས་ན་འདིར་གནོན།]
གོས་པ་མེད་པ་པདྨ་རིན་པོ་ཆེའི་གདན་ལ་སྐུ་མདུན་དང་རྒྱབ་མེད་པ་ཐམས་ཅད་དུ་ཡང་ཞལ་ཐལ་ལེ་བར་གསལ་ཞིང་། མཚན་དང་དཔེ་བྱད་དུ་ལྡན་པ། བསམ་གྱིས་མི་ཁྱབ་པ་ཐམས་ཅད་དུ་སྐུ་གསུང་ཐུགས་སྣ་ཚོགས་པར་ཀུན་དུ་སྣང་བ། ལྷུན་གྱིས་གྲུབ་པའི་སྐུ་གསུང་ཐུགས་ཆེན་པོ་ལས་ཐབས་དང་ཤེས་རབ་ཀྱི་ཞབས་གཉིས་མཉམ་པའི་བརྟུལ་ཞུགས་ཀྱི་སྐྱིལ་མོ་ཀྲུང་དུ་བཞུགས་པ། ཡེ་ཤེས་དྲུག་གི་ཕྱག །ཡེ་ཤེས་རིན་པོ་ཆེའི་ཕྱག་འབར་བ་ཅན། སྐུ་གསུང་ཐུགས་བསམ་གྱིས་མི་ཁྱབ་པའི་དབུ་གསུམ་དང་ལྡན་པ་འདི་ལྟ་སྟེ། བཅོམ་ལྡན་འདས་དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་དང་། དེ་བཞིན་གཤེགས་པ་གཟུགས་ཀྱི་རྒྱལ་པོ་དང་། དེ་བཞིན་གཤེགས་པ་ཚོར་བའི་རྒྱལ་པོ་དང་། དེ་བཞིན་གཤེགས་པ་འདུ་ཤེས་ཀྱི་རྒྱལ་པོ་དང་། དེ་བཞིན་གཤེགས་པ་འདུ་བྱེད་ཀྱི་རྒྱལ་པོ་དང་། དེ་དག་ཀུན་ཀྱང་མཐིང་ག་དང་། དཀར་པོ་དང་། སེར་པོ་དང་། ལེ་བརྒན་དང་། ལྗང་གུའི་མདོག་ཏུ་འཚེར་བ། བཙུན་མོ་དམ་པའི་སྣང་བའི་དབྱིངས་དང་། སྲ་བའི་དབྱིངས་དང་། མཉེན་པའི་དབྱིངས་དང་། དྲོ་བའི་དབྱིངས་དང་། བསྐྱོད་པའི་དབྱིངས་ལ་སོགས་པ། བཙུན་མོའི་ཚོགས་དང་གཉིས་སུ་མེད་པའི་ཆོས་ཀྱི་དབྱིངས་ཀུན་དུ་མཐའ་ཡས་པར་ཁྱབ་པ་ནི་འདི་ལྟ་སྟེ། དཔེར་ན་ཏིལ་གྱི་གང་བུ་བཞིན་དུ་གང་ནས་ཁྱབ་པར་བཞུགས་སོ། །དེ་ནས་བྱང་ཆུབ་ཆེན་པོ་རྡོ་རྗེ་མཐོང་བ་དང་། བྱང་ཆུབ་ཆེན་པོ་རྡོ་རྗེ་ཐོས་པ་དང་། བྱང་ཆུབ་ཆེན་པོ་རྡོ་རྗེ་སྣོམ་པ་དང་། བྱང་ཆུབ་ཆེན་པོ་རྡོ་རྗེ་མྱོང་བ་དང་། བཙུན་མོ་མཐོང་བར་བྱ་བ་དང་། མཉན་པར་བྱ་བ་དང་། བསྣམ་པར་བྱ་བ་དང་། མྱང་བར་བྱ་བའི་ཚོགས་དང་། བྱང་ཆུབ་ཆེན་པོ་རྡོ་རྗེ་མཐོང་བྱེད་དང་། བྱང་ཆུབ་ཆེན་པོ་རྡོ་རྗེ་ཐོས་བྱེད་དང་། བྱང་ཆུབ་ཆེན་པོ་རྡོ་རྗེ་སྣོམ་བྱེད་དང་། བྱང་ཆུབ་ཆེན་པོ་རྡོ་རྗེ་མྱོང་བྱེད་དང་། བཙུན་མོ་འདས་པ་དང་། ད་ལྟར་འབྱུང་བ་དང་། མ་བྱོན་པའི་ཚོགས་དང་། འཇོམས་པ་ཆེན་མོ་རེག་པ་དང་། འཇོམས་པ་ཆེན་མོ་རེག་བྱེད་དང་། འཇོམས་པ་ཆེན་མོ་རེག་ཤེས་དང་། བཙུན་མོ་ ― DNG011_Page_0297 ―
[མ་དཔེ་གཟིགས་ན་འདིར་གནོན།]
རྟག་པར་མ་ཡིན་པ་དང་། ཆད་པར་མ་ཡིན་པ་དང་། བདག་ཏུ་མ་ཡིན་པ་དང་། མཚན་མར་མ་ཡིན་པ་ལ་སོགས་པ་དེ་ལྟ་བུའི་ཚོགས་བརྗོད་ཀྱིས་མི་ལང་བ་དང་གཉིས་སུ་མེད་པར་བཞུགས་སོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་དང་། གསུང་དང་། ཐུགས་དང་། ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་། །ཨེ། ཨེ། ཨེ་མའོ། དེ་བཞིན་ཉིད་ཀྱི་དབྱིངས་ཉིད་དང་། དབང་སྒྱུར་ཡེ་ཤེས་དཀྱིལ་འཁོར་ཐུགས་དང་རང་སྣང་བ་ཉིད་ཏིང་ངེ་འཛིན་གཟུགས་བརྙན་སྒྱུ་མ་རྣམ་དག་གསལ་བ་ནི་སྐུ་དང་གསུང་དང་ཐུགས་ཡོན་ཏན་ཕྲིན་ལས་སེལ་མེད་པའི་ཡིད་བཞིན་ནོར་བུ་རིན་པོ་ཆེ་མི་ཟད་པར་ལྡན་པ་རྒྱན་གྱི་འཁོར་ལོ་རྡོ་རྗེ་མཆོག་གི་གནས་ཉིད་དོ་ཞེས་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་བྱེད་པ་པོ་རྡོ་རྗེ་ཡིད་ཀུན་དུ་བཟང་པོ་ཐམས་ཅད་མ་ལུས་པའི་རང་བཞིན་གྱི་ཚུལ་རྡོ་རྗེས་བཙུན་མོ་ཆོས་བྱ་བ་མོ་ཀུན་དུ་བཟང་མོ་ལ་འཇུག་པར་གྱུར་ཏེ་ཆེད་དུ་བརྗོད་པ་འདི་བརྗོད་དོ། །ཨོཾ་ཆོས་ཀྱི་ཆོས་ཉིད་ཤེས་བྱའི་དབྱིངས། །ཀུན་དུ་བཟང་མོ་བདེ་བའི་ཡུམ། །མ་གཡོས་རང་བཞིན་དཀྱིལ་འཁོར་ནི། །བདག་ཡིན་བདག་གི་སྤྱོད་ཡུལ་བ། །ཕྱག་རྒྱ་སྣ་ཚོགས་སོ་སོར་གསལ། །ནུབ་ཕྱོགས་འོག་མིན་གནས་མཆོག་ཏུ། །མ་ཆགས་པདྨའི་གདན་བཏིང་བ། །དུས་གསུམ་རྒྱལ་བ་བཞུགས་པའི་གནས། །རྣམ་པར་ཐར་པའི་སྒོ་བཞི་ལ། །ཕྱག་རྒྱ་བཞི་དང་ཡང་དག་ལྡན། །དབང་དང་སྐལ་མིན་གསལ་བའི་ཕྱིར། །ནང་དང་ཕྱི་རིམ་ལྕགས་དང་ལྡན། །རྒྱལ་བ་ཡོངས་ཀྱི་སྦས་པ་ཡི། །སུས་ཀྱང་གཏིང་དཔག་དཀའ་བ་དེ། །ཀུན་དུ་བཟང་པོ་ཉིད་ཀྱིས་གཟིགས། །ཞེས་བརྗོད་པས་བཙུན་མོ་བྱ་བ་མོ་ཆོས་ཀུན་དུ་བཟང་མོ་ལ་འཇུག་པར་གྱུར་ཏོ། །ཞུགས་ནས་བཙུན་མོ་བྱ་བ་མོ་ཆོས་ཀུན་དུ་བཟང་མོས་བཅོམ་ལྡན་འདས་ཡིད་ཀུན་དུ་བཟང་པོ་དང་། ― DNG011_Page_0298 ―
[མ་དཔེ་གཟིགས་ན་འདིར་གནོན།]
གཉིས་སུ་མེད་པའི་ལོངས་སྤྱོད་བདེ་བ་ལ་མཉམ་པར་གནས་ཏེ་ཆེད་དུ་བརྗོད་པ་བརྗོད་དོ། །སེམས་ཀྱི་སེམས་ཉིད་བྱེད་པའི་གཙོ། །ཀུན་དུ་བཟང་པོ་རྡོ་རྗེ་ཡིད། །ཡེ་ཤེས་དྲུག་གི་རང་བཞིན་ཏེ། །ཤར་ཕྱོགས་མངོན་དགའི་བསམ་ཡས་ན། །ནཱི་ལ་ལྟ་བུའི་གཏེར་འབྱིན་པ། །གསང་འདུས་འཕྲུལ་གྱི་ལྡེ་མིག་གིས། །རྣམ་པར་ཐར་པའི་སྒོ་ཕྱེ་ནས། །བྱང་ཆུབ་མཆོག་གིས་ནང་གཏན་དགྲོལ། །མཉམ་སྦྱོར་པདྨའི་གདན་ལ་བཞུགས། །འགྲོ་དོན་བྱང་ཆུབ་སེམས་བསྐྱེད་ནས། །འགྲོ་ལྔ་སྐྱེ་བཞི་དབང་དུ་བསྡུས། །སྐུ་གསུང་ཐུགས་གནས་དབང་བསྐུར་ཏོ། །ཞེས་བརྗོད་པས་ཐམས་ཅད་མཉམ་པ་ཆེན་པོའི་ཚུལ་རྡོ་རྗེ་ཉིད་དུ་གསལ་བར་གྱུར་ཏོ། །ཞུགས་པས་ཕྱོགས་བཅུའི་དེ་བཞིན་གཤེགས་པ་མ་ལུས་པ་ཐམས་ཅད་གཅིག་གི་རང་བཞིན་དབྱེར་མེད་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ། །ཨེ་མའོ་རྡོ་རྗེ་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་སྤྱན་དང་མཱ་མ་ཀཱི། །མེ་རླུང་གོས་དཀར་སྒྲོལ་མ་སྟེ། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཤིང་། །ཐམས་ཅད་མ་ལུས་ཆོས་སོ་ཅོག །སངས་རྒྱས་ཉིད་ལས་གཞན་པ་མིན། །སངས་རྒྱས་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་རྙེད་དོ། །ཞེས་བརྗོད་པས་དེ་བཞིན་གཤེགས་པ་ཐམས་ཅད་མཉེས་པར་གྱུར་ཏོ། །དེ་ནས་བཙུན་མོ་བྱ་བ་མོ་ཆོས་ཀུན་དུ་བཟང་མོས་བཅོམ་ལྡན་འདས་ཡིད་ཀུན་དུ་བཟང་པོ་དང་གཉིས་སུ་མེད་པར་གྱུར་ནས་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཕྱོགས་བཅུའི་སྟོང་ཁམས་ཡེ་ཤེས་དབེན། །སྲིད་པ་གསུམ་ཉིད་དག་པའི་ཞིང་། །སྙིགས་མ་ལྔ་ཉིད་བདེ་ལྡན་ནས། །ཕུང་པོ་ལྔ་ཉིད་མངོན་སངས་རྒྱས། །ཐམས་ཅད་མཆོག་གི་སྙིང་པོ་བས། །གཞན་དུ་རྒྱལ་བས་ཆོས་མི་འཚལ། །ཉིད་ལས་གཞན་ཞེས་བྱ་བའི་ཆོས། །བཙལ་ཀྱང་རྒྱལ་བས་མི་རྙེད་དོ། ། ― DNG011_Page_0299 ―
[མ་དཔེ་གཟིགས་ན་འདིར་གནོན།]
ཞེས་བརྗོད་པས་ཐམས་ཅད་ཡེ་ནས་སངས་རྒྱས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་གླེང་བསླང་བའི་ལེའུ་སྟེ་གཉིས་པའོ།། །།དེ་ནས་གཉིས་སུ་མེད་པའི་བདག་ཉིད་ཆེན་པོས་ཡེ་ཤེས་སངས་རྒྱས་པའི་སེམས་ཡེ་ཤེས་སུ་བསྐྱེད་པ་འདི་གསུངས་སོ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགག །འགག་པ་ཉིད་ན་འགག་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ན་གནས་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ན་འགྲོ་འོང་མེད། །ཅེས་བརྗོད་པས་དེ་བཞིན་གཤེགས་པ་ཐམས་ཅད་དང་བཙུན་མོའི་ཚོགས་ཐམས་ཅད་མཉེས་པས་ཁྱབ་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་བཙུན་མོའི་ཚོགས་དང་བཅས་པས་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཡེ་ནས་གསང་བའི་ཆོས། །སྣ་ཚོགས་སྣང་ལ་རང་བཞིན་གསང་། །ངོ་བོ་ཉིད་ཀྱིས་རབ་ཏུ་གསང་། །གཞན་དུ་མིན་ཡང་ཤིན་ཏུ་གསང་། །ཞེས་བརྗོད་པས་དེ་བཞིན་གཤེགས་པ་ཐམས་ཅད་ཡེ་ནས་སངས་རྒྱས་པའི་ངོ་བོ་ཉིད་དུ་གཅིག་པའི་མཚན་ཉིད་ཡིན་པས་དབྱེར་མེད་ན། འགྲོ་བའི་རྣམ་པར་རྟོག་པ་མ་རིག་པ་ལ་འགྲོ་བ་ལྔའི་རིགས་བསམ་གྱིས་མི་ཁྱབ་པར་སྨིན་པ་ལ་ཐུགས་རྗེ་ཆེན་པོའི་སངས་རྒྱས་ཀྱི་ཡེ་ཤེས་ཆེན་པོ་སྐྱེས་ནས་ཆེད་དུ་བརྗོད་པ་འདི་བརྗོད་དོ། །ཨེ་མའོ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་སྤྲུལ། །སྣ་ཚོགས་ལུས་དང་ལོངས་སྤྱོད་དང་། ། ― DNG011_Page_0300 ―
[མ་དཔེ་གཟིགས་ན་འདིར་གནོན།]
གནས་དང་སྡུག་བསྔལ་ལ་སོགས་པ། །བདག་དང་བདག་གིས་སོ་སོར་འཛིན། །སུས་ཀྱང་མི་འཆིང་བཅིངས་མེད་དེ། །བཅིང་བར་བྱ་བ་ཡོད་མ་ཡིན། །རྣམ་རྟོག་བདག་ཏུ་འཛིན་པ་ཡིན། །ནན་གྱིས་མཁའ་ལ་མདུད་པ་འདོར། །བཅིངས་མེད་རྣམ་པར་གྲོལ་མེད་པའི། །ཡེ་ནས་ལྷུན་རྫོགས་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །ཅེས་དེ་བཞིན་གཤེགས་པ་ཉིད་ལ་ཆེད་དུ་གླེང་ངོ་། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དོན་དམ་པ་དང་ཀུན་རྫོབ་ཀྱི་བྱང་ཆུབ་ཀྱི་སེམས་ཡེ་ཤེས་སུ་བསྐྱེད་པའི་ལེའུ་སྟེ་གསུམ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ལས་ཐུགས་རྗེ་ཆེན་པོ་བྱིན་གྱིས་བརླབས་ཞེས་བྱ་བའི་རིག་པའི་སྐྱེས་བུ་ཐུབ་པ་དྲུག་དེ་བཞིན་གཤེགས་པའི་སྐུ་དང་གསུང་དང་ཐུགས་རྡོ་རྗེ་ལས་བཏོན་ཏོ། །བཏོན་ནས་ཀྱང་ལས་ཀྱི་དབང་གིས་སྣྲེལ་ཞི་དང་། ཡན་མན་གྱི་འཇིག་རྟེན་དྲུག་གི་ཕྱོགས་བཅུ་མཐའ་ཡས་མུ་མེད་པའི་སྟོང་གསུམ་གྱི་སྟོང་ཆེན་པོ་རེ་རེར་ཐུབ་པ་ཆེན་པོ་བཅོམ་ལྡན་འདས་རེ་རེས་འདུལ་བ་རྣམ་བཞིས་འགྲོ་བ་ལྔའི་དོན་མཛད་དེ་བལྟམས་པ་དང་། རབ་ཏུ་འབྱུང་བ་དང་། དཀའ་ཐུབ་མཛད་པ་དང་། སངས་རྒྱས་པ་དང་། བདུད་བཏུལ་བ་དང་། ཆོས་ཀྱི་འཁོར་ལོ་བསྐོར་བ་དང་། ཆོ་འཕྲུལ་ཆེན་པོ་སྟོན་པ་དང་། མྱ་ངན་ལས་འདས་པ་ལ་སོགས་པ་སྟོན་པའི་ཐུབ་པ་དུས་བཞི་ཀུན་དུ་མཁྱེན་པ་དང་། ཐམས་ཅད་ཀྱི་སེམས་ཀྱི་རྒྱུད་དུ་ཀུན་དུ་མཁྱེན་པ་དང་། རྫུ་འཕྲུལ་གྱི་སྤྱན་གྱིས་ཀུན་དུ་གཟིགས་པ་དང་། རྫུ་འཕྲུལ་གྱི་སྙན་གྱིས་ཀུན་དུ་གསན་པ་དང་། རྫུ་འཕྲུལ་གྱི་ཆོ་གས་ཀུན་དུ་དོན་སྤྱོད་པ་དང་། ཟག་པ་མེད་པས་ཀུན་དུ་བཟང་པོའི་སྤྱོད་པ་རྫོགས་པའི་མངོན་པར་ཤེས་པ་དྲུག་དང་། ཀུན་དུ་སྐུ་བསམ་གྱིས་མི་ཁྱབ་པ་དང་། ཀུན་དུ་ཐུགས་བསམ་གྱིས་མི་ཁྱབ་པ་དང་། ཀུན་དུ་ཞལ་བསམ་གྱིས་མི་ཁྱབ་པ་དང་། ཀུན་དུ་གསུང་བསམ་གྱིས་མི་ཁྱབ་པ་དང་ལྡན་པ་དང་། བསམ་གྱིས་མི་ཁྱབ་པ་གྲངས་མེད་པར་ཡང་ཕྱོགས་བཅུར་སྣང་བར་གྱུར་ཏོ། །དེ་ལྟར་སྣང་ ― DNG011_Page_0301 ―
[མ་དཔེ་གཟིགས་ན་འདིར་གནོན།]
བར་གྱུར་ནས་ཇི་སྙེད་པའི་ཐུབ་པ་ཆེན་པོ་སྙིང་རྗེའི་གོ་འཕང་ཆེན་པོ་ཐམས་ཅད་ཀྱང་འདི་ལྟ་སྟེ། འདུལ་བའི་དབང་གིས་ལྷ་དང་མིའི་ཐེག་པ་དང་། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པ་དང་། བླ་ན་མེད་པའི་ཐེག་པས་མ་རིག་པའི་རྣམ་པར་རྟོག་པ་ཉོན་མོངས་པ་སྟོང་ཕྲག་བརྒྱད་ཅུ་རྩ་བཞིའི་གཉེན་པོར་ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞི་གསུངས་སོ། །གསུང་ངོ་། །གསུང་བར་འགྱུར་རོ། །དེ་དག་ཐམས་ཅད་ཀྱང་གཟུང་བ་དང་འཛིན་པའི་ཕྱི་ནང་གི་རྟེན་ཅིང་འདྲེལ་པར་འབྱུང་བ་འཛིན་པ་འཁྲུལ་པ་ལ་དགོས་པ་དང་། ལས་དང་ལས་ཀྱི་འབྲས་བུ་ཆུད་མི་ཟ་བ་དང་། ལས་དང་ལས་ཀྱི་འབྲས་བུས་མི་གོས་གོས་པར་མི་འགྱུར་བ་དང་། གོས་པ་མེད་པའི་སྟོན་པའི་མཐར་ཐུག་གོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། འཁོར་བའི་སྐྱོན་དང་། མྱ་ངན་ལས་འདས་པའི་ཡོན་ཏན་བསྟན་པའི་ཕྱིར་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ། །ཨེ་མའོ་དཀྱིལ་འཁོར་བསམ་ཡས་པར། །སྙིང་པོ་བླ་མེད་ཇི་སྙེད་པའི། །གཞན་གྱིས་མི་འཕྲོགས་རང་བཞིན་རྒྱལ། །མཐའ་དང་བྲལ་བས་བདག་མེད་པའོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཇི་སྙེད་འཇིག་རྟེན་འཁྲུལ་པའི་ཆོས། །མ་རིག་རྟོག་པའི་གཟུང་འཛིན་གྱིས། །སྟོང་གི་འཇིག་རྟེན་བསམ་ཡས་པར། །ཕྱི་ནང་རྟེན་འདྲེལ་གཉིས་སུ་འཁོར། །རྟོག་པའི་བག་ཆགས་སྟུག་པོ་ཡིན། །མི་མཐུན་བདེ་སྡུག་མྱོང་བར་འགྱུར། །དེ་ཉིད་ཇི་བཞིན་དབྱིངས་ཉིད་དང་། །རང་བཞིན་བདག་མེད་ཚུལ་གཅིག་སྟེ། །རང་བཞིན་ཉིད་ལ་ཉམས་པ་མེད། །ཡང་དག་སྒྱུ་མའི་ཚུལ་གཉིས་སུ། །བདག་དང་བདག་གི་གཞན་མེད་དེ། །དེ་ཉིད་ངོ་བོ་ཉིད་དབྱིངས་པས། །རྣམ་དག་དབྱིངས་ཉིད་ཚུལ་གཅིག་གོ། །བདག་དང་བདག་གི་གཞན་རྣམས་ནི། །ལོག་པར་རྟོག་པ་ཙམ་ཉིད་ལས། །ཕྲ་ཞིང་ཟབ་པ་ཡོད་མ་ཡིན། །ལོག་རྟོག་ཉིད་ལ་ཉིད་སྤྱོད་དེ། །གཞན་དུ་གཡོ་བ་ཅི་ཡང་མེད། །ལོག་རྟོག་རྒྱུ་འབྲས་རྒྱུན་ ― DNG011_Page_0302 ―
[མ་དཔེ་གཟིགས་ན་འདིར་གནོན།]
ཉིད་ཀྱང་། །གཞི་རྩ་མེད་དེ་སྐད་ཅིག་མ། །རྣམ་པར་དག་པའི་དབྱིངས་ཉིད་ཚུལ། །ཉིད་ལ་དབང་སྒྱུར་ཉིད་སྤྱོད་ཕྱིར། །བདག་དང་གཞན་དང་རྟོག་པའི་རྒྱུན། །རྣམ་དག་བླ་མེད་ཐེག་པའི་མཆོག །ཐེག་པ་བཞི་ཡིས་ངེས་འབྱུང་ལ། །ཐེག་པ་གཅིག་གི་འབྲས་བུར་གནས། །ཡང་དག་རྟོགས་པས་རབ་བརྟགས་ན། །རང་བཞིན་མེད་ལ་ཅིར་ཡང་འགྲུབ། །སངས་རྒྱས་མྱ་ངན་ཡོང་མི་འདའ། །ཆོས་ཀྱང་ནུབ་པར་མི་འགྱུར་ཏེ། །མ་རིག་སྨིན་མཛད་གདུལ་བའི་ཕྱིར། །འབྱུང་གནས་མྱ་ངན་འདའ་བར་སྟོན། །འདུལ་བ་མདོ་སྡེ་ཆོས་མངོན་དང་། །དམ་ཚིག་སྒྲུབ་དང་གྲུབ་པ་དང་། །སྐུ་དང་གསུང་དང་ཐུགས་ཀྱི་རྒྱུད། །ཇི་སྙེད་འཇིག་རྟེན་མཐའ་ཀླས་པར། །ཕྱོགས་བཅུར་ཀུན་དུ་རབ་གྲགས་པ། །གསང་བའི་སྙིང་པོ་ལས་འཕྲོས་ཏེ། །རང་བཞིན་གསང་བའི་སྙིང་པོ་འདི། །སྡེ་སྣོད་ཀུན་དང་རྒྱུད་ཀུན་གྱི། །སྟོན་པའི་ཐུབ་པ་བསམ་ཡས་པ། །འབྱུང་གནས་གཏན་ལ་ངེས་པར་འབེབས། །ཆོས་རྣམས་མིང་དུ་བཏགས་པ་ཙམ། །སྟོན་པའི་དོན་དང་མཐུན་ཕྱོགས་སུ། །མིང་ཉིད་ཚིག་ཏུ་བཏགས་ནས་བསྟན། །སྟོན་མིང་ཚིག་ལ་དངོས་པོ་མེད། །ཅེས་བརྗོད་པས་ཆོས་ཐམས་ཅད་ངོ་བོ་ཉིད་ཀྱིས་ལྷུན་གྱིས་གྲུབ་པ་ཆེན་པོར་གསལ་བར་གྱུར་ཏོ། །དེ་ནས་དེ་བཞིན་གཤེགས་པ་ལྷུན་གྱིས་གྲུབ་པ་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་། །ཨའོ་སྲིད་རྩེའི་ཉེས་དམིགས་བདག་ཏུ་རྟོག་ལས་འཕྲོས། །རྒྱུད་དྲུག་སྐྱེ་འགག་ལུས་དང་ལོངས་སྤྱོད་དང་། །གནས་དང་སྡུག་བསྔལ་འཁྲུལ་འཁོར་ལ་སོགས་པ། །ལོག་རྟོག་ཉིད་ལས་གཞན་དུ་ཅི་ཡང་མེད། །སྟོང་ཉིད་བདག་མེད་ཡེ་མཁྱེན་རང་རིག་ཐུགས། །དམིགས་བྱ་དམིགས་མེད་མེད་པར་དྲན་དབང་སྒྱུར། །ངོ་མཚར་སྐུ་གསུང་ཡོན་ཏན་ཞིང་ཁམས་ལ། །གཞན་ན་མེད་དེ་དེ་ཉིད་དེ་ལྟར་ཡིན། །ཞེས་རྡོ་རྗེ་གསང་བའི་ཚིག་ཏུའོ། །ཐུབ་པ་དྲུག་གིས་སྤྲུལ་པ་གྲངས་མེད་པ་དང་། དེ་བཞིན་གཤེགས་པ་ཐམས་ཅད་ཀྱིས་གསུངས་པ་ཡང་དེ་དག་ ― DNG011_Page_0303 ―
[མ་དཔེ་གཟིགས་ན་འདིར་གནོན།]
ཏུ་འདུས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཆོས་ཐམས་ཅད་གཏན་ལ་ཕབ་པའི་ལེའུ་སྟེ་བཞི་པའོ།། །།དེ་ནས་དེ་བཞིན་གཤེགས་པ་བཅོམ་ལྡན་འདས་དགྱེས་པ་ཆེན་པོས་འགྲོ་བ་ཐམས་ཅད་ཀྱི་རང་བཞིན་གྱི་དཀྱིལ་འཁོར་ཡོད་པར་བསྟན་པ་དང་། རིགས་རྒྱུད་དྲུག་ཏུ་ཡང་བཤད། དེ་ལ་ཆོས་ཉིད་ཀྱི་རིགས་ནི་ཐམས་ཅད་ཀུན་ལ་ཡང་ཡོད་དོ། །ནམ་མཁས་ཀྱང་ཀུན་ལ་ཁྱབ་པར་གནས་སོ། །དེ་ལྟར་ཆོས་ཀྱི་དབྱིངས་དང་། ནམ་མཁས་ཀུན་ལ་ཁྱབ་ཀྱང་རྣམ་པར་ཐར་པའི་དོན་མ་རྟོགས་ན་མེ་ལོང་གཡས་གཡོགས་པ་དང་འདྲ་སྟེ་གཟུགས་བརྙན་སྣང་བའི་བྱ་བ་བྱེད་མི་ནུས་སོ་ཞེས་གསུངས་ནས་ཡང་འདི་སྐད་རྡོ་རྗེ་འཆང་གིས་གསུངས་སོ། །མཉམ་ཉིད་དོན་རྟོགས་རང་རིག་རྒྱལ་པོ་དང་། །རྒྱ་མཚོ་ཆེན་པོར་ཆུ་ཀླུང་འབབ་པ་ལྟར། །བླ་མེད་དོན་རྟོགས་ཐབས་ཆེན་འདི་དག་ཏུ། །རྣམ་པའི་ཐེག་པ་བསམ་ཡས་མ་ལུས་འདུས། །ཨ་ཧོ། བདག་མེད་གཉིས་རྟོགས་ཕ་རོལ་ཕྱིན་རྫོགས་པ། །ས་བཅུ་རིམ་གྱིས་བསྒོམས་པའི་རྣལ་འབྱོར་པ། །སངས་རྒྱས་སར་འགྲོ་གོ་འཕང་ཐོབ་པའི་ལམ། །བདེན་པ་གཉིས་ཀྱིས་རབ་ཏུ་ཐོབ་པར་འགྱུར། །ཕྱི་ནང་རྟེན་འདྲེལ་སྒྱུ་མ་མིག་ཡོར་ཚུལ་ཤེས་པའི། །དངོས་པོ་གཟུགས་ལ་ཐོགས་མེད་རབ་ཏུ་འཇུག །དགེ་བཤེས་མི་སློབ་རང་གི་རིག་པས་རྟོགས། །བྱང་ཆུབ་སར་འགྲོ་ཡིད་བཞིན་བདེ་བའི་མཆོག །བདེན་བཞི་དོན་རྟོགས་རབ་ཏུ་སྤོང་བ་ཡི། །ཡེ་ཤེས་བཅུ་དྲུག་ཆ་སྦྱངས་རབ་ཞི་བའི། །རྒྱུན་ཞུགས་ལ་སོགས་རིམ་པར་སྦྱངས་ནས་ནི། །ཉོན་མོངས་དགྲ་རྣམས་རབ་ཏུ་ཞི་བའི་ས་རུ་འགྲོ། །ཐེག་པ་གང་དུ་བསྟན་པ་མ་ངེས་པའི། །ཡང་ན་ཀུན་ལ་མཐུན་ནས་འབྱམ་པར་འཇུག །ཡང་ན་ངེས་མེད་འདི་ཞེས་བརྟག་ཏུ་མེད། །འདི་ནི་མ་ངེས་རྡོ་རྗེ་འཆང་གིས་གསུངས། །དགེ་བཅུ་སྤྱོད་ཅིང་མི་དགེ་སྤོང་བྱེད་པ། །འདོད་ཁམས་ལྷ་དང་མི་རུ་སྐྱེ་བའི་རྒྱུ། །ཚད་མེད་བཞི་སྤྱོད་མི་གཡོ་སྒོམ་བྱེད་པ། །ཚངས་གནས་ལྷ་སོགས་སྐྱེ་བའི་རྒྱུ་ཡིན་ནོ། །ཆོས་ཀྱི་དབྱིངས་ཀྱིས་ཀུན་ལ་ཁྱབ་གྱུར་ ― DNG011_Page_0304 ―
[མ་དཔེ་གཟིགས་ན་འདིར་གནོན།]
ཀྱང་། །རང་རིག་རྟོགས་པའི་སྐལ་དང་མི་ལྡན་ན། །ཇི་ལྟར་དམུས་ལོང་མདུན་དུ་མདོག་བསྟན་བཞིན། །འདི་ནི་སྐལ་མེད་རིགས་ཆད་ས་ཡིན་ནོ། །ཆོས་ཀྱི་དབྱིངས་ཀྱིས་ཀུན་ལ་ཁྱབ་པ་ཡིས། །བླ་མེད་ཐེག་པ་བསམ་ཡས་གསུངས་པ་ཡང་། །སོ་སོ་རང་རིག་བློ་ལ་སྣང་བར་ཟད། །ངན་སོང་འགྲོ་དྲུག་སྣ་ཚོགས་རྒྱུ་བ་ཡང་། །འཁྲུལ་པའི་བློ་ལོག་རྟོག་པ་ཉིད་སྣང་སྟེ། །དེ་བཞིན་ཉིད་ཀྱི་དབྱིངས་ལ་འགྱུར་བ་མེད། །མི་དམིགས་རང་རིག་གོམས་བྱས་བླ་ན་མེད་པའི་མཆོག །ལོག་རྟོག་བདག་དང་བདག་གིར་འཛིན་གྱུར་ན། །དངོས་མེད་མི་སྡུག་སྣ་ཚོགས་སྣང་བར་འགྱུར། །ཡང་དག་ཤེས་པའི་རང་རིག་བློ་མེད་ན། །བདེ་གཤེགས་ཞིང་ཡང་ངན་སོང་གནས་སུ་མཐོང་། །ཐེག་མཆོག་མཉམ་པའི་དོན་ཉིད་རྟོགས་པ་ནི། །ངན་སོང་གནས་ཉིད་འོག་མིན་དགའ་ལྡན་གནས། །ནམ་མཁའི་དབྱིངས་ནི་དེ་ཉིད་བསམ་ཡས་པར། །ཉི་ཟླ་གཟའ་སྐར་མཚན་མ་གློག་འགྱུ་དང་། །འཇའ་ཚོན་སྤྲིན་མང་སྣ་ཚོགས་འཁྲུགས་གྱུར་ཀྱང་། །ནམ་མཁའི་དབྱིངས་ལ་གྱུར་ཅིང་ཉམས་པ་མེད། །མི་དམིགས་ཆོས་ཀྱི་དབྱིངས་ནི་བསམ་ཡས་པར། །སྐུ་གསུང་ཡོན་ཏན་ཕྲིན་ལས་རྨད་འབྱུང་དང་། །འཇིག་རྟོག་གཙོ་མཆོག་མ་ལུས་ཐམས་ཅད་དང་། །འཁྲུལ་འཁོར་སྡུག་བསྔལ་སྣ་ཚོགས་རྣམ་མང་ཡང་། །དེ་བཞིན་ཉིད་ལ་འཕེལ་ཞིང་བྲི་བ་མེད། །ཅེས་རྡོ་རྗེ་གསང་བའི་ཚིག་ཏུའོ། །རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཐམས་ཅད་ལ་ཆོས་ཉིད་ཀྱི་རྒྱུ་ཡོད་པ་དང་རིགས་རྒྱུད་ཆད་པ་དང་རིགས་བརྒྱད་སོ་སོར་དབྱེ་བའི་མདོར་བཤད་པའི་ལེའུ་སྟེ་ལྔ་པའོ།། །།དེ་ནས་དེ་བཞིན་གཤེགས་པ་ཐམས་ཅད་དགོངས་པ་གཅིག་ཏུ་གྱུར་ནས་མཉམ་པ་ཆེན་པོའི་ཚུལ་རྡོ་རྗེའི་དབྱིངས་སུ་ཆོས་ཐམས་ཅད་ཡེ་ནས་སངས་རྒྱས་པའི་ཏིང་ངེ་འཛིན་ལས་མི་གཡོ་བར་ཆོས་ཐམས་ཅད་མིང་ཙམ་དུ་གནས་པའི་ཡི་གེ་ཕྲེང་བ་འཁོར་ལོ་ཞེས་བྱ་བ་འདི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཨ་རབ་ཏུ་བརྟན་འགྱུར་ཨ་དཀར་ལས། །ཤིན་ཏུ་ཕྲ་བའི་ཨ་རྣམས་སྤྲོ། ། ― DNG011_Page_0305 ―
[མ་དཔེ་གཟིགས་ན་འདིར་གནོན།]
ཕྱོགས་ཀུན་གང་བར་གསལ་གྱུར་ནས། །བསྡུས་ཀྱང་འཕེལ་འགྲིབ་མེད་པར་བརྟན། །དེ་ལས་མིང་ཚོགས་གསལ་འབར་ཀུན། །སྤྲོ་ཞིང་བསྡུ་བའང་དེ་བཞིན་ནོ། །འདི་ནི་རྡོ་རྗེ་དངོས་གྲུབ་ཀྱི། །བརྟེན་འབྱུང་ཡེ་ཤེས་རྒྱུ་ཡིན་ནོ། །ཨ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ཝ་ར་ལ། ཤ་ཥ་ས་ཧ། ཀྵ། ཨི་ཨཱིཾ། ཨུ་ཨཱུ། ཨེ་ཨཻ། ཨོ་ཨཽ། འདི་དག་ཕྱུང་བས་འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་རྣམ་པ་དྲུག་ཏུ་གཡོས། རབ་ཏུ་གཡོས་ཀུན་དུ་གཡོས་ནས་ཆོས་ཐམས་ཅད་མིང་གི་མཚན་ཉིད་དུ་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ། །ཨ་ནི་སྟོང་དང་མི་སྟོང་གི། །དབུ་མ་དམིགས་སུ་ཡོད་མ་ཡིན། །ཐམས་ཅད་མིང་ཙམ་སངས་རྒྱས་ཀུན། །ཡི་གེ་ཕྲེང་བ་ཉིད་ལ་གནས། །ཨ་ཉིད་སྣ་ཚོགས་པར་སྣང་བའི། །ཀ་ལ་སོགས་པ་བཞི་བཅུ་གཉིས། །སྒྲ་ཡི་མིང་གིས་ཐམས་ཅད་བསྡུས། །མངོན་རྫོགས་རྒྱལ་པོར་དེ་ཉིད་ངེས། །ཨེ་མའོ་ངོ་མཚར་ཡ་མཚན་གྱི། །འཕྲུལ་ཆེན་བཞི་བཅུ་རྩ་ལྔའི་མིང་། །ཚིག་རྣམས་མ་ལུས་འཛིན་པའི་གནས། །སྣ་ཚོགས་དོན་ཀུན་སྨྲ་ཞིང་སྟོན། །དངོས་མེད་ཡི་གེ་རང་བཞིན་སེམས། །བདག་མེད་མཐའ་བྲལ་མི་དམིགས་ཀྱང་། །དབྱིབས་དང་ཁ་དོག་མིང་ཚོགས་ཀྱིས། །རོལ་པ་ཅིར་ཡང་སྤྲུལ་ཅིང་སྟོན། །ཕྱོགས་བཅུ་དུས་བཞི་གཤེགས་པ་ཡི། །ཡེ་ཤེས་སེམས་དཔའི་སྐུ་གསུང་ཐུགས། །དཀྱིལ་འཁོར་བཞི་བཅུ་རྩ་ལྔ་ཉིད། །ཡི་གེ་མགོ་ནས་ཀྵ་ལ་རྫོགས། །སེམས་ནི་རང་བཞིན་ཡི་གེ་སྟེ། །ཡི་གེ་དངོས་པོ་ཡོད་མ་ཡིན། །དམིགས་མེད་དེ་ཉིད་སྣ་ཚོགས་པའི། །སྐུ་གསུང་ཐུགས་ཀྱི་འཁོར་ལོ་ཆེ། །སྐུ་གསུང་ཐུགས་ནི་ངོ་མཚར་གྱི། །ཡ་མཚན་འཕྲུལ་ཆེན་རབ་འགུགས་པ། །དབྱིངས་ལ་དབྱིངས་ཀྱིས་བྲིས་པ་སྟེ། །ཡི་གེ་ཞེས་ནི་དེ་ཕྱིར་བརྗོད། །མགོ་ནི་མ་ནོར་ལམ་ཡིན་ཏེ། །ཚིག་ནི་ཤེས་རབ་མིང་དུ་སྨྲས། །ཤད་ནི་ཐབས་ཆེན་ཚིགས་སུ་གཅོད། །ཨ་ནི་སྐྱེ་མེད་དེ་བཞིན་ཉིད། །ཋ་ནི་སྒྱུ་འཕྲུལ་ ― DNG011_Page_0306 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཉིད། །ཊ་ནི་སྣང་བའི་སྒྱུ་འཕྲུལ་ཉིད། །ཌ་ནི་སྒྱུ་འཕྲུལ་ཡིད་བཞིན་ཉིད། །ཌྷ་ནི་སྒྱུ་འཕྲུལ་རྣམ་དག་ཉིད། །ཎ་ནི་ཀུན་དུ་སྒྱུ་འཕྲུལ་ཉིད། །ཐ་ནི་དྲ་བས་མངོན་རྫོགས་ཉིད། །ཏ་ནི་དྲ་བས་བརྟན་པ་ཉིད། །ད་ནི་དྲ་བས་ལྷམ་མེ་ཉིད། །དྷ་ནི་དྲ་བས་འཁྱིལ་པ་ཉིད། །ན་ནི་དྲ་བས་ཀུན་དུ་འགྱུར། །ཀ་ནི་སྤྱན་གྱི་ཐུགས་ཀྱི་མཆོག །ཁ་ནི་སྙན་གྱི་ཐུགས་ཀྱི་མཆོག །ག་ནི་ཤངས་ཀྱི་ཐུགས་ཀྱི་མཆོག །གྷ་ནི་ལྗགས་ཀྱི་ཐུགས་ཀྱི་མཆོག །ང་ནི་ཐུགས་ཀྱང་འཇིག་བྱེད་པའོ། །ཙ་ནི་སྤྱན་གྱི་སྐུ་ཡི་མཆོག །ཚ་ནི་སྙན་གྱི་སྐུ་ཡི་མཆོག །ཛ་ནི་ཤངས་ཀྱི་སྐུ་ཡི་མཆོག །ཛྷ་ནི་ལྗགས་ཀྱི་སྐུ་ཡི་མཆོག །ཉ་ནི་སྐུ་ཡང་འཇིག་བྱེད་པའོ། །པ་ནི་སྤྱན་གྱི་གསུང་གི་མཆོག །ཕ་ནི་སྙན་གྱི་གསུང་མཆོག་སྟེ། །བ་ནི་ཤངས་ཀྱི་གསུང་མཆོག་ཡིན། །བྷ་ནི་ལྗགས་ཀྱི་གསུང་གི་མཆོག །མ་ནི་གསུང་ཡང་འཇིག་པར་བྱེད། །ཡ་ནི་སྐྱེ་བ་རྣམ་པར་དག །ཝ་ནི་གནས་པ་དག་པ་ཡིན། །ར་ནི་འཇིག་པ་དག་པ་སྟེ། །ལ་ནི་སྟོང་པ་དག་པའོ། །ཤ་ནི་རྟག་མེད་དག་པ་སྟེ། །ཥ་ནི་ཆད་པའང་ཡོད་མ་ཡིན། །ས་ནི་མཐའ་བྲལ་བདག་མེད་པ། །ཧ་ནི་མཚན་མ་མེད་པ་ཉིད། །ཀྵ་ནི་ཡེ་ཤེས་ཐུགས་ཀྱི་ཐུགས། །ཨི་ནི་རྡུལ་སྙེད་ལྷ་རྣམས་སུ། །ཨཱིཾ་ནི་རྡུལ་སྙེད་ལྷ་མ་ཡིན། །ཨུ་ནི་རྡུལ་སྙེད་མི་རྣམས་སུ། །ཨཱུ་ནི་རྡུལ་སྙེད་བྱོལ་སོང་རྣམས། །ཨེ་ནི་རྡུལ་སྙེད་ཡི་དྭགས་སུ། །ཨཻ་ནི་རྡུལ་སྙེད་དམྱལ་བ་རྣམས། །ཨོ་ནི་ཐམས་ཅད་འཇིག་པར་བྱེད། །ཨཽ་ནི་ཐམས་ཅད་ཞིག་པ་ཡིན། །ཡི་གེ་འཁོར་ལོ་ཚོགས་ཆེན་འདིས། །སྐུ་གསུང་ཐུགས་ཀྱི་ཕྲེང་བ་བསྡུས། །ཨ་ཧོ། དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་། །ཨ་ཧོ། ཐབས་དང་ཤེས་རབ་དགྱེས་སྤྲིན་བྱང་ཆུབ་སེམས་ཚོགས་རྒྱུ་འཁོར་ལོ། །འབྲས་བུ་རྒྱལ་བའི་སྨིན་གྲུབ་ངོ་མཚར་མིང་ཚོགས་བཞི་བཅུ་གཉིས། །འདུས་མ་བྱས་ཉིད་འདུས་བྱས་རྡོ་རྗེ་དཀྱིལ་ ― DNG011_Page_0307 ―
[མ་དཔེ་གཟིགས་ན་འདིར་གནོན།]
འཁོར་འབྱིན་པའི་དམ། །འདའ་བར་མི་མཛད་དབང་མེད་རྒྱུ་རྐྱེན་ཚོགས་པའི་མཐུ་ཆེན་ཡིན། །ཨ་ཧོ། རྡོ་རྗེ་གསང་བའི་ཚིག་ཏུའོ་ཞེས་བརྗོད་པས་དེ་བཞིན་གཤེགས་པ་ཐམས་ཅད་ཡི་གེ་འཁོར་ལོར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཡི་གེ་ཕྲེང་བ་འཁོར་ལོ་བཀོད་པའི་ལེའུ་སྟེ་དྲུག་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཤིན་ཏུ་གསང་བའི་ཕྱིར་གསང་སྔགས་ཀྱི་རྒྱུད་དེའི་ཕྱི་པ་དང་། ནང་པ་ཐབས་ཀྱི་རྒྱུད་གཞན་ལ་ཁམས་བཅྭ་བརྒྱད་དུ་བསྟན། གཙུག་ལག་ཐམས་ཅད་ལ་ཡང་ཁམས་བཅྭ་བརྒྱད་དུ་བསྟན་པ་ཡིན། ལུང་གི་སྤྱི་འདི་ནི་ཤིན་ཏུ་ཟབ་པའི་ཕྱིར་ཁམས་ཉི་ཤུ་རྩ་གཅིག་ཏུ་བསྟན་ཏེ། ལུང་གི་སྤྱི་ཡང་རྒྱུད་དང་གསུང་རབ་ཐམས་ཅད་འབྱུང་བའི་གནས་ཡིན། གསང་བའི་དབང་པོ་དང་གསང་བའི་ཡུལ་གཉིས་ཀ་ཡང་། སྐྱེ་མཆེད་དང་ཁམས་ཐམས་ཅད་འབྱུང་བའི་གཞི་ཡིན་པའི་ཕྱིར་ཤིན་ཏུ་གསང་བར་གསུངས་སོ། །དཀྱིལ་འཁོར་དེ་དག་ཤིན་ཏུ་གསལ་བར་བསྟན་པའི་ཕྱིར་ཉིད་ལ་ཉིད་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཡེ་ནས་གསང་བའི་ཆོས། །ཐམས་ཅད་ཀུན་ལ་རང་བཞིན་གནས། །ངང་གིས་དག་མཉམ་མ་རྟོགས་པས། །ཀུན་ལ་ཡོད་ཅིང་རང་བཞིན་གསང་། །གཞན་དུ་མིན་ལ་ཤིན་ཏུ་གསང་། །དོན་ཉིད་ཀྱིས་ནི་གསང་བའི་རྒྱུ། །མཉམ་པའི་རྡོ་རྗེ་ཅན་གྱིས་གསུང་། །འདི་ནི་བྱང་ཆུབ་སྙིང་པོ་མཆོག །ཨ་ཧོ། རྡོ་རྗེ་གསང་བའི་ཚིག་ཏུའོ། །དབང་པོ་ཡུལ་དུ་སྣང་བའི་རྣམས། །བྱང་ཆུབ་སེམས་དཔའི་དཀྱིལ་འཁོར་ཉིད། །ཕུང་པོ་ལྔ་དང་འབྱུང་བ་ལྔ། །རིགས་ལྔ་ཡབ་ཡུམ་བཅུ་རུ་འབྱོར། །སྐྱེ་མཆེད་ཁམས་རྣམས་བཅྭ་བརྒྱད་པོ། །སེམས་དཔའ་སེམས་མའི་དཀྱིལ་འཁོར་ཉིད། །ཐམས་ཅད་བྱང་ཆུབ་སེམས་མ་ཡི། །རྡོ་རྗེ་གསང་བའི་དབང་པོར་འདུས། །རྡོ་རྗེ་དབང་པོ་གསང་བའི་ཐབས། །དབང་པོ་ཡུལ་ཉིད་ཤེས་རབ་དབྱིངས། །དབང་པོའི་ཐུགས་ནི་རྡོ་རྗེ་སེམས། །ཐམས་ཅད་འབྱུང་བའི་གཏེར་ཉིད་དང་། །ཐམས་ཅད་འགྲོ་ ― DNG011_Page_0308 ―
[མ་དཔེ་གཟིགས་ན་འདིར་གནོན།]
བའི་གནས་ཉིད་དེ། །དེ་ཡིས་མ་བསྐྱེད་གང་ཡང་མེད། །འཁོར་དང་མྱ་ངན་འདས་པའི་རྒྱུ། །དེ་ལས་ཐམས་ཅད་སྐྱེ་ཞིང་འབྱུང་། །ཀུན་གྱི་ཕྱག་རྒྱའི་རྒྱུ་ཡིན་ཏེ། །བདེ་བ་བྱང་ཆུབ་སྒྲུབ་པའི་རྫས། །དེ་ལས་བསྐྱེད་ཅིང་དེ་ལས་སྤྲོ། །དངོས་གྲུབ་ཐམས་ཅད་སྒྲུབ་པའི་གནས། །དབང་པོ་རྡོ་རྗེ་པདྨོར་ལྡན། །གཉིས་མེད་བྱང་ཆུབ་སེམས་འཕྲོ་ན། །མི་དམིགས་བདེ་དང་ལོངས་སྤྱོད་འཕྲོ། །སྐུ་གསུང་ཐུགས་དང་ཡེ་ཤེས་ལྔ། །གསང་བའི་ལྷ་མོ་བཞི་རྣམས་དང་། །མཆོད་པའི་ལྷ་མོ་རྫོགས་ལྡན་བཞི། །འཇུག་དང་ལྡང་དང་གནས་དང་སྨོན་པའི་བྱང་ཆུབ་སེམས། །གཡོ་དང་བསྐྱོད་དང་ལྡང་དང་གནས། །འགུག་དང་འཛིན་དང་དེ་བཞིན་ཏེ། །བསྡུས་དང་འཁྲིལ་བའི་དོན་བསྒྲུབ་ཕྱིར། །བསྡམས་དང་མི་གཏོང་དབང་སྒྱུར་ཏེ། །བདེ་བ་སྒྲ་སྙན་ཕྱོགས་བཅུར་སྒྲོགས། །ཤིན་ཏུ་སྒེག་པའི་གཟི་བརྗིད་འབར། །ཡིད་བཞིན་རིན་ཆེན་ཕྲེང་བར་འབར། །དབྱངས་སྙན་ཡིད་འཕྲོག་གཟི་ལྡན་འབར། །གཟུགས་མཛེས་བསྐྱོད་པས་ཕྱོགས་བཅུར་གཡོ། །ཀུན་དུ་ཚིམ་བྱེད་བྲོ་བསུང་ཐིམ། །ལྷ་མཛེས་རིན་ཆེན་ཕུང་པོ་འཕྲོ། །འོད་གསལ་འཕྲོ་བས་ཀུན་དུ་འབར། །བདུད་རྩི་བསིལ་དྲོ་འཇམ་པའི་དབྱིངས། །ཨ་ལ་ལ་ཧོ། གསང་བའི་དབང་པོ་པདྨར་ལྡན་གྱུར་ནས། །ཆགས་པ་མེད་པའི་ཚུལ་གྱིས་སུ། །ཕ་རོལ་ཕྱིན་བཅུ་རྒྱུ་འབྲས་རྫོགས། །ས་བཅུ་རིམ་གྱིས་བཀོད་མེད་རྫོགས། །ཀུན་དུ་འོད་གསལ་པདྨ་སྤྱན་ཡང་རྫོགས། །ཡི་གེ་ཕྲེང་བ་འཁོར་ལོ་བསམ་གྱིས་མི་ཁྱབ་པ། །ཡང་དག་རྫོགས་ཆེན་ཐབས་དང་ལྡན། །ཐབས་དང་ཤེས་རབ་བླ་མེད་ས་ཡང་རྫོགས། །བསོད་ནམས་ཡེ་ཤེས་ཚོགས་ཆེན་རྫོགས་པར་རོལ། །ཨ་ལ་ལ་ཧོ། དེ་བཞིན་ཉིད་ཀྱི་གསང་མཆོག་ལས། །ཁམས་ནི་ཉི་ཤུ་རྩ་གཅིག་སྟེ། །བཅྭ་བརྒྱད་པོ་ནི་རྒྱུད་གཞན་བཞིན། །གསུམ་ནི་དེ་བཞིན་ཀུན་གྱི་བདག །བཅྭ་བརྒྱད་འབྱུང་བའི་གནས་ཡིན་ཏེ། །བྱང་ཆུབ་འགྲུབ་པའི་ཞིང་ཡང་ཡིན། །བདེ་བ་འབྱིན་པའི་རྒྱུ་ཡང་ཡིན། །གསང་བའི་མཚན་ཉིད་བརྗོད་པ་ནི། །དབང་པོ་རྡོ་ ― DNG011_Page_0309 ―
[མ་དཔེ་གཟིགས་ན་འདིར་གནོན།]
རྗེ་གསང་བའི་རྒྱལ། །ཡུལ་ནི་པདྨ་བདེ་མཆོག་དབྱིངས། །སེམས་ནི་བྱང་ཆུབ་འབྱུང་བའི་གཏེར། །དབང་པོ་ཡུལ་སེམས་ལྡན་གྱུར་ནས། །གསང་བ་མཆོག་གི་འཕྲུལ་ཆེན་སྤྲོ། །དཀྱིལ་འཁོར་རྡུལ་སྙེད་གྲངས་མེད་དང་། །ཕུན་སུམ་ཚོགས་པའི་ལྷུན་གྲུབ་རྣམས། །གསང་བ་མཆོག་གིས་འབྱིན་པར་བྱེད། །འདི་ནི་རྩེ་གཅིག་ཡིན་པར་གསུངས། །གསང་བའི་དོན་མཆོག་འདི་དག་ནི། །ལྟ་བ་དམན་ལ་བཤད་བྱས་ན། །དུས་མིན་པར་ནི་སྲོག་ཟད་ནས། །མགོ་འགས་སྙིང་ཡང་ཚིག་པར་འགྱུར། །ཁབ་ལེན་གྱིས་ནི་ལྕགས་སྡུད་ལྟར། །མི་འདོད་བཞིན་དུ་དབང་མེད་པར། །ངན་སོང་མི་ཁོམ་བསྐལ་པར་བརྒྱུད་པར་འགྱུར། །དེ་བས་འདི་ནི་ཤིན་ཏུ་གསང་བར་བྱ། །ཤེས་རབ་རྒྱ་ཆེན་བློ་ཟབ་ཡངས་པ་ཡིས། །བློ་བརྟན་སྙིང་རྗེ་ཆེ་དང་དད་ལྡན་ངང་ཚུལ་བཟང་ལ་བརྟན། །གཞན་དུ་ནམས་ཀྱང་སྦྱིན་མི་བྱ་ཞེས་ཉིད་ལ་ཡང་ཉིད་བརྗོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁམས་ཉི་ཤུ་རྩ་གཅིག་ཏུ་བསྡུས་ནས། ཐམས་ཅད་མ་ལུས་པར་དབྱིངས་སུ་བཀོད་པའི་ལེའུ་སྟེ་བདུན་པའོ།། །།དེ་ནས་ཡི་གེའི་དཀྱིལ་འཁོར་གྱི་སྤྲིན་བཀོད་པ་ལས་སྒྱུ་འཕྲུལ་རྣམ་པར་སྤྲོས་པ་འདི་ཆེད་དུ་བརྗོད་དོ། །རྩ་བ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ཏེ། །ཡི་གེ་ཡིད་བཞིན་རིན་ཆེན་སྤྲིན། །སྒྱུ་འཕྲུལ་དཀྱིལ་འཁོར་བཞི་བཅུ་གཉིས། །དྲ་བའི་དཀྱིལ་འཁོར་མངོན་རྫོགས་པས། །ཕྱོགས་བཅུ་དུས་བཞི་རྫོགས་པ་ཡི། །དཀྱིལ་འཁོར་ཐམས་ཅད་གྲུབ་པར་འགྱུར། །བདུད་རྩིར་འགྱུར་ཞིང་འབྱུང་བ་དང་། །བཞི་བརྒྱ་རྩ་བཞི་ནད་སེལ་ཅིང་། །ལོངས་སྤྱོད་འབྱུང་ཞིང་ངན་སོང་སྦྱོང་། །ཅི་ཡང་གཞན་དུ་འགྱུར་བར་འགྲུབ། །ནམ་མཁའ་རྡོ་རྗེ་སྲ་འབྱུང་ཞིང་། །འབར་ནས་མེ་ཡང་འཚིག་པ་དང་། །ཆུར་འགྱུར་འབབ་པའང་དེ་བཞིན་ཏེ། །འཇིག་རྟེན་ཁམས་ནི་གཏོར་བ་དང་། །ཐམས་ཅད་སྟོངས་ཤིང་ལྷུང་བར་འགྱུར། །དགུག་དང་བཏང་དང་བཅིང་དང་དགྲོལ། །གསོ་དང་བསད་དང་ ― DNG011_Page_0310 ―
[མ་དཔེ་གཟིགས་ན་འདིར་གནོན།]
ཕམ་དང་རྒྱལ། །ཏིང་འཛིན་འདི་ཡིས་བྱེད་པར་འགྱུར། །དེ་ཉིད་ཡེ་ཤེས་རང་སྣང་བའི། །མིང་ཚིག་གཟུགས་ཚོགས་ཡིད་བཞིན་གྱིས། །མུན་ལ་སྣང་བྱུང་ཇི་བཞིན་དུ། །འགྱུར་བས་གསེར་འགྱུར་སྨན་གྱི་ཚུལ། །སྟོན་པ་མཆོད་བརྩོན་རྟོགས་པ་གསལ། །དམ་ཚིག་སྔགས་དང་ཕྱག་རྒྱ་རྣམས། །མ་ཉམས་ཤེས་ཤིང་ཡོ་བྱད་ལྡན། །འགྲུབ་འགྱུར་མི་ལྡན་དོན་མེད་བརླག །དུས་གསུམ་རྒྱལ་བས་ཐུགས་ཆུད་པའི། །དངོས་གྲུབ་མཆོག་གི་སྙིང་པོ་ནི། །ཟད་པའི་དུས་མེད་ཡིད་བཞིན་མཛོད། །འཕེལ་འགྲིབ་མེད་པར་འབྱུང་བ་སྟེ། །དངོས་པོ་མེད་ལས་དངོས་པོའི་སྤྲིན། །སྣ་ཚོགས་རྣམ་པར་འབྱུང་ཞིང་འགྱུར། །དངོས་རྣམས་ཉིད་ན་དངོས་མེད་པར། །རྟོགས་པའི་དབང་སྒྱུར་ཏིང་འཛིན་ཡིན། །གང་གིས་དམིགས་མེད་མི་ཤེས་པ། །དེ་ཡིས་ཆོས་ཀྱི་དབྱིངས་མི་ཤེས། །དེ་ཕྱིར་དངོས་དང་དངོས་མེད་པ། །འཇིགས་པས་དམིགས་མེད་ཤེས་པར་གྱིས། །གཞི་རྩ་མེད་པའི་སེམས་ཉིད་ནི། །ཕོ་མོ་མ་ཡིན་མ་ནིང་མིན། །མཚན་མེད་མ་ཡིན་རིགས་རྒྱུད་མིན། །ཁ་དོག་མ་ཡིན་དབྱིབས་མ་ཡིན། །གནས་སུ་མ་ཡིན་གང་ཡང་མིན། །དེ་བཞིན་ཉིད་དབྱིངས་ཡེ་ཤེས་ཏེ། །ཐབས་ཀྱི་ཕྱག་རྒྱ་ཀུན་གྱི་རྒྱུ། །ཐབས་ལས་ཐབས་བྱུང་ཐབས་བསམ་ཡས། །ཐ་དད་མིན་ལ་ཐ་དད་པའི། །ནང་དང་ནང་གི་ཕྱི་རོལ་པ། །དཀྱིལ་འཁོར་བསམ་ཡས་ཡེ་ཤེས་རོལ། །འཇིགས་མེད་ཀུན་བཟང་ཕྱག་རྒྱ་མཆོག །གང་གིས་གླང་ཆེན་མྱོས་འདྲའི་སེམས། །མཉམ་པར་བཞག་པས་བཏུལ་ནས་སུ། །སྔགས་དང་ཕྱག་རྒྱས་རབ་བརྟན་ན། །དངོས་གྲུབ་ཡ་མཚན་ཆེན་པོར་འགྱུར། །ཞེས་བརྗོད་པས་དེ་བཞིན་གཤེགས་པ་ཉིད་གཟིགས་མོས་མཉེས་པར་གྱུར་ཏོ། །དེ་ནས་དེ་བཞིན་གཤེགས་པའི་སྐུ་དང་གསུང་དང་ཐུགས་རྡོ་རྗེ་ལས་གསང་བའི་ཚིག་འདི་ཕྱུང་ངོ་། །ཨེ་མའོ་སྙིང་པོར་ལམ་བཅས་པས། །འཇིགས་མེད་དབྱིངས་ཉིད་ཀུན་བཟང་ཕྱག་རྒྱ་མཆོག །རང་བཞིན་སྐུ་གསུང་ཐུགས་ཆེན་པོ། །བྱང་ཆུབ་ལྷུན་གྲུབ་བདལ་བའི་ངང་། །སྙིང་པོ་ཉིད་ནི་སྙིང་ ― DNG011_Page_0311 ―
[མ་དཔེ་གཟིགས་ན་འདིར་གནོན།]
པོར་ཀུན་བཅས་ཀུན་དུ་གནས། །དེ་ཉིད་རྫོགས་པའི་ངང་ལས་དངོས་གྲུབ་ཀུན་ཤར་ཀུན་དུ་གནས། །ཨ་ཧོ་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་སྒྲུབ་པའི་ལེའུ་སྟེ་བརྒྱད་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་རང་བཞིན་གྱི་དཀྱིལ་འཁོར་ལས་ལྷག་པའི་དཀྱིལ་འཁོར་གྱིས་སྔགས་འཆང་རྣམས་ལྷར་སྒྲུབ་པའི་དཀྱིལ་འཁོར་འདི་དོན་ཡོད་པར་བྱ་བའི་ཕྱིར་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཡེ་ནས་རྣམ་དག་པའི། །ཐབས་དང་ཤེས་རབ་ལྡན་པར་གནས། །བྱང་ཆུབ་མཆོག་ཏུ་ཉི་ཟླ་ཤར། །དེ་ཉིད་བཞུགས་གནས་ཡིན་པར་གསུངས། །ཆོས་རྣམས་ཐམས་ཅད་བདག་མེད་པའི། །དབྱིངས་སུ་ཐིམ་པའི་འོད་ཟེར་གསལ། །གཅིག་དང་སྤྲོས་པ་ཐམས་ཅད་མེད། །དཀྱིལ་འཁོར་སྤྲོས་མེད་ཟླུམ་པོའི་ཚུལ། །ཡེ་ནས་མྱ་ངན་འདས་པའི་ཆོས། །ཡེ་ཤེས་རྒྱུ་དང་འབྲས་བུ་ལྡན། །ཐམས་ཅད་མཁྱེན་པའི་ཡེ་ཤེས་སྐུ། །ཆོས་ཀྱི་འཁོར་ལོ་ཡོངས་ཀྱིས་བསྐོར། །ཐུགས་རྗེ་བྱིན་བརླབས་འཕྲོས་པ་ཡིས། །ཡེ་ཤེས་བཞི་ཡི་དཀྱིལ་འཁོར་སྤྲོ། །ཡེ་ཤེས་ལྔ་དང་སྐུ་གསུང་ཐུགས། །བྱིན་བརླབས་ཡ་མཚན་བསམ་མི་ཁྱབ། །རང་སྣང་བ་ཡི་ཐབས་ལས་འབྱུང་། །བསོད་ནམས་ཡེ་ཤེས་ཚོགས་རྫོགས་པའི། །ཐུགས་རྗེ་རྒྱས་པའི་གཞལ་ཡས་ཁང་། །དབུས་མཐའ་མེད་པར་རྒྱས་པར་གནས། །སྟོང་སྨོན་མཚན་མེད་འོད་གསལ་འཇུག །དེ་ཕྱིར་ཡེ་ཤེས་སྒོ་བཞིར་བཤད། །དེར་འགྲོ་ལམ་སྟེགས་བརྒྱད་དང་ལྡན། །རང་བཞིན་ཡེ་ནས་འོད་གསལ་ཕྱིར། །ཉི་ཟླ་བརྩེགས་པའི་གདན་ཁྲི་འབར། །ཡེ་ནས་རྣམ་པར་དག་པའི་ཕྱིར། །མ་ཆགས་པདྨོ་འབར་བའི་གདན། །ཟད་མེད་ཡེ་ཤེས་གཏེར་གྱུར་པས། །ཡིད་བཞིན་རིན་ཆེན་འབར་བའི་གདན། །ཡེ་ནས་མཉམ་ཉིད་མི་འདའི་ཕྱིར། །ཏ་ལའི་ལྗོན་ཤིང་རང་བཞིན་གནས། །རེ་བ་ཡིད་བཞིན་སྐོང་བའི་ཕྱིར། །དཔག་བསམ་ཤིང་གི་རིན་ཆེན་འབར། །ཡིད་བཞིན་རིན་ཆེན་རྒྱན་ ― DNG011_Page_0312 ―
[མ་དཔེ་གཟིགས་ན་འདིར་གནོན།]
གྱིས་བསྐོར། །ཐམས་ཅད་ལ་ནི་དབང་སྒྱུར་ཕྱིར། །འཇིག་རྟེན་ལྷ་ཆེན་རྣམས་ཀྱིས་བསྐོར། །གསང་བ་དེ་ཉིད་ངེས་པ་ལས། །འཕྲུལ་ཆེན་བཞི་བཅུ་རྩ་གཉིས་ཀྱིས། །ཐམས་ཅད་ལྷ་ཉིད་རྟག་ཏུ་སྦྱོར། །ཐམས་ཅད་མ་ལུས་དཀྱིལ་འཁོར་མཆོག །འདི་ནི་རང་བཞིན་དཀྱིལ་འཁོར་དང་། །གཟུགས་བརྙན་ལྷག་པའི་དཀྱིལ་འཁོར་གསུམ། །ཏིང་འཛིན་ལྷག་པའི་དཀྱིལ་འཁོར་དག །བྱང་ཆུབ་སེམས་དང་ཚོགས་མཆོག་བརྟེན། །ཞེས་ཉིད་ལ་ཉིད་བཤད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་ཏུ་གསང་བའི་དཀྱིལ་འཁོར་བསྡུས་ནས། ལྷག་པའི་གཟུགས་བརྙན་བསྟན་པའི་ལེའུ་སྟེ་དགུ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་རང་བཞིན་གཅིག་དང་དུ་མ་མེད་པ་བདག་ཉིད་ཐམས་ཅད་ཀྱིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ལ་ཉིད་ཀྱི་ཆེ་བའི་དཀྱིལ་འཁོར་འབྱུང་བར་བཞེད་ནས་ཆེད་དུ་བརྗོད་པ་འདི་བརྗོད་དོ། །ཡེ་ཤེས་ཕྱོགས་བཞི་དབུས་བརྟགས་ཏེ། །དཀྱིལ་འཁོར་བསམ་ཡས་ལྷུན་གྲུབ་ནི། །རྫོགས་ཆེན་རྟོགས་པའི་རྣལ་འབྱོར་པས། །ཀུན་འབྱུང་དཀྱིལ་འཁོར་ཆེན་པོར་སྤྱོད། །འཁོར་ལོ་རྩིབས་བཞི་མུ་ཁྱུད་བཅས། །གྲུ་ཆད་བཞིས་བརྒྱན་བར་ཁྱམས་དང་། །ཀུན་དུ་གྲུ་བཞི་སྒོ་ཁྱུད་ལྡན། །རོལ་མོ་སྣ་ཚོགས་སྤྲིན་ཕུང་བཞིན། །དཀྱིལ་འཁོར་བཞི་བཅུ་གཉིས་ཀྱིས་བརྒྱན། །སེང་གེ་གླང་ཆེན་རྟ་དང་ཁྱུང་། །ནམ་མཁའ་ལྡིང་གི་ཁྲི་ཆེན་ལ། །ཉི་ཟླ་པདྨ་རིན་པོ་ཆེ། །གདན་ལ་རྫོགས་དང་སེམས་དཔའི་ཚུལ། །འཁོར་ལོ་རྒྱལ་པོ་རྒྱལ་མོ་དང་། །གཡས་ནས་མཐོང་ཐོས་མནམ་པ་དང་། །མྱོང་དང་བཙུན་མོའི་ཚོགས་སུ་བཅས། །གྲུ་ཆད་ལ་ནི་མཐོང་བྱེད་དང་། །ཐོས་བྱེད་མནམ་བྱེད་མྱོང་བྱེད་རྣམས། །བཙུན་མོ་དག་དང་བཅས་པར་གནས། །བར་ཁྱམས་ལ་ནི་ཐུབ་དྲུག་དང་། །མདུན་དང་རྒྱབ་ཏུ་བྱེད་པ་དང་། །བྱ་བ་དག་ནི་གནས་པར་བསྟན། །སྒོ་ཁྱུད་བཞི་ལ་འཇོམས་པ་ནི། །བཙུན་མོའི་ཚོགས་དང་ལྡན་པར་གནས། །རྡོ་རྗེ་འཁོར་ལོ་རིན་པོ་ཆེ། ། ― DNG011_Page_0313 ―
[མ་དཔེ་གཟིགས་ན་འདིར་གནོན།]
པདྨ་རལ་གྲི་དྲིལ་བུ་འབར། །ཨུཏྤལ་ཀླུ་ཤིང་ལ་སོགས་མཚན། །མཛེས་ཚུལ་མཉེས་པའི་ཡོ་བྱད་འཛིན། །མཐིང་ག་དཀར་པོ་སེར་ལེ་བརྒན། །ལྗང་གུ་ལ་སོགས་སྣ་ཚོགས་པའི། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྟུག་གཟི་བྱིན་ཅན། །འོད་ཟེར་འཕྲོ་བའི་ཚོགས་ཆེན་པོ། །འབར་བའི་ཕྲེང་བས་འཁྱིལ་པ་སྟེ། །དབུས་མཐའ་མེད་པར་ཁྱབ་པ་ཡི། །དཀྱིལ་འཁོར་བསམ་ཡས་ལྷུན་གྱིས་གྲུབ། །སྐུ་ཡི་ཕྱག་རྒྱ་ཆེ་མཆོག་ནི། །དེ་བཞིན་དབྱིངས་ལས་མ་གཡོས་ཀྱང་། །ཡང་དག་ཐར་པའི་གཟུགས་སྐུ་དང་། །འགྲོ་བ་མ་ལུས་འདུལ་བའི་ཕྱིར། །མཐུན་བྱས་སྐུ་ནི་སྣ་ཚོགས་སྟོན། །སྟོན་ཉིད་སྒྱུ་མ་མིག་ཡོར་ཚུལ། །ཚུལ་ཉིད་དབྱིངས་ལས་གཡོས་པ་མེད། །མ་གཡོས་བཞིན་དུ་སྣ་ཚོགས་པའི། །དེའི་ཚེ་མི་མཐུན་སྣ་ཚོགས་ལ། །སོ་སོ་འདྲ་བར་སྣང་བ་ནི། །དེ་བཞིན་ཉིད་ཀྱིས་མ་བཅོས་ཀྱང་། །ལས་འཕྲོ་དབང་གིས་སོ་སོར་སྣང་། །དཔེར་ན་མེ་ལོང་ཆུ་ཟླ་བཞིན། །དེ་ཚེ་འགྲོ་དྲུག་ཐམས་ཅད་ལ། །སྡིག་སྤོང་གཟུགས་སུ་རྣམ་པར་བསྟན། །དགེ་ཚུལ་རྣམས་ལ་དགྲ་བཅོམ་གཟུགས། །རང་རྒྱལ་རྣམས་ལ་བསེ་རུའི་ཚུལ། །གཞན་ཡང་ཐེག་མཆོག་རིམ་པ་བཞིན། །འོག་མིན་བླ་མེད་གནས་མཆོག་ཏུ། །སྐུ་ནི་རྣམ་པར་སྣང་མཛད་ཚུལ། །བྱང་ཆུབ་སེམས་དཔའི་འཁོར་རྣམས་ལ། །དེ་བཞིན་གསུང་མཆོག་མི་སྨྲ་སྟེ། །སྐུ་ཡིས་ཆོས་རྣམས་མཇལ་བར་སྟོན། །མེ་ལོང་བསྟན་པའི་ཚུལ་བཞིན་དུ། །དངོས་ཀྱི་མདོག་ངན་ཐམས་ཅད་སེལ། །འཁོར་གྱིས་དེ་བཞིན་སྐུ་བལྟས་ན། །བྱང་ཆུབ་སྒྲིབ་པ་གཏིང་དཔག་མེད། །མེ་ལོང་བཞིན་དུ་སྐུ་ལ་སྣང་། །དེ་ནས་ས་བཅུ་རིམ་གྱིས་འབྱུང་། །བླ་མེད་བྱང་ཆུབ་ཡང་དག་འཐོབ། །ཆོས་སྐུ་དཔག་མེད་བརྗོད་དུ་མེད། །ལོངས་སྤྱོད་ཟད་མེད་རིན་ཆེན་གཏེར། །སྤྲུལ་པ་བྱེ་བ་བསམ་མི་ཁྱབ། །མཚན་དང་དཔེ་བྱད་ཐམས་ཅད་རྫོགས། །སྤྱོད་ཡུལ་ཀུན་དུ་མཎྜ་ལ། །ཚོགས་ཆེན་གཉིས་ཀྱང་རྫོགས་པར་རོལ། །ཐབས་དང་ཤེས་རབ་ས་ཡི་མཆོག །དེ་ལ་སོགས་ཏེ་བསམ་ཡས་མཆོག །སྐྱེ་ཤི་མེད་ ― DNG011_Page_0314 ―
[མ་དཔེ་གཟིགས་ན་འདིར་གནོན།]
པའི་གཡུང་དྲུང་སྐུ། །ཉོན་མོངས་ཀུན་གྱི་ཞིང་དུ་གནས། །ཟད་མི་ཤེས་ཀྱི་གཏེར་དུ་གྱུར། །རྡོ་རྗེ་རིག་པ་འཛིན་གྱི་སྐུ། །ཐམས་ཅད་དབྱེར་མེད་མཉམ་པའི་སྐུ། །ཐམས་ཅད་མཁྱེན་པའི་ཡེ་ཤེས་སྐུ། །དེ་ཚེ་སྐུ་ལྔ་ཀུན་ཀྱང་རྫོགས། །ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་མཐའ་ཡས་མུ་མེད་པ་ཐམས་ཅད་དུ་དཀྱིལ་འཁོར་བརྗོད་ཀྱིས་མི་ལང་བ་ཞིང་གི་རྡུལ་སྙེད་དུ་གསལ་བར་གྱུར་ཏོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་ཡོན་ཏན་ཆེན་པོའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་། །ཨ་ཧོ། དམིགས་བྱ་དམིགས་མེད་མི་དམིགས་དཔག་མེད་བསམ་མི་ཁྱབ། །ཡེ་ཤེས་རང་རིག་དཀྱིལ་འཁོར་སྣ་ཚོགས་བརྗོད་མི་ལང་། །མཉམ་དང་མི་མཉམ་ཀུན་ཁྱབ་ཁྱབ་མེད་ཁྱབ་པའི་དབྱིངས། །ཡེ་ནས་ཀུན་གསལ་དཀྱིལ་འཁོར་རྣམས་སྤྲོ་སྤྲོས་པ་མེད། །ཡེ་ནས་ཀུན་ཁྱབ་དཀྱིལ་འཁོར་བསམ་ཡས་ཞིང་གི་རྡུལ་སྙེད་དུ། །ཡེ་ནས་རྣམ་སྤྲོས་སྙིང་པོ་ཀུན་གནས་གནས་པ་མེད། །རྡོ་རྗེ་གསང་བའི་ཚིག་ཏུའོ། །ཨའོ་ཞེས་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དཀྱིལ་འཁོར་སྤྲོས་པའི་ལེའུ་སྟེ་བཅུ་པའོ།། །།དེ་ནས་དེ་བཞིན་གཤེགས་པ་ཐམས་ཅད་མཉམ་པ་ཉིད་ལ་བཞུགས་ནས་འཁོར་བསམ་གྱིས་མི་ཁྱབ་པ་ཐམས་ཅད་ཀྱང་། ཉིད་ལ་ཉིད་མཉེས་པར་མཆོད་ཅིང་། ཀུན་དུ་བཟང་པོ་དགྱེས་ཏེ། ཕྱོགས་བཅུ་དུས་བཞི་མ་ལུས་པ་ཐམས་ཅད་ཀྱི་བཞུགས་གནས་ཐམས་ཅད་གཞལ་ཡས་ཁང་རིན་པོ་ཆེ་སྣ་ཚོགས་བསམ་གྱིས་མི་ཁྱབ་པ། ཚད་དཔག་ཏུ་མེད་པ། རྒྱས་པ། མཐའ་དབུས་མེད་པར་ཁྱབ་ཅིང་འོད་ཟེར་སྒྲིབ་པ་མེད་པ་རང་བྱུང་བ་ལ་བཞུགས་ནས་ཆེད་དུ་བརྗོད་པ་འདི་བརྗོད་དོ། །ཉིད་ཀྱི་དབྱིངས་ཉིད་འཕྲོ་བ་དཔག་ཚད་མེད། །ཀུན་ནས་དཀྱིལ་འཁོར་ཡོངས་སུ་མ་ཆད་པའི། །སྲིད་གསུམ་ཡང་དག་མཉམ་སྦྱོར་སྤྱོད་ཡུལ་ཏེ། །མཚན་འཛིན་འདས་པ་མཆོག་གི་རྒྱུ་ལས་བྱུང་། །དབང་སྒྱུར་ཤིན་ཏུ་རྣམ་པར་དག་པ་ཡི། ། ― DNG011_Page_0315 ―
[མ་དཔེ་གཟིགས་ན་འདིར་གནོན།]
དེ་བཞིན་གཤེགས་པ་འོག་མིན་གནས་བཞུགས་ནས། །གཟུང་འཛིན་བྲལ་བའི་བླ་མེད་རྗེས་འདོད་དང་། །འཇིག་རྟེན་འཁོར་གྱི་གཙོས་བཀུར་དབང་ཕྱུག་དང་། །གཞན་དང་འཇིག་རྟེན་ཕྱོགས་བཅུ་ཁམས་གནས་པ། །བདུད་རྩི་རོ་ཡིས་དགའ་བ་བདེ་ཆེན་འགྲུབ། །དུག་གསུམ་དྲི་བྲལ་བདུད་སྡེ་ཚར་བཅད་པའི། །འདས་དང་མ་བྱོན་དེ་བཞིན་ཉིད་དུ་སྦྱོར། །ཤེས་རབ་ཐབས་ལྡན་ངེས་པའི་དོན་ཕྱུང་བ། །རིག་པའི་ཐབས་ཆེན་དབང་སྒྱུར་ཉིད་དུ་བསྒོམ། །སྟོང་སྨོན་མཚན་མེད་རང་བཞིན་འོད་གསལ་བའི། །ཟད་མེད་བསོད་ནམས་ཚོགས་ཀྱིས་བརྒྱན་པར་འགྱུར། །བྷྲུྃ། རང་བྱུང་ཉི་ཟླ་པདྨ་རིན་ཆེན་རྒྱས་ལ་བཞུགས། །རྡོ་རྗེ་མཉམ་ཉིད་ཐུགས་སུ་ཆུད་པ་ཡི། །མཉམ་རྫོགས་ཆེན་པོ་ལྷུན་ལ་རོལ་པ་མཛད། །བདེ་གཤེགས་དབྱིངས་ཉིད་དེ་བཞིན་ཉིད་གནས་པ། །དུས་བཞི་རྒྱལ་བ་ཀུན་དང་མཉམ་པར་འུབ། །ཐམས་ཅད་འོད་གསལ་དཀྱིལ་འཁོར་ཐུགས་ཆུད་པའི། །སྐུ་གསུང་ཐུགས་ཀྱི་རྡོ་རྗེ་འཆང་ལས་འབྱུང་། །སྤྱོད་ཡུལ་འཕྲོག་མེད་བརྗོད་ཀྱིས་མི་ལང་བའི། །དུས་བཞི་མཉམ་ཉིད་ངེས་པའི་དོན་ཉིད་ཉོན། །ཐུགས་རྗེ་དབང་གིས་འགྲོ་དྲུག་དུས་གནས་བཞུགས། །ང་དང་བདག་མེད་མཉམ་པའི་དབྱིངས་མཁྱེན་པ། །མཉམ་པའི་དོན་གྲུབ་རྡོ་རྗེ་ཅན་གྱིས་བྱ། །རྣམ་པར་རྟོག་མེད་བྱང་ཆུབ་རྡོ་རྗེ་ཅན་གྱི་སྐུ། །ཤེས་རབ་མཆོག་གིས་མ་ལུས་ཡོངས་བསྡུས་པ། །བདེ་གཤེགས་མི་གནས་མཉམ་ཉིད་ངང་དུ་བྱོན། །ཐབས་ཆེན་མ་འདྲེས་རྣམ་པར་སྦས་པ་ཡི། །དམིགས་མེད་བདེ་གཤེགས་ཉིད་དབྱིངས་ཐུགས་ཆུད་པ། །ཐབས་དང་ཤེས་རབ་དབྱིངས་ཉིད་དམ་པའི་མཆོག །ཕྱོགས་བཅུ་དུས་བཞི་དབྱིངས་གནས་མཐས་གཏུགས་པ། །ཤེས་རབ་མཆོག་ལྡན་གསལ་བའི་ངང་འཆང་བ། །ཐུགས་རྗེ་བྱིན་བརླབས་སྣ་ཚོགས་འཕྲོ་བ་ཡི། །བདེ་གཤེགས་མ་ལུས་ཐམས་ཅད་འབྱུང་བའི་གནས། །ཡིད་བཞིན་རིན་ཆེན་མི་ཟད་པར་ལྡན་འཕྲོ། །རང་རིག་རྒྱལ་པོ་ཆེ་ཡིས་རྟོགས་པར་འགྱུར། །ཞེས་ཉིད་ལ་ཉིད་དུ་ཆེད་དུ་བརྗོད་དེ་རྡོ་རྗེ་གསང་བའི་ ― DNG011_Page_0316 ―
[མ་དཔེ་གཟིགས་ན་འདིར་གནོན།]
ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་གཞལ་ཡས་ཁང་དབུབ་པ་ཐབས་དྲ་བའི་ལེའུ་སྟེ་བཅུ་གཅིག་པའོ།། །།དེ་ནས་དེ་བཞིན་གཤེགས་པ་བཙུན་མོའི་ཚོགས་དང་བཅས་པ་ཐམས་ཅད་ཀྱི་སྐུ་དང་གསུང་དང་། ཐུགས་རྡོ་རྗེ་ལས་འདི་དག་ཕྱུང་ངོ་། །བྷྲུྃ་བི་ཤྭ་བི་ཤུད་དྷི། ཧཱུྃ་བཛྲ་ཀྵཱཾཀ །ཨོཾ་ཛཱི་ན་ཛཱིཀ །སྭཱ་རཏྣ་ཀྵཱཾཀ །ཨཱྃ་ཨཱ་རོ་ལཱིཀ །ཧཱྃ་པྲཛྙཱ་ཀྵཱཾཀ །མུྃ་དྷཱ་ཏྭཱི་ཤྭ་རི། ལཱྃ་དྭེ་ཥ་ར་ཏི། མཱྃ་མོ་ཧ་ར་ཏི། པཱྃ་རཱ་ག་ར་ཏི།་བཛྲ་ར་ཏི། ཀྵཱི་ཧི་རཱ་ཛཱ་ཡ། ཏྲཾ་ཨཱ་ཀ་ཤ་གརྦྷཱ་ཡ། ཧྲཱྀ་ཧ་ཧཱུྃ་བ་ད་མ། ཛྲི་ཀུ་རུ་པཱ་ཎ་ཧྲཱྀ། ཧཱུྃ་ལཱ་སྱེ་ས་མ་ཡ་སྟྭཾ། ཏྲཾ་མཱ་ལྱེ་ས་མ་ཡ་ཧོཿ། ཧྲཱྀ་གཱི་ཏེ་རཱ་གོ྅ཧྃ། ཨ་ནྲྀ་ཏྱ་རཱ་ག་ཡ་མཱི། མཻ་དྷཱ་ར་ཎི་སྭཱ་ཧཱ། ཥྲ་ནིསྶ་ར་མ་བཱ་ཡ་སྭཱ་ཧཱ། ཧཱུྃ་སྭ་རཱ་ཛཱ་ཡ་སྭཱ་ཧཱ། མུྃ་ཤྲཱི་ཨ་རྃ་གཱ་ཡ་སྭཱ་ཧཱ། ཛཿདྷཱུ་པ་པྲ་བི་ཤ །ཧཱུྃ་པུཥྤ་ཨ་བི་ཤ །བྃ་དཱི་པ་སུ་ཁི་ནི། ཧོ་གན་དྷི་ཙིཏྟཾ། ཧཱུྃ་ཡ་མཱནྟ་ཀྲིཏ་ཕཊ། པྲཛྙཱནྟ་ཀྲིཏ་ཕཊ། ཧཱུྃ་བིགྷྣཱནྟ་ཀྲིཏ་ཕཊ། ཧཱུྃ་པདྨཱནྟ་ཀྲིཏ་ཕཊ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རི་ཛྭ་ལ་ནཱི་ཕཊ། ཨོཾ་མ་ཧཱ་རཏྣ་དྷ་ར་མ་ཧཱ་ཀྲོ་དྷི་ཤྭ་རི་ཛྭ་ལ་ནཱི་ཕཊ། ཨོཾ་མ་ཧཱ་པདྨ་དྷ་ར་མ་ཧཱ་ཀྲོ་དྷི་ཤྭ་རི་ཛྭ་ལ་ནཱི་ཕཊ། ཨོཾ་མ་ཧཱ་ཀརྨ་དྷ་ར་མ་ཧཱ་ཀྲོ་དྷི་ཤྭ་རི་ཛྭ་ལ་ནཱི་ཕཊ། ཧཱུྃ་ཧཱུྃ་ཧཱུྃ་བཛྲ་ཙིཏྟ་ཧཱུྃ། ཨ་ཨ་ཨ་བཛྲ་བྷ་དྲ་ས་མནྟ་ཨ། ཨོཾ་མུ་ནེ་ཤྱུ་སྭཱ་ཧཱ། ཨོཾ་མུ་ནེ་ཏྲུྃ་སྭཱ་ཧཱ། ཨོཾ་མུ་ནེ་སྭཱ་ཧཱ། ཨོཾ་མུ་ནེ་བྲྃ་སྭཱ་ཧཱ། ཨོཾ་མུ་ནེ་ཀྵ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཨེ་ཧྱེ་ཧི། བྷ་ག་བཱན། མ་ཧཱ་ཀཱ་རུ་ནི་ཀ །ཏྲི་ཤྱ་ཧོ། ས་མ་ཡ་སྟྭཾ། ཛཿཧཱུྃ་བྃ་ཧོཿ། ཨོཾ་ཨཱཿཧཱུྃ་སྭཱ་ཧཱ། བ་བ་བ་བ་བ། ཛྲ་ཛྲ་ཛྲ་ཛྲ་ཛྲ། ས་ས་ས་ས་ས། མ་མ་མ་མ་མ། ཡ་ཡ་ཡ་ཡ་ཡ། ཨོཾ་ཨཱཿཧཱུྃ་སྭཱ་ཧཱ། ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་གྱུར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོ་ཞེས་བརྗོད་པས། གསུང་གི་དཀྱིལ་འཁོར་འདི་དག་གིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ཁྱབ་པར་གྲགས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་གསང་སྔགས་ཀྱི་ལེའུ་ ― DNG011_Page_0317 ―
[མ་དཔེ་གཟིགས་ན་འདིར་གནོན།]
སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་བྱེད་པ་པོ་རྡོ་རྗེ་དང་། བྱ་བ་མོ་རྡོ་རྗེ་གཉིས་སུ་མེད་པའི་དཀྱིལ་འཁོར་ལ་ཐིམ་པར་མཛད་དོ། །དེ་ནས་ཕྱོགས་བཅུ་དུས་གསུམ་གྱི་དེ་བཞིན་གཤེགས་པའི་བདག་ཉིད་ཆེན་པོ། ཡེ་ཤེས་དང་བྱིན་བསྡུ་བ་ཞེས་བྱ་བ་འདི་སྐུ་གསུང་ཐུགས་རྡོ་རྗེའི་སྒྱུ་འཕྲུལ་དྲ་བ་ལས་ཕྱུང་ངོ་། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་ཨཱ་དཪྴ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་པྲ་ཏྱ་བེ་ཀྵེ་ཎཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་ས་མནྟ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་མ་ཧཱ་ཀྲྀ་ཏྱ་ཨ་ནུཥྛཱ་ན་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་བཱ་ཀ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་བ་ཨཱདྨ་ཀོ྅ཧྃ། ཞེས་བརྗོད་པས་ཐིམ་པར་གྱུར་ཏོ། །གསལ་བར་གྱུར་ཏོ། །འབར་བར་གྱུར་ཏོ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྒྲ་དང་མིང་ཚིག་ཀུན་ལས་འདས། །སྣ་ཚོགས་སྒྲ་རྣམས་གསལ་བར་འབྱུང་། །གསུང་གཅིག་དཀྱིལ་འཁོར་ཡན་ལག་ནི། །བསམ་གྱིས་མི་ཁྱབ་ཀུན་དུ་ཁྱབ། །སྒྲ་དང་མིང་ཚིག་སོ་སོར་གྲགས། །ཐམས་ཅད་གསུང་གི་ཕྱག་རྒྱ་མཆོག །རྒྱུད་མཆོག་རྒྱུད་ཆེན་དྲ་བ་ལས། །བདེ་ལྡན་གསུང་གི་དོན་འབྱུང་བའང་། །ཐམས་ཅད་པདྨའི་ངང་གྱུར་ན། །གྲོལ་ཐར་ལམ་དང་འཁོར་བའི་སྒྲ། །ཇི་སྐད་བརྗོད་ཀྱང་གསུང་མཆོག་སྟེ། །ཐེག་པ་མཐོ་དམན་ཐམས་ཅད་དང་། །ལོག་འགྲོ་མ་ལུས་ཐམས་ཅད་སྐད། །བྱང་ཆུབ་རྡོ་རྗེ་གསུང་དུ་བསྡུས། །བསྡུས་ཉིད་ཕྱོགས་བཅུར་རྣམ་པར་གྲགས། །སྒྲ་ཉིད་མ་ཆགས་ངང་དུ་གསུངས། །གསུངས་པ་ཉིད་ན་བརྗོད་དུ་མེད། །བརྗོད་མེད་དེ་ཉིད་སྣ་ཚོགས་སྒྲ། །ཀུན་ལ་གྲགས་ཤིང་སོ་སོར་འཇལ། །དཔེར་ན་དེ་བཞིན་སྦྲིད་སངས་བཞིན། །གསུང་གཅིག་སྒྲ་ཡིས་ཐམས་ཅད་གོ། ། ― DNG011_Page_0318 ―
[མ་དཔེ་གཟིགས་ན་འདིར་གནོན།]
འདི་ནི་གསུང་མཆོག་རྒྱལ་པོ་ཡིན། །ཐེག་པ་མཐོ་དམན་བསམ་ཡས་ཀྱང་། །དེ་བཞིན་ཉིད་ལས་མ་གསུངས་ཏེ། །གདུལ་བའི་ཐབས་སུ་སོ་སོར་ཐོས། །ཇི་ལྟར་གསུང་རབ་ཀུན་བརྗོད་ཀྱང་། །དེ་བཞིན་ཉིད་ཀྱིས་གསུངས་པ་མེད། །ཡི་གེ་མེད་དང་རིག་པའི་གསུང་། །ལྗགས་ཀྱི་རྩེ་མོར་མ་ཕྱུང་ཡང་། །ཐུགས་རྗེ་གསུང་གི་བྱིན་བརླབས་ཀྱིས། །འགྲོ་དོན་སྣ་ཚོགས་སོ་སོར་གསལ། །གསལ་ཉིད་གསུང་གི་རྡོ་རྗེ་མཆོག །དེ་བཞིན་གསུང་གིས་འགྲོ་དོན་རྣམས། །དེ་བཞིན་ངང་ལས་མ་གཡོས་ཀྱང་། །དཔེར་ན་བྲག་ཅའི་སྒྲ་བཞིན་ནོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དཀྱིལ་འཁོར་བསྡུ་བ་དང་གསང་སྔགས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པས་ཉིད་ཀྱི་ཕྱག་རྒྱ་སྟོན་པའི་སྙིང་པོ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ། །ཨོཾ་ཧཱུྃ་བཛྲ་སཏྭ་ཧཱུྃ། བཛྲ་པྲ་བྷཱ་ན་ཧཱུྃ། མཱུྃ་བཛྲ་གན་དྷ་ཧཱུྃ། ཨོཾ་ཙཀྲ་མཎྜ་ལ་ཧཱུྃ་ཨཱྃ། ལཱྃ་བཛྲ་གན་བྷཱ་ཥ་ལཱྃ། སྭཱ་རཏྣ་པྲ་བྷཱ་ན་རྨྨཱ ། ཨོཾ་བཛྲ་གན་དྷ་བྷཱ་ཥ་ཨཱྃ། ཨོཾ་པདྨ་པྲ་བྷཱ་ན་ཨཱྃ། པྃ་བཛྲ་གནྡྷ་པྲ་བྷཱ་ན་པཱྃ། ཧཱྃ་བཛྲ་ག་ཏཱིཀྵྞ་པྲ་བྷཱ་ན་ཧྃ། ཏྃ་བཛྲ་གན་དྷ་བྷཱ་ཥ་པྲ་བྷཱ་ན་ཏྃ། ཤཱི་རཏྣ་པྲ་བྷཱ་ན་ཤཱི་ཧཱུྃ། བཛྲ་གན་དྷ་པྲ་བྷཱ་ན་གྷོ་ཥ་ཧཱུྃ། ཏྲཱྃ་ཁཌྒ་པྲ་བྷཱ་ན་ཏྲཱྃ། ཏྲཱྃ་བཛྲ་གན་དྷ་བྷཱ་ཥ་པྲ་བྷཱ་ན་ཏྲི། ཧྲཱྀཿཔདྨ་པྲ་བྷཱ་ན་ཧྲཱྀཿ། བཛྲ་གན་དྷ་བྷཱ་ཥ་པྲ་བྷཱ་ན་ཧྲཱྀཿ། ཧ་བཛྲ་གནྡྷ་བྷཱ་ཥ་པྲ་བྷཱ་ན་ཧྃ། ཨ་བཛྲ་གན་དྷ་བྷཱ་ཥ་པྲ་བྷཱ་ན་ཨཱཿ། མེ་ཀཱ་ལ་པྲ་བྷཱ་ན་མེ། ཧཱུྃ་བཛྲ་གན་དྷ་པྲ་བྷཱ་ན་བྷཱ་ཥ་ཧཱུྃ། ཏུཾ་པྲ་བྷཱ་ན་མཎྜ་ལ་ཏུཾ ། རྨྨཱ་བཛྲ་གན་དྷ་བྷཱ་ཥ་ཧྃ་པྲ་བྷཱ་ན་རྨྨཱ ། ཧཱུྃ་རཏྣ་གྒྷཱཾ་སཱ་དྷ་བྷ་དྲ་པྲ་བྷཱ་ན་རྨྨཱ་ཧྲཱྀཿ། བཛྲ་གན་དྷ་བྷཱ་ཥ་པྲ་བྷཱ་ན་ཧྲཱྀཿ། མུ་ཨུཏྤ་ལ་ནཱི་ལ་པྲ་བྷཱ་ན་མུ། ཨཱ་བཛྲ་གན་དྷ་བྷཱ་ཥ་པྲ་བྷཱ་ན་ཨཱཿ། ཕཊ་བཛྲ་ཨ་མཿ། མུཏྒ་ར་པྲ་བྷཱ་ན་ཕཊ་ཕཊ། ཨོཾ་བཛྲ་གནྡྷ་བྷཱ་ཥ་པྲ་བྷཱ་ན་ཨོཾ་ཨོཾ། ཕཊ་མ་ཧཱ་བཛྲ་པྲ་བྷཱ་ན་ཕཊ་ཕཊ། ཧཱུྃ་མ་ཧཱ་རཏྣ་བཛྲ་གན་དྷ་བྷཱ་ཥ་པྲ་བྷཱ་ན་ཧཱུྃ་ཧཱུྃ། ཕཊ་ཧྲིཿ། པདྨ་མུཏྒ་ར་པྲ་བྷཱ་ན་ཧྲཱྀ་ཧྲཱྀཿ། ཨོཾ་མ་ཧཱ་བཛྲ་པདྨ་བཛྲ་ག་ན་དྷ་བྷཱ་ཥ་པྲ་བྷཱ་ན་ཧྲཱྀཿཧྲཱྀཿ། ཨ་ཀརྨ་མུཏྒ་ར་བཛྲ་པྲ་བྷཱ་ན་ཕཊ་ཕཊ། ཨ་ཀརྨ་བཛྲ་ ― DNG011_Page_0319 ―
[མ་དཔེ་གཟིགས་ན་འདིར་གནོན།]
གན་དྷ་བྷཱ་ཥ་པྲ་བྷཱ་ན་ཧཱུྃ། ཨ་ཨ་ཨ་ཞེས་བརྗོད་པས་ཕྱག་རྒྱ་གསུང་གི་དཀྱིལ་འཁོར་ཀུན་དུ་གསལ་བར་གྱུར་ཏོ། །འབར་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དོན་དམ་པ་དང་། ཀུན་རྫོབ་ཀྱི་བྱང་ཆུབ་ཀྱི་སེམས་ལས་ཕྱག་རྒྱ་གསུང་གི་དཀྱིལ་འཁོར་རྫོགས་པའི་ལེའུ་སྟེ་བཅུ་བཞི་པའོ།། །།དེ་ནས་དེ་བཞིན་གཤེགས་པས་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་བསྟན་པ་ལས། ཆོས་ཐམས་ཅད་ནམ་མཁའ་དང་ཡུམ་གྱི་དབྱིངས་སུ་འདུས་པར་བསྟན་ནས་ཆེད་དུ་བརྗོད་པ་འདི་བརྗོད་དོ། །ཡང་དག་དོན་གྱི་གསང་མཆོག་ནི། །བདེ་བ་ཐུགས་ཀྱི་དཀྱིལ་འཁོར་ལ། །ངེས་པའི་དོན་ཆེན་བཞི་བཅུ་གཉིས། །ཡིད་བཞིན་རིན་ཆེན་གསལ་འབར་ཐིམ། །ཐམས་ཅད་མ་ལུས་ཐིག་ལེའི་དབྱིངས། །སྐུ་ལྔའི་འོད་ཟེར་མང་པོ་ཀུན། །ཐམས་ཅད་ཡུམ་འགྱུར་དབྱིངས་སུ་ཐིམ། །གསལ་འབར་སྤྲིན་གྱི་བདག་པོར་འགྱུར། །བྱང་ཆུབ་སེམས་ཀྱི་ཐིགས་པ་ནི། །ཀུན་ལ་ཁྱབ་ཅིང་མི་གནས་པ། །ཁ་དོག་གནས་དང་དབྱིབས་མ་ཡིན། །ཡོན་ཏན་མཆོག་གི་སྙིང་པོ་ནི། །རྟོག་གེ་སྤྱོད་ཡུལ་ཡོང་མ་ཡིན། །ཟབ་ཅིང་རྒྱ་ཆེན་རབ་སྦྱངས་པའི། །གསལ་ལྡན་བརྟན་པའི་སྤྱོད་ཡུལ་ཏེ། །གཞན་ནས་བཙལ་ཞིང་བརྟག་ཏུ་མེད། །ཐམས་ཅད་ནམ་མཁའི་མཚན་ཉིད་དེ། །སྣ་ཚོགས་འཇིག་རྟེན་བརྟན་གཡོ་དང་། །རྒྱལ་བ་མངོན་བྱུང་ཐམས་ཅད་ཀུན། །ནམ་མཁའི་དབྱིངས་སུ་མ་གྱུར་པ། །དུས་བཞི་ཕྱོགས་བཅུ་གང་ན་མེད། །དུས་གསུམ་བདེ་གཤེགས་ཉིད་ཀྱི་མངའ། །སྔོན་གྱི་བདེ་གཤེགས་ཐུགས་ཆུད་པའི། །ནམ་མཁའི་དབྱིངས་སུ་ཐམས་ཅད་ཐིམ། །ཐམས་ཅད་ཤེས་རབ་དབྱིངས་ཉིད་དེ། །དབྱིངས་ལ་དབྱིངས་ནི་རྣམ་པར་སྦྱོར། །ཤེས་རབ་དབྱིངས་ཉིད་འབྱོར་པ་ཡིས། །བྱང་ཆུབ་རྡོ་རྗེ་ཐིག་ལེ་ཡིན། །དཀྱིལ་འཁོར་གཞལ་ཡས་ལྷུན་གྲུབ་དང་། །རྒྱ་དང་བྲལ་བའི་བསམ་ཡས་ཀྱིས། །ཀུན་ལ་ཁྱབ་ཅིང་མི་གནས་པ། །ཡོན་ཏན་མཆོག་གི་གནས་ཡིན་ཏེ། །མ་བཅོས་རྒྱུན་གྱི་སྐད་ཅིག་མ། །དེ་ཡིས་མ་ཟིན་གང་ཡང་མེད། །རང་གི་རྣམ་རྟོག་མ་ཡིན་པ། །ཡང་ ― DNG011_Page_0320 ―
[མ་དཔེ་གཟིགས་ན་འདིར་གནོན།]
དག་གཤེགས་དང་ལོག་རྟོག་དང་། །གཞན་ཡང་སྤྲུལ་པ་མང་པོའི་ཚོགས། །ཕྱོགས་བཅུ་མ་ལུས་ཐམས་ཅད་ཀུན། །དེ་ལ་གསད་ཅིང་གཟུང་དུ་མེད། །ཁ་དོག་དབྱིབས་དང་གནས་མ་ཡིན། །སྐྱེས་བུ་དམ་པ་མཆོག་འདོད་པས། །དེ་ལ་རྟག་འགྲུས་གསལ་བར་གྱིས། །དེ་ཡི་འབྲས་བུ་མཐར་ཕྱིན་ནི། །རྒྱུ་འབྲས་མེད་པའི་དུས་གཅིག་སྟེ། །ཐམས་ཅད་མིང་གི་མཚན་ཉིད་དུ། །ཡི་གེ་འབྲུ་གསུམ་རྫོགས་པར་གྱུར། །མི་ཟད་རྒྱན་གྱི་འཁོར་ལོས་བསྡུས། །ཚོགས་ཆེན་གཉིས་ཀྱང་རྫོགས་པར་རོལ། །སྐྱེ་འཇིག་མེད་པའི་དབྱིངས་ལ་ཞུགས། །འཇིག་རྟེན་འདས་དང་འཇིག་རྟེན་པའི། །མཐའ་ཡས་འཇིག་རྟེན་བསམ་ཡས་ཀུན། །རྒྱལ་བ་ཡུམ་གྱི་དབྱིངས་སུ་ཐིམ། །ཐམས་ཅད་མ་ལུས་ཆོས་སྐུར་འདུས། །ཧོ། ཆོས་ཐམས་ཅད་མིང་གི་མཚན་ཉིད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཐམས་ཅད་ཡུམ་གྱི་དབྱིངས་སུ་འདུས་པ་ཤིན་ཏུ་གསང་བའི་ལེའུ་སྟེ་བཅོ་ལྔ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས། ཡན་ལག་ཐམས་ཅད་དཀྱིལ་འཁོར་དུ་ལྷུན་གྱིས་གྲུབ་པར་བྱིན་གྱིས་རློབ་པ་ཞེས་བྱ་བ་ཆེད་དུ་བརྗོད་པ་འདི་བརྗོད་དོ། །སྒྱུ་འཕྲུལ་དྲ་བས་མངོན་རྫོགས་པས། །ཐམས་ཅད་བྱང་ཆུབ་མཆོག་གི་རྒྱ། །གསང་བ་དེ་ཉིད་ངེས་པ་ཡི། །སྙིང་པོ་ཕྱག་རྒྱ་འདའ་བར་དཀའ། །མི་བསྐྱོད་ཉི་མའི་དཀྱིལ་ཡི་གེ། །རིན་ཆེན་ཟླ་བའི་དཀྱིལ་ཡི་གེ། །ལྔ་གཉིས་ཟུང་དུ་སྤྲོས་པ་ལས། །སྦྱར་བ་ཕྱག་རྒྱ་འབྱུང་བའི་རྒྱུ། །ཨོཾ་དང་མཱུྃ་གཉིས་རྩེ་སྦྱར་ཏེ། །འབྲུ་བརྒྱད་བསྣོལ་ནས་རྩེར་སྤྲད་པ། །རྒྱལ་བ་ཀུན་དང་མཉམ་སྦྱོར་བའི། །བདེ་བ་ཆེན་པོ་སྦྱིན་པའི་རྒྱ། །འབྲུ་བཞི་སྦས་ནས་ཐུགས་ཀར་བཀན། །ཧཱུྃ་བསྒྲེང་རྩེ་མོར་རྡོ་རྗེར་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་པའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །མཱུྃ་གྱི་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཨོཾ་བསྒྲེང་རྩེ་ ― DNG011_Page_0321 ―
[མ་དཔེ་གཟིགས་ན་འདིར་གནོན།]
མོར་འཁོར་ལོ་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །ལཱྃ་གྱི་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །རྨྨཱ་རྩེར་འབར་བ་རིན་པོ་ཆེ། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །མཱྃ་གྱི་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཨཱྃཿགྱི་རྩེ་མོར་པདྨ་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །པཱྃ་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཧཱྃ་གྱི་རྩེ་མོར་རལ་གྲི་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བརྟན། །འབྲུ་བཞི་སྦས་ནས་ཐུགས་ཀར་བཀན། །་བསྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །ཨུཏྤལ་ལ་སོགས་ཀླུ་ཤིང་མཚན། །རིན་ཆེན་མྱུ་གུ་རལ་གྲི་འབར། །པདྨ་དཀར་པོ་རྡོ་རྗེ་འབར། །ཆོས་ཀྱི་འཁོར་ལོ་རིན་ཆེན་ཏེ། །གཟུགས་མཛེས་རིན་ཆེན་ཕྲེང་བ་དང་། །པི་བང་གར་མཁན་མཆོག་ཉིད་དེ། །མེ་ཏོག་ཕྲེང་བ་སྤོས་མཆོད་མ། །མར་མེ་བྱུག་ལ་སོགས་པ་ཡིས། །ལས་ལ་འཁྲིལ་ཅིང་ཆོས་ལ་བརྟན། །དབུ་རྣམས་བྱོན་ནས་འདུད་པའི་ཚུལ། །གོང་གི་ཕྱག་རྒྱ་ཆེན་པོ་བཞིན། །གཉིས་མེད་དབྱིངས་ཀྱི་ངང་དུ་ཐིམ། །སྒོ་བཞི་ཕྱག་རྒྱ་ཆེན་པོ་ནི། །ནྲྀ་མགོ་གདེངས་དང་རྡོ་རྗེས་གནོན། །ཐོད་ཕྲེང་ཆེན་པོས་གནོན་པ་དང་། །རྡོ་རྗེ་རྒྱ་གྲམ་ལས་ཀྱིས་གནོན། །ལྕགས་ཀྱུ་ཞགས་པ་སྥོ་ཊ་ཧོཿ། །སྒོ་བཞིར་གནས་པ་དེ་དག་ཀྱང་། །འདུད་ཚུལ་ ― DNG011_Page_0322 ―
[མ་དཔེ་གཟིགས་ན་འདིར་གནོན།]
འཁྲིལ་བ་གོང་མ་བཞིན། །ཐུབ་དྲུག་ཕྱག་རྒྱ་སྣ་ཚོགས་ཏེ། །མདོར་བསྡུས་ཕྱག་རྒྱ་དྲུག་ཡིན་ནོ། །གསེག་པར་དང་ནི་པི་བང་དང་། །གོ་ཆ་པོ་ཏི་རིན་ཆེན་སྒྲོམ། །མེ་དང་ཆུ་རུ་རབ་ཏུ་བསྟན། །ཡུམ་ནི་གཉིས་མེད་ཆོས་ཀྱི་དབྱིངས། །ཀུན་བཟང་མཉམ་བཞག་ཡེ་ཤེས་འཕྲོ། །ཡུམ་འགྱུར་མཉམ་རྫོགས་པདྨའི་དཀྱིལ། །གཞན་ཡང་ཕྱག་རྒྱ་སྣ་ཚོགས་ཏེ། །ཡང་ན་དེ་བཞིན་གཤེགས་ཉིད་དེ། །ཡང་ན་རྡོ་རྗེ་ཐལ་མོ་ཉིད། །ཕྱག་རྒྱ་ཆེན་པོ་ཚོགས་མཆོག་ནི། །ཐབས་དང་ཤེས་རབ་ལྡན་འབྱོར་ན། །མ་བསྐྱོད་མ་བསྒུལ་ཐམས་ཅད་ཀུན། །ཕྱག་རྒྱ་ཆེན་པོའི་ངང་དུ་གནས། །ཡན་ལག་བཞི་བཅུ་རྩ་གཉིས་ལྡན། །དེ་ཉིད་ཡན་ལག་སྤྲོས་བདག་སྟེ། །བཞི་བཅུ་རྩ་གཉིས་སུམ་འཕྲོར་འབར། །དེ་ལྟར་ལྡན་པའི་གཙོ་མཆོག་གིས། །རྒྱལ་བ་རྒྱ་མཆོག་དེ་བཞིན་དུ། །བཅུ་གཉིས་དྲུག་གི་འོད་འཕྲོ་འབར། །དེ་ལ་སོགས་ཏེ་བསམ་མི་ཁྱབ། །ཕྱོགས་བཅུ་དུས་བཞི་བསམ་ཡས་སུ། །འདུལ་བའི་དོན་རྣམས་སོ་སོར་སྟོན། །ཐེག་པ་མཐོ་དམན་ཐམས་ཅད་དང་། །ཕྱིན་ཅི་ལོག་རྣམས་བསམ་ཡས་དང་། །ཞི་ཁྲོ་ཚོགས་ཆེན་ཐམས་ཅད་ལ། །སོ་སོར་མཐུན་བྱས་ཀུན་དུ་སྣང་། །དཔེར་ན་གར་མཁན་ཉིད་འདྲ་བ། །ལུས་ལས་མ་དགོད་སྣ་ཚོགས་སྟོན། །མདོར་ན་ཕྱག་རྒྱ་ཐམས་ཅད་ནི། །འདི་ཞེས་གཅིག་ཅེས་བརྗོད་དུ་མེད། །གཉིས་དང་གསུམ་དུ་རྣམ་པར་འཕྲོ། །བསྐྱོད་དང་སྤྲོ་བ་དེ་བཞིན་ཉིད། །མདོར་ན་བསྐྱོད་འགུལ་ཐམས་ཅད་ཀུན། །ཕྱག་རྒྱ་ཆེན་པོའི་ངང་དུ་གནས། །གནས་ཉིད་མི་གནས་གནས་པའང་མིན། །དེ་སྐད་དག་མཆོག་ཉིད་ཀྱིས་བཤད། །མཐེ་བོ་མཛུབ་མོ་རྡོ་རྗེ་འཛིན། །མཐེ་བོ་གུང་མོ་རྒྱལ་བ་འཛིན། །སྲིན་ལག་མཐེ་བོ་ཆགས་པ་ཆེ། །མཐེའུ་ཆུང་མཐེ་བོ་ལེགས་པ་མཆོག །ཧཱུྃ་ཧོཿ། མཛུབ་མོ་གཉིས་སྦྱར་རིན་ཆེན་མཆོག །གུང་མོ་གཉིས་སྦྱར་གཟི་བརྗིད་དོན། །སྲིན་ལག་གཉིས་སྦྱར་རྒྱལ་བའི་ཏོག །བཞད་པའི་སྒྲས་ནི་མཐེའུ་ཆུང་སྤྲད། །ཏྲ་ཏེ་རུ་ཧ། མཛུབ་མོ་སྟེང་འོག་ཆོས་ཀྱི་མཆོག །གུང་མོ་སྟེང་འོག་འཇམ་དཔལ་མཆོག །སྲིན་ལག་སྟེང་འོག་འཁོར་ ― DNG011_Page_0323 ―
[མ་དཔེ་གཟིགས་ན་འདིར་གནོན།]
ལོ་མཆོག །མཐེའུ་ཆུང་སྟེང་འོག་སྨྲ་གསུང་ཡིན། །ཧྲཱྀཿ། བྷཾ་ཁྑེ་ལྲ། མཛུབ་མོ་རྒྱ་གྲམ་ལས་ཀྱི་མཆོག །གུང་མོ་རྒྱ་གྲམ་བསྲུང་བར་བྱོས། །སྲིན་ལག་རྒྱ་གྲམ་གནོད་སྦྱིན་མཆོག །མཐེའུ་ཆུང་རྒྱ་གྲམ་གནས་པར་བཤད། །ཧ་ཏྲུྃ་ཨ་བྷཾ། ཕྱག་རྒྱ་བརྡ་ཚིག་ཆེན་པོ་འདིས། །སངས་རྒྱས་དཀྱིལ་འཁོར་མཛེས་པར་སྣང་། །རང་བཞིན་དཀྱིལ་འཁོར་ཕུན་སུམ་ཚོགས། །གླུ་གཉིས་ཕྱག་རྒྱ་ལྡན་པ་ཡིས། །ས་ལེར་གསལ་བའི་དཀྱིལ་འཁོར་འབེབས། །ཕྱག་རྒྱ་སྤྲོས་པ་ཆེན་པོས་ནི། །གཟུང་དང་འཛིན་པ་རྣམ་གཉིས་པ། །དག་པར་གསལ་བས་ཕྱག་རྒྱ་ཡིན། །ཡི་གེ་སོ་སོ་གསལ་བ་ཡིས། །གར་དུ་བསྒྱུར་བས་མྱ་ངན་འདས། །ཛཿདང་ཧོཿལ་སོགས་པ་ཡིས། །གར་དུ་བསྒྱུར་བས་རྡོ་རྗེར་འཆིང་། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཕྱག་རྒྱ་སྤྲོས་པའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་མཚོན་ཆ་དམ་ཚིག་ཅེས་བྱ་བའི་གླུ་འདི་བླངས་སོ། །ཧཱུྃ་ལུས་ངག་ཡིད་གསུམ་རྡོ་རྗེ་ནི། །སྐུ་གསུང་ཐུགས་ཀྱི་ཡེ་ཤེས་ཏེ། །སྐུ་གསུང་ཐུགས་ཀྱི་ཡེ་ཤེས་ནི། །རྡོ་རྗེ་སེམས་དཔའ་རང་གནས་པས། །ཡེ་ཤེས་རྡོ་རྗེ་གསོར་ཞིང་སྤྲོ། །ཨེ་མའོ་རྡོ་རྗེ་ཆེ་མཆོག་ནི། །ཉིད་ཀྱི་མཚན་དུ་གསོལ་བ་ནི། །ཅིས་ཀྱང་མི་ཤིགས་མི་ཕྱེད་ལ། །ཅིས་ཀྱང་མ་གཡོས་མ་འདྲེས་པས། །བདེ་ཆེན་མཆོག་ཏུ་གྱུར་པས་ན། །ཀུན་ཀྱང་ཕྱག་རྒྱ་བཞི་རྒྱས་གདབ། །རྒྱལ་བ་རྣམས་ཀྱི་ཐུགས་ཉིད་ལ། །རྡོ་རྗེ་འཆང་རྒྱལ་ཐམས་ཅད་ཀྱི། །རང་གི་རྟགས་སུ་བསྟན་པའི་ཕྱིར། །མི་ཕྱེད་རྡོ་རྗེ་འཆང་ཞེས་བྱ། །ཧཱུྃ། ཇི་ལྟར་རྒྱལ་པོ་རང་གི་རྒྱས། །རྒྱལ་པོ་གཙིགས་ལ་བཏབ་པ་ལྟར། །བདེ་ཆེན་སྙིང་ལ་གནས་པ་དང་། །དབང་ཆེན་དུས་ལ་བརྩོན་པ་ཡིས། །ཐམས་ཅད་ཀུན་ལ་དེ་ལྟར་འདེབས། །འདའ་དཀའ་ཇི་བཞིན་མི་ཤིགས་པས། །རྒྱལ་པོ་ཕྱག་རྒྱ་མཆོག་གི་གནས། །བདག་ཉིད་ཆེན་པོ་མཚན་མའི་གཟུགས། །ཧཱུྃ། ཕྱག་རྒྱ་ཞེས་ནི་བསྒྲགས་པ་ཡིན། །ཉིད་ཀྱི་ལུས་ནི་བརྟན་ཕྱིར་རོ། །རྡོ་རྗེ་རྡོ་རྗེ་དྲག་ཆེན་དང་། །རང་ཉིད་ཆེ་བའི་བདག་ ― DNG011_Page_0324 ―
[མ་དཔེ་གཟིགས་ན་འདིར་གནོན།]
ཉིད་དང་། །འདུལ་བ་ཐབས་ཀྱི་རྒྱལ་པོ་ཡིས། །ཕྱེ་ཞིང་བཤིག་དང་བཅོམ་ལ་སོགས། །དཀྲུགས་ཤིང་ཐལ་བ་རྡུལ་ཕྲན་བཞིན། །བཙན་ཞིང་འབར་བའི་འཕྲོ་འདུ་འདིས། །ཐམས་ཅད་རྡོ་རྗེ་ཉིད་པས་ན། །ནམ་མཁའི་ཁམས་ཀུན་བཀང་བ་ཡིན། །དེ་ལས་རྡོ་རྗེ་གསུང་འབྱུང་བའོ། །ཨོཾ་བཛྲ་ཛྭ་ལཱ་ན་ལཱརྐ་ཧཱུྃ་ཕཊ། ཨོཾ། ལུས་ངག་ཡིད་གསུམ་འཁོར་ལོ་ནི། །སྐུ་གསུང་ཐུགས་ཀྱི་ཡེ་ཤེས་ཏེ། །སྣང་མཛད་འཁོར་ལོ་དཔའ་བོ་ཡིན། །སྣང་མཛད་འཁོར་ལོ་རང་གནས་པས། །ཡེ་ཤེས་འཁོར་ལོ་གསོར་ཞིང་སྤྲོ། །ཨེ་མའོ་འཁོར་ལོ་ཆེ་མཆོག་གི། །ཉིད་ཀྱི་མཚན་དུ་གསོལ་བ་ནི། །ཅིས་ཀྱང་མི་ཤིགས་མི་ཕྱེད་པས། །ཅིས་ཀྱང་མ་གཡོས་མ་འདྲེས་པས། །བདེ་ཆེན་མཆོག་ཏུ་གྱུར་པས་ན། །ཀུན་ཀྱང་ཕྱག་རྒྱ་བཞི་རྒྱས་གདབ། །རྒྱལ་བ་རྣམས་ཀྱི་ཐུགས་ཉིད་ལས། །འཁོར་ལོ་འཆང་རྒྱལ་ཐམས་ཅད་ཀྱི། །རང་གི་རྟགས་སུ་བསྟན་པའི་ཕྱིར། །མི་ཕྱེད་འཁོར་ལོ་འཆང་ཞེས་བྱ། །ཧཱུྃ། ཇི་ལྟར་རྒྱལ་པོ་རང་གི་རྒྱས། །རྒྱལ་པོའི་གཙིགས་ནི་བཏབ་པ་ལྟར། །བདེ་ཆེན་སྙིང་ལ་གནས་པ་དང་། །དབང་ཆེན་དུས་ལ་བརྩོན་པ་ཡིས། །ཐམས་ཅད་ཀུན་ལ་དེ་ལྟར་འདེབས། །འདའ་དཀའ་ཇི་བཞིན་མི་ཤིགས་པས། །རྒྱལ་པོ་ཕྱག་རྒྱ་མཆོག་གི་གནས། །བདག་ཉིད་ཆེན་པོ་མཚན་མའི་གཟུགས། །ཕྱག་རྒྱ་ཞེས་ནི་བསྒྲགས་པ་ཡིན། །ཉིད་ཀྱི་ལུས་ནི་བརྟན་ཕྱིར་རོ། །ཨོཾ། འཁོར་ལོ་འཁོར་ལོ་དྲག་ཆེན་དང་། །རང་ཉིད་ཆེ་བའི་བདག་ཉིད་དང་། །འདུལ་བའི་ཐབས་ཀྱི་རྒྱལ་པོ་ཡིས། །ཕྱེ་ཞིང་གཞིག་དང་བཅོམ་ལ་སོགས། །དཀྲུགས་ཤིང་ཐལ་བ་རྡུལ་ཕྲན་བཞིན། །ཧཱུྃ། བཙན་ཞིང་འབར་བའི་འཕྲོ་འདུ་འདིས། །ཐམས་ཅད་འཁོར་ལོ་ཉིད་པས་ན། །ནམ་མཁའི་ཁམས་ཀུན་བཀང་བ་ཡིན། །དེ་ལས་འཁོར་ལོ་གསུང་འབྱུང་བ། །ཨོཾ་ཙཀྲ་ཛྭ་ལཱ་ན་ལཱརྐ་ཧཱུྃ་ཕཊ། ཨོཾ། ལུས་ངག་ཡིད་གསུམ་པདྨ་ནི། །སྐུ་གསུང་ཐུགས་ཀྱི་ཡེ་ཤེས་ཏེ། །སྐུ་གསུང་ཐུགས་ཀྱི་ཡེ་ཤེས་ནི། །པདྨ་སེམས་དཔའ་དཔའ་བོ་ཡིན། །པདྨ་སེམས་དཔར་རང་གནས་ ― DNG011_Page_0325 ―
[མ་དཔེ་གཟིགས་ན་འདིར་གནོན།]
པས། །པདྨ་དགྲ་སྟྭ་གསོར་ཞིང་སྤྲོ། །ཨེ་མའོ་པདྨ་ཆེ་མཆོག་གི། །ཉིད་ཀྱི་མཚན་དུ་གསོལ་བ་ནི། །ཅིས་ཀྱང་མི་ཤིགས་མི་ཕྱེད་ལ། །ཅིས་ཀྱང་མ་གཡོས་མ་འདྲེས་པས། །བདེ་ཆེན་མཆོག་ཏུ་གྱུར་པས་ན། །ཀུན་ཀྱང་ཕྱག་རྒྱ་བཞི་རྒྱས་བཏབ། །རྒྱལ་བ་རྣམས་ཀྱི་ཐུགས་ཉིད་ལས། །པདྨ་འཆང་རྒྱལ་ཐམས་ཅད་ཀྱིས། །རང་གི་རྟགས་སུ་བསྟན་པའི་ཕྱིར། །མི་ཕྱེད་པདྨ་འཆང་ཞེས་བྱ། །ཨོཾ་ཇི་ལྟར་རྒྱལ་པོ་རང་གི་རྒྱས། །རྒྱལ་པོ་གཙིགས་ནི་བཏབ་པ་ལྟར། །བདེ་ཆེན་སྙིང་ལ་གནས་པ་དང་། །དབང་ཆེན་དུས་ལ་བརྩོན་པ་ཡིས། །ཐམས་ཅད་ཀུན་ལ་དེ་ལྟར་འབེབས། །འདའ་དཀའ་ཇི་བཞིན་མི་ཤིགས་པ། །རྒྱལ་པོ་ཕྱག་རྒྱ་མཆོག་གི་གནས། །ཧཱུྃ། བདག་ཉིད་ཆེན་པོ་མཚན་མ་གཟུགས། །ཕྱག་རྒྱ་ཞེས་ནི་བསྒྲགས་པ་ཡིན། །ཉིད་ཀྱི་ལུས་ནི་བརྟན་ཕྱིར་རོ། །པདྨ་དགྲ་སྟྭ་དྲག་ཆེན་དང་། །རང་ཉིད་ཆེ་བའི་བདག་ཉིད་དང་། །འདུལ་བ་ཐབས་ཀྱི་རྒྱལ་པོ་ཡིས། །ཕྱེ་ཞིང་བཤིག་དང་བཅོམ་ལ་སོགས། །དཀྲུགས་ཤིང་ཐལ་བ་རྡུལ་ཕྲན་བཞིན། །བཙན་ཞིང་འབར་བའི་འཕྲོ་འདུ་འདིས། །ཐམས་ཅད་པདྨ་ཉིད་པས་ནི། །ནམ་མཁའ་ཁམས་ཀུན་བཀང་བ་ཡིན། །དེ་ལས་པདྨའི་གསུང་ཕྱུང་བ། །ཨོཾ་པདྨ་ཛྭ་ལཱ་ན་ལཱརྐ་ཧཱུྃ་ཕཊ། །རྨྨཱ ། ལུས་ངག་ཡིད་གསུམ་རིན་ཆེན་ནི། །སྐུ་གསུང་ཐུགས་ཀྱི་ཡེ་ཤེས་ཏེ། །སྐུ་གསུང་ཐུགས་ཀྱི་ཡེ་ཤེས་ནི། །ཡོན་ཏན་ཆེན་པོ་དཔའ་བོ་ཡིན། །རིན་ཆེན་སེམས་དཔར་ང་གནས་པས། །ཡེ་ཤེས་དབྱུག་པ་གསོར་ཞིང་སྤྲོ། །ཨེ་མའོ་རྡོ་རྗེ་རིན་ཆེན་ཆེ་མཆོག་གི། །ཉིད་ཀྱི་མཚན་དུ་གསོལ་བ་ནི། །ཅིས་ཀྱང་མི་ཤིགས་མི་ཕྱེད་ལ། །ཅིས་ཀྱང་མ་གཡོས་མ་འདྲེས་པས། །བདེ་ཆེན་མཆོག་ཏུ་གྱུར་པས་ན། །ཀུན་ཀྱང་ཕྱག་རྒྱ་བཞི་རྒྱས་གདབ། །རྨྨཱ ། རྒྱལ་བ་རྣམས་ཀྱི་ཐུགས་ཉིད་ལ། །རིན་ཆེན་འཆང་རྒྱལ་ཐམས་ཅད་ཀྱི། །རང་གི་རྟགས་སུ་བསྟན་པའི་ཕྱིར། །མི་ཕྱེད་རིན་ཆེན་འཆང་ཞེས་བྱ། །རྨྨཱ ། ཇི་ལྟར་རྒྱལ་པོ་རང་གི་རྒྱས། །རྒྱལ་པོའི་གཙིགས་ནི་བཏབ་པ་ལྟར། །བདེ་ཆེན་སྙིང་ལ་གནས་པ་དང་། །དབང་ཆེན་དུས་ལ་བརྩོན་པ་ཡིས། །ཐམས་ཅད་ཀུན་ ― DNG011_Page_0326 ―
[མ་དཔེ་གཟིགས་ན་འདིར་གནོན།]
ལ་དེ་ལྟར་འདེབས། །འདའ་དཀའ་ཇི་བཞིན་མི་ཤིགས་པས། །རྒྱལ་པོ་ཕྱག་རྒྱ་མཆོག་གི་གནས། །བདག་ཉིད་ཆེན་པོ་མཚན་མའི་གཟུགས། །ཕྱག་རྒྱ་ཞེས་ནི་བསྒྲགས་པ་ཡིན། །ཉིད་ཀྱི་ལུས་ནི་བརྟན་ཕྱིར་རོ། །རིན་ཆེན་དབྱུག་པ་དྲག་ཆེན་དང་། །རང་ཉིད་ཆེ་བའི་བདག་ཉིད་དང་། །འདུལ་བ་ཐབས་ཀྱི་རྒྱལ་པོ་ཡིས། །ཕྱེ་ཞིང་བཤིག་དང་བཅོམ་ལ་སོགས། །དཀྲུགས་ཤིང་ཐལ་བ་རྡུལ་ཕྲན་བཞིན། །བཙན་ཞིང་འབར་བའི་འཕྲོ་འདུ་ཡིས། །ཐམས་ཅད་རིན་ཆེན་ཉིད་པས་ན། །ནམ་མཁའ་ཁམས་ཀུན་བཀང་བ་ཡིན། །དེ་ལས་རིན་ཆེན་གསུང་འབྱུང་བ། །རྨྨཱ་རཏྣ་ཛྭ་ལཱ་ན་ལཱརྐ་རྨྨཱ་ཕཊ། ཧཱྃ། ལུས་ངག་ཡིད་གསུམ་ཕྲིན་ལས་ནི། །སྐུ་གསུང་ཐུགས་ཀྱི་ཡེ་ཤེས་ཏེ། །སྐུ་གསུང་ཐུགས་ཀྱི་ཡེ་ཤེས་ནི། །ལས་ཀྱི་སེམས་དཔའ་དཔའ་བོ་ཡིན། །ལས་ཀྱི་སེམས་དང་རང་གནས་པས། །ཡེ་ཤེས་རལ་གྲི་འདེབས་ཤིང་སྤྲོ། །ཨེ་མའོ་ལས་ཀྱི་ཆེ་མཆོག་གི། །ཉིད་ཀྱི་མཚན་དུ་གསོལ་བ་ནི། །ཅིས་ཀྱང་མི་ཤིགས་མི་ཕྱེད་ལ། །ཅིས་ཀྱང་མ་གཡོས་མ་འདྲེས་པས། །བདེ་ཆེན་མཆོག་ཏུ་གྱུར་པས་ན། །ཀུན་ཀྱང་ཕྱག་རྒྱ་བཞི་རྒྱས་བཏབ། །ཧཱྃ། རྒྱལ་བ་རྣམས་ཀྱི་ཐུགས་ཉིད་ལས། །རལ་གྲི་འཆང་རྒྱལ་ཐམས་ཅད་ཀྱི། །རང་གི་རྟགས་སུ་བསྟན་པའི་ཕྱིར། །མི་ཕྱེད་རལ་གྲི་འཆང་ཞེས་བྱ། །ཧཱྃ། ཇི་ལྟར་རྒྱལ་པོ་རང་གི་རྒྱས། །རྒྱལ་པོའི་གཙིགས་ནི་བཏབ་པ་བཞིན། །བདེ་ཆེན་སྙིང་ལ་གནས་པ་དང་། །དབང་ཆེན་དུས་ལ་བརྩོན་པ་ཡིས། །ཐམས་ཅད་ཀུན་ལ་དེ་ལྟར་འདེབས། །འདའ་དཀའ་ཇི་བཞིན་མི་ཤིགས་པས། །རྒྱལ་པོ་ཕྱག་རྒྱ་མཆོག་གི་གནས། །བདག་ཉིད་ཆེན་པོའི་མཚན་མའི་གཟུགས། །ཕྱག་རྒྱ་ཞེས་ནི་བསྒྲགས་པ་ཡིན། །ཉིད་ཀྱི་ལུས་ནི་བརྟན་ཕྱིར་རོ། །ཧྃ་རལ་གྲི་རལ་གྲི་དྲག་ཆེན་དང་། །རང་ཉིད་ཆེ་བའི་བདག་ཉིད་དང་། །འདུལ་བ་ཐབས་ཀྱི་རྒྱལ་པོ་ཡིས། །ཕྱེ་ཞིང་བཤིག་དང་བཅོམ་ལ་སོགས། །དཀྲུགས་ཤིང་ཐལ་བ་རྡུལ་ཕྲན་བཞིན། །བཙན་ཞིང་འབར་བའི་འདུ་འཕྲོ་འདིས། །ཐམས་ ― DNG011_Page_0327 ―
[མ་དཔེ་གཟིགས་ན་འདིར་གནོན།]
ཅད་རལ་གྲི་ཉིད་པས་ན། །ནམ་མཁའ་ཁམས་ཀུན་བཀང་བ་ཡིན། །དེ་ལས་ཕྲིན་ལས་གསུང་བྱུང་བའོ། །ཧཱྃ་ཀརྨ་ཛྭ་ལཱ་ན་ལཱརྐ་ཧཱུྃ་ཕཊ། མཱུྃ་ལུས་ངག་ཡིད་གསུམ་དྲིལ་བུ་ལས། །སྐུ་གསུང་ཐུགས་ཉིད་གཏུམ་པོར་འགྱུར། །བསྐོར་ཐབས་ཆེ་བའི་མཆོག་ཚུལ་དུ། །རྡོ་རྗེ་ལན་གསུམ་གསོར་བ་ཡིས། །ལྷ་མོ་ཀླུ་མོ་རིགས་ངན་མོ། །དམ་ཅན་རྣལ་འབྱོར་དབང་དུ་འགྱུར། །རྣལ་འབྱོར་ཕོ་མོ་གང་སྣང་བའི། །ཐམས་ཅད་གཅིག་ཏུ་འདུས་པར་ནི། །ཡུལ་ལ་མངོན་དུ་སྣང་བར་འགྱུར། །མི་བསྐྱོད་རྡོ་རྗེ་ཐབས་ལྡན་པས། །ཨོཾ་དང་ཧྃ་ནི་མ་ཐལ་བར། །ལན་གསུམ་གསོར་ཆེན་གུར་དཀར་བསྒོམ། །ལྷན་ནེའི་དཀྱིལ་འཁོར་མཆོག་ཏུ་འགྱུར། །ཨོཾ་དང་ཧྃ་ནི་ཐལ་ཙམ་དུ། །ཀུན་དུ་གྲུ་བཞིར་བདག་གནས་ཏེ། །ལན་གསུམ་གསོར་ལ་གང་བརྩོན་པ། །ཚེ་དང་སྐལ་བ་འཕེལ་བར་འགྱུར། །ལོངས་སྤྱོད་ཅི་འདོད་གྲུབ་པར་འགྱུར། །དེ་ནས་ཟླ་གམ་མདོག་དམར་ཤམ། །འདྲེལ་པ་མཉམ་པར་ལན་གསུམ་གྱིས། །ཁྲོས་པས་གསོར་ལ་གང་བརྩོན་པས། །ཡིད་ལ་དམིགས་དང་ལས་ཐམས་ཅད། །དབང་ཆེན་དཀྱིལ་འཁོར་ཉིད་དུ་འགྱུར། །དེ་ལས་གཏུམ་པའི་མདོག་གནས་ཏེ། །དྲག་ཏུ་ཕཊ་ཅེས་བརྗོད་པས་ནི། །ཁ་དོག་ནག་པོར་བདག་གནས་ཤིང་། །བསྐལ་པ་འབར་བའི་དབུས་གནས་པ། །ཁྲོས་ཏེ་དགུག་པ་ཉིད་དག་ཏུ། །རྒྱང་ནི་རིང་དུ་འཕངས་པ་ན། །ཅི་འདོད་ལས་རྣམས་འགྲུབ་པར་ངེས། །ཨོཾ་བཛྲ་ད་ཧ་ཛྭ་ལ་ཧ་ན་བཛྲ་པ་ཙ་ཛྭ་ལ་བཛྲ་ཧཱུྃ་ཕཊ། ཆོས་ལ་བརྟན་པ་ཕྱག་བསྣམས་པ། །སྦུབས་ནི་དྲིལ་བུ་ཆོས་ཁམས་ཏེ། །ཤེས་རབ་ཡུམ་གྱི་ཚོགས་སུ་བརྟག །སྐད་ནི་གསུང་སྙན་བདེ་བ་མོ། །ལྕེ་ནི་གར་མཁན་མྱ་ངན་འདས། །ཆོས་སྐུ་ཐུགས་ཀྱི་ཐུགས་ཉིད་ལས། །རབ་ཏུ་གསོར་ལ་གང་བརྩོན་པས། །མཱུྃ་ལ་སོགས་པའི་ཡི་གེ་བསྒོམ། །རྡོ་རྗེ་འཁོར་ལོ་པདྨ་འབར། །མཱུྃ་གྱི་ཚོགས་ཀྱི་དཀྱིལ་འཁོར་ནི། །ཀུན་དུ་དབང་སྒྱུར་ཡིད་འོང་བའི། །འདོད་པ་བཞིན་དུ་མཐུན་པས་འགྲུབ། །ཨོཾ་བཛྲ་གྷཎྜ་པཱ་ཤ་དྷརྨ་དྷཱ་ར། ཧཱུྃ་ཧཱུྃ་ཧཱུྃ་ཞེས་བརྗོད་པས་དེ་བཞིན་ ― DNG011_Page_0328 ―
[མ་དཔེ་གཟིགས་ན་འདིར་གནོན།]
གཤེགས་པ་ཉིད་དེ་བཞིན་གཤེགས་པ་ཉིད་ལ་དགྱེས་པར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་ཐབས་དང་ཤེས་རབ་ཏུ་འབྱུང་བ་ཕྱག་མཚན་གྱི་ལེའུ་སྟེ་བཅུ་བདུན་པའོ།། །།དེ་ནས་དེ་བཞིན་གཤེགས་པ་དགྱེས་པ་ཆེན་པོ་རྡོ་རྗེ་གསང་བའི་དམ་ཚིག་བཀོད་པ་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ། །ཤིན་ཏུ་ཕྲ་བའི་དམ་ཚིག་མཆོག །ཕྱག་རྒྱ་ཆེན་པོའི་ཕྱག་མཐིལ་དུ། །ཐུགས་ཀྱི་དཀྱིལ་འཁོར་དམ་པ་དེ། །སོར་ནི་བཞི་ཡི་ཚད་དུ་བྱ། །འབྲུ་ལྔ་སྤོས་ལྔ་རིན་ཆེན་ལྔ། །སྙིང་པོ་ལྔ་དང་སྨན་ལྔ་དང་། །བདུད་རྩི་ལྔ་ཡིས་རབ་མཉམ་ལ། །རིག་པས་ཐིག་ནི་གདབ་པར་བྱ། །ལྟེ་བ་རྩིབས་དང་ལྡན་པ་ཡི། །རྩེ་བཞི་འཁོར་ལོ་མུ་ཁྱུད་བཅས། །གྲུ་ཆད་བཞི་དང་གྲུ་བཞི་ཡི། །བར་ཁྱམས་སྒོ་ཁྱུད་ལྡན་པར་བྱ། །སེན་ཟླུམ་ཙམ་གྱི་ཉི་ཟླ་ལ། །ཙ་ན་འབྲུ་ཙམ་པདྨོ་གདན། །ཡུངས་འབྲུ་ཙམ་གྱི་ཡི་གེ་ལས། །ཕྱག་རྒྱ་ཏིལ་འབྲུ་ཙམ་དུ་བྲི། །བཅོས་བུའི་རས་ནི་སྣ་ཚོགས་དང་། །རྒྱན་ཕྲེང་དུང་དང་བྲོ་བས་བསྐོར། །གླུ་ཚིག་བྲོ་གར་རོལ་མོ་ཡི། །སྤྲིན་ཕུང་ཚོགས་ཀྱིས་རབ་ཏུ་མཆོད། །ཡུམ་དང་འཇོ་མ་སེམས་མ་དང་། །ཇི་ལྟར་འདོད་པའི་ལས་བཞིན་མཆོད། །དབྱིབས་དང་ཁ་དོག་མཚན་ལྡན་པའི། །ཞལ་དུ་གྱུར་པའི་མེ་བོས་ལ། །བཟའ་བཏུང་བྲོ་བའི་ཚོགས་རྣམས་ཀྱིས། །ལས་བཞི་མཆོད་པ་རབ་ཏུ་སྦྱིན། །ཁྲོ་བོའི་དཀྱིལ་འཁོར་དེ་བཞིན་ཏེ། །ཤིན་ཏུ་ཕྲ་ལ་སྦྱངས་པ་ཡིས། །བསམ་ཡས་དག་ལ་དེ་བཞིན་བྱ། །རིག་པས་དཔག་པ་ཙམ་དུའོ། །མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱིས། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་ཡི། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོ་འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་རེ་རྒྱལ་མཚན་ན་བཟའ་གདུགས། །དོ་ཤལ་དཔུང་ ― DNG011_Page_0329 ―
[མ་དཔེ་གཟིགས་ན་འདིར་གནོན།]
རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང་། །རང་ལ་མཛེས་པས་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱི། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ཀུན་ལ་རྒྱས་པར་དབུལ། །སྐལ་ལྡན་གསལ་བའི་ཁྱད་པར་གྱིས། །རིམ་གྱིས་ཡང་ན་ཅིག་ཆར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང་། །མཆོད་པའི་ཕྱག་རྒྱ་ཆེན་པོ་བསྒོམ། །གསལ་ལྡན་མ་འམ་བྱིན་བརླབས་ལ། །སྟོང་གསུམ་ཡུངས་འབྲུར་འཇུག་ཚུལ་དུ། །དབྱིངས་ནས་དཀྱིལ་འཁོར་སྤྱན་དྲངས་མཆོད། །མཉེས་ནས་འགྲུབ་པའི་དམ་ཚིག་མཆོག །བདག་ཉིད་ཆེན་པོ་མཆོད་པ་ཡིས། །སངས་རྒྱས་དཀྱིལ་འཁོར་མ་ལུས་མཉེས། །སྲིད་གསུམ་འགྲོ་བ་མ་ལུས་ལ། །དགའ་བ་ཆེན་པོས་ཁྱབ་པར་གྱུར། །སྒྱུ་འཕྲུལ་དྲ་བ་བརྟན་པ་ཡིས། །ཕྱོགས་བཅུ་དུས་བཞིར་གཤེགས་པ་ཡི། །སངས་རྒྱས་དཀྱིལ་འཁོར་མ་ལུས་དང་། །ཁམས་གསུམ་འགྲོ་རྣམས་མངོན་དུ་གྱུར། །ལུས་ངག་སེམས་དང་ཆོས་ཐམས་ཅད། །གང་ན་མི་གནས་མི་དམིགས་པ། །རང་བཞིན་མཉམ་པའི་ཆོས་ཉིད་ལ། །མིག་ཡོར་ཚུལ་དུ་སྦྱོར་བ་ཡིས། །ནམ་མཁའ་ལ་ནི་ནམ་མཁའ་བསྒོམ། །གོམས་པའི་དཀྱིལ་འཁོར་ཆེན་པོ་ལ། །ཀུན་བྱས་དབང་ཕྱུག་རིག་པས་འཇུག །དེ་ནས་སློབ་མ་གཞུག་པར་བྱ། །དེ་ནས་རིགས་ཀྱི་བུ་མཆོག་དེས། །རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཉེས་པ་ཐམས་ཅད་དག་པར་འགྱུར། །དད་བརྩོན་བརྟུལ་ཞུགས་རབ་རྟོགས་ནས། །ཕན་པའི་དབང་སྦྱིན་ནུས་པའི་དབང་། །རིམ་པ་བཞིན་དུ་སྦྱིན་པར་བྱ། །སྙིང་རྗེས་ཆུད་མ་ཟོས་པར་གཟུང་། །ཡང་ན་ཐལ་མོ་རབ་བསྣོལ་ནས། །ཕྱག་ཆེན་པོ་ཡི་འཕང་དུ་ནི། །དཀྱིལ་འཁོར་མཛུབ་གང་ཚད་དུ་བྱ། །མཁས་པས་ཆོ་ག་བཞིན་དུ་བྱ། །ཡང་ན་ས་གཞི་མཉམ་པ་ལ། །དཀྱིལ་འཁོར་ཁྲུ་གང་ཚད་ ― DNG011_Page_0330 ―
[མ་དཔེ་གཟིགས་ན་འདིར་གནོན།]
དུ་བྱ། །ཡང་ན་ལུས་གང་ཚད་དུ་སྟེ། །ཡང་ན་ལུས་ནི་གསུམ་གྱི་ཚད། །ཕུར་བུ་སྲད་བུ་ཚོན་ཕྱེ་དང་། །གོས་རྒྱན་མཛེས་མ་ཡིད་འོང་གྲོགས། །ཐིག་གདབ་ཆོ་ག་ཕུན་སུམ་ཚོགས། །མཁས་ལྡན་ཆེན་པོས་བསྒྲིམས་ཏེ་བྱ། །ཡང་ན་ཁྲུ་ནི་བཅུ་དྲུག་དང་། །ཉི་ཤུའམ་ཉི་ཤུ་རྩ་ལྔར་བྱ། །རིགས་ཀྱི་དཀྱིལ་འཁོར་ལྔ་རྣམས་བསྒོམ། །སྐུ་གསུང་ཐུགས་ལྡན་གཟུགས་ཀྱང་དགོད། །ཡང་ན་རྒྱང་གྲགས་དཔག་ཚད་དམ། །ནམ་མཁའི་དབྱིངས་ནི་བསམ་ཡས་པར། །སངས་རྒྱས་དཀྱིལ་འཁོར་སྣ་ཚོགས་བསྒོམ། །མ་མཐོང་རྨོངས་པ་སྟོན་ཕྱིར་ཚོན། །ཁ་དོག་ཉི་ཤུ་རྩ་ལྔའམ། །ལྔ་ཡི་ཚོན་གྱིས་བྲི་བར་བྱ། །འདུལ་བའི་ཆོ་ག་བཞིན་དུ་དགྱེ། །ཏིང་འཛིན་རོལ་མོ་མཐའ་ཡས་མཆོག །ཡི་གེའམ་གདན་ནམ་སྙིང་པོ་འམ། །ཕྱག་རྒྱའམ་སྐུ་གསུང་ཐུགས་ལྡན་པར། །བྱིན་བརླབས་ཡ་མཚན་རྨད་པོ་ཆེ། །འགྲུབ་འགྱུར་སངས་རྒྱས་ཀུན་གྱི་དམ། །ས་ལ་སོགས་པ་ཕྱག་རྒྱར་བྱས། །རྣམ་གྲོལ་རིམ་པར་ཐོབ་པར་འགྱུར། །དག་པའི་ཡེ་ཤེས་ཀྱིས་བྱས་པ། །སྨོས་ཅི་དགོས་ཏེ་དེ་ཉིད་ཡིན། །ཕྱོགས་དུས་དཀྱིལ་འཁོར་བདག་ཉིད་ཆེ། །མི་དམིགས་ཐུགས་ཀྱི་དཀྱིལ་འཁོར་ལས། །དཀྱིལ་འཁོར་ཐམས་ཅད་སྤྱན་དྲང་ངོ་། །རང་སྣང་དབྱེར་མེད་དཀྱིལ་འཁོར་ལ། །འཇུག་པའི་མཚན་ཉིད་མཉམ་སྦྱོར་བ། །ཕྱོགས་དུས་ཀུན་ནས་གཤེགས་པ་ཡི། །སྐུ་གསུང་ཐུགས་ཀྱི་ཡེ་ཤེས་ནི། །ཀུན་དུ་བཟང་མོ་མི་བསྙེངས་ཡིན། །ཀུན་དུ་བཟང་མོ་རང་གནས་པས། །ཡེ་ཤེས་དྲིལ་བུ་གསིལ་ཞིང་སྤྲོ། །ཨེ་མའོ་སངས་རྒྱས་ཡུམ་ཆེན་གྱི། །ཉིད་ཀྱི་མཚན་དུ་གསོལ་པ་ནི། །ཅིས་ཀྱང་མི་ཤིགས་མི་ཕྱེད་ལ། །ཅིས་ཀྱང་མ་གཡོས་མ་འདྲེས་པས། །བདེ་ཆེན་ཡུམ་དུ་གྱུར་པས་ན། །ཀུན་ཀྱང་ཕྱག་རྒྱ་ཡུམ་ལྔས་བཏབ། །མཱུྃ། ཀུན་དུ་བཟང་མོའི་ཐུགས་ཉིད་ལས། །རྡོ་རྗེ་ཡུམ་ཆེན་ཐམས་ཅད་ཀྱི། །རང་གི་རྟགས་སུ་བསྟན་པའི་ཕྱིར། །མི་ཕྱེད་དྲིལ་བུ་འཆང་ཞེས་བྱ། །མཱུྃ་ཇི་ལྟར་རྒྱལ་པོའི་གནས་བཤམས་ཏེ། །རྒྱལ་པོས་གཙིགས་ཆེན་འགྱེད་པ་ལྟར། །བདེ་ཆེན་ཡུམ་དུ་ ― DNG011_Page_0331 ―
[མ་དཔེ་གཟིགས་ན་འདིར་གནོན།]
གནས་པ་དང་། །དབང་ཆེན་དུས་ལ་བརྩོན་པ་ཡིས། །ཐམས་ཅད་ཀུན་ལ་དེ་ལྟར་འདེབས། །འདའ་དཀའ་ཇི་བཞིན་མི་ཤིགས་པས། །རྒྱལ་པོ་ཕྱག་རྒྱ་མཆོག་གི་གནས། །བདག་ཉིད་ཡུམ་ཆེན་མཚན་མའི་གཟུགས། །ཕྱག་རྒྱ་ཞེས་ནི་བསྒྲགས་པ་ཡིན། །ཉིད་ཀྱི་ལུས་ནི་བརྟན་ཕྱིར་རོ། །མཱུྃ་དྲིལ་བུ་དྲིལ་བུ་གྲགས་སྙན་དང་། །ཡུམ་ཉིད་ཆེ་བའི་བདག་ཉིད་དང་། །འདུལ་བ་ཐབས་ཀྱི་རྒྱལ་མོ་ཡིས། །ཕྱེ་ཞིང་བཤིག་དང་བཅོམ་ལ་སོགས། །དཀྲུགས་ཤིང་ཐལ་བ་རྡུལ་ཕྲན་བཞིན། །བཙན་ཞིང་འབར་བའི་འཕྲོ་འདུ་འདིས། །ཐམས་ཅད་དྲིལ་བུ་ཉིད་པས་ན། །ནམ་མཁའ་ཁམས་ཀུན་བཀང་བ་ཡིན། །དེ་ལས་ཆོས་སྐུ་གསུང་འབྱུང་བ། །མཱུྃ་གྷ་ཛྭ་ལཱ་ན་ལཱརྐ་མཱུྃ་ཞེས་བརྗོད་པས་ཕྱག་རྒྱའི་ཚོགས་སུ་སྣང་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་མཚོན་ཆ་དམ་ཚིག་ཕྱག་རྒྱ་གླུའི་ལེའུ་སྟེ་བཅྭ་བརྒྱད་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་ཐབས་དང་། ཤེས་རབ་འབྱུང་བ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ། །དེ་ནས་ཡིད་དང་ཆོས་མཐུན་པར། །ཐུགས་ཀྱི་ཕྱག་རྒྱ་རྡོ་རྗེ་འཆང་། །ཤེས་རབ་དྲིལ་བུ་ཆོས་ལ་བརྟན། །ཧཱུྃ་དང་མཱུྃ་གྱི་སྙིང་པོ་འབར། །དེ་ལས་རྡོ་རྗེ་རྩེ་བཅུར་འབར། །ཨོཾ་དང་མཱུྃ་གྱི་མཆོག་ཏུ་བརྟག །ཤེས་རབ་ཉི་ཟེར་ཟླ་རྒྱས་ཐབས། །འབར་བའི་ཕུང་པོས་ཆོས་ལ་བརྟེན། །དེ་ལས་གཟུང་ཐབས་གཉིས་ཀྱིས་ནི། །འབྲུ་ལྔ་ཕྱག་རྒྱ་ཉིད་དུ་སྟེ། །དེ་ལས་རྡོ་རྗེ་ཕྱག་བསྣམས་གསོར། །དེ་ལས་འཁོར་ལོ་ཕྱག་བསྣམས་གསོར། །དེ་ལས་ནོར་བུ་ཕྱག་བསྣམས་པ། །དེ་ལས་པདྨ་ཕྱག་བསྣམས་འཛིན། །དེ་ལས་རལ་གྲི་ཕྱག་བསྣམས་གཅོད། །དེ་ཉིད་རྡོ་རྗེ་ཕྱག་བསྣམས་པ། །ཐབས་ཆེན་དྲུག་ཏུ་ཡང་དག་གསོར། །དེ་ལས་རྡོ་རྗེ་གཟུང་ཐབས་གཉིས། །ཨོཾ་དང་མཱུྃ་གྱི་མཚོན་བཞིན་དུ། །རྡོ་རྗེ་རྩེ་བཅུ་ཐབས་ཆེན་པོ། །ཐུགས་ཀར་བརྟན་པའི་ཚུལ་དུ་འབར། །སངས་རྒྱས་རྡོ་རྗེ་སེམས་དཔའ་ཡི། །ཕྱག་ན་མི་འཇིགས་ཐུགས་ཀར་འཛིན། །མཱུྃ་ལས་ཕྱག་རྒྱ་ཆེན་པོ་ནི། །དྲིལ་གསིལ་འབར་བས་སངས་རྒྱས་ཡུམ། །མཆོད་ ― DNG011_Page_0332 ―
[མ་དཔེ་གཟིགས་ན་འདིར་གནོན།]
གནས་ཆོས་ལ་བརྟེན་པར་འཛིན། །ཐམས་ཅད་ཀུན་དུ་ཕྱག་རྒྱ་ཡི། །ཐབས་དང་ཤེས་རབ་རྡོ་རྗེ་འཆང་། །སྐུ་གསུང་ཐུགས་ནི་ཐམས་ཅད་པ། །ཡོན་ཏན་ཕྲིན་ལས་ཀུན་དུ་རྫོགས། །སྒྱུ་འཕྲུལ་དྲ་བས་བྱང་ཆུབ་པའི། །སངས་རྒྱས་རྡོ་རྗེ་འཆང་དུ་དམིགས། །དེ་ལས་རྡོ་རྗེ་མཆོག་བསྣམས་པ། །དེ་ལས་མི་བསྐྱོད་ཉི་མའི་ལམ། །སྐུ་གསུང་ཐུགས་ཀྱི་ཡོན་ཏན་ལས། །ཨོཾ་ཧཱུྃ་རྨྨཱ་གྱི་རྩེར་འཛིན་པ། །ཉིད་ལས་ཡང་དག་བསྐྱེད་ཚུལ་དུ། །ཤེས་རབ་ཡུམ་དུ་ཤིན་ཏུ་བརྟགས། །རྡོ་རྗེ་འབར་བས་རབ་བརྟེན་པ། །ཐབས་ཆེན་ཡིད་ནི་སངས་རྒྱས་ཡབ། །གཅིག་དང་དུ་མ་ཡོངས་ཀྱིས་མེད། །དེ་ལས་འགྲོ་དོན་ཕྲིན་ལས་འཆར། །ཡིད་དང་ཆོས་སུ་རབ་བརྟགས་པའི། །རྡོ་རྗེ་འཆང་རྒྱལ་ཚུལ་ཆེན་ལས། །རྡོ་རྗེ་དྲག་པོར་ལན་གསུམ་གསོར། །གཏུམ་པའི་སྔགས་བརྗོད་དེ་བསྐྱེད་པས། །བསྙེན་པའི་དཀྱིལ་འཁོར་རབ་ཏུ་རྫོགས། །ཉེ་བར་གྱུར་པའི་དམ་ཚིག་མཆོག །དཔག་བསམ་ཤིང་དང་ཡིད་བཞིན་གྱི། །རིན་ཆེན་དབྱིག་དང་འབྱུང་བ་ཀུན། །དེ་དག་རྫས་ཡོད་མ་ཡིན་ཏེ། །རང་སེམས་བསོད་ནམས་བརྟན་པ་ཡིན། །ངོ་མཚར་ཆོ་འཕྲུལ་རྨད་ཀྱི་ཆོས། །གཞན་ནས་ཡོད་འོང་མ་ཡིན་ཏེ། །ཐབས་ལ་བརྟེན་པའི་ཤེས་རབ་ཉིད། །དེ་ལྟ་བུ་ཡི་ངང་དུ་འབྱུང་། །ཤེས་རབ་དབྱིངས་ཀྱི་དེ་བཞིན་ཉིད། །ཐབས་ཀྱི་ཕྱག་རྒྱར་གྱུར་པའི་ཕྱིར། །ཡེ་ཤེས་ལ་ནི་ཡེ་ཤེས་རོལ། །ཡེ་ཤེས་རོལ་པ་ཉིད་གང་གསོག །རྒྱལ་བ་མངོན་བྱུང་སྐྱོབ་པ་དང་། །བྱིན་བརླབས་སྟོན་པའང་དེ་བཞིན་ཏེ། །བྱ་བྱེད་ནུས་མཐུའི་གཟི་བྱིན་གྱིས། །སྒྱུ་མ་རྡོ་རྗེ་བཙན་པོ་མཆོག །ཆོ་ག་ལྔ་ནི་རྫོགས་བྱས་ཤིང་། །ཡོ་བྱད་ལྔ་ནི་རྫོགས་པར་ལྡན། །སྔགས་ཀྱི་ཡན་ལག་ལྔ་རྫོགས་པས། །མ་ཉམས་འཇུག་ལ་རབ་བརྩོན་པ། །ཞག་ནི་སུམ་ཅུ་ཕྲག་དྲུག་གམ། །བཅུ་གཉིས་བཅུ་བཞི་བཅུ་དྲུག་གིས། །དབང་སྒྱུར་རིགས་ཀྱི་དམ་པ་འགྲུབ། །དེ་ཚེ་བཅུ་དྲུག་ཚུན་ཆད་ཀྱིས། །སྐུ་ལྔ་ལྷུན་གྱིས་རྫོགས་པ་ནི། །ཡེ་ཤེས་ཐིག་ལེ་དེ་ཉིད་ལ། །ཡེ་ཤེས་ཐིག་ལེ་ཉིད་སྣང་བ། །བསམ་གྱིས་མི་ཁྱབ་མཐའ་ཡས་ ― DNG011_Page_0333 ―
[མ་དཔེ་གཟིགས་ན་འདིར་གནོན།]
མཆོག །ཕྱོགས་བཅུ་དུས་བཞི་མངོན་རྫོགས་པའི། །ཞིང་ཁམས་རྣམ་དག་བསམ་ཡས་དང་། །རྒྱ་དང་བྲལ་བའི་གཞལ་ཡས་ཁང་། །འཁོར་ལོ་རྒྱན་དང་རོལ་མོའི་ཚོགས། །དཀྱིལ་འཁོར་མ་ལུས་བསམ་ཡས་ཀུན། །མཐོང་ནས་ཉེ་བར་མཉེས་པ་དང་། །རྒྱ་ཆེན་གསུང་ལས་དོན་བྱུང་བ། །མཐུན་པའི་ཡེ་ཤེས་རང་སྣང་ངོ་། །གཅིག་དང་དུ་མར་བྲལ་བ་ཡི། །མཐའ་དང་དབུས་མེད་དེ་བཞིན་ཉིད། །སངས་རྒྱས་ཉིད་ཀྱིས་མི་གཟིགས་ཏེ། །རང་བྱུང་ཡེ་ཤེས་གནས་མེད་སྣང་། །ལོག་པར་རྟོག་བརྟགས་རྣམ་དག་ཅིང་། །ཡེ་ཤེས་དབྱིངས་ལས་མི་གཞན་ཕྱིར། །ཐུགས་རྗེ་ཆེན་པོས་འདྲེལ་པས་ན། །འགྲོ་དྲུག་དུས་གནས་མ་ལུས་སྣང་། །བདེ་བ་ཆེན་མོའི་དཀྱིལ་འཁོར་ནི། །སྟངས་དཔྱལ་གཉིས་སམ་ཡང་ན་ལྔ། །བྱས་ཏེ་དད་ལྡན་རབ་ཞུགས་ན། །འདོད་པ་ཡིད་འོང་མཉམ་པར་འགྱུར། །སྐལ་བ་མཉམ་པའི་ཡེ་ཤེས་དེ། །གཉེར་ན་ཉེ་བར་མཉམ་པ་ཡི། །ཡ་མཚན་ཆེན་པོ་འབྱུང་བར་ངེས། །དད་མེད་ཉམས་ན་ཕུང་བར་འགྱུར། །ཞེས་ཆེད་དུ་བརྗོད་དོ། །རྡོ་རྗེ་བཀོད་པ་གསང་བ་དམ་ཚིག་གི་ལེའུ་སྟེ་བཅུ་དགུ་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ལྷག་པའི་གཟུགས་བརྙན་གྱི་དཀྱིལ་འཁོར་གྱི་དངོས་གྲུབ་བླང་བའི་ཐབས་འདི་གསུངས་སོ། །ཡེ་ནས་མཉམ་ཉིད་དཀྱིལ་འཁོར་ལ། །ཐབས་དང་ཤེས་རབ་ལྡན་བྱས་ཏེ། །རང་རིག་ཡེ་ཤེས་རྒྱལ་པོ་ཡིས། །ཐམས་ཅད་མ་ལུས་མཎྜ་ལ། །དེ་བཞིན་ཉིད་ཀྱི་གཞལ་ཡས་ལ། །རིག་པ་རང་བྱུང་གྱུར་པ་ཡིས། །མཉམ་པར་མཉམ་ལ་མི་གནས་པའི། །ཆོས་སྐུའི་ཕྱག་རྒྱ་ཆེན་པོར་བསྒོམ། །འཇིག་རྟེན་བརྟན་གཡོ་ཐམས་ཅད་ལ། །རང་བཞིན་དཀྱིལ་འཁོར་གནས་མོད་ཀྱི། །གཟུང་འཛིན་རྣམ་རྟོག་ཞགས་པ་ཡིས། །རང་རིག་བསྒྲིབས་ཤིང་བདག་ཏུ་བཅིངས། །ཀུན་གྱིས་ཡང་དག་རྟོགས་བྱའི་ཕྱིར། །དེ་བཞིན་ཆོས་སྐུའི་གཟུགས་བརྙན་བསྟན། །རྟོག་དང་མི་རྟོག་རང་རིག་དང་། །ཡང་དག་ཐབས་ཆེན་རྫོགས་པའི་དོན། །རིན་ཆེན་སྣ་ཚོགས་ལ་སོགས་དང་། ། ― DNG011_Page_0334 ―
[མ་དཔེ་གཟིགས་ན་འདིར་གནོན།]
འབྱུང་བ་བཞི་ལས་གྱུར་རྣམས་ཀུན། །ཐམས་ཅད་བྱང་ཆུབ་མཆོག་གི་རྒྱུ། །གཟུགས་སོགས་རི་མོར་བྲིས་པ་དག །ཡེ་ཤེས་ཆེན་པོ་རབ་འབྱམ་གྱིས། །དོན་དུ་མི་འགྱུར་ཡོང་མ་གསུངས། །དེ་བཞིན་ཏིང་འཛིན་དཀྱིལ་འཁོར་གྱིས། །ཐམས་ཅད་དབྱིངས་སུ་བསྡུས་ནས་ནི། །ཉིད་ཀྱི་ཐུགས་ལ་བསྡིམ་བྱས་ཏེ། །ཐམས་ཅད་ཆོས་སྐུའི་ཕྱག་རྒྱ་ཆེ། །དཀྱིལ་འཁོར་རྣམ་གསུམ་དག་བྱས་པས། །ནམ་མཁའི་དབྱིངས་ཀྱི་དཀྱིལ་འཁོར་དུ། །རང་རིག་ཡེ་ཤེས་འདུ་འཕྲོ་ཡིས། །ཐམས་ཅད་ཆོས་སྐུ་ཕྱག་རྒྱ་ཆེ། །ཡང་དག་རྟོགས་པའི་ཁྱད་པར་གྱིས། །ཏིང་འཛིན་དོན་རྣམས་གསལ་བསྒོམས་ཏེ། །མཱ་མ་ཀཱི་ཡི་རྒྱུན་ཆགས་ལ། །ཡང་དག་ཆོས་སྐུ་ཕྱག་རྒྱ་ཆེ། །དེ་བཞིན་ཏིང་འཛིན་གསལ་བསྒོམས་ནས། །དོན་མཆོག་མ་ལུས་རྫོགས་པའི་ཕྱིར། །མཁའ་ལ་འཕྲོ་བའི་དཀྱིལ་འཁོར་དུ། །དྲི་མེད་ཆོས་སྐུ་ཕྱག་རྒྱ་གསལ། །དབྱིངས་དང་དེ་བཞིན་ཉིད་མེད་པར། །ཏིང་ངེ་འཛིན་གྱིས་དབང་བསྒྱུར་ནས། །ཁ་དོག་དབྱིབས་དང་གཟུགས་སུ་བསྒྱུར། །སྣ་ཚོགས་ཕྲིན་ལས་རྣམ་པར་རོལ། །དོན་གྱི་སྙིང་པོ་མཆོག་རྣམས་ཀྱང་། །བྱང་ཆུབ་ཕྱོགས་རྣམས་རབ་ཏུ་རྫོགས། །འཇིག་རྟེན་གཙོ་མཆོག་རྣམས་ཀྱིས་བསྐོར། །ཨ་ཧོཿཆོས་སྐུ་ཕྱག་རྒྱ་དེ་དག་ལས། །ལས་ལྔའི་དཀྱིལ་འཁོར་རབ་ཏུ་བསྒྲུབ། །ཏིང་ངེ་འཛིན་གྱིས་དབང་བསྒྱུར་ན། །ཇི་ལྟར་དམིགས་པ་བཞིན་དུ་འགྲུབ། །དྲག་པོ་གཏུམ་པོ་གདུལ་བའི་ཕྱིར། །བདག་ཉིད་དྲག་པོ་བསྒོམས་ནས་ནི། །ཆོས་སྐུ་ནག་པོ་འོད་འབར་གྱིས། །བགེགས་ཀྱི་ལིངྒ་མནན་པར་བྱ། །གཏུམ་པོ་རྔམ་པོའང་བརླག་པར་འགྱུར། །མི་མཐུན་ཕྱོགས་ཀྱང་རྡུལ་དུ་རློག །འདི་དང་འགྲོ་བ་ཐམས་ཅད་དུ། །ཤིན་ཏུ་སྟོབས་དྲག་ཆེ་ལྡན་འགྱུར། །ཐམས་ཅད་གཉིས་མེད་དབྱིངས་བསྡུའི་ཕྱིར། །བདག་ཉིད་ཧ་ཡ་གྲཱི་བར་བསྒོམ། །དམར་པོའི་ཆོས་སྐུ་གསལ་བསྒོམས་ཏེ། །མི་མཐུན་ཕྱོགས་རྣམས་གདན་དུ་གདེང་། །ཏིང་འཛིན་གསལ་བས་བྱིན་བརླབས་ན། །ཐམས་ཅད་མ་ལུས་དབང་དུ་བསྡུ། །མཐུ་ཆེན་དག་ཀྱང་ཕྱི་བཞིན་ ― DNG011_Page_0335 ―
[མ་དཔེ་གཟིགས་ན་འདིར་གནོན།]
འབྲང་། །ཅི་འདོད་ལས་རྣམས་བྱེད་པར་འགྱུར། །ཐམས་ཅད་ཡོན་ཏན་འཕེལ་བྱའི་ཕྱིར། །བདག་ཉིད་རྒྱལ་བའི་ཁྱུ་མཆོག་སྟེ། །གསེར་གྱི་མདོག་འདྲ་ཕྱག་རྒྱར་བསྒོམ། །གང་འཕེལ་ཆོས་སྐུ་གདན་དུ་གཞག །དེ་ལྟར་དག་པས་བྱིན་བརླབས་ན། །ཡོན་ཏན་ནམ་མཁའི་མཐའ་དང་མཉམ། །ཚེ་དང་ལོངས་སྤྱོད་འཕེལ་བ་དང་། །ཇི་ལྟར་དམིགས་པ་བཞིན་དུ་འགྲུབ། །ཐུགས་རྗེ་ཆེན་པོའི་བྱིན་བརླབས་ཀྱིས། །གཏུམ་ཁྲོ་མ་ལུས་ཞི་བྱའི་ཕྱིར། །དཀར་ཞིང་འཚེར་བའི་ཆོས་སྐུ་བསྒོམ། །གང་ཞིག་གཏུམ་ཁྲོ་ཞི་བའི་གདན། །དེ་བཞིན་ཏིང་འཛིན་བྱིན་བརླབས་ན། །གཏུམ་པོ་རྔམ་པོའང་ཞི་བར་འགྱུར། །གཞན་ཡང་ཇི་ལྟར་དམིགས་པ་བཞིན། །ཞི་ཞིང་དུལ་བ་ཉིད་དུ་འགྱུར། །ཐམས་ཅད་མཁྱེན་པའི་ཡེ་ཤེས་ཀྱིས། །རྣམ་བཞི་དཀྱིལ་འཁོར་དབྱིངས་སུ་བསྡུས། །བྱ་བྱེད་མེད་པར་དཀྱིལ་འཁོར་སྤྱོད། །ལྷུན་གྲུབ་དཀྱིལ་འཁོར་ཡེ་ནས་རྫོགས། །ཨ་ཧོཿ། ཆོས་སྐུ་ཕྱག་རྒྱ་ཆེན་པོ་ནི། །དངོས་གྲུབ་གང་འདོད་སྦྱིན་པར་ངེས། །ཉེ་བའི་ལྷ་ནི་གང་བསྒྲུབ་པ། །ཕྱག་རྒྱའི་སྙིང་པོ་བྲིས་བཅུག་ན། །གང་བསྒོམས་ཐེ་ཚོམ་མེད་པར་འགྲུབ། །དེ་ནི་རྒྱལ་བ་ཀུན་དང་མཉམ། །ཐེ་ཚོམ་མེད་དེ་ངེས་འགྲུབ་འགྱུར། །འཇིག་རྟེན་པ་ཡི་ལྷ་སྒྲུབ་ན། །ལྷ་ཡི་སྙིང་པོ་གང་ཡང་རུང་། །བྲིས་ཏེ་དཀྱིལ་འཁོར་ནང་བཅུག་ན། །ལྷ་དེ་ཉེ་བར་འགྲུབ་པར་འགྱུར། །ཆོས་ཉིད་རྟེན་ཅིང་འདྲེལ་བྲིས་ན། །ཆོས་ཀྱི་དོན་རྣམས་རྟོགས་འགྱུར་ཏེ། །རང་དང་སྤྱི་ཡི་དོན་རྟོགས་ནས། །སྐྱེ་རྒ་ན་འཆི་མེད་པར་རྟོགས། །ཕྱག་རྒྱ་ཆེན་པོ་དེ་དག་ལ། །ཉོན་མོངས་ལས་རྣམས་སྦྱོང་བྱེད་པའི། །སྙིང་པོ་མ་ནོར་དོན་བྲིས་ན། །ངན་སོང་སྡུག་བསྔལ་མེད་པར་འགྱུར། །གཞན་ཡང་དཀྱིལ་འཁོར་བསམ་ཡས་དང་། །དཔག་ཚད་མེད་པའི་ཕྱག་རྒྱ་ཆེ། །སྐུ་གསུང་ཐུགས་ནི་རྒྱུན་མི་ཆད། །ཞིང་ཁམས་བྱེ་བ་རྡུལ་དང་མཉམ། །ཨ་ཧོ། རྡོ་རྗེ་གསང་བའི་ཚིག་ཏུའོ། །སྒྱུ་འཕྲུལ་དྲ་བ་ལས་ལྷག་པའི་གཟུགས་བརྙན་གྱིས་དངོས་གྲུབ་ལེན་པའི་ཐབས་ཏེ་མཆོད་རྟེན་གདབ་པའི་ལེའུ་སྟེ་ཉི་ཤུ་པའོ།། །།དེ་ནས་ ― DNG011_Page_0336 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་དགྱེས་པ་ཆེན་པོ་རྒྱལ་པོ་དབང་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །ཤེས་རབ་ཐབས་ཀྱི་ཕྱག་རྒྱ་ལས། །བདེ་བའི་འབྲུ་ཚོགས་གསལ་བའི་རྒྱུན། །རྡོ་རྗེ་ལམ་ལས་པདྨོར་དཀྱིལ། །རྩེ་ནས་བསྡིམ་ཞིང་དཀྱིལ་འཁོར་སྒྱུར། །ཉན་བྱེད་འཁོར་ལོའི་གཞལ་ཡས་སུ། །གསལ་བའི་ཐིག་ལེ་ངོ་བོ་ཉིད། །ཏྲཾ་གི་ཕྱག་རྒྱའི་ཚོགས་མཆོག་ལས། །རིན་ཆེན་དཀྱིལ་འཁོར་གསལ་སྤྲོ་བསྡིམ། །ཏྲཾ་གསང་བའི་གསང་ཆེན་གསང་མཆོག་དང་། །གསང་བ་ཀུན་ལ་མཉན་པར་བྱ། །གསང་བའི་དོན་ཉིད་རྟོགས་པ་ལས། །གཞན་དུ་སྨྲ་བར་བྱ་བ་མིན། །གསལ་བའི་འཁོར་ལོ་གཞལ་ཡས་སུ། །གསལ་བའི་ཐིག་ལེ་ངོ་བོ་ཉིད། །ཡི་གེ་ཕྲེང་བའི་ཚོགས་མཆོག་ལས། །རིགས་ཀྱི་དཀྱིལ་འཁོར་གསལ་སྤྲོ་ཐིམ། །ཨོཾ་དུས་གསུམ་རྒྱལ་བའི་སྲས་ཆེན་པོ། །སྐུ་གསུང་ཐུགས་ཀྱི་རྡོ་རྗེ་ཟུང་། །རྒྱལ་བ་ཐམས་ཅད་མཉེས་མཆོད་ལ། །རྒྱལ་བ་ཀུན་དང་མཉམ་པར་སྦྱོར། །ལག་པའི་འཁོར་ལོ་གཞལ་ཡས་སུ། །གསལ་བའི་ཐིག་ལེའི་ངོ་བོ་ཉིད། །ཧཱུྃ་གི་ཕྱག་རྒྱའི་ཚོགས་མཆོག་ལས། །ལས་ཀྱི་དཀྱིལ་འཁོར་གསལ་སྤྲོ་ཐིམ། །ཨོཾ་ཁྱོད་ནི་རྡོ་རྗེ་ལས་ཡིན་པས། །ལས་རྣམས་མ་ལུས་ཀུན་བྱོས་ཤིག །ཕོ་ཉ་འདུ་འཕྲོ་མང་པོ་ཀུན། །ཁྱོད་ཀྱི་དགོས་པ་བྱེད་པ་ཡིན། །སྨྲ་བྱེད་འཁོར་ལོའི་གཞལ་ཡས་སུ། །གསང་བའི་ཐིག་ལེ་ངོ་བོ་ཉིད། །ཧྲིཿཡི་ཕྱག་རྒྱ་ཚོགས་མཆོག་ལས། །ཆོས་ཀྱི་འཁོར་ལོ་གསལ་སྤྲོ་ཐིམ། །ཨོཾ་ཆོས་ཀྱི་བདུད་རྩི་བླ་མེད་ཀྱིས། །དད་ལྡན་སྐྱེས་བུ་ངོམས་པར་བྱོས། །རབ་འབྲིང་ཐ་མའི་བློ་ཅན་ལ། །མཐུན་པར་གསང་བསྒྲགས་གཞན་དུ་མིན། །བསྐྱོད་ཆེན་འཁོར་ལོའི་གཞལ་ཡས་སུ། །གསལ་བའི་ཐིག་ལེའི་ངོ་བོ་ཉིད། །ཧཱུྃ་ཨོཾ་གྒྷཱཾ་ཨྃ་ཧྃ་རྣམས་ལས། །དཀྱིལ་འཁོར་ལྔ་དང་ཁྲོ་ཕྲེང་བསྒོམ། །ཕྱོགས་བཅུ་དུས་བཞི་ཐམས་ཅད་ཀྱིས། །སྐུ་གསུང་ཐུགས་ཀྱི་རྡོ་རྗེ་ཆེ། །དཀྱིལ་འཁོར་ཀུན་གྱི་བྱེད་པ་པོ། །དཀྱིལ་འཁོར་ཀུན་གྱི་སྦྱིན་པ་སྤྱོད། ། ― DNG011_Page_0337 ―
[མ་དཔེ་གཟིགས་ན་འདིར་གནོན།]
སློབ་དཔོན་མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་པར། །ཉན་པ་ལ་སོགས་རྩོམ་པ་རྣམས། །འབྲས་བུ་མེད་ཅིང་བརླག་པར་འགྱུར། །དབུ་རྒྱན་ཅོད་པན་ཕྲེང་བ་དང་། །གོ་ཆ་རྒྱལ་མཚན་ཕྱག་རྒྱ་དང་། །གདུགས་དང་བུམ་པ་བཟའ་བཏུང་དང་། །སྙིང་པོ་ལྔ་ཡིས་དབང་བསྐུར་ན། །དུས་འདི་ཕན་ཆད་རྒྱལ་བའི་སྲས། །ངན་སོང་ཐམས་ཅད་མེད་པ་དང་། །གཉེན་པོར་གྱུར་པའི་རྩལ་འཆང་བས། །ཚེ་རིང་བདེ་བ་ཕུན་སུམ་ཚོགས། །ཀུན་དུ་བཟང་པོ་ལ་སོགས་མཚན། །མཐོ་རིས་ཐར་པའི་དབང་པོར་འགྱུར། །ལུས་དང་ཕུང་པོར་བཅས་པའི་ས། །རིག་འཛིན་ས་ལ་གནས་པ་ཡིན། །རིག་འཛིན་ས་ལ་གནས་པའི་ས། །བླ་མེད་ཀུན་དུ་བཟང་པོར་འགྱུར། །ཡུམ་དང་སྒེག་མོ་ལ་སོགས་ལ། །དེ་ཉིད་བྱིན་གྱིས་རློབ་པར་འགྱུར། །ཕོ་ཉ་འདུ་འཕྲོ་མང་པོ་རྣམས། །སངས་རྒྱས་བཀའ་ལས་མི་འདའ་ཞིང་། །དེ་ཡི་དགོས་པ་བྱེད་པ་དང་། །སྒྲོ་དང་སྐུར་པ་ལ་སོགས་པ། །དེ་ནི་མྱུར་དུ་བརླག་པར་འགྱུར། །ཚེ་རིང་བདེ་བ་ཕུན་སུམ་ཚོགས། །མཐོ་རིས་ཐར་པའི་བདག་པོར་འགྱུར། །ཞེས་ཆེད་དུ་བརྗོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དབང་སྦྱིན་པའི་ལེའུ་སྟེ་ཉི་ཤུ་གཅིག་པའོ།། །།དེ་ནས་དེ་བཞིན་གཤེགས་པ་དགྱེས་པ་ཆེན་པོ་མཉམ་པ་ཉིད་ལ་བཞུགས་ནས་ལྷག་པའི་ཏིང་ངེ་འཛིན་གྱིས་དངོས་གྲུབ་མྱུར་བར་ལེན་པའི་ཐབས་འདི་གསུངས་སོ། །དེ་བཞིན་ཉིད་དང་མཉམ་སྦྱོར་ཕྱིར། །དམ་པའི་དོན་གྱིས་བསྒོམ་པར་བྱ། །བྱང་ཆུབ་ཕྱོགས་ལ་གཟུང་བར་གནས། །མཆོག་ཏུ་བདེ་བའི་ཞིང་གནས་པས། །མཉམ་རྫོགས་ཆེན་པོ་ལྷུན་བསྒོམ་ཞིང་། །བྱང་ཆུབ་སེམས་སུ་བརྟན་པར་གཟུང་། །བྱ་བ་མེད་ལས་བྱ་བྱེད་བྱ། །མི་གནས་གནས་ལ་གནས་པར་བསྒོམ། །བྷ་གའི་དཀྱིལ་དུ་ལིངྒ་ཨ། །ཤིན་ཏུ་འཚེར་ཞིང་གསལ་བསྒོམས་ནས། །འོད་འཕྲོ་འབར་བས་ཐམས་ཅད་ཁྱབ། །དུས་གསུམ་ངན་སོང་གནས་བསྲེགས་ནས། །བྷ་གའི་དཀྱིལ་དུ་འོད་འཕྲོ་ཐིམ། །ཐིམ་འགྱུར་དབྱིངས་ནས་འོད་འཕྲོ་ ― DNG011_Page_0338 ―
[མ་དཔེ་གཟིགས་ན་འདིར་གནོན།]
འབར། །ཨ་མ་ལས་ནི་ཟླ་ཉི་འབར། །ཕྱོགས་བཅུར་འཐོམས་པའི་མུན་སེལ་ཞིང་། །ཉོན་མོངས་སྡུག་བསྔལ་བསིལ་བའི་སྨན། །ཐུགས་རྗེའི་བྱིན་བརླབས་བསམ་མི་ཁྱབ། །རོལ་པའི་ཕྱག་རྒྱ་བསམ་མི་ཁྱབ། །མཁའ་ལ་འཇའ་ཚོན་སྤྲིན་མང་ཡང་། །ནམ་མཁའི་དབྱིངས་སུ་ཐམས་ཅད་བསྡུས། །ཐམས་ཅད་མཁྱེན་ཉིད་བསམ་ཡས་ཀྱང་། །ཆོས་ཀྱི་དབྱིངས་སུ་ཐམས་ཅད་འདུས། །ཐམས་ཅད་ཡི་གེ་ཧཱུྃ་དུ་གྱུར། །ཧཱུྃ་ཉིད་གསང་བའི་ཐུགས་རྗེའི་དཀྱིལ། །འོད་ཟེར་འཕྲོས་པས་འབྲུ་གསུམ་སྟེ། །ཡང་ན་འོད་ཟེར་འབྲུ་ལྔ་ཡི། །ལྔ་པའི་དོན་སྤྲོས་བཞི་བཅུ་ལྔའི། །གཞན་ཡང་དཀྱིལ་འཁོར་བསམ་ཡས་མཆོག །མ་བཅོས་ངང་གིས་གནས་པ་ལ། །ཡེ་ཤེས་ལྷག་པའི་དཀྱིལ་འཁོར་བསྒོམ། །སེན་ཟླུམ་ཟླ་བ་གང་བ་ཡི། །ཐུགས་ཀྱི་དཀྱིལ་དུ་གནས་པར་བྱ། །ཉི་མའི་དཀྱིལ་འཁོར་གང་བ་ཡི། །གཞལ་ཡས་འོད་ཟེར་འབར་བའི་ཁང་། །པདྨའི་གདན་དང་རིན་པོ་ཆེ། །དེ་དཀྱིལ་ཡི་གེ་ཧཱུྃ་གནས་པ། །ཤིན་ཏུ་ཕྲ་ཞིང་ཡུངས་འབྲུ་འབར། །གནས་གཅིག་དང་ནི་གནས་གསུམ་དང་། །གནས་ལྔ་དག་ཏུ་རབ་ཏུ་བསྒོམ། །ཤེས་རབ་སྤྱན་ལ་འདྲིས་པ་དང་། །ནྲྀ་ཡི་མིག་གིས་བལྟར་ཡོད་པར། །ཤིན་ཏུ་ཕྲ་ཞིང་གསལ་བར་བསྒོམ། །ཤིན་ཏུ་བློ་གསལ་འདྲིས་གྱུར་ནས། །ཕྱོགས་བཅུའི་སྟོང་ཁམས་རྡུལ་སྙེད་དུ། །ཐུགས་རྗེའི་བྱིན་བརླབས་བསམ་ཡས་སྤྲོ། །སྤྲོས་ཀྱང་ཧཱུྃ་ལས་ཉམས་པ་མེད། །བསྡུས་ཀྱང་ཕྱོགས་བཅུ་བྲི་བ་མེད། །སྤྲོ་མེད་བསྡུ་མེད་དེ་བཞིན་ལས། །ཡི་གེ་མུྃ་དུ་ཐིམ་པར་གྱུར། །ཐིམ་འགྱུར་དབྱིངས་ནས་ཕྱག་རྒྱ་འབར། །ཤིན་ཏུ་གསལ་ཞིང་འདྲེས་པ་དང་། །ཕྱག་རྒྱའི་སྐུ་ཉིད་གསལ་བར་བསྒོམ། །སྐུ་དེ་ཚོན་གང་འོད་འབར་ནས། །ཐབས་དང་ཤེས་རབ་ལྡན་པའི་རྒྱ། །འོད་འཕྲོ་འབར་ཞིང་དོན་བྱེད་བསྒོམས། །ཡང་ན་ཕྱག་རྒྱ་ཆེན་པོ་སྟེ། །བདག་ཉིད་ཞལ་གཅིག་ཕྱག་གཉིས་བསམ། །ཞལ་གསུམ་ཕྱག་དྲུག་རྟག་ཏུ་བསྒོམ། །གཞལ་ཡས་ཁང་དང་གདན་ཁྲི་རྣམས། །ཕྲ་བའི་ཚུལ་དེ་ ― DNG011_Page_0339 ―
[མ་དཔེ་གཟིགས་ན་འདིར་གནོན།]
སྔ་མ་བཞིན། །མཚན་དང་དཔེ་བྱད་ཐམས་ཅད་ལྡན། །དབུ་རྒྱན་ཡི་གེ་ལྔ་དང་ལྡན། །རྡོ་རྗེ་འཁོར་ལོ་རལ་གྲི་འབར། །རིན་ཆེན་པདྨ་དྲིལ་བུ་འབར། །ཕྱག་རྒྱ་ཆེན་པོ་དེ་དག་ལས། །ཕྱོགས་བཅུ་མ་ལུས་གཞལ་ཡས་ཁང་། །ཉི་ཟླ་གཟའ་སྐར་དཀྱིལ་འཁོར་གདན་དང་རྒྱན། །བདེ་གཤེགས་དཀྱིལ་འཁོར་མ་ལུས་བསྒོམ། །ཐུགས་རྗེ་བྱིན་བརླབས་འགྲོ་དོན་མཛད། །ཞི་བ་ཕྱོགས་གཅིག་ཤེས་བྱ་སྤྲོ། །ས་བཅུ་མཉམ་པར་སྦྱོང་བྱེད་ཅིང་། །བདེ་གཤེགས་འཁོར་ཡང་དག་པར་བྱེད། །དེ་ལྟར་སྒྲུབ་པའི་རིགས་མཆོག་དེ། །འབྲས་བུ་མངོན་དུ་མ་སྨིན་ཀྱང་། །སྡུག་བསྔལ་ཐམས་ཅད་ཡང་མི་འབྱུང་། །ལྷ་མི་མཚན་རྫོགས་ཡོངས་སུ་འགྲུབ། །ཐེག་པ་དམན་པར་ཡོང་མི་སྐྱེ། །བདེ་གཤེགས་འབྱུང་དང་སྐོལ་མི་འགྱུར། །བྱང་ཆུབ་གཟུངས་ལ་ཞུགས་པ་ཡིན། །ཞེས་ཉིད་ལ་ཉིད་གསུངས་སོ། །རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་རྡོ་རྗེ་སེམས་དཔའ་སྒྲུབ་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་དེ་བཞིན་གཤེགས་པ་དགྱེས་པ་ཆེན་པོ་སྒྱུ་འཕྲུལ་དྲ་བའི་རྒྱལ་པོ་སྒྱུར་བ་ཞེས་བྱ་བ་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །རྒྱུ་གཅིག་དང་ནི་ཡིག་འབྲུ་ཚུལ། །བྱིན་གྱི་བརླབས་དང་མངོན་སུམ་པར། །རབ་ཏུ་རྟོགས་པ་རྣམ་བཞི་ཡིས། །ཐམས་ཅད་མངོན་རྫོགས་རྒྱལ་པོ་ཆེ། །ཡན་ལག་དབང་པོ་རྣམ་ཤེས་ཀུན། །རྣམ་སྨིན་ཨོཾ་དུ་ཤེས་པར་བྱ། །རྫོགས་པའི་དཀྱིལ་འཁོར་ཉིད་དུ་བསྒོམ། །ཡང་ན་ཁྲོས་པའི་དཀྱིལ་འཁོར་བསྒོམ། །གཟུགས་སྒྲ་དྲི་རོ་རེག་ལ་སོགས། །རྣམ་སྨིན་མུྃ་དུ་ཤེས་པར་བྱ། །ཡུམ་གྱི་དཀྱིལ་འཁོར་ཉིད་དུ་བསྒོམ། །ཡང་ན་ཁྲོ་མོའི་དཀྱིལ་འཁོར་བསྒོམ། །གོས་རྒྱན་བཟའ་བཏུང་གླུ་དང་ཚིག །བྲོ་གར་ཚོགས་ཀྱི་སྤྲིན་ཕུང་ལ། །ཧཱུྃ་དུ་ཤེས་པས་རབ་སྤྱད་ན། །ངོ་མཚར་རྨད་དུ་བྱུང་བ་ཡི། །དཀྱིལ་འཁོར་མ་ལུས་མཉེས་པར་འགྱུར། །ལྷ་མོ་ཀླུ་མོ་རིགས་ངན་མོ། །དབྱེ་བའམ་ཡང་ན་མི་དབྱེ་བར། །བསྙེན་པ་དང་ནི་ཉེ་བསྙེན་པའི། །སྒྲུབ་པ་དང་ནི་སྒྲུབ་ཆེན་པོ། །ཡུམ་གྱི་ ― DNG011_Page_0340 ―
[མ་དཔེ་གཟིགས་ན་འདིར་གནོན།]
པདྨའི་དཀྱིལ་འཁོར་དུ། །བདེ་བའི་ཐུགས་ཀྱི་དཀྱིལ་འཁོར་སྤྲོ། །སངས་རྒྱས་སྤྲིན་ཚོགས་མ་ལུས་ལ། །དགྱེས་མཉམ་མཆོག་གི་སྦྱིན་པས་བསྡིམ། །གྲུབ་པའི་ཉི་ཟླ་སྙིང་པོ་དེ། །འགྲོ་དྲུག་དུས་གནས་དེ་དག་ཉིད། །མཆོད་པ་ཆེན་པོར་མཉེས་སྦྱར་ཞིང་། །དཀྱིལ་འཁོར་རྡོ་རྗེ་རྩེ་ཡིས་བླང་། །མཁའ་འགྲོ་གསལ་འབར་ཚེ་ལ་སོགས། །ཡིད་བཞིན་སྤྲིན་གྱི་བདག་པོར་འགྱུར། །ཞིང་འགྱུར་མཆོག་དང་མཆོག་ཕྲན་རྣམས། །ཉི་ཟླའི་དཀྱིལ་དུ་མཁས་པས་གཞག །ང་རྒྱལ་ལག་གིས་འདུ་བྱེད་བསྒོམ། །ཧཱུྃ་དུ་གྱུར་པས་རྣམ་པར་དག །དབྱིངས་སུ་ཐིམ་ནས་ཕྱག་རྒྱར་འབར། །སྐུར་འགྱུར་འོད་ཟེར་འཕྲོ་བས་བརྗིད། །གཙུག་ཏོར་རྣམ་པར་རྒྱལ་བ་བསྒོམ། །ངོ་མཚར་ངན་འགྲོ་ཐར་པའི་ཐབས། །ཡེ་ནས་སྐྱེ་མེད་དེ་བཞིན་ཉིད། །སྒྱུ་མ་སྣང་བ་མིག་ཡོར་ཚུལ། །སྦྱོར་སྒྲོལ་བྱ་བ་ཀུན་བྱས་ཀྱང་། །རྡུལ་ཆ་ཙམ་ཡང་བྱས་པ་མེད། །སྣོད་བཅུད་རྒྱུད་རྣམས་དག་རྟོགས་ཤིང་། །མཉམ་ཉིད་ལྷག་པའི་མཉམ་ཉིད་ཀྱིས། །དཀྱིལ་འཁོར་ཀུན་དུ་བཟང་པོའི་ཞིང་། །བྱེད་སྤྱོད་ཚོགས་ཆེན་གཉིས་གྱུར་ནས། །ཡན་ལག་མ་ཉམས་ཡོ་བྱད་ལྡན། །ཆོ་ག་རྫོགས་པར་ཤེས་པ་ཡི། །རྣལ་འབྱོར་ཚོགས་པའི་དཀྱིལ་འཁོར་གྱིས། །ངེས་པར་ལེགས་པའི་དགོས་པ་འགྲུབ། །ལྔ་ཞིང་ལྔ་དང་སྦྱོར་བ་ཡི། །ཚོམ་བུ་ལྔ་ཡི་ལྷ་བཀོད་ལ། །ཁྲོ་བོ་བཅུ་དང་ཁྲོ་མོ་བཅུ། །འཁོར་ལོའི་ཚུལ་དུ་རྣམ་པར་སྒོམ། །དེ་བཞིན་གཤེགས་དང་རྡོ་རྗེའི་རིགས། །པདྨའི་རིགས་དང་སྐུ་གསུང་ཐུགས། །ཁྲོ་བོའི་ཚོགས་དང་ལྡན་པ་ཡི། །ཚོམ་བུ་གསུམ་གྱི་ལྷ་རྣམས་བསྒོམ། །རིགས་ཀྱི་རིགས་ཏེ་རིགས་ཀྱི་གཙོ། །ཐུགས་ཀྱི་ཐུགས་ཏེ་ཐུགས་ཀྱི་མཆོག །ཁྲོ་བོའི་ཚོགས་དང་ལྡན་པ་ཡི། །ཚོམ་བུ་གཅིག་གི་ལྷ་རྣམས་བསྒོམ། །ཁྲོ་བོ་ཁྲོ་མོ་ཚོགས་ཆེན་དང་། །ཕོ་ཉ་ཕྱག་བརྙན་བཀའ་ཉན་ཚོགས། །ཅི་བགྱི་ལ་སོགས་པ་རྣམས་ཀྱིས། །དངོས་གྲུབ་ལས་རྣམས་རྫོགས་པར་བྱེད། །རྣལ་འབྱོར་སྔགས་འཆང་དངོས་གྲུབ་ན། །མཉམ་རྫོགས་ལྷུན་གྲུབ་ངང་གནས་ ― DNG011_Page_0341 ―
[མ་དཔེ་གཟིགས་ན་འདིར་གནོན།]
ཤིང་། །སྤྱོད་པ་ཅི་ལའང་ཐོགས་མེད་པའི། །ཐམས་ཅད་ཡེ་ནས་དབྱེར་མེད་པའི། །རྡོ་རྗེའི་རིགས་སུ་ཐམས་ཅད་དཀྱིལ། །འོད་འཕྲོ་འབར་བ་རབ་ཏུ་བསྒོམ། །ཆགས་མེད་ཚུལ་གྱིས་བསྡིམ་པར་བྱ། །གཉིས་མེད་གྱུར་ནས་ཕྱག་རྒྱ་ཆེ། །ཡང་ན་སྐུ་གསུང་ཐུགས་ཉིད་དེ། །ཐམས་ཅད་མ་ལུས་སྐུ་གསུང་ཐུགས། །ཏིང་འཛིན་གསལ་བར་འོད་ཟེར་འཕྲོ། །གཉིས་མེད་དབྱིངས་ཀྱི་ངང་དུ་ཐིམ། །རིག་འཛིན་དངོས་གྲུབ་མཆོག་ཐོབ་འགྱུར། །དཀྱིལ་འཁོར་མ་ལུས་འབར་བ་འགྲུབ། །ཉོན་མོངས་སྡུག་བསྔལ་སེལ་བར་བྱེད། །རྡོ་རྗེ་རིགས་སུ་བསྐྱེད་པའི་གནས། །སྔགས་འཆང་དངོས་གྲུབ་ཡང་དག་ནི། །ཐབས་དང་ཤེས་རབ་ཐམས་ཅད་ཀྱིས། །དཀྱིལ་འཁོར་ལྔ་དང་ཁྲོ་ཕྲེང་བསྒོམ། །ཆགས་པ་མེད་པའི་ཚུལ་གྱིས་ནི། །འོད་ཟེར་རྣམ་པ་མང་པོ་སྤྲོ། །གཉིས་སུ་མེད་པར་བསྡིམ་པར་བྱ། །དངོས་གྲུབ་མཆོག་གི་སྙིང་པོ་འགྲུབ། །རྣལ་འབྱོར་ཐབས་དང་ཤེས་རབ་ཀྱིས། །དེ་བཞིན་གཤེགས་དང་ཡུམ་དུ་བསྒོམ། །སེམས་དཔའ་སེམས་མ་ཉིད་དུ་བསྒོམ། །སོ་སོ་སྔགས་དང་ཕྱག་རྒྱ་དང་། །ཏིང་འཛིན་ཡང་དག་སོ་སོར་གསལ། །གནས་དང་ལོངས་སྤྱོད་ཅི་བདེ་དང་། །མ་ཉམས་བློ་ནི་རབ་ལྡན་པས། །དང་པོ་དམ་མནོས་བཞིན་དུ་བྱ། །ལེ་ལོ་སྒྱིད་སྙོམ་མེད་པ་ཡིས། །ཐེ་ཚོམ་མེད་པར་བསྒྲུབ་བྱས་ན། །དཀྱིལ་འཁོར་ཐམས་ཅད་འགྲུབ་པར་འགྱུར། །རྡོ་རྗེ་གསང་མཆོག་དམ་པ་ཐོབ། །སྒྲུབ་པའི་ཞག་དང་ཚེས་གྲངས་ནི། །རྒྱུད་ལས་སྨོས་པ་བཞིན་དུ་བྱ། །རྡོ་རྗེ་གསང་བའི་ཚིག་ཏུའོ། །ཞེས་དེ་བཞིན་གཤེགས་པ་ཉིད་ལ་དེ་བཞིན་གཤེགས་པ་ཉིད་ཆེད་དུ་བརྗོད་པ་འདི་བརྗོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཚོགས་ཀྱི་དཀྱིལ་འཁོར་གྱི་ལེའུ་སྟེ་ཉི་ཤུ་གསུམ་པའོ།། །།དེ་ནས་དེ་བཞིན་གཤེགས་པ་དགྱེས་པ་ཆེན་པོ་རོལ་མོའི་སྤྲིན་རྣམ་པར་སྤྲོས་ཏེ། རྒྱན་བཀོད་པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །སྒྱུ་འཕྲུལ་དྲ་བས་མངོན་ ― DNG011_Page_0342 ―
[མ་དཔེ་གཟིགས་ན་འདིར་གནོན།]
རྫོགས་པའི། །དཀྱིལ་འཁོར་བརྟེན་པའི་ཏིང་ངེ་འཛིན། །བྲོ་གར་ཕྱག་རྒྱའི་འདུ་འཕྲོ་ཡིས། །འཛུལ་ལམ་ནམ་མཁར་འགྲོ་བར་འགྱུར། །གླུ་ཚིག་སྒྲ་ཡི་ཕྱག་རྒྱ་ཡིས། །ཆོས་ཀྱི་དངོས་གྲུབ་ཐོབ་པར་འགྱུར། །རྒྱན་དང་བགོ་བའི་ཕྱག་རྒྱ་ཡིས། །འབར་བའི་རྒྱལ་པོ་ཐོགས་མེད་འགྲུབ། །བཟའ་དང་བཏུང་བའི་ཕྱག་རྒྱས་ནི། །ཡིད་བཞིན་སྐུ་དང་བདུད་རྩིར་འགྲུབ། །ཨཱ་ལི་ཀཱ་ལིའི་ཕྱག་རྒྱ་ཡིས། །སྐུ་གསུང་མཆོག་གི་ཐུགས་ལྡན་པས། །ཐམས་ཅད་ཐམས་ཅད་འགྲུབ་པར་འགྱུར། །ཤེས་འཇུག་མཚན་ཉིད་འབྱོར་པའི་གཟུངས། །འབྲས་བུ་སྨིན་བྱེད་རྒྱུ་དང་རྐྱེན། །ནུས་མཐུ་ཅན་དུ་གང་གྱུར་པ། །རིག་འཛིན་རྒྱལ་བའི་ཞིང་དུ་གྲགས། །མི་དང་ལྷ་དང་ཚངས་པ་ཡི། །སྐྱེ་བ་རྣམ་དག་འཛིན་མོད་ཀྱི། །ཁྱད་པར་ས་ལ་གནས་གྱུར་ཡིན། །ཕ་རོལ་ཕྱིན་པ་ཀུན་དུ་རྫོགས། །ཐབས་དང་ཤེས་རབ་མཆོག་གི་མཆོག་གྱུར་པའི། །ས་ཡི་ཁྱད་པར་བཅུ་དང་གསུམ། །རྒྱུ་འབྲས་ཁྱད་པར་ལྷུན་གྱིས་རྫོགས། །མཁའ་དབྱིངས་དང་བའི་དབྱིངས་ཉི་ཟླ། །ཡེ་ཤེས་རྒྱལ་པོ་སྟངས་དཔྱལ་སྒོམ། །རྒྱལ་བའི་དཀྱིལ་འཁོར་ཐམས་ཅད་ཀུན། །མ་ལུས་པར་ནི་བསྒོམས་པར་འགྱུར། །དུས་བཞི་ཕྱོགས་བཅུ་གང་ནས་ཀྱང་། །རྫོགས་པའི་སངས་རྒྱས་རྙེད་མི་འགྱུར། །སེམས་ཉིད་རྫོགས་པའི་སངས་རྒྱས་ཏེ། །སངས་རྒྱས་གཞན་དུ་མ་ཚོལ་ཅིག །དཀྱིལ་འཁོར་ཀུན་དུ་རབ་སྦྱོར་བས། །དཀྱིལ་འཁོར་ཐམས་ཅད་གྲུབ་པར་འགྱུར། །ཆོ་ག་ལྷག་གམ་མ་ཚང་ན། །སྐྱོན་ཉིད་དག་སྟེ་ཉེས་པ་མེད་ཅེས་ཆེད་དུ་བརྗོད་པས་རོལ་མོའི་སྤྲིན་གྱིས་མཉེས་པར་གྱུར་ཏོ། །རོལ་མོའི་སྤྲིན་གྱིས་མཉེས་པར་གྱུར་ཏེ། སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་རྡོ་རྗེ་གསང་བའི་ཚིག་འདི་ཕྱུང་ངོ་། །ཨ་ཧོཿ། མ་མཐོང་རྨོངས་ལ་ཆགས་པ་ཡིས། །ཆོས་རྣམས་མིང་དུ་བཏགས་པ་ཙམ། །འགྲོ་དྲུག་དུས་གནས་མིང་ཚོགས་ཁྱད་པར་རབ་སྣང་བའི། །ཟབ་ཆེན་སྤྱོད་ཡུལ་ལོག་པར་རྟོགས་བཏགས་མིང་ཙམ་པ། །ཨཱ་ལི་ཀཱ་ལི་ལ་སོགས་འདོད་པའི་ ― DNG011_Page_0343 ―
[མ་དཔེ་གཟིགས་ན་འདིར་གནོན།]
སྙིང་པོ་ཉིད། །ཕྱག་རྒྱ་གླུ་ཚིག་སྐུ་གསུང་ཐུགས། །ཐུགས་ཀྱི་ཐུགས་ཆེན་ཡོན་ཏན་རྫོགས་པའི་སངས་རྒྱས་ནི། །ཉིད་དེ་མཉམ་པའི་ཐུགས་སུ་རབ་ཏུ་གསལ། །མཉམ་ཉིད་ཁྱབ་པའི་སྟངས་དཔྱལ་ཡོན་ཏན་མཆོག་སྟེ་སྔགས་ཀྱི་ཕྲིན་ལས་རྫོགས། །རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཚོགས་སྒྲུབ་པའི་ལེའུ་སྟེ་ཉི་ཤུ་བཞི་པའོ།། །།དེ་ནས་དེ་བཞིན་གཤེགས་པ་ཕྱོགས་བཅུ་དུས་བཞིའི་སྐུ་གསུང་ཐུགས་རྡོ་རྗེའི་དཀྱིལ་འཁོར་ཐམས་ཅད་གཅིག་ཏུ་འདུས་ནས་དགྱེས་པ་ཆེན་པོས་ཆོས་ཐམས་ཅད་ཡེ་ནས་རྫོགས་པ་ཆེན་པོར་ལྷུན་གྱིས་གྲུབ་པའི་དམ་ཚིག་ཤིན་ཏུ་གསང་བའི་སྙིང་པོའི་སྤྲིན་བཀོད་པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །མ་རྟོགས་པ་དང་ལོག་པར་རྟོགས། །ཕྱོགས་རྟོགས་ཡང་དག་ཉིད་མ་རྟོགས། །འདུལ་བ་དགོངས་པ་གསང་བ་དང་། །རང་བཞིན་གསང་བའི་དོན་རྣམས་ནི། །ཡི་གེ་སྒྲོ་བཏགས་མིང་ཚོགས་ལ། །བརྟེན་པའི་ཚིག་གིས་རབ་མཚོན་ཏེ། །ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེ་ཐུགས་ལ་གནས། །དཀྱིལ་འཁོར་ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག །གསང་བའི་ཐིག་ལེ་དཀྱིལ་འཁོར་དབྱིངས། །སྐུ་གསུང་ཐུགས་རིག་ཀུན་མངའ་བའི། །བདེར་གཤེགས་ཀུན་གྱི་སྙིང་པོ་རྫོགས། །འབྱུང་བ་ཤེས་རབ་རིགས་ཀྱི་ཡུམ། །ཆེན་པོ་རིགས་ཀྱི་དེ་བཞིན་ཏེ། །བྱང་ཆུབ་སེམས་ནི་རྡོ་རྗེ་ཚོགས། །དབང་པོ་ཡུལ་དུས་རིག་པའི་རྣམས། །ཀུན་དུ་བཟང་པོའི་དཀྱིལ་འཁོར་ལ། །བདག་ཉིད་ཆེན་པོ་ལྷག་པ་ཡི། །ཐུགས་ཀྱི་ཡེ་ཤེས་ལྔས་ལྟ་ཞིང་། །སྙིང་པོ་ཐིག་ལེ་མཉམ་སྦྱོར་བས། །བདེ་བའི་ཡེ་ཤེས་རོལ་མོ་ཡིས། །ཡེ་ཤེས་དགྱེས་ལ་མཉེས་པར་དབུལ། །ཟག་པ་མེད་པའི་བསོད་ནམས་ཀྱིས། །ཡེ་ཤེས་སྒྱུ་མ་རང་སྣང་བ། །རོལ་མོའི་དཀྱིལ་འཁོར་ ― DNG011_Page_0344 ―
[མ་དཔེ་གཟིགས་ན་འདིར་གནོན།]
མཐའ་ཡས་མཆོག །གསང་བའི་ཐིག་ལེ་ཉིད་ཀྱི་དབྱིངས། །དེ་ནི་སངས་རྒྱས་ཀུན་གྱི་དངོས། །ཕྱོགས་བཅུ་དུས་བཞི་མངོན་རྫོགས་པའི། །སྐུ་གསུང་ཡོན་ཏན་ཕྲིན་ལས་ཐུགས། །མ་ལུས་བདག་ཉིད་ཞལ་མཐོང་བ། །དབང་སྒྱུར་མཆོག་ཉིད་དམ་པ་ཡིན། །དཀྱིལ་འཁོར་ལ་གནས་དཀྱིལ་འཁོར་ཉིད། །རྫོགས་པའི་དཀྱིལ་འཁོར་ལྷུན་གྱིས་གྲུབ། །རྒྱུན་དུ་དཀྱིལ་འཁོར་མ་ལུས་ཐོགས། །རྫོགས་པའི་དཀྱིལ་འཁོར་མཉམ་སྦྱོར་ལས། །ཐུགས་ཀྱི་དཀྱིལ་འཁོར་ཡོངས་ཀྱིས་འབྱུང་། །ཕྱོགས་དུས་དཀྱིལ་འཁོར་འདུལ་བའི་མགོན། །སྒྱུ་མའི་དཀྱིལ་འཁོར་སྒྲོལ་བ་ཡིས། །བྱ་བྱེད་མེད་པར་དཀྱིལ་འཁོར་སྤྱོད། །ཡེ་ཤེས་རྫོགས་པའི་དཀྱིལ་འཁོར་ལ། །ཐོས་བསམ་བསྒོམ་པའི་མཉམ་སྦྱོར་གྱིས། །རང་བྱུང་ཀུན་ནས་ལྷུན་གྱིས་གྲུབ། །འདི་ནི་སངས་རྒྱས་ཐམས་ཅད་ཀྱིས། །འདའ་བར་མི་མཛད་དམ་ཚིག་མཆོག །གང་ཞིག་འདི་ལ་མོས་གྱུར་པ། །སངས་རྒྱས་དཀྱིལ་འཁོར་ཐམས་ཅད་ཀྱིས། །ཕྱོགས་དུས་ཀུན་ནས་ཐམས་ཅད་དུ། །དཀྱིལ་འཁོར་མ་ལུས་བསྙེན་པ་ཡིས། །ཉེ་བའི་སྲས་སུ་དགོངས་པར་འགྱུར། །བསྐལ་པ་ཞིང་གི་རྡུལ་སྙེད་དུ། །ཤིན་ཏུ་སྦྱངས་ལ་རབ་གནས་ཤིང་། །དཀྱིལ་འཁོར་མ་ལུས་བསྙེན་པ་ཡི། །འབྲས་བུ་གསང་ཆེན་འདི་ཡིན་ཏེ། །འཇིག་རྟེན་དྲུག་གི་ཕྱོགས་བཅུ་ན། །འདས་དང་ད་ལྟར་བྱུང་བ་ཡི། །རྒྱལ་བའི་དཀྱིལ་འཁོར་མ་ལུས་པས། །བརྙེས་པས་སྐུ་ལྔ་ལྷུན་གྱིས་རྫོགས། །འབྱུང་དང་མ་འོངས་ཐམས་ཅད་ཀུན། །འདི་ཡིས་ལྷུན་གྱིས་གྲུབ་པར་འགྱུར། །འདི་ནི་གསང་ཆེན་ངེས་པ་ཡི། །འབྲས་བུ་ལམ་དུ་གྱུར་པ་ཡིན། །རྒྱལ་བའི་དཀྱིལ་འཁོར་མ་ལུས་ལ། །འདི་ཡིས་གསང་བའི་ངེས་དོན་མེད། །བཙལ་ཀྱང་རྒྱལ་བས་མི་རྙེད་དོ། །ཀུན་གྱི་ཕྱག་རྒྱ་ཆེན་པོ་མཆོག །ཐོས་བསམས་བསྒོམས་ལ་རབ་སྦྱངས་པའི། །ཤེས་རབ་མིག་ལྡན་རྣམས་ཀྱིས་གཟུང་། །སྣོད་ལྡན་ངང་ཚུལ་བཟང་ལ་བརྟན། །ལུས་དང་ལོངས་སྤྱོད་གཏོང་ལ་ ― DNG011_Page_0345 ―
[མ་དཔེ་གཟིགས་ན་འདིར་གནོན།]
སྦྱིན། །གཞན་དུ་ནམ་ཡང་སྦྱིན་མི་བྱ། །རྨོངས་ལ་འཕྱར་བས་གལ་ཏེ་སྦྱིན། །དུས་མིན་བར་ནི་སྲོག་ཟད་ནས། །བསྲེགས་དང་སྦྲེབས་པར་ཡུན་རིང་གནས། །ཞེས་དེ་བཞིན་གཤེགས་པ་ཉིད་ལ་ཆེད་དུ་བརྗོད་དོ། །དཀྱིལ་འཁོར་ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་ཏུ་གསང་བ་མན་ངག་གི་སྙིང་པོའི་ལེའུ་སྟེ་ཉི་ཤུ་ལྔ་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་དགྱེས་པ་ཆེན་པོའི་ངང་ལས་གསང་བ་འབྱུང་བ་བྱ་བ་འདི་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཐམས་ཅད་མ་ལུས་དུས་གསུམ་བདེར་གཤེགས་མཆོག །གདོད་ནས་མ་སྐྱེས་རྣམ་དག་བྱང་ཆུབ་སེམས། །རང་བཞིན་དབྱེར་མེད་གདོད་མཐའ་མི་འབྱེད་ཅིང་། །ཡེ་ནས་མཉམ་པས་རྒྱལ་བ་རྒྱ་མཚོ་ཡིན། །འགྲོ་འོང་མེད་པར་དུས་གསུམ་ཅིག་ཆར་རྫོགས། །དབྱེ་བསལ་མེད་ཕྱིར་བཟང་ངན་བླང་དོར་མེད། །རྣམ་རྟོག་ཉིད་ན་ཡེ་ཤེས་རང་བཞིན་ཏེ། །རྣམ་རྟོག་མི་སྐྱེད་ཡེ་ཤེས་བརྗོད་དུ་མེད། །བདག་ཏུ་མེད་པའི་སྐྱེས་མཆོག་སྔོན་སྦྱངས་པ། །ཁྲི་ལ་འགའ་ཙམ་གལ་ཏེ་འབྱུང་འགྱུར་ཞིང་། །སྔ་རབས་ཕྱིས་འབྱུང་དག་དང་དབྱེར་མེད་པའི། །མངོན་སུམ་སངས་རྒྱས་སྐྱེས་མཆོག་དེ་དག་ལ། །བསྐལ་པ་འགའ་ནས་ཤེས་རབ་བློ་སྦྱངས་པ། །དད་ལྡན་འགའ་ཡིས་འཚམ་པར་ཅི་ཐེག་གི། །བདག་ཉིད་མ་མཐོང་ཤེས་རྒྱུད་མ་འབྱོངས་པ། །གཞན་དུ་ཚོལ་ཞིང་རྨོངས་པའི་སེམས་ཅན་གྱིས། །བསྟན་ཀྱང་མ་ཐོས་མཚོན་ཀྱང་མ་མཐོང་བ། །བདག་ཅག་གཞན་དུ་ཚོལ་བས་སངས་མི་རྒྱས། །དེ་དང་མ་བྲལ་སྟོན་པ་མི་མཐོང་ཞིང་། །བགྲོད་པར་འདོད་པས་ཕྱིན་པར་མི་ནུས་ཏེ། །ཤེས་རྒྱུད་ཅི་ཡིན་གང་གིས་ངོ་ཤེས་ཤིང་། །བྱ་བྱེད་ལས་འཕགས་གྱི་ནར་འདུག་བྱེད་པ། །གང་ཞིག་བློ་ལ་དཔྱོད་པ་བྱང་ཆུབ་ཐོབ། །མ་སྤངས་མཚན་མ་ཀུན་བྲལ་ཡོད་མེད་པས། །དྲན་བྱེད་མི་སྤོང་འཁོར་རྒྱུན་མི་འབྱེད་ ― DNG011_Page_0346 ―
[མ་དཔེ་གཟིགས་ན་འདིར་གནོན།]
དེ། །མ་སྙིགས་མི་འབྱེད་མངོན་སུམ་སངས་རྒྱས་ལ། །བློ་ཡི་རིག་པས་དཔྱོད་ཅིང་ནན་ཏན་དང་། །མཆོད་ཅིང་བསྟེན་པས་བྱང་ཆུབ་ཐོབ་མངོན་ཏེ། །ནམ་མཁའ་གཟུང་བས་སྤྲིན་གྱིས་ཁེབས་པར་འགྱུར། །ནམ་མཁའ་མེད་པར་གང་གིས་ཤེས་པ་ན། །སྤྲིན་ཞིག་འབྱུང་ཞིང་ཁེབས་པར་མི་སྲིད་དོ། །རྣམ་པར་རྟོག་པའི་གཡུང་དྲུང་སངས་རྒྱས་ལ། །ཐམས་ཅད་ཡེ་ནས་མཉམ་གནས་རྣམ་དག་ཅིང་། །མི་རྟོག་ས་ལེར་གནས་ལ་རྟོག་པ་མཛད། །བསྙད་དུ་མེད་པས་སྣ་ཚོགས་འབྱུང་བ་ཡིན། །བདག་མེད་བདག་ཆེན་ཐམས་ཅད་འབྱུང་བའི་གཏེར། །མ་བཀག་པ་ལས་རྒྱུ་ཞིང་འབྱུང་མེད་པའི། །ཐམས་ཅད་སེམས་ཀྱི་ངང་སྟེ་སེམས་ཞེས་གདགས་སུ་མེད། །མ་བཅོས་ལྷུན་གནས་ཡེ་ནས་བྱང་ཆུབ་ཅིང་། །ཐོབ་རྒྱུ་མེད་པས་ཡེ་ནས་བདེར་གཤེགས་ཡིན། །ཞེས་བརྗོད་པས་ཆོས་དང་ཡེ་ཤེས་ཀྱི་ཁམས་ཐམས་ཅད་རང་བཞིན་སངས་རྒྱས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ། །མཁྱེན་ནས་ཇི་བཞིན་པའི་བདག་ཉིད་ཆེན་པོ་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་སྒྱུ་འཕྲུལ་དྲ་བ་ལས་རྡོ་རྗེ་གསང་བའི་ཚིག་འདི་ཕྱུང་ངོ་། །ཨེ་མའོ་མ་བསྒྲུབས་གྲུབ་ཆེན་པོ། །གྲུབ་པ་ཆེན་པོ་ཡེ་ཤེས་ཆེ། །བླང་དོར་མེད་པའི་ས་ཆེན་པོ། །མི་གཡོ་འདུ་འབྲལ་མེད་པའི་གཟུངས། །རྟོག་པའི་ཡེ་ཤེས་ཡིད་བཞིན་གཏེར། །ཐམས་ཅད་ལ་ཡང་མེ་ལོང་བཞིན། །བལྟས་ཀྱང་གཟུགས་བརྙན་མི་སྣང་ངོ་། །གང་ན་གསང་ཆེན་འདི་ཡོད་པར། །མེ་མ་མུར་གྱི་དོང་འབོགས་ལ། །སྤུ་གྲི་སོ་ནི་གཏམས་པ་ལ། །འཛེགས་ནས་བུ་དག་འགྲོ་བར་བྱོས། །ཁོང་ན་གནས་པའི་ཡང་ཁོང་དུ། །ལྕགས་ཀྱི་སྒྲོམ་བུ་ཁ་བསྡམ་མོ། །དབྱིངས་ཉིད་ལ་ནི་ཉིད་སྤྱོད་ཕྱིར། །དབྱིངས་ཉིད་མཆོག་གི་གནས་ལ་སྤྱོད། །དེ་ཉིད་མི་གནས་མྱ་ངན་འདས། །རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་གསང་བ་ཆེན་པོ་མན་ངག་གཏན་ལ་ཕབ་པའི་ལེའུ་སྟེ་ཉི་ཤུ་དྲུག་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན་པོས་མཉམ་པའི་ ― DNG011_Page_0347 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ལ་བཞུགས་ནས་ཉིད་ཀྱི་སྐུ་ལ་ཐམས་ཅད་མ་ལུས་པར་སྟོན་ཏེ་ཆེད་དུ་བརྗོད་པ་འདི་བརྗོད་དོ། །འདས་དང་ད་ལྟར་མ་འོངས་དང་། །འབྱུང་བར་མ་ངེས་དུས་འདི་དག །སྔ་ཕྱི་མེད་པར་མཉམ་ཡིན་པར། །ངེས་པ་མེད་པར་ཡང་དག་གསུངས། །འཇིག་རྟེན་འདས་དང་འཇིག་རྟེན་པའི། །རང་དང་སྤྱི་རུ་བསྟན་པ་དང་། །ཇི་སྙེད་བརྟན་གཡོ་ལ་སོགས་པ། །སྒྱུ་མ་མིག་ཡོར་ཚུལ་ཡིན་ཏེ། །སྐྱེས་བུ་བློ་རྩལ་རབ་ལྡན་པས། །དེ་ལ་རྟག་ཏུ་མཉམ་སྦྱོར་ཞིང་། །སེམས་ཅན་ཀུན་གྱི་ཞིང་གྱུར་པ། །དེ་དག་གཉིས་མེད་དབྱིངས་སུ་སྦྱོར། །ཐམས་ཅད་ཐབས་ཀྱི་མཚན་ཉིད་དེ། །ཐབས་ལ་ཐབས་ནི་རྣམ་པར་སྦྱོར། །ཐབས་དང་ཐབས་ལས་བྱུང་བ་ཡི། །དེ་ནི་བྱང་ཆུབ་རྡོ་རྗེ་མཆོག །ཇི་སྙེད་བརྗོད་པའི་ཁ་བརྒྱུད་ཀྱང་། །ཡང་དག་དོན་གྱི་སྙིང་པོ་ནི། །གང་ནས་བཙལ་ཀྱང་མི་རྙེད་དེ། །རང་རིག་སྒྲིབ་མེད་དག་པ་ཡིན། །དེ་ལ་རྟག་འགྲུས་གོམས་པ་ནི། །བསྙེན་པའི་དམ་པ་དེ་ཡིན་ཏེ། །དེ་ནི་མ་ནོར་ལམ་ཡིན་པར། །ཨ་ཡིས་བྷོ་དྷི་རབ་ཏུ་བསྡུས། །དེ་བཞིན་ཉིད་ཀྱི་དབྱིངས་ཉིད་ནི། །གཅིག་གམ་འདི་ཞེས་བརྗོད་དུ་མེད། །གསུམ་དུ་སྣ་ཚོགས་འབྱུང་ཞིང་འཕྲོ། །བྱིན་བརླབས་བསམ་ཡས་མཐའ་ཡས་མཆོག །དོན་བསྡུས་གསུང་རབ་བཞི་བཅུ་གཉིས། །དེ་ལས་ལྷག་པའི་དོན་སྨྲ་བ། །དེ་ནི་རྣམ་དག་ལམ་མིན་ཏེ། །རང་བློས་བསམ་པའི་འཁྲུལ་པ་ཡིན། །ཐམས་ཅད་རང་རིག་བྱང་ཆུབ་སེམས། །དེ་ནི་ལུང་གི་ཚད་མར་བཤད། །ཚད་བཞིས་ཕབ་པའི་དོན་ཡིན་ཏེ། །དག་པ་རྣམ་གསུམ་ཚུལ་བསྒོམ་ཞིང་། །འབྲུ་ལྔར་བསྡུས་པ་ཐབས་ཆེན་ཏེ། །འགྲོ་བ་ཀུན་ལ་རང་རིག་གནས། །བྱ་བ་མེད་ལ་བྱས་པ་མེད། །ཟད་པའི་དུས་མེད་ཡིད་བཞིན་གཏེར། །བུམ་པ་བཟང་དང་ཡིད་བཞིན་མཛོད། །ཟ་མ་ཏོག་དང་ཡིད་བཞིན་རྒྱལ། །གཞན་ནས་ཡོད་འོང་མ་ཡིན་ཏེ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བསྙེན་པའི་ལེའུ་སྟེ་ཉི་ཤུ་བདུན་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་བདག་པོ་སངས་རྒྱས་ ― DNG011_Page_0348 ―
[མ་དཔེ་གཟིགས་ན་འདིར་གནོན།]
ཐམས་ཅད་ཀྱི་ངོ་བོ་ཉིད་ཀྱིས་ཁྲོ་བོའི་དཀྱིལ་འཁོར་དུ་མངོན་པར་འདུ་མཛད་དེ། དེ་ཅིའི་ཕྱིར་ཞེ་ན། བདག་ཏུ་རྨོངས་པའི་རྟོགས་པས་བརྟགས་པ་ལ་མངོན་པར་ཞེན་པ་དང་ཡང་དག་པའི་ལམ་དང་བྲལ་བ་དག་གབ་པའི་གསང་བ་མ་རྟོགས་པར་སྦས་པའི་གསང་བ་ལ་མངོན་པར་འཆེལ་ནས་རྒྱུ་དང་འབྲས་བུ་ལ་རྨོངས་པས། སྲིད་པའི་ས་བོན་རྩུབ་མོས་འཕངས་ནས་མཚམས་མེད་པའི་རབ་ཏུ་ཚ་བའི་དམྱལ་བར་སྐྱེས་སོ། །དེ་རབ་ཏུ་ཚ་བའི་སྡུག་བསྔལ་དྲག་པོས་གདུངས་པ་དང་འདོད་པས་གདུངས་ནས་འདི་བས་ཤིན་ཏུ་གྲང་ཡང་ཅི་མ་རུང་སྙམ་པའི་མོད་ལ་རབ་ཏུ་སྦྲེབས་པ་པདྨ་ལྟར་གས་པའི་སྡུག་བསྔལ་དྲག་པོ་དག་གིས་རབ་ཏུ་ཉེན་པ་དེ་ལྟ་བུའི་སྡུག་བསྔལ་རབ་ཏུ་ཚ་བ་ལ་སོགས་པ་བརྒྱད་དང་། ཤིན་ཏུ་གྲང་བ་ལ་སོགས་པ་བརྒྱད་པོ་དག་ཏུ་འཇིག་རྟེན་གྱི་ཁམས་བརྒྱུད་ཅིང་བསྐལ་པ་ཆེན་པོ་སྟོང་ཕྲག་བཅུ་གཉིས་སུ་མྱོང་ངོ་། །དེ་ནས་རྣམ་པར་སྨིན་པ་དེ་ཟད་པ་དང་ཡི་དྭགས་ལྟོགས་པ་དང་སྐོམ་པའི་སྡུག་བསྔལ་གྱིས་ཉེན་པ་དང་། འདོད་པའི་དངོས་པོ་རྣམས་ཡིད་དུ་མི་འོང་བ་དང་། གདུག་ཅིང་རྩུབ་པའི་དངོས་པོ་སྣ་ཚོགས་སུ་འགྱུར་བ་དང་། ཡོད་མེད་པར་ཡང་འགྱུར་ཞིང་ཤིན་ཏུ་རིད་ཅིང་སྐམས་པ་དང་། ལུས་དང་ཡན་ལག་དང་དབང་པོ་མི་འཚམ་པར་གྱུར་པ་དང་། བསྐལ་པ་ཆེན་པོ་དྲུག་ཏུ་སྐྱེས་སོ། །དེ་ནས་ལས་ཀྱི་སྒྲིབ་པ་རྩུབ་མོའི་རྣམ་པར་སྨིན་པ་དེ་ཁད་ཀྱིས་བསྲབས་པ་དང་སྔོན་གྱི་སྲིད་པས་མཚམས་སྦྱར་ནས་ཡི་དྭགས་སྲིན་པོ་ཆེན་པོ་རབ་ཏུ་གདུག་པ་གཏུམ་པོ་ལུས་གཅིག་ལ་མགོ་བརྒྱ་པ་དང་། མགོ་སྣ་ཚོགས་པ་དང་། ལུས་བརྒྱ་མགོ་གཅིག་པ་དང་། ལུས་སྣ་ཚོགས་པ་དང་། ཡན་ལག་མང་པོ་དང་། ཡན་ལག་སྣ་ཚོགས་དང་། གདུག་པའི་ལག་ཆ་སྣ་ཚོགས་པ་ཐོགས་པ་འཁོར་རབ་ཏུ་མང་པོ་དང་། འཇིགས་པའི་གཟུགས་སྣ་ཚོགས་དང་། འཇིགས་པའི་ང་རོ་སྣ་ཚོགས་སྒྲོགས་པ། གཟུགས་དང་། རོ་དང་། དྲི་དང་། ཁ་རླངས་ཀྱིས་ཐམས་ཅད་སྐྱི་བུང་ཞེས་བྱེད་པ། རབ་ཏུ་འཇིགས་པའི་རླུང་གྲང་བ་དང་ཚ་བའི་དབུགས་ ― DNG011_Page_0349 ―
[མ་དཔེ་གཟིགས་ན་འདིར་གནོན།]
ཀྱིས་ཕྱོགས་ཀུན་དུ་ཁམས་འཁྲུགས་པར་བྱེད་པ། ནད་བཞི་བརྒྱ་རྩ་བཞིས་འདེབས་པར་བྱེད་པ། མྱོས་ཤིང་ཉམས་པར་བྱེད་པའི་མཐུས་ཀླུའི་རིས་དང་། ལྷ་མ་ཡིན་གྱི་རིས་དང་། ལྷའི་རིས་དང་། ཚངས་པའི་རིས་དང་། འོད་གསལ་དང་། དགེ་རྒྱས་དང་། འབྲས་བུ་ཆེ་མན་ཅད་དབང་དུ་བསྡུས་སོ། །དེ་སྔོན་གྱི་རྟེན་པའི་སྟོབས་དང་ཐམས་ཅད་མཁྱེན་པས་གཟིགས་ནས་ཐུགས་རྗེས་འདུལ་བར་གྱུར་ཏེ་ཐམས་ཅད་ཀྱིས་མཚན་ཉིད་བསྟན་པའི་གླུ་འདི་བླངས་སོ། །ཨེ་མའོ་འགྲོ་བ་ཡོངས་ནི་བདེར་གཤེགས་ལམ་ཡིན་ཏེ། །སྡུག་བསྔལ་སྲེག་མཛད་སྒྱུ་མའི་སྤྲུལ་པར་སྣང་། །ཡོན་ཏན་རྨད་འབྱུང་ཆེ་བའི་རང་བཞིན་འདི། །སྡུག་བསྔལ་ཀུན་ལ་བཤེས་གཉེན་མགོན་པོ་ཡིན། །རྨོངས་དང་འཁྲུལ་པ་རབ་སེལ་ཞེ་སྡང་འཇོམས། །ཀུན་འབྱུང་བདེ་བ་རྡོ་རྗེ་སྐུ་མཆོག་སྟེ། །རྫོགས་ལྡན་མཛད་པའི་ཕྲིན་ལས་བསམ་ཡས་པས། །ཐུགས་རྗེ་ཆེན་པོའི་དབང་གིས་བདུད་རྣམས་འཇོམས། །སྐུ་མདོག་སྣ་ཚོགས་ཐབས་མཁས་བསམ་ཡས་ལ། །རོལ་པའི་རྩེད་མོར་འགྲོ་བའི་དོན་མཛད་ཅིང་། །བྱང་ཆུབ་སེམས་ཀྱིས་ལམ་ལ་གནས་པར་མཛད། །འགྲོ་བ་ཀུན་ལས་བདེ་བ་གཅིག་པུ་པ། །ཨ་ཧོཿ། དགྱེས་པའི་མཉེས་པ་ཉིད་ལ་གནས་པར་མཛད། །བྱིན་བརླབས་ཀུན་གྱིས་བདེ་བ་ཉིད་ལ་སྣང་། །ཞེས་བརྗོད་པས་དེ་བཞིན་གཤེགས་པ་ཉིད་ལ་ཀུན་ལས་རྣམ་པར་རྒྱལ་བ་ཉིད་དུ་མཁྱེན་ནས་མཉེས་པར་གྱུར་ཏོ། །དེ་ནས་དེ་བཞིན་གཤེགས་པ་ཆེ་བའི་རྡོ་རྗེ་བཀོད་པའི་སྒྱུ་འཕྲུལ་དྲ་བ་ལས་འཇིག་རྟེན་དྲུག་གི་ཕྱོགས་བཅུའི་སྲིད་པ་གསུམ་གྱི་བདག་པོ་འདུལ་བའི་ང་རྒྱལ་ཆེན་པོ་གཟི་བརྗིད་སྟོན་པའི་ཕྱིར་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་བདག་པོ་བཅོམ་ལྡན་འདས་དགྱེས་པ་ཆེན་པོ་ཁྲོ་བོའི་རྒྱལ་པོའི་དཀྱིལ་འཁོར་གྱི་སྤྲིན་ཆེན་པོ་རྣམ་པར་འཕྲོ་བའི་སྒྱུ་འཕྲུལ་དྲ་བའི་རྒྱལ་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་ཉིད་ཀྱི་དབྱིངས་ནས་ཁྲོ་མོའི་དབང་ཕྱུག་ཆེན་མོ་མངོན་དུ་ཕྱུང་སྟེ་ཧི་ཧི་ཞེས་དགྱེས་པའི་གཟི་མདངས་ཀྱིས་པདྨ་རྒྱས་པར་མཛད་ནས་གཉིས་སུ་མེད་པར་ ― DNG011_Page_0350 ―
[མ་དཔེ་གཟིགས་ན་འདིར་གནོན།]
འཁྱིལ་པའི་དགྱེས་པས་ཐིམ་ནས་བྱང་ཆུབ་སེམས་ཀྱི་སྤྲིན་ལས། ཧཱུྃ་ཧཱུྃ་ཧཱུྃ་བི་ཤྭ་བཛྲ་ཀྲོ་དྷ་ཛྭ་ལ་ན་མཎྜ་ལ་ཕཊ་ཕཊ་ཕཊ་ཧ་ལ་ཧ་ལ་ཧ་ལ་ཧཱུྃ་ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་ཐམས་ཅད་ཁྱབ་པར་ཁྲོ་བོའི་དཀྱིལ་འཁོར་གྱི་ཚོགས་སྟོང་གསུམ་གྱི་འཇིག་རྟེན་ཙམ་ཕྱོགས་བཅུའི་རྡུལ་ཕྲ་མོ་སྙེད་འཐོན་པར་གྱུར་པས། འཇིག་རྟེན་དྲུག་གི་ཕྱོགས་བཅུ་ཐམས་ཅད་གཡོས། རབ་ཏུ་གཡོས་ཀུན་དུ་རབ་ཏུ་གཡོས། འུར་འུར་རབ་ཏུ་འུར་འུར། ཀུན་དུ་རབ་ཏུ་འུར་འུར། ཆེམ་ཆེམ་རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ་མོ། །ཤིག་ཤིག་རབ་ཏུ་ཤིག་ཤིག །ཀུན་དུ་ཤིག་ཤིག་གོ། །གཏོར་གཏོར་རབ་ཏུ་གཏོར་གཏོར། ཀུན་དུ་གཏོར་གཏོར་རོ། །འཇིག་རྟེན་དྲུག་གི་ཕྱོགས་བཅུའི་སྟོང་ཁམས་ཐམས་ཅད་ན་གནས་པའི་དབང་ཆེ་བ་དང་མཐུ་ཆེ་བའི་དབང་ཕྱུག་ཆེན་པོ་ལ་སོགས་པ་ཐམས་ཅད་བརྒྱལ་རབ་ཏུ་བརྒྱལ་བར་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཉིད་འཇིགས་བྱེད་ཆེན་པོ་ཤིན་ཏུ་རྔམ་པའི་སྐྱི་བུང་ཞེས་བྱེད་པའི་འབར་བ་ཆེན་པོ་ཁྲག་འཐུང་སྐུ་སྨུག་གནག་ཅིར་ཡང་འགྱུར་བ་དབུ་དང་ཕྱག་དང་ཞབས་སྟོང་ཁམས་ཀྱི་རྡུལ་སྙེད་མཚོན་ཆ་སྣ་ཚོགས་འཛིན་པ་དེ་དབུ་གསུམ་ཕྱག་དྲུག་ཞབས་བཞིར་གྱུར་ཏེ། དུར་ཁྲོད་ཆེན་པོར་དགྱེས་ནས་ཁྲག་གི་རྒྱ་མཚོའི་དཀྱིལ་ན་ཀེང་རུས་ཆེན་པོ་རི་རབ་ཀྱི་སྟེང་གི་འབར་བ་ཆེན་པོའི་ཀློང་གི་འཁོར་ལོའི་དཀྱིལ་ན་དབང་ཕྱུག་ཆེན་པོ་དང་དུར་ཁྲོད་ཀྱི་བདག་པོ་དྲེགས་པ་ཆེན་པོ་ཁྱོ་ཤུག་གི་གདན་ལ་བརྐྱང་བསྐུམ་དུ་བཞུགས་སོ། །ཁྲོ་བོའི་དཀྱིལ་འཁོར་གྱི་སྤྲིན་ཕུང་དེ་དག་ཀྱང་ལ་ལ་ནི་དཔལ་ཁྲག་འཐུང་ཆེན་པོ་རྡོ་རྗེར་གྱུར་ཏེ་ཤར་ཕྱོགས་སུ་བཞུགས་སོ། །ལ་ལ་ནི་དཔལ་ཁྲག་འཐུང་ཆེན་པོ་རིན་པོ་ཆེར་གྱུར་ཏེ་ལྷོ་ཕྱོགས་སུ་བཞུགས་སོ། །ལ་ལ་ནི་དཔལ་ཁྲག་འཐུང་ཆེན་པོ་པདྨར་གྱུར་ཏེ་ནུབ་ཕྱོགས་སུ་བཞུགས་སོ། །ལ་ལ་ནི་དཔལ་ཁྲག་འཐུང་ཆེན་པོ་ཀུན་དུ་ལས་སུ་གྱུར་ཏེ་བྱང་ཕྱོགས་སུ་བཞུགས་སོ། །དེ་དག་ཀུན་ཀྱང་འཇིགས་བྱེད་ཆེན་པོའི་ཆ་ལུགས་དང་། རྔམ་པའི་ང་རོ་ ― DNG011_Page_0351 ―
[མ་དཔེ་གཟིགས་ན་འདིར་གནོན།]
དང་། འབར་བའི་ཀློང་ན་དབུ་གསུམ་ཕྱག་དྲུག་ཞབས་བཞིས་དྲི་ཟ་དང་། གནོད་སྦྱིན་དང་། གཤིན་རྗེ་ལ་སོགས་པ་ཁྱོ་ཤུག་གིས་གདན་དུ་བྱས་པ་ལ་བཞུགས་སོ། །བཙུན་མོ་ཁྲག་འཐུང་ཆེན་མོ་རྣམས་ཀྱང་སོ་སོའི་སྐུ་ལ་འཁྲིལ་བའི་ཚུལ་གྱིས་བཞུགས་སོ། །རིགས་ལྔའི་ཧེ་རུ་ཀ་ལས་གཅིག་ཏུ་བསྡིམས་ཏེ་བསྡུས་ནས་གཅིག་གིས་མང་པོ་འདུལ་བའི་ངོ་མཚར་བསྟན་ནས་དྲེགས་པ་ཆེན་པོ་ལ་སོགས་པ་གཏུམ་པའི་སེམས་ཀྱིས་གདུག་པའི་རྫུ་འཕྲུལ་སྣ་ཚོགས་བསྟན་ནས་མགྲིན་གཅིག་ཏུ་འདུག་པའི་ང་རོས་བརླང་པོའི་གཏུམ་ཚིག་ཏུ་སྨྲས་པ། ཐོང་ཐོང་སྙིང་རྗེའི་བདག་པོ་ཅི་དེ་ལྟར་བྱེད་དམ་ཞེས་འཛེར་ཞིང་ཤིན་ཏུ་གཏུམ་སེམས་ཀྱིས་རྔམ་ནས་ཁྲོས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཐམས་ཅད་ཀྱི་བདག་ཉིད་དེས་དབུ་དགུ་ཕྱག་བཅྭ་བརྒྱད་ཞབས་བརྒྱད་དུ་གནས་ནས་རྔམ་པའི་སྐད་ཀྱིས་ཐུགས་རྗེས་འདུལ་བའི་ཐབས་ཀྱིས་ཤིན་ཏུ་ཁྲོས་ནས། ཧཱུྃ་ཧཱུྃ་ཧཱུྃ། ཧ་ཧ་ཧ། ཁཱ་ཧི་ཁཱ་ཧི་ཞེས་བརྗོད་ནས་དབང་ཕྱུག་ཆེན་པོ་ལ་སོགས་པ་གདུག་པ་ཆེན་པོའི་ཚོགས་དེ་དག་གི་སྙིང་དང་དབང་པོ་ཀུན་ཕྱུང་། ནང་གྲོལ་ཀུན་དྲངས། ཡན་ལག་ཀུན་བཅད་གཏུབས་ནས་ཁྲག་ཀུན་འཐུངས། རུས་པ་ཀུན་འཆོས་སོ། །དེ་ནས་ཧཱུྃ་ཧཱུྃ་ཧཱུྃ་ཨེ་ཨཱ་ར་ལི་ཛཿཛཿཞེས་བརྗོད་པས་ཕྱོགས་བཅུའི་འཇིག་རྟེན་གྱི་ཁམས་ནམ་མཁའ་དང་བཅས་པར་ཡུངས་འབྲུ་གཅིག་ཙམ་དུ་ཆུད་པར་བསྡུས་སོ། །དེ་ནས་འབྱུང་པོ་མ་ལུས་པའི་རྒྱལ་པོའང་རྒྱལ་པོ་དྲེགས་པ་ཆེན་པོ་ལ་སོགས་པའི་ཆུང་མ། འབྱུང་པོ་ཐམས་ཅད་ཀྱི་ཆུང་མ། འབྱུང་མོ་ཐམས་ཅད་ཀྱི་རྗེ་མོའི་ཡང་རྗེ་མོ། སྲིན་མོ་ཆེན་མོ་མིའི་སྲིན་མོ་དང་། ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མོ་དང་། དམར་མོ་དང་། བདུད་རྩི་མོ་དང་། ཞི་བ་མོ་དང་། བེ་ཅོན་མོ་དང་། སྲིན་མོ་དང་། ཟ་བ་མོ་དང་། དགའ་བ་མོ་དང་། ར་རོ་ཁྲག་འཐུང་མྱོས་བྱེད་དང་། གཅིག་སྤྱོད་མོ་དང་། ཡིད་འཕྲོག་མ་དང་། གྲུབ་མོ་དང་། རླུང་མོ་དང་། གསོད་བྱེད་མོ་དང་། མེ་མོ་དང་། ཕག་མོ་དང་། རྒན་བྱེད་མོ་དང་། ― DNG011_Page_0352 ―
[མ་དཔེ་གཟིགས་ན་འདིར་གནོན།]
སྣ་ཆད་མོ་དང་། ཆུ་ལྷ་མོ་དང་། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་རྣ་སྔོ་གནག་ཆེན་མོ་དང་། གསུས་འཛིན་སེར་ནག་ཆེན་མོ་ལ་སོགས་པ། བྲན་དང་ཡང་བྲན་གཡོག་དང་ཡང་གཡོག་འཁོར་ཞིང་གི་རྡུལ་སྙེད་ཀྱང་བསྡུས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་ཆེན་པོའི་འདུལ་བའི་ཐབས་ཀྱིས་ཡང་རིགས་ལྔའི་འཇིགས་བྱེད་སྣང་བར་བྱས་ནས་དེ་དག་ཀུན་དགྱེས་པ་རོལ་པའི་དཀྱིལ་འཁོར་གྱི་སྤྲིན་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་དང་གསུང་དང་ཐུགས་རྡོ་རྗེ་ལས་འདི་དག་ཕྱུང་ངོ་། །ཨོཾ་ཧཱུྃ་ཨྃ་བཛྲ་པྲ་བེ་ཤ་ཨ་ལ་ལ་ཧོཿཞེས་བརྗོད་པས་འབྱུང་པོའི་རྒྱལ་མོ་རྣམས་ཤིན་ཏུ་ཆགས་པའི་ཡིད་གཡོས་ནས་པདྨའི་དཀྱིལ་འཁོར་སྡུད་ཅིང་རྒྱས་པར་གྱུར་ནས། དཔེར་ན་ཁབ་ལེན་ལ་ལྕགས་འདུ་བའི་ཚུལ་དུ་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་རྡོ་རྗེའི་སྐུ་ལ་སྲིན་མོ་ཆེན་མོ་མི་སྲུན་མོ་དང་། དམར་མོ་དང་། དགའ་མོ་དང་། གསོད་བྱེད་མོ་དང་། ནག་མོ་ཆེན་མོ་དང་། དམར་སེར་ཆེན་མོ་དང་། སྔོ་གནག་ཆེན་མོ་དང་། སེར་ནག་ཆེན་མོ་རྣམས་འཁྲིལ་ཏོ། །བཅོམ་ལྡན་འདས་དཔལ་ཁྲག་འཐུང་ཆེན་པོའི་སྐུ་ལ་ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མོ་རྣམས་འཁྲིལ་ཏོ། །བཅོམ་ལྡན་འདས་དཔལ་ཁྲག་འཐུང་རིན་པོ་ཆེའི་སྐུ་ལ་བདུད་རྩི་མོ་དང་། ཞི་བ་མོ་དང་། བེ་ཅོན་མོ་དང་། ཟ་བ་མོ་དང་། སྲིན་མོ་རྣམས་འཁྲིལ་ཏོ། །བཅོམ་ལྡན་འདས་དཔལ་ཁྲག་འཐུང་པདྨ་ཆེན་པོའི་སྐུ་ལ་ཁྲག་གིས་མྱོས་པ་དང་། གཅིག་པུ་སྤྱོད་པ་དང་། ཡིད་འཕྲོག་མ་དང་། གྲུ་མོ་དང་། རླུང་མོ་རྣམས་འཁྲིལ་ཏོ། །བཅོམ་ལྡན་འདས་དཔལ་ཁྲག་འཐུང་ཆེན་པོའི་ཀུན་དུ་ལས་ཀྱི་སྐུ་ལ་མེ་མོ་དང་། ཕག་མོ་དང་། རྒན་བྱེད་མོ་དང་། སྣ་ཆད་མོ་དང་། ཆུ་ལྷ་མོ་རྣམས་འཁྲིལ་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོའི་ཁྲོ་བོའི་དཀྱིལ་འཁོར་དེ་དག་གིས་ཧཱུྃ་ཧཱུྃ་ཞེས་བརྗོད་པས་པདྨའི་དཀྱིལ་འཁོར་གྱི་ཚོགས་བསྡུས་ནས་ཤིན་ ― DNG011_Page_0353 ―
[མ་དཔེ་གཟིགས་ན་འདིར་གནོན།]
ཏུ་བཅུམ་པར་གྱུར་ཏོ། །དེ་ནས་དགྱེས་ཏེ་ཧེ་ཞེས་བརྗོད་པས་བྱང་ཆུབ་སེམས་ཀྱི་སྤྲིན་ལས་དཀར་མོའི་ཚོགས་དང་། རྐུན་མོའི་ཚོགས་དང་། རྨོངས་མོའི་ཚོགས་དང་། ཐལ་བྱེད་མའི་ཚོགས་དང་། སྦོས་མོའི་ཚོགས་དང་། གཏུམ་མོའི་ཚོགས་དང་། སྨེ་ཤ་ཅན་གྱི་ཚོགས་དང་། མ་མོའི་ཚོགས་རྣམས་རང་གི་ལག་ཆ་དང་ངོ་མཚར་དང་ཆས་ནས་འཐོན་ཏོ། །འཐོན་ནས་ཀྱང་འབར་བ་ཆེན་པོ་འཁོར་ལོའི་མཚན་ཤར་ཕྱོགས་ནས་འཁོར་བར་འཇིགས་པའི་གཟུགས་དང་རང་གི་ལག་ཆས་ཆས་ནས་འཁོད་དོ། །དེ་ནས་ཤིན་ཏུ་དགྱེས་ནས་ཧེ་ཞེས་བརྗོད་པས་སེང་གདོང་ཆེན་མོའི་ཚོགས་དང་། སྟག་གདོང་ཆེན་མོའི་ཚོགས་དང་། ཝ་གདོང་ཆེན་མོའི་ཚོགས་དང་། ཁྱི་གདོང་ཆེན་མོའི་ཚོགས་དང་། བཞད་གདོང་ཆེན་མོའི་ཚོགས་དང་། ཀཱངྈ་གདོང་ཆེན་མོའི་ཚོགས་དང་། དུར་བྱ་གདོང་ཆེན་མོའི་ཚོགས་དང་། འུག་གདོང་ཆེན་མོའི་ཚོགས་རྣམས་རང་གི་ལག་ཆ་དང་ངོ་མཚར་དུ་ཆས་ནས་འཐོན་པར་གྱུར་ཏོ། །འཐོན་ནས་ཀྱང་འབར་བ་ཆེན་པོའི་འཁོར་ལོའི་མཚན་ཤར་ཕྱོགས་ཀྱི་ཕྱི་རོལ་ནས་འཁོར་བའི་རྔམ་པའི་མདངས་ཀྱིས་འཁོད་དོ། །དེ་ནས་ཤིན་ཏུ་དགྱེས་པས་ཕྱོགས་བཅུའི་ཞིང་དུ་མ་ལུས་པར་ཁྱབ་ནས་ཕཊ་ཅེས་བརྗོད་པས་རྡོ་རྗེ་བསྲིངས་འགྲོ་མའི་ཚོགས་དང་། རྡོ་རྗེ་གདོང་མོའི་ཚོགས་དང་། རྡོ་རྗེ་འཇིག་རྟེན་མའི་ཚོགས་དང་། རྡོ་རྗེ་རོ་ལངས་མའི་ཚོགས་རྣམས་རང་གི་ལག་ཆ་དང་ངོ་མཚར་དུ་ཆས་ནས་འཐོན་པར་གྱུར་ཏོ། །འཐོན་ནས་ཀྱང་འབར་བའི་དཀྱིལ་འཁོར་གྱི་སྒོར་ཤིན་ཏུ་གཏུམ་པའི་གཟུགས་ཀྱིས་གནས་སོ། །དེ་ནས་དགྱེས་པ་ཆེན་པོའི་སྤྲིན་ལས་ཕྱོགས་བཅུ་ནས་ཕཊ་ཅེས་བསྒྲགས་པས་ཐམས་ཅད་ཁྲོས་ནས་མ་མོ་ཐམས་ཅད་ཀྱང་རང་རང་གི་གནས་ག་ལ་བར་ཡུད་ཙམ་གྱིས་བགྱེའོ། །དེ་ནས་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་ཆེན་པོ་དེ་དག་ཀུན་ཐུགས་རྗེ་ཆེན་པོའི་བདུད་རྩི་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་དང་གསུང་དང་ཐུགས་རྡོ་རྗེ་ལས་འདི་དག་ཕྱུང་ངོ་། ། ― DNG011_Page_0354 ―
[མ་དཔེ་གཟིགས་ན་འདིར་གནོན།]
ཨོཾ་བཛྲ་མ་ཧཱ་ཨ་མྲྀ་ཏ་མ་ཧཱ་ཀྲོ་དྷི་ཨྃ་ཨྃ་ཨྃ་ཞེས་བརྗོད་པས་དབང་ཕྱུག་ཆེན་པོ་ལ་སོགས་པ་ཐམས་ཅད་བཅོམ་ལྡན་འདས་ཁྲོ་བོ་ཆེན་པོ་དེ་དག་གི་སྣ་ནས་འཐོན་ཏོ། །མི་གཙང་བའི་འདམ་གྱི་རྒྱ་མཚོར་བཙུད་པ་ལས་གནམ་ནས་ཨུཙྪུཥྨ་ཀྲོ་དྷ་ཕྱུང་བས་འདམ་ཀུན་འཐུངས་ཏེ། དྲན་པ་སླར་རྙེད་ནས་ཁྲོ་བོའི་དཀྱིལ་འཁོར་གྱི་ཚོགས་དེ་དག་ཐམས་ཅད་ཀྱང་དབུ་དགུ་བརྒྱ། ཕྱག་སྟོང་བརྒྱད་བརྒྱ་ཞབས་བརྒྱད་བརྒྱ། སྐུ་འབར་བ་ཆེན་པོའི་དཀྱིལ་ན་བཞུགས་པར་མཐོང་ངོ་། །དེའི་དུས་སུ་འཇིག་རྟེན་དྲུག་གི་ཕྱོགས་བཅུའི་སྲིད་པ་ཀུན་དུ་དྲེགས་པའི་དབང་ཕྱུག་ཐམས་ཅད་འདུལ་བ་ཐབས་སྣ་ཚོགས་བསམ་གྱིས་མི་ཁྱབ་པར་སོ་སོར་སྣང་བས་དུས་གཅིག་ཏུ་བཏུལ་ཏོ། །དེ་ནས་དེ་དག་ཤིན་ཏུ་འདར་ཞིང་དྲེད་པས་རབ་ཏུ་ཞུམ་པའི་ང་རོས་འབངས་སུ་མཆི་འབངས་སུ་མཆི། འབངས་སུ་ནན་ཏན་མ་བགྱིས་ན། །མགོ་དང་ལུས་ནི་བརྒྱར་འགས་ཤིང་། །སྙིང་ཡང་འགས་ཤིང་གཏུབས་གྱུར་ཅིག །རུལ་མྱགས་ཚིག་ནས་བརླག་པ་དང་། །དམྱལ་བར་ལྷུང་ནས་འབོད་པར་ཤོག །ཅེས་འབངས་སུ་མཆི་བར་མནའ་བོར་ནས་དཀྱིལ་འཁོར་གྱི་གདན་ལ་བཞག་གོ། །ཐམས་ཅད་ཀྱིས་མགྲིན་གཅིག་ཏུ་ཡང་སྨྲས་པ། བདག་ཅག་རྣམས་ཀྱི་མཆིས་བྲང་དང་། །མ་དང་སྲིང་མོ་བུ་མོ་རྣམས། །དཀྱིལ་འཁོར་ཆེན་པོར་བཞེས་སུ་གསོལ། །དཔའ་བོ་ལྷ་རྗེ་བཞེས་སུ་གསོལ། །བདག་ཅག་སོ་སོའི་འཁོར་བཅས་ཀྱིས། །ཚོགས་ཀྱི་དཀྱིལ་འཁོར་ཆེན་པོ་འདིར། །མིང་ཙམ་འཛིན་པར་བྱེད་པ་ཡང་། །གཙུག་གི་ནོར་བུ་འབར་བ་ལྟར། །གཡོ་སྒྱུ་མེད་ཅིང་གུས་ལྡན་པའི། །སེམས་ཀྱིས་བླངས་ནས་སྤྱི་བོ་ཡི། །གཙུག་ཏུ་བཞག་སྟེ་བཀུར་བར་བགྱི། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་སྒྲུབ། །གལ་ཏེ་དཔའ་བོའི་སྤྱན་སྔ་འདིར། །སྨྲས་པ་བཞིན་དུ་མ་བསྒྲུབས་ན། །བདག་ཅག་རྣམས་ཀྱི་མགོ་ལུས་སྙིང་། །གས་གཏུབས་དུམ་བུར་རལ་བར་མཆི། །ཞེས་སྨྲས་སོ། །དེ་ནས་དེའི་ཆུང་མའི་ཚོགས་དང་ ― DNG011_Page_0355 ―
[མ་དཔེ་གཟིགས་ན་འདིར་གནོན།]
སྲིང་མོ་དང་བུ་མོའི་ཚོགས་ཐམས་ཅད་ཡུད་ཙམ་གྱིས་འོངས་ནས་ཐམས་ཅད་ཀྱིས་མགྲིན་གཅིག་ཏུ་སྨྲས་པ། བདག་ཅག་འཁོར་ཚོགས་ཐམས་ཅད་ཀུན། །དཔའ་བོ་ཆེན་པོའི་འབངས་སུ་མཆི། །དཔའ་བོ་ཆེན་པོས་བདག་ཅག་རྣམས། །ལས་ཀྱི་དངོས་གྲུབ་སྩལ་དུ་སྩོལ། །) ཞེས་སྨྲས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོས་ལག་ཏུ་རྡོ་རྗེ་བྱིན་ནས་མིང་གི་དབང་བསྐུར་ཏེ་དཀྱིལ་འཁོར་གྱི་ཕྱི་རོལ་དུ་བཀོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་རང་བཞིན་གྱི་དཀྱིལ་འཁོར་གྱི་སྤྲིན་རྣམ་པར་སྤྲོས་པའི་ལེའུ་སྟེ་ཉི་ཤུ་བརྒྱད་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་དཀྱིལ་འཁོར་ཚོགས་ཆེན་པོ་འདི་དག་དམ་ཚིག་གིས་གྲུབ་པར་བྱ་བའི་ཕྱིར། དེ་བཞིན་གཤེགས་པའི་ཁྲོ་བོ་ཁྲག་འཐུང་ཆེན་པོ་བཙུན་མོ་དང་བཅས་པའི་ཚོགས་དེ་དག་གི་སྐུ་དང་གསུང་ཐུགས་རྡོ་རྗེ་རྔམ་པ་ལས་གསུང་གི་དཀྱིལ་འཁོར་འདི་དག་ཕྱུང་ངོ་།། །།ཨོཾ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱ་ཏ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱ་ཏ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱ་ཏ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱ་ཏ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚཱ་ཏ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཨོཾ་ཏ་ཐཱ་ག་ཏ་མ་ཧཱ་ཀྲོ་དྷི་ཤྭ་རི་ཛྭ་ལ་ནཱི་སརྦ་དུཥྚཱ་ཧཱུྃ་ཕཊ། ཨོཾ་མ་ཧཱ་བཛྲ་དྷཱ་ར་མ་ཧཱ་ཀྲོ་དྷི་ཤྭ་རི་ཛྭ་ལ་ནཱི་ཧཱུྃ་ཕཊ། ཨོཾ་མ་ཧཱ་སཱུརྱ་རཏྣ་མ་ཧཱ་ཀྲོ་དྷི་ཤྭ་རི་བི་དྷ་མ་ཧཱུྃ་ཕཊ། ཨོཾ་ཧྲིཿམ་ཧཱ་སཱ་ར་སྭ་ཏ་མ་ཧཱ་པདྨ་ཀྲོ་དྷི་ཤྭ་རི་ཁཱ་ཧི་ཧཱུྃ་ཕཊ། ཨོཾ་སརྦ་ཨ་མོ་གྷ་མ་ཧཱ་ཀྲོ་དྷི་ཤྭ་རི་བི་ཤྭ་ཧཱུྃ་ཕཊ། བཛྲ་གཽ་རཱི་ཧཿ། བཛྲ་ཙཽ་རཱི་ཧཿ། བཛྲ་པྲ་མོ་ཧེ་ཧཿ། བཛྲ་བེ་ཏཱ་ལཱི་ཧཿ། བཛྲ་ཙཎྜ་ལཱི་ཧཿ། བཛྲ་པུཀྐ་སཱི་ཧཿ། བཛྲ་གྷསྨ་རཱི་ཧཿ། བཛྲ་སྨ་ཤཱ་ནཱི་ཧཿ། བཛྲ་སིཾ་ཧ་མུ་ཁཱི་ཧེ། བཛྲ་བྱཱ་གྷྲ་མུ་ཁཱི་ཧེ། བཛྲ་སྲྀ་གླ་མུ་ཁཱི་ཧེ། བཛྲ་ཤྭ་ནཱ་མུ་ཁཱི་ཧེ། བཛྲ་གྷྲྀ་ཌྷ་མུ་ཁཱི་ཧེ། བཛྲ་ཀཱངྈ་མུ་ཁཱི་ཧེ། བཛྲ་ཁ་ག་མུ་ཁཱི་ཧེ། བཛྲ་ཨུ་ལཱུ་ཀ་མུ་ཁཱི་ཧེ། བཛྲ་ཨཱརྱ་ཏེ་ཛ་ཏེ་དཱ་ཛཾཿ། བཛྲ་ཨ་མ་ཀ་ཧཱུྃ། བཛྲ་ ― DNG011_Page_0356 ―
[མ་དཔེ་གཟིགས་ན་འདིར་གནོན།]
ལོ་ཀཱ་བྃ། བཛྲ་བྷ་ཤྨི་པ་ལ་ཡ་བ་ཏོ་ཧོཿ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། བྷྱོ་བྷྱོ། རུ་ལུ་རུ་ལུ་ཧཱུྃ། ཨེ་ཧྱེ་ཧི་ཨཱ་ན་ཡ་ཛཿཧཱུྃ་བྃ་ཧོཿ ཀྟྱ ། ཨོཾ་བཛྲ་ཀྲོ་དྷ་ས་མ་ཡ་ཧཱུྃ། ཨོཾ་བཛྲ་ཀྲོ་དྷ་ས་མ་ཡ་ཕཊ། ཨོཾ་ཁྲོ་ལ་ཁྲོས་པས་ཞི་མཛད་པ། །ཐུགས་རྗེས་ཁྲོས་དཔལ་རྔམ་པའི་ཚོགས། །འབར་བའི་བྱིན་བརླབས་རྨད་པོ་ཆེ། །དེ་ཉིད་དུ་ནི་བདག་ལ་སྩོལ། །ཨོཾ་བཛྲ་ཀྲོ་དྷ་ས་མ་ཡ་སྟྭཾ། ཨོཾ་བཛྲ་ཀྲོ་དྷ་ས་མ་ཡ་ཧོ། ཨ་ལི་ཨུ་ལེ། ཏ་ལི་ཏ་པ་ཏི། དཾཀྐླཱྀ། གོ་ནཱ་རོ། ཏྲི་ཁ་རྃ་ཡོ་གི་ནཱི་ཁཱ་ཧི་ཧོཿ། ཧཱུྃ་ཧ་ཧེ་ཕཊ་ཅེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ཚིག་རབ་ཏུ་ཚིག་ཀུན་དུ་ཚིག་གོ། །འབར་རབ་ཏུ་འབར་ཀུན་དུ་འབར་རོ། །ཐམས་ཅད་དུ་འབར་བའི་དཀྱིལ་འཁོར་གྱི་ཚོགས་ཀྱིས་གང་རབ་ཏུ་གང་ཀུན་དུ་རབ་ཏུ་གང་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་ཚོགས་ཆེན་པོ་གསུང་གི་དཀྱིལ་འཁོར་སྤྲོས་པའི་ལེའུ་སྟེ་ཉི་ཤུ་དགུ་པའོ།། །།དེ་ནས་དེ་བཞིན་གཤེགས་པ་ཁྲོ་བོ་ཆེན་པོའི་བྱིན་བརླབས་ཕྱག་རྒྱ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །དབང་པོའི་ཡུལ་དེ་རིག་པའི་རྣམས། །ཐབས་དང་ཤེས་རབ་ལྡན་གྱུར་ཅིང་། །མཉམ་པའི་ངང་ཉིད་རྟོགས་གསལ་ན། །ཐམས་ཅད་བདེ་བ་ཆེན་པོའི་རྒྱ། །བསྐྱོད་ཆེན་འཁོར་ལོའི་གཞལ་ཡས་སུ། །ཁྲོ་བོ་ཁྲོ་མོ་ཐམས་ཅད་ཀུན། །གསལ་ཞིང་འོད་ཟེར་འཕྲོ་བསྒོམས་ན། །བསྒུལ་བསྐྱོད་ཐམས་ཅད་ཕྱག་རྒྱ་ཡིན། །ཟླ་མེད་ཆེན་པོས་དེ་སྐད་གསུངས། །ཡན་ལག་སྙིང་པོ་རྩེ་ལྔ་རྩེ་དགུ་བཅུ་གཅིག་ཏུ། །ལས་རྣམས་སོ་སོར་རབ་ཏུ་བསྒོམ། །ཐབས་དང་ཤེས་རབ་ལྡན་པའི་ཞབས། །རྟག་ཏུ་རྡོ་རྗེ་འབར་བར་འགྱུར། །ཐབས་ཆེན་རེ་རེ་བསྐྱོད་ན་ནི། །པདྨ་ཆགས་མེད་རེ་རེ་འབྱུང་། །རྡོ་རྗེ་པདྨ་དེ་འབྱོར་ན། །སེམས་ཅན་ཐམས་ཅད་བླ་ན་མེད། །བྱང་ཆུབ་ཞིང་དུ་སྐྱེ་བར་འགྱུར། །རང་བཞིན་དཀྱིལ་འཁོར་ལྷ་རྣམས་ཀྱང་། །ཁྲོ་བོའི་དཀྱིལ་འཁོར་ ― DNG011_Page_0357 ―
[མ་དཔེ་གཟིགས་ན་འདིར་གནོན།]
བསྒོམ་བྱས་ཏེ། །དབུ་ཡི་དཀྱིལ་འཁོར་བསྒུལ་བསྐྱོད་ན། །སངས་རྒྱས་དཀྱིལ་འཁོར་ཐམས་ཅད་གཡོ། །ལག་གི་འདུ་བྱེད་བསྐྱོད་བྱས་ན། །རིག་འཛིན་ཞིང་ཁམས་ཐམས་ཅད་གཡོ། །རྐང་པའི་སྟབས་ཆེན་གནན་མཆོངས་ན། །སྡུག་བསྔལ་མི་བཟད་ཐམས་ཅད་དང་། །བདུད་དང་ལོག་འདྲེན་ཐམས་ཅད་གནོན། །ཡན་ལག་ཐམས་ཅད་བསྒུལ་བསིགས་ན། །བ་སྤུ་བུ་ག་རེ་རེ་ནས། །ཁྲོ་བོ་གྲངས་མེད་རྡུལ་སྙེད་འཕྲོ། །དེ་དག་སྤྲུལ་པ་གྲངས་མེད་ཀྱིས། །ཕྱོགས་བཅུ་ཁམས་མང་རྡུལ་སྙེད་དུ། །ཁྲོ་བོའི་དོན་རྣམས་རྡུལ་ཕྲན་སྙེད། །ཐུགས་རྗེས་གདུལ་ཞིང་དབྱིངས་སུ་བསྡིམ། །ཐམས་ཅད་ཁྲོ་བོའི་དཀྱིལ་འཁོར་དང་། །ཁྲོ་མོའི་དཀྱིལ་འཁོར་རབ་ཏུ་འདུས། །ཐམས་ཅད་རྡོ་རྗེའི་བྲག་སྟེངས་དང་། །མེ་རིའི་དཀྱིལ་འཁོར་རབ་ཏུ་འབར། །འདི་ནི་སྤྱི་རྒྱ་ཆེན་པོ་ཡིན། །སྟེང་གི་བགེགས་རྣམས་འདུལ་བའི་ཕྱིར། །རྡོ་རྗེ་འཁོར་ལོ་ནྲྀ་མགོ་གདེངས། །འོག་གི་འཇིག་རྟེན་བགེགས་འདུལ་བའི། །རྡོ་རྗེ་ཐོང་གཤོལ་ནྲྀ་སྤར་དང་། །རྡོ་རྗེ་གཏུན་ཆེན་དྲིལ་བུའོ། །ཤར་གྱི་བགེགས་རྣམས་འདུལ་བ་ནི། །རྡོ་རྗེ་རབ་ཏུ་འབར་བ་དང་། །སྡི་ར་ཆེན་པོའི་དབྱུག་པའོ། །ལྷོ་ཡི་བགེགས་རྣམས་འདུལ་བ་ནི། །རིན་ཆེན་མི་མགོའི་དབྱུག་པ་དང་། །གཤིན་རྗེ་ཆེན་པོའི་རྐང་བཟུང་བའོ། །ནུབ་ཀྱི་བགེགས་རྣམས་འདུལ་བ་ནི། །སྦྲུལ་དང་སྡི་རའི་དབྱུག་པ་དང་། །ཁྱུང་ཆེན་གཤོག་གིས་རབ་ཏུ་རྡེབས། །རྒྱ་མཚོ་ཆེ་རྣམས་རྐེད་པར་གཏུབ། །བྱང་གི་བགེགས་རྣམས་འདུལ་བ་ནི། །རིན་པོ་ཆེ་ཡི་དབྱུག་ཏོ་དང་། །ནྲྀ་མགོ་གསུམ་པའི་དབྱུག་ཏོ་ཅན། །གནོད་སྦྱིན་གདོན་རྣམས་ཚར་གཅོད་པའོ། །མཚམས་བཞིའི་བགེགས་རྣམས་འདུལ་བ་ནི། །ཕྱོགས་བཞི་དག་གིས་གདུལ་བར་འགྱུར། །གལ་ཏེ་དེ་ཡིས་མ་དུལ་ན། །བྱང་ཤར་མཚམས་ཀྱི་བགེགས་འདུལ་བ། །རྡོ་རྗེ་རྩེ་གསུམ་ནྲྀ་མགོ་གདེངས། །ཨི་ཤ་ཉིད་ཀྱང་ཕྱག་ན་བསྣམས། །འབྱུང་པོ་དེ་ཀུན་རབ་ཏུ་བཏུལ། །ཤར་ལྷོ་མཚམས་ཀྱི་བགེགས་འདུལ་བ། །རྡོ་རྗེ་ཡེ་ ― DNG011_Page_0358 ―
[མ་དཔེ་གཟིགས་ན་འདིར་གནོན།]
ཤེས་མེ་ལྕེ་འབར། །མེ་དེ་ཉིད་ཀྱང་འཚིག་པར་བྱེད། །དྲང་སྲོང་ཉིད་ཀྱང་ཕྱག་རྒྱར་བསྣམས། །མེ་ལྷ་གདོན་འཁོར་དབང་དུ་བསྡུས། །ལྷོ་ནུབ་མཚམས་ཀྱི་བགེགས་འདུལ་བ། །རྡོ་རྗེ་དང་ནི་སྲིན་པོའི་མགོ། །རབ་ཏུ་རྣོ་བའི་རལ་གྲི་འབར། །བདེན་བྲལ་ཉིད་ཀྱང་ཕྱག་ན་བསྣམས། །སྲིན་པོའི་ཚོགས་རྣམས་དབང་དུ་བསྡུས། །ནུབ་བྱང་མཚམས་ཀྱི་བགེགས་འདུལ་བ། །རླུང་གི་བ་དན་ནྲྀ་མགོ་གདེངས། །ཤིན་ཏུ་དྲག་པོ་གླང་པོའི་བརྗིད། །ཚིག་སྲུང་ཉིད་ཀྱང་ཕྱག་ན་བསྣམས། །གཡེང་བ་ཐམས་ཅད་དབང་དུ་བསྡུས། །འོག་ཏུ་འཇིག་རྟེན་བགེགས་འདུལ་ཕྱིར། །ཕྱག་རྒྱ་རི་རབ་ཆེན་པོ་སྟེ། །ཕག་ཆེན་པོ་ནི་ཕྱག་ན་བསྣམས། །འོག་གི་བགེགས་རྣམས་འདུལ་བའོ། །གཞན་ཡང་ཉི་ཟླའི་དཀྱིལ་འཁོར་གྱིས། །ཚ་དང་གྲང་བའི་སྡུག་བསྔལ་སེལ། །མེ་ཡི་དཀྱིལ་འཁོར་ཆེན་པོ་ཡིས། །ཐམས་ཅད་མ་ལུས་སྲེག་པར་བྱེད། །ཆུ་ཡི་དཀྱིལ་འཁོར་ཆེན་པོ་ཡིས། །ཐམས་ཅད་མ་ལུས་འཁྲུ་བར་བྱེད། །རླུང་གི་དཀྱིལ་འཁོར་ཆེན་པོ་ཡིས། །ཐམས་ཅད་མ་ལུས་གཏོར་བར་བྱེད། །གཞན་ཡང་རལ་གྲི་འཁོར་ལོར་བཅས། །མདའ་གཞུ་ཐོ་ཆེན་གྲི་ཆེན་དང་། །རྡོ་རྗེ་མདུང་ཆེན་དགྲ་སྟར་བཅས། །མཆེ་གཙིགས་སྤུ་གྲི་སོ་དང་ནི། །མདའ་དང་མདུང་དང་སྡི་ར་དང་། །གཞན་ཡང་ཕྱག་རྒྱ་སྣ་ཚོགས་སོ། །དབུས་ཀྱི་ཧེ་རུའི་ཕྱག་རྒྱ་ནི། །སྡི་ར་དབྱུག་ཏོ་ཆེན་པོ་དང་། །འཁོར་ལོ་ཆེན་པོ་རབ་ཏུ་འབར། །དུང་ཆེན་དམར་གྱིས་གང་བ་ལ། །རྡོ་རྗེས་དཀྲུག་ཅིང་རབ་ཏུ་གསོལ། །ཤར་གྱི་ཁྲོ་བོའི་ཕྱག་རྒྱ་ནི། །སྡི་ར་ཆེན་པོའི་དབྱུག་པ་དང་། །རྡོ་རྗེ་ཆེན་པོ་རབ་ཏུ་འབར། །ནྲྀ་མགོ་དམར་ཆེན་བཀང་བ་གསོལ། །ལྷོ་ཡི་ཕྱག་རྒྱ་ཆེན་པོ་ནི། །སྡི་ར་ཆེན་པོའི་དབྱུག་པ་དང་། །ཡིད་བཞིན་ནོར་བུའི་གཞལ་ཡས་སུ། །དམར་གྱི་ཨརྒྷ་རབ་ཏུ་གསོལ། །ནུབ་ཀྱི་ཁྲོ་བོའི་ཕྱག་རྒྱ་ནི། །སྡི་ར་ཆེན་པོའི་དབྱུག་པ་དང་། །པདྨ་ཆགས་མེད་རབ་ཏུ་འབར། །དུང་ཆེན་དམར་གྱིས་བཀང་བ་གསོལ། །བྱང་གི་ཁྲོ་བོའི་ཕྱག་རྒྱ་ནི། །སྡི་ར་ཆེན་པོའི་དབྱུག་པ་དང་། །རྡོ་རྗེ་རྒྱ་གྲམ་རབ་ཏུ་འབར། །དུང་ཆེན་དམར་གྱིས་ ― DNG011_Page_0359 ―
[མ་དཔེ་གཟིགས་ན་འདིར་གནོན།]
བཀང་བ་གསོལ། །ཁྲོ་མོ་རྣམས་ཀྱང་ཁྲོ་དང་མཐུན། །གནས་དང་ཡུལ་གྱི་ཕྱག་རྒྱ་ནི། །རྒྱུད་གཞན་དག་དང་མཐུན་པར་བཤད། །མ་མོ་རྣམས་ཀྱི་ཕྱག་རྒྱ་ནི། །འཇིག་རྟེན་འདས་མདོ་ཆེ་ལས་བཤད། །གསང་བའི་སྙིང་པོ་དེ་ཁོ་ན་ཉིད་ངེས་པ་སྒྱུ་འཕྲུལ་དྲ་བ་ལས་ཕྱག་རྒྱ་སྤྲོས་པའི་ལེའུ་སྟེ་སུམ་ཅུ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་དེ་དག་གི་དཀྱིལ་འཁོར་བསྟན་པའི་ཕྱིར་ཆེད་དུ་བརྗོད་པ་འདི་བརྗོད་དོ། །འབར་བའི་དཀྱིལ་འཁོར་རྩིབས་བཞི་པ། །གྲུ་ཆད་བཞི་ཡིས་རྣམ་པར་བརྒྱན། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གཉིས་ཀྱིས་མཛེས། །ཐོད་སྦྲུལ་སྣ་ཚོགས་ཉི་མས་བརྗིད། །འབར་བའི་འཕྲོ་བ་མང་པོ་འཁྲུག །ཁྱུ་མཆོག་མ་ཧེ་གཟིག་དང་སྟག །གཏུམ་པའི་དོམ་གྱིས་སྦར་བས་ནི། །དབང་ཕྱུག་ལྷ་ཆེན་ལ་སོགས་བཟུང་། །སྨུག་གནག་སྔོ་གནག་སེར་གནག་དང་། །དམར་གནག་ལྗང་གནག་འཇིགས་པའི་སྐུ། །དབུ་གསུམ་ཕྱག་དྲུག་ཞབས་བཞི་བགྲད། །ཀོ་རློན་གོས་ནི་སྣ་ཚོགས་གྱོན། །རྔམ་པའི་སྒྲ་ཆེན་འཇིགས་པར་སྒྲོགས། །སྦྲུལ་དང་ཐོད་ཕྲེང་ཉི་ཟླར་བཅས། །སྟེང་གི་འཇིག་རྟེན་ཁོར་ཡུག་བཅས། །རྡོ་རྗེ་དུང་ཆེན་གང་བ་དང་། །རལ་གྲི་དགྲ་སྟྭ་གཤོལ་ལ་སོགས། །རང་གི་ལག་ཆ་སྣ་ཚོགས་བསྣམས། །བཙུན་མོ་འཛིན་པའི་ཚོགས་དང་འཁྲིལ། །གནས་དང་ཡུལ་གྱི་ཕྱག་རྒྱ་དང་། །སྒོ་བཞི་ཕྱག་རྒྱར་རབ་མཛེས་ཤིང་། །སླས་དང་བྱི་མོ་ཚོགས་ཀྱི་གཙོ། །བཅུ་གཉིས་དང་ནི་བརྒྱད་ཀྱིས་མཛེས། །རང་གི་སྟན་དང་ལག་ཆ་དང་། །ཅི་བགྱི་ཞེས་ཏེ་ཆས་ཏེ་གནས། །ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་འབར་བའི་དཀྱིལ་འཁོར་ཀུན་དུ་གསལ་བར་གྱུར་ཏོ། །དེ་ནས་དགྱེས་པ་ཆེན་པོ་བཅོམ་ལྡན་འདས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་སྒྱུ་འཕྲུལ་དྲ་བ་ལས་རྡོ་རྗེ་གསང་བའི་ཚིག་འདི་ཕྱུང་ངོ་། །ཨ་ཧོ། བསྐལ་པར་བཅས་ཤིང་དུག་ཚོགས་འབར་བ་ཡི། །ཉོན་མོངས་ཀུན་གཡོ་དཀྱིལ་འཁོར་འཁོར་ལོ་བརྗོད་དཀའ་བའི། །ཇི་སྙེད་འཇིག་རྟེན་རྒྱན་ ― DNG011_Page_0360 ―
[མ་དཔེ་གཟིགས་ན་འདིར་གནོན།]
གྱིས་རྡུལ་སྙེད་བསམ་ཡས་པ། །རོ་ཚོགས་ཁྲག་ལ་བརྐམ་པ་དཔུང་གཉེན་ཀུན་བཀྱེ་ནས། །ཞེན་པའི་གདུག་མོ་ཤིན་ཏུ་གསལ་བ་དཀའ་བ་ཡི། །མི་མངོན་དབྱིངས་ནས་གཟུགས་ཀྱི་ཆོ་འཕྲུལ་བསམ་ཡས་ཀྱིས། །སྙིགས་མར་བཅས་ཤིང་མཚམས་སྦྱོར་ཀུན་ངམ་ཟིལ་གྱིས་གནོན། །རབ་ཏུ་གནོན་པའི་འཇིགས་བྱེད་བསམ་མི་ཁྱབ། །དེ་བཞིན་དེ་ཉིད་གཉེན་པོར་ཀུན་བྱུང་ཀུན་དུ་གསལ། །ཧོ། ཆོས་རྣམས་ཇི་སྙེད་འགྲོ་དྲུག་སྨིན་བྱེད་བརྗོད་མི་ལང་། །དུས་མཐའ་རྨོངས་ལ་གནས་པ་བརྗོད་མི་ལང་། །འདོད་པས་ཞེན་པའི་ལས་ཀྱང་ཇི་སྙེད་ཇི་སྲིད་པར། །དྲག་པོ་བདོ་བའི་རླུང་ཆེན་བསམ་མི་ཁྱབ། །བདེ་བར་བཅས་པ་གཞན་དུ་མེད་པར་བརྗོད་མི་ལང་། །བསྐལ་པར་བསགས་པའི་དུག་ཆེན་རབ་རྟོག་ཀུན་དུ་རྟོག །དེ་རྣམས་ཟིལ་གནོན་ཁྲག་འཐུང་སྐུ་གསུང་འཇིགས་བྱེད་པར། །རྐྱེན་དུ་བཅས་ནས་སྦུ་བུས་འབྲས་བུ་སྨིན་པ་རབ་སྨིན་ལྟར། །དགྱེས་པ་ཆེན་པོ་བཅོམ་ལྡན་འདས་ནི་མང་པོའི་ཚོགས། །དཔག་མེད་བསམ་ཡས་ལྷུན་གྲུབ་པས། །རབ་ཏུ་འདུལ་བར་ཤིན་ཏུ་གསལ། །ཧོ། ཁྲོ་བོའི་རང་བཞིན་གདུག་པར་འཇིགས་པ་མ་ཡིན་ཞིང་། །ཞི་བ་མཛེས་པ་ཀུན་གྱི་ཡིད་དང་འཐད་པར་གནས་རྒྱུད་ཡོང་མ་ཡིན། །དེ་ཉིད་གཉིས་སུ་མིན་པའི་ཆོ་འཕྲུལ་བསམ་ཡས་ཐམས་ཅད་ཀུན་དུ་ཁྱབ། །རིགས་ལྔ་ཁྲག་འཐུང་འཇིགས་པའི་རོལ་པ་རྡུལ་སྙེད་རབ་སྟོན་པའི། །རྣམ་དག་བྱང་ཆུབ་མཆོག་གི་དབྱིངས་ཏེ་གསང་བའི་སྙིང་པོར་རབ་བསྟན་ངེས་པ་ཉིད་དེ་ཤིན་ཏུ་གནས་པར་གསལ། །ཧོ། རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་དཀྱིལ་འཁོར་བསྟན་པའི་ལེའུ་སྟེ་སུམ་ཅུ་གཅིག་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་ཉིད་ཀྱི་བྱིན་བརླབས་དང་ཡོན་ཏན་སྟོན་པ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ། །ཨོཾ་སངས་རྒྱས་རྣལ་འབྱོར་ཆེན་པོ་ནི། །དུས་གསུམ་སངས་རྒྱས་ཐམས་ཅད་ཀྱི། །ཡེ་ཤེས་སྙིང་པོའི་མཆོག་ཉིད་དེ། །སངས་རྒྱས་ཀུན་དུ་བཟང་པོ་ཉིད། །འདི་ ― DNG011_Page_0361 ―
[མ་དཔེ་གཟིགས་ན་འདིར་གནོན།]
ཡིན་གཞན་ན་མེད་པ་སྟེ། །རོལ་པ་ཀུན་ལ་མངའ་བརྙེས་ཤིང་། །སྲིད་པ་འཇིག་རྟེན་ཐམས་ཅད་ཀུན། །སངས་རྒྱས་ཉིད་དེ་དུས་གསུམ་དུ། །མ་གཡོས་ལྷུན་གནས་སྙིང་པོ་སྟེ། །རང་བཞིན་ཆེ་བའི་ཡོན་ཏན་ལས། །མ་རྟོགས་རྨོངས་པའི་འགྲོ་བ་ལ། །སྒྱུ་འཕྲུལ་དྲ་བས་མངོན་རྫོགས་པ། །སྙིང་རྗེ་ཆགས་པའི་དམ་ཚིག་གིས། །ང་རྒྱལ་ཉིད་ཀྱི་སྐུ་ཆེན་བསྟན། །གདུག་ཅིང་གཏུམ་པའི་ཁམས་གསུམ་ན། །འདུལ་བའི་ཞིང་དུ་རབ་སྦྱོར་ཞིང་། །ཕྲིན་ལས་རྣམ་བཞི་རྫོགས་པར་མཛད། །ཡེ་ཤེས་ངོ་མཚར་ཚམ་ངམ་གྱིས། །ཆོས་བཞི་རྣམ་དག་ཆེ་བའི་ལྷ། །ཡེ་ཤེས་སྐུ་སྟེ་ཁྱད་པར་ཆེ། །ཆགས་པའི་ཚོགས་ཀྱིས་མཚན་མ་ནི། །འདོད་ཆགས་ཆེན་པོ་ཉིད་ཀྱི་སྐུ། །གཏུམ་རྔམ་གདུག་པས་མཚན་པས་ན། །ཞེ་སྡང་ཆེན་པོ་ཉིད་ཀྱི་སྐུ། །གདུལ་བྱ་ཞིང་དུ་རབ་སྦྱོང་ཞིང་། །ཆོས་ཉིད་མཉམ་ལས་བཞེངས་པས་ན། །གཏི་མུག་ཆེན་པོ་ཉིད་ཀྱི་སྐུ། །སྣོད་བཅུད་དག་པའི་སྤྱོད་ཡུལ་བ། །ཐུགས་སྐུ་གསུང་ལས་འཕྲོས་པ་དང་། །རྒྱལ་བ་ང་ཡིས་མཚན་པས་ན། །ང་རྒྱལ་ཆེན་པོ་ཉིད་ཀྱི་སྐུ། །གསང་བའི་སྙིང་པོ་བཞི་བཅུ་གཉིས། །ཐིག་ལེ་ཐུགས་སུ་བསྡུས་པ་ཉིད། །གཞན་དུ་མི་གཏོང་མཚན་པས་ན། །དེ་ཉིད་ཕྲག་དོག་ཉིད་སྐུ་རྫོགས། །སྟོང་གསུམ་སྟོང་གི་སྟོང་ཆེན་པོ། །འཇིག་རྟེན་ཁམས་མང་སྣ་ཚོགས་པ། །རྡུལ་དང་བྱེ་བ་ལ་སོགས་པའི། །བགྲང་བ་ལས་ནི་རབ་འདས་མཚན། །དེ་ཉིད་སྣང་ཞིང་སྲིད་པ་ཉིད། །འཇིགས་བྱེད་སྐུ་གསུང་ཐུགས་ཀྱི་དབྱིངས། །ཆོས་སྐུ་ཡེ་ཤེས་རང་བཞིན་ལ། །སྒྱུ་འཕྲུལ་དྲ་བའི་ཐིག་ལེ་མཆོག །སྙིང་པོ་ཐིག་ལེ་བསམ་ཡས་ཉིད། །འཇིགས་བྱེད་དབུ་དགུ་བཅྭ་བརྒྱད་ཕྱག །སྒྱུ་མས་མཚན་པའི་དྲ་བ་ཡིན། །དེ་ཉིད་ཚོགས་དང་དཀྱིལ་འཁོར་སྔགས། །གཅིག་ལ་གསུམ་དུ་མཆོག་ཏུ་སྔགས། །ཡུལ་དང་འབྱུང་བ་དེ་ཉིད་དོ། །བདག་རིག་གཞན་དོན་སྙིང་པོ་ཉིད། །ཐབས་དང་ཤེས་རབ་ཕྱག་མཚན་པ། །གཉིས་མེད་རིག་པའི་ཡེ་ཤེས་ཆེ། །མིང་དང་གཟུགས་དང་དབུར་གྱུར་པ། །ཕྱག་དང་ཞབས་སུ་རྣམ་པར་བརྟགས། །བརྟགས་པ་ལས་ནི་འཕྲོས་པའི་སྐུ། །ཅི་ ― DNG011_Page_0362 ―
[མ་དཔེ་གཟིགས་ན་འདིར་གནོན།]
ཡང་མེད་ལས་ཅིར་ཡང་སྣང་། །སྐལ་བཟང་མཆོག་གི་སྒྱུ་འཕྲུལ་བ། །དྲ་བའི་དཀྱིལ་འཁོར་རབ་ཏུ་རྫོགས། །བརྟགས་པ་ཟིལ་གནོན་ཆོས་ཉིད་སྤྱན། །སྤྱན་ནི་ཆོས་ཉིད་མཉམ་པ་ཉིད། །ཇི་བཞིན་དབྱིངས་ཀྱི་ཡུལ་ལ་སྦྱོར། །རོལ་པའི་རྩེད་མོར་སྡང་མིག་པ། །གཞན་དུ་མི་གཟིགས་ཡུལ་ལ་གཟིགས། །པདྨ་འཁྱིལ་པ་ཉིད་སྐུ་གསུང་། །མཚན་མང་འཛིན་པའི་དངོས་པོ་འཇིག །ཡེ་ཤེས་ཆེན་པོའི་སྤྱན་བགྲད་ལས། །ཁྲོ་གཉེར་གློག་སྟོང་འགྱུར་བ་ཡི། །མེ་ཡི་ཚོགས་ཀྱི་གཞན་ཕུག་གློག །བདུད་རྩི་ཞིང་དུ་སྦྱོར་བས་ན། །བདུད་རྩི་མཆོག་གི་ཁྲོ་བོ་ཡིན། །སྐུ་ཉིད་མཉམ་པ་རྫོགས་པ་ལས། །སྣ་ཚོགས་འཆར་བར་རབ་སྟོན་པ། །ཡེ་ཤེས་སྒྱུ་འཕྲུལ་སྟོབས་ཆེན་པོ། །མི་གཡོ་མཆོག་གི་འདུ་འཕྲོ་ལས། །གཤོག་པ་རྡོ་རྗེ་གཏམས་པ་ནི། །ཤེས་རབ་ཚོགས་ལ་འཕྲུལ་པ་དང་། །ཐུགས་རྗེ་དྲ་བའི་བྱིན་བརླབས་ཀྱིས། །འཁོར་ཡུག་ཇི་སྙེད་མཐའ་ཀླས་པ། །དབྱིངས་ཉིད་བདེ་ལ་སྐྱོད་པ་སྟེ། །འཕྲོས་ནས་དབང་དུ་བྱེད་པའི་དོན། །རྟ་ཡི་གར་ཐབས་རྫུ་འཕྲུལ་གྱིས། །གཅིག་ཀྱང་ཡལ་བ་མ་ཡིན་པའོ། །ཆོས་དབྱིངས་མཉམ་དང་མི་མཉམ་པའི། །སྒྱུ་འཕྲུལ་དཀྱིལ་འཁོར་མཐས་ཀླས་པར། །རྩེད་མོ་མཆོག་གི་ཕྱག་རྒྱ་ནི། །བརྐྱང་དང་བསྐུམ་པ་ཞབས་ཚུལ་ཏེ། །ཐབས་དང་ཤེས་རབ་རོལ་པའི་དོན། །རང་དབང་ཐབས་ཆེན་རྒྱལ་པོ་ཡིས། །སངས་རྒྱས་ཀུན་གྱི་སྐུ་གསུང་བ། །ཐིག་ལེ་མཆོག་གི་གནས་ལ་རྫོགས། །དབང་ཕྱུག་ལྷ་ཆེན་ལ་སོགས་ལ། །ཟིལ་གནོན་ཁྲོས་པའི་ཕྱག་མཚན་པ། །སྣ་ཚོགས་མཚོན་རྣོན་མང་པོ་བསྣམས། །ང་རྒྱལ་གདུག་པའི་ཞེ་སྡང་གཅོད། །གཏི་མུག་ཆོས་སྐུ་སྒྱུ་འཕྲུལ་བ། །དྲ་བའི་ཐུགས་རྗེ་མཐའ་དག་ནི། །ཁྲོས་པའི་དམ་ཚིག་སྙིང་རྗེ་ཡིས། །མཉམ་པའི་ཐིག་ལེར་དགོད་པ་ནི། །གཤིན་རྗེ་གཤེད་པོར་གདུག་པའི་རྒྱལ། །གདུག་པའི་ཚོགས་རྣམས་མཆོག་སྒྲོལ་བདེན། །འགྲོ་ལ་མགོན་དུ་གྱུར་པས་ན། །དུག་དང་བདུད་རྩི་ཁྱད་མེད་པའི། །ཆོས་སྐུ་གདུག་པས་བརྒྱན་པའི་ ― DNG011_Page_0363 ―
[མ་དཔེ་གཟིགས་ན་འདིར་གནོན།]
སྦྲུལ། །དཔང་རྟགས་ཡེ་ཤེས་རྒྱན་དུ་བཞག །དུར་ཁྲོད་རྫས་དང་ཁྲག་འཐུང་བའི། །གཡང་གཞི་སྟག་གི་པགས་ཆེན་བགོས། །འཇིགས་བྱེད་སྙིང་རྗེའི་དམ་ཚིག་ནི། །སྐྱེ་ཤི་རྩ་བ་གཅོད་མཛད་པ། །མི་གཡོ་མགོན་ཞེས་མཆོག་ཏུ་བསྒྲགས། །ང་རྒྱལ་ལག་གིས་འདུ་བྱེད་པ། །ང་རྒྱལ་འཕྲོག་པའི་དམ་ཚིག་སྟེ། །ཀུན་དུ་བཟང་པོའི་སྤྱོད་ཡུལ་ལ། །སྔགས་ཀྱི་སྙིང་པོ་དེ་ཉིད་པ། །ཧཱུྃ་ཧཱུྃ་ཧཱུྃ་གིས་སྡུད་ཟ་འཐུང་། །རྡོ་རྗེ་ཐུགས་ཀྱི་བྱིན་བརླབས་ཀྱིས། །ཧཱུྃ་མཛད་ཆེས་ནི་རྣམ་པར་བསྒྲགས། །མི་མཆེད་གཏི་མུག་ཆེན་པོ་ནི། །ཉོན་མོངས་རྒྱ་མཚོ་རྔུབ་པའི་ཕྱིར། །བྷན་དྷ་ཀློང་ཆེན་འཐུང་བར་སྣང་། །འཇིག་རྟེན་འབར་བའི་སྤྲིན་ཆེན་པོ། །བསྐལ་པ་ལས་ཀྱི་ཟིལ་གནོན་པ། །རྡོ་རྗེ་མེ་ཡི་འབར་བ་འབྱུང་། །ཉོན་མོངས་རྒྱ་མཚོ་སྐེམས་པར་བྱེད། །འཇིགས་བྱེད་ཐབས་ཀྱི་དམ་ཚིག་གིས། །བསམ་ཡས་འཇིག་རྟེན་འཁོར་ཡུག་བཅས། །རང་གི་སྐུ་ཡི་གཞལ་མེད་བསྡུས། །སྒྱུ་འཕྲུལ་དྲ་བའི་ཡེ་ཤེས་ནི། །ཟིལ་གྱིས་གནོན་པ་དུར་ཁྲོད་གླིང་། །ཚོམ་བུ་གཉིས་ཀྱི་ལྷ་ཆེན་པོ། །རྡོ་རྗེ་སྐུ་ཡི་བྱིན་བརླབས་ཀྱིས། །ཐིག་ལེ་མི་གཡོ་བདེ་བ་ལས། །རང་བཞིན་རོལ་པ་ཆེན་པོས་ནི། །རྡོ་རྗེ་ཕྲ་མེན་ཕོ་ཉའི་ཚོགས། །ཁམས་གསུམ་འདུལ་བར་ཡང་དག་མཛད། །ཧ་ནི་ཐིག་ལེ་ཞི་བ་ཉིད། །ཧ་ནི་ཐིག་ལེ་ཞི་ཁྲོ་སྙོམས། །ཧ་ནི་ཐིག་ལེ་དབང་ཆེན་ཡིན། །ཧ་ནི་ཐིག་ལེ་དྲག་པོ་ཉིད། །ཧ་ནི་ཐིག་ལེ་རོལ་པ་ཉིད། །ཧ་ནི་ཐིག་ལེས་ཕྲིན་ལས་ཉིད། །ཧ་ནི་ཐིག་ལེས་ཆགས་དབང་འདུལ། །ཧ་ནི་ཐིག་ལེ་ལས་ཀུན་རྫོགས། །ཧེ་ནི་ཐིག་ལེ་ཡེ་ཤེས་ཐུགས། །ཧེ་ནི་ཐིག་ལེས་གསུང་སྙན་པ། །ཧེ་ནི་ཐིག་ལེས་ཚམ་ངམ་ལྕེ། །ཧེ་ནི་ཐིག་ལེ་རོལ་པ་ཉིད། །ཧེ་ནི་ཐིག་ལེ་དབང་རྟགས་ཡིན། །ཧེ་ནི་ཐིག་ལེས་དྲག་ཤུལ་བ། །ཧེ་ནི་ཐིག་ལེས་ཐུགས་ཆེན་རྫོགས། །ཧེ་ནི་ཐིག་ལེས་དཀྱིལ་འཁོར་བ། །འཇིགས་བྱེད་མཆོག་གི་སྒྱུ་འཕྲུལ་ཏེ། །དྲ་བས་ཟིལ་གནོན་ལམ་འགོག་གོ། །ཧཱུྃ་ནི་ཡེ་ཤེས་ཐུགས་ཀྱི་ཐུགས། །ཧཱུྃ་ནི་ཡེ་ཤེས་ཐུགས་སྐུ་ཉིད། །ཧཱུྃ་ནི་ཡེ་ཤེས་ཐུགས་སྐུ་གསུང་། །ཧཱུྃ་ནི་ཡེ་ཤེས་ཡིད་བཞིན་ ― DNG011_Page_0364 ―
[མ་དཔེ་གཟིགས་ན་འདིར་གནོན།]
ལས། །ཧཱུྃ་ནི་ཐིག་ལེ་ཡེ་ཤེས་སོ། །ཕཊ་ནི་སྐུ་ཡི་ཐུགས་ཀྱི་ཐུགས། །ཕཊ་ནི་གསུང་གི་གསུང་གི་ཐུགས། །ཕཊ་ནི་ཐུགས་ཀྱི་ཐུགས་ཀྱི་ཐུགས། །ཕཊ་ནི་ཆོས་སྐུའི་ཐུགས་ཀྱི་ཐུགས། །ཕཊ་ནི་ཆོས་སྐུའི་གསུང་གི་ཐུགས། །ཕཊ་ནི་ཆོས་ཐུགས་ཐུགས་ཀྱི་ཐུགས། །སྒྱུ་འཕྲུལ་དྲ་བས་དགྱེས་པ་ཧོ། །དབང་ཕྱུག་ཆགས་པས་དགྱེས་པ་ཧོ། །གར་ཐབས་རོལ་པས་དགྱེས་པ་ཧོ། །སྐུ་གསུང་ཐུགས་ལྡན་དགྱེས་པ་ཧོ། །ཡོན་ཏན་ལས་ཀྱིས་དགྱེས་པ་ཧོ། །ཕོ་ཉ་འདུ་འཕྲོས་དགྱེས་པ་ཧོ། །ཀུན་ལ་སྣང་བས་དགྱེས་པ་ཧོ། །བྱིན་གྱི་བརླབས་ཀྱིས་དགྱེས་པ་ཧོ། །ཆོས་ཀྱི་སྐུ་ལ་དགྱེས་པ་ཧོ། །ཡེ་ཤེས་རོལ་པ་དགྱེས་པ་ཧོ། །ཅི་ཡང་མིན་པས་དགྱེས་པ་ཧོ། །གནོད་པ་སྡུད་པས་དགྱེས་པ་ཧོ། །ཆོས་ཀྱི་དབྱིངས་ཉིད་དགྱེས་པ་ཧོ། །དེས་དགྱེས་པ་ཆེན་པོ་ཉིད་ལ་ཉིད་ཤིན་ཏུ་དགྱེས་པར་གྱུར་ཏེ། ཆོས་ཐམས་ཅད་གཅིག་གི་རང་བཞིན་དུ་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་སྟོང་ཕྲག་བརྒྱ་ལས་དགྱེས་པ་ཆེན་པོའི་བྱིན་བརླབས་དང་ཡོན་ཏན་མཆོག་སྟོན་པའི་ལེའུ་སྟེ་སུམ་ཅུ་གཉིས་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་འཇིགས་བྱེད་ཀྱི་བསོད་ནམས་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཆེད་དུ་བརྗོད་པ་འདི་བརྗོད་དོ། །འཁོར་ལོ་བར་ཁྱམས་སྒོ་རྣམས་སུ། །འཇིགས་བྱེད་འཁོར་ལོ་རིགས་ཀྱི་གཙོ། །བཙུན་མོ་ཚོགས་དང་ལྡན་པར་བསྒོམ། །ཞི་དང་དྲག་པོ་དབང་དང་རྒྱས། །འཇིགས་པའི་ཚོགས་ཆེན་དེ་དབུས་སུ། །བདག་ཉིད་དྲག་པོ་བཅོས་ཚུལ་དུ། །སྐུ་གསུང་ཐུགས་ཀྱི་དཀྱིལ་འཁོར་བསྒོམ། །འཁོར་ལོ་བར་ཁྱམས་སྒོ་རྣམས་སུ། །འཇིགས་བྱེད་རྡོ་རྗེ་རིགས་ཀྱི་གཙོ། །བཙུན་མོ་འཛིན་པའི་ཚོགས་དང་བཅས། །ཁྲོ་མོའི་ཚོགས་དང་ལྡན་པར་བསྒོམ། །ཞི་དང་དྲག་པོ་དབང་དང་རྒྱས། །འཇིགས་པའི་ཚོགས་ཆེན་དེ་དབུས་སུ། །ལུས་དང་ངག་ཡིད་བྱིན་བརླབས་ནས། །བདག་ཉིད་དྲག་པོ་བཅོས་ཚུལ་དུ། །སྐུ་གསུང་ཐུགས་ཀྱི་དཀྱིལ་འཁོར་བསྒོམ། །འཁོར་ལོ་བར་ཁྱམས་སྒོ་རྣམས་སུ། །འཇིགས་བྱེད་རིན་ཆེན་རིགས་ ― DNG011_Page_0365 ―
[མ་དཔེ་གཟིགས་ན་འདིར་གནོན།]
ཀྱི་གཙོ། །བཙུན་མོ་འཛིན་པའི་ཚོགས་དང་བཅས། །ཁྲོ་མོའི་ཚོགས་དང་ལྡན་པར་བསྒོམ། །ཞི་དང་དྲག་པོ་དབང་དང་རྒྱས། །འཇིགས་པའི་ཚོགས་ཆེན་དེ་དབུས་སུ། །ལུས་དང་ངག་ཡིད་བྱིན་བརླབས་ནས། །བདག་ཉིད་དྲག་པོ་བཅོས་ཚུལ་དུ། །སྐུ་གསུང་ཐུགས་ཀྱི་དཀྱིལ་འཁོར་སྒོམ། །ཡང་ན་རིགས་དབང་དཀྱིལ་འཁོར་རོ། །འཁོར་ལོ་བར་ཁྱམས་སྒོ་རྣམས་སུ། །འཇིགས་པའི་ཕྲིན་ལས་རིགས་ཀྱི་གཙོ། །བཙུན་མོ་འཛིན་པའི་ཚོགས་དང་བཅས། །ཁྲོ་མོའི་ཚོགས་དང་ལྡན་པར་བསྒོམ། །ཞི་དང་དྲག་པོ་དབང་དང་རྒྱས། །ལས་བཞི་དཀྱིལ་འཁོར་རྫོགས་པར་དགོད། །འཇིགས་པའི་ཚོགས་ཆེན་དེ་དབུས་སུ། །ལུས་དང་ངག་ཡིད་བྱིན་བརླབས་ནས། །བདག་ཉིད་དྲག་པོར་རབ་གནས་ནས། །སྐུ་གསུང་ཐུགས་ཀྱི་དཀྱིལ་འཁོར་བསྒོམ། །འཇིགས་བྱེད་ལྔ་རྫོགས་དཀྱིལ་འཁོར་ནི། །ཉི་ཤུ་རྩ་ལྔ་སྐུ་གསུང་ཐུགས། །ཡོན་ཏན་ཕྲིན་ལས་རྫོགས་པར་བསྒོམ། །རྒྱན་དང་ཆ་ལུགས་ལ་སོགས་པ། །འཇིགས་པའི་ཚོགས་ནི་ཇི་བཞིན་པར། །ཚམ་ངམ་ཆེན་པོའི་ཆ་ལུགས་བསྒོམ། །གླུ་དང་གར་དང་ཕྱག་རྒྱ་དང་། །ཤེས་རབ་ཐབས་སུ་ཤེས་པ་དང་། །བྱང་ཆུབ་སེམས་ཀྱི་མཆོད་པ་དང་། །བརྡ་ལ་སོགས་པའི་ཡོན་ཏན་དང་། །བཟའ་དང་བཅའ་དང་བཏུང་དང་བགོ། །ལོངས་སྤྱོད་ལྔ་ལྡན་ཐམས་ཅད་ཀྱི། །མདོར་ན་ཚོགས་རྣམས་མངོན་དུ་བསྒྲུབ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་འཇིགས་བྱེད་ཆེན་པོའི་བསོད་ནམས་སྦྱིན་པ་དམ་ཚིག་གི་ལེའུ་སྟེ་སུམ་ཅུ་གསུམ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་ཆོ་ག་དང་དཀྱིལ་འཁོར་ཡོངས་སུ་ཤེས་པར་བྱ་བའི་ཕྱིར་ཆེད་དུ་བརྗོད་པ་འདི་བརྗོད་དོ། །དེ་བཞིན་གཤེགས་པའི་སྐུ་གསུང་ཐུགས། །ཆོས་དབྱིངས་རྣམ་དག་དཀྱིལ་འཁོར་རོ། །གསང་སྔགས་སྤྱི་ཡི་དཀྱིལ་འཁོར་ལས། །ཤེས་འཇུག་ཡུམ་གྱི་དཀྱིལ་འཁོར་བསྒོམ། །རྒྱང་གྲགས་དཔག་ཚད་ལ་སོགས་དང་། །ལུས་གང་ལུས་དོ་གསུམ་གྱི་ཚད། །རང་གི་རིག་པས་ཅི་ནུས་པར། །སྒྱུ་འཕྲུལ་དྲ་བའི་དཀྱིལ་འཁོར་བསྒོམ། །གནོད་བསྐྲད་ས་གནོན་བྱིན་གྱིས་བརླབ། ། ― DNG011_Page_0366 ―
[མ་དཔེ་གཟིགས་ན་འདིར་གནོན།]
ལྗོན་པ་ལྕུག་ཕྲན་སྡོང་གཅིག་དང་། །མ་རེག་ཚོན་གྱིས་ཇི་བཞིན་དུ། །གོམས་པར་བྱ་བའི་ཏིང་འཛིན་དབབ། །འཇིགས་བྱེད་སྐུ་གསུང་དཀྱིལ་འཁོར་བཟླས། །གནས་དང་ཟླ་དང་རྫས་རྣམས་ནི། །ཚོགས་ཀྱི་མཆོག་ཏུ་དམིགས་པས་གཞག །དང་པོར་མཆོད་སྦྱིན་དམ་པས་མཆོད། །གཟུགས་དང་ལུགས་ཆེན་དུང་མཆོག་ནི། །ཅི་འདོད་སྣང་བར་བདག་གིས་དགོད། །འཇིགས་བྱེད་དབང་དུ་བདག་ཞུགས་ནས། །ཁྲོ་མོ་ཇི་སྙེད་འཁོར་དུ་བྱ། །བར་ཆད་ཏིང་འཛིན་མཆོག་གིས་ཟློག །གསང་བའི་སྙིང་པོར་ཉིད་བཤམས་ཏེ། །འདས་པ་བདག་ཏུ་མཉམ་སྦྱར་ཞིང་། །ཐུགས་ཀྱི་སྔགས་ཀྱིས་སྤྱན་དྲངས་ནས། །བདག་གི་ལུས་ལ་ཞུགས་ཚུལ་དུ། །དེ་ཡི་གཟུགས་གཟུང་མཆོག་ཏུ་བསྡིམ། །ཛཿཞེས་ལན་གསུམ་བརྗོད་པས་ན། །དེ་ཉིད་བསོད་ནམས་ལུས་ཐོབ་ཅིང་། །ཡེ་ཤེས་ལྔ་ཡི་དངོས་གྲུབ་སྦྱིན། །ཕོ་ཉ་འདུ་འཕྲོ་མང་པོ་རྣམས། །དེ་ཡི་དགོས་པ་བྱེད་པར་འགྱུར། །ཡང་ན་ས་གཞི་རབ་མཉམ་ལ། །ཕྱག་རྒྱ་གཟུགས་དང་སྙིང་པོ་རྣམས། །ལྔ་ཡི་ཚོན་གྱིས་བྲི་བར་བྱ། །དཀར་རྩི་དམར་རྩི་དྲི་ཤ་ཆེན། །རྡོ་རྗེ་དུང་ཆེན་དམར་རྩིས་དགང་། །དུང་དང་སྲོག་ཤིང་གསར་རྙིང་དང་། །ཞིང་འགྱུར་མཆོག་དང་མཆོག་ཕྲན་དང་། །ཇི་སྙེད་པ་ཡི་རྫས་རྣམས་ཀུན། །འཇིགས་བྱེད་ཆེན་པོའི་ཏིང་འཛིན་དང་། །ཉམས་པ་མེད་པའི་སེམས་ཀྱིས་སྤྱད། །སྒྱུ་འཕྲུལ་དྲ་བའི་དཀྱིལ་འཁོར་ལ། །རྡེང་དང་བཅས་པའི་བསམ་པ་ཡིས། །རེ་བ་མེད་པར་རབ་ཏུ་བསྒྲུབ། །བསྙེན་པ་དང་ནི་ཉེ་བསྙེན་པ། །སྒྲུབ་པ་དང་ནི་སྒྲུབ་ཆེན་པོས། །ཞག་ནི་ཚང་ཞིང་རྟགས་བྱུང་ན། །དཀྱིལ་འཁོར་མཐུན་པ་ཉིད་དུ་སྦྱར། །ཞག་ནི་སུམ་ཅུ་ཕྲག་དྲུག་གམ། །དྲུག་ཅུ་དགུ་བཅུ་རྩ་དྲུག་ཏུ། །འཇིགས་བྱེད་ཆེན་པོའི་དཀྱིལ་འཁོར་བསྒོམ། །འཇིགས་བྱེད་ཚོགས་ལ་བདག་ལུས་དབུལ། །དེ་ཉིད་དཀྱིལ་འཁོར་ཉིད་དུ་བརྟག །འདའ་བར་མི་མཛད་དམ་ཚིག་ལས། །ནམས་ཀྱང་འདའ་བར་མི་མཛད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དགྱེས་པ་ཆེན་པོའི་དཀྱིལ་འཁོར་དམ་ཚིག་གི་ལེའུ་སྟེ་སུམ་ཅུ་བཞི་པའོ།། །།དེ་ནས་བཅོམ་ ― DNG011_Page_0367 ―
[མ་དཔེ་གཟིགས་ན་འདིར་གནོན།]
ལྡན་འདས་དགྱེས་པ་ཆེན་པོས་སྔགས་ཀྱི་སྙིང་པོ་འདི་ཆེད་དུ་བརྗོད་དོ། །ཨ་ཀི་དུ་ན་ཛྭ་ལ་མཎྜ་ལ་ཕཊ་ཕཊ་ཕཊ། ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཀྲོ་དྷི་ཤྭ་རི་ཧཱུྃ་ཕཊ། རུ་ལུ་མ་ཧཱ་ས་མ་ཡ་ཧཱུྃ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨོཾ་མ་ཧཱ་བཛྲ་ཤྲཱི་ཧེ་རུ་ཀ་བཛྲ་ཀྲོ་དྷི་ཤྭ་རི་སརྦ་དུཥྚཱན་ཧཱུྃ་ཕཊ། རུ་ལུ་མ་ཧཱ་ས་མ་ཡ་ཧཱུྃ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་རཏྣ་མ་ཧཱ་ཀྲོ་དྷི་ཤྭ་རི་བི་དྷ་མུ་ཁ་ཧཱུྃ་ཕཊ། རུ་ལུ་རུ་ལུ་མ་ཧཱ་ས་མ་ཡ་ཧཱུྃ་བྷྱོ་ཧཱུྃ། ཨོཾ་ཧྲཱྀཿཔདྨ་མ་ཧཱ་ཤྲཱི་ཧེ་རུ་ཀ་པདྨ་མ་ཧཱ་ཀྲོ་དྷི་ཤྭ་རི་ཁཱ་ཧི་ཧཱུྃ་ཕཊ། རུ་ལུ་མ་ཧཱ་ས་མ་ཡ་ཧཱུྃ་རུ་ལུ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་སརྦ་ཨ་ག་མ་ཧཱ་ཀྲོ་དྷི་ཤྭ་རི་བི་ཤྭ་རཱུ་བེ་ཧཱུྃ་ཕཊ། རུ་ལུ་མ་ཧཱ་ས་མ་ཡ་ཧཱུྃ། རུ་ལུ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨོཾ་མ་ཧཱ་སརྦ་ཏ་ཐཱ་ག་ཏ་བཛྲ་རཏྣ་པདྨ་ཨ་མོ་གྷ་མ་ཧཱ་བཛྲ་ཤྲཱི་ཧེ་རུ་ཀ །མ་ཧཱ་ས་མ་ཡ་ཧ་ཧེ་ཧཱུྃ་ཕཊ། རུ་ལུ་རུ་ལུ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨོཾ་སརྦ་ཏ་ཐཱ་ག་ཏ་མ་ཧཱ་པདྨ་ཤྲཱི་ཧེ་རུ་ཀ་མནྟྲ་ཛྭ་ལ་མ་ཧཱ་མཎྜ་ལ་ཀཱ་ཡ་བཱཀ་ཙིཏྟ། ཨོཾ་ཨོཾ་ཨོཾ་ཧཱུྃ་ཧཱུྃ་ཧཱུྃ། རྨྨཱ་རྨྨཱ་རྨྨཱ ། ཨཱྃ་ཨཱྃ་ཨཱྃ། ཧཱྃ་ཧཱྃ་ཧཱྃ། བཛྲ་མ་ཧཱ་ཀ་པཱ་ལ་ཁཌྒ་དཎྜ་ན་ཛྭ་ལ་སིད་དྷ། མ་ཧཱ་ཤྲཱི་ཧེ་རུ་ཀ་ཨ་མེ་དུ་མེ་སིད་དྷོད་བྷཱ་བེ། སྃ་ཧ་ར་ཎ། ཧཱུྃ་ཧཱུྃ་ཧཱུྃ། མ་ཧཱ་ཡོ་ག་ཨད་དྷ་མ་ཧཱ་ས་མ་ཡ། རུ་ལུ་རུ་ལུ། ཨ་ལ་ལ་ཧོཿ། ཧོ་སེམས་ཉིད་ཐིག་ལེར་རབ་གནས་པའི། །དཀྱིལ་འཁོར་བཞི་བཅུ་གཉིས་ཉིད་རྫོགས། །སངས་རྒྱས་རྡོ་རྗེ་ཧེ་རུ་ཀ །ཚོམ་བུ་དཀྱིལ་འཁོར་བསམ་ཡས་ཀྱི། །སྐུ་གསུང་ཐུགས་སུ་བདག་སྦྱོར་ཅིག །ཨོཾ་བཛྲ་ཀྲོ་དྷ་ས་མ་ཡ་ཧོཿ། ) ཨོཾ་བཛྲ་ཀྲོ་དྷ་ས་མ་ཡ་སྟྭཾ། ཨོཾ་ཨྃ་ཧཱུྃ་སུ་ར་སྟྭཾ། ཀ་མ་ལ་མ་ཧཱ་སུ་ཁ་མཱ་ལཻ་མ་ནུ་ས་མ་ན་ཛྭ་ལ་ནི་དྷ་ན་ཨ་བ་ཡོ་ག་ཁཱ་ཧི་ཨ་ལ་ཨ་ལ་ཧོཿ། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་འཇིགས་བྱེད་ཆེན་པོ་སྔགས་ཀྱི་བཟླས་པ་སྙིང་པོ་འབྱུང་བ་ཞེས་བྱ་བའི་ལེའུ་སྟེ་སུམ་ཅུ་ལྔ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོའི་དམ་ཚིག་ཆེན་པོས་ཕུང་པོ་དང་། ཁམས་དང་སྐྱེ་མཆེད་སྦྱིན་པའི་ཏིང་ངེ་འཛིན་ལ་ཞུགས་ཏེ་གདུག་པའི་ཚོགས་བྱིན་གྱིས་རློབ་པ་ཞེས་བྱ་བ་འདི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་སརྦ་ཏ་ཐཱ་ག་ཏ་པདྨ་ས་མ་ཡོ་གི་ནཱི་ཛཿ། ཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ ― DNG011_Page_0368 ―
[མ་དཔེ་གཟིགས་ན་འདིར་གནོན།]
ཅད་དེ་བཞིན་གཤེགས་པའི་སྐུ་གསུང་ཐུགས་ཀྱི་སྙིང་པོ་ཀུན་དུ་པདྨར་གྱུར་ཏེ། དབུ་དགུ་ཕྱག་བཅྭ་བརྒྱད་པ་ལས་དབུ་དང་ཕྱག་དང་ཞབས་སྟོང་ཁམས་ཀྱི་རྡུལ་སྙེད་དུ་སྲིད་པའི་རྩེ་མོར་ཐུག་པར་གནས་པར་གྱུར་ཏོ། །དེ་ནས་ཡང་དཀྱིལ་འཁོར་ཆེན་པོ་རྫོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རི་རབ་ཆེན་པོ་བརྐྱང་བསྐུམ་གྱི་ཚུལ་གྱིས་འདྲིལ་ཞིང་། ཨོཾ་ཨ་བྷི་ཙ་ར་བ་ཤཱི་ན་ཞེས་བརྗོད་པས་ལྷའི་ཚོགས་དང་། ཀླུའི་ཚོགས་དང་། གནོད་སྦྱིན་ཆེན་པོ་དང་། སྲིན་པོ་དང་། མི་དང་། མི་མ་ཡིན་པ་ཇི་སྙེད་པ་ཐམས་ཅད་རང་དབང་མེད་པར་ཞབས་འདྲིལ་བའི་འོག་ཏུ་གནས་པར་གྱུར་ཏོ། །དེ་ནས་ཡང་ཧ་ཧ་ཨ་བི་ར་ཙ་ཏིཥྛ་ཞེས་བརྗོད་པས་ལ་ལ་ནི་ལུས་ཤིན་ཏུ་བརྫེས་ཏེ་རི་རབ་ཆེན་པོའི་འོག་ཏུ་གནས་པར་གྱུར་ཏེ། ལ་ལ་ནི་མངོན་སུམ་གཅན་མར་རི་རབ་ཆེན་པོའི་འོག་ཏུ་གནས་པར་གྱུར་ཏོ། །དེ་ནས་ཡང་ས་འཛིན་གྱི་རྒྱལ་པོ་ཞེས་བྱ་བ་གདུག་ཅིང་ཞེ་སྡང་ཆེ་བ་དད་པ་མེད་ཅིང་རྡོ་རྗེ་ཐེག་པ་སྨོད་པ་ཞིག་ཡོངས་ཀྱི་འཇིག་རྟེན་ན་གནས་པར་མཁྱེན་ཏོ། །མཁྱེན་ནས་ཏིང་ངེ་འཛིན་དེ་ལས་བཞེངས་ནས། ཨོཾ་པདྨ་ས་མ་ཡོ་གི་ནི་རུ་ལུ་རུ་ལུ་རུ་ལུ་ཧཱུྃ་ཞེས་བརྗོད་པས་ཀུན་དུ་སྐུ་ཆགས་པའི་བདག་ཉིད་དང་། ཀུན་དུ་གསུང་ཆགས་པའི་ཆ་ལུགས་དང་། ཀུན་དུ་ཐུགས་ཆགས་པར་གྱུར་པ་དང་། ཀུན་དུ་རིན་པོ་ཆེ་ཆགས་པ་ཆེན་པོ་དང་། ཀུན་དུ་ཕྲིན་ལས་ཆགས་པ་ཆེན་པོར་གྱུར་ཏེ། ཤར་དང་། ལྷོ་དང་། ནུབ་དང་། བྱང་དང་། དབུས་ཆེན་པོར་ཁྲག་གི་དབའ་ཀློང་ཀེང་རུས་ཆེན་པོའི་རི་རབ་ཆེན་པོ་ན་དུས་ཀུན་དང་དེ་ཉིད་སྣང་བར་གྱུར་ཏོ། །དེ་ཡང་ཀུན་དུ་སྐུ་ལྔ་འཇིགས་པའི་གཟུགས་བསམ་གྱིས་མི་ཁྱབ་པ་དང་། ཀུན་དུ་གསུང་ལྔའི་ང་རོ་བསམ་གྱིས་མི་ཁྱབ་པ་དང་། འཇིགས་བྱེད་བསམ་གྱིས་མི་ཁྱབ་པ་དང་། ཀུན་དུ་ཐུགས་ལྔའི་རོལ་པ་དང་། ཞལ་བསམ་གྱིས་མི་ཁྱབ་པས་འཇིགས་པ་དང་། རིགས་ལྔ་ཚོམ་བུ་ཆེན་པོའི་སྟེང་དུ་གནས་པར་གྱུར་ཏོ། །དེ་ལས་མཆོག་གི་སྙིང་པོ་ཆེན་པོ་མ་ཧཱ་རཏྣ་ཏི་ལ་ཀའི་དབུར་གྱུར་ལས་རབ་ཏུ་སྐུ་གསུང་ཐུགས་སྤྲས་པའི་གཞལ་མེད་ཁང་ན་འཇིགས་བྱེད་ཆེན་པོའི་ ― DNG011_Page_0369 ―
[མ་དཔེ་གཟིགས་ན་འདིར་གནོན།]
ཐིག་ལེ་སྙིང་པོ་ཉིད་དབུ་གསུམ་ཕྱག་དྲུག་ཏུ་གནས་ཏེ་གཉིས་སུ་མེད་པར་བཞུགས་སོ། །དེ་ནས་དེ་ཉིད་དུ་སྐུ་དང་། དབུ་དང་། ཕྱག་དང་། ཞབས་དང་། འཁོར་སྟོང་ཁམས་ཀྱི་རྡུལ་སྙེད་དུ་འཇིགས་བྱེད་ཆེན་པོ་བསམ་གྱིས་མི་ཁྱབ་པར་ཁེབས་པར་མཐོང་ངོ་། །དེ་ནས་ཡང་བདུད་ཆེན་པོ་ས་འཛིན་གྱི་རྒྱལ་པོས་སྐྱེས་བུ་ཆེན་པོ་ས་འཛིན་གྱི་བདག་པོ། ཐོང་ཐོང་ཇི་དེ་ལྟ་བུ་བྱེད་དམ་ཞེས་པ་ལས་དེ་ནས་ཡང་དགྱེས་པ་ཆེན་པོའི་བདག་ཉིད་ཀྱིས། ཨོཾ་ཨ་བྷི་ཙ་ར་བ་ཤཱི་ན་ཧཱུྃ་ཧཱུྃ་ཧཱུྃ་ཞེས་བརྗོད་པས་དམ་པའི་བསྟན་པས་དམ་པའི་བསྟན་པ་རྡོ་རྗེ་ཐེག་པ་སྨོད་ཅིང་འགྲོ་བའི་རྣལ་འབྱོར་པ་ལ་གནོད་པའི་ཚོགས་འཁོར་བསམ་གྱིས་མི་ཁྱབ་པ་དང་། གཡོག་དང་ཡང་གཡོག་ཏུ་བཅས་པའི་བདུད་ཆེན་པོ་དེ་དག་ཉིད་ཀྱི་ཡིད་ཀྱིས་གདུངས་ཏེ་རབ་ཏུ་བརྒྱལ་ནས་མ་མཐོང་བར་རྨོངས་པའི་གནས་ནས་རང་དབང་མེད་ཅིང་དྲན་པ་མེད་པར་ཀེང་རུས་ཀྱི་རི་རབ་ཆེན་པོའི་འོག་ཞབས་ཀྱི་གནས་སུ་ཕྱིན་པར་གྱུར་ཏོ། །དེ་ནས་འཇིགས་བྱེད་ཆེན་པོས་ཏིཥྛ་བཛྲ་ཨྃ་ཨྃ་ཞེས་བརྗོད་པས་གདུག་པའི་བློ་དང་ཕྲལ། མི་མཐུན་པའི་ལུས་བརྫེས་ཏེ་ལྷ་ཆེན་པོའི་ཚོགས་འདུལ་བའི་འཁོར་ལོས་སྒྱུར་བའི་རྒྱལ་པོ་ཆེན་པོར་གནས་པར་གྱུར་ཏོ། །དེ་ནས་དགྱེས་པ་ཆེན་པོ་དཔལ་འཇིགས་བྱེད་ཆེན་པོས་དེ་དག་གི་དཀྱིལ་འཁོར་སྒྱུ་འཕྲུལ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་ལས་ཐུགས་ཀྱི་དཀྱིལ་འཁོར་ཐིག་ལེ་ཆེན་པོ་ཞེས་བྱ་བ་འདི་ཉིད་ཀྱི་རྡོ་རྗེ་ཐིག་ལེ་ཆེན་པོའི་དམ་ཚིག་སྒྱུ་འཕྲུལ་དྲ་བ་ལས་ཕྱུང་ངོ་། །ཨོཾ་ཁྲག་མངས་དབའ་ཀློང་འཁྱིལ་པ་ཡི། །ཀེང་རུས་ཚོགས་ཀྱི་རི་རབ་འབུམ། །འདུས་པའི་ཚོམ་བུ་ལྔ་ཡི་རི། །འཁོར་ལོ་རྩིབས་བཞི་འབར་བའི་ཁང་། །གྲུ་ཆད་བཞིས་བརྒྱན་རབ་བརྗིད་པའི། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གཉིས་ཀྱིས་མཛེས། །ཐོད་སྦྲུལ་སྣ་ཚོགས་ཉི་ཟླས་བརྗིད། །སྟ་ན་མང་པོ་ལྷ་ཆེན་བརྟེན། །དགྱེས་པ་ཆེན་པོ་ཀུན་དུ་བཟང་། །ཕྱག་དང་ཞབས་ནི་བརྒྱད་པ་ཡི། །ཐོད་སྦྲུལ་སྣ་ཚོགས་ཉི་ཟླས་ ― DNG011_Page_0370 ―
[མ་དཔེ་གཟིགས་ན་འདིར་གནོན།]
བརྗིད། །འཇིགས་བྱེད་ཆེན་པོ་ཁྲག་འཐུང་བའི། །རྡོ་རྗེ་སྙིང་པོ་ཐིག་ལེ་ཐུགས། །དབུ་གསུམ་ཕྱག་དྲུག་ཞབས་བཞི་བགྲད། །ཁྲོ་མོ་བཞིས་མཆོད་ངོས་བཞིར་ནི། །དགྱེས་པ་ཆེན་པོའི་ཚུལ་འཆང་བ། །ཕྱོགས་བཞི་གྲྭ་དང་བཅས་པར་ནི། །སྤྲུལ་པའི་རྣལ་འབྱོར་ཕྲ་མེན་རྣམས། །རི་རབ་ཞིང་ཆེན་སྟེང་ན་གནས། །འབར་བས་ཕྱག་བསྣམས་ཆེན་པོ་ནི། །རྡོ་རྗེ་དུང་ཆེན་གང་བ་དང་། །པདྨའི་གཞལ་མེད་རྔེའུ་ཆུང་བརྡུང་། །ཞིང་གི་ཞགས་པས་འཆིང་བ་དང་། །ཁ་ཊྭཱཾ་འཕེན་ཅིང་འཁྲིལ་བ་སྟེ། །བཙུན་མོ་འཛིན་པའི་ཚོགས་དང་བཅས། །གནས་དང་ཡུལ་གྱི་ཕྱག་རྒྱ་དང་། །སྒོ་བཞི་ཕྱག་རྒྱ་རབ་མཛེས་པར། །བྲན་མོའི་ཚོགས་ཆེན་མང་པོ་རྣམས། །འཇིགས་པའི་གཟུགས་ཀྱིས་གནས་པར་བྱེད། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གདུག་པའི་ཚོགས་བྱིན་གྱིས་རློབ་པ་ཞེས་བྱ་བའི་ལེའུ་སྟེ་སུམ་ཅུ་དྲུག་པའོ།། །།དེ་ནས་དེ་བཞིན་གཤེགས་པ་ཐམས་ཅད་དགོངས་པ་གཅིག་ཏུ་གྱུར་ནས། དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ། །བྱེད་པ་རྡོ་རྗེ་མཆོག་ཉིད་ཀྱི། །སྒྱུ་འཕྲུལ་ལམ་གྱི་དཀྱིལ་འཁོར་ལས། །དྲ་བའི་དཀྱིལ་འཁོར་མངོན་རྫོགས་པར། །འཇུག་པའི་ཡིད་ཀྱི་དགོངས་པ་ཡིན། །ཤིན་ཏུ་ཕྲ་ལ་སྦྱངས་པ་ནི། །དཀྱིལ་འཁོར་བཞི་བཅུ་གཉིས་ཀྱིས་མཛེས། །ཚོམ་བུ་གཉིས་ཀྱི་བྱེ་བྲག་ཏུ། །སྤྲོ་ཞིང་བསྡུ་བའང་དེ་བཞིན་ནོ། །ཡིད་དུ་འོང་བའི་ས་གཞིར་ནི། །རྐང་མཐིལ་ཐིག་གདབ་དཀྱིལ་འཁོར་བྲི། །ཨོཾ་དང་མཱུྃ་གྱི་དཀྱིལ་འཁོར་བསྒོམ། །དེ་ལས་ཕྲ་མོ་རྡོ་རྗེས་དགང་། །ཕྲ་བར་ས་བསྡུས་མཐིལ་དུ་གཟུང་། །ཡུམ་གྱི་ཚེགས་སུ་ཤེས་པས་བརྟགས། །གང་གི་ཡུལ་ཡང་དབང་དུ་གྱུར། །མི་མཐུན་གཟུགས་སུ་བརྟགས་པ་ནི། །དྲ་བའི་འདུ་འཕྲོས་དེ་ལུས་བཞིན། །ལུགས་ཀ་བཞིན་དུ་ཧྃ་དུ་བརྟག །དེ་ལས་འོད་བཞིན་མཐིལ་དུ་གཟུང་། །གསང་ནས་ངག་ལམ་ཧྃ་དུ་བྱ། །རླུང་ཟླའི་སྟེང་དུ་མཁས་པས་གཞག །དྲག་པོ་ལྕེ་ཡི་སྦྱོར་བ་ཡིས། །གླིང་ཁམས་གཞན་དུ་ཤིན་ཏུ་གཏང་། ། ― DNG011_Page_0371 ―
[མ་དཔེ་གཟིགས་ན་འདིར་གནོན།]
བདག་ཉིད་ཧཱུྃ་གི་ཚོགས་བཅས་པ། །མ་སྐྱེས་པ་ཡི་ཡི་གེ་བསྒོམ། །བྱ་བ་ཆོས་ཁམས་དེ་ཡི་ཚོགས། །མཱུྃ་དུ་བྱིན་བརླབས་ཡི་གེར་བསྡིམ། །བརྟན་པ་ཨ་ཡི་འཕྲོ་འདུ་ཡིས། །ནམ་མཁའ་བཞིན་དུ་ཤིན་ཏུ་བསྒོམ། །བརྟན་འགྱུར་ཨ་ཡི་སྙིང་པོ་བཟླས། །ཉམས་སུ་ལོན་པར་མ་གྱུར་ཚེ། །འཇུག་པའི་ཡིད་དང་ཉམས་སུ་སྦྱོར། །དང་པོའི་གནས་སུ་ཤེས་པ་དང་། །རྣམ་པ་མང་པོར་མཉམ་དུའོ། །དེ་ལས་མི་སྣང་གཟུགས་ཞི་བ། །རབ་ཏུ་བློ་ཡི་ཐིག་གནས་ནི། །གཞན་དུ་ནམས་ཀྱང་མི་བསྟན་ཅིང་། །གཞོན་དང་སྤྱད་དང་འཚོང་ལ་སོགས། །ལོངས་སྤྱོད་རྣམ་པར་སྦྱོར་བ་དང་། །རྫས་ཀྱི་ནོར་ཕྱིར་མ་ཡིན་ནོ། །རྨོངས་ལ་འཕར་དང་བརྩོན་འགྲུས་ཞན། །ནམས་ཀྱང་སྦྱིན་པར་མ་གསུངས་ཏེ། །སྨད་པ་བམ་གྱི་གཏེར་བཞིན་དུ། །སུས་ཀྱང་ཕྱིན་པར་མ་གསུངས་ལ། །སྲོག་ཆགས་ཁྭ་ཡི་གཏམ་བཞིན་དུ། །ནམས་ཀྱང་སྨྲ་བར་མི་བྱའོ། །བྱེད་པ་རྡོ་རྗེ་གཤའ་ཡི་ཚོགས། །བཞི་བཅུ་རྩ་བཞི་གླིང་བཞིའི་ལམ། །ཀུན་དུ་བཟང་པོ་ཐབས་ཚུལ་བ། །ཚོམ་བུ་གསུམ་གྱི་ལྷ་རྣམས་བསྒོམ། །ཆོས་ཁམས་བྱ་བ་ཨ་ཡི་ཚོགས། །བཞི་བཅུ་རྩ་གཉིས་གླེང་སློང་བ། །ཀུན་དུ་བཟང་མོ་ཤེས་རབ་ཚུལ། །གཤའ་ལ་ཡེ་ཤེས་ཐུགས་ཀྱི་ཐུགས། །ཚོམ་བུ་གསུམ་གྱི་ལྷ་རྣམས་བསྒོམ། །དེ་ནི་ཆོས་ཁམས་ཨ་ལ་བསྡིམ། །ཆོས་ཀྱི་ཆོས་བྱ་བ་ཡི་དབྱིངས། །ཀུན་དུ་བཟང་མོ་བདེ་བའི་ཡུམ། །དེ་ཡི་ངང་དུ་ཚོགས་ཀུན་བརྟགས། །ས་ཆུ་མེ་ཡི་འབྱུང་བ་རྣམས། །དེ་ཡི་དབྱིངས་ནས་འབྱུང་བར་ནི། །འདོད་པའི་བདག་ལ་ཤིན་ཏུ་བརྟག །མི་གནས་ནམ་མཁའི་མཐའ་ཀླས་པར། །གོམས་པར་འདོད་པ་ཐོད་པ་དང་། །ཆུ་ལས་ས་བཞིན་འགྲོ་བ་དང་། །བསྲེག་བྱ་འབར་བའི་དབུས་གནས་དང་། །ཚ་བ་རླུང་གིས་བཏེག་ནས་ཀྱང་། །ཕྱོགས་བཅུ་ཀུན་དུ་ཕྱིན་པར་འགྱུར། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་རྡོ་རྗེ་སྙིང་པོ་ལས་ཐམས་ཅད་ཀྱི་ལེའུ་སྟེ་སུམ་ཅུ་བདུན་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་གསང་བའི་སྙིང་པོ་འདི་བརྟན་པར་འཛིན་པའི་དོན་ཆེད་དུ་ཆེད་དུ་བརྗོད་པ་འདི་བརྗོད་དོ། ། ― DNG011_Page_0372 ―
[མ་དཔེ་གཟིགས་ན་འདིར་གནོན།]
དེ་ཉིད་ཆོས་དབྱིངས་མཉམ་སྦྱོར་བས། །སངས་རྒྱས་ཀུན་བདག་བྱིན་གྱིས་བརླབ། །ཀྵ་ལམ་ཨ་ཡི་ཚོན་བཞིན་དུ། །སྒྱུ་འཕྲུལ་དྲ་བའི་དཀྱིལ་འཁོར་བསྒོམ། །ལུགས་སུ་བླུགས་པ་བཞིན་དུ་ནི། །དེ་ཉིད་ཡིད་ལམ་མཆོག་གྲུབ་པའོ། །དེ་ཉིད་གསལ་བར་མཉམ་སྦྱོར་ལས། །སངས་རྒྱས་ཀུན་བདག་བྱིན་གྱིས་བརླབ། །ཨོཾ་ལཱྃ་ཨ་ཡི་ཚོན་བཞིན་དུ། །སྒྱུ་འཕྲུལ་དྲ་བའི་དཀྱིལ་འཁོར་བསྒོམ། །ལུགས་སུ་བླུགས་པ་བཞིན་དུ་ནི། །དེ་ཉིད་གཟུགས་ལམ་མཆོག་གྲུབ་པའོ། །དེ་ཉིད་མཉམ་ཉིད་མཉམ་སྦྱོར་ལས། །སངས་རྒྱས་ཀུན་བདག་བྱིན་གྱིས་བརླབ། །རྨྨཱ་ལྃ་ཨ་ཡི་ཚོན་བཞིན་དུ། །སྒྱུ་འཕྲུལ་དྲ་བའི་དཀྱིལ་འཁོར་བསྒོམ། །ལུགས་སུ་བླུགས་པ་བཞིན་དུ་ནི། །དེ་ཉིད་ཁྱད་པར་ལམ་མཆོག་གོ། །ཆོས་དབྱིངས་རྟོགས་པ་མཉམ་སྦྱོར་ལས། །སངས་རྒྱས་ཀུན་བདག་བྱིན་གྱིས་བརླབ། །ཨོཾ་ལྃ་ཨ་ཡི་ཚོན་བཞིན་དུ། །སྒྱུ་འཕྲུལ་དྲ་བའི་དཀྱིལ་འཁོར་བསྒོམ། །ལུགས་སུ་བླུགས་པ་བཞིན་དུ་ནི། །དེ་ཉིད་གསུམ་ལམ་མཆོག་གྲུབ་པའོ། །ཆོས་དབྱིངས་བྱ་བ་མཉམ་སྦྱོར་བས། །སངས་རྒྱས་ཀུན་བདག་བྱིན་གྱིས་བརླབ། །ཧཱྃ་ལྃ་ཨ་ཡི་ཚོགས་བཞིན་དུ། །སྒྱུ་འཕྲུལ་དྲ་བའི་དཀྱིལ་འཁོར་བསྒོམ། །ལུགས་སུ་བླུགས་པ་བཞིན་དུ་ནི། །དེ་ནི་ཕྲིན་ལས་ཡེ་ཤེས་སོ། །དེ་ལས་ཏིང་འཛིན་སྒྱུ་འཕྲུལ་བསྒོམ། །དྲ་བའི་དཀྱིལ་འཁོར་མཆོག་ཉིད་ནི། །རྩེ་བཅུ་རིགས་ཀྱི་ཕྱག་རྒྱ་བསྒོམ། །དེ་ཉིད་ཧ་དང་ཀྵཿཉིད་དེ། །མཱུྃ་གྱི་ཚོགས་ཀྱི་ལྷ་རྣམས་བསྒོམ། །སངས་རྒྱས་སྒྱུ་འཕྲུལ་མཆོག་ཉིད་ལས། །དྲ་བའི་དཀྱིལ་འཁོར་མངོན་རྫོགས་པ། །དེ་ཉིད་ཧཱུྃ་ལམ་ཕྱག་བསྣམས་པ། །རྩེ་བཅུ་རྒྱན་གྱིས་རྣམ་པར་བརྒྱན། །ཡང་ན་རྩེ་ལྔ་ཐུགས་ཀྱི་ཐུགས། །དབུས་ནས་ཧཱུྃ་གི་ལོ་ཙ་ན། །ལྕགས་ཀྱུ་འཛིན་པར་རྒྱ་བཅིངས་ཤིང་། །ཧཱུྃ་ཧཱུྃ་ཧཱུྃ་གིས་ལན་གསུམ་དུ། །རང་ལུས་ངག་ཡིད་བྱིན་གྱིས་བརླབ། །མཱུྃ་གྱི་ཚོགས་ཀྱི་ལྷ་རྣམས་བསྐུལ། །འབྲུ་ལྔ་རྒྱ་བཅིངས་བྱིན་གྱིས་བརླབ། །བསྐྱེད་པ་རྫོགས་པར་གསོར་བ་ཡིས། །བཞི་བཅུ་རྩ་གཉིས་དཀྱིལ་འཁོར་བྲི། །ཞི་བ་རྒྱས་པ་ལན་ ― DNG011_Page_0373 ―
[མ་དཔེ་གཟིགས་ན་འདིར་གནོན།]
གསུམ་གྱིས། །དེ་འདོད་ལས་རྣམས་གྲུབ་པར་འགྱུར། །བཅུ་པ་དྲག་པོ་མཐིང་གནག་དབུང་། །འགྱིང་བའི་གར་གྱིས་གསོར་བ་ཡིས། །གསུང་སྙན་སྒྲ་ཡི་བྲོ་རྡབས་པའི། །ཕྱག་རྒྱ་བརྒྱད་དུ་སྦྱོར་བས་ན། །ཕཊ་ཕཊ་ཧཱུྃ་གིས་གསོར་བ་ཡིས། །སྙིང་པོ་ཐུགས་རྟགས་ཕྱག་བསྣམས་པ། །སྐུ་གསུང་ཐུགས་ཀྱི་རྒྱལ་པོ་ལས། །བསོད་ནམས་ལུས་འཇིག་དབང་དུ་འགྱུར། །ཅི་འདོད་རེ་བ་ཐོབ་པར་མཛད། །བརྒྱན་པ་སྒེགས་པ་ཕོ་ཉ་དང་། །ཚངས་པ་དབང་པོ་འདོད་དབང་དང་། །མདོར་ན་བཅུ་གཉིས་གླིང་གི་བདག །དྲག་ཤུལ་མཐུ་ཡི་དྲེགས་པ་ཅན། །སྔགས་ཤིང་བརྒྱལ་ཏེ་བློ་སྟོར་ནས། །བུམ་པ་བཟང་པོ་འབུལ་བར་འགྱུར། །ལྷ་མོ་ཀླུ་མོ་བརྒྱན་པ་དང་། །རྟ་དང་གླང་པོ་བཞོན་པ་དང་། །གནས་དང་རྟེན་དང་བགོ་བ་དང་། །གཙུག་ན་ནོར་བུ་ཡོད་པ་དང་། །ཅི་འདོད་ཡིད་ལ་བསམ་པ་འབུལ། །དེ་ལ་བྲན་བཞིན་བྱེད་པར་འགྱུར། །དེ་ཡི་དགོས་པ་ཐམས་ཅད་ནི། །མ་ལུས་ཀུན་རྫོགས་འགྲུབ་པར་འགྱུར། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་བརྟན་པར་གཟུང་བ་བདུད་རྩི་འབྱུང་བའི་ལེའུ་སྟེ་སུམ་ཅུ་བརྒྱད་པའོ།། །།དེ་ནས་དེ་བཞིན་གཤེགས་པ་སྒྱུ་འཕྲུལ་དྲ་བ་ལས་ཐུགས་རྗེས་འགྲོ་བ་འདུལ་བ་བདུད་རྩི་འབྱུང་བ་ཞེས་བྱ་བ་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །ཨེ་མའོ་ཡེ་ནས་དག་ཆོས་ལ། །ལོག་རྟོག་རྣམ་པ་གཉིས་སུ་འགྲུབ། །ཐམས་ཅད་འབྱུང་བ་ལྔ་ལས་སྐྱེས། །ཐམས་ཅད་གཙང་ཞིང་དྲི་མེད་ལས། །རྣམ་རྟོག་མི་མཐུན་སོ་སོར་གྱུར། །ལ་ལའི་སྨན་ལ་ལ་ལའི་དུག །སྨན་དུ་མ་གྱུར་གང་ཡང་མེད། །ཐམས་ཅད་མ་ལུས་རྒྱུ་གཅིག་ལས། །མི་མཐུན་ཁྱད་པར་སོ་སོར་སྣང་། །སུས་ཀྱང་མ་བྱས་སུ་བྱེད་ཡོད། །རྣམ་རྟོག་ཞགས་པས་སོ་སོར་བཅིང་། །སྡུག་བསྔལ་མ་ལུས་འཁྲུལ་འཁོར་དང་། །ཁམས་གསུམ་ཕྱིན་ཅི་ལོག་བཞི་དང་། །དུས་གསུམ་འགྲོ་ལྔ་ཐམས་ཅད་དང་། །ཉོན་མོངས་སྡུག་བསྔལ་ཐམས་ཅད་སྦྱོང་། །རྣམ་པར་ཐར་པ་ལྟ་རྫོགས་བྱེད། །ས་བཅུ་རྫོགས་ཤིང་སངས་རྒྱས་ས་ཡང་རྫོགས། །དེ་ཕྱིར་སྨན་འདི་བསྒྲུབ་པར་བྱ། །ཀུན་ལ་ཕན་པའི་སྨན་ཡིན་པས། ། ― DNG011_Page_0374 ―
[མ་དཔེ་གཟིགས་ན་འདིར་གནོན།]
དེ་ཕྱིར་ང་དང་བདག་མ་འཛིན། །གཙང་དང་སྨེ་བའི་བློ་རྟོག་བོར། །ཐམས་ཅད་མཉམ་པ་ཉིད་དུ་སྤྱོད། །རྩ་བ་བྱང་ཆུབ་སེམས་ཉིད་རྟོགས། །ཐབས་ཀྱིས་ཕ་རོལ་ཕྱིན་པ་སྤྱོད། །སྙིང་རྗེས་ཆུད་མ་ཟོས་པར་གྱིས། །བདུད་རྩི་མཆོག་ནི་མཉམ་པའི་དབྱིངས། །བདུད་རྩིའི་དོན་ནི་སྐྱེ་ཤི་མེད། །བདུད་རྩི་གནས་ནི་བྱང་ཆུབ་སེམས། །བདུད་རྩི་ལས་ནི་རྣམ་རྟོག་སྦྱོང་། །བདག་དཔལ་ཚོགས་ཤིང་འགྲོ་དོན་མཛད། །སྨན་གྱི་བྱིན་བརླབས་བསམ་མི་ཁྱབ། །ངན་སོང་སྦྱོང་ཞིང་མཐོ་རིས་འགྲུབ། །གསེར་འགྱུར་སྨན་དང་མུན་སེལ་བཞིན། །གཞན་ཡང་དགོས་པ་སྣ་ཚོགས་འགྲུབ། །རྐྱེན་ལས་བྱུང་བའི་དུག་རྣམས་དང་། །རྩ་བའི་དུག་དང་སྦྱར་བའི་དུག །ཀླུ་དུག་སྦོད་གཏོང་དུག་ལ་སོགས། །ཐུགས་རྗེ་ཆེན་པོའི་བྱིན་བརླབས་ཀྱིས། །དུག་རྣམས་ཐམས་ཅད་གདུལ་བའི་ཕྱིར། །དཀྱིལ་འཁོར་མ་ལུས་ཚང་བར་བསྒོམ། །གནས་ལྔ་དག་ཏུ་འབྲུ་ལྔ་བསྡིམ། །ཨོཾ་ཧཱུྃ་ཏྲཱྃ་ཧྲཱྀཿཨ། །ཡང་ན་ཡི་གེ་ཨཱྃ་གྱིས་བྱ། །ཡང་ན་ཡི་གེ་ཧྲཱྀཿལས་གཏང་། །དུག་རྣམས་བདུད་རྩིར་བསྒྱུར་བར་བྱ། །མཉམ་པའི་དབྱིངས་སུ་ཐིམ་པར་བྱ། །ཨ་ཧོཿརྡོ་རྗེ་གསང་བའི་ཚིག་ཏུའོ། །ཧཱུྃ་བདག་ཉིད་ཞེ་སྡང་རྡོ་རྗེ་སྟེ། །ཐུགས་རྗེས་རྟོག་བདག་འདུལ་བར་བྱེད། །ང་དང་བདག་མེད་དབྱིངས་སྦྱོར་ཞིང་། །བྱམས་པའི་ཐུགས་དང་ལྡན་པའོ། །ཨོཾ་བདག་ཉིད་གཏི་མུག་ཆེན་པོ་སྟེ། །ཡེ་ཤེས་འོད་ཟེར་གསལ་བའི་ངང་། །ཐམས་ཅད་འབྱུང་བའི་འཁོར་ལོ་ཡི། །ཏྲཱྃ་བདག་ཉིད་ང་རྒྱལ་ཡོན་ཏན་ཏེ། །སྙིང་རྗེས་འགྲོ་དོན་འཕེལ་བར་བྱེད། །ཞི་བའི་བློ་ཆེན་དབྱིངས་སུ་སྦྱོར། །ཡོན་ཏན་རྒྱ་མཚོ་དཔག་མེད་པའོ། །ཧྲཱྀཿབདག་ཉིད་འདོད་ཆགས་གསུང་མཆོག་སྟེ། །ཉོན་མོངས་ལས་རྣམས་དག་པར་བྱེད། །ཉོན་མོངས་སྡུག་བསྔལ་རྣམ་པར་དག །ཆགས་མེད་སེམས་ནི་བྱང་ཆུབ་པའོ། །ཨཱ་བདག་ཉིད་ལས་ཀྱི་སེམས་དཔའ་སྟེ། །དོན་རྣམས་མ་ལུས་གྲུབ་པར་བྱེད། །ལོག་རྟོག་མ་ལུས་འདུལ་བའི་མཆོག །ཕྱོགས་བཅུ་དུས་བཞི་འཕྲོ་བའོ། །མཱུྃ་བདག་ཉིད་ཤེས་རབ་འོད་གསལ་ཏེ། །ལེ་ལོ་གཡེང་བ་ ― DNG011_Page_0375 ―
[མ་དཔེ་གཟིགས་ན་འདིར་གནོན།]
སེལ་བར་བྱེད། །ཐུགས་རྗེ་མྱུར་བ་ལས་བྱུང་བ། །རྒྱལ་བ་ཀུན་དུ་ཐོགས་མེད་པའོ། །ཉོན་མོངས་ལས་རྣམས་དག་བྱེད་ཅིང་། །དབུགས་ཆེན་དག་ཀྱང་འབྱིན་པར་བྱེད། །དུག་རྣམས་སྦྱོང་བ་སྐུ་གསུམ་སྟེ། །ལམ་ལྔ་སྦྱོང་བ་ཡེ་ཤེས་ལྔ། །འཁོར་བའི་རྩད་གཅོད་ཤེས་རབ་མཚོན། །ཧཱུྃ་དུ་བསྡུས་ཤིང་ཧོཿཡིས་གཡེང་། །རྃ་གྱིས་བསྲེགས་ཤིང་ཕཊ་ཀྱིས་འཕང་། །ཐབས་དང་ཤེས་རབ་འདྲེལ་པ་ཡི། །ཐིག་ལེའི་དབྱིངས་སུ་ཐིམ་པར་བྱ། །དེ་ནས་གཉིས་མེད་དབྱིངས་གྱུར་ནས། །ཡེ་ཤེས་སེམས་དཔའི་སྐུ་རུ་བསྒོམ། །འབྲུ་གཅིག་འབྲུ་གསུམ་འབྲུ་ལྔ་བསྒོམ། །བཞི་བཅུ་རྩ་གཉིས་མ་ལུས་དང་། །སངས་རྒྱས་དཀྱིལ་འཁོར་ཚང་བར་བསྒོམ། །ང་མེད་བདག་མེད་ཕྱག་རྒྱར་གསོལ། །དེ་ནས་ལོངས་སྤྱོད་ལྔ་ཀུན་དང་། །ཡེ་ཤེས་ལྔ་དང་རིགས་ལྔ་དང་། །ལྷ་མོ་ལྔ་དང་སྨན་ལྔར་བསྒོམ། །ཨོཾ་ཧཱུྃ་ཏྲཱྃ་ཧྲཱྀཿཨཿ། ཨོཾ་བཛྲ་ཨ་མྲྀ་ཏེ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཨོཾ་བི་ཤུད་དྷི་ཨ་མྲྀ་ཏེ་ཧཱུྃ་ཕཊ། ཨོཾ་དྷརྨ་ཨ་མྲྀ་ཏེ་ཧཱུྃ་ཕཊ། ཨོཾ་ཨཱཿཧཱུྃ་ཞེས་བརྗོད་པས་ཐམས་ཅད་དག་པར་གྱུར། བདུད་རྩིར་གྱུར། ས་ཆུ་མེ་རླུང་ནམ་མཁའ་རྣམས། །རང་བཞིན་མེད་པར་གཞིག་པའི་ཕྱིར། །གཅིག་ལ་ལྔ་ལྔར་དབྱེ་བྱ་ཞིང་། །མཱུྃ་གྱི་དབྱིངས་སུ་བསྡིམ་པར་བྱ། །འབྱུང་བ་ཆེ་རྣམས་དེ་དག་ལ། །ལྷག་པའི་ཏིང་འཛིན་བསྐྱེད་པར་བྱ། །རིགས་པ་ཐབས་ཀྱི་ཕྱག་རྒྱ་སྟེ། །དེ་བཞིན་གཤེགས་པ་ལྔར་བསྒོམ་ཞིང་། །འབྱུང་བ་སོ་སོའི་མཚན་ཉིད་དེ། །ཡུམ་ལྔ་དག་ཏུ་བསྒོམ་པར་བྱ། །དེ་རིགས་ཡེ་ཤེས་ལྔ་ཉིད་དོ། །རྒྱུར་བྱས་གཟུགས་སོགས་བཞི་བཅུ་གཉིས། །ཕྱི་ནང་སྣོད་བཅུད་ཐམས་ཅད་ཀུན། །དེ་བཞིན་ཉིད་ཀྱི་དབྱིངས་ཉིད་ན། །དེ་ལྟར་གྱུར་ཅིང་སྐྱེས་པ་ཀུན། །སྨོས་ཅི་དགོས་ཏེ་དེ་ཉིད་ཡིན། །ཨ་ཧོཿཨེ་མའོ་ལྷག་པའི་བྱིན་བརླབས་ཀྱིས། །བདག་ལ་ལྷ་རྣམས་བསྡུ་བར་བསྒོམ། །དེ་ནས་ལྷ་དང་གཉིས་མེད་ནས། །བདག་ཉིད་ཡི་གེ་ཨོཾ་དང་མཱུྃ། །གཉིས་དང་བདག་དང་དབྱིངས་སུ་ཐིམ། །བདག་ཉིད་བདུད་རྩི་འཁྱིལ་པར་བསྒོམ། །སྐུ་མདོག་གངས་ལ་ཉི་ཤར་འདྲ། །ཟླ་བ་པདྨ་གདན་ ― DNG011_Page_0376 ―
[མ་དཔེ་གཟིགས་ན་འདིར་གནོན།]
ཁྲི་ལ། །ཉི་མ་སྟོང་གི་གདན་ཁྲི་ལྡན། །ལྷ་དང་ལྷ་མོའི་ཚོགས་ཀྱིས་བསྐོར། །ཁྲོ་བོ་ཁྲོ་མོའི་དཀྱིལ་འཁོར་བཅས། །གནས་དང་ཡུལ་གྱི་ཕྱག་རྒྱས་མཛེས། །སླས་དང་བྱི་མོ་ཚོགས་ཀྱིས་བསྐོར། །ཨ་ཧོ་འཁོར་ལོ་རྩིབས་བཞི་མུ་ཁྱུད་བཅས། །དབུས་སུ་བདུད་རྩི་འཁྱིལ་པ་སྟེ། །ཤར་གྱི་རྩེ་ལ་རྡོ་རྗེའོ། །ལྷོ་ཡི་རྩེ་ལ་རིན་པོ་ཆེ། །ནུབ་ཀྱི་རྩེ་ལ་སྣང་མཐའ་ཡས། །བྱང་གི་རྩེ་ལ་དོན་ཡོད་གྲུབ། །ཐབས་དང་ཤེས་རབ་ལྡན་པར་བསྒོམ། །ཕྱག་རྒྱ་རྣམས་ཀྱང་གསལ་བར་བསྒོམ། །སྙིང་པོ་འབྲུ་ཚིག་གསལ་བར་བཟླས། །དེ་ལ་བདུད་རྩིའི་ཕྱག་རྒྱ་ནི། །བུམ་པ་གང་བ་ཡིད་བཞིན་འབར། །རེ་བ་ཡིད་བཞིན་སྐོང་བར་བྱེད། །ཉོན་མོངས་སྡུག་བསྔལ་སེལ་བར་བྱེད། །འདོད་ལྔ་ཡོན་ཏན་ལྡན་པར་བྱེད། །དངོས་གྲུབ་ཆེན་པོ་བླ་མེད་པའོ། །བདུད་རྩི་ཆར་བཞིན་འབེབས་པར་བྱེད། །སྒོ་བཞི་ཕྱག་རྒྱ་ལྡན་པ་དང་། །ཨ་མྲྀ་ཏ་ཡི་རྒྱུ་ཉིད་ནི། །བྱང་ཆུབ་སེམས་དང་ཤ་ཆེན་དང་། །དྲི་ཆུ་དྲི་ཆེན་མཾ་སར་བཅས། །པདྨ་རཀྟ་ལ་སོགས་དང་། །གཞན་ཡང་དོན་ཡོད་སྣ་ཚོགས་རྣམས། །དབྱེ་འམ་ཡང་ན་མི་དབྱེ་བར། །བདུད་རྩི་ཉིད་དུ་བྱིན་གྱིས་བརླབ། །རྟོག་པའི་བག་ཆགས་སྦྱང་བའི་ཕྱིར། །གཙང་སྨེ་མེད་པར་དག་པར་བྱ། །དབྱིངས་སུ་ཡང་ནི་བསྡིམ་པར་བྱ། །ཕྱག་རྒྱ་འོད་ཟེར་འབར་བར་བསྒོམ། །བཞི་བརྒྱ་རྩ་བཞིའི་ནད་སེལ་ཞིང་། །དུག་གསུམ་སྡུག་བསྔལ་མེད་པ་དང་། །བསྐལ་པ་ཡུན་རིང་གནས་པ་དང་། །དངོས་གྲུབ་ཆེན་པོ་འཐོབ་འགྱུར་ཏེ། །ཚོགས་གཉིས་རྫོགས་པར་ཡང་དག་གསུང་། །བདག་ཉིད་ཡི་གེ་ཧཱུྃ་གྱུར་ནས། །ལོངས་སྤྱོད་ལྔ་ལྡན་ཐམས་ཅད་ལ། །ཨོཾ་ཨཱཿཧཱུྃ་དུ་གྱུར་པར་བསྒོམ། །འོད་འཕྲོ་འབར་ཞིང་ཕྱོགས་བཅུར་སྤྲོ། །སླར་འདུས་འོད་འཕྲོ་བདུད་རྩིར་འབར། །ཤིན་ཏུ་གསལ་ཞིང་རྩེ་གཅིག་བསྒོམ། །གཞན་ཡང་ཡི་གེའི་ཚོགས་པས་གདབ། །འཐུངས་ན་ངན་སོང་སྒྲིབ་པ་བྱང་། །ཏྲ་ཏ། རྟག་བསྟེན་དངོས་གྲུབ་མཆོག་ཀྱང་འགྲུབ། །བཞི་བརྒྱ་རྩ་བཞི་ནད་སེལ་ཅིང་། །ལྷ་ལ་རྟག་ཏུ་མཆོད་བྱས་ན། །བདག་དང་གཉིས་སུ་མེད་པར་འགྱུར། །མི་མཐུན་ཕྱོགས་ལ་གཏོར་བྱས་ན། །དྲག་པོ་གཏུམ་པོའང་ ― DNG011_Page_0377 ―
[མ་དཔེ་གཟིགས་ན་འདིར་གནོན།]
ལྷན་ནེར་འགྱུར། །གཞན་ཡང་དངོས་གྲུབ་ཐམས་ཅད་ཀྱི། །ཇི་ལྟར་དམིགས་པ་བཞིན་དུ་འགྲུབ། །སངས་རྒྱས་གོ་འཕང་ཐོབ་འགྱུར་ན། །ལྷ་སྲིན་ལ་སོགས་སྨོས་ཅི་དགོས། །ཐེ་ཚོམ་མེད་པར་བསྒྲུབ་པར་གྱིས། །རྟག་ཏུ་སྤྱོད་ཅིང་དབྱིངས་སུ་ཐིམ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་སྨན་སྒྲུབ་པའི་ལེའུ་སྟེ་སུམ་ཅུ་དགུ་པའོ།། །།དེ་ནས་དགྱེས་པ་ཆེན་པོས་དེ་དག་གི་བྱིན་གྱི་བརླབས་འབྱུང་བ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ། །དེ་ལ་མཆོད་སྦྱིན་དམ་པ་ནི། །འཕྲུལ་ཆེན་བཞི་བཅུ་རྩ་ལྔ་ཉིད། །ཁམས་དང་འབྱུང་བ་ཉིད་ལ་གནས། །དེ་ཉིད་སྒྱུ་འཕྲུལ་ཐབས་མཁས་པ། །དྲ་བས་མངོན་རྫོགས་སྐུ་གསུང་ཐུགས། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་རྟེན་གྱུར་པ། །ཕྱོགས་བཅུ་གང་བར་གསལ་བར་བསྒོམ། །དེ་ཉིད་ངག་ལམ་ཀུན་ཁེངས་པར། །ཧཱུྃ་གི་ཚོགས་སུ་རྣམ་པར་བསྒོམ། །ལུས་ཉིད་ཧཱ་ཡི་ཚོགས་ལ་བསྡིམ། །གང་ལ་བྱ་བའི་གཟུགས་བཟུང་བས། །ཁ་དོག་ནག་པོའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །ཛཿཞེས་བྱ་བའི་སྔགས་བཟླས་ནས། །མགྱོགས་སུ་འགྲོ་བར་ལྕགས་ཀྱིས་སྤང་། །དྲི་རྣོ་སྔ་བས་མགྱོགས་པ་དང་། །གང་དུ་བྱ་བ་བྱིན་པར་བྱེད། །དེ་ཡི་ལུས་ལས་འབྱུང་འདོད་ན། །ཞི་བས་བདག་གི་གཟུགས་བཟུང་ལ། །དལ་བུས་ཧཱུྃ་ཞེས་བསྡུས་པ་ཡིས། །བདག་གི་ལུས་ལ་ཚུད་པར་འགྱུར། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་རྟེན་གྱུར་པ། །ཕྱོགས་བཅུ་གང་བར་གསལ་བར་བསྒོམ། །དེ་ཉིད་ངག་ལམ་ལུས་ཁེངས་པར། །ཨོཾ་གྱི་ཚོགས་སུ་ཤིན་ཏུ་བསྒོམ། །ལུས་ཉིད་ཨཿཡི་ཚོགས་ལ་བསྡིམ། །གང་ལ་བྱ་བའི་གཟུགས་བཟུང་ནས། །ཁ་དོག་དཀར་པོའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །ཧཱུྃ་ཞེས་བྱ་བའི་སྔགས་བཟླས་ནས། །མང་པོས་བཀུར་བ་རྒྱལ་ཆེན་པོ། །བློ་རྣོ་ཡིད་མཛངས་བཞིན་བཟངས་དང་། །སྔ་བས་ལོངས་སྤྱོད་འདུ་བ་དང་། །གནས་པར་དགའ་བ་བཞིན་དུ་འགྱུར། །དེ་ཡི་ལུས་ལས་འབྱུང་འདོད་ན། །ཞི་ ― DNG011_Page_0378 ―
[མ་དཔེ་གཟིགས་ན་འདིར་གནོན།]
བས་བདག་གི་གཟུགས་བཟུང་ལ། །དལ་བུས་ཨོཾ་ཞེས་བསྡུས་པ་ཡིས། །བདག་གི་ལུས་ལ་གཟུད་པར་འགྱུར། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་རྟེན་གྱུར་པ། །ཕྱོགས་ཀུན་གང་བར་གསལ་བར་བསྒོམ། །དེ་ཉིད་ངག་ལམ་ཀུན་ཁེངས་པར། །རྨྨཱ་གྱི་ཚོགས་སུ་རབ་ཏུ་བསྒོམ། །ལུས་ཉིད་རྨྨཱ་གྱི་ཚོགས་ལ་བསྡིམ། །གང་ལ་བྱ་བའི་གཟུགས་བཟུང་ནས། །ཁ་དོག་སེར་པོའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །རྨྨཱ་ཞེས་བྱ་བའི་སྔགས་བཟླས་ནས། །ནོར་མང་བློན་པོ་ཡིད་མཛངས་ལ། །བློ་རྣོ་སྔ་བས་ལོངས་སྤྱོད་འདུད། །དེ་ཡི་འཁོར་ལ་ལོངས་སྤྱོད་ཅིང་། །གནས་པར་དགའ་བ་བཞིན་དུ་འགྱུར། །དེ་ཡི་ལུས་ལས་འབྱུང་འདོད་ན། །རྒྱས་པས་བདག་གི་གཟུགས་བཟུང་ལ། །དལ་བུས་རྨྨཱ་ཞེས་བརྗོད་པ་ཡིས། །བདག་གི་ལུས་ལ་ཚུད་པར་འགྱུར། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་རྟེན་གྱུར་པ། །ཕྱོགས་བཅུ་གང་བས་གསལ་འབར་བསྒོམ། །དེ་ཉིད་ངག་ལ་ལུས་ཁེངས་པར། །ཨཱྃཿགྱི་ཚོགས་སུ་ཤིན་ཏུ་བསྒོམ། །ལུས་ཉིད་ཨཱྃཿགྱི་ཚོགས་ལ་བསྡིམ། །གང་ལ་བྱ་བའི་གཟུགས་བཟུང་ནས། །ཁ་དོག་དམར་པོའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །ཨཱྃཿཞེས་བྱ་བའི་སྔགས་བཟླས་ནས། །རྒྱལ་མོ་ཞང་བློན་དབང་ཆེན་དང་། །ཅི་འདོད་ཡིད་བཞིན་དབང་དུ་འགྱུར། །དེ་ཡི་འཁོར་ལ་ལོངས་སྤྱོད་ཅིང་། །གནས་པར་དགའ་བ་བཞིན་དུ་འགྱུར། །དེ་ཡི་གཟུགས་ལས་འབྱུང་འདོད་ན། །དབང་གིས་བདག་གི་གཟུགས་བཟུང་ལ། །དལ་བུས་ཨཱྃཿཞེས་བརྗོད་པ་ཡིན། །བདག་གི་ལུས་ལ་ཚུད་པར་འགྱུར། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་རྟེན་གྱུར་པ། །ཕྱོགས་ཀུན་གང་བར་གསལ་བར་བསྒོམ། །དེ་ཉིད་ངག་ལམ་ལུས་ཁེངས་པར། །ཧཱྃ་གྱི་ཚོགས་སུ་ཤིན་ཏུ་བསྒོམ། །ལུས་ཉིད་ཧཱྃ་ཡི་ཚོགས་ལ་བསྡིམ། །གང་ལ་བྱ་བའི་གཟུགས་བཟུང་ནས། །ཁ་དོག་ལྗང་གུའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །ཧཱྃ་ཞེས་བྱ་བའི་སྔགས་བཟླས་ནས། །ལས་ཀྱི་རིགས་ཆེན་གང་ ― DNG011_Page_0379 ―
[མ་དཔེ་གཟིགས་ན་འདིར་གནོན།]
འདོད་གཟུགས། །དམག་མང་མཐུ་དཔུང་གོ་མཚོན་བཟང་། །ཞེ་སྡང་ཅན་རྣམས་འདུལ་བར་འགྱུར། །འདོད་ཆགས་ཅན་རྣམས་འདུ་བ་དང་། །ང་རྒྱལ་ཆེན་པོ་འདུད་པར་འགྱུར། །དེ་ཡི་བསྟན་པ་འཛིན་པར་བྱེད། །དེ་ཡི་འཁོར་ལ་ལོངས་སྤྱོད་ཅིང་། །གནས་པར་དགའ་བ་བཞིན་དུ་འགྱུར། །དེ་ཡི་ལུས་ལས་འབྱུང་འདོད་ན། །སྙོམས་པས་ཁྲོ་ཡི་གཟུགས་བཟུང་ལ། །དལ་བུས་ཧྃ་ཞེས་བརྗོད་པ་ཡིས། །མི་སྣང་བ་ཡི་གཟུགས་སུ་འཆར། །བདག་གི་ལུས་ལ་ཚུད་པར་འགྱུར། །གླིང་ངམ་དུར་ཁྲོད་གནས་རྣམས་སུ། །ང་ཡི་འདོད་པ་ཆོས་དབང་གིས། །སྒྱུ་འཕྲུལ་དཀྱིལ་འཁོར་མཆོག་འཛིན་ལ། །དྲ་བའི་དཀྱིལ་འཁོར་ཡོངས་ཀྱིས་འབྱུང་། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་འབྱུང་བའི་ལེའུ་སྟེ་བཞི་བཅུ་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་ཉིད་ཀྱི་ཆེ་བའི་ཡོན་ཏན་སྟོན་པའི་ཕྱིར་འགྲོ་བའི་སེམས་ཅན་གྱི་དོན་ཆེད་དུ་དེ་བཞིན་ཉིད་ཀྱི་དབྱིངས་འདི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །དཔལ་ཉིད་ཀྱི་མཆོག་རིགས་ཀྱི་ཡུམ། །དབབ་པར་བྱ་བའི་གཟུགས་བརྙན་ལ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་མཱུྃ་དུ་བརྟགས། །དེ་ཉིད་གོམས་ལས་གསང་མཚན་པ། །མཱུྃ་གྱི་ཚོགས་ཀྱི་ལྷ་རྣམས་བསྒོམ། །དེ་ཉིད་མཐའ་བྲལ་མི་དམིགས་ལས། །དེ་ཟླའི་ངང་ཚུལ་དེ་བཟུང་ནས། །སངས་རྒྱས་རྡོ་རྗེ་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །ལམ་དུ་ཞུགས་ལ་དེ་ལུས་དགང་། །དེ་གོམས་བློ་བདེ་གསལ་སྤྲོ་ཐིམ། །དེ་བཞིན་རིགས་རྣམས་ཨོཾ་དུ་བསྒོམ། །སྣོད་གནས་བདེ་ལྡན་ཁེངས་གྱུར་པར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པར་རྣམ་པར་བསམ། །བརྟན་པ་ཨཱཿཡི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །ཡིད་བཞིན་ཡི་གེའི་སྤྲིན་ཚོགས་བསྒོམ། །ཕྱག་རྒྱ་ཤིན་ཏུ་གསལ་བ་ན། །ཉེ་བའི་བསྙེན་པ་ཡིན་པར་བསྒྲགས། །འཕྲོ་འདུ་རིགས་དང་ ― DNG011_Page_0380 ―
[མ་དཔེ་གཟིགས་ན་འདིར་གནོན།]
མཐུན་པའི་གྲངས། །བསྒོམས་ནས་བཟླས་དང་མངོན་སུམ་ན། །ལྕགས་ཀྱུ་མཆོག་གི་ཕྱག་རྒྱ་བཅིང་། །དེས་ནི་འདོད་པ་བཞིན་དུ་འགྱུར། །རང་བཞིན་སྐུ་གསུང་འདུས་མ་བྱས། །གཞན་དབང་མ་ཡིན་རྡོ་རྗེ་རིགས། །དཔལ་ལྡན་རྡོ་རྗེ་སྒྱུ་འཕྲུལ་ཡུམ། །ཤིན་ཏུ་ཆོས་ཀྱིས་བསྒྲགས་པ་ལ། །གསལ་བར་འདོད་པ་སྨྲ་བྱ་བ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔར་བྱིན་བརླབས་ལཱྃ་དུ་བརྟགས། །དེ་ཉིད་གོམས་ལས་གསང་མཚན་པ། །ལཱྃ་གྱི་ཚོགས་ཀྱི་ལྷ་རྣམས་བསྒོམས། །སངས་རྒྱས་སྤྱན་གྱི་སྦྱོར་བ་ལས། །རྒྱལ་བ་ཐམས་ཅད་བྱིན་གྱིས་རློབ། །དེ་ཉིད་མཐའ་བྲལ་མི་དམིགས་ལས། །རང་བཞིན་མཆོག་གི་གཟུགས་བཅས་ནས། །སངས་རྒྱས་རྡོ་རྗེ་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །དེ་ལས་རྡོ་རྗེར་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་ནས་ཞུགས་ལ་དེ་ལུས་དགང་། །དེ་གོམས་བློ་བདེ་གསལ་སྤྲོ་ཐིམ། །རྡོ་རྗེ་རིགས་རྣམས་ཧཱུྃ་དུ་བསྒོམ། །སྣོད་གནས་བདེ་ལྡན་ཁེངས་གྱུར་པར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པར་ཤིན་ཏུ་བསམ། །བརྟན་པ་ཧཱ་ཡི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །ཡིད་བཞིན་ཡི་གེ་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པའི་གྲངས། །སྒོམ་དང་བཟླས་དང་མངོན་སུམ་ན། །ལྕགས་ཀྱུའི་སྟངས་ཀྱིས་བསྐུལ་བར་གསུངས། །རྗེས་སུ་ཆགས་པའི་ཕྱག་རྒྱ་ཡིས། །རིགས་དང་མཐུན་པའི་འཕྲོ་འདུ་བསྒོམ། །ཡོན་ཏན་སྐུ་གསུང་ཡིད་བཞིན་གཏེར། །དཔལ་ལྡན་སྒྱུ་འཕྲུལ་མཆོག་ཆེན་མོ། །ཆས་ཤིང་སྒེག་པའི་གཟུགས་བརྙན་ནི། །ལྗོན་པ་ལྕུག་ཕྲན་ལ་སོགས་ལ། །དབབ་པ་མཆོག་གི་ལས་བྱ་བ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་ཨོཾ་དུ་བརྟགས། །དེ་ཉིད་གོམས་ལས་གསང་མཚན་པ། །ཨོཾ་གྱི་ཚོགས་ཀྱི་ལྷ་རྣམས་བསྒོམ། །སངས་རྒྱས་མེ་ཡི་སྦྱོར་བ་ལས། ། ― DNG011_Page_0381 ―
[མ་དཔེ་གཟིགས་ན་འདིར་གནོན།]
རྒྱལ་བ་ཐམས་ཅད་བྱིན་གྱིས་རློབ། །དེ་ཉིད་མཐའ་བྲལ་མི་དགྱེས་ལས། །ཡོན་ཏན་གཏེར་གྱི་གཟུགས་བཅས་ན། །སངས་རྒྱས་རིན་ཆེན་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །དེ་ལུས་རྡོ་རྗེར་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །དེ་གོམས་བློ་བདེ་གསལ་སྤྲོ་ཐིམ། །རིན་ཆེན་རིགས་རྣམས་རྨྨཱ་དུ་བསྒོམ། །སྣོད་གནས་བདེ་ལྡན་ཁེངས་གྱུར་པ། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པར་ཤིན་ཏུ་བསམ། །བརྟན་པ་རྨྨཱ་གྱི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །ཡིད་བཞིན་ཡི་གེ་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པ་ནི། །བསྒོམས་ནས་བཟླས་དང་མངོན་སུམ་ན། །དམ་ཚིག་ཞགས་པ་མཆོག་གིས་བཅིང་། །རྗེས་སུ་ཆགས་པའི་ཕྱག་རྒྱ་བཞི། །རིགས་དང་འདུ་འཕྲོ་མཐུན་པར་བསྒོམ། །གསོ་དང་གསད་དང་ཕམ་དང་རྒྱལ། །གཞན་དུ་འགྲོ་དང་འདུག་པ་དང་། །ཅི་འདོད་འོང་དང་སྨྲ་ཡང་རུང་། །མཚོན་དང་འཇིགས་པ་མང་བ་དང་། །བཅིངས་པའི་ལས་དང་མཚོན་ལས་ཐར། །དཔལ་ལྡན་པདྨ་མཆོག་གི་ཡུམ། །བདེ་ཆེན་གར་དབང་གཟུགས་འཛིན་པ། །དབབ་པར་བྱ་བའི་གཟུགས་བརྙན་ནི། །ལྗོན་པའི་ལྕུག་ཕྲན་ལ་སོགས་ལ། །དང་པོར་གནས་ལྔ་བྱིན་གྱིས་བརླབས། །དེ་ནས་གནས་ལྔ་ཤེས་རབ་བསྒོམ། །སྤྱི་གཙུག་ཁ་དང་སྙིང་ག་མཚན། །ལས་བཞི་འབྲུ་བཞི་བྃ་དུ་བརྟགས། །དེ་ཉིད་གོམས་ལས་གསང་མཚན་པ། །བྃ་གྱི་ཚོགས་ཀྱི་ལྷ་རྣམས་བསྒོམ། །སངས་རྒྱས་ཆུ་ཡི་སྦྱོར་བ་ལས། །རྡོ་རྗེ་གསུང་རྣམས་བྱིན་གྱིས་རློབ། །དེ་ཉིད་མཐའ་བྲལ་མི་དམིགས་ལས། །རྡོ་རྗེ་གསུང་གི་གཟུགས་བཅས་ནས། །སངས་རྒྱས་གསུང་ཆེན་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །དེ་ལས་རྡོ་རྗེར་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། ། ― DNG011_Page_0382 ―
[མ་དཔེ་གཟིགས་ན་འདིར་གནོན།]
དེ་གོམས་བློ་བདེ་གསལ་སྤྲོ་ཐིམ། །མིང་དང་སྙིང་པོ་བཅས་པས་དགུག །རྡོ་རྗེ་གསུང་རྣམས་ཨོཾ་དུ་བསྒོམ། །སྣོད་གནས་བདེ་ལྡན་ཁེངས་གྱུར་པར། །ལུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པར་ཤིན་ཏུ་བསམ། །བརྟན་པ་ཨོཾ་གྱི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །ཆོས་དབང་ཡི་གེ་སྤྲིན་ཚོགས་བསྒོམ། །ཕྱག་རྒྱ་གསལ་བར་ཉེ་བསྙེན་པ། །འཕྲོ་འདུ་རིགས་དང་མཐུན་པར་ནི། །བསྒོམས་ནས་བཟླས་དང་མངོན་སུམ་ན། །ཆགས་པའི་ལྕགས་སྒྲོག་མཆོག་གིས་བཅིང་། །ཆགས་པ་ཆེན་པོའི་ཕྱག་རྒྱ་བཞིས། །རིགས་དང་མཐུན་པ་ཉིད་དུ་བསྒོམ། །ཞི་བ་དབང་དང་དྲག་པོ་རྒྱས། །ཅི་འདོད་པར་ནི་རབ་ཏུ་བསྔགས། །དཔལ་ལྡན་འགྲུབ་པ་སྒྱུ་འཕྲུལ་བ། །དབབ་པར་བྱ་བའི་གཟུགས་བརྙན་ནི། །ལྗོན་པ་མཆོག་དང་འབྲིང་རྣམས་ལ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་ཧཱྃ་དུ་བརྟགས། །དེ་ནི་ཨེ་ཡི་ཚོགས་ཡིན་ཏེ། །དེ་ཉིད་གོམས་ལས་གསང་མཚན་པ། །མེ་ཡི་ཚོགས་ཀྱི་ལྷ་རྣམས་བསྒོམས། །དེ་ཉིད་སྟེང་གི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །དོན་ཡོད་ངང་ཚུལ་དེ་བཟུང་ནས། །དོན་ཡོད་མཆོག་གི་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །དེ་ལས་རྒྱ་གྲམ་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །རྒྱ་གྲམ་ཚོན་གྱིས་ཁེངས་པ་དང་། །སོ་སོའི་སྙིང་པོས་མིང་ཡང་དགུག །དེ་གོམས་བློ་བདེ་གསལ་སྤྲོ་ཐིམ། །རྡོ་རྗེ་ལ་ལ་རྣམས་ཧཱྃ་བསྒོམ། །སྣོད་གནས་བདེ་ལྡན་ཁེངས་གྱུར་པར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པ་ཉིད་དུ་བསྒོམ། །བརྟན་པ་ཧཱྃ་གྱི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །གྲུབ་པ་སྒྱུ་འཕྲུལ་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་ ― DNG011_Page_0383 ―
[མ་དཔེ་གཟིགས་ན་འདིར་གནོན།]
པར་ནི། །བསྒོམས་ནས་བཟླས་དང་མངོན་སུམ་ནི། །དགྱེས་པ་གར་གྱི་གསུང་སྙན་ཅིང་། །རྗེས་སུ་ཆགས་པའི་ཕྱག་རྒྱ་བཞིས། །རིགས་དང་མཐུན་པ་ཉིད་དུ་བསྒོམ། །ཕྱོགས་སུ་འགྲོ་དང་དབྲོག་པ་དང་། །ཚེ་བསྟུང་བ་དང་ལས་རྣམས་དང་། །མངོན་སུམ་ཅི་འདོད་སྨྲ་བའི་མཆོག །རིགས་ཀྱི་ཡུམ་དང་རྩེན་པར་འགྱུར། །སྲིད་པ་ལས་འཕགས་མྱ་ངན་འདས། །ཏིང་འཛིན་འདི་ཡིས་བྱེད་པར་འགྱུར། །ཞེས་བརྗོད་པས་རྣམ་པར་སྨིན་པའི་ཚོགས་དེ་བཞིན་གཤེགས་པའི་ཆེ་བའི་ཡོན་ཏན་ཉིད་དུ་མཁྱེན་ཏོ། །མཁྱེན་ནས་དེ་བཞིན་ཉིད་ཀྱི་དབྱིངས་སྐུ་དང་གསུང་དང་ཐུགས་རྡོ་རྗེ་ལས་རྡོ་རྗེ་གསང་བའི་ཚིག་འདི་ཕྱུང་ངོ་། །ཨ་ཧོཿབསམ་བྱ་བསམ་པར་ཟིན་པ་ཡི། །བསམ་པས་མི་ཟིན་བསམ་མི་ཁྱབ། །བསམ་ཡས་ལྷུན་གནས་མི་གཡོ་དཔག་མེད་བསམ་མི་ཁྱབ། །རྒྱུ་དང་འདྲེལ་པའི་རྐྱེན་དུ་ཤེས་པའི་དབྱིངས་ཉིད་ཟད་མི་ཤེས། །ངོ་མཚར་སྲིད་ལམ་མཐའ་བྲལ་དམིགས་མེད་པ། །དེ་ཉིད་ཡོན་ཏན་མཆོག་གི་འཁོར་ལོ་ལམ་མཆོག་ཡིན། །ཨ་ཧོཿ། རྡོ་རྗེ་གསང་བའི་ཚིག་ཏུའོ། །བཅོམ་ལྡན་འདས་དཔལ་ཀུན་དུ་བཟང་པོ་དེ་བཞིན་ཉིད་ཀྱི་དབྱིངས་ནས་ཆེ་བའི་ཡོན་ཏན་སྟོན་པ་ཞེས་བྱ་བའི་ལེའུ་སྟེ་བཞི་བཅུ་གཅིག་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་ཆེ་བའི་ཡོན་ཏན་སྟོན་པའི་སྒྱུ་འཕྲུལ་ཆེན་པོ་གསུང་གི་དཀྱིལ་འཁོར་བྱིན་གྱིས་རློབ་པ་ཞེས་བྱ་བ་ཆོ་ག་དང་བཅས་པ་འདི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དབབ་པ་མཆོག་གི་དཀྱིལ་འཁོར་རྣམས། །ཁ་དོག་གྲངས་བཅས་མ་བརླམས་པས། །ཤེས་པ་བློ་ཆེ་ཁོངས་ཡངས་ལ། །ཟབ་པར་སྤྱོད་ལ་མི་སྐྱོ་བར། །ཟས་སྲུང་གོས་རྗེས་དམ་ཟས་སྦྱིན། །དུང་ཆེན་སྣོད་དུ་ཆུ་ཡིས་བསིང་། །རྟེན་དུ་རུང་བར་ཏིང་འཛིན་དང་། །དབང་དང་སྒྲུབ་པ་མཆོག་ཀྱང་བསྟན། །མི་སྨྲ་གསང་བའི་དམ་ཚིག་དབོག །ཨོཾ་དང་མཱུྃ་གྱི་བློ་བསྟན་ནས། །གསང་བས་མཚན་མ་ལྔ་ནས་སྦྱང་། །སྒྱུ་འཕྲུལ་དཀྱིལ་འཁོར་བཞི་བཅུ་གཉིས། །ཕུང་པོ་ཁམས་དང་སྐྱེ་མཆེད་སྦྱར། །ལོངས་སྤྱོད་ལྔ་ལྡན་ ― DNG011_Page_0384 ―
[མ་དཔེ་གཟིགས་ན་འདིར་གནོན།]
མཆོད་སྦྱིན་བྱ། །རྡོ་རྗེ་ངག་ལམ་གསུང་ཆེན་བཟླས། །ཨོཾ་སརྦ་ཏ་ཐཱ་ག་ཏ་ཛཱི་ན་ཨོཾ། ཨོཾ་བཛྲ་ཀུ་ལ་ཧཱུྃ་བཛྲ། ཨོཾ་སརྦ་ཏ་ཐཱ་ག་ཏ་རྨྨཱ་རཏྣ་རྨྨཱ ། ཨོཾ་པདྨ་ཏ་ཐཱ་ཧྲྀ་ད་ཡ་ཨཱ་རོ་ལིཀ །ཧཱ་པྲཛྙཱ་ཧཱྃ། དྷཱ་ཏྭཱི་ཤྭ་རི་མཱུྃ། དྭེ་ཥ་ར་ཏི་ལཱྃ། མོ་ཧ་ར་ཏི་ཨཱྃ། རཱ་ག་ར་ཏི་པཱྃ། བཛྲ་ར་ཏི་། མཱུྃ་མཱུྃ་མཱུྃ། ལཱྃ་ལཱྃ་ལཱྃ། ཨཱྃཿཨཱྃཿཨཱྃཿ། པཱྃ་པཱྃ་པཱྃ།་། ཨེ་བྃ་མ་ཡ། བ་བ་བ་བ་བ། ཛྲ་ཛྲ་ཛྲ་ཛྲ་ཛྲ། ས་ས་ས་ས་ས། མ་མ་མ་མ་མ། ཡ་ཡ་ཡ་ཡ་ཡ། སྟྭཾ་ཧོཿཞེས་བརྗོད་པས་འཇིག་རྟེན་དྲུག་གི་ཕྱོགས་བཅུ་མཐའ་ཡས་པར་དམ་ཚིག་ཐམས་ཅད་ཀྱི་མཆོག །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྗེའི་བདག་ཉིད་དབྱིངས་ཀྱི་དབང་ཕྱུག་མ་ཆེན་མོ་དང་། སྤྱན་ཆེན་མོ་དང་། མཱ་མ་ཀཱི་ཆེན་མོ་དང་། གོས་དཀར་མོ་ཆེན་མོ་དང་། དམ་ཚིག་འཕགས་མ་སྒྲོལ་མ་ཆེན་པོའི་རང་བཞིན་ཉིད་དུ་ཀུན་དུ་སྣང་བར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་དབབ་པའི་གསུང་གི་འཁོར་ལོ་ཞེས་བྱ་བའི་ལེའུ་སྟེ་བཞི་བཅུ་གཉིས་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་སྒྱུ་འཕྲུལ་ཆེན་པོའི་བྱིན་བསྡུ་བ་ཞེས་བྱ་བའི་དམ་ཚིག་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་སྒྱུ་འཕྲུལ་དྲ་བ་ལས་ཕྱུང་ངོ་། །སྒེག་མོ་མཆོད་པ་བྱིན་བསྡུ་བ། །གཟུགས་སྟོན་དབབ་པར་བྱ་བ་ནི། །རིགས་དང་མཐུན་པའི་གཟུགས་བརྙན་ལ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་ཡ་ཉིད་སྦྱིན། །དེ་ཉིད་པདྨའི་དཀྱིལ་འཁོར་ཡིན། །དེ་ཉིད་གོམས་ལ་གསང་མཚན་པ། །ཡ་ཡི་ཚོགས་ཀྱི་ལྷ་རྣམས་བསྒོམ། །དེ་ཉིད་ཧཱུྃ་གི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །རང་གི་ངང་ཚུལ་དེ་བཟུང་ནས། །སངས་རྒྱས་རྡོ་རྗེ་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །དེ་ལས་རྡོ་རྗེར་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །རྡོ་རྗེ་ཚོན་གྱིས་ཁེངས་པ་དང་། ། ― DNG011_Page_0385 ―
[མ་དཔེ་གཟིགས་ན་འདིར་གནོན།]
སོ་སོའི་སྙིང་པོ་མིང་ཡང་བོད། །དེ་གོམས་བློ་བདེ་གསལ་སྤྲོ་ཐིམ། །མིང་ཡང་སྙིང་པོ་བཅས་པས་དགུག །རྡོ་རྗེ་ལྷ་རྣམས་ཧཱུྃ་དུ་བསྒོམ། །སྣོད་ནས་སྒེག་མོ་ཁེངས་གྱུར་པར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པ་ཉིད་དུ་བསམ། །བརྟན་པ་ཧཱ་ཡི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །སངས་རྒྱས་རྡོ་རྗེའི་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པར་ནི། །བསྒོམས་ནས་བཟླས་དང་མངོན་སུམ་ན། །སྒོ་མ་བཞི་ཡི་ཕྱག་རྒྱ་བཅིང་། །རྗེས་སུ་ཆགས་པའི་ཕྱག་རྒྱ་བཞིས། །རིགས་དང་མཐུན་པ་ཉིད་དུ་བསྒོམ། །རིན་ཆེན་ཕྲེང་བའི་བྱིན་བསྡུ་བ། །གཟུགས་སྟོན་དབབ་པར་བྱ་བ་ནི། །རིགས་དང་མཐུན་པའི་གཟུགས་བརྙན་ལ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་ཨེ་ཉིད་སྦྱིན། །དེ་ཉིད་པདྨའི་དཀྱིལ་འཁོར་ཡིན། །དེ་ཉིད་གོམས་ནས་གསང་མཚན་པ། །ཨེ་ཡི་ཚོགས་ཀྱི་ལྷ་རྣམས་བསྒོམ། །དེ་ཉིད་རྨྨཱ་གྱི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །རང་གི་ངང་ཚུལ་དེ་བཟུང་ནས། །སངས་རྒྱས་རིན་ཆེན་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །དེ་ལས་རྡོ་རྗེ་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །རིན་ཆེན་ཚོན་གྱིས་ཁེངས་པ་དང་། །སོ་སོའི་སྙིང་པོས་མི་ཡང་དགུག །དེ་གོམས་བློ་བདེ་གསལ་སྤྲོ་ཐིམ། །རིན་ཆེན་ལྷ་རྣམས་རྨྨཱ་དུ་བསྒོམ། །སྣོད་གནས་ཕྲེང་བ་ཁེངས་གྱུར་པར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པ་ཉིད་དུ་བསམ། །བརྟན་པ་རྨྨཱ་གྱི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །སངས་རྒྱས་རིན་ཆེན་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པར་ནི། །བསྒོམས་ནས་བཟླས་དང་མངོན་སུམ་ན། །སྒོ་མ་བཞི་ཡི་ཕྱག་རྒྱ་བཅིང་། །རྗེས་སུ་ ― DNG011_Page_0386 ―
[མ་དཔེ་གཟིགས་ན་འདིར་གནོན།]
ཆགས་པའི་ཕྱག་རྒྱ་བཞིས། །རིགས་དང་མཐུན་པ་ཉིད་དུ་བསྒོམ། །པདྨའི་དབྱིངས་ཀྱི་བྱིན་བསྡུ་བ། །གཟུགས་སྟོན་དབབ་པར་བྱ་བ་ནི། །རིགས་དང་མཐུན་པའི་གཟུགས་བརྙན་ལ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་བྃ་དུ་བརྟགས། །དེ་ཉིད་པདྨའི་དཀྱིལ་འཁོར་བསྒོམ། །དེ་ཉིད་གོམས་ལ་གསང་མཚན་པ། །བྃ་གྱི་ཚོགས་ཀྱི་ལྷ་རྣམས་བསྒོམ། །དེ་ཉིད་ཨྃ་གྱི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །རང་གི་ངང་ཚུལ་དེ་བཟུང་ནས། །སངས་རྒྱས་པདྨ་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །དེ་ལས་རྡོ་རྗེར་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །པདྨའི་ཚོགས་ཀྱིས་ཁེངས་པ་དང་། །སོ་སོའི་སྙིང་པོས་མིང་ནས་དགུག །དེ་གོམས་བློ་བདེ་གསལ་སྤྲོ་ཐིམ། །པདྨའི་ལྷ་རྣམས་ཨོཾ་དུ་བསྒོམ། །སྣོད་གནས་དབྱངས་མ་ཁེངས་འགྱུར་བར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པ་ཉིད་དུ་བསྒོམ། །བརྟན་པ་ཧཱྃ་གྱི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །སངས་རྒྱས་པདྨའི་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པར་ནི། །བསྒོམས་ནས་བཟླས་དང་མངོན་སུམ་ན། །སྒོ་མ་བཞི་ཡི་ཕྱག་རྒྱ་བཅིང་། །རྗེས་སུ་ཆགས་པའི་ཕྱག་རྒྱ་བཞིས། །རིགས་དང་མཐུན་པ་ཉིད་དུ་བསྒོམ། །གར་མཁན་ལས་ཀྱི་བྱིན་བསྡུ་བ། །གཟུགས་སྟོན་དབབ་པར་བྱ་བ་ནི། །རིགས་དང་མཐུན་པའི་གཟུགས་བརྙན་ལ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་མ་ཉིད་སྦྱིན། །དེ་ཉིད་པདྨའི་དཀྱིལ་འཁོར་བསྒོམ། །དེ་ཉིད་གོམས་ལས་གསང་མཚན་པ། །མ་ཡི་ཚོགས་ཀྱི་ལྷ་རྣམས་བསྒོམ། །དེ་ཉིད་ཧཱྃ་གྱི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །རང་གི་ངང་ཚུལ་དེ་བཟུང་ནས། །སངས་རྒྱས་ལས་རྣམས་ཙ་ན་ཀ །ཤེས་རབ་ཡུམ་དང་ལྡན་པར་བསྒོམ། །དེ་ལས་ ― DNG011_Page_0387 ―
[མ་དཔེ་གཟིགས་ན་འདིར་གནོན།]
རྡོ་རྗེར་བྱིན་བརླབས་ཏེ། །པདྨ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །ལས་ཀྱི་ཚོགས་ཀྱིས་ཁེངས་པ་དང་། །སོ་སོའི་སྙིང་པོས་མིང་ནས་དགུག །དེ་གོམས་བློ་བདེ་གསལ་སྤྲོ་ཐིམ། །ལས་ཀྱི་ལྷ་རྣམས་ཧཱྃ་དུ་བསྒོམ། །སྣོད་གནས་གར་མཁན་ཁེངས་འགྱུར་བར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་མཐུན་པ་ཉིད་དུ་བསྒོམ། །བརྟན་པ་ཧཱྃ་གྱི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །སངས་རྒྱས་ལས་ཀྱི་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་མཐུན་པར་ནི། །བསྒོམས་ནས་བཟླས་དང་མངོན་སུམ་ན། །སྒོ་མ་བཞི་ཡི་ཕྱག་རྒྱ་བཅིང་། །རྗེས་སུ་ཆགས་པའི་ཕྱག་རྒྱ་བཞིས། །རིགས་དང་མཐུན་པ་ཉིད་དུ་བསྒོམ། །དཀྱིལ་འཁོར་བཞི་བཅུ་རྩ་གཉིས་ཀྱི། །ལྷ་རྣམས་མངོན་དུ་སྣང་བ་དང་། །སྒོ་བ་སྒོ་མ་མང་པོ་དང་། །དུས་བཞིའི་ལྷ་མོ་མཆོག་དབབ་དང་། །ལྷ་དང་ཀླུ་ཡི་ཚོགས་བཅས་ལས། །མངོན་དུ་སྨྲ་བར་བྱ་བར་མཐུན། །རྒྱལ་སྲིད་དང་ནི་འཁོར་འཕྲོག་དང་། །བསྡུ་དང་དབང་དུ་བྱ་བ་དང་། །གསད་དང་བསྐྲད་པའི་ཚོགས་བཅས་དང་། །བདག་འགྲོ་མྱུར་དུ་ཕྱིན་པ་དང་། །ནོར་འདོད་པ་དང་ཅི་བྱ་བ། །ཏིང་འཛིན་འདི་ཡིས་བྱེད་པར་འགྱུར། །དུས་མེད་པར་ནི་མཆོད་དང་ཕྲད། །ཅེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ཅད་བྱིན་བསྡུ་བའི་མཆོད་པ་ཆེན་པོར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བྱིན་བསྡུ་བ་དང་དམ་ཚིག་དབབ་པའི་སྒྱུ་འཕྲུལ་དྲ་བའི་ཐུགས་རྗེ་ཞེས་བྱ་བའི་ལེའུ་སྟེ་བཞི་བཅུ་གསུམ་པའོ།། །།དེ་ནས་དགྱེས་པ་ཆེན་པོས་ལོངས་སྤྱོད་ཆེན་པོ་རྡོ་རྗེ་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྒྱུ་འཕྲུལ་ཆེན་པོའི་དམ་ཚིག་མཆོད་པའི་ལོངས་སྤྱོད་ཅེས་བྱ་བ་འདི་དེ་བཞིན་གཤེགས་པའི་སྐུ་དང་གསུང་དང་ཐུགས་རྡོ་རྗེ་སྒྱུ་འཕྲུལ་དྲ་བ་ལས་ཕྱུང་ངོ་། །རབ་འབྲིང་ཐ་མའི་བློ་རྣམས་ཀྱིས། །ངེས་པར་བསྒོམ་པར་བྱ་བ་ནི། །རྒྱལ་པོའི་ས་འཛིན་མཆོག་འདོད་པས། །གཟུགས་སུ་བྲི་འམ་ ― DNG011_Page_0388 ―
[མ་དཔེ་གཟིགས་ན་འདིར་གནོན།]
རྟེན་བཅས་ལ། །སྤྱི་གཙུག་ཁ་དང་སྙིང་ག་མཚན། །གོམས་པར་ཛཿཉིད་མདོག་དམར་བསྒོམ། །དེ་གོམས་གསང་ནས་ཁོང་བསྡུས་ཏེ། །རང་ལུས་མདོག་དམར་ངང་ཚུལ་འཛིན། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་བྃ་དུ་བརྟགས། །དེ་གོམས་གར་གྱི་དཀྱིལ་འཁོར་བསྒོམ། །ཛཿཞེས་རྒྱ་བཅིངས་དྲང་བྱ་ཞིང་། །གོམས་པར་གསང་ནས་ཞུགས་ཚུལ་དུ། །ལམ་ནས་ངག་གི་དབང་པོར་བསྡུ། །ཨོཾ་ལས་སངས་རྒྱས་ཙ་ན་ཀ །སྣོད་གནས་དཀྱིལ་འཁོར་ཁེངས་པར་བསྒོམ། །མིང་དང་སྙིང་པོ་གོམས་པས་དགུག །མངོན་སུམ་གསལ་བར་གྱུར་པ་ན། །ལྕགས་ཀྱུ་ལ་སོགས་མཚན་པ་ཡི། །རྗེས་སུ་ཆགས་པའི་མཆོད་པས་བཤམ། །ཡིད་ལ་གོམས་པ་གསལ་བ་ན། །གང་ལ་བྱ་བ་དབང་དུ་འགྱུར། །བློན་པོའི་ས་འཛིན་མཆོད་པས་བཤམ། །ཡིད་ལ་གོམས་པ་གསལ་བ་ན། །གང་ལ་བྱ་བ་ཁ་དང་སྙིང་ག་མཚན། །གོམས་པར་ཛཿཉིད་མདོག་དམར་བསྒོམ། །དེ་གོམས་གསང་གནས་ཁོང་བསྡུས་ཏེ། །རང་ལུས་མདོག་དམར་ངང་ཚུལ་འཛིན། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་བྃ་དུ་བརྟགས། །དེ་གོམས་གར་གྱི་དཀྱིལ་འཁོར་བསྒོམ། །ཛཿཞེས་རྒྱ་བཅིངས་དྲང་བྱ་ཞིང་། །གོམས་པར་གསང་གནས་ཞུགས་ཚུལ་དུ། །ལམ་ནས་ངག་གི་མཆོག་ཏུ་བསྡུ། །ཨཱྃཿནས་སངས་རྒྱས་ཙ་ན་ཀ །སྣོད་གནས་དཀྱིལ་འཁོར་ཁེངས་པར་བསྒོམ། །མིང་དང་སྙིང་པོ་གོམས་པར་དགུག །མངོན་སུམ་གསལ་བར་གྱུར་པ་ན། །ལྕགས་ཀྱུ་ལ་སོགས་མཚན་པ་ཡི། །རྗེས་སུ་ཆགས་པའི་མཆོད་པར་བཤམ། །དེ་ལ་ལས་སུ་སྩལ་བ་ན། །གང་ལ་བྱ་བ་དབང་དུ་འགྱུར། །ལྷ་མོ་ཀླུ་མོ་རིགས་ངན་མོ། །ཡུད་ཙམ་རྟག་པར་འདོད་སྒྲུབ་རྣམས། །ཏིང་འཛིན་འདི་ཡིས་བྱེད་པར་འགྱུར། །དབང་ཕྱུག་ལྷ་ཆེན་ལྷ་དབང་པོ། །རྒྱལ་ཆེན་ཕྱོགས་སྐྱོང་མང་པོ་ལ། །ཆུང་མ་བུ་མོ་ལ་སོགས་མཚན། །འདོད་སྤྱོད་དབང་བར་བློ་འཆང་རྣམས། །ཏིང་འཛིན་འདི་ཡིས་བྱེད་པར་འགྱུར། །དེ་ཡི་དགོས་པ་ཐམས་ཅད་པ། །མ་ལུས་ཀུན་རྫོགས་འགྲུབ་པར་འགྱུར། །ཅེས་བརྗོད་པས་ ― DNG011_Page_0389 ―
[མ་དཔེ་གཟིགས་ན་འདིར་གནོན།]
འཇིག་རྟེན་དྲུག་གི་ཕྱོགས་བཅུ་ཐམས་ཅད་རབ་ཏུ་གཡོས་ཀུན་དུ་གསལ་བར་གྱུར་ནས་དེ་བཞིན་གཤེགས་པའི་ལོངས་སྤྱོད་ཆེན་པོ་ཀུན་དུ་སྣང་བར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་དམ་ཚིག་གི་མཆོད་པའི་ལོངས་སྤྱོད་ཅེས་བྱ་བའི་ལེའུ་སྟེ་བཞི་བཅུ་བཞི་པའོ།། །།དེ་ནས་ཐུབ་པ་ཆེན་པོ་བཅོམ་ལྡན་འདས་ཀྱིས་ཀླུའི་ཚོགས་བསམ་གྱིས་མི་ཁྱབ་པ་ལ་རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་ཉིད་དུ་སྣང་བར་གྱུར་ཏོ། །གདུག་པའི་ལས་ཀླུའི་ཚོགས་འདུལ་བར་གྱུར་ནས་སྒྲུབ་པ་ཆེན་པོ་ལ་མོས་པའི་ཆེད་དུ་བརྗོད་པ་འདི་བརྗོད་དོ། །ཀླུའི་ཚོགས་རིགས་གཉིས་པ་དང་། རིགས་གསུམ་པ་དང་། རིགས་ཐ་དད་པ་དང་། ཕྱོགས་གཉིས་པ་ལས་འཁོར་དུ་བྱས་པ་བསམ་གྱིས་མི་ཁྱབ་པས་ཁེངས་པའི་གནས་སུ་ཉིད་ཀྱི་བསྙེན་པ་ཆེ་ཆུང་ལ་མ་གཏོགས་པ་ཡིད་ལ་དགའ་བ་ཅི་བྱས་ཀྱང་མི་འགྲུབ་ཅིང་བར་ཆད་བྱེད་པར་འགྱུར་བའི་ཕྱིར་གེགས་བསལ་བ་ལྔ་པ་ཞེས་བྱ་བ་འདི་འཐོན་པར་གྱུར་པ་འདི་ཆེད་དུ་གསུངས་སོ། །སྒྲུབ་ལ་འདུག་པ་མི་གནས་དང་། །ས་གཞི་བདག་ཏུ་དབང་བ་དང་། །སྒྲུབ་པའི་རྫས་རྣམས་ཅི་ཡོད་པ། །གདུག་པའི་སྦྲུལ་རྣམས་བསལ་བ་དང་། །འཁོར་དུ་གཏོགས་པ་མང་ཉུང་ལ། །གདུག་པས་ཟིན་པར་མི་འགྱུར་ཞིང་། །ལྗོན་པ་ལྕུག་ཕྲན་ལ་སོགས་ལ། །གདུག་པས་གནས་པར་མི་འགྱུར་ཕྱིར། །ལྔ་པ་ཞེས་ནི་རབ་ཏུ་བསྔགས། །བདག་གིས་གདུག་པར་མཆོད་པའི་ཕྱིར། །སྒྱུ་འཕྲུལ་དྲ་བའི་ཏིང་འཛིན་ལས། །བདག་ཉིད་གདུག་པའི་མཐིང་གནག་མདོག །ལག་ན་ཞགས་པ་ཨུཏྤལ་འཛིན། །མགོ་ལ་གདེངས་ཀ་སྦྲུལ་ཆེན་བཅུ། །ཉི་ཤུ་བརྒྱ་འམ་སྟོང་དང་ཁྲི། །བསམ་ཡས་དག་གི་སྦྲུལ་ཆེན་པོ། །ཁ་དོག་ནག་པོ་ལྕེ་གསུམ་འབར། །གདུག་པ་ཀླུ་ཡི་ཚོགས་མངས་པས། །འཁོར་མང་འཇིགས་བརྗོད་སྐྱི་བུང་བས། །མཆོག་ཏུ་ཕྱག་རྒྱ་འདི་བཅའ་བྱ། །མི་བསྐྱོད་རིན་ཆེན་ཡིག་འབྲུ་རྣམས། །ཕྲལ་ཏེ་གོ་རན་བྱས་པ་ན། །གདུག་པ་སྦྲུལ་གྱི་འོག་ཏུ་གདིང་། །ནཱ་ག་པུ་ཀ་ལ་ནཱ་ག་ཕཊ་ཅེས་བརྗོད། ― DNG011_Page_0390 ―
[མ་དཔེ་གཟིགས་ན་འདིར་གནོན།]
འདི་ལ་གོམས་པར་གང་བརྩོན་པས། །ང་ཡི་ཆ་ལུགས་འདི་བཟུང་ན། །མེ་ལྕེའི་ཚོགས་ལ་ཕུང་པོ་བཞིན། །རྒྱལ་པོ་ཆེན་པོའི་རྒྱལ་ཆེན་པོར། །ཀུན་ལ་སྣང་བར་གསལ་གྱུར་ནས། །རང་དབང་མེད་པར་འབྲོས་པ་དང་། །དེ་ལ་བྲན་བཞིན་བྱེད་པར་འགྱུར། །ས་ལ་བདག་ཏུ་བྱ་བ་ནི། །ཐོག་མར་ས་གཞི་རབ་མཉམ་སྟེ། །ཨོཾ་དང་མུྃ་གྱི་ཚོགས་ཀྱིས་དགང་། །རིན་ཆེན་ཕོ་བྲང་དཀྱིལ་འཁོར་ལས། །འཇུག་པའི་ལྷ་ཚོགས་དཀྱིལ་འཁོར་བསྒོམ། །དེ་ལ་གཤོག་པ་རབ་བརྐྱང་སྟེ། །རྡོ་རྗེ་ཐལ་མོ་དྲག་ཏུ་རྡབ། །ཨོཾ་བཛྲ་ཀྲོ་དྷ་དུ་ན་མུ་ནེ་དུ་ནཱ་གཙྪ། དེ་ནས་ཡིག་འབྲུ་ཤིན་ཏུ་གཤིབ། །དེ་ནས་ཡིག་འབྲུ་ཐ་མ་བསྒྲེང་། །དེ་ནས་ཡིག་འབྲུ་འཕྲལ་བསྐྱེད་པ། །ང་ཡི་ཆ་ལུགས་འདི་བཟུང་སྟེ། །ས་གཞི་མཉམ་པའི་དཀྱིལ་འཁོར་བསྒོམ། །དེ་ལ་ཤིན་ཏུ་དངངས་འགྱུར་ཏེ། །ཕྱོགས་བཅུ་ཀུན་དུ་འབྲོས་པར་འགྱུར། །དེ་ལ་བྲན་བཞིན་བྱེད་པར་འགྱུར། །འཁོར་དུ་གཏོགས་པ་ང་ཡི་འཁོར། །འཁོར་མང་ཇི་སྙེད་མཆོག་བྱེད་པ། །གདུག་པ་མང་པོས་གནོད་བསྒྲུབ་ཕྱིར། །རྫས་ལ་མེས་ནི་རབ་སྦར་ནས། །ང་ཡི་སྙིང་པོས་བརྗོད་ནས་འབྱུང་། །དེ་ལ་ཡིག་འབྲུ་དྲུག་བརྗོད་ན། །དེ་ལ་གནོད་པར་མི་ནུས་ཤིང་། །གདུག་པས་མཆོད་ཅིང་བཀུར་བར་འགྱུར། །དེ་ཡི་ནད་རྣམས་སོས་པར་འགྱུར། །མངོན་སུམ་སྣང་བའི་གཟུགས་བརྙན་དང་། །མཆོག་དང་ཐ་མ་འབྲིང་རྣམས་ལ། །གདུག་པའི་ཚོགས་ཀྱིས་ཞེན་པ་ནི། །སྙིང་གར་ཨྃ་གྱི་འབྲུ་རྣམས་ཏེ། །ཁ་དོག་དམར་པོ་འབར་བའི་ནང་། །གཟུགས་སུ་སྣང་བ་ཀུན་བཞུན་ཏེ། །ཐུབ་པའི་ངང་ཚུལ་དེ་བསྒོམས་ནས། །རིན་ཆེན་ཡིག་འབྲུ་ཡི་གེ་བསམ། །དེ་ལ་རབ་ཏུ་འཇིགས་པར་བརྐྱང་། །ཡི་གེ་དང་པོ་ཐ་མ་མིག །ཨྃ་གྱི་ཚོགས་སུ་འབར་བ་གཞན། །མི་བསྐྱོད་ཉིད་མས་བེ་ཅོན་འཆང་། །ཐོད་པའི་དབྱིག་པར་ཆས་ནས་ནི། །ལྕེ་ལ་སྔགས་ནི་དྲན་པ་ཡིས། །རྒྱལ་བ་ཀུན་གྱིས་དབང་བསྐུར་ཞིང་། །གདུག་པའི་ཀླུ་རྣམས་འདུལ་འགྱུར་ཏེ། །ཕྱོགས་བཅུ་ཀུན་དུ་འབྲོས་པར་འགྱུར། །དེ་ལ་མཆོད་དང་བྲན་དུ་འགྱུར། །ཨོཾ་མུ་ནེ་པདྨ་ས་མ་ཡོ་གི་ཧཱུྃ་ཧཱུྃ་ཛ་ཛ། འདི་ལ་གོམས་པར་གང་བརྩོན་པས། །ང་ཡི་ཆ་ལུགས་འདི་བཟུང་ནས། །བཀུར་གནས་ ― DNG011_Page_0391 ―
[མ་དཔེ་གཟིགས་ན་འདིར་གནོན།]
མཆོད་པ་བྱེད་པ་དང་། །སྒྲུབ་པ་ཐམས་ཅད་མྱུར་བར་འགྱུར། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཐུབ་པ་ཆེན་པོ་བཅོམ་ལྡན་འདས་ཀྱིས་ཀླུའི་ཚོགས་ཀྱི་གདུག་པའི་ལས་འདུལ་བའི་ལེའུ་སྟེ་བཞི་བཅུ་ལྔ་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་འབྱུང་པོའི་ཚོགས་ཟིལ་གྱིས་གནོན་པ་ཞེས་བྱ་བ་འདིའི་ཆེད་དུ་བརྗོད་པ་འདི་བརྗོད་དོ། །སྒྱུ་འཕྲུལ་དྲ་བའི་དཀྱིལ་འཁོར་ལས། །ཚོམ་བུ་གཉིས་ཀྱི་ལྷ་རྣམས་བསྒོམ། །ང་ཉིད་འདུག་པའི་གནས་བཤམས་ཏེ། །ལོ་དང་ཟླ་བ་གསུམ་དང་ལྔར། །རྡོ་རྗེ་དུང་ཆེན་གང་བ་དང་། །རྡོ་རྗེ་ཕྱག་བསྣམས་དྲིལ་བུ་ལ། །སྔགས་བཟླས་ཏིང་འཛིན་གོམས་པར་བསྙེན། །རྫས་ལ་ཚོན་གྱིས་མདོག་བསྒྱུར་བཞིན། །རྟགས་དང་མངོན་དུ་གྱུར་པར་རོ། །སངས་རྒྱས་རྡོ་རྗེ་ཕྱག་བསྣམས་ནས། །ཁྲོ་བོ་ཆེན་པོ་རྣམ་པར་རྒྱལ། །རང་གི་རང་བཞིན་དེར་བསྒྱུར་ནས། །སྤྱན་བགྲད་མཆེ་གཙིགས་སྡང་མིག་འབར། །བརྐྱང་བསྐུམ་རྔམ་པས་ཞིང་སྟེངས་བསྒོམ། །ཤིག་ཤིག་དྲག་ཏུ་གྱུར་པ་ན། །དེ་ཡི་སྙིང་པོ་བཟླས་ནས་ནི། །དེ་བསྙེན་ཉམས་སུ་ལོན་པ་ཡིན། །དེ་ལྟར་འགྲུབ་པའི་རྟགས་རྣམས་ནི། །གང་ལ་དམིགས་པའི་མདུན་དག་ཏུ། །བཞིན་བཟློག་མིག་གིས་བལྟས་ནས་ནི། །ལྕེ་ལ་དྲག་ཏུ་ཕཊ་ཅེས་བརྗོད། །བརྒྱལ་འགྱུར་ཨྃ་ནས་དམར་རྩི་དབབ། །དེ་ལས་ཧཱུྃ་ཞེས་བྱ་བ་ཡིད། །དང་པོའི་གནས་སུ་འདུས་པ་ན། །མཆོངས་པར་འདོད་ན་ལངས་པར་འགྱུར། །སྒྱུ་འཕྲུལ་དྲ་བའི་དཀྱིལ་འཁོར་ལས། །ཚོམ་བུ་གཉིས་ཀྱི་ལྷ་རྣམས་བསྒོམ། །ང་ཉིད་འདུག་པའི་གནས་བཤམས་ཏེ། །ལོ་དང་ཟླ་བ་གསུམ་ལྔ་བདུན། །དེ་ཡི་དུང་ཆེན་གང་བ་དང་། །རྡོ་རྗེ་ཕྱག་བསྣམས་དྲིལ་བུ་ལ། །སྔགས་བཟླས་ཏིང་འཛིན་གོམས་པར་བསྙེན། །རྫས་ལ་ཚོན་གྱིས་མདོག་བསྒྱུར་བཞིན། །རྟགས་དང་མངོན་དུ་གྱུར་པར་རོ། །སངས་རྒྱས་རྡོ་རྗེ་ཕྱག་བསྣམས་ནས། །ཁྲོ་བོ་ཆེན་པོ་གཤིན་རྗེ་རྒྱལ། །གཤིན་རྗེ་ཁྲོས་པའི་རྒྱལ་མོར་སྦྱོར། །རང་གི་རང་བཞིན་དེར་བསྒྱུར་ནས། །སྤྱན་བགྲད་མཆེ་གཙིགས་སྡང་མིག་པར། །བརྐྱང་བསྐུམ་རྔམ་པས་ཞིང་སྟེངས་བསྒོམ། །ཤིག་ཤིག་དྲག་ཏུ་གྱུར་པ་ན། ། ― DNG011_Page_0392 ―
[མ་དཔེ་གཟིགས་ན་འདིར་གནོན།]
དེ་ཡི་སྙིང་པོ་བཟླས་ནས་ཀྱང་། །ཨོཾ་ཞེས་པས་ནི་རྐེད་པར་གཅད། །དེས་ནི་དབང་དུ་གྱུར་པར་བསྒོམ། །ས་ལས་གསེར་དང་ཆུ་ལས་ས། །ཡིད་དང་འཐད་པ་ཉིད་དུ་ནི། །ཇི་བཞིན་ཇི་བཞིན་འགྲུབ་པར་འགྱུར། །དེ་ལས་འདོད་པ་བཞིན་དུ་ངེས། །དེ་བསྙེན་ཉམས་སུ་ལོན་པ་ཡིན། །དེ་ལྟར་ངེས་པའི་རྟགས་རྣམས་ནི། །མིང་དང་གཟུགས་དང་མངོན་སུམ་ན། །དབུ་གསིགས་སྡང་མིག་དྲག་པོས་བལྟ། །ཨོཾ་གྱི་རྩེ་མོར་ཕཊ་ཅེས་བརྗོད། །བརྒྱལ་འགྱུར་ཨོཾ་ལས་དམར་རྩི་དབབ། །ངག་ལས་ཨྃ་ཞེས་བྱ་བས་ནི། །བཟླས་བརྗོད་བཅས་དེ་བདག་ཉིད་བསྡིམ། །དེ་ནས་འདོད་པ་བཞིན་དུ་ངེས། །དེ་བསྙེན་ཉམས་སུ་ལེན་པ་ཡིན། །དེ་ལྟར་ངེས་པའི་རྟགས་རྣམས་ནི། །མིང་དང་གཟུགས་དང་མངོན་སུམ་ལ། །བཞིན་བཟློག་མིག་གིས་བལྟས་ནས་ནི། །ཨོཾ་ལས་དྲག་ཏུ་ཕཊ་ཅེས་པས། །བརྒྱལ་འགྱུར་ཨྃ་ལས་དམར་རྩི་དབབ། །དེ་ལས་ཧཱུྃ་ཞེས་བྱ་བ་ཡིན། །དང་པོའི་གནས་སུ་བསྡུས་པ་ན། །འཚོ་བར་འདོད་ན་ལངས་པར་འགྱུར། །སྒྱུ་འཕྲུལ་དྲ་བའི་མངོན་རྫོགས་པ། །བྱང་ཆུབ་མཆོག་གི་ཀུན་ངོ་བོ། །ཕྱག་རྒྱ་བཞུགས་ཡུན་ལ་སོགས་པ། །གཅིག་པུ་ཆ་ཡི་ཏིང་ངེ་འཛིན། །རྡོ་རྗེ་དུང་ཆེན་གང་བ་དང་། །རྡོ་རྗེ་ཕྱག་བསྣམས་དྲིལ་བུ་ལ། །སྔགས་བཟླས་ཏིང་འཛིན་གོམས་པར་བསྙེན། །རྫས་ལ་ཚོན་གྱིས་མདོག་བསྒྱུར་བཞིན། །རྟགས་དང་མངོན་དུ་གྱུར་པར་རོ། །སངས་རྒྱས་རྡོ་རྗེ་ཕྱག་བསྣམས་ནས། །ཁྲོ་བོ་ཆེན་པོ་རྟ་མཆོག་དཔལ། །རང་གི་རང་བཞིན་དེར་བསྒྱུར་ནས། །སྤྱན་བགྲད་མཆེ་གཙིགས་སྡང་མིག་པར། །བརྐྱང་བསྐུམ་རྔམ་པས་ཞིང་སྟེངས་བསྒོམ། །ཤིག་ཤིག་དྲག་ཏུ་གྱུར་པ་ན། །དེ་ཡི་སྙིང་པོ་བཟླས་ནས་ཀྱང་། །ཨོཾ་ཞེས་བྱ་བས་རྐེད་པར་གཅད། །དེས་ནི་དབང་དུ་གྱུར་པར་བསྒོམ། །ས་ལས་གསེར་དང་ཆུ་ལས་ས། །ཡིད་དང་འཐད་པ་ཇི་ལྟ་བ། །ཇི་བཞིན་ཇི་བཞིན་གྲུབ་པར་ངེས། །དེ་ལ་འདོད་པ་བཞིན་དུ་འགྱུར། །དེ་བསྙེན་ཉམས་སུ་ལོན་པ་ཡིན། །དེ་ཡི་གྲུབ་པའི་རྟགས་རྣམས་ནི། །མིང་དང་གཟུགས་དང་མངོན་སུམ་ན། །དབུ་གསིགས་སྡང་མིག་དྲག་པོས་བལྟ། །ཨྃ་ ― DNG011_Page_0393 ―
[མ་དཔེ་གཟིགས་ན་འདིར་གནོན།]
ལས་དྲག་ཏུ་ཕཊ་ཅེས་པས། །བརྒྱལ་འགྱུར་ཨོཾ་ལས་དམར་རྩི་དབབ། །དེ་ལས་ཧཱུྃ་ཞེས་བྱ་བ་ཡིད། །དང་པོའི་གནས་སུ་བསྡུས་པ་ན། །མཆོངས་པར་འདོད་ན་ལངས་པར་འགྱུར། །སྒྱུ་འཕྲུལ་ཆེན་པོ་དེ་ཉིད་ལས། །སངས་རྒྱས་རྡོ་རྗེ་ཕྱག་བསྣམས་པ། །ཁྲོ་བོ་ཆེན་པོ་བདུད་རྩི་འཁྱིལ། །བདག་ཉིད་རང་བཞིན་དེར་བསྒྱུར་ནས། །སྤྱན་བགྲད་མཆེ་གཙིགས་སྡང་མིག་པར། །བརྐྱང་བསྐུམ་རྔམ་པས་ཞིང་སྟེངས་བསྒོམ། །ཤིག་ཤིག་དྲག་ཏུ་གྱུར་པ་ལས། །མགྱོགས་པར་ཕྱོགས་སུ་སོང་བ་ན། །དེ་ཡི་སྙིང་པོ་མཆོག་བཟླས་ནས། །ཧཱུྃ་ཞེས་པས་ནི་བསྐུལ་བ་ཡིས། །དང་པོའི་གནས་སུ་ཕྱིན་པར་བྱེད། །དེས་ནི་དབང་དུ་གྱུར་པར་བསྒོམ། །དེ་ལས་སྣ་ཚོགས་ཅི་འདོད་པར། །ཐམས་ཅད་ཐམས་ཅད་གྲུབ་པར་འགྱུར། །དེ་བསྙེན་ཉམས་སུ་ལོན་པ་ཡིན། །ཨོཾ་ལ་དྲག་ཏུ་ཕཊ་ཅེས་པས། །གང་ལ་བྱ་བ་མངོན་བསམ་ནས། །སེ་གོལ་སྣོལ་མར་གཏོགས་པ་ཡིས། །བརྒྱལ་འགྱུར་ཨོཾ་ལས་དམར་རྩི་དབབ། །ཡིད་ལ་བསྒོམས་པས་ལངས་པར་འགྱུར། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་རབ་ཏུ་རྒྱལ་བར་བྱེད་པ་དམ་ཚིག་མཆོག་བཀོད་པའི་ལེའུ་སྟེ་བཞི་བཅུ་དྲུག་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོའི་སྤྱན་སྔར་དྲེགས་པ་ཆེན་པོ་དང་། དབང་ཕྱུག་ཆེན་པོ་དང་། རྒྱལ་པོ་ཆེན་པོ་བཞི་དང་། ཕྱོགས་སྐྱོང་བར་གྱུར་པ་སྡེ་དཔོན་དང་ཆུང་མར་བཅས། བྲན་དང་གཡོག་དང་ཡང་གཡོག་གི་རབ་ཏུ་འཇིགས་པ་དང་བཅས་པའི་སེམས་ཀྱིས་གུས་པར་དམ་བཅས་ཤིང་། རང་རང་གི་དཀྱིལ་འཁོར་དང་། སྙིང་པོ་ཞེས་བྱ་བ་འདི་མགྲིན་གཅིག་ཏུ་ཡང་སྨྲས་སོ། །དྲེགས་པ་འཁོར་བཅས་དཀྱིལ་འཁོར་དང་། །ལུས་དང་ངག་ཡིད་དབུལ་བ་ནི། །འཁོར་གཡོག་བྱེ་བ་དྲུག་ཅུ་རྣམས། །ཀེང་རུས་གསར་རྙིང་གནས་སུ་གྱུར། །རློན་པ་ཤ་ཁྲག་ཚོགས་ལ་སྤྱོད། །ཐོད་པར་འཐུང་ཟ་མེད་པའི་ནང་། །མདུང་ཐུང་རལ་གྲི་དགྲ་སྟྭ་དང་། །ཞགས་པ་དབྱིག་པ་ཟོར་བ་དང་། །རྔ་དང་ལྡ་ལྡི་ཁྲག་འཐོར་ཞིང་། །གདུག་པའི་ཚོགས་རྣམས་ཀུན་གྱིས་བསྐོར། །དགྱེས་པའི་དཀྱིལ་འཁོར་འདི་རྣམས་ལ། །མིང་ཙམ་འཛིན་ ― DNG011_Page_0394 ―
[མ་དཔེ་གཟིགས་ན་འདིར་གནོན།]
པར་བྱེད་པ་ཡིས། །ཞབས་ཀྱི་མཐིལ་དུ་འདི་བསྒོམས་ཏེ། །རང་གི་སྙིང་པོ་འདི་བརྗོད་ན། །དེ་བྲན་བཞིན་དུ་བདག་ཅག་བགྱིད། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་བསྒྲུབ། །འདུག་ནས་སྙིང་པོ་འདི་བཞིན་དབུལ། །ཨོཾ་ཁྃ་དྷུ་ཧ་སྭཱ་ཧཱ། དབང་ཕྱུག་ལྷ་ཆེན་དཀྱིལ་འཁོར་དང་། །ལུས་དང་ངག་ཡིད་དབུལ་བ་ནི། །འཁོར་གཡོག་བྱེ་བ་བརྒྱད་ཅུ་སྟོང་། །མེ་ཏོག་སིལ་མ་བཀྲམ་པ་དང་། །རས་སྟན་འཕར་མ་མང་པོ་དང་། །རིན་ཆེན་བཅལ་དང་བརྡུང་བ་དང་། །རོལ་མོ་གླུ་གར་རབ་ཏུ་སྙན། །རིན་ཆེན་ཁང་བའི་གནས་སུ་ནི། །ལྷ་མོ་མང་པོར་བདག་སྤྱོད་ཅིང་། །རིན་ཆེན་སྣོད་དུ་བདག་ཅག་འཐུང་། །གདུགས་ཀྱིས་རྒྱས་པར་སྟེང་ནས་གཡོགས། །གཟུགས་མཛེས་པས་ནི་གདའ་བར་བགྱིད། །རིན་ཆེན་མེ་ཏོག་ལ་སོགས་དང་། །ལྷ་ཡི་མེ་ཏོག་ཕྱོགས་སུ་འཐོར། །ལྷ་ཡི་ཚོགས་མང་ཀུན་གྱིས་བསྐོར། །དགྱེས་པའི་དཀྱིལ་འཁོར་འདི་རྣམས་ལ། །མིང་ཙམ་འཛིན་པར་བྱེད་པ་ཡིས། །ཞབས་ཀྱི་མཐིལ་དུ་འདི་བྲིས་ཏེ། །རང་གི་སྙིང་པོ་འདི་བརྗོད་ན། །དེ་ལ་བྲན་བཞིན་བདག་ཅག་བགྱིད། །གཙུག་ཏུ་བཞག་ནས་བཀུར་བ་དང་། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་བསྒྲུབ། །དེ་གཟུགས་སྟོན་ཅིང་གདའ་བར་བགྱིད། །ཨོཾ་སརྦ་དེ་བཱ་མ་ཧཱ་ཨུ་པ་ཧ། རྒྱལ་པོ་རྣམ་ཐོས་ཡུལ་འཁོར་སྲུང་། །འཁོར་ཚོགས་སྟོང་ཕྲག་མང་པོ་ཡི། །ལུས་དང་ངག་ཡིད་འབུལ་བ་ནི། །འཁོར་གཡོག་སྟོང་ཕྲག་བྱེ་བ་བརྒྱ། །མེ་ཏོག་སིལ་མར་བཀྲམ་པ་དང་། །རྒྱན་མང་བྱུག་པ་གཅལ་བཀྲམ་པ། །སྡེ་དཔོན་ཉི་ཤུ་བྱེ་བ་རྣམས། །ཅི་ལེགས་པར་ནི་རབ་ཏུ་སྨྲ། །རིམ་པ་ཆེ་ཞིང་སྲི་ཞུ་གུས། །མཆོད་པར་བྱེད་ཅིང་ལུགས་མཆིས་པའི། །བདག་གི་འཁོར་དང་བཅས་པ་ལགས། །རིན་ཆེན་བཅལ་དང་འཐུང་བ་དང་། །རོལ་མོ་གླུ་གར་སྙན་པས་བརྒྱན། །རིན་ཆེན་ཁང་པར་བདག་མཆིས་ཤིང་། །བཞོན་པ་དམག་མངས་འཁོར་བར་མཆིས། །རིན་ཆེན་སྣོད་དུ་ཆང་འཐུང་བ། །གདུགས་ཀྱིས་བརྒྱན་པར་སྟེང་ནས་གཡོགས། །གཟུགས་མཛེས་པས་ནི་གདའ་བར་བགྱིད། །རིན་ཆེན་མེ་ཏོག་ ― DNG011_Page_0395 ―
[མ་དཔེ་གཟིགས་ན་འདིར་གནོན།]
ཕྱོགས་སུ་འཐོར། །རྒྱལ་པོའི་ཚོགས་མང་ཀུན་གྱིས་བསྐོར། །དྲི་ཟ་མེ་ཡི་བདག་པོ་དང་། །དབང་ལྡན་རླུང་གི་བདག་པོ་རྣམས། །འདི་བཞིན་གུས་པར་བདག་ཅག་བགྱིད། །དགྱེས་པའི་དཀྱིལ་འཁོར་འདི་རྣམས་ལ། །མིང་ཙམ་འཛིན་པར་བྱེད་པ་ཡིས། །ཞབས་ཀྱི་མཐིལ་དུ་བྲིས་ནས་ཀྱང་། །རང་གི་སྙིང་པོ་འདི་བརྗོད་ན། །དེ་ལ་བྲན་བཞིན་བདག་ཅག་བགྱིད། །གཙུག་ཏུ་བཞག་ནས་བཀུར་བ་དང་། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་བསྒྲུབ། །དེ་ལ་གཟུགས་སྟོན་གདའ་བར་བགྱིད། །ཨོཾ་སིད་དྷ་དྷི་དྷི་དྷུ་ཧོ་སྭཱ་ཧཱ། རྒྱལ་པོ་མིག་མི་བཟང་དང་འཕགས་སྐྱེས་པོ། །འཁོར་ཚོགས་ཁྲི་ཕྲག་མང་པོ་ཡིས། །ལུས་དང་ངག་ཡིད་དབུལ་བ་ནི། །འཁོར་ཚོགས་ཁྲི་ཕྲག་བྱེ་བ་བརྒྱ། །མེ་ཏོག་སིལ་མ་བཀྲམ་པ་དང་། །རྒྱན་མང་བྱུག་པ་གཅལ་བཀྲམ་པ། །སྡེ་དཔོན་ཉི་ཤུ་བྱེ་བ་རྣམས། །ཅི་ལེགས་པར་ནི་རབ་ཏུ་སྨྲ། །རིམ་པ་ཆེ་ཞིང་སྲི་ཞུ་གུས། །མཆོད་པར་བྱེད་ཅིང་ལུགས་མཆིས་པར། །བདག་གི་འཁོར་དང་བཅས་པ་ལགས། །རིན་ཆེན་བཅལ་དང་བཏུང་བ་དང་། །རོལ་མོ་གླུ་གར་སྙན་པས་བརྒྱན། །རིན་ཆེན་ཁང་པར་བདག་མཆིས་ཤིང་། །བཞོན་པ་དམག་མངས་འཁོར་བར་མཆིས། །རིན་ཆེན་སྣོད་དུ་ཆང་འཐུང་བ། །གདུགས་ཀྱིས་རྒྱས་པར་སྟེང་ནས་གཡོགས། །གཟུགས་མཛེས་པ་ནི་གདའ་བར་བགྱིད། །རིན་ཆེན་མེ་ཏོག་ཕྱོགས་སུ་འཐོར། །རྒྱལ་པོའི་ཚོགས་མང་ཀུན་གྱིས་བསྐོར། །གནོད་སྦྱིན་སྲིན་པོའི་ཚོགས་རྣམས་དང་། །ཆུ་བདག་གཤིན་རྗེའི་འཁོར་མང་རྣམས། །དེ་བཞིན་གུས་པས་བདག་ཅག་བགྱིད། །དགྱེས་པའི་དཀྱིལ་འཁོར་ཆེན་པོ་འདི། །མིང་ཙམ་འཛིན་པར་བྱེད་པ་ཡིས། །ཞབས་ཀྱི་མཐིལ་དུ་བྲིས་ནས་ཀྱང་། །རང་གི་སྙིང་པོ་འདི་བརྗོད་ན། །དེ་ལ་བྲན་བཞིན་བདག་ཅག་བགྱིད། །གཙུག་ཏུ་བཞག་ནས་བཀུར་བ་དང་། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་བགྱིད། །དེ་ལ་གཟུགས་སྟོན་གདའ་བར་བགྱིད། །ཨོཾ་དྷ་ཀ་བྷི་དུ་བྷ་བི་ཤུ་པ་ཤེ་ཨོཾ་ཧཱུྃ། ཞེས་མགྲིན་གཅིག་ ― DNG011_Page_0396 ―
[མ་དཔེ་གཟིགས་ན་འདིར་གནོན།]
ཏུ་སྨྲས་པས། སྲིད་པ་ཇི་སྲིད་པ་རྣམས་ཐུགས་ཀྱི་དཀྱིལ་འཁོར་ཆེན་པོ་འདིས་འདུལ་བར་གྱུར་ནས། བཅོམ་ལྡན་འདས་དགྱེས་པ་ཆེན་པོས་སྐུ་དང་གསུང་དང་ཐུགས་ཡོན་ཏན་ཕྲིན་ལས་རྡོ་རྗེ་ལས་རྡོ་རྗེ་གསང་བའི་ཚིག་འདི་ཕྱུང་ངོ་། །ཨ་ཧོ། དེ་བཞིན་གཤེགས་པ་བསམ་ཡས་སྙིང་པོ་བསམ་ཡས་པར། །འབྲུ་གཏོར་བསྡུ་བ་ལས་ནི་འདས་བཞིན་བསྙད་དཀའ་བའི། །མ་ནོར་ལམ་ཆེན་གཅིག་གིས་རབ་ཏུ་འདུལ་འགྱུར་ཞིང་། །དེ་ཡི་བསྔགས་པའི་བཀའ་ལས་འདའ་བར་ངས་མི་ནུས། །ཐུགས་ཀྱི་ཐུགས་རྗེས་ཇི་སྲིད་མ་ནོར་ལམ་ཉིད་ལ། །གསང་བའི་སྙིང་པོ་ངེས་པ་སྒྱུ་འཕྲུལ་མཆོག་ཉིད་པ། །ང་ཉིད་འདུད་འགྱུར་གཞན་ལྟ་སྨོས་ཅི་དགོས། །དེ་ཉིད་ཐུགས་ལས་སྤྲུལ་པའི་ཐུགས་ཉིད་དོ། །ཧོ་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་ཏུ་འདུལ་བར་གྱུར་པ་གནས་དང་། སྙིང་པོ་དབུལ་བའི་ལེའུ་སྟེ་བཞི་བཅུ་བདུན་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོའི་བདག་ཉིད་དཔལ་ཁྲག་འཐུང་ཆེན་པོའི་སྤྱན་སྔར་དྲེགས་པ་ཆེན་པོ་དང་། དབང་ཕྱུག་ཆེན་པོ་ལ་སོགས་པ་འཇིག་རྟེན་པའི་ཚོགས་ཀྱིས། དེ་བཞིན་གཤེགས་པའི་བྱིན་གྱིས་བརླབས་ཀྱིས་སེམས་འདུན་པ་ཆེན་པོར་གྱུར་ཏེ། ཆེད་དུ་བསྟོད་པའི་གླུ་འདི་མགྲིན་གཅིག་ཏུ་སྨྲས་སོ། །ཨེ་མའོ་ཡ་མཚན་འཕྲུལ་ཆེན་གྱི། །སངས་རྒྱས་རྡོ་རྗེའི་རང་བཞིན་དཔལ། །དུག་དང་བདུད་རྩི་ཁྱད་མེད་པར། །དག་པའི་རང་བཞིན་རྣལ་འབྱོར་ཐུགས། །ཀུན་དུ་བཟང་པོ་རྡོ་རྗེའི་སྐུ། །ཡེ་ཤེས་ལྔ་ཡི་ཁྲོ་རྒྱལ་གཙོ། །ཁྲག་འཐུང་འཇིགས་བྱེད་ཧེ་རུ་ཀ །སངས་རྒྱས་མཐའ་ཡས་འགྲོ་བ་རྒྱ་མཚོ་འདུལ། །ཐུགས་རྗེ་བསམ་ཡས་ཁྲོ་རྒྱལ་ཀུན་གྱི་གཙོ། །ཁྲག་འཐུང་ཀུན་ལས་ཆེས་འཕགས་ཡིད་བཞིན་མཛོད། །སེར་གནག་མཐིང་གནག་ལྗང་གནག་དམར་གནག་དང་། །སྔོ་གནག་རི་རབ་ལྟ་བུར་བརྗིད་པའི་སྐུ། །བསྐལ་པར་བཅས་པའི་མེ་རིའི་དབུས་གནས་པའི། །རོ་ཚོགས་མང་པོའི་དཀྱིལ་ནས་ཞལ་རྔམ་པའི། །བསོད་ནམས་ལུས་བསྡུས་རྡོ་རྗེ་མི་ཟད་པའི། །སྐར་ཚོགས་མང་ལ་ཉི་ཟླའི་ ― DNG011_Page_0397 ―
[མ་དཔེ་གཟིགས་ན་འདིར་གནོན།]
འོད་བཞིན་དུ། །ཆེ་བཙན་དྲེགས་པས་འཇིགས་པའི་ཚོགས་ཀུན་འཇོམས། །མཚུངས་མེད་ཆོ་འཕྲུལ་ཁྱད་པར་རབ་སྟོན་ཅིང་། །འདོད་པའི་དབང་ཕྱུག་གར་གྱི་ཚུལ་དུ་བཞུགས། །ཟ་བྱེད་བརྐམ་པས་ཐུགས་སྐུ་གསུང་གི་ཞལ། །ཁྲག་མཚོ་མཐའ་མེད་སྐེམས་ཤིང་སྒལ་ཚིགས་འཇོམས། །ཁྲོ་གཉེར་སྙིང་འདྲེན་འཇིགས་བྱེད་གློག་ལྟར་འགྱུ། །དུར་ཁྲོད་འབུམ་གྱི་དབུ་སྨུག་འཇིགས་པར་བརྗིད། །འཁོར་བའི་རྟོག་པ་འཇིག་མཛད་ཐོད་རློན་ཕྲེང་བས་བསྒེགས། །རོལ་ཕྱིར་རྩེ་མོར་སྣང་བས་ཨ་ཨ་ཧ་ལས་བཞད། །རང་ཉིད་ཆེ་བས་དབང་རྫོགས་རྒྱལ་བས་དབུ་ལ་བརྒྱན། །སྨིན་རིས་ཁྲོ་གཉེར་གློག་བཞིན་རབ་འགྱུ་བས། །ཕྱོགས་དང་མཐུན་པའི་ཁྲག་འཐུང་འགྱེད་ཅིང་སྡུད། །སྤྲུལ་པ་དེ་ལྟ་བུས་ནི་ཟིལ་གནོན་པ། །འཇིགས་པས་མུན་པའི་ཚོགས་ཆེན་རབ་བཤམས་ཀྱང་། །སྡང་མིག་སྤྱན་ནི་ཉི་ཟླ་རྒྱས་འབར་བས། །འཇིགས་པའི་ཚོགས་ཕུང་སྡུག་བསྔལ་གཏན་ནས་སྦྱོང་། །ཁྲོས་པས་ཞལ་གདངས་སོ་ཆེན་གཙིགས་འབར་བས། །སྲིད་པའི་རྩེ་ནས་དམྱལ་ཁམས་སྙེགས་པ་ལྟར། །འཇིག་རྟེན་དུས་གཅིག་མིང་མཛད་ལམ་དྲུག་གཏན་ནས་གཅོད། །ཡེ་ཤེས་ཕྱག་བསྣམས་ཕྱག་མཚན་འབར་བ་ཡིས། །སྲིད་གསུམ་མ་ལུས་རྡུལ་ཕྲན་སྟོངས་པར་མཛད། །རྐན་སྒྲས་རོལ་པས་འགྲོ་ལ་ཕེག་བརྡབས་བཞིན། །ཁམས་གསུམ་ཀུན་ལ་ཆས་སྟོན་རྒྱས་པར་མཛད། །ཟས་སུ་ཁྲག་འཐུང་རྡོ་རྗེ་ཆེ་མཆོག་གསོལ། །འཇིག་ཚོགས་བསད་པའི་ཀོ་རློན་གཡང་གཞི་བསྣམས། །ཀླུ་འདུལ་ཡོན་ཏན་སྦྲུལ་ནག་སྟོང་གིས་བཀླུབས། །འཇིགས་བཅས་ཀླུ་ཡི་ཚོགས་ཀྱང་ཞབས་འོག་མནན། །འདོད་ཆགས་འདུལ་བ་འདོད་ཆགས་ཀུན་གྱི་གཙོ། །འདོད་ཆགས་ཆེན་པོ་འདོད་ཆགས་ཉིད་ཀྱི་སྐུ། །མང་པོའི་འཁོར་བཅས་འཇིགས་པའི་འཁོར་དུ་བྱས། །ཞེ་སྡང་འདུལ་བ་ཞེ་སྡང་ཀུན་གྱི་གཙོ། །ཞེ་སྡང་གདུག་པ་ཞེ་སྡང་ཀུན་གྱི་སྐུ། །འཇིགས་པའི་ཚོགས་རྣམས་ཟེར་གྱིས་ཀུན་བཞུ་བའི། །རབ་ཏུ་བརྗིད་པ་འཇིགས་པས་འཇིགས་པའི་གཟུགས། །གཏི་མུག་འདུལ་བ་གཏི་མུག་ཀུན་གྱི་གཙོ། །གཏི་མུག་བློ་སེལ་གཏི་མུག་ཆེན་པོའི་ ― DNG011_Page_0398 ―
[མ་དཔེ་གཟིགས་ན་འདིར་གནོན།]
སྐུ། །མི་འབྱེད་ཁྲག་འཐུང་སྲན་ཆེན་རི་རབ་བརྟན། །ང་རྒྱལ་འདུལ་བ་ང་རྒྱལ་ཀུན་གྱི་གཙོ། །འཇིགས་ཚོགས་བསད་ནས་རོ་ཚོགས་མང་གི་གནས། །ཞབས་བགྲད་མཆེ་གཙིགས་ཆོག་པའི་དུས་མཐའ་མེད། །འཇིགས་པས་ཕེབས་པར་དགའ་ཞིང་ཤིན་ཏུ་སྡང་། །ཕྲག་དོག་འདུལ་བ་ཕྲག་དོག་ཀུན་གྱི་གཙོ། །ཕྲག་དོག་ཆེ་མཆོག་ཕྲག་དོག་ཆེན་པོའི་སྐུ། །བུད་མེད་ཀུན་བསྡུས་དཀྱིལ་འཁོར་དབུས་གནས་ཤིང་། །ལམ་ནོར་གདུག་པར་བཅས་པ་ཕཊ་ཀྱིས་གསོད། །ཞིང་གི་ཤམ་ཐབས་གདུག་པ་འདུལ་བར་བསྣམས། །སྐུ་འདྲ་འཇིགས་ཚོགས་གཟུགས་ཀྱིས་སྐུ་ལ་བརྒྱན། །ཞབས་དང་ཕྱག་ཏུ་གྱུར་པ་བསམ་ཐག་ཆད། །ཞབས་ཆེན་གཡོན་མང་བརྐྱང་བས་ལྷ་གནོན་བདུད་ལ་ཁྱབ། །ཞབས་གཡས་ཐབས་ཆེན་མང་པོས་དབང་སྡུད་འདོར་ཞིང་བསྐུམ། །རྡོ་རྗེ་སེ་གོལ་ཕྱར་བརྡབས་གཉིད་ཆེར་རབ་སེལ་མཛད། །འོད་ཆེན་དབུས་ནས་གློག་ཆེན་རབ་འགྱུ་བའི། །འཇིགས་པར་གོང་ན་མེད་པའི་དཔའ་བོ་ཁྱོད། །ཟས་ངན་བདུད་རྩི་སྦྱོར་བའི་སྨན་ཆེན་བདག །འཇིགས་བྱེད་ཁྱོད་ལྟ་བུ་ནི་རབ་ཏུ་དཀོན། །བསྐལ་པར་བཀྲུས་ཀྱང་སླར་སྐྱེ་དྲི་མ་ལ། །ཡེ་ཤེས་ཉི་ཟེར་འོད་ཀྱི་བྱིན་བརླབས་དང་། །ཐུགས་རྗེ་དག་པའི་ཆར་གྱི་ཆོ་འཕྲུལ་གྱིས། །བརྡ་ཙམ་ཡུད་ལ་རྨོངས་འཁྲུགས་ལས་སྦྱོང་ཞིང་། །ཤི་བའི་ལམ་འགོག་ཤེས་རབ་དཀྱིལ་འཁོར་དུ། །སྐྱེ་བ་གཏན་ནས་སྦྱོང་བའི་ཐུགས་རྗེ་འཆར། །བྱམས་སྡང་མི་མངའ་བཀའ་དྲིན་ཆེན་པོའི་གཏེར། །ཁྲག་འཐུང་སྐུ་གསུང་ཐུགས་ལ་ཕྱག་འཚལ་ལོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བཀའ་དྲིན་དྲན་པའི་གླུ་ཞེས་བྱ་བའི་ལེའུ་ཞེས་བྱ་སྟེ་བཞི་བཅུ་བརྒྱད་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས། གསང་སྔགས་ཀྱི་རྒྱལ་པོ་འདི་བརྟན་ཞིང་མི་འགྱུར་བ་དང་། འཇིག་རྟེན་གྱི་ཁམས་སུ་གནས་པར་བྱ་བའི་ཆེད་དུ་འབྱུང་པོ་རྣམས་ཀྱི། ཇོ་མོའི་ཡང་ཇོ་མོ། མི་སྲིན་མོ་ཆེན་མོ། མི་སྲིན་མོ་དང་། ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མ་དང་། གཞོན་ནུ་མ་དང་། དམར་མོ་དང་། བདུད་རྩི་མོ་ ― DNG011_Page_0399 ―
[མ་དཔེ་གཟིགས་ན་འདིར་གནོན།]
དང་། ཞི་བ་མོ་དང་། བེ་ཅོན་མོ་དང་། སྲིན་མོ་དང་། ཟ་བ་མོ་དང་། དགའ་བ་མོ་དང་། ར་རོ་ཁྲག་འཐུང་མྱོས་དང་། གཅིག་པུ་སྤྱོད་དང་། ཡིད་འཕྲོག་མ་དང་། གྲུབ་མོ་དང་། ཀླུང་མོ་དང་། གསོད་བྱེད་མོ་དང་། མི་མོ་དང་། ཕག་མོ་དང་། རྒན་བྱད་མོ་དང་། སྣ་ཆད་མོ་དང་། ཆུ་ལྷ་མོ་དང་། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་རྣ་སྔོ་གནག་ཆེན་མོ་དང་། གསུས་འཛིན་སེར་གནག་ཆེན་མོ་དང་། རྒྱལ་མོ་དང་། བློན་མོ་དང་། སྡེ་དཔོན་མོ་དང་། གཡོག་དང་ཡང་གཡོག་དང་། བྲན་དང་། ཡང་བྲན་ལ་སོགས་པ། སླས་དང་བྱི་མོ་དང་། བྲན་མོ་རྣམས་ལ་ཆེད་དུ་བརྗོད་པ་འདི་བརྗོད་དོ། །གསང་བའི་སྙིང་པོ་ངེས་པ་འདི། །གསང་སྔགས་ཀུན་གྱི་རྒྱལ་པོ་ཡིན། །ཐབས་ཆེན་མཚོན་པའི་ཤེས་རབ་ནི། །སྒྱུ་འཕྲུལ་དྲ་བའི་སྙིང་པོ་དང་། །གསང་བ་རྒྱུད་ནི་མང་པོ་རྣམས། །ང་ཡི་ཐུགས་ལས་སྤྲུལ་པ་ཡིན། །ཚངས་པ་དང་ནི་བརྒྱ་བྱིན་དང་། །དབང་ཕྱུག་ཆེན་པོ་ལ་སོགས་པ། །སྡེ་དཔོན་འཕྲོག་མའི་ཡུལ་རྣམས་དང་། །ལུས་འཕགས་བ་ལང་སྤྱོད་པ་དང་། །སྒྲ་མི་སྙན་དང་འཛམ་གླིང་དུ། །ང་ཡི་ཐུགས་ཀྱི་སྙིང་པོ་འདི། །ཕྱོགས་བཅུ་ཀུན་དུ་སྤེལ་བ་དང་། །དེ་ཡི་གཟུགས་ལ་གཏད་པ་ནི། །ཡིད་བཞིན་མཛོད་འབྱོར་བཀའ་ཡི་གནས། །ཕྱི་ནང་ཐེག་པ་བསྟན་བཅོས་དང་། །སྟོང་ཕྲག་བརྒྱད་ཅུ་རྩ་བཞི་རྣམས། །སྤྱོད་དང་བསྒོམ་དང་བཟླས་པ་དང་། །སྡོམ་པ་ཀུན་ལ་མཁས་པ་ཡིས། །བསྒོམ་པ་སྲན་དང་ཆོས་ཕྱོགས་དང་། །བསྟན་པ་འཛིན་པར་ནུས་པ་ཡི། །གསང་བའི་སྙིང་པོ་མཆོག་ཏུ་གཏད། །གཞན་ལ་བསྙད་པར་མ་ཡིན་ནོ། །མི་འཁྲུག་བློ་ཟབ་རྐྱེན་ཐུབ་ཅིང་། །ཡིད་བཞིན་སྦྱོར་བར་མོས་པ་ལ། །རྩ་བ་ཡན་ལག་དམ་ཚིག་བསྟན། །ཟླ་དང་བཅས་པས་དམ་ཚིག་ཆེ། །སྦྱོར་བ་གཉི་ག་མཁས་པ་དང་། །ལུང་དང་ཚད་དུ་ལྡན་ཐུབ་དང་། །གཞན་ལ་བསྙད་པར་མི་བྱེད་ཅིང་། །བསྟན་པ་མཆོད་པར་བྱེད་པའོ། །ཉེ་བ་བསྙེན་པ་དམ་ཚིག་ལ། །བསྒྲུབ་པ་བསྙེན་པ་ཉེ་བསྙེན་པ། །ཅི་ནུས་པར་ནི་ཤིན་ཏུ་བརྩོན། །སེམས་ཅན་ངང་ཚུལ་ཀུན་བོར་ནས། །གང་གི་ཡིད་ ― DNG011_Page_0400 ―
[མ་དཔེ་གཟིགས་ན་འདིར་གནོན།]
ཀྱང་མི་འཁྲུགས་ཤིང་། །མཆོད་པ་ཚོགས་ལ་སྟོབས་ལ་རུབ། །བུད་མེད་འགུགས་པས་གཙོ་ལ་དབུལ། །ཟུང་ཐུབ་གསང་ལ་མཁས་པ་ཡིས། །ངེས་པ་ཅན་ལ་ཤིན་ཏུ་གཏད། །གཞན་དུ་བསྟན་པར་མི་བྱའོ། །ཐོགས་མེད་ཕྱལ་བར་འདོད་པ་སྤྱོད། །བུད་མེད་ཡོན་ཏན་ཀུན་ཡོད་ཅིང་། །འདོད་ཆགས་ཀུན་དང་མཐུན་སྤྱོད་ལ། །རྩ་བ་དང་དུ་བླང་བ་དང་། །འཚམ་པར་ལྷ་ཡི་སྐུ་བསྟན་ཏེ། །ཉེ་བསྙེན་གསང་བའི་མན་ངག་རྣམས། །ནམས་ཀྱང་སྦྱིན་པར་མི་བྱའོ། །དེ་ལ་སྦྱོར་སྟངས་དེ་བསྟན་ནས། །གཞན་ནི་བསྟན་པར་མ་གསུངས་སོ། །དད་ལྡན་སྲུན་ཅིང་བློ་རྣོ་བ། །དད་པ་ཆེ་ཞིང་ཆོས་ལ་གུས། །ཆགས་པར་རན་པ་བཀའ་ཉན་ཅིང་། །གནས་པ་དགའ་ཞིང་ལུང་ཉན་པ། །རྩ་བ་ཡན་ལག་དམ་ཚིག་སྒྲུབ། །མཆོད་པའི་གནས་ཤོམ་སྡོམ་པ་སྲུང་། །བསྙེན་པ་ལ་ནི་བྱིན་ཕབ་ནས། །གསང་སྔགས་ཚོགས་ཀྱི་མཆོད་གནས་སུ། །ང་ཡི་གསང་བ་བྱིན་ཕབ་སྟེ། །ཐོགས་པ་མེད་པར་མངོན་སུམ་ལ། །སྦྱོར་བའི་ཐབས་ལྡན་མཉམ་སྦྱོར་བ། །དཀྱིལ་འཁོར་བཞི་བཅུ་རྩ་གཉིས་ཀྱི། །བདག་ཉིད་མཉེས་པའི་མཉམ་སྦྱོར་ཞིང་། །མཉམ་པའི་གྲུབ་པས་ཚོགས་ལ་མཆོད། །དམ་ཚིག་མི་ལྡན་སྤྱོད་རྩིང་དང་། །གཏིང་ནས་བསྟན་པ་མི་འཛིན་ལ། །འདོད་ཆགས་སྤེལ་བར་མི་བྱེད་ཅིང་། །གསང་བའི་སྙིང་པོ་དེ་ཁོ་ན། །ངེས་པའི་དོན་ནི་མི་སྟོན་ལ། །ང་ཡི་དབང་དང་བསླབ་པ་རྣམས། །རིམ་པ་བཞིན་དུ་རབ་ཏུ་སྦྱིན། །རིགས་ངན་ཕོ་མོ་འདོད་སྤྱོད་ནི། །སྤྲོ་ཐུང་འདོད་ཆགས་རབ་ཏུ་ཆེ། །བློ་ཞན་ཕྲག་དོག་སྒྲོ་སྐུར་ཅན། །གཉིད་ཆེ་ཆང་དད་བརྩོན་འགྲུས་ཆུང་། །སློབ་ལ་མི་གུས་ནན་ཏན་མེད། །སློབ་དཔོན་མི་དྲན་སྤུན་སེམས་ཆུང་། །གལ་ཏེ་དམ་ལ་གནས་ན་ཡང་། །ང་ཡི་གསང་བ་འཛིན་པ་ལ། །མངོན་དུ་དགའ་བར་མི་ནུས་ཏེ། །ལྟ་ཞན་བཀའ་ལས་འདས་པ་དང་། །གྲོལ་བ་དཀའ་ཞིང་ནུས་མཐུ་ཞན། །མུན་དང་ལྐོག་དང་སྐྱེ་བོ་ལ། །གར་དབེན་ཕྲད་པར་འདོད་སྤྱོད་ཅིང་། །འདོད་ཆགས་འགའ་ལམ་དེ་དག་ལ། །ཚིག་རྣམས་གསང་བ་སྨྲ་བྱེད་པ། །དངོས་ཀྱི་དོན་དང་ ― DNG011_Page_0401 ―
[མ་དཔེ་གཟིགས་ན་འདིར་གནོན།]
མཐུན་པ་ལས། །གསང་བའི་སྙིང་པོ་སྦྱིན་མི་བྱ། །བསྐལ་པའི་འཇིག་རྟེན་བར་དུ་ཡང་། །ཐུགས་ཀྱི་བདེ་བ་མི་སྤྲོ་ཞིང་། །ནམས་ཀྱང་བསྟན་པར་མི་བྱའོ། །འཇིག་རྟེན་འདོད་པ་དགའ་རྣམས་ཕྱིར། །གལ་ཏེ་རྨོངས་པས་བྱིན་པ་ནི། །རིམས་དང་ནད་ཀྱིས་སྲོག་བཅད་དེ། །རྩ་བ་ཡན་ལག་སྤངས་པ་ཡིན། །བསྲེགས་དང་སྒྲིབས་པར་ཡུན་རིང་གནས། །ཞེས་བརྗོད་པས་སྲིད་པ་མཐའ་དག་གི་བུད་མེད་ཀྱི་ཚོགས་རྣམས་དམ་ཚིག་འདིས་འདུལ་བར་གྱུར་ཏེ། དེ་ནས་བཅོམ་ལྡན་འདས་དགྱེས་པ་ཆེན་པོ་སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་རྡོ་རྗེ་གསང་བའི་ཚིག་འདི་ཕྱུང་ངོ་། །ཨེ་ཨེ་མ། ཨེ་མའོ་ཆོས་རྣམས་སྒྱུ་མ་ཡི། །རང་ཉིད་བུད་མེད་གསང་བ་སྔགས་པ་ཡི། །ལྔ་དྲུག་དུས་བཏབ་སྣང་སྲིད་འབྱུང་བའི་གཏེར། །ཡང་དག་ལམ་རྙེད་མངོན་པར་ཀུན་གནས་ཀུན་དུ་གནས། །ཆོས་མང་ཆོས་ཉིད་མཉམ་པའི་ཕྱག་རྒྱ་ཇི་སྙེད་ལས། །ལས་ངན་དགེ་བའི་ཆོ་འཕྲུལ་ལམ་ཆེན་འདི། །ཀུན་གྱི་ཁྱད་པར་ཉིད་ནི་བུད་མེད་བདེ་བ་གཅིག་པུ་ཡིན། །ཆོས་ཀུན་དེ་ཉིད་ཡིན་ཕྱིར་དམན་པས་མི་སྨད་འཚམ་པར་བསྟན། །སྒྱུ་མ་འབྱོར་པ་ཉིད་ནི་བདེར་གཤེགས་ཉིད་ཡིན་རབ་ཏུ་གསལ། །རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དམ་ཚིག་ཆེན་པོས་བུད་མེད་བཏུལ་བའི་ལེའུ་སྟེ་བཞི་བཅུ་དགུ་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་མཉེས་པའི་མཆོད་པ་འདི་ཆེད་དུ་བརྗོད་དོ། །དེ་ལ་མཆོད་སྦྱིན་ཆེན་པོ་ནི། །ཐོག་མར་བདག་ཉིད་རྟོགས་གོམས་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་འཇིག་རྟེན་སྙིང་རེ་རྗེ། །གཉིས་སུ་མེད་པར་བསྒྲལ་བར་བྱ། །འཁྲིལ་བའི་མཆོད་ཆེན་མཉམ་སྦྱོར་བས། །བདག་ཉིད་མཉེས་པས་མཉེས་པར་བྱ། །མཉམ་པའི་གྲུབ་རྫས་ཆེན་པོ་དག །བདག་དང་མཉམ་པའི་ཚོགས་ལ་འབུལ། །བཟའ་དང་བཅའ་དང་བཏུང་དང་བགོ། །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ནི་དཀྱིལ་འཁོར་ཐིམ། །ཕྱོགས་བཅུ་དུས་བཞི་གཤེགས་པ་ཡི། །བདེར་གཤེགས་ཡོན་ཏན་རྨད་པོ་ཆེ། །གཞན་ན་ ― DNG011_Page_0402 ―
[མ་དཔེ་གཟིགས་ན་འདིར་གནོན།]
ཡོད་པ་མ་ཡིན་ན། །ལྷ་སྲིན་ལ་སོགས་སྨོས་ཅི་དགོས། །རྣལ་འབྱོར་ལས་སུ་རུང་རྣམས་ཀྱིས། །ཕྱག་རྒྱ་ཆེན་པོ་རྫོགས་གྱུར་ཅིང་། །གསལ་བའི་ཡིད་གཉིས་མེད་པ་ནི། །དཀྱིལ་འཁོར་ཆེན་པོ་འབར་བར་འགྱུར། །ཞེས་བརྗོད་པས། མཉེས་པ་ཆེན་པོས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ཁྱབ་པར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་མཆོད་སྦྱིན་གྱི་ལེའུ་སྟེ་ལྔ་བཅུ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་དོན་ཡོད་པར་བྱ་བའི་ཕྱིར། དམ་ཚིག་ཆེན་པོ་ཆེད་དུ་བརྗོད་དོ། །བླ་མེད་ཐེག་པར་ངེས་གྱུར་པས། །ཉོན་མོངས་ལས་རྣམས་ཀུན་སྤྱོད་ཀྱང་། །བྱས་ལ་མི་སོགས་ཚོགས་གྱུར་ཏེ། །ཚུལ་ཁྲིམས་སྡོམ་པ་ཕུན་སུམ་ཚོགས། །བླ་མེད་མཆོག་གི་དམ་ཚིག་ཏུ། །འདུལ་བའི་དབང་དུ་ཚུལ་ཁྲིམས་དང་། །ཇི་སྙེད་སྡོམ་པ་བསམ་ཡས་པ། །མ་ལུས་ཀུན་འདུས་རྣམ་པར་དག །ཡོད་མེད་དབུ་མའང་མི་དམིགས་ཤིང་། །སྒྱུ་མ་མིག་ཡོར་ལྟ་བུའི་ཚུལ། །སྲོག་མེད་སྲོག་གཅད་གཅད་དུ་མེད། །སྲོག་དང་སྐྱེས་བུ་ལོག་རྟོགས་ཙམ། །བདེན་པ་གཉི་གར་དབྱེར་མེད་པས། །འཕྲུལ་དགའི་ཚུལ་ཏེ་ཐ་དད་མིན། །གཞན་དང་མ་བྱིན་མེད་པའི་ཕྱིར། །བླངས་མེད་ཐམས་ཅད་ཉིད་ཀྱི་དབྱིངས། །ཆོས་རྣམས་སྒྱུ་མ་ལྟ་བུ་དང་། །མིང་དང་ཚིག་ཏུ་བཏགས་པ་བརྫུན། །བརྫུན་ཉིད་ལ་ནི་བརྫུན་སྤྱོད་པ། །བརྫུན་ཞེས་བཏགས་ཙམ་ཡོད་མ་ཡིན། །མ་ཆགས་པ་ལ་ཆགས་པ་དང་། །ཆགས་པ་ཉིད་ན་ཆགས་མེད་པ། །དེ་ནི་ཚངས་མཆོག་རྒྱལ་པོ་སྟེ། །ཤིན་ཏུ་ཆགས་པ་ཆེན་པོ་ཡིན། །བླ་མེད་མི་སྤང་བླ་མ་བཀུར། །སྔགས་དང་ཕྱག་རྒྱ་རྒྱུན་མི་གཅད། །ཡང་དག་ལམ་དུ་ཞུགས་ལ་བྱམས། །གསང་བའི་དོན་ཕྱིར་སྨྲ་མི་བྱ། །འདི་ནི་རྩ་བ་ལྔ་རྣམས་ཏེ། །བསྒྲུབ་དང་བསྲུང་བའི་དམ་ཚིག་མཆོག །གཏི་མུག་ཆགས་དང་ཞེ་སྡང་དང་། །ང་རྒྱལ་ཕྲག་དོག་མི་སྤང་ངོ་། །དཀར་རྩི་དམར་རྩི་དྲི་ཤ་ཆེན། །དག་པའི་སྣོད་དུ་མི་དོར་རོ། །ཡན་ལག་བཅུ་ཡི་དམ་ཚིག་མཆོག །ཡེ་ནས་དག་མཉམ་རྟོག་པས་སྤྱད། །བསྲུང་ཞིང་བསྒྲུབ་པའི་དམ་ཚིག་ལྔ། །རྩ་བ་ཡིན་ཏེ་རིགས་མེད་ ― DNG011_Page_0403 ―
[མ་དཔེ་གཟིགས་ན་འདིར་གནོན།]
འགྱུར། །མི་སྤང་མི་དོར་ལྔ་གཉིས་ནི། །ཡན་ལག་དམ་ཚིག་འདའ་དཀའ་བའོ། །མཉམ་ལ་མཉམ་པར་སྦྱོར་བ་ཡི། །མཉམ་པའི་དམ་ཚིག་ལ་གནས་ན། །མཉམ་རྫོགས་ཆེན་པོ་ཐོབ་པར་འགྱུར། །འདས་ན་སངས་རྒྱས་མ་ཡིན་ནོ། །རྩ་བ་ཉམས་པའི་ཕྱལ་པ་དག །གསོ་ལ་ཉེ་བར་མི་བརྩོན་དང་། །སྐད་ཅིག་ཡུད་ཙམ་སྨྲ་མ་བྱེད། །ཉམས་འགྱུར་ཉེས་པ་བརྗོད་མི་ལང་། །རྩ་བའི་དམ་ཚིག་ཉམས་གྱུར་ན། །བསྒྲུབ་པ་ཐམས་ཅད་ལོག་པར་འགྱུར། །ཡིད་དུ་མི་འོང་སྣ་ཚོགས་པའི། །འབྲས་བུ་མི་འདོད་བཞིན་དུ་འདུ། །ཡན་ལག་དམ་ཚིག་ཉམས་གྱུར་ན། །འབྲས་བུ་མེད་ཅིང་ངན་འགྲོར་ལྟུང་། །དམ་ཚིག་རྣམས་ནི་རྡོ་རྗེ་ཆེ། །སངས་རྒྱས་ཀུན་གྱི་བདག་ཉིད་ཡིན། །རྩ་བའི་དམ་ཚིག་ལྔ་ལ་ནི། །གཅིག་ལའང་གཉིས་དང་བཅུ་ཕྲག་གསུམ། །ཡན་ལག་དམ་ཚིག་ལྔ་གཉིས་ལ། །གཅིག་ལ་བཅུ་ཕྲག་གཉིས་སུ་དབྱེ། །དམ་ཚིག་འདི་ནི་རྨད་པོ་ཆེ། །འཇིག་རྟེན་དྲུག་གི་ཕྱོགས་བཅུ་ན། །སྲིད་གསུམ་འགྲོ་བ་ཇི་སྙེད་པའི། །རྟོག་འདུལ་དམ་ཚིག་དེ་སྙེད་སྤྲོ། །གཞན་ཡང་རྒྱལ་མཆོག་ཀུན་བཟང་གི། །ཐམས་ཅད་མ་ལུས་ཕྱག་རྒྱ་ཡི། །བསྒྲུབ་མེད་དམ་པ་མ་ལུས་འགྲུབ། །དེ་ལ་སོགས་པ་མཐའ་ཡས་མཆོག །རྒྱལ་བའི་རིགས་མཆོག་འཛིན་པ་སྟེ། །འཇིག་རྟེན་གཙོ་དང་འཁོར་གྱིས་བཀུར། །དམ་པའི་མཆོག་དང་དམ་པ་ཡིས། །སྲས་དང་སྤུན་དགོངས་བྱིན་གྱིས་རློབ། །བདེར་གཤེགས་ཉིད་ཀྱི་ཡུལ་ལ་བཞུགས། །འཇིགས་མེད་ཀུན་དུ་བཟང་པོར་སྦྱོར། །ཇི་བཞིན་ཉིད་དང་འདུལ་བའི་ཐབས། །ཇི་སྙེད་སྡོམ་པ་བསམ་ཡས་པ། །མ་ལུས་རྣམ་དག་ལྷུན་གྱིས་འགྲུབ། །ཉམས་ན་བསྐངས་པས་རྫོགས་པ་དང་། །དེ་ལ་སོགས་པ་བསམ་ཡས་མཆོག །ཅེས་བརྗོད་པས། དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་འདུལ་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དམ་ཚིག་གི་ལེའུ་སྟེ་ལྔ་བཅུ་གཅིག་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་སྔགས་འཆང་རྣམས་ ― DNG011_Page_0404 ―
[མ་དཔེ་གཟིགས་ན་འདིར་གནོན།]
དོན་ཡོད་པར་བྱ་བའི་ཕྱིར། དམ་ཚིག་སུམ་བརྒྱའི་རྩ་བ་མདོར་བསྡུས་ནས་སྔགས་འཆང་རྣམས་ཀྱི་དོན་དུ་ཆེད་དུ་བརྗོད་པ་འདི་བརྗོད་དོ། །ཕྱོགས་བཅུའི་འཇིག་རྟེན་རྡུལ་སྙེད་དུ། །ལོག་རྟོག་མི་བཟད་རྡུལ་ཕྲན་སྙེད། །རྟོག་འདུལ་གཉེན་པོ་བསམ་མི་ཁྱབ། །འདུལ་བ་སྡོམ་པ་བསམ་ཡས་དང་། །རྡོ་རྗེ་ཐེག་མཆོག་མང་པོ་ཀུན། །ཉིད་ལས་གཡོས་ཤིང་སྤྲོས་མེད་ཀྱང་། །རང་རིག་འཁྲུལ་པའི་རྟོག་པ་ཡིས། །ལྟ་བ་མཐོ་དམན་བསམ་མི་ཁྱབ། །དེ་འདུལ་དོན་ཕྱིར་འཚམ་པར་བསྟན། །ཡང་དག་ཉིད་དང་ལོག་རྟོགས་ཉིད། །ངོ་བོ་ཉིད་ཀྱིས་གནས་གྱུར་ན། །དེ་ལ་བཅོས་ཤིང་བསྒྱུར་དུ་མེད། །ཡེ་ནས་ངོ་བོ་ཡོད་ཡིན་ན། །ཉོན་མོངས་སྤངས་ཤིང་བྱང་བསྒྲུབ་མེད། །ཐམས་ཅད་མ་ལུས་རོ་གཅིག་འགྱུར། །ཀུན་རྫོབ་ཆུ་ཟླ་ལྟ་ཡིན་པས། །ཅིར་ཡང་འགྱུར་ཞིང་ཅིར་ཡང་འགྲུབ། །རྣལ་འབྱོར་དེ་ཉིད་རྟོགས་པ་ཡིས། །དོན་དམ་སྐྱེ་འགག་མེད་པ་སྟེ། །ཀུན་རྫོབ་སྒྱུ་མ་ཅིར་ཡང་འགྲུབ། །ཅེས་གསང་བའི་ཚིག་ཏུའོ། །དམ་ཚིག་སུམ་བརྒྱ་པ་རྩ་བ་བཅོ་ལྔ་མདོར་བཤད་པའི་ལེའུ་སྟེ་ལྔ་བཅུ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པས། ཐུགས་རྡོ་རྗེ་རོལ་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ། །ནམ་མཁའི་མཁའ་དཀྱིལ་དང་བ་ཡི། །ཡིད་བཞིན་སྤྲིན་ཚོགས་རྣམ་པ་འབྱུང་། །སྣ་ཚོགས་འབྱུང་ཞིང་འོད་འཕྲོ་འབར། །རྃ། སྲིད་གསུམ་སྲེག་པའི་མེ་ཡིན་ཏེ། །ཡིད་ཀྱི་ཡེ་ཤེས་མེ་རུ་འབར། །ཧྃ། དབང་པོ་དང་བའི་དཀྱིལ་འཁོར་དུ། །སྤྱོད་ཡུལ་རྫས་རྣམས་བསྡུས་ནས་ནི། །ལྷན་ནེ་ལྷང་ངེར་འོད་དུ་ཞི། །ཨ། ཞི་འགྱུར་དབྱིངས་ནས་ཕྱག་རྒྱ་འབར། །ཐུགས་རྗེ་བྱིན་བརླབས་རྨད་པོ་ཆེ། །ཧཱུྃ། འགྲོ་བ་སྣ་ཚོགས་དོན་བྱེད་པ། །འདི་ནི་བྱང་ཆུབ་མཆོག་ཏུ་གསུངས། །ཧོ། བཞི་པོ་འཇོམས་ཤིང་ངན་སོང་སྦྱོང་། །ཏྲཱཾ་ཏ། སྨན་བཅུད་ལེན་གྱིས་དུག་སྦྱོང་བཞིན། །ཕྱི་དང་ནང་གི་དྲི་མ་དག །བདག་མེད་གཉིས་ཀྱིས་དག་པར་བྱེད། །ཧྲི། གསལ་ཞིང་ ― DNG011_Page_0405 ―
[མ་དཔེ་གཟིགས་ན་འདིར་གནོན།]
གཞག་པར་བྱ་བ་མེད། །ཉི་མ་ཤར་བའི་འོད་བཞིན་དུ། །སྣང་དང་མི་སྣང་གཉི་ག་མེད། །དེ་བཞིན་མཉམ་གཉིས་ཡེ་ཤེས་ཀྱིས། །ཐམས་ཅད་རྒྱལ་བའི་ཞིང་དུ་སྦྱོར། །ཨོཾ། རང་རིག་ཡེ་ཤེས་རྒྱལ་པོ་ཡིས། །ཕྱོགས་བཅུ་ཁམས་རྣམས་དབང་བསྡུས་ནས། །ཐམས་ཅད་མི་དམིགས་དབྱིངས་སུ་ཐིམ། །ཐམས་ཅད་ཁྲོ་བོའི་ཚོགས་སུ་འགྱུར། །རྟོག་པ་རྣམ་བཞི་མི་དམིགས་དབྱིངས་གྱུར་པ། །ཤེས་རབ་ཡུམ་གྱི་མཚན་ཉིད་དབྱིངས་སུ་ཐིམ། །ཐབས་དང་ཤེས་རབ་གཉིས་མེད་དབྱིངས་གྱུར་པས། །ཆོས་རྣམས་ཐམས་ཅད་དབྱིངས་ཀྱི་ཁྲོ་བོ་ཁྲོ་མོར་འགྱུར། །ཨ་ཧོ་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཆོས་ཐམས་ཅད་ཁྲོ་བོ་དང་ཁྲོ་བོའི་རང་བཞིན་དུ་གྱུར་པ་དང་། རང་རིག་པའི་ཡེ་ཤེས་ཀྱི་མེས་སྦྱོང་བའི་ལེའུ་སྟེ་ལྔ་བཅུ་གསུམ་པའོ།། །།དེ་ནས་དེ་བཞིན་གཤེགས་པ་མ་ལུས་པ་ཐམས་ཅད་ཀྱི་རྒྱལ་པོའི་འབར་བའི་ཐུགས་རྗེས་གཏུམ་འཁྲུགས་གིང་ཚོགས་ཆེན་པོར་བསྒྱུར་ནས། ཐམས་ཅད་འོད་དཔུང་འཕྲོ་ཞིང་འབར་བར་བསྟན་པ་ཆེད་དུ་བརྗོད་པ་འདི་བརྗོད་དོ། །སྒྱུ་འཕྲུལ་དྲ་བ་བསྟན་པ་ཡིས། །ཕྱོགས་བཅུའི་ཞིང་ཁམས་མ་ལུས་པར། །བྲུཾ་དང་ཙཀྲའི་འཁོར་ལོར་སྤྲུལ། །འོད་འཕྲོ་འབར་བའི་ཚོགས་ཆེན་ཧཱུྃ། །གཏུམ་ཆེན་དུས་མཐའི་མེ་ལྟར་འབར། །རྃ། ཉི་མའི་ཐོད་སྦྲུལ་མང་པོའི་གཟི། །ཁྲོ་གཉེར་གློག་སྟོང་འགྱུར་བ་བཞིན། །རྔམ་པའི་ང་རོ་འབྲུག་སྟོང་ལྡིར། །ཕཊ། ཁྲོས་པའི་སྤྲིན་ཆེན་ཕྱོགས་བཅུར་འབར། །ཁྲོས་པའི་མེ་དཔུང་རྡོ་རྗེར་འབར། །རྡོ་རྗེ་འཁོར་ལོ་བརྩེགས་པར་འབར། །ཙཀྲ། ཁྲོ་བོ་ཁྲོ་མོའི་ཚོགས་ཀྱིས་བསྐོར། །གནས་དང་ཡུལ་གྱི་ཕྱག་རྒྱ་མཛེས། །ཧ་ཧེ། སླས་དང་བྲན་མོ་བྱི་མོའི་ཚོགས། །རང་གི་སྟན་དང་མལ་ཆ་དང་། །ཅི་བགྱི་ཞེས་ཏེ་ཆས་ཏེ་གནས། །སྡི་རའི་རྒྱུ་མའི་ཞགས་པ་དང་། །ནྲྀ་ཡི་ཙིཏྟ་ཟ་ཞིང་རྒྱུག །ཤིན་ཏུ་རྔམ་པའི་གཟུགས་སུ་གནས། །རལ་པ་མུན་ཛ་ཅོད་པན་འབར། །ཕྱོགས་བཅུར་ཁེབས་པའི་གཤོག་པ་གདེངས། །རྡོ་རྗེ་གཏམས་པའི་བྲག་རི་འབར། །རྃ། སོ་སོའི་རིག་སྔགས་ ― DNG011_Page_0406 ―
[མ་དཔེ་གཟིགས་ན་འདིར་གནོན།]
སྐད་གདངས་དང་། །སྐད་དང་ང་རོ་དྲག་ཏུ་འདོན། །ཧཱུྃ་ཧེ་ཧེ་ཕཊ་བྷྱོ་རུ་ལུ། ཁྲོ་བོ་ཆེན་པོ་ཚོགས་པ་ཡི། །དཀྱིལ་འཁོར་ཆེན་པོའི་ཞལ་འབར་བ། །བདག་ཉིད་གཉིས་སུ་མེད་པར་བསྒོམ། །སོ་སོའི་རང་སྔགས་བཟླས་ནས་སུ། །རྒྱུད་དྲུག་སེམས་ཅན་ཐམས་ཅད་ལས། །མ་རུངས་གདུག་པ་ཐམས་ཅད་དུ། །ཛཿཧཱུྃ་བྃ་ཧོཿས་བཀུག་ནས་ནི། །ལན་གསུམ་ལན་བདུན་ཞལ་དུ་བསྡིམ། །ལྷ་ཡང་རུང་སྟེ་བརླག་པར་འགྱུར། །ཧོཿ། གཞན་ཡང་མཆོད་པའི་ཞལ་ཟས་ནི། །འབྱོར་པ་རྣམ་པ་ཀུན་གྱིས་མཆོད། །ནྲྀ་ཡི་ཚིལ་དང་ཚ་བའི་མར། །དམར་གྱི་ཨརྒྷ་རྒྱུན་དུ་དབུལ། །ཨ་ཧོཿ། ཡང་ན་ལན་གསུམ་བརྒྱ་རྩ་བརྒྱད། །སྟོང་ངམ་འབུམ་དུ་དབུལ་བར་བགྱི། །ནག་པོའི་ཚེར་མ་དུག་ཤིང་ངམ། །གཞན་ཡང་བསྲེག་རྫས་གདུག་གསུམ་དང་། །གནོན་པའི་ཆོ་ག་ཀུན་གྱིས་བྱ། །སྒྱུ་འཕྲུལ་དྲ་བ་ལས་ཐུགས་རྗེ་རོལ་པའི་དཀྱིལ་འཁོར་སྤྱིར་བསྟན་པའི་ཧོཾཿ། ཨོཾ་ཧཱུྃ་ཏྲཱྃ་ཧྲཱྀཿཨཱཿ། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ལྲ ཿཐམས་ཅད་མ་ལུས་པར་འདིར་འདུས་པའི་ལེའུ་སྟེ་ལྔ་བཅུ་བཞི་པའོ།། །།དེ་ནས་དེ་བཞིན་གཤེགས་པ་ཁྲོས་པའི་རྒྱལ་པོས་སྒྱུ་འཕྲུལ་དྲ་བ་བསྟན་པ་ལས་ཁྲོ་བོ་རྔམ་པའི་ཚོགས་སུ་བསྒོམས་ནས་ཆེད་དུ་བརྗོད་པ་འདི་བརྗོད་དོ། །བྱང་ཆུབ་མཆོག་གི་སྙིང་པོ་ནི། །མཚན་མས་བཙལ་བ་མ་ཡིན་གྱི། །དག་པ་རྣམ་གསུམ་མ་ནོར་ཞིང་། །རང་རིག་རྒྱལ་པོ་གོམས་པ་ཡིས། །བྱང་ཆུབ་མཆོག་འདི་རྙེད་པར་འགྱུར། །དྲག་པོ་གཏུམ་པོ་བསྒྲུབས་པ་ནི། །བྷ་ག་ལ་ནི་ལིངྒ་བཞག །མཚན་མ་མིང་དུ་བཅས་པར་བྱ། །ཁྲོ་བོའི་ཞལ་ནི་གང་ཡང་རུང་། །ལན་གསུམ་ལན་བདུན་རྟག་བསྒོམས་ཤིང་། །མངོན་དུ་བྱུང་བའི་ཞལ་འབར་ཏེ། །བདག་ཉིད་དཀྱིལ་འཁོར་ལྷར་གྱུར་ནས། །ལིངྒ་ཡང་ནས་ཡང་བསྡུས་ཏེ། །དབྱིངས་ཀྱི་དཀྱིལ་དུ་བསྡིམ་པར་བྱ། །ཧཱུྃ་གིས་བསྡུ་ཞིང་ཕཊ་ཀྱིས་འཕང་། །ཞལ་གྱིས་རང་སྔགས་ཁྲི་འབུམ་དུ། །རྣམ་གསུམ་ཚུལ་གྱིས་བཟླས་ནས་སུ། །ཡང་ནས་ཡང་དུ་གསོལ་བར་བྱ། །འགྲོ་ལྔ་སེམས་ཅན་ཐམས་ཅད་ཀུན། ། ― DNG011_Page_0407 ―
[མ་དཔེ་གཟིགས་ན་འདིར་གནོན།]
དབང་མེད་ཞལ་དུ་ཐིམ་པར་འགྱུར། །ཡ་མ་ཡ་ཡང་ལྷག་པར་མཛེས། །སྐུ་མདོག་དུང་ཀ་ལ་སོགས་དང་། །མཆེ་གཙིགས་ཁྲོ་གཉེར་གཙིགས་པ་དང་། །ཞལ་བགྲད་ཕྱག་རྒྱ་འབར་བ་དང་། །གང་ལ་སོགས་པ་བསྒོམ་པར་བྱ། །བདག་ཉིད་འཛིན་པའི་ཕྱག་རྒྱ་སྟེ། །མཚན་མ་བཟུང་ནས་རང་སྔགས་དོན། །མངོན་པར་དབང་པོས་བལྟར་ཡོད་པར། །རིལ་བུ་བསྡུས་ནས་དབྱིངས་སུ་མཆོད། །ཐེ་ཚོམ་མེད་པར་འགྲུབ་པར་ངེས། །དམ་པའི་ཆོས་འཇིག་མ་རུངས་པ། །དཔའ་བོས་དགོས་པ་ཡོད་པའི་ཕྱིར། །ཀུན་ལ་ཕན་པ་དེ་གྱིས་ཤིག །ཧོཿཧཱུྃ་ཛཿདང་ཕཊ་དང་སྤོ་ལ་སོགས། །འདྲེན་པའི་མཆོག་ཏུ་དེས་གསུངས་སོ། །མཚན་མ་མིང་དུ་བསྡུས་པ་ཡང་། །ཇི་ལྟར་སྔོན་གྱི་དེ་བཞིན་དུ། །སྨོན་པ་བྱང་ཆུབ་ལམ་དུ་གཞུག །མཚན་མའི་བག་ཆགས་མེད་པར་བྱ། །དབྱིངས་ནས་སྤྲོ་ཞིང་ཨ་ལ་བསྡིམ། །ཨ་ཧོ། ཐུགས་ཉིད་ལ་ནི་ཐུགས་བརྗོད་དོ། །སྒྱུ་འཕྲུལ་དྲ་བ་ལས་ཤིན་ཏུ་གསང་བའི་ཁྲོ་བོ་ཉེ་བར་བསྟན་པའི་ལེའུ་སྟེ་ལྔ་བཅུ་ལྔ་པའོ།། །།དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་ལས་ཐམས་ཅད་རྡོ་རྗེར་བསྡུས་ནས་ཆེད་དུ་བརྗོད་པ་འདི་བརྗོད་དོ། །དག་པ་རྣམ་གསུམ་ཚུལ་བསྒོམས་ཤིང་། །སྒྱུ་འཕྲུལ་དྲ་བ་བསྟན་པར་གནས། །ཐམས་ཅད་ཧཱུྃ་དུ་བསྡུས་ནས་ནི། །དཀྱིལ་འཁོར་གྲུ་གསུམ་འབར་བར་བསྒོམ། །མེ་དཔུང་འབར་བའི་ཚོགས་ཆེན་དུ། །མེ་ལྷ་ཨགྣེ་ཛཿས་བཀུག་ནས། །རྃ་ཞེས་བྱ་བའི་མེ་སྦར་ཏེ། །ཁྲོ་བོའི་དཀྱིལ་འཁོར་མ་ལུས་ཀུན། །ཞེ་སྡང་རྡོ་རྗེར་བསྒོམ་པར་བྱ། །ཧཱུྃ་གཏུམ་པོའི་ཚོགས་ཆེན་རབ་ཏུ་འབར། །དུད་ཀ་ནག་པོའི་མདོག་འདྲ་ལ། །འབར་བའི་འོད་ཟེར་མང་པོར་འཁྲུགས། །ཉི་མའི་ཐོད་སྦྲུལ་མང་པོས་བརྒྱན། །སེང་གེ་གླང་ཆེན་སྟག་རྔམ་དང་། །ཕྱག་རྒྱ་སྣ་ཚོགས་འབར་བ་བསྣམས། །ཕཊ་དང་ཧཱུྃ་དང་ཧ་ལ་སྒྲ། །སྐད་དྲག་ཕྱོགས་བཅུར་ནམ་མཁའ་འཁྲུག །ཕཊ། ཁྲོ་བོ་ཁྲོ་མོའི་ཚོགས་ཀྱིས་བསྐོར། །ཡུལ་དང་གནས་ཀྱི་ཕྱག་རྒྱས་མཛེས། །ཧ་ཧེ། སླས་དང་བྱི་མོ་བྲན་མོ་དང་། །བྷྱོ། ཅི་བགྱི་ལ་སོགས་ཚོགས་ཀྱིས་བསྐོར། །སོ་སོའི་སྟན་དང་ལག་ཆ་དང་། །རྔམ་པའི་ ― DNG011_Page_0408 ―
[མ་དཔེ་གཟིགས་ན་འདིར་གནོན།]
ང་རོ་རང་སྔགས་སྒྲོགས། །མི་སྡུག་གཏུམ་པའི་གཟུགས་ཅན་དང་། །ཤིན་ཏུ་ཁྲོ་བར་བསྒོམ་པར་བྱ། །བདག་ཉིད་ཕཊ་ཀྱི་ངང་ཉིད་དུ། །གསལ་འདྲིས་བློ་གོམས་རྟག་ཏུ་བསྒོམ། །ཛཿཧཱུྃ་བྃ་ཧོས་བསྡུས་ནས་སུ། །རྒྱུད་དྲུག་སེམས་ཅན་ཀུན་བསྡུས་ནས། །ཁྲོ་བོའི་ཚོགས་ལ་དབུལ་བར་བྱ། །ལྷ་ཡང་རུང་སྟེ་བརླག་པར་འགྱུར། །ཡོ་བྱད་གཞན་ནི་སྤྱི་དང་མཐུན། །གཟིར་བའི་ཐབས་ཀྱང་གོང་མ་བཞིན། །མཆོད་པའི་གྲངས་ཀྱང་སྤྱི་དང་མཐུན། །ཨཱཿ། གཞན་ཡང་དཀྱིལ་འཁོར་བསམ་ཡས་ཀྱི། །ཧཱུྃ། ཞལ་གདངས་སྤྱན་བགྲད་ཁྲོ་ཞལ་བསྒོམ། །རྡོ་རྗེ་གཏན་པ་གདེངས་པ་དང་། །ཐོད་པ་ལྕགས་ཀྱུ་རྣམས་ཀྱིས་བསྐོར། །ཧཱུྃ་སྒྲ་དྲག་པོའི་ཚོགས་ཀྱིས་འབར། །འཛིན་པའི་ཕྱག་རྒྱས་བཀུག་ནས་སུ། །ཞལ་དུ་བསྡིམས་ན་ལྷག་པར་འགྲུབ། །རྡུལ་ཆ་ཙམ་ཡང་མེད་པར་བྱེད། །འཁོར་གྱི་ཚོགས་ཀྱང་སྔ་མ་བཞིན། །བསྐང་བའི་ཚུལ་དུ་སྦོད་གཏོང་བྱ། །ཧཱུྃ། གཏུམ་པོ་དམར་པོ་མཆུ་རིངས་པོ། །འབར་བ་རྡོ་རྗེ་ཕྲེང་བས་བསྐོར། །འོད་ཆེན་འབར་བ་འཕྲོ་བ་ཡིས། །འཇིག་རྟེན་ཁམས་རྣམས་དུས་གཅིག་བརྔུབས། །ཧཱུྃ། ཁྲོ་བོའི་ཚོགས་ཀྱིས་སྔགས་རྣམས་དང་། །གནས་དང་ཡུལ་གྱི་ཕྱག་རྒྱ་དང་། །སླས་དང་བྱི་མོ་བྲན་མོའི་ཚོགས། །སོ་སོའི་རང་སྔགས་རྫོགས་པར་འདོན། །ཧ་ཧེ་བྷྱོ། གཞན་ཡང་བསྟོད་ཚིག་འདི་དག་གིས། །ཧཱུྃ་རྡོ་རྗེ་ཐུགས་རྗེ་བྱིན་བརླབས་ཀྱིས། །འཇིག་རྟེན་ཁམས་ནི་ཀུན་བཀང་སྟེ། །གཏུམ་འཁྲུག་མ་ལུས་ཐམས་ཅད་ཀུན། །རྡོ་རྗེ་མཐུ་ཡིས་བཏུལ་བར་གྱུར། །ཧཱུྃ་རྡོ་རྗེ་ཞེ་སྡང་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་རླག་མཛད་དེ། །བརླག་པར་མ་གྱུར་གང་ཡང་མེད། །སྒྱུ་འཕྲུལ་དྲ་བ་ལས་དྲག་པོ་ཧོམ་གྱི་ལེའུ་སྟེ་ལྔ་བཅུ་དྲུག་པའོ།། །།དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་པདྨ་སྡུད་པ་ཞེས་བྱ་བས། འགྲོ་བ་མང་པོའི་དོན་གྱི་ཕྱིར། །ཆེད་དུ་བརྗོད་པ་འདི་བརྗོད་དོ། །ཤེས་རབ་ཐབས་སུ་སྦྱོར་བ་ཡིས། །ཐམས་ཅད་མ་ལུས་དབྱིངས་སུ་བསྡུས། །དབྱིངས་ནས་ཡེ་ཤེས་འོད་འཕྲོ་ ― DNG011_Page_0409 ―
[མ་དཔེ་གཟིགས་ན་འདིར་གནོན།]
འབར། །ཐམས་ཅད་མ་ལུས་དབྱིངས་སུ་སྦྱོར། །ཧྲཱྀཿ། དཀྱིལ་འཁོར་ཟླ་གམ་གདེངས་པ་ལས། །འོད་ཟེར་མང་པོ་རབ་འབར་དང་། །རྡོ་རྗེ་ལྕགས་སྒྲོག་བསྡམས་པས་བསྐོར། །གཞན་ཡང་རྒྱན་གྱི་དམ་པ་མཆོག །ཀུན་གྱིས་དེ་ལ་བརྒྱན་ཅིང་བསྐོར། །མེ་ལྷ་སྤྱན་དྲངས་སྔ་མ་བཞིན། །ཁྲོ་བོའི་དཀྱིལ་འཁོར་མ་ལུས་ཀུན། །པདྨ་རིགས་ཀྱི་ཁྲོ་བོར་བསྒོམ། །དམར་སྨུག་དྲག་པོའི་མདོག་དང་ནི། །གཞན་ཡང་སྤྲུལ་པ་མང་པོ་ཡི། །ཕྱོགས་བཞི་མཚམས་བཞི་སྟེང་འོག་བསྐོར། །རྔམ་པ་རང་སྔགས་དྲག་ཏུ་སྒྲོགས། །ཧྲཱྀཿ། བདག་ཉིད་མ་ཆགས་རྡོ་རྗེ་སྟེ། །དཀྱིལ་འཁོར་གོང་མ་གསལ་བསྒོམས་ནས། །ཕྱོགས་བཅུར་འགྲོ་བ་ཐམས་ཅད་དང་། །གདུག་པ་ཡིད་ཅན་མ་ལུས་ཀུན། །ཛཿཧཱུྃ་བྃ་ཧོཿ། སྥོ་ཊས་བཀུག་ནས་སུ། །དཀྱིལ་འཁོར་ལ་ནི་དབུལ་བར་བྱ། །དགོངས་པ་གྲུབ་ཅིང་ངན་སོང་སྦྱོང་། །ཧྲཱྀཿ། གཞན་ཡང་དཀྱིལ་འཁོར་མང་པོའི་ཚོགས། །དཀྱིལ་འཁོར་པདྨའི་ཞལ་འདྲ་ལ། །ཐ་མ་པདྨ་ལྗོན་ཤིང་དང་། །པདྨ་རྡོ་རྗེ་འོད་འབར་བསྒོམ། །གཞན་ཡང་རྒྱན་མཆོག་མཛེས་པ་ཡིས། །དཀྱིལ་འཁོར་ཀུན་ལ་མཛེས་པར་བརྒྱན། །བདག་ཉིད་པདྨའི་ལྷར་གྱུར་པས། །མཆོད་པ་ལྷ་རྫས་སྣ་ཚོགས་དང་། །ཞལ་ཟས་བཟའ་བཏུང་མཆོག་རྣམས་དང་། །དམར་པོའི་ཤིང་དང་དྲི་ཞིམ་པ། །ལན་གྲངས་གོང་དུ་སྨོས་པ་བཞིན། །རྟག་ཏུ་མཆོད་པ་བྱས་ན་ནི། །འཇིག་རྟེན་འདི་དང་འདས་པ་ཡི། །ཅི་འདོད་ལས་དེ་གྲུབ་པར་འགྱུར། །སྔགས་ནི་ཡི་གེ་རྃ་དང་ཧྲཱྀཿ། །མདོག་ནི་དམར་སྨུག་འོད་པོ་ཆེ། །ཕྱོགས་བཅུ་ཁྱབ་ཅིང་ཧྲཱྀ་ལ་བསྡུ། །དགྱེས་པའི་གླུ་དང་གར་གྱིས་མཆོད། །ཧྲཱྀཿ། རྡོ་རྗེ་པདྨ་འབར་བ་ཡིས། །ཕྱོགས་བཅུ་མཐའ་ཀླས་རབ་འབྱམ་ཀུན། །དཔལ་དང་གཟི་བྱིན་ཚེ་ལ་སོགས། །པདྨ་འབར་བ་དེ་བསྡུས་ནས། །སངས་རྒྱས་སྐུ་དང་མཉམ་པ་དང་། །གཞན་ཡང་ལོངས་སྤྱོད་མཆོག་ལ་སོགས། །ཅི་འདོད་ལས་རྣམས་དབང་དུ་འགྱུར། །ལྷ་སྲིན་ལ་སོགས་སྨོས་ཅི་དགོས། །ཧྲཱྀཿ། འདོད་ཆགས་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་དབང་དུ་བསྡུས། །དབང་དུ་མ་གྱུར་ ― DNG011_Page_0410 ―
[མ་དཔེ་གཟིགས་ན་འདིར་གནོན།]
གང་ཡང་མེད། །ཧྲཱྀཿ། སྒྱུ་འཕྲུལ་དྲ་བ་ལས་ཐམས་ཅད་མ་ལུས་པར་དབང་དུ་བསྡུས་ཏེ། དབང་གི་ཧོམ་གྱི་ལེའུ་སྟེ་ལྔ་བཅུ་བདུན་པའོ།། །།དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་རྣམ་པར་འཕྲོ་བ་ཞེས་བྱ་བའི་དཀྱིལ་འཁོར་འདི་དག་ཉིད་ཀྱི་དབྱིངས་ནས་ཕྱུང་ནས་ཆེད་དུ་བརྗོད་པ་འདི་བརྗོད་དོ། །བདེ་བ་ཆེན་པོའི་དཀྱིལ་འཁོར་འབར། །འོད་ཟེར་འཕྲོ་བ་མང་པོ་འཁྲུག །བསོད་ནམས་ཞིང་འགྱུར་མཆོག་ཏུ་འབར། །ཕྱོགས་བཅུ་ནམ་མཁའ་གང་བར་བསྒོམ། །རྡོ་རྗེ་རིན་པོ་ཆེ་ཡིས་བསྐོར། །རྒྱལ་བའི་ཡོན་ཏན་མཁའ་དང་མཉམ། །ཏྲཱྃ། ཡེ་ཤེས་ཕྱོགས་བཞི་དབུས་འོད་འབར། །དཀྱིལ་འཁོར་ཞགས་པ་རིན་ཆེན་བསྐོར། །གཞན་ཡང་ཕྱག་རྒྱ་སྣ་ཚོགས་དང་། །ཁྲོ་བོ་ཀུན་ཀྱང་དགའ་འཕྲོ་སྟེ། །འོད་ཆེན་དཀར་པོ་འབར་བ་དང་། །ཕྱག་རྒྱ་སྣ་ཚོགས་ཅིར་ཡང་སྒྱུར། །ལྷ་དང་ལྷ་མོ་རྣམས་ཀྱིས་བསྐོར། །མཆོད་པའི་ཡོ་བྱད་སྣ་ཚོགས་དང་། །དཀར་ལ་དྲི་ཞིམ་ཤིང་རྣམས་དང་། །གཞན་ཡང་མཆོད་ཡོན་ཐམས་ཅད་ཀྱིས། །དཀྱིལ་འཁོར་ལ་ནི་རྒྱས་པར་དབུལ། །བདག་ཉིད་རིན་ཆེན་རབ་འབར་ནས། །ཏྲཱྃ། དཀར་ལ་ཡི་གེ་འོད་དུ་འབར། །ཁྲོ་བོ་ཀུན་ཀྱང་དེ་བཞིན་དེ། །མངོན་དུ་གྱུར་པའི་དཀྱིལ་འཁོར་དུ། །པཱ་ཤ་ཧོཿདང་ཛཿཧཱུྃ་གིས། །ཕྱོགས་བཅུའི་ལམ་ལྔ་ཀུན་བཀུག་སྟེ། །དབྱིངས་སུ་ཐིམ་པར་འོད་འཕྲོ་བསྒོམ། །ཐམས་ཅད་སངས་རྒྱས་ཞིང་དང་མཉམ། །གཞན་ནས་ཡོད་པའང་མ་ཡིན་ཏེ། །སྒྱུ་མའི་ཡེ་ཤེས་བརྟན་པ་ཡིན། །གཞན་ཡང་དཀྱིལ་འཁོར་བསམ་ཡས་ནི། །རིན་ཆེན་དབྱིངས་ལ་རྡོ་རྗེ་འབར། །དཀྱིལ་འཁོར་རྒྱན་གྱིས་འཁོར་བར་བསྐོར། །གཞན་ཡང་ལྷ་དང་ལྷ་མོ་ཡིས། །ཕྱོགས་བཅུ་ཁྱབ་པར་མཆོད་ཅིང་དབུལ། །ཡོན་ཏན་རྒྱལ་བའི་ཞིང་དང་མཉམ། །ཏྲཱྃ། གླུ་དང་གར་གྱིས་མཆོད་པར་བྱ། །སངས་རྒྱས་ཞིང་ཁམས་མ་ལུས་ཀུན། །མཆོད་ཡོན་རིན་ཆེན་དཔལ་འཕེལ་གྱིས། །ཕྱོགས་བཅུ་གང་བར་རྒྱས་ཕུལ་ནས། །རྡོ་རྗེ་དབྱིངས་ཀྱིས་རྒྱས་པར་རོལ། །ཧོཿཏྲཱྃ། ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ ― DNG011_Page_0411 ―
[མ་དཔེ་གཟིགས་ན་འདིར་གནོན།]
ཁམས་འདི་རབ་འབྱམ་ཀུན། །སྐད་ཅིག་ཡུད་ལ་རྒྱས་མཛད་དེ། །རྒྱས་པར་མ་གྱུར་གང་ཡང་མེད། །སྒྱུ་འཕྲུལ་དྲ་བ་ལས་རྒྱལ་པོ་རྒྱས་མཛད་ཀྱི་རྒྱས་པ་ཧོམ་གྱི་ལེའུ་སྟེ་ལྔ་བཅུ་བརྒྱད་པའོ།། །།དེ་ནས་དེ་བཞིན་གཤེགས་པ་སྣང་མཛད་ཁྲོ་བོ་ཆེན་པོས་ཐམས་ཅད་ཀྱི་དཀྱིལ་འཁོར་འབར་བ་ཆེན་པོར་བསྒྱུར་ནས་ཆེད་དུ་བརྗོད་པ་འདི་བརྗོད་དོ། །ཡེ་ཤེས་དཀྱིལ་འཁོར་དབུས་མཐའ་མེད། །བསམ་ཡས་ལྷུན་གྱིས་གྲུབ་པ་ཡིན། །རྒྱལ་བའི་དཀྱིལ་འཁོར་མ་ལུས་ཀུན། །བདེ་གཤེགས་ཉིད་ལ་མི་ཞེན་ཤར། །ཨོཾ། དཀྱིལ་འཁོར་ཟླུམ་པོར་འབར་བ་ལས། །འཁོར་ལོ་འབར་བས་རབ་བསྐོར་ཞིང་། །འོད་ནི་སེར་པོར་རབ་ཏུ་འབར། །རྨད་དུ་བྱུང་བའི་སྐུ་ལ་སོགས། །བདག་ཉིད་ཆེན་པོས་བསྒོམ་པར་བྱ། །དཀྱིལ་འཁོར་ཐམས་ཅད་འགྲུབ་པར་འགྱུར། །ས་བོན་ཡི་གེ་ཨོཾ་སེར་ཏེ། །མེ་ལྷ་སྤྱན་དྲང་སྔ་མ་བཞིན། །ཁྲོ་བོའི་དཀྱིལ་འཁོར་མ་ལུས་རྣམས། །ཀུན་ཀྱང་གཏི་མུག་རྡོ་རྗེ་སྟེ། །འོད་ཟེར་སྣ་ཚོགས་འཕྲོ་བ་དང་། །འཁོར་ལོ་ཕྱག་རྒྱ་འབར་བ་དང་། །ལྷ་དང་ལྷ་མོའི་ཚོགས་ཀྱིས་བརྒྱན། །གདན་དང་གནས་དང་དབྱིངས་ཉིད་དེ། །རྒྱལ་བའི་དཀྱིལ་འཁོར་དེ་དག་ཏུ། །ཕྱོགས་བཅུ་གནས་པ་དེ་དག་ཏུ། །ཙཀྲ་ལྕགས་ཀྱུས་བཀུག་ནས་སུ། །དཀྱིལ་འཁོར་དབྱིངས་སུ་བསྡིམ་བྱས་ནས། །གཏུམ་འཁྲུག་གདུག་པ་མ་རུངས་པ། །ལྷན་ནེ་ལྷང་ངེ་ཞི་བར་འགྱུར། །ཨོཾ་གཞན་ཡང་དཀྱིལ་འཁོར་བསམ་ཡས་ཏེ། །དཀྱིལ་འཁོར་འཁོར་ལོ་འབར་བ་ཡི། །ཨོཾ་དང་སེང་གེ་མགོས་བསྐོར་ཏེ། །བརྒྱན་པའི་རྡོ་རྗེ་ཕྱག་རྒྱ་ཀུན། །རྫོགས་ལྡན་ཞི་བས་བསྐོར་བར་བྱ། །རྒྱལ་པོ་ལུས་མཛེས་འཁོར་ལོ་འབར། །རྒྱན་རྣམས་ཞི་ལ་དཀར་བ་དང་། །བྱང་ཆུབ་མཆོག་འབར་ལྷན་ནེར་བསྒོམ། །མཁའ་ལ་རྒྱུ་དང་བར་སྣང་འཕྱོ། །གཞན་ཡང་འགྲོ་དྲུག་མ་ལུས་ཀུན། །ཞིར་འགྱུར་འདི་ལ་ཐེ་ཚོམ་མེད། །གར་དང་གླུ་ཡིས་མཆོད་བྱས་ཏེ། །ཕྱོགས་བཅུའི་གདུག་པ་མ་ལུས་པ། །གདུག་པའི་ཡིད་ནི་རྣམ་བོར་ནས། །ལྷ་དཀར་པོ་ཡི་འོད་དུ་འགྱུར། །བདེ་ལྡན་བྱང་ཆུབ་འོད་འཕྲོ་འབར། །གཏི་མུག་རྡོ་རྗེ་འཁོར་ ― DNG011_Page_0412 ―
[མ་དཔེ་གཟིགས་ན་འདིར་གནོན།]
བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་ཞི་མཛད་དེ། །ཞི་བར་མ་གྱུར་གང་ཡང་མེད། །སྒྱུ་འཕྲུལ་དྲ་བ་ལས་ཐམས་ཅད་མ་ལུས་པར་ཞི་བར་གྱུར་ནས་ཞི་བའི་ཧོམ་གྱི་ལེའུ་སྟེ་ལྔ་བཅུ་དགུ་པའོ།། །།དེ་ནས་དེ་བཞིན་གཤེགས་པ་བཅོམ་ལྡན་འདས་དགྱེས་པ་ཆེན་པོས་ལྷུན་གྱིས་གྲུབ་པའི་དམ་ཚིག་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །ཨེ་ཡི་ཚོགས་ཀྱི་དཀྱིལ་འཁོར་མཆོག །འབར་བ་གཏུམ་ཆེན་རྔམ་པ་ལ། །ཁྲོས་པའི་ཡིད་ཀྱིས་མཆོད་སྦྱིན་བྱ། །སངས་རྒྱས་བསོད་ནམས་སྐུ་ཡང་འཇིག །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱ། །བཀུག་ནས་རྡོ་རྗེ་ཕུར་པས་བཏབ། །རྡུལ་དུ་བྱས་ནས་ཚོགས་ལ་དབུལ། །ཨེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ནས། །བཅིངས་འགྱུར་བསྐྱོད་ན་ཕྱོགས་བཅུར་གཡོ། །མྱོས་ནས་གལ་ཏེ་ཚིག་པར་འགྱུར། །བྃ་གྱི་ཚོགས་ཀྱི་དཀྱིལ་འཁོར་མཆོག །འབར་བ་གཟི་བརྗིད་ལྷུན་ཆེན་ལ། །ཆགས་པ་ཡིད་ཀྱིས་མཆོད་སྦྱིན་བྱ། །རྡོ་རྗེ་གསུང་ཡང་དབང་དུ་འགྱུར། །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱ། །རྡོ་རྗེ་ཆགས་པའི་ཕུར་པས་གདབ། །ཆགས་པའི་ཚོགས་ལ་ཐིམ་པར་དབུལ། །བྃ་གྱི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་ནས་བསྡམས། །འགུགས་འགྱུར་ཅི་ཡང་ཕྱི་བཞིན་འབྲང་། །ཅི་འདོད་དེ་བཞིན་འོང་བར་འགྱུར། །མ་ཡི་ཚོགས་ཀྱི་དཀྱིལ་འཁོར་མཆོག །འབར་བ་འདུ་འཕྲོ་གཟི་ཆེན་ལ། །དགའ་བའི་ཡིད་ཀྱིས་མཆོད་སྦྱིན་བྱ། །ཡོན་ཏན་ནམ་མཁའི་མཐའ་དང་མཉམ། །བདུད་རྩི་ལྔ་འམ་ཟས་ལྔ་ལ། །ཡོན་ཏན་ཡིད་བཞིན་གཏེར་དུ་བརྟགས། །ང་རྒྱལ་དགའ་འཕྲོའི་ཕུར་པས་གདབ། །རྡོ་རྗེ་གཟི་བརྗིད་འཕེལ་བར་དབུལ། །མ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ན། །གཟི་བརྗིད་འབར་བའི་འཕྲུལ་ཆེན་སྤྲོ། །ཡིད་བཞིན་ནམ་མཁའ་གང་བར་འགྱུར། །ཡ་ཡི་ཚོགས་ཀྱི་དཀྱིལ་འཁོར་མཆོག །གསལ་བའི་གཟི་ ― DNG011_Page_0413 ―
[མ་དཔེ་གཟིགས་ན་འདིར་གནོན།]
བརྗིད་འཚེར་བ་ལ། །དང་བའི་ཡིད་ཀྱིས་མཆོད་སྦྱིན་བྱ། །གཏུམ་ཆེན་རྔམ་པོའང་ལྷན་ནེར་འགྱུར། །བདུད་རྩི་ལྔ་འམ་ཟས་ལྔ་ལ། །གཏུམ་རྔམ་འཁྲུགས་པའི་ངོ་བོར་བརྟག །ལྷན་ནེ་གསལ་བའི་ཕུར་པས་གདབ། །འབར་བ་ལྷན་ནེའི་ཚོགས་ལ་དབུལ། །ཡ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་ནས་བསྡམས། །འབར་བ་ལྷན་ནེར་བྱིན་གྱིས་བརླབས། །ཐམས་ཅད་གཡོ་བ་མེད་པར་འགྱུར། །སླས་དང་བྱི་མོ་བྲན་མོའི་ཚོགས། །ལྷག་མའི་མཆོད་སྦྱིན་འདོད་པ་སྦྱིན། །གང་གི་དམ་ཚིག་རབ་བསྒྲགས་ནས། །གང་འདོད་ལས་དེ་བྱེད་པར་བསྒོམ། །སྔོན་ཚེ་དཔལ་ཆེན་ཧེ་རུ་ཀ །ཤིན་ཏུ་གདུག་ཅིང་གཏུམ་བག་ཅན། །ཐམས་ཅད་མ་ལུས་འདུལ་མཛད་པའི། །དབང་དང་བྱིན་བརླབས་རྨད་པོ་ཆེ། །ལྷ་ཆེན་ལ་སོགས་དབང་བསྡུས་ནས། །འཁོར་རྣམས་དབང་ཕྱུག་སླས་སུ་བྱས། །སོ་སོའི་ལས་རྣམས་བསྐོས་པ་དེ། །ཇི་ལྟར་ཁས་བླངས་དམ་བཅས་པའི། །མ་ཐོགས་མྱུར་དུ་མངོན་པར་ཕྱུང་། །དམ་བཅས་བཞིན་དུ་མ་བྱས་ན། །ཇི་ལྟར་རང་གིས་མནའ་བོར་བའི། །སྡོམ་བཅས་དེ་ལས་འདའ་མ་བྱེད། །དམ་ཚིག་དེ་ལས་འདས་གྱུར་ན། །མགོ་ལུས་སྙིང་ཡང་ཚལ་བ་བདུན། །ཡཀྵ་ཁྲོ་བོས་གཏུབས་པར་འགྱུར། །དེ་བས་རྣལ་འབྱོར་སྔགས་འཆང་གིས། །ཇི་ལྟར་བཅོལ་བ་བཞིན་དུ་བྱོས། །ལས་དེ་མངོན་དུ་མ་བྱས་ན། །རང་གིས་མནའ་བོར་ཁས་བླངས་བཞིན། །རུལ་མྱགས་ཚིག་ནས་དམྱལ་བར་འགྲོ། །རྣལ་འབྱོར་དམ་ལ་གནས་གྱུར་པའི། །ལས་རྣམས་ཡོངས་སུ་བྱ་བ་དང་། །འཁོར་རྣམས་བུ་གཅིག་བཞིན་དུ་སྐྱོངས། །ཕྲ་མེན་མ་ཡང་དངོས་གྲུབ་འཐོབ། །བཅོལ་བའི་ལས་རྣམས་མངོན་དུ་བྱོས། །ཞེས་བསྒོའོ། །ཁྲོ་བོ་བསྒྲུབ་པའི་ལས་ཀྱི་གཙོ་བོ་ནི་འདི་ཡིན་ནོ། །ཁྲག་འཐུང་ཆེན་པོ་ལ་སོགས་པའི། །བྲོ་གར་གླུ་ཚིག་ཆེན་པོས་ནི། །ཐམས་ཅད་ཐམས་ཅད་བྱེད་པ་ཡིན། །མཛོད་ལྡན་ཆེན་མོ་ལ་སོགས་པའི། །བྲོ་གར་གླུ་ཚིག་ཆེན་མོས་ནི། །འདུ་བར་འདོད་ན་འདུ་བར་བྱེད། །འཕེལ་བར་འདོད་ན་འཕེལ་བར་བྱེད། །སྦོས་མོ་ཆེན་མོ་ལ་སོགས་པའི། །བྲོ་གར་གླུ་ཚིག་ཆེན་མོས་ནི། །ལྷན་ནེར་ ― DNG011_Page_0414 ―
[མ་དཔེ་གཟིགས་ན་འདིར་གནོན།]
འདོད་ན་ཐིམ་པར་བྱེད། །རྨུགས་པར་འདོད་ན་མྱོས་པར་བྱེད། །སེང་གདོང་ཆེན་མོ་ལ་སོགས་པའི། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་དུ་ཟ་བར་བྱེད། །རྡུལ་ཆ་ཙམ་ཡང་མེད་པར་བྱེད། །བཞད་གདོང་ཆེན་མོ་ལ་སོགས་པའི། །བྲོ་གར་གླུ་ཚིག་ཆེན་མོས་ནི། །ཐམས་ཅད་ཀུན་ལ་ཟ་བར་བྱེད། །ཀུན་ལ་རབ་ཏུ་ཉམས་པར་བྱེད། །སླས་དང་བྱི་མོ་བྲན་མོ་ཡི། །བྲོ་གར་གླུ་ཚིག་ཆེན་མོས་ནི། །སྦོད་ཅིང་གཏོང་བར་བྱེད་པ་སྟེ། །ཐམས་ཅད་ཐམས་ཅད་བྱེད་པ་ཡིན། །ལྗོན་པ་དང་ནི་ལྕུག་ཕྲན་ཚལ། །སྡོང་གཅིག་དང་ནི་མེ་རེག་ཏུ། །དང་བ་དགའ་བ་ཆགས་པ་དང་། །ཁྲོས་པས་ཀ་ལི་རབ་ཏུ་བྱ། །ཞེས་བརྗོད་པས་དེ་བཞིན་གཤེགས་པ་ཉིད་ལ་དེ་བཞིན་གཤེགས་པ་ཉིད་སྦྱོང་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ལྷུན་གྱིས་གྲུབ་པའི་ཕྲིན་ལས་བྱིན་གྱིས་རློབ་པ་ཞེས་བྱ་བའི་ལེའུ་སྟེ་དྲུག་ཅུ་པའོ།། །།དེ་ནས་དེ་བཞིན་གཤེགས་པའི་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཆོས་ཐམས་ཅད་ཡིད་དང་། ཆོས་སུ་འདུས་པར་བསྟན་པ་དང་། ཤེས་རབ་ཐམས་ཅད་ནི་ཡུམ་བཞིར་འདུས། ཡུམ་བཞི་ཡང་གཅིག་ཏུ་འདུས་སོ། །ཐབས་ཐམས་ཅད་ནི་རིགས་བཞིར་འདུས། རིགས་བཞི་ཡང་གཅིག་ཏུ་འདུས་ཏེ། ཐམས་ཅད་དབྱིངས་དང་། དབྱིངས་ཀྱི་ཡེ་ཤེས་སུ་འདུས་པར་བསྟན་ནས། ཚིག་མགོ་མཇུག་གི་དོན་བསྡུས་ནས་ཡང་འདི་སྐད་བརྗོད་དེ། དོན་གྱི་རྩ་བའི་མཆོག་ཡིན་ནོ། །ཐམས་ཅད་མ་ལུས་མི་ལུས་ཤིང་། །མི་དམིགས་མ་ཆགས་ཆོས་ཉིད་དེ། །དེ་བཞིན་དབྱིངས་ཉིད་མང་པོ་སྣ་ཚོགས་ཐབས་སུ་སྣང་། །ཐབས་ཉིད་སྒྱུ་མ་མིག་ཡོར་ཆུ་ཟླ་གཟུགས་བརྙན་ཡིན། །དེ་ཉིད་རང་རིག་ཡེ་ཤེས་ཆགས་མེད་སྣ་ཚོགས་སྣང་། །ཐབས་དང་ཤེས་རབ་ལྡན་པས་མཆོག་གི་གནས་གྱུར་པས། །ཇི་ལྟར་སྤྱད་ཀྱང་ཟད་མེད་གཉིས་མེད་སྒྲིབ་མི་འགྱུར། །ཤེས་རབ་ཐབས་ཆེན་མཆོག་ལ་ཡེ་ནས་རོལ་པ་ཡིན། །དེ་ཉིད་ཕྱག་རྒྱ་སྣ་ཚོགས་སྤྲུལ་པ་རང་རིག་སྟེ། །རྒྱུ་འབྲས་ཡེ་ནས་དབྱེར་མེད་སྔ་ཕྱི་མ་ཡིན་པས། །འབྲས་བུ་ལམ་དུ་གྱུར་ནས་དུས་གཅིག་མཉམ་ ― DNG011_Page_0415 ―
[མ་དཔེ་གཟིགས་ན་འདིར་གནོན།]
པར་སྦྱོར། །འདི་ནི་ཡིད་བཞིན་རིན་ཆེན་ཐམས་ཅད་འབྱུང་བའི་གནས། །ཐམས་ཅད་འདུ་བའི་གཏེར་དང་ཡིད་བཞིན་མཛོད། །གཉིས་བྲལ་མཉམ་དང་མི་མཉམ་ཐམས་ཅད་ཉིད་ཀྱི་དབྱིངས། །ང་དང་བདག་མེད་མཚན་མ་སྣ་ཚོགས་དབྱེར་མེད་པ། །སྟོང་དང་མི་སྟོང་མི་གནས་དེ་བཞིན་ཉིད་དུ་འདུས། །རང་བྱུང་རྡོ་རྗེའི་དཀྱིལ་འཁོར་ཟད་མེད་དཀྱིལ་འཁོར་སྤྲོ། །འདས་དང་མ་འདས་དཀྱིལ་འཁོར་བསམ་ཡས་ལྷུན་གྲུབ་དང་། །མི་ཟད་པར་ལྡན་རྒྱན་གྱི་འཁོར་ལོ་དྲུག་རྫོགས་པ། །སྐྱེ་མེད་དབྱིངས་ཀྱི་རང་བྱུང་འོད་གསལ་ཕྲེང་ལྡན་མཆོག །ཡེ་ནས་མ་བཅོས་མ་བྱས་རང་རིག་ངང་གིས་གསལ། །ཐམས་ཅད་འབྱུང་འཇུག་རང་རིག་གཏེར་ཆེན་ངང་དུ་བསྡུས། །ཕྱོགས་བཅུ་མ་ལུས་མི་ལུས་ཐམས་ཅད་ཀུན་འདུས་དང་། །ཞིང་ཁམས་གཞལ་ཡས་བསམ་ཡས་རིན་ཆེན་མཆོག་ཆེན་ཀུན། །སྐྱེ་མེད་དབྱིངས་དང་རང་གི་གཉིས་སུ་ཡང་དག་འུབ། །མོས་སྤྱོད་སྟོང་ཉིད་རྒྱུ་འབྲས་ཡང་ནས་ཡང་སྦྱངས་མི་དམིགས་པ། །ཡེ་ནས་འོད་གསལ་ཆགས་མེད་མ་ཆགས་དཀོན་མཆོག་གནས། །མིང་ཙམ་མཆོག་རོལ་ཐབས་དང་ཤེས་རབ་མཆོག་གིས་རྫོགས། །ལམ་སྟེགས་ཉིད་དུ་ཕ་རོལ་ཕྱིན་བཅུ་རྫོགས་པར་རྒྱུ་འབྲས་སྤྱོད། །མཉམ་ཉིད་པ་ཡི་རྡོ་རྗེ་ཐབས་ཆེན་ཡང་དག་ལྡན། །འགྲོ་མེད་འོང་མེད་མི་གནས་ཀུན་ཁྱབ་ཁྱབ་མེད་ཉིད་ཀྱིས་བཤད། །ཨ་ཧོ། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཕ་རོལ་ཏུ་ཕྱིན་པ་དང་། ས་བཅུ་གཉིས་དང་། ཐབས་ཀྱི་ས་མཆོག་དང་། སངས་རྒྱས་ཀྱི་ཞིང་མ་ལུས་པར་ཡིད་དང་། ཆོས་སུ་འདུས་པར་བསྟན་པའི་ལེའུ་སྟེ་དྲུག་ཅུ་གཅིག་པའོ།། །།དེ་ནས་དེ་བཞིན་གཤེགས་པ་ཡེ་ཤེས་ལྔའི་དཀྱིལ་འཁོར་ལ་མཉམ་པར་བཞུགས་ནས། ཆེད་དུ་བརྗོད་པ་འདི་བརྗོད་དོ། །ལྔ་ཕུང་ཡན་ལག་ཐམས་ཅད་ཀྱང་། །འབྲུ་ལྔ་གནས་པའི་བྱང་ཆུབ་སྟེ། །ཨོཾ་དང་མཱུྃ་དུ་འདྲེལ་པ་ཡི། །བྱང་ཆུབ་རྡོ་རྗེ་ཉིད་ལས་བྱུང་། །སྤྱིར་ན་བརྗོད་པ་ཐམས་ཅད་ཀྱང་། །ཀུན་ཀྱང་མིང་ཙམ་ཡི་གེ་ཨ། །སྐྱེ་འཇིག་ཉིད་ཀྱང་ཡི་གེ་ལྔ། །དེ་ནི་བྱང་ཆུབ་སེམས་ཡིན་ཏེ། །དམིགས་མེད་བྱང་ཆུབ་མཆོག་འབྱུང་བ། ། ― DNG011_Page_0416 ―
[མ་དཔེ་གཟིགས་ན་འདིར་གནོན།]
གསུམ་ཤར་ལྔ་འབར་བཅུ་འབྱོར་བ། །ཟད་མེད་རིན་ཆེན་གཏེར་ཡིན་ཏེ། །མངོན་ཤེས་དྲུག་ལྡན་མཚན་བཟང་སྤགས། །ཨེ་ལས་འཕྲོ་ཞིང་ཨར་འདུས་པ། །གསང་བའི་ཐིག་ལེ་ཉིད་ཀྱི་དབྱིངས། །ནམ་མཁའི་དབྱིངས་ནས་སྤྲིན་བྱུང་བ། །ཀུན་ལ་ཁྱབ་ཅིང་སྣ་ཚོགས་སྤྲིན། །བཞི་བཅུ་རྩ་ལྔའི་ཁོང་ནས་བསམ་མི་ཁྱབ། །བྱིན་བརླབས་ཡ་མཚན་རྨད་པོ་ཆེ། །ཡོན་ཏན་མི་ཟད་གཏེར་དུ་གྱུར། །ཧོ། ཡེ་ནས་མཉམ་ཉིད་གསང་བའི་དཀྱིལ་འཁོར་དབྱིངས། །དབྱིངས་ལས་མི་གཞན་ཡེ་ནས་ཐིག་ལེའི་ངང་། །ཡེ་ཤེས་དབྱིངས་ཉིད་གཟུགས་བརྙན་སྒྱུ་མའི་ཚུལ། །སྣང་བྱེད་ཉིད་ན་བྱ་བྱེད་མེད་པར་གནས། །ཡེ་ཤེས་འཕྲུལ་ཆེན་བཞི་བཅུ་རྩ་ལྔའི་དོན། །དཀྱིལ་འཁོར་བསམ་ཡས་ལྷུན་གྲུབ་དམ་པ་ནི། །ཐབས་དང་ཤེས་རབ་གཉིས་མེད་མཉམ་པར་གནས། །དག་མཉམ་རྣམ་གསུམ་དོན་རྟོགས་བསྒོམ་བྱས་ཤིང་། །མཉམ་པ་རྣམ་བཞིས་དོན་རྟོགས་མཆོག་གི་གནས། །རྒྱུ་འབྲས་ལྷུན་གྲུབ་ཕུན་སུམ་ཚོགས་བཞིར་འདུས། །ཡེ་ཤེས་ལྔ་རྫོགས་སྐུ་གསུང་ཐུགས་ཀྱིས་བསྡུས། །ཆགས་མེད་ཞི་བའི་ལམ་ནས་ཐིག་ལེར་འཇུག །ཡེ་ཤེས་ལྔ་རྫོགས་སྤྱོད་ཡུལ་མི་འདའ་ལ། །མ་ཆགས་འོད་གསལ་དཀྱིལ་འཁོར་རྫོགས་པར་ལྡན། །ཐམས་ཅད་མ་ལུས་རང་རིག་རྒྱལ་པོ་ཡིས། །དཀྱིལ་འཁོར་དག་མཉམ་ཁྲོ་བོ་ཁྲོ་མོར་སྦྱོར། །ཆོས་རྣམས་རང་བཞིན་ཉིད་ཀྱིས་སྟོང་། །ནང་དང་ནང་གི་ཕྱི་རོལ་གྱི། །རྣམ་རྟོག་སྣ་ཚོགས་འཛིན་པ་ཡང་། །དངོས་པོ་མེད་དབྱིངས་སྐད་ཅིག་མ། །དེ་ཉིད་རྣམ་པར་དག་པའི་ལམ། །ཕྱིན་ཅི་ལོག་ཉིད་ཡང་དག་སྟེ། །མ་རིག་པ་ནི་ཡེ་ཤེས་གསལ། །ཉོན་མོངས་སྡུག་བསྔལ་བྱང་ཆུབ་མཆོག །ཐམས་ཅད་ཡོན་ཏན་མཆོག་གི་གནས། །ཨ་ཧོ། ཕྱོགས་བཅུའི་རྒྱལ་བའི་དཀྱིལ་འཁོར་མ་ལུས་ཀུན། །ངེས་པའི་དོན་དགྲོལ་བཞི་བཅུ་རྩ་ལྔར་འདུས། །བསྡུས་པའི་དོན་ཉིད་ཡི་གེ་འབྲུ་ལྔར་བསྡུས། །ལྔ་པོའི་དོན་ཉིད་འབྲུ་གསུམ་ནང་དུ་འདུས། །གསུམ་པོ་དེ་ཉིད་ཡི་གེ་ཨར་འདུས་ཏེ། །ཨ་ཉིད་མ་སྐྱེས་མཉམ་རྫོགས་དབྱིངས་སུ་ཐིམ། །ཨ་ཧོ། མི་དམིགས་སྟོང་པ་ཉིད་ཀྱང་ ― DNG011_Page_0417 ―
[མ་དཔེ་གཟིགས་ན་འདིར་གནོན།]
བརྗོད་མི་ལང་། །མི་དམིགས་དེ་བཞིན་གཤེགས་ཀྱང་བསམ་མི་ཁྱབ། །མ་སྐྱེས་མཆོག་གི་དབྱིངས་ཀྱང་བསམ་མི་ཁྱབ། །མ་འགགས་བྱང་ཆུབ་སེམས་ནི་སྐྱེ་འཇིག་མེད། །འགྲོ་མེད་འོང་མེད་མི་གནས་པའི། །ཐུགས་རྗེ་བྱིན་བརླབས་རྣམ་པར་འཕྲོ། །ཞེས་ཉིད་ལ་ཉིད་གསུང་ངོ་། །དབྱིངས་ལས་དབྱིངས་བྱུང་ཐབས་ཀྱི་ཕྱག་རྒྱར་གསལ། །ཐབས་ལས་དབྱིངས་བྱུང་ཡུམ་གྱི་ཕྱག་རྒྱར་གསལ། །དབྱིངས་སུ་དབྱིངས་ཀྱིས་ཡེ་ཤེས་འབྱོར་པས་ན། །བྱང་ཆུབ་སེམས་ཚོགས་དཀྱིལ་འཁོར་བརྗོད་མི་ལང་། །དེ་བཞིན་གཤེགས་པའི་དཀྱིལ་འཁོར་ངེས་པའི་དོན་མ་ལུས་པར་མཚན་ཉིད་མེད་པའི་ཕྱག་རྒྱར་ཐིམ་པའི་ལེའུ་སྟེ་དྲུག་ཅུ་གཉིས་པའོ།། །།དེ་ནས་དེ་བཞིན་གཤེགས་པས་རྒྱལ་པོ་ཚེ་མཐའ་ཡས་སུ་སྤྲུལ་ནས་ཆེད་དུ་བརྗོད་པ་འདི་བརྗོད་དོ། །སྒྱུ་འཕྲུལ་དྲ་བ་བསྟན་བསྡུས་ཏེ། །བྷྲུྃ་དང་བི་ཤྭའི་དཀྱིལ་འཁོར་དུ། །མ་དང་ཨ་ཡི་དཀྱིལ་འཁོར་ལ། །རྡོ་རྗེ་འཁོར་ལོ་རབ་བསྒོམས་ནས། །བཞི་བཅུ་རྩ་ལྔའི་དོན་བསྒོམས་ཏེ། །དེ་ཡིས་ཕྱོགས་བཅུར་གང་བར་བསྒོམ། །བྷྲུྃ་དང་ཛཿཧཱུྃ་བྃ་ཧོས་དགུག །སྐུ་གསུང་ཐུགས་ཀྱི་སྙིང་པོ་མཆོག །ལུས་ངག་སེམས་ལ་ཐིམ་པར་བྱ། །ནྲྀ་ཉིད་དངོས་སམ་ཡིད་བཞིན་མཛོད། །བུམ་པ་མཆོག་ནི་བཟང་པོ་ཡི། །ཚེ་གཞག་གནས་ནི་འདི་ཡིན་ཏེ། །ཡང་ནས་ཡང་དུ་དགུག་བྱ་སྟེ། །མངོན་སུམ་སྨིན་པར་གྱུར་པ་དང་། །དབྱིངས་སུ་ཡང་ནི་སྦ་བར་བྱ། །རྡོ་རྗེ་གོ་ཆ་བསྲུང་བ་ཡིས། །བརྟན་ཞིང་འཁོར་ལོས་དགག་པར་བྱ། །སྙིང་པོ་འབྲུ་ལྔའི་ནང་དུ་བསྡིམ། །སངས་རྒྱས་ཐམས་ཅད་མ་ལུས་ཀུན། །རྒྱལ་པོ་ཚེ་དཔག་མེད་པ་བསྒོམ། །སྐུ་མདོག་གངས་རི་འཚེར་བ་ལ། །རྒྱན་ཕྲེང་སྣ་ཚོགས་རྣམས་ཀྱིས་བརྒྱན། །ཡིད་བཞིན་རིན་ཆེན་ཕྲེང་བ་དང་། །ཡིད་བཞིན་རིན་ཆེན་ཟ་མ་ཏོག །རིན་ཆེན་རྒྱན་དང་བུམ་པ་བཟང་། །གཞན་ཡང་འགྲོ་བའི་དོན་བྱ་བ། །བསམ་གྱིས་མི་ཁྱབ་མཐའ་ཡས་མཆོག །བགེགས་ཀྱིས་ནྲྀ་རྣམས་མི་སྟེར་ན། །ཚེ་དཔག་མེད་དང་ཁྲོ་བོ་སྟེ། །ཕྱོགས་བཅུ་ནམ་མཁའི་ཁམས་བཀང་ནས། །སྒྲ་སྐད་དྲག་པོ་བཏོན་ནས་ནི། །ཐམས་ཅད་མ་ལུས་ཐུལ་བར་བྱ། །དབང་དུ་ཚེ་དཔག་མེད་པ་བསྐུར། ། ― DNG011_Page_0418 ―
[མ་དཔེ་གཟིགས་ན་འདིར་གནོན།]
ཚེ་བསྙེན་དང་ནི་ཉེ་བསྙེན་དང་། །ཚེ་སྒྲུབ་དང་ནི་སྒྲུབ་ཆེན་དང་། །ཐབས་དང་ཤེས་རབ་འབྱོར་པ་ཡིས། །ཅི་འདོད་ལས་རྣམས་གྲུབ་པར་བྱེད། །ཚེ་དབང་མོ་ནི་རྒྱུད་འཕེལ་མ། །དཀར་མོའི་མདོག་ལ་འོད་འཕྲོ་འབར། །ཕྱག་ན་རིན་ཆེན་གང་བ་ཡི། །ཕྱག་རྒྱ་སྣ་ཚོགས་ཅིར་ཡང་བསྒྱུར། །འཇིག་རྟེན་དྲུག་གི་ཕྱོགས་བཅུ་ན། །གནས་པའི་འགྲོ་དྲུག་མ་ལུས་ལ། །ཕན་པའི་ཚེ་དབང་འདི་སྦྱིན་ནོ། །དེ་ལས་ལྷག་པའི་རྒྱུད་འཕེལ་མེད། །ཡི་གེ་བཟླས་པ་འཕྲུལ་ཆེན་འདི། །རྣམ་གསུམ་ཚུལ་གྱིས་མ་འཁྲུལ་པར། །སྔགས་བཟླས་ཆོ་ག་བར་མ་གཅོད། །འདྲིས་གསལ་བརྟན་པ་མཆོག་གིས་བྱ། །ཨོཾ་ཨོཾ་ཨོཾ་ཨོཾ་ཨོཾ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། རྨྨཱ་རྨྨཱ་རྨྨཱ་རྨྨཱ་རྨྨཱ ། ཨཱྃཿཨཱྃཿཨཱྃཿཨཱྃཿཨཱྃཿ། ཧཱྃ་ཧཱྃ་ཧཱྃ་ཧཱྃ་ཧཱྃ།་། བཱ་བཱ་བཱ་བཱ་བཱ། ཛྲ་ཛྲ་ཛྲ་ཛྲ་ཛྲ། ཨཱ་ཨཱ་ཨཱ་ཨཱ་ཨཱ། ཡུ་ཡུ་ཡུ་ཡུ་ཡུ། ལཱྀཾ་ལཱྀཾ་ལཱྀཾ་ལཱྀཾ་ལཱྀཾ ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཨ་ཨ་ཨ་ཨ་ཨ། ཨོ། ཚེ་རྣམས་དབང་དུ་མ་གྱུར་ན། །བདེར་གཤེགས་ལ་ཡང་ཚེ་དཔག་མེད། །སྐུ་གསུང་ཐུགས་ཀྱི་གཟུགས་ཀྱིས་ནི། །ཕྱོགས་བཅུ་ནམ་མཁའི་ཁམས་བཀང་ནས། །ཕྱག་རྒྱ་མཚོན་ཆ་སྣ་ཚོགས་ཀྱིས། །འཇིག་རྟེན་ཕྱོགས་བཅུའི་བདུད་བཅོམ་ནས། །འགྲོ་ལྔ་ཚེ་རྣམས་དབང་དུ་བསྡུ། །ཕྱག་རྒྱ་གཤོལ་ལ་སོགས་པ་ཡིས། །འོག་གི་འཇིག་རྟེན་ཁམས་དཀྲུགས་ནས། །གཤིན་རྗེའི་གནས་ནས་ཚེ་བཀུག་སྟེ། །སྙིང་པོ་ལྔ་ལ་བསྡིམ་པར་བྱ། །ཕྱག་རྒྱ་འཁོར་ལོ་ཆེན་པོ་ཡིས། །སྟེང་གི་འཇིག་རྟེན་ཁམས་དཀྲུགས་ཏེ། །དབང་ཕྱུག་ལྷ་ཆེན་ལ་སོགས་དང་། །བར་སྣང་བགེགས་རྣམས་རྒྱུ་བ་ལས། །ནྲྀ་ཚེ་རབ་ཏུ་དགུག་པར་བྱ། །འཁོར་ལོའི་འབྲུ་ལ་བསྡིམ་ནས་ནི། །དེ་ནས་ཡི་གེ་འབྲུ་ལྔ་དེ། །ནྲྀ་ཡི་གནས་ལྔར་བསྡིམ་པར་བྱ། །ཨོཾ་ཨོཾ་བཛྲ་ཀ་པ་ཙ་བཛྲ་རཀྵ་ཧཱུྃ། ཨོཾ་སརྦ་ཏ་ཐཱ་ག་ཏ་བཛྲ་ཨ་དྷི་ཏིཥྛ་བཛྲ་སྭཱ་ཧཱ། ཕྱག་རྒྱ་བསྲུང་བའི་ཆོ་ག་སྟེ། །འབྲུ་ལྔའི་ཡི་གེ་འབྲུ་གཅིག་སྟེ། །འབྲུ་གཅིག་མི་དམིགས་དབྱིངས་སུ་ཐིམ། །ཨོཾ། ཡིད་བཞིན་བུམ་པའི་རིན་པོ་ཆེ། །རྒྱན་དང་རིན་ཆེན་ཕྲེང་བས་བརྒྱན། །རིན་ཆེན་ལྔ་དང་སྨན་ལྔ་དང་། །འབྲུ་ལྔ་སྤོས་ལྔ་ཡུངས་ཀར་ལྔ། །སྔགས་ ― DNG011_Page_0419 ―
[མ་དཔེ་གཟིགས་ན་འདིར་གནོན།]
མཁན་རབ་བརྟན་བློ་ལྡན་པས། །ཡན་ལག་མ་ཉམས་སྔགས་བཟླས་བསྒོམ། །རྒྱན་ཆས་ལྔ་དང་ལྡན་བྱས་ནས། །དཀྱིལ་འཁོར་ཐམས་ཅད་འགྲུབ་པར་འགྱུར། །དེ་ནས་རིགས་ཀྱི་བུ་དེ་ཡིས། །ཡོ་བྱད་མ་ལུས་ལྡན་བྱས་ནས། །མཆོད་ཡོན་རྣམ་པ་སྣ་ཚོགས་ཀྱིས། །མཉེས་མཆོད་དངོས་གྲུབ་ཐོབ་པར་འགྱུར། །སྒྱུ་འཕྲུལ་དྲ་བ་ལས་ཚེའི་ཆོ་ག་དབང་དམ་པ་ཤིན་ཏུ་གསང་བའི་ལེའུ་སྟེ་དྲུག་ཅུ་གསུམ་པའོ།། །།དེ་ནས་དེ་བཞིན་གཤེགས་པ་རྡོ་རྗེ་སྡུད་པ་པོས་འགྲོ་བ་ལྔ་དབང་མེད་པར་སྨྲ་ཞེས་བྱ་བར་ཡང་བསྡུས་ནས་ཆེད་དུ་བརྗོད་པ་འདི་བརྗོད་དོ། །གསང་བའི་དཀྱིལ་འཁོར་ཉིད་ཀྱི་དབྱིངས། །ཀུན་དུ་བཟང་པོ་ཐུགས་རྗེའི་ངང་། །སྐུ་གསུང་ཐུགས་ལྡན་ཡོན་ཏན་རྫོགས། །མཉམ་པའི་ཞིང་དུ་སྦྱར་བར་བྱ། །རྡོ་རྗེ་རབ་ཏུ་གསང་བ་ཡིས། །རྡོ་རྗེ་རབ་ཏུ་ཀུན་སྦྱར་ཏེ། །ཨོཾ་དང་མཱུྃ་དུ་འབྱོར་པར་བསྒོམ། །ཐམས་ཅད་དབྱིངས་སུ་ཐིམ་པར་བསྒོམ། །གསང་བའི་དཀྱིལ་འཁོར་དམ་པ་དང་། །ཐིག་ལེ་མནྟྲ་དེ་དག་ཏུ། །ནྲྀ་ཐལ་མནྟྲ་བཟང་པོའི་ཐིག །རྟ་བབས་སྒོ་ཁྱུད་བཟང་པོ་དང་། །རྡོ་རྗེ་རྩེ་གཅིག་འོད་འབར་དང་། །འགུགས་པའི་ལྕགས་ཀྱུ་དམ་པ་ཡིས། །རྡོ་རྗེ་རྩེ་གཅིག་རྩེ་གསུམ་བྲི། །དཀྱིལ་འཁོར་རྒྱུ་དང་ལྡན་པར་བྱ། །མཆོད་ཡོན་སྣ་ཚོགས་མཆོད་པར་དབུལ། །ཡྃ། དུད་ཀའི་ཡེ་ཤེས་འོད་འཕྲོས་ནས། །ཨ་ལས་ཟླ་བའི་དཀྱིལ་འཁོར་དུ། །ཛཿལས་ལྕགས་ཀྱུ་གྲངས་མེད་པས། །དེ་ཡིས་སྙིང་དུ་ཞུགས་པར་བྱ། །མ་ལས་ཉི་མའི་དཀྱིལ་འཁོར་དུ། །ཛཿལས་ལྕགས་ཀྱུ་མང་པོ་ཡིས། །གང་དགུག་དེ་ཡི་སྙིང་ག་ནས། །དྲངས་ཏེ་དེ་ཡི་ཁར་གཞུག་བྱ། །མ་ལས་ཉི་མའི་དཀྱིལ་འཁོར་དུ། །ཛཿལས་ལྕགས་ཀྱུ་མང་པོ་ཡིས། །གང་དགུག་དེ་ཡི་སྙིང་ག་ནས། །དྲངས་ཏེ་དེ་ཡི་ཁར་གཞུག་བྱ། །སྔགས་འདི་རབ་ཏུ་བརྗོད་པར་བྱ། །ཨོཾ་ཛཿཧཱུྃ་བྃ་ཧོ། ཨ་ཎྀ་པྲ་དུ། མིང་པྲ་བེ་ཤ །ཅི་འདོད་ལས་དེ་བཟླས་པར་བྱ། །ལག་གཉིས་སོར་མོ་ཕྱིར་བསྣོལ་ཏེ། །ཁུ་ཚུར་དམ་དུ་བཅངས་ནས་ནི། །སྲིན་ལག་མཐེའུ་ཆུང་མཐེ་བོ་གཉིས། །བར་དུ་མཐེ་བོ་དེ་དྲངས་ཏེ། །ཨོཾ་མིང་པྲ་བེ་ཤ་ ― DNG011_Page_0420 ―
[མ་དཔེ་གཟིགས་ན་འདིར་གནོན།]
ཨཱ་ཨཱ། །ཐལ་བ་ཡུངས་ཀར་དྲག་ཏུ་རྡེག །མིང་དེ་ཁོང་དུ་ཞུགས་པར་བྱ། །བབས་ནས་རྡོ་རྗེ་ལྕགས་སྒྲོག་ཞགས་པས་བཅིང་། །གང་ཡིན་ཞེས་ནི་དྲིས་ནས་ནི། །ལྷ་འདྲེ་ལ་སོགས་གང་ཡིན་པ། །ལྷ་ཞིག་ན་ནི་མཆོད་པར་བྱ། །གདོན་ཞིག་ན་ནི་ཙནྡན་གུར་གུམ་བསྲེས་ནས་ནི། །དེ་བླུད་སྔགས་འདི་རབ་ཏུ་བརྗོད་པར་བྱ། །ཨོཾ་བཛྲ་དྷ་ཀ་ཀྲོ་དྷ་ས་མ་ཡ་ཧཱུྃ་ཕཊ། གལ་ཏེ་སྨྲ་རུ་མི་བཏུབ་ན། །ལག་གཉིས་སོར་མོ་ཕྱིར་བསྣོལ་ཏེ། །ཁུ་ཚུར་བཅངས་ནས་མཐེའུ་ཆུང་སྦྱར། །གྱེན་བསྒྲེང་དབབ་པའི་ཁ་རུ་གཏུག །སྔགས་ཨོཾ་བཛྲ་བྷཱ་ཥ་བི་ཛེ་བྲ་པེ་ཤ་ཧཱུྃ་ཧཱུྃ་ཞེས་ལན་མང་དུ་བཟླས་པས། ཡེ་ཤེས་ཐོགས་མེད་སྒྲིབ་མི་མངའ། །བདེན་པའི་ཚིག་དེར་ཞུགས་པར་བསམ། །ལྕེ་ཡི་ཐོར་ཏོ་ཨ་དཀར་པོ། །ཟླ་བའི་དཀྱིལ་འཁོར་དེ་སྟེང་དུ། །ཨོཾ་ཛཿདྷཱིཿདམར་པོ་བསྒོམ་བྱས་ན། །གདོན་མི་ཟ་བར་སྨྲ་བར་འགྱུར། །བདག་ཉིད་ཊཱཀྐི་ཧཱུྃ་བསྒོམས་ལ། །ཨ་དང་ནྲྀ་ལ་སོགས་པ་ཡི། །ལམ་ལྔའི་སེམས་ཅན་གང་ཡང་རུང་། །ཨོཾ་ཊཱཀྐི་ཧཱུྃ་དང་རང་སྔགས་ཀྱིས། །ལན་འབུམ་བཟླས་ཤིང་དགུག་པར་བྱ། །པྲ་བེ་ཤས་ཀྱང་བཟླས་པར་བྱ། །གཞན་ཡང་ཛཿཧཱུྃ་བྃ་ཧོཿསྟེ། །གཞག་ཅིང་དབབ་པའི་ས་དེ་ནི། །བྱིས་པ་ལོ་གྲངས་བཅུ་གཉིས་པ། །གཅིག་དང་ལྔ་ལ་དབབ་པར་བྱ། །ཐིག་ལེ་བུམ་པ་མེ་ལོང་འབར། །གཞན་ཡང་གནས་རྣམས་ཐམས་ཅད་ནི། །སྨྲ་བའི་ཆོ་ག་ཕུན་སུམ་ཚོགས། །ཕྱག་རྒྱ་རྡོ་རྗེ་སྤར་མོ་སྡེར། །དགུག་པའི་ཕྱག་རྒྱ་ཀུན་གྱིས་དགུག །ཛཿཧཱུྃ། དབང་ཕྱུག་ལྷ་ཆེན་ལ་སོགས་བསྡུ། །བཅོལ་ཅིང་བྱ་བ་དེ་བཞིན་ནོ། །ཊཱཀྐི་ཧཱུྃ་ཛཿས་མི་བཏུབ་ན། །ཧ་ཡ་གྲཱི་བ་གནས་དང་ཡུལ། །ཟུར་ཕྱིན་མགོ་མཇུག་མནན་ནས་ནི། །དྲག་ཏུ་བཟླས་ཤིང་ལྕགས་ཀྱུས་དགུག །སྲོག་གི་སྙིང་པོ་མ་ནོར་བར། །གཟིར་ཅིང་དྲག་ཏུ་དྲང་བར་བྱ། །འཇིག་རྟེན་འདས་དང་འཇིག་རྟེན་པའི། །དགུག་པའི་ཐབས་ཡོད་ཅི་ཡང་རུང་། །ནེམ་ནུར་མེད་པར་དགུག་པར་བྱ། །བྱ་བ་སྣ་ཚོགས་ལས་ཟིན་ན། །སྔར་བྱས་བུམ་པ་ལྔ་པོ་ལ། །སྨན་ལྔ་འབྲུ་ལྔ་རིན་ཆེན་ལྔ། །རིགས་ཀྱི་ཡུམ་དང་བདུད་རྩི་འཁྱིལ། །ཅི་འདོད་ལས་རྣམས་ཐམས་ཅད་དང་། །གཞན་ཡང་དགོས་པ་ཅི་ཡང་རུང་། ། ― DNG011_Page_0421 ―
[མ་དཔེ་གཟིགས་ན་འདིར་གནོན།]
ཨོཾ་བཛྲ་ཨ་མྲྀ་ཏ་ཨ་ཨ་ཨ། ཨོཾ་མ་ཧཱ་བཛྲ་ཨ་མྲྀ་ཏེ་ཕཊ། ཛ་གད་ཛ་གད་ཙ་ཞེས་ཀྱང་བརྗོད་དོ། །ཨོཾ་བུད་དྷ་ལོ་ཙ་ནི་སྭཱ་ཧཱ་ཞེས་བཟླས། གསང་བའི་དཀྱིལ་འཁོར་དམ་པ་དེར། །ཡེ་ཤེས་ལྔ་རྫོགས་ཉིད་ལ་བརྗོད། །ཡེ་ཤེས་སྙིང་པོ་ཁྱོད་ཉོན་ཅིག །ཡང་ནས་ཡང་དུ་མངོན་གསལ་དུ། །བྱང་ཆུབ་མཆོག་གིས་རྟག་སྒོམས་ཤིག །དེ་ལྟར་བྱས་པའི་དངོས་གྲུབ་ནི། །འཇིག་རྟེན་འདས་དང་འཇིག་རྟེན་པའི། །བརྡ་ཕྲད་སྐད་ཀྱིས་དངོས་གྲུབ་ཐོབ། །ཅེས་རྡོ་རྗེ་གསང་བའི་ཚིག་ཏུའོ། །འགྲོ་བའི་དོན་གྱི་ཕྱིར་ཡང་ཆེད་དུ་བརྗོད་དོ། །པྲ་དབབ་པའི་ལེའུ་སྟེ་དྲུག་ཅུ་བཞི་པའོ།། །།དཔལ་ཤྲཱི་ཧེ་རུ་ཀས་ཡུམ་ཀྲོ་དྷཱི་ཤྭ་རི་དང་གཉིས་སུ་མེད་པར་འདུ་བ་མཛད་ནས། བྱང་ཆུབ་སེམས་ཀྱི་རྡོ་རྗེ་ལས་ཁྲོ་བོའི་དཀྱིལ་འཁོར་མང་པོ་སྤྲོས་ནས། འཇིག་རྟེན་པའི་དབང་མོ་ཆེན་པོ་དང་། དབང་པོ་དང་། རྒྱལ་པོ་དང་། རྒྱལ་པོའི་ཡང་རྒྱལ་པོ་དང་། བློན་པོ་དང་། སྡེ་དཔོན་དང་། འཁོར་འབུམ་ཕྲག་བསམ་གྱིས་མི་ཁྱབ་པ་ལ་སོགས་པ་ཐམས་ཅད་མ་ལུས་པར་དབང་དུ་བསྡུས་ཏེ། འཇིགས་བྱེད་ཆེན་མོ་རྣམས་ད་ལྟར་དང་། དུས་ཕྱི་མའི་དུས་སུ་ལ་ལ་ནི་ཚེ་འཕེལ་བའི་ལས་སུ་བསྐོས། ལ་ལ་ནི་ལོངས་སྤྱོད་འཕེལ་བར་བསྐོས། ལ་ལ་ནི་འབྱུང་བ་ཆེན་མོ་ལ་ཐོགས་པ་མེད་པར་འགྲོ་བར་བསྐོས། ལ་ལ་ནི་གཟུགས་མི་སྣང་བར་འགྲོ་བར་བསྐོས། ལ་ལ་ནི་གཟུགས་སྣ་ཚོགས་ཅིར་ཡང་འགྱུར་བར་བསྐོས། ལ་ལ་ནི་མི་མཐུན་པའི་ཕྱོགས་དབང་དུ་སྡུད་པར་བསྐོས། ལ་ལ་ནི་ཉམས་ཤིང་རྨོངས་པར་བསྐོས། ལ་ལ་ནི་བསྐམས་ཤིང་འཕྲོ་བར་བསྐོས། གཞན་ཡང་བྱ་བ་སྣ་ཚོགས་པ་ཅི་འདོད་པར་བསྐོས་ནས། ཆེད་དུ་བརྗོད་པ་འདི་བརྗོད་དོ། །མཉམ་ཉིད་རིག་པའི་རྡོ་རྗེ་ཡིས། །འཇིག་རྟེན་གཙོ་མཆོག་དབང་དུ་སྡུད། །ཐུགས་རྗེ་ཆེན་པོའི་བྱིན་བརླབས་ཀྱིས། །འགྲོ་བའི་དོན་རྣམས་སྣ་ཚོགས་བསྟན། །ཐབས་དང་ཤེས་རབ་ལྡན་གྱུར་པས། །ཇི་ལྟར་དམིགས་པ་བཞིན་དུ་འགྲུབ། །འདི་ནི་རང་བྱུང་ལྷ་ཡི་ལྷ། །བྱམས་དང་སྙིང་རྗེ་ལྡན་པར་རོལ། །ཐུགས་རྗེ་ཆེན་པོ་ཐབས་མཁས་པས། །ཐམས་ཅད་ཀུན་ལ་སྦྱོར་འགྱུར་ ― DNG011_Page_0422 ―
[མ་དཔེ་གཟིགས་ན་འདིར་གནོན།]
ཡང་། །བག་ཆགས་སོགས་པར་མི་འགྱུར་ཏེ། །བསོད་ནམས་ཡེ་ཤེས་ཚོགས་འགྱུར་རྫོགས། །ཐབས་མཁས་སྤྱོད་པ་མ་གཏོགས་པར། །གཟུང་འཛིན་འཁྲུལ་རྟོག་རྡུལ་ཙམ་མེད། །དེ་བཞིན་ཉིད་དང་དབྱེར་མེད་ཕྱིར། །རྟག་ཏུ་རང་བཞིན་འོད་གསལ་གནས། །དེ་ནས་བདག་ཉིད་རྒྱུད་དོན་གོང་ནས་འབྱུང་བ་བཞིན་ལྷ་ཁྲོ་བོ་དང་ཞི་བ་དེ་དག་གང་ལ་གོམས་པར་བསྒོམ། ཏིང་ངེ་འཛིན་ལས་སུ་རུང་བ་ལྷ་གསལ་བར་གྱུར་པ་དང་། རང་གི་ལྷའི་བཟླས་པ་འབུམ་འབུམ་གདོན་ཏོ། །ལྷ་ཆེན་པོ་ནི་དགུག་པའི་ཕྱིར་ལྕགས་ཀྱུ་ཞགས་པ་སྥོ་ཊ་བཾ། མ་ཧཱ་དེ་བཱ་ཧཱུྃ་ཛཿཛཿཧཱུྃ་བྃ་ཧོཿ། ལྷ་ཡི་དབང་པོའི་སྙིང་ག་ནས། །ཡང་ནས་ཡང་དུ་རྣམ་པར་དྲང་། །མ་མ་ཏྲག་ཤ་མ་ཧཱ་དེ་བ་གྲྀ་ཧྞ་གྲྀ་ཧྞ་ཧཱུྃ་ཧཱུྃ། ལྷའི་གཟུགས་མདོག་ནི་འཚེར་ལ་དཀར། །ལུས་ནི་རིན་ཆེན་ཀུན་གྱིས་བརྒྱན། །གཙུག་ན་ཡིད་བཞིན་རིན་ཆེན་འབར། །ལག་པ་གཡས་ན་ཐོགས་པ་ནི། །ཡིད་བཞིན་རིན་ཆེན་བུམ་ཆུ་གསོལ། །ཡོན་ཏན་རིན་ཆེན་སྣ་ལྔ་སྟེ། །ལྷ་རྣམས་ཀུན་གྱི་རེ་བ་སྐོང་། །བཙུན་མོ་ཨུདྨ་ཏ་གནས་པ། །རྟག་ཏུ་འདོད་ཡོན་ལྔ་དང་ལྡན། །བདག་ཉིད་སྣང་མཛད་གཞལ་ཡས་ཁང་། །ལྷ་ཡི་གཟུགས་ནི་སྔ་མའི་ཚུལ། །ལྷ་ཡི་ས་བོན་འབུམ་ཕྲག་ཏུ། །སྲོག་དང་ལྡན་པར་བཟླས་བརྗོད་བྱ། །མདུན་ནས་ཛཿཧཱུྃ་བྃ་ཧོཿས་དྲང་། །རྒྱབ་ནས་རྡོ་རྗེ་ཅན་གྱིས་ཕུལ། །ཇེ་ཉེ་ཇེ་ཉེ་གཉིས་མེད་པར། །ལྷ་ཆེན་པོ་ནི་གསལ་གྱུར་ནས། །ཅི་འདོད་ལས་དེ་བྱེད་དུ་གཞུག །ལྷ་ཆེན་འཁོར་བཅས་ཐམས་ཅད་ཀྱང་། །དེ་གྲུབ་དབང་བྱེད་འདུ་བར་འགྱུར། །གང་འདོད་ལས་རྣམས་བྱེད་པར་འགྱུར། །དེ་ནས་རྒྱལ་པོ་ཆེན་པོ་སྡེ་བཞི་བསྒྲུབ་པའི་ལས་འདི་གསུངས་སོ། །བྱང་ཆུབ་སེམས་མཆོག་ཏིང་འཛིན་གྱིས། །ཕྱོགས་བཞི་མ་ལུས་ཐམས་ཅད་ཀུན། །རིགས་སྔགས་འཆང་གི་དངོས་གྲུབ་ཏུ། །རྒྱལ་ཆེན་བཞི་ཡང་དབང་དུ་བསྡུས། །བདག་ཉིད་རིགས་བཞིའི་ཧེ་རུ་ཀ །གོང་དོན་བྱུང་བ་བཞིན་དུ་བསྒོམ། །ལྷ་ཉིད་རྟག་ཏུ་གསལ་གྱུར་ཅིང་། །ལྷ་ཡི་གཟུགས་ཚུལ་གསལ་བར་བསྒོམ། །བདག་ཉིད་ལྷ་དང་གཉིས་མེད་པར། །ཡང་ ― DNG011_Page_0423 ―
[མ་དཔེ་གཟིགས་ན་འདིར་གནོན།]
དག་དོན་དུ་གསལ་བར་བསྒོམ། །དེ་ནས་རྒྱལ་པོ་ཡུལ་འཁོར་སྲུང་། །གཟུགས་ནི་གངས་རི་ཉི་ཤར་འདྲ། །མཆོད་སྦྱིན་འོད་ཟེར་བརྒྱ་དང་ལྡན། །ལག་གཡས་རྡོ་རྗེ་ཏྲི་ཤཱུལ་ལ། །ལག་གཡོན་བདུད་རྩི་བུམ་པ་གསོལ། །ཨིན་ཏྲ་སཱ་ཡ་སྭཱ་ཧཱ། ཛཿཧཱུྃ་བྃ་ཧོཿ། ཏྲ་མི་ཏ་ཧཱུྃ་ཧཱུྃ་སུ་ར་ཏ་བ ཤྞུ་ཛཱཿཛཱ་ཛཱ་ཧཱུྃ་ཧཱུྃ། ཞེས་ལན་འབུམ་བཟླས་ནས། བདག་ཉིད་རྡོ་རྗེ་ཧེ་རུ་ཀ །འདྲེན་པའི་ཕྱག་རྒྱ་དེ་དག་གིས། །ལྷ་ཡི་དབང་པོའི་སྙིང་ནས་དྲང་། །རྒྱབ་ནས་རྡོ་རྗེ་ཅན་གྱིས་ཕུལ། །དེ་ཉིད་ལྷ་ཡི་དབང་གྱུར་ནས། །ལས་གང་འདོད་པ་བྱེད་དུ་གཞུག །ཐམས་ཅད་ཐམས་ཅད་གྲུབ་པར་བྱེད། །ཀུན་ལ་འབྱིན་ཅིང་ཀུན་ལ་ཟ། །ལྷ་ཡི་འཁོར་རྣམས་ཐམས་ཅད་ཀུན། །མ་ལུས་པར་ནི་ཡང་དག་འདུ། །བྲན་བཞིན་དུ་ནི་ཐམས་ཅད་འབྲང་། །རྒྱལ་པོ་འཕགས་སྐྱེས་བསྒྲུབ་པ་ནི། །བདག་ཉིད་རིན་ཆེན་ཧེ་རུ་ཀ །སྐུ་མདོག་རྒྱུད་ནས་འབྱུང་བ་བཞིན། །ཕྱག་རྒྱ་རྣམས་ཀྱང་དེ་བཞིན་ཏེ། །འོད་ཀྱི་འཕྲོ་འདུ་བྱིན་བརླབས་ཀྱིས། །འཕགས་སྐྱེས་པོ་ནི་དབང་དུ་བསྡུས། །དྷྲྀ་ཏ་དྷྲྀ་ཏ་སྭཱ་ཧཱ། ཛཿཧཱུྃ་བྃ་ཧོཿ། གྲྀ་ཧྞ་གྲྀ་ཧྞ་དུརྠིད་སྭཱ་ཧཱ། ཧྃ་ཧྃ་ཧྃ། རཏྣ་ཛཿཧཱུྃ་བྃ་ཧོཿ། ཞེས་སྙིང་པོ་ལན་འབུམ་དུ་བཟླས་ཏེ། སྲོག་དང་ལྡན་པར་ཏིང་འཛིན་བྱ། །བདག་ཉིད་རཏྣ་ཧེ་རུ་ཀ །འཕགས་སྐྱེས་པོ་ཡི་སྙིང་ག་ནས། །ཛཿཡིས་རབ་ཏུ་བཟུང་ནས་ནི། །བདག་གིས་མདུན་དུ་དགུག་པར་བྱ། །རྒྱབ་ནས་རྡོ་རྗེ་ཅན་གྱིས་ཕུལ། །དེ་ནས་མངོན་སུམ་གྱུར་པ་དང་། །གང་འདོད་ལས་དེ་བྱེད་དུ་གཞུག །མདོག་ནི་གསེར་གྱི་མདོག་ཏུ་འབར། །འཁོར་རྣམས་ཐམས་ཅད་བདག་ལ་བསྡུ། །ཡིད་བཞིན་རིན་ཆེན་གཞལ་ཡས་འགྲུབ། །རྒྱལ་པོ་མིག་ངན་བསྒྲུབ་པ་ནི། །བདག་ཉིད་པདྨ་ཧེ་རུ་ཀ །སྐུ་མདོག་གོང་གི་སྔ་མ་བཞིན། །ཕྱག་རྒྱའི་ཚུལ་ཡང་དེ་བཞིན་ཏེ། །སྙིང་པོ་འབུམ་ཕྲག་གསལ་བཟླས་ནས། །ཏིང་འཛིན་ཕྱག་རྒྱ་བསྒྱུར་རུང་ཞིང་། །ལྷ་ཉིད་དུ་ནི་གསལ་གྱུར་ནས། །རྒྱལ་པོ་དེ་ཡི་གཟུགས་མདོག་ནི། །ཤིན་ཏུ་དམར་ཞིང་འཚེར་བ་སྟེ། །ལག་གཡས་བདུད་རྩི་བུམ་པ་གསོལ། །ལག་གཡོན་བདུད་རྩི་ལྔ་ཡི་ཚུལ། །ནུབ་ཕྱོགས་ཀླུ་རྣམས་རེ་བ་སྐོང་། །སྦྲུལ་མགོ་དགུ་ཡི་གདེངས་ ― DNG011_Page_0424 ―
[མ་དཔེ་གཟིགས་ན་འདིར་གནོན།]
ཀ་ཅན། །དེ་ནི་རབ་ཏུ་དབང་བསྡུ་ཕྱིར། །བི་རཱུ་ཌྷ་ཀ་སྭཱ་ཧཱ། ཛཿཧཱུྃ་བྃ་ཧོཿ། ནཱ་ག་ཤི་ནི་བི་ཡ་ཕག་ཤ་ཕག་ཛཿཧཱུྃ་བྃ་ཧོཿ། འབུམ་ཕྲག་དུ་མ་བཟླས་ནས་ནི། །དེ་ནི་བདག་གི་དབང་དུ་བསྡུ། །བདག་ཉིད་ལྷ་རུ་གསལ་བསྒོམས་ནས། །མིག་མི་བཟང་གི་སྙིང་ག་ནས། །ཛ་ཡིས་རབ་ཏུ་བཟུང་ནས་དྲང་། །རྒྱབ་ནས་རྡོ་རྗེ་ཅན་གྱིས་ཕུལ། །དེ་ནས་བདག་དང་གཉིས་མེད་པའི། །དབྱེར་མེད་པར་ནི་གྱུར་པ་དང་། །ཅི་འདོད་ལས་དེ་བྱེད་དུ་གཞུག །མིག་ངན་འཁོར་རྣམས་མ་ལུས་པར། །དབང་གི་ལས་རྣམས་གྲུབ་པར་བྱེད། །རྒྱལ་པོ་རྣམ་ཐོས་བསྒྲུབ་པ་ནི། །བདག་ཉིད་ཁྲོ་བོ་བདུད་རྩི་འཁྱིལ། །སྐུ་མདོག་ཕྱག་མཚན་སྔ་མ་བཞིན། །གསལ་ཞིང་འོད་འཕྲོ་རབ་བསྒོམས་ཤིང་། །རང་སྔགས་སྙིང་པོ་འབུམ་ཕྲག་བཟླས། །ཏིང་འཛིན་བསྒྱུར་དུ་རུང་བ་དང་། །རྣམ་ཐོས་དག་ནི་རབ་ཏུ་འགྲུབ། །གཟུགས་ནི་རིན་ཆེན་བཻ་ཌཱུརྱ། །ཡང་ན་མདོག་ནི་སྔོ་ཞིང་འཚེར། །ཕྱག་གཡས་རིན་ཆེན་དབྱིག་ཏོ་ཐོགས། །གཡོན་ན་འདོད་ཡོན་བུམ་པ་གསོལ། །དབུ་ལ་རིན་ཆེན་སྣ་ཚོགས་མཛེས། །བཻ་ཤྲ་བ་ཎ་ཡེ་སྭཱ་ཧཱ། ཛཿཧཱུྃ་བྃ་ཧོཿ། ཀུ་བེ་ར། ཀང་ཀང་། ཡང་ཡང་། ཛཿཧཱུྃ་བྃ་ཧོཿ། འབུམ་དུ་བཟླས་ཤིང་སྲོག་ཡོད་པར། །ཡང་དང་ཡང་དུ་བཟླས་པར་བྱ། །བདག་ཉིད་བདུད་རྩི་ཧེ་རུ་ཀ །ཛ་ཡིས་རྣམ་ཐོས་སྙིང་ནས་དྲངས། །དབང་དུ་ཡང་དག་བསྡུ་བར་བྱ། །རྒྱབ་ནས་རྡོ་རྗེ་ཅན་གྱིས་ཕུལ། །ཡིད་བཞིན་རིན་ཆེན་དབང་དུ་འགྱུར། །གནོད་སྦྱིན་འཁོར་རྣམས་བྲན་བཞིན་བསྡུ། །རིན་ཆེན་སྤྲོས་ཤིང་ལས་རྣམས་བསྒྲུབས། །ཅི་འདོད་ལས་རྣམས་བྱེད་པར་འགྱུར། །སྒྱུ་འཕྲུལ་དྲ་བ་ལས་ལྷ་ཆེན་པོ་བསྒྲུབ་པ་དང་། རྒྱལ་པོ་ཆེན་པོ་བཞི་པོ་དཀྱིལ་འཁོར་བཀོད་ཅིང་བསྒྲུབ་པའི་ལེའུ་སྟེ་དྲུག་ཅུ་ལྔ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་ཚོགས་ཀྱི་དཀྱིལ་འཁོར་ལ་ཤིན་ཏུ་རྔམ་པའི་གདངས་ཀྱིས་གླུ་འདི་བླངས་སོ། །ཧཱུྃ། གཏུམ་ཆེན་དུས་མཐའི་མེ་ལྟར་འབར། །འོད་ཟེར་ཉི་མ་འབུམ་གྱི་གཟི། །ཁྲོ་གཉེར་གློག་སྟོང་འགྱུ་བ་བཞིན། །མཆེ་བ་ཟང་ཡག་ཟ་བྱེད་ཆེ་ཧོ། །ཧཱུྃ། རྔམ་པའི་ང་རོ་འབྲུག་སྟོང་ལྡིར། །ཐུག་ཆེམ་རི་རབ་འབུམ་བསྙིལ་སྐད། ། ― DNG011_Page_0425 ―
[མ་དཔེ་གཟིགས་ན་འདིར་གནོན།]
ཨ་ཨ་ཧ་ལའི་གད་རྒྱངས་ཆེ། །དབྱུག་པའི་འཐོར་རླུང་གཡེང་བ་ཆེ་ཧོ། །ཧཱུྃ། ཁྲོས་པའི་ཤེས་རབ་འོད་པོ་ཆེ། །ཡེ་ཤེས་དཀྱིལ་འཁོར་ཀུན་དུ་གསལ། །འབར་བའི་ཡེ་ཤེས་ཀུན་དུ་འཇོམས། །སྣ་ཚོགས་ཡེ་ཤེས་ཐིག་ལེ་ཆེ་ཧོ། །ཧཱུྃ། ཁྲོས་པའི་རྒྱལ་པོ་སྤྲིན་ཆེན་པོ། །ཁྲོས་པའི་དཀྱིལ་འཁོར་ཆར་ཆེན་འབེབས། །དཀྱིལ་འཁོར་ཡིད་བཞིན་འབྱུང་བའི་གཏེར། །སྣ་ཚོགས་ཁྲོས་པའི་ཐིག་ལེ་ཆེ་ཧོ། །ཧཱུྃ། བདུད་ཀུན་གྱི་ནི་བདུད་ཆེན་པོ། །བདུད་ཀྱི་བདུད་དེ་བདུད་རྣམས་འཇོམས། །འཇིགས་པའི་ཚོགས་ཀྱང་འཇིགས་བྱེད་པ། །འཇིགས་བྱེད་ཆེན་པོ་ཐིག་ལེ་ཆེ་ཧོ། །ཧཱུྃ། རྡོ་རྗེ་བྲག་ཆེན་སྲ་བ་པོ། །རྡོ་རྗེ་ཆུ་བོ་སྡུད་པ་པོ། །རྡོ་རྗེ་མེ་སྟེ་ཀུན་འབར་ཆེ། །རྡོ་རྗེ་རླུང་སྟེ་འཐོར་རླུང་ཆེ་ཧོ། །ཞེས་ཆེད་དུ་བླངས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་མཉེས་པའི་ལེའུ་སྟེ་དྲུག་ཅུ་དྲུག་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་དེ་བཞིན་གཤེགས་པ་ཉིད་ལ་གསང་སྔགས་ཀྱི་རྒྱལ་པོ། དེ་ནས་དེ་བཞིན་གཤེགས་པ་གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བདག་དང་རྡོ་རྗེ་སེམས་དཔར་དབྱེར་མེད་པར་ཡང་ཡང་དག་པའི་དབྱིངས་སུ་འདུས་ཤིང་བདག་གིས་རྡོ་རྗེ་སེམས་དཔའི་ཞལ་མངོན་སུམ་དུ་མཐོང་བའི་དོན་བསྟན་པའི་ཕྱིར་ཆེད་དུ་བརྗོད་པ་འདི་གསུངས་སོ། །ཀུན་རྫོབ་སྒྱུ་མར་ཞལ་མཐོང་བའི། །ཐམས་ཅད་མིག་ཡོར་སྒྱུ་མའི་ཚུལ། །སྣང་སྲིད་མ་ལུས་ཐམས་ཅད་ཀུན། །ཆུ་ཟླའི་ཚུལ་དུ་འདྲར་ཤེས་ཤིང་། །ཡུལ་དང་རྟོག་པ་གཉིས་མེད་པར། །གང་གིས་དེ་ལྟར་རིག་པ་དེ། །གཞི་རྩ་མེད་དབྱིངས་སྐད་ཅིག་མ། །སྔ་ཕྱི་མེད་དབྱིངས་དེ་བཞིན་ཉིད། །ཅིས་ཀྱང་མི་ཚུགས་རྡོ་རྗེ་ཡིན། །རྡོ་རྗེ་སེམས་དཔའ་དེ་ལ་གནས། །ལྟ་སྤྱོད་མཐུན་པས་ཞལ་མཐོང་ཡིན། །རང་བཞིན་དཀྱིལ་འཁོར་ཡང་དག་ནི། །ཆོས་དབྱིངས་བདག་དང་དབྱེར་མེད་པའི། །མཉམ་པར་སྦྱོར་ཞིང་དག་པའོ། །ཐམས་ཅད་བྱང་ཆུབ་ལྷུན་གྲུབ་པའི། །དེ་ལྟར་གང་གིས་རྟོགས་འགྱུར་བ། །དེ་ནི་ཡེ་ཤེས་གཉིས་ཅན་ཏེ། །དེ་ཡིས་ཡང་དག་སྙིང་པོ་མཐོང་། །དེ་ཉིད་ཅིས་ཀྱང་མི་ཚུགས་པ། །ཤིན་ཏུ་སྲ་ཞིང་བརྟན་པ་ཡིན། །རང་བཞིན་ ― DNG011_Page_0426 ―
[མ་དཔེ་གཟིགས་ན་འདིར་གནོན།]
དབྱིངས་ནས་འོད་གསལ་བ། །སེམས་དཔའ་མཆོག་ཏུ་ཡང་དག་གསུངས། །དེ་ལྟར་རྟོགས་ན་ཞལ་མཐོང་ཡིན། །དེ་བཞིན་མཉམ་རྫོགས་ལྷུན་གྲུབ་ཡིན། །དེ་བཞིན་གཤེགས་དང་ཡེ་ཤེས་ལྔ། །རང་བྱུང་ཆེན་པོའི་དཀྱིལ་འཁོར་བསྒོམ། །རྟོགས་ཉིད་བྲལ་བའི་ཐབས་མཁས་ཀྱིས། །ལྷ་གསལ་དངོས་པོ་མེད་བསྒོམས་ན། །མཐོང་ཐོས་ལ་སོགས་མེད་པའི་ཚུལ། །རང་གི་ཡེ་ཤེས་གསལ་བསྒོམས་ན། །རང་བཞིན་མེད་ལ་ཅི་ཡང་འགྲུབ། །འགྲུབ་འགྱུར་ཉིད་ན་དངོས་པོ་མེད། །ཇི་ལྟར་བཅོམ་ལྡན་དེ་བཞིན་གྱིས། །བདུད་དཔུང་དཀྱིལ་དུ་ཏ་ལ་བཙུགས། །ཐམས་ཅད་བྱང་ཆུབ་ཤིང་བསྡུས་ཏེ། །གདུག་པ་ངང་གིས་མི་དགའ་ནས། །ཏ་ལ་བཅད་སྐམས་ཡོང་མི་གཅོད། །རྡོ་རྗེ་སེམས་དཔའ་དེ་ཉིད་ཡིན། །བདག་དང་ཏིང་འཛིན་མཐོང་གྱུར་པ། །དེ་ཉིད་རྡོ་རྗེ་ཞལ་མཐོང་ཡིན། །རྡོ་རྗེ་སེམས་དཔའ་ཉིད་བསྒོམས་ཏེ། །ཏིང་འཛིན་ཤིན་ཏུ་འདྲིས་གསལ་ན། །ཐམས་ཅད་རྡོ་རྗེ་ཉིད་དུ་འགྱུར། །ཀུན་ལ་དབང་སྒྱུར་ཅིས་མི་ཚུགས། །བདག་དང་སེམས་དཔའ་དབྱེར་མེད་དེ། །ལས་མཐུན་ཇི་ལྟར་སྣང་བ་བཞིན། །བདག་དང་སེམས་དཔའ་ལྟ་སྤྱོད་གཅིག །དེ་ཉིད་རྡོ་རྗེ་ཞལ་མཐོང་ཡིན། །གཟུགས་བརྙན་དཀྱིལ་འཁོར་ཡང་དག་ནི། །ཆེན་པོ་རགས་པ་ཐབས་ཀྱིས་རྟོགས། །སོ་སོའི་མཚན་འཛིན་ཤེས་རབ་རྟོག །གཉིས་མེད་འདྲེལ་པ་ཐབས་ཆེན་ཡིན། །ཀུན་ཀྱང་ཤེས་རབ་ངང་དུ་གནས། །སྣང་དང་གནས་པ་ཐམས་ཅད་ཀུན། །དེ་བཞིན་ཉིད་ལས་མ་གཡོས་ཕྱིར། །གཡོ་དང་མེད་པ་གཉི་ག་མེད། །གནས་དང་མི་གནས་དབྱེ་རུ་མེད། །མཉམ་པའི་དབྱིངས་སུ་ཐམས་ཅད་འདུས། །འདུས་ཉིད་གནས་སུ་ཐིབས་པ་ཡི། །ཐམས་ཅད་དེ་ལྟ་བུ་ཡི་ངང་། །མཉམ་གཉིས་དབྱེར་མེད་སུས་མི་ཚུགས། །དེ་ཉིད་སེམས་དཔའ་བཞུགས་གནས་ཡིན། །དེ་ལྟར་རྟོགས་པའི་རིགས་མཆོག་དེ། །སེམས་དཔའ་ཉིད་དང་རིགས་མཐུན་པས། །དེ་ཉིད་རྡོ་རྗེ་ཞལ་མཐོང་ཡིན། །རྒྱུར་བྱས་ཕུང་པོ་ཁམས་རྣམས་ལ། །གཞི་རྩ་དེ་བཞིན་ཉིད་དུ་གཅིག །སྒྱུ་མར་སྣང་བ་གཟུགས་བརྙན་ཚུལ། །སྣང་བ་ ― DNG011_Page_0427 ―
[མ་དཔེ་གཟིགས་ན་འདིར་གནོན།]
ཉིད་ནི་དངོས་པོ་མེད། །དངོས་ཉིད་དེ་ཉིད་སྣ་ཚོགས་སྟོན། །ཕུང་པོ་ལྔ་ཉིད་དེ་བཞིན་གཤེགས། །དབང་པོ་རྣམས་སེམས་བྱང་ཆུབ་སེམས། །ཡུལ་དུས་པོ་དེ་ཆེན་པོ་ཡིན། །བདག་རྟོག་རྣམ་པ་ཁྲོ་བོ་ཡིན། །རྟག་ཆད་མུ་བཞི་ཁྲོ་མོ་ཡིན། །དེ་སེམས་རང་རིག་ཉིད་ཅེས་བྱ། །ཐམས་ཅད་དབྱིངས་འགྱུར་ཀུན་དུ་བཟང་། །དེ་ཉིད་རྡོ་རྗེ་སེམས་དཔའ་ཡིན། །གང་གིས་དེ་ལྟར་རྟོགས་གྱུར་ན། །སེམས་དཔའ་ཉིད་དང་དགོངས་མཐུན་པས། །དེ་ཉིད་རྡོ་རྗེ་ཞལ་མཐོང་ཡིན། །ཆོས་རྣམས་མ་ལུས་ཐམས་ཅད་ཀུན། །མིང་དང་ཚིག་དང་ཡི་གེ་དང་། །སྒྲ་ཡིས་མཚོན་ནས་དོན་བསྟན་པ། །ཀུན་ཀྱང་ཡི་གེ་མིང་གཅིག་བཞིན། །གང་ཡང་དངོས་པོ་མ་ཡིན་ཏེ། །དངོས་མེད་དེ་ཉིད་སྣ་ཚོགས་སྣང་། །སྣང་བ་ཉིད་ན་གང་ཡང་མེད། །བྱ་བྱེད་སྣ་ཚོགས་ཀུན་བྱེད་ཀྱང་། །དངོས་པོ་མེད་དེ་ཡང་དག་ཉིད། །དེ་ནི་ཅིས་ཀྱང་མི་ཚུགས་པའི། །ས་རྡོ་དྲན་མེད་མ་ཡིན་ཏེ། །དེ་ཉིད་ཤིན་ཏུ་འོད་གསལ་ཡིན། །རྡོ་རྗེ་སེམས་དཔའ་དེ་ལྟར་གནས། །གང་གིས་དེ་ལྟར་རྟོགས་པ་ནི། །རིགས་མཆོག་དམ་པ་རྒྱུ་ཡིན་ཏེ། །རྡོ་རྗེའི་རིགས་དང་དབྱེར་མེད་ཕྱིར། །དེ་ཉིད་རྡོ་རྗེ་ཞལ་མཐོང་ཡིན། །སྐྱེས་བུ་བློ་རྩལ་རབ་ལྡན་པས། །ཀུན་དང་དབྱེར་མེད་དོན་རྟོགས་ཏེ། །འབྲས་བུ་མངོན་དུ་མ་གྱུར་ཀྱང་། །བྱང་ཆུབ་སེམས་ལ་གནས་བཅས་པས། །དཔེར་ན་མངལ་དང་སྒོ་ང་ཡིས། །མངོན་དུ་མ་གྱུར་བསྒྲིབས་གྱུར་ཀྱང་། །རྩལ་ཆེན་འདུས་པ་འབྱུང་བ་བཞིན། །རྣམ་རྟོག་གཟུགས་ནི་བོར་མ་ཐག །ཐམས་ཅད་ཀུན་ལ་དབང་སྒྱུར་ཞིང་། །རིགས་མཆོག་དམ་པ་འཛིན་པར་འགྱུར། །རྡོ་རྗེ་སེམས་དང་མཉམ་པ་ཡི། །དངོས་གྲུབ་མཆོག་རྣམས་ཡོངས་སུ་རྫོགས། །བདེ་བ་ཅན་གྱི་ཞིང་ཡང་ཐོབ། །བྱང་ཆུབ་མཆོག་ལ་རོལ་པར་འགྱུར། །ལྷ་མི་རྣམས་ཀྱི་སྟོན་པ་པོ། །ལུས་ངག་སེམས་ལ་དབང་ཐོབ་ནས། །ཇི་ལྟར་དམིགས་པ་བཞིན་དུ་འགྲུབ། །ཚད་མེད་བཞི་ལ་དབང་བྱེད་འགྱུར། །བདེ་བའི་རོ་མཆོག་ཀུན་ལ་སྤྱོད། །ཐ་མར་སྐྱེ་རྒ་ན་འཆི་ལ་སོགས་པའི། །སྡུག་བསྔལ་ཟད་པའི་གོ་འཕང་ཐོབ། །རྡོ་རྗེ་རིགས་མཆོག་འཛིན་ ― DNG011_Page_0428 ―
[མ་དཔེ་གཟིགས་ན་འདིར་གནོན།]
འགྱུར་ཏེ། །ཐུགས་རྗེ་ཆེན་པོའི་བྱིན་བརླབས་ཀྱིས། །འགྲོ་བ་མ་ལུས་ཐམས་ཅད་ཀུན། །རྡོ་རྗེ་རིགས་སུ་འདྲེན་པར་བྱེད། །བདུད་སྡེ་ཚར་གཅོད་ཉོན་མོངས་འདུལ། །ཆོས་ཀྱི་འཁོར་ལོ་ཡང་དག་བསྐོར། །འགྲོ་བ་མ་ལུས་ཐམས་ཅད་ལ། །མི་རྟག་པ་ཡི་ཚུལ་ཡང་སྟོན། །ཉན་ཐོས་རྣམས་ལ་དགྲ་བཅོམ་ཚུལ། །བྱང་ཆུབ་རྣམས་ལ་རང་བྱུང་ཚུལ། །བླ་མེད་ཐེག་པ་སངས་རྒྱས་ཚུལ། །ལྷུན་གྲུབ་རྣམས་ལ་རྡོ་རྗེ་དབྱིངས། །ཀུན་ལ་མཐུན་པའི་ཚུལ་ཡང་སྟོན། །རང་བཞིན་དབྱིངས་ལས་གཡོས་པ་མེད། །མ་གཡོས་བཞིན་དུ་ཀུན་དུ་སྟོན། །ཆོས་རྣམས་མ་ལུས་ཐམས་ཅད་ཀུན། །དེ་ལྟ་བུ་ཡི་ངང་དུ་གནས། །ཞེས་རྡོ་རྗེ་གསང་བའི་ཚིག་ཏུའོ། །ཉིད་ལ་ཉིད་དེ་སྐད་ཅེས་བརྗོད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྐྱེས་བུ་དམ་པ་བློ་རྩལ་རབ་གཅིག་གིས་རྡོ་རྗེ་སེམས་དཔའི་ཞལ་མཐོང་བའི་ལེའུ་སྟེ་དྲུག་ཅུ་བདུན་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་སྔགས་འཆང་རྣམས་དོན་ཡོད་པར་བྱ་བའི་ཕྱིར། དམ་ཚིག་སུམ་བརྒྱའི་རྩ་བ་མདོར་བསྡུས་ནས་སྔགས་འཆང་རྣམས་ཀྱི་དོན་དུ་ཆེད་དུ་བརྗོད་པ་འདི་བརྗོད་དོ། །ཕྱོགས་བཅུའི་འཇིག་རྟེན་རྡུལ་སྙེད་དུ། །ལོག་རྟོག་མི་བཟད་རྡུལ་ཕྲན་སྙེད། །རྟོག་འདུལ་གཉེན་པོ་བསམ་མི་ཁྱབ། །འདུལ་བ་སྡོམ་པ་བསམ་ཡས་དང་། །རྡོ་རྗེ་ཐེག་མཆོག་མང་པོ་ཀུན། །ཉིད་ལས་གཡོས་ཤིང་སྤྲོས་མེད་ཀྱང་། །རང་རིག་འཁྲུལ་པའི་རྟོག་པ་ཡིས། །ལྟ་བ་མཐོ་དམན་བསམ་མི་ཁྱབ། །དེ་འདུལ་དོན་ཕྱིར་འཚམ་པར་བསྟན། །ཡང་དག་ཉིད་དང་ལོག་རྟོགས་ཉིད། །ངོ་བོ་ཉིད་ཀྱིས་གནས་གྱུར་ན། །དེ་ལ་བཅོས་ཤིང་བསྒྱུར་དུ་མེད། །ཡེ་ནས་ངོ་བོ་ཡོད་ཡིན་ན། །ཉོན་མོངས་སྤངས་ཤིང་བྱང་བསྒྲུབ་མེད། །ཐམས་ཅད་མ་ལུས་རོ་གཅིག་འགྱུར། །ཀུན་རྫོབ་ཆུ་ཟླ་ལྟ་ཡིན་པས། །ཅིར་ཡང་འགྱུར་ཞིང་ཅིར་ཡང་འགྲུབ། །རྣལ་འབྱོར་དེ་ཉིད་རྟོགས་པ་ཡིས། །དོན་དམ་སྐྱེ་འགག་མེད་པ་སྟེ། །ཀུན་རྫོབ་སྒྱུ་མ་ཅིར་ཡང་འགྲུབ། །གནས་ངན་དུས་ན་ལོག་རྟོགས་ཉིད། །གཟུང་ ― DNG011_Page_0429 ―
[མ་དཔེ་གཟིགས་ན་འདིར་གནོན།]
འཛིན་བྲལ་བ་ཉིད་རྟོགས་ན། །བདག་མེད་ཡེ་ཤེས་རང་བཞིན་ཉིད། །སྙིང་རྗེ་ཐབས་མཁས་ཏིང་འཛིན་གྱིས། །ཅིར་ཡང་དམིགས་པ་བཞིན་དུ་འགྲུབ། །སོ་སོ་རང་བཞིན་ངེས་ཞེ་ན། །ཡང་དག་ལམ་ཉིད་བཅོས་སུ་མེད། །དེ་བས་ཡང་དག་བློ་ཆེན་གྱིས། །ཐམས་ཅད་དངོས་པོ་མེད་པར་བཤད། །དཔེར་ན་དུག་གི་རིགས་ཤེས་པས། །དུག་གིས་མི་ཚུགས་བཞིན་དུ་སྣང་། །ཧ་ལ་ཧ་ལའི་དུག་རྣམས་ཀྱང་། །བསྒྲུབ་ན་ར་ས་ཡ་ནའི་སྨན། །བདུད་རྩིར་འགྱུར་ལ་ཚེ་རིང་འགྲུབ། །ཉོན་མོངས་རང་དང་སྤྱི་བསྟན་པ། །མཚན་ཉིད་མ་ནོར་རྟོགས་པས་ན། །རྣམ་པར་བྱང་བའི་ལམ་དུ་འགྱུར། །སྐུ་གསུང་ཐུགས་ཀྱི་དངོས་གྲུབ་ཀྱང་། །གང་ན་མེད་དེ་དེ་ཡིན་ཏེ། །ནང་གི་ཆེན་པོ་ལྔ་ཉིད་ཀྱང་། །རང་དང་སྤྱི་ཡི་དོན་བརྟགས་ན། །མཚན་ཉིད་མེད་པས་རྣམ་པར་དག །སོ་སོའི་རྩལ་རྣམས་འཛིན་གྱུར་པས། །ཐབས་ཆེན་དུ་ནི་རྣམ་པར་སྤྲོ། །མཚན་རྣམས་རང་བཞིན་མི་གནས་པས། །ཤེས་རབ་དབྱིངས་སུ་རྣམ་པར་སྦྱོར། །གཏི་མུག་ཅེས་ནི་བརྗོད་པ་ནི། །མ་རིག་མིང་གི་རྣམ་གྲངས་ཏེ། །གཉིས་མེད་དོན་གཅིག་ཡིན་པར་བཤད། །རང་གི་མཚན་ཉིད་བརྗོད་པ་ནི། །ཆོས་དང་བདག་དང་དངོས་པོ་རྣམས། །ངོ་བོ་ཉིད་ལ་སོགས་བརྟགས་པ། །རྟོག་ཉིད་སྒྱུ་མ་ཀླུང་གྱུར་ཏེ། །ལོག་རྟོགས་སྤྲོས་པའི་རྒྱུན་ཡིན་ལ། །ཐམས་ཅད་ཆོས་དབྱིངས་རོ་གཅིག་སྟེ། །བཟོད་པའི་ཆོས་ཉིད་མིག་གཅིག་ཡིན། །སྤྱི་ཡི་མཚན་ཉིད་བརྗོད་པ་ནི། །མི་རྟག་སྡུག་བསྔལ་སྟོང་བདག་མེད། །མ་རིག་པ་ནི་སྤང་དུ་མེད། །རིག་པ་ཡང་དག་བསྒྲུབ་ཏུ་མེད། །ཐམས་ཅད་དབྱིངས་སུ་རོ་གཅིག་ཐིམ། །སྒྱུ་མ་དངོས་པོར་རྟོག་པ་ནི། །སྒྱུ་མ་རྟོག་ཉིད་མི་དམིགས་པ། །མི་དམིགས་དེ་ཉིད་སྣ་ཚོགས་སྣང་། །སྐྱེས་པ་ཉིད་ན་ཆོས་ཉིད་གཅིག །དབྱིངས་ཉིད་མི་དམིགས་དེ་བཞིན་ཉིད། །དེ་ཉིད་ཆོས་སྐུ་ཕྱག་རྒྱ་ཆེ། །མི་དམིགས་སྒྱུ་མར་དངོས་པོ་ལ། །རྟོག་པའི་ཡུལ་གྱི་དངོས་ཉིད་ཀྱང་། །ཆོས་ཉིད་མི་དམིགས་ཡེ་ནས་དག །སྒྱུ་མ་མི་དམིགས་དབྱེར་མེད་ཕྱིར། །ཡོད་མེད་གཉིས་ག་དབྱེར་མེད་པས། །ཏིང་ངེ་འཛིན་གྱིས་དབང་བསྒྱུར་ན། །ཐུགས་ ― DNG011_Page_0430 ―
[མ་དཔེ་གཟིགས་ན་འདིར་གནོན།]
ཀྱི་ཕྱག་རྒྱ་ཆེན་པོ་ཡིན། །ཆོས་ཉིད་དམིགས་སུ་མེད་པ་སྟེ། །མི་དམིགས་བཞིན་དུ་སྒྱུ་མར་སྤྲོས། །གདུལ་བྱའི་བྱ་བ་བསམ་མི་ཁྱབ། །གསུང་གི་ཕྱག་རྒྱ་ཆེན་པོའོ། །དེ་ལྟར་གཏི་མུག་སྤང་དུ་མེད། །རྣམ་པར་སྣང་མཛད་རྒྱ་ཆེན་ཡིན། །ཞེ་སྡང་རང་དང་སྤྱིར་བསྟན་པ། །ཀུན་ནས་མནར་སེམས་རྟོག་པ་ཡི། །སྒྱུ་མའི་དངོས་པོ་ཐམས་ཅད་ཀུན། །འཇིག་པར་མོས་པའི་རང་བཞིན་ཅན། །སྤྱི་ཡི་མཚན་ཉིད་བརྗོད་པ་ནི། །མི་རྟག་སྡུག་བསྔལ་སྟོང་བདག་མེད། །ཞེ་སྡང་སྙིང་རྗེ་སྤངས་བསྒྲུབ་མེད། །ཆོས་ཀྱི་དབྱིངས་སུ་རོ་གཅིག་ཕྱིར། །སྒྱུ་མ་རང་བཞིན་མནར་སེམས་པ། །དངོས་པོ་ཐམས་ཅད་འཇིག་རྟོགས་ན། །སྒྱུ་མར་སྣང་བ་ཐམས་ཅད་ཀྱང་། །ཆོས་ཀྱི་དབྱིངས་ལས་མི་གཞན་ཏེ། །མི་དམིགས་པ་ཉིད་སྒྱུ་མར་སྐྱེས། །ཆོས་རྣམས་ཐམས་ཅད་རང་བཞིན་ནི། །བདག་སྲོག་གསོ་བའི་རང་བཞིན་མེད། །སྣང་བ་ཐམས་ཅད་ཆོས་ཀྱི་དབྱིངས། །མནར་སེམས་སྒྱུ་མ་ཆོས་ཉིད་དོ། །ཐམས་ཅད་མི་དམིགས་དེ་བཞིན་ཡིན། །ཀུན་ཀྱང་དབྱེར་མེད་ཆོས་ཕྱག་རྒྱ། །མི་དམིགས་སྒྱུ་མ་ཀུན་ནས་མནར། །རྟོག་པ་ཀུན་ནས་མནར་སེམས་ཏེ། །ཆོས་ཉིད་སྒྱུ་མ་མི་དམིགས་ཏེ། །ཆོས་ཉིད་སྒྱུ་མ་མི་དམིགས་ཕྱིར། །དོན་དམ་ཀུན་རྫོབ་རོ་གཅིག་སྟེ། །ཏིང་ངེ་འཛིན་གྱིས་དབང་བསྒྱུར་ན། །ཐུགས་ཀྱི་ཕྱག་རྒྱ་ཆེན་པོ་ཡིན། །མི་དམིགས་ཀུན་ནས་མནར་སེམས་པ། །འདུལ་བའི་བྱ་བ་བསམ་མི་ཁྱབ། །གསུང་གི་ཕྱག་རྒྱ་ཆེན་པོའོ། །ཞེ་སྡང་སྤྱི་ཡི་མཚན་ཉིད་ནི། །ཡང་དག་ཉིད་ཀྱིས་རབ་བརྟགས་ན། །རྣམ་པར་བྱང་བའི་མཚན་ཉིད་དེ། །གཉིས་མེད་ཞེ་སྡང་སྤང་དུ་མེད། །ང་རྒྱལ་མཚན་ཉིད་བཤད་པ་ནི། །ཁོང་ནས་འགྱིང་ཞིང་ཁེངས་སེམས་པ། །ཕ་རོལ་ཟིལ་གྱིས་གནོན་པར་བྱེད། །སྤྱི་ཡི་མཚན་ཉིད་བཤད་པ་ནི། །མི་རྟག་སྡུག་བསྔལ་སྟོང་བདག་མེད། །ང་རྒྱལ་སྤངས་ནས་ཞི་བསྒྲུབ་མེད། །ཆོས་ཀྱི་དབྱིངས་སུ་རོ་གཅིག་པས། །ཀུན་རྫོབ་སྒྱུ་མར་ཁོང་འགྱིང་ཉིད། །དེ་བཞིན་ཉིད་ལས་མི་གཞན་ཏེ། །ཆོས་ཉིད་མི་དམིགས་འགྱིང་བར་སྐྱེས། །སྐྱེ་འགྱིང་ཉིད་ན་ ― DNG011_Page_0431 ―
[མ་དཔེ་གཟིགས་ན་འདིར་གནོན།]
ཆོས་ཉིད་དེ། །འགྱིང་བའི་རང་བཞིན་མི་དམིགས་དག །འགྱིང་དང་མི་འགྱིང་དབྱེར་མེད་ཕྱིར། །ཆོས་སྐུ་ཕྱག་རྒྱ་ཆེན་པོ་ཡིན། །མི་དམིགས་པ་ཉིད་སྒྱུ་མ་འགྱིང་། །འགྱིང་བས་ཟིལ་གྱིས་གནོན་པ་ཉིད། །ཆོས་ཀྱི་དབྱིངས་ལས་མི་གཞན་ཏེ། །སྒྱུ་མ་ཆོས་ཉིད་དབྱེར་མེད་ཕྱིར། །དོན་དམ་ཀུན་རྫོབ་གཉི་ག་གཅིག །ཏིང་ངེ་འཛིན་གྱིས་དབང་སྒྱུར་ན། །ཐུགས་ཀྱི་ཕྱག་རྒྱ་ཆེན་པོ་ཡིན། །མི་དམིགས་སྒྱུ་མར་འགྱིང་བ་ནི། །ང་རྒྱལ་འདུལ་བ་བསམ་མི་ཁྱབ། །གསུང་གི་ཕྱག་རྒྱ་ཆེན་པོ་ཡིན། །ང་རྒྱལ་རང་སྤྱིའི་མཚན་ཉིད་ནི། །རྣམ་པར་བྱང་བའི་མཚན་ཉིད་ཡིན། །ཞི་བསྒྲུབ་ང་རྒྱལ་སྤང་དུ་མེད། །འདོད་ཆགས་རང་སྤྱིའི་མཚན་ཉིད་ནི། །སྲེད་པ་ཀུན་ལ་ཞེན་པ་སྟེ། །སྤྱི་ཡི་མཚན་ཉིད་བཤད་པ་ནི། །མི་རྟག་སྡུག་བསྔལ་སྟོང་བདག་མེད། །ཆགས་སྤངས་མ་ཆགས་བསྒྲུབ་ཏུ་མེད། །ཆོས་ཀྱི་དབྱིངས་སུ་རོ་གཅིག་ཕྱིར། །ཀུན་རྫོབ་སྒྱུ་མའི་རང་བཞིན་དུ། །འདོད་ཅིང་ཆགས་པ་སྒྱུ་མ་སྲེད། །མི་དམིགས་པ་ལས་མི་གཞན་ཕྱིར། །མི་དམིགས་དེ་ཉིད་སྒྱུ་མར་སྐྱེས། །ཆོས་རྣམས་བདག་ལས་མི་གཞན་ཕྱིར། །མི་དམིགས་དེ་ཉིད་སྒྱུ་མར་སྐྱེས། །སྤྱོད་པ་སྒྱུ་མ་རོ་གཅིག་ཕྱིར། །ཆོས་ཉིད་ཆོས་ཅན་དམིགས་སུ་མེད། །རྒྱལ་བ་ཀུན་དང་དབྱེར་མེད་པའི། །ཆོས་ཀྱི་སྐུ་ཡི་ཕྱག་རྒྱ་ཡིན། །མི་དམིགས་སྒྱུ་མར་འདོད་ཅིང་ཆགས། །འདོད་ཆགས་ཆོས་ཉིད་མི་དམིགས་ཏེ། །སྒྱུ་མ་མི་དམིགས་དབྱེར་མེད་ཕྱིར། །བདེན་པ་གཉི་གར་དབྱེར་མེད་གཅིག །ཏིང་ངེ་འཛིན་གྱིས་དབང་བསྒྱུར་ན། །ཐུགས་ཀྱི་ཕྱག་རྒྱ་ཆེན་པོ་ཡིན། །མི་དམིགས་དབྱིངས་ཉིད་འདོད་ཆགས་སྤྲོས་པ་ནི། །འདུལ་བ་བསམ་གྱིས་མི་ཁྱབ་སྟེ། །གསུང་གི་ཕྱག་རྒྱ་ཆེན་པོ་ཡིན། །འདོད་ཆགས་རང་དང་སྤྱི་ཡི་མཚན། །རྣམ་པར་བྱང་བའི་མཚན་ཉིད་ཡིན། །ཆགས་དང་མ་ཆགས་གཉིས་མེད་པས། །འདོད་ཆགས་མཚན་ཉིད་སྤང་དུ་མེད། །ཕྲག་དོག་ཀུན་གྱི་མཚན་ཉིད་ནི། །གཞན་གྱི་ཕུན་སུམ་ཚོགས་པ་ལ། །སེམས་དོག་རྟོག་པ་སྒྱུ་མ་གཞན། །ཐབས་ཀྱིས་སྦྱོར་བ་སྒྱུ་མའི་རང་བཞིན་ཅན། ། ― DNG011_Page_0432 ―
[མ་དཔེ་གཟིགས་ན་འདིར་གནོན།]
ཕྲག་དོག་སྤྱི་མཚན་བཤད་པ་ནི། །མི་རྟག་སྡུག་བསྔལ་སྟོང་བདག་མེད། །ཕྲག་དོག་སྤང་ཞིང་ཡངས་བསྒྲུབ་མེད། །ཆོས་ཉིད་དུ་ནི་རོ་གཅིག་ཕྱིར། །ཀུན་རྫོབ་སྒྱུ་མ་གཞན་གྱི་ཕུན་སུམ་ལ། །ཕྲག་དོག་རྟོག་པ་སྒྱུ་མའི་རང་བཞིན་ཉིད། །མི་དམིགས་པ་ལས་མི་གཞན་ཏེ། །མི་དམིགས་པ་ཉིད་སྒྱུ་མར་སྐྱེས། །ཕུན་སུམ་ཚོགས་པའི་ལྷག་པར་སྦྱོར་བ་ཡི། །ཐབས་ཀྱི་རྟོགས་པ་སྒྱུ་མའི་ཆོས་ཉིད་དེ། །དུས་གསུམ་རྒྱལ་བ་ཀུན་དང་དབྱེར་མེད་པས། །ཆོས་སྐུ་ཕྱག་རྒྱ་ཆེན་པོ་ཡིན། །མི་དམིགས་སྒྱུ་མ་གཞན་གྱི་ཕུན་སུམ་ལ། །ཕྲག་དོག་རྟོག་པར་འཛིན་པ་དང་། །རྟོག་དང་ཕྲག་དོག་མི་དམིགས་ཏེ། །སྒྱུ་མ་མི་དམིགས་དབྱེར་མེད་པའི། །བདེན་པ་གཉི་གར་རོ་གཅིག་པས། །ཏིང་ངེ་འཛིན་གྱི་དབང་བསྒྱུར་ན། །ཐུགས་ཀྱི་ཕྱག་རྒྱ་ཆེན་པོ་ཡིན། །མི་དམིགས་གཞན་གྱི་ཕུན་སུམ་ལ། །ཕྲག་དོག་རྣམ་པར་སྤྲོས་པ་ནི། །གདུལ་བའི་བྱ་བ་བསམ་མི་ཁྱབ། །གསུང་གི་ཕྱག་རྒྱ་ཆེན་པོ་ཡིན། །ཕྲག་དོག་རང་དང་སྤྱི་བསྟན་པ། །རྣམ་པར་བྱང་བའི་མཚན་ཉིད་ཡིན། །དོག་པ་སྤང་ཞིང་ཡངས་བསྒྲུབ་མེད། །སེམས་ཅན་རྣམ་པ་མང་པོ་ཀུན། །ནང་གི་ཆེན་པོ་ལྔ་སོགས་བསྟན། །རང་སྤྱིའི་མཚན་ཉིད་བཤད་པར་བྱ། །ཐབས་དང་ཤེས་རབ་མ་རྟོགས་པས། །མ་གྲོལ་ཁམས་གསུམ་འཁོར་བ་ཡིན། །དེ་ལྟར་ངེས་པར་ཅི་མཐོང་ན། །སྔགས་ཀྱིས་ཡོངས་སུ་ཟིན་པའི་ནད། །ཀུན་ལ་གནོད་པར་བྱེད་མི་ནུས། །དེ་བཞིན་ཐབས་དང་ཤེས་རབ་རྟོགས། །དུག་གསུམ་སྡུག་བསྔལ་གནོད་མི་འགྱུར། །ཐབས་ལ་མཁས་པས་མ་ཟིན་ན། །ལམ་གྱི་དགེ་སྤྱད་སྟེགས་བཅས་ཀྱང་། །མཐོ་རིས་ལྷ་དང་མི་རུ་སྐྱེས། །སྐྱེ་ཤི་མེད་པའི་ས་མི་ཐོབ། །ཐབས་མཁས་སྙིང་རྗེས་ཟིན་པ་ནི། །མཚམས་མེད་སེམས་ཅན་མ་ལུས་ཀུན། །བྱང་ཆུབ་སེམས་དཔའི་སྙིང་རྗེས་བསད། །བསོད་ནམས་དཔག་ཏུ་མེད་པ་ཐོབ། །མ་བསད་ན་ཡང་སེམས་ཅན་ཡལ་བོར་ཏེ། །སྙིང་རྗེ་མེད་དེ་སྡིག་ཡོད་འགྱུར། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ཆེན་པོ་དག །གང་ཕྱིར་བྱང་ཆུབ་ ― DNG011_Page_0433 ―
[མ་དཔེ་གཟིགས་ན་འདིར་གནོན།]
སེམས་དེ་ནི། །རྡོ་རྗེ་དེ་བཞིན་གཤེགས་པར་གསལ། །ཉོན་མོངས་པ་ཉིད་དེ་བཞིན་གཤེགས། །ངོ་བོ་ཡིན་པར་གསལ་པོར་གསུངས། །ཆོས་ཀུན་རང་བཞིན་དག་པའི་ཕྱིར། །འཁོར་བ་ཡོངས་སུ་དག་པར་འགྱུར། །ཐབས་དང་ཤེས་རབ་ལྡན་པ་ལ། །ཉོན་མོངས་ཐམས་ཅད་བྱང་ཆུབ་རྒྱུ། །འཁོར་བའི་རང་བཞིན་བདག་མེད་པས། །དེ་ཕྱིར་དེ་བཞིན་གཤེགས་བསམ་ཡས། །ཐབས་དང་ཤེས་རབ་ལྡན་གྱུར་པས། །ཕྱིན་ཅི་ལོག་ཉིད་བྱང་ཆུབ་ལམ། །འཁོར་བའི་རང་བཞིན་མི་དམིགས་ཕྱིར། །མྱ་ངན་འདས་པ་ཡོད་མ་ཡིན། །གསང་སྔགས་བླ་ན་མེད་པ་ཡི། །ཐབས་ཀྱིས་ཇི་ལྟར་ཟིན་བཞིན་འགྲུབ། །བསམ་གྱིས་མི་ཁྱབ་ངེས་པ་མེད། །དོན་དམ་ཅིར་ཡང་མ་གྲུབ་ལ། །སྒྱུ་མའི་སྤྲུལ་པ་བསམ་མི་ཁྱབ། །ཐབས་ཆེན་དག་གིས་ཟིན་པ་ནི། །ཉོན་མོངས་ལམ་ཡང་རྣམ་པར་གྲོལ། །ཐབས་ཆེན་དག་གིས་མ་ཟིན་ན། །དགེ་བ་སྤྱད་ཀྱང་གྲོལ་མི་འགྱུར། །རྣལ་འབྱོར་དོན་དམ་ལྡན་པ་ཡིས། །ཉོན་མོངས་འཆིང་བའི་ཆོས་སྤྱད་ཀྱང་། །རྣམ་པར་གྲོལ་བར་འགྱུར་བ་ཡིན། །འཁོར་བ་དང་ནི་མྱ་ངན་འདས། །གཉི་ག་ཡོད་པ་མ་ཡིན་པས། །འཁོར་བ་ཡོངས་སུ་ཤེས་པས་ན། །དེ་ནི་མྱ་ངན་འདས་པའི་མཐའ། །ཉོན་མོངས་ཕྱིན་ཅི་ལོག་རྣམས་དག །ཐབས་ལ་མཁས་པས་ཟིན་འགྱུར་ཡང་། །གྲོལ་ལ་ཐར་པར་མི་འགྱུར་ན། །བྱང་ཆུབ་སེམས་དཔའ་རྣམས་ཀྱིས་ནི། །འདུལ་བའི་དབང་གིས་བྱ་བྱེད་ཀུན། །རྔོན་དང་སྨད་འཚོང་སྟོན་པའང་ལྟུང་། །བྱང་ཆུབ་སེམས་དཔའི་སྤྱོད་ཚུལ་བཟང་། །ཕལ་ལ་མེད་པས་མི་རུང་ན། །སྔགས་མཆོག་ཤིན་ཏུ་ཟབ་པ་ཡི། །སྐྱེ་བོ་ཀུན་གྱིས་བྱ་བར་འབྱུང་། །བདུད་རྩི་དང་དུ་བླང་བར་གསུངས། །མཉམ་དང་མི་མཉམ་དབྱེར་མེད་ན། །སྐུ་གསུང་རྡོ་རྗེ་དབང་ཐོབ་འགྱུར། །གྲུབ་པའི་རྫས་སུ་དེ་ཕྱིར་གསུངས། །ཤེས་རབ་མཉམ་པ་མ་རྟོགས་ན། །བྱོལ་སོང་ལ་ལ་ཆོས་དང་ལྡན་འགྱུར་ཡང་། །དྲང་སྲོང་འཚོ་དང་རྟག་མཐུན་དང་། །ཇི་སྲིད་འཚོ་ཡི་བར་དུ་འདོད་པ་སྤོང་བྱེད་པ། །དེ་དག་གྲོལ་བར་ངས་མ་བཤད། །ཆོས་རྣམས་ཐམས་ཅད་ཡོངས་སུ་ ― DNG011_Page_0434 ―
[མ་དཔེ་གཟིགས་ན་འདིར་གནོན།]
དག་པ་ཡི། །རྣམ་བཞི་ཚུལ་གྱིས་དོན་རྟོགས་མངོན། །རྒྱུ་རྣམས་རང་བཞིན་དག་པ་དང་། །འབྲས་བུ་ཡོངས་སུ་དག་འགྱུར་ཏེ། །རྒྱུ་ཡི་མཚན་ཉིད་རྣམ་པར་དག །ཕྱི་རོལ་ཆེན་པོ་ལྔ་རྣམས་ཏེ། །སེམས་ཉིད་གཟུང་འཛིན་གཉིས་སྣང་བ། །གཟུང་བའི་ཡུལ་ཉིད་འབྱུང་བ་ཆེ། །རྒྱུད་ཉིད་རང་གི་སེམས་ཡིན་པས། །འབྱུང་བ་ཆེན་པོ་རྒྱུ་ལས་དག །འབྲས་བུ་ཡོངས་སུ་དག་པ་ནི། །སེམས་ཅན་ཀུན་གྱི་རུས་པ་སྟེ། །རྡོ་རྗེ་བྱང་ཆུབ་སེམས་ཡིན་ཏེ། །ཤ་ནི་པདྨ་རཀྟ་ཡིན། །དྲི་ཆེན་དྲི་ཆུ་གུར་གུམ་ཆུ། །སོ་སོའི་ལུས་ལ་གནས་པས་དག །དོན་དམ་དམིགས་མེད་དག་པས་ནི། །ཕྱི་ནང་ཆོས་རྣམས་ཐམས་ཅད་ཀྱང་། །གང་གི་ངོ་བོ་མ་ཡིན་ཏེ། །སྐྱེ་འགག་མེད་པས་ཡེ་ནས་དག །ཀུན་རྫོབ་ཡེ་ནས་དག་པ་ནི། །སྒྱུ་མའི་རང་བཞིན་ཐམས་ཅད་སྣང་། །ཆུ་ཟླའི་ཚུལ་དུ་མི་དམིགས་གནས། །མི་དམིགས་པ་ཉིད་སྣ་ཚོགས་སྣང་། །དེ་བཞིན་གཤེགས་པར་ཡེ་ནས་མཉམ། །དེ་བས་གཙང་སྨེ་མེད་པར་སྤྱོད། །སེམས་ཅན་རྟོག་པ་བཟློག་ཕྱིར་སྨན། །གཙོ་རུ་དང་དུ་བླང་བར་བྱ། །དེ་བས་སེམས་ཅན་ཕྱིན་ཅི་ལོག །ཆོས་རྣམས་ཐམས་ཅད་དག་པར་མ་ཤེས་ཏེ། །ཐབས་དང་ཤེས་རབ་དོན་མ་རྟོགས། །ཁ་ཅིག་གིས་ནི་འཚོ་བའི་བར་དུ་ཟོས། །ཁ་ཅིག་གིས་ནི་དྲང་སྲོང་ཇི་བཞིན་དུ། །ཤ་སྤངས་རྩྭ་དང་ཆུ་ལ་ཟོས། །ཟོས་ཀྱང་མ་གྲུབ་དོན་མ་རྟོགས། །རྣལ་འབྱོར་ཐབས་ལྡན་རྣམས་ཀྱིས་ནི། །རང་བཞིན་ཡོངས་ཀྱིས་དག་པའི་ཕྱིར། །མཉམ་པའི་དབྱིངས་ཀྱིས་རབ་རྟོགས་པས། །ཐབས་དང་ཤེས་རབ་འདྲེལ་པ་ཡི། །ཐེ་ཚོམ་མེད་པར་འགྲུབ་པར་འགྱུར། །དངོས་དང་དངོས་མེད་རྟོགས་པ་མཚན། །གཙང་དང་མི་གཙང་རྟོགས་པ་མཚན། །མཚན་མ་ཉིད་ཀྱང་རྣམ་སྤངས་ཏེ། །མཁྱེན་པས་དབུལ་ལ་གནས་མི་འགྱུར། །བསྒྲུབ་པའི་རྫས་སུ་ཡང་དག་གསུངས། །བྱང་ཆུབ་སེམས་དང་ཤ་ཆེན་དང་། །དྲི་ཆེན་དྲི་ཆུ་རཀྟ་དག །སྒྲུབ་པ་པོས་ནི་ནན་ཏན་བྱ། །དངོས་གྲུབ་ཡ་མཚན་ཆེན་པོ་འགྲུབ། །ཚེ་ལ་དབང་དང་རིག་པ་འཛིན། ། ― DNG011_Page_0435 ―
[མ་དཔེ་གཟིགས་ན་འདིར་གནོན།]
མཁའ་ལ་འཕྱོ་དང་ཐོགས་མེད་འགྲུབ། །མཐར་ནི་སྐྱེ་མེད་རྡོ་རྗེ་ཡིས། །གཞན་ཡང་ཇི་ལྟར་དམིགས་པ་བཞིན། །འགྲུབ་འགྱུར་འདི་ལ་ཐེ་ཚོམ་མེད། །གསང་བའི་སྙིང་པོའི་དོན་ཉིད་ཀྱིས། །ཡི་དམ་མི་སྤང་རྟག་བསྒོམ་ཞིང་། །ཡེ་ནས་ལྷ་ཡི་མཚན་ཉིད་ནི། །དུས་གསུམ་གཤེགས་པ་ཐམས་ཅད་ཀྱི། །ལྷ་སྤངས་དགེ་སྤྱད་དོན་མེད་འགྱུར། །ལྷ་ནི་མི་སྤང་དོན་ཉིད་ནི། །ལྷུན་གྲུབ་ཡེ་ཤེས་ཐམས་ཅད་ཀྱི། །བདག་དང་གཉིས་མེད་སོ་སོ་མ་ཡིན་པའི། །དུས་གསུམ་བདེར་གཤེགས་དཀྱིལ་འཁོར་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་བདག་པོ་སྟེ། །ཡོངས་སུ་རྫོགས་པར་བསྒོམ་པའི་དོན། །དཀོན་མཆོག་གསུམ་སྤངས་ཚངས་པར་སྤྱད་པའི་དོན་མེད་འགྱུར། །བདག་ཉིད་ལྷ་དང་མཉམ་སྦྱོར་ན། །ཡོན་ཏན་ཆུང་ཡང་འགྲུབ་པར་འགྱུར། །ཡེ་ནས་མཉམ་ཉིད་སྦྱོར་ནས་སུ། །ལྷ་ཉིད་དུ་ནི་རྟག་ཏུ་བསྒོམ། །བདེར་གཤེགས་ཀུན་དང་མཉམ་པར་འགྱུར། །སྐུ་གསུང་ཡེ་ཤེས་ལྔ་རྫོགས་གྲུབ། །རྡོ་རྗེ་སློབ་དཔོན་སྨད་མི་བྱ། །བྱང་ཆུབ་སྟོན་པ་འདྲེན་པ་པོ། །ལོང་བ་དམིགས་བུ་འདྲེན་དང་འདྲ། །ཉོན་མོངས་སྡུག་བསྔལ་མཚོ་སྐེམས་ཡིན། །སློབ་དཔོན་དེ་ལ་སྨོད་པ་ནི། །དཔེར་ན་མུན་ཁུང་སྒྲོན་བསད་ན། །མཐོང་བའི་དོན་ནི་མི་རྟོགས་བཞིན། །སྡུག་བསྔལ་ཉམ་ཐག་ཡུན་རིངས་སུ། །བསྐལ་པ་མང་པོར་མྱོང་བར་མངོན། །དེ་བས་དེ་ལ་གུས་པ་རྟག་ཏུ་གྱིས། །ལུས་ལ་དབང་བའི་རྒྱལ་པོ་བས། །ཤིན་ཏུ་གཙོ་བོར་བླང་བར་བྱ། །དྲིན་ཆགས་བསྐྱེད་པའི་ཕ་མ་བས། །ཤིན་ཏུ་ལྷག་པའི་རི་མོ་བྱ། །རྡོ་རྗེ་མཆེད་དང་ལྕམ་དྲལ་ནི། །བླ་མེད་བྱང་ཆུབ་ཞིང་འགྲོ་བའི། །ཆོས་ཉིད་དམ་ཚིག་སྨོན་ལམ་མཐུས། །བྱང་ཆུབ་རིན་ཆེན་སར་ངེས་པས། །དེ་ལ་ལྡོག་ཅིང་འཁུ་བ་ནི། །རང་ལ་རང་གིས་མཚོན་བཏབ་ན། །རང་སྲོག་ཚེ་རབས་ལྔ་བརྒྱའི་བར། །རང་གིས་སྲོག་གཅོད་ཕུང་བར་འགྱུར། །ཚེ་འདི་མི་བདེ་སྣ་ཚོགས་པ། །མི་བདེ་བཞིན་དུ་འབྱུང་བར་འགྱུར། །འཇིག་རྟེན་ཕ་རོལ་དག་ཏུ་ཡང་། །ངན་སོང་གསུམ་དང་མི་ཁོམ་པའི། །སྡུག་བསྔལ་ཁ་ ― DNG011_Page_0436 ―
[མ་དཔེ་གཟིགས་ན་འདིར་གནོན།]
བརྒྱུད་མྱོང་བར་འགྱུར། །ཡུན་རིང་རྟག་ཏུ་མི་ཐར་བའི། །ཤིན་ཏུ་ཉམ་ཐག་མྱོང་བར་འགྱུར། །གྲུབ་པ་གཅིག་བཞིན་ལྷན་ཅིག་སྤྱོད། །གཉིས་མེད་དད་པས་རྗེས་སྤྱོད་སྤུན། །བདེར་གཤེགས་དཀྱིལ་འཁོར་བླ་མེད་ཡིན། །ཤེས་རབ་གསལ་བས་རྟག་ཏུ་གདུང་། །ཞེས་གསུངས། གསང་བ་གཞན་ལ་མི་བསྒྲགས་ཤིང་། །སྐུ་གསུང་ཐུགས་ཀྱི་དམ་ཚིག་རྣམས། །རྣལ་འབྱོར་མཉམ་པ་རྣམ་གཉིས་ཀྱིས། །ཐབས་དང་ཤེས་རབ་འདྲེལ་རྟོགས་ནས། །མཉམ་པའི་སྤྱོད་པས་ལ་དོར་ཏེ། །ཕུལ་དང་མི་འདྲ་ཡང་དག་རྟོགས། །མ་རྟོགས་པ་ཡི་ཕྱོགས་རྣམས་དང་། །སྐྱེ་བོ་ཀུན་ལ་རབ་ཏུ་གསང་། །གསང་བའི་བརྡ་ངག་སྣ་ཚོགས་གསུངས། །ཐབས་ལ་མཁས་པས་བྱས་པ་ཡིན། །གསང་སྔགས་སྐྱོན་ཡོད་མ་ཡིན་ཏེ། །ཐུགས་རྗེ་ཆེན་པོ་ཐབས་མཁས་ཀྱིས། །སྣོད་མ་ཡིན་དང་བློ་རྟུལ་རྣམས། །ལས་འཕྲོ་ངན་པའི་དོན་ཕྱིར་གསང་། །བརྒྱ་ལ་གང་ཞིག་གསང་དོན་འདི། །ལས་འཕྲོ་ངན་ལ་བསྒྲགས་འགྱུར་ན། །དཔེར་ན་གཙུབ་ཤིང་མེས་གཙུབས་ནས། །གཙུབ་ཤིང་ཉིད་ཀྱང་འཚིག་པར་སྣང་། །གཞན་ཡང་ཚིག་པར་གྱུར་པ་བཞིན། །ཆོས་དོན་བཟང་པོ་མེ་དང་འདྲ། །སྐལ་བ་ཆུང་ཞིང་ཤེས་རབ་དམན། །བློ་ངན་རྒྱུ་འབྲས་རྨོངས་པ་རྣམས། །མཉམ་པ་ཉིད་ལ་སྐུར་འདེབས་པས། །ངན་སོང་གསུམ་དུ་འཕངས་པར་འགྱུར། །གསང་དོན་མ་རྟོགས་སྡུག་བསྔལ་མྱོང་འགྱུར་ན། །གསང་བ་འཕེལ་བར་བྱེད་པ་ཡང་། །སྨྲ་བྱེད་ལྕེ་ལ་ཞིང་རྨོ་ཞིང་། །སྡུག་བསྔལ་ཆེན་པོ་མྱོང་བར་འགྱུར། །དེ་ཕྱིར་སེམས་ཅན་དོན་ཕྱིར་གསང་། །རླུང་ཕྱོགས་ཙམ་དུའང་བརྗོད་མི་བྱ། །སྔགས་དང་ཕྱག་རྒྱ་རྒྱུན་མི་གཅད། །སྔགས་ཞེས་རབ་ཏུ་བསྒྲགས་པ་ནི། །དོན་དམ་ཀུན་རྫོབ་དབྱེར་མེད་པའི། །མཉམ་པ་ཆེན་པོའི་དཀྱིལ་འཁོར་ཆེན་པོ་རུ། །སྐུ་གསུང་ཐུགས་ཀྱི་ཡི་གེ་ཨོཾ། །དེ་ལ་སོགས་པ་བཞི་བཅུ་གཉིས། །ཕྱག་རྒྱ་ཆེན་པོའི་མཚན་ཉིད་ནི། །ཕྱོགས་བཅུ་དུས་བཞི་གཤེགས་པ་ཡི། །སྐུ་གསུང་ཐུགས་དང་ཡེ་ཤེས་ལྔ། །བདག་དང་དབྱེར་མེད་ཕྱག་རྒྱ་ ― DNG011_Page_0437 ―
[མ་དཔེ་གཟིགས་ན་འདིར་གནོན།]
ཆེ། །གསལ་ལ་བརྩོན་པའི་ཡོན་ཏན་ལྡན། །ཡིད་བཞིན་མ་ཆགས་དབང་བསྐུར་ཏེ། །གོམས་ཤིང་བརྟན་པར་བྱ་བ་ཡིན། །དེ་བས་བར་ཆད་བརྩོན་མེད་ན། །དཔེར་ན་ས་བོན་ཚིག་པ་ལས། །འབྲས་བུ་འདོད་པ་དང་འདྲ་སྟེ། །བསྒྲུབ་པ་འབྲས་བུ་མེད་པར་འགྱུར། །མི་ཁོམ་འཁོར་བར་གནས་འགྱུར་ཏེ། །རྣལ་འབྱོར་ཆེན་པོ་ལ་ཞུགས་པས། །ཕྱི་ནང་ཆོས་རྣམས་ཐམས་ཅད་ལ། །དམིགས་མེད་གཅིག་དང་དུ་མར་བྲལ། །མཐའ་དབུས་གང་ཡང་མ་ཡིན་པའི། །ངོ་བོ་ཉིད་མེད་མཚན་ཉིད་མེད། །མཉམ་པའི་ཕྱག་རྒྱ་ཆེན་པོ་ཡིས། །ཕྱོགས་བཅུ་དུས་བཞི་ཐམས་ཅད་དང་། །འཇིག་རྟེན་འདས་དང་འཇིག་རྟེན་པའི། །ཡོན་ཏན་སྐྱོན་རྣམས་སྐྱེ་འགག་མེད། །གང་གི་ངོ་བོར་མ་གྲུབ་མཉམ། །ཀུན་རྫོབ་ཆོས་རྣམས་སྐྱེ་འགག་མེད། །མི་དམིགས་གང་གི་ངོ་བོ་མིན། །ཆུ་ཟླའི་ཚུལ་དུ་སྣ་ཚོགས་པར། །སྣང་ཞིང་བྱ་བ་བྱེད་ནུས་པའི། །ཕྱག་རྒྱ་ཆེན་པོའི་ཕྱོགས་བཅུ་དང་། །དུས་གསུམ་ཁམས་གསུམ་ཐམས་ཅད་དང་། །འཇིག་རྟེན་པ་དང་འཇིག་རྟེན་འདས། །ཡོན་ཏན་སྐྱོན་རྣམས་ཐམས་ཅད་དང་། །སྒྱུ་མར་མཉམ་པར་ཡེ་ནས་གནས། །སྔགས་འཆང་རྒྱལ་པོར་རྟོགས་བྱས་ནས། །བདག་ཉིད་ཆོས་ཉིད་སྐྱེ་འགག་མེད། །ངང་ལས་མ་གཡོས་པར་གནས་ན། །ཕྱག་རྒྱ་ཆེན་པོ་ཐམས་ཅད་ཀྱང་། །རྫོགས་པར་ཕྱོགས་བཅུ་དུས་གསུམ་གྱི། །དེ་བཞིན་གཤེགས་པའི་སྐུ་གསུང་ཐུགས། །ཐམས་ཅད་དབྱེར་མེད་ཡེ་མཉམ་ལ། །མ་འདྲེས་རྒྱ་ཡོངས་མ་ཆད་པའི། །གཞལ་ཡས་ཁང་དང་ཉི་ཟླ་ཡི། །དཀྱིལ་འཁོར་བསམ་ཡས་ལྷུན་གྲུབ་ནི། །སྐུ་གསུང་ཐུགས་ཀྱི་ཡོན་ཏན་བསམ་མི་ཁྱབ། །མཉམ་པའི་དབྱིངས་ཆེན་རྫོགས་པར་བསྒོམ། །དེ་ལྟར་དམ་ཚིག་འདི་གསུམ་སྟེ། །དེ་ལ་གནས་ན་འགྲུབ་པར་འགྱུར། །ཡན་ལག་མ་ཉམས་སྔགས་བཟླས་ཤིང་། །འདོད་པ་ཀུན་ལ་ལོངས་སྤྱོད་བྱ། །ལུས་དང་ངག་སེམས་བརྟན་འགྱུར་ན། །བྱང་ཆུབ་རབ་འབྱམ་ཐོབ་པར་འགྱུར། །དམ་ཚིག་ཆེན་པོ་ལས་འདས་ན། །ཉེན་ནི་ཤིན་ཏུ་ཆེ་བར་གསུངས། །སངས་རྒྱས་བྱང་ཆུབ་སེམས་དཔའ་དང་། ། ― DNG011_Page_0438 ―
[མ་དཔེ་གཟིགས་ན་འདིར་གནོན།]
སྔགས་ཀྱི་སྤྱོད་པ་དོན་བསྒྲུབ་པ། །རྨོངས་པས་གལ་ཏེ་འདས་བྱས་ན། །དེ་མི་སྲོག་ཀྱང་དེར་ཟད་འགྱུར། །དམ་ཚིག་བསྲུངས་དང་སྔགས་བཟླས་དང་། །ཕྱག་རྒྱ་རྒྱུན་མི་གཅད་པ་བཞི། །བརྩོན་འགྲུས་ཆེ་ཞིང་བརྟན་པས་གཟུང་། །རྣལ་འབྱོར་བརྩོན་འགྲུས་ཆུང་འགྱུར་ན། །མི་འགྲུབ་ཉེན་ཡང་ཆེ་བར་གསུངས། །ཇི་ལྟར་རལ་གྱི་སོ་ལ་ནན་ཏན་དུ། །སྐྱེས་བུས་མྱུར་དུ་མ་བཟུང་ན། །ལག་པ་ངེས་པར་ཆོད་པར་འགྱུར། །དེ་བཞིན་ནན་ཏན་མེད་པའི་གསང་སྔགས་པ། །འཆི་འམ་ཡང་ན་འབྲས་བུ་མེད་པར་འགྱུར། །རྣལ་འབྱོར་དམ་པ་རྣམས་ཀྱིས་ནི། །སྔགས་ཀྱི་ཡན་ལག་མ་ཉམས་གསལ། །དོན་དམ་མ་ཉམས་དག་བྱས་ཤིང་། །བརྩོན་འགྲུས་ཆེར་བསྐྱེད་མྱུར་བར་འགྲུབ། །སྔགས་བསྒོམ་མ་ཉམས་ཕྱག་རྒྱ་གསལ། །ཆོ་ག་ཡོ་བྱད་གཙོར་མ་གསུངས། །ཚོགས་ན་ཡང་ནི་ཉེས་པ་མེད། །མ་ཚོགས་ན་ཡང་ཉེས་པ་མེད། །མ་ཚོགས་ན་ཡང་འགྲུབ་པར་འགྱུར། །བདག་ཉིད་རང་གི་ལྷར་སྦྱོར་བས། །དངོས་གྲུབ་ཐམས་ཅད་འགྲུབ་པར་འགྱུར། །ཆོ་ག་ལྷག་གམ་མ་ཚང་ནའང་། །འགྲུབ་པར་འགྱུར་ཏེ་ཉེས་སྐྱོན་མེད། །དམ་ཚིག་གསུམ་བརྒྱ་བརྩ་བ་བཅོ་ལྔ་མདོ་བཤད་པའི་ལེའུ་སྟེ་དྲུག་ཅུ་རྦརྒྱད་པའོ། དེ་ནས་དེ་བཞིན་གཤེགས་པ་དགྱེས་པ་ཆེན་པོས་བཞུགས་གནས་དང་། སྤྱོད་ལམ་དང་། ལྟ་སྟངས་བསྟན་པ། ཐེག་པ་ཆེན་པོ་ལྷུན་གྲུབ་དོན་འདོད་ན། །རྒྱ་ཆེན་ཟབ་ཡངས་ཤེས་རབ་མྱུར། །ཟབ་པའི་དོན་རྟོགས་མི་ལྡོག་བདེ། །ང་དང་བདག་མེད་ཡངས་པ་བདེ། །གནས་སུ་ཆོས་དབྱིངས་གཉིས་མེད་བསྟན། །ཐབས་ཆེན་ཀུན་མཛད་འོད་གསལ་བྱམས། །ཐམས་ཅད་དགྱེས་མཛད་དབྱིངས་མ་གཏུམ། །ཆེ་ཆུང་བྱང་ཆུབ་སེམས་དཔའི་འཁོར། །གཡོག་འཁོར་ལྷ་སྲིན་སྡེ་མང་གཙོ། །བདག་གི་མཚན་གཟུགས་ཤིན་ཏུ་སྤགས། །ཆོས་དབྱིངས་མཁའ་དཀྱིལ་ཡངས་པ་ལ། །ཤེས་རབ་མྱུར་དུ་དོན་འགྲོ་བ། །འགྲོ་མེད་འོང་མེད་མི་གནས་པ། །བྱང་ཆུབ་སེམས་མཆོག་ཨ་རེ་ ― DNG011_Page_0439 ―
[མ་དཔེ་གཟིགས་ན་འདིར་གནོན།]
བདེ། །ཤེས་རབ་ཟད་མེད་དཀྱིལ་འཁོར་ལ། །ཐུགས་རྗེ་རོལ་པའི་ཡེ་ཤེས་འཕྱོ། །གཉིས་མེད་དབྱིངས་སྦྱོར་ཨ་རེ་བདེ། །མ་རིག་འཁྲུལ་པའི་འདམ་དབྱིངས་སུ། །ཡེ་ཤེས་སྒྲོན་མའི་མདའ་འཕངས་ནས། །གཏི་མུག་མུན་པ་རྣམ་བསལ་ཏེ། །རང་བཞིན་འོད་གསལ་བདེ་བའི་མཆོག །དགེ་དང་མི་དགེ་གཉིས་སུ་མེད། །རྣམ་རྟོག་མཚན་མ་ཡོང་མི་འཛིན། །རང་བཞིན་ཡེ་ནས་འོད་གསལ་བའི། །དགེ་སྡིག་མེད་པས་ཤིན་ཏུ་བདེ། །བདེ་དང་མི་བདེ་གཉིས་མེད་པས། །ཡེ་ཤེས་ཆགས་མེད་རྣམ་པར་དག །ཐམས་ཅད་དབྱེར་མེད་ཡེ་ཤེས་ཡིན། །སེམས་ཉིད་དང་བས་ཨ་རེ་བདེ། །རྒྱན་དུ་དཀྱིལ་འཁོར་ཐམས་ཅད་མཛེས། །ཡེ་ཤེས་རྒྱུ་ལས་གྲུབ་པ་ཡི། །ཕྱི་ནང་སྒྲིབ་མེད་གསལ་བའི་ངང་། །ཡེ་ཤེས་བློ་བརྟན་ཤིན་ཏུ་བདེ། །ལོངས་སྤྱོད་ལྔ་ལྡན་ཐམས་ཅད་ལ། །གཙང་དང་སྨེ་བའི་བློ་མི་འཛིན། །ཐམས་ཅད་ཆོས་ཉིད་རོ་གཅིག་པས། །གཉིས་མེད་པས་ནི་ཤིན་ཏུ་བདེ། །ཤེས་རབ་ཆུང་ཆེན་ཏིང་འཛིན་གྱིས། །ཐམས་ཅད་མ་ནོར་གཞུང་ལུགས་བཞིན། །འཁོར་བ་མ་སྤངས་སྡུག་བསྔལ་མེད། །གཉིས་མེད་ཚིམ་པས་ཨ་རེ་བདེ། །ཐམས་ཅད་མ་ལུས་གཅིག་པའི་ངང་། །ལྟ་དང་ལྟ་བ་གཉི་ག་མེད། །ཡེ་ཤེས་སྒྲོན་མ་བསྒྲེང་བར་ནི། །ཕྱོགས་བཅུའི་ཞིང་ཁམས་ཐམས་ཅད་མཐོང་། །འདི་དང་ཕ་རོལ་གཉིས་མེད་ཕྱིར། །འགྲོ་དང་འགྲོ་བར་བྱ་བ་མིན། །ཡན་ལག་སྟབས་ཆེན་མ་མཆོངས་པར། །ཕྱོགས་བཅུ་སྟོང་ཁམས་ཐམས་ཅད་ན། །ཐུབ་མཆོག་སྟོན་པའི་སྤྱོད་ཡུལ་ནི། །ཇི་ལྟར་དམིགས་པ་བཞིན་དུ་འགྲུབ། །ཆོས་རྣམས་ཐམས་ཅད་དམིགས་སུ་མེད། །ཆོས་ཉིད་སྒྱུ་མ་ཅིར་ཡང་འགྲུབ། །ཟག་མེད་ཟབ་པས་དོན་བརྟགས་ན། །དག་པར་མ་གྱུར་གང་ཡང་མེད། །ཡེ་ཤེས་མ་བཅོས་ཀུན་དུ་གསལ། །རང་བཞིན་རྣམ་པར་དག་པའོ། །ཡེ་ནས་དེ་ལྟར་གནས་མོད་ཀྱང་། །མ་རིག་རྨོངས་པའི་ལིང་ཏོག་གིས། །གསལ་བའི་སྒྲོན་མ་བསྒྲིབས་གྱུར་ཏེ། །ཁམས་གསུམ་མུན་ནག་རྒྱུན་དུ་འཁོར། །རྣམ་རྟོག་མཚན་མར་འཛིན་པ་ཡིས། །ལུས་དང་ལོངས་སྤྱོད་གནས་དང་ནི། ། ― DNG011_Page_0440 ―
[མ་དཔེ་གཟིགས་ན་འདིར་གནོན།]
བདེ་དང་སྡུག་བསྔལ་སྣ་ཚོགས་མྱོང་། །དེ་ལ་སུ་ཞིག་བྱེད་པ་ཡོད། །ཡང་དག་མཐུ་ཆེན་སུས་མ་བྱས། །རང་ལ་རང་གིས་བཅིངས་པར་ཟད། །ཐམས་ཅད་མ་ལུས་ཆོས་སོ་ཅོག །སྙིང་པོ་ཡོད་པ་མ་ཡིན་ཏེ། །སྒྱུ་མ་མིག་ཡོར་སྤྲུལ་པ་དང་། །སྨིག་རྒྱུ་འཇའ་ཚོན་ཆུ་ཟླའི་ཚུལ། །དེ་ལྟར་གང་གིས་རབ་རྟོགས་པ། །དེ་ཉིད་སངས་རྒྱས་ཡིན་པར་བཤད། །སངས་རྒྱས་ས་ལ་གནས་པ་ཡིན། །སྐྱེ་མེད་ཕུན་སུམ་ཚོགས་ཡིན་ཏེ། །བྱེད་མེད་པ་ཡི་མཆོག་ཀྱང་རྫོགས། །ཞེས་ཉིད་ལ་ཉིད་བརྗོད་དོ། །སྒྱུ་འཕྲུལ་དྲ་བ་ལས་བཞུགས་གནས་ཁང་པ་བསྟན་པའི་ལེའུ་སྟེ་དྲུག་ཅུ་བརྒྱད་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས་མི་འཆི་བའི་རྡོ་རྗེ་བསྒྲུབ་པ་འདི་གསུངས་སོ། །རྡོ་རྗེ་ཞིང་ཆེན་བསྒྲུབ་འདོད་པས། །ཐམས་ཅད་སྐྱེ་ཤི་མེད་པའི་ཚུལ། །མཉམ་ཉིད་དག་པ་ཉིད་དུ་བསྒོམ། །ཁྲོ་བོ་བདུད་རྩི་འཁྱིལ་པ་ཡི། །ཛ༔ཧཱུྃ་བྃ་ཧོས་དགུག་པར་བྱ། །བདག་དང་ཁྲོ་བོ་གཉིས་མེད་པར། །ཡང་ནས་ཡང་དུ་བསྒྲུབ་པར་བྱ། །སྐུ་རྣམས་གསལ་བར་གྱུར་པ་དང་། །ཞིང་ཆེན་འོག་ཏུ་གཞུག་པར་བྱ། །དཀྱིལ་འཁོར་མ་ལུས་དེར་བཀོད་ནས། །ཁྲོ་བོ་ཁྲོ་མོའི་དཀྱིལ་འཁོར་བསྒོམ། །མངག་པའི་ཕོ་ཉ་ཕྱོགས་བཅུར་གཏོང་། །ཐམས་ཅད་མ་ལུས་དབང་དུ་སྡུད། །བསྒྲུབ་པ་གཅིག་གམ་ཡང་ན་གཉིས། །གསུམ་དང་ལྔ་རུ་བསྒོམ་པར་བྱ། །ཕོ་ཉ་མང་པོས་ནྲྀ་བཀུག་ནས། །ཞིང་ལ་ཡང་ནས་ཡང་དུ་གཞུག །སྣར་དང་སེར་དང་མདོག་སྣུམ་འབྱུང་། །དེ་ནས་བདུད་རྩིའི་ཏིང་འཛིན་གྱིས། །ལན་གྲངས་འབུམ་ཕྲག་མང་པོར་ནི། །བཟླས་པའི་ཚུལ་ཡང་རྣམ་གསུམ་དག །རྡོ་རྗེ་སྔགས་བཟླས་རྩེ་མོ་གསུམ། །དེ་ཡི་བར་ནས་བཟླས་པ་འབྱུང་། །འོད་ཟེར་ལྔ་དང་ལྡན་པར་བྱ། །ཞིང་དེ་ལྡེམ་ལྡེམ་པོར་གྱུར་དང་། །བདུད་རྩི་ལྔ་ཡིས་བསྐུལ་བར་བྱ། །དེ་ནས་ཡི་གེ་འབྲུ་ལྔ་དགོད། །གསལ་ཞིང་འཚེར་བར་བསྒོམ་པར་བྱ། །དབང་པོ་ལྔ་དང་དབང་པོའི་ཚུལ། །ཡན་ལག་ལྔ་ལ་རིགས་ལྔའི་ཚུལ། །རྡོ་རྗེ་ཏིང་འཛིན་དེ་ཡིས་བསྒོམ། །དེ་ནས་ཞིང་དེ་འགུལ་འགྱུར་ནས། །ཞིང་དེ་དྲག་ཏུ་འགུལ་བ་དང་། །ཤིན་ ― DNG011_Page_0441 ―
[མ་དཔེ་གཟིགས་ན་འདིར་གནོན།]
ཏུ་ཞགས་པས་བསྡམ་པར་བྱ། །ཡན་ལག་རྣམས་ཀྱང་གཞུམ་པར་བྱ། །ཕྱོགས་བཞི་དག་ཏུ་ཐོད་པ་བསྟན། །ཧ་ཡ་གྲཱི་བའི་སྐུར་བསྒོམས་ཤིང་། །སྔགས་ནི་འབུམ་ཕྲག་མང་དུ་བཟླས། །ཕྱོགས་བཅུར་སྤྲོ་ཞིང་ཞིང་ལ་བསྡིམ། །དེ་ནས་ཞིང་དེ་དྲག་འགུལ་ནས། །རྡོ་རྗེ་ཏིང་འཛིན་དེ་ཡིས་ནི། །བརྟན་པ་ཉིད་དུ་བསྒོམ་པར་བྱ། །དེ་ནས་པར་པར་བྱེད་པ་དང་། །ཨ་ནྲྀ་པྲི་དུ་གང་ཡིན་པ། །རྡོ་རྗེ་དྲག་ཏུ་བརྡེག་ཅིང་དབབ། །ཐོད་པའི་ཁ་ནས་ནྲྀ་ཕྱུང་ནས། །རྡོ་རྗེ་ཏིང་འཛིན་སོ་ཡིས་གཅད། །རྡོ་རྗེ་སྔགས་ཟོས་ཁོང་དུ་བསྡིམ། །གཉིས་སུ་མེད་པར་བསྒོམ་པར་བྱ། །དེ་ནས་ཞིང་དེ་ལངས་པ་དང་། །རྡོ་རྗེ་དབྱིངས་ནས་དབང་ཡང་བསྐུར། །བདུད་རྩི་ཆུ་ཡང་བླུད་པར་བྱ། །ལས་རྣམས་ཐམས་ཅད་བྱེད་དུ་གཞུག །ཞིང་དེས་རབ་ཏུ་སྨྲས་པའི་ཚིག །དཔའ་བོ་ཅི་བགྱི་མི་རྒས་སྐྱེ་མེད་ཆོས་རྣམས་དང་། །ལས་རྣམས་མ་ལུས་ཀུན་བགྱིད་དོ། །དེ་ལྟར་བསྒྲུབ་པའི་རིགས་མཆོག་གིས། །ཐལ་བ་ཐམས་ཅད་སོས་པར་འགྱུར། །བསྒྲུབ་པའི་ས་ནི་དུར་ཁྲོད་དང་། །རི་བྲག་གཉན་པོ་བགེགས་གནས་དང་། །ནགས་ཁྲོད་སྟོང་པ་ཚེར་མ་ཅན། །རི་བོས་བསྐོར་བའི་ལྕུག་མ་ཅན། །རབ་ཏུ་རྣམ་པར་དབེན་པ་དང་། །གནོད་སྦྱིན་སྲིན་པོ་འབྱུང་བའི་གནས། །དེ་དག་ཏུ་ནི་བསྒྲུབ་པར་བྱ། །དགུ་དང་བཅུ་གཉིས་བཅུ་གསུམ་དང་། །བཅུ་དྲུག་མན་ཆད་བསྒྲུབ་པར་བྱ། །ཐེ་ཚོམ་མེད་པར་འགྲུབ་པར་འགྱུར། །ཕྱི་ནང་འཚོ་བའི་ཡོ་བྱད་རྣམས། །ལམ་ལྔའི་ཞིང་དང་སྨན་ལྔར་བཅས། །འབྲུ་རྣམས་ཐམས་ཅད་བཅང་བར་བྱ། །རྟག་ཏུ་ཚོགས་ཆེན་མཆོད་པར་བྱ། །གསུམ་དང་ལྔ་རུ་བར་མི་གཅད། །ཁ་ཟས་རྣམས་ཀྱང་ཐོད་པར་བཟའ། །བཏུང་བ་དག་ཀྱང་དེ་བཞིན་ཏེ། །མར་མེ་རྟག་པར་གཏང་བར་བྱ། །རྒྱུ་ནི་ནྲྀ་ཡི་མར་ལས་བྱ། །ཡན་ལག་བསྐུ་བའང་དེ་བཞིན་ཏོ། །སྡོང་བུ་པདྨའི་རྒྱུ་ལས་བྱ། །སྣོད་ནི་དུང་ཆེན་སྲུབས་མེད་པ། །ལྕང་ལོ་ཡོད་དང་མེད་ཀྱང་རུང་། །དེ་བྱི་བུ་ཏྲ་མ་བྱུང་བ། །མདོག་ནི་བན་ལང་ཅན་ལ་ཡོད། །རྡོ་རྗེ་བསྒྲུབ་པ་བར་གཅོད་ཕྱིར། །རྟག་ཏུ་མཚམས་ནི་གཅད་པར་བྱ། །ནྲྀ་ཡི་རྐང་པ་གཡས་གཡོན་ནས། །སྦོམ་པོ་མ་ ― DNG011_Page_0442 ―
[མ་དཔེ་གཟིགས་ན་འདིར་གནོན།]
ཡིན་ཕྲ་བ་ཉིད། །དེ་ལ་ཀི་ལ་ཡ་བྱས་ནས། །ཕུར་བུའི་སྔགས་དང་ཁྲོ་སྔགས་ཀྱིས། །ལན་འབུམ་དུ་ནི་བཟླས་པར་བྱ། །ལག་པ་གཡས་གཡོན་ཐལ་སོར་ལ། །ཁྲོ་བོ་བཅུ་དང་ཁྲོ་མོ་བཅུ། །འོད་འབར་གཟུངས་ཀྱི་སྐུ་རུ་བསྒོམ། །དེ་ནས་གཉིས་མེད་སྦྱོར་ཚུལ་དུ། །སྒྲུབ་པོ་རྡོ་རྗེ་བསྒོམ་པར་བྱ། །སྒྲུབ་པ་དངོས་ལ་མ་གཏོགས་པ། །ཕྱོགས་བཅུ་རྣམས་སུ་མཚམས་ཀྱང་གཅད། །དངོས་གྲུབ་མ་ཐོབ་བར་དུ་ནི། །བསྒོམ་དང་བཟླས་དང་ཕྱག་རྒྱ་གསུམ། །བག་ཡོད་མགོ་ལ་མེ་འབར་བཞིན། །བར་མཚམས་མེད་པར་བསྒྲུབ་པར་བྱ། །དེ་ལྟར་སྒྲུབ་པའི་རིགས་མཆོག་གིས། །ལྷ་མ་སྲིན་རྣམས་བྲན་བཞིན་འཁོལ། །འཇིག་རྟེན་དབང་ཕྱུག་དབང་དུ་སྡུད། །རྡོ་རྗེ་རིགས་མཆོག་འཁོར་རྐྱེན་རྣམས། །ཡིད་བཞིན་དུ་ནི་འབྱུང་བར་འགྱུར། །རྫུ་འཕྲུལ་ཆེན་པོ་འདི་དག་ནི། །ལུས་སྦེད་ནུས་ནས་མངོན་དུ་དབྱུང་། །དེ་མ་ཡིན་པར་ཤིན་ཏུ་གསང་། །སྐུའི་སྒྲུབ་པ་ངེས་པའི་དོན་དུ་བཀའ་སྩལ་ཏོ། །རོ་ལངས་བསྒྲུབ་པའི་ལེའུ་སྟེ་དྲུག་ཅུ་དགུ་པའོ།། །།གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བྲོ་གར་རྩེ་འཇོ་བྲོ་གར་གྱི་དམ་ཚིག་ཅེས་བྱ་བ་ངེས་པར་ཆེད་དུ་བརྗོད་པ་འདི་བརྗོད་དེ། ཕྱོགས་བཅུ་མཐའ་ཡས་དུས་བཞི་ཡི། །ཐམས་ཅད་དབྱེར་མེད་མཎྜ་ལའི། །ཉི་ཟླ་ཤར་བའི་གཞལ་ཡས་ལ། །པདྨ་ཆགས་མེད་གདན་བཏིང་ནས། །རིན་ཆེན་ཟད་མེད་ཕོ་བྲང་ས། །ཆེ་ཆུང་དཔག་ཏུ་མེད་པ་ཡི། །བྱང་ཆུབ་བདེ་ལྡན་དཀྱིལ་འཁོར་ལ། །བདེ་ལྡན་བྱང་ཆུབ་རབ་བཀོད་ནས། །མ་ལུས་ཀུན་བསྡུས་དབྱིངས་བསྡུས་ཏེ། །ལུས་བསྐྱོད་ཡན་ལག་བསྐུལ་བསིགས་དང་། །དབང་པོ་ལྔ་ཡི་ལྟ་སྤྱོད་ཀུན། །ཕྱག་རྒྱ་ཆེན་པོ་ཡིན་པར་བཤད། །གོང་གི་དཀྱིལ་འཁོར་ཚད་ཉི་ཟླ། །མི་འཁྲུགས་པ་ཡི་ས་གཞི་ལ། །པདྨ་མ་ཆགས་གདན་བཏིང་ནས། །ཐབས་དང་ཤེས་རབ་ཆགས་མེད་ཚུལ། །ཡན་ལག་དབང་པོ་ཐམས་ཅད་ཀུན། །རང་བཞིན་ཡོངས་སུ་དག་པ་དང་། །ཏིང་འཛིན་དེ་བཞིན་གཤེགས་ལྔའོ། །ཡེ་ནས་མ་བཅིངས་ཡོངས་ཀྱིས་ཏེ། །ལྷག་པའི་ཏིང་འཛིན་དཀྱིལ་འཁོར་གྱིས། ། ― DNG011_Page_0443 ―
[མ་དཔེ་གཟིགས་ན་འདིར་གནོན།]
དབུ་ལ་དེ་བཞིན་གཤེགས་པའི་འཁོར། །ཡན་ལག་བཞི་ལ་རིགས་བཞི་འཁོར། །ཁ་དོག་དབྱིབས་དང་ཕྱག་རྒྱ་དང་། །ཐབས་དང་ཤེས་རབ་གསལ་བསྒོམས་ཏེ། །ཕྱོགས་བཅུར་སྤྲོ་ཞིང་ངན་སོང་སྦྱོང་། །གནས་སུ་བསྡུ་ཞིང་དཀྱིལ་འཁོར་སྤྲོ། །འདས་དང་མ་འདས་ཐམས་ཅད་ཀུན། །བདེར་གཤེགས་ཞིང་དུ་རྣམ་པར་སྦྱོར། །ཡན་ལག་ཆེན་པོ་ལྔ་བསྐྱོད་ན། །རིགས་ལྔའི་དཀྱིལ་འཁོར་མ་ལུས་གཡོ། །འགྲོ་ལྔ་བྱང་ཆུབ་ལམ་དུ་མཛད། །སྙིགས་མ་ལྔ་ཡང་རྣམ་པར་དག །བཟང་མཛེས་ལེགས་པའི་གོས་བགོས་ན། །འོད་ཟེར་སྣ་ཚོགས་འཕྲོ་བར་འགྱུར། །དེ་ནས་མཐར་ཐུག་མེད་པའི་བར། །ཡེ་ཤེས་ལྔ་ཡིས་བརྒྱན་པར་འགྱུར། །སྐྱེས་བུ་བློ་རྩལ་རབ་ལྡན་པས། །རྟག་ཏུ་དཀྱིལ་འཁོར་དེ་ལྟར་བསྒོམ། །ཚིག་ཙམ་མ་ཡིན་བློ་གཏིང་དུ། །བདག་དང་དབྱེར་མེད་ཉིད་དུའོ། །ཐབས་དང་ཤེས་རབ་ལྡན་གྱུར་ནས། །ཤར་གྱི་ཕྱོགས་སུ་ཁ་བསྟན་ཏེ། །སེང་གེའི་སྟབས་ཆེན་མཆོང་བར་བྱ། །ལྗགས་ཀྱི་ཡི་གེ་ཏྲཾ་བསྒོམས་ལ། །ལྕེ་ནི་འབུམ་ཕྲག་བསམ་ཡས་དང་། །ཧྲི་ཡང་བསམ་གྱིས་མི་ཁྱབ་སྤྲོ། །ཕྱོགས་བཅུ་དུས་བཞི་བསམ་ཡས་སུ། །གསུང་གི་དཀྱིལ་འཁོར་འོད་འབར་བ། །གསུང་གཅིག་དཀྱིལ་འཁོར་ཡན་ལག་ནི། །བསམ་གྱིས་མི་ཁྱབ་ཀུན་དུ་གྲགས། །སྒྲ་དང་མིང་ཚིག་སོ་སོར་གསལ། །ལྗགས་ཀྱི་དབང་པོ་བཀྲམ་ནས་གསུངས། །ཐར་དང་མ་ཐར་གཉི་ག་བརྗོད། །ངེས་པ་ཁོ་ན་ཡང་དག་ཏུ། །དེ་བཞིན་ཉིད་ཀྱིས་ཡོང་མ་གསུངས། །སྣ་ཡི་དབང་པོའི་དཀྱིལ་འཁོར་དུ། །ཏྲཾ་གི་ཡིག་འབྲུ་གསལ་བསྒོམས་ནས། །དཀྱིལ་འཁོར་ཕྱོགས་བཅུ་དུས་བཞི་ཡི། །མཐའ་ཡས་བསམ་གྱིས་མི་ཁྱབ་སྟེ། །ཏྲཾ་ཡང་བསམས་པས་འོད་འཕྲོ་འབར། །ཕྱོགས་དུས་དཀྱིལ་འཁོར་མ་ལུས་ཐོས། །འགྲོ་དྲུག་འཁོར་བའི་གནས་ཀྱང་ཐོས། །སྒྲ་དང་ཐོས་པ་གཉིས་མེད་པའོ། །དེ་བཞིན་དྲི་དང་རོ་རེག་རྣམས། །སོ་སོའི་མཚན་ཉིད་གསལ་བསྒོམས་ནས། །ཡིག་འབྲུའི་སྙིང་པོ་དེ་བཞིན་དགོད། །སངས་རྒྱས་དཀྱིལ་འཁོར་མ་ལུས་དང་། །འགྲོ་དྲུག་མ་ ― DNG011_Page_0444 ―
[མ་དཔེ་གཟིགས་ན་འདིར་གནོན།]
ལུས་ཐམས་ཅད་ཀུན། །ཆགས་པ་མེད་པའི་ཚུལ་གྱིས་རོལ། །དྲི་ལ་སོགས་པ་བདེ་མཆོག་གིས། །ཀུན་ལ་ཚིམ་པར་ཡང་དག་མཆོད། །འགྲོ་དྲུག་མ་ལུས་ཐམས་ཅད་ལ། །ཇི་ལྟར་འཚམ་པའི་དོན་ཡང་བྱེད། །ཐབས་མཁས་ཐུགས་རྗེས་དེ་ལྟར་སྟོན། །དེ་བཞིན་རིགས་དང་རྡོ་རྗེའི་རིགས། །མ་ཆགས་ལ་སོགས་ཤེས་རབ་ལྡན། །གཙོ་བོ་ལྔ་དང་གཙོ་མོ་ལྔ། །ཐབས་དང་ཤེས་རབ་ལྡན་བསྒོམས་ཏེ། །ཚོམ་བུ་གཅིག་གམ་ཡང་ན་གསུམ། །ལྔ་ཡི་དཀྱིལ་འཁོར་རབ་བསྒོམས་ཏེ། །ཐབས་དང་ཤེས་རབ་ཕན་ཚུན་དུ། །ལྷ་གསལ་འོད་འཕྲོ་བསྡིམ་བྱས་ཏེ། །དཀྱིལ་འཁོར་འོད་ཟེར་འབར་བར་བསྒོམ། །ཏིང་འཛིན་ཤིན་ཏུ་གསལ་གྱུར་ནས། །བདག་དང་ཕྱོགས་བཅུ་དབྱེར་མེད་པར། །གཉིས་སུ་མེད་པར་བསྒོམ་པར་བྱའོ། །དེ་ནས་ཐབས་དང་ཤེས་རབ་གཉིས། །ལྟ་སྤྱོད་ཡ་ཆར་མ་གྱུར་པར། །དཀྱིལ་འཁོར་དག་ལ་གསལ་བསྒོམས་ན། །དབུས་ནས་ཤར་ཕྱོགས་ཁ་བསྟན་ནས། །རྐང་པའི་སྟབས་ཆེན་བསྐྱོད་བྱས་ཤིང་། །ལག་གི་འདུ་བྱེད་ཀུན་བསྐྱོད་ནས། །བྲོ་དང་གར་གྱི་ཕྱག་རྒྱར་བྱ། །དཀྱིལ་འཁོར་འོད་ཟེར་དཀར་འཕྲོ་བ། །བྱང་ཆུབ་སེམས་དཔའ་རྣམ་པར་དག །ཤིན་ཏུ་གསལ་དང་འོད་ཟེར་འབར། །ཐབས་དང་ཤེས་རབ་དེ་གྲུབ་ཤོག །ཅིས་ཀྱང་མི་ཚུགས་རྡོ་རྗེ་ཡིས། །བདུད་བཞི་དག་ནི་འཇོམས་པར་བྱེད། །ཐེག་མཆོག་རྡོ་རྗེའི་རིག་འཛིན་པ། །ཐབས་དང་ཤེས་རབ་དེ་གྲུབ་ཤོག །བདག་ཉིད་རིགས་པའི་རྡོ་རྗེ་ཡིས། །ཉོན་མོངས་སྡུག་བསྔལ་མེད་པར་ཤོག །མེ་ལོང་ལྟ་བུའི་ཡེ་ཤེས་ཀྱིས། །ཐབས་དང་ཤེས་རབ་གསལ་འགྱུར་ཤོག །ཉོན་མོངས་སྡུག་བསྔལ་རྩད་བཅད་ནས། །མ་རིག་མུན་པ་མེད་པར་བྱེད། །ཐུགས་རྗེའི་འོད་ཟེར་ཉི་ཤར་བས། །ཐབས་དང་ཤེས་རབ་འོད་འབར་ཤོག །ཤིན་ཏུ་སྲ་ཞིང་སྐྱེ་ཤི་མེད། །རྡོ་རྗེའི་ཐུགས་རྗེ་རོལ་སྟོན་པ། །འགྲོ་ལ་ཐུགས་རྗེ་ཡོངས་ཀྱིས་འབྱུང་། །ཐབས་དང་ཤེས་རབ་བྱམས་ལྡན་ཤོག །ཐབས་དང་ཤེས་རབ་ལྡན་གྱུར་པས། །ཡོན་ཏན་ཕྱོགས་སུ་ཁ་བསྟན་ཏེ། །ལུས་བསྐྱོད་ ― DNG011_Page_0445 ―
[མ་དཔེ་གཟིགས་ན་འདིར་གནོན།]
ཡན་ལག་བསྒུལ་བསིགས་ནས། །སྟོབས་ཆེན་དག་ཀྱང་བརྡུང་བར་བྱ། །དཀྱིལ་འཁོར་མ་ལུས་འབྱུང་བའི་གཏེར། །ཟད་མེད་ནོར་བུ་རིན་པོ་ཆེ། །མ་ལུས་ཀུན་གྱི་རེ་བ་སྐོང་། །ཐབས་དང་ཤེས་རབ་དེ་གྲུབ་ཤོག །ནམ་མཁའི་དཀྱིལ་གྱི་མདོག་བསྟན་པ། །ཡང་ན་ཐམས་ཅད་གསེར་བཙོ་མ། །དཀྱིལ་འཁོར་བསམ་ཡས་ཟད་མི་ཤེས། །ཐབས་དང་ཤེས་རབ་མྱུར་གྲུབ་ཤོག །ཡོན་ཏན་རིན་ཆེན་བསམ་ཡས་ཀྱང་། །ཐམས་ཅད་མཉམ་པའི་ངང་གནས་ནས། །དེ་བཞིན་མཉམ་ཉིད་ཡེ་ཤེས་ཏེ། །ཐབས་དང་ཤེས་རབ་མཉམ་འགྱུར་ཤོག །བདེར་གཤེགས་ཡོན་ཏན་རྨད་པོ་ཆེ། །ཡེ་ནས་ཆགས་མེད་བྱང་ཆུབ་ཞིང་། །ཡང་དག་ཉིད་དུ་ཐམས་ཅད་གནས། །ཐབས་དང་ཤེས་རབ་མྱུར་གྲུབ་ཤོག །ཐབས་དང་ཤེས་རབ་ལྡན་གྱུར་པས། །ནུབ་ཕྱོགས་སུ་ནི་ཁ་བལྟས་ནས། །ཡན་ལག་དང་པོ་བསྐྱོད་བྱས་ཏེ། །གར་རྣམས་ཤིན་ཏུ་གསལ་བྱས་ནས། །སྟོབས་ཆེན་དག་ཀྱང་བརྡུང་བར་བྱ། །ཆོས་རྣམས་མ་ལུས་ཀུན་སྤྱོད་ཀྱང་། །པདྨ་ལ་ནི་འདམ་བཞིན་ནོ། །ཆགས་པ་མེད་པའི་ཚུལ་གྱིས་གནས། །ཐབས་དང་ཤེས་རབ་དེ་གྲུབ་ཤོག །ལས་དང་ཉོན་མོངས་ནུབ་འགྱུར་བའི། །བག་ཆགས་མཚན་མ་རྡུལ་ཙམ་མེད། །ཐབས་དང་ཤེས་རབ་མྱུར་གྲུབ་ཤོག །བྱང་ཆུབ་ཆགས་མེད་དཀྱིལ་འཁོར་ནི། །གང་ནས་མ་འོངས་ཉིད་ཀྱི་དབྱིངས། །མི་གནས་ཚུལ་གྱིས་དབྱིངས་ན་བཞུགས། །ཐབས་དང་ཤེས་རབ་མྱུར་གྲུབ་ཤོག །ཐབས་དང་ཤེས་རབ་ལྡན་གྱུར་པས། །བྱང་ཕྱོགས་སུ་ནི་ཁ་བལྟས་ཏེ། །ལུས་བསྐྱོད་ཡན་ལག་གར་བྱེད་ཅིང་། །ཕྱག་རྒྱ་སོ་སོར་གསལ་གྱུར་ནས། །རྐང་པའི་སྟབས་ཆེན་བརྡུང་བར་བྱ། །ཡང་དག་རྟོགས་པའི་ཤེས་རབ་ཀྱིས། །བསྐལ་པ་བསམ་གྱིས་མི་ཁྱབ་པའི། །སྒྲིབ་པ་ཐམས་ཅད་བྱང་བྱས་ཏེ། །ཐབས་དང་ཤེས་རབ་མྱུར་གྲུབ་ཤོག །སྐུ་གསུང་ཐུགས་ཀྱི་བྱིན་བརླབས་ཀྱིས། །བདུད་བཞི་བཅོམ་ནས་མི་མཐུན་བསལ། །བྱ་བྱེད་མེད་ལ་དོན་རྣམས་གྲུབ། །ཐབས་དང་ཤེས་རབ་མྱུར་གྲུབ་ཤོག ། ― DNG011_Page_0446 ―
[མ་དཔེ་གཟིགས་ན་འདིར་གནོན།]
ཐམས་ཅད་མ་ལུས་རྫོགས་བྱེད་པ། །སྣ་ཚོགས་ཀུན་དུ་འགྱུར་བའོ། །ལྗང་གུའི་ཚུལ་དུ་མདོག་བསྟན་པ། །ཐབས་དང་ཤེས་རབ་མྱུར་གྲུབ་ཤོག །ཐམས་ཅད་མ་ལུས་དོན་གྲུབ་པ། །ལས་རྣམས་མ་ལུས་རྫོགས་པར་བྱེད། །ནན་ཏན་ཆེན་པོ་བྱ་བ་རྫོགས། །ཐབས་དང་ཤེས་རབ་མྱུར་གྲུབ་ཤོག །སྡུག་བསྔལ་དྲ་བ་ཚར་བཅད་དེ། །དཀྱིལ་འཁོར་མ་ལུས་ཀུན་བྱས་ཀྱང་། །གང་ནས་མ་འོངས་གར་མི་འགྲོ། །ཐབས་དང་ཤེས་རབ་མྱུར་གྲུབ་ཤོག །བདེར་གཤེགས་མ་ལུས་ཐམས་ཅད་ཀུན། །ཕྱོགས་དུས་ཀུན་དུ་བདག་ཉིད་ཆེ། །མི་དམིགས་ཐུགས་ཀྱི་དཀྱིལ་འཁོར་དུ། །མ་ལུས་ཀུན་འདུས་རྣམ་པར་དག །ཐབས་ཆེན་དཀྱིལ་འཁོར་ཡང་དག་པས། །བདེར་གཤེགས་ཀུན་ལ་རྣམ་པར་འཕྲོ། །ཐབས་དང་ཤེས་རབ་ལྡན་པ་ཡི། །བདེ་བའི་དཀྱིལ་འཁོར་མཁས་པས་བསྡུ། །ཐམས་ཅད་མ་ལུས་རིགས་བཞི་ཡི། །ནང་དུ་མ་འདུས་གང་ཡང་མེད། །དེ་ཉིད་བདེར་གཤེགས་དཀྱིལ་འཁོར་ཉིད། །ཐབས་དང་ཤེས་རབ་བདེ་གྲུབ་ཤོག །རིགས་ལྔའི་དཀྱིལ་འཁོར་དབུར་བསྡུ་ཞིང་། །ཡེ་ཤེས་ལྔ་ཡི་འོད་ཟེར་འཕྲོ། །ཕྱོགས་བཅུ་གསལ་བར་གང་གྱུར་ནས། །ཐབས་དང་ཤེས་རབ་འོད་འབར་ཤོག །དེ་བཞིན་རིགས་མཆོག་འཛིན་པ་ཡི། །ཐམས་ཅད་མ་ལུས་དབྱིངས་བསྡུས་ཏེ། །ཐམས་ཅད་ཀུན་དུ་བཟང་པོར་སྟོན། །ཐབས་དང་ཤེས་རབ་གཙོར་གྲུབ་ཤོག །ཐུགས་རྗེ་ཆེན་པོའི་བྱིན་བརླབས་ཀྱིས། །ཕྱོགས་དུས་གནས་པ་མ་ལུས་ལ། །ཆོས་ཀྱི་འཁོར་ལོ་ཆེན་པོ་བསྐོར། །ཐབས་དང་ཤེས་རབ་མཆོག་འགྲུབ་ཤོག །འགྲོ་བ་མ་ལུས་ཐམས་ཅད་ལ། །དེ་བཞིན་ཉིད་ཀྱི་སྐུ་ཡོད་པས། །མ་མཐོང་རྨོངས་ལ་ནམ་མཁའི་མདོག །ཐབས་དང་ཤེས་རབ་དབྱིངས་གྲུབ་ཤོག །སྐུ་ནི་སྣ་ཚོགས་ཅིར་ཡང་སྣང་། །ཐབས་ཆེན་རྣམས་ལ་མཉམ་པའི་ཚུལ། །ཉན་ཐོས་རྣམས་ལ་དགྲ་བཅོམ་ཚུལ། །རང་རྒྱལ་རྣམས་ལ་བསེ་རུའི་ཚུལ། །ཕ་རོལ་ཕྱིན་རྫོགས་ཤཱཀྱའི་ཚུལ། །ལྷ་མི་རྣམས་ལ་དགེ་བཅུ་ཚུལ། །དུད་འགྲོ་རྣམས་ ― DNG011_Page_0447 ―
[མ་དཔེ་གཟིགས་ན་འདིར་གནོན།]
ལ་ཨེ་ན་ཡ། །གཞན་ཡང་འགྲོ་བ་ཐམས་ཅད་ལ། །ཇི་ལྟར་འདུལ་བ་བཞིན་དུ་སྟོན། །དེ་ལྟ་བུ་ཡི་སྐུ་སྟོན་པ། །ཐབས་དང་ཤེས་རབ་སྐུ་གྲུབ་ཤོག །ཐབས་དང་ཤེས་རབ་ལྡན་བསྒོམས་ནས། །རྒྱན་ལྔ་ཡིས་ནི་རྣམ་པར་བརྒྱན། །ཡན་ལག་ལྔ་ལ་དཀྱིལ་འཁོར་བཀོད། །ཡེ་ཤེས་རྒྱན་གྱིས་ཕོ་བྲང་བརྡུང་། །གཉིས་མེད་དཀྱིལ་འཁོར་ཟླུམ་པོའི་ཚུལ། །མཐའ་དབུས་མེད་པའི་དཀྱིལ་འཁོར་དུ། །ལྷུན་གྲུབ་ཚོགས་ཆེན་བྱང་ཆུབ་ཏུ། །ཐབས་དང་ཤེས་རབ་མྱུར་གྲུབ་ཤོག །ཆོས་དབྱིངས་དམ་པ་བདག་མེད་པ། །མི་དམིགས་དབྱིངས་སུ་མ་ལུས་འདུས། །མཉམ་དང་མི་མཉམ་དབྱེར་མེད་པས། །ཐབས་དང་ཤེས་རབ་དབྱིངས་གྲུབ་ཤོག །བདེར་གཤེགས་དཀྱིལ་འཁོར་དབུ་བསྐྱོད་ན། །སངས་རྒྱས་ཞིང་ཁམས་མ་ལུས་གཡོ། །ལག་གི་འདུ་བྱེད་བསྐུལ་བསྐྱོད་ན། །རིག་འཛིན་ཞིང་ཁམས་དག་པར་བྱེད། །རྐང་ཆེན་དག་གིས་སྟབས་མཆོངས་ན། །འགྲོ་དྲུག་གནས་རྣམས་སྟོངས་པར་བྱེད། །སྤྱན་གྱིས་ཕྱོགས་བཅུ་བལྟ་བྱས་ན། །བདུད་བཞི་དཔུང་རྣམས་ཕམ་པར་བྱེད། །ཐབས་དང་ཤེས་རབ་མ་ལུས་ཀུན། །དེ་ལྟ་བུ་ཡི་དོན་གྲུབ་ཤོག །ཐམས་ཅད་མ་ལུས་དེ་བཞིན་ཏེ། །དེ་ནི་གང་ཡང་མི་དམིགས་ལ། །སྐྱེ་དང་འགག་དང་གནས་པ་དང་། །འོང་དང་འགྲོ་བའི་དངོས་པོ་མེད། །རྣལ་འབྱོར་བྲོ་གར་རྩེ་འཇོ་ཡི། །སྣ་ཚོགས་བྱེད་ལ་བྱས་པ་མེད། །དེ་ཉིད་རྣམ་པ་སྣ་ཚོགས་པ། །རྣལ་འབྱོར་ལས་རྣམས་གྲུབ་པར་ཤོག །ཐབས་དང་ཤེས་རབ་ཐམས་ཅད་ཀྱིས། །དེ་ལྟ་བུ་ཡིས་ལོངས་སྤྱོད་ན། །སངས་རྒྱས་དཀྱིལ་འཁོར་མ་ལུས་མཉེས། །སྲིད་གསུམ་འགྲོ་རྣམས་ཐམས་ཅད་ལ། །དགའ་བ་ཆེན་པོས་ཁྱབ་པར་འགྱུར། །ལུས་མ་སྤངས་པར་རིག་འཛིན་ས། །ཡུན་རིངས་ཆོས་ཀྱི་བདེ་སྤྱད་ནས། །བླ་མེད་རྡོ་རྗེ་སེམས་དཔའ་ཡིས། །དཔེ་བྱད་མཚན་གྱིས་རྣམ་པར་བརྒྱན། །མངོན་ཤེས་དྲུག་ལྡན་ཐམས་ཅད་མཁྱེན། །ཚོགས་ཆེན་གཉིས་ཀྱང་རྫོགས་པར་རོལ། །སངས་རྒྱས་ཞིང་ལ་དབང་སྒྱུར་ཏེ། །སྤྱོད་ཡུལ་ཀུན་དུ་མཎྜ་ལ། །ཇི་ལྟར་དམིགས་པ་བཞིན་དུ་འགྲུབ། །རྣལ་འབྱོར་ལས་སུ་ ― DNG011_Page_0448 ―
[མ་དཔེ་གཟིགས་ན་འདིར་གནོན།]
རུང་རྣམས་ཀྱིས། །འདི་ལྟ་བུ་ཡི་ལས་རྣམས་བྱ། །འབྲས་བུ་མངོན་དུ་མ་གྱུར་ཀྱང་། །ལུས་ངག་ཡིད་ལ་དབང་ཐོབ་ནས། །སངས་རྒྱས་འབྱུང་དང་སྐར་མི་འགྱུར། །ཐེག་པ་དམན་པར་ཡོང་མི་སྐྱེ། །ངན་སོང་གསུམ་དུ་ཡོང་མི་ལྟུང་། །གནས་ངན་ལོངས་སྤྱོད་མི་བདེ་བའི། །ངན་པའི་ས་རུ་ཡོང་མི་ལྟུང་། །རྡོ་རྗེ་ཐེག་མཆོག་བརྗེད་མི་འགྱུར། །ཚེ་རིང་བདེ་བ་ཕུན་སུམ་ཚོགས། །ལུས་བྱད་བཟང་ཞིང་ཡན་ལག་རྫོགས། །དབང་པོ་ཚང་ཞིང་ལྷག་ཆད་མེད། །སྐད་གདངས་སྙན་ཅིང་འགྲོ་དོན་བྱེད། །བདག་གི་ལོངས་སྤྱོད་ཐམས་ཅད་ཀུན། །གཞན་ལ་གནོད་པ་མེད་པར་འགྲུབ། །ཚན་པོ་ཆེ་ཡི་མཐུ་སྟོབས་ལྡན། །འགྲོ་བའི་དོན་དུ་ཡང་དག་བྱེད། །གཞན་ལ་གནོད་པ་ཡོང་མི་བྱེད། །སྙིང་རྗེ་ཆེ་ཞིང་ཤེས་རབ་ལྡན། །མཐུ་སྟོབས་ཆེ་ཞིང་ཐབས་ལྡན་པ། །བདག་དང་གཞན་དོན་རྫོགས་པར་སྤྱོད། །མཐར་ནི་སྐྱེ་ཤི་མེད་པའི་ས། །སངས་རྒྱས་ཡོན་ཏན་རིན་པོ་ཆེ། །བཀོད་པའི་གཞལ་ཡས་ཐམས་ཅད་ལ། །དབང་སྒྱུར་སྤྱོད་པའི་དངོས་གྲུབ་ཐོབ། །རྣལ་འབྱོར་གང་ཞིག་འདི་འདྲའི་དོན། །ལྗགས་ཀྱི་དབང་པོ་བཀྲམ་ནས་ནི། །གསང་དོན་ངེས་པའི་དོན་སྟོན་པ། །བླ་མེད་མཆོག་ཏུ་གྲུབ་པར་ཤོག །དབྱེར་མེད་བྱང་ཆུབ་ཐོར་ཚུགས་ཅན། །ཤིན་ཏུ་བསྟན་པའི་རི་བོ་གནས། །མུ་སྟེགས་རླུང་གིས་ཚུགས་མི་འགྱུར། །ཐེག་མཆོག་རྡོ་རྗེ་དེ་ལྟ་བུ། །དཀྱིལ་འཁོར་མི་ཟད་འབྱུང་བའི་གཏེར། །ཡིད་བཞིན་ནོར་བུ་རིན་པོ་ཆེ། །བྱི་དོར་མ་བྱས་ཤིན་ཏུ་གསལ། །བསྐལ་པ་གྲངས་མེད་གནས་བཅས་ཀྱང་། །སྐུ་ནི་ཤིན་ཏུ་གཞོན་པའི་ཚུལ། །སྐྱེ་ཤི་མེད་པ་རྡོ་རྗེ་ཡི། །ཐམས་ཅད་འབྱུང་བའི་གཏེར་ཡིན་ཏེ། །ཡོན་ཏན་ཕུན་སུམ་ཚོགས་དང་ལྡན། །བླ་མེད་བྱང་ཆུབ་འགྲུབ་གྱུར་ནས། །ཡེ་ཤེས་རྡོ་རྗེ་ལྷུན་གྲུབ་ཤོག །ཚོགས་ཆེན་གཉིས་ཀྱང་རྫོགས་གྱུར་ཅིག །ཐམས་ཅད་ཀུན་གྱི་སྟོན་པ་པོ། །ཐམས་ཅད་མཁྱེན་པའི་གོ་འཕང་བརྙེས། །སངས་རྒྱས་ཞིང་ལ་དབང་བྱེད་ཤོག །དེ་རྟོགས་ཀུན་ཀྱང་རྡོ་རྗེའི་རིགས། །སྐུ་གསུང་ཐུགས་ཀྱང་གྲུབ་པར་ཤོག །རྣལ་འབྱོར་པ་ ― DNG011_Page_0449 ―
[མ་དཔེ་གཟིགས་ན་འདིར་གནོན།]
ཐབས་དང་ཤེས་རབ་དང་ལྡན་པ་རྣམས་ཀྱིས། དུས་ཐམས་ཅད་འདོད་ཡོན་ལྔ་སྤྱོད་ཅིང་བྲོ་ཐབས་བྱའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བྲོ་གར་རྩེ་འཇོའི་ལེའུ་སྟེ་བདུན་ཅུ་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་སྐུའི་དཀྱིལ་འཁོར་མངོན་དུ་ཕྱུང་སྟེ་འདི་སྐད་ཅེས་གསུངས་སོ། །དེ་བཞིན་ཉིད་ཀྱི་དབྱིངས་ལྡན་ལས། །སྒྱུ་དང་དྲ་བ་འདྲེལ་འགྱུར་ནས། །སྐུ་མཆོག་རྡོ་རྗེ་འོད་སྣང་བས། །མཐུན་པའི་རྡོ་རྗེ་རང་སྣང་ངོ་། །རྒྱུད་དྲུག་འཁོར་བའི་ལུས་སྣང་བ། །རྣམ་རྟོག་མཐུན་པའི་ལས་སྣང་ངོ་། །དེ་བཞིན་སྐུ་མཆོག་དྲི་བྲལ་དང་། །བདེ་གཤེགས་སྐུ་ལྔར་མདོར་བསྡུས་ཏེ། །བཅོམ་ལྡན་འདས་དང་བྱང་ཆུབ་གཟུགས། །བླ་མེད་གཟུགས་དང་རྡོ་རྗེ་སྐུ། །དེ་ལ་སོགས་ཏེ་སྐུ་བསམ་ཡས། །ཕྱོགས་བཅུ་དུས་བཞི་སྐུ་སྟོན་པ། །ཐབས་ཀྱིས་འགྲོ་འདུལ་སྐུ་སྟོན་ཏེ། །བྱང་ཆུབ་མཆོག་གི་རྡོ་རྗེ་སྐུ། །ཆགས་མེད་ཞིང་དུ་སྐུ་སྟོན་ཅིང་། །དབྱིངས་ལས་མ་གཡོས་བཞིན་དུ་སྣང་། །སྐུ་སྣང་དེ་བཞིན་ཉིད་ཀྱི་དབྱིངས། །རྣམ་དག་སྐུ་སྟོན་མ་ཡིན་ཏེ། །ལོག་འགྲོ་རྟོག་པ་ཐམས་ཅད་ལ། །སོ་སོར་འདུལ་བའི་སྐུར་ཡང་སྟོན། །དེ་ཚེ་སྐྱེ་ཤི་མེད་པའི་སྐུ། །ལས་དང་མ་ཆགས་པདྨའི་སྐུ། །ཐར་དང་མ་ཐར་སྣ་ཚོགས་ཀྱང་། །སྣ་ཚོགས་སྣང་ལ་གནས་པ་མེད། །སྣང་དང་མི་སྣང་གཉི་ག་མེད། །དེ་ལྟར་རྟོགས་པའི་རིགས་མཆོག་ནི། །བཛྲ་ཞེས་ནི་གདགས་པ་ཡིན། །ཇི་སྙེད་སྐུ་སྟོན་བསམ་ཡས་པ། །ཐམས་ཅད་མ་ལུས་རྡོ་རྗེར་བསྡུས། །འཁོར་ལོ་ཞེས་ཀྱང་བརྗོད་པ་ནི། །དེ་ལ་སོགས་ཏེ་སྐུ་བསམ་ཡས། །བྱང་ཆུབ་ཐབས་ཀྱི་དཀྱིལ་ནས་བྱུང་། །སྐུ་ནི་སྣ་ཚོགས་ཐམས་ཅད་ཀྱང་། །འཇའ་ཚོན་ཆུ་ཟླ་འདྲ་ཤེས་ན། །དབྱིངས་ཉིད་ལས་ནི་དབྱིངས་སྣང་ཟད། །ཐུགས་ཉིད་གསུང་གི་དཀྱིལ་འཁོར་སྣང་། །གསུང་ཉིད་སྐུ་ཡི་དཀྱིལ་འཁོར་ཏེ། །དབྱེར་མེད་དེ་བཞིན་ཡོང་གིས་སོ། །དཀྱིལ་འཁོར་བཟང་པོ་འགྲུབ་འདོད་པས། །རྟག་ཏུ་དུས་གསུམ་ཐམས་ཅད་དུ། །བདག་དང་བདག་གི་དབྱེར་མེད་པས། །ཡེ་ནས་དཀྱིལ་འཁོར་ཡིན་པར་བརྟག །འདི་ནི་ ― DNG011_Page_0450 ―
[མ་དཔེ་གཟིགས་ན་འདིར་གནོན།]
དངོས་གྲུབ་མཆོག་ཡིན་པར། །ཀུན་དུ་རྒྱལ་གྱིས་དེ་སྐད་བཤད། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་སྐུའི་དཀྱིལ་འཁོར་མངོན་དུ་ཕྱུང་བ་ཞེས་བྱ་བ། ལེའུ་སྐུའི་དཀྱིལ་འཁོར་ཟབ་ཏུ་ནི་རྒྱུད་ཀྱི་རྒྱལ་པོ་ཕྱི་མ་ལས་བཤད་དེ། བོད་ལ་མ་འགྱུར་ཞེས་འབྱུང་ངོ་། །རང་བཞིན་སྐུའི་དཀྱིལ་འཁོར་དུ་བསྡུ་བའི་ལེའུ་སྟེ་བདུན་ཅུ་གཅིག་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་ཏིང་ངེ་འཛིན་གྱི་རིམ་པར་སྦྱོར་ཞིང་དངོས་གྲུབ་མྱུར་དུ་ལེན་པའི་ཐབས་དྲ་བ་ལས་འདི་སྐད་ཅེས་གསུངས་སོ། །དཀྱིལ་འཁོར་བསམ་ཡས་དངོས་གྲུབ་ནི། །མི་དམིགས་དབྱིངས་ནས་དོན་འབྱིན་ཏེ། །མ་བཅོས་ཇི་བཞིན་ངང་བཞག་དང་། །ལྷུན་གྱིས་གྲུབ་པའི་དཀྱིལ་འཁོར་འབྱུང་། །མི་དམིགས་ཐུགས་ཀྱི་དཀྱིལ་འཁོར་ལས། །ཏིང་ངེ་འཛིན་གྱིས་དབང་བསྒྱུར་ན། །ཡེ་ཤེས་སྤྲུལ་པ་སྣ་ཚོགས་འགྲུབ། །སྤྱོད་ཡུལ་ཐམས་ཅད་མཎྜ་ལ། །ཡེ་ཤེས་དཀྱིལ་འཁོར་ཐར་བྱེད་སྐྱོང་། །ལོངས་སྤྱོད་སྐུ་དང་སངས་རྒྱས་ཞིང་། །ཇི་ལྟར་འདོད་པ་སྨོན་པས་འགྲུབ། །ཡངས་ཤིང་རྒྱ་ཆེ་ལྷུན་གྲུབ་ནི། །ཕྱི་ནང་སྣོད་བཅུད་ཡེ་ནས་དག །དག་རྟོགས་ཉིད་ཀྱང་དབྱིངས་ཉིད་ཡིན། །དེ་ནས་རྡོ་རྗེ་མཉམ་ཡིན་ནོ། །དངོས་གྲུབ་མྱུར་དུ་འགྲུབ་འདོད་ན། །ཤིན་ཏུ་ཕྲ་ཞིང་ཟབ་པར་བསྒོམ། །བདག་དང་བདག་གི་གཞན་རྣམས་ནི། །ཤིན་ཏུ་མི་དམིགས་དབྱིངས་སུ་བསྒོམ། །ཏིང་འཛིན་དེ་ནི་གོམས་པ་དང་། །ཐམས་ཅད་སྒྱུ་མ་མིག་ཡོར་དང་། །སྤྲུལ་པའི་ཚུལ་དེ་ཤེས་པར་བྱ། །དེ་བཞིན་ཡང་ནས་ཡང་གོམས་ནས། །དེ་ནས་ཕྲ་མོའི་ཏིང་འཛིན་བསྒོམ། །ཕྱི་ནང་སྣོད་བཅུད་ཧཱུྃ་དུ་བསྡུ། །གང་བསྒྲུབ་ཡི་གེ་སོ་སོ་སྟེ། །སྤྱིར་ནི་གང་བསྒོམ་ཀུན་དུ་འདྲ། །རྡོ་རྗེ་སེམས་དཔའ་ཉིད་དུ་འདུ། །ཡན་ལག་ལྔ་དང་རྣམ་ཤེས་ཉིད། །ཡི་གེ་ཧཱུྃ་དུ་ཤིན་ཏུ་བསྡུ། །ནྲྀ་ཡི་མིག་གིས་བལྟར་ཡོད་པར། །ཡང་ནས་ཡང་དུ་འདྲིས་པ་དང་། །འོད་ཟེར་མང་པོ་འཕྲོ་བར་བྱ། །ཕྱོགས་བཅུ་དུས་བཞི་གང་བ་དང་། །སླར་ཡང་ཧཱུྃ་ལ་བསྡིམ་པར་བྱ། །ཧཱུྃ་ཉིད་མི་ ― DNG011_Page_0451 ―
[མ་དཔེ་གཟིགས་ན་འདིར་གནོན།]
དམིགས་དབྱིངས་སུ་ཐིམ། །ཐིམ་འགྱུར་དབྱིངས་ནས་ཨ་དཀར་འབར། །ཤིན་ཏུ་འཚེར་བར་གསལ་བསྒོམས་ལ། །ཐམས་ཅད་ཨ་རུ་གྱུར་པར་བསྒོམ། །དེ་བཞིན་ཉིད་དུ་འདྲིས་འགྱུར་ནས། །ཨ་ལས་ཉི་མའི་དཀྱིལ་འཁོར་སྤྲོ། །ཨེ་མ་གསལ་བར་འབྱོར་འགྱུར་ནས། །ཉི་ཟླ་གང་བའི་ཉི་ཟླར་བསྒོམ། །ཧྲཱྀ་གསལ་པདྨ་ཆགས་མེད་བསྒོམ། །རིན་ཆེན་འབར་བའི་གཞལ་ཡས་བསྒོམ། །ཉི་ཟླ་གདན་དང་གཞལ་ཡས་ཁང་། །ཐམས་ཅད་བསྡུ་ཞིང་ཕྲ་བར་བསྒོམ། །དེ་བཞིན་ཡི་གེ་ཧཱུྃ་གནས་པས། །མཐིང་ག་འཚེར་ལ་གནས་པ་ཡི། །འོད་ཟེར་འཕྲོ་བ་རྣམ་པར་བསྒོམ། །འོད་འཕྲོ་དབྱིངས་སུ་སླར་བསྡུས་ནས། །ཤིན་ཏུ་རྡོ་རྗེ་འོད་ཟེར་འཕྲོ་བར་བསྒོམ། །རྡོ་རྗེ་འོད་འཕྲོ་གསལ་འབར་ནས། །དབྱིངས་སུ་ཡང་ནི་བསྡིམ་པར་བྱ། །དེ་ཉིད་སེམས་དཔའི་སྐུར་གྱུར་ནས། །ཤིན་ཏུ་ཕྲ་ཞིང་འདུས་པར་བསྒོམ། །དེ་བཞིན་གཉིས་མེད་གསལ་འགྱུར་ནས། །སྐུ་གཅིག་རྡོ་རྗེ་དྲིལ་བུར་བསྒོམ། །དེ་བཞིན་ཉིད་དུ་གྱུར་པ་དང་། །དབུ་གསུམ་ཕྱག་དྲུག་ཉིད་དུ་བསྒོམ། །གཞན་ཡང་ཁྲོ་འདུལ་སྣ་ཚོགས་བསྒོམ། །བློ་ཡི་ཤེས་རབ་ཆེ་ཆུང་ལས། །རིམ་པ་བཞིན་དུ་བསྒོམ་པར་བྱ། །ཡང་ན་ཅིག་ཅར་བསྒོམ་པར་བྱ། །ཉི་ཟླ་གཟའ་སྐར་དུས་གཅིག་ཏུ། །ཆུ་དཀྱིལ་དྭངས་པར་གསལ་བ་བཞིན། །དེ་ལྟར་གོམས་རྟོགས་རིགས་མཆོག་དེས། །ཇི་ལྟར་དབང་བསྒྱུར་བཞིན་དུ་འགྲུབ། །མཁའ་ལ་འཕྱོ་དང་རིག་འཛིན་གནས། །ཆུ་རྒྱུན་བཟློག་དང་རླུང་མི་འགུལ། །རི་བྲག་ལ་སོགས་ཐོགས་མེད་འཛུལ། །ཆུ་ལ་མི་འབྱིང་མེས་མི་འཚིག །དུག་དང་མཚོན་གྱིས་འཇིགས་མི་འགྱུར། །མི་སྣང་བ་དང་མང་པོར་སྤྲུལ། །གཞན་ཡང་ཇི་ལྟར་འདོད་པ་བཞིན། །ལྷ་སྲིན་རྣམས་ལ་དབང་སྒྱུར་ཞིང་། །ཚེ་དང་དུས་ལ་བསྲིང་བསྟུར་དང་། །སྟོང་གསུམ་ཡུངས་འབྲུར་བསྐྱེད་པ་དང་། །ཇི་ལྟར་དམིགས་པ་བཞིན་དུ་འགྲུབ། །སྦྲུལ་དང་གཅན་གཟན་གདུག་པ་རྣམས། །ཁྱི་བཞིན་བྱི་བཞིན་འབྲང་བར་འགྱུར། །བདུད་དང་གདུག་པ་ལ་སོགས་པས། །ཚུགས་པར་མི་འགྱུར་བྲན་བཞིན་འགྱུར། །ལུས་ ― DNG011_Page_0452 ―
[མ་དཔེ་གཟིགས་ན་འདིར་གནོན།]
མ་སྤངས་པར་རིག་འཛིན་ས། །ཡེ་ཤེས་བསོད་ནམས་ལོངས་སྤྱོད་ཀྱིས། །ཡི་གེ་འཁོར་ལོ་ཚོགས་མཆོག་བརྙེས། །ཐུགས་རྗེ་སྤྲུལ་པའི་བྱིན་བརླབས་ཀྱིས། །སོ་སོར་ཐར་པའི་ལམ་ཡང་སྟོན། །འགྲོ་བ་མ་ལུས་དོན་ཡང་བྱེད། །ལས་རྣམས་ཐམས་ཅད་ཀུན་བྱས་ནས། །སྐྱེ་འཆི་མེད་པའི་གཡུང་དྲུང་ཐོབ། །མཚན་དང་དཔེ་བྱད་ཀུན་གྱིས་བརྒྱན། །བསོད་ནམས་ཡེ་ཤེས་ཚོགས་ཆེན་ལྡན། །མཐར་ཕྱིན་བྱ་བ་མེད་པ་འགྲུབ། །བསྒྲུབ་མེད་སྤངས་མེད་ཆོས་ཀྱི་དབྱིངས། །འགྲོ་མེད་འོང་མེད་དེ་བཞིན་ཉིད། །དེ་ལྟར་བསྒྲུབས་ཏེ་བསྒོམས་བྱས་ན། །འབྲས་བུ་མངོན་དུ་མ་གྱུར་ཀྱང་། །ཚེ་རབས་སྐྱེ་བ་ཐམས་ཅད་དུ། །ལས་ངན་ཀུན་དུ་སྐྱེ་མི་འགྱུར། །ཐེག་པ་དམན་པར་ཡོང་མི་འགྱུར། །རྡོ་རྗེ་རིགས་མཆོག་འཛིན་པར་འགྱུར། །ཞེས་རྡོ་རྗེ་གསང་བའི་ཚིག་ཏུའོ། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་ཤིན་ཏུ་གསང་བར་བྱ་བ་རྒྱུད་དངོས་གྲུབ་ཐོབ་པར་བྱ་བའི་ལེའུ་སྟེ་བདུན་ཅུ་གཉིས་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཧོམ་རྣམས་ཀྱི་ཕྲིན་ལས་འདི་གསུངས་སོ། །དང་པོར་དེ་བཞིན་ཉིད་དུ་གསལ་ཞིང་འདྲིས་པར་བསྒོམ། དེ་ནས་བདག་གི་སྙིང་གར་ཨ་གསལ་ཞིང་འཚེར་བ་གཅིག་བསྒོམ་མོ། །ཨ་དེ་ཤིན་ཏུ་གསལ་བར་གྱུར་པ་དང་། ཕྱོགས་བཅུར་འོད་དུ་འཕྲོས་པར་བསྒོམ། འོད་དེ་སླར་ཨ་ལ་བསྡུ་ཞིང་བསྡིམ། མ་དང་ཨ་ལས་ཉི་མ་དང་ཟླ་བའི་དཀྱིལ་འཁོར་བསྡིམ་ཞིང་འཚེར་ལ་གསལ་བར་བསྒོམ། ཧྲཱྀ་ལས་པདྨའི་དཀྱིལ་འཁོར་གསལ་བར་བསྒོམ། ཧཱུྃ་ཤིན་ཏུ་འོད་འབར་བར་བསྒོམ། སྙིང་གི་དཀྱིལ་འཁོར་དུ་རྡོ་རྗེ་སེམས་དཔའ་ཚོན་གང་བ་གཅིག་ཕྱག་རྒྱ་དང་བཅས་པར་བསྒོམ། བཞི་བཅུ་རྩ་གཉིས་ཀྱི་སྔགས་དང་། ཡིག་འབྲུ་དང་། ཕྱག་རྒྱ་ཡང་གསལ་བར་བཟླས། འབྲུ་གསུམ་དང་འབྲུ་ལྔ་ཡང་བཟླས། འདུག་འབྲུ་བཞེས་མཚམས་གཅད། རྟག་ཏུ་ཧོམ་བྱ། ཚོགས་དང་མཆོད་པ་ཡང་བྱ། མང་པོ་མི་ནུས་པའི་དོན་དུ་ཧོམ་གང་བགྱི་ཡང་རུང་། ― DNG011_Page_0453 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་གྱི་དབུས་ཀྱི་གཙོ་བོར་སྤྱི་ནི་རྡོ་རྗེ་སེམས་དཔའ། དྲག་པོ་ཡང་རྡོ་རྗེ། དབང་པདྨ་ཧེ་རུ་ཀ །རྒྱས་པ་རཏྣ་ཧེ་རུ་ཀ །ཞི་བ་བུཌྜྷ་ཧེ་རུ་ཀ །སྤྱན་དྲང་བ་ནི་ཨེ་ཧྱེ་ཧི་མ་ཧཱ་ཀཱ་རུ་ཎཱི་ཀ་ཞེས་ཧོམ་གང་བྱེད་པའི་ལྷ་གཙོ་བོ་ནས་སྤྱན་དྲང་། མཆོད་པ་དང་ཨརྒྷ་དབུལ་བ་ནི་དྲག་པོའི་མགོར་ནི། སྔགས་རིལ་ཧཱུྃ། ཞི་བ་ལ་མགོར་རིལ་ཨྃ། བར་མ་རྣམས་ལ་ཡང་དེ་བཞིན་སྦྱར། སྤྱན་དྲང་བ་ནི་གང་མཛད་པའི་གཙོ་བོ་ནས་ཞི་ལ་ཤཱནྟིཾ་བསྣན། སྤྱི་ནི་ལ་སོ་སོ་རང་སྔགས་རྫོགས། དྲག་པོ་ལྷོ། དབང་ནུབ། རྒྱས་པ་བྱང་། ཞི་བ་ཤར། སྤྱི་གང་ཡང་རུང་གྲུ་གསུམ་དང་ཐོད་པ་ཁ་གདངས་སོ། །ཟླ་གམ་དང་། པདྨ་དང་། ཆགས་མེད་དེ། ཕྱག་རྒྱ་རྣམ་པ་བདུན་ལ་ཕྱག་རྒྱ་ཆེན་པོ་དང་། ཆོས་ཉིད་ཀྱི་ཕྱག་རྒྱ་དང་། དམ་ཚིག་གི་ཕྱག་རྒྱ་དང་། ལས་ཀྱི་ཕྱག་རྒྱ་དང་། ཐབས་དང་། ཤེས་རབ་ཀྱི་ཕྱག་རྒྱ་དང་། ཏིང་ངེ་འཛིན་གྱི་ཕྱག་རྒྱ་དང་། ལྷག་པའི་ཏིང་ངེ་འཛིན་གྱི་ཕྱག་རྒྱའོ། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་ཧོམ་རྣམ་བཞིའི་ལེའུ་སྟེ་བདུན་ཅུ་གསུམ་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས། རྨད་དུ་བྱུང་བའི་དམ་ཚིག་བཅོ་ལྔ་མདོ་འདི་ལྟར་ཡང་བཤད་དེ། ཐམས་ཅད་མཁྱེན་པའི་ཡེ་ཤེས་ཀྱིས། །ཐམས་ཅད་མཉམ་པའི་ངང་ཉིད་དུ། །དབྱིངས་སུ་རོ་གཅིག་དེ་བསྡུས་ཏེ། །དོན་དུ་མི་འགྱུར་ཡོང་མ་གསུངས། །ཡོན་ཏན་མཆོག་གི་འདོད་པ་ནི། །སྣང་སྲིད་མ་ལུས་ཐམས་ཅད་ཀུན། །མཉམ་པའི་ཞིང་དུ་སྦྱོར་བས་ན། །ཆགས་པ་མེད་པའི་ཚུལ་དུ་སྤྱོད། །འདི་ནི་རྣམ་དག་ལེགས་པའི་ལམ། །བྱང་ཆུབ་མཆོག་ཏུ་འགྲོ་བའི་གནས། །བདེ་ཆེན་མི་ཟད་གཏེར་དུ་འགྱུར། །ཅིས་ཀྱང་མི་ཚུགས་རྡོ་རྗེའི་སྐུ། །ཉོན་མོངས་སྡུག་བསྔལ་འདོད་ཆགས་ནི། །ལུས་དང་ཟས་ཀྱིས་བསྒྲིབས་འགྱུར་ཏེ། །ཡི་དྭགས་གནས་ནས་གནས་སུ་འགྲོ། །སྐོམ་དང་བཀྲེས་པས་ཉོན་མོངས་འགྱུར། །རྣག་ཁྲག་ངན་སྐྱུགས་རྟག་ཏུ་མཐོང་། །བདེ་ལ་སྤྱོད་པའི་དབང་ཡང་མེད། །རྩུབ་ཅིང་གདུག་པས་བསྲུང་བར་འགྱུར། །ཐུགས་རྗེ་ཆེན་པོའི་ཞེ་སྡང་ ― DNG011_Page_0454 ―
[མ་དཔེ་གཟིགས་ན་འདིར་གནོན།]
ནི། །འཁོར་བའི་མྱ་ངན་སྒོ་བཅད་ཅིང་། །བདེར་གཤེགས་ལམ་དུ་འཛུད་པར་བྱེད། །ཡང་དག་དོན་དང་ལྡན་པར་འགྱུར། །ཐུགས་རྗེ་ཚུལ་གྱིས་ཁྲོ་སྟོན་ཞིང་། །ཤིན་ཏུ་མཉམ་པའི་ངང་དུ་འཇོག །རྡོ་རྗེ་སེམས་དཔའི་ཞི་བ་ཡིས། །ཡང་དག་མཆོག་གི་བདེ་བ་འགྲུབ། །ཡེ་ཤེས་གསལ་བའི་བདེ་བ་ནི། །བདག་དང་བདག་གི་དབྱེར་མེད་དེ། །རང་བཞིན་མེད་པའི་དབྱིངས་སུ་རོལ། །ཐམས་ཅད་བརྗོད་དུ་མེད་པའི་ངང་། །ཀུན་དུ་ཁྱབ་པའི་སྐུ་མངའ་བ། །ཤིན་ཏུ་འོད་གསལ་རྣམས་དག་ལམ། །བྱང་ཆུབ་སེམས་དཔའི་སྒྲིབ་པ་སྦྱོང་། །སེམས་ཅན་ཉོན་མོངས་དུག་སེལ་འགྱུར། །ཐམས་ཅད་ཞིང་སྦྱོང་ང་རྒྱལ་ནི། །ཡོན་ཏན་བསྐྱེད་པའི་མཛོད་ཡིན་ཏེ། །ང་མེད་བདག་མེད་མི་དམིགས་ལ། །སུ་ཞིག་དེ་ལ་ང་རྒྱལ་སྐྱེད། །དཔུང་བཞིའི་ཚོགས་ཀྱིས་མི་ཐུབ་པའི། །ཤིན་ཏུ་རྒྱལ་བའི་ཁྱུ་མཆོག་འགྲུབ། །ལྷ་སྲིན་བདུད་སྡེ་ཚར་བཅད་པའི། །དཔའ་བར་འགྲོ་བའི་ཏིང་འཛིན་ཐོབ། །ཕྲག་དོག་ཡངས་པའི་དོན་སྦྱོར་བ། །ང་དང་བདག་མེད་དོན་རྟོགས་ན། །དོག་དང་ཡངས་པ་གཉིས་མེད་དེ། །བདེ་མཆོག་དཀྱིལ་འཁོར་ཡངས་པ་འགྲུབ། །ཕྲག་དོག་དངོས་པོ་མི་ཤེས་ཤིང་། །ང་དང་བདག་ཏུ་འཛིན་འགྱུར་ན། །ལྷ་མ་ཡིན་གྱི་གནས་སུ་སྐྱེ། །དེ་ནས་ཡི་དྭགས་གནས་སུ་འགྲོ། །གལ་ཏེ་ཡུལ་ས་རྙེད་གྱུར་ན། །ཤིན་ཏུ་མི་བདེ་དོག་པར་འགྱུར། །གཞན་ཡང་ལོངས་སྤྱོད་ཐམས་ཅད་ལ། །དབང་བྱར་མེད་ཅིང་གཞན་དབང་འགྱུར། །མདོར་ན་ཉོན་མོངས་སྡུག་བསྔལ་འགྲུབ། །ཕྲག་དོག་ཡང་དག་རྟོགས་པ་ནི། །ང་དང་བདག་ཏུ་འཛིན་པ་དང་། །ཕྱིན་ཅི་ལོག་ལ་ཕྲག་དོག་སྟེ། །ཐམས་ཅད་གཉིས་སུ་མེད་པར་སྦྱོར། །བདེ་བ་མཆོག་ཀྱང་འགྲུབ་པར་འགྱུར། །གཉིས་མེད་དོན་ཡང་རྟོགས་པར་འགྲུབ། །ང་མེད་བདག་མེད་དབྱིངས་སུ་ཐིམ། །ལྷུན་གྲུབ་དོན་མཆོག་འགྲུབ་པར་འགྱུར། །ཡིད་ལ་ལྷ་ནི་རྟག་བསྒོམས་ན། །རྒྱུ་འབྲས་ལྷུན་གྱིས་གྲུབ་པ་ཡི། །བདག་གིས་ཀུན་དུ་དབང་བསྒྱུར་ཏེ། །རིག་འཛིན་གནས་སུ་སྐྱེ་བར་འགྱུར། །རྡོ་རྗེའི་རིགས་ཀྱིས་ ― DNG011_Page_0455 ―
[མ་དཔེ་གཟིགས་ན་འདིར་གནོན།]
བསྒྲུབ་བྱ་བ། །སྒྲོལ་དང་སྦྱོར་བས་མཐར་ཕྱིན་འགྱུར། །སྦྱོར་བ་ཉིད་ན་སྒྲོལ་བ་ཡིན། །སྒྲོལ་བ་ཉིད་ན་སྦྱོར་བ་ཡིན། །རང་བཞིན་གྱིས་ནི་སྦྱོར་སྒྲོལ་དང་། །ཏིང་ངེ་འཛིན་གྱིས་སྦྱོར་སྒྲོལ་དང་། །དབང་པོའི་ཡུལ་དུས་སྦྱོར་སྒྲོལ་དང་། །ཐབས་ཆེན་དག་གི་སྦྱོར་སྒྲོལ་དང་། །མངོན་དུ་ཕྱུང་བའི་སྦྱོར་སྒྲོལ་ལོ། །ཡང་ན་སྦྱོར་སྒྲོལ་བདག་ལ་སོགས། །ཤེས་རབ་དབྱིངས་དང་བདག་ཏུ་སྦྱོར། །ཐབས་ཆེན་སྤྲུལ་པ་བསམ་མི་ཁྱབ། །དབྱིངས་དང་དབྱིངས་སུ་ཐམས་ཅད་སྒྲོལ། །རོལ་པའི་ཕྲིན་ལས་བསམ་མི་ཁྱབ། །ཐུགས་རྗེ་སྤྲུལ་པ་བསམ་མི་ཁྱབ། །སྦྱོར་སྒྲོལ་ཕྲིན་ལས་བདག་ལ་རྫོགས། །བྱང་ཆུབ་སེམས་སྤྲུལ་ཕྱོགས་བཅུར་འཕྲོ། །ངན་སོང་གནས་རྣམས་སྟོངས་པར་བྱེད། །རིག་འཛིན་བདེ་ལྡན་ཐོབ་པར་བྱེད། །བླ་མེད་ཞིང་རྣམས་དག་པར་བྱེད། །སྐུ་གསུང་ལྷུན་གྲུབ་ཕྱོགས་བཅུར་འདུལ། །རྡོ་རྗེ་ཞེས་ནི་མཚན་བསྒྲགས་ཏེ། །ཐེག་དམན་རྣམས་ཀྱང་རྡོ་རྗེར་དགོད། །ཟད་མི་ཤེས་པའི་གཏེར་ཡང་འགྲུབ། །རྡོ་རྗེ་རིག་པ་འཛིན་པའི་སྐུ། །ཐམས་ཅད་དབྱེར་མེད་མཉམ་པའི་སྐུ། །ཐམས་ཅད་མཁྱེན་པའི་ཡེ་ཤེས་མཆོག །ཐུགས་རྗེ་སྤྲུལ་པ་དཔག་མེད་ཀྱིས། །འགྲོ་དྲུག་དུས་གནས་མ་ལུས་མཁྱེན། །འགྲོ་བ་ཉིད་ན་ཉིད་ཀྱི་སྐུ། །ཉོན་མོངས་བྱང་ཆུབ་ལམ་དུ་མཁྱེན། །འཁོར་བ་ཉིད་ནི་བདེ་གནས་སོ། །ཆོས་ཀྱི་དབྱིངས་དང་སེམས་ཅན་མཐའ། །དབྱེར་མེད་ཡང་དག་ཉིད་དུའོ། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་རྨད་དུ་བྱུང་བའི་དམ་ཚིག་བཅོ་ལྔ་འདི་ལྟར་ཡང་བཤད་པའི་ལེའུ་སྟེ་བདུན་ཅུ་བཞི་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ། སྒྱུ་འཕྲུལ་དྲ་བ་ལས་དམ་ཚིག་རྣམ་པར་སྤྲོས་པ་འདི་ཉིད་ལ་ཉིད་ཆེད་དུ་བརྗོད་པ་འདི་བརྗོད་དོ། །སྤྲོས་པ་རྡོ་རྗེ་ཞེས་བྱ་བའི་དམ་ཚིག་ནི། ཞེ་སྡང་རྡོ་རྗེའི་ཐུགས་རྗེའི་ངང་། །དམྱལ་བའི་གནས་རྣམས་ཚར་གཅོད་པའི། །བརྒྱད་གཉིས་བཅུ་དྲུག་ཞིང་དུ་སྦྱོར། །ཚ་བ་རྣམས་ལ་བསིལ་བའི་སྨན། །གྲང་བ་རྣམས་ལ་དྲོ་བའི་སྨན། །བསིལ་དྲོ་འཇམ་རྩུབ་ཆ་སྙོམས་པ། །ཐུགས་རྗེའི་བྱིན་རླབས་དེ་ལྟར་སྟོན། །བྱིན་རླབས་ཡ་ ― DNG011_Page_0456 ―
[མ་དཔེ་གཟིགས་ན་འདིར་གནོན།]
མཚན་རྨད་པོ་ཆེ། །ཆགས་པའི་ཡེ་ཤེས་ཞེས་བྱ་བའི་དམ་ཚིག་ནི། ཆགས་པ་མེད་པའི་ཚུལ་གྱིས་ནི། །འདོད་པ་ཀུན་ལ་ལོངས་སྤྱོད་བྱ། །ཇི་ལྟར་བདེ་བའི་རོ་མྱོང་ཞིང་། །མྱོང་ཚོར་ཉིད་ན་རང་བཞིན་མེད། །ཆགས་པ་མེད་པའི་ཡེ་ཤེས་ཀྱིས། །ཡི་དྭགས་གནས་རྣམས་ཚར་གཅོད་ཅིང་། །ལུས་དང་ཟས་ཀྱིས་བསྒྲིབས་པ་ཡི། །ཉོན་མོངས་གཉི་ག་མེད་པར་སྟོན། །གཏི་མུག་ཅེས་བྱ་བའི་དམ་ཚིག་ནི། ང་དང་བདག་མེད་གཉིས་མེད་པའི། །ཤེས་རབ་ཆེན་པོའི་འོད་གསལ་གྱིས། །དྲན་སྨྲ་མེད་པའི་སྡུག་བསྔལ་བསལ། །རྨོངས་མེད་སྒྲིབ་པ་དག་པར་བྱས། །ཡེ་ཤེས་གསལ་བའི་ཐུགས་རྗེ་ཡིས། །བྱ་བྱེད་མེད་པར་ཉོན་མོངས་སྒྲོལ། །བྱོལ་སོང་གནས་ནི་སྟོངས་བྱེད་ཅིང་། །ཐུགས་རྗེའི་སྒྲོན་མ་དེ་ལྟར་སྒྲོན། །ཕྲག་དོག་ཅེས་བྱ་བའི་དམ་ཚིག་ནི། ཡངས་པ་ཆེན་པོའི་ཡེ་ཤེས་ཀྱིས། །ང་དང་བདག་འཛིན་རྣམས་ལ་ནི། །ཐུགས་རྗེས་གཉིས་མེད་མཉམ་སྦྱོར་ཞིང་། །དོག་དང་ཡངས་པ་གཉི་ག་མེད། །རྒྱ་ཆེན་ཡངས་པའི་བློ་ལྡན་པས། །འདི་ལ་མི་ཆུད་གང་ཡང་མེད། །ཐམས་ཅད་ཡངས་པ་ཉིད་དུ་སྦྱོར། །ལྷ་མ་ཡིན་རྣམས་སྟོངས་པར་བྱེད། །ང་རྒྱལ་བདེ་མཆོག་ཅེས་བྱ་བའི་དམ་ཚིག་ནི། ཡེ་ནས་ཆོས་ཉིད་མཉམ་པ་ལ། །ང་དང་ཁྱོད་ཅེས་བྱ་བ་མེད། །ཐམས་ཅད་དབྱིངས་སུ་རོ་གཅིག་སྟེ། །གཉིས་མེད་མཚན་ཉིད་བསྣན་དུ་མེད། །ཆེ་ཆུང་མེད་པའི་ངང་ཡིན་པས། །བྱ་བ་དག་ནི་མེད་པར་བསྟན། །ང་རྒྱལ་བདག་མེད་རྟོགས་པ་ཡིས། །དྲེགས་པའི་གནས་རྣམས་སྟོངས་པར་བྱེད། །རང་བཞིན་གྱིས་འོད་གསལ་བ་ཞེས་བྱ་བའི་དམ་ཚིག་ནི། འཇིག་རྟེན་འདི་ན་ཅི་ཡོད་པ། །མིང་དང་ཐ་སྙད་འཛིན་པ་དག །སོ་སོའི་མཚན་ཉིད་གཞིག་བྱས་ན། །རང་བཞིན་མེད་དེ་ཡང་དག་ཉིད། །རང་བྱུང་ཆེན་པོའི་ཡེ་ཤེས་ཀྱིས། །ཐམས་ཅད་སངས་རྒྱས་ཞིང་དུ་སྦྱོར། །མ་བཅོས་མ་བྱས་ངང་གིས་གསལ། །ཡེ་ནས་འོད་གསལ་སངས་རྒྱས་ཞིང་། །ཉིད་ཀྱི་དཀྱིལ་འཁོར་ཞེས་བྱ་བའི་དམ་ཚིག་ནི། རང་བཞིན་ཉིད་ལ་གནས་པ་ཡི། །སུས་ཀྱང་མ་བྱས་རང་བྱུང་སྟེ། །ཐམས་ཅད་དེ་བཞིན་ཉིད་དུ་ ― DNG011_Page_0457 ―
[མ་དཔེ་གཟིགས་ན་འདིར་གནོན།]
སྦྱོར། །གཉིས་མེད་དབྱིངས་ཀྱི་ངང་དུ་ཐིམ། །རང་བྱུང་ཡེ་ཤེས་དཀྱིལ་འཁོར་གྱིས། །མ་ལུས་དེ་བཞིན་ཉིད་དུ་སྡུད། །སྡུད་དང་མི་སྡུད་གཉི་ག་མེད། །ཡང་དག་ཁོ་ན་ཉིད་དུའོ། །བདེ་བའི་ངང་ཉིད་ཅེས་བྱ་བའི་དམ་ཚིག་ནི། ཐམས་ཅད་མ་ལུས་རྣམ་པར་དག །ཉིད་ཀྱི་དབྱིངས་ལས་མི་གཞན་ཕྱིར། །བདེ་དང་མི་བདེ་གཉིས་ཀ་མེད། །ཐམས་ཅད་དབྱིངས་སུ་རོ་གཅིག་སྟེ། །ཇི་བཞིན་ཉིད་ཀྱི་ངང་བཙན་པར། །ཡང་དག་ཉིད་ཀྱིས་དེ་སྐད་གསུངས། །བཤད་དང་ཉན་པའང་གཉི་ག་མེད། །དེ་བཞིན་ཉིད་དུ་གཉི་ག་འདུ། །དུས་བཞི་རྒྱལ་མཆོག་ཅེས་བྱ་བའི་དམ་ཚིག་ནི། གོང་ན་མེད་པའི་ཡེ་ཤེས་མཆོག །ཐམས་ཅད་ཀུན་ལ་དབང་བསྒྱུར་ཏེ། །ཐམས་ཅད་མཉམ་པ་ཉིད་དུ་སྦྱོར། །འདས་དང་མ་འདས་ཐམས་ཅད་དང་། །འབྱུང་དང་འབྱུང་བར་མ་ངེས་པའི། །ཡེ་ཤེས་རྟོགས་པའི་ཁྱད་པར་གྱིས། །དུས་བཞི་སྔ་ཕྱི་མེད་པ་ཡི། །མཉམ་པ་ཉིད་དུ་ལྷན་ནེར་སྦྱོར། །ལྷུན་གྲུབ་ཅེས་བྱ་བའི་དམ་ཚིག་ནི། འཇིག་རྟེན་འདས་དང་འཇིག་རྟེན་པའི། །ཐམས་ཅད་དབྱེར་མེད་བྱང་ཆུབ་སྟེ། །ཡེ་ནས་རྣམ་པར་དག་པའི་ཆོས། །མ་བཅོས་ལྷུན་གྱིས་གྲུབ་པ་ཡི། །བྱང་ཆུབ་ལམ་ཆེན་འདི་ཡིན་ཏེ། །ཐམས་ཅད་དབྱེར་མེད་ཉིད་དུ་འདུས། །བྱང་ཆུབ་དོན་སྒྲུབ་ཡེ་ནས་རྫོགས། །མཉམ་པའི་ཞིང་དུ་ཐམས་ཅད་ཐིམ། །རྡོ་རྗེ་སྐྱེ་གནས་ཞེས་བྱ་བའི་དམ་ཚིག་ནི། ཐེག་པ་ཆེ་མཆོག་རིགས་སུ་ངེས། །རིགས་ཏེ་བྱང་ཆུབ་བསྟན་པས་གཟུང་། །ཐམས་ཅད་མཉམ་པའི་དབྱིངས་ཤེས་ན། །རིགས་མཆོག་ཀུན་གྱི་སྐྱེ་གནས་ཡིན། །སྐྱེས་པ་ཉིད་ན་སྐྱེས་པ་མེད། །ལས་དང་ལས་ཀྱི་བག་ཆགས་མེད། །ཅིས་ཀྱང་མ་གོས་ཐམས་ཅད་འཇོམས། །སྐྱེ་ཤི་མེད་པའི་ས་ཡང་ཡིན། །བྱང་ཆུབ་ཀྱི་ཞིང་བཀོད་པའི་དམ་ཚིག་ཅེས་བྱ་བ་ནི། ཕྱོགས་བཅུ་མཐའ་ཡས་མུ་མེད་པའི། །སྣང་གྲགས་བསམ་གྱིས་མི་ཁྱབ་པའི། །ཕྱི་དང་ནང་གི་གནས་པ་དག །དེ་བཞིན་ཉིད་ཀྱི་དབྱིངས་སུ་ཐིམ། །མདོར་ན་ཞིང་ཁམས་མ་ལུས་པར། །ཡོན་ཏན་རིན་ཆེན་བཀོད་པ་ཡི། །ཡེ་ཤེས་རྒྱན་གྱིས་སྤྲོས་པ་རྣམས། །ཞིང་དེ་ཡོན་ཏན་བསམ་མི་ཁྱབ། ། ― DNG011_Page_0458 ―
[མ་དཔེ་གཟིགས་ན་འདིར་གནོན།]
ཡེ་ཤེས་བཞུགས་གནས་ཞེས་བྱ་བའི་དམ་ཚིག་ནི། གཟུང་འཛིན་བྲལ་བའི་ཡེ་ཤེས་ནི། །དེ་བཞིན་གཤེགས་པ་ཀུན་གྱི་གནས། །གསང་སྔགས་ཆེན་པོ་གྲུབ་འདོད་པས། །གཟུང་འཛིན་བྲལ་བའི་ཡེ་ཤེས་ཐོབ། །ཆོས་ཀྱི་དབྱིངས་དང་སེམས་ཅན་ནི། །གཉིས་མེད་དེ་བཞིན་ཉིད་དུ་གཅིག །དེ་ལྟར་རྟོགས་པའི་སྐྱེས་བུ་ནི། །རྡོ་རྗེ་བཞུགས་གནས་ཡིན་པར་བཤད། །མི་འཇིགས་པའི་རྒྱལ་མཆོག་ཅེས་བྱ་བའི་དམ་ཚིག་ནི། རྣམ་པར་བྱང་དང་ཉོན་མོངས་གཉིས། །སོ་སོ་ཡོད་པ་མ་ཡིན་ཏེ། །ཉོན་མོངས་གཉེན་པོས་བཅོས་སུ་མེད། །ཐམས་ཅད་དབྱིངས་སུ་རོ་གཅིག་པས། །དེ་ལ་འཇིགས་པའི་གཉེན་པོ་མེད། །ཅིས་ཀྱང་མི་ཚུགས་གོང་ན་མེད། །མཆོག་ཏུ་བདེ་བའི་ཞིང་ཡང་ཡིན། །ང་མེད་བདག་མེད་རྒྱལ་བའི་མཆོག །གཞལ་ཡས་ཁང་བརྟན་ཞེས་བྱ་བའི་དམ་ཚིག་ནི། ཕྱོགས་བཅུ་དུས་བཞི་ཐམས་ཅད་ཀུན། །རྒྱལ་བའི་ཞིང་དུ་སྦྱོར་བ་ནི། །དོག་ཡངས་ཚད་ཀྱང་དཔག་ཏུ་མེད། །སངས་རྒྱས་སྤྱི་གཙུག་ལྟ་བུའི་མཚན། །ཡེ་ཤེས་རྒྱུ་ལས་གྲུབ་པའོ། །ཇི་ལྟར་དམིགས་པ་བཞིན་དུ་འགྲུབ། །ཟག་པ་ཟད་ལས་གྲུབ་པ་ཡི། །ནམས་ཀྱང་འཇིགས་མེད་ཆོས་ཀྱི་དབྱིངས། །སྣ་ཚོགས་ཀུན་སྦྱོར་ཞེས་བྱ་བའི་དམ་ཚིག་ནི། གདོལ་པ་ཅན་གྱི་ཆོས་མིན་པས། །ཅི་ལྟར་བསམས་པ་བཞིན་དུ་འགྲུབ། །རིག་པ་རང་དབང་གྱུར་པས་ན། །སྟོང་པར་བྱ་འམ་མི་སྟོང་བྱ། །ཐམས་ཅད་དབྱེར་མེད་ངང་ཡིན་པས། །ཁ་དོག་དབྱིབས་དང་རིན་པོ་ཆེ། །ཐམས་ཅད་ཁྱབ་པར་ཡུངས་འབྲུའི་ཚུལ། །བསམ་ཡས་མཐའ་དབུས་མེད་པའོ། །འདྲེན་བྱེད་གནས་སྟོབས་ཞེས་བྱ་བའི་དམ་ཚིག་ནི། མ་རིག་ལོག་རྟོག་བསམ་ཡས་ཀྱིས། །འཇིག་རྟེན་ཁམས་རྣམས་བསམ་ཡས་པ། །འཁོར་བའི་རྒྱུ་དང་འབྲས་བུ་གཉིས། །གཞི་རྩ་མེད་པའི་སྐད་ཅིག་མ། །ཡང་དག་བྱང་ཆུབ་སེམས་རིག་ན། །མ་རིག་རྒྱུ་འབྲས་རྣམ་པར་དག །ཉོན་མོངས་པ་ཉིད་བྱང་ཆུབ་སྟེ། །ཐམས་ཅད་མ་ལུས་བདེ་གནས་སོ། །ལམ་ལྔ་སྟོན་བྱེད་ཅེས་བྱ་བའི་དམ་ ― DNG011_Page_0459 ―
[མ་དཔེ་གཟིགས་ན་འདིར་གནོན།]
ཚིག་ནི། ཏིང་འཛིན་རྣམ་གསུམ་བསྒོམ་བྱས་ཏེ། །ཉོན་མོངས་ལམ་ལྔའི་སྒོ་བཀག་ནས། །ལམ་ལྔར་སྣང་བ་རྣམ་རྟོག་ཡིན། །རྟོག་དང་མི་རྟོག་གཉི་ག་མེད། །གཉིས་མེད་དེ་ནི་ཡང་དག་ལམ། །ཐབས་དང་ཤེས་རབ་ངང་ཉིད་དུ། །ཤིན་ཏུ་མཉམ་བཞག་རྟོགས་བྱ་ཞིང་། །བླ་ན་མེད་པ་སྟོན་པར་བྱ། །ཡང་དག་དོན་སྟོན་ཞེས་བྱ་བའི་དམ་ཚིག་ནི། ཐེག་པ་བསམ་ཡས་སྟོན་པ་ཡང་། །དེ་བཞིན་ཉིད་ཀྱིས་མ་བརྗོད་ཀྱང་། །སེམས་ཅན་བློ་ཡི་རིམ་པ་བཞིན། །སོ་སོར་འཚམ་པར་ཀུན་ལ་གསལ། །འདི་ནི་རྡོ་རྗེ་ཐེག་མཆོག་སྟེ། །རྒྱ་མཚོ་ཀླུང་དུ་ཆུ་འབབ་བཞིན། །ཐམས་ཅད་ཆུ་ཡི་ངོ་བོ་ཉིད། །ཐེག་པ་ཐམས་ཅད་རྡོ་རྗེའི་ས། །རབ་ཏུ་རྟོགས་བྱེད་ཅེས་བྱ་བའི་དམ་ཚིག་ནི། ཤེས་རབ་བློ་ཆེན་རབ་ལྡན་པས། །དོན་དུ་མི་འགྱུར་ཡོང་མ་གསུངས། །སྲིད་གསུམ་འགྲོ་བ་བསམ་ཡས་སུ། །ཐུགས་རྗེ་སྙོམས་པ་བསམ་མི་ཁྱབ། །དོན་དང་མཐུན་པ་འབའ་ཞིག་སྟོན། །མི་མཐུན་ཞགས་པ་འཁོར་བ་གཅོད། །བདེར་གཤེགས་ཞིང་རྣམས་དག་པར་བྱེད། །ཐམས་ཅད་དབྱིངས་སུ་དག་པར་འདུས། །སྒྱུར་བྱེད་བྱང་ཆུབ་ཅེས་བྱ་བའི་དམ་ཚིག་ནི། རང་རིག་ཡེ་ཤེས་དབང་ཐོབ་ནས། །དཀར་པོ་ཚོན་གྱིས་མདོག་སྒྱུར་བཞིན། །དུག་ཀྱང་སྨན་དུ་འགྱུར་བ་དང་། །དེ་བཞིན་བྱང་ཆུབ་དུག་གསུམ་སྟེ། །འགྲོ་ལྔ་བྱང་ཆུབ་ལམ་དུ་སྦྱོར། །ཉོན་མོངས་སྡུག་བསྔལ་ཐར་བྱེད་ལམ། །ཐར་དང་མ་ཐར་གཉིས་མེད་ན། །ཐམས་ཅད་མ་ལུས་བྱང་ཆུབ་རྒྱུ། །མཉམ་རྫོགས་ལྷུན་གྲུབ་ཅེས་བྱ་བའི་དམ་ཚིག་ནི། ཡེ་ཤེས་སྒྱུ་མར་སྣང་བ་དང་། །ལོག་རྟོག་སྒྱུ་མར་སྣང་བ་གཉིས། །སྒྱུ་མ་ཡིན་པས་རང་བཞིན་མཉམ། །མཉམ་པ་ཉིད་ན་མི་གནས་པའི། །བསོད་ནམས་ཡེ་ཤེས་ཚོགས་རྫོགས་ཏེ། །ཡེ་ཤེས་གཉིས་ཀྱི་དཀྱིལ་འཁོར་ལ། །ཐེག་མཆོག་རྡོ་རྗེ་མ་ལུས་རྫོགས། །དཔེ་བྱད་བཟང་པོ་དཔག་ཏུ་མེད། །ཐམས་ཅད་དབང་སྒྱུར་ཞེས་བྱ་བའི་དམ་ཚིག་ནི། ཤིན་ཏུ་རྟོགས་པའི་ཁྱད་པར་གྱིས། །སྤྱོད་ཡུལ་ཐམས་ཅད་སྨོན་ན་མཁྱེན། །དེ་བཞིན་ཉིད་དང་ཀུན་རྟོག་ལ། །གཉིས་ ― DNG011_Page_0460 ―
[མ་དཔེ་གཟིགས་ན་འདིར་གནོན།]
སུ་མེད་པས་དབང་བསྒྱུར་ཏེ། །མ་ལུས་ཐམས་ཅད་བདེ་ལྡན་ཞིང་། །ཐམས་ཅད་བྱང་ཆུབ་མཆོག་ཏུ་འགྱུར། །ཡེ་ནས་དངོས་པོ་མེད་པ་ལ། །ཇི་ལྟར་དམིགས་པ་བཞིན་དུ་འགྲུབ། །རིག་འཛིན་གནས་སྟོབས་ཞེས་བྱ་བའི་དམ་ཚིག་ནི། ཤེས་རབ་རྣམ་གསུམ་གོམས་བྱས་ནས། །ཏིང་འཛིན་མཉམ་པའི་དོན་རྟོགས་ཏེ། །རྟག་ཏུ་ཡངས་པ་ཆེན་པོ་བསྒོམ། །རྒྱུ་འབྲས་དུས་གཅིག་རྫོགས་པ་ཡི། །རང་རིག་ཉིད་ལ་དབང་ཐོབ་སྟེ། །ཚེ་ནི་བཅུ་དང་དྲུག་པ་ཡིན། །བརྒྱ་བརྒྱ་དག་ཏུ་བསྣུར་ཞིང་གནས། །ལུས་མ་བོར་བར་སངས་རྒྱས་པའོ། །ཟད་མེད་གཏེར་ལྡན་ཞེས་བྱ་བའི་དམ་ཚིག་ནི། ཤེས་རབ་ཆེན་པོ་རྣམ་དག་པས། །སྤྱོད་ཡུལ་ཐམས་ཅད་དག་པར་འགྱུར། །ཤེས་དང་སྤྱོད་ཡུལ་གཉིས་སུ་མེད། །དེ་བཞིན་ཉིད་དུ་རོ་གཅིག་སྟེ། །ཐམས་ཅད་རྒྱལ་བའི་ཞིང་སྦྱོར་བས། །ཟད་མེད་རིན་ཆེན་གཏེར་དུ་འགྱུར། །མི་ཟད་པར་ལྡན་དམ་ཚིག་མཆོག །འོག་མིན་མཐའ་དབུས་བསམ་མི་ཁྱབ། །བསྒྲུབ་མེད་མཉམ་རྫོགས་ཞེས་བྱ་བའི་དམ་ཚིག་ནི། ཐམས་ཅད་མཉམ་པའི་དཀྱིལ་འཁོར་ལ། །རང་བྱུང་ཡེ་ཤེས་འཕྱོ་བ་ཡི། །དབྱིངས་དང་རིག་པ་གཉིས་མེད་པའི། །དེ་བཞིན་ཉིད་དེ་རྡོ་རྗེའི་རིགས། །ཐམས་ཅད་གཉིས་སུ་མེད་པ་ལ། །བསྒྲུབ་དང་སྒྲུབ་པ་ཡོད་མ་ཡིན། །ཡེ་ནས་ལྷུན་གྱིས་གྲུབ་པ་ལ། །དེ་ལ་ལམ་གྱིས་བཅོས་སུ་མེད། །ཐམས་ཅད་བྱིན་གྱིས་རློབ་པ་ཞེས་བྱ་བའི་དམ་ཚིག་ནི། ཆོས་རྣམས་ཡེ་དག་གྱུར་པ་ཡང་། །ཕྱིན་ཅི་ལོག་གི་བློ་ལོག་ནས། །ལོག་རྟོག་གནས་ན་ལོངས་སྤྱོད་པ། །མ་རིག་འཁྲུལ་འཁོར་བསམ་མི་ཁྱབ། །འཁྲུལ་རྟོག་ངན་པ་བཟློག་པའི་ཕྱིར། །ཐུགས་རྗེ་ཆེན་པོ་ཐབས་མཁས་པས། །ཉོན་མོངས་འདྲེན་ཅིང་མཐོ་རིས་གནས། །བྱང་ཆུབ་ལམ་ཆེན་རྟོགས་པར་སྟོན། །གསུང་མཆོག་མཐའ་ཡས་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན། །མིང་དང་ཚིག་ཏུ་བརྟགས་ནས་སྟོན། །ཇི་སྙེད་མང་པོའི་དོན་བརྗོད་ཀྱང་། །རྡོ་རྗེ་གསུང་ལ་སྤྲོས་པ་མེད། །སྤྲོས་མེད་དེ་ནི་སྣ་ཚོགས་པའི། །ཀུན་དུ་བརྡ་འཇལ་ ― DNG011_Page_0461 ―
[མ་དཔེ་གཟིགས་ན་འདིར་གནོན།]
ཡེ་ཤེས་གསུང་། །སྒྲ་དང་མིང་ཚིག་ཀུན་ལས་འདས། །ཐམས་ཅད་པདྨ་ཆགས་མེད་པའོ། །བསྒྱུར་བ་ཟད་མེད་ཅེས་བྱ་བའི་དམ་ཚིག་ནི། ཐམས་ཅད་མཁྱེན་པའི་ཡེ་ཤེས་ཀྱིས། །སྣང་སྲིད་མ་ལུས་ཐམས་ཅད་ཀུན། །དེ་བཞིན་ཉིད་ཀྱིས་དབང་བསྒྱུར་ཏེ། །ཐམས་ཅད་ཡེ་ཤེས་དབྱིངས་སུ་བསྡིམ། །ཟད་མེད་ཡེ་ཤེས་གཏེར་ལྡན་པས། །ཐུགས་རྗེ་བྱིན་བརླབས་བསམ་མི་ཁྱབ། །འཇིག་རྟེན་འདས་དང་འཇིག་རྟེན་པའི། །སོ་སོར་དོན་རྟོགས་རྣམ་པར་དག །ཐམས་ཅད་སྐད་འཇལ་ཞེས་བྱ་བའི་དམ་ཚིག་ནི། ཐར་བའི་དཀྱིལ་འཁོར་འབུམ་ཕྲག་དང་། །འགྲོ་དྲུག་དུས་གནས་མ་ལུས་ལ། །གསུང་གཅིག་ཚིག་ཏུ་མ་བརྗོད་ཀྱང་། །སྔོན་གྱི་ཐུགས་རྗེ་བྱིན་བརླབས་ཀྱིས། །ཐར་དང་མ་ཐར་གཉི་ག་ལ། །སོ་སོ་ཇི་ལྟར་འདོད་པ་བཞིན། །ཆོས་ཀྱི་གསུང་མཆོག་དམ་པ་ཡིས། །ཐར་པ་བསྐུལ་ཞིང་ངན་སོང་སྦྱོང་། །རང་རིག་དབང་སྒྱུར་ཞེས་བྱ་བའི་དམ་ཚིག་ནི། ཕྱོགས་དུས་བསམ་གྱིས་མི་ཁྱབ་པ། །དེ་ན་ཇི་སྙེད་ཡོད་པ་ཡི། །མཚན་མ་སྣ་ཚོགས་བརྟགས་པ་ཡང་། །རང་རིག་རྣམ་པར་རྟོག་པ་ཉིད། །སངས་རྒྱས་ཞིང་ཁམས་རབ་འབྱམ་ན། །དེ་བཞིན་གཤེགས་པའི་དཀྱིལ་འཁོར་དང་། །སྤྲུལ་པ་བསམ་ཡས་འབྱུང་བ་ཡང་། །ཡེ་ཤེས་སྤྲུལ་པར་དག་པའི་ཡུལ། །ཡི་གེ་མེད་འཇལ་ཞེས་བྱ་བའི་དམ་ཚིག་ནི། ཡི་གེ་ཚིག་དང་སྒྲ་སྤངས་པའི། །བརྗོད་མེད་ངང་དུ་གནས་པ་ནི། །གསུང་ཉིད་རང་བཞིན་མེད་པ་ཡི། །ཆོས་རྣམས་ཐམས་ཅད་ཡེ་ནས་དག །ཐམས་ཅད་ཐུགས་སུ་གྱུར་པས་ན། །སྒྲ་དང་ཚིག་ལ་གནས་པ་མིན། །ཐུགས་ལ་ཐུགས་ནི་མི་གནས་པའོ། །བདུད་སྡེ་ཚར་གཅོད་ཅེས་བྱ་བའི་དམ་ཚིག་ནི། ཉོན་མོངས་པ་ཉིད་རྣམ་པར་དག །ཕུང་པོ་ལྔ་ཉིད་མངོན་སངས་རྒྱས། །བདག་ཉིད་ལྷ་ཡི་དཀྱིལ་འཁོར་ཏེ། །སྐྱེ་ཤི་མེད་པའི་གཡུང་དྲུང་གནས། །བདུད་བཞི་བཅོམ་པའི་སྐྱེས་མཆོག་གིས། །དྲེགས་པ་ཆེན་པོ་ཐམས་ཅད་བཅོམ། །མ་རིག་ལོག་འདྲེན་འདུལ་བཅད་དེ། །ཆོས་ཀྱི་དབྱིངས་སུ་ཐམས་ཅད་ཐིམ། །སྟོང་གསུམ་ཀུན་གྲགས་ཞེས་བྱ་བའི་དམ་ཚིག་ནི། ― DNG011_Page_0462 ―
[མ་དཔེ་གཟིགས་ན་འདིར་གནོན།]
ཐུགས་རྗེ་ཆེན་པོའི་བྱིན་བརླབས་ཀྱིས། །ཕྱོགས་བཅུའི་འཇིག་རྟེན་རྡུལ་སྙེད་དུ། །འགྲོ་བའི་ཕྲིན་ལས་བསམ་མི་ཁྱབ། །སྐུ་གསུང་ཐུགས་དང་ཡོན་ཏན་དང་། །ལྷུན་གྱིས་གྲུབ་པའི་ཡེ་ཤེས་ཀྱི། །ཐམས་ཅད་གདུལ་བྱ་ཆུད་མ་ཟོས། །ངན་སོང་སྦྱོང་ཞིང་བྱང་ཆུབ་ཞིང་། །ཡེ་ཤེས་རྫོགས་ཆེན་ཀུན་ཏུ་སྟོན། །ཡེ་ཤེས་གསུང་མཆོག་ཅེས་བྱ་བའི་དམ་ཚིག་ནི། འདས་དང་མ་འདས་ཐམས་ཅད་ཀུན། །ཡང་དག་ཤེས་པས་རབ་བརྟགས་ན། །རང་བཞིན་མེད་ལ་ཅིར་ཡང་སྣང་། །སྣང་བ་ཉིད་ན་དབྱིངས་ཉིད་དེ། །དེ་ལྟར་རྟོགས་པའི་ཡེ་ཤེས་ནི། །ཀུན་ལ་དབང་སྒྱུར་རང་དབང་ཅན། །ཐམས་ཅད་ཚིག་གི་སྒྲ་ལྟར་སྣང་། །འདི་ནི་ཡེ་ཤེས་གསུང་མཆོག་ཡིན། །བསམ་ཡས་ཡེ་ཤེས་རྡོ་རྗེ་གསུང་ཞེས་བྱ་བའི་དམ་ཚིག་ནི། ཆོས་རྣམས་བསམ་གྱིས་མི་ཁྱབ་སྟེ། །མཐའ་དང་དབུས་མེད་ཀུན་དུ་ཁྱབ། །ཁྱབ་དང་ཁྱབ་མེད་རྡོ་རྗེའི་གསུང་། །སྒྲ་སྐད་སྣ་ཚོགས་བསྒྲགས་པ་དང་། །དངོས་པོ་མེད་ལ་དངོས་པོའི་སྒྲ། །ཇི་ལྟར་པི་བང་ལག་ཐོགས་ན། །སྒྲ་ནི་སྣ་ཚོགས་འབྱུང་འགྱུར་ཡང་། །དངོས་པོ་མེད་པ་དེ་བཞིན་ཉིད། །ཕྱོགས་དུས་དབྱེར་མེད་ཅེས་བྱ་བའི་དམ་ཚིག་ནི། ཕྱོགས་བཅུ་མ་ལུས་ཐམས་ཅད་དང་། །དུས་བཞིར་འབྱུང་བ་མ་ལུས་ཀུན། །ཕྱོགས་དང་སྔ་ཕྱི་མེད་པ་ཡི། །ཐམས་ཅད་དེ་བཞིན་ཉིད་ཀྱི་དབྱིངས། །འཇིག་རྟེན་འདས་དང་འཇིག་རྟེན་པའི། །སོ་སོར་སྣང་བ་ཐམས་ཅད་ཀུན། །རང་རིག་རྒྱལ་པོར་ཡང་དག་འདུ། །རང་རིག་དེ་ཉིད་ཐམས་ཅད་ཡིན། །འཇིགས་མེད་རྡོ་རྗེ་ཞེས་བྱ་བའི་དམ་ཚིག་ནི། འདུས་མ་བྱས་ཉིད་འདུས་བྱས་ཡིན། །འདུས་བྱས་སྣང་དང་མི་སྣང་གཉི་ག་མིན། །ཡོད་དང་མེད་པའང་དབྱེར་མེད་དེ། །རང་བཞིན་ཡེ་ནས་དག་པ་ཡི། །མ་བཅོས་མ་བྱས་ངང་གིས་གསལ། །འཇིག་དང་གཞིག་པར་བྱ་བ་མིན། །ཅིས་ཀྱང་མི་ཚུགས་རྡོ་རྗེའི་བདག །ཅེས་གསུངས་སོ། །དེ་བཞིན་སྐུ་ཉིད་ཅེས་བྱ་བའི་དམ་ཚིག་ནི། དེ་བཞིན་ཞིང་ཁམས་བསམ་ཡས་དང་། །འགྲོ་བ་མ་ལུས་ཐམས་ཅད་ལ། ། ― DNG011_Page_0463 ―
[མ་དཔེ་གཟིགས་ན་འདིར་གནོན།]
ཐར་པ་རྣམས་ལ་དག་པའི་སྐུ། །རྟོག་པ་ཅན་ལ་འཁོར་བའི་ལུས། །སོ་སོར་འཚམ་པར་དོན་སྟོན་ཅིང་། །སྟོན་པ་ཉིད་ལ་དངོས་པོ་མེད། །ཆུ་ཟླའི་ཚུལ་དུ་ཀུན་ལ་སྣང་། །ཀུན་ལ་དེ་ལྟར་རྟོགས་པར་བྱོས། །ལྷུན་གྲུབ་བདེ་གནས་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ལ། །བྱང་ཆུབ་སྙིང་པོ་ཡོད་པ་ལྟར། །རང་བཞིན་ཡེ་ནས་འོད་གསལ་བའི། །བྱང་ཆུབ་སྙིང་པོར་ཐམས་ཅད་འདུས། །ཕྱི་ནང་མ་ལུས་ཐམས་ཅད་ཀུན། །བདག་གི་ངང་དུ་གནས་པས་ན། །བདག་ལ་བདག་གིས་དབང་བསྒྱུར་ནས། །སྤྱོད་ཡུལ་ཐམས་ཅད་སྨོན་མི་དགོས། །ཆེ་མཆོག་རྣམ་དག་ཅེས་བྱ་བའི་དམ་ཚིག་ནི། རིག་པའི་རྒྱལ་པོ་རང་གྱུར་པས། །ཐམས་ཅད་ཀུན་ལ་དབང་བསྒྱུར་ཏེ། །གོང་ན་མེད་པའི་ས་མནན་པས། །ཐམས་ཅད་ཀུན་གྱི་གཙོ་བོ་ཡིན། །ཐམས་ཅད་མ་ལུས་གཉིས་མེད་པས། །བསྒོ་དང་བསྒོ་བར་བྱ་བ་མིན། །དེ་བཞིན་ཉིད་ལ་དབང་བསྐུར་བས། །ཐམས་ཅད་དབྱིངས་སུ་རོ་གཅིག་གོ། །ཆོས་ཐམས་ཅད་ཀྱི་དཀྱིལ་འཁོར་ཞེས་བྱ་བའི་དམ་ཚིག་ནི། ཕྱི་ནང་སྣོད་བཅུད་བདག་རྣམས་ལ། །རང་བཞིན་དཀྱིལ་འཁོར་ཡེ་ནས་གནས། །ཆེན་པོའི་གཟུགས་སྣང་ཐམས་ཅད་ནི། །དེ་བཞིན་གཤེགས་པའི་དཀྱིལ་འཁོར་ཉིད། །སྒྱུ་མའི་རྩལ་རྣམས་འཛིན་འགྱུར་བའི། །དེ་བཞིན་ཡུམ་གྱི་དཀྱིལ་འཁོར་རོ། །རང་རིག་བྱང་ཆུབ་དཀྱིལ་འཁོར་ཏེ། །ཐམས་ཅད་ཀུན་ནས་འཁྱིལ་པར་གནས། །ཟད་མེད་གཏེར་ཆེན་ཞེས་བྱ་བའི་དམ་ཚིག་ནི། ཟག་བཅས་གནོན་སྦྱིན་ནོར་དང་འདྲ། །སེམས་ཅན་འཕེལ་འགྲིབ་ཟད་འགྱུར་གྱི། །དེ་བཞིན་གཤེགས་པའི་ཡོན་ཏན་ནི། །ཟད་མེད་འཕེལ་འགྲིབ་མེད་པ་ཡི། །མང་པོ་སྤྲོས་པས་འཕྲོ་མི་འགྱུར། །ཉུང་ངུ་བསྡུས་པས་སྦོམ་པོ་མིན། །ཟད་མེད་རིན་ཆེན་གཏེར་ཡིན་པས། །ཐམས་ཅད་ཀུན་ལ་ཁྱབ་པའོ། །རྣམ་དག་བྱང་ཆུབ་ཅེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན། །ཡེ་ནས་རྣམ་པར་དག་པ་ལ། །རྣམ་རྟོག་རྐྱེན་གྱིས་གློ་བུར་དུ། །ཁམས་གསུམ་འཁོར་བའི་བཙོན་རར་གནས། །རང་རིག་སྒྲིབ་མེད་དག་པ་ཡིས། །མྱ་ངན་ ― DNG011_Page_0464 ―
[མ་དཔེ་གཟིགས་ན་འདིར་གནོན།]
འདས་དང་འཁོར་བ་གཉིས། །རང་བཞིན་མེད་པར་དོན་རྟོགས་ན། །སངས་རྒྱས་ཞིང་དུ་རྣམ་པར་དག །གཟུང་འཛིན་དྲིལ་བྱེད་ཅེས་བྱ་བའི་དམ་ཚིག་ནི། ཕྱིན་ཅི་ལོག་ཏུ་རྣམ་བརྟགས་ན། །བདག་དང་བདག་གིར་སོ་སོར་སྣང་། །དེ་ལ་འཛིན་པ་གཉིས་ཞུགས་ནས། །རང་བཞིན་མེད་བཞིན་སོ་སོར་སྣང་། །ཡང་དག་རྟོགས་པས་རབ་བརྟགས་ན། །དངོས་པོ་ཐམས་ཅད་སྟོང་པ་ཡིན། །དངོས་དང་དངོས་ཉིད་མི་གནས་པ། །དེ་རྟོགས་སྡུག་བསྔལ་བྲལ་བྱེད་ཡིན། །ཡུམ་འགྱུར་དབྱིངས་ཕྱུག་མའི་དམ་ཚིག་ནི། འབྱུང་བ་ལྔ་ལ་བརྟེན་འགྱུར་ན། །ཐམས་ཅད་འབྱུང་ཞིང་མ་ལུས་གནས། །སྐྱེ་འཁྲུངས་མ་ལུས་གཞི་ཡང་ཡིན། །ཐམས་ཅད་ཀུན་གྱི་རྒྱུ་ཡང་ཡིན། །དེ་བཞིན་ཤེས་རབ་རྣམ་གསུམ་གྱིས། །ལེ་ལོ་མེད་པའི་བརྩོན་པ་འབོད། །དེ་བཞིན་དབྱིངས་ཉིད་རྟོགས་གྱུར་ན། །བླ་མེད་བྱང་ཆུབ་འབྱུང་བའི་གནས། །ཆོས་ལ་སྐྱོན་མེད་ཅེས་བྱ་བའི་དམ་ཚིག་ནི། བླ་ན་མེད་པའི་དཀྱིལ་འཁོར་དང་། །ངན་སོང་གནས་རྣམས་མ་ལུས་ཀུན། །རྒྱུ་ཉིད་རང་བཞིན་གཉི་ག་དག །རང་བཞིན་ཡེ་ཤེས་དེ་བཞིན་ནོ། །འབྲས་བུ་རྣམ་པར་དག་པ་ཡི། །འཇིག་རྟེན་བརྟན་གཡོ་ལ་སོགས་པ། །སྣང་བ་ཉིད་ན་ངོ་བོ་མེད། །དེ་ཉིད་ཆོས་སྐུ་ཆེན་པོ་ཡིན། །སེམས་ཅན་དོན་བྱེད་ཅེས་བྱ་བའི་དམ་ཚིག་ནི། བྱང་ཆུབ་སེམས་སུ་དོན་གཅིག་པས། །རྩ་བ་སྙིང་རྗེ་ཆེན་པོ་འབྱུང་། །ཐབས་ཀྱིས་ཕ་རོལ་ཕྱིན་པ་སྤྱོད། །ཉོན་མོངས་ལམ་ནས་འགྲོ་བར་བྱེད། །ཉོན་མོངས་ཁམས་གསུམ་གནས་པ་ཡང་། །ཕྱིན་ཅི་ལོག་ཉིད་སྣང་བ་ཡིན། །དེར་རྟོགས་མཐོ་རིས་ཐར་པའོ། །རྟོགས་ནས་དོན་འཛིན་ཅེས་བྱ་བའི་དམ་ཚིག་ནི། ཐམས་ཅད་ལྷུན་གྱིས་གྲུབ་པ་དང་། །སྒྱུ་མ་མིག་ཡོར་ཚུལ་ཤེས་པ། །གཉིས་ཀ་རང་རིག་ཉིད་དུ་འདུས། །དེ་ཉིད་ཡང་དག་ཡིན་པར་བཤད། །སྒྲ་དང་ཚིག་ཏུ་བརྗོད་པ་ནི། །ཡང་དག་དོན་གྱི་སྙིང་པོ་འབྱིན། །མིང་ཚིག་སྒྲ་ལ་མི་རྟེན་པར། །བློ་ཡི་གཏིང་དུ་གོ་བར་བྱ། །སེམས་ལ་གནས་བཅས་ཞེས་བྱ་བའི་དམ་ཚིག་ནི། ― DNG011_Page_0465 ―
[མ་དཔེ་གཟིགས་ན་འདིར་གནོན།]
ཐམས་ཅད་མ་ལུས་ཆོས་སོ་ཅོག །སེམས་ཉིད་ལས་ནི་གཞན་ན་མེད། །སེམས་དང་ཆོས་སུ་དབྱེར་མེད་པས། །བྱང་ཆུབ་ལམ་དེ་རིང་བ་མིན། །གང་ནས་མ་འོངས་གར་མི་འགྲོ། །རྟོག་མེད་རང་རིག་ཁོ་ན་ཙམ། །སངས་རྒྱས་སེམས་ཅན་སེམས་ལ་གནས། །བརྗོད་མེད་སྤྲོས་མེད་ཅེས་བྱ་བའི་དམ་ཚིག་ནི། འཇིག་རྟེན་འདས་དང་འཇིག་རྟེན་པའི། །སྣ་ཚོགས་ཇི་སྙེད་བརྗོད་པ་ཡང་། །སོ་སོའི་མཚན་ཉིད་མ་གཏོགས་པ། །བ་སྤུ་ཙམ་ཡང་བརྗོད་པ་མེད། །བསོད་ནམས་ཆེན་པོས་བསྟངས་པ་ཡི། །སངས་རྒྱས་ཞིང་ཉིད་དག་པའོ། །ལས་ངན་དག་གིས་ཁམས་གསུམ་གནས། །དེ་ཉིད་དབྱིངས་ལས་སྤྲོས་པ་མེད། །མི་འགྱུར་རྡོ་རྗེ་གསུང་ཞེས་བྱ་བའི་དམ་ཚིག་ནི། རྣམ་དག་སྐུ་གསུང་སྤྲུལ་པ་དང་། །ཆེ་མཆོག་སྣ་ཚོགས་བསྟན་པ་ཡང་། །བྱང་ཆུབ་སེམས་ལ་སྣང་འགྱུར་ཏེ། །སྣང་བ་ཉིད་ན་དབྱིངས་སུ་འུབ། །ཕྱིན་ཅི་ལོག་གཡོ་བསམ་ཡས་ཀྱིས། །ཁམས་གསུམ་གནས་དང་ལམ་ལྔར་འཁོར། །དེ་ཉིད་ལོག་རྟོགས་སྣ་ཚོགས་སྣང་། །དེ་ལས་མ་གཏོགས་གང་ཡང་མེད། །ཡེ་ནས་མ་བཅོས་ཞེས་བྱ་བའི་དམ་ཚིག་ནི། བློ་མེད་བྱང་ཆུབ་སྨོན་མི་དགོས། །འགྲོ་ལྔ་མ་ལུས་ཐམས་ཅད་ཀུན། །ཡེ་ནས་བྱང་ཆུབ་སྙིང་པོར་གནས། །དེ་བཞིན་དབྱིངས་ཀྱིས་ཀུན་དུ་ཁྱབ། །ཇི་ལྟ་བ་ཡི་རང་གནས་ལ། །དེ་ལྟར་རྟོགས་པའི་བློ་འཇུག་པས། །གཉིས་སུ་མེད་པར་རྟོགས་འགྱུར་ན། །སུ་ཞིག་བཅོས་ཤིང་སུ་ཡིས་རྟོགས། །རང་བཞིན་འོད་གསལ་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན། །རང་རིག་ཡེ་ནས་དག་པ་ཡི། །སུས་ཀྱང་མ་བཅོས་ངང་གིས་གསལ། །མ་ཆགས་པདྨ་འདྲ་བ་ཡི། །ཡེ་ཤེས་ཅན་གྱི་སྤྱོད་ཡུལ་དེ། །ཀུན་དང་ཐུན་མོང་དེ་མ་ཡིན། །དེ་བཞིན་གཤེགས་པའི་སྤྱོད་ཡུལ་དེ། །སྐྱེས་བུ་བློ་རྩལ་རབ་ཀྱིས་རྟོགས། །ཐམས་ཅད་དབྱིངས་ཕྱུག་མ་ཞེས་བྱ་བའི་དམ་ཚིག་ནི། མི་ཟད་ཡོན་ཏན་གཏེར་གྱུར་པ། །ཟད་པའི་དུས་མེད་ཡིད་བཞིན་མཛོད། །བདག་དང་བདག་གི་མེད་པ་ ― DNG011_Page_0466 ―
[མ་དཔེ་གཟིགས་ན་འདིར་གནོན།]
ཡི། །ཤིན་ཏུ་ཟབ་པའི་བློ་ལས་བྱུང་། །ཆོས་དབྱིངས་ཟབ་མོའི་དོན་རྟོགས་ན། །སྐུ་དང་ཡེ་ཤེས་བསམ་མི་ཁྱབ། །རང་རིག་ཡེ་ཤེས་དོན་རྟོགས་ན། །སྐྱེ་ཤི་མེད་པའི་གཡུང་དྲུང་ཐོབ། །བྱང་ཆུབ་སྡོམ་བྱེད་ཅེས་བྱ་བའི་དམ་ཚིག་ནི། གཟུང་འཛིན་བྲལ་བའི་ཡེ་ཤེས་ཀྱིས། །ཆགས་མེད་དབྱིངས་ལ་མཉམ་བཞག་ན། །ཐམས་ཅད་དེ་བཞིན་ཉིད་ཀྱི་ཞིང་། །ཉོན་མོངས་སྡུག་བསྔལ་འབྱུང་མི་འགྱུར། །ཆོས་ཀྱི་རང་བཞིན་ཇི་ལྟ་བུར། །བདག་གིས་ཡང་དག་རྫོགས་བྱས་ཏེ། །ཐེག་པ་དམན་དང་ཕྱིན་ཅི་ལོག །ཐམས་ཅད་མཉམ་པའི་དབྱིངས་སུ་དགོད། །ཕྱོགས་དུས་གཉིས་མེད་ཅེས་བྱ་བའི་དམ་ཚིག་ནི། ཕྱོགས་བཅུ་དུས་བཞི་ཐམས་ཅད་ཀྱང་། །རྟོགས་པའི་མཚན་མ་སོ་སོར་སྣང་། །སྣང་བ་ཉིད་ན་དབྱེར་མེད་དེ། །མཐའ་དང་དབུས་མེད་ཟླུམ་པོ་ཡི། །དེ་བཞིན་རང་གིས་རིག་པ་ཡང་། །མཐའ་དང་དབུས་མེད་དུ་མ་མིན། །གང་དུ་མི་འགྲོ་ཀུན་དུ་ཁྱབ། །ཀུན་ལ་བདེ་སྦྱིན་མི་གནས་པའོ། །ཐམས་ཅད་འབྱོར་ལྡན་ཞེས་བྱ་བའི་དམ་ཚིག་ནི། ཆོས་རྣམས་སོ་སོར་རྟོགས་བྱས་ཤིང་། །ཐམས་ཅད་གཉིས་མེད་དབྱིངས་ཤེས་ན། །མི་ཟད་པར་ལྡན་རྒྱན་ཐོབ་སྟེ། །ཀུན་དུ་ཟད་མེད་རིན་ཆེན་གཏེར། །དེ་བཞིན་ཉིད་ལ་གནས་བཅས་ན། །ཉོན་མོངས་སྡུག་བསྔལ་མི་འབྱུང་སྟེ། །རྟག་ཏུ་བདེ་གནས་བྱང་ཆུབ་ཉིད། །མཚན་དང་དཔེ་བྱད་ཀུན་དང་ལྡན། །ཐབས་གཉིས་ཤེས་རབ་ཅེས་བྱ་བའི་དམ་ཚིག་ནི། ཇི་ལྟར་སྣང་བ་ཐམས་ཅད་ཀུན། །ཐམས་ཅད་ཐབས་ཀྱི་རང་བཞིན་ཏེ། །ཐབས་ལ་ཐབས་ནི་རྣམ་པར་སྦྱོར། །སྦྱོར་དང་སྦྱོར་བ་གཉིས་ཀ་མེད། །སྣ་ཚོགས་སྣང་བ་ཐམས་ཅད་ཀྱང་། །སྣང་བ་ཉིད་ན་རང་བཞིན་མེད། །དེ་ཉིད་ཤེས་རབ་ཡིན་པར་བཤད། །རྟག་ཏུ་ཐབས་ཉིད་མི་དམིགས་པའོ། །ཤེས་རབ་ཉིད་ལ་ཐབས་སུ་སྦྱོར་བ་ཞེས་བྱ་བའི་དམ་ཚིག་ནི། དེ་བཞིན་ཉིད་ཀྱི་དབྱིངས་ཉིད་ལས། །རོལ་པ་སྣ་ཚོགས་ཅིར་ཡང་འབྱུང་། །འབྱུང་བ་ཉིད་ན་རང་བཞིན་མེད། །མེད་པ་ཉིད་ན་སྣ་ཚོགས་སྣང་། །ཐབས་དང་ཤེས་རབ་དབྱིངས་ལས་བྱུང་། །མཉན་བསམས་བསྒོམས་པའི་ ― DNG011_Page_0467 ―
[མ་དཔེ་གཟིགས་ན་འདིར་གནོན།]
ཤེས་རབ་ཀྱིས། །ཤེས་རབ་ཐབས་སུ་དོན་རྟོགས་བྱོས། །ཀུན་ལ་དེ་ལྟར་འབྱོར་པར་གྱིས། །གཉིས་མེད་བྱང་ཆུབ་སེམས་ཞེས་བྱ་བའི་དམ་ཚིག་ནི། ཐབས་དང་ཤེས་རབ་ལྡན་འགྱུར་ན། །གཉིས་མེད་བྱང་ཆུབ་སེམས་འཕྲོས་ན། །ཀུན་གྱི་འབྱུང་གནས་བྱེད་པ་པོ། །དེ་ཡིས་མ་བྱས་གང་ཡང་མིན། །ཁ་དོག་དབྱིབས་རིགས་གང་ཡང་མིན། །ཤིན་ཏུ་བརྟག་དཀའ་སུས་མི་རིག །བདག་གིས་བདག་ཀྱང་མི་མཐོང་ན། །གཞན་གྱིས་རྟོགས་པར་ག་ལ་འགྱུར། །ཐམས་ཅད་སྦྱོར་བྱེད་ཅེས་བྱ་བའི་དམ་ཚིག་ནི། ཡེ་ནས་ལྷ་དང་ལྷ་མོ་ཡིན། །དཀྱིལ་འཁོར་ཡང་དག་སྦྱོར་བ་དང་། །དབང་པོ་ཡུལ་དུ་སྦྱོར་བའོ། །ཕུང་པོ་ལྔ་ཉིད་དེ་བཞིན་གཤེགས། །འབྱུང་བ་ལྔ་ཉིད་ཡུམ་དུ་སྦྱོར། །དུས་བཞིའི་ལྷ་མོ་ཉིད་དུ་སྦྱོར། །རྟག་ཆད་མུ་བཞི་ཁྲོ་མོའོ། །ཐམས་ཅད་མ་ལུས་འབྱུང་བ་ཀུན། །མཉམ་པའི་དབྱིངས་དང་རིག་པར་སྦྱོར། །ཡང་ན་ཤེས་རབ་དབྱིངས་མ་ལ། །བདེར་གཤེགས་དཀྱིལ་འཁོར་ཀུན་བཀོད་ལ། །བདག་ཉིད་རིག་པའི་ལྷར་བསྒོམས་ཏེ། །གཉིས་སུ་མེད་པར་ལྡན་པར་བྱ། །རྡོ་རྗེ་དྲིལ་བུ་ལྡན་གྱུར་ནས། །བྱང་ཆུབ་པདྨ་ཤིན་ཏུ་སྤྲོ། །ཕྱོགས་དུས་དཀྱིལ་འཁོར་མཉེས་པ་དང་། །འགྲོ་བ་མང་པོ་བདེ་ཐོབ་ནས། །སླར་ཡང་གཉིས་མེད་དབྱིངས་སུ་བསྡིམ། །ཐིམ་འགྱུར་དབྱིངས་ནས་ཕྱག་རྒྱར་འབར། །བདེར་གཤེགས་ཐབས་དང་ཤེས་རབ་རྫོགས། །ཕྱག་རྒྱ་དྲུག་ཀྱང་ཡང་དག་རྫོགས། །བསོད་ནམས་ཚོགས་ཆེན་གཉིས་ཀྱང་རྫོགས། །ཐམས་ཅད་དབྱིངས་སུ་འབྱོར་པས་ན། །ངན་འགྲོ་མི་ལྟུང་ཡང་དག་འགྲུབ། །འདི་ནི་བསྒྲལ་བ་ཆེན་པོ་ཡིན། །སྒྲོལ་བ་ཉིད་ནི་སྦྱོར་བ་ཡིན། །སྦྱོར་བ་ཉིད་ནི་མ་ལུས་བསྒྲལ། །ཐམས་ཅད་མ་ལུས་པར་སྒྲོལ་བྱེད་ཅེས་བྱ་བའི་དམ་ཚིག་ནི། ཕྱི་ནང་སྣོད་བཅུད་ཇི་སྙེད་པ། །གནས་པའི་སེམས་ཅན་མ་ལུས་ཀུན། །བདག་ཉིད་ཆེན་པོར་རྟོགས་པ་ཡིས། །དབྱིངས་སུ་ཡང་ནི་བསྒྲལ་བར་བྱ། །ཤིན་ཏུ་ཁྲོ་བོ་ཆེན་པོ་ཡིས། །ཐབས་ཀྱིས་ལྷ་ཆེན་བསྒྲལ་བ་ལྟར། །ཆོས་ཉིད་རྟོགས་པའི་ཏིང་འཛིན་གྱིས། །གཉིས་སུ་མེད་པར་ཐབས་ཀྱིས་བསྒྲལ། ། ― DNG011_Page_0468 ―
[མ་དཔེ་གཟིགས་ན་འདིར་གནོན།]
ཐུགས་རྗེ་ཆེན་པོའི་བྱིན་བརླབས་ཀྱིས། །ལམ་ལྔའི་སེམས་ཅན་ཀུན་བཀུག་ནས། །ཐམས་ཅད་མ་ལུས་བསྒྲལ་བར་བྱ། །རི་རབ་ཆེན་པོའི་གླིང་བཞི་ལ། །གནས་པའི་སེམས་ཅན་མ་ལུས་ཀུན། །ཐུགས་རྗེ་ཆེན་པོས་བྱིན་བརླབས་ཏེ། །ཡེ་ཤེས་མེ་ཆེན་བསྒོམ་བྱས་ན། །ཐམས་ཅད་མ་ལུས་བསྲེག་པར་བྱ། །དབྱིངས་སུ་ཡང་ནི་བསྡིམ་བྱས་ཏེ། །དེ་བཞིན་གཤེགས་པར་བྱིན་གྱིས་བརླབས། །རྒྱལ་བའི་སྲས་སུ་དབང་ཡང་བསྐུར། །དེ་ལྟར་བསྒྲལ་བ་ཀུན་བྱས་ཀྱང་། །བསྒྲལ་བའི་དངོས་པོ་གང་ཡང་མེད། །ཕུང་པོ་ལྔ་པོ་བཤིག་པ་ལ། །བཤིག་ནས་འབྱུང་བ་བག་ལ་ཞ། །མ་བཤིག་ན་ཡང་འབྱུང་བ་ཡིན། །རྣམ་ཤེས་མེད་པས་བསད་བྱས་ན། །གནས་པ་ཉིད་ན་དངོས་པོ་མེད། །སེམས་ཀྱི་རང་བཞིན་དེ་ལ་ནི། །དུས་གསུམ་སངས་རྒྱས་དགྲར་ལངས་ཀྱང་། །སུས་ཀྱང་མི་ཟིན་སོད་པ་མེད། །འོ་ན་ཐུགས་རྗེས་གང་བསྒྲལ་ན། །རྣམ་རྟོག་མཚན་མ་ཐམས་ཅད་ཀུན། །ཕྱིན་ཅི་ལོག་ལས་བཟློག་བྱས་ཏེ། །ཏིང་འཛིན་སྔགས་དང་ཕྱག་རྒྱ་དང་། །ཤིན་ཏུ་གོམས་པས་དབང་བསྐུར་ཏེ། །བྱང་ཆུབ་ཞིང་ལ་དགོད་པར་བྱ། །དེ་ཙམ་ལ་ནི་བསྒྲལ་ཞེས་གདགས། །བསྒྲལ་བ་ཉིད་ན་སྦྱོར་བ་ཡིན། །ཉོན་མོངས་སྡུག་བསྔལ་རྩད་བཅད་ནས། །བྱང་ཆུབ་གནས་སུ་བསྒྲལ་བས་ན། །གཉིས་མེད་དབྱིངས་སུ་སྦྱོར་བ་ཡིན། །ཐབས་ཉིད་ཤེས་རབ་ཤེས་རབ་ཉིད་ཐབས་ཏེ། །གཉིས་སུ་མེད་པ་ཉིད་བྱང་ཆུབ་ཀྱི་སེམས་སོ། །སྦྱོར་བ་ནི་ལྷ་དང་ལྷ་མོར་སྦྱོར་བའི་དཀྱིལ་འཁོར་དང་། དབང་པོ་ཡུལ་དུ་སྦྱོར་བ་དང་། ཆེན་པོ་ལྔ་དེ་བཞིན་གཤེགས་པ་ལྔར་སྦྱོར་བ་དང་། སོ་སོ་རྩལ་སྒྱུ་མ་ཙམ་དུ་ཡོད་པ་ཡུམ་དུ་སྦྱོར་བ་དང་། དབང་པོ་ཡུལ་དུས་ལྷ་དང་ལྷ་མོར་སྦྱོར་བ་དང་། རྟག་ཆད་མུ་བཞི་ཁྲོ་བོ་ཁྲོ་མོར་སྦྱོར་བ་དང་། མངོན་སུམ་དུ་སྦྱོར་བའོ། །སྒྲོལ་བ་ནི་ཐབས་ཀྱིས་སྒྲོལ་བ་དང་། འཕོ་བས་བསྒྲལ་བ་དང་། དུས་བཞི་མཉམ་པ་ཉིད་དུ་བསྒྲལ་བ་དང་། ཐམས་ཅད་མ་ལུས་པར་དབྱིངས་སུ་དུས་གཅིག་བསྒྲལ་བ་དང་། ཐམས་ཅད་ཐུགས་རྗེ་ཆེན་པོས་གཉིས་སུ་ ― DNG011_Page_0469 ―
[མ་དཔེ་གཟིགས་ན་འདིར་གནོན།]
མེད་པར་སྒྲོལ་བའོ། །འདི་གཉིས་དུས་གཅིག་ཏུ་མཛད་དེ། ཡ་ཆར་མ་གྱུར་པར་བྱའོ། །དངོས་གྲུབ་མཆོག་ཀྱང་དེར་ཐོབ་ཅེས། དེ་བཞིན་གཤེགས་པ་ཉིད་ལ་དེ་བཞིན་གཤེགས་པ་ཉིད་ཀྱིས་བཤད་དོ། །མ་བྱིན་པར་ལེན་པ་ཞེས་བྱ་བའི་དམ་ཚིག་ནི། འཇིག་རྟེན་འདས་དང་འཇིག་རྟེན་པའི། །ཆོས་རྣམས་མ་ལུས་ཐམས་ཅད་ཀུན། །བདག་དང་བདག་གི་གཞན་ན་མེད། །རང་བཞིན་རང་གིས་བདག་མེད་པ། །ཀུན་ལ་ཐོགས་མེད་སྤྱད་འགྱུར་ཡང་། །སྤྱད་དང་སྤྱོད་པ་གཉི་ག་མེད། །ཐམས་ཅད་ཡེ་ནས་སྟོང་པ་ལ། །གང་གིས་ལེན་ཅིང་གང་ལ་སྤྱོད། །སྣང་སྲིད་མ་ལུས་ཐམས་ཅད་ལ། །ཐོགས་པ་མེད་པའི་སྤྱོད་འགྱུར་ཡང་། །བཅིང་བར་མི་འགྱུར་བསོད་ནམས་ཚོགས། །ཆགས་མེད་ཡེ་ཤེས་ཆེན་པོ་ཡིན། །མ་ལུས་ཐམས་ཅད་ཆོས་ཀྱི་དབྱིངས། །དེ་ལྟར་རང་རིག་ཡིན་པར་བཤད། །གཉིས་སུ་མེད་པར་རྟོགས་གྱུར་ན། །བླངས་པ་ཉིད་ན་ཀུན་དུ་བཟང་། །བརྫུན་དུ་སྨྲ་བ་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན། །ཡེ་ནས་དངོས་པོ་ཡོད་མ་ཡིན། །རང་བཞིན་ངང་གིས་འོད་གསལ་ལ། །མིང་ཙམ་ཚིག་གིས་མཚོན་མོད་ཀྱིས། །མིང་དང་ཚིག་ལ་དངོས་པོ་མེད། །མ་རིག་པ་ཡི་འཁྲུལ་རྟོག་གིས། །ང་དང་བདག་ཏུ་མེད་པ་ལ། །སོ་སོ་མཚན་མ་དངོས་པོར་བཟུང་། །འཛིན་པའི་དངོས་པོ་ཡོད་མེད་དེ། །ཆོས་རྣམས་ཐམས་ཅད་མིང་ཚིག་ཙམ། །ཇི་སྙེད་མང་པོ་བརྗོད་པ་ཡང་། །རྗོད་པར་བྱེད་དང་བརྗོད་པ་མེད། །ཆོས་རྣམས་ཐམས་ཅད་བརྫུན་དུ་སྣང་། །བརྫུན་ཉིད་ལ་ནི་བརྫུན་སྤྱོད་དེ། །བརྫུན་ཞེས་བྱ་བ་བཏགས་པ་ཙམ། །ཐམས་ཅད་བརྫུན་གྱི་ཚིག་ཡིན་ནོ། །རྡོ་རྗེ་འཇོམས་བྱེད་ཅེས་བྱ་བའི་དམ་ཚིག་ནི། ཐོག་མ་མེད་ནས་ཕྱིན་ཅི་ལོག །བདག་དང་བདག་གི་མེད་པ་ལ། །རྣམ་རྟོག་མཚན་མ་སོ་སོར་འཛིན། །འཛིན་པའི་དངོས་པོ་ཡོད་མ་ཡིན། །མི་མཐུན་མཚན་མ་གཞོམ་པའི་ཕྱིར། །རྡོ་རྗེ་ལྟ་བུའི་ཏིང་འཛིན་གྱིས། །བདག་རྟོག་བག་ཆགས་ཀུན་བཅོམ་ནས། །རྡོ་རྗེ་དབྱིངས་སུ་ཐིམ་པར་བྱ། །ཆོས་ཀྱི་འཁོར་ལོ་ཞེས་བྱ་བའི་དམ་ཚིག་ནི། ཐུགས་རྗེ་ ― DNG011_Page_0470 ―
[མ་དཔེ་གཟིགས་ན་འདིར་གནོན།]
ཆེན་པོའི་བྱིན་བརླབས་ཀྱིས། །ཁམས་གསུམ་ཉོན་མོངས་འཁོར་བ་རྣམས། །གཞན་གྱིས་བཅིངས་ཏེ་འཁོར་བ་མིན། །འཛིན་རྟོག་ཆགས་པ་ཉིད་ཀྱིས་འཁོར། །བློ་ཆེན་རབ་ཏུ་ལྡན་པ་ཡིས། །ཆོས་ཀྱི་དོན་པོ་མཆོག་ཉོན་ལ། །འཁོར་བ་སྤང་མེད་སངས་རྒྱས་ཞིང་། །ཐམས་ཅད་མ་ལུས་ཆོས་ཉིད་རྟོགས། །རིན་ཆེན་འབྱུང་བ་ཞེས་བྱ་བའི་དམ་ཚིག་ནི། ནོར་གྱི་མཆོག་ནི་དཀོར་བདུན་ཡིན། །འདོད་པས་བཙལ་བར་མི་རྙེད་དེ། །སྐུ་གསུང་ཐུགས་འདས་མི་དམིགས་པའི། །ཆགས་པ་མེད་པའི་ཚུལ་གྱིས་ནི། །གཉིས་སུ་མེད་པར་འབྱོར་བྱས་ན། །ནོར་བདུན་ཆེན་པོ་འབྱུང་བར་འགྱུར། །མཚན་དང་དཔེ་བྱད་སྣ་ཚོགས་ལྡན། །པདྨ་ཆགས་མེད་ཅེས་བྱ་བའི་དམ་ཚིག་ནི། འཇིག་རྟེན་འདས་དང་འཇིག་རྟེན་པའི། །ཆོས་རྣམས་མ་ལུས་ཐམས་ཅད་ལ། །བསྒོ་དང་བསྒོ་བར་བྱ་བ་མེད། །པདྨ་འདམ་ནས་སྐྱེས་པ་འདྲ། །ཇི་ལྟར་སྣང་བ་མཐའ་ཡས་ཀུན། །བདག་ལས་གུད་ན་གཅིག་ཀྱང་མེད། །བདག་ཉིད་ཤིན་ཏུ་མི་དམིགས་པས། །ཉོན་མོངས་ཉིད་ཀྱང་བྱང་ཆུབ་ཞིང་། །དོན་རྣམས་བསྒྲུབ་པ་ཞེས་བྱ་བའི་དམ་ཚིག་ནི། རྡོ་རྗེ་རིགས་ཀྱིས་ཐམས་ཅད་བཅོམ། །རིན་ཆེན་རིགས་ཀྱིས་ཡོན་ཏན་འབྱིན། །པདྨ་རིགས་ཀྱིས་ཆགས་མེད་འགྱུར། །སྐུ་གསུང་ཐུགས་དང་ཡེ་ཤེས་ལྔ། །ཐམས་ཅད་དོན་རྣམས་རྫོགས་པར་བྱས། །གཟུང་དང་འཛིན་པ་རྣམ་སྤངས་ཏེ། །མཉམ་པའི་དབྱིངས་ལ་སེམས་ཀྱིས་ལྟ། །སྐྱེ་འཆི་མེད་པ་ལྷུན་གྱིས་གྲུབ། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་རྨད་འབྱུང་ཀུན་གྲགས་པ། །གཞན་ན་ཡོད་འོང་མ་ཡིན་ཏེ། །རང་བྱུང་ཡེ་ཤེས་གནས་མེད་ཡིན། །མཐོང་བའི་ཚུལ་གྱིས་གཟུགས་སྣང་དང་། །བླ་མེད་བྱང་ཆུབ་སྐུར་སྣང་བ། །མེ་ལོང་ལྟ་བུའི་ཚུལ་བཞིན་དུ། །སྣ་ཚོགས་ཁ་དོག་དབྱིབས་སུ་སྣང་། །དེ་བཞིན་གཤེགས་པའི་གསུང་རྣམས་ནི། །སྒྲ་དང་མིང་ཚིག་ཀུན་ལས་འདས། །བརྗོད་མེད་རང་བཞིན་ཀུན་དུ་གོ། །ཉོན་མོངས་མེད་ཅིང་བླ་མེད་སྒྲ། །མ་བརྗོད་སྟོང་གསུམ་གྲགས་པ་ཡི། །གསུང་བརྗོད་བསམ་ ― DNG011_Page_0471 ―
[མ་དཔེ་གཟིགས་ན་འདིར་གནོན།]
གྱིས་མི་ཁྱབ་པ། །བརྗོད་པ་ཉིད་ན་སྟོང་གསུམ་མེད། །དེ་ཉིད་སྣ་ཚོགས་བརྗོད་པའོ། །ཐམས་ཅད་མཁྱེན་པའི་ཐུགས་ལྡན་པ། །ཡང་དག་རྟོགས་པས་རབ་བརྟགས་པ། །གཞི་རྩ་མེད་དབྱིངས་སྐད་ཅིག་མ། །མཐའ་དང་དབུས་ཀྱང་བརྟག་ཏུ་མེད། །དེ་ཉིད་སྣ་ཚོགས་འབྱུང་བའི་རྒྱུ། །སུས་ཀྱང་མ་བཅོས་མ་བྱས་པ། །བདག་གིས་བདག་ཀྱང་དམིགས་མི་འགྱུར། །དངོས་མེད་ཀུན་ལ་དབང་སྒྱུར་བ། །སྐུ་གསུང་ཡང་དག་ལྡན་འགྱུར་ན། །ཡོན་ཏན་ནམ་མཁའི་མཐའ་དང་མཉམ། །མི་འགྱུར་སངས་རྒྱས་ཞིང་དུ་འུབ། །སྤྱོད་ཡུལ་མ་ལུས་ཐམས་ཅད་ལ། །ཇི་ལྟར་དམིགས་པ་བཞིན་དུ་འབྱུང་། །མི་ཟད་པ་ཡི་གཏེར་ཆེན་འགྲུབ། །གཞན་གྱིས་དབྲོག་ཏུ་མེད་པ་ཡི། །བོ་དེའི་དཀོར་ནི་རིན་པོ་ཆེ། །ཐུགས་རྗེ་ཆེན་པོའི་བྱིན་བརླབས་ཀྱིས། །བྱ་བྱེད་མེད་པར་རྣམ་བཞི་མཛད། །མཛད་དང་མཛད་པར་བྱ་བ་མེད། །ཡེ་ནས་ལྷུན་གྲུབ་སངས་རྒྱས་ཆོས། །སྒྱུ་མའི་ཚུལ་དུ་ཀུན་ལ་སྤྱོད། །སྤྱོད་མེད་ངང་གི་དཀྱིལ་འཁོར་ལ། །ཆགས་མེད་ཚུལ་དུ་རྣམ་པར་རོལ། །བྱ་བྱེད་རྣམ་པ་སྣ་ཚོགས་ཀྱང་། །བྱེད་པ་ཉིད་ན་ཆུ་ཟླའི་ཚུལ། །གཟུང་འཛིན་བྲལ་བའི་ཡེ་ཤེས་ནི། །རྩ་བ་ལྔ་ཞེས་བརྗོད་མོད་ཀྱི། །བརྗོད་པ་ཉིད་ན་ཡོང་མེད་དེ། །མཚན་ཉིད་མེད་པ་སྣ་ཚོགས་སྣང་། །དེ་ཉིད་ཐམས་ཅད་མཁྱེན་ཉིད་ཡིན། །ཀུན་ལ་ཁྱབ་ཅིང་མི་གནས་པ། །དེ་ནི་རིག་པ་རང་དབང་འགྱུར། །བསམ་གྱིས་མི་ཁྱབ་ཀུན་དུ་ཁྱབ། །ནམ་མཁའ་སྣང་བྱེད་ཅེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ལ། །དེ་བཞིན་ཉིད་ཀྱིས་ཀུན་དུ་ཁྱབ། །སྣོད་བཅུད་མ་ལུས་ཐམས་ཅད་ལ། །སྣང་བ་ཆེན་པོས་ཁྱབ་པར་འགྱུར། །ནམ་མཁའ་གཟུང་དུ་མེད་པ་ལྟར། །སྣང་སྲིད་ཐམས་ཅད་དེ་དང་འདྲ། །ཆོས་རྣམས་ཐམས་ཅད་སེམས་ཡིན་ཏེ། །སེམས་ནི་ནམ་མཁའི་རང་བཞིན་ནོ། །རྟེན་བྱེད་ས་ཆེན་ཞེས་བྱ་བའི་དམ་ཚིག་ནི། ཇི་ལྟར་ས་གཞི་ཆེན་པོ་ལ། །སེམས་ཀྱིས་ཟིན་དང་མ་ཟིན་པའི། །སྐྱེ་འཁྲུངས་མ་ལུས་ཐམས་ཅད་འབྱུང་། །ཐམས་ཅད་ཀུན་གྱི་གནས་བརྟེན་ཏེ། །དེ་བཞིན་ཐེག་ཆེན་བླ་ ― DNG011_Page_0472 ―
[མ་དཔེ་གཟིགས་ན་འདིར་གནོན།]
མེད་ལ། །བྱང་ཆུབ་སངས་རྒྱས་ཀུན་ཀྱང་གནས། །ཐེག་པ་མཐོ་དམན་ཐམས་ཅད་འབྱུང་། །ཐམས་ཅད་ཐེག་ཆེན་དབྱིངས་སུ་འདུས། །སྲེག་བྱེད་ཡེ་ཤེས་མེ་ཞེས་བྱ་བའི་དམ་ཚིག་ནི། བདག་མེད་ཡེ་ཤེས་རང་རིག་གིས། །དངོས་དང་དངོས་མེད་བག་ཆགས་བསྲེགས། །རང་དང་སྤྱི་ཡི་ཆོས་རྣམས་དང་། །སེམས་ཀྱི་ཕྲག་དོག་ཐམས་ཅད་ཀུན། །དངོས་པོ་མེད་པར་རྟོགས་བྱས་ན། །འཁོར་བ་མ་སྤངས་རྣམ་པར་དག །མྱ་ངན་མི་འདའ་ཡེ་ནས་གནས། །འགྲོ་དང་གནས་པར་བྱ་བ་མིན། །རྟོག་པ་ཐམས་ཅད་ཡེ་ནས་ཚོགས། །ཐམས་ཅད་འཁྲུ་བྱེད་ཅེས་བྱ་བའི་དམ་ཚིག་ནི། སེམས་ཅན་མ་ལུས་ཐམས་ཅད་ནི། །སྒྲིབ་གཉིས་དག་གིས་འཁོར་བར་འགྱུར། །མཉན་བསམས་བསྒོམས་པའི་ཤེས་རབ་ཀྱིས། །བདག་མེད་གཉིས་ནི་རྟོགས་བྱས་ན། །ཕ་རོལ་ཕྱིན་རྫོགས་ས་བཅུ་བསྒྲུབས། །ས་གསུམ་ཡང་དག་རྫོགས་བྱས་ཏེ། །མཉམ་པའི་ཞིང་ལ་ཐམས་ཅད་འགོད། །ཁྲུས་ཀྱི་མཆོག་ནི་འདི་ཡིན་ནོ། །གཡེང་བྱེད་ཆེན་པོ་ཞེས་བྱ་བའི་དམ་ཚིག་ནི། སེམས་ཅན་ཡེ་ནས་དག་པ་ལ། །བདག་འཛིན་རྡུལ་སྙེད་གཡོགས་པར་འགྱུར། །སེམས་དང་རྡུལ་རྣམས་མེད་རྟོགས་པས། །ཡེ་ཤེས་རླུང་གིས་བག་ཆགས་གཏོར། །ཆོས་རྣམས་ཡེ་ནས་རླུང་དང་འདྲ། །དེ་ལ་གཟུང་དུ་མེད་པ་ལྟར། །ཀུན་ལ་དེ་ལྟར་འབྱོར་པར་གྱིས། །མ་བཅོས་ཡེ་ནས་དེ་ལྟར་གནས། །ཐམས་ཅད་ཀུན་ལ་དབང་སྒྱུར་ཞེས་བྱ་བའི་དམ་ཚིག་ནི། རང་རིག་ཕྱིན་ཅི་མ་ལོག་པའི། །གཟུང་འཛིན་གཉིས་མེད་རྟོགས་པ་ཡིས། །ཐམས་ཅད་མཉམ་པའི་ངང་འགྱུར་ན། །ཐམས་ཅད་མ་ལུས་བདག་ཡིན་པས། །ཐམས་ཅད་ཀུན་ལ་དབང་སྒྱུར་ཏེ། །ཇི་ལྟར་དམིགས་པ་བཞིན་དུ་འགྲུབ། །ཇི་ལྟར་སྤྱད་ཀྱང་བསོད་ནམས་ཚོགས། །མཉམ་རིག་ཡེ་ཤེས་ཆེན་པོ་ཡིན། །ཆོས་ཐམས་ཅད་གཟུགས་བརྙན་ལྟར་ཤེས་པར་བྱ་བའི་དམ་ཚིག་ནི། ཐམས་ཅད་འབྱུང་བའི་གནས་ཡིན་ཏེ། །སྣང་བ་ཉིད་ན་འཇའ་ཚོན་བཞིན། །རང་བཞིན་མེད་པར་ཀུན་དུ་སྣང་། །དེ་ ― DNG011_Page_0473 ―
[མ་དཔེ་གཟིགས་ན་འདིར་གནོན།]
ཉིད་ཆོས་སྐུ་ཡིན་པར་བཤད། །ཅིས་ཀྱང་མ་གོས་མ་སྤངས་པའོ། །སོ་སོར་སྣང་ཞིང་མཐུན་པའི་གཟུགས། །བདག་དང་བདག་ཏུ་མ་བརྟགས་པ། །དེ་ལྟ་བུ་ཡི་ངང་དུ་སྣང་། །ཆོས་རྣམས་སྒྲ་ལྟར་ཤེས་པར་བྱ་བའི་དམ་ཚིག་ནི། སྒྲ་རྣམས་ཇི་སྙེད་བརྗོད་པ་ཡང་། །དངོས་པོ་མེད་ལས་དངོས་པོ་སྒྲ། །བརྗོད་དང་སྒྲ་ཡི་དངོས་པོ་མིན། །ཆོས་རྣམས་སྒྲ་ལྟར་ཤེས་པར་བྱོས། །ཐམས་ཅད་མ་ལུས་དོན་འབྱུང་བ། །ཚིག་གིས་མཚོན་ལས་གུད་ན་མེད། །སྒྲ་ཉིད་དོན་གྱི་དངོས་པོ་མིན། །དོན་ཉིད་སྒྲ་ལས་གུད་ན་མེད། །ཆོས་རྣམས་དྲིའི་མཚན་ཉིད་དུ་ཤེས་པར་བྱ་བའི་དམ་ཚིག་ནི། ཆོས་རྣམས་ཐམས་ཅད་དངོས་མེད་པར། །སྣ་ཚོགས་འབྱུང་ཞིང་རྣམ་པར་འཕྲོ། །དེ་བཞིན་དྲི་ཡི་དངོས་པོ་ཡང་། །ཡོད་པ་མ་ཡིན་ཀུན་དུ་མནམ། །ཐེ་ཚོམ་མེད་པའི་ཤེས་རབ་ཀྱིས། །ཆོས་ཀུན་དེ་ལྟར་ཤེས་པར་གྱིས། །དྲི་ཡིས་རབ་ཏུ་ཚིམ་འགྱུར་ཡང་། །དྲི་དང་དངོས་པོ་གཉིས་སུ་མེད། །དངོས་གྲུབ་ཐམས་ཅད་དེ་ལྟར་རོ། །ཆོས་ཐམས་ཅད་རོ་ལྟར་ཤེས་པར་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན། །གཞི་རྩ་མེད་ལས་ཐམས་ཅད་བྱུང་། །དེ་བཞིན་དབང་པོ་དངོས་མེད་དང་། །རྫས་ཀྱི་དངོས་པོ་མེད་པ་ཡི། །རྣམ་ཤེས་དབང་པོ་ཡུལ་ཚོགས་ན། །རོ་ཡི་དབང་པོ་ཐམས་ཅད་འགྲུབ། །རོ་དང་རོ་རུ་རྟོགས་པ་ཡང་། །རང་བཞིན་མེད་པ་སྐད་ཅིག་མ། །ཆོས་ཐམས་ཅད་རེག་བྱ་ལྟར་ཤེས་པར་བྱ་བའི་དམ་ཚིག་ནི། གཟུགས་རྣམས་དབུ་བ་རྡོས་པ་འདྲ། །ཚོར་བ་ཆུ་ཡི་ཆུ་བུར་བཞིན། །མཚན་འཛིན་སྨིག་རྒྱུ་བཞིན་དུ་གནས། །རྣམ་ཤེས་སྒྱུ་མས་དབང་སྒྱུར་ན། །མཚན་མ་སྣ་ཚོགས་འབྱུང་བར་ངེས། །བདེ་བའི་རོ་མཆོག་ཀུན་ཀྱང་མྱོང་། །དེ་ཉིད་བསོད་ནམས་ཚོགས་ཆེན་ཏེ། །བདེ་བ་ཆགས་མེད་ཡེ་ཤེས་ཡིན། །རེག་གི་དངོས་གྲུབ་དེ་ལྟར་རོ། །འདུས་བྱས་རྣམ་པར་དག་པ་ཞེས་བྱ་བའི་དམ་ཚིག་ནི། ཡང་དག་ཉིད་ལ་གནས་བཅས་ན། །ཕྱི་ནང་སྣོད་བཅུད་རྣམ་པར་དག །རགས་པར་སྣང་བ་དེ་བཞིན་གཤེགས། །སྒྱུ་མར་ ― DNG011_Page_0474 ―
[མ་དཔེ་གཟིགས་ན་འདིར་གནོན།]
འཛིན་པ་ཡུམ་གྱི་དབྱིངས། །གཟུགས་ནི་མཚན་མ་དངོས་པོ་མེད། །གཅིག་ལ་ལྔ་ལྔར་བཤིག་པ་དང་། །ཐམས་ཅད་ནམ་མཁའི་ངང་དུ་གནས། །ནམ་མཁའ་དེ་བཞིན་ཆོས་ཀྱི་དབྱིངས། །འདུས་བྱས་ཉིད་ཀྱི་དངོས་གྲུབ་བོ། །འདུས་བྱས་ཀུན་དུ་འབྱུང་བ་ཞེས་བྱ་བའི་དམ་ཚིག་ནི། གཤེགས་སྐུ་སྒྱུ་མར་སྣང་བ་དང་། །ལོག་རྟོགས་སྒྱུ་མར་སྣང་བ་གཉིས། །གཞི་རྩ་མེད་དེ་རང་བཞིན་སྟོང་། །རིགས་དང་རྒྱུད་དུ་བརྟག་ཏུ་མེད། །རིགས་དང་ཁ་དོག་དབྱིབས་མེད་པས། །ཕྱི་ནང་སྣོད་བཅུད་རྣམ་པར་སྣང་། །སྣང་བ་ཉིད་ན་ཆོས་ཀྱི་སྐུ། །ཅིར་ཡང་འགྱུར་ཞིང་ཐམས་ཅད་འགྲུབ། །ཀུན་འབྱུང་དངོས་གྲུབ་དེ་ལྟར་རོ། །གླང་པོ་བརྗིད་གནོན་ཞེས་བྱ་བའི་དམ་ཚིག་ནི། སེམས་ཅན་མ་ལུས་ཐམས་ཅད་ཀུན། །རྣམ་རྟོག་འདུ་བྱེད་མང་པོས་གཡེངས། །ཇི་ལྟར་བུས་པ་ཤེད་མ་བྱེ། །བྱ་བྱེད་མང་པོས་གཡེངས་པར་གནས། །བྱ་བྱེད་མང་པོ་བདག་མེད་པས། །ཏིང་ངེ་འཛིན་གྱིས་དབང་སྒྱུར་ན། །མཚན་མ་མཉམ་པའི་དབྱིངས་སུ་གནས། །འདུ་བྱེད་སྣ་ཚོགས་མི་གཡོ་བརྟན། །དབང་ལྔ་རྫོགས་པ་ཞེས་བྱ་བའི་དམ་ཚིག་ནི། ཆོས་རྣམས་ཐམས་ཅད་སྐྱེ་མེད་པས། །ཤིན་ཏུ་བརྟན་པའི་དབང་ཐོབ་འགྱུར། །རང་རིག་ཡེ་ཤེས་འོད་གསལ་བས། །ཐམས་ཅད་མཁྱེན་པའི་དབང་ཡང་ཐོབ། །ཆོས་རྣམས་ཐམས་ཅད་དབྱེར་མེད་པས། །ཀུན་ལ་སྤྱོད་པའི་དབང་ཐོབ་སྟེ། །སྤྱོད་ཅིང་ཆགས་པ་མེད་པའི་ཚུལ། །ཀུན་ཀྱང་རང་བཞིན་ཡེ་ནས་ཟླུམ། །ཐམས་ཅད་རྒྱས་འདེབས་ཞེས་བྱ་བའི་དམ་ཚིག་ནི། ཕྱོགས་བཞི་མཚམས་བཞི་སྟེང་འོག་བཅུ། །རང་བཞིན་ཆེན་པོས་ཀུན་དུ་ཁྱབ། །རང་བྱུང་དེ་ཉིད་དངོས་མེད་པར། །ཀུན་གྱི་ཕྱག་རྒྱ་སྒྱུ་ཡིན་ནོ། །ཆོས་དབྱིངས་དེ་ཉིད་ཟབ་པ་ཡི། །བདག་ལ་གནས་ཤིང་བརྟག་དཀའ་བའོ། །མཉམ་པའི་དབྱིངས་སུ་ཐམས་ཅད་འདུས། །ཡེ་ནས་བདེ་གནས་ཞིང་དུའོ། །ཆོས་རྣམས་དབྱེར་མེད་པ་ཞེས་བྱ་བའི་དམ་ཚིག་ནི། ཡེ་ནས་དབྱིངས་སུ་རོ་གཅིག་པས། །དེ་ལ་ང་དང་བདག་མ་རྟོགས། །རང་བཞིན་རྣམ་པར་ ― DNG011_Page_0475 ―
[མ་དཔེ་གཟིགས་ན་འདིར་གནོན།]
དག་པ་ལ། །གཙང་དང་སྨེ་བའི་བློ་ཙམ་མེད། །ཐམས་ཅད་བདེར་གཤེགས་སྙིང་པོ་པས། །རྐྱེན་གྱི་རྡུལ་གྱིས་ག་ལ་འགོ། །ཤེས་རབ་མཆོག་གིས་དེ་ལྟར་རྟོགས། །མ་ལུས་ཀུན་འདུས་དབྱིངས་ཤེས་བྱོས། །ཐམས་ཅད་འཇིགས་བྱེད་ཅེས་བྱ་བའི་དམ་ཚིག་ནི། ཤེས་རབ་བློ་རྩལ་ལྡན་པ་ཡིས། །བརྟག་རྟོག་མཚན་མ་ཀུན་བཤིག་ནས། །མཚན་མ་མེད་པའི་ཕྱག་རྒྱ་རུ། །ཐམས་ཅད་འདུས་པར་ཡང་དག་རྟོགས། །རྟོག་པ་ཉིད་ཀྱང་དངོས་མེད་ལ། །དེ་ཉིད་སྣ་ཚོགས་པར་སྣང་བའི། །སྣང་བ་ཉིད་ན་བྱང་བ་མེད། །དེ་ཉིད་འཇིག་པའི་ཕྱག་རྒྱ་ཡིན། །གཡུང་དྲུང་ཚེ་འཕེལ་ཞེས་བྱ་བའི་དམ་ཚིག་ནི། ཆོས་རྣམས་ཐམས་ཅད་བདག་ཡིན་པས། །གང་དུ་འགྲོ་ཞིང་གང་དུ་སྐྱེ། །འཇིག་དང་སྐྱེ་བའི་དངོས་པོ་མེད། །དངོས་མེད་དེ་ལ་སུ་ཞིག་གསོད། །གང་ཞིག་གཉིས་སུ་འཛིན་པ་ལ། །སྐྱེ་དང་འཆི་བ་དེ་ལ་ཡོད། །ཡེ་ཤེས་ཅན་གྱིས་བརྟགས་པས་ན། །སྐྱེ་འཇིག་ཉིད་ན་དངོས་པོ་མེད། །ཐམས་ཅད་མི་འགོག་པ་ཞེས་བྱ་བའི་དམ་ཚིག་ནི། མཆོག་གསུམ་རྫོགས་པ་མན་ཆད་ནས། །ངན་སོང་གནས་རྣམས་ཡན་ཆད་དུ། །ཡང་དག་པར་ནི་དབྱེར་མེད་དེ། །གང་ཡང་སྤང་བར་བྱ་བ་མིན། །ཐེག་པ་མཐོ་དམན་བསམ་ཡས་པ། །དོན་དུ་མི་འགྱུར་ཡོང་མ་གསུངས། །ངན་སོང་གནས་རྣམས་ཐམས་ཅད་ཀུན། །བླ་མེད་བྱང་ཆུབ་རྒྱུ་ཡོད་པའོ། །ཐམས་ཅད་སྤྱོད་པ་ཞེས་བྱ་བའི་དམ་ཚིག་ནི། ཐམས་ཅད་ཀུན་དུ་བཟང་པོ་ཡི། །འདོད་པའི་ཡོན་ཏན་ལྔ་རྣམས་ལ། །ཐོགས་པ་མེད་པར་སྤྱད་བྱས་ཏེ། །བསོད་ནམས་ཚོགས་ཆེན་ཡིན་པར་བརྟག །དེ་བཞིན་གཤེགས་པ་ལྔར་ཡང་བརྟག །གཞན་ཡང་སྟོང་ཁམས་ཐམས་ཅད་ནི། །ཤེས་རབ་དབྱིངས་དང་འདོད་ཡོན་རྣམས། །རབ་འབྲིང་ཐ་མ་ཐམས་ཅད་སྤྱོད། །ཐམས་ཅད་མི་ཆུད་པ་ཞེས་བྱ་བའི་དམ་ཚིག་ནི། ཕྱོགས་དུས་མཉམ་པའི་དཀྱིལ་འཁོར་དུ། །རྡོ་རྗེ་རིགས་མཆོག་མ་རྟོགས་པར། །ཐེག་པ་དམན་དང་ལྟ་བ་དམན། །དེས་ནི་ཐེག་མཆོག་རྟོགས་མི་འགྱུར། །མི་མཉམ་པ་ཡི་དོན་ཉིད་ཀུན་ཁྱབ་ཀྱང་། །ཉོན་མོངས་སྡུག་ ― DNG011_Page_0476 ―
[མ་དཔེ་གཟིགས་ན་འདིར་གནོན།]
བསྔལ་ཉིད་ཀྱིས་བསྒྲིབས། །དེ་ཡིས་ཡང་དག་ཉིད་མི་མཐོང་། །མ་མཐོང་བ་ལ་མི་ཆུད་བྱ། །ཐམས་ཅད་བསྲུང་དུ་མེད་ཅེས་བྱ་བའི་དམ་ཚིག་ནི། ཐམས་ཅད་མ་ལུས་སངས་རྒྱས་ལ། །བསྒྲུབ་ཅིང་བསྲུང་བར་བྱ་བ་མེད། །དགེ་དང་མི་དགེ་གཉི་ག་མེད། །ཉོན་མོངས་སྤང་ཞིང་བྱང་བསྒྲུབ་མེད། །དེ་བཞིན་ཉིད་ཀྱི་ཀློང་གྱུར་ན། །བདེ་དང་མི་བདེ་དབྱེར་མེད་དེ། །ཡེ་ནས་དག་མཉམ་ཉིད་དུ་གནས། །དེ་ལ་བསྲུང་བྱ་རྡུལ་ཙམ་མེད། །ཐམས་ཅད་བསྲུང་བ་མེད་པ་ཞེས་བྱ་བའི་དམ་ཚིག་ནི། སེམས་ཅན་ཁམས་གསུམ་འཁོར་བ་ཡི། །ཐོག་མ་མེད་ནས་འཁོར་བ་ཡི། །ཕྱིན་ཅི་ལོག་ལ་འཇོལ་ཉོག་སྤྱོད། །གཟུང་འཛིན་དོན་ལ་ཤིན་ཏུ་ཆགས། །དེས་ན་འཁོར་བར་རྟག་ཏུ་འཕྱན། །དེ་བས་རང་སེམས་རྟོགས་བྱས་ཏེ། །ལེ་ལོ་མེད་པར་ཡོངས་སྤངས་ཏེ། །ང་མེད་བདག་མེད་མཉམ་པར་བསྲུང་། །ཐམས་ཅད་འཇིགས་པར་བྱེད་པ་ཞེས་བྱ་བའི་དམ་ཚིག་ནི། རྡོ་རྗེ་སེམས་དཔས་བཀས་བཅད་པ། །སྡོམ་པའི་རྩ་བ་ཐམས་ཅད་ཀུན། །དོན་བཞིན་དུ་ནི་མ་བསྲུངས་ན། །ཡཀྵ་ཁྲོ་བོ་མེད་དབལ་གྱིས། །སྙིང་ནས་དྲངས་ཏེ་ཁྲག་འཐུངས་ནས། །ངན་སོང་གསུམ་དུ་སྐྱེ་བར་འགྱུར། །དེ་ཡི་སྡུག་བསྔལ་བཟོད་བླག་ཆད། །དམ་ཚིག་འདི་ནི་རྡོ་རྗེ་ཆེ། །དམ་རྫས་སོ་སོར་སྤྱོད་པ་ཞེས་བྱ་བའི་དམ་ཚིག་ནི། རིགས་ལྔ་སོ་སོར་དབྱེ་བ་ཡི། །རྡོ་རྗེ་སེམས་དཔའ་གླང་པོའི་ཤ །རིན་པོ་ཆེ་ནི་རྟ་ཡི་ཤ །པདྨ་རིགས་ནི་ཨ་རི་ཀ་ཡི་ཤ །དོན་ཡོད་ནམ་མཁའ་ལྡིང་གི་ཤ །བདེར་གཤེགས་རིགས་ནི་ཤ་ཆེན་ནོ། །དབྱེ་བའམ་ཡང་ན་མི་དབྱེ་བར། །ངེས་པར་དང་དུ་བླང་བའོ། །ཡང་ན་ཐམས་ཅད་གཅིག་ཏུ་བསྡུ། །ཡང་ན་མཚན་ཉིད་མེད་པར་བརྟག །ཏིང་འཛིན་ཕྱག་རྒྱའི་དམ་ཚིག་ནི། །བདེར་གཤེགས་དཀྱིལ་འཁོར་མ་ལུས་ཀུན། །ཡེ་ནས་རང་བཞིན་གསལ་བ་ལ། །ཐམས་ཅད་ཀུན་ལ་ཡོད་པར་བཤད། །ཡེ་ཤེས་སེམས་དཔའི་དཀྱིལ་འཁོར་ཉིད། །བླ་ན་མེད་པའི་མཆོག་ཡིན་ཏེ། །རྡོ་རྗེ་རིགས་མཆོག་ཐམས་ཅད་ཀྱིས། །བར་མ་ཆད་པར་རྟག་ཏུ་བསྒྲུབ། །བྱང་ཆུབ་ཤིང་ ― DNG011_Page_0477 ―
[མ་དཔེ་གཟིགས་ན་འདིར་གནོན།]
དྲུང་སྐྱེ་བར་འགྱུར། །བླ་མེད་བྱང་ཆུབ་མཆོག་ཀྱང་འགྲུབ། །སྐྱེ་འཆི་མེད་པའི་བདེ་འགྲུབ་སྟེ། །སེམས་ལ་དབང་ཡང་ཐོབ་པར་འགྱུར། །སྤྱོད་ཡུལ་ཐམས་ཅད་སྨོན་ན་ཤེས། །རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་དམ་ཚིག་རྣམ་པར་སྤྲོས་པའི་ལེའུ་སྟེ་བདུན་ཅུ་ལྔ་པའོ།། །།གང་ཞིག་དཀྱིལ་འཁོར་འདི་སྤངས་ན། །ཉོན་མོངས་ངན་སོང་གནས་སུ་སྐྱེ། །བྱང་ཆུབ་འབྲས་བུ་ཐོབ་མི་འགྱུར། །བླ་མེད་འགྲོ་བའི་རྒྱུ་ཡང་ཆད། །རིགས་ཆད་ཉིད་དུ་སྐྱེ་བར་འགྱུར། །རྡོ་རྗེ་སེམས་དཔའ་བསྒྲུབ་འདོད་པས། །རྟག་ཏུ་མཉམ་པའི་དོན་རྟོགས་ལ། །སྐུ་ནི་འཇའ་ཚོན་ཚུལ་འདྲ་བར། །སྣང་ལ་རང་བཞིན་མེད་པར་བསྒོམ། །འཁོར་རྣམས་ཆུ་ཟླའི་ཚུལ་ཤེས་པར། །གསལ་ལ་རང་བཞིན་མེད་པར་བསྒོམ། །ལྷ་ཡི་སྐུ་རྣམས་གསལ་བསྒོམས་ན། །བསོད་ནམས་ཚོགས་ཆེན་ཐོབ་པར་འགྱུར། །དེ་ཉིད་གཟུགས་བརྙན་ཚུལ་ཤེས་ན། །ཡེ་ཤེས་ཚོགས་ཆེན་ཐོབ་པར་འགྱུར། །རྣལ་འབྱོར་པས་ནི་རྟག་ཏུ་བསྒོམ། །ཡི་དམ་ལྷ་དེ་སྤངས་བྱས་ན། །ངན་སོང་མི་བདེ་རྟག་ཏུ་མྱོང་། །སྔགས་དང་ཕྱག་རྒྱ་རྒྱུན་མི་གཅད་པའི་དོན་ནི། སྔགས་དང་ཕྱག་རྒྱ་བར་མི་གཅད། །རྣལ་འབྱོར་འགྲུབ་པའི་ལམ་ཡང་ཡིན། །མི་གཏོང་སྡོམ་ཞིང་འདྲེན་པའང་ཡིན། །དོན་མཆོག་རྫོགས་པའི་གནས་ཡིན་ཏེ། །རྟག་ཏུ་མཉམ་གཞག་ཕྱག་རྒྱ་ཡིན། །དུག་གསུམ་གཏིང་འབྱིན་སྔགས་ཡིན་ཏེ། །ཡང་དག་དོན་ཆེན་ཀླུང་འདོད་པས། །དུས་མཚམས་མེད་པར་ཕྱག་རྒྱ་སྔགས། །ཡིད་བརྟན་དྲག་ཏུ་བཟླས་བརྗོད་བྱ། །ཡོན་ཏན་ནམ་མཁའི་མཐའ་དང་མཉམ། །ཕྱག་རྒྱ་བསྐྱོད་དང་ཡི་གེ་ཨོཾ། །རྡོ་རྗེ་སློབ་དཔོན་གྱི་མཚན་ཉིད་བསྟན་པ། བླ་མེད་དཀྱིལ་འཁོར་སྟོན་པ་པོ། །ཡོན་ཏན་ཟད་མེད་སྦྱིན་པ་ཡིན། །བྱང་ཆུབ་ལམ་ཆེན་འདྲེན་མཛད་པ། །ཆགས་མེད་ཞིང་དུ་འགོད་པ་ཡིན། །ཉོན་མོངས་སྡུག་བསྔལ་རྩད་གཅོད་ཅིང་། །འཁོར་བའི་ལམ་རྣམས་སྟོངས་པར་བྱེད། །མ་རིག་མུན་སེལ་སྒྲོན་མ་ཡིན། །འོང་བ་རྣམས་ཀྱི་དམིགས་བུ་མཁན། །དེ་ལ་རྟག་ཏུ་ ― DNG011_Page_0478 ―
[མ་དཔེ་གཟིགས་ན་འདིར་གནོན།]
མཆོད་བྱས་ན། །སངས་རྒྱས་བྱང་ཆུབ་ཐག་མི་རིང་། །རྡོ་རྗེ་མཆེད་དང་ལྕམ་དྲལ་གྱི་མཚན་ཉིད་བསྟན་པ། རྡོ་རྗེ་རིགས་ཀྱི་སྤུན་ཡིན་ཏེ། །ཐོག་མ་མེད་ནས་ལས་མཐུན་པས། །ལྟ་སྤྱོད་མཐུན་པས་འདིར་སྐྱེས་ཏེ། །གཅིག་ལ་གཅིག་ནི་མིག་དང་འདྲ། །ཤིན་ཏུ་གདུང་ཞིང་བརྩེ་བར་བྱ། །དམ་ཚིག་ངན་སེམས་དཔྱ་བྱས་ན། །དམྱལ་བ་ཆེན་པོར་ལྟུང་བར་འགྱུར། །དེ་བས་དམ་ཚིག་འདའ་མ་བྱེད། །གསང་བའི་དམ་ཚིག་བསྟན་པ་ནི། དེ་བཞིན་གཤེགས་པའི་དཀྱིལ་འཁོར་ནི། །སྲིད་གསུམ་མ་ལུས་ཀུན་ལ་ཁྱབ། །ཕྱིན་ཅི་ལོག་གིས་རབ་བསྒྲིབས་ནས། །དབུལ་པོ་གཏེར་དང་གྱད་ཀྱི་ནོར་བུ་འདྲ། །དེ་བས་རྡོ་རྗེ་གསང་མཆོག་འདི། །ཐམས་ཅད་མཁྱེན་པའི་ཐུགས་རྗེ་ཡིས། །ཆོས་ལ་སྐྱོན་ཡོད་མ་ཡིན་ཏེ། །སེམས་ཅན་དོན་ཕྱིར་ཤིན་ཏུ་གསང་། །ཐེག་པ་དམན་དང་ཕྱིན་ཅི་ལྡོག །དེ་ལ་གསང་དོན་བསྟན་གྱུར་ན། །རང་བཞིན་གསང་དོན་མི་ཤེས་པར། །འཕྲལ་གྱི་སྤྱོད་ཡུལ་དེ་དག་ལ། །ཤིན་ཏུ་ངེས་པའི་དོན་བཟུང་ནས། །གསང་དོན་དེ་ཉིད་ལོག་པར་ཁྲིད། །མ་རྟོགས་དེ་ཉིད་དམྱལ་བར་འཁོར། །དེ་བས་ཤིན་ཏུ་གསང་བར་བྱ། །ཐུགས་རྗེ་ཆེན་པོ་དང་ལྡན་པས། །ཐར་ལམ་ཀུན་ལ་མཁས་པར་བྱ། །ཤེས་རབ་མཆོག་དང་ལྡན་པས་ན། །སེམས་ཅན་སྣོད་ཀྱི་རིམ་པ་བཞིན། །ཐེག་པ་མཐོ་དམན་དོན་ཉིད་ནི། །སོ་སོར་འཚམ་པར་བསྟན་དགོས་སོ། །དང་དུ་བླང་དང་མི་སྤང་བ། །རྣལ་འབྱོར་པས་ནི་རྟག་ཏུ་སྤྱད། །ཆགས་པ་མེད་པར་གྱུར་པ་དང་། །དངོས་གྲུབ་ཡ་མཚན་ཆེན་པོ་ནི། །དམ་ཚིག་མདོ་བཤད་ནང་ནས་འབྱུང་། །མ་རྟོགས་པ་ཞེས་སྤྱད་གྱུར་ན། །ཡི་དྭགས་སྲིན་པོའི་ནང་དུ་སྐྱེ། །ཡང་ན་དམ་ཚིག་འདི་ལྟ་བུར། །ཇི་ལྟར་སྤྱད་ཀྱང་སྡོམ་པ་མི་འདའ་སྟེ། །བྱེད་སྤྱོད་ཚོགས་ཆེན་གཉིས་སུ་འགྱུར། །འགྲོ་དང་ཉལ་དང་འདུག་པ་ན། །མཉམ་པ་དེ་ཡི་དབྱིངས་ན་གནས། །ཤེས་རབ་མཆོག་གིས་རྟག་ཏུ་གྱིས། །ཆོས་རྣམས་མ་ལུས་ཐམས་ཅད་ལ། །བྱ་ལམ་ནམ་མཁའ་གཅོད་བཞིན་གྱིས། །འཛིན་ཆགས་མ་ལུས་ཐམས་ཅད་ཀུན། །མཁའ་ལ་རླུང་ཆེན་ ― DNG011_Page_0479 ―
[མ་དཔེ་གཟིགས་ན་འདིར་གནོན།]
འཕྲོ་བ་བཞིན། །ཡིད་ཀྱི་རྟོག་ཆགས་མ་ལུས་པ། །ཆུ་ལ་ཉ་ཆེན་འཕྱོ་བ་ལྟར། །རྣལ་འབྱོར་ལྟ་བ་དེ་ལྟར་ལྟོས། །དེ་ལྟར་རྟོགས་པའི་ཤེས་རབ་ཀྱིས། །ཚིག་ཙམ་མ་ཡིན་བློ་གཏིང་སྦོས། །རྡོ་རྗེ་ཐེག་མཆོག་ཁ་འཆེས་ལ། །མཉམ་པའི་དོན་ཉིད་མི་ཤེས་པར། །གསང་སྔགས་དམ་ཚིག་མཉམ་ཟེར་ཞིང་། །ཐུགས་ཐུབ་དག་གིས་སྤྱད་བྱས་པ། །དམྱལ་ཁམས་དག་ཏུ་བརྒྱུད་པར་འགྱུར། །མཉམ་པའི་དོན་ཉིད་ཇི་ལྟ་བུ། །མཉམ་དང་རྟོགས་པ་གང་ཡང་མེད། །ཇི་ལ་མི་གནས་ཡུལ་ལ་སྤྱོད། །སྤྱོད་པར་བྱེད་དང་སྤྱོད་པ་མེད། །དེ་ལྟར་རྟོགས་པའི་རིགས་མཆོག་ནི། །རྡོ་རྗེ་རིག་འཛིན་སྐྱེ་བ་ན། །འཇིགས་མེད་ཀུན་ཏུ་བཟང་པོར་སྦྱོར། །ཡོན་ཏན་མི་ཟད་གནས་པ་ཡིན། །མཉམ་པའི་དོན་ཉིད་མི་ཤེས་ཤིང་། །ཀུན་རྫོབ་དོན་དམ་གཉིས་མེད་ལ། །ཆོས་དང་གང་ཟག་གཉིས་མེད་ན། །འདི་ནི་བྱང་ཆུབ་ས་པ་ཡིན། །ལས་དང་ཉོན་མོངས་ཐམས་ཅད་ལ། །མཉམ་པའི་དོན་དུ་མི་ཤེས་ཤིང་། །རྟེན་འདྲེལ་རྒྱུ་འབྲས་ཡོད་འཛིན་ན། །འདི་ནི་རང་སངས་རྒྱས་ཀྱི་ས། །ཆོས་རྣམས་མ་ལུས་ཐམས་ཅད་ལ། །བདེན་བཞིའི་དངོས་པོ་ཡོད་ལྟ་ཞིང་། །སྤང་དང་མི་སྤོང་བྱེད་འགྱུར་བ། །འདི་ནི་ཉན་ཐོས་ས་པ་ཡིན། །དགེ་བཅུ་དག་ལ་གཙོར་ལེན་ཅིང་། །དགེ་དང་མི་དགེ་མི་མཉམ་པས། །ལྷ་དང་མི་ཡི་སྐྱེ་གནས་ཏེ། །འདོད་ཁམས་དག་ཏུ་འཁོར་བའི་ས། །མཉམ་པའི་དོན་ཉིད་མི་རྟོགས་ཤིང་། །ཚད་མེད་བཞི་དང་བསམ་གཏན་བཞི། །རིམ་པར་སོ་སོར་བདག་འཛིན་ཅིང་། །གཟུགས་ཚོགས་དག་ལ་བདག་ཏུ་རྟོག །འདི་ནི་ཚངས་གནས་རིམ་པར་སྐྱེ། །མཉམ་དང་གཟུགས་མེད་མ་རྟོགས་པར། །མིང་བཞི་མེད་པར་མ་ཤེས་ཏེ། །སྐྱེ་མཆེད་བཞི་ལ་གནས་འགྱུར་བས། །སྲིད་པའི་རྩེ་མོའི་ས་རུ་སྐྱེ། །ཐམས་ཅད་མཉམ་པར་མ་ཤེས་ན། །མ་ལུས་ཀུན་ལ་ཞེ་སྡང་ཞིང་། །སྙིང་རྗེ་ཡང་དག་མེད་འགྱུར་ན། །འདི་ནི་མི་བཟད་ཆེན་པོ་ཡི། །དམྱལ་ཁམས་བཅུ་དྲུག་གནས་པ་ཡིན། །ཆགས་མེད་དངོས་པོ་མི་ཤེས་ནས། །ཐམས་ཅད་ཀུན་ལ་འདོད་ཆགས་ཤིང་། །ལུས་ཀྱིས་བསྒྲིབས་ ― DNG011_Page_0480 ―
[མ་དཔེ་གཟིགས་ན་འདིར་གནོན།]
དང་ཟས་ཀྱིས་བསྒྲིབས། །ཡི་དྭགས་ཆེན་པོའི་གནས་སུ་སྐྱེ། །ང་དང་བདག་མེད་མི་ཤེས་ཤིང་། །ཆོས་རྣམས་ཀུན་ལ་རྨོངས་བྱས་པས། །ཤེས་རབ་མི་གསལ་དོན་མེད་པས། །དགེ་སྡིག་གཉིས་ཀྱི་དོན་མ་རྟོགས། །འདི་ནི་བྱོལ་སོང་གནས་སུ་སྐྱེ། །ཤིན་ཏུ་ང་རྒྱལ་ཆེར་བསྐྱེད་ཅིང་། །ཐམས་ཅད་བདག་གིར་བཟུང་བས་ན། །ཀུན་དང་རྩོད་པའི་ལས་བྱེད་པ། །ལྷ་མ་ཡིན་གྱི་གནས་སུ་སྐྱེ། །ཐེག་མཆོག་མཐོ་དམན་ཐམས་ཅད་དང་། །འཇིག་རྟེན་ལྟ་བ་ཐབས་ཅད་ཀུན། །ཡེ་ཤེས་ཆེན་པོས་རབ་བརྟགས་ན། །རང་བཞིན་མེད་ལ་ཅིར་ཡང་འགྲུབ། །རང་བཞིན་དབྱིངས་ལས་ཉམས་པ་མེད། །ཤེས་རབ་ཆེན་པོ་མིག་ལྡན་པས། །མཐོ་དམན་གནས་དང་ལམ་དྲུག་དང་། །རང་བཞིན་མེད་ལ་ཅིར་ཡང་འགྲུབ། །སོ་སོར་དེ་བཞིན་འཁོར་བར་གཟིགས། །སྔགས་མཆོག་བླ་ན་མེད་པས་ནི། །མཚན་མ་ཀུན་དང་མི་བརྟག་པར། །མཚན་ནམ་ཀུན་དང་ཐམས་ཅད་མེད། །ཀུན་དང་མཉམ་པ་ཉིད་ཡིན་པས། །འཇིག་རྟེན་འདས་དང་འཇིག་རྟེན་པའི། །སོ་སོར་ལྟ་བ་བརྗོད་མི་བྱ། །སྤྱི་ནི་ལོག་རྟོག་བསམ་ཡས་པ། །ཡེ་ནས་ཡོད་པ་མ་ཡིན་ཏེ། །སོ་སོའི་རྣམ་རྟོག་བག་ཆགས་ཀྱིས། །གཟུང་འཛིན་དྲ་བས་བསྒྲིབས་འགྱུར་ཏེ། །ཅི་ཡང་མེད་ལ་ཅིར་ཡང་སྣང་། །སྣང་བ་ཉིད་ན་རང་བཞིན་མེད། །དེ་ལྟར་རྟོགས་ན་བདེར་འགྲོའི་གནས། །རྡོ་རྗེ་ཅན་གྱིས་དེ་ལྟར་རྟོགས། །རྣལ་འབྱོར་ཆེན་པོའི་ལྟ་སྤྱོད་ནི། །ཅིར་ཡང་སྤྱོད་ཀྱང་རང་བཞིན་མེད། །མཁའ་ལ་བྱ་ཆེན་ལྡིང་བ་བཞིན། །ཆུ་ལ་སྐྱར་ཆེན་འཕྱོ་བ་བཞིན། །མཁའ་ལ་རླུང་ཆེན་འགྲོ་བ་བཞིན། །རྣལ་འབྱོར་ལྟ་བ་དེ་ལྟར་བལྟ། །རྣལ་འབྱོར་སྤྱོད་པ་ཆེན་པོ་ནི། །ཐམས་ཅད་ཀུན་ལ་དབྱེར་མེད་སྤྱོད། །བདེ་བའི་རོ་མཆོག་མྱོང་བར་འགྱུར། །དེ་ལ་སུ་ཞིག་ཆགས་པར་བྱེད། །སྤྱོད་བཞིན་མ་ཆགས་ཡེ་ཤེས་ཡིན། །བདེ་བའི་མཆོག་ཉིད་བསོད་ནམས་ཚོགས། །དེ་ལྟ་བུ་ཡི་ངང་དུ་སྤྱོད། །འདི་ནི་སྤྱོད་པ་རླབས་ཆེན་ཡིན། །ལྟ་སྤྱོད་ཡ་ཆར་མ་གྱུར་པར། །སྔགས་འཆང་རྣམས་ཀྱིས་རྟག་ཏུ་སྤྱད། །ཁ་ཅིག་ལྟ་བ་མཉམ་གནས་ཀྱང་། ། ― DNG011_Page_0481 ―
[མ་དཔེ་གཟིགས་ན་འདིར་གནོན།]
སྤྱོད་པ་དག་དང་ཡོང་མི་མཐུན། །ཁ་ཅིག་སྤྱོད་པ་རྫོགས་བྱེད་ཀྱང་། །མཉམ་པའི་ལྟ་བ་ཡོང་མི་ཤེས། །ཁ་ཅིག་ལྟ་སྤྱོད་གཉི་ག་མེད། །ཡང་དག་སྐྱེས་མཆོག་དམ་པ་ཡིས། །དོན་དམ་ཀུན་རྫོབ་དབྱེར་མེད་པས། །ཡང་དག་ཉིད་དུ་རབ་ཏུ་རྟོགས། །བླ་མེད་ཐེག་ཆེན་ངང་གནས་ནི། །དོན་དམ་ཀུན་རྫོབ་དབྱེར་མེད་དེ། །ཀུན་རྫོབ་ཙམ་དུ་ཐམས་ཅད་ལ། །དག་དང་མ་དག་གཉི་གར་འཛིན། །ཐབས་ཀྱི་ཐེག་པ་ཆེན་པོ་ནི། །རྣམ་པར་བྱང་དང་སྡུག་བསྔལ་དག །ཀུན་རྫོབ་ཏུའང་དབྱེར་མེད་དེ། །ལྟ་བ་མཐོ་དམན་དེ་ཙམ་མོ། །ཐབས་ཀྱི་ལྟ་སྤྱོད་ཆེན་པོ་ནི། །བླ་མེད་ཐེག་པ་ལས་འཕགས་པ། །དོན་དམ་དུ་ནི་ནོར་བདུན་ནོ། །ཀུན་རྫོབ་ཏུ་ནི་མཉམ་རྫོགས་སོ། །མཉམ་པ་ཉིད་ལས་མ་གཡོས་བཞིན། །ཐབས་ཀྱི་ཕྱག་རྒྱ་ཆེན་པོ་སྟོན། །ཐབས་དང་ཤེས་རབ་རྣམ་པར་དག །ཐམས་ཅད་དག་ཅེས་བྱ་བ་ཡང་། །དངོས་པོ་གསལ་དག་མ་ཡིན་ཏེ། །སྣང་སྤྱོད་ཉིད་ན་རྣམ་པར་དག །དམ་ཚིག་ཆེན་པོའི་མདོ་རྣམས་ལས། །རིགས་ལྔ་དག་ཏུ་བསྟན་པ་ནི། །ཆོས་རྣམས་མ་ལུས་ཐམས་ཅད་ཀུན། །རིགས་ཆེན་དག་ཏུ་ཟད་པར་འདུས། །མ་ལུས་ཆོས་ཀུན་དབྱེར་མི་དམིགས། །ཅིས་ཀྱང་མི་ཚུགས་རྡོ་རྗེ་ཡིན། །རིགས་ངན་འཇོམས་པས་རྡོ་རྗེ་ཡིན། །མི་དམིགས་དབྱིངས་ནས་ཀུན་འབྱུང་བ། །ཡོན་ཏན་ཆེན་པོ་གནས་ཡིན་ཏེ། །ཞིང་ཁམས་མི་བཟད་གནས་ཀྱང་ཡིན། །འདི་ནི་རིན་ཆེན་རིགས་སུ་གསུངས། །ཆོས་རྣམས་ཐམས་ཅད་དབྱེར་མེད་པས། །ཆགས་དང་ཆགས་པར་བྱ་བ་མེད། །དེ་བཞིན་ཉིད་དུ་གཅིག་པ་སྟེ། །ཉེས་པས་མི་གོས་པདྨ་བཞིན། །ཐམས་ཅད་མ་ལུས་དབྱིངས་འདུས་པས། །འདི་ལ་བྱ་བ་རྡུལ་ཙམ་མེད། །མ་བྱས་བཞིན་དུ་དོན་གྲུབ་པ། །སྐྱོན་ཡོན་བྱང་ཆུབ་ཉིད་དུ་སྦྱོར། །འདི་ནི་ལས་རྣམས་གྲུབ་པ་ཡིན། །ཆོས་རྣམས་མ་ལུས་ཐམས་ཅད་ཀུན། །མཐའ་དང་དབུས་མེད་དུ་མར་བྲལ། །གང་ཡང་མ་ཡིན་དེ་བཞིན་ཉིད། །དབྱེར་མེད་པ་ཡི་ཚུལ་རྟོགས་ཏེ། །འདི་ནི་དེ་བཞིན་གཤེགས་པའི་ ― DNG011_Page_0482 ―
[མ་དཔེ་གཟིགས་ན་འདིར་གནོན།]
རིགས། །སྣང་སྲིད་མ་ལུས་ཐམས་ཅད་ལ། །གསལ་ཞིང་དྲོ་བའི་གནས་བྱེད་ཅིང་། །མཚན་མ་བག་ཆགས་སྲེག་བྱེད་པ། །འདི་ནི་མེ་ཡི་རིགས་སུ་བཤད། །ཆོས་རྣམས་མ་ལུས་ཐམས་ཅད་ལ། །དངོས་པོར་སྣང་ལ་གཟུང་དུ་མེད། །བསྐྱོད་ན་ཐམས་ཅད་ཀུན་སྨྲ་སྟེ། །འདི་ནི་རླུང་ཆེན་ཡིན་པར་བཤད། །དམ་ཚིག་ཆེན་པོའི་མདོ་རྣམས་ལས། །འབྱུང་བ་ལྔ་རྣམས་བཤད་པ་ནི། །ཐམས་ཅད་མ་ལུས་འབྱུང་བའི་གནས། །ཐམས་ཅད་ཀུན་གྱི་མཛོད་སྐྱེད་ཡིན། །ཆོས་རྣམས་མ་ལུས་ཐམས་ཅད་ལ། །སྲ་ཞིང་བརྟན་པའི་གནས་ཡོད་པས། །དངོས་པོ་མེད་པའི་ཚུལ་རྟོགས་ཏེ། །འདི་ནི་ས་ཆེན་ཡིན་པར་བཤད། །ཆོས་རྣམས་མ་ལུས་ཐམས་ཅད་ལ། །དེ་བཞིན་ནམ་མཁའ་ཆེན་པོ་ཡིས། །ཕྱི་དང་ནང་གི་གོ་འབྱེད་པའོ། །ཐམས་ཅད་གསལ་བའི་ངང་ཉིད་དེ། །འབྱུང་བ་བཞི་པོ་ཐམས་ཅད་ཀྱང་། །ཐམས་ཅད་ནམ་མཁའི་ངང་དུ་ཐིམ། །ཆོས་རྣམས་མ་ལུས་ཐམས་ཅད་ཀུན། །དེ་བཞིན་ཉིད་ཀྱི་དབྱིངས་སུ་འུབ། །ཉོན་མོངས་ལྔ་པ་ཞེས་བྱ་བའི་དམ་ཚིག་ནི། མ་རིག་པ་ནི་རིག་པར་འགྱུར། །ཕྱིན་ཅི་ལོག་ནི་ཡང་དག་སྟེ། །ཉོན་མོངས་ལྔ་པོ་དེ་བཞིན་གཤེགས། །དངོས་མེད་རྟོགས་ན་བྱང་ཆུབ་ལམ། །མ་རྟོགས་ངན་སོང་གསུམ་དུ་འགྲོ། །དེ་བས་ཐོས་བསམ་བསྒོམས་པ་ཡིས། །ཡང་དག་དོན་ཉིད་རྟོགས་བྱས་ཏེ། །ཐམས་ཅད་སངས་རྒྱས་ཉིད་དུ་སྦྱོར། །འདོད་ཆགས་རང་བཞིན་མེད་པས་ན། །ཡང་དག་དོན་ལ་ཆགས་བྱེད་དེ། །ཆགས་པ་མེད་པའི་ཚུལ་གྱིས་གནས། །མ་ཆགས་པ་ལ་ཆགས་པ་དང་། །ཤིན་ཏུ་ཆགས་མཆོག་ཆེན་པོ་ཡིན། །རྒྱལ་བའི་ཞིང་ཁམས་འབྱུང་འགྱུར་ཏེ། །སྣང་བ་མཐའ་ཡས་ཞིང་དག་ཡིན། །ཐམས་ཅད་པདྨ་བརྫུས་སྐྱེས་ཡིན། །རྡོ་རྗེ་འཛིན་གྱི་ས་རུ་སྐྱེ། །ཞེ་སྡང་ཆེན་པོའི་མཚན་ཉིད་ནི། །ཕྱིན་ཅི་ལོག་ལ་ཞེ་སྡང་ཞིང་། །ཞེ་སྡང་དངོས་པོ་མེད་ཤེས་ན། །སྡང་དང་མི་སྡང་མཉམ་ཤེས་ཏེ། །ཅིས་ཀྱང་མི་ཚུགས་རྡོ་རྗེ་ཡིན། །མཉམ་པ་ཆེན་པོའི་ངང་ཉིད་ནི། །ཐམས་ཅད་ཀུན་ལ་དབྱེར་མེད་དེ། །དེ་ལྟར་མ་རྟོགས་ ― DNG011_Page_0483 ―
[མ་དཔེ་གཟིགས་ན་འདིར་གནོན།]
ཀུན་ལ་སྣང་། །དེ་བཞིན་ཕལ་གྱིས་མཉམ་མི་ཤེས། །དེས་ནི་ཞེ་སྡང་ཉིད་དུ་མཐོང་། །ཡང་དག་རྟོགས་པས་རབ་བརྟགས་ན། །ཞེ་སྡང་ཐུགས་རྗེ་ཆེན་པོ་ཡིན། །གཏི་མུག་རྨོངས་པ་ཞེས་བརྗོད་པས། །ཆོས་རྣམས་མ་ལུས་ཐམས་ཅད་ཀུན། །དོན་དམ་དུ་ནི་དབྱེར་མེད་ལ། །ཀུན་རྫོབ་སྒྱུ་མ་མིག་ཡོར་ཚུལ། །སྣང་བ་ཉིད་ན་དངོས་མེད་པས། །དེ་ལ་སུ་ཞིག་བདག་ཏུ་འཛིན། །ཐམས་ཅད་དབྱེར་མེད་མི་དམིགས་པ། །ཤེས་རབ་ཅན་གྱི་གཏི་མུག་ཡིན། །དེ་རྟོགས་དེ་བཞིན་གཤེགས་པའོ། །ང་རྒྱལ་མཚན་ཉིད་བརྗོད་པ་ནི། །མཉམ་པ་ཉིད་ལ་གནས་བཅས་ནས། །ཕྱིན་ཅི་ལོག་དང་ཐེག་དམན་ལ། །ཤིན་ཏུ་ང་རྒྱལ་ཆེན་པོར་སྣང་། །ང་རྒྱལ་ཞི་བ་སོ་སོ་མིན། །རང་བཞིན་མེད་པས་དབྱིངས་སུ་འདུས། །འདི་ནི་ཡོན་ཏན་འབྱུང་གནས་ཡིན། །དེ་བཞིན་དག་པར་ཤེས་པར་བྱོས། །ཕྲག་དོག་མཚན་ཉིད་བརྗོད་པ་ནི། །ང་དང་བདག་ཏུ་འཛིན་པ་སྟེ། །འཛིན་ཉིད་དངོས་པོ་ཡོད་མ་ཡིན། །མཉམ་མི་ཤེས་ལ་ཕྲག་དོག་ཅིང་། །ཐམས་ཅད་མཉམ་པ་ཉིད་དུ་འདུས། །མི་མཉམ་པ་ལ་ཤིན་ཏུ་སྡོམ། །དེ་བས་ཕྲག་དོག་ཆེན་པོ་ཡིན། །ཕྱིན་ཅི་ལོག་ཏུ་བདག་ཏུ་བཅིངས། །གཟུང་དང་འཛིན་པས་ཤིན་ཏུ་དོག །གཟུང་འཛིན་བྲལ་བའི་ཡེ་ཤེས་ནི། །དོག་ཡངས་མེད་དེ་ཐམས་ཅད་མཉམ། །དེ་ཉིད་ཤེས་པས་ལས་རབ་འགྲུབ། །ཕུང་པོ་ལྔ་ཞེས་བྱ་བའི་དམ་ཚིག་ནི། ཕུང་པོ་ལྔ་པོར་སྣང་བ་ཡང་། །ཀུན་རྫོབ་བྱ་བ་སྣ་ཚོགས་བྱེད། །བདེ་བའི་ཡུལ་དང་མི་བདེའི་ཡུལ། །སོ་སོའི་རོ་རྣམས་མྱོང་བྱེད་ཅིང་། །ལྔ་པོའི་མཚན་ཉིད་བཤིག་བྱས་ནས། །སོ་སོའི་མཚན་ཉིད་དངོས་པོ་མེད། །གང་གིས་དེ་ལ་དངོས་བཟུང་ན། །ངན་སོང་གསུམ་དུ་སྐྱེ་བར་འགྱུར། །དེ་ལ་གཟུགས་ཀྱི་མཚན་ཉིད་ནི། །སྣང་བ་ཉིད་ནི་རང་བཞིན་མེད། །སྣང་མེད་དེ་ཉིད་སྣ་ཚོགས་སྟོན། །སྣང་དང་མི་སྣང་གཉིས་སུ་མེད། །དེ་རྟོགས་རྣམ་པར་ཐར་པའི་གནས། །གཟུགས་ཉིད་ལོངས་སྤྱོད་རྫོགས་པའི་སྐུ། །ཚོར་བའི་མཚན་ཉིད་བརྗོད་པ་ནི། །ཀུན་ལ་རྣམ་གསུམ་འབྱུང་མོད་ཀྱི། །བདེ་དང་མི་བདེ་དངོས་པོ་མེད། །གཉི་ག་མ་ཡིན་ལུང་མ་ ― DNG011_Page_0484 ―
[མ་དཔེ་གཟིགས་ན་འདིར་གནོན།]
བསྟན། །སྣ་ཚོགས་ཚོར་བ་འབྱུང་འགྱུར་ཡང་། །ཚོར་དང་འབྱུང་བ་གཉི་ག་སྟོང་། །སྟོང་ཉིད་དངོས་པོ་ཡོད་མ་ཡིན། །དེ་རྟོགས་ཆོས་ཀྱི་གོ་བགོས་ཡིན། །འདུ་ཤེས་མཚན་ཉིད་བཤད་པ་ནི། །གསུམ་ཚོགས་མཚན་མར་འཛིན་པ་ཡིན། །སོ་སོ་མཚན་ཉིད་བཤིག་པ་ན། །དངོས་པོ་མེད་དེ་དེ་བཞིན་ཉིད། །དངོས་པོ་དེ་ནི་སྣ་ཚོགས་པ། །བྱ་བྱེད་མེད་པར་ཀུན་དུ་འཇུག ། ཁམས་གསུམ་མ་ལུས་ཐམས་ཅད་ལ། །མཚན་མ་ཆེ་ཆུང་བསམ་མི་ཁྱབ། །ཁྱབ་མེད་དངོས་པོ་ཡོད་མ་ཡིན། །དེ་ལྟར་རྟོགས་ན་སངས་རྒྱས་མཚན། །འདུ་བྱེད་མཚན་ཉིད་འདི་ལྟར་གནས། །རྩ་བ་བརྒྱད་པའི་གྲངས་འགྱུར་ཏེ། །ལྔ་བཅུ་རྩ་གཅིག་ཀུན་ལ་འཕོ། །དེར་རྟོགས་རྩ་བ་ཡོད་མ་ཡིན། །མེད་བཞིན་ལོག་གཡོ་རྣམ་པར་འབྱུང་། །དེ་ལ་དངོས་པོར་འཛིན་པ་ནི། །རྟག་ཏུ་ཉོན་མོངས་གཡེངས་གྱུར་ནས། །ཁམས་གསུམ་བཙོན་ར་ཀུན་དུ་འཁོར། །ཡང་དག་དོན་ཕྱིར་རིག་པས་ནི། །འཕྲོ་བའི་གཞི་རྩ་དེ་བཞིན་དེ། །དེ་ལ་རྣམ་རིག་འབྱུང་བ་ནི། །དངོས་པོ་མེད་དེ་སྐད་ཅིག་མ། །ཡེ་ཤེས་དབྱིངས་ལ་རོལ་པ་མཛད། །སྤྲུལ་པའི་ཚོགས་ཆེན་ཡིན་པར་བཤད། །ཀུན་གྱི་འབྱུང་གནས་རྣམ་ཤེས་ཏེ། །དེ་ཡི་དངོས་པོའི་རང་བཞིན་ནི། །ཁ་དོག་དབྱིབས་དང་རིག་རྒྱུན་མིན། །གང་ཡང་མ་ཡིན་ཉིད་མི་དམིགས། །འདི་ནི་ཀུན་ལ་དབང་བསྒྱུར་ཏེ། །མཐོ་རིས་འགྲོའམ་ངན་སོང་འགྲོ། །རྟོགས་དང་མ་རྟོགས་ཁྱད་པར་རོ། །བཞི་པོ་མཉམ་པའི་ངང་ཤེས་ན། །འདི་ནི་ཡེ་ཤེས་ཆེན་པོ་ཡིན། །ཁ་དོག་ལྔ་ཡི་དམ་ཚིག་ནི། །སེམས་ཅན་མ་ལུས་ཐམས་ཅད་ལ། །ཡེ་ཤེས་ལྔ་ཡིས་ཀུན་ཁྱབ་ཀྱང་། །རང་གི་རྣམ་རྟོག་བསྒྲིབས་བྱས་ཏེ། །ཡེ་ཤེས་ལྔ་ཡི་དོན་མ་མཐོང་། །མ་མཐོང་རྨོངས་པ་ཐམས་ཅད་ལ། །ཡེ་ཤེས་མཚན་ཉིད་བསྟན་པའི་ཕྱིར། །དཀར་དང་དམར་དང་སེར་བ་དང་། །ལྗང་གུ་ལ་སོགས་ནག་པོར་བསྟན། །ཆོས་རྣམས་བདག་མེད་རྟོགས་བྱས་ནས། །བྱང་ཆུབ་སེམས་ཉིད་དག་པའི་ཕྱིར། །ཤིན་ཏུ་མདོག་ནི་དཀར་བསྟན་པ། །དེ་རྟོགས་བྱ་ཕྱིར་དག་པའི་མདོག །ཆོས་རྣམས་མ་ལུས་ཐམས་ཅད་ཀུན། །པདྨ་ ― DNG011_Page_0485 ―
[མ་དཔེ་གཟིགས་ན་འདིར་གནོན།]
རཱ་ག་ཞེས་བརྗོད་དེ། །ཆགས་དང་ཆགས་པར་བྱ་བ་མེད། །ཆགས་མེད་ཕྱིར་ཡང་དམར་པོའོ། །ཡོན་ཏན་གཏེར་ཆེན་ཟད་མི་ཤེས། །ཐམས་ཅད་འབྱུང་བའི་གནས་ཡིན་ཏེ། །དེ་བཞིན་ཉིད་དབྱིངས་མ་ལུས་ལ། །ཟད་མེད་རིན་ཆེན་གཏེར་འགྱུར་པ། །མདོག་ནི་གསེར་གྱི་མདོག་ཏུ་བསྟན། །ཆོས་རྣམས་ཕྱིན་ཅི་ལོག་རྣམས་ལ། །ཐུགས་རྗེ་ཆེན་པོའི་བྱིན་བརླབས་ཀྱིས། །དབྱིངས་སུ་ཡང་དག་བསྡུ་དགོས་པས། །ལས་རྣམས་མ་ལུས་རྫོགས་པར་བྱེད། །ཀུན་དུ་ལས་ནི་ལྗང་གུའི་མདོག །དེ་བཞིན་ཉིད་ཀྱི་དབྱིངས་ཉིད་ལས། །ཅིས་ཀྱང་མི་ཚུགས་བཅོས་སུ་མེད། །ཁ་དོག་ནག་པོ་དངོས་པོ་ལ། །ཚོན་གཞན་དག་གིས་བསྒྱུར་དུ་མེད། །དེ་བཞིན་ཀུན་ལ་ཤེས་པར་བྱོས། །ཕྱོགས་ལྔ་ཞེས་བྱ་བའི་དམ་ཚིག་ནི། མཐའ་དང་དབུས་མེད་དེ་བཞིན་དུ། །དབྱེར་མེད་ངང་དུ་གནས་པ་ལ། །ཡེ་ཤེས་རྟོགས་པའི་དོན་བྱ་ཕྱིར། །ཕྱོགས་དང་དབུས་སུ་གནས་པར་བྱ། །སེམས་ཅན་མ་རིག་མདོངས་པ་ལ། །ཉོན་མོངས་མ་རིག་བསལ་བྱའི་ཕྱིར། །ཡེ་ཤེས་སྒྲོན་མ་འོད་འབར་བས། །མ་རིག་མུན་པ་སེལ་བར་བྱེད། །དེ་ཕྱིར་དེ་ལ་ཤར་ཞེས་བྱ། །སེམས་ཅན་མ་ལུས་ཐམས་ཅད་ལ། །ཉོན་མོངས་སྡུག་བསྔལ་མི་གནས་ཤིང་། །མ་རིག་མུན་པ་ནུབ་འགྱུར་བས། །དེ་ལ་ནུབ་ཀྱི་ཕྱོགས་ཞེས་བྱ། །སེམས་ཅན་ཀུན་གྱི་ཉོན་མོངས་ཀུན། །ཡེ་ཤེས་ཆེན་པོ་བདག་མེད་པས། །སྡུག་བསྔལ་རབ་ཏུ་བྱང་བྱས་ནས། །དེ་ལ་བྱང་གི་ཕྱོགས་ཞེས་བརྗོད། །དེ་ལྟར་མ་ལུས་ཐམས་ཅད་ལ། །ཐུགས་རྗེ་ཤར་དང་སྒྲིབ་པ་ནུབ། །རྣམ་རྟོག་མཚན་ཉིད་བྱུང་གྱུར་ན། །དེ་ཡི་ཡོན་ཏན་ཆེན་པོ་རྫོགས། །དེ་ལྟར་ཆོས་རྣམས་མ་ལུས་ཀུན། །རང་བཞིན་ཉིད་ཀྱི་དབྱིངས་སུ་འདུས། །ཕྱོགས་རྣམས་མ་ལུས་ཐམས་ཅད་ཀུན། །དེ་བཞིན་ཉིད་དུ་ཟླུམ་པའི་ཚུལ། །ཕྱོགས་རྣམས་ཀུན་ལ་དེ་ལྟར་བལྟ། །མ་རིག་ཕྱིན་ཅི་ལོག་རྣམས་ཀྱིས། །ཕྱོགས་རྣམས་སོ་སོར་བཟུང་འགྱུར་ན། །རྟག་ཏུ་ཉོན་མོངས་འཁོར་བར་འགྱུར། །དབང་པོ་ལྔ་ཞེས་ ― DNG011_Page_0486 ―
[མ་དཔེ་གཟིགས་ན་འདིར་གནོན།]
བྱ་བའི་དམ་ཚིག་ནི། ཡུལ་ལྔ་དག་ལ་དབང་བྱེད་ཅིང་། །ཕྱིན་ཅི་ལོག་ནི་དངོས་པོར་འཛིན། །དངོས་པོར་བཟུང་བས་ཁམས་གསུམ་འཁོར། །གཟུགས་རྣམས་མ་ལུས་ཐམས་ཅད་ལ། །སྣང་ཞིང་དངོས་པོ་མེད་པ་དང་། །ལྷ་དང་ལྷ་མོར་དངོས་པོར་བརྟགས། །བདག་དང་ལྷ་ཉིད་གཉིས་པའོ། །སྒྲ་རྣམས་སྣ་ཚོགས་གྲགས་པ་ཡང་། །སྒྲ་ཉིད་དངོས་པོ་མེད་པར་ཤེས། །སྒྲ་བརྗོད་མ་ལུས་ཐམས་ཅད་ནི། །ཆོས་ཀྱི་སྒྲ་ཆེན་སྣ་ཚོགས་ཡིན། །དྲི་ཡི་དངོས་པོར་སྣང་བ་ཡང་། །དྲི་ཉིད་རང་བཞིན་གང་ཡང་མེད། །དྲི་སྣོམ་ཆོས་ཀྱི་དྲི་ཡིན་ཏེ། །ཤེས་རབ་ཆེན་པོས་དེ་ལྟར་རྟོགས། །རོ་ཡི་དངོས་པོར་སྣང་བ་ཡང་། །རོ་ཡི་རང་བཞིན་ཡོད་མ་ཡིན། །རོ་བྲོ་དེ་བཞིན་ཉིད་ཀྱི་རོ། །བདེ་བ་དེ་ཡིས་ཚིམ་པར་བྱེད། །རེག་བྱ་སྣ་ཚོགས་སྣང་བ་ཡང་། །རེག་བྱའི་དངོས་པོ་ཡོད་མེད་དེ། །རེག་བྱར་སྣང་བ་ལོངས་སྤྱོད་ཡིན། །བདེ་བ་ཆེན་པོ་ཆོས་ཀྱི་སྐུ། །མི་ཤེས་ཕྱིན་ཅི་ལོག་རྣམས་ཀྱིས། །དབང་པོའི་ཡུལ་ལ་ཆགས་འགྱུར་ན། །རྟག་ཏུ་འདོད་དང་མི་འབྲལ་ཞིང་། །ངན་སོང་གསུམ་དང་མི་ཁོམ་བརྒྱད། །རྩ་བ་སོག་མའི་མེ་བཞིན་དུ། །ཁམས་གསུམ་དག་ཏུ་འཁོར་བར་འགྱུར། །དེ་བས་ཡེ་ཤེས་ཆགས་མེད་རྟོགས། །བྱས་ལ་མི་སོགས་བསོད་ནམས་བྱོས། །ཀུན་ལ་སྤྱོད་ཅིང་མི་གོས་པས། །ཡེ་ཤེས་ཆེན་པོ་རྟག་ཏུ་བསྒོམས། །མཉམ་པ་ལྔ་ཞེས་བྱ་བའི་དམ་ཚིག་ནི། དོན་དམ་པར་སྐྱེ་བ་མེད་པར་མཉམ་པ་དང་། ཀུན་རྫོབ་སྒྱུ་མར་མཉམ་པ་དང་། དོན་དམ་པ་དང་ཀུན་རྫོབ་ཏུ་དབྱེར་མེད་པར་མཉམ་པ་དང་། ཆེན་པོ་ལྔ་དེ་བཞིན་གཤེགས་པ་ལྔར་མཉམ་པ་དང་། རྣམ་པར་ཤེས་པ་བརྒྱད་ཡེ་ཤེས་ལྔར་མཉམ་པའོ། །དེ་ལ་དོན་དམ་པར་སྐྱེ་བ་མེད་པར་མཉམ་པ་ནི། ཆོས་རྣམས་མ་ལུས་ཐམས་ཅད་ཀུན། །དེ་བཞིན་ཉིད་དང་སྟོང་པའི་མཐའ། །ཡང་དག་པ་དང་ཆོས་ཀྱི་དབྱིངས། །མཚན་ཉིད་མེད་ཅིང་དམིགས་སུ་མེད། །གཟུང་དུ་མེད་ཅིང་སྨོན་པ་མེད། །ཡེ་ནས་མྱ་ངན་འདས་པ་ཡིན། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། ། ― DNG011_Page_0487 ―
[མ་དཔེ་གཟིགས་ན་འདིར་གནོན།]
ཀུན་རྫོབ་སྒྱུ་མར་མཉམ་པ་དང་། །འདུས་བྱས་དངོས་པོ་སྣ་ཚོགས་ནི། །སྒྱུ་མའི་ཚུལ་དུ་ཐམས་ཅད་སྣང་། །འཕྲལ་གྱི་བྱ་བ་ཀུན་ཀྱང་བྱེད། །རྟོགས་པ་ཀུན་གྱི་མཚན་མ་སྣང་། །འདི་དག་ཐམས་ཅད་གཟུགས་བརྙན་ཏེ། །བྱ་བྱེད་སྣང་ཞིང་དངོས་པོ་མེད། །ཆུ་ཟླའི་ཚུལ་དུ་ཐམས་ཅད་གནས། །ཐམས་ཅད་སྣང་ལ་རང་བཞིན་མེད། །དོན་དམ་ཀུན་རྫོབ་དབྱེར་མེད་ནི། །ཆོས་རྣམས་མ་ལུས་ཐམས་ཅད་ཀུན། །གཞི་རྩ་མེད་ལས་ཐམས་ཅད་འབྱུང་། །ཡོད་དང་མེད་པ་གཉི་ག་མིན། །དོན་དམ་ཀུན་རྫོབ་དབྱེར་མེད་དེ། །འདུས་མ་བྱས་ཉིད་འདུས་བྱས་སྣང་། །སྣང་བ་ཉིད་ན་དངོས་པོ་མེད། །དངོས་མེད་དེ་ཉིད་སྣ་ཚོགས་ཏེ། །དེ་ཉིད་སྒྱུ་མ་མིག་ཡོར་ཚུལ། །འབྱུང་བ་ཆེན་པོ་ལྔ་དེ་བཞིན་གཤེགས་པ་ལྔར་མཉམ་པ་ནི། ས་ཆུ་མེ་རླུང་ནམ་མཁའ་ལས། །ཡ་མཚན་སྣ་ཚོགས་འབྱུང་འགྱུར་བ། །གཞི་རྩ་ཡོད་པ་མ་ཡིན་ཏེ། །རང་བཞིན་ངང་གིས་དེ་ལྟར་འབྱུང་། །སོ་སོའི་རིགས་ཚོགས་སྣང་བ་ནི། །ཐབས་ཆེན་དག་ཏུ་རྟག་ཏུ་མཉམ། །མཚན་ཉིད་སོ་སོར་གནས་པ་ནི། །ཤེས་རབ་དབྱིངས་ཀྱི་ངང་དུ་མཉམ། །རྣམ་པར་ཤེས་པ་བརྒྱད་ཡེ་ཤེས་ལྔར་མཉམ་པ་ནི། རྣམ་རྟོག་ཀུན་གཞི་མ་ཡིན་པ། །རང་བཞིན་མེད་པ་དོན་གྱི་གཞི། །འདི་ནི་ཆོས་ཀྱི་དབྱིངས་ཞེས་བྱ། །དེ་བཞིན་ཉིད་ཀྱི་ཡེ་ཤེས་སོ། །ཆོས་རྣམས་མ་ལུས་ཐམས་ཅད་ཀུན། །ང་དང་བདག་ཏུ་མི་འཛིན་ཅིང་། །ཀུན་ཀྱང་དབྱེར་མེད་པ་ཡིན་པས། །ཐམས་ཅད་མེ་ལོང་ལྟ་བུའི་ཚུལ། །ཐམས་ཅད་ཀུན་ལ་ཡུད་རྟོག་ཅིང་། །རྟོག་དང་བརྟག་པར་བྱ་བ་མེད། །དུས་གསུམ་ཀུན་དུ་མི་དམིགས་པ། །འདི་ནི་མཉམ་ཉིད་ཡེ་ཤེས་ཡིན། །ལོག་རྟོགས་དབང་པོའི་སྤྱོད་ཡུལ་སྤངས། །དབང་པོའི་ཡུལ་རྣམས་དངོས་མེད་པར། །ཐམས་ཅད་དབྱེར་མེད་དེ་བཞིན་ཉིད། །སོ་སོར་རྟོག་པའི་ཡེ་ཤེས་ཡིན། །མཉམ་པ་རྣམ་ལྔ་དེ་ལྟར་བརྟགས། །ཆོས་རྣམས་མ་ལུས་ཐམས་ཅད་ལ། །ཡེ་ནས་རང་བཞིན་མེད་པ་དང་། །ཐབས་ཆེན་ལྷུན་གྱིས་གྲུབ་པར་བརྟགས། །འདི་ནི་ཡང་དག་རྟོགས་པ་ཡིན། །ཚོགས་ཀྱི་དཀྱིལ་འཁོར་ཞེས་བྱ་བའི་དམ་ཚིག་ནི། བསོད་ནམས་ཡེ་ཤེས་ཚོགས་རྫོགས་ ― DNG011_Page_0488 ―
[མ་དཔེ་གཟིགས་ན་འདིར་གནོན།]
ཏེ། །རང་རིག་མཐའ་དབུས་མེད་པའི་དཀྱིལ། །ཡེ་ཤེས་བཞི་འཕྲོ་འཁོར་ལོའི་ཚུལ། །ཡང་ན་རྡོ་རྗེ་སེམས་དཔའ་ཉིད། །རིགས་བཞིའི་ལྷ་དང་ལྷ་མོ་དང་། །འཁོར་གྱི་ཁྲོ་བོ་ཁྲོ་མོ་དང་། །ཡང་ན་འདས་པའི་དཀྱིལ་ཉིད་དེ། །འཇིག་རྟེན་སྣ་ཚོགས་འཁོར་ཡིན་ནོ། །ཚོགས་ཀྱི་མཆོད་པ་ཞེས་བྱ་བའི་དམ་ཚིག་ནི། ཐབས་དང་ཤེས་རབ་ལྡན་གྱུར་ཅིང་། །བྱང་ཆུབ་སེམས་དང་མ་ཆགས་པའི། །གཉིས་སུ་མེད་པར་ཐིམ་གྱུར་ན། །ཚོགས་ཆེན་གཉིས་ཀྱང་རྫོགས་པར་ལྡན། །འདོད་ཡོན་ལྔ་པོ་ཐམས་ཅད་དང་། །སྣ་ཚོགས་སྣང་བ་ཐམས་ཅད་ཀུན། །དེ་བཞིན་གཤེགས་པའི་དཀྱིལ་འཁོར་དང་། །གཟུགས་མཛེས་ལྷ་དང་ལྷ་མོར་བརྟགས། །ཐམས་ཅད་མ་ལུས་སྒྲ་རྣམས་ནི། །ཆོས་ཀྱི་སྒྲ་ཆེན་ཡིན་པ་དང་། །ངན་སོང་སྦྱོང་ཞིང་ཐར་ལམ་སྟོན། །སྟོང་གསུམ་གྲགས་པའི་སྒྲ་ཆེན་དང་། །ཐམས་ཅད་འཇལ་བའི་སྒྲ་ཡང་ཡིན། །བདེ་བ་ཚིམ་བྱེད་བསོད་ནམས་ཏེ། །བརྗོད་མེད་མི་གནས་ཡེ་ཤེས་ཡིན། །འདི་ནི་ཆགས་མེད་པདྨའི་གསུང་། །ཆོས་ཉིད་དངོས་པོ་མེད་པ་ལ། །དྲི་ཡིས་མཆོག་ཏུ་ཚིམ་བྱེད་པ། །བསོད་ནམས་ཚོགས་ཆེན་ཡིན་པར་བཤད། །ཆགས་མེད་ཡེ་ཤེས་ཚུལ་ཡིན་ཏེ། །དེ་བཞིན་དྲི་ཡིས་མཉེས་མཆོད་ན། །རིག་འཛིན་ས་རྣམས་བསྐུལ་བར་འགྱུར། །ངན་སོང་གསུམ་དུ་ཆོས་ཀྱི་དྲི། །ཀུན་དུ་བདེ་གནས་ཐོབ་པར་བྱེད། །བདེར་གཤེགས་དཀྱིལ་འཁོར་མ་ལུས་ལ། །བདེ་བའི་རོ་ཡིས་མཆོད་པར་འགྱུར། །ཚིམ་བྱེད་བསོད་ནམས་ཚོགས་ཆེན་འགྱུར། །དངོས་པོར་མི་འཛིན་བསོད་ནམས་ཚོགས། །དེ་ལྟ་བུ་ཡི་རོ་མཆོག་གིས། །ཐམས་ཅད་ཀུན་ལ་ཚིམ་པར་འགྱུར། །ཡི་དྭགས་གནས་སུ་ལོངས་སྤྱོད་ལྡན། །དཀྱིལ་འཁོར་མ་ལུས་མཆོད་པ་ཡིན། །བདེ་བ་ཆེན་པོ་རྫོགས་པའོ། །རྣལ་འབྱོར་ལས་སུ་རུང་རྣམས་ཀྱིས། །རྣམ་པ་མང་པོས་བརྒྱན་པ་དང་། །སྦྱོར་མཆོད་དག་གིས་ལོངས་སྤྱོད་ན། །དཀྱིལ་འཁོར་བསམ་ཡས་ལྷུན་གྲུབ་འགྱུར། །བདེ་ཆེན་དཀྱིལ་འཁོར་འབར་འགྱུར་ནས། །སྡིག་པའི་མུན་ནག་སེལ་བར་བྱེད། །དཔུང་གི་ ― DNG011_Page_0489 ―
[མ་དཔེ་གཟིགས་ན་འདིར་གནོན།]
ཚོགས་ཀྱིས་མི་ཐུབ་པའི། །མཐུ་ཆེན་དག་ཀྱང་འགྲུབ་པར་བྱེད། །ཚོགས་ཀྱི་ཕྲིན་ལས་ཞེས་བྱ་བའི་དམ་ཚིག་ནི། བྱེད་པ་མེད་པའི་ཚུལ་གྱིས་ནི། །ཀུན་ལ་ཐོགས་པ་མེད་པར་སྤྱད། །ཐམས་ཅད་མ་ལུས་འདུལ་བར་བྱེད། །མི་མཐུན་ཕྱོགས་ནས་དབང་དུ་བྱེད། །ཡོན་ཏན་ཆེན་པོ་འཕེལ་བར་བྱེད། །ཁྲོ་བོ་གཏུམ་པའང་ཞི་བར་བྱེད། །ཐམས་ཅད་ཀུན་ལ་སྤྱད་བདེ་བ། །ཆགས་པ་མེད་པའི་ཚུལ་གྱི་གནས། །དབྱིངས་སུ་བསྡུས་པའི་དཀྱིལ་ཡིན་ཏེ། །འཕྲོ་འདུ་མང་པོའི་འཁོར་གྱིས་བསྐོར། །མཉམ་པ་ཆེན་པོའི་ངང་ཉིད་ནི། །དེ་ལྟ་བུ་ཡི་ཚུལ་དུ་གནས། །འཁོར་གྱི་ཕྲ་མེན་ཚིམ་པར་བྱེད་ཅེས་བྱ་བའི་དམ་ཚིག་ནི། བདག་ཉིད་འདུལ་བའི་དབང་ཕྱུག་ཏུ། །རྟག་ཏུ་མཉམ་བཞག་ཁྲོ་བོའི་ཚུལ། །འཁོར་གྱི་ཁྲོ་རྣམས་དེ་བཞིན་དེ། །མདོག་དང་ཕྱག་རྒྱ་ཐམས་ཅད་དང་། །སྔགས་མཆོག་དམ་པ་མ་ལུས་འདོན། །དེ་ནས་ཕྲ་མེན་འཁོར་བསྡུས་ནས། །སོ་སོའི་ལས་དང་མཐུན་བྱས་ཏེ། །སོ་སོའི་གནས་སུ་གཞག་པར་བྱ། །དབང་དུ་བསྡུ་དང་བསྒོམ་པའི་ཐབས། །ཇི་ལྟར་འཚམ་པ་བཞིན་དུ་བྱ། །མ་ལུས་ཐམས་ཅད་བྱོས་ཤིག་པར། །ལྷག་མ་བྱིན་ནས་དབང་ཡང་བསྐུར། །གཞན་ཡང་འགྲོ་བ་ཐམས་ཅད་ལ། །འདོད་ཡོན་ལྔ་ཡི་སྦྱིན་པ་བཏང་། །དེ་ནས་ལས་རྣམས་རྫོགས་བྱས་ནས། །དབང་ཕྱུག་ཆེན་པོའི་གནས་བརྟེན་ནས། །རིས་ལྔ་ཡེ་ཤེས་ལྔ་ལ་སོགས། །འཁོར་གྱི་དཀྱིལ་འཁོར་མ་ལུས་པ། །བདག་ལ་ཐམས་ཅད་བསྡུ་བར་བྱ། །དེ་ལྟར་བསྒྲུབ་པའི་ངང་འཆང་བ། །ཡེ་ཤེས་ཚོགས་གཉིས་རྫོགས་བྱས་ནས། །རིག་འཛིན་རིག་པའི་ས་ལ་གནས། །ཐེག་དམན་སྤྱོད་པར་ཡོད་མི་འགྱུར། །མི་ཁོམ་གནས་སུ་སྐྱེ་མི་འགྱུར། །སྐྱེ་ཤི་མེད་པའི་གཡུང་དྲུང་ཐོབ། །སངས་རྒྱས་ཞིང་ཡང་སྦྱོང་བར་བྱེད། །ངན་སོང་གནས་རྣམས་སྟོངས་པར་བྱེད། །ཡང་དག་མཆོག་གི་སྙིང་པོ་འགྲུབ། །དབང་པོ་ཡུལ་དུ་སྣང་བ་ཀུན། །ཡུལ་རྣམས་ཡོད་པ་མ་ཡིན་ཏེ། །ཀུན་གཞི་རྣམ་པར་ཤེས་པ་ཉིད། །དངོས་པོ་སྣ་ཚོགས་པར་སྣང་སྟེ། །སྣང་བའི་དངོས་པོ་ ― DNG011_Page_0490 ―
[མ་དཔེ་གཟིགས་ན་འདིར་གནོན།]
རྣམ་བཤིག་ན། །སོ་སོའི་མཚན་ཉིད་རྣམ་བཤིག་ནས། །གཞིགས་ན་ནམ་མཁའི་ངང་དུ་ཞི། །ནམ་མཁའ་དེ་ཉིད་ལྔས་གཞིགས་ན། །མཚན་ཉིད་མེད་པའི་དབྱིངས་སུ་ཐིམ། །ཐམས་ཅད་ཀུན་གྱི་འབྱུང་གནས་སོ། །གཞི་རྩ་མེད་པའི་སྐད་ཅིག་མ། །སྣང་བ་མི་འགོག་ཐབས་ཡིན་ཏེ། །རང་བཞིན་མེད་པ་ཤེས་རབ་ཉིད། །ཉོན་མོངས་རྣམ་པར་ཤེས་པ་ནི། །ཀུན་གཞི་ཉིད་སྣང་སྤྱོད་ཡུལ་ལ། །དེ་དང་བདག་ཏུ་རྣམ་པར་རྟོག །བདེ་སྡུག་མཚན་མ་སོ་སོར་འཛིན། །ཀུན་གཞི་དངོས་པོ་མེད་པ་ལ། །བག་ཆགས་སོགས་པའི་གནས་མེད་དེ། །སྣང་བའི་དངོས་པོ་མེད་པ་ལ། །ཉོན་མོངས་བློ་ཡིས་བླང་དུ་མེད། །བསྒོ་དང་བསྒོ་བར་བྱ་བ་མེད། །དེ་ལྟར་སྒོ་བྱེད་དངོས་པོ་མེད། །མེད་བཞིན་སེམས་ཀྱིས་ལོག་བརྟགས་པ། །ཁམས་གསུམ་བཙོན་རར་རྟག་ཏུ་འཁོར། །ཡིད་ཀྱི་རྣམ་པར་ཤེས་པ་ནི། །སྣང་དང་མི་སྣང་གཉི་ག་ལ། །སྐད་ཅིག་ཡུད་ཙམ་རྟོག་པ་ཡིན། །རྟོག་པ་ཉིད་ཀྱང་མ་གྲུབ་ན། །ཡུལ་གྱི་དངོས་པོ་ག་ལ་འགྲུབ། །ཡིད་ཀྱི་དེ་བཞིན་རྒྱུན་ཉིད་ནི། །སྔ་མ་འདས་ཤིང་མི་དམིགས་པ། །ཕྱི་མ་མ་བྱུང་བརྟག་ཏུ་མེད། །དེ་ལྟར་རང་བཞིན་དམིགས་སུ་མེད། །རྩི་ཤིང་ཁ་ན་རླུང་འཕྱོ་འདྲ། །རྒྱུད་ནི་ཡོངས་སུ་མ་ཆད་པ། །འདི་ནི་ཀུན་དུ་འབྱུང་བ་ཡིན། །དེ་ལྟར་དོན་རྣམས་དངོས་པོ་མེད། །ཆུ་དང་རླུང་དང་རླབས་འདྲ་བ། །དེ་གསུམ་གཅིག་དང་སོ་སོ་མིན། །དེ་བཞིན་ཀུན་གཞི་ཉོན་མོངས་ཡིད། །གཅིག་པ་མ་ཡིན་སོ་སོ་མིན། །ཆོས་ཀྱི་དབྱིངས་དང་མཉམ་པའི་དབྱིངས། །ཐམས་ཅད་ཡེ་ཤེས་དབྱེར་མེད་ཅིང་། །གཅིག་ཏུ་ཡང་ནི་བརྗོད་པ་མེད། །དེ་ལྟར་མ་རྟོགས་སེམས་ཅན་ཡིན། །རྟོགས་ན་སངས་རྒྱས་གུད་ན་མེད། །བྱང་ཆུབ་སེམས་ཀྱི་དེ་བཞིན་ནི། །ཤིན་ཏུ་མི་དམིགས་བརྟག་དཀའ་བ། །ཡངས་ལ་རྒྱ་ཆེ་གཏིང་ཟབ་པ། །ཤེས་རབ་ཟབ་པས་རྟོགས་འགྱུར་ཏེ། །གང་ནས་མ་འོངས་གར་མི་འགྲོ། །འོང་དང་འགྲོ་བར་བྱ་བ་མིན། །ཤིན་ཏུ་བརྟག་དཀའ་མི་དམིགས་པ། །མཐའ་དང་དབུས་ཀྱང་བརྟག་ཏུ་མེད། །གཟུང་འཛིན་བྲལ་བའི་རང་ཉིད་ནི། །དམིགས་མེད་ཚུལ་དུ་དེ་ལྟར་ ― DNG011_Page_0491 ―
[མ་དཔེ་གཟིགས་ན་འདིར་གནོན།]
སྣང་། །དབྱིངས་དང་དབྱིངས་ཀྱི་ཡེ་ཤེས་ཀྱང་། །རང་རིག་ཁོ་ན་ཙམ་དུ་ཟད། །སེམས་ཅན་མ་ལུས་ཐམས་ཅད་ཀྱིས། །དེ་ལྟར་ཁོང་དུ་ཆུད་པར་བྱོས། །ཉོན་མོངས་སྡུག་བསྔལ་མེད་པ་དང་། །བླ་མེད་འབྲས་བུ་ཐོབ་པར་འགྱུར། །སེམས་ཅན་མ་ལུས་ཐམས་ཅད་ལ། །སྙིང་རྗེའི་ཐག་པ་མ་ཆགས་པར། །ཉོན་མོངས་ལམ་ལས་གྲོལ་བྱེད་ཅིང་། །བྱམས་པ་དག་གིས་མཉེས་པར་གྱིས། །དེ་བཞིན་འཁོར་བའི་བཙོན་ར་ལ། །སྙིང་རྗེའི་ཞགས་པ་ཆེར་བརྐྱང་ནས། །ཉོན་མོངས་འདམ་ནས་འདྲེན་པར་བྱེད། །སྙིང་རྗེ་ཆེན་པོ་སྐྱེ་མ་བྱེད། །དེ་བཞིན་སྐྱེ་བོ་ཕལ་རྣམས་ལ། །ལས་ཀྱི་སྒྲིབ་པས་མི་གོས་ཤིང་། །ཐམས་ཅད་མངོན་པར་སངས་རྒྱས་པར། །དགའ་བ་དག་ལ་འགྱོད་པ་མེད། །སེམས་ཅན་ང་དང་བདག་མེད་ལ། །ཐུགས་རྗེས་གཉིས་རྟོག་མི་འབྱེད་དེ། །བུ་གཅིག་འདྲ་བར་བློ་གཞག་བྱ། །ཐམས་ཅད་དྲི་མ་མེད་པར་བྱ། །ཆོས་རྣམས་ཐམས་ཅད་སྟོང་པ་བས། །དེ་ལ་དངོས་དང་རྟོག་པ་མེད། །ནམ་མཁའི་ངང་དུ་གནས་པ་ལ། །དེ་ལ་བཅོས་ཤིང་བསྒྱུར་དུ་མེད། །ཆོས་རྣམས་ཐམས་ཅད་མཚན་ཉིད་མེད། །སྣང་བ་ཐམས་ཅད་དངོས་མེད་པས། །ཡོད་དང་མེད་པ་ཐམས་ཅད་ཀུན། །མཚན་ཉིད་མེད་པས་མི་དམིགས་སོ། །འཇིག་རྟེན་འདས་དང་འཇིག་རྟེན་པ། །ཆོས་རྣམས་སྣ་ཚོགས་སྣང་བ་ཡང་། །བདག་ལས་གཞན་པ་མ་ཡིན་པས། །ཀུན་ལ་སྨོན་ཅིང་ཆགས་སུ་མེད། །བྱང་ཆུབ་སེམས་རྣམས་ཐམས་ཅད་ནི། །ཤིན་ཏུ་བརྟག་དཀའ་གཏིང་ཟབ་པས། །རྟོག་གེའི་སྤྱོད་ཡུལ་དེ་མ་ཡིན། །མ་དམིགས་མི་དམིགས་དམིགས་སུ་མེད། །སེམས་ཉིད་དེ་ཉིད་ཇི་ལྟ་བུ། །བྱང་ཆུབ་དེ་ཉིད་སེམས་ཡིན་ནོ། །སེམས་དང་བྱང་ཆུབ་དབྱེར་མེད་པས། །སེམས་ཅན་མ་ལུས་ཐམས་ཅད་དང་། །དུས་གསུམ་ཆོས་རྣམས་ཐམས་ཅད་ཡིན། །ཐམས་ཅད་མ་ལུས་ཆོས་སོ་ཅོག །སེམས་དང་བྱང་ཆུབ་ཉིད་དུ་འུབ། །བོ་དྷི་ཆེན་པོས་དེ་སྐད་བཤད། །སྐྱེས་བུ་བློ་རྩལ་རབ་ལྡན་པས། །ཅི་ལའང་ཐོགས་པ་མེད་པར་སྤྱད། །སྤྱད་པ་ཉིད་ན་ཆགས་པ་མེད། །དུས་མཐའ་མེད་པར་མ་ཉམས་གནས། །འདི་ལྟར་སྣང་བ་ཐམས་ཅད་ལ། ། ― DNG011_Page_0492 ―
[མ་དཔེ་གཟིགས་ན་འདིར་གནོན།]
མངོན་སུམ་ཚད་མས་རྟག་མཐོང་ཡང་། །སྣང་བ་ཉིད་ན་དངོས་པོ་མེད། །དེ་བཞིན་ཡང་དག་ཉིད་དུ་རྟོགས། །གང་ཞིག་སྟོང་པའི་ངང་ཡོད་ཅེས། །མེད་པའི་རང་བཞིན་རྟོགས་པ་དེ། །རི་བོང་རྭ་དང་མོ་ཤམ་བུ། །ཚིག་ཙམ་གདགས་སུ་རུང་མོད་ཀྱི། །ཐམས་ཅད་མིང་ཙམ་སྟོང་ཉིད་མེད། །ཐམས་ཅད་མ་ལུས་སྟོང་ཞེས་ཏེ། །དྲན་མེད་བརྡོས་པ་མ་ཡིན་པས། །རྟོགས་མེད་རང་བཞིན་འོད་གསལ་ཞིང་། །འདི་ལྟར་སྣང་བ་ཐམས་ཅད་ཀུན། །བརྡོས་པ་ཙམ་གྱི་ཆོས་མེད་དོ། །ཤེས་པ་འབའ་ཞིག་ཁོ་ནའོ། །ཐམས་ཅད་གཉིས་མེད་རྟོགས་གྱུར་ན། །དེ་ཉིད་དོན་དམ་དབྱིངས་ཡིན་ཏེ། །གཞན་ནས་བཙལ་ཞིང་གཞག་ཏུ་མེད། །ཡོད་ལས་བཙལ་ན་སྒྲོ་བཏགས་འགྱུར། །མེད་ལས་བཙལ་ན་སྐུར་བཏབ་སྟེ། །ཡོད་མེད་གཉིས་ལས་བཙལ་བྱས་ན། །དེ་ནི་ལུང་དུ་མ་བསྟན་འགྱུར། །རྣམ་པར་རྟོག་པ་མི་མངའ་སྟེ། །དེ་ཡིས་མི་མཁྱེན་ཅི་ཡང་མེད། །རྣལ་འབྱོར་ལྟ་བ་དེ་ལྟ་བུ། །ཚིག་གིས་སྔ་ཕྱི་ཡོད་མོད་ཀྱང་། །དོན་གྱིས་ཅིག་ཆར་རྫོགས་པར་བསྒོམ། །དེ་ལྟ་བུ་ཡི་དོན་རྟོགས་ཀྱང་། །འགྲོ་ཉལ་འདུག་སྡོད་ལོངས་སྤྱད་ཀྱང་། །ཐེག་ཆེན་སྒོམ་ལས་ཉམས་པ་མེད། །གོང་གི་དོན་ལྟར་མ་རྟོགས་པའི། །བློ་ངན་མཉམ་པར་ཁུངས་ཕྱུང་ནས། །མ་རྟོགས་ལེ་ལོ་སྙོམ་ལས་བྱས། །དོན་མ་གྲུབ་པར་ངན་སོང་འགྲོ། །སེམས་ཀྱིས་མཉམ་པར་མ་རྟོགས་ན། །ཚིག་གིས་མཉམ་པས་སངས་མི་རྒྱས། །དེ་བས་དོན་ཚིག་ལྡན་པར་བྱོས། །འོན་ཏང་ཐེ་ཚོམ་མེད་པར་འགྲུབ། །རྣལ་འབྱོར་དོན་ཆེན་རྟོགས་པ་ཡིས། །དུས་མཐའ་མེད་པར་དེ་ལྟར་བསྒོམ། །ཡོན་ཏན་ནམ་མཁའི་མཐའ་དང་མཉམ། །སྤྱོད་ཡུལ་སངས་རྒྱས་ཉིད་དུ་གཅིག །རྟག་ཏུ་བསོད་ནམས་ཚོགས་ཆེན་ལྡན། །བྱ་བྱེད་མེད་པའི་བརྩོན་འགྲུས་ཀྱིས། །དེས་ནི་བྱང་ཆུབ་སྙིང་པོ་ལེན། །ཞེས་གསང་བའི་ཚིག་ཏུའོ། །རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་དབང་པོ་དང་ཡུལ་དུ་འདུས་པ་བསྟན་པའི་ལེའུ་སྟེ་བདུན་ཅུ་དྲུག་པའོ།། །།དེ་ནས་དེ་བཞིན་གཤེགས་པ་གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ ― DNG011_Page_0493 ―
[མ་དཔེ་གཟིགས་ན་འདིར་གནོན།]
སྔགས་འཆང་རྣམས་དོན་ཡོད་པར་བྱ་བའི་ཕྱིར་ཐམས་ཅད་ཕྱག་རྒྱར་འདུས་ཤིང་ཕྱི་ནང་སྣོད་བཅུད་ཐམས་ཅད་ལ་འདི་ལྟར་བརྟགས་ཤིང་ཕྱག་རྒྱའི་དམ་ཚིག་བསྲུང་བ་དང་། དམ་ཚིག་ནི་གནས་ཡིན་ནོ། །ཕྱག་རྒྱས་བསྡུས་ཤིང་སྤྲོས་པ་ཡང་འདི་ཡིན་ཏེ། ཆེད་དུ་བརྗོད་པ་འདི་བརྗོད་དོ། །གསང་བ་དེ་ཉིད་ཁོ་ན་ལས། །བྱང་ཆུབ་མཆོག་འདི་བསྟན་པའོ། །མཉམ་པ་ཆེན་པོའི་དཀྱིལ་འཁོར་ནི། །ཕྱོགས་བཅུ་དུས་བཞི་མ་ལུས་པའི། །འདས་དང་མ་འདས་ཐམས་ཅད་ཀུན། །ཡེ་ནས་དབྱེར་མེད་དེ་བཞིན་ཉིད། །མཉམ་དང་མི་མཉམ་བྱ་བ་མིན། །དེ་བཞིན་ཉིད་ཀྱི་ངང་དུ་འུབ། །འཇིག་རྟེན་འདས་དང་འཇིག་རྟེན་པའི། །བརྗོད་པ་མ་ལུས་ཐམས་ཅད་ཀུན། །ཆོས་ཉིད་ངང་ལས་མ་རྟོགས་པ། །ལོག་རྟོགས་ཉོན་མོངས་རྡུལ་ཙམ་མེད། །ཕྱག་རྒྱ་སྣ་ཚོགས་འོད་འབར་ཡང་། །དེ་བཞིན་ཉིད་ལས་མ་གཡོས་ཏེ། །བདག་ཉིད་དབྱིངས་ལས་མི་གཞན་ཕྱིར། །མཉམ་ལ་མཉམ་པར་གནས་པ་ཡི། །རྣམ་གསུམ་ཚུལ་གྱིས་བསྒོམ་བྱས་ཤིང་། །ཕྱག་རྒྱ་སྐྱེད་ཅིང་ལོག་འདུལ་བ། །བྱ་བྱེད་མེད་པའི་ཚུལ་གྱིས་སུ། །ལས་རྣམས་མ་ལུས་རྫོགས་པར་བྱེད། །དེ་ལྟར་རྟོགས་ཤིང་རིགས་ཀྱི་མཆོག །བདག་ཉིད་ཕྱག་རྒྱ་ཀུན་གྱི་བདག །ཡེ་ནས་རང་བཞིན་འོད་གསལ་བས། །བྱང་ཆུབ་སྐྱེ་འཁྲུངས་རྒྱུ་ཡང་ཡིན། །འབྲས་བུ་ཡང་དག་ཉིད་དུའོ། །རྒྱུ་འབྲས་དབྱེར་མེད་རྡོ་རྗེའི་ས། །བཅུ་གསུམ་དོན་གྲུབ་དེ་གནས་པ། །མཐར་ཕྱིན་གང་ལའང་མི་གནས་པའོ། །རང་བཞིན་ཕྱག་རྒྱ་ཆེན་པོ་ནི། །ཕྱི་ནང་སྣོད་བཅུད་ཐམས་ཅད་ཀུན། །ཐམས་ཅད་ཤེས་རབ་ངང་དུ་གནས། །རིགས་ལྔ་བདེར་གཤེགས་ཡབ་ཡུམ་དུ། །མ་བཅོས་ཡེ་ནས་དེ་ལྟར་གནས། །ཐབས་དང་ཤེས་རབ་ཉིད་ལ་རོལ། །བདེ་མིན་མ་ཆགས་ཚོགས་ཆེན་པོ། །ཡང་དག་ཉིད་ལ་རབ་ཏུ་རྫོགས། །ལྷག་པའི་ཕྱག་རྒྱ་ཆེན་པོ་ནི། །ནང་གི་རྟགས་ནི་ཕྱིར་བྱུང་སྟེ། །མདོར་བསྡུས་ཕྱག་རྒྱ་ཆེན་པོ་དང་། །གཞན་ཡང་ཕྱག་རྒྱ་སྣ་ཚོགས་པ། །ལག་གི་འདུ་འཕྲོ་བསམ་ཡས་དང་། །ཡན་ལག་སྟབས་ཆེན་བསྒུལ་བསིགས་ཀུན། །ཉིད་ཀྱི་དབྱིངས་ལས་མ་གཡོས་ཀྱང་། །རང་བཞིན་ཉིད་ཀྱིས་དེ་ལྟར་ ― DNG011_Page_0494 ―
[མ་དཔེ་གཟིགས་ན་འདིར་གནོན།]
གནས། །འཇོམས་ཤིང་ཅིས་ཀྱང་མི་ཚུགས་པ། །རང་བྱུང་ཆེན་པོ་ལྷ་ཡི་ལྷ། །ཐམས་ཅད་ཀུན་ལ་འབིགས་པར་བྱེད། །དཔའ་བོ་ཞེས་ཀྱང་གདགས་པར་བྱའོ། །ལས་དང་ལས་ཀྱིས་མི་གོས་པ། །གཉིས་མེད་དབྱིངས་ཀྱི་དོན་རྟོགས་ཤིང་། །མ་ཆགས་པ་ལ་ཆགས་པ་དང་། །ཤིན་ཏུ་རྣམ་པར་དག་པ་ཡི། །དེ་བཞིན་ཉིད་དབྱིངས་དཀྱིལ་འཁོར་ལ། །སྐུ་གསུང་ཐུགས་ལྡན་ཟད་མི་ཤེས། །ཡོན་ཏན་མི་ཟད་གཏེར་དུ་འགྱུར། །གཞི་ནི་མི་ཟད་པར་ལྡན་པའོ། །སྐུ་གསུང་ལས་རྣམས་རྫོགས་བྱེད་པའོ། །རྣམ་པར་རྟོག་མེད་ཚུལ་གྱིས་ནི། །ཐམས་ཅད་ཀུན་ལ་ཆགས་མེད་རོལ། །འདུལ་བའི་དོན་ཆེན་བསམ་མི་ཁྱབ། །འཇོམས་དང་མ་ཆགས་ཀུན་འབྱུང་དང་། །ཐམས་ཅད་དབང་བསྡུས་དོན་འགྲུབ་པ། །མ་ལུས་ཀུན་འདུས་རྣམ་པར་དག །ཀུན་ནས་ཟླུམ་ཞིང་འོད་ཟེར་འཕྲོ། །རིགས་བཞི་མ་ལུས་ཐམས་ཅད་ཀུན། །མཉམ་རྫོགས་དབྱིངས་སུ་ཐམས་ཅད་འདུས། །རིགས་རྣམས་གཅིག་མེད་གཅིག་པ་སྟེ། །ལྷུན་གྲུབ་དཀྱིལ་འཁོར་ངང་ཉིད་དུ། །ཕྱག་རྒྱའི་དམ་ཚིག་མཚན་ཉིད་ནི། །ཐུགས་ཀྱི་རྟགས་སུ་བསྟན་པ་ཡིན། །དཔེར་ན་རྒྱལ་པོས་རྒྱས་བཏབ་ན། །སེམས་ཅན་ཀུན་གྱིས་ཡོང་མི་འདའ། །དེ་བཞིན་མཉམ་ཉིད་ཕྱག་རྒྱ་ཡིན། །ཀུན་ལ་ཁྱབ་ཅིང་ཐམས་ཅད་སྣང་། །སྐུ་གསུང་ཐུགས་ཀྱི་རྒྱས་བཏབ་ན། །བདུད་དང་མུ་སྟེགས་མང་པོ་ཀུན། །མི་མཐུན་ཕྱོགས་ཀྱིས་དབང་བྱར་མེད། །རྡོ་རྗེ་སེམས་དཔའི་རིགས་ངེས་ན། །འདི་ལྟ་བུ་ལ་རྟག་ཏུ་གནས། །དེ་ལྟ་བུ་ཡི་བློ་མེད་ན། །རྡོ་རྗེའི་རིགས་སུ་ཡོང་མི་བཤད། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཕྱག་རྒྱའི་དམ་ཚིག་གི་ལེའུ་སྟེ་བདུན་ཅུ་བདུན་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོས་དེ་བཞིན་གཤེགས་པ་ཉིད་ལ་གསང་སྔགས་ཀྱི་རྒྱལ་པོ་བརྟན་པར་བཟུང་བ་འདི་ཆེད་དུ་བརྗོད་དོ། །ཀྱེ་ཀྱེ་ཕྱོགས་བཅུ་དུས་བཞི་རང་བཞིན་འདི། །དེ་བཞིན་གཤེགས་པའི་ངོ་བོ་ཉིད། །གཟུང་འཛིན་སྤྲོས་ལ་འཆེལ་བ་ཡི། །རྣམ་རྟོག་ཞགས་པས་སོ་སོར་ཟིན། །ས་རྣམས་ཁྱད་པར་བཀོད་པ་ཡང་། །གསང་བའི་སྙིང་པོར་འགྲོ་བའི་ལམ། །ཡེ་ཤེས་ངོ་མཚར་རབ་འབྱམ་གྱིས། །དོན་དུ་ ― DNG011_Page_0495 ―
[མ་དཔེ་གཟིགས་ན་འདིར་གནོན།]
མི་འགྱུར་ཡོང་མ་གསུངས། །དེ་བཞིན་གཤེགས་པ་ཐམས་ཅད་ཀྱིས། །ཕྱག་རྒྱ་གསང་ཆེན་སྙིང་པོ་འདི། །རྟོགས་ནས་སྨྲ་བར་བྱེད་པ་གང་། །དེ་ཉིད་ང་ཡིན་དབང་ཡང་རྫོགས། །དེ་བཞིན་གཤེགས་པ་ཐམས་ཅད་ལ། །གསང་བ་འདི་ལས་གཞན་མི་མངའ། །སྒྲོ་དང་སྐུར་པ་ཞི་བ་ཡི། །གསང་བའི་སྙིང་པོ་དེ་ཁོ་ན། །དེ་ཉིད་ངེས་པའི་དབྱིངས་ལས་ཕྱུང་། །དེ་ནི་ངེས་པར་ལུང་བསྟན་ཏེ། །སྲས་ནི་ཐུགས་ལས་སྐྱེས་པ་ཡིན། །ས་རབ་རིག་པ་འཛིན་ལ་གནས། །ཞེས་བརྗོད་པས་དེ་བཞིན་གཤེགས་པ་ཐམས་ཅད་དབྱེར་མེད་པར་དགྱེས་ནས་དུས་བཞི་མཉམ་པ་ཉིད་ཀྱི་དབྱིངས་སྐུ་དང་གསུང་ཐུགས་ཀྱི་ལྷུན་སྟུག་པོ་བཀོད་པའི་རྒྱན་ཉིད་དུ་བཞུགས་སོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཡོངས་སུ་གཟུང་བའི་ལེའུ་སྟེ་བདུན་ཅུ་བརྒྱད་པའོ།། །།འཕགས་པའི་རྒྱལ་པོ་སྒྱུ་འཕྲུལ་དྲ་བའི་སྟོང་ཕྲག་བརྒྱ་པ་ལས་མཚན་ཉིད་དང་རྒྱུད་ཐམས་ཅད་ཀྱི་ལུང་གི་སྤྱི། དེ་བཞིན་གཤེགས་པ་ཐམས་ཅད་ཀྱི་གསང་བ། གསང་བའི་སྙིང་པོ་དེ་ཁོ་ན་ཉིད་ངེས་པའི་ལེའུ་ལས་ཐམས་ཅད་མ་ལུས་པར་སྤྲོས་ཏེ་འཁོར་ལོ་བསྐོར་བ་དེ་དག་གི་འབྲས་བུ་མཆོག །གསང་བ་ཆེན་པོ་འདི་ཡོད་པར། །མེ་མ་མུར་གྱི་དོང་འབོགས་ཤིང་། །སྤུ་གྲི་སོ་ནི་གཏམས་ལས་ཀྱང་། །འཛེགས་ནས་བུ་དག་འགྲོ་བར་བྱོས། །ཁོང་ན་གནས་པའི་ཡང་ཁོང་དུ། །ལྕགས་ཀྱི་སྒྲོམ་བུ་ཁ་བསྡམ་མོ། །ཐམས་ཅད་ལ་ཡང་མེ་ལོང་བཞིན། །བལྟས་ཀྱང་གཟུགས་བརྙན་མི་སྣང་ངོ་། །ཡེ་ཤེས་འཕྲུལ་གྱི་ལྡེ་མིག་གིས། །རྡོ་རྗེ་ཐ་རམ་སྒྲོམ་ཕྱེ་ནས། །ཡིད་བཞིན་རིན་ཆེན་གཏེར་ཕྱུང་བ། །སྐལ་ལྡན་མཆོག་གིས་སྤྱད་དུ་གསོལ། །ཡི་གེ་ཀུན་ལ་མི་སྣང་ཞིང་། །བླ་མའི་ཐུགས་ལ་གནས་པ་ནི། །སྐལ་ལྡན་མཆོག་གི་སྤྱོད་ཡུལ་ཏེ། །ཀུན་དང་ཐུན་མོང་དེ་མ་ཡིན། །དཔེར་ན་སེང་གེའི་འོ་མ་ནི། །གསེར་གྱི་ཕྱིས་བུས་འཛིན་འགྱུར་གྱི། །སྣོད་གཞན་དག་ཏུ་བླུགས་པ་ནི། །སྣོད་ཀྱང་འཆག་ལ་འོ་མའང་འབོ། །ཡོང་གིས་གསེར་གྱི་རང་བཞིན་ལ། །དབྱིབས་ཀྱི་ཁྱད་པར་ཅིར་ཡང་སྣང་། །གསེར་ལས་གྱུར་པ་རྡུལ་ཙམ་མེད། །དེ་བཞིན་ཆོས་ཀྱི་མཚན་ཉིད་ཀྱང་། །མཚན་མ་སྣ་ཚོགས་ཅིར་སྣང་ཡང་། །ཉིད་ལས་གྱུར་པ་རྡུལ་ཙམ་མེད། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཆོས་ཉིད་ཀུན་དུ་མི་འགྱུར་བར་བསྟན་པའི་ལེའུ་སྟེ་བདུན་ཅུ་དགུ་པ་རྫོགས་སོ།། །། སྒྱུ་འཕྲུལ་ཐལ་བའི་རྒྱུད་ཆེན་པོ་ཞེས་བྱ་བ།― DNG011_Page_0496 ―
[མ་དཔེ་གཟིགས་ན་འདིར་གནོན།]
སྒྱུ་འཕྲུལ་ཐལ་བའི་རྒྱུད་ཆེན་པོ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །དཔལ་ལྡན་ཐུགས་ཀྱི་དཀྱིལ་འཁོར་མཆོག ། ཐབས་ཆེན་ཐིག་ལེ་བདེ་བའི་དོན། །སྒྱུ་འཕྲུལ་དྲ་བ་མངོན་རྫོགས་པའི། །མ་ལུས་འདུས་པའི་འཁོར་ལོའི་ཚོགས། །ལྷ་མོས་བཞད་དང་རོལ་པ་ཡིས། །གཉིས་མེད་བདེ་བས་ཚིམ་པ་ཡི། །ལྷན་ཅིག་སྐྱེས་པའི་ངོ་བོར་གསལ། །མ་ལུས་བདེ་ཆེན་རང་བཞིན་དུ། །སྣང་ཞེས་ཐིག་ལེའི་ངོ་བོར་ལྡོག །ཐུན་མོང་ཐུན་མོང་མ་ཡིན་པའི། །བརྟགས་པར་རང་གི་རྟོག་ཙམ་ཉིད། །ཐབས་ཆེན་གསང་བའི་ཡེ་ཤེས་གསལ། །ཉི་ཟླ་འདྲེས་པའི་གར་ཐབས་ཀྱིས། །གསང་བའི་འཁོར་ལ་དབང་བསྐུར་པས། །ནམ་མཁའ་གང་བའི་སྐྱེ་བོ་རྣམས། །མ་ལུས་ཐིག་ལེར་གསལ་འགྱུར་ཞིང་། །རོལ་པའི་གསང་བའི་ཉམས་ལྡན་པའི། །ཐབས་དང་བཅས་པའི་བདག་ཉིད་ཀྱིས། །ཐབས་དང་མཛད་པའི་དགོངས་པ་དག །དུས་བཞིར་མཉམ་པའི་ཚུལ་དུ་བཞུགས། །དེ་ནས་གསང་བདག་སྤྲུལ་པའི་སྐུས། །འདོད་ལྔ་ཆགས་དང་ཐབས་སྦྱོར་བས། །ཐབས་ཀྱིས་གསང་བའི་དོན་སྟོན་པ། །མ་ལུས་དགོངས་པའི་དོན་ཐོབ་པས། །ཐོག་མཐའ་མེད་པའི་ཐབས་ལ་གནས། །འཁོར་ལས་ཐབས་ཀྱིས་ཕ་རོལ་ཕྱིན། །འཁོར་བ་ཐབས་ཀྱིས་བདེར་སོན་པ། །ཐལ་བས་བརྒྱན་པའི་འཇིག་རྟེན་དུ། །འདོད་པ་ལྔ་ལ་མ་ཆགས་པར། །གདུལ་དཀའ་མ་ལུས་ཀུན་འདུལ་ཏེ། །གསང་བའི་དོན་ལ་སྨིན་མཛད་པ། །དེ་ནི་ཐལ་བའི་དབྱངས་ཞེས་བྱ། །དུས་མཐར་སྙིགས་མའི་འགྲོ་བ་རྣམས། །གང་དང་བྲལ་བས་མ་སྨིན་པ། །གང་དག་དེ་དང་ལྡན་བཞིན་དུ། །འགྲོ་འོང་མེད་པའི་ཐབས་ཆེན་པོས། །འཁོར་བ་གཉིས་མེད་དོན་སྦྱོར་བ། །འདི་ནི་ཐབས་ཆེན་རོལ་པའི་རྒྱུད། །ཞུས་དང་དེ་ལ་དགོངས་པའི་ཕྱིར། །འདི་ནི་གསང་ཆེན་ཐལ་བའི་རྒྱུད། །དེ་ཚེ་གསང་བདག་མཉམ་འདུས་པས། །འཁོར་གྱི་རིག་སྔགས་རྒྱལ་པོ་ཡིས། །འཁོར་ལོའི་བདག་པོ་གཙོ་བོ་ལ། །འདོད་དང་མཉེས་དང་ཚོགས་ ― DNG011_Page_0497 ―
[མ་དཔེ་གཟིགས་ན་འདིར་གནོན།]
ཀྱི་མཆོག །དགྱེས་པ་ཆེན་པོའི་རོལ་པས་མཆོད། །གསང་བའི་དོན་གཟིགས་ཟབ་མོའི་དབྱངས། །འདོད་ཆགས་རོལ་པའི་སྟོབས་ཀྱིས་ཞུས། །ཨེ་མ་ཧོ་གར་མཁན་འཁོར་ལོ་བདེ། །རྟག་ཏུ་བདེ་བས་བདེ་བའི་མཆོག །བདེ་སྟོང་རྟོག་པ་གཉིས་མིན་ཞིང་། །གསང་བ་གསང་ཆེན་གསང་བའི་མཆོག །འདུས་པའི་འཁོར་ལོ་སྦྱོང་མཛད་པ། །མཐའ་དབུས་ལ་སྩོགས་དུས་མེད་པས། །ལྷན་ཅིག་སྐྱེས་པའི་ངོ་བོར་གནས། །ཐབས་ཆེན་སྒྱུ་འཕྲུལ་དྲ་བའི་རྒྱུད། །ཐུན་མོང་ཐུན་མོང་མ་ཡིན་པའི། །གླེང་གཞི་མཆོག་ནི་ཇི་ལྟར་ལགས། །རོལ་པའི་གསང་བ་ལས་བྱུང་བའི། །སེམས་ཀྱི་ཁྱད་པར་ཅི་ལྟ་བུ། །གསང་བའི་ཐབས་མཆོག་ལས་བྱུང་བའི། །ལྷ་དང་རྟོགས་པའི་ཁྱད་པར་ཅི། །སྒྱུ་འཕྲུལ་དྲ་བའི་སྐུ་གསུང་ཐུགས། །རང་བཞིན་ཐབས་ལས་རང་སྣང་བའི། །དཀྱིལ་འཁོར་མཆོག་ནི་ཇི་ལྟར་ལགས། །ཕྱི་ནང་གཟུགས་བརྙན་བྱང་ཆུབ་སེམས། །རིག་པའི་ཐིག་ལེ་མངོན་སྣང་བ། །ཁྱད་པར་རིམ་པ་ཇི་ལྟར་ལགས། །གསང་བ་གསང་ཆེན་མཐར་ཐུག་པའི། །རིམ་པ་གང་ལགས་ཁྱེད་ཀྱིས་གསུངས། །འདུལ་བའི་སྐྱེ་བོ་སྣོད་ལྡན་ལ། །གསང་བའི་དམ་ཚིག་ཇི་ལྟར་སྦྱིན། །ཐབས་ཆེན་རོལ་པའི་དབང་མཆོག་གང་། །རིག་པ་མཆོག་ལ་གནས་སྦྱོར་བའི། །རིག་པའི་བརྟུལ་ཞུགས་ཇི་ལྟར་ལགས། །འཇུག་པའི་ཁྱད་པར་ཇི་ལྟར་བདེ། །ཐབས་བྲལ་ལོག་པའི་གང་ཟག་རྣམས། །ངེས་པའི་ཐབས་ཀྱིས་ཇི་ལྟར་དགྲོལ། །སྔགས་དང་སྙིང་པོ་ཇི་ལྟ་བུ། །འདོད་པ་ཅན་ལ་རོལ་སྤྱད་པས། །འགྲོ་བ་ཆགས་ཅན་ཇི་ལྟར་དགྲོལ། །ཞེ་སྡང་ཅན་གྱི་གང་ཟག་ལ། །རིག་པའི་བག་ཆགས་ཇི་ལྟར་བསྡུ། །ལས་ཀྱི་ཁྱད་པར་ཇི་ལྟར་ལགས། །རྡོ་རྗེ་དྲིལ་བུ་མཉམ་སྦྱོར་བས། །ཚད་དང་དགྲོལ་བའི་ཚད་ནི་གང་། །ཐབས་དང་བྲལ་བའི་རྣལ་འབྱོར་པས། །གསང་བ་སྤྱད་པས་ཇི་ལྟར་འགྱུར། །ཐབས་མཁས་རོལ་པའི་རྣལ་འབྱོར་པ། །སྤྱད་པས་ལྷུན་གྱིས་ཇི་ལྟར་གྲུབ། །འདས་དང་མ་འོངས་རྣལ་འབྱོར་པ། །ཡིད་ཆེས་བསྟན་པ་ ― DNG011_Page_0498 ―
[མ་དཔེ་གཟིགས་ན་འདིར་གནོན།]
གང་ལ་སྣང་། །ཐབས་ལྡན་ཐེག་པའི་ཆེ་བ་གང་། །འདུལ་བའི་གང་ཟག་རྒྱལ་སྲས་ལ། །ཐབས་ཀྱི་ཐེག་པ་ཇི་ལྟར་སྦྱིན། །འདི་དག་ཐབས་ཆེན་གསང་བའི་དོན། །མ་ལུས་བསྡུས་པར་ཞུས་པ་ནི། །དུས་གསུམ་ཐེ་ཚོམ་སེལ་བ་སྟེ། །རྒྱུད་ཀྱི་ཕྱི་མོ་ཟབ་མོ་མཆོག །འདོད་ཆགས་བརྟུལ་ཞུགས་མཆོག་ཆེན་པོ། །འདུས་པ་ཀུན་གྱི་རྗེས་སུ་གསུངས། །དེ་ནས་རྒྱལ་པོ་རྡོ་རྗེ་འཆང་། །ལྷ་མོའི་ཚོགས་དང་གཉིས་མེད་ཅིང་། །རོལ་པའི་གར་དགུ་རྩེ་དང་བཅས། །མ་ལུས་བདེ་བས་ཚིམ་མཛད་ནས། །འཁོར་ལོ་རོལ་པའི་ཚོགས་དང་བཅས། །ཐབས་ཀྱིས་རོལ་པའི་བདེ་ཆེན་གྱིས། །ལུས་ཀྱི་དཀྱིལ་འཁོར་དབབ་མཛད་ཅིང་། །བཞིན་འགྱུར་ངག་ཆད་རེ་དོགས་མེད། །རྣལ་འབྱོར་ཕོ་མོ་རྡུལ་སྙེད་བཅས། །རྩེ་གཅིག་བདེ་བ་འབར་བར་བྱེད། །བདེ་ཆེན་ཐིག་ལེའི་ཚུལ་ཉིད་ཀྱིས། །རྡོ་རྗེའི་ཚིག་ཏུ་འདི་གསུངས་པ། །འདི་ཞེས་ཉེ་བར་མཚོན་པ་ནི། །ཨེ་སོགས་རྣམ་བཞིའི་དབྱིབས་ཅན་གནས། །སྐད་ཅེས་གསལ་བྱེད་ལས་མིང་ཅན། །བཾ་དབྱིབས་ཐིག་ལེར་བཅས་སྟོན་པའོ། །མ་ད་མ་ནུས་སྡོམ་བྱེད་ཡིད། །ལས་ཅན་རྣམས་ཤེས་དེ་དག་ལ། །ཐབས་ཆེན་ཚིག་བྲལ་ཉམས་ལྡན་པས། །གསལ་བར་གོ་བས་བཤད་པར་འདོད། །པ་སྒྲ་དོན་དམ་ངེས་པའི་རྒྱུད། །ཡཱ་ན་ཐེག་ཆེན་འདི་ཡིན་ནོ། །དུས་ནི་བསམ་གྱིས་མི་ཁྱབ་དུས། །ནཱ་མ་དེ་མིང་ཞེས་བྱའོ། །གཞན་ཡང་ཁྱད་པར་བཤད་བྱ་བ། །ཐབས་དང་ཤེས་རབ་མཉམ་པ་ཡི། །སྣ་ཚོགས་བདེ་བའི་ཐིག་ལེ་ཡིས། །དེ་བཞིན་ཉིད་དུ་གཤེགས་པ་ཡང་། །སྣ་ཚོགས་ཞེན་ལས་གྲོལ་བར་བཤད། །བྱེ་ཕྲག་བརྒྱད་ཅུ་བཅུ་གསུམ་པ། །མ་ལུས་བདེ་ཆེན་ངོ་བོ་ཡི། །བཅུད་འདུས་ཐིག་ལེ་ཆེན་པོ་ཉིད། །སྣང་དང་སྟོང་པ་ལ་སོགས་པ། །བརྗོད་བྱ་མ་ལུས་རྫོགས་པར་སྣང་། །རྟོག་ཚོགས་སངས་རྒྱས་བཞི་བཅུ་ལྔ། །སྣང་བས་ཕྱེ་ཕྱིར་གཉིས་སུ་མེད། །ཤེས་རབ་བྷ་ག་གསང་བའི་གནས། །དེ་དཀྱིལ་ ― DNG011_Page_0499 ―
[མ་དཔེ་གཟིགས་ན་འདིར་གནོན།]
པདྨའི་རིམ་གསུམ་པོ། །གཉིས་གསུམ་བརྒྱད་ཀྱི་ཁྱད་པར་ཅན། །མཐའ་མ་གནས་དང་ཡོན་ཏན་གྱིས། །མངོན་པར་མཐོ་བས་འོག་མིན་ཏེ། །ལས་དང་བཅུད་ཀྱིས་མཐའ་བྲལ་བ། །ཡེ་ཤེས་བཞི་ལ་དཔག་མི་རིགས། །དགོས་པ་འབྱུང་ལྡན་རིན་པོ་ཆེ། །ཡེ་ཤེས་ལྔ་ཡི་འཁོར་ལོ་བསྐོར། །སངས་རྒྱས་ངོ་བོ་སྣང་བཅུད་ཀྱི། །སྤྱི་བོར་ཤིན་ཏུ་འཁྱིལ་པར་གནས། །ཉུང་དཀར་སོར་གྱིས་སྤགས་པ་ནི། །ས་ཡ་བཅུ་གསུམ་བདེ་བས་བརྒྱན། །སྣ་ཚོགས་རོ་དང་ལྡན་པ་ཡི། །འདོད་ཡོན་ཁྱད་པར་ཅན་གྱིས་མཛེས། །བདེ་བ་ཆེན་པོས་ཀུན་ཁྱབ་པའི། །གང་ཡང་བདེ་བྱེད་ཕྱི་ནང་བྲལ། །འབྲས་བུའི་ཆོས་རྣམས་རྫོགས་པར་ལྡན། །བྱང་ཆུབ་མཆོག་ཏུ་ཉི་ཟླ་འབར། །དེ་ཉིད་བཞུགས་གནས་ཡིན་པར་བཤད། །བཅུད་ལྔ་ཡེ་ཤེས་ཁོ་ནའི་ཕྱིར། །དྭངས་སྙིགས་མེད་པར་ཀུན་ཏུ་གསལ། །སྒྲ་དབྱངས་གསུང་གི་གནས་བཞི་ཡི། །དབྱེ་བས་གསུམ་གསུམ་ངོས་གཉིས་དང་། །བཞི་བཅུ་གཉིས་སུ་གྱུར་པ་ཡིན། །ས་ཡ་བཅུ་གསུམ་ལས་རྫོགས་པར། །སྐྱེ་འགག་མེད་པའི་ངོ་བོས་ཡང་། །རྟེན་ཅན་ཇི་བཞིན་རྟེན་དེ་བཞིན། །ཉི་ཟླ་ཐབས་དང་ཤེས་རབ་ཀྱི། །རོ་གཉིས་མཉམ་པ་དུས་གསུམ་བཞུགས། །དྭངས་མའི་ཐིག་ལེ་ཆེན་པོ་ཡི། །བདེ་བའི་དངོས་པོར་ཡེ་ཤེས་སྣང་། །ཐབས་དང་ཤེས་རབ་མི་ཕྱེད་པའི། །ཐིག་ལེ་གསང་བའི་རོ་ལྡན་པའི། །མཚན་ཉིད་ཀུན་བཅོམ་བདེ་ཆེན་པོ། །རང་གི་ངོ་བོ་མ་གྲུབ་པས། །རང་བཞིན་ལྷན་ཅིག་སྐྱེས་པའི་ཕྱིར། །བཅོམ་ལྡན་དེ་བཞིན་གཤེགས་ཤེས་བྱ། །གཟུགས་སྩོགས་ལྷག་པའི་ཐིག་ལེ་ནི། །ལས་དང་ཡོན་ཏན་སྔོན་ལྡན་ཕྱིར། །རིག་པའི་རྒྱལ་པོ་ཉིད་དུ་བརྗོད། །བཅུད་ལྔ་འདུས་པའི་ཐིག་ལེ་ནི། །རྒྱུ་དང་གནས་ཀྱི་ཁ་དོག་ལྡན། །རོ་དང་ལས་ཀྱང་དེ་བཞིན་ཏེ། །རང་གི་མཚན་ཉིད་ཀུན་དུ་སྣང་། །གང་ཕྱིར་འབྱུང་སོགས་རང་བཞིན་ཉིད། །ཆེན་པོའི་བདག་ཉིད་ལྟར་སྣང་བ། །མཁའ་སྩོགས་སྙིང་ལ་གང་གནས་པ། །ཉམས་དང་སྦྱོར་བའི་ཁྱད་པར་གྱིས། །ཟབ་མོ་དག་གི་སྟོབས་ལས་སྣང་། །ཁྱད་པར་རིམ་བཞིན་ཤེས་པར་བྱ། །མཁའ་སོགས་ ― DNG011_Page_0500 ―
[མ་དཔེ་གཟིགས་ན་འདིར་གནོན།]
ནང་གི་འབྱུང་ལ་སྣང་། །ཡེ་ཤེས་འབྱུང་ལྔ་ལས་དག་གིས། །བསྐྱེད་ཕྱིར་དབྱིངས་སུ་བརྗོད་པ་སྟེ། །བཙུན་མོའི་དངོས་པོར་དེ་འདོད་དོ། །འབྱུང་ལྔ་སྦྱོར་བའི་ཐབས་མཁས་པས། །ཐིག་ལེ་སྣོད་ཀྱི་ཁྱད་པར་གྱིས། །ཏིལ་གང་ལྟ་བུར་མཁའ་གང་བ། །དཀྱིལ་འཁོར་ཚོགས་ཆེན་བརྗོད་མི་ལང་། །གང་ཕྱིར་ཐིག་ལེས་བྱིན་བརླབས་པའི། །རིག་པའི་ཚུལ་བཞི་བསམ་མི་ཁྱབ། །རིག་པའི་རྣམ་ཤེས་བདེ་ཆེན་ཉིད། །རང་གི་ཉམས་ཀྱིས་གནས་པའོ། །གསང་བའི་ཐབས་ལྡན་ཡུལ་བཞི་དག །གང་སྦྱོར་བདེ་སྐྱེད་བཙུན་མོ་སྟེ། །བདེ་བ་ཆེན་པོར་རྒྱས་བཏབ་པས། །ལྷ་མོ་ཉིད་དུ་བསྟན་པ་ཡིན། །དམིགས་སོགས་རང་གི་ཐིག་ལེ་ནི། །ཐབས་ཆེན་ཐིག་ལེར་མཉམ་སྦྱོར་བས། །ལས་དང་ངོ་བོ་འབྲས་བུའི་ཕྱིར། །སེམས་དཔའ་ཆེན་པོ་ཉིད་དུ་བརྗོད། །ཉེས་ཟད་བྱེད་ཕྱིར་རྡོ་རྗེ་སྟེ། །མ་ལུས་མི་ཕྱེད་བདེ་ཆེན་ལས། །རང་གི་གནས་ཀྱིས་ཕྱེ་བའོ། །གཟུགས་སོགས་ནང་ཕྱིར་རབ་སྤངས་ཏེ། །རང་གི་རྩ་བཅུད་བཅས་པ་ལྟར། །ཟག་མེད་ཐབས་ཀྱི་རང་བཞིན་གྱིས། །བདེ་བ་བསྐྱེད་ཕྱིར་བཙུན་མོའོ། །དུས་ནི་རླུང་གི་གོ་ཕྱེ་སྟེ། །བྱམས་པ་ལ་སོགས་ཡེ་ཤེས་བཞི། །དེ་བདེ་རིམ་པས་སྐྱེ་བ་ཡང་། །ཏིང་འཛིན་དབང་དུ་ངེས་པར་གསུངས། །ཐབས་དང་ཤེས་རབ་མི་ཕྱེད་པ། །གསང་བར་མཉམ་སྦྱོར་ཐབས་ཀྱི་ཕྱིར། །གསང་ཡུལ་དབང་པོའི་རྣམ་ཤེས་རེག །ལུས་ཀྱི་ཆོས་བཞི་འདུས་སྤྱད་པས། །མ་ལུས་འཇོམས་ཕྱིར་ཁྲོ་བོ་སྟེ། །མཚན་ཉིད་ལས་ཀྱིས་ཕྱེ་བ་ཡིན། །གསང་གསུམ་ཐབས་ཀྱི་སྤྱོད་པ་ཉིད། །རྟག་སོགས་མཚན་མ་ལས་བསྐྱེད་ཕྱིར། །བཙུན་མོ་ཞེས་སུ་བསྟན་པ་སྟེ། །ལས་ཀྱི་སྐབས་ཀྱིས་མི་གནས་པའོ། །གསང་ཆེན་ཐབས་ཀྱི་རོལ་པའི་རྒྱུ། །མ་ལུས་ཐིག་ལེར་རང་འཆར་བ། །སྐལ་ལྡན་ཐམས་ཅད་སྤྱོད་ཡུལ་ཏེ། །རིགས་ཆད་དམན་པའི་ཡུལ་མ་ཡིན། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གསང་བའི་གླེང་གཞི་བཤད་པའི་ལེའུ་སྟེ་དང་པོའོ།། །།དེ་ནས་གཞན་ཡང་ ― DNG011_Page_0501 ―
[མ་དཔེ་གཟིགས་ན་འདིར་གནོན།]
བཤད་བྱ་བ། །ཐབས་དང་ཤེས་རབ་རོལ་པ་ཡི། །སེམས་ལྔའི་ཁྱད་པར་སྣང་བ་ནི། །ཐལ་བའི་རྒྱུད་འདིར་བཤད་པར་བྱ། །ཐབས་ཀྱི་རོལ་པར་གང་བསྐུལ་བས། །ཤེས་རབ་ཆགས་པར་གྱུར་པ་ཉིད། །དེ་བཞིན་ཤེས་རབ་ཐབས་བསྐུལ་བས། །རོལ་པའི་བདེ་བས་ཞེན་པ་སེལ། །གཉིས་མེད་རོལ་པའི་སེམས་ལྔ་ཡིས། །རྡོ་རྗེ་འཆང་བ་ཉིད་དུ་འགྱུར། །གཞན་ཡང་རྒྱས་པར་བཤད་པར་བྱ། །ཐབས་དང་ཤེས་རབ་དབྱེར་མེད་པའི། །ཐིག་ལེ་མི་ཕྱེད་རང་བཞིན་གྱི། །རྡོ་རྗེ་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གསལ། །སྐྱེ་མཆེད་ཁམས་སོགས་ངོ་བོ་ཉིད། །སེམས་དཔའ་སེམས་མའི་རང་བཞིན་ནོ། །ས་ཆུ་སྤྱན་དང་མཱ་མ་ཀཱི། །མེ་རླུང་གོས་དཀར་སྒྲོལ་མ་སྟེ། །ནམ་མཁའ་དབྱིངས་ཀྱི་དབང་ཕྱུག་མ། །གསང་ཡུལ་དབང་པོ་རྣམ་ཤེས་རེག །མ་ལུས་འཇོམས་པས་ཁྲོ་བོ་སྟེ། །རྟག་སོགས་མཚན་ཉིད་ལས་སྐྱེས་པ། །ཡུམ་སྟེ་ལས་ཀྱི་མི་གནས་བཤད། །ཡིད་ཆོས་བཟང་པོ་བཟང་མོ་མཁའ། །ཆགས་སོགས་ཡང་དག་ཉོན་མོངས་དྲུག །འདུལ་ཕྱིར་སྤྲུལ་པ་ཞེས་གསུངས་སོ། །ཐབས་ཆེན་སྣང་བ་རབ་བསྐུལ་བས། །ཤེས་རབ་ཐབས་ལ་གང་བསྐུལ་བ། །ཕྱོགས་བཅུ་དུས་བཞི་མ་ལུས་པའི། །སྣང་གྲག་གནས་པའི་ཆོས་རྣམས་ཀུན། །དྲ་བ་ཤེས་རབ་ཟབ་མོའི་དབྱིངས། །གང་ལ་གང་གིས་མི་མཚོན་ཞིང་། །མི་ཤེས་བྱིས་པའི་ཡུལ་ལས་འདས། །ཐབས་ལ་མི་གནས་དེ་བཞིན་ཉིད། །ཁྱད་པར་ཐབས་ཆེན་སྒྱུ་འཕྲུལ་འདིས། །སྐལ་མེད་མ་སྦྱངས་སྐྱེ་བོ་དང་། །བྱིས་པའི་ལོག་ཞེན་དགེ་སློང་དང་། །མཚན་མའི་རྣལ་འབྱོར་ཡུལ་མ་ཡིན། །ཐབས་དང་ཤེས་རབ་རོལ་པ་ནི། །དགའ་དང་བགད་དང་ཆགས་པ་དག །བལྟ་དང་འཁྱུད་དང་འཛིན་དང་མཉེ། །འབུད་དང་སྟེང་དང་ཞལ་སྦྱོར་དང་། །བརྩེ་དང་གཞིབ་དང་མྱང་དང་འཆའ། །ཆགས་པའི་གར་ཐབས་སྣ་ཚོགས་ཀྱིས། །ཐ་མལ་སྣང་བ་བདེ་བར་ཐིམ། །ཛཿབཾ་ཧཱུྃ་ཧོཿའི་ཕྱག་རྒྱ་ཡིས། །བཟུང་ ― DNG011_Page_0502 ―
[མ་དཔེ་གཟིགས་ན་འདིར་གནོན།]
དང་འཁྱུད་དང་བསྡམས་བསྐྱོད་པས། །གསང་བའི་འབྱུང་ལྔ་ལ་བརྟེན་པས། །རིམ་པ་ལྔ་ལྡན་སེམས་ཀྱི་རོ། །རིམ་པར་འབྱུང་སྟེ་གཞན་དུ་མིན། །བདེ་བའི་ཐིག་ལེ་ལས་བྱུང་བའི། །སྐད་ཅིག་ཞེན་པ་ལས་འདས་པ། །བདེ་བའི་རོ་ནི་གང་སྐྱེ་ཞིང་། །རྩ་དང་ཐིག་ལེར་བཅས་པ་དང་། །ཐིག་ལེའི་བདེ་བ་ཉམས་སུ་འཆར། །གང་ཚེ་ཞེན་བྲལ་བདེས་གང་བས། །ཡུལ་སེམས་བདེ་བ་འགགས་པ་ཡིས། །ལྷན་ཅིག་སྐྱེས་པ་ཀུན་ལྡང་བ། །འགགས་ཤིང་ལྡང་བར་བཤད་པ་ཡིན། །རྟེན་ལས་འབྱུང་ལ་མ་བརྟེན་པ། །བདེ་དང་མི་རྟོག་གཉིས་མེད་པ། །གང་དང་གང་དུ་རྟག་གནས་པ། །གནས་པས་དེ་ནི་གནས་པ་སྟེ། །དུས་ཡུན་ཚད་ལས་མ་ངེས་ཤིང་། །རང་གི་རླུང་དང་འཚོ་བ་དང་། །སྦྱོར་བ་ཐབས་ཀྱི་ཡན་ལག་གིས། །རྣལ་འབྱོར་ཕོ་མོ་རྣམ་པར་མཛེས། །ཐབས་ཆེན་ཐབས་ལས་བྱུང་བ་ཡི། །རིག་པའི་ཉམས་ལ་དམིགས་པ་ནི། །གང་དུ་ཞེན་པ་ཀུན་བྲལ་བའི། །བདེ་ཆེན་རང་བཞིན་བསམ་མི་ཁྱབ། །འདི་ནི་ཡུལ་དང་དབང་པོ་དང་། །རྣམ་ཤེས་དམིགས་པའི་ཡུལ་ལས་འདས། །ཐབས་དང་ཤེས་རབ་འདྲེས་པ་ལས། །རང་རིག་བདེ་བར་ངང་གསལ་བས། །མ་ལུས་ཐབས་ཆེན་རྒྱལ་པོ་ཉིད། །རླུང་སེམས་རྟེན་གྱི་ཐིག་ལེ་ལ། །ཕྱི་ནང་དྭངས་སྙིགས་རྒྱུ་བ་དག །འགྲོ་འོང་མེད་པར་གསལ་བ་ན། །རེ་དོགས་འགྲོ་འོང་ལས་གྲོལ་བ། །མཐར་ཕྱིན་ཡེ་ཤེས་སེམས་ཉིད་ནི། །བདེ་ཆེན་མི་དམིགས་བསམ་ཡུལ་འདས། །བདེ་བའི་ཐིག་ལེ་བཅུ་དྲུག་པ། །ཉི་ཟླ་འདྲེས་པའི་གར་ཐབས་ལས། །ཕྱི་ནང་ཡུལ་སེམས་བཅས་པ་དག །མ་སྐྱེས་མཉམ་ལ་གནས་འགྱུར་ཞིང་། །ཐིག་ལེ་ཟུང་འཇུག་བདེ་བ་ལས། །གསང་བའི་ཉམས་ནི་འབྱུང་བར་འགྱུར། །རྟེན་འདྲེལ་བདེ་བའི་ཟུང་འཇུག་ལས། །མཁའ་ལྟར་རང་བྱུང་ཡེ་ཤེས་སྐྱེས། །བདེ་ཆེན་ཐིག་ལེ་རྒྱུ་རྐྱེན་འདས། །རང་བྱུང་ཡེ་ཤེས་གནས་མེད་ལས། །སྒྱུ་མའི་ཆོ་འཕྲུལ་རང་བཞིན་འཆར། ། ― DNG011_Page_0503 ―
[མ་དཔེ་གཟིགས་ན་འདིར་གནོན།]
སྒྱུ་འཕྲུལ་དྲ་བ་བདེ་ཆེན་པོ། །རང་བྱུང་རང་རིག་ཡུལ་ལས་འདས། །སྐྱེ་འགག་གནས་དམིགས་ལས་འདས་ཤིང་། །འགྲོ་འོང་བྱ་བྱེད་ལས་འདས་པས། །རང་བྱུང་ཡེ་ཤེས་དེ་བཞིན་ཉིད། །སེམས་ཀྱི་མཚན་ཉིད་གཞི་རྩ་འདས། །མཚོན་པའི་ཡུལ་ལ་མི་གནས་པའོ། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། སེམས་ལྔ་བསྟན་པའི་ལེའུ་སྟེ་གཉིས་པའོ།། །།དེ་ནས་གཞན་ཡང་བཤད་བྱ་བ། །ཐབས་དང་ཤེས་རབ་གཉིས་མེད་པ། །ཐིག་ལེ་ཉི་ཟླ་འདྲེས་པ་ལས། །འབྱུང་བའི་བལྟ་བ་བཤད་པར་བྱ། །རྡོ་རྗེ་དབང་གི་སྟོབས་ལྡན་ཞིང་། །སྔར་བྱས་ཐབས་ཀྱི་བཅུད་ལྡན་པའི། །ཐབས་ལྡན་རྣལ་འབྱོར་ངེས་པ་ཡིས། །ཙཀྲ་བཞི་དང་ཀ་བ་གསུམ། །ཐབས་ལྡན་མེ་རླུང་སྦྱོར་བ་ནི། །མན་ངག་སྟོབས་ཀྱིས་ཤེས་པར་བྱ། །ཐབས་ལྡན་ཐིག་ལེ་འབྱོར་པ་ཡིས། །ཡེ་ཤེས་ནམ་མཁའ་ལྟ་བུར་མཐོང་། །བསྐྱེད་པ་རླུང་གི་ཕྱག་རྒྱ་ཡིས། །ཕྱི་ནང་དྭངས་སྙིགས་འདྲེས་པའི་རླུང་། །བཟུང་དང་མི་བཟུང་སྦྱོར་བ་ཡིས། །གསང་བའི་ཐབས་ཀྱི་རོལ་པ་ལས། །མ་སྐྱེས་མཉམ་པའི་ངོ་བོར་མཐོང་། །སྟེང་འོག་ཐབས་ལ་བརྟེན་པ་ཡི། །ཞུ་བས་གནས་ཐིམ་བདེ་བའི་རོས། །མ་ལུས་རྒྱས་བཏབ་མཉམ་སྦྱོར་བ། །བདེ་ཆེན་ཐིག་ལེ་སྟོབས་ལ་གྱུར། །གང་དེ་ཐབས་ལས་བྱུང་བ་ནི། །ཉི་ཟླ་གནས་བཅུད་དང་འབར་བས། །གནས་བཅུད་ཐིག་ལེ་མི་དམིགས་པས། །སྤྱི་དང་རང་གི་མཚན་ཉིད་གསལ། །གང་དུ་ཐབས་ཆེན་ལས་བྱུང་བའི། །སྟེང་འོག་རླུང་གི་སྦྱོར་བ་ནི། །ཐབས་ལམ་བདེ་བའི་གཉེར་དག་གིས། །བརྟགས་པ་རང་གིས་རྟོག་པ་བཟློག །དངོས་པོ་རྣམས་ཀྱི་ངོ་བོ་ལ། །བཟློག་བྱ་ངེས་ཀྱང་མི་དམིགས་སོ། །ཕུང་སོགས་རྟོག་པའི་འཇིག་རྟེན་ཀུན། །ལོག་རྟོག་སྒྱུ་མ་སྣང་ཙམ་ལས། །ཉི་ཟླ་བདེན་གཉིས་ལ་ཉིད་ཀྱིས། །མ་སྐྱེས་མཉམ་ལ་གནས་འགྱུར་ཞིང་། །ཕུང་སོགས་ལྷ་ཡི་དཀྱིལ་འཁོར་དུ། །རང་སྣང་རང་གི་མངོན་ ― DNG011_Page_0504 ―
[མ་དཔེ་གཟིགས་ན་འདིར་གནོན།]
སུམ་གསལ། །ཕྱི་ནང་ཉམས་ལ་བརྟེན་པ་ཡི། །ཀུན་རྫོབ་ཐབས་ལ་མཉམ་སྦྱོར་བས། །རང་བྱུང་ཐིག་ལེ་རྟོགས་བྱེད་ཅིང་། །སྐྱེ་མེད་བདེ་ཆེན་ཀླུང་དུ་འཇུག །མ་སྐྱེས་བདེ་བའི་ཐིག་ལེ་ཉིད། །མ་སྐྱེས་པ་དང་བདེ་ཆེན་དང་། །གཉིས་མེད་འདྲེས་པའི་ཐིག་ལེ་ཉིད། །ཡི་གེ་གསུམ་གྱི་བརྡས་མཚོན་ནས། །བྱིན་རླབས་ཐབས་ཀྱི་སྦྱོར་བ་ཡང་། །བདེ་ཆེན་རང་རིག་མངོན་སུམ་གསལ། །ཐབས་དང་ཤེས་རབ་ཐིག་ལེ་ནི། །མ་འདྲེས་གཅིག་དང་དུ་མ་བྲལ། །ཐབས་ཀྱི་བདེ་ཆེན་གསལ་གྱུར་ཅིང་། །བདེ་ཆེན་གསལ་ཞིང་མི་རྟོག་པས། །སེང་ཕྲུག་ཀྱང་འཁྲུག་བྱིན་རླབས་མི་གཡོ་བས། །མ་ལུས་དམ་པས་བྱིན་རློབས་མཐོང་། །ཐབས་ལ་གོམས་པའི་མན་ངག་གིས། །དངོས་པོ་བདེ་བར་ཉམས་མྱོང་བས། །རང་རིག་ཕྱི་དང་ནང་མེད་ནང་། །མི་དམིགས་བརྗོད་མེད་གང་བསྒོམ་པ། །འདུ་ཤེས་ཀླུང་དུ་ཞུགས་གྱུར་ན། །བརྗོད་པ་མེད་པ་དེ་ཉིད་མཐོང་། །ཉི་མ་ཟླ་བ་རྐྱེན་ཕྲད་ལས། །དྲོད་དང་རླན་ལ་ཐོགས་མེད་ཅིང་། །རྣལ་འབྱོར་ཐབས་ཀྱི་རིམ་བསྐུལ་ན། །བདེ་ཆེན་ཡེ་ཤེས་ཐོགས་པ་མེད། །གནས་བཞི་བཅུད་ལྡན་རང་བཞིན་ལ། །རྐྱེན་དང་དམིགས་པ་ལ་བརྟེན་པས། །སེམས་ལྔས་ཐིག་ལེ་སྔོན་སྦྱངས་ཏེ། །ཡེ་ཤེས་ནམ་མཁའི་གཟུགས་སུ་སྐྱེ། །རྩ་དང་རྣམ་ཤེས་རྒྱུ་བ་ལས། །ཐབས་ཀྱི་གསལ་བྱེད་དེ་གོམས་ནས། །འབྱུང་ལྔ་བཅུད་ལྔ་ཕུང་པོར་བཅས། །མི་ཟད་རྒྱན་གྱི་འཁོར་ལོར་མཐོང་། །ཙིཏྟ་སྙིང་པོ་ཁ་སྦྱོར་དབུས། །ཆོས་ཉིད་ཡེ་ཤེས་གཡས་གཡོན་ལ། །དབུ་མ་དབྱེར་མེད་ཐབས་བཟུང་བས། །སེམས་ལྔས་ཐིག་ལེ་མངོན་སྦྱངས་ཏེ། །ཕུང་པོ་འབྱུང་བ་རྣམ་ཤེས་བཅུད། །གྲངས་ལས་འདས་པའི་ཡེ་ཤེས་ཀྱང་། །མཉམ་པ་ལྔ་རུ་གསལ་བར་མཐོང་། །རང་བྱུང་མི་ཤིགས་ཐིག་ལེ་ནི། །དྭངས་མ་ཡེ་ཤེས་ལྔ་ལྡན་ལ། །སྒྲོན་མའི་ཐབས་ཀྱིས་གང་བསྐུལ་བ། །དྭངས་མ་བདེ་བའི་རྟགས་འབྱུང་ཞིང་། །མ་བསླད་ཡེ་ཤེས་འཆར་བར་འགྱུར། །ཕྱི་རོལ་རྒྱུ་བ་རླུང་བཅད་ཅིང་། །དྭངས་མ་རིམ་པར་ཞུགས་པ་ན། །རྩ་ ― DNG011_Page_0505 ―
[མ་དཔེ་གཟིགས་ན་འདིར་གནོན།]
བཞིར་སྙིང་པོ་ཐིམ་པ་ལས། །དངོས་པོ་ཕྱི་ནང་ཡུལ་འགགས་པས། །བདེ་ཆེན་སྒྱུ་མ་ལས་བྱུང་ཞིང་། །མ་སྐྱེས་ཡེ་ཤེས་གསལ་བར་མཐོང་། །དྭངས་མའི་ཉམས་ཀྱི་རྟགས་འབྱུང་བ། །འཇག་དང་འདར་དང་འཕར་བ་དང་། །རྒྱུག་དང་གླུ་དང་སྒྲ་སྒྲོགས་དང་། །འབར་དང་བདེ་བ་འབྱུང་བ་དང་། །ཐར་དང་འཆིང་མེད་མངོན་ཤེས་དང་། །སྐྱེ་མཆེད་ནམ་མཁའི་རང་བཞིན་གསལ། །ཐབས་དང་ཤེས་རབ་མངོན་སྦྱར་བའི། །ཉི་ཟླ་འདྲེས་པའི་གར་ཐབས་ཀྱིས། །ཐིག་ལེ་འཁོར་ལོ་བསྒྱུར་བའི་ཚེ། །ཐབས་ལྡན་གཉིས་མེད་གསལ་བར་འགྱུར། །ཐབས་ཆེན་ཐབས་ལ་གནས་པ་ཡིས། །པདྨ་རྡོ་རྗེ་སྦྱོར་བ་ཡི། །གསང་བའི་ཐིག་ལེ་ཟུང་འཇུག་པས། །དྲངས་ཏེ་མ་ལུས་གང་བ་ཡིས། །ཕུང་པོ་རྣམ་ཤེས་ལྔ་རུ་གསལ། །ཐིག་ལེ་ཐབས་ཀྱིས་ཟིན་པ་ལ། །ལྷན་ཅིག་སྐྱེས་པར་རང་སྣང་བས། །རྟོག་པའི་བྱེ་བྲག་རང་འགགས་ཤིང་། །ལས་དང་སྐྱོན་བྲལ་པདྨ་ཅན། །བདེ་བའི་ཐིག་ལེ་མ་སྐྱེས་པས། །མ་རིག་གཉིས་འཛིན་ལ་སོགས་པའི། །ཕྱི་ནང་བདེ་བ་ཆེན་པོ་གསལ། །བདེ་ཆེན་སྒྱུ་མར་རང་སྣང་བས། །ཕྱི་ནང་བདག་གཞན་ལོག་པའི་སེམས། །བདེ་ཆེན་རང་བྱུང་ཐིག་ལེར་གནས། །རང་བྱུང་རྟེན་གྱི་ཐིག་ལེ་ལ། །མན་ངག་ཐབས་ཀྱི་བདེ་རྒྱས་པས། །དམན་པའི་མཚན་མ་རིང་སྤངས་ནས། །རང་བྱུང་ཡེ་ཤེས་མངོན་དུ་གསལ། །འདི་ནི་འཇིགས་བྲལ་ཚད་མ་སྟེ། །ངོ་བོ་ཉིད་ཀྱི་བདེན་མཐོང་ཞིང་། །རང་བྱུང་ཡེ་ཤེས་མངོན་སུམ་པས། །དམན་པའི་ཚད་མ་རྣམ་པར་འཇིག །འཁོར་བ་མུན་པའི་ཕུང་པོ་ལ། །ཐབས་ཆེན་སྣང་བས་གསལ་བྱས་ནས། །རང་བྱུང་བདེ་བ་ཐོག་མཐའ་མེད། །ད་ལྟ་ཉིད་དུ་གསལ་བར་བྱེད། །ཐིག་ལེ་ཟུང་འཇུག་བདེ་བ་ནི། །སེམས་མཐའ་ལྡོག་པས་གོ་ཕྱེ་ནས། །དཀྱིལ་འཁོར་དྲུག་གི་ཡུལ་རྣམས་སུ། །སྤྲུལ་པའི་ཐིག་ལེ་རང་ཤར་བའི། །སྣང་བའི་མཛད་པ་བསམ་མི་ཁྱབ། །ཆགས་སོགས་ཉོན་མོངས་ལ་རྟོག་རིལ། །གདུལ་ཕྱིར་སྤྲུལ་པ་ཞེས་སུ་བཤད། །སྒྲ་དབྱངས་གསུང་ ― DNG011_Page_0506 ―
[མ་དཔེ་གཟིགས་ན་འདིར་གནོན།]
གི་བསྟན་པ་རྣམས། །ངེས་པར་གྲགས་པ་ཁོ་ན་ཉིད། །ཕུང་སོགས་རྟོག་པའི་འཇིག་རྟེན་ཀུན། །ལོག་རྟོག་སྒྱུ་མ་སྣང་ཙམ་ལས། །ཉི་ཟླ་བདེན་གཉིས་ལ་ཉིད་ཀྱིས། །མ་སྐྱེས་མཉམ་ལ་གནས་འགྱུར་ཞིང་། །ཕུང་སོགས་ལྷ་ཡི་དཀྱིལ་འཁོར་དུ། །རང་སྣང་རང་རིག་མངོན་སུམ་གསལ། །དུས་གསུམ་དུའང་མི་འགྱུར་ཕྱིར། །ཐེག་འདིར་ཐབས་དང་སྙིང་རྗེར་བཤད། །གང་ཕྱིར་འཇིག་རྟེན་མཐའ་ཡས་པར། །མོས་པ་བསམ་ཡས་ཕྱིར་གསུངས་པ། །བསྟན་པ་མཐའ་ཡས་བསྟན་པ་ནི། །འགྲོ་བའི་བསམ་པ་ཇི་བཞིན་ནོ། །གང་ཕྱིར་ཐེག་ཆེན་གསང་བའི་དོན། །ཐལ་བའི་རྒྱུད་ཆེན་བསྟན་པ་འདི། །འགྲོ་བ་ཆགས་ཆེན་འདུལ་བའི་ཕྱིར། །དུག་གིས་དུག་ནད་བསལ་བ་ལྟར། །སྒྱུ་འཕྲུལ་ཆེན་པོ་འདི་དག་ཡིན། །སྐྱེས་བུ་ཐབས་ཀྱིས་བདེར་འཇུག་པ། །གང་གིས་འདི་དག་བདེར་སེལ་བ། །མ་རྨོངས་ཐབས་ལ་མཁས་པ་ཡིས། །པདྨ་ལ་ནི་འདམ་བཞིན་ནོ། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། ཐབས་ཆེན་ལྟ་བའི་ལེའུ་སྟེ་གསུམ་པའོ།། །།དེ་ནས་གཞན་ཡང་བཤད་བྱ་བ། །ཐབས་དང་ཤེས་རབ་གཉིས་མེད་པའི། །བདེ་ཆེན་སྐུ་གསུང་ཐུགས་དཀྱིལ་འཁོར། །འདི་དག་ལེགས་པར་བཤད་པར་བྱ། །འགྲོ་དྲུག་མ་བཅོས་རང་བྱུང་སྐུ། །ལུས་གནས་རྩ་དང་འཁོར་ལོར་བཅས། །མ་ལུས་ཀུན་ལ་ཁྱབ་གནས་པ། །རང་བྱུང་བདེ་བའི་འཁོར་ལོའི་སྐུ། །རང་བྱུང་རྩ་ཡི་འཁོར་ལོ་ན། །སོ་སོའི་ཡི་གེ་གང་གནས་པ། །གསུང་གི་དཀྱིལ་འཁོར་ཀུན་དང་འདྲེལ། །རང་བྱུང་གསུང་གི་འཁོར་ལོར་བཤད། །གང་དུ་བཅུད་ཀྱི་ཐིག་ལེ་ཡིས། །བདེ་བ་ཆེན་པོའི་རོ་ལྡན་པས། །མ་སྐྱེས་ལྷུན་གྲུབ་རང་གསལ་བ། །ཁྱབ་པ་ཐུགས་ཀྱི་འཁོར་ལོར་བཤད། །ཐབས་དང་ཤེས་རབ་འདྲེལ་པ་ཡི། །གསང་དབང་པདྨར་ལྡན་གྱུར་པ། །ཐབས་བཞི་ཉི་ཟླ་འཛག་འབར་བས། །ས་ཡང་བཅུ་གསུམ་བདེ་གང་བ། །རང་སྣང་སྐུ་ཡི་དཀྱིལ་འཁོར་ཉིད། ། ― DNG011_Page_0507 ―
[མ་དཔེ་གཟིགས་ན་འདིར་གནོན།]
སྟེང་འོག་ཐབས་ཀྱི་སྦྱོར་བ་ལས། །སྤྲུལ་པའི་ཐིག་ལེ་ཡང་འདུག་ཡི་གེ་འོད་ཐིམ་པས། །སྒྲ་དང་བཅས་པའི་བདེ་བ་ནི། །རང་སྣང་གསུང་གི་དཀྱིལ་འཁོར་ཉིད། །སྟེང་འོག་དྭངས་སྙིགས་ཕྱེ་བ་ལས། །གཡས་གཡོན་གཉིས་མེད་གསང་བའི་ལམ། །དགུག་དང་བཀུག་པའི་ཐབས་ཉིད་ནི། །བྱེད་པ་སྡོམ་པའི་ཐབས་ཀྱིས་མཚོན། །རང་བྱུང་ཡེ་ཤེས་ལྔ་ཡི་རོ། །ཁྱབ་པའི་ཚུལ་གྱིས་སྣང་བར་བྱེད། །ཉི་ཟླ་གསང་སྦྱོར་ཐིག་ལེ་ལས། །གནས་དང་བསྡིམས་ནས་དབྱེར་མེད་པས། །མ་ལུས་བདེ་ཆེན་ལྷན་ཅིག་སྐྱེས། །རང་རིག་མ་བཅོས་མངོན་སུམ་གསལ། །གནས་དང་འབྱུང་བ་མ་ལུས་པ། །རང་རིག་ཡེ་ཤེས་གཟུགས་སུ་སྐྱེ། །དེ་ཉིད་བདེ་བར་རང་གསལ་བ། །རང་སྣང་ཐུགས་ཀྱི་དཀྱིལ་འཁོར་ཡིན། །རང་བྱུང་ཐིག་ལེ་ཉམས་སྐྱེས་པ། །དབབ་དང་རྟེན་གྱི་ཕྱག་རྒྱ་ལས། །བཟུང་བའི་རླུང་ལ་འགྲོ་འོང་མེད། །བཟློག་པ་ཐུགས་ཀྱི་ས་བོན་ཅན། །འདི་ནི་ཐབས་ལྡན་གང་ཟག་ལ། །འཁོར་བའི་བག་ཆགས་མ་ལུས་པ། །པདྨ་རྡོ་རྗེའི་མན་ངག་གིས། །ཉི་འོད་མུན་པ་བཞིན་དུ་སེལ། །བསྐྱོད་པ་ཐབས་བཞིས་འོད་ཟེར་གྱིས། །ཐིག་ལེ་ཨ་ལ་ཅུང་ཟད་ཕོག །རང་བྱུང་གསལ་བའི་ལམ་དུ་འདྲིལ། །ཧ་ཡི་པདྨར་འབྱུང་བ་ལ། །ཐུགས་ཀྱི་ས་བོན་ཐབས་བཅས་པས། །རང་རང་འཁོར་ལོར་ཐིམ་པ་ནི། །ཆུ་ལ་ཆུ་ལྟར་གནས་པར་བྱེད། །ལན་ཚྭ་ཆུ་ལ་ཐིམ་པ་ལྟར། །མ་ལུས་བདེ་ཆེན་སྙིང་པོར་ཐིམ། །མ་ལུས་རང་རིག་བདེ་ཆེན་ཏེ། །ཐ་དད་གཉིས་པའི་ཆོས་མེད་དེ། །སེམས་མེད་བདེ་ཆེན་སྙིང་པོར་གསལ། །སྐྱེ་མེད་སྟོང་པའི་ཐིག་ལེར་ཐིམ། །འགྲོ་བ་མ་ལུས་ཐམས་ཅད་དག །གནས་པའི་སྟོབས་ནི་ཟད་པ་ན། །འདུས་པ་ལྔ་ཡི་རིམ་པ་ཡིས། །བག་ཆགས་སྙིང་པོར་རང་ཟད་ནས། །འོད་གསལ་སྟོང་པར་སྣང་བས་ན། །རེ་དོགས་མེད་པ་ནམ་མཁའ་བཞིན། །བར་མར་སྒྱུ་མའི་ལུས་ཐོབ་ནས། །མ་འོངས་ལོངས་སྤྱོད་རྫོགས་པར་བཤད། །ཉི་ཟླ་འདྲེས་ཤིང་ཟུང་འཇུག་པས། །སྤྲུལ་པ་གཟུགས་ཀྱི་སྐུར་འགྱུར་རོ། །གནས་པ་ཐབས་ཀྱིས་གསལ་བྱས་པས། ། ― DNG011_Page_0508 ―
[མ་དཔེ་གཟིགས་ན་འདིར་གནོན།]
རང་བྱུང་སྐུ་གསུམ་ལྷུན་གྱིས་གྲུབ། །གསང་སྔགས་རྡོ་རྗེའི་ཐབས་ཆེན་གྱིས། །འཁོར་བའི་རྒྱུ་འབྲས་ཟག་པ་རྣམས། །གསེར་འགྱུར་འོད་དང་བདུད་རྩི་ལྟར། །བདེ་བ་ཆེན་པོར་བྱིན་གྱིས་བརླབ། །སྐུ་གསུང་ཐུགས་ཀྱི་ཐིག་ལེ་ཉིད། །ཐབས་དང་ཤེས་རབ་ལས་བྱུང་ནས། །ཉི་ཟླ་ཡི་གེའི་སྟོབས་དག་གིས། །བརྗོད་བྲལ་རང་གི་མཚན་ཉིད་མཐོང་། །ཨ་ལས་བྱུང་བའི་གསང་ཐིག་ལེ། །རང་སྣང་འཁོར་ལོར་གནས་བརྒྱུད་པ། །ཆུ་ལས་བྱུང་བའི་ཐིག་ལེ་ལྟར། །ཨ་ལས་བྱུང་ཞིང་ཨ་ལ་ཐིམ། །རོལ་པ་སྒྱུ་འཕྲུལ་དྲ་བ་ལས། །མ་བརྗོད་གསུང་ཉིད་རང་སྣང་བས། །མ་ལུས་བརྗོད་བྲལ་བདེ་བའི་གསུང་། །སྐལ་ལྡན་རྣམས་ལ་རང་བཞིན་སྣང་། །ནམ་མཁའ་རིན་ཆེན་ཕོག་པ་ལྟར། །ཐིག་ལེ་བདེ་བས་རྒྱས་བཏབ་ནས། །ཕྱོགས་བཅུ་དུས་བཞིའི་སྐུ་གསུང་ཐུགས། །བདེ་ཆེན་ཟག་མེད་རྒྱས་པར་འགྱུར། །རང་སྣང་སྐུ་ཡི་འཁོར་ལོ་ལ། །རང་བཞིན་གསུང་གི་དཀྱིལ་འཁོར་ཉིད། །གཡས་དང་གཡོན་གྱིས་དབྱེ་བ་ཡིས། །སྡེ་ཚན་བརྒྱད་དང་བྱེད་པ་དང་། །ཁྱབ་འཇུག་གསུམ་ཡང་དེ་བཞིན་ཏེ། །རིམ་པར་བཀོད་པས་རང་སྣང་བས། །འཇིག་རྟེན་འདས་དང་མ་འདས་པའི། །ཇི་སྙེད་བསྒྱུར་བའི་ལས་རྣམས་འབྱུང་། །རྒྱལ་བ་བཞི་བཅུ་རྩ་ལྔ་ཡི། །ངོ་བོ་ཉིད་དུ་ངེས་པས་ན། །ཁུ་བ་རྩ་ཡི་གཟུགས་དག་གིས། །སྐུ་གསུང་ཐུགས་དང་ཡེ་ཤེས་ལྔར། །མ་བཙལ་ལྷུན་གྱིས་གྲུབ་པའོ། །རྟེན་གྱི་དཀྱིལ་འཁོར་གང་བརྟེན་པ། །སྐུ་དང་གསུང་ཐུགས་ཡོན་ཏན་ནི། །རྒྱུ་དང་ལམ་དང་འབྲས་བུ་དང་། །ལུས་ཅན་ཁྱབ་པའི་རང་བཞིན་ཏེ། །ཆུ་ཡི་འཁོར་ལོ་དབྱིབས་ཀྱི་ཚུལ། །གང་ལ་ཐབས་ཀྱི་རྐྱེན་གྱུར་ཅིང་། །བདེ་བ་བསྐྱོད་དང་སྨིན་པ་ལས། །དབྱིབས་དང་ཚུལ་ནི་དབང་དྲག་ཡིན། །གྱེན་དུ་འདྲེན་དང་ཐུར་དུ་བསྐུལ། །འཁོར་ལོ་བཞི་ལ་རྒྱས་འདེབས་ཡིན། །གསང་བའི་ལམ་ནས་ཐབས་བསྐུལ་བ། །བརྒྱུད་པའི་ལམ་ནི་སྐུ་གསུང་ཐུགས། །སུམ་ཅུ་རྩ་གཉིས་ཁྱབ་པའི་རྩ། །འབྱུང་བའི་ཐིག་ལེ་གནས་ ― DNG011_Page_0509 ―
[མ་དཔེ་གཟིགས་ན་འདིར་གནོན།]
པའི་ས། །ཡི་གེ་སོ་སོ་མདངས་དང་ལྡན། །ངོ་བོ་ཉིད་དེ་མ་བཅོས་པ། །བཞི་གཉིས་འདབ་མའི་སྙིང་པོ་ལ། །ཆོས་ཉིད་ཡེ་ཤེས་ཡོན་ཏན་རྩ། །རང་རྒྱུད་བཞི་ལ་ཡན་ལག་བརྒྱད། །འོད་བཞི་དྭངས་སྙིགས་ས་བོན་དྲུག །སྙིང་པོ་རང་བཞིན་སྐུ་གསུང་ཐུགས། །གཉིས་མེད་འདྲེལ་བའི་རང་བཞིན་གནས། །བརྒྱད་གཉིས་ལྡན་པའི་གེ་སར་ལ། །ཨཱཾ་གནས་འདབ་མ་ཨཱ་ལི་ཅན། །གསུང་གི་འཁོར་ལོ་རྟེན་དང་ཡུལ། །པདྨ་ཁ་ཕྱེ་ལྟ་བུ་ལ། །འདུས་པའི་སྙིང་པོ་སྦྱོར་བའི་ཚུལ། །ལུས་ཅན་སྒྲ་རྣམས་གསལ་བར་འབྱུང་། །སྤྲུལ་པ་དྲུག་ཅུ་བཞི་གནས་པ། །སུམ་ཅུ་རྩ་གཉིས་རང་བཞིན་ནི། །ཐིག་ལེ་འཕྲོ་འདུ་གནས་དང་ལྡན། །རྡོ་རྗེའི་པདྨའི་རྩེ་དང་འདྲེལ། །ཟིན་དང་མ་ཟིན་ཁྱད་པར་ལས། །བདེ་བ་ཟག་པ་ཡོད་མེད་འབྱུང་། །སྟེང་འོག་ཐབས་ཀྱི་རང་བཞིན་ལ། །འཕེལ་དང་སྡུད་པར་ཤེས་པར་བྱ། །ལུས་ཅན་ཀུན་ལ་ཕོ་བྲང་སྟེ། །ཐིག་ལེ་འཁྱིལ་པ་ལྷ་ཉིད་དོ། །རོ་ལྔས་ཀུན་ལ་རྒྱས་བཏབ་པས། །སྐུ་གསུང་ཐུགས་སུ་སྨིན་པར་བྱེད། །སྒྱུ་འཕྲུལ་རོལ་པ་ཐབས་ཀྱི་རྒྱུད། །ལྷག་པའི་ཐལ་རྒྱུད་ཆེན་པོ་འདི། །དབང་དང་སྐལ་མེད་སྐྱེ་བོ་ལ། །འཆད་ཅིང་སྟོན་པ་ལྟུང་བར་འགྱུར། །ཡབ་ཡུམ་གསང་བའི་ཐིག་ལེ་ལ། །རང་བྱུང་ཐབས་ཀྱི་སྙིང་པོས་བརྟགས། །དེ་ནི་ཀུན་གྱི་སྙིང་པོ་སྟེ། །གོམས་པས་ཐམས་ཅད་གྲུབ་པར་འགྱུར། །གསང་བ་ཐབས་ཆེན་མངོན་སྣང་བ། །བདག་ཉིད་སྟོབས་ལྡན་ནུས་གོམས་པས། །ཕྱི་ནང་སྤྱོད་ཡུལ་བཅས་པ་དག །བདེ་ཆེན་ངོ་བོ་ཉིད་དུ་ནུབ། །རང་རྒྱུད་དག་པའི་སྐྱེ་བོ་ལ། །དབང་བསྐུར་མན་ངག་ལས་གོམས་ན། །ལོངས་སྤྱོད་ལྡན་པའི་ཚེ་འདི་ཡིས། །བདེ་བ་ཆེན་པོ་ལྷུན་གྲུབ་འགྱུར། །ལྷག་པའི་བྱང་ཆུབ་སེམས་བདེ་བ། །མ་ལུས་སྙིང་པོར་གསལ་ཐིམ་པས། །བྱེད་སྤྱོད་ལྡན་པའི་ཐབས་ཆེན་གྱིས། །རིགས་བདག་རྡོ་རྗེ་འཛིན་པ་འགྲུབ། །བདེ་བས་བདེ་བ་གང་གོམས་ན། །བདག་ཉིད་ཆེན་པོ་བདེ་བ་ལ། །དྭངས་སྙིགས་མེད་ཅིང་འཕེལ་འགྲིབ་མེད། །རྒྱ་མཚོའི་ ― DNG011_Page_0510 ―
[མ་དཔེ་གཟིགས་ན་འདིར་གནོན།]
ཆུ་ལྟར་རོ་གཅིག་པས། །བདེ་བ་ཆེན་པོ་གཅིག་ཏུ་གནས། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། རང་བྱུང་སྐུ་གསུང་ཐུགས་ཀྱི་ལེའུ་སྟེ་བཞི་པའོ།། །།དེ་ནས་གཞན་ཡང་བཤད་བྱ་བ། །ཐབས་དང་ཤེས་རབ་རོལ་པ་ལས། །བདེ་བ་ཆེན་པོ་རང་སྣང་བའི། །སྒྲུབ་པའི་ཆོ་ག་བཤད་པར་བྱ། །དམན་དང་བདེ་བ་མེད་པ་ལ། །མཚན་མའི་སྤྲོས་པ་ཞེན་པ་ཡིས། །བདེ་ཆེན་ཉམས་ལ་མི་གནས་པས། །ཐུན་མོང་དམན་པ་འབྱུང་འགྱུར་གྱི། །མཆོག་ལ་རེག་ཟད་རེག་པ་མེད། །འདི་ནི་ཟབ་མོ་གསང་བ་སྟེ། །གསང་བ་ལས་ཀྱང་འབྱུང་འགྱུར་ཞིང་། །མཆོག་གི་སྙིང་པོ་སྦས་པའི་དོན། །གསང་བའི་གཏེར་ནི་རབ་འབྱིན་པ། །འགྲོ་བ་ཆགས་པ་ཅན་དོན་དུ། །དུག་གིས་དུག་ནད་སེལ་བ་ལྟར། །ཐབས་མཆོག་དབང་ལས་བྱུང་བ་ཡི། །དངོས་གྲུབ་བཟང་པོ་མཆོག་འབྱུང་བའོ། །གང་དུ་ཡོ་བྱད་མཆོག་གྱུར་པ། །རྩ་བ་གཉིས་ལས་ལྔར་གྱུར་པ། །མཆོག་ཏུ་གྱུར་པ་ཀུན་འགྲུབ་ཅིང་། །གལ་ཏེ་ཉམས་ན་འཇིག་པར་འགྱུར། །རང་བྱུང་བདེ་བའི་ཐིག་ལེ་ནི། །གསང་བ་བཅུད་ལས་འབྱུང་བ་སྟེ། །ཟག་པ་མེད་པའི་ཐིག་ལེ་ལ། །རེ་དོགས་མཚན་མའི་ཡུལ་ལས་འདས། །ཁ་དོག་གནས་དབྱིབས་འཛིན་མེད་པས། །བདེ་ཆེན་ཆོས་དབྱིངས་རྟོག་དཔྱོད་བྲལ། །ཐབས་དང་ཤེས་རབ་ཡོངས་རྫོགས་པའི། །ཕྱི་ནང་སྣོད་བཅུད་མ་ལུས་པ། །དངོས་དང་དངོས་མེད་དབྱེར་མེད་པར། །རྟོག་པ་ཐབས་ཀྱིས་དབང་བསྒྱུར་བ། །དབྱེར་མེད་བདེ་བ་ལྷུན་གྱིས་གྲུབ། །རྟེན་དང་བརྟེན་པ་དབྱེར་མེད་པའི། །བདེ་བའི་ཐིག་ལེ་དེ་བཞིན་ཉིད། །འདུ་འཕྲོ་འབྱུང་བཞི་དེ་བཞིན་ཉིད། །བདེ་ཆེན་སེམས་ཀྱི་རྩ་བར་བཤད། །རང་བྱུང་བདེ་བ་ཆེན་པོ་ནི། །རྟོགས་ལས་གོམས་པ་གསལ་བ་ལས། །བདེ་ཆེན་བསམ་ཡས་འབྲས་བུ་འབྱུང་། །ངོ་བོ་མིན་ལ་རང་སྣང་བ། །ལུས་དང་རྩ་དང་བཅུད་རྣམས་ལ། །ཐིག་ལེ་བྱེ་བྲག་བསམ་ཡས་འཕྲོ། །བདེ་བས་འཇིག་བྲལ་ཉམས་པ་མེད། །རང་བྱུང་རོལ་པའི་བདེ་བ་ཡང་། །སྒྱུ་མ་ ― DNG011_Page_0511 ―
[མ་དཔེ་གཟིགས་ན་འདིར་གནོན།]
བདེ་བའི་མཆོག་ཏུ་གསུངས། །ཐབས་དང་ཤེས་རབ་གཉིས་མེད་པའི། །རོལ་པ་སྔགས་ཏེ་ཕྱག་རྒྱའི་གར། །ཐབས་དང་ལྡན་པས་བརྟེན་གོམས་པས། །དངོས་གྲུབ་ཇི་ལྟར་འདོད་པ་འབྱུང་། །ཐབས་དང་ཤེས་རབ་བྱིན་རླབས་པས། །ཕྱག་རྒྱ་ཆེན་པོར་བསྟན་པ་ཡིས། །བྷ་གའི་རྒྱན་དང་ནམ་མཁའི་ཁམས། །རྡོ་རྗེ་ཐིག་ལེ་མཉམ་སྦྱར་བས། །གསང་བའི་མཁའ་ལྔ་འབྱུང་བར་འགྱུར། །དེ་ལས་ཡེ་ཤེས་སྐྱེ་བར་འགྱུར། །སྲ་བ་དང་ནི་གཤེར་དང་དྲོད། །གོ་འབྱེད་བསྐྱོད་པའི་རང་བཞིན་ལ། །ཉི་མ་ཟླ་བ་འཛག་པ་ལས། །ལྷན་ཅིག་སྐྱེས་པའི་བདེ་བ་འབྱུང་། །བཅུད་དང་བདེ་ལ་གོམས་འགྱུར་ཞིང་། །གར་ཐབས་རླུང་ལ་དབང་བསྒྱུར་བས། །རྩ་བ་ཡན་ལག་ནད་འཚོ་ཞིང་། །བདེ་ཆེན་བདུད་རྩིས་རིང་དུ་འཚོ། །ལུས་དང་རྩ་དང་སེམས་ཀྱི་སྣོད། །གསང་བ་ལོངས་སྤྱོད་ལྔ་ཡིས་ཚིམས། །མུན་པ་ལ་ནི་སྣང་བ་བཞིན། །དངོས་པོ་བདེ་བ་ཆེན་པོར་འགྱུར། །ཐོག་མ་མེད་པར་ལས་བསགས་པས། །རྟོག་པའི་བག་ཆགས་སེལ་བ་ཡིས། །ཐམས་ཅད་སྐྱེ་མཆེད་དབྱིངས་སུ་གསལ། །གང་དུ་ཐབས་ཀྱིས་ཟིན་པས་ན། །གཟུགས་དང་ཉི་ཟླའི་ཐིག་ལེར་བཅས། །ཐབས་དང་བསྐྱོད་པའི་རང་བཞིན་གྱིས། །རྟེན་ནི་གནས་སུ་དགུག་པ་དང་། །དེ་བཏང་བ་ནི་སྐབས་ཀྱིས་ཏེ། །དགང་དང་དགང་བས་བཅིང་བྱ་ཞིང་། །རྟེན་དང་ཐིག་ལེར་རིག་པར་བཅས། །ཐབས་ཀྱིས་ལེགས་པར་དགྲོལ་བར་བྱ། །ལུས་བཅུད་ཉམས་དང་ཐིག་ལེར་བཅས། །ཐབས་ཀྱི་ཆོ་གས་གསོ་བྱས་ན། །ལས་དང་ཉོན་མོངས་སྡུག་བསྔལ་བ། །བསད་པས་འཕམ་རྟེན་རྒྱལ་བར་འགྱུར། །དངོས་གྲུབ་ཀུན་འབྱུང་སྙིང་པོའི་ཐབས། །རང་བྱུང་རྒྱལ་པོ་གསལ་བྱའི་ཕྱིར། །ཐབས་ཆེན་གསང་བའི་མན་ངག་གིས། །གསེར་འགྱུར་སྨན་དང་མུན་སེལ་བཞིན། །བཅུད་ཀྱི་བདག་ཉིད་རྒྱས་པ་ཡིས། །གཉིས་མེད་གསལ་བར་ལྡན་པ་ནི། །བཟུང་དང་བདུད་རྩིར་ལྡན་པ་དེས། །བདེ་ཆེན་ངོ་བོ་མི་འགྱུར་བ། །དཔལ་ལྡན་སྐྱོབ་པའི་ཕྱག་རྒྱ་ཡིས། །མ་ལུས་ཐེབས་པར་གནས་ ― DNG011_Page_0512 ―
[མ་དཔེ་གཟིགས་ན་འདིར་གནོན།]
པ་ཡིན། །གང་ནུས་མེད་དང་དཀའ་ཐུབ་དང་། །དབང་དང་མི་ལྡན་སྒྲོ་སྐུར་དང་། །ཐབས་བྲལ་རིག་པ་ཐབས་ཆེན་རྫོགས། །བདག་གཞན་གཉིས་ཀ་དམྱལ་བར་ལྟུང་། །དེ་ལས་གཞན་ཡང་བཤད་བྱ་བ། །རང་བྱུང་འཁོར་ལོ་བཅུད་དང་བཅས། །དྭངས་མ་ཐིག་ལེ་ལྔ་འབར་བ། །ལུས་ཅན་ཀུན་ལ་རང་གནས་ཀྱང་། །ཐབས་དང་བྲལ་བས་མཐོང་བ་མེད། །རང་བྱུང་རྟེན་ཅན་དཀྱིལ་འཁོར་དྲུག །གསང་བའི་ཐབས་ཀྱིས་གནས་པ་ཡིན། །བཅུད་འདུས་ཐིག་ལེ་ཆེན་པོ་ནི། །བདེ་ཆེན་ཀུན་གྱི་སྙིང་པོ་སྟེ། །ཐབས་ཀྱི་ཉམས་སུ་བླངས་པ་ལས། །འབྲས་བུ་ཡིད་བཞིན་ནོར་བུ་བཞིན། །འདི་ཉིད་སྒྱུ་འཕྲུལ་དྲ་བ་སྟེ། །དཀྱིལ་འཁོར་ཀུན་གྱི་ངོ་བོ་ཡིན། །གནས་པ་སྒྲོལ་མ་རླུང་གིས་བསྐྱོད། །འབར་བ་དེ་སྟེང་རྐྱེན་གྱིས་ཏེ། །ཆུ་ཁམས་འཁོར་ལོ་རིམ་ཞུ་བས། །མི་ཚུགས་ཡེ་ཤེས་ནམ་མཁའི་གཟུགས། །ཐབས་དང་བཅས་པས་རྟེན་ཐིག་ལེ། །སྒྲོལ་མ་རླུང་ལ་གོམས་པ་ཡིས། །གསང་བའི་ལས་ལ་ཐོགས་པ་མེད། །ལུས་ལ་སྡུག་བསྔལ་མི་འབྱུང་ཞིང་། །ཕྱི་ནང་ལུས་བཅུད་བདུད་རྩི་ཡིས། །རིམ་པ་ཡེ་ཤེས་ངོམས་པ་མེད། །བདེ་ཆེན་ལོངས་སྤྱོད་ཕོངས་པ་མེད། །རྩ་བ་ཡན་ལག་སྦྱོར་ཟད་པས། །འཁོར་བ་ངན་སོང་འཇིགས་པ་མེད། །ལུས་དེ་བདེ་དང་རྡོ་རྗེའི་སྐུ། །ཡེ་ཤེས་ལོངས་སྤྱོད་རྫོགས་པར་འགྱུར། །དྲག་དལ་འཇམ་པའི་མཚན་ཉིད་ནི། །སྙིགས་མ་ཟད་པའི་ཐབས་ཡིན་ཏེ། །ཕྱི་ནང་རྒྱུ་བའི་ཁྱད་པར་གྱིས། །འཕོ་བ་བཅུ་དྲུག་ཤེས་པར་བྱ། །སྙིགས་མ་དྭངས་མར་མ་ཞུགས་ན། །ནད་དང་སྡུག་བསྔལ་གདུང་བ་དང་། །བདེ་ཆེན་ཉིད་ལ་བར་ཆད་འབྱུང་། །སྙིགས་མ་དྭངས་མ་ལ་འཇུག་པ། །རྟགས་ནི་སྣ་ཚོགས་འབྱུང་བར་འགྱུར། །བརྟན་ན་བར་ཆད་མེད་པར་སྐྱེ། །གསལ་ན་དངོས་པོ་བདེ་བར་ཐིམ། །གནས་ནི་རྣམ་པ་བཞིར་བཤད་དེ། །སྐྱོན་དང་བདེ་བ་འབྱུང་བའི་རྩ། །མངོན་ཤེས་ཆོས་ཉིད་སྟོང་པའི་རྩ། །ཕྱི་ནང་གོང་འོག་རིམ་པར་འགྱུར། །བདུད་རྩིའི་བཅུད་ནི་རིམ་ཞུགས་པས། །ལོག་པའི་ ― DNG011_Page_0513 ―
[མ་དཔེ་གཟིགས་ན་འདིར་གནོན།]
ཉམས་དང་བདེ་བ་ཁྱབ། །མངོན་ཤེས་ལྔ་སོགས་འབྱུང་འགྱུར་ཞིང་། །བདེ་བ་སྐྱེད་བྱེད་ནམ་མཁའ་བཞིན། །སྒྱུ་འཕྲུལ་ཐབས་ཀྱི་རང་བཞིན་གྱིས། །དྲ་བ་མ་སྐྱེས་ཤེས་རབ་གསལ། །དབྱེར་མེད་དོན་ལ་གོམས་པ་ཡིས། །ལྷུན་གྲུབ་དཀྱིལ་འཁོར་གསལ་བར་འགྱུར། །པདྨ་འདུས་པའི་སྙིང་པོ་ལ། །རྡོ་རྗེ་ཐིག་ལེ་ཤོར་བ་མེད། །གསང་བ་ཐབས་ཀྱི་བདེ་གནས་ལ། །འཆི་བའི་བག་ཆགས་ནུབ་པར་འགྱུར། །ཐིག་ལེ་འགྲོ་འོང་མེད་པ་ལ། །བདེ་བ་འཕེལ་འགྲིབ་མི་འབྱུང་བས། །ཐམས་ཅད་བདེ་ཆེན་དཀྱིལ་འཁོར་མཆོག །ནམ་མཁའི་མཐའ་བཞིན་ཁྱབ་པར་གསལ། །གང་དུ་འཕེལ་བ་གསལ་བྱེད་པ། །མ་ཐོབ་པ་དང་རྒྱུན་བཅས་པ། །མི་འཕེལ་བ་དང་ཆགས་པ་དང་། །ལམ་ལོག་པ་ནི་རྣམ་པར་སྤངས། །གང་ཡང་ཐམས་ཅད་འདུས་པ་ན། །རིག་པའི་སྙིང་པོ་བདེ་བ་རྟེན། །ཇི་ལྟར་ལན་ཚྭ་ཆུར་འཇུག་ལྟར། །ཐབས་དང་མན་ངག་ལྡན་པ་ཡིས། །དངོས་པོ་བདེ་ཆེན་སྙིང་པོར་ཐིམ། །བསྐལ་པ་བྱེ་བ་གྲངས་མེད་དུ། །སྡུག་བསྔལ་བ་དང་བར་ཆད་དག །སྣ་ཚོགས་མང་པོ་གང་བྱུང་བ། །ཡེངས་དང་བྲལ་བས་ཆུ་བཞིན་ནོ། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། རང་སྣང་ལ་ཐབས་ཀྱིས་སྒྲུབ་པ་བསྟན་པའི་ལེའུ་སྟེ་ལྔ་པའོ།། །།དེ་ནས་གཞན་ཡང་བཤད་བྱ་བ། །རང་བྱུང་བྱང་ཆུབ་སེམས་ཉིད་ནི། །སྣ་ཚོགས་གཟུགས་བརྙན་ཁྱད་པར་དག །དེ་ནས་རིམ་པར་བཤད་པར་བྱ། །ཐབས་དང་ཤེས་རབ་ལས་བྱུང་བའི། །རྟེན་དང་བརྟེན་པ་ལས་བྱུང་བ། །རང་བྱུང་བྱང་ཆུབ་སེམས་ཉིད་ནི། །ཐིག་ལེ་བདེ་ཆེན་ངོ་བོ་ཉིད། །མ་ལུས་འདུས་པའི་རང་བཞིན་ནོ། །ཁམས་ལྔ་བཅུ་གཉིས་འདུས་པ་ཡི། །གསང་བ་འདུས་པའི་རང་བཞིན་ཏེ། །ལུས་ཅན་ཀུན་ལ་རང་བཞིན་གནས། །རང་བཞིན་ཐིག་ལེ་ཆེན་པོ་ནི། །སྣོད་བཅུད་བདེ་བའི་མཚན་ཉིད་ཀྱིས། །མ་བྱས་བདེ་བས་ཀུན་ཁྱབ་པས། །གང་ལ་གང་བརྟེན་མཚན་ཉིད་དོ། །འབྱུང་ལྔ་དྭངས་མའི་བཅུད་ལས་བྱུང་། །བདེ་ཆེན་བཅུད་ཀྱི་ངོ་བོར་ ― DNG011_Page_0514 ―
[མ་དཔེ་གཟིགས་ན་འདིར་གནོན།]
དག །བདེ་ཆེན་ཐིག་ལེའི་ངོ་བོར་གནས། །རྟོགས་པས་ཐབས་ཆེན་ཕ་རོལ་ཕྱིན། །མ་ལུས་ཕྱག་རྒྱ་ཆེན་པོའི་དབྱིངས། །གསང་བའི་ཐིག་ལེ་ཆེན་པོ་ཉིད། །རྩ་དང་ཐིག་ལེའི་ཚུལ་དག་གིས། །ཐམས་ཅད་ཁྱབ་པའི་ཚུལ་གྱིས་གནས། །གཉིས་སུ་མེད་པ་བདེ་བའི་རྒྱུ། །ཉི་ཟླ་ཁུ་བར་གནས་པ་ཡི། །སེམས་ལྔ་སྐྱེ་དང་འདྲེལ་བ་ཡི། །བདེ་བའི་རོ་དང་བཅས་པ་ཡི། །མི་ཤིགས་ཐིག་ལེ་བདེ་ཆེན་པོ། །དྭངས་མ་ཡེ་ཤེས་ལྔ་ཡི་རོ། །ཁྱབ་ཀྱང་ཐབས་ལ་རག་ལུས་པས། །རང་བཞིན་མངོན་སུམ་སྣང་མི་ནུས། །ཐིག་ལེ་སྣོད་བཅུད་རང་བཞིན་ནི། །ཐབས་ཀྱིས་ཁྱབ་དང་མ་ཁྱབ་ལས། །ཕྱི་ནང་སྣོད་བཅུད་མ་ལུས་པ། །དག་དང་མ་དག་ཁྱད་པར་སྣང་། །འབྱུང་ལྔ་བཅུད་ལྔ་ཡེ་ཤེས་ལྔ། །མ་ལུས་གཉིས་མེད་འདུས་པ་ཡི། །བྱེ་བྲག་ཐབས་ཀྱི་ཁྱད་པར་ལས། །རྟེན་པའི་ཉམས་ནི་གསལ་བར་འབྱུང་། །གསང་བའི་ཐིག་ལེ་སྐུ་མཆོག་དེས། །རྒྱལ་བ་དུས་གསུམ་བཞུགས་པའི་གནས། །ལས་དང་ངོ་བོའི་ཚད་མེད་པའི། །གཉིས་དྲུག་བརྒྱད་གཉིས་སོར་ཉུང་སྤང་། །བཅུ་དྲུག་བཅུ་གཉིས་ཉི་ཤར་གསལ། །དེ་ཉིད་འདྲེས་ཤུགས་སྟོན་པ་ཉིད། །ནང་ཞུགས་ལས་ཀྱིས་སྣང་བར་བྱེད། །ཐབས་དང་ཤེས་རབ་གཉིས་མེད་པའི། །འཁྱུད་པ་གང་གི་ཕྱག་རྒྱ་ལས། །བདེ་བའི་འབྲུ་ཚོགས་གསལ་འབྱུང་བ། །བསྐྱོད་པ་རླུང་གི་ཕྱག་རྒྱ་ཡིས། །ཉི་ཟླའི་ཐབས་ཀྱིས་ཟིན་པ་ལས། །ལྷན་ཅིག་སྐྱེས་པའི་ཡེ་ཤེས་སྐྱེ། །སྐྱེས་བུའི་ལུས་ལ་ཐབས་ཀྱི་རྩ། །པདྨ་འདུས་པའི་སྙིང་པོ་ཅན། །གཉིས་མེད་ཐིག་ལེ་བཅུད་འདུས་པ། །མ་འདྲེས་འདྲེལ་པའི་སྟོབས་ལས་བྱུང་། །བྲག་གདུང་ལྟ་བུར་གནས་པ་ལས། །གོམས་པའི་རྟོགས་པས་ཡེ་ཤེས་སྐྱེ། །འབྱུང་ལུས་བདེ་བའི་བཅུད་གྱུར་ཅིང་། །བདེ་བ་རླུང་སེལ་ཐིག་ལེར་ཐིམ། །མ་ལུས་དབྱེར་མེད་མི་གཡོ་བ། །རང་བྱུང་ཐིག་ལེ་རྟེན་དང་བྲལ། །གསང་བའི་ཐིག་ལེ་འགྲོ་འོང་མེད། །བདེ་ཆེན་ནམ་མཁའ་རྒྱུ་འབྲས་འདས། །གསང་བའི་ཐིག་ལེ་དམ་ཉམས་ན། །འཁོར་ ― DNG011_Page_0515 ―
[མ་དཔེ་གཟིགས་ན་འདིར་གནོན།]
བ་ཟག་ཅིང་སྡུག་བསྔལ་བས། །གསང་བའི་ལམ་ཉིད་བར་ཆད་གནས། །ཆོ་གའི་ལམ་གྱིས་སྐྱོང་མི་འགྱུར། །གསང་བའི་ཆོ་ག་ལས་བྱུང་བ། །ཐིག་ལེ་དབབ་དང་བཟུང་བ་དང་། །བཟློག་དང་སྦྱངས་སོགས་ཐབས་ལས་བྱུང་། །ཁམས་གཉིས་འདུས་པའི་སྟོབས་ལས་སྐྱེས། །ལྔ་བཞི་བྱེ་བྲག་ཆས་བསྐུལ་བས། །གནས་ནས་ལྡང་ཞིང་བདེ་གཡོ་བ། །རང་གི་ལམ་འཇུག་རྟོག་འགགས་ཤིང་། །རང་གི་འཕོ་བས་ས་གནས་ཆེ། །ཕྱི་མའི་བདེ་བ་སྐྱེ་བར་འདོད། །གོམས་པའི་རླུང་མཐུས་སླར་བསྐྱོད་སེམས། །མཐར་ཕྱིན་ཐབས་ཀྱི་བྱང་ཆུབ་སེམས། །ས་གསུམ་བདེ་བར་རང་གསལ་བས། །ཁམས་གསུམ་ལས་ཀྱིས་ཐོབ་པའི་ཕྱིར། །ཐབས་ལ་ཡོན་ཏན་ཀུན་རྫོགས་པས། །ཡི་གེའི་ས་དང་བླ་མའང་རྫོགས། །ཐབས་ཀྱི་ཟླ་བ་ཤར་བའི་ཚེ། །གཉིས་མེད་གསུམ་ལ་བདེར་གོམས་པས། །ཐིག་ལེ་བསྣོལ་དང་བརྐྱངས་པ་དང་། །འདྲེས་པ་ལ་ནི་ཐབས་གོམས་པས། །མི་ཟད་འཁོར་ལོར་རང་སྣང་བས། །རྒྱུ་འབྲས་གདོད་ནས་ལྷུན་གྲུབ་པ། །ཆུ་རླབས་ལྟ་བུར་ཤུགས་ཀྱིས་འགྲུབ། །ཐ་དད་མེད་པའི་རང་བཞིན་ནི། །ཐབས་ཀྱི་མཆོག་ཏུ་འདི་བཤད་དོ། །རྟེན་དང་བརྟེན་པའི་སྦྱོར་བ་ལས། །རང་བྱུང་གཟུགས་བརྙན་གསལ་བར་སྐྱེ། །སྣང་སྲིད་ཕྱི་ནང་སྣོད་བཅུད་ཀུན། །བདེ་ཆེན་གཟུགས་བརྙན་གསལ་བར་འབྱུང་། །འཁོར་དང་མྱ་ངན་འདས་པ་རྣམས། །དག་དང་མ་དག་ཁྱད་པར་རྣམས། །ཐབས་ཀྱིས་ཟིན་དང་མ་ཟིན་པའི། །ཐམས་ཅད་བདེ་ཆེན་གཟུགས་བརྙན་ཡིན། །གང་དུ་ཐབས་ལས་གྱུར་པ་ཡི། །ཡབ་ཡུམ་གཟུགས་བརྙན་ཐབས་ཆེན་པོ། །ལྷ་མོ་བརྒྱད་དང་ཕྱག་རྒྱ་བཞི། །མ་ལུས་བདེ་བའི་གཟུགས་བརྙན་སྣང་། །བདེ་བ་ཆེན་པོའི་རང་བཞིན་ནི། །དངོས་པོ་མ་ཡིན་དངོས་མེད་མིན། །དབུ་མ་ཙམ་དུ་མི་དམིགས་པས། །བདེ་ཆེན་ཕྱག་རྒྱ་ཆེན་པོར་བཤད། །ཐབས་དང་ཤེས་རབ་འཁོར་ལོ་ཡི། །མ་ལུས་སྐུ་གསུང་ཐུགས་ཀྱི་ངང་། །སྣང་གྲགས་ ― DNG011_Page_0516 ―
[མ་དཔེ་གཟིགས་ན་འདིར་གནོན།]
བདེ་བའི་རང་བཞིན་དང་། །ལུས་དང་རྩ་དང་བདེ་བར་བཅས། །རྣལ་འབྱོར་གཅིག་ལ་སྣང་བ་ཡི། །ཁྱད་པར་ཆོས་སུ་བཤད་པ་ཡིན། །ཐབས་ཀྱིས་གཟུང་དང་གཉིས་འཁྱུད་དང་། །བསྡམ་དང་འཁྱུད་པའི་རང་བཞིན་ནི། །སྒོ་འབྱེད་བདེ་བར་འཇུག་པ་ནི། །སྒོ་བཞི་ཕྱག་རྒྱར་ཤེས་པར་བྱ། །ཉི་ཟླ་ཧཱུཾ་ཕཊཿཡབ་ཡུམ་ཐབས། །ཐིག་ལེ་བསྐྱོད་འདྲེས་བདེ་བར་ཚིམས། །སྣོད་བཅུད་ཐིག་ལེ་རླུང་གིས་བསྡུས། །ཐིག་ལེ་མུ་ཏིག་བརྒྱུས་པ་ལྟར། །ཐབས་ཀྱི་རླུང་གིས་ཤེས་པར་བྱ། །སྔགས་ཀྱི་བདག་པོ་ཕྱིར་མི་ལྡོག །ཉི་ཟླ་གསལ་བའི་གར་དང་ལྡན། །བསྐྱོད་པ་ཐབས་ཀྱི་བདེར་གནས་ཤིང་། །དབབ་བསྐྱོད་གཟུང་དང་དུས་གསུམ་དུ། །དབྱེ་བ་མེད་པར་རང་བཞིན་གནས། །ལུས་དང་རྩ་དང་སྣང་བ་ཡང་། །ནམ་མཁའི་རིམ་པ་རྒྱས་བཏབ་པས། །མཐར་ཐུག་མེད་པར་རྒྱས་ཆེན་སྣང་། །པདྨ་ཐབས་ཕྱེ་ཐབས་ཀྱིས་བཞུ། །གསང་བའི་ཐིག་ལེ་རང་བྱུང་བ། །དགའ་བཞི་བཅུ་དྲུག་ལས་བྱུང་ནས། །མེ་ཏོག་ཀུནྡ་རཱ་གའི་མདོག །དཀྱིལ་འཁོར་བསམ་ཡས་ལ་རོལ་པས། །མཐའ་གཉིས་མེད་པའི་ཡེ་ཤེས་ལ། །མ་བྲལ་དུས་གསུམ་མཉམ་པར་ཞུགས། །བདེ་བ་ཆེན་པོ་ཐུགས་སུ་བརྗོད། །གང་དུ་གཉིས་ལས་བཞི་བྱུང་བས། །བཞི་ལས་བརྒྱད་ནི་བཅུ་དྲུག་སྟེ། །མྱོང་བ་སུམ་ཅུ་རྩ་དྲུག་ལས། །ཇི་སྙེད་བདེ་བའི་ངོ་བོ་ནི། །ཉམས་ནི་མི་ཕྱེད་ནམ་མཁའ་ལྟར། །གཟུགས་ཅན་ཡེ་ཤེས་ལྔ་རུ་བརྗོད། །ཕྱག་རྒྱ་ཆེན་པོ་ཚོགས་པ་ལས། །ཐབས་ཀྱི་ལྷན་ཅིག་སྐྱེས་པ་གསལ། །རྟག་ཏུ་གསལ་བ་གོམས་པས་ནི། །ཐམས་ཅད་བདེ་བ་ཆེན་པོ་སྟེ། །ཐབས་དང་ཏིང་འཛིན་ཡོ་བྱད་ཀྱིས། །བར་ཆད་མེད་པར་གོམས་པ་ཡིས། །འབྲས་བུ་ཉི་མའི་སྙིང་པོ་བཞིན། །རྒྱུ་ནས་འབྲས་བུ་མཐར་ཕྱིན་ཐུན་མོང་ལས། །ཐབས་དང་ཤེས་རབ་མཉམ་ཐོབ་ནས། །རྩེ་ནས་ཐིག་ལེ་རིམ་བཟློག་པའི། །ཕྱི་ནང་ཞེན་པ་རྒྱུ་འབྲས་ཆོས། །བཅུ་དྲུག་མཐར་ ― DNG011_Page_0517 ―
[མ་དཔེ་གཟིགས་ན་འདིར་གནོན།]
ཕྱིན་དབྱེ་བ་མེད། །གང་གིས་བསྐལ་པ་གྲངས་མེད་པར། །དཀའ་ཐུབ་སྡུག་བསྔལ་སྤྱད་པ་ཡིས། །འབྲས་བུ་གཉིས་མེད་མི་ཐོབ་པ། །དགའ་བདེས་ཚེ་འདིར་འགྲུབ་པར་འགྱུར། །སྐལ་ལྡན་དབང་ཕྱུག་རྒྱལ་པོ་ཡིས། །གསང་བའི་རྒྱུ་འབྲས་རིམ་བཟློག་པས། །འཁོར་བ་པདྨའི་འདམ་བཞིན་དུ། །སྡུག་བསྔལ་མེད་པར་ཕ་རོལ་ཕྱིན། །གསང་ཆེན་མི་ལྡོག་རིགས་སུ་ངེས། །བྱང་ཆུབ་སེམས་ལ་རབ་སྦྱོར་བས། །བདེ་ཆེན་ཐིག་ལེ་མི་གཡོ་བ། །གསང་ཆེན་འབྲས་བུ་རྫོགས་པའི་ས། །མཐར་ཕྱིན་ཡོན་ཏན་ལྷུན་རྫོགས་པའོ། །རྒྱུད་ཀྱི་རྒྱལ་པོ་ཐལ་རྒྱུད་ཆེན་པོ་ལས། བྱང་ཆུབ་སེམས་ཀྱི་གཟུགས་ཅན་སྣང་བའི་ལེའུ་སྟེ་དྲུག་པའོ།། །།དེ་ནས་གཞན་ཡང་བཤད་བྱ་བ། །རྡོ་རྗེ་མི་ཕྱེད་སྐྱོབ་པའི་དོན། །དེ་ནི་བདེ་ཆེན་ཡོད་མིན་ཏེ། །གསང་བའི་དོན་ནི་བཤད་པར་བྱ། །རྒྱལ་བའི་བྱིན་རླབས་མཆོག་གྱུར་པ། །སངས་རྒྱས་ཀུན་གྱི་བདེ་ཆེན་ལས། །ཐབས་ཀྱིས་ཆགས་པ་གདུལ་བྱའི་ཕྱིར། །གསང་སྔགས་ཡིད་བཞིན་ནོར་བུ་བཤད། །གསང་སྔགས་ཐིག་ལེའི་བདེ་བ་ནི། །ཡབ་ཡུམ་གཉིས་མེད་རོལ་པ་ནི། །ཐམས་ཅད་ཐབས་ལ་བཅུ་དྲུག་བརྒྱ། །བཅུ་གཉིས་བཞི་བཞིར་རོལ་པའི་ཆོས། །རཀྟ་བྱང་ཆུབ་དུས་གཅིག་འབར། །ལྷུན་གྲུབ་དཀྱིལ་འཁོར་རང་ལས་འཆར། །རྒྱལ་བའི་སེམས་དཔའ་མི་རྟོག་སྟེ། །ཐབས་ཆེན་ཐུན་མོང་མ་ཡིན་པས། །དམན་པས་རྙེད་པར་ག་ལ་འགྱུར། །ཕྱག་རྒྱ་ཆེན་པོ་ནམ་མཁའི་དབྱིངས། །དེ་ནི་རྣམ་ཐར་རང་བཞིན་ཏེ། །ཐམས་ཅད་འབྱུང་བའི་རང་བཞིན་པས། །ཟབ་མོ་ཤེས་རབ་ཕ་རོལ་ཕྱིན། །བྷྲཱུཾ་ཡིག་བྷ་གར་སྣ་ཚོགས་འདུས། །ལས་དང་ངོ་བོར་དག་པ་ཉིད། །བྱིན་རླབས་སྐྱོབ་ཕྱིར་ཡུམ་དུ་བརྗོད། །ཙིཏྟའི་ཁམས་ལྔའི་གཤི་ར་ལ། །རྡོ་རྗེ་རྒྱལ་བ་རིན་ཆེན་ཆོས། །ཤེས་རབ་རིགས་ལྡན་བཅུད་ཀྱི་གཟུགས། །ངེས་པ་འཛིན་པ་གསང་བའི་སྔགས། །དེ་ཉིད་དྭངས་མ་ཡེ་ཤེས་ལྔ། །མ་རིག་གཉིས་སོགས་བཞི་པོ་དང་། །མི་ཕྱེད་ ― DNG011_Page_0518 ―
[མ་དཔེ་གཟིགས་ན་འདིར་གནོན།]
ཕྲག་དོག་རྡོ་རྗེ་སྔགས། །དབྱིབས་སུ་སྐྱོབ་པ་དགའ་མར་བརྗོད། །མིག་སོགས་རང་གི་ཐིག་ལེ་ནི། །རང་གི་རྩ་བཅུད་ཐིག་ལེ་བཞི། །སྐུ་གསུང་ཐུགས་སུ་གནས་པ་ནི། །ཐུགས་ཀྱི་སེམས་དཔའ་བཞི་རུ་བཤད། །ཐབས་དང་ཤེས་རབ་ལ་བརྟེན་པའི། །གསང་བ་ཐབས་ཀྱིས་བདེ་བསྐྱེད་པའི། །ཆགས་པའི་བདེ་བས་བགད་པ་ནི། །ཆགས་པའི་དམ་ཚིག་དུས་ཡིན་ནོ། །སླར་ཡང་ལན་གྱིས་འདྲེལ་པ་ནི། །གཉིས་ཀ་དགྱེས་པའི་མཆོག་ཏུ་བཤད། །ཧ་དང་སི་ཡི་བདེ་སྒྲ་དག །བདག་གིས་ཆགས་པ་ཐོབ་པའོ། །ཤིན་ཏུ་བསྐྱོད་པའི་བདེ་བ་ཉིད། །ཀུན་ནས་བསྐྱོད་པ་རླུང་ཞེས་བྱའོ། །གང་དུ་ཡུལ་ལ་དབང་བྱེད་པའི། །བདེ་བ་བསྐྱེད་པའི་ནུས་པ་ནི། །བྱམས་སོགས་ཚད་མེད་རང་བཞིན་ནོ། །ངེས་པར་སྐྱོབ་པ་གསང་བའི་སྔགས། །གཉིས་འདྲེན་འཛིན་པ་ཞེས་བྱ་སྟེ། །དེ་ཉིད་ཕྱེ་བ་ལས་བྱུང་བའོ། །མེ་ཏོག་བསྡུས་པའི་ངོ་བོ་ཉིད། །བདག་པོའི་ཞལ་དུ་ཐིམ་པར་བཤད། །ཤིན་ཏུ་བསྡམ་པའི་རིགས་ལས་བྱུང་། །གསལ་བའི་ཡེ་ཤེས་བདེ་བ་ཆེ། །ཀུན་གསལ་བརྗོད་དང་འདྲ་བའི་སྒྲ། །གཉིས་མེད་ཐུགས་སུ་ཤེས་རབ་སྒྲ། །ལུས་ཀྱི་ཆོས་ཉིད་བདེ་བསྐྱེད་པ། །ལས་བཞི་འཇིགས་པ་ཁྲོ་བོ་སྟེ། །རང་རང་ལས་ཀྱི་ཕྱེ་བ་ཡིས། །རིག་པའི་རྒྱལ་བ་ཉིད་དུ་འདོད། །དགུག་པ་ཛཿཡིས་ལས་བྱེད་ཅིང་། །འཁྱུད་དང་གནས་པ་ཧཱུཾ་དུ་འདོད། །བསྡམས་ཤིང་མི་མཐོང་བཾ་ཡིན་ཏེ། །བསྐྱོད་དང་འབེབས་པ་ཧོཿཡིན་ནོ། །རྣམ་ཤེས་གསུམ་འདས་རྡོ་རྗེ་ནི། །ཡེ་ཤེས་ལྔ་རྫོགས་ཐུགས་ཉིད་དོ། །དབྱིངས་གསུམ་རྣམ་དག་འདུས་མ་བྱས། །ཀུན་ཏུ་དེ་བཞིན་གནས་བྱེད་པའི། །རང་ཉིད་འཁོར་ལོའི་རྩ་འདོད་དང་། །ས་བོན་ཟུང་གསུམ་དེ་བདེ་བའི། །ངེས་སྐྱེས་རང་རིག་གྱུར་པ་ཡིས། །གཉིས་འབྱུང་རང་རིག་ཐུབ་པར་གསུངས། །དྭངས་མ་ལྔ་དང་ཉི་ཟླ་ལ། །ཡེ་ཤེས་ལྔ་ཡི་རོ་གནས་པ། །གསང་བའི་ཐབས་ཀྱིས་ཉམས་མྱོང་བ། ། ― DNG011_Page_0519 ―
[མ་དཔེ་གཟིགས་ན་འདིར་གནོན།]
གཉིས་སུ་མེད་པར་ཞུགས་པ་ཡིན། །ཡེ་ཤེས་ནམ་མཁའི་འཁོར་ལོ་དེ། །གསང་བའི་ཐབས་ཀྱིས་འགུགས་པ་ཡིན། །གསང་བའི་ཡེ་ཤེས་བསྐྱོད་པའི་ཕྱིར། །རིམ་ནས་རིམ་པར་ཐིམ་པར་བྱ། །ཐབས་ཀྱིས་རང་བྱུང་བདེ་སྐྱེས་པ། །མ་སྐྱེས་རང་བྱུང་བརྗོད་དུ་མེད། །བདེ་ཆེན་རང་རིག་མི་རྟོག་པ། །ངེས་སྐྱེས་ཕྱིར་མི་ལྡོག་པར་བསྟན། །འཁོར་ལོ་གསང་བའི་གཞལ་ཡས་ཁང་། །ལྷ་ཉིད་ཐིག་ལེ་ཆེན་པོ་སྟེ། །སྐུ་གསུང་ཐུགས་ནི་བདེ་བའི་མཆོག །ཐམས་ཅད་ཟབ་མོའི་རང་བཞིན་ནོ། །ཐབས་དང་ཤེས་རབ་དབྱེར་མེད་པ། །སྣོད་བཅུད་རང་བཞིན་སྐུ་གསུང་ཐུགས། །གསལ་ཞིང་ཐིམ་པར་གང་མཐོང་བ། །དབྱེར་མེད་སྐུ་གསུང་ཐུགས་ཐོབ་པའོ། །ཐེག་ཆེན་གསང་སྔགས་རང་བཞིན་ནོ། །ཐམས་ཅད་བདེ་ཆེན་ཐིག་ལེའི་མཆོག །སྤང་གྲུབ་མེད་པའི་རང་བཞིན་ཉིད། །ཤེས་ཕྱིར་སྐྱོབ་པས་སྔགས་ཞེས་བྱ། །ཕྱོགས་བཅུའི་སངས་རྒྱས་ཐམས་ཅད་ཀྱི། །ཡེ་ཤེས་ཐིག་ལེ་མངོན་ཕྱུང་བ། །འཁོར་ལོ་ལ་ནི་ཐིམ་མཛད་ནས། །ཡེ་ཤེས་ལྔ་ཡི་རྒྱས་བཏབ་པོ། །མི་བསྐྱོད་བྱེད་པོ་ཡུམ་དང་བཅས། །རྡོ་རྗེ་འཛིན་པའི་ཕྱག་རྒྱ་ལྡན། །བྱམས་པ་ས་སྙིང་དེ་བཞིན་ནོ། །གཞན་དག་རང་གི་ཕྱག་རྒྱ་སྟེ། །གཤིན་རྗེ་གཤེད་ལ་རྟག་པར་བཤད། །ཐུབ་ཆེན་རྡོ་རྗེ་འཛིན་འཆང་བ། །ཟླ་དང་བྲལ་བ་དཔའ་བོ་ཆེ། །རང་རང་རིགས་ཀྱི་ཆོ་ག་དག །རིག་པ་ཇི་བཞིན་མཁས་པས་བརྟགས། །ཐུན་མོང་ཐུན་མོང་མ་ཡིན་པ། །སྐྱེ་ཞིང་འབྱུང་བས་རྩ་བ་སྟེ། །གང་སྐྱེའི་རྐྱེན་ཏེ་དེ་ཡི་སྔགས། །འཇིག་རྟེན་འདས་ཏེ་འཇིག་རྟེན་པའི། །རང་རང་མཐུ་ཅན་བྱིན་བརླབས་པ། །བརྗོད་དང་འདས་པ་དོན་བྱེད་པ། །འདི་ནི་འདས་པ་དོན་གྱི་སྔགས། །རང་སྔགས་གསང་བ་གསང་ཆེན་འདི། །ཀུན་གྱི་སྤྱོད་ཡུལ་མ་ཡིན་ཏེ། །དབང་དང་མན་ངག་ལྡན་པ་ཡིས། །ཡིད་བཞིན་ནོར་བུ་བཞིན་དུ་འགྲུབ། །གནས་གསུམ་ཁྱབ་འཇུག་ཡི་གེ་ལས། །འོད་ཟེར་འཕྲོ་བའི་ཚོགས་ཆེན་པོ། །ཁམས་གསུམ་བྱིན་རླབས་གཟི་བྱིན་བསྡུས། །རང་བཞིན་རྡོ་རྗེ་གསུམ་གནས་པ། །རྒྱུ་ ― DNG011_Page_0520 ―
[མ་དཔེ་གཟིགས་ན་འདིར་གནོན།]
གཉིས་ཚུལ་གྱིས་རང་བཞིན་གནས་པའོ། །རང་བཞིན་ཐབས་ཀྱིས་བྱིན་རླབས་པ། །གནས་གསུམ་གསང་བའི་འཕྲོ་འདུ་ཡིས། །མ་ལུས་ཁྱབ་པ་བྱིན་རླབས་པ། །རྡོ་རྗེ་གསུམ་དུ་བྱིན་གྱིས་བརླབས། །ལྟེ་བ་རྣམ་གཉིས་ཟླ་བ་ལ། །སྔོ་ལྗང་ཡི་གེ་སྭཱ་ཧཱ་ཉིད། །རྗེས་མཐུན་འོད་ཀྱི་ཡོན་ཏན་ལས། །ཡན་ལག་རྫོགས་པའི་གཟི་བྱིན་ལྡན། །རང་སེམས་དྭངས་མའི་ཐིག་ལེ་ཉིད། །མ་ལུས་འཕྲོ་འདུའི་རྩ་བ་སྟེ། །དཔལ་བེའུའི་སྙིང་པོ་འོད་ཀྱི་མཆོག །ཡེ་ཤེས་སྙིང་པོའི་རང་བཞིན་ནོ། །དམ་པའི་ཐབས་ཆེན་ཀུན་འདུས་པས། །རྣལ་འབྱོར་གང་ཡང་རུང་བ་ཡིས། །བླ་མ་སློབ་དཔོན་མཉེས་བྱས་ཤིང་། །དམ་ཚིག་ཆོ་ག་ལྡན་པ་ཡིས། །ཇི་ལྟར་བསྒྲུབས་ཀྱང་འགྲུབ་པར་འགྱུར། །དུས་གསུམ་རྒྱལ་བས་བྱིན་རླབས་པ། །ཐམས་ཅད་བདེ་ཆེན་འཁོར་ལོ་མཆོག །གསང་ཆེན་ཐུགས་ཀྱི་སྙིང་པོ་སྟེ། །སྒྱུ་འཕྲུལ་རོལ་པ་ཐལ་བའི་རྒྱུད། །གསང་བའི་དམ་ཚིག་ལ་ཞུགས་ཤིང་། །སློབ་དཔོན་བསྟེན་ཅིང་དབང་ཐོབ་པ། །ཆགས་པ་ཅན་གྱི་གང་ཟག་ལ། །རྒྱུད་ཆེན་འདི་དག་བསྟན་པར་བྱ། །གསང་བ་ཐབས་ཀྱི་མེ་ལོང་སྟེ། །ཟབ་མོ་མངོན་ཕྱུང་བཤད་དུ་གསོལ། །ཐབས་དང་ཤེས་རབ་རྣལ་འབྱོར་པའི། །བདེ་བ་མཆོག་ལ་གནས་འདོད་པས། །དེ་ཡི་སྤྱོད་ཡུལ་བསྟན་པ་ཡིན། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གསང་བ་སྔགས་ཀྱི་ལེའུ་སྟེ་བདུན་པའོ།། །།དེ་ནས་གཞན་ཡང་བཤད་བྱ་བ། །གསང་བ་གསང་ཆེན་མཐར་ཐུག་པ། །དེ་དག་ཁྱད་པར་གང་ཡིན་པ། །བདག་ཉིད་ཆེན་པོས་བཤད་པར་བྱ། །སངས་རྒྱས་སྐུ་དང་གསུང་དང་ཐུགས། །གསང་བ་གསུམ་དུ་བསྟན་པ་སྟེ། །ཉན་ཐོས་ལ་སོགས་སྐལ་དམན་པས། །ཡུལ་མིན་མ་རྟོགས་དོན་ཕྱིར་རོ། །ཐམས་ཅད་རང་བཞིན་གང་ཡིན་པ། །བདེ་ཆེན་ཐིག་ལེའི་ངོ་བོ་སྟེ། །ཐོག་མ་ཐ་མར་དྲི་མེད་པ། །རང་བྱུང་གསང་བ་ཉིད་དུ་བཤད། །གང་ཕྱིར་དམན་ལ་སྦས་པ་ཡི། །ཐབས་ཆེན་གསང་བ་ཟབ་མོ་ཡིས། ། ― DNG011_Page_0521 ―
[མ་དཔེ་གཟིགས་ན་འདིར་གནོན།]
ཐབས་ཆེན་དངོས་ཉིད་གསལ་འགྱུར་བ། །གསང་ཆེན་ཐུགས་ཀྱི་རྒྱས་བཏབ་པའོ། །ཐབས་དང་ཤེས་རབ་ལྡན་པ་ཡི། །དབྱེར་མེད་བདེ་བ་ཆེན་པོ་ནི། །གང་གིས་གང་ལ་རྒྱས་བཏབ་པ། །དེ་དང་དེ་ཡི་ངོ་བོར་འགྱུར། །མཐའ་དང་དབུས་བྲལ་རང་རིག་ཉིད། །དེ་བཞིན་བདེ་བ་ཆེན་པོ་ཉིད། །གཉིས་མེད་ཟུང་དུ་འཇུག་པ་ནི། །མཐར་ཐུག་ཡེ་ཤེས་ཉིད་དུ་བཤད། །རང་གནས་ཐབས་ཀྱིས་གོམས་པ་ལས། །དགྱེས་པ་ཆེན་པོའི་ངོ་བོ་ནི། །གསང་བ་ཡུམ་གྱི་བདག་ཉིད་དེ། །དམན་པ་རྣམས་ཀྱི་སྤྱོད་ཡུལ་མིན། །རང་བཞིན་ཕྱག་རྒྱ་ཆེན་པོ་ནི། །བྱེ་བྲག་དུ་མ་གཉིས་གནས་པ། །རང་བྱུང་རྟེན་གྱི་ཐིག་ལེ་ཉིད། །ལུས་ཅན་ཀུན་ལ་རབ་གནས་པ། །བདེ་བ་ཆེན་པོའི་རྒྱས་བཏབ་པའོ། །ཐབས་ཆེན་སྤྱི་ཡི་མཚན་ཉིད་ནི། །སྟེང་འོག་ཐབས་ལས་འབྱུང་བ་ཡི། །རླུང་དང་ཐིག་ལེ་གོམས་པ་ཡིས། །རྣལ་འབྱོར་རྣམས་ལ་རྒྱས་བཏབ་པའོ། །རང་བྱུང་བདེ་ཆེན་དམ་ཚིག་ནི། །ཐབས་དང་ཤེས་རབ་ལྡན་པ་ཡི། །ཐུགས་ཀྱི་ངོ་བོ་མི་གཡོ་བ། །ཕྱག་རྒྱ་ཆེན་པོར་ཡང་དག་བཤད། །གསུང་མཆོག་ཆོས་ཀྱི་ཕྱག་རྒྱ་ནི། །གཉིས་མེད་བཅུད་ལས་ཐིག་ལེའི་རྒྱུན། །ཕྱེད་འབྱུང་བརྟན་པར་རང་གསལ་བ། །མ་སྐྱེས་དོན་གྱི་གསུང་སྒྲོགས་པའོ། །ཐབས་དང་ཤེས་རབ་གཉིས་མེད་པའི། །རྐྱེན་དང་ཐབས་ཀྱི་ཕྱག་རྒྱ་ཡིས། །ཡེ་ཤེས་སྐྱེས་པའི་ལམ་ཡིན་ཏེ། །བསྐྱོད་ཅིང་རྒྱས་འདེབས་དོན་དུ་འདོད། །ཐབས་ཀྱི་ཕྱག་རྒྱ་ཆེན་པོ་ནི། །མ་ལུས་ལྷ་ཡི་རང་བཞིན་ལ། །ཐབས་ཀྱི་བདེ་ཆེན་རྒྱས་བཏབ་པས། །མཐའ་དབུས་མེད་པར་གསལ་བ་ལས། །རང་བྱུང་ཐབས་དང་བཅས་པ་ཡིས། །རང་རིག་བདེ་ཆེན་འབར་བ་ཡིས། །ཐམས་ཅད་མ་ལུས་ཁྱབ་པ་ཡི། །རང་རིག་བདེ་ཆེན་ཕྱག་རྒྱར་གསལ། །འདུལ་བའི་སྐྱེ་བོ་དཔག་མེད་ལ། །ཐབས་མཆོག་མོས་དང་འཚམས་པ་བཞིན། །བྱ་བྱེད་མེད་པར་རང་སྣང་བ། །བདེ་བ་ཆེན་པོའི་མཛད་པ་ཡིན། །བསྐུལ་བའི་ཚུལ་གྱིས་ལན་བླན་པ། །འདུས་པས་སྦྱར་བས་ཉམས་སྐྱེས་པ། །ཐུན་མོང་མ་ཡིན་སྟེང་འོག་ ― DNG011_Page_0522 ―
[མ་དཔེ་གཟིགས་ན་འདིར་གནོན།]
ཐབས། །བསྐུལ་བའི་རང་བཞིན་བསྟན་པ་ཡིན། །འགྲོ་བ་ཆགས་ཅན་གང་ཟག་ལ། །ཐབས་ཆེན་གསང་བ་འདི་བསྟན་པས། །མེ་ཏོག་ལ་ནི་ཆུ་བཞིན་དུ། །བདེ་ཆེན་འབྲས་བུ་ཐེ་ཚོམ་མེད། །རང་བཞིན་དམན་དང་ཐེག་པ་དམན། །དབང་དང་མན་ངག་མེད་པ་ལ། །བསྐལ་པ་བྱེ་བར་ཅི་བསྟན་ཀྱང་། །དོན་མེད་ངན་འགྲོར་ལྟུང་བར་འགྱུར། །གསང་ཡུམ་ཐབས་ཀྱི་སྤྱོད་པ་ཡིས། །ཤེས་རབ་གསུམ་ལ་ཉམས་སྦྱར་ན། །སྐལ་ལྡན་རྣལ་འབྱོར་ཕོ་མོ་རྣམས། །ཆོས་འདིས་གྲོལ་བར་ཐེ་ཚོམ་མེད། །ཐ་མལ་ཕྱག་རྒྱ་རང་འགྱུར་ཞིང་། །ལུས་ཅན་ཐབས་ཀྱིས་མངོན་སྦྱར་བས། །ཕྱི་ནང་སྣོད་བཅུད་མ་ལུས་པ། །བདེ་ཆེན་ཕྱག་རྒྱར་ཐེ་ཚོམ་མེད། །བདེ་ཆེན་ལས་བྱུང་འབྱུང་བཟློག་རྣམས། །བདེ་ཆེན་ཐིག་ལེས་བགྲོད་པའི་ལམ། །གསང་བའི་འབྲས་བུ་མངོན་ཐོབ་ལམ། །བཅུ་དྲུག་ཆ་ལ་རང་གནས་པའོ། །ཉི་ཟླ་འབར་བའི་དྲོད་གཤེར་ལས། །ལུས་སེམས་ཞིང་ས་ས་བོན་ལས། །དངོས་གྲུབ་ལོ་ཐོག་ཕུན་སུམ་ཚོགས། །མ་ལུས་ཀུན་གྱི་གཞིར་འགྱུར་བ། །ཐིག་ལེས་ཕྱོགས་ཆ་ཀུན་ཁྱབ་པ། །ལུས་ཅན་རྩ་ལ་རྒྱུ་བ་ཉིད། །ཐབས་ཆེན་ལྡན་པས་མངོན་སུམ་སྟེ། །ཐབས་བྲལ་ལམ་རྒྱས་བཏབ་པ་ཡིན། །སྟེང་འོག་ལམ་ལ་གོམས་བྱས་ཤིང་། །མེ་རླུང་སེམས་ལ་གསལ་བརྟན་ན། །རྣམ་སྨིན་སྙིགས་མར་བཅས་པ་འདི། །རྡོ་རྗེའི་ལུས་འགྱུར་ཐེ་ཚོམ་མེད། །འབྱེད་དང་སྡུད་དང་གཡོ་དང་བསྐྱོད། །འབེབས་དང་འདྲེན་དང་ཁྱབ་པ་དང་། །གནོད་དང་འབྱུང་སོགས་ལས་བྱེད་པ། །བསྐྱོད་པ་རླུང་གི་ཕྱག་རྒྱར་འདོད། །འབར་དང་སྨིན་དང་བཞུ་བ་དང་། །གསང་དང་བདེ་བ་ཟད་བྱེད་ཅིང་། །ལུས་གནས་ལ་སོགས་ལས་བྱེད་པ། །སྦྱོར་བ་མེ་ཡི་ཕྱག་རྒྱ་བཤད། །སྔ་མའི་ལམ་ནི་གོམས་པ་ལས། །འཁོར་ལོ་འབྱུང་བའི་ཕྱག་རྒྱ་མཆོག །འཛག་དང་བསིལ་དང་འབྱུང་བ་དང་། །གང་དང་མྱང་དང་འགགས་ལ་སོགས། །བཅུད་ཀྱི་གསོ་བའི་ ― DNG011_Page_0523 ―
[མ་དཔེ་གཟིགས་ན་འདིར་གནོན།]
ཐིག་ལེའི་ཆུ། །མ་ལུས་བདེ་བ་ཆེན་པོ་སྟེ། །ཁྱབ་པ་རང་རིག་མི་རྟོག་པ། །རང་བྱུང་ཡེ་ཤེས་རྒྱུ་འབྲས་འདས། །བདེ་བ་ཆེན་པོ་ནམ་མཁའི་ཁམས། །མ་ལུས་འདུས་པའི་ཐིག་ལེ་ནི། །དྭངས་མའི་སྙིང་པོ་བདེ་ཆེན་པོ། །གསང་བའི་ཐབས་ལ་བརྟེན་པ་ཡིན། །མ་ལུས་བདེ་བ་ཆེན་པོར་འགྱུར། །དྭངས་སྙིགས་ཕྱེ་བའི་ཐིག་ལེ་ཡིས། །ཁུ་བ་རྩི་ཡི་ཚུལ་དག་གིས། །ཁྱབ་པས་བདེ་ཆེན་དངོས་མེད་པར། །རང་བྱུང་ནམ་མཁའ་ལྟ་བུར་བཤད། །གསང་ཡུམ་སྙིང་པོ་འདུས་མ་བྱས། །བདེ་བ་རང་རིག་དངོས་མེད་གསལ། །གཉིས་མེད་ཐིག་ལེ་འཕྲོ་འདུ་མེད། །མཉམ་པ་ཆེན་པོ་ཆོས་ཀྱི་དབྱིངས། །ཐབས་དང་ཤེས་རབ་གཉིས་མེད་པའི། །འབྱུང་བ་གསང་བའི་ཐིག་ལེ་ནི། །མི་བསྐྱོད་རྡོ་རྗེ་རྩེ་ལྔ་པ། །ཉི་མ་ཐིག་ལེ་ཡི་གེ་དངོས། །རིན་ཆེན་པར་བུའི་ཉི་ལྔ་ལ། །ཟླ་བའི་ཐིག་ལེ་ཡི་གེ་ཉིད། །ཐིག་ལེ་ཐབས་ཤེས་ལྔ་གཉིས་རྣམས། །ཕྲད་པའི་དུས་ལ་རང་སྣང་བའི། །ཕྱག་རྒྱ་ཆེན་པོའི་དངོས་གྲུབ་འབྱུང་། །དབྱིངས་དང་ཡེ་ཤེས་བདག་པོ་ཉིད། །ཨོཾ་དང་མཱུཾ་དུ་བདག་པོ་གནས། །རང་རང་འདབ་མའི་ཐིག་ལེ་རྣམས། །རང་གི་གནས་ཀྱིས་བསྣོལ་མར་འགྱུར། །རབ་ཏུ་འདྲེས་པར་འགྱུར་བ་ལས། །རྒྱལ་བའི་ཡེ་ཤེས་བདེ་ཆེན་པོ། །མྱང་ཕྱིར་ཐོབ་པ་ཞེས་སུ་གསུངས། །གང་དུ་ཐབས་ཆེན་ལས་བྱུང་བའི། །འདྲེལ་བའི་ཐབས་ཆེན་མངོན་སྣང་བ། །ཐིག་ལེ་བཞིས་བསྡུས་གཅིག་ཏུ་འགྱུར། །རླུང་གིས་བསྡུས་པར་བཀན་པར་བརྗོད། །ཞལ་གྱི་ལམ་དག་རྒྱས་པ་ནི། །ཕྱག་རྒྱ་འབར་བ་ཅེས་བྱའི་སྒྲ། །ཟླ་བ་ཉི་མ་བསྒྲིབས་པ་ཡིས། །ཆུ་སྐྱེས་རབ་ཏུ་རྒྱས་པ་ཡི། །དྲིལ་བུ་སྒྲ་དང་ལྡན་པའོ། །ཕྱེད་ཕྱུང་ཚུལ་གྱིས་གར་བསྐྱོད་པ། །ལྟུང་བ་མེད་ཕྱིར་བརྟན་པར་བཤད། །ཟླ་བ་ཐིག་ལེ་རྗེས་མཐུན་པར། །དྲིལ་བུ་ཕྱེད་ཀྱིས་འབྱོར་དགྱེས་པ། །མཐའ་གཉིས་བྲལ་བའི་བྱང་ཆུབ་སེམས། །ཕྱག་རྒྱ་ཆེན་པོར་འདི་བརྗོད་དེ། །ཨེ་ལ་བཾ་གྱིས་བརྒྱན་པའོ། །ཐབས་ ― DNG011_Page_0524 ―
[མ་དཔེ་གཟིགས་ན་འདིར་གནོན།]
ཆེན་ཕྱག་རྒྱ་བསམ་མི་ཁྱབ། །བཅུ་དྲུག་བདེ་ཆེན་འགྲོ་འོང་མེད། །ཐིག་ལེ་བདེ་བས་རྒྱས་བཏབ་པའོ། །གསང་བའི་ཐིག་ལེ་ཆེན་པོ་ནི། །ཡོན་ཏན་རྫོགས་པའི་བདག་ཉིད་དེ། །མ་ལུས་བདེ་བར་རྒྱས་ཐེབས་པས། །ཐམས་ཅད་གཅིག་པའི་ཕྱག་རྒྱར་གསལ། །བདེ་ཆེན་ཐིག་ལེའི་ཕྱག་རྒྱ་འདིས། །ཇི་སྙེད་ཕྱི་ནང་དངོས་པོ་དག །ནམ་མཁའི་དབྱིངས་དང་མཉམ་པ་དག །མ་ཐེབས་པ་ནི་ཡོད་མ་ཡིན། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གསང་བ་གསུམ་བཀོད་ཅིང་རྒྱས་བཏབ་པའི་ལེའུ་སྟེ་བརྒྱད་པའོ།། །།དེ་ནས་གཞན་ཡང་བཤད་བྱ་བ། །ཐུན་མོང་ཐུན་མོང་མ་ཡིན་པའི། །གསང་བའི་དམ་ཚིག་ཁྱད་པར་དག །དེ་ནས་རིམ་པར་བཤད་པར་བྱ། །གང་ཞིག་གང་གིས་གང་ཐོབ་པ། །ལུས་དང་ངག་སེམས་ཅི་འཚམས་པར། །བསྲུང་བྱ་མ་ལུས་འདིར་འདུས་པ། །དེ་དག་དམ་ཚིག་མདོར་བཤད་པའོ། །འཁོར་བ་ཐབས་ཀྱིས་གཉེན་པོ་སེལ། །སངས་རྒྱས་འཁོར་ལོ་བསྟོད་བྱེད་ཅིང་། །དབང་བསྐུར་ཐབས་ཀྱིས་ཐོབ་པ་དང་། །བདུད་རྩི་སྙིང་ལ་འཇོག་པ་དང་། །དམ་པ་གསལ་བར་སྟོན་པ་དང་། །སློབ་དཔོན་སངས་རྒྱས་མཉམ་པར་བཤད། །མི་འབྲལ་སྲོག་གིས་བསྡུས་པ་ཡི། །དང་པོ་ནས་གསུང་མཐར་ཐུག་པར། །མེ་དང་འོད་དག་གཅིག་པ་ལྟར། །རིག་པར་སྒོ་གསུམ་བཀུར་བར་བྱ། །བླ་ན་མེད་པ་བྱང་ཆུབ་སེམས། །རིམ་པ་བཞིན་དུ་བསྐྱེད་པར་བྱ། །བླངས་བསྟན་མཐར་རྫོགས་སྙིང་པོའི་བར། །བརྟན་ཞིང་ངེས་པར་གཟུང་བར་བྱ། །གསང་བ་ཐབས་ཀྱི་རྒྱས་བཏབ་ནས། །མ་ལུས་ཕྱག་རྒྱ་རང་གི་ལྷ། །སྒོ་གསུམ་བར་ཆད་མེད་པ་ནི། །གསུང་གི་དམ་ཚིག་གསང་བའོ། །མ་ལུས་དམ་པར་ཕྱིན་རློབ་པའི། །རྡོ་རྗེ་འདུས་པའི་ཆུ་བོ་འདི། །སྐལ་ལྡན་འགའ་ཡི་སྤྱོད་ཡུལ་ཏེ། །སྤེལ་ན་དམ་ཚིག་ཉམས་པར་འགྱུར། །ཞིང་བཅུ་ཐབས་ཀྱིས་སྒྲོལ་བ་དང་། །མ་བྱིན་པར་ནི་ལེན་པ་དང་། །རྫུན་དུ་སྨྲ་བར་བྱ་བ་དང་། །གཟུངས་མ་དག་ ― DNG011_Page_0525 ―
[མ་དཔེ་གཟིགས་ན་འདིར་གནོན།]
ལ་སྦྱར་བ་དང་། །བླང་བའི་དམ་ཚིག་སྤྱད་པ་ནི། །རྣལ་འབྱོར་སྐྱེས་བུར་ཤེས་པར་བྱ། །ཉོན་མོངས་ལྔ་དང་འདོད་ཡོན་ལྔ། །རྟེན་དང་ཤེས་པ་ལ་སོགས་པ། །རྣལ་འབྱོར་སྐྱེས་བུས་ཉམས་སུ་བླངས། །འདི་ནི་ཐུན་མོང་དམ་ཚིག་སྟེ། །རྣལ་འབྱོར་པ་ཡིས་བསྲུང་བར་བྱ། །བདུད་རྩི་ལྔ་དང་ཤ་ལྔ་དང་། །འབྱུང་ལྔ་ལུས་ཀྱི་བདུད་རྩི་དག །འཁོར་ལོ་ཐབས་ཀྱི་ཁྱད་པར་དག །བཅུད་ནི་གསང་བར་བརྟེན་པར་བྱ། །དཀའ་ཐུབ་ཅན་དང་ཐ་མལ་དང་། །འཇིག་རྟེན་གྲགས་པས་སྤངས་པ་ཡི། །སྤྱད་པ་དང་ནི་རྟེན་པ་དང་། །རང་ཉམས་ཐབས་དང་ལྡན་པས་སྤྱད། །རང་ལུས་བཅུད་ཀྱི་བདུད་རྩི་ཡིས། །རང་རིག་བདེ་ཆེན་མི་རྟོག་པ། །གསང་བ་ཐབས་ཆེན་ལྡན་པ་ཡིས། །བདུད་རྩིའི་བཅུད་ཀྱིས་ཡིད་ཚིམ་བྱ། །ནམ་མཁའི་བདུད་རྩི་མྱང་བ་ལས། །ཟག་མེད་བདེ་བས་ཁྱབ་པ་ན། །ཚེ་དང་མངོན་ཤེས་རྫུ་འཕྲུལ་དང་། །དངོས་གྲུབ་མཆོག་ནི་འབྱུང་བར་འགྱུར། །བསྐྱོད་པ་རླུང་གི་ཕྱག་རྒྱ་ལས། །ཐམས་ཅད་ལྡན་པས་བསྐུལ་བསྐྱོད་པས། །སྟེང་འོག་རང་བཞིན་དྲོད་བསྐུལ་བས། །འབྱུང་བ་དྲོད་ལྡན་འབྱུང་བ་ཡིས། །རང་བྱུང་བདེ་བའི་འཁོར་ལོ་རིམ། །ཐོགས་མེད་འབྱུང་བར་ཐེ་ཚོམ་མེད། །རང་བྱུང་འཁོར་ལོ་བཞིའི་ཡུལ་ལ། །ཏིང་འཛིན་བལྟ་བས་གང་བསྐུལ་བ། །གནས་བཞི་ཐིག་ལེ་བདེ་བའི་རོ། །གསལ་འགྲུབ་མཉམ་པ་ཆེན་པོར་མཐོང་། །དྷརྨྨ་ཙཀྲ་སྙིང་འཁོར་ལོ། །དྭངས་མ་ལྔ་དང་ས་བོན་དྲུག །རྩ་བཞི་འོད་དང་སྙིང་པོ་གསུམ། །ཐུགས་ལས་འོད་བྱུང་རིམ་བསྐུལ་བས། །བསྲེག་བཞུ་རིམ་ཐིམ་གནས་ཐིག་ལེའི། །ནམ་མཁའི་ཡེ་ཤེས་གསལ་བར་མཐོང་། །རང་བྱུང་ཡེ་ཤེས་ཐིག་ལེའི་དབྱིངས། །རྐྱེན་བྲལ་ཐིག་ལེ་མེད་པ་སྟེ། །ཐབས་ལྡན་འཛག་པས་བདེ་བ་བསྐྱེད། །དེ་ཉིད་བདེ་བས་ཐིག་ལེའི་དབྱིངས། །ལུས་ནི་ལྷ་སྟེ་བདེ་ཆེན་པོ། །དཀའ་ཐུབ་གདུག་སྩོགས་བྱ་བ་མིན། །འདོད་ལྔ་ཐབས་ཀྱི་བཅུད་ཆེན་གྱིས། །རྟག་ཏུ་ཐབས་ཀྱིས་མཆོད་པར་བྱ། །རྣལ་ ― DNG011_Page_0526 ―
[མ་དཔེ་གཟིགས་ན་འདིར་གནོན།]
འབྱོར་སྐབས་ཀྱི་ལས་ལྡན་ལ། །ལུས་དང་དབང་པོ་དར་བ་དང་། །འདོད་རྟེན་བརྟུལ་ཞུགས་ལྡན་པ་ཡི། །གང་ཟག་ཕོ་མོ་སྤྱོད་ཡུལ་ཡིན། །ཐུན་མོང་མིན་པའི་དམ་ཚིག་འདི། །དམན་དང་དཀའ་ཐུབ་དྲན་པ་དང་། །རྒས་དང་རྒུད་དང་བྱ་བ་མང་། །འདོད་པ་བྲལ་མཐའི་བཏང་སྙོམས་པ། །མ་རབས་རྣམས་ཀྱི་སྤྱོད་ཡུལ་མིན། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གསང་བ་དམ་ཚིག་གི་ལེའུ་སྟེ་དགུ་པའོ།། །།དེ་ནས་གཞན་ཡང་བཤད་བྱ་བ། །སྐལ་ལྡན་རྣལ་འབྱོར་ལམ་གཞག་ཕྱིར། །རིམ་པ་ལྔ་ལས་རིམ་འབྱོར་བའི། །དབང་གི་ཁྱད་པར་བཤད་པར་བྱ། །འདི་ནི་སངས་རྒྱས་ཐམས་ཅད་ནི། །དབང་བསྐུར་གནས་པ་རྨད་བྱུང་བ། །དཀྱིལ་འཁོར་སློབ་དཔོན་སློབ་མ་དག །བྱིན་རླབས་ཏིང་འཛིན་ལས་ཚོགས་ཀྱིས། །སྐལ་ལྡན་རིམ་པར་དབང་བསྐུར་བས། །གོང་ནས་གོང་དུ་སྨིན་པར་བྱེད། །བརྒྱུད་པའི་རིམ་པ་དང་བྲལ་ན། །འཇུག་པའི་རིམ་པ་ཉམས་པར་འགྱུར། །འཁོར་བའི་རྒྱ་མཚོར་ལྟུང་བར་འགྱུར། །ཕྱི་ནང་གསང་བའི་ཁྱད་པར་དག །བཅུད་ཀྱི་ཐིག་ལེ་ཉམས་པ་ཡིན། །ཇི་སྙེད་ཕ་རོལ་བཤད་པ་ཡིས། །འཛིན་བྲལ་རང་རིག་ཉིད་དུ་མཉམ། །ཐིག་ལེ་རྩ་དང་ཐབས་ལྡན་ན། །རིགས་དང་ན་ཚོད་ལོ་གྲངས་དང་། །རབ་འབྲིང་ཐ་མ་ཁྱད་པར་དང་། །ཐིག་ལེ་སྐྱེ་བའི་ཞིང་དུ་མཉམ། །གོང་དུ་བཞི་ཡི་ཁྱད་པར་བརྟགས། །རིགས་དང་དད་པ་ལུས་ངག་སེམས། །རིམ་པ་ཇི་བཞིན་བརྟག་པར་བྱ། །དེ་ནས་རིགས་ཀྱི་བདག་པོ་ལ། །རྩོད་པ་མེད་པར་བླང་བར་བྱ། །ཐབས་ཀྱི་ཆོ་གས་ནན་ཏན་གྱིས། །བདག་ཉིད་དབང་དུ་གྱུར་པར་བྱ། །ཕྱི་ནང་གསང་བའི་སྔགས་རྫས་དག །སྐྱོན་མེད་དག་པར་སྦྱང་བར་བྱ། །ལུས་ངག་གསང་བའི་གནས་དག་ནི། །ཆོ་ག་ལྡན་པར་བྱིན་གྱིས་བརླབ། །གང་དུ་དགོས་པའི་ཆོས་མཐུན་ལྟར། །གཟུང་བའི་ཚུལ་དུ་བརྩམ་པར་བྱ། །བར་ཆད་ ― DNG011_Page_0527 ―
[མ་དཔེ་གཟིགས་ན་འདིར་གནོན།]
མ་ལུས་ཞི་བའི་ཕྱིར། །བསྲུང་བའི་ཆོ་གས་རྩམ་པར་བྱ། །ལུས་དང་རྩ་དང་ལོ་གྲངས་སོགས། །ཇི་བཞིན་མ་ཡིན་ཐབས་མཚོན་པས། །སོར་བཞི་ནམ་མཁའ་དབྱིངས་ཀྱི་བར། །ཉམས་ཀྱི་ཚད་ཀྱང་བསྟན་པ་ཡིན། །གྲུ་བཞི་ཚད་ལྡན་དཀྱིལ་འཁོར་ལ། །ཇི་ལྟར་རྒྱུ་བའི་རང་བཞིན་དག །འདི་དག་དཀྱིལ་འཁོར་མཚོན་པ་སྟེ། །མི་གྲུབ་མཚོན་པ་ལེགས་པར་བཤད། །ལུས་ངག་ཕུང་ཁམས་སྐྱེ་མཆེད་དག །བདེ་ཆེན་ལྷར་བཅས་སྐུ་གསུང་ཐུགས། །བྷ་ག་དཀྱིལ་འཁོར་རྒྱན་དང་བཅས། །ཡེ་ཤེས་ལྔ་མཚོན་བདག་ཉིད་དོ། །ཆོ་ག་སྔགས་དང་ཕྱག་རྒྱ་ཡིས། །རང་ལྷར་གསལ་ནས་གནས་ལྔ་དག །གསལ་བའི་ཁྱད་པར་ཇི་བཞིན་དུ། །བདག་གམ་གཞན་གྱིས་བྱིན་གྱིས་བརླབ། །རང་ལུས་ངག་སེམས་སྐུ་གསུང་ཐུགས། །བསྐྱེད་པའི་དཀྱིལ་འཁོར་རང་གསལ་བ། །ནམ་མཁའ་ཁྱབ་པའི་བྱིན་བསྡུས་ཏེ། །ལུས་ཀྱི་དཀྱིལ་འཁོར་བྱིན་གྱིས་བརླབ། །གསང་བ་གཉིས་ཀྱི་དཀྱིལ་འཁོར་དུ། །བདེ་བའི་ཐིག་ལེ་བཅུད་སྦྱར་ཏེ། །མེ་ལྷ་གཉིས་ཀྱི་ཞལ་དུ་བསྟབ། །དགྱེས་པ་ཕུན་སུམ་ཚོགས་པར་འགྱུར། །ཤེས་རབ་ཐབས་ཀྱི་རྩ་གནས་སུ། །དྲ་བའི་ཐིག་ལེ་ཡི་གེ་ཉིད། །སྒྱུ་འཕྲུལ་དཀྱིལ་འཁོར་གཉིས་སུ་བརླབ། །བྷ་ག་འདུས་པའི་ཉུང་འབྲུ་རུ། །ཁམས་གསུམ་འགྲོ་རྣམས་བསྡུས་བྱས་ཏེ། །རྟོག་ཚོགས་དཀྱིལ་འཁོར་མངོན་དུ་བྱ། །ཕྱོགས་བཅུ་དུས་བཞི་སྤྱན་དྲངས་ཏེ། །སངས་རྒྱས་ཐིག་ལེར་གྱུར་པ་ཡིས། །རྩེ་ཐིམ་བཅུད་ཀྱི་ཐིག་ལེ་ཡིས། །བདེ་བ་ཆེན་པོར་བྱིན་གྱིས་བརླབ། །ཐབས་དང་ཤེས་རབ་འདུས་པ་ཡིས། །ཉི་ཟླ་རྟེན་གྱི་ཐིག་ལེ་དག །སྟེན་པ་རླུང་གི་ཐབས་བསྒྱུར་བས། །ཐོགས་མེད་ལྷན་ཅིག་སྐྱེས་པར་འབྱུང་། །ས་བོན་རིམ་པར་འཕེལ་བ་འམ། །ཚེས་ནས་ཟླ་བ་བཅུ་དྲུག་ལྟར། །བར་ཆད་བསལ་བས་གོམས་གྱུར་ན། །བདེ་ཆེན་ནམ་མཁའ་ལྟ་བུར་འགྱུར། །རླུང་གིས་ཟིན་དང་མ་ཟིན་ལས། །ཆགས་དང་མ་ཆགས་ ― DNG011_Page_0528 ―
[མ་དཔེ་གཟིགས་ན་འདིར་གནོན།]
བདེ་བ་འབྱུང་། །དུག་ལ་ཐབས་དང་ལྡན་བྲལ་ལྟར། །འཆིང་དང་གྲོལ་བར་སྣང་བ་ཡིན། །གང་ཞིག་ཐབས་ཀྱིས་མ་ཟིན་པར། །ཆགས་པའི་བདེ་བ་གང་བསྟེན་པ། །ཐར་མེད་འཁོར་བའི་ས་བོན་ཏེ། །བསྐལ་པ་བྱེ་བར་སྲིན་བུར་ལྟུང་། །མ་ཆགས་ཐབས་བྲལ་འཁོར་བ་སྟེ། །ཆགས་པ་ཐབས་བྲལ་འཁོར་བ་ཉིད། །ཐབས་ཆེད་ལྡན་པའི་རྣལ་འབྱོར་ལ། །ཐམས་ཅད་བདེ་བ་ཆེན་པོར་གནས། །ཐིག་ལེ་ཆེན་པོའི་རང་བཞིན་ལ། །ཇི་ལྟར་ཡོན་ཏན་ཀུན་འདུས་པས། །ཐབས་ཟིན་རོས་ནི་ནམ་མཁའ་ལྟར། །ཐམས་ཅད་ཁྱབ་པའི་ཚུལ་དུ་སྣང་། །རང་བྱུང་བདེ་བའི་ཐིག་ལེ་ཉིད། །ཟིན་ནས་གསང་བའི་མཐར་ཕྱིན་པས། །དང་པོ་རྟེན་ཅན་དབང་པོ་ལྔ། །བདེ་བའི་ཐིག་ལེས་རྒྱས་བཏབ་ལ། །དེ་ནས་རྟེན་མེད་ཉམས་མྱོང་གིས། །ཐབས་དང་འཛིན་པ་བསམ་ཡས་པས། །ཐམས་ཅད་བདེ་ཆེན་ངོ་བོར་གསལ། །ཇི་སྙེད་ཆོས་ཀུན་མ་ལུས་པ། །རྒྱ་མཚོ་ལ་ནི་ཆུ་ཀླུང་ལྟར། །ཐ་དད་སྣང་བ་མ་ཡིན་ཏེ། །བདེ་ཆེན་ཐིག་ལེའི་ངོ་བོར་ཐིམ། །རང་བྱུང་ཉམས་ལ་བརྟན་ཐོབ་པས། །ཕྱི་ནང་བདེ་ཆེན་རང་རིག་པས། །ཤེས་པ་འཇུག་པའི་ཡུལ་ལས་འདས། །རིག་པའི་ཐིག་ལེ་སྐྱེ་བ་མེད། །བདེ་ཆེན་ཐིག་ལེ་ཁྱབ་པ་ལ། །རླུང་དང་ཐིག་ལེ་འགྲོ་འོང་མེད། །འཕེལ་བ་མེད་ཅིང་འགྲིབ་པ་མེད། །རྒྱུ་འབྲས་མེད་ཅིང་རིམ་པ་མེད། །ནམ་མཁའ་ལ་ནི་རང་སྣང་བཞིན། །རྟོག་པའི་དབང་པོ་དག་པ་ལས། །དབང་ཡུལ་ལ་སོགས་གང་སྣང་བ། །བདེ་བ་ཆེན་པོའི་རང་བཞིན་གསལ། །འདིས་ནི་ནམ་མཁའི་མཐར་ཐུག་པར། །ཆོས་དབྱིངས་མཉམ་དང་མི་མཉམ་པར། །བདེ་བ་ཆེན་པོ་ཆོས་ཀྱི་དབྱིངས། །གསང་བ་གཉིས་མེད་དག་པའོ། །སངས་རྒྱས་ཀུན་གྱི་བསྔགས་པ་ཡི། །གསང་བའི་དམ་ཚིག་ཆེན་པོ་འདི། །མུ་སྟེགས་ཅན་དང་དཀའ་ཐུབ་ཅན། །དམན་པའི་རིགས་ཅན་ཡུལ་མ་ཡིན། །བདེ་བ་མེད་པའི་ཆགས་བྲལ་འདི། །ནམ་མཁའ་ལ་ནི་མྱུ་གུ་ལྟར། །བདེ་བ་ཆེན་པོ་ཐིག་ལེ་ཉིད། །འབྱུང་བར་ནུས་པ་མ་ཡིན་ནོ། །ཐིག་ལེ་ཐབས་ཀྱིས་མ་ ― DNG011_Page_0529 ―
[མ་དཔེ་གཟིགས་ན་འདིར་གནོན།]
ཟིན་པ། །གང་གིས་ཞེན་པས་དེ་སྤྱད་པས། །ཐ་མལ་པ་དང་མུ་སྟེགས་ཀྱི། །ལོག་པའི་ལམ་དུ་ལྟུང་འགྱུར་བས། །ཟག་པས་རྒས་དང་རྒུད་པ་དང་། །ཉམས་དང་བརྒྱལ་དང་ནད་གཟིར་དང་། །ལོག་པའི་གདུང་བས་གཟིར་བ་དང་། །རིགས་ངན་མངལ་དུ་སྐྱེ་བར་འགྱུར། །རྟག་ཏུ་འདོད་ལ་ཞེན་པ་ནི། །དེ་བཞིན་ཞེན་པས་སེལ་བར་བྱེད། །སྤོང་དང་འགེག་པ་སྲེད་འཕེལ་ཏེ། །དབུལ་པོ་ཡོ་བྱད་བྲལ་བ་བཞིན། །བདེ་ཆེན་ཐིག་ལེའི་མན་ངག་འདི། །རིག་པ་སོ་སོར་གནས་སུ་བསྡིམ། །བསྐྱོད་པ་ཧ་ཡིས་བསྐུལ་བ་ཡིས། །བདག་ཉིད་ཆེན་པོ་ལྔ་ཡི་རྒྱུན། །སྟེང་སྒོ་ནས་བྱུང་བདེ་བའི་བཅུད། །སོ་སོའི་བཞི་བཅུ་གཉིས་ལ་ཐིམ། །ཀུན་ནས་བདེ་བའི་ཡེ་ཤེས་ཆེ། །རྒྱལ་བ་མཉེས་པའི་མཆོག་ཏུ་གསུངས། །བཅོ་བརྒྱད་ཕྲག་གཉིས་བུམ་པ་དང་། །དྲུག་གཉིས་གཟེར་གྱིས་སྦྱངས་ནས་ནི། །དབང་བསྐུར་བྱིན་རླབས་བདེ་ཐོབ་པ། །ཐེག་པ་ཆེན་པོར་དབུགས་ཕྱུང་བའོ། །དབུལ་བའི་ཁྱད་པར་དང་སྦྱར་ནས། །དཀྱིལ་འཁོར་གཉིས་ལ་བརྟེན་གོམས་ནས། །ཕྲ་བའི་ཁྱད་པར་ནས་བསམ་ནས། །ནམ་མཁའི་མཐར་ཐུག་བར་དུ་བྱ། །ཕྱི་ནང་གསང་བའི་དཀྱིལ་འཁོར་དུ། །བྱ་བའི་ལས་རྣམས་མཐར་ཕྱིན་ནས། །འཇུག་དང་ཉམས་རྙེད་བླ་མ་ཡིས། །སློབ་མའི་རིམ་པ་སྨིན་པའི་ཕྱིར། །འཇུག་པའི་ཆོ་ག་ཚུལ་བཞིན་བྱ། །དཀྱིལ་འཁོར་གང་དང་འཚམས་པ་ལ། །འཇུག་པའི་ཆོ་ག་རྒྱས་བྱས་པས། །བདག་གཞན་ནུས་པ་མཐར་ཕྱིན་པས། །བདེ་ཆེན་ལྷུན་གྱིས་གྲུབ་པར་འགྱུར། །བླ་མེད་དབང་ཕྱུག་མཉེས་བྱའི་ཕྱིར། །རིགས་སམ་ཡང་ན་འབྱོར་པ་ཡི། །སེར་སྣ་སྤངས་པའི་ཟང་ཟིང་དག །ཕོངས་པ་མེད་པའི་སེམས་ཀྱིས་དབུལ། །གང་དུ་དད་དང་བརྩོན་འགྲུས་དང་། །བརྟུལ་ཞུགས་གསུམ་དང་ལྡན་པ་ལ། །ས་བོན་འཇུག་དང་ནུས་བྱེད་ནས། །བདེ་བའི་དབང་ནི་རིམ་བཞིན་སྦྱིན། །ཕྱག་རྒྱ་ཆེན་པོ་ནམ་མཁའི་དབྱིངས། །སོར་བཞི་ཚད་དུ་རང་བཞིན་གནས། །བདེ་བ་ཡེ་ཤེས་ཐུགས་དཀྱིལ་འཁོར། །ཁ་དོག་དབྱིབས་དང་ལྡན་པར་བྱ། །ཐབས་ཀྱི་རང་གནས་ཆོ་གར་ལྡན། །འཇུག་ ― DNG011_Page_0530 ―
[མ་དཔེ་གཟིགས་ན་འདིར་གནོན།]
པ་པོས་ཀྱང་གསོལ་བ་གདབ། །ཐབས་དང་ཤེས་རབ་ཉི་ཟླའི་འབྲུ། །ཕྲ་མོ་གསལ་བའི་རང་བཞིན་ལ། །རྒྱལ་བའི་དཀྱིལ་འཁོར་ལྷུན་རྫོགས་པ། །གསལ་བར་གནས་པ་བྲིས་པ་ཡིན། །ཐལ་མོ་ཞེས་བྱ་སྡེབས་པའི་སྒྲ། །དབང་པོ་ཡུལ་དུ་རབ་སྦྱོར་བས། །ཕྱག་རྒྱ་ཆེན་པོ་ནམ་མཁའི་དབྱིངས། །བརྟུལ་ཞུགས་ཆེན་པོའི་ཕང་དུ་བླངས། །རྡོ་རྗེ་མཛུབ་མོའི་རྩེ་དག་ཏུ། །ཏིལ་འབྲུ་ནམ་མཁའི་གཞལ་ཡས་སུ། །རི་རབ་གཅིག་གི་ཕྱག་རྒྱ་དགོད། །ཐབས་ཀྱི་ཆོ་གར་རབ་གནས་བྱ། །གསང་བའི་ཆོ་ག་ལུགས་སུ་དབུལ། །དབང་བསྐུར་ཕྱག་རྒྱ་ལ་གནས་པས། །རང་བྱུང་ཐིག་ལེ་སྣ་ཚོགས་འགྲུབ། །བཅུ་དྲུག་ཚུལ་གྱིས་འགྲུབ་པ་ནི། །གསང་བའི་ཡོ་བྱད་ལྡན་པ་ཡི། །གསང་བའི་གནས་ལ་སྦྱར་བརྩོན་པས། །ཟླ་བ་འཕེལ་བའི་རིམ་པ་བཞིན། །བདེ་བ་ཆེན་པོ་རྫོགས་པར་འགྱུར། །མ་ཉམས་ཐབས་དང་ཉམས་ལྡན་པས། །ལོ་ཟླ་ཚེས་གྲངས་རབ་འབྲིང་གིས། །དབང་བསྒྱུར་ཕྱག་རྒྱ་ལ་གནས་པས། །རང་བྱུང་ཐིག་ལེ་སྣ་ཚོགས་འགྲུབ། །བཅུ་དྲུག་ཚུལ་གྱིས་འགྲུབ་པ་ནི། །བདག་གཞན་བྱ་བ་མཐར་ཕྱིན་པ། །བདེ་ཆེན་སྟོང་ཉིད་ཐིག་ལེ་ལ། །རོལ་པའི་ཐིག་ལེ་རང་ཤར་བ། །དགག་བསྒྲུབ་མེད་པའི་ཚུལ་གྱིས་སྣང་། །བདེ་འདུས་ཡེ་ཤེས་ཐིག་ལེ་ལ། །མཐའ་ཡས་ཡེ་ཤེས་རང་སྣང་ལ། །རང་བྱུང་ཐིག་ལེ་བདེ་ཆེན་ལས། །མ་བཙལ་ལྷུན་གྲུབ་རིག་འཛིན་མཆོག །བདེ་ཆེན་རིག་པ་ལས་བྱུང་བའི། །ཞིང་ཁམས་གཞལ་ཡས་སྐུ་གསུང་ཐུགས། །གཅིག་དང་དུ་མ་ལས་འདས་པ། །གསང་བ་ཆེན་པོའི་མཚན་ཉིད་དོ། །དེ་ནས་གཞན་ཡང་བཤད་བྱ་བ། །ཐུན་མོང་བྱིན་རླབས་དཀྱིལ་འཁོར་དུ། །རིགས་ལྡན་བརྩོན་འགྲུས་ཅན་དག་ལ། །རྒྱལ་པོ་ལྟ་བུ་གང་སྦྱིན་པ། །ཁམས་བཅུད་བདེ་བའི་ལམ་ཉིད་དུ། །དབུ་མ་བཅུད་ལྡན་མཚན་ལྡན་པ། །དྲ་བའི་རྩ་དང་དབང་པོ་དང་། །ཕུང་སོགས་ཡེ་ཤེས་བདེ་འཁོར་ལོ། །ཧཱུཾ་གི་བདེ་བ་ཡེ་ཤེས་བཅས། །ཚོགས་བརྒྱད་རང་བཞིན་ཡེ་ ― DNG011_Page_0531 ―
[མ་དཔེ་གཟིགས་ན་འདིར་གནོན།]
ཤེས་ལྔ། །སྔགས་རྫས་དགོངས་པས་གང་བསླངས་པ། །ཀུན་ནས་ལྡན་ཞིང་སྐྱོབ་པ་ཡིས། །སྡུག་བསྔལ་ལས་གྲོལ་རིགས་སུ་ངེས། །སྤྱི་མགྲིན་སྙིང་དང་ཡན་ལག་སོགས། །རང་བྱུང་རྟེན་གྱི་ཐིག་ལེ་ལས། །རིགས་ཀྱི་ཕྱག་རྒྱ་གསལ་ལྡན་པ། །གཉིས་མེད་ཐིམ་པའི་བྱིན་རླབས་ཀྱིས། །ནུས་པ་ལྔ་ལྡན་ཕྱག་རྒྱར་སྨིན། །ཐབས་ཀྱི་ཆོ་ག་དབང་བསྐུར་བས། །རྒྱལ་མཆོག་རྒྱས་བཏབ་ཕྱག་རྒྱའི་མཆོག །རྒྱལ་མཆོག་ཉིད་དུ་གྲུབ་པ་ཡིན། །ཐབས་དང་ཤེས་རབ་བྱིན་རླབས་ཀྱིས། །མི་སྤྱོད་ཡབ་ཡུམ་རོལ་པ་ལས། །བདེ་བ་གསལ་ཞིང་དམིགས་པ་ལ། །ཤེས་རབ་ཐབས་ཀྱི་ཕྱག་རྒྱའོ། །རྡོ་རྗེ་ཡེ་ཤེས་ཧཱུཾ་ཚོགས་ཀྱིས། །པདྨ་ཡེ་ཤེས་བསྡུས་འཁྱིལ་པའི། །ཉུང་དཀར་ཚད་ཙམ་རྡོ་རྗེ་སེམས། །རྩེ་ནས་རྩེ་རུ་ཕྱིན་པ་ཡིས། །རང་བཞིན་ཆོས་ཁམས་དཀྱིལ་འཁོར་གྱིས། །ས་བོན་ཟུང་གསུམ་གཉིད་དང་བཅས། །གནས་ངན་ལེན་པ་གསུམ་སྦྱངས་ཏེ། །དམིགས་མེད་སེམས་ཀྱི་ཡེ་ཤེས་ལྔ། །གསལ་བས་ས་བོན་ཚིག་པ་བཞིན། །མི་སྐྱེ་ཐབས་ཀྱིས་དབུགས་ཕྱུང་བའོ། །དེ་ནས་གཞན་ཡང་བཤད་བྱ་བ། །རྗེས་སུ་འཇུག་པའི་ཕྱག་རྒྱ་ཉིད། །ཟིལ་བའི་ཐིག་ལེ་སྔོན་ལམ་བཞིན། །བཅུ་དྲུག་ཕྱེད་ཕྱེད་ཐིག་ལེ་གཅིག །ཕན་ཚུན་བཀོད་པའི་སྡོམ་གྱིས་བསྡམ། །བདེ་བ་གཉིས་པའི་ངོ་བོ་ཉིད། །གསུམ་པ་ཡེ་ཤེས་དཀྱིལ་འཁོར་དུ། །གསལ་བའི་བཤད་པ་གྱུར་པའི་སྒྲ། །རང་བཞིན་འོད་གསལ་དཀྱིལ་འཁོར་རོ། །དེ་ནས་གཞན་ཡང་བཤད་བྱ་བ། །རྡོ་རྗེ་ཉི་མ་ཐབས་ཀྱི་རྒྱ། །ཕུང་སོགས་ཕྱག་རྒྱའི་ཚོགས་དང་ལྡན། །དེ་ཟླ་བསིལ་བྱེད་ཤེས་རབ་དངོས། །དུས་གཅིག་རོ་མཉམ་ཐིག་ལེ་ཆེ། །སུམ་ཅུ་རྩ་གཉིས་མཚན་རྫོགས་ཤིང་། །ཟླ་བ་ཡེ་ཤེས་ལྔ་བཅུ་དྲུག །དཔེ་བྱད་ལ་སོགས་དཔག་ཏུ་མེད། །སེམས་ཤེས་མངོན་པར་ཤེས་དང་ལྡན། །སེམས་མཐའ་འགྲོ་ཡི་རྫུ་འཕྲུལ་ཆེ། །གནས་ནས་ལོག་པར་ཐིམ་པའི་སྒྲས། །མཐའ་གཉིས་མ་གོས་པདྨ་ཅན། །སྤྲུལ་བའི་གནས་ནས་སྐྱེ་བ་ཡིས། །བཞི་བཅུ་རྩ་ལྔ་རྫོགས་མཐའ་ ― DNG011_Page_0532 ―
[མ་དཔེ་གཟིགས་ན་འདིར་གནོན།]
ཡས། །ཀུན་དང་གཞན་ཉིད་རང་གསལ་བས། །བཅུ་གསུམ་ཡི་གེ་འཁོར་ལོ་བརྗོད། །རྒྱལ་བ་ཀུན་གྱི་སྐུ་གསུང་ཐུགས། །དབྱེར་མེད་ཐིག་ལེ་ངོ་བོ་ཉིད། །དབང་བསྐུར་ལྔ་ཡི་ཁྱད་པར་ཏེ། །སྐལ་ལྡན་རྣམས་ལ་བསྟན་པ་ཡིན། །གོང་དུ་བསྐལ་པ་བྱེ་བ་ཡི། །ཐུན་མོང་ཐུན་མོང་མ་ཡིན་པའི། །སྡིག་པ་བྱས་པ་གང་ཡིན་དང་། །དཀའ་ཐུབ་སྡོམ་པས་ལུས་གདུངས་ཤིང་། །སྡུག་བསྔལ་ཉེ་བར་གཟིར་བ་ཀུན། །དབང་བསྐུར་ཐབས་ཀྱིས་ཚེ་འདིར་གྲོལ། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། དབང་བསྐུར་བར་བཤད་པའི་ལེའུ་སྟེ་བཅུ་པའོ།། །།དེ་ནས་གཞན་ཡང་བཤད་བྱ་བ། །ཐབས་དང་ཤེས་རབ་གཉིས་མེད་པའི། །གསང་ཆེན་ལམ་ལ་ཞུགས་པ་ཡི། །ལམ་གྱི་དོན་གྱི་བརྟུལ་ཞུགས་བཤད། །དཔག་ཏུ་མེད་པའི་ལོག་རྟོག་དང་། །མོས་པའི་སྤྱོད་པའི་ཁྱད་པར་ལྟར། །བརྟུལ་ཞུགས་མཐའ་ཡས་འདི་གསུངས་སོ། །འདི་ལྟར་ཐབས་ལྡན་བདེ་བར་གསལ། །ཐལ་བའི་དབྱངས་ལ་སོགས་པ་ཡི། །ཇི་སྙེད་གདུལ་བྱ་མ་ལུས་པ། །ཆགས་པ་ཅན་དང་ལོག་སྲེད་ཅན། །འདུལ་བའི་དོན་དུ་བསྟན་པ་ཡིན། །རང་བཞིན་མཉམ་པའི་དོན་གཅིག་ཀྱང་། །རྐྱེན་གྱིས་ཐ་དད་སྣ་ཚོགས་པའི། །ལས་དང་སྤྱོད་པ་མཐའ་ཡས་ཀྱང་། །རང་བཞིན་ཉིད་ལ་ལྡན་བྲལ་མེད། །རང་བཞིན་མ་བཅོས་ཆོས་ཀྱི་དབྱིངས། །ལོག་དང་མ་ལོག་མཐའ་ཡས་པ། །གཉིས་མེད་གསང་བར་གསལ་བས་ན། །སྤྱད་དང་མི་སྤྱད་མཚན་ཉིད་གཅིག །ནམ་མཁའ་རང་བཞིན་ཁྱབ་པ་ལ། །སོ་སོའི་རང་བཞིན་མ་བཀག་པ། །རང་རིག་སེམས་ཉིད་ཅིར་ཡང་སྣང་། །ངོ་བོ་ཉིད་ལ་དབྱེར་མེད་དོ། །ངོ་བོ་མི་རྟོག་ལོག་པ་སྟེ། །བག་ཆགས་བཀྲུས་པའི་རང་བཞིན་ཉིད། །ལོག་སྤྱོད་འཇིག་རྟེན་ཞེན་པ་ཅན། །འདི་དག་ལོག་པའི་བརྟུལ་ཞུགས་པའོ། །སྤང་ལེན་ཅན་དང་དགག་བསྒྲུབ་ཅན། །གཉེན་པོ་ཅན་དང་དཀའ་ཐུབ་ཅན། །ཁྲུས་དང་གཙང་སྦྲ་གང་སྤྱད་པ། །མཉམ་ ― DNG011_Page_0533 ―
[མ་དཔེ་གཟིགས་ན་འདིར་གནོན།]
ཉིད་བདེ་ཆེན་བརྟུལ་ཞུགས་སྤྱོད་པ་འདི། །ཐེག་དམན་ལོག་རྟོག་སྤངས་པ་ཡི། །བྱང་ཆུབ་རྡོ་རྗེ་ཅན་སོགས་པའི། །བདེ་ཆེན་སྲས་དང་བཅས་པའི་དོན། །ལྟ་སྤྱོད་གོལ་ཞིང་ལོག་པ་ནི། །རྩི་སྨན་རང་གི་སྲོག་གཅོད་ལྟར། །ཐབས་བྲལ་སྤྱོད་པས་གྲོལ་འདོད་པའི། །རྣལ་འབྱོར་བདུད་ཀྱིས་བསླུས་པར་འགྱུར། །གང་དུ་རྣལ་འབྱོར་སྐལ་ལྡན་པས། །ཐབས་བྲལ་རྣམས་ཀྱིས་གང་སྤངས་པའི། །དུག་ལྔ་འདོད་ལྔ་ལ་སོགས་པ། །སྐྱེས་བུ་ཐབས་ཀྱི་ཕ་རོལ་ཕྱིན། །མི་མཐུན་ཐབས་ཀྱིས་མཐུན་འགྱུར་བཞིན། །ཐབས་ཆེན་གསང་བའི་རྣལ་འབྱོར་པས། །སྒོ་གསུམ་བྱ་བའི་སྤྱོད་པ་ལ། །བདེ་ཆེན་སྟོང་གསུམ་འགྱུར་མེད་པ། །རང་ལུས་རྡོ་རྗེ་ཕྱག་རྒྱ་ཆེ། །གནས་ཤིང་རྟོགས་ཏེ་གོམས་པ་ལ། །སྒོ་གསུམ་རང་བཞིན་དྲི་མེད་དེ། །ཐམས་ཅད་རྒྱལ་བའི་མཛད་པར་སྣང་། །འགྲོ་དང་འདུག་དང་ཟ་དང་ཉལ། །གར་དང་སྟབས་གླུ་བྲོ་ལ་སོགས། །མཛེས་དང་ཆགས་དང་དྲག་ཤུལ་སྤྱོད། །ཐབས་ལྡན་སྐྱེས་བུའི་བརྟུལ་ཞུགས་ཉིད། །དེ་ནས་གཞན་ཡང་བཤད་བྱ་བ། །རྟེན་དང་བདེ་བ་མྱང་འདོད་པས། །ཐབས་དང་ཤེས་རབ་གཉིས་མེད་པའི། །ཐིག་ལེའི་དོན་ལ་གནས་པ་ཡི། །རྐྱེན་ཟླ་སྣང་བའི་ཡེ་ཤེས་ཀྱིས། །ཐབས་ཀྱི་བདེ་བ་ཉམས་ཐོབ་ནས། །གང་དེ་གསལ་བརྟན་བྱ་བའི་ཕྱིར། །ལུས་ནི་བཅུད་ཀྱིས་འཚོ་བར་བྱ། །རྫས་ནི་ཐབས་དང་ཏིང་འཛིན་གྱིས། །ཅི་བདེ་བར་ནི་གནས་པར་བྱ། །ཤ་ལྔ་དང་ནི་བདུད་རྩི་ལྔ། །བཅུད་དང་སྦྱར་རམ་དངོས་ཀྱང་རུང་། །བཟའ་བཏུང་མུར་བ་ལ་སོགས་པ། །འདི་དག་རྟག་ཏུ་བསྟེན་པར་བྱ། །རྒྱལ་བ་རྣམས་ཀྱི་དམ་ཚིག་སྟེ། །མཆོད་དང་ལོངས་སྤྱོད་འབྱུང་བ་དང་། །བསྟེན་དང་མོས་པ་ཙམ་གྱིས་ཀྱང་། །སྡུག་བསྔལ་ལས་གྲོལ་བདེ་ཆེན་ཐོབ། །དེ་ནས་གཞན་ཡང་བཤད་བྱ་བ། །འདོད་ཆགས་བྲལ་བ་བདེ་ཐོབ་ཅིང་། །བདེ་བའི་ཐིག་ལེ་རྒྱས་བྱའི་ཕྱིར། །འདོད་ཆགས་ཐབས་ཀྱི་སྤྱོད་པ་ནི། །མ་ལུས་ཐབས་ཀྱི་འདུལ་བ་དང་། །རིག་པའི་འཁོར་ལོ་བསྐོར་བ་དང་། །སྐྱེས་པའི་ཡོ་བྱད་ལྡན་པ་ཡིས། །རིགས་ ― DNG011_Page_0534 ―
[མ་དཔེ་གཟིགས་ན་འདིར་གནོན།]
བཞིན་ཆད་པ་ནུས་མཐུ་དང་། །རིམ་པ་བཞིན་དུ་བརྟག་པར་བྱ། །བཅུ་གཉིས་བཅུ་བཞི་བཅུ་དྲུག་མ། །བཅྭ་བརྒྱད་ཉི་ཤུ་གཉིས་ལྔ་སོགས། །ཡིད་འོང་ལུས་མཛེས་ཁ་དོག་ལེགས། །དུལ་ཞིང་བློ་གྲོས་ལྡན་པ་དང་། །རོལ་པའི་ཐབས་ལ་མཁས་ཤིང་བརྩོན། །འདི་ནི་རྐྱེན་ལས་མེ་བྱུང་ལྟར། །རིག་པ་བཞིན་དུ་ནན་ཏན་བྱ། །མཛེས་ཤིང་ཆགས་པས་བལྟ་བ་ལྟར། །འབྱུང་བ་དང་ནི་འཁྱུད་པ་དང་། །སྦྱོར་བ་དང་ནི་མཉེ་བ་དང་། །འབུད་དང་ངང་པའི་སྒྲ་འབྱིན་དང་། །རྟོག་དང་འབེབས་དང་རྡེབས་སྤྱོད་དང་། །འདོད་དང་འཇིབ་དང་འཆའ་བ་དང་། །རྩེ་དང་འབབ་དང་ཞོན་པ་དང་། །བཙུགས་དང་འབྱུང་དང་འཇུག་པ་དང་། །རོལ་པ་སྣ་ཚོགས་སྤྱད་པ་ཡིས། །དབང་བསྐུར་ལམ་ལ་གོམས་འདོད་པས། །ཐ་མལ་སྤྱོད་ཡུལ་མ་ལུས་པ། །མ་ཆགས་པ་རྣམས་ཆགས་བྱེད་ཅིང་། །དེ་བཞིན་ཡིད་ནི་རྩེ་གཅིག་འགྱུར། །དེ་ནས་ཡིད་ནི་རྨོངས་པ་དང་། །སྔ་མའི་བག་ཆགས་དོན་ལ་འཇུག །དག་པ་དང་ནི་འདུས་པ་དང་། །ཆགས་དང་འདར་དང་འདོད་པ་དང་། །ཡིད་གཅིག་པ་དང་རྨོངས་པ་དང་། །ཚིམས་པ་འདི་ནི་ཡན་ལག་བརྒྱད། །བདེ་བ་ཆེན་པོ་འབར་བྱས་ནས། །རང་ལུས་ཐིག་ལེ་རྒྱས་བཏབ་ལ། །གསང་བའི་ཐབས་ཀྱིས་བསྟེན་བྱས་ལ། །རང་བྱུང་ལྷན་ཅིག་སྐྱེས་པའི་ཉམས། །བར་ཆད་མེད་པར་བསྒོམ་པར་བྱ། །ཐིག་ལེ་དབབ་དང་བཟུང་བ་དང་། །བཟློག་པ་དང་ནི་འདྲེན་པ་དང་། །ཁྱབ་པ་དང་ནི་བརྟན་པ་དང་། །རྒྱ་ཆེ་ཡུན་རིང་སྤེལ་བ་དང་། །སྦྱངས་པའི་བདེ་ཆེན་གསང་བའི་ལམ། །ཤེས་པ་དང་ནི་སྤྱད་པ་དང་། །བདེ་ཆེན་ཐིག་ལེ་འབར་འཇུག་པས། །ཐབས་དང་ཤེས་རབ་ཚོགས་ཐམས་ཅད། །འབྱེད་པ་དང་ནི་འཇུག་པ་དང་། །འབར་དང་འཛག་དང་ཐིམ་པ་དང་། །ཁྱབ་ཅིང་རྒྱས་པར་བསྟན་པ་ལས། །རྣམ་སྨིན་བདེ་ཆེན་ཡིད་ཀྱི་ལུས། །རྡོ་རྗེ་ཡེ་ཤེས་ལུས་ཐོབ་པས། །ཐབས་ལྡན་ལམ་ལ་བར་ཆད་མེད། །རྡོ་རྗེ་འཛིན་བདག་རིགས་ཀྱི་གཙོ། །བདག་པོའི་རིགས་ལ་ཐ་དད་མེད། །གང་དུ་དབྱེ་བ་ ― DNG011_Page_0535 ―
[མ་དཔེ་གཟིགས་ན་འདིར་གནོན།]
སྣ་ཚོགས་པ། །མོས་པ་གདུལ་བྱའི་དོན་དུ་སྣང་། །ངོ་བོ་བདེ་བ་ཆེན་པོར་སྣང་། །དེ་ནས་གཞན་ཡང་བཤད་བྱ་བ། །ཐིག་ལེ་འགྲོ་འོང་མེད་པའི་ལམ། །ལམ་གྱི་ཁྱད་པར་གང་བསྟན་པ། །དཔའ་བོ་ཐབས་ཀྱི་ལམ་རྙེད་ནས། །བར་ཆད་ཉམས་ཀྱིས་བསལ་ནས་ཀྱང་། །མཐར་ཕྱིན་ལམ་ལ་གནས་ཀྱི་བར། །བདེ་ཆེན་འཕེལ་འགྲིབ་མེད་པར་བསྒོམ། །ཤེས་རབ་ཐབས་ཀྱི་ཉམས་ལྡན་པ། །རང་རིག་ཐབས་ཀྱི་བདེ་ཐོབ་ནས། །གནས་པ་ཐབས་ཀྱི་བར་ཆོད་བྱེད། །ཐིག་ལེ་རླུང་ལ་དབང་ཐོབ་པས། །འགྲོ་འོང་འཕེལ་འགྲིབ་ལྔ་དང་བྲལ། །བཅུ་དྲུག་ཆ་ཤས་འཕེལ་བ་ལྟར། །རིག་པས་མཐར་ཕྱིན་ལྷུན་གྱིས་གྲུབ། །ཐབས་དང་ཤེས་རབ་གཉིས་མེད་པས། །དབང་གི་ཉམས་ལ་བརྟན་པ་ཡིས། །ཉི་ཟླ་འགྲོ་འོང་བརྟན་གྱུར་ན། །མ་ལུས་ལྷན་ཅིག་སྐྱེས་པར་གསལ། །རེ་རེ་གཟུང་དང་བསྐྱེལ་བ་དང་། །ཐིག་ལེའི་རྐྱང་དང་ཟུང་སྦྱོར་དུ། །འདྲེན་དང་བཟློག་པའི་ཁྱད་པར་ནི། །བྱེད་པ་སྡོམ་པའི་ཐབས་ཀྱིས་གསལ། །ཡབ་ཡུམ་ཐབས་ཀྱི་དབྱེ་བ་དང་། །ཡང་ན་ཐབས་ཀྱིས་འདུས་པ་དང་། །བལྟ་དང་སྙན་དང་བརྩེ་བ་དང་། །རོལ་པ་ཉམས་དང་སྦྱར་བ་སྟེ། །རང་ཉམས་སློབ་དཔོན་དག་གིས་བསྟན། །གདུལ་བྱ་ཆགས་ཅན་ལོག་སྲེད་ཅན། །མཐུན་པའི་ཐབས་ཀྱིས་འདུལ་བའི་ཕྱིར། །ཐལ་བའི་དབྱངས་སོགས་འདུས་པ་ལ། །ཐབས་ཆེན་བརྩེ་བའི་ཚུལ་གྱིས་ནི། །སྒྱུ་འཕྲུལ་དྲ་བ་མངོན་རྫོགས་པའི། །ཐལ་རྒྱུད་ཆེན་པོ་བཤད་པ་ཡིས། །འདི་ནི་བརྟུལ་ཞུགས་ཆེན་པོ་ཡི། །ཐབས་དང་ཤེས་རབ་ལྡན་པ་ཡིས། །རྟོགས་གོམས་ཐབས་ལ་ཉེར་གནས་ཤིང་། །རྫས་དང་ཡོ་བྱད་ཀུན་ལྡན་པས། །ཉམས་ལྡན་བར་ཆད་མེད་པར་བརྩམ། །ལྷུན་གྱིས་གྲུབ་པ་ཉིད་དུ་འགྱུར། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། རིག་པ་བརྟུལ་ཞུགས་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་གཞན་ཡང་བཤད་བྱ་བ། །སྒྱུ་འཕྲུལ་དྲ་བ་མངོན་རྫོགས་པའི། །གསང་ཆེན་ཐབས་ལ་ངེས་འཇུག་པ། །འདི་ནི་ཡང་དག་བཤད་པར་བྱ། ། ― DNG011_Page_0536 ―
[མ་དཔེ་གཟིགས་ན་འདིར་གནོན།]
སྒྱུ་འཕྲུལ་ཐབས་ཀྱི་རང་བཞིན་ཏེ། །དྲ་བ་ཤེས་རབ་ཟབ་མོའི་དབྱིངས། །གཉིས་མེད་འདྲེལ་བའི་བདེ་ཆེན་པོ། །རྒྱུད་ཀུན་གྱི་ནི་རྒྱལ་པོ་ཉིད། །ཕྱི་ནང་སྣོད་བཅུད་མ་ལུས་པ། །བདེ་ཆེན་ཐིག་ལེར་རང་གནས་པ། །ལུང་དང་མན་ངག་ལྡན་པ་ཡིས། །དངོས་པོ་ཇི་བཞིན་རྟོགས་པར་བྱ། །དད་དང་དམ་ཚིག་ཀུན་ལྡན་ཞིང་། །སློབ་དཔོན་མཉེས་ཤིང་དབང་ཐོབ་པས། །བརྩོན་འགྲུས་ཐབས་ལ་མཁས་པ་ཡིས། །སྒྱུ་འཕྲུལ་དྲ་བའི་ལས་ལ་འཇུག །ཐབས་ཀྱི་བདག་པོ་ཕུན་སུམ་ཚོགས། །འགྲོ་བ་རྣམས་ནི་བདེ་བའི་ཕྱིར། །ལོངས་སྤྱོད་ཆེན་པོ་ཀུན་ལྡན་པས། །རྒྱལ་མཚན་ཆེན་པོར་བཞུགས་པ་ཡིན། །དེ་ལ་མཉེས་པ་ཀུན་བྱས་ནས། །ཐབས་ཆེན་གསང་བའི་དོན་ཐོབ་པས། །སྣ་ཚོགས་བྱ་བ་ཀུན་སྤངས་ནས། །བདེ་བ་ཆེན་པོར་དོན་འཇུག་པ། །ལོག་ལྟ་ཅན་དང་དཀའ་ཐུབ་ཅན། །དབང་པོ་མ་ཚང་མ་སྨིན་དང་། །དབང་པོ་རྒུད་པ་ཀུན་སྤངས་ཏེ། །འདོད་པ་ལོངས་སྤྱོད་ལྔ་ལྡན་པས། །དགའ་བ་དང་ནི་སྤྲོ་བ་དང་། །དཀའ་ཐུབ་འཚེ་བ་མེད་པས་འགྲུབ། །བསམ་པའི་ཡུལ་ནི་སྣ་ཚོགས་ཏེ། །སེམས་ཅན་བསམ་པའི་བྱེ་བྲག་གིས། །བསམ་གྱིས་མི་ཁྱབ་གང་བསྟན་པས། །དེ་ཕྱིར་ཐབས་ནི་སྣ་ཚོགས་ཡིན། །རང་བཞིན་ཐིག་ལེ་ཀུན་གྱི་བཅུད། །ཐབས་དང་རྐྱེན་གྱི་སྦྱོར་བ་ཡིས། །ཐ་མལ་པ་དང་འཇིག་རྟེན་པ། །ཐར་པའི་བདེ་བར་སྣང་བར་མཛད། །ལུས་ཅན་ཀུན་གྱི་བཅུད་ཡིན་ནོ། །བརྟེན་པ་ལུས་ཀྱི་རང་བཞིན་ལ། །རྒྱུ་བ་གཞི་སྣོད་རྩར་བཤད་དེ། །གནས་པ་ཐིག་ལེ་བཅུད་ཉིད་དེ། །བསྐྱོད་པ་རླུང་དུ་ཤེས་པར་བྱ། །འབར་བའི་མེ་ཡིས་གསལ་བྱས་ན། །བདེ་ཆེན་བྱང་ཆུབ་སེམས་སུ་འགྱུར། །རང་རྒྱུད་པ་དང་ལོག་པ་དང་། །མི་ཤེས་པ་དག་ཀུན་སྤངས་ཏེ། །ཐབས་ཀྱི་སྦྱོར་བ་གོམས་པ་ཡིས། །ཚེ་འདིས་སངས་རྒྱས་ཐོབ་པར་འགྱུར། །གཞན་ཡང་བསྐལ་པ་བྱེ་བར་ཡང་། །གསང་བའི་ལམ་དུ་མི་འགྲུབ་སྟེ། །ཆགས་པ་མེད་པས་དབང་མི་ཐོབ། །དབང་མེད་བདེ་བ་མི་འབྱུང་སྟེ། །བདེ་བ་མེད་ ― DNG011_Page_0537 ―
[མ་དཔེ་གཟིགས་ན་འདིར་གནོན།]
པས་སངས་རྒྱས་ཀུན། །མི་འགྲུབ་ནམ་མཁར་མྱུ་གུ་བཞིན། །བདེ་བས་འཁོར་ལོ་བཞི་དག་ལ། །བྱ་བ་གཞན་སྤངས་རྩེ་གཅིག་གནས། །འབྱུང་བ་ལུས་དང་རིག་པ་སེམས། །བརྟེན་པའི་སྣང་བའི་ཆོས་ཉིད་རྒྱུད། །ཐོག་མ་ཐ་མ་མེད་པའི་བར། །མཐར་ཐུག་བར་ནི་ནན་ཏན་བྱ། །དམ་ཚིག་དབང་ལྡན་རྣལ་འབྱོར་པས། །ཆགས་ལམ་དབང་ཐོབ་རབ་འབྲིང་གིས། །མོས་པའི་ཚད་དང་སྦྱར་ནས་ནི། །ཇི་ལྟ་བར་ནི་ནན་ཏན་བྱ། །གནས་པ་དང་ནི་རྒྱུ་བ་དང་། །དྭངས་སྙིགས་དབྱེ་བས་ཤེས་བྱ་སྟེ། །གནས་པའི་སྲོག་གི་རྟེན་ཅན་ནི། །མི་ཤིགས་ཐིག་ལེ་ཤེས་པའི་གནས། །གང་གནས་རབ་ཏུ་གནས་པ་སྟེ། །གཞི་ཞེས་དང་ནི་བཤད་པ་ཡིན། །རྒྱུ་བ་དྭངས་མ་ནན་ཅན་དང་། །ཕྱི་རོལ་སྙིགས་མར་ཤེས་པར་བྱ། །ཕྱི་ནང་འཕྲོ་བ་བཅུ་གསུམ་ཏེ། །དུས་ཚོད་དབྱེ་བས་ཤེས་པ་ཡིན། །གནས་པ་གཅིག་དང་རྒྱུ་བ་བདུན། །ཤེས་པའི་བྱེ་བྲག་བསྟན་པ་ཡིན། །སྙིགས་མ་ཐ་མ་རླུང་ཉིད་ནི། །བདེ་དང་སྡུག་བསྔལ་བཏང་སྙོམས་པ། །གང་དུ་ཁྱབ་དང་ཆགས་པ་དང་། །དཔའ་བོ་སེལ་བར་བྱེད་པ་སྟེ། །གྱེན་དང་ཐུར་དང་ཐད་ཀ་དང་། །མཉམ་པར་རྒྱུ་བ་ཤེས་པ་ཡིན། །ནང་དུ་རྒྱུ་བ་གཅིག་ཡིན་ཏེ། །ལྷག་མ་ཕྱི་རོལ་ཤེས་པར་བྱ། །ཐབས་ཀྱི་དྭངས་མ་ཞེས་བྱ་བ། །རླུང་གསུམ་ཐབས་ཀྱིས་ནང་བཟུད་ཅིང་། །སྟེང་འོག་རྒྱུ་བ་གཅོད་པར་བྱ། །རླུང་གིས་སྣོད་ཀྱི་སྒོ་ཕྱེ་ནས། །ཐིག་ལེ་རླུང་དུ་འདྲེས་པ་དེས། །སྙིགས་མའི་རྩེ་མོ་ནས་བརྟན་པས། །དྭངས་མའི་རྩར་ཞུགས་བདེ་བ་འཕེལ། །བདེ་བ་ཆེན་པོས་ལུས་གང་ནས། །མངོན་ཤེས་རྫུ་འཕྲུལ་སྣང་བར་བྱེད། །རླུང་སེམས་བདེ་བ་ཐིག་ལེར་ཐིམ། །ཐོག་མ་ཐ་མ་མེད་པར་ཐིམ། །བདེ་ཆེན་དེ་བཞིན་ཉིད་དུ་སྣང་། །རང་བྱུང་འཁོར་ལོ་བཞི་བརྟས་པས། །ཉི་མས་འཁྱགས་པ་བཞུ་བ་ལྟར། །ཐིག་ལེས་ལུས་ཀུན་ཁྱབ་བྱས་པས། །གསང་བའི་ཡེ་ཤེས་མངོན་དུ་འཆར། །མེ་རླུང་ཐབས་ཀྱི་སྦྱོར་བ་ཡིས། །གཡས་གཡོན་ཐབས་ཀྱི་ཐིག་ལེ་བསྐུལ། །སྤྲུལ་པའི་འཁོར་ལོར་བཟློག་བཟུང་བས། །ནམ་མཁའི་ཡེ་ཤེས་ཅིར་ཡང་ ― DNG011_Page_0538 ―
[མ་དཔེ་གཟིགས་ན་འདིར་གནོན།]
གསལ། །ནམ་མཁའི་དཀྱིལ་འཁོར་བཞུ་བ་ཡིས། །བདག་ལུས་ཁྱབ་པར་བྱིན་བརླབས་པས། །ཐམས་ཅད་བདེ་བ་ཆེན་པོར་གསལ། །ཐབས་དང་ཤེས་རབ་ཚད་ལྡན་པས། །བྱིན་རླབས་ཐབས་ལ་མཁས་བྱ་སྟེ། །དབང་པོ་ལྔ་ཡི་སྦྱོར་བ་ཡིས། །ཐབས་ཀྱིས་ཁྱད་པར་ཅི་རིགས་པར། །རང་རིག་ཉམས་ཀྱི་བདེ་ཆེན་ནི། །འཕེལ་འགྲིབ་མེད་པར་བསྒོམ་པར་བྱ། །ཆགས་པ་དང་ནི་མེད་པ་དང་། །འཛིན་པ་ལ་སོགས་སྤང་བར་བྱ། །གང་དུ་ཐབས་ཀྱིས་སྦྱངས་པ་ལས། །སྤྲུལ་པའི་བདེ་བ་ལུས་སུ་སྨིན། །ལུས་དེ་བསམ་པས་རྩེ་གཅིག་བསྒོམ། །མ་གོམས་བདེ་བ་རྐྱེན་གྱིས་བསྐྱེད། །ཆུ་རྒྱུན་བཞིན་དུ་ཉིན་མཚན་བསྒོམ། །དུས་གསུམ་ཉིན་མཚན་ལོ་ཟླ་རུ། །སེམས་ནི་ཐིག་ལེ་བརྟན་པ་ནི། །རྟེན་གྱི་ཐིག་ལེ་མི་འཛག་ཅིང་། །འབྱུང་འཇུག་མེད་པར་བདེ་བར་གསལ། །ཐམས་ཅད་རོ་གཅིག་ཐིམ་པར་འགྱུར། །གང་ཕྱིར་སྣང་བའི་རང་བཞིན་ནི། །ཉི་འོད་ཆུ་རླབས་ཇི་བཞིན་དུ། །མ་ལུས་བདེ་བ་ཆེན་པོ་རུ། །ཐམས་ཅད་གསལ་བར་བརྟན་པ་དང་། །དེ་ཉིད་བདེ་བར་ཐིམ་གྱུར་ན། །བདེ་ཆེན་ཐིག་ལེ་སྤྲོས་མེད་བརྟེན། །ལོ་དང་ཟླ་གྲངས་ཀྱིས་གནས་ན། །སློབ་དཔོན་གོང་མས་ཐབས་སྦྱོར་བས། །ཡུན་རིང་རྒྱ་ཆེ་ཟག་མེད་པས། །རྣལ་འབྱོར་བྱིན་གྱིས་རློབ་པར་འགྱུར། །བསྐལ་པ་བརྒྱ་སྟོང་ཁྲི་འབུམ་དང་། །བྱེ་བ་ཐེར་འབུམ་ལ་སོགས་པར། །འཁོར་ཡུག་སྟོང་གསུམ་བརྒྱ་སྟོང་ཕྲག །གང་གཱའི་ཀླུང་སོགས་མཐའ་ཡས་ཤིང་། །ནམ་མཁའ་མཐར་ཐུག་བར་དུ་ནི། །བསྒོམ་དང་མ་བསྒོམས་བར་ཆད་མེད། །ལྷུན་གྱིས་གྲུབ་པར་གསལ་བར་འགྱུར། །ཐབས་དང་ཤེས་རབ་དབང་རོལ་གྱིས། །སེང་ཕྲུག་ལྟ་བུར་བྱིན་བརླབ་པས། །རང་རིག་བདེ་ཆེན་བསམ་མི་ཁྱབ། །ནམ་མཁའི་མཐའ་མཉམ་མེ་ལོང་ལ། །བདེ་ཆེན་ཡོན་ཏན་རང་ཤར་བ། །རང་བྱུང་རང་སྣང་འབའ་ཞིག་ལས། །བྱ་དང་བྱེད་པ་ཅུང་ཟད་མེད། །རིག་པའི་མེ་ལོང་སྟོང་པ་ལ། །སྣ་ཚོགས་ཆོས་རྣམས་ཤར་བར་ཟད། །རང་རྒྱུད་དག་པའི་རང་རིག་ལ། །ཆེ་ ― DNG011_Page_0539 ―
[མ་དཔེ་གཟིགས་ན་འདིར་གནོན།]
བའི་ཡོན་ཏན་རང་སྣང་བ། །འཕེལ་འགྲིབ་རེས་འཇོག་མི་གནས་ཏེ། །ཐོག་མཐའ་མེད་པའི་སེམས་དཔའ་ཆེ། །ནམ་མཁའ་དག་དང་མཉམ་པའི་གནས། །རྡོ་རྗེ་སེམས་དཔའ་རྟག་ཏུ་བཞུགས། །ཐོག་མ་ཐ་མའི་དུས་མེད་པར། །མཉམ་གཞག་མེད་ཅིང་རྗེས་ཐོབ་མེད། །བདེ་བ་ཆེན་པོར་རྟག་ཏུ་བརྟག །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གསང་བ་ཐབས་ལ་འཇུག་པའི་ལེའུ་སྟེ་བཅུ་གཉིས་པའོ།། །།དེ་ནས་གཞན་ཡང་བཤད་བྱ་བ། །ཐབས་བྲལ་ལོག་པར་འཁྱམས་པ་རྣམས། །གསང་བའི་ཐབས་ཀྱིས་གྲོལ་བྱའི་ཕྱིར། །རིམ་པ་བཞིན་དུ་བཤད་པར་བྱ། །སངས་རྒྱས་ཀུན་གྱི་ཐབས་འཆང་ཞིང་། །ཞི་ཞིང་དུལ་བ་སྙིང་རྗེ་ལྡན། །ཟབ་མོ་ཐབས་ཀྱི་གཏེར་དང་ལྡན། །དབང་དང་མན་ངག་ལྡན་པ་དང་། །རྒྱུ་དང་འབྲས་བུ་ལ་སོགས་པ། །ཁྱད་པར་བྱེ་བྲག་མ་རྨོངས་པ། །འདི་ནི་སངས་རྒྱས་བཅོམ་ལྡན་འདས། །འགྲོ་བ་འདུལ་ཕྱིར་བཞུགས་པ་ཡིན། །དད་པ་དང་ནི་དམ་ཚིག་དང་། །ཤེས་རབ་སྙིང་རྗེ་ཕུན་སུམ་ཚོགས། །བརྩོན་འགྲུས་གཏོང་ཕོད་ཆེ་བ་ནི། །པདྨའི་རིགས་སུ་ཤེས་པར་བྱ། །བུད་མེད་ཆགས་པ་ཆེ་བ་དང་། །དེ་བཞིན་སྐྱེས་བུ་དར་ལ་བབ། །ལང་འཚོ་བདེ་བ་ཕུན་སུམ་ཚོགས། །གསང་བ་ཐབས་ཀྱི་སྣོད་མཆོག་ཡིན། །འདོད་པ་བྲལ་དང་མ་ནིང་དང་། །མ་སྨིན་པ་དང་དཀའ་ཐུབ་ཅན། །ལོག་པར་འཁྱལ་ཞིང་མི་འཇུག་པ། །གསང་སྔགས་ཐབས་ལས་འདས་པ་ཡིན། །གཞན་ཡང་དད་པས་སྒོར་འཇུག་ན། །རིགས་ངན་དག་དང་ཀུན་ཏུ་རྒྱུ། །ཞེ་སྡང་ཅན་དང་གཏི་མུག་ཅན། །འདོད་ཆགས་ང་རྒྱལ་ཕྲག་དོག་ཅན། །མཚམས་མེད་པ་དང་རྐུན་པོ་སྤྱོད། །མ་བྱིན་ལེན་དང་མི་ཚངས་སྤྱོད། །རྫུན་དུ་སྨྲ་དང་ངག་འཁྱལ་ཅན། །ཕྱིན་ཅི་ལོག་པ་སྤྱོད་པ་རྣམས། །འདོད་ཆགས་ཅན་གྱི་གསང་སྒོ་འདིར། །སྤྱད་པས་གཉིས་མེད་འགྲུབ་པར་འགྱུར། །ཐབས་ཆེན་གསང་བའི་ངེས་སྒོ་འདིར། །ངན་སོང་ངན་པར་སྤྱོད་པ་ཡང་། །ཚེ་འདིས་འབྲས་བུ་ཐོབ་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །འོན་ཀྱང་དམ་ཚིག་ཉམས་པ་དང་། །གསང་བའི་དོན་ ― DNG011_Page_0540 ―
[མ་དཔེ་གཟིགས་ན་འདིར་གནོན།]
ལ་སྐུར་པ་འདེབས། །སྙིང་ནས་སློབ་དཔོན་སྤངས་པ་དག །བརྩོན་འགྲུས་ཐབས་ཀྱིས་ཅི་བསྒྲུབས་ཀྱང་། །ཚེ་འདིའི་བདེ་བ་ཡོད་མིན་ན། །ཐར་པའི་གོ་འཕང་ཇི་ལྟར་ཐོབ། །གསང་བའི་གསང་ཆེན་རྒྱུད་འདི་ནི། །དབང་བསྐུར་ཐབས་ཀྱི་དོན་མཚོན་ནས། །རིན་ཆེན་གཏེར་དང་སྒྲོན་མ་བཞིན། །མ་ལུས་ཡེ་ཤེས་སྣང་བར་གསལ། །དབང་དང་ཐབས་ཀྱི་དོན་བྲལ་ན། །དཀའ་ཐུབ་དམན་པའི་ཚད་མ་དང་། །མཚན་མའི་ཆོ་ག་ལ་བརྟེན་པས། །བསྐལ་པ་བྱེ་བར་འགྲུབ་མི་འགྱུར། །ཐབས་ཆེན་གསང་བ་ལ་གནས་པའི། །དབྱེར་མེད་དོན་ལ་གནས་གོམས་ན། །དཀའ་ཐུབ་གདུང་བ་བྱ་མི་དགོས། །ཁྲུས་དང་གཙང་སྦྲ་དེ་བཞིན་མིན། །སློང་མོས་འཚོ་བ་རྣམ་པར་སྤང་། །ཐུན་མོང་ཐུན་མོང་མ་ཡིན་པའི། །གསང་བ་ཐབས་ཀྱིས་བདེར་བསྒྲུབ་ན། །ཚེ་འདིར་སངས་རྒྱས་འགྲུབ་པར་འགྱུར། །འཁོར་བའི་མ་རིག་མུན་ཁང་ན། །བདེ་ཆེན་རྨད་བྱུང་གཏེར་གནས་པ། །དབང་དང་མན་ངག་བདུད་རྩི་ཡིས། །མངོན་དུ་འཆར་བར་ཐེ་ཚོམ་མེད། །རྒྱལ་བ་ཀུན་གྱི་ཐབས་ལྡན་པས། །སྒྱུ་འཕྲུལ་དྲ་བའི་དོན་ཆེན་པོ། །ཇི་ལྟར་དུག་གིས་དུག་སེལ་ལྟར། །དམན་ལ་ཐབས་དེ་ཡོད་མ་ཡིན། །ཕྱི་རོལ་ཐུན་མོང་གང་ཟག་ལ། །ཉི་མས་མུན་པ་སེལ་བ་ལྟར། །དད་ལྡན་རིགས་ངེས་གང་ཟག་ལ། །ཐུན་མོང་ཐབས་ཀྱིས་འགྲུབ་པ་ཡིན། །ཇི་ལྟར་ནང་གི་བཙོན་ཁང་ལ། །ཉི་མས་མི་སྣང་སྒྲོན་མེས་སེལ། །བསྐལ་པ་བྱེ་བར་བསགས་པ་ཡི། །སྒྲིབ་པ་ཐབས་ཀྱིས་མངོན་དུ་སེལ། །འཁོར་བའི་ལས་དང་ཉོན་མོངས་ཀུན། །ཐིག་ལེ་ཉམས་དང་ལྡན་དུས་སུ། །གང་ཡང་གནས་པ་མ་ཡིན་ཏེ། །ཐམས་ཅད་ལྷན་ཅིག་སྐྱེས་པ་ཉིད། །བདེ་ཆེན་འགྲོ་བ་ཀུན་ཁྱབ་ཅིང་། །འགྲོ་བ་ཀུན་གྱི་སྙིང་ལ་བཞུགས། །ལུས་གནས་ལུས་ལ་མི་གནས་ཤིང་། །ངོ་བོ་ཉིད་ལ་ཐ་དད་མེད། །བདེ་བ་ཆེན་པོ་ཐིག་ལེ་ཉིད། །རྒྱུ་དང་འབྲས་བུ་ལས་འདས་པའི། །རྟག་མིན་ཆད་མིན་ཁ་དོག་བྲལ། །མཚོན་པའི་དབྱིངས་ ― DNG011_Page_0541 ―
[མ་དཔེ་གཟིགས་ན་འདིར་གནོན།]
བརྗོད་ཀུན་དང་བྲལ། །གཞི་རྩ་འདས་པའི་སྙིང་པོ་ནི། །དངོས་དང་དངོས་མེད་གཉིས་ཀ་མིན། །དེ་བཞིན་ཉིད་ཀྱི་སྙིང་པོ་སྟེ། །རྟོག་གེ་པ་ཡི་ཡུལ་མ་ཡིན། །གསང་ཆེན་ཐབས་ལམ་བཅུད་ཀྱི་མཆོག །ཐབས་དང་ཤེས་རབ་ལྡན་གྱུར་ཅིང་། །ཐིག་ལེ་ཐབས་ཀྱིས་བདེར་ཟིན་པས། །མ་ལུས་བདེ་ཆེན་གང་བར་འགྱུར། །མ་ལུས་བདེ་བ་ཆེན་པོའི་དབྱིངས། །ཆོས་ཉིད་གསང་བའི་རང་བཞིན་ལ། །འཕེལ་བ་མེད་ཅིང་འགྲིབ་པ་མེད། །སྟོང་དང་བདེ་བ་ལས་འདས་ཤིང་། །རང་རིག་བྱང་ཆུབ་སེམས་ཉིད་དེ། །རྩ་བཅུད་ཐིག་ལེ་དོན་དང་འདྲེལ། །གསང་བ་དོན་གྱི་དབྱིངས་ལས་འབྱུང་། །རྟེན་གྱི་ཐིག་ལེ་འགྲོ་འོང་མེད། །དེས་ན་སེམས་ཀྱི་ཐིག་ལེ་ལ། །ཕྱི་ནང་སྟེང་འོག་ཆ་ཤས་མེད། །ཐིག་ལེ་བདེ་བ་ཆེན་པོ་ཉིད། །ཅི་ལའང་མ་གནས་མི་གནས་པས། །བསམ་བརྗོད་ཤེས་པའི་ཡུལ་ལས་འདས། །སྒྱུ་འཕྲུལ་ཐབས་ཀྱི་རང་བཞིན་ཏེ། །དྲ་བ་ཤེས་རབ་ཏུ་བསྟན་པ། །གཉིས་མེད་འདྲེལ་པ་གང་མ་ཡིན། །ཐབས་ཆེན་ཐེག་པ་གང་བཤད་དོ། །བྱེ་བྲག་སུམ་ཅུ་རྩ་གཉིས་ཀྱི། །ངོ་བོ་བསྡུས་པའི་སྙིང་པོ་བཞིན། །སྟེང་དང་འོག་གི་ཚུལ་གནས་ཤིང་། །ཐབས་དང་ཤེས་རབ་ཚུལ་དག་གིས། །སྐུ་དང་གསུང་ཐུགས་རང་གནས་པའི། །ལུས་ཅན་ཀུན་ལ་ཁྱབ་པར་གནས། །བཅུད་དང་ལྡན་པའི་སྙིང་པོ་འདི། །རྟེན་པ་ཐབས་ཀྱི་སྦྱིན་པ་ཡིས། །གསང་བ་ལེ་ལོ་མེད་བསྒྲུབས་ན། །བདེ་བའི་ཡེ་ཤེས་འཆར་བར་འགྱུར། །མ་ལུས་གསང་བས་དོན་མཐོང་ན། །དངོས་པོར་གནས་པ་མ་ཡིན་ཏེ། །ཆུ་ཤིང་སྙིང་པོ་ལྟར་གནས་ཤིང་། །དེ་བས་ཐིག་ལེ་རང་བཞིན་མེད། །ལུས་མེད་ཐིག་ལེ་མ་དམིགས་ཏེ། །བདེ་བ་ཆེན་པོ་རང་བཞིན་མེད། །གང་ལ་དངོས་མེད་དེ་བཞིན་ཉིད། །ཐོག་མ་ཐ་མ་མེད་པ་ཡི། །རང་བྱུང་དངོས་པོ་བྱང་ཆུབ་སེམས། །མ་ནོར་རྟོག་པས་འཁྲུལ་པ་ཟད། །བདེ་བ་ཆེན་པོ་གསང་བའི་དོན། །རྟོགས་ནས་མངོན་དུ་གོམས་བྱེད་པའི། །རང་ལུས་གནས་པའི་མཚན་དཔེ་ལྟར། །གཞན་དུ་ ― DNG011_Page_0542 ―
[མ་དཔེ་གཟིགས་ན་འདིར་གནོན།]
ཚོལ་བ་འཁོར་བར་འགྱུར། །རང་གནས་ཐབས་ཀྱིས་མཚོན་པའི་ལུང་། །སྙིང་པོ་ཉི་མ་ཐབས་ཀྱིས་ཤེས། །གཟུང་འཛིན་བདེ་ཆེན་ངང་ལ་ནུབ། །རང་ལུས་ཐབས་ཀྱི་གཏེར་གྱུར་པས། །དབང་དང་མན་ངག་མེད་པ་ཡིས། །སྨིག་རྒྱུ་ཆུ་ལ་འཛིན་པ་ལྟར། །རྟོག་གེ་དམན་པས་ཤེས་མི་འགྱུར། །ཐབས་ཆེན་ཐེག་པའི་དོན་འདི་དག །སློབ་དཔོན་ཐུགས་ལ་གནས་པའི་ཕྱིར། །ལུས་དང་ལོངས་སྤྱོད་རྒྱལ་སྲིད་ཀྱིས། །བསྟེན་དང་དོན་འདི་ཤེས་པར་བྱ། །ལེ་ལོ་སྤངས་པའི་བརྩོན་འགྲུས་ཀྱིས། །གང་ལ་ཆགས་པ་མེད་བཞིན་དུ། །འདོད་པའི་ལོངས་སྤྱོད་མེད་པ་བཞིན། །བདེ་བ་ཆེན་པོ་ལྡན་བཞིན་དུ། །རིག་འཛིན་ས་ལ་གནས་བཞིན་དུ། །ས་བཅུའི་དབང་ཕྱུག་ལྷུན་གྲུབ་ལ། །ཐབས་ཆེན་འདྲེལ་པར་དབང་བསྐུར་ན། །རྒྱ་མཚོ་དྭངས་པའི་གཟའ་སྐར་ལྟར། །བྱིན་རླབས་ཡོན་ཏན་རང་ལ་འཆར། །གསང་བའི་གསང་བ་ལྷག་པའི་རྒྱུད། །ཟབ་མོ་རྒྱུད་ཀྱི་ཕྱི་མ་སྟེ། །དམན་པའི་དངོས་གྲུབ་ཆོ་ག་སྤངས། །འདི་ནི་གསང་ཆེན་སྙིང་པོའོ། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གང་ཟག་ཐབས་ཀྱིས་གཟུང་བའི་ལེའུ་སྟེ་བཅུ་གསུམ་པའོ།། །།དེ་ནས་གཞན་ཡང་བཤད་བྱ་བ། །འདོད་པ་ཅན་ལ་ཆགས་སྤྱད་པས། །དངོས་པོ་ཞེན་པ་ལས་གྲོལ་བའི། །གྷ་ནའི་རིམ་པ་བཤད་པར་བྱ། །གང་ཞིག་གང་ལ་དགའ་བ་སྟེ། །ལོག་པའི་ཐབས་ཀྱིས་མི་འདུལ་ཏེ། །རྣལ་འབྱོར་ཐབས་ལྡན་སྐྱེས་བུ་ཡིས། །ཆ་མཐུན་ཐབས་ཀྱིས་གདུལ་བར་བྱ། །གང་ལ་ཆགས་པའི་ཀློང་འཆང་བ། །དེ་ཉིད་ཐབས་མཁས་བློ་ལྡན་པས། །ཆགས་པ་སྦྱོར་བ་མཁས་པ་ཡིས། །བློ་ལྡན་རྣམ་པར་གྲོལ་བར་འགྱུར། །གསང་བ་སྦས་པ་ཐབས་མཁས་པས། །བློ་ལྡན་མུན་པའི་མར་མེ་ལྟར། །གསང་བའི་ཐབས་ཆེན་སྒྱུ་འཕྲུལ་གྱིས། །མ་ལུས་བདེ་ཆེན་སྣང་བར་འགྱུར། །ཕྱོགས་བཅུའི་སངས་རྒྱས་ཐམས་ཅད་ནི། །སྒྱུ་འཕྲུལ་དྲ་བར་ཤེས་བྱ་སྟེ། །ཐབས་དང་ཤེས་རབ་རང་བཞིན་གྱིས། ། ― DNG011_Page_0543 ―
[མ་དཔེ་གཟིགས་ན་འདིར་གནོན།]
སྐྱེས་པ་བུད་མེད་ངོ་བོར་བཏགས། །འདི་ནི་བདེ་སྐྱེད་བཙུན་མོ་སྟེ། །ལྷ་མོ་དང་ནི་རིག་མ་དང་། །མི་ཡི་བུ་མོ་བློ་ལྡན་པས། །ཐ་མལ་རྟོག་པ་ཞི་བྱེད་ཅིང་། །ཐབས་ཆེན་ལམ་ལ་མཁས་པ་ཡིས། །ཡེ་ཤེས་སྣང་བ་འབྱེད་པར་འགྱུར། །བལྟས་པ་དང་ནི་བརྟགས་པ་དང་། །ཐོས་དང་རེག་དང་འགྲོགས་པ་ཡིས། །ཞེན་དང་ལོག་ཅིང་བདེ་བསྐྱེད་དེ། །དྲན་པས་སྡུག་བསྔལ་སེལ་བར་བྱེད། །དེ་བྱེད་མུ་དྲ་རིགས་བརྟགས་པ། །པདྨ་ནཱི་ཡི་མཚན་ཉིད་ནི། །དམིགས་པས་བཤད་པ་འདི་ལྟ་སྟེ། །བཞིན་དང་སྦོ་ཡང་བཟང་བ་སྟེ། །མིག་རྩ་དམར་ཞིང་སོ་ཡང་དམར། །སེན་མོ་ཟངས་ཀྱི་མདོག་ལྟར་དམར། །སྣ་ལེགས་རྩེ་མོ་ཟུར་ཕྱིན་ཅིང་། །མིག་མཆུ་རིང་ལ་ངང་པའི་སྒྲོས། །སྐུ་མདོག་མཐིང་ཀ་ལྕང་ལོ་ཅན། །ངོ་མཚར་མཛེས་ཤིང་སྤྱོད་ལམ་མཁས། །རྐང་ལག་མཐིལ་དམར་ཁ་དོག་བཟང་། །པདྨའི་དྲི་ཅན་པདྨ་དགའ། །དཀར་འཛིན་ཕྲ་ལ་ཟླུམ་པ་སྟེ། །ཆེ་ཆུང་མེད་པར་མཉམ་པའོ། །བརླ་ཆུང་སྡོང་པོ་བཞིན་དུ་སྲ། །མིག་ཚིགས་ཟླུམ་ལ་མི་མངོན་ཞིང་། །ལུས་སྨད་ཇེ་ཕྲ་འདུག་པའོ། །ཧ་སྡི་ནཱི་ཡི་རིགས་སྨོས་པ། །བརྟགས་པས་མཚན་མ་ཤེས་བྱ་ན། །གདོང་པ་ཆུང་ལ་ཟླུམ་པ་དང་། །རོ་སྟོད་ཆེ་ཞིང་མཉམ་པའོ། །བརླ་འཇིང་བྱིན་པ་སྦོམ་པའོ། །སྐྲ་ཡང་སྦོམ་ལ་སྐད་ཆེ་བ། །སོ་རགས་མཐོ་ལ་རིང་བ་དང་། །ཁ་ནས་བན་གླང་ངད་ལྡང་ཞིང་། །ཁ་ཟས་ཆེ་བར་ཟ་ནུས་པ། །ང་རྒྱལ་ཅན་ལ་སྨྲ་བ་ཉུང་། །དཀར་འཛིན་རྩེ་མོ་གཡས་གཡོན་དགྱེ། །རྩེ་མོ་བརླང་ཞིང་འཇིགས་པ་མེད། །མིག་ཕྲ་གཏིང་རིང་འགྱིང་བག་ཅན། །ཤང་ཁ་ནཱི་ཡི་རིགས་བཤད་པ། །ལེགས་པར་བརྟགས་ཤིང་མཉམ་བླངས་པ། །བྱད་ངོ་ཆུང་ལ་མིག་རིང་བ། །སོ་མཉམ་རྣོ་ལ་དམ་པའོ། །ནུ་མ་འབུར་ལ་རྩེ་མཉམ་པ། །ལུས་ཀྱི་ཤ་ཡང་ཆེ་ཆུང་རན། །མགྲིན་པ་རྣ་རྒྱུད་རིང་བ་སྟེ། །རྐང་ལག་སྐྲ་ཡང་རིང་བ་སྟེ། །མཆན་ཁུང་སྦོམ་ལ་ཟླུམ་པ་སྟེ། །གོས་དང་རྒྱན་སོགས་ ― DNG011_Page_0544 ―
[མ་དཔེ་གཟིགས་ན་འདིར་གནོན།]
དམར་ལ་དགའ། །ཁ་ཟས་ཤ་དང་ཉ་ལ་སྲེད། །ཤ་ཏ་ནཱི་ཡི་རིགས་སྦོམ་པ། །ལེགས་པར་མཚོན་ཅིང་བརྟག་བྱ་བ། །ལུས་ཀྱི་དབྱིབས་ཆུང་ཚང་ར་ཆུང་། །དཀར་ལ་ཤ་སྲབ་བཞིན་འདོད་ལ། །དཀར་འཛིན་ཤྲཱི་ཕ་ལ་འདྲ། །ལུས་རན་བཞིན་ལུས་གཡས་སུ་ཡོ། །བྷ་ག་ཆུང་ལ་རུབ་པ་སྟེ། །སྣ་ཚོགས་རི་མོས་མཚན་ལ་དགའ། །ཁྲོ་ལ་འཐབ་ཅིང་བརླང་ཚིག་སྨྲ། །སྔགས་དང་རྫས་དང་ཐབས་སྩོགས་པས། །དགོན་པ་བར་ཆད་མེད་པའི་གནས། །སྔ་དྲོ་ཕྱེད་དང་སྣུར་དམན་དང་། །དགོངས་ཀའི་དུས་སུ་དགུག་པར་བྱ། །ནང་ལུས་བྷ་ག་ཕོ་བྲང་དབྱིབས། །སྤྱི་དང་ཁྱད་པར་བརྟག་པར་བྱ། །གང་དུ་བདེ་སྐྱེད་རྟེན་གྱི་དབྱིབས། །ཡོ་བ་དང་ནི་སླ་བ་དང་། །རྩ་ངན་འཕེལ་ཁ་ཆེ་བ་དང་། །རྩུབ་གང་ཟླུམ་མཐོ་འཛག་པ་དང་། །འགྱུར་དང་མི་ལེགས་དམན་པོ་དག །དེ་བཞིན་སྤང་བར་ཤེས་པར་བྱ། །རྩ་མེད་པ་དང་ཤེས་པ་དང་། །རྩ་ངན་པ་དང་ཡོ་བ་དང་། །ཁ་མ་པ་དང་ཐུང་བ་དང་། །ཕྲ་དང་ནུབ་པ་མེད་པ་ཡང་། །སྤང་བར་བྱ་བ་རབ་ཏུ་བཤད། །སྲ་བ་དང་ནི་འཕང་མཐོ་དང་། །རྩ་ལྡན་དྲོད་ཆེ་སྐ་བ་དང་། །མི་འགྱུར་བ་དང་ཟླུམ་པ་དང་། །གཏིང་རིང་འཇམ་ཞིང་ཅུང་ཟད་དམ། །པདྨའི་སྙིང་པོ་བཞིན་དུ་ཟླུམ། །ཤིན་ཏུ་ཆུང་ལ་སྤུ་ཉུང་བ། །བཟང་པོའི་རིགས་དང་མཚན་དུ་བཤད། །འགུགས་དང་བསྐྲད་དང་གསང་བ་དང་། །རྒྱས་པའི་རེ་དང་སྦོམ་པ་དང་། །རང་བཞིན་བཟང་དང་ནུས་པ་ཆེ། །བཅོས་སུ་མེད་པ་བཟང་པོར་བཤད། །གོང་དུ་གཞན་གྱིས་དབང་བྱས་དང་། །དཀའ་ཐུབ་ཅན་དང་ངོ་ཚ་ཅན། །གཙང་སྨེ་ཅན་དང་རང་བཞིན་ངན། །གཡངས་པ་ཡིས་ནི་འགྲངས་པ་དང་། །གནད་དང་གཉིད་དང་སྙིབས་སྙིགས་ཀྱང་པ་དག །ནུས་པ་མེད་པས་སྤང་བར་བྱ། །གལ་ཏེ་བདེ་བསྐྱེད་ཆགས་འདོད་ན། །ཆགས་པའི་གླུ་དང་གར་དག་དང་། །བཟའ་བཏུང་བལྟ་དང་ཆགས་པའི་གཏམ། །ཅི་ལེགས་པ་ཡིས་སྤྱད་པར་བྱ། །སྟེང་འོག་འཁྱུད་པ་གཉིས་ཡིན་ཏེ། །བལྟ་དང་གཞིབ་དང་འཛིན་ ― DNG011_Page_0545 ―
[མ་དཔེ་གཟིགས་ན་འདིར་གནོན།]
པ་གཉིས། །རེག་པ་དེ་བཞིན་ཤེས་པར་བྱ། །ཐབས་དང་ཤེས་རབ་ཚུལ་གྱིས་སོ། །ནུ་མ་དེ་བཞིན་མིག་གཉིས་དང་། །སྣ་དང་འགྲམ་པ་ཆུ་སོ་དང་། །བརླ་དང་ལྟེ་བ་བྷ་ག་ལ། །དགྱེས་པ་བསྐྱེད་ཕྱིར་འོ་བྱའོ། །མཆུ་དང་ནུ་མའི་གོང་གཉིས་དང་། །མཆན་ཁུང་འབུར་གཉིས་མཁུར་ཚོས་ལ། །བུད་མེད་དགའ་བ་བསྐྱེད་པའི་ཕྱིར། །མི་དྲག་པར་ནི་སོས་གདབ་པོ། །མཆུ་གཉིས་བར་དུ་མཆུ་གཉིས་དག །བལྟ་བཞིན་ཡུན་རིང་གཞིབ་པར་བྱ། །ནུ་མ་གཉིས་དང་འབུར་གཉིས་དང་། །བརླ་དང་ནུ་མ་མཁུར་ཚོས་སྐྱེད་པ་རུ། །བརྩེ་དང་ཆགས་པ་བསྐྱེད་པའི་ཕྱིར། །སེན་ཐབས་བཅས་པས་རེག་པར་བྱ། །གསང་བའི་སྟོད་ཀྱི་གནས་གསུམ་དུ། །སྐེད་པའི་གནས་གསུམ་བཅུ་གཉིས་དག །མཆན་ཁུང་རྩིབ་ལོགས་རྒྱུ་ཞབས་སུ། །ཐ་མལ་ཚུལ་གྱིས་དྲུད་པར་བྱ། །སྲིན་ལག་ཐབས་ཀྱིས་བསྐྱོད་པར་བྱ། །རེག་དང་འཕྲོ་བས་ཡིད་འཕམ་པ། །དེ་ཚེ་རྟགས་ནི་འབྱུང་བར་འགྱུར། །རྩེ་གཉིས་འཕྲད་པས་བདེ་བ་ཆེ། །གང་ལ་རང་དབང་མེད་པར་ནི། །འཁོར་བའི་སྲིད་པ་རང་ཐིམ་འགྱུར། །བྷ་ག་པདྨའི་སྙིང་པོ་ལ། །རྡོ་རྗེ་ཐབས་ཆེན་བསྐྱོད་པ་ཡིས། །གསང་བའི་ཐིག་ལེ་བཅུད་ཀྱི་འབྲུ། །རྩེ་ནས་བཟུང་བཟློག་སྦྱངས་པ་ཡིས། །དབང་པོ་ཡུལ་དང་རྣམ་ཤེས་ཀུན། །བདེ་བ་ཆེན་པོའི་གཟུགས་སུ་སྐྱེ། །འདི་ཚེ་བར་ཆད་མེད་པ་ཡིས། །མཐར་ཐུག་གསང་བའི་ཡེ་ཤེས་འགྲུབ། །དབང་དང་མན་ངག་སྔོན་སོང་བས། །ཡོན་ཏན་བཅུ་དང་རབ་ལྡན་ཞིང་། །ཡིད་འོང་རིགས་བཞི་ཐིག་ལེ་ནི། །པདྨ་ནཱི་དང་ཧ་སྡི་ནཱི། །ཤང་ཀ་ནཱི་དང་ཙ་ཏ་ནཱི། །ལོ་གྲངས་བཅུ་དྲུག་ལོན་པ་ལ། །ནུབ་ཕྱོགས་འོག་མིན་བདེ་ལྡན་དུ། །མ་ཆགས་པདྨ་གདན་བཏིང་བ། །ཉི་མ་ཤར་བའི་གཞལ་ཡས་ཁང་། །ཉུང་དཀར་ཚད་ཀྱི་བུམ་པ་ནི། །ཡོན་ཏན་ཚད་མེད་གཏེར་དང་ལྡན། །ལས་དང་ངོ་བོ་ཚད་དང་བྲལ། །བདག་ཉིད་ངོ་བོ་ཅན་ལྡན་པས། །བཅུ་དྲུག་བཞི་ཆས་བདེ་བསྐུལ་བས། །གཉིས་ཀའི་གནས་སུ་ཡབ་ཡུམ་དག །ཕྱག་རྒྱ་དགུ་གཉིས་ཚད་མས་གདབ། །ས་ཡ་བཅུ་གསུམ་གཉིས་ཀྱི་བཅུད། །བསྐྱོད་ ― DNG011_Page_0546 ―
[མ་དཔེ་གཟིགས་ན་འདིར་གནོན།]
བསྐུལ་བྲོ་གར་ཐབས་ཀྱིས་གདགས། །ཉི་ཟླ་དུས་གཅིག་འདྲེས་ཤར་བ། །དེ་ཉིད་བཞི་ལ་སླར་བསྡུས་ན། །དང་པོ་སྤྱོད་ཡུལ་ཐམས་ཅད་ཀུན། །བཅུ་གསུམ་ཕྱག་རྒྱའི་དཀྱིལ་འཁོར་གསལ། །རྒྱུ་བ་ཡིད་དང་དྲན་རྟོག་ཆད། །ཐིག་ལེ་བདེ་ཆེན་འགྲོ་འོང་མེད། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། བྷ་ག་བཤད་པའི་ལེའུ་སྟེ་བཅུ་བཞི་པའོ།། །།དེ་ནས་གཞན་ཡང་བཤད་བྱ་བ། །ཞེ་སྡང་ཅན་གྱི་གང་ཟག་ལ། །གཉེན་པོ་ཐབས་ཀྱིས་མི་འདུལ་བ། །ཐབས་ཆེན་གསང་བ་བཤད་པར་བྱ། །ནོངས་པར་སྤྱོད་དང་ལོག་སྲེད་ཅན། །དམ་ཉམས་ལོག་དང་འཁུ་བ་དང་། །བླ་མ་མཆོད་དང་དཀོན་མཆོག་དགྲ། །དམ་དགྲ་ངན་པའི་ངང་ཚུལ་ཅན། །ཡོངས་ལ་གནོད་དང་འདུས་པར་འོངས། །བླ་མ་གྲོགས་ཀྱི་ཡུམ་ཕྲོག་ཅིང་། །ཚོགས་ཀྱི་ཡོ་བྱད་རྐུ་འཕྲོག་ཁྱེད། །གསང་བ་འཇིགས་པའི་ལས་བྱེད་པ། །དམ་ཚིག་དམ་ཆོས་དམོད་པ་དང་། །ལྷ་དང་མི་དང་ངན་འགྲོར་བཅས། །ཐམས་ཅད་བསྐུལ་བའི་ཞིང་དུ་གསུངས། །བདག་དང་གཞན་ལ་ཕན་པའི་ཕྱིར། །ཆོས་ཀུན་རོ་གཅིག་ཉིད་གནས་ཤིང་། །མཉམ་ཉིད་རིག་པའི་རྣལ་འབྱོར་པས། །སྡུག་བསྔལ་རྒྱུ་འབྲས་གཅད་པར་བྱ། །བྱམས་དང་སྙིང་རྗེ་ལྡན་པ་ཡིས། །ཐར་པ་ཆེན་པོར་དགོད་པར་བྱ། །དྲག་ཤུལ་ཐབས་ཀྱི་སྦྱོར་བ་ཡིས། །མཉམ་ཉིད་ཞི་ལ་དགོད་པར་བྱ། །ཐབས་དང་ལྡན་པའི་ལྕགས་ཀྱུ་ཡིས། །འཁོར་བའི་ཕུང་པོ་བཀུག་ནས་ནི། །ཐུགས་རྗེའི་ལྕིད་དང་ལྡན་པར་གནན། །ཤེས་རབ་མཚོན་ཆ་ལྡན་པ་ཡིས། །ཉོན་མོངས་འཁོར་བའི་རྒྱ་དྲལ་ཏེ། །ཆུ་ཤིང་སྡོང་པོ་ཁ་ཕྱེ་སྟེ། །མ་རིག་མུན་པ་སྣང་བར་བྱས། །དེ་ཉིད་ཡེ་ཤེས་འོད་ཀྱིས་སྦྱང་། །འབྱུང་བ་གསུམ་གྱི་ཐབས་ཀྱིས་སྦྱངས། །རཾ་ཡཾ་ཁཾ། མ་བསྐྱེད་ནམ་མཁའི་རང་བཞིན་ལ། །འབྱུང་བའི་རྐྱེན་གྱིས་མི་འཇིག་ལྟར། །སྐྱེ་མེད་སེམས་ཀྱི་རང་བཞིན་ལ། །མཚན་མའི་རྐྱེན་གྱིས་འཇིག་པ་མེད། །གསལ་བ་ཉི་ཟླའི་གདན་སྟེང་དུ། །ཨ་ལས་ཧཱུཾ་གི་སྦྱོར་བ་ཡིས། །ཚོན་གང་འོད་ཀྱི་སེམས་ ― DNG011_Page_0547 ―
[མ་དཔེ་གཟིགས་ན་འདིར་གནོན།]
དཔའ་ཆེ། །སྦྱོར་བ་རླུང་གི་ཆོ་ག་ཡིས། །འོག་མིན་གནས་སུ་སྤ་ར་ཡཾ། །དབྱིངས་སུ་བསྐུལ་བས་ཐེ་ཚོམ་མེད། །གཉིས་མེད་ཐིམ་པས་འདྲེས་འགྱུར་ཏེ། །རྒྱལ་བའི་སྲས་འགྱུར་རྡོ་རྗེ་སེམས། །གཉིས་སུ་མེད་པར་དབང་བསྐུར་ཏེ། །བདག་དང་གཞན་དོན་མཐར་ཕྱིན་ཏོ། །ཕུང་ལྔ་འདོད་པའི་ཡོ་བྱད་ལྔ། །དུར་ཁྲོད་སྣ་ཚོགས་ལས་གྲུབ་པ། །མཆོད་པའི་སྤྲིན་ནི་རབ་འབྱམས་ཀྱིས། །མ་ལུས་ཁྱབ་པར་སྤྲོ་བར་བྱ། །བདག་དང་གཞན་ལ་ཕན་པའི་ཕྱིར། །བྱམས་དང་སྙིང་རྗེ་ལྡན་པ་ཡིས། །དཔག་མེད་ལོག་པར་འཁྱམས་པ་རྣམས། །ཐབས་ཀྱིས་མ་སྐྱེས་ས་ལ་བཀོད། །འཆི་བ་མེད་པའི་ཆོས་སྐུར་ཐིམ། །བདེ་ཆེན་ས་ལ་སྦྱོར་བར་རིགས། །བདེ་ལམ་འདི་ལས་གཞན་མེད་དོ། །ཨ་ཡི་རང་བཞིན་ཐོག་མཐའ་མེད། །ཏ་ལ་པ་ཡི་མངོན་མཚན་པས། །རྟོག་པ་འདོད་པའི་སྤྱོད་པ་ཡིས། །མ་ལུས་མཉམ་པ་ཉིད་དུ་སྦྱོར། །ཨ་ལས་དབྱུག་བཏགས་དཀར་ལྡན་སྒྲས། །མ་ལུས་མཉམ་པ་ཉིད་དུ་སྦྱར། །གསང་བ་དེ་ཉིད་ངེས་པ་ཡིས། །ཕྱག་རྒྱ་སྙིང་པོ་ཏིང་འཛིན་གྱིས། །སྒྱུ་འཕྲུལ་དྲ་བ་གཉིས་མེད་པའི། །གོ་འཕང་ཚེ་འདིར་འགྲུབ་པར་ངེས། །ཆགས་པས་སྡང་བ་གྲོལ་བྱེད་པ། །མུན་འགྱུར་སྨན་དང་བདུད་རྩི་ལྟར། །དཀའ་ཐུབ་ཚེགས་དང་བྲལ་བ་ཡི། །ཐབས་དང་ཤེས་རབ་འདྲེལ་པ་ཡི། །གསང་བའི་ཐབས་ལ་ལེགས་གོམས་པས། །ཉི་ཟླ་འདྲེས་དང་རྩེ་ཟིན་པར། །ཐིག་ལེ་ཞེ་སྡང་བདེ་བར་ཐིམ། །གསང་བ་དེ་དག་གནས་པ་ན། །ཉོན་མོངས་དྲན་རྟོག་མ་ལུས་པ། །མུན་པ་ལ་ནི་སྣང་བ་བཞིན། །གསང་བ་ཐབས་ཀྱི་སྣང་བར་འགྱུར། །འདོད་ཆགས་སྡང་བའི་གང་ཟག་གིས། །ཐལ་བའི་རྒྱུད་ལ་ལེགས་གོམས་པས། །འདོད་ཆགས་མ་ལ་འདོད་སྤྱད་པས། །ཞིང་ཁམས་བདེ་བ་འཕེལ་བར་འགྱུར། །སངས་རྒྱས་ཀུན་དང་མཉམ་པ་ཡི། །བདེ་ཆེན་ཐིག་ལེ་ཁྱབ་པར་རོ། །ལུས་གནས་ལུས་ལས་མ་སྐྱེས་པས། །ཐམས་ཅད་ལྷན་ཅིག་སྐྱེས་པར་གསལ། །ཕྲ་ལས་ཤེས་རབ་ཕ་ ― DNG011_Page_0548 ―
[མ་དཔེ་གཟིགས་ན་འདིར་གནོན།]
རོལ་ཕྱིན། །སྐྱེས་བུ་ཐབས་དང་ནུས་པ་ཡིས། །རིགས་ངེས་གསུམ་དང་ལྡན་པ་ལ། །ཐབས་ཀྱི་སྦྱོར་བ་དེ་བཞིན་བརྩམས། །ཆགས་པ་སྤྱད་དང་རླུང་གི་ཐབས། །དང་པོའི་ལས་ཅན་དགའ་བྱའི་ཕྱིར། །མི་ཡི་བུ་མོ་ལ་སྤྱོད་པ། །འདི་དག་ཐིག་ལེ་བཟུང་ཕྱིར་བསྟེན། །ཏིང་འཛིན་ཡེ་ཤེས་ལྷ་མོ་ལ། །བརྟེན་པས་སེམས་ཀྱི་བདེ་བ་འབྱུང་། །རྒྱུ་འབྲས་ཟག་པ་ཁུ་བ་མེད། །རྩ་དང་རླུང་དང་ཐིག་ལེ་ལ། །བརྟེན་པ་མེད་ཅིང་འཛིན་པ་མེད། །ཡིད་དང་ཏིང་འཛིན་ཡེ་ཤེས་ཀྱི། །གང་ཡིན་ལྷ་མོ་ལ་སྦྱར་བས། །བུད་ཤིང་མེ་ལྟར་རང་ཚིག་ཅིང་། །ཟག་པ་མེད་པའི་བདེ་ཆེན་པོ། །སྣང་བ་འདི་ལས་ས་ཁམས་དང་། །དུས་ཁམས་ཞིང་ཁམས་ནམ་མཁའི་ཁམས། །བདེ་བ་ཆེན་པོས་ཁྱབ་པར་འགྱུར། །ནམ་མཁའི་དབྱིངས་ཀྱི་མཐར་ཐུག་པར། །གསང་བའི་ས་གསུམ་མ་ལུས་པ། །ཐབས་ཀྱིས་ཟིན་དང་མ་ཟིན་ལས། །འཕེལ་འགྲིབ་ཟག་པ་ཡོད་མིན་དང་། །འཆིང་གྲོལ་ཁྱད་པར་སྣ་ཚོགས་སྣང་། །ཐབས་དང་སྐྱེས་བུའི་ཁྱད་པར་ལས། །མ་ལུས་བདེ་མཆོག་སྒྱུ་མའི་ཕྱིར། །གང་ཡང་མི་བྱ་བ་མེད་དེ། །ཐམས་ཅད་རྒྱལ་བའི་མཛད་པར་གནས། །པདྨ་ཐབས་དང་འདུས་པ་ལས། །དབང་པོ་རྣམ་ཤེས་ཡུལ་ལས་སོགས། །ཐ་དད་གྲོལ་བས་རང་ལོག་སྟེ། །ལྷན་ཅིག་སྐྱེས་པའི་ངོ་བོ་གསལ། །ལུས་དང་སེམས་དང་ཡེ་ཤེས་ཀྱི། །བརྟེན་པ་གསུམ་ལ་མཉམ་སྦྱོར་བས། །འདུ་ཤེས་ཀུན་ལས་རབ་གྲོལ་ཏེ། །ཐམས་ཅད་བདེ་བ་ཆེན་པོར་སྨིན། །ཤེས་རབ་པདྨའི་མེ་ལོང་ལ། །རྡོ་རྗེ་གསང་བའི་ཐབས་བལྟས་པས། །བདེ་བ་ཆེན་པོའི་གཟུགས་བརྙན་ཚོགས། །མཐའ་དབུས་མེད་པར་རང་བཞིན་སྣང་། །བདེ་བ་ཆེན་པོའི་རང་བཞིན་ནི། །སྣང་བ་མ་ཡིན་མི་སྣང་མིན། །མཐའ་དབུས་ཞེན་པ་ལས་འདས་ནས། །ཐམས་ཅད་བདེ་ཆེན་མཉམ་པ་ཉིད། །ཤེས་རབ་གསལ་བའི་མེ་ལོང་ལ། །སྐྱེས་བུ་ཐབས་ཀྱིས་བདེ་གནས་ཤིང་། །སྐྱེས་བུ་ཐབས་ཀྱི་བཟླ་བ་ལ། །ཤེས་རབ་མིག་ ― DNG011_Page_0549 ―
[མ་དཔེ་གཟིགས་ན་འདིར་གནོན།]
གིས་གང་བལྟས་པ། །ཞེན་བཏགས་སྣང་བའི་མུན་པ་རྣམས། །ཐབས་ཆེན་སྣང་བས་ཁྱབ་པར་འགྱུར། །སྦྱོར་བས་སྣང་བ་ཀུན་བསྒྲལ་ཞིང་། །བསྒྲལ་བས་སྐྱེ་མེད་དབྱིངས་སུ་སྦྱོར། །གཉིས་མེད་རྟོགས་པའི་རྣལ་འབྱོར་པ། །པདྨ་ལ་ནི་འདམ་བཞིན་ནོ། །གང་དུ་ཉམས་དང་ལྡན་པ་ཡིས། །གང་དུ་བསྐུལ་ལམ་མི་གསལ་ན། །རང་གི་ཚད་དང་ལྡན་པར་དུ། །གླུ་དང་རྩེད་མོ་གར་དག་དང་། །ཕྱི་རོལ་ཆགས་པས་འབར་བྱས་ཏེ། །བདེ་ཆེན་ཡིད་ཀྱི་ཡུལ་ལ་བལྟ། །འགྲོགས་པ་དག་དང་དམིགས་པ་དང་། །གོམས་ལས་ཡེ་ཤེས་ཕྱག་རྒྱ་གསལ། །ལྷན་ཅིག་བདེ་ཆེན་རིམ་སྐྱེས་པས། །གཉིས་མེད་བདེ་བ་ཐབས་ཀྱི་རོ། །བཅུ་དྲུག་རྒྱུན་དང་འབབ་ཆུ་ལྟར། །གོམས་པའི་སྟོབས་ཀྱིས་མཐར་ཕྱིན་འགྱུར། །གསང་བའི་ཐབས་ལྡན་གང་ཟག་ནི། །འཁོར་བ་ཐབས་ཀྱི་ཞིང་གནས་ཀྱང་། །རྟོགས་གོམས་ཐབས་ཀྱིས་གང་ཟིན་པ། །མི་ལྡོག་དེ་ཉིད་ཕ་རོལ་ཕྱིན། །ཐབས་ཆེན་སྒྱུ་འཕྲུལ་དྲ་བ་ལས། །ཐབས་ཆེན་གསང་བ་འདི་གསུངས་སོ། །སྐལ་ལྡན་མཆོག་གི་སྤྱོད་ཡུལ་ཏེ། །དམན་དང་རིགས་ཆད་ཡུལ་མ་ཡིན། །སྒྱུ་འཕྲུལ་དྲ་བའི་རྒྱུད་ཆེན་པོ་ལས། ཐབས་ཆེན་པོ་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་གཞན་ཡང་བཤད་བྱ་བ། །རང་བཞིན་ཐབས་ཀྱིས་མངོན་བྱས་པའི། །ལས་ཀྱི་ཁྱད་པར་སྣང་བ་ཡི། །རིམ་པ་འདི་ནི་བཤད་པར་བྱ། །ཐམས་ཅད་རང་བྱུང་བྱང་ཆུབ་སེམས། །ཀུན་གྱི་གཞི་རྩ་སྟོང་པ་ཉིད། །མ་སྐྱེས་པ་ཉིད་སྐྱེ་བ་སྟེ། །འདི་ལ་ཕྱོགས་རིས་ཀུན་ལས་འདས། །ཀུན་ནས་ཆ་ཤས་སྤང་བྲལ་བའི། །མ་དམིགས་མི་དམིགས་དམིགས་སུ་མེད། །བྱང་ཆུབ་སེམས་ཀྱི་རང་བཞིན་ཉིད། །ཕྲིན་ལས་ཀུན་གྱི་ངོ་བོར་སྣང་། །ཐམས་ཅད་ཐིག་ལེ་ཆེན་པོའི་ངང་། །ཕྱོགས་མེད་རང་བྱུང་ཐིག་ལེ་ལ། །མི་མཐུན་དྲི་མ་རྡུལ་མེད་པ། །མ་བཅོས་ཞི་བ་ཆེན་པོར་བཤད། །དངོས་མེད་རང་རིག་བྱང་ཆུབ་སེམས། །རང་བྱུང་རང་སྣང་ངོ་བོ་ཉིད། །མཐའ་དབུས་མེད་པའི་ངང་ཚུལ་གྱིས། །ནམ་མཁའི་ ― DNG011_Page_0550 ―
[མ་དཔེ་གཟིགས་ན་འདིར་གནོན།]
ཁམས་ལྟར་གནས་པའོ། །ཐབས་ཅིག་ཏུ་ནི་གནས་པ་ན། །བྱ་དང་མི་བྱ་ལ་སོགས་པ། །གཉིས་མེད་ཐིག་ལེར་རང་གནས་པ། །རིག་པས་རང་རྒྱུད་ཉིད་དུ་འདུས། །མ་སྐྱེས་སྟོང་པའི་རང་བཞིན་ལ། །དངོས་དང་དངོས་མེད་འཇིགས་མེད་འཇིག་པས་ན། །ཐོགས་པ་མེད་པར་ཕ་རོལ་ཕྱིན། །མ་ལུས་པར་ནི་འཇིག་པར་འགྱུར། །རང་རིག་སྟོང་པའི་གཟུགས་བརྙན་ནི། །མི་ཤེས་ཐིག་ལེའི་རང་སྣང་ནི། །དྭངས་མ་རྩ་བཞི་འོད་དང་བཅས། །རང་བཞིན་ལས་དང་ནུས་པར་བཅས། །ཐ་དད་མེད་པས་ནང་དུ་བཤད། །འཇིག་རྟེན་འཇིག་རྟེན་འདས་པ་ཡི། །སྤྱོད་ཡུལ་བྲལ་བའི་གསང་བ་སྟེ། །བྷ་ག་བདེ་བ་ཆེན་པོ་ཉིད། །ཡི་གེ་བཞི་ལྟར་རང་གནས་པ། །ཐབས་དང་ལྡན་པས་རྟོགས་འགྱུར་གྱི། །དམན་པས་རྟོགས་པར་ག་ལ་འགྱུར། །གང་དུ་ཡུལ་དང་ཕྲད་པའི་ཚེ། །དྭངས་མ་དགའ་བ་ཆགས་པ་དང་། །རྩོལ་བ་རེ་དོགས་ཆད་པའི་སེམས། །མི་མཐུན་པ་ཉིད་མཐུན་འགྱུར་ཡང་། །ཐབས་བྲལ་རྣམས་ལ་རྒྱས་བཏབ་བོ། །ཐབས་དང་ཤེས་རབ་ལྡན་པ་ཡིས། །དགའ་བའི་རོལ་པ་སྣ་ཚོགས་པ། །རྩེ་གཅིག་པར་ནི་འགྱུར་བའི་ཚེ། །སྣ་ཚོགས་དྲན་བསམ་ཞི་བར་འགྱུར། །རོལ་དང་འཁྱུད་དང་ཞལ་སྦྱོར་དང་། །སྟེགས་དང་འཇོ་བ་བལྟ་དང་རྩེ། །སྣ་ཚོགས་ཕྱི་ནང་སྦྱོར་བ་ཡིས། །ལུས་སེམས་ཕྱི་ནང་རྒྱས་པར་འགྱུར། །གང་དུ་ཕྱི་ནང་རོལ་པའི་ཚེ། །ཐབས་དང་ཤེས་རབ་ལྡན་པ་ལ། །ཕྱི་ནང་དྲན་བསམ་མ་ལུས་པ། །ཞེན་པ་ལྡོག་ཅིང་དབང་དུ་འདུ། །རེ་དོགས་ཆད་པའི་དུས་ཉིད་ནི། །གང་ལ་འཇུག་པའི་ཡིད་སྤངས་པས། །རང་བྱུང་ཐིག་ལེ་བསམ་མི་ཁྱབ། །དེ་ཉིད་མ་རིག་ལ་སོགས་བཅོམ། །ཐམས་ཅད་འདུས་པའི་སྙིང་པོ་ནི། །ཇི་སྙེད་ཕྲིན་ལས་ངོ་བོ་སྟེ། །སོ་སོར་དབྱེ་བ་མི་གནས་ཀྱང་། །རིན་ཆེན་སེམས་ལ་རང་བཞིན་རྫོགས། །གང་ཕྱིར་ཐབས་དང་སྦྱོར་བ་ཡིས། །རྫས་ལས་བཅུད་ཀྱིས་བསྒྱུར་བ་ལྟར། །སྐལ་ལྡན་དབང་པོ་ཡང་ ― DNG011_Page_0551 ―
[མ་དཔེ་གཟིགས་ན་འདིར་གནོན།]
རབ་ལ། །གང་ཕྱིར་བསྒྲུབ་པ་དེ་བཞིན་སྣང་། །གསང་ཆེན་ཐབས་ཀྱི་རོལ་པའི་རྒྱུད། །ཆགས་པས་ཆགས་པ་གྲོལ་བ་ལྟར། །གང་འདིར་ཐབས་དང་བྲལ་བ་ཡིས། །ནམ་མཁའ་ལ་ནི་མེ་ཏོག་བཞིན། །རྒྱུ་དང་ངོ་བོ་ཉིད་དག་དང་། །མཐར་ཕྱིན་ཐབས་ཀྱི་རྒྱུད་དག་གིས། །མ་ལུས་ཀུན་ལ་ཁྱབ་གནས་པ། །ཕྲིན་ལས་རོལ་པ་ཐབས་ཀྱི་རྒྱུད། །རྡོ་རྗེ་པདྨ་ནུ་མ་སྤྲད། །རྐན་དང་ལྕེ་དང་ཐབས་སྦྱར་བས། །མེ་ལོང་ལ་ནི་གཟུགས་བརྙན་བཞིན། །པདྨའི་བདེ་བ་མངོན་དུ་སྣང་། །ཐིག་ལེ་མངོན་དུ་འབྱུང་བ་ན། །ཐབས་དང་ཤེས་རབ་གཉིས་མེད་པས། །འདྲེན་པ་དང་ནི་འཛིན་པ་དང་། །རྩེ་དང་སྐེད་པ་རྩ་བ་དང་། །ལྟེ་བ་སྙིང་མགྲིན་སྐྲ་མཚམས་སུ། །ཐིག་ལེ་འོང་བའི་ཚུལ་གྱིས་ནི། །བྱ་བའི་ཐབས་ནི་གང་ལ་ཡང་། །ཕྲིན་ལས་བཞི་ནི་ཀུན་འཆང་སྟེ། །ཐབས་དང་ལྡན་པས་རྣམ་དབྱེ་བ། །མ་ནོར་དོན་དང་ལྡན་པ་ཡིས། །བདག་དང་ལྷ་དང་སྒྱུ་མ་དང་། །ནམ་མཁའ་ལྟ་བུར་མཐར་ཕྱིན་པས། །བདེ་ཆེན་རིག་པ་རང་གསལ་བ། །ཕྱོགས་དང་བྲལ་བར་རང་བཞིན་སྣང་། །ཤེས་རབ་མེད་པའི་རྣལ་འབྱོར་པས། །བདག་ཉིད་བདེ་བར་ལྡན་པའི་ཕྱིར། །རིག་པའི་ལྷ་མོ་བསྟེན་པ་དང་། །བརྡའ་དང་གཞིབ་པས་བདེ་བ་བསྐྱེད། །དེ་ནས་སྟོང་ཞིང་མི་རྟོག་པས། །དབང་པོ་ཡུལ་སེམས་ལ་སོགས་ཆོས། །རང་བྱུང་རང་རིག་བྱང་ཆུབ་སེམས། །དབྱེར་མེད་བདེ་བ་ཆེན་པོར་བསྒོམ། །གང་དང་གང་དུ་ཕྲད་པ་ལས། །དེ་ནི་དེ་ཡིས་དེར་སྣང་ལྟར། །ཐབས་ཆེན་རིག་པ་མཉམ་སྦྱོར་ལས། །རང་བྱུང་བདེ་ཆེན་གསལ་བར་འབྱུང་། །དགུག་དང་བཀུག་དང་འཐབ་པ་དང་། །འདྲེན་དང་འཛིན་དང་བསྐྱིལ་བ་དང་། །སྦྱང་དང་སྤེལ་དང་ལས་བརྩམས་པས། །བར་ཆད་མེད་པའི་བདེ་བ་འབྱུང་། །གོང་དུ་ཐབས་ཆེན་ལྡན་པ་ཡིས། །ཡིད་འོང་མཚན་ལྡན་བུ་མོ་ལ། །བལྟ་དང་ཉན་དང་འགྲོགས་ལ་སོགས། །བདེ་ཆེན་བར་ཆད་མེད་པར་གནས། །གསང་ཆེན་ཐབས་ཀྱི་མེ་ལོང་འདི། །ཀུན་ ― DNG011_Page_0552 ―
[མ་དཔེ་གཟིགས་ན་འདིར་གནོན།]
ལ་གནས་ཀྱང་མི་སྣང་སྟེ། །ལོང་བ་གཟུགས་དང་འཕྲད་པ་བཞིན། །ཇི་ལྟར་བལྟས་པས་མཐོང་བ་མེད། །ཐིག་ལེ་རིམ་ནས་རིམ་གནས་པ། །དང་པོ་ནས་བརྩམས་མཐར་ཕྱིན་པར། །གོམས་དང་རྐྱེན་གྱིས་གོང་ནས་གོང་། །ལམ་གྱི་ཁྱད་པར་མཐར་ཕྱིན་འགྱུར། །ལས་དང་རིམ་པ་བྱིན་རླབས་དང་། །ཡེ་ཤེས་རྣལ་འབྱོར་མ་ཡི་ཚོགས། །དངོས་དང་ཏིང་འཛིན་བདེ་ཐོབ་པ། །པདྨ་གསུམ་པས་རིམ་སྦྱོར་བས། །ཡུལ་དང་རྒྱན་དང་ཡུན་ལ་སོགས། །རིམ་པ་རང་བཞིན་འཕེལ་བ་ཡིས། །མཐར་ཐུག་ལམ་ལ་གནས་པར་འགྱུར། །སངས་རྒྱས་ལྷ་མོ་རོལ་པ་ཡིས། །སྐལ་ལྡན་རིགས་པ་དབང་བསྐུར་བས། །བཅུ་གསུམ་མཐར་ཕྱིན་ལྷུན་གྲུབ་པས། །རིག་པའི་མེ་ཏོག་སྟོང་པ་ལ། །བྱ་བྱེད་མེད་པའི་རང་བཞིན་གྱིས། །ཡོན་ཏན་སྣ་ཚོགས་གསལ་བར་སྣང་། །ཕྱོགས་བཅུ་མ་ལུས་སངས་རྒྱས་སྲས། །མཐར་ཕྱིན་དབང་གི་སྦྱོར་བ་སྟེ། །མཐར་ཐུག་བདེ་བའི་ནམ་མཁའ་ལ། །ཉི་མ་བྱེ་བ་བརྡལ་ཀ་ལྟར། །ཡེ་ཤེས་ནམ་མཁའ་མཐའ་དབུས་མེད། །རང་བྱུང་ཡེ་ཤེས་བདེ་ཆེན་པོ། །རང་རིག་སྟོང་པ་ཡུལ་ལས་འདས། །རྒྱུ་རྐྱེན་རིམ་པ་ཀུན་དང་ལྡན། །དཔག་བསམ་ཤིང་དང་ནོར་བུ་ལ། །ཞིང་ཁམས་ནམ་མཁའི་མཐར་ཐུག་པ། །ཉི་འོད་ཆུ་རླབས་ཆར་བཞིན་དུ། །འཕེལ་འགྲིབ་མེད་པའི་ཚུལ་དུ་གནས། །གང་ལ་བདེ་སྟོང་དབྱེར་མེད་པ། །གཉིས་ཀ་མ་ཡིན་གཉིས་མེད་མིན། །མཐའ་དབུས་རྒྱུ་འབྲས་རེ་དོགས་སོགས། །སྤང་ཐོབ་མེད་པར་རྟག་ཏུ་གནས། །གསང་བའི་ཡང་གསང་སྙིང་པོ་སྟེ། །) གསང་བ་མངོན་ཕྱུང་ཐབས་ཀྱི་རྒྱུད། །སྒྱུ་འཕྲུལ་ཐབས་ཆེན་གསང་བའི་ལམ། །ལུས་དང་མན་ངག་ཐབས་ཀྱི་མཆོག །བསྐལ་པར་སྦྱངས་ཀྱང་མི་རྙེད་ལ། །བླ་མའི་མན་ངག་ཐབས་ཆེན་རྒྱུད། །ད་ལྟ་ཉིད་དུ་མངོན་པར་སྣང་། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། ཕྲིན་ལས་བཤད་པའི་ལེའུ་སྟེ་བཅུ་དྲུག་པའོ།། །།དེ་ནས་གཞན་ ― DNG011_Page_0553 ―
[མ་དཔེ་གཟིགས་ན་འདིར་གནོན།]
ཡང་བཤད་བྱ་བ། །ཐབས་དང་ཤེས་རབ་ལྡན་པ་ཡི། །རྡོ་རྗེ་དང་ནི་དྲིལ་བུའི་ཚད། །དེ་ནས་ལེགས་པར་བཤད་བྱ་བ། །ནམ་མཁའི་དབྱིངས་དང་མཉམ་པ་ཡི། །རྡོ་རྗེ་ཐབས་ཆེན་ཡེ་ཤེས་ཏེ། །དྲིལ་བུ་ཤེས་རབ་ཕ་རོལ་ཕྱིན། །ཚད་དང་བྲལ་བར་བཤད་པ་ཡིན། །ཐབས་ཆེན་བདེ་བའི་རྡོ་རྗེ་ཡིས། །ནམ་མཁའི་དབྱིངས་དང་མཉམ་པ་ཡི། །བདེ་བ་ཡེ་ཤེས་ཚད་མེད་པ། །དཔག་མེད་ཐིག་ལེ་བདེ་བའི་མཆོག །གསང་བ་ཆེན་པོ་བདག་ཉིད་ཅན། །གང་དུ་བདེ་བས་ཁྱབ་པའི་གནས། །དངོས་མེད་ཤེས་རབ་ཕ་རོལ་ཕྱིན། །སངས་རྒྱས་ཀུན་གྱི་རང་བཞིན་ཏེ། །ནམ་མཁའ་ལྟ་བུར་རང་བཞིན་གསལ། །ཆོས་ཉིད་དབྱིངས་དང་མཉམ་པ་ཡི། །བདེ་བ་ཆེན་པོ་ཚད་ལས་འདས། །གང་གིས་དཔག་པར་མི་ནུས་པ། །བདེ་ཆེན་དབྱེར་མེད་བསམ་ལས་འདས། །བདག་གཞན་བྱ་བསམ་ལས་འདས་པ། །ཡུལ་དང་དབང་པོ་སེམས་ལ་སོགས། །ཇི་སྲིད་སྣང་གྲགས་ལས་འདས་པ། །དེ་སྲིད་བདེ་ཆེན་ཆོས་ཀྱི་སྐུ། །དངོས་དང་དངོས་མེད་གཉིས་ལས་འདས། །ཐབས་དང་ཤེས་རབ་བདེ་བའི་མཆོག །སྒྱུ་འཕྲུལ་དྲ་བ་ཐབས་ཀྱི་ལམ། །གསང་མཆོག་ཐིག་ལེ་དབྱིངས་ལ་རྫོགས། །འགྲོ་འོང་དམིགས་རྟོགས་ཀུན་ལ་འདས། །དབང་པོ་རྡོ་རྗེ་གསང་བའི་བདག ། ཐམས་ཅད་འདུས་པའི་རང་བཞིན་ཏེ། །མ་ལུས་གཅིག་པུ་གསལ་བ་ལ། །ཡུལ་མེད་བདེ་བར་རང་བཞིན་གསལ། །ཤེས་རབ་དྲིལ་བུ་པདྨ་སྟེ། །ཆོས་དབྱིངས་བྷ་ག་གསང་བའི་ཡུམ། །གཞན་ཡང་ཐམས་ཅད་འདུས་པ་ནི། །བདེ་བ་སྐྱེད་པའི་ཞིང་དུ་བཤད། །གསང་དབང་ཚད་ནི་མཛུབ་གང་སྟེ། །བརྒྱ་ཕྲག་བྱེ་བ་འདུས་པའི་རྩ། །ཐིག་ལེ་ཕྲ་རགས་ཁྱབ་བྱེད་པ། །ལུས་ཅན་ཐབས་ལ་རང་བཞིན་གནས། །ཡུལ་ནི་པདྨ་སོར་བཞི་སྟེ། །ཤེས་རབ་རང་བཞིན་དྲི་མེད་དེ། །བསྐལ་པ་དཔག་མེད་རྡུལ་སྙེད་ཀྱི། །བག་ཆགས་བསལ་ནས་བདེ་བ་བསྐྱེད། །རྡོ་རྗེ་ཐབས་ཀྱི་ཐིག་ལེ་ཉིད། །ཕྱོགས་བཅུ་དྲ་བའི་རང་བཞིན་ཏེ། །ཐབས་ལ་བརྟེན་པའི་ཉམས་མྱོང་ ― DNG011_Page_0554 ―
[མ་དཔེ་གཟིགས་ན་འདིར་གནོན།]
གིས། །ཐམས་ཅད་བདེ་ཆེན་རང་བཞིན་གསང་། །གསང་བའི་པདྨའི་རྩ་ཐིག་ལེ། །བྱེ་བྲག་བརྒྱ་བཅུ་ཀུན་འདུས་པ། །མ་ལུས་འདུས་པའི་རྩ་ཐིག་ལེ། །ཕྱོགས་བཅུ་ཀུན་ནས་བྱིན་གྱིས་རློབས། །གང་ཕྱིར་ཉི་ཟླ་འགྲོ་འོང་གིས། །གསང་བའི་ཉམས་ལ་གང་གནས་པ། །ལོ་ཟླ་ཚད་དང་གྲངས་བྲལ་བར། །མི་འགྱུར་བདེ་ཆེན་འགྲུབ་པར་འགྱུར། །ཐིག་ལེ་རོ་ཡིས་ཁྱབ་པ་ཡིས། །མཐའ་དབུས་གཞི་རྩ་མེད་པའི་དབྱིངས། །རྒྱ་དབྱིབས་ཚད་དང་བྲལ་བ་དེ། །རང་བཞིན་རྟོགས་ནས་གོམས་པར་འགྲུབ། །ལུས་དང་རྩ་དབྱིབས་ཚད་ལྡན་པས། །ཐབས་ཀྱིས་རང་སྣང་མངོན་སུམ་པ། །ཐིག་ལེའི་རང་བཞིན་མ་སྐྱེས་པས། །མ་ལུས་དག་རྟོགས་པདྨ་ཅན། །ཐམས་ཅད་བདེ་ཆེན་མི་རྟོག་པ། །ཐབས་ལ་ཤེས་རབ་སྦྱོར་བ་དང་། །ཤེས་རབ་ལ་ནི་ཐབས་སྦྱོར་ཞིང་། །གཉིས་མེད་འདྲེལ་བ་ལས་བྱུང་བའི། །བདེ་ཆེན་སེམས་ལ་སྒོམ་པའོ། །རྡོ་རྗེ་ཟླ་བའི་ཐིག་ལེ་ནི། །གོང་གི་ཐབས་ལ་བརྟེན་པ་ཡིས། །རིམ་ནས་རིམ་པར་མངོན་བྱས་པ། །མ་ཆགས་ཐབས་ཀྱི་རོལ་པ་མཛད། །གཉིས་མེད་རོལ་པ་ཕྱི་རོལ་ཡུལ། །མངོན་མཁྱེན་ཐད་ཀའི་དམིགས་ཡུལ་བྲལ། །ཤེས་རབ་ཉི་མ་ལ་བརྟེན་པས། །མ་ལུས་བདེ་ཆེན་ཐིག་ལེར་གསལ། །ལུས་གནས་ལུས་ལས་མ་སྐྱེས་པའོ། །ཐམས་ཅད་ཐབས་ཆེན་ལམ་གནས་པས། །མི་འགྲུབ་པ་དང་ཚེགས་ཆེན་དང་། །དཀའ་ཐུབ་གདུང་བ་ལས་འདས་ཤིང་། །རེ་དོགས་བྲལ་འདོད་ཡོན་ཏན་ལྔས། །དཀའ་ཐུབ་མེད་པར་ཚེ་འདིས་འགྲུབ། །གསང་ཆེན་ཐབས་ཀྱིས་བསྒྱུར་བ་ལྟར། །སྙིགས་མར་བཅས་པའི་ལུས་ཉིད་ནི། །སྤངས་པ་མེད་པར་བདེ་ཆེན་འགྲུབ། །ཐིག་ལེ་ཆེན་པོས་གསང་བ་ཡི། །ཕྱི་ནང་སྣོད་བཅུད་འཇིག་རྟེན་ཀུན། །མ་ལུས་བདེ་བར་རང་གསལ་བས། །རྟགས་ཞེས་ཐབས་ཀྱིས་རང་སར་གྲོལ། །བདེ་བ་ལ་ནི་གང་བརྟེན་པས། །རང་ལུས་ཐབས་ཀྱི་རང་བཞིན་ལས། །མེ་ལོང་བཞིན་དང་འཕྲད་པ་ལྟར། །རང་ལུས་མངོན་དུ་ ― DNG011_Page_0555 ―
[མ་དཔེ་གཟིགས་ན་འདིར་གནོན།]
སྣང་བར་འགྱུར། །ཐབས་དང་ཤེས་རབ་རོལ་པ་ལས། །རྩེ་ནས་རྩེ་རུ་སྦྱར་བ་ལ། །འགྲོ་འོང་མེད་པའི་ཐིག་ལེ་ཡིས། །ལུས་སེམས་བདེ་བས་རྒྱས་བཏབ་པས། །ཐམས་ཅད་མཉམ་པའི་དབྱིངས་སུ་གནས། །ཁམས་དང་བྲལ་བའི་བདེ་བ་ནི། །ཆོས་ཀྱི་དབྱིངས་དང་མཉམ་པ་སྟེ། །ངོ་བོ་ཚད་མེད་པ་ཉིད་དེ། །རིམ་པ་དབང་གི་སྟོབས་ལས་བྱུང་། །ཤེས་རབ་རང་བྱུང་དྲི་མེད་ལ། །བྷ་ག་ཐབས་ལ་མ་བརྟེན་པར། །དུས་གསུམ་རྒྱལ་བ་མི་འབྱུང་སྟེ། །ནམ་མཁའ་ལ་ནི་མེ་ཏོག་བཞིན། །པདྨ་མེ་ཏོག་རྒྱས་པ་ལ། །རྟག་ཏུ་མཆོད་དང་བསྟོད་པ་དང་། །བལྟ་དང་བསྣམ་དང་གཞིབ་དང་བསྟེན། །རྟག་ཏུ་བདག་དང་མཉམ་སྦྱོར་བས། །བདེ་ཆེན་རང་ཉམས་རྟག་འཕེལ་ཅིང་། །ནམ་མཁའ་ལྟ་བུའི་བདེ་ཆེན་འགྲུབ། །དང་པོ་ཅུང་ཟད་བདེ་བ་སྟེ། །རྩེ་གཅིག་རིག་པ་ལས་བྱུང་བ། །ཕྱག་རྒྱ་བཞི་ལྡན་རབ་སྦྱོར་བས། །ཐབས་ཀྱི་ཐིག་ལེ་སྨིན་པའི་ཚེ། །རེ་དོགས་འཇིགས་པའི་རྣམ་རྟོག་དག །ཐམས་ཅད་བདེ་བ་ཆེན་པོར་འབར། །དེ་བས་ཡོན་ཏན་ཀུན་ལྡན་པ། །རྣམ་གཡེངས་འདུ་བྱེད་གཅོད་བྱེད་ཅིང་། །ཆགས་པས་ཆགས་པ་སེལ་བྱེད་པ། །མི་ཡི་བུ་མོ་བསྟེན་པར་བྱ། །ལུས་ཀྱི་ནུས་པ་བརྟན་ཐོབ་པ། །ཏིང་འཛིན་བརྟན་པ་ལས་བྱུང་བ། །རྒས་འཆི་ཟག་པ་ལས་བྱུང་བའི། །རིག་པའི་བུ་མོ་བསྟེན་པར་བྱ། །ལོ་ཟླ་བསྐལ་པ་གྲངས་མེད་པར། །ཟག་མེད་བདེ་བ་རྒྱས་བྱ་ཞིང་། །མཐར་ཐུག་བདེ་བསྒྲུབ་བྱ་བའི་ཕྱིར། །ཡེ་ཤེས་སངས་རྒྱས་བཙུན་མོ་བསྟེན། །འདི་ལ་དགའ་དང་མི་དགའ་མེད། །འཇིགས་དང་བག་ཚ་ཅུང་ཟད་མེད། །བྱ་བ་མེད་ཅིང་བརྟེན་པ་མེད། །ཤ་རུས་རྐང་དང་ཁྲག་མེད་ཅིང་། །ཁུ་བ་མེད་ཅིང་གཤང་གཅི་མེད། །ནམ་མཁའི་འཇའ་དང་གཟུགས་བརྙན་ལྟར། །སྣང་བ་བདེ་བ་འཕེལ་བྱེད་ཅིང་། །རྒྱ་མཚོ་ཆུ་བོ་ཇི་བཞིན་དུ། །གནས་པས་བདེ་ཆེན་ནམ་མཁའ་ལྟར། །འབྱུང་འཇུག་རྒྱུ་རྐྱེན་ཆ་ལས་འདས། །མཐའ་དབུས་མེད་པའི་བྱང་ཆུབ་སེམས། །དུས་ཀུན་བདེ་ཆེན་དབྱེར་མེད་པས། །རང་བྱུང་ཡེ་ཤེས་ཡུལ་བྲལ་བ། ། ― DNG011_Page_0556 ―
[མ་དཔེ་གཟིགས་ན་འདིར་གནོན།]
གཉིས་མེད་མ་ཡིན་གཉིས་པ་མིན། །བཞི་བཅུ་ལྔ་སོགས་དུས་གསུམ་ཆོས། །ཀུན་མཁྱེན་ལྡན་བྲལ་གཉིས་ཀ་མིན། །ཐོག་མ་ཐ་མ་དབུས་མེད་ཅིང་། །སྤང་ལེན་ཤེས་དང་མི་ཤེས་བྲལ། །གཉིས་མེད་རང་རིག་བྱང་ཆུབ་སེམས། །ཐམས་ཅད་མ་བཅོས་ཐིག་ལེ་སྟེ། །གསང་བ་གསང་ཆེན་དམན་ཡུལ་མིན། །ཐབས་ཆེན་ལྡན་པ་འགའ་ཡི་ཡུལ། །བཅུད་འདུས་ཡེ་ཤེས་ཐིག་ལེ་ཆེ། །འཕྲོ་འདུ་མེད་པའི་རང་བཞིན་ལས། །ཕྱོགས་བཅུ་རྒྱལ་བའི་དཀྱིལ་འཁོར་སྣང་། །སྣང་སྟོང་བསམ་པའི་ཡུལ་བརྟགས་ལ། །ཐ་སྙད་མཚན་མ་ཅི་ཡང་རུང་། །བདེ་བ་གཉིས་སུ་མི་ཕྱེད་པའི། །ངོ་བོ་ཉིད་ཀྱི་གསང་མཆོག་བདེ། །གཞན་གྱིས་མ་བྱས་མི་གཡོ་བའི། །རང་རིག་བདེ་ཆེན་སྒྱུ་འཕྲུལ་ལ། །ངོ་མཚར་རྨད་བྱུང་སྣང་བ་སྟེ། །ངོ་བོ་ཉིད་ཀྱི་ཡུལ་ལས་འདས། །དོན་དམ་མ་བཅོས་མ་བསླད་པའི། །དེ་བཞིན་གཤེགས་པའི་སྤྱོད་ཡུལ་ཏེ། །དམན་དང་ཐ་མལ་དཀའ་ཐུབ་ཅན། །གང་དག་རྣལ་འབྱོར་སྤྱོད་ཡུལ་མིན། །རྡོ་རྗེ་ཉི་མ་གསང་བའི་བཅུད། །ཟླ་བ་ཐིག་ལེ་ཐབས་ཀྱིས་བཟུང་། །ཕྱོགས་ཆ་ཁྱབ་པར་གསལ་བ་ན། །རང་ལུས་སྙིགས་མ་བདེ་བར་གསལ། །གདམས་ཏེ་དང་པོ་འོག་གི་སྣོད། །ཐིག་ལེ་འགྲོ་འོང་བཅས་པ་རྣམས། །མི་འགྲོ་རང་ལ་ཐིམ་པ་ལྟར། །རྟོག་པ་ལྷན་ཅིག་སྐྱེས་པར་གསལ། །ཆགས་སྡང་ཞེན་པ་ཕྲག་དོག་རྣམས། །དུག་གིས་དེ་ཉིད་སེལ་བ་ལྟར། །ཐབས་ཆེན་དབང་གི་མན་ངག་གིས། །ཉི་འོད་མུན་པ་བཞིན་དུ་སེལ། །སངས་རྒྱས་རྣམས་ཀྱི་གསང་བ་ཡི། །གསང་བ་ཐབས་ལམ་སྣང་བ་སྟེ། །རྡོ་རྗེའི་ཚིག་ལམ་སྣང་བྱེད་འདི། །རྟོག་གེ་དམན་ལ་མི་བསྟན་ཏེ། །དབང་དང་མན་ངག་ལྡན་པ་ལ། །བྱིན་རླབས་ནན་ཏན་ཆེན་པོར་བྱ། །ཉི་ཟླ་རྒྱ་མཚོ་ཕོག་པ་སྦྱང་། །ཐིག་ལེ་འགྲོ་འོང་མེད་པར་བཅིངས། །རྒྱ་མཚོ་ནམ་མཁའི་མཐོངས་ལ་གཏད། །གླིང་བཞི་རེ་བ་གཅིག་ཏུ་བསྡུ། །ཐབས་ལ་མཁས་པའི་རྣལ་འབྱོར་པས། །ཆགས་སྡང་ལྔ་ ― DNG011_Page_0557 ―
[མ་དཔེ་གཟིགས་ན་འདིར་གནོན།]
སོགས་མི་དགེ་ཆོས། །སྤྱད་པས་མི་ལྡོག་ཕ་རོལ་ཕྱིན། །བདེ་ཆེན་ཐབས་སུ་བཤད་པ་ཡིན། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། དབང་པོ་ཡུལ་འདུས་པའི་ལེའུ་སྟེ་བཅུ་བདུན་པའོ།། །།དེ་ནས་གཞན་ཡང་བཤད་བྱ་བ། །ཇི་སྙེད་ཆོས་རྣམས་མཐའ་ཡས་པ། །ཡིད་དང་ཆོས་སུ་འདུས་པའི་དོན། །འདི་ནི་ངེས་པར་བཤད་པར་བྱ། །གང་དུ་ཕྱི་ནང་བཅས་པ་ཡི། །བློ་ཡུལ་ཅིར་ཡང་སྣང་བ་སྟེ། །འཁོར་དང་མྱ་ངན་འདས་པ་ཉིད། །ཆོས་སུ་སྣང་བར་འདུས་པ་ཡིན། །དེ་ཡི་རྗེས་སུ་འབྲང་བ་ཡིས། །དྲན་རིག་གསལ་བར་གང་གྱུར་པ། །རང་རིག་བློ་ལ་མངོན་སྣང་བ། །དེ་ལ་ཡིད་ཆེས་བརྗོད་པ་ཡིན། །གང་དུ་སྣང་བ་ཐམས་ཅད་ཀུན། །སེམས་ལས་གཞན་ན་མེད་པའི་ཕྱིར། །ཉི་འོད་རྒྱ་མཚོའི་རླབས་བཞིན་དུ། །རང་ལས་བྱུང་ཞིང་ཉིད་ལ་གནས། །རྟོགས་པའི་བྱེ་བྲག་ཐམས་ཅད་ཀུན། །གཉིས་མེད་ངང་ལ་རང་བཞིན་འདུས། །མ་ལུས་ཡིད་དང་ཆོས་འདུས་པས། །དེ་ཡང་མ་སྐྱེས་རང་བཞིན་ཉིད། །ཆོས་ཀྱི་དཀྱིལ་འཁོར་མཐའ་ཡས་པ། །རང་བྱུང་ཡེ་ཤེས་དཀྱིལ་འཁོར་སྣང་། །རང་བྱུང་ཡེ་ཤེས་གནས་མེད་ལ། །ཕྱོགས་དང་རྒྱ་དབྱིབས་ལས་འདས་པ། །མ་རིག་མ་སྐྱེས་དེ་བཞིན་ཉིད། །སྒྱུ་འཕྲུལ་ཤེས་རབ་གསལ་བར་སྣང་། །གང་དུ་རྟོགས་དང་མ་རྟོགས་ལས། །འཁོར་དང་མྱ་ངན་འདས་པར་སྣང་། །ཀུན་འབྱུང་ཡིད་ཀྱི་དཀྱིལ་འཁོར་ཏེ། །ཆོས་ཀྱི་ཡིད་དེར་འདུས་པ་ཡིན། །དངོས་པོ་མེད་ལས་དངོས་པོར་སྣང་། །དངོས་སྣང་དེ་བཞིན་ཡིད་ཀྱི་དབྱིངས། །ཐབས་དང་ཤེས་རབ་དབྱེར་མེད་པ། །མ་བཅོས་རྒྱུན་གྱི་བྱང་ཆུབ་སེམས། །ཡིད་ཀྱི་འཁོར་ལོ་སྒོ་ཕྱེ་བས། །ཆོས་ཀྱི་དཀྱིལ་འཁོར་རང་བཞིན་གསལ། །མཁའ་ལ་འབྱམས་ཤིང་སྤྲིན་ཕུང་བཞིན། །མ་སྐྱེས་སེམས་ལས་རྣམ་པར་སྣང་། །སྣ་ཚོགས་དཀྱིལ་འཁོར་ཕྱག་རྒྱ་དང་། །སྐུ་དང་གཞལ་ཡས་འདུ་འཕྲོ་ཡང་། །མ་སྐྱེས་རང་རིག་བྱང་ཆུབ་སེམས། །དབྱེ་བ་མེད་པར་རང་བཞིན་གནས། །ཇི་སྙེད་ཐ་སྙད་དམིགས་རྟོག་ཀུན། །ཆུ་ལ་ཆུ་བུར་རྣམ་པ་ ― DNG011_Page_0558 ―
[མ་དཔེ་གཟིགས་ན་འདིར་གནོན།]
ལྟར། །རང་བཞིན་མེད་ལ་གནས་པ་ཡི། །ཡིད་དང་ཆོས་སུ་ཡང་དག་འདུ། །ནང་གི་དཀྱིལ་འཁོར་ཆོས་ཀྱི་གནས། །འོད་བཞི་ཨེ་སོགས་དབྱིབས་སུ་གནས། །རྩ་བ་བཞི་ལ་ཡན་ལག་བརྒྱད། །དྭངས་མ་ལྔ་དང་སྙིགས་མར་བཅས། །རྣམ་ཤེས་རྒྱུ་བའི་རྐྱེན་དུ་བཤད། །ས་བོན་དྲུག་སྟེ་འོད་བཞིན་ལྡན། །སྙིང་པོས་མཚམས་སྦྱར་འོད་དུ་འབར། །ཐིག་ལེ་གཅིག་ལ་ཐིམ་པ་ཡིས། །ཟག་པ་མེད་པའི་ཡེ་ཤེས་སྐྱེ། །ཆོས་ཉིད་ཡོན་ཏན་ཡེ་ཤེས་རྩ། །རང་རྒྱུད་ཀུན་ལ་གནས་པ་ནི། །དམན་པ་རྣམས་ཀྱི་ཡུལ་མིན་པས། །གབ་ཅིང་སྦས་པར་ཤེས་པར་བྱ། །ཏིང་འཛིན་གསུམ་དང་བསྙེན་བསྒྲུབ་བཞི། །དཀྱིལ་འཁོར་ལ་སོགས་པ་གང་གིས། །སྒོ་གསུམ་ཁྱབ་པར་ཅི་སྤྱད་པ། །ཞེན་པ་མཚན་མའི་དབང་གིས་ན། །འཁོར་བའི་མཐའ་མར་ལྟུང་བར་འགྱུར། །རང་བཞིན་ངན་དང་མ་སྦྱངས་དང་། །དཀའ་ཐུབ་ཅན་དང་དམ་མེད་དང་། །ཞེན་ཆགས་ཅན་དང་ཕྲག་དོག་ཅན། །ལོག་སྲེག་ཅན་དང་ལེ་ལོ་ཅན། །ལོག་པའི་གང་ཟག་དབང་སོགས་པའི། །དམ་པ་མིན་པར་ཤིན་ཏུ་སྤངས། །འདི་ནི་འཁོར་བའི་གཞོལ་ཕྱོགས་ཏེ། །རང་བཞིན་ལོག་པའི་མཐུ་ལྡན་པས། །གསང་བའི་དོན་ལ་ལོག་པ་ཡིས། །བདག་གཞན་གཉིས་ཀ་ལྟུང་བར་འགྱུར། །གསང་ཆེན་སྒྱུ་འཕྲུལ་དྲ་བ་སྟེ། །ཐབས་ཆེན་མངོན་ཕྱུང་བསྟན་པ་སྟེ། །མ་ལུས་བདེ་ཆེན་རང་སྣང་བ། །མངོན་སྣང་གཞན་གྱི་སྤྱོད་ཡུལ་མིན། །ཐབས་དང་ཤེས་རབ་གཉིས་མེད་པ། །མཉམ་པ་དབྱེར་མེད་ཐེག་པ་འདི། །གང་ལྟར་སྤྱད་པས་ཕ་རོལ་ཕྱིན། །གསང་བའི་མཆོག་ཏུ་འདི་བཤད་དོ། །ཐབས་དང་ཤེས་རབ་ལྡན་པ་ཡིས། །འདོད་ཆགས་ལ་བརྟེན་བདེ་བ་ཡིས། །སྤྱོད་ཡུལ་བདེ་བ་ཆེན་པོར་སྣང་། །དེ་ཉིད་རང་བྱུང་ཉིད་ཅེས་བྱ། །མ་ལུས་རོལ་པ་ཐབས་ཀྱི་རྒྱུད། །གསང་བ་འདི་ནི་བཤད་པ་ཡིས། །ཐབས་དང་ཤེས་རབ་ཐམས་ཅད་ཀུན། །ཆགས་པའི་བདེ་བ་བསྐྱེད་མཛད་དེ། །བལྟ་དང་བལྟ་ཞིང་འཛུམ་པ་དང་། །ལ་ལར་ཞལ་སྦྱོར་འཛིན་པ་དང་། །ལ་ལར་དམ་དུ་འཁྱུད་ ― DNG011_Page_0559 ―
[མ་དཔེ་གཟིགས་ན་འདིར་གནོན།]
པར་བྱེད། །བརླ་གཉིས་དམ་པར་འཁྱུད་པ་ཡིས། །གསང་དབང་པདྨར་བཅུག་བསྐྱོད་པས། །ཕྱི་ནང་སེམས་དང་སེམས་བྱུང་རྣམས། །རང་བྱུང་བདེ་བར་ཞེན་པ་རྣམས། །ཐིག་ལེ་རྩ་སློར་བྱུང་བ་ལ། །བྱེད་པ་སྡོམ་པ་ཐབས་མཚོན་པས། །ཕྱི་ནང་ཡུལ་སེམས་མ་ལུས་པ། །ལྷན་ཅིག་སྐྱེས་པའི་རང་བཞིན་གསལ། །རྩ་ཡི་སྒྲ་བཞིན་མཐོང་མེད་པས། །མ་སྐྱེས་ཨ་ཡི་རང་བཞིན་ལ། །ཐབས་ཆེན་རང་གིས་མཚོན་པ་ནི། །ཐམས་ཅད་མ་ཧཱ་སུ་ཁའི་ཀློང་། །གསང་བ་ཐབས་ཀྱི་ཉམས་ལྡན་པས། །ཕྱི་ནང་སྣོད་བཅུད་གང་ཡང་རུང་། །ཨ་ལ་དབྱུག་བཏགས་དཀར་ལྡན་ཉིད། །དེ་ཉིད་སྒྱུ་འཕྲུལ་དྲ་བར་བཤད། །ཐམས་ཅད་གཅིག་གི་རང་བཞིན་ལ། །ཐབས་དང་ཤེས་རབ་མངོན་ཕྱུང་བས། །དབང་པོ་ཡུལ་སེམས་ལྡན་པ་ལ། །བཅུ་དྲུག་ཡེ་ཤེས་གསལ་བ་སྐྱེ། །གནས་དང་གནས་པའི་དབྱིབས་ཅན་དང་། །རྟེན་དང་བརྟེན་པའི་ཐིག་ལེ་དག །མཁའ་དབྱིངས་གསང་བར་བརྟེན་པ་ལས། །རང་བྱུང་ཡེ་ཤེས་ཐོགས་པ་མེད། །གསང་བ་ཐབས་ཀྱི་ཐིག་ལེ་ཉིད། །རང་བྱུང་ཡེ་ཤེས་ཆགས་མེད་པས། །མཁའ་ལྟར་ཀུན་ལ་ཁྱབ་གྱུར་ཀྱང་། །རང་བཞིན་དམན་པས་རྟོགས་མི་འགྱུར། །གང་ལ་གསང་བའི་ཐབས་ལྡན་པས། །མུན་པ་ལ་ནི་སྣང་བ་ལྟར། །བཅོས་བསྒྱུར་མེད་པར་རང་སྣང་བ། །སྐྱེས་བུ་མཆོག་གི་དོན་དུ་བཤད། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། ཐབས་དང་བྲལ་བས་མི་གྲོལ་བར་བསྟན་པའི་ལེའུ་སྟེ་བཅོ་བརྒྱད་པའོ།། །།དེ་ནས་གཞན་ཡང་བཤད་བྱ་བ། །གང་དུ་དག་པའི་རྣལ་འབྱོར་པ། །བླ་མ་བྱིན་རླབས་ཐབས་ལྡན་པས། །གྲོལ་བའི་ཚུལ་འདི་བཤད་པར་བྱ། །ཐབས་དང་ཤེས་རབ་ལྡན་པ་ཡིས། །ཕྱོགས་ཀུན་མཉམ་པ་ཉིད་འགྱུར་ཞིང་། །མ་ལུས་ཐབས་ཅན་སྣང་བ་སྟེ། །རང་བྱུང་གསང་བའི་མེ་ལོང་ཉིད། །དབང་པོ་ཡུལ་སེམས་མེ་ལོང་ལ། །གསང་བའི་ཐབས་ཀྱིས་མ་ཟིན་པ། །ཐམས་ཅད་ཡེ་ཤེས་རང་སྣང་བ། །ཐབས་ལྡན་རྣམས་ལ་སྣང་བར་ཟད། །རྡོ་རྗེ་མེ་ལོང་བསྟན་པའི་མཛོད། །ཐབས་ ― DNG011_Page_0560 ―
[མ་དཔེ་གཟིགས་ན་འདིར་གནོན།]
ཆེན་ལུས་ལ་རང་བཞིན་རྫོགས། །མེ་ལོང་བཞི་ལ་སྲོག་ཤིང་གསུམ། །བསྐྱོད་པ་རླུང་སེམས་སྦྱོར་བ་ཡིས། །གསལ་བ་ཡེ་ཤེས་རེ་དོགས་བྲལ། །མྱུར་དུ་འབྱུང་བར་ཐེ་ཚོམ་མེད། །ཐབས་ལྡན་རྐྱེན་གྱིས་གསལ་གྱུར་ན། །ལས་དང་ཉོན་མོངས་གསལ་བ་དང་། །ཇི་ལྟར་མེ་ལ་ཤིང་བསྣན་ལྟར། །ལྷག་པའི་ཡེ་ཤེས་གསལ་བར་འགྱུར། །ཐབས་ལམ་གསལ་བའི་མར་མེ་འདི། །རང་བྱུང་ལྷན་ཅིག་སྐྱེས་པ་མཐོང་། །མ་ཆགས་ཐབས་ཀྱི་སྦྱོར་བ་ཡིས། །གོམས་པའི་སྟོབས་ལ་གནས་གྱུར་ན། །མ་ལུས་ཡེ་ཤེས་ཆེན་པོ་སྟེ། །ལྷུན་གྲུབ་ཡེ་ཤེས་ཐོགས་པ་མེད། །ཐིག་ལེ་བྷྲུཾ་གྱི་འོད་ལྡན་པས། །གང་གིས་བྱེད་པའི་ཐབས་ལྡན་པ། །དེ་ཡིས་དེ་འཛག་བདེ་བའི་སེམས། །སྙིང་པོར་ཐིམ་པས་ཡེ་ཤེས་སྐྱེད། །གནས་བཞི་གར་ཐབས་ཡེ་ཤེས་ལས། །སེམས་མཐའ་འགྲོ་འོང་ལ་གནས་པས། །མ་སྐྱེས་སེམས་ལ་གནས་གྱུར་ཞིང་། །མ་ལུས་དག་པར་བྱིན་གྱིས་རློབས། །ཕྱོགས་བཅུ་སྣོད་བཅུད་ཐིག་ལེ་ཀུན། །གསང་བ་ཐབས་ལ་མཉམ་སྦྱོར་བས། །སྤྲུལ་པའི་ཐིག་ལེ་བསམ་མི་ཁྱབ། །འཛིན་དང་དབབ་པའི་ཐབས་ལས་བྱུང་། །གསང་གསུམ་ཐབས་ཀྱི་སྤྱོད་པ་འདི། །ཐབས་ལྡན་རྣམས་ལ་མངོན་སུམ་སྟེ། །སྐལ་མེད་མན་ངག་བྲལ་བ་ལ། །བསྐལ་པ་བྱེ་བར་སྣང་མི་འགྱུར། །བསྐལ་པ་ཞིང་གི་རྡུལ་སྙེད་དུ། །རྒྱལ་བ་བླ་མ་མཉེས་བྱས་ཤིང་། །དབང་དང་མན་ངག་ལ་སྦྱངས་པས། །ཅི་དགར་སྤྱད་པས་བདེ་བར་འགྱུར། །འདོད་པའི་ལོངས་སྤྱོད་ལྔ་ལྡན་ཞིང་། །ན་སོ་ལང་ཚོ་དར་ལ་བབ། །ཕོ་མོ་ཆགས་པ་བརྟེན་པ་དང་། །གསང་བའི་ལམ་འདིར་མྱུར་དུ་འགྲུབ། །ཐབས་དང་ཤེས་རབ་ལྡན་པ་ཡིས། །འདོད་ཆགས་རོལ་པའི་སྟོབས་ལྡན་པས། །བསྐྱོད་པ་རླུང་གི་ཐོགས་མེད་ཅིང་། །རྡོ་རྗེ་རྩ་ལ་འཇུག་པ་ཡིས། །གསང་བའི་ཐིག་ལེ་འགྲོ་འོང་མེད། །རྒྱུ་བའི་རླུང་ལ་རང་ཆད་ནས། །སྤྱོད་ཡུལ་བདེ་བ་ཆེན་པོར་ཐིམ། །འདོད་ཆགས་ལྡན་པའི་གང་ཟག་ལ། །སྐབས་དང་རིམ་པའི་བྱེ་བྲག་གིས། །བཙུན་མོ་གསུམ་དུ་བསྟན་པ་སྟེ། ། ― DNG011_Page_0561 ―
[མ་དཔེ་གཟིགས་ན་འདིར་གནོན།]
སྣང་བའི་ཞེན་པ་ལྡོག་པར་བྱེད། །གང་ལ་སྣང་བའི་ཞེན་པ་དག །མ་ལུས་བདེ་ཆེན་རང་རིག་སྟེ། །བསམ་བརྗོད་ཞེན་པ་ཀུན་ལས་འདས། །ཐོགས་མེད་ལྡན་པའི་གང་ཟག་ལ། །ཐོགས་མེད་འོད་གསལ་བྱང་ཆུབ་སེམས། །དབང་ཡུལ་ཐིག་ལེ་རྩར་ཕྲད་པས། །གཟུང་བ་མེད་ཅིང་གཏོང་བ་མེད། །རང་བྱུང་རིག་པ་བདེར་གནས་པས། །ཐམས་ཅད་མ་སྐྱེས་ངོ་བོ་ཉིད། །རྡོ་རྗེ་ཉི་ཟླའི་ཐིག་ལེ་ལ། །ཡེ་ཤེས་ལྔ་ཡི་རོ་ལྡན་པས། །སྤྱོད་ཡུལ་མཚན་མ་ཇི་སྙེད་པ། །ལྷན་ཅིག་སྐྱེས་པ་འཆར་བར་འགྱུར། །གང་དུ་ཐབས་དང་ལྡན་པ་ལ། །ཕྱི་ནང་སྤྱོད་ཡུལ་བཅས་པ་ཀུན། །བདེ་ཆེན་གསང་བ་མངོན་སུམ་སྟེ། །འཁྲུལ་དང་ལོག་པའི་སྤྱོད་ཡུལ་མིན། །བྷ་ག་གསུམ་ལ་མཉམ་སྦྱར་བས། །རིག་པར་བྱེད་པ་ཆེན་པོ་སྐྱེ། །རིག་པ་རྟོག་རྟོགས་ཀྱིས་ཀྱང་གིས་ཟིལ་མནན་པས། །མཁའ་ལྟར་བདེ་བ་ཆེན་པོ་འགྲུབ། །བསམ་པའི་ལོངས་སྤྱོད་ཀུན་ལྡན་པའི། །བདེ་ཆེན་རང་རིག་སྙིང་པོ་ལ། །མ་ལུས་བདེ་ཆེན་གསལ་བ་ལ། །སྤང་ལེན་དགག་སྒྲུབ་ཀུན་དང་བྲལ། །ཐིག་ལེ་ལས་ནི་ཉམས་བསྐྱེད་ཞིང་། །དེ་ཉིད་བདེ་ཆེན་མི་རྟོག་པ། །རང་བྱུང་ཡེ་ཤེས་ནམ་མཁའ་ཉིད། །རྟོགས་གོམས་གསལ་བས་ལྷུན་གྱིས་གྲུབ། །ནམ་མཁའ་ལྟ་བུར་བདག་མེད་ཅིང་། །བྱ་བྱེད་མཚན་མའི་ཡུལ་ལས་འདས། །བདེ་བ་ཆེན་པོ་འཕོ་འགྱུར་མེད། །རྒྱུ་རྐྱེན་ཟག་པ་འདུ་འཕྲོ་མེད། །ཐིག་ལེ་ཆེན་པོ་ཀུན་ཁྱབ་པས། །རང་བཞིན་འཕྲོ་འདུ་ཀུན་དང་བྲལ། །མ་སྐྱེས་རང་བཞིན་དབྱེར་མེད་ལ། །གཅིག་དང་དུ་མའི་ཆ་ཤས་མེད། །གསལ་བའི་ཡིད་ཀྱི་ཐིག་ལེ་ལ། །རང་དྲག་གསལ་བས་གནས་པའི་ཚེ། །ཕྱི་ནང་སྣོད་བཅུད་མ་ལུས་པ། །རང་བྱུང་ཡེ་ཤེས་གསལ་བར་སྐྱེ། །རང་བྱུང་ཡེ་ཤེས་དབྱེར་མེད་པ། །ནམ་མཁའ་ལྟ་བུར་དཔག་མེད་ཅིང་། །བརྗོད་ཅིང་བསྟན་པར་མི་ནུས་པ། །བྱིན་རླབས་ཉམས་ཀྱིས་གསལ་བར་མཐོང་། །གསང་ཆེན་ཐབས་ཀྱི་ཉམས་མྱོང་བས། །རྒྱུ་བ་ཕྱི་ནང་རང་བཞིན་འཆད། །རེ་དོགས་འདུ་ཤེས་སྟོང་པར་ཐིམ། །རྒྱུ་རྐྱེན་བྲལ་བའི་ངོ་བོར་སྨིན། །གསང་ ― DNG011_Page_0562 ―
[མ་དཔེ་གཟིགས་ན་འདིར་གནོན།]
བའི་ཐབས་ཀྱིས་གང་སྦྱར་བ། །གཡོ་དང་མི་གཡོར་བཅས་པ་དང་། །མ་ལུས་བདེ་ཆེན་རང་བཞིན་ཏེ། །ཐམས་ཅད་མཉམ་པ་ཉིད་དུ་གནས། །ཕྱི་ནང་སྣོད་བཅུད་མ་ལུས་པ། །གསང་བའི་སྣོད་བཅུད་ཐིག་ལེ་ཡིས། །ཐབས་དང་ཉམས་ལ་བརྟན་གོམས་ན། །བདེ་ཆེན་སྐུ་གསུང་ཐུགས་སུ་གསལ། །ཡོན་ཏན་རྫོགས་པའི་རང་བཞིན་ལ། །བླ་མའི་སྟོབས་ཀྱིས་རང་རིག་པ། །བདེ་ཆེན་ཐིག་ལེ་མཉམ་སྦྱོར་བས། །ཟག་པ་མེད་པའི་བདེ་ཆེན་གསལ། །སྐྱོབ་པ་ཐབས་ཀྱི་བདེར་གནས་ཤིང་། །གར་ཐབས་རླུང་ལ་དབང་བསྒྱུར་བས། །མ་ལུས་ལྷན་ཅིག་སྐྱེས་པ་སྟེ། །རྒས་དང་རྒུད་དང་དམན་པ་དང་། །མ་ནིང་ལ་སོགས་བཅད་པ་ཡིས། །ཐབས་དང་མན་ངག་ལ་གནས་པས། །ཇི་ལྟར་བསྒྲུབས་ཀྱང་ཚེ་འདིས་འགྲུབ། །རང་ལུས་ཐབས་ཀྱི་མཆོག་ཉིད་དེ། །སོ་སོ་ངོ་བོར་རྣམ་པར་བསྟན། །གཞན་དུ་དམན་པའི་རྣལ་འབྱོར་པས། །ནམ་ཡང་འགྲུབ་པར་མི་འགྱུར་རོ། །བདེ་བ་ཆེན་པོ་གསལ་འགྱུར་ཞིང་། །དབང་བསྐུར་མན་ངག་ལ་གནས་པས། །དཀའ་ཐུབ་གདུང་བ་སྤངས་པ་ཡིན། །བར་ཆད་མེད་པར་འགྲུབ་འགྱུར་ཏེ། །གསང་སྔགས་ཐབས་ཀྱི་རྒྱལ་པོ་འདི། །སྐུ་གསུང་ཐུགས་ལ་རྟག་གནས་ཤིང་། །འདོད་ལྔ་བདེ་ལ་གནས་པ་ཡི། །སྒྱུ་འཕྲུལ་དྲ་བར་ཐབས་ཀྱིས་འགྲུབ། །སངས་རྒྱས་ཀུན་གྱི་རང་བཞིན་འདི། །ལུས་གནས་ཐབས་ཀྱིས་མ་རྟོགས་པ། །བསམ་པའི་སྒྱུ་འཕྲུལ་ལ་བརྟེན་ཅིང་། །ཆོ་ག་ཐབས་ཆེན་ལྡན་པས་འགྲུབ། །རྣལ་འབྱོར་ཐབས་དང་ཤེས་རབ་ལྡན། །དབང་ལ་བརྟེན་ནས་གོམས་པ་ཡིས། །ཐམས་ཅད་བདེ་ཆེན་རྒྱས་བཏབ་པས། །བདུད་དང་ཞེན་པ་ཀུན་ལས་འདས། །ཀུན་འབྱུང་བ་ཡི་སྒྱུ་འཕྲུལ་ཆེ། །མཉམ་ལ་མཉམ་པར་མི་གནས་པའི། །མ་སྐྱེས་བདེ་ཆེན་ཐིག་ལེ་འདི། །སྣ་ཚོགས་སྣང་ཞིང་ཉིད་ལ་རྫོགས། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། སྐལ་ལྡན་གྲོལ་བའི་ལེའུ་སྟེ་བཅུ་དགུ་པའོ།། །།དེ་ནས་གཞན་ཡང་བཤད་བྱ་བ། །ཆགས་པའི་ཐབས་ཆེན་ལས་བྱུང་བ། །གསང་ ― DNG011_Page_0563 ―
[མ་དཔེ་གཟིགས་ན་འདིར་གནོན།]
བའི་སྒྱུ་འཕྲུལ་དམ་པ་འདི། །སངས་རྒྱས་ཀུན་གྱི་བཤད་པ་ཡིན། །དུས་གསུམ་གདུལ་བྱའི་ཁྱད་པར་རྣམས། །འདོད་དང་འཁྲིག་པ་ལ་མོས་པས། །རྡུལ་སྙེད་སངས་རྒྱས་ཐམས་ཅད་ཀུན། །ལྷ་མོར་སྣང་ནས་རོལ་པར་འགྱུར། །འདས་པའི་སངས་རྒྱས་རྡུལ་སྙེད་པ། །ཞིང་ཁམས་བྱེ་བ་རྡུལ་སྙེད་དུ། །ཞིང་དང་ལོངས་སྤྱོད་དགའ་བར་བཅས། །ཐབས་ཀྱིས་རོལ་པ་མཛད་པ་ཡིན། །གང་དུ་ཐབས་དང་ཤེས་རབ་ཀྱི། །ཐིག་ལེ་དགའ་བདེར་བཅས་པ་ཡི། །ཞིང་ཁམས་ཕྱི་ནང་སྣོད་བཅུད་བཅས། །བདེ་ཆེན་ལྷན་ཅིག་སྐྱེས་པར་གསལ། །མ་ལུས་ཇི་སྙེད་སྣང་བ་ཀུན། །དྲི་མེད་ཐིག་ལེ་ལས་འབྱུང་ཞིང་། །ཐ་དད་མེད་པའི་རང་བཞིན་གྱིས། །གསང་བའི་ཐིག་ལེར་རང་བཞིན་འཇུག །རྒྱལ་བ་རྡུལ་སྙེད་བཙུན་མོར་བཅས། །ལྷ་དང་ལྷ་མོ་འཁོར་ལོར་བཅས། །བདེ་བ་རིམ་གྱིས་གང་བ་ཡིས། །དགའ་དང་བལྟ་དང་འཁྱུད་པ་དང་། །འོ་དང་འཁོར་དང་འབུད་འཇོ་དང་། །ཞལ་སྦྱོར་བརྩེ་དང་མཉེ་བ་དང་། །འཇིབ་དང་བྷ་ག་གར་འཛིན་སྟོན། །རོལ་པའི་གར་ནི་སྣ་ཚོགས་སྟོན། །གསུང་ནི་འཇམ་ཞིང་མཉེན་པ་ཡིས། །ཕྲ་ཞིང་དལ་བའི་གླུ་བླངས་ཏེ། །འཇམ་ཞིང་ཆགས་པའི་ཚིག་དག་གིས། །གཞན་ཡང་ཡིད་འཕམ་རྨོངས་པར་བྱེད། །བདེ་བ་ཆེན་པོ་རང་འབར་བས། །ནམ་མཁའི་མཐའ་ལྟར་མི་གནས་པའི། །རང་བྱུང་ཐིག་ལེ་མི་གཡོ་བ། །ཐ་མ་ཞེན་པ་ཀུན་ལས་འདས། །རེ་དང་དོགས་པ་ཀུན་ཞི་བའི། །རང་བྱུང་ཡེ་ཤེས་གནས་པ་ཡི། །བདེ་ཚོགས་རྒྱུ་འབྲས་ཀུན་དང་བྲལ། །གསང་ཆེན་བདེ་བའི་ངོ་བོ་ཉིད། །གསང་ཆེན་རིག་པར་རང་གསལ་བ། །སྟོང་དང་བདེ་བར་མི་ཕྱེད་པའི། །མཁའ་ལྟར་རྡུལ་བྲལ་མི་གནས་པ། །བདེ་བ་ཆེན་པོའི་ངོ་བོར་གནས། །རྡོ་རྗེ་ཐིག་ལེ་མི་ཕྱེད་གཟུགས། །རང་བྱུང་བདེ་བར་ཀུན་སྣང་ནས། །འཇུག་དང་མི་འཇུག་ཡུལ་ལས་འདས། །དུས་གསུམ་འཇུག་པ་ཡོངས་ཀྱིས་མེད། །སངས་རྒྱས་ཀུན་གྱི་ངོ་བོ་ཉིད། །བསྐལ་པ་མི་འགྱུར་ཐོག་མ་ལ། །སྐལ་ལྡན་མངོན་རྫོགས་རྒྱལ་པོ་ཡིས། །རྡུལ་སྙེད་རྡོ་ ― DNG011_Page_0564 ―
[མ་དཔེ་གཟིགས་ན་འདིར་གནོན།]
རྗེ་འཛིན་པ་ལ། །འདོད་འཛིན་ཞེན་པ་གྲོལ་བའི་ཐབས། །མན་ངག་དབང་གི་ཐབས་ཀྱིས་བསྟན། །ཐོག་མཐའ་མེད་པའི་བདེ་བ་ཆེ། །རང་བྱུང་ཐིག་ལེ་བསམ་མི་ཁྱབ། །ཆགས་བྲལ་ཆགས་ཆེན་འདུལ་བའི་ཕྱིར། །ཐབས་ཆེན་གྲོལ་བ་སྣ་ཚོགས་ཀྱིས། །འགྲོ་བ་ཐབས་ཀྱིས་གྲོལ་མཛད་ཕྱིར། །རྡོ་རྗེ་འཆང་བའི་འཁོར་ཚོགས་ལ། །འདས་པའི་རྒྱལ་བ་ཀུན་གྱིས་བཤད། །སྒྱུ་འཕྲུལ་རོལ་པ་ཆེན་པོ་འདི། །མ་ལུས་འདུས་པའི་ཐབས་ཡིན་ཏེ། །གསང་བ་ཉམས་ལས་མངོན་སྣང་གིས། །རྟོག་གེ་དམན་པའི་སྤྱོད་ཡུལ་མིན། །གང་དུ་ཐབས་ཀྱི་སྣང་བ་འདི། །སྔ་རབས་འདས་པའི་སངས་རྒྱས་ཀྱིས། །འདོད་ཆགས་བདེ་བར་རྒྱས་བྱེད་པ། །གསང་བའི་ཐབས་ཆེན་རྒྱུད་འདི་བཤད། །དེ་དག་ཐབས་ཀྱིས་གསལ་བར་བྱེད། །དེ་དག་གང་ལ་ཐབས་མཚོན་པ། །མི་འདུལ་ལོག་པར་འཇུག་པར་འགྱུར། །བདེ་ཆེན་རོལ་པའི་རང་བཞིན་འདི། །ཐབས་ཆེན་དབང་གི་རང་བཞིན་ལ། །ཏིང་འཛིན་རྒྱུད་པའི་ཐབས་ཀྱིས་གསལ། །གཞན་དུ་སུས་ཀྱང་རྟོགས་མི་འགྱུར། །བསྐལ་པ་གྲངས་མེད་རྡུལ་བྲལ་དུ། །ཐེག་དམན་དཀའ་ཐུབ་རྟོག་གེ་ཡི། །བྱིས་པ་རྣམས་ཀྱིས་མི་རྟོགས་པ། །གསང་བའི་ཐབས་ཀྱིས་མངོན་དུ་འཆར། །ཡེ་ཤེས་དག་དང་ཏིང་འཛིན་རྒྱུད། །ལས་ཀྱིས་གང་ལ་གསལ་བྱས་པ། །དངོས་པོ་ཇི་སྙེད་མ་ལུས་པ། །བདེ་བ་ཆེན་པོ་ཉིད་དུ་འགྱུར། །འདི་ལ་ཁྲུས་དང་གཙང་སྦྲ་མེད། །ཆོ་ག་སྔགས་དང་ཕྱག་རྒྱ་མེད། །འཇིགས་དང་ངོ་ཚ་ཞེན་པ་མེད། །རང་བྱུང་བདེ་བ་ཉིད་དུ་གསལ། །སྒྱུ་འཕྲུལ་དྲ་བ་ཐབས་ཆེན་པོ། །མ་ལུས་བཅུད་འདུས་ཐིག་ལེ་ལ། །ཡེ་ཤེས་རྫོགས་པའི་རོ་ལྡན་པ། །གསང་སྔགས་ཐབས་ཀྱིས་མངོན་སུམ་གསུངས། །ཐོག་མ་མེད་པའི་རྒྱལ་བ་རྣམས། །ཐབས་དང་ཤེས་རབ་རོལ་པ་ཡིས། །བདེ་བ་ཆེན་པོ་ལས་བྱུང་བའི། །ཞིང་ཁམས་རྒྱལ་བ་ཉིད་དུ་སྣང་། །གསང་བའི་ཡེ་ཤེས་བདེ་བའི་མཆོག །མ་ལུས་ཐིག་ལེ་གཅིག་འདུས་པ། །ཐབས་དང་ལྡན་པའི་སྣོད་བཅུད་པས། །མ་ལུས་ལྷན་ཅིག་སྐྱེས་ ― DNG011_Page_0565 ―
[མ་དཔེ་གཟིགས་ན་འདིར་གནོན།]
པར་གསལ། །མ་ལུས་རོལ་པ་བདེ་མཆོག་སྟེ། །རྒྱལ་བ་རྣལ་འབྱོར་ཆེན་པོ་རྣམས། །བདེ་བ་ཆེན་པོ་རོ་གཅིག་པ། །སངས་རྒྱས་ཀུན་གྱི་དགོངས་པ་ཉིད། །རང་བྱུང་སྒྱུ་འཕྲུལ་དྲ་བ་ལས། །ཉི་ཟླ་ཐབས་ཀྱིས་གང་མཚོན་པ། །ཞིང་ཁམས་ལུས་སུ་བཅས་པ་དག །ཟག་མེད་བདེ་བར་སྣང་བ་དག །ཐབས་དང་ཤེས་རབ་གཉིས་མེད་པ། །གང་ཡིན་ཐབས་ཀྱི་ས་བོན་རྣམས། །རྡུལ་སྙེད་གྲངས་ལས་འདས་པ་རྣམས། །རྡོ་རྗེ་ཡེ་ཤེས་ཧཱུྃ་ཚོགས་ཀྱིས། །འདྲེས་དང་འཛག་པའི་ཐིག་ལེ་ཅན། །ཕྱག་རྒྱ་ལྔ་དང་བཅས་པ་ཡིས། །ཐམས་ཅད་རང་རིག་གཟུགས་སུ་སྣང་། །བཅུད་གསུམ་ལས་སྐྱེས་བདེ་བ་ལ། །རིག་པ་བཞིན་དུ་ཉམས་གསལ་བ། །ཕྱི་ནང་ཐིག་ལེར་བརྟན་འགྱུར་ན། །མི་ཤིགས་ཐིག་ལེ་འཕོ་འགྱུར་མེད། །མི་འགྱུར་འགྲོ་འོང་གནས་དམིགས་བྲལ། །རྟེན་གྱི་ཐིག་ལེ་གནས་གསུམ་དུ། །བྱེད་པ་སྡོམ་པ་ཐབས་དང་བྲལ། །སྣོད་བཅུད་བདེ་བར་སྣང་བྱེད་པ། །མུན་སྣང་གསེར་འགྱུར་ལྟ་བུར་བཤད། །བསྐལ་པ་གྲངས་མེད་འདས་པ་ཡི། །བྱེ་ཕྲག་བརྒྱད་ཅུ་ལ་སོགས་པ། །ཞིང་ཁམས་རྡུལ་སྙེད་མ་ལུས་པ། །ཐབས་མཆོག་རོལ་པའི་རྒྱུད་འདི་གསུངས། །གསང་བའི་གསང་སྙིང་དོན་འདི་གསུངས། །ཡེ་ཤེས་མངོན་སྣང་ཐབས་ཀྱི་ལུང་། །མ་ལུས་བདེ་བ་རྒྱས་བྱེད་པ། །སྐལ་ལྡན་རྣམས་ཀྱི་བློ་ལ་སྣང་། །སངས་རྒྱས་བདེ་བ་ཆེན་པོ་འདི། །བྱང་ཆུབ་རྡོ་རྗེ་བཅས་པ་ལ། །ཐབས་ལྡན་གསང་ཆེན་འདི་གསུངས་ཏེ། །གཞན་པ་དག་ལ་མ་གཏོགས་སོ། །དཔལ་ལྡན་ཐབས་ཀྱི་རྒྱལ་པོ་འདི། །སློབ་དཔོན་དམ་པར་མི་འཛིན་ཅིང་། །དམ་དང་མན་ངག་མེད་པ་ལ། །སངས་རྒྱས་རྣམས་ཀྱི་བདེ་ཆེན་འདི། །བསྐལ་པར་མཚོན་ཀྱང་མི་མཐོང་ངོ་། །རིག་པ་ཐབས་ཀྱི་བརྟུལ་ཞུགས་འདི། །གང་གིས་སྤངས་ཏེ་མི་སྤྱོད་དོ། །ཇི་ལྟར་ནམ་མཁའི་མཐའ་འཚོལ་ལྟར། །བྱང་ཆུབ་འབྲས་བུ་ཅུང་ཟད་མེད། །འདས་དང་ད་ལྟར་མ་བྱོན་པའི། །སངས་རྒྱས་ཀུན་གྱི་སྐུ་གསུང་ཐུགས། །བདེ་བ་ཆེན་པོ་མངོན་ཕྱུང་བའི། །གསང་བའི་ཐིག་ལེ་ཐབས་ཀྱི་རྒྱུད། །འགྲོ་བ་ཞེན་ཅིང་ཆགས་པ་དང་། །ཐབས་ ― DNG011_Page_0566 ―
[མ་དཔེ་གཟིགས་ན་འདིར་གནོན།]
ཀྱིས་མངོན་པར་གྲོལ་བྱེད་པ། །ལྷག་པའི་ལྟ་བ་གསལ་བྱེད་ཅིང་། །སྤྱོད་པ་རྨད་བྱུང་མཐུ་ཡིས་ནི། །མ་ལུས་བྱིན་རླབས་བདེ་འབྱུང་ཞིང་། །ཡེ་ཤེས་ལྔ་ཡི་འཁོར་ལོ་བསྐོར། །མ་ལུས་བདེ་ཆེན་སྣང་བ་ལ། །མི་མཐུན་ཐ་དད་ཡོད་མ་ཡིན། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། འདས་པའི་རྒྱལ་བ་ཐབས་ཀྱི་གྲོལ་བའི་ལེའུ་སྟེ་ཉི་ཤུ་པའོ།། །།དེ་ནས་གཞན་ཡང་བཤད་བྱ་བ། །ད་ལྟར་ཕྱོགས་བཅུ་རྡུལ་སྙེད་ཀྱི། །ཞིང་ཁམས་ཕྱི་ནང་སྣོད་བཅུད་བཅས། །སངས་རྒྱས་ཀུན་གྱི་དགོངས་པ་བཤད། །འདི་ནི་སངས་རྒྱས་ཐམས་ཅད་ཀྱི། །རྨད་བྱུང་གསང་བ་བླ་ན་མེད། །སྒྱུ་འཕྲུལ་དྲ་བ་ཆོས་ཀྱི་དབྱིངས། །གང་དུ་དམིགས་པ་མེད་པ་ནི། །བདེ་བ་ཆེན་པོས་ཁྱབ་པ་སྟེ། །དབང་དང་མན་ངག་ལ་བརྟེན་པའི། །དགོངས་པ་ཐབས་ཀྱི་ཁྱད་པར་གྱིས། །གསང་བའི་གསང་བ་མངོན་དུ་འཆར། །ཀུན་ཏུ་སྒྱུ་འཕྲུལ་ཟབ་མོ་འདི། །དབྱེར་མེད་དྲ་བ་དོན་ཆེན་པོ། །ཐོག་མཐའ་མེད་པའི་དོན་ཆེན་པོ། །རང་བཞིན་ཐབས་ཀྱི་སྟོབས་ལས་སྣང་། །ཐིག་ལེ་སྣོད་བཅུད་བཅས་པ་ཡི། །མ་ལུས་ཐམས་ཅད་དཀྱིལ་འཁོར་ཉིད། །རང་ལ་གནས་པའི་བདེ་བ་སྟེ། །སཱ་ལུའི་ཁྲོད་དང་མར་མེ་བཞིན། །ཐབས་དང་ཤེས་རབ་གཉིས་མེད་པའི། །ཕྱི་ནང་གསང་བའི་དཀྱིལ་འཁོར་ཉིད། །རྒྱལ་བ་ཀུན་གྱི་ངོ་བོར་བཤད། །རྣམ་དག་བླ་ན་མེད་པ་ཡི། །ས་དང་རྣམ་ཐར་ཇི་སྙེད་པར། །མ་ལུས་པ་ཡི་ཐབས་ལས་བྱུང་། །དངོས་དང་དངོས་མེད་རང་བཞིན་མཆོག །སྒྱུ་འཕྲུལ་ཐལ་ཆེན་རང་བཞིན་ལས། །དྲ་བ་ཤེས་རབ་གསལ་བར་འགྱུར། །གཉིས་མེད་ཐིག་ལེ་ལས་བྱུང་བ། །གསང་ཆེན་ཐིག་ལེ་ལས་ཀྱི་མཆོག །སངས་རྒྱས་ཀུན་གྱི་སྐུ་གསུང་ཐུགས། །མ་ལུས་ཐིག་ལེ་བདེ་ཆེན་པོ། །ཕྱོགས་བཅུ་རྒྱལ་བའི་རང་བཞིན་ཉིད། །རང་བྱུང་ཐབས་ཀྱི་ངོ་བོར་གནས། །གཉིས་མེད་ཐབས་ལས་བྱུང་བ་ཡི། །བྱང་ཆུབ་ཐིག་ལེ་བཅུད་ལས་བྱུང་། །ཟླ་བ་ཉི་མ་བརྩེགས་པ་ལས། །ཁུ་བ་བཅས་པའི་ཡེ་ཤེས་ཉིད། །རང་སྙིང་ཐིག་ལེ་བཅས་པ་ཡི། །འབབ་ ― DNG011_Page_0567 ―
[མ་དཔེ་གཟིགས་ན་འདིར་གནོན།]
འཛེགས་གར་ལས་དབང་བསྒྱུར་བའི། །ཡེ་ཤེས་རང་བྱུང་ཐོགས་པ་མེད། །གསང་བའི་ཐབས་དང་ལོག་རྟོག་ཉིད། །ཉི་ཟླ་ཕྲད་པའི་བཟུང་བཟློག་གིས། །བར་ཆད་མེད་པའི་ལམ་ལས་བྱུང་། །གསང་བའི་ས་དང་སེམས་ཉིད་རྫོགས། །ལོག་རྟོག་འགྲོ་འོང་ཐིག་ལེར་བཅས། །གསང་བའི་གནས་ནས་གནས་སྤྱོད་པ། །རྩེ་ནས་རྩེ་རུ་ཐོགས་པ་མེད། །བཅུ་གསུམ་ས་ལ་ཐེ་ཚོམ་མེད། །ཕྱོགས་བཅུ་རྣལ་འབྱོར་ཕོ་མོ་དག །བདེ་བ་ཆེན་པོ་དབུགས་ཕྱུང་བས། །རླུང་དང་ཐིག་ལེ་སེམས་སུ་བཅས། །མ་རྟོགས་སྐྱེ་ལ་དབང་ཐོབ་པས། །རྫོགས་པའི་ཐིག་ལེ་གང་བསྐུལ་བས། །ཉི་ཟླ་འདྲེས་པའི་གར་ལས་བྱུང་། །གསང་བའི་བྱང་ཆུབ་ཐིག་ལེ་ནི། །ཟག་པ་མེད་པའི་ཐབས་ཀྱིས་མཚོན། །ཐབས་ཀྱི་རྫུ་འཕྲུལ་མཐར་ཕྱིན་པ། །མཐོང་བའི་དོན་ཉིད་ཡེ་ཤེས་རྫོགས། །ཕྱག་རྒྱ་མཚོན་པའི་ངོ་བོ་ལས། །བདེ་བ་ཆེན་པོར་རྒྱས་བཏབ་པས། །གང་ཡང་མཚོན་པ་ལས་འདས་པས། །ལྷན་ཅིག་སྐྱེས་པའི་ངོ་བོར་གསལ། །ད་ལྟར་ཕྱོགས་བཅུར་མཐའ་ཡས་པ། །རང་བྱུང་ཐིག་ལེ་རང་སྣང་བདེ། །མེ་ལོང་དང་ནི་གཟུགས་བརྙན་ལྟར། །གསང་བའི་ཐབས་ལ་བརྟེན་པ་མཐོང་། །གསང་ཆེན་ཐབས་ཀྱིས་སྒྱུ་འཕྲུལ་པས། །མ་བཅོས་དྲ་བ་མཚོན་པར་སྣང་། །རྒྱལ་བ་ཀུན་གྱི་དགོངས་པ་ནི། །མ་ལུས་གཅིག་དང་ཐ་དད་མིན། །གསང་གསུམ་ཐབས་ལ་བརྟེན་པ་ཡིས། །སྐྱེ་བ་འདི་ཡིས་རྣམ་པར་གྲོལ། །དྭངས་མའི་ཐིག་ལེ་བཅུད་འདུས་པ། །ཐབས་ཀྱི་སྙིང་པོར་གོམས་པས་ན། །རང་བྱུང་རིག་པ་བདེ་ཆེན་པོ། །འགྲོ་འོང་རེ་དོགས་མེད་པས་གསལ། །བདག་ཉིད་མ་ལུས་ཀུན་སྣང་བ། །ཞེན་པ་རང་གི་ངོ་བོར་ལྡོག །ཞེན་པ་མ་བཅོས་རང་སྣང་བས། །ཐམས་ཅད་ལྷན་ཅིག་སྐྱེས་པར་གསལ། །པདྨ་རྡོ་རྗེ་ལ་བརྟེན་པའི། །ཐབས་ཀྱི་ལམ་ལ་བརྟེན་པ་ཡིས། །རིག་པ་ཕྱི་ནང་བཅས་པའི་སེམས། །མ་ལུས་བདེ་ཆེན་ངོ་བོར་གྲོལ། །ཐམས་ཅད་བདེ་བ་ཆེན་པོ་ལ། །ཞེན་པས་བརྟགས་པ་རང་སྣང་བ། །དངོས་མེད་དངོས་མིན་གཉིས་ཀ་མིན། །ཐབས་དང་ཤེས་རབ་སྦྱོར་མེད་པའོ། །གང་དུ་རིག་པ་དབྱེར་མེད་ན། ། ― DNG011_Page_0568 ―
[མ་དཔེ་གཟིགས་ན་འདིར་གནོན།]
བདེ་ཆེན་སྟོང་པའི་ཐིག་ལེ་ལ། །མཁའ་ལྟར་དངོས་དང་དངོས་མེད་སྤངས། །འདི་ཉིད་སྒྱུ་འཕྲུལ་དྲ་བའོ། །སངས་རྒྱས་ཀུན་དང་དབྱེར་མེད་པའི། །ཐིག་ལེ་གསང་བའི་བདག་ཉིད་ནི། །ཐམས་ཅད་བདེ་ཆེན་དབྱེར་མེད་དེ། །ཐམས་ཅད་ཁྱབ་པའི་ཚུལ་དུ་སྣང་། །རང་བྱུང་ཐིག་ལེ་བདག་ཉིད་ནི། །ཕྱི་ནང་གསང་བའི་རང་བཞིན་གྱིས། །ཤེས་པ་གང་ལ་གོམས་པ་ཡིས། །ད་ལྟ་ཉིད་དུ་འགྲུབ་པར་འགྱུར། །ཕྱོགས་བཅུའི་རྣལ་འབྱོར་དབང་ཕྱུག་རྣམས། །སྒྱུ་འཕྲུལ་དྲ་བ་བརྟན་གོམས་ཤིང་། །ཐབས་ཆེན་ཐིག་ལེ་གསལ་བརྟན་ན། །མི་གཡོ་རབ་ཏུ་དང་བའི་ཡིད། །སངས་རྒྱས་ཀུན་གྱི་བདག་ཉིད་འགྲུབ། །གསང་མཆོག་ཐབས་ཀྱི་རོལ་པ་ཡི། །བདེ་ཆེན་མཉམ་པའི་ངོ་བོ་ཉིད། །སྐལ་ངན་དམན་པའི་ཡུལ་མིན་ཏེ། །རྡོ་རྗེ་འཆང་ཆེན་བཅས་པའི་ཡུལ། །ཉི་ཟླ་གནས་པའི་ཐིག་ལེ་ཉིད། །དུས་གསུམ་རྒྱལ་བའི་བཅུད་ཡིན་ཏེ། །མན་ངག་ཐབས་དང་འདྲེལ་པ་ཡིས། །སྡུག་བསྔལ་མེད་པར་རྟོགས་ཤིང་འགྲུབ། །རང་ལུས་ཐབས་ཀྱི་རྒྱལ་པོ་ལ། །ཆགས་པ་ཐབས་ལྡན་གང་ཟག་གིས། །འདོད་ལྔ་རོལ་པས་བདེར་སྤྱད་ན། །ཚེ་འདི་ཉིད་ལ་འགྲུབ་པར་འགྱུར། །བདེ་ཆེན་རོལ་པའི་ཐབས་མེད་ན། །ཐ་མལ་ཞེན་པའི་སྣང་བ་ལ། །ཁྱད་པར་བྱེ་བྲག་ཅི་བསྟེན་ཀྱང་། །ལྷུན་གྲུབ་རྡོ་རྗེ་འཆང་དང་བྲལ། །རྡོ་རྗེ་པདྨ་ལྡན་འགྱུར་ཞིང་། །བྱིན་རླབས་ཐབས་ཀྱིས་གང་སྤྱོད་ན། །པདྨ་ལ་ནི་འདམ་བཞིན་དུ། །འཁོར་བ་བདེ་བ་ཆེན་པོར་འགྱུར། །ཟབ་ཅིང་རྒྱ་ཆེ་མཚུངས་མེད་པའི། །གསང་བའི་རྒྱུད་ཀྱི་ཕྱི་མ་འདི། །དུག་གིས་དུག་ནད་སེལ་བ་ལྟར། །ཐབས་ཆེན་མཆོག་ཏུ་ཤེས་པར་བྱ། །སྐལ་མེད་དམན་དང་དབང་མེད་པའི། །ལོག་པར་གྱུར་པའི་གང་ཟག་གིས། །བསྐལ་པ་བྱེ་བར་ཅི་བསྟེན་ཀྱང་། །ལོག་པའི་ལམ་དུ་ལྟུང་བར་འགྱུར། །རབ་བྱུང་བདེ་བའི་འཁོར་ལོ་ནི། །སྐུ་དང་གསུང་ཐུགས་གང་གནས་པ། །བཅུད་དང་བདེ་ཆེན་ཐབས་མཚོན་པ། །མན་ངག་ལྡན་པས་ཤེས་པར་བྱ། །རང་བྱུང་བདེ་བ་ཆེན་པོའི་རྟེན། །འཁོར་ལོ་གདུགས་དང་སྲོག་ཤིང་གསུམ། །དྭངས་མ་ཐིག་ ― DNG011_Page_0569 ―
[མ་དཔེ་གཟིགས་ན་འདིར་གནོན།]
ལེ་ཡེ་ཤེས་བཅས། །ལྔ་ལྟར་གསལ་ཞིང་གཅིག་ཏུ་ཐིམ། །བདེ་བས་བདེ་བ་གསལ་བྱེད་པ། །དཀའ་ཐུབ་འཇིག་རྟེན་ཆོས་དང་བྲལ། །གང་ཟག་ཆགས་དང་བྲལ་བ་ཡིས། །བདེ་ཆེན་རོལ་པའི་ཐབས་འཇུག་ཅིང་། །མན་ངག་ཐབས་ཀྱིས་བདེ་སྤྱད་ན། །ཐམས་ཅད་བདེ་ཆེན་བཞིན་དུ་སྦྱོར། །སངས་རྒྱས་ཀུན་གྱི་གསུང་མཆོག་སྟེ། །ལྷན་ཅིག་སྐྱེས་པའི་ཡེ་ཤེས་འདི། །སྒྲ་དང་ཚད་མ་ཀུན་སྤངས་ནས། །རོལ་པའི་ཐབས་ཆེན་ལྡན་པས་གསུངས། །དེ་ནས་གཞན་ཡང་བཤད་བྱ་བ། །གསང་བའི་ཐིག་ལེ་ཆེན་པོ་ནི། །མངོན་པས་མཐོང་བས་གོང་མིན་ཏེ། །ལས་དང་ཡོན་ཏན་མཐའ་བྲལ་ཞིང་། །དྭངས་མ་ཡེ་ཤེས་འཁོར་ལོ་བསྐོར། །འདོད་པ་ལྔ་ཡིས་བརྒྱན་པར་གནས། །ཉི་ཟླ་གསང་བའི་པདྨར་ལྡན། །དགའ་ཞིང་ལྡན་པས་གང་འཇུག་ན། །ཐིག་ལེ་གོང་འོག་འབབ་པ་ལ། །དགའ་བ་བརྒྱད་དང་མཚུངས་པར་གནས། །ཕྲ་རགས་བཅུ་དྲུག་ཤེས་པར་བྱ། །གསང་བའི་ཡེ་ཤེས་ལྔ་ལྡན་པས། །ཀུན་ཏུ་ཁྱབ་ཅིང་བར་མ་ཆད། །ཐུན་མོང་ཐུན་མོང་མ་ཡིན་པས། །སྤྲུལ་པའི་ཕྲེང་བ་རྒྱུན་མ་བཅད། །གསང་བ་རང་བྱུང་སྙིང་པོ་ལ། །རང་བཞིན་ཐབས་ཀྱི་ཁྱད་པར་གྱིས། །བཅིངས་གྱུར་རྣམ་པར་གྲོལ་བའི་ཐབས། །མ་ལུས་འདིར་ནི་ཤེས་པར་བྱ། །དེ་ནས་གཞན་ཡང་བཤད་བྱ་བ། །ཐབས་དང་ཤེས་རབ་ལྡན་པ་ཡི། །ལྷ་དང་ལྷ་མོར་གནས་སྤྱད་པའི། །སྐྱེས་བུ་ཐབས་ཀྱི་རང་བཞིན་ཏེ། །བུད་མེད་ཤེས་རབ་ཤེས་པར་བྱ། །གསང་བའི་ཐིག་ལེ་འོག་མིན་གནས། །ལས་དང་ཡོན་ཏན་ཆེར་ལྡན་ཞིང་། །རོ་དང་ཉམས་དང་ཡེ་ཤེས་ཉིད། །སྙིང་པོ་ཐིག་ལེ་ཀུན་ནས་ཟླུམ། །དགའ་བཞི་ཐིག་ལེ་ཀུན་དང་བྲལ། །ཉི་ཟླ་པདྨའི་རང་བཞིན་ཀྱང་། །གནས་ཏེ་སྐུ་གསུང་ཐུགས་ཉིད་དུ། །རང་བཞིན་ཐབས་དང་འདྲེལ་བར་བཤད། །ཐ་མལ་ཞེན་པ་ཀུན་སྡུད་ཅིང་། །བདེ་ཆེན་ཡེ་ཤེས་རྒྱ་མཚོར་འཁྱིལ། །གསང་བའི་ཐབས་དང་མཉམ་སྦྱོར་བས། །གསང་བའི་ཉི་ཟླ་པདྨོར་བཅས། །ཐོགས་པ་མེད་པར་འབྱུང་འགྱུར་ཏེ། །ས་དང་ཕ་རོལ་ཕྱིན་པ་དང་། །ལས་དང་ཡོན་ཏན་དུས་གཅིག་རྫོགས། །གསང་མཆོག་ ― DNG011_Page_0570 ―
[མ་དཔེ་གཟིགས་ན་འདིར་གནོན།]
པདྨའི་དཀྱིལ་འཁོར་དུ། །བདེ་ཆེན་རོལ་པ་འདི་གསུངས་ཏེ། །དེ་ལས་གཞན་དང་འདྲེལ་པ་ཡིས། །བསྐལ་པ་བྱེ་བར་ཤེས་མི་འགྱུར། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། ད་ལྟར་རྣལ་འབྱོར་ཐབས་ཀྱིས་གྲོལ་བའི་ལེའུ་སྟེ་ཉི་ཤུ་གཅིག་པའོ།། །།དེ་ནས་གཞན་ཡང་བཤད་བྱ་བ། །ཐབས་ཆེན་གསང་བའི་ཐེག་པ་སྟེ། །གསང་བ་བརྟུལ་ཞུགས་རོལ་པ་འདི། །ཀུན་གྱི་ཕྱི་མ་རིག་པ་མཆོག །མ་ལུས་ཀུན་ལས་མཆོག་འགྱུར་ཞིང་། །ཐབས་མཆོག་བདེ་ཆེན་ཕྱག་རྒྱ་མཆོག །མ་ལུས་ཐབས་ཀྱི་བྱིན་རླབས་ཀྱིས། །བདག་གཞན་བདེ་ཆེན་ཕྱག་རྒྱ་སེམས། །རྒྱལ་བ་ཀུན་གྱི་སྐུ་གསུང་ཐུགས། །མ་ལུས་རོལ་པ་ཐུགས་ཉིད་འདི། །སྐལ་ངན་དམན་དང་རིགས་ཆད་དང་། །བྱིས་པ་རྒན་པོ་མ་ནིང་དང་། །དཀའ་ཐུབ་ལྟ་ངན་རྣམ་པར་སྤང་། །ཐབས་ཆེན་ཡིད་བཞིན་ནོར་བུ་འདི། །ཟབ་དང་འཕེལ་འགྲིབ་མི་གནས་དང་། །ཐབས་ཆེན་སྐལ་ལྡན་སྤྱོད་ཡུལ་དེ། །གཞན་ལ་མི་གནས་སྤྱོད་ཡུལ་མིན། །བསྐལ་པ་བྱེ་བར་མི་འབྱང་བའི། །ལས་དང་ཉོན་མོངས་སྡུག་བསྔལ་དང་། །སྒྲིབ་པ་བག་ཆགས་ཐམས་ཅད་ཀུན། །ཐབས་ཆེན་གསང་བས་མངོན་དུ་སེལ། །དཀའ་ཐུབ་གདུང་བས་ལུས་གཟིར་ཅིང་། །ལུས་སེམས་སྡུག་བསྔལ་དབང་བསྒྱུར་བའི། །སངས་རྒྱས་སྲས་སུ་གྱུར་པས་ཀྱང་། །ཕྱོགས་ཙམ་རེག་པར་ནུས་མ་ཡིན། །ཀུན་གྱིས་སྤངས་པའི་ཆགས་སྡང་ལྔ། །འདོད་ལྔ་དྲན་རྟོག་ཕྲ་རགས་བཅས། །ཐབས་ཀྱིས་དེ་དག་ཟིལ་མནན་ནས། །རྣལ་འབྱོར་བདེ་བའི་ཕ་རོལ་ཕྱིན། །ཚད་མ་གཞན་དང་བྲལ་བ་ཡི། །རང་རིག་བདེ་ཆེན་བྱང་ཆུབ་སེམས། །ངོ་བོ་རྟོག་དཔྱོད་ལས་འདས་པ། །འགྲོ་འོང་མི་ཡུལ་བསམ་ལས་འདས། །ཐམས་ཅད་བྱང་ཆུབ་སྙིང་པོ་མཆོག །གང་ཕྱིར་བདེ་བ་ཡེ་ཤེས་ནི། །ཆོ་ག་ཐབས་ལས་ཤེས་པར་འགྱུར། །ཐབས་བྲལ་ཐབས་ལས་རྣམ་པར་འཇོག །རང་བཞིན་ཐབས་ཀྱི་ཕ་རོལ་ཕྱིན། །ཐབས་ཆེན་བདེ་བས་གང་རྟོགས་པ། །བདེ་བས་དཀའ་ཐུབ་ཟིལ་གྱིས་གནོན། །སྒྱུ་འཕྲུལ་དྲ་བ་མངོན་ ― DNG011_Page_0571 ―
[མ་དཔེ་གཟིགས་ན་འདིར་གནོན།]
རྫོགས་པ། །ཐབས་ཆེན་གསང་བའི་ཐིག་ལེ་ནི། །རྟོགས་ཤིང་གོམས་པར་གྲོལ་འགྱུར་ཏེ། །གཞན་གྱིས་ནམ་ཡང་འགྲུབ་མ་ཡིན། །རང་བཞིན་རྟོགས་གོམས་བྱིན་རླབས་ཀྱིས། །དཔེར་ན་ཉི་འོད་རིན་ཆེན་བཞིན། །ལས་དང་བསོད་ནམས་རྐྱེན་དག་ལས། །ཆུ་དང་མེ་ལོང་གཟུགས་བརྙན་ལྟར། །དངོས་པོ་ཇི་ལྟར་གསལ་བ་ལྟར། །ཐབས་དང་མན་ངག་སྟོབས་ཀྱིས་འགྲུབ། །སྒྱུ་འཕྲུལ་ཆེན་པོ་ཐིག་ལེ་ཉིད། །ཐབས་དང་ཤེས་རབ་གསལ་འགྱུར་བས། །བདེ་བ་གསལ་ལ་མི་རྟོག་པ། །ཐབས་ཅད་མཁྱེན་པའི་སྟོབས་སུ་སྣང་། །རང་ཉིད་ཕྱག་རྒྱ་སྟོབས་ཆེན་གྱིས། །མི་མཐུན་གཉེན་པོ་བྲལ་བ་ལས། །ཐབས་ཆེན་གསང་བ་མཐར་ཕྱིན་པས། །མན་ངག་ལྡན་པས་འགྲུབ་འགྱུར་ཏེ། །རང་རིག་ཡོན་ཏན་མངོན་སྣང་བཞིན། །བྱེ་བྲག་བརྒྱད་ཅུ་ལ་སོགས་པ། །བསྟན་པའི་ཁྱད་པར་ཅི་སྙེད་པ། །འདུལ་བའི་དབང་གིས་སྣང་བ་སྟེ། །གསང་བ་འདིས་ནི་རྟོགས་པར་འགྱུར། །གང་མེད་དེ་ཉིད་མི་འབྱུང་ཕྱིར། །དཔེར་ན་ལུས་དང་ཡན་ལག་བཞིན། །དུས་གསུམ་སངས་རྒྱས་བསྟན་པར་བཅས། །རང་བྱུང་བསྟན་པ་རྒྱ་མཚོར་འདུས། །བསྐལ་པ་བྱེ་བ་བསམ་ཡས་པར། །ཐབས་དང་དཀའ་བས་གང་བཙལ་བས། །ཟབ་མོའི་ཐབས་རྒྱུད་མི་མཐོང་སྟེ། །ཟབ་མོ་རྒྱལ་བའི་དགོངས་པར་བཤད། །ཕྱི་ནང་གསང་བ་ལ་སོགས་པ། །ཐབས་ཆེན་བསྟན་པ་གང་གསུངས་པ། །ཐམས་ཅད་ཡན་ལག་སྣང་བ་སྟེ། །ཀུན་གྱི་སྙིང་པོ་འདི་གསུངས་པའོ། །ཞིང་ཁམས་ཕྱི་ནང་བསམ་ཡས་པར། །གླེང་གཞི་གླེང་བསླང་རྟོག་པ་དང་། །ཆོ་གའི་དཀྱིལ་འཁོར་གྲངས་མེད་པར། །ཐམས་ཅད་འདིར་གནས་པ་ཉིད་དོ། །འདས་དང་མ་བྱོན་ད་ལྟར་བའོ། །སངས་རྒྱས་རྣལ་འབྱོར་ཐམས་ཅད་ཀྱི། །ལམ་མཆོག་གསང་བ་འདི་ཡིན་ཏེ། །འབྱུང་གནས་འབྱུང་ཉིད་དེ་ཕྱིར་རོ། །ཁྱད་པར་ཐབས་ཆེན་སྒྱུ་འཕྲུལ་འདི། །གསང་བའི་གསང་མཆོག་དམ་པ་འདི། །གཞན་དང་དབང་པོ་དམན་པ་དང་། །མ་དག་པ་ལ་མ་གནང་ངོ་། །རྣལ་འབྱོར་གསང་བར་ཞུགས་རྣམས་ཀྱིས། །གསང་ཆེན་རོལ་པའི་ཐལ་ ― DNG011_Page_0572 ―
[མ་དཔེ་གཟིགས་ན་འདིར་གནོན།]
རྒྱུད་ལས། །དབང་དང་མན་ངག་སྟོབས་ཀྱིས་བརྟག །ཚེ་འདི་ཉིད་ལ་འགྲུབ་པར་འགྱུར། །དཀའ་ཐུབ་གདུང་བ་ཀུན་བྲལ་ཞིང་། །ལོངས་སྤྱོད་ལྔ་ལྡན་ཆོ་ག་ཡིས། །འདུས་པ་མེད་པའི་སྤྱོད་པ་ཡིས། །འཇིགས་པ་མེད་པར་རྣམ་པར་གྲོལ། །ནམ་མཁའ་ལྟ་བུར་གང་རྟོགས་པས། །རྒྱལ་པོའི་སྤྱོད་པ་ལ་བརྟེན་ན། །བར་ཆད་མེད་པར་གསལ་གོམས་པས། །ཡིད་བཞིན་ནོར་བུ་ལྟ་བུར་འགྱུར། །གཞན་ཡང་གསང་ཆེན་ཐིག་ལེ་ནི། །གསང་བའི་ཡིད་འཕྲོག་ཐབས་ཀྱི་རྒྱུད། །མ་ལུས་ཐབས་ཀྱིས་རོལ་སྤྱད་ན། །སྐད་ཅིག་ཙམ་གྱིས་གྲོལ་བར་འགྱུར། །མ་ལུས་འཆིང་བ་ཡུལ་གྱི་དུག །རྒྱལ་བའི་དགོངས་པས་དབང་བསྒྱུར་ནས། །ཕྱི་ནང་ཡུལ་སེམས་སྣོད་བཅུད་བཅས། །ཐབས་ཆེན་བདེ་བར་མངོན་དུ་གསལ། །བྱེ་བ་བརྒྱ་ཕྲག་མང་པོའི་ཚོགས། །ལྷ་རྣམས་དང་ནི་ཀླུ་རྣམས་དང་། །འགྲོ་བ་སྐལ་ལྡན་ཐམས་ཅད་ཀྱིས། །འདོད་པའི་ཡོན་ཏན་ལྔ་རྣམས་ལ། །ཅི་འདོད་པར་ནི་སྤྱོད་བཞིན་དུ། །དག་པ་དང་ནི་བདེ་བ་དང་། །ཡིད་བདེ་བ་དང་སེམས་བདེ་བས། །མ་ལུས་གསང་བ་ཉིད་དུ་བལྟ། །རྣལ་འབྱོར་ཕོ་མོར་འདྲེལ་བ་ཡིས། །མ་ལུས་ཚོགས་ལ་ལོངས་སྤྱོད་ཅིང་། །བལྟ་དང་བགད་དང་འཁྱུད་པ་དང་། །དབང་པོ་ཐུག་དང་ཞལ་ལ་སོགས། །ཕྲད་དང་སྤྱད་པ་ལ་སོགས་པས། །དགའ་ཞིང་ཉམས་དང་ཐིག་ལེ་བཞི། །ལུས་སེམས་དགའ་བར་གྲོལ་བར་འགྱུར། །བྱིན་རླབས་ཐབས་ཀྱི་ཉམས་ལྡན་པས། །ཉམས་དང་རེ་དོགས་མེད་པ་ཡིས། །གླུ་དང་གར་དང་རོལ་པའི་ཐབས། །སྣ་ཚོགས་ཐབས་ནི་སྟོན་པར་མཛད། །མ་དག་པ་དང་མི་འཚམས་ཤིང་། །དག་པ་ལ་འཚམས་རེ་དོགས་མེད། །ཐབས་སྤྱོད་བྱེ་བྲག་མཐའ་ཡས་པ། །མ་བཅོས་ཐབས་ཀྱི་སྤྱོད་པར་གནས། །གསང་ཆེན་རྣལ་འབྱོར་སྤྱོད་པ་འདི། །དགའ་དང་སྦྱངས་པའི་རང་བཞིན་ལས། །གཞན་དང་བྱིས་པ་ཐ་མལ་དང་། །སྒྲོ་སྐུར་ཡ་གར་གནས་ལ་སོགས། །བྱིན་ན་བར་ཆད་འབྱུང་འགྱུར་ཏེ། །དམྱལ་བ་ཡི་དྭགས་བྱོལ་སོང་སོགས། །བསྐལ་པ་རྡུལ་སྙེད་གནས་འགྱུར་ ― DNG011_Page_0573 ―
[མ་དཔེ་གཟིགས་ན་འདིར་གནོན།]
ཏེ། །བདེ་བས་ཕོངས་པ་ཉིད་དུ་འགྱུར། །བསྐལ་པ་ཞིང་གི་རྡུལ་སྙེད་དུ། །སྦྱངས་དང་བསགས་པ་གང་ཡིན་པ། །སྐལ་ལྡན་འགའ་ཡི་སྤྱོད་ཡུལ་ཏེ། །བསྒྲུབ་བྱའི་འབྲས་བུ་སྙིང་པོ་ཉིད། །གསང་བ་ཆེན་པོ་ཐལ་བའི་རྒྱུད། །མ་ལུས་དག་པའི་འཇིག་རྟེན་དུ། །སྐད་ཅིག་བྱིན་རླབས་སྣང་མཛད་པ། །གསང་ཆེན་རྨད་བྱུང་ཐེག་པར་བཤད། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གསང་བ་ཐེག་ཆེན་བསྟན་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་གཞན་ཡང་བཤད་བྱ་བ། །རྟོག་པ་ཀུན་ལས་རབ་འདས་པ། །བརྟག་པ་ཀུན་གྱི་ངོ་བོ་ཉིད། །སྒྱུ་འཕྲུལ་དྲ་བས་མངོན་སྣང་བ། །སངས་རྒྱས་ཀུན་གྱི་རང་བཞིན་ནི། །དག་དང་མ་དག་ཁྱད་པར་གྱིས། །ཕྱི་ནང་ཡུལ་སེམས་དབང་པོར་བཅས། །མ་བཅོས་རང་རིག་དབྱིངས་སུ་འདུས། །འཁོར་དང་མྱ་ངན་འདས་པ་ཡང་། །གཞི་རྩ་མེད་དབྱིངས་སྐད་ཅིག་མ། །མི་གནས་ཚུལ་གྱིས་གནས་འགྱུར་ཏེ། །དེ་ལ་གནས་པ་གང་ཡང་མེད། །འབྱུང་བ་ལྔ་དང་ཕུང་པོ་ལྔ། །ཁམས་དང་སྐྱེ་མཆེད་ལ་སོགས་པ། །ཐབས་དང་ཤེས་རབ་ལྡན་གྱུར་པའི། །གཉིས་སུ་མེད་པར་རང་བཞིན་གནས། །རྒྱལ་བའི་དཀྱིལ་འཁོར་རྡུལ་སྙེད་པ། །ཞིང་དང་ལོངས་སྤྱོད་མཛད་པ་དང་། །མ་ལུས་གཉིས་མེད་སྣང་བ་སྟེ། །དབྱེར་མེད་རིག་པ་རང་སྣང་ངོ་། །ཕྱི་དང་ནང་དང་ཡུལ་སེམས་དང་། །ཇི་སྙེད་སྤྱོད་ཡུལ་འགྱུར་བ་ཀུན། །ནམ་མཁའ་ལ་ནི་གཟའ་སྐར་ལྟར། །ཆོས་ཀྱི་དབྱིངས་ལས་དོན་འབྱུང་སྟེ། །བྱ་བྱེད་མེད་པར་ངང་གིས་སྣང་། །ཕྱི་ནང་གསང་བར་བཅས་པ་ཡི། །ཀུན་གཞི་ཐབས་ཀྱིས་གསལ་བྱས་པས། །མ་ལུས་རང་སྣང་འཇིག་རྟེན་པས། །སྤང་དང་སྤང་བར་བྱ་བ་མེད། །དབང་པོ་ཡུལ་དུས་རྣམ་ཤེས་ཚོགས། །མ་ལུས་གཉིས་མེད་རང་སྣང་བ། །སྐྱེས་བུ་ཐབས་ཀྱི་སྤྱོད་ཡུལ་ཏེ། །སྐལ་ལྡན་དག་གིས་ཤེས་པར་བྱ། །ཐུགས་ཀྱི་བདེ་བ་ཆོས་ཀྱི་དབྱིངས། །རང་རིག་བསམ་པའི་ཡུལ་ལས་འདས། །དེ་ཉིད་ཇི་ལྟར་གསལ་བ་ལྟར། །ཐབས་ཀྱི་རྫུ་འཕྲུལ་སྣ་ཚོགས་འཛིན། །གང་དག་གང་ལ་དབང་ ― DNG011_Page_0574 ―
[མ་དཔེ་གཟིགས་ན་འདིར་གནོན།]
བ་ནི། །འདི་ནི་དབང་པོ་མཆོག་ཏུ་གསུངས། །བརྟེན་པའི་ཤེས་རབ་བཅས་པ་ཡི། །དམིགས་པར་བྱ་བའི་ཡུལ་ཉིད་དོ། །ཇི་སྙེད་ཆོས་རྣམས་བསམ་ཡས་པ། །ཐུན་མོང་ཐུན་མོང་མ་ཡིན་པའི། །རྟེན་གྱི་བྱ་བ་ཐམས་ཅད་ཀྱང་། །དབང་པོ་ཡུལ་དུ་འདུས་པར་བཤད། །ཇི་སྙེད་ཆོས་རྣམས་རྡུལ་སྙེད་པ། །འཇིག་རྟེན་འཇིག་རྟེན་འདས་པ་ཡིས། །ནང་དང་ཕྱི་རུ་བསྟན་པ་ཀུན། །རང་རིག་ཡེ་ཤེས་མཆོག་ཏུ་གསུངས། །ཐབས་མཁས་བྱེ་བྲག་ཅིར་བསྟན་པ། །ཐབས་ཀྱི་ཁྱད་པར་སྣང་བ་ཡིན། །ཨེ་མ་གར་མཁན་འཁོར་ལོ་བདེ། །མ་སྐྱེས་སྟོང་བའི་རང་བཞིན་ལས། །སྒྱུ་འཕྲུལ་དྲ་བ་བདེ་བའི་མཆོག །གསང་དབང་པདྨར་འདྲེལ་པ་ན། །བདེ་བ་མཆོག་ཏུ་འབྱུང་འགྱུར་ཏེ། །སྐད་ཅིག་ཙམ་གྱི་བདེ་བ་ཡིས། །བག་ཆགས་ཐམས་ཅད་ཟིལ་གྱིས་གནོན། །རང་བྱུང་ལས་ཀྱི་སྒྱུ་འཕྲུལ་ལས། །གསང་བའི་ཐབས་དང་ལྡན་པ་ཡིས། །བདེ་ཆེན་གསང་བར་གྱུར་པ་ན། །སྤྱོད་ཡུལ་པདྨ་ལྟ་བུར་འགྱུར། །རྡོ་རྗེ་དབང་ཡུལ་འདུས་པ་ལས། །ཕྱི་ནང་ཡུལ་སེམས་བཅས་པའི་ཆོས། །ཉི་ཟླ་ཐབས་ཀྱི་འགྲོ་འོང་ལ། །མ་ལུས་འདིར་ནི་འདུས་པ་ཉིད། །གསང་བ་ཐབས་ཀྱིས་སྒྱུ་འཕྲུལ་ལས། །ཇི་སྙེད་ཆོས་ཀུན་རང་བཞིན་འཆར། །ཐམས་ཅད་ཐིག་ལེ་བདེ་ཆེན་ལ། །ཡུལ་དབང་ཕྱི་ནང་སྤྲོ་བསྡུ་མེད། །རང་བྱུང་ཐབས་ཀྱི་སྒྱུ་འཕྲུལ་ནི། །དཀྱིལ་འཁོར་ཀུན་གྱི་ཐབས་བཅུད་དེ། །ཐབས་དང་ཤེས་རབ་འདྲེལ་པ་ལས། །འབྲས་བུ་རང་བཞིན་གསལ་བར་འཆར། །ཐབས་ལ་སྟོང་པས་རྒྱས་བཏབ་ཅིང་། །སྟོང་པ་ལ་ནི་བདེ་བས་བཏབ། །རོ་གཅིག་བདེ་བ་ཆེན་པོ་རྒྱས། །ཕྱི་ནང་ཡུལ་སེམས་ཀུན་ཏུ་བཏབ། །མ་ལུས་བདེ་ཆེན་ཐིག་ལེ་སྟེ། །དངོས་པོ་ནམ་ཡང་ཡོད་མ་ཡིན། །ནམ་མཁའི་དབྱིངས་ཀྱི་མཐའ་ཀླས་པར། །གཉིས་མེད་བདེ་བ་རོལ་པའི་མཆོག །གསང་བ་དབང་གི་ཆོ་ག་ལས། །བདེ་ཆེན་ལམ་ལ་བར་ཆད་མེད། །དབང་པོ་མཆོག་གི་ཡུལ་དུ་གྱུར། །དེ་བས་གཞན་གྱི་སྤྱོད་ཡུལ་མིན། །སངས་རྒྱས་ཀུན་གྱིས་བྱིན་བརླབས་པའི། །རང་རིག་བདེ་ཆེན་གཉིས་མེད་འདི། །མན་ངག་ཐབས་ཀྱིས་ ― DNG011_Page_0575 ―
[མ་དཔེ་གཟིགས་ན་འདིར་གནོན།]
མཚོན་པ་ལས། །ཚིག་དང་ཡི་གེའི་སྤྱོད་ཡུལ་མིན། །མ་ལུས་གསང་བའི་རང་བཞིན་ལ། །གསང་བ་ཐབས་ཀྱིས་གང་མཚོན་ན། །བག་ཆགས་བསལ་བའི་ཡེ་ཤེས་ཀྱིས། །ཐམས་ཅད་མཉམ་པ་ཉིད་དུ་གསལ། །ཐབས་ཆེན་རོལ་པ་མངོན་བསྟན་པའི། །གསང་བ་ཀུན་འདུས་ཐབས་ཀྱི་རྒྱུད། །སྐལ་ངན་དམན་ལ་སྦས་པ་སྟེ། །ཐབས་ཆེན་ལྡན་པས་ཤེས་པར་བྱ། །སྐྱེ་མེད་སྒྱུ་འཕྲུལ་དྲ་བ་ལས། །ཐབས་ཆེན་རོལ་པའི་ཆོ་འཕྲུལ་གྱིས། །འགྲོ་བ་ཆགས་པ་ཅན་དོན་དུ། །སྣ་ཚོགས་འགྲོ་བ་འདུལ་བར་མཛད། །སྣ་ཚོགས་བཅུད་ལྡན་ཐིག་ལེ་ཡིས། །འཁོར་ལོ་ཡུལ་དང་དབང་པོ་ཆོས། །ཐབས་ཆེན་ལས་བྱུང་བདེ་བ་ཡིས། །རིག་པའི་འཁོར་ལོ་ཁེངས་པ་ཡིས། །ཕྱི་ནང་ཡུལ་སེམས་ཆོས་རྣམས་ཀུན། །ངོ་བོ་བདེ་ཆེན་མྱ་ངན་འདས། །ཐབས་དང་ཤེས་རབ་འདྲེལ་པ་ཡི། །དབང་པོ་ཡུལ་སེམས་ལྡན་པ་ལ། །ལུས་དང་སེམས་ལས་བྱུང་བ་ཀུན། །རྒྱ་མཚོའི་རླབས་དང་ཚྭ་ཆུ་ལྟར། །རང་བཞིན་བདེ་བ་ཆེན་པོར་ཐིམ། །བརྟགས་པའི་བྱེ་བྲག་སྣ་ཚོགས་པ། །ངོ་བོ་ཉིད་ནི་ཅིར་སྣང་ཡང་། །རང་བཞིན་ངང་ལ་དབྱེར་མེད་དེ། །ཐམས་ཅད་མ་བཅོས་ངང་དུ་ཞི། །མ་བྱས་རང་བྱུང་རང་སྣང་བས། །ཡུལ་དང་དབང་པོར་བཅས་པ་ཀུན། །ངོ་བོ་གཅིག་ཏུ་གསལ་བར་གནས། །མ་ལུས་ཡེ་ཤེས་བརྡའ་ལས་འདས། །མ་ལུས་ཡེ་ཤེས་རང་སྣང་ཞིང་། །སྒྱུ་འཕྲུལ་ཐབས་ཀྱི་མེ་ལོང་ལ། །དྲ་བ་གཟུགས་བརྙན་རང་བཞིན་འཆར། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། རྡོ་རྗེ་དྲིལ་བུ་ཚད་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་གཞན་ཡང་བཤད་བྱ་བ། །གང་དག་དོན་ལ་འགལ་བྱེད་ཅིང་། །ཐམས་ཅད་ལོག་པའི་དབང་སོང་བའི། །སྤྱོད་པ་དེ་ཡི་འབྲས་བུ་བཤད། །རང་བཞིན་དབྱེར་མེད་དོན་གཅིག་ལས། །ལོག་པའི་རྟོག་ལ་ཞེན་དབང་གིས། །དབྱེར་མེད་མཉམ་པའི་རང་བཞིན་ལས། །བདག་གཞན་བདེ་སྡུག་སྣ་ཚོགས་སྣང་། །ལོག་རྟོག་རྒྱུ་འབྲས་ཞེན་བརྟགས་པ། །དངོས་མེད་ལོག་རྟོག་བརྟགས་དབང་གིས། །བག་ཆགས་ ― DNG011_Page_0576 ―
[མ་དཔེ་གཟིགས་ན་འདིར་གནོན།]
ཞེན་གོམས་དབང་གིས་ན། །འཁོར་བའི་རང་བཞིན་བརྟགས་པར་གྱུར། །ཐམས་ཅད་གསང་བའི་རང་བཞིན་ལས། །རིག་པའི་ཁྱད་པར་ཅིར་སྣང་བ། །རང་རིག་ཡེ་ཤེས་དེ་བཞིན་ཉིད། །དངོས་མེད་དངོས་སྣང་དེ་བཞིན་ཉིད། །མ་མཐོང་ཐ་དད་དབང་དང་ལྡན། །རང་བཞིན་དོན་ལས་སྤངས་དོན་ཅི། །དགག་བསྒྲུབ་དོན་ལ་ངེས་བརྩོན་ནས། །གཉེན་པོའི་ཐབས་ཀྱིས་གང་སྦྱངས་པ། །རང་རིག་རང་ལ་བཅིངས་པ་ཡིན། །དཀའ་ཐུབ་སྡོམ་པས་གཟིར་བ་ཡིས། །ལས་དང་བྱ་བ་ལ་བརྟེན་པས། །གཉིས་ཀ་རྣལ་འབྱོར་ལ་བརྟེན་པས། །འབྲས་བུ་ཐོབ་པར་འདོད་པ་ཡིན། །གསང་བ་ཐབས་ཀྱི་རྣལ་འབྱོར་པས། །གང་ལ་བརྟེན་ནས་རྟོགས་གོམས་པས། །དཀའ་ཐུབ་རྩོལ་བ་ཀུན་སྤངས་ནས། །ཚེ་གཅིག་འབྲས་བུ་རང་ལས་འབྱུང་། །སློབ་དཔོན་ཐབས་ལ་མཁས་པ་དང་། །ཆོ་གའི་རིམ་པ་དང་ལྡན་པས། །གང་ལྟར་བརྩམ་པ་དེ་བཞིན་དུ། །ངེས་པར་འབྱུང་བར་ཐེ་ཚོམ་མེད། །ལོག་པའི་དབང་དུ་ཞུགས་པ་དང་། །གང་དུ་སྦྱངས་མིན་རང་བཞིན་ངན། །ལེ་ལོ་གཡེངས་པས་བསླུས་པ་དང་། །འཁོར་བ་ན་ནི་ཡུན་རིང་གནས། །བྱང་ཆུབ་སེམས་ནི་མ་སྐྱེས་ཤིང་། །དད་དང་དམ་ཚིག་རིང་སྤངས་ཤིང་། །བླ་མ་དག་ལ་རྒྱབ་ཀྱིས་ཕྱོགས། །དབང་དང་མན་ངག་མི་ལྡན་པར། །གསང་སྔགས་རང་བཟོས་འཇལ་བར་བྱེད། །ལོག་པའི་སྤྱོད་པའི་དབང་སོང་བ། །འདི་ལྟ་བུ་ཡི་སྡིག་ཅན་ནི། །རྡོ་རྗེ་དམྱལ་བར་སྐྱེ་བར་འགྱུར། །བླ་མ་མཉེས་པར་མ་བྱས་ཤིང་། །ཞེ་སྡང་ལ་སོགས་ཉོན་མོངས་ལྡན། །བག་ཆགས་ངན་པས་རང་བཞིན་བཅིངས། །ལོག་རྟོག་ཞེན་པའི་མཐུར་ལྡན་པས། །གང་ལྟར་བགྲོད་པས་ལོག་པའི་ལམ། །ལོག་པ་ལ་ནི་གཞོལ་བར་འགྱུར། །གསང་བའི་དོན་མཆོག་འདི་དག་ནི། །དམ་པ་རྣམས་ཀྱི་ཡུལ་ཡིན་ཏེ། །དམན་པ་རྟོག་གེ་ལ་སོགས་པའི། །ཡུལ་དུ་ནམ་ཡང་འགྱུར་མ་ཡིན། །གང་དུ་འཆིང་བའི་ལས་རྣམས་ཀྱང་། །ཐབས་དང་ལྡན་པས་གྲོལ་བར་འགྱུར། །གང་ ― DNG011_Page_0577 ―
[མ་དཔེ་གཟིགས་ན་འདིར་གནོན།]
དུ་ཐབས་དང་མི་ལྡན་པས། །ཐམས་ཅད་འཆིང་བའི་མདུད་པར་འགྱུར། །དེ་བཞིན་གཤེགས་པའི་གསང་ཆེན་འདི། །ཐབས་དང་མན་ངག་མི་ལྡན་པར། །དྲེགས་དང་ང་རྒྱལ་དབང་སོང་བས། །ཐམས་ཅད་འཁོར་བའི་རྒྱ་མཚོར་ལྟུང་། །གང་དུ་ཐབས་དང་མི་ལྡན་པས། །འདོད་ལྔ་ཆགས་པས་རོལ་སྤྱོད་ན། །ཐར་པའི་བདེ་བ་སྤངས་ནས་ནི། །འཁོར་བ་ལས་ནི་ཐར་མི་འགྱུར། །གང་དུ་དངོས་པོའི་རང་བཞིན་ལ། །བདེ་སྡུག་ཞེན་པར་མི་གནས་ཀྱང་། །ལས་དང་ཉོན་མོངས་ཞེན་པ་ལ། །ཐམས་ཅད་ལོག་པའི་སྟོབས་སུ་སྣང་། །གང་དུ་གང་མེད་དེ་བཞིན་ཉིད། །དེ་ལ་དེ་སྣང་ངོ་བོ་ཉིད། །གང་ལ་དེ་ཡི་རང་བཞིན་ནི། །གང་མ་ཡིན་ཏེ་དེ་བཞིན་ཉིད། །འགྲོ་འོང་གནས་པ་ལས་གྲོལ་བའི། །མཚན་ཉིད་ཞེན་པ་ལས་འདས་པ། །ངོ་བོ་ལོག་པའི་རྐྱེན་གྱིས་བསྒྱུར། །ཐ་མར་ལོག་པའི་གྲོང་ཁྱེར་བརྒྱུད། །དངོས་འཛིན་ལོག་པའི་དུག་ནད་ཀྱིས། །དངོས་བྲལ་དངོས་པོར་རང་བཏགས་པ། །མཐོང་བ་ལོག་པའི་སྟོབས་ལྡན་པས། །འཁོར་བའི་གྲོང་ཁྱེར་ཐར་པ་མེད། །ཆགས་དང་ཆགས་བྲལ་ལྟུང་བའི་གནས། །ཞེན་དང་སྤང་དང་འགེག་དང་སྦྱང་། །བསྒྱུར་སོགས་མཚན་མའི་དབང་སོང་བས། །ནམ་མཁའ་ལ་ནི་འཕྱོས་པ་བཞིན། །སྡུག་བསྔལ་རྒྱ་མཚོར་ལྟུང་བར་འགྱུར། །ཐེག་པ་མཆོག་ལ་མི་ཆགས་ཤིང་། །འདོད་ལྔ་ཆགས་པ་སྤངས་པ་དང་། །བུ་མོ་མཚན་ལྡན་སྤངས་པ་ནི། །ཐབས་བྲལ་འཁོར་བའི་རྩ་བ་ཡིན། །ཐབས་དང་བྲལ་བ་རང་བཞིན་གནས། །ཚངས་པ་བདེ་བའི་སྐར་ཁུང་ནས། །ཐིག་ལེ་འབར་ནས་རྒྱུ་བ་ནི། །ཐབས་ཀྱི་བསམ་པའི་ལམ་གང་བཅད། །འབར་བ་བརྒྱད་པོ་ཐིམ་པར་བྱ། །ཤར་པ་རྡོ་རྗེ་ཧཱུྃ་གི་བདག །རྩ་བ་ལོ་མས་གང་བསྡུས་པ། །ཡིད་ནི་སྨིན་མཚམས་གྱེན་ལ་གཏད། །གསང་བའི་གཏེར་ལ་ལོངས་སྤྱོད་བྱ། །གསང་བའི་ཡིད་ནི་འཕོ་འགྱུར་ན། །བྱ་བ་ལ་སོགས་རང་དོར་ནས། །རྣམ་ཤེས་ས་ལ་ཐིམ་འགྱུར་ཏེ། །ས་ཡང་ཆུ་ལ་ཐིམ་པར་འགྱུར། །ཆུ་ནི་མེ་ལ་ཐིམ་གྱུར་པས། །དེ་ཉིད་རླུང་ལ་ཐིམ་པར་འགྱུར། །རླུང་ནི་སྙིང་པོའི་ཐིག་ལེར་ཏེ། །དེ་ལས་མེ་ ― DNG011_Page_0578 ―
[མ་དཔེ་གཟིགས་ན་འདིར་གནོན།]
ལོང་གཟུགས་བཞིན་དུ། །མ་སྐྱེས་སྟོང་པའི་གྲོང་དུ་འཕོ། །སྐྱེ་བ་མེད་ཅིང་འགག་པ་མེད། །རྒྱུ་བ་མེད་ཅིང་ཟག་པ་མེད། །ཤ་ཁྲག་གཤང་གཅི་ཁུ་བ་མེད། །ནམ་མཁའ་ལྟ་བུར་གནས་པ་ཉིད། །གསང་བའི་དཀྱིལ་འཁོར་གནས་ཆེན་ལ། །རྒྱལ་བ་ཀུན་གྱི་གཞལ་ཡས་ཁང་། །ཏིལ་འབྲུ་ལྟ་བུའི་ཕོ་བྲང་སྟེ། །རྩ་གསུམ་འདུས་པའི་རྩེ་མོ་སྟེ། །བམ་དབྱིབས་གཉིས་མེད་ཕྲད་པ་ལས། །ཉི་ཟླ་ཕྲད་པའི་ཐིག་ལེ་ལས། །རིམ་པར་སྐྱེ་བའི་ཡེ་ཤེས་རོ། །གནས་ནས་གནས་སུ་འཕོ་བ་ཡིན། །བཅུ་དྲུག་སྐྱེ་བར་ཐེ་ཚོམ་མེད། །ཐིག་ལེ་ཟུང་འཇུག་བདེ་བ་ནི། །སངས་རྒྱས་ཀུན་གྱི་རང་བཞིན་ཕྱིར། །བག་ཆགས་མཐའ་ཡས་ཀུན་སེལ་ཏེ། །འབྲས་བུ་ལྷུན་གྲུབ་རང་ལ་འཆར། །རང་བྱུང་ཐིག་ལེ་རྟེན་དང་བཅས། །ལུས་ཅན་ཀུན་ལ་ཁྱབ་པ་སྟེ། །ཟག་པ་ཡོད་མེད་ཀུན་དང་བྲལ། །ཐིག་ལེ་ཆེན་པོ་གཡོ་བ་མེད། །ཐབས་དང་ཤེས་རབ་ཐམས་ཅད་ནི། །སྦྱོར་བའམ་རང་གི་སྟོབས་ལས་བྱུང་། །ཉི་མ་ཟླ་བ་རྒྱས་པ་ནི། །རང་གི་སྟོབས་ཀྱིས་བཟུང་བ་ནི། །གནས་དང་གནས་མིན་ཁྱབ་པའི་བར། །གསལ་བརྟན་ངེས་ལས་ཡེ་ཤེས་སྐྱེ། །གསང་བའི་ཐབས་ཀྱིས་ངེས་སྐྱེ་ན། །མུན་པ་ལ་ནི་མར་མེ་ལྟར། །བཅུ་དྲུག་རིམ་པར་འཕེལ་བར་འགྱུར། །རང་གི་ཉམས་ལས་ཤེས་པར་བྱ། །ཕྱི་ནང་བདེ་བའི་ཐིག་ལེ་ལ། །མ་ལུས་ཆོས་ཀུན་རང་གནས་པས། །རྣལ་འབྱོར་རིག་པའི་ཐབས་ཚུལ་གྱིས། །གཞན་དུ་མ་ཡེངས་ཚུལ་གྱིས་བལྟ། །སངས་རྒྱས་ཀུན་གྱི་བདེ་བ་ནི། །འགྲོ་འོང་འཕེལ་འགྲིབ་མེད་པ་ནི། །དུས་གསུམ་བྲལ་བའི་ཐིག་ལེ་སྟེ། །ནམ་མཁའ་ལྟ་བུར་འགྱུར་འཇིག་མེད། །ལུས་སེམས་ཡིད་བྱེད་མེད་པ་ཡི། །བདེ་བ་རང་རིག་བསམ་མི་ཁྱབ། །རྒྱུ་རྐྱེན་ཟག་པའི་ཡུལ་ལས་འདས། །ཐིག་ལེ་འགྲོ་འོང་རྒྱུན་དང་བྲལ། །ང་རྒྱལ་ཕྲག་དོག་ལྡན་པ་དང་། །ཡོ་བྱད་ཡོད་དང་མེད་པས་ཀྱང་། །ཐབས་འདིས་གྲོལ་འགྱུར་ཐེ་ཚོམ་མེད། །གསང་བའི་ཐབས་ལ་གང་གནས་པ། །རིགས་དང་ན་ཚོད་གང་ཡང་རུང་། །ཕྱི་ནང་ཡུལ་ ― DNG011_Page_0579 ―
[མ་དཔེ་གཟིགས་ན་འདིར་གནོན།]
སེམས་ཆོས་ཐམས་ཅད། །བདེ་བ་ཆེན་པོའི་ངོ་བོར་ལྡོག །དབང་དང་མན་ངག་བྱིན་རླབས་ཀྱིས། །སྒྲ་དང་བྲལ་བའི་བསྟན་པ་ཉིད། །སྙིང་གི་དཀྱིལ་ནས་བྱུང་འགྱུར་ཏེ། །བདེ་ཆེན་ཐིག་ལེ་འཕེལ་འགྲིབ་མེད། །རང་རིག་སེམས་ཀྱི་བདེ་བ་ལ། །རྒྱུ་འབྲས་དང་ནི་ཟག་པ་དང་། །འབྱུང་འཇུག་ཡེངས་དང་མ་ཡེངས་མེད། །བདེ་ཆེན་ཁྱབ་པ་རང་བཞིན་གནས། །གསང་བ་ཡིད་གཉིས་མེད་པ་ཡིས། །ཐབས་ཀྱི་བྱེ་བྲག་བསྐུལ་གྱུར་ན། །ཡེ་ཤེས་ནམ་མཁའ་མཐའ་ཐུག་མེད། །ཐམས་ཅད་མྱུར་དུ་འགྲུབ་པར་འགྱུར། །གསང་ཆེན་རོལ་པའི་སྤྱོད་པ་ལས། །ཐ་མལ་པ་དང་དམན་པ་མེད། །དཀའ་ཐུབ་གཙང་སྦྲ་ཞུམ་པ་མེད། །ལྷ་དང་སྔགས་དང་ཕྱག་རྒྱ་མེད། །དཀྱིལ་འཁོར་སྦྱིན་བསྲེག་འཕྲོ་འདུ་མེད། །དེ་བས་སྒྱུ་འཕྲུལ་ཐབས་ཆེན་པོ། །སངས་རྒྱས་ཀུན་གྱི་ཐུགས་ལ་གནས། །གཉིས་མེད་བདེ་ཆེན་དབྱེར་མེད་པ། །ཐབས་དང་ཤེས་རབ་མི་ཕྱེད་པ། །འདི་ནི་སངས་རྒྱས་རང་བཞིན་ཉིད། །ཉི་ཟླ་ཐབས་དང་ཤེས་རབ་ཀྱི། །རོ་གཉིས་འདུས་པའི་སྟོབས་ལས་སྐྱེས། །དེ་ལ་མི་རྟོག་རྟོགས་པའི་བདག །རྡོ་རྗེ་སེམས་དཔའ་བདེ་བའི་མཆོག །དྭངས་མའི་བདེ་བ་ལ་བརྟེན་ནས། །རྟེན་མེད་བདེ་བ་ངེས་པར་སྐྱེ། །མ་སྐྱེས་ནམ་མཁའ་ལྟ་བུ་ནི། །རྟོགས་དང་གོམས་པའི་སྟོབས་ཀྱིས་འགྲུབ། །མ་སྐྱེས་བདེ་ཆེན་མ་རྟོགས་པར། །མཚོན་པའི་ཐབས་ལ་བདེར་གནས་ན། །དངོས་པོ་ཞེན་པའི་འདུ་ཤེས་ཀྱིས། །ངན་འགྲོའི་རྒྱ་མཚོར་ལྟུང་བར་འགྱུར། །བུད་མེད་རིགས་ལ་གང་བརྟགས་པ། །ལམ་དང་ནུས་པའི་ཁྱད་པར་གྱིས། །འཆིང་གྲོལ་ཁྱད་པར་དེ་བཞིན་དེ། །ཟག་པ་ཡོད་མེད་དོན་གྱིས་བརྟགས། །གསང་བའི་བུད་མེད་བསྟེན་པར་བྱ། །ལུས་ཅན་ཡིད་ཅན་ཡེ་ཤེས་ཅན། །གང་དུ་ཐབས་དང་གོམས་པ་དང་། །མཐར་ཕྱིན་ལྷུན་གྱིས་གྲུབ་པར་སྦྱོར། །ཚོགས་བསགས་ལས་རྒྱུད་དག་པ་དང་། །ཐབས་ལམ་མཆོག་ལ་སྔོན་སྦྱངས་དང་། །དམ་པ་མཆོག་གི་སྤྱོད་ཡུལ་ཏེ། །གཞན་དུ་བསྐལ་པ་བྱེ་བས་མིན། །གང་དང་བྲལ་བའི་བྱ་བ་ཐམས་ཅད་ནི། །སྲིད་པའི་རྒྱ་མཚོར་སྡུག་བསྔལ་ ― DNG011_Page_0580 ―
[མ་དཔེ་གཟིགས་ན་འདིར་གནོན།]
ཞེན་པ་ནི། །ཐ་མ་དམན་དང་ལོག་པའི་དབང་སོང་བས། །སྒྱུ་འཕྲུལ་དྲ་བའི་ཐབས་དང་བྲལ་བ་ཡིན། །འཁོར་བའི་དུག་འཇོམས་ཐབས་མཆོག་རྣམས་སྤངས་ནས། །ཞེན་ཆགས་མཚན་མ་དཀའ་ཐུབ་ལམ་སྤྱོད་པ། །ལོང་བ་བདེ་བོར་གཡང་ས་སྙོགས་པ་ལྟར། །སྒོ་གསུམ་ཐབས་ཆེན་བྲལ་བ་ལྟུང་བའི་རྒྱུ། །གང་དུ་དབང་དང་དམ་ཚིག་བརྟུལ་ཞུགས་ཅན། །གསང་བའི་སྤྱོད་པ་དགའ་ཞིང་རིགས་མ་བསྟེན། །ལུས་དང་སེམས་ཀྱི་འཁོར་ལོ་བདེ་བའི་ཁུ་བས་འགེངས། །འཇིག་རྟེན་ཟིལ་གནོན་འཁོར་བའི་མུན་པ་སེལ། །ཡེ་ཤེས་སྒྲོན་མེས་བདེ་ཆེན་གསལ་བར་བྱེད། །ཐབས་ཆེན་ལྡན་པས་པདྨ་ལ་བཞུགས་ནས། །ལུས་ཉིད་བདེ་བས་སེམས་ཀྱི་དོན་བསྟན་ནས། །རང་རིག་བྱང་ཆུབ་སེམས་ནི་བདེ་ཆེན་འཁོར་ལོ་ཅན། །སྡུག་བསྔལ་མཚན་མ་མེད་པར་མྱུར་དུ་འབྱུང་། །བསྐལ་པ་བརྒྱ་ཕྲག་དུ་མར་རབ་བརྟན་པའི། །མུན་ནག་འཇིགས་སུ་རུང་བའི་ཁང་པ་དག །ཐབས་ལ་མཁས་པའི་སྦྱོར་བས་བརྩམས་པ་ཡིས། །ཐེ་ཚོམ་མེད་པར་མྱུར་དུ་སེལ་བར་བྱེད། །ཐོག་མ་མེད་པའི་བག་ཆགས་ཐུན་མོང་དག །ཐབས་དང་ཐེག་པ་གཞན་གྱིས་གསལ་དཀའ་བ། །དབང་དང་མན་ངག་ཐབས་ཀྱི་མར་མེ་ཡིས། །སྐལ་ལྡན་སྙིང་གི་མུན་པ་མྱུར་དུ་སེལ། །རང་སེམས་བདེ་ཆེན་རྟེན་བྱེད་སེམས་ཀྱི་རིན་པོ་ཆེ། །འདོད་ལྔ་ལོངས་སྤྱོད་དགའ་དང་བདེ་བས་གུས་བརྟེན་ན། །འབྲས་བུ་ལྷུན་གྲུབ་ཡ་མཚན་རྨད་བྱུང་བ། །གཞན་ལ་རག་མ་ལུས་པར་རང་ལས་འབྱུང་བར་འགྱུར། །ཐབས་ཆེན་ཐབས་ལས་བྱུང་བའི་སྐུ་གསུང་ཐུགས། །བདེ་ཆེན་ཟག་མེད་ནམ་མཁའ་ལྟ་བུ་ཉིད། །སློབ་དཔོན་མཐུ་ལས་འདོད་པ་འགྲུབ་འགྱུར་གྱིས། །དམན་དང་ལོག་པའི་ཐབས་ཀྱིས་འགྲུབ་པ་མེད། །གསང་ཆེན་རོལ་པའི་ཐབས་ལ་མཁས་པ་ནི། །དུས་གསུམ་རྒྱལ་བས་བྱིན་གྱིས་བརླབས་པ་སྟེ། །དམན་པ་མཚན་མའི་རྣལ་འབྱོར་དཔག་མེད་དུ་མ་ཡིས། །དེ་ཡི་བ་སྤུའི་བུ་གར་འཆར་མི་ནུས། །སྒྱུ་འཕྲུལ་ཐལ་བའི་རྒྱུད་ཆེན་ ― DNG011_Page_0581 ―
[མ་དཔེ་གཟིགས་ན་འདིར་གནོན།]
པོ་ལས། ཐམས་ཅད་ཡིད་དང་ཆོས་སུ་འདུས་པའི་ལེའུ་སྟེ་ཉི་ཤུ་བཞི་པའོ།། །།དེ་ནས་གཞན་ཡང་བཤད་བྱ་བ། །གང་དུ་ཐབས་ནི་མེད་པ་ཡི། །བརྟགས་པའི་སྒྱུ་འཕྲུལ་དུ་མ་ལས། །བསྡུས་པའི་ཐབས་ནི་བཤད་པར་བྱ། །རྟོག་པའི་བྱེ་བྲག་ཐམས་ཅད་ནི། །བཞི་བཅུ་རྩ་གཉིས་འདུས་པ་སྟེ། །སྐུ་གསུང་ཐུགས་སུ་བསྡུས་པ་ཉིད། །རང་རིག་ཆོས་ཀྱི་དབྱིངས་སུ་ཐིམ། །ཕྱོགས་བཅུའི་རྒྱལ་བ་རྡུལ་སྙེད་པ། །བཞི་བཅུ་རྩ་གཉིས་ངོ་བོ་སྟེ། །དེ་ཉིད་སྐུ་གསུང་ཐུགས་ཀྱི་བདག །དེ་ཉིད་མ་སྐྱེས་ཆོས་ཀྱི་དབྱིངས། །ཕྱག་རྒྱ་དང་ནི་སྔགས་དག་དང་། །བཟླས་པ་དང་ནི་མཆོད་པ་དང་། །དཀྱིལ་འཁོར་སྦྱིན་བསྲེག་ལ་སོགས་པ། །དང་པོའི་ལས་ཅན་ལ་བཤད་དེ། །རྒྱུད་ཀྱི་ཕྱི་མོ་འདིར་མི་འདོད། །སྤྲོས་པ་ཅན་ལ་བཤད་པ་ཡིན། །གསང་བ་ལས་ཀྱང་གསང་གྱུར་པ། །རང་ལུས་དཀྱིལ་འཁོར་ཕྱག་རྒྱ་དང་། །ལྷ་ཡི་དཀྱིལ་འཁོར་གྲངས་མེད་དང་། །མཆོད་དང་བཟླས་པ་སྦྱིན་བསྲེག་དག །ཐབས་ཀྱི་ཆོ་ག་མཁས་པ་ཡིས། །རང་གི་ལུས་ལ་བསྐྱེད་པར་བྱ། །རང་ལུས་བདེ་བ་ཆེན་པོའི་དབྱིངས། །མཁས་པས་ཐབས་ལ་གནས་པ་ཡིས། །ཁྲུས་དང་དཀའ་ཐུབ་མི་བྱ་སྟེ། །ལོངས་སྤྱོད་ཀུན་གྱིས་ཚིམ་པར་བྱ། །བདུད་རྩི་ལྔ་དང་བཅུད་དག་དང་། །མི་མོ་མཚན་ལྡན་བཅུ་དྲུག་མ། །མཚན་ལྡན་ལུས་རྒྱས་ཡིད་འོང་བ། །འདོད་པའི་ཡོན་ཏན་ལྔར་ལྡན་པས། །བདག་གི་ལུས་སེམས་མཆོད་པར་བྱ། །གཙང་སྨེའི་རྟོག་པ་མི་བྱ་ཞིང་། །བསླང་མོའི་བྱ་བ་རྨྱུང་གནས་མིན། །ལུས་སེམས་བདེ་བས་བརྒྱན་བྱས་ནས། །བདེ་བས་བདེ་བ་མྱུར་དུ་འགྲུབ། །ཙིཏྟའི་དཀྱིལ་འཁོར་རིན་པོ་ཆེ། །བྱེ་ཕྲག་ཐིག་ལེ་མང་པོ་རྣམས། །ཀུན་ལས་འདུས་པར་གྱུར་པ་ནི། །དྭངས་སྙིགས་ཐིག་ལེར་འདུས་པས་ན། །བཅུད་ཀྱི་ཐིག་ལེར་གསལ་བ་ལ། །རོ་ལྔའི་ཁྱད་པར་ཀུན་རྫོགས་པས། །མ་ལུས་འདུས་པའི་ངོ་བོར་གནས། །ཚངས་པ་བདེ་བ་ཆེན་པོ་ཡིས། །སེམས་ཀྱི་བུམ་པ་རྒྱས་པ་ཡིས། །ལུས་ ― DNG011_Page_0582 ―
[མ་དཔེ་གཟིགས་ན་འདིར་གནོན།]
ཀྱི་བདེ་བ་རྒྱས་བྱས་ནས། །རང་ལ་དགོངས་པ་ལྷུན་གྱིས་གྲུབ། །འདུལ་བར་བྱ་བས་ཀུན་ཀྱང་སྤྱད། །གསང་སྤྱོད་བདེ་བའི་ཐིག་ལེ་ལ། །ཡོན་ཏན་མ་ལུས་ལྷུན་རྫོགས་ཤིང་། །ཞེན་པ་མ་ལུས་རང་ལོག་ནས། །ལྷན་ཅིག་སྐྱེས་པའི་ངོ་བོ་གསལ། །བདེ་བ་རང་གི་གསལ་བ་ལ། །མཚན་མ་ཐམས་ཅད་ཀུན་ཞི་ནས། །སྒྱུ་འཕྲུལ་དྲ་བར་གནས་པ་ནི། །དུས་གསུམ་སངས་རྒྱས་ཐམས་ཅད་དོ། །རང་ལུས་ཐབས་ཀྱི་བདེར་གནས་པ། །རིམ་པ་དབང་གིས་བྱིན་བརླབས་པའི། །ཐབས་ཀྱི་ཡེ་ཤེས་མངོན་ཐོབ་པ། །བཅུ་གསུམ་ས་རྫོགས་ཡོན་ཏན་ཐོབ། །རང་བྱུང་ཡེ་ཤེས་དཀྱིལ་འཁོར་ལ། །རྒྱུ་དང་འབྲས་བུ་ཀུན་རྫོགས་པས། །སྐུ་དང་གསུང་ཐུགས་ཡོན་ཏན་ལས། །མ་ལུས་བདག་ཉིད་ལས་བྱུང་བ། །དཔག་བསམ་ཤིང་དང་རིན་ཆེན་བཞིན། །དང་པོར་མཚོན་པའི་དབང་ཐོབ་པས། །ཞེན་མེད་བདེ་བ་ཆེན་པོ་སྐྱེ། །རིག་པ་མ་སྐྱེས་བདེ་བའི་སེམས། །ཐབས་ལ་མཁས་པ་འབྱུང་བར་འགྱུར། །ཞེན་ཅིང་འཛིན་པ་གྲོལ་བར་འགྱུར། །བདེ་བ་ཆེན་པོར་རང་གནས་པ། །ཐབས་དང་ལྡན་པའི་རིམ་ནས་རིམ། །བདེ་བ་ཆེན་པོར་མཐར་ཐུག་མེད། །ཇི་ལྟར་ཚེས་ནས་བཅུ་དྲུག་ལྟར། །རང་གི་ཡོན་ཏན་རྫོགས་པར་འགྱུར། །ཏིང་འཛིན་ཉམས་ཀྱི་དྲོད་ལྡན་ལ། །རིག་པའི་ལྷ་མོ་རོལ་དབང་གིས། །དང་པོ་ནས་ནི་ས་བརྒྱད་བར། །ས་ཡི་རིམ་པ་འཕེལ་བར་འགྱུར། །དེ་ནས་ཕྱོགས་བཅུ་དག་པའི་ཞིང་། །རིན་ཆེན་མཛེས་པའི་གཞལ་ཡས་སུ། །ས་བཅུའི་དབང་ཕྱུག་རྩལ་རྫོགས་ལ། །ཕྱོགས་བཅུའི་རྒྱལ་བ་ཀུན་འདུས་ལ། །ཡེ་ཤེས་ལྷ་མོར་རོལ་དབང་གིས། །ཞེན་པ་ཐ་མ་རང་དག་ནས། །ནམ་མཁའ་མཐའ་དབུས་མེད་པ་ལ། །ཉི་མ་རྡུལ་མེད་ཤར་བ་ལྟར། །སེམས་དང་སེམས་ལས་བྱུང་བ་ཀུན། །ཐོག་མ་ཐ་མ་མེད་པ་ཡི། །ལྷུན་གྱིས་གྲུབ་པའི་ཡེ་ཤེས་ཤར། །རིག་པ་རྡོ་རྗེ་འཛིན་པ་ནི། །དང་པོ་རྣམ་པར་སྨིན་པ་སྟེ། །དེ་ནས་ཏིང་འཛིན་ཡིད་ཀྱི་ལུས། །དེ་ནས་སྤྲུལ་པའི་ལུས་སུ་སྟེ། ། ― DNG011_Page_0583 ―
[མ་དཔེ་གཟིགས་ན་འདིར་གནོན།]
ཐ་མ་ཡེ་ཤེས་ལུས་མཐར་ཕྱིན། །དང་པོ་ལྷ་ཡི་དབང་པོ་སྟེ། །གཉིས་པ་རིགས་བཞི་སེམས་དཔའི་ཚུལ། །གསུམ་པ་རྒྱལ་བ་ལྔར་གནས་པ། །མཐར་ཐུག་ཀུན་བཟང་རྡོ་རྗེ་འཆང་། །ཡེ་ཤེས་རིགས་དང་དཀྱིལ་འཁོར་དང་། །སངས་རྒྱས་དཀྱིལ་འཁོར་ཀུན་འདུས་ཤིང་། །ཆོ་གའི་མཚན་མ་ཕྱག་རྒྱ་སོགས། །མ་ལུས་རྟོག་པ་འདུས་པ་སྟེ། །རྟོགས་པའི་རྒྱལ་པོ་བླ་ན་མེད། །ཐབས་མཆོག་མ་ལུས་འདིར་འདུས་པ། །དམན་པའི་གྲོང་ཁྱེར་བཅོམ་པ་ཡིས། །རང་བྱུང་ཡེ་ཤེས་འཕེལ་བར་འགྱུར། །ཇི་སྙེད་ཐེག་པའི་བྱེ་བྲག་དང་། །སྔགས་དང་ཕྱག་རྒྱ་དཀྱིལ་འཁོར་དང་། །སྦྱིན་བསྲེག་འཁོར་ལོ་ལྷ་དང་བཅས། །ཇི་སྙེད་རྣམ་པར་མ་བཤད་པ། །འདི་ཉིད་མཚོན་པའི་ཐབས་ཡིན་ཏེ། །གཞན་ནི་དགོངས་པ་ཡོད་མ་ཡིན། །དེ་བས་ཐབས་མཆོག་འདི་ཉིད་ནི། །རྟོག་པ་བསྡུས་པར་བཤད་པ་ཡིན། །ཕྱོགས་བཅུ་མཐའ་ཡས་མ་ལུས་པའི། །རྡུལ་སྙེད་སངས་རྒྱས་ཐམས་ཅད་ཀྱང་། །ཐབས་ཆེན་སྒྱུ་འཕྲུལ་དྲ་བ་སྟེ། །འབྲས་བུ་ཀུན་ཀྱང་འདིར་བསྡུས་པའོ། །གང་ཕྱིར་དངོས་པོ་འདིར་མཐོང་བས། །བལྟ་བ་ཐམས་ཅད་འདིར་འདུས་པའོ། །རྣལ་འབྱོར་ཐབས་ཆེན་རྟོགས་པ་ལ། །གཙང་སྨེ་བླང་དོར་མི་གནས་པས། །དཔའ་བོ་སེང་གེ་བཞིན་དུ་སྤྱད། །སྤྱོད་པ་ཆོ་ག་མདོར་བསྡུས་པའོ། །དཀྱིལ་འཁོར་དཔག་མེད་མཐའ་ཡས་པ། །བྱང་ཆུབ་སེམས་ཀྱི་དཀྱིལ་འཁོར་ཏེ། །བདེ་བ་ཆེན་པོའི་དཀྱིལ་འཁོར་འདིར། །དཀྱིལ་འཁོར་མ་ལུས་འདུས་པའོ། །བདེན་གཉིས་དབྱེར་མེད་བྱང་ཆུབ་སེམས། །མཁའ་ལྟར་གནས་པའི་དོན་རྟོགས་ནས། །དབང་མཆོག་ཉིད་དུ་འདི་གསུངས་ཏེ། །དབང་གི་ཆོ་ག་འདིར་འདུས་པའོ། །སྒོ་གསུམ་མཉམ་པར་རྟོགས་པ་ལས། །ཐམས་ཅད་བདེ་བ་ཆེན་པོ་ཉིད། །མ་ལུས་སྐྱོན་བྲལ་དམ་པ་ལ། །བསྲུང་བྱ་མ་ལུས་འདིར་འདུས་པའོ། །དངོས་གྲུབ་ཀུན་གྱི་སྙིང་པོ་མཆོག །བདེ་ཆེན་མཆོག་ལས་གཞན་མེད་དེ། །སྐུ་གསུང་ཐུགས་སོགས་དངོས་གྲུབ་མཆོག །གྲུབ་པ་ ― DNG011_Page_0584 ―
[མ་དཔེ་གཟིགས་ན་འདིར་གནོན།]
ཀུན་གྱི་སྙིང་པོ་མཆོག །ཞི་བ་རྒྱས་པ་དབང་དྲག་དང་། །ལས་ཀྱི་བྱེ་བྲག་མཐའ་ཡས་པ། །བྱང་སེམས་བདེ་བ་ལ་གནས་པས། །མ་ལུས་འདིར་ནི་འགྲུབ་པར་འགྱུར། །གསང་བའི་ལམ་མཆོག་སེམས་ལྔ་སྟེ། །ཐབས་མཆོག་སྟེང་འོད་ལས་བྱུང་བ། །གཡོ་ལྡང་འཇུག་གནས་མཐར་ཕྱིན་པས། །མི་ལྡོག་ཐབས་ཀྱི་ཕ་རོལ་ཕྱིན། །མདོར་ན་བསྡུས་དང་ལམ་དག་དང་། །བསྒྲུབ་དང་ལས་ཚོགས་མཐའ་ཡས་པའི། །རྟོག་པ་མཐའ་ཡས་བསྡུས་པ་སྟེ། །ཟབ་མོ་ཕྱི་མ་མཆོག་གི་ཡུལ། །སྔ་མ་དག་ཏུ་མ་གསུངས་པ། །དབང་དང་དམ་ཚིག་དམན་པ་དང་། །མཚན་མ་དག་ལ་མོས་དགའ་བའི། །བློ་དང་རིག་པའི་སྤྱོད་ཡུལ་མིན། །གསང་བ་ཟབ་མོའི་ཐུགས་ཀྱི་རྒྱུད། །རོལ་པ་སྤྱོད་ཅིང་དགའ་བདེར་གནས། །རིགས་ཆད་དཀའ་ཐུབ་ལྡན་པ་སྤངས། །དགའ་བདེ་ལྡན་པས་གང་སྤྱད་པ། །མ་ལུས་ཡིད་བཞིན་ནོར་བུ་བཞིན། །གསང་སྔགས་བྱིན་རླབས་ཐབས་ཀྱིས་འགྲུབ། །བྱ་བ་མ་ལུས་མདོར་བསྡུས་པ། །བྱ་བ་མེད་པར་ཡང་དག་འགྲུབ། །གསང་བ་ཐལ་རྒྱུད་ཆེན་པོ་འདི། །ཡོན་ཏན་ཆེ་བ་ཀུན་གྱི་གནས། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། རྟོག་པ་བསྡུས་པའི་ལེའུ་སྟེ་ཉི་ཤུ་ལྔ་པའོ།། །།དེ་ནས་གཞན་ཡང་བཤད་བྱ་བ། །གསང་བ་ཆེན་པོ་རབ་ངེས་པ། །སྙིང་པོ་ལས་ཀྱང་སྙིང་པོ་མཆོག །སྒྱུ་འཕྲུལ་ཐལ་རྒྱུད་ཆེན་པོ་འདི། །ཕྱོགས་བཞི་དུས་བཞི་མ་ལུས་པའི། །ནམ་མཁའི་མཐར་ཐུག་རྒྱལ་བ་རྣམས། །གསང་བ་གང་ལ་ཞུགས་པ་ན། །འགྲོ་བ་ཆགས་པ་ཅན་དོན་དུ། །འདུལ་བའི་གང་ཟག་ལ་དགོངས་ནས། །ཐལ་ཆེན་བདེ་བ་གསང་བའི་མཆོག །འགྲོ་བ་སྙིགས་མ་ལ་དགོངས་ནས། །གསང་བ་འདི་ནི་བསྟན་པར་མཛད། །བྱང་ཆུབ་སེམས་དཔའ་ལྷ་མོའི་ཚོགས། །བདེ་བ་ཆེན་པོ་ཉམས་ལྡན་པས། །དགྱེས་པའི་བརྩེ་བའི་རོལ་པ་ཡིས། །ཐབས་ཆེན་ལམ་ལ་གནས་པར་མཛད། །མཁའ་འགྲོ་མ་མོ་ཕྲ་མེན་མ། །རྒྱལ་པོ་འཁོར་དུ་འདུས་པ་རྣམས། །ཀུན་ ― DNG011_Page_0585 ―
[མ་དཔེ་གཟིགས་ན་འདིར་གནོན།]
ཀྱང་ཐིག་ལེ་ཡིད་གཡོས་ནས། །བལྟ་དང་ཆགས་པས་འཁྱུད་བྱས་དང་། །བརྩེ་དང་གཞིབ་དང་ཞལ་སྦྱོར་དང་། །དཀར་འཛིན་འགྱིང་བའི་ཚུལ་གྱིས་སྟོན། །སེམས་དཔའ་ལུས་འདར་མིག་དྭངས་ནས། །ཆགས་པའི་གར་ནི་སྣ་ཚོགས་བྱེད། །དགའ་བའི་ཚུལ་གྱིས་ཚིག་བཤད་བརྗོད། །ཀྱེ་ཀྱེ་རྒྱལ་བ་ཐམས་ཅད་གཟིགས། །རྒྱལ་བ་ཐམས་ཅད་དགོངས་པ་ཡི། །ཐིག་ལེ་ཆེན་པོ་ཐབས་ཀྱི་མཆོག །འགྲོ་བ་ལམ་མཆོག་བདེར་སྟོན་པ། །སྒྱུ་འཕྲུལ་དྲ་བ་ལམ་གྱི་ཕུགས། །ཐབས་དང་ཤེས་རབ་དབྱེར་མེད་པའི། །བདེ་ཆེན་རིག་པ་བསམ་མི་ཁྱབ། །དངོས་ཉིད་བདེར་གསལ་ཐོག་མཐའ་མེད། །ཉོན་མོངས་ཀུན་ལས་རབ་གྲོལ་བའི། །འཁོར་བ་བདེར་གནས་ཐབས་ཀྱི་མཆོག ། འདོད་ཆགས་ཆེན་པོ་བདེ་བ་ཆེ། །འདོད་ཆགས་ཆགས་བྲལ་ཆགས་པ་འཇོམས། །ཐ་མལ་མཚན་མ་རྣམས་འཇིག་ཅིང་། །དགའ་ཞིང་བདེ་བར་ལྡན་པ་ཡིས། །གདུང་ཞིང་དཀའ་ཐུབ་སྡུག་བསྔལ་མེད། །ཐུན་མོང་ཞེན་པ་ལོག་པ་དེས། །གང་ལྟར་བསམ་པ་འགྲུབ་པར་འགྱུར། །རིག་པ་བརྒྱུད་པར་གྲགས་པ་འདི། །ཐབས་ལྡན་རིག་པ་འཛིན་པ་ཅན། །ས་མཐར་པ་ཏྲ་རུ་ཏྲ་ལུས། །འདོད་ལྔ་ཐབས་ཀྱིས་དོན་རྟོགས་ནས། །ཆགས་ཅན་ཐབས་ཀྱིས་གྲོལ་མཛད་ཕྱིར། །སྙིང་གི་དཀྱིལ་འཁོར་སྒོ་ཕྱེས་ནས། །མཆོག་དགའ་བདེ་བ་ལྷན་ཅིག་སྐྱེས། །འཁོར་བ་པདྨའི་སྡོང་པོ་ལྟར། །མ་སྤངས་ཐབས་སུ་སྦྱར་བས་ན། །ཐལ་བས་ཁེངས་པའི་འཇིག་རྟེན་དུ། །ཐལ་བའི་དབང་པོར་ལུང་བསྟན་ཐོབ། །སྒྱུ་འཕྲུལ་ཐབས་ཀྱི་གསང་རྒྱུད་འདི། །དབང་ཕྱུག་རྒྱལ་པོའི་གཏེར་འཛིན་ཅིང་། །དགོངས་དང་དབང་ཕྱུག་དམ་ཚིག་ལྡན། །ཆགས་ཐུང་ཐུགས་བརྩེ་འགྲོ་བ་སྐྱོབ། །གཟི་བརྗིད་ཆེ་ལ་རྟོགས་ཐུབ་པ། །འདི་ལ་གསང་བ་བསྟན་པ་གཏད། །འགྲོ་བ་སྐལ་ལྡན་དད་པ་ཅན། །ལུས་དང་སྲོག་ལ་མི་བལྟ་ཞིང་། །བརྟུལ་ཞུགས་ཤེས་རབ་བསྟན་པར་ལྡན། །སློབ་དཔོན་བཟུང་དང་གྲོགས་དག་ལ། །སྲོག་དང་མིག་ལྟར་བལྟ་བྱ་ཞིང་། །ལུས་དང་འཚོ་བ་ལོངས་སྤྱོད་དང་། །བུ་དང་ཆུང་མ་རྟ་ལ་སོགས། །བདག་གི་ལུས་ཀྱང་དབུལ་བར་བྱ། །སངས་ གསང་བའི་སྙིང་པོ་དེ་ཁོ་ན་ཉིད་ངེས་པའི་ཁྲོ་བོ་ཆེན་པོ་སྟོབས་ཀྱི་རྣལ་འབྱོར་དབང་ཕྱུག་གྲུབ་པའི་སྒྱུ་འཕྲུལ་དྲ་བའི་རྒྱུད།― DNG011_Page_0586 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། གུ་ཧྱ་གརྦྷ་ཏ་ཏྭ་བི་ནིཤྩ་ཡ་མ་ཧཱ་ཀྲོ་དྷ་བ་ལ་ཡོ་གཱི་ཤྭ་ར་སིཌྜྷ་མཱ་ཡཱ་ཛཱ་ལ་ཏནྟྲ། བོད་སྐད་དུ། གསང་བའི་སྙིང་པོ་དེ་ཁོ་ན་ཉིད་ངེས་པའི་ཁྲོ་བོ་ཆེན་པོ་སྟོབས་ཀྱི་རྣལ་འབྱོར་དབང་ཕྱུག་གྲུབ་པའི་སྒྱུ་འཕྲུལ་དྲ་བའི་རྒྱུད། དཔལ་འཇམ་དཔལ་རྣོན་པོ་ལ་ཕྱག་འཚལ་ལོ། །འདི་སྐད་བདག་གིས་བཤད་པའི་ཚེ། འཇིག་རྟེན་གྱི་བདག་པོ་བཅོམ་ལྡན་འདས་འདོད་ཆགས་ཆེན་པོ། ཞེ་སྡང་ཆེན་པོ། གཏི་མུག་ཆེན་པོ་དེའི་གཞལ་ཡས་ཁང་ན། དབྱེར་མེད་པའི་བདེ་བ་དང་ལྡན་པ། དེའི་ཚེ་དེའི་དུས་ན་བྱང་ཆུབ་སེམས་དཔའ་ཆེན་པོ་སའི་སྙིང་པོ་ལ་སོགས་པ་དུ་མ་དང་ཐབས་ཅིག་ཏུ་བཞུགས་ཏེ། དེ་ལྟར་ཏིལ་གྱི་གང་བུ་བཞིན་གང་ནས་ཁྱབ་པར་བཞུགས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་འདི་སྐད་གསུངས་སོ། །བསྒྲུབ་པའི་དོན་ཆེན་གང་བསྒྲུབ་པ། །ཀྲོ་དྷ་ཉེ་བའི་ལྷ་བསམ་སྟེ། །རྣལ་འབྱོར་སྲོག་དང་རྩོལ་བ་ལ། །ཞི་གནས་ལྷག་མཐོང་བསྒྲུབ་པར་བྱ། །དེ་ནས་བཅོམ་ལྡན་འདས་དེ་དག་དང་། བྱང་སེམས་དེ་དག་ཐམས་ཅད་ཀྱིས། གསུངས་པའི་དོན་ཡང་དག་པར་ཞུ་བའི་ཕྱིར། ― DNG011_Page_0587 ―
[མ་དཔེ་གཟིགས་ན་འདིར་གནོན།]
གསོལ་པ། ཀྱེ་ཀྱེ་བཅོམ་ལྡན་འདས་ལེགས་ཆེན་པོ། །རྣལ་འབྱོར་ལམ་ལ་ལེགས་བརྟེན་ཚེ། །ཇི་ལྟར་ཁྲོ་བོས་ཕྱོགས་དག་བསྲུང་། །སྲོག་རྩོལ་བདེན་གཉིས་ཇི་ལྟར་བསྐྱེད། །དེ་ནས་བཅོམ་ལྡན་འདས་དེས་བཀའ་སྩལ་པ། ཡིད་འོང་བདེ་བའི་ཕྱོགས་དག་ཏུ། །ལས་དང་དགོས་པ་ལྡན་པ་ཡིས། །རྣལ་འབྱོར་བར་ཆད་བཟློག་པའི་ཕྱིར། །སྲུང་བའི་འཁོར་ལོས་བསྲུང་བར་བྱ། །ཞེ་སྡང་རྡོ་རྗེ་སེམས་དཔའ་ཆེ། །རང་གི་གནས་ལ་དགའ་བའི་ཕྱིར། །བཀའ་སྡོད་གནོད་མཛེས་མདུན་དུ་བསྐྱེད། །གནོད་མཛེས་ཁྲོ་བོའི་ཧཱུྃ་གི་སྒྲས། །ལས་རྣམས་བསྒྲུབ་པར་བྱ་བའི་ཕྱིར། །བདག་ཉིད་འཁྱིལ་པ་ཁྲོ་བོ་ཆེ། །རང་ལས་ཕྱུང་བ་གནས་སུ་བཞག །སྤྲུལ་པ་ཆེན་པོའི་བྱིན་རླབས་ནི། །ཞལ་ནས་འགུགས་པའི་ཁྲོ་བོའི་རྒྱལ། །ལས་དག་མྱུར་བར་བྱ་བའི་ཕྱིར། །ལས་ལས་ལས་བྱུང་ཧཱུྃ་གི་སྒྲས། །གང་དག་འགུགས་པའི་ལས་བྱས་ནས། །གསུམ་གྱི་མཐར་ནི་གནས་བྱེད་པའོ། །ཆོས་སྐུ་བདེ་བའི་ལོངས་སྤྱོད་དང་། །སྤྲུལ་པའི་བྱིན་རླབས་སྐུར་སྤྲུལ་པ། །གནས་པས་གནས་ནི་དགའ་བར་བྱེད། །དེ་ལ་བགེགས་འགུགས་པའི་ཁྲོ་བོ་ཧཱུྃ་གི་སྔགས་ནི། ཨོཾ་སུཾ་བྷ་ནི་སུཾ་བྷ་ཧཱུཾ། གྲྀ་ཧྞ་གྲྀ་ཧྞ་ཧཱུྃ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུྃ། ཨཱ་ན་ཡ་ཧོ། བྷ་ག་ཝཱན། བིདྱཱ་ཀྲོ་དྷ་ཧཱུྃ་ཕཊ། དེ་ནས་བསྲུང་བར་བྱ་བའི་ཕྱིར། །འདོད་ལས་གནོད་པ་བཀུག་མ་ཐག །རིམ་པར་གནས་སུ་བསྡུ་བར་བྱ། །དེ་ལ་བསྡུ་བའི་སྙིང་པོ་ནི། །སང་ཧ་ར་ཎ་ཧཱུྃ། དེ་ནས་བསྡུས་པའི་ཆོས་ཀུན་ལས། །ཧཱུྃ་གི་སྒྲས་བསྐྱེད་ཧཱུྃ་ལས་ནི། །ཧཱུྃ་ལས་བསྐྱེད་པའི་ཁྲོ་བོ་ཆེ། །རྣམ་རྒྱལ་གཤིན་རྗེ་རྟ་མགྲིན་དང་། །བདུད་རྩི་འཁྱིལ་པ་དབྱུག་སྔོན་ཅན། །མི་གཡོ་མགོན་པོ་འདོད་པའི་རྒྱལ། །ཁམས་གསུམ་རྣམ་རྒྱལ་ཀརྨཱ་ཀུཎྜ་ལི། །གནོད་མཛེས་རྒྱལ་པོས་སྟེང་འོག་ཕྱོགས་མཚམས་བསྲུང་། །གནོད་སྦྱིན་སྔགས་ཀྱི་རྒྱལ་པོ་ལ། །མི་གཡོ་མི་འགྱུར་བརྟན་པར་བྱོས། །ཞེས་བསྒོའོ། །དེའི་ཚེ་གནོད་སྦྱིན་འདུལ་མཛད་བདུད་རྩི་ཁྲོ་བོ་ཆེ། །ཕུར་པ་བླངས་ནས་བྱིན་བརླབས་སྡེར་མོའི་ཚིག །རྟ་ ― DNG011_Page_0588 ―
[མ་དཔེ་གཟིགས་ན་འདིར་གནོན།]
མགྲིན་རིམ་བཞིན་འདོད་པའི་རྒྱལ་པོ་གདབ། །འདོད་པའི་རྒྱལ་པོ་ཨ་མྲྀ་ཀུཎྜ་ལི། །གནོད་མཛེས་རྒྱལ་པོས་སྟེང་འོག་རང་བྱིན་བརླབ། །དེ་ལ་བྱིན་གྱིས་བརླབ་པའི་སྔགས་ནི། ཨོ་གྷ་གྷ་གྷཱ་ཏ་ཡ་གྷ་ཏ་ཡ་སརྦ་དུན་ཕཊ་ཕཊ། ཀཱི་ལི་ཀཱི་ལ་ཡ། སརྦ་པཱ་པཾ། ཕཊ་ཕཊ་ཕཊ། ཧཱུྃ་ཧཱུྃ་ཧཱུྃ། བཛྲ་ཀཱི་ལ་ཡ། བཛྲ་དྷ་རོ་ཨཱ་ཛྙཱ་པཱ་ཡ་ཏི་ཀཱ་ཡ་ཝཱ་ཀ་ཙིཏྟ་ནན། ཧཱུྃ་ཕཊ་ཕཊ། གཞན་དུ་བགེགས་བསྐྲད་པ་ནི། ལས་ཐམས་ཅད་པའི་སྔགས་འདིའོ། །ཨཱོཾ་ཙྪིནྡ་ཙྪིནྡ། ཧ་ན་ཧ་ན། ད་ཧ་ད་ཧ། དིཔྟ་བཛྲ་ཙཀྲ་ཧཱུྃ་ཕཊ། དེ་ནས་གཞན་དུ་བགེགས་བསྐྲད་པ་ནི། བདུད་རྩི་འཁྱིལ་པའི་ལས་ཀྱི་སྔགས་འདིའོ། །ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ཎཱཾ། ན་མོ་བཛྲ་ཀྲོ་དྷཱ་ཡ། མ་ཧཱ་དཾཥྚྲོ་ཏྐ་ཊ་བྷཻ་ར་ནཱ་ཡ། ཨ་སི་མུ་ས་ལ། པཪྴུ་པཱ་ཤ་ཧསྟཱ་ཡ། ཨོཾ་ཨ་མྲྀ་ཏ་ཀུཎྜ་ལི། ཁ་ཁ་ཁཱ་ཧི་ཁཱ་ཧི། ཧུ་ལུ་ཧུ་ལུ། ཏིཥྛ་ཏིཥྛ། བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གརྫྫ་གརྫྫ། བི་སྥོ་ཊ་ཡ་བི་སྥོ་ཊ་ཡ། སརྦ་བིགྷྣཱཾ། བི་ནཱ་ཡ་ཀཱ་ན། མ་ཧཱ་ག་ཎ་པ་ཏི། ཛཱི་བི་ཏཱནྡ་ཀ་རཱ་ཡ་ཧཱུྃ་ཕཊ་སྭཱ་ཧཱ། དེ་ནས་གནོད་བྲལ་རྣལ་འབྱོར་པས། །གང་དུ་རྣལ་འབྱོར་བསྒོམ་པར་བྱ། །རྣལ་འབྱོར་ཞེས་བྱའི་རིམ་པ་ནི། །རྒྱུད་འདིར་རྣལ་འབྱོར་རྣམ་པ་གཉིས། །དེ་རྒྱུ་སྲོག་དང་རྩོལ་བ་སྟེ། །ཉིད་དང་བྱ་བ་སྤངས་ནས་བསྒོམ། །སྲོག་གི་རྒྱུ་ནི་རྣམ་བཞི་སྟེ། །ས་དང་ཆུ་དང་མེ་དང་རླུང་། །ལྟེ་བ་གསང་གནས་སྙིང་ག་མགྲིན། །གནས་བཞི་དག་ན་གང་གནས་པར། །དཔྱིད་དང་དབྱར་དང་སྟོན་དང་དགུན། །ནམ་ཟླ་དུས་བཞི་འཁོར་བའི་རྒྱུན། །ས་དང་རླུང་དང་ཆུ་དང་མེ། །རླུང་དག་རིམ་བཞིན་འབྱུང་བྱེད་པ། །འཇུག་པ་བག་ལ་ཞ་བར་བྱེད། །གྱེན་དང་མཐུར་དང་འབྱུང་བར་བྱེད། །གྱེན་དུ་གཡས་གཡོན་གཉིས་ཀ་ནས། །དཀྱིལ་འཁོར་དྲག་རིམ་རྒྱུ་བ་ནི། །ཁྲི་ཕྲག་གཉིས་དང་སྟོང་ཕྲག་དང་། །དྲུག་བརྒྱ་ཉིན་མཚན་འབྱུང་བྱེད་པ། །འཇུག་པ་བག་ལ་ཞ་བར་བྱ། །ཐུན་བརྒྱད་ཐུན་ཕྲན་ཉི་ཤུ་བཞི། །སྔ་དྲོ་དང་པོ་ཕྱི་མ་གཉིས། །སྲོད་ཀྱི་དང་པོ་ཐ་མ་གཉིས། །ཐོ་རངས་དང་པོ་ཐ་མ་གཉིས། །ས་ཆུ་མེ་རླུང་རིམ་ ― DNG011_Page_0589 ―
[མ་དཔེ་གཟིགས་ན་འདིར་གནོན།]
བཞིན་དུ། །དུས་ཀྱི་ལྷ་མོ་རེ་རེ་འབྱུང་། །ལྷ་མོ་དེ་དག་བརྒྱ་ལ་ཡང་། །སྲོག་གི་རྒྱུ་བ་ཉིས་སྟོང་དང་། །བརྒྱ་ཕྲག་བདུན་དུ་འབྱུང་བར་བྱེད། །ལྷ་མོ་རེ་རེར་ལྷ་མོ་གསུམ། །ལྷ་མོ་ཉི་ཤུ་རྩ་བཞིར་འགྱུར། །ཉི་ཤུ་རྩ་བཞི་དག་ལ་ཡང་། །ལྷ་མོ་བཞི་བཞིར་འབྱུང་འགྱུར་ཏེ། །ལྷ་མོ་བཅུ་ཕྲག་དགུ་དང་དྲུག །དབུགས་ནི་ཉིས་བརྒྱ་བཅུ་ཕྲག་གཉིས། །རྩ་ལྔ་དག་སྟེ་རྒྱུ་བའི་གྲངས། །ཐུན་གཅིག་ཐུན་གཉིས་ཐུན་ཕྲག་གང་། །དབྱིག་གུ་ལྷ་མོའི་ནུས་པ་གང་། །ནུས་པས་དབུགས་བགྲང་གྲངས་བཟུང་ནས། །ངལ་བ་མེད་པ་དབུགས་ལ་བརྟེན། །ཡང་ན་དབུགས་ཀྱི་རྒྱུ་བ་ལ། །ངལ་བ་མེད་པར་དབུགས་བགྲངས་པ། །བགྲང་ཕྲེང་དག་ཀྱང་མི་དགོས་ཏེ། །གཡས་པར་མེ་འབྱུང་དམར་ཞིང་འཚེར། །གཡོན་པར་རླུང་འབྱུང་གནག་ལ་དྭངས། །གཉིས་ཀར་ངལ་རྒྱུ་ཆུ་རླུང་དཀར། །གཉིས་ཀར་ཐུབ་རྡུབས་ས་རླུང་སེར། །ལྷ་མོ་བདག་མོ་དང་ལྡན་པའི། །ཡེ་ཤེས་བཞི་ཉིད་འབྱུང་བར་བྱེད། །གཅིག་མིན་དུ་མར་མ་གྲུབ་ཕྱིར། །གཡས་དང་གཡོན་དུ་གཉིས་ཀར་ཡང་། །གཡས་དང་གཡོན་དུ་བརྟག་པར་བྱའོ། །སྐྱ་རེངས་དང་པོ་ཤར་བ་ནས། །དྲོས་ཀྱི་བར་ནི་དུས་དང་པོ། །དྲོས་ཀྱི་མཚམས་ནས་ཕྱེད་ཀྱི་བར། །གཉིས་ཀ་ཡིན་ཏེ་ས་དང་ཆུ། །ཉི་མ་ཕྱེད་ནས་མྱུར་སྨད་མཚམས། །ཕྱི་དྲོ་དང་པོར་ཤེས་པར་བྱ། །མྱུར་སྨད་མཚམས་ནས་ཆལ་ཆིལ་མཚམས། །ཉིན་དུས་བཞི་པར་ཤེས་པར་བྱ། །ཆལ་ཆིལ་སྲོད་མཚམས་དུས་དང་པོ། །སྲོད་ནས་ཕྱེད་བར་དུས་གཉིས་པར། །ཕྱེད་ནས་ཐོར་ཆུང་དུས་དང་པོ། །ཐོ་རངས་སྐྱ་རེངས་དུས་གཉིས་པར། །དབུགས་ཀྱི་གྲངས་ཀྱིས་དུས་ཕྱེས་ནས། །གཞན་དུ་གཞན་དག་རིམ་པ་བཞིན། །དབྱར་དང་སྟོན་དང་དགུན་དག་དང་། །དུས་དང་དུས་ཕྲན་གང་བྱུང་བ། །དེ་དག་དང་པོ་གཙོར་འབྱུང་ངོ་། །གྲངས་དང་དུས་ཚད་སྔ་མ་བཞིན། །མི་འཕྲོ་རླུང་ཉིད་འབྱུང་རྔུབ་རང་དབང་ཐོབ། །སེམས་འདུལ་དེ་གསལ་དེ་ཚེ་ཤེས་རབ་བསྐྱེད། །གཞན་ནས་མ་ཡིན་འབྱུང་བ་ཉིད་དག་དང་། །རྩོལ་བ་དབྱེར་མེད་རང་དོན་ཅི་བཞིན་སྤྱད། །ཡུན་རིང་ཚེ་ན་ཞི་གནས་ གསང་བའི་སྙིང་པོ་དེ་ཁོ་ན་ཉིད་ངེས་པའི་ཁྲོ་བོ་ཆེན་པོ་སྟོབས་ཀྱི་རྒྱུད་རྒྱལ།― DNG011_Page_0590 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། གྷུ་ཧྱ་གརྦྷ་ཏ་ཏྭ་བི་ནིཤྩ་ཡ་མ་ཧཱ་ཀྲོ་དྷ་བ་ལ་རཱ་ཛ་ཏནྟྲ། བོད་སྐད་དུ། གསང་བའི་སྙིང་པོ་དེ་ཁོ་ན་ཉིད་ངེས་པའི་ཁྲོ་བོ་ཆེན་པོ་སྟོབས་ཀྱི་རྒྱུད་རྒྱལ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་གྱི་གནས་ཀུན་ཏུ་བཟང་མོའི་བྷ་ག་ཡངས་པའི་ཀློང་ན། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་བདག་པོ་ཀུན་ཏུ་བཟང་པོ་ངེས་པར་འདྲེལ་ཏོ། །ཉིད་ཀྱི་སྐྱེས་བུ་ཆེན་པོ་རྡོ་རྗེ་སེམས་དཔའ་བཀའ་ནོད་དོ། །དེའི་ཚེ་དེའི་དུས་ན། འདུལ་བའི་དུས་ལ་བབས་པ་གསང་བདག་ཉིད་ཀྱིས་ཞུས་པ། རྒྱ་ཆེ་རབ་ཟབ་དཔག་དཀའ་བ། །རང་བཞིན་ཆེ་ལ་ངེས་དོན་ཅན། །རྒྱལ་བ་རྣམས་ཀྱི་སྤྱོད་ཡུལ་འདི། །གསང་བ་བཞིས་ཆོད་དོན་མཛད་པ། །རྟོག་ཚོགས་ལོག་པར་ཞེན་པ་རྣམས། །རྨང་དང་རྩ་བ་གང་གིས་སྤྱད། །ལོག་པའི་ལམ་དུ་ཞུགས་པ་རྣམས། །ཡང་དག་ལམ་དུ་ཇི་ལྟར་གཟུད། །ཤིན་ཏུ་གསང་བའི་མན་ངག་དོན། །སྣོད་ལྡན་ཀུན་ལ་ ― DNG011_Page_0591 ―
[མ་དཔེ་གཟིགས་ན་འདིར་གནོན།]
ཇི་ལྟར་སྦྱིན། །ཞེས་ཆེད་དུ་བརྗོད་དོ། །དེ་ནས་རྡོ་རྗེ་འཆང་ཆེན་པོས་དགོངས་པ་གསང་བའི་ཏིང་ངེ་འཛིན་གྱིས་འདི་གསུངས་སོ། །དཀྱིལ་འཁོར་བཞི་དང་སྲོག་ཤིང་གསུམ། །སུམ་ཅུ་གཉིས་དང་བཅུ་དྲུག་དང་། །བརྒྱད་དང་དྲུག་ཅུ་རྩ་བཞི་ཡི། །དཀྱིལ་འཁོར་ལྡན་པའི་དཀྱིལ་འཁོར་ལ། །ཐབས་དང་ཤེས་རབ་གཉིས་མེད་པས། །ཨཱ་ལི་ཀཱ་ལིའི་སྒྲ་དབྱངས་ལྡན། །རྒྱ་མཚོ་གཏིང་ནས་སྒྲོལ་མ་གཡོས། །མེ་ལྕེ་སྲིད་པ་གསུམ་ལ་ཁྱབ། །ནམ་མཁའི་བ་བཞོས་བདེ་བ་ཆེ། །འཕགས་པ་འགྲོ་དྲུག་མཆོད་སྦྱིན་ཕུལ། །བདེ་བ་ཡེ་ཤེས་རོལ་མོ་ཡིས། །དུས་གསུམ་དགྱེས་པའི་མཆོད་པ་འབུལ། །ཟག་པ་མེད་པའི་བསོད་ནམས་ཀྱིས། །ཡེ་ཤེས་སྒྱུ་མ་རང་སྣང་བའོ། །ཡིད་ཆོས་ཀུན་བཟང་ཡབ་ཡུམ་དང་། །ཉོན་མོངས་དབང་གིས་བསྐྱེད་པ་ནི། །རྩ་བ་ཕུང་པོའི་རླུང་ལྔ་དང་། །ཡན་ལག་སྐྱེ་མཆེད་རླུང་ལྔ་ཡིས། །ཕུང་སོགས་བཞི་བཅུ་རྩ་གཉིས་སྐུ། །ཚིག་ལ་ཁྱབ་བྱེད་རླུང་གནས་པ། །གཟུགས་ཀྱི་ཕུང་པོ་རྣམ་སྣང་སྐུ། །ནམ་མཁའ་ལ་བསྐྱོད་དབྱིངས་ཕྱུག་ཡུམ། །སྣང་ལྔ་ཁ་དོག་མཐིང་གའི་བདག །མཆེད་སྣང་རྣམ་ཤེས་ཉེར་ཐོབ་ཐིམ། །མཐར་ཕྱིན་ཡེ་ཤེས་ཆོས་ཀྱི་དབྱིངས། །སྲོག་འཛིན་རླུང་ནི་སྙིང་གར་གནས། །རྣམ་ཤེས་ཕུང་པོ་མི་བསྐྱོད་པ། །ས་ལ་སྤྱོད་པས་སངས་རྒྱས་སྤྱན། །དོ་ཞེས་རྒྱུ་བ་བུམ་པའི་བདག །དཀར་བའི་ས་ནི་ཆུ་ལ་ཐིམ། །མེ་ལོང་ཡེ་ཤེས་ངང་དུ་གནས། །ཐུར་སེལ་རླུང་ནི་གསང་བར་གནས། །ཚོར་བའི་ཕུང་པོ་རིན་འབྱུང་སྐུ། །ཆུ་ལ་སྤྱོད་པས་མཱ་མ་ཀཱི། །སེར་པོ་ཆུ་ཉིད་མེ་ལ་ཐིམ། །མཉམ་ཉིད་ཡེ་ཤེས་སྲོག་ཏུ་གནས། །གྱེན་དུ་རྒྱུ་བ་ལྐོག་མར་གནས། །འདུ་ཤེས་ཕུང་པོ་སྣང་མཐའ་ཡས། །མེ་ལ་སྤྱོད་པས་གོས་དཀར་མོ། །རྣ་བ་གཡས་ནས་རྒྱུ་བྱེད་པ། །མེ་ཉིད་རླུང་ལ་རྣམ་འདུ་ཞིང་། །སོ་སོར་ཀུན་རྟོག་ཡེ་ཤེས་ཉིད། །མི་མཉམ་རླུང་ནི་ལྟེ་བར་གནས། །འདུ་བྱེད་ཕུང་པོ་དོན་ཡོད་གྲུབ། །རླུང་ལ་སྤྱོད་པས་དམ་ཚིག་སྒྲོལ། །རྣ་བ་གཡོན་ནས་ངེས་འབྱུང་བ། །རླུང་ཉིད་རྣམ་པར་ཤེས་ལ་ཐིམ། །ལྗང་སེར་བྱ་བ་གྲུབ་པའི་ངང་། །ས་ཆུ་སྤྱན་ ― DNG011_Page_0592 ―
[མ་དཔེ་གཟིགས་ན་འདིར་གནོན།]
དང་མཱ་མ་ཀཱི། །མེ་རླུང་གོས་དཀར་སྒྲོལ་མ་ལྔ། །རྡོ་རྗེ་ཕུང་པོའི་ཡན་ལག་ཀུན། །རྫོགས་པའི་སངས་རྒྱས་ལྔ་རུ་གྲགས། །རྒྱུ་བའི་གནས་ནི་སྤྱན་ཡིན་ཏེ། །རྣམ་པར་རྒྱུ་བ་རྣ་བ་ལ། །ཡང་དག་རྒྱུ་བ་སྣ་དང་ནི། །རབ་ཏུ་རྒྱུ་བ་ལྕེ་ལ་གནས། །ངེས་པར་རྒྱུ་བ་ལུས་ཉིད་དེ། །མིག་དང་རྣ་བ་སྣ་དང་ལྕེ། །ས་སྙིང་ལ་སོགས་སེམས་དཔའ་བརྒྱད། །རྣམ་ཤེས་དབང་པོ་ཕྱི་ནང་ཕྱེ། །ཡུལ་བརྒྱད་འཛིན་པ་རྣམ་བཟུང་ལ། །ཕྱི་ནང་སེམས་མ་བརྒྱད་དུ་ཤར། །གཟུགས་སོགས་ཡུལ་ལ་རྣམ་པར་སྤྱོད། །ལུས་ཀྱི་རྣམ་ཤེས་རེག་བྱ་བཞི། །སྤྱོད་པའི་དུས་ནས་དགའ་བ་བཞི། །གདུལ་བྱ་འདུལ་ཕྱིར་ཁྲོ་བཞིར་ཤར། །སྤྱད་ཆ་ཞེན་པ་རྟག་ཆད་བཞི། །གྲོལ་བའི་དུས་ན་ཁྲོ་མོར་ཤེས། །ཐབས་ཀྱི་འཛིན་ལ་ཡུམ་ལ་སྤྱོད། །ཤེས་རབ་ཡུམ་ལ་ཐབས་གནས་ཕྱིར། །དྲ་བར་འདྲེལ་དང་ཉོན་མོངས་འདུལ། །དེ་ཕྱིར་ཐུབ་དྲུག་སྤྲུལ་པ་སྤྲོ། །རང་བཞིན་གསང་བའི་སྙིང་པོ་འདི། །འགྲོ་བའི་རྒྱུད་ལ་ཡོངས་གབ་པ། །ལམ་རྐྱེན་རྒྱུད་དུ་སྟོན་པས་སྦས། །སྐྱོན་ཡོད་མ་ཡིན་སྣོད་ངན་གསང་། །རང་བཞིན་བདེ་གཤེགས་གདུལ་བྱ་ཡིས། །འཁྲུལ་པའི་སྣང་བ་བསལ་བའི་ཕྱིར། །ཐབས་དང་ཤེས་རབ་མ་ནིང་རྒྱུད། །འདུལ་བ་མདོ་སྡེ་ཆོས་མངོན་དང་། །སྐུ་དང་གསུང་དང་ཐུགས་ཀྱི་རྒྱུད། །ཕྱོགས་བཅུའི་འཇིག་རྟེན་རྡུལ་སྙེད་དུ། །འགྲོ་བའི་ཆེད་དུ་སྤྲོས་པ་རྣམས། །འདི་ནས་འཕྲོས་ནས་འདིར་འདུ་བས། །སྡེ་སྣོད་ཀུན་གྱི་རྩ་བར་བཤད། །དེ་ཕྱིར་རྒྱུད་ལུང་མན་ངག་མཚན། །རབ་འབྲིང་ཐ་མ་འགྲོར་འཇུག་པ། །རྒྱལ་བ་ཀུན་གྱི་ངེས་པའི་དོན། །ཏན་གཎ་སྤྱོད་པ་རླབས་པོ་ཆེ། །ལྟ་སྤྱོད་དཀྱིལ་འཁོར་དབང་དམ་དང་། །ཕྲིན་ལས་སྒྲུབ་མཆོད་ཏིང་ངེ་འཛིན། །དབང་བཅུ་དབང་ལྡན་ཆེ་བ་པོ། །སེམས་དཔའ་སངས་རྒྱས་ཀུན་གྱི་དངོས། །ལོག་སེལ་དད་པའི་མཆོག་ལུས་ཅན། །འདུལ་བའི་དུས་དག་གསང་སྔགས་མེད། །ཅེས་བརྗོད་པས། དེ་བཞིན་གཤེགས་པའི་དགོངས་པ་ཟབ་མོ་ཐུགས་སུ་ཆུད་པར་གྱུར་ཏོ། །དེ་ནས་དེ་བཞིན་གཤེགས་པ་བཙུན་མོའི་ སངས་རྒྱས་ཐམས་ཅད་མཉམ་པར་སྦྱོར་བ་ཞེས་བྱ་བ་རྒྱུད་ཀྱི་རྒྱལ་པོ།― DNG011_Page_0593 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། སརྦ་བུཌྜྷ་ས་མ་ཡོ་ག་ཏནྟྲ་རཱ་ཛ་ནཱ་མ། བོད་སྐད་དུ། སངས་རྒྱས་ཐམས་ཅད་མཉམ་པར་སྦྱོར་བ་ཞེས་བྱ་བ་རྒྱུད་ཀྱི་རྒྱལ་པོ། བཅོམ་ལྡན་འདས་ཡེ་ཤེས་དབུགས་འབྱིན་གྱི་རྒྱལ་པོ་ཤིན་ཏུ་རྣམ་པར་གྲོལ་བ་ཉིད་ལ་ཕྱག་འཚལ་ལོ། །འདི་སྐད་བདག་གིས་གོ་བ་ཉིད་ཀྱི་ཐོས་པའི་དུས་ན། དུས་གསུམ་སངས་རྒྱས་འདུས་པའི་སྐུ། །སྣ་ཚོགས་སྣང་བ་གཅིག་པུ་ཉིད། །འདི་ནི་རང་བྱུང་བཅོམ་ལྡན་འདས། །གཅིག་པུ་རབ་ཏུ་ཆེ་བའི་ལྷ། །རྨོངས་པ་གདུང་བ་སེལ་བའི་འོད། །རང་རིག་དཀྱིལ་འཁོར་འོད་གསལ་ཞིང་། །བརྗིད་ ― DNG011_Page_0594 ―
[མ་དཔེ་གཟིགས་ན་འདིར་གནོན།]
མདངས་གཟི་ཆེན་རབ་ཏུ་ཆེ། །རྡོ་རྗེ་སེམས་དཔའ་བདེ་བའི་མཆོག །དཔལ་ལྡན་དགྱེས་པ་ཡེ་ཤེས་སྐུ། །ངོ་བོ་ཉིད་ལས་མ་གཡོས་བཞིན། །གཅིག་ནི་ཀུན་ཏུ་སྣང་བ་དེ། །སེམས་དཔའ་སངས་རྒྱས་ཀུན་གྱི་དངོས། །སོ་སོར་རང་རིག་འདུས་པའི་དཔལ། །སྐུ་དང་གསུང་དང་ཐུགས་དང་སྐུ། །ཡོན་ཏན་ཕྲིན་ལས་ཕྱོགས་དུས་ཀུན། །མ་ལུས་མི་ལུས་ལུས་མེད་གནས། །འོག་མིན་རང་བྱུང་ཆོས་ཀྱི་དབྱིངས། །གསང་བ་མཆོག་གི་དགྱེས་པ་ན། །དུས་གསུམ་བདག་པོ་རྡོ་རྗེ་འཆང་། །རྣམ་པར་ཐར་པའི་དབུ་མངའ་ཞིང་། །ཕ་རོལ་ཕྱིན་དྲུག་ཕྱག་རྒྱ་འབར། །བརྟུལ་ཞུགས་མཉམ་ཉིད་སྐྱིལ་མོ་ཀྲུང་། །ཡེ་ཤེས་སྐུ་ནི་ཟང་ཐལ་ཞལ། །གཏི་མུག་གདུང་དང་ཞེ་སྡང་གདུང་། །ཤིན་ཏུ་གདུག་པ་འདུལ་བའི་གདུང་། །སེར་སྣའི་གདུང་དང་འདོད་ཆགས་གདུང་། །ཕྲག་དོག་གདུང་དང་ཤིན་ཏུ་སྤྲོ། །སྤྲིན་ཕུང་འཁྲིགས་པའི་དམ་ཚིག་ཅན། །ཐམས་ཅད་བདག་ཉིད་རྟག་ཏུ་བཞུགས། །ཡང་དག་བསྒྲུབ་པ་གཅིག་པུ་ཉིད། །སངས་རྒྱས་བདེ་ཆེན་ཀུན་འདུས་པ། །མཁའ་འགྲོ་སྒྱུ་མ་བདེ་མཆོག་བདེ། །སངས་རྒྱས་ཐམས་ཅད་མཉམ་སྦྱོར་བ། །རྣལ་འབྱོར་ཟབ་མོ་སྐུ་གསུམ་རྫོགས། །དམ་ཚིག་ལས་དང་ཆོས་དང་ནི། །སྐུ་ཉིད་ཕྱག་རྒྱ་ཆེན་པོ་སྟེ། །དགའ་དང་མཆོག་དགའ་དགའ་བ་དང་། །ལྷན་ཅིག་སྐྱེས་དགའི་རང་བཞིན་ཅན། །སྒྱུ་མ་ཆེན་པོ་ཆོས་ཀྱི་སྐུ། །གསང་བ་ཤེས་རབ་བདེ་ཆེན་པོ། །བསྟན་པར་བཞེད་ནས་དཀྱིལ་འཁོར་སྤྲོ། །སྟོང་པ་ཡེ་ཤེས་རབ་སྣང་བ། །ཚོགས་པའི་དུས་ན་རྣམ་པར་དག །དེ་ནས་ཉིད་ཀྱི་བདེ་འབྱིན་མས། །གླུ་ཡི་རྣམ་པར་བསྐུལ་མཛད་དོ། །མི་འདའ་སྟོང་ཉིད་གར་གྱི་བདག །གཡར་དམ་སྙིང་པོ་དངོས་གྲུབ་མཛོད། །དམ་ཚིག་ཆེན་པོ་ངོ་བོ་ཉིད། །ཡེ་ཤེས་ཅན་དུ་གྲུབ་པར་མཛོད། །ཧོ། ཨེ་མ་ངོ་མཚར་ཡ་མཚན་ཅན། །རིག་པའི་རྣམ་པ་སྟོང་ཉིད་ཐུགས། །ཡེ་ཤེས་རོལ་པ་རྣམ་པར་རོལ། །རོལ་པའི་ངང་ནས་དམ་ཚིག་འབྱིན། །པདྨ་རྒྱས་པར་གར་མཛད་ ― DNG011_Page_0595 ―
[མ་དཔེ་གཟིགས་ན་འདིར་གནོན།]
དེ། །རིག་པ་ཉིད་དུ་མཇལ་བར་བྱེད། །ཅེས་དེ་བཞིན་གཤེགས་པ་ཉིད་ལ་ཆེད་དུ་གླེང་ངོ་། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། རྒྱུད་འབྱུང་བའི་གཞི་རྣམ་པར་བཀོད་པ་སྟེ། རྟོག་པ་དང་པོའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས་གསང་བ་བཀའ་བགྲོས་པ་ཞེས་བྱ་བའི། སྤྲུལ་པ་རྣམ་པར་ཕྱུང་སྟེ་འདུལ་བར་དགོངས་ནས། ཐུགས་རྗེས་སྤྲོ་བ་འདི་གསུངས་སོ། །རིག་པ་ཉིད་ལས་སྐྱེས་པའི་ཕྱིར། །སྐུ་གསུམ་ཡོན་ཏན་ཕྲིན་ལས་ཐུགས། །རིག་པ་ཤེས་པ་རྣམ་དྲུག་ཆེ། །ཆོས་ཉིད་ངང་དུ་ཡེ་ཤེས་གནས། །མི་སྐྱེའི་ཆོས་ཅན་སྐྱེ་ཚུལ་སྟོན། །ཐབས་དང་ཤེས་རབ་མཉམ་སྦྱོར་མཛད། །དུག་ལྔ་ཡེ་ཤེས་ལྔ་ཡིས་འཇོམས། །ཅི་ཡང་མི་གསུང་མཉམ་པར་གནས། །འཁོར་བ་ཕྱུང་ནས་སྐམ་སར་འདོན། །དབྱིངས་ལ་ཡེ་ཤེས་རོལ་རྩེད་མཛད། །ནམ་མཁའ་ལྟ་བུར་སྣ་ཚོགས་སྟོན། །བདུད་རྩི་དམ་པའི་ཆུ་བོ་འབེབས། །མ་རིག་སེལ་བའི་སྒྲོན་མེ་མཛད། །འཁོར་བའི་ནང་ནས་བྱུང་ཚུལ་སྟོན། །རྡོ་རྗེའི་གདན་ལ་རྡོ་རྗེ་འཇོག །བྱེ་བ་ཁྲག་ཁྲིག་གདུལ་བྱ་ལ། །དེ་དང་མཐུན་པར་སྤྲུལ་པ་འགྱེད། །དཔའ་བོར་མོས་ལ་དཔའ་བོ་དང་། །དཔའ་མོར་མོས་ལ་དཔའ་མོ་དང་། །མཐུན་བྱས་མཐུན་པས་དོན་མཛད་པ། །པདྨ་འདམ་སྐྱེས་སྐྱོན་མ་གོས། །འཇའ་ཚོན་འདྲ་སྟེ་དངོས་མེད་གསལ། །ཞེས་གསུངས་སོ། །དེ་ནས་གདུལ་བྱ་གདུལ་དཀའ་བདག་དབུགས་དབྱུང་བའི་ཕྱིར། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དགོངས་པ་དམ་པ་གསང་བ་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། །མཐུན་བྱས་སྐུ་ཡི་དོན་མཛད་པ། །རིགས་དྲུག་དམ་ཚིག་ལས་སྦྱང་ཕྱིར། །ཡེ་ཤེས་ངང་ལས་དམ་ཚིག་ཆེན་པོས་བསྐུལ། །བདེ་གཤེགས་ཐམས་ཅད་རྣམ་པར་བཀའ་བགྲོས་མཛད། །དེ་ནས་དེ་བཞིན་གཤེགས་པ་རྣམས་ཀྱིས་རྡོ་རྗེ་ཞེ་སྡང་ཆེན་པོ་ལ་བསྐུལ་བ། རྗེས་སུ་ཆགས་པ་རྣམ་མང་པདྨོ་ ― DNG011_Page_0596 ―
[མ་དཔེ་གཟིགས་ན་འདིར་གནོན།]
རྣམ་དག་པ། །མཆོད་པ་གསལ་བར་རྗེས་སུ་མཆོད་བྱས་ནས། མཆོག་ཏུ་རྟག་པའི་རྣལ་འབྱོར་བདེ་བས་བདེ་བ་གྲུབ་པར་མཛོད། བདེ་མཆོག་དམ་ཚིག་ཉིད། མཆོག་ཏུ་བདེ་བའི་རྣལ་འབྱོར་ཤིན་ཏུ་སྐལ་བཟང་མཆོག་མཉེས་པ། རང་གི་དམ་ཚིག་སྐྱོན་མེད་པར་རོལ་ཅིག །ཧོ་ཨེ་མ་ཧོ། བདེ་མཆོག་བདེ་དྲོངས་རྣམ་པར་སྤྲུལ། །ཛཿཧཱུཾ་བཾ་ཧོཿཧཱུཾ་གནང་བར་མཛོད། །ཨ་ལ་ལ་ཧོ། དེ་ནས་དེ་བཞིན་གཤེགས་པ་རྣམས་ཀྱིས་འཁོར་གཏི་མུག་ཆེན་པོ་ལ་བསྐུལ་བ། ཨེ་མ་ཧོ། མཆོག་ཏུ་གསང་བའི་དམ་ཚིག་ཡིན་པའི་ཕྱིར། །རབ་ཏུ་གསང་བའི་ལྷ་མོ་མཆོག་རྣམས་སོ། །འགྲོ་བའི་རྒྱུན་ནི་རྣམ་པ་སྣ་ཚོགས་འདུལ་བ་རབ་གསལ་མཁྱེན། །དམ་ཚིག་ཐམས་ཅད་དངོས་པོའི་བརྟན་གཡོ་ཀུན་གྱི་ངོ་བོར་འགྱུར། །རྒྱལ་བ་ཀུན་གྱི་བདག་ཉིད་རྣལ་འབྱོར་བདེ་བའི་མཁའ་འགྲོ་སྒྱུ་མ་རྣམ་སྤྲུལ་ཧོ། །ཀྱེ་མ་དམ་པ་རྟག་པའི་དངོས་གྲུབ་ཆེན་པོ་རབ་ཏུ་བསྒྲུབ་པ་སྟོན། །ཨེ་མ་ཧོ། བདེ་མཆོག་བདེ་དྲོངས་རྣམ་པར་སྤྲུལ། །ཧཱུཾ་རྣམ་པར་སྣང་མཛད་ཨ་ལ་ལ་ཧོ། །ཛཿཧཱུཾ་བཾ་ཧོཿ། དེ་ནས་དེ་བཞིན་གཤེགས་པ་རྣམས་ཀྱིས་ཤིན་ཏུ་ཁྲོ་གཏུམ་གདུག་པ་ཆེན་པོ་ལ་བསྐུལ་བ། རྣམ་པ་མང་པོ་ཁྲོ་བོའི་རྒྱུད་ཀྱིས་སེམས་ཅན་མ་ལུས་པ། །ལུས་པ་མེད་པར་ཐུགས་རྗེའི་ཐུགས་ཀྱིས་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་ཡི། །བདེ་མཆོག་སྒྱུ་མ་ཐམས་ཅད་རྣམ་སྤྲུལ་རྣམ་པར་སྤྲུལ། །རུ་ལུ་རུ་ལུ་ཧཱུཾ་བྷྱོ་ཧཱུཾ། དེ་ནས་དེ་བཞིན་གཤེགས་པ་རྣམས་ཀྱིས་རིན་ཆེན་སེར་སྣ་ཆེན་པོ་ལ་བསྐུལ་བ། རྣམ་པ་མང་པོ་རབ་ཏུ་དགའ་བའི་རྒྱུད་ཀྱི་སེམས་ཅན་ལ། །མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་ལ། །སྒྱུ་མ་བདེ་མཆོག་སྒྱུ་མས་རྣམ་སྤྲུལ་རྣམ་པར་སྤྲུལ། །ཧཱུཾ་ཧཱུཾ་ཧཱུཾ། དེ་ནས་དེ་བཞིན་གཤེགས་པ་ཐམས་ཅད་རྣམས་ཀྱིས་པདྨ་འདོད་ཆགས་ཆེན་པོ་ལ་བསྐུལ་བ། རྣམ་པ་མང་པོ་འདོད་ཆགས་རྒྱུད་ཀྱི་སེམས་ཅན་ལ། །མ་ལུས་ལུས་པ་མེད་པས་འདུལ་མཁས་པའི། ། ― DNG011_Page_0597 ―
[མ་དཔེ་གཟིགས་ན་འདིར་གནོན།]
དེ་བཞིན་གཤེགས་པ་ཀུན་གྱི་སྒྱུ་མ་ཡི། །བདེ་མཆོག་སྒྱུ་མས་ཐམས་ཅད་རྣམ་པར་སྤྲུལ། །ཏེ་ན་ཏེ་ཏེ་ཧཱུཾ། དེ་ནས་དེ་བཞིན་གཤེགས་པ་རྣམས་ཀྱིས་ཕྲག་དོག་རྒྱ་གྲམ་ཆེན་པོ་ལ་བསྐུལ་བ། རྣམ་པ་མང་པོས་སྲོག་གི་རྒྱུད་ཀྱིས་སེམས་ཅན་ལ། །མ་ལུས་ལུས་པ་མེད་པ་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་ཡི། །བདེ་མཆོག་སྒྱུ་མས་རྣམ་སྤྲུལ་རྣམ་པར་སྤྲུལ། །ཧཱུཾ་བི་ཤྭ་བི་ཤྱ་ཧཱུཾ། དེ་ནས་བཅོམ་ལྡན་འདས་འགྲོ་དྲུག་སྦྱོང་བའི་རྒྱལ་པོ་རྣམས་སྐུ་རྣམ་པར་སྤྲུལ་ཅིང་ཕྱུང་བ། འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །མངོན་པར་ཞེན་ཅིང་ལྟུང་བར་གྱུར། །དེ་བཞིན་གཤེགས་པའི་རྣམ་སྤྲུལ་གྱིས། །ཆོ་ག་སྣ་ཚོགས་འདོད་རྣམས་ལ། །ལས་ཀྱི་སྦྱོར་བ་སྣ་ཚོགས་ཀྱིས། །སངས་རྒྱས་རྡོ་རྗེ་འཛིན་ལ་སོགས། །འདུལ་བའི་ཕྱིར་ན་སྤྲུལ་པ་ཡིན། །སངས་རྒྱས་ལ་སོགས་བརྟན་གཡོ་ཀུན། །ཀུན་གྱི་དངོས་པོར་འདི་འགྱུར་རོ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །སྒྱུ་མ་སྦྱོར་བ་འདི་ཡིས་ནི། །རྣམ་པ་སྣ་ཚོགས་ཀུན་གྱི་མཆོག །སེམས་ཅན་ཀུན་གྱི་དོན་མཆོག་རྣམས། །སངས་རྒྱས་མཛད་པའི་འདུལ་བས་འགྲུབ། །ཅེས་དཔལ་རྡོ་རྗེ་སེམས་དཔས་དབུགས་ཕྱུང་བའོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་སྟོང་པ་ཉིད་ལ་བརྩོན། །འགོག་པའི་ཆོས་ཉིད་ལ་སྦྱོར་བས། །འགགས་ཤིང་ཡོངས་སུ་མྱ་ངན་འདས། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །འགྲོ་བ་ཐམས་ཅད་རྣམ་སྦྱང་ཕྱིར། །སངས་རྒྱས་སྤྲུལ་པ་ཀུན་ཏུ་འགྱེད། །སྟོང་པ་མ་ཡིན་མི་སྟོང་མིན། །དབུ་མར་ཡང་ནི་ ― DNG011_Page_0598 ―
[མ་དཔེ་གཟིགས་ན་འདིར་གནོན།]
མི་དམིགས་ཏེ། །ཤེས་རབ་ཕ་རོལ་ཕྱིན་སྦྱོར་བ། །ཐབས་ཀྱི་སྙིང་རྗེའི་བདག་ཉིད་རྣམས། །དེ་བས་དེ་ནི་སྙིང་རྗེའི་ཐབས། །ཤེས་རབ་ཕ་རོལ་ཕྱིན་པར་གསལ། །རྟོག་པ་མེད་པའི་ཆོས་རྣམས་ལས། །སེམས་ཅན་དོན་དུ་ཡང་རྟོག་པ། །རྣམ་པར་མི་རྟོག་ལ་མོས་པས། །ཐམས་ཅད་རྟོག་པས་རྟག་པར་བྱ། །ཞེས་རྣམ་པར་སྣང་མཛད་ཀྱིས་དབུགས་ཕྱུང་བའོ། །འདས་པའི་དུས་ན་སྔོན་བྱུང་ན། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ཀུན། །ཤིན་ཏུ་ཁྲོ་གཏུམ་གདུག་པར་གྱུར། །ཤིན་ཏུ་གདུག་ཅིང་ཁྲོས་པ་ཡིས། །འོ་དོད་འབོད་ཅིང་ལྟུང་བར་གྱུར། །ཤིན་ཏུ་གདུག་ཅིང་ཁྲོ་བ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་རྣལ་འབྱོར་པས། །ཁྲོ་བོར་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་ཁྲོས་པས་ཀྱང་། །འཇིག་རྟེན་གསུམ་དག་བསྲེག་བྱེད་ན། །སངས་རྒྱས་ཐམས་ཅད་ཁྲོས་པ་ཡིས། །ཁམས་གསུམ་མ་ལུས་སྨོས་ཅི་དགོས། །རྡོ་རྗེ་སེམས་དཔའ་དེ་བཞིན་གཤེགས། །དམ་ཚིག་ལ་སྡང་རྣམ་སྦྱང་ཕྱིར། །དུར་ཁྲོད་གར་གྱི་ཕྱག་རྒྱ་གསལ། །ཐར་པ་ནག་པོ་དྲེགས་ལྡན་དང་། །ཚངས་ཆེན་འཇུག་སེལ་ལྷ་ཆེན་དང་། །གུ་ལང་དབང་ཆེན་ཉེ་དབང་བཅས། །ཉི་ཟླ་གཤིན་རྗེ་ཚངས་པ་རྣམས། །བསྒྲལ་ནས་ཐལ་བ་རྡུལ་དུ་བཤིག །རྡོ་རྗེ་ཁ་ཊྭཱཾ་དྲིལ་བསིལ་ཤིང་། །ཐལ་བར་གྱུར་པ་འཚོ་བར་བྱས། །སེམས་ཅན་ཁམས་ནི་རྣམ་སྦྱངས་ནས། །དག་པའི་སངས་རྒྱས་ཞིང་རྣམས་སུ། །སངས་རྒྱས་བྱང་ཆུབ་དག་ལ་བཀོད། །རྡོ་རྗེ་འདོད་ཁྲོ་ལ་སོགས་ཀྱི། །རྟོག་པ་བླ་མེད་ཐམས་ཅད་ནི། །ནམ་མཁའི་དབྱིངས་ཀྱི་མཐའ་ཀླས་པའི། །སེམས་ཅན་ཁམས་ནི་རྣམ་པར་སྦྱངས། །ཞེས་ཧེ་རུ་ཀས་དབུགས་ཕྱུང་བའོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ ― DNG011_Page_0599 ―
[མ་དཔེ་གཟིགས་ན་འདིར་གནོན།]
ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ལོག་པར་བལྟ་ལ་གནས་པར་གྱུར། །ལྟ་བ་ཤིན་ཏུ་ངན་པ་ཡིས། །འོ་དོད་འབོད་པ་ཆེན་པོར་གྱུར། །རྣལ་འབྱོར་དེ་ཉིད་བཅོམ་ལྡན་འདས། །བྱང་ཆུབ་སེམས་ནི་རྣམ་སྦྱང་ཕྱིར། །ཆགས་པའི་པདྨོ་རྡོ་རྗེ་ཆོས། །ཧེ་རུ་ཀར་གནས་ཉེས་སྐྱོན་བྲལ། །ཁམས་གསུམ་ཉེས་སྦྱངས་སྤྱན་རས་གཟིགས། །པདྨ་གར་དབང་ཕྱག་རྒྱར་གསལ། །འདོད་ཆགས་ཐམས་ཅད་དག་པ་ན། །པདྨར་སྦྱོར་བའི་འདོད་ཆགས་ཀྱིས། །འདུལ་བར་གསལ་བས་དོན་ལ་སྦྱོར། །པདྨ་གར་གྱི་དབང་ཕྱུག་གིས། །ནམ་མཁའི་མཐའ་ཀླས་རྟོག་པ་རྣམས། །སེམས་ཅན་ཁམས་རྣམས་སྦྱང་བའི་ཕྱིར། །ཆགས་པའི་དོན་གྱིས་རྣམ་པར་སྦྱང་། །ཞེས་པདྨ་གར་གྱི་དབང་ཕྱུག་གིས་དབུགས་ཕྱུང་པའོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་གདུག་ཅིང་བརྐམ་པར་གྱུར། །བརྡུངས་ཤིང་བརྐམ་པས་ཡི་དྭགས་ལྟུང་། །དེ་ནས་འཕོས་ནས་དབུལ་པོར་སྐྱེས། །དེ་ཡི་སྐྱོན་གྱིས་གསོད་པར་བྱེད། །ཤིན་ཏུ་གདུག་པ་སྦྱང་བའི་ཕྱིར། །རྣལ་འབྱོར་དེ་ཉིད་བཅོམ་ལྡན་འདས། །དམ་པའི་དོན་ཆེན་ཉི་མ་བྱུང་། །ནམ་མཁའི་སྙིང་པོའི་རིན་ཆེན་གྱི། །རེ་བ་ཀུན་ཡང་ཡོངས་རྫོགས་མཛད། །ཁྲོ་གཏུམ་ཞི་བས་མི་འདུལ་ཕྱིར། །ཤེས་རབ་ཐབས་ཀྱི་རྣལ་འབྱོར་པ། །རྡོ་རྗེ་ཉི་མའི་ཕྱག་རྒྱར་གསལ། །འཇིག་རྟེན་གསུམ་སོགས་རྟོག་པ་ཀུན། །སྦྱངས་ནས་ཡོན་ཏན་རྒྱས་ཤིང་འཕེལ། །རྡོ་རྗེ་ཉི་མས་དབུགས་ཕྱུང་བའོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །བརྩོན་འགྲུས་ཤིན་ཏུ་ཆུང་བར་གྱུར། །ཤིན་ཏུ་བརྩོན་ ― DNG011_Page_0600 ―
[མ་དཔེ་གཟིགས་ན་འདིར་གནོན།]
འགྲུས་ཆུང་བ་ཡིས། །མནར་མེད་པ་ཡི་དམྱལ་བར་ལྟུང་། །རྣལ་འབྱོར་དེ་ནི་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །དྲག་ཤུལ་སྦྱོར་བའི་ཚུལ་དག་ཏུ། །རྟ་མཆོག་དཔལ་དུ་རྣམ་པར་སྣང་། །ཤིན་ཏུ་ཁྲོ་ཞིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཁྲོ་བོ་དེ་བཞིན་གཤེགས་པ་ཡིས། །སྡིག་མེད་སྟོབས་ཀྱིས་ངོ་མཐོན་དུ། །དྲེགས་པ་པོ་ནི་མནན་ནས་སུ། །དེ་ཚེ་ཡུམ་རྣམས་རང་གིས་སྤྱད། །ཞི་རྒྱས་དབང་དྲག་ལྷུན་གྲུབ་ཀྱིས། །རྟ་མཆོག་རྣམ་པར་འཕྲུལ་པ་ཡིས། །མ་ལུས་ལུས་པ་མེད་པ་ཡི། །སེམས་ཅན་རྣམས་ཀྱི་དོན་ཡང་བྱེད། །རྟ་མཆོག་དཔལ་གྱི་རྒྱལ་པོ་ཡིས། །ནམ་མཁའི་དབྱིངས་ཀྱི་མཐའ་དོན་བསྒྲུབས། །ཞེས་དཔལ་རྟ་མཆོག་གིས་དབུགས་ཕྱུང་བའོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། རིགས་དྲུག་གི་འགྲོ་བ་ལ་སྤྲུལ་པ་རོལ་པའི་ལོ་རྒྱུས་བཀོད་པའི་རྟོག་པ་སྟེ་ལེའུ་གཉིས་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་གསུང་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་འདུས་པ་ལས་འདི་དག་ཕྱུང་ངོ་། །སྔགས་རྣམས་སོར་བཞག ། ཨཱོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དྷརྨ་དྷཱ་ཏུ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ཙིཏྟ་པྲ་བེ་སྥ་ར་ཎ་ཕཊ། ཨེ་ཨཱ་ཀ་ཤ་མཎྜ་ལ། ཡཾ་ཀརྨ་རཀྵ་ཧཾ། བཾ་མཱ་མ་ཀི་རི། སུ་རུ་མེ་སུཾ་ལཾ་ཏིཥྛ་མཎྜ་ལ། རཾ་ཛྙཱ་ནྱ་མཎྜ་ལ། རག་ཏ་མཱཾ་ས་ཀེཾ་རཾ་བྷྲཾ་ཙཀྲ་མཎྜ་ལ། བྷྲུཾ་བཛྲ་མཎྜ་ལ། བྷྲཱུཾ་རཏྣ་མཎྜ་ལ། བྷྲཱུཾ་པདྨ་མཎྜ་ལ། བྷྲཱུཾ་བཛྲ་བི་ཤྭ་མཎྜ་ལ། བྷྲཱུཾ་ཨེ་མཎྜ་ལ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཨ་ཨཱ། ཨི་ཨཱིཾ། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱཿཧཱུཾ། ཨཱོཾ་ཧེ་ཧྲཱྀཿཏྲཱཾ་ཨཱ། ཨོཾ་མ་ཧཱ་སུ་ཁ་བཛྲ་སཏྭ་ཨ་ཛཿཧཱུཾ་བཾ་ཧོཿ། སུ་ར་ཏ་སྟྭཾ་ཛ་བཛྲ་དྲྀཥྚི་སྭ་ཡེ་ཀ་མཊྚ། ཧཱུཾ་བཛྲ་ཀི་ལི་ཀི་ལི་ཧཱུཾ། བཾ་བཛྲི་ནི་རྨ་ར་ར་ཏ་ཧོཿ། བཛྲ་ཀཱ་ལེ་ཤྭ་རི་ཏྲི། ― DNG011_Page_0601 ―
[མ་དཔེ་གཟིགས་ན་འདིར་གནོན།]
ཨཱོཾ་ཨཱཿམདྷུ་བཛྲེ་གྷུཾ་གྷུཾ། ཨཱོཾ་བཛྲ་མེ་གྷ་ག་གྷུ་ལུ་གྷུ་ལུ་བྷྲཱུཾ། ཨཱོཾ་ཧ་ཤ་ར་སྟ་བཛྲེ་ནི་ཨི་ཨི། ཨོཾ་ཁཾ་བཛྲ་ཤི་ཤི་རི་ཧཱུཾ་ཧཱུཾ། ཨཱོཾ་བྷུ་ཁཾ་ཨོཾ་བཛྲ་སེཾ་ར་ཤཾ། ཨཱོཾ་བཛྲ་རཏྣ་རཾ། ཨཱོཾ་བཛྲ་དྷརྨཱ་བཾ། ཨཱོཾ་བཛྲ་ཀརྨ་ཐཾ། ཧཾ་སརྦ་བཛྲ་ཚེ་བཛྲ་ཏ་ཏྲེ། ཏྲཾ་བཛྲ་པཱ་དཾ། དྷཾ་བེ་ཤ་བཛྲ། ཨཱོཾ་ཧེ་རུ་ཀ་བཛྲ་ས་མ་ཡཱ་ཧི། སརྦ་དུཥྚ་ས་མ་ཡ་མུ་དྲ་པྲ་བྷཉྫ་ཀ་ཧཱུཾ་ཕཊ། ཨཱོཾ་བཛྲ་གུ་ཧྱ་སིདྡྷི་པ་ར་མ་ཡོ་གཱི་ཤྭ་རི་ཧྲཱྀ་ཧཱུཾ་ཧཱུཾ། བཛྲ་ཙཾ་རེ་ཤྭ་རི་ཁ་ཊཾ་གི་མ་ཧི། བཛྲ་ཀ་པ་ལཱ་མ་ཀུ་ཌེ་རུ་ལུ་རུ་ལུ་ཧིན། ཧཱུཾ་བཛྲ་ན་ད་ཡ་ནི་ཛ་ཛྷི། ཨཱོཾ་བཛྲ་སཏྭ་ཀེ་ཛི་ཧཱུཾ་བཛྲ་པྲ་ཧ་ར་ཎ་མ་དྷ། ཨཾ་བཛྲ་ཤུ་ལཱི་གྲ་བྷི་དྷ་ཧཱུཾ་ཕཊ། ཧཱུཾ་བཛྲ་ཡོ་ཤེ་ཙིནྡྷ་མ་ཌ། ཧཱུཾ་བཛྲ་མེ་ལ་ད་ཤེ་མ་ཌ། ཧེ་བཛྲ་ར་ཏི་པཾ། པ་མ་ཧཱ་ར་ཏ་བཛྲི་ཧོ། ཨཱོཾ་བཛྲ་ལོ་ཙ་ན་ཡཾ། རཾ་མ་ཧཱ་ཤྭི་བཛྲ་ཧི། ཨོཾ་སིདྷྱ་བྷུ་བིདྷྱ་བྷ་བ་སིདྷྱ། མ་ཧཱ་བཛྲ་རཏྣ་བ་བ་ཌ་ཌ་རཾ། བཛྲ་སཏྭ་ཛཿ། བཛྲ་རཏྣ་ཧཱུཾ། བཛྲ་དྷརྨ་བཾ། བཛྲ་ཀརྨ་ཧོཿ། ཨོཾ་པྲི་ཏི་བཛྲ་ནི་མ་ཌ་ས། ཨོཾ་བཛྲ་པྲི་ཏི་ཧྲི། ཨོཾ་བཛྲ་ཙི་ཏྲ་མ་ནི་ཧོ། ཨོཾ་བཛྲ་མ་ཧཱ་མ་ཧོ་ཧཱུཾ། ཨོཾ་སྭ་བྷཱ་ཝ་ཤུཌྜྷ་པདྨ་ན་ཏེ་བ་ཤ་ཧྲཱྀཿ། ཨོཾ་སརྦ་ཏ་ཀ་གཱ་ར་པདྨ་ཛྫ་ཧཱུཾ། བཛྲ་པདྨི། ཧི་པདྨི་པདྨི་བཾ། ཧོ་པདྨ་ཎི་ར་ཛ། ཧཱུཾ་པདྨ་ཙི་དེ་ཤྭ་རི་ཧཱུཾ་ཕཊ། ཧེ་མ་ཧཱ་བི་ཤྭ་པདྨ་མུ་ཏེ་སིདྡྷི་ཧཱུཾ་ཕཊ། ཧྲཱྀཿཔདྨི་པདྨི་ཧཱུཾ་ཨཾ། ཧོ་པདྨི་བི་ཤྭ་ཀི་མ་ཀྲ་མ་ཧཱུཾ་ཛ། ཨོཾ་སུམྦྷ་ནི་སུམྦྷ་ནི་ཧཱུཾ། ཨོཾ་བི་ཤྭ་བཛྲེ་དྷརྨཱ་བཛྲི། ཨོཾ་བི་ཤྭ་བཛྲ་སཏྭ་ཧ། ཨོཾ་ཧེ་ར་ཏི་བཛྲ་བི་ལཱ་སི་ནི་དྲ་ཌ། ཧེ་ར་ཏི་བཛྲ་གི་ཏེ་ཏེ་ཏེ་ཏེ། ཧེ་ར་ཏི་བཛྲ་ཧཱ་སེ་ཧ་ཧ་བཾ། ཧེ་ར་ཏི་བཛྲ་ནྲྀ་ཏྱེ་པི་བ་བེ་བ་དྷ། ཨོཾ་ཤཱནྟི་གྲཱི་བ་ཧཱུཾ། ཨ་བཛྲ་པུཥ྇། ཨ་བཛྲ་དྷཱུ་པེ། ཨ་བཛྲ་ཨཱ་ལོ་ཀེ། ཨ་བཛྲ་གནྡྷེ། ཨཱོཾ་ཧ་ཡ་གྲཱི་བ་སྦུཥྚི་ཧཱུཾ། གཱིརྟི་ཧྲཱྀཿ། ལཱ་སྱེ་ཧཱུཾ། མཱ་ལེ་ཏྲཾ། ནྲྀ་ཏྱེ་ཨཱ། ཨཱོཾ་ཧཱ་ལུ་གྲཱི་བབ་ཤཾ་ཧཱུཾ། རུ་པ་ཧཱུཾ། ཧེ་ར་ཏི་ཧཱུཾ། ཛི་བི་ཧཱུཾ། ཙི་པི་ཏི་ཧཱུཾ། ཨཾ་ཨེ་མ་ར་ཧུ་ལུ་ཧཱུཾ། ཨཱོཾ་བཛྲ་ཨཾ་ཀུ་ཤ་ཛཿ། ཨཱོཾ་བཛྲ་པཱ་ཤ་ཧཱུཾ། ཨཱོཾ་བཛྲ་སྥོ་ཊ་བཾ། ཨཱོཾ་གྷཎྜ་ཧོཿ། ཨཱོཾ་བ་ན་སེཾ། སེ་ནུ་རུ་སུ་ཏ། ཏི་ཕུ་སར་མུ། ཏ་ཐཱ་ག་ཏ་སི་ཏི་པུ། སརྦ་སི་ཏི་བུ་ས་མ་ཡོ་ཏ་མུ། མ་ཧཱ་སུ་ཁ་སི་ཏི་པུ། ཞེས་དེ་བཞིན་ ― DNG011_Page_0602 ―
[མ་དཔེ་གཟིགས་ན་འདིར་གནོན།]
གཤེགས་པ་ཐམས་ཅད་ཀྱིས་གསུངས་པས། སྟོང་གསུམ་ཐམས་ཅད་སྐུས་གང་། རབ་ཏུ་གང་། ཀུན་ཏུ་གང་ངོ་། །དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུའི་སྙིང་པོ་ཞེས་བྱ་བ་འདི་ཕྱུང་ངོ་། །ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ། ཞེས་གསུངས་པས་ཞི་བའི་ཚོགས་ཐམས་ཅད་དགྱེས་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་གསུང་གི་སྙིང་པོ་འདི་ཕྱུང་ངོ་། །ཨོཾ་ཧྲཱྀཿཧ་ཧ་ཧཱུཾ་ཧཱུཾ་ཕཊ། ཅེས་གསུངས་པས་གསུང་གི་ཚོགས་ཐམས་ཅད་དགྱེས་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་འདི་ཕྱུང་ངོ་། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཞེས་གསུངས་པས་ཁྲོ་བོའི་ཚོགས་ཐམས་ཅད་དགྱེས་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་གྱི་སྙིང་པོ་འདི་ཕྱུང་ངོ་། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱྀཿཐཱ། ཞེས་གསུངས་པས་ཡོན་ཏན་གྱིས་རབ་ཏུ་གང་ངོ་། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་སྙིང་པོ་འདི་ཕྱུང་ངོ་། །ཨོཾ་སུམྦྷ་ནི་སུམྦྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ། བྷ་ག་ཝཱན། བིདྱཱ་རཱ་ཛ་ཧཱུཾ་ཕཊ། ཅེས་གསུངས་པས་ཕྲིན་ལས་ཡོངས་སུ་གྲུབ་པོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གསང་བ་ཞེས་བྱ་བ་འདི་གསུངས་སོ། །ཛཿཧཱུཾ་བཾ་ཧོཿ། ཨེ་ཧྱེ་ཧི་བྷ་ག་ཝཱན། མ་ཧཱ་ཀ་རུ་ཎི་ཀ །དྲྀ་ཤྱ་ཧོ། ས་མ་ཡ་ཧོ། ས་མ་ཡ་སྟྭཾ། ཨོཾ་སརྦ་ཏ་ཐཱ་ག་ཏ་ཚ་ཡ་ཏིཥྛ་ལྷན། ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་པྲ་ཎ་མེ་ན་བཛྲ་བནྡྷ་ནཾ་ཀ་རོ་མི། ཨོཾ་ན་མ་ཏེ་ཧཱུཾ། ན་མ་མི་ཧཱུཾ། ན་མོ་ན་མཿཧཱུཾ། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་ཨོཾ་ཨཱཿཧཱུཾ་སྭཱ་ཧཱ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུཾ། ཨོཾ་སརྦ་ཏ་ཐཱ་ག་ཏ་ཨུ་ག་ཏ་ཨ་བྷི་ཥིཉྩ་མེ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་ཧཱུཾ། ཨེ་ཨཱ་ར་ལི་ཧྲིཾ། ཛཿཧཱུཾ་བཾ་ཧོཿ། བཛྲ་ཌཱཀྐི་ནི་ས་མ་ཡ་ཧཾ་དྲྀ་ཤྱ་ཧོ། ཨོཾ་བཛྲ་ཌཱཀྐི་ནི་ཨི་དཾ་བ་ལིཾ་གྲྀ་ཧྞནྟུ་ས་མ་ཡ་རཀྵནྟུ། ཨོཾ་བུཌྜྷ་ཌཱཀྐི་ནི་ཨི་དཾ་བ་ལིཾ་ཏ་གྲྀ་ཧྞནྟུ་ས་མ་ཡ་རཀྵནྟུ། ཨོཾ་ ― DNG011_Page_0603 ―
[མ་དཔེ་གཟིགས་ན་འདིར་གནོན།]
རཏྣ་ཌཱཀྐི་ནི་ཨི་དཾ་པ་ལིཾ་གྲྀ་ཧྞནྟུ་ས་མ་ཡ་རཀྵནྟུ། ཨོཾ་བྷནྡྷ་ཡ་བྷནྡྷ་ཡ། ཚར་གཉིས་འདུག་དོ་ཤ་ཡ་དོ་ཤ་ཡ། མོ་ཧ་ཡ་མོ་ཧ་ཡ། སརྦ་ཌཱཀྐི་ནི་ཨེ་ཨཱ་ར་ལི་ཧྲཱྀ། ཨོཾ་པདྨ་ཌཱཀྐི་ནི་ཨི་དཾ་བ་ལིཾ་གྲྀ་ཧྞནྟུ། ས་མ་ཡ་རཀྵནྟུ། ཨོཾ་ཀརྨ་ཌཱཀྐི་ནི་ཨི་དཾ་བ་ལིཾ་གྲྀ་ཧྞནྟུ་ས་མ་ཡ་རཀྵནྟུ། ཨོཾ་སརྦ་ཌཱཀྐི་ནི་ཨི་དཾ་བ་ལིཾ་གྲྀ་ཧྞནྟུ་ས་མ་ཡ་རཀྵནྟུ། ཨོཾ་ཤྨ་ཤ་ན་ཌཱཀྐི་ནི་ཨི་དཾ་བ་ལིཾ་གྲྀ་ཧྞནྟུ་ས་མ་ཡ་རཀྵནྟུ། ཞེས་གསུངས་པས་ཐམས་ཅད་མཉེས་པར་གྱུར་ཏོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། གསུང་གི་འཁོར་ལོའི་རྟོག་པ་སྟེ་ལེའུ་གསུམ་པའོ།། །།དེ་ནས་དེ་བཞིན་གཤེགས་པ་རྣམས་ཀྱིས་འདི་གསུངས་སོ། །སངས་རྒྱས་འདི་ཚེ་བསྒྲུབ་བྱའི་ཕྱིར། །སྐུ་གསུམ་པ་ལ་གོམས་པར་བྱ། །དང་པོ་ཆོས་ཀྱི་དབྱིངས་ཉིད་ལས། །དམིགས་པ་མེད་པའི་དོན་གྱིས་བསྒོམ། །བསྒྲུབ་མེད་ཡུམ་གྱི་བྷ་ག་ལ། །བརྗོད་མེད་སེམས་ཀྱི་ངང་དུ་གསལ། །ཆོས་ཀྱི་དབྱིངས་ཀྱི་ཡེ་ཤེས་ཀྱིས། །ཐམས་ཅད་ཀུན་ལ་ཁྱབ་པར་བྱ། །རྩོལ་མེད་མ་བསྒྲུབས་ཇི་ལྟར་ལས། །ཀུན་སྣང་ནམ་མཁའི་ངང་ཉིད་འབྱུང་། །མེད་པའི་རྒྱུ་ལས་མངོན་གསལ་བ། །སེམས་ཀྱི་རང་བཞིན་ཡེ་ཤེས་གསལ། །དམ་པའི་ཡི་གེ་ཨོཾ་ལས་ནི། །ཡེ་ཤེས་སེམས་དཔའ་གསལ་བར་ཤར། །འབྱུང་ལྔའི་དམ་པ་རིན་ཆེན་དབྱིངས། །སྟོང་གསལ་གཡོ་ཞིང་སྡུད་པའི་ཆུ། །སྲ་མཁྲེགས་སྲེག་བྱེད་འབར་བའི་མེ། །བྷྲཱུཾ། ཅིར་ཡང་འགྱུར་བའི་ཡིག་འབྲུ་བསམ། །བཞུགས་གནས་འབར་བ་ཆོས་ཀྱི་དབྱིངས། །ཡེ་ཤེས་དྲུག་གི་གཞལ་ཡས་ཁང་། །རང་གནས་མཛེས་པའི་དབྱིངས་དང་ལྡན། །ཧཱུཾ་འབར་སྒེག་པའི་ཉམས་ཅན་ཞལ། །རྡོ་རྗེ་ཁ་ཊྭཱཾ་དྲིལ་བུ་འཁྲོལ། །ཐབས་དང་ཤེས་རབ་མདའ་གཞུ་འཛིན། །མཐིང་ག་མཚན་དང་དཔེ་བྱད་རྫོགས། །བདེ་མཆོག་དཀར་མོ་ཛ་ལས་སྐྱེས། །ཐབས་དང་ཤེས་རབ་མདའ་གཞུ་འཛིན། །ཧཱུཾ་སྐྱེས་གསེར་མདོག་ཨེ་མ་བདེ། །འཁྱུག་འགྱིང་རྡོ་རྗེ་རིན་ཆེན་བསྣམས། །བཾ་སྣང་མཛད་དམར་པོ་རྡོ་རྗེ་ཐོད། །ཐབས་ཀྱི་ཁ་ཊྭཱཾ་རབ་ཏུ་འཁྲོལ། ། ― DNG011_Page_0604 ―
[མ་དཔེ་གཟིགས་ན་འདིར་གནོན།]
ཧོ་སྐྱེས་ལྗང་གུ་སློབ་མ་མོ། །འཁྱུད་ཅིང་བདུད་རྩིར་རབ་ཏུ་གསོལ། །ཤར་ཕྱོགས་རིམ་བཞིན་བྱང་དུ་འཁོར། །ཨོཾ་སངས་རྒྱས་བྱང་ཆུབ་དཀར་མོ་ཆེ། །དུས་གཅིག་ཚངས་མགོ་མདའ་གཞུ་འཕེན། །བྷྲཱུཾ། ཆོས་ཀྱི་འཁོར་ལོ་དཀར་སེར་མ། །དམར་སྐྱ་རྣམ་རྒྱལ་ཧ་ལས་བྱུང་། །ཏྲི་ཤུལ་རྡོ་རྗེ་གསུམ་ལྔ་འཛིན། །ཁཾ། འདོད་པའི་དབང་མོ་ལྗང་གུ་ཞལ། །དཔག་བསམ་ལྕུག་མ་རླུང་གིས་བསྐྱོད། །ཤར་ལྷོ་ནུབ་བྱང་རིམ་སྐྱེས་སོ། །རྡོ་རྗེ་འཛིན་རྒྱལ་འཁོར་ལོ་ཆེ། །དཀར་འབར་སྣང་མཛད་དགེ་སློང་ཅན། །ཆོས་ཀྱི་འཁོར་ལོ་གླེགས་བམ་དང་། །འཁར་གསིལ་ལྷུང་བཟེད་མཚན་དཔེར་ལྡན། །ཀྵཾ། སྔོ་སང་སངས་རྒྱས་བྱང་ཆུབ་མ། །རྡོ་རྗེ་ལྕེ་ཡི་རྣམ་པར་བསྒོམ། །རཾ། དཔའ་མོ་གསེར་མདོག་ཆ་ལང་འཁྲོལ། །ཏྲཾ། ཀུན་བཟང་དམར་མོ་རིན་ཆེན་འཛིན། །དཾ། མི་བཟད་ལྗང་གུ་དུང་འཛིན་མ། །དབུས་ཀྱི་འཁོར་ལོ་ཤར་ནས་འཁོད། །ཀྵཾ། སྤྲིན་ཆེན་དམར་མོ་སྤྲིན་ཆེན་འབེབས། །དཾ། ནམ་མཁའི་སྤྱན་མ་པདྨ་དཀར། །ཧཾ། སངས་རྒྱས་དབྱངས་མ་སེར་མོ་ཞགས། །ཚེ་སྐྱེས་དབང་མོ་པདྨ་ལྗང་། །དཀྱིལ་འཁོར་རེའུ་མིག་ཕྱོགས་བཞིར་རྫོགས། །དེ་བཞིན་གཤེགས་མཛད་ཀུན་ཏུ་འཁྲིལ། །ཧི་སྐྱེས་ཧེ་རུ་མཐིང་གའི་སྐུ། །གཡས་པ་ཞི་ལ་གཡོན་པ་ཆགས། །རྨོངས་བྱེད་ཞལ་ནི་རྒྱབ་ན་འབྱུང་། །རྡོ་རྗེ་ཁ་ཊྭཱཾ་དྲིལ་བུ་འཁྲོལ། །གཡང་གཞི་འཇིགས་བྱེད་པགས་པ་བརྡེག །མདའ་གཞུ་ཐོད་པ་སྙིང་ཁྲག་བཀང་། །གར་གྱི་ཉམས་དགུ་འགྱིང་བའི་ཞལ། །ཧྲཱྀཿ། དཀར་མོ་མདའ་འཛིན་ཀོའུ་རཱི་མ། །ཧི་སྐྱེས་ཙོའུ་རཱི་དམར་མོ་ཞལ། །ལྕགས་ཀྱུ་ཁ་ཊྭཱཾ་ཆོས་འཁོར་བརྒྱད། །ཛིཿ། བེ་ཏ་བ་དན་ཁམ་ཕོར་དཀར། །ཛིཿ། པྲ་མོ་དམར་མོ་ཕྱག་བཞི་མ། །རྡོ་རྗེ་ཁམ་ཕོར་འཁོར་ལོ་འདེགས། །ཛི། པུཀྐ་སྣ་ཚོགས་ལྕུག་མ་འཛིན། །ཧཱུཾ། ཙཎྜ་ནག་མོ་རྡོ་རྗེ་འཕེན། །བ་དན་ཏྲི་ཤུལ་རབ་ཏུ་ཁྲོས། །ཏ། གྷསྨ་ནག་མོ་རལ་གྲི་མེ། །ཧཱུཾ། སྨེ་ཤ་སྔོན་མོ་ཐོད་ཁྲག་གསོལ། །རྡོ་རྗེ་ཁ་ ― DNG011_Page_0605 ―
[མ་དཔེ་གཟིགས་ན་འདིར་གནོན།]
ཊྭཱཾ་ཐོད་པ་ཞགས། །འགྱིང་མཛེས་ཁྲོ་བས་ཕྱོགས་སུ་འཁོད། །ཀ །དཀར་མོ་མཚོན་ཆ་མདའ་གཞུ་དཀར། །བཾ། སེར་མོ་ཁ་ཊྭཱཾ་དྲིལ་བུ་འཁྲོལ། །ཡཾ། དམར་སེར་འཁོར་ལོ་རྩིབས་བརྒྱད་བསྐོར། །རཾ། སྣ་ཚོགས་ལྗང་གུ་བ་དན་འཛིན། །འདི་དག་འཁྱུད་ཚུལ་མདུན་ནས་འཁོད། །ཧེ་རུ་ཀ་ཡི་ཟླ་གམ་རྫོགས། །ཏྲཱཾ། ཉི་མ་སེར་པོ་མདའ་གྲི་གཡས། །གཞུ་པད་ཉི་མ་རྡོ་རྗེས་མཚན། །ཨཱཾ། དབང་བསྐུར་དཀར་མོ་དབུ་རྒྱན་འཛིན། །ཧྲཱྀཿགསེར་ལྡན་སེར་མོ་རིན་ཆེན་སྒྲོམ། །ཧོཿ། རྒྱལ་མཚན་དམར་མོ་རིན་ཆེན་རྒྱལ། །ཧཾ། མཆོད་ཆེན་ལྗང་གུ་རིན་ཆེན་སྣོད། །གཙོ་ལ་འཁོར་ཞིང་ཕྱོགས་བཞིར་གནས། །ཛ། མདའ་འཛིན་དམར་སེར་མདའ་གཞུ་ཅན། །ཧཱུཾ། སྔོན་མོ་ཁ་ཊྭཱཾ་རལ་གྲི་འཛིན། །ཝ། དམར་སེར་ཉི་མའི་དཀྱིལ་འཁོར་ཅན། །རྡོ་རྗེ་ལྗང་སེར་མཆོད་སྡོང་ཅན། །རྡོ་རྗེ་ཉི་མ་རིན་ཆེན་རྫོགས། །ཧྲཱྀཿ། གར་དབང་དམར་པོ་པདྨ་འཛིན། །ཞལ་གཅིག་ཕྱག་གཉིས་རྣམ་པར་མཛེས། །ཡང་ན་རྡོ་རྗེ་དྲིལ་མཚན་པ། །ཉི་ཤུ་གཅིག་དང་ལྔ་བཅུ་གཉིས། །ཛཿ། རྣམ་གཟིགས་དཀར་པོ་པདྨ་འབྱེད། །ཧཱུཾ། སྒྲོལ་མ་དམར་སྐྱ་ཨུཏྤལ་སྐུ། །ཝཾ། ས་འཛིན་དཀར་མོ་འཁོར་ལོ་འཛིན། །ཧོཿ། ཁྲོ་གཉེར་རྡོ་རྗེ་ཨུཏྤལ་ལྗང་། །ཧཱུཾ། གཏུམ་པོ་པདྨ་རྡོ་རྗེ་མཐིང་། །ཧེ། སྣ་ཚོགས་པདྨ་འཁོར་ལོ་སྔོ། །ཨཱཿ། པདྨ་ཆུ་སྲིན་རྒྱལ་མཚན་དཀར། །ཧོ། པདྨ་ལྗང་གུ་པདྨ་བསྒྲུབ། །ཕྱེད་ཕྱེད་ཕྱི་ནང་རེའུ་མིག་རྫོགས། །པདྨ་གར་དབང་ཆུ་སྐྱེས་རྫོགས། །ཨཱཿ། ལྗང་སེར་རྟ་མཆོག་རྟ་གདོང་ལྗང་། །བ་དན་གསུམ་པ་སྣ་ཚོགས་ཐུགས། །རལ་གྲི་མདའ་ནི་བཞི་པར་འཆང་། །སྣ་ཚོགས་པདྨ་མདུང་རྩེ་གསུམ། །བེ་ཅོན་གཞུ་ནི་བཞི་པར་འཛིན། །འགྱིང་བརྗིད་གར་གྱི་སྐུར་ལྡན་དགྱེས། །ཛི། སྣ་ཚོགས་པདྨ་དཀར་ལྗང་གཡས། །ཧ། སྔོ་ལྗང་རྡོ་རྗེ་སྣ་ཚོགས་གཡས། །ལས་བཞི་རྟ་མཆོག་རིམ་པར་སྦྱར། །རྒྱ་གྲམ་རྟ་ཡི་འཁོར་ལོར་རྫོགས། །ཧཱུཾ་སྐྱེས་དཀར་པོ་རྟ་ཞལ་འགུགས། །ཨ་སྐྱེས་སྔོན་མོ་གླིང་བུ་འབུད། །ཏཾ། སེར་མོ་རྡོ་རྗེ་པི་ཝང་འདྲེན། །བཾ། རྔ་ཆེན་དམར་མོ་རྔ་རིང་བརྡུངས། །ཛྷཾ། རྫ་ལྔ་ལྗང་གུ་རྡོ་རྗེ་མཚོན། །ཟླུམ་ཞིང་འཁྱིལ་ནས་གྲྭ་ལ་རྫོགས། །ཛྙ་སྐྱེས་སེར་པོ་ ― DNG011_Page_0606 ―
[མ་དཔེ་གཟིགས་ན་འདིར་གནོན།]
རྟ་ཞལ་ཞགས། །ཨ། དམར་སེར་རྡོ་རྗེ་མེ་ཏོག་སྣོད། །སྤོས་སྣོད་དཀར་མོ་ཨ་སྐྱེས་མ། །ཨཱཿ། དམར་སྐྱ་མར་མེ་བ་དན་འཛིན། །ཨ། གྷནྡྷེ་ལྗང་གུ་དུང་ཆོས་འཛིན། །མཆོད་པའི་དཀྱིལ་འཁོར་ཐིག་ལེ་རྫོགས། །བཾ་སྐྱེས་དམར་མོ་རྟ་ཞལ་ལྕགས། །ཧཱུཾ་སྐྱེས་དཀར་མོ་ལ་སོགས་གཟུགས། །མཱ་མེ་ཕྲེང་བ་ཏྲཾ་སྐྱེས་སྔོ། །གཱིརྟི་དམར་མོ་གླུ་ལེན་ཧྲཱྀཿ། །ཨ་སྐྱེས་ནཱིརྟི་ལྗང་གུ་གར། །དབང་མཆོག་རྒྱལ་པོ་གྲྭ་ལ་རྫོགས། །ཧཱུཾ་སྐྱེས་བྱུང་བ་ལྗང་གུ་དྲིལ། །རུ་སྐྱེས་དཀར་མོ་མེ་ལོང་གཟུགས། །ཧི་སྐྱེས་སེར་མོ་དྲི་སྣོད་མ། །ཛི་སྐྱེས་དམར་མོ་དྲི་བསུང་སྣོད། །ཙི་སྐྱེས་ལྗང་གུ་ཞལ་ཟས་སོ། །དཀྱིལ་འཁོར་ཨེ་ཡི་འཁོར་ལོ་རྫོགས། །དཀར་མོ་རྟ་གདོང་ལྕགས་ཀྱུ་ཤར། །ཛཿལས་བྱུང་བས་འགུགས་བྱེད་བྱམས། །ཕག་གདོང་ནག་མོ་ཞགས་ཐོགས་ལྷོ། །ཧཱུཾ་ལས་སྐྱེས་པ་སྙིང་རྗེ་བདག །སེང་དམར་ཐབས་ཤེས་ལྕགས་སྒྲོག་ནུབ། །བཾ་ལས་བྱུང་བ་དགའ་བ་དམར། །ལྗང་གུ་ཐལ་བྱེད་སྦྱང་དྲིལ་བྱང་། །ཧོཿལས་སྐྱེས་པ་བཏང་སྙོམས་ལས། །རིག་པ་ལས་སྐྱེས་ཡེ་དག་ཕྱིར། །རྫོགས་ཆེན་རྣལ་འབྱོར་དུས་གཅིག་རྫོགས། །ཀུན་ཏུ་དམིགས་ལ་རིག་པ་ལྡན། །གཏི་མུག་ཅན་ལ་གཏི་མུག་སྟེ། །ཞེ་སྡང་ཅན་ལ་ཞེ་ཡང་སྡང་། །གདུག་པ་ཁྲོ་གཏུམ་འདོད་པ་བཞིན། །སེར་སྣ་ཅན་ལ་སེར་སྣས་བསྡམས། །འདོད་ཆགས་ཅན་ལ་འདོད་ཆགས་སྦྱོར། །ཕྲག་དོག་ལ་ཡང་ཕྲག་དོག་གོ། །འདུལ་ཕྱིར་རིགས་སུ་བསྡུས་པ་དང་། །བྱེ་བྲག་རྣམས་ལ་བྱེ་བྲག་སྟོན། །རྒྱལ་བ་རྫོགས་པའི་དཀྱིལ་འཁོར་ལ། །བསམ་ཡས་འདོད་པ་ཀུན་སྟེར་ཕྱིར། །རིག་པའི་སྤྲུལ་པ་རྒྱ་ཆེན་མཆོད། །གདུང་བའི་གླུ་དང་མཛེས་པའི་གར། །རོལ་མོ་ལས་ཀྱི་ཀརྨས་དབུལ། །ཞེས་གསུངས་སོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། ལྷ་རྣམ་པར་བཀོད་པའི་ལེའུ་སྟེ་རྟོག་པ་བཞི་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་ཕྲིན་ལས་ཀྱི་དཀྱིལ་འཁོར་ཐམས་ ― DNG011_Page_0607 ―
[མ་དཔེ་གཟིགས་ན་འདིར་གནོན།]
ཅད་ཡོངས་སུ་མཉེས་པར་བྱེད་པ་ཀུན་ཏུ་རྣམ་པར་སྤྲུལ་པའི་རོལ་པ་ཆེན་པོ་རོལ་མོའི་རྒྱན་ཞེས་བྱ་བ་འདི་གསུངས་སོ། །རིག་པ་རིག་པ་ཉིད་ལ་གནས། །དེ་ཕྱིར་རིག་པ་རིག་པའི་སྤྲུལ་པ་སྟེ། །དམིགས་མེད་མཁའ་ལྟར་དག་པས་ཁྱབ་པའི་སྐུ། །སྤྱན་དྲངས་གཤེགས་སུ་གསོལ་བར་མི་དམིགས་ཀྱང་། །ཐུགས་རྗེའི་ངང་ཆེན་ཆོས་སྐུ་དག་པ་ལས། །ཡེ་ཤེས་སྒྱུ་མར་རོལ་ཅིང་གཤེགས་སུ་གསོལ། །བསྙེངས་པ་མི་མངའ་སྟོབས་བཅུའི་ཤུགས་མངའ་བ། །མ་འདྲེས་སངས་རྒྱས་ཆོས་རྣམས་རབ་ཏུ་རྫོགས། །དཔལ་ཆེན་ལོངས་སྤྱོད་རྫོགས་པའི་སྐུ། །རྔམས་པའི་ཞལ་ནས་འབྲུག་སྒྲོག་ཅིང་། །སེང་གེའི་ར་རོས་ཀྱང་ནི་བསྐྱོད་དུ་མེད། །གདུག་པའི་ཚོགས་རྣམས་ཟིལ་གྱིས་གནོན་མཛད་པ། །བཅོམ་ལྡན་འགྲོ་ལ་བརྩེ་སླད་གཤེགས་སུ་གསོལ། །མཁའ་འགྲོ་ཀུན་དང་ཐབས་ཅིག་གཤེགས་སུ་གསོལ། །སྒྱུ་མ་གར་གྱི་རོལ་པས་འདྲེན། །རིག་པ་ཉིད་ལ་ཡེ་ཤེས་འཇུག །མཐུ་ལྡན་ནུས་པ་རྟོག་པ་སེལ། །མཆོད་པའི་རྣམ་པ་ཐམས་ཅད་ལ། །མཱཾ་ས་ཆུ་དང་ཟིལ་པ་དང་། །གྲུབ་པ་བཞི་ཡིས་རབ་བརྒྱན་པ། །ཏིང་འཛིན་མཐུ་དང་ངོ་བོས་གྲུབ། །སངས་རྒྱས་རྣམས་ལ་ཙན་དན་སྤྲོས། །རྡོ་རྗེ་ཅན་ལ་གུར་གུམ་ཡིན། །སྤྱན་རས་གཟིགས་ལ་ཙན་དན་དམར། །ག་པུར་རྡོ་རྗེ་ཉི་མ་ལ། །མེ་ཏོག་ཀུན་དང་བདུག་པ་ཀུན། །དེ་བཞིན་མར་མེ་ཐམས་ཅད་དང་། །སྤོས་རྣམས་ཐམས་ཅད་ཇི་སྙེད་པ། །རྡོ་རྗེ་འཆང་ལ་དབུལ་དུ་རུང་། །སྨིན་དང་གཡོ་བའི་དཀྱིལ་འཁོར་དུ། །ཡག་ཤ་འབར་བའི་མགོ་ཐོད་བཞག །རང་བྱུང་བི་མུ་མ་ར་ཤུ། །གོ་ཀུ་ད་དང་ཧ་ནའི་རྒྱན། །ཧཱུཾ་ཨཱཾ་ཛྲིཾ་ཁཾ་ཞེས་པ། །དབུས་ཤར་ལྷོ་ནུབ་བྱང་དུ་གནས། །ཡེ་ཤེས་འོད་ལྔ་ཁ་དོག་འབར། །དག་ཤུ་སྤེལ་བས་ཁ་དོག་དྲིལ། །ཧྲཱྀཿལས་བྱུང་བ་ཡེ་ཤེས་མེ། །སྟོང་ཉིད་རྡོ་རྗེ་ཁོང་སེང་ཅན། །ཁམས་གསུམ་ཚེ་འཛིན་རྒྱ་མཚོར་འཁྱིལ། །སངས་རྒྱས་སྤྲིན་ཚོགས་སྦྱིན་པས་བསྡིམ། །ལུས་ངག་མཐུ་ལྡན་ནུས་པ་ཆེ། །བགེགས་རྣམས་འཇོམས་པས་ ― DNG011_Page_0608 ―
[མ་དཔེ་གཟིགས་ན་འདིར་གནོན།]
མཚམས་ཀྱི་མཆོག །ཤངས་ཀྱི་འོད་ཟེར་རླུང་སྒྲོམ་ནས། །འཁྱིལ་ཞིང་སྤྲོ་བ་གསལ་བྱེད་དབྱངས། །ཀེང་ཞེས་རུས་སྦལ་ཁ་འདྲ་བ། །ཁ་ནི་བུམ་པ་འབབ་པ་སྟེ། །ག་ནི་བསེ་ཡི་ཁ་དང་མཚུངས། །གྷ་ནི་བུམ་པ་ལྟ་བུ་སྟེ། །ང་ནི་ཀང་ཀ་ཉིད་དང་འདྲ། །ཙ་ནི་ཙ་ཤ་ཉིད་དང་མཚུངས། །ཚ་ནི་གདུགས་ཀྱི་སྦ་བ་འདྲ། །ཛ་ནི་རྔ་མོའི་མགོ་བོ་བཞིན། །ཛྷ་ནི་རྔ་ཆེན་གཟུགས་ལྟ་བུ། །ཊ་ནི་སྐེད་ཉག་ལྟ་བུ་སྟེ། །ཋ་ནི་པུ་ཤུད་འགྲོ་བ་འདྲ། །ཌ་ནི་ཐི་བའི་ཁ་ཉིད་སྟེ། །ཌྷ་ནི་མཁའ་འགྲོ་ཉིད་དུ་གོ། །ཎ་ནི་སྦྱིན་བདག་དང་འདྲ་བ། །ཏ་ནི་སྡང་དང་འདྲ་བ་སྟེ། །ཕ་ཝང་ཁ་འདྲ་ཡི་གེ་ཐ། །ད་ནི་མཆེ་བ་ཅན་དང་མཚུངས། །དྷ་ཉིད་གཞུ་ཡི་ངོ་བོ་ཉིད། །ན་ནི་མ་ཧེའི་ཁ་འདྲ་བ། །རི་སྐེགས་འགྲོས་ནི་པ་ཞེས་བྱ། །ཕ་ནི་ཁྲུང་ཁྲུང་མགོ་དང་མཚུངས། །འདམ་བྱ་བ་སྟེ་སྐྱེ་ག་བྷ། །མ་ནི་སྤྲེའུའི་མཚུལ་པའི་གཟུགས། །ཕུག་རོན་ངུར་པ་ཡ་དང་ར། །ཁུ་བྱུག་བྱ་རོག་ལ་དང་ཝ། །ཤ་ཥ་རི་བོང་ཞི་བའི་སྤྱན། །ས་ཧ་སྤྱང་ཀུ་འཕྲོག་མ་དང་། །ཀྵ་ནི་སྲིན་བུའི་ཁ་ལྟ་བུ། །དེ་རྣམས་ཁ་དང་འགྲོས་ཀྱིས་དབྱིབས། །མཚོན་པས་ཕྲིན་ལས་རྣམ་བཞི་བསྡུས། །ཨ་ནི་ཁྱིམ་བྱའི་མགོ་བོའི་གཟུགས། །ཨཱ་ཉིད་དེ་དང་ཅུང་ཟད་འདྲ། །ཨི་ནི་གླང་ཆེན་སྣ་ལྟ་བུ། །ཨཱིཾ་ནི་དབང་ཕྱུག་ཆེན་པོ་འདྲ། །ཨུ་ནི་རྔ་མོའི་མགོ་བོ་བཞིན། །ཨཱུ་ནི་ཤ་བའི་ཁ་འདྲ་བ། །རྀ་ནི་རི་བོང་མགོ་བོ་འདྲ། །ཡི་གེ་རཱྀ་ནི་སེང་མགོ་བཞིན། །ཡི་གེ་ལྀ་ནི་གླང་ཆེན་ལ། །ལཱྀ་ནི་དབང་ལྡན་ཞལ་དང་མཚུངས། །ཨེ་ནི་མ་ཧེའི་ཁ་འདྲ་བ། །ཨཻ་ནི་རྨ་བྱའི་ཁ་དང་མཚུངས། །ཨོ་ནི་བྱི་ལའི་ཁ་དང་མཚུངས། །ཨཽ་ནི་ཁྱིམ་བྱའི་ཁ་བཞིན་ནོ། །ཨཾ་ནི་ཆུ་སྲིན་མགོ་བོ་འདྲ། །ཚེག་དྲག་ཨཿནི་རྟ་མགོ་བཞིན། །སྤྱིར་ན་བསམ་ཡས་དབྱིབས་གསུངས་པ། །རང་བཞིན་ཉིད་ཀྱིས་རྣམ་བཞིར་འདུས། །ཐབས་དང་ཤེས་རབ་འཐབ་པ་ཡིས། །རིང་ཐུང་གར་དང་ལྕོང་དུ་འབྱུང་། ། ― DNG011_Page_0609 ―
[མ་དཔེ་གཟིགས་ན་འདིར་གནོན།]
དེ་ཉིད་སྒྲ་ཡི་འབྱུང་གནས་སུ། །ཧ་པ་ལྡར་ཀ་སོར་རྒ་རྟ། །ཤ་ར་པ་དང་གར་ར་བ། །དྲེང་ངེ་བ་དང་དུང་ངེ་བ། །པང་གེ་དེའུ་དང་ཅང་ཀ་དེའུ། །དེ་བཞིན་གཤེགས་དང་རྡོ་རྗེ་འཛིན། །རྡོ་རྗེ་ཧེ་རུ་ཉི་མ་དང་། །པདྨ་གར་དབང་རྟ་མཆོག་དཔལ། །ཚངས་པའི་དབྱངས་ཀྱིས་འདྲེན་པ་དང་། །མཁུན་ཅིང་གདུངས་པའི་སྒྲ་འབྱིན་ཅིང་། །རྡོ་རྗེ་སྲིན་པོའི་ངུར་སྒྲ་འདོན། །རྡོ་རྗེ་དྲག་པོ་གད་མོ་ཆེ། །འཁུར་བ་དབུགས་ཀྱི་རླུང་འབྱིན་ཅིང་། །འབྲུག་གི་སྒྲ་ལྟར་ཟབ་པ་ཡིས། །རུ་ལུ་རུ་ལུའི་སྒྲ་ཕྱུང་ནས། །གླུ་དྲུག་བླངས་པས་དོན་དྲུག་རྫོགས། །ཡོན་ཏན་རྣམ་བཅུ་རེ་རེར་ལྡན། །གསུང་དབྱངས་ཡན་ལག་དྲུག་ཅུ་ཡིས། །འགྲོ་དྲུག་རིགས་དང་བྱེ་བྲག་ལ། །དཀྱིལ་འཁོར་འདུལ་ཞིང་དོན་མཛད་པ། །སྒྲ་ཡི་བྱེ་བྲག་ཇི་སྙེད་པ། །རོལ་མོའི་སྒྲ་ལས་འབྱུང་བ་ནི། །སྙིང་པོ་ཕྱག་རྒྱ་སྔགས་རིགས་དང་། །རིག་པའི་སྒྲ་ནི་ངང་གིས་འབྱུང་། །ཛཿཧཱུཾ་བཾ་ཧོཿ། དུང་རྟ་མད་ར་རྨ་ར་ཧད་ར། རུ་ལུ་རུ་ལུ། པྲ་པིརྱ་ཏ་ཀི་ཧཱུཾ་ཛཿ། ཀི་ནི་དུ་ནི་ཧཱུཾ་དྲུཾ། ཏ་ཀི་ཧཱུཾ་ཛཿ། ཧུ་ལུ་ཧུ་ལུ། ཨ་ལ་ལ་ཧོ། ཤུཌྜྷ་སིཌྜྷར་རི་ཤ་ཡ། སརྦ་ན་ཏ་གྷེན་གེ། ཏ་ཏ་གེ་གེ། ཏ་ཏ་གྷེ་གྷེ། ཏ་གེཾ་གེཾ། ཏ་གྷེ་ཏ་གྷེ། གྷེ་གྷེ་ཏ་ཏ་གེ་ཏ་གྷེ་ཧེ་ན། དོན་ཏ་ཀི་ཧཱུཾ་ཛ། གྷེ་ཏ་གྷེ། དོན་ཏ་ཀི་ཧཱུཾ་ཛ། དྲན་ཨ་ལ་ལ་ཧོ། རུ་ཏ་མ་ཏ། ཐལ་མོ་བརྡབ་པའི་རྟག་པའོ། །ཏ་གྷེ་གྷེ། ཏ་གྷེ་བྟེ། ཏ་གྷེ་ཏ་གྷེ་ན། ཏ་གྷེན་ཏ་གྷེན། གྷེན་གྷེན། རྒྱུན་གྱི་རྔའོ། །ཨཾ་ཨཾ་ཨཾ། ཧཾ་ཧཾ་ཧཾ། བཾ་བཾ་བཾ། དྷཾ་དྷཾ་དྷཾ། དམ་ཚིག་གསུང་བ་ལྔའོ། །དེ་ཀོང་དེ་ཀོང་དེ་ཀོང་ཏེ་བཛྲ། བཛྲ་ཕྱེ་ཕྱར་ཀོང་། ཀོཾ་ཀོཾ་ཀོཾ། ཧཱུཾ་བྷྱོ་ཧཱུཾ་བྷྱོ། ཧཱུཾ་བྷྱོ་ཧཱུཾ་བྷྱོ། རུ་ལུ་རུ་ལུ་ཧཱུཾ་བྷྱོ། དྷྱེ་ཀོཾ་ཀོཾ་གོང་གོང་། དེ་གོཾ་གོཾ་གོཾ། དཔལ་ཧེ་རུ་ཀའི་རྔའི་ཕྱག་རྒྱའོ། །པདྨ་བྷནྡྷ་དིང་། པདྨ་བྷནྡྷ་ཏྲིང་། པདྨ་པདྨ་ཏྲེང་། དཔལ་པདྨ་ཐལ་མོ་བརྡབ་པའི་རྔའོ། །ཏྲཾ་ཏྲཾ་ཏྲཾ་ཏྲཾ། བ་བ་བ་བ། བ་བ་བ་བ། ཊ་ཊ་ཊ། ཊ་ཊ་ཊ་ཊ། ཏྲ་ཏྲ་ཏྲ་ཏྲ་ཏྲནྟ་ཏེ། ར་དུ་ར་ཏྲ་རུད་ཏྲ་ཏྲ། རྒྱལ་པོའི་རྔའོ། །ཏ་ཀི་ཧཱུཾ་ཛ་ཏ་ཀི་ཧཱུཾ་ཛ། སྙེམས་པའི་འགྲོས་སོ། །ཏྲཾ་ཏྲཾ་ཏྲཾ་ཏྲཾ་ཏྲ་ཏྲ་ཏྲ། མྱུར་ཞིང་རབ་ཏུ་མྱུར་བའོ། །བ་ཏ་བ་ཏ་ཏུ་ཏུ་ན་ཏ། ― DNG011_Page_0610 ―
[མ་དཔེ་གཟིགས་ན་འདིར་གནོན།]
ཊ་པ་ཊ། ཏ་ཊ་ཏ་བ་ཏ་བ་རུ་འུན་ཏ་ཊ་བ་ཏ། ཏ་ཊ་བེ་ཏ་བ་ཧེ་དོན། དཔལ་རྣམ་པར་རོལ་བའོ། །བ་ཏ་བ་ཏ་བ་ཏ་ཕཊ་ཏྲཊ། ཤིན་ཏུ་མྱུར་བའི་རྔའི་ཕྱག་རྒྱ་ཤེས་པ་སྟེ། སིལ་སྙན་གྱི་ཕྱག་རྒྱ་ཤེས་པའོ། །སིལ་སྙན་དོན་ལ་བྲག་ཆའི་སྒྲ། །རང་བཞིན་མེད་པར་གསན་ཞུགས་པ། །སེམས་ཅན་དོན་ཕྱིར་ནན་ཏན་མཆོག་བསྐྱེད་ཅིང་། །ཡེ་ཤེས་ཐུགས་རྗེས་བདག་ལ་དགོངས་ནས་ཀྱང་། །ཡེ་ཤེས་ངང་དུ་མི་གཉིས་གཅིག་པས་ན། །འདུ་འབྲལ་མེད་པའི་ངང་གསལ་ཆོས་ཉིད་དུ། །མི་གཉིས་དོན་ཕྱིར་མཆོག་གི་དངོས་གྲུབ་རྣམས། །བདག་ལ་སྩོལ་ཅིང་བརྟན་པར་བཞུགས་སུ་གསོལ། །གླུ་ཡི་ཕྱག་རྒྱ་འདི་དག་གིས། །གླུ་ཡི་ཕྱག་རྒྱ་གར་བྱའོ། །བདག་མེད་ཕྱོགས་བྲལ་དོན་དམ་ཐུགས་ཆུད་ཅིང་། །བྱམས་དང་སྙིང་རྗེ་དགྲ་ཟུན་མི་མངའ་ཡང་། །གདུག་པ་འདུལ་ཕྱིར་དུས་ལ་མི་འདའ་པས། །མཉམ་ཉིད་ངང་གིས་ཁྲོ་ལ་ཕྱག་འཚལ་ལོ། །ཁྲོས་པས་ཡེངས་སྤྱོད་མཛད་ལ་ཕྱག་འཚལ་ལོ། །རྡོ་རྗེ་འདུ་འཕྲོ་མཛད་ལ་ཕྱག་འཚལ་ལོ། །འདོད་པའི་ཡོན་ཏན་ལྔ་དང་རིན་ཆེན་བདུན། །མ་རྨོངས་རྨོངས་པ་ཀུན་གྲོལ་རྒྱལ་བའི་གནས། །རབ་ཏུ་དགའ་བའི་བདག་ལ་ཕྱག་འཚལ་ལོ། །དགའ་རབ་མཛོད་ཅིག་དམ་ཚིག་དམ་པ་གྲུབ། །སྒྱུ་མ་ཉིད་ལ་སྒྱུ་མ་སྤྱོད། །སྒྱུ་མ་ཆེན་པོ་རིགས་ཀྱི་ཡུམ། །སྒྱུ་མས་སྒྱུ་མ་དགའ་མཛད་མ། །ཙནྡན་དཀར་དམར་ཉི་ཟླའི་སྐད། །པདྨ་རྡོ་རྗེ་ཐབས་ལས་བྱུང་། །དགའ་དང་མཆོག་ཏུ་དགའ་དང་བྲལ། །སྐྱེས་པ་ལྷན་ཅིག་དགའ་བའི་རོ། །རང་བཞིན་དངོས་པོ་རྣམ་གཉིས་ཀྱིས། །མྱུར་དུ་དངོས་གྲུབ་སྐྱེད་བྱེད་དེ། །འཕྲལ་དུ་ཡིད་ཆེས་བྱེད་པ་ཡིན། །ཡིད་ནི་ནང་དུ་ཆུད་པ་ཡིས། །འདོད་པའི་དངོས་གྲུབ་བསྒོམ་པར་བྱ། །རང་རྫས་ཐིག་ལེ་ཕྱིར་ཕྱུང་ནས། །སངས་རྒྱས་བྱང་ཆུབ་སེམས་དཔའ་མཆོད། །ཧེ་ནི་བདེ་ཆེན་ལས་བྱུང་བ། །རུ་ནི་རིན་ཆེན་ཆགས་དང་བྲལ། །ཀ་ནི་རབ་ཏུ་རྨོངས་པ་སྤངས། །ཧེ་རུ་ཀ་སོགས་དགྱེས་མཆོད་རོལ། །སྐྱེ་བ་བདུན་པ་དག་པའི་ཞིང་། །ཞིང་བཅུ་བསྒྲལ་བ་བསྟན་པའི་དགྲ། །ངན་སོང་གསུམ་ནི་སྙིང་རྗེའི་ ― DNG011_Page_0611 ―
[མ་དཔེ་གཟིགས་ན་འདིར་གནོན།]
གནས། །ཏིང་འཛིན་བརྟན་ཐོབ་རྣལ་འབྱོར་པས། །ཐུགས་རྗེའི་དམ་ཚིག་སྙིང་རྗེས་བཟུང་། །ལོངས་སྤྱོད་ཕུང་པོ་ཚོགས་ལ་རོལ། །དག་པ་འོད་གསལ་ཆོས་སྐུར་སྦྱོར། །འོག་མིན་བྷ་ག་ལིངྒར་བཏབ། །བསོད་ནམས་ཡེ་ཤེས་ཚོགས་འགྱུར་བ། །གསང་བའི་དམ་ཚིག་མི་བཅག་ཕྱིར། །དངོས་གྲུབ་སྙིང་རྗེ་མཆོད་པས་རོལ། །གཟུགས་མེད་དང་ནི་གཟུགས་སྣང་བ། །གཟུགས་ཀྱི་མཐའ་ནི་རྣམ་པར་རིག །སྒྲ་མེད་སྒྲ་ནི་བྲག་ཆའི་སྒྲ། །རིག་སྟོང་སྒྲ་ནི་ཆོས་ཉིད་གསུང་། །དྲི་མེད་དྲི་བྲལ་སྟོང་པའི་དྲི། །རང་བཞིན་སྦྱོར་བ་སྣ་ཡི་ཡུལ། །མྱོང་བ་མེད་པ་མྱོང་བའི་རོ། །མེད་པར་མྱོང་བ་བདུད་རྩིའི་ཆུ། །རེག་མེད་རེག་ན་བདེ་འཇམ་ཞིང་། །རེག་པ་བཞི་བསྡུས་ལུས་ཀྱི་གནས། །ཆོས་མེད་ཆོས་ཏེ་ཆོས་ཀྱི་མཆོག །ཡོད་མེད་འཁོར་འདས་བསྡུས་པའི་ཆོས། །ཀུན་ཏུ་བཟང་པོའི་སྤྱོད་ཡུལ་ལ། །ཡུམ་གྱི་བྷ་ག་ཆོས་ཀྱི་དབྱིངས། །དམ་ཚིག་དྲི་མེད་ཡོན་ཏན་དྲུག །ཐུགས་དམ་བཞིན་དུ་ལོངས་སྤྱོད་རོལ། །ཞེས་གསུངས་སོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། མཆོད་པའི་སྤྲིན་རྣམ་པར་བཀོད་པའི་ཕྱག་རྒྱའི་ལེའུ་སྟེ་རྟོག་པ་ལྔ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཀུན་ཏུ་འགྲོ་བ་ཞེས་བྱ་བ་འདི་གསུངས་སོ། །སྐལ་བཟང་བསྒོམ་པའི་རྣལ་འབྱོར་པ། །མཆོད་རྟེན་དབེན་གནས་སྐྱེད་མོས་ཚལ། །གཙུག་ལག་ཀུན་དགའ་ར་བ་རུ། །སེམས་དཔའ་རྡོ་རྗེ་དཔའ་བོ་བསྒྲུབ། །དགོན་པ་མཆོད་རྟེན་གཙུག་ལག་ཁང་། །དེར་ནི་རྣམ་པར་སྣང་མཛད་བསྒོམ། །རྒྱལ་པོའི་ཕོ་བྲང་པདྨའི་ཚལ། །རྡོ་རྗེ་ཉི་མ་རབ་ཏུ་བསྒོམ། །པདྨའི་ཚལ་ལམ་ཆུ་འདབ་ཏུ། །པདྨ་འཛིན་པ་རབ་ཏུ་བསྒྲུབ། །སྣ་ཚོགས་མཁར་རམ་ཆུ་བོའི་འགྲམ། །རྒྱལ་ཁམས་གཞན་དུ་རྟ་མཆོག་བསྒྲུབ། །དུར་ཁྲོད་ལྷ་རྟེན་མ་མོའི་གནས། །ཧེ་རུ་ཀ་ནི་རབ་ཏུ་ཤིས། །ཉམས་དགའ་ཡིད་འོང་བསམ་གཏན་འཕེལ། །པདྨ་འཁོར་ལོ་རྣམ་པའི་དབྱིབས། །སྐྱོན་རྣམས་བྲལ་ཞིང་ཡོན་ཏན་ལྡན། །ཚོམ་བུ་རྒྱས་པ་བསྒྲུབ་པར་ཤིས། །ཤིས་པའི་འཁོར་ ― DNG011_Page_0612 ―
[མ་དཔེ་གཟིགས་ན་འདིར་གནོན།]
རྫས་དུས་འཛོམ་ན། །ཕུན་སུམ་ཚོགས་པ་རབ་ཏུ་གཅེས། །མཐོ་དམན་གསེག་མ་གྱོ་མོག་དང་། །ཚྭ་སྒོ་ཤིང་དུམ་རོ་ལྔ་བྲལ། །བླང་བརྟག་བཟུང་དང་སྦྱར་བ་དང་། །བསྐྲད་བསྲུང་སྦྱོར་བས་ཆོ་ག་རྫོགས། །ཉིས་འགྱུར་དཀྱིལ་འཁོར་ཚད་ཡིན་ཏེ། །མཛེས་ཤིང་འཚམས་པ་རབ་ཏུ་ཤིས། །སེམས་དཔའི་སྐྱིལ་ཀྲུང་ལ་གནས་ནས། །རྡོ་རྗེ་སེམས་དཔའི་གར་བྱས་ཏེ། །སྔགས་དང་ཕྱག་རྒྱ་ལྡན་པ་ཡིས། །བགེགས་རྣམས་ཐམས་ཅད་གཞིག་པར་བྱ། །རྡོ་རྗེ་པུས་མོ་གཉིས་བཅིངས་ཏེ། །རྡོ་རྗེ་སྐྱིལ་མོ་ཀྲུང་བཅས་ནས། །བདག་ཉིད་སྟན་ལ་འདུག་ནས་ནི། །བགེགས་རྣམས་ཐམས་ཅད་གཞིག་པར་བྱ། །དྲག་ཤུལ་ཅན་ལ་དྲག་ཤུལ་སྦྱོར། །ཞལ་བཞི་པ་ལ་ཕྱག་བཞི་པ། །ཞབས་བཞི་པ་ལ་རྨིག་པ་བཞི། །རྟ་མགྲིན་རྒྱལ་པོ་བགེགས་རྣམས་འཇོམས། །པདྨའི་སྐྱིལ་ཀྲུང་བཅས་ནས་ནི། །ལག་པ་པདྨ་བསྐོར་བ་དང་། །སྔགས་དང་ཕྱག་རྒྱ་ལྡན་པ་ཡིས། །བགེགས་རྣམས་ཐམས་ཅད་གཞིག་པར་བྱེད། །རྡོ་རྗེ་ཉི་མ་གཡོན་བརྐྱང་བས། །རྒྱས་བཏབ་རྨོངས་བྱས་ཐལ་བར་བྱས། །ཁམས་གསུམ་པ་ཡང་འཚོ་བར་བྱེད། །བགེགས་རྣམས་ཐམས་ཅད་གཞིག་པར་བྱ། །ཧེ་རུ་ཀ་ནི་རྡོ་རྗེའི་འགྲོས། །གདུག་པ་ཐམས་ཅད་སྤ་ཡང་བཀོང་། །རྡོ་རྗེ་སེམས་དཔའ་སྒེག་པ་སྟེ། །དཔའ་ལ་དཔའ་བོ་དེ་བཞིན་གཤེགས། །རྡོ་རྗེ་འཛིན་པ་སྙིང་རྗེའི་བདག །རྒོད་པ་འཇིག་རྟེན་དབང་ཕྱུག་མཆོག །རྡོ་རྗེ་ཉི་མ་ཁྲོ་བོའི་ཉམས། །རྟ་མཆོག་དྲེགས་པ་འཇིགས་པར་བྱེད། །ཤཱཀྱ་ཐུབ་པ་མི་སྡུག་པས། །ངོ་མཚར་ལ་ནི་ཨ་ལ་ལ། །རབ་ཏུ་ཞི་བ་སངས་རྒྱས་སོ། །འཁྲུལ་འཁོར་འཕང་བ་མདའ་དང་ནི། །མ་འཕངས་རལ་གྲིའི་ཕྱག་རྒྱ་དང་། །ལག་པས་འཕངས་པ་མདུང་ཐུང་སོགས། །འཕངས་ནས་སླར་བཟུང་ཞགས་པ་དང་། །རྐང་པ་གྱད་ཀྱི་སྟོབས་འགྱེད་པས། །རྐང་པ་གཤིབས་པས་ས་གནོན་ཅིང་། །རྐང་པ་བསྐྱེད་པས་ས་མནན་པ། །དཀྱིལ་འཁོར་གྲུ་བཞིར་མནན་པ་དང་། །བརྐྱང་བསྐུམ་ཚུལ་གྱིས་ ― DNG011_Page_0613 ―
[མ་དཔེ་གཟིགས་ན་འདིར་གནོན།]
གནས་གསུམ་མནན། །དབྱིབས་ཀྱི་ཕྱག་རྒྱ་ཤེས་པར་བྱ། །མི་ལྷོད་པ་ལ་སྲན་གཟུགས་དང་། །མཉེན་ཞིང་ཡན་ལག་བསྟན་པ་དང་། །རྒྱ་ཆེར་ས་བཞི་རྣམ་པར་དག །ལུས་ཀྱི་ཕྱག་རྒྱ་བདེ་བླག་ཅན། །རྐང་པ་མནན་ཅིང་རྨིག་པ་མནན། །མདའ་གཞུ་འདྲེན་པའི་ཕྱག་རྒྱ་ཡིས། །ཁམས་གསུམ་རྒྱལ་སྲིད་ཆེན་པོ་དག །རྣམ་པར་བཏུལ་ནས་དགའ་བར་སྤྱོད། །ཉུང་དཀར་གུ་གུལ་རྫས་དག་དང་། །རྒྱལ་ཆེན་མངའ་གསོལ་ཕྱོགས་སྐྱོང་མནན། །ཁྲོ་བཅུ་བཀོད་དེ་དམ་སྲི་མནན། །ཆོས་རྒྱལ་མངའ་གསོལ་སྒོ་བྱང་གདགས། །བགེགས་དང་ལན་ཆགས་སྦྱིན་པ་དགྱེ། །ས་ཡི་རི་མོ་བྱ་བ་དང་། །དུར་ཁྲོད་ཐལ་བའི་རི་མོ་བྱ། །དཀྱིལ་འཁོར་སྣ་ཚོགས་དྲིས་བྱུགས་ཏེ། །མེ་ཏོག་དྲི་ནི་ལྷ་གྲངས་མཐུན། །མཆོད་སོགས་ལྷ་ཡི་ལྷག་པར་གནས། །སྒྲུབ་པའི་བུམ་པ་ལྷ་གྲངས་མཉམ། །གང་བའི་བུམ་པ་དག་དང་ནི། །ཐམས་ཅད་ལས་ཀྱི་བུམ་པ་དང་། །རྣམ་པར་རྒྱལ་བའི་བུམ་པའོ། །སྦྱངས་ནས་བསངས་ཏེ་གཞལ་ཡས་ཁང་། །བསྐྱེད་དྲང་བསྡིམ་མཆོད་བསྟོད་པ་དང་། །བསྙེན་པ་ཉེ་བའི་བསྙེན་པ་དང་། །བསྒྲུབ་པ་བསྒྲུབ་པ་ཆེན་པོ་བཞི། །དཀྱིལ་འཁོར་རབ་ཏུ་བསྒྲུབ་པར་བྱ། །གཙོ་དང་འཁོར་གྱི་བསྙེན་པ་བསྐྱར། །སྦྱིན་བསྲེག་བྱ་ཞིང་ལས་སྒྲིབ་བཤགས། །སྐལ་ལྡན་བུ་མཆོག་ལ་སོགས་པ། །རྟགས་གདབ་དམ་ཚིག་བསྲེ་བསྣན་བྱ། །སེམས་བསྐྱེད་སྡོམ་པ་བཟུང་བ་དང་། །བདུན་པོ་རྣམ་དག་སྤྲོ་བ་བསྐྱེད། །སྐུ་གསུང་ཐུགས་སུ་བྱིན་བརླབས་ཤིང་། །རྡོ་རྗེའི་ཁུ་ཚུར་གནས་གསུམ་གཏུག །སྤྱི་བོར་བདུན་དམིགས་སྙིང་མཆོད་དབུལ། །མཎྜལ་པདྨ་འདབ་བརྒྱད་ལ། །རྣམ་ལྔ་བ་ཀོ་ཙམ་བྱུགས་ཏེ། །ཨུ་དུམ་ཝ་ར་ལས་བྱས་པ། །སྡིག་སྤངས་བཅུ་གཉིས་མེ་ཏོག་ཐོད། །དོར་ཏེ་པྲ་བརྟགས་སྲུང་སྐུད་གདགས། །དག་པའི་སྔགས་ཀྱི་ཁྱོར་ཆུས་བཀྲུ། །རིགས་ལྔར་ཀུ་ཤ་རྨི་ལམ་བརྟགས། །ཞི་བ་རྒྱས་པ་དབང་དྲག་དང་། །རྫས་དང་མཆོད་པའི་རིམ་པ་ཡིས། །ངན་པའི་ལྟས་ལ་བསྲེགས་སྦྱངས་ཤིང་། །སར་པའི་རྒྱུ་ལས་ཁ་བསྒྱུར་ཏེ། །ལྔ་འམ་ ― DNG011_Page_0614 ―
[མ་དཔེ་གཟིགས་ན་འདིར་གནོན།]
ཉི་ཤུའི་ཁ་དོག་ཅན། །རྡོ་རྗེ་རྒྱུན་ཐག་ལ་སོགས་པ། །གསང་བའི་སྔགས་ཀྱིས་བསྒྲིལ་ནས་ནི། །མཚན་ལྡན་མཛེས་མ་ལྷར་གསལ་ནས། །ཛཿཛཿཞེས་ནི་གཏད་པར་བྱ། །ནམ་མཁའ་གང་བའི་བདེ་གཤེགས་རྣམས། །ཁྱེད་ཀྱི་འགྲོ་དོན་མཛད་དུས་ལགས། །ཐིག་གི་སྒྲ་འདིས་བསྐུལ་ནས་ཀྱང་། །དེ་རྣམས་འདིར་ནི་གཤེགས་སུ་གསོལ། །གསང་བའི་སྔགས་དང་ཕྱག་རྒྱས་དང་། །དཀྱིལ་འཁོར་ཐིག་གདབ་ཤེས་རབ་ཅན། །ཕྱོགས་ཀུན་མཉམ་པ་ཉིད་དམིགས་ནས། །ཤར་ལྷོ་ནུབ་བྱང་ཕྱོགས་རྣམས་སུ། །ཐིག་བཞི་བཏབ་པས་དཀྱིལ་འཁོར་དགུ། །དཀྱིལ་འཁོར་ཟླུམ་པོ་སངས་རྒྱས་ཀྱི། །འདུས་པའི་བདག་པོ་འཁོར་ལོ་ཅན། །རྡོ་རྗེ་ཅན་གྱི་ཟླ་གམ་དགུ། །པདྨ་དབང་གི་ཆུ་སྐྱེས་བརྒྱད། །རྡོ་རྗེ་ཉི་མ་རིན་ཆེན་དབྱིབས། །སྣ་ཚོགས་རྡོ་རྗེ་རྒྱ་གྲམ་ཅན། །རྟ་ཡི་རྒྱལ་པོ་ཡང་དག་གནས། །ཇི་སྲིད་འདོད་པ་ཅི་འབྱོར་བ། །ཇི་ལྟར་དུས་དང་ཅི་བདེ་བའི། །དཀྱིལ་འཁོར་ཀུན་ཏུ་གནས་པ་དཔལ། །ཕྲིན་ལས་ཀརྨའི་རིགས་ཡིན་ཕྱིར། །རྟ་མཆོག་ཕྱག་རྒྱ་ཅིར་ཡང་གསལ། །མཚམས་བཞི་ལས་བཞི་དཀྱིལ་འཁོར་དུ། །ལས་བཞིའི་རིགས་ཀྱི་རྒྱལ་པོ་ལ། །ལྷ་མོ་བཅུ་དྲུག་འཁོར་ལོ་ཆེ། །རྟ་བབས་བརྒྱད་ལྡན་ཏྭ་ར་ན། །མཛེས་པའི་རྒྱན་བཞི་འདེབས་པའི་ཚུལ། །ཕྱོགས་མཚམས་སྟེང་འོག་མཉམ་གནས་པས། །དུར་ཁྲོད་བརྒྱད་ཀྱིས་ཡོངས་སུ་བསྐོར། །མ་མོ་བརྒྱད་དང་ལྷ་ཆེན་བརྒྱད། །ཞིང་སྐྱོང་ཤིང་དང་ཀླུ་ཆེན་བརྒྱད། །ཤཱཀྱ་ཐུབ་མཛད་མཐར་ཕྱིན་ཅིང་། །མཆོད་རྟེན་བརྒྱད་ནི་བསྒོམ་ཚུལ་མཛད། །ཡེ་ཤེས་མེ་བརྒྱད་རབ་ཏུ་འབར། །བྱམས་པའི་ཆུ་ཆེན་བརྒྱད་འབབ་ཅིང་། །སྙིང་རྗེའི་བྲག་བརྒྱད་མཛེས་པར་བརྩེགས། །དགའ་བའི་སྤྲིན་བརྒྱད་ཀུན་ཏུ་འཐིབས། །བཏང་སྙོམས་རླུང་བརྒྱད་རབ་ཏུ་འབུད། །ཕྱོགས་སྐྱོང་བཅུ་ནི་རབ་ཏུ་གནས། །རབ་འབྲིང་ཐ་མའི་ཚོན་ཕྱེ་ལ། །སྔགས་ཀྱིས་བྱིན་བརླབས་པྲ་བརྟགས་ཏེ། །རིགས་ཀྱི་མདོག་ལ་གནས་འགྱུར་ཚོན། །ཚོམ་བུ་དགུ་པའི་དཀྱིལ་འཁོར་ནི། །རིགས་བསྡུས་ཆེན་པོར་བྲི་བ་དང་། །གདུལ་བྱ་འདུལ་ ― DNG011_Page_0615 ―
[མ་དཔེ་གཟིགས་ན་འདིར་གནོན།]
ཕྱིར་རེ་རེ་བཞེངས། །རབ་གནས་རྫོགས་པའི་དཀྱིལ་འཁོར་དང་། །སྐུ་གསུང་ཐུགས་ཀྱི་ཕྱག་རྒྱ་དང་། །འབྱོར་བའི་ལོངས་སྤྱོད་གང་ཡིན་པ། །རྒྱན་དང་མཚོན་ཆ་རིག་པས་སྦྱར། །སློབ་དཔོན་ཞུགས་ནས་སློབ་མ་འཇུག །གང་ལ་བབས་པའི་རིགས་ཀྱི་ལྷ། །སྤྱན་དབྱེ་གསང་བའི་དཀྱིལ་འཁོར་ལྟོས། །རིགས་དང་སྦྱར་ནས་དབང་ཡང་རྫོགས། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། དཀྱིལ་འཁོར་རྣལ་འབྱོར་སྤྲོས་པའི་ལེའུ་སྟེ་དྲུག་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས་གསང་བ་སྦྱིན་པ་ཞེས་བྱ་བ་འདི་གསུངས་སོ། །ལུས་ཀྱི་དཀྱིལ་འཁོར་གྲུ་བཞི་ལ། །རྡོ་རྗེ་མཆུ་དང་རྡོ་རྗེ་བཅས། །མཚོན་ཅན་པོ་དག་བསྒྲུབ་པ་ནི། །མཐུ་ཡིས་རབ་ཏུ་གྲུབ་པ་སྟེ། །པདྨའི་སྣོད་ཀྱི་ནང་དུ་གཞུག །ཆགས་པ་ཆེན་པོ་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །སངས་རྒྱས་ཀུན་གྱི་རྡོ་རྗེའི་ཐུགས། །དམ་ཚིག་འདི་ནི་འདའ་བར་དཀའ། །དེ་ཡི་མཚལ་དང་ཁུ་བ་དང་། །མཚལ་ཆེན་པོ་ཡི་བསྒྲུབ་པ་དག །ཆགས་པ་ཆེན་པོ་ལས་བྱུང་བས། །དམར་ཆེན་པོ་ཞེས་བྱ་བར་བཤད། །དམར་ཆེན་པོ་དང་ག་པུར་བཅས། །ཙནྡན་དམར་པོ་སྦྱར་བ་དག །ཚོགས་ཀྱི་དབུས་སུ་བཞག་པ་ནི། །ར་ས་ཡ་ན་ཀུན་སློང་བས། །རང་གི་ལྷ་ཡི་སྦྱོར་ལྡན་པས། །སྲིན་ལག་མཐེ་བོའི་རྩེ་མོ་ཡིས། །ཞིམ་པའི་བཏུང་བ་བཞིན་མྱངས་ན། །རྟག་པ་ཡི་ནི་དངོས་གྲུབ་ཐོབ། །བྷ་ག་པདྨའི་དཀྱིལ་འཁོར་དུ། །སྐལ་ལྡན་གསོལ་བཏབ་དམ་ཚིག་སྦྱིན། །དེ་ནས་ཁྲུས་བྱས་དྲིས་ལུས་བྱུག །ཅི་འབྱོར་བ་ཡི་གོས་དང་རྒྱན། །སྣ་ཚོགས་གོས་དག་བགོས་ནས་ནི། །ཁ་དྲི་ཞིམ་པའི་མེ་ཏོག་ཕྲེང་། །སྣ་ཚོགས་སྐལ་བ་བཟང་པོ་ཅན། །སློབ་མ་དལ་གྱིས་དལ་གྱིས་སུ། །གོས་དག་བཀབ་པའི་སྦྱོར་བ་ཡིས། །བདག་གི་འབྱུང་བ་སྐུལ་བར་བྱ། །རྫོགས་པའི་སངས་རྒྱས་ཉི་ཟླ་རྣམས། །ཤར་བ་དག་ནི་མཐོང་བ་ཡིས། །སྡིག་པ་ཀུན་ལས་གྲོལ་འགྱུར་ཞིང་། །བསོད་ནམས་ཐམས་ཅད་འགྲུབ་པར་འགྱུར། །རྣལ་འབྱོར་བདེ་ཆེན་དབང་འདོད་པ། །ཆོས་ཀྱི་དབྱིངས་ཀྱི་དཀྱིལ་འཁོར་དུ། །རིམ་དང་ཅིག་ཆར་འཇུག་པ་ཡིས། །དེ་ཉིད་ཡང་ ― DNG011_Page_0616 ―
[མ་དཔེ་གཟིགས་ན་འདིར་གནོན།]
དག་བསྒོམ་པ་ནི། །རིག་པ་རང་བཞིན་འོད་གསལ་བ། །དངོས་མེད་རྟོག་པའི་བག་ཆགས་དག །སྒྱུ་མ་མེ་ལོང་གཟུགས་བརྙན་འདྲ། །སྒྱུ་མས་སྒྱུ་མ་སྟོང་པས་ན། །སྒྱུ་མའི་རང་བཞིན་མི་དམིགས་ཕྱིར། །ཆོས་ཀྱི་སྐུ་འདི་ཤེས་པར་གྱིས། །ཇི་ལྟར་ནམ་མཁའ་དྭངས་པ་ལ། །རང་བཞིན་མེད་ལྟར་རང་སེམས་ཞོག །འོད་གསལ་ཆོས་སྐུ་རྟོག་མེད་ལ། །བསླད་པས་དྲི་མས་གོས་འགྱུར་ཕྱིར། །མ་བསླད་བུ་གཅིག་རང་སར་ཞོག །བརྗིད་པ་ཆེན་པོའི་ཁྲི་སྟེང་ན། །སྐལ་ལྡན་ཆེན་པོ་བཞག་ནས་ནི། །གདུགས་དང་རྒྱལ་མཚན་བ་དན་དང་། །རོལ་མོ་རྣམས་ཀྱིས་རྣམ་བརྒྱན་ནས། །བདུད་རྩི་རྣམ་རྒྱལ་བུམ་པའི་ཆུ། །རིགས་ཀྱི་ཅོད་པན་མཛེས་པར་བཅིང་། །ཁམས་གསུམ་ཀུན་གྱིས་ཕྱག་བྱས་པ། །གསང་བ་གསུམ་གྱི་གནས་ལས་བྱུང་། །དབང་བསྐུར་བ་ཡི་རྡོ་རྗེ་ཆེ། །མི་ལྡོག་པ་ཡི་དབང་བསྐུར་རོ། །སྐུ་དབང་མདའ་གཞུ་གཏད་པ་དང་། །ཤེས་རབ་དྲིལ་བུ་གསུང་གི་དབང་། །ཐུགས་ཀྱི་དབང་དུ་མེ་ལོང་བསྟན། །ཡོན་ཏན་ཡངས་པ་མིག་ཐུར་དབང་། །ཕྲིན་ལས་བརྟུལ་ཞུགས་ཆེན་པོའི་དབང་། །གདམས་ངག་འདེབས་པ་ཚིག་གི་དབང་། །གསང་བའི་མཚན་རྟགས་མིང་གི་དབང་། །ཉན་དང་འཆད་དང་བསྒྲུབ་པ་དང་། །ཕྲིན་ལས་དབང་རྣམས་རྫོགས་པར་བསྐུར། །འཁོར་ལོ་རྐང་པར་བཞག་བྱས་ནས། །ལག་པ་གཡས་པར་དུང་སྦྱིན་ཏེ། །གཡོན་པར་ལྕེ་ནི་སྦྱིན་པར་བྱ། །འཇིག་རྟེན་ཀུན་ལ་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་གྱུར་པ། །རྡོ་རྗེའི་འཁོར་ལོ་རབ་ཏུ་བསྐོར། །ཁྲོ་བོའི་འཁོར་ལོ་རབ་ཏུ་བསྐོར། །ནོར་བུའི་འཁོར་ལོ་རབ་ཏུ་བསྐོར། །པདྨའི་འཁོར་ལོ་རབ་ཏུ་བསྐོར། །སྣ་ཚོགས་འཁོར་ལོ་རབ་ཏུ་བསྐོར། །བྱ་སྤྱོད་རྣལ་འབྱོར་རྒྱུད་རྣམས་ལ། །འཁོར་ལོ་རབ་ཏུ་བསྐོར་བ་དང་། །བླ་མེད་རྣལ་འབྱོར་ཆེན་པོ་ལ། །མ་ཧཱ་ཨ་ནུ་ཨ་ཏི་ལ། །བློ་དང་མཐུན་སྦྱར་འཁོར་ལོ་བསྐོར། །འགྲོ་དྲུག་སེམས་ཅན་དབུགས་ཕྱུང་ཞིག །དྲི་ལྡན་ཡེ་ཤེས་མཉེས་བྱའི་ཕྱིར། །གང་ལ་ཡོངས་སུ་བཏང་དཀའ་བ། །གང་ཡིན་དེ་ནི་མཆོག་ཏུ་བཤད། །གང་ ― DNG011_Page_0617 ―
[མ་དཔེ་གཟིགས་ན་འདིར་གནོན།]
དང་གང་ལ་ཡིད་འོང་མཆོག །དེ་དང་དེ་ནི་བླ་མར་དབུལ། །ཡང་ན་ཤིན་ཏུ་ཁྱད་པར་ཅན། །བླ་མའི་སེམས་ལ་དགོས་པ་གང་། །དེ་དབུལ་ཡང་ན་ཞོ་ཤ་དབུལ། །དངོས་པོ་ཆུང་ལ་མཉེས་པ་མཆོག །རྡོ་རྗེ་སེམས་དཔའི་ཡོན་དབུལ་བའོ། །བུ་མོ་ཤིན་ཏུ་བརྒྱན་པ་འམ། །དེ་བཞིན་ཆུང་མ་སྡུག་པ་གང་། །ཕུལ་ནས་ཡོན་གྱིས་བསླུ་བ་ཡིན། །སངས་རྒྱས་བྱང་ཆུབ་མཆོག་ཡིན་ནོ། །རྡོ་རྗེ་རིགས་ལ་བདག་ཉིད་དབུལ། །སླར་ཡང་རིན་གྱིས་བསླུ་བར་བྱ། །རྡོ་རྗེ་འཛིན་པ་དཔལ་སྦྱོར་བའི། །འབུལ་བ་ཡོན་གྱི་མཆོག་ཡིན་ནོ། །མུ་ཏིག་བཟང་པོ་ནོར་བུ་དང་། །ཤིན་ཏུ་དཀར་བའི་རས་ཟུང་དང་། །དེ་བཞིན་རྟ་ནི་དཀར་པོ་དག །པདྨ་ཅན་གྱི་ཡོན་མཆོག་ཡིན། །རྒྱལ་རིགས་ལོངས་སྤྱོད་གཏེར་རྣམས་དང་། །གོས་དང་རྒྱན་གྱི་ཚོགས་རྣམས་དང་། །དེ་བཞིན་མཆོད་པ་ཐམས་ཅད་ནི། །རྡོ་རྗེ་ཉི་མའི་ཡོན་ཡིན་ནོ། །ཤིན་ཏུ་བརྒྱན་པའི་རྟ་དག་དང་། །གླང་པོ་ཤིན་ཏུ་བརྒྱན་པ་ཡང་། །ཤིང་རྟ་རིན་ཆེན་གང་བ་དང་། །རྟ་དག་རྟ་མཆོག་ཡོན་ཡིན་ནོ། །བླ་མ་མཉེས་པར་གང་བྱས་པ། །དེ་ནི་ཆུང་ཡང་མཆོག་ཡིན་ཏེ། །ཆེ་སྟེ་རིན་ཆེན་རི་རབ་ཙམ། །ཆུང་སྟེ་ཁབ་སྐུད་ཡན་ཆད་ལ། །བླ་མ་མཉེས་པ་གང་འབུལ་བ། །དཀྱིལ་འཁོར་དགུ་ཡི་ཡོན་ཡིན་ནོ། །རྒྱུད་ཀྱི་རྒྱལ་པོ་སངས་རྒྱས་མཉམ་པར་སྦྱོར་བ་ལས། དབང་བསྐུར་ཕྱག་རྒྱའི་ལེའུ་སྟེ་རྟོག་པ་བདུན་པའོ།། །།དེ་ནས་ཐབས་ཡོད་པར་བྱིན་གྱིས་བརླབས་པ་ཞེས་བྱ་བ་འདི་གསུངས་སོ། །བླ་མེད་གསང་ཞུགས་སྐལ་བཟང་པོ། །ཇི་ལྟར་རྒྱུད་འཕེལ་གྲུབ་འཛིན་པ། །རྩ་བ་སྐུ་གསུང་ཐུགས་རྣམས་བསྲུང་། །དུས་བཞིར་རིགས་དྲུག་སྐུར་བསྒོམ་ཞིང་། །གསང་སྔགས་ཕྲེང་བ་ངག་ལ་འཆང་། །རྫོགས་པའི་རིམ་པ་སྒོམ་བྱེད་པ། །སྦྱོར་ལམ་ཀུན་ལས་ཉམས་པ་མེད། །ཞིང་དང་སྔགས་དང་ལས་སྐྱེས་མ། །མཚན་བཟང་གང་ཡིན་བདེ་བ་སྐྱེ། །དམ་ཚིག་གསང་བ་ཀུན་ཏུ་བསྲུང་། །ཞིང་བཅུའི་ཚོགས་ལ་གནས་སྤོར་ཅིང་། །འགལ་བ་དག་ལ་མཚོན་ཆའི་ཆར། །ཕབ་ནས་བདེ་བར་གཤེགས་ལ་འབུལ། །ཡུམ་དྲུག་དམ་ཚིག་ལ་གནས་ཕྱིར། །དམ་ཚིག་དམ་པ་ ― DNG011_Page_0618 ―
[མ་དཔེ་གཟིགས་ན་འདིར་གནོན།]
སྔགས་ཀྱི་སྒྲ། །ན་མོ་ཤྟུ་སརྦ་བྷུདྡྷེ་བྷྱཿ། ཞེས་པའི་ཕྱག་རྒྱ་ལ་གནས་ན། །ལས་དང་མཆོད་པ་མ་ལུས་པ། །ལུས་པ་མེད་པ་ཐམས་ཅད་འགྲུབ། །རབ་བྱུང་རྣམས་ཀྱི་གྲུབ་པ་ཀུན། །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །ལན་གཅིག་བརྗོད་པས་འགྲུབ་པའི་ཕྱིར། །དམ་ཚིག་ཆོས་ཀྱི་ཕྱག་རྒྱ་འདིས། །གང་དག་བྱས་པར་མ་གྱུར་ཅིག །སྤེལ་བ་དག་ཀྱང་མ་གྱུར་ཅིག །དམ་པ་རྒྱ་ཆེན་དེ་དག་མེད། །ཨོཾ་རུ་རུ་སྤུ་རུ་ཛྭ་ལ་ཏིཥྛ་སིཌྜྷ་ལོ་ཙ་ན་སརྦ་ཨརྠ་སཱ་དྷ་ནི་སྭཱ་ཧཱ། ཆོས་ཀྱི་ཕྱག་རྒྱ་མཆོག་འདི་ནི། །སེམས་ཅན་ཐམས་ཅད་བྱ་བྱེད་པ། །སྟོབས་ཀྱིས་མྱུར་དུ་བཀུག་ནས་ནི། །བྲན་བཞིན་དེ་ནི་བྱེད་དུ་འཇུག །དྷུ་བ་བྷ་ག་ཏ་མ་ཧཱ་དེ་བི་ཧི་རི་མི་རི་ནི་ཤྲེ་ཡ། ཆོས་ཀྱི་དམ་པ་ཕྱག་རྒྱ་འདི། །འདོད་པ་བདེ་བ་ཀུན་སྦྱིན་པའོ། །ཨཱོཾ་ཏཱ་རེ་ཏུཏྟཱ་རེ་སྭཱ་ཧཱ། ཆོས་ཀྱི་ཕྱག་རྒྱ་ལ་གནས་པ། །སངས་རྒྱས་བྱང་ཆུབ་རབ་བསྒྲུབ་ནས། །བུད་མེད་གཞན་ལྟ་ཅི་ཞིག་སྨོས། །ཏྲཾ་བ་བ་ཏ་ཏ་ཊ་ཊ་ཊ། རེ་བ་ཐམས་ཅད་ཀུན་རྫོགས་པ། །ཆོས་ཀྱི་ཕྱག་རྒྱ་དམ་པ་འདི། །རེ་བ་ཐམས་ཅད་རྫོགས་བྱེད་པའོ། །ཤྲཱི་བཛྲ་པདྨ་བ་ཏ་བ་མུ་ཁ་ཡོ་གཱི་ཤྭ་རི་ཧི་ཧི་ཧི་ཧི་ཧི། ཆོས་ཀྱི་ཕྱག་རྒྱ་དམ་པ་འདི། །འཇིག་རྟེན་ཐམས་ཅད་རབ་ཏུ་འཇིག །འདི་རྣམས་དམ་ཚིག་མཆོག་ཡིན་ཏེ། །ཆོས་ཀྱི་ཕྱག་རྒྱ་ཤེས་པའོ། །ཞེ་སྡང་ཆེན་པོས་ཞེ་སྡང་བ། །གཏི་མུག་ཆེན་པོས་གཏི་མུག་ཆེ། །ང་རྒྱལ་ང་རྒྱལ་དག་ལ་གནས། །འདོད་ཆགས་ཅན་ལ་འདོད་ཆགས་སྦྱོར། །དེ་བཞིན་ཕྲག་དོག་ཕྲག་དོག་ཉིད། །ཁོང་ཁྲོ་རབ་ཏུ་གཏུམ་གདུག་ཅན། །དྲག་པོ་འཇིགས་བྱེད་འཇིགས་པར་བྱེད། །རིགས་ཀྱི་དམ་ཚིག་ཆེན་པོ་ནི། །རིགས་དྲུག་འགྲོ་དྲུག་ཐབས་ཀྱིས་འདུལ། །དམ་ཚིག་རྣམ་པ་ཅིར་སྣང་ཡང་། །ཆོས་ཉིད་ངང་ལས་མ་ཡེངས་པར། །རྩ་བ་ཡན་ལག་མི་འདའ་བར། །གྲུབ་པ་ཐམས་ཅད་ཡོངས་སུ་རྫོགས། །སློབ་དཔོན་ལ་ནི་རྟག་ཏུ་གུས། །མཆེད་ལ་གདུང་ཞིང་གསང་བ་ཐུབ། །སྔགས་དང་ཕྱག་རྒྱ་རྒྱུན་མི་གཅད། །རིག་པ་ཉིད་དེ་སྐྱེས་པའོ། །ཞེས་གསུངས་སོ། །རྒྱུད་ཀྱི་རྒྱལ་པོ་སངས་རྒྱས་མཉམ་ ― DNG011_Page_0619 ―
[མ་དཔེ་གཟིགས་ན་འདིར་གནོན།]
སྦྱོར་ལས། ཐམས་ཅད་ཡོད་པ་དམ་ཚིག་གི་ལེའུ་སྟེ་རྟོག་པ་བརྒྱད་པའོ།། །།དེ་ནས་དེ་བཞིན་གཤེགས་པ་རྣམས་ཀྱིས་སྣ་ཚོགས་རབ་ཏུ་གསལ་བ་ཞེས་བྱ་བ་འདི་གསུངས་སོ། །འགྲོ་བའི་འཁོར་ལོ་མཆོད་པ་ནི། །ཡོངས་གྲུབ་འདོད་ཡོན་ལྷ་སྐུར་གསལ། །གཞན་ཡང་འདོད་ཡོན་ལྷ་མོར་བཅས། །རིགས་དྲུག་ལྷ་ཚོགས་རྣམ་པར་མཆོད། །འདུག་པའི་འཁོར་ལོ་བསྒོམ་པ་ནི། །དཔྲལ་བ་མགྲིན་པ་སྙིང་ག་སྤྱི། །ལྟེ་བ་ལྐོག་མ་གསང་བ་རུ། །རྣལ་འབྱོར་འཁོར་ལོ་དྲུག་བསྒོམ་སྟེ། །ལག་པ་གཟར་བུ་རྣམ་གཉིས་ཀྱིས། །ལུས་ཀྱི་དཀྱིལ་འཁོར་མཆོད་ནས་ནི། །ཡེ་ཤེས་མེས་ནི་བག་ཆགས་བསྲེག །ཐལ་བ་བཤང་ལམ་ལས་བྱུང་བ། །ནང་གི་སྦྱིན་སྲེག་མཆོད་པའོ། །ཕྲིན་ལས་འཁོར་ལོ་བསྒོམ་པ་ནི། །དགེ་དང་མི་དགེ་ལུང་མ་བསྟན། །ལུས་ངག་སྤྱོད་པ་རྣམ་དག་པ། །འོད་གསལ་ཆོས་སྐུ་བསྒོམ་པར་བྱ། །ཕྲིན་ལས་སྒྲིབ་དག་མཆོད་པའོ། །ཉམས་ཆག་སྐོང་བའི་འཁོར་ལོ་བསྐོར་བ་ནི། །རིགས་དྲུག་ལྷ་ཡི་ཐུགས་ཀ་རུ། །རྟ་མཆོག་འཁོར་ལོ་ཉིད་བསྒོམས་ནས། །དེ་ལ་དབང་ལྔ་བསྐུར་བྱས་ན། །ཉམས་པ་དག་པར་བྱེད་པ་སྟེ། །དམ་ཚིག་ཉམས་པ་དབང་བསྐུར་མཆོད་པའོ། །རྟོག་པ་འཁྲུལ་པའི་འཁོར་ལོ་བསྒོམ་པ་ནི། །རྣམ་རྟོག་ཤས་ཆེའི་རྣལ་འབྱོར་པས། །ཁྲུས་ཀྱི་འཁོར་ལོ་བསྒོམ་པ་སྟེ། །རིགས་དྲུག་མདུན་དུ་འཁོར་ལོ་དྲུག །བུམ་པ་དྲུག་ནི་རྫས་དང་ལྡན། །ལྷ་བསྒོམས་སྔགས་ནི་གྲངས་རྫོགས་ནས། །བཀྲུས་པས་འདག་པའི་མཆོད་པའོ། །ལེ་ལོ་གཞོམ་པའི་འཁོར་ལོ་ནི། །ལེ་ལོ་ཤས་ཆེའི་རྣལ་འབྱོར་པས། །རྒྱུན་ཆད་མེད་པ་ཐུན་བཞི་རུ། །ལྷ་ཡི་འཁོར་ལོ་སྤྲོ་བསྡུ་བསྒོམ། །ལྡང་བ་སྤྲུལ་པའི་སྐུ་ཡིན་ཏེ། །རྨི་ལམ་ལོངས་སྤྱོད་རྫོགས་པའི་སྐུ། །གཉིད་ལོག་ཆོས་སྐུར་བསྒོམ་པར་བྱ། །ལེ་ལོ་འཇོམས་པའི་མཆོད་པའོ། །ཡིད་སྐྱོ་གསང་བའི་འཁོར་ལོ་ནི། །ཡིད་ནི་སྐྱོ་བའི་རྣལ་འབྱོར་པས། །རྒྱུན་དུ་ལྷ་ཡི་རྣལ་འབྱོར་གོམས། །དང་པོའི་ལས་ཀྱི་རྣལ་འབྱོར་པས། །གྲངས་དུས་མཚན་ ― DNG011_Page_0620 ―
[མ་དཔེ་གཟིགས་ན་འདིར་གནོན།]
མའི་བསྙེན་པ་སྐྱོལ། །ཡིད་སྐྱོ་གསང་བའི་མཆོད་པའོ། །མི་བརྟན་པ་ཡི་འཁོར་ལོ་ནི། །མཚན་མ་ཐོབ་པའི་རྣལ་འབྱོར་པས། །མཚན་མ་བརྟན་པར་བསྒོམ་པར་བྱ། །བརྟན་པ་ཐོབ་པའི་མཆོད་པའོ། །བརྟན་པ་ཡང་དག་སྦྱོར་བའི་འཁོར་ལོ་ནི། །མཚན་ཐོབ་མངོན་ཤེས་སྐྱེས་པའི་རྣལ་འབྱོར་པས། །མཆོག་གི་དངོས་གྲུབ་ཡང་དག་ཡེ་ཤེས་བསྒོམ། །ཡང་དག་དབང་བར་བསྒོམ་པའི་མཆོད་པའོ། །འདི་ལྟར་གནས་པའི་རྣལ་འབྱོར་གང་ཡིན་པ། །རབ་ནི་སྐུ་ལྔ་ལྷུན་གྲུབ་ཐོབ། །འབྲིང་ནི་རིག་འཛིན་རྣམ་བཞིའི་ལུས། །ཐ་མ་ལྷ་མིའི་མཚན་རྫོགས་པ། །འགྲུབ་པར་འགྱུར་བ་གདོན་མི་ཟ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་འདི་གསུངས་སོ། །རང་གི་ལྷ་ཡི་རྣལ་འབྱོར་པས། །གདོང་རྒྱན་གོན་ཏེ་བསྒྲུབ་པ་ནི། །གསང་སྔགས་བརྗོད་ན་འགྲུབ་པ་སྟེ། །ཨོཾ་ཊྭཱཾ་ཀི་ཧཱུཾ་ཛ། ལྷར་གསལ་ཉིན་རེ་དེ་བརྗོད་ན། །རྡོ་རྗེ་སེམས་དཔའི་དངོས་གྲུབ་ཐོབ། །རྡོ་རྗེ་མཁའ་འགྲོའི་དངོས་གྲུབ་ནི། །བདེ་མཆོག་མ་ཡི་ཏིང་འཛིན་གྱིས། །ཙྪིར་བཟླས་བསྒྲུབ་བྱའི་སྙིང་གཅོད་འགྱུར། །རྡོ་རྗེ་མཁའ་འགྲོའི་རྣལ་འབྱོར་གྱིས། །ཙི་གིས་བསྒྲུབ་བྱའི་སྙིང་བཅད་ནས། །ཨོཾ་ཙྪི་དཾ་ཙྪི་དཾ་ཧཱུཾ་ཕཊ། བཟླས་ན་བསྒྲུབ་བྱ་གང་ཡིན་པ། །མ་ཤིའི་བར་དུ་འགུགས་པར་བྱེད། །ཁྲག་འཐུང་ཆེན་པོ་སྨེ་ཤ་ནི། །བསྒོམས་ཏེ་འདི་ཉིད་ངག་ཏུ་བརྗོད། །ཨོཾ་ཤུཥྛི་མུ། བཟླས་ན་མཁའ་འགྲོ་ཐམས་ཅད་འགྲུབ། །བྱིན་རླབས་མངོན་སུམ་ལམ་མཁས་པ། །རྣལ་འབྱོར་ཅན་གྱི་སྒྲུབ་པ་པོས། །ཨོཾ་ཌཱཀྐི་ནི་ཧཱུཾ་ཛ། བཟླས་ན་ཉེས་པ་ཀུན་ལས་གྲོལ། །རིགས་དྲུག་བསྒོམ་པའི་རྣལ་འབྱོར་པས། །དགེ་བའི་བརྟུལ་ཞུགས་བྱས་ནས་ནི། །སོ་བསྡམས་ལྕེ་རྩེ་རྐན་གཏད་ནས། །ཨོཾ་ཨཱཿཧཱུཾ་ཞེས་བརྗོད་ན། རྡོ་རྗེའི་བཟླས་པ་དེ་ཡིས་ནི། །རྒྱལ་བ་ཀུན་གྱི་སྐུ་གསུང་ཐུགས། །ཐིག་ལེ་སྟོང་པ་ཡི་གེ་གསུམ། །ཀུན་དང་མཐུན་པ་དེ་ཉིད་ཐོབ། །བཞེངས་བཞུགས་སྤྱོད་ལམ་ཐམས་ ― DNG011_Page_0621 ―
[མ་དཔེ་གཟིགས་ན་འདིར་གནོན།]
ཅད་དུ། །ཧཱུཾ་ལས་བྱུང་བའི་ཧེ་རུ་ཀ །མཐིང་ནག་ཞལ་གཅིག་ཕྱག་བཞི་པ། །སྟོང་ཉིད་རྡོ་རྗེ་ཐབས་ཀྱི་མདའ། །སྐུ་ཡི་ཁ་ཊྭཱཾ་ཤེས་རབ་གཞུ། །རང་གི་ཕྱག་ཏུ་རྣམ་པར་འཛིན། །ཀོའུ་རི་ལ་སོགས་མ་མོ་བརྒྱད། །ཟླ་གམ་དགུ་པའི་དཀྱིལ་འཁོར་མཆོག །འབྲུ་བརྒྱད་བསྙེན་པ་ངག་ཏུ་བརྗོད། །སྔགས་འདིས་ཡོངས་རྫོགས་ཆུ་བུར་བ། །ཨཱོཾ་བཛྲ་ཤྲཱི་ཧེ་རུ་ཀ་མ་དྷ་སརྦ་དུཥྚན། སྐུར་གསལ་རྣལ་འབྱོར་དེ་ཉིད་ལ། །བཀའ་ཉན་གོ་བསྒོས་བཅིངས་པ་ན། །བགེགས་ཀྱི་སྦྱོར་བ་ཀུན་དང་བྲལ། །ཀཾ་ལས་རྡོ་རྗེ་གོ་ཁྲབ་སྟེ། །ཧཾ་ཞེས་རྡོ་རྗེ་རྒྱུན་ཐག་བསྡམས། །ཨཱོཾ་ལས་རིན་ཆེན་ཧཱུཾ་རིན་ཆེན། །ཐག་གཉིས་མཛུབ་གུ་ལ་བཅིང་ངོ་། །རཏྣ་མཱ་ལེ་ཨ་བྷི་ཥཱིཉྩ། རིན་ཆེན་ཕྲེང་བས་བཅིང་བ་དང་། །པ་ཊ་ལཾ། དར་དཔྱངས་དཀར་པོ་གཡས་སུ་འཕུར། །ཨ་བྷི་ཥཱིཉྩ་ལཾ། དར་དཔྱངས་དམར་པོ་གཡོན་དུ་འཕུར་བའོ། །དུར་ཁྲོད་ཐོད་པའི་ཁང་པ་རུ། །ཧཱུཾ་ཡིག་རྡོ་རྗེ་ཡོངས་གྱུར་པས། །ཨོཾ་ཤྲཱི་ཧེ་རུ་ཀ་ཧཱུཾ་ཞེས་པ། བརྗོད་འགྱིང་ནག་པོ་རྡོ་རྗེ་འཕྱར། །དུང་དམར་བ་དན་ཁ་ཊྭཱཾ་བཅས། །ཨཱོཾ་བཛྲ་ཧེ་རུ་ཀ་ཀྴ་པ་རུ་ལུ་རུ་ལུ་ཧཱུཾ་བྷྱོ་ཧཱུཾ། གསང་སྔགས་འདི་ལ་གནས་གྱུར་ན། །ད་ལྟ་ཉིད་དུ་སངས་རྒྱས་པའོ། །ཞེས་གསུངས་སོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། ལས་སྣ་ཚོགས་པར་ལས་ཀྱི་ཕྲེང་བའི་ལེའུ་སྟེ་རྟོག་པ་དགུ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་ཡོངས་སུ་བརྗོད་པ་ཞེས་བྱ་བ་འདི་གསུངས་སོ། །ཨོཾ་མཉམ་ཉིད་མི་གཡོ་མཉམ་ཉིད་མཆོག་གི་ཆོས་ཉིད་ཅན། །ཐུགས་རྗེའི་བདག་ཉིད་འགྲོ་བའི་སྡུག་བསྔལ་སེལ་བར་མཛད། །ཡོན་ཏན་མཐའ་ཡས་དངོས་གྲུབ་ཐབས་ཅད་སྦྱིན་མཛད་པ། །དྲི་མེད་མི་གཡོ་མཉམ་ཉིད་དམ་པའི་མཆོག་ཆོས་ཅན། །ཡོན་ཏན་ཤིན་ཏུ་ཕྲ་བའི་ཆ་ལའང་ཚད་མེད་དེ། །དཔེ་ནི་ནམ་མཁའ་ལ་ཡང་ཀུན་ཏུ་ཡོད་པ་མིན། །དངོས་གྲུབ་མཐའ་ཡས་མཉམ་མེད་དཔེ་དང་བྲལ་བའི་རྣམས། །སེམས་ཅན་ཁམས་ལ་དངོས་གྲུབ་མཆོག་རྣམས་ངེས་པར་སྩོལ། །རྟག་ཏུ་དྲི་མ་མེད་པ་ཐུགས་རྗེའི་ཤུགས་ལས་བྱུང་། །སྨོན་ལམ་འགྲུབ་པ་འགག་པ་མེད་པའི་ཆོས་ཉིད་ ― DNG011_Page_0622 ―
[མ་དཔེ་གཟིགས་ན་འདིར་གནོན།]
ཅན། །འགྲོ་བའི་དོན་གྲུབ་རབ་ཏུ་བརྩོན་པ་མཐའ་ཡས་པ། །ཐུགས་རྗེ་ཆེན་པོའི་བདག་ཉིད་རྟག་ཏུ་རྣམ་པར་སྣང་། །ཚད་མེད་ཚད་དང་བྲལ་བ་ཤིན་ཏུ་རྫོགས་པ་ཡི། །བདེ་བར་གཤེགས་པའི་གོ་འཕང་དམ་པ་ཤིན་ཏུ་བརྙེས་གྱུར་ཀྱང་། །ཁམས་གསུམ་རྣམས་ལ་དངོས་གྲུབ་མཆོག་སྩོལ་མཛད་པ་ཡི། །ཐུགས་རྗེའི་སྤྱོད་པ་མི་གཡོ་འགག་པར་ཡང་མི་འགྱུར། །ཨེ་མ་ཧོ་ཤིན་ཏུ་བཟང་པོའི་ཆོས་ཉིད་མཆོག་དང་ལྡན། །མཆོག་སྦྱིན་རྣམས་ཀྱི་ནང་ན་གོ་འཕང་མཆོག་བརྙེས་པས། །ཁམས་གསུམ་ཀུན་ལ་དངོས་གྲུབ་མཆོག་སྩོལ་མཛད་པ་ཡི། །མགོན་པོ་དུས་གསུམ་སྒྲིབ་པ་མེད་པར་རབ་མཁྱེན་པ། །དམ་ཚིག་མཆོག་གསུམ་དངོས་གྲུབ་དམ་པ་བདག་ལ་སྩོལ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཤིན་ཏུ་གདུག་པ་འདུལ་བའི་ཚོགས་རྣམས་ལ་ཡོན་ཏན་བསྔགས་པ་འདི་གསུངས་སོ། །སྒེག་པ་དཔའ་བ་འཇིགས་སུ་རུངས་པ་དང་། །རྒོད་དང་གཤེ་དང་རྔམས་པའི་ང་རོ་དང་། །སྙིང་རྗེ་རྔམ་དང་ངོ་མཚར་ཆེན་པོ་དང་། །སྐུ་ཡི་དངོས་པོ་ཤིན་ཏུ་འགྱུར་བའི་གར། །དུར་ཁྲོད་རུས་པའི་རྒྱན་རྣམས་རབ་ཏུ་མཛད། །ཐེག་མཆོག་གླང་ཆེན་ཀོ་བ་བརྗིད་དང་ལྡན། །ཐབས་མཁས་ཞིང་ཆེན་པགས་པ་མཛེས་པའི་རྒྱན། །འཇོ་སྒེག་སྟག་གི་པགས་པ་ཆོས་ཉིད་རྒྱན། །རཀྟ་ཐལ་ཆེན་ཞག་གིས་མི་སྲིན་དབང་དུ་སྡུད། །བདུད་དང་སྲིན་པོ་ཚར་གཅོད་རཱུ་ཏྲ་སྒྲོལ། །དཔའ་རྟགས་མཚོན་ཆ་ཐབས་ཀྱི་ཡེ་ཤེས་མེ། །བདུད་ཀྱི་བདུད་འཇོམས་བདུད་དཔུང་ཐལ་བར་རློག །དྲག་པོ་དྲག་ཆེན་དྲག་རྒྱལ་ཧེ་རུ་ཀ །མཚན་དཔེས་རྒྱན་ལྡན་འགྲོ་བའི་དོན་མཛད་པ། །སྐུ་ཡི་གར་མཛད་གསང་སྒོར་འགྲོ་བ་འཇུག །ཏུག་ཆོམ་འབྲུག་སྒྲ་སྟོང་ཁམས་བགེགས་ལ་སྒྲོགས། །གད་རྒྱངས་གད་མོས་གསང་བའི་བཤུགས་གླུ་ལེན། །རྟག་ཆད་མུ་སྟེགས་འགོག་པ་ཉན་ཐོས་བུ། །དམན་པའི་ཐེག་པ་ལོག་ལྟ་འབྱུང་པོ་འདུལ། །སེང་གེའི་ང་རོས་གཅན་གཟན་གདུག་པ་འདུལ། །ཚངས་པའི་དབྱངས་ཀྱིས་སྐལ་ལྡན་རྣལ་འབྱོར་སྐྱོང་། །ཆོས་འཆད་ལོག་ལྟ་ཚར་གཅོད་བདུད་དྲེགས་འདུལ། །ངན་སོང་སྟོངས་མཛད་ཐར་པའི་ལམ་ལ་འགོད། །ཐུགས་རྗེས་འདྲེན་པ་སྙིང་རྗེའི་རྒྱུག་ཐག་ཅན། །སྨོན་འཇུག་སེམས་ལྔ་བསྐྱེད་ ― DNG011_Page_0623 ―
[མ་དཔེ་གཟིགས་ན་འདིར་གནོན།]
ཅིང་ཉོན་མོངས་འདུལ། །ཞི་དེས་བྱམས་པའི་གསང་བ་ཀུན་ལ་སྒྲོགས། །འདུལ་སྤྲུལ་མ་ངེས་ངེས་པའི་སྐུར་སྟོན་ཅིང་། །ངོ་མཚར་གཟུགས་སྣང་ཁང་སྟོང་ནམ་མཁའི་འཇའ། །སེམས་ཅན་དོན་མཛད་འདུལ་སྒོ་ཉོན་མོངས་ཞི། །རིག་པའི་རྒྱལ་པོ་བླ་མེད་ཧེ་རུ་ཀ །རིག་འཛིན་རྣལ་འབྱོར་དངོས་གྲུབ་མཆོག་སྩོལ་མཛད། །རྣམ་དག་སྐུ་ལྔ་འཇིགས་པས་ནམ་མཁའ་འདྲ། །ཤ་དང་ཁྲག་མེད་སྟོང་པ་ཡེ་ཤེས་སྐུ། །གདོས་བཅས་དུག་འཇོམས་དཔའ་བོ་འཇིགས་པ་བྲལ། །སྐུ་གསུམ་ལྷུན་གྲུབ་བརྡལ་བ་ཐིག་ལེ་ཆེ། །སྣང་སྟོང་དབྱེར་མེད་ཤེས་རབ་ཐབས་ལྡན་སྐུ། །འཁོར་དང་མྱ་ངན་འདས་པ་རྫོགས་པར་རོལ། །རྒྱུད་ཀྱི་རྒྱལ་པོ་ཆེན་པོ་སངས་རྒྱས་མཉམ་སྦྱོར་ལས། ཡོན་ཏན་ཡོངས་སུ་བརྗོད་པའི་ལེའུ་སྟེ་རྟོག་པ་བཅུ་པའོ།། །།དེ་ནས་དེ་བཞིན་གཤེགས་པ་སྲས་སངས་རྒྱས་བྱང་ཆུབ་སྐལ་ལྡན་མ་དང་། ཞལ་བཟང་མ་དང་། ཀུན་བཟང་མ་དང་། མི་བཟང་མ་དང་། སྤྲིན་ཆེན་མ་དང་། ནམ་མཁའ་སྤྱན་མ་དང་། སངས་རྒྱས་དབྱངས་མ་དང་། དབང་མོ་དང་། བདེ་མཆོག་མ་དང་། ཨེ་མ་བདེ་བ་དང་། སྒྲོལ་མ་དང་། ཟླ་བ་མོ་དང་། སངས་རྒྱས་བྱང་ཆུབ་མ་དང་། ཆོས་ཀྱི་འཁོར་ལོ་མ་དང་། ཀུན་བཟང་མ་དང་། ཀཽ་རི་མ་དང་། ཙཽ་རི་དང་། བྲ་མོ་ཧ་དང་། བེ་ཏཱ་ལི་དང་། པུཀྐ་སི་དང་། གྷསྨ་རི་དང་། ཙནྡྷ་ལི་དང་། སྨ་ཤ་ནི་དང་། མདའ་འཛིན་མ་དང་། ཁ་ཊྭཱཾ་འཛིན་མ་དང་། འཁོར་ལོ་འཛིན་མ་དང་། སྣ་ཚོགས་བ་དན་འཛིན་མ་དང་། དབང་སྐུར་མ་དང་། གཏེར་ལྡན་མ་དང་། རྒྱལ་མཚན་མཆོག་དང་། མཆོད་རྟེན་མ་དང་། མདའ་གཞུ་འཛིན་མ་དང་། རལ་གྲི་འཛིན་མ་དང་། ཉི་མ་འཛིན་མ་དང་། སྦྱིན་སྲེག་མ་དང་། རྣམ་གཟིགས་མ་དང་། སྒྲོལ་མ་རི་མི་དང་། ས་འཛིན་མ་དང་། ཁྲོ་གཉེར་མ་དང་། གཏུམ་པའི་དབང་ཕྱུག་མ་དང་། སྣ་ཚོགས་པདྨ་དང་། པདྨའི་ན་བཟའ་མ་དང་། འདོད་པའི་དབང་མོ་དང་། སྣ་ཚོགས་པདྨ་རྒྱ་གྲམ་མ་དང་། སྣ་ཚོགས་རྡོ་རྗེ་མ་དང་། གླིང་བུ་མ་དང་། པི་ཝང་མ་དང་། རྔ་ཆེན་མ་དང་། རྫ་རྔ་མ་དང་། མེ་ཏོག་མ་དང་། བདུག་པ་མ་དང་། མར་མེ་མ་དང་། དྲི་ཆབ་མ་དང་། ལ་མ་དང་། མཱ་ལེ་མ་དང་། གཱིརྟི་མ་དང་། ནཱིརྟི་མ་དང་། གཟུགས་རྡོ་རྗེ་མ་དང་། སྒྲ་རྡོ་རྗེ་མ་དང་། དྲི་རྡོ་རྗེ་མ་དང་། རོ་རྡོ་རྗེ་མ་དང་། ལྕགས་ ― DNG011_Page_0624 ―
[མ་དཔེ་གཟིགས་ན་འདིར་གནོན།]
ཀྱུ་འཛིན་མ་དང་། ཞགས་པ་འཛིན་མ་དང་། ལྕགས་སྒྲོགས་འཛིན་མ་དང་། དྲིལ་བུ་འཛིན་མ་དང་། གཞན་ཡང་དཔའ་བོ་ཐམས་ཅད་དང་། དཔའ་མོ་ཐམས་ཅད་དང་། རིག་འཛིན་ཐམས་ཅད་དང་། བྱང་ཆུབ་སེམས་དཔའི་རིགས་སུ་གྱུར་པ་ཐམས་ཅད་དང་། གསང་བའི་རིགས་སུ་གྱུར་པ་ཐམས་ཅད་ཀྱིས། མཉེས་པ་ཆེན་པོའི་མཆོད་པས་མཆོད་དོ། །རྟོག་པའི་རྒྱལ་པོ་ཉིད་ལ་རྗེས་སུ་ཡི་རང་བར་མཛད་པའི་ཕྱིར། ཉིད་ལ་ཉིད་སྣང་ངོ་། །ཉིད་ལ་ཉིད་སྤྱོད་དོ། །ཉིད་ལ་ཉིད་གནས་སོ། །ཉིད་ལ་ཉིད་སྡུད་དོ། །ཉིད་ལ་ཉིད་སྤེལ་ལོ། །ཉིད་ལ་ཉིད་སྒྲོགས་སོ། །ཡོངས་སུ་སྤྲོའོ། །ཤིན་ཏུ་སྤྲོའོ། །ཡོངས་སུ་ཤིན་ཏུ་སྤྲོའོ། །སྤྲོ་བ་དེ་ཉིད་དབྱེར་མེད་པར་གྱུར་ཏེ། གཞི་འདུས་པའི་རྒྱུད་བསྟན་ཏོ། །ལམ་སྤྲོས་པའི་རྒྱུད་དུ་སྟོན་ཏོ། །འབྲས་བུ་ཡོངས་སུ་འདུས་པའི་རྒྱུད་དུ་སྟོན་ཏོ། །མང་དུ་བསྐྱེད་པའི་རྒྱུད་དུ་བསྟན་ཏོ། །ཉུང་ངུ་སྡུད་པའི་རྒྱུད་དུ་བསྟན་ཏོ། །ཡོངས་སུ་འདུས་པ་རྩ་བར་བསྟན་ཏོ། །ཡོངས་སུ་བཀོད་པ་བཤད་པར་བསྟན་ཏོ། །ལྐོག་ཏུ་གྱུར་པར་སྟོན་པ་ཁ་སྐོང་བསྟན་ཏོ། །མདུད་པ་དགྲོལ་བར་དཀའ་བ་གཅོད་པར་བསྟན་ཏོ། །དེས་དེ་བཞིན་དུ་གསུངས་སོ། །དེ་ནས་དེ་བཞིན་དུ་མཁྱེན་ཏོ། །དེ་རྣམས་དེ་བཞིན་དུ་ཡི་རང་བར་གྱུར་ཏོ། །མངོན་པར་འདུད་པར་གྱུར་ཏོ། །དེ་ཉིད་དེ་བཞིན་དུ་གྱུར་ཏོ། །དེ་ཉིད་དེ་བཞིན་སྡུད་དོ། །དེ་ཉིད་དེ་བཞིན་བསྡུས་ནས་དེ་བཞིན་དུ་གསུངས་སོ། །ཡོངས་སུ་གསུངས་སོ། །རྣམ་པར་གསུངས་སོ། །དེ་ཉིད་གསུངས་པ་བཞིན་འཛིན། ཡོངས་སུ་འཛིན་ཏོ། །རྣམ་པར་འཛིན་ཏོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། ཡོངས་སུ་བཀོད་པའི་རྟོག་པ་ལ་རྗེས་སུ་ཡི་རང་ཞིང་བསྟན་པ་གཏད་པའི་ལེའུ་སྟེ་རྟོག་པ་བཅུ་གཅིག་པའོ།། །།སྡུད་པའི་རྒྱུད་དམ་པ་གསང་ཆེན་གྱི་རྟོག་པ། སངས་རྒྱས་ཐམས་ཅད་དང་མཉམ་པར་སྦྱོར་བ་ཞེས་བྱ་བ། མཁའ་འགྲོ་སྒྱུ་མ་བདེ་མཆོག །དུས་གསུམ་སངས་རྒྱས་ཐམས་ཅད་ཀྱི་སྐུ་འདུས་པ་ཆེན་པོའི་རང་བཞིན་སངས་རྒྱས་མཉམ་སྦྱོར་གྱི་རྒྱུད་རྫོགས་སོ།། །། རྒྱ་གར་གྱི་པཎྜི་ཏ་གྷུ་ཧྱ་གསང་བ་དང་། བོད་ཀྱི་ལོཙྪ་བ་འབྲོག་མི་དཔལ་གྱི་ཡེ་ཤེས་ཀྱིས་བལ་ཡུལ་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ཅེས་བྱ་བའི་རྒྱུད་ཕྱི་མ།― DNG011_Page_0625 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤྲཱི་སརྦ་བུཌྜྷ་ས་མ་ཡོ་ག་ཌཱ་ཀི་ནཱི་ཛཱ་ལ་སམྤར་ནཱ་མ་ཨུཏྟ་ར་ཏནྟྲ། བོད་སྐད་དུ། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ཅེས་བྱ་བའི་རྒྱུད་ཕྱི་མ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་བའི་མཆོག །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །འདི་ནི་རང་བྱུང་བཅོམ་ལྡན་འདས། །གཅིག་པུ་རབ་ཏུ་ཆེ་བའི་ལྷ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །ཆགས་མེད་ཆགས་དང་བྲལ་བའང་མིན། །དབུ་མར་ཡང་ནི་མི་དམིགས་སོ། །བུད་མེད་ཀུན་གྱི་སྒྱུ་མའི་རྒྱ། །འདི་ནི་གཉིས་མེད་ཐེག་པའི་མཆོག །སྒྱུ་མ་དག་ནི་ཐམས་ཅད་པས། །བུད་མེད་སྒྱུ་མ་ཁྱད་པར་ཆེ། །ངོ་བོ་ཉིད་ཀྱི་མཐུ་དག་གིས། །རང་བཞིན་གྱིས་ནི་དེ་འགྲུབ་པའོ། །འཇིག་རྟེན་གསུམ་འདིར་བུད་མེད་འདིས། །གུས་པར་བྱེད་པ་དག་ཏུ་འགྱུར། །རྙེད་དང་བདེ་དང་དགའ་ཀུན་གྱིས། །ངན་པར་སྤྱོད་པའང་འགྲུབ་པར་འགྱུར། །རང་གི་ངོ་བོ་ཡོངས་བསྒྱུར་ན། །བུད་མེད་ཀུན་གྱི་སྒྱུ་མས་འགྲུབ། །ངོ་མཚར་སྒྱུ་མའི་ཕྱག་རྒྱ་འདི། །མཁའ་འགྲོ་མ་ཞེས་བརྡར་བསྟན་ཏོ། །ཌཱ་ནི་ནམ་མཁར་འགྲོ་བ་ཞེས། །ཁམས་ལས་མངོན་དུ་བཏགས་པ་སྟེ། །ནམ་མཁའ་ཀུན་ཏུ་སྤྱོད་འགྲུབ་པས། །མཁའ་འགྲོ་མ་ཞེས་རབ་ཏུ་གྲགས། །ཐམས་ཅད་མ་ལུས་ཕྱག་རྒྱ་ཡི། །ཐམས་ཅད་མ་ལུས་བདེ་མཆོག་གིས། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་མ་ཞེས་རབ་ཏུ་གྲགས། །དེ་ནི་ནམ་མཁའ་འགྲོ་བ་ཞེས། །སངས་རྒྱས་ཁམས་ལས་རྣམ་པར་བརྟགས། །ཀུན་ཏུ་འགྲོ་བར་གྲུབ་པ་ནི། །སངས་རྒྱས་ཀུན་བདག་མཁའ་འགྲོ་མའོ། །ཤཾ་ཞེས་བྱ་བ་བདེ་བར་བཤད། །སངས་རྒྱས་ཀུན་གྱི་བདེ་ཆེན་ཡིན། །སྒྱུ་མ་ཐམས་ཅད་རབ་སྦྱོར་བ། །མཆོག་ཏུ་བདེ་བས་བདེ་བའི་མཆོག །ཀུན་ཏུ་ཀུན་ནས་ཐམས་ཅད་ནི། །བདག་ཉིད་རྟག་ཏུ་རྣམ་པ་ཀུན། །སངས་རྒྱས་ལ་སོགས་བརྟན་གཡོ་ཀུན། །ཀུན་གྱི་དངོས་པོར་བདག་གྱུར་ཏོ། །སེམས་དང་སེམས་དཔའི་ཏིང་འཛིན་དང་། །བྱང་ཆུབ་སྤྱོད་པ་སྣ་ཚོགས་ཉིད། །དེ་བཞིན་བདུད་དང་བདུད་ ― DNG011_Page_0626 ―
[མ་དཔེ་གཟིགས་ན་འདིར་གནོན།]
ལས་རྒྱལ། །དེ་ནི་བྱང་ཆུབ་སངས་རྒྱས་ཡིས། །རྡོ་རྗེ་རྡོ་རྗེ་འཛིན་ཉིད་དང་། །དེ་བཞིན་པདྨོ་པདྨོ་འཆང་། །ནོར་བུ་ནོར་བུ་འཛིན་ཉིད་དང་། །དེ་དག་གི་ཡང་རིགས་ཡིན་ནོ། །དེ་ཉིད་འདོད་ཆགས་འདོད་ཆགས་བྲལ། །འདོད་པ་དང་ནི་གྲོལ་བའང་ཡིན། །དུས་གསུམ་སྲིད་གསུམ་མཆོག་གསུམ་དང་། །འཇིག་རྟེན་གསུམ་དང་ཁམས་གསུམ་དང་། །རྣམ་པ་སྣ་ཚོགས་ཐ་དད་པའི། །གནས་པ་ཐམས་ཅད་དེ་ཉིད་དོ། །འགྲོ་བ་དག་ནི་མ་ལུས་ཀུན། །ཐམས་ཅད་དུ་ནི་འདི་འགྱུར་རོ། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །དངོས་པོ་ཐམས་ཅད་དེ་ཡིན་ཏེ། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་དེ་བཞིན་གཤེགས། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་གོ། །བསྐལ་པ་བྱེ་བ་གྲངས་མེད་པར། །སངས་རྒྱས་ཐམས་ཅད་མ་ཐོབ་པ། །ཕྱག་རྒྱའི་ཆོ་ག་གང་དག་གིས། །ཚེ་འདི་ཉིད་ཀྱིས་ཐོབ་འགྱུར་བ། །དེ་ཉིད་བདག་གིས་བརྟག་པར་བྱ། །སངས་རྒྱས་ཀུན་བདག་བདེ་བའི་མཆོག །བདག་ཉིད་ཤིན་ཏུ་བསྒྲུབས་པ་ལས། །སངས་རྒྱས་ཀུན་བདག་བདེ་མཆོག་གོ། །རྣལ་འབྱོར་ཡང་དག་མ་ཡིན་སེམས། །ལྷ་ལ་དམིགས་པར་བྱེད་པ་དག །རྣལ་འབྱོར་གཟུགས་བརྙན་རང་བཞིན་ཏེ། །ལུགས་མ་ལ་སོགས་རྣལ་འབྱོར་སྐྱེ། །ཡང་དག་མཆོག་སེམས་རྣལ་འབྱོར་པ། །ལྷ་ལ་དམིགས་པར་བྱེད་པ་དག །རང་གི་དམ་ཚིག་མཉམ་སྦྱོར་བ། །མི་འགྱུར་དམ་པ་འགྲུབ་པར་འགྱུར། །གཟུགས་བརྙན་ལུགས་ལ་སོགས་པ་ལ། །རྣལ་འབྱོར་སྐྱེ་བར་མི་འགྱུར་གྱི། །བྱང་ཆུབ་སེམས་ལ་རབ་བརྩོན་ན། །དེ་ལས་རྣལ་འབྱོར་ལྷར་འགྱུར་རོ། །བྱང་ཆུབ་སེམས་ནི་རྡོ་རྗེ་སྟེ། །སངས་རྒྱས་ཀུན་གྱི་བདག་ཉིད་ཡིན། །དེ་བས་ཐམས་ཅད་བདག་སྦྱོར་བས། །སངས་རྒྱས་ཐམས་ཅད་ཐོབ་པར་འགྱུར། །བདག་ཉིད་སངས་རྒྱས་ཐམས་ཅད་དང་། །དཔའ་བོ་ཐམས་ཅད་བདག་ཡིན་ནོ། །དེ་བས་བདག་ཉིད་ལྷར་སྦྱོར་བས། །བདག་ཉིད་རབ་ཏུ་བསྒྲུབ་པར་བྱ། །དེ་ཡིས་སངས་རྒྱས་ཐམས་ཅད་དང་། །དཔའ་བོ་རྣམས་ཀྱང་ཐམས་ཅད་དང་། །རྡོ་རྗེ་འཛིན་པ་ཐམས་ཅད་དུ། །ཚེ་འདི་ ― DNG011_Page_0627 ―
[མ་དཔེ་གཟིགས་ན་འདིར་གནོན།]
ཉིད་ལ་འགྲུབ་པར་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་གསུངས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་དེ་ཁོ་ན་ཉིད་སྣང་བ་དམ་པའི་ཡུལ་ལ་འཇུག་པ་ཡེ་ཤེས་ཀྱི་ཕྱག་རྒྱའི་རྟོག་པ་སྟེ་དང་པོའོ།། །།འདི་ནི་རྣལ་འབྱོར་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །རྡོ་རྗེ་སེམས་དཔའ་བདག་སྦྱོར་བས། །དབབ་པ་ཐམས་ཅད་རབ་ཏུ་འགྲུབ། །སངས་རྒྱས་ཐམས་ཅད་མཉམ་སྦྱོར་བ། །རྣལ་འབྱོར་དབང་ཕྱུག་བདེ་བ་ཆེ། །དེ་བས་བདེ་བ་ཉིད་ཀྱིས་ནི། །སངས་རྒྱས་བདེ་བ་ཀུན་འཐོབ་བོ། །སངས་རྒྱས་ཐམས་ཅད་མཉམ་སྦྱོར་བ། །རྣལ་འབྱོར་དབང་ཕྱུག་བདེ་ཆེན་པོ། །འདི་ལ་ཁྲུས་དབང་སྡོམ་མི་དགོས། །དཀའ་ཐུབ་དཀའ་བ་སྤྱད་མི་དགོས། །དཀའ་ཐུབ་སྡོམ་པ་མེད་པ་དང་། །བདེ་བ་དང་ནི་དགའ་བས་འགྲུབ། །དེ་བས་ཇི་ལྟར་འདོད་སྤྱོད་ཅིང་། །ཀུན་ཟ་དེ་བཞིན་ཐམས་ཅད་སྤྱོད། །སྤྱོད་པ་ཇི་ལྟར་འདོད་པར་བྱེད། །གཡོ་བ་དག་ཀྱང་ཅི་དགར་བྱེད། །ལངས་པ་དང་ནི་འདུག་པ་འམ། །འཆག་གམ་ཇི་ལྟར་གནས་ཀྱང་རུང་། །དགོད་དམ་རབ་ཏུ་སྨྲ་ཡང་རུང་། །གང་ན་ཇི་ལྟར་སྤྱོད་ཀྱང་རུང་། །དཀྱིལ་འཁོར་དུ་ཡང་མ་ཞུགས་པ་འམ། །སྒྲིབ་པ་ཀུན་དང་ལྡན་པའང་རུང་། །རང་གི་ལྷར་ནི་བདག་སྦྱོར་ན། །བསོད་ནམས་ཆུང་ཡང་འགྲུབ་པར་འགྱུར། །དེ་ཉིད་རྣལ་འབྱོར་འདི་ཡིས་ནི། །ཐམས་ཅད་འགྲུབ་པར་བྱེད་པས་ན། །ངན་ཟོས་ངན་སྤྱོད་ཐམས་ཅད་ཀྱིས། །ཉེས་པ་དག་ཏུ་ཡོངས་མི་འགྱུར། །བསྐལ་པ་བྱེ་བར་མི་ཐོབ་པ། །སངས་རྒྱས་དམ་པ་ཐམས་ཅད་དེ། །ཕྱག་རྒྱའི་ཆོ་ག་དག་གིས་ནི། །བསྒྲུབས་ན་ཀུན་ཏུ་ཐོབ་འགྱུར་བ། །བདག་ཉིད་གྲུབ་པར་བྱེད་པའི་མཆོག །འདི་ནི་བདག་གིས་བརྟག་པར་བྱ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །རྡོ་རྗེ་སེམས་དཔར་བདག་སྦྱོར་བ། །ཆ་ལུགས་ཇི་བཞིན་སྦྱོར་བ་ཡིས། །ཐམས་ཅན་སྣ་ཚོགས་ཕྱག་རྒྱའི་བདག །བསོད་ནམས་ཆུང་ཡང་འགྲུབ་པར་འགྱུར། །རྒྱ་འདི་བསྒྲུབ་པ་ཙམ་གྱིས་ནི། །སངས་རྒྱས་ཐམས་ཅད་ཕྱིན་ ― DNG011_Page_0628 ―
[མ་དཔེ་གཟིགས་ན་འདིར་གནོན།]
གྱིས་རློབ། །ཤིན་ཏུ་བྱིན་གྱིས་བརླབས་ནས་ནི། །སངས་རྒྱས་ཐམས་ཅད་འདུ་བར་འགྱུར། །སངས་རྒྱས་ཀུན་དང་མཉམ་སྦྱོར་བས། །སངས་རྒྱས་ཀུན་དང་མཉམ་པར་འགྱུར། །སངས་རྒྱས་ཀུན་དང་མཉམ་པའི་ཕྱིར། །སངས་རྒྱས་ཐམས་ཅད་འགྲུབ་པར་འགྱུར། །གང་གིས་ལྡན་པ་འདི་མཐོང་ཞིང་། །རྣམ་པ་ཀུན་ཏུ་མཆོད་བྱེད་ན། །དེ་ཡིས་སངས་རྒྱས་ཐམས་ཅད་ཀྱང་། །མཐོང་ཞིང་མཆོད་པ་བྱས་པར་འགྱུར། །འདི་དང་སངས་རྒྱས་ཐམས་ཅད་ལ། །མཐོང་བ་དང་ནི་རེག་པ་ཡིས། །དཀྱིལ་འཁོར་དག་ཏུ་མ་ཞུགས་པའང་། །བདེན་པ་དག་ཀྱང་མཐོང་བར་འགྱུར། །མཐོང་བ་དང་ནི་རེག་པ་དང་། །ཐོས་པ་དང་ནི་དྲན་པ་ཡིས། །སྡིག་པ་ཀུན་ལས་རྣམ་གྲོལ་ཞིང་། །སངས་རྒྱས་དངོས་གྲུབ་ཐམས་ཅད་འགྲུབ། །འདི་དང་སངས་རྒྱས་ཐམས་ཅད་ལ། །རྣལ་འབྱོར་ཐམས་ཅད་མཉམ་སྦྱོར་བས། །བུད་མེད་དག་ཀྱང་རྣམ་གྲོལ་ཞིང་། །སངས་རྒྱས་བྱང་ཆུབ་རེག་པར་འགྱུར། །ཀུན་ཏུ་ཀུན་ནས་ཐམས་ཅད་ནི། །བདག་ཉིད་རྣམ་པ་ཐམས་ཅད་དུ། །སངས་རྒྱས་ཐམས་ཅད་དངོས་གྲུབ་པར། །དེ་ཡི་བདག་ཉིད་མཐོང་བར་འགྱུར། །འདི་ནི་བདག་ཉིད་ཀུན་གནས་པས། །མཆོད་པའི་སྤྲིན་ཆེན་ཐམས་ཅད་ཀྱི། །བཀོད་པ་རབ་འབྱམ་ཚོགས་དག་གིས། །དེ་བཞིན་གཤེགས་པ་མཆོད་པ་མཛད། །ཐམས་ཅད་བདག་ཉིད་སྦྱོར་མཆོད་དཔལ། །རྡོ་རྗེ་སེམས་དཔའ་མཆོག་གྱུར་པ། །སངས་རྒྱས་ཀུན་གྱི་རང་བཞིན་ཏེ། །བདེ་བའི་མཆོག་ནི་ཐོབ་པར་འགྱུར། །རྣལ་འབྱོར་ཀུན་ལ་ཉེར་སྦྱོར་བས། །དཔལ་ནི་གཞིར་འགྱུར་འགྲུབ་པར་འགྱུར། །རྣལ་འབྱོར་ཀུན་ནི་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །དེ་ཡི་ཉེ་བར་སྦྱོར་བ་ནི། །ཁམས་གསུམ་མ་ལུས་ཐམས་ཅད་དོ། །རྣལ་འབྱོར་ཀུན་གྱིས་ལོངས་སྤྱོད་ཀྱིས། །ཇི་ལྟར་བདེ་བར་བསྟེན་བྱེད་ཅིང་། །རང་གི་ལྷ་ཡི་རྣལ་འབྱོར་གྱིས། །བདག་ཉིད་རབ་ཏུ་མཆོད་པར་བྱ། །རྗེས་སུ་སྦྱོར་བས་མཆོད་བྱེད་ཅིང་། །རྣལ་འབྱོར་ཀུན་གྱི་བདེ་བ་དང་། །བདག་ཉིད་ཀུན་ཏུ་མྱོང་བྱེད་ན། །ཤིན་ཏུ་སྦྱོར་བས་འགྲུབ་པར་འགྱུར། །སངས་རྒྱས་ཀུན་གྱི་བདག་ཉིད་ཀྱི། །ར་ས་ཡ་ན་བདེ་བ་འདིས། །རྡོ་རྗེ་ ― DNG011_Page_0629 ―
[མ་དཔེ་གཟིགས་ན་འདིར་གནོན།]
སེམས་དཔའི་དཔལ་ཚེ་དང་། །ལང་ཚོ་ནད་མེད་བདེ་མཆོག་འགྲུབ། །ཀུན་ཏུ་ཀུན་ནས་ཐམས་ཅད་དུ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །རྟག་ཏུ་དེས་ནི་འགྲུབ་པར་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་ཅེས་གསུངས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་དཔལ་རྡོ་རྗེ་སེམས་དཔའ་ཀུན་ཏུ་སྦྱོར་བའི་རྟོག་པ་སྟེ་གཉིས་པའོ།། །།འདི་ནི་རྣལ་འབྱོར་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་སྒྱུ་མ་བདེ་བའི་མཆོག །རྡོ་རྗེ་སེམས་དཔའི་རྣལ་འབྱོར་པ། །དཔལ་ལྡན་རང་གི་དམ་ཚིག་བདེ། །སངས་རྒྱས་ཐམས་ཅད་མཉམ་སྦྱོར་བའི། །རྣལ་འབྱོར་དབང་ཕྱུག་བདེ་བ་ཆེ། །རྡོ་རྗེ་སེམས་དཔའ་དཔལ་སྦྱོར་བའི། །མཐུ་ཉིད་ཀྱིས་ནི་ཐམས་ཅད་དུ། །ཕྱག་རྒྱ་བདེ་བ་ཆེན་པོ་ཀུན། །སོ་སོ་རྗེས་སུ་རབ་འགྲུབ་འགྱུར། །རྡོ་རྗེ་སེམས་དཔའ་དཔལ་སྦྱོར་བས། །མཐུ་ཉིད་ཀྱིས་ནི་ཐམས་ཅད་དུ། །རྣལ་འབྱོར་བདེ་བ་མོས་པ་ཀུན། །སོ་སོ་རྗེས་སུ་རང་འགྲུབ་འགྱུར། །རྡོ་རྗེ་སེམས་དཔའ་དཔལ་སྦྱོར་བས། །མཐུ་ཉིད་ཀྱིས་ནི་ཐམས་ཅད་དུ། །བདེ་བའི་མོས་པའི་དངོས་གྲུབ་ཀུན། །སོ་སོའི་རྗེས་སུ་རང་འགྲུབ་འགྱུར། །རྡོ་རྗེ་སེམས་དཔའ་དཔལ་སྦྱོར་བས། །མཐུ་ཉིད་ཀྱིས་ནི་ཐམས་ཅད་དུ། །བདེ་བ་མོས་པའི་དབང་ཕྱུག་ཀུན། །སོ་སོའི་རྗེས་སུ་རང་འགྲུབ་འགྱུར། །རྡོ་རྗེ་སེམས་དཔའ་དཔལ་སྦྱོར་བས། །མཐུ་ཉིད་ཀྱིས་ནི་ཐམས་ཅད་དུ། །ནམ་མཁའི་དབྱིངས་ཀྱི་མཐའ་ཡས་པའི། །བུད་མེད་མཆོག་རྣམས་སྐྱེ་བར་འགྱུར། །དེ་ཡི་དམ་ཚིག་དེ་བྱུང་བ། །སྡུག་པའི་དམ་ཚིག་བདག་རྗེས་འབྲང་། །ཤིན་ཏུ་སྦྱོར་དང་སྦྱོར་ཆེན་པོ། །ཐམས་ཅད་བདག་ཉིད་དམ་ཚིག་མཆོག །གཅིག་བཞིན་དུ་ནི་གཅིག་སྤྱོད་པ། །ལྷན་ཅིག་སྤྱོད་པས་རྗེས་སྤྱོད་སྡུག །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་མཆོག་ཏུ་འབར། །ཐམས་ཅད་དགའ་བ་མ་ལུས་པའི། །ཕྱག་རྒྱ་ཐམས་ཅད་བདེ་བ་ཆེ། །རྟག་པ་དམ་པ་ལྷ་མོ་ཡི། །རྒྱལ་མོས་མཆོད་པ་ཐམས་ཅད་མཆོག །རྡོ་རྗེ་སེམས་ ― DNG011_Page_0630 ―
[མ་དཔེ་གཟིགས་ན་འདིར་གནོན།]
དཔའ་སྦྱོར་བ་དང་། །ཐམས་ཅད་ལྷ་མོ་འདུས་པས་ནི། །མ་ལུས་སྐལ་བ་བཟང་པོ་ཀུན། །བདེ་བས་སོ་སོ་རྗེས་སུ་འགྲུབ། །ཕྱག་རྒྱ་འདི་ཡིས་བཏབ་པ་ལས། །རྡོ་རྗེ་སེམས་དཔའ་ཆེ་བའི་ལྷ། །ནམ་མཁའི་དབྱིངས་ཀྱི་མཐའ་ཀླས་པའི། །ལྷ་མོ་བདེ་བ་ཆེན་མོ་ཀུན། །ཐམས་ཅད་རྣལ་འབྱོར་བདེ་བས་མྱོས། །སྡིག་མེད་སྟོབས་ཀྱིས་ངོ་འཐོན་དུ། །ཕན་ཚུན་དུ་ནི་རབ་དགའ་བས། །སྐྱེས་བུའི་ཚུལ་གྱིས་དགའ་བར་བྱེད། །དབང་བོ་ཀུན་ནས་བྱུང་བ་ཡིས། །མཆོད་པའི་སྤྲིན་ཆེན་ཐམས་ཅད་ཀྱི། །བཀོད་པ་རབ་འབྱམ་ཚོགས་རྣམས་ཀྱིས། །ཐམས་ཅད་བདག་ཉིད་མཆོད་པར་བྱེད། །རྣལ་འབྱོར་བདེ་བ་ཐམས་ཅད་ཀྱི། །དབང་བསྐུར་བདེ་ཆེན་ལས་བྱུང་བ། །རིན་ཆེན་ཚོགས་རྣམས་ཐམས་ཅད་ཀྱིས། །རབ་ཏུ་རྨོངས་པས་དབང་བསྐུར་འགྱུར། །ལྷ་མོ་ཀུན་གྱི་ལོངས་སྤྱོད་ལ། །ཅི་བདེ་བར་ནི་བསྟེན་བྱ་བ། །བདག་ནི་ཆེ་བའི་ལྷར་སྦྱོར་བས། །བདག་ལ་བདག་གིས་རབ་ཏུ་མཆོད། །རྣལ་འབྱོར་ཐམས་ཅད་བདེ་བ་ཡི། །རྗེས་སུ་སྦྱོར་བས་མཆོད་བྱེད་ཅིང་། །རྟག་ཏུ་མྱོང་བར་བྱེད་པ་ན། །ཤིན་ཏུ་སྦྱོར་བས་རབ་འགྲུབ་འགྱུར། །སངས་རྒྱས་ཐམས་ཅད་བདག་ཉིད་ཀྱི། །ར་ས་ཡ་ན་བདེ་བ་དེས། །རྡོ་རྗེ་སེམས་དཔའི་དཔལ་ཚེ་དང་། །ལང་ཚོ་ནད་མེད་བདེ་མཆོག་འགྲུབ། །སངས་རྒྱས་ཀུན་གྱི་སྐུ་ཆེན་དང་། །སངས་རྒྱས་ཀུན་གྱི་གསུང་སྙན་པ། །སངས་རྒྱས་ཀུན་གྱི་ཐུགས་ཆེན་པོ། །སངས་རྒྱས་ཀུན་གྱི་མཆོད་པ་ཆེ། །སངས་རྒྱས་ཀུན་གྱི་རྒྱལ་ཆེན་པོ། །རྡོ་རྗེ་འཛིན་པ་ཀུན་གྱི་བདག །འཇིག་རྟེན་དབང་ཕྱུག་ཀུན་གྱི་གཙོ། །རིན་ཆེན་དབང་ཕྱུག་ཀུན་གྱི་བདག །དེ་དག་དང་ནི་དགའ་སྤྱོད་ན། །འདོད་པ་བཞིན་དུ་འགྲོ་འོང་ལྡིང་། །ལྷ་མོ་ཐམས་ཅད་གྲུབ་ཆེན་པོ། །འཁོར་ལོས་སྒྱུར་བ་རབ་ཏུ་འགྲུབ། །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐས་ཀླས་པར། །དངོས་གྲུབ་ཀུན་གྱི་བདེ་མྱོས་པ། །དེ་ལས་རྒྱ་ཆེན་མཆོག་གཞན་མེད། །སངས་རྒྱས་ཐམས་ཅད་མཉམ་སྦྱོར་བ། །རྣལ་འབྱོར་དབང་ཕྱུག་བདེ་ཆེན་དེས། །འདི་ལ་ཚེ་འདི་ཉིད་ཀྱིས་ནི། །རྣམ་པ་ཀུན་ཏུ་མི་འགྲུབ་པའི། །དངོས་གྲུབ་ཀུན་གྱི་བདེ་མྱོས་པ། །ཆོས་དབྱིངས་མཉམ་དང་མི་ ― DNG011_Page_0631 ―
[མ་དཔེ་གཟིགས་ན་འདིར་གནོན།]
མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །དབང་ཕྱུག་ཀུན་གྱི་བདེ་མྱོས་པ། །དམ་པ་རྒྱ་ཆེན་གང་ཡང་མེད། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་དེས། །འདི་ལ་ཚེ་འདི་ཉིད་ཀྱིས་ནི། །རྣམ་པ་ཀུན་ཏུ་མི་འགྲུབ་མེད། །ཅེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་གསུངས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས། ལྷ་མོ་ཐམས་ཅད་དང་མཉམ་པར་སྦྱོར་བ་སྐལ་བ་མཆོག་བཟང་པོ་དཔལ་རྡོ་རྗེ་དམ་ཚིག་གི་རྟོག་པ་སྟེ་གསུམ་པའོ།། །།འདི་ནི་རྣལ་འབྱོར་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །ལྷ་མོ་ཀུན་དང་མཉམ་སྦྱོར་བ། །སྐལ་བ་བཟང་མཆོག་འདོད་པ་སྟེ། །ཡང་དག་སྦྱོར་བའི་བདེ་མྱོང་བ། །འདོད་ཆགས་ཐེར་ཟུག་བརྟན་པའོ། །སངས་རྒྱས་ཀུན་གྱི་གཟུགས་ཆེན་དང་། །དབྱངས་དང་དྲི་དང་རོ་དག་དང་། །སངས་རྒྱས་ཀུན་གྱི་རེག་བདེ་མཆོག །རང་གི་སྤྱོད་པར་རབ་སྤྱོད་དོ། །སངས་རྒྱས་ཕ་རོལ་ཕྱིན་དྲུག་དང་། །གཟུངས་དང་ས་རྣམས་དེ་བཞིན་དུ། །དགའ་བར་སྤྱོད་ན་ལྷ་དང་མིའི། །སྐལ་བཟང་བུད་མེད་ཅི་ཞིག་སྨོས། །ལྷ་ཡི་དངོས་གྲུབ་དགའ་བ་དང་། །སངས་རྒྱས་བྱང་ཆུབ་བདེ་ཆེན་པོ། །སྐལ་བ་བཟང་པོ་བདེ་མྱོང་བས། །སོ་སོར་རྗེས་སུ་རང་འགྲུབ་འགྱུར། །དངོས་གྲུབ་ཐམས་ཅད་ལས་བྱུང་བ། །དེ་བཞིན་གཤེགས་པ་ཀུན་གྱི་དཔལ། །སྐལ་བ་བཟང་པོའི་ལོངས་སྤྱོད་ཀུན། །རང་གི་སྤྱོད་པར་དེ་སྤྱོད་དོ། །རྡོ་རྗེ་ཅན་གྱི་གྲུབ་མཆོག་དང་། །འཇིག་རྟེན་དབང་པོ་མཆོག་གི་དཔལ། །སངས་རྒྱས་དགའ་བས་བདེ་དམ་པ། །ཕྲོགས་ནས་ཉེ་བར་སྦྱོང་བར་བྱེད། །ཁམས་གསུམ་དག་ན་མ་ལུས་པའི། །སངས་རྒྱས་རྒྱལ་སྲིད་ཆེན་པོ་ཀུན། །རྩལ་གྱི་སྟོབས་ཀྱིས་ངོ་འཐོན་དུ། །ཕྲོགས་ནས་ཉེ་བར་སྤྱོད་པར་བྱེད། །སངས་རྒྱས་ཀུན་གྱི་གྲུབ་ཆེན་པོ། །མཆོག་གི་དབང་ཕྱུག་དམ་པ་དག །ཀུན་ནས་ཕྲོགས་ནས་དེ་སྤྱོད་ན། །ལོངས་སྤྱོད་གཞན་ལྟ་ཅི་ཞིག་སྨོས། །མཐུ་ཆེན་ལས་ནི་བཀྲ་ཤིས་བརྟན། །ཕྲོགས་ལས་ ― DNG011_Page_0632 ―
[མ་དཔེ་གཟིགས་ན་འདིར་གནོན།]
གྲུབ་དང་དྲན་ལས་དགའ། །ངོ་འཐོན་སྟོབས་ཀྱིས་ཕྲོགས་ནས་ཀྱང་། །དེ་ནི་དང་ལ་སྦྱིན་པར་བྱེད། །མ་ལུས་འཇིག་རྟེན་གསུམ་རྒྱལ་སྲིད། །འཇིག་རྟེན་དབང་ཕྱུག་ཀུན་དང་བཅས། །ངོ་འཐོན་སྟོབས་ཀྱིས་ཕྲོགས་ནས་ཀྱང་། །དེ་ནི་དང་ལ་སྦྱིན་པར་བྱེད། །ཚངས་པ་འཇུག་སེལ་དབང་ཆེན་གྱི། །མཆོག་གི་དབང་ཕྱུག་དམ་པ་དག །ཀུན་ནས་ཕྲོགས་ཏེ་མྱུར་སྦྱིན་ན། །ལོངས་སྤྱོད་གཞན་ལྟ་ཅི་ཞིག་སྨོས། །དེ་ཡིས་མི་སྦྱིན་ཅི་ཡང་མེད། །སངས་རྒྱས་དོན་དུ་བྱ་བ་ཀུན། །མི་བྱ་བ་ནི་གང་ཡང་མེད། །སྦྱིན་པ་དང་ནི་བྱེད་པའང་ཡིན། །སངས་རྒྱས་བྱང་ཆུབ་སེམས་དཔའ་ཡང་། །ཕྲོགས་ནས་ཀྱང་ནི་སྦྱིན་བྱེད་ན། །ལས་མཆོག་དང་ནི་རབ་འབྱམ་དང་། །དངོས་གྲུབ་གཞན་ལྟ་ཅི་ཞིག་སྨོས། །དངོས་གྲུབ་མཆོག་ནི་གདོན་མི་ཟ། །སྡེ་རྣམས་ཐམས་ཅད་རབ་འཇོམས་པ། །སངས་རྒྱས་ཀུན་གྱི་གྲུབ་ཆེན་པོ། །འཁོར་ལོས་སྒྱུར་བ་རབ་གྲུབ་པ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་གིས། །སངས་རྒྱས་ཀུན་གྱི་རྫུ་འཕྲུལ་ཆེ། །རྣམ་པར་འཕྲུལ་པ་རབ་ཏུ་འཇུག །ལ་ལར་བྱང་ཆུབ་སེམས་ཆེན་པོ། །ལ་ལར་སྤྱོད་པ་མཐུན་པར་འགྲོ། །ལ་ལར་དགའ་ལྡན་ལྷ་དག་ལས། །དམ་པ་ཤིན་ཏུ་འཕོ་བའོ། །ལ་ལར་སྐྱེ་བ་རྣམ་པར་དག །ལ་ལར་ངེས་པར་འབྱུང་བར་གསལ། །ལ་ལར་བྱང་ཆུབ་ཆེན་པོར་གཤེགས། །ལ་ལར་བདུད་ལས་རབ་ཏུ་རྒྱལ། །ལ་ལར་བྱང་ཆུབ་མངོན་འཚང་རྒྱ། །ལ་ལར་ཆོས་ཀྱི་འཁོར་ལོ་བསྐོར། །ལ་ལར་ཕ་རོལ་མུ་སྟེགས་རྣམས། །ཆོས་དང་མཐུན་པར་ཚར་གཅད་དོ། །ལ་ལར་འཇིག་རྟེན་གསུམ་རྒྱལ་བ། །གྲུབ་པ་ཀུན་གྱི་དབང་ཕྱུག་ཉིད། །ལ་ལར་རྟོག་པ་ཐམས་ཅད་མཆོག །གྲུབ་པའི་དབང་ཕྱུག་བླ་ན་མེད། །དེ་ལ་སོགས་པ་མཐའ་ཡས་མཆོག །སངས་རྒྱས་ཀུན་བདག་བདེ་མཆོག་གིས། །འདུལ་བའི་ཐབས་སུ་ངེས་པའི་གར། །རྣམ་པར་སྤྲུལ་པས་དགྱེས་ཤིང་རོལ། །དངོས་གྲུབ་ཆེན་པོ་ཀུན་གྱི་མཆོག ། བརྟན་པ་དབང་ཕྱུག་ཆེན་པོའི་བདག །གཟུགས་དང་ཚེ་དང་ཁ་དོག་སྟོབས། །དཔལ་ལྡན་རྡོ་རྗེ་སེམས་དཔའ་བཞིན། །འགྲོ་བ་དག་གིས་བསྙེན་བྱ་ཞིང་། །དེ་བཞིན་ ― DNG011_Page_0633 ―
[མ་དཔེ་གཟིགས་ན་འདིར་གནོན།]
གཤེགས་པ་ཀུན་གྱིས་མཆོད། །ལྷ་མོ་ཀུན་གྱི་དཔལ་ལྡན་མཆོག །རྡོ་རྗེ་སེམས་དཔར་རབ་ཏུ་འགྲུབ། །སེམས་ཅན་ཁམས་ནི་དུ་མ་དག །མ་ལུས་པར་ནི་ཕྱག་རྒྱས་འདེབས། །ལྷ་དང་བྱང་ཆུབ་དགའ་བ་རྣམས། །བརྟན་པར་སེམས་ཅན་དག་ལ་སྨིན། །སངས་རྒྱས་ཀུན་བདག་བདེ་མཆོག་གིས། །སེམས་ཅན་ཀུན་གྱི་དོན་བྱེད་ཅིང་། །མ་ལུས་ལུས་པ་མེད་པ་ཡི། །བསྐལ་པ་ཀུན་ཏུ་སྲིད་པར་གནས། །ཞེས་བཅོམ་ལྡན་འདས་རྡོ་རྗེ་སེམས་དཔས་དེ་སྐད་གསུངས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་སྣ་ཚོགས་ཐམས་ཅད་ཀྱི་སྐལ་བ་བཟང་པོ་མཆོག་གི་དངོས་གྲུབ་ཅེས་བྱ་སྟེ། དཔལ་དམ་ཚིག་གི་རྟོག་པ་སྟེ་བཞི་པའོ།། །།འདི་ནི་རྣལ་འབྱོར་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །ཡང་དག་གྲུབ་པ་གཅིག་པུ་ཉིད། །ཇི་ལྟར་འདོད་པ་བཞིན་དུ་སྦྱར། །རྟོག་པའི་ཆོ་ག་ཐམས་ཅད་ལ། །གྲུབ་པ་དམ་པ་མཆོག་གི་མཆོག །སྣ་ཚོགས་ལས་ཀྱི་སྦྱོར་བ་ཡིས། །ཆོ་ག་སྣ་ཚོགས་འདོད་པ་ཡི། །སེམས་ཅན་རྣམས་ནི་འདུལ་བ་དང་། །བདེ་བ་ཐམས་ཅད་འགྲུབ་པའི་ཕྱིར། །བཅོམ་ལྡན་རྣལ་འབྱོར་དེ་ཉིད་ནི། །སངས་རྒྱས་ཐམས་ཅད་རྣམ་འཕྲུལ་བས། །སེམས་ཅན་ཀུན་དོན་རྣམ་འཕྲུལ་ན། །མྱུར་དུ་ཤིན་ཏུ་འགྲུབ་པར་འགྱུར། །ཉིན་རེའམ་མང་ན་ཟླ་རེ་འམ། །ཡང་ན་དེ་བཞིན་ལོ་རེ་ནི། །ཅི་བཞིན་བྱིན་གྱིས་བརླབས་ནས་ཀྱང་། །སངས་རྒྱས་བདེ་མཆོག་གར་བྱའོ། །ཁམས་ཀྱི་ངོ་བོ་ཐམས་ཅད་དང་། །དེ་བཞིན་སྲོག་དང་རྩོལ་ལས་འབྱུང་། །རང་གི་ལྷ་ཡི་ཆ་ལུགས་སུ། །བསྒྲུབ་པའི་ཕྱག་རྒྱ་རབ་ཏུ་བྱ། །དཀྱིལ་འཁོར་གང་དང་གང་བསྟེན་པ། །སྣ་ཚོགས་ཕྱག་རྒྱའི་མཆོད་པ་ཡིས། །སློབ་མའི་ཚོགས་ཀུན་དེ་དང་དེར། །མཆོད་པ་བྱས་ནས་དེས་བསྒྲུབ་བོ། །དེ་ལས་གཞན་ཡང་རྟོག་ཀུན་གྱི། །སངས་རྒྱས་ཐམས་ཅད་རྣམ་སྤྲུལ་པ། །ཅི་རིགས་པར་ནི་སྤྲུལ་བྱས་པའི། །གདམས་ངག་རབ་ཏུ་བཤད་པར་བྱ། །སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་བའི་མཆོག །གསང་བ་མཆོག་ ― DNG011_Page_0634 ―
[མ་དཔེ་གཟིགས་ན་འདིར་གནོན།]
གིས་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །འདི་ནི་རྣལ་འབྱོར་བཅོམ་ལྡན་འདས། །རྟག་པ་དམ་པ་བརྟན་པ་སྟེ། །རྟག་ཏུ་ད་ལྟར་འབྱུང་བ་བཞིན། །ངོ་བོ་ཉིད་ནི་འདའ་བར་དཀའ། །ཆོ་ག་སྣ་ཚོགས་འདོད་རྣམས་ལ། །ལས་ཀྱི་སྦྱོར་བ་སྣ་ཚོགས་ཀྱིས། །སངས་རྒྱས་རྡོ་རྗེ་འཛིན་ལ་སོགས། །འདུལ་བའི་ཕྱིར་ནི་བྱས་པ་ཡིན། །སངས་རྒྱས་ལ་སོགས་བརྟན་གཡོ་ཀུན། །ཀུན་གྱི་དངོས་པོར་འདི་འགྱུར་རོ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །སྒྱུ་མའི་སྦྱོར་བ་འདི་ཡིས་ནི། །རྣམ་པ་སྣ་ཚོགས་ཀུན་གྱི་མཆོག །སེམས་ཅན་ཀུན་གྱི་དོན་མཆོག་རྣམས། །སངས་རྒྱས་ལ་སོགས་འདུལ་བས་འགྲུབ། །དཔལ་རྡོ་རྗེ་སེམས་དཔས་དབུགས་ཕྱུང་བའོ།། །།འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་སྟོང་པ་ཉིད་ལ་བརྩོན། །འགོག་པའི་ཆོས་ཉིད་ལ་སྦྱོར་བས། །འགགས་ཤིང་ཡོངས་སུ་མྱ་ངན་འདས། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །གྲོལ་བ་ཐམས་ཅད་རྣམ་སྦྱང་ཕྱིར། །སངས་རྒྱས་སྤྲུལ་པ་ཀུན་ཏུ་བསྐྱེད། །སྟོང་པ་མ་ཡིན་མི་སྟོང་མིན། །དབུ་མར་ཡང་ནི་མི་དམིགས་ཏེ། །ཤེས་རབ་ཕ་རོལ་ཕྱིན་སྦྱོར་བ། །ཐབས་དང་སྙིང་རྗེ་བདག་ཉིད་རྣམས། །དེ་བས་དེ་ནི་སྙིང་རྗེའི་ཐབས། །ཤེས་རབ་ཕ་རོལ་ཕྱིན་པར་གསལ། །རྟོག་པ་མེད་པའི་ཆོས་རྣམས་ལ། །སེམས་ཅན་དོན་དུ་ཡོངས་བརྟགས་པ། །རྣམ་པར་མི་རྟོག་ལ་མོས་པས། །ཐམས་ཅད་རྟོག་པས་བརྟག་པར་བྱ། །བྲག་ཆ་ཡི་ནི་སྒྲ་འདྲ་བ། །ཆོས་ཀྱི་ཚིག་ཏུ་དེ་འགྱུར་ཏེ། །དེ་ལས་ཐེག་པ་ཆེན་པོ་ཡི། །ཡང་དག་ཡོན་ཏན་རྒྱས་པའི་གླུས། །དུས་གསུམ་པ་ཡི་དམ་ཚིག་གསུམ། །དེ་བཞིན་གཤེགས་པ་ཐམས་ཅད་བསྟོད། །མཉམ་མེད་མི་གཡོ་མཉམ་མེད་མཆོག་གི་ཆོས་ཉིད་ཅན། །ཐུགས་རྗེའི་བདག་ཉིད་འགྲོ་བའི་སྡུག་བསྔལ་སེལ་བར་མཛད། །ཡོན་ཏན་མཐའ་ཡས་དངོས་གྲུབ་ཐམས་ཅད་སྦྱིན་མཛད་པ། །དྲི་མེད་མི་གཡོ་མཉམ་ ― DNG011_Page_0635 ―
[མ་དཔེ་གཟིགས་ན་འདིར་གནོན།]
མེད་དམ་པའི་མཆོག་ཆོས་ཅན། །ཡོན་ཏན་ཤིན་ཏུ་ཕྲ་བའི་ཆ་ལའང་ཚད་མེད་དེ། །དཔེ་ནི་ནམ་མཁའ་དང་ཡང་བསྒྲུན་དུ་ཡོད་མ་ཡིན། །དངོས་གྲུབ་མཐའ་ཡས་མཉམ་མེད་དཔེ་དང་བྲལ་བ་རྣམས། །སེམས་ཅན་ཁམས་ལ་དངོས་གྲུབ་མཆོག་རྣམས་ངེས་པར་སྩོལ། །རྟག་ཏུ་དྲི་མ་མེད་པའི་ཐུགས་རྗེའི་ཤུགས་ལས་བྱུང་། །སྨོན་ལམ་གྲུབ་པ་འགག་པ་མེད་པའི་ཆོས་ཉིད་ཅན། །འགྲོ་བའི་དོན་སྒྲུབ་རབ་ཏུ་བརྩོན་པ་མཐའ་ཡས་པ། །ཐུགས་རྗེ་ཆེན་པོའི་བདག་ཉིད་རྟག་ཏུ་རྣམ་པར་སྣང་། །ཚད་མེད་ཚད་དང་བྲལ་བས་ཤིན་ཏུ་རྫོགས་པ་ཡི། །བདེ་བར་གཤེགས་པའི་གོ་འཕང་དམ་པ་བརྙེས་གྱུར་ཀྱང་། །ཁམས་གསུམ་ཀུན་ལ་རྟག་ཏུ་དངོས་གྲུབ་མཆོག་སྩོལ་མཛད། །ཐུགས་རྗེ་སྤྱོད་པ་མི་གཡོ་འགག་པར་ཡོང་མི་འགྱུར། །ཨེ་མའོ་ཤིན་ཏུ་བཟང་པོའི་ཆོས་ཉིད་མཆོག་དང་ལྡན། །མཆོག་སྦྱིན་རྣམས་ཀྱི་ནང་ན་གོ་འཕང་མཆོག་བརྙེས་པས། །ཁམས་གསུམ་ཀུན་ལ་རྟག་ཏུ་དངོས་གྲུབ་མཆོག་སྩོལ་མཛད། །མགོན་པོ་དུས་གསུམ་སྒྲིབ་པ་མེད་པར་རབ་མཁྱེན་པ། །དམ་ཚིག་མཆོག་གསུམ་དངོས་གྲུབ་དམ་པ་བདག་ལ་སྩོལ། །འདི་ནི་སངས་རྒྱས་ཐམས་ཅད་ཀྱི། །ཡང་དག་ཡོན་ཏན་རྒྱ་ཆེན་ཏེ། །ལན་ཅིག་ཙམ་ནི་བརྗོད་པས་ཀྱང་། །སངས་རྒྱས་ཐམས་ཅད་འགྲུབ་པར་འགྱུར། །སངས་རྒྱས་ཀུན་བདག་ཉིད་སྦྱོར་བས། །བསྟོད་པའི་རྒྱལ་པོ་འདི་ཉིད་ཀྱིས། །དུས་གསུམ་པ་ཡི་རྒྱལ་བ་ཀུན། །དམ་ཚིག་གསུམ་གྱིས་འགྲུབ་པར་འགྱུར། །སྐུ་ནི་ལྟ་བས་མི་ངོམས་པ། །ཐམས་ཅད་བདག་ཉིད་བསྟན་ནས་ཀྱང་། །ལེགས་སོ་ཞེས་ནས་དངོས་གྲུབ་ནི། །མཆོག་རྣམས་ཀུན་ནི་རབ་སྦྱིན་མཛད། །ཐམས་ཅད་བདག་ཉིད་འགྲུབ་དགའ་དང་། །བསམ་པ་ཐམས་ཅད་ཡོངས་སུ་རྫོགས། །སངས་རྒྱས་འགྲུབ་པ་མཆོག་ཀུན་དང་། །རྣལ་འབྱོར་དམ་པའང་སྦྱིན་པར་མཛད། །དེ་ནས་དེ་ཡིས་བསྒྲུབ་པ་དང་། །ཤིན་ཏུ་རྟག་པའི་དངོས་གྲུབ་དག །གང་གིས་སྲིད་པ་འདི་ཉིད་ལ། །དངོས་གྲུབ་ཤིན་ཏུ་རྟག་ཐོབ་བཤད། །རྡོ་རྗེ་སེ་གོལ་གཏོགས་པ་ཡིས། །སངས་རྒྱས་ཐམས་ཅད་བསྡུ་བར་བྱ། །ཐལ་མོ་ལེགས་པར་སྦྱར་བ་ཡིས། །ཐལ་མོ་ལན་གསུམ་རྣམ་པར་བརྡབ། །དབང་པོ་གང་དང་གང་ལམ་གྱུར། །དེ་དང་ ― DNG011_Page_0636 ―
[མ་དཔེ་གཟིགས་ན་འདིར་གནོན།]
དེ་ཡི་ངོ་བོར་བྱ། །ཤིན་ཏུ་མཉམ་གཞག་སྦྱོར་བ་ཡིས། །སངས་རྒྱས་ཀུན་དང་མཉམ་སྦྱོར་ཞིང་། །ཇི་ལྟར་མོས་པའི་ཆགས་པ་དང་། །ཥ་ཌ་པ་ལ་སོགས་པ་ཡིས། །ཅི་ནས་ཡོངས་སུ་མ་སྐྱོ་བར། །རྟག་ཏུ་ཚད་མེད་བཟླས་པར་བྱ། །ཀུན་ཏུ་ཀུན་ནས་ཐམས་ཅད་ནི། །བདག་ཉིད་རྟག་ཏུ་རྣམ་པ་ཀུན། །སངས་རྒྱས་ཀུན་ཏུ་དངོས་གྲུབ་པ། །རབ་ཏུ་མཐོང་ཞིང་མཆོག་གྲུབ་པའོ། །འདི་ཡིས་སངས་རྒྱས་ཐམས་ཅད་དང་། །དེ་བཞིན་དཔའ་བོ་ཐམས་ཅད་དང་། །རྡོ་རྗེ་འཛིན་པ་ཐམས་ཅད་དུ། །ཚེ་འདི་ཉིད་ཀྱིས་འགྲུབ་པར་འགྱུར། །སངས་རྒྱས་ཀུན་གྱི་ཡོན་ཏན་བསྔགས་པ་རྒྱ་ཆེ་བ། །བསྟོད་པའི་རྒྱལ་པོ་མཆོག་ནི་ལན་ཅིག་གླུར་བླངས་པས། །ཀུན་ཏུ་འགྲོ་བའི་རྣལ་འབྱོར་དམ་པ་རྟག་པའི་མཆོག །དངོས་གྲུབ་མི་ཟད་བདེ་བའི་མཆོག་ཉིད་ཐོབ་པར་འགྱུར། །བསྟོད་པའི་རྒྱལ་པོ་འདི་ཡིས་ནི། །ཐམས་ཅད་བདག་ཉིད་དབང་ཕྱུག་མཆོག །སྣ་ཚོགས་ཀུན་གྱིས་རྣམ་འདུལ་བ། །དེ་བཞིན་གཤེགས་པ་ཀུན་གྲུབ་སྟེ། །དེ་བས་དམ་ཚིག་གསུམ་ལ་སོགས། །རྟོག་པ་བླ་མེད་ཐམས་ཅད་ཀྱིས། །ནམ་མཁའི་དབྱིངས་ཀྱི་མཐའ་ཀླས་པའི། །སེམས་ཅན་ཁམས་ནི་རྣམ་པར་གྲོལ། །དཔལ་རྣམ་པར་སྣང་མཛད་ཀྱིས་དབུགས་ཕྱུང་བའོ།། །།འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་ཁྲོ་གཏུམ་གདུག་པར་འགྱུར། །ཤིན་ཏུ་གདུག་པར་ཁྲོ་བ་ཡིས། །འོ་དོད་འབོད་པར་ལྷུང་བར་འགྱུར། །དེ་ནས་འཕོས་ནས་སེམས་ཅན་དེ། །བག་ཆགས་ཀྱིས་ནི་མཚམས་སྦྱོར་བས། །ཤིན་ཏུ་གདུག་པ་ཆེན་པོར་གྱུར། །བློ་ནི་བདུད་ཀྱིས་བྱིན་བརླབས་ནས། །རིམས་དང་དུག་དང་དབྱིག་དུག་ནད། །ཕྲ་མེན་མ་དང་གནོད་སྦྱིན་གདོན། །བདུད་དང་རྣམ་པར་ལོག་འདྲེན་ཉིད། །ཤིན་ཏུ་གདུག་པ་ཆེན་པོར་འགྱུར། །གནས་གསུམ་པོ་ནི་འཇིགས་བྱེད་ཅིང་། །སྒྲུབ་པ་པོ་རྣམས་ལ་ཡང་ཟ། །ལྷ་ལ་སོགས་པའང་འཕོ་བར་བྱེད། །བསྟན་པ་དག་ཀྱང་འཇིག་པར་བྱེད། །དེ་ནས་དབང་པོར་བཅས་པའི་ལྷ། །ཚངས་པའི་དྲུང་དུ་ཉེ་བར་དོང་། །ཚངས་པའང་ལྷ་དང་དབང་ ― DNG011_Page_0637 ―
[མ་དཔེ་གཟིགས་ན་འདིར་གནོན།]
པོར་བཅས། །འཇུག་སེལ་པ་ཡང་སྐྱབས་སུ་དོང་། །ཚངས་དང་འཇུག་སེལ་ལྷ་རྣམས་ཀྱང་། །ལྷ་ཆེན་དྲུང་དུ་ཉེ་བར་དོང་། །ཚངས་པ་འཇུག་སེལ་དབང་ཆེན་ཡང་། །རྡོ་རྗེ་ཅན་ལ་སྐྱབས་སུ་དོང་། །དེ་ནས་བཅོམ་ལྡན་རྡོ་རྗེ་ཅན། །རྡོ་རྗེ་སེམས་དཔའི་སྦྱོར་བ་ཡིས། །རྡོ་རྗེ་སེ་གོལ་ཕྱག་རྒྱས་ནི། །སངས་རྒྱས་ཐམས་ཅད་བསྡུ་བར་མཛད། །རྡོ་རྗེ་སེམས་དཔའི་སྦྱོར་བ་ཡིས། །དཔུང་པ་གཉིས་ནི་རྡོ་རྗེར་བཅིངས། །རྡོ་རྗེ་སེ་གོལ་བརྡབས་པ་ཡིས། །སངས་རྒྱས་ཐམས་ཅད་བསྡུ་མཛད་ནས། །དེ་ཡི་བཀའ་ཙམ་གྱིས་སྐྲག་ནས། །འཁོར་དང་འཁོར་ལོའི་ཚོགས་བཅས་པ། །སངས་རྒྱས་ཐམས་ཅད་གཤེགས་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །རྡོ་རྗེ་སེ་གོལ་གཏོགས་པ་ཡིས། །འཇིག་རྟེན་ཁམས་ནི་མ་ལུས་པར། །སངས་རྒྱས་རྡོ་རྗེ་འཛིན་བཅས་པ། །ཀུན་གྱིས་ཏིལ་འབྲུ་བཞིན་དུ་རྒྱས། །ཤིན་ཏུ་གདུག་ཅིང་གཏུམ་པོ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ཡི། །ཁྲོ་བོར་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་ཁྲོས་པས་ཀྱང་། །འཇིག་རྟེན་གསུམ་དག་སྲེག་བྱེད་ན། །སངས་རྒྱས་ཐམས་ཅད་ཁྲོས་པ་ཡིས། །ཁམས་གསུམ་མ་ལུས་སྨོས་ཅི་དགོས། །དེ་ནས་སྣ་ཡི་རྩེ་མོ་ལ། །ཡིད་ནི་བརྟན་པར་ཡང་དག་གཟུང་། །སྣའི་དབུགས་རིང་དུ་དྲོ་བ་ལས། །རྒྱལ་བས་ཕྱག་རྒྱའི་སྦྱོར་བ་བྱུང་། །བཅོམ་ལྡན་དེ་ཉིད་རྣལ་འབྱོར་པ། །རྡོ་རྗེ་ཁྲོ་བོར་གྱུར་ནས་བྱུང་། །དཔལ་ཆེན་རྡོ་རྗེ་ཧེ་རུ་ཀ །འབར་བས་ཐལ་བས་རབ་ཏུ་འཇིག །སེམས་དཔའ་སྔོན་པོར་འབར་བའི་ངང་། །འོད་ཀྱི་དཀྱིལ་འཁོར་དམར་པོར་འབར། །འཇིག་པ་ཆེན་པོའི་དུས་ལྟར་དྲག །དུར་ཁྲོད་ཀྱི་ནི་མེ་དང་འདྲ། །འབར་བ་ཆེན་པོ་སྒྲ་འབར་བ། །ཐོད་པ་མང་པོའི་དབུ་རྒྱན་ཅན། །འཇིག་པ་ཆེན་པོའི་དུས་ལྟར་དྲག །དུར་ཁྲོད་བཞིན་དུ་རབ་ཏུ་འཇིགས། །ཁྲོ་ལ་སོགས་པའི་ཚུལ་ལྡན་པ། །ཞལ་རྣམས་སྣ་ཚོགས་འགྱུར་བ་དང་། །སྨིན་མ་ཁྲོ་གཉེར་བཅས་པར་འགྱུར། །འབར་བའི་ལྟ་བས་གར་བྱས་པས། །གུ་ལང་དབང་ཆེན་ཉེ་དབང་བཅས། །ཉི་ཟླ་གཤིན་རྗེ་ཚངས་པར་བཅས། །གནས་གསུམ་དག་ནི་འབར་བྱས་ནས། །ཐལ་བ་བཞིན་དུ་རབ་ཏུ་བཤིག །རྡོ་རྗེ་རྡོ་རྗེ་ཁ་ཊྭཱཾ་ག ། ― DNG011_Page_0638 ―
[མ་དཔེ་གཟིགས་ན་འདིར་གནོན།]
དྲིལ་བུའི་སྒྲ་ནི་གསིལ་བ་ཡིས། །ཐམས་ཅད་ཕབ་ནས་སླར་ཡང་ནི། །ཐལ་བར་གྱུར་པའང་འཚོ་བར་བྱེད། །དེ་ཡི་འབར་བའི་ཉི་མ་ལས། །བྱུང་བའི་གྲིབ་མ་མི་བཟད་པ། །བསྐྱེད་ནས་མ་ལུས་བདུད་ལ་སོགས། །གདུག་པ་རྣམས་ཀྱི་ཁྲག་ཟ་ནུས། །རྒྱལ་པོ་དེ་ནི་དེ་དག་དང་། །ལྷན་ཅིག་དུར་ཁྲོད་རྣམ་པར་རོལ། །ཐམས་ཅད་རྡོ་རྗེ་མཉམ་སྦྱོར་བ། །མཁའ་འགྲོ་དཀྱིལ་འཁོར་འབར་བ་ཡིས། །ཤིན་ཏུ་གདུག་ཅིང་ཁྲོ་དྲག་པའི། །སེམས་ཅན་ཁམས་ནི་རྣམ་སྦྱངས་ནས། །དག་པའི་སངས་རྒྱས་ཞིང་རྣམས་སུ། །སངས་རྒྱས་བྱང་ཆུབ་ངག་ལ་བཀོད། །རྡོ་རྗེ་འདོད་ཁྲོ་ལ་སོགས་ཀྱི། །རྟོག་པ་བླ་མེད་ཐམས་ཅད་ཀྱིས། །ནམ་མཁའི་དབྱིངས་ཀྱི་མཐའ་ཀླས་པའི། །སེམས་ཅན་ཁམས་ནི་རྣམ་པར་སྦྱངས། །དཔལ་ཧེ་རུ་ཀས་དབུགས་ཕྱུང་བའོ།། །།འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ལོག་པར་ལྟ་ལ་གནས་པར་གྱུར། །ཤིན་ཏུ་ལྟ་བ་ངན་པ་ཡིས། །འོ་དོད་འབོད་པ་ཆེན་པོར་ལྷུང་། །རྣལ་འབྱོར་དེ་ཉིད་བཅོམ་ལྡན་འདས། །བྱང་ཆུབ་སེམས་ནི་རྣམ་སྦྱང་ཕྱིར། །པདྨོ་ཆགས་པར་སྦྱོར་བ་ཡིས། །རྡོ་རྗེ་ཆོས་སུ་གནས་པར་གྱུར། །ཇི་ལྟར་པདྨ་དམར་པོ་འདི། །ཚོན་གྱི་ཉེས་པས་མི་གོས་པ། །དེ་བཞིན་བག་ཆགས་ཁམས་གསུམ་གྱི། །ཉེས་པ་སྣ་ཚོགས་རྣམ་པར་དག །འདིས་ནི་ཀུན་ཏུ་གཟིགས་པས་ན། །རྒྱལ་བ་དབང་ཕྱུག་ཉིད་དུ་འགྱུར། །དཔལ་ལྡན་སྤྱན་རས་གཟིགས་ཀྱི་དབང་། །རྡོ་རྗེ་སེམས་དཔའ་དེ་བཞིན་གཤེགས། །འདོད་ཆགས་ཐམས་ཅད་དག་པས་ན། །མཆོག་སྦྱིན་དམ་པ་བཅོམ་ལྡན་འདས། །འདུལ་བའི་ཐབས་ནི་སྣ་ཚོགས་ཀྱིས། །སྣ་ཚོགས་པ་ནི་འདུལ་བར་སྤྲོ། །ཀུན་ཏུ་སྤྱན་རས་གཟིགས་དབང་རྒྱལ། །པདྨ་གར་གྱི་དབང་ཕྱུག་གྱུར། །པདྨོའི་རྒྱལ་པོ་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་དེས། །པདྨ་གར་དབང་ལ་སོགས་ཀྱི། །རྟོག་པ་བླ་མེད་ཐམས་ཅད་ཀྱིས། །ནམ་མཁའི་དབྱིངས་ཀྱི་མཐའ་ཀླས་པའི། །སེམས་ཅན་ཁམས་ནི་རྣམ་པར་སྦྱངས། །དཔལ་པདྨ་གར་གྱི་དབང་ཕྱུག་གིས་དབུགས་ཕྱུང་བའོ།། །། ― DNG011_Page_0639 ―
[མ་དཔེ་གཟིགས་ན་འདིར་གནོན།]
འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་གདུག་ཅིང་བརྐམ་པར་འགྱུར། །ཤིན་དུ་འཇུངས་པར་གྱུར་པ་ཡིས། །ཡི་དྭགས་རྣམས་དང་དམྱལ་བར་ལྷུང་། །དེ་ནས་འཕོས་ནས་སླར་ཡང་ནི། །ཤིན་ཏུ་དབུལ་པོར་སྐྱེས་པར་གྱུར། །བཀྲེས་དང་སྐོམ་པའི་སྐྱོན་རྣམས་ཀྱིས། །དེ་དག་ཕན་ཚུན་གསོད་པར་བྱེད། །ཤིན་ཏུ་གདུག་པ་སྦྱང་བའི་ཕྱིར། །རྣལ་འབྱོར་དེ་ནི་བཅོམ་ལྡན་འདས། །དམ་པའི་དོན་ནི་ནོར་ཆེན་པོ། །རྡོ་རྗེ་ཉི་མ་བྱུང་བར་གྱུར། །ནམ་མཁའི་སྙིང་པོས་ཐམས་ཅད་ཕྱོགས། །ཀུན་གྱི་རེ་བ་ཡོངས་རྫོགས་མཛད། །བུད་མེད་ལ་སོགས་རིན་ཆེན་མཆོག །མཁའ་ལས་རིན་ཆེན་ཐམས་ཅད་འབེབས། །ཤིན་ཏུ་གདུག་ཅིང་ཁྲོ་བ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ཉི་མ་ནི། །རབ་ཏུ་གདུང་བ་ཀུན་བསྒྲུབས་པས། །བྱ་བ་དང་ནི་བཟློག་པ་དང་། །དབྲོག་པས་ཀྱང་ནི་ཁྱད་པར་དུ། །རྒྱལ་བར་བྱས་ནས་གནས་གསུམ་གྱི། །ནོར་གྱི་ཚོགས་ཀུན་སྡུད་པར་བྱེད། །འཇིག་རྟེན་གསུམ་རྒྱལ་ལ་སོགས་ཀྱི། །རྟོག་པ་བླ་མེད་ཐམས་ཅད་ཀྱིས། །ནམ་མཁའི་དབྱིངས་ཀྱི་མཐའ་ཀླས་པའི། །སེམས་ཅན་ཁམས་ནི་རབ་ཏུ་དགྲོལ། །དཔལ་རྡོ་རྗེ་ཉི་མས་དབུགས་ཕྱུང་བའོ།། །།འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །བརྩོན་འགྲུས་ཤིན་ཏུ་ཆུང་བར་གྱུར། །ཤིན་ཏུ་བརྩོན་འགྲུས་ཆུང་བ་ཡིས། །མནར་མེད་པ་ཡི་དམྱལ་བར་ལྷུང་། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །དྲག་ཤུལ་སྦྱོར་བའི་ཚུལ་དག་ཏུ། །རྟག་མཆོག་དཔལ་ནི་བྱུང་བར་གྱུར། །ཐམས་ཅད་དག་པར་མོས་པ་ཡིས། །སྡིག་མེད་སྟོབས་ཀྱིས་ངོ་འཐོན་དུ། །ཕ་རོལ་གནོན་པའི་རྩལ་དག་གིས། །ཤིན་ཏུ་གདུག་ཅིང་ཁྲོ་གཏུམ་པའི། །སེམས་ཅན་རྣམ་པ་མང་པོའི་ཁམས། །འཇིག་རྟེན་ཐམས་ཅད་རབ་ཏུ་འཇིག །བྱི་བ་རྐུན་པོ་ཆོམ་པོ་ཡིས། །ཐམས་ཅད་རྣམ་པར་སྦྱོང་ ― DNG011_Page_0640 ―
[མ་དཔེ་གཟིགས་ན་འདིར་གནོན།]
བར་བྱེད། །བྲིད་པ་དང་ནི་སྒྱུ་དག་དང་། །ངོ་འཐོན་སྟོབས་ཀྱིས་དེ་བཞིན་དུ། །དགྲ་ཆ་ལྔ་ཡིས་བརྒལ་ནས་ནི། །དེ་ཚེ་འཇིག་རྟེན་གསུམ་ལས་རྒྱལ། །སྐྱེ་འགྲོ་གནས་པ་འགྲོ་བ་རྣམས། །མཐའ་དག་བཏུལ་ནས་འགྲུབ་པར་འགྱུར། །འདུལ་བའི་ཐབས་རྣམས་སྣ་ཚོགས་ཀྱིས། །རང་གི་རྒྱལ་སྲིད་རྗེས་སུ་སྐྱོང་། །གཡེམ་པ་རྣམས་ལ་གཡེམ་པར་འགྱུར། །ཁྲོ་བ་རྣམས་ལ་ཁྲོ་བའི་མཆོག །ཞི་བ་རྣམས་ལ་ཞི་བའི་མཆོག །དྲག་ཤུལ་ཅན་ལ་དྲག་པོས་གནོན། །སྡིག་མེད་སྟོབས་ཀྱིས་ངོ་འཐོན་དུ། །དབང་ཕྱུག་དམ་པ་རབ་མནན་ནས། །ལྷ་མོ་བྷི་མོ་ཕྲོགས་ནས་ནི། །དེ་ཚེ་ལོངས་སྤྱོད་རང་གིར་སྤྱོད། །སྡིག་མེད་སྟོབས་ཀྱིས་ངོ་འཐོན་དུ། །མཐུ་བོ་ཆེ་ཡང་རབ་མནན་ནས། །རུག་མི་ནི་ཡང་ཕྲོགས་ནས་ནི། །དེ་ཚེ་ལོངས་སྤྱོད་རང་གིར་སྤྱོད། །སྡིག་མེད་སྟོབས་ཀྱིས་ངོ་འཐོན་དུ། །སྐྱེ་དགུའི་བདག་པོ་རབ་མནན་ནས། །ལྷ་མོ་རབ་ཏུ་ཞི་བ་འཕྲོགས། །དེ་ཚེ་ལོངས་སྤྱོད་རང་གིར་སྤྱོད། །སྡིག་མེད་སྟོབས་ཀྱིས་ངོ་འཐོན་དུ། །འདོད་པའི་ལྷ་ནི་རབ་མནན་ནས། །དགའ་སྡུག་མི་ཡི་དབང་ཕྱུག་མ། །ཕྲོགས་ནས་དེ་ཚེ་ཉེ་བར་སྤྱོད། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པར། །རྡོ་རྗེ་ལས་མཆོག་རྣམ་གནོན་པ། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་རབ་ཏུ་གནས། །ཐབས་དང་རྩལ་གྱི་གྲུབ་པ་ཡིས། །དྲག་ཤུལ་སྦྱོར་བས་བསྒྲུབས་ན་ནི། །ཁམས་གསུམ་རྒྱལ་སྲིད་མ་ལུས་པར། །རྡོ་རྗེ་འཛིན་པ་དེས་ཐོབ་ནས། །བྱང་ཆུབ་སེམས་ནི་མཐའ་ཡས་མཆོག །དྲག་ཤུལ་སྦྱོར་བས་གྲུབ་པར་བྱེད། །ཐམས་ཅད་དག་པར་མོས་པ་ཡིས། །སྡིག་མེད་སྟོབས་ཀྱིས་ངོ་འཐོན་དུ། །རྩལ་གྱིས་ཕ་རོལ་གནོན་པ་ཡིས། །སངས་རྒྱས་བྱང་ཆུབ་རབ་ཏུ་འདྲེལ། །ལྷ་ཡི་དངོས་གྲུབ་དཀའ་བ་དང་། །སངས་རྒྱས་བྱང་ཆུབ་བདེ་ཆེན་པོ། །གོ་འཕང་མཆོག་ནི་རྟག་པ་དག །རང་གི་རྣལ་འབྱོར་གྱིས་ཐོབ་ནས། །སེམས་ཅན་ཁམས་ནི་དུ་མ་དག །མ་ལུས་པར་ནི་རྒྱས་འདེབས་ཤིང་། །འཆི་མེད་བྱང་ཆུབ་དཀའ་བ་དག །སེམས་ཅན་རྣམས་ལ་བརྟན་པར་སྦྱིན། །རྟ་ ― DNG011_Page_0641 ―
[མ་དཔེ་གཟིགས་ན་འདིར་གནོན།]
མཆོག་རྣམ་པར་སྤྲུལ་པ་ཡིས། །མ་ལུས་ལུས་པ་མེད་པ་ཡི། །བསྐལ་པ་ཀུན་ཏུ་སྲིད་པར་གནས། །སེམས་ཅན་ཀུན་གྱི་དོན་ཀྱང་བྱེད། །དེ་ལྟར་རྟ་མཆོག་དཔལ་ལ་སོགས། །རྟོག་པ་བླ་མེད་ཐམས་ཅད་ཀྱིས། །ནམ་མཁའི་དབྱིངས་ཀྱི་མཐའ་ཀླས་པའི། །སེམས་ཅན་ཁམས་རྣམས་རབ་ཏུ་བསྒྲུབས། །དཔལ་རྟ་མཆོག་གིས་དབུགས་ཕྱུང་བའོ།། །།དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །རང་བྱུང་རྣམས་ཀྱི་གཏམ་གྱི་རྟགས། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་རབ་ཏུ་གནས། །གྲུབ་པའི་དབང་ཕྱུག་རབ་གྲུབ་པས། །ཐམས་ཅད་བདག་ཉིད་འཇུག་པར་བྱེད། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་གསུངས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་གཏམ་གྱི་ཕྱག་རྒྱ་ཞེས་པའི་རྟོག་པ་སྟེ་ལྔ་པའོ།། །།དེ་ནས་གཞན་ཡང་ཐམས་ཅད་དུ། །རྣམ་པ་སྣ་ཚོགས་མཆོག་འབྱུང་བའི། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མའི་བདེ་མཆོག་བཤད། །དཔལ་ལྡན་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་འབྱུང་བ། །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །སངས་རྒྱས་ཀུན་གྱི་དམ་ཚིག་དཔལ། །རྡོ་རྗེ་སེམས་དཔའ་སྣང་བ་བདེ། །དེ་བཞིན་གཤེགས་པའི་ལྷ་རྫས་མཆོག །རིན་ཆེན་རྒྱན་ལ་སོགས་པས་སྤྲས། །དྲིལ་བུ་རྒྱལ་མཚན་མཆོག་ལྡན་པའི། །བླ་རེ་དམ་པ་དྲེས་པ་ན། །རྡོ་རྗེ་གླུ་དང་མཆོད་ལ་སོགས། །གླུ་དང་སིལ་སྙན་རྣམ་པར་འཕྲུལ། །མེ་ཏོག་བདུག་པའི་སྦྱོར་བ་དང་། །མར་མེ་དྲི་དང་སོགས་ལྡན་པ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་བསྒྲུབ། །ཡང་ན་བདག་གི་གནས་དག་གམ། །སྐྱེད་མོས་ཚལ་ལ་སོགས་པར་བསྒྲུབ། །དེར་ནི་དང་པོར་གདན་བཤམས་ཏེ། །འཇམ་ཞིང་རེག་ན་བདེ་འགྱུར་བ། །སྣ་ཚོགས་པདྨ་རས་ཀྱིས་གཡོགས། །དེ་ནི་ཐམས་ཅད་དག་པའི་གདན། །སངས་རྒྱས་ཐམས་ཅད་མཉམ་སྦྱོར་བ། །སྦྱོར་བའི་དབང་ཕྱུག་རྣམ་འཕྲུལ་ ― DNG011_Page_0642 ―
[མ་དཔེ་གཟིགས་ན་འདིར་གནོན།]
པས། །རྡོ་རྗེ་སེམས་དཔའ་དཔལ་གྱི་ལྷ། །དེས་ན་རྣམ་པར་འཕྲུལ་པ་མཛད། །སྟན་དེ་དག་ནི་ཐམས་ཅད་ལ། །ཅི་ལྟར་གནས་པ་བཞིན་དུ་དགོད། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་མཛེས་པར་བྱས། །རྡོ་རྗེ་རིན་ཆེན་པདྨ་སོགས། །སྒོ་སྲུང་དང་ནི་ལྡན་པར་བྱས། །རང་གི་ལྷ་དང་འདྲ་བ་ཡི། །བུད་མེད་དག་ནི་ལེགས་བསྒྲུབས་པ། །སྐལ་བཟང་རང་གི་ཕྱག་རྒྱས་མཚན། །ཚོགས་ཀྱི་དཀྱིལ་འཁོར་བརྟག་པར་བྱ། །མི་ཡི་མཚལ་ནི་གྲུབ་པ་ལ། །དམར་ཆེན་པོ་ཞེས་བྱ་བར་བཤད། །ངོ་བོ་ཉིད་ཀྱི་མཐུ་དག་དང་། །རང་བཞིན་གྱིས་ནི་དེ་གྲུབ་པའོ། །རྡོ་རྗེའི་ཆུ་དང་རྡོ་རྗེར་བཅས། །མཚལ་ཆེན་པོ་དག་བསྒྲུབ་པ་ནི། །མཐུ་ཡིས་རབ་ཏུ་གྲུབ་པ་སྟེ། །པདྨའི་སྣོད་ཀྱི་ནང་དུ་བཞག །ཆགས་པ་ཆེན་པོ་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །སངས་རྒྱས་ཀུན་གྱི་རྡོ་རྗེའི་ཐུགས། །དམ་ཚིག་འདི་ནི་འདའ་བར་དཀའ། །དེ་ཡི་མཚལ་དང་ཁུ་བ་དང་། །མཚལ་ཆེན་པོ་ནི་བསྒྲུབ་པ་དག །ཆགས་པ་ཆེན་པོ་ལས་བྱུང་བས། །དམར་ཆེན་པོ་ཞེས་བྱ་བར་བཤད། །དམར་ཆེན་དང་ནི་ག་པུར་བཅས། །ཙནྡན་དམར་པོར་སྦྱར་བ་དག །ཚོགས་ཀྱི་དབུས་སུ་བཞག་པ་ནི། །ར་ས་ཡ་ན་ཀུན་སློང་བ། །རང་གི་ལྷ་ཡི་སྦྱོར་ལྡན་པས། །སྲིན་ལག་དང་ནི་མཐེ་བོའི་རྩེས། །ཞི་བའི་བཏུང་བ་བཞིན་མྱངས་ན། །རྟག་པ་ཡི་ནི་དངོས་གྲུབ་ཐོབ། །སངས་རྒྱས་ཀུན་གྱི་བདག་ཉིད་ཀྱི། །ར་ས་ཡ་ན་བདེ་བ་འདིས། །རྡོ་རྗེ་སེམས་དཔའི་ཚེ་དང་གཞོན། །ནད་མེད་པ་དང་བདེ་མཆོག་འགྲུབ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་གིས། །འདུས་པ་དེར་ནི་ཞུགས་པ་དག །འདོད་པ་བཞིན་དུ་འགྲོ་འོང་ལྡིང་། །ཀུན་ཏུ་ཀུན་ནས་ཐམས་ཅད་ནི། །བདག་ཉིད་རྟག་ཏུ་རྣམ་པར་ཀུན། །སངས་རྒྱས་ལ་སོགས་བརྟན་གཡོ་ཀུན། །ཀུན་གྱི་དངོས་པོར་དེ་འགྱུར་རོ། །འདིས་ནི་བསྲུང་བ་བྱས་པས་དཔལ། །རྡོ་རྗེ་སེམས་དཔའ་བཞིན་དུ་འགྱུར། །རྣལ་འབྱོར་མཁའ་འགྲོ་བདེ་མཆོག་གིས། །སངས་རྒྱས་ཐམས་ཅད་བདག་ཉིད་འགྲུབ། །དེ་ནས་ཁྲུས་བྱས་དྲི་ཞིམ་ལུས། །ཅི་འདོད་པ་ཡི་གོས་དང་རྒྱན། །སྣ་ཚོགས་གོས་བཟང་བགོས་ནས་ནི། །མེ་ཏོག་ཕྲེང་ལྡན་ ― DNG011_Page_0643 ―
[མ་དཔེ་གཟིགས་ན་འདིར་གནོན།]
ཁ་དྲི་ཞིམ། །སྣ་ཚོགས་ཀུན་གྱིས་སྐལ་བཟང་པོས། །སློང་བས་དལ་གྱིས་དལ་གྱིས་སུ། །གོས་དགབ་པ་ཡི་སྦྱོར་བ་ཡིས། །བདག་གི་འབྱུང་བ་བསྐུལ་བར་བྱ། །རྫོགས་པའི་སངས་རྒྱས་ཉི་ཟླ་རྣམས། །ཤར་བ་དག་ནི་མཐོང་བ་ཡིས། །སྡིག་པ་ཀུན་ལས་གྲོལ་འགྱུར་ཞིང་། །བསོད་ནམས་ཐམས་ཅད་འགྲུབ་པར་འགྱུར། །ངེས་པའི་ལམ་དང་ཀུན་ལྡན་པ། །རྣམ་པར་འདས་པས་རྣམ་པར་བརྒྱན། །བརྟན་ཞིང་གྲུབ་པ་སློང་བྱེད་པ། །ཀུན་ནས་སློང་བའི་བདེ་བ་ནི། །སྟོང་པ་ཤིན་ཏུ་རྣལ་འབྱོར་ཡོད་མེད་མཐུས། །ནམ་མཁའ་བཞིན་དུ་དམ་ཚིག་ཉེ་བར་གནས། །བདེ་གཤེགས་བདེ་བར་གཤེགས་པ་བཞེངས་སུ་གསོལ། །རྡོ་རྗེ་སེམས་དཔའ་སྐལ་བཟང་དཔལ་ཁྱོད་བདག །རྒྱལ་བ་ཉིད་ཀྱི་གླུར་བླངས་ན། །ཤིན་ཏུ་མྱ་ངན་ཡོངས་འདས་པའི། །ཤི་བའང་སླར་ནི་སློངས་འགྱུར་ན། །ཡང་སྲིད་པ་ལྟ་ཅི་ཞིག་སྨོས། །ལམ་བཞི་དང་ནི་མཉམ་ལྡན་པ། །རྣམ་པར་ལྡན་ཡང་འདས་པས་མཛེས་པར་བྱས། །སྣ་ཚོགས་འབྲང་བར་རབ་ཏུ་འགྲུབ། །འཇིག་རྟེན་གསུམ་ནི་རབ་བསྒྲུབ་པ། །འཇིག་རྟེན་གསུམ་གྱིས་ཕྱག་བྱས་པ། །འཇིག་རྟེན་གསུམ་གྱི་སྟོན་པའོ། །འཇིག་རྟེན་གསུམ་ལ་སྐྱིད་སྦྱིན་པ། །འཇིག་རྟེན་གསུམ་པོ་བདག་ལ་བསྒྲུབས། །རྡོ་རྗེ་སེམས་དཔའ་དཔལ་སྦྱོར་བ། །ལྷ་མོ་ཀུན་དང་འགྲོགས་པ་ཡིས། །སྣ་ཚོགས་ཀུན་གྱི་སྐལ་བཟང་པོ། །ཨ་ར་ལི་ནི་ཀུན་འགྲུབ་འགྱུར། །ནམ་མཁའི་དབྱིངས་ཀྱི་མཐའ་ཀླས་པའི། །ལྷ་མོ་ཀུན་དང་བདེ་མྱོས་པ། །རྡོ་རྗེ་སེམས་དཔའ་ཡང་དག་རྫོགས། །ཉི་མ་ཟླ་བ་གསལ་བར་འཆར། །རྡོ་རྗེ་སེམས་དཔའ་ཡང་དག་སྦྱོར། །མཁའ་འགྲོ་སྒྱུ་མ་བདེ་མཆོག་འབྱུང་། །ལན་ཅིག་དམིགས་པ་ཙམ་གྱིས་ཀྱང་། །བདེ་བའི་དངོས་གྲུབ་ཀུན་འབྱུང་བ། །བརྟན་ཞིང་གྲུབ་པ་སློབ་བྱེད་པ། །སྣ་ཚོགས་འབྲང་བས་དེ་བཞིན་དུ། །གན་དྷརྦ་དང་ཥ་ཌ་བའི། །གླུ་དབྱངས་སྣ་ཚོགས་གླུས་བསྒྲུབ་པོ། །དེ་ནས་དེ་ཉིད་དམ་པ་ཡིས། །ཐར་པ་ཐམས་ཅད་རྨོངས་པ་ཡི། །རྡོ་རྗེ་སེམས་དཔའི་བདག་ཉིད་དཔལ། །གླུ་འདི་ཡིས་ནི་བསྐུལ་བར་བྱ། །རྗེས་སུ་ཆགས་པའི་རྣམ་མང་དགའ་བའི་པདྨ་ནི། །རྣམ་དག་མཆོད་པས་གསལ་བར་རྗེས་སུ་མཆོད་བྱས་ནས། །མཆོག་ ― DNG011_Page_0644 ―
[མ་དཔེ་གཟིགས་ན་འདིར་གནོན།]
ཏུ་རྟག་པའི་རྣལ་འབྱོར་བདེ་བས་བདེ་གྲུབ་མཛོད། །ཀྱེ་མའོ་མཆོག་ཏུ་བདེ་བའི་དམ་ཚིག་ངོ་བོ་ཉིད། །མཆོག་ཏུ་བདེ་བ་ཤིན་ཏུ་རྣལ་འབྱོར་སྐལ་བཟང་མཆོག་དགྱེས་པ། །རང་གི་དམ་ཚིག་སྐྱོན་མེད་དག་ལ་རོལ་ཅིག་རོལ་ཅིག་ཧོ། །ཀྱེ་མ་མཆོག་ཏུ་གསང་བའི་བདག་པོ་རང་གི་དམ་ཚིག་ནི། །ཡིན་པའི་ཕྱིར་ན་རབ་ཏུ་གསང་བའི་ལྷ་མོ་མཆོག་རྣམས་སོ། །འགྲོ་བའི་རྒྱུད་ནི་རྣམ་པ་སྣ་ཚོགས་འདུལ་བའི་ཐབས་ནི་གསལ་བར་མཁྱེན། །དམ་ཚིག་ཐམས་ཅད་དངོས་པོ་བརྟན་དང་གཡོ་བ་ཀུན་གྱི་ངོ་བོར་གྱུར། །རྒྱལ་བ་ཀུན་གྱི་བདག་ཉིད་རྣལ་འབྱོར་བདེ་བ་མཁའ་འགྲོ་སྒྱུ་མ་ཧོ། །ཀྱེ་མ་དམ་པ་རྟག་པའི་དངོས་གྲུབ་ཆེན་པོ་རབ་ཏུ་སྒྲུབ་པ་སྟོན། །ཛཿཧཱུཾ་བཾ་ཧོཿཨེ་མའོ་བདེ་མཆོག་བདེ་བར་དྲོངས། །རྣམ་པར་སྤྲུལ་པ་ཧཱུྃ་སྣང་བར་མཛོད། །ཨ་ལ་ལ་ཧོ། དེ་བཞིན་གཤེགས་པ་ཐམས་ཅད་ཀྱི། །མཁའ་འགྲོ་སྒྱུ་མ་སྣ་ཚོགས་ཀྱིས། །སློབ་མ་དག་ནི་གཞུག་ཏུ་གསོལ། །གླུ་ཡི་རྒྱལ་པོ་འདི་དག་ནི། །རྡོ་རྗེ་སེམས་དཔའ་དཔལ་ལ་གནས། །ཀུན་གྱི་སྒྱུ་མ་བདེ་བའི་མཆོག །མ་ལུས་ལུས་པ་མེད་པར་འགྲུབ། །གླུ་འདི་དག་ནི་ལེན་པ་ན། །དཀྱིལ་འཁོར་སྣ་ཚོགས་ཐམས་ཅད་དུ། །སངས་རྒྱས་ཐམས་ཅད་རྣམ་འཕྲུལ་པ། །མ་ལུས་ལུས་པ་མེད་པར་སྣང་། །རྣམ་པ་མང་པོའི་འདོད་ཆགས་རྒྱུད་ཀྱི་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མའི་བདེ་མཆོག་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །ཏེ་ན་ཏེ་ཏེ་ཧཱུྃ། རྣམ་པ་མང་པོ་རབ་ཏུ་དགའ་བའི་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་བདེ་མཆོག་སྒྱུ་མས་ཐམས་ཅད་རབ་སྤྲུལ་རྣམ་རོལ་སྤྲུལ་ཅིག་སྤྲུལ། །ཧཱུཾ་ཧཱུཾ་ཧཱུཾ། རྣམ་པ་མང་པོ་ཁྲོ་བོའི་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་བདེ་མཆོག་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །རུ་ལུ་རུ་ལུ་ཧཱུཾ་བྷྱོ་ཧཱུཾ། རྣམ་པ་མང་པོ་སྲོག་གི་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་བདེ་མཆོག་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །ཧཱུཾ་ཤི་ཥྱ་བྷི་ཥ་ཧཱུྃ། ― DNG011_Page_0645 ―
[མ་དཔེ་གཟིགས་ན་འདིར་གནོན།]
དེ་ལ་སོགས་ཏེ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པའི། །ནམ་མཁའི་དབྱིངས་ཀྱི་མཐའ་ཀླས་པའི། །རང་བྱུང་རྣམས་ཀྱི་གླུ་ཡི་རྒྱ། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་ལ་ནི་གནས། །གྲུབ་པའི་དབང་ཕྱུག་རབ་གྲུབ་པས། །ཐམས་ཅད་བདག་ཉིད་གྲུབ་པར་འགྱུར། །གླུ་འདི་དག་ནི་བླངས་པ་དང་། །ལྷ་མོ་ཀུན་གྱིས་རབ་བསྐུལ་ནས། །མཁའ་འགྲོ་སྒྱུ་མ་བདེ་མཆོག་གིས། །སངས་རྒྱས་ཀུན་གྱི་བདག་ཉིད་འགྲུབ། །དབང་པོ་ཀུན་ལས་བྱུང་བ་ཡི། །མཆོད་པའི་སྤྲིན་ཆེན་རྣམ་བཀོད་པ། །རབ་འབྱམ་ཚོགས་རྣམས་ཐམས་ཅད་ཀྱིས། །ཀུན་གྱི་བདག་ཉིད་མཆོད་པར་བྱེད། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་གིས། །དངོས་པོ་ཀུན་གྱི་བདག་ཉིད་ལུས། །མ་ལུས་ལུས་པ་མེད་པར་འགྲུབ། །སྟོན་པའི་ཕྱག་རྒྱ་ཕབ་པ་ཡང་། །བུད་མེད་དག་ཀྱང་བསྒྲུབས་ནས་ནི། །རྡོ་རྗེར་བཅས་པའི་མཚན་མ་འཛིན། །རྣལ་འབྱོར་མར་ནི་རབ་ཏུ་འགྱུར། །དེ་དག་རང་གི་ལྷ་རྣམས་དང་། །འདྲ་བར་བྱིན་གྱིས་བརླབས་བསྒྲུབས་ནས། །སྔོན་མིང་རོལ་མོའི་སིལ་སྙན་གར། །རྣམ་པར་འཕྲུལ་པས་འགྲུབ་པར་འགྱུར། །ལྷ་ཡི་གཟུགས་དང་སྒྲ་དང་དྲི། །རོ་དང་རེག་བྱ་བདེ་མྱོས་པས། །བདག་ཉིད་རང་གི་ལྷར་མཐོང་ཞིང་། །མཆོད་པ་དག་ཀྱང་བྱེད་པར་འགྱུར། །ལྷ་ཡི་མཆོད་པ་མཉམ་སྦྱོར་བ། །སྐལ་བཟང་མཆོག་གི་འདོད་ཆགས་ཅན། །རྣམ་པ་ཀུན་ཏུ་སྐལ་བཟང་བའི། །བདེ་བ་ཡང་དག་སྒྲུབ་པར་བྱེད། །སངས་རྒྱས་སྒྱུ་མས་བྱིན་བརླབས་པས། །རྡོ་རྗེ་སེམས་དཔའ་མཉམ་སྦྱོར་བའི། །དངོས་གྲུབ་ཀུན་གྱི་བདེ་བ་རྣམས། །དཀྱིལ་འཁོར་མཐོང་བས་མྱོང་བར་འགྱུར། །རྡོ་རྗེ་སེམས་དཔའི་མཉམ་སྦྱོར་བའི། །མཐུ་ཉིད་ཀྱིས་ནི་ཐམས་ཅད་དུ། །སྣ་ཚོགས་ཀུན་གྱི་སྐལ་བཟང་པོ། །རང་གི་བདེ་བ་ཉིད་ཀྱིས་འགྲུབ། །སངས་རྒྱས་ཀུན་གྱི་གཟུགས་ཆེན་དང་། །དབྱངས་དང་དྲི་དང་རོ་བདེ་བས། །རྡོ་རྗེ་སེམས་དཔའི་བདག་ཉིད་དུ། །དེ་ཡིས་རབ་མཐོང་མཆོད་པར་བྱེད། །མཆོད་པ་ཐམས་ཅད་མཉམ་སྦྱོར་བ། །སྐལ་བཟང་མཆོག་གི་འདོད་ཆགས་ཅན། །སངས་རྒྱས་ཐམས་ཅད་བདག་ཉིད་ཀྱི། །དངོས་ ― DNG011_Page_0646 ―
[མ་དཔེ་གཟིགས་ན་འདིར་གནོན།]
གྲུབ་མ་ལུས་ལུས་མེད་འགྲུབ། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་སྒྱུ་མ་བདེ་མཆོག་གིས། །སངས་རྒྱས་ཀུན་གྱི་བདག་ཉིད་གར། །རྣམ་པར་རོལ་པ་མཆོག་ཏུ་སྣང་། །དེ་ནས་ཡང་དག་རབ་གསང་བས། །བུད་མེད་དག་ནི་བཞི་རྣམས་དང་། །གར་གྱི་ཕྱག་རྒྱ་མཆོད་པ་ཡིས། །མཆོད་པ་ཐམས་ཅད་དབུལ་བར་བྱ། །རབ་ཏུ་དགའ་བའི་ལྷ་ལ་ཕྱག་འཚལ་ལོ། །དེ་བཞིན་གཤེགས་པའི་དམ་པ་གྲུབ་པར་མཛོད། །ཨོཾ་ཧཱུཾ། དམ་ཚིག་དམ་པ་གྲུབ་པར་མཛད་དུ་གསོལ། །ཨོཾ་ཧཱུཾ། མཆོད་པ་ཆེན་པོ་ཐམས་ཅད་དག་པར་མཛོད། །ཨོཾ་ཧཱུཾ། མཆོད་པ་ཆེན་པོ་ཐམས་ཅད་གྲུབ་པར་མཛོད། །གླུ་ཡི་ཕྱག་རྒྱ་འདི་ནི་དཔལ། །རྡོ་རྗེ་སེམས་དཔའ་ལ་གནས་ཏེ། །མཆོད་པ་མ་ལུས་ལུས་མེད་པའི། །རབ་འབྱམ་ལས་ལའང་སྦྱར་དུ་རུང་། །གང་དག་གྲུབ་པར་མ་གྱུར་དང་། །མཆོད་པ་དག་ནི་མི་འབྱོར་པ། །ཕྱག་རྒྱ་འདི་ཡིས་མཆོད་བྱས་ན། །མཆོད་པ་ཐམས་ཅད་མྱུར་དུ་འགྲུབ། །མཆོད་པའི་སྦྱོར་བ་འདི་དག་དང་། །ལྷ་མོ་བཞི་པོ་དག་གིས་ནི། །མེ་ཏོག་ལ་སོགས་མཆོད་བྱས་ནས། །སློབ་མ་ཐམས་ཅད་གཟུང་བར་བྱ། །དངོས་གྲུབ་འདོད་པས་ཅི་འདོད་པར། །སྙིམ་པའི་གར་ནི་ཀུན་བསྐྱོད་ནས། །དེ་དག་གདོང་ནི་མཛེས་པ་ཡི། །རས་ཀྱིས་གཡོགས་ཏེ་གཟུང་བར་བྱ། །དངོས་གྲུབ་ཇི་ལྟར་འཐོབ་འདོད་པར། །སློབ་མ་མེ་ཏོག་འཐོར་དུ་གཞུག །ལྷ་མོ་གང་ལ་ལྷུང་བ་ནི། །ལྷ་དེ་དེ་ལ་འགྲུབ་པར་འགྱུར། །དེ་ནས་གདོང་ནི་བཀྲོལ་ནས་ཀྱང་། །ཡོན་གྱི་མཆོག་གི་བླང་བར་བྱ། །སངས་རྒྱས་རིན་ཆེན་དབང་བསྐུར་བས། །ཅི་ལྟར་བར་ནི་དབང་བསྐུར་རོ། །དམར་ཆེན་པོ་དང་ག་པུར་བཅས། །ཙནྡན་དམར་པོ་སྦྱར་བ་རྣམས། །ཚོགས་ཀྱི་དབུས་སུ་བཞག་པ་ལ། །གཡོན་པ་མཚན་འཛིན་རྡོ་རྗེ་བཅས། །རང་གི་ལྷ་ཡི་རྣལ་འབྱོར་ལྡན། །སྲིན་ལག་དང་ནི་མཐེ་བོང་རྩེས། །ཞི་བའི་བཏུང་བ་བཞིན་མྱངས་ན། །རྟག་པའི་དངོས་གྲུབ་ཐོབ་པར་འགྱུར། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་སྒྱུ་མའི་ཚོགས་ཀྱིས་ཀྱང་། །རྒྱས་མི་ཐེབས་ཤིང་མི་རྨོངས་ཏེ། །དེ་ལ་གནོད་པར་མི་འགྱུར་རོ། །དེ་ནས་མནའ་ནི་བསྒགས་བྱས་ནས། ། ― DNG011_Page_0647 ―
[མ་དཔེ་གཟིགས་ན་འདིར་གནོན།]
སངས་རྒྱས་ཐམས་ཅད་མཐུན་པ་ཡིས། །མཆོག་ཏུ་རྟག་པའི་བཀའ་སྩལ་པ། །དམ་ཚིག་སྡོམ་པ་སྦྱིན་པར་བྱ། །སངས་རྒྱས་ཐམས་ཅད་མཉམ་སྦྱོར་བའི། །སྡོམ་པ་ཉམས་པར་ཁྱེད་བྱེད་ན། །ཇི་སྙེད་སངས་རྒྱས་ཐམས་ཅད་དང་། །བྱང་ཆུབ་སེམས་དཔའ་རྡོ་རྗེ་འཛིན། །ལྷ་དག་དང་ནི་མི་རྣམས་དང་། །དེ་བཞིན་རྣལ་འབྱོར་གྲུབ་པ་པོ། །དེ་དག་ལ་ནི་སྙིང་རིངས་ནས། །སྙིང་ལས་ཁྲག་ཆེན་འཐུངས་པ་བཞིན། །སེམས་ཅན་ཁམས་ནི་མ་ལུས་དོན། །སྲིད་པ་ཤིན་ཏུ་དག་བྱའི་ཕྱིར། །མི་འགོག་ཆོས་ཉིད་སྦྱོར་བ་ཡིས། །རྟག་པ་ཉིད་དུ་བསྒྲུབ་པར་བྱ། །བདག་གི་ངོ་བོ་ཡོངས་སྤངས་ཤིང་། །དཀའ་ཐུབ་ཀྱིས་ནི་གཟིར་མི་བྱ། །ཅི་བདེ་བར་ནི་བདེ་བར་སྤྱད། །འདི་ནི་ཕྱི་དུས་སངས་རྒྱས་ཡིན། །རྣལ་འབྱོར་ལོངས་སྤྱོད་ཐམས་ཅད་ལ། །ཅིས་ཀྱང་མི་འཇིགས་དགའ་བར་གྱིས། །སྡིག་པ་མེད་ཀྱིས་ཁྱེད་མ་འཇིགས། །དམ་ཚིག་འདའ་བར་དཀའ་བའོ། །གྲུབ་པ་གཅིག་པུ་གཅིག་ལ་སྤྱོད། །ལྷན་ཅིག་སྤྱོད་དང་རྗེས་སྤྱོད་སྡུག །སངས་རྒྱས་བྱང་ཆུབ་བླ་མེད་ཡིན། །ཡང་དག་ཉིད་ཀྱིས་རྟག་ཏུ་བསྟེན། །རྡོ་རྗེ་སེམས་དཔའ་དེ་བཞིན་གཤེགས། །དེ་སྐད་བཀའ་སྩལ་དཔལ་ལྡན་གྱིས། །ཡང་དག་རྫོགས་པའི་སངས་རྒྱས་དང་། །རྡོ་རྗེ་ཅན་གྱིས་བཀའ་སྩལ་ཏོ། །རྣལ་འབྱོར་བཅས་དང་གསང་བཅས་པའི། །བདག་གི་ཡེ་ཤེས་རྒྱ་བསྒྲུབས་ནས། །ཅི་ལྟའི་ཚུལ་བཞིན་གར་བྱེད་པས། །སློབ་མ་རྣམས་ལ་བདེ་བར་སྦྱིན། །སློབ་མ་དམ་པས་དེ་ཕྱིན་ཆད། །ཕྱག་རྒྱའི་ཡེ་ཤེས་རྗེས་བཟུང་ནས། །རྣམ་པར་སྣང་མཛད་མཆོག་བཞིན་དུ། །སངས་རྒྱས་ཀུན་གྱི་བདག་ཉིད་གྲུབ། །དེ་ནས་རོ་དང་ཟས་དང་གནས། །གླུ་དང་སིལ་སྙན་ལ་སོགས་པ། །དེ་དག་མགོན་པོ་རྣམས་ལ་དབུལ། །རྡོ་རྗེ་བླ་མ་ཆེན་པོ་དང་། །བདག་དང་གཞན་ལ་འདོད་དགུས་མཆོད། །འདོད་དོན་འབྲས་བུ་ཕུན་ཚོགས་འགྲུབ། །དེ་ནས་བདག་ཉིད་རབ་བསྒྲུབས་ནས། །ཀུན་གྱི་སློབ་དཔོན་རབ་གནས་པ། །ཅི་ལྟའི་ཚུལ་བཞིན་འཇུག་པ་ཡིས། །བདེན་པའི་ཆོས་ནི་བརྗོད་པར་བྱ། །རྡོ་རྗེ་སེམས་དཔའ་དཔལ་གྱི་ཚུལ། །རྟོག་པ་ཐམས་ཅད་རབ་བསྒྲུབས་ཤིང་། །རྟོག་པ་ཀུན་ལ་རབ་སྦྱོར་བའི། །ངོ་བོ་ཉིད་ཕྱིར་ཆེན་ ― DNG011_Page_0648 ―
[མ་དཔེ་གཟིགས་ན་འདིར་གནོན།]
པོའི་མཆོག །སྣ་ཚོགས་ལས་ཀྱི་སྦྱོར་བ་དང་། །འདུལ་བའི་བདག་ཉིད་སྣ་ཚོགས་པས། །སེམས་ཅན་རྣམས་ནི་འདུལ་བའི་ཕྱིར། །དེ་ལས་གཞན་པའི་ཚུལ་དུ་བསྟན། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ཐར་པ་ཐམས་ཅད་རྣམ་སྦྱང་ཕྱིར། །འགྲོ་བའི་མཁའ་འགྲོ་བྱུང་བར་འགྱུར། །རང་གི་ལྷ་དང་འདྲ་བ་ཡིས། །རང་གི་བྱིན་རླབས་བསྒྲུབ་པའི་རྒྱས། །ཕྱག་རྒྱ་ཅི་བཞིན་རྗེས་མཐུན་པའི། །སངས་རྒྱས་སྤྲུལ་པ་བསྒྲུབ་པར་བྱ། །གཞན་ཡང་རྣལ་འབྱོར་བཅོམ་ལྡན་འདས། །དམ་ཚིག་ལ་སྡང་རྣམ་སྦྱང་ཕྱིར། །ཐམས་ཅད་རྣལ་འབྱོར་དབང་ཕྱུག་མཆོག །རྡོ་རྗེ་མཁའ་འགྲོ་འབྱུང་བར་འགྱུར། །གཞན་ཡང་ཤིན་ཏུ་རྣལ་འབྱོར་པ། །མ་ལུས་པདྨ་རྣམ་སྦྱར་ཕྱིར། །སྐལ་བཟང་དམ་པ་མི་འགྱུར་བ། །པདྨ་སྒྱུ་མ་འབྱུང་བར་འགྱུར། །གཞན་ཡང་རྣལ་འབྱོར་བཅོམ་ལྡན་འདས། །ནོར་གྱི་མཆོག་གིས་རྣམ་སྦྱང་ཕྱིར། །ནམ་མཁའ་ཀུན་གྱི་བདག་པོ་ཆེ། །རྡོ་རྗེ་ཉི་མ་དཔལ་འབྱུང་འགྱུར། །རྣལ་འབྱོར་དེ་ཉིད་བཅོམ་ལྡན་འདས། །དྲག་ཤུལ་སྦྱོར་བ་སྦྱར་བའི་ཕྱིར། །རྟ་མགྲིན་ཕ་རོལ་རབ་གནོན་པ། །རྟ་མཆོག་རབ་ཏུ་འབྱུང་བར་འགྱུར། །རང་གི་ལྷ་དང་འདྲ་བ་ཡིས། །རང་གི་བྱིན་རླབས་བསྒྲུབ་པའི་ཕྱིར། །གཟུགས་བརྙན་ངོ་བོར་སྦྱོར་བ་ཡི། །ཕྱག་རྒྱའི་སྦྱོར་བས་གར་བྱའོ། །དམ་ཚིག་རྣམ་པ་སྣ་ཚོགས་ཀྱིས། །དེ་ལྟར་རྣམ་པར་སྤྱོད་ན་ནི། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་འགྲུབ། །ཀུན་ཏུ་ཀུན་ནས་ཐམས་ཅད་ནི། །སངས་རྒྱས་འཕྲུལ་བ་ཐམས་ཅད་ཀྱིས། །བདག་ཉིད་རྟག་ཏུ་རྣམ་པ་ཀུན། །སངས་རྒྱས་ལ་སོགས་བརྟན་གཡོ་ཀུན། །ཀུན་གྱི་དངོས་པོར་དེ་འགྱུར་རོ། །ཀུན་ཏུ་སངས་རྒྱས་ཐམས་ཅད་ཀྱི། །སངས་རྒྱས་སྤྲུལ་པ་ཐམས་ཅད་ཀྱིས། །བདག་ཉིད་རྣམ་པར་འཕྲུལ་པ་སྟོན། །ལྷ་མོ་ཀུན་དང་འདུས་པ་ཡིས། །སངས་རྒྱས་ཞིང་ནི་མ་ལུས་པར། །སངས་རྒྱས་སྤྲུལ་པ་གྲུབ་པར་བྱེད། །སངས་རྒྱས་སྤྲུལ་པ་སྒྱུ་མ་ཡིས། །སངས་རྒྱས་རྣམས་ཀྱི་མཛད་པའོ། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་སྒྱུ་མ་གར་བྱེད་པས། ། ― DNG011_Page_0649 ―
[མ་དཔེ་གཟིགས་ན་འདིར་གནོན།]
ཁམས་གསུམ་དག་ན་མ་ལུས་པར། །དངོས་པོ་ཀུན་ཏུ་དེ་འགྱུར་རོ། །པདྨ་སྒྱུ་མ་རྣམ་འཕྲུལ་པས། །སངས་རྒྱས་རྡོ་རྗེ་འཛིན་ལ་སོགས། །སྣ་ཚོགས་གཟུགས་བྱེད་རིམ་པ་ཡིས། །འགྲོ་བ་ཐམས་ཅད་མགུ་བར་བྱེད། །ཁམས་གསུམ་པ་ཡི་རྒྱལ་སྲིད་ཆེ། །མཇལ་དུམ་གཡུལ་འགྱེད་གྲུབ་པ་དག །རྒྱལ་སྲིད་སྒྱུ་མ་རྣམ་འཕྲུལ་བས། །བྱ་བ་ཐམས་ཅད་སྟོན་པར་བྱེད། །ཁམས་གསུམ་པ་ཡི་རྒྱལ་སྲིད་ཆེ། །བདག་རྟུལ་ཕོད་པས་མནན་ནས་ནི། །འགྲོ་བ་ཐམས་ཅད་རབ་འཇོམས་པར། །རྟ་ཡི་གར་གྱིས་སྟོན་པར་བྱེད། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །སྣ་ཚོགས་ཀུན་གྱི་བདེ་མཆོག་གིས། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་དེ་བཞིན་གཤེགས། །དཔལ་དགྱེས་རོལ་པ་རྣམ་འཕྲུལ་པ། །སྣ་ཚོགས་ཀྱིས་ནི་རྣམ་པར་རོལ། །རྣམ་པ་སྣ་ཚོགས་སྐལ་བཟང་པོ། །རྣམ་པ་སྣ་ཚོགས་བདེ་མཆོག་གིས། །འདུལ་བ་རྣམ་པ་སྣ་ཚོགས་ཀྱིས། །སེམས་ཅན་ཁམས་ནི་རབ་ཏུ་བསྒྲུབ། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །སངས་རྒྱས་ཐམས་ཅད་འབྱུང་བའི་མཆོག །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་ལ་གནས་ཏེ། །གྲུབ་པའི་དབང་ཕྱུག་རབ་བསྒྲུབས་པས། །ཐམས་ཅད་བདག་ཉིད་གྲུབ་པར་བྱེད། །ཅེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་གསུངས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་སངས་རྒྱས་ཐམས་ཅད་མཉམ་པར་སྦྱོར་བ་མཁའ་འགྲོ་སྒྱུ་མའི་དཀྱིལ་འཁོར་གྱི་རྟོག་པ་སྟེ་དྲུག་པའོ།། །།དེ་ནས་གཞན་ཡང་བཤད་བྱ་བ། །རྡོ་རྗེ་སེམས་དཔའ་དཔལ་གྱི་ལྷ། །རྣམ་པ་སྣ་ཚོགས་ཀུན་གྱི་མཆོག །འཁོར་ལོ་ཐམས་ཅད་རྣམ་སྤྲུལ་པའོ། །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྗེས་སུ་བསྒྲུབ། །དབེན་པ་ཡི་ནི་གནས་དག་གམ། །རང་གི་སྐྱེད་མོས་ཚལ་སོགས་པར། །ཀུན་ཏུ་སྣ་ཚོགས་སྐལ་བཟང་པོ། །ཀུན་ཏུ་སྣ་ཚོགས་བདེ་མཆོག་གིས། ། ― DNG011_Page_0650 ―
[མ་དཔེ་གཟིགས་ན་འདིར་གནོན།]
ཀུན་ཏུ་སྣ་ཚོགས་དགོས་པ་རྣམས། །ཅི་བདེ་བར་ནི་བསྒྲུབ་པར་བྱ། །རྟེན་དང་དགོན་པ་གཙུག་ལག་ཁང་། །རི་ཡི་རྩེ་རྣམས་ཐམས་ཅད་དུ། །རྣམ་པ་དུ་མ་སྣ་ཚོགས་པ། །སངས་རྒྱས་དགོས་པ་བསྒྲུབ་པར་བྱ། །དུར་ཁྲོད་དང་ནི་ལྷ་རྟེན་དང་། །མ་མོའི་གནས་ལ་སོགས་འདུག་ན། །རྡོ་རྗེ་འཛིན་པའི་དགོས་པ་དག །རྣམ་པ་དུ་མར་འགྲུབ་པར་འགྱུར། །པདྨོའི་སྐྱེད་མོས་ཚལ་དགའ་དང་། །ཆུ་བོ་དག་གི་མདོ་དག་ཏུ། །པདྨ་འཛིན་པའི་དགོས་པ་རྣམས། །ཡང་དག་པར་ནི་འགྲུབ་པར་འགྱུར། །རྒྱལ་པོའི་ཕོ་བྲང་དགའ་བ་དང་། །རྒྱལ་པོའི་སྐྱེད་མོས་ཚལ་དག་ཏུ། །རྣམ་པ་སྣ་ཚོགས་དུ་མ་ཡི། །རྒྱལ་པོའི་དགོས་པ་བསྒྲུབ་པར་བྱ། །མཁར་ནི་རྣམ་པ་སྣ་ཚོགས་དང་། །དེ་བཞིན་ཆུ་བོའི་འགྲམ་དག་གམ། །རྒྱལ་ཁམས་གཞན་ལས་གྲུབ་པ་རུ། །རྡོ་རྗེ་རྟ་ནི་བསྒྲུབ་པར་བྱ། །ཆ་ལུགས་རྣམ་པ་སྣ་ཚོགས་དང་། །སྒྲུབ་པ་རྣམ་པ་སྣ་ཚོགས་ཀྱིས། །རྡོ་རྗེ་སེམས་དཔའི་དགོས་པ་ལ། །དཀྱིལ་འཁོར་ལ་སོགས་རབ་ཏུ་སྒྲུབ། །སངས་རྒྱས་རྣམས་ཀྱི་པདྨ་དམར། །ཕྱག་ན་རྡོ་རྗེ་སྣ་ཚོགས་ལ། །འཇིག་རྟེན་དབང་གི་ཁ་དོག་དཀར། །རྡོ་རྗེ་ཉི་མ་དཔལ་གྱི་གསེར། །ཁ་དོག་ཀུན་དང་ཅི་འབྱོར་པ། །བླ་རེ་རྒྱལ་མཚན་རྒྱན་གྱི་རྣམས། །ཐམས་ཅད་རབ་ཏུ་སྒྲུབ་པ་དཔལ། །རྟ་མཆོག་རྡོ་རྗེ་ཅན་གྱིའོ། །གནས་དང་འཁོར་རྣམས་ཅི་འདྲ་དང་། །བཀོད་དང་འགྲོ་བ་ཅི་འདྲ་དང་། །འཁོར་རྣམས་བཀོད་པ་ཅི་འདྲ་བར། །དེ་འདྲའི་འཁོར་ལོ་མཆོག་གིས་མཛད། །རྡོ་རྗེ་སེམས་དཔའི་ལྷ་རྣམས་ཀྱི། །འཁོར་ལོ་མངོན་སུམ་མཐོང་བ་ལས། །བསོད་ནམས་བརྟག་པ་ཅི་འདྲ་བ། །ཕྱིས་བྲིས་པ་ཡང་དེ་བཞིན་ནོ། །དཀྱིལ་འཁོར་ཐིག་བཏབ་ཤེས་རབ་ཅན། །ཕྱོགས་ཀུན་མཉམ་པ་ཉིད་བསྒྲུབ་ཅིང་། །ཤར་ནུབ་བྱང་གི་ཕྱོགས་དག་ཏུ། །ཐིག་བཞི་བཏབ་པས་དཀྱིལ་འཁོར་བརྒྱད། །དཀྱིལ་འཁོར་ཡང་དག་ཅི་འདྲ་བར། །རབ་ཏུ་རྟག་པར་སུ་ཞིག་ནུས། །རང་གིས་ལྷ་ཡི་རང་བཞིན་གྱིས། །དཀྱིལ་འཁོར་བརྟག་པ་འགྲུབ་པར་འགྱུར། །བདག་ཉིད་རང་གིས་ལྷར་སྦྱོར་བས། །དངོས་གྲུབ་ཐམས་ཅད་བསྒྲུབ་པར་བྱ། །ཆོ་ག་ལྷག་གམ་མ་ཚང་ནའང་། །ཉེས་པ་མེད་དེ་འགྲུབ་པར་འགྱུར། ། ― DNG011_Page_0651 ―
[མ་དཔེ་གཟིགས་ན་འདིར་གནོན།]
ཀུན་ཏུ་སྣ་ཚོགས་སྐལ་བཟང་པོ། །ཀུན་ཏུ་སྣ་ཚོགས་འཁོར་ལོ་ཅན། །ཀུན་ཏུ་སྣ་ཚོགས་གྲུབ་པའི་ཕྱིར། །དཀྱིལ་འཁོར་ཀུན་ཏུ་སྣ་ཚོགས་པའོ། །དཀྱིལ་འཁོར་ཟླུམ་པོ་སངས་རྒྱས་ཀྱི། །རྡོ་རྗེ་ཅན་གྱི་ཟླ་གམ་བཞིན། །པདྨའི་དབང་གི་པདྨའི་དབྱིབས། །རིན་ཆེན་མཆོག་གི་རིན་ཆེན་དབྱིབས། །ཇི་ལྟར་འདོད་པ་ཅི་འབྱོར་པ། །ཅི་ལྟའི་དུས་དང་ཅི་བདེ་བར། །དཀྱིལ་འཁོར་ཀུན་ཏུ་གནས་པར་དཔལ། །རྟ་མཆོག་ཕྱག་རྒྱ་རྡོ་རྗེའི་འོ། །དཀྱིལ་འཁོར་དུ་ནི་མ་ཞུགས་ཤིང་། །དམ་ཚིག་རྣམས་ནི་སྤངས་པ་དག །གསང་བ་ཡང་དག་མི་ཤེས་པས། །བསྒྲུབས་ཀྱང་ཅི་ཡང་མི་འགྲུབ་པོ། །སྲོག་ཆགས་གསད་པར་མི་བྱ་ཞིང་། །དཀོན་མཆོག་གསུམ་ནི་ཡོང་མི་སྤང་། །བྱང་ཆུབ་སེམས་ནི་མི་གཏང་སྟེ། །སློབ་དཔོན་སྐལ་བཟང་ཡོང་མི་གཏང་། །ཀུན་ཏུ་སྣ་ཚོགས་སྐལ་བཟང་པོར། །བདག་རང་བསྒྲུབས་པས་སྐལ་བ་བཟང་། །བདག་མེད་ཆོས་ཉིད་དང་ལྡན་པ། །དམ་ཚིག་ལ་སྡང་སྐལ་བ་ངན། །སྲིད་པ་ཤིན་ཏུ་བསྒྲུབས་པས་ན། །སྐལ་བཟང་སངས་རྒྱས་བཅོམ་ལྡན་འདས། །སྐལ་ངན་ཉན་ཐོས་འཇིག་རྟེན་ན། །ཤིན་ཏུ་ཡོངས་སུ་མྱ་ངན་འདས། །རྟོག་པ་ཐམས་ཅད་བསྒྲུབ་པའི་ཕྱིར། །སྐལ་བཟང་ཕྱག་ན་རྡོ་རྗེ་དཔལ། །སྟོང་པ་ཉིད་ལ་རབ་སྦྱོར་བས། །རང་རྒྱལ་རྣམས་ནི་སྐལ་བ་ངན། །འདོད་ཆགས་ཐམས་ཅད་རྣམ་དག་པས། །སྐལ་བཟང་སྤྱན་རས་གཟིགས་ཀྱི་དབང་། །ལོག་པར་ལྟ་དང་ལྡན་པས་ན། །སྐལ་ངན་འཇིག་རྟེན་མུ་སྟེགས་ན། །དམ་པའི་ནོར་མཆོག་སྡུད་པའི་ཕྱིར། །སྐལ་བཟང་རྡོ་རྗེ་ཉི་མ་དཔལ། །བདག་གི་བུ་ཡང་མ་ཆགས་པས། །སྐལ་ངན་དཀའ་ཐུབ་སྤྱོད་པ་ཀུན། །རྒྱལ་སྲིད་མཆོག་རྣམས་ཀུན་བསྡུས་པས། །རྟ་མཆོག་དཔལ་ནི་སྐལ་བ་བཟང་། །བདག་མེད་ཡོངས་སུ་འཛིན་མེད་པས། །ཐུབ་པ་ཐམས་ཅད་སྐལ་བ་ངན། །བདེ་བ་ཐམས་ཅད་བདག་སྒྲུབ་ཕྱིར། །ཀུན་གྱི་སློབ་དཔོན་སྐལ་བ་བཟང་། །ལྟ་ངན་དམ་ཚིག་ལ་སྡང་བའི། །སློབ་མ་ཐམས་ཅད་སྐལ་བ་ངན། །གསང་བའི་དོན་ནི་ཡང་དག་ཉིད། །འདི་ནི་གསལ་བར་ཤེས་པ་ཡིས། །སངས་རྒྱས་ཀུན་གྱི་བཀའ་བཞིན་དུ། །སངས་རྒྱས་ཀུན་ཏུ་འགྲུབ་པར་གྱུར། །ཀུན་གྱི་སློབ་ ― DNG011_Page_0652 ―
[མ་དཔེ་གཟིགས་ན་འདིར་གནོན།]
དཔོན་ལ་གནས་པས། །འཁོར་ལོར་འཇུག་པར་བྱེད་པ་ན། །དཀྱིལ་འཁོར་འདོད་པའི་སློབ་མ་ལ། །གསང་བ་ཡང་དག་མཐའ་ཡས་མཆོག །ཐོག་མ་ཉིད་དུ་གསལ་བརྗོད་པ། །ཀྱེ་ཁྱོད་ཅི་ལ་དགའ་ཞེས་དྲི། །སྐལ་བ་བཟང་ལ་བདག་དགའ་ཞེས། །འཇུག་པ་པོས་ཀྱང་སྨྲ་བར་བྱ། །གསང་བའི་ཡང་དག་འདི་ཤེས་ན། །ཅི་ལྟར་འདོད་པར་རབ་ཏུ་གཞུག །གསང་བ་ཡང་དག་མི་ཤེས་ན། །གཡས་པ་ཡིས་ནི་གཞུག་པར་བྱ། །དེ་ལྟར་དཀྱིལ་འཁོར་དུ་ཞུགས་ནས། །དེ་བཞིན་ཤིན་ཏུ་ཡོན་དབུལ་ཏེ། །གསང་བའི་ཆོ་ག་ཉིད་ཤེས་པས། །མི་འགྱུར་བ་ཡི་མཆོག་འགྲུབ་བོ། །ཀུན་ཏུ་སྣ་ཚོགས་བླ་མ་ལ། །ཡོན་མཆོག་དག་ནི་དབུལ་བར་ངེས། །གང་ལ་ཡོངས་སུ་གཏང་དཀའ་གང་། །དེ་ནི་མཆོག་ཏུ་བཤད་པ་ཡིན། །གང་དང་གང་ནི་སྡུག་པའི་མཆོག །ཡང་ན་ཤིན་ཏུ་ཁྱད་པར་ཅན། །དེ་དང་དེ་ནི་བླ་མ་ལ། །དེ་ཉིད་མི་ཟད་འདོད་པས་དབུལ། །ཡང་ན་དེ་ནི་འདོད་འགྱུར་བའམ། །འོན་ཏེ་སེམས་ལ་དགོས་པ་དག །དེ་སྦྱིན་ཡང་ན་དགོས་པ་བྱ། །དེ་ནི་ཆུང་ཡང་མཆོག་ཡིན་ནོ། །དེ་ལ་གལ་ཏེ་མཆོག་བདོག་ལ། །དེ་ཡང་ངན་པའི་ཡོན་འབུལ་ན། །ཀུན་གྱི་སློབ་དཔོན་བརྙས་པས་ན། །དེ་ནི་རྟག་ཏུ་སྡུག་བསྔལ་འཐོབ། །བུ་མོ་ཤིན་ཏུ་བརྒྱན་པ་འམ། །དེ་བཞིན་ཆུང་མ་སྡུག་པ་དག །ཕུལ་ནས་རིན་གྱིས་བླུ་བ་ནི། །སངས་རྒྱས་བྱང་ཆུབ་མཆོག་གི་ཡོན། །མ་ཆེན་དག་ནི་ཕུལ་ནས་སུ། །སླར་ཡང་རིན་གྱིས་བླུ་བ་ནི། །རྡོ་རྗེ་འཛིན་དཔལ་སྦྱོར་བ་ཡི། །ཡོན་དེ་མཆོག་གི་ཡོན་ཡིན་ནོ། །མུ་ཏིག་བཟང་དང་ནོར་བུ་དང་། །ཤིན་ཏུ་དཀར་བའི་རས་ཟུང་དང་། །དེ་བཞིན་རྟ་ནི་དཀར་པོ་དག །པདྨ་ཅན་གྱི་ཡོན་མཆོག་ཡིན། །རྒྱལ་སྲིད་ལོངས་སྤྱོད་གཏེར་རྣམས་དང་། །གོས་དང་རྒྱན་གྱི་ཚོགས་རྣམས་དང་། །དེ་བཞིན་མཆོད་པ་ཐམས་ཅད་ནི། །རྡོ་རྗེ་ཉི་མའི་ཡོན་ཡིན་ནོ། །ཤིན་ཏུ་བརྒྱན་པའི་རྟ་དག་དང་། །གླང་པོ་ཤིན་ཏུ་བརྒྱན་པ་དང་། །ཤིང་རྟ་རིན་ཆེན་གང་བ་དག །རྟ་ཡི་རྒྱལ་པོའི་ཡོན་ཡིན་ནོ། །ཁམས་ཀྱི་རང་བཞིན་ཐམས་ཅད་དམ། །སྲོག་རང་རྩ་བའི་དེ་བཞིན་ཏེ། །སངས་རྒྱས་རིན་ཆེན་དབང་བསྐུར་བ། །མཁས་པས་རྣམ་པ་སྣ་ཚོགས་བརྟག ། ― DNG011_Page_0653 ―
[མ་དཔེ་གཟིགས་ན་འདིར་གནོན།]
སྤྱི་བོ་དང་ནི་དཔྲལ་བ་དང་། །འགྲམ་པ་གཉིས་དང་ལྟག་པ་རུ། །སངས་རྒྱས་རིན་ཆེན་ཐམས་ཅད་ཀྱི། །དབུ་རྒྱན་མི་འགྱུར་དམ་པའོ། །ཁམས་ཀྱི་རང་བཞིན་ཐམས་ཅད་དམ། །སྲོག་དང་རྩ་བའི་དེ་བཞིན་ཏེ། །ཐོད་པ་རིན་ཆེན་དབུ་རྒྱན་ནམ། །སངས་རྒྱས་གཙུག་གི་ནོར་བུ་དག །ཀུན་ཏུ་སྣ་ཚོགས་བླ་མར་ནི། །ཀུན་གྱི་སློབ་དཔོན་ཀུན་ལ་བྱ། །རྒྱལ་སྲིད་ཐམས་ཅད་རྣམ་དག་ལ། །མ་ལུས་ལུས་པ་མེད་པར་འགྲུབ། །རིན་ཆེན་ངོ་མཚར་གཅིག་ལས་བྱས། །དེ་བཞིན་སྣ་ཚོགས་རྒྱན་གྱིས་སྤྲས། །སངས་རྒྱས་པདྨའི་དབང་བསྐུར་བས། །སློབ་མ་ཐམས་ཅད་དབང་བསྐུར་རོ། །སངས་རྒྱས་རིན་ཆེན་རྡོ་རྗེ་བྱེད། །རྡོ་རྗེ་རིགས་ལ་རྡོ་རྗེ་ཡིན། །སྤྱན་རས་གཟིགས་ཀྱི་སངས་རྒྱས་སྐུ། །ནོར་བུ་འཛིན་གྱི་ནོར་བུ་ཡིན། །སངས་རྒྱས་རིན་ཆེན་པདྨ་དང་། །རྡོ་རྗེ་ནོར་བུ་དེ་བཞིན་དུ། །ཐམས་ཅད་མཆོག་ནི་རྟ་མཆོག་ལ། །རང་གི་དབང་བསྐུར་བསྡུས་པའོ། །བླུགས་པ་དང་ནི་བྱས་པ་འམ། །བརྡུངས་པའམ་ཡང་ན་བྲིས་པའང་རུང་། །སྣ་ཚོགས་རབ་ཏུ་ལེགས་པ་ཡི། །མཚན་མའི་ཕྱག་རྒྱ་རབ་ཏུ་བརྟག །ཀུན་ཏུ་སྣ་ཚོགས་སྐལ་བཟང་པོ། །རང་བྱུང་རྣམས་ཀྱི་མཚན་མའི་རྒྱ། །ནམ་མཁའི་དབྱིངས་ཀྱི་མཐའ་ཀླས་པའི། །ལྷ་མོ་རྣམས་ཀྱི་བདེ་བའི་མཆོག །གཞུ་དང་མདའ་དང་དེ་བཞིན་དུ། །སྐལ་ལྡན་དེ་བཞིན་སྐལ་བ་བཟང་། །ཐོད་པ་དང་ནི་ཁ་ཊྭཱཾ་ག །རྡོ་རྗེ་རྒྱ་གྲམ་དེ་བཞིན་ནོ། །པདྨ་རྒྱ་གྲམ་དཔག་མེད་ཚེའི། །སངས་རྒྱས་ཀུན་གྱི་ཚེ་བསྒྲུབ་པ། །ལྷ་མོ་ཚོགས་རྣམས་ཐམས་ཅད་ཀྱི། །མཚན་མའི་ཕྱག་རྒྱ་ཚོགས་སྒྲུབ་བཞིན། །མདའ་དང་དེ་བཞིན་ཚངས་པའི་མགོ། །དེ་བཞིན་འཁོར་ལོའི་ཕྱག་རྒྱ་དང་། །རྡོ་རྗེ་ཏྲི་ཤཱུལ་ཕྱག་རྒྱའི་མཆོག །དཔག་བསམ་ཤིང་དང་ལྕུག་མ་དང་། །པདྨ་རྟ་མགྲིན་འཕང་མཐོ་བ། །རྟ་མགྲིན་ལྗང་གུ་དེ་བཞིན་ནོ། །ཕག་གི་མཆེ་བ་གྲུབ་པ་དང་། །ཟླ་བ་ཉི་མ་དེ་བཞིན་ནོ། །རིན་ཆེན་སྣ་ཚོགས་སྣོད་ཆེན་དུ། །སངས་རྒྱས་གཟུགས་ཀྱི་ར་ས་ཡ། །ཐམས་ཅད་བདག་ཉིད་མྱོང་སྐལ་བཟང་། །མཚན་མའི་ཕྱག་རྒྱའི་ཚོགས་བཞིན་ནོ། །གླིང་བུ་དང་ནི་པི་བང་ཀུན། །ཀུ་མཎྜ་དང་མུ་ར་ཛ། །མེ་ཏོག་བདུག་པ་མར་མེ་དང་། །སྣ་ཚོགས་དྲི་རྣམས་ ― DNG011_Page_0654 ―
[མ་དཔེ་གཟིགས་ན་འདིར་གནོན།]
དེ་བཞིན་ནོ། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །མཚན་མའི་ཕྱག་རྒྱ་དམ་པའི་ཚོགས། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་ཉིད་ལ་གནས། །གྲུབ་པའི་དབང་ཕྱུག་རབ་གྲུབ་པས། །ཐམས་ཅད་བདག་ཉིད་གྲུབ་པར་འགྱུར། །ཆོས་གོས་དང་ནི་ལྷུང་བཟེད་དང་། །དེ་བཞིན་དུ་ནི་འཁར་གསིལ་དང་། །དམ་པའི་ཆོས་ཀྱི་གླེགས་བམ་དག །མཚན་མའི་ཕྱག་རྒྱའི་ཚོགས་གཞན་ནོ། །དེ་བཞིན་ལྕེ་ཡི་ཕྱག་རྒྱ་དང་། །ཆ་ལང་དང་ནི་རྔ་དག་དང་། །རྡོ་རྗེ་དང་ནི་རིན་ཆེན་སྣོད། །མཚན་མའི་ཕྱག་རྒྱའི་ཚོགས་གཞན་ནོ། །དེ་བཞིན་སངས་རྒྱས་གཟུགས་བརྙན་དང་། །མེ་ལོང་དང་ནི་རླུང་ཡབ་དང་། །རྡོ་རྗེ་སེར་བ་སྤྲིན་དང་བཅས། །དེ་བཞིན་མིག་གི་ཕྱག་རྒྱ་དང་། །རྡོ་རྗེ་འབར་བ་ཁ་ཊྭཱཾ་ག །ཐོད་པ་ཁམ་ཕོར་དེ་བཞིན་ནོ། །དམར་ཆེན་དང་ནི་སྙིང་ཆེན་དང་། །ཤ་ཆེན་པོ་དང་རྐང་ཆེན་དང་། །རྣོན་པོ་མདའ་དང་དེ་བཞིན་འདྲེན། །ཆང་དང་ཆུ་དང་དེ་བཞིན་ཏེ། །ལྕུག་མ་རླུང་གིས་བསྐྱོད་པ་དང་། །རས་དང་དེ་བཞིན་མེ་དང་ནི། །རྡོ་རྗེ་ཁྲོ་བོ་རྒྱལ་པོའི་དཔལ། །གདུག་པ་ཐམས་ཅད་ཟ་བ་ཡི། །མཚན་མའི་ཕྱག་རྒྱ་གྲུབ་པའི་ཚོགས། །རྣལ་འབྱོར་དངོས་གྲུབ་རབ་སྒྲུབ་པའོ། །པདྨ་སྣ་ཚོགས་དམར་པོ་དང་། །ལྗང་གུ་དེ་བཞིན་དཀར་པོ་དང་། །མཐིང་ག་སེར་པོ་ལེ་བརྒན་དག །པདྨ་མཚན་མཆོག་རྣམ་པ་བདུན། །པདྨ་སྙིང་པོ་བུད་མེད་རྒྱ། །དེ་བཞིན་ཆོས་ཀྱི་འཁོར་ལོ་དང་། །གསལ་ཤིང་དཔལ་བསྐྱེད་རྡོ་རྗེ་དང་། །པདྨ་མཚན་མའི་ཚོགས་གཞན་ནོ། །གཞུ་དང་མདའ་དང་རལ་གྲི་དང་། །དེ་བཞིན་དུ་ནི་འབར་བའི་མེ། །དབང་བསྐུར་གཏེར་དང་རྒྱལ་མཚན་དག ། མཆོད་པའི་མཚན་མ་བསྡུས་པའོ། །དེ་བཞིན་སྣ་ཚོགས་པདྨ་དང་། །རྡོ་རྗེ་རྒྱ་གྲམ་དེ་བཞིན་ཏེ། །མཚན་མའི་ཕྱག་རྒྱ་གྲུབ་པ་ཡིས། །རྒྱལ་སྲིད་ཐམས་ཅད་འཇོམས་པ་སྟེ། །སངས་རྒྱས་ཐམས་ཅད་ལ་སོགས་པ། །དངོས་པོ་བརྟན་གཡོ་མ་ལུས་ཀུན། །རང་བྱུང་རྣམས་ཀྱི་མཚན་མའི་རྒྱ། །ནམ་མཁའི་དབྱིངས་ཀྱི་མཐའ་ཀླས་པའོ། །དེ་སྐད་བཅོམ་ལྡན་དེ་བཞིན་གཤེགས། ། ― DNG011_Page_0655 ―
[མ་དཔེ་གཟིགས་ན་འདིར་གནོན།]
རྡོ་རྗེ་སེམས་དཔའ་དཔལ་གྱིས་གསུངས། །སངས་རྒྱས་ཐམས་ཅད་དང་མཉམ་པར་སྦྱོར་བ། མཁའ་འགྲོ་སྒྱུ་མ་བདེ་བའི་མཆོག་ལས་དཀྱིལ་འཁོར་ཐམས་ཅད་ཀྱི་ཕྱག་རྒྱ་ཤེས་པའི་རྟོག་པ་སྟེ་བདུན་པའོ།། །།དེ་ནས་གཞན་དག་བཤད་པ་ནི། །རྡོ་རྗེ་སེམས་དཔའ་དཔལ་གྱི་ལྷའི། །རྣམ་པ་ཀུན་ཏུ་སྣ་ཚོགས་མཆོག །མཆོད་པ་ཐམས་ཅད་རྣམ་སྤྲུལ་པའོ། །ལག་པ་གཡས་གཡོན་གཉིས་དག་གིས། །མཛུབ་མོ་མཐེའུ་ཆུང་མཛེས་པར་བསྒྱུར། །དཔལ་ལྡན་གཡོན་པ་འགྱིང་བའི་ཐབས། །གཡས་པ་བ་དན་གསུམ་པ་བྱ། །སྲི་ཞུར་བཅས་པའི་བཏེག་པའི་མཆོག །བདག་ཉིད་རྡོ་རྗེ་སེམས་དཔའ་དཔལ། །འཛུམ་དང་བཅས་པའི་མིག་གིས་བལྟ། །བསམ་པ་གཡོས་པའི་ཕྱག་རྒྱའོ། །སངས་རྒྱས་རྡོ་རྗེ་པདྨ་འཛིན། །རྡོ་རྗེ་ཉི་མ་ཁམས་གསུམ་པས། །སྐད་ཅིག་གིས་ཀྱང་ཕྱག་བྱེད་ན། །ཁེངས་པ་གཞན་ལྟ་ཅི་ཞིག་སྨོས། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་པར་བཅས། །བཏུད་དེ་རབ་ཏུ་ཕྱག་འཚལ་ནས། །ལས་རྣམས་ཐམས་ཅད་བྱེད་པར་འགྱུར། །རྡོ་རྗེ་དཔལ་གྱི་ཐལ་མོ་བསྒྱུར། །བསམ་པ་གཡོས་པས་ཕྱག་བྱས་པའི། །སངས་རྒྱས་མཆོད་པ་ལེགས་བྱས་ན། །མ་ལུས་ལུས་པ་མེད་པར་འགྲུབ། །སྨིན་མ་གཡོན་དུ་འདེག་ཚུལ་གྱིས། །རུ་ལུ་རུ་ལུར་བཅས་བགད་ན། །ཚངས་པ་ཉེ་དབང་དྲག་པོར་བཅས། །ཁམས་གསུམ་པ་རྣམས་ཕྱག་བྱེད་འགྱུར། །ཐལ་མོས་པདྨོ་ཁ་འབུས་བཞིན། །རང་གི་སྦྱོར་ལྡན་སྙིང་གར་བཅིང་། །མཐེ་བོ་མཐེའུ་ཆུང་འདབ་མ་བཞིན། །རྒྱས་པ་བཏུད་པའི་ཕྱག་ཀྱང་བྱ། །ལུས་ཀྱི་ཡན་ལག་ཐམས་ཅད་ནི། །ས་ལ་བསྙལ་ཏེ་ཕྱག་བྱ་བ། །སྙིང་ག་ཁ་དང་སྤྱི་གཙུག་ཏུ། །ཐལ་མོ་སྦྱར་ཏེ་ཕྱག་བྱའོ། །དཔལ་ལྡན་རྡོ་རྗེ་འགྱིང་བའི་ཐབས། །འཛུམ་པའི་མིག་གིས་ཕྱག་བྱས་ན། །ཁམས་གསུམ་པ་ཡང་ཕྱག་བྱེད་ན། །མཐུ་སྙམས་གཞན་ལྟ་ཅི་ཞིག་སྨོས། །ཕྱག་འཚལ་བའི་ཕྱག་རྒྱ་ཤེས་པའོ། །གར་གྱི་རྒྱུད་རྣམས་ཇི་སྙེད་དང་། །དེ་བཞིན་བྱ་བའི་ཚུལ་སྟོན་ཀུན། །དེ་དག་རྡོ་རྗེ་སེམས་དཔའི་རྒྱ། །རང་གི་དོན་རྣམས་སྒྲུབ་བྱེད་པའོ། །འགྱིང་དང་བཅས་པའི་ཚུལ་བྱས་ནས། །ཅི་ལྟའི་ཚུལ་བཞིན་གང་བྱེད་ ― DNG011_Page_0656 ―
[མ་དཔེ་གཟིགས་ན་འདིར་གནོན།]
ཅིང་། །བསྐོར་བའི་གར་རྣམས་སྣ་ཚོགས་ཀྱིས། །མཆོད་པ་ཐམས་ཅད་དབུལ་བར་བྱ། །ལག་པ་གཡས་གཡོན་གཉིས་དག་གིས། །མཛུབ་མོ་མཐེའུ་ཆུང་མཛེས་བསྒྱུར་ཏེ། །གཡོན་པའི་མཛུབ་མོ་ཁུ་ཚུར་བཅང་། །གཡས་པ་བ་དན་གསུམ་པར་བྱ། །ཕྱག་རྒྱ་འདི་ཡིས་བཏབ་ན་ནི། །སངས་རྒྱས་ཀུན་དང་འགྲོགས་པ་དང་། །དངོས་གྲུབ་ཆེན་པོ་མཆོག་ཀུན་གྱི། །དབང་ཕྱུག་ཆེན་པོ་འགྲུབ་པར་འགྱུར། །སངས་རྒྱས་ཐམས་ཅད་དང་འགྲོགས་པ། །དཔལ་སྐལ་བ་བཟང་པོ་ཞེས་བྱ་བའི་ཕྱག་རྒྱའོ། །སྙེམས་འཛིན་ཆེན་པོར་བཅས་པ་ཡི། །སྦྱོར་བས་དེ་ཉིད་བཏེག་ནས་སུ། །འགྲམ་པའི་ཕྱོགས་སུ་ཡོངས་བསྒྱུར་ནས། །སྤྱི་བོའི་མཚམས་སུ་གཞག་པར་བྱ། །ཐམས་ཅད་འབེབས་པའི་གར་བྱེད་པས། །གར་བྱས་དེ་ནས་ཕབ་ནས་སུ། །སྐལ་བཟང་ཧཱུྃ་ཞེས་བྱ་བའི་གླུས། །མཆོད་པ་ཐམས་ཅད་དབུལ་བར་བྱ། །སངས་རྒྱས་ཐམས་ཅད་དང་མཉམ་པར་སྦྱོར་བ་སྐལ་བ་བཟང་པོ་བདེ་བ་ཆེན་པོ་ཞེས་བྱ་བའི་ཕྱག་རྒྱའོ། །ལག་པ་གཡས་གཡོན་གཉིས་དག་གིས། །མཛུབ་མོ་མཐེའུ་ཆུང་མཛེས་བསྒྱུར་བའི། །རྡོ་རྗེ་ཐལ་མོ་སྦྱར་ནས་སུ། །དེ་བཞིན་གཡོན་དུ་བསྒྱུར་བར་བྱ། །དེ་ནི་སྦྱོར་བས་བཏེག་ནས་སུ། །སྤྱི་བོའི་མཚམས་སུ་གཞག་པར་བྱ། །སྐལ་བཟང་ཨོཾ་ཞེས་བྱ་བའི་གླུས། །མཆོད་པ་ཐམས་ཅད་དབུལ་བར་བྱ། །དཔལ་རྡོ་རྗེ་ཐལ་མོ་སྦྱར་བ་སངས་རྒྱས་ཀྱི་མཆོད་པའོ། །ལག་པ་གཡས་གཡོན་གཉིས་དག་གིས། །མཛུབ་མོ་མཐེའུ་ཆུང་མཛེས་བསྒྱུར་ཏེ། །རྡོ་རྗེ་ཐལ་མོ་གྱེན་དུ་དགྲོལ། །མཆོད་པའི་གཏོར་མ་ཀུན་གྱི་ཚུལ། །དུར་ཁྲོད་ཆ་ལུགས་གར་བྱེད་པས། །ཕྱག་རྒྱ་འདི་ཡིས་གར་བྱེད་ཅིང་། །སྐལ་བཟང་རྡོ་རྗེ་དྲག་པོར་དགོད། །མཆོད་པ་ཐམས་ཅད་དབུལ་བར་བྱ། །དཔལ་རྡོ་རྗེ་ཧེ་རུ་ཀའི་ཐོད་པའི་ཐལ་མོ་སྟེ་མཆོད་པའི་གཏོར་མ་ཐམས་ཅད་ཀྱི་ཆོ་གའོ། །ལག་པ་གཡས་གཡོན་གཉིས་དག་གིས། །མཛུབ་མོ་མཐེའུ་ཆུང་མཛེས་བསྒྱུར་ཏེ། །གཡས་གཡོན་ཐལ་མོ་བརྡབས་པ་ཡིས། །མཆོད་པ་ཐམས་ཅད་དབུལ་བར་བྱ། །དཔལ་པདྨ་གར་གྱི་དབང་ཕྱུག་གི་ཐལ་མོའོ། །ལག་པ་གཡས་གཡོན་གཉིས་དག་གིས། །མཛུབ་མོ་མཐེའུ་ཆུང་མཛེས་བསྒྱུར་ཏེ། །རྡོ་རྗེ་རིན་ཆེན་ཐལ་སྦྱར་ནས། །མཆོད་པ་ ― DNG011_Page_0657 ―
[མ་དཔེ་གཟིགས་ན་འདིར་གནོན།]
ཐམས་ཅད་དབུལ་བར་བྱ། །རེ་བ་ཐམས་ཅད་ཡོངས་སུ་རྫོགས་པར་བྱེད་པ་དཔལ་རྡོ་རྗེ་རིན་ཆེན་ཞེས་བྱ་བའི་ཕྱག་རྒྱའོ། །གྱེན་དུ་འཐོར་ཞིང་ཐུར་དུ་འབེབས། །བསྐོར་ཞིང་དེ་བཞིན་ཉུག་པ་དང་། །མེ་ཏོག་བདུག་པ་མར་མེ་མཆོག །དྲི་ཡི་མཆོད་པ་འབྱུང་བའོ། །གང་བའམ་འོན་ཏེ་སྟོང་པའང་རུང་། །ཡང་ན་ཅི་འབྱོར་པ་ཡིས་ཀྱང་། །དམ་ཚིག་མཉམ་པར་བསྒྲུབ་པ་ཡིས། །མཆོད་པ་ཐམས་ཅད་འགྲུབ་པར་འགྱུར། །ཕྱག་རྒྱ་འདི་རྣམས་བཅིངས་ནས་ནི། །སངས་རྒྱས་ཐམས་ཅད་མཆོད་པར་འགྱུར། །དངོས་གྲུབ་དབང་ཕྱུག་གྲུབ་པས་ཀྱང་། །ཀུན་གྱི་བདག་ཉིད་མཆོད་པར་འགྱུར། །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །རང་བྱུང་རྣམས་ཀྱི་མཆོད་པ་ཀུན། །གང་དག་དེ་ཡིས་མ་བྱས་ཤིང་། །སྤེལ་བར་ཡང་ནི་མ་གྱུར་པའི། །རླབས་ཆེན་དམ་པ་གང་ཡང་མེད། །སངས་རྒྱས་ཐམས་ཅད་མཉམ་སྦྱོར་བ། །སྦྱོར་བའི་དབང་ཕྱུག་བདེ་ཆེན་དང་། །དངོས་གྲུབ་ལས་དང་བདེ་བ་དག །འདི་ཡིས་མི་འགྲུབ་གང་ཡང་མེད། །མཆོད་པ་རབ་འབྱམ་གྲུབ་པ་རྣམས། །མ་ལུས་ལུས་པ་མེད་པ་འགྲུབ། །བཅོམ་ལྡན་རྡོ་རྗེ་སེམས་དཔས་གསུངས། །སངས་རྒྱས་ཐམས་ཅད་དང་མཉམ་པར་སྦྱོར་བའི་མཁའ་འགྲོ་སྒྱུ་མ་བདེ་བའི་མཆོག་ལས་མཆོད་པ་ཐམས་ཅད་དང་མཉམ་པར་སྦྱོར་བ་དཔལ་སྐལ་བ་བཟང་པོའི་དམ་ཚིག་གི་རྟོག་པ་སྟེ་བརྒྱད་པའོ།། །།དེ་ནས་གཞན་ཡང་བཤད་པ་ནི། །རྡོ་རྗེ་སེམས་དཔའ་དཔལ་གྱི་ལྷ། །ཀུན་ཏུ་སྣ་ཚོགས་མཆོག་རྣམས་ཀྱི། །ཕྱག་རྒྱ་ཐམས་ཅད་རྣམ་སྤྲུལ་པའོ། །སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་བའི་མཆོག ། གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །བདེ་བ་ཀུན་ལ་ཞེན་པ་དང་། །དངོས་གྲུབ་ཐམས་ཅད་རྣམ་དག་ཕྱིར། །རྡོ་རྗེ་སེམས་དཔའ་བདེ་བའི་མཆོག །ཟླ་བ་ཉ་ལྟར་རྩ་དམར་སྐུ། །འདོད་ཆགས་ཀུན་ལ་ཆགས་པའི་ཕྱིར། །ཆགས་པ་ཆེན་པོ་བཅོམ་ལྡན་འདས། །རྡོ་རྗེ་སེམས་དཔའི་ཕྱག་རྒྱ་འདི། །དམར་པོ་སྣ་ཚོགས་འབར་བའི་འོད། །ཁམས་གསུམ་དག་ན་རིན་ཆེན་གཞན། །སངས་རྒྱས་རིན་ ― DNG011_Page_0658 ―
[མ་དཔེ་གཟིགས་ན་འདིར་གནོན།]
ཆེན་ལྟ་བུ་མེད། །སངས་རྒྱས་ཀུན་གྱི་རིན་ཆེན་ཆེ། །དབུ་རྒྱན་ཅན་ནི་བདེ་བའི་མཆོག །གཞན་གྱི་ནོར་མིན་འདི་མི་འཕྲོགས། །ལྷ་ཡི་ཆུ་འདིས་དག་པ་སྟེ། །མཐུ་དང་ངོ་བོ་ཉིད་དག་དང་། །རང་བཞིན་གྱིས་ནི་དེ་འགྲུབ་བོ། །ཐོད་པའི་ཕྲེང་བའི་དབུ་རྒྱན་དང་། །སངས་རྒྱས་གཙུག་གི་ནོར་བུ་ཅན། །ཀུན་ནས་ཉོན་མོངས་འཇིག་རྟེན་དབང་། །མི་མཇེད་ལ་སོགས་དེ་འགྲུབ་པོ། །རྡོ་རྗེ་སེམས་དཔའ་དཔལ་སྦྱོར་བ། །ལྷ་མོ་ཀུན་དང་འདུས་པ་ཡིས། །ཀུན་ཏུ་སྣ་ཚོགས་སྐལ་བཟང་པོ། །མཁའ་འགྲོ་མ་ནི་ཐམས་ཅད་འགྲུབ། །སངས་རྒྱས་རྡོ་རྗེ་པདྨ་འཛིན། །རྡོ་རྗེ་ཉི་མ་ཁམས་གསུམ་པ། །རྒྱས་བཏབ་རྨོངས་པས་བསླང་ནས་ནི། །ལས་རྣམས་ཀུན་ལ་སྦྱོར་བར་བྱེད། །ཕྱག་རྒྱ་འདི་ཡིས་བཏབ་པ་ནི། །འདོད་པ་བཞིན་དུ་འགྲོ་འོང་ལྡིང་། །ལྷ་མོ་ཀུན་མཆོག་དཔལ་དང་ལྡན། །རྡོ་རྗེ་སེམས་དཔའ་རབ་ཏུ་འགྲུབ། །མཆོག་ཏུ་དགའ་བ་ལ་རབ་ཏུ་སྦྱོར་བ་སྐལ་བ་བཟང་པོ་དཔལ་རྡོ་རྗེ་སེམས་དཔའ་བདེ་བའི་མཆོག་རོལ་པ་ཞེས་བྱ་བ་མཆོག་གི་ཕྱག་རྒྱའོ། །གཡས་དང་གཡོན་གྱི་སྦྱོར་བ་ཡིས། །བདེ་བའི་ཆ་ལུགས་གར་བྱེད་ཅིང་། །སེམས་དཔའི་སྐྱིལ་མོ་ཀྲུང་བཅས་ནས། །དཔུང་རྣམས་ཐམས་ཅད་རབ་ཏུ་འཇོམས། །དཔལ་རྡོ་རྗེ་སེམས་དཔའི་སྐྱིལ་མོ་ཀྲུང་ངོ་། །ཟླ་བའི་ཁ་དོག་འཛུམ་པའི་ཞལ། །དངོས་གྲུབ་ཐམས་ཅད་དག་པ་དང་། །པདྨའི་འདོད་ཆགས་རྣམ་དག་ཕྱིར། །བརླ་ཡི་དབུས་ནི་དམར་ལ་དཀར། །ཕྱག་མཆོག་ལོ་མ་སྔོན་པོ་འདྲ། །དེ་བཞིན་བདེ་བའི་དབང་ཕྱུག་དང་། །བདེ་བ་རེག་པའི་དབང་ཕྱུག་པས། །དཀར་ཞིང་སེར་བའི་བརླ་དང་ལྡན། །ལྷ་རྫས་སྣ་ཚོགས་ཁ་དོག་མཆོག །འབར་བ་སྣ་ཚོགས་འཁྲིགས་པའི་འོད། །པདྨ་སྣ་ཚོགས་ལ་གནས་པ། །ཐམས་ཅད་དག་པར་རབ་ཏུ་གནས། །སངས་རྒྱས་པདྨ་ལ་སོགས་མཆོག །རིན་ཆེན་སྣ་ཚོགས་རྒྱན་དང་གོས། །སངས་རྒྱས་ཐམས་ཅད་འདུ་ས་ཡིན། །མི་མཇེད་ལ་སོགས་བརྒྱན་པ་བཞིན། །བྱ་བ་དང་ནི་བཟློག་པ་དང་། །འཕྲོག་པ་དག་ཀྱང་ལྷག་པར་མཛད། །བདག་ལ་འཁྱུད་པའི་ཕྱག་རྒྱ་ཡིས། །ཡན་ལག་ཐམས་ཅད་འཕྲོག་པར་འགྲུབ། །ཕྱག་རྒྱ་འདི་ཡིས་བཏབ་ ― DNG011_Page_0659 ―
[མ་དཔེ་གཟིགས་ན་འདིར་གནོན།]
ན་ནི། །འདོད་པ་བཞིན་དུ་འགྲོ་འོང་ལྡིང་། །དཔལ་ལྡན་འདོད་པ་ཀུན་ལ་དབང་། །རྡོ་རྗེ་སེམས་དཔའ་རབ་ཏུ་འགྲུབ། །མཆོག་ཏུ་དགའ་བ་ལ་རབ་ཏུ་སྦྱོར་བ་སྐལ་བ་བཟང་པོ་དཔལ་རྡོ་རྗེ་མདའ་བདེ་བའི་མཆོག་རོལ་པ་ཞེས་བྱ་བའི་ཕྱག་རྒྱའོ། །རྣམ་པ་སྣ་ཚོགས་དམ་ཚིག་ཆགས། །བདེ་བའི་འབེབས་པའི་གར་བྱེད་པས། །བདག་ལ་འཁྱུད་པའི་ཕྱག་རྒྱ་མཆོག །དབུས་ཀྱི་ལྷ་མཆོག་ཆེན་པོའོ། །ཕྱག་རྒྱ་འདི་ཡིས་རྣལ་འབྱོར་པ། །འདོད་པ་བཞིན་དུ་འགྲོ་འོང་ལྡིང་། །བདེ་ཆེན་དབང་ཕྱུག་དཔལ་དང་ལྡན། །རྡོ་རྗེ་སེམས་དཔའ་རབ་ཏུ་འགྲུབ། །མཆོག་ཏུ་དགའ་ལ་རབ་སྦྱོར་བ། །སྐལ་བ་བཟང་པོ་དཔལ་རྡོ་རྗེ་སེམས་དཔའི་དམ་ཚིག་བདེ་བའི་མཆོག་རོལ་པ་ཞེས་བྱ་བའི་ཕྱག་རྒྱའོ། །སེ་རལ་ཁ་ཡི་ཚུལ་དག་ཏུ། །རྡོ་རྗེ་ཁ་ཊྭཱཾ་ག་བཟུང་སྟེ། །བདག་ལ་འཁྱུད་པའི་ཕྱག་རྒྱ་ནི། །པད་བཅས་རྡོ་རྗེ་རྒྱ་གྲམ་མཆོག །ཕྱག་རྒྱ་འདི་ཡིས་བཏབ་ན་ནི། །འདོད་པ་བཞིན་དུ་འགྲོ་འོང་ལྡིང་། །རྣལ་འབྱོར་ཀུན་གྱིས་དབང་ཕྱུག་རྒྱལ། །རྡོ་རྗེ་སེམས་དཔའ་རབ་ཏུ་འགྲུབ། །མཆོག་ཏུ་དགའ་བ་ལ་རབ་ཏུ་སྦྱོར་བ་སྐལ་བ་བཟང་པོ་དཔལ་རྡོ་རྗེ་རྣལ་འབྱོར་བདེ་བའི་མཆོག་རོལ་པ་ཞེས་བྱ་བའི་ཕྱག་རྒྱའོ། །རྫོགས་སངས་རྒྱས་ཀྱི་ཁམ་ཕོར་འགྲུབ། །བདག་ལ་འཁྱུད་པའི་ཕྱག་རྒྱ་ཡིས། །རྡོ་རྗེ་སེམས་དཔའ་དཔལ་སྦྱོར་བ། །དབུས་ཀྱི་ལྷ་མཆོག་ཆེན་པོའི། །ཕྱག་རྒྱ་འདི་ཡིས་རྣལ་འབྱོར་པ། །འདོད་པ་བཞིན་དུ་འགྲོ་འོང་ལྡིང་། །དཔལ་ལྡན་ཚེ་དང་གཞོན་འགྲུབ་པ། །རྡོ་རྗེ་སེམས་དཔའ་རབ་ཏུ་འགྲུབ། །མཆོག་ཏུ་དགའ་བ་ལ་རབ་ཏུ་སྦྱོར་བ་སྐལ་བ་བཟང་པོ་དཔལ་རྡོ་རྗེ་ཚེ་བདེ་བའི་མཆོག་རོལ་པ་ཞེས་བྱ་བའི་ཕྱག་རྒྱའོ། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །རང་བྱུང་ཕྱག་རྒྱ་སྣ་ཚོགས་རྣམས། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་ལ་གནས་ཏེ། །གྲུབ་པའི་དབང་ཕྱུག་རབ་གྲུབ་པས། །ཐམས་ཅད་བདག་ཉིད་འབབ་པར་འགྱུར། །སངས་རྒྱས་ཐམས་ཅད་དང་མཉམ་པར་སྦྱོར་བའི་མཁའ་འགྲོ་སྒྱུ་མ་བདེ་བའི་མཆོག་གི་རྩ་བའི་ཕྱག་རྒྱའི་ཚོགས་སོ། །གཙུག་ལག་ཅི་ལྟའི་རྗེས་མཐུན་པའི། ། ― DNG011_Page_0660 ―
[མ་དཔེ་གཟིགས་ན་འདིར་གནོན།]
དཔལ་རྫོགས་རྒྱ་ཆེན་གར་དག་གིས། །མདའ་བཞི་ཡོངས་སུ་འཕངས་ན་ནི། །བདུད་བཞི་དག་ལས་རྒྱལ་བར་འགྱུར། །ཚངས་པ་ཆེན་པོའི་མགོ་དཔལ་རྡོ་རྗེ་མདའ་ཞེས་བྱ་བའི་ཕྱག་རྒྱའོ། །རྐང་པ་འདེག་ཅིང་ཕབ་པ་དང་། །གཤིབས་ཏེ་མཆོངས་པའི་སྟབས་དག་གིས། །འཁོར་ལོའི་ཕྱག་རྒྱས་བསྟོད་ནས་ནི། །ཁམས་གསུམ་དག་ལས་མཆོངས་པར་འགྱུར། །དཔལ་རྡོ་རྗེ་མཐུ་བོ་ཆེ་ཞེས་བྱ་བའི་ཕྱག་རྒྱའོ། །བྱ་བ་དང་ནི་བཟློག་པ་དང་། །ཕྲོགས་པ་དག་གི་ཁྱད་པར་དུ། །སྣ་ཚོགས་ཕྱག་རྒྱས་གར་བྱེད་ཅིང་། །ཁམས་གསུམ་དག་ནི་བསྡུ་བར་བྱ། །དཔལ་རྡོ་རྗེ་གར་གྱི་དབང་ཕྱུག་ཅེས་བྱ་བའི་ཕྱག་རྒྱའོ། །ལྕུག་མ་གང་ཡང་རུང་བཟུང་ནས། །བདག་ལ་འཁྱུད་པའི་ཕྱག་རྒྱ་ཡིས། །བུད་མེད་ཐམས་ཅད་བསྟེན་ན་ནི། །དཔག་བསམ་ཤིང་ལྟར་རྟག་ཏུ་འགྲུབ། །དཔལ་རྡོ་རྗེ་འདོད་པའི་ལྷ་མོ་ཞེས་བྱ་བའི་ཕྱག་རྒྱའོ། །མྱང་བ་བཏུང་བ་ལྟར་བྱས་པས། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པའི། །འཇིག་རྟེན་གསུམ་དག་སྐམས་པར་བྱེད། །དཔལ་རྡོ་རྗེ་རྟ་གདོང་ཞེས་བྱ་བའི་ཕྱག་རྒྱའོ། །སྣ་ཡི་མྱང་བའི་རྔུབ་པ་ཡིས། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པའི། །ཁམས་གསུམ་ཡང་ནི་སྡུད་པར་བྱེད། །དཔལ་རྡོ་རྗེ་ཕག་མོ་ཞེས་བྱ་བའི་ཕྱག་རྒྱའོ། །མིག་ཚུགས་ཞེན་པར་བལྟ་བ་ཡིས། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པའི། །འཇིག་རྟེན་གསུམ་ཡང་ཟ་བར་བྱེད། །དཔལ་རྡོ་རྗེ་སྤྱན་ཉི་ཟླ་ཞེས་བྱ་བའི་ཕྱག་རྒྱའོ། །ཐམས་ཅད་བདག་ཉིད་མྱངས་པ་ཡིས། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པའི། །ཐལ་བར་གྱུར་བའང་འཚོ་བར་བྱེད། །དཔལ་རྡོ་རྗེ་ཀུན་གྱི་བདག་ཉིད་ཁམས་གསུམ་སླར་འཚོ་བ་ཞེས་བྱ་བའི་ཕྱག་རྒྱའོ། །གླིང་བུ་ལེན་པའི་ཚུལ་སྟོན་ཅིང་། །ཇི་ལྟར་འབབ་པའི་གར་བྱེད་པས། །ཚངས་དང་ཉེ་དབང་དྲག་པོར་བཅས། །འགྲོ་བ་གསུམ་དག་དབང་དུ་བྱེད། །དཔལ་རྡོ་རྗེ་གླིང་བུའི་དབང་བྱེད་ཅེས་བྱ་བའི་ཕྱག་རྒྱའོ། །པི་བང་ལེན་པའི་ཚུལ་སྟོན་ཅིང་། །ཇི་ལྟར་འབབ་པའི་གར་བྱེད་པས། །ལས་ ― DNG011_Page_0661 ―
[མ་དཔེ་གཟིགས་ན་འདིར་གནོན།]
རྣམས་གྲུབ་པར་རབ་འབྱམ་དང་། །དངོས་གྲུབ་མ་ལུས་མྱུར་དུ་འགྲུབ། །དཔལ་རྡོ་རྗེ་པི་བང་བདེ་བས་རྨོངས་པར་བྱེད་པ་ཞེས་བྱ་བའི་ཕྱག་རྒྱའོ། །ཅང་ཏེའུ་ཚུལ་སྟོན་རྣལ་འབྱོར་པ། །ཇི་ལྟར་བབས་པའི་གར་བྱེད་པས། །རིམས་དང་གདོན་དང་དུག་ཞེན་པའི། །སྡུག་བསྔལ་ཐམས་ཅད་མྱུར་དུ་སེལ། །དཔལ་རྡོ་རྗེ་ཅང་ཏེའུ་སྡུག་བསྔལ་ཐམས་ཅད་སེལ་བར་བྱེད་པ་ཞེས་བྱ་བའི་ཕྱག་རྒྱའོ། །རྫ་རྔའི་ཚུལ་སྟོན་རྣལ་འབྱོར་པ། །ཇི་ལྟར་བབས་པའི་གར་བྱེད་པ། །གནས་གསུམ་དག་ནི་མ་ལུས་པ། །སྐད་ཅིག་ཙམ་གྱིས་འབེབས་པར་བྱེད། །དཔལ་རྡོ་རྗེ་རྫ་རྔས་མྱོས་པར་བྱེད་པ་ཞེས་བྱ་བའི་ཕྱག་རྒྱའོ། །ཕྱག་རྒྱ་གར་གྱི་མཆོད་པ་ཡིས། །མཆོད་པ་ཐམས་ཅད་བྱས་ན་ནི། །རང་བྱུང་གར་གྱི་མཆོད་པ་རྣམས། །མ་ལུས་ལུས་པ་མེད་པར་འགྲུབ། །རིམས་དང་དུག་དང་དབྱིག་དུག་བྱད། །ཕྲ་མེན་གདོན་གྱི་གནོད་པ་རྣམས། །བསྐོར་བའི་གར་རྣམས་སྣ་ཚོགས་ཀྱིས། །སྐད་ཅིག་ཙམ་གྱིས་ཞི་བར་འགྱུར། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པའི། །རྒྱས་བཏབ་རྨོངས་བྱས་ཟོས་པ་དག །སྐད་ཅིག་ཙམ་གྱིས་འཚོ་བར་བྱེད། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པའི། །ནམ་མཁའི་དབྱིངས་ཀྱི་མཐའ་ཀླས་པ། །རང་བྱུང་ལྷ་མོ་ཕྱག་རྒྱ་རྣམས། །ནམ་མཁའ་ཀུན་གྱི་སྐབས་ན་དཔལ། །རྡོ་རྗེ་སེམས་དཔའ་ལ་གནས་ཏེ། །དངོས་གྲུབ་དབང་ཕྱུག་རབ་གྲུབ་པས། །ཐམས་ཅད་བདག་ཉིད་བབས་པར་འགྱུར། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་གི། །རབ་ཏུ་གྲུབ་པའི་གླུ་རྣམས་ཀྱིས། །བླ་མེད་པ་ཡི་དངོས་གྲུབ་འཐོབ། །དེ་ནས་ཕྱག་རྒྱ་ཡེ་ཤེས་འདི། །དཔལ་ལྡན་རྡོ་རྗེ་མཆོག་གི་གླུ། །ལས་རྣམས་ཐམས་ཅད་རབ་གྲུབ་ཅིང་། །སྲིད་པ་ཤིན་ཏུ་བསྒྲུབ་པ་ནི། །ཀྱེ་ཀྱེ་རྡོ་རྗེ་སེམས་དཔའ་བདེ་ཆེན་སྐལ་བཟང་དཔལ་ཁྱོད་བདག་ལགས་བདག་ཅག་བསྒྲུབ་ལ་རྟོགས་པར་མཛད་དུ་གསོལ། །ཀྱེ་དེ་བཞིན་གཤེགས་པ་ཀུན་གྱི་བདག་ཉིད་བདེ་བ་མཁའ་འགྲོ་སྒྱུ་མ་སྣ་ཚོགས་བདེ་བའི་མཆོག །འགྲོ་བའི་རྒྱུད་རྣམས་རྣམ་པ་སྣ་ཚོགས་འདུལ་མཆོག་སྒྲུབ་པ་བདག་ལ་སྒྲུབ་པར་ ― DNG011_Page_0662 ―
[མ་དཔེ་གཟིགས་ན་འདིར་གནོན།]
མཛད་དུ་གསོལ། །ཨ་ལ་ལ་ཧོ། དེ་བཞིན་གཤེགས་པའི་སྦྱོར་བ་རྣམ་པ་སྣ་ཚོགས་གར་རྣམས་བསྟན་དུ་གསོལ། །ཛཿཧཱུྃ་བྃ་ཧོཿ། ཀྱེ་བདེ་མཆོག་བདེ་བས་ཟུང་ལ་རྣམ་པར་སྤྲུལ། །ཧཱུཾ་སྣང་བར་མཛད་དུ་གསོལ། །ཨ་ལ་ལ་ཧོ། དེ་བཞིན་གཤེགས་ཀུན་སྣ་ཚོགས་མཁའ་འགྲོ་སྒྱུ་མས་སློབ་མ་གཟུང་དུ་གསོལ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །ཀུན་ཏུ་ཀུན་ནས་ཐམས་ཅད་དུ། །འདི་ཉིད་ཀྱིས་ནི་མྱུར་དུ་འགྲུབ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མའི་རྣལ་འབྱོར་གྱི་དཀྱིལ་འཁོར་གྱི་ཕྱག་རྒྱ་ཞེས་བྱའོ། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ཐར་པ་ཐམས་ཅད་རྣམ་དག་ཕྱིར། །སངས་རྒྱས་ཕྱག་རྒྱ་དཔལ་དུ་གནས། །དོན་དམ་རྣམ་པར་དག་པའི་ཕྱིར། །བཙོ་མ་གསེར་གྱི་ཁ་དོག་བཞིན། །ཆགས་མེད་ལ་སོགས་ཆགས་ཆེན་ཕྱིར། །དཀར་ཞིང་སྣ་ཚོགས་གསལ་བའི་མདངས། །ཆོས་ཀྱི་རྒྱལ་སྲིད་རབ་བསྒྲུབས་པས། །རིན་ཆེན་ཆོས་ལས་ལྷག་པ་མེད། །དེ་བས་ཐེག་ཆེན་བྱང་ཆུབ་སེམས། །རྒྱལ་བ་རྡོ་རྗེ་རིན་ཆེན་དག །གཡས་པའི་མཐེ་བོ་གུང་མོ་གཉིས། །གཡོན་པའི་ཁུ་ཚུར་བཅངས་པ་ཡི། །སོར་མོ་ཀུན་ལ་རེག་པ་ནི། །རྩ་བའི་ཕྱག་རྒྱ་ཡིན་པར་གྲགས། །འདི་ནི་སངས་རྒྱས་ཐམས་ཅད་ཀྱི། །ཤེས་རབ་ཕ་རོལ་ཕྱིན་གསལ་ཡིན། །བྱང་ཆུབ་སེམས་ཆེན་སྐྱེ་བ་དང་། །ཆོས་ཀྱི་འཁོར་ལོ་བསྐོར་བ་སྟེ། །ཕྱག་རྒྱ་འདི་ཡིས་བཏབ་ན་ནི། །ཤེས་རབ་ཕ་རོལ་ཕྱིན་པའི་ཚུལ། །ནམ་མཁའི་དབྱིངས་ཀྱི་མཐའ་ཀླས་པར། །རབ་ཏུ་བསྒྲགས་པར་འགྱུར་བ་ཡིན། །བྱང་ཆུབ་སེམས་ཆེན་བསྐྱེད་པ་དང་། །ཆོས་ཀྱི་འཁོར་ལོ་བསྐོར་བ་སྟེ། །སངས་རྒྱས་ཉིད་དུ་རིག་པར་བྱ། །མཆོག་ཏུ་རྟག་པའི་སངས་རྒྱས་སོ། །གང་གིས་ལྡན་པ་འདི་མཐོང་ཞིང་། །རྣམ་པ་ཀུན་ཏུ་མཆོད་བྱེད་པ། །དེ་ཡི་སངས་རྒྱས་རྟག་པའི་མཆོག །མཐོང་ཞིང་མཆོད་པ་བྱེད་པར་འགྱུར། །སེམས་ནི་བསྐྱེད་མ་ཐག་ཏུ་ཡང་། །ཆོས་ཀྱི་འཁོར་ལོ་ལེགས་པར་བསྐོར། །དཔལ་དམ་ཚིག་ཅེས་བྱ་བའི་ཕྱག་རྒྱའོ། །གཡས་པའི་ཡན་ལག་གནོན་པ་ ― DNG011_Page_0663 ―
[མ་དཔེ་གཟིགས་ན་འདིར་གནོན།]
ཡིས། །གཡོན་པའི་ཡན་ལག་ཀུན་ལས་རྒྱལ། །སེམས་དཔའི་སྐྱིལ་མོ་ཀྲུང་བཅས་ན། །བདུད་རྣམས་ཐམས་ཅད་རབ་ཏུ་འཇོམས། །དཔལ་རྡོ་རྗེ་སེམས་དཔའི་སྐྱིལ་མོ་ཀྲུང་ངོ་། །རྡོ་རྗེ་ཁུ་ཚུར་བཅངས་ནས་སུ། །ལག་པ་གཡོན་པས་བཀབ་པ་ནི། །སངས་རྒྱས་ཀུན་བློ་དངོས་གྲུབ་རྣམས། །མ་ལུས་ལུས་པ་མེད་པར་འགྲུབ། །དེ་བཞིན་དཔལ་ལྡན་ཧེ་རུ་ཀའི། །རྡོ་རྗེ་ཁུ་ཚུར་ཆེན་པོ་དགབ། །དཔའ་བོ་འདོད་པའི་དངོས་གྲུབ་རྣམས། །མ་ལུས་ལུས་པ་མེད་པར་འགྲུབ། །པདྨོའི་བུད་མེད་ཁུ་ཚུར་ནི། །དེ་བཞིན་གཡོན་པས་བཀབ་ན་ཡང་། །བྱང་ཆུབ་སྤྱོད་རབ་འགྲུབ་པ་རྣམས། །མ་ལུས་ལུས་པ་མེད་པར་འགྲུབ། །རིན་ཆེན་འཛིན་པའི་ཁུ་ཚུར་ཡང་། །ལག་པ་གཡོན་པས་བཀབ་ན་ནི། །སངས་རྒྱས་ནོར་ཀུན་དངོས་གྲུབ་པ། །མ་ལུས་ལུས་པ་མེད་པར་འགྲུབ། །སངས་རྒྱས་ཁུ་ཚུར་བཅངས་ནས་སུ། །ལག་པ་གཡོན་པས་བཀབ་ན་ནི། །སངས་རྒྱས་ཀུན་གྱི་ཚེ་འགྲུབ་པ། །མ་ལུས་ལུས་པ་མེད་པར་འགྲུབ། །བུད་མེད་ཕྱག་རྒྱ་བཅིངས་ནས་སུ། །ལག་པ་གཡོན་པས་བཀབ་ན་ནི། །དངོས་གྲུབ་ཐམས་ཅད་མྱུར་འགྲུབ་པ། །མ་ལུས་ལུས་པ་མེད་པར་འགྲུབ། །རྟ་གདོང་དཔལ་གྱི་ཁུ་ཚུར་ཡང་། །ལག་པ་གཡོན་པས་བཀབ་ན་ནི། །ཐམས་ཅད་འགུགས་པར་རབ་གྲུབ་པ། །མ་ལུས་ལུས་པ་མེད་པར་འགྲུབ། །དཔལ་གྲུབ་སྤྱན་གྱི་ཁུ་ཚུར་ཡང་། །ལག་པ་གཡོན་པས་བཀབ་ན་ནི། །སྣང་བ་ཐམས་ཅད་རབ་གྲུབ་པ། །མ་ལུས་ལུས་པ་མེད་པར་འགྲུབ། །དང་པོ་སངས་རྒྱས་ཀུན་སྣོད་པ། །གཉིས་པ་དེ་བཞིན་དཔའ་བོ་ཡིན། །གསུམ་པ་ཀུན་ཏུ་བཟང་པོའི་འོ། །བཞི་པ་མི་ཟད་སྣོད་ཡིན་ནོ། །སངས་རྒྱས་ཡན་ལག་ཀུན་ལྡན་དཔལ། །དེ་བཞིན་ཞལ་བཟང་གཟུངས་མ་ཡིན། །སྤྲིན་ཆེན་མོ་ནི་བདུན་པ་སྟེ། །བརྒྱད་པ་ནམ་མཁའི་སྤྱན་ཡིན་ནོ། །གཟུངས་མ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་ཤེས་པ་འདི་དག་གི། །སངས་རྒྱས་སྤྲུལ་པའི་གླུ་མཆོག་ནི། །འགྲུབ་པར་འགྱུར་བ་བྱེད་པའི་མཆོག །ལས་རྣམས་ཐམས་ཅད་རབ་སྒྲུབ་པ། །སློང་བར་བྱེད་པ་བརྟན་སྒྲུབ་པ། །དེ་བཞིན་སྣ་ཚོགས་རྒྱས་པ་དག །དྲུག་པའི་དབྱངས་ཀྱི་གླུ་བླངས་ ― DNG011_Page_0664 ―
[མ་དཔེ་གཟིགས་ན་འདིར་གནོན།]
ནས། །དེ་བ་ཏ་ཡི་གླུ་བླང་ངོ་། །འཇིག་རྟེན་ཁམས་མང་རྡུལ་ཕྲན་གྲངས་རྙེད་ཁྱབ་པར་འཕྲོས་པ་ཡི། །རྒྱལ་བའི་དོན་རྣམས་རབ་ཏུ་ཕྲ་བའི་རྡུལ་གྱི་གྲངས་སྙེད་པ། །སྤྲུལ་པ་ཡི་ནི་སྐུ་རྣམས་ཕྲ་བའི་རྡུལ་གྱི་གྲངས་སྙེད་ནི། །སྲིད་པ་བདེ་ཆེན་དེ་བཞིན་གཤེགས་ཀུན་རྣམ་འཕྲུལ་སྣ་ཚོགས་ཀྱིས། །རྡུལ་ཕྲན་གྲངས་སྙེད་དེ་བཞིན་གཤེགས་པའི་རྣམ་པར་སྤྲུལ་མཛོད་ཧོ། །རྣམ་སྣང་སྦྱོར་བ་ཨ་ལ་ལ་ཧོ་དེ་རིང་གྲུབ་པར་མཛོད། །གླུ་འདི་དག་ནི་བླངས་པ་ཡིས། །ནམ་མཁའ་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །གྲུབ་པར་འགྱུར་བ་གདོན་མི་ཟ། །དེ་ནས་བུད་མེད་བཞི་རྣམས་དང་། །རང་གི་ཡང་དག་གསང་བ་ཡིས། །ཆོ་ག་རྒྱས་པའི་ཚུལ་བཞིན་དུ། །མེ་ཏོག་ལ་སོགས་མཆོད་པ་བྱ། །དེ་བཞིན་གཤེགས་པའི་ཕྱག་རྒྱ་ཤེས་པའོ། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །དམ་ཚིག་ལ་སྡང་རྣམ་སྦྱང་ཕྱིར། །དུར་ཁྲོད་དཔལ་གྱི་ཕྱག་རྒྱར་གསལ། །ཤིན་ཏུ་གདུག་ཅིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་རྣལ་འབྱོར་གྱིས། །རྣལ་འབྱོར་བདེ་མཆོག་དམ་པར་འགྱུར། །སངས་རྒྱས་ཁྲོས་བྱུང་ཁྲོ་བོ་ནི། །ཐལ་བར་འཇིག་པ་མཆོག་ཡིན་ཏེ། །སེམས་དཔའ་སྔོན་པོ་འབར་བ་ཅན། །འབར་བའི་དཀྱིལ་འཁོར་དམར་པོར་སྣང་། །གཞན་གྱིས་མ་ཡིན་མི་འཕྲོགས་པ། །ལྷ་རྫས་ཆུ་ཡིས་དག་པ་སྟེ། །འདི་ནི་རང་བཞིན་ཉིད་དག་དང་། །མཐུ་དང་ངོ་བོ་ཉིད་ཀྱིས་འགྲུབ། །གོས་ཆེན་པོ་དང་བླུགས་པ་ཆེ། །ཤ་ཆེན་པོ་དང་སྦྲང་རྩི་ཆེ། །དུར་ཁྲོད་ཀུན་གྱི་འབྱུང་པོ་ཡི། །ཕྱག་རྒྱ་དཔལ་ལྡན་དབང་ཕྱུག་མཆོག །ཤིན་ཏུ་ཁྲོ་གདུག་གཏུམ་པོ་ཡི། །སེམས་ཅན་ཁམས་རྣམས་རྣམ་སྦྱང་ཕྱིར། །འདི་ནི་དཔལ་ལྡན་ཧེ་རུ་ཀའི། །རྡོ་རྗེ་རྒྱལ་ཆེན་དབང་ཕྱུག་མཆོག །ཐོད་པའི་ཕྲེང་བའི་དབུ་རྒྱན་དང་། །སངས་རྒྱས་གཙུག་གི་ནོར་བུ་དག །རྒྱལ་སྲིད་ཐམས་ཅད་རབ་བསྒྲུབ་པ། །མ་ལུས་ལུས་པ་མེད་པར་འགྲུབ། །རྡོ་རྗེ་ཁ་ཊྭཱཾ་རྡོ་རྗེར་བཅས། །དྲིལ་བུ་དཀྲོལ་བའི་སྒྲར་བཅས་པ། །དཔལ་ལྡན་ཧེ་རུ་ཀ་འབབ་པའི། །ཕྱག་རྒྱ་སྣ་ཚོགས་རྣམ་ ― DNG011_Page_0665 ―
[མ་དཔེ་གཟིགས་ན་འདིར་གནོན།]
སྤྲུལ་པས། །སངས་རྒྱས་རྡོ་རྗེ་པདྨ་འཛིན། །རྡོ་རྗེ་ཉི་མ་ཁམས་གསུམ་པ། །རྒྱས་བཏབ་རྨོངས་བྱས་དེ་ཟོས་ནས། །ཐལ་བར་གྱུར་བའང་འཚོ་བར་བྱེད། །དཔལ་ལྡན་རྡོ་རྗེ་ཧེ་རུ་ཀ་རྡོ་རྗེ་འབབ་པ་རྣམ་པར་འཕྲུལ་པ། པདྨ་གར་གྱི་དབང་ཕྱུག་ཅེས་བྱ་བའི་ཕྱག་རྒྱའོ། །སེ་རལ་ཁ་ཡི་ཚུལ་དག་ཏུ། །ཁ་ཊྭཱཾ་ག་ལ་རྒྱབ་རྟེན་བྱས། །ལག་པ་གཡོན་ན་ཐོད་པ་ཐོགས། །གཡས་པ་བ་དན་གསུམ་པར་བྱ། །ནམ་མཁའི་ཕྱག་རྒྱས་རྣལ་འབྱོར་པ། །ནམ་མཁའ་ཀུན་ཏུ་འགྲོ་བར་འགྱུར། །བུད་མེད་ལ་སོགས་རིན་ཆེན་མཆོག །དངོས་པོ་ཐམས་ཅད་མཁའ་ལས་འབྱིན། །ཕྱག་རྒྱ་འདི་ཡིས་ཡོངས་བཏབ་ནས། །བདེ་བར་ལྷག་པའི་ཚུལ་སྟོན་པས། །ནམ་མཁའ་ལས་ནི་ཀུན་ལྷགས་ཏེ། །བདག་གི་སྤྱོད་པར་དེ་སྤྱོད་དོ། །དྲག་པོ་དབང་པོ་ཉེ་དབང་བཅས། །ཉི་ཟླ་མཁའ་འགྲོ་མི་བཟད་ཚོགས། །མཁའ་ལས་སྒྱུ་མ་ཀུན་ལྷགས་ནས། །ལུས་པ་མེད་པར་དེ་ཟའོ། །ནམ་མཁའ་ཐམས་ཅད་མཉམ་སྦྱོར་བ། །སྐལ་བ་བཟང་པོ་དཔལ་རྡོ་རྗེ་མཁའ་འགྲོ་མའི་བདེ་བའི་མཆོག་ཅེས་བྱ་བའི་ཕྱག་རྒྱའོ། །གཡས་དང་གཡོན་པའི་སྦྱོར་བ་ཡིས། །བདེ་བ་འབབ་པའི་གར་བྱེད་པས། །སྐྱིལ་མོ་ཀྲུང་ནི་ཕྱེད་བཅས་ལ། །རྐང་པ་རང་གི་བརླས་བསྡམས་ན། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པ། །རྒྱས་བཏབ་རྨོངས་བྱས་བླངས་ནས་སུ། །གར་བྱེད་ཅིང་ནི་དེ་ཟའོ། །དེ་ཉིད་ཀྱི་ནི་སྦྱོར་བ་ཡིས། །དེ་ནས་བདེ་བར་བརླ་བསྡམས་པས། །ལེགས་པར་བསྡམས་ཏེ་ཆེར་བཏགས་ནས། །རབ་ཏུ་བཀྲམ་སྟེ་བཏུང་བར་བྱ། །སྒྱུ་མ་དེ་དག་ཉིད་ཀྱིས་ནི། །དེ་ནས་བརླ་ཕྲག་བསྐྱོད་པ་ཡིས། །སྐལ་བཟང་ལྷ་དང་མི་རྣམས་ཀྱི། །བུད་མེད་ཀུན་ལ་དེ་སྤྱོད་དོ། །བདེ་བར་རེག་པ་ཐམས་ཅད་མཉམ་པར་སྦྱོར་བ་སྐལ་བ་བཟང་པོ་དཔལ་རྡོ་རྗེ་དྲག་པོ་གནས་པ་ཞེས་བྱ་བའི་ཕྱག་རྒྱའོ། །དེ་ནས་གཞན་ཡང་རབ་བཤད་པ། །སངས་རྒྱས་མཁའ་འགྲོའི་དཀྱིལ་འཁོར་དུ། །དཔལ་ལྡན་ཧེ་རུ་ཀ་བཅས་པའི། །ཕྱག་རྒྱ་སྣ་ཚོགས་གནས་པའོ། །ཞི་དང་དྲག་པོ་རྨོངས་པ་མཆོག །དགའ་བའི་གར་བྱེད་འགྱུར་བར་བཅས། །ཤི་བ་ལྡང་བའི་སྦྱོར་བ་ཡིས། །བདེ་བའི་ ― DNG011_Page_0666 ―
[མ་དཔེ་གཟིགས་ན་འདིར་གནོན།]
ཕྱག་རྒྱ་རབ་ཏུ་གནས། །ཞི་དང་དྲག་པོ་རྨོངས་བྱེད་དང་། །གྱེན་དུ་དབུགས་འབྱིན་གར་བྱེད་ལུས། །ལྟ་བའི་ཕྱག་རྒྱ་གྲུབ་པའི་མཆོག །གསང་བའི་སྦྱོར་བ་བདེ་མཆོག་གིས། །མེ་ཏོག་བདུག་པའི་སྦྱོར་བ་མཆོག །ཆང་དང་ཆུ་དང་ལྕུག་མ་དང་། །རས་དང་མེ་གཏོང་གྲུབ་པ་ཡིས། །ཁྱད་པར་དུ་ནི་རྒྱས་འདེབས་སོ། །རྩེ་གཅིག་མཉམ་པར་སྦྱོར་བ་ཡིས། །སྦྱོར་བའི་གཉེར་བ་བདེ་བ་སྦྱིན། །མངོན་པར་གཏོང་ཞིང་སེ་གོལ་གཏོགས། །དལ་བུས་གྱེན་དུ་དབུགས་འབྱིན་པས། །གཡོན་དུ་བལྟ་ཞིང་ལག་པས་དྲངས། །འོ་བྱེད་འཁྱུད་པ་དེ་བཞིན་ཏེ། །གར་བྱེད་རབ་ཏུ་རྨོངས་པ་དང་། །ཟ་དང་གསང་བའི་ལུས་རྣམས་དང་། །ཚངས་པ་ཆེན་པོའི་མགོ་དང་ནི། །དེ་བཞིན་འཇིག་རྟེན་གསུམ་ལས་རྒལ། །དེ་བཞིན་ས་ལས་འདྲེན་པ་དང་། །རང་གི་ཕྱག་རྒྱའི་ཚུལ་སྟོན་དང་། །དུར་ཁྲོད་དག་གི་གར་བྱེད་དང་། །དེ་བཞིན་རླུང་གི་དཀྱིལ་འཁོར་དང་། །རབ་ཏུ་འཇིགས་པར་སྲེག་པའི་མེ། །ལས་ཀྱི་ཕྱག་རྒྱ་རབ་ཏུ་གནས། །དང་པོ་རྒྱས་འདེབས་མ་ཡི་རྒྱ། །སྙིང་འདྲེན་མ་ཡི་གཉིས་པའོ། །གསུམ་པ་ཤིན་ཏུ་རྨོངས་བྱེད་མའོ། །དེ་བཞིན་བཞི་པ་འདེགས་བྱེད་མའོ། །ལྔ་པ་གར་བྱེད་པ་ཡི་རྒྱ། །དྲུག་པ་གསོད་མའི་ཡིན་པར་བཤད། །བདུན་པ་ཟ་བ་མོ་ཡི་རྒྱ། །བརྒྱད་པ་ལས་ཀྱི་ཕྱག་རྒྱ་ཡིན། །དེ་ནས་ཕྱག་རྒྱ་འདི་ཀུན་གྱིས། །ཕྱག་རྒྱའི་ལས་རྣམས་བླ་ན་མེད། །ཕྱག་རྒྱའི་བདག་ཉིད་ཀུན་འཇོམས་པ། །ཁྱད་པར་དུ་ནི་བཤད་པར་བྱ། །དཔལ་ལྡན་རྡོ་རྗེ་པདྨ་སློང་། །གར་དག་བྱེད་ཅིང་བྱས་ན་ནི། །རྒྱས་བཏབ་རྨོངས་བྱས་ཟོས་པ་དང་། །ཐལ་བར་གྱུར་པའང་འཚོ་བར་བྱེད། །དེ་ནས་ཕྱག་རྒྱ་ཤེས་པ་འདི། །དཔལ་ལྡན་རྡོ་རྗེ་སྦྱོར་བའི་གླུ། །ལས་རྣམས་ཐམས་ཅད་རབ་བསྒྲུབ་པ། །ཁྱད་པར་དུ་ནི་བཤད་པར་བྱ། །གཟིགས་པ་རྣམ་པ་སྣ་ཚོགས་འགྱུར་བའི་རྒྱས་ཐོབ་ལ། །རྣམ་པ་སྣ་ཚོགས་འོ་བྱེད་འཁྱུད་པས་རྨོངས་མཛད་དེ། །རྣམ་པ་སྣ་ཚོགས་བདེ་བའི་མཆོད་སྟོན་ཀུན་གསོལ་ལ། །རྣམ་པ་སྣ་ཚོགས་བདེ་མཆོག་ངོ་མཚར་བསྟན་དུ་གསོལ། །རྒྱས་བཏབ་རྨོངས་བྱས་མནབས་སུ་གསོལ། །བདེ་མཆོག་ངོ་མཚར་བདེ་བར་བཞུགས། །ཧཱུཾ་ཨ་ལ་ལ་ཧོ་སྣང་བར་མཛོད། ། ― DNG011_Page_0667 ―
[མ་དཔེ་གཟིགས་ན་འདིར་གནོན།]
རྣལ་འབྱོར་བདེ་མཆོག་སྒྱུ་མས་སྤྲུལ། །དམ་ཚིག་དག་ལ་འཇུག་ཏུ་གསོལ། །ཉོན་མོངས་ཀུན་ལས་རྒྱལ་བར་མཛོད། །མ་ལུས་པ་དག་མནབས་སུ་གསོལ། །ཉོན་མོངས་ཐམས་ཅད་བསལ་བར་མཛོད། །གླུ་འདི་དག་ནི་བླངས་པ་ཡིས། །རྡོ་རྗེ་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །གདོན་མི་ཟ་བར་འགྲུབ་པར་འགྱུར། །དཔལ་ཧེ་རུ་ཀའི་རྡོ་རྗེའི་ཕྱག་རྒྱ་ཞེས་བྱའོ། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །འདོད་ཆགས་ཐམས་ཅད་རྣམ་དག་ཕྱིར། །པདྨའི་ཕྱག་རྒྱ་དཔལ་དུ་གནས། །མི་འགྱུར་དམ་པ་གྲུབ་པའི་ཕྱིར། །ཤེལ་སྒོང་ཤིན་ཏུ་དག་པ་འདྲ། །འདོད་ཆགས་ཐམས་ཅད་བསལ་བའི་ཕྱིར། །འབར་བ་སྣ་ཚོགས་འཁྲིགས་པའི་འོད། །སངས་རྒྱས་ཚེ་ཡི་རིན་ཆེན་སྤྲས། །གོས་དང་སྣ་ཚོགས་རྒྱན་གྱིས་བརྒྱན། །སངས་རྒྱས་ཐམས་ཅད་འདུས་པ་ཡིས། །བདེ་བ་ཅན་བཞིན་དམ་པར་འགྱུར། །གར་སྟབས་རྣམ་པ་སྣ་ཚོགས་ཀྱིས། །ཡོངས་སུ་བསྒྱུར་ཞིང་གར་བྱས་པས། །པདྨོའི་མཚན་མཆོག་པདྨོར་བཅས། །ཕྱག་ནི་རྒྱ་རྣམས་འཁོར་ལོ་བསྐོར། །སངས་རྒྱས་རྡོ་རྗེ་པདྨ་འཛིན། །རྡོ་རྗེ་ཉི་མ་ཁམས་གསུམ་པ། །པདྨ་སྒྱུ་མས་རྣམ་སྦྱངས་ནས། །སངས་རྒྱས་བྱང་ཆུབ་སྒྲུབ་པར་མཛད། །འདུལ་བའི་ཐབས་ནི་སྣ་ཚོགས་པའོ། །སྐལ་བ་བཟང་པོ་དཔལ་པདྨ་གར་གྱི་དབང་ཕྱུག་ཅེས་བྱ་བའི་ཕྱག་རྒྱའོ། །གཡས་དང་གཡོན་པའི་སྦྱོར་བ་ཡིས། །སྐྱིལ་མོ་ཀྲུང་ནི་ཕྱེད་མར་གནས། །རྒྱལ་པོའི་སྐྱིལ་མོ་ཀྲུང་བཅས་ནས། །སྡུག་བསྔལ་ཐམས་ཅད་སེལ་བར་བྱེད། །དཔལ་པདྨ་རྒྱལ་པོ་གནས་པ་ཞེས་བྱ་བའི་ཕྱག་རྒྱའོ། །བསྙེམས་པའི་ལག་པ་གཡོན་པ་ཡིས། །པདྨ་དམར་པོ་ཅི་བདེར་བཟུང་། །རང་གི་སྙིང་གར་འདྲེན་པའི་ཚུལ། །པདྨ་འདབ་མ་ཁ་འབྱེད་པའོ། །བསྙེམས་པའི་ལག་པ་གཡོན་པ་ཡིས། །པདྨ་སྔོན་པོ་ཅི་བདེར་བཟུང་། །རང་གི་སྙིང་གར་འདྲེན་ཚུལ་གྱིས། །བུད་མེད་ཕྱག་རྒྱ་བཅིང་བར་བྱ། །བསྙེམས་པའི་ལག་པ་གཡོན་པ་ཡིས། །པདྨོ་དཀར་པོ་ཅི་བདེར་བཟུང་། །འཁོར་ལོའི་ཕྱག་རྒྱ་བཅིངས་ནས་ནི། །ཆོས་ཀྱི་འཁོར་ལོ་རབ་ཏུ་བསྐོར། ། ― DNG011_Page_0668 ―
[མ་དཔེ་གཟིགས་ན་འདིར་གནོན།]
བསྙེམས་པའི་ལག་པ་གཡོན་པ་ཡིས། །པདྨ་མཐིང་ག་ཅི་བདེར་བཟུང་། །གཡས་པས་རབ་ཏུ་གར་བྱེད་པ། །དཔལ་གྱི་ཕྱག་རྒྱ་བ་དན་གསུམ། །བསྙེམས་པའི་ལག་པ་གཡོན་པ་ཡིས། །པདྨ་སེར་པོ་ཅི་བདེར་བཟུང་། །གཡས་པ་རབ་ཏུ་གར་བྱེད་པས། །ཆུ་སྲིན་ཚུལ་དུ་བསྒྲེང་བར་བྱ། །བསྙེམས་པའི་ལག་པ་གཡོན་པ་ཡིས། །པདྨ་ལེ་བརྒན་མཆོག་བཟུང་སྟེ། །རང་གི་སྙིང་གར་འདྲེན་ཚུལ་གྱིས། །རྡོ་རྗེའི་ཕྱག་རྒྱ་བཅིང་བར་བྱ། །རྣམ་པར་གཟིགས་པའི་རྣམ་དག་དཔལ། །སྒྲོལ་མའི་བྱང་ཆུབ་མཆོག་ཡིན་ནོ། །རྒྱ་ཆེན་མ་ཡི་འཁོར་ལོ་བསྐོར། །ཁྲོ་གཉེར་མ་ནི་ཕྱག་རྒྱའི་ལན། །པདྨ་གནས་པའི་དཔལ་ཆེན་ཡིན། །འདོད་པའི་དབང་མོའི་འགྲོ་བ་གསུམ། །དཔལ་པདྨའི་རྒྱལ་པོའི་རིག་པའི་ལྷ་མོ་ཆེན་མོ་རྣམས་སོ། །དེ་ནས་ཕྱག་རྒྱ་ཤེས་པ་འདི། །པདྨ་རྒྱལ་པོ་དཔལ་གྱི་གླུ། །ལས་རྣམས་ཐམས་ཅད་རབ་སྒྲུབ་པ། །ཁྱད་པར་དུ་ནི་བཤད་པར་བྱ། །དེ་བཞིན་གཤེགས་པ་ཀུན་ལ་སོགས་པའི་གཟུགས་མཆོག་སྣ་ཚོགས་འཛིན། །སེམས་ཅན་རྣམ་པ་སྣ་ཚོགས་འདུལ་མཆོག་དངོས་གྲུབ་མཆོག་མངའ་བ། །ཀྱེ་སེམས་དཔའ་པདྨ་དགའ་མཆོག་སྒྱུ་མའི་དགའ་བ་བསྟན་དུ་གསོལ། །ཨ་ལ་ལ་ལ་ཧོ། ཀྱེ་གར་དབང་ཐར་དགའ་དགའ་བའི་གར་མཛོད་ཅིག །སངས་རྒྱས་རྡོ་རྗེ་འཛིན་བདག་ཚངས་པ་འཇུག་སེལ་དབང་ཕྱུག་བདག །ཉི་ཟླ་བདག་ལགས་ཨ་ལ་ལ་ལ་ཧོ། །པདྨ་སྒྱུ་མ་དཔལ་རྣམ་པ་སྣ་ཚོགས་འདུལ་མཛད་དག་པའི་ཚུལ་གྱིས་གར་མཛད་པ། །པདྨོ་དམ་ཚིག་དབང་ཕྱུག་སངས་རྒྱས་གར་རྣམས་མཛད་དུ་གསོལ། །འདོད་ཆགས་རྣམ་པར་སྦྱོང་བ་ཐམས་ཅད་དུ་ནི་རྣམ་པར་སྦྱོངས། །པདྨ་འཛིན་པ་དེ་ཡི་སྤྱན་སྔར་གར་མཁན་གར་མཛོད་ཅིག །གླུ་འདི་དག་ནི་བླངས་པ་ཡིས། །སྣ་ཚོགས་པདྨ་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །གདོན་མི་ཟ་བར་འགྲུབ་པར་འགྱུར། །དཔལ་པདྨ་གར་གྱི་དབང་ཕྱུག་གི་ཕྱག་རྒྱའོ། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ནོར་མཆོག་རྣམ་པར་སྦྱང་བའི་ཕྱིར། །དཔལ་ལྡན་ཉི་མའི་ཕྱག་རྒྱར་གནས། །ནམ་མཁའི་སྙིང་པོ་ཐམས་ཅད་ ― DNG011_Page_0669 ―
[མ་དཔེ་གཟིགས་ན་འདིར་གནོན།]
ཕྱོགས། །རེ་བ་ཐམས་ཅད་རྫོགས་མཛད་པ། །བུད་མེད་ལ་སོགས་རིན་ཆེན་མཆོག །རིན་ཆེན་ཐམས་ཅད་མཁའ་ལས་འབེབས། །ཤིན་ཏུ་གདུག་ཅིང་གཏུམ་པོ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ཉི་མ་ནི། །དམ་པའི་དོན་དུ་དྲག་པོར་གྱུར། །དྲག་པོས་འདུལ་བའི་འཇིག་རྟེན་རྣམས། །དྲག་པོ་ཉིད་ཀྱིས་སྒྲུབ་པར་བྱེད། །ཉི་མའི་གཟུགས་དང་སྤྱོད་ལམ་དང་། །ཚུལ་དང་གཟི་བརྗིད་ཆེན་པོར་སྟོན། །རྡོ་རྗེ་གཞུ་དང་མདའ་མཆོག་དག །ཤིན་ཏུ་ལེགས་པར་འགེངས་པ་སྟེ། །མདངས་གསལ་འཛུམ་དང་བཅས་པའི་སྤྱན། །གཡོན་པ་འབྱེད་ཅིང་གྱེན་དུ་འདེག །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་པ་ཡི། །འཇིག་རྟེན་གསུམ་པོ་མ་ལུས་པར། །དྲག་ཤུལ་ཉིད་ཀྱིས་འདུལ་བར་མཛད། །དཔལ་ཁམས་གསུམ་ལས་རྣམ་པར་རྒྱལ་བ་ཞེས་བྱ་བའི་ཕྱག་རྒྱའོ། །རྡོ་རྗེ་པུས་མོ་གཉིས་བཅིངས་ཏེ། །རྡོ་རྗེ་སྐྱིལ་མོ་ཀྲུང་བཅས་ནས། །བདག་ནི་སྟན་ལས་འདུག་ནས་ནི། །བགེགས་རྣམས་ཐམས་ཅད་གཞིག་པར་བྱ། །དཔལ་རྡོ་རྗེ་སྐྱིལ་མོ་ཀྲུང་ངོ་། །དབང་བསྐུར་བ་དང་གཏེར་བདག་དང་། །རྒྱལ་མཚན་མཆོག་ལྡན་མཆོད་པ་ཆེ། །ཅི་ལྟའི་ཚུལ་དག་སྟོན་པ་དག །རང་གི་དོན་རྣམས་སྒྲུབ་པའོ། །དེ་ནས་ཕྱག་རྒྱ་ཤེས་པ་འདི། །རྒྱལ་པོའི་སྒྱུ་མ་མཆོག་གི་གླུ། །ལས་རྣམས་ཐམས་ཅད་རབ་སྒྲུབ་པ། །ཁྱད་པར་དུ་ནི་བཤད་པར་བྱ། །ཁམས་གསུམ་ཀུན་གྱི་རྒྱལ་སྲིད་སྣ་ཚོགས་མཆོག་གི་ནོར་ལྡན་པས། །མཇལ་དུམ་གཡུལ་འགྱེད་རྣམ་མང་ཁྱད་པར་སངས་རྒྱས་འདུལ་བ་སྟེ། །རྣམ་པ་སྣ་ཚོགས་མཇལ་དུམ་རྣམ་པར་རྒྱལ་བའི་རྒྱལ་མཚན་ཅན། །རྡོ་རྗེ་ཉི་མ་རྒྱལ་པོ་བདེ་མཆོག་སྒྱུ་མ་བསྟན་དུ་གསོལ། །སེམས་ཅན་སྤྲིན་ལས་བྱང་ཆུབ་མཆོག་སྦྱིན་སྣ་ཚོགས་ཆར་འབེབས་པ། །བདག་གི་རེ་བ་ཀུན་སྒྲུབས་མྱུར་སྟོན་ཨ་ལ་ལ་ལ་ཧོ། །མི་ཟད་གཏེར་གྱི་དབང་བསྐུར་ཁྱད་པར་བདག་ལ་སྩལ་དུ་གསོལ། །ཁྱད་པར་རིན་ཆེན་འདི་དག་ཐམས་ཅད་བུད་མེད་རིན་ཆེན་རྣམས་ཀྱི་ཕྱིར། །རིན་ཆེན་ཚོགས་ཀུན་ནང་ན་བུད་མེད་རིན་ཆེན་གཅིག་པུ་མཆོག །བུད་མེད་རིན་ཆེན་དག་པ་དམ་ ― DNG011_Page_0670 ―
[མ་དཔེ་གཟིགས་ན་འདིར་གནོན།]
པའི་དོན་དུ་ཐམས་ཅད་འགྲོ། །གླུ་འདི་དག་ནི་བླངས་པ་ཡིས། །རྒྱལ་སྲིད་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག ། གདོན་མི་ཟ་བར་འགྲུབ་པར་འགྱུར། །དཔལ་རྡོ་རྗེ་ཉི་མའི་ཕྱག་རྒྱ་ཤེས་པའོ། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །དྲག་ཤུལ་སྦྱོར་བ་རྣལ་འབྱོར་དཔལ། །རྟ་ཡི་ཕྱག་རྒྱ་རབ་ཏུ་གནས། །ཐམས་ཅད་དག་པར་མོས་པ་ཡིས། །སྡིག་མེད་སྟོབས་ཀྱིས་ངོ་འཐོན་དུ། །རབ་ཏུ་གདོན་པའི་རྩལ་དག་གིས། །འཇིག་རྟེན་ཐམས་ཅད་རབ་ཏུ་འཇོམས། །འདོད་ཆགས་ཅན་ལ་གཡེམ་པར་སྟོན། །གདུག་པ་རྣམས་ལ་གདུག་པར་སྟོན། །ཞི་བ་རྣམས་ལ་ཞི་བར་འགྱུར། །དྲག་ཤུལ་ཅན་ལ་དྲག་ཤུལ་སྦྱོར། །ཞལ་བཞི་པ་ལ་ཕྱག་བཞི་པ། །ཞབས་བཞི་པ་ལ་རྨིག་པ་བཞི། །རྟ་མགྲིན་རྒྱལ་པོ་ཆེན་པོ་སྟེ། །དབང་ཕྱུག་དམ་པ་གྲུབ་པར་འགྱུར། །གཡོན་པའི་མཛུབ་མོ་ཁུ་ཚུར་གྱིས། །དཔལ་ལྡན་པདྨ་སྣ་ཚོགས་འཛིན། །རྡོ་རྗེར་བཅས་ཤིང་སློང་བ་སྒྲུབ། །གཡས་པ་བ་དན་གསུམ་པར་བྱ། །ཕྱག་རྒྱ་འདི་ཡིས་བཏབ་ན་ནི། །ཤིན་ཏུ་ལྷུང་བར་གྱུར་པ་ཡང་། །དེ་མ་ཐག་ཏུ་ཀུན་བསླངས་ནས། །ལྡང་བ་ཐམས་ཅད་རབ་ཏུ་འགྲུབ། །ཐམས་ཅད་དག་པ་མཉམ་པར་སྦྱོར་བ་སྐལ་བ་བཟང་པོ། དཔལ་རྡོ་རྗེ་སློང་བ་ཞེས་བྱ་བའི་ཕྱག་རྒྱའོ། །གཡས་དང་གཡོན་པའི་སྦྱོར་བ་ཡིས། །བརྐྱང་བསྐུམ་པ་ཡི་ཚུལ་བྱས་ནས། །ཁྲོ་བོའི་སྐྱིལ་མོ་ཀྲུང་བཅས་ཏེ། །འཇིག་རྟེན་ཐམས་ཅད་རབ་ཏུ་བཤིག །དཔལ་རྡོ་རྗེ་ཁྲོ་བོ་གནས་པའོ། །དེ་ནས་ཕྱག་རྒྱ་ཤེས་པ་འདིའི། །རྟ་མཆོག་དཔལ་དང་ལྡན་པའི་གླུ། །ལས་རྣམས་ཐམས་ཅད་རབ་སྒྲུབ་པ། །ཁྱད་པར་དུ་ནི་བཤད་པར་བྱ། །མྱོས་བྱེད་སྟོང་ལས་ལྷག་པར་བདེ་བ་འདོད་པའི་གཟུགས་སྟོན་པ། །འདུལ་བའི་དབང་གིས་གཤིན་རྗེ་སྟོང་ལས་ལྷག་པར་རབ་ཏུ་འཇིགས། །ཞི་བའི་སྐུ་ཡང་ཚངས་པ་སྟོང་པས་ཤིན་ཏུ་ལྷག་པར་སྟོན། །དཀྱིལ་འཁོར་ཀུན་གྱི་མཆོག་ཏུ་དེ་བཞིན་གཤེགས་ཀུན་འགྲུབ་པར་མཛོད། །ཐམས་ཅད་རྣམ་པར་དག་པས་ངོ་འཐོན་སྟོབས་ཀྱིས་གནོན་པས་ནོན། །ཧི་ཧེ་ཧེ་ཧེ་ཧེ་དབང་ཕྱུག་ཐམས་ཅད་རབ་ ― DNG011_Page_0671 ―
[མ་དཔེ་གཟིགས་ན་འདིར་གནོན།]
ཤིག་རབ་ཏུ་ཤིག །རབ་ཀྱི་རྩལ་གྱིས་གནོན་པའི་སྟོབས་ཀྱིས་ངོ་འཐོན་དབང་ཕྱུག་ནོན། །སྦྱོར་ཆེན་ཧུ་ལུ་ཧུ་ལུ་མིག་གསུམ་པ་ལས་གསུམ་གྲུབ་དྲོངས། །རབ་ཀྱི་རྩལ་གྱིས་གནོན་པའི་སྟོབས་ཀྱིས་ངོ་འཐོན་མཐུ་ཆེན་ནོན། །མཉམ་སྦྱོར་རུ་ཊ་མ་ཊ་སྙིང་ལས་དཔལ་མོ་དྲོངས་ཤིག་རབ་དྲོངས་ཤིག །རབ་ཀྱི་རྩལ་གྱིས་གནོན་པའི་སྟོབས་ཀྱིས་ངོ་འཐོན་ཚངས་པ་ནོན། །སྦྱོར་ཆེན་ཚངས་ལས་གྲོལ་མ་དྲོངས་ཤིག་སྨྲ་ར་ཊ། །རབ་ཀྱི་རྩལ་གྱིས་གནོན་པའི་སྟོབས་ཀྱིས་ངོ་འཐོན་དགའ་དབང་ནོན། །མཉམ་སྦྱོར་ཀུན་གྱི་བདག་ལ་དགའ་དྲོངས་ཨ་ལ་ལ་ལ་ཧོ། །གདུག་ཅིང་ཁྲོ་ལ་རབ་ཏུ་གཏུམ་པའི་སེམས་ཅན་བསྒྲལ་བའི་ཕྱིར། །སྒྲུབ་ཞུགས་ཨ་ལ་ལ་ལ་ཧོ། ཨོཾ་སུམྦྷ་ནི་སུམྦྷ་ཧཱུཾ་ཕཊ་ཕཊ། མཛའ་བོ་མི་ལ་བྱའམ་མི་བྱ་ཡོངས་རྟོག་དེ་དག་མེད་ཀྱང་སླ། །དེ་འདྲའི་མཛའ་བོ་སྒྱུ་མ་ཡིན་པས་དེ་ལ་མཛའ་བཤེས་སུ་ཞིག་ཟེར། །རྒོལ་བ་ལ་ཡང་བྱའམ་མི་བྱ་ཡོངས་སུ་རྟོག་པ་མེད་ཀྱང་སླ། །དེ་འདྲའི་རྒོལ་བ་སྒྱུ་མ་ཡིན་པས་དེ་ལ་དཔའ་ཞེས་སུ་ཞིག་ཟེར། །གླུ་འདི་བླངས་པ་ཙམ་གྱིས་ནི། །རྟ་མཆོག་མཉམ་པར་སྦྱོར་བ་ཡི། །མཁའ་འགྲོ་སྒྱུ་མ་བདེ་བའི་མཆོག །གདོན་མི་ཟ་བར་འགྲུབ་པར་འགྱུར། །ཐམས་ཅད་འབྱུང་བའི་ཕྱག་རྒྱ་ཤེས་པའོ། །མཛུབ་མོས་མཐེ་བོ་མནན་ནས་ནི། །རང་གི་མཐེ་བོས་མཛུབ་མོ་མནན། །དཔལ་གྲུབ་སྤྱན་གྱི་ཕྱག་རྒྱ་སྟེ། །མཛུབ་མོ་མིག་གི་འབྲས་བུར་བྱ། །རྡོ་རྗེ་ཐལ་མོ་མཉམ་སྦྱར་ནས། །རྡོ་རྗེ་སྤྱན་ནི་གཉིས་དག་ཏུ། །ཁོང་སྟོང་དུ་ནི་སྦྱོར་བར་བྱ། །དཔལ་གྲུབ་རྡོ་རྗེའི་སྤྱན་ཡིན་ནོ། །འདིས་ནི་སངས་རྒྱས་ཐམས་ཅད་དང་། །དེ་བཞིན་དཔའ་བོ་ཐམས་ཅད་དང་། །རྡོ་རྗེ་འཛིན་པ་ཐམས་ཅད་དུ། །ཚེ་འདི་ཉིད་ལ་འགྲུབ་པར་འགྱུར། །དཔལ་གྲུབ་སྤྱན་ནི་གྲུབ་པ་སྟེ། །སེམས་ཅན་ཐམས་ཅད་དབང་བྱེད་པ། །ལས་ཀྱི་དངོས་གྲུབ་རབ་འབྱམས་རྣམས། །མ་ལུས་དངོས་གྲུབ་མྱུར་དུ་འགྲུབ། །རྡོ་རྗེ་ཐལ་མོ་མཉམ་སྦྱར་ཏེ། །མཛུབ་མོ་གཉིས་ཀྱི་རྩེ་མོ་དགུག །མཐེ་བོའི་རྩེ་མོ་མཉམ་པར་གཞག །ཁོང་སྟོང་མི་འགྱུར་དམ་པའི་རྒྱ། །སྤྱི་བོའི་མཚམས་སུ་རབ་བཞག་ནས། །འདི་ཡིས་བསྲུང་བ་བྱས་ན་ནི། །སངས་ ― DNG011_Page_0672 ―
[མ་དཔེ་གཟིགས་ན་འདིར་གནོན།]
རྒྱས་དངོས་གྲུབ་མ་ལུས་པ། །ལུས་པ་མེད་པར་འགྲུབ་པར་འགྱུར། །སེམས་དཔའི་གཙུག་ཏོར་གྱི་ཕྱག་རྒྱའོ། །རྡོ་རྗེ་ཐལ་མོ་གྱེན་དུ་དབྱེ། །མཛུབ་མོ་གཉིས་ཀྱི་རྩེ་མོ་དགུག །མཐེ་བོ་གཉིས་ཀྱི་མཆེ་བ་གཙིགས། །འཇིགས་པའི་རྡོ་རྗེ་གནོད་སྦྱིན་མ། །འགྲུབ་པ་བདུད་ལ་སོགས་པ་ཟ། །དེ་བཞིན་དུ་ནི་རྨོངས་པར་བྱེད། །དབབ་པ་ཐབས་ཅད་རབ་ཏུ་འགྲུབ། །དེ་བཞིན་རྣམ་པར་ཤེས་པ་སྒྲུབ། །གཏེར་རྣམས་འབྱིན་པར་བྱེད་པ་དང་། །དེ་བཞིན་ནོར་ཀུན་འཕྲོག་པར་བྱེད། །ངལ་བསོ་པོ་ནི་དཔལ་མནན་ཏེ། །དཔལ་མོ་དག་ཀྱང་ཕྲོགས་ནས་ནི། །མངག་གཞུག་མར་ནི་བྱེད་པ་དང་། །གནོན་སྦྱིན་མ་དང་དགའ་བ་སྤྱོད། །གནོད་སྦྱིན་དག་གི་སྡེ་དཔོན་དུ། །འདིས་ནི་མྱུར་དུ་འགྲུབ་པར་འགྱུར། །དཔལ་རྡོ་རྗེ་གནོད་སྦྱིན་གྱི་ཕྱག་རྒྱའོ། །རྡོ་རྗེ་ཐལ་མོ་མཉམ་སྦྱར་ནས། །གུང་མོ་མཉམ་པར་རབ་ཏུ་བསྒྲུབ། །མཐེ་བོ་མཐེའུ་ཆུང་འདབ་མ་བཞི། །པདྨ་དྲི་མེད་རབ་ཏུ་རྒྱས། །འདིས་ནི་སྡིག་རྣམས་འབྱང་བར་འགྱུར། །སྡིག་པ་བྱང་ན་རབ་ཏུ་འགྲུབ། །སངས་རྒྱས་བྱང་ཆུབ་མངོན་སངས་རྒྱས། །རྡོ་རྗེ་སེམས་དཔའ་ཉིད་དུ་འགྱུར། །དཔལ་ལྡན་པདྨའི་ཕྱག་རྒྱའོ། །རྡོ་རྗེ་ཐལ་མོ་མཉམ་སྦྱར་བ། །མཛུབ་མོ་མཉམ་པར་ཕྱིར་བཀུག་སྟེ། །མཐེ་བོ་རྡོ་རྗེ་གཡོགས་པ་ནི། །རྡོ་རྗེ་དཔལ་གྱི་ནོར་བུ་སྟེ། །ཕྱག་རྒྱ་འདི་ཡིས་བཏབ་ན་ནི། །ནམ་མཁའ་ཐམས་ཅད་རབ་འགྲུབ་སྟེ། །བུད་མེད་ལ་སོགས་རིན་ཆེན་མཆོག །མཁའ་ལས་དངོས་རྣམས་ཐམས་ཅད་སྤྱོད། །རྡོ་རྗེ་ཐལ་མོ་མཉམ་སྦྱར་ནས། །མཐེའུ་ཆུང་སྲིན་ལག་མཉམ་པར་བརྐྱང་། །མཛུབ་མོ་རྩེ་མཉམ་བཀུག་པ་ནི། །དཔལ་མཆོག་རྟ་ཞེས་གྲགས་པ་སྟེ། །ཕྱག་རྒྱ་འདི་ཡིས་བཏབ་ན་ནི། །སངས་རྒྱས་བྱང་ཆུབ་རབ་འདྲེལ་ན། །ཐམས་ཅད་དགའ་བར་བྱེད་པའི་དཔལ། །ལྷ་ཡི་སྐལ་བཟང་སྨོས་ཅི་དགོས། །དམ་ཚིག་གི་ཕྱག་རྒྱ་ཤེས་པའོ། །ལུས་དང་ངག་སེམས་རྡོ་རྗེ་ཡི། །མཚན་མའི་ཕྱག་རྒྱར་ལྡན་བྱས་ཏེ། །ཐམས་ཅད་འབྱུང་བའི་སྦྱོར་བ་ཡིས། །བདག་གི་ལྷར་ནི་བདག་ཉིད་བྱ། །འདིས་ནི་སངས་རྒྱས་ཐམས་ཅད་དཔལ། །དེ་བཞིན་དཔའ་བོ་ཐམས་ཅད་དང་། ། ― DNG011_Page_0673 ―
[མ་དཔེ་གཟིགས་ན་འདིར་གནོན།]
རྡོ་རྗེ་འཛིན་པ་ཐམས་ཅད་དུ། །ཚེ་འདི་ཉིད་ལ་འགྲུབ་པར་འགྱུར། །སངས་རྒྱས་ཀུན་བདག་དངོས་གྲུབ་ནི། །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་སྒྱུ་མ་བདེ་མཆོག་འདིས། །མ་འགྲུབ་འབྱོར་པར་མི་འགྱུར་བའི། །དམ་པ་རྒྱ་ཆེན་གང་ཡང་མེད། །དམ་ཚིག་ཆེན་པོའི་ཕྱག་རྒྱ་ཤེས་པའོ། །རྡོ་རྗེ་སེམས་དཔའ་དཔལ་སྦྱོར་བའི། །ཇི་ལྟའི་གཟུགས་དང་དབྱིབས་སུ་ལྡན། །བདེ་བ་ཉིད་ཀྱིས་ཀུན་གྱི་བདག །ཀུན་གྱི་བདག་ལ་ཞུགས་པར་བྱ། །ཕྱག་རྒྱ་འདི་ཡིས་རྣལ་འབྱོར་པ། །འདོད་པ་བཞིན་དུ་འགྲོ་འོང་ལྡིང་། །རྒྱལ་པོ་སངས་རྒྱས་ཀུན་དང་འདྲ། །རྡོ་རྗེ་སེམས་དཔའ་རབ་ཏུ་འགྲུབ། །སངས་རྒྱས་ཐམས་ཅད་དང་མཉམ་པར་སྦྱོར་བ་སྐལ་བ་བཟང་པོའི་དཔལ་རྡོ་རྗེ་སེམས་དཔའ་ཞེས་བྱ་བའི་ཕྱག་རྒྱའོ། །ཆགས་པ་མེད་ཅིང་མ་ཆགས་མེད། །དབུ་མར་ཡང་ནི་དམིགས་སུ་མེད། །བུད་མེད་ཀུན་གྱི་སྒྱུ་སྦྱོར་འདི། །གཉིས་སུ་མེད་པའི་ཐེག་པའི་མཆོག །ཕྱག་རྒྱ་འདི་ཡིས་བཏབ་ན་ནི། །འདོད་པ་བཞིན་དུ་འགྲོ་འོང་ལྡིང་། །དཔལ་ལྡན་སྒྱུ་མ་ཀུན་གྱི་བདག །རྡོ་རྗེ་སེམས་དཔའ་རབ་ཏུ་འགྲུབ། །སྒྱུ་མ་ཐམས་ཅད་ཀྱི་ལྷ་མོའི་ཕྱག་རྒྱ་ཤེས་པའོ། །ཡོད་པ་མ་ཡིན་མེད་པའང་མིན། །དབུ་མར་ཡང་ནི་དམིགས་སུ་མེད། །ཤེས་རབ་ཕ་རོལ་ཕྱིན་སྦྱོར་བ། །སངས་རྒྱས་བྱང་ཆུབ་རབ་འགྲུབ་པའོ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ཁམས་གསུམ་དག་ནི་མ་ལུས་པ། །ཐམས་ཅད་སྒྱུ་མ་ལྟ་བུ་སྟེ། །ཇི་ལྟར་སྒྱུ་མ་ཐམས་ཅད་དུ། །མཐོང་བ་དང་ནི་རེག་པར་འགྱུར། །དམིགས་སུ་ཡོད་པའང་མ་ཡིན་ཏེ། །དེ་བཞིན་འགྲོ་བ་ཀུན་གྱི་ཚུལ། །ཕྱག་རྒྱ་འདི་ཡིས་རྣལ་འབྱོར་པ། །འདོད་པ་བཞིན་དུ་འགྲོ་འོང་ལྡིང་། །བུད་མེད་ལ་སོགས་རིན་ཆེན་མཆོག །མཁའ་ལས་དངོས་རྣམས་ཐམས་ཅད་སྤྱོད། །དངོས་པོ་མེད་པར་བདག་སྦྱོར་བས། །ནམ་མཁའ་ཀུན་དང་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །ཤིན་ཏུ་རྟག་པར་འགྲུབ་པར་འགྱུར། །ཇི་ལྟར་པདྨ་དམར་པོ་འདི། །ཆགས་པའི་ཉེས་པས་མི་ ― DNG011_Page_0674 ―
[མ་དཔེ་གཟིགས་ན་འདིར་གནོན།]
གོས་པ། །རྣལ་འབྱོར་ལྡན་པའང་དེ་བཞིན་དུ། །གནས་ཀྱི་ཉེས་པས་ཡོང་མི་གོས། །ཤིན་ཏུ་གདུག་ཅིང་དྲག་པོ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་སྦྱོར་བ་ནི། །རྣམ་པར་རྒྱལ་ཕྱིར་རབ་ཏུ་དྲག །ཐམས་ཅད་དག་པར་མོས་པ་ཡིས། །སྡིག་མེད་སྟོབས་ཀྱི་ངོ་འཐོན་དུ། །དྲག་ཤུལ་སྦྱོར་བས་མཉམ་སྦྱོར་བ། །འཇིག་རྟེན་ཐམས་ཅད་གཞོམ་པར་བྱ། །སྦྱོར་བའི་ཕྱག་རྒྱ་ཤེས་པའོ། །སྦྱོར་བ་ཇི་སྙེད་ཡོད་ཀུན་དང་། །བྱེད་པ་རྣམ་པ་སྣ་ཚོགས་ལ། །རྡོ་རྗེ་སེམས་དཔའ་དཔལ་གྱི་རྒྱ། །དངོས་གྲུབ་ཐམས་ཅད་རབ་སྒྲུབ་པའོ། །བྱེད་པའི་ཕྱག་རྒྱ་འདི་རྣམས་ཀྱིས། །འདོད་པ་བཞིན་དུ་འགྲོ་འོང་ལྡིང་། །ཆགས་པ་ཆེན་པོ་དབང་ཕྱུག་དཔལ། །རྡོ་རྗེ་སེམས་དཔའ་རབ་ཏུ་འགྲུབ། །ཀུན་ཏུ་སྣ་ཚོགས་སྐལ་བ་བཟང་པོ་དཔལ་དམ་ཚིག་ཅེས་བྱ་བའི་ཕྱག་རྒྱའོ། །བྱ་བ་དང་ནི་བཟློག་པ་དང་། །ཁྱད་པར་དུ་ནི་འཕྲོག་པ་དང་། །ཡན་ལག་ཀུན་ཏུ་བྱེད་པ་ཡིས། །དེ་ནི་ནོར་རྣམས་ཀུན་ཀྱང་ཕྲོགས། །འོ་བྱེད་འཁྱུད་ལ་སོགས་པ་ཡིས། །ཁམས་གསུམ་པ་ཡང་རྒྱས་འདེབས་སོ། །ཐར་པར་བྱེད་ཅིང་གསོད་པར་བྱེད། །ཤི་ཡང་མོད་ལ་སོས་པར་བྱེད། །སྦྱོར་བའི་ལོངས་སྤྱོད་ཐམས་ཅད་ཀྱིས། །གནས་གསུམ་པོ་ནི་མ་ལུས་པར། །རྒྱས་བཏབ་རྨོངས་བྱས་བསླང་ནས་སུ། །གར་བྱས་ནས་ནི་ཟ་བར་བྱེད། །སྦྱོར་བ་ཀུན་གྱི་བདེ་མྱོང་བས། །ཁམས་གསུམ་པ་ནི་མ་ལུས་པ། །རྒྱས་བཏབ་རྨོངས་བྱས་ཟོས་པ་དང་། །ཐལ་བར་གྱུར་པའང་འཚོ་བར་བྱེད། །སྦྱོར་བ་ཐམས་ཅད་ཀྱི་ཕྱག་རྒྱ་ཤེས་པའོ། །ལྷ་མོ་ཀུན་གྱི་བདེ་བའི་མཆོག །མཛེས་པའི་ཞལ་ནི་རྣམ་བསྒྱུར་ཞིང་། །བདེ་བ་མྱོང་བ་རབ་སྦྱོར་བ། །མཛེས་པར་ལྟ་བའི་གར་བྱེད་པས། །སངས་རྒྱས་རྡོ་རྗེ་པདྨ་འཛིན། །རྡོ་རྗེ་ཉི་མ་ཁམས་གསུམ་པ། །རྒྱས་བཏབ་རྨོངས་བྱས་ཟོས་པ་དང་། །ཐལ་བར་གྱུར་པའང་འཚོ་བར་བྱེད། །བུད་མེད་མཁས་པ་སྒྱུ་མ་ཆེ། །མཛེས་པའི་བཞིན་ནི་རྣམ་བསྒྱུར་བ། །རིམ་གྲོར་བཅས་ཤིང་སྟེག་པའི་མཆོག །མཛེས་པར་བལྟ་བས་གར་བྱས་པ། །སངས་རྒྱས་པདྨ་རྡོ་རྗེ་འཛིན། །རྡོ་རྗེ་ཉི་མ་ཁམས་གསུམ་པ། །རྒྱས་བཏབ་རྨོངས་བྱས་བསླང་ནས་ ― DNG011_Page_0675 ―
[མ་དཔེ་གཟིགས་ན་འདིར་གནོན།]
ནི། །ཟོས་ནས་སླར་ཡང་འཚོ་བར་བྱེད། །སངས་རྒྱས་བྱང་ཆུབ་མཉམ་སྦྱོར་བ། །རབ་ཏུ་དགའ་བས་བལྟ་ཞིང་འཛུམ། །ཤིན་ཏུ་སྲིད་པ་ཡང་དག་སྒྲུབ། །གསང་བར་བལྟ་ལ་གནས་ན་ནི། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པའི། །སྲིད་པ་ཀུན་ཏུ་ཀུན་བསྒྲུབས་ནས། །རིགས་གསུམ་དག་ནི་སྒྲུབ་པར་བྱེད། །སྟེག་ལ་སོགས་པའི་ཉམས་དང་ལྡན། །མཛེས་པའི་བཞིན་ནི་རྣམ་བསྒྱུར་ཞིང་། །རིམ་གྲོར་བཅས་ཤིང་སྟེག་པའི་མཆོག །སྟེག་པའི་བལྟ་བས་གར་བྱེད་ཅིང་། །མཛེས་པའི་ཚུལ་དང་ཐབས་རྣམས་ཀྱིས། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པའི། །འཇིག་རྟེན་གསུམ་དག་སྒྲུབ་པར་བྱེད། །མཆེ་བ་ཅུང་ཟད་གཙིགས་པའི་ཁ། །ཁྲོ་ཞིང་འཛུམ་དང་བཅས་པའི་བཞིན། །ཁྲོ་ལ་འགྱུར་བར་བཅས་ཤིང་འཛུམ། །གསལ་བར་བལྟ་ཞིང་ལེགས་པར་གནས། །དྲག་པོ་དབང་པོ་ཉེ་དབང་བཅས། །ཉི་ཟླ་གཤིན་རྗེ་ཚངས་བཅས་པ། །རྒྱལ་པོ་སྒྱུ་མས་རྣམ་རྒྱལ་ནས། །ཁམས་གསུམ་དག་ནི་སྒྲུབ་པར་བྱེད། །འདོད་ཆགས་མྱོས་པས་གཡེམ་སྤྱོ་བ། །མཛེས་པའི་བཞིན་ནི་རྣམ་པར་བསྒྱུར། །འདི་ནི་བཞིན་གྱི་ཕྱག་རྒྱ་མཆོག །ཁམས་གསུམ་དག་ཀྱང་དགའ་བར་བྱེད། །དྲག་པོ་མཆེ་བ་རྣོན་པོ་གཙིགས། །གདུག་པ་ཟ་བ་འཇིགས་འཇིགས་ལྟ། །གཡས་པའི་བཞིན་གྱི་ཕྱག་རྒྱ་ཡིས། །ཁམས་གསུམ་དག་ཀྱང་ཟ་བར་བྱེད། །དངོས་གྲུབ་ཀུན་གྱི་བདེ་བའི་མཆོག །རབ་ཏུ་དགའ་བར་བལྟ་ཞིང་འཛུམ། །གཡོན་པའི་བཞིན་གྱི་ཕྱག་རྒྱ་ཡིས། །ཁམས་གསུམ་དག་ཀྱང་ཐར་པར་བྱེད། །སྤྱི་བོར་རྟ་མགྲིན་གསང་མཐོ་བ། །རྟ་གདོང་ལྗང་སེར་ཁ་དོག་གསལ། །སོ་གཙིགས་པས་ནི་མཆུ་མནན་ན། །འཇིག་རྟེན་ཐམས་ཅད་འཇིགས་པར་བྱེད། །བཞིན་གྱི་ཕྱག་རྒྱ་ཤེས་པའོ། །ལྷ་མོ་ཀུན་གྱི་བདེ་བའི་མཆོག །མཛེས་པའི་མ་མཆུ་སོས་མནན་ཏེ། །འཛུམ་པའི་ཕྱག་རྒྱ་མཆོག་འདི་ནི། །སངས་རྒྱས་ཐམས་ཅད་དགྱེས་པར་བྱེད། །འདོད་ཆགས་བདེ་བས་གཡེམ་སྤྱོ་བ། །སྟེག་པའི་མ་མཆུ་སོས་མནན་པའི། །འཛུམ་པའི་ཕྱག་རྒྱ་མཆོག་འདི་ནི། །ཁམས་གསུམ་དག་ཀྱང་དགའ་བར་བྱེད། །སྦྱོར་བ་ཀུན་གྱི་བདེ་བ་མཆོག ། ― DNG011_Page_0676 ―
[མ་དཔེ་གཟིགས་ན་འདིར་གནོན།]
མཛེས་པའི་མ་མཆུ་གཡོ་བར་བྱེད། །འཛུམ་པའི་ཕྱག་རྒྱ་མཆོག་འདི་ནི། །ཁམས་གསུམ་དག་ཀྱང་དགའ་བར་བྱེད། །ཤ་ཆེན་གྱི་ནི་རོ་མྱོང་ཞིང་། །མ་མཆུ་སོ་ཡིས་མནན་པ་ཡིས། །འཛུམ་པའི་ཕྱག་རྒྱ་མཆོག་འདི་ནི། །ཁམས་གསུམ་དག་ཀྱང་ཟ་བར་བྱེད། །བདེ་བ་ཀུན་གྱི་རོ་མྱོང་ཞིང་། །མ་མཆུ་རྣམ་པར་མཛེས་བྱས་པ། །འཛུམ་པའི་ཕྱག་རྒྱ་མཆོག་འདི་ནི། །ཐལ་བར་གྱུར་པའང་འཚོ་བར་བྱེད། །འཛུམ་པའི་ཕྱག་རྒྱ་མཆོག་ཤེས་པའོ། །བདེ་བ་མྱོང་བར་རབ་སྦྱོར་བ། །ཟམ་ཟིམ་ལྟ་བ་རྣམ་འགྱུར་བས། །རྒྱས་བཏབ་རྨོངས་བྱས་ཟོས་པ་ཡིས། །ཁམས་གསུམ་དག་ཀྱང་འཚོ་བར་བྱེད། །བུད་མེད་མཁས་པ་སྒྱུ་མའི་མཆོག །མཛེས་པར་བལྟ་བའི་གར་བྱས་པས། །རྒྱས་བཏབ་རྨོངས་བྱས་བསླང་ནས་ནི། །ཁམས་གསུམ་དག་ཀྱང་སྒྲུབ་པར་བྱེད། །སངས་རྒྱས་གསང་བའི་མཉམ་སྦྱོར་བ། །ལྟ་བ་རབ་ཞི་བདེ་བར་གནས། །ལྟ་བའི་ཕྱག་རྒྱ་མཆོག་འདི་ནི། །བུད་མེད་ཐམས་ཅད་དབང་དུ་བྱེད། །སྨིན་མཚམས་ཁྲོ་གཉེར་འགྱུར་བཅས་པས། །ལྟ་བ་རབ་འབར་རྣམ་པར་བསྒྱུར། །ལྟ་བའི་ཕྱག་རྒྱ་མཆོག་འདི་ནི། །ཁམས་གསུམ་དག་ཀྱང་འབར་བར་བྱེད། །ཁྲོ་ཞིང་འགྱུར་བར་བཅས་པས་འཛུམ། །ལྟ་བ་གསལ་ལ་བདེ་བ་གནས། །ལྟ་བའི་ཕྱག་རྒྱའི་མཆོག་འདི་ནི། །ཁྲོས་པ་ཐམས་ཅད་རབ་ཏུ་སྒྲུབ། །སྟེག་ལ་སོགས་པའི་རོ་དང་ལྡན། །སྟེག་བཅས་ལྟ་བའི་གར་བྱེད་པ། །ལྟ་བའི་ཕྱག་རྒྱ་མཆོག་འདི་ནི། །ཁམས་གསུམ་དག་ཀྱང་གར་བྱེད་འཇུག །ལྟ་བའི་ཕྱག་རྒྱ་ཤེས་པའོ། །ན་མ་སྟུ་སརྦྦ་བུདྡྷེ་བྷྱཿཞེས་པའི་ཕྱག་རྒྱ་ལ་གནས་ན། །ལས་དང་མཆོད་པ་མ་ལུས་པ། །ལུས་པ་མེད་པ་ཐམས་ཅད་འགྲུབ། །རང་བྱུང་རྣམས་ཀྱི་མཆོད་པ་ཀུན། །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པ། །ལན་ཅིག་བརྗོད་པས་འགྲུབ་པའི་ཕྱིར། །དམ་པའི་ཆོས་ཀྱི་ཕྱག་རྒྱ་འདིས། །གང་དག་བྱས་པར་མ་གྱུར་ཅིང་། །སྤེལ་བ་དག་ཏུ་མ་གྱུར་པའི། །དམ་པ་རྒྱ་ཆེན་དེ་དག་མེད། །ཨོཾ་རུ་རུ་སྥུ་རུ་ཛྭ་ལ་ཏིཥྛ་སིཌྜྷ་ལོ་ཙ་ནེ་སརྦཱ་རྠ་སཱ་དྷ་ནི་སྭཱ་ཧཱ། ཆོས་ཀྱི་ཕྱག་རྒྱ་མཆོག་ ― DNG011_Page_0677 ―
[མ་དཔེ་གཟིགས་ན་འདིར་གནོན།]
འདི་ནི། །སེམས་ཅན་ཐམས་ཅད་དབང་བྱེད་པ། །སྟོབས་ཀྱིས་མྱུར་དུ་བཀུག་ནས་ནི། །བྲན་བཞིན་དུ་ནི་བྱེད་དུ་འཇུག །སུ་བྷ་གཱ་སྟཾ་མ་ཧཱ་ན་དེ་བི་ཧི་རི། མི་རི། རི་ཏི། ནི་རི་ཤྲི་ཡེ་སྭཱ་ཧཱ། ཆོས་ཀྱི་ཕྱག་རྒྱ་དམ་པ་འདི། །འདོད་པའི་བདེ་བ་ཀུན་སྦྱིན་པའོ། །ཨོཾ་ཏ་རེ་ཏུཏྟཱ་རེ་ཏུ་རེ་སྭཱ་ཧཱ། ཆོས་ཀྱི་ཕྱག་རྒྱ་ལ་གནས་པ། །སངས་རྒྱས་བྱང་ཆུབ་རབ་བསྒྲུབས་ན། །བུད་མེད་གཞན་ལྟ་ཅི་ཞིག་སྨོས། །ཏྲཱཾ་བྷ་བ་ཊཱ་ཊཱ། ཏྲ་ཊ་ཏྲ་ཊ། རེ་བ་ཐམས་ཅད་ཀུན་ནས་རྫོགས། །ཆོས་ཀྱི་ཕྱག་རྒྱ་དམ་པ་འདི། །རེ་བ་ཐམས་ཅད་རྫོགས་བྱེད་པའོ། །ཤྲཱི་བཛྲ་པདྨ་བྷཌྜ་བྷ་མུ་ཁ་ཡོ་གཱི་ཤྭ་ར་ཧི་ཧི་ཧི་ཧི་ཧི། ཆོས་ཀྱི་ཕྱག་རྒྱ་དམ་པ་འདི། །འཇིག་རྟེན་ཐམས་ཅད་རབ་ཏུ་འཇིག །ཆོས་ཀྱི་ཕྱག་རྒྱ་ཤེས་པའོ། །སྐད་ཀྱི་གསང་ནི་མཐོན་དམན་དང་། །གྲེ་སྒྱུར་བཅོས་ཤིང་བཟླས་པ་དང་། །དུས་རབ་ཞི་བ་མཆོག་རྣམས་ཀྱིས། །ཧཱུཾ་ལ་སོགས་པའི་གླུ་བླང་ཞིང་། །ཚིག་རྣམས་ཀུན་གྱིས་ཅི་འདོད་པར། །ཇི་ལྟར་སྤྲོ་བར་གླུ་ཀུན་གྱིས། །ཧཱུཾ་གི་གླུ་ཡི་ཕྱག་རྒྱ་དཔལ། །རྡོ་རྗེ་སེམས་དཔའ་རབ་སྒྲུབ་པའོ། །ལྷ་མོ་ཀུན་གྱི་ལྷ་མོ་མཆོག །ཆ་ལུགས་བཞིན་དུ་གར་བྱ་ཞིང་། །ཀ་ཀ་ལ་ཤང་བྷ་ལ་སོགས། །གླུ་རྣམས་ཐམས་ཅད་རྗེས་སུ་བླང་། །ཨོཾ་གྱི་གླུ་ཡི་ཕྱག་རྒྱ་ནི། །ཚངས་པའི་དབྱངས་ཀྱིས་ཅི་དགར་བླངས། །མ་ལུས་ལུས་པ་མེད་པ་ཡི། །སེམས་ཅན་ཐམས་ཅད་ཐར་པར་བྱེད། །རྡོ་རྗེ་དྲག་པོ་གད་མོ་ཆེ། །མཁུར་བའི་དབུགས་ཀྱིས་རླུང་འབྱིན་ཅིང་། །འབྲུག་གི་སྒྲ་ལྟར་ཟབ་པ་ཡི། །རུ་ལུ་རུ་ལུའི་སྒྲ་བྱུང་ན། །ཕྱག་རྒྱ་འདི་ཡིས་རྣལ་འབྱོར་པ། །ཁམས་གསུམ་དག་ཀྱང་རྒྱས་འདེབས་ཤིང་། །ཐར་པར་བྱེད་ཅིང་གསོད་པར་བྱེད། །ཤི་བ་མོད་ལ་འཚོ་བར་བྱེད། །རྡོ་རྗེ་དྲག་ཏུ་བཞད་པ་ཞེས་བྱ་བའི་ཕྱག་རྒྱའོ། །ཊེ་ཞེས་བྱ་བའི་གླུ་ཡི་རྒྱ། །ཐམས་ཅད་དག་པར་སྒྲུབ་པའོ། །ཧི་ཞེས་བྱ་བའི་གླུ་ཡི་རྒྱུ། །ཁམས་གསུམ་རྣམ་པར་རྒྱལ་བར་བྱེད། །ཀ་ཀ་ལ་ལྱེ་དང་ཙོ་རའི་དབྱངས། །དེ་བཞིན་རབ་ཏུ་གདངས་སྙན་དང་། །ཀ་ཧ་ཤ་ཡི་གླུ་ཡི་རྒྱ། །འཇོམས་པ་ཐམས་ཅད་གྲུབ་པའོ། །གླུ་ཡི་ཕྱག་རྒྱ་ཤེས་པའོ། །གླིང་བུ་དང་ནི་རྒྱུད་གཅིག་དང་། །དེ་བཞིན་རྒྱུད་མངས་རྒྱུད་སྟུག་དང་། །སིལ་སྙན་ཕྱག་རྒྱ་བཤད་པ་རྣམས། །ལས་ ― DNG011_Page_0678 ―
[མ་དཔེ་གཟིགས་ན་འདིར་གནོན།]
རྣམས་ཐམས་ཅད་རབ་སྒྲུབ་པའོ། །ཆ་ལུགས་བཞིན་དུ་གར་བྱེད་པས། །མ་བརྡུངས་པར་ཡང་རབ་ཏུ་འགྲུབ། །ལས་རྣམས་ཀུན་ལ་མཆོག་ཏུ་ནི། །བརྡུངས་ན་དཔལ་ནི་བཞི་འགྱུར་འགྲུབ། །སྙིང་པོ་ཕྱག་རྒྱ་སྔགས་རིག་དང་། །བྱ་བ་རྣམ་པ་སྣ་ཚོགས་དང་། །རྣམ་པར་སེལ་ལ་སོགས་པའི་ཐབས། །དངོས་གྲུབ་ཐམས་ཅད་རབ་སྒྲུབ་པའོ། །ཛཿཧཱུཾ་བཾ་ཧོཿ། རུཊྚ་མཊྚ། སྨ་རཱ་ར་ཊ། ཧུ་ལུ་ཧུ་ལུ། པྲ་སིདྡྷྱ། ཊཀྐི་ཧཱུཾ་ཛཿ། ཀཱི་ནི་དྷུ་ནི་ཧཱུཾ་དྲུཾ། ཊཀྐི་ཧཱུཾ་ཛཿ། ཧུ་ལུ་ཧུ་ལུ། ཨ་ལ་ལ་ལ་ཧོ། ཤུདྡྷྱ་སིདྡྷྱ། ད་རི་ཥཱ་ཡ་སརྦྦ་ན་ཊ་གྷཻ་གྷཻ། ཊ་ཊ་གྷཻ་གྷཻ་གྷཻ། ཊ་གྷཻ་ཊ་ཀེ་གཻ་གཻ་གཻ། ཊ་ཏ་ཀཻ། ཊ་གེ། ཧོཾ་ཊོ་ཎ། ཊཀྐི་ཧཱུྃ་ཛཿ། གེ་ཏེ་གེ་དྷོ་ན། ཊཀྐི་ཧཱུཾ་ཏྲུཾ། ཨ་ལ་ལ་ལ་ཧོ། རུཏྟ་མཊྚ། ཐལ་མོ་བརྡབ་པ་བརྟག་པའོ། །ཊ་གྷེ་ཊ་གྷེ། ཊ་གྷེ་གྷེ། ཊ་ཀེ་ན་ཊ། མྷ་མྷ་མྷ། ཊ་ནྔྦྷ་མྷ་ཊ་ནྔྦྷ ། རྒྱུན་གྱི་རྡའོ། །ཨཱྃ་ཨཱྃ་ཨཱྃ། ཧཱྃ་ཧཱྃ་ཧཱྃ། བཱྃ་བཱྃ་བཱྃ། ལླྀ་ལླྀ་ལླྀ། དམ་ཚིག་གསུམ་གྱི་རྔའོ། །དྷི་གྷྲཱ་གྷྲཱ་གྷྲཱ་གྷྲཱ ། དྷི་བཛྲ་བཛྲ་ཎྱར། ཀོང་ཀོང་ཀོང་ཀོང་། ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ། རུ་ལུ་རུ་ལུ་ཧཱུཾ་བྷྱོ་ལླྀ། ཀྷོང་ཀྷོང་ཀྷོང་། ཌྷེཾ། གྷྲཱ་གྷྲཱ་གྷྲཱ་གྷྲཱ ། ངྒྷཱ་ཀཽཾ་ཀཽཾ་ཀཽཾ། དཔལ་རྡོ་རྗེ་ཧེ་རུ་ཀའི་རྡོ་རྗེ་རྔའི་ཕྱག་རྒྱའོ། །པདྨ་པདྨ་ཧྲི། པདྨ་པདྨ་ཤཱི། པདྨ་པདྨ་ཧྲང་། དཔལ་པདྨོ་བརྡབས་པའི་རྔའོ། །ཏྲཱཾ་ཏྲཱཾ་ཏྲཱཾ། བྷ་བྷ་བྷ་བྷ་བྷ་བྷ་བྷ། ཏ་ཊ་ཏཱ་ཊཱ་ཊཱ་ཊཱ་ཊཱ་ཊཱ། ཏཱཾ་ཏཱ་ཏཱ་ཏཱ། ཏྲཱ་ཏྲཱ་ཏྲཱ་ཏྲཱ་ཏྲཱ། ཏྲཾ་ཊཾ་ཀེ་ཏ་ངྐུང་ཏྲ། ཏུཊྚཊྚ། རྒྱལ་པོའི་རྔའོ། །ཊཀྐི་ཧཱུཾ་ཛཿ། ཊཀྐི་ཧཱུཾ་ཛཿ། ཊཀྐི་ཧཱུཾ་ཛཿ། སྙེམས་པའི་འགྲོས་སོ། །ཏྲཱཊྚ་ཏྲཱ་ཏྲཱ་ཏྲཱ་ཏྲཱ་ཏྲཱ། མྱུར་ཞིང་རབ་ཏུ་མྱུར་བའོ། །ཏ་ཊབྷ་ཏེ། བ་ཏྲུན། ཏ་ཐཱ་ག་ཏེ། པ་ཧཱུཾ། ཏ་ཊཱ་བྷ་ཏ་ཏ་བྷ་ཧི་ན་དཔལ་རྟ་མཆོག་རྣམ་པར་རོལ་པའོ། །ཏ་ཏཱ་བྷ་ཊ་ཊ་བྷ་ཏཱདཏྟ། ཤིན་ཏུ་མྱུར་བའི་རྔའི་ཕྱག་རྒྱ་སྟེ། སིལ་སྙན་གྱི་ཕྱག་རྒྱ་ཤེས་པའོ། །རྡོ་རྗེ་སེམས་དཔའ་བདག་སྦྱོར་བས། །ལག་གཉིས་རྡོ་རྗེར་བཅིངས་པ་ཡིས། །རྡོ་རྗེ་སེ་གོལ་བརྡབས་པ་ཡིས། །སངས་རྒྱས་ཐམས་ཅད་བསྡུ་བར་བྱ། །དེ་ཡི་བཀའ་ཙམ་གྱིས་སྐྲག་ནས། །འཁོར་གྱི་དཀྱིལ་འཁོར་དང་བཅས་པའི། །སངས་རྒྱས་ཀུན་ཀྱང་འདུ་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །གཡོན་པའི་སེ་གོལ་བརྡབས་པ་དང་། །ཐལ་མོ་དལ་བུས་ ― DNG011_Page_0679 ―
[མ་དཔེ་གཟིགས་ན་འདིར་གནོན།]
བརྡབས་པས་འགྲུབ། །གཡས་པའི་ཐལ་མོ་ཡིན་པར་གསུངས། །གཉི་ག་ཀུན་ཏུ་སྡུད་པ་ཡིན། །ཐལ་མོའི་སྦྱོར་བ་རབ་སྦྱོར་བས། །ལས་ཀྱི་ཚུལ་བཞིན་འབྲང་བ་དང་། །ཐལ་མོ་དལ་བུས་བསྡུ་བ་དང་། །གླུ་དང་སིལ་སྙན་གར་བྱེད་པས། །སྟེག་དང་དཔའ་དང་སྙིང་རྗེ་དང་། །རྒོད་དང་ཁྲོ་དང་འཇིགས་པ་དང་། །མི་སྡུག་ངོ་མཚར་ཞི་བ་ཡི། །ཉམས་ཀྱིས་ཕྱག་རྒྱ་དང་དོན་སྒྲུབ། །སྟེག་ལ་སོགས་པའི་ཉམས་དང་ལྡན། །སྣ་ཚོགས་ཕྱག་རྒྱའི་གར་བྱས་པས། །ཐམས་ཅད་བདག་ཉིད་རྒྱར་སྦྱོར་བས། །དབབ་པ་ཐམས་ཅད་རབ་ཏུ་འགྲུབ། །རྡོ་རྗེ་སེམས་དཔའ་སྟེག་པ་ལ། །དཔའ་ལ་དཔའ་བོ་དེ་བཞིན་གཤེགས། །རྡོ་རྗེ་འཛིན་པ་སྙིང་རྗེ་ལ། །རྒོད་པ་འཇིག་རྟེན་དབང་ཕྱུག་མཆོག །རྡོ་རྗེ་ཉི་མ་ཁྲོ་བ་ལ། །རྡོ་རྗེ་དྲག་པོ་འཇིགས་པ་ལ། །ཤཱཀྱ་ཐུབ་པ་མི་སྡུག་པ། །ངོ་མཚར་ལ་ནི་ཨ་ར་ལི། །རབ་ཏུ་ཞི་ལ་སངས་རྒྱས་རྟག །སྡུག་བསྔལ་ཐམས་ཅད་ཞི་བའི་ཕྱིར། །དངོས་པོ་ཀུན་གྱི་རང་བཞིན་གྱིས། །ཉེ་བར་གནས་ཤིང་བྱིན་གྱིས་རློབས། །ལྟ་བས་མི་ངོམས་པ་ཡི་གཟུགས། །ཐམས་ཅད་བདག་ཉིད་སྟོན་པར་མཛད། །ལེགས་སོ་ཞེས་བྱ་འགྲུབ་པ་ཡི། །མཆོག་ཏུ་གྱུར་པ་རབ་ཏུ་སྩོལ། །ཐམས་ཅད་བདག་ཉིད་གྲུབ་པའི་མཆོག །རེ་བ་ཐམས་ཅད་ཡོངས་རྫོགས་པ། །སངས་རྒྱས་ཀུན་ཏུ་འགྱུར་བའི་མཆོག །རྣལ་འབྱོར་དམ་པ་སྟེར་བར་འགྱུར། །ཕྱག་རྒྱའི་སྦྱོར་བ་འདི་དག་གིས། །རང་གི་མཆོད་པ་རབ་ཏུ་སྦྱར། །རྡོ་རྗེ་སེམས་དཔའ་དཔལ་གྱི་ལྷ་ཡི། །སྦྱོར་བ་ཐམས་ཅད་རྣམ་འཕྲུལ་དང་། །ཕྱག་རྒྱ་ཕྱག་རྒྱའི་ལན་རྣམས་དང་། །སྣ་ཚོགས་ཕྱག་རྒྱ་རྣམ་སྤྲུལ་པས། །ཡིད་ལ་བསམས་པ་ཀུན་རྫོགས་ཕྱིར། །མཆོད་པ་དམ་པ་སྦྱར་བར་བྱ། །ཀུན་ཏུ་སྣ་ཚོགས་སྐལ་བཟང་པོ། །ཀུན་གྱི་སློབ་དཔོན་བདག་ཉིད་བསྒྱུར། །ཀུན་འབྱུང་ལ་སོགས་སྦྱོར་བ་ཡིས། །རྒོལ་བ་བདག་དང་གར་བྱས་ཏེ། །དེ་ནས་རྒོལ་བ་ཅི་རིགས་པ། །སངས་རྒྱས་ཐམས་ཅད་འབྱུང་བར་འགྱུར། །དེ་ནས་སླར་ནི་རྒོལ་བ་ཡང་། །རྡོ་རྗེ་འཛིན་པ་ཆེན་པོར་བསྒྱུར། །རྒོལ་བའང་དེ་ནས་ཚུལ་བཞིན་དུ། །པདྨ་གར་འབྱུང་མཆོག་ཏུ་བསྒྱུར། །དེ་ནས་སླད་དུ་རྒོལ་བ་ཡང་། ། ― DNG011_Page_0680 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཉི་མ་མཆོག་ཏུ་བསྒྱུར། །དེ་ནས་ཕྱིར་ཡང་རྒོལ་བ་ནི། །རྟ་མཆོག་འབྱུང་བར་བསྒྱུར་བར་བྱ། །དེ་ནས་སླར་ནི་རྒོལ་བ་ཡང་། །བདག་ཉིད་འབྱུང་བས་རབ་ཏུ་འགྲུབ། །དེ་ནས་ཕྱག་རྒྱ་ཤེས་པ་འདི། །སྡོམ་པ་ཐམས་ཅད་རབ་སྟོན་པ། །རྡོ་རྗེ་སེམས་དཔའ་དཔལ་གྱི་གླུ། །ཁྱད་པར་དུ་ནི་བཤད་པར་བྱ། །ལ་ལར་དྲི་མེད་ཟླ་བའི་དཀྱིལ་འཁོར་སྟོང་ལས་མཛེས་པའི་གཟུགས་སུ་རྣམ་པར་སྣང་། །ལ་ལར་རབ་ཏུ་འཇིགས་པའི་ཉི་མ་བྱེ་བ་ཕྲག་དགུའི་འོད་ཟེར་མཆོག་པས་འཇིགས། །ལ་ལར་མདངས་བཟང་གཟི་ཆེ་བདེ་དང་ཞི་བར་ལྡན་པ་རྒྱལ་བའི་གཟུགས་སུ་སྣང་། །ལ་ལར་འགྲོ་བ་ཐམས་ཅད་མཉམ་པར་འཇོག་པའི་གཟུགས་ལྡན་གསུང་མཆོག་ལྡན་པར་སྟོན། །རྡོ་རྗེ་སེམས་དཔའ་འགྲུབ་ཕྱིར་འདུལ་ལ་མཁས་པ་མ་ལུས་བདེ་བའི་མཆོག་རྣམས་ལས། །ཨཱ་ར་ལི་རྣམས་མཉམ་སྦྱོར་གྲུབ་མཛོད་རུ་ཊ་མ་ཊེ་ཨ་ལ་ལ་ལ་ཧོ། །རྣམ་པ་མང་པོ་འདུལ་བར་མཛད་པའི་ཚུལ་ལ་གར་མཁན་མཆོག་གིས་གར་མཛད་པ། །དམ་ཚིག་གར་གྱི་དབང་ཕྱུག་སངས་རྒྱས་གར་མཛོད་ཨ་ལ་ལ་ལ་ཧོ། །རྣམ་མང་བདེ་མཆོག་རབ་ཏུ་གར་མཛད་པ་ཡིས་ཐར་པའི་བདེ་བའང་ཐོབ་པར་མཛོད། །འདི་དག་གླུར་ནི་བླངས་པ་ཡིས། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་སྒྱུ་མ་བདེ་བའི་མཆོག །འགྲུབ་པར་འགྱུར་བར་གདོན་མི་ཟ། །དེ་ལྟར་རབ་ཏུ་གར་བྱས་ཏེ། །དེ་ལས་གང་ཞིག་ཕམ་གྱུར་པ། །ཚོགས་པ་དེ་ཡིས་ཚོགས་ཀྱི་ཟས། །ཡོན་དང་བཅས་པར་དབུལ་བར་བྱ། །མཆོད་པའི་ཆོ་ག་འདི་དག་གིས། །སྡིག་པ་ཀུན་ལས་ཐར་པར་འགྱུར། །བསོད་ནམས་ཐམས་ཅད་འཕེལ་བར་འགྱུར། །དེ་བཞིན་རྟག་པར་བསྲུང་བར་འགྱུར། །རིམས་དང་དུག་དང་དབྱིག་དུག་དང་། །མཁའ་འགྲོས་གཙོ་དང་གདོན་རྣམས་དང་། །བདུད་དང་སེམས་ཅན་དམྱལ་བ་རྣམས། །འདི་ཡིས་རབ་ཏུ་ཞི་བར་འགྱུར། །དངོས་གྲུབ་རྣམས་དང་ཕུན་སུམ་ཚོགས། །དགའ་དང་དེ་བཞིན་བདག་པོ་དང་། །སངས་རྒྱས་དམ་པ་ཐམས་ཅད་དང་། །ཕྱག་རྒྱའི་མཆོག་རྣམས་འགྲུབ་པར་འགྱུར། །གར་གྱི་ཕྱག་རྒྱ་ཤེས་པའོ། །རབ་ཏུ་ ― DNG011_Page_0681 ―
[མ་དཔེ་གཟིགས་ན་འདིར་གནོན།]
དགའ་བ་རྗེས་སུ་རབ་ཆགས་དགའ་བའི་མདའ་གཞུ་རབ་ཏུ་ཕྲ་བའི་རྒྱས་བཏབ་པས། །རབ་ཏུ་དགའ་བར་སྦྱོར་བའི་བདེ་བས་མྱོས་པ་བདེ་བ་ཐམས་ཅད་བདག་ལ་གྲུབ་པར་མཛོད། །རབ་ཏུ་བདེ་མཆོག་རྣམ་པ་སྣ་ཚོགས་རྣམ་པར་རྒྱལ་བའི་རྒྱལ་མཚན་བསྒྲེང་བའི་ལོངས་སྤྱོད་དང་། །རབ་ཏུ་དགའ་བའི་དབང་ཕྱུག་ཚེ་མཆོག་གྲུབ་པས་དེ་བཞིན་གཤེགས་པ་བཞུགས་ཧོ་རྟ་མཆོག་ཧོ། །རབ་ཏུ་སྣ་ཚོགས་བདེ་བའི་མཆོག་ལ་རོལ་ཅིག་ཧོ། །བདེ་བས་སློང་ལ་རྣམ་པར་རོལ་ཧཱུཾ་སྣང་བར་མཛོད། །ཨ་ལ་ལ་ལ་ཧོ། དེ་བཞིན་གཤེགས་པ་ཀུན་གྱི་མཁའ་འགྲོ་སྒྱུ་མ་སྣ་ཚོགས་ཀྱིས། །སློབ་མ་རབ་ཏུ་གཟུང་དུ་གསོལ། །ཀྱེ་མའོ་བདེ་མཆོག་གྲུབ་པར་མཛོད། །ཀྱེ་མའོ་བདེ་བ་བདེ་བ་སྩོལ། །དམ་པར་རབ་ཏུ་ཞུགས་པར་མཛོད། །བདག་ལ་རབ་ཏུ་དགྱེས་པར་གྱུར། །ཨ་ལ་ལ་ལ་ཧོ། ཨེ་མའོ། ཤིན་ཏུ་ཞུགས་ཤིག་ཞུགས་ཤིག །མཁའ་འགྲོ་བདེ་མཆོག་ཡོངས་བསྐོར་ཀུན་ཏུ་ཞུགས། །འདི་དག་གླུར་ནི་བླངས་པ་ཡིས། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །གྲུབ་པར་འགྱུར་བར་གདོན་མི་ཟ། །རྡོ་རྗེ་སེམས་དཔའ་སྡུད་པ་དང་། །རྡོ་རྗེ་རིན་ཆེན་བླ་མེད་པ། །རྡོ་རྗེ་ཆོས་ནི་གསུངས་པ་དང་། །རྡོ་རྗེ་ལས་ནི་བྱེད་པར་འགྱུར། །ཧཱུཾ་རྡོ་རྗེ་ལས་ཀྱི་མདའ་གཞུ་ལ་ཕྱག་འཚལ་ལོ། །དཔལ་རྡོ་རྗེ་ཆགས་པའི་དམ་ཚིག་ལ་ཕྱག་འཚལ་ལོ། །རྡོ་རྗེ་ཁ་ཊྭཱཾ་ག་རབ་ཏུ་འཇིགས་པ་ལ་ཕྱག་འཚལ་ལོ། །དཔལ་རྡོ་རྗེ་དྲིལ་བུ་རབ་ཏུ་འཁྲོལ་བ་ལ་ཕྱག་འཚལ་ལོ། །ལ་ལར་རབ་ཏུ་དྲག་ཅིང་སྐྱེ་བོར་དྲག་པ་དྲག་པའི་བུད་མེད་སྐུ་ལྟར་རབ་ཏུ་སྣང་། །འགྲོ་བ་མཐའ་ཡས་སྡུག་བསྔལ་གཅོད་ཕྱིར་ལ་ལར་རབ་ཏུ་རྣོ་བའི་འཁོར་ལོ་ཕྱག་ན་བསྣམས་པའི་སྐུ། །ལ་ལར་རབ་ཏུ་དེས་ཞིང་ཞི་བ་མི་འགྱུར་སྦྱིན་པ་ཚངས་པའི་སྐུར་ཡང་སྟོན་པར་མཛད། །ལ་ལར་རབ་ཏུ་འབར་བའི་ཆགས་པ་པདྨ་རྒྱལ་པོའི་དམ་ཚིག་བདག་ལ་གྲུབ་པར་མཛོད། །ཐམས་ཅད་དབང་བསྐུར་དབང་ཕྱུག་དམ་པ་མི་ཟད་གཏེར་མཆོག་བདག་ལ་གྲུབ་པ་མཛད་དུ་གསོལ། །ཀུན་མཆོག་རྒྱལ་མཚན་རྣམ་རྒྱལ་བསྒྲེང་བའི་རྡོ་རྗེ་རིན་ཆེན་ཤིན་ཏུ་ཆེ་བ་བདག་ལ་གྲུབ་པར་མཛོད། །ལ་ལར་མཁས་ ― DNG011_Page_0682 ―
[མ་དཔེ་གཟིགས་ན་འདིར་གནོན།]
པའི་གཟུགས་ཀྱང་འཛིན། །ལ་ལར་དུས་མཐའི་དུས་ལྟར་དྲག །ལ་ལར་རྒྱལ་བའི་དབང་པོ་བཞིན་དུ་ཞི། །ལ་ལར་རྟ་མཆོག་སྦྱོར་བས་འདོད་པ་སྒྲུབ། །རྡོ་རྗེ་གླུ་ཡི་མཆོད་པའི་ཕྱག་རྒྱ་ཤེས་པའོ། །མེ་ཏོག་དཀར་དང་དམར་བ་དང་། །མཐིང་ག་སེར་པོ་ཀུན་བསྡུས་པ། །མེ་ཏོག་ཕྱག་རྒྱ་མཆོག་འདི་ནི། །འདོད་པའི་ཡོན་ཏན་ལྔ་ལ་སྤྲོ། །རྒྱ་སྐེགས་མཐིང་ག་ལྗང་གུའི་མདོག །ཚོན་སྣ་བཞི་ཡིས་བཙོས་པ་དང་། །དཀར་པོ་ལྔ་ཡི་ཕྱག་རྒྱ་དག །སྔ་མ་བཞིན་དུ་མཉམ་པར་སྒྲུབ། །ཁམས་ལས་བྱུང་བ་ཐམས་ཅད་དང་། །སྲོད་དང་རྩ་བའི་དེ་བཞིན་ཏེ། །རྣམ་པར་མཛེས་ཤིང་དྲི་ཞིམ་པ། །སྔ་མ་བཞིན་དུ་མཉམ་པར་བསྒྲུབ། །ཙནྡན་གཉིས་དང་གླ་རྩི་དང་། །ག་པུར་ན་ག་ཤ་ལ་ཀི། །བདུག་པ་བུ་རམ་དང་སྦྱར་བ། །ལས་རྣམས་ཐམས་ཅད་རབ་སྒྲུབ་པའོ། །གན་དྷར་དྲི་དང་གུ་གུལ་དང་། །ས་རྫ་ག་པུར་གླ་རྩི་དང་། །རྫས་འདི་དག་ལས་བཙོས་པའི་མར། །མེ་མར་བྱས་ན་སྣང་བ་སྐྱེ། །ཙནྡན་གུར་གུམ་ཀ་དང་། །ག་པུར་དང་ནི་གླ་རྩི་དང་། །བཅོས་པའི་བདུག་པ་གྲུབ་པ་སྟེ། །སྤོས་ཀྱི་ཕྱག་རྒྱ་སྤོས་མཆོག་འགྱུར། །ཀཀྐོ་ལ་དང་སུག་སྨེལ་དང་། །གླ་སྒང་ག་པུར་གླ་རྩི་དང་། །འདི་རྣམས་ཞིབ་ཏུ་བཏགས་པ་ནི། །སེང་ལྡེང་བུ་རམ་དག་ཀྱང་སྦྱར། །ཤིང་ཚ་པ་ཏྭ་ལོ་དྲཱ་དང་། །ན་ལེ་ཤམ་དང་ག་པུར་སྦྱར། །ས་ཧ་ཀ་རེ་ཤིང་མངར་གྱིས། །སྤྲུས་པ་ཁ་ཡི་སྤོས་ཡིན་ནོ། །དཔལ་རྡོ་རྗེ་སེམས་དཔའི་ཕྱག་རྒྱ་སྦྱོར་བའོ། །མེ་ཏོག་དམར་པོ་སངས་རྒྱས་ལ། །རྡོ་རྗེ་ཅན་ལ་སྣ་ཚོགས་པ། །འཇིག་རྟེན་དབང་ལ་མེ་ཏོག་དཀར། །སེར་པོ་མཁའ་ལས་བྱུང་བ་ལ། །ཙནྡན་བདུག་པ་སངས་རྒྱས་ལ། །རྡོ་རྗེ་ཅན་ལ་དུ་རུ་སྐ། །སྤྱན་རས་གཟིགས་དབང་ཀ་པི་ཏ། །ཅེ་པོག་རྡོ་རྗེ་ཉི་མ་ལ། །མར་མེ་ཕྲེང་བ་སངས་རྒྱས་ལ། །རྡོ་རྗེ་ཅན་ལ་མར་མེ་བདུན། །སྤྱན་རས་གཟིགས་ལ་མར་མེ་བརྒྱ། །སྟོང་ནི་རྡོ་རྗེ་ཉི་མ་ལ། །སངས་རྒྱས་རྣམས་ལ་ཙནྡན་སྤོས། །རྡོ་རྗེ་ཅན་ལ་གུར་གུམ་ཡིན། །སྤྱན་རས་གཟིགས་པ་ཙནྡན་དམར། །ག་པུར་རྡོ་རྗེ་ཉི་མ་ལ། །མེ་ཏོག་ཀུན་དང་བདུག་པ་ཀུན། །དེ་བཞིན་མར་མེ་ཐམས་ཅད་དང་། །སྤོས་ ― DNG011_Page_0683 ―
[མ་དཔེ་གཟིགས་ན་འདིར་གནོན།]
རྣམས་ཐམས་ཅད་ཇི་སྙེད་པ། །རྡོ་རྗེ་རྟ་ལ་དབུལ་དུ་རུང་། །མཆོད་པ་ཐམས་ཅད་ཀྱི་ཕྱག་རྒྱ་ཤེས་པའོ། །སྒེག་མོ་དང་ནི་ན་ཆུང་དང་། །མྱོས་དང་དེ་བཞིན་བདུད་རྩི་དང་། །གཅིག་ཏུ་དཔའ་དང་འདོད་ཆགས་སྲ། །གཡོན་ཅན་བྲན་མོ་དེ་བཞིན་ཏེ། །ལན་ཚྭ་ལ་སོགས་རོ་ཀུན་དང་། །ཁ་ར་ལ་སོགས་བདུད་རྩི་བཞིན། །བདག་ཉིད་ཀྱི་ནི་རོ་སྒྲུབ་པ། །མ་ལུས་ལུས་པ་མེད་པར་འགྲུབ། །ཤ་དང་ཆང་དུ་ལྡན་པ་ཡི། །བཟའ་བ་སྣ་ཚོགས་གྲུབ་པ་ནི། །དགའ་བའི་ལོངས་སྤྱོད་སྐལ་མཆོག་སྟེ། །ཚེ་ཡི་དམ་པ་རབ་ཏུ་འགྲུབ། །ཨ་མྲ་སྨན་དང་རྒུན་འབྲུམ་དང་། །པ་ན་ས་དང་ལེ་ཀ་ར། །ཨ་རུ་ར་སོགས་འབྲས་བུ་ཡི། །ཕྱག་རྒྱའི་མཆོག་ནི་འདི་རྣམས་ཏེ། །དངོས་གྲུབ་འབྲས་བུ་ཐམས་ཅད་འཐོབ། །ཁ་ར་སྦྲང་རྩི་བྱུགས་པ་ཡིས། །ཨ་མྲ་ལ་སོགས་ཚིག་གུས་བྱུག །ས་ཧ་ཀ་རའི་མར་ལ་སོགས། །མཉམ་པའི་དྲི་ཡིས་བསྐུ་བར་བྱ། །ཡུངས་དང་རྒྱ་སྐེགས་ལ་སོགས་པའི། །ཚོན་གྱིས་མཐུན་པར་ཁ་བསྒྱུར་ནས། །ཤུན་པ་གྲོ་བ་ལ་སོགས་བྱས། །མཆོད་པའི་ཚེ་ན་དབུལ་བར་བྱ། །འབྲས་བུར་བཅས་པའི་ཕྱག་རྒྱ་ཤེས་པའོ། །སངས་རྒྱས་རྣམས་ལ་བཤོས་དབུལ་བར། །ཤ་དང་ཆང་ནི་རྣམ་པར་སྤངས། །གླུ་དང་སིལ་སྙན་གྲུབ་པ་དང་། །གདུགས་དང་རྒྱལ་མཚན་བ་དན་དང་། །ཤ་དང་ཆང་དུ་བཅས་པ་ནི། །གཏོར་མའི་མཆོག་སྟེ་སྣ་ཚོགས་པའོ། །བདག་གི་ཕྱུགས་ཆེན་སྐལ་བཟང་པོ། །རྡོ་རྗེའི་ལས་ནི་དཔལ་གྲུབ་པའོ། །བཤོས་དང་གཏོར་མ་དཀར་པོ་དང་། །པདྨའི་མེ་ཏོག་ལྡན་པ་ནི། །སྤྱན་རས་གཟིགས་དབང་གཙོ་བོ་ལ། །ཕུལ་ན་དགོས་པ་ཐམས་ཅད་འགྲུབ། །རྒྱལ་པོའི་ཁ་ཟས་སྣ་ཚོགས་པ། །ཤ་དང་ཆང་དུ་ལྡན་པ་དང་། །གླུ་དང་སིལ་སྙན་སྐལ་བཟང་དག །རྡོ་རྗེ་ཉི་མའི་འཁོར་ལ་དབུལ། །ཁ་ཟས་ཀུན་གྱི་རོ་རྣམས་དང་། །ཤ་དང་ཤ་ཡི་མཆོག་རྣམས་དང་། །ཤ་ཡི་སྦྱོར་དང་ཤ་སྐམ་དང་། །བཤོས་དག་རྡོ་རྗེ་རྟ་ལ་དབུལ། །མཆོད་པ་དང་གཏོར་མ་ཐམས་ཅད་ཀྱི་ཆོ་གའི་ཕྱག་རྒྱའོ། །མཐེ་བོ་སེམས་དཔའི་སྐྱིལ་མོ་ཀྲུང་། །མཛུབ་མོ་གཉིས་ཀྱི་རྩེ་མོ་དགུག །གུང་མོ་གཉིས་ནི་མཉམ་པར་སྦྱར། ། ― DNG011_Page_0684 ―
[མ་དཔེ་གཟིགས་ན་འདིར་གནོན།]
ལྷག་མ་རྡོ་རྗེ་ཐལ་མོར་སྦྱར། །སངས་རྒྱས་རིན་ཆེན་ཕྱག་རྒྱ་འདི། །རང་བྱུང་རྣམས་ཀྱི་དབང་བསྐུར་བ། །རྒྱལ་སྲིད་ཐམས་ཅད་མ་ལུས་པ། །ལུས་པ་མེད་པར་མྱུར་དུ་འགྲུབ། །སྤྱི་བོ་དང་ནི་དཔྲལ་བ་དང་། །འགྲམ་པ་གཉིས་དང་ལྟག་པར་ནི། །སངས་རྒྱས་ཀུན་གྱི་རིན་ཆེན་མཆོག །དབུ་རྒྱན་ཀུན་ཏུ་བརྒྱན་པར་བྱ། །དབུ་རྒྱན་བཅིངས་པས་བཅིངས་ནས་ནི། །འགྱིང་ཞིང་མཐའ་མས་དགྲོལ་བར་བྱ། །དར་གྱི་མཐའ་མ་དཔྱངས་པ་ལྟར། །བྱས་ནས་ཐལ་མོ་བརྡབ་པར་བྱ། །སངས་རྒྱས་པདྨོ་རྡོ་རྗེ་འཛིན། །རྡོ་རྗེ་ཉི་མ་ཁམས་གསུམ་པ། །དེ་ཡིས་དགྲ་མེད་སྡིག་མེད་པར། །བདག་གི་ལོངས་སྤྱོད་ཉིད་དུ་སྤྱོད། །འདི་ཡིས་བསྲུང་བ་བྱས་ནས་ནི། །རྡོ་རྗེ་སེམས་དཔའ་དཔལ་དང་འདྲ། །སངས་རྒྱས་ཀུན་གྱི་དངོས་གྲུབ་ཆེ། །འཁོར་ལོས་སྒྱུར་བ་རབ་ཏུ་འགྲུབ། །དེ་བཞིན་གཤེགས་པ་ཐམས་ཅད་ཀྱི། །ནོར་བུ་རིན་པོ་ཆེའི་དབུ་རྒྱན་མཉམ་པར་སྦྱོར་བ་སྐལ་བ་བཟང་པོ་དཔལ་གྱི་ཕྲེང་བ་ཞེས་བྱ་བའི་ཕྱག་རྒྱའོ། །སོར་མོ་ཐམས་ཅད་ནང་དུ་བསྣོལ། །སོར་མོ་རྩེ་མོ་ཀུན་སྤྲད་ནས། །མཐེ་བོ་རྡོ་རྗེས་མནན་པ་ནི། །སྣ་དང་མིག་ཕུགས་ལྟ་བུ་སྟེ། །པདྨོའི་རིན་ཆེན་ཕྱག་རྒྱ་འདི། །བདག་ཉིད་ཆེན་པོར་དབང་བསྐུར་བ། །རྒྱལ་སྲིད་ཐམས་ཅད་མ་ལུས་པ། །ལུས་པ་མེད་པར་མྱུར་དུ་འགྲུབ། །སྤྱི་བོ་དང་ནི་དཔྲལ་བ་དང་། །འགྲམ་པ་གཉིས་དང་ལྟག་པར་སྦྱར། །ཐོད་པའི་ཕྲེང་བའི་དབུ་རྒྱན་ཏེ། །སངས་རྒྱས་གཙུག་གི་ནོར་བུ་འབར། །དབུ་རྒྱན་བཅིངས་པས་བཅིངས་ནས་ནི། །འགྱིང་བའི་མཐའ་ནས་དགྲོལ་བར་བྱ། །དར་གྱི་མཐའ་མ་དཔྱངས་པ་ལྟར། །བྱས་ནས་ཐལ་མོ་བརྡབ་པར་བྱ། །འདི་ཡིས་བསྲུང་བ་བྱས་ན་ནི། །རྡོ་རྗེ་སེམས་དཔའ་དཔལ་དང་འདྲ། །ཁམས་གསུམ་དག་ནི་རྒྱལ་སྲིད་ཆེ། །འཁོར་ལོས་སྒྱུར་བ་རབ་ཏུ་འགྲུབ། །དཔལ་རྡོ་རྗེ་ཧེ་རུ་ཀ་པདྨ་ནོར་བུ་རིན་པོ་ཆེའི་དབུ་རྒྱན་མཉམ་པར་སྦྱོར་བ་སྐལ་བ་བཟང་པོ་དཔལ་གྱི་ཕྲེང་བ་ཞེས་བྱ་བའི་ཕྱག་རྒྱའོ། །རྡོ་རྗེ་ཐལ་མོ་མཉམ་སྦྱར་ཏེ། །ལག་གཉིས་ནོར་བུ་རིན་ཆེན་དུ། །ཇི་ལྟར་རིགས་པར་མཉམ་སྦྱར་ནས། །མཛུབ་མོ་མཐེ་བོ་རྩེ་མོ་བཞི། །ཡོངས་སུ་བསྒྱུར་ཏེ་ ― DNG011_Page_0685 ―
[མ་དཔེ་གཟིགས་ན་འདིར་གནོན།]
བཏེག་ནས་སུ། །དཔྲལ་བར་ལེགས་པར་གཞག་ན་ནི། །ཁམས་གསུམ་བདག་པོ་རྒྱལ་བ་དག །མ་ལུས་ལུས་པ་མེད་པར་འགྲུབ། །དཔལ་རྡོ་རྗེ་རིན་ཆེན་གྱི་ཕྱག་རྒྱའོ། །ལག་པ་ཤིན་ཏུ་བརྐྱང་བ་ཡི། །མཛུབ་མོ་གཉིས་པའི་མདུད་པར་བཅིང་། །གུང་མོ་མཐེ་བོའི་རྩེ་མོ་ཅན། །རྡོ་རྗེའི་ཕྱག་རྒྱ་ཡོངས་སུ་བསྒྱུར། །ཡོངས་སུ་བསྒྱུར་ཏེ་བཏེག་ནས་ཀྱང་། །ཁྲོ་གཉེར་དུ་ནི་ལེགས་བཞག་ན། །རྒྱལ་སྲིད་ཐམས་ཅད་ལེགས་འགྲུབ་པ། །མ་ལུས་ལུས་པ་མེད་པར་འགྲུབ། །འདི་ཡིས་བསྲུང་བ་བྱས་ན་ནི། །རྡོ་རྗེ་ལས་ཀྱི་དཔལ་དང་འདྲ། །རྣལ་འབྱོར་དབང་ཕྱུག་རབ་བསྒྲུབས་པ། །མ་ལུས་ལུས་པ་མེད་པར་འགྱུར། །མ་མོ་དང་ནི་བྱད་མ་དང་། །མཁའ་འགྲོ་མ་ཡང་ལྷག་པར་འགྲུབ། །དུར་ཁྲོད་དངོས་གྲུབ་ཐམས་ཅད་དང་། །ལས་རྣམས་ཐམས་ཅད་བྱེད་པར་འགྱུར། །དཔལ་རྡོ་རྗེ་ཧེ་རུ་ཀའི་ཕྱག་རྒྱའོ། །མཐེ་བོ་དཔའ་བོའི་སྐྱིལ་མོ་ཀྲུང་། །མཛུབ་མོ་གཉིས་ཀྱི་རྩེ་མོ་དགུག །གུང་མོ་གཉིས་ནི་མཉམ་པར་སྦྱར། །ལྷག་མ་རྡོ་རྗེ་ཐལ་མོའོ། །རྡོ་རྗེ་རིན་ཆེན་ཕྱག་རྒྱ་འདི། །རང་བྱུང་རྣམས་ཀྱི་དབང་བསྐུར་བའོ། །འཇིག་རྟེན་དབང་པོ་དམ་པ་ཀུན། །མ་ལུས་ལུས་པ་མེད་པར་འགྲུབ། །འདི་ཡིས་བསྲུང་བ་བྱས་ན་ནི། །རྣམ་པར་སྣང་མཛད་དཔལ་དང་འདྲ། །སངས་རྒྱས་ཀུན་གྱི་ཚེ་འགྲུབ་པ། །མ་ལུས་ལུས་པ་མེད་པར་འགྲུབ། །ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པ་ཞེས་བྱ་བའི་ཕྱག་རྒྱའོ། །རྡོ་རྗེ་ཐལ་མོ་མཉམ་སྦྱར་ལ། །མཛུབ་མོ་བསྙམས་ཏེ་ཕྱི་རོལ་དགུག །མཐེ་བོ་གཉིས་ནི་རབ་ཏུ་བརྐྱང་། །རྡོ་རྗེ་ནོར་བུ་ཞེས་ཀྱང་བྱ། །དཔྲལ་བར་མྱུར་དུ་བཞག་པ་ནི། །བསམ་པ་ཐམས་ཅད་ཡོངས་རྫོགས་ཤིང་། །རྒྱལ་སྲིད་ཐམས་ཅད་རབ་སྒྲུབ་པ། །མ་ལུས་ལུས་པ་མེད་པར་འགྲུབ། །དཔལ་ནོར་བུ་རིན་པོ་ཆེ་དབང་བསྐུར་བའི་ཕྱག་རྒྱའོ། །སངས་རྒྱས་རིན་ཆེན་པདྨོ་དང་། །དེ་བཞིན་རྡོ་རྗེ་རིན་ཆེན་དང་། །ཡིད་བཞིན་ནོར་བུ་རིན་ཆེན་མཆོག །རྟ་མཆོག་རབ་ཏུ་འགྲུབ་པར་འགྱུར། །ཕྱག་རྒྱས་རབ་ཏུ་དབང་བསྐུར་བའི་རྒྱ་ཤེས་པའོ། །སོར་མོ་ཕན་ཚུན་བསྣོལ་བ་ནི། །རྡོ་རྗེ་ཐལ་མོ་ཡིན་པར་བཤད། །སོར་མོ་ ― DNG011_Page_0686 ―
[མ་དཔེ་གཟིགས་ན་འདིར་གནོན།]
ཐམས་ཅད་བསྡམས་པ་ནི། །རྡོ་རྗེ་བསྡམས་པ་ཡིན་པར་བཤད། །རྡོ་རྗེ་བསྡམས་པ་བྱ་གནས་ནི། །མཛུབ་མོ་མཐེ་བོའི་མངལ་དག་ཏུ། །གཡས་པའི་མཐེ་བོའི་མཚན་མ་འདི། །རྩེ་མོ་བཅུག་ལ་བསྡམ་པར་བྱ། །དགའ་ཆེན་དཔལ་གྱི་ཕྱག་རྒྱ་སྟེ། །ཕྱག་རྒྱ་ཐམས་ཅད་རང་བྱུང་བ། །རབ་འབྱམ་ལས་རྣམས་དངོས་གྲུབ་ནི། །མ་ལུས་ལུས་པ་མེད་པར་འགྲུབ། །དགའ་བའི་རྡོ་རྗེ་བཅིངས་ནས་ནི། །གུང་མོ་བཅིངས་པའི་ནང་དུ་གཞུག །མཐེ་བོ་མཐེའུ་ཆུང་རྩེ་མོ་ཅན། །རྡོ་རྗེའི་ཕྱག་རྒྱ་ཡོངས་སུ་བསྒྱུར། །འདི་ཡིས་སངས་རྒྱས་ཐམས་ཅད་དང་། །དེ་བཞིན་དཔའ་བོ་ཐམས་ཅད་དང་། །རྡོ་རྗེ་འཛིན་པ་ཐམས་ཅད་ནི། །ཚེ་འདི་ཉིད་ལ་འགྲུབ་པར་འགྱུར། །དཔལ་བདེ་བ་ཆེན་པོ་རྡོ་རྗེའི་ཕྱག་རྒྱའོ། །དེ་ལས་གུང་མོ་ལྕགས་ཀྱུ་ནི། །བདག་གི་སྙིང་གར་སྦྱར་བར་བྱ། །འདི་ནི་ཐམས་ཅད་འགུགས་པའི་རྒྱ། །དེ་མ་ཐག་ཏུ་ཕྱག་རྒྱ་འདིས། །སངས་རྒྱས་པདྨོ་རྡོ་རྗེ་འཛིན། །རྡོ་རྗེ་ཉི་མ་ཁམས་གསུམ་པ། །བཀུག་སྟེ་དབང་དུ་བྱས་ནས་ནི། །ལས་རྣམས་ཀུན་ལ་སྦྱོར་བར་བྱེད། །དཔལ་བདེ་བ་ཆེན་པོ་རྡོ་རྗེ་ལྕགས་ཀྱུ་ཞེས་བྱ་བའི་ཕྱག་རྒྱའོ། །རྡོ་རྗེ་བསྡམས་པ་བྱས་ནས་ནི། །གུང་མོ་བཅིངས་པའི་ནང་དུ་གཞུག །མཐེའུ་ཆུང་མཐེ་བོ་རྩེ་མོ་ཅན། །རྡོ་རྗེའི་ཕྱག་རྒྱར་ཡོངས་བསྒྱུར་ནས། །སངས་རྒྱས་བྱང་ཆུབ་སེམས་དཔར་ཡང་། །སྦྱོར་བ་འདི་ཡིས་མི་དཀའ་ན། །དངོས་གྲུབ་གཞན་དང་ལས་ཀྱི་མཆོག །རབ་འབྱམ་གཞན་ལྟ་ཅི་ཞིག་སྨོས། །དེ་བཞིན་གཤེགས་པ་ཐམས་ཅད་ཀྱི་དཔལ་རྡོ་རྗེའི་ཕྱག་རྒྱའོ། །རྡོ་རྗེའི་ཕྱག་རྒྱ་བཅིངས་པ་ལས། །སྦྱོར་ལྡན་ཐལ་མོ་ཁོང་སྟོང་སྦྱར། །ཁམས་གསུམ་དག་ནི་མ་ལུས་པ། །དེ་མ་ཐག་ཏུ་འབེབས་པར་བྱེད། །དཔལ་རྡོ་རྗེ་དབབ་པའི་ཕྱག་རྒྱའོ། །རྡོ་རྗེའི་ཕྱག་རྒྱ་བཅིངས་པ་ལས། །གུང་མོ་དེ་བཞིན་བཀུག་ནས་ནི། །རྡོ་རྗེ་རྡོ་རྗེ་ཞེས་བརྗོད་དེ། །གུང་མོ་ནམ་མཁའི་རྡོ་རྗེ་མཆོག །ཕྱག་རྒྱ་འདི་ཡིས་བཏབ་ན་ནི། །འདོད་པ་བཞིན་དུ་འགྲོ་འོང་ལྡིང་། །དཔལ་ལྡན་འདོད་པ་ཀུན་གྱི་བདག །རྡོ་རྗེ་སེམས་དཔའ་རབ་ཏུ་འགྲུབ། །དཔལ་རྡོ་རྗེ་སྙིང་པོའི་ཕྱག་རྒྱའོ། །རྡོ་རྗེ་བསྡམས་པ་ལ་གནས་ ― DNG011_Page_0687 ―
[མ་དཔེ་གཟིགས་ན་འདིར་གནོན།]
ཏེ། །མཐེ་བོའི་རྩེ་མོ་དེ་བཞིན་མཉམ། །མཛུབ་མོ་གཉིས་ཀྱི་རྩེ་མོ་དགུག །རྡོ་རྗེ་ཕྱག་རྒྱ་བཅིང་བར་བྱ། །ཕྱག་རྒྱ་འདི་ཡིས་རྣལ་འབྱོར་པ། །དག་པ་ཀུན་ལ་རབ་ཏུ་གནས། །བྱང་ཆུབ་སེམས་ནི་མཐའ་ཡས་མཆོག །དངོས་གྲུབ་ཐམས་ཅད་རབ་ཏུ་འགྲུབ། །དཔལ་རྡོ་རྗེ་རབ་ཏུ་གནས་པ་རྡོ་རྗེའི་ཕྱག་རྒྱའོ། །རྡོ་རྗེའི་པདྨོར་བྱས་པ་ལས། །གུང་མོ་བཅིངས་པའི་དབུས་ན་གནས། །མཐེའུ་ཆུང་མཉམ་པའི་རྩེ་མོ་མདེའུ། །རྡོ་རྗེ་མདའ་ནི་ཡོངས་སུ་འཕང་། །ཕྱག་རྒྱ་འདི་ཡིས་བཏབ་ན་ནི། །ཚངས་པ་ཉེ་དབང་དགའ་བྱེད་བཅས། །མཐུ་ཡིས་མྱུར་དུ་བརྒྱལ་བྱས་ནས། །ཁམས་གསུམ་དག་ནི་སྒྲུབ་པར་བྱེད། །དཔལ་རྡོ་རྗེ་མདའི་ཕྱག་རྒྱའོ། །རྡོ་རྗེའི་ཕྱག་རྒྱ་ཡོངས་བཅིངས་ནས། །གུང་མོ་བཅིངས་པའི་ཕྱི་རོལ་གཞག །རྡོ་རྗེ་སྣ་ཚོགས་དཔལ་གྱི་རྒྱ། །ལྡང་བ་ཐམས་ཅད་རབ་གྲུབ་པའོ། །རྡོ་རྗེའི་ཕྱག་རྒྱ་ཐམས་ཅད་ཤེས་པའོ། །ཨཱ་ལི་ཀཱ་ལི་མཉམ་བྱས་ནས། །ཁ་ཡི་ཐད་ཀར་མདུད་པར་བྱ། །དེ་ཡི་འོག་ཏུ་རི་མོ་རྣམས། །ཡི་གེ་ཐམས་ཅད་དགོད་པར་བྱ། །གུག་སྐྱེད་དག་གིས་ལྕུག་མར་བྱ། །ཡི་གེ་ར་ནི་མྱུ་གུར་བྱ། །ཀླད་ཀོར་ཟླ་བ་ཁམ་པ་དང་། །ཚེག་གཉིས་ཟླ་བ་གཉིས་སུ་བྱ། །འདི་ནི་སངས་རྒྱས་ཐམས་ཅད་ཀྱི། །ཕྱག་རྒྱ་མི་འགྱུར་དམ་པ་སྟེ། །སངས་རྒྱས་དཔལ་གྱི་རི་མོར་བཤད། །ཡི་གེ་དག་ཀྱང་མི་འགྱུར་མཆོག །རྡོ་རྗེ་སེམས་དཔའ་དཔལ་གྱི་ལྷའི། །བསྟོད་དང་བཅས་པའི་མཚན་བྲིས་ན། །སྡིག་པ་ཀུན་ལས་ཐར་པར་འགྱུར། །བསོད་ནམས་ཐམས་ཅད་རབ་ཏུ་འགྲུབ། །རྡོ་རྗེ་སེམས་དཔའ་དཔལ་སྦྱོར་ཞེས། །རབ་ཏུ་དྲག་པའི་མཚན་བྲིས་ན། །སྡུག་བསྔལ་ཀུན་ལས་ཐར་པར་འགྱུར། །བདེ་བ་ཐམས་ཅད་རབ་ཏུ་འགྲུབ། །ཆགས་ཆེན་གྲོལ་བ་དཔལ་ཞེས་བྱའི། །ཆགས་པའི་མཚན་དག་བྲིས་ན་ནི། །སྡིག་པ་ཀུན་ལས་ཐར་པར་འགྱུར། །གྲོལ་བ་ཀུན་ལ་རབ་ཏུ་གནས། །སྙིང་རྗེ་དྲི་མེད་འགྲོ་དཔལ་ཞེས། །བསྟོད་དང་བཅས་པའི་མཚན་བྲིས་ན། །སྡིག་པ་ཀུན་ལས་ཐར་པར་འགྱུར། །དངོས་གྲུབ་ཀུན་གྱི་མཆོག་ཀྱང་འགྲུབ། །པདྨོ་ཆགས་པ་དཔལ་དག་ཅེས། །ཆགས་པའི་མཚན་དག་བྲིས་ན་ནི། །སྡིག་པ་ཀུན་ལས་ཐར་པར་འགྱུར། ། ― DNG011_Page_0688 ―
[མ་དཔེ་གཟིགས་ན་འདིར་གནོན།]
དག་པ་ཐམས་ཅད་རྣམ་པར་དག །རྡོ་རྗེ་ཉི་མའི་དཔལ་མདངས་ཞེས། །བསྟོད་དང་བཅས་པའི་མཚན་བྲིས་ན། །སྡིག་པ་ཀུན་ལས་ཐར་པར་འགྱུར། །ལོངས་སྤྱོད་ཀུན་ལ་རབ་ཏུ་གནས། །རྟ་མཆོག་ཕ་རོལ་གནོན་དཔལ་ཞེས། །ཆགས་པའི་མཚན་དག་བྲིས་ནས་ནི། །སྡིག་པ་ཀུན་ལས་ཐར་པར་འགྱུར། །དབང་ཕྱུག་ཐམས་ཅད་རབ་ཏུ་འགྲུབ། །བྲིས་ན་བསོད་ནམས་ཆེ་བ་ལྟར། །བརྗོད་པ་དག་ཀྱང་དེ་བཞིན་ཏེ། །ལས་ཀྱི་དངོས་གྲུབ་རབ་འབྱམ་དག །མ་ལུས་པར་ནི་མྱུར་དུ་འགྲུབ། །ལྷག་པའི་ལྷ་ནི་གང་གང་གིས། །སློབ་དཔོན་གང་དང་གང་ཡིན་པ། །དེ་དང་དེ་ཡི་མཚན་དག་ནི། །དཔལ་གྱི་ཚིག་དང་ལྡན་པར་བརྗོད། །སློབ་མ་དཀྱིལ་འཁོར་བཙུད་ནས་ཀྱང་། །ཡོན་གྱི་མཆོག་དག་བླངས་ནས་ནི། །རྡོ་རྗེ་མིང་གི་དབང་བསྐུར་བས། །དེ་བཞིན་གཤེགས་པར་དེ་ལུང་བསྟན། །ཕྱག་རྒྱའི་སྦྱོར་བ་འདི་དག་གིས། །བྱང་ཆུབ་སྙིང་པོའི་བར་དུ་ནི། །རྡོ་རྗེའི་མིང་དུ་རབ་ཏུ་གནས། །དེ་ནས་སངས་རྒྱས་སུ་ཡང་འགྱུར། །བསྟོད་པ་དང་བཅས་པའི་མིང་གི་ཕྱག་རྒྱ་ཤེས་པའོ། །སྤྱི་བོར་ཉུག་པ་གང་ཡིན་པ། །ཕྱག་འཚལ་བར་ནི་སྟོན་པ་ཡིན། །དཔྲལ་བར་རེག་པར་བྱེད་པ་ནི། །ཕྱག་ལན་ཡིན་པར་ཤེས་པར་བྱ། །སྨིན་མ་བསྐུལ་བ་གང་ཡིན་པ། །སངས་རྒྱས་ཐམས་ཅད་གནས་པའི་བརྡ། །གཡས་པས་ནམ་མཁའ་འགྲོ་བ་འགྲུབ། །གཡོན་པ་རྣམ་པར་རྒྱལ་བ་ཡི། །རང་བྱུང་རྣམས་ཀྱི་བརྡ་ཡི་རྒྱུ། །མིག་གཉིས་གཡོ་བར་འགྲུབ་པ་སྟེ། །གཡོན་པ་བུད་མེད་བཟང་མོ་ཡིན། །གཡས་པ་སྐྱེས་པ་བཟང་པོའོ། །རྣ་བ་དག་ལ་རེག་པའི་བརྡ། །གཡས་གཡོན་གཉིས་ཀ་དེ་བཞིན་ཏེ། །གཡོན་པ་ལེགས་པར་བླངས་པའི་གླུ། །གཡས་པ་ལེགས་པར་སྨྲས་པའོ། །སྣ་ཡི་བུ་ག་གཉིས་ཀྱི་བརྡ། །སངས་རྒྱས་ཐམས་ཅད་གནས་པ་སྟེ། །གཡས་པ་བདག་ལ་བདུག་པ་སློང་། །གཡོན་པ་བདག་ལ་དྲི་སློང་པའོ། །ལྕེ་ནི་ལྡག་པ་ལྟར་བྱེད་པ། །བརྡ་ཡི་ཕྱག་རྒྱར་གནས་པ་སྟེ། །གཡས་པ་ཤ་ཡི་ཕྱག་རྒྱ་ཡིན། །གཡོན་པ་ཆང་གི་ཕྱག་རྒྱ་ཡིན། །མཆེ་བ་གཡས་དང་གཡོན་པ་ཡི། །བར་དུ་མ་མཆུ་མནན་པ་ནི། །གཡོན་པ་བུད་མེད་རེག་ན་བདེ། །གཡས་པ་དེ་བཞིན་སྐྱེས་པའོ། ། ― DNG011_Page_0689 ―
[མ་དཔེ་གཟིགས་ན་འདིར་གནོན།]
ལྐོག་མར་རེག་པའང་དེ་བཞིན་ཏེ། །བརྡ་ཡི་ཕྱག་རྒྱར་གནས་པ་སྟེ། །ཐེག་པ་ཆེན་པོ་བླ་མེད་པའི། །རྟོག་པ་ཐམས་ཅད་སྨྲ་བའི་མཆོག །སྙིང་གར་གྱེན་དུ་འདྲེན་པ་ནི། །རང་བྱུང་ཕྱག་རྒྱའི་བརྡ་གྲུབ་པ། །རྡོ་རྗེ་ཐམས་ཅད་འདྲེན་པ་སྟེ། །འཁོར་བ་ཤིན་ཏུ་སྡུད་པའོ། །ལྟེ་བའི་དཀྱིལ་དུ་རེག་པ་ནི། །བརྡ་ཡི་ཕྱག་རྒྱར་གནས་པ་སྟེ། །དབུ་མའི་ནན་ཏན་བསྒྲུབས་པ་ཡིས། །ཆོས་ཀྱི་འཁོར་ལོ་ཆེན་པོའི་དཀྱིལ། །རང་གི་དབང་པོ་བསྒྲེང་བ་ནི། །རང་བྱུང་རྣམས་ཀྱི་བརྡ་ཡི་རྒྱ། །དེ་ལས་དེ་བཞིན་བདེ་བ་ཡིས། །སངས་རྒྱས་ཐམས་ཅད་ཐོབ་པར་འགྱུར། །ཕྲག་པ་གཉིས་ནི་ཀུན་བསྟོད་པ། །བརྡ་ཡི་ཕྱག་རྒྱར་གནས་པ་སྟེ། །གཡས་པ་འགུགས་པའི་ཕྱག་རྒྱ་ཡིན། །གཡོན་པ་སླད་དུ་གཏོང་བའོ། །དཔུང་པ་གཡས་གཡོན་གཉིས་ཀ་ཡིས། །བདག་ལ་ཤེས་རབ་འཁྱུད་པ་ཡི། །གཡས་པ་ཐམས་ཅད་འགྲུབ་པ་ཡིན། །གཡོན་པ་དབང་ཕྱུག་ཐམས་ཅད་འགྲུབ། །ཁུ་ཚུར་གཡས་གཡོན་གཉིས་ཀ་ཡིས། །ཁུ་ཚུར་བཅངས་དང་དགྲོལ་བ་དག །གཡས་པ་རྒྱས་འདེབས་ཕྱག་རྒྱ་ཡིན། །གཡོན་པ་མི་རྣམས་ཐོང་ཤིག་པའོ། །བརླ་གཉིས་རབ་ཏུ་བསྡམས་པ་ནི། །གཡས་དང་གཡོན་པ་དེ་བཞིན་ཏེ། །གཡོན་པ་འདོད་ལ་རབ་ཏུ་བརྩོན། །གཡས་པ་ཆོས་ལ་བརྩོན་པའོ། །པུས་མོ་ལྷ་ངའི་བརྡ་དག་ཀྱང་། །གཡས་དང་གཡོན་པ་དེ་བཞིན་ཏེ། །གཡོན་པ་འདུད་པའི་ཕྱག་རྒྱ་སྟེ། །གཡས་པ་རབ་ཏུ་ཕྱག་འཚལ་བའོ། །པུས་མོ་གཡས་གཡོན་གཉིས་དག་གིས། །བརྡ་ཡི་ཕྱག་རྒྱར་རབ་ཏུ་གནས། །གཡས་པ་བཅིང་བའི་ཕྱག་རྒྱ་སྟེ། །གཡོན་པ་ཐམས་ཅད་རྣམ་པར་དགྲོལ། །རྐང་པ་གཉིས་ཀྱིས་ས་གནོན་པ། །གཡས་དང་གཡོན་པ་དེ་བཞིན་ཏེ། །གཡོན་པ་ཐམས་ཅད་གནོད་པར་བྱེད། །གཡས་པ་ཐམས་ཅད་རབ་ཏུ་འཇོམས། །དངོས་གྲུབ་ལས་དང་བདེ་བ་དག །འདི་ཡིས་མི་འགྲུབ་གང་ཡང་མེད། །རང་དོན་ལས་རྣམས་རབ་གྲུབ་པ། །མ་ལུས་ལུས་པ་མེད་པར་འགྲུབ། །བརྡ་ཡི་ཕྱག་རྒྱ་ཤེས་པའོ། །ཨོཾ་ཨ་ཏི་ལུ་ཞེས་བྱ་བའི་བརྡ། །འདི་ནི་ཕྱག་འཚལ་ཐ་ཞེས་པའོ། །པྲ་ཏི་པུ་ཞེས་བྱ་བ་ནི། །ཕྱག་ལན་ཡིན་ ― DNG011_Page_0690 ―
[མ་དཔེ་གཟིགས་ན་འདིར་གནོན།]
པར་ཤེས་པར་བྱའོ། །སེམས་དཔའ་སྔོན་དང་མཐའ་མེད་པ། །རྡོ་རྗེ་སེམས་དཔའ་བདེ་བའི་མཆོག །སངས་རྒྱས་ཕྱག་རྒྱ་བདེ་བ་ཡིས། །ཨེ་མའོ་བདེ་བ་ཡིན་པར་བཤད། །ཨེ་མའོ་བདེ་བ་དཔལ་གྱི་མཚན། །རྡོ་རྗེ་སེམས་དཔའ་གང་བརྗོད་པ། །སྡིག་པ་ཀུན་ལས་ཐར་པར་འགྱུར། །བདེ་བ་ཐམས་ཅད་རབ་ཏུ་འགྲུབ། །བདེ་མཆོག་ཨེ་མའོ་བདེ་བ་དང་། །སྒྲོན་མ་དེ་བཞིན་ཤི་ཤི་དག །རྒྱས་འདེབས་མ་དང་རྨོངས་བྱེད་དང་། །ཟ་བ་མོ་དང་ཚེ་འཕེལ་མ། །སངས་རྒྱས་བྱང་ཆུབ་ཆོས་འཁོར་ལོ། །དེ་བཞིན་ཁམས་གསུམ་རྣམ་པར་རྒྱལ། །འདོད་པའི་ལྕུག་མ་ཐམས་ཅད་ཀྱང་། །ཕྱག་རྒྱ་བརྡ་ཡི་ཕྱག་རྒྱའོ། །རྟ་གདོང་རྡོ་རྗེའི་ཞལ་དག་དང་། །དེ་བཞིན་རྡོ་རྗེ་སྣང་བ་དང་། །ཐལ་བར་རློག་པའི་རོ་ལངས་མ། །སངས་རྒྱས་ཀུན་གྱི་བརྡ་ཡིན་ནོ། །གླིང་བུ་དང་ནི་རྒྱུད་མངས་དང་། །དེ་བཞིན་དུ་ནི་རྒྱུད་གཅིག་དང་། །སྟུག་པོ་དང་ནི་རྫ་རྔ་དག །སངས་རྒྱས་བརྡ་ཡི་ཕྱག་རྒྱའོ། །མེ་ཏོག་མཆོད་དང་བདུག་པའི་མཆོད། །དེ་བཞིན་མར་མེའི་མཆོད་པ་དང་། །སྤོས་ཀྱི་མཆོད་པ་གླ་རྩི་དག །ལོངས་སྤྱོད་ཕྱག་རྒྱའི་བརྡ་ཡིན་ནོ། །དེ་ལ་སོགས་པ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་དབྱིངས་ཀྱི་མཐའ་ཀླས་པའི། །ལྷ་མོ་ཀུན་གྱི་བརྡ་ཡིན་ནོ། །སྨིན་མ་བསྐྱོད་པ་བརྡ་བཞི་ཡིན། །བྷ་ག་ལིང་ག་ཨེ་མའོ་བདེ། །ཐོད་པ་པདྨ་ཡིན་པར་བཤད། །ཁ་ཊྭཱཾ་ག་ཡང་རྒྱལ་མཚན་ཆེ། །སངས་རྒྱས་ཕྱག་རྒྱ་པདྨར་གནས། །བདེ་བ་ཀུན་གྱི་བདུད་རྩི་ཡིན། །སངས་རྒྱས་བརྡ་ཡི་ཕྱག་རྒྱ་ཡིས། །ཤི་ཤི་སངས་རྒྱས་ཀུན་ཏུ་བཤད། །དཀྱིལ་འཁོར་ལ་ནི་འཁོར་ལོར་བཤད། །དེ་ཉིད་དམ་ཚིག་ཡིན་པར་བཤད། །ལྷ་རྣམས་ཐམས་ཅད་ཚོགས་པས་ན། །སྐྱེ་བོ་དམ་པ་ཀུན་ཚོགས་པ། །ཚོགས་ཀྱི་འཁོར་ལོ་དམ་པ་ནི། །མཛའ་བ་ཐམས་ཅད་འདུས་པ་སྟེ། །སངས་རྒྱས་ཀུན་གྱི་བརྡ་དག་གིས། །དེ་བཞིན་མཛའ་བར་འདུས་པར་གསུངས། །རྡོ་རྗེ་སེམས་དཔའ་དཔལ་སྦྱོར་བས། །དཀྱིལ་འཁོར་ཐམས་ཅད་ཡིན་པར་བཤད། །ལྷ་མོ་ཐམས་ཅད་ཀུན་འདུས་པས། །ཐམས་ཅད་སྣ་ཚོགས་བསྐལ་པ་བཟང་། ། ― DNG011_Page_0691 ―
[མ་དཔེ་གཟིགས་ན་འདིར་གནོན།]
རྡོ་རྗེ་སེམས་དཔའ་དཔལ་སྦྱོར་བ། །སངས་རྒྱས་ཀུན་ཏུ་བདག་སྦྱོར་བས། །རྣམ་པ་ཀུན་མཁྱེན་ཤེས་པའི་ཕྱིར། །ཀུན་གྱི་སློབ་དཔོན་ཡིན་པར་བཤད། །ཀུན་གྱི་སློབ་དཔོན་རབ་གནས་པ། །ལྷ་མོ་ཐམས་ཅད་འདུས་པས་ན། །སངས་རྒྱས་ཀུན་གྱི་མཆོག་དག་གིས། །ཀུན་ཏུ་སྣ་ཚོགས་སྐལ་བཟང་པོའོ། །དེ་ཡི་སློབ་མ་གྲུབ་པ་ནི། །གྲུབ་པའི་རྗེས་སུ་གྲུབ་པས་ན། །སངས་རྒྱས་བརྡ་ཡི་གསང་བ་ཡིས། །རྒྱལ་མཚན་ཡིན་པར་རྣམ་པར་བཤད། །དེ་ལས་གཞན་པའི་སློབ་མ་ཀུན། །མཆོག་དང་འབྲིང་དང་ཐ་མའི་རྣམས། །སངས་རྒྱས་ཀུན་གྱི་བརྡ་དག་གིས། །བྱང་ཆུབ་སེམས་དཔའ་ཡིན་པར་བཤད། །སངས་རྒྱས་ཐམས་ཅད་རིན་ཆེན་མཆོག །དབུ་རྒྱན་མི་འགྱུར་དམ་པ་ཡིན། །སངས་རྒྱས་ཀུན་གྱི་རྒྱལ་སྲིད་མཆོག །ཡིན་པར་རང་བྱུང་རྣམས་ཀྱིས་གསུངས། །ཐོད་པའི་ཕྲེང་བའི་དབུ་རྒྱན་དང་། །སངས་རྒྱས་གཙུག་གི་ནོར་བུ་དག །སངས་རྒྱས་བརྡ་ཡི་ཕྱག་རྒྱ་ཡིས། །དཔལ་གྱི་པདྨའི་ཚུལ་དུ་བཤད། །སངས་རྒྱས་རང་བཞིན་གྲུབ་གཅིག་དང་། །དེ་བཞིན་པདྨའི་རང་བཞིན་གཅིག །ཐམས་ཅད་དབང་བསྐུར་དབང་བསྐུར་ཆེ། །ཡིན་པར་དོན་ཀུན་གྲུབ་པས་གསུངས། །ཡོན་གྱི་དམ་པ་གྲུབ་པ་ནི། །ནོར་གྱི་དབྱིག་ཏུ་བཤད་པ་སྟེ། །སྙིང་ཡང་ནོར་གྱི་མཆོག་ཡིན་པར། །སངས་རྒྱས་བརྡ་ཡི་ཕྱག་རྒྱར་བཤད། །ག་པུར་ཙནྡན་དམར་པོ་དང་། །སྦྱར་བ་ཁྲག་ཆེན་ཡིན་པར་བཤད། །ཚོགས་ཀྱི་དབུས་སུ་བཞག་པ་དཔལ། །ཐམས་ཅད་ལྡང་བའི་ར་ས་ཡིན། །བག་ཟན་ལས་ནི་བྱས་པའི་ཕྱུགས། །ཙནྡན་དམར་པོས་བསྐུས་པ་དང་། །བག་ཕྱེའི་ཟན་ལས་བྱས་པའི་ཤ །རྒྱལ་པོའི་ཟན་ཞེས་གང་བཤད་པའོ། །དེ་ནས་གྲུབ་པའི་མནའ་བསྒག་པ། །དམ་ཚིག་ཅེས་པར་བཤད་པའོ། །བདེ་མཆོག་བདེ་མཆོག་ཅེས་གསུངས་པ། །སངས་རྒྱས་བདེ་མཆོག་ཐམས་ཅད་ཀྱིས། །ཕྱག་རྒྱའི་བདེ་བ་མཆོག་ཏུ་གསུངས། །དེ་བཞིན་ཨེ་མའོ་བདེ་བ་དང་། །སྣང་བ་ཤེས་པའང་རབ་ཏུ་གནས། །ཤི་ཤི་སྲིད་པའང་སྲིད་པ་འོ། །དེ་བཞིན་གཤེགས་པ་ཀུན་གྱིས་ཀྱང་། །འདའ་བར་བྱ་བའང་མ་ ― DNG011_Page_0692 ―
[མ་དཔེ་གཟིགས་ན་འདིར་གནོན།]
ཡིན་པས། །སངས་རྒྱས་བརྡ་ཡི་ཕྱག་རྒྱ་ཡིས། །ཕྱག་རྒྱ་དམ་ཚིག་ཡིན་པར་བཤད། །ཕྱག་རྒྱའང་སྦྱོར་བ་ཡིན་པར་བཤད། །སྦྱོར་བའང་ཕྱག་རྒྱ་ཡིན་པར་བཤད། །རྡོ་རྗེ་སེམས་དཔའ་དཔལ་སྦྱོར་བ། །སྦྱོར་བ་ཐམས་ཅད་ཡིན་པར་བཤད། །ང་ནི་སྣ་ཚོགས་དམ་ཚིག་སྟེ། །རྡོ་རྗེ་སེམས་དཔའ་བདེ་བ་ཆེ། །སངས་རྒྱས་བརྡ་ཡི་ཕྱག་རྒྱ་ཡིས། །སྦྱོར་བ་ཐམས་ཅད་ཡིན་པར་བཤད། །དེ་ཡི་ཉེ་བའི་ལོངས་སྤྱོད་ནི། །ཁམས་གསུམ་ཐམས་ཅད་མ་ལུས་པའོ། །དེ་ཡི་གཟུགས་དང་སྒྲ་དང་དྲི། །རོ་དང་རེག་པ་བདེ་མྱོས་པའོ། །གཟུགས་ནི་རི་མོ་ཡིན་པར་གསུངས། །སྒྲ་ནི་གླུ་ཡིན་ཞེས་བཤད་དོ། །དྲི་ནི་རབ་ཏུ་ཚིམ་པར་གསུངས། །རོ་ནི་ར་ས་ཡ་ན་ཡིན། །རེག་པ་བདེ་བ་ཡིན་པར་བཤད། །རབ་ཏུ་རེག་པ་དགའ་བའི་བདེ། །སངས་རྒྱས་བརྡ་ཡི་ཕྱག་རྒྱ་ཡིས། །ཆོས་ནི་སྦྱོར་བ་ཡིན་པར་བཤད། །སྦྱོར་བའི་ལོངས་སྤྱོད་ཐམས་ཅད་ཀྱིས། །ཇི་ལྟར་བདེ་བར་སྟེན་བྱེད་ཅིང་། །བདག་གི་ལྷག་པའི་ལྷར་སྦྱོར་བ། །རང་གི་མཆོད་པའི་དམ་ཚིག་ཡིན། །རྗེས་སུ་སྦྱོར་བས་མཆོད་ན་ནི། །སྦྱོར་བ་ཀུན་གྱི་བདེ་བའི་མཆོག །སངས་རྒྱས་བརྡ་ཡི་ཕྱག་རྒྱ་ཡིས། །བདེ་བ་ཆེན་པོ་ཡིན་པར་བཤད། །ལྷ་མོ་ཀུན་དང་མཉམ་སྦྱོར་བ། །སངས་རྒྱས་ཐམས་ཅད་འདུས་པའོ། །ཡེ་ཤེས་ཙམ་ལ་སྙོམས་འཇུག་པ། །རྣལ་འབྱོར་ཞེས་ནི་བཤད་པ་ཡིན། །སངས་རྒྱས་བརྡ་ཡི་ཕྱག་རྒྱ་ཡིས། །ཏིང་འཛིན་རབ་ཏུ་སྦྱོར་བའང་བཤད། །ལྷ་མོ་ཀུན་དང་མཉམ་སྦྱོར་བ། །སངས་རྒྱས་ཐམས་ཅད་འདུས་པའོ། །སངས་རྒྱས་ཐམས་ཅད་མཉམ་སྦྱོར་བ། །སངས་རྒྱས་ཀུན་གྱིས་བྱིན་བརླབ་པོ། །དགའ་བར་སྤྱོད་པ་གྲུབ་པར་བཤད། །རྗེས་སུ་སྦྱོར་བ་རྗེས་སུ་གྲུབ། །སྐྱེས་པ་ལྟར་བྱེད་དགའ་སྤྱོད་པ། །སླར་ཡང་རྗེས་སུ་གྲུབ་པར་མཛད། །ལྷ་མོ་ཀུན་ལ་བདེ་འཇུག་པ། །སྦྱོར་བ་ཀུན་ལ་མོས་པ་ནི། །ཀུན་ཏུ་སངས་རྒྱས་ཀུན་གྱི་བདག །ར་ས་ཡ་ན་བདེ་བར་བཤད། །ཐམས་ཅད་ལྡན་པ་ཀུན་འགྲོ་བ། །དངོས་གྲུབ་དམ་པར་རབ་ཏུ་བཤད། །དངོས་གྲུབ་ཆེན་པོ་ལྡང་བ་ཆེར། །སངས་རྒྱས་བརྡ་ཡི་ཕྱག་རྒྱར་བཤད། །དངོས་ ― DNG011_Page_0693 ―
[མ་དཔེ་གཟིགས་ན་འདིར་གནོན།]
གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་བླ་ན་མེད། །སངས་རྒྱས་དམ་པ་ཀུན་གྱི་མཆོག །སངས་རྒྱས་ཀུན་གྱི་བརྡ་ཡིས་བཤད། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་བདེ་བའི་མཆོག །སངས་རྒྱས་ཐམས་ཅད་མཉམ་སྦྱོར་བ། །སྦྱོར་བའི་དབང་ཕྱུག་བདེ་ཆེན་པོ། །ཁྲག་ནི་མེ་ཏོག་ཡིན་པར་བཤད། །མདངས་ནི་བདུག་པ་ཡིན་པར་བཤད། །ཤ་ཆེན་དག་ནི་མར་མེ་སྟེ། །ཐལ་བ་དག་ནི་སྤོས་སུ་བཤད། །ཆང་ནི་སྒེག་མོ་ཡིན་པར་བཤད། །རབ་ཏུ་མྱོས་པ་སྦྲང་རྩིའོ། །བུ་རམ་ཆང་ནི་མྱོས་བྱེད་གསུངས། །རྒུན་ཆང་དག་ནི་བདུད་རྩི་ཡིན། །བདུད་རྩི་ལམ་གྱི་ཡན་ལག་བརྒྱད། །སངས་རྒྱས་ཀུན་གྱི་བརྡ་ཡིན་ནོ། །རྒུན་དང་སྦྲང་རྩི་མཆོག་ཏུ་དམར། །ཚྭ་ནི་འདོད་ཆགས་སྲ་བ་ཡིན། །སྐྱུར་པོའི་ཁུ་བ་གཡོན་ཅན་ཡིན། །ཀམྦྷི་ལ་ནི་བྲན་མོར་བཤད། །ཆུར་བ་ཟླ་བ་ཉ་བ་ཡིན། །ཤ་ནི་སྨན་གྱི་མཆོག་ཡིན་ཏེ། །དབང་ཕྱུག་དམ་པ་ཀུན་གྱི་མཆོག །སངས་རྒྱས་ཀུན་གྱི་བརྡ་ཡིས་བཤད། །དངོས་གྲུབ་ཆེན་པོ་ཀུན་གྱི་མཆོག །ཆང་ནི་ར་ས་ཡ་ནར་བཤད། །ཟས་ནི་ཚེ་ཞེས་བྱ་བར་བཤད། །བཟའ་བ་སྣ་ཚོགས་གྲུབ་པ་ནི། །ཤ་དང་ཆང་དུ་ལྡན་པ་དག །དགའ་བའི་ལོངས་སྤྱོད་སྐལ་བཟང་པོ། །ཚེ་ཡི་དམ་པ་ཡིན་པར་བཤད། །ཨ་མྲ་རྒུན་འབྲུམ་པ་ན་ས། །ན་ལི་ཀེ་ར་ཨ་རུ་ར། །འབྲས་བུ་ཆེན་པོའི་ཁྱད་པར་དག །བདུད་རྩིའི་འབྲས་བུ་ཡིན་པར་བཤད། །ཨ་མྲ་སྨིན་པ་གྲོལ་བར་བཤད། །དེ་བཞིན་བདེ་བར་ཉལ་བ་དང་། །བདེ་བས་རབ་ཏུ་མྱོས་པ་དག །སངས་རྒྱས་ཀུན་གྱི་བརྡ་ཡིན་ནོ། །འབྲས་བུ་ཆེན་པོ་པ་ན་ས། །རྒུན་འབྲུའི་ཁུ་བ་ཁུ་བའི་མཆོག །ན་ལི་ཀེ་རའི་དངོས་གྲུབ་ཆེ། །དམ་ཆོས་འབྲས་བུ་ཨ་རུ་ཀ །གླུ་ཡི་ཚིག་ཏུ་བརྗོད་པར་བཤད། །དར་དིར་དག་ནི་སིལ་སྙན་ཡིན། །སངས་རྒྱས་བརྡ་ཡི་ཕྱག་རྒྱ་ཡིས། །གར་ནི་རྣམ་པར་རོལ་པར་བཤད། །རྡོ་རྗེ་སེམས་དཔའ་དཔལ་སྦྱོར་བའི། །གླུ་དང་སིལ་སྙན་གར་བྱེད་པ། །བརྡ་ཡི་དམ་པར་བཤད་པ་ནི། །སངས་རྒྱས་ཀུན་གྱི་རྣམ་སྤྲུལ་པའོ། །རབ་ཏུ་ཞི་བའི་སིལ་སྙན་གླུ། །དུར་ཁྲོད་གླུ་དང་སིལ་སྙན་ ― DNG011_Page_0694 ―
[མ་དཔེ་གཟིགས་ན་འདིར་གནོན།]
དང་། །གར་ནི་ཤིན་ཏུ་རྣམ་སྤྲུལ་པའོ། །ཆགས་བཅས་གླུ་དང་སིལ་སྙན་དང་། །གར་ནི་ཤིན་ཏུ་རྣམ་སྤྲུལ་པའོ། །མི་ཡི་དབང་པོའི་སིལ་སྙན་གླུ། །གར་ནི་ཤིན་ཏུ་རྣམ་སྤྲུལ་པའོ། །རབ་ཏུ་དཔའ་བའི་སིལ་སྙན་གླུ། །རང་གི་རྩལ་གྱི་གར་བྱས་པ། །རྟ་མཆོག་རྣམ་པར་སྤྲུལ་པ་ནི། །བརྡ་ཡི་དམ་པ་རབ་ཏུ་བཤད། །ཌཱི་ཞེས་བྱ་བ་མཁའ་འགྲོ་ཡི། །ཁམས་གསུམ་འདིར་ནི་རྣམ་པར་བརྟགས། །ནམ་མཁའ་འགྲོ་བའི་ཕྱག་རྒྱ་དག །མཁའ་འགྲོ་ཞེས་ནི་རབ་ཏུ་གྲགས། །ཀུན་ཏུ་སྣ་ཚོགས་ཕྱག་རྒྱ་ནི། །ཐམས་ཅད་ནམ་མཁའ་འགྲོ་བ་སྟེ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་མ་ཞེས་རབ་ཏུ་གྲགས། །སྒྱུ་མའི་གར་དབང་གྲུབ་པ་ནི། །ཨ་ར་ལི་ཞེས་མིང་དུ་བཏགས། །མཁའ་འགྲོ་མ་ཡང་ཨ་ར་ལི། །སངས་རྒྱས་བརྡ་ཡི་ཕྱག་རྒྱའོ། །སངས་རྒྱས་ཐམས་ཅད་མཉམ་སྦྱོར་བ། །སྒྱུ་མ་ཀུན་གྱི་གར་བྱེད་པ། །སངས་རྒྱས་ཐམས་ཅད་མཉམ་སྦྱོར་བའི། །མཁའ་འགྲོ་མ་ཡི་དམ་ཚིག་མཆོག །བཅོམ་ལྡན་རྡོ་རྗེ་སེམས་དཔའ་དཔལ། །རྡོ་རྗེ་ཨ་ར་ལི་ཞེས་བཤད། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །སེམས་དཔའ་སྔོན་དང་མཐའ་མེད་པ། །རྡོ་རྗེ་སེམས་དཔའ་དགའ་བའི་མཆོག །སངས་རྒྱས་བརྡ་ཡི་ཕྱག་རྒྱ་ཡིས། །དེ་ནི་སྐལ་བ་བཟང་པོར་བཤད། །གང་ཞིག་རྡོ་རྗེ་སེམས་དཔའི་མཚན། །སྐལ་བ་བཟང་པོ་ཞེས་བརྗོད་ན། །ཤིན་ཏུ་སྲིད་པ་ཀུན་འགྲུབ་ཅིང་། །དེ་ནི་དབང་ཕྱུག་ཆེན་པོ་འགྲུབ། །ཊཀྐི་འདོད་པ་ཡིན་པར་བཤད། །དགའ་བ་ཀི་ལི་ཀི་ལ་ཡིན། །བྱམས་པ་ཆུ་སྲིན་ཡིན་པར་བཤད། །འདོད་པའི་དབང་པོ་དབང་ཕྱུག་མཆོག །རྡོ་རྗེ་དྲིལ་བུ་ཕྱག་རྒྱ་དག །དམ་ཚིག་གསུམ་གྱི་དམ་པ་ཡིན། །ཨོཾ་དང་བྷུ་ཁཾ་ཀུན་བཤད་པ། །སངས་རྒྱས་བརྡ་ཡི་ཕྱག་རྒྱ་ཡིན། །དྲངས་ཏེ་བཅུག་ནས་བཅིངས་པ་དང་། །ཞུགས་ནས་དབང་དུ་གྱུར་པ་ནི། །ཛཿཧཱུཾ་བཾ་ཧོཿབཤད་པ་སྟེ། །སངས་རྒྱས་ཀུན་གྱི་བརྡ་ཡིན་ནོ། །ཨེ་ཧི་ཡ་ཧི་ཞེས་བཤད་པ། །ཚུར་སྐྱོན་ཕར་བཞུད་ཅེས་བསྒྲགས་པའོ། །ཏི་ནྡིཥྛི་ཧ་ཡང་ཧ་ཧ་ཞེས་གསུངས་པ་ནི། ། ― DNG011_Page_0695 ―
[མ་དཔེ་གཟིགས་ན་འདིར་གནོན།]
ལོངས་ལ་དྲོངས་ཤིག་དྲོངས་ཤིག་པའོ། །ཁ་ཁ་ཁཱ་ཧི་ཟོ་ཤིག་པའོ། །ཨ་བི་ཞེས་པ་འཐུང་ཞིག་པའོ། །དར་དར་བྱིན་ཞེས་པའོ། །རུ་ཏ་མ་ཏ་རོལ་ཅིག་པའོ། །ཧུ་ལུ་ཧུ་ལུ་ཞུགས་ཤིག་པའོ། །ཨ་རར་རར་སྐུལ་ཅིག་པའོ། །ཨེ་མའོ་བདེ་མཆོག་ངོ་མཚར་ནི། །ཨ་ལ་ལ་ཧོ་ཞེས་བཤད་པའོ། །བདེ་མཆོག་རྒྱས་འདེབས་ཕྱག་རྒྱ་ཡིན། །ཨེ་མའོ་བདེ་བ་རྨོངས་བྱེད་མའོ། །སྣང་བ་ཞེས་པ་ཟ་བ་མོ། །ཧཱུཾ་ཤི་ཤི་ནི་ཚེ་འཕེལ་མའོ། །ཤིན་ཏུ་བརྟན་དང་རབ་ཏུ་བརྟན། །ཀུན་ཏུ་བརྟན་དང་ཆེར་བརྟན་པ། །སངས་རྒྱས་རྡོ་རྗེ་འཛིན་པ་དང་། །འཇིག་རྟེན་དབང་དང་མཁའ་ལས་སྐྱེས། །ཤེས་འགྱུར་དག་འགྱུར་གྲུབ་པར་འགྱུར། །ཞུགས་ལ་དབང་དུ་འགྱུར་བར་མཛོད། །ཨཾ་ཨཱཾ་ཨ་ཨཱ་ཀུན་བཤད་པ། །སངས་རྒྱས་བརྡ་ཡི་ཕྱག་རྒྱ་ཡིན། །ཐམས་ཅད་མཁྱེན་པར་གྱུར་པ་དང་། །དེ་བཞིན་བདེ་བར་མཁྱེན་པ་ནི། །ཨྃ་སརྦ་བིད་ཅེས་བཤད་པ་སྟེ། །སངས་རྒྱས་བརྡ་ཡི་ཕྱག་རྒྱ་ཡིན། །ཨོཾ་རུ་རུ་སྥུ་རུ་ཛྭ་ལ་ཏིཥྛ་སིད་དྷ་ལོ་ཙ་ནི་སརྦྦ་ཨཪྠ་སཱ་དྷ་ནི་སྭཱ་ཧཱ། འཁོར་ལོ་དངོས་གྲུབ་མཁྱེན་པ་དང་། །དོན་དམ་ཉེ་བར་ཞི་བའི་ཕྱིར། །སངས་རྒྱས་རང་བྱུང་བཅོམ་ལྡན་འདས། །རྣམ་སྣང་མཛད་ཆེན་གཙོ་བོ་ནི། །སངས་རྒྱས་བརྡ་ཡི་ཕྱག་རྒྱ་ཡིན། །སྐལ་བ་བཟང་པོ་ཞེས་བཤད་པའོ། །ཀོ་ཊ་ཀྵ། ཀོ་ཊ་བ། ཀོ་ཊ་བཤྩ། ཀོ་ཊཱ་རི་ཀ །ཀོ་ལ་ག་ཀྵ། ཀོ་ལ་བ། ཀོ་ལ། ཀོ་ལ་བཤྩ། ཀོ་ལ་བྷསྟ་ཐཱ། ཕྱག་ན་རྡོ་རྗེ་རང་དོན་གྱི། །མཚན་འདི་རྣམས་ནི་གང་བརྗོད་པ། །དེ་ལ་རྒྱལ་པོ་རྡོ་རྗེ་འཛིན། །བྲན་བཞིན་དངོས་གྲུབ་སྟེར་བར་འགྱུར། །རྒྱལ་སྲིད་དང་ནི་ལོངས་སྤྱོད་དང་། །གཏེར་གྱི་རྣམས་ཀྱང་ལྷག་པར་སྟེར། །དགོས་པ་ཐམས་ཅད་བྱེད་པར་འགྱུར། །དེ་བཞིན་དགྲ་ཡང་མེད་པར་བྱེད། །མིག་དང་རྣ་བ་སྣ་དག་དང་། །ལྕེ་དང་ལུས་ཀྱང་དེ་བཞིན་ཏེ། །གཟུགས་དང་སྒྲ་དང་དྲི་དག་དང་། །རོ་དང་རེག་ཀྱང་བདག་གི་དོན། །རྡོ་རྗེ་མཚོན་ཆ་བེ་དི་དང་། །དགྲ་བོ་དག་ཏུ་རབ་གྲགས་པ། །དེ་ཡིས་ཕྱག་རྒྱ་རྡོ་རྗེར་འགྱུར། །ལག་ན་རྡོ་རྗེ་ཞེས་ཀྱང་བྱ། །ཉོན་མོངས་ཐམས་ཅད་གང་ཟད་དང་། །དགྲ་རྣམས་ཀྱང་ནི་གང་ཟད་པ། །ཕྱག་ན་རྡོ་རྗེས་ ― DNG011_Page_0696 ―
[མ་དཔེ་གཟིགས་ན་འདིར་གནོན།]
འདུལ་བའི་ཕྱིར། །དེ་ནི་ཡཀྵ་ཡིན་པར་བཤད། །ཧེ་རུ་དཔལ་ནི་རྡོ་རྗེ་ཆེ། །ཐལ་བར་འཇིག་པའི་མཆོག་ཡིན་ཏེ། །སངས་རྒྱས་ཀུན་གྱི་ཁྲོ་བོ་ཆེ། །བརྡ་ཡིས་རབ་ཏུ་བཤད་པ་ཡིན། །རྡོ་རྗེ་འབར་བ་རབ་ཏུ་འཇིགས། །ཁ་ཊྭཱཾ་ག་ནི་རྒྱལ་མཚན་ཆེ། །ཐོད་པ་ཁམ་ཕོར་པདྨའི་སྣོད། །ཁྲག་ཆེན་དང་ནི་སྦྲང་རྩི་ཆེ། །དཀར་མོ་རྐུ་བྱེད་རབ་རྨོངས་དང་། །རོ་ལངས་དང་ནི་སྦོས་བྱེད་དང་། །གཏུམ་མོ་དང་ནི་སྨེ་མ་དང་། །ལྷ་མོ་བདུན་ནི་བརྡ་ཡིན་ནོ། །སྲུངས་ཤིག་མྱུར་དུ་རྣམ་རྒྱལ་དཔལ། །ཐལ་བ་བཞིན་དུ་རབ་ཏུ་རློགས། །ཧྃ་ཧྃ་ཧྲི་ཧཱུཾ་ཀུན་བཤད་པ། །སངས་རྒྱས་བརྡ་ཡི་ཕྱག་རྒྱ་ཡིན། །རོལ་ཅིག་དགོངས་ཤིག་དེ་བཞིན་དུ། །རོལ་དུ་ཆུག་ཅིག་གསོད་དུ་ཆུག །མཱ་རཊ་ཕཊ་ཕཊ་ཅེས་བཤད་པ། །སངས་རྒྱས་ཀུན་གྱི་བརྡ་ཡིན་ཏེ། །རྒྱལ་པོ་ཆེན་པོ་རྡོ་རྗེ་འཛིན། །དབང་ཕྱུག་དམ་པའི་རིག་པ་ནི། །སངས་རྒྱས་བརྡ་ཡི་ཕྱག་རྒྱ་ཡིས། །སྐལ་བ་བཟང་པོ་ཡིན་པར་བཤད། །རྒྱལ་པོ་སྤྱན་རས་གཟིགས་དབང་ཕྱུག །འཇིག་རྟེན་དབང་ཕྱུག་ཅེས་བཤད་དེ། །སངས་རྒྱས་ཀུན་གྱི་བརྡ་དག་གིས། །དེ་ཡང་སྐལ་བ་བཟང་ཞེས་བཤད། །དག་དང་གྲུབ་དང་དེ་བཞིན་བློ། །རྫུ་འཕྲུལ་འཕེལ་དང་འབྱོར་པ་དང་། །རྣམ་པར་ལྟ་དང་སྒྲོལ་མ་དང་། །རྒྱ་ཆེན་མ་དང་ཁྲོ་གཉེར་མ། །པདྨར་གནས་ཞེས་བྱ་བ་དང་། །རྡོ་རྗེ་པདྨའི་དབང་ཕྱུག་མ། །པདྨ་ལྷ་མོ་རིགས་ཆེན་ཏེ། །སངས་རྒྱས་བརྡ་ཡི་ཕྱག་རྒྱས་བཤད། །ནམ་མཁའི་སྙིང་པོ་ཐམས་ཅད་ཕྱོགས། །རེ་བ་ཐམས་ཅད་རྫོགས་མཛད་པ། །སྐལ་བ་བཟང་ཞེས་རྣམ་པར་གྲགས། །རྡོ་རྗེ་ཉི་མ་ནོར་བུ་ཆེ། །ཏྲཱྃ་དང་བ་བ་ཊ་ཊ་དང་། །ཏྲ་ཊ་ཏྲ་ཊ་ཀུན་གྲགས་པ། །སངས་རྒྱས་ཀུན་གྱི་བརྡ་ཡིན་ཏེ། །དབང་བསྐུར་བ་དང་གཏེར་དག་དང་། །རྒྱལ་མཚན་རྩེ་མོ་མཆོད་ཆེན་པོ། །སྣ་ཚོགས་པདྨ་ཐམས་ཅད་སྤྱན། །དེ་བཞིན་འཇིག་རྟེན་ཐམས་ཅད་པ། །བྱང་ཆུབ་ཀུན་གྱི་སེམས་ཆེན་པོ། །སྣ་ཚོགས་རྡོ་རྗེ་བླ་ན་མེད། །ཐམས་ཅད་དག་པར་མོས་པ་ཡིས། །འཇིག་རྟེན་ཐམས་ཅད་རབ་འཇིགས་པ། །རྟ་མཆོག་པདྨ་དཔལ་དང་ལྡན། །སྐལ་བ་བཟང་ཞེས་བརྡ་ ― DNG011_Page_0697 ―
[མ་དཔེ་གཟིགས་ན་འདིར་གནོན།]
ཡིས་བསྟན། །བརྡ་ཡི་ཕྱག་རྒྱ་འདི་རྣམས་ཀྱིས། །དཀྱིལ་འཁོར་སྦྱོར་བས་ངེས་པ་ནི། །གྲོགས་པོ་མཁས་པར་བཅས་པ་ཡིས། །དངོས་གྲུབ་ཐམས་ཅད་འགྲུབ་པར་འགྱུར། །བརྡ་ཡི་ཕྱག་རྒྱ་ཤེས་པའོ། །རྗེས་སུ་ཆགས་པར་བྱའོ་ཞེས། །ཆ་ལུགས་ཤེས་པ་བཞིན་བྱེད་ཅིང་། །དངོས་གྲུབ་ཀུན་ལ་རྗེས་ཆགས་པས། །མི་འགྱུར་དམ་པ་འགྲུབ་པར་འགྱུར། །ཀུན་ཏུ་ཀུན་ནས་ཐམས་ཅད་ནི། །བདག་ཉིད་རྟག་ཏུ་རྣམ་པ་ཀུན། །ལས་ཀྱི་དངོས་གྲུབ་རབ་འབྱམ་དག །མ་ལུས་པར་ནི་མྱུར་དུ་འགྲུབ། །རྗེས་སུ་ཆུད་པར་བྱའོ་ཞེས། །ཆ་ལུགས་ཤེས་པ་བཞིན་བྱེད་པས། །སྐུ་གསུང་ཐུགས་ཀྱི་རྡོ་རྗེ་མཆོག །ཆོ་འཕྲུལ་དག་ནི་སྟོན་པར་བྱེད། །རྗེས་སུ་ཆུད་པར་བྱའོ་ཞེས། །ཆ་ལུགས་ཤེས་པ་བཞིན་བྱེད་པས། །མཁའ་འགྲོ་སྒྱུ་མ་བདེ་བའི་མཆོག །མ་ལུས་ལུས་པ་མེད་པར་འགྲུབ། །རྗེས་སུ་སྤྱད་པར་བྱའོ་ཞེས། །ཆ་ལུགས་ཤེས་པ་བཞིན་བྱེད་པས། །སྒྲིབ་སྦྱང་ཐམས་ཅད་དངོས་གྲུབ་རྣམས། །མ་ལུས་ལུས་པ་མེད་པར་འགྲུབ། །རྗེས་སུ་ཡི་རང་བྱའོ་ཞེས། །ཆ་ལུགས་ཤེས་པ་བཞིན་བྱེད་པས། །བུད་མེད་ལ་སོགས་རིན་ཆེན་མཆོག །མཆོད་པའི་ལས་ཀུན་མྱུར་དུ་འགྲུབ། །རྗེས་སུ་གཞོམ་པར་བྱའོ་ཞེས། །ཆ་ལུགས་ཤེས་པ་བཞིན་བྱེད་པས། །རྟུལ་ཕོད་ལས་རྣམས་ཐམས་ཅད་ནི། །མ་ལུས་ལུས་པ་མེད་པར་འགྲུབ། །ཡེ་ཤེས་ཀྱི་ཕྱག་རྒྱ་ཤེས་པའོ། །རྡོ་རྗེ་སེམས་དཔའ་དཔལ་སྦྱོར་བ། །དབྱིབས་དང་གཟུགས་ནི་ཅི་འདྲར་ལྡན། །ཐམས་ཅད་བདག་ཉིད་རྒྱར་སྦྱོར་བས། །མི་འགྱུར་དམ་པ་འགྲུབ་པར་འགྱུར། །ཀུན་ཏུ་ཀུན་ནས་ཐམས་ཅད་ནི། །བདག་ཉིད་རྟག་ཏུ་རྣམ་པ་ཀུན། །བྲ་སེ་ན་ཡི་དངོས་གྲུབ་མཆོག །མ་ལུས་ལུས་པ་མེད་པར་འགྲུབ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་མཆོག་གིས། །ཡང་དག་བདེན་པ་ཚུལ་བཞིན་དུ། །མཐོང་བ་དང་ནི་ཐོས་པར་བྱེད། །ས་ཆུ་མེ་རླུང་ནམ་མཁའ་དང་། །ཁམས་རྣམས་ཀུན་ནི་ཐམས་ཅད་ལས། །ཐམས་ཅད་མཐོང་ཞིང་ཐོས་པར་བྱེད། །རྣམ་པར་ཤེས་པ་ཀུན་འགྲུབ་ཅིང་། །ཀུན་ཏུ་ཐམས་ཅད་ཀུན་གྱི་བདག ། ― DNG011_Page_0698 ―
[མ་དཔེ་གཟིགས་ན་འདིར་གནོན།]
འདོད་པའི་ཡོན་ཏན་ཐམས་ཅད་དང་། །རྣམ་པར་ཤེས་པའི་ལས་ཀུན་ལ། །ཐམས་ཅད་མཐོང་ཞིང་ཤེས་པར་བྱེད། །པདྨར་ཆགས་པར་རྗེས་ཆགས་ཤིང་། །སྣ་ཚོགས་པདྨར་ཁ་འབྱེད་པས། །བྲ་སེ་ན་ནི་སྣ་ཚོགས་པ། །མཐོང་བ་དང་ནི་ཐོས་པར་བྱེད། །མེ་ཏོག་བདུག་པ་མར་མེ་མཆོག །སྤོས་དང་མཆོད་པ་ཐམས་ཅད་ལ། །རྣམ་པར་ཤེས་པ་ཀུན་གྲུབ་པ། །ཐམས་ཅད་མཐོང་ཞིང་ཐོས་པར་བྱེད། །རེག་དང་མ་རེག་རྡོ་རྗེ་ཆེ། །རལ་གྲི་མེ་ལོང་མདའ་གཞུ་དང་། །ཤིང་དང་ཆུ་དང་འབབ་ཆུ་བྲག །གཟུགས་བརྙན་བྱུང་བའི་ཁྱིམ་བདག་ལས། །བྱ་དང་དེ་བཞིན་མི་བྱ་དང་། །སྟོར་བ་དང་ནི་མ་སྟོར་དང་། །ཕྲོགས་པ་དང་ནི་མ་ཕྲོགས་དང་། །དེ་བཞིན་རྙེད་དང་མ་རྙེད་དང་། །གསོན་པ་དང་ནི་ཤི་བ་དང་། །དེ་བཞིན་རྒྱལ་དང་ཕམ་པ་དང་། །དོན་ཡོད་དང་ནི་དོན་མེད་དང་། །དེ་བཞིན་གྲུབ་དང་མི་གྲུབ་དང་། །བདེ་དང་མི་བདེ་ཆོ་ག་བཞིན། །ལྷ་ཡུལ་དག་གི་དོན་རྣམས་དང་། །སངས་རྒྱས་ཞིང་གི་དོན་རྣམས་ཀྱང་། །ཀུན་ཏུ་ཀུན་ནས་ཐམས་ཅད་ནི། །བསམས་པ་མཐོང་ཞིང་ཐོས་པར་བྱེད། །རྣམ་པར་ཤེས་པའི་ཕྱག་རྒྱ་ཤེས་པའོ། །རྡོ་རྗེ་སེམས་དཔའ་དཔལ་སྦྱོར་བ། །ཅི་ལྟའི་དབྱིབས་དང་གཟུགས་ལྡན་པས། །དུར་ཁྲོད་ལྷ་ཡི་གནས་རྣམས་དང་། །མ་མོ་གནས་ཀྱི་ཐལ་བ་མཆོག །ཐམས་ཅད་དཔྲལ་བའི་བསྲུང་བ་ནི། །ཐིག་ལེ་སོར་རིས་གསུམ་དུ་བྱ། །ཕྱོགས་མཚམས་ནམ་མཁའ་ས་བཅིངས་ན། །བསྲུང་བ་ཀུན་གྱི་བླ་མེད་པའོ། །དཔལ་རྡོ་རྗེ་ཐལ་བའི་དམ་ཚིག་ཅེས་བྱ་བའི་བསྲུང་བའོ། །རྡོ་རྗེ་སེམས་དཔའ་དཔལ་སྦྱོར་བ། །ཅི་ལྟའི་དབྱིབས་དང་གཟུགས་ལྡན་པས། །རྒྱ་མཚོར་འབབ་པའི་འབབ་ཆུའི་འགྲམ། །ལྷ་རྫས་ཞི་བའི་ཆུ་མཆོག་གིས། །གཏོར་བ་དང་ནི་བླུགས་པ་དང་། །ཁྲུས་བྱས་པ་དང་འབོགས་པ་ཡིས། །ཕྱོགས་མཚམས་ནམ་མཁའ་ས་བཅིངས་ན། །བསྲུང་བ་ཀུན་གྱི་བླ་མེད་པའོ། །དཔལ་རྡོ་རྗེ་བདུད་རྩི་དྲི་མ་མེད་པའི་རྒྱ་མཚོ་ཞེས་བྱ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །ཅི་ལྟའི་གཟུགས་དང་དབྱིབས་ལྡན་པས། །མི་ཡི་ཐོད་པའི་ནང་དུ་ནི། །ཡུངས་ཀར་བསྐྱེད་ནས་བླང་ ― DNG011_Page_0699 ―
[མ་དཔེ་གཟིགས་ན་འདིར་གནོན།]
བར་བྱ། །ལོ་མ་ཡུངས་ཀར་ཟས་སུ་བཟའ། །མགོར་བསྐུས་དེ་བཞིན་འབྲས་བུ་ཡིས། །ཕྱོགས་མཚམས་ནམ་མཁའ་ས་བཅིངས་ན། །བསྲུང་བ་ཀུན་གྱི་བླ་མེད་པའོ། །དཔལ་དོན་ཐམས་ཅད་གྲུབ་པ་ཞེས་བྱ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །མ་མཆུ་སོ་ཡིས་ལེགས་མནན་ནས། །དཔལ་ལྡན་གཡོན་དུ་འགྱིང་དང་བཅས། །གསལ་བར་ཕྱོགས་སུ་འཁོར་ལོའི་ཚུལ། །བླ་འོག་ཏུ་ནི་བྱིན་བརླབས་ན། །གནས་གསུམ་དག་ནི་རྒྱས་འདེབས་སོ། །གཞུག་དཀའ་བདག་ཉིད་ངན་པ་རྣམས། །སངས་རྒྱས་ཀུན་གྱི་ངོ་བོར་འགྲུབ། །ཐམས་ཅད་ཀྱི་མཆོག་གནས་ཀྱི་དབང་ཕྱུག་བྱིན་གྱིས་བརླབས་པ་དཔལ་སྐལ་བ་བཟང་པོ་ཞེས་བྱ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །ལྷ་མོ་ཀུན་དང་འདུས་པ་ཡིས། །ཀུན་ཏུ་སྣ་ཚོགས་སྐལ་བཟང་པོ། །བདེ་བར་རབ་ཏུ་འགྲུབ་པར་འགྱུར། །རྒྱ་འདིས་བཏབ་མ་ཐག་ཏུ་ནི། །སངས་རྒྱས་ཀུན་གྱིས་བྱིན་བརླབས་འགྱུར། །ཤིན་ཏུ་བྱིན་གྱིས་བརླབས་འགྱུར་ལས། །སངས་རྒྱས་ཀུན་དང་ཕྲད་པར་འགྱུར། །སངས་རྒྱས་ཀུན་དང་མཉམ་སྦྱོར་བས། །སངས་རྒྱས་ཀུན་དང་མཉམ་པར་འགྱུར། །སངས་རྒྱས་ཀུན་དང་མཉམ་པས་ན། །སངས་རྒྱས་ཐམས་ཅད་རབ་ཏུ་འགྲུབ། །སངས་རྒྱས་ཐམས་ཅད་མཉམ་སྦྱོར་བ། །དཔལ་སྐལ་བ་བཟང་པོའི་དམ་ཚིག་ཅེས་བྱ་བའི་བསྲུང་བའོ། །རྡོ་རྗེ་སེམས་དཔའ་དཔལ་སྦྱོར་བ། །སངས་རྒྱས་ཀུན་བདག་སྦྱོར་ལྡན་པས། །ཕྱོགས་སུ་ལེགས་པར་འཁོར་ལོའི་ཚུལ། །བླ་དང་འོག་ཏུ་བྱིན་བརླབས་ནས། །འདི་ཡིས་བསྲུང་བ་བྱས་ན་ནི། །ཁམས་གསུམ་དག་ནི་མ་ལུས་པར། །གཞུག་དཀའ་བདག་ཉིད་ངན་པ་རྣམས། །སངས་རྒྱས་ཀུན་གྱིས་བྱིན་བརླབས་འགྱུར། །ཐམས་ཅད་ཀྱི་མཆོག་གནས་ཀྱི་དབང་ཕྱུག་དཔལ་ཞེས་བྱ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །ཧེ་རུ་དཔལ་གྱིས་རྣམ་སྤྲུལ་པས། །ཐམས་ཅད་ཀུན་ཏུ་ཀུན་གྱི་བདག །ཐམས་ཅད་བསྲུང་བ་མི་འགྱུར་ཆེ། །རིམས་དང་དུག་དང་དབྱིག་དུག་ནད། །མཁའ་འགྲོས་གཙེ་དང་གདོན་རྣམས་དང་། །བདུད་དང་ངན་ཁྲིད་ཐམས་ ― DNG011_Page_0700 ―
[མ་དཔེ་གཟིགས་ན་འདིར་གནོན།]
ཅད་ནི། །མོད་ལ་རབ་ཏུ་ཞི་བར་འགྱུར། །དཔལ་རྡོ་རྗེ་ཧེ་རུ་ཀ་དབབ་པ་རྣམ་པར་སྤྲུལ་བ་ཞེས་བྱ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །ཅི་ལྟའི་དབྱིབས་དང་གཟུགས་ལྡན་ཞིང་། །སྣ་ཚོགས་པདྨ་ཁ་འབྱེད་པས། །སྒྲིབ་པ་མེད་པར་འགྲུབ་པར་འགྱུར། །སྒྲིབ་པ་ཀུན་ལས་རྣམ་པར་གྲོལ། །དག་པ་ཐམས་ཅད་ཐོབ་པར་འགྱུར། །དག་པ་ཐམས་ཅད་རྣམ་དག་ན། །མི་འགྱུར་དམ་པ་འགྲུབ་པར་འགྱུར། །ཆོས་ཐམས་ཅད་ལ་སྒྲིབ་པ་མེད་པའི་ཡེ་ཤེས་རྡོ་རྗེའི་པདྨ་ཞེས་བྱ་བའི་བསྲུང་བའོ། །རྡོ་རྗེ་སེམས་དཔའ་དཔལ་སྦྱོར་བ། །འབར་བ་བལྟ་བའི་ཚུལ་ཞུགས་ན། །རྡོ་རྗེ་རབ་ཏུ་འབར་བའི་མེ། །རབ་ཏུ་འཇིགས་པ་མི་བཟོད་འགྱུར། །འདི་ཡིས་བསྲུང་བ་བྱས་ན་ནི། །བསྐལ་པ་ཡི་ནི་མེ་ལྟར་འབར། །འདི་ཡིས་ངན་འགྲོ་རྣམ་གསུམ་དང་། །ཁམས་གསུམ་དག་ཀྱང་ཐལ་བར་རློག །རྡོ་རྗེ་ཆེན་པོའི་མེ་རབ་ཏུ་འཇིགས་པ་འབར་བ་མི་བཟད་པའི་དམ་ཚིག་ཆེན་པོའི་དཔལ་ཞེས་བྱ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །ཅི་ལྟའི་ཚུལ་བཞིན་བྱེད་པ་ཡིས། །རྡོ་རྗེ་ཁུ་ཚུར་གཉིས་བཅིངས་ནས། །གོ་ཆ་བགོ་བའི་ཐབས་སུ་བྱ། །སྤྱི་བོ་དང་ནི་དཔྲལ་བར་གཉིས། །གློ་གཉིས་དང་ནི་རྒྱབ་ཏུ་གཉིས། །རྡོ་རྗེ་ཕྲེང་བ་བཅིང་བ་དང་། །སངས་རྒྱས་གཙུག་གི་ནོར་བུ་དག །དར་དཔྱངས་ཐབས་སུ་བཅིངས་ནས་ནི། །འགྱིང་དང་བཅས་པར་མཐའ་ནས་དགྲོལ། །དར་དཔྱངས་པ་ཡི་ཐབས་བྱས་ནས། །ཐལ་མོ་བརྡབས་པས་བརྟན་པར་བྱ། །འདི་ཡིས་བསྲུང་བ་བྱས་ན་ནི། །རྡོ་རྗེ་སེམས་དཔའ་དཔལ་དང་འདྲ། །མི་ཆོད་པ་དང་མི་ཕྱེད་པའི། །རྡོ་རྗེའི་སྐུ་ནི་རབ་ཏུ་འགྲུབ། །རིམས་ནད་དུག་དང་དབྱིག་དུག་ནད། །མཁའ་འགྲོས་གཙེ་དང་གདོན་རྣམས་དང་། །ཡན་ལག་མ་རུང་བྱེད་པ་ཀུན། །འདི་ཡིས་བསྲུངས་ན་ཡོང་མི་ཚུགས། །དཔལ་རྡོ་རྗེ་གོ་ཆ་ཞེས་བྱ་བའི་ཕྱག་རྒྱའོ། །བསྲུང་བ་ཐམས་ཅད་ཀྱི་ཕྱག་རྒྱ་ཤེས་པའོ། །ཆོས་སེམས་དཔའ་ཡི་ཚུལ་སྟོན་ཅིང་། །རྡོ་རྗེ་ཁུ་ཚུར་གཉིས་དག་དང་། །ཞི་བའི་ལྟ་བས་བལྟས་ནས་ནི། །རིམས་དང་དུག་རྣམས་ཐམས་ཅད་སེལ། །རྡོ་རྗེ་ཁུ་ཚུར་གཉིས་བཅིངས་ནས། །མཐེའུ་ ― DNG011_Page_0701 ―
[མ་དཔེ་གཟིགས་ན་འདིར་གནོན།]
ཆུང་ལྕགས་ཀྱུ་ལྟ་བུར་བཅིང་། །མཛུབ་མོ་མཉམ་པའི་རྩེ་མོས་མནན། །ནད་རྣམས་ཐམས་ཅད་ཟློག་པར་བྱེད། །ཡོངས་སུ་བསྒྱུར་ཏེ་བཏེག་ནས་ནི། །དཔྲལ་བར་བདེ་བར་གཞག་པར་བྱ། །མ་ལུས་ལུས་པ་མེད་པ་ཡིས། །སྡུག་བསྔལ་ཐམས་ཅད་སེལ་བར་བྱེད། །དཔལ་རྡོ་རྗེ་སྨིན་མཚམས་ལུས་ཀྱི་ནད་གསོ་བའོ། །རྡོ་རྗེ་བསྡམ་པ་བྱས་པ་ལས། །མཛུབ་མོ་ཕན་ཚུན་མངོན་ཕྱོགས་པ། །མ་ལུས་ལུས་པ་མེད་པ་ཡི། །ཟུག་རྔུ་ཀུན་ལས་གྲོལ་བར་འགྱུར། །བུ་ནད་ལྷོག་རྒལ་སྐྲན་དག་དང་། །དམུ་རྫིངས་ལ་སོགས་ཀུན་ལས་ཐར། །འདི་ཉིད་གྲུབ་པར་གྱུར་ནས་ནི། །ནད་རྣམས་ཀུན་གྱིས་གནོད་པ་མེད། །ཟུག་རྔུ་ཐམས་ཅད་མེད་པར་བྱེད་པའོ། །གྲུབ་པ་དབུལ་གྱི་སྤྱན་བཅིངས་ཏེ། །འདི་ཡིས་མིག་གཉིས་ཕྱིས་ན་ནི། །ཕྱག་རྒྱ་གྲུབ་པ་མཆོག་འདི་ཡིས། །ལོང་བ་དག་ཀྱང་མཐོང་བར་འགྱུར། །བདག་ཉིད་སྦྱོར་བས་ལྡན་བྱས་ལ། །རྡོ་རྗེ་ཁུ་ཚུར་དམ་པོ་ཡིས། །དྲང་བའི་ཚུལ་དུ་ཀླད་པ་ནས། །ཁ་ཕྱོགས་དྲང་ཞིང་བཏུང་བར་བྱ། །རིམས་དང་དུག་དང་གདོན་རྣམས་ཀུན། །རྡོ་རྗེ་ཁུ་ཚུར་དཔལ་གྱིས་བཟུང་། །བདག་གི་ལྷར་ནི་སྦྱོར་ལྡན་པས། །འཐུངས་ན་ཐམས་ཅད་མེད་པར་འགྱུར། །ཀླད་པའི་སྨན་ནོ། །ཏ་ཐཱ་ག་ཏ་གརྦྷ་སྟྭཾ་སི་ཧོ། འདི་ནི་རྣ་བར་བཟླས་པའི་མཆོག །ཟུག་རྔུ་ཐམས་ཅད་འབྱིན་པའོ། །གཡས་པ་ཡི་ནི་ལག་པ་ཡིས། །སེམས་དཔའི་གཙུག་ཏོར་བཅངས་ན་ནི། །བྱིས་པ་ནད་མེད་འཚོ་བར་འགྱུར། །ཐམས་ཅད་བསྲུངས་ཤིང་བདེ་བ་ཐོབ། །གཞོན་ནུ་གསོ་བའོ། །གཡས་པ་ཡི་ནི་ལག་པ་ཡི། །ཀླུ་ཡི་གདེངས་ཀ་ལྟ་བུར་བྱ། །འབར་བའི་ཚུལ་སྟོན་འབེབས་བཅས་ན། །དུག་གི་ལས་རྣམས་བསྒྲུབ་པར་བྱ། །འབར་དང་འདུལ་དང་བཅིངས་པ་དང་། །ཟ་བའི་དུག་རྣམས་མེད་པར་བྱེད། །གདུག་པས་ཟིན་དང་ལུ་ཏ་དང་། །ཤི་བ་སོས་པར་བྱེད་པའི་མཆོག །གདེངས་ཀའི་ཕྱག་རྒྱའོ། །གཡས་པའི་མཐེ་བོ་གུང་མོ་གཉིས། །གཡོན་པའི་ཁུ་ཚུར་བཅངས་པ་ཡི། །གུང་མོ་ལ་ནི་རེག་བྱས་ན། །གདོན་རྣམས་ཀུན་ལས་ཐར་པར་འགྱུར། །དུག་གསོ་བ་དང་གདོན་གྱི་ཆོ་གའོ། ། ― DNG011_Page_0702 ―
[མ་དཔེ་གཟིགས་ན་འདིར་གནོན།]
བ་དན་གསུམ་པོ་གཉིས་བཅིངས་ནས། །ཕུང་མོ་གཉིས་ནི་མདུད་པར་བཅིང་། །མཛུབ་མོ་མཐེའུ་ཆུང་རྩེ་མོ་ཅན། །རྡོ་རྗེའི་ཕྱག་རྒྱ་ཡོངས་བཅིངས་ལ། །ཡོངས་སུ་བསྒྱུར་ཏེ་བཏེག་ནས་སུ། །སྨིན་མའི་མཚམས་སུ་བཞག་པ་ནི། །མཁའ་འགྲོའི་ལས་རྣམས་མ་ལུས་པ། །ལུས་པ་མེད་པ་ཐམས་ཅད་འགྲུབ། །ཕྱག་རྒྱ་འདི་ཡིས་བཏབ་ན་ནི། །གནས་གསུམ་པོ་ནི་མ་ལུས་པ། །རྒྱས་བཏབ་རྨོངས་བྱས་ཟོས་པ་དང་། །ཐལ་བར་གྱུར་པའང་འཚོ་བར་བྱེད། །དཔལ་རྡོ་རྗེ་ཧེ་རུ་ཀའི་ཁྲོ་གཉེར་ཞེས་བྱ་བའི་ཕྱག་རྒྱ་སྟེ་མ་མོ་ཤེས་པའོ། །རྡོ་རྗེ་སེམས་དཔའ་དཔལ་སྦྱོར་བས། །རྟ་རྣམས་ཐམས་ཅད་ཞོན་ན་ནི། །རྟ་རྣམས་ནད་མེད་སོས་པ་དང་། །ཉམ་སྐྱེ་མཐར་ཞིང་མགྱོགས་པར་འགྱུར། །དཔལ་རྟ་མཆོག་གི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བས། །གླང་པོ་ཀུན་ལ་ཞོན་ན་ནི། །གླང་པོ་ཐམས་ཅད་ནད་མེད་སོས། །ཉམ་སྐྱེ་སྤྲོ་ལྡན་མོས་པར་འགྱུར། །ཤྲཱི་བཛྲ་སཏྭ་སྟྭཾ་སི་ཧོ། འདི་ནི་རྣམ་པར་བཟླས་པའི་མཆོག །བྱ་རྣམས་ནད་མེད་འཚོ་བ་དང་། །མི་ཡི་སྐད་དུ་སྨྲ་བར་འགྱུར། །བྱ་གསོ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བས། །འབྱོར་པ་ཀུན་ལ་རྗེས་ཆགས་ན། །ཤིང་རྣམས་ནད་མེད་མི་བསྐམས་ཤིང་། །རྟག་ཏུ་མེ་ཏོག་འབྲས་བུར་ལྡན། །ཤིང་རྣམས་བསྐྱེད་པའི་གཙུག་ལག་ལས། །སྦྱོར་བའི་ཆོ་ག་གང་བཤད་པ། །ཕྱག་རྒྱ་འདི་ཡིས་ཐམས་ཅད་ནི། །ཡིད་ལ་བསམས་པ་བཞིན་དུ་འགྲུབ། །ཤིང་བསྐྱེད་པའི་ཕྱག་རྒྱ་ཤེས་པའོ། །འཁྲུལ་འཁོར་གྱིས་འཕངས་མ་འཕངས་དང་། །དེ་བཞིན་ལག་པས་འཕངས་པ་དང་། །འཕངས་ནས་སླད་དུ་བཟུང་བ་དང་། །སྟོབས་སུ་འགྱེད་པ་ལྔ་ཡིན་ཏེ། །རང་བྱུང་རྣམས་ཀྱི་དགྲ་ཆའི་དཔྱད། །ཕྱག་རྒྱ་ལྔ་ལ་རབ་ཏུ་གནས། །རྡོ་རྗེ་སེམས་དཔའ་དཔལ་གྱིས་བཤད། །དམ་པ་དེ་དག་བཤད་པར་བྱ། །དབྱིབས་དང་བདེ་བླག་སྦྱོར་བ་དང་། །ཀུན་ཏུ་སྦྱོར་དང་འདྲེན་དང་མྱུར། །འགེངས་དང་འཕེན་དང་གསལ་བའོ། །རྐང་པ་གཤིབས་པས་ས་མནན་ཅིང་། །རྐང་པ་འགྱེད་པས་ས་གནོན་ཏེ། །དཀྱིལ་འཁོར་དག་ཀྱང་མནན་པར་བྱ། །བརྐྱང་བསྐུམ་གྱིས་ ― DNG011_Page_0703 ―
[མ་དཔེ་གཟིགས་ན་འདིར་གནོན།]
ཀྱང་གནས་གསུམ་གནོན། །དབྱིབས་ཀྱི་ཕྱག་རྒྱའོ། །མི་ལྷོད་པ་དང་སྲན་གཟུགས་དང་། །མཉན་ཞིང་ཡན་ལག་བསྟན་པ་དང་། །རྒྱ་ཆེར་འགེངས་ཤིང་རྣམ་པར་དག །ལུས་ཀྱི་ཕྱག་རྒྱ་བདེ་བླག་ཅན། །འདི་ཡིས་ལུས་ལ་གནན་པ་དང་། །རིམས་དང་དུག་དང་དབྱིག་དུག་དང་། །མཁའ་འགྲོས་གཙེ་དང་གདོན་རྣམས་ཀྱིས། །ནམས་ཀྱང་ཚུགས་པར་ཡོང་མི་འགྱུར། །རྒྱ་ཆེར་འགེངས་པའི་ཕྱག་རྒྱ་འོ། །རང་གི་སྙིང་གར་འདྲེན་ཚུལ་དུ། །བདེ་བླག་ཅན་གྱིས་གཞུ་བཟུང་ནས། །གཡས་པ་རབ་ཏུ་གར་བྱེད་ཅིང་། །མདའ་འཕངས་ན་ནི་འགྲུབ་པར་འགྱུར། །དཔལ་ཁམས་གསུམ་རྣམ་པར་རྒྱལ་བའིའོ། །ལག་པ་གཡོན་པ་ལེགས་བསྲང་ལ། །སྐྱོན་མེད་པ་ཡིས་གཡས་པ་དགུག །གཞུ་རྒྱུད་དལ་བུས་དྲངས་ནས་ནི། །འགྲོ་བ་ཐམས་ཅད་དགུག་པར་བྱ། །ཐམས་ཅད་དགུག་པའི་ཕྱག་རྒྱའོ། །རྣ་དྲུང་བར་དུ་ཟླུམ་པོར་ནི། །ཇི་ལྟར་རིགས་པར་ལེགས་བཀང་ལ། །ཡི་གེ་ཨོཾ་ཙམ་རང་གི་ཁར། །བཟུང་ན་འགྲོ་བ་འཛིན་པར་འགྱུར། །འཛིན་པའི་ཕྱག་རྒྱའོ། །ཇི་ལྟར་རིགས་པས་དྲངས་ནས་ནི། །ཆོ་ག་བཞིན་དུ་བཟུང་ནས་ཀྱང་། །དེར་ནི་ཅུང་ཟད་དབྱེ་བར་བྱ། །འགེངས་པས་ཐམས་ཅད་འགྲུབ་པར་འགྱུར། །འགེངས་པའི་ཕྱག་རྒྱའོ། །ཆང་བས་འབེན་ནི་འགྲིབ་པར་བྱ། །འཛུམ་དང་བཅས་པའི་མིག་གིས་བལྟ། །ལྟ་བ་ཆང་བ་ལ་གཏད་ནས། །མྱུར་དུ་འཕངས་ན་དམ་པ་འགྲུབ། །མདའ་གཞུས་རྒྱལ་བར་བྱ་བའི་ཕྱག་རྒྱའོ། །གྲུ་བཞི་པ་ལ་རྣོ་བ་དང་། །དེ་བཞིན་ཀུན་ནས་བསྐོར་བར་བྱ། །གཡས་ཕྱོགས་ནས་ནི་མདའ་བསྐོར་ནས། །སྣད་དེ་དེ་བཞིན་བསྟོད་པ་དང་། །རྐང་པས་མནན་ཅིང་རྨིག་པས་གནོན། །འབིགས་པ་བཅུ་ཡི་རྒྱ་མཆོག་གིས། །ཁམས་གསུམ་རྒྱལ་སྲིད་ཆེན་པོ་དག །བདེ་བར་ཐུབ་ནས་ཉེ་བར་སྤྱོད། །དཔལ་ཁམས་གསུམ་རྣམ་པར་རྒྱལ་བའོ། །རབ་ཏུ་འཕངས་དང་མཉམ་པར་འཕངས། །དེ་བཞིན་གློག་ལྟར་འཕངས་པ་དང་། །གློག་ལྟར་འཁྱུག་པ་དེ་བཞིན་ཏེ། །ཕྱག་རྒྱ་ཐབས་རྣམས་སྒྲུབ་པའོ། །ཐབས་ཐམས་ཅད་ཀྱི་ཕྱག་རྒྱའོ། །ཉམ་ང་ལག་དང་བདེ་ཕྱོགས་དང་། ། ― DNG011_Page_0704 ―
[མ་དཔེ་གཟིགས་ན་འདིར་གནོན།]
ཐད་ཀ་དེ་བཞིན་གྱེན་དུ་འདེབས། །འདི་དག་བཟློག་པའི་ཕྱག་རྒྱ་སྟེ། །གནས་གསུམ་དགྲ་ནི་བཟློག་པར་བྱ། །ངེས་པར་བཟློག་པ་ཐམས་ཅད་ཀྱི་ཕྱག་རྒྱའོ། །ཐམས་ཅད་འདེབས་དང་ངེས་པར་འདེབས། །ཀུན་འདེབས་གྱེན་དུ་འདེབས་པའི་གར། །འདི་དག་འཕྲོག་པའི་ཕྱག་རྒྱ་སྟེ། །གནས་གསུམ་དག་ཀྱང་འཕྲོག་པར་བྱེད། །འཕྲོག་པ་ཐམས་ཅད་ཀྱི་ཕྱག་རྒྱའོ། །ཀུན་ཏུ་ཀུན་ནས་ཐམས་ཅད་ཀྱི། །རྟག་ཏུ་བདག་ཉིད་རྣམ་པ་ཀུན། །མདའ་གཞུའི་དཔྱད་ཀྱི་ཕྱག་རྒྱའི་མཆོག །མི་འགྱུར་དམ་པ་འགྲུབ་པར་འགྱུར། །དགྲ་ཆ་ཐམས་ཅད་ཀྱི་ཕྱག་རྒྱ་ཤེས་པའོ། །སྲིན་ལག་གཉིས་ཀྱི་ནང་དུ་ནི། །མཐེ་བོ་ལེགས་པར་གཞག་པར་བྱ། །དེ་ནས་ཁུ་ཚུར་བཅངས་ནས་ནི། །མཛུབ་མོ་ལེགས་པར་དགུག་པར་བྱ། །རྡོ་རྗེ་ཁུ་ཚུར་དཔལ་གྱི་རྒྱ། །རྡོ་རྗེ་སེམས་དཔའ་དཔལ་ལ་གནས། །ལས་ཀྱི་དངོས་གྲུབ་རབ་འབྱམ་རྣམས། །མ་ལུས་པར་ནི་མྱུར་དུ་འགྲུབ། །དཔལ་རྡོ་རྗེ་ཁུ་ཚུར་གྱི་ཕྱག་རྒྱའོ། །རྡོ་རྗེ་ཁུ་ཚུར་ལེགས་བཅངས་ལ། །བདག་གིས་མཐེ་བོའི་ནང་དུ་གཞུག །ཞི་བའི་ལས་རྣམས་རབ་བསྒྲུབས་པས། །མ་ལུས་ལུས་པ་མེད་པར་འགྲུབ། །དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་རོ། །རྡོ་རྗེ་ཁུ་ཚུར་ལེགས་བཅངས་ལ། །མཐེའུ་ཆུང་གཉིས་ནི་རབ་བརྐྱང་ནས། །མཁའ་འགྲོའི་ལས་རྣམས་ཐམས་ཅད་ནི། །མ་ལུས་ལུས་པ་མེད་པར་འགྲུབ། །དཔལ་རྡོ་རྗེ་ཧེ་རུ་ཀའི་ཁུ་ཚུར་གྱི་ཕྱག་རྒྱའོ། །བརྡེག་པའི་ཁུ་ཚུར་བཅངས་པ་ལས། །མཐེ་བོ་དག་ལ་གུང་མོ་བཞག །དཔལ་པདྨོའི་ཁུ་ཚུར་གྲུབ་པ་སྟེ། །ཐམས་ཅད་དག་པའི་ལས་ལ་སྦྱར། །དཔལ་པདྨོའི་ཁུ་ཚུར་རོ། །ཁུ་ཚུར་རྡོ་རྗེ་རིན་ཆེན་མཆོག །འབེབས་པ་ཐམས་ཅད་ཡོངས་རྫོགས་པ། །རང་དོན་ལས་རྣམས་བསྒྲུབ་པ་ནི། །མ་ལུས་ལུས་པ་མེད་པར་འགྲུབ། །དཔལ་རྡོ་རྗེ་རིན་པོ་ཆེའི་ཁུ་ཚུར་གྱི་ཕྱག་རྒྱའོ། །རྡོ་རྗེ་ཁུ་ཚུར་དཔལ་བཅངས་ལ། །སོར་མོ་ཐམས་ཅད་ཡོངས་སུ་བཟུང་། །རྟུལ་ཕོད་ལས་རྣམས་ཐམས་ཅད་ནི། །མ་ལུས་ལུས་པ་མེད་པར་འགྲུབ། །ལས་ཐམས་ཅད་ཀྱི་ཕྱག་རྒྱ་ཤེས་པའོ། །རྐང་པ་བརྐྱང་དང་གནོན་པ་དང་། །བསྐུམ་ནས་ ― DNG011_Page_0705 ―
[མ་དཔེ་གཟིགས་ན་འདིར་གནོན།]
བཏེག་པའི་སྟབས་དག་དང་། །གཡས་དང་གཡོན་གྱི་སྦྱོར་བ་ཡིས། །གཟུགས་རྣམས་ཐམས་ཅད་གནོན་པར་བྱ། །སྡིག་མེད་སྟོབས་ཀྱིས་ངོ་འཐོན་དུ། །རྣམ་པར་སྣང་མཛད་དཔལ་མནན་ནས། །ཀུན་ཏུ་བྱང་ཆུབ་ཡོངས་བཀུག་སྟེ། །བདག་གི་སྤྱད་པར་དེ་སྤྱོད་དོ། །སྡིག་མེད་སྟོབས་ཀྱིས་ངོ་འཐོན་དུ། །རྡོ་རྗེ་འཛིན་པ་དཔལ་མནན་ནས། །ཀུན་ཏུ་གྲུབ་པ་ཡོངས་བཀུག་སྟེ། །བདག་གི་སྤྱད་པར་དེ་སྤྱོད་དོ། །སྡིག་མེད་སྟོབས་ཀྱིས་ངོ་འཐོན་དུ། །སྤྱན་རས་གཟིགས་དབང་དཔལ་མནན་ནས། །ཀུན་ཏུ་དཔལ་མོ་ཡོངས་བཀུག་སྟེ། །བདག་གི་སྤྱད་པར་དེ་སྤྱོད་དོ། །སྡིག་མེད་སྟོབས་ཀྱིས་ངོ་འཐོན་དུ། །རྡོ་རྗེ་ཉི་མ་དཔལ་མནན་ནས། །ཀུན་ཏུ་ལོངས་སྤྱོད་ཡོངས་བཀུག་སྟེ། །བདག་གི་སྤྱད་པར་དེ་སྤྱོད་དོ། །སྡིག་མེད་སྟོབས་ཀྱིས་ངོ་འཐོན་དུ། །རྟ་མཆོག་དམ་པ་དཔལ་མནན་ནས། །ཐམས་ཅད་དབང་ཕྱུག་ཡོངས་བཀུག་སྟེ། །བདག་གི་སྤྱད་པར་དེ་སྤྱོད་དོ། །བྱང་ཆུབ་ཕ་རོལ་ཕྱིན་པ་དང་། །གྲུབ་དང་གཟུངས་དང་ས་རྣམས་དང་། །རིག་དང་ཕྱག་རྒྱ་རྣམས་མནན་ནས། །བདག་གི་སྤྱད་པར་དེ་སྤྱོད་དོ། །སྡིག་མེད་སྟོབས་ཀྱིས་ངོ་འཐོན་དུ། །དབང་ཕྱུག་དམ་པ་མནན་ནས་ནི། །མིག་གསུམ་པ་ལས་གསུམ་གྲུབ་བཀུག །བདག་གི་སྤྱད་པར་དེ་སྤྱོད་དོ། །སྡིག་མེད་སྟོབས་ཀྱིས་ངོ་འཐོན་དུ། །མཐུ་བོ་ཆེ་ཡང་མནན་ནས་ནི། །སྙིང་ལས་དཔའ་མོ་ཡོངས་བཀུག་སྟེ། །བདག་གི་སྤྱད་པར་དེ་སྤྱོད་དོ། །སྡིག་མེད་སྟོབས་ཀྱིས་ངོ་འཐོན་དུ། །སྐྱེ་དགུའི་བདག་པོ་མནན་ནས་ནི། །མོས་པས་གྲོལ་མ་ཡོངས་བཀུག་ནས། །བདག་གི་སྤྱད་པར་དེ་སྤྱོད་དོ། །སྡིག་མེད་སྟོབས་ཀྱིས་ངོ་འཐོན་དུ། །རབ་དགའི་དབང་ཕྱུག་མནན་ནས་ནི། །ཀུན་གྱི་བདག་ལས་དགའ་བར་བཀུག །བདག་གི་སྤྱད་པར་དེ་སྤྱོད་དོ། །འཇིགས་ལ་སོགས་པའི་ལྷ་མོ་དང་། །མ་མོ་བྱད་མའི་མ་མོ་དང་། །མཁའ་འགྲོ་མ་རྣམས་མནན་ནས་ནི། །བདག་གི་སྤྱད་པར་དེ་སྤྱོད་དོ། །དེ་བཞིན་ཀུ་བེ་ར་ལ་སོགས། །རིག་པ་འགྲུབ་པ་སྤྱོད་པ་དང་། །མི་ཡི་རྒྱལ་པོ་ལ་སོགས་ཀྱང་། །མནན་ནས་བདག་གི་སྤྱད་པ་སྤྱོད། །འགྲོ་བ་དང་ནི་མི་འགྲོ་ ― DNG011_Page_0706 ―
[མ་དཔེ་གཟིགས་ན་འདིར་གནོན།]
བའི། །དབང་པོ་ཐམས་ཅད་མ་ལུས་པའང་། །རྣལ་འབྱོར་བདག་ཉིད་དེས་མནན་ནས། །བདག་གི་སྤྱད་པར་དེ་སྤྱོད་དོ། །དཔལ་རྡོ་རྗེ་གནོན་པའི་ཕྱག་རྒྱ་ཤེས་པའོ། །ཁུ་ཚུར་སྙིང་གར་བཅངས་པ་ནི། །བུད་མེད་ཕྱག་རྒྱར་དེ་བཤད་དེ། །བུད་མེད་སྦྱོར་བ་མ་ལུས་པ། །ལུས་པ་མེད་པའང་ཐམས་ཅད་འགྲུབ། །གཡོན་པ་འགྱིང་བའི་ཚུལ་བྱས་ནས། །ལག་གཡས་བདག་གི་སྙིང་གར་ནི། །གྱེན་དུ་དྲང་བའི་ཚུལ་བྱས་ནས། །བུད་མེད་ཐམས་ཅད་དབང་དུ་འགྱུར། །དཔལ་རྡོ་རྗེ་འགྱིང་བའོ། །དཔལ་ལྡན་སྣ་ཚོགས་པདྨོ་འཛིན། །གཡོན་པ་བརྡེག་པའི་ཁུ་ཚུར་དང་། །གཡས་པར་ལྡང་བར་གྱུར་པ་དང་། །སངས་རྒྱས་དབང་ཕྱུག་ཏིང་འཛིན་བྱ། །སངས་རྒྱས་ཐམས་ཅད་རབ་ཏུ་འཕར་བའོ། །གཡོན་པ་དྲིལ་བུའི་སྒྲ་སྒྲོགས་ཤིང་། །གཡས་པ་ཡི་ནི་ལག་པ་ཡིས། །རྡོ་རྗེ་གྱེན་དུ་གསོར་ཞིང་བསྐོར། །སྒྱུ་མ་ཐམས་ཅད་འབྱུང་བར་བྱ། །དཔལ་རྡོ་རྗེ་སྒྱུ་མའི་དབང་ཕྱུག་མའོ། །གཡོན་པ་གཡོན་པའི་བརླ་ལ་བཞག །ལག་པ་གཡས་པའི་མཛུབ་མོ་ཡི། །རྩེ་མོས་པདྨ་དམ་པ་འཛིན། །གཡས་པའི་བརླ་ལ་ལག་ངར་བཞག །མི་དགའ་བ་ཐམས་ཅད་སེལ་བའི་ཕྱག་རྒྱའོ། །བདག་གི་སྙིང་གར་འདྲེན་ཚུལ་དུ། །གཡོན་པ་ནོར་བུ་རིན་ཆེན་འཛིན། །གཡས་པ་རེ་བ་ཀུན་རྫོགས་པའི། །བུད་མེད་ལ་སོགས་རིན་ཆེན་འཛིན། །བསམ་པ་ཐམས་ཅད་ཡོངས་སུ་རྫོགས་པར་བྱེད་པའོ། །བདག་གི་སྙིང་གར་འདྲེན་ཚུལ་དུ། །པདྨ་སྣ་ཚོགས་དམ་པ་འཛིན། །གཡས་པ་རྡོ་རྗེ་འགྱིང་བ་ཡིས། །དབང་ཕྱུག་དམ་པ་ཐོབ་པར་འགྱུར། །དངོས་གྲུབ་ཀུན་གྱི་དབང་ཕྱུག་གི་ཕྱག་རྒྱ་ཤེས་པའོ། །ཞེས་བཅོམ་ལྡན་འདས་རྡོ་རྗེ་སེམས་དཔས་དེ་སྐད་གསུངས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས་ཀུན་ཏུ་རྣམ་པ་སྣ་ཚོགས་ཀྱི་དམ་ཚིག་གི་ཕྱག་རྒྱའི་རྟོག་པ་སྟེ་དགུ་པའོ།། །།དེ་ནས་ཀུན་ཏུ་སྣ་ཚོགས་འདི། །ཕྱག་རྒྱ་ཤེས་པའི་སྒྲུབ་པ་ནི། །ཀུན་ཏུ་སྣ་ཚོགས་སྦྱོར་བ་ཡིས། །ཀུན་ཏུ་སྣ་ཚོགས་བཤད་པར་བྱ། །སྨིན་མ་མིག་དང་སོ་དང་མཆུ། །ཁ་དང་ལུས་དང་རྐང་ལག་གིས། །ཆ་ལུགས་ ― DNG011_Page_0707 ―
[མ་དཔེ་གཟིགས་ན་འདིར་གནོན།]
བཞིན་དུ་གར་བྱེད་པས། །ཕྱག་རྒྱ་ཐམས་ཅད་ཡོངས་སུ་དགྲོལ། །རྡོ་རྗེ་སེམས་དཔའ་དཔལ་སྦྱོར་བས། །ལྷ་མོ་ཀུན་དང་འདུས་པ་ནི། །ཀུན་ཏུ་སྣ་ཚོགས་སྐལ་བཟང་པོ། །རབ་ཏུ་བདེ་བར་འགྲུབ་པར་འགྱུར། །ཕྱག་རྒྱ་འདི་ཡིས་བཏབ་ན་ནི། །སངས་རྒྱས་ཐམས་ཅད་བྱིན་གྱིས་རློབས། །ལེགས་པར་བྱིན་གྱིས་བརླབས་ནས་ནི། །སངས་རྒྱས་ཐམས་ཅད་འདུས་པར་འགྱུར། །སངས་རྒྱས་ཀུན་དང་མཉམ་སྦྱོར་བས། །སངས་རྒྱས་ཀུན་དང་མཉམ་པར་འགྱུར། །སངས་རྒྱས་ཀུན་དང་མཉམ་པས་ན། །སངས་རྒྱས་ཐམས་ཅད་རབ་ཏུ་འགྲུབ། །རྡོ་རྗེ་སེམས་དཔའ་དཔལ་སྦྱོར་བའི། །མཐུ་ཉིད་ཀྱིས་ནི་ཐམས་ཅད་དུ། །མདོར་ན་ཕྱག་རྒྱ་ཐམས་ཅད་ནི། །སོ་སོ་དག་ནས་གྲུབ་པ་སྟེ། །བལྟ་བས་མི་ངོམས་པ་ཡི་སྐུ། །ཐམས་ཅད་བདག་ཉིད་སྟོན་པར་མཛད། །ལེགས་སོ་ལེགས་སོ་ཞེས་གྲུབ་པའི། །དམ་པ་དག་ཀྱང་རབ་ཏུ་སྩོལ། །བསམ་པ་ཐམས་ཅད་ཡོངས་རྫོགས་པའི། །གྲུབ་པ་ཀུན་མཆོག་ཉམས་དགའ་བ། །ཇི་ལྟར་འདོད་པའི་ལོངས་སྤྱོད་དུ། །ཐམས་ཅད་ཀྱི་ནི་བདག་ཉིད་སྩོལ། །དང་པོ་ཀུན་ལས་བྱུང་བ་ཡི། །མཆོད་པའི་སྤྲིན་ཆེན་ཐམས་ཅད་ཀྱི། །བཀོད་པ་རབ་འབྱམ་ཚོགས་རྣམས་ཀྱིས། །ཐམས་ཅད་བདག་ཉིད་མཆོད་པ་མཛད། །དཔལ་ལྡན་གཡོན་པ་འགྱིང་དང་བཅས། །དཔལ་ལྡན་ལག་པ་གཡས་པ་ཡི། །པདྨོ་ཁུ་ཚུར་དཔྲལ་བར་བཞག །བདག་གི་མིག་ནི་གྱེན་དུ་བལྟ། །འདི་ནི་རྡོ་རྗེ་སེམས་དཔའ་ཡི། །ཕྱག་རྒྱ་ཐམས་ཅད་རབ་སྒྲུབ་པའོ། །གྱེན་དུ་འཕར་བའི་དངོས་གྲུབ་དང་། །རབ་འབྱམ་ལས་རྣམས་མྱུར་དུ་འགྲུབ། །ཕྱག་རྒྱ་འདི་ཡིས་བཏབ་ན་ནི། །ཁམས་གསུམ་པ་དག་མ་ལུས་པ། །རྒྱས་བཏབ་རྨོངས་བྱས་ཟོས་པ་དང་། །ཐལ་བར་གྱུར་པའང་འཚོ་བར་བྱེད། །བཅོམ་ལྡན་འདས་རྡོ་རྗེ་སེམས་དཔས་དེ་སྐད་གསུངས་སོ། །ཀུན་ཏུ་སྣ་ཚོགས་སྐལ་བཟང་པོ། །དཔལ་རྡོ་རྗེ་པདྨ་གྱེན་དུ་འཕར་བའི་སྤྱན་ཞེས་བྱ་བའི་ཕྱག་རྒྱ་སྟེ། རྣམ་པ་སྣ་ཚོགས་ཐམས་ཅད་ཀྱི་ཕྱག་རྒྱ་དང་ཕྱག་རྒྱའི་ལན་ཞེས་བྱའོ། །སངས་རྒྱས་ཐམས་ཅད་འདུས་པ་ཡིས། །རྟག་ཏུ་དཔག་མེད་ཚེ་དང་ལྡན། །ནམ་མཁའི་དབྱིངས་ ― DNG011_Page_0708 ―
[མ་དཔེ་གཟིགས་ན་འདིར་གནོན།]
ཀྱི་མཐའ་ཀླས་པའི། །བདེན་པའི་ཚིག་ནི་རབ་ཏུ་སྨྲ། །མཐའ་ཡས་པ་དང་མུ་མེད་པའི། །རྟོག་པ་ཀུན་དང་འདི་ཡི་ནི། །མཐུ་དང་ཡོན་ཏན་བསྔགས་པའི་མཐའ། །བརྗོད་པ་དག་ཏུ་ཡོངས་མི་ནུས། །མཐུ་དང་རང་བཞིན་དག་གིས་གྲུབ། །ངོ་བོ་ཉིད་ཀྱིས་རྟག་ཏུ་འགྲུབ། །སོ་སོར་རྗེས་གྲུབ་བདེ་བ་སྟེར། །འདི་ནི་གསང་མཆོག་མཆོག་གི་མཆོག །སེམས་ཅན་དོན་ཕྱིར་ལས་རྣམས་སྦྱོང་བ་དང་། །རྣམ་པར་སྦྱོར་བ་རྒྱལ་བ་ཡོང་མི་མཛད། །འདི་ལ་བགེགས་མེད་བདུད་ཀྱང་ཡོད་མ་ཡིན། །རྟོག་པས་མི་འགྲུབ་ཐར་པར་ཡོང་མི་ནུས། །མི་བརྟན་པ་དང་བདུད་དུ་ང་མི་འགྱུར། །བརྟན་པར་བྱ་བའི་ཕྱིར་ཡང་ང་མི་འདོམས། །གང་ཞིག་རང་གི་བདེ་བས་བདེ་བསྒྲུབ་པ། །དངོས་གྲུབ་མཆོག་གིས་ད་ནི་བརྟན་པར་མཛད། །ཀུན་ཏུ་སྣ་ཚོགས་པས་ནི་དེ་སྐད་གསུངས། །བཅོམ་ལྡན་དེ་བཞིན་གཤེགས་པ་རྟག་ཏུ་དགྱེས། །རྡོ་རྗེ་སེམས་དཔའ་དཔལ་གྱིས་ལེགས་གསུངས་ལ། །མངོན་པར་བསྟོད་ཅིང་རབ་ཏུ་དགྱེས་པར་གྱུར། །ཀུན་ཏུ་སྣ་ཚོགས་སྐལ་བ་བཟང་པོ་དམ་ཚིག་གི་རྟོག་པ་སྟེ་ལེའུ་བཅུ་པའོ།། །།རྣམ་མང་རྗེས་ཆགས་དགའ་བའི་པདྨ་རྣམ་དག་མཆོད་པ་དང་། །རྟ་མཆོག་རྣལ་འབྱོར་བདེ་བས་གསལ་བར་རྗེས་སུ་མཆོད་ན་ནི། །རབ་ཏུ་བདེ་བའི་རྣལ་འབྱོར་དམ་པ་སྐལ་བཟང་དགའ་བའི་མཆོག །རབ་མཆོག་བདེ་བའི་རང་བཞིན་དམ་ཚིག་བདེ་བས་རྗེས་གྲུབ་འགྱུར། །བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་གསུངས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ཅེས་བྱ་བའི་རྟོག་པ། རྟོག་པ་ཐམས་ཅད་ཀྱི་འཁོར་ལོ་བསྐོར་བ་ཆེན་པོ་བདེ་བ་ཆེན་པོའི་སྐུའི་རྒྱུད་སངས་རྒྱས་མཉམ་སྦྱོར་རྫོགས་སོ།། །།རྒྱ་གར་གྱི་མཁན་པོ་བཛྲ་ཧ་སྱ་དང་། སྒྱུ་འཕྲུལ་གྱི་ལོ་ཙཱ་བ་རྨ་རིན་ཆེན་མཆོག་གིས་འགྲེལ་པ་བཞིའི་གཞུང་དང་བསྟུན་ཏེ་ཞུ་ཆེན་གྱིས་གཏན་ལ་ཕབ་པའོ། །སླར་ཡང་ད་ལམ་རྒྱ་འགྲེལ་དང་བསྟུན་ནས་ཞུས་དག་པར་བྱས་སོ།། །། |
