 རྙིང་མ་རྒྱུད་འབུམ་པོད་བཅུ་གསུམ་པ། པ༽སྡེ་དགེའི་ཤིང་པར་རྙིང་མ་རྒྱུད་འབུམ།རྩོམ་མཁན།Nitartha internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པ་གསང་བ་རྟ་མཆོག་རོལ་པའི་རྒྱུད་ཆེན་པོ་ཞེས་བྱ་བ།― DNG013_Page_0001 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། སརྦ་ཏ་ཐཱ་ག་ཏ་བུད་ཏྲོ་པུ་ན་གུ་ཧྱ་པ་ནོ་ཤི་ཨ་ཤྭད་ད། མ་བི་ན་ས་མ་ཧཱ་ཏནྟྲ་ནཱ་མ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པ་གསང་བ་རྟ་མཆོག་རོལ་པའི་རྒྱུད་ཆེན་པོ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་བདེ་བ་ཆེན་པོ་ཕྱོགས་བཅུ་དང་དུས་གསུམ་གྱི་སངས་རྒྱས་མ་ལུས་པའི་འབྱུང་གནས། སྐུ་གསུང་ཐུགས་ཡོན་ཏན་ཕྲིན་ལས་རྡོ་རྗེ་གསང་བ་གཞན་ལས་ཁྱད་པར་དུ་གྱུར་པ་མཚན་དང་དཔེ་བྱད་ཕུན་སུམ་ཚོགས་པས་སྤྲས་པ། བཀོད་པ་རྒྱན་གྱི་དཀྱིལ་འཁོར་ལྷུན་པོ་བརྩེགས་ཤིང་ཡོན་ཏན་རིན་པོ་ཆེའི་འབྱུང་གནས་སྣ་ཚོགས་རྣམ་པར་སྣང་བའི་ངོ་བོ། ཟབ་པ་དང་རྒྱ་ཆེ་བའི་ཡན་ལག་ཐམས་ཅད་གསལ་བར་བྱེད་ཅིང་ཡེ་ཤེས་ཀྱི་ཚོགས་ཀྱིས་ཆོས་མ་ལུས་པ་མཐར་ཕྱིན་པ། ཀུན་ཏུ་ཕྲིན་ ― DNG013_Page_0002 ―
[མ་དཔེ་གཟིགས་ན་འདིར་གནོན།]
ལས་རྒྱ་ཆེར་འཕྲུལ་པའི་བདག་ཉིད། དཔལ་བདེ་བྱེད་པདྨ་གར་གྱི་དབང་ཕྱུག་ཆགས་པ་ཆེན་པོའི་ཏིང་ངེ་འཛིན་བརྙེས་པ་མེད་པའི་ཆོས་ཉིད་ཀྱིས་ཐམས་ཅད་ལ་དབང་བསྐུར་བ་དེ་ཉིད་ལྷ་ཐམས་ཅད་འདུ་བའི་གནས་གཞན་ལས་ཁྱད་པར་དུ་གྱུར་པ། འོག་མིན་རྡོ་རྗེ་ལྷུན་པོའི་གནས་ཡེ་ཤེས་ཀྱི་སྣང་བ་རིན་པོ་ཆེ་སྣ་ཚོགས་ནི་འོད་འབར་བའི་ཁང་བཟངས། འདོད་པའི་ཡོན་ཏན་གཟུགས་སྡུག་པ་སྣ་ཚོགས་དང་། དྲི་ཞིམ་པ་སྣ་ཚོགས་དང་། རོ་བྲོ་བ་སྣ་ཚོགས་དང་། རེག་བྱ་འཇམ་པ་སྣ་ཚོགས་དང་།ཆོས་ཀྱི་བདེ་བ་བསྐྱེད་པ་སྣ་ཚོགས་ཕྱོགས་བཅུར་འཕྲོ་ཞིང་འཁྲིགས་པ་རྩེ་མོ་མཐོ་ཞིང་ཁྱམས་ཀྱི་རྣམ་པར་ཕྱེ་བར་སྒོ་བཞི་སྒོ་ཁང་དང་བཅས་པར་བཞུགས་སོ། །དེའི་ཚེ་བདེ་བར་གཤེགས་པའི་རོལ་པ་ཆེན་པོ་ཀུན་ཏུ་སྣང་བ་དང་། འོད་ཀྱི་དཔལ་དང་། དགའ་བའི་དབང་ཕྱུག་དང་། ཆོ་འཕྲུལ་བཀོད་པ་དང་། རྣམ་པར་གཟིགས་དང་། མི་བསྐྱོད་རྡོ་རྗེ་དང་། མངོན་པར་སྣང་བ་དང་། བརྟན་པའི་དབང་ཕྱུག་དང་། འབྲུག་སྒྲ་དང་། དྲི་མ་མེད་པ་དང་། རིན་ཆེན་ཕུང་པོ་ ― DNG013_Page_0003 ―
[མ་དཔེ་གཟིགས་ན་འདིར་གནོན།]
དང་། ནམ་མཁའི་མཛོད་དང་། རིན་ཆེན་དྲ་བ་དང་། དཀོན་མཆོག་མཚན་དང་། རིན་ཆེན་ཏོག་དང་། འོད་ཟེར་སྣང་བ་དང་། ཚེ་མཐའ་ཡས་དང་། ཆོས་ཀྱི་དབང་ཕྱུག་དང་། ཆགས་པ་མེད་པའི་འོད་དང་། དགའ་བའི་སྤྱན་དང་། དོན་ཐམས་ཅད་ཡོད་པ་དང་། བརྩོན་འགྲུས་ཤུགས་ཅན་དང་།ལས་ཆེན་འཕྲུལ་ལས་དང་། གནོད་སྦྱིན་འདུལ་བ་དང་། སྣ་ཚོགས་དབང་ཕྱུག་གོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བདེ་བའི་བློ་གྲོས་དང་། རྒྱ་མཚོའི་སྒྲ་དབྱངས་དང་། གཟི་བརྗིད་བཀོད་པ་དང་། འཁོར་ལོ་རྣོན་པོ་དང་། ཤེས་རབ་སྣང་བ་དང་། རྡོ་རྗེ་རྒྱལ་མཚན་དང་། འོད་ཟེར་འཕྲོ་བ་དང་། དྲག་ཤུལ་ཅན་དང་། དྲི་མ་སེལ་བ་དང་། སྒྱུ་མའི་སྤྲུལ་པ་དང་། རིན་ཆེན་རྒྱལ་པོ་དང་། དྲ་བ་ཅན་དང་། ལག་བཟངས་དང་། གསེར་འོད་འཕྲོ་བ་དང་། རིན་ཆེན་སྙེ་མ་དང་། ཆོས་ཀྱི་མཐོ་བ་དང་། དྲི་མ་མེད་པ་དང་། མུན་པ་སེལ་བ་དང་། དགའ་བའི་དབྱངས་དང་། གཞོན་ནུ་རིན་ཆེན་དང་། རྡོ་རྗེ་རྣམ་པར་གནོན་པ་དང་། གར་མཁན་དང་། བྲོའི་རྒྱ་མཚོ་དང་། ཐོགས་མེད་བཀོད་པ་དང་། པདྨོ་དགའ་བ་དང་། ས་ཡི་དབང་ཕྱུག་དང་། རིན་ཆེན་སྤུངས་པ་དང་། སྤྲིན་གྱི་ཕྲེང་བ་དང་། ཡིད་འོང་མེ་ཏོག་དང་། ཡེ་ཤེས་སྒྲོན་མ་དང་། སྤོབས་པ་བརྩེགས་པ་དང་། ཁ་ལོ་སྒྱུར་བ་དང་། དྲན་པའི་དབང་ཕྱུག་དང་། པདྨའི་བློ་གྲོས་དང་། ལས་བྱེད་པའི་སྟོབས་དང་།སྙིང་པོ་བློ་གྲོས་རྣམས་སོ། །དེ་དག་ཀུན་ཀྱང་རང་རང་གི་བཙུན་མོའི་ཚོགས་དང་འཁྲིལ་བའི་ཚུལ་གྱིས་བཞུགས་སོ། །གཞན་ཡང་པདྨོ་འཕྲོ་བ་དང་། པདྨ་འཛིན་པ་དང་། པདྨ་སྒྲོགས་པ་དང་། པདྨ་བསྐྱོད་པ་དང་། པདྨ་ཚིམ་བྱེད་དང་། པདྨ་འཐོར་བ་དང་། པདྨ་སྣང་བ་དང་། པདྨ་དབང་བྱེད་རྣམས་ཀྱང་རང་རང་ ― DNG013_Page_0004 ―
[མ་དཔེ་གཟིགས་ན་འདིར་གནོན།]
གི་ཕྲིན་ལས་ཀྱིས་འཁོད་དོ། །གཞན་ཡང་འཇིགས་བྱེད་ཆེན་པོ་བྱམས་པའི་དབང་ཕྱུག་བརྩེ་བའི་དབང་ཕྱུག་དང་། པད་གྲོལ་དབང་ཕྱུག་དང་། གྲོལ་བའི་དབང་ཕྱུག་དང་། སྦྱིན་པའི་དབང་ཕྱུག་དང་། སྤྱོད་པའི་དབང་ཕྱུག་དང་།སྨྲ་བའི་དབང་ཕྱུག་དང་། མཐུན་པའི་དབང་ཕྱུག་ཀྱང་རང་རང་གི་རིག་པ་བཅས་པས་འཁོད་དོ། །དེ་དག་ལ་སོགས་པའི་འཁོར་གྱི་ཚོགས་རྣམ་པར་འབྱེད་པ་དང་། འབྱེད་པ་མེད་པར་སྣང་བའི་སངས་རྒྱས་དང་། བྱང་ཆུབ་སེམས་དཔའི་ཚོགས་འབུམ་ཕྲག་བཅུ་གཉིས་དང་། ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཏིང་ངེ་འཛིན་གྱི་རྒྱལ་པོ་པདྨ་ཆགས་པའི་སྤྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐུགས་ཀའི་དཔལ་བེའུ་ལ་སོགས་པའི་གནས་རྣམས་ནས། འོད་ཟེར་གྱི་དཀྱིལ་འཁོར་གསལ་བར་བྱེད་པ་བཀྱེ་བས།དེས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་གསལ་བར་བྱས་པ་དང་། ཡ་མཚན་གྱི་ལྟས་ཆེན་པོ་བཅོ་བརྒྱད་བྱུང་བར་གྱུར་ཏོ། །དེ་ནས་སྣོད་དང་བཅུད་དུ་བཅས་པའི་གསལ་ཞིང་འབར་བར་གྱུར་ནས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་དམ་བསྐུལ་ཏེ། དེ་དག་གིས་ཀྱང་ཆོ་འཕྲུལ་རྣམ་པར་འཁོད་པ་ཞེས་བྱ་བ་ཕྱག་རྒྱ་ཆེན་པོས་རང་གིས་འཁོར་ལོའི་ཁྱམས་དག་ཏུ་སྤྲོ་བར་མཛད་དོ། །དེ་ཡང་ཞིང་ཁམས་རྣམ་པར་སྦྱོང་ཞིང་སླར་འཁོར་གྱི་འཁོར་དང་བཅས་པ་འོད་ཟེར་འཕྲོ་བའི་གནས་སུ་འདུས་སོ། །དེ་ལྟར་འཆད་པའི་རྒྱ་ཆེན་པོའི་རྣམ་པར་རོལ་འཕྲུལ་པས་རོལ་ཞིང་ཞལ་འཛུམ་པ་དང་བཅས་པར་གྱུར་ནས་བཞུགས་པ་ལས་འཁོར་ཐམས་ཅད་ཀྱིས་ཐེ་ཚོམ་སྐྱེས་པར་གྱུར་ཏོ། །དེའི་དུས་ན་མཐུན་པར་གླེང་བ་ནི། ཀྱེ་མ་ཧོ་ཡ་མཚན་སྣ་ཚོགས་ ― DNG013_Page_0005 ―
[མ་དཔེ་གཟིགས་ན་འདིར་གནོན།]
ཆོས། །རྒྱལ་བའི་མཛད་པ་ཡ་མཚན་ཆེ། །ཆོ་འཕྲུལ་དཔག་མེད་གྱུར་པ་ཡི། །དགོས་པའི་དོན་ཉིད་ཇི་ལྟ་བུ། །རྒྱུ་རྐྱེན་མེད་པར་སངས་རྒྱས་ནི། །གསང་གསུམ་དམ་ཚིག་སྤྲོ་མི་མཛད། །དེ་ཡི་མཚན་ཉིད་ཡང་སྣང་བ། །གསང་བའི་དབང་པོ་བསྐུལ་བར་མཛོད། །ཁྱོད་ནི་རྒྱལ་བ་ཀུན་གྱི་སྲས། །དགོངས་དོན་རྒྱ་མཚོ་དོན་མངའ་བ། །བཀའ་ཡི་བདག་པོ་དགོངས་མཛོད་དང་། །ལེགས་པར་ཞུ་ཞིང་གསོལ་གདབ་མཛོད། །དེ་ནས་གསང་བའི་བདག་པོ་ལག་ན་རྡོ་རྗེ་ལྔ་བརྒྱ་དང་བཅས་པས་གཞན་དག་གི་ཐེ་ཚོམ་རྣམ་པར་གཅོད་པ་དང་རང་ཉིད་ཀྱི་སྒོ་གསལ་བར་བྱ་བའི་ཕྱིར་མདུན་རོལ་ནས་ལངས་ཏེ། ཕྱོགས་བཅུ་ནས་འཁོད་ནས་མཆོད་པའི་ཚོགས་རྒྱ་ཆེན་པོ་བཀོད་ཅིང་རྒྱལ་བ་ཀུན་ལ་མཆོད་དེ། ལན་བརྒྱ་རྩ་བརྒྱད་དུ་བསྐོར་བ་བྱས་ཤིང་རྩེ་གཅིག་ཏུ་གུས་པས་ཕྱག་འཚལ་ནས། དགའ་བའི་བཞིན་གྱིས་གསོལ་བ་བཏབ་པ། ཨེ་མ་རྒྱལ་བ་ཉིད་ཀྱི་སྐུ། །རྣམ་པར་འཕྲུལ་པའི་དཀྱིལ་འཁོར་དག །ཏིང་འཛིན་ཡེ་ཤེས་གནས་ལས་བྱུང་། །དགའ་མཛད་དཀྱིལ་འཁོར་འདུས་པ་དང་། །བྱང་ཆུབ་སེམས་སྤྲིན་ཆར་ཆེན་གྱིས། །ཉོན་མོངས་ལ་སོགས་སྦྱོང་མཛད་ཅིང་། །ཐུགས་རྗེ་ཆེན་པོ་ཡེ་ཤེས་ཀྱིས། །ཚོགས་པའི་འབྲས་བུ་ལེགས་སྨིན་མཛད། །སྐུ་མདངས་དགའ་བའི་བཞིན་བཅས་པས། །གསང་བའི་ཐེག་པ་བསྟན་དུ་གསོལ། །ཁྱོད་ཀྱི་དགོངས་དོན་གཏིང་དཔག་དཀའ། །ཟབ་ཅིང་ཕྲ་ལ་རྒྱ་ཆེ་བས། །འཁོར་རྣམས་ཐེ་ཚོམ་རི་བོས་གནོན། །ཐུགས་རྗེ་ཆེ་མངའ་གསལ་བར་མཛོད། །འདི་དག་ཐམས་ཅད་བསྟན་པའི་སྣོད། །མགོན་པོ་བཏང་སྙོམས་ལྷུན་མངའ་མཛད། །དུས་འདིར་རྩོམ་པ་དོན་ཆེ་སྟེ། །སྨོན་ལམ་འབྲས་བུ་མཐར་ཕྱིན་མཛོད། །དེ་སྐད་ཅེས་གསོལ་པ་དང་། བཅོམ་ ― DNG013_Page_0006 ―
[མ་དཔེ་གཟིགས་ན་འདིར་གནོན།]
ལྡན་འདས་རྡོ་རྗེ་འཛིན་པ་དེ་ཉིད་ཀྱིས་སྟོང་གསུམ་གྱི་སྟོང་ཆེན་པོའི་བརྟན་གཡོའི་དཀྱིལ་འཁོར་ཐམས་ཅད་ཐུགས་མཉམ་པ་ཉིད་རྩེ་གཅིག་གི་སྒོ་ནས་གཟིགས་སོ། །རྣམ་པར་གཟིགས་ཀུན་དུ་གཟིགས། དེ་ལྟར་དགོངས་ནས་དཀྱིལ་འཁོར་འདི་དག་ཐམས་ཅད་སྨྲ་བསམ་ལས་འདས་པར་སྣ་ཚོགས་རྣམ་པར་སྨྲོས་ཤིག །དེ་ཉིད་དངོས་པོ་དང་བྲལ་བར་གཟིགས་ནས། གཟིགས་པའི་མཐའ་དང་། དགོངས་པའི་མཐའ་དང་། མཛད་པའི་མཐའ་ཀུན་ལ་སྙོམས་པའི་ཏིང་ངེ་འཛིན་ལ་སྙོམས་པར་བཞུགས་ཏེ། བཀོད་པ་དང་། རྣམ་པར་བཀོད་པ་དང་། རྣམ་པར་བཤད་པ་དང་། དགོངས་པ་དང་། རྣམ་པར་དགོངས་པ་དང་། རོལ་པ་དང་། རོལ་པ་ཆེན་པོ་དང་། མཛད་པ་དང་། སྣ་ཚོགས་མཛད་པས་ཀུན་དུ་སྤྲོ་བར་མི་བྱེད་དེ། འཇིག་རྟེན་དྲུག་གི་རྣམ་པས་བསྡུས་པའི་སྟོང་གསུམ་གྱི་དངོས་པོ་འདི་དག །སངས་རྒྱས་ཀྱི་དཀྱིལ་འཁོར་འདི་ལས་གཞན་དུ་སྣང་བར་མི་དགོངས་སོ། །དེའི་དུས་དང་ས་དང་སའི་ཁྱད་པར་དང་། དཀྱིལ་འཁོར་བཀོད་པ་དག་ཀྱང་རྣམ་པར་མི་གཟིགས། ཀུན་ཏུ་མི་གཟིགས་ཤིང་དགོངས་པ་ཡང་མི་འགོག་གོ། །དེ་དག་ནི་མཐར་ཡང་མི་གནས་ཤིང་ནམ་མཁའ་ལྟ་བུར་བཞུགས་སོ། །དེ་ནས་ཏིང་ངེ་འཛིན་དེ་ལ་ཞུགས་མ་ཐག་ཏུ་འཁོར་གྱི་དཀྱིལ་འཁོར་དེ་དག་ཀྱང་ཆོས་ཐམས་ཅད་ཀྱི་དཀྱིལ་འཁོར་གྱི་རང་བཞིན་ནམ་མཁའ་ལྟ་བུར་རྟོགས་པར་འགྱུར་རོ། །དེ་ནས་ཡང་གསང་བའི་བདག་པོ་ལག་ན་རྡོ་རྗེ་ངོ་མཚར་གྱི་སྒོ་ནས་བསྐུལ་ཞིང་གཞན་དག་གི་དོན་ཐུགས་གཡོ་བར་མཛད་པའི་གླུས་གཡོ་སློང་བར་མཛད་དེ། ཚུལ་ཅན་དོན་གྱི་རྒྱལ་པོ་ཆེ། །འདྲེན་པ་ཀུན་གྱི་རྒྱུད་ཉིད་པས། །ནམ་མཁའ་ལྟ་བུའི་དཀྱིལ་འཁོར་ནས། །ཐུགས་རྗེ་ཆེན་པོའི་ཡ་མཚན་སྟོན། །ཀྱེ་མའོ་མགོན་པོ་དོན་ཀུན་གནས། །ཞི་བའི་ ― DNG013_Page_0007 ―
[མ་དཔེ་གཟིགས་ན་འདིར་གནོན།]
ལས་དམ་འཇུག་བྱེད་པ། །བྱང་སེམས་ཐུགས་རྗེའི་རླན་བྲལ་ལམ། །རྡོས་ཅན་ཆོས་དང་འགྲང་འགྱུར་ཅིག །ཞེས་གསོལ་བ་བཏབ་པ་ལས་ཀྱང་ཅི་ཡང་མི་གསུང་བར་བཞུགས་སོ། །དེ་ནས་ཡང་ཡུམ་གཟི་ལྡན་པདྨོ་ཞེས་བྱ་བས་རྣམ་པར་མི་རྟོག་པའི་ཏིང་ངེ་འཛིན་ལས་སློང་བའི་གླུས་སྐུལ་བར་མཛད་དེ། མི་དམིགས་ཏིང་འཛིན་བསམ་འདས་བརྗོད་དང་བྲལ། །བདེ་བ་ཆེན་པོ་ཡེ་ཤེས་བྱང་ཆུབ་སེམས། །མི་དམིགས་ཐུགས་རྗེ་མི་འདའ་དམ་ཚིག་གིས། །རོལ་པའི་ཆོ་འཕྲུལ་རྒྱ་ཆེན་བསྟན་དུ་གསོལ། །དེ་སྐད་ཅེས་ཡང་བསྐུལ་བའི་རྗེས། །མགོན་པོའི་གནས་རྣམས་ལ་དགོངས་ནས། །འོད་ཟེར་རྣམས་བཀོད་འཛུམ་མཛད་དེ། །འཁོར་བ་ལེགས་སྦྱིན་སྐབས་དབྱེ་མཛད། །ལེགས་སོ་ལེགས་སོ་རྡོ་རྗེ་ཅན། །པདྨོ་འཛིན་པའི་གྲོགས་བཅས་པས། །ཡང་ཡང་བསྐུལ་བར་མཛད་པས་ན། །གནང་ཞིང་བསྟན་པར་མཛད་པ་ལ། །དགའ་བའི་སྤྱན་རྗེས་དང་བར་གྱིས། །གང་འདོད་རྟོགས་པ་ཞི་བར་མཛོད། །མ་འོངས་རྟོགས་པ་མཐའ་དག་རྣམས། །ཐུགས་རྗེ་ཤུགས་ཀྱིས་བཟུང་མཛད་དེ། །དོན་ཀུན་ཁྱབ་པའི་སྣང་བ་ཡིས། །གཟུང་བར་བྱ་བའི་སྐབས་དབྱེ་མཛོད། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བའི་རྟ་མཆོག་རོལ་པའི་རྒྱུད་ཆེན་པོ་ལས་རྣམ་པར་སྤྲུལ་པའི་ལེའུ་སྟེ་དང་པོའོ།། །།དེ་ནས་དགའ་ཞིང་འཁོར་འདུས་པས། །དགའ་བའི་བཞིན་བཟངས་རྒྱས་མཛད་དེ། །གཙོ་བོས་ཇི་ལྟར་བཀའ་སྩལ་བཞིན། །ཐུགས་རྗེས་འབྱུང་བའི་དཀྱིལ་འཁོར་གཟུངས། །དེ་ནས་གཟིགས་ལྡན་པདྨོ་ཅན། །འཛུམ་མདངས་རྒྱས་པས་བསྐུལ་མཛད་དེ། །འོ་བྱེད་འཁྱུད་པ་ལ་སོགས་པ། །དགའ་བཞིན་ ― DNG013_Page_0008 ―
[མ་དཔེ་གཟིགས་ན་འདིར་གནོན།]
ཆགས་པར་རྣམ་པར་འགྱུར། །ཨེ་མ་རིག་པའི་རྒྱལ་པོ་ཁྱོད། །ཐུགས་རྗེ་ཆེན་པོ་ཉི་འོད་བཞིན། །ཐུགས་རྗེ་འབྱུང་བའི་དཀྱིལ་འཁོར་གཟུངས། །ཕྱོགས་རིས་མེད་པས་གོ་འབྱེད་པས། །ཡུལ་དུ་གྱུར་པ་ཀུན་རྒྱུད་དགོངས། །མི་དམིགས་ཆོ་འཕྲུལ་ནམ་མཁའ་ལས། །བཀོད་པ་རྒྱ་མཚོ་སྤྲིན་ཕུང་བཞིན། །ཐུགས་རྗེ་སྤྲུལ་པའི་ཆར་ཆེན་པོས། །སྣ་ཚོགས་ལས་བརྒྱད་དག་པར་མཛོད། །དེ་ནས་གཙོ་བོ་རྡོ་རྗེ་འཆང་། །ཏིང་ངེ་འཛིན་ལས་བཞེངས་མཛད་དེ། །རང་གི་མཚན་མོས་རབ་མཛེས་པས། །རྒྱལ་པོ་ཟིལ་གནོན་གཟི་བརྗིད་ཅན། །ཕྱག་གི་འཁོར་ལོ་རབ་བསྐོར་ཅིང་། །ཕྱོགས་རྣམས་ཀུན་དུ་གཟིགས་མཛད་དེ། །མི་དམིགས་ནམ་མཁའི་དབྱིངས་དག་ན། །རྡོ་རྗེ་སྤྲུལ་སྐུ་མངོན་ཕྱུང་ནས། །གཟི་ལྡན་པདྨོ་ཆེན་མོ་དང་། །རོལ་པའི་ཚུལ་དུ་བཞུགས་མཛད་དེ། །འཛུམ་མིག་ཆགས་པའི་བཞིན་དག་གིས། །འཁོར་རྣམས་སློང་བའི་སྔགས་བརྗོད་དོ། །ཨོཾ་ཨཱཿཧཱུྃ་མ་ཧཱ་བྷསྨི་ཤ་ཀུ་རུ་བི་ན་ཧྲྀ་ད་ཡ་ཨྃ་བྷ་བ་ཧི་ཨ་ལ་ལ་ཧོ། །གཉིས་སུ་མེད་པའི་བྱང་སེམས་ཀྱིས། །དཀྱིལ་འཁོར་སྦྱོར་ཞིང་བསྡུ་བར་མཛོད། །བསོད་ནམས་ཡེ་ཤེས་ཚོགས་རྫོགས་སྐུ། །རྡོ་རྗེ་གར་གྱི་རོལ་མཛད་ཅིང་། །དགའ་མཆོག་རྡོ་རྗེ་བྱང་ཆུབ་སེམས། །འཛུམ་ཞིང་འཁྱིལ་པའི་པདྨོའི་གནས། །དཀར་འཚེར་དག་པའི་རང་བཞིན་ཏེ། །དམར་པོ་དབང་དང་གཉིས་མེད་པར། །གསལ་ཁྱབ་ཀུན་དུ་སྤྲོས་པ་ལས། །དཀྱིལ་འཁོར་སྤྲུལ་པ་མཐའ་ཡས་འཐོན། །ཞི་འགོག་མྱ་ངན་འདས་པ་དང་། །བྱང་ཆུབ་མགོན་གནས་ལམ་ཞེས་དག །གཉིས་མེད་གཉིས་སུ་སྦྱོར་མཛད་ཅིང་། །རང་གི་དཀྱིལ་འཁོར་གནས་ལ་བཀོད། །ངོ་མཚར་སྤྲུལ་པ་རྣམ་པར་རོལ། །བརྗིད་དང་བཅས་པས་གར་མཛད་ཅིང་། །འཛུམ་པར་མཛད་དང་རོལ་པ་དང་། །ཀུན་དུ་འགྱིང་དང་སྤྱན་མཛེས་བལྟམ། །སྨིན་རིང་བསྐྱོད་ཅིང་བསྒྱུར་བ་དང་། །རྡོ་རྗེ་ཕུར་པས་གཡའ་བས་སློང་། །འདོར་ཞིང་སྐུམ་དང་འཇོག་ལྡེག་དང་། །རྣམ་པར་རོལ་པའི་གར་གྱིས་ཀྱང་། །རིགས་ཀྱི་ཕྲིན་ལས་སྣ་ཚོགས་སྤྲུལ། །ནམ་མཁའ་ ― DNG013_Page_0009 ―
[མ་དཔེ་གཟིགས་ན་འདིར་གནོན།]
ཀུན་ཏུ་ཁྱབ་པར་མཛད། །རྣམ་པར་རོལ་པའི་བདེ་འབྱུང་བར། །བྱང་ཆུབ་སེམས་སོགས་ཞི་ཞིང་གསལ། །རོལ་པའི་ཆར་ཉིད་མངོན་བབས་པས། །འཇིག་རྟེན་དྲུག་གི་ཕྱོགས་བཅུ་ན། །བརྟན་དང་གཡོ་བ་མ་ལུས་པའི། །སངས་རྒྱས་ཞིང་ཁམས་དག་བྱས་ནས། །བྱང་ཆུབ་སེམས་ཚོགས་རོལ་པ་ལ། །བརྡེག་དང་འཁྱུད་དང་སྡོམ་པ་ལས། །སྦྱོར་དང་བསྡིམ་དང་མཉེས་པ་དང་། །ཀུན་དུ་རབ་དགྱེས་ཡེ་ཤེས་ཐིག །སྣ་ཚོགས་སྣང་བ་ཉི་མའི་འོད། །ཡང་དག་བདེ་ལ་རབ་གནས་མཛོད། །དེ་འདུས་པའི་ཚེ་ཚོགས་པའོ། །ཕྱོགས་བཅུ་ཀུན་ནས་བཞེས་མཛད་དེ། །ཐབས་དང་ཤེས་རབ་བྱིན་བརླབས་པའི། །བྱང་སེམས་རྣམ་དག་རྒྱུན་གྱིས་མཆོད། །རྔ་དང་སིལ་སྙན་སྒྲ་སྒྲོགས་ཤིང་། །དབང་པོ་ཚིམ་པའི་རོལ་རྩེད་དང་། །གར་དབྱངས་གླུ་དྲུག་སྣ་ཚོགས་ཀུན། །སྟོང་གསུམ་གང་བར་གསུང་བྱས་ཏེ། །བཅོམ་ལྡན་པདྨོ་བདེ་ཡང་བདེ། །གཟི་ལྡན་ཡུམ་དང་བཅས་པར་མཆོད། །ཨེ་མ་འདུས་པའི་ཚོགས་དབུས་ནས། །ཐུགས་རྗེ་ཆེ་མངའ་ཉི་དཀྱིལ་བཞིན། །འཁོར་ལོ་ཀུན་སྒྱུར་སྒྲོལ་མཛད་པས། །རང་གི་དཀྱིལ་འཁོར་རྒྱས་པར་མཛད། །རྡོ་རྗེ་འཆང་བའི་གསོལ་འདེབས་ཀྱིས། །དཀྱིལ་འཁོར་དག་ལ་ལྷུན་གྲུབ་རྫོགས། །པདྨའི་དཔལ་ལྡན་སེམས་པ་ཆེ། །ཕྲིན་ལས་ཡེ་ཤེས་གནས་ཀུན་སྦྱོང་། །ཁྱོད་ཞབས་བསྐྱེད་པ་ཐུགས་རྗེའི་སྟོབས། །ཁམས་གསུམ་མ་ལུས་དག་པ་ཡི། །དེ་བཞིན་ཉིད་ཀྱི་ཡེ་ཤེས་མཆོག །མགོན་པོ་བཀའ་དྲིན་མཛད་པས་ལེགས། །དེ་སྐད་གསོལ་བཏབ་དགྱེས་པར་འགྱུར། །ཕྱག་རྒྱ་ཆེན་པོའི་གནས་ལ་བཞུགས། །དེ་ནས་དགའ་བའི་བྱང་ཆུབ་སེམས། །སྔོན་གྱི་རྒྱུད་དང་ལམ་བཞི་ལས། །སྤྲུལ་པའི་བྱང་ཆུབ་སེམས་དཔའ་དང་། །སྔོན་གྱི་རྒྱུད་དང་ལམ་གྲོགས་རྣམས། །དགོངས་ཤིང་ཐུགས་རྗེའི་ཡེ་ཤེས་ཐུགས། །རང་བཞིན་གནས་ནས་ཀུན་དགོངས་ཏེ། །ཕྱོགས་བཞི་ནས་ནི་བསྐུལ་བར་མཛད། །ཀྱེ་ཀྱེ་མཆོག་གསུམ་བདེ་བའི་སྐུ། །བྱམས་པའི་ཐུགས་མངའ་སྐུ་གསལ་མཛད། །རྡོ་རྗེ་རྒྱལ་པོ་བྱང་ ― DNG013_Page_0010 ―
[མ་དཔེ་གཟིགས་ན་འདིར་གནོན།]
ཆུབ་སེམས། །བདག་དགོངས་འགྲོ་བའི་དོན་ཆེན་མཛད། །ཀྱེ་ཀྱེ་ཡོན་ཏན་རིན་ཆེན་ཚོགས། །ཐུགས་རྗེ་མཉམ་ཉིད་ཡེ་ཤེས་ཆེ། །རྒྱལ་པོ་འཁོར་ལོ་བྱང་ཆུབ་ཉིད། །དཀྱིལ་འཁོར་སྣ་ཚོགས་སྤྲུལ་པའི་མཛོད། །ཀྱེ་ཀྱེ་རྣམ་པར་དག་པའི་སྐུ། །དགའ་བ་རྒྱ་མཚོ་འབྱུང་བའི་གནས། །སོ་སོའི་ཡེ་ཤེས་སྣ་ཚོགས་འབྱེད། །ཆོས་རྣམས་ཀུན་གྱི་དེ་བཞིན་ཉིད། །ཀྱེ་ཀྱེ་འགྲོ་བའི་དོན་ཆེན་བདག །བཏང་སྙོམས་མི་འདོར་སྣ་ཚོགས་དོར། །བྱ་བ་གྲུབ་པའི་ཏིང་འཛིན་མཆོག །ཕྱོགས་བཅུའི་དཀྱིལ་འཁོར་རྣམ་དག་སྟོན། །རང་དགའི་བསྐུམ་པས་གཡོ་མཛད་དེ། །ཕྱོགས་བཞི་བྱང་ཆུབ་དགའ་གནས་འཇུག །ཀྱེ་མའོ་འགྲོ་རྣམས་དེ་བཞིན་ཉིད། །བྱང་ཆུབ་སེམས་ཀྱི་རྣམ་འཕྲུལ་ལས། །ཉོན་མོངས་གཟུང་འཛིན་སྒྲིབ་པ་ཡིས། །རང་གི་མཐའ་ལམ་འགེས་པར་བྱེད། །འདི་དག་ཐུགས་རྗེའི་གནས་སུ་རུང་། །ཡེ་ཤེས་གསལ་བའི་ཐབས་མང་པོས། །ཐམས་ཅད་དུས་གཅིག་བསྒྲལ་བྱས་ནས། །རང་གི་བདེ་ཆེན་དོན་སྟོན་མཆོག །ཞེས་གསུངས་པདྨའི་རིག་པ་འཛིན། །སངས་རྒྱས་སྲས་བཅས་དགའ་བར་མཛད། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པ་གསང་བ་དཔལ་རྟ་མཆོག་རོལ་པའི་རྒྱུད་ལས་ཐུགས་རྗེ་སྤྲུལ་པའི་རོལ་པའི་ལེའུ་སྟེ་གཉིས་པའོ།། །།དེ་ནས་བྱང་ཆུབ་སེམས་དཔའི་གཙོ། །རྡོ་རྗེ་འཆང་བ་སྟན་ལས་ལངས། །བདེ་གཤེགས་བསྔགས་པ་རྗོད་བྱེད་ཅིང་། །བསྐུམ་པས་དབྱངས་ཀྱིས་གསོལ་བ་བཏབ། །ཀྱེ་མ་ཧོ་མཆོག་གསུམ་དམ་ཚིག་སྐུ། །ཡེ་ཤེས་བླ་ན་མེད་པའི་བདག །བྱང་ཆུབ་སེམས་ཀྱི་དཀྱིལ་འཁོར་ཉིད། །རྣམ་འཕྲུལ་ཐུགས་རྗེའི་དུས་ཉིད་པས། །རིགས་ཀྱི་འཁོར་ལོ་དཔག་མེད་སྐུ། །དི་རིང་བཀྲ་ཤིས་ཕུན་སུམ་ཚོགས། །ཐུགས་རྗེ་ཆེན་པོ་ཡལ་འདོར་ན། །ཅི་ཕྱིར་ཐེག་ཆེན་མཆོག་ཏུ་སྔགས། །ཡང་དག་ཞུས་པའི་ཚིག་གསན་ནས། །ཐུགས་རྗེའི་དཀྱིལ་འཁོར་གཟིགས་པར་མཛད། །མགོན་པོའི་པདྨའི་སྐུ་དེ་ཉིད། །གཟི་ལྡན་ཡུམ་དང་རོལ་མཛད་ཅིང་། །དྲི་མེད་ཡེ་ཤེས་ཕྱོགས་གཟིགས་ཤིང་། ། ― DNG013_Page_0011 ―
[མ་དཔེ་གཟིགས་ན་འདིར་གནོན།]
གཉིས་མེད་བྱང་ཆུབ་སེམས་ཀྱི་དཀྱིལ་འཁོར་གསལ། །ཐེག་པ་གསང་ཆེན་ཆེར་འབྱུང་བའི། །ལམ་འདི་དཔལ་ལྡན་རོལ་མོའི་མཆོག །སངས་རྒྱས་སྲས་བཅས་སྡུད་མཛད་དེ། །གཞན་འཕྲུལ་གནས་ཚོགས་གཡོ་མཛད་ཅིང་། །སྟོང་གསུམ་འདི་དག་སྤྱོད་མཛད་ཅིང་། །ཏིང་ངེ་འཛིན་ལ་སྙོམས་འཇུག་སྟེ། །སྐུ་ལས་འོད་ཟེར་སྤྲོ་བར་མཛད། །དེས་ཁྱབ་རིགས་ཀྱི་དཀྱིལ་འཁོར་གསལ། །ཡེ་ཤེས་འོད་མདངས་སེམས་དཔའི་སྐུ། །གནས་ལྔར་གསང་བའི་སྔགས་ཀྱིས་གཞུག །ཕྱག་རྒྱ་ཆེན་པོ་ཡོངས་རྫོགས་སྐུ། །ཞལ་གསུམ་ཕྱག་དྲུག་དགའ་བའི་མདངས། །དམར་གསལ་པདྨ་རཱ་གའི་མདངས། །གཡས་གཡོན་ཞལ་གཉིས་སྔོ་དང་སེར། །རིགས་རྒྱན་མཚན་མ་ཀུན་གྱིས་མཛེས། །ཕྱག་ན་པད་སྡོང་བུམ་པ་དང་། །རྡོ་རྗེ་རྩེ་ལྔ་དཔལ་བེའུ་དང་། །མཐའ་མས་མདའ་གསོར་གཞུ་འཛིན་པའོ། །རིན་ཆེན་སྣ་ཚོགས་ན་བཟའ་དང་། །ཕྱག་རྒྱའི་ཡུམ་བཅས་རོལ་པ་མཛད། །གཞལ་ཡས་ཁང་པ་སྒོ་བཞི་དང་། །རིན་ཆེན་སྣ་ཚོགས་རྟ་བབས་བཅས། །དྲ་བ་དྲ་ཕྱེད་མུ་ཏིག་ཕྲེང་། །བྷན་དྷ་དྲིལ་བུ་སོགས་ཀྱིས་སྤྲས། །དབུས་ཀྱི་དཀྱིལ་འཁོར་ཆེར་འཕགས་པའི། །ཕོ་བྲང་ཀ་བ་གདུང་རྣམས་ལ། །པདྨོ་རྡོ་རྗེ་སོགས་པས་སྤྲས། །འདོད་པའི་ཡོན་ཏན་ཕུན་སུམ་ཚོགས། །གནས་རྣམས་ཀུན་དུ་རིན་ཆེན་ཁྲི། །པདྨ་འཁོར་ལོ་ཉི་ཟླས་མཚན། །ཕྱི་རོལ་བར་ཁྱམས་འཁོར་བ་དང་། །སྣོད་རྣམས་ཀུན་དུ་པདྨ་ལ། །ཐབས་དང་ཤེས་རབ་བྱེ་བྲག་གིས། །ཉི་མ་ཟླ་བ་རྐྱང་པའོ། །དེ་ནས་པདྨོ་རྣམ་དག་ཀུན། །དབུས་ཀྱི་གདན་ལ་བཞུགས་མཛད་དེ། །དགྱེས་པའི་གར་དབྱངས་བསྐྱོད་པའི་མཐུས། །ཐབས་དང་ཤེས་རབ་རྫོགས་པར་མཛད། །དེ་ཚེ་ཐུགས་མཆོག་བྱང་ཆུབ་སེམས། །མཁའ་ཀློང་རྣམ་པར་དག་པས་ན། །རིག་པ་བདེ་བ་ཆེན་པོའི་སྐུ། །སྣ་ཚོགས་སྣ་ཚོགས་ཤར་བ་དེ། །གསུང་ཉིད་ཡི་གེ་འཁོར་ལོའི་ཚོགས། །འབར་བ་འོད་ཟེར་རྩེ་ལྔ་པ། །ཆོ་གའི་ཡན་ལག་རིམ་བཞིན་དུ། །ཐུགས་ ― DNG013_Page_0012 ―
[མ་དཔེ་གཟིགས་ན་འདིར་གནོན།]
ཀྱི་མཚན་མ་དམ་ཚིག་བྱ། །སྔགས་བཅས་འཕྲོ་ཞིང་འདུ་བའི་ཚུལ། །རྒྱལ་པོ་བདེར་གཤེགས་ཡབ་ཡུམ་དང་། །བྱང་ཆུབ་སེམས་དཔའ་སེམས་མ་དང་། །ལས་མཛད་ཁྲོ་བོ་ཡབ་ཡུམ་དང་། །ཕྱག་རྒྱ་ཆེན་པོའི་སྐུར་གྱུར་ནས། །རིགས་ཀྱི་རྒྱལ་ཕྲེང་མཚན་མས་མཛེས། །རང་གི་དཀྱིལ་འཁོར་གནས་བཞུགས་ཤིང་། །རྡོ་རྗེ་གསང་བའི་གྲལ་དུ་འཁོད། །དེ་ཚེ་མགོན་པོ་བདེ་ཆེན་པོ། །རིགས་ཀུན་བདག་འགྱུར་ཞེས་བྱ་བས། །པདྨོ་རྣམ་པར་འཕྲུལ་པ་ཡི། །དཀྱིལ་འཁོར་ཆེན་པོ་འབྱིན་པར་མཛད། །བྱང་སེམས་ཀམ་ལས་རྣམ་འཕྲུལ་པའི། །བདེར་གཤེགས་འོད་ཟེར་སྣང་བའི་སྐུ། །ཞལ་དང་ཕྱག་ལ་སོགས་པའི་རྒྱན། །གཙོ་བོའི་ཆ་ལུགས་ཅི་ལྟ་བར། །རང་འོད་ཡུམ་དང་འཁྲིལ་བར་མཛོད། །བཀྲ་ཤིས་མཚན་ལྡན་བདེ་བ་ལ། །རཱ་ག་པདྨོ་ཧཱུྃ་ཞེས་པས། །སྔགས་མཆོག་ཡི་གེ་འབྲུ་བརྒྱད་དེ། །ལས་ཀུན་གྲུབ་པར་མཛད་པ་ཡིན། །གང་གི་པདྨ་ཤ་རི་དང་། །བྷུ་དྷ་ཧཱུྃ་གིས་བསྣན་བྱས་ན། །ཞི་རྒྱས་དབང་དྲག་ལས་ཀུན་དང་། །གྲུབ་ཆེན་བརྒྱད་ཀྱི་ཚོགས་སོག་རྣམས། །སྦྱོར་བ་ཙམ་གྱིས་གྲུབ་འགྱུར་ཞིང་། །ཡུན་རིངས་གནས་པ་གནས་པ་ཡིན། །འབྱིན་པའི་དུས་སུ་གསང་སྔགས་ལ། །ཡི་གེ་ཛ་ཡིས་གདགས་བྱས་ནས། །རྣམ་འཕྲོ་རིགས་ཀྱི་དཀྱིལ་འཁོར་སྦྱོར། །རིགས་བདག་སྐུ་གནས་དགྱེས་པར་བཞུགས། །ཐུགས་རྗེ་སྐུལ་བའི་གླུ་དང་སྔགས། །འོད་ཟེར་ཚོགས་ཀྱིས་སྐུལ་བ་མཛོད། །དམ་ཚིག་གསུམ་སྟོན་སྔགས་ཀྱི་མཐུས། །དགྱེས་ཆགས་བརྟན་པས་གཟི་དང་ལྡན། །ཨོཾ་རྣམ་དག་པདྨོ་བདེ་བའི་དབྱིངས། །ཡེ་ཤེས་བྱིན་ལས་གསལ་བའི་མཆོག །དཀྱིལ་འཁོར་གསང་གསུམ་དམ་ཚིག་ཆེ། །མཉམ་ཉིད་རིགས་བདག་ཐུབ་པ་ཆེ། །བྱིན་བརླབས་འདོར་བར་མི་མཛད་པས། །སངས་རྒྱས་རྣམས་ཀྱི་སྐུ་གསུང་ཐུགས། །གསལ་མཛད་གཉིས་སུ་མེད་པའི་སྐུ། །རང་གི་ངོ་བོས་གནས་པ་ཡིན། །གཙོ་བོ་སྔགས་ཀྱིས་བསྐུལ་བྱས་ཏེ། །འོད་ཟེར་རྒྱན་བཅས་ཐུགས་ཀར་བསྡུས། །ཡི་གེ་ཨཱ་ནས་ཨཿའི་བར། །བཅུ་ ― DNG013_Page_0013 ―
[མ་དཔེ་གཟིགས་ན་འདིར་གནོན།]
དྲུག་འོད་ཟེར་འཕྲོ་བྱས་པས། །འགྲོ་ཀུན་སངས་རྒྱས་སྐུར་བཀོད་ཅིང་། །རིགས་མཐུན་དཀྱིལ་འཁོར་ཀུན་གསལ་འགྱུར། །སྔགས་ཀྱི་འོད་ཟེར་སྒྲར་བཅས་པས། །ཆོས་རྣམས་བཅུ་དྲུག་དག་པའི་དབྱིངས། །རང་གི་གནས་སུ་བཀོད་བྱས་པས། །མཚན་མཆོག་སུམ་ཅུ་རྩ་གཉིས་རྫོགས། །དེ་བཞིན་ཀཱ་ནས་ཀྵ་ཡི་བར། །སུམ་ཅུ་རྩ་བཞིའི་རིམ་བཞིན་གསལ། །བརྙན་པའི་ཡི་གེ་དྲུག་དང་བཅས། །འོད་འཕྲོས་ཐམས་ཅད་སངས་རྒྱས་སྐུ། །ཡེ་ཤེས་དཀྱིལ་འཁོར་གསལ་བྱས་ནས། །སྔགས་ཀྱི་འོད་ཟེར་སྒྲར་བཅས་ནས། །ཆོས་མང་ཡེ་ཤེས་ཟག་པ་མེད། །སླར་ཉིད་སྐུ་ཡི་གནས་ཞུགས་པས། །དཔེ་བྱད་བཟང་པོ་བརྒྱད་ཅུ་རྫོགས། །གཞན་ཡང་རིན་ཆེན་སྣ་བདུན་དང་། །བཀྲ་ཤིས་བརྒྱད་སོགས་ཀུན་གྱིས་སྤྲས། །ཁྃ་ལས་རྣམ་འཕྲུལ་ཆེ་མཐའ་ཡས། །ཞལ་གཅིག་ཕྱག་བཞི་དཀར་དམར་མདངས། །པདྨ་སོགས་དང་རལ་གྲི་འཛིན། །ཆོས་ཀྱི་སྣང་བའི་རྒྱན་གྱིས་བསྒྲུབས། །པདྨ་རྒྱན་འབྲིང་རང་བཞིན་མཆོག །ཤར་གྱི་དཀྱིལ་འཁོར་གནས་ལ་བཞུགས། །གྃ་ལས་སྤྲུལ་པའི་ཆོས་དབང་ཕྱུག །དམར་སེར་ཞལ་གཅིག་ཕྱག་གཉིས་པ། །པདྨའི་ཕྲེང་བ་བུམ་པ་འཛིན། །དཀྱིལ་འཁོར་གནས་སུ་བཞུགས་པའོ། །གྷྃ་ལས་སྤྲུལ་པའི་ཆགས་མེད་འོས། །ཞལ་གཅིག་ཕྱག་གཉིས་བྱུ་རུའི་འོད། །པད་གནས་གླེགས་བམ་མེ་ལོང་འཛིན། །ནུབ་ཀྱི་དཀྱིལ་འཁོར་གནས་བཞུགས་པའོ། །ངྃ་ལས་སྤྲུལ་པའི་སྤྱན་དག་མ། །ཞལ་གཅིག་ཕྱག་གཉིས་བཙོད་ཀྱི་མདོག །རིན་ཆེན་ཕྲེང་བས་བསིལ་ཡབ་འཛིན། །བྱང་གི་དཀྱིལ་འཁོར་གནས་བཞུགས་པའོ། །ཙྃ་ལས་སྤྲུལ་པའི་མི་བསྐྱོད་པ། །ཞལ་གཅིག་ཕྱག་བཞི་ཆུ་ཤེལ་མདོག །རྡོ་རྗེ་དྲིལ་འཛིན་འཁྲིལ་པའི་ཚུལ། །དཔལ་བེའུ་བུམ་སོགས་འོད་ཕྲེང་རྒྱན། །ཚྃ་ལས་སྤྲུལ་པའི་རྟ་དབང་ཕྱུག །ཞལ་གཅིག་ཕྱག་བཞི་བཻ་ཌཱུརྱ། །རིན་ཆེན་སྙེ་མ་དུང་ཕོར་འཛིན། །ལྷོ་ཡི་དཀྱིལ་འཁོར་གནས་ལ་བཞུགས། །ཛྃ་ལས་སྤྲུལ་པའི་འབྲུག་སྒྲ་ནི། །ཞལ་གཅིག་ཕྱག་གཉིས་གུར་ ― DNG013_Page_0014 ―
[མ་དཔེ་གཟིགས་ན་འདིར་གནོན།]
གུམ་མདོག །རིན་ཆེན་ཆག་ཤིང་འགུ་དྷི་འཛིན། །ནུབ་ཀྱི་དཀྱིལ་འཁོར་གནས་ལ་བཞུགས། །ཉྃ་ལས་སྤྲུལ་པའི་དྲི་མེད་དཔལ། །ཞལ་གཅིག་ཕྱག་བཞི་མར་གད་མདོག །རིན་ཆེན་པད་སྲུངས་ཟ་མ་ཏོག །བྱང་གི་དཀྱིལ་འཁོར་གནས་ལ་བཞུགས། །ཏྃ་ལས་སྤྲུལ་པའི་རིན་ཆེན་དབྱངས། །ཞལ་གཅིག་ཕྱག་བཞི་གསེར་གྱི་མདོག །རིན་ཆེན་དྲིལ་བུ་ཡུམ་དང་འཁྲིལ། །རིན་ཆེན་མཛོད་སྤུངས་འཁོར་ལོ་སོགས། །ཐྃ་ལས་སྤྲུལ་པའི་ནམ་མཁའི་མདོག །ཞལ་གཅིག་ཕྱག་བཞི་སྔོ་སྐྱའི་མདངས། །རིན་ཆེན་གླིང་བུ་པདྨོ་འཛིན། །ཤར་གྱི་དཀྱིལ་འཁོར་གནས་ལ་ཞུགས། །དྃ་ལས་སྤྲུལ་པའི་དྲ་བ་ཅན། །ཞལ་གཅིག་ཕྱག་བཞི་མཐིང་གའི་མདོག །རིན་ཆེན་ཕྲེང་དང་པདྨོ་འཛིན། །ལྷོ་ཡི་དཀྱིལ་འཁོར་གནས་ལ་བཞུགས། །དྷྃ་ལས་སྤྲུལ་པའི་དཀོན་མཆོག་རྒྱན། །ཞལ་གཅིག་ཕྱག་བཞི་དམར་སྐྱའི་མདངས། །ཆོས་ཀྱི་རྒྱལ་མཚན་རྒྱུད་མངས་འཛིན། །ནུབ་ཀྱི་དཀྱིལ་འཁོར་གནས་ལ་བཞུགས། །ནྃ་ལས་སྤྲུལ་པའི་རིན་ཆེན་ཏོག །ཞལ་གཅིག་ཕྱག་བཞི་མ་ར་ཏ། །དགོས་འདོད་བུམ་པ་དཔག་བསམ་ཤིང་། །བྱང་གི་དཀྱིལ་འཁོར་གནས་ལ་བཞུགས། །ཊྃ་ལས་སྤྲུལ་པ་ཀུན་དུ་སྣང་། །ཞལ་གཅིག་ཕྱག་བཞི་གསེར་གྱི་མདོག །འཁོར་ལོ་དྲིལ་འཛིན་ཡུམ་དང་བུམ་པ་འཛིན། །གཙུག་ཏོར་དྲི་མེད་རྡོ་རྗེ་འཛིན། །ཐྃ་ལས་སྤྲུལ་པའི་འོད་ཀྱི་དཔལ། །ཞལ་གཅིག་ཕྱག་བཞི་ཤེལ་གྱི་མདོག །འཁོར་ལོ་དྲ་བ་རལ་གྲི་འཛིན། །ཤར་གྱི་དཀྱིལ་འཁོར་གནས་ལ་བཞུགས། །དྃ་ལས་སྤྲུལ་པའི་དགའ་དབང་ཕྱུག །ཞལ་གཅིག་ཕྱག་བཞི་ཉི་མའི་མདངས། །འཁོར་ལོ་རྒྱལ་མཚན་དགའ་བའི་མཛོད། །ལྷོ་ཡི་དཀྱིལ་འཁོར་གནས་ལ་བཞུགས། །ཏྃ་ལས་སྤྲུལ་པའི་ཆོ་འཕྲུལ་བཀོད། །ཞལ་གཅིག་ཕྱག་བཞི་དམར་སྐྱའི་མདངས། །ཉི་མའི་འོད་ཕྲེང་རྡོ་རྗེས་སྤྲས། །ནུབ་ཀྱི་དཀྱིལ་འཁོར་གནས་ལ་བཞུགས། །ནྃ་ལས་སྤྲུལ་པའི་རྣམ་པར་གཟིགས། །ཞལ་གཅིག་ཕྱག་གཉིས་ལྗང་སྐྱའི་མདངས། ། ― DNG013_Page_0015 ―
[མ་དཔེ་གཟིགས་ན་འདིར་གནོན།]
ཀུ་ཤའི་ཆུན་པོའི་ཨ་མྲའི་མདངས། །བྱང་གི་དཀྱིལ་འཁོར་གནས་ལ་བཞུགས། །པྃ་ལས་སྤྲུལ་པའི་དོན་ཡོད་པ། །ཞལ་གཅིག་ཕྱག་བཞི་ལྗང་སྔོའི་མདོག །རྒྱ་གྲམ་དྲིལ་བཅས་ཡུམ་དང་འཁྲིལ། །རྡོ་རྗེ་གདེངས་པོས་རལ་གྲི་འཛིན། །ཕྃ་ལས་སྤྲུལ་པའི་བརྩོན་འགྲུས་འཁྱུགས། །ཞལ་གཅིག་ཕྱག་བཞི་ཀར་ཏི་ཀ །རྒྱ་གྲམ་ཕྲེང་བ་རྩེ་གསུམ་འཛིན། །ཤར་གྱི་དཀྱིལ་འཁོར་གནས་ལ་བཞུགས། །བྃ་ལས་སྤྲུལ་པའི་ལས་ཆེན་པོ། །ཞལ་གཅིག་ཕྱག་བཞི་སེར་སྐྱའི་མདོག །པདྨའི་ཕྲེང་བ་ནོར་བུ་འཛིན། །ལྷོ་ཡི་དཀྱིལ་འཁོར་གནས་ལ་བཞུགས། །བྷཾ་ལས་སྤྲུལ་པའི་གནོད་སྦྱིན་འདུལ། །ཞལ་གཅིག་ཕྱག་བཞི་པདྨའི་མདངས། །ཕྱག་ན་རྡོ་རྗེ་མཆེ་བ་འཛིན། །ནུབ་ཀྱི་དཀྱིལ་འཁོར་གནས་ལ་བཞུགས། །མྃ་ལས་སྤྲུལ་པའི་སྣ་ཚོགས་དམ། །ཞལ་གཅིག་ཕྱག་བཞི་ལྗང་སེར་མདངས། །ཟླ་བ་རིན་ཆེན་དབྱུག་པ་འཛིན། །བྱང་གི་དཀྱིལ་འཁོར་གནས་ལ་བཞུགས། །བདེར་གཤེགས་རྒྱལ་བ་དེ་དག་ཀྱང་། །ཙཀྲ་སྒྱུར་རྒྱལ་མ་ལུས་དང་། །མཚན་དང་དཔེ་བྱད་སྣ་ཚོགས་རྒྱན། །རིགས་བཙུན་བཙུན་མོ་མཛེས་པར་བྱ། །ཡང་སྤྲུལ་བྱམས་པའི་དབང་ཕྱུག་ནི། །ཞལ་གཅིག་ཕྱག་བཞི་གངས་རི་མདོག །རྡོ་རྗེ་གདེངས་དབྱུག་རལ་གྲི་དང་། །ཏྲི་ཤཱུལ་ཐོད་བཅས་པདྨའི་ལྕུག །རྔམ་བརྗིད་འཁོར་བཅས་ཡུམ་དང་འཁྲིལ། །དྲག་པོའི་རྒྱན་ཆ་ཤར་གྱི་སྒོ། །ཁྭ་ལས་སྤྲུལ་པ་རྩེ་བའི་དབང་། །ཞལ་གཅིག་ཕྱག་བཞི་གསེར་གྱི་མདོག །རིན་ཆེན་དབྱུག་པ་པདྨོ་དང་། །ཐོད་རྔ་རྡོ་རྗེ་མྱུ་གུའོ། །རྃ་ལས་སྤྲུལ་པའི་རྣམ་གྲོལ་དབང་། །ཞལ་གཅིག་ཕྱག་བཞི་དམར་མདངས་གསལ། །པདྨ་དང་ནི་དྲིལ་བུ་དང་། །ཐོད་སྦྲུལ་རས་སྔོན་བ་དན་འཛིན། །ལྃ་ལས་སྤྲུལ་པའི་འགྲོ་དབང་ཕྱུག །ཞལ་གཅིག་ཕྱག་བཞི་ལྗང་གུའི་མདོག །རྡོ་རྗེ་རྒྱ་གྲམ་པདྨོ་དང་། །གྲི་གུག་གཏུན་ཤིང་ཕྲེང་བ་ཅན། །རིན་ཆེན་ཕྲེང་བས་མཛེས་བྱས་ནས། །འཁོར་བཅས་རྔམ་པའི་མདངས་བཅས་པས། །ལྷོ་ལ་སོགས་པའི་སྒོ་བཞི་རུ། །གཞན་འཇིགས་དྲག་པོའི་ལས་ཀྱིས་ ― DNG013_Page_0016 ―
[མ་དཔེ་གཟིགས་ན་འདིར་གནོན།]
འཁོད། །ཤྃ་ལས་སྤྲུལ་པའི་བྱིན་དབང་ཕྱུག །ཞལ་གཅིག་ཕྱག་བཞི་དཀར་དམར་འོད། །རྩེ་གསུམ་བྷན་དྷ་རིན་ཆེན་འཁྲིལ། །མི་ཡི་ཐོད་པ་རི་མོས་མཚན། །ཥྃ་ལས་སྨྲ་བའི་དབང་ཕྱུག་སྟེ། །ཞལ་གཅིག་ཕྱག་བཞི་སེར་སྐྱའི་མདངས། །རིན་ཆེན་རྩེ་དགུ་བགྲང་ཕྲེང་དང་། །པདྨའི་ལྕུག་མ་སྡིགས་མཛུབ་མཛད། །ས་ལས་སྤྲུལ་པའི་སྤྱོད་དབང་ཕྱུག །ཞལ་གཅིག་ཕྱག་བཞི་དམར་སྐྱའི་མདངས། །དབྱུག་པ་རྩེ་གཅིག་པདྨ་དང་། །དགྲ་སྟ་ཞགས་པ་ཕྱག་ན་འཛིན། །ཧྃ་ལས་སྤྲུལ་པའི་དབང་ཕྱུག་སྟེ། །ཞལ་གཅིག་ཕྱག་བཞི་ལྗང་གུའི་སྐུ། །རལ་གྲི་ལྕགས་ཀྱུ་དགྲ་སྟ་དང་། །མེ་ཡི་ཕྲེང་བ་འཁོར་ལོ་འཛིན། །གཞན་འཇོམས་འཇིགས་པའི་ཁྲོ་བོའི་མཆོག །རང་འོད་རིགས་མཐུན་ཡུམ་དང་རོལ། །དྲག་པོའི་རྒྱན་ཚོགས་མ་ལུས་འགེངས། །པདྨའི་འདབ་མ་བཞིན་དུ་འཁོད། །ཀ་ལས་བདེ་བའི་བློ་གྲོས་དང་། །ཞལ་གཅིག་ཕྱག་བཞི་ནམ་མཁའི་མདངས། །ཡུམ་བཅས་རྡོ་རྗེ་དྲིལ་བུ་དང་། །ནམ་མཁའི་མཛོད་ཀྱི་འོད་ཀྱི་དཀྱིལ་འཁོར་དང་། །ཁ་ལས་ཁང་པ་རྒྱ་མཚོའི་སྒྲ་དབྱངས་ཅན། །ཞལ་གཅིག་ཕྱག་བཞི་པུ་ཤ་ར། །རིན་ཆེན་པི་བང་ཕྲེང་བ་དང་། །རྔ་ཡབ་རྡོ་རྗེ་ཅོད་པན་ཐོགས། །ག་ལས་གཟི་བརྗིད་བཀོད་པ་ནི། །ཞལ་གཅིག་ཕྱག་བཞི་རྒྱ་སྐེགས་མདོག །པདྨའི་ལྕུག་མ་ཟླ་བ་དང་། །འཁོར་ལོ་ཡིད་བཞིན་བུམ་པ་དང་། །གྷ་ལས་སྤྲུལ་པའི་འཁོར་ལོ་གནོན་པ་ནི། །ཞལ་གཅིག་ཕྱག་བཞི་མ་ར་དང་། །འཁོར་ལོ་དབྱུག་པ་མ་མོ་ཤིང་། །རྒྱ་གྲམ་རིན་ཆེན་ལྕུག་མ་འཛིན། །ཙ་ལས་ཤེས་རབ་སྣང་བ་ནི། །ཞལ་གཅིག་ཕྱག་བཞི་ལྗང་སྐྱའི་མདངས། །རིན་ཆེན་ཕུང་པོ་པདྨ་དང་། །རྩེ་གསུམ་དྲིལ་ཐབས་འོད་དཀྱིལ་འཁོར། །ཚ་ལས་རྡོ་རྗེ་རྒྱལ་མཚན་ཏེ། །ཞལ་གཅིག་ཕྱག་བཞི་གསེར་གྱི་མདོག །རིན་ཆེན་གདུགས་མཛེས་ཉི་མ་དང་། །དཔའ་བོ་ལོངས་སྤྱོད་པདྨའི་སྤྱན། །ཛ་ལས་འོད་ཟེར་འཕྲོ་བ་ཅན། །ཞལ་གཅིག་ཕྱག་བཞི་མདངས་དམར་གསལ། །པདྨ་འཁོར་ལོ་མཆོད་སྡོང་བུ། །མུ་ཏིག་ཆུན་པོ་ཟ་མ་ཏོག ། ― DNG013_Page_0017 ―
[མ་དཔེ་གཟིགས་ན་འདིར་གནོན།]
ཛྷ་ལས་སྤྲུལ་པའི་དྲག་ཤུལ་ཅན། །ཞལ་གཅིག་ཕྱག་བཞི་ལྗང་སེར་མདོག །འོད་ཀྱི་མེ་ཕུང་མེ་འོད་དང་། །རལ་གྲི་འབར་བ་གཡས་དང་གཡོན། །ཏ་ལས་སྤྲུལ་པའི་དྲི་མ་སེལ། །ཞལ་གཅིག་ཕྱག་གཉིས་དམར་སྐྱའི་མདངས། །ཉི་མའི་ཕྲེང་བ་གཎ་ཌཱི་རྡེག །ཆོས་ཀྱི་ཙཀྲ་རྫོགས་བྱེད་པའོ། །ཐ་ལས་སྒྱུ་མའི་འཕྲུལ་པ་ནི། །ཞལ་གཅིག་ཕྱག་བཞི་པ་ལ་ཤ །སེང་གེ་རྒྱ་མཚོ་རིན་ཆེན་ཕྲེང་། །རིན་ཆེན་བུམ་པ་དེ་བཅུད་བཅས། །ལས་ཀྱི་རིན་ཆེན་རྒྱལ་པོ་ནི། །ཞལ་གཅིག་ཕྱག་བཞི་རཱ་གའི་མདངས། །རི་བོ་པདྨ་ཆུ་དྲི་དང་། །གསེར་ཉ་འཕྱོ་བའི་རྫིང་བུ་ཡིན། །དྷ་ལས་འཕྲོས་པའི་དྲ་བ་ཅན། །ཞལ་གཅིག་ཕྱག་བཞི་ལྗང་གུའི་མདོག །རྒྱ་གྲམ་དྲིལ་བུ་འཕྲོ་བ་དང་། །བྷན་དྷ་སྦྲང་ཡབ་འཛག་པའི་རྒྱུན། །ཏ་ལས་སྤྲུལ་པའི་ལག་བཟངས་ནི། །ཞལ་གཅིག་ཕྱག་བཞི་ཀར་ཏའི་འོད། །པདྨའི་རྒྱལ་མཚན་དཀར་དམར་མདངས། །དྲི་ཡི་གཞོང་པ་ཀུ་ཤའི་ཚུལ། །ཐ་ལས་གསེར་འོད་འཕྲོ་བ་འཛིན། །ཞལ་གཅིག་ཕྱག་བཞི་མཐིང་གའི་མདོག །གླེགས་བམ་མཛེས་པའི་སྐུ་གཟུགས་དང་། །རིན་ཆེན་མཛོད་དང་ཟླ་བའི་འོད། །ཌ་ལས་རིན་ཆེན་སྙེ་མ་ནི། །ཞལ་གཅིག་ཕྱག་བཞི་པད་རཱ་ཀ །པདྨའི་སྡོང་བུ་དཔག་བསམ་ཤིང་། །བྷན་དྷ་རྩེ་གསུམ་ཟླ་ཚེས་གཟུགས། །དྷ་ལས་ཆོས་ཀྱི་མཐོང་བ་ནི། །ཞལ་གཅིག་ཕྱག་བཞི་སྣ་ཚོགས་སྐུ། །གོ་ཆ་ཡེ་ཤེས་སྒྲོན་མ་དང་། །དཔལ་བེའུ་ཟུར་བརྒྱད་ནོར་བུ་ཏོག །སྣ་ཚོགས་སྤྲིན་ཕུང་སེར་གྲ་བཅས། །མཆེ་བ་དྲིལ་བུ་ངང་པ་འཛིན། །བྷ་ལས་གཞོན་ནུ་རིན་ཆེན་ནི། །ཞལ་གཅིག་ཕྱག་བཞི་ལྗང་སེར་མདོག །རྒྱ་གྲམ་འཁོར་ལོའི་ཕྲེང་བ་དང་། །འོད་ཟེར་རྩེ་གསུམ་སྔགས་པའི་བུམ། །སེམས་དཔའ་ཆེན་པོ་དེ་དག་རྣམས། །རྒྱན་ཕྲེང་ཆ་ལུགས་འོད་ཟེར་དང་། །ཡུམ་གནས་འཁྲིལ་ཞིང་རང་གནས་ཀྱི། །གཙོ་ལ་འཁྲིལ་བའི་ཚུལ་དུ་བཞུགས། །ཉ་མ་ན་ལས་འཕྲུལ་པ་ཡི། །རྡོ་རྗེ་རྣམ་པར་གནོན་ལ་སོགས། །རིགས་ཀྱི་མཚན་མ་ཅི་བཞིན་དུ། །པདྨ་རཱ་ག་རཀྟ་མདངས། །བེའུ་གསེར་མདོག་ཨིན་དྲ་བཞིན། །པདྨ་རྡོ་རྗེ་ ― DNG013_Page_0018 ―
[མ་དཔེ་གཟིགས་ན་འདིར་གནོན།]
རིམས་སོགས་མཚན། །ཞལ་གཅིག་ཕྱག་བཞི་ཡུམ་དང་འཁྲིལ། །འོག་མའི་ཕྱག་མཚན་མཐུན་པ་ཡི། །རང་རྟགས་མཚན་མ་སྣ་ཚོགས་དང་། །པདྨའི་ལྕུག་མས་མཚན་བྱས་པའི། །མེ་ཏོག་འབྲས་བུ་རྣམས་ཀྱིས་མཛེས། །ཤར་ལ་སོགས་པའི་ཕྱོགས་བཞི་རུ། །བྱང་ཆུབ་སེམས་དཔའི་ཆ་ལུགས་ཀྱིས། །རང་གི་དཀྱིལ་འཁོར་གནས་སུ་འཁོད། །ཡ་ཝ་ར་ལས་སྤྲུལ་པ་ཡི། །པདྨ་འཕྲོ་བ་ལ་སོགས་བཞི། །ཞལ་གཅིག་ཕྱག་གཉིས་དཀར་དང་སེར། །དམར་ལྗང་པདྨོ་མེ་ལོང་དང་། །རིན་ཆེན་ཕྲེང་བ་པི་བང་གར། །མཆོད་པ་ལས་མཛད་ནང་གི་མཚམས། །ཥ་ཤ་ས་ཧ་ལས་འཕྲུལ་པའི། །པདྨོ་ཚིམ་བྱེད་ལ་སོགས་བཞི། །ཞལ་གཅིག་ཕྱག་གཉིས་རིགས་གཉིས་གཟུགས། །བདུག་སྤོས་མེ་ཏོག་དུང་དང་དྲི། །འགྱིང་ཚུལ་ཏྲི་ཤཱུལ་ལས་ཀྱི་ཚུལ། །མཆོད་པས་ཕྱི་ཡི་མཚམས་ན་གནས། །དེ་དག་གི་གསང་སྔགས་ནི། ཨོཾ་དྷི་ཧི་རཱ་ག་པདྨ་ཤི་རི་བུ་ཏ་ཧཱུྃ་ཧཱུྃ་སྭཱ་ཧཱ། ཨོཾ་པདྨ་མ་ཧཱ་དྷ་བ་ར་བུ་ན་སི་ཏ་མ་ཧཱ་དྷ་མ་ཧྲྀ་ད་ཡཱ་ཧཱུྃ་ཧཱུྃ། པྲད་ཏང་ཡ་ཛ་སྭཱ་ཧཱ། དབུས་ཀྱི་དཀྱིལ་འཁོར་གྱིའོ། །ཨོཾ་ཙཀྲ་ཨ་ལོ་ཀ་ན་མ་རཀྵ་སྃ་བྷ་ར་ད་ན་ཧྲི་ཏི་བ་ཡ་བ་ཏི་ཛ་སྭཱ་ཧཱ། ནུབ་ཕྱོགས་པའི་དཀྱིལ་འཁོར་རོ། །ཨོཾ་བཛྲ་ད་ར་བ་ཀྲྀ་ཏ་ཡ་ནི་ཤྃ་ར་ཏི་བ་ཤྃ་ནི་ཛ་སྭཱ་ཧཱ། ཤར་ཕྱོགས་ཀྱི་དཀྱིལ་འཁོར་ལའོ། །ཨོཾ་རཏྣ་ཀུ་ཏི་དུ་མན་ཏ་བྷན་དྷ་བྷན་དྷ་དུ་ན་དུ་ན་བི་ཛ་སྭཱ་ཧཱ། ལྷོ་ཕྱོགས་ཀྱི་དཀྱིལ་འཁོར་པའོ། །ཨོཾ་པི་ཤ་ཙིན་དྷ་མ་མ་དུ་རུ་ཧ་ཧ་ཧ་ཧ་སརྦ་གུརྦ་ནི་ཧཱུྃ་ཕཊ་སྭཱ་ཧཱ། བྱང་གི་དཀྱིལ་འཁོར་པའོ། །ཨོཾ་མ་མ་ཨ་བ་ལོ་ཀ་ན་རུ་རུ་ཡུ་རུ་སི་དེ་བྷྱོ་དེ་སཏྭ་མ་མ་ཧཱུྃ་ཛ་སྭཱ་ཧཱ། རིགས་ཀྱི་བྱང་ཆུབ་སེམས་དཔའ་རྣམས་ཀྱིའོ། །ཨོཾ་བི་ལོ་ཀ་ནཱ་མ་སི་ཏ་ན་མ་ཀུ་རུ་ཀུ་རུ་བོ་དྷི་སཏྭ་བྷ་ར་བུ་ན་ཛ་ཧཱུྃ་ཛ་སྭཱ་ཧཱ། རིགས་ལས་སྤྲུལ་པའི་བྱང་ཆུབ་སེམས་ཀྱིའོ། །ཨོཾ་བིན་དྷ་བིན་དྷ་སརྦ་ཀརྨ་སི་དེ་དེ་བི་ཀུ་རུ་བུ་ཏ་སྃ་བོ་ཧ་ཧཱུྃ་ཨོཾ་ཨྃ་ཛ་སྭཱ་ཧཱ། ལྷ་མོ་རྣམས་ཀྱིའོ། །ཨོཾ་ཨ་པ་སྨ་ར་ཀྲོ་དྷ་སྣི། ཡཀྴ་ཧཱུྃ་ཧཱུྃ་ཧཱུྃ་བི་ཏྃ་པ་ཀ་ཕཊ་སྭཱ་ཧཱ། ཁྲོ་བོ་རྣམས་ཀྱིའོ། །གསང་སྔགས་རྒྱལ་པོ་མི་བཟད་པས། །རྣམ་པར་སྤྲུལ་པ་སྐུ་ཡིས་ནི། །སྟོང་ ― DNG013_Page_0019 ―
[མ་དཔེ་གཟིགས་ན་འདིར་གནོན།]
གསུམ་གནས་ནས་གཡོ་མཛད་དེ། །རང་གི་ལྷ་ལ་གསལ་བར་མཛོད། །དེ་ནས་མགོན་པོ་རྡོ་རྗེ་འཛིན། །བདེ་ཆེན་གར་གྱི་དབང་ཕྱུག་གིས། །དཀྱིལ་འཁོར་རྣམ་གསུམ་གསལ་བྱེད་པའི། །ཏིང་ངེ་འཛིན་ལ་སྙོམས་ཞུགས་ནས། །དཀྱིལ་འཁོར་བྱིན་བརླབས་དབང་བསྐུར་ཞིང་། །རིགས་ཀྱི་བདག་པོས་གསལ་བར་མཛོད། །གནས་ཀུན་མཚན་མ་ཡོངས་དག་ནས། །རྣམ་གསུམ་སྣང་བ་གཉིས་མེད་འགྱུར། །ཨོཾ་ན་མ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་མ་ཧཱ་བོ་དྷི་ཧྱ་སུ་ཏྲཾ་ཏྲི་ཤ་ཤུ་དྷི་སོ་ནཱ་ཁྱ་ཧཱུྃ་ཧཱུྃ་ཧཱུྃ། ཨོཾ་རིན་ཆེན་དབུ་རྒྱན་གྱི་སྔགས་སརྦ་བུ་ཏ་ཀུ་རུ་རཏྣ་མ་མ་ཀུ་ཏ། ཨ་ཨ་བཱིརྱ་སད་མ་མ་ཀུ་ཨ་བྷི་ཥིཉྩ་ཨོཾ་ཨཱཿཧཱུྃ་སྭཱ་ཧཱ། ཨོཾ་པདྨ་ཨ་མོ་ཀ་ས་མ་ཡ་ཤྲཱི་ཧ་ཧ་ཧ་ཚིན་དྷ་མ་ནི་ཨ་སྨི་ཤ་བི་མ་མ་ཡ་ཧཱུྃ་ཧཱུྃ། སྔགས་གསུམ་གྱི་གསལ་བར་བྱེད་པའོ། །ཨོཾ་བི་ཤ་ཙིན་དྷ་མ་ནི་ཨ་བ་སྃ་བོ་ད་མ་མ་ཀུ་རུ་སི་ལ་ལ་ཏ་སི་ན་བི་བུད་པ་པྃ་ད་ཧཱུྃ་ཧཱུྃ་ཧཱུྃ། རྣམ་པར་སྤྲོ་བའི་སྔགས་སོ། །ཨོཾ་མ་ཏ་ལ་ནི་བི་ཤ་ཙཀྲ་ཀུ་མ་ཏ་བུ་ཏ་ན་མ་སི་ལ་དུ་ཏྲི་སི་ཧཱུྃ་ཕཊ་སྭཱ་ཧཱ། དཀྱིལ་འཁོར་གསལ་བའི་སྔགས་སོ། །ཨོཾ་ཨྃ་ཨ་ཨ་མིན་དུ་ཤེ་མ་ལ་ཤན་དུན་དྷི་ཏ་ཐཱ་ག་ཏ་བྷྱོ་ད་ཏི་པདྨ་ཀུ་རུ་ཨཱཿཧཱུྃ་སྭཱ་ཧཱ། རྦད་པའི་སྔགས་སོ། །ཨོཾ་པདྨ་མུ་ཁྃ་པདྨ་པ་བ་ས་བོ་ཏི་དི་ར་ཡྃ་གུ་རུ་ཧཱུྃ་ཧཱུྃ་ཧཱུྃ་ཧྃ་ཧྃ་དར་ཤ་སྭཱ་ཧཱ། སྙིང་པོའི་སྔགས་སོ། །ཨོཾ་ན་མ་སུ་ཏྲཾ་བྷོ་ག་ག་ན་གུ་མ་ལེ་སྃ་སཱ་ར་ཧཱུྃ་ཕཊ་སྭཱ་ཧཱ། རིག་པ་མཆོག་གི་སྔགས་སོ། །ཨོཾ་བ་ག་ག་བ་སྃ་པོ་པདྨ་དྷ་ཨ་ཧྱེ་ཧྱི་མ་ཧཱ་ཀཱ་རུ་མ་ད་ཨ་མ་དྷུ་ན་ཛ་ཛ། སྤྱན་དྲང་བའི་སྔགས་སོ། །ཨོཾ་པདྨོ་སྃ་ག་ག་སུ་ར་ཏ་ར་ག་ས་མ་ཡེ་སྟྭཾ། གདན་གྱི་སྔགས་སོ། །ཨོཾ་ཨ་མུ་ཀ་སི་ན་མ་སརྦ་བྷྱོ་ག་ག་ཏ་པཱུ་ཙ་མེ་ད་ན་ད་ཧཱུྃ་ཏྲི་སྭཱ་ཧཱ། མཆོད་པའི་སྔགས་སོ། །ཨོཾ་པདྨ་བི་ལོ་ཀུ་མ་ལ་སུ་ནྃ་ཏུ་ཏྲཾ་སྭཱ་ཧཱ་བ་སྃ་ཧི་ཧི། དགྱེས་པར་བྱ་བའི་སྔགས་སོ། །དེ་ནས་གསང་བའི་བདག་པོ་མཆོག །རྡོ་རྗེ་གསང་བ་རྨད་འབྱུང་བའི། །སྐུ་དང་གསུང་ཐུགས་གསང་སྔགས་ཆེ། །བྱིན་གྱིས་བརླབས་པ་དོན་བཤད་མཛད། །བདེ་བར་གཤེགས་པའི་ཡེ་ཤེས་མཆོག ། ― DNG013_Page_0020 ―
[མ་དཔེ་གཟིགས་ན་འདིར་གནོན།]
དེ་དག་དཀྱིལ་འཁོར་རྣམ་འཕྲུལ་མཆོག །དྲི་མ་མེད་པའི་བྱང་ཆུབ་སེམས། །དེ་ནི་དཀྱིལ་འཁོར་སྙིང་པོ་མཆོག །རྡོ་རྗེ་གསང་བའི་གནས་ཆེན་པོ། །ཐབས་དང་ཤེས་རབ་རོལ་པའི་ཚུལ། །རང་བཞིན་བྱང་ཆུབ་སེམས་ཉིད་ལས། །རང་བཞིན་ལྷུན་གྲུབ་རྫོགས་ཆེན་པོ། །འགྲོ་བའི་སྣང་བ་དམ་པའི་མཆོག །རང་བཞིན་དག་པ་དྲི་མེད་ཆོས། །དཀྱིལ་འཁོར་གནས་མཆོག་གཉིས་མེད་པའོ། །ཕུང་པོ་ཁམས་སོགས་རྣམ་དག་སྐུ། །ཨེ་མའོ་ཆོས་སྐུ་མྱ་ངན་འདས། །ཨེ་མའོ་ཆོས་རྣམས་ཡེ་ཤེས་སྐུ། །ཨེ་མའོ་ཆོས་ཀུན་རྣམ་པར་འཕྲུལ། །རྒྱ་ཆེ་སྔགས་ཀྱི་ཚུལ་ལྡན་པའི། །དཀྱིལ་འཁོར་གསང་གསུམ་ངོ་མཚར་ཆེ། །ཐབས་ལྔ་མཛད་པ་སྣ་ཚོགས་ཀྱིས། །སྔོན་དང་ད་ལྟ་འདྲེལ་དོན་འབྱུང་། །ཐབས་མཁས་ཕ་རོལ་ཕྱིན་བཅུ་རྫོགས། །བསོད་ནམས་ཡེ་ཤེས་དག་པའི་ཤུགས། །ས་དང་ས་འདས་དོན་ཆེན་པོ། །ཏ་ཐཱ་ག་ཏའི་བྱིན་བརླབས་དབྱིངས། །ལ་ལ་སྐུ་དང་གསུང་དང་ཐུགས། །ཟབ་པ་དེ་ཉིད་རང་གི་མཐུས། །གསང་གསུམ་གནས་ལ་ཕྱག་འཚལ་ལོ། །ཡ་མཚན་ཆོས་ལ་ཕྱག་འཚལ་ལོ། །རྣམ་འཕྲུལ་སྐུ་ལ་ཕྱག་འཚལ་ལོ། །བྱང་ཆུབ་སེམས་ལ་ཕྱག་འཚལ་ལོ། །ཞེས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་དཀྱིལ་འཁོར་རྣམ་པར་འཕྲུལ་པའི་ལེའུ་སྟེ་གསུམ་པའོ།། །།དེ་ནས་འདུས་པའི་འཁོར་ཚོགས་རྣམས། །དགའ་བ་ཆེན་པོ་ངོ་མཚར་གྱིས། །རྒྱུད་གསུམ་རྣམ་དག་ཚིམ་གྱུར་ནས། །དགྱེས་པའི་དབྱངས་ཀྱིས་གསོལ་བ་བཏབ། །ཨེ་མའོ་ངོ་མཚར་ཡ་མཚན་ཆེ། །གཉིས་མེད་རོལ་པ་ཡ་མཚན་ཆེ། །དྲི་མེད་དག་པ་ཡ་མཚན་ཆེ། །འོད་འཕྲོ་འདུ་བ་ཡ་མཚན་ཆེ། །བྱང་ཆུབ་སྤྲིན་ཕུང་ཡ་མཚན་ཆེ། །སངས་རྒྱས་འབྱུང་བ་ཡ་མཚན་ཆེ། །འཕྲུལ་པ་འབྱུང་བ་ཡ་མཚན་ཆེ། །ཁྲོ་བོ་འབྱུང་བ་ཡ་མཚན་ཆེ། །བྱིན་བརླབས་ཆོ་འཕྲུལ་ཡ་མཚན་ཆེ། །ཐ་བ་རླན་མཛད་ཡ་མཚན་ཆེ། །འགོག་པ་རླུང་མཛད་ཡ་མཚན་ཆེ། །བདག་ཅག་འཁོར་ཚོགས་འདུས་པ་རྣམས། །དམ་ཚིག་ཅན་དུ་བྱིན་བརླབས་ ― DNG013_Page_0021 ―
[མ་དཔེ་གཟིགས་ན་འདིར་གནོན།]
མཛད། །ཟ་འོག་རིམ་པ་ཅི་བཞིན་དུ། །རྡོ་རྗེ་གསང་བའི་གྲལ་དུ་འགོད། །དེ་ནས་བཅོམ་ལྡན་བདེ་ཆེན་པོས། །ཆགས་པ་ཆེན་པོ་རྡོ་རྗེའི་སྐུ། །སྐུ་དང་གསུང་ཐུགས་གཉིས་མེད་པའི། །འཁོར་རྣམས་རབ་ཏུ་སྦྱང་བའི་ཕྱིར། །རྡོ་རྗེ་རྒྱན་གྱི་ཏིང་འཛིན་གྱིས། །རང་གི་དཀྱིལ་འཁོར་གསལ་བར་མཛོད། །དེ་ཚེ་བྱང་ཆུབ་སེམས་ཆེན་པོ། །འོད་ཟེར་ཀུན་དུ་ཁྱབ་པ་དེས། །དགའ་བ་ཆེན་པོའི་མཆོད་པ་ཡིས། །གནས་ཀྱི་མཚན་མ་གསལ་བར་མཛོད། །འདུ་ཤེས་མེད་དང་འགོག་གནས་སོགས། །རང་གི་རྟོག་པའི་མཐའ་ཞེས་རྣམས། །དྲི་མ་མེད་པའི་བྱང་ཆུབ་སེམས། །རིན་ཆེན་ཆུ་དེས་དབང་བསྐུར་ནས། །རང་གི་ཡེ་ཤེས་དབང་ཐོབ་སྟེ། །འགྲོ་བའི་དོན་བྱེད་ནུས་དང་ལྡན། །ལས་ལ་སྤྱོད་པའི་གནས་རྣམས་དང་། །རང་སྐྱོབ་པ་ཡི་སེམས་དག་གིས། །ཐུགས་རྗེ་ཆེན་པོའི་བྱང་ཆུབ་སེམས། །སངས་རྒྱས་བསྟན་པ་འདི་གཉེར་རོ། །བྱང་ཆུབ་སེམས་ཀྱི་མཚན་མ་ཡིས། །འདུས་པའི་གནས་ལྔ་རིག་པར་བྱ། །ཨོཾ་གུ་ཧྱ་བཛྲ་ས་མ་སྟྭཾ། ཨ་ལ་ལ་ཧོ། རྡོ་རྗེ་རོ་ལངས་བསྡུས་པ་ཡིས། །གསང་བའི་དམ་ཚིག་ཆེན་པོ་རྣམས། །རིགས་ཀྱི་དགོངས་པ་ཇི་ལྟ་བར། །རྡོ་རྗེ་གསང་བའི་ལས་ལ་གནས། །སྐལ་བཟང་དམ་ཚིག་ཆེན་པོ་སྟེ། །དེ་ལས་འདས་ན་རླག་པར་འགྱུར། །བཀའ་ཡི་བསྒོ་བའི་དོན་ཆེན་པོས། །འདས་པའི་འཁོར་ཚོགས་བསམ་ཡས་པས། །དམ་ཚིག་ཐོབ་པས་གྲལ་འཁོད་དོ། །དེ་ནས་གསང་བའི་བདག་པོ་ཉིད། །དབང་ཐོབ་ལས་མཛད་ཆེན་པོ་དེས། །བཅོམ་ལྡན་འདས་ལ་གཙུག་གི་ཕྱག །རྣལ་འབྱོར་ལུགས་སུ་བྱས་ནས་ནི། །ཕྱི་ནང་གསང་བའི་མཆོད་པས་མཆོད། །མཉམ་འགྱུར་གསོལ་བ་རབ་ཏུ་གདབ། །འདི་ལྟར་མ་བྱུང་ངོ་མཚར་ཁྱོད། །སངས་རྒྱས་རྣམས་ཀྱི་དབང་ཕྱུག་ཆེ། །མངོན་སྤྱོད་ཡ་མཚན་སྟོན་པར་སྤྱོད། །བཀའ་ཡི་འཁོར་ལོ་དམ་པ་ཉིད། །སྨྲ་བསམ་ཡུལ་ལས་རབ་འདས་ཀྱང་། །དཔེས་མཚོན་སྣང་བ་ལ་བརྟེན་ནས། །ཡི་གེ་མིང་ཚོགས་ལ་སོགས་ཀྱིས། །གསལ་བར་མཚོན་ཏེ་གོ་བར་མཛོད། །སྟོན་པ་དབང་ཕྱུག་དམ་པ་དེས། །གསོལ་བ་བཏབ་པའི་དོན་དགོངས་ནས། །བརྗོད་བསམ་འདས་ ― DNG013_Page_0022 ―
[མ་དཔེ་གཟིགས་ན་འདིར་གནོན།]
པའི་ཏིང་འཛིན་ལས། །མཉམ་པར་བཞུགས་ནས་མི་གསུང་བཞུགས། །དེ་ནས་འདུས་པའི་འཁོར་ཚོགས་ཀྱིས། །སྟོབས་མཆོག་སེང་གེ་ཆེན་པོ་ལ། །ལོགས་སུ་བཏུད་དེ་ཕྱག་འཚལ་ནས། །རྨད་འབྱུང་མཆོད་པ་སྣ་ཚོགས་བྱས། །གསོལ་བཏབ་བློ་མཆོག་སེང་གེ་ཁྱོད། །བདག་ཅག་ཞུ་བའི་གནས་སྐབས་ཕྱེ། །སྟོབས་མཆོག་སེང་གེ་གསང་བདག་གིས། །གསོལ་བ་བཏབ་པའི་དོན་དགོངས་ནས། །འདུས་པའི་འཁོར་ཚོགས་ཁྱོད་ཉོན་ཅིག །བདག་ལ་ཞུས་ཤིག་སྤོབས་པར་བྱོས། །སླར་ཉིད་གསོལ་བ་བཏབ་པའི་དོན། །ཀུན་གྱིས་མཐུན་པའི་ཚིག་སྨྲས་པ། །མགོན་པོ་རྒྱལ་བ་ཀུན་གྱི་མཛོད། །སངས་རྒྱས་རྣམས་ཀྱི་སྲས་ཀྱི་མཆོག །བྱང་ཆུབ་སེམས་དཔའ་རྗེ་བཙན་ལ། །ཆོས་རྣམས་སྟོན་པའི་གནས་ལ་གསན། །བཅོམ་ལྡན་གསང་མཆོག་དམ་པ་དེས། །གསང་སྔགས་ལམ་རྣམས་མི་སྟོན་ཅིང་། །དགོངས་མཛད་འདྲེལ་པས་མི་མཛད་པ། །རྒྱུ་དང་རྐྱེན་གྱིས་གང་ལགས་པ། །འཁོར་ནི་ཚོགས་ལ་བསྟན་དུ་གསོལ། །གསལ་ཞིང་དབྱེ་བར་མཛད་པར་རིགས། །ཞུས་པའི་དོན་ཉིད་སླར་གསུངས་པ། །རྒྱལ་བ་ཀུན་གྱི་གསང་བའི་མཛོད། །སྐུ་གསུང་ཐུགས་ཀྱི་རྡོ་རྗེ་དངོས། །སྣ་ཚོགས་སྣང་ཞིང་གསལ་བར་མཛོད། །དེ་ཉིད་རྫོགས་པའི་གསང་སྔགས་ཅན། །བཤད་ལས་འདས་པའི་དོན་དེ་ནི། །དགོངས་དོན་རྒྱལ་བས་གསུང་མི་མཛད། །དེ་ལྟར་སྟོན་པ་རྒྱལ་མཆོག་གིས། །རྣམ་པར་བརྗོད་པ་མི་མཛད་པས། །ཡང་དག་དོན་གྱི་སྙིང་པོ་ཉིད། །རྒྱ་ཆེར་བཀའ་ནི་གསལ་བ་ཡིན། །འདུས་པའི་འཁོར་ཚོགས་རྣམས་ཉོན་ཅིག །བྱང་ཆུབ་དམ་པའི་སྙིང་པོ་ནི། །སྨྲ་བསམ་ལས་འདས་བརྗོད་མེད་པས། །ཚིག་ཏུ་བརྗོད་པ་ལེགས་མ་ཡིན། །གཉིས་མཐའི་རྟོག་པ་ལས་གཞན་དག །ཚིག་གི་སྣང་བས་ཐེ་ཚོམ་སྐྱེད། །གྲོལ་བ་ཉིད་ཀྱིས་འཆིང་འགྱུར་ཞེས། །འདས་དང་མ་བྱོན་ཐམས་ཅད་དང་། །ད་ལྟར་བྱུང་བའི་དགོངས་པའི་དོན། །མ་གསུངས་མི་གསུང་གསུང་དུ་མེད། །དེ་ནས་སེམས་དཔའི་སྙིང་པོ་ནི། །སྤྲོས་དང་བྲལ་བའི་ ― DNG013_Page_0023 ―
[མ་དཔེ་གཟིགས་ན་འདིར་གནོན།]
བྱང་ཆུབ་སེམས། །ཀུན་རྫོབ་བདེན་པའི་ཚིག་དབང་དུ། །མཚན་མའི་ཚིག་གིས་རྣལ་འབྱོར་རྣམས། །དོན་དམ་རྟོགས་དཀའ་འགྲོ་བའི་ཕྱིར། །རྒྱལ་བས་ཚིག་སྐོར་བསྟན་པ་ཡིས། །འདུས་ཚོགས་འཁོར་གྱིས་ཡང་ཞུས་པ། །སྟོབས་མཆོག་སེང་གེ་དེ་ལྟར་ན། །བདག་སོགས་མ་འོངས་རྣལ་འབྱོར་པས། །ཚིག་གི་རྗེས་འབྲངས་དོན་དག་ཏུ། །གསང་བའི་ལས་བརྗོད་གསལ་བྱེད་པ། །ཇི་ལྟ་བུ་ཡིས་མཚོན་པར་འགྱུར། །དཔའ་བོ་ཁྱོད་ནི་རྒྱལ་བའི་སྲས། །དབང་བསྐུར་ཐོབ་པར་ཞུ་བ་སྤོབས། །བཅོམ་ལྡན་དབང་མཆོག་དམ་པ་ལ། །ཞུས་ཤིང་སྟོབས་མཆོག་སེང་གེ་ཁྱོད། །དེས་ཀྱང་འཁོར་གྱིས་ཞུས་པ་བཞིན། །རྒྱལ་བ་རྡོ་རྗེ་འཛིན་པ་ལ། །ཕྱག་འཚལ་རྨད་འབྱུང་མཆོད་རྫས་ནས། །རྡོ་རྗེ་ཚིག་ཏུ་འདི་སྐད་གསོལ། །ཀྱེ་མ་སྟོན་པ་ཐུགས་ཆེན་པོ། །ཕྱོགས་བཅུ་རྒྱལ་བ་ཀུན་འདུས་པ། །བྱང་ཆུབ་སེམས་ཀྱི་མཚན་ཉིད་དེ། །ཚིག་ཏུ་བརྗོད་པ་མ་མཛད་ན། །མ་འོངས་སྒྲ་ལ་བརྟེན་པ་དག །དོན་ལ་རེག་པར་མི་འགྱུར་ཕྱིར། །མཚོན་བྱ་མཚོན་པར་བྱས་ནས་ནི། །སྙིང་པོ་བྱང་ཆུབ་དོན་འདི་ལ། །དཔེས་མཚོན་འཐད་པར་གྲུབ་བྱེད་པ། །གསང་བ་དེ་ཉིད་བསྟན་དུ་གསོལ། །དེ་ནས་མགོན་པོ་རྡོ་རྗེ་འཛིན། །ཡེ་ཤེས་ལྔ་དང་རྟགས་ལྡན་པའི། །ཕྱག་གི་མཚན་མ་གསོར་མཛད་ཅིང་། །རྨད་འབྱུང་ཡ་མཚན་སྟོན་པར་མཛད། །ཐམས་ཅད་པདྨོར་འགྱུར་བ་ཡི། །རྨད་འབྱུང་ཆོས་ཀྱི་སྒྲ་ཡང་སྒྲོགས། །ཨོཾ་ཨཱཿཧཱུྃ་སྭཱ་ཧཱ། བོ་དྷི་ཙིཏྟ་གུ་ཧྱ། ས་མ་ཡ་ཨ་ས། ཨ་ནུ་བོ་དྷི་ཙིཏྟ་ཨ་ནན་ཏ་གར་བྷ། མ་ཧཱ་སཏྭ་པྲ་ཏ་ཨ་ཧཱུྃ། འདི་ནི་གསུངས་མ་ཐག་ཏུ་ཡང་། །སངས་རྒྱས་གྲགས་ཆེན་ཐམས་ཅད་དག །རབ་ཏུ་དྲག་ཅིང་བརྒྱལ་འགྱུར་ནས། །གཞན་ལྟ་མ་ལུས་སྨོས་ཅི་དགོས། །བཅོམ་ལྡན་འདས་ཀྱིས་ཡང་དག་བཀའ། །བཤད་ཀྱིས་རིགས་ཀྱི་བུ་རྣམས་ཉོན། །དོན་དམ་ཀུན་རྫོབ་གཉིས་མེད་པར། །ཡང་དག་བདེན་པའི་དོན་བསྟན་པ། །དེ་ནི་དངོས་པོ་མཚན་ཉིད་དེ། །མཁས་ལྡན་ཆེན་པོ་རྣམས་ཀྱི་གདེང་། །ཇི་སྲིད་བློ་ཡི་ཆོས་དག་ཏུ། །གཉིས་སུ་སྣང་བའི་མཚན་མ་ལ། ། ― DNG013_Page_0024 ―
[མ་དཔེ་གཟིགས་ན་འདིར་གནོན།]
བསམ་བརྗོད་ཀུན་རྫོབ་ཞེས་བྱ་སྟེ། །དེ་ལས་འདས་པ་དོན་དམ་ཡིན། །སྐུ་གསུམ་གཉིས་སུ་མེད་པ་ཡི། །སྣང་བའི་དངོས་པོ་མ་འགགས་པ། །དུས་གསུམ་བསྟན་པ་ཆེན་པོར་གནས། །ཡིད་བཞིན་པ་ཡི་དོན་ཉིད་དོ། །ཐམས་ཅད་སྒྱུ་མ་ལྟ་བུའི་ཚུལ། །ཐམས་ཅད་རང་བཞིན་སྟོང་པ་ཉིད། །ཟུང་དུ་འཇུག་པའི་ཡེ་ཤེས་ནི། །དེ་ཉིད་བླ་མེད་མཆོག་དམ་པ། །དེ་སྐད་ཅེས་ནི་བཀའ་སྩལ་ནས། །ཨ་ལ་ལ་ཡི་སྒྲ་བརྗོད་དོ། །སྟོབས་མཆོག་སེང་གེ་དྲི་བ་དྲིས། །དེ་ལྟར་ལགས་སོ་བཅོམ་ལྡན་འདས། །སྔགས་ཀྱི་ལྷ་ལ་བློ་གནས་གང་། །སྤྱོད་ལ་གནས་པ་གང་དག་གིས། །ཕན་ཚུན་འདྲེལ་འགྱུར་ཅི་ལྟ་བུར། །བློ་ཡི་རིམ་པ་འཇུག་བྱ་འམ། །བཅོམ་ལྡན་འདས་ཀྱིས་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སངས་རྒྱས་རྣམས་ཀྱིས་བསྟན་པའི་དོན། །མཚན་ཉིད་རྣམ་དག་དུས་ལགས་པ། །བགྲང་དང་བགྲང་བ་ལས་འདས་པའི། །དངོས་པོ་མཚན་ཉིད་དེ་བཞིན་ནོ། །ལེགས་སྤྱོད་བདེན་པའི་ལམ་འཇུག་ཅིང་། །རྣམ་གསུམ་སྔགས་ཀྱི་དོན་སྤྱད་ན། །འདྲེལ་པ་ཤུགས་ཀྱིས་སྒྲུབ་བྱེད་ན། །ལྟ་སྤྱོད་གཉིས་ལྡན་བདེན་པའི་མཆོག །རྣལ་འབྱོར་ས་ལ་ལེགས་གནས་ཤིང་། །བདེན་གཉིས་འདྲེལ་པའི་དོན་བསྒྲུབས་ནས། །ཡང་དག་རྟག་པའི་དོན་གསལ་འགྱུར། །རྣལ་འབྱོར་ས་སྤྱོད་ས་ཐོབ་ཤོག །མ་སྐྱེས་ཐབས་ཀྱི་ཡེ་ཤེས་ལྡན། །ཐམས་ཅད་མཉམ་པ་ཉིད་ཀྱི་དབྱིངས། །བདེན་གཉིས་དབྱེ་བ་མེད་པ་ཡིས། །ཡང་དག་དོན་མཆོག་སྒྱུ་མའི་སྐུ། །ཀུན་རྫོབ་སྒྱུ་མ་ཐབས་ཀྱི་གསུང་། །ཕྱག་རྒྱ་སྒྱུ་མའི་ཚུལ་ཉིད་དེ། །མེད་པ་མ་ཡིན་མཚན་མེད་དེ། །རྣལ་འབྱོར་གཉིས་དང་ལྡན་ཕྱིར་རོ། །སློབ་པའི་རྣལ་འབྱོར་གཉིས་བརྟེན་ནས། །ལྷུན་གྱིས་གྲུབ་པའི་ས་གོམས་ནས། །བདེན་འགྱུར་བདེན་པ་གཉིས་ལ་གནས། །ཆེ་ཆུང་མཐུ་ཡིས་གྲུབ་པ་ཡིན། །སྒྲ་ཡི་རྗེས་འབྲངས་རྣལ་འབྱོར་པས། །དོན་མེད་སྤྱོད་ལ་གནས་པར་འགྱུར། །ཡང་དག་ཀུན་རྫོབ་བདེན་གསལ་བས། །གཉིས་མེད་དོན་དམ་བདེན་པར་གནས། །སྣ་ཚོགས་ཆོས་ཀྱི་གཡུལ་ངོ་ ― DNG013_Page_0025 ―
[མ་དཔེ་གཟིགས་ན་འདིར་གནོན།]
ཟློག །རིག་པའི་སྐྱེས་བུ་རྣམ་པར་གྲགས། །ཞེས་པས་དགྱེས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། དེ་ཁོ་ན་ཉིད་བསྟན་པའི་ལེའུ་སྟེ་བཞི་པའོ།། །།དེ་ནས་རིག་པའི་སྐྱེས་བུ་མཆོག །གསང་བའི་བདག་པོས་ཡང་ཞུས་པ། །བཅོམ་ལྡན་སྙིང་པོ་བྱང་ཆུབ་སེམས། །དགོངས་པའི་དོན་ནི་ཅི་ལྟ་བུ། །ལས་དང་ཉོན་མོངས་དག་བྱེད་པའི། །ཡེ་ཤེས་སྒྲོན་མ་ཅི་ལྟར་ལགས། །རྒྱལ་བས་དགོངས་པའི་བྱང་ཆུབ་སེམས། །རྡོ་རྗེ་ལྟ་བུར་མཉམ་བཞག་ནས། །མི་རྟོག་ཡེ་ཤེས་གསལ་མཛད་དེ། །སྣ་ཚོགས་རྣམས་ཀྱང་བྱང་ཆུབ་སེམས། །བདེ་བ་ཆེ་ལས་གཞན་མེད་དོ། །ལུས་ངག་ཡིད་གསུམ་རྣམ་པའི་ཚོགས། །ཆོས་རྣམས་ཀུན་གྱི་རྒྱུ་ཡིན་ཏེ། །རྣམ་གསུམ་རྡོ་རྗེ་ལྟ་བུ་ཉིད། །སྐུ་གསུམ་གསལ་བ་རྣམ་པར་སྣང་། །དངོས་པོ་གསལ་བའི་ཆོས་མེད་དེ། །གཅིག་ལས་རྣམ་འཕྲུལ་སྣ་ཚོགས་ཉིད། །ཕྱག་རྒྱ་གར་ཐབས་དབང་བསྒྱུར་བས། །འཆིང་བའི་ཚོགས་ལས་རྣམ་པར་གྲོལ། །དངོས་པོ་ཐམས་ཅད་བྲལ་བ་ཡི། །ཕུང་ཁམས་སྐྱེ་མཆེད་རྣམ་པར་དབེན། །གཟུང་འཛིན་རྟོག་པའི་ཡུལ་བྲལ་བས། །དཔག་མེད་པ་ཡི་ངོ་བོ་ཉིད། །རྣམ་གསུམ་མཆོག་གི་དོན་ལས་བྱུང་། །འོད་གསལ་ཆེན་པོའི་རང་བཞིན་ནོ། །ངོ་མཚར་རྨད་དུ་བྱུང་བའི་དོན། །རྒྱལ་བ་ཀུན་གྱི་གསང་བའི་ཐུགས། །སྐྱེ་དང་སྐྱེ་མེད་སྣ་ཚོགས་དངོས། །ཕྱོགས་འཛིན་མཐའ་ཡིས་བཅིང་བར་བྱེད། །དེ་དག་ཆོས་ལས་རྣམ་གྲོལ་བའོ། །བདེན་པ་ཆེན་པོའི་ཏིང་འཛིན་རྒྱ། །ངོ་མཚར་ཡ་མཚན་རྨད་ཀྱི་ཆོས། །མེ་ལོང་གསལ་བའི་རང་བཞིན་ཅན། །རྒྱལ་བ་རྣམས་ཀྱི་གསང་བའི་མཛོད། །འགག་པ་མེད་པའི་ཆོས་རྣམས་ལ། །བྱང་ཆུབ་སེམས་ཉིད་སྐྱེ་བར་འགྱུར། །མཉམ་ཉིད་དེ་བཞིན་གཤེགས་པའི་སྐུ། །ཡ་མཚན་རྨད་དུ་བྱུང་བའི་ཆོས། །སྣ་ཚོགས་སྣང་བྱེད་གནས་གྲོལ་བ། །རང་བཞིན་ཞི་བའི་བྱང་ཆུབ་སེམས། །གཉིས་ཀྱི་མཐའ་ལས་གྲོལ་བའོ། །གནས་ ― DNG013_Page_0026 ―
[མ་དཔེ་གཟིགས་ན་འདིར་གནོན།]
རབ་ཏུ་མཉེས། །འོད་འདུས་ཐོག་མའི་གཟུགས་ལ་གཟུང་། །རྒྱལ་པོ་ཡབ་ཡུམ་གཉིས་མེད་སྦྱོར། །རང་རིག་བདེ་འབྱུང་གསལ་བའི་རྒྱུན། །འཕྲོ་འདུ་གསལ་བའི་རིན་ཆེན་གྱིས། །སློབ་མ་བྱིན་བརླབ་དབང་བསྐུར་བྱ། །དེ་ནི་ཕན་པའི་བྱིན་རླབས་སོ། །ནུས་པར་བྱེད་པའི་བྱིན་རླབས་ནི། །ཉན་པ་དང་ནི་བསྒྲུབ་པ་དང་། །ལས་བྱེད་པ་དང་འཆད་པ་དང་། །ནུས་པ་ཆེན་པོར་བསྒྲུབ་པའོ། །དེ་ཡི་ཁྱད་པར་སྒྲུབ་པ་ནི། །ཟླ་གམ་གཅིག་གམ་དྲུག་ཅུའི་བར། །རྡོ་རྗེ་རྒྱལ་པོ་རྒྱལ་ཐེབས་དང་། །སྦྱོར་སྒྲོལ་གིང་དང་ལས་མཁན་དང་། །བསྒྲུབ་པ་གྲོགས་མཆོག་དབང་རྣམས་ནི། །ཐབས་དང་ཤེས་རབ་དབང་ཆེན་ཏེ། །རྡོ་རྗེ་དྲིལ་བུའི་རིག་པ་འཛིན། །མྱ་ངན་འདས་དང་འཁོར་བ་ཡི། །ཆོས་ལ་འདོད་བཞིན་གྱིན་གྱིས་བརླབ། །བློ་བྲལ་འདི་ལ་གནས་པ་ཡིས། །རྣལ་འབྱོར་དེ་ནི་སྐལ་བ་བཟང་། །བདག་དང་གཞན་དོན་མི་འབྱེད་པས། །སྒྱུ་མ་ལྷུན་གྲུབ་ཡུལ་ལ་རོལ། །གང་གི་མཐུ་ཡི་རིག་པ་ལས། །ཆོས་ནི་གཞན་ནས་འབྱུང་མི་འགྱུར། །ཅི་སྟེ་རྣམ་པ་ཡོངས་ཀྱིས་མེད། །རྣལ་འབྱོར་ནམ་མཁའི་ལམ་ལ་གནས། །མ་བྱུང་མ་སྐྱེས་སྙིང་པོ་ལ། །སྒྲོ་བཏགས་ཆོས་ཀུན་ག་ལ་ཡོད། །དབང་ཐོབ་མཛེས་པ་དེ་དག་གི །དུལ་བའི་སེམས་སུ་བཞག་ནས་ནི། །དམ་ཚིག་ཆེན་པོ་བདེ་བར་གནས། །ཁྱོད་ཀྱིས་སྲོག་ཆགས་གསད་པར་བྱ། །རྫུན་གྱི་ཚིག་ཀྱང་སྨྲ་བར་བྱ། །མ་བྱིན་པར་ཡང་ཁྱོད་ཀྱིས་ལོང་། །ཕ་རོལ་བུད་མེད་སྤྱད་པར་བྱ། །རྡོ་རྗེའི་ལམ་ནི་འདི་དག་གིས། །སེམས་ཅན་ཐམས་ཅད་བསྐུལ་བར་བྱ། །དཀའ་ཐུབ་དག་གིས་གཟིར་མི་བྱ། །ཅི་བདེ་བར་ནི་བདེ་བར་སྤྱད། །འདི་ནི་སངས་རྒྱས་བྱེད་སྤྱོད་ཡིན། །རྣལ་འབྱོར་ལོངས་སྤྱོད་ཐམས་ཅད་ལ། །ཅིས་ཀྱང་མ་འཇིགས་དགའ་བར་གྱིས། །སྡིག་པ་མེད་ཀྱི་ཁྱོད་མ་འཇིགས། །གཞན་ཡང་དམ་ཚིག་ལ་སྔང་ཞིང་། །སྐྱེ་བོ་གང་དག་བསྟན་ལ་གནོད། །བརྟུན་ཞུགས་ཁྱོད་ཀྱིས་དེ་དྲངས་ལ། །ཁྲག་ཆེན་པོ་ནི་བཏུང་བར་གྱིས། །སྐལ་ངན་འཇིག་རྟེན་ཉན་ཐོས་ ― DNG013_Page_0027 ―
[མ་དཔེ་གཟིགས་ན་འདིར་གནོན།]
ལ། །ནམ་ཡང་དགའ་བར་མི་བྱ་སྟེ། །སྐལ་བཟང་ཧེ་རུ་ཀ་དཔལ་གཙོ། །ཁྱོད་ཀྱིས་རྟག་ཏུ་བསྒྲུབ་པར་གྱིས། །ཞེས་གསུངས་སོ། །དཔལ་ཁྲག་འཐུང་འདུས་པ་རྩ་བའི་རྒྱུད་ལས། ཧེ་རུ་ཀ་བྱིན་གྱིས་བརླབས་པ་རྡོ་རྗེ་དམ་ཚིག་འབྱུང་བའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རབ་ཏུ་གནས་པར་བྱེད་པའི་ཧེ་རུ་ཀ་ཆེན་པོ་དེས། ཕྱོགས་བཅུའི་དེ་བཞིན་གཤེགས་པ་ཐམས་ཅད་རྡོ་རྗེའི་བ་སྤུའི་བུ་གར་བསྡུས་ཏེ། སྐུའི་དབྱིབས་སུ་བརྒྱུད་ཅིང་རྡོ་རྗེའི་ལམ་དུ་ཕྱུང་སྟེ། ཡུམ་གྱི་མཁའ་ལ་ཕབ་ནས། བྱང་ཆུབ་ཀྱི་སེམས་ཧཱུཾ་གི་རང་བཞིན་དུ་བྱས་ནས། དཔལ་ཧེ་རུ་ཀ་འཇིགས་བྱེད་ཆེན་པོའི་སྐུ་ལ། དུར་ཁྲོད་ཆེན་པོའི་ཆས་ཀྱིས་བརྒྱན་པ། ཕྱག་ན་གདུག་བྱེད་ཀྱི་མཚོན་ཆ་ཐོགས་པ་དེ་བཞིན་གཤེགས་པ་ཐམས་ཅད་ཀྱི་སྐུའི་ངོ་བོར་བཞེངས་ཏེ། སྲིད་གསུམ་གདུག་པ་འདུལ་བའི་ཕྱིར། །ཞེ་སྡང་ཆེན་པོའི་སྐུར་བསྟན་ཏེ། །དེ་བཞིན་ཉིད་ཀྱི་དབྱིངས་ཉིད་ནས། །ཁྲོ་མོ་དབང་ཕྱུག་མངོན་དུ་ཕྱུང་། །བྱང་ཆུབ་སེམས་ཀྱི་སྤྲིན་ཚོགས་ལས། །མཉམ་པ་ཉིད་ཀྱི་ཏིང་འཛིན་གྱིས། །ཆོས་ཀུན་གཉིས་མེད་བྱིན་གྱིས་བརླབས། །དབང་བསྐུར་ཐབས་ཀྱི་ཏིང་འཛིན་གྱིས། །གནས་མཆོག་དམ་པར་བྱིན་གྱིས་བརླབས། །རོལ་པ་ཆེན་པོའི་ཏིང་འཛིན་གྱིས། །བསྒྲུབ་པའི་བདག་པོར་བྱིན་གྱིས་བརླབས། །ཤེས་རབ་སྙིང་རྗེའི་ཏིང་འཛིན་གྱིས། །ཡུམ་དང་རྒྱུ་ལ་བྱིན་གྱིས་བརླབས། །ཚོགས་ཆེན་རྫོགས་པའི་ཏིང་འཛིན་གྱིས། །བསྒྲུབ་པའི་རྫས་མཆོག་བྱིན་གྱིས་བརླབས། །རིགས་ཀྱི་སེམས་དཔའི་ཏིང་འཛིན་གྱིས། །སློབ་མ་གསེར་རུ་བྱིན་གྱིས་བརླབས། །ཁམས་གསུམ་ཡོངས་སྒྲོལ་ཏིང་འཛིན་གྱིས། །ན་ཆེན་པོའི་བྱིན་གྱིས་བརླབས། །སྲིད་གསུམ་བདེ་སྦྱོར་ཏིང་འཛིན་གྱིས། །ག་ཎ་མཁའ་འགྲོའི་བྱིན་གྱིས་བརླབས། །དེ་བཞིན་ཉིད་ཀྱི་ཏིང་འཛིན་གྱིས། །ཕྱི་ནང་ཆོས་ཀུན་བྱིན་གྱིས་བརླབས། །ཀུན་ཏུ་སྣང་གི་ཏིང་འཛིན་གྱིས། །སྙིང་རྗེའི་ཡུལ་རྣམས་བྱིན་གྱིས་བརླབས།། ― DNG013_Page_0028 ―
[མ་དཔེ་གཟིགས་ན་འདིར་གནོན།]
ལས། །སྣ་ཚོགས་ཀུན་ནས་སོ་སོ་ཉིད། །འབྱུང་བཞིའི་དཀྱིལ་འཁོར་རིམ་བཞིན་བཀོད། །ཀུན་འཕྲུལ་ས་བོན་ལས་བསྐྱེད་པའི། །ཡེ་ཤེས་རིན་ཆེན་སྣ་ཚོགས་གཟུགས། །ཤར་དུ་དོ་ཤལ་ཕྲེང་བ་དང་། །གདུགས་དང་རྒྱལ་མཚན་རྔ་ཡབ་སོགས། །མེ་ལོང་རོལ་མོའི་ཚོགས་བསམ་ཡས། །འཁོར་ལོ་རིན་ཆེན་རྡོ་རྗེ་པད། །ཏྭ་ར་ན་བཞི་རྒྱན་མཛེས་པ། །སྒྲ་དབྱངས་སྣ་ཚོགས་ཉི་ཟླའི་ཚོགས། །ཙཀྲ་བར་ཁྱམས་ཕྲེང་བ་དང་། །དམ་པའི་འདོད་ཡོན་ལྷ་མོ་འཁྲིགས། །རིན་ཆེན་འབར་བའི་ཁྲི་བརྩེགས་གནས། །ཉི་ཟླ་པདྨའི་རིན་ཆེན་རྒྱན། །གནས་རྣམས་ཁྱབ་པར་ཅི་བཞིན་པར། །དཀྱིལ་འཁོར་ལྷུན་གྱིས་གྲུབ་པའོ། །ཨ་ཨཱ། ཨི་ཨཱིཾ། ཨུ་ཨཱུ། ཨེ་ཨཻ། ཨོ་ཨཽ། ཨྃ་ཨཿ། རྀ་རཱྀ། ལྀ་ལཱྀ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། དེ་བཞིན་ཉིད་དབྱིངས་རྨད་འབྱུང་བའི། །བདེར་གཤེགས་ཀུན་གྱི་ཐུགས་གསལ་བ། །བྱིན་བརླབས་ཡ་མཚན་སྤྲུལ་པའི་སྐུ། །དཀྱིལ་འཁོར་སྣ་ཚོགས་ཀུན་གྱི་གནས། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མ་མེད། །ཕུང་པོ་ཆོས་རྣམས་སངས་རྒྱས་ཏེ། །འབྱུང་ལྔ་དབྱིངས་ཕྱུག་ཡུམ་གྱི་མཁའ། །ཁམས་དང་སྐྱེ་མཆེད་སེམས་དཔའ་དང་། །སེམས་མའི་ཚོགས་དང་ཁྲོ་མོའི་སྐུ། །ཕྱི་ནང་སྲིད་གསུམ་དངོས་སྣང་བའི། །དཀྱིལ་འཁོར་རིགས་ཀྱི་བདག་ཉིད་ཆེ། །གཟུགས་ཕུང་རྣམ་པར་སྣང་མཛད་ཆེ། །ཚོར་བ་རིན་ཆེན་འབྱུང་ལྡན་སྐུ། །འདུ་ཤེས་སྣང་བ་མཐའ་ཡས་སྐུ། །འདུ་བྱེད་དོན་ཡོད་གྲུབ་པ་ཡིན། །རྣམ་ཤེས་རྡོ་རྗེ་སེམས་དཔའ་སྟེ། །ཐམས་ཅད་བདེར་གཤེགས་ལྔ་ཡི་སྐུ། །ས་ཁམས་སངས་རྒྱས་སྤྱན་ཡིན་ཏེ། །ཆུ་ཁམས་ལྷ་མོ་མཱ་མ་ཀཱི། །མེ་ཁམས་ན་བཟའ་དཀར་མོ་སྟེ། །རླུང་ཁམས་དམ་ཚིག་སྒྲོལ་མའོ། །ནམ་མཁའ་ཀུན་དུ་བཟང་མོའི་སྐུ། །འབྱུང་བའི་དཀྱིལ་འཁོར་རྣམ་དག་པའོ། །དབང་པོའི་སྤྱོད་ཡུལ་མ་ལུས་ཀུན། །ཐམས་ཅད་བདེར་གཤེགས་རིགས་ཀྱི་ ― DNG013_Page_0029 ―
[མ་དཔེ་གཟིགས་ན་འདིར་གནོན།]
སྐུ། །མིག་ལ་རྣམ་པར་སྣང་མཛད་དེ། །རྣ་བ་རིན་ཆེན་འབྱུང་ལྡན་ཆེ། །སྣ་ལ་སྣང་བ་མཐའ་ཡས་ཉིད། །ལྕེ་ལ་དོན་ཡོད་གྲུབ་པའི་སྐུ། །ལུས་ཉིད་རྡོ་རྗེ་སེམས་དཔའ་ཡིན། །དེ་ལྟར་སྣང་བའི་དཀྱིལ་འཁོར་ཉིད། །ཡེ་ནས་ལྷུན་གྲུབ་གནས་པས་ན། །རྣལ་འབྱོར་གསང་བ་དོན་ཤེས་བྱ། །ཕྱི་རོལ་དོན་ཤེས་ཡུལ་དྲུག་འདི། །ཡུམ་ཆེན་ལྔ་ཡི་ཕྱག་རྒྱའི་དབྱིབས། །གཟུགས་ཁམས་སངས་རྒྱས་སྤྱན་མ་སྟེ། །སྒྲ་ཚོགས་ལྷ་མོ་མཱ་མ་ཀཱི། །དྲི་ཚོགས་ན་བཟའ་དཀར་མོའི་དབྱིངས། །རོ་དྲུག་ལྷ་མོ་སྒྲོལ་མ་ཡིན། །རེག་ཚོགས་ལྷ་མོ་ཀུན་དུ་བཟང་མོའི་སྐུ། །དུས་གསུམ་མཉམ་སྦྱོར་འདུ་འབྲལ་མེད། །རྡོ་རྗེ་པདྨོ་མཉམ་སྦྱོར་བས། །རང་རིག་དཀྱིལ་འཁོར་གསལ་བར་མཛོད། །ཐམས་ཅད་མ་ལུས་སྐུ་གསུང་ཐུགས། །ཡོན་ཏན་ཕྲིན་ལས་རོལ་པའི་རྒྱན། །ང་ཉིད་འདུ་འབྲལ་མེད་པའི་དབྱིངས། །ཐབས་དང་ཤེས་རབ་རོལ་པའི་མཆོག །ས་ཡི་ཁྱད་པར་མ་ལུས་པའང་། །རྡོ་རྗེ་ཆོས་ཀྱིས་སྦྱོར་མཛད་དང་། །ཡོན་ཏན་ཕྲིན་ལས་མཐར་ཕྱིན་པས། །ཚེ་འདི་ཉིད་ཀྱི་གོ་འཕང་མཆོག །རྡོ་རྗེ་གསང་གསུམ་དམ་ཚིག་ཆེ། །རང་གི་མཐུ་ཡི་སྦྱོར་བྱེད་པ། །རྟག་ཏུ་མཉམ་བཞག་སྦྱོར་བ་ཡིས། །དཀྱིལ་འཁོར་ཆེན་པོའི་གནས་བཞུགས་ཏེ། །དྲི་མེད་བྱང་ཆུབ་སེམས་ཀྱི་ཚུལ། །འགྲོ་རྣམས་ཚོགས་བཅས་དག་པར་བྱས། །རྟག་ཏུ་གསང་སྔགས་བརྗོད་བྱས་ཤིང་། །རྡོ་རྗེ་མགོན་པོའི་སྒོ་གསལ་བརྟན། །རྟག་ཏུ་གཏོར་སྦྱིན་གཏང་བྱས་ཏེ། །ཁམས་ཀྱི་འཛིན་པ་མེད་པར་གྲོལ། །རྟག་ཏུ་ལྷ་ལ་མཆོད་བྱས་ཏེ། །རང་གི་བདུད་རྩིས་མཆོད་ཅིང་རོལ། །རྟག་ཏུ་མི་གཉིས་བསྟོད་བྱ་བ། །རྣམ་གྲོལ་ཐམས་ཅད་བྲག་ཅའི་སྒྲ། །ཕ་རོལ་ཕྱིན་བཅུ་དུས་གཅིག་ཏུ། །པདྨ་ཆོ་ག་རྟོགས་པར་འགྱུར། །ཟག་པ་ཟད་པས་སྐུ་ལྔ་དང་། །པདྨའི་རིགས་ཀུན་མཉམ་པར་སྦྱོར། །པདྨའི་དམ་ཚིག་ལ་གནས་པ། །གནས་ཀུན་དཀྱིལ་འཁོར་གསལ་བར་འགྱུར། །པདྨ་རང་གི་གནས་སུ་བསྒོམ། །འདོད་ཆགས་ཆོས་ཀུན་སྤྱོད་པ་ཡི། །མགོན་པོ་རང་རང་གནས་ན་གསལ། །དྲི་མེད་དག་པའི་ ― DNG013_Page_0030 ―
[མ་དཔེ་གཟིགས་ན་འདིར་གནོན།]
ཐིག་ལེ་ལས། །འོད་ཟེར་ལྔ་ཡི་སྣང་བ་བཅས། །རང་གི་གནས་ནས་འཕྲོ་མཛད་ཅིང་། །དེ་ཉིད་མགོན་པོའི་སྐུ་འདོད་གཟུགས། །ཀུན་ཏུ་པདྨ་ཆགས་མེད་པས། །གནས་ཀུན་དཀྱིལ་འཁོར་གསལ་བར་འགྱུར། །ཐུབ་པ་ཆེན་པོའི་མཚན་རྣམས་དང་། །དཔེ་བྱད་རྫོགས་པར་གྱུར་ནས་ནི། །ཡོན་ཏན་མ་ལུས་འབྱུང་བའི་གནས། །ཀུན་དུ་དྲེགས་པའི་སངས་རྒྱས་མཆོག །རྡོ་རྗེའི་དམ་ཚིག་ལ་གནས་པས། །རྡོ་རྗེ་རང་གི་གནས་སུ་བསྒོམ། །འོད་འཕྲོས་འདུས་པའི་གནས་ཕྱག་རྒྱའི། །ཡེ་ཤེས་མཉམ་ཉིད་ཀུན་དོན་མཛད། །ཐུགས་རྗེས་རྣམ་མང་ཡུལ་བྲལ་ཞིང་། །འཇོམས་པར་མཛད་པའི་ཁྲོ་བོའི་སྐུ། །རང་གི་དཀྱིལ་འཁོར་དྲི་བྲལ་བ། །མངོན་སུམ་གསང་བའི་ཡེ་ཤེས་སྐུ། །འཁོར་ལོའི་དམ་ཚིག་ལ་གནས་པས། །འཁོར་ལོ་རང་གི་གནས་སུ་བསྒོམ། །རྒྱལ་བ་ཀུན་གྱི་རིན་པོ་ཆེ། །འཕྲོ་འདུ་ཉི་ཤུ་རྩ་ལྔའི་ཚོགས། །ཕུང་ཚོགས་ཁམས་རྣམས་རྣམ་དག་ཅིང་། །ཕྲིན་ལས་ཡེ་ཤེས་བླ་ན་མེད། །བྱང་ཆུབ་དག་པའི་ཆ་ལུགས་གནས། །དཀྱིལ་འཁོར་སྤྲུལ་པའི་བྱིན་བརླབས་སྐུ། །དགའ་བའི་ཐབས་དང་ཤེས་རབ་སྦྱོར། །ཕྱག་རྒྱ་ཆེན་པོའི་རིགས་འཛིན་གནས། །རྣལ་འབྱོར་དད་བརྩོན་ཏིང་འཛིན་ལྡན། །འགྲུབ་འགྱུར་རིང་པོར་ཐོགས་མེད་སྤྱོད། །ཅེས་གསུངས་པས་འཁོར་གྱི་བྱང་ཆུབ་སེམས་དཔའི་ཚོགས་རྣམས་མཉེས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་ཏིང་ངེ་ འཛིན་གྱི་ལེའུ་སྟེ་དྲུག་པའོ།། །།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་སྟན་ལས་ལངས་ཏེ། དགའ་བའི་མཆོད་པ་དང་གར་ཐབས་ཀྱིས་དཀྱིལ་འཁོར་ཐམས་ཅད་མཉེས་པར་བྱས་ནས། བཅོམ་ལྡན་འདས་ལ་ཕྱག་འཚལ་ཏེ་གསོལ་བ་བཏབ་བོ། །ཀྱེ་མ་རྒྱལ་བ་ཀུན་གྱི་གཙོ། །སངས་རྒྱས་ཚོགས་རྣམས་བསྐྱེད་པའི་ཡབ། །ཁྱེད་ཀྱིས་དཀྱིལ་འཁོར་སྤྲུལ་མཛད་ནས། །གདུལ་བྱའི་ལམ་འདི་གྲོལ་བྱས་ན། །ཕྱི་ཡི་འགྲོ་བ་ཅི་ལྟར་གཟུང་། །གང་དག་དབང་ ― DNG013_Page_0031 ―
[མ་དཔེ་གཟིགས་ན་འདིར་གནོན།]
པོ་མ་སྨིན་པའི། །དཀར་པོ་ཆོས་རྣམས་མཐོང་མི་འགྱུར། །དེ་དག་ཐུགས་རྗེ་ཆེན་པོ་ཡིས། །བཟུང་ཞིང་ལས་ལ་གཞུག་པར་སྣང་། །མ་འོངས་འགྲོ་བ་ལ་ལ་དག །འདི་ལྟར་དཀྱིལ་འཁོར་མཐོང་བ་རྣམས། །ཇི་ལྟར་དཀྱིལ་འཁོར་བརྟན་པར་འདུལ། །ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་མ་འོངས་པའི་འགྲོ་བ་ཐེག་པ་གསང་སྔགས་ཀྱི་ལམ་དུ་འཇུག་པར་འདོད་པ་དག་གིས་ནི། རྡོ་རྗེ་སློབ་དཔོན་ལ་བརྟེན་ཏེ་གཟུགས་བརྙན་གྱི་དཀྱིལ་འཁོར་དུ་གཞུག་པར་བྱའོ། །རྡོ་རྗེ་སློབ་དཔོན་བློ་གྲོས་མཆོག །དད་བརྩོན་ཤེས་རབ་སྟོབས་དང་ལྡན། །བདག་ཆོས་མ་ལུས་ཤེས་འགྱུར་ནས། །སྐྱོབ་པ་བྱང་སེམས་སྡོམ་པ་བླངས། །བྱང་སེམས་སྙིང་རྗེ་ཆེན་པོ་དང་། །དགའ་བ་བཏང་སྙོམས་བཞི་བཞག་ནས། །སེམས་ཅན་ཐམས་ཅད་མགྲོན་དུ་གཉེར། །སླར་ཉིད་བྱང་ཆུབ་ལམ་ལ་དགོད། །ཕ་རོལ་ཕྱིན་པ་དྲུག་རྣམས་དང་། །བསྡུ་བ་བཞི་ལ་ལེགས་གནས་པས། །ཐེག་པ་ཆེན་པོའི་ལམ་གཉེར་ཞིང་། །ཉན་ཐོས་ལ་སོགས་བློས་པ་མེད་པའི་བློས། །གསང་བའི་ཐེག་པ་དོན་གཉེར་ཞིང་། །དཀྱིལ་འཁོར་དབང་ཐོབ་དམ་ཚིག་ལྡན། །གསང་བའི་རྒྱུད་རྣམས་དོན་ཤེས་ཤིང་། །དེ་ཉིད་བཅུ་ལས་གོམས་གྱུར་པས། །རང་གི་ཡེ་ཤེས་རྣམ་གྲོལ་ཞིང་། །དངོས་པོ་དེ་ཉིད་བརྟན་པར་གནས། །མུ་སྟེགས་ལ་སོགས་མི་བསྐྱོད་ཅིང་། །ཐེག་དམན་ལ་སོགས་འགྱུར་བ་མེད། །རྟག་ཏུ་འགྲོ་བ་བཟུང་བའི་བློས། །དཀྱིལ་འཁོར་ལ་སོགས་ལས་ལ་བརྩོན། །མི་གནས་མྱ་ངན་འདས་པ་ཡི། །གྲོང་ཁྱེར་ཆེན་པོར་འགྲོ་བྱེད་དཔོན། །འཇིག་རྟེན་དྲག་བརྩོན་ཆོས་བརྒྱད་དག །བཏང་སྙོམས་སྤོང་ལེན་མེད་པ་ཉིད། །དམུས་ལོང་ཚོགས་ཀྱི་མིག་བུ་བས། །བླ་མའི་གཙོ་བོར་གཟུང་བར་བྱ། །འཇུག་པའི་གང་ཟག་ཕུན་སུམ་ཚོགས། །ཞི་དེས་གསོང་པོར་སྨྲ་བ་དང་། །འཇམ་ཞིང་འགྲོ་བའི་ཡིད་འོང་བ། །རྩེ་གཅིག་དད་པ་བརྩོན་འགྱུར་བྱེད། །བློ་གྲོས་ཡོན་ཏན་ཀུན་ལ་འཇུག །ལྷ་དང་བླ་མ་ལ་སོགས་གུས། ། ― DNG013_Page_0032 ―
[མ་དཔེ་གཟིགས་ན་འདིར་གནོན།]
ཐེག་པ་ཆེན་པོའི་ལམ་དག་པས། །ངན་པའི་ཚོགས་སྤངས་གཞན་དུ་གནས། །དེ་ནི་བློ་གྲོས་བཟང་པོ་ཡོན་ཏན་ལྡན། །ཐེག་ཆེན་གསང་བ་འཛིན་པའི་སྣོད། །ས་མཆོག་ཤིན་ཏུ་དབེན་པའི་གནས། །རི་བོ་ནགས་ཚལ་འབྲས་བུ་དང་། །མེ་ཏོག་ཆུ་རྒྱུན་ཕུན་སུམ་ཚོགས། །གནོད་བྱེད་སྐྱེ་བོ་ཚོགས་བྲལ་བ། །རྣལ་འབྱོར་གྲོགས་བཅས་དགའ་འགྱུར་བའི། །བདག་དབང་བར་ཆད་མེད་པའི་མཆོག །བསྙེན་པ་ཇི་བཞིན་རྫོགས་པ་ཡིས། །དཀྱིལ་འཁོར་བྲི་སོགས་ལས་རྣམས་བྱ། །ཕུན་སུམ་ཚོགས་པ་བདུན་ལྡན་པས། །བདག་གནས་ས་གཞིའི་གྲོགས་བཅས་དང་། །མཆོད་རྫས་ཡོ་བྱད་མ་ལུས་པ། །བསྲུང་ཞིང་བྱིན་གྱིས་བརླབ་པར་བྱ། །རྡོ་རྗེ་ས་གཞི་ར་བ་དང་། །གུར་དང་བླ་རེ་བཅས་པ་ཡིས། །ཁྲོ་བོ་མེ་འོད་མཚོན་ཆའི་ཚོགས། །བསྲུང་ཞིང་འཁོར་ལོ་རིམ་བཞིན་བསྒོམ། །སེམས་ཅན་ཐམས་ཅད་བསྒྲལ་བའི་བློས། །བསོད་ནམས་ཚོགས་ཀྱིས་དག་པར་བྱ། །ཕྱག་འཚལ་མཆོད་པ་དབུལ་བ་དང་། །སྡིག་བཤགས་བསོད་ནམས་རྗེས་ཡི་རང་། །སངས་རྒྱས་མྱ་ངན་མི་འདའ་ཞིང་། །ཆོས་ཀྱི་འཁོར་ལོ་བསྐོར་བ་དང་། །ལུས་དབུལ་བྱང་སེམས་བསྐྱེད་པ་དང་། །ལམ་གནས་དགེ་བའི་རྩ་བ་བསྔོ། །རྒྱ་ཆེར་ཡོངས་སུ་བསྔོ་བྱས་ཤིང་། །སེམས་ཅན་དོན་དུ་སྨོན་ལམ་གདབ། །དམིགས་མེད་པ་ཡི་རང་བཞིན་གྱིས། །དེ་དག་བརྩོན་བྲལ་ནམ་མཁའ་བཞིན། །རྣམ་ཐར་གསུམ་ལས་འདས་པ་ཡི། །དེ་བཞིན་ཉིད་ཀྱི་ཡེ་ཤེས་ཆེ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་འདྲ་བའི་རྣལ་འབྱོར་པས། །དོན་ཀུན་མཉམ་པ་ཉིད་ལ་གསལ། །དེ་ལ་རྣམ་པར་འཕྲུལ་པའི་ཚོགས། །དཀྱིལ་འཁོར་ཆེན་པོ་སྤྲུལ་བྱས་པས། །རིགས་ཀྱི་ཞིང་ཁམས་སྤྱོད་བྱེད་ཅིང་། །རྣལ་འབྱོར་ཆེན་པོ་ལས་ཀུན་འགྲུབ། །ས་ཕྱོགས་དྲི་མེད་ཡིད་འོང་བའི། །གྲོང་ངམ་གྲོང་ཁྱེར་དགོན་པ་འམ། །རི་ཕུགས་ནགས་ཚལ་གང་རུང་བར། །ཉམས་དགའ་ཡན་ལག་བརྟག་པར་བྱ། །གང་དུ་བཟང་ནི་འབྲས་བུ་བཅས། ། ― DNG013_Page_0033 ―
[མ་དཔེ་གཟིགས་ན་འདིར་གནོན།]
ནེའུ་གསིང་ཆུ་འགྲམ་མེ་ཏོག་བཅས། །དཔལ་རྫོགས་ཡོན་ཏན་འབྱུང་བའི་གནས། །དེ་ནི་རབ་གུས་བརྟག་པར་བྱ། །ནམ་མཁའ་འཁོར་ལོ་འདྲ་བ་དང་། །ས་གཞི་པདྨ་འདྲ་བ་དང་། །བཀྲ་ཤིས་ཕུན་སུམ་སྣ་ཚོགས་གཞི། །བར་ཆད་མེད་པའི་མཚན་ཉིད་ཡིན། །ས་གཞི་ཞོམ་རྡིབ་མེད་པ་ཡི། །དབུས་སུ་མཐོ་བ་ཕྱག་རྒྱ་ཆེ། །ཤར་དང་བྱང་དུ་གཞོལ་བ་ནི། །ཕྲིན་ལས་རྣམ་བཞིའི་དངོས་གྲུབ་འགྱུར། །ལྷོ་དང་ནུབ་ཏུ་གཞོལ་བས་ནི། །འཇིག་རྟེན་པ་ཡི་དངོས་གྲུབ་འགྱུར། །ནུབ་དང་བྱང་དུ་གཞོལ་བ་ནི། །ཏིང་འཛིན་ཕྲོ་མོའི་ལས་གཞན་འགྱུར། །གང་ཞིག་ཤར་ཕྱོགས་མཐོ་བ་དང་། །དབུས་སུ་དམའ་བ་སྤང་བར་བྱ། །ས་དེ་པུས་མོ་ནུབ་ཙམ་དུ། །བརྐོས་ཏེ་སླར་ཡང་དགང་བར་བྱ། །མང་འཕེལ་གྱུར་ན་དངོས་གྲུབ་མཆོག །གང་བར་གྱུར་པ་ཤིས་པ་ཡིན། །དམའ་ཞིང་མ་ལེགས་གྱུར་པ་ཡིན། །སོལ་དུམ་རུས་སོགས་བྱུང་ན་ཡང་། །ཡང་ན་ཆུ་ཡིས་དགང་བྱས་ཏེ། །སློབ་དཔོན་རྡོ་རྗེ་དྲིལ་འཛིན་པས། །མཉམ་བཞག་ལྷ་ཡི་སྔགས་བརྗོད་ཅིང་། །ཤར་དུ་མི་དྲག་གོམ་པ་བརྒྱད། །སོང་སྟེ་སླར་ལྡོག་བལྟ་བར་བྱ། །འགྲིབ་པ་མེད་ན་དངོས་གྲུབ་འགྱུར། །སྣང་དང་མི་སྣང་ས་ཡི་བདག །མགུ་བྱས་རིན་གྱིས་ཉོ་བ་དང་། །བླངས་ཏེ་བར་ཆད་མེད་པའི་ཕྱིར། །བགེགས་གཞན་ཕྲ་མོ་བསྐྲད་པར་བྱ། །བར་ཆད་མེད་པའི་ས་དབུས་སུ། །རིགས་ཀྱི་བདག་པོ་འབྱོར་ལྡན་པས། །ཆོས་གོས་ལ་སོགས་རྒྱན་ཐོགས་ཤིང་། །པདྨའི་དཀྱིལ་འཁོར་ལེགས་བཞུགས་ཏེ། །འཁོར་ལོས་སྒྱུར་རྒྱལ་ཆ་ལུགས་ཀྱིས། །མཆོད་སོགས་སྦྱང་ཞིང་བྱིན་བརླབས་ཏེ། །རྡོ་རྗེ་བསྲུང་བའི་ཕྱག་རྒྱ་ཡིས། །ཕྱོགས་བཅུའི་དཀྱིལ་འཁོར་རིག་པར་བཅས། །ས་ཡི་ལྷ་མོ་སྲུང་མ་རྣམས། །སྤྱན་དྲངས་མཆོད་པས་མཉེས་པར་བྱ། །ཁྱད་པར་ས་ཡི་བདག་པོ་དང་། །འགྲོ་དྲུག་བགེགས་རྣམས་མ་ལུས་ཀུན། །དགུག་ཅིང་བུ་ལོན་མཆོད་སྦྱིན་གཏང་། །དྲི་ཞིམ་ཆུ་ཡིས་ཀུན་གཏོར་ཞིང་། །སྔགས་དང་ཕྱག་རྒྱས་སྦྱང་བར་བྱ། །གང་ཞིག་དངོས་ ― DNG013_Page_0034 ―
[མ་དཔེ་གཟིགས་ན་འདིར་གནོན།]
གྲུབ་ལ་སོགས་འདོད། །རབ་འབྲིང་ཐ་མ་གྲུབ་དོན་དུ། །ལྟོ་འཕྱེ་བརྟག་པའི་ཆོ་ག་བཞིན། །ཡན་ལག་ཀུན་དབང་རྒྱ་ཡང་བྱ། །དེ་ནས་དཀྱིལ་འཁོར་རྒྱར་མཉམ་པའི། །ས་གཞི་ཁྲུ་ལ་སོགས་ཆད་དུ། །བརྐོས་ཏེ་ས་ཡི་སྐྱོན་བསལ་ཞིང་། །ས་ཞག་མདོག་བཟང་འཇམ་ཕྱིན་པས། །གང་ཞིག་དྲི་ཞིམ་ཆུར་བཅས་པའི། །སྔགས་བཏབ་གང་ཞིག་འཐས་པར་བཅག །བསྒྲུབ་པའི་དཀྱིལ་འཁོར་ཁྲུ་དོར་བསྟོད། །རྒྱར་ནི་ཁྲུ་དྲུག་པ་ཡི་ཚད། །ཚོགས་བསག་ཁྲུ་གང་འཕང་དུ་བསྟོད། །མཐའ་སྐོར་ཁྲུ་གང་པ་ཡི་ཚད། །དབང་བསྐུར་སོར་བཞིའི་ཚད་བསྟོད་དེ། །ཇི་ལྟར་གྲུ་བཞི་རྒྱར་བསྐྱེད་ཅིང་། །དབྱིབས་ལེགས་མེ་ལོང་བཞིན་དུ་གནས། །ཚད་མཉམ་གྲོག་སྦུར་ལ་སོགས་པ། །རིན་ཆེན་ལྔ་དང་སྨན་ལྔ་དང་། །སྙིང་པོ་ལྔ་དང་འབྲུ་ལྔ་དག །དྲི་ཆུ་སྔགས་ཀྱིས་བཏབ་བྱས་ནས། །དཀྱིལ་འཁོར་སྙིང་པོར་གཞག་པར་བྱ། །ཕྱོགས་ཀུན་མཉམ་པ་ཉིད་དམིགས་ཏེ། །སྟོང་པ་ཉིད་ཀྱི་སྔགས་ཀྱིས་སྦྱང་། །དྲི་ཞིམ་སྔགས་ཀྱིས་བྱིན་བརླབས་པའི། །ཆུ་རྒྱུན་ཕྱོགས་བཅུར་གཏོར་བྱས་ཤིང་། །སྣ་ཚོགས་གཏོར་མས་མཉེས་བྱས་ཏེ། །ལྷ་ཚོགས་མགྲོན་རྣམས་ཚིམ་པར་བྱ། །སློབ་དཔོན་རིགས་ཀྱི་གཙོར་གནས་པའི། །རྒྱན་དང་ཆ་ལུགས་རྫོགས་བྱས་ནས། །སྒྲུབ་པའི་གྲོགས་མཆོག་བློ་གྲོས་ལྡན། །ཚུལ་བཞིན་དུ་ནི་གསོལ་བ་བཏབ། །དབུས་ཀྱི་ས་ཡི་ཆར་གནས་པ། །ཀུན་འབྱུང་ནམ་མཁའ་དག་པའི་སྔགས། །བརྗོད་ཅིང་འབྱུང་བའི་ས་བོན་ལས། །དཀྱིལ་འཁོར་རི་བརྩེགས་བསྒོམ་པར་བྱ། །རྡོ་རྗེ་བསྡམས་པ་སར་གཞག་ཅིང་། །བྱམས་པའི་རྡོ་རྗེ་རྣམ་དག་ཅིང་། །རྡོ་རྗེ་དཀྱིལ་འཁོར་ཐུགས་དང་བཅས། །ཕྱག་མཚན་དྲན་པ་ཐོག་མཐར་རྒྱན། །རྡོ་རྗེ་ས་གཞི་ར་བ་དང་། །གུར་སོགས་ཁྲོ་བོ་མེ་འོད་བཅས། །གཙོ་བོ་གར་གྱི་དབང་ཕྱུག་སྐུས། །པད་བཅས་ཐལ་མོ་ལན་གསུམ་བརྡབ། །འོད་འཕྲོས་གནས་ཀུན་གཡོས་པ་ལ། །ལྷ་མོ་གསེར་མདོག་རྒྱན་གྱིས་མཛེས། །མེ་ཏོག་ཕྲེང་བ་བུམ་ཐོགས་པའི། །ལུས་ཕྱེད་ ― DNG013_Page_0035 ―
[མ་དཔེ་གཟིགས་ན་འདིར་གནོན།]
ས་ལས་འཐོན་བྱས་ཏེ། །མཐུན་ན་བཀའ་ཉན་ཚུལ་དུ་གནས། །མཆོད་བསྟོད་ཞལ་བསིལ་སོགས་འབུལ་ཞིང་། །དྲི་ཞིམ་ལས་རྣམས་མ་རྫོགས་པར། །དེ་སྲིད་མི་འགྱུར་བརྟན་བཞུགས་ནས། །བདུད་སོགས་བསྒོ་བའི་ངག་བཅས་མཛད། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱིས། །ས་དང་ཕ་རོལ་ཕྱིན་པ་ལས། །ལྷ་མོ་ཁྱོད་ནི་དཔང་དུ་ཤོག །ཇི་ལྟར་རྒྱལ་བ་ཐམས་ཅད་ཀྱིས། །བདུད་ཀྱི་སྡེ་རྣམས་འཇོམས་མཛད་པ། །དེ་བཞིན་བདག་གིས་བདུད་ལས་ཀྱང་། །རྒྱལ་བར་བྱས་པའི་དཀྱིལ་འཁོར་བརྩམ། །དེ་ནས་སློབ་དཔོན་རྒྱན་རྫོགས་པའི། །རྡོ་རྗེ་དྲིལ་འགྱིང་བཅས་པ་ལ། །དམ་ཚིག་ཉེ་བར་བསྐུལ་བ་ཡི། །གླུ་དག་ཕྱོགས་བཞིའི་གནས་ནས་གདོན། །རྒྱལ་བས་འགྲོ་བའི་མགོན་གྱུར་པའི། །ཆོས་ཀྱི་མེ་ལོང་གསལ་བ་སྟོན། །བདེར་གཤེགས་རྣམས་ཀྱི་གསང་བ་པ། །རྡོ་རྗེ་གསང་གསུམ་དམ་ཚིག་མཆོག །ཡེ་ཤེས་དྲི་མ་མེད་པའི་ཚུལ། །སྒྲིབ་སོགས་མ་ལུས་བྲལ་བྱེད་པའི། །རྡོ་རྗེ་པདྨོ་མཉམ་པའི་དབྱིངས། །དཀྱིལ་འཁོར་ཆེན་པོ་དྲུག་ཅུའི་བདག །ཐེག་ཆེན་ཆོས་ཀྱི་འཁོར་ལོའི་མཛོད། །གསང་གསུམ་པདྨོ་དག་པའི་དབྱིངས། །སོ་སོར་གསལ་བའི་དོན་བསྟན་པ། །རྡོ་རྗེ་ལྟ་བུས་གནས་ཀུན་སྦྱོར། །ཟབ་ཅིང་རྒྱ་ཆེན་སྒྲ་སྣ་ཚོགས། །ཆོས་ཀྱི་འཁོར་ལོ་བཤད་པའི་དུས། །རྒྱལ་པོ་ཡོན་ཏན་དཔེ་དང་བྲལ། །རིན་ཆེན་ལྷུན་པོའི་མཛོད་མངའ་བ། །ཉམས་དགའ་ཐུགས་རྗེའི་ཞིང་རྣམས་དགོངས། །བདག་མེད་མཉམ་པའི་ཡེ་ཤེས་ཅན། །ཕྲིན་ལས་དག་པས་ཟད་པར་མཛོད། །གསང་གསུམ་སྣ་ཚོགས་རྡོ་རྗེའི་བདག །རིགས་མཆོག་ཤེས་རབ་བརྩོན་བྱེད་ཅིང་། །སྤྱན་བཟང་དག་པས་འགྲོ་ལ་གཟིགས། །སླར་ཉིད་ཁྲོ་བོ་ཆེན་པོའི་སྐུ། །ཞལ་ལྔ་ཕྱག་ཆ་སྣ་ཚོགས་འཛིན། །འཇིགས་བྱེད་འབར་བའི་སྐུར་གནས་ཏེ། །མགུར་ནས་ཧཱུྃ་བསྒོམས་སྒྲ་སྒྲོགས་ཤིང་། །རྡོ་རྗེ་པདྨ་ལྟ་བ་ཡིས། །ལྷ་རྣམས་བདག་ལ་བསྡུ་བྱེད་ཅིང་། །མ་དང་ཏ་ལས་བྱུང་བ་ཡི། །མིག་གཉིས་ཉི་ཟླའི་དཀྱིལ་འཁོར་བརྗིད། །འབར་ཞིང་ཐམས་ཅད་དག་བྱས་ནས། ། ― DNG013_Page_0036 ―
[མ་དཔེ་གཟིགས་ན་འདིར་གནོན།]
སླར་ཉིད་རང་གི་དཀྱིལ་འཁོར་རྫོགས། །ཤངས་ཀྱི་རླུང་སྒྲོམ་འབར་བ་ནས། །འཇིག་རྟེན་ཐམས་ཅད་འབར་བྱེད་པ། །རྡོ་རྗེའི་འགྲོས་ལས་བྱུང་བ་ཡི། །སྣ་ཚོགས་ས་གཞིར་བརྟན་པར་བྱས། །ཨོཾ་སུམྦྷ་ནི་སུམྦྷ་ཧཱུྃ། གྲྀ་ཧྞ་གྲྀ་ཧྞ་ཧཱུྃ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུྃ་ཧཱུྃ། ཨཱ་ན་ཡ་ཧོ་བྷ་ག་བཱན་བིདྱཱ་རཱ་ཛ་ཡ་ཧཱུྃ་ཧཱུྃ་ཕཊ། ཕྱག་གི་མཚན་མ་ཀུན་འཁྲོལ་ཞིང་། །ཁྲོ་བོའི་དཀྱིལ་འཁོར་སྤྲོ་བར་བྱེད། །ཧཱུྃ་ལྷ་དབང་རླུང་ལྷ་ཡི་ཚོགས། །གནོད་སྦྱིན་དྲི་ཟ་སྲིན་པོ་དང་། །ཤ་ཟ་གཤིན་རྗེ་མ་མོའི་ཚོགས། །མཁའ་འགྲོ་གནོད་སྦྱིན་མ་ལུས་རྣམས། །གང་དག་ས་གཞི་འདིར་གནས་པ། །སྲུང་བྱེད་ས་ཡི་བདག་པོར་བས། །ཐོས་པ་ཙམ་གྱིས་མྱུར་བར་དེངས། །ང་ཡི་བཀའ་ལས་འདའ་མ་བྱེད། །གང་ཞིག་གནས་པའི་མཐུ་བོ་ཆེ། །པདྨ་རྡོ་རྗེ་ཁ་ཊྭཱཾ་ག །ཐལ་བའི་ཚོགས་བཞིན་རླག་པར་བྱེད། །རབ་འབར་ཁྲོ་བོའི་གནས་འཇོམས་པའོ། །པདྨ་འབར་བའི་གཟུགས་འདི་ཡིས། །གལ་ཏེ་གང་གི་དམ་ཚིག་བཅག །འདོད་གསུམ་སྐྱེ་གནས་གསལ་བྱས་ཏེ། །འཇིགས་པར་འགྱུར་ཞིང་གཞན་འདིས་མེད། །ས་ལས་ཡོངས་སུ་བསྐོར་བྱས་ཏེ། །བགེགས་བྱེད་བྱ་ཕྱིར་ཕུར་བར་གདབ། །ཨོཾ་གྷཱ་ཏ་ཡ་གྷཱ་ཏ་ཡ་སརྦ་དུཥྚན་ཕཊ། ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ། བཛྲ་དྷ་རོད་ཨཱ་ཛྙཱ་པ་ཡ་ཏི་ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ། ལག་པ་བསྐྱོད་ཅིང་རྐང་པ་བསྐྱོད། །ངོ་མཚར་ཁྲོ་བོའི་ཟུར་མིག་བཞིན། །སྨིན་མ་ཁྲོ་གཉེར་གཡོན་མཛད་ཅིང་། །ཁ་ཡི་པདྨ་འཛུམ་བཅས་པས། །སོ་སོའི་ཕྱག་རྒྱ་གནས་སུ་བསྒྱུར། །འགྱིང་བག་བཅས་པས་ཞལ་ལ་བསྟོད། །རྟ་མཆོག་ཁྲོ་བོའི་གར་ཐབས་ཀྱིས། །ཞི་རྒྱས་དབང་དང་དྲག་པོའི་ཚུལ། །བ་ཡི་རྣམ་ལྔ་དྲི་བསྲེས་ཆུས། །དཀྱིལ་འཁོར་ས་གཞི་ཉེར་བྱུགས་ནས། །ལྷ་རྣམས་གནས་སུ་དྲི་ཡི་ཆུས། །ཐིག་ལེ་གྲུ་བཞིར་ཟླུམ་པོར་བྱ། །རང་གི་སྔགས་དང་མེ་ཏོག་རྣམས། །སོ་སོའི་གནས་སུ་དགྲམ་པར་བྱ། །དབུ་རྒྱན་རོལ་མོ་མཆོད་པའི་ཚོགས། །ལྷ་མགོན་གནས་ཀྱི་ཉེ་འཁོར་མཛེས། །དཀྱིལ་འཁོར་ལྷ་རྣམས་ཉེ་བའི་ས། ། ― DNG013_Page_0037 ―
[མ་དཔེ་གཟིགས་ན་འདིར་གནོན།]
མཆོད་ཅིང་བསྟོད་པས་མཉེས་པར་བྱ། །ཆོ་གའི་ཡན་ལག་རྫོགས་པ་དང་། །བཟོད་གསོལ་བསྐང་བའི་དོན་ཆེད་དུ། །རྡོ་རྗེ་དྲིལ་འཛིན་དཔའ་བོ་ཡིས། །ཕྱོགས་རྣམས་ཀུན་ཏུ་བསྐོར་བར་བྱ། །ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་བ། སུ་པོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་ཏོ་ཥྱོ་མེ་བྷ་བ། སརྦ་སིདྡྷིཾ་མེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡ་ཀུ་རུ་ཧཱུྃ། ཧ་ཧ་ཧ་ཧ་ཧོཿ།བྷ་ག་ཝཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩ། བཛྲཱི་བྷ་བ་མ་ཧཱ་ས་མ་ཡ་སཏྭ་ཨཱཿ། གསང་སྔགས་རྒྱལ་པོ་བླ་མེད་པའི། །ལན་ཅིག་བརྗོད་པ་ཙམ་གྱིས་ཀྱང་། །སྡིག་པ་མ་ལུས་ཟད་བྱེད་ཅིང་། །ལས་རྣམས་ཐམས་ཅད་འགྲུབ་པར་བྱེད། །པུས་མོ་ས་ལ་བཙུགས་བྱས་ཏེ། །ལག་པ་གཡས་པ་སྤོས་འཛིན་ཅིང་། །གཡོན་པས་དྲིལ་བུ་དཀྲོལ་བྱས་ཏེ། །ཚིག་འདིས་གསོལ་བ་གདབ་པར་བྱ། །ཨོཾ་བདེར་གཤེགས་སྟོབས་བཅུ་བརྩོན་ལྡན་འགྲོ་བའི་མགོན། །མི་འཇིགས་ལ་སོགས་ཡོན་ཏན་རྩལ་མེད་ལྡན། །རིགས་གཉིས་ཐབས་ཀྱིས་བརྒྱུད་པའི་དཀྱིལ་འཁོར་ཆེ། །བསྙེངས་པ་མི་མངའ་ཐུགས་རྗེ་ཤུགས་ཆེན་པོ། །དགའ་མཛད་དབང་གི་དཀྱིལ་འཁོར་ཚོགས་ཆེན་ལ། །ཚུལ་ཁྲིམས་ལ་སོགས་ཕུང་པོ་མཉེས་གྱུར་ཅིག །པདྨ་གར་གྱི་དབང་ཕྱུག་གཙོར་བྱས་པའི། །དྲི་བྲལ་ཐུགས་རྗེའི་དཀྱིལ་འཁོར་འདི་ཉིད་ནི། །མཉེས་པའི་ཚོགས་རྣམས་ཀུན་ལས་རྣམ་གྲོལ་ཞིང་། །བདེ་ལེགས་ཡོན་ཏན་ཐམས་ཅད་འབྱུང་བའི་གནས། །འདོད་ཡོན་འབྲས་བུ་ཕུན་སུམ་ཚོགས་བསྒྲུབ་དང་། །འགྲོ་རྣམས་མ་ལུས་ཐུགས་རྗེས་བཟུང་བྱེད་ཅིང་། །ཁྱེད་རྣམས་ལ་ཡང་མཆོད་པ་བྱ་བའི་ཕྱིར། །དཀྱིལ་འཁོར་རྣམ་དག་རྒྱ་ཆེན་རྩོམ་ལགས་ན། །མགོན་པོའི་བཀའ་དྲིན་རྗེས་སུ་བརྩེ་དགོངས་ཏེ། །ཁྱེད་ཀྱིས་རབ་ཏུ་གནས་པར་མཛད་འོས་ལགས། །མེ་ཏོག་དྲི་བཟངས་ཕྲེང་སོགས་འདི་བཞེས་ལ། །ཇི་སྲིད་འགྲོ་བའི་དོན་རྣམས་མ་གྲུབ་པར། །དེ་སྲིད་ཐུགས་རྗེས་བཟུང་ཞིང་བཞུགས་ ― DNG013_Page_0038 ―
[མ་དཔེ་གཟིགས་ན་འདིར་གནོན།]
ནས་ནི། །བདག་གི་གནས་སོགས་འདི་དག་བྱིན་གྱིས་རློབས། །དེ་ནས་སློབ་མ་ལ་བོས་ཏེ། ཀྱེ་རིགས་ཀྱི་བུ་ཁྱོད་ཐེག་པའི་སྣོད། །རྡོ་རྗེ་ཐེག་པའི་གཞུང་འདི་ཉོན། །དད་གུས་དགའ་བའི་ཤུགས་ཕྱུང་ཤོག །སྔོན་གྱི་དེ་བཞིན་གཤེགས་རྣམས་ཀྱིས། །ཆོ་ག་བཟང་པོ་འདི་བསྟན་བྱ། །མགོན་པོ་རྫོགས་སངས་རྒྱས་རྣམས་དང་། །མ་བྱོན་དེ་བཞིན་གཤེགས་པའི་ཚོགས། །དེ་བཞིན་ད་ལྟའི་སེམས་ཅན་རྣམས། །འགྲོ་ལ་ཕན་ཕྱིར་གནས་བཞུགས་ཏེ། །གསང་བ་ཟབ་མོ་བླ་ན་མེད། །ཆོ་ག་བཟང་པོ་འདི་སྤྱོད་པས། །སྐྱེས་མཆོག་རང་གི་གནས་ཉིད་དུ། །ཀུན་མཁྱེན་ཡེ་ཤེས་བདེ་ཆེན་བརྙེས། །གསང་སྔགས་སྦྱོར་བ་མཉམ་མེད་པར། །པདྨ་གར་དབང་དཀྱིལ་འཁོར་གྱི། །བདུད་ཚོགས་ཤིན་ཏུ་མི་བཟད་པའི། །དཔུང་རྣམས་མ་ལུས་འཇོམས་པར་མཛད། །དེ་ཕྱིར་ཀུན་མཁྱེན་ཡེ་ཤེས་ཀྱི། །བློ་གྲོས་མཆོག་འདི་ཁྱོད་ཀྱིས་ཀྱང་། །སངས་རྒྱས་ཆོས་དང་དགེ་འདུན་ལ། །ཀུན་དུ་སྐྱབས་སུ་འགྲོ་བར་གྱིས། །རྣལ་འབྱོར་མཁའ་འགྲོ་གསང་སྔགས་ཅན། །རིགས་ཀྱི་དཀྱིལ་འཁོར་སོ་སོ་ཡི། །འཁོར་ལོ་བཞུགས་པའི་ཚོགས་རྣམས་ལ། །ཀུན་ནས་སྐྱབས་སུ་འགྲོ་བར་གྱིས། །དཔའ་བོ་དཔའ་མོ་འཁོར་དང་བཅས། །བྱང་ཆུབ་སེམས་དཔའི་བདག་ཉིད་ཆེ། །ཁྱད་པར་དུ་ཡང་སློབ་དཔོན་ལ། །ཁྱོད་ཀྱིས་སྐྱབས་སུ་འགྲོ་བར་གྱིས། །དེ་ནས་ལེགས་སྤྱོད་སློབ་མ་ཡིས། །སྐྱབས་འགྲོ་བྱང་སེམས་སྡོམ་པ་བཟུང་། །དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་པོ་གཟུང་བར་བྱ། །བདག་གིས་སྡིག་པ་བྱས་པ་དང་། །བགྱིད་པ་རྗེས་སུ་ཡི་རང་བ། །མགོན་པོའི་སྤྱན་སྔར་མཆིས་ནས་སུ། །དེ་དག་ཐམས་ཅད་བཤགས་པར་བགྱི། །རྒྱལ་བ་སྲས་བཅས་འཁོར་རྣམས་དང་། །རང་རྒྱལ་དགྲ་བཅོམ་འགྲོ་རྣམས་ཀྱིས། །བསྒོམ་བཟླས་ལ་སོགས་བསོད་ནམས་ལ། །དད་པས་རྗེས་སུ་ཡི་རང་ངོ་། །སེམས་ཉིད་མངོན་པར་སངས་རྒྱས་དང་། །ཆོས་ཀྱི་འཁོར་ལོ་སྐོར་བྱེད་པའི། །ཚོགས་སྤྱོད་བྱང་ཆུབ་སེམས་དཔའ་ལ། །བདག་ནི་རབ་ཏུ་སྐྱབས་སུ་མཆི། །སངས་རྒྱས་རྣམས་ ― DNG013_Page_0039 ―
[མ་དཔེ་གཟིགས་ན་འདིར་གནོན།]
འབྱུང་ཅི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་སེམས་མཆོག་དྲི་མེད་པས། །འགྲོ་བ་རྒྱ་ཆེ་ཚོགས་ལ་དམིགས། །དུས་གསུམ་བཞུགས་པའི་འགྲོ་རྣམས་ཀྱིས། །ཐུགས་ཀྱི་དཀྱིལ་འཁོར་གསལ་མཛད་པ། །དེ་བཞིན་ཉིད་དབྱིངས་བྱང་ཆུབ་སེམས། །དུས་གསུམ་དག་ཏུ་གཏང་མི་བྱ། །རྡོ་རྗེ་སློབ་དཔོན་ལ་གུས་ཤིང་། །དུས་ཀུན་དུ་ནི་ཡོན་ཏན་བཟུང་། །རྣལ་འབྱོར་གསང་བ་སྨད་མི་བྱ། །རྡོ་རྗེ་སྤུན་ལ་མིག་བཞིན་བལྟ། །གསང་སྔགས་ཕྱག་རྒྱའི་རྣམ་པ་དག །བརྩོན་པས་དུས་གསུམ་དྲན་པར་བྱ། །དེ་ནས་ཤིས་པར་བྱ་བའི་ཕྱིར། །རང་དང་མཚན་མའི་ཡི་གེ་སྔགས། །བྱིན་བརླབས་ཡེ་ཤེས་བསྐྱེད་པར་བྱ། །སླར་ཡང་བདུག་པ་མེ་ཏོག་དང་། །མར་མེ་དྲི་ཆབ་ལ་སོགས་པའི། །རང་གི་གནས་སུ་འདུག་ཅིང་དབུལ། །བཀྲ་ཤིས་ཤིང་མཆོག་འོ་མ་ཅན། །ལོ་མ་མེ་ཏོག་འབྲས་བུར་བཅས། །རློན་པ་དྲང་ཞིང་འབུ་རྗེས་མེད། །ཆག་གས་མེད་པའི་ཚེམས་ཤིང་ནི། །སོར་ནི་བཅུ་གཉིས་དྲི་བཟངས་བྱུག །རྩེ་མོ་མེ་ཏོག་ཕྲེང་བཏགས་པ། །སྔགས་ཟློས་དྲི་ཆུས་བསང་བར་བྱ། །རིགས་ཀྱི་མཚོན་ཆར་བྱིན་བརླབས་པས། །ཨོཾ་སརྦ་པཱ་པ་ད་ཧ་ན་བཛྲ་ཤི་ཏ་ནི་སྭཱ་ཧཱ། ཡི་གེ་གསུམ་བཅས་སྔགས་བརྗོད་ཅིང་། །ཤར་དུ་ཁ་བལྟས་སློབ་མ་ལ། །བདེན་པ་བདར་ཞིང་སྦྱིན་བྱ་ཞིང་། །དེས་ཀྱང་མི་སྨྲ་བླང་བར་བྱ། །གྲི་རྩེ་ལྟ་བུས་ལྕེ་བཞར་ཞིང་། །ཕྲ་མོའི་ཕྱོགས་ཀྱིས་སོ་བྲུད་དེ། །ས་གཞི་དྲི་ཡིས་བྱུགས་པ་རུ། །ཕན་ཚུན་མི་ལྟ་དོར་བར་བྱ། །ཤར་ལ་སོགས་པའི་ཕྱོགས་ཀུན་གྱིས། །ཞི་སོགས་དངོས་གྲུབ་མཚན་མ་བརྟག །གྱེན་ཐུར་རབ་དང་འབྲིང་གིས་ལྟ། །མཚམས་ཀྱིས་འཇིག་རྟེན་ལས་རྣམས་འགྲུབ། །ལས་དག་པ་ཡི་སྔགས་བཟླས་ནས། །སྦྱང་ཞིང་བྱིན་གྱིས་བརླབས་བྱས་པའི། །ཆུ་གཙང་དྲིས་སྦྱང་ཁྱོར་བ་གསུམ། །ཉེ་རེག་འཐོར་བའི་ཚུལ་དུ་སྦྱིན། །ཨོཾ་ཧྲི་བི་ཤུད་དྷ་སརྦ་དྷརྨ་པཱ་པ་ནི་ཙཱ་ཤ་བི་ཤོ་དྷརྨ་སརྦ་ཀལྤན་ཨ་པ་ན་ཡ་ཧཱུྃ། གཙང་མའི་རས་ལ་ལེགས་ ― DNG013_Page_0040 ―
[མ་དཔེ་གཟིགས་ན་འདིར་གནོན།]
བཀལ་བའི། །སྲུང་སྐུད་མདུད་པ་གསུམ་ལྡན་པའི། །ཡི་གེ་གསུམ་གྱི་སྔགས་བཟླས་ནས། །དེ་ཡི་དཔུང་པ་གཡོན་པར་བཅིང་། །ཀུ་ཤ་རྩེ་མོ་མ་འཁྲུགས་པའི། །བམ་པོ་གཉིས་སུ་སྦམས་པ་ཡིས། །ཡབ་ཡུམ་གཉིས་སུ་བྱིན་བརླབས་པའི། །སྔས་དང་སྟན་དུ་སྦྱིན་པར་བྱ། །ཨོཾ་སརྦ་དུསྡི་ཀུ་རུ་སྭཱ་ཧཱ། དགའ་བའི་གཏམ་གྱིས་གཟེངས་བསྟོད་ཅིང་། །མཆོད་པ་གཏོར་མའི་ཚོགས་བཅས་པས། །ལྷ་ཚོགས་རྣམས་ལ་བསྔོ་བྱས་ནས། །བདེན་པ་བརྗོད་ཅིང་ཅི་བདེར་ཉལ། །མི་སྨྲ་དགེ་བའི་སེམས་བཅས་པས། །རྨི་ལམ་མཚན་མ་བརྟག་པར་བྱ། །སླར་ཉིད་སློབ་དཔོན་ནང་སོང་སྟེ། །དཀྱིལ་འཁོར་གསལ་བའི་ཏིང་འཛིན་གྱིས། །ལྷ་རྣམས་མཆོད་ཅིང་བསྟོད་བྱ་སྟེ། །དགེ་བའི་སེམས་ཀྱིས་ཉལ་བར་བྱ། །དེ་ནས་སྐྱ་རེངས་ཤར་དུས་སུ། །སློབ་དཔོན་སློབ་མ་སྔས་འོངས་ཏེ། །ཀྱེ་ཀྱེ་བཞིན་བཟངས་རྣམས་ལོངས་ཤིག །རྨི་ལམ་མཚན་མ་ཅི་མཐོང་བ། །བདེན་པ་བརྗོད་པའི་དུས་ཡིན་ནོ། །དེས་ཀྱང་ཅི་བཞིན་སྨྲ་བར་བྱ། །རབ་འབྲིང་མཚན་མའི་ལྟས་བསྟན་ཅིང་། །ངན་པའི་ལྟས་རྣམས་བཟློག་པར་བྱ། །སྦྱིན་སྲེག་གཏོར་མ་ལ་སོགས་དང་། །བ་ཡི་རྣམ་ལྔས་བྱུག་པར་བྱ། །དངོས་རྣམས་མཚན་མ་ལས་གྲོལ་བའི། །སྟོང་པ་ཆེན་པོ་ཡེ་ཤེས་བསྒོམ། །རིན་ཆེན་རྒྱུ་ལས་བྱུང་བ་ཡི། །བུམ་པ་མགུལ་རིང་ལྟོ་བ་ཟླུམ། །ཁ་ཁྱེར་ཞབས་བཏེག་འཕེལ་ཀ་ཆེ། །དྲི་ཞིམ་ཚོན་དཀར་ལེགས་བྱུགས་ཏེ། །པདྨའི་དཀྱིལ་འཁོར་ལེགས་གནས་ཏེ། །སོ་སོའི་མཚན་མའི་ཡི་གེ་རྒྱན། །རྣམ་རྒྱལ་བུམ་པ་ལ་སོགས་རྣམས། །མཆོད་ནས་སྟན་ལ་དགྲམ་པར་བྱ། །རིན་ཆེན་སྣ་ལྔ་འབྲུ་ལྔ་དང་། །སྙིང་པོ་ལྔ་དང་སྨན་ལྔ་དང་། །བཀྲ་ཤིས་རྫས་ལྔ་གཞུག་པར་བྱ། །མགུལ་ཆིངས་གཟུངས་ཐག་ཁ་རྒྱན་སོགས། །དམ་ཚིག་ལྷ་རྣམས་གསལ་བྱས་ནས། །ཡེ་ཤེས་སྐུ་དང་གཉིས་མེད་པར། །མཆོད་བསྟོད་སྔགས་ཀྱི་བཟླས་པ་བྱ། །སྔགས་བཅས་ཆུ་དང་གཉིས་མེད་གནས། །དཀྱིལ་འཁོར་གྲུབ་པའི་དུས་དག་ཏུ། །རང་རང་གནས་ཀྱི་ཕྱོགས་སུ་དགྲམ། །དམ་ཚིག་ ― DNG013_Page_0041 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་གསལ་བྱས་ནས། །ཡེ་ཤེས་ལྷ་དང་གཉིས་མེད་པའི། །ཐབས་དང་ཤེས་རབ་འདྲེལ་བྱས་པས། །དཀྱིལ་འཁོར་ས་ལ་ཐིག་གདབ་བྱ། །ཤེས་རབ་སྤྱན་མཛེས་བཅུ་དྲུག་ལོན་པ་འམ། །ཇི་བཞིན་བྱིན་གྱིས་བརླབས་ནས་ཀྱང་། །དཀྱིལ་འཁོར་བསྒྲུབ་པ་གནས་བྱའོ། །གཙང་མའི་རྒྱུ་ལས་བྱུང་བའི་རས། །ཁ་དོག་ཉི་ཤུ་རྩ་ལྔའམ། །ལྔ་ལས་བྱུང་བའི་སྐུད་པ་དག །བྱིན་གྱིས་བརླབ་ཅིང་བསྒྲིལ་བར་བྱ། །སྟོང་པ་ཉིད་ཀྱིས་སྦྱང་བྱས་ནས། །རིགས་ཀྱི་ལྷ་རུ་གནས་པ་དག །མཆོད་བསྟོད་སྔགས་བཅས་བསྒྲིལ་བར་བྱ། །ཨོཾ་བཛྲ་ས་མ་ཡ་མུ་ཏྲ་མ་ཏི་ཀྲ་མ་ཧཱུྃ། ཨོཾ་ཨཱཿཧཱུྃ། ཛ་གདགས་པ་ཡི་སྔགས་བརྗོད་ཅིང་། །རྡོ་རྗེ་སློབ་དཔོན་ཐུགས་ཀ་ནས། །སློབ་མས་སྨིན་མཚམས་དྲང་པོར་ཐེན། །དེ་ལ་གནས་ཀྱི་ནུབ་དང་ཤར། །འོད་འཕྲོས་བྱང་སེམས་ཐུགས་རྗེ་ཆེ། །ནམ་མཁའི་དཀྱིལ་འཁོར་མངོན་པར་ལྟ། །རྡོ་རྗེ་ལྟེ་བས་ཕྱོགས་དང་མཚམས། །དཀྱིལ་འཁོར་ཆེན་པོ་རྫོགས་པར་བསྟན། །སྟོབས་མཆོག་དཔའ་བོ་དགོངས་སུ་གསོལ། །རྡོ་རྗེ་ཐིག་སྐུད་སྒྲར་ལྡན་པས། །ནམ་མཁའི་དཀྱིལ་འཁོར་ལེགས་གྲུབ་ཅིང་། །འགྲོ་བའི་དོན་ལ་བསྐུལ་བར་མཛོད། །ཨོཾ་ཨ་ནུ་ན་ཨ་ནུ་ག་ཏོ་སརྦ་དྷརྨ་པ་ར་པ་ར་ཨ་ནུ་ག་ཏ་སརྦ་ཨ་ནན་ཏ། ཨ་བ་ཏ་ར་སརྦ་དྷརྨ་ཧཱུྃ། ལྷ་རྣམས་མདུན་དུ་བཞུགས་འགྱུར་ནས། །མཆོད་བསྟོད་དབང་པོའི་ཚུལ་དུ་དགོངས། །རྡོ་རྗེ་ཁུ་ཚུར་སར་བཞག་ཅིང་། །ཤར་ནས་ནུབ་ཏུ་བརྐྱང་བ་ཡི། །ཚངས་ཐིག་དང་པོ་གདབ་བྱས་ནས། །དེ་བཞིན་སྒོ་ནས་ཚད་ཀྱིས་ནི། །ཟུར་བཞི་ཤིན་ཏུ་ལེགས་པར་གཞལ། །རྡོ་རྗེ་ལྷོ་བྱང་གཉིས་པ་དང་། །མཚམས་ཀྱི་ཐིག་རྣམས་གདབ་པར་བྱ། །ལོགས་ཐིག་གྲུ་བཞི་མཉམ་འགྱུར་ནས། །བརྒྱད་དང་བཅུ་དྲུག་དག་ཏུ་བགོ། །བར་ཁྱམས་ཕྱི་ཁྱམས་མ་གཏོགས་པའི། །གཞན་དག་ཆ་ཕྲན་བཞི་བཞིར་བགོ། །ཐིག་གི་ཆོ་ག་རྫོགས་པ་དང་། །ཡེ་ཤེས་སྐུད་པས་མཆོད་བསྟོད་ཅིང་། །རྡོ་རྗེ་ཁུ་ཚུར་སྔགས་བཅས་ཀྱིས། །རང་གི་གནས་སུ་གཤེགས་གསོལ་བྱ། །ཨོཾ་བཛྲ་ ― DNG013_Page_0042 ―
[མ་དཔེ་གཟིགས་ན་འདིར་གནོན།]
ག་ཛཿ། དཀྱིལ་འཁོར་བདག་པོའི་ང་རྒྱལ་གྱིས། །མིག་གཉིས་མ་དང་ཏ་ལས་བྱུང་བར་བསམ། །དཀྱིལ་འཁོར་གནས་རྣམས་ཀུན་བལྟས་ཏེ། །སྔགས་དང་ཕྱག་རྒྱ་བཅས་པ་ཡིས། །སྒོ་དག་བཞི་པོ་དབྱེ་བྱས་ནས། །ཆ་ཕྲན་དག་ཀྱང་བློ་ཡིས་བརྟག །རྡོ་རྗེ་སློང་བའི་ཕྱག་རྒྱ་ཡིས། །རི་མོའི་མཁར་ནི་བཏེག་བྱས་ཏེ། །འབྱུང་འཇུག་གསང་བའི་ཆོ་ག་དག །རྣལ་འབྱོར་བརྟན་པ་ཡིད་ཀྱིས་བྱས། །ཨོཾ་བེ་གཱ་ཀྲ་མ་ཧཱུྃ། པདྨ་རང་བཞིན་རྣམ་དག་པས། །དཀྱིལ་འཁོར་འབྱུང་བའི་གནས་ཆེན་པོ། །ཐུགས་རྗེ་ཡེ་ཤེས་རྣམ་འཕྲུལ་ཚོགས། །ཁྱབ་མཛད་བྱིན་བརླབས་སྟོན་པའི་གཙོ། །རྒྱལ་བ་རྣམས་ཀྱི་སྐུ་གསུང་ཐུགས། །ཡོན་ཏན་ཕྲིན་ལས་རྨད་དུ་འབྱུང་། །མ་ལུས་སེམས་ཅན་དོན་གྱི་ཕྱིར། །ཕོ་བྲང་དག་པར་བྱིན་གྱིས་བརླབས། །ཕྱོགས་མཚམས་མ་ལུས་རྣམ་དག་པས། །བྱང་ཆུབ་ཡེ་ཤེས་གནས་གསལ་འགྱུར། །ཉོན་མོངས་ཉེས་ཚོགས་ཀུན་བཅོམ་པའི། །ཐུགས་རྗེ་ཆེན་པོ་དྲི་མེད་ཤུགས། །ཡེ་ཤེས་བྱིན་བརླབས་ལས་བྱུང་བའི། །དཀྱིལ་འཁོར་གསང་བ་གྲུབ་པར་མཛོད། །རིན་ཆེན་རྣམ་ལྔའི་ཕྱེ་མ་དང་། །ས་ཚོན་ལ་སོགས་གང་འབྱོར་པ། །རིན་པོ་ཆེ་ཡི་སྣོད་བླུགས་ཏེ། །དཀྱིལ་འཁོར་གནས་ཀྱི་ཕྱོགས་ལྔར་བཞག །སྦྱང་ཞིང་བྱིན་གྱིས་བརླབས་བྱས་ན། །རིགས་ལྔའི་སྐུད་ཚོགས་ཡུམ་བཅས་ལ། །རིགས་ཀྱི་དཀྱིལ་འཁོར་དབུས་སོགས་དང་། །མཆོད་བསྟོད་སྔགས་ཀྱིས་མཉེས་པར་བྱ། །ཨོཾ་བཛྲ་ཙི་ཏ་མ་ཏི་ས་མ་ཡ་ཧཱུྃ། དཀར་མཐིང་སེར་པོ་ལྗང་གུ་དང་། །དམར་པོའི་ཚོན་རྣམས་རིམ་བཞིན་དུ། །དབང་ལྡན་མཚམས་ནས་བརྩམ་བྱས་ཏེ། །པཉྩ་རཱ་ག་དྲང་བར་བྱ། །གཡས་པས་པདྨ་རྡོ་རྗེ་བཟུང་། །གཡོན་པས་འདྲེན་པའི་ལས་བྱའོ། །དེ་ལ་མཆོད་འབུལ་སྔགས་བརྗོད་ཅིང་། །བདེན་པ་བདར་ཏེ་དགབ་པར་བྱ། །འདི་ནི་ཆོས་དབྱིངས་རྣམ་པར་དག །སེམས་ཅན་ཁམས་ནི་རང་སྒྲོལ་བྱེད། །དཔལ་ལྡན་པདྨ་གར་དབང་ནི། །དེ་བཞིན་གཤེགས་པ་ཀུན་གྱི་གནས། །ཡང་དག་བདེན་པའི་བྱིན་བརླབས་ཀྱིས། །དཀྱིལ་ ― DNG013_Page_0043 ―
[མ་དཔེ་གཟིགས་ན་འདིར་གནོན།]
འཁོར་ལས་རྣམས་ཤིས་པར་མཛད། །དབུས་ཀྱི་ལྟེ་བ་ནས་བརྩམས་ཏེ། །དང་པོ་སློབ་དཔོན་གྱིས་བྲི་ཞིང་། །ཕྱིས་ནི་ཅི་དགར་ཤེས་པར་བྲི། །མཐོ་དམན་མེད་སྙོམས་དྲང་པོར་བྱ། །དེ་ནས་མཚན་མ་རྟགས་བསྟན་ཏེ། །ཆད་ཅིང་སྨྲ་བས་མི་འགྲུབ་སྟེ། །ཡོན་པོས་གདུང་བའི་ལས་རྣམས་སྐྱེ། །ཆད་པས་སློབ་དཔོན་སློབ་མ་དག །ཤི་ཐམ་ངན་པར་འགྱུར་བ་ཡིན། །ལྟག་དང་བཅས་པས་གཡུལ་འཁྲུགས་ཤིང་། །ཕྱོགས་འཁྲུལ་པ་ཡིས་སྨྱོ་བར་འགྱུར། །དབུས་ཀྱི་དཀྱིལ་འཁོར་གནས་དག་ཏུ། །རེའུ་མིག་ཉི་ཤུ་རྩ་ལྔ་ལས། །བདེར་གཤེགས་གཙོ་བོའི་རིགས་སུ་བཅས། །ཕྱག་རྒྱའི་ཡི་གེ་མཚན་མ་བྲི། །ཕྱི་རོལ་པདྨའི་འདབ་གནས་ལ། །ཉི་ཤུ་རྩ་བཞི་ཚོགས་རྣམས་ལ། །བྱང་སེམས་ཁྲོ་བོ་བཅས་པ་དག །ཤར་ནས་རིམ་བཞིན་བྲི་བར་བྱ། །ཕྱི་དང་ནང་གི་མཚམས་རྣམས་སུ། །མཆོད་པའི་ལྷ་མོ་བརྒྱད་རྣམས་བཞག །བར་ཁྱམས་བསྐལ་བཟངས་སེམས་དཔའ་རྣམས། །སྒོ་བཞིར་ཁྲོ་བོའི་ཚོགས་གཞག་གོ། །དབུས་ཀྱི་དཀྱིལ་འཁོར་དབུས་སོང་སྟེ། །བདེར་གཤེགས་འོད་ཟེར་སྣང་བ་ཡི། །པདྨོ་རྡོ་རྗེ་དྲིལ་བཅས་པས། །རང་གི་ཁ་དོག་ཚོན་བཅས་བཞག །དེ་ཡི་ཤར་ཕྱོགས་རེའུ་མིག་ལ། །ཚེ་མཐའ་ཡས་དང་ཆོས་དབང་ཕྱུག །ཆགས་མེད་འོད་དང་སྤྱན་དགའ་བའི། །པད་བརྩེགས་པདྨའི་ཕྲེང་མ་དང་། །པད་གནས་རིན་ཆེན་གླེགས་བམ་རིན་ཆེན་ཕྲེང་། །རང་མདོག་སྔགས་ཀྱིས་བརྒྱན་པ་བཞག །ཤར་གྱི་དཀྱིལ་འཁོར་དབུས་གནས་པར། །བདེ་བར་གཤེགས་པ་མི་བསྐྱོད་པ། །རྡོ་རྗེ་དྲིལ་བུའི་སྔགས་བཅས་པས། །རང་གི་འོད་བཅས་གདན་ལ་བཞག །དེ་ཡི་ཤར་ཕྱོགས་རེའུ་མིག་ལ། །འབྲུག་སྒྲ་དྲི་མ་མེད་པའི་རིགས། །མངོན་པར་སྣང་མཛད་བསྟན་དབང་ཕྱུག །ཆགས་ཤིང་རིན་ཆེན་པད་སྤུངས་པ། །རིན་པོ་ཆེ་ཡི་དྲ་བ་སྟེ། །རིམ་བཞིན་རང་མདོག་སྔགས་ཀྱིས་བརྒྱན། །ལྷོ་ཡི་དཀྱིལ་འཁོར་དབུས་གནས་པ། །བདེར་གཤེགས་རིན་པོ་ཆེ་སྦྱངས་ཀྱིས། །རིན་ཆེན་བརྩེགས་དང་དྲིལ་བུ་ལ། །རང་མདོག་སྔགས་ཀྱིས་མཚན་ ― DNG013_Page_0044 ―
[མ་དཔེ་གཟིགས་ན་འདིར་གནོན།]
བྱས་པའོ། །དེ་ཡི་ཤར་ཕྱོགས་རེའུ་མིག་ལ། །ནམ་མཁའི་མཛོད་དང་དྲ་བ་ཅན། །དཀོན་མཆོག་རྒྱལ་མཚན་རིན་ཆེན་ཏོག །རིན་ཆེན་གླིང་བུ་རིན་ཆེན་ཕྲེང་། །རིན་ཆེན་རྒྱལ་མཚན་རིན་ཆེན་བུམ། །རང་གི་འོད་བཅས་སྔགས་ཀྱིས་བརྒྱན། །ནུབ་ཀྱི་དཀྱིལ་འཁོར་དབུས་གནས་པ། །བདེར་གཤེགས་ཀུན་དུ་སྣང་བའི་འོད། །འཁོར་ལོ་དྲིལ་བུ་མཚན་མ་ལ། །རང་འོད་སྔགས་ཀྱིས་མཚན་པ་བྲི། །པདྨོ་རིགས་ཀྱི་འཁོར་ལོའི་ཚད། །བྱང་གི་དཀྱིལ་འཁོར་དབུས་གནས་པ། །བདེར་གཤེགས་དོན་ཡོད་གྲུབ་པ་ཡི། །རྡོ་རྗེ་སྣ་ཚོགས་དྲིལ་བུ་བསྣམས། །རང་གི་སྔགས་དང་ཁ་དོག་གསལ། །དེ་ཡི་ཤར་ཕྱོགས་རེའུ་མིག་ལ། །བརྩོན་འགྲུས་དང་ནི་ཤུགས་ཆེན་པོ། །གནོད་སྦྱིན་འདུལ་བ་སྣ་ཚོགས་དབང་། །རྒྱ་གྲམ་ཕྲེང་དང་པདྨ་ཕྲེང་། །རྡོ་རྗེ་གདེངས་པོ་ཟླ་ཁམ་ཅན། །འོད་འཕྲོས་སྔགས་ཀྱིས་མཚན་བྱས་པའི། །མཚམས་ཀྱི་རེའུ་མིག་བཞི་རྣམས་ལ། །འོད་འཕྲོས་པདྨ་འཛིན་པ་དང་། །པདྨ་གནོན་དང་པད་སྐྱོང་དང་། །མེ་ལོང་རིན་ཆེན་ཕྲེང་བ་དང་། །པི་ཝང་གར་གྱི་ཕྱག་རྒྱ་ལ། །རང་འོད་སྔགས་ཀྱིས་མཛེས་པར་བྱ། །ཕྱི་རོལ་པདྨའི་ཤར་བརྩམས་ཏེ། །རིགས་ཀྱི་བྱང་སེམས་བཞི་བཞིར་གནས། །བདེ་བའི་བློ་གྲོས་རྒྱ་མཚོའི་སྒྲ། །གཟི་མདངས་དང་ནི་འཁོར་ལོ་ཡི། །ནམ་མཁའི་མཛོད་ཀྱི་འཁོར་ལོ་རིན་པོ་ཆེ། །པད་ལྕུག་འཁོར་ལོ་དབྱུག་པ་རྣམས། །རང་འོད་སྔགས་ཀྱི་མཚན་མར་གནས། །ཤེས་རབ་སྣང་བ་རྡོ་རྗེ་རྒྱལ། །འོད་ཟེར་འཕྲོ་བ་དྲག་ཤུལ་གྱི། །རིན་ཆེན་ཕུང་པོ་རིན་ཆེན་གདུགས། །པདྨའི་སྡོང་པོ་འོད་ཕུང་བྲི། །དྲི་མའི་ཚོགས་དང་སྒྱུ་མ་འཕྲུལ། །རིན་ཆེན་རྒྱལ་པོ་དྲ་བ་ཅན། །རིན་ཆེན་རི་བོ་རྒྱ་གྲམ་བྲི། །ལག་བཟངས་གསེར་འོད་འཕྲོ་བ་དང་། །རིན་ཆེན་སྙེ་མ་ཆོས་མཐོང་དང་། །པདྨའི་རྒྱ་གྲམ་གླེགས་བམ་དང་། །པདྨའི་སྡོང་པོའི་གོ་ཆ་བྲི། །དྲི་མེད་མུན་པ་སེལ་བ་དང་། །དགའ་བ་དབྱངས་དང་གཞོན་ནུ་ཡི། །ཆུ་ཤེལ་ནོར་བུའི་ཕྲེང་བ་དང་། །སྤྲིན་ཕུང་རྡོ་རྗེ་རྒྱ་གྲམ་བྲི། །དེ་ནི་རིགས་ལྔའི་ ― DNG013_Page_0045 ―
[མ་དཔེ་གཟིགས་ན་འདིར་གནོན།]
སེམས་དཔའ་སྟེ། །རང་འོད་སྔགས་ཀྱིས་མཚན་བྱས་པའི། །དེ་མཐར་ཁྲོ་བོ་བཞི་རྣམས་ཀྱི། །ཕྱག་རྒྱའི་མཚན་མ་བྲི་བྱས་ཏེ། །སྦྱིན་བདག་སྨྲ་བའི་དབང་ཕྱུག་དང་། །རྩེ་གསུམ་རིན་ཆེན་རྩེ་དགུ་དང་། །དབྱིག་པ་རྩེ་གཅིག་རལ་གྲིའོ། །གྲུ་ཆད་མཆོད་པའི་ལྷ་མོ་བཞི། །བདུག་སྤོས་མེ་ཏོག་མར་མེ་དྲི། །ཕྱི་རོལ་བར་ཁྱམས་གནས་དག་ལ། །ཕྱོགས་རེ་སེམས་དཔའ་བཞི་བཞི་སྟེ། །རྡོ་རྗེ་རྣམ་སྣང་གར་མཁན་དང་། །བློ་ཡི་རྒྱ་མཚོ་ཐོགས་མེད་བཀོད། །རྡོ་རྗེ་མཚན་མ་གསང་སྔགས་བཅས། །རང་འོད་གནས་གདན་དག་ལ་བྲི། །པདྨོ་དགའ་བའི་ས་ལ་དབང་། །རིན་ཆེན་སྤུངས་པ་སྤྲིན་གྱི་ཕྲེང་། །རིན་ཆེན་མཚན་མ་སྔགས་དང་བཅས། །རང་འོད་གདན་ལ་གནས་པ་བྲི། །ཡིད་འོང་མེ་ཏོག་སྒྲོན་མ་དང་། །སྤོས་བརྩེགས་ཁ་ལོ་སྒྱུར་བ་དང་། །པདྨའི་མཚན་མ་སྔགས་དང་བཅས། །རང་འོད་གདན་ལ་གནས་པར་བྲི། །དྲན་དབང་པདྨའི་བློ་གྲོས་དང་། །ལས་བྱེད་སྙིང་པོའི་བློ་གྲོས་དང་། །རྒྱ་གྲམ་མཚན་མ་སྔགས་དང་བཅས། །རང་འོད་གདན་ལ་གནས་པར་བྲི། །ཤར་སོགས་པ་ཡི་སྒོ་རྣམས་སུ། །ཁྲོ་བོའི་འཇིགས་པའི་རྒྱལ་པོ་ཡི། །རྡོ་རྗེ་རྒྱ་གྲམ་རྡོ་རྗེ་གདེངས། །རིན་ཆེན་དབྱུག་པ་པདྨ་ཕྲེང་། །རང་གི་ཡི་གེ་གདན་གནས་པའི། །ཕྱག་རྒྱའི་མཚན་མ་བྲི་བར་བྱ། །ཕྱོགས་བཞི་རྒྱན་དང་ཕྲེང་བ་དང་། །འདོད་ཡོན་ལྷ་མོ་ལ་སོགས་པའི། །རྒྱན་རྣམས་པདྨ་རྡོ་རྗེ་དང་། །རིན་ཆེན་འཁོར་ལོ་རྒྱ་གྲམ་གྲི། །འཕྲོ་བས་མཚན་མ་ཁ་དོག་ལྔ། །ཉི་ཤུ་རྩ་ལྔའི་འོད་བཅས་པའོ། །ཕྱི་རོལ་རྟ་བབས་དྲ་བ་སོགས། །བྷན་དྷ་དྲིལ་བུ་ཉི་ཤུ་བཞི། །གདུགས་དང་བུམ་པ་བྱ་ཡི་ཕྲེང་། །དཔག་བསམ་རྫིང་བུ་ངང་པ་དང་། །ཉི་ཟླ་མེ་ལོང་རྒྱལ་མཚན་ལྔ། །ཆོས་ཀྱི་འཁོར་ལོ་རི་དྭགས་རྣམས། །མཛེས་བྱས་ཕྱི་མཐའ་པདྨ་དང་། །རྡོ་རྗེ་མེ་འོད་མཚོན་གྱིས་བསྐོར། །དབུས་མིག་ཁ་དོག་ཉི་ཤུ་ལྔ། །པད་ཕྲེང་དམར་པོ་བར་ཁྱམས་དཀར། །སྒོ་བཞིའི་རིན་ཆེན་སྣ་བཞི་པ། །གྲུ་ཆད་གསེར་གྱི་ཁ་དོག་ཅན། །མཆོད་པ་ལྔ་དང་བུམ་དགྲམ་ཞིང་། །བླ་རྒྱན་ན་བཟའ་ཕྱོགས་རྒྱན་བྲི། །མེ་ཏོག་ཚོམ་བུ་སྔགས་བཅས་པ། ། ― DNG013_Page_0046 ―
[མ་དཔེ་གཟིགས་ན་འདིར་གནོན།]
སོ་སོའི་གནས་སུ་དགྲམ་པར་བྱ། །གཏོར་མའི་ཚོགས་མང་སྦྱར་བྱས་ནས། །ཕྱི་རོལ་ཕྱོགས་དང་མཚམས་སུ་དགོད། །ལྷ་ཡི་ཏིང་འཛིན་གསལ་བྱས་པས། །དཀྱིལ་འཁོར་ཤིས་པའི་ལས་འགྲུབ་འགྱུར། །དེ་ནས་ལྷ་རྣམས་བསྟོད་བྱས་ཏེ། །རྡོ་རྗེ་པདྨོ་དམ་ཚིག་གཞུག །ཐུགས་ཀའི་སྔགས་ཀྱིས་དགུག་བྱས་པའི། །མགྲོན་རྣམས་ཚིམ་པར་འགྱུར་བ་དང་། །དམ་ཚིག་སྔགས་ཀྱིས་བསྐུལ་བྱས་ཤིང་། །རང་གི་ཕྲིན་ལས་བཅོལ་བར་བྱ་ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་གཟུགས་བརྙན་བརྩམ་པའི་ལེའུ་སྟེ་བདུན་པའོ།། །།དེ་ནས་བྱང་ཆུབ་སེམས་དཔའི་གཙོ། །རྡོ་རྗེ་འཆང་སོགས་མགུ་འགྱུར་ནས། །རྒྱལ་བ་སླར་ཡང་བསྐུལ་བ་མཛད། །ཀུན་དོན་ཐུགས་རྗེ་ཆེན་པོའི་ཤུགས། །མ་འོངས་གསང་སྔགས་སྤྱོད་རྣམས་ཀྱིས། །དཀྱིལ་འཁོར་ཆེན་པོར་གང་འཇུག་པ། །དབང་བསྐུར་ཚུལ་བཞིན་ཇི་ལྟ་བུར། །དེ་བཞིན་རབ་ཏུ་གནས་པ་གང་། །བདག་གཞན་དོན་གྱི་ཡན་ལག་བསྲུང་། །སྦྱིན་སྲེག་རིམ་པ་ཇི་ལྟར་ལགས། །གཙོ་བོ་ཐུགས་རྗེ་ཆེར་ལྡན་པས། །མ་ལུས་གདུལ་བྱ་ཀུན་གྱི་ཕྱིར། །དུས་འདི་སྣང་བར་མཛད་ནས་ཀྱང་། །ཆོ་གའི་ཡན་ལག་རྒྱས་པ་གསུངས། །དེ་ནས་བྱང་ཆུབ་སེམས་ཚོགས་ཀྱིས། །གུས་པར་གཟུང་སྟེ་སྤྱད་པར་བགྱི། །དེ་ནས་བཅོམ་ལྡན་འདས་ཀྱི་དབང་། །ཕྱག་རྒྱ་ཤེས་རབ་རབ་བསྐྱོད་ཅིང་། །རབ་ཏུ་དགའ་བའི་བཞིན་རྒྱས་པ། །རིགས་རྣམས་ཀུན་ལ་གཟིགས་མཛད་དེ། །མཆོག་གསུམ་སྦྱིན་པའི་ཞེས་བྱ་བའི། །དོན་འདི་རབ་ཏུ་གནས་པར་མཛད། །བྱང་ཆུབ་སེམས་དཔའ་བློ་ལྡན་པའི། །མ་འོངས་གདུལ་བྱ་གང་དག་གིས། །གཉིས་མེད་གསང་བའི་ཐེག་པ་འདིར། །སྨིན་པའི་ལམ་ལ་འཇུག་འདོད་པས། །གང་གིས་མཉེས་པའི་ལས་རྣམས་ཀྱིས། །རྡོ་རྗེ་སློབ་དཔོན་མགུ་བྱས་ནས། །ཡང་དང་ཡང་དུ་གསོལ་བཏབ་སྟེ། །དཀྱིལ་འཁོར་གསང་བའི་དོན་དུ་གཉེར། །མ་ལུས་སྡུག་ ― DNG013_Page_0047 ―
[མ་དཔེ་གཟིགས་ན་འདིར་གནོན།]
བསྔལ་ལས་བསྒྲལ་ཕྱིར། །བྱང་ཆུབ་སེམས་མཆོག་རྒྱ་ཆེན་བློས། །ཕྱི་ནང་འབྱོར་པའི་ཡོ་བྱད་དག །ཐམས་ཅད་བྱང་ཆུབ་དོན་དུ་བསྔོས། །འདོད་ཆགས་རྣམ་དག་པདྨོའི་དབྱིངས། །ཆོས་ཀུན་གྱིས་ནི་དེ་བཞིན་ཉིད། །ཡེ་ཤེས་སྤྲུལ་པའི་དཀྱིལ་འཁོར་མཆོག །དེ་རིང་ཡིད་འོང་དོན་ཆེན་གཉེར། །ཨོཾ་ཨུ་ཏ་ཀ་ཏ་ས་མ་ཡ་སྟྭཾ། པདྨ་དགའ་བའི་སྐུ་མཆོག་མཉེས། །སྣ་ཚོགས་དཀྱིལ་འཁོར་འབྱུང་བའི་གནས། །མཚན་དཔེ་ཕུན་སུམ་ཚོགས་པ་ཡི། །བདེར་གཤེགས་སྐུ་ལ་ཕྱག་འཚལ་ལོ། །རྡོ་རྗེ་ཆེན་པོས་གཞན་རྣམས་འཇོམས། །མི་ཤེས་དྲི་མ་ཀུན་སེལ་བའི། །ཐུགས་མཆོག་གསང་བའི་ཆོས་མཐར་ཕྱིན། །རྡོ་རྗེ་ཐུགས་ལ་ཕྱག་འཚལ་ལོ། །གསང་སྔགས་སྙིང་པོ་གསང་བའི་ཆོས། །རབ་སྣང་པདྨའི་དབྱིངས་ནས་འཕྲུལ། །བྱང་ཆུབ་ནམ་མཁའི་མཚན་ཉིད་ཅན། །རྡོ་རྗེ་གསུང་ལ་ཕྱག་འཚལ་ལོ། །ཡོན་ཏན་རིན་ཆེན་ཆར་འབེབས་ཤིང་། །དེ་བཞིན་གཤེགས་པའི་རྒྱལ་འགྱུར་བ། །དཔལ་མཆོག་བཀྲ་ཤིས་ཕུན་སུམ་ཚོགས། །ཐེག་པ་ཆེ་ལ་ཕྱག་འཚལ་ལོ། །ཀུན་དུ་གནས་འགྱུར་ཁྱབ་པ་པོ། །ལས་མཛད་རྡོ་རྗེ་དམ་ཚིག་མཆོག །མི་མཐུན་གནས་རྣམས་རབ་འཇོམས་མཛད། །རྡོ་རྗེ་འཇོམས་ལ་ཕྱག་འཚལ་ལོ། །དངོས་གྲུབ་ཀུན་གྱི་དབང་ཕྱུག་རྒྱལ། །དཀྱིལ་འཁོར་ཆེན་པོའི་གནས་ཉིད་དུ། །དབང་བསྐུར་གསང་བ་ལས་བྱུང་བ། །དམ་ཚིག་ཡེ་ཤེས་རབ་གྲུབ་མཛོད། །ཤེས་རབ་ཆོས་ཉིད་ལས་འཕྲུལ་པའི། །རྗེས་སུ་འཇུག་པས་སྙིང་རྗེའི་ཚོགས། །ཡང་དག་བདེན་པ་ལས་བྱུང་བའི། །བྱིན་བརླབས་འདོད་པ་ཐམས་ཅད་རྫོགས། །བདེར་གཤེགས་སྤྲུལ་པའི་ཚིག་ཚོགས་ནི། །དབང་བསྐུར་རྫོགས་མཛད་པ་ཡི་རིགས། །མེ་ཏོག་ཕྲེང་བ་ལ་སོགས་པས། །སློབ་མ་བརྒྱན་པར་བྱས་ནས་ནི། །ཕྱིར་ཕྱོགས་སྟེགས་བུ་ལ་བཞག་སྟེ། །གཏོར་མ་ཕྱོགས་ཀུན་ལས་བྱིན་ནས། །ཀུན་ལ་གསོལ་འདེབས་བསྒོ་བྱ་ཞིང་། །སློབ་མ་གཞུག་པ་ཉིད་དུ་བྱ། །རས་གཙང་དམར་པོའི་རྒྱུ་ལས་བྱུང་། །གནས་གཞན་མ་སྤྱད་མ་ཉམས་པར། །རང་གི་སྔགས་ཀྱིས་བྱིན་བརླབས་ནས། །ལེགས་ ― DNG013_Page_0048 ―
[མ་དཔེ་གཟིགས་ན་འདིར་གནོན།]
པར་གདོང་ནི་གཡོག་པར་བྱ། །པདྨོའི་ཐལ་སྦྱར་རིན་ཆེན་ཕྲེང་། །སྔགས་བརྗོད་གཟུངས་འཛིན་རྩེ་གཅིག་ཏུ། །བརྟན་པོར་བྱང་ཆུབ་དོན་གཉེར་བས། །དཀྱིལ་འཁོར་གནས་སུ་མོས་པ་བསྐྱེད། །དེ་ནས་སློབ་དཔོན་བློ་ལྡན་པས། །ཐེག་ཆེན་ལམ་ལ་ཞུགས་པའི་ཕྱིར། །སློབ་མ་དག་ལ་སླར་སྨྲས་པ། །གསང་སྔགས་ལམ་མཆོག་ཟབ་པ་འདི། །ཤིན་ཏུ་བཟུང་བ་དཀའ་བ་ཡིན། །ཁྱོད་ཀྱིས་བཟུང་བར་འདོད་པ་རྣམས། །མི་སྙེམས་པ་ཡི་བློ་བསྐྱེད་ནས། །ལྟ་སྤྱོད་མཆོག་ལ་གནས་དགོངས་སོ། །ཀྱེ་མ་རྡོ་རྗེ་གསང་བའི་དོན། །ཐེག་ཆེན་སྙིང་པོ་བླ་ན་མེད། །ཚེ་འདིས་བྱང་ཆུབ་འགྲུབ་བྱེད་ཀྱང་། །རྨོངས་རྣམས་ཐེ་ཚོམ་སྐྱེ་བར་འགྱུར། །ངང་ཚུལ་བཟང་པོ་འདི་རྟོགས་པས། །དུས་གསུམ་བཞུགས་པའི་སངས་རྒྱས་རྣམས། །བྱིན་བརླབས་ངོ་མཚར་མཆོག་བརྙེས་ཏེ། །སེམས་ཅན་དོན་ཕྱིར་ཚུལ་དང་ལྡན། །ཁྱོད་ཀྱིས་སྒྲོ་སྐུར་དང་བྲལ་ཞིང་། །དད་བརྩོན་ཐེ་ཚོམ་མེད་པར་ཟུང་། །དེ་ནས་སློབ་མས་སླར་གསོལ་པ། །ཡང་དག་ཐུགས་རྗེ་ཆེར་མངའ་བའི། །མགོན་མཆོག་རྣམས་ཀྱིས་བདག་ལ་གནོང་། །འདི་དག་བདག་ལ་གཏོལ་མེད་པས། །ཁྱོད་ཀྱིས་གསུངས་བཞིན་གསོལ་བར་འཚལ། །སླར་ཡང་རབ་གུས་དང་བའི་ཡིད། །ཚུལ་ཆེན་མི་ཉན་དམ་ཚིག་མཆོག །སློབ་དཔོན་ཆེ་ལ་སྐྱབས་སུ་མཆི། །སངས་རྒྱས་དཀྱིལ་འཁོར་སྲས་བཅས་ཚོགས། །ཐུགས་མཆོག་དྲི་མེད་བདག་ལ་དགོངས། །བདག་གིས་བྱང་ཆུབ་དོན་གཉེར་བས། །དཀྱིལ་འཁོར་གནས་སུ་མོས་པ་བསྐྱེད། །གར་གྱི་དབང་ཕྱུག་བདེ་ཆེན་མཆོག །མགོན་འགྱུར་རྣམས་ལ་སྐྱབས་སུ་མཆི། །མྱ་ངན་ལས་འདས་ཕོ་བྲང་འདིར། །བདག་ཉིད་ཞུགས་པར་མཛད་པ་ལེགས། །དེ་ནས་ལས་ཀྱི་རྡོ་རྗེ་ཡིས། །གསང་བའི་མཐེ་བོ་ནས་བཟུང་སྟེ། །ཡོལ་བའི་ནང་དུ་གཞུག་པར་བྱ། །ཨོཾ་པདྨོ་སརྦ་ཏ་ཐཱ་ག་ཏ་ས་མ་ཡ་ཡོ་ག་ཙིཏྟ་ཨུཏ་པཱ་ཏ་ཡཱ་མི་ཧཱུྃ་སྭཱ་ཧཱ། དེ་ནས་གསང་བའི་གནས་ཞུགས་པས། །མཆོད་བརྙེས་རྒྱུན་བཤགས་ལ་སོགས་ཀྱིས། །སྣོད་དུ་རུང་ ― DNG013_Page_0049 ―
[མ་དཔེ་གཟིགས་ན་འདིར་གནོན།]
བར་གྱུར་པ་དང་། །དམ་ཚིག་གསུམ་སྒྲོགས་ཆུ་བླུད་ཅིང་། །རྡོ་རྗེ་གསང་བའི་དམ་སྒྲོགས་ཤིང་། །ཕྱག་རྒྱས་སྔགས་ཀྱི་གནས་གསུམ་སྦྱང་། །ཨོཾ་རྒྱལ་བ་ཀུན་གྱི་ཁྱོད་ཉིད་ནི། །བྱིན་གྱིས་བརླབ་ཅིང་བརྟན་མཛད་པས། །པདྨ་གར་དབང་དཀྱིལ་འཁོར་འདིར། །བདག་མེད་དུས་ཚིག་སྤངས་པ་དང་། །དད་མེད་བརྩོན་འགྲུས་ཉམས་པ་དང་། །བློ་དམན་ཤེས་རབ་ཆུང་བ་དང་། །བློ་དམན་རྟོག་འཛིན་ལ་གནས་ལ། །སྲོག་གི་ཕྱིར་ཡང་བརྗོད་མི་བྱ། །བདེ་ཆེན་མགོན་པོ་པད་འཆང་སྐུ། །ཁྱོད་ཀྱི་སྙིང་ལ་ཞུགས་པ་ན། །གསང་བའི་ཡེ་ཤེས་གཞན་བརྗོད་དུས། །སྙིང་ཁྲག་འཐུང་ཞིང་གཞན་དུ་ཤེས། །བདག་ནི་གར་གྱི་དབང་ཕྱུག་སྐུ། །ཁྱོད་ལ་ཐུགས་རྗེས་བཟུང་བྱེད་པས། །ང་ཡིས་བསྒོ་བའི་ཚིག་འདི་དག །འདའ་བར་རུང་བ་མ་ཡིན་ནོ། །བདག་ལ་བརྙས་ཤིང་འཁུ་བྱེད་ན། །རབ་གཏུམ་ཁྲོ་བོ་ཆེན་པོའི་སྐུ། །ཀླད་པ་ཚལ་པ་བརྒྱར་འགས་ཤིང་། །ལུས་སེམས་ངལ་སོགས་རྡུལ་དུ་བྱེད། །གནས་བཞི་འབྱུང་བའི་དཀྱིལ་འཁོར་ལ། །རང་སྔགས་ས་བོན་འོད་ཟེར་བཅས། །དབབ་པའི་གསང་སྔགས་ལན་སྟོང་དུ། །དྲི་ཞིམ་བདུག་སྤོས་དྲིལ་དཀྲོལ་ཞིང་། །ཡེ་ཤེས་སེམས་དཔའ་གཞུག་པར་བྱ། །དེས་ནི་མཚན་མའི་རྟགས་མཐོང་འགྱུར། །སྐུ་ཡི་ཡེ་ཤེས་ཕྱོགས་བཅུར་གཡོས། །གསུང་གི་ཡེ་ཤེས་གསང་བ་བརྗོད། །ཐུགས་ཀྱི་ཡེ་ཤེས་མངོན་ཤེས་གསལ། །སྔགས་གསུམ་ཕྱག་རྒྱས་བརྟན་པར་གནས། །བདེན་པའི་ཡེ་ཤེས་བྱིན་བརླབས་ཀྱིས། །དཀྱིལ་འཁོར་རིགས་ཀྱི་ལྷ་གང་ཡིན། །བདག་གིས་བསྐལ་པ་ཅི་ལྟ་བར། །དུས་འདིར་དབབ་པར་མཛད་པར་རིགས། །ནོར་བུ་ཕྲེང་བ་གར་བབ་པ། །རིགས་དེ་རང་གི་དམ་ཚིག་ཉིད། །སྔགས་དང་ཕྲེང་བ་མ་ལུས་པ། །སླར་ཉིད་དེ་ལ་སྦྱིན་པར་བྱ། །གསེར་གྱི་ཐུར་མ་བྱིན་བརླབས་པས། །མ་རིགས་ལྡོངས་པའི་ལིང་ཏོག་བསལ། །ཕྱོགས་བཅུའི་སངས་རྒྱས་ཐམས་ཅད་ཀྱིས། །ཁྱོད་ཀྱི་མིག་འབྱེད་བརྩོན་པར་མཛད། །མ་རིག་བསྒྲིབས་གཡོགས་བསལ་མཛད་ནས། །པདྨོ་སྤྱན་བཟང་དྲི་མ་མེད། །ཨོཾ་པདྨ་ཙཀྵུ་ཛྙཱ་ན་པྲ་བེ་ ― DNG013_Page_0050 ―
[མ་དཔེ་གཟིགས་ན་འདིར་གནོན།]
ཤ་ཕཊ། རྡོ་རྗེས་གདོང་གཡོགས་བསལ་བྱས་ནས། །དཀྱིལ་འཁོར་གསལ་བ་བསྟན་པར་བྱ། །ལེགས་པར་ལྟོས་ཤིག་བློ་གྲོས་ཆེ། །སྔོན་གྱི་རྒྱལ་བ་ལ་སོགས་རྣམས། །གསང་སྔགས་སྙིང་པོ་དཀྱིལ་འཁོར་འདིར། །ལེགས་པར་ཞུགས་ཏེ་གྲུབ་པ་བཞིན། །མེ་ཏོག་གང་ལ་བབ་པ་ཡི། །ལྷ་དེ་རིགས་ཀྱི་དམ་ཚིག་ཡིན། །ཤར་གྱི་སྒོ་སྲུང་ནས་བརྩམས་ཏེ། །གཙོ་བོའི་བར་དུ་དཀྱིལ་འཁོར་བསྟན། །ཞལ་ཟས་ན་བཟའ་ལ་སོགས་པས། །བླ་མ་བློ་ལྡན་མཉེས་པར་བྱ། །ཡི་དམ་ལྷ་སྐུ་ཕྱག་རྒྱ་སོགས། །གསང་བའི་མིང་དང་བཅས་པར་བསྟན། །དེ་རིང་དུས་ནས་བཟུང་བྱས་ཏེ། །རྡོ་རྗེ་འཛིན་པའི་གནས་ཐོབ་པར། །རབ་རིབ་ཐ་མའི་བློ་ལྡན་པས། །དུས་ཀུན་དུ་ནི་གཟུང་བར་བྱ། །ཀྱེ་མ་ཧོ་བློ་གྲོས་རྒྱ་མཚོའི་གནས། །འགྲོ་ལ་བསྐྱབ་པའི་དོན་བརྩོན་ལ། །ཁྱོད་ཞབས་པདྨ་ལ་བཏུད་དེ། །ཕོ་བྲང་གྲོང་མཆོག་ཉམས་དགའ་འདིར། །དབང་བསྐུར་བ་ཡི་རིན་ཆེན་མཛོད། །སྣང་མཛད་ལུས་ལ་བབ་པ་ལགས། །རིགས་བཞིན་ཐུགས་རྗེ་བརྩེ་དགོངས་པས། །དྲི་མའི་སྐྱོན་སོལ་བྱིན་བརླབས་མཛོད། །གནང་བར་མཛད་པའི་དུས་ལགས་པས། །སྐྱོབ་པའི་སྐུ་མཆོག་ཐོབ་པར་མཛོད། །ཤར་གྱི་སྒོ་ཕྱོགས་ཁྲུ་དོའི་རྒྱབ། །དབང་བསྟེན་དཀྱིལ་འཁོར་དབུས་ཀྱི་ཚད། །པདྨ་འདབ་བརྒྱད་སྒོ་དང་བཅས། །དམར་པོའི་ཚོན་གྱིས་ལེགས་བྱུགས་ཏེ། །སེང་གེའི་ཁྲི་བཤམས་པདྨོར་བཅས། །འཁོར་ལོས་སྒྱུར་རྒྱལ་ཚུལ་གྱིས་གཞག །སྤྱི་བོར་གདུགས་མཛེས་རྒྱལ་མཚན་གཡས། །དུང་དང་ཟངས་དུང་སིལ་སྙན་རྣམས། །རོལ་ཆ་མཆོད་ཆ་ཕྱོགས་མཚམས་དགོད། །རྒྱན་ཕྲེང་གོས་ཀྱིས་ལེགས་བཀླུབས་པ། །དྲི་ཆུ་སྔགས་བཅས་ཡུངས་ཀར་དང་། །ཀུ་ཤའི་ཆུ་ཡིས་དག་པར་བྱ། །ཨོཾ་མ་ཧཱ་བིན་ཏ་ཧ་ན་ཧ་ན་ཧཱུྃ་ཕཊ། དེ་ནས་རིགས་ཀྱི་ལྷར་བསྐྱེད་དེ། །བཀྲ་ཤིས་དགེ་བའི་གླུ་བླངས་ཤིང་། །རོལ་མོ་རྒྱན་ཕྲེང་བཀོད་བྱས་ཏེ། །བུམ་པའི་ཆུ་ཡིས་དབང་བསྐུར་བྱ། །དེ་ཡི་ཕྱིར་ན་སྒྲིབ་ཚོགས་དང་། །འདོད་ཆགས་ཉོན་མོངས་གནས་དག་ ― DNG013_Page_0051 ―
[མ་དཔེ་གཟིགས་ན་འདིར་གནོན།]
ནས། །ལྷ་ཡི་ཆུ་རྒྱུན་དག་པའི་མཐུས། །ཡེ་ཤེས་ཕུང་པོ་དབང་ཕྱུག་མཆོག །ཨོཾ་ལྷ་ཡི་ཆུ་ནི་དག་པའི་ཆུ། །རྡོ་རྗེ་གསང་གསུམ་གནས་ལས་བྱུང་། །བྱང་སེམས་ཆུ་ཡིས་ཚོགས་རྣམས་དག །དབང་བསྐུར་བ་ཡིས་དོན་ཐོབ་མཛོད། །ཡོན་ཏན་རིན་ཆེན་རྣམ་དག་མཆོག །རིགས་ལྔའི་སྐུ་རྒྱན་བྱས་པ་ཡི། །དབུ་རྒྱན་བཟང་པོའི་ཅོད་པན་བཅས། །ཀུན་འབྱུང་རིན་ཆེན་ཕུང་པོ་མཆོག །ཏྲཾ་ཡོན་ཏན་མ་བཅོས་པ་ཡི་རྒྱན། །རིགས་ཀྱི་དཀྱིལ་འཁོར་གསལ་བར་བྱེད། །ཁམས་གསུམ་ཆོས་ཀྱི་རྒྱལ་པོ་ཆེ། །མཚན་དང་དཔེ་བྱད་ཀུན་རྫོབ་ཀུན། །ཡེ་ནས་རྡོ་རྗེ་རྩེ་ལྔ་པ། །འོད་ཕྲེང་སྔགས་ཀྱིས་བརྒྱན་བྱས་པའི། །རྟོགས་བཅས་ཚོགས་རྣམས་ཀུན་ལས་རྒྱལ། །བདེར་གཤེགས་ཐུགས་རྗེ་རྩེ་གཅིག་པས། །ཁམས་གསུམ་གནས་རྣམས་དོར་མི་མཛད། །བྱང་སེམས་རྡོ་རྗེ་རྩེ་ལྔ་པ། །རང་རིག་ཡེ་ཤེས་གནས་གསལ་བྱེད། །ཆོས་རྣམས་སྐྱེ་བ་མེད་པའི་དོན། །སྒྲ་བརྗོད་དངོས་པོ་བྲག་ཅ་བཞིན། །སྟོང་པའི་དྲིལ་བུ་གསུང་རང་བཞིན། །དེ་ལས་སྣ་ཚོགས་རྒྱ་ཆེན་ཚོགས། ། ལྲ་ཆོས་ཀུན་རྒྱུ་ལས་རྣམ་གྲོལ་ཞིང་། །དེ་བཞིན་རྐྱེན་མེད་འབྲས་བུའི་ཚོགས། །རང་བཞིན་པདྨ་དག་པའི་དབྱིངས། །ངེས་པའི་ཐེག་པ་སྟོན་བྱེད་གསུང་། །ཀྱེ་ཧོ་རྡོ་རྗེ་ཆེ་གེ་མོ། །རིགས་ཀྱི་མཚན་གྱིས་དབང་བསྐུར་ཏེ། །ཆོས་སྐུ་འོད་གསལ་བདེ་བ་ཆེ། །པདྨའི་སྒྲ་དབྱངས་མིང་དང་བཅས། །ཨོཾ་ཕྱག་རྒྱ་ཆེན་པོ་གསང་བའི་གནས། །རྡོ་རྗེ་ལྟ་བུའི་ཏིང་འཛིན་གྱིས། །མི་མཐུན་ལ་སོགས་བཅོམ་བྱས་ཏེ། །རྣམ་པར་སྣང་མཛད་དེ་བཞིན་གཤེགས། །ཨོཾ་བཛྲ་པདྨོ་ཨ་བྷི་ཥིཉྩཱ་མི། ཨོཾ་རཏྣ་མུ་ཀུ་ཊ་ཨ་བྷི་ཥིཉྩཱ་ཧཱུྃ། ཨོཾ་ཨ་ཏི་པ་ཏི་ཏྲཾ་ཨ་བྷི་ཥིཉྩཱ་ཧྃ། ཨོཾ་ན་མ་ཆེ་གེ་མོ་ཨ་བྷི་ཥིཉྩཱ་མི། སློབ་དཔོན་ལྷ་ལ་རབ་གུས་པས། །ཚོགས་བཅས་ཡོན་ཏན་བཟུང་བྱེད་ཅིང་། །རྡོ་རྗེ་དམ་ཚིག་པ་ཡི་སྤུན། །མིག་གི་འབྲས་བུ་བཞིན་དུ་བསྐྱང་། །འདི་དག་ལ་གུས་སྨོད་བྱེད་པ། །ཚེ་སྲོག་རྡོ་རྗེ་གཏུམ་པོས་འཕྲོག །སྔགས་རྣམས་དུས་སུ་བརྗོད་བྱ་ཞིང་། །ཕྱག་རྒྱ་རྒྱུན་དུ་བཅིང་བར་བྱ། །གསང་བའི་ཚིག་དང་མཚན་མའི་ཚོགས། །དུས་ཀུན་དག་ཏུ་ ― DNG013_Page_0052 ―
[མ་དཔེ་གཟིགས་ན་འདིར་གནོན།]
སྦ་བྱས་ཏེ། །བདུད་རྩི་ལྔ་པོ་ཤ་སོགས་རྣམས། །མཉམ་པར་ཤེས་པས་རྒྱུན་དུ་སྤྱད། །བྲོ་དྲུག་གླུ་དྲུག་སྟབས་པ་ཡི། །བརྟུལ་ཞུགས་གནས་སྐབས་དག་ཏུ་བྱ། །ཉོན་མོངས་ཆོས་ལྔ་འདོད་ཡོན་ལྔ། །དམ་ཚིག་ཉམས་པས་ཤེས་པར་སྤྱད། །རྡོ་རྗེ་དྲིལ་བུའི་ཕྱག་རྒྱ་ཆེ། །གནས་གསུམ་བརྟུལ་ཞུགས་ལ་གནས་ཤིང་། །ལུང་བསྟན་རྗེས་གནང་དབུགས་འདོན་པའི། །ཆོ་ག་བཟང་པོ་སྤྱད་པར་བྱ། །དེ་ནི་རྡོ་རྗེ་སློབ་དཔོན་མཆོག །ཡོན་ཏན་བཟའ་བའི་གནས་ཐོབ་འགྱུར། །རྡོ་རྗེ་དྲིལ་བུའི་ཕྱག་རྒྱ་སྐུ། །ཡང་དག་སྔགས་ཀྱིས་བྱིན་བརླབས་ཏེ། །མ་འོངས་བཟུང་བའི་བློ་གནས་པས། །གསང་བའི་དམ་ཚིག་རྗེས་སུ་ཟུང་། །ཨོཾ་སརྦ་ཏ་ཐཱ་ག་ཏ་སྭ་ར་པདྨ་ས་མ་ཡ་སྟྭཾ། ཨོཾ་ད་དུ་ཤྲཱི་པདྨོ་གྷཱཾ་དྷ་ཨ། ཨོཾ་མ་ཧཱ་པདྨོ་སྭཱ་ཧཱ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་ཧཱུྃ་ཕཊ། མཆོད་པ་བཀྲ་ཤིས་བཟང་ལ་ཀླགས། །བརྟུལ་ཞུགས་མཆོག་ཏུ་གྱུར་པ་ཡིན། །བདག་དང་གཞན་གྱི་དོན་སྤྱོད་པའི། །དངོས་གྲུབ་ཐུན་མོང་ཆོ་གའི་ལས། །ཞི་རྒྱས་དབང་དང་དགུག་པ་དང་། །དབྱེ་རྨོངས་བསྐྲད་པའི་ཆོ་ག་དང་། །གསང་བ་ལ་སོགས་ལས་རྣམས་ཀུན། །གསང་བའི་དཀྱིལ་འཁོར་འདི་ཡི་ཚུལ། །ཁྱོད་ཀྱིས་གང་འདོད་གྲུབ་པར་གྱིས། །དེ་ནས་རང་བཞིན་འོད་གསལ་བའི། །པདྨའི་དཀྱིལ་འཁོར་རབ་སྦྱོར་བས། །འཁོར་བའི་ཆོས་རྣམས་ཟིལ་གནོན་ཅིང་། །ཕྱོགས་བཅུར་དམ་ཆོས་གསུང་སྒྲོགས་ཤིང་། །ཕ་རོལ་ཕྱིན་དྲུག་གནས་འཕགས་ཏེ། །སྒྲོ་འདོགས་ཐེ་ཚོམ་གཅོད་པར་བྱེད། །ལུང་བསྟན་བདེར་གཤེགས་སྲས་བཅས་ཀྱིས། །རིགས་མཆོག་མཛད་པ་བླ་ན་མེད། །རྒྱལ་བ་ཀུན་གྱིས་ལུང་བསྟན་མཛད། །ཁམས་གསུམ་འཛིན་བཅས་ཀུན་ལས་གྲོལ། །འདོད་ཆགས་བྲལ་བ་ལྟ་བུའི་སྡིག །ཁམས་གསུམ་ཀུན་ན་གཞན་མེད་དེ། །དེས་ན་འདོད་ལ་ཆགས་བྲལ་བར། །ཁྱོད་ཀྱིས་ནམ་ཡང་མ་བྱེད་ཅིག །ཨོཾ་མ་ཧཱ་ས་མ་ཡ་ཧཱུྃ་ཕཊ། གསང་སྔགས་རྒྱུན་རྣམས་འཛིན་བྱ་དང་། །ལྷ་དང་སློབ་དཔོན་གཟུང་བར་བྱ། །འདི་ནི་སངས་རྒྱས་ཐམས་ཅད་ཀྱིས། །གསུང་ ― DNG013_Page_0053 ―
[མ་དཔེ་གཟིགས་ན་འདིར་གནོན།]
གཅིག་སྒོ་ནས་གསུངས་པ་ཡིན། །འགྲོ་རྣམས་ཀུན་ལ་ཕན་པའི་བློས། །དཀྱིལ་འཁོར་ལ་སོགས་བརྩོན་པར་གྱིས། །དད་བརྩོན་ཤེས་རབ་བློ་ལྡན་པས། །གང་འདོད་འབྲས་བུའི་ཚུལ་ལ་སྦྱོར། །མཆོག་ཏུ་གསང་བའི་གྲོང་ཁྱེར་འདིར། །གང་གིས་འདོད་དོན་གང་གཉེར་བ། །དེས་ནི་སྒྲིབ་སོགས་ཀུན་སྤངས་ཤིང་། །མཆོག་གནས་ཡེ་ཤེས་གསལ་བར་སྦྱོར། །བདེ་ཆེན་གསང་བའི་ཐེག་པ་ཆེ། །ཚེ་འདི་བྱང་ཆུབ་འགྲུབ་པར་བྱེད། །ཉོན་མོངས་དགྲ་སོགས་ལས་གྲོལ་བའི། །བདེ་བ་ཆེན་པོའི་གནས་ཐོབ་པའོ། །དེ་ནས་ལྷ་དང་བཞུགས་གནས་པའི། །རྣམ་དག་དེ་ཉིད་བསྟན་བྱ་སྟེ། །མཆོད་སྦྱིན་གཏོར་ཚོགས་མགྲོན་གཉེར་ཅིང་། །བཀྲ་ཤིས་འགྲོ་བའི་ཚོགས་བསགས་བྱ། །སླར་ཡང་སློབ་མ་བློ་ལྡན་པས། །ཡོན་མཆོག་བླ་མ་ལ་ཕུལ་ཏེ། །མཎྜལ་མཆོད་པའི་ཚོགས་རྣམས་ཀྱིས། །མཉེས་བྱས་གསོལ་བ་གདབ་པར་བྱ། །ཤེས་རབ་ཡན་ལག་ཕུན་སུམ་ཚོགས། །བཅུ་དྲུག་ཡང་ན་ཉི་ཤུ་བཞི། །རྡོ་རྗེ་བླ་མ་ལ་ཕུལ་ཏེ། །བྱིན་གྱིས་བརླབས་པའི་ཆོ་ག་བྱ། །ཁྲུས་བྱས་དྲི་ཞིམ་རྒྱན་གྱིས་བཀླུབས། །སྣ་ཚོགས་སྔགས་དང་ཕྱག་རྒྱས་སྦྱང་། །རིགས་ཀྱི་ལྷ་དང་ལྡན་བྱས་པས། །དམ་ཚིག་བསྐུལ་བའི་བརྡས་མཚོན་ཏེ། །གཉིས་མེད་ཡེ་ཤེས་སྙོམས་འཇུག་བྱ། །བྱང་ཆུབ་སེམས་ཀྱི་ཆུ་རྒྱུན་གྱིས། །རང་གི་དཀྱིལ་འཁོར་མཆོད་བྱས་པས། །སློབ་དཔོན་ཚོགས་ལ་དབང་ཡང་བསྐུར། །ཇི་ལྟར་རྒྱལ་བ་སྲས་མཆོག་གིས། །འཇུག་པ་པོ་རྣམས་ཚིམ་མཛད་པའི། །གཉིས་མེད་ཡེ་ཤེས་གསང་བའི་དོན། །དབབ་པའི་ཕྱག་རྒྱ་ལས་བྱུང་བའི། །ཨ་ལ་ལ་ཧོ། ཨོཾ་ཨཱཿཧཱུྃ། ཨ་ཧོ་སུ་ཀ་རང་གི་གནས། །ཨ་ཧོ་ར་ཏི་ཚིམ་པར་མཛད། །དཀྱིལ་འཁོར་ཀུན་ལ་རང་བཞིན་གནས། །ཤེས་རབ་མཆོག་ལྡན་བྱིན་བརླབས་པ། །སློབ་མའི་ལག་ཏུ་གཏད་པར་བྱ། །རང་བཞིན་བདེ་བའི་ཡེ་ཤེས་ཉིད། །ཟག་པ་མེད་པའི་དོན་གསལ་འགྱུར། །རྣམ་རྟོག་མེད་པའི་སེམས་ཀྱིས་ནི། །རང་གི་དངོས་ཉིད་མཐོང་བར་འགྱུར། །ཨེ་མ་ཧོ་འགྲོ་བའི་གནས་འདི་དག ། ― DNG013_Page_0054 ―
[མ་དཔེ་གཟིགས་ན་འདིར་གནོན།]
དེ་བཞིན་ཉིད་ལས་གཞན་དུ་འཁྲུལ། །དེ་དག་བདེ་ཆེན་ཡེ་ཤེས་པས། །གཞན་དུ་འགྱུར་བ་ཅི་ཡང་མེད། །ཡེ་ཤེས་འདི་ནི་ཤིན་ཏུ་ཕྲ། །རྡོ་རྗེ་སྙིང་པོ་མཁའ་འདྲ་ཞིང་། །རྡུལ་བྲལ་ཐར་པ་ཞི་བའི་ཆོས། །རང་གི་རང་བཞིན་དེ་ཉིད་དོ། །དེ་ནི་སྦྱིན་སྲེག་གསང་བའི་དོན། །ཁྱེད་རྣམས་ཀུན་ལ་ཕྱིར་བཤད་དེ། །དཀྱིལ་འཁོར་ཆེན་པོ་ཕྱོགས་བཞི་འམ། །གཞན་ཡང་གནས་གཞན་གང་འཐད་པར། །ཞི་རྒྱས་དབང་དང་མངོན་སྤྱོད་དང་། །ལས་ཀུན་པ་ཡི་ཐབ་ཁུང་བརྩམ། །ཟླུམ་པོ་ཁྲུ་གང་ཟླ་ཁམ་དང་། །གྲུ་གསུམ་སྣ་ཚོགས་དབྱིབས་ཅན་ནོ། །དེ་དག་དཀར་སེར་དམར་དང་ནག །སྣ་བཞི་ཀུན་གྱིས་མཚན་པའོ། །རྡོ་རྗེ་འཁོར་ལོ་པདྨའི་རྒྱན། །སྣ་ཚོགས་རྡོ་རྗེ་མཚོན་ཆ་ཅན། །ཁྲུ་གང་བཞི་དང་གཉིས་མེད་དང་། །ཁྲུ་གསུམ་དེ་ཡི་ཞབས་སུ་ཕྱེད། །བུད་ཤིང་ཡམ་ཤིང་སོ་སོ་ཡི། །མཚན་ཉིད་ལོ་འབྲས་ཁ་དོག་རོ། །རྩེ་མོ་ཆ་ལས་སོར་བཞི་དང་། །སོར་བརྒྱད་བཅུ་དྲུག་ཉི་ཤུའི་ཚད། །སྦམས་པའི་སོ་སོའི་མར་གྱིས་བྱུག །རིམ་བཞིན་རྩ་བ་བུད་ཁང་ནི། །ཟླུམ་དང་གྲུ་བཞི་ཟླ་གམ་དང་། །གྲུ་གསུམ་ཚུལ་དུ་བརྩིག་པར་བྱ། །ལྷ་རྣམས་ཀུན་གྱི་ཁང་པ་ཉིད། །མེ་ཡི་གནས་སུ་གཞག་བྱས་ཏེ། །སོ་སོའི་ལས་དང་མཐུན་པ་སྟེ། །ཨག་ནེ་རཱ་ཙ་བོད་པར་བྱ། །གཡས་པ་མི་འཇིགས་ཕྱག་རྒྱས་གཡབ། །གཡོན་པ་བགྲང་ཕྲེང་གཟུང་བར་བྱ། །ཨོཾ་ཨེ་ཧྱེ་ཧི་ཨག་ནེ་ཡེ་མ་ཧཱ་བ་བ་ཧི་སྭཱ་ཧཱ། ཁྲོ་བོ་རྒྱལ་པོས་གསུང་བྱ་སྟེ། །མེ་ལྷའི་གདན་མཆོད་པདྨ་དབུལ། །དེ་རྗེས་མཆོད་པ་རྣམ་ལྔ་དང་། །སྲེག་རྫས་མ་ལུས་དབུལ་བྱས་ནས། །ལྷ་རྣམས་མཆོད་པའི་ཕྱག་ཚང་དུ། །བསྟོད་ཅིང་གསོལ་བ་གདབ་པར་བྱ། །གཡས་གཡོན་དགང་གཟར་བླུགས་གཟར་གྱིས། །ཁུ་བཅུད་འཛག་པའི་རྣམ་གྲངས་དབུལ། །ཨོཾ་མ་ཧཱ་ཨ་ན་ལ་མ་ཧཱ་བྷུ་ཏཱ་བཛྲ་ལ་བ་སྨི་ཀུ་རུ་ཧཱུྃ་སརྦྦ་དུཥྚན་ཧཱུྃ་ཕཊ། མེ་ལྷ་མཆོད་པའོ། ། ― DNG013_Page_0055 ―
[མ་དཔེ་གཟིགས་ན་འདིར་གནོན།]
ཨོཾ་མ་ཧཱ་ཀུ་རུ་པཉྩ་ཧཱུྃ། དགང་བླུགས་དབུལ་བའི་སྔགས་སོ། །ཨོཾ་སརྦ་བ་དྷ་ཧ་ན་བཛྲ་སྭཱ་ཧཱ། ཏིལ་གྱིའོ། །ཨོཾ་བཛྲ་པུཥ྇་ཧཱུྃ། མེ་ཏོག་གིའོ། །ཨོཾ་སརྦ་ཨགྣ་ཡེ་ཧཱུྃ་སྭཱ་ཧཱ། ཡམ་ཤིང་ངོ་། །ཨོཾ་བཛྲ་པཱུ་ཛ་མེ་གྷ་ག་ལོ་ཀེ་ཤྭ་ར་ཧཱུྃ། འཇིག་རྟེན་དབང་ཕྱུག་བྱ་བའི་མཆོད་པའོ། །ཨོཾ་དྷུ་པེ་ཏི་པ་བུ་ཤ་གྷ་ན་དྷི་སྦྱར་བའི་མཆོད་པ་རྣམས་སོ། །ཨོཾ་ཨ་པྲ་ཏི་བཛྲཱ་ཡ་སྭཱ་ཧཱ། །ཀུ་ཤའིའོ། །ཨོཾ་བཛྲ་ཨཱ་ཡུ་ཥེ་སྭཱ་ཧཱ། དཱུར་བའིའོ། །གཞན་ཡང་རྫས་རྣམས་གང་ཚོགས་པ། །རང་མིང་ཡི་གེ་གསུམ་སྔགས་དབུལ། །དེ་ནས་དཀྱིལ་འཁོར་ཀུན་མཆོད་ཅིང་། །འདོད་པའི་དོན་ལ་གསོལ་བ་གདབ། །སྡིག་བཤགས་བག་ཆགས་ཀུན་བྱས་པས། །ལྷ་ཡི་དངོས་གྲུབ་ཐོབ་པར་འགྱུར། །ཐ་མ་མེ་ལྷ་མཆོད་བྱས་ནས། །ཕྲིན་ལས་སོ་སོའི་སྔགས་བརྗོད་ཅིང་། །ཨོཾ་བཛྲ་ན་མ་སརྦ་ཏ་ཐཱ་ག་ཏ་ཧྲྀ་ད་ཡ་མ་ཀུ་རུ་ཧཱུྃ། ལྷ་རྣམས་གཤེགས་སུ་གསོལ་ཞིང་། དམ་ཚིག་ལྷ་ལ་བསྡུ་བར་བྱ། །དེ་ནས་རབ་གནས་བཟང་པོ་ནི། །འགྲོ་ལ་ཕན་ཕྱིར་བཤད་པར་བྱ། །ས་ཕྱོགས་ཉམས་དགའ་མཛེས་པ་རུ། །གཟུགས་བརྙན་དཀྱིལ་འཁོར་ལེགས་བྱས་ཏེ། །མཆོད་རྫས་རྫས་ཀྱིས་མཉེས་བྱས་ནས། །སློབ་དཔོན་ཆས་སུ་གཞུག་པར་བྱ། །དཀྱིལ་འཁོར་གསལ་བར་བསྒྲུབས་བྱས་ནས། །རྟེན་ཚོགས་སྦྱང་བའི་ཆོ་ག་བྱ། །ཇི་ལྟར་རྫོགས་པའི་སངས་རྒྱས་ཀུན། །དགའ་ལྡན་གནས་ནས་གཤེགས་མཛད་དེ། །ལྷ་མོ་སྒྱུ་མའི་ལྷུམས་ཞུགས་ནས། །དེ་བཞིན་འདིར་ཡང་བཞུགས་སུ་གསོལ། །དཀོན་མཆོག་རྣམས་འདིར་བཞུགས་ནས་ཀྱང་། །མེ་ཏོག་ལ་སོགས་མཆོད་བཞེས་ལ། །འདི་དོན་གཟུང་བར་བྱ་བ་དང་། །བྱང་ཆུབ་སེམས་མཆོག་སྤེལ་བར་མཛོད། །ནང་པར་རབ་གནས་བགྱིད་པར་འཚལ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །བཅོམ་ལྡན་བདག་ནི་གྲུབ་པ་ལ། །བཀའ་དྲིན་ཆོ་ག་མཛད་པར་འོས། །དེ་ནས་གནས་རྣམས་ཀུན་སྦྱངས་ནས། །འགྲོ་དྲུག་གནས་ཀུན་སྒྲོལ་བྱེད་པ། །ཐམས་ཅད་དུས་འདིར་དགོངས་སུ་གསོལ། །བྱང་ཆུབ་སེམས་དཔའ་དགྲ་བཅོམ་དང་། །གསང་བའི་སྔགས་ལྡན་ལྷ་རྣམས་ཀུན། །འཇིག་རྟེན་མཆོད་པའི་དོན་ཕྱིར་རོ། །རབ་གནས་བཟང་པོར་འོས་པ་ ― DNG013_Page_0056 ―
[མ་དཔེ་གཟིགས་ན་འདིར་གནོན།]
ལགས། །དེ་ནས་གནས་རྣམས་ཀུན་སྦྱངས་ནས། །བྱིན་གྱིས་བརླབས་པ་རྫོགས་བྱས་ཏེ། །རང་གི་དཀྱིལ་འཁོར་ཇི་ལྟ་བར། །དབང་བསྐུར་ཆོ་ག་རྫོགས་བྱས་ནས། །སྦྱིན་སྲེག་གཏོར་མ་ལ་སོགས་གཏང་། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་ལམ་ཁྱད་པར་དུ་འཕགས་ པའི་ལེའུ་སྟེ་བརྒྱད་པའོ།། །།དེ་ལྟར་དེ་བཞིན་གཤེགས་པའི་མཐུས་ཐམས་ཅད་འདུལ་བར་མཛད་པ་དེའི་ཚེ། བདུད་ཀྱི་རྒྱལ་པོ་ཤིན་ཏུ་མྱ་ངན་སྐྱེས་ཏེ། ཀྱེ་མའོ་ཧོ་སངས་རྒྱས་འདིར་ནི་བདག་གི་གནས་ལ་སོགས་པ་བཅོམ་ཞིང་རླག་པར་བྱེད་ན་ཐབས་ཇི་ལྟ་བུར་གདུལ་བར་བྱ། འོན་ཀྱང་འདི་ཉིད་ལ་ནི་བདག་ཅི་ཡང་བྱ་བའི་གནས་མེད། ཤིན་ཏུ་དམན་པར་གྱུར་པ་དག་དང་མཚུངས་པར་འགྲན་ནམ། དེ་བཞིན་དུ་འཇིག་རྟེན་གསུམ་པོ་འདི་དག་ནི། སྲིད་པ་མི་སྲེག་བརླག་པར་བྱ་བའི་ཕྲིན་ལས་ཡིན་པས།ཐམས་ཅད་ལ་བཀའ་བསྒོ་ཞིང་། ལས་ངན་པ་འདི་དག་ལ་བཟློག་པར་བྱའོ་ཞེས་བསམ་མོ། །དེ་ནས་འཇིག་རྟེན་གསུམ་གྱི་གནས་ན་མཐུ་ཆེ་བ་དང་། དབང་དང་གཟི་བརྗིད་ཐམས་ཅད་འདུས་ནས། ཀྱེ་ཁྱེད་རྣམས་བདག་ལ་ཉོན་ཅིག །འཇིག་རྟེན་གྱི་ཁམས་འདི་དག་ནི། རྒྱལ་པོ་གཅིག་གི་དབང་དུ་མ་གནས་ན།ཐམས་ཅད་སྲིད་པ་འཇིག་པར་འགྱུར་རོ། །དེས་ན་ཕྱོགས་ཐམས་ཅད་འཁོར་དང་བཅས་པ་འདུས་ལ། བདག་གི་བཀའ་ཉན་པར་མཛོད་ཅིག་ཅེས་བསྒྲགས་སོ། །དེའི་ཚེ་འཇིག་རྟེན་གྱི་དྲག་བྱེད་ཆེན་པོའི་ཚོགས་ཀྱིས་རང་རང་གི་རྫུ་འཕྲུལ་བསྟན་ཅིང་སྨྲས་པ། ཁྱེད་ཇི་ལྟ་བུའི་ང་རྒྱལ་ཅན་ཅིག་ཡིན། ངེད་རྣམས་རེ་རེས་ཀྱང་འཁོར་དཔག་ཏུ་མེད་པ་སྐྱོང་བའི་རྒྱལ་པོ་ཆེན་པོ་ཡིན་པས། ཡུལ་འཁོར་གྲངས་མེད་པ་ལ་དབང་བྱེད་ཅིང་། གཞན་གྱི་རེ་གནས་དམ་པར་གྱུར་པ་ལགས་པས་ཁྱོད་རང་ཞི་བ་ལ་གནས་ན་ལེགས་སོ་ཞེས་མཐུན་པར་བརྗོད་པས། བདུད་ཀྱི་རྒྱལ་པོ་ཡང་ཤིན་ཏུ་ཉོན་མོངས་པས་རྒྱས་ཏེ་གཞན་དག་ལ་སྨྲས་པ། ལྷར་བཅས་ ― DNG013_Page_0057 ―
[མ་དཔེ་གཟིགས་ན་འདིར་གནོན།]
འཇིག་རྟེན་འདི་དག་ཀུན། །ང་ཡི་བཀའ་ལ་གནས་པ་ཡིན། །སྐྱེ་འགྲོ་མ་ལུས་གང་དག་ཀུན། །རྒྱལ་པོའི་བཀའ་གསང་ཉན་པར་གྱིས། །ཁམས་གསུམ་བདག་པོ་ལྷ་ཡི་ལྷ། །ས་རྣམས་ཀུན་གྱི་ས་སྟེང་པ། །བདག་ནི་མཐུ་དང་རྫུ་འཕྲུལ་ཚད། །ཀུན་གྱིས་འགྲན་པར་ནུས་མ་ཡིན། །ང་ཡི་བཀའ་ལས་འདའ་བྱེད་ན། །སྲོག་སྲིད་བརླག་ཅིང་གནས་ཀྱང་འཐོར། །ཞེས་བརྗོད་དོ། །དེ་ནས་ཚངས་པའི་རྒྱལ་པོས། རང་གི་འཁོར་དཔག་ཏུ་མེད་པ་བསྡུས་ཏེ། དེ་དག་གི་དབུས་ནས་སྲིན་པོ་ཆེན་པོའི་གཟུགས་འཛིན་པའི་ཁྲོ་བོར་གནས་ནས། རང་གི་མཐུ་ལས་སྤྲུལ་པའི་ཁྲོ་བོ་དང་། མཚོན་ཆའི་ཚོགས་སྤྲོ་བར་མཛད་དོ། །དེ་བཞིན་དུ་ཁྱབ་འཇུག་དང་། དབང་ཕྱུག་ཆེན་པོ་དང་། བརྒྱ་བྱིན་དང་། ཚོགས་ཀྱི་བདག་པོ་དང་། བྷྲྀང་གི་རི་ཏི་དང་། གཞོན་ནུ་གདོང་དྲུག་པ་རྣམས་ཀྱིས་ཀྱང་རང་རང་གི་འཁོར་དང་དཔག་ཏུ་མེད་པ་བསྡུས་ཏེ། དེ་དག་གི་དབུས་ན་འགྱིང་ཞིང་སྤྲུལ་པ་བསམ་གྱིས་མི་ཁྱབ་པར་སྤྲོས་ཏེ། དབང་དང་རྫུ་འཕྲུལ་སྟོན་ཏོ། །རི་རབ་ཀྱི་ཁ་ཁྱེར་ལ་གནས་པའི་རྒྱལ་པོ་ཆེན་པོ་བཞིས་ཀྱང་རང་རང་གི་འཁོར་གྱི་དབུས་ན་འགྱིང་ཞིང་མཐུ་དང་རྫུ་འཕྲུལ་སྟོན་པར་མཛད་དོ། །གསེར་གྱི་རི་ལ་གནས་པའི་ཕྱོགས་སྐྱོང་བརྒྱ་བྱིན་དང་། དབང་ལྡན་དང་། གཤིན་རྗེ་དང་། བདེན་བྲལ་དང་། ཆུ་ལྷ་དང་། གནོད་སྦྱིན་དང་། ཉི་མ་དང་། སའི་ལྷ་རྣམས་ཀྱིས་ཀྱང་རང་རང་གི་གནས་དང་བཅས་པར་འཇིགས་པའི་མཚོན་ཆ་དང་བཅས་པར་འཁོད་དོ། །ཉི་མ་དང་། ཟླ་བ་དང་། མིག་དམར་དང་། ཕུར་བུ་དང་། པ་བ་སངས་དང་། སྤེན་པ་དང་། གཟའ་ཆེན་པོ་རྣམས་ཀྱིས་ཀྱང་རང་རང་གི་འཁོར་དང་བཅས་པས་འཇིགས་པའི་ཁྲོ་བོའི་ཚོགས་དང་། མཚོན་ཆར་བཅས་པས་འཁོད་དོ། །མཐའ་ཡས་དང་། འཇོག་པོ་དང་། སྟོབས་ཀྱི་རྒྱུ་དང་། རིགས་ལྡན་དང་།ནོར་རྒྱས་དང་། དུང་སྐྱོང་དང་། པདྨ་དང་། ཆུ་ལྷ་རྣམས་ཀྱིས་རང་རང་གི་གཡོག་འཁོར་རྣམས་དང་། འཇིགས་པའི་སྤྲུལ་པས་འཁོད་དོ། །དེ་བཞིན་དུ་ཁམས་གསུམ་གྱི་དྲེགས་བྱེད་ཀྱི་ཚོགས་གནས་ ― DNG013_Page_0058 ―
[མ་དཔེ་གཟིགས་ན་འདིར་གནོན།]
པའི་གནོད་སྦྱིན་དང་། དྲི་ཟ་དང་། གྲུལ་བུམ་དང་། འགྲོ་བ་དྲུག་གཙོ་བོ་དབང་ཆེ་ཞིང་མཐུ་ཡོད་པ་རྣམས་དང་།མ་མོ་རྣམས་དང་། གཤིན་རྗེ་དང་། ལྷ་མ་ཡིན་རྣམས་དང་། འདབ་བཟངས་དང་། སྲིན་པོ་དང་། ནམ་མཁའ་ལྡིང་དང་། རྒྱུ་སྐར་གྱི་ཚོགས་སུ་བཅས་པ་རྣམས་ཀྱིས་ཀྱང་རང་རང་གི་འཁོར་གྱི་དཀྱིལ་འཁོར་གྱི་དབུས་ན་འཇིགས་པའི་གཟུགས་ཀྱི་མཚོན་ཆ་དང་ང་རོ་དང་བཅས་པས་རྣམ་པར་འཕྲུལ་ཞིང་འཁོད་དོ། །དེ་ནས་བདུད་ཀྱི་རྒྱལ་པོ་ཡང་ཉོན་མོངས་པ་སྐྱེས་ཏེ། །རང་གི་འཁོར་རྣམས་འདུ་བར་མཛད་ཅིང་རྫུ་འཕྲུལ་གྱི་ནུས་པ་ཅི་ཡོད་པ་དུས་འདི་དག་གཅིག་ཏུ་སྟོན་ནས། མཚོན་ཆ་སྣ་ཚོགས་འབར་བའི་གཞལ་ཡས་ཁང་ནས་དྲག་པོ་འབར་བར་འཇིགས་པའི་སྐུར་སྟོན་ཏོ། །ཁྲོ་མོའི་ཚོགས་དང་རོལ་པ་མཛད་པ་ལགས། འཁོར་བའི་ཚོགས་མཚོན་ཆ་མེ་འོད་བཅས་པ་ཕྱོགས་བཅུར་སྤྲོས་ཏེ་ནམ་མཁའ་ཐམས་ཅད་གང་བར་བྱས་ནས་ཐོག་སེར་ནད་དང་ཚུབ་མ་ཐམས་ཅད་སྐྱེས་སོ། །དེས་འཇིག་རྟེན་གྱི་ལྷ་ཀུན་མྱོས་ཤིང་རྨོངས་པར་གྱུར་པ་དང་། འཇིགས་པའི་ཚོགས་ཀྱིས་ཕྱོགས་ཐམས་ཅད་ནས། འཁོར་བའི་མེ་འོད་འབར་བའི་མཚོན་ཆས་བསད་ཅིང་གཏུབས་པ་ལས། སོ་སོའི་ཚོགས་དྲེད་པར་གྱུར་ཏེ། རང་གི་སྙིང་པོ་ཕུལ་ཞིང་སྐྱབས་སུ་གསོལ་ལོ། །དེ་ནས་ལྷ་ཐམས་ཅད་འདུ་བར་བྱེད་པའི་བདུད་ཀྱི་སྡེ་དེ་དག་ལ་མནས་དོར་ཞིང་དམ་ཚིག་བྱིན་ཏེ། སོ་སོའི་སྙིང་པོ་བླངས་ཏེ། འཁོར་ཚོགས་ཐམས་ཅད་རྗེ་དཔོན་དང་བྲལ་ཏེ། ལྷ་ཆེན་པོ་བརྒྱད་ནི་རང་གི་རྩེ་ལ་འཁོད་དོ། །རྒྱལ་པོ་ཆེན་པོ་བཞི་ནི་ཤར་གྱི་གླིང་ལ་འཁོད་དོ། །གནོད་སྦྱིན་དང་། ཕྱོགས་སྐྱོང་དག་ནི་ཤར་གྱི་གླིང་ཕྲན་གཉིས་སུ་འཁོད་དོ། །འགྲོ་བ་རིས་དྲུག་གི་སེམས་ཅན་རྣམས་ནི་ལྷོར་དགོད་དོ། །དྲི་ཟ་དང་མ་མོ་རྣམས་ནི་ལྷོའི་གླིང་ཕྲན་ལ་དགོད་དོ། །ལྷ་མ་ཡིན་རྣམས་ནི་ནུབ་ཏུ་དགོད་དོ། །གཤིན་རྗེ་དང་འདབ་བཟངས་དང་སྲིན་པོ་རྣམས་ནི་ནུབ་ཀྱི་གླིང་གི་གླིང་ཕྲན་གཉིས་ལ་དགོད་དོ། །གཟའ་དང་རྒྱུ་སྐར་རྣམས་ ― DNG013_Page_0059 ―
[མ་དཔེ་གཟིགས་ན་འདིར་གནོན།]
ནི་བྱང་དུ་དགོད་དོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་གསང་བ་བླ་ན་མེད་པ་ལས། བདུད་ཀྱི་སྤྲུལ་པ་བསྟན་པའོ། །དེ་ནས་བདུད་ཀྱི་རྒྱལ་པོ་དེ་ཉིད་ཤིན་ཏུ་དགའ་ཞིང་འཁོར་ཐམས་ཅད་ལ་བཀའ་བསྒོ་བ། རྒྱལ་པོ་གཅིག་གི་འཁོར་དུ་གནས་པས་ནི། ཡིད་དང་མཐུན་པར་སྤྱོད་པས་གནས་པ་ཡིན་པས། ཁྱེད་རྣམས་ཀྱིས་ཀྱང་ངས་ཅི་ལྟར་བསྒོ་བའི་བཀའ་བཞིན་ཉོན་ལ། ཐར་པའི་ལམ་འདི་ཆོད་ལ། སྟོན་པ་གཞན་ལ་གུས་པར་མ་བྱེད་ཅིག །ཁོ་བོའི་འཇིག་རྟེན་སྟོངས་པར་འོང་ངོ་། །བསམ་པ་རྒྱ་ཆེན་པོ་མེད་པའི་འགྲོ་བ་འདི་དག་ནི། གཏི་མུག་ཅན་གྱི་རང་བཞིན་ཏེ། བྱོལ་སོང་ལྟ་བུ་ཡིན་པས། བདེ་ལེགས་ཀྱི་གནས་ཐོབ་པའི་དོན་མེད་པ་ཡིན་ནོ། །ཡང་ཚིགས་སུ་བཅད་དེ་སྨྲས་པ། ཀྱེ་འདུ་ཤེས་མེད་པའི་འགྲོ་བ་དག །རང་གི་བདེ་བ་སྤོང་བྱེད་ཅིང་། །ཐར་བའི་ལམ་གཞན་སྒྲུབ་བྱེད་པ། །དེ་དག་འཁྲུལ་པས་རང་རྒྱུད་བརླག །ཉེས་འདོད་བདེ་ལེགས་སྤོང་བྱེད་པ། །རྨོངས་པས་འགྲོ་རྣམས་སྙིང་རེ་རྗེ། །རེ་ཞིག་ཐུགས་རྗེ་སྐལ་ལྡན་པས། །བདག་གི་འཁོར་དུ་འདུས་པ་ཡིན། །གནས་གཞན་གོང་མ་ཐོབ་འདོད་པས། །བདག་ལ་དད་སེམས་གུས་པར་གྱིས་ཤིག་ཅེས་བསྒོའོ། །དེ་དག་གིས་ཀྱང་དེ་ལྟར་ཉན་ཏེ། རང་རང་གི་གནས་ཤོར་ཞིང་མྱ་ངན་གྱི་སེམས་སྐྱེས་ཀྱང་ཅི་ལྟར་བྱ་བའི་ཐབས་མེད་དེ། དེ་ལྟར་འཁོད་ཅིང་གནས་སོ། །དེ་ནས་བདུད་ཀྱི་རྒྱལ་པོ་རང་གི་གནས་སུ་སོང་སྟེ། འཁོར་དང་བཅས་པ་རྣམས་དགའ་བའི་ལོངས་སྤྱོད་འདོད་པའི་ཡོན་ཏན་ལ་སྤྱོད་ཅིང་། དགྱེས་པའི་གླུ་གར་དང་རོལ་མོ་ལ་སྤྱོད་དོ། །ཇི་ལྟར་ཁམས་གསུམ་ཀུན་གྱི་བདག་པོ་ནི་བདག་ཡིན་པས་འདི་ལས་ལྷག་པའི་བསྒྲུབ་བྱ་ནི་གཞན་དག་ཡོད་པར་བདག་གིས་མ་མཐོང་ངོ་། །ད་སངས་རྒྱས་ཀྱི་ཚོགས་དང་བྱང་ཆུབ་སེམས་དཔའ་དག་ཀྱང་བདག་གི་དབང་དུ་བསྡུ་ན་ཐབས་ཅི་ལྟར་བརྩམ་ཞིང་། རང་གི་འཁོར་དག་ལ་ཡང་འདྲི་བར་བྱེད་དོ། །དེ་ནས་བདུད་ཀྱི་གྲོང་ཁྱེར་ཀུན་ལ་བསྒོ་སྟེ། སངས་རྒྱས་ཀྱི་འཁོར་རྣམས་ལ་མི་དགེ་བའི་ ― DNG013_Page_0060 ―
[མ་དཔེ་གཟིགས་ན་འདིར་གནོན།]
ལྟས་དང་མཚན་མ་ངན་པའི་ཆོ་འཕྲུལ་སྣ་ཚོགས་ཀྱི་བསྒྲུབ་པ་ཐམས་ཅད་དུ་རབ་ཏུ་འཆད་ཅིང་། ཅི་འདོད་པ་རྣམས་ལ་གྲུབ་པར་བྱ་ན་བདག་ཅག་ལ་མོས་པ་བྱེད་དོ། །དེའི་རྗེས་ལ་དེ་དག་གི་གཙོ་བོ་རྣམས་བདག་གི་འཁོར་དུ་འདུས་པའི་ཚེ་ཐབས་སྣ་ཚོགས་ཀྱི་སྒོ་ནས་གདུལ་བར་བྱའོ། །གལ་ཏེ་འོངས་པར་མ་ནུས་པ་བདག་ནི་ཁོ་རང་གི་གནས་དེ་ཉིད་དང་བཅས་པ་གཞོམ་པར་བྱའོ་ཞེས་བརྗོད་དོ། །དེའི་སྟོང་གསུམ་གཡོ་བར་བྱེད་པའི་ཚོགས་ཀྱི་ཁྲོ་བོའི་མཚོན་ཆའི་ཚོགས་དང་བཅས་པ་སྤྲུལ་ནས། དཀར་པོའི་རིགས་ལ་དགའ་བའི་འགྲོ་བ་རྣམས་མ་ལུས་བཅོམ་ཞིང་། ས་ལ་གནས་པའི་བྱང་ཆུབ་སེམས་དཔའ་རྣམས་ཀྱང་བརླག་པར་བཤམས་པ་ལས། བདེན་པའི་མཐུ་གང་ལ་གནོད་པར་མ་གྱུར་ཏོ། །དེ་ནས་རབ་ཏུ་ཁྲོས་ཏེ། བདག་གི་ཁམས་གསུམ་འདི་དུས་གཅིག་ཏུ་གདུལ་བར་བྱ་སྤྱོད་པ་ལ། ངན་པའི་ཚུལ་ཅན་གཡོ་སྒྱུ་དང་བཅས་པ་འདི་དག་མི་འདུལ་ལམ། དེ་རང་གི་སྡེ་ཚན་འོག་མ་ལ་གནས་པ་ཀུན་བསྐུལ་ཏེ། ཐར་པའི་ལམ་ལ་གནས་པ་འདི་དག་རིགས་ཀྱིས་གདུལ་བར་བྱའོ་ཞེས་བརྗོད་དོ། །དེ་ནས་ཚངས་པ་ལ་སོགས་པ་བསྒོ་བར་མཛད་པ་དང་། དེ་དག་གིས་ཀྱང་རང་རང་གི་སྤྲུལ་པ་དང་། མཚོན་ཆ་རྣམས་ཕྱོགས་ཀུན་དུ་སྤྲོ་ཞིང་། རང་གི་གསང་སྔགས་དྲག་པོའི་ཚོགས་དག་ཀྱང་རྗོད་པར་བྱེད་དོ། །དེས་འཇིག་རྟེན་འཁྲུགས་ཤིང་གཡོས་ནས་ཐམས་ཅད་དྲེད་པར་གྱུར་ཏོ། །བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། བདུད་ཀྱི་སྡེ་དང་བཅས་པ་ཤུགས་འབྱུང་བའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་བདེ་ཆེན་མཆོག །སངས་རྒྱས་ཀུན་གྱི་བདག་ཉིད་ཀྱིས། །སྟོང་གསུམ་སོ་སོར་འདུལ་མཛད་ཕྱིར། །རྣམ་འཕྲུལ་ཏིང་འཛིན་གནས་ལ་བཞུགས། །དེ་བཞིན་ཉིད་ལས་མ་གཡོས་ཀྱང་། །ཐུགས་རྗེ་ཆེ་དང་སྨོན་ལམ་མཐུས། །སོ་སོའི་ལས་རྟོག་མཐུན་བཞིན་དུ། །སྣ་ཚོགས་རྟོག་པའི་ཚུལ་མ་སྟོན། །འདོད་ཆགས་ལ་ཞེན་སྨོན་པ་དག །ཆགས་པ་ཆེན་པོས་འདུལ་བར་མཛད། །དེ་བཞིན་ ― DNG013_Page_0061 ―
[མ་དཔེ་གཟིགས་ན་འདིར་གནོན།]
ཞེ་སྡང་གཏི་མུག་དང་། །ང་རྒྱལ་ཕྲག་དོག་འདུལ་དོན་དུ། །མཐུན་བྱས་སྣང་བ་སྣ་ཚོགས་དང་། །མི་མཐུན་སྒོ་ནས་འདུལ་བར་མཛད། །པདྨོ་བདེར་གཤེགས་རྡོ་རྗེ་དོན། །རིན་ཆེན་རིན་ཆེན་ལས་སྣ་ཚོགས། །ཕྱག་རྒྱ་ཆེ་སོགས་འཁོར་ལོ་སྒྱུར། །ཇི་ལྟ་བ་བཞིན་དག་པར་མཛད། །ཐབས་ཆེན་རྣམ་དག་པདྨོའི་དོན། །ཤེས་རབ་སྤྲུལ་པའི་མཆོག་འགྱུར་བས། །གར་གྱི་དབང་ཕྱུག་བདེ་བ་ཆེ། །རྡོ་རྗེ་ལྟ་ཉིད་སྤྲུལ་པར་མཛད། །གཞན་ཡང་མཛད་པ་རྒྱ་ཆེན་པོ། །སྣ་ཚོགས་མཐུ་ཡིས་འདུལ་མཛད་དེ། །དག་པའི་འགྲོ་བ་མཐུན་བྱས་སྐུ། །གསེར་འོད་མཚན་དང་དཔེ་བྱད་ལྡན། །གོ་བྱེད་ཐེག་པ་བླ་ན་མེད། །ཟབ་མོ་གསང་སྔགས་ཇི་བཞིན་པར། །རྒྱལ་བ་བདེར་གཤེགས་ཕྱག་རྒྱའི་སྐུ། །རབ་སྤྲུལ་དཀྱིལ་འཁོར་སྣ་ཚོགས་པའི། །ལ་ལས་བྱང་སེམས་རྒྱ་ཆེན་མཆོག །ལ་ལར་ལམ་ལྔ་དག་པར་སྦྱོར། །ལ་ལར་ཕ་རོལ་ཕྱིན་བཅུ་རྫོགས། །ལ་ལར་འབྲས་བུའི་དོན་ལ་སྦྱོར། །ལ་ལར་དགའ་ལྡན་ལྷ་ཡུལ་འཕགས། །ལྷུམས་སུ་ཞུགས་དང་བལྟམས་པ་དང་། །འཇིག་རྟེན་སྤྱོད་མཐུན་རོལ་རྩེད་སོགས། །གཞན་གྱི་སྐུར་སྤང་བྱ་བ་རྣམས། །བཅས་ཀའི་ཅན་གྱི་བསམ་འཕྲུལ་པ། །མཐུན་འཇུག་ཐབས་ཀྱི་བྱ་བ་མཆོག །དཀའ་ཐུབ་མཛད་དང་དཀའ་བ་སྤྱོད། །རྡོ་རྗེ་གདན་ལ་ཡང་སངས་རྒྱས། །བདུད་འདུལ་མངོན་རྫོགས་སངས་རྒྱས་ཤིང་། །རྩེ་གཅིག་ཏིང་འཛིན་བསྐུལ་ནས་བཞུགས། །ཆོ་འཕྲུལ་མཛད་པ་ཀུན་འདུལ་ཞིང་། །ཆོས་ཀྱི་འཁོར་ལོ་རིམ་བཞིན་བསྐོར། །མྱ་ངན་འདའ་ཚུལ་རིང་བསྲེལ་སྟོན། །ཞི་ཚོགས་ཁྲོ་བོར་འཁྱིལ་པ་དང་། །རང་བྱུང་དུད་འགྲོའི་གཟུགས་སྣ་ཚོགས། །སྣོད་ཀྱི་འཇིག་རྟེན་ཀུན་མཐུན་སྐུ། །ཚངས་པ་ཁྱབ་འཇུག་འཇིག་རྟེན་སྐྱོང་། །བདུད་དང་སྲིན་པོ་གཟུགས་སོགས་ཀྱིས། །འགྲོ་བའི་ལས་རྟོག་དག་མཛད་ཅིང་། །རང་གི་ཡེ་ཤེས་དོན་བཀོད་བྱ། །དེ་ཚེ་འགྲོ་བའི་གནས་མཚོན་ཚོགས། །ལས་ཀྱི་སྟོབས་ཚོགས་མཐུས་བརྡབས་རྣམས། །དེ་བཞིན་ཉིད་མཐུས་ཚོགས་ཆེན་པོས། །ཡང་ ― DNG013_Page_0062 ―
[མ་དཔེ་གཟིགས་ན་འདིར་གནོན།]
དག་ལམ་ལས་རབ་གྲོལ་ཞིང་། །ང་རྒྱལ་ཆེན་པོའི་དྲེགས་ཚོགས་སྐྱེས། །རང་གི་མཐུ་དང་རྫུ་འཕྲུལ་སྟོན། །ཉོན་མོངས་ལས་ཀྱི་ལམ་ལ་ཞེན། །རང་གི་རིགས་ཚོགས་བསྡུ་བར་བྱེད། །འཇིག་རྟེན་གསུམ་འཇིག་ཨ་ལ་ལ། །ཁམས་གསུམ་གཙོ་བོ་བདག་ཅག་རྣམས། །སུ་ཞིག་སྤྲུལ་པ་ཨ་ལ་ལ། །འཇིག་པར་མཛད་པའི་འོས་མ་ལགས། །རང་གི་དཀའ་ཐུབ་བདེ་གནས་པས། །མྱ་ངན་འདས་པའི་ལམ་མཆོག་སྟེ། །གཞན་གྱི་བསྟན་པ་ཅི་ཞིག་བྱ། །བདེ་ཚོགས་འཇིགས་པའི་ཡན་ལག་གོ། །སུ་ཞིག་རང་གི་བདེ་སྤོང་ཞིང་། །གཞན་ནས་སྡུག་བསྔལ་དོན་གཉེར་བ། །གཟུགས་མང་སྤྲུལ་པ་བསམ་ཡས་ཀྱང་། །རང་གི་སྐུ་མཛེས་བསྒྱུར་བ་དཀའ། །སྒྲ་མང་སྤྲུལ་པ་བསམ་ཡས་པས། །རང་གི་གསུང་ཉན་འཕྲོ་བྱེད་དམ། །སེམས་རྟོག་བྱ་བའི་འོད་བཅས་ཀྱིས། །ཏིང་འཛིན་རྩེ་གཅིག་འགྱུར་བ་མེད། །དྲག་པོའི་སྟོབས་མཆོག་གཟི་ལྡན་རྣམས། །རང་གིས་རང་སྤྱོད་བདེ་བར་སྡོད། །དེ་ནས་བདུད་དཔུང་དང་པོ་དང་། །དབང་ཕྱུག་ཚངས་པ་ཁྱབ་འཇུག་ཆེ། །རྒྱ་བྱེད་གླུ་དང་དྲེགས་བྱེད་རྣམས། །རབ་ཏུ་ཁྲོས་ཏེ་རང་གི་མཐུས། །སྟོན་ཞིང་དྲག་པོའི་གསང་སྔགས་དང་། །གཏུམ་ཚིག་ང་རོ་འབོད་སྒྲོགས་བྱེད། །དེ་ཚེ་རྒྱལ་པོའི་བྱིན་བརླབས་མཐུས། །མཐུན་འཇུག་ཐབས་ཀྱིས་འདུལ་མཛད་དེ། །ཐེག་པ་གསང་བ་བླ་མེད་མཆོག །ཁྱད་པར་སྒོ་གསུམ་གསང་བྱེད་ཅིང་། །ཡང་དག་དོན་ལ་བདེ་བཀོད་ཕྱིར། །ཐུགས་རྗེ་ཆེན་པོས་མཐུན་མཛད་དེ། །འཇུག་པའི་ལམ་རིང་བདེ་བསྟན་ཞིང་། །དགའ་བའི་སྒོ་ནས་བདེ་མཛད་ཀྱང་། །རང་གི་ཉོན་མོངས་དྲེགས་པའི་མཐུས། །དོན་འཇུག་མཐུན་པའི་སྤྱོད་སྒོ་འཇིག །གཏི་མུག་ཆེན་པོ་མུན་གཏིབས་ནས། །ང་རྒྱལ་རི་བོ་ཀུན་དུ་བཀོད། །ཞེ་སྡང་མེ་ལྕེ་འབར་བསྲེགས་ཤིང་། །ཕྲག་དོག་རླུང་གིས་བསྐྱོད་བྱས་ནས། །འདོད་ཆགས་ཆུ་བོས་འབྱིན་པར་འགྱུར། །དྲེགས་པའི་མཐུ་ཡིས་རབ་ཁྲོས་ཏེ། །ཚོགས་རྣམས་གཅིག་ལ་གཅིག་བསྒོ་ཞིང་། །གསང་སྔགས་རྫུ་འཕྲུལ་སྟོབས་ ― DNG013_Page_0063 ―
[མ་དཔེ་གཟིགས་ན་འདིར་གནོན།]
ཕྱུང་ནས། །རབ་ཏུ་བསྒྲགས་པའི་མཐུ་ཡིས་ནི། །འཇིག་རྟེན་གསུམ་དག་འཁྲུག་པར་བྱེད། །མི་ནད་མུ་གེ་འཁྲུག་པ་དང་། །མཚོན་ཆ་ལོ་ཏོག་འབྲས་བུ་འཕྲོག །འབྱུང་པོའི་འཇིགས་གཟུགས་ཉེས་ཚོགས་རྣམས། །རྒྱུན་མི་འཆད་དུ་འཁོར་བར་འབྱུང་། །ས་གཞི་མེ་འབར་ཆུ་བདག་བྱེད། །དུག་དང་དབྱིག་དུག་རླུང་བཞིན་གཡོས། །བདེ་ལམ་མཐོ་རིས་ཐར་ལམ་གཅོད། །མི་དག་སེམས་ཀྱིས་ནོན་འགྱུར་ཞིང་། །འགྲོ་རྣམས་སྡུག་བསྔལ་བསྐྱེད་བྱས་པས། །སངས་རྒྱས་རྣམས་ཀྱིས་ཐུགས་ཁྲལ་བསྐྱེད། །དེ་ནས་བྱང་ཆུབ་སེམས་བཅས་པའི། །འཁོར་རྣམས་དུས་གཅིག་བསྟན་པར་བཞེངས། །གཙོ་བོའི་ཕྱོགས་སུ་འདུད་བྱེད་ཅིང་། །ལན་གྲངས་བསྐོར་ཞིང་ཕྱག་ཀྱང་འཚལ། །མགོན་པོ་བདེ་བ་མཉེས་བྱེད་ཅིང་། །མཆོད་ནས་གསོལ་བ་གདབ་པར་བྱ། །ཐུགས་རྗེ་ཆེ་མངའ་ལྷ་ཡི་ལྷ། །བྱམས་སོགས་དགའ་བའི་བདུད་རྩི་ཆུས། །གདོས་བཅས་ཐལ་བར་བརླག་མཛད་པས། །ཐིམ་འགྱུར་རྡོ་རྗེ་ཡེ་ཤེས་ཚོགས། །ཆོ་འཕྲུལ་དཀྱིལ་འཁོར་བསྟན་དུ་གསོལ། །མཛད་པའི་བྱིན་བརླབས་བསྟན་དུ་གསོལ། །དེ་དག་ཉོན་མོངས་རླབས་འཁྲུགས་པས། །རང་གཞན་ཐར་ལམ་བདེ་བར་འཇོམས། །བྱང་ཆུབ་སེམས་ཉིད་རླན་བྲལ་ལམ། །སྲིད་གསུམ་ཡལ་བར་དོར་བྱེད་ན། །ཐུགས་རྗེ་ཆེན་པོ་གང་ལ་གདགས། །ཨེ་མ་ཧོ་འབྲས་བུ་མྱ་ངན་འདས། །ཨེ་མ་ཧོ་བྱང་སེམས་པདྨའི་རྫིང་། །ཨེ་མ་ཧོ་བརྗོད་བྲལ་ཀུ་མུ་ད། །ཨེ་མ་ཧོ་མེ་ཏོག་འབྲས་བཅས་ཤིང་། །འདི་དག་དཀྱིལ་འཁོར་རྣམ་དག་པས། །རིགས་མཆོག་མཚན་ཉིད་ཡོན་ཏན་གནས། །དུས་འདིར་དག་པར་ག་ལ་མཛད། །ཐུགས་རྗེ་ཆེན་པོ་ག་ལ་གདགས། །འདི་དག་སྐལ་ལྡན་གསུང་བའི་སྣོད། །རྡོ་རྗེ་ཐེག་པའི་བསྟན་པ་འཛིན། །ད་ལྟར་རྣམ་རྟོག་རི་བོས་ནོན། །ཐབས་ཀྱིས་འདུལ་བར་མི་འགྱུར་བས། །ཤུགས་ཀྱིས་བསྒྲལ་བར་བྱ་བའི་ཕྱིར། །དཀྱིལ་འཁོར་སྣ་ཚོགས་བསྟན་དུ་གསོལ། །ཞེས་གསོལ་ཏོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་ ― DNG013_Page_0064 ―
[མ་དཔེ་གཟིགས་ན་འདིར་གནོན།]
དཔལ་རྟ་མཆོག་རོལ་པའི་རྒྱུད་ཆེན་པོ་ལས་མཛད་པ་ཆེན་ པོའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་ཀྱིས་ལྷ་ཆེན་པོ་རྣམས་འདུལ་བརབྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་བཀོད་པའི་དཀྱིལ་འཁོར་ཆེན་པོ་འདི་ཉིད་སྐུ་གསུང་ཐུགས་ཀྱི་དབྱིངས་ནས་ཕྱུང་སྟེ་སྤྲུལ་པ་མཛད་དོ། །གྲུ་བཞི་པ་ལ་སྒོ་བཞི་པའི། །རྟ་བབས་རྒྱན་ཚོགས་ཀུན་གྱིས་སྤྲས། །རིན་ཆེན་ནོར་བུའི་ཕྲེང་སོགས་དང་། །བྷན་དྷ་དྲིལ་བུ་འདོད་པ་ལྔ་ཡི་ཚོགས། །མཆོད་པ་བླ་རེ་རྒྱལ་མཚན་གདུགས། །ཁ་དོག་ཉི་ཤུ་རྩ་ལྔས་སྤྲས། །འཁོར་ལོ་རེའུ་མིག་དགུ་པ་ལས། །སེང་གེ་ལ་སོགས་གདན་ཁྲི་སྤྲས། །ཀ་ཁ་ག་གྷ་ང་། ཙ་ཚ་ཛ་ཛྙ་ཉ།ཊ་ཋ་ཌ་ཌྷ་ན། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཡེ་ཤེས་མ་འདྲེས་བདེ་ཆེན་གསལ། །རྣམ་འཕྲུལ་རིགས་མཆོག་གཟུངས་ཀྱི་དམ་ཚིག་དང་། །ཁྲོ་ཞིང་འདྲེན་པའི་མདངས་ཀྱིས་གནས། །རིགས་གཉིས་ལུང་གིས་རྒྱུད་པའི་སྐུ། །དམར་ནག་ཞལ་གསུམ་ཕྱག་དྲུག་པ། །སེར་དཀར་དམར་བའི་ཞལ་གཉིས་དག །བཞིན་མདངས་ཚངས་པའི་ཚུལ་གྱིས་གནས། །དབུས་མ་ཁྲོ་འཛུམ་བརྗིད་བག་དང་། །པདྨ་རྡོ་རྗེ་འཁོར་ལོ་དང་། །དྲིལ་བུ་རིན་ཆེན་རྩེ་གསུམ་འཛིན། །རིན་ཆེན་ཕྲེང་བའི་ཆུན་འཕྱང་དང་། །མུ་ཏིག་དོ་ཤལ་དཔུང་རྒྱན་སྤྲས། །སྟོད་གཡོགས་སྨད་དཀྲིས་ན་བཟའ་བཀླུབས། །དབུ་རྒྱན་སྙན་ཆ་སོར་གདུབ་ཚོགས། །མཚན་བཟང་དཔེ་བྱད་མཛེས་པར་བརྒྱན། །རིགས་ཀྱིས་མཆོད་པས་དབུ་སྐྲ་སིལ། །རང་འོད་བཙུན་མོའི་སྐུ་བཅས་པ། །བྱུང་ནས་ཕྱོགས་བཅུའི་སྔགས་ཀྱིས་སྤྲོས། །ཧཱུྃ་ཕཊ་པདྨོ་གྷྲྀ་ག་ཛ་སྭཱ་ཧཱ། ཨོཾ་ཋེཾ་ཋེཾ་བྷིན་དྷ་ཛ་པྲ་མོ་ཧྃ། མཛད་པའི་ཕྲིན་ལས་རྫོགས་བྱས་ནས། །སླར་འདུས་བདག་པོའི་སྐུ་ལ་ཐིམ། །ཤར་དུ་རྣམ་སྣང་ཕྱག་རྒྱ་ཆེ། །གསེར་མདོག་ཞལ་གསུམ་ཕྱག་དྲུག་པ། །རྩེ་གསུམ་བེ་ཅོན་པདྨོ་རལ་གྲི་བྷན་དྷ་འཛིན། །ལྷོ་རུ་རིན་ཆེན་འབྱུང་ལྡན་ཉིད། །མཐིང་ག་ཞལ་གསུམ་ཕྱག་དྲུག་པ། །རིན་ ― DNG013_Page_0065 ―
[མ་དཔེ་གཟིགས་ན་འདིར་གནོན།]
ཆེན་པདྨ་གྲི་གུག་དང་། །ཤུ་ལ་བུམ་པ་རྩེ་གསུམ་འཛིན། །ནུབ་ཏུ་སྣང་བ་མཐའ་ཡས་སྐུ། །དམར་པོ་ཞལ་གསུམ་ཕྱག་དྲུག་པ། །ཐོད་དབྱུག་རྩེ་གསུམ་པདྨོ་དང་། །དགྲ་སྟྭ་འཁོར་ལོ་རལ་གྲི་འཛིན། །བྱང་དུ་དོན་ཡོད་གྲུབ་པ་ཉིད། །ལྗང་གུ་ཞལ་གསུམ་ཕྱག་དྲུག་པ། །རལ་གྲི་རྡོ་རྗེ་དབྱུག་པ་མདུང་། །པདྨོ་རྩེ་གསུམ་གཤིན་རྗེའི་རྐང་། །ཀུན་གྱི་གཡས་དཀར་གཡོན་པ་ནི། །དམར་ལྗང་སེར་དང་ལེ་བརྒན་མདོག །རང་གི་བཙུན་མོའི་མགུལ་ནས་འཁྱུད། །ཞལ་གཅིག་ཕྱག་གཉིས་བདག་པོ་ལྟར། །སྐུ་མདོག་གསང་བའི་མདངས་དང་ལྡན། །ཕྱག་དང་ཆ་ལུགས་ཀུན་གྱིས་བརྒྱན། །ཨོཾ་ཛི་ན་ཛི་ག་ལཾ། དྭེ་ཥ་ར་ཏི། སྭ་རཏྣ་དྷྲྀཀ །མྃ་མོ་ཧ་ར་ཏི། ཨོཾ་ཨཱ་རོ་ལིཀ །པྃ་རཱ་ག་ར་ཏི། ཧ་པྲཛྙཱ་དྷྲྀཀ །་བཛྲ་ར་ཏི། ཧཱུྃ་ཕཊ་སྭཱ་ཧཱ། འོད་ཟེར་འཕྲོ་བའི་ཚོགས་བཅས་པས། །རིགས་ཀྱི་དཀྱིལ་འཁོར་གསལ་བར་མཛད། །འཁོར་ལོ་སྒྱུར་རྒྱལ་ཆ་ལུགས་དང་། །དགྱེས་པའི་སྐྱིལ་ཀྲུང་ཚུལ་གྱིས་བཞུགས། །ཁྱམས་ཀྱི་ཕྱོགས་དང་མཚམས་རྣམས་སུ། །སེམས་དཔའ་བརྒྱད་དང་སེམས་མ་བརྒྱད། །ཐུགས་ཀྱི་ཡེ་ཤེས་ཡི་གེ་ལས། །རང་གི་གསང་སྔགས་དག་གིས་གདོན། །ས་སྙིང་དཀར་སེར་རིན་ཆེན་འཛིན། །ནམ་སྙིང་མཐིང་ག་རལ་གྲི་འཛིན། །སྤྱན་རས་དམར་སྐྱ་པདྨ་འཛིན། །གསང་བདག་ལྗང་སྐྱ་རྡོ་རྗེ་འཛིན། །གཡོན་པ་པདྨོ་ཡུ་བ་ཅན། །བསྙེམས་པའི་ཚུལ་གྱིས་ཕྱོགས་སུ་འདུད། །སྒེག་མོ་ཕྲེང་བ་དབྱངས་དང་གར། །དཀར་སེར་དམར་ལྗང་འོད་འཕྲོ་མདོག །མེ་ལོང་རིན་ཆེན་ཕྲེང་བ་དང་། །དབྱངས་སྙན་གར་ཐབས་མཛེས་པའི་ཚུལ། །ཨོཾ་ཀྴི་ར་ཛ་ཡ། ཧཱུྃ་ལཱ་སྱེ་ས་མ་ཡ་སྟཾ། ཏྲཱྃ་མཱ་ལེ་ས་མ་ཡ་ཧོ། ཧྲཱྀཿཔདྨ་བྷན་དྷ་ཧྲི། གིརྟི་ར་ཧོ་ཧྃ། ཨ་ནྲྀ་ཏི་ར་ག་ཡཱ་མི་ཧཱུྃ་ཕཊ། བྱམས་པ་དཀར་སེར་ཀླུ་ཤིང་འཛིན། །སྒྲིབ་སེལ་འཁོར་ལོ་མཐིང་ག་སྟེ། །འཇམ་དཔལ་དམར་སྐྱ་ཨུཏྤ་ལ། །ཀུན་བཟང་ལྗང་སེར་རིན་ཆེན་སྙེ། །གཡོན་པ་པདྨོ་ལྕུག་མ་འཛིན། །སེམས་དཔའི་སྟབས་ཀྱིས་གདན་ལ་བཞུགས། ། ― DNG013_Page_0066 ―
[མ་དཔེ་གཟིགས་ན་འདིར་གནོན།]
བདུག་སྤོས་མེ་ཏོག་འཐོར་བ་དང་། །མར་མེ་དྲི་ཆབ་ལྷ་མོ་རྣམས། །སེར་དཀར་དམར་ལྗང་གོ་རིམས་བཞིན། །མཚན་དང་མཐུན་པའི་རྫས་ཀྱིས་མཛེས། །ཨོཾ་མེ་ར་ནི། ཛ་དྷཱུ་པ་པྲ་བེ་ཤ །ཐི་ལིང་སྭ་ར་མ་པ་ཡ། ཧཱུྃ་པུས་པ་ཨཱ་བེ་ཤ་ཧཱུྃ་སྭ་ར་ཙ་ཡ། བྃ་དཱི་པ་པུ་གི་ནི། མུྃ་ཤི་ར་ཙ་ཡ། ཧོ་གན་དྷི་ཙི་ཏ་ཡ་ཧཱུྃ་ཕཊ། ཤར་སྒོར་གཤིན་རྗེ་གཤེད་པོ་ཆེ། །མཐིང་ནག་བེ་ཅོན་རྩེ་གསུམ་ཕྲེང་། །ལྷོ་སྒོར་སྟོབས་ཆེན་སེར་སྐྱའི་མདངས། །རྡོ་རྗེ་ཞགས་པ་རིན་ཆེན་ཕྲེང་། །ནུབ་སྒོར་རྟ་མཆོག་འཇིགས་བྱེད་རྒྱལ། །ཐོད་སྦྲུལ་དྲིལ་བུ་ལུ་གུ་རྒྱུད། །བྱང་སྒོར་རྡོ་རྗེ་འཁྱིལ་པ་སྟེ། །ལྗང་སྐྱ་རྡོ་རྗེ་རྩེ་གསུམ་མཐུ། །ཁྲོ་བོ་ཆ་ལུགས་རྔམ་བརྗིད་དང་། །དུར་ཁྲོད་རིམ་པའི་ཆས་ཀྱིས་བརྒྱན། །ལྕགས་ཀྱུ་ཞགས་པ་ལྕགས་སྒྲོག་དྲིལ། །སྤྱན་དམར་འཇིགས་བྱེད་འོད་དཔུང་དང་། །རྡོ་རྗེ་མཆེ་སོགས་ཁྲོ་གཉེར་ཅན། །ཡབ་ཡུམ་འཁྱིལ་པ་བརྐྱང་བསྐུམ་སྐུ། །ཧཱུྃ་ཕཊ་རུ་ལུའི་གསུང་འདོན་ཅིང་། །ལས་ཀྱི་འཁོར་ལོ་གནོན་པའི་ཚུལ། །ཨོཾ་རུ་ལུ་པདྨཱན་ཏ་ཀྲྀད་ཧཱུྃ་ཕཊ། ཛ་བཛྲ་ཀྲོ་དྷཱི་ཤྭ་རི་ཧཱུྃ་པྲཛྙཱནྟ་ཀྲྀད་ཕཊ། ཧཱུྃ་རཏྣ་ཀྲོ་དྷི་ཤྭ་རི། ཧཱུྃ་པདྨཱན་ཏ་ཀྲྀད་ཕཊ། བཾ་པདྨ་ཀྲོ་དྷི་ཤྭ་རི་ཧཱུྃ་བིག་ནཱན་ཏ་ཀྲྀད། ཧོ་ཀརྨ་ཀྲོ་དྷི་ཤྭ་རི་ཧཱུྃ་ཕཊ་སྭཱ་ཧཱ། ཕྱི་ནང་མེད་པར་དཀྱིལ་འཁོར་ཆེན་པོ་སྟེ། །ཐུགས་རྗེ་ཡེ་ཤེས་ཆེ་ལས་སྤྲུལ། །ཕྱག་རྒྱ་བཞི་ཡི་རྒྱས་བཏབ་ཅིང་། །དབུ་ལ་རིགས་ཀྱི་བདག་པོས་བརྒྱན། །འོད་དཔུང་སྤྲུལ་པའི་ལྷ་འཁོར་གྱིས། །འཇིག་རྟེན་གསུམ་པོ་སྣང་བྱེད་ཅིང་། །ཚངས་པ་ལ་སོགས་ལྷ་ཆེན་བརྒྱད་རྣམས་འགུགས། །རྡོ་རྗེ་བརྗིད་གནོན་སྔགས་ཀྱི་མཐུས། །དེ་དག་དྲན་པ་མེད་པར་འགྱུར། །མཚོན་ཆའི་ཚོགས་ཀྱིས་སྒྲོལ་བྱས་ཏེ། །དུག་གསུམ་ཕུང་པོ་གསོལ་བར་མཛད། །ཕྲིན་ལས་ཁྲོ་བོ་བརྗིད་གླུ་ཡིས། །ལྷ་ཆེན་འཁོར་རྣམས་དབང་དུ་སྡུད། །དཀྱིལ་འཁོར་ཆེན་པོར་གཞག་བྱས་ནས། །སྔ་མའི་ཤ་རུས་གནས་ནས་སྟོན། །རྡོ་རྗེ་བདུད་རྩིའི་ཏིང་འཛིན་གྱིས། །ལྷ་ཆེན་རྣམས་ཀྱིས་སླར་ལུས་གསོལ། །འཁོར་བཅས་པ་ཡི་དབང་བསྐུར་ཞིང་། ། ― DNG013_Page_0067 ―
[མ་དཔེ་གཟིགས་ན་འདིར་གནོན།]
རྡོ་རྗེ་འཆང་གི་གྲལ་ལ་དགོད། །དམ་ཚིག་གསང་བའི་བརྡས་བསྒོས་ཤིང་། །ཕྲིན་ལས་བཀའ་ཉན་གཉེར་གཏད་དེ། །གཞལ་ཡས་ཁང་གི་རྒྱན་དུ་བཞག །ཀུན་ཀྱང་ཚིག་དབྱངས་མཐུན་པ་བསྒོས། །དམ་ཚིག་མནའ་སྲོག་ཐལ་མྱོང་འགྱུར་ཞེས་བརྗོད་དོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རྡོ་རྗེ་བཀོད་པའི་དཀྱིལ་འཁོར་སྤྲུལ་པའི་ལེའུ་སྟེ་བཅུ་གཅིག་པའོ།། །།དེ་ནས་པདྨོ་ཆགས་པའི་སྐུས། །གསུང་གི་གཟི་མདངས་རྒྱས་མཛད་དོ། །ཕྱག་རྒྱ་རྫུ་འཕྲུལ་གནས་སྦྱོར་བས། །གསེར་མིག་འདབ་བཟངས་གྲོང་ཁྱེར་དང་། །ལང་ཀའི་གནས་ཚོགས་སྲིན་པོའི་སྡེ། །ཀླུ་རྒྱལ་དབང་དུ་བསྡུ་བའི་ཕྱིར། །རྫུ་འཕྲུལ་ཀུན་སྟོབས་འཁོར་ལོ་ཡིས། །ལྷ་ཆེན་ལ་སོགས་གདུལ་བར་དགོངས། །ཏིང་ངེ་འཛིན་ལ་སྙོམས་ཞུགས་ཏེ། །པདྨོ་རྟ་མཆོག་སྤྲུལ་པ་མཛད། །དེ་བཞིན་ཉིད་དབྱིངས་སྙོམས་འཇུག་ལས། །སེམས་དཔའ་རྒྱལ་བ་ཀུན་གྱི་ཡབ། །རྡོ་རྗེ་འཛིན་ཐུབ་དབང་ཉིད་དང་། །རིགས་ཉིད་སྤྲུལ་པའི་ལུང་ལས་གྲུབ། །སྐུ་མདོག་དམར་པོ་རཱ་གའི་མདོག །ཞལ་གསུམ་རྟ་མགོ་ལྗང་གུ་ཅན། །ཕྱག་ནི་གྲི་གུག་ཁ་ཊྭཱྃ་ག །ཐོད་པ་ཁྲག་མེ་དཔུང་སྦྲུལ་ལྔ། །གནས་བརྒྱད་ཀླུ་བདག་ཐོད་ཕྲེང་དང་། །གླང་ཆེན་སྟག་གི་པགས་པ་གྱོན། །སྒྲ་སྐད་དྲག་པོ་ཕྱོགས་བཅུར་སྒྲོག །བགེགས་ལ་སོགས་པའི་ཆ་ལུགས་ཅན། །དྲང་སྲོང་ཁྲོས་པའི་ཆ་ལུགས་ཀྱིས། །ཀླུ་ཡི་འགྲོ་བ་རྨོངས་མཛད་པ། །པདྨའི་གདན་ལ་བརྐྱང་བསྐུམ་གྱིས། །ཡུམ་ཆེན་དཔལ་ལྡན་མ་དང་སྦྱོར། །ཨོཾ་པདྨོ་གུ་རུ་ཧེ་ཧེ་རུ་ལུ་ཧཱུྃ་ཕཊ། འཁོར་ལོ་འབར་བ་ཕྱོགས་མཚམས་སུ། །ཡེ་ཤེས་ཁྲོ་བོ་ཆེན་པོ་བརྒྱད། །ཧྲཱྀ་ལས་གྲུབ་པའི་འཇིགས་གཟུགས་ཅན། །རྟ་མགོ་ལྗང་གུ་བརྗིད་པ་ཡི། །ཤར་དུ་པདྨའི་དབང་ཕྱུག་ནི། །དཀར་པོ་ཞལ་གསུམ་ཕྱག་དྲུག་པའོ། །རྡོ་རྗེ་པདྨ་ཀླུ་ཞགས་དང་། །རིན་ཆེན་དབྱུག་པ་རལ་གྲི་མདུང་། །སེང་གེ་རྒྱལ་མོ་སྐུ་དང་འཁྲིལ། །སྣ་ཚོགས་མི་མཐུན་ ― DNG013_Page_0068 ―
[མ་དཔེ་གཟིགས་ན་འདིར་གནོན།]
ཞབས་ཀྱིས་གནོན། །ཉི་མ་ཟླ་བའི་སྙན་ཆས་བརྒྱན། །སྦྲུལ་གྱི་ཕྲེང་བས་གནས་ཀུན་བརྒྱན། །ལྷོ་རུ་གཟི་ཆེན་དྲག་པོ་ནི། །མདོག་ནག་རལ་གྲི་རྩེ་གསུམ་ལྔ། །རྡོ་རྗེ་རྩེ་གསུམ་མདའ་དང་གཞུ། །དྲག་པོ་གནས་ཀྱི་སྐུ་དང་འཁྲིལ། །མེ་རི་འབར་བས་ཀུན་དུ་ཁྱབ། །སྟག་མོ་བཅིངས་པས་གཞན་གནས་འཇིགས། །སྤྲུལ་པའི་ཕོ་ཉ་མེ་འབྲུག་གི། །ཁྲོ་བོ་ཡི་ནི་དཀྱིལ་འཁོར་ཚོགས། །ནུབ་ཏུ་རྡོ་རྗེ་དྲ་བ་མཆོག །དམར་སེར་རྡོ་རྗེ་དབྱུག་པ་བྲི། །འཁོར་ལོ་སྦྲུལ་ཞགས་མེ་ལོང་ཆུ། །ལྷ་མོ་འཇིགས་ཆེན་ཞབས་ཀྱིས་གནོན། །འོད་འབར་གློག་གི་ཕྲེང་བ་ཅན། །སྤྲུལ་པའི་ཕོ་ཉ་ཅེ་སྤྱང་གདོང་། །འབུམ་ཕྲག་གྲི་དང་ཐོད་ཁྲག་འཛིན། །བྱང་དུ་འོད་བྱེད་འཇིགས་ཆེན་སྐུ། །ལྗང་གུ་རྩེ་གསུམ་མདའ་བོ་ཆེ། །ནོར་བུ་དུང་ཁྲག་ལྕུག་མ་དུང་ཁྲག་འཆང་། །ར་རོ་མིག་དམར་ཟིལ་གྱིས་ནོན། །རྒྱལ་བདག་ཁྲོ་བོའི་སྐུ་དང་འཁྲིལ། །ཅོད་པན་ཀླུ་མགོ་གདེངས་ཀའི་རྒྱན། །དུས་མཚུངས་ཕུད་ཀྱི་སྒྲ་ཆེན་སྒྲོགས། །ཀུན་ཀྱང་ཐོད་ཕྲེང་གཡང་གཞི་དང་། །དུར་ཁྲོད་གནས་འབྱུང་གཙང་སྨེ་བྱེད། །མཚམས་ཀྱི་ཁྲོ་བོ་ཆེན་པོ་བཞི། །རིགས་ཀྱི་ཕྱེད་གཟུགས་ཐིག་ལེས་མཚན། །ཞལ་གསུམ་ཕྱག་དྲུག་འོད་མདངས་ཅན། །རྡོ་རྗེ་ཐོད་དབྱུག་གླུ་ཡི་སྒྲ། །ཅེ་སྤྱང་བྱ་ཁྱུང་གནམ་ལྕགས་སྤྲིན། །འོད་ཕྲེང་ཐིག་ལེ་དབྱུ་གུའི་རྒྱན། །རྣམ་འཕྲུལ་ཀླུ་ཐབས་ཨུ་ཧ་ར། །འདོད་ཡོན་ལྷ་མོའི་ཚོགས་ཀྱིས་བསྐོར། །ཀུན་དུ་སྤྱན་དམར་རྡོ་རྗེའི་མཚན། །གནས་སུ་འཇིགས་པའི་ཧཱུྃ་སྒྲ་སྒྲོགས། །ཀླུ་ཡི་རྒྱལ་པོའི་གནས་ན་བཞུགས། །གཞན་གྱི་རྫུ་འཕྲུལ་འཇོམས་པར་བྱེད། །ཨོཾ་མ་ཧཱ་ཧ་ཡ་གྲཱི་བ་པདྨ་དྷ་རུ་ནྃ་བི་དྷ་ཧ་ར་ཧཱུྃ་ཕཊ་རྩ་བའི་སྔགས་སོ། །ཨོཾ་ན་མོ་ཨུད་ཏྃ་ཧེ་རུ་ལུ་རུ་ཀྃ་བ་མུ་ཁ། ཨཱ་ཀར་ཥ་ཡ་རཀྵ་ན་གྃ་གུ་རུ་ཧཱུྃ་ཕཊ་སྙིང་པོའི་སྔགས་སོ། །ཨོཾ་པདྨ་རག་མ་ཀུ་རྱ་ར་ཀྃ་རུ་ལུ་རུ་ལུ་ཧཱུྃ་ཕཊ་ཉེ་བའི་སྙིང་པོའོ། །དཀྱིལ་འཁོར་ཆེན་པོའི་ཕྱོགས་བཞི་རུ། །ལྕགས་ཀྱུ་ལྕགས་སྒྲོག་ཞགས་པ་དྲིལ་བུ་རྣམས། །དཀར་དམར་སེར་ལྗང་འོད་མདངས་འབར། །སེང་གེ་ཅེ་སྤྱང་སྟག་འབྲུག་དང་། ། ― DNG013_Page_0069 ―
[མ་དཔེ་གཟིགས་ན་འདིར་གནོན།]
མགོ་བརྩེགས་སྤྲུལ་པའི་འཁོར་དང་བཅས། །རང་གི་ལས་ཀྱིས་འཁོད་པ་དང་། །འཇིགས་པའི་ཆ་ལུགས་རྔམ་གཟུགས་གནས། །ལས་མཛད་ཀླུ་ཡི་དཀྱིལ་འཁོར་འདུལ། །ཀླུ་ཆེན་བརྒྱད་སོགས་བསྡུས་བྱས་ན། །མཐུ་དང་རྫུ་འཕྲུལ་མེད་པར་བྱ། །རང་གི་དམ་ཚིག་དྲན་པའི་ཤུགས། །སྤྱན་རྣམས་སྤྱན་ངར་འདོད་པར་བྱེད། །ཨོཾ་ན་ག་དྲིངས་མེ་ག་ན་ན་ག་ར་ཙ་ཡ་ས་མ་ཡ་ཧཱུྃ། དཀྱིལ་འཁོར་གསང་བར་དབང་བསྐུར་ནས། །འོད་བཟང་གཟི་མདངས་མེ་དཔུང་འབར། །རིགས་ཀྱི་དབུ་རྒྱན་གསལ་བྱེད་ཕྱེ། །ཡེ་ཤེས་འོད་ཚོགས་གནས་བཅས་ཏེ། །དཀྱིལ་འཁོར་གསང་བར་གོམས་ཞུགས་ཀྱིས། །ཚུལ་འཛིན་དཀོན་མཆོག་མངོན་དུ་དབྱེ། །ཚོགས་རྣམས་མ་ལུས་མགྲིན་གཅིག་ཏུ། །གར་དབང་སྐུ་ལ་སྐྱབས་གསོལ་ཞིང་། །འདོད་ཡོན་གསོལ་འདེབས་དམ་བཅས་པ། །བསོད་ནམས་ཕུང་པོའི་གཏེར་ལ་སྤྱོད། །ཀྱེ་མ་དཀྱིལ་འཁོར་ཡ་མཚན་ཆེ། །བདག་ཅག་འཁོར་རྣམས་རབ་སྒྲོལ་མཛད། །རྒྱལ་བའི་དཀྱིལ་འཁོར་དཔེ་བྲལ་བས། །ཉི་མའི་དཀྱིལ་འཁོར་བཞིན་དུ་གནས། །བདེ་ཆེན་ལམ་འདི་སྔོན་མ་རྟོགས། །ད་ལྟར་ཐུགས་རྗེ་དྲིན་གྱིས་རྙེད། །རྣལ་འབྱོར་གསང་བར་འཛིན་བྱེད་ཀྱིས། །ཇི་ལྟར་བསྒོས་པའི་བཀའ་བཞིན་འགྱིང་། །རྡོ་རྗེ་གསང་བའི་དམ་འདི་ལས། །གལ་ཏེ་ཉམས་ན་འདས་པར་ཤོག་ཅེས་དམ་བཅས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རྟ་མགྲིན་དབང་གི་དཀྱིལ་འཁོར་སྤྲུལ་པའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་པདྨའི་སྐུས། །ཡུམ་ལ་ཆགས་ཚུལ་འཛུམ་མདངས་ཀྱིས། །བཀའ་ཡི་བསྒོ་བས་དགྱེས་མཛད་དེ། །མི་ཤིགས་ཏིང་འཛིན་ལ་གནས་མཛད། །ཕྱོགས་སྐྱོང་དྲི་ཟ་རྒྱལ་ཆེན་པོ། །རང་གི་ཆུང་མ་ཚོགས་བཅས་པས། །གནས་གཞན་འཇིགས་པར་མཛད་པ་དང་། །རང་གི་མཐུས་བཅུས་འདུལ་བར་མཛད། །སྐུ་ནི་བཻ་ཌཱུར་འཚེར་བའི་མདངས། ། ― DNG013_Page_0070 ―
[མ་དཔེ་གཟིགས་ན་འདིར་གནོན།]
ཞལ་གསུམ་ཕྱག་རྒྱ་དྲུག་གིས་རོལ། །རིན་ཆེན་མཛོད་བུམ་སྔགས་ཆེན་ལྕུག །འཁོར་ལོ་ཕྲེང་བ་མ་ག་ཏ། །རྒྱན་དང་ཆ་ལུགས་རིན་ཆེན་ཚོགས། །དབྱིངས་ཀྱི་དབང་ཕྱུག་ཡུམ་ཆེན་མོ། །དམར་སྐྱ་ཟབ་མོའི་ཚུལ་དུ་སྦྱོར། །འོད་འཕྲོ་སེམས་དཔའི་གདུག་པའི་འཕྲོ། །རིགས་ལྔའི་དབུ་རྒྱན་རིན་ཆེན་ཕྲེང་། །ཕྱག་རྒྱ་བཞི་ཡིས་བརྗིད་པའི་ལྷ། །རིན་ཆེན་འབར་བའི་གཞལ་ཡས་ཁང་། །གྲུ་བཞི་སྒོ་བཞི་རྟ་བབས་བརྒྱན། །བར་ཁྱམས་འཁོར་གྱི་དབུས་ནས་འགྱིང་། །པདྨའི་ལྟེ་བར་སྐྱིལ་ཀྲུང་བཞུགས། །ཤར་དུ་འཇོམས་བྱེད་རྡོ་རྗེའི་སྐུ། །དཀར་གསལ་རྡོ་རྗེ་དྲིལ་བུ་འཛིན། །ལྷོ་རུ་རིན་ཆེན་བློ་གྲོས་སྐུ། །དཔལ་བེའུ་གདུགས་མཛེས་འོད་མང་སེར། །ནུབ་ཀྱི་ཕྱོགས་ཀྱི་རྒྱལ་པོ་རྟོག །དཀར་དམར་པདྨ་གླེགས་བམ་འཛིན། །བྱང་དུ་འཇིག་རྟེན་ཀུན་སྒྲོལ་བ། །ལྗང་སྐྱ་རྡོ་རྗེ་རྒྱ་གྲམ་བྲི། །ཤར་ལྷོ་དྲ་བའི་དབང་ཕྱུག་ནི། །སེར་སྐྱ་རིན་ཆེན་བྷྲྀང་ག་ར། །ལྷོ་ནུབ་ཆོས་ཀྱི་ལྷུན་པོ་མཆོག །རྩེ་གསུམ་པདྨའི་ལྕུག་མ་འཛིན། །ནུབ་བྱང་རྒྱལ་བའི་ཡེ་ཤེས་ཏོག །སྔོ་སྐྱ་སེང་གེའི་བུམ་པ་འཛིན། །བྱང་ཤར་སྒྱུ་འཕྲུལ་དྲ་བ་བརྩེགས། །ལྗང་སེར་གཡུང་དྲུང་རྡོ་རྗེ་མཚན། །འདི་དག་འཁོར་ལོས་སྒྱུར་རྒྱལ་བྱིན། །མཚན་དང་དཔེ་བྱད་འོད་མདངས་རྒྱན། །སྐྱེས་བུ་ཆེན་པོའི་ལོངས་སྤྱོད་འཕེལ། །ཆ་མཐུན་ཡུམ་དང་འཁྲིལ་བར་བཞུགས། །ཨོཾ་བི་ཏ་ཛྙཱ་ན་ཏ་ན་སྃ་བོ་ག་ཏ་ཧཱུྃ་ཕཊ། ཨོཾ་དྷཪྨ་མུ་ནི་ན་ས་ན་ས་ཧཱུྃ། ཨོཾ་བི་ཧ་ར་ཕྲ་མོ་ཐ་ན་ཧཱུྃ་ཕཊ། ཨོཾ་ཛྙཱ་ན་ལོ་ཏྲ་སྃ་བོ་ག་ཡ་ཧཱུྃ་ཕཊ། ཨོཾ་རཏྣ་མ་རུ་དྷི་ས་གྲུཾ་བ་ཧཱུྃ་ཕཊ། ཨོཾ་མ་ཧཱ་ཤུ་ཏི་མུ་ས་མོ་ཧ་ཧཱུྃ་ཕཊ། ཨོཾ་བུད་དྷ་བུད་དྷ་སརྱ་ན་ཀུ་མཱ་ར་ཧཱུྃ་ཕཊ། ཨོཾ་ན་མ་ག་ག་ན་སི་ཏ་ཡོ་ག་ཧཱུྃ་ཕཊ། ཨོཾ་ནི་ས་ཧ་ཧེ་ཧེ་ཧུ་མུ་ག་ར་བ་རི་ཧཱུྃ་ཕཊ། འཁོར་ལོའི་གསང་སྔགས་རབ་བརྗོད་པས། །ལྷ་རྣམས་ཕྱི་ཡི་གནས་སུ་སྤྲོ། །དྲག་པོའི་རྒྱུ་འབྲས་སྦྱང་བྱས་ཏེ། །གནས་ཀུན་དག་པའི་ཡེ་ཤེས་ཆེ། །རིགས་མཆོག་ཡེ་ཤེས་འོད་གསལ་བས། །ཤར་གྱི་དབང་པོ་དྲི་ཟ་སོགས། །གནས་མགོན་སྐྱབས་དང་དབང་དུ་མཛད། །ཉོན་མོངས་ལས་ཀྱི་དྲེགས་པའི་ཚོགས། །རང་རྒྱུད་ཞི་ནས་བྱང་ ― DNG013_Page_0071 ―
[མ་དཔེ་གཟིགས་ན་འདིར་གནོན།]
སེམས་བཅས། །བཅོམ་ལྡན་འདས་ཀྱི་སྤྱན་སྔར་འཁོད། །སྙིང་པོ་མདོངས་གསོལ་ཕུལ་བར་འགྱུར། །ཨོཾ་ཏྲག་ཤ་ཀ་སརྦ་ར་མ་མ་ས་ཧཱུྃ་ཧཱུྃ་སྭཱ་ཧཱ། བཅོམ་ལྡན་འདས་བདག་ཅག་གི་རིག་པ་འདི་བྱིན་གྱིས་བརླབ་ཏུ་གསོལ། བསྟན་པ་མྱུར་དུ་སྤེལ་ཅིག །རྒྱ་ཆད་པའི་སྔགས་ཀྱིས་ཐམས་ཅད་བསྲུང་བར་གྱུར་པ་བདེ་ལེགས་སུ་བྱ་བའི་གནས་པ་བདག་ཅག་དུས་ཐམས་ཅད་དཀྱིལ་འཁོར་འདིར་གནས་ཤིང་དེ་འཛིན་པའི་རྣལ་འབྱོར་པ་དག་བསྲུང་བར་བྱ་བ་དང་བྲན་བཞིན་དུ་གནས་པར་བགྱིའོ། །སླར་ཡང་བདག་ཅག་རྣམས་མགོན་པོས་བཞེངས་ལ་བྱིན་གྱིས་བརླབས་ཏེ་དབང་བསྐུར་བ་དང་གྲོལ་བར་མཛད་དུ་གསོལ་ཞེས་གསོལ་བ་བཏབ་པ་དང་། བཅོམ་ལྡན་འདས་ཀྱིས་རིག་པའི་སྙིང་པོ་འདི་བྱིན་གྱིས་བརླབས་སོ། །ཨོཾ་ཨུ་ཨོཾ་མྲྀ་ཏ་བི་གན་ཤུ་ཏ་ཧཱུྃ་ཕཊ་སྭཱ་ཧཱ་ཞེས་གསུངས་པ་དང་། དེ་དག་དང་པོའི་སངས་རྒྱས་བཞིན་དུ་འོད་ཟེར་དང་བཅས་པར་གྱུར་ནས་གཞལ་ཡས་ཁང་གི་རྒྱན་དུ་འཁོད་དོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་ཐུགས་ཡེ་ཤེས་སེམས་དཔའི་དཀྱིལ་འཁོར་འཕྲུལ་པའི་ལེའུ་སྟེ་བཅུ་གསུམ་པའོ།། །།དེ་ནས་བདེ་བྱེད་གར་དབང་ཕྱུག །པདྨ་ཚོགས་པའི་སྐུ་ཆེན་པོས། །ཡོན་ཏན་རིན་ཆེན་སྒྱུ་མའི་ཆོས། །ཏིང་ངེ་འཛིན་ལ་སྙོམས་ཞུགས་ནས། །མཁའ་འགྲོ་ཚོགས་བཅས་གཤིན་རྗེ་རྣམས། །རྒྱལ་པོ་རྒྱལ་ཆེན་རྒྱལ་མོར་གནས། །འཁོར་བཅས་འདུལ་བར་བྱ་བའི་ཕྱིར། །མཁའ་འགྲོ་ཆེན་མོའི་ཚོགས་འཕྲུལ་མཛད། །ཐབས་དང་ཤེས་རབ་གཉིས་མེད་ལས། །གཟི་ལྡན་གར་གྱི་དབང་ཕྱུག་མ། །པདྨ་རཱ་ག་ནམ་མཁའི་མདོག །ཞལ་གཅིག་པ་ལ་ཕྱག་བཞི་སྟེ། །པདྨའི་སྡོང་པོ་བདུད་རྩིའི་སྣོད། །རྡོ་རྗེ་ཁ་ཊྭཱཾ་ཞགས་པ་ཐོགས། །རིན་ཆེན་ཕྲེང་བའི་རྒྱན་གྱིས་བཀླུབས། །ཁྱོད་བཞེད་འཇིགས་མདངས་ཚུལ་འཛིན་ཅིང་། །བརྐྱང་བསྐུམ་ཞིང་མཆོག་ཉི་མའི་དཀྱིལ། །གཡང་གཞི་ཉི་མའི་ཕྲེང་བས་བརྒྱན། །ཨོཾ་པདྨ་མ་ ― DNG013_Page_0072 ―
[མ་དཔེ་གཟིགས་ན་འདིར་གནོན།]
ཧཱ་ཀྲོ་དྷི་ཤྭ་རི་ཧཱུྃ་ཕཊ། དཔལ་གྱི་ལྷ་མོ་མཆོག་ཉིད་དང་། །ཨོཾ་དང་སྤྲུལ་ཏེ་ཕྱོགས་དང་མཚམས། །པདྨའི་གདན་ལ་ཞིང་གིས་མཚན། །བརྐྱང་བསྐུམ་སྐུ་མདོག་སྔོན་མོའི་ཚོགས། །ཕྱག་ན་གྲི་གུག་ཐོད་པ་ཁྲག །འབར་བའི་ཆ་ལུགས་སྐྲ་འབར་མ། །ཕྱི་རོལ་སྤྲུལ་པའི་ཚོགས་བཅས་པས། །དུར་ཁྲོད་ཆེན་པོའི་གནས་སུ་རོལ། །རྡོ་རྗེ་རིན་ཆེན་པདྨོ་དང་། །ལས་དང་སྒྱུ་འཕྲུལ་མཁའ་ལ་བཞད། །སྣ་ཚོགས་སྒྱུ་མ་བཞིན་རྒྱས་སྤྱན། །ཁ་དོག་ཕྱོགས་མཚམས་ཇི་ལྟ་བུ། །གསལ་ཞིང་མུན་པའི་རྡུལ་གྱིས་གོས། །ཞིང་གི་དབྱུག་པ་རྩེ་གསུམ་དང་། །གསེར་གྱི་མདའ་དང་རྡོ་རྗེ་དང་། །ཆུ་སྲིན་རྒྱལ་མཚན་ཞགས་པ་དང་། །ཞིང་ཆེན་རྡོ་རྗེ་རྩེ་དགུ་གདེངས། །གྲི་གུག་རྒྱུ་མའི་ཞགས་པ་སྡོམ། །རྡོ་རྗེ་གདེངས་པ་རྩེ་གསུམ་ཁྲག །ཞིང་ཆེན་ཁོག་ཕྱེས་སྙིང་འདྲེན་ཅིང་། །དེ་བཞིན་རླུང་ཡབ་ཐོད་པ་འཆང་། །ཨོཾ་བཛྲ་ཏ་ཀྲྀད་མ་ཧཱ་ལ་ཏི་ཏི་ཧཱུྃ་ཧཱུྃ་ཕཊ། ཨོཾ་བཛྲ་ཏ་ཏྲི་མེ་ད་ར་ཧཱུྃ་ཕཊ། ཨོཾ་ཌཱ་ཀི་མད་ཀུམ་པ་ཡ་ཧཱུྃ་ཕཊ། ཨོཾ་ཌཱ་ཀི་ནཱི་ཏི་དྲེ་ཤ་ཧཱུྃ་ཕཊ། ཨོཾ་བཛྲ་ཌཱ་ཀི་བི་ལ་ས་ཧཱུྃ་ཕཊ། ཨོཾ་བཛྲ་ཌཱ་ཀི་དྲི་ཀུ་ཊ་མ་ལེ་ཧཱུྃ་ཕཊ། ཨོཾ་བཛྲ་ཌཱ་ཀི་ཛྭ་ལ་ཛྭ་ལ་ཧཱུྃ་ཕཊ། ཕྱི་རོལ་པདྨའི་འདབ་མ་ལ། །སེང་གེ་རྟ་དང་ཅེ་སྤྱང་ཝ། །བྱ་རྒོད་ཀང་ཀ་བྱ་རོག་འུག །མགོ་བརྙན་མཆེ་གཤོག་ཆེན་མོ་བརྒྱད། །ཧཱུྃ་ལས་སྤྲུལ་ཏེ་མདོག་དམར་པོ། །ཕྱག་ན་གྲི་གུག་ཐོད་པ་ཁྲག །རྡོ་རྗེ་རལ་གྲི་རྩེ་གསུམ་མདུང་། །འཁོར་ལོ་དགྲ་སྟྭ་བེ་ཅོན་མདའ། །གཏུན་ཤིང་ཞིང་ཁོག་གཡང་གཞི་སྦྲུལ། །ནེའུ་ལེ་གཞོང་པ་རིན་ཆེན་ཁྱུང་། །ཞལ་གདངས་སོ་སོའི་ཕྱོགས་མདངས་བཞིན། །ཀུན་ཀྱང་ཁྲོ་བཅས་ཁྱམས་པར་གནས། །ཞིང་ལྤགས་གཡང་གཞི་ཐོད་ཕྲེང་སྦྲུལ། །ཁྲག་ཞག་ཐལ་བའི་ཚོམ་བུས་བརྒྱན། །མཁའ་འགྲོ་རིགས་བདུན་མ་སྲིང་སྤྲུལ་པའི་ཚོགས། །མཆེ་གཤོག་འབར་བ་ཕྱོགས་བཅུར་འཁྲུགས། །ཨོཾ་སེ་ར་བ་ར་ན་ཧཱུྃ་ཕཊ། ཨོཾ་ནི་རྃ་ཏེ་ཤ་པ་མུ་ཁ་ཧཱུྃ་ཕཊ། ཨོཾ་ཀྃ་ན་མ་དུ་ན་ཧཱུྃ་ཕཊ། ཨོཾ་མུ་ཀ་ར་ན་ནྃ་ཧཱུྃ་ཕཊ། ཨོཾ་སཱུརྱ་ས་མོ་ཀ་ཧཱུྃ་ཕཊ། ཨོཾ་ ― DNG013_Page_0073 ―
[མ་དཔེ་གཟིགས་ན་འདིར་གནོན།]
བཛྲ་སྣིག་ཤ་བྲུཾ་ཧཱུྃ་ཕཊ། ཨོཾ་ནི་ཤ་ཀུརྱ་ར་ན་ཧཱུྃ་ཕཊ། ཨོཾ་རེ་ལྃ་སུ་བག་ཤ་ཧཱུྃ་ཕཊ། མཁའ་འགྲོ་བཅུ་དྲུག་འདི་དག་ཀྱང་། །འོད་འབར་གློག་གི་ཕྲེང་བ་ཅན། །འོད་ཀྱི་རུ་ལུའི་སྒྲ་འབྱིན་ཅིང་། །སྤྱན་མུར་ཁྲོ་གཉེར་མཆེ་བ་ཅན། །ཞལ་གཅིག་ཕྱག་བཞི་རོལ་པའི་སྟབས། །དབྱིངས་དང་ཤེས་རབ་རབ་རྟོགས་ལ། །སོ་སོའི་ཕྲིན་ལས་མཛད་པའི་ཕྱག །ཞལ་དང་སྐུ་ནི་སོ་སོའི་མདོག །ཨོཾ་རུ་ཁུ་སྃ་ཏ་གུ་ན་ཌཱེ་ཏ་ས་མོ་ར་ག་ཧཱུྃ་ཕཊ་སྙིང་པོའི་སྔགས་སོ། །ཨོཾ་བཛྲ་ཌཱ་ཀི་ཛཱ་ལ་ཤྃ་བ་ར་ཀུ་མ་ར་ཧཱུྃ་ཕཊ་ཉེ་བའོ། །ཨོཾ་ཌཱ་ཀི་ཧཱུྃ་སྃ་པ་ར་ཛཱ་ལི་མུ་ཁ་མ་མེ་ཧཱུྃ་ཕཊ་རྩ་བའི་སྔགས་སོ། །མཁའ་འགྲོ་མ་ཡི་དཀྱིལ་འཁོར་སྤྲོ་བའི་མཐུས། །དེ་དག་དྲན་པ་མེད་པར་བརྒྱལ། །སླར་ཉིད་རང་གི་འཁོར་དུ་བསྡུས། །དམ་ཚིག་དཀྱིལ་འཁོར་ཆེན་པོར་བཀོད། །དེ་ནས་མཁའ་འགྲོའི་ཚོགས་དང་བཅས། །གདུལ་བྱ་རྣམས་ཀྱི་གནས་དོར་ནས། །རྒྱལ་བའི་བསྟན་པ་བཟུང་བྱེད་ཅིང་། །རྡོ་རྗེ་ཐེག་པ་སྦྱོར་བར་མཛད། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་མཁའ་འགྲོ་མ་སྤྲུལ་པའི་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་དགྱེས་པའི་གཙོ། །གར་གྱི་དབང་ཕྱུག་དེ་བཞིན་གཤེགས། །གཟི་ལྡན་ཡུམ་དང་ཞལ་སྦྱོར་ཞིང་། །ཕྱོགས་བཅུའི་དཀྱིལ་འཁོར་སྤྲུལ་པའོ། །ཏིང་ངེ་འཛིན་ལ་སྙོམས་ཞུགས་ནས། །ཕྱོགས་ཀྱི་བགེགས་འདུལ་བྱེད་པའོ། །ཁམས་གསུམ་གནོན་པའི་དཀྱིལ་འཁོར་སྤྲུལ། །སངས་རྒྱས་ཀུན་གྱི་རང་བཞིན་གནས། །རིན་ཆེན་འབར་བའི་ཁང་བཟངས་ན། །རིན་ཆེན་པདྨ་སེང་གེའི་གདན། །དྲི་མེད་ཉི་ཟླ་སྤྲས་པ་ལ། །དབུས་ཀྱི་ལྷ་མཆོག་ཆེན་པོ་ནི། །ཞབས་བརྒྱད་ཕྱག་ནི་བཅུ་དྲུག་དང་། །དམར་སེར་ཉི་མའི་དཀྱིལ་འཁོར་བཞིན། །བགེགས་ལ་སོགས་པའི་ཚུལ་དང་ལྡན། །པདྨ་རྡོ་རྗེ་འཁོར་ལོ་གྲི། །ཐོད་པ་རིན་ཆེན་དགྲ་སྟྭ་རས། །ཡུམ་ཆེན་དབང་ཕྱུག་སྒེག་མོ་དང་། །རྒྱན་ཚོགས་རིན་ཆེན་ཕྲེང་བ་ཅན། །དྲི་མེད་པདྨས་བཀླུབས་པའོ། །ཨོཾ་བ་ག་བ་ཏེ་རུ་ཀྃ་སྃ་ ― DNG013_Page_0074 ―
[མ་དཔེ་གཟིགས་ན་འདིར་གནོན།]
པོ་ག་ཏ་ཡ་ཧཱུྃ་ཕཊ། མདུན་དུ་རྡོ་རྗེ་སེམས་དཔའ་ནི། །དཀར་སེར་རྡོ་རྗེ་དྲིལ་བུ་འཛིན། །གཡས་སུ་རིན་ཆེན་སེམས་དཔའ་སྟེ། །སེར་པོ་རིན་ཆེན་འཁོར་ལོ་ཐོགས། །རྒྱབ་ཏུ་པདྨོའི་སེམས་དཔའ་ཉིད། །དམར་སེར་རྩེ་གསུམ་བུམ་པ་ཐོགས། །གཡོན་དུ་ལས་ཀྱི་སེམས་དཔའ་སྟེ། །ལྗང་སེར་དྲིལ་བུ་ཏྲི་ཤཱུ་ལ། །ཨོཾ་བཛྲ་སྭཏྟ་ཧཱུྃ་ཕཊ། ཨོཾ་རཏྣ་སྭཏྟ་ཧཱུྃ་ཕཊ། ཨོཾ་པདྨ་སྭཏྟ་ཧཱུྃ་ཕཊ། ཨོཾ་ཀརྨ་སྭཏྟ་ཧཱུྃ་ཕཊ། འཁོར་ལོ་པདྨའི་རྩེ་མོ་ལ། །ཡུམ་དང་འཁྲིལ་བའི་ཚུལ་གྱིས་འཁོད། །ཕྱི་རོལ་པདྨའི་རིགས་བདུན་ལ། །བདེར་གཤེགས་ཡབ་ཡུམ་ཉིས་སྟོང་ཚོགས། །བདེར་གཤེགས་རྡོ་རྗེ་རིན་ཆེན་དང་། །པདྨ་རྒྱ་གྲམ་སྣ་ཚོགས་མཁའ། །སྐུ་མདོག་པདྨ་རཱ་ག་དང་། །ཨིནྡྲ་ལ་སོགས་རིམ་བདུན་ལ། །རལ་པ་རྩེ་མཛོད་བུམ་པ་ལ། །ལྕུག་མ་དྲིལ་བུ་གླེགས་བམ་དང་། །ཆོས་ཀྱི་རྒྱལ་མཚན་ཕྲེང་བ་འཛིན། །ཀུན་ཀྱང་ཞལ་གསུམ་ཕྱག་དྲུག་པ། །རིན་ཆེན་རྒྱན་ཕྲེང་འོད་མདངས་ཅན། །ཕྱག་མཚན་གྲི་གུག་ཐོད་པ་དང་། །པདྨའི་ཕྲེང་བ་རྩེ་གསུམ་བསྣམས། །ལྷག་པའི་ཕྱག་བཞི་འཛིན་པར་མཛད། །དང་པོར་རང་རྟགས་ཕྱག་རྒྱ་བསྣམས། །ཨོཾ་བཛྲ་དུ་ཀི་བི་ཤི་ཀ་དུ་ཀུྃ་དི་ཀྃ་མྃ་ཧྲི་སྃ་ག་ཏ་སྲ་མོ་ཏ་ཕཊ་སྭཱ་ཧཱ། དེ་བཞིན་གཤེགས་པ་རྣམས་ཀྱིའོ། །ཨོཾ་བཛྲ་ས་མོ་ཡོ་ག་ཏ་ས་ར་ལ་སུ་ཧཱུྃ་ཕཊ། རིན་པོ་ཆེ་རྣམས་ཀྱིའོ། །ཨོཾ་པདྨ་བུྃ་སི་ཉི་ཧྃ་ཧེ་ཧེ་མྃ་བྃ་ཧཱུྃ་ཕཊ། པདྨའི་རིགས་རྣམས་ཀྱིའོ། །ཨོཾ་ཀརྨ་བྷྱོ་ཏྲུྃ་ཧཱུྃ་རཀྵ་མུརྱ་ས་ཧཱུྃ་ཕཊ། ལས་ཀྱི་རིགས་ཀྱིའོ། །ཨོཾ་བཛྲ་ཙཀྲ་བྲུཾ་སི་ཏི་ཡོ་གཱི་ཤྭ་རི་ཧཱུྃ་ཕཊ། འཁོར་ལོའི་རིགས་ཀྱིའོ། །དེ་ནས་དཀྱིལ་འཁོར་སྤྲུལ་པའི་ཚོགས། །ཕྱོགས་རྣམས་ཀུན་དུ་སྤྲོས་བྱས་པས། །རྡོ་རྗེ་རིགས་ཀྱི་ཕོ་ཉ་ཡིན། །ཕྱོགས་ཀྱི་རྒྱལ་པོའི་གདོན་རྣམས་འགུགས། །སྐྲག་ཤིང་བྱེད་ནས་དགྲ་འགུགས་ཤིང་། །སོ་སོའི་རིགས་དབྱེར་འཁྲུག་པ་དག །རྡོ་རྗེ་གསང་བའི་སྔགས་ཀྱིས་གཟེར། །རང་གི་དམ་ཚིག་རྗེས་སུ་དྲན། །སྲོག་གི་སྙིང་པོ་དབུལ་བར་བྱ། །རྡོ་རྗེ་གསང་བའི་དམ་ཚིག་གིས། །དབང་བསྐུར་ ― DNG013_Page_0075 ―
[མ་དཔེ་གཟིགས་ན་འདིར་གནོན།]
བྱིན་བརླབས་རྫོགས་བྱས་ནས། །དཀྱིལ་འཁོར་གསང་བའི་གནས་སུ་འཁོད། །གསང་བ་འཛིན་པའི་གནས་འདོར་ནས། །རང་གི་ལུས་སུ་གནས་བྱས་ཏེ། །གཞལ་ཡས་ཁང་གི་རྒྱན་དུ་གཞག །དེ་དག་གི་སྙིང་པོ་ནི། ཨོཾ་ས་མུ་ད་ར་ཛི་ན་ན་ག་སུ་ཏྲ་བྷ་བ་སི་ཏྲི་སྣི་ཤ་ཧཱུྃ་བྲུཾ་ཕཊ་ཞེས་པའོ། །སླར་གསོ་བའི་སྔགས་ནི། ཨོཾ་སུ་མུ་གེ་ཌྃ་སྃ་མྱག་ཧེ་ཧེ་རུ་ཏུ་པ་ལ་སི་ཏྃ་ཛ་ཧཱུྃ་ཕཊ། ལྷ་རྣམས་ཀྱི་སྙིང་པོ་བསྡུས་པ་ནི། ཨོཾ་སརྦ་ས་ཀ་ར་བྲུཾ་བག་ཤ་སྃ་མེ་བྲྃ་མུ་རཀྵ་ཧཱུྃ་ཞེས་པའོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་ཁམས་གསུམ་གནོན་པའི་ལེའུ་སྟེ་བཅྭ་ལྔ་པའོ།། །།དེ་ནས་བཅོམ་ལྡན་གར་དབང་སྐུ། །སངས་རྒྱས་ཐམས་ཅད་འདུས་མཛད་ནས། །ཁྲོ་བོའི་དཀྱིལ་འཁོར་སྤྲུལ་བྱས་ཏེ། །གནོད་སྦྱིན་གྲུལ་བུམ་འདུལ་བར་མཛད། །གཞལ་ཡས་གྲུ་གསུམ་མཐིང་ནག་ལ། །དབུས་སུ་འཁོར་ལོ་ཉི་མའི་གདན། །དཔལ་ཆེན་པདྨ་ཧེ་རུ་ཀ །དུར་ཁྲོད་ཆེན་པོའི་རྒྱན་གྱིས་བརྗིད། །ཞལ་གསུམ་པ་ལ་ཕྱག་དྲུག་སྟེ། །སྐུ་མདོག་པདྨ་རཱ་གའི་མདངས། །རྩེ་གསུམ་གཏུན་ཤིང་རལ་གྲི་དང་། །པདྨ་ཞགས་པ་ཐོད་རྔ་འཛིན། །གླང་ཆེན་ཀོ་བ་ཐོད་རློན་སྦྲུལ། །ཡུམ་དང་ཞལ་སྦྱོར་འཁྲིལ་བའི་ཚུལ། །ཐབས་དང་ཤེས་རབ་སྦྱོར་བ་ལས། །ཡི་གེ་ལས་སྤྲུལ་ཁྲོ་བོའི་རྒྱན། །ཤར་དུ་རྣམ་རྒྱལ་མདོག་དཀར་སྔོ། །ཞལ་གསུམ་ཕྱག་དྲུག་རྡོ་རྗེ་དུང་། །འཁོར་ལོ་རིན་ཆེན་པདྨ་དང་། །རལ་གྲི་མེ་འོད་ཀྱིས་མཚན་པ། །ལྷོ་རུ་གཤིན་རྗེ་གཤེད་པོ་ནི། །སྔོ་ནག་ཞལ་གསུམ་ཕྱག་དྲུག་པ། །ཐོད་དབྱུག་རིན་ཆེན་ནེའུ་ལེ་དང་། །རྩེ་གསུམ་མེ་དཔུང་ཐོད་རྔ་འཛིན། །ནུབ་ཏུ་རྟ་མཆོག་ཁྲོ་བོའི་སྐུ། །ཞལ་གསུམ་ཕྱག་དྲུག་དམར་སྐྱའི་མདོག །འཁོར་ལོ་སྡིགས་མཛུབ་རྩེ་གསུམ་དང་། །རལ་གྲི་ཐོད་པ་ཌ་མ་རུ། །བྱང་དུ་བདུད་རྩི་འཁྱིལ་པ་སྟེ། །ལྗང་སྔོན་ཞལ་གསུམ་ཕྱག་དྲུག་པ། །རྒྱ་གྲམ་གྲི་གུག་པདྨ་དང་། །བེ་ཅོན་རྩེ་གསུམ་སེང་གེ་འཛིན། །ཤར་ ― DNG013_Page_0076 ―
[མ་དཔེ་གཟིགས་ན་འདིར་གནོན།]
ལྷོར་དབྱུག་པ་སྔོན་པོ་ནི། །སྔོ་སྐྱ་ཞལ་གསུམ་ཕྱག་དྲུག་པ། །དབྱུག་པ་ཙཀྲ་པདྨ་དང་། །རྔ་ཡབ་བྷན་དྷ་དྲིལ་བུ་འཛིན། །ལྷོ་ནུབ་མི་གཡོ་མགོན་པོ་ནི། །ཞལ་གསུམ་སེར་སྐྱ་ཕྱག་དྲུག་པ། །རིན་ཆེན་རལ་གྲི་གཏུན་ཤིང་འཛིན། །པདྨ་ཐོད་ཁྲག་མདུང་རྩེ་གསུམ། །ནུབ་བྱང་འདོད་པའི་རྒྱལ་པོ་ནི། །དམར་སྐྱ་ཞལ་གསུམ་ཕྱག་དྲུག་པ། །རྡོ་རྗེ་དབྱུག་པ་རིན་ཆེན་བུམ། །ཐོད་པ་བདུད་རྩི་སྙིང་འཛིན་པའོ། །བྱང་ཤར་སྟོབས་ཆེན་དུད་ཀའི་མདོག །ཞལ་གསུམ་ཕྱག་དྲུག་འཇིགས་པའི་མདངས། །རྡོ་རྗེ་རྩེ་གསུམ་བམ་ཆེན་ཁོག །སྣ་ཚོགས་རྡོ་རྗེ་བམ་ཆེན་ཁྲག །འཇིགས་པའི་ཆ་ལུགས་ཁྲོ་ཕྲེང་དང་། །གྱད་ཀྱི་དོར་ཐབས་རོལ་པའི་སྟབས། །ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ་ཕཊ། ཨོཾ་བཛྲ་ཀྲོ་དྷ་ཡ་མཱན་ཏ་ཀ་ཧཱུྃ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎ་ཌ་ལི་ཧཱུྃ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ་ཕཊ། ཨོཾ་བཛྲ་ཀྲོ་དྷ་ཊཀྐི་རཱ་ཛ་ཧཱུྃ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ་ཕཊ། ཕྱོགས་སྐྱོང་རྒྱལ་པོ་གནོད་སྦྱིན་དང་། །གྲུལ་བུམ་ཚོགས་རྣམས་དབང་བསྡུས་ཏེ། །གསང་སྔགས་དྲག་པོས་བསྒྲལ་བྱས་ན། །སླར་གསོལ་ཡེ་ཤེས་ལྷུམས་སུ་གྱུར། །དཀྱིལ་འཁོར་གསང་བའི་དབང་བསྐུར་ཞིང་། །དམ་ཚིག་ལ་གཞན་དཀྱིལ་འཁོར་ཚུལ། །ཀུན་གྱི་སྲོག་སྙིང་ཕུལ་བ་ནི། །དམ་ཚིག་ཆེན་པོས་བྱིན་བརླབས་མཛད། །སླར་ཡང་དམ་ཚིག་འཛིན་པའི་སྔགས། །འཁོར་རྣམས་ཀུན་ལ་སྦྱིན་པར་མཛད། །ཨོཾ་བཛྲ་ཀྲ་ཀ་ར་མུརྡ་སི་ན་བ་མུ་ཀ་ཧཱུྃ་ཕཊ། ཨོཾ་ཨཱཿཧཱུྃ་བཛྲ་སུ་ཀ་ཏ་བྷ་མོ་ཏྲཾ་ཨ་ལ་ལ་ཧཱུྃ་ཕཊ། ལྷ་རྣམས་ཀུན་གྱི་དམ་ཚིག་ནི། །རྡོ་རྗེ་གསང་བ་གསུམ་ལས་བྱུང་། །རྡོ་རྗེ་གནོད་སྦྱིན་དྲག་པོའི་སྐུ། །ཁམས་གསུམ་དུས་ཀྱིས་དབང་བསྐུར་ནས། །འཁོར་བའི་ཆོས་ལས་རྒྱལ་བྱེད་ ཅིང་། །བྱང་ཆུབ་སེམས་ཀྱིས་དེ་ཉིད་གསལ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་ཁྲོ་བོ་ཕྲིན་ལས་རོལ་པའི་ལེའུ་སྟེ་ ― DNG013_Page_0077 ―
[མ་དཔེ་གཟིགས་ན་འདིར་གནོན།]
བཅུ་དྲུག་པའོ།། །།དེ་ནས་བཅོམ་ལྡན་གར་དབང་སྐུས། །གཟི་བརྗིད་དགོད་པའི་རྒྱན་བཀོད་ཅིང་། །ལྷ་མིན་གྲོང་ཁྱེར་འདུལ་བའི་ཕྱིར། །ཡུམ་གྱི་དཀྱིལ་འཁོར་འཕྲུལ་བར་མཛད། །ཆོས་དབྱིངས་སྤྲུལ་པའི་གནས་བཟང་མཆོག །རྒྱལ་བའི་རང་བཞིན་རིན་ཆེན་སྤྲོས། །གྲུ་བཞི་ཁང་པ་སྒོ་དང་བཅས། །རྟ་བབས་ཀ་བ་བརྒྱད་ཀྱིས་མཛེས། །དབུས་ཀྱི་པདྨའི་གདན་བཞུགས་པ། །གཉིས་མེད་རོལ་པའི་ཡུམ་གྱི་སྐུ། །མདོག་དམར་རྒྱན་དུ་ཟངས་ཆེན་གཟུགས། །ཞལ་གཅིག་ཕྱག་བཞི་མཛེས་པའི་མདངས། །འཁོར་ལོ་དུང་ཁྲག་པདྨོ་དང་། །རིན་ཆེན་འབར་བ་རྩེ་དགུ་འཛིན། །རིན་ཆེན་པདྨའི་ཕྲེང་བ་ཅན། །སྟོད་བཟང་ན་བཟའ་དཀྱིལ་བཟང་བཞུགས། །ཨོཾ་པདྨ་མུ་ཤ་ར་ས་མ་ཀ་ཏ་ཧཱུྃ་ཕཊ། ཤར་ལ་སོགས་པའི་ཕྱོགས་རྣམས་སུ། །པདྨ་དབྱིངས་ཕྱུག་གསལ་བ་མོ། །རིན་ཆེན་ཕྲེང་བ་གླུ་མ་ཆེ། །དཀར་དམར་སེར་དང་ལྗང་གུའི་མདོག །རྡོ་རྗེ་གསུམ་པ་པདྨོ་དྲ་བ་དང་། །ན་ར་སི་ལའི་སྣོད་རིན་ཚོགས། །རང་གི་དཀྱིལ་འཁོར་མ་སྤྲོས་ཤིང་། །སྣ་ཚོགས་པདྨའི་གདན་ལ་བཞུགས། །ཨོཾ་ཙུན་དྷི་ཤྭ་རི་ཧཱུྃ་ཕཊ། ཨོཾ་ཥྣི་ཤ་བཛྲ་སྃ་བྲུཾ་ག་ཧཱུྃ་ཕཊ།ཨོཾ་བྱི་ཙུ་སྭ་ཏེ་ཧཱུྃ་ཕཊ། མཚམས་ཀྱི་པདྨའི་འདབ་མ་ལ། །དེ་བཞིན་བདེ་བ་སྐྱེད་བྱེད་ཡུམ་ཆེན་བཞི། །དྲ་བ་མོ་དང་གློག་འགྱུར་རྒྱན། །གཤོག་པ་ཅན་དང་འདོད་པའོ། །དཀར་སེར་དམར་སྐྱ་སྔོ་བསངས་དང་། །ལྗང་གུ་མདོག་ལེགས་ལ་བཞུགས་ནས། །རྡོ་རྗེ་རིན་ཆེན་པདྨོ་དང་། །ཨུཏྤལ་ལྗང་གུ་ལེགས་མཛད་པའོ། །ཨོཾ་ནུ་ཏེ་ནོ་ཙ་ཀྲུ་ཧཱུྃ་ཕཊ། ཨོཾ་སྃ་བོ་ག་ཏ་སུ་ཧེ་བྱ་ཧཱུྃ་ཕཊ། ཨོཾ་མ་མ་ཀྲི་བྲུཾ་ཧེ་ཧེ་ཧཱུྃ་ཕཊ། ཨོཾ་ཏ་རེ་ག་ག་ན་ཨ་མ་ལ་ཧཱུྃ་ཕཊ། ཕྱོགས་རྣམས་ཀུན་དུ་མཁའ་ཁྱབ་པ། །ཏིལ་གང་བཞིན་དུ་གནས་གྱུར་པ། །མ་མོ་གཤིན་རྗེའི་ཚོགས་རྣམས་ཀུན། །འཁྲུག་རྔམ་རོད་རོད་པོར་གྱུར་ནས། །ཐུགས་རྗེ་ཅན་ལ་སྐྱབས་སུ་མཆི། །སྲོག་གི་སྙིང་པོ་དབུལ་བར་བྱེད། །དེ་ནས་དཀྱིལ་འཁོར་བསྡུས་བྱས་ཏེ། །རང་གི་གནས་སུ་དབང་བསྐུར་ཞིང་། ། ― DNG013_Page_0078 ―
[མ་དཔེ་གཟིགས་ན་འདིར་གནོན།]
དམ་ཚིག་དགའ་བའི་སྡོམ་པ་རྙེད། །བདེར་གཤེགས་ཡེ་ཤེས་གསལ་བར་འགྱུར། །ཀུན་གྱིས་མཐུན་པར་ཁས་བླངས་ཏེ། །དམ་ཚིག་བསྲུང་ཞིང་རྣལ་འབྱོར་སྐྱོང་། །ཨོཾ་མ་མ་རཀྟ་ས་བྲ་ཏི་ཨིད་དྃ་ས་བུ་ཏ་ཕཊ། ཨོཾ་ཏྲཀྴ་ར་ལ་སི་བད་ཊ་ཏ་ཕཊ། མ་མོ་དང་འབྱུང་པོ་རྣམས་ཀྱི་སྙིང་པོའོ། །ཨོཾ་ཡུ་མེ་སི་དྷ་རུ་ལུ་རུ་ལུ་ཧཱུྃ་ཕཊ། གནོད་སྦྱིན་རྣམས་ཀྱིའོ། །ཨོཾ་ཨཱཿཧཱུྃ་ཡོ་ག་བྲི་གུ་མེ། ཧ་ས་ཧ་ས། རུ་ལུ་རུ་ལུ་ཧཱུྃ་ཕཊ། སླར་གསོ་ཞིང་བྱིན་གྱིས་བརླབ་པའི་སྔགས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་རིན་ཆེན་དབྱིངས་ཀྱི་དཀྱིལ་འཁོར་འཕྲུལ་པའི་ལེའུ་སྟེ་བཅུ་བདུན་པའོ།། །།དེ་ནས་གར་གྱི་དབང་ཕྱུག་ཉིད། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་འཁོར་ལོ་ཡིས། །ས་འོག་ས་བླ་ས་སྟེངས་རྣམས། །འཇོམས་བྱེད་གཟའ་དང་རྒྱུ་སྐར་དང་། །བདུད་དང་དེ་ཡི་རིགས་འཁོར་ཀུན། །འདུ་བར་བྱ་བའི་ཏིང་འཛིན་ལ། །སྙོམས་ཞུགས་འཁོར་ལོ་སྤྲུལ་པ་མཛད། །ཐབས་དང་ཤེས་རབ་བསྒྲུབ་བྱས་པའི། །འོད་ཟེར་གསལ་བས་སྟོང་གསུམ་གང་། །རིན་ཆེན་འབར་བའི་གཞལ་ཡས་ཁང་། །སྒོ་བཞི་རྟ་བབས་ཕྲེང་བས་བརྒྱན། །འཁོར་ལོ་རིམ་གསུམ་གདན་དང་བཅས། །རྡོ་རྗེ་པདྨ་རིན་ཆེན་གྱིས། །ཁོར་ཡུག་སེང་གེ་གླང་ཆེན་མཆོག །ཉི་མས་མཛེས་པའི་པདྨོ་ཡི། །དབུས་ཀྱི་དཔའ་བོ་ཡུམ་དང་བཅས། །ཞལ་གཅིག་ཕྱག་བཞི་རྡོ་རྗེ་རིན། །པདྨ་རལ་གྲི་འཛིན་པར་མཛད། །དམར་སེར་ཀུན་དུ་རྒྱུ་བ་ནི། །ལྗང་སེར་པདྨ་དྲིལ་བུས་འཁྱུད། །མཚན་དང་དཔེ་བྱད་རྒྱན་ཕྲེང་བཀླུབས། །སངས་རྒྱས་འདུས་པའི་དབུ་རྒྱན་ཅན། །ཕྱག་རྒྱ་བཞི་ཡིས་མཛེས་བྱས་པའོ། །རྡོ་རྗེ་འཁོར་ལོ་རྩིབས་རྣམས་ལ། །རིགས་ཀྱི་སེམས་དཔའ་ཉི་ཤུ་བཞི། །དཀར་དང་དམར་དང་སེར་བའི་མདངས། །རྡོ་རྗེ་དྲིལ་བུ་པདྨ་བསྒོམ། །འཁོར་ལོ་རིན་ཆེན་སྙེ་མ་བསྣམས། །དང་པོའི་ཕྱག་གཉིས་མཚན་བྱས་ཤིང་། །ལྷག་མ་གྲི་གུག་ཐོད་པ་ཐོགས། །ཁྲོ་ཞིང་སེམས་དཔའི་ཆ་ ― DNG013_Page_0079 ―
[མ་དཔེ་གཟིགས་ན་འདིར་གནོན།]
ལུགས་ཀྱིས། །རྒྱན་ཕྲེང་རིགས་ཀྱི་དབང་པོ་གསུམ། །རིན་ཆེན་འབར་བའི་རྒྱན་གྱིས་བཀླུབས། །ཨོཾ་སརྦ་སྭ་ཏ་ཀྲོ་དྷ་ཧེ་ཧེ་རུ་ལུ་ཧཱུྃ་ཕཊ། རྡོ་རྗེ་རིགས་རྣམས་ཀྱིའོ། །པདྨ་ཧེཤྠ་སྭཱ་ད་ན་མ་ཀུ་རུ་ཀུ་རུ་ཧཱུྃ་ཕཊ། པདྨ་རིགས་ཀྱི་སེམས་དཔའ་རྣམས་ཀྱིའོ། །ཨོཾ་ཨི་ཀུ་རི་ཙག་བན་དྷ་སི་དྷི་ཕཊ་ཕཊ། ཀྲོ་དྷི་ཤྭ་རི་ཧཱུྃ་ཕཊ། དེ་བཞིན་གཤེགས་པ་རིགས་ཀྱིའོ། །སྒོ་བཞི་མཛེས་གཟུགས་ཁྲོ་མོ་ནི། །མི་མཐུན་བློ་གྲོས་དཔའ་ཆེན་མོ། །ཡེ་ཤེས་མཁའ་དབྱིངས་བཞི་རྣམས་ཏེ། །དཀར་སེར་དམར་དང་རིམ་པ་བཞིན། །རྡོ་རྗེ་ལྕགས་ཀྱུ་ཞགས་པ་དང་། །ལྕགས་སྒྲོག་དྲིལ་བུ་མཚན་མའི་ཕྱག །ཨོཾ་བཛྲ་ཨྃ་གུ་ཤ་ཛཿཔཱ་ཤ་ཧཱུྃ། སྥོ་ཊ་བྃ།གྷེནྜེ་ཧོཿ། ཕཊ། དགུག་གཞུག་བཅིང་བའི་ལས་དག་དང་། །དབབ་པའི་ཆོ་ག་མཉེས་པར་བྱེད། །དུས་གསུམ་སངས་རྒྱས་ཐམས་ཅད་ཀུན། །སྐུ་གསུང་ཐུགས་ཀྱི་དཀྱིལ་འཁོར་འདུས། །རིགས་གསུམ་སེམས་དཔའ་ཁྲོ་བོར་བསྟན། །འཇིགས་བྱེད་ཆ་ལུགས་རྔམ་པའི་སྟབས། །རྡོ་རྗེ་གཅོད་བྱེད་འཇིགས་པ་ཆེ། །རྡོ་རྗེ་འཇོམས་པའི་ཡིད་འཕྲོག་བྱེད། །རྡོ་རྗེ་རབ་བཟང་བློ་གྲོས་མཆོག །རྡོ་རྗེའི་བསྟན་པ་གཡུལ་ལས་རྒྱལ། །པདྨའི་སྤྲིན་ཆེན་འབྲུག་སྒྲའི་དབྱངས། །པདྨའི་བློ་གསལ་མྱ་ངན་འཇོམས། །པདྨའི་སྡོང་པོ་ང་རོ་མྱོས། །པདྨའི་འོད་ཟེར་བདུད་རྩིའི་འོད། །འཁོར་བ་བརྩེགས་པ་མྱུར་དུ་བཟློག །འཁོར་ལོ་དགའ་བ་སྦྲང་རྩིའི་མཆོག །འཁོར་ལོ་སྒྲོལ་དང་རྩེ་གསུམ་འཆིང་། །འཁོར་ལོ་རོལ་པ་དགའ་བྱེད་སྟོབས། །འདི་དག་སྤྲུལ་པ་འཁོར་ཚོགས་སྐུས། །གནས་གསུམ་པོ་དག་འདུལ་བར་མཛད། །དེ་ནས་གཟའ་དང་རྒྱུ་སྐར་རྣམས། །གདུག་པའི་ང་རོ་ཆུ་མ་ཤུམས། །སྒྲ་ཆེན་སྒྲོགས་ཤིང་སྤྲུལ་ནས་ཀྱང་། །མཐུ་དང་རྫུ་འཕྲུལ་མེད་པར་འགྱུར། །དཀྱིལ་འཁོར་ཆེན་པོ་སྐྱབས་གསོལ་ཞིང་། །བསྟན་པ་བཟུང་བར་དམ་བཅས་སོ། །དེ་དག་སོ་སོའི་སྲོག་སྙིང་དག །ལུས་སེམས་དད་པས་ཕུལ་བྱས་པས། །དཀྱིལ་འཁོར་ཆེན་པོ་དབང་བསྐུར་ཞིང་། །རབ་གནས་ ― DNG013_Page_0080 ―
[མ་དཔེ་གཟིགས་ན་འདིར་གནོན།]
གདན་ལ་གཞག་པར་བྱ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རང་སངས་རྒྱས་ཐམས་ཅད་ཁྲོ་བོར་བྱུང་བའི་ལེའུ་སྟེ་བཅྭ་བརྒྱད་པའོ།། །།དེ་ནས་བཅོམ་ལྡན་དབང་གི་ལྷ་པདྨ་བདེ་ཆེན་ཡུམ་བཅས་ལ། འགྲོ་དྲུག་རྒྱུ་འབྲས་བྱ་བའི་ཕྱིར། །བདེ་ཆེན་བྱང་སེམས་དཀྱིལ་འཁོར་སྤྲུལ། །དཀྱིལ་འཁོར་ཆེན་པོའི་གནས་འབར་བ། །རིན་ཆེན་ཕྲེང་སོགས་འཇིགས་བྱེད་བརྒྱད། །དུར་ཁྲོད་ཆེན་པོའི་གནས་བཞིན་བརྒྱན། །དབུས་ཀྱི་འཁོར་ལོ་གདན་བཅས་ལ། །རིགས་ལྔའི་ཧེ་རུ་ཀ་བཞུགས་མཛད། །ཡུམ་ཆེན་ལྔ་དང་འཁྲིལ་བར་སྦྱོར། །ཀུན་ཀྱང་ཞལ་གསུམ་ཕྱག་དྲུག་པ། །དམར་ནག་དཀར་སེར་ལྗང་གུའི་མདངས། །རྡོ་རྗེ་ཁ་ཊྭཱཾ་རལ་གྲི་དང་། །ཏྲི་ཤཱུལ་ཞིང་དབྱུག་ཐོ་བ་བསྣམས། །གཡས་པར་དུང་ཕོར་གཡོན་ཐོད་ཁྲག །བར་མ་གྲི་གུག་པདྨ་སྟེ། །ཐ་མ་ཡུམ་དང་འཁྲིལ་བའི་ཚུལ། །སྤྱན་དགུ་སྡང་མིག་དམར་པོ་བཟློག །ཁྲོ་གཉེར་རལ་པ་གྱེན་དུ་བརྫེས། །ཐོད་སྦྲུལ་ཁྲག་དང་ཐལ་བས་བརྒྱན། །གཡང་གཞི་རི་ཤའི་རྒྱན་གྱིས་མཛེས། །ཨོཾ་བཛྲ་ཤྲཱི་ཧེ་རུ་ཀ་བཛྲ་ཀྲོ་དྷཱི་ཤྭ་རི་ཧཱུྃ་ཕཊ། ཨོཾ་བྷུཌྜྷ་ཤྲཱི་ཧེ་རུ་ཀ་བྷུཌྜྷ་ཀྲོ་དྷཱི་ཤྭ་རི་ཧཱུྃ་ཕཊ། ཨོཾ་རཏྣ་ཤྲཱི་ཧེ་རུ་ཀ་ཧཱུྃ་ཕཊ། རཏྣ་ཀྲོ་དྷཱི་ཤྭ་རི་ཧཱུྃ་ཕཊ།པདྨ་ཤྲཱི་ཧེ་རུ་ཧཱུྃ་ཕཊ། ཨོཾ་པདྨ་ཀྲོ་དྷཱི་ཤྭ་རི་ཧཱུྃ་ཕཊ། ཨོཾ་ཀརྨ་ཤྲཱི་ཧེ་རུ་ཀ་ཧཱུྃ་ཕཊ།ཀརྨ་ཀྲོ་དྷཱི་ཤྭ་རི་ཧཱུྃ་ཕཊ། བདེ་ཆེན་བྱང་ཆུབ་སེམས་ཀྱི་རྒྱན། །རོལ་པ་ཀུན་དུ་ཁྱབ་མཛད་དེ། །ཁམས་གསུམ་མ་འདྲེས་རྣམ་པར་དབྱིངས། །བདེ་བ་ཆེན་པོ་གཉིས་མེད་འགྱུར། །དབང་བསྐུར་བྱིན་བརླབས་རིགས་ཀྱིས་བསྐུར། །བསྐྱེད་དེ་དབུ་ལ་རང་གི་བདག་པོས་བརྒྱན། །སྨོན་འཇུག་གཡོ་ལྡང་བསྐྱོད་པ་ཡི། །ལྷ་མོ་བཞི་དང་མཉམ་པར་སྦྱོར། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་བདེ་བ་ཆེན་པོའི་ལེའུ་སྟེ་བཅུ་དགུ་པའོ།། །།དེ་ནས་བཅོམ་ལྡན་འདས་དགོངས་པ་ཉིད་ལ་བཞག་སྟེ་བཞུགས་སོ། །དེའི་ཚེ་དེའི་དུས་ན་བདུད་ཀྱི་རྒྱལ་ ― DNG013_Page_0081 ―
[མ་དཔེ་གཟིགས་ན་འདིར་གནོན།]
པོ་མ་ཏྲ་རུ་ཏྲས། རང་གི་རྫུ་འཕྲུལ་ཆེན་པོ་བསྟན་ཞིང་། འཁོར་དང་བཅས་པས་ཕྱོགས་བཅུར་རྒྱུག་ཅིང་རིག་པ་འཛིན་པ་དང་།རྣལ་འབྱོར་མཐའ་དག་གི་བར་གཅོད་བྱེད་ཅིང་བདེ་འགྲོའི་བདེ་བ་ཐམས་ཅད་རྒྱུན་གཅོད་པ་དང་། རང་ཉིད་ཀྱི་ཉོན་མོངས་པ་བསྐྱེད་དོ། །དེ་ནས་བཅོམ་ལྡན་འདས་ཀྱིས་ཐུགས་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིགས་ཀྱི་འོད་ཟེར་མཐའ་ཡས་པ་ཞེས་བྱ་བས་སྟོང་གསུམ་གྱི་འཇིག་རྟེན་ཐམས་ཅད་སྐད་ཅིག་གིས་གསལ་བར་མཛད་དོ། །རྒྱལ་བའི་དབང་པོ་སྟོང་གསུམ་འདིར། །ཁང་བཟངས་མཛེས་པར་བྱིན་བརླབས་ཏེ། །རིན་ཆེན་ཀ་བ་གདན་ཕྲེང་དང་། །གཟུགས་མཛེས་ལ་སོགས་ཀུན་གྱིས་སྤྲས། །ཉི་མ་ཟླ་བ་རིན་ཆེན་ཁྲི། །པདྨ་སེང་གེ་ལ་སོགས་གནོན། །སྒོ་བཟང་ཁྱམས་སུ་བཅས་པ་ཡི། །རྣམ་དག་གཞལ་ཡས་ཁང་བཟངས་སྤྲུལ། །དེ་ནས་བཅོམ་ལྡན་བདེ་ཆེན་པོས། །དཔལ་ལྡན་གར་གྱི་དབང་ཕྱུག་སྐུས། །སངས་རྒྱས་དཀྱིལ་འཁོར་རིགས་ཚོགས་རྣམས། །དགའ་བའི་སྤྲིན་གྱིས་བསྐུལ་བར་མཛད། །བདེ་བ་ཆེན་པོ་གཉིས་མེད་མཐུས། །རིགས་ཀྱི་དཀྱིལ་འཁོར་གཅིག་ཏུ་གྱུར། །ཡོངས་རྫོགས་གསལ་བ་རྒྱ་ཆེན་པོས། །དཀྱིལ་འཁོར་རྒྱ་ཆེན་སྤྲུལ་པར་མཛད། །དབུས་སུ་པདྨའི་རིགས་རྒྱལ་པོ། །གཙོ་བོ་པདྨ་རྡོ་རྗེའི་མདངས། །ཞལ་གསུམ་ཕྱག་དྲུག་འཇིགས་བྱེད་སྐུ། །རྡོ་རྗེ་དགའ་བའི་སྤྱན་འདྲིལ་ཞིང་། །ཤར་ལ་སོགས་པའི་ཕྱོགས་ཀུན་དུ། །བདེར་གཤེགས་རྡོ་རྗེ་སེམས་དཔའི་མཆོག །རྣམ་སྣང་རིན་ཆེན་དོན་གྲུབ་རྣམས། །རིན་ཆེན་ཕྱོགས་ཀྱི་མཚོན་མདངས་གསལ། །རྡོ་རྗེ་འཁོར་ལོ་རིན་ཆེན་དང་། །རལ་གྲི་པདྨ་སྣ་ཚོགས་དང་། །གཙོ་བོ་པདྨའི་དྲུག་མཚན་ཅན། །སྟོང་པའི་སྒྲ་སྙན་དྲིལ་བུ་གཡོན། །སངས་རྒྱས་སྤྱན་མཛེས་མཱ་མ་ཀཱི། །དཀར་མོ་དམ་ཚིག་སྒྲོལ་མ་དག །མདོག་བཟང་ཕྱག་མཚན་གཙོ་བོ་བཞི། །སངས་རྒྱས་ཏིང་འཛིན་རྫུ་འཕྲུལ་སྟོབས། །ཐབས་དང་ཤེས་རབ་ཉིས་སྟོང་ཚོགས། །འཁོར་ལོ་འབར་བའི་རྩེ་མོ་ལ། །རང་གི་མཚན་མ་སོ་སོའི་ཚུལ། ། ― DNG013_Page_0082 ―
[མ་དཔེ་གཟིགས་ན་འདིར་གནོན།]
དམར་མདངས་དཀར་དང་གསེར་གྱི་མདོག །ནི་ར་ཀ་ཏའི་མདོག་འཚེར་ཞིང་། །པདྨ་རྡོ་རྗེ་འཁོར་ལོ་རིན། །པདྨ་ཏྲི་ཤཱུལ་བཅས་པ་འཛིན། །གཡས་ན་འཁོར་ལོ་གོ་རིམས་བཞིན། །རྡོ་རྗེ་སྐྱིལ་ཀྲུང་ལེགས་བརྒྱན་བརྗིད། །གཞན་ཡང་ཁྲོ་བོའི་ཚོགས་འབར་བ། །ཕྱི་རོལ་འཁོར་ལོའི་བར་ཁྱམས་དང་། །སྒོ་ལ་སོགས་པའི་འཇིགས་གཟུགས་ཀྱིས། །རྔམ་པའི་མདངས་བཅས་འཁོད་པ་ནི། །ཁྲི་ཚོགས་ཡང་སྤྲུལ་མཚོན་ཆ་དང་། །རིགས་ཀྱི་སྤྲུལ་པའི་དོན་བྱེད་པའི། །ཁམས་གསུམ་འཇིགས་བྱེད་ཁྲོ་བོ་དང་། །མཁའ་འགྲོའི་དག་པའི་ཚོགས་བཅས་རྣམས། །དུར་ཁྲོད་རྒྱན་གྱིས་རབ་མཛེས་ཤིང་། །རིགས་ཀྱི་ཁ་དོག་མཚོན་ཆ་དང་། །འོད་ཟེར་འཕྲོ་བ་འཁྲིགས་པའི་ཚུལ། །གསང་སྔགས་དྲག་པོ་བརྗོད་མཛད་པའོ། །དེ་ལྟར་དཀྱིལ་འཁོར་ཁྲོ་ཞི་ཚོགས། །སྐད་ཅིག་གསལ་བར་རྫོགས་བྱས་ནས། །ཕྱི་ཡི་གནས་སུ་སྤྲོ་ཞིང་བྱ། །གསང་སྔགས་རྒྱུན་གྱི་སྐལ་བར་བྱེད། །ཧཱུྃ་ཨ་ལ་ལ་ཧོ། མ་ཧཱ་པདྨ་ཧྲྀ་ད་ཡ། ཨ་ཨཱ་ཨོཾ་ཨཱཿཧཱུྃ། མ་ཧཱ་པདྨ་ཀུ་རུ། ཧ་ལ་ཧ་ལ་བྷི་ཤ་ན་ཧཱུྃ་ཧཱུྃ་ཕཊ། སྟོང་ཁམས་སངས་རྒྱས་བཞུགས་པའི་གནས། །རབ་འཁྲུག་དྲེད་རྒྱས་རྨོངས་པ་དག །འབར་བའི་དཀྱིལ་འཁོར་འོད་ཀྱིས་བདེར་བྱས་ཤིང་། །རང་གི་སངས་རྒྱས་ཞིང་ལ་བཀོད། །དཀྱིལ་འཁོར་གནས་སུ་བསྡུས་བྱས་ནས། །རང་གི་འཁོར་ལོ་མཛེས་བྱས་ཏེ། །དབང་བསྐུར་བྱིན་བརླབས་རྫོགས་འགྱུར་ནས། །དབུ་ལ་རིགས་ཀྱི་བདག་པོས་བརྒྱན། །ཨོཾ་པདྨ་ཀུན་དྷཱ་ལི་ཧྲྀ་ད་ཡ་ན་བི་མུ་ཀུ་རུ་ཧ་ན་ད་ཧ་ཧཱུྃ་ཕཊ། གསང་སྔགས་ཀུན་གྱིས་བརྗོད་བྱས་ན། །འཇིག་རྟེན་གསུམ་པོ་སྡུད་པ་ཡི། །ཕོ་ཉ་རྡོ་རྗེ་ཀཱི་ལ་ཡ། །དྲེགས་བྱེད་གཙོ་བོ་དག་རེངས་བྱ། །དེ་ནས་བཅོམ་ལྡན་བདེ་ཆེན་སྐུས། །སངས་རྒྱས་ཐམས་ཅད་བསྐུལ་བའི་ཕྱིར། །རྡོ་རྗེ་སེ་གོལ་ལན་གསུམ་བརྡབ། །དམ་ཚིག་ཆེན་པོའི་སྔགས་ཆེན་བརྗོད། །དེ་བཞིན་གཤེགས་པའི་རིགས་ཚོགས་རྣམས། །ཏིང་འཛིན་བསྡུ་བའི་རྡོ་རྗེ་ལས། །གཅིག་ཏུ་གནས་ནས་འགྲོ་བ་གཟིགས། །དྲེགས་ ― DNG013_Page_0083 ―
[མ་དཔེ་གཟིགས་ན་འདིར་གནོན།]
བྱེད་གཙོ་བོ་མ་རུངས་རྣམས། །རྒྱུ་དང་འབྲས་བུ་ལོག་འཁྲུལ་ཞིང་། །སངས་རྒྱས་བསྟན་པ་ལོག་མི་འགྱུར། །ལོག་པའི་ལམ་ལ་མངོན་ཞེན་ཅིང་། །མངོན་པའི་ང་རྒྱལ་མཐུས་བསྙེམས་ནས། །འཇིག་རྟེན་གསུམ་དག་ཕུང་བྱེད་ན། །ཞི་བས་འདུལ་བར་མི་འགྱུར་ན། །ཁྲོ་བོའི་རོལ་པ་མཛད་མོད་ཀྱི། །འདུལ་བར་གཟིགས་ནས་བཀའ་གྲོས་མཛད། །ཀྱེ་མ་འདུལ་བའི་ཚོགས་ཆེན་དག །འདས་པའི་དུས་ན་སྔོན་བྱུང་ལྟར། །ད་ལྟའི་དུས་འདིར་བྱུང་བ་སྟེ། །དེ་བཞིན་གཤེགས་པའི་གསུང་རབ་ལས། །ལོག་པའི་ལམ་དུ་འཁྲུལ་པ་སྟེ། །ཁྲོ་བོའི་ཚུལ་དུ་བྱུང་གྱུར་པ། །དེ་ཚེ་སེམས་ཅན་ཐམས་ཅད་ཀུན། །ཤིན་ཏུ་ཁྲོ་ཞིང་གཏུམ་པར་འགྱུར། །དེ་ལྟར་གྱུར་པའི་མཚན་ཉིད་ཀྱིས། །མནར་མེད་ལ་སོགས་གནས་ངན་ལེན། །མི་བཟད་སྡུག་བསྔལ་མཐའ་ལ་བརྟེན། །ཇི་ལྟ་བུ་ཡི་ཐབས་ཀྱིས་འདུལ། །ཤིན་ཏུ་གཏི་མུག་མདོངས་པའི་ཚོགས། །དེ་བཞིན་བག་ཆགས་ངན་པ་ཡིས། །རིག་འཛིན་བདུན་རྒྱུད་གཅོད་བྱེད་ཅིང་། །བསྟན་པའི་གསུང་རབ་འཇིག་པར་འགྱུར། །ལས་ཀྱི་མུན་པས་འགྲོ་བ་འཁྱམས། །དུས་ངན་རིགས་ངན་ཕྲ་མེན་མ། །གནོད་བྱེད་གདོན་དང་ལོག་འདྲེན་དང་། །སྲིད་གསུམ་འཇིག་ཅིང་དམ་ཚིག་འདྲལ། །འདི་ལྟ་བུ་ཡི་ཐབས་ཀྱིས་ནི། །སངས་རྒྱས་ཐུགས་རྗེ་རྣམ་འཕྲུལ་བསྟན། །ང་རྒྱལ་ཆེན་པོ་མདོངས་པ་ཡི། །ལྟ་བ་རི་བོ་མཐུ་བརྙེས་ཚོགས། །ད་ལྟའི་ཚེ་ནི་འདི་བྱུང་འགྱུར། །རྒྱལ་བ་འདས་དུས་སྦྱོར་བྱེད་ཅིང་། །ཇི་བཞིན་ལས་ལ་འཁྲུལ་བར་བྱེད། །སངས་རྒྱས་ཀུན་གྱི་བདག་ཉིད་མཛོད། །མངོན་སྤྱོད་རོལ་པའི་ཐབས་ཆེན་གྱིས། །འདི་དག་བསྟན་པའི་དུས་ལ་བབ། །སྲིད་གསུམ་གདུག་ཅིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ལས། །ཁྲོ་བོ་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་ཁྲོས་པ་ཡི། །འཇིག་རྟེན་གསུམ་དག་སྲེག་བྱེད་ན། །སངས་རྒྱས་ཐུགས་རྗེ་ཁྲོས་པ་ཡིས། །ཁམས་གསུམ་ ― DNG013_Page_0084 ―
[མ་དཔེ་གཟིགས་ན་འདིར་གནོན།]
མ་ལུས་སྨོས་ཅི་དགོས། །རང་བཞིན་དག་པའི་ངོ་བོ་ལས། །ཕྲག་དོག་འཁྲུལ་པའི་རླུང་དག་གིས། །འཇིག་རྟེན་ཕྱིན་ཅི་ལོག་ཏུ་འཁྱམས། །ཇི་བཞིན་གནས་པ་ལམ་བྲལ་བས། །ཁམས་གསུམ་བརླག་པའི་ལམ་ལ་ཞུགས། །འཇིག་རྟེན་འདི་དག་སྙིང་རྗེ་ཞིང་། །མངོན་ཤེས་གདུལ་དཀའི་རྨོངས་ཚོགས་རྣམས། །ཁྲོ་བོའི་ཚོགས་ཀྱིས་སྦྱོར་བར་མཛད། །ཞེས་བསྒྲགས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་རྣམ་པར་འཕྲུལ་པའི་དཀྱིལ་འཁོར་བསྒྲལ་བྱའི་ལེའུ་སྟེ་ཉི་ཤུ་པའོ།། །།དེ་ནས་བཅོམ་ལྡན་དགྱེས་ཆེན་པོས། །པདྨ་གར་གྱི་དབང་ཕྱུག་སྐུས། །མ་ཏང་རུ་ཏྲ་ལ་སོགས་པས། །བདུད་ཀྱི་ཚོགས་བཅས་འདུལ་བའི་ཕྱིར། །ཡུམ་ཆེན་སྐུ་གཅིག་རོལ་མཛད་དེ། །བྱང་ཆུབ་སེམས་སྤྲིན་ཕྱོགས་བཅུར་སྤྲོ། །དཀྱིལ་འཁོར་རྣམ་གསུམ་དཀྱིལ་འཁོར་གསལ། །དཀྱིལ་འཁོར་འདུས་ཚོགས་དཀྱིལ་འཁོར་ཆེ། །དཀྱིལ་འཁོར་ཆེན་པོའི་བདག་ཉིད་ཆེ། །དགྱེས་བཅས་གར་བཅས་གདན་ལ་བཞུགས། །ཞལ་གསུམ་གངས་རི་མདངས་ལྡན་པ། །པདྨ་གཏུན་ཤིང་རྩེ་གསུམ་ཐོགས། །རིན་ཆེན་རྒྱན་སོགས་དབུ་རྒྱན་བཅས། །དཀྱིལ་འཁོར་སྤྲུལ་པའི་ཏིང་འཛིན་གྱིས། །སྣོད་གཅིག་དུས་གཅིག་སྤྲུལ་པ་མཛད། །མཐའ་དང་དབུས་མེད་འཇིག་རྟེན་གནས་རྣམས་ཀུན། །དྲག་པོ་འཐིང་ནག་འབར་བའི་གཞལ་ཡས་ཁང་། །འཁོར་ལོ་རྩིབས་དྲུག་བར་ཁྱམས་ཉི་རིམ་ལྡན། །ཀུན་དུ་ཟླ་ཁམ་སྒོ་ཁྱུད་གྲུ་བཞིར་བཅས། །རིན་ཆེན་འབར་བའི་ཐོད་དབྱུག་རྒྱན་དང་བཅས། །ཚད་མེད་ཡེ་ཤེས་འཁོར་ལོ་ལ་བསྟེན་ཅིང་། །འཇིགས་བྱེད་ཁྲོ་བོའི་རྒྱན་ཚོགས་མང་པོ་བཀླུབས། །ནམ་མཁའི་མཐའ་མཉམ་ལྷུན་གྱིས་གྲུབ་པའི་གནས། །སྨོན་ལམ་དབང་དང་ཐུགས་རྗེའི་བྱིན་བརླབས་ཀྱིས། །འཇིག་རྟེན་དྲུག་དང་དུས་བཞི་ཕྱོགས་བཅུ་ན། །གཟུགས་ཁམས་མ་ལུས་དབང་དུ་བསྡུ་བ་ན། །དྲག་པོ་ལྷ་བརྒྱད་ང་རྒྱལ་གཞོམ་པའི་ ― DNG013_Page_0085 ―
[མ་དཔེ་གཟིགས་ན་འདིར་གནོན།]
ཕྱིར། །ལྷ་ཆེན་ཕྱོགས་སྐྱོང་ཚོགས་ཀྱིས་རྩིག་པ་བྱས། །སྐུ་བཞི་དཔལ་བརྒྱད་ཚང་བར་བྱ་བའི་ཕྱིར། །རྒྱལ་ཆེན་རིགས་བཞི་བཟུང་ནས་ཀ་བ་བྱས། །ཐེག་པ་གཞན་ལས་འཕགས་པའི་དོན། །གླང་ཆེན་ཀ་ལ་ལིང་གིས་ཀ་གཏན་བྱས། །གླིང་བཞིའི་མི་རྣམས་གོས་འདོད་བསྐང་བའི་ཕྱིར། །གཟའ་སྐར་མིག་ཚགས་བྱས་པས་འགྱུར་ལྡོག་མེད། །འཇིག་རྟེན་ཟིལ་གྱིས་གནོན་པའི་ཕྱིར། །སེང་གེ་ཀ་ལ་ཤ་ཡིས་ཀ་ཞུ་བྱས། །འཁོར་བའི་གཅོང་རྙིང་གཏན་ནས་སྦྱང་བའི་ཕྱིར། །སེང་གེའི་ཁ་ནས་བདུད་རྩིའི་འོ་མ་འཛག །ཐོད་རུས་བར་ཁྱམས་རྡོ་རྗེའི་གཟེར་གྱིས་བརྒྱན། །ཞིང་ཆེན་རྔ་ཡབ་བླ་རེ་འཕན་གདུགས་དང་། །ཐུགས་རྗེ་བྱང་སེམས་ཀུན་དུ་ཁྱབ་པའི་ཕྱིར། །ཉི་ཟླ་འབར་བའི་རྒྱན་ཆས་གསལ་བར་ལྡན། །སྤྲུལ་པའི་མེ་རླུང་འབྲུག་གིས་དུས་བཞིར་ཕྱེ། །ཁྲོ་བོའི་འབྱུང་གནས་ཐུགས་རྗེའི་སྒྲ་དང་བཅས། །རིན་ཆེན་ཁྲི་དང་པདྨ་ཉི་ཟླ་གདན། །གསེར་གྱི་སེང་གེ་སྤྱན་གསུམ་པ། །དྲུག་བཞི་རྩལ་འཕགས་ཉི་ཤུ་བརྒྱད། །ཁྲི་རྐང་བརྒྱད་ཀྱིས་བར་ཁྱམས་དག་ལ་གནས། །ཐུགས་རྗེ་ཆེ་བས་ཉི་མ་ཉི་ཤུ་བརྒྱད། །འཇིགས་པ་སྤངས་པའི་སེང་གེ་ཉི་ཤུ་བརྒྱད། །སྤྲུལ་སྐུ་ཐོབ་པས་དབང་མོ་ཉི་ཤུ་བརྒྱད། །ཀུན་དུ་འོད་ཀྱི་ས་ལ་རབ་གནས་པ། །རིན་ཆེན་ཁྲི་རྐང་འདེགས་པའི་སྟོབས་དང་ལྡན། །མགོན་གནས་དབེན་པར་གཞན་དག་གིས། །མཐོང་རྐང་སྦས་པའི་ཆོས་ཉིད་ལུང་། །ཕྲིན་ལས་རྣམ་པར་རྫོགས་པའི་གནས། །རིགས་བཞི་ཁྲག་འཐུང་ཧེ་རུ་ཀ །བཞུགས་གནས་མི་འགྱུར་ཆོས་ཀྱི་སྐུ། །དེ་ཉིད་ཀུན་དུ་འོད་ཀྱི་ལུང་། །པདྨ་ལེ་བརྒན་ཕྱོགས་བཅུའི་འོད། །སངས་རྒྱས་ཐམས་ཅད་བསྐྱེད་པའི་ཚུལ། །ཆགས་པར་གྱུར་པ་པདྨ་སྟེ། །ཆེ་བའམ་ཡོན་ཏན་ལུང་དུ་སྟོན། །མཁའ་དབྱིངས་རྣམ་དག་དྲི་མེད་པས། །མ་ཆགས་པདྨ་ཅན་གྱི་ལུང་། །སྟོང་ཞིང་གསལ་བས་གཞན་གང་འཕགས། །ཉི་ཟླའི་དཀྱིལ་འཁོར་བརྩེགས་པ་ཡིན། །སེང་གེ་འཁོར་ལོ་ཚོགས་ཆེན་པོས། །ཐབས་དང་ཤེས་རབ་ཡ་བྲལ་བས། །སྤྲོས་མེད་རང་གིས་བཟླུམས་པ་ནི། ། ― DNG013_Page_0086 ―
[མ་དཔེ་གཟིགས་ན་འདིར་གནོན།]
མ་སྐྱེས་པ་ཡི་ཆོས་ཉིད་ལུང་། །འོད་ཟེར་གསལ་བས་འཚེར་བས་ན། །ཡང་གབ་སྦས་པ་ཡེ་ཤེས་ལུང་། །འཕྲོ་འདུ་ཁྱབ་པར་གྱུར་པའི་ཚོགས། །ཤེས་རབ་རིགས་ཀྱི་གསང་བའི་ཡུམ། །ཐབས་དང་ཤེས་རབ་དགྱེས་པའི་ཏིང་འཛིན་གྱིས། །ཚོགས་ཆེན་ཡོངས་རྫོགས་དཀྱིལ་འཁོར་ཆེན་པོ་ནི། །བདག་པོ་ཁྲོ་བོ་ཆེན་པོའི་སྐུ་ཉིད་དུ། །གསང་སྔགས་འདི་ཡིས་ཡོངས་རྫོགས་བྱ། །ཨོཾ་པདྨ་ཤྲཱི་ཧེ་རུ་ཀ་པདྨ་ཀྲོ་དྷཱི་ཤྭ་རི་ཧཱུྃ། མ་ཧཱ་ཙཎ་ཌ་སརྦྦ་དུཥྚན་ཕཊ། དཀྱིལ་འཁོར་བདག་པོ་རྔམ་བརྗིད་ཆ་ལུགས་དང་། །འབར་བའི་མེ་འོད་དམར་གསལ་འཕྲོ་བའི་མདངས། །དབུ་ལྔ་ཕྱོགས་བཞིར་ལས་བཞིའི་ཚུལ་དུ་བཞུགས། །དབུ་མ་མཉམ་ཉིད་བདེ་བ་དབྱིངས་སུ་གཟིགས། །རལ་པའི་སྲིད་རྩེ་མེ་འོད་བཞིན་དུ་འབར། །སྨིན་མ་ཁྲོ་གཉེར་སྨ་ར་སོགས་མྱུར་བ། །ལུས་ཐུང་སྐུ་རྒྱན་གྱད་ཀྱི་ཆ་བྱད་ལ། །བཅྭ་ལྔའི་སྤྱན་གྱིས་རང་གི་ཡུལ་རྣམས་གཟིགས། །རྡོ་རྗེ་རིན་ཆེན་ཁྱུང་གི་གཤོག་པས་གཏམས། །བཅུ་དྲུག་རོལ་པའི་སྤྱན་དང་ཕྱག་མཚན་དང་། །སྒེག་པོའི་ཞབས་བརྒྱད་ཆས་དང་འཆས་པར་གནས། །འཇིག་རྟེན་གསུམ་པོ་ཟིལ་གྱིས་གནོན་པའི་ཕྱིར། །ཁྲོ་བོའི་ཚོགས་བཅས་འགྱིང་བག་ཡུམ་བཅས་གནོན། །འོད་ཟེར་སྣ་ཚོགས་འཕྲོ་བའི་རྩེ་མོ་ལ། །བདེར་གཤེགས་རིགས་ལྔའི་སྣང་བ་སྣ་ཚོགས་སྟོན། །རང་གི་ཞིང་སྦྱོང་དྲག་པོའི་གནས་འདུལ་ཞིང་། །ཐམས་ཅད་རིགས་ཀྱི་དཀྱིལ་འཁོར་ཆེ་ལ་དགོད། །ཕྱོགས་བཅུའི་རྒྱལ་བའི་དཀྱིལ་འཁོར་མ་ལུས་ཀྱིས། །ཡབ་ཡུམ་གཉིས་ཀྱི་དགའ་བ་བསྐྱེད་པར་མཛད། །གནས་སུ་ཉི་ཟླ་པད་དཀྱིལ་ཟླ་བ་ལ། །སྐུ་གསུང་ཐུགས་ཀྱི་ས་བོན་ཡོངས་རྫོགས་གསལ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱཏ་མ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་བཱ་ཀ་བཛྲ་སྭ་བྷཱ་བ་ཨཱཏ་མ་ཀོ྅ཧྃ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧྃ།འཁོར་ལོ་འབར་བའི་རྩེ་མོ་དྲུག་རྣམས་ལ། །མཁའ་འགྲོའི་རྒྱལ་མོ་ཁམ་རྒྱ་ཆེན་མོ་དྲུག །ཞག་གཅིག་ཕྱག་གཉིས་འཇིགས་པའི་ཆ་ལུགས་ཅན། །རིགས་དྲུག་མཚན་མ་ཆ་ལུགས་ ― DNG013_Page_0087 ―
[མ་དཔེ་གཟིགས་ན་འདིར་གནོན།]
ཅི་ལྟ་བུ། །བུཌྜྷ་བཛྲ་ཨོཾ། སཏྭ་བཛྲ་ཧཱུྃ། རཏྣ་བཛྲ་ཏྲཱྃ། པདྨ་བཛྲ་ཧྲཱྀ། ཀརྨ་བཛྲ་ཧ། གྷུ་ན་བཛྲ་ཕཊ། ཕྱི་རོལ་དཀྱིལ་འཁོར་ཁྱབ་པར་སྤྲོས་བྱས་ཏེ། །འགྲོ་རྣམས་དུད་སོགས་ཁམས་རྣམས་དག་བྱས་ནས། །རྡོ་རྗེ་འཁོར་ལོ་རིན་ཆེན་པདྨོ་དང་། །རལ་གྲི་ཁ་ཊྭཱྃ་རྩེ་གསུམ་དྲིལ་བུ་བཅས། །གཡོན་པ་བདུད་རྩི་ཐོད་པ་གང་བ་ཐོགས། །མཁའ་འགྲོ་རབ་གཏུམ་རིགས་ཀྱི་དབུ་རྒྱན་ཅན། །རང་གི་ཕྲེང་བ་དུར་ཁྲོད་རྒྱན་གྱིས་བཀླུབས། །ལས་ཀྱི་ཁམ་རྒྱ་སྣ་ཚོགས་གཟུགས་ཀྱིས་བཞུགས། །དཔལ་ཆེན་ཐུགས་ཀྱི་དཀྱིལ་འཁོར་ནས། །ལོང་བ་རྒྱབ་འདྲེལ་རྒྱན་རྣམས་རྫོགས། །སྐུ་མདོག་མཚན་མ་སྣ་ཚོགས་ལ། །ཕྱག་སྦྲེལ་ཟངས་ཀྱི་ཐོད་པ་ཐོགས། །ཨོཾ་ཤྲཱི་ཁཱའི་ཨོཾ་ཤྭ་རི་ཁཱའི། ཏྲཾ། ཤྲཱི་ཁཱའི་ཨ། དམུས་ལོང་འཁོར་བ་བཅུ་དྲུག་དག་བྱུང་སྟེ། །ཐོད་རུས་བར་ཁྱམས་གནས་སུ་བཀོད་པར་བྱ། །ཨོཾ་ཤྲཱི་ཁཱའི་ཧཱུྃ། ཤྲཱི་ཁཱའི་ཧཱུྃ། ལྕགས་ཀྱི་སྤྱང་མོ་བརྒྱད་རྣམས་ཡང་སྤྲུལ་བཅས། །ཡེ་ཤེས་སྤྲུལ་པའི་ཁྱི་བཅུ་རྔམ་པར་འཁོད། །མེ་རི་སྤྲིན་ལྟར་གཏིབས་པ་རིལ་ཞིང་འཁྲུགས། །བར་ཁྱམས་ཕྱི་མའི་གནས་ལ་ཀུན་དུ་འཁོད། །ཨོཾ་ཏི་བ་ཏ་ཙཀྲ་ཤྭ་ན་མུ་མོ་ར་ཁྃ་ཧཱུྃ་ཕཊ། ཀུ་ཀུ་ར་ཡགྴ་ཧཱུྃ་ཕཊ། དཔལ་ཆེན་ཐུགས་ཀྱི་དཀྱིལ་འཁོར་ནས། །ཛཿཧཱུྃ་བྃ་ཧོཿཕྱག་རྒྱ་ལས། །མགོ་དགུ་བརྩེགས་པའི་རྐང་གཅིག་པོ། །མགོ་བརྒྱད་ལག་བརྒྱད་རོལ་པ་དང་། །མགོ་དྲུག་ལག་དྲུག་རྐང་དྲུག་དང་། །མགོ་གསུམ་རྐང་གསུམ་ལག་གསུམ་པོ། །དཀྱིལ་འཁོར་ཆེན་པོ་སྒོ་བཞི་རུ། །ཚད་མེད་སྤྲུལ་པའི་ཕྱག་རྒྱས་རོལ། །དེ་དག་རོལ་པའི་བྱིན་བརླབས་ལས། །སྟེང་འོག་ཕྱོགས་མཚམས་མ་ལུས་པའི། །ཐབས་དང་ཤེས་རབ་བྱང་ཆུབ་སེམས། །མེ་འབྲུག་རླུང་འབྲུག་ཕྱག་རྒྱས་གསལ། །རབ་ཏུ་རྫོགས་པའི་ཚུལ་དུ་བྱུང་། །ཨོཾ་ཛི་ན་ལ་ཏོ་ཙ་རྃ་ཡགྴ་ཀུ་རུ་བན་ཙྪ་ཧཱུྃ་ཕཊ། གཞན་ཡང་སྤྲུལ་པའི་དཀྱིལ་འཁོར་ཚོགས། །བསེ་ཡི་བྱན་ལག་དམར་པོ་དང་། །དུང་བྱ་ཁྲུང་ཁྲུང་ལ་སོགས་རྣམས། །འཇིག་རྟེན་ ― DNG013_Page_0088 ―
[མ་དཔེ་གཟིགས་ན་འདིར་གནོན།]
ཙམ་པའི་ཚོགས་ཀྱིས་བསྐོར། །ཨོཾ་ཧ་ཧ་རུ་རུ་མ་ཧཱ་ཙནྡི་ཤྭ་རི་བི་ཤ་ན་ཡ་ཧཱུྃ་ཧཱུྃ་ཕཊ། ཀུན་གྱི་རྩ་བའི་སྔགས་སོ། །ཨོཾ་པདྨ་བི་ཏ་སི་ཏོ་ཧེ་ཧེ་ཙཀྲ་བྷྱོ་ཕཊ། སྙིང་པོའི་སྔགས་སོ། །ཨོཾ་ཧུ་ལུ་ཧུ་ལུ་ཧཱུྃ་ཕཊ། ཨེ་ཨ་མ་ར་ལི་ཧཱུྃ་ཛ། ཉེ་བའི་སྙིང་པོའོ། །ཨོཾ་བྷྱོ་ཨེ་ཨཱ་ར་ལི་ཛ་ཞེས་བརྗོད་པས་ཁྲོ་བོ་འཁོར་ལོ་མ་ལུས་པར་བྱོན་ཞིང་། རང་གི་དཀྱིལ་འཁོར་གཉིས་སུ་མེད་པར་གྱུར་ནས། ཧེ་རུ་ཀ་ཆེན་པོ་ཉིད་ཀྱི་དཀྱིལ་འཁོར་ཆེན་པོའི་རྒྱུའི་དཀྱིལ་འཁོར་དུ་གནས་ཤིང་། རང་གི་དཀྱིལ་འཁོར་རྣམས་དམ་ཚིག་བཀོད་པར་མཛད་དོ། །དེ་ནས་སྤྲུལ་པའི་འཁོར་ལོ་ཚོགས། །མ་ལུས་རོལ་པར་བྱིན་བརླབས་ཤིང་། །བདུད་དང་གྲགས་བྱེད་རྨོངས་བྱེད་ཅིང་། །རང་གི་གནས་སུ་འདུ་བར་མཛད། །ཨོཾ་ཧུ་ལུ་ཧུ་ལུ་རྃ་ཛ་ལ་ཨེ་ཨ་ར་ལི་ཛཿཧཱུྃ་བྃ་ཧོཿ། ཨ་ལ་ལ་ཧོ། ཨོཾ་མ་ཏྲ་རུ་ཏྲ་ཧ་ལ་ཧ་ལ་ཧཱུྃ་ཕཊ། དུག་གསུམ་དངོས་པོ་སྦྱང་བའི་ཕྱིར། །རྔམ་པའི་ཁྲོ་ཚོགས་ཕྱོགས་བཅུར་སྤྲོ། །ཁྲོ་འཛུམ་ཕྱག་རྒྱ་བསྟན་མཛད་ཅིང་། །ཧེ་ཧེ་རུ་རུའི་གསང་སྔགས་བརྗོད། །ཧ་ལ་རྡོ་རྗེའི་གད་རྒྱངས་ཀྱིས། །བདུད་དང་སྲིན་པོ་ལ་སོགས་བརྒྱལ་བར་མཛོད། །ཨོཾ་སརྦ་པ་པ་ཀ་ར་ཧེ་ཏབ་བྱི་ཤ་མ་ཏ་རུ་ཏྲ་ཧཱུྃ་ཕཊ། ཨོཾ་སརྦ་པ་པ་ཧེ་ཏ་པ་བྱི་ཤ་ཁ་ཏད་རུ་ཏྲ་ཧཱུྃ་ཕཊ། ཨོཾ་སརྦ་པ་པ་ཀ་ར་ཧེ་ཏ་པ་བྱི་ཤ་ཁ་ཏད་རུ་ཏྲ་ཧཱུྃ་ཕཊ། དཔལ་ཆེན་ཐུགས་ཀྱི་དཀྱིལ་འཁོར་ཕོ་ཉའི་ཚོགས། །དཔལ་ཆེན་རྡོ་རྗེ་ཐོག་ཐོག་སེར་ཆེན་འབེབས། །ཧཱུྃ་དང་ཕཊ་ཀྱིས་སྲིད་གསུམ་འཁོར་བ་འཇིག །ཧཱུྃ་དང་ཕཊ་ཀྱི་བྱིན་བརླབས་བསམ་མི་ཁྱབ། །རྡོ་རྗེ་ཁྲག་འཐུང་ཁྲག་གི་རྒྱ་མཚོ་སྐེམས། །རྡོ་རྗེ་མཚོན་ཆ་གནམ་ལྕགས་ཐུ་ལུམ་འདྲིལ། །གསང་སྔགས་ལོག་པར་ལྟ་བའི་བདུད་རྣམས་འཇོམས། །རྡོ་རྗེ་སེར་ཆེན་ཐོག་བཅས་འབར་ཞིང་འཁྲུགས། །ཉམས་པའི་སྙིང་དང་དབང་པོ་ཐལ་བར་རློག །ཡེ་ཤེས་ཐུགས་རྗེ་ཨ་ལ་ལ། །ཨོཾ་མ་ཧཱ་ཤྲཱི་ཧེ་རུ་ཀ་བྷནྡྷ་བྷནྡྷ། གརྫ་གརྫ། ཧ་ལ་ཧ་ལ་ཧཱུྃ་ཕཊ། དེ་ནས་བདུད་དང་རུ་ཏྲ་བཅས། །རྡོ་རྗེ་མཚོན་ཆས་བསྒྲལ་བསྒྲལ་ནས། །འཁོར་གྱི་ལོངས་སྤྱོད་རོལ་མཛད་ཅིང་། །ཤ་ཁྲག་ནང་ ― DNG013_Page_0089 ―
[མ་དཔེ་གཟིགས་ན་འདིར་གནོན།]
གྲོལ་བདུད་རྩི་དང་། །རུས་རྐང་དབང་པོར་བཅས་པ་ལ། །ཚོགས་ཀྱི་ལོངས་སྤྱོད་སྟོན་མོར་མཛད། །ཀུན་གྱི་དགྱེས་པ་རྡོ་རྗེའི་གླུས། །མཐུན་པར་སྒྲ་དབྱངས་གཅིག་གིས་བསྟོད། །ཐུགས་རྗེ་རྣམ་དག་པདྨའི་རང་བཞིན་ལས། །ཐུགས་ཀར་ལྃ་ལས་སྤྲུལ་པའི་བྱང་ཆུབ་སེམས། །ཕྱོགས་བཞི་དབུས་ལྔར་བརྗིད་པའི་སྐུ་མཆོག་ནི། །གྲུབ་པའི་སངས་རྒྱས་མཁྱེན་པའི་ཡེ་ཤེས་ལྔ། །དཔལ་ལུས་ཁྱད་པར་འཕགས་པ་ཞལ་གྱི་དབྱིངས། །དབང་མཆོག་ལྷུན་གྱིས་གྲུབ་པའི་རྟ་སྐད་ཅན། །ཐར་ལམ་ཐུགས་རྗེ་ཐབས་མཁས་སྤྲུལ་པ་ཡི། །ཡེ་ཤེས་བྱིན་བརླབས་ཁྲོ་རྒྱལ་འབུམ་དུ་སྤྲུལ། །སྨིན་མཛད་སྨོན་ལམ་ཡུན་རིངས་གྲུབ་པ་ཡི། །དམིགས་པའི་མཐའ་བྲལ་པདྨ་ཡུམ་གྱི་ཚུལ། །ཆོས་རྣམས་མ་ལུས་གསལ་བར་གཟིགས་པའོ། །ཆགས་མེད་ཐུགས་རྗེ་པདྨའི་ཚུལ། །སྒྲ་སྐད་ཐམས་ཅད་མཐའ་ལས་གྲོལ། །ཟབ་དང་རྒྱང་རིང་ཆོས་ཀྱི་དོན་རྣམས་མཚན་ཉིད་ལས། །ཤངས་ཀྱི་རླུང་སྒྲོམ་དུག་གསུམ་རྩད་ནས་ཆོད། །ཞལ་གྱི་ཧོཾ་ལ་འདྲེལ་པས་རྒྱུད་ལྔ་གཅོད། །རྣོ་དབལ་མཆེ་བ་སྐྱེ་ཤི་རྩད་ནས་གཅོད། །ལེ་བརྒན་ལྗགས་ཀྱི་གསུང་སྒྲ་རྒྱ་མཚོར་འཆད། །རོལ་པའི་ཕྱག་གིས་འགྲོ་བ་འདུལ་ལ་མཁས། །གཤོག་བཞི་བསྐྱོད་པས་ཕྲིན་ལས་རྣམ་བཞི་མཛད། །ཞབས་རོལ་པས་ནི་ཟིལ་གནོན་མཛད་པའི་ཚུལ། །སྐུ་ཆེ་ཡན་ལག་རགས་པ་རི་བོ་བཞིན། །ཐུགས་མཆོག་ཡེ་ཤེས་སྟོང་ཉིད་ཉི་མ་བདལ། །ཡེ་ཤེས་ལྷ་མཆོག་བྱིན་བརླབས་འབྱུང་བའི་གནས། །ངོ་མཚར་རོལ་པས་ཁྲོ་བོ་ཀུན་གྱི་རྗེ། །དཔའ་བོ་སྐུ་མཆོག་མངའ་ལ་ཕྱག་འཚལ་བསྟོད། །དེ་ནས་བདེ་ཆེན་དབང་གི་སྐུས། །འཁོར་ལོ་དམ་ཚིག་སྒྲོགས་མཛད་ཅིང་། །རྡོ་རྗེ་གསང་བའི་སྐུ་གསུང་ཐུགས། །གསལ་བར་བྱིན་བརླབས་བསྐྱེད་པར་མཛད། །ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ས་མ་ཡོ་གི་སིདྡྷི་ཧཱུྃ། པ་ཧོ་ཀ་ཀ་མ་ལ་སུ་ཏ་ས་ཧཱུྃ། ཨོཾ་བཛྲ་ས་མ་ཡ་ཀྲོ་དྷ་ས་མ་ཡ་ཨོཾ་ཨཱཿཧཱུྃ། མ་ཧཱ་ཡོ་གི་ཙིཏྟ་རྃ་བ་རཀྟ་མ་ལ་ཁཱའི་ཁཱའི་ཧཱུྃ། ཨོཾ་ཁ་ཁ་ལེ་ལ་རུ་ལུ་རུ་ལུ་ཧཱུྃ་ཕཊ། ཨི་དྷ་ན་ས་མ་ཡ་ ― DNG013_Page_0090 ―
[མ་དཔེ་གཟིགས་ན་འདིར་གནོན།]
ཨ་ལ་ལ་ཧོ་ཞེས་རྡོ་རྗེའི་གླུ་བླངས་སོ། །པདྨོ་གར་མཛད་དོ། །བདེ་བ་ཆེན་པོས་མཆོད་པས་ཚིམ་པར་འགྱུར་རོ། །དེའི་དུས་ན་བདུད་ལ་སོགས་པ་རྣམས་བསྒྲལ་བའི་ཚོགས་རྣམས་བྱང་ཆུབ་སེམས་བདེ་བ་ཆེན་པོའི་ཡེ་ཤེས་ཀྱིས་བརྒྱན་ཏེ། དབང་བསྐུར་བའི་མཐུ་སོགས་ཀྱིས། བདག་པོ་རིག་འཛིན་ཐམས་ཅད་ཀྱི་བདག་པོ་ཞེས་བྱ་བར་འགྱུར་རོ། །དཀྱིལ་འཁོར་ཆེན་པོའི་ཕྱི་རོལ་དུ་འཁོད་ཅིང་གསང་བའི་དཀྱིལ་འཁོར་འཛིན་པར་གྱུར་ཏོ། །དེའི་འཁོར་རྣམས་ཀྱང་དམ་ཚིག་གི་སྙིང་པོ་བླངས་ན་བྲན་དུ་མཛད་པར་ཁས་བླངས་སོ། །སྙིང་པོ་བརྗོད་པ་ནི། མ་མ་ཏྲག་ཤ་རུ་ཏྲ་མ་མ་བྷྱོ། སླར་བསྒོ་བའི་སྔགས་ནི། ཨོཾ་རུ་ལུ་རུ་ལུ་ཧཱུྃ་བྷྱོ་པདྨ་ཧྲྀཌྜྷ་རུ་རུ་ཧཱུྃ་བྷྱོ་ཧཱུྃ། དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་གསང་ཆེན་འདུས་པའི་ལེའུ་སྟེ་ཉི་ཤུ་གཅིག་པའོ།། །།དེ་ནས་བཅོམ་ལྡན་གར་དབང་གིས། །རིགས་ཀྱི་དཀྱིལ་འཁོར་བསྡུ་མཛད་ནས། །བདག་དང་གཉིས་མེད་རོལ་པའི་མཐུས། །ཁྲོ་བོའི་རྒྱལ་པོ་སྐུ་ཆེན་དག །སངས་རྒྱས་ཀུན་གྱི་སྐུ་གསུང་ཐུགས། །གསང་གསུང་དམ་ཚིག་ཕྱག་རྒྱ་ཆེ། །དཀྱིལ་འཁོར་རྒྱུ་ཡི་དམ་ཚིག་སྐུ། །བཀོད་པའི་དཀྱིལ་འཁོར་མཛེས་པའོ། །ཆོས་དབྱིངས་ཡོན་ཏན་འབྱུང་གནས་གཞལ་ཡས་ཁང་། །རྒྱལ་བའི་དཀྱིལ་འཁོར་རིགས་ཀྱི་ཅོད་པན་ཅན། །རིགས་ཀྱི་དབང་ཕྱུག་སྐྱེ་འགྲོ་མ་ལུས་སྒྲོལ། །རྡོ་རྗེ་བཀོད་པ་རྒྱན་གྱི་དཀྱིལ་འཁོར་ཆེ། །དབང་པོ་ཡུལ་ཚོགས་རིགས་ཀྱི་སྐུ་ལྔར་ལྡན། །ཤེས་རབ་ཐབས་དང་མི་གཉིས་འདུ་འབྲལ་མེད། །དུས་གསུམ་ཅིག་ཆར་སྒྲོལ་བས་ཚར་གསུམ་རྒྱན། །ཁམས་གསུམ་ཡོངས་སྒྲོལ་མཛད་ཀྱི་རྒྱན་དུ་ཆེ། །མི་གནས་མྱ་ངན་གསུང་རབ་རྒྱ་མཚོ་སྒྲོགས། །མ་བསྒྲིབས་མ་གསལ་གོ་འཕང་མཛེས་པར་མཐོང་། །མི་ལྡོག་ཡུལ་སྒྲོལ་སྟབས་དྲུག་མཛེས་པར་མགྱོགས། །གར་ཡང་ཐོགས་མེད་བྱིན་བརླབས་ཤུགས་དང་ལྡན། །འཚེར་སྐད་གདངས་སྙན་མ་སྲིང་སྤྲོ་བ་འགྱེད། །ཁམ་དམར་ ― DNG013_Page_0091 ―
[མ་དཔེ་གཟིགས་ན་འདིར་གནོན།]
རལ་པའི་དབུས་ནས་དབུགས་འབྱུང་བ། །དཔྲལ་བ་ཞུར་པོ་བརྗིད་པའི་ཁྱད་པར་དང་། །རྟ་མགྲིན་འོད་འབར་གསལ་བའི་ཁྱད་པར་ནི། །དོན་མཆོག་ཁྱད་པར་ཡོན་ཏན་རྨད་དུ་བྱུང་། །ལྗང་གུ་མེ་འབར་རྟ་མགོའི་རང་བཞིན་ནི། །འགྱུར་མེད་ཡེ་ཤེས་ཆོས་སྐུ་ཇི་བཞིན་གསལ། །བྱམས་པའི་མདངས་ཀྱིས་ཁམས་གསུམ་ཁྱད་པར་གཟིགས། །རྔོག་མ་ལེ་བརྒན་འབར་བའི་ཁྱད་པར་མཆོག །སྟུག་པོ་བཀོད་སོགས་ཞིང་ཁམས་རབ་འབྱམ་ན། །རྡུལ་གཅིག་སྟེང་ན་རྡུལ་སྙེད་ཁྲོ་བོ་ཀུན། །ཞིང་ཁམས་གསུམ་དག་མ་ལུས་དབང་དུ་སྡུད། །ཤེས་རབ་ཐབས་སུ་འདྲེལ་པའི་རྟ་སྐད་ནི། །གྲུབ་པའི་དཔལ་ཚོགས་ཚངས་པའི་རྟ་དབྱངས་ཡིན། །དང་པོའི་གདངས་ཀྱིས་རྒྱལ་བའི་ཞིང་ཁམས་སྒྲོགས། །གདངས་སྐད་གཉིས་པ་རི་རབ་རྩེ་ལ་འཚེར། །གསུང་སྙན་གདངས་གསུམ་སྙན་པའི་ཁྱད་པར་ནི། །བཅུ་དྲུག་སླད་མའི་ངན་རྟོག་ཐར་ལམ་སྟོན། །སྤྱན་མིག་གློག་ལྟར་འགྱུ་བ་ཆེར་འཕགས་ཤིང་། །ཤ་ཁྲག་རློན་པ་ཟ་བའི་སྲིན་པོ་འཇོམས། །འཚེར་ཅན་ཡིད་ལ་གདུང་བའི་རྟ་སྐད་ནི། །མུན་མཐུའི་འགྲོ་བ་མ་ལུས་གསལ་བར་མཛད། །རྒྱུ་དབྱིངས་གྲངས་དང་གཟིགས་ཐབས་རྟོག་པའི་དོན། །ཧཱུྃ་ལས་དཔལ་ཆེན་ཁྲོ་བོའི་དཀྱིལ་འཁོར་བསྐྱེད། །གནས་ནི་སྣ་ཡི་དབུགས་རིངས་དྲོ་བ་ལགས། །ཕྱག་རྒྱའི་དཀྱིལ་འཁོར་རྣམ་པར་འཕྲུལ་པ་འབྱུང་། །ཤངས་ཀྱི་རླུང་སྒྲོམ་ཡངས་པས་ཡེ་ཤེས་སྲོག །གསང་བའི་ཚུབ་མས་སྡུག་བསྔལ་སྙིང་ནས་འབྱིན། །རྒྱ་ཆེན་སྤྲུལ་པས་བག་ཆགས་ཚར་གཅོད་དེ། །འཁོར་བའི་རྒྱ་མཚོ་ལུགས་ལས་བཟློགས་པ་ཡི། །རིགས་ཀྱི་རླུང་གིས་དུག་ལྔ་དབྱིངས་སུ་སྒྲོལ། །ཟླུམ་དཀར་གཟངས་རིངས་རྣོ་དབལ་ཚེམས། །ཞལ་དུ་བདར་བའི་བྱང་ཆུབ་སེམས། །མ་སྐྱེས་ཆོས་ཉིད་ཀུན་ལ་རོལ། །ཞི་རྒྱས་དབང་སྡུད་དྲག་པོ་ཡི། །ཅིར་ཡང་འགྱུར་བའི་ཧོམ་ཁུང་སྟེ། །ལས་ལྔ་འདྲེལ་པའི་ཞལ་ཞེས་བྱ། །འཁོར་བ་ཡོངས་སུ་སྨིན་པ་དང་། །ལས་མངས་ཉོན་མོངས་དབང་བཙན་དང་། །སྐྱེ་བ་མི་སྐྱེ་ལུང་མ་བསྟན། །དེ་སྨིན་མཛད་པ་ཆེན་པོ་ཡིས། །འཇོག་ལྡོག་ཅིར་ཡང་ ― DNG013_Page_0092 ―
[མ་དཔེ་གཟིགས་ན་འདིར་གནོན།]
གྱུར་པ་དང་། །རྗོད་བྱེད་གཉིས་ཀའི་བསྟན་གྱུར་ནས། །འབྱར་ཞིང་བསྐྱོད་པས་ལྗགས་ཉིད་དོ། །ཡིག་འབྲུའི་རྒྱུ་ཉིད་བདེར་གཤེགས་ཐུགས། །རྡོ་རྗེ་མྱུ་གུ་ཏིང་འཛིན་ཐུགས། །འོད་ཉིད་ཉོན་མོངས་རྣམ་དག་འཇོམས། །རིག་བྱེད་ཡེ་ཤེས་ཕྱག་རྒྱ་དང་། །ཡིག་འབྲུ་ས་བོན་ཕྱག་རྒྱ་དང་། །ཡོན་ཏན་རྫོགས་པའི་ཕྱག་རྒྱའོ། །སྲིད་པ་གསུམ་སྟེ་ལྟ་བ་དང་། །རྒྱུད་དང་ལས་ཀྱི་རིམ་པའོ། །དེ་ཕྱིར་ཡེ་ཤེས་རོལ་པའི་དབྱིངས། །སྙིང་པོ་ཕྱག་མཚན་ཕྲ་མོ་དག །བསྟན་པར་གྱུར་ནས་མཁའ་ཡི་དབྱིངས། །ཆོས་སྐུ་ཆུ་ཡི་ཟླ་བ་བཞིན། །སྣ་ཚོགས་སྣང་ལ་རང་བཞིན་མེད། །དུར་ཁྲོད་ཆེན་པོའི་གནས་ཀུན་དུ། །གར་གྱི་དབང་ཕྱུག་རྣམ་པར་རོལ། །ཤར་དུ་རོལ་པའི་ཕྱག་བཞི་མཚན་མ་ནི། །ཁྲོ་ཆེན་སྙིང་འབྱིན་ཁ་ཊྭཱཾ་འབར་བ་དང་། །རྡོ་རྗེ་ལྕགས་ཀྱུ་སྦྲུལ་གྱི་ཞགས་པས་རོལ། །དེ་བཞིན་ལྷོ་ལ་སོགས་པའི་ཕྱག་ཀྱང་བཞི། །ཐོད་པ་ཁྲག་བཀང་རྡོ་རྗེ་ལུ་གུ་རྒྱུད། །རྡོ་རྗེ་བེ་ཅོན་ཐོད་རློན་འཛིན་པར་རོལ། །མེ་ཡི་ཞགས་པ་དག་དང་ཁྱུང་གི་ཁྲ། །སྡིགས་འཛུབ་རྩེ་ལ་ཡེ་ཤེས་མེ་ཆེན་འབར། །རྡོ་རྗེ་ཁ་ཊྭཱཾ་ག་ནི་རབ་ཏུ་འཁྲོལ། །རྡོ་རྗེ་རྩེ་དགུ་རྩེ་ལྔ་གདེངས་པ་དང་། །རྩེ་གསུམ་རྩེ་གཅིག་འབར་བ་གསོར་ཞིང་བརྡེག །ཡེ་ནས་མ་སྐྱེས་དང་བའི་ཆོ་འཕྲུལ་སྟོན། །ཡེ་ཤེས་ལྔ་ཡི་ཡོན་ཏན་ཁྱད་པར་ནི། །རིན་ཆེན་དྲ་བ་སངས་རྒྱས་སྟོང་གིས་བརྒྱན། །ཀླུ་རྒྱལ་ནག་པོ་འདྲ་བའི་ཐབས་ཤེས་ཀྱིས། །རྩེ་བ་རྣམ་ཐར་སྒོ་གསུམ་སྐུ་གསུང་ཐུགས། །སྤྲུལ་པའི་དོན་མཛད་དཀྱིལ་འཁོར་སྣ་ཚོགས་སྟོན། །གསང་བའི་ཡུམ་བཞིས་སྐུ་ལ་འཁྲིལ་བྱེད་ཅིང་། །བྱང་ཆུབ་སེམས་བཞི་དེ་ཉིད་སྟོན་པར་བྱེད། །རྡོ་རྗེ་དྲ་བས་རིན་ཆེན་གློག་འགྱུ་བ། །ཁྱུང་གཤོག་ཨ་མོ་ཐེབ་གཤོག་སྡེར་མོ་ཅན། །སངས་རྒྱས་སྟོང་རྩ་གཉིས་ཀྱི་ཐུགས་རྗེ་ཤར། །ཐབས་ཀྱི་རྣམ་པར་འཕྲུལ་པས་གཡས་ནས་བརྐྱང་། །སྲིད་གསུམ་མ་རིག་མུན་པ་སེལ་བྱེད་པའི། །ཤེས་རབ་ཟླ་སྟོང་རྩ་གཉིས་གཡོན་ནས་ཁྱབ། །ཐབས་དང་ཤེས་རབ་འདྲེལ་པའི་བྱིན་བརླབས་ཆེ། །སྤྲུལ་ ― DNG013_Page_0093 ―
[མ་དཔེ་གཟིགས་ན་འདིར་གནོན།]
པ་འཕྲོས་པས་དུག་གསུམ་རྒྱུན་མི་འཆད། །སྣ་ཚོགས་རོལ་པའི་ཕྱག་རྒྱ་ཞེས་པ་ཡི། །ཕྲིན་ལས་བརྒྱད་ཀྱིས་བདག་ཉིད་སྐུ་ཆེ་བའི། །དཔའ་བོ་སྟག་གིས་སྟེང་ཕྱོགས་འདུལ་ཞབས་བརྒྱད། །རྒྱ་བྱེའུ་ལྕགས་ཀྱིས་ཤར་ལྷོའི་ཞབས་བརྒྱད་དེ། །རྡོ་རྗེ་འཚོལ་བས་ལྷོ་ཡི་ཕྱོགས་ན་བརྗིད། །བསེ་ཁྲབ་སྨུག་པོས་ལྷོ་ནུབ་རྐང་པ་བརྐྱང་། །སྣ་ཚོགས་བརྗིད་པས་བྱང་ཤར་མཚམས་སུ་གྱོན། །ཤུ་ཀེན་དར་གྱིས་བྱང་ཤར་ཞབས་མཛེས་ཤིང་། །མཆེ་བ་དམར་པོས་ནུབ་བྱང་བརྒྱངས་པའི་གདན། །སྦྲུལ་ནག་འཁྲིལ་པའི་ཞབས་ཀྱིས་འོག་ཕྱོགས་འདུལ་བར་མཛད། །ཁྲོ་བརྒྱད་གནོན་ཅིང་གཟིར་བས་ཞབས་བརྡེབས་ཤིང་། །དུག་ཆེན་བཅོམ་ཞིང་སྒལ་ཚིགས་གནོན། །བྲང་གནོན་ལྡན་པ་འཇོམ་ཞིང་འཇིགས་མཛད་དང་། །འཁོར་གྱི་སྐུ་ལ་སྦས་པས་ཡེ་ཤེས་གསལ། །སྐུ་ཉིད་འཁོར་ལ་སྦས་པས་དབྱིངས་ཀྱིས་བརྒྱན། །ཐུགས་རྗེ་རོལ་པས་གཞལ་ཡས་ཁང་དུ་བསྟན། །ཕྲིན་ལས་རོལ་པས་ཧཱུཾ་མཛད་ཧཱུྃ་གིས་བརྒྱན། །ས་བཅུ་ཟིལ་གནོན་སྟོབས་བཅུའི་དབང་དང་ལྡན། །དེ་ནས་གར་གྱི་དབང་ཕྱུག་ཆེ། །དམ་ཚིག་གར་གྱི་བྱིན་བརླབས་ཀྱིས། །རྒྱུན་གྱི་ཏིང་འཛིན་ལ་གནས་ནས། །ཡུམ་ཆེན་གཟི་ལྡན་དགྱེས་པར་མཛད། །དམ་ཚིག་ཆེན་པོའི་ཕྱག་རྒྱ་ནི། །མཉེས་མཛད་གཟི་ལྡན་དབང་ཕྱུག་མ། །ཇི་སྙེད་བུད་མེད་སྣ་ཚོགས་དང་། །གསུང་གི་རྡོ་རྗེ་མི་སྨད་དོ། །གཙོ་བོ་རབ་ཏུ་གདུངས་པ་ལ། །རབ་ཏུ་སྨྲ་བར་གང་བྱེད་པ། །སྒེག་པའི་ཚིག་གིས་བརྒྱན་ནས་སུ། །སྲི་ཞུའི་སེམས་ཀྱིས་གདུངས་པ་ལ། །ཡེ་ཤེས་ཚོགས་ཀྱིས་རབ་བསྐོར་བའི། །ལྷ་མོའི་ཚོགས་རྣམས་བསྐོར་བྱས་ཏེ། །རང་གི་ཕྱག་རྒྱའི་དཀྱིལ་འཁོར་དུ། །གཉིས་མེད་མཉམ་པའི་རྒྱ་གཞི་གདབ། །བྱང་ཆུབ་སེམས་ཚོགས་གསལ་བའི་རྒྱུན། །ཐིམ་པའི་དཀྱིལ་འཁོར་དོན་ཆེན་གསལ། །དབྱིངས་ཕྱུག་སྤྲུལ་ཚོགས་བསམ་ཡས་དག །ངེས་པའི་ཡེ་ཤེས་རོལ་པའི་སྐུ། །སྟོང་གསུམ་དབང་པོར་གདོན་མི་ཟ། །འཇིག་རྟེན་གསུམ་གྱི་འབྱུང་གནས་མཆོག །དུས་གསུམ་ཀུན་གྱི་གནས་དང་ ― DNG013_Page_0094 ―
[མ་དཔེ་གཟིགས་ན་འདིར་གནོན།]
རྟེན། །ཕྱོགས་བཅུ་དཀྱིལ་འཁོར་ཐམས་ཅད་ན། །དམ་ཚིག་ཆེན་པོ་དེ་ཉིད་མང་། །ཕྱི་ནང་གསང་བའི་མཐར་ཕྱིན་པ། །ཐམས་ཅད་པདྨོ་རྣམ་དག་པས། །ཆོ་འཕྲུལ་རྣམ་ཀུན་དེ་བཞིན་ཉིད། །ཐུགས་རྗེ་ཆགས་པའི་ཕྲིན་ལས་ཀྱིས། །དབང་དྲག་ཕྲིན་ལས་གནོད་སྦྱིན་གནས། །གཉིས་མེད་འབར་བས་ཐམས་ཅད་སྲེག །ལས་དང་བག་ཆགས་སྒྲིབ་སོགས་ཀུན། །གནས་ནས་གཤེགས་མཛད་ཡེ་ཤེས་ཚོགས། །ལྷུན་གྱིས་དང་བས་ཀུན་དུ་འཇོམས། །སྙིགས་མ་ལྔ་བརྒྱ་དུས་ཀྱི་མཐའ། །སྲིད་གསུམ་སེམས་ཅན་འདུལ་དཀའ་བ། །འཕྲོ་འདུ་འཁྱིལ་པའི་འོད་མདངས་མཛད། །འཇིག་རྟེན་མཁྱེན་དང་མྱ་ངན་འདས། །གཉིས་མེད་ཐུགས་ཀྱིས་ས་ལེ་མཁྱེན། །དེ་ལྟར་དགོངས་པའི་ཁྱད་པར་དེ། །འགྲོ་བ་མཐའ་དག་འདུལ་དོན་དུ། །རྣམ་པར་ཐར་པ་དབུ་གསུམ་བསྟན། །གཡས་དཀར་གཡོན་དམར་དབུས་མཐིང་བ། །ཡེ་ཤེས་དྲུག་གི་ཕྱག་མཚན་ནི། །གཡས་པས་རྡོ་རྗེ་རྔེའུ་ཆུང་དང་། །མདུང་རྩེ་གསུམ་པ་འཛིན་པས་རོལ། །དྲིལ་བུ་རྒྱུ་ཞགས་ཐོད་རློན་གཡོན། །བསྐལ་པའི་མེ་རི་སྦྲུལ་ཞགས་དང་། །ཐོད་རློན་ཕྲེང་བ་རྒྱན་དུ་བྱས། །སྒེག་པ་དཔའ་བོ་འཇིགས་སུ་རུང་། །དགོད་དང་གཤེ་དང་འཇིགས་པར་བྱེད། །སྙིང་རྗེ་རྔམ་དང་ཞི་བའི་སྐུ། །སྐུ་གསུང་ཐུགས་ཀྱི་གར་ཐབས་ཅན། །འཇིགས་བྱེད་ཁྲོ་བོ་རྣམ་པར་རྒྱལ། །སྐྱེ་བ་མེད་པའི་ཆོས་དབྱིངས་སུ། །མཚན་མ་མེད་པའི་ཆོས་བཤད་པས། །ཆོས་ཀྱི་དབྱིངས་ཀྱི་ཡེ་ཤེས་རྒྱལ། །ལོངས་སྐུ་མཚན་དང་དཔེ་བྱད་ཀྱིས། །མི་འཇིགས་སྟོབས་མཆོག་གདན་སྟེངས་ན། །སངས་རྒྱས་ཞིང་ཁམས་ཐམས་ཅད་དུ། །ཟབ་མོ་རྒྱ་ཆེན་ཆོས་མ་བསྟན། །དངོས་དང་དངོས་མེད་གསལ་བྱེད་པས། །མེ་ལོང་ལྟ་བུའི་ཡེ་ཤེས་དང་། །སྤྲུལ་པ་འགྲོ་མང་དོན་གྱི་ཕྱིར། །ཕལ་མང་བཀོད་པའི་ས་རྣམས་སུ། །དངོས་པོ་མཚན་མ་རྣམ་འཕྲུལ་གྱིས། །བྱ་བ་གྲུབ་པའི་ཡེ་ཤེས་ཚོགས། །ཐམས་ཅད་མཚན་མ་ནམ་མཁའི་དངོས། །དེ་ཉིད་སྒྲོ་བཏགས་ ― DNG013_Page_0095 ―
[མ་དཔེ་གཟིགས་ན་འདིར་གནོན།]
ཆོས་དང་བྲལ། །ཀུན་ལྡན་བྱམས་སེམས་དེ་ཁོ་ན། །རང་བཞིན་དག་པ་དྲི་མ་མེད། །ཧེ་རུ་ཀ་ཡི་བདེ་ཆེན་དབྱིངས། །ཆོས་རྣམས་ཀུན་གྱི་རྒྱུ་ཡིན་དེ། །འོད་གསལ་བ་ཡི་གནས་འཇུག་པས། །རྣལ་འབྱོར་ཆེན་པོ་ཞེས་བྱ་བཤད། །དེ་བཞིན་གཤེགས་པ་ཐམས་ཅད་ཀྱི་དགོངས་པ་གསང་བ་དཔལ་རྟ་མཆོག་རོལ་པའི་རྒྱུད་ལས། དཀྱིལ་འཁོར་རྒྱུའི་དོན་ཕྱུང་བའི་ལེའུ་སྟེ་ཉི་ཤུ་གཉིས་པའོ།། །།དེ་ནས་བཅོམ་ལྡན་དཔལ་གྱི་སྐུས། །གར་གྱི་དབང་ཕྱུག་ལྷུན་གྲུབ་མཆོག །ཐུགས་རྗེ་བརྗིད་པའི་སྟོབས་ལྡན་པས། །ཡོན་ཏན་ཁྱད་པར་བསྟན་པའི་ཕྱིར། །ནམ་མཁའི་རི་མོ་ཕྱག་རྒྱའི་རྔོམ། །ཅིར་ཡང་འགྱུར་བའི་བཞུགས་པའི་རྔོམ། །ཟིལ་གྱིས་གནོན་པའི་གནས་མཆོག་རྔོམ། །ཚམ་ངམ་ཆེན་པོའི་སྟང་སྟབས་རྔོམ། །སྐུ་མདོག་བརྒྱད་ཀྱིས་བརྗིད་པའི་མཆོག །ཕྱག་རྒྱའི་དོན་དང་ལྡན་པའི་སྐུ། །ཧྃ་ལྔ་འདྲེལ་པར་གྱུར་པའི་ཞལ། །ཟླ་ཁམ་ཅིར་ཡང་འགྱུར་བའི་ལྗགས། །སྐྱེ་ཤི་རྩད་ནས་གཅོད་པའི་ཚེམས། །རྣམ་པའི་འབྲུག་ལྟར་སྒྲོགས་པའི་དབྱངས། །ཏིང་འཛིན་ནམ་མཁའི་སྐར་ཚོགས་བཞིན། །ཕྲིན་ལས་རྒྱ་མཚོ་རླབས་ཚོགས་ལྟར། །བྱིན་བརླབས་ཆོ་འཕྲུལ་སྤྲིན་ཕུང་ཚོགས། །མཛད་པའི་རོལ་མོ་གར་ཐབས་རྔམ། །བདུད་དང་སྲིན་མོ་འཇོམས་བྱེད་རྣམས། །ཁམས་གསུམ་ཟིལ་གྱིས་གནོན་པའི་གདན། །སྟོང་གསུམ་དུས་གཅིག་བསྒྲལ་བའི་ཞིང་། །རྟོག་པ་འཇོམས་པའི་བརྟུལ་ཞུགས་མཆོག །སྐུ་གསུང་ཐུགས་མཆོག་ཡོན་ཏན་ནི། །རྔོམ་བརྗིད་སུམ་ཅུ་རྩ་དྲུག་མངའ། །རྒྱ་ཆེན་ཡན་ལག་རགས་པས་བརྗིད། །གྲངས་མང་རྐྱེན་དང་འཚམ་པས་བརྗིད། །བཀུར་གཤོག་གཙོ་བོ་མཐོང་བས་བརྗིད། །ཁྱད་ཞུགས་བླ་མ་ཡིན་པས་བརྗིད། །གདངས་ཆེན་སྟོང་གསུམ་གང་བས་བརྗིད། །དོན་ལ་ཉི་ཚེར་སྟོན་པས་བརྗིད། །གསལ་བས་མཐའ་གཉིས་ཡངས་པས་བརྗིད། །ཐུགས་རྗེ་ཐུགས་དམ་མཐར་ཕྱིན་བརྗིད། །མ་རྨོངས་ཐབས་ཀྱིས་འདུལ་བས་བརྗིད། །མ་ ― DNG013_Page_0096 ―
[མ་དཔེ་གཟིགས་ན་འདིར་གནོན།]
འགགས་ས་ལེ་མཁྱེན་པས་བརྗིད། །མེད་ལ་ཟད་མི་ཤེས་པས་བརྗིད། །གཅིག་ལ་འདོད་དགུར་སྒྱུར་བས་བརྗིད། །གནོད་སྦྱིན་ཕམ་པར་མཛད་པས་བརྗིད། །ཐབས་མཁས་སྐྱོན་གྱིས་མ་གོས་བརྗིད། །རིམས་བྲལ་ཉམ་ཐག་རོལ་པས་བརྗིད། །འཁོར་བ་ཡུན་རིངས་མགོན་མཛད་བརྗིད། །ཅིག་ཆར་ཟིལ་གྱིས་གནོན་པས་བརྗིད། །བྱ་བའི་ཡེ་ཤེས་རྫོགས་པས་བརྗིད། །སྐུ་གསུང་ཡོན་ཏན་ཕྲིན་ལས་ཐུགས། །ཟིལ་གནོན་ང་རྒྱལ་བཅག་པར་བྱ། །དེ་སུ་རོ་ཡི་ནང་ནས་ནི། །གློག་འགྱུ་ལྕེ་ནི་ལན་གསུམ་འབྱུང་། །སོ་འམ་སེན་མོ་གཅད་པར་བྱ། །དེ་ཉིད་རལ་གྲི་བཟང་པོར་འགྱུར། །རྣལ་འབྱོར་པ་ཡི་གྲངས་བཞིན་དབྱུང་། །དེ་ཐོགས་ནམ་མཁའ་ལ་སོང་ནས། །རིག་པ་འཛིན་པའི་སྔགས་བརྗོད་བྱ། །ཨོཾ་བྷཱུ་རུ་ན་ར་ས་མ་ཏ་ཡ་ཧཱུྃ་ཕཊ། །གར་གྱི་དབང་ཕྱུག་ང་རྒྱལ་གྱིས། །གང་འདོད་གནས་སུ་འགྲོ་བྱ་ཞིང་། །དྲེགས་བྱེད་ཚོགས་རྣམས་ཟིལ་གནོན་ཏེ། །བརྟུལ་ཞུགས་སྤྱོད་པས་གླུ་བླང་ཞིང་། །བརྟུལ་ཞུགས་སྤྱོད་པ་སྣ་ཚོགས་པས། །ཡུད་ཙམ་གཅིག་ལ་གནས་སུ་དག་པར་བྱེད། །བཅོམ་ལྡན་པདྨ་ཧེ་རུ་ཀའི། །སྐུ་གསུང་ཐུགས་ཀྱི་དཀྱིལ་འཁོར་ནི། །ཇི་ལྟར་སྤྲུལ་ཞིང་ཅིར་ཡང་སྣང་། །མཚན་ཉིད་གཅིག་ཏུ་མ་ངེས་པས། །སྐུ་གསུང་ཐུགས་སྤྲུལ་བསམ་ཡས་ཆེ། །རང་བཞིན་ལས་དང་ཡོན་ཏན་གྱི། །བྱིན་བརླབས་ཡ་མཚན་སྒྲིབ་མེད་གསལ། །ཁམས་གསུམ་ཀུན་ལས་རྩལ་འཕགས་ཤིང་། །རང་གི་དཀྱིལ་འཁོར་རྣམ་གསལ་ལས། །བྱིན་བརླབས་འགྲོ་ལ་རྒྱ་ཆེར་སྟོན། །ཆོས་དང་ལོངས་སྤྱོད་རྫོགས་པ་དང་། །སྤྲུལ་སྐུ་སྣ་ཚོགས་འདུལ་བའོ། །ཚིག་གི་གསུང་རབ་རིག་པའི་གསུང་། །བཞི་ལ་སུམ་ཅུ་དྲུག་གིས་བརྗིད། །དུག་གསུམ་སྐུ་གསུང་ཐུགས་ཀྱིས་སྦྱངས། །དུག་ལྔ་བདེ་བ་ཆེན་པོས་སྤྱད། །དབྱིངས་ལས་ཡེ་ཤེས་རོལ་པའི་མཐུས། །སྐྱེ་འགྲོ་མ་ལུས་རྒྱས་བཏབ་ནས། །རང་བཞིན་དག་པའི་དབྱིངས་སུ་སྦྱོང་། །རྒྱལ་བ་གང་གི་ཐུགས་རྗེས་ཀྱང་། །འདི་ལ་སྐྱབས་ ― DNG013_Page_0097 ―
[མ་དཔེ་གཟིགས་ན་འདིར་གནོན།]
སུ་ཡོད་མ་ཡིན། །སྲིད་པ་གསུམ་དུ་དག་བྱས་ནས། །སྲིད་པའི་ཕྱག་རྒྱས་ཕྱག་རྒྱ་གསང་བས་འདེབས། །ཐིག་ལེ་ཆོས་སྐུ་རིག་པའི་མཆོག །གར་གྱི་དབང་ཕྱུག་ཞེས་སུ་བསྔགས། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། ཁྲོ་བོ་རྔོམ་བརྗིད་སྟོན་པའི་ལེའུ་སྟེ་ཉེར་གསུམ་པའོ།། །།དེ་ནས་འཁོར་གྱི་གཙོ་བོ་མཆོག །གསང་བའི་བདག་པོ་ལ་སོགས་པས། །ཡང་དང་ཡང་དུ་ཕྱག་འཚལ་ལོ། །མཆོད་པ་རྒྱ་ཆེན་ཕུལ་བྱས་ཏེ། །འགྲོ་བ་བརྩེ་བའི་སེམས་ཅན་ལས། །བསྒྲུབ་པའི་རིམ་པ་ཞུ་བར་མཛད། །བཅོམ་ལྡན་དངོས་གྲུབ་ཀུན་གྱི་བདག །གདུལ་བྱ་ཀུན་གྱི་དོན་གྱི་ཕྱིར། །ཐུན་མོང་དངོས་གྲུབ་ཇི་ལྟ་བུར། །དེ་བཞིན་མཆོག་གི་དངོས་གྲུབ་དག །བསྒྲུབ་པར་བྱ་བའི་ཐབས་ནི་གང་། །ལས་ཀྱི་ཆོ་ག་ཅི་ལྟ་བུར། །ཡན་ལག་ཚོགས་པའི་ལྡན་བྱས་ནས། །ཚེ་འདི་མཆོག་ཏུ་གྱུར་རམ་ཅི། །ཐབས་མང་ཆོ་ག་བཤད་པར་བྱ། །དེ་ནས་བཅོམ་ལྡན་འདས་ཀྱི་དབང་། །རང་གི་དཀྱིལ་འཁོར་གནས་བཞུགས་ཏེ། །མ་འོངས་འགྲོ་ལ་ཕན་པའི་ཕྱིར། །སྐུ་གསུང་ཐུགས་ཀྱི་སྦྱོར་བ་ལས། །ངོ་མཚར་འཕྲུལ་པ་འདི་གསུངས་སོ། །རྒྱལ་བ་ཀུན་གྱི་དམ་ཚིག་ཆེ། །རྣམ་གསུམ་ཕྱག་རྒྱ་ལ་གནས་ནས། །ལས་ཀྱི་དངོས་གྲུབ་བསྒྲུབ་པ་ནི། །གནས་བཟང་དག་ཏུ་བརྩམ་པར་བྱ། །ཕྱག་རྒྱའི་གྲོགས་ལ་བརྟེན་པ་ན། །བཟླས་བརྗོད་ཡན་ལག་མ་ཉམས་པར། །གསང་སྔགས་ཡི་གེ་བཅུ་བཞི་པ། །སུམ་འབུམ་དག་ཏུ་བརྗོད་བྱས་ནས། །རོལ་པ་མཚན་མ་བསྒྲུབ་པའི་ཕྱིར། །མཆོག་ཆེན་མཚན་མ་མ་ཉམས་པ། །རབ་བརྟགས་དུར་ཁྲོད་གནས་ནས་བླངས། །ཁྲོ་བོ་ཆེན་པོའི་ཚམ་ངམ་གྱིས། །ཡུངས་ཀར་ཐལ་བ་ལ་སོགས་པས། །སུམ་བྷ་ནི་ཡི་སྔགས་བརྗོད་ཅིང་། །ཡི་དྭགས་གཤིན་རྗེ་བསྐྲད་པར་བྱ། །དེ་ནས་དྲི་ཞིམ་སྦྱར་བ་ཡི། །དག་བྱེད་ཆུ་ཡིས་ལེགས་བཀྲུས་ཏེ། །མེ་ཏོག་ཕྲེང་སོགས་རྒྱན་གྱིས་བརྒྱན། །གསུང་གི་ཕྱག་རྒྱ་བྱིན་བརླབས་ཤིང་། །དཔའ་བོས་ ― DNG013_Page_0098 ―
[མ་དཔེ་གཟིགས་ན་འདིར་གནོན།]
རང་གི་ཁྱིམ་དུ་བླང་། །གླུ་དྲུག་དབྱངས་དྲུག་བཅས་པ་ཡིས། །ཁྲོ་རྒྱལ་རོལ་པའི་བྲོ་ཡིས་སྦྱངས། །བསྒྲུབ་པའི་དཀྱིལ་འཁོར་ཉམས་དགའི་མཆོག །རྒྱ་ཁྱོན་འདོམ་གང་ཁྲུ་ཡིས་བསྟོད། །ཅི་བཞིན་ལ་སོགས་ཆོ་ག་བཞིན། །རྫས་དང་ས་གཞི་དག་བྱ་ཞིང་། །ས་བོན་གནས་པའི་ལས་རྫོགས་ནས། །བསྲུང་ཞིང་དཀྱིལ་འཁོར་བྲི་བར་བྱ། །ཡབ་ཡུམ་བསྒྲུབ་པའི་གྲོགས་བཅས་རྣམས། །དཀྱིལ་འཁོར་ཕྱོགས་བཞིར་གནས་བཟུང་སྟེ། །མཆོག་ཆེན་དཀྱིལ་འཁོར་ཁ་རུ་བཞག །བསྲུང་བའི་འཁོར་ལོ་ལེགས་ལྡན་པས། །སྟོང་ཉིད་ཏིང་འཛིན་ནས་བརྩམས་ཏེ། །དཀྱིལ་འཁོར་མཉེས་སོགས་རྫོགས་བྱས་ནས། །རོ་ལངས་དགུག་ཅིང་གཞུག་བྱ་སྟེ། །བར་ཆད་མེད་པར་བཟླས་བརྗོད་བྱ། །ཨོཾ་བི་ར་ན་ཏྲག་ཤ་ཏ་ཧ་ལ་ཏའི་ལོ་མ་ཏ་ཡ་མན་ཏ་ཙན་ཏྲ་ཧཱུྃ་ཕཊ། ཏིང་འཛིན་འོད་ཟེར་གསལ་བའི་རྒྱུན། །ཟུར་མ་ཆག་པར་བརྗོད་བྱས་ཏེ། །འབུམ་ཚོ་གཅིག་གིས་གཡོ་འགྱུར་ཞིང་། །གཉིས་ཀྱིས་འོད་དང་བཅས་པར་སྣང་། །འབུམ་ཕྲག་གསུམ་གྱིས་སྒྲ་བསྟན་ཞིང་། །ལངས་ཏེ་ཀུན་དུ་ལྟ་བར་བྱེད། །དེ་ཚེ་རྣལ་འབྱོར་དབང་པོ་ཡིས། །སྐྲ་ནས་བཟུང་ནས་བསྒྱེལ་བྱས་ལ། །རྟ་མཆོག་སྔགས་ཀྱིས་དབང་དུ་བྱ། །རྡོ་རྗེ་ཁྱུང་གཤོག་ཕྱག་རྒྱ་ཡིས། །དོན་གྱི་གསུང་གིས་གོ་བར་སྤྱོད་པས་བྲོ་ཡང་བརྡུང་། །ཏིང་འཛིན་སྔགས་དང་ཡན་ལག་རྣམས། །མ་བྲལ་རང་གི་གནས་འོངས་ཏེ། །དཀྱིལ་འཁོར་མཐའ་མ་བསྐོར་བྱས་ནས། །མཆོད་པ་བྲོ་གླུ་དང་བཅས་པས། །ལྷ་རྣམས་མཉེས་པའི་ཆོ་ག་བྱ། །དེ་ནས་བརྟུལ་ཞུགས་ཆེན་པོ་ཡིས། །གོ་ལ་ལང་གྷ་གནོན་པ་ཡིས། །བྲོ་ལ་སོགས་པ་རྫོགས་བྱས་ནས། །རོ་དེ་གསེར་དུ་གྱུར་པ་ཡིན། །དེ་ནི་མཆོད་དང་སྦྱིན་པ་དང་། །རང་ལ་དགོས་པའི་ཡོ་བྱད་བྱ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། རོ་ལངས་བསྒྲུབ་པ་བསྟན་པའི་ལེའུ་སྟེ་ཉི་ཤུ་བཞི་པའོ།། །།དེ་ནས་ ― DNG013_Page_0099 ―
[མ་དཔེ་གཟིགས་ན་འདིར་གནོན།]
གར་གྱི་དབང་ཕྱུག་གིས། །གཟི་ལྡན་ཡུམ་དང་རོལ་མཛད་ཅིང་། །འཁོར་གྱིས་ཞུས་པའི་ཚིག་གསན་ནས། །ཐུན་མོང་དངོས་གྲུབ་བཟང་པོ་ཉིད། །མ་འོངས་འགྲོ་ལ་ཕན་གདགས་ཕྱིར། །རིམ་པ་བཞིན་དུ་ཕན་གདགས་མཛད། །དབང་ཐོབ་དམ་ཚིག་ལ་གནས་པས། །ཡིད་མཐུན་གནས་མཆོག་བཟང་པོ་རུ། །མིག་སྨན་སྦྱོར་བ་བསྒྲུབ་བྱས་ཏེ། །བྱིན་བརླབས་ལྡན་པས་འགྲོ་དོན་བྱས། །རང་གི་ཏིང་འཛིན་ལ་གནས་པས། །རང་གི་གསང་སྔགས་འབུམ་རྫོགས་ནས། །མཚན་མ་ཕྲ་མོ་མཐོང་བ་དང་། །བསྒྲུབ་པའི་དཀྱིལ་འཁོར་བརྩམ་པར་བྱ། །དཀྱིལ་འཁོར་གང་ཡང་རུང་བ་ཡི། །ཕྱག་རྒྱ་གསང་སྔགས་ཏིང་འཛིན་ལྡན། །རིན་ཆེན་སྔགས་ཀྱི་བཟླས་བརྗོད་ནི། །འབུམ་ཕྲག་གསུམ་དུ་གསུང་བར་བྱ། །ཨོཾ་པདྨ་ཙ་ག་ཧྲུ་ཨ་ལ་ས་མ་ར་སི་ཏི་ཡོ་ན་ཧཱུྃ་ཕཊ། དཀྱིལ་འཁོར་གནས་ཀྱི་རྟགས་མཐོང་ནས། །གྲོང་མཐའི་གནས་སུ་འགྲོ་བྱས་ཏེ། །སུས་ཀྱང་མ་མཐོང་མཚན་མོ་རུང་། །ལྷ་འདྲེ་གཏུམ་པོའི་གྲོང་དུ་བསྡད། །རང་གི་འཁོར་གྱི་ཚོགས་རྣམས་ཀྱིས། །མི་རྒོད་བཙན་འབྲང་བསྲུང་བར་བྱ། །དེར་ནི་བྷན་དྷ་མཚན་ལྡན་དུ། །གཟི་ཆེན་མར་ནི་བལྟས་ནས་སུ། །མཚན་གཅིག་ཡལ་བར་སྔགས་བཟླས་ཤིང་། །ཏིང་འཛིན་མ་ཉམས་སྦྱོར་བ་བྱས། །སྐྱ་རེངས་དང་པོ་འཆར་དུས་སུ། །དུད་པས་བདུགས་ཏེ་བཅང་བར་བྱ། །གླུ་དང་བྲོ་ཡི་བརྟུལ་ཞུགས་དང་། །ལྷ་རྣམས་ཀུན་གྱི་སྟང་སྟབས་ཀྱིས། །གནས་དེའི་བདག་པོ་དབང་དུ་སྡུད། །རིག་པ་འཛིན་པའི་སྔགས་ལྡན་པས། །སླར་ཉིད་མིག་སྨན་ཤས་གཅིག་བྱུག །དེ་ནས་འཁོར་གྱི་ཚོགས་བསྒོ་ཞིང་། །སྐྱེ་འགྲོ་ཀུན་ལ་གསང་བར་བྱ། །པདྨ་བསྒྲུབ་པའི་ཨན་རྫ་ལིས། །ཅི་འདོད་དངོས་པོ་མཐོང་བར་འགྱུར། །གཞན་ཡང་རིལ་བུའི་སྒྲུབ་ཐབས་ནི། །བདུད་རྩི་ལྔ་ལས་འབྱུང་བ་ཡི། །རྫས་དག་ཤ་ལྔ་དང་བསྲེས་ཏེ། །ཐོད་པ་མཚན་ལྡན་ནང་བཞག་ནས། །དཀྱིལ་འཁོར་རྒྱན་དང་ལྡན་གནས་སུ། །ཐབས་དང་ཤེས་རབ་ལྡན་གནས་སུ། །གར་གྱི་ ― DNG013_Page_0100 ―
[མ་དཔེ་གཟིགས་ན་འདིར་གནོན།]
དབང་ཕྱུག་སྐུ་བསྒོམས་ཤིང་། །ཡི་གེ་བཅུ་བཞི་གསང་སྔགས་ཀྱིས། །འབུམ་ཕྲག་གསུམ་དུ་བཟླས་བྱས་ཏེ། །མཚན་མ་ཕྲ་མོ་མཐོང་བ་དང་། །བདུད་རྩི་གོང་བུ་བསྒྲིལ་བྱས་ཏེ། །རྒྱ་ཤུག་འབྲས་བུའི་ཚད་ཙམ་དུ། །རིན་ཆེན་ཟ་མ་ཏོག་ཏུ་གཞུག །དཀྱིལ་འཁོར་དེ་ཡི་དབུས་བཞག་པས། །བསྲུང་བའི་ཙཀྲས་བསྲུང་བྱ་ཞིང་། །རིག་པ་འཛིན་པའི་གསང་སྔགས་ནི། །འབུམ་ཕྲག་ལྔ་རུ་བརྗོད་པར་བྱ། །འོད་ཟེར་ལྕགས་ཀྱུ་འབྱུང་བར་འགྱུར། །ཨོཾ་མ་ཧཱ་པདྨ་སྃ་བོ་ཏ་ཧུ་ལུ་ཧུ་ལུ་ཧཱུྃ་ཕཊ་སྭཱ་ཧཱ། དེ་ནས་རིལ་བུ་དེ་བླངས་ཏེ། །ཁའམ་ལག་ཏུ་བཟུང་བྱས་ནས། །གང་འདོད་གནས་སུ་འགྲོ་བྱེད་ཅིང་། །ཅི་འདོད་པ་དག་གྲུབ་པར་བྱེད། །ལྷ་ཡི་གནས་མཆོག་ཉམས་དགའ་བས། །སྔ་དྲོ་གཅིག་གིས་འཁོར་བར་ནུས། །གཞན་ཡང་བཅུད་ལེན་བཟང་པོ་ཉིད། །སྐྱེས་བུ་གང་གིས་བསྒྲུབ་འདོད་པས། །བདུད་རྩི་རྒྱལ་པོ་ཨ་རུ་ར། །གསེར་གྱི་མདོག་ཏུ་འདུག་པས་མཆོག །ཉི་ཤུ་རྩ་གཅིག་ར་བོར་སྦ། །སུལ་རངས་རྒྱས་པར་གྱུར་པ་དང་། །བ་གཅིན་ཕུར་མོ་ཐལ་བ་དང་། །སེར་སྐྱའི་བ་མར་བཙོ་བར་བྱ། །དེ་ཉིད་སྦྲང་རྩི་དང་སྦྱར་བས། །ཉི་ཤུ་རྩ་གཅིག་ཞག་གི་བར། །ཞོ་རེའི་ཚད་དུ་བསྐྱེད་ཅིང་བཟའ། །དཀྱིལ་འཁོར་གསང་བ་ལ་བརྟེན་ནས། །གར་གྱི་དབང་ཕྱུག་སྐུར་བསྒོམས་ཤིང་། །རིག་འཛིན་པ་ཡི་སྔགས་བརྗོད་ཅིང་། །མཚན་རྟགས་གསལ་བར་མ་མཐོང་བར། །ཡན་ལག་མ་ཉམས་བརྩོན་འགྲུས་བསྐྱེད། །ཨོཾ་པདྨོ་བི་ཧ་ར་ཧ་ར་ཏ་ས་ནི་ཧཱུྃ་ཕཊ་སྭཱ་ཧཱ།གསང་སྔགས་སུམ་འབུམ་མ་རྫོགས་པར། །ཨ་རུ་ར་ཡི་འབྲས་བཟང་སྟོང་གི་ཚད། །ལེགས་པར་སྦྱར་ཏེ་ཟོས་པའི་མཐུས། །ནད་དང་ཟུག་རྔུའི་ཚོགས་འཇོམས་ཤིང་། །ཚེ་རིང་བདེ་བ་ཕུན་སུམ་ཚོགས། །རྒས་ལ་སོགས་པའི་སྐྱོན་སེལ་ཅིང་། །རིག་འཛིན་གནས་སུ་འགྲོ་བར་བྱེད། །དེ་བཞིན་དབང་པོའི་ལག་པ་དང་། །ཁ་ར་བུ་རམ་ཉེ་ཤིང་དང་། །ཟུར་རྔུལ་མུ་ཟི་ལ་སོགས་པས། །རང་གི་ཆོ་ག་ཤེས་པ་ཡིས། །རིག་པ་འཛིན་པའི་སྔགས་ཀྱིས་འགྲུབ། །གར་དབང་ ― DNG013_Page_0101 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ལ་ནི་བརྟེན་བྱས་ཏེ། །སོ་སོར་མ་ཉམས་སྦྱངས་པའི་ས། །བ་ཡི་འོ་མ་དང་སྦྱར་ཞིང་། །བ་ཡི་མར་གྱིས་གཟུངས་བཏབ་ནས། །མཚན་མ་མ་བྱུང་བར་དུ་གཞག །དེ་ནི་རིག་འཛིན་དངོས་གྲུབ་ཐོབ། །ཨོཾ་པདྨོ་ཨི་དྲ་དྲ་ཨ་ཧེ་དེ་བི་ན་ཧཱུྃ་ཕཊ། ཨོཾ་པདྨ་ར་རྒྱ་ཨ་གར་ཏ་དར་ཤ་ཧཱུྃ་ཕཊ། ཨོཾ་པདྨོ་ས་མོན་བི་ཤ་ལེ་ཧཱུྃ་ཕཊ། ཨོཾ་གྷུ་ལི་ས་བོ་ཏ་མ་གོ་ར་ན་ཧཱུྃ་ཕཊ། ཨོཾ་པདྨོ་མེ་ཤ་ཨ་ནན་ད་ཏ་ཡ་ཀ་ར་ཧཱུྃ་ཕཊ། དེ་དག་ལས་རྣམས་འགྲུབ་པ་དང་། །རྟག་ཏུ་རང་གིས་འཆར་བྱས་ཤིང་། །གསང་བའི་སྔགས་ལམ་ལ་བརྟེན་ནས། །ཚེ་འདི་གྲུབ་པར་གྱུར་པ་ཡིན། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། ཐུན་མོང་གི་དངོས་གྲུབ་བསྒྲུབ་པའི་ལེའུ་སྟེ་ཉེར་ལྔ་པའོ།། །།དེ་ནས་གར་གྱི་དབང་ཕྱུག་ཉིད། །ཕྱག་རྒྱ་རོལ་པའི་སྐུར་བཅས་ཀྱིས། །སྣོད་ལྡན་བྱང་ཆུབ་སེམས་དཔའ་དག །མཆོག་གི་དངོས་གྲུབ་སྐྱེད་བྱེད་པའི། །རིག་འཛིན་གནས་ཀྱི་མཚན་ཉིད་བཤད། །དམར་པོ་དབང་གི་དཀྱིལ་འཁོར་དུ། །བྷན་དྷ་མཚན་དང་ལྡན་པ་བརྒྱད། །པདྨའི་འདབ་མ་ལ་བཀྲམ་ནས། །ཚེ་འདིས་སྔགས་ཀྱིས་བརྒྱན་པར་བྱ། །དེ་ནི་བཟའ་བཏུང་ལོངས་སྤྱོད་ཚོགས། །མ་ཉམས་ཕུན་སུམ་ཚོགས་པར་སྤྱད། །གར་དབང་ལྷ་ལ་མོས་པ་ཡིས། །གསང་སྔགས་རྒྱལ་པོ་རྗོད་བྱེད་ཅིང་། །སུམ་འབུམ་བཟླས་པའི་གྲངས་ཚང་ནས། །མཐའ་སྔགས་གཞན་གྱིས་བརྒྱན་བྱས་ཏེ། །རྟགས་མཐོང་བར་དུ་བཟླས་བརྗོད་བརྩམ། །ཨོཾ་ཨ་སུ་ཤ་ཨོཾ་ཨ་ཡུ་ཤ་སོ་ཏ་བྲུཾ། འོད་ཟེར་དུ་བ་ལྟ་བུ་དང་། །ཕྱག་རྒྱའི་དབྱིངས་དང་འབྱུང་བའི་དུས། །བྲོ་དྲུག་གླུ་དང་གར་བཅས་པས། །བརྟུལ་ཞུགས་ཆེན་པོ་བདུད་རྩི་སྤྱད། །སྐུ་གསུང་ཐུགས་མཆོག་ཕྱག་རྒྱ་ཆེ། །གསང་བའི་ཡུམ་བསྐྱེད་སྙིང་པོ་མཆོག །ཨོཾ་ཨེ་ཀ་ཏེ་བི་ག་ཏེ་མ་ཏང་ཀ་ཏེ་སྭཱ་ཧཱ། མ་ཉམས་ཉམས་པའི་ཕྱག་རྒྱར་གསལ། །གཉིས་སུ་མེད་པར་སྦྱོར་བ་ཡིས། །རྡོ་རྗེ་པདྨོར་ལྡན་བྱས་པས། །ཐབས་ཀྱི་ཕྱག་རྒྱའི་ཆོ་འཕྲུལ་ལ། ། ― DNG013_Page_0102 ―
[མ་དཔེ་གཟིགས་ན་འདིར་གནོན།]
གཟི་ལྡན་གསང་བ་ཨེ་གྲུ་གསུམ། །ཉི་མ་པདྨ་ཤེས་རབ་ལྡན། །སོ་སོ་གསལ་བའི་བརྡས་མཚོན་ཏེ། །ཨོཾ་བྲུཾ་པདྨ་ཨཱ་ཡུ་ཤེ། །བྱིན་བརླབས་རྣམ་པར་འཕྲོ་བ་ཡིས། །ཕྱོགས་བཅུའི་སངས་རྒྱས་ཐུགས་བསྐུལ་ཞིང་། །བྱང་ཆུབ་སེམས་མཆོག་ཚེ་ཡི་རྒྱུན། །སྒྲུབ་པ་པོ་ལ་གསལ་བར་མཛད། །པད་འདབ་བརྒྱད་པ་ཉི་མར་བཅས། །དབུས་སུ་གསང་བའི་རྡོ་རྗེ་ཆེ། །ཧཱུྃ་གིས་གསོར་ཞིང་ཨ་ཡིས་བསྐྱོད། །ཡང་དང་ཡང་དུ་བསྐུལ་པ་ནི། །སྐུ་གསུང་དབྱིངས་སུ་གྱུར་པའོ། །དེ་ལ་བྱང་ཆུབ་སེམས་མཆོག་རྒྱུན། །བྷན་དྷ་མཚན་ལྡན་ནང་དུ་བཅུག །རྣལ་འབྱོར་གར་དང་ལེགས་བཅས་པས། །བཀྲ་ཤིས་ཚིགས་བཅད་གླུ་བླང་ཞིང་། །བཀྲ་ཤིས་གར་དང་དབྱངས་སུ་བཅས། །ལོངས་སྤྱོད་སྟོན་མོ་ཀུན་གསོལ་ཞིང་། །དངོས་གྲུབ་དོན་ཕྱིར་གསོལ་བ་གདབ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་ཚེ་བསྒྲུབ་པའི་ལེའུ་སྟེ་ཉེར་དྲུག་པའོ།། །།དེ་ནས་གར་གྱི་ལྷ་མཆོག་གིས། །ཐམས་ཅད་བདུད་རྩིར་བྱིན་བརླབས་ནས། །ཕྱི་ནང་སྣོད་བཅུད་མ་ལུས་ཀུན། །རིགས་ལྔའི་སྐུ་རུ་བསྒྲུབ་པའི་ཕྱིར། །རང་ལས་བྱུང་བའི་རང་བཞིན་དང་། །དངོས་གྲུབ་སྙིང་པོ་ཀུན་བསྡུས་བཤད། །ཆོས་རྣམས་མ་ལུས་རྣམས་བརྟགས་ནས། །རིགས་ལྔའི་དཀྱིལ་འཁོར་ཚུལ་དུ་གནས། །དེ་ལས་འབྱུང་བའི་དངོས་རྣམས་ཀྱིས། །དེ་ཉིད་ལྟ་བུར་སྦྱོར་བ་བྱ། །དང་པོར་བསོད་ནམས་ཚོགས་བསགས་ཤིང་། །རྡོ་རྗེ་བླ་མ་མཉེས་བྱས་པས། །ཕུན་སུམ་ཚོགས་པའི་གནས་དག་ཏུ། །ལྷ་ཉིད་ཉེ་བར་བསྒོམས་བྱས་པས། །དཀྱིལ་འཁོར་ཆེན་པོ་བརྩམ་པར་བྱ། །རིགས་ཀྱི་ལྷ་ཡི་དཀྱིལ་འཁོར་གྱིས། །རིགས་ཀྱི་ཕྱག་རྒྱ་བསྒྲུབ་པར་བྱ། །དྲི་དབྱིབས་ཁ་དོག་རོ་ལ་སོགས། །ཤ་ལྔ་བདུད་རྩིར་བཅས་པ་དག །བྷན་དྷ་མཚན་ལྡན་ལྔ་རུ་ནི། །དཀྱིལ་འཁོར་འཁོར་དང་ཕྱོགས་བཞིར་དགྲམ། །རྡོ་རྗེ་བཀོད་པའི་དཀྱིལ་འཁོར་གྱིས། །སོ་སོར་སྤང་བ་སྦྱང་བྱས་ཏེ། །ཕྱག་རྒྱ་ ― DNG013_Page_0103 ―
[མ་དཔེ་གཟིགས་ན་འདིར་གནོན།]
སྔགས་དང་ཏིང་འཛིན་མཐུས། །རིགས་ཀྱི་དཀྱིལ་འཁོར་མངོན་པར་བསྒྲུབ། །མཆོད་ཅིང་མཉེས་པར་བྱས་ནས་ནི། །ལས་ཀུན་གྲུབ་པའི་གསང་སྔགས་བརྗོད། །ཨོཾ་པདྨོ་བཛྲ་ཧྲི་གྷུ་ན་སིདྷི་སརྦ་པཉྩ་ཨ་མྲྀ་ཏ།ཨོ་ཨཱཿཧཱུྃ་སྭཱ་ཧཱ། དེ་ལ་འོད་དང་དུ་བ་དང་། །དྲི་དང་ལྷ་མོ་རྟགས་དག་ནི། །བཟླས་བརྗོད་ཐུན་མོང་ཁྱད་པར་དག །འབུམ་ཚོ་གསུམ་གྱིས་འགྲུབ་པར་འགྱུར། །དེ་ནས་གྲུབ་པའི་རྟགས་མཐོང་ནས། །དེ་དག་བཏག་ཙམ་སྦྱང་བྱ་ཞིང་། །མཁའ་འགྲོ་རོལ་པའི་བརྟུལ་ཞུགས་ཀྱིས། །བསོད་ནམས་སྦྱང་ཞིང་བྱིན་གྱིས་བརླབས། །དཀྱིལ་འཁོར་བཀོད་པ་རྒྱན་དང་བཅས། །ཁྲོ་བོ་འབར་བར་ཞལ་སྒྱུར་ཞིང་། །ཡབ་ཡུམ་གདུང་བའི་གླུ་དབྱངས་དང་། །བྱང་ཆུབ་སེམས་དཔའ་འཕྲོ་འདུ་ཡིས། །དཀྱིལ་འཁོར་དབུས་ཀྱི་གནས་བཞུགས་པར། །བདུད་ཀྱི་གར་གྱི་དབང་ཕྱུག་བསྐྱེད། །སླར་ཉིད་ཁྲོ་བོ་དཀྱིལ་འཁོར་གྱིས། །གཟུགས་འདུལ་གཙོ་བོའི་ཐུགས་ཀར་ཞུགས། །ཡེ་ཤེས་དཀྱིལ་འཁོར་ཀུན་བཀུག་ནས། །དམ་ཚིག་བདུད་རྩི་གཉིས་མེད་འགྱུར། །སླར་འབྱུང་པདྨོའི་རྒྱལ་པོའི་སྐུ། །དབུས་ཀྱི་དཀྱིལ་འཁོར་གདན་ལ་བཞུགས། །མཆོད་བསྟོད་དགའ་བས་མཉེས་བྱས་ནས། །བྲོ་གར་གླུ་ཡིས་ཐུགས་དམ་བསྐང་། །ཁྱད་པར་གསང་སྔགས་རྒྱལ་པོའི་མཐུས། །ཡེ་ཤེས་ལྔར་ལྡན་འོད་ཟེར་ཅན། །ཨོཾ་མ་ཧཱ་སརྦ་ཏ་ཐཱ་ག་ཏ་པཉྩ་ཨ་མྲྀ་ཏ་རུ་ལུ་རུ་ལུ་ཧཱུྃ་ཕཊ་སྭཱ་ཧཱ། ཇི་སྲིད་མཚན་མ་མ་བྱུང་བར། །སྔགས་ཀྱི་རྒྱལ་པོ་བརྗོད་པར་བྱ། །དེ་ནས་རྟ་མགྲིན་ཕྱག་རྒྱ་ཡིས། །སྒྲུབ་པ་ཆེན་པོ་གསང་བའི་དོན། །རྡོ་རྗེ་རྟ་མཆོག་ཕྱག་རྒྱ་ཆེ། །བདུད་རྩི་རྫས་ཀྱིས་དབང་བསྐུར་ཞིང་། །རྣལ་འབྱོར་གྲོགས་བཅས་ཚིམ་པར་བྱ། །ཕྱོགས་རྣམས་ཀུན་ནས་གདུངས་པའི་གླུས། །དཀྱིལ་འཁོར་ལྷ་དང་བླ་མ་མཆོད། །དངོས་གྲུབ་གསོལ་བའི་ཚིག་བརྗོད་ཅིང་། །དགའ་བའི་ལོངས་སྤྱོད་རྒྱ་ཆེར་བྱ། །ལྷ་རྣམས་ཀུན་ལ་དགྱེས་འདུལ་ཞིང་། །དམ་མེད་དབང་པོ་སྔགས་ཀྱིས་བསྐྲད། །བདུད་རྩི་གཏོར་བས་ལུས་རླག་འགྱུར། །རང་གི་ཡེ་ཤེས་ལས་ལས་ ― DNG013_Page_0104 ―
[མ་དཔེ་གཟིགས་ན་འདིར་གནོན།]
སྐྱེས། །དེ་ནས་ལས་མཛད་སྲུང་མ་དང་། །མགྲོན་ཚོགས་གཏོར་མས་མཉེས་བྱས་ཏེ། །བསོད་ནམས་ཡེ་ཤེས་ཚོགས་ཆེན་པོ། །རབ་ཚོགས་འགྲོ་བའི་དོན་ཕྱིར་བསྔོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་བདུད་རྩི་བསྒྲུབ་པའི་ལེའུ་སྟེ་ཉི་ཤུ་བདུན་པའོ།། །།དེ་ནས་རྟ་མཆོག་རོལ་པའི་སྐུ་དབུས་སུ། །དཀྱིལ་འཁོར་དབུས་སུ་དགྱེས་ཚུལ་གྱིས། །འགྲོ་རྣམས་ཀུན་ལ་བསྐུལ་མཛད་ཅིང་། །ཕྲིན་ལས་གསང་བའི་དོན་བཤད་མཛད། །བསམ་གཏན་ལས་ཀྱིས་འབྱུང་བ་ཡི། །ཞི་རྒྱས་དབང་དྲག་མངོན་སྤྱོད་དང་། །མནན་བཟློག་རེངས་དང་བསད་ལ་སོགས། །ཏིང་འཛིན་གསལ་ནས་གོམས་པའི་མཐུས། །བདག་དང་གཞན་དོན་ལས་ལ་སྦྱར། །ཞི་བ་ཞི་བའི་ཡི་གེ་སྟེ། །བསྒྲུབ་བྱ་ཟླ་དཀྱིལ་ལ་བཞག་ནས། །རྣམ་པར་སྣང་མཛད་འོད་སྔགས་ཀྱིས། །དུས་གསུམ་ལྷ་དང་མངོན་སྦྱར་ཞིང་། །བྱང་ཆུབ་སེམས་ཀྱི་བདེ་བསྐྱེད་དེ། །ཟུག་རྔུ་རྟོག་པ་རྣམ་པར་སེལ། །ཡུན་རིངས་གོམས་པར་བསྟན་པའི་མཐུས། །མེ་འབར་གནས་ཀྱང་ཞི་བར་ནུས། །རྒྱས་ལ་རྒྱས་པའི་གཟུགས་བགྱིས་ཏེ། །རིན་ཆེན་འབྱུང་ལྡན་ལ་འབྱུང་བའི། །འཁོར་ལོས་སྒྱུར་རྒྱལ་ཆ་ལུགས་ཀྱིས། །སེར་པོ་འོད་དཔུང་འབར་བ་བརྗིད། །རང་གི་བཙུན་མོའི་ཚོགས་དང་བཅས། །བདེར་གཤེགས་བྱིན་བརླབས་ཀུན་བསྡུས་ཤིང་། །སྐུ་གསུང་ཐུགས་ཀྱི་ཡོན་ཏན་དང་། །ཕྲིན་ལས་སྒོ་ནས་བརྩམ་པར་མཛད། །སྔགས་དང་འོད་ཟེར་གསང་བ་ཡིས། །རིན་ཆེན་སྣ་བདུན་གསེར་ལ་སོགས། །མཁའ་མཛོད་ཆར་སྤྲིན་བཞིན་དུ་འབེབས། །ཚོགས་རྣམས་རང་གིས་ལོངས་སྤྱོད་ཅིང་། །འགྲོ་རྣམས་གཞན་ལ་སྦྱིན་པར་བྱེད། །ཐབས་དང་དབང་དུ་བསྡུས་ཕྱིར་རོ། །འོད་དཔུང་དམར་པོ་མཐའ་ཡས་སྐུ། །པདྨའི་དཀྱིལ་འཁོར་དབུས་བཞུགས་ཤིང་། །ཆགས་པ་ཆེན་པོས་འགྲོ་འདུལ་བ། །རིགས་ཀྱི་ཏིང་འཛིན་སྔགས་ཀྱི་མཐུས། །ལྷ་ཚོགས་འགྲོ་རྣམས་དབང་སྡུད་ཅིང་། །འཁོར་བཅས་དང་ ― DNG013_Page_0105 ―
[མ་དཔེ་གཟིགས་ན་འདིར་གནོན།]
བར་གྱུར་པ་ཡིན། །གང་ཞིག་སྡང་བའི་སེམས་ཡོད་པ། །འཕྲད་པ་བཞིན་རྒྱས་ཆགས་པར་འགྱུར། །གང་ཞིག་གསད་པའི་ལས་གྲུབ་མཛོད། །དེ་ནི་མཐིང་ནག་ལས་ཀྱི་ཁྲོ་བོའི་ཏིང་འཛིན་ལས། །ཁྲོ་བོ་སྤྲུལ་པའི་འཕྲོ་འདུ་ཡིས། །བསྒྲུབ་བྱ་དང་ཕྲལ་ཞིང་དགུག་པ། །མེ་ཡི་དཀྱིལ་འཁོར་ལ་གཞག་སྟེ། །ཤིན་ཏུ་མ་རུངས་མཚོན་ཆར་ལྡན། །དཀོན་མཆོག་གསུམ་ལ་སྡོ་བྱེད་ཅིང་། །སྐྱེ་བོ་ཡོངས་ལ་འཚེ་བ་དང་། །སློབ་དཔོན་ཀུན་ལ་བསྡོ་བ་དང་། །སངས་རྒྱས་ཐུགས་རྗེས་བཟོད་མི་མཛད། །ལས་ཀྱི་ཁྲོ་བོ་སྣ་ཚོགས་ཀྱིས། །མཚོན་ཆ་མེ་འོད་འབར་འཕྲོས་ནས། །སྡིག་པ་ཅན་དེ་བསྒྲལ་མཛད་ཅིང་། །བྱ་ཁྱི་ཅེ་སྤྱང་ཤ་ཟ་དང་། །ཁྲག་འཐུང་མང་པོ་འདུས་པ་ཡིས། །བསྟོད་པའི་ཚུལ་དུ་རོལ་ཞིང་དགྱེས། །ཏིལ་ཙམ་མེད་པར་ཟོས་པ་དང་། །སེམས་ཉིད་བདེ་བ་ཆེན་པོའི་གནས། །དེ་དག་ཏིང་འཛིན་གསང་སྔགས་དང་། །དཀྱིལ་འཁོར་སོ་སོའི་རྣམ་པ་བསྒྲུབ། །ཨོཾ་བྷཱུ་ཏ་ཙཀྲ་སམ་བ་ག་ཏི་ལོ་ཙཱ་ན་ཆེ་གེ་མོ་ཤཱནྟིཾ་ཀུ་རུ་སྭཱ་ཧཱ། ཨོཾ་རཏྣ་སྃ་བྷ་གུ་རུ་མ་མ་ཀི་ཆེ་གེ་མོ་པུཥྚིཾ་ཀུ་རུ་སྭཱ་ཧཱ། ཨོཾ་ཡཱ་མི་ཏེ་ས་ར་བ་ར་ཧོ་ཆེ་གེ་མོ་པ་ཤྃ་ཀུ་རུ་སྭཱ་ཧཱ། ཨོཾ་ཀརྨ་སནྟི་བ་ཀྲོཏ་ནི་ཆེ་གེ་མོ་ཧཱ་ཡཱ་སྭཱ་ཧཱ། རང་གི་དཀྱིལ་འཁོར་གནས་བཟང་པོ། །རང་གི་དཀྱིལ་འཁོར་ལ་གནས་ཏེ། །སྔགས་དང་ཏིང་འཛིན་སྦྱོར་བའི་མཐུས། །ཆོ་ག་མངོན་དུ་འགྲུབ་པར་བྱེད། །གཞན་ཡང་རྨོངས་དང་རེངས་པ་དང་། །དབྱེ་ཞིང་དགུག་དང་བསྐྲད་པ་དང་། །གནོན་ལ་སོགས་པའི་ལས་རྣམས་ཀྱང་། །རང་གི་ལྟ་བའི་སྦྱོར་བ་ཡིས། །བསམ་གཏན་སྔགས་ཀྱིས་འགྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་བསམ་གཏན་གྱི་སྦྱོར་བའི་རིམ་པ་སྟེ་ཉེར་བརྒྱད་པའོ།། །།དེ་ནས་སྦྱོར་བའི་རྒྱལ་པོ་དང་། །ཕྲིན་ལས་ཀུན་གྱི་མཆོག་གྱུར་པའོ། །རྫས་རྣམས་རྟེན་པའི་མཚན་མ་ཉིད། །འདོད་འདོད་འབྲས་བུ་སྒྲུབ་བྱེད་པའོ། །གར་གྱི་དབང་ཕྱུག་ཕྱག་རྒྱའི་སྐུ། ། ― DNG013_Page_0106 ―
[མ་དཔེ་གཟིགས་ན་འདིར་གནོན།]
རྣམ་སྤྲོ་ལྷ་ཡི་དཀྱིལ་འཁོར་གྱིས། །སོ་སོའི་འདོད་དོན་སྒྲུབ་པར་བྱེད། །རྡོ་རྗེ་ཙཀྲ་རིན་ཆེན་དང་། །པདྨ་རྒྱ་གྲམ་ལ་སོགས་ཏེ། །ལས་ཀུན་ལྷ་ཡི་ང་རྒྱལ་གྱིས། །མཚན་རྟགས་མ་བྱུང་བར་དུ་བསྒྲུབ། །གཟུགས་བརྙན་དཀྱིལ་འཁོར་གཞིར་བཞག་ནས། །ལྷ་ཡི་དཀྱིལ་འཁོར་སྒྲུབ་བྱེད་ཅིང་། །མཚན་མའི་རྫས་ལ་བརྟེན་བྱས་ཏེ། །བརྟེན་པར་མཆོད་ཅིང་མཉེས་པ་དང་། །ལས་ཀུན་པ་ཡི་གསང་སྔགས་བརྗོད། །ཨོཾ་མ་མ་སརྦ་བི་ཏ་ཧ་ར་ཀུ་རུ་སྭཱ་ཧཱ།སརྦ་ས་མོ་ཀུ་ནི། ལྃ་བ་ཤཱནྟིཾ་ཀུ་རུ་ད་ནི་ཧཱུྃ། པུཥྚིཾ་རཏྣ་མ་ཀུ་རུ་སྭཱ་ཧཱ། བ་ཤྃ་ཀུ་རུ་པདྨོ་ཧྲྀ་ད་ཡ་ཨྃ། སྟཾ་བ་ན་མོ་ཤ་ཨ་ཀརྨ་པ་ནི་ཧཱུྃ་ཕཊ། ཅུང་ཞིག་གཟུགས་ནི་འདུ་བ་འམ། །འོད་འཕྲོས་བསྐྱོད་པར་གྱུར་པ་དང་། །ང་རྒྱལ་ལྡན་པས་ལག་ཐོགས་ཏེ། །གསང་སྔགས་དྲག་ཏུ་བརྗོད་པར་བྱ། །གང་ཞིག་ཞི་དང་རྒྱས་པ་དང་། །དབང་ལ་སོགས་ནི་སྒྲུབ་འདོད་པས། །དེ་དག་དེ་དང་མཐུན་པ་དང་། །ལས་ཀྱི་དཀྱིལ་འཁོར་ལ་གནས་བསམ། །ཕྱག་རྒྱའི་མཚན་མ་བསྐུལ་བྱས་ཏེ། །རང་གི་ལས་ལ་རྣམ་པར་གནས། །དགུག་ལ་སོགས་པའི་ལས་དག་དང་། །ལྕགས་ཀྱུ་ལ་སོགས་ལས་ཀྱི་བསྒྲུབ། །རྟེན་གྱི་མཚན་མ་དང་བྲལ་བར། །ཅི་འདོད་བྱ་བ་མཐར་ཕྱིན་འགྲུབ། །ཐབས་དང་སྒྲུབ་བྱེད་གསང་སྔགས་ལ། །སོ་སོའི་ལས་ཀྱི་མཐའ་བརྒྱན་ཏེ། །ཡི་གེ་བཅུ་བཞིའི་རྗེས་ཐོགས་སུ། །སུམ་འབུམ་གྲངས་ཀྱིས་བསྒྲུབ་པར་བྱ། །ཨོཾ་བི་ལོ་གི་མ་མ་དུཤྚན་ག་ག་ན་རུ་ལུ་རུ་ལུ་ཧཱུྃ་ཕཊ། དང་པོ་རྩ་བའི་གསང་སྔགས་ནི། །གསུམ་འབུམ་དག་ཏུ་བཟླས་བྱས་ནས། །སླར་ཡང་དེ་ཡི་གྲངས་མཐུན་པ། །གང་འདོད་ལས་རྣམས་འགྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་ རྒྱུད་ཆེན་པོ་ལས་རྟེན་གྱི་སྒོ་ནས་སྤྱད་པའི་ལེའུ་སྟེ་ཉི་ཤུ་དགུ་པའོ།། །།འགྲོ་གནས་ཐམས་ཅད་སྲུང་བྱེད་ཅིང་། །ཕན་གདགས་ཆོ་ག་བཟང་པོ་ཉིད། ། ― DNG013_Page_0107 ―
[མ་དཔེ་གཟིགས་ན་འདིར་གནོན།]
རྒྱལ་བའི་བྱིན་བརླབས་གནས་པའི་ཐབས། །རྣམ་པ་ཡིས་ནི་བརྩམ་བྱས་ཏེ། །གྲོང་ཁྱེར་ལ་སོགས་བསྲུང་འདོད་པས། །ཆུ་དང་བྱེ་མ་ལ་སོགས་ལ། །གསང་སྔགས་རྒྱལ་པོ་བརྗོད་པར་བྱ། །ཨོཾ་ན་མོ་ཀུ་རུ་སརྦ་བི་ད་ར་ནི་མོ་ས་དེ་ནི་ར་ཤ་ནི་ར་ཤ་ཀྲ་ར་ཀྲ་ཏ་ཧཱུྃ་ཕཊ། རང་གི་ལྷ་ཡི་སྦྱོར་ལྡན་པས། །སྟོང་དུ་བརྗོད་ཅིང་ཕྱོགས་བཅུར་གཏོར། །གང་སྲུང་བ་དག་ཤིས་འགྱུར་ཅིང་། །འབྱུང་པོའི་ཚོགས་ཀྱིས་མི་ཚུགས་འགྱུར། །གཞན་ཡང་རིའུ་ཆ་དགུ་པ་ཡི། །འཁོར་ལོ་ཤིང་ཤུན་ཚོགས་ལ་བྲི། །མུ་ཁྱུད་དག་གིས་མཐའ་བསྐོར་ནས། །གསང་སྔགས་རྒྱལ་པོ་དགོད་པར་བྱ། །དབུས་སུ་དགོད་པའི་གསང་སྔགས་ནི། །ཡི་གེ་བཅུ་བཞི་གསང་སྔགས་བསམ། །དེའི་མཐའ་མར་ཨོཾ་མཐར་ཧེ་ཧེ་དང་། ཧུ་རུ་ཀཾ་པ་བག་ཤ་ཧ་ཧ་མ་མྲ་བྲི་ཧཱུྃ་ཕཊ་སྭཱ་ཧཱ། དེ་མཐར་དབྱངས་དང་གསལ་བྱེད་གང་། །བསྲུང་བའི་སྔགས་དང་བཅས་པ་ནི། །གུར་གུམ་བཟང་པོས་བྱུགས་བྱས་ཏེ། །རྡོ་རྗེ་རྒྱ་གྲམ་དབུས་སུ་གཞུག །གང་གི་མིང་བཅས་འབུམ་བཟླས་ཤིང་། །བཏགས་པའི་སྲུང་བའི་མཆོག་ཏུ་འགྱུར། །གཞན་ཡང་བུམ་པ་བཟང་པོ་རུ། །བདུད་རྩི་འོ་མ་སྦྱར་བ་དག །རང་གི་གསང་སྔགས་ཡུངས་ཀར་བཅས། །གར་དབང་ཆགས་པའི་སྐུར་བསྒོམས་ཤིང་། །སྔགས་ཐོད་བསྲུང་བར་འགྱུར་བར་བྱེད། །དེ་བཞིན་གཤེགས་པ་ཐམས་ཅད་ཀྱི། །གསང་བ་འདི་ཉིད་བཤད་པ་ལས། །ཕྱོགས་བཅུའི་བྱང་ཆུབ་སེམས་བཅས་པས། །དེ་ལ་ཐམས་ཅད་དགའ་མཛད་ཅིང་། །ལྷ་རྣམས་ཀུན་ལ་སླར་བསྒོ་མཛད། །དེ་དག་དད་པའི་ཤུགས་ཀྱིས་ནི། །རྒྱུད་ཀྱི་རྒྱལ་པོ་འདི་བཟུང་ཞིང་། །དེ་འཛིན་གཞན་ལའང་བྱམས་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ཞེས་བྱ་བ་ལས་བསྲུང་བའི་ལེའུ་སྟེ་སུམ་ཅུ་པའོ།། །།དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོའི་རྩ་བ་རྫོགས་སོ།། །། དཔལ་ཧེ་རུ་ཀ་སྙིང་རྗེ་རོལ་པའི་རྒྱུད་གསང་བ་ཟབ་མོའི་མཆོག་ཅེས་བྱ་བ།― DNG013_Page_0108 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤྲཱི་ཧེ་རུ་ཀ་ཀཱ་རུ་ཎ་ཀྲཱི་ཌི་ཏ་ཏན་ཏྲ་གུ་ཧྱ་གྃ་གྷཱི་ར་ཨུཏ་ཏ་མ་ནཱ་མ། བོད་སྐད་དུ། དཔལ་ཧེ་རུ་ཀ་སྙིང་རྗེ་རོལ་པའི་རྒྱུད་གསང་བ་ཟབ་མོའི་མཆོག་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། ལས་ཀྱི་རིགས་ཐམས་ཅད་ཀྱི་མཆོག་ཏུ་གསང་བ་ཆེན་པོ་དམ་ཚིག་གི་སྡོམ་པ་གཉིས་སུ་མེད་པའི་བདེ་བ་ཆེན་པོ་དབང་བརྙེས་པ། ཐབས་དང་ཤེས་རབ་ཀྱི་རྣལ་འབྱོར་གྱི་དབང་ཕྱུག་ཆེན་པོ། ཁམས་གསུམ་ཐམས་ཅད་ཀྱི་བདག་པོ་ཆེན་པོ། དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་ནམ་མཁའི་དབྱིངས་ཐམས་ཅད་དུ་མཉམ་པར་འཇུག་པ། ཕ་རོལ་ཏུ་ཕྱིན་པའི་སྐབས་དང་ལྡན་པ། ཆེ་མཆོག་ཧེ་རུ་ཀའི་ཤེས་རབ་དང་ཡེ་ཤེས་ཀྱི་དབང་བསྐུར་བ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རིན་པོ་ཆེ་གསང་བ་རྡོ་རྗེ་མཆོག་ཏུ་གསང་བའི་བཅོམ་ལྡན་འདས་བུད་མེད་ཀྱི་དཀྱིལ་ན་གསུང་བརྗོད་པ་མེད་པར་བཞུགས་སོ། །སངས་རྒྱས་ཀྱི་ཞིང་ནམ་མཁའི་དབྱིངས་ཀྱི་རྡུལ་ཕྲན་དང་མཉམ་པ། རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོ་དང་། རྡོ་རྗེ་ནམ་མཁའ་ལ་འགྲོ་བ་དང་། ནམ་མཁའ་ལ་འགྲོ་བ་ཆེན་མོ་དང་། སྐལ་བ་དང་ལྡན་པ་དང་། འཇིབ་པར་བྱེད་པའི་གསང་བ་ཆེན་མོའི་གཡོག་དང་། འབྱུང་བ་ཆེན་པོ་ལྔ་དང་། འབྱུང་བ་ལས་གྱུར་པའི་ལྷའི་ཚོགས་འབུམ་ཕྲག་བརྒྱ་སྟོང་གིས་ཁྱབ་པ་འདི་ལྟ་སྟེ། སྙིང་པོ་ཡེ་ཤེས་རྡོ་རྗེ་དང་། ཆོས་ཀྱི་དབྱིངས་ཀྱི་ཡེ་ཤེས་རྡོ་རྗེ་དང་མེ་ལོང་ཡེ་ཤེས་རྡོ་རྗེ་དང་། སོ་སོར་ཀུན་ཏུ་རྟོག་པའི་ཡེ་ཤེས་རྡོ་རྗེ་དང་། མཉམ་པ་ཉིད་ཡེ་ཤེས་རྡོ་རྗེ་དང་། བྱ་བ་ནན་ཏན་ཡེ་ཤེས་རྡོ་རྗེ་དང་། ནམ་མཁའ་ཡེ་ཤེས་རྡོ་རྗེ་དང་། རླུང་ཡེ་ཤེས་རྡོ་རྗེ་དང་། མེ་ཡེ་ཤེས་རྡོ་རྗེ་དང་། ཆུ་ཡེ་ཤེས་རྡོ་རྗེ་དང་། ས་ཡེ་ཤེས་རྡོ་རྗེ་དང་། ཐབས་དང་ཤེས་རབ་ཡེ་ཤེས་རྡོ་རྗེ་དང་། གཟུགས་ཡེ་ ― DNG013_Page_0109 ―
[མ་དཔེ་གཟིགས་ན་འདིར་གནོན།]
ཤེས་རྡོ་རྗེ་དང་། སྒྲ་ཡེ་ཤེས་རྡོ་རྗེ་དང་། དྲི་ཡེ་ཤེས་རྡོ་རྗེ་དང་། རོ་ཡེ་ཤེས་རྡོ་རྗེ་དང་། རེག་ཡེ་ཤེས་རྡོ་རྗེ་དང་། སྐུ་ཡེ་ཤེས་རྡོ་རྗེ་དང་། གསུང་ཡེ་ཤེས་རྡོ་རྗེ་དང་། ཐུགས་ཡེ་ཤེས་རྡོ་རྗེ་དང་། བདེ་བ་ཆེན་པོ་ཡེ་ཤེས་རྡོ་རྗེ་དང་། ཀུན་དུ་བཟང་པོ་ཡེ་ཤེས་རྡོ་རྗེ་དང་། གསུང་གི་དབང་པོ་ཡེ་ཤེས་རྡོ་རྗེ་དང་།གཉིས་སུ་མེད་པའི་ཡེ་ཤེས་རྡོ་རྗེ་དང་། ཞི་བའི་ཡེ་ཤེས་རྡོ་རྗེ་དང་། གདུལ་དཀའ་འདུལ་བའི་ཡེ་ཤེས་རྡོ་རྗེ་དང་། རྒྱལ་བའི་ཡེ་ཤེས་རྡོ་རྗེ་དང་། མེ་ཏོག་གི་ཡེ་ཤེས་རྡོ་རྗེ་དང་། རབ་ཏུ་དགའ་བའི་ཡེ་ཤེས་རྡོ་རྗེ་དང་། དབང་གི་ཡེ་ཤེས་རྡོ་རྗེ་དང་། ཉི་མའི་ཁྲོ་བོ་ཡེ་ཤེས་རྡོ་རྗེ་དང་། རྒྱལ་མཚན་ཡེ་ཤེས་རྡོ་རྗེ་དང་། རྡོ་རྗེ་སྒྲ་ཡེ་ཤེས་རྡོ་རྗེ་དང་། འགྲོ་བ་འདུལ་བ་ཡེ་ཤེས་རྡོ་རྗེ་དང་།གཞོན་ནུ་ཡེ་ཤེས་རྡོ་རྗེ་དང་། རྒྱུ་ཡེ་ཤེས་རྡོ་རྗེ་དང་། གསུང་མེད་པའི་ཡེ་ཤེས་རྡོ་རྗེ་དང་། སྣ་ཚོགས་ཀྱི་ཡེ་ཤེས་རྡོ་རྗེ་དང་། གོ་ཆ་ཡེ་ཤེས་རྡོ་རྗེ་དང་། ཡང་དག་པར་ཟབ་པར་བྱེད་པའི་ཡེ་ཤེས་རྡོ་རྗེ་དང་། འདུས་པའི་ཡེ་ཤེས་རྡོ་རྗེ་དང་།བདེ་བ་ཆེན་པོའི་ཡེ་ཤེས་རྡོ་རྗེ་དང་། བྱང་ཆུབ་སེམས་ཡེ་ཤེས་རྡོ་རྗེ་དང་།རིན་ཆེན་དབང་བསྐུར་བ་ཡེ་ཤེས་རྡོ་རྗེ་དང་། པདྨོ་དམར་པོ་ཡེ་ཤེས་རྡོ་རྗེ་དང་།དམ་ཚིག་ཡེ་ཤེས་རྡོ་རྗེ་དང་། མཆོད་པའི་ཡེ་ཤེས་རྡོ་རྗེ་དང་། རྣལ་འབྱོར་མ་ཆེན་མོ་གཡོག་དང་བཅས་པ་རྣམས་ལ་འདི་ལྟ་སྟེ། ཤིན་ཏུ་དགའ་བའི་དབང་མོ་ཞེས་བྱ་བའི་ཡེ་ཤེས་རྡོ་རྗེ་དང་། རྨོངས་པར་བྱེད་པའི་དབང་མོ་ཡེ་ཤེས་རྡོ་རྗེ་དང་། གསོད་ཅེས་བྱ་བའི་དབང་མོ་ཡེ་ཤེས་རྡོ་རྗེ་དང་། རྡོ་རྗེ་དབྱིངས་ཕྱུག་མ་ཡེ་ཤེས་རྡོ་རྗེ་དང་། ཡེ་ཤེས་དབྱིངས་ཕྱུག་མ་ཡེ་ཤེས་རྡོ་རྗེ་དང་། རིན་ཆེན་དབྱིངས་ཕྱུག་མ་ཡེ་ཤེས་རྡོ་རྗེ་དང་། པདྨའི་དབྱིངས་ཕྱུག་མ་ཡེ་ཤེས་རྡོ་རྗེ་དང་།ལས་ཀྱི་དབྱིངས་ཕྱུག་མ་ཡེ་ཤེས་རྡོ་རྗེ་དང་། གནོན་པར་བྱེད་མ་ཡེ་ཤེས་རྡོ་རྗེ་དང་། འཇུམས་པར་བྱེད་མ་ཡེ་ཤེས་རྡོ་རྗེ་དང་། རྨོངས་པར་བྱེད་མ་ཡེ་ཤེས་རྡོ་རྗེ་དང་། རྒྱས་འདེབས་པར་བྱེད་མ་ཡེ་ཤེས་རྡོ་རྗེ་དང་། འདྲེན་པར་བྱེད་མ་ཡེ་ཤེས་རྡོ་རྗེ་དང་། གསོད་པར་བྱེད་མ་ཡེ་ཤེས་རྡོ་རྗེ་དང་། འབིགས་པར་ ― DNG013_Page_0110 ―
[མ་དཔེ་གཟིགས་ན་འདིར་གནོན།]
བྱེད་མ་ཡེ་ཤེས་རྡོ་རྗེ་དང་། གཅོད་པར་བྱེད་མ་ཡེ་ཤེས་རྡོ་རྗེ་དང་། སྡིགས་བྱེད་ཅེས་བྱ་བ་ཡེ་ཤེས་རྡོ་རྗེ་དང་། ཚིག་བྱེད་ཅེས་བྱ་བ་ཡེ་ཤེས་རྡོ་རྗེ་དང་། ཡན་ལག་ཐམས་ཅད་འཕྲོག་བྱེད་ཡེ་ཤེས་རྡོ་རྗེ་དང་། འཇིབ་བྱེད་མ་ཡེ་ཤེས་རྡོ་རྗེ་དང་།ཁྲག་ལ་དགའ་མ་ཡེ་ཤེས་རྡོ་རྗེ་དང་། གཅོད་བྱེད་མ་ཡེ་ཤེས་རྡོ་རྗེ་དང་། ཕམ་བྱེད་མ་ཡེ་ཤེས་རྡོ་རྗེ་དང་། ནམ་མཁའ་ལ་འགྲོ་མ་ཡེ་ཤེས་རྡོ་རྗེ་དང་། ངག་འཕྲོག་མ་ཡེ་ཤེས་རྡོ་རྗེ་དང་། ཟས་ཤ་རློན་ཟ་བ་ཡེ་ཤེས་རྡོ་རྗེ་དང་། སྲིན་མོ་ཡེ་ཤེས་རྡོ་རྗེ་དང་། གནོད་སྦྱིན་མ་ཡེ་ཤེས་རྡོ་རྗེ་དང་། གནོད་བྱེད་ཅེས་བྱ་བ་ཡེ་ཤེས་རྡོ་རྗེ་དང་། སྦྲུལ་ཡེ་ཤེས་རྡོ་རྗེ་དང་། སེང་གེ་ཡེ་ཤེས་རྡོ་རྗེ་དང་། སྟག་ཡེ་ཤེས་རྡོ་རྗེ་དང་། རི་དྭགས་ཡེ་ཤེས་རྡོ་རྗེ་དང་། ཕག་ཡེ་ཤེས་རྡོ་རྗེ་དང་།སྤྲེའུ་ཡེ་ཤེས་རྡོ་རྗེ་དང་། ཁྱི་ཡེ་ཤེས་རྡོ་རྗེ་དང་། བྱི་ལ་ཡེ་ཤེས་རྡོ་རྗེ་དང་། ར་ཡེ་ཤེས་རྡོ་རྗེ་དང་། བྱ་རོག་ཡེ་ཤེས་རྡོ་རྗེ་དང་། ཝ་ཡེ་ཤེས་རྡོ་རྗེ་དང་། བྱ་རྒོད་ཡེ་ཤེས་རྡོ་རྗེ་དང་། སྲེ་མོ་ཡེ་ཤེས་རྡོ་རྗེ་དང་། མིའི་ཀེང་རུས་དང་།འབུ་ཆེན་པོའི་རོ་དང་། ཡི་དྭགས་དང་། ཤ་ཟ་དང་། གཟིག་དང་། བོང་བུ་དང་། རྟ་དང་། མ་ཧེ་དང་། བ་ལང་དང་། འུག་པ་དང་། རྡོ་རྗེ་འཕྲོག་པར་བྱེད་མ་ཆེན་མོ་དང་། རྡོ་རྗེ་ཟས་འདྲེན་མ་ཆེན་མོ་དང་། དེ་ལ་སོགས་ཏེ་མཐའ་ཡས་མཆོག་མི་མཉམ་པ་དང་མཉམ་པ་དང་བཅས་པ། ཆོས་ཀྱི་དབྱིངས་རྡོ་རྗེ་ནམ་མཁའ་ལ་འགྲོ་མའི་ཚོགས་གཡོག་དང་བཅས་པ། རྡོ་རྗེའི་རིགས་ཡེ་ཤེས་རྡོ་རྗེ་དང་། ཡེ་ཤེས་ཀྱི་ཁྲོ་བོ་ཡེ་ཤེས་རྡོ་རྗེ་དང་། ཡེ་ཤེས་ཀྱི་ཁྲོ་མོ་ཡེ་ཤེས་རྡོ་རྗེ་དང་། སྤྲུལ་པའི་ཡེ་ཤེས་རྡོ་རྗེ་དང་། སྤྲུལ་པའི་ཕྲ་མེན་མ་ཡེ་ཤེས་རྡོ་རྗེ་དང་། ཡང་སྤྲུལ་མ་ཆེན་མོ་ཡེ་ཤེས་རྡོ་རྗེ་དང་། བདུད་རྩི་ལྷ་མོ་ཡེ་ཤེས་རྡོ་རྗེ་དང་། དེ་དག་ལ་སོགས་ཏེ་བྱེ་བ་ཕྲག་བརྒྱ་སྟོང་པོ་རྣམས་སྒྲ་ཅ་ཅོ་འབྱིན་ཅིང་ནམ་མཁའ་དབྱིངས་རབ་འབྱམ་ཆེན་པོའི་ཚོགས་རྣམས་ཀྱིས་མཆོད་པར་བྱེད་ཅིང་། བུད་མེད་ཀྱི་དཀྱིལ་ན་གསུང་བརྗོད་པ་མེད་པར་བཞུགས་སོ། །དེ་ནས་བཅོམ་ལྡན་འདས་དཔལ་ཆེ་མཆོག་ཧེ་རུ་ཀ་ཀུན་དུ་ ― DNG013_Page_0111 ―
[མ་དཔེ་གཟིགས་ན་འདིར་གནོན།]
བཟང་པོ་དཔལ་རྡོ་རྗེ་སེམས་དཔའ་ཤིན་ཏུ་དགྱེས་པ་གདོན་མི་ཟ་བའི་ཚོགས་རྡོ་རྗེ་གཏོང་བ་དབང་མོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྣམ་པ་སྣ་ཚོགས་ཀྱི་རོལ་པ་ཆེན་པོས་རྣམ་པར་རོལ་པ། སྤྲུལ་པ་ཆེན་པོའི་གར་དང་། གླུ་དང་། སིལ་སྙན་དང་། གཟུགས་དང་། སྒྲ་དང་། དྲི་དང་། རོ་དང་། རེག་པའི་བདེ་བ་ཆེན་པོ་དང་འཕགས་པར་འགྱུར་བ་དང་། རོལ་པ་ལ་སོགས་པའི་རེག་པ་བདེ་བ་ལ་སྤྱོད་པའི་གར་ཉེ་བར་སྟོན་ཅིང་། རྣམ་པ་སྣ་ཚོགས་ཀྱི་ཚོགས་ཀྱི་ཚུལ་ཆེན་པོ་འཕགས་པར་འགྱུར་བ་དང་། རྣམ་པ་སྣ་ཚོགས་ཀྱིས་གནོན་པ་དང་། རྣམ་པ་སྣ་ཚོགས་ཀྱིས་སྤྲོས་པ་དང་། གར་བྱེད་པ་དང་། ཟ་བར་བྱེད་པ་དང་།འཇིབ་པར་བྱེད་པ་དང་། སྤྲས་པར་བྱེད་པ་དང་། ཟློག་པར་བྱེད་པ་དང་།མྱོང་བར་བྱེད་པ་དང་། འགྱུར་བར་བྱེད་པ་དང་། འཕྲོག་པར་བྱེད་པ་དང་།རྩོམ་པར་བྱེད་པ་དང་། ཀུན་དུ་འདེབས་པར་བྱེད་པ་དང་། བདེ་བ་ཉེ་བར་སྟོབས་ཤིང་རེག་པ་རོའི་བྱེ་བྲག་མང་པོ་བྱེ་བ་ཕྲག་བརྒྱ་སྟོང་ཚད་མེད་པར་ནམ་མཁའི་དབྱིངས་རྡུལ་ཕྲན་ལས་འདས་པར་མཉམ་པར་འཇོག་པས་ཉེ་བར་གནས་ཤིང་འཚོ་སྐྱོང་སྟེ། འདས་པ་དང་། མ་འོངས་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ལ་མི་གཟིགས། དགོངས་པ་ཉེ་བར་མི་འཇོག །ཐབས་དང་ཤེས་རབ་སྟོན་པར་མི་མཛད། ཤིན་ཏུ་འགལ་བ་ཕྱིན་ཅི་ལོག་པ་ལ་འཇོག་པར་མི་མཛད། ཉེ་བར་འཇོག་པར་མི་མཛད། མ་དད་པ་རྣམས་དད་པར་ཡང་མི་མཛད། མ་དུལ་བ་རྣམ་དུལ་བར་ཡང་མི་མཛད། ཉེ་བར་གཙེས་པ་རྣམས་འཚེ་བ་ཞི་བར་ཡང་མི་མཛད། མ་འགགས་པ་རྣམས་འགོག་པར་ཡང་མི་མཛད། མ་བསྐུལ་བ་རྣམས་བསྐུལ་བར་ཡང་མི་མཛད། མ་རྒྱས་པ་རྣམས་རྒྱས་པར་ཡང་མི་མཛད། རྣམ་པར་རྨོངས་པ་རྣམས་སེལ་བར་ཡང་མི་མཛད།དགའ་བར་འགྱུར་བ་རྣམས་མི་དགའ་བར་ཡང་མི་མཛད། དགའ་བར་མ་གྱུར་པ་རྣམས་དགའ་བར་ཡང་མི་མཛད། མ་ཁྲོས་པ་རྣམས་ཁྲོས་པར་ཡང་མི་མཛད། མི་གདུག་པ་གདུག་པར་ཡང་མི་མཛད། འཇིགས་བྱེད་ ― DNG013_Page_0112 ―
[མ་དཔེ་གཟིགས་ན་འདིར་གནོན།]
ཆེན་པོ་དང་། དྲག་པོ་མ་རུངས་པ་ཆེན་པོ་དང་། གཏུམ་པོ་ཆེན་པོ་དང་། ལྷ་དང་ལྷ་མ་ཡིན་དང་།ལོག་འདྲེན་དང་། གདུག་པ་ཆེན་པོ་དང་། ཡི་དྭགས་དང་། ཤ་ཟ་དང་།གནོད་སྦྱིན་དང་། སྲིན་པོ་དང་། ཤིན་ཏུ་གདུག་པའི་གདུག་པ་ཆེན་པོ་དང་།ཚ་བའི་དོན་དང་། ནད་དང་། སྦྲུལ་དང་། སེམས་ཅན་ཐམས་ཅད་ལ་འཚེ་བར་བྱེད་པ་རྣམས་ཉེ་བར་ཞི་བར་ཡང་མི་མཛད། རྣམ་པར་དུལ་བར་ཡང་མི་མཛད། དེ་ནས་དེ་བཞིན་གཤེགས་པ་ཐམས་ཅད་འདུས་ནས་དགོངས་པ་ཉེ་བར་བཞག་སྟེ། སྤྱན་གཉིས་མི་འཛུམས་པར་གཟིགས་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་བསྐོར་ཞིང་སྐུ་གསུང་ཐུགས་ཀྱི་རྡོ་རྗེའི་ཕྱག་གིས་ཕྱག་བྱས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་དབྱངས་ཀྱིས་བསྐུལ་ཞིང་གསོལ་བ་བཏབ་བོ། །རྡོ་རྗེ་སེམས་དཔའ་སངས་རྒྱས་ཀུན། །རྣམ་དག་སྲས་བཅས་བྱང་ཆུབ་རྣམས། །ཡུན་རིངས་བསྒོམས་ནས་ཤིན་ཏུ་གདུངས། །དགའ་བའི་ཡིད་ཀྱིས་དགྱེས་པར་མཛོད། །ཀྱེ་འདོད་ཆགས་དྲི་མེད་ཀུན་དུ་བཟང་པོའི་སྤྱོད་པ་སྟེ། །འདོད་ཆགས་དམ་ཚིག་ལ་ནི་ཕྱེ་མཛད་ནས། །དཀའ་བ་དྲུག་སྤྱད་ཤིན་ཏུ་གསུངས་པ་ཡིས། །འདོད་པ་བདེ་བ་ཉིད་ཀྱིས་འཇིག་པར་མཛོད། །རྣམ་དག་རྡོ་རྗེ་ལས་བྱུང་ཡེ་ཤེས་ཆུ། །རིན་ཆེན་འབར་བའི་བྱང་ཆུབ་སེམས་ནི་རབ་ཕྱུང་ནས། །རྒྱལ་བ་ཐམས་ཅད་རྣམས་ཀྱི་དབུ་ནི་སྐམས་པ་ལ། །དྲི་མེད་རིན་ཆེན་ཆར་གྱིས་སྤྱི་བོར་དབང་བསྐུར་མཛོད། །མཉམ་དང་མི་མཉམ་འདོད་ཆགས་ཚུལ་དག་པ། །པདྨའི་གནས་སུ་རྡོ་རྗེ་མཛོད་གཏོད་པས། །སྣ་ཚོགས་སེམས་དཔའ་སེམས་བརླན་བརླག་གྱུར་པས། །སྦྱོར་བ་གཞན་མིན་མ་རྟོགས་བཤད་དུ་གསོལ། །རྡོ་རྗེ་སེམས་ཁྱོད་དབང་མཆོག་བདེ་བ་བྱེད་པའི་མཆོག །རྡོ་རྗེ་པདྨོ་དབྱེ་བའི་ཚུལ་གྱིས་སྦྱོར་མཛོད་དེ། །རྒྱལ་བ་ཀུན་གྱི་གཟུགས་ཀྱི་སྐུ་ནི་རབ་བཏུད་ནས། །ཐམས་ཅད་བདེ་བའི་སྒྲུབ་པ་ ― DNG013_Page_0113 ―
[མ་དཔེ་གཟིགས་ན་འདིར་གནོན།]
ཉིད་ཀྱིས་མཉེས་པར་མཛོད། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀུན་དུ་དཔལ་རྡོ་རྗེ་སེམས་དཔའ་དེ་བཞིན་གཤེགས་པ་ཐམས་ཅད་ཀྱི་དབྱངས་ཀྱིས་ངེས་པར་བསྐུལ་བ་ཐུགས་སུ་ཆུད་ནས་བཞེངས་ཏེ། བརྗིད་པ་དང་བཅས་པས་གར་མཛད་ཅིང་། ཞལ་འཛུམ་པ་དང་འདོར་བ་དང་། བསྐུམ་པ་དང་། འགྱིང་བ་དང་། སྤྱན་མཛེས་པས་སྨིན་རིང་བསྐྱོད་ཅིང་བསྒྱུར་བ་དང་། པདྨོ་ཕྱག་གིས་གཡས་གཡོན་གར་གྱི་ཕྲེང་བའི་ཚུལ་གྱིས་སའི་ངོས་ལ་ཞབས་འཕེན་ཅིང་བསྒྱུར་བ་དང་། འདོར་ཞིང་བསྐུམ་པ་དང་། འཇོག་ཅིང་འདེགས་པའི་རྣམ་པར་གནོན་པས་ནམ་མཁའི་དབྱིངས་ཐམས་ཅད་དུ་ཁྱབ་པར་མཛད་དེ། རླུང་གི་ཁམས་དང་། མེའི་ཁམས་དང་། ཆུའི་ཁམས་དང་། སའི་ཁམས་ཀུན་ཁྱབ་པར་མཛད་དེ། བཅོམ་ལྡན་འདས་བྱང་ཆུབ་ཀྱི་སེམས་ལ་ཀུན་དུ་ཁྱབ་པར་མཛད་དེ། སྣ་ཚོགས་དང་། ཕྲ་བ་དང་། སྦོམ་པ་དང་། བུད་མེད་དང་། གཞོན་ནུ་དང་། རྒན་པ་དང་། སྐྱེས་པ་དང་། སྐྱེས་པ་མ་ཡིན་པ་དང་། ལྷ་དང་། ཀླུ་དང་། གནོད་སྦྱིན་དང་། སྐར་མ་དང་། གཤིན་རྗེ་དང་། ཆུ་བདག་དང་། བརྒྱ་བྱིན་དང་། འབྱུང་བ་དང་། འབྱུང་བ་ལས་གྱུར་པ་ཐམས་ཅད་ལ་བཅོམ་ལྡན་འདས་ཀུན་དུ་བཟང་པོས་རྒྱས་པར་བྱས་ཏེ་ཡང་དག་པར་གནས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ངོ་མཚར་དུ་གྱུར་ཏེ། ཡང་འདུས་ནས་ཕྱག་གར་དང་བཅས་ནས་ཐལ་མོ་སྦྱར་ནས་བཅོམ་ལྡན་འདས་ཀུན་དུ་བཟང་པོ་ཆེན་པོ་ལ་སྤྱི་བོས་བཏུད་ནས་གསོལ་བ་བཏབ་པ། བཅོམ་ལྡན་འདས་ཀུན་གྱི་གསང་བའི་ཧེ་རུ་ཀ་ཆེན་པོ་རོལ་པའི་ཐིག་ལེ་འདི། གཉིས་མེད་ཡེ་ཤེས་ཡང་དག་འབྱུང་། །བཅོམ་ལྡན་ཁྱོད་ཀྱིས་བཤད་དུ་གསོལ། །སེམས་ཅན་ཀུན་གྱི་མ་སྐྱེས་པ། །སྐྱེས་དང་མ་སྐྱེས་རྣམ་སྤངས་པའི། །འབྱུང་དང་འབྱུང་འགྱུར་རབ་སྦྱོར་བའི། །མཆོག་ཏུ་རྟག་པའི་སྦྱོར་བའོ། །ཐམས་ཅད་རིན་ཆེན་འབྱུང་གནས་དག །ནམ་མཁའ་དྲི་མེད་འདྲ་བ་ཡི། །རྒྱལ་མཚན་ཆེན་པོ་བསྒྲེང་བྱ་སྟེ། །རྡོ་རྗེ་ཆེན་པོས་ ― DNG013_Page_0114 ―
[མ་དཔེ་གཟིགས་ན་འདིར་གནོན།]
དབང་བསྐུར་བའོ། །ལོངས་སྤྱོད་ཆོས་ནི་ཡང་དག་འབྱུང་། །པདྨོའི་མཆོག་ནི་དམར་པོ་མདོག །འདོད་ཆགས་དེ་ཉིད་གསང་བ་ཆེ། །བདེ་བྱེད་ཐམས་ཅད་བདུད་རྩིའི་མཆོག །ལ་ལ་ཨར་ནི་དོན་དང་ལྡན། །ཡང་དག་མཛེས་པ་འགྱིང་བའི་འགྲོས། །ས་ཕྱོགས་ཡེ་ཤེས་བདེ་བ་ཆེ། །བྱང་ཆུབ་སེམས་ཐིག་མཆོག་ཉིད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཀུན་དུ་བཟང་པོ་དེ་བཞིན་གཤེགས་པ་ཐམས་ཅད་ཀྱི་གསང་བའི་བདག་པོས་གསོལ་བ་བཏབ་པ་མཁྱེན་ནས་འགོག་པ་ཆེན་པོ་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཅང་མི་གསུང་བར་བཞུགས་སོ། །དེ་བཞིན་གཤེགས་པ་དེ་དག་ངོ་མཚར་དུ་གྱུར་ཏེ། ཡང་འདུས་ནས་བཅོམ་ལྡན་འདས་དཔལ་བདེ་བ་ཆེན་པོ་ཀུན་དུ་བཟང་པོ་ཆེན་པོ་ལ་དེ་ཁོ་ན་ཉིད་ཀྱི་དབྱངས་ཀྱིས་བསྐུལ་ཏེ་བཞེངས་པར་མཛད་དོ། །ཨོཾ་ཨཱཿཧཱུྃ། མི་སྐྱེ་ཡེ་ཤེས་བདེ་མཆོག་རོ་ལ་མནམས། །སེམས་དཔའི་མཆོག་ཉིད་འགོག་པ་རྣམས་ལས་བསླང་། །ཆགས་མེད་ཀུན་དུ་མྱ་ངན་འདས་མཛད་བཞེངས་ཤིང་མནམས། །མཆོག་ཏུ་གསང་བའི་དམ་བཅས་འཇིག་རྟེན་སྒྲོལ། །བྱང་ཆུབ་སྐྱེ་གནས་དབྱིངས་ལས་གར་མཛོད་ཅིག །སྔོན་གྱི་ཉོན་མོངས་རྡོ་སྐམས་གཟིར་བ་ཡི། །བདེ་མཆོག་རྒྱན་དང་ལྡན་པའི་ཐབས་ཀྱིས་བསྐུལ་ཏེ་གོ་བར་མཛད། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་ཆེན་པོས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་ཆེན་པོ་ཧེ་རུ་ཀ་རོལ་པའི་ཏིང་འཛིན་ལ་སྙོམས་པར་ཞུགས་ནས། རང་གིས་གསང་བའི་ཐིག་ལེ་ཤིན་ཏུ་དགྱེས་པ་ཆེན་པོ་ཞེས་བྱ་བའི་འོད་ཟེར་གྱི་ཚོགས་ཕྱུང་ནས། དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོའི་ཐིག་ལེའི་དབུས་སུ་རྒྱས་པར་བྱས་ཏེ། ནམ་མཁའི་དབྱིངས་ཐམས་ཅད་དུ་སྣང་བར་བྱས་ཏེ། སྟེང་དང་འོག་ཏུ་ཡང་བཞུགས་ཏེ། མ་ལུས་ལུས་པ་མེད་པའི་རིལ་དང་། སེམས་ཅན་ཐམས་ཅད་ལ་གསལ་བར་བྱས་ནས་ཤིན་ཏུ་དགྱེས་པ་ཆེན་པོའི་རོ་བདེ་མ་མཉེས་པར་བྱས་ནས་སླར་དེ་ཉིད་དུ་ ― DNG013_Page_0115 ―
[མ་དཔེ་གཟིགས་ན་འདིར་གནོན།]
སླར་ལོག་ནས། བཅོམ་ལྡན་འདས་ཤིན་ཏུ་དགྱེས་པ་ཆེན་པོའི་སྙིང་པོ་གསང་བ་མཆོག་གི་ཐིག་ལེའི་དབུས་ན་བཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་འོད་ཟེར་གྱི་ཚོགས་ཀྱི་ཕྲེང་བ་མཆོག་ཏུ་བདེ་བར་གྱུར་པ་སྙིང་པོ་དེས་བསྐུལ་བ་ནི་གར་མཛད་ཅིང་རང་རང་གི་ཏིང་ངེ་འཛིན་དུ་དམིགས་ནས་བཅོམ་ལྡན་འདས་ཀུན་དུ་བཟང་པོ་ཆེན་པོའི་ཐུགས་ཀྱི་དབུས་སུ་མཆོག་ཏུ་གསང་བ་ཤིན་ཏུ་དགྱེས་པ་ཆེན་པོའི་བདེ་བར་བསྒྲུབས་ཏེ། སྐུ་རང་གི་བུད་མེད་ཀྱི་ཚུལ་དུ་བསྐྱེད་ནས། བཅོམ་ལྡན་འདས་ཀྱི་ཐུགས་ཀ་ནས་མངོན་པར་འབྱུང་བར་གྱུར་ཏོ། །དེ་ལ་ལ་ལ་ནི་སྤྱན་པདྨ་ལྟ་བུར་བསྒྱུར་ཅིང་སྨིན་དཀྱུས་རིང་།སངས་རྒྱས་ཚུལ་གྱིས་གར་མཛད་པའི། །སངས་རྒྱས་རྣལ་འབྱོར་དཀྱིལ་འཁོར་དུ། །རབ་དགྱེས་རྡོ་རྗེ་གདོན་མི་ཟ། །རྡོ་རྗེ་སེམས་ལ་དགྱེས་མཛད་ཅིང་། །བདེ་བའི་སངས་རྒྱས་བདེ་བ་ཡིས། །བཅོམ་ལྡན་སངས་རྒྱས་བཞུགས་པར་འགྱུར། །ཞལ་བསྒྱུར་སྨིན་མ་བསྒྱུར་བ་ཡིས། །སྤྱན་ཡང་བསྒྱུར་ཞིང་ཤིན་ཏུ་གནོན། །སོར་མོ་རྣམས་ཀྱང་རབ་བསྒྱུར་དང་། །རྡོ་རྗེ་ཚུལ་གྱིས་གར་མཛད་ཅིང་། །སེམས་དཔའ་ཆེ་ལ་མཉེས་པར་མཛད། །རྡོ་རྗེ་རྣལ་འབྱོར་མ་དཀྱིལ་དུ། །སྐུ་ནི་སྐད་ཅིག་བསྐུལ་བ་ཡིས། །བཅོམ་ལྡན་རྡོ་རྗེ་གནས་པར་འགྱུར། །ཞལ་ནི་བརྗིད་ཅིང་རིན་ཆེན་དབུ། །དྲི་མེད་སྤྱི་བོར་གར་མཛད་ཅིང་། །དཀྱིལ་འཁོར་ཞལ་གྱིས་རྣམ་བསྒྱུར་བ། །བྱང་ཆུབ་སེམས་ནི་མེད་པར་མཛད། །དུར་ཁྲོད་ཡོན་ཏན་ཚོགས་དག་གིས། །པདྨའི་སྤྱན་གྱིས་གཟིགས་མཛད་ཅིང་། །བདེ་བའི་བདག་པོ་ཆེན་པོ་ལ། །རིན་ཆེན་ཚུལ་གྱིས་མཉེས་པར་མཛད། །རབ་ཏུ་དགྱེས་གསལ་བདེ་བ་ཡི། །པདྨ་དམར་ལ་ཆེ་མཛད་དེ། །འདོད་ཆགས་བྲལ་ཞི་རབ་ཏུ་བསྒྱུར། །པདྨའི་དྲ་བས་འདྲེལ་བ་ཡི། །པདྨའི་རྣལ་འབྱོར་མ་དཀྱིལ་དུ། །བརྗིད་པའི་སྤྱན་གྱིས་ཀུན་གཟིགས་པའི། །བདེ་བ་ཆེ་ལ་མཉེས་པར་མཛད། །བཅོམ་ལྡན་པདྨོ་གནས་པར་འགྱུར། །ཕྱག་གི་སོར་མོ་རྩེ་མོ་མཐའ། །རྣམ་པར་བསྒྱུར་བར་གར་མཛད་ཅིང་། །ཕྱག་ ― DNG013_Page_0116 ―
[མ་དཔེ་གཟིགས་ན་འདིར་གནོན།]
སྦྱར་ཁོང་སྟོང་པདྨ་ཡིས། །གློག་བཞིན་དཔྲལ་ནས་སྤྱི་གཙུག་ཏུ། །མཆོད་པའི་སྤྲིན་གྱིས་ལོངས་སྤྱོད་པས། །སྣ་ཚོགས་བདེ་བྱེད་གཙོ་ཉིད་ལ། །ལས་ཀྱི་ཚུལ་གྱིས་མཉེས་མཛད་ཅིང་། །བཅོམ་ལྡན་སྣ་ཚོགས་གནས་པར་འགྱུར། །དེ་ནས་བཅོམ་ལྡན་འདས་ཀུན་དུ་བཟང་པོ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་བྱང་ཆུབ་སེམས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་ཐིག་ལེ་བྱང་ཆུབ་ཀྱི་དཀྱིལ་འཁོར་གྱི་རྒྱལ་པོ་ཤིན་ཏུ་དགྱེས་པ་བདེ་བ་ཆེན་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དཀྱིལ་འཁོར་ཉིད་ཀྱི་ཚུལ་གྱིས་སུ། །ཆོ་ག་སྦྱོར་བ་སྤྲོས་བྱས་ཏེ། །དེ་དང་མཐུན་པའི་དཀྱིལ་འཁོར་གདོན། །སྦྱོར་བའི་གར་གྱིས་གར་བྱས་ཤིང་། །ཅི་ལྟར་ཡང་དག་བརྟག་པར་བྱ། །ཅི་ལྟར་དཀྱིལ་འཁོར་དེ་ཁོ་ན། །ཧེ་རུ་ཀ་དཔལ་དཀྱིལ་འཁོར་ནི། །རྡོ་རྗེ་སེམས་དཔའ་དཔའ་བོས་ཀྱང་། །བརྟག་པར་ནུས་པ་མ་ཡིན་ནོ། །དཀྱིལ་འཁོར་ཡེ་ཤེས་ཀྱིས་བརྟགས་པས། །སྙིང་པོ་ཕྱག་རྒྱ་སྔགས་རིག་གིས། །ལྷ་ཡི་སྦྱོར་བ་རྒྱས་བཏབ་པས། །ཆོ་ག་ཤེས་པས་བྲི་བར་བྱ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་དང་ཡང་དག་ལྡན། །ཐིག་གིས་ཡོངས་སུ་འཁོར་བར་བཏབ། །དབུས་སུ་འཁོར་ལོ་རྩིབས་བཞིར་ལྡན། །ཀུན་དུ་ཡོངས་སུ་མུ་ཁྱུད་བཅས། །ཕྱི་རོལ་རྡོ་རྗེ་ར་བས་བསྐོར། །དེའི་དབུས་སུ་བཅོམ་ལྡན་འདས་ཆེ་མཆོག་ཧེ་རུ་ཀ་རིགས་བཞི་ཧེ་རུ་ཀས་ནི་བསྐོར། གྲྭ་བཞི་ཤྭ་རི་ཡུམ་དང་བཅས། དེའི་ཕྱི་རིམ་འཁོར་ལོ་རྩིབས་ནི་བཅུ་དྲུག་ལ་ཡེ་ཤེས་ཁྲོ་མོ་བཅུ་དྲུག །དེའི་ཕྱི་རིམ་པདྨ་བཅུ་དྲུག་ལ་སྤྲུལ་པའི་ཁྲོ་བོ་ཕ་བཅུ་དྲུག །དེའི་ཕྱི་རིམ་པདྨ་བཅུ་དྲུག་ལ་སྤྲུལ་པའི་ཕྲ་མེན་མ་བཅུ་དྲུག་དེའི་ཕྱི་རིམ་སྣམ་བུ་གཅིག་ལ་ཡང་སྤྲུལ་བཅུ་དྲུག །དེའི་ཕྱི་རིམ་སྣམ་བུ་གཅིག་ལ་ཡང་ཞེ་སྤྲུལ་བཅུ་དྲུག །དེའི་ཕྱི་རོལ་སྣམ་བུ་གཅིག་ལ་སྨན་གྱི་ལྷ་མོ་སུམ་ཅུ་རྩ་གཉིས། །དེའི་ཕྱི་རིམ་སྣམ་བུ་ལ་བཅོམ་ལྡན་ ― DNG013_Page_0117 ―
[མ་དཔེ་གཟིགས་ན་འདིར་གནོན།]
འདས་དེ་ཁོ་ན་ཉིད་ཀྱི་སྐུ་བསིལ་དཔག་བསམ་གྱི་ཤིང་བཞིན། དེའི་རྩ་བ་ན་སྨན་བདུད་རྩི་ལྷག་མ་རེ་རེ། གསེར་གྱི་མེ་ཏོག་གཞོན་ནུ་རེ་རེ། བཅོམ་ལྡན་འདས་ལ་མཆོད་ཅིང་བདུད་རྩི་བུམ་པ་ཐོགས་ནས་སྐུ་ཁྲུས་མཛད་པ་རེ་རེ། དེའི་ཕྱི་རིམ་སྣམ་བུ་ལ་དབང་ཕྱུག་མ་ལས་ལས་གྲུབ་པ། མགོ་བརྙན་མ་ཉི་ཤུ་རྩ་བརྒྱད་དགོད། ཡང་བཅོམ་ལྡན་འདས་ཀྱི་དཀྱིལ་འཁོར་གྱི་དགོད་པའི་དོན་བཟུང་ཞིང་བཀའ་སྩལ་པ། དཀྱིལ་འཁོར་གྱི་ནི་དབུས་ཉིད་དུ། །བཅོམ་ལྡན་ཆེ་མཆོག་ཧེ་རུ་ཀ །དབུ་ནི་ཉི་ཤུ་རྩ་གཅིག་ལ། །ཕྱག་ནི་བཞི་བཅུ་རྩ་གཉིས་སོ། །ཞབས་བརྒྱད་ལྷ་ཆེན་ཕོ་མོ་མནན། །གླང་ཆེན་ཀོ་རློན་གོས་སུ་གྱོན། །ཞིང་ཆེན་གཡང་གཞི་ཡ་བ་སྐོར། །སྦྲུལ་ནག་ཆུན་པོས་དབུ་ལ་བརྒྱན། །ཐོད་པ་རློན་པས་སེ་རལ་ཁ། །སྟག་ལྤགས་མགོ་ཆེན་ཤམ་ཐབས་ཅན། །ཁྲག་དང་ཞག་གི་ཚོམ་བུར་བཅས། །བདེར་གཤེགས་རིགས་བཞི་ཧེ་རུ་ཀ །ཁྱུ་མཆོག་མ་ཧེ་གཟིག་དང་སྟག །མི་འཇིགས་སེམས་ཅན་བཞི་ཡི་ཁྲི། །སྨུག་ནག་སྔོ་ནག་སེར་ནག་དང་། །དམར་ནག་ལྗང་ནག་འཇིགས་པའི་གཟུགས། །དབུ་གསུམ་ཕྱག་དྲུག་ཞབས་བཞིར་བགྲད། །ཆ་ལུགས་མགོ་བོ་ཡབ་དང་མཐུན། །དབུས་ཀྱི་དབུ་གྱེན་དུ་ལྟ་བའི་ཞལ་གྱི་ནང་དུ་རྡོ་རྗེ་བཅུག་ནས་གཉིས་སུ་མེད་པའི་སྦྱོར་བ་ཚུལ་བཞིན་དུ་མཛད་ཅིང་བཞུགས་སོ། །རིགས་ཀྱི་ཡུམ་ཀུན་གཙོ་བོ་ཡབ་དང་མཐུན། ཡེ་ཤེས་ལས་གྲུབ་པའི་ཁྲོ་བོ་རྡོ་རྗེ་ཐོགས་མེད་དང་། ཁྲོ་བོ་རྡོ་རྗེ་མདུང་དང་། ཁྲོ་བོ་རྡོ་རྗེ་མེ་དབལ་དང་། ཁྲོ་བོ་རྡོ་རྗེ་མདའ་བསྙག་དང་། ཁྲོ་བོ་རྡོ་རྗེ་ཕུར་བུ་དང་། ཁྲོ་བོ་རྡོ་རྗེ་ཐོ་བ་དང་། ཁྲོ་བོ་རྡོ་རྗེ་བྱ་གྲི་དང་། ཁྲོ་བོ་རྡོ་རྗེ་རྣོན་པོ་དང་། ཁྲོ་བོ་རྡོ་རྗེ་རལ་གྲི་དང་། ཁྲོ་བོ་རྡོ་རྗེ་ཞགས་པ་དང་། ཁྲོ་བོ་རྡོ་རྗེ་གཏུན་ཁུང་འཛིན་དང་། ཁྲོ་བོ་རྡོ་རྗེ་གཞུ་འཛིན་དང་། ཁྲོ་བོ་རྡོ་རྗེ་རལ་པ་གཅིག་པ་དང་། ཁྲོ་བོ་རྡོ་རྗེ་ཡེ་ཤེས་དང་། ཁྲོ་བོ་རྡོ་རྗེ་ལྕགས་སྒྲོག་དང་། ཁྲོ་བོ་རྡོ་རྗེ་རྒྱ་གྲམ་འཛིན་དང་། ཁྲོ་མོ་རྡོ་རྗེ་པདྨ་བྷྲྀ་ཀུ་ཊི་དང་། ཁྲོ་མོ་རྡོ་རྗེ་རལ་གཅིག་མ་ ― DNG013_Page_0118 ―
[མ་དཔེ་གཟིགས་ན་འདིར་གནོན།]
དང་། ཁྲོ་མོ་རྡོ་རྗེ་རྩེ་མོ་དང་། ཁྲོ་མོ་འཇིགས་སུ་རུང་མ་དང་། ཁྲོ་མོ་མི་ཐུབ་རྡོ་རྗེས་འདུལ་བ་དང་། ཁྲོ་མོ་བཀྲ་ཤིས་མ་དང་། ཁྲོ་མོ་དཔལ་ལྡན་མ་དང་། ཁྲོ་མོ་པདྨའི་ཕྲེང་ཐོགས་མ་དང་།ཁྲོ་མོ་ནོར་བདག་མ་དང་། ཁྲོ་མོ་གྲགས་མ་དང་། ཁྲོ་མོ་གྲགས་ཆེན་མོ་དང་།ཁྲོ་མོ་རིན་འོད་ལྡན་མ་དང་། ཁྲོ་མོ་པདྨའི་སྤྱན་མངའ་མ་དང་། ཁྲོ་མོ་ཟས་སྦྱིན་མ་དང་། ཁྲོ་མོ་བདུད་རྩི་འཁྱིལ་མ་དང་། ཁྲོ་མོ་རྡོ་རྗེ་དུར་ཁྲོད་མ་དང་། སྐུ་མདོག་གཅིག་ཏུ་མ་ངེས་ཏེ། སྣ་ཚོགས་ཅིར་ཡང་འགྱུར་བའོ། །སྤྲུལ་པའི་ཁྲོ་བོ་འདི་དག་ཀྱང་སྐུ་མདོག་སྣ་ཚོགས་སུ་འགྱུར་བའོ། །ཁྲོ་བོ་ཧཱུྃ་ཀ་ར་དང་། ཁྲོ་བོ་རྣམ་པར་རྒྱལ་བ་དང་། ཁྲོ་བོ་ནཱི་ལ་དཎྜ་དང་། ཁྲོ་བོ་ཡ་མཱན་ཏ་ཀ་དང་།ཁྲོ་བོ་མི་གཡོ་མགོན་དང་། ཁྲོ་བོ་ཧ་ཡ་གྲཱི་བ་དང་། ཁྲོ་བོ་ཊ་ཀི་རཱ་ཛ་དང་།ཁྲོ་བོ་བདུད་རྩི་འཁྱིལ་པ་དང་། ཁྲོ་བོ་ཁམས་གསུམ་རྣམ་པར་རྒྱལ་བ་དང་། ཁྲོ་བོ་མ་ཧཱ་བ་ལ་དང་། ཁྲོ་བོ་བསྙུད་ཀྱི་རྒྱལ་པོ་དང་། ཁྲོ་བོ་ཟླ་བའི་གཙོ་བོ་དང་། ཁྲོ་བོ་རྡོ་རྗེ་ཁུ་ཚུར་དང་། ཁྲོ་བོ་གོམ་པ་འདོར་བ་དང་། ཁྲོ་བོ་གནོད་སྦྱིན་རྡོ་རྗེ་དང་། ཁྲོ་བོ་ལས་ཐམས་ཅད་པ་དང་། ཁྲོ་མོ་སྤྲུལ་པའི་ཕྲ་མེན་མ་དང་། རྡོ་རྗེ་གོའུ་རི་དང་། རྡོ་རྗེ་ཙོའུ་རི་དང་། རྡོ་རྗེ་པྲ་མོ་ཧ་དང་། རྡོ་རྗེ་བེ་ཏཱ་ལི་དང་། རྡོ་རྗེ་པུཀྐ་སི་དང་། རྡོ་རྗེ་གྷསྨ་རི་དང་། རྡོ་རྗེ་སྨ་ཤ་ནི་དང་། རྡོ་རྗེ་ཙནྜ་ལི་དང་། རྡོ་རྗེ་སིང་ཧ་མུ་ཁ་དང་། རྡོ་རྗེ་བྱཱ་གྷྲྀ་མུ་ཁ་དང་། རྡོ་རྗེ་སྲི་ལ་མུ་ཁ་དང་། རྡོ་རྗེ་བྲ་ན་མུ་ཁ་དང་། རྡོ་རྗེ་ཀྲི་ཏ་མུ་ཁ་དང་། རྡོ་རྗེ་ཀཾ་ཀ་མུ་ཁ་དང་། རྡོ་རྗེ་ཁྭ་ཀ་མུ་ཁ་དང་། རྡོ་རྗེ་ཨཱུ་ལུ་ཀ་མུ་ཁ་དང་འདི་རྣམས་སྐུ་མདོག་གཅིག་ཏུ་མ་ངེས་སོ། །འདི་ཀུན་ཞིང་བསྣོལ་མའི་ཁྲི་ལ་བཞུགས་སོ། །བདུད་རྩི་ལྷ་མོ་དེ་རྣམས་ཀྱང་། །ཕྱག་མཚན་རྡོ་རྗེ་བུམ་པ་འཛིན། །སྐུ་མདོག་དམར་པོ་པདྨའི་གདན་ལ་བཞུགས་སོ། །བཅོམ་ལྡན་འདས་སེང་གེའི་ཁྲི་ཉི་ཟླ་བརྩེགས་པའི་གདན་ལ་སྐུ་ལུས་གླང་པོ་ཆེའི་ཆ་བྱད་དུ་སྤྲུལ་ནས་མཛད། ཡང་སྤྲུལ་ཆེན་མོ་སེང་གེ་ལྕམ་དྲལ་དང་། སྟག་ལྕམ་དྲལ་དང་། ཝ་ལྕམ་དྲལ་དང་། ― DNG013_Page_0119 ―
[མ་དཔེ་གཟིགས་ན་འདིར་གནོན།]
སྤྱང་མོ་ལྕམ་དྲལ་དང་། བྱ་རྒོད་ལྕམ་དྲལ་དང་། ཀང་ཀ་ལྕམ་དྲལ་དང་། བྱ་རོག་ལྕམ་དྲལ་དང་། འུག་པ་ལྕམ་དྲལ་དང་། འདི་དག་ཀུན་གྱི་ཡེ་ཤེས་སྤྲུལ་པའོ། །ཕ་བང་ལྕམ་དྲལ་དང་། ཟེར་མོ་ལྕམ་དྲལ་དང་། ཕོ་རོག་ལྕམ་དྲལ་དང་། སྐྲ་ཀ་ལྕམ་དྲལ་དང་། ཁྭ་ཏ་ལྕམ་དྲལ་དང་། བྱི་ལ་ལྕམ་དྲལ་དང་། སྤྲེའུ་ལྕམ་དྲལ་དང་། ཁྱི་ལྕམ་དྲལ་དང་། སྤྲུལ་པ་སྣ་ཚོགས་ཀྱིས་འགྲོ་བའི་དོན་མཛད་དོ། །ལས་གྲུབ་པ་དབང་ཕྱུག་མ། བྱོ་མིའི་སྲིན་མོ་དམར་སེར་ཤིང་ཆེན་ཏྲི་ཤཱུ་གཡག་མགོ་མ། །ཚངས་པའི་དམར་སྐྱ་བྷན་དམར་རྩེ་ལྔ་སྦྲུལ་མགོ་མ། །ཁྲོ་བོ་ཁྱབ་འཇུག་འབྱུང་སྡིག་སྙིང་འདྲེན་གཟིག་གི་མགོ། །ཁྱབ་འཇུག་དཀར་དམར་དུང་དམར་བྱི་ཞགས་སྲེ་མོ་མགོ། །གཞོན་ནུ་སེར་མོ་རྡོ་རྗེ་ཕ་བང་མགོ། །དབང་མོ་དམར་སྐྱ་བམ་ཆེན་ཁྲོ་ཆེན་དྲེད་ཀྱི་མགོ། །དམར་མོ་དུང་དམར་རྒྱུ་ཞགས་དམར་མོ་དོམ་གྱི་མགོ། །བདུད་རྩི་སྔོན་མོ་རིན་ཆེན་ཆུ་སྲིན་མགོ། །ཞི་བ་སྔོ་སྐྱ་བམ་ཆེན་སྙིང་འབྱིན་སྟག་གི་མགོ། །བེ་ཅོན་ནག་མོ་བམ་ཆེན་ཐོད་རློན་ཁྲ་ཡི་མགོ། །སྲིན་མོ་ནག་མོ་བམ་ཆེན་རྒྱུ་ཞགས་ཝ་ཡི་མགོ། །ཟ་བྱེད་ནག་མོ་བམ་ཆེན་སྙིང་འབྱིན་སྟག་གི་མགོ། །དགའ་བྱེད་ནག་མོ་ཁོང་ཆེན་བགེགས་རྒྱལ་བྱ་རྒོད་མགོ། །ཁྲག་འཐུང་དམར་མོ་རྡོ་རྗེ་དབྱུག་དུང་དམར་རྟའི་མགོ། །གཅིག་པུ་དཀར་དམར་ནམ་མཁའ་ལྡིང་གི་མགོ། །ཡིད་འཕྲོག་དམར་སེར་བཞིས་བསྡུས་བྱི་ཟ་ཁྱི་ཡི་མགོ། །གྲུབ་མ་དཀར་དམར་སད་མ་བྱི་ཟ་པུ་ཤུད་མགོ། །རླུང་མོ་དམར་སེར་རོ་ཟ་རྡོ་རྗེ་ཤ་བའི་མགོ། །གསོད་བྱེད་སྐྱ་ལྗང་བམ་ཆེན་རྔེའུ་ཆུང་སྐྱེ་ཀའི་མགོ། །མེ་མོ་དམར་སེར་མོ་སྲག་རྒྱུ་འདྲེན་སྐྱིན་གྱི་མགོ། །ཕག་མོ་ལྗང་ནག་རྩེ་སྦྱིན་རློན་དམར་ཕག་གི་མགོ། །དམར་མོ་ལྗང་སྔོན་བདུད་རྩིའི་ཁྲག་འཐུང་ཁྲ་ཡི་མགོ། །སྣ་ཆེན་ལྗང་ནག་བམ་ཆེན་ལོངས་སྤྱོད་བ་ལང་མགོ། །གྲུབ་མོ་ལྗང་སེར་བདུད་རྩི་བྷན་དམར་སྦྲུལ་གྱི་མགོ། །ཕག་མོ་ལྕགས་ཀྱུ་ཕུ་ཏྲ་རྡོ་རྗེ་ཁུ་བྱུག་མགོ། །ར་ནི་སེར་མོ་རྒྱུ་ཞགས་ར་ཡི་མགོ། །བུམ་སྣ་དམར་མོ་ལྕགས་སྒྲོག་ཀུན་ ― DNG013_Page_0120 ―
[མ་དཔེ་གཟིགས་ན་འདིར་གནོན།]
འཇོམས་སེང་གེའི་མགོ། །གསུས་འཛིན་སེར་མོ་བདུད་རྩི་དྲིལ་ཆེན་གཟིག་གི་མགོ། །སེམས་ཅན་ཐམས་ཅད་མཆོག་དག་དང་། །དགྱེས་པ་ཐམས་ཅད་རབ་བསྒྲུབ་ཕྱིར། །ང་ཡི་དེ་ཉིད་གསུང་གིས་ནི། །དཀྱིལ་འཁོར་དེ་ཉིད་བསྟན་པ་ཡིན། །སངས་རྒྱས་བྱང་ཆུབ་བདེ་ཆེན་པོ། །གང་གིས་ཆུད་པས་རྫོགས་སངས་རྒྱས། །སེམས་ཅན་མཆོག་གི་སྟོན་བྱེད་ན། །དེ་ཉིད་སངས་རྒྱས་བྱང་ཆུབ་འགྲུབ། །དེ་ནས་བཅོམ་ལྡན་གཅིག་འདུས་ནས། །རབ་ཏུ་སྤྲོ་བའི་སྤྱན་གདངས་ནས། །ཞབས་དང་ཞབས་ཀྱིས་གནོན་པ་ཡིས། །སྡུད་ཅིང་འདོར་བ་འཇུག་པར་མཛད། །གཡས་དང་གཡོན་གྱི་ཕྱག་གཉིས་ཀྱིས། །བརྗིད་པའི་རྩེ་མོ་མཐའ་ནས་དགྲོལ། །ཅུང་ཟད་ཟུར་གྱིས་གནོན་པ་ཡིས། །མཛེས་པའི་སྤྱི་གཙུག་རྣམ་བསྒྱུར་བའི། །སྤྱན་གྱི་ཕྱག་རྒྱས་ཕྱག་མཛད་པའི། །འགྲོ་ལ་ཕྱག་རྒྱས་བཏབ་པར་འགྱུར། །དཔའ་བོ་རྡོ་རྗེ་སེམས་དཔའ་ལ། །བསྐུལ་བའི་དབྱངས་ཀྱིས་རབ་ཏུ་བསྐུལ། །གསང་བ་དགྱེས་པའི་དཀྱིལ་འཁོར་དུ། །ཤིན་ཏུ་དགྱེས་ཚེ་རྡོ་རྗེ་དག །སངས་རྒྱས་ཀུན་གྱི་བདེ་ཆེན་པོ། །མཆོག་ཏུ་དགྱེས་པའི་དཀྱིལ་འཁོར་དུ། །བཅོམ་ལྡན་འདས་ཀྱིས་བཤད་དུ་གསོལ། རྣམ་པ་ཀུན་དུ་སྐྱེ་མེད་རོལ་ཅིང་ཆུད་མཛད་པ། །བདག་ཅག་གཟུགས་དང་བཅས་ཏེ་རྣམ་སྤྱོད་འགྱུར་མེད་པའི། །བདེ་མཆོག་བྱང་ཆུབ་སེམས་དཔའ་ནི། །རྣམ་པ་ཀུན་དུ་སྡུག་བསྔལ་ཡོངས་བྲལ་ཏེ། །ཆེ་བའི་ཡེ་ཤེས་ལྷུན་གྲུབ་མཆོག་དང་ལྡན། །བདེ་སྤྱོད་དེ་ལ་རོལ་པས་ཚུལ་བཞིན་མཛད། །རྡོ་རྗེ་གླུ་ནི་བླངས་པ་ཡིས། །ཤིན་ཏུ་སྲིད་པའི་མྱ་ངན་འདས། །དག་ཆེན་དེ་བཞིན་གཤེགས་པ་རྣམས། །དཀྱིལ་འཁོར་འདི་ལ་བྱིན་གྱིས་བརླབས། །དེ་ནས་བཅོམ་ལྡན་འདས་འཛུམ་པ་དང་བཅས་པས་སྤྱན་ཨུཏྤ་ལ་ཁ་བྱེ་བ་བཞིན། སྨིན་མ་དང་སྐུ་རྣམ་པར་སྒྱུར་བ། གློག་དང་ཆུ་རླབས་སུ་གྱུར་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་དེ་ཁོ་ན་ཉིད་འདི་གསུངས་སོ་ཞེས། དཀྱིལ་འཁོར་ཞེས་ནི་རབ་ཏུ་བྱ། །ཡེ་ཤེས་རྡོ་རྗེ་ཐུགས་ལ་གནས། །དཀྱིལ་འཁོར་ ― DNG013_Page_0121 ―
[མ་དཔེ་གཟིགས་ན་འདིར་གནོན།]
རྡོ་རྗེ་མཆོག་ཉིད་དོ། །ཉིད་ཀྱི་སྦྱོར་བ་བཏགས་པ་ཡིན། །རྡོ་རྗེ་དགྱེས་པའི་དཀྱིལ་འཁོར་དུ། །འོད་ཟེར་དཀར་པོ་ཕྲེང་བས་མཛེས། །བྱང་ཆུབ་སེམས་དཔའ་འདྲ་བའོ། །རྡོ་རྗེ་དཔའ་བོ་དཀྱིལ་འཁོར་དུ། །ཟླ་བ་ཁམ་པ་མཛེས་པ་ཡི། །མཐིང་ག་འབར་བ་ཀུན་རྒྱས་པ། །མེ་ལ་རླུང་གིས་བུས་པ་བཞིན། །དགྱེས་པའི་མཆོག་ནི་རབ་བསྒྲུབ་པའི། །རིན་ཆེན་རྡོ་རྗེ་དཀྱིལ་འཁོར་ནི། །དགའ་བར་བྱེད་པའི་དཀྱིལ་འཁོར་ཡིན། །རབ་ཏུ་དགའ་བ་ཉི་མ་བཞིན། །དཀྱིལ་འཁོར་དགྱེས་མཆོག་འབྱུང་བྱེད་པ། །དམ་པའི་དབང་པོ་པདྨ་འདྲ། །འདབ་མ་བརྒྱད་པོ་དགྱེས་པ་ཡི། །གེ་སར་ཟེ་བས་མཛེས་བྱ་བའོ། །ལས་ནི་ཐམས་ཅད་འགྲུབ་བྱེད་པ། །རྡོ་རྗེ་ལས་ཀྱི་དཀྱིལ་འཁོར་ནི། །དགའ་བྱེད་དཀྱིལ་འཁོར་གྲུ་གསུམ་སྟེ། །འབར་བ་ཆེན་པོ་མེ་དང་འདྲ། །དེ་ལ་སོགས་པ་མཐའ་ཡས་པའི། །དཀྱིལ་འཁོར་རྣམས་ནི་བརྟག་བྱ་སྟེ། །རྡོ་རྗེ་སེམས་དཔའ་ཆེན་པོ་ཡིས། །ཅི་ལྟར་དེ་ཉིད་སྤྲུལ་པ་ཡིན། །དེ་ནས་བཅོམ་ལྡན་འདས་ཉིད་ཀྱི་དཀྱིལ་འཁོར་བཞེངས་ནས་རྡོ་རྗེ་བརྗིད་པའི་གར་མཛད་ཅིང་གླུ་དང་། སིལ་སྙན་དང་། གླིང་བུ་དང་། པི་ཝང་དང་། རྫ་རྔ་དང་། དུ་ན་ཝ་དང་། པ་ན་ཝ་དང་། པ་ལ་ཀི་དང་། ཞི་བའི་ཐལ་མོ་ལ་སོགས་པ་ཀུན་དུ་གདུངས་པ་དང་། སིལ་སྙན་ལ་སོགས་པ་རོལ་པས་ལྷའི་རོ་དང་། རོའི་ཟས་དང་། བཟའ་བ་དང་། བཅའ་བ་དང་།བཏུང་བ་དང་། ཐེག་པ་དང་། སྟན་དང་། གོས་དང་། བལྡག་པ་དང་། འཇིབ་པ་དང་། འཇམ་པ་ལ་སོགས་པ་བཅོམ་ལྡན་འདས་ཀུན་དུ་བཟང་པོས་བསྟབས་ནས་གུས་པ་དང་བཅས་ནས་འཛུམ་པ་དང་བཅས་པའི་སྤྱན་གདངས་ཏེ། དབྱངས་འདིས་བསྟོད་པ་མཛད་དོ། །བྱམས་པས་ཀུན་དུ་གཟིགས་པས་ཐུགས་རྗེའི་སྤྱན། །གྲོལ་བར་མཐུན་པའི་ལམ་སྟོན་དུག་ལྔས་འདྲེལ། །གཟུངས་ཀྱི་རང་བཞིན་བདེར་གཤེགས་ཀུན་ལ་སྟོབས། །བདེ་ཆེན་ཀུན་དུ་རྒྱས་པས་ཆེ་བའི་ཡེ་ཤེས་འདྲེན། །སྐུ་ཉིད་སྟོང་པས་ཚོགས་པའི་རྒྱལ་པོ་བཞིན། །ཆོས་ཉིད་བདེ་བ་རེག་པས་སྐུ་ཉིད་སྟོན། །བྱང་ཆུབ་བགྲོད་ ― DNG013_Page_0122 ―
[མ་དཔེ་གཟིགས་ན་འདིར་གནོན།]
ཕྱིར་ཆོས་ཀྱི་སྒོ་མོ་བསྟན། །གཟུངས་བསྟན་རིགས་ལྔའི་གཙོ་བོ་རྣམས་མཛད་དོ། །དགྱེས་པ་དྲོངས་ལ་བསྣམས་ཤིང་རོལ་མོ་མཛད། །བདེ་བ་བསྣམས་ཤིང་དབྱིངས་ནས་བསླང་བའི་ཕྱིར། །སྐྱེ་འགག་མེད་པའི་ཚུལ་དུ་རྣམ་པར་ལྡན། །སྙིང་རྗེར་རྒྱུན་བཅས་བདེ་བ་ཆེན་པོ་སྟོན། །ཆོས་ཉིད་བདེ་བ་ཆེན་པོས་ནམ་མཁའ་བཞིན། །བདེ་བ་མཆོག་གི་ངང་ལས་སྤྲུལ་པའི་ལྷ་མོ་ཀྱེ། །རོལ་པས་འདུས་པའི་ཚོགས་ལ་སྩལ་བར་མཛོད། །བདེ་ལ་བསྣམས་ཤིང་བདེ་ལ་མནོས་པ་ཧཱུྃ། །བདེ་མཆོག་ཆར་པ་རབ་ཏུ་དབབ་པར་གསོལ། །དབྱིངས་ལས་བདེར་གཤེགས་སློབ་མ་གཟུང་དུ་གསོལ། །ཅི་ལྟར་བཞུགས་པའི་གནས་སུ་བཞུགས་སུ་གསོལ། །ངོ་མཚར་བྱང་ཆུབ་ཚེ་འདི་བདེ་བ་ཐོབ། །ཕ་རོལ་ཕྱིན་དྲུག་གང་ལ་མི་རྟེན་པར། །མི་སྐྱེ་མྱ་ངན་འདས་པའི་གཟུགས་དང་རྣམ་པར་ལྡན། །བདེ་བ་ཆོས་ཀྱི་དབྱིངས་ལ་གནས་པ་ཡི། །རྨོངས་པའི་བདེ་བས་འགྲོ་ལ་སྙིང་རྗེ་ཆེ། །བྱང་ཆུབ་སེམས་ཀྱི་དགྱེས་མཆོག་མི་ཆགས་པའི། །གླུ་འདི་དག་ནི་བླངས་པ་ཡིས། །ཡིད་དང་འཐད་པའི་བདེ་ཆེན་པོ། །དངོས་གྲུབ་མྱུར་དུ་ཐོབ་པར་འགྱུར། །དེ་ནས་བཅོམ་ལྡན་འདས་ཀུན་དུ་བཟང་པོས། དེ་བཞིན་གཤེགས་པ་ཐམས་ཅད་ཀྱིས་གསོལ་བའི་དབྱངས་ཀྱིས་བསྟོད་པ། པདྨ་དང་འདྲ་བའི་སྤྱན་གཉིས་ཀྱིས་ཀུན་དུ་གཟིགས་ཤིང་། འཛུམ་པ་དང་བཅས་པས་ཞལ་རྒྱས་པར་གྱུར་ནས། སངས་རྒྱས་ཀྱི་ཞིང་རྡུལ་ཕྲན་གྱི་ཚོགས་འཇིག་རྟེན་གྱི་ཁམས་མང་པོ་བསྐལ་པར་རྒྱས་པའི་སྤྲིན་གྱི་རྒྱ་མཚོ་ཆེན་པོ་སྙེད་མ་ལུས་ལུས་པ་མེད་པའི་དེ་བཞིན་གཤེགས་པ་དང་། རྡོ་རྗེ་དང་། ནོར་བུ་དང་། རིན་པོ་ཆེ་དང་། པདྨོ་དང་། ལས་ཀྱི་རིགས་ལས་བྱུང་བའི་དེ་བཞིན་གཤེགས་པ་དང་། རྡོ་རྗེ་འཛིན་དང་། རིན་ཆེན་འཛིན་པ་དང་། ཆོས་འཛིན་པ་དང་། སྣ་ཚོགས་རྡོ་རྗེ་འཛིན་པ་ཐམས་ཅད་དང་། རྣལ་འབྱོར་དབང་ཕྱུག་ཚོགས་དང་། ཐུགས་ལས་བྱུང་བ་དང་། མཚོན་དང་། དགའ་བ་དང་། སྒེག་མོ་ ― DNG013_Page_0123 ―
[མ་དཔེ་གཟིགས་ན་འདིར་གནོན།]
ལ་སོགས་པ་རྣལ་འབྱོར་གཡོག་གི་ཚོགས་ཚད་མེད་པར་བྱེད་པར་འདྲེན་པ་དང་། འགུགས་པར་བྱེད་པ་དང་། འཇིགས་པར་བྱེད་པ་ལ་སོགས་པའི་ནམ་མཁའ་ལ་འགྲོ་བའི་ཚོགས་དང་། གྲགས་པ་མེད་པའི་ཚོགས་དང་། རྡོ་རྗེ་འཕྲོག་པར་བྱེད་པའི་ཚོགས་དང་། གཞན་ཡང་ཕྱི་རོལ་གྱི་རྡོ་རྗེ་དང་། རིན་ཆེན་པདྨ་དང་། ལས་ཀྱི་རིགས་ལས་བྱུང་བའི་རྣལ་འབྱོར་པ་དང་། རྣལ་འབྱོར་གྱི་དབང་ཕྱུག་ཆེན་པོ་དང་། ནམ་མཁའ་ལ་འགྲོ་བའི་ཚོགས་རྣམས་ལ་རྣམ་པར་གྱུར་པ་དང་བཅས་པ་ཀུན་དུ་གཟིགས་པའི་སྤྱན་གྱིས་གར་མཛད་མ་དང་། ཀུན་དུ་གནོན་པ་དང་། ཚོགས་ཀྱིས་འདེབས་པ་དང་། ཕྱག་ན་གར་མཛད་མ་དང་། འགྱིང་བ་དང་། ཀུན་དུ་རྣམ་པར་འདོར་བའི་གནོན་པས་འཁོར་གྱི་དཀྱིལ་འཁོར་ལ་བྱིན་གྱིས་བརླབས་ནས་དགྱེས་པའི་གདོན་མི་ཟ་བ་ཞེས་བྱ་བ་དཀྱིལ་འཁོར་གྱི་རྒྱལ་པོ་ཆེན་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་གསུངས་པ། དེ་ཉིད་བདག་ནི་མཉམ་བཞག་དང་། དེ་བཞིན་ལྷའི་དེ་བཞིན་ཉིད་དང་། །སྔགས་དང་ཕྱག་རྒྱ་དེ་བཞིན་ཉིད། །དཀྱིལ་འཁོར་གྱི་ནི་མཆོག་ཏུ་འགྱུར། །ཡན་ལག་ཐམས་ཅད་བསམ་ལས་འདས། །ཡོད་མེད་གཉིས་ལས་མི་གནས་པ། །འདྲེན་དང་ཚིག་ལས་ཡང་དག་འདས། །འདི་ནི་དཀྱིལ་འཁོར་མཆོག་ཅེས་བྱའོ། །ཆོས་མིན་ཆོས་ནི་རྣམ་དཔྱོད་པས། །ཆོས་རྣམས་ཐམས་ཅད་བརྟག་པར་བྱ། །རྣམ་དག་ནམ་མཁའ་འདྲ་བ་ཡི། །དཀྱིལ་འཁོར་འདི་ནི་བསྟན་པ་ཡིན། །འདོད་ཆགས་མི་ཆགས་འདོད་ཆགས་མཉམ། །ཆུ་ཡི་པདྨོ་དམར་བ་འདྲ། །རང་སེམས་འདོད་ཆགས་ཤིན་ཏུ་ཆགས། །འདི་ནི་དཀྱིལ་འཁོར་མཆོག་ཡིན་ནོ། །གཟུགས་མེད་གཟུགས་ནི་དྲི་མེད་པའི། །ཁམས་གསུམ་ལས་ནི་འཇུག་བྱེད་པའི། །སེམས་ནི་ཆུ་ཉིད་དང་བ་བཞིན། །དཀྱིལ་འཁོར་ཞེས་བྱའོ། །དེ་ནས་དེ་བཞིན་གཤེགས་པ་ཐམས་ཅད་གཡོག་དང་བཅས། ཕོ་ཉ་དང་། ཕོ་ཉ་མོ་དང་། ནམ་མཁའ་ ― DNG013_Page_0124 ―
[མ་དཔེ་གཟིགས་ན་འདིར་གནོན།]
ལ་འགྲོ་བའི་ཚོགས་དང་། ཡང་བཅོམ་ལྡན་འདས་དཔལ་ཀུན་དུ་བཟང་པོ་བཞེངས་ནས་འདི་སྐད་ཅེས་གསོལ་ཏོ། །ཀྱེ་མ་རབ་དགྱེས་དཔའ་བོ་མཆོག །ཀྱེ་མ་རབ་བགེགས་ཕྱོགས་བསྒྱུར་བ། །རྣལ་འབྱོར་ཆེན་པོ་ཚོགས་མཆོག་ནི། །གསང་བའི་དཀྱིལ་འཁོར་ཉིད་ཀྱིས་གསུངས། །སངས་རྒྱས་སྦྱོར་བ་རབ་ཏུ་ཟབ། །རྡོ་རྗེ་སྤྱོད་པ་བླ་ན་མེད། །འཇིག་རྟེན་གསུམ་པོ་བདེ་ཐོབ་པའི། །དཀྱིལ་འཁོར་གསང་བ་ཉིད་ཀྱིས་གསུངས། །པདྨོ་རིན་ཆེན་སྣ་ཚོགས་ཆེ། །ཐབས་ཀྱིས་སྦྱོར་བ་གར་མཛད་པ། །རྣམ་གྲངས་སེམས་ཀྱི་འཇིག་རྟེན་དུ། །བདེ་ཆེན་དཀྱིལ་འཁོར་ཉིད་ཀྱིས་གསུངས། །དེ་ནས་བཅོམ་ལྡན་འདས་ལ། ཐམས་ཅད་གར་དང་བཅས་པའི་ཕྱག །སོར་མོ་འདབ་མ་ཀུན་དུ་འདྲེལ། །རྡོ་རྗེ་ཐལ་མོ་གར་རྣམས་བསྒྱུར། །བརྗིད་བག་དག་ཏུ་རབ་ཏུ་བཅས། །གྲོལ་ཞིང་མ་མཆུ་ཚེམས་ཀྱིས་མནན། །ཆུ་སྐྱེས་འདབ་མ་བཞིན་དུ་གཟིགས་པས་བཤད། །དབྱངས་ལེན་པ་དང་གཅིག་ལ་གཅིག་བསྐུལ་དང་། །སྣང་ཞིང་ཀུན་དུ་མ་ཆགས་པར། །ཆགས་མེད་བདེ་བ་མཆོག་གིས་ནི། །བདེ་བའི་རྣལ་འབྱོར་གཟུངས་ཀྱིས་རྣམས། །སྟོབས་ཞིང་བདེ་བ་སྦྱིན་མཛད་པ། །ནམ་མཁའི་རང་བཞིན་བསམ་གྱིས་མི་ཁྱབ་སྟེ། །སྟོབས་ཤིང་བཞེངས་ཏེ་གྲུབ་པར་མཛོད། །ཆགས་པས་རབ་ཏུ་མི་གོས་པའི། །བདེ་བ་རེག་ཅིང་དགོངས་སུ་གསོལ། །དེ་ནས་བཅོམ་ལྡན་འདས་ཀུན་དུ་བཟང་པོ་ཆེན་པོ་དགྱེས་པ་ཆེན་པོས་བསྐུལ་བས་ཐུགས་སད་པར་གྱུར་ཏེ། ཤིན་ཏུ་དགྱེས་ནས་རྡོ་རྗེ་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཤིན་ཏུ་དགྱེས་པ་ཆེན་པོ་རྣལ་འབྱོར་གྱི་ཚོགས་ཀྱི་དཀྱིལ་འཁོར་དུ་ཤིན་ཏུ་དགྱེས་པའི་རྡོ་རྗེ་དབྱངས་ཀྱིས་མགུར་ལེན་ཅིང་། རྡོ་རྗེ་རྣམ་པར་རོལ་པ་ཡིས། བཅོམ་ལྡན་འདས་དགྱེས་བཞད་པས་བཞད་ཅིང་། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་གསང་བའི་ཐུགས་ཀ་ནས་མ་ཧཱ་སུ་ཁ་ཧཱུྃ་ཞེས་བརྗོད། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་མོ་ཡེ་ ― DNG013_Page_0125 ―
[མ་དཔེ་གཟིགས་ན་འདིར་གནོན།]
ཤེས་ཀྱི་དབྱིངས་དབང་ཕྱུག་མ་འདི་ཕྱུང་ངོ་། །ཟླ་གམ་སྟེང་དུ་ལྡན་པ་ཡི། །ཡེ་ཤེས་གཉིས་པོ་མ་ལྟ་བུ། །ཐིག་ལེ་མཚན་དུ་ལྡན་བྱས་ནས། །གསལ་བ་ཡེ་ཤེས་རྣལ་འབྱོར་མ། །ཨཱ་ལི་ཀཱ་ལི་འདྲེན་བྱས་མ། །རི་མོ་དབུས་སུ་བརྟག་བྱས་ཏེ། །དེ་ཡི་མགོ་དང་མཇུག་ཉིད་དུ། །ཁྲོ་བོ་གཉིས་པོ་མཆོག་པོས་བྱ། །འདི་ནི་བཙུན་མོ་རབ་གསང་བའི། །རྡོ་རྗེ་དཀྱིལ་འཁོར་རྣལ་འབྱོར་མའི། །དྲན་པ་ཙམ་གྱིས་འདི་དག་ཀྱང་། །བསོད་ནམས་ཀུན་གྱིས་བྱིན་བརླབས་འགྱུར། །ཨཱ་ལི་གཉིས་དབུས་རི་མོ་བྲི། །འདྲེན་པ་ཡང་དག་ལྡན་པ་སྟེ། །སྟེང་དུ་ཟླ་གམ་ཐིག་ལེར་དགའ། །མགོ་མཇུག་ཏུ་ཡང་གཞན་ཡང་བྲི། །འདི་ནི་གསལ་བའི་དོན་དམ་སྟེ། །རྣལ་འབྱོར་རིན་ཆེན་དབང་བསྐུར་སྦྱིན། །བསྟན་པས་བསོད་ནམས་ཐོབ་འགྱུར་ཏེ། །སྡིག་པ་རྣམས་ཀྱང་འཇིག་པར་བྱེད། །ཨཱ་ལི་གཉིས་དང་ལྡན་བྱ་སྟེ། །ཚེག་དྲག་ཡི་གེ་གཉིས་སུ་བཤད། །འདི་ནི་རབ་འགལ་ཀུན་དུ་ཆགས། །ཆུ་སྲིན་མ་ཞེས་བསྟན་པ་ཡིན། །དང་པོ་བསྐལ་པ་ཆེན་པོ་ཡི། །ཚེག་དྲག་པོ་དང་བཅས་པར་བཞག །སངས་རྒྱས་བྱང་ཆུབ་རབ་སྦྱིན་བྱེད། །བདག་ཉིད་ལ་མ་བཞག་ཡང་རུང་། །ཕྱག་རྒྱ་འདི་ཡིས་རྒྱས་བཏབ་སྟེ། །བསྒྲུབ་བྱ་དཀྱིལ་འཁོར་སྒྲུབ་བྱེད་ན། །དངོས་གྲུབ་མྱུར་དུ་ཐོབ་པར་འགྱུར། །དཀྱིལ་འཁོར་དམ་པ་རྣམས་ཀྱི་མཆོག །ཡེ་ཤེས་ཕྱག་རྒྱ་མངོན་གནས་པའི། །འཛིན་པའི་བསོད་ནམས་ཅི་འདྲ་བའི། །བྲིས་པ་ཡིས་ཀྱང་ཁྱབ་པར་འགྱུར། །ཨེ་མའོ་བདེ་བ་ཡེ་ཤེས་ཆེ། །འདི་ནི་ཡེ་ཤེས་སྐུ་འདི་ལ། །གནོད་བྱེད་པ་ནི་བསྟེན་བྱེད་ཅིང་། །འདི་ཡི་ཚུལ་གྱིས་ཐོབ་པར་འགྱུར། །ཁམས་གསུམ་མཆོག་གི་དཀྱིལ་འཁོར་འདིར། །འདི་ལས་རྒྱ་ཆེན་གཞན་མེད་དོ། །སྒྲུབ་པ་པོ་དང་སེམས་ཅན་ཀུན། །ཚེ་འདི་ཉིད་ལ་སངས་རྒྱས་འགྲུབ། །ཆེ་མཆོག་ཧེ་རུ་ཀ་གསང་བ་འདི་བཅོམ་ལྡན་འདས་དམ་ཚིག་གི་དཀྱིལ་འཁོར་རྒྱས་པ་མཆོག་ཏུ་གསང་བ་ལས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ ― DNG013_Page_0126 ―
[མ་དཔེ་གཟིགས་ན་འདིར་གནོན།]
བཙུན་མོ་རྣམས་ཀྱི་གསང་བ་ཆེན་པོ་རྣལ་འབྱོར་མ་དབང་ཕྱུག་ཆེན་མོ་རྣམས་ཀྱིས་མཆོག་ཏུ་གསང་བའི་དཀྱིལ་འཁོར་གྱི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ངོ་མཚར་དུ་གྱུར་ཏེ། དགྱེས་པའི་ཡིད་ཆེས་པ་དང་། མགུ་བ་དང་། ཡིད་དགའ་བ་སྐྱེས་ནས་ཤིན་ཏུ་དགྱེས་པ་ཆེན་པོ་རྡོ་རྗེ་བཞད་པས་མཛད་ཅིང་། ཡང་ཧེ་རུ་ཀའི་སྐུ་མདོག་ནི་སྣ་ཚོགས་པའོ། །བཅོམ་ལྡན་འདས་ཆེ་མཆོག་ཧེ་རུ་ཀ་ཞབས་བརྒྱད་ཕྱག་མཚན་སྣ་ཚོགས་པའོ། །དེ་ལས་སྤྲོས་ནས་ཕྱག་སྟོང་སྤྱན་སྟོང་གིས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བསམ་གྱིས་མི་ཁྱབ་པ་ན། ཤིན་ཏུ་མི་སྲུན་པས་གདུག་པ་ང་རྒྱལ་ཆེ་ཞིང་དྲེགས་པ་ཅན་ཐམས་ཅད་ལ་བཛྲ་ཛ་ལིའི་སྒྲ་སྣ་ཚོགས་འོད་ཟེར་དུ་གྱུར་ཏེ། དེ་ལས་སྤྲོས་པས་རིགས་བཞི་ཧེ་རུ་ཀ་དྲེགས་པ་ཅན་ཐམས་ཅད་ཚར་གཅོད་པའི་ཕྱིར། རཀྵ་ཧེ་རུ་ཀ་ཉོན་མོངས་པའི་དུག་གསུམ་དབང་དུ་སྡུད་ཅིང་འཇོམས་པའི་ཕྱིར་རཀྵ་ཧེ་རུ་ཀ །ཡེ་ཤེས་ཀྱི་དོན་དང་ལྡན་པའི་ཕྱིར་བྱི་ཤ་ཧེ་རུ་ཀ །དམ་ཚིག་ལས་མི་འདའ་བའི་ཕྱིར་ས་མ་ཡ་ཧེ་རུ་ཀ །དེ་ལས་འཕྲོས་པས་ཧེ་རུ་ཀ་སྟོང་རྩ་བརྒྱད། སྐུ་མདོག་དང་ཕྱག་མཚན་ཅིར་ཡང་སྤྲུལ་ནས་འགྲོ་བའི་དོན་མཛད་དོ། །ཀྲོ་དྷི་ཤྭ་རི་སྐུ་མདོག་སྣ་ཚོགས་པའོ། །དབུ་དགུ་ཕྱག་བཅྭ་བརྒྱད། ཞབས་བཞི་ཕྱག་ཆ་སྣ་ཚོགས་པའོ། །ཞབས་བརྒྱད་རྡོ་རྗེ་འབར་བ་མེ་དཔུང་གི་ནང་ན། ཧེ་རུ་ཀ་བཞི་ཞབས་བཞིས་མནན་པ། བཛྲ་ཧེ་རུ་ཀ །པདྨའི་སྦུབས་སུ་དཔྲལ་བའི་སྤྱན་ཕྱེད་ཙམ་ནུབ་པར་བཞུགས་པ། ཤིན་ཏུ་རྔམ་པའི་ཁྲོ་མོ་དབུའི་སྟེང་ན་ཧེ་རུ་ཀ་ཞབས་བརྒྱད་ཀྱིས་ཁྲོ་མོ་དབུ་བརྒྱད་མནན་པ་ཡང་དབུས་ཀྱི་གྱེན་དུ་བལྟས་པའི་ཞལ་ནི་ནང་དུ་རྡོ་རྗེ་བཅུག་ནས་གཉིས་སུ་མེད་པར་སྦྱོར་ཞིང་བྱང་ཆུབ་ཀྱི་སེམས་ཡུམ་གྱི་སྐུ་ལ་བསྡིམས། བྱང་ཆུབ་ཀྱི་སེམས་ཀྱི་རིགས་ཀྱི་ཧེ་རུ་ཀ་ཞབས་འོག་ཏུ་མནན་པ་ཡང་གཉིས་སུ་མེད་པར་སྦྱར་ཞིང་བྱང་ཆུབ་ཀྱི་སེམས་འབེབས། བཛྲ་ཛ་ལིའི་སྒྲ་སྣ་ཚོགས་པས་རབ་ཏུ་གཡོས་པར་གྱུར་ཏེ། འཇིག་རྟེན་གྱི་ལྷ་ཆེན་པོ་རྣམ་ ― DNG013_Page_0127 ―
[མ་དཔེ་གཟིགས་ན་འདིར་གནོན།]
པར་རབ་ཏུ་སྐྲག་ནས་སྐྱབས་སུ་གསོལ་ལོ། །མགྲིན་གཅིག་ཏུ་འདི་སྐད་ཅེས་གསོལ་ཏེ། རྡོ་རྗེ་འབར་བ་མེ་དཔུང་གིས། །བསྐལ་པ་བས་ཀྱང་བསྲེག་མཛད་ཅིང་། །འཇིགས་ཆེན་རྔམ་པའི་ཁྱད་པར་ཅན། །དབུ་མང་བསྒྲུབ་པའི་ཚིག་སྒྲོགས་ཤིང་། །ཕྱག་མང་འཇིགས་པའི་མཚོན་ཆ་བསྣམས། །ཞི་བའི་ཕྱག་སྟོང་སྤྱན་སྟོང་ཡང་། །འཇིག་རྟེན་རབ་ཏུ་སྤ་བཀོང་ན། །ཁྲོ་གཉེར་ཕྱག་སྟོང་སྤྱན་སྟོང་ཡང་། །རྒོད་དང་གཤེ་ཞིང་ཟ་བྱེད་པ། །འབར་བའི་མཚོན་ཆ་སྣ་ཚོགས་ཅན། །འཇིག་རྟེན་ཐལ་བར་རློག་མཛད་པ། །ཁྲོ་ཆེན་ཁྱོད་ལ་སྐྱབས་སུ་མཆི། །མ་དང་སྲིང་མོ་བུ་མོ་དང་། །ཆུང་མ་སླས་འདི་རྣམས་ཕུལ་ནས་སྐྱབས་སུ་གསོལ་ལོ། །ཆགས་པ་མེད་པའི་དབང་གི་ཐབས་ཀྱི་སྦྱོར་བས་དབང་བསྡུས་ཏེ། དམ་ཚིག་དང་མིང་བཏགས་ལག་ཏུ་རྡོ་རྗེ་བྱིན་ནས་རྡོ་རྗེ་འཆང་གི་གྲལ་དུ་དགོད་དོ། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་ཧེ་རུ་ཀ་རོལ་པ་ཆེན་པོའི་དོན་གྱི་གསང་བ་རབ་ཏུ་རྟོགས་པའི་ཡེ་ཤེས་རྒྱལ་པོ་སྐུ་དང་གསུང་དང་ཐུགས་ཀྱི་རོལ་པ་འདི་ཕྱུང་ངོ་། །དཀྱིལ་འཁོར་འདི་དག་ཐམས་ཅད་ནི། །གྲུ་བཞི་སྒོ་བཞི་མུ་ཁྱུད་བཅས། །ཐིག་གིས་ཡོངས་སུ་འཁོར་བར་བཏབ། །དབུས་སུ་པདྨ་འདབ་བརྒྱད་བྲི། །དབུས་ཀྱི་པདྨའི་སྙིང་པོ་ལ། །བཅོམ་ལྡན་ཆེ་མཆོག་ཧེ་རུ་ཀ །ཤར་དུ་བཛྲ་ཧེ་རུ་ཀ །ལྷོ་རུ་རཏ་ན་ཧེ་རུ་ཀ །ནུབ་ཏུ་པདྨ་ཧེ་རུ་ཀ །བྱང་དུ་ཀར་མ་ཧེ་རུ་ཀ །ཤར་ལྷོར་རཀྴ་ཧེ་རུ་ཀ །ལྷོ་ནུབ་ཡཀྵ་ཧེ་རུ་ཀ །ནུབ་བྱང་བྱི་ཤ་ཧེ་རུ་ཀ །བྱང་ཤར་ས་མ་ཡ་ཧེ་རུ་ཀ །བདེར་གཤེགས་ཡུམ་དང་བཅས་པ་དགོད། །དེའི་ཕྱི་རིམ་སྣམ་བུ་ལ་ཡེ་ཤེས་ལས་གྲུབ་པའི་ཕྲ་མེན་མ་བཅུ་དྲུག་དགོད། དེ་ཡི་ཕྱི་རིམ་སྒོ་བཞི་ཐོད་པས་བསྐོར། །གཤིན་རྗེ་འཇོམས་དང་སྟོབས་པོ་ཆེ། །རྟ་མགྲིན་དང་ནི་བདུད་རྩི་འཁྱིལ། །སྒོ་བཞི་དག་ཏུ་རིམ་བཞིན་ནོ། །སྐུ་དང་ཕྱག་མཚན་ཅིར་ཡང་འགྱུར་ཏེ་གཅིག་ཏུ་མ་ངེས་པའོ། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་དེ་ཁོ་ན་ཉིད་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །བཅོམ་ལྡན་འདས་དཔལ་པདྨ་ ― DNG013_Page_0128 ―
[མ་དཔེ་གཟིགས་ན་འདིར་གནོན།]
ཧེ་རུ་ཀ་དབུ་ལྔ་ཕྱག་བཅུ་དྲུག་པ། གཤོག་པ་རྡོ་རྗེས་གཏམས་པ། ཞབས་བརྒྱད་ཆས་དང་བརྒྱན་ཅིང་། ཕྲ་མེན་མ་བཅུ་དྲུག་གི་འཁོར་དང་། དབང་ཕྱུག་མ་ཉི་ཤུ་རྩ་བརྒྱད་ཀྱི་འཁོར་གྱིས་བསྐོར་ནས་བཞུགས་ཏེ་སྤྲུལ་པ་ལས་བཅོམ་ལྡན་འདས་རྟ་མཆོག་ཆགས་པ་ཆེན་པོ་རཀྟ་དང་། རུས་གོང་གསར་སྙིང་གི་ནང་ན་ཐབས་དང་ཤེས་རབ་ཀྱི་ཚུལ་དུ་ཞིང་བསྣོལ་མའི་གདན་ཁྲི་ལ་བཞུགས་སོ། །དབུ་གསུམ་ཕྱག་དྲུག་ཞབས་བཞིས་ཀླུ་ཆེན་པོ་རྣམས་བརྫིས་པ། རྡོ་རྗེ་བྲག་རིས་གཏམས་པ་རྡོ་རྗེ་མེ་ཕུང་འབར་བའི་ནང་ན་བཞུགས་པ། དབུ་གཙུག་ནས་རྟ་མགོ་ལྗང་གུ་ལྔ་བྱུང་བ། སྦྲུལ་ནག་གི་ཆུན་པོ་སྟག་ལྤགས་ཀྱི་ཤམ་ཐབས་བགོས་པ། ཐོད་པའི་ཕྲེང་བས་བརྒྱན་པ། ཞིང་བསྣོལ་མའི་ཁྲི་ལ་བཞུགས་པ། བཅོམ་ལྡན་འདས་རྟ་མཆོག་ཆགས་པ་ཆེན་པོས་འདི་སྐད་ཅེས་བཀའ་སྩལ་ཏོ། །ཧཱུྃ་ནུབ་ཕྱོགས་སངས་རྒྱས་ཞིང་ཁམས་ནས། །དེ་ཉིད་རང་སྣང་མཉམ་ཉིད་དཀྱིལ་འཁོར་ན། །བདེ་བ་ཆེན་པོ་དཔལ་འབར་མཆོག་གི་ལྷ། །འདུ་འབྲལ་མེད་པ་ཐུགས་རྗེ་དབང་གི་ལྷ། །དབང་མཆོག་ངོ་མཚར་རྔོམ་བརྗིད་དབང་གི་ལྷ། །དཔལ་ཆེན་པདྨའི་ཐུགས་ནི་རིན་པོ་ཆེ། །ཁྲོ་བོར་སྟོན་ཀྱང་ཞི་བའི་ཆ་ལུགས་ཅན། །སྙིང་རྗེ་ཡུམ་གྱི་མཁའ་ལ་སྤྲུལ་པ་སྣ་ཚོགས་ཅིར་འགྱུར་ཡང་། །འགྲོ་བའི་དོན་དུ་དཔལ་ཆེན་བཞེངས་སུ་གསོལ། །དེ་ནས་བཅོམ་ལྡན་འདས་རྟ་མགྲིན་དེ་ཉིད། ཡུལ་ལ་མ་ཆགས་བྲག་ཕུག་དགོན་པ། ཟས་ལ་མ་ཆགས་རྩྭའི་རྩ་བ། གོས་ལ་མ་ཆགས་ཤིང་གི་ཤུན་པ། སྐོམ་ལ་མ་ཆགས་བྲག་གི་ཐིགས་པ། བྲག་རི་མི་བརྟེན་ཤིང་ལ་བརྟེན། ཤིང་ལ་མི་བརྟེན་ཆུ་ལ་བརྟེན། ཆུའི་སྙིང་པོ་འཚེར་བ་གཅིག་ཏུ་སྤྲུལ་ནས་འགྲོ་བའི་དོན་མཛད་དོ། །ཧ་ཡ་གྲཱི་བ་རྟ་མཆོག་དཔལ། སྐུ་མདོག་དམར་པོ་སྟག་གི་ཤམ་ཐབས་ཅན། །སྦྲུལ་ནག་སྟོང་གིས་བརྒྱན་པས་བརྗིད་ཆགས་པས་དབུ་སྐྲ་ཁམ་ནག་རལ་པ་མུན་ཙ་ཅོད་པན་ཅན། དབུའི་གཙུག་ནས་བདུད་རྩི་རྣམ་སྤྲུལ་པ། །སྨིན་མཚམས་སྣ་བྲག་ཀུན་ནས་ ― DNG013_Page_0129 ―
[མ་དཔེ་གཟིགས་ན་འདིར་གནོན།]
གློག་སྟོང་འཕྲོ། །དབུའི་གཙུག་ནས་རིགས་ལྔའི་སངས་རྒྱས་བསྐྱེད་ནས་ནི། །སྙན་ནས་སྒྲ་བྱུང་འབྲུག་སྐད་ལྡིར། །སྤྱན་ནས་མེ་བྱུང་ཁམས་གསུམ་སྲེག །ཤངས་ནས་རླུང་འབྱུང་འཇིག་རྟེན་འཐོར། །ཞལ་ནས་ཁྲག་འཛག་རྒྱ་མཚོར་འཁྱིལ། །མ་མོ་དམ་ཅན་རྣམས་ཀྱང་དམ་ལ་འདུ། །རྟ་སྐད་ཐེང་གསུམ་འཚེར་བས་སྲིད་པ་དབང་དུ་སྡུད། །རྟ་བྲོ་ཐེང་གསུམ་བརྡུངས་པས་བདུད་བཞི་ཟིལ་གྱིས་མནན། །པདྨ་རྒྱལ་པོ་རྟ་མཆོག་དཔལ། །དཀར་པོའི་མདོག་ལ་དམར་པོའི་ཞལ། །སྐུ་མདོག་མཐིང་གའི་ཁྲོ་གཉེར་ཅན། །སྟན་ནི་དུང་གི་ཁོང་སེང་ཅན། །མུ་མེད་ཁམས་ནི་ཅི་མཆིས་གསན། །སྤྱན་གཉིས་ཉི་ཟླའི་ཕྲུགས་སུ་བཅས། །ཁམས་གསུམ་དག་ནི་ཅི་མཆིས་གཟིགས། །རྟོག་པ་མཚོན་གྱི་ལྕང་ལོ་ཅན། །རྔ་མ་ལྕགས་ཀྱི་གཡབ་མོས་འདེབས། །ཤངས་ནས་མེ་ཕུང་འབར་བའི་ཚུབ་མ་འཐོར། །ཞལ་ནས་མི་བཟད་ལྕགས་ཀྱི་སེར་ཆེན་འབེབས། །གཡས་པ་གསུམ་པོ་བ་དན་འཕྱར། །གཡོན་པ་སྡིགས་པའི་མཛུབ་མོ་བསྒྲེང་། །གེའུ་རི་གཤོག་པ་གསང་བའི་ཕྱག་རྒྱ་ཡིས། །ན་བ་རྣམས་ནི་སོས་པར་བྱེད། །རྟ་སྐད་བཞད་ལ་རྟ་བྲོ་བརྡུང་། །རྟ་སྐད་ཆེན་པོ་ཐང་གཅིག་གིས། །ཀླུ་རྒྱལ་རིས་དྲུག་དབང་དུ་སྡུད། །རྟ་སྐད་ཆེན་པོ་ཐང་གཅིག་གིས། །མ་ཚོགས་དབང་ཕྱུག་དབང་དུ་སྡུད། །རྟ་སྐད་ཆེན་པོ་ཐང་གཅིག་གིས། །བགེགས་ཀྱི་ཚོགས་རྣམས་དབང་དུ་སྡུད། །རྟ་བྲོ་ལན་གསུམ་བརྡུངས་པ་ཡིས། །བདུད་བཞི་ཀུན་ཀྱང་ཟིལ་གྱིས་གནོན། །དཔག་ཚད་འོག་ན་བདུད་གནས་པ། །ཀླད་དུ་རྒྱོབ་ལ་ཐལ་བར་རློགས། །ཡབ་གཅིག་རེ་བྱམས་རྟ་མཆོག་དབང་། །རྟ་རྐུན་ཚུལ་དུ་གར་བྱེད་ཀྱིས། །གར་གྱི་བརྡ་ལ་ད་ཚུར་སྤྱོན། །རྟ་རྐུན་ཚུལ་དུ་སྤྱུགས་འདོར་གྱིས། །སྤྱུགས་པའི་རྟ་ལ་ད་ཚུར་སྤྱོན། །རྟ་རྐུན་ཚུལ་དུ་གཡབ་འདོར་གྱིས། །གཡབ་མོ་བརྡ་ལ་ད་ཚུར་སྤྱོན། །ཧཱུྃ་གིས་རྒྱུ་དྲུག་རྩ་ནས་གཅོད། །ཕྲིན་ལས་ཞི་བར་མཛོད་ཅིག་རྟ་མཆོག་དབང་། །སྲིད་གསུམ་འགྲན་ཟླ་མེད་པ་རྒྱལ་བའི་མཐུ། །ཆེ་བཙན་ཀུན་ལས་ ― DNG013_Page_0130 ―
[མ་དཔེ་གཟིགས་ན་འདིར་གནོན།]
འཕགས་པས་པདྨ་གར་གྱི་དབང་ཕྱུག་ཆེ། །གར་མཁན་སྒྱུ་འཕྲུལ་ཀུན་ལས་ཐབས་ཀྱི་རྒྱལ་པོར་གྲགས། །བྱམས་ལྡན་གར་གྱི་དབང་གིས་ཕྲིན་ལས་མཛོད། །རྟག་ཏུ་གྲུབ་མཆོག་རེ་ཞིང་འབོད་འགྲོགས་ན། །བྱམས་ལྡན་མགོན་པོ་བདག་ལ་ཅི་ཕྱིར་ཐུགས་མི་བརྩེ། །ལྟ་མཆོག་བདག་གིས་འབད་ཀྱང་འབྲས་བུ་མ་མཆིས་ན། །ཡེ་ཤེས་ལྷ་མཆོག་ཁྱོད་ཀྱིས་ཐུགས་རྗེར་རུང་ལགས་སམ། །དངོས་གྲུབ་སྩོལ་བར་མི་དམིགས་ཀྱང་། །སྔོན་གྱི་ཐུགས་དམ་དབང་གིས་དངོས་གྲུབ་སྩོལ། །ཡུམ་ཆེན་ཨེ་ཀ་ཛ་ཊི་མ། །རལ་པ་གཅིག་མས་དེ་སྐད་བསྐུལ་ལོ། །ཡང་ཡབ་ཀྱིས་བསྐུལ་བ་འཁྱུད་པར་བསྟེན་པའི་རྣལ་འབྱོར་མ། བདུད་ཀྱི་ཡུམ་ལ་གཤིན་རྗེའི་ལྕམ། །འདོད་པའི་ཁམས་ཀྱི་དབང་ཕྱུག་མ། །དཔལ་ལྡན་ཆེན་མོ་རེ་མ་ཏི། །མ་ཆེན་ཨེ་ཀ་ཛ་ཊི་མ། །གུ་ཧྱ་གསང་ཆེན་རལ་གཅིག་མ། །རེ་ཏ་ཆེན་མོ་ཙ་མུན་ཊ། །སྲིན་མོ་དཀར་མོ་ཆེན་མོའི་ཚོགས། །དཔལ་ལྡན་རྡོ་རྗེ་དམ་ཤིན་ཏི། །ནམ་མཁའི་ཁམས་ཀྱི་རྣམ་རྒྱལ་དཔལ། །ཡི་དམ་རྒྱལ་མོ་གཡུ་འཕྲོ་མ། །ལས་ལ་འཁྲིལ་ཅིང་ཆོས་ལ་བསྟན། །དབུ་རྣམས་འབྱིན་ཅིང་འདུད་པའི་ཚུལ། །གཉིས་མེད་དབྱིངས་ཀྱི་ངང་དུ་འཁྲིལ། །དེ་ནས་སྙིང་པོ་དྲན་ཙམ་གྱིས། །པདྨ་ཏ་ཀྲིད་ཧ་ཡ་གྲི་བ། ཧུ་ལུ་ཧུ་ལུ། ཨེ་ཨཱ་ར་ལི་ཧྲིང་ཧྲིང་ཧྲིང་། ཨེ་ཀ་ཛ་ཊི་ས་མ་ཡ་ཧཱུྃ། རུ་ལུ་རུ་ལུ་ཧཱུྃ་བྷྱོ་ཧཱུྃ། སྔགས་ཀྱི་ཕྱག་རྒྱ་སྦྱོར་བ་ཡིས། །དབྱིངས་གསུམ་རྣམ་པར་དག་པས་བསྒྲུབ། །དེ་ནས་སྐྱོ་ནས་བསྡུ་བ་ནི། །ཧཱུྃ་ཧཱུྃ་ཞེས་ནི་རབ་བརྗོད་དེ། །ཕྱག་རྒྱ་ཆེན་པོ་སྐུ་གཉིས་ནི། །སང་ཧར་ན་ཧཱུྃ་ཞེས་རབ་ཏུ་བརྗོད། ཡབ་ཀྱང་ཡུམ་ལ་བསྡུ། ཡུམ་ཡང་ཆོས་ཀྱི་དབྱིངས་སུ་བསྡུ། བཅོམ་ལྡན་འདས་དཔལ་ཀུན་དུ་བཟང་པོ་དང་། ཁོ་ན་ཉིད་ཀྱི་སྐུ་དང་གསུང་ཐུགས་རྡོ་རྗེ་ལས་ཕྱུང་ངོ་། །རྟ་མགྲིན་དབང་གི་དཀྱིལ་འཁོར་ནི། །ཆ་ནི་བཅུ་གཉིས་ཚད་དུ་བྱ། །དཀྱིལ་འཁོར་དབང་གི་རང་བཞིན་དམར་པོ་ནི། །དབུས་སུ་པདྨ་འདབ་བརྒྱད་བྲི་བར་བྱ། །པདྨོའི་སྙིང་པོ་ལ་བཅོམ་ལྡན་འདས་དཔལ་རྟ་མགྲིན་དབུ་ ― DNG013_Page_0131 ―
[མ་དཔེ་གཟིགས་ན་འདིར་གནོན།]
གསུམ་ཕྱག་དྲུག་ལ་ཤར་གྱི་པདྨ་ལ་བཛྲ་ཧེ་རུ་ཀ །ལྷོར་རཏྣ་ཧེ་རུ་ཀ །ནུབ་ཏུ་པདྨ་ཧེ་རུ་ཀ །བྱང་དུ་ཀར་མ་ཧེ་རུ་ཀ །མཚམས་བཞིར་ཡུམ་བཞི། དེའི་ཕྱི་རིམ་དུ་ཀོའུ་རི་མ་བརྒྱད་དང་། སིང་ཧ་མ་བརྒྱད་དང་བཅུ་དྲུག །སྒོ་བཞི་སྒོ་ཁྱུད་དང་བཅས་པའོ། །སྒོ་བཞི་རིམ་བཞིན་དང་མཐུན། དེ་ནས་བཅོམ་ལྡན་འདས་ཀུན་དུ་བཟང་པོ་དེ་ཁོ་ན་ཉིད་རབ་གསང་བའི་ཐུགས་ཀ་ནས་ཕྱུང་ངོ་། །སྐུ་དང་གསུང་དང་ཐུགས་ཀྱི་རྒྱུད། །ཟ་བྱེད་ཆེན་མོ་ཚོགས་ཀྱི་བདག །ཡོན་ཏན་ཕྲིན་ལས་རྫོགས་མཛད་པ། །རྡོ་རྗེ་ཤུགས་ཅན་དང་། རྡོ་རྗེ་འཇིགས་སུ་རུང་བ་དང་། རྡོ་རྗེ་གྲགས་པ་དང་། རྡོ་རྗེ་སྙིང་པོ་དང་། རྡོ་རྗེ་སྒྱུ་འཕྲུལ་དང་། རྡོ་རྗེ་གསུས་པོ་ཆེ་དང་། རྡོ་རྗེ་གད་མོ་དང་། རྡོ་རྗེ་གད་རྒྱངས་ཅན་དང་། རྡོ་རྗེ་གྲགས་ཅན་དང་། རྡོ་རྗེ་ཧ་ཧ་གད་མོ་ཅན་དང་། རྡོ་རྗེ་ཧེ་ཧེ་གྲགས་ཆེན་དང་། རྡོ་རྗེ་བགེགས་གནོན་པའི་རྒྱལ་པོ་དང་། རྡོ་རྗེ་གཤིན་རྗེ་གཤེད་པོ་ཅན་དང་། རྡོ་རྗེ་ལས་ཀྱི་བདག་པོ་དང་། རྡོ་རྗེ་མི་གཡོ་མགོན་པོ་དང་། རྡོ་རྗེ་བསྒྱིངས་པ་དང་། རྡོ་རྗེ་གླང་པོ་ཆེ་དང་། རྡོ་རྗེ་ཀོ་བ་རློན་པ་དང་། རྡོ་རྗེ་སེམས་དཔའ་ཆེན་པོ་དང་། རྡོ་རྗེ་རྒྱལ་པོ་དང་། རྡོ་རྗེ་མིག་མི་ཟད་དང་། རྡོ་རྗེ་བདེ་བ་དང་། རྡོ་རྗེ་སོའི་ཕྲེང་བ་ཅན་དང་། རྡོ་རྗེ་དུང་ཆེན་དང་། རྡོ་རྗེ་ཁུ་ཚུར་དང་། རྡོ་རྗེ་ཏིང་ངེ་འཛིན་དང་། རྡོ་རྗེ་གཡབ་མོ་དང་། རྡོ་རྗེ་དགའ་བ་དང་། རྡོ་རྗེ་འདེགས་པ་དང་། རྡོ་རྗེ་ཧཱུྃ་ཆེན་དང་། རྡོ་རྗེ་མདའ་དང་། རྡོ་རྗེ་གཞུ་བདུངས་དང་། རྡོ་རྗེ་རལ་གྲི་དང་། རྡོ་རྗེ་རྡོ་རྗེ་དང་། རྡོ་རྗེ་གཡུལ་ཟློག་དང་། རྡོ་རྗེ་འབར་བ་དང་། རྡོ་རྗེ་ས་དང་། རྡོ་རྗེ་ཆུ་དང་། རྡོ་རྗེ་མེ་དང་། རྡོ་རྗེ་རླུང་དང་། རྡོ་རྗེ་ནམ་མཁའ་དང་། རྡོ་རྗེ་ཡང་དག་དང་། རྡོ་རྗེ་སྒྲ་འབར་དང་། རྡོ་རྗེ་འབེབས་པ་དང་། རྡོ་རྗེ་མིག་བརྒྱ་མ་དང་། རྡོ་རྗེ་བ་སྤུ་མ་དང་། རྡོ་རྗེ་སེན་མོ་སྐྱེས་པ་དང་། རྡོ་རྗེ་ཟངས་ཀྱི་པགས་པ་ཅན་དང་། རྡོ་རྗེ་ལྕགས་ཀྱི་མཆེ་བ་ཅན་དང་། རྡོ་རྗེ་སྤུ་གྲི་སོ་ཅན་དང་། རྡོ་རྗེ་པགས་པ་མཁྲེགས་པ་དང་། རྡོ་རྗེ་ཕྲེང་བ་ཐོགས་པ་དང་། རྡོ་རྗེ་རྒྱན་པ་དང་། རྡོ་རྗེ་རྣོན་པོ་དང་། རྡོ་རྗེ་ཀཱི་ལ་ཡ་དང་། རྡོ་རྗེ་དཔལ་ ― DNG013_Page_0132 ―
[མ་དཔེ་གཟིགས་ན་འདིར་གནོན།]
ལྡན་པ་དང་། རྡོ་རྗེ་རྣམ་པར་དག་པའི་སྙིང་པོ་དང་། རྡོ་རྗེ་ཟ་བྱེད་དང་། རྡོ་རྗེ་འཇམ་པའི་དབྱངས་དང་། རྡོ་རྗེ་ཆེན་པོ་དང་། རྡོ་རྗེ་འཇིག་རྟེན་དབང་ཕྱུག་དང་། རྡོ་རྗེ་སྨྲ་བ་དང་། རྡོ་རྗེ་སྐྱེས་མཆོག་དང་། རྡོ་རྗེ་སེང་གེ་དང་། རྡོ་རྗེ་ཀུན་དུ་ལྟ་བ་དང་། རྡོ་རྗེ་མཆོག་ཏུ་དགའ་བ་དང་། རྡོ་རྗེ་གཟི་བརྗིད་དང་། རྡོ་རྗེ་འོད་བཟངས་དང་། རྡོ་རྗེ་གྲགས་པ་དང་། རྡོ་རྗེ་སྣང་བ་པོ་དང་། རྡོ་རྗེ་སྐུ་དང་། རྡོ་རྗེ་གསུང་དང་། རྡོ་རྗེ་ཐུགས་དང་། རྡོ་རྗེ་འོད་གསལ་བ་དང་། རྡོ་རྗེ་སྤྲིན་རྣམ་པར་འཐོར་བ་དང་། རྡོ་རྗེ་ཆར་པ་སྟོན་དང་། རྡོ་རྗེ་རྣལ་འབྱོར་ཆེན་པོ་དང་། རྡོ་རྗེ་རིན་ཆེན་ཀུན་བདག་དང་། རྡོ་རྗེ་འཆང་བ་པོ་དང་། རྡོ་རྗེ་ཉི་མ་དང་། རྡོ་རྗེ་སྣང་བ་དང་། རྡོ་རྗེ་ཟླ་བ་དང་། རྡོ་རྗེ་དྲི་མ་མེད་པ་དང་། རྡོ་རྗེ་ཆགས་པ་བྲལ་བ་དང་། རྡོ་རྗེ་སྐྱིལ་ཀྲུང་དང་། རྡོ་རྗེ་འོད་པོ་ཆེ་དང་། རྡོ་རྗེ་པདྨ་སྐྱེས་པ་དང་། རྡོ་རྗེ་ཐམས་ཅད་ཀུན་མཁྱེན་དང་། རྡོ་རྗེ་མཛོད་འཛིན་པ་དང་། རྡོ་རྗེ་ཕ་རོལ་ཕྱིན་པ་དང་། རྡོ་རྗེ་རབ་ཏུ་ལྡན་པ་དང་། རྡོ་རྗེ་རྣམ་པར་དག་པ་དང་། རྡོ་རྗེ་འཁོར་ལོ་དང་། རྡོ་རྗེ་གཤོག་པ་ཅན་གྱི་ཚོགས་དང་། རྡོ་རྗེ་ནུ་མ་ཅན་གྱི་ཚོགས་དང་། རྡོ་རྗེ་སྡེར་མོ་ཅན་གྱི་ཚོགས་དང་། རྡོ་རྗེ་མཆེ་བ་ཅན་གྱི་ཚོགས་དང་། རྡོ་རྗེ་བཞད་པ་དང་། རྡོ་རྗེ་ཏིང་ངེ་འཛིན་དང་། རྡོ་རྗེ་ལོངས་སྤྱོད་རྫོགས་པའི་སྐུ་དང་། རྡོ་རྗེ་སྤྲུལ་པའི་སྐུ་དང་། རྡོ་རྗེ་རྒྱུད་འཆང་བ་པོ་དང་། རྡོ་རྗེ་ཕྱོགས་བཅུར་སྤྲུལ་པ་དགྱེས་པ་པོ་དང་། རྡོ་རྗེ་དོན་བྱེད་པ་པོ་དང་། རྡོ་རྗེ་ལྷའི་དབང་པོ་དང་། རྡོ་རྗེ་ལྷ་མིན་བདག་པོ་དང་། རྡོ་རྗེ་འཆི་མེད་ལྷའི་དབང་པོ་དང་། རྡོ་རྗེ་འཇོམས་པར་བྱེད་པ་དང་། རྡོ་རྗེ་ཆོས་ཀྱི་སྦྱིན་བདག་དང་། རྡོ་རྗེ་བྱམས་པ་དང་། རྡོ་རྗེ་ཤེས་རབ་རྣོན་པོ་དང་། རྡོ་རྗེ་ཐོག་ཐོག་ལྕགས་ཀྱི་གསོར་ཆེན་འབེབས་པ་དང་། རྡོ་རྗེ་ཏེག་ཏེག་སྟོང་གསུམ་འགྱེད་པ་དང་། རྡོ་རྗེ་ཐིབ་ཐིབ་མྱོས་པར་བྱེད་པ་དང་།རྡོ་རྗེ་འུར་འུར་འབྲུག་སྒྲ་སྒྲོགས་པ་དང་། རྡོ་རྗེ་ཆེམ་ཆེམ་གནན་ལྕགས་འབེབས་པ་དང་། རྡོ་རྗེ་ཡུད་ཙམ་གློག་འབྱིན་པ་དང་། རྡོ་རྗེ་ཤིག་ཤིག་ཁམས་གསུམ་བསྒུལ་བ་དང་། རྡོ་རྗེ་ཡེ་ཤེས་འབོག་བྱེད་དང་། རྡོ་རྗེ་མི་སྲུང་ ― DNG013_Page_0133 ―
[མ་དཔེ་གཟིགས་ན་འདིར་གནོན།]
སྨྱོང་བར་བྱེད་པ་དང་། རྡོ་རྗེ་ཁ་ཊྭཱཾ་རྒྱལ་བར་བྱེད་པ་དང་། རྡོ་རྗེ་དབང་ཕྱུག་སྡིགས་ཤིང་སྡང་བར་བྱེད་པ་དང་། རྡོ་རྗེ་སྦྲུལ་གྱི་ཞགས་པ་དང་། རྡོ་རྗེ་གནོད་སྦྱིན་སྲོག་གཅོད་པ་དང་། རྡོ་རྗེ་ཁྲག་འཐུང་སྙིང་ཁྲག་འཐུང་བ་དང་། རྡོ་རྗེ་དཔལ་སྙིང་སྲེག་པ་དང་། རྡོ་རྗེ་མདུང་ཐུང་འབུགས་པར་བྱེད་པ་དང་། རྡོ་རྗེ་ཁྲག་ཟ་བར་བྱེད་པ་དང་། རྡོ་རྗེ་ཚིལ་ཟ་བར་བྱེད་པ་དང་། རྡོ་རྗེ་རྐང་ཟ་བར་བྱེད་པ་དང་། རྡོ་རྗེ་ཤ་ཟ་བར་བྱེད་པ་དང་། ཡེ་ཤེས་ལས་སྤྲུལ་པའི་ཁྲོ་བོ་འདི་རྣམས་ཀྱང་འཐུང་བར་བྱེད། ཞལ་དུ་འདྲེན་པར་བྱེད། མཁའ་ལ་རློམ་པར་བྱེད། ཞལ་དུ་རྔུབ་ཅིང་ཟ་བར་བྱེད། དབང་དུ་སྡུད་ཅིང་ཚར་གཅོད་པར་བྱེད། ཐོ་བས་རྡེག་པར་བྱེད། ཕུར་བུས་འདེབས་པར་བྱེད། རལ་གྲིས་གཅོད་པར་བྱེད། བེ་ཅོན་གྱིས་རྡུང་བར་བྱེད། འཁོར་ལོས་ལུས་གཏུབ་པར་བྱེད། དགྲ་སྟྭས་གཤེག་པར་བྱེད། རྡོ་རྗེས་མགོ་མཇུག་མེད་པར་རྡེག་པར་བྱེད། རྡོ་རྗེ་རྒྱ་གྲམ་གྱིས་ཕྱེད་ཚལ་དུ་བྱེད། རྡོ་རྗེ་མདས་གཏིང་འབུགས་པར་བྱེད། མཚོན་སྤུ་གྲི་མ་ལས་གཤེག་ཅིང་དྲལ་བར་བྱེད་ཅིང་ལྕགས་ཀྱུས་འགུགས་པར་བྱེད། ཞགས་པས་འཆིང་བར་བྱེད། ལྕགས་སྒྲོག་གིས་སྡོམ་པར་བྱེད། རྡོ་རྗེ་རྒྱ་གྲམ་ཕྱེད་ཀྱིས་དབང་དུ་བསྡུས་ནས་ལས་ཐམས་ཅད་གྲུབ་པར་བྱེད་དོ། །རྡོ་རྗེ་མཚོན་ཆའི་སྔགས་སོ། །ཨོཾ་བི་ཤྭ་བཛྲ་ཀྲོ་དྷ་ཛྭ་ལ་མཎྜ་ལ་ཕཊ་ཕཊ། ཧ་ལ་ཧ་ལ་ཧཱུྃ། བཛྲ་ཛ་མན་ཏྲ་སུཾ་བྷ་ནི། ཨོཾ་བྲུཾ་ཧཱུྃ་བྲུཾ་ཏྲུྃ་བྲུཾ་ཧི་བྲུཾ་ཧ་བྲུཾ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཕཊ་ཕཊ། གྲངས་ངེས་པ་འདིར་བསྟན་ཏོ། །ལན་གྲངས་ཉི་ཤུ་རྩ་བརྒྱད་བཟླས་ཏེ། དེ་སྐད་ཅེས་རྡོ་རྗེ་མཚོན་ཆའི་ཆར་འདེབས་སོ། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་སྐུ་དང་གསུང་དང་ཐུགས་རྡོ་རྗེ་ལས་ཚེ་བསྒྲུབ་པ་འདི་ཕྱུང་ངོ་། །དཀྱིལ་འཁོར་འདི་དག་ཐམས་ཅད་ནི། །ཆག་ནི་དགུ་ཡི་ཚད་དུ་བྱ། །ཐིག་གིས་ཡོངས་སུ་འཁོར་བར་གདབ། །དབུས་སུ་འཁོར་ལོ་རྩིབས་བཞི་བྲི། །འཁོར་ལོ་དག་གི་ལྟེ་བ་ལ། །བཅོམ་ལྡན་ཀུན་དུ་བཟང་པོ་བྲི། །ཤར་དུ་རྡོ་རྗེ་སེམས་དཔའ་བྲི། །ལྷོ་ ― DNG013_Page_0134 ―
[མ་དཔེ་གཟིགས་ན་འདིར་གནོན།]
རུ་རིན་ཆེན་འབྱུང་ལྡན་བྲི། །ནུབ་ཏུ་སྣང་བ་མཐའ་ཡས་བྲི། །བྱང་དུ་དོན་ཡོད་གྲུབ་པ་བྲི། །ཕྱི་རིམ་རྡོ་རྗེ་ར་བས་བསྐོར། །གྲྭ་བཞིར་དགོད་པར་བྱ་བ་ནི། །ཤར་དུ་རྡོ་རྗེ་དབྱིངས་ཕྱུག་བྲི། །ལྷོ་རུ་རིན་ཆེན་དབྱིངས་ཕྱུག་བྲི། །ནུབ་ཏུ་པདྨ་དབྱིངས་ཕྱུག་བྲི། །བྱང་དུ་ལས་ཀྱི་དབྱིངས་ཕྱུག་བྲི། །དེ་ཡི་ཕྱི་རིམ་སྣམ་བུ་ལ། །སྒོ་བཞི་སྒོ་ཁྱུད་བཅས་པར་དགོད། །སྒོ་བཞི་ནི་དཀྱིལ་འཁོར་གཞན་དང་མཐུན། དེ་རྣམས་ཀྱང་ཕྱག་མཚན་ཚེའི་བུམ་པ་རེ་རེ་འཛིན་ཅིང་བསྣམས་པ། གདན་པདྨ་ལ་བཞུགས་པ་ཤ་དག་གོ། །དེ་ནས་ཚེ་དབུབ་པར་བྱ་བ་དང་། ཚེ་གཤིན་རྗེ་ནག་པོའི་ལག་ནས་དབྲོག་པ་དང་། ཚེ་གང་གཡབ་པ་དང་། ཚེ་བཅིང་ཞིང་བསྡམས་པ་དང་། ཚེ་དབང་དུ་བསྡུ་བ་དང་། ཚེ་ཡོངས་སུ་སྤེལ་བ་དང་། ཚེ་རྒྱས་པར་བྱ་བ་དང་། ཚེ་རིང་ཞིང་བདུད་ཀྱིས་བར་མི་ཆོད་པར་བྱ་བ་དང་། ཚེ་སྐུ་གསུང་ཐུགས་ཀྱི་དངོས་གྲུབ་ཐོབ་པར་བྱ་བ། ཚེ་སྐྱེ་ཤི་མེད་པའི་འབྲས་བུ་ཆོས་ལྷུན་གྱིས་གྲུབ་པའོ། །དེ་ནས་བཅོམ་ལྡན་འདས་ཀུན་དུ་བཟང་པོས་ལྷ་མོ་ལྕགས་ཀྱུ་ཐོགས་པ་གྲངས་མེད་པ་སྤྲོས་ནས། ཨོཾ་བྲུཾ་བཛྲ་ཨཱ་ཡུ་ཤེ་ཧཱུྃ་ཞེས་བཀའ་སྩལ་པ་དང་། བདུད་གཤིན་རྗེ་ནག་པོའི་སྙིང་དྲལ་ཏེ། ཤོག་ཤོག་སྐྱ་བོ་རླུང་གིས་བཏབ་པ་བཞིན། དུན་དུན་ཁྱར་ཁྱར་འོང་བ་དེ་ལ་གཤིན་རྗེའི་ཅོ་ཏོ་ནས་བཟུང་ནས་འདྲད་ཀྱིས་བསྒྱེལ་ཏེ། རྡོ་རྗེ་སྙིང་གར་བཞག་ནས། ལག་པ་ནས་ཧུར་གྱིས་ཕྲོགས་ནས། ཚེའི་གཡབ་དར་དང་། ཕྱག་རྒྱས་གཡབ་པ་དང་། རི་རབ་རྩེ་ལ་སྦས་པ། རྒྱ་མཚོའི་གཏིང་དུ་སྦས་པ། བར་སྣང་གི་ཁམས་ལ་སྦས་པ། ཕྱོགས་བཞི་མཚམས་བརྒྱད་སྟེང་འོག་བཅུ་ནས་བཀུག་ཅིང་ཚེ་བླངས་ཏེ་ཞགས་པའི་ཚོགས་ཀྱིས་བཅིངས། ལྕགས་སྒྲོག་གི་ཚོགས་ཀྱིས་བསྡམས་ནས་དབང་དུ་བསྡུས་ཏེ། རྒྱ་ཆེར་ཡོངས་སུ་སྤེལ་བར་བྱའོ། །ཨོཾ་བྲུཾ་བཛྲ་ཨཱ་ཡུ་ཤེ་བཛྲ་ཧཱུྃ་ཨ་ཞེས་བརྗོད་པས། བདེ་བར་གཤེགས་པ་ལྔའི་ཕྱག་རྒྱས་བསྟན་ནས་རྒྱས་པར་བྱའོ། །ཨོཾ་བཛྲ་དྷ་ར། རད་ན་དྷ་ར། པདྨ་དྷ་ར། ཀརྨ་དྷ་ར། ― DNG013_Page_0135 ―
[མ་དཔེ་གཟིགས་ན་འདིར་གནོན།]
ཏ་ཐཱ་ག་ཏཱ། ས་མ་ཡ་ཏི། ཡ་མ་ཡ་ཏི་ཀྲ་ས་མ་ཡ་ཡ་དྷ་ར་ཀོ྅ཧྃ་ཞེས་བརྗོད་པས་བདུད་གཤིན་རྗེ་ནག་པོའི་ལག་ནས་ཚེ་ཕྲོགས་ཏེ། གཤིན་རྗེ་ཡང་བརྒྱལ་ཞིང་སྔངས་ནས་བསྒྲལ་ཞིང་རྡོ་རྗེ་ཁྲག་འཐུང་ཆེན་པོས་སྙིང་ཁྲག་འཐུངས་ཏེ། ཚེའི་བར་ཆོད་བྱས་ཏེ། ཨོཾ་པུ་ཎྱེ་པུ་ཎྱེ། མ་ཧཱ་པུ་ཎྱེ། ཨ་པ་ར་མི་ཏ་ཨཱ་ཡུ་པུ་ཎྱ། ཛྙཱ་ན་སམྦྷ་རོ་པ་ཙི་ཏེ་སྭཱ་ཧཱ། ཞེས་བཟླས་པས། སྐུ་རྡོ་རྗེ་དང་།གསུང་རྡོ་རྗེ་དང་། ཐུགས་རྡོ་རྗེའི་དངོས་གྲུབ་ཐོབ་པ་དང་། ཚེ་སྲོག་གི་སྙིང་པོ། ཨོཾ་བྲུཾ་བཛྲ་ཨཱ་ཡུ་ཤེ་བཛྲ་ཧཱུྃ་ཨ་ཞེས་བཟླས་པས། ཚེ་སྐྱེ་ཤི་མེད་པའི་གཡུང་དྲུང་གི་སྐུ་ཚེ་ཐོབ་བོ། །དེ་ནས་བཅོམ་ལྡན་འདས་རྡོ་རྗེ་སེམས་དཔས་ཚེའི་ལས་འདི་གསུངས་སོ། །དབང་ཕྱུག་གཙོ་དང་རིགས་ཀྱི་ཡུམ། །ཡང་དག་གསང་བའི་དཀྱིལ་འཁོར་འདིར། །བདེ་བ་ཆེན་པོས་ཡོངས་བརྒྱན་ཏེ། །དཀྱིལ་འཁོར་རྫོགས་པར་ཕུན་སུམ་ལྡན། །རྡོ་རྗེ་སེམས་གཙོ་མཉེས་མཛད་པ། །གནས་འདིར་བརྩེ་ཕྱིར་གཤེགས་སུ་གསོལ། །ཨྃ་ཨེ་ཧྱེ་ཧི་མ་ཧཱ་ཀཱ་རུ་ཎི་ཀཱ་ཏྲི་ཤ་ཧོ། ས་མ་ཡ་སྟཾ། ཛཿཧཱུྃ་བྃ་ཧོཿ། བརྟན་པར་བཞུགས་པ། ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཨོཾ། ཨྃ་བཛྲ་ས་མ་ཡ་ཨྃ། ཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧྃ་བཛྲ་ས་མ་ཡ་ཧྃ། ལས་ལ་བཞུགས་པ། ཨོཾ་ཤར་གྱི་ཕྱོགས་ན་བཞུགས་པ་ནི། །རྡོ་རྗེ་ལྷ་མོ་དཀར་མོ་ལྕགས་ཀྱུ་ཛ། །ཚེ་དང་ཡེ་ཤེས་འདྲེན་པའི་ལས་མཛོད་ཅིག །དཀར་མོ་ཞི་བྱེད་མགྱོགས་མ་འོད་འཕྲོ་ཅན། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །ཚེ་དང་ཡེ་ཤེས་མ་ལུས་དབང་དུ་སྡུད། །བྲུཾ་བཛྲ་ཨཱ་ཡུ་བཛྲ་ཨྃ་གུ་ཤ་ཛཿཛཿཛཿ། ལྷོ་ཡི་ཕྱོགས་ནས་འགུགས་པ་ནི། །སེར་མོ་ཡིད་བཞིན་གློག་ཕྲེང་འཛིན། །ཕྱག་ན་རིན་ཆེན་སྦྲུལ་གྱི་ཞགས་པ་བསྣམས། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །ཚེ་དང་ཡེ་ཤེས་མ་ལུས་དབང་དུ་སྡུད། །ནུབ་ཀྱི་ཕྱོགས་ནས་ཚེ་འགུགས་མ། ། ― DNG013_Page_0136 ―
[མ་དཔེ་གཟིགས་ན་འདིར་གནོན།]
དམར་མོ་བཀྲ་གསལ་དབང་སྡུད་མ། །ཕྱག་ན་ཆུ་སྲིན་རྒྱལ་མཚན་བསྣམས། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །ཚེ་དང་ཡེ་ཤེས་མ་ལུས་དབང་དུ་སྡུད། །བྱང་གི་ཕྱོགས་ནས་འགུགས་པ་ནི། །ནག་མོ་མིག་གཅིག་རལ་པ་ཅན། །དུང་གི་ཚེམས་ལ་ལྕགས་ཀྱི་སྤུ། །ཕྱག་ན་རྡོ་རྗེ་རྒྱ་གྲམ་བསྣམས། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །ཚེ་དང་ཡེ་ཤེས་མ་ལུས་དབང་དུ་སྡུད། །དེ་ནས་བཅོམ་ལྡན་འདས་ཀྱིས་དབྱིངས་ཕྱུག་མ་རྣམས་བསྐུལ་བ། དབྱིངས་ཕྱུག་མཁའ་ལྡན་པདྨའི་དབྱིངས། །ཕྱག་རྒྱ་བདེ་མཆོག་དབྱིངས་ཀྱི་ཡུམ། །ཡེ་ཤེས་སྤྲུལ་པའི་ཕྱག་རྒྱ་མ། །དབྱིངས་སུ་མཁའ་ལ་ཚེ་དང་གཟི་བརྗིད་དྲོངས། །བཛྲ་ཨཾ་གུ་ཤ་ཧཱུྃ་ཛཿསྟོང་གསུམ་དབྱིངས་ལ་ཚེ་ཡི་མངའ་བརྙེས་པ། །ཁམས་གསུམ་མ་ལུས་དབང་སྡུད་མ། །ཞིང་ལ་རྔམ་ཞིང་བརྐམ་སྟོབས་ཅན། །སྟོང་གསུམ་དབྱིངས་ནས་ཚེ་དང་གཟི་བརྗིད་དྲོངས། །དབྱིངས་མ་དཀར་དང་རྐུན་མོ་གཉིས་མེད་ཚོགས། །བདེ་ཆེན་རྨོངས་བྱེད་ཐལ་བྱེད་མ། །གཏུམ་མོ་དབྱིངས་སུ་སྒྲོལ་མཛད་སྙིང་འབྱིན་མ། །དཔལ་ཆེན་རྒྱལ་མོ་དགྱེས་པའི་འཁོར། །དུང་ཕྲེང་ཆེན་མོ་འཁོར་དང་བཅས། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །དབྱིངས་སུ་མཁའ་ལ་ཚེ་དང་གཟི་བརྗིད་དྲོངས། །ལོག་པར་ལྟ་བྱེད་བདུད་དཔུང་འདུལ་མཛད་མ། །འདོད་ཁམས་མ་དང་གཉིས་མེད་རོལ་པའི་སྲས། །དབང་ཕྱུག་ཕྲ་མེན་འབར་བའི་ཚོགས། །ཚེ་ལ་གནོད་ཅིང་འགལ་བྱེད་ཀུན་བསྒྲལ་ནས། །གཤིན་རྗེ་ལག་ནས་ཚེ་དང་གཟི་བརྗིད་དྲོངས། །ཤར་གྱི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་ལྕགས་ཀྱུ་མ། །ཕྱག་ན་ཤེལ་གྱི་བུམ་པ་བསྣམས། །ཚེ་ལ་གནོད་ཅིང་འགལ་བྱེད་སྒྲོལ་བར་བྱེད། །ལྷོ་ཡི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་ཞགས་པ་མ། །ཕྱག་ན་མཐིང་ཤིང་བུམ་པ་བསྣམས། །ཚེ་ལ་གནོད་ཅིང་འགལ་བྱེད་འཆིང་བར་བྱེད། །ནུབ་ཀྱི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་ལྕགས་སྒྲོག་མ། །ཕྱག་ན་ཟངས་ཀྱི་བུམ་པ་བསྣམས། །ཚེ་ལ་གནོད་ཅིང་འགལ་བྱེད་སྡོམ་པར་བྱེད། ། ― DNG013_Page_0137 ―
[མ་དཔེ་གཟིགས་ན་འདིར་གནོན།]
བྱང་གི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་དྲིལ་བུ་མ། །ཕྱག་ན་གཡུ་ཡི་བུམ་པ་བསྣམས། །ཚེ་ལ་གནོད་ཅིང་འགལ་བྱེད་དབང་དུ་སྡུད། །སྟེང་གི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་དབྱིངས་ཕྱུག་མ། །ཕྱག་ན་དངུལ་གྱི་བུམ་པ་བསྣམས། །ཚེ་ལ་གནོད་ཅིང་འགལ་བྱེད་དབང་དུ་སྡུད། །འོག་གི་ཕྱོགས་ནས་འགུགས་པ་ནི། །ཚེ་ཡི་ལྷ་མོ་བསྟན་ལྡན་མ། །ཕྱག་ན་གསེར་གྱི་བུམ་པ་བསྣམས། །ཚེ་ལ་གནོད་བྱེད་མ་ལུས་དབང་དུ་སྡུད། །ཨོཾ་བྲུཾ་བཛྲ་ཨཱ་ཡུ་ཡུད་ཏེ་རད་ན་ཡུ་ཏི། དྷརྨ་ཡུ་ཏི། ཀརྨ་ཡུ་ཏི། བྲུཾ་བཛྲ་ཨཱ་ཡུ་ཤེ་ཧཱུྃ་ཨ། དེ་ནས་དངོས་གྲུབ་བླང་བ་ནི། །དཔལ་ལྡན་སངས་རྒྱས་ཀུན་འཆང་བ། །རྡོ་རྗེ་མི་ཕྱེད་གསུམ་དང་ལྡན། །དེང་བདག་སངས་རྒྱས་སྐུ་འཛིན་པའི། །བྱིན་གྱིས་བརླབ་པའི་གནས་མཛོད་ཅིག །ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱདྨ་ཀོ྅ཧྃ།དཔལ་ལྡན་རྡོ་རྗེ་གསུང་འཆང་བ། །རྡོ་རྗེ་མི་ཕྱེད་གསུམ་དང་ལྡན། །དེང་བདག་སངས་རྒྱས་ཀུན་འཆང་བ། །བྱིན་གྱིས་བརླབ་པ་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་བཱ་ཀ་བཛྲ་སྭ་བྷཱ་བ་ཨཱདྨ་ཀོ྅ཧྃ། དཔལ་ལྡན་རྡོ་རྗེ་ཐུགས་འཆང་བ། །རྡོ་རྗེ་མི་ཕྱེད་གསུམ་དང་ལྡན། །དེང་བདག་སངས་རྒྱས་ཐུགས་འཛིན་པའི། །བྱིན་གྱིས་བརླབ་པ་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧྃ། དམ་ཚིག་ཉམས་པ་ཐམས་ཅད་སྐོངས་པར་གྱུར་ཅིག །ལྟ་བ་ཡོན་པོ་ཐམས་ཅད་སྲོངས་པར་གྱུར་ཅིག །ཆོ་ག་ཉམས་པ་ཐམས་ཅད་རྫོགས་པར་གྱུར་ཅིག །ཚེ་སྐུ་གསུང་ཐུགས་ཀྱི་སྐྱེ་ཤི་མེད་པའི་དངོས་གྲུབ་ཐོབ་པར་གྱུར་ཅིག །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་དཔལ་རྡོ་རྗེ་སེམས་དཔའ་སྐུ་གསུང་ཐུགས་སྤྲུལ་པའི་ཆོ་འཕྲུལ་གྱི་ཏིང་ངེ་འཛིན་དུ་བཞུགས་སོ། །དཀྱིལ་འཁོར་འདོམ་གང་གྲུ་བཞི་ལ། མ་ཧཱ་རཀྟའི་མགོ་ལ་ཡན་གྱིས་བྱུགས་ལ། དབུས་སུ་བཛྲ་ཧེ་རུ་ཀ །ཡུམ་ཀྲོ་དྷི་ཤྭ་རི། འཁོར་ལོ་རྩིབས་བཞི་ལ། ཤར་དུ་བཛྲ་ཧེ་རུ་ཀ །ལྷོར་རཏྣ་ཧེ་རུ་ཀ །ནུབ་ཏུ་པདྨ་ཧེ་རུ་ཀ །བྱང་དུ་ཀརྨ་ཧེ་རུ་ཀ །སྐུ་མདོག་ཕྱག་མཚན་རྒྱུད་ ― DNG013_Page_0138 ―
[མ་དཔེ་གཟིགས་ན་འདིར་གནོན།]
གཞན་དང་མཐུན། དེའི་ཕྱི་རིམ་སྣམ་བུ་ལ། ཕྲ་མེན་མ་བཅུ་དྲུག །དེའི་ཕྱི་རིམ་སྒོ་བཞི་ལ་དཀྱིལ་འཁོར་འདོམ་གང་གྲུ་བཞི་ལ་དྲི་ཆེན་གྱིས་མཎྜལ་བྱུགས་ལ་དབུས་སུ་ཡཀྴ་ཧེ་རུ་ཀ །དབུ་དགུ་ཕྱག་བཅྭ་བརྒྱད།ཞབས་བརྒྱད་གཤོག་པ་རྡོ་རྗེས་གཏམས་པ། དེའི་ཕྱི་རིམ་པདྨ་འདབ་མ་བརྒྱད་པ་ལ། ཤར་དུ་བཛྲ་ཧེ་རུ་ཀ །ལྷོར་ཡཀྵ་ཧེ་རུ་ཀ །ནུབ་ཏུ་བྱི་ཤ་ཧེ་རུ་ཀ །བྱང་དུ་ས་མ་ཡ་ཧེ་རུ་ཀ །མཚམས་བཞིར་ཁྲོ་མོ་དབང་ཕྱུག་མ་ཡུམ་བཞི་བཞུགས།གདན་ཞིང་བསྣོལ་མའི་ཁྲི་ལ་བཞུགས་སོ། །དེའི་ཕྱི་རིམ་སྣམ་བུ་ལ་ཕྲ་མེན་དང་ཁྲོ་བོ་ཕ་བཅུ་མ་བཅུ་དགོད་ཅིང་བཞུགས་སོ། །སྒོ་བཞིར་ལྕགས་ཀྱུ་མ་ལ་སོགས་པ་བཞི་དགོད་དོ། །ཁྲོ་བོ་ཆེན་པོ་ནཱི་ལ་དཎྜ་དབུས་སུ་བྲི། དེའི་ཕྱི་རིམ་པདྨ་འདབ་མ་བརྒྱད་ལ་སྤྲུལ་པའི་ཁྲོ་བོ་ཤུགས་ཅན་དང་། འཇིགས་སུ་རུང་བ་དང་། རྡོ་རྗེ་གྲགས་པ་དང་། རྡོ་རྗེ་སྒྱུ་འཕྲུལ་དང་། རྡོ་རྗེ་གསུས་པོ་ཆེ་དང་། རྡོ་རྗེ་གད་མོ་དང་། གད་རྒྱངས་ཅན་དང་། འདི་རྣམས་གོ་རིམས་བཞིན་བྲི། སྒོ་བཞི་གཞན་དང་མཐུན། དཀྱིལ་འཁོར་འདོམ་གང་གྲུ་བཞི་ལ། རྣམ་པར་རྒྱལ་བ་དབུས་སུ་བྲི། པདྨ་འདབ་མ་བཞི་ལ། ཤར་དུ་རྡོ་རྗེ་གྲགས་ཆེན། ལྷོར་ཁྲོ་བོ་གད་མོ་ཅན། ནུབ་ཏུ་ཁྲོ་བོ་ཧེ་ཧེ། གྲགས་ཆེན་དང་། བྱང་དུ་རྡོ་རྗེ་བགེགས་གནོན་པའི་རྒྱལ་པོ་བྲི། དེའི་ཕྱི་རིམ་སྒོ་རྣམས་བྲི། དཀྱིལ་འཁོར་འདོམ་གང་གྲུ་བཞི་ལ། དབུས་སུ་གཤིན་རྗེ་གཤེད་པོ་བྲི། ཕྱི་རིམ་པདྨ་འདབ་བརྒྱད་ལ། ཕྲ་མེན་མ་སིང་ཧ་ལ་སོགས་པ་བརྒྱད་བྲི། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། ཁྲོ་བོ་མི་གཡོ་མགོན་པོ་དབུས་སུ་བྲི། དེའི་ཕྱི་རིམ་འཁོར་ལོ་རྩིབས་བཞི་ལ་ཁྲོ་བོ་འགྱིང་བ་དང་། ཁྲོ་བོ་གླང་པོ་ཆེ་དང་། ཁྲོ་བོ་ཀོ་བ་རློན་པ་ཅན་དང་། ཁྲོ་བོ་མིག་མི་བཟང་བ་བཞི་རིམ་པ་བཞིན་དུ་བྲིའོ། །ཕྱིའི་སྒོ་སྣམ་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཧ་ཡ་གྲཱི་བ་བྲི། པདྨ་འདབ་མ་བརྒྱད་པ་ལ། ཀེའུ་རི་མ་བརྒྱད་བྲི། ཕྱི་རིམ་སྒོ་སྣམ་དགོད། དཀྱིལ་འཁོར་འདོམ་གང་ ― DNG013_Page_0139 ―
[མ་དཔེ་གཟིགས་ན་འདིར་གནོན།]
གྲུ་བཞི་ལ། ཊ་ཀི་ར་ཛ་དབུས་སུ་དགོད། ཕྱི་རིམ་མཎྜལ་བརྒྱད་པ་ལ་ཁྲོ་བོ་བདེ་བ་དང་། སོའི་ཕྲེང་བ་དང་། དུང་ཆེན་དང་། ཁུ་ཚུར་དང་། གཡབ་མོ་དང་། དགའ་བ་དང་། འདེགས་པ་དང་། ཧཱུྃ་ཆེན་དང་ནི་འདི་རྣམས་བྲི། སྒོ་སྣམ་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་བདུད་རྩི་འཁྱིལ་པ། འཁོར་ལོ་རྩིབས་བཞི་ལ། ཤར་དུ་རྡོ་རྗེ་སྤུ་ཅན་དང་།ཟངས་ཀྱི་གཤོག་པ་ཅན་དང་། ལྕགས་ཀྱི་མཆེ་བ་ཅན་དང་། སྤུ་གྲི་སོ་ཅན་དགོད། དཀྱིལ་འཁོར་འདོམ་གང་གྲུ་བཞི་ལ། ཁམས་གསུམ་རྣམ་པར་རྒྱལ་བ་དབུས་སུ་དགོད། དེའི་ཕྱི་རིམ་པདྨ་འདབ་མ་བཞི་ལ་སྟག་གི་མགོ་ཅན་དང་།གཡག་གི་མགོ་ཅན་དང་། ཤ་བའི་མགོ་ཅན་དང་། བྱི་ལའི་མགོ་ཅན་རྣམས་སོ། །སྒོ་བཞི་རིམ་བཞིན་དུ་དགོད་དོ། །དཀྱིལ་འཁོར་འདོམ་གང་གྲུ་བཞི་ལ། ཁྲོ་བོ་ཧཱུྃ་ཀ་ར་དབུས་སུ་དགོད་དོ། །འཁོར་ལོ་རྩིབས་བཞི་ལ་སྤྱང་ཀིའི་མགོ་ཅན་དང་།ཝའི་མགོ་ཅན་དང་། དོམ་གྱི་མགོ་ཅན་དང་། དྲེད་མགོ་ཅན་རྣམས་དགོད་དོ། །སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ་སྟོབས་པོ་ཆེ་དབུས་སུ་དགོད། འཁོར་ལོ་རྩིབས་བཞི་ལ། ཤར་དུ་རྡོ་རྗེ་གདེངས་མོ། ལྷོར་ནི་རྡོ་རྗེ་སྡེར་མོ།ནུབ་ཏུ་དུར་ཁྲོད་བདག་མོ། བྱང་དུ་རྡོ་རྗེ་གཏུན་ཁུང་རྣམས་རིམ་བཞིན་དུ་དགོད་དོ། །དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔའ་ཁྲོ་བོ་དེ་རྣམས་ཀྱི་ལས་ཀྱི་ཏིང་འཛིན་ལ་སྙོམས་པར་ཞུགས་སོ། །དབུས་ཀྱི་ཁྲག་འཐུང་ཆེན་པོ་ནི། །དབུ་དགུ་ཕྱག་ནི་བཅྭ་བརྒྱད་དེ། །གཤོག་པ་རྡོ་རྗེ་གཏམས་པ་གདེངས། །ཞབས་ཀྱང་རྣམ་པ་བརྒྱད་དུ་བསྟན། །དེ་ཡི་འཁོར་གྱི་ཁྲོ་མོ་ནི། །ཕྱག་ཀྱང་སྲིན་མོ་ལྟར་མཐུན་ཏེ། །ཞབས་ཀྱང་དེ་དང་འདྲ་བར་བསྟན། །ཤར་གྱི་ཕྱོགས་ན་བཞུགས་པ་ནི། །ཁྲོ་བོ་རྣམ་པར་རྒྱལ་བ་སྟེ། །སྐུ་མདོག་དཀར་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །དྲི་ཟ་བསྣོལ་བའི་ཁྲི་ལ་བཞུགས། །འཇིག་རྟེན་ ― DNG013_Page_0140 ―
[མ་དཔེ་གཟིགས་ན་འདིར་གནོན།]
སྐྱོང་བ་འདུལ་ཚུལ་ལོ། །ཤར་ལྷོ་མཚམས་ན་བཞུགས་པ་ནི། །ཁྲོ་བོ་དབྱུག་པ་སྔོན་པོ་ཅན། །སྐུ་མདོག་སྔོ་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །མེ་ལྷ་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ལྷོ་ཡི་ཕྱོགས་ན་བཞུགས་པ་ནི། །ཡ་མཱན་ཏ་ཀ་གཤིན་རྗེ་གཤེད། །སྐུ་མདོག་སྔོ་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །མ་ཧེ་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ལྷོ་ནུབ་མཚམས་ན་བཞུགས་པ་ནི། །ཁྲོ་བོ་མི་གཡོ་མགོན་པོ་ནི། །སྐུ་མདོག་སྔོ་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །བདེན་བྲལ་བསྣོལ་མའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ནུབ་ཀྱི་ཕྱོགས་ན་བཞུགས་པ་ནི། །ཧ་ཡ་གྲཱི་བ་རྟ་མཆོག་དབང་། །སྐུ་མདོག་དམར་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །ཀླུ་བདག་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །ནུབ་བྱང་མཚམས་ན་བཞུགས་པ་ནི། །ཁྲོ་བོ་ཊ་ཀི་ར་ཛ་སྟེ། །སྐུ་མདོག་དུད་ཀ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །རླུང་ལྷ་བསྣོལ་མའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །བྱང་གི་ཕྱོགས་ན་བཞུགས་པ་ནི། །ཁྲོ་བོ་བདུད་རྩི་འཁྱིལ་པ་སྟེ། །སྐུ་མདོག་ལྗང་གུ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །གནོད་སྦྱིན་བསྣོལ་བའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །བྱང་ཤར་མཚམས་ན་བཞུགས་པ་ནི། །ཁྲོ་བོ་ཁམས་གསུམ་རྣམ་པར་རྒྱལ། །སྐུ་མདོག་ལྗང་སྐྱ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །བི་ནཱ་ཡ་ཀའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །སྟེང་གི་ཕྱོགས་ ― DNG013_Page_0141 ―
[མ་དཔེ་གཟིགས་ན་འདིར་གནོན།]
ན་བཞུགས་པ་ནི། །ཁྲོ་བོ་ཧཱུྃ་མཛད་ཧཱུྃ་ཀ་ར། །སྐུ་མདོག་དཀར་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །ཉི་ཟླ་གཟའ་སྐར་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །འོག་གི་ཕྱོགས་ན་བཞུགས་པ་ནི། །མ་ཧཱ་བ་ལ་སྟོབས་པོ་ཆེ། །སྐུ་མདོག་གནག་ལ་འོད་ཟེར་འཕྲོ། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེ་བྲག་སྟེངས་ན། །ས་བདག་བསྣོལ་མའི་ཁྲི་ལ་བཞུགས། །འཇིག་རྟེན་སྐྱོང་བ་འདུལ་ཚུལ་ལོ། །དེ་ནས་བཅོམ་ལྡན་འདས་ཀྱིས་ཁྲོ་བོ་ཡ་མཱན་ཏ་ཀའི་ཏིང་ངེ་འཛིན་དུ་བཞུགས་ནས་འདི་སྐད་ཅེས་བསྐུལ་ལོ། །བདུད་རུ་ཏྲ་ནག་པོ་འདུལ་བར་མཛད་དོ། །ཧཱུྃ་གཏུམ་ཆེན་རབ་འཇིགས་འཇིག་རྟེན་འཇོམས་མཛད་ལ། །ཉི་མ་འབུམ་པས་ལྷག་པའི་འོད་ལྡན་ཁྱོད། །ཕྱག་ཆ་མང་པོ་བསྐལ་པའི་མེ་བཞིན་འབར། །རབ་འབར་གཤིན་རྗེ་གཤེད་ལ་ཕྱག་འཚལ་ལོ། །རྡོ་རྗེ་སྐུ་ལ་ཀླུ་དབང་རབ་བརྒྱན་ཅིང་། །གཅན་གཟན་གདུག་པའི་པགས་རློན་སྐུ་ལ་བརྒྱན། །བརྐྱང་བསྐུམ་ཚུལ་གྱིས་རབ་འཇིགས་གཤིན་རྗེ་གནོན། །ཞིང་ཆེན་ཁྲག་འཛག་ཐོད་རློན་སྐུ་ལ་བརྒྱན། །མི་ཟད་རྒྱལ་པོ་གདོང་དྲུག་ཧཱུྃ་སྒྲ་ཅན། །ཕཊ་ཀྱིས་ཁམས་གསུམ་སྔགས་མཛད་ཞབས་དྲུག་པོ། །ཤ་ཟའི་མགོ་གཅོད་དབུ་ཡི་རྒྱན་དུ་ཐོགས། །སྤྱན་བཟློག་ཙམ་གྱིས་ཐོག་འབེབས་མེ་ལྟར་འཕྲོ། །ལྗགས་འདྲིལ་ཚེམས་ཀྱི་གསེབ་ནས་ཐོག་འབེབས་ཤིང་། །མ་མོ་རྣམས་ཀྱང་སྒྲེན་མོར་འདར་ཞིང་འབྲོས། །སྟོང་གསུམ་མེད་པར་མཛད་པའི་ཞལ་གདངས་ལ། །ཚངས་པའི་འཁོར་བཅས་ཁྲག་གི་ཐིགས་འཛག་ཅིང་། །ནད་སྟོང་སྲིན་མོའི་ཚོགས་རྣམས་འབར་ཞིང་འབྲོས། །རྐན་སྒྲ་གཏོགས་པ་ལྷ་ཆེན་ཁྱབ་འཇུག་ཀྱང་། །འབུམ་འགྱེལ་བཅས་པར་ཁྲག་སྐྱུགས་ཉིད་ལ་འདུད། །ཕྱག་ན་མི་ཐོད་རློན་པ་བསྣམས་པ་ནི། །དངོས་གྲུབ་ཕྱག་གིས་ཀླད་ཁྲག་ཞལ་དུ་སྟོབས། །ཚངས་པའི་མགོ་བཅད་དབུ་ཡི་རྒྱན་དུ་བྱས། །ཞིང་ཆེན་མགོ་ནས་ཆེམ་ཆེམ་ཟ་བར་བྱེད། །རྒྱུ་ ― DNG013_Page_0142 ―
[མ་དཔེ་གཟིགས་ན་འདིར་གནོན།]
ཕྲེང་ཁྲག་དང་བཅས་པར་ཐོགས་ནས་ནི། །ཁྱོད་མཐོང་ཙམ་གྱིས་རབ་འཇིགས་ཉིད་ལ་འདུད། །དེ་ནས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། སྤྲུལ་པའི་ཁྱེའུ་བཟང་དབུ་གསུམ་ཕྱག་དྲུག་པ་བརྒྱ་རྩ་བརྒྱད་བྱུང་ནས་བཅོམ་ལྡན་འདས་ལ་འཛུམ་པའི་མདངས་ཀྱིས་མེ་ཏོག་གཏོར་བཀའ་ནོད་པའི་ཚུལ་དུ་གོང་དེ་བཞུགས་པ་དེ་ལ། བཅོམ་ལྡན་འདས་རྡོ་རྗེ་སེམས་དཔས་འདི་སྐད་ཅེས་བཀའ་སྩལ་ཏོ། །དགུང་ལ་ཐོག་ཐོག་མི་བཟད་པ། །ཁྱིའུ་ཆུང་སྔོན་མོ་མཁའ་ལ་ལྡིང་། །ཡ་མཱན་ཏ་ཀ་ཁྲོ་བོ་སྟེ། །སྐུ་ཡང་ཆེ་ལ་བམ་ལྡིར་བཟང་། །སྐུ་མདོག་སྟང་ཟིལ་བཅག་པ་འདྲ། །ཕྱག་གཉིས་དང་པོ་ཁ་ཊྭཱཾ་ག །བར་ན་རྡོ་རྗེ་དྲིལ་བུ་བསྣམས། །ཐ་མ་མདའ་དང་གཞུ་བསྣམས་ཏེ། །འཁོར་ནི་ཕྲ་མེན་བརྒྱད་ཀྱིས་བསྐོར། །ང་ཉིད་ཡིན་ཏེ་སྐལ་བ་བཟང་། །སྐལ་བཟང་ང་ཡི་དམ་ཚིག་གིས། །དོག་ལ་ཆེམ་ཆེམ་མི་བཟད་པ། །བསྒྲགས་པ་རལ་པ་གཅིག་མ་ཡིན། །དམ་ཚིག་དུས་ལས་མ་འདའ་ཞིག་ཅེས་སྒོའོ། །ཅི་བཀའ་སྩལ་པ་བཞིན་དུ། ལས་ཐམས་ཅད་ཀྱང་གྲུབ་པར་མཛད་དོ། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་མ་དང་ཕྲ་མེན་མའི་ཏིང་ངེ་འཛིན་དུ་ཞུགས་ནས་འདི་སྐད་ཅེས་བཀའ་སྩལ་ཏོ། །ལས་བཅོལ་བར་མཛད་དོ། །ཀྲོ་དྷི་ཤྭ་རི་དཔལ་འབར་མ། །ཁམས་གསུམ་སྲིད་ལ་མངའ་མཛད་མ། །ལས་སུ་གསོད་ལ་དགའ་བ་མོ། །ཤན་པ་སྤུ་གྲི་རྣོན་པོ་སོ། །རོ་ལ་རྔམ་པའི་ཁ་ཊྭཱཾ་ག །འབྱུང་པོ་ཙིཏྟ་མཆོག་ལ་རོལ། །མཐིང་ག་མཆོག་སྟོན་དཔལ་གྱི་ཡུམ། །རྡོ་རྗེ་ཐུགས་ཀྱི་དབང་ཕྱུག་མ། །ཀིའུ་རི་མ་ཡི་མཆོད་པས་རོལ། །གསེར་གྱི་འོད་འཕྲོ་མདའ་གཞུ་འགེངས། །རིན་ཆེན་སྐུ་ཡི་དབང་ཕྱུག་མ། །ཙིའུ་རི་མ་ཡི་མཆོད་པས་རོལ། །པྲ་མོ་ཆུ་སྲིན་རྒྱལ་མཚན་འཛིན། །པདྨའི་གསུང་གི་དབང་ཕྱུག་མ། །པྲ་མོ་ཧ་ཡི་མཆོད་པས་རོལ། །ནག་མོ་རལ་པ་ཐོད་པས་འགེངས། །ཀརྨ་ལས་ཀྱི་དབང་ཕྱུག་མ། །པེ་ཏཱ་ལི་ཡི་མཆོད་པས་རོལ། །གཏུམ་མོ་ཞེ་སྡང་སྤུ་གྲི་སོ། །ཞེ་སྡང་འཇོམས་པའི་དབང་ཕྱུག་མ། །གྷསྨ་རི་ཡི་མཆོད་ ― DNG013_Page_0143 ―
[མ་དཔེ་གཟིགས་ན་འདིར་གནོན།]
པས་རོལ། །པདྨ་འཇོམས་པའི་ཆར་ཆེན་འབེབས། །འདོད་ཆགས་འཇོམས་པའི་དབང་ཕྱུག་མ། །པུཀྐ་སི་ཡི་མཆོད་པས་རོལ། །རིན་ཆེན་མེ་ལྕེ་གློག་ཕྲེང་འཛིན། །གཏི་མུག་འཇོམས་པའི་དབང་ཕྱུག་མ། །སྨ་ཤ་ན་ཡི་མཆོད་པས་རོལ། །ལས་སུ་དགྲ་སྟྭ་འབར་བ་འཛིན། །ང་རྒྱལ་འཇོམས་པའི་དབང་ཕྱུག་མ། །ཙན་དྷ་ལི་ཡི་མཆོད་པས་རོལ། །སིང་ཧ་གསོད་བྱེད་སེང་གེ་མགོ། །རོ་མཆོག་ཟ་བའི་ཕྲ་མེན་མ། །བྱཱ་གྷྲྀ་མགོ་གཅོད་སྟག་གི་མགོ། །ཐོད་རློན་ཟ་བའི་ཕྲ་མེན་མ། །སྲི་ག་དུར་རྐུན་ཝ་ཡི་མགོ། །དུར་སྲི་མ་ཡི་ཕྲ་མེན་མ། །ཤྭ་ན་ཤ་འདྲད་སྤྱང་མོ་མགོ། །ཤ་ཆེན་ཟ་བའི་ཕྲ་མེན་མ། །གྲྀ་དྷ་ཁྲག་འཐུང་བྱ་རྒོད་མགོ། །ཁྲག་ཚིལ་ཟ་བའི་ཕྲ་མེན་མ། །ཀང་ཀ་མུ་ཀ་དུར་བྱའི་མགོ། །དུག་གསུམ་འཇོམས་པའི་ཕྲ་མེན་མ། །ཁྭ་ཁ་རྒྱུ་འདྲེན་ཕོ་རོག་མགོ། །དགྲ་བགེགས་འདུལ་བའི་ཕྲ་མེན་མ། །ཧུ་ལུ་ཚེ་འཕྲོག་འུག་པའི་མགོ། །གློ་སྙིང་ཟ་བའི་ཕྲ་མེན་མ། །སྟག་གཡག་ཤ་བ་སེང་གེའི་མགོ། །བྱི་ལ་སྤྱང་ཀི་ཝ་ཡི་མགོ། །དོམ་དྲེད་ཕག་གི་མགོ་ཅན་རྣམས། །ཐུགས་དམ་བཞིན་དུ་ལས་བྱོས་ཤིག །དེ་སྐད་ཅེས་བཀའ་སྩལ་པ་དང་། ཆགས་པ་མེད་པའི་སྦྱོར་བས་སྐུ་ལ་འཁྲིལ་ཅིང་།ལས་མཐར་ཕྱིན་པར་མཛད་དོ། །དེ་ནས་བཅོམ་ལྡན་འདས་ཀྱིས་སྒོ་བ་རྣམས་ལ་བཀའ་སྩལ་པ། ཛཿཛཿལྕགས་ཀྱུ་གློ་སྙིང་འདྲེན། །ཨ་མོ་སྔོན་མོ་ཐོད་སྦྲུལ་ཞགས། །ཨ་ལི་དམར་མོ་ལྕགས་སྒྲོག་སྡོམ། །བས་ནི་ལྗང་གུ་དྲིལ་འཁྲོལ་དགྱེས། །བཀའ་སྩལ་པ་བཞིན་དུ་ཉན་པར་མཛད་དོ། །བཅོམ་ལྡན་འདས་དཔལ་ཀུན་དུ་བཟང་པོ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་ཡེ་ཤེས་ཀྱི་ཁྲོ་བོ་དཀྱིལ་འཁོར་གྱི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དཔལ་ལྷ་མོ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །རྣལ་འབྱོར་མའི་དཀྱིལ་འཁོར་འདི་ཕྱུང་ངོ་། །གྲུ་བཞི་པ་ལ་སྒོ་བཞི་པ། །རྟ་བབས་རྣམ་པ་བཞིས་ནི་བརྒྱན། །དར་དང་དྲིལ་བུ་ཆུན་པོ་དང་། །ཉི་མ་ཟླ་བས་རྣམ་པར་བརྒྱན། །རིན་ཆེན་མུ་ ― DNG013_Page_0144 ―
[མ་དཔེ་གཟིགས་ན་འདིར་གནོན།]
ཏིག་འབྲས་བུས་སྤྲས། །དོ་ཤལ་རྐང་གདུབ་རྣམས་ཀྱིས་བརྒྱན། །སྣ་ཚོགས་གཟུགས་ནི་རྣམ་དྲེས་པ། །སྣ་ཚོགས་ཕྲེང་བ་གོས་ཀྱིས་བརྒྱན། །སྲད་བུ་བཞི་དང་ལྡན་པ་སྟེ། །ཀ་བ་མཆོག་བརྒྱད་ཡང་དག་ལྡན། །དབུས་སུ་དགའ་བྱེད་སྟན་ལ་ནི། །དངུལ་ལ་སོགས་པས་རྣམ་པར་བརྒྱན། །སྣ་ཚོགས་པདྨའི་དར་གྱིས་གཡོགས། །ཐམས་ཅད་སྟན་ལ་དེ་དག་ཅེས། །དབུས་སུ་རྡོ་རྗེ་སེམས་དཔའ་ནི། །སྟན་དེ་ལ་ནི་གཞག་པར་བྱ། །ཚད་མེད་པདྨོ་དམར་འདྲ་བ། །སྣ་ཚོགས་རྒྱན་གྱིས་རྣམ་པར་བཀླུབས། །ཡིད་བཞིན་ནོར་བུ་དབུ་རྒྱན་ལྡན། །རིན་ཆེན་གཙུག་ནི་རྣམ་པར་མཛེས། །ཚད་མེད་དང་ནི་སྦྱར་བ་ཡི། །དབུ་ལ་ཆུན་པོས་མཛེས་པར་བྱས། །སྣ་ཚོགས་ཡེ་ཤེས་རབ་ཏུ་གནས། །ཆུ་སྐྱེས་སྤྱན་ནི་རབ་ཏུ་རྒྱས། །དགའ་བྱེད་ཡིད་ཙམ་གཡོན་དུ་འདུད། །གཡས་ཀྱི་ཕྱག་གིས་རྡོ་རྗེ་ཆེ། །སྙིང་གར་གསོར་ལ་རབ་ཏུ་བརྩོན། །བདེ་ལ་སོགས་པ་ཡོན་ཏན་ལྡན། །ཐོག་མ་ཉིད་དུ་རྣམ་པར་གཞག །སློབ་མའམ་ཡང་ན་གཞན་ཡང་རུང་། །མཚན་ཀུན་གྱིས་ནི་རྣམ་བརྒྱན་ལ། །ཚུལ་བཞིན་བྱིན་གྱིས་བརླབས་བྱ་སྟེ། །དབུས་ཀྱི་དཀྱིལ་དུ་གཞག་པར་བྱ། །བདག་ཉིད་ཀྱང་ནི་མཉམ་བཞག་སྟེ། །དེ་ལ་སོགས་པ་ཡོན་ཏན་གཙོ། །དབུས་ཀྱི་སྟན་ལ་འདུག་པ་ནི། །བདག་ནི་རབ་དགྱེས་རྗེས་སུ་སྨྲ། །དེར་ནི་སློབ་མ་བྱིན་བརླབས་ཏེ། །ཐམས་ཅད་ལས་བྱེད་ཕུན་སུམ་ཚོགས། །རྡོ་རྗེ་པདྨ་ལས་བྱུང་བའི། །གསང་བ་ཡིས་ཀྱང་དབང་བསྐུར་རོ། །རབ་དགྱེས་ལ་སོགས་ཡོན་ཏན་ལྡན། །ཡིད་འོང་བུ་མོ་བཙལ་བྱ་སྟེ། །སྙིང་ག་མཆོག་མ་མགྲིན་སྤྱི་བོར། །ལྷ་རྣམས་ལ་སོགས་འབྲུ་བསྒོམས་ཏེ། །མཚན་མ་ཕྱག་རྒྱ་རབ་འབར་བའི། །རྡོ་རྗེ་པདྨ་མཉམ་སྦྱོར་བའི། །རང་ལ་འཁྱུད་པའི་ཕྱག་རྒྱ་ཡིས། །ཚུལ་བཞིན་ཐམས་ཅད་གཞག་པར་བྱ། །མདུན་དུ་ལྷ་མོ་མྱོས་བྱེད་མ། །མ་མཆུ་འཛིན་པའི་རོ་ལ་དགྱེས། །དཀར་དམར་ཁ་དོག་འདྲེས་པ་ཡིས། །ཐམས་ཅད་རྒྱན་དང་ཡང་དག་ལྡན། །ལོ་ནི་བཅུ་དྲུག་ལོན་པ་མཆོག །ཤེས་རབ་ཅན་གྱིས་མདུན་དུ་ ― DNG013_Page_0145 ―
[མ་དཔེ་གཟིགས་ན་འདིར་གནོན།]
གཞག །གཡས་སུ་ལྷ་མོ་གསོད་བྱེད་མ། །མཚོན་ཆའི་མདའ་ནི་འདྲེན་པར་བརྩོན། །དོ་ཤལ་རྐང་གདུབ་དག་གིས་བརྒྱན། །ལོ་གྲངས་ཉི་ཤུ་ལོན་པ་སྟེ། །གསེར་གྱི་རི་བོ་ཞུ་བ་འདྲ། །ཆུ་སྐྱེས་སྤྱན་ནི་ཡིད་ཙམ་སྔོ། །སེམས་དཔའ་ཆེ་ལ་མཉེས་མཛད་ཅིང་། །དེ་ཡི་ཚུལ་བཞིན་གཞག་པར་བྱ། །རྒྱབ་ཏུ་ལྷ་མོ་རྨོངས་བྱེད་མ། །པདྨ་དམར་པོ་མདོག་གི་འོད། །ཆུ་སྲིན་རྒྱལ་མཚན་མཛེས་པའོ། །སྐུ་ཡི་ཚད་ནི་ཉི་ཤུ་གཅིག །དགའ་བྱེད་འདོད་པའི་རོ་ལ་དགྱེས། །སྣ་ཚོགས་ན་བཟའ་ཡང་དག་གསོལ། །སྣ་ཚོགས་རྒྱན་གྱིས་རྣམ་པར་བཀླུབས། །སྣ་ཚོགས་པདྨོ་སྦྱོར་ལ་སོགས། །གར་གྱི་བྱ་བ་རབ་རླག་གཞག །གཡོན་དུ་སྣ་ཚོགས་ཆེན་མོ་སྟེ། །སྣ་ཚོགས་དགོས་པ་རྗེས་བརླབས་པ། །སྐུ་ཡི་ཚད་ནི་བཅུ་གཉིས་ལྡན། །རྣལ་འབྱོར་ལ་ནི་ཤིན་ཏུ་བརྩོན། །ལྷ་དང་ལྷ་མིན་མི་ཡི་རྣམས། །འགྲོ་བ་ཐམས་ཅད་མྱོས་མཛད་མ། །སྣ་ཚོགས་རྒྱན་གྱིས་རྣམ་པར་བཀླུབས། །སྣ་ཚོགས་དར་ནི་ན་བཟའ་གསོལ། །གྲྭ་རྣམས་དག་ནི་ཐམས་ཅད་དུ། །གཟུགས་སྒྲ་དྲི་རོ་རེག་རྣམས་དང་། །བདུག་པ་མེ་ཏོག་བསུང་ལྡང་བ། །གཟི་བརྗིད་ཆེན་པོའི་འོད་དང་ལྡན། །ཅི་རིགས་པར་ནི་གཞག་པར་བྱ། །སྒོ་ཡི་ཕྱོགས་རྣམས་ཐམས་ཅད་དུ། །རང་གི་ལས་ཀྱི་ཕྱག་རྒྱར་ལྡན། །སྐལ་ལྡན་འགའ་ལ་རྣམས་མོས་པ། །སྒོ་སྲུང་བཞི་ནི་གཞག་པར་བྱ། །གཞན་ཡང་རྣམ་པ་སྣ་ཚོགས་རྣམས། །པི་ཝང་གླིང་བུ་བརྡབ་པ་དང་། །རྫ་རྔ་རྔ་ཆེན་ཀུ་མུ་ད། །མུ་ར་ཙ་དང་ད་ར་དང་། །གར་དང་དབྱངས་དང་བཞད་པ་ཆེ། །རོལ་མོ་ཡོ་བྱད་སྣ་ཚོགས་རྣམས། །དགའ་བྱེད་དཀྱིལ་འཁོར་གཞག་པར་བྱ། །ཕྱི་ཡི་དཀྱིལ་འཁོར་ཐམས་ཅད་དོ། །དཀྱིལ་འཁོར་གྱི་ནི་ཕྱི་རོལ་དུ། །རྡོ་རྗེ་ནམ་མཁར་འགྲོ་མ་གཞག །ཡི་དྭགས་ཕྱག་རྒྱ་ཡང་དག་ཞོན། །དཔའ་བོ་འཇིགས་བྱེད་གཟུགས་འཛིན་ཏེ། །སྐལ་ལྡན་རང་གི་ལག་ཆར་ལྡན། །གདུག་པའི་སེམས་ཀྱིས་བསྡིགས་བྱེད་ཅིང་། །ཤ་ཁྲག་དང་ནི་རྒྱུ་མ་དང་། །རྐང་དང་ཚིལ་བུ་ཟ་སྤྱོད་པ། །དཀྱིལ་འཁོར་ ― DNG013_Page_0146 ―
[མ་དཔེ་གཟིགས་ན་འདིར་གནོན།]
བྱས་ཏེ་བདུག་པ་ནི། །ཚོགས་ཀྱི་དཀྱིལ་འཁོར་གཞག་པར་བྱ། །དགའ་བར་བྱེད་དང་འདྲེན་པར་བྱེད། །གསོད་པར་བྱེད་དང་འཕྲོག་པར་བྱེད། །རྡོ་རྗེ་མཁའ་འགྲོ་ཚོགས་ཀྱི་རྣམས། །ཤར་གྱི་ཕྱོགས་སུ་གཞག་པར་བྱ། །གཟི་བརྗིད་ཆེ་དང་འབར་བྱེད་མ། །འཇོམས་བྱེད་བོང་བུ་ལྷོ་རུ་སྟེ། །གཙུག་ལག་མཐོང་བའི་རྒྱུ་ཡིས་ནི། །མཁས་པས་ཚུལ་བཞིན་གཞག་པར་བྱ། །ཆགས་ཆེན་པོ་དང་ཆགས་བྲལ་དང་། །འཁོར་ལོ་མ་དང་རྒྱས་འདེབས་མ། །རབ་ཏུ་འབྱོར་པས་འབྱོར་བྱས་ཏེ། །ཅི་རིགས་ནུབ་ཏུ་གཞག་པར་བྱ། །སྣ་ཚོགས་ལུས་དང་སྲུང་བ་དང་། །གནོད་སྦྱིན་མོ་དང་ཡང་དག་འཕྲོག །སྔགས་དང་ཕྱག་རྒྱ་བྱིན་བརླབས་ནས། །སྔགས་མཁན་ཅི་རིགས་བྱང་དུ་བཞག །ཤར་གྱི་གྲྭ་རུ་གཞག་པ་ནི། །བྱ་རོག་གདོང་ནི་མིག་འབྲུ་སྟེ། །འཇིགས་པའི་མིག་དང་འཇིགས་པའི་གདོད། །ཅི་ལྟར་རྗེས་སུ་མཐུན་བྱས་ཏེ། །ཡི་དྭགས་སྟན་ལ་ཡང་དག་འདུག །སྣ་ཚོགས་མཆོག་གི་གདོང་འཛིན་ཏེ། །ལག་པར་གྲི་དང་ཁར་གཞོང་ཐོགས། །མཆོག་ཏུ་ཤ་དང་ཁྲག་ཟ་བའོ། །ནུབ་དང་ལྷོ་ཡི་མཚམས་གཞག་པ། །བཞད་དང་འུག་པའི་གདོང་རིང་མ། །ཁྲོས་པའི་ཁྲི་དང་ཕག་གི་གདོང་། །གསུས་པོ་ཆེ་ལ་ལྟོ་འཕྱངས་རྣམས། །ནུབ་དང་བྱང་གི་མཚམས་དག་ཏུ། །རྔ་མོ་བོང་བུ་གདོང་འཛིན་མ། །ཁྲོས་པ་ར་དང་ཁྱི་ཡི་གདོང་། །རྒྱུ་མའི་མགོ་ནས་ཤ་བར་བྱེད། །ཤར་དང་བྱང་གི་མཚམས་དག་ཏུ། །ཀེང་རུས་དཀར་པོ་འཛིན་པ་སྟེ། །ཁྲོས་པ་རུས་པའི་ཕྲེང་བས་བཀླུབས། །ལྟོ་འཕྱངས་པོ་ལ་བུམ་པ་འཛིན། །ཕན་ཚུན་འཐབ་པར་བརྩོན་པ་ཡི། །ཅེ་སྤྱང་གི་ནི་འཁོར་གྱི་རྣམས། །འཇིགས་བྱེད་གདོང་ནི་མཆེ་བ་འཛིན། །རྣམ་པར་བསྒྱུར་བའི་གཟུགས་འཛིན་མ། །སྒོ་རྣམས་ཀྱི་ནི་ཕྱོགས་རྣམས་ཀུན། །སྒོ་བཞི་རྣམས་ནི་གཞག་པར་བྱ། །བྱང་གི་ཕྱོགས་སུ་འབོད་འགྲོགས་ཏེ། །བུམ་པ་རྣམས་ནི་ཤར་ཉིད་དུ། །ནུབ་ཏུ་རྣམ་པར་འཇིགས་པའོ། །ལྷོ་རུ་གཤིན་རྗེ་རྒྱལ་པོ་བཞག །དེ་དང་གཞན་ཡང་རྒྱལ་པོ་མཆོག །ནམ་མཁར་འགྲོ་བས་ཀུན་དུ་བསྐོར། །དེ་ནས་བཅོམ་ ― DNG013_Page_0147 ―
[མ་དཔེ་གཟིགས་ན་འདིར་གནོན།]
ལྡན་འདས་དཔལ་ཀུན་དུ་བཟང་པོ་རྡོ་རྗེ་སེམས་དཔའ་ཡུམ་གྱི་ཏིང་ངེ་འཛིན་ལ་སྙོམས་པར་ཞུགས་སོ། །དགྱེས་ཤིང་སྤྱན་ནི་རྒྱས་པ་ཡིས། །བཞེངས་ནས་དགྱེས་པ་ཆེན་པོ་ཡི། །བརྗིད་པའི་ཕྱག་གིས་གར་མཛད་ཅིང་། །ཐལ་མོ་སྦྱོར་ནས་གཙུག་ཉིད་དུ། །གཞག་པ་ཡིས་ནི་འདུད་པར་བྱེད། །བསྐུལ་བ་ཡིས་ནི་དབྱངས་འདི་ཡིས། །དེ་དག་གཙོ་ལ་མཉེས་པར་བྱེད། །ཀྱེ་མ་ཆོས་ནི་ངོ་མཚར་ཆེ། །ཀྱེ་མ་སྤྱོད་པ་ངོ་མཚར་ཆེ། །ཀྱེ་མ་སྦས་པ་ངོ་མཚར་ཆེ། །ཀྱེ་མ་བདེ་བྱེད་ཡང་དག་འབྱུང་། །ཀྱེ་མ་ཀུན་དུ་བཟང་པོ་དོན། །ཀྱེ་མ་རབ་དགྱེས་ཡང་དག་འགྲོགས། །ཀྱེ་མ་བདེ་བ་དགའ་བ་ཆེ། །ཀྱེ་མ་བདེ་བ་བདེ་མཆོག་སྟེ། །ཀྱེ་མ་སྔགས་ཀྱི་ཡང་དག་སྦྱོར། །ཀྱེ་མ་སྙིང་པོ་ཡང་དག་སྦྱོར། །ཀྱེ་མ་ཕྱག་རྒྱ་ཡང་དག་བཞུགས། །ཀྱེ་མ་བསྒྲུབ་པ་རྨད་འབྱུང་བའི། །ཀྱེ་མ་ཕ་རོལ་ཕྱིན་པ་ཡིས། །ཀྱེ་མ་ཅི་ལྟར་མཐུར་རིགས་པ། །ཀྱེ་མ་དགོས་པ་སྣ་ཚོགས་ཆེ། །ཀྱེ་མ་དག་པ་གསུམ་སྦྱར་བ། །ཀྱེ་མ་རྡོ་རྗེ་མཉམ་སྦྱོར་བའི། །ཀྱེ་མ་པདྨ་རྣམ་ཕྱེ་བ། །ཀྱེ་མ་དབང་པོ་གཉིས་སྦྱོར་བའི། །ཀྱེ་མ་མཆོག་དང་མཉམ་སྦྱོར་བའི། །ཀྱེ་མ་གར་ནི་དགའ་བ་ཆེ། །ཀྱེ་མ་གླུ་རབ་དྲི་མ་མེད། །ཀྱེ་མ་སིལ་སྙན་རྣམ་པར་འཁྲོལ། །ཀྱེ་མ་གདའ་དང་མུན་སེལ་བ། །ཀྱེ་མ་དགའ་བྱེད་མེ་ཏོག་ཕྲེང་། །ཀྱེ་མ་མར་མེ་མུན་པ་སེལ། །ཀྱེ་མ་དྲི་ནི་ཤིན་ཏུ་བསིལ། །ཀྱེ་མ་རྣལ་འབྱོར་མཉམ་སྦྱོར་བའི། །ཀྱེ་མ་སྒྱུ་མ་ནམ་མཁའ་འདྲ། །ཀྱེ་མ་སངས་རྒྱས་ནམ་མཁའ་འདྲ། །ཀྱེ་མ་རིན་ཆེན་བདེ་མཆོག་སྐྱེད། །ཀྱེ་མ་སྣ་ཚོགས་སྒྱུ་མ་མཛད། །ཀྱེ་མ་ངོ་མཚར་སངས་རྒྱས་དང་། །ཀྱེ་མ་ངོ་མཚར་དབང་པོ་རྣམས། །ཀྱེ་མ་ངོ་མཚར་སེམས་དཔའ་ཆེ། །ཀྱེ་མ་ངོ་མཚར་ལྷ་ཡི་རྣམས། །ཤིན་ཏུ་དགྱེས་ཆེ་རྡོ་རྗེ་ལ། །རྒྱལ་བ་ཀུན་གྱིས་བསྟོད་བྱས་ཏེ། །རྡོ་རྗེ་སེམས་དཔའ་འགྱིང་བ་ཡིས། །དགའ་དང་བདེ་བྱེད་སྐྱེས་པར་འགྱུར། །ཆུ་སྐྱེས་ཞལ་ནི་འཛུམ་བཅས་པ། །ཡངས་པའི་སྤྱན་གྱིས་གར་མཛད་དེ། །སྤྱན་ ― DNG013_Page_0148 ―
[མ་དཔེ་གཟིགས་ན་འདིར་གནོན།]
དང་ཞབས་ནི་བསྒྱུར་བ་ཡིས། །རབ་ཏུ་དགྱེས་ལྡན་སྨིན་མ་བསྒྱུར། །ཡངས་པའི་སྤྱན་གྱིས་གར་མཛད་དེ། །སྤྱན་དང་ཞབས་ནི་བསྒྱུར་བ་ཡིས། །ཡིད་ཙམ་མཛེས་པའི་སྤྱན་ཟུར་གཟིགས། །ཤ་རྒྱས་བརླ་ནི་ནུ་མར་འདུད། །རྐེད་པའི་དབྱེས་ནི་རྣམ་པར་ཡངས། །རྣམས་ཀྱི་གོས་ཀྱང་ཆེ་ལ་མཛེས། །ཆགས་པ་ཅུང་ཟད་ཚེམས་ཀྱི་གནོན། །ཚེམས་ཀྱི་ཕྲེང་བ་ཀུན་དུ་ཟླ། །མི་དྲག་ཟློས་པའི་དབུགས་འབྱིན་ཅིང་། །རབ་ཏུ་དགའ་ཆེན་དགྱེས་པས་བསྟོད། །བུད་མེད་གཟུགས་ལྡན་མདངས་བཟང་བ། །ལོ་གྲངས་བཅུ་དྲུག་ལོན་པ་ལ། །བྱིན་གྱིས་བརླབས་ཀྱིས་གནས་གསུམ་གྱིས། །དབེན་པར་མཆོད་པ་རབ་ཏུ་བརྩམ། །དེ་བཞིན་གཤེགས་པའི་བཙུན་མོ་མཆོག །སྤྱན་ལ་སོགས་པ་བསྒོམ་པར་བྱ། །དབང་པོ་གཉིས་ནི་མཉམ་སྦྱོར་བས། །སངས་རྒྱས་དངོས་གྲུབ་ཐོབ་པར་འགྱུར། །འོད་ཟེར་སྣ་ལྔས་ཁྱབ་པ་ཡིས། །པདྨོ་རྡོ་རྗེ་བསྒོམ་པར་བྱ། །འབར་བཅས་ཟླ་འོད་བཞིན་དུ་དཀར། །ཡིད་དུ་འོང་བ་བསྒོམ་པར་བྱ། །བཞིན་བཟངས་ཕན་པར་འདོད་པ་ཡིས། །བུད་མེད་རྙེད་ན་ཆོ་ག་བཞིན། །བདེ་བར་མཆོད་པར་བརྩམ་པར་བྱ། །ཡེ་ཤེས་སེམས་དཔའི་སྦྱོར་བ་ཡིས། །དབུས་སུ་གཟུགས་ནི་བསྒོམ་པར་བྱ། །སྔགས་ཤེས་པས་ནི་གནས་བཞིན་དུ། །བུད་མེད་རྟག་ཏུ་གཞག་པར་བྱ། །རྒྱན་རྣམས་ཐམས་ཅད་ཡོངས་སུ་རྫོགས། །བུ་མོ་ལོ་གྲངས་བཅུ་གཉིས་པ། །དབེན་པའི་གནས་སུ་ཁྱད་པར་དུ། །སྒྲུབ་པ་པོས་ནི་རྟག་ཏུ་བསྒྲུབ། །མཚན་ཉིད་དག་ནི་ཡོངས་སུ་དག །རབ་ཏུ་བཟང་ལ་བཞིན་ཡང་མཛེས། །རྒྱན་རྣམས་ཐམས་ཅད་ཡོངས་སུ་རྫོགས། །པང་པར་བཞག་ནས་རྣམ་པར་བསྒོམ། །རྡོ་རྗེ་སེམས་དཔའི་སྦྱོར་བ་ཡིས། །བུ་མོ་ཨུཏྤལ་མཐིང་གའི་མདོག །འདྲ་བ་དག་ནི་རྟག་ཏུ་བསྒྲུབ། །སྦྱོར་བའི་ཆོ་ག་དེ་ཉིད་ནི། །བྱས་ན་ལས་རྣམས་བརྩམ་པར་བྱ། །བུད་མེད་སེམས་ནི་རབ་བརྟན་པ། །ལོ་གྲངས་བཅུ་གཉིས་ལོན་པ་ལ། །རིགས་ཀྱི་སྦྱོར་བ་རབ་བསྒོམས་ཏེ། །བདག་གི་ཁུ་བས་མཆོད་པར་བྱ། །འདིས་ནི་དེ་བཞིན་གཤེགས་པའི་སྐུ། །ན་ཆུང་གཞོན་ནུ་མིག་བཟང་བཙལ། །གཟུགས་བཟང་གཞོན་པས་བརྒྱན་པ་ཡི། །ལོ་གྲངས་ཉི་ཤུ་ལྔ་ལོན་པའི། །བཟུང་ནས་བྱོལ་སོང་སྐྱེས་གནས་བརྟག །བཞིན་ ― DNG013_Page_0149 ―
[མ་དཔེ་གཟིགས་ན་འདིར་གནོན།]
བཟངས་ཤིན་ཏུ་མཛེས་པ་ཡི། །ན་ཆུང་མཚན་ལྡན་སྐལ་བ་མཆོག །མིག་བཟང་བརྟན་པའི་བློ་ལྡན་པས། །ཁུ་བ་བླངས་ནས་བཟའ་བར་བྱ། །དབེན་ཞིང་རབ་ཏུ་ཉམས་དགའ་བར། །སྦྱོར་བ་མཆོད་པ་ཀུན་བརྩམས་ན། །རྡོ་རྗེ་སྐུ་དང་གསུང་དང་ཐུགས། །ཟླ་བ་ཕྱེད་ཀྱིས་ངེས་པར་གྲུབ། །སྨིན་དཀྱུས་རིང་ཞིང་སྐྲ་ལོ་འཇམ། །ལུས་ལྡེམ་དབྱིབས་སྒུ་བློ་དག་ཅིང་། །བརྟན་པ་ཆགས་ཤིང་བཅོས་སུ་བཏུབ། །ལུས་ཉན་ཅི་ལ་ཐོགས་པ་མེད། །རྐེད་པ་ཕྲ་ལ་རོ་སྨད་ཟླུམ། །སྟོད་ནི་དྲང་ལ་ཤིན་ཏུ་རྒྱས། །ཚེམས་དཀར་མགུལ་རིང་ཕྱག་སོར་རིང་། །དཀར་ལ་དམར་ཆགས་ནོར་བུའི་མདོག །གཟུངས་མ་མཚན་ལྡན་སྤྱད་པར་བྱ། །མཉེན་ལྕུག་འཁྲིལ་ལྡེམ་རབ་ཏུ་མཛེས། །ཡིད་འོད་འཛུམ་ཕྲན་སྤྱན་ཟུར་གཟིགས། །མཁུར་ཚོས་དཀར་པོས་གདབ་པར་བྱ། །དཀར་འཛིན་ཕྱིར་ནི་མཉེ་བྱ་སྟེ། །པདྨའི་ཟེ་བ་ཆེན་པོས་གདབ། །པདྨ་ལན་གསུམ་མཉེས་བྱ་སྟེ། །མཆན་ཁུང་མངོན་སུམ་རྣ་བ་གཉིས། །ཟངས་ཀྱི་མདོག་གིས་གཟུང་བར་བྱ། །དེ་ནས་བཅོམ་ལྡན་འདས་རིགས་ཀྱི་བཙུན་མོ་དང་བཅས་པར་གྱུར་ཏོ། །དེ་ནས་འདི་བརྗོད་པར་མཛད་དོ། །ཞི་བ་ཁ་དོག་དཀར་ལ་འཚེར། །བཏང་སྙོམས་ཀུན་གྱི་སྤྲོ་བསྡུ་ཡིས། །གསུམ་པ་རྫོགས་པར་ལྡན་པ་དང་། །ཕྱག་རྒྱ་ཚོགས་མཆོག་དེ་དག་ལ། །རྒྱལ་མོ་དག་དང་མཉམ་དུ་སྐྱེས། །ཕྱག་རྒྱ་རྡོ་རྗེ་དྲིལ་བུ་འཛིན། །བཅུ་གསུམ་པ་ཡི་ཆ་ལུགས་འཛིན། །ཆེ་ཆུང་མེད་པར་གསལ་བར་བསྒོམ། །དབུ་ལ་གཉིས་པའི་ཡི་གེར་ལྡན། །གསལ་བ་ཉིད་ཀྱིས་དུས་དག་ཏུ། །ཅོད་པན་ལྔ་ཡི་རིན་ཆེན་ལས། །རྒྱན་གྱི་རིགས་ནི་གསལ་བ་ཡིན། །དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་ཕྱག་རྒྱའོ། །མཐིང་ག་འབར་བའི་ཡི་གེ་ཆེ། །རིགས་ཀྱི་རིན་ཆེན་སྤྲོ་བསྡུ་ལས། །ཕྱག་རྒྱ་གསལ་བའི་སྐུར་གསལ་བའི། །རྒྱལ་མོ་དག་དང་མཉམ་དུ་སྐྱེས། །སྒྲིབ་པ་ཀུན་སྤང་སྡིག་བྱེད་སྟོབས། །གཉིས་པ་ཡི་ནི་ཡི་གེ་ལས། །ཐམས་ཅད་བློ་དབྱངས་ཡི་གེ་གཏེར། །མཉམ་ ― DNG013_Page_0150 ―
[མ་དཔེ་གཟིགས་ན་འདིར་གནོན།]
པར་འཁྲིལ་བའི་ཚུལ་འཛིན་པ། །རིན་ཆེན་རིགས་ཀྱི་ཕྱག་རྒྱར་གསལ། །ལས་འདི་ཐམས་ཅད་ཀུན་གྱི་མཆོག །རྒྱལ་པོ་རྣམ་པར་རོལ་པའོ། །པདྨ་རཱ་ག་འདྲ་བའི་མདོག །ཆོས་སྐུ་ཟླ་ཚེས་རབ་ལྡན་པ། །གསལ་བའི་ཁ་དོག་མཛེས་པ་ན། །ཐམས་ཅད་མ་ལུས་དབང་དུ་མཛད། །སྦྱོར་དང་སྐྱེ་དང་བསྡུ་བ་ཡིས། །ཕྱག་རྒྱ་གསལ་བར་དབང་གིས་བསྐུར། །བཙུན་མོ་དག་དང་མཉམ་དུ་སྐྱེས། །གཉིས་སུ་མེད་པར་འཁྲིལ་བ་ཡིན། །དབུ་རུ་ཡི་གེ་གཉིས་པར་ལྡན། །རིན་ཆེན་རིགས་ཀྱི་སྤྲོ་བསྡུ་ལས། །ཅོད་པན་རིགས་ལྔའི་ཁ་དོག་སྟེ། །ཅི་བཞིན་པ་ཡི་ཏིང་འཛིན་གྱིས། །ཕྱག་རྒྱ་བཞུགས་ཚུལ་པདྨོའི་ཚུལ། །མཉམ་པར་གསལ་བས་དཀྱིལ་འཁོར་ཡིན། །མི་ཕྱེད་པ་ཡི་ཏིང་འཛིན་གྱིས། །རྫོགས་པའི་དཀྱིལ་འཁོར་ཀུན་འདུས་མཆོག །པདྨ་རིགས་ཀྱི་ཕྱག་རྒྱར་གསལ། །རིགས་ཀུན་གྱི་ནི་ཕྱག་རྒྱར་གསལ། །མུན་པ་སེལ་བའི་མར་མེ་བཞིན། །གསལ་དག་ཡིད་གཉིས་མེད་པར་བསྒོམ། །ཆུ་སྐྱེས་འཇམ་པ་འོག་ཏུ་ལྡན། །སྟེང་དང་སྤྲོད་པའི་རོལ་མོ་ཡིས། །དགྱེས་ཤིང་མཉམ་པའི་མཆོད་པ་བཤམ། །འདི་ལྟར་གསལ་བ་དབང་ཡང་རྫོགས། །ཐམས་ཅད་བསྡུ་བ་ཞེས་བྱ་བ། །དེ་བཞིན་དབང་སྟེ་ལས་ཐམས་ཅད། །དུས་གསུམ་པ་ཡི་མཛད་པ་ཆེ། །རིགས་ཀུན་འདུས་པར་བདེ་བར་གཤེགས། །མཉམ་པ་ཅི་བཞིན་ཏིང་འཛིན་ཏེ། །ཡི་གེ་འབྲུ་གཅིག་ཀུན་གྱི་མཆོག །བཤད་པར་ཁྱད་པར་ལས་ཀུན་རྫོགས། །ཆུ་སྐྱེས་གསལ་བར་འདབ་མའི་སྟེང་། །གཉིས་སུ་མེད་པར་གསལ་བས་ན། །རྣམ་པ་གཉིས་ཀྱི་བྱེ་བྲག་གིས། །འདུས་པར་གསལ་བར་སྐུར་གྱུར་པ། །འདོད་ཅིང་ཆགས་པ་མ་ཡིན་ཞིང་། །བློ་ལ་ཡིད་གཉིས་མེད་པས་ན། །ཕྱག་རྒྱ་གསལ་བར་རྒྱལ་བའི་སྐུ། །རྒྱལ་མོ་དང་ནི་མཉམ་དུ་སྐྱེས། །དབུ་ལ་གཉིས་པའི་ཡི་གེར་ལྡན། །སྦྱིན་པ་རྒྱ་ཆེན་ཁེབས་པས་ན། །རང་གི་འདོད་པའི་གནས་སུ་བསྡུ། །བོང་ཚོད་ལོ་གྲངས་ཁྱད་པར་མེད། །གཉིས་སུ་མེད་པར་འཁྲིལ་བར་གསལ། །དུས་ཀུན་དུ་ནི་མཉམ་ལྡན་པ། །གསང་བ་མཆོད་པ་རབ་ཏུ་རྫོགས། །ཟླ་རྒྱས་ ― DNG013_Page_0151 ―
[མ་དཔེ་གཟིགས་ན་འདིར་གནོན།]
ལྟ་བུ་གཙོ་བོ་བསྒོམ། །ཆགས་པ་མེད་པར་འདོད་བསྡུ་ཡི། །ཡུམ་དང་ལྷན་ཅིག་སྒོམ་པ་ནི། །ཨཱ་ལི་ཀཱི་ལིར་བྱེད་པའི་དོན། །ཕྱག་རྒྱ་ལས་ཀྱི་བྱེ་བྲག་གིས། །བདེ་བ་ཆེན་པོ་ཚུལ་གནས་པ། །རྒྱལ་བ་ཀུན་ཀྱང་དེ་དང་མཐུན། །ཕྱག་རྒྱ་བསྣོལ་བར་གནས་པ་ཡི། །ཀུན་ཀྱང་སེམས་དཔའི་དཀྱིལ་འཁོར་རོ། །ཕྱག་རྒྱ་རྡོ་རྗེ་ཐལ་མོ་ནི། །ཀུན་ཀྱང་ཡུམ་གྱི་རྒྱབ་ཏུ་བསྣོལ། །ཞལ་གཉིས་མཛེས་པར་རབ་སྦྱར་བ། །ཟླ་གམ་པ་ཡི་ལྗགས་གཉིས་མཛེས། །དུང་གི་ཕུར་བུས་མཁུར་ཚོས་ལ། །འདེབས་ཤིང་རྡེག་པའི་ཚུལ་དུ་བཞུགས། །བསྙེན་པ་ཉེ་བསྙེན་དབང་རྫོགས་པ། །རྒྱལ་བ་ཀུན་གྱི་སྐུ་ཡི་མཆོག །བཞད་དང་འཛུམ་པའི་གཙོ་གཟུགས་བསྒོམ། །རྣལ་འབྱོར་དཀའ་ཐུབ་ཆེན་པོའི་དོན། །གསང་བ་སྤྱོད་པ་ཤིན་ཏུ་དགྱེས། །གསང་བ་ཉིད་དུ་སེམས་ཅན་འདྲེན། །ཐམས་ཅད་ཀུན་གྱི་རྨོངས་པ་སེལ། །ཡུམ་གྱི་ལས་ཀྱིས་ཁྱད་པར་ནི། །ས་ཡི་རིམ་པ་ཀུན་སྦྱོར་ཞིང་། །ཟས་དང་མགོ་དབང་མེད་པ་ཡི། །ཉན་ཐོས་འགོག་པ་ལ་སོགས་པ། །བྱང་ཆུབ་སེམས་ཀྱི་ཆར་ཆེན་གྱིས། །པདྨོར་བཅིངས་པ་ཚར་གཅོད་མཛད། །དམ་ཚིག་ཆེན་པོ་སྡོམ་པ་སྟེ། །རྒྱལ་བ་ཀུན་གྱི་དཀྱིལ་འཁོར་ཡིན། །ཕྱག་རྒྱ་ཆེན་པོ་ཚོགས་མཆོག་སྟེ། །དགའ་བ་དོན་དུ་རིགས་མཆོག་ཡིན། །མྱུར་བར་རྟག་ཏུ་མ་ཡེངས་ན། །གདོན་མི་ཟ་བར་གྲུབ་པ་ནི། །འདོད་ཁམས་ལྷ་ཡི་ཉིན་ཕྱེད་ཀྱིས། །གསང་བ་ཀུན་དང་མཉམ་པར་འགྱུར། །དེ་བཞིན་གཤེགས་པ་གསང་བའི་དོན་དང་མཉམ་པའི་ཕྱག་རྒྱའོ། །ཀུན་དུ་བཟང་པོ་རྣལ་འབྱོར་མཆོག །གསང་བ་ཉིད་ཀྱིས་མཁའ་དབྱིངས་སོ། །ཡི་གེ་ཨྃ་ལྡན་ཚེག་དྲག་བཅས། །རྣལ་འབྱོར་བདེ་ཆེན་ཉིད་ཀྱི་སྲས། །གཟུགས་ཁམས་ལྷ་ཚོགས་བྱིན་བརླབས་ཏེ། །ཕྱག་མཚན་འཁོར་ལོ་གསལ་བ་དང་། །བདེ་བ་རྣལ་འབྱོར་དེ་བཞིན་གཤེགས། །གཙོ་བོ་གསེར་གྱི་ཁ་དོག་གསལ། །ཉི་མ་གསེར་གྱི་འོད་བཞིན་དུ། །གསལ་བ་འཚེར་བ་བཅོམ་ལྡན་འདས། །དབུ་རུ་ཡི་གེ་གཉིས་པ་ལ། །རིན་ཆེན་མྱུ་གུ་ཁང་པ་འབར། །སངས་རྒྱས་ལྔ་ཡི་དབུ་རྒྱན་གྱིས། ། ― DNG013_Page_0152 ―
[མ་དཔེ་གཟིགས་ན་འདིར་གནོན།]
ལེགས་པར་བརྒྱན་པ་མཚན་རྣམས་རྫོགས། །རྫོགས་པ་ཆེན་པོ་བཞུགས་ཚུལ་དང་། །ཏིང་འཛིན་མཐུན་པ་འགྲོ་ལ་གཟིགས། །པདྨ་གེ་སར་དབུས་གནས་པའི། །ཐིག་ལེར་གསང་བ་བཞིན་དང་ལྡན། །མདུན་དུ་ལྷ་མོ་ཆགས་པ་མོ། །ལོ་གྲངས་ཉི་ཤུ་མཛེས་གཉིས་དང་ལྡན། །མ་ཧཱ་སུ་ཁེ་གནས་པ་དགྱེས། །མཛེས་པའི་ལག་པ་གར་དང་བཅས། །གཉིས་སུ་མེད་པའི་བཞུགས་ཚུལ་ནི། །གཙོ་ལ་རྟེན་པའི་ཚུལ་དུ་བཞུགས། །རྒྱབ་ཏུ་ལྷ་མོ་དགྱེས་ཆེན་མོ། །སངས་རྒྱས་བསྙེན་པར་མཛེས་ཚུལ་གྱིས། །ཐལ་སྦྱར་འཛིན་པ་སྐུ་བརྟེན་པ། །སྐུ་ཚེ་བཅུ་དྲུག་བརྩན་དམར་སྐུ། །སངས་རྒྱས་གདུང་འཛིན་ཚངས་པར་སྦྱོར། །འདོད་ཆགས་ཅན་ལ་མཐུན་པར་མཛད། །གཡས་སུ་ཞེ་སྡང་འདུལ་བ་མོ། །རྡོ་རྗེ་པདྨོ་སྦྱོར་ལ་དགྱེས། །མ་དད་པ་རྣམས་དབང་མེད་པར། །དྲག་པོ་སྦྱོར་མཛད་ཞེ་སྡང་སེལ། །ཆགས་པ་ཆེན་པོ་བཅོམ་ལྡན་འདས། །གཉིས་སུ་མེད་པར་སྦྱོར་བ་ཡིས། །གཏོང་བ་མེད་པར་བསྟན་པའི་ཚུལ། །སྔོ་བསངས་མདོག་ལྡན་ཁྱད་པར་ཆེ། །སྐུ་ཚད་བཅྭ་ལྔ་ཆགས་པ་ཅན། །དུས་མཐའ་མེད་པར་སྦྱོར་ལ་དགྱེས། །སྟེག་དང་སྒེག་པའི་ཆ་ལུགས་ཀྱིས། །སེམས་ཅན་ཀུན་གྱི་སྡུག་བསྔལ་འཁྲུ། །རབ་ཏུ་སྤྲས་པའི་འགོག་པ་རྣམས། །བསླངས་ནས་རྒྱལ་བའི་སྲས་སུ་མཛད། །ཨརྟ་མ་ལི་ཕྲིན་ལས་ཀྱིས། །ཐམས་ཅད་བྱང་ཆུབ་ཆེན་པོ་མཛད། །མིག་གཉིས་འཛུམས་དང་སྦོམ་པོ་ཡིས། །དབང་མོར་ལྡན་པར་བྱས་པ་ན། །གཉིས་སུ་མེད་པར་སྦྱོར་འདོད་ཡིན། །སྣ་ཡི་རྩེ་མོར་མཐེའུ་ཆུང་འཛིན། །མ་ཏ་བཞུགས་པར་བརྩོན་བྱས་པའོ། །སོ་སོ་རྣམས་བསྡམས་ཁ་ཕྱེ་བ། །དུས་ལ་བབ་ཅེས་བྱ་བ་སྟེ། །ཏིང་འཛིན་གསལ་བར་གྱུར་པ་ན། །དུས་ལ་བབ་ཅེས་བྱ་བ་ཡིན། །འདི་ལྟར་བརྡ་ལྡན་ཏིང་འཛིན་ལ། །དམ་ཅན་བུད་མེད་རྣམས་མི་འདུད། །དངོས་གྲུབ་མི་ཐོབ་དམ་ཚིག་ཉམས། །ཚེ་རབས་ཀུན་དུ་བརླག་པར་འགྱུར། །འདི་ལྟར་བརྩོན་པར་བྱེད་པ་ན། །གཡོན་པ་སྐྱེད་པ་རྣམ་བཞི་ཡིས། །སྐྱེས་པ་ན་ཆུང་ཚུལ་བཞིན་དུ། །རྡོ་རྗེ་པདྨའི་མཚམས་ཉིད་དུ། །དབྱིངས་ཕྱུག་ལྔ་ ― DNG013_Page_0153 ―
[མ་དཔེ་གཟིགས་ན་འདིར་གནོན།]
ཡི་སྦྱོར་བ་ཡིས། །དལ་བུས་དལ་བུས་གཞུག་པ་དང་། །དལ་བུས་དལ་བུས་རབ་བསྐུལ་ཏེ། །དྲག་པོ་ཚིག་གིས་སྤྲོ་བ་དང་། །བྱང་ཆུབ་སེམས་ཀྱིས་པདྨ་དགང་། །སྦོམ་པོ་དབང་ངམ་ལྔ་རྣམས་ཀྱིས། །ཡུམ་གྱིས་བླངས་ལ་གཙོ་ལ་མཆོད། །ཉེ་བའི་བསྙེན་པ་ལ་སོགས་ཏེ། །བསྙེན་པ་ཆེ་ཆུང་རྫོགས་པར་བསྒོམ། །བྱང་ཆུབ་སེམས་ཀྱི་དཀྱིལ་འཁོར་ལས། །མཆོད་པ་བརྒྱད་ཀྱིས་མཆོད་པར་སྟོན། །དེ་ལྟར་ལོངས་སྤྱོད་རྫོགས་པ་དང་། །གཉིས་སུ་མེད་པར་ལུགས་བཞིན་དུ། །མཉམ་པར་འཁྲིལ་བའི་ཚུལ་དུ་བསྟན། །དུས་གསུམ་ཀུན་གྱི་གདུང་འཛིན་ལ། །གཡོན་ཕྱོགས་བསྟེན་པའི་སྐལ་དང་ལྡན། །ན་ཚོད་ལོ་ནི་བཅུ་དྲུག་པ། །སྡོང་པོ་རུལ་པ་དག་ལ་དགྱེས། །གཡས་པ་ཟུར་གྱི་སྤྱན་གྱིས་གཟིགས། །དྲིལ་བུ་སྒྲ་སྙན་འཁྲོལ་ལ་བརྩོན། །རྡོ་རྗེ་རབ་ཏུ་སྒྲོགས་བྱེད་མ། །སངས་རྒྱས་ལྔ་ཡི་དབུ་རྒྱན་ཅན། །མངོན་དུ་སྦྱོར་ལ་རབ་བརྩོན་པ། །བརྡ་དང་བཅས་པ་གར་གྱིས་ནི། །སངས་རྒྱས་ཀུན་ལ་སློང་མཛད་མ། །བྱང་ཆུབ་སེམས་ཀྱི་སྤྲིན་ཆེན་གྱིས། །མཆོད་པ་ཆེན་པོ་རབ་མཆོད་མཉེས། །སྤྲུལ་པ་བསམ་ཡས་མཐའ་ཀླས་པ། །དུས་གསུམ་འཁོར་ལོ་བསྐོར་བར་བསྐུལ། །སོ་སོར་ཆགས་པའི་མདངས་ཀྱིས་ནི། །མཉེན་དང་བཅས་པའི་གར་གྱིས་མཆོད། །དེ་ནས་གསང་བ་ཆེན་མོ་དང་གཉིས་སུ་མེད་པར་འཁྲིལ་བ་ཆེན་པོར་གྱུར་ཏེ། གཡོན་པ་སྐྱེད་པ་མང་པོས་མཉེས་པ་དང་པདྨ་སྤང་བ་ལ་སོགས་པ་འབྱུང་བ་མཉེས་པར་མཛད་ནས་རབ་ཏུ་དགྱེས་ཏེ་གླུ་འདི་བླངས་སོ། །ཆོས་ཀུན་དངོས་པོ་མེད་པར་རབ་གསལ་བ། །འབྱུང་གནས་ཆེན་པོ་ཡ་མཚན་འབྱུང་བར་མཁྱེན། །ཨེ་མའོ་ངོ་མཚར་ཆེའོ་ཞེས་བླངས་སོ། །དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་པ། མདངས་བཟང་མིག་གི་དཀྱུས་ཀྱང་རིང་། །སྐུ་ནི་ལྡེམ་ལ་ཙན་དན་དྲི། །ཡན་ལག་ལྕུག་མ་བཞིན་དུ་མཉེན། །ཚེམས་དཀར་སུམ་ཅུ་རྔ་རྔོ་མེད། །མགུལ་པ་ཟླུམ་རིངས་རབ་ཏུ་ལེགས། །གསེར་ལ་གཡུ་སྤྲས་གཡས་སུ་འཁྱིལ། །གཟུངས་མ་འདི་དག་བསྟེན་པར་བྱ། ། ― DNG013_Page_0154 ―
[མ་དཔེ་གཟིགས་ན་འདིར་གནོན།]
སྐད་གདངས་མི་སྙན་ར་ར་པོ། །ཡང་ན་རྨོངས་བག་སུབ་སུབ་པོ། །སྦྲང་བུས་གཙེས་པའི་སྣ་སྒྲ་བཞིན། །སེམས་ཅན་དག་ལ་ཁྲོ་ཞིང་འཚོག །དམ་ཅན་དག་ལ་གཡེལ་བར་མཛོད། །ཕྱི་ནང་སྲ་ཞིང་འབྲས་བུ་ཅན། །དེ་བསྟེན་ན་ནི་དངོས་གྲུབ་ཉམས། །དེ་བཞིན་གཤེགས་པ་ཐམས་ཅད་ཀྱི། །བུད་མེད་ཀུན་གྱི་སྒྱུ་མ་ལ། །རབ་ཏུ་འཕྲུལ་ཏེ་འཆར་བ་ཡིན། །བདེན་གཉིས་སོ་སོར་སྣང་བ་ཡིས། །ཡུམ་གྱི་མཁའ་ཞེས་རྒྱལ་བས་གསུངས། །མ་ནོར་ལམ་ཆེན་ཀུན་བསྒོམས་ནས། །ཀུན་དུ་བཟང་མོ་བསྒོམས་པས་གྲུབ། །བུད་མེད་ལ་ནི་མཆོད་བསྟེན་ན། །ཡེ་ཤེས་ཆེན་པོ་གྲུབ་པར་གསུངས། །དཔལ་ཀུན་དུ་བཟང་པོ་ཐམས་ཅད་ཤེས་རབ་ཀྱི་ལོངས་སྤྱོད་འདི་གསུངས་སོ། །མངོན་སྤྱོད་ལས་ཀྱི་འཇུག་པ་འདི། །ཕན་ཚུན་དུ་ནི་དགའ་སྤྱོད་ན། །རྣལ་འབྱོར་སྡོམ་པ་གནས་པ་ཡིན། །དེ་ལ་མཆོད་པ་དམ་པ་ནི། །སྦྱོར་བ་རབ་ཏུ་སྦྱོར་བ་སྟེ། །ཀུན་དུ་ཁྱབ་པ་ཀུན་དུ་སྦྱོར། །རྗེས་སུ་ཆགས་པ་དམ་ཚིག་མཆོག །དེ་བྱི་དཀར་ཤམ་མདོག་དང་ལྡན། །བཅུ་དྲུག་བོང་ཚོད་རིང་བ་དང་། །ལུགས་སུ་བླུགས་པ་ལྟ་བུ་སྟེ། །ལུས་ལེགས་མཛེས་དང་ལྡན་པ་དང་། །དཔྲལ་བ་དབྱེས་ཆེ་ཀོས་ཀོ་ཕྲ། །ནུ་མ་ཆུང་ཞིང་སོར་མོ་རིང་། །ཡིད་ཙམ་མིག་དཀྱུས་རིང་བ་དང་། །སོ་དཀར་ཐགས་བཟངས་མཚམས་ཐུང་ཞིང་། །སྐད་བཟང་མདངས་དང་ལྡན་པ་ནི། །རྡོ་རྗེ་སེམས་དཔའི་གནས་མཆོག་སྟེ། །འདི་ལ་བརྩོན་པར་བྱེད་པ་ནི། །རིགས་ཀྱི་རྡོ་རྗེ་གདོན་མི་ཟ། །ཚེ་འདི་ཉིད་ལ་འགྲུབ་པར་འགྱུར། །གནས་རབ་བདེན་པར་རབ་བརྟགས་ཏེ། །ཤ་དཀར་མདངས་བཟང་མདོག་དང་ལྡན། །ལུས་འབྲིང་ཟླུམ་པ་ཆ་བྱད་ཅན། །སོ་དཀར་ཐགས་བཟངས་མིག་དཀྱུས་རིང་། །སྐད་ཕྲ་མདོག་དགོད་སྤྲོ་རིང་བ། །དཔྲལ་དབྱེས་ལ་སོགས་བཟང་གནས་པ། །རྨ་ནག་ལ་སོགས་གནས་པ་ནི། །རྟག་ཏུ་ཆོས་ལ་འདུད་པ་ཡིན། །ཚངས་པ་དབྱངས་ཀྱི་རིན་ཆེན་ལས། །འདི་ལས་བརྩོན་བྱས་བསྒྲུབས་པ་ཡི། །དེ་བཞིན་རིགས་ཀྱི་ཏིང་འཛིན་ལས། །ཕན་ཚུན་དུ་ནི་དགའ་སྤྱོད་ན། །ཚངས་པའི་སྔ་དྲོ་གཅིག་ཙམ་གྱིས། ། ― DNG013_Page_0155 ―
[མ་དཔེ་གཟིགས་ན་འདིར་གནོན།]
གདོན་མི་ཟ་བར་འགྲུབ་པར་འགྱུར། །རྣལ་འབྱོར་སྤྱོད་པ་དགའ་བ་ནི། །སྦྱོར་བ་བརྩོན་པས་འགྲུབ་པར་གསུངས། །བུད་མེད་ཆ་ལུགས་ལེགས་པ་ནི། །བོང་ཚོད་མི་རིང་ལུས་ཕྲ་ཞིང་། །རྐང་ལག་ཆུང་ཞིང་སྐད་གསལ་བ། །མིག་ལེགས་ངོ་ཟླུམ་བརྩན་དམར་ཆེ། །བླུན་དུ་ཆགས་པ་མི་ཤེས་མེད། །ལུས་ལ་མཚན་གྱི་རྨད་འདྲས་བརྒྱན། །ཚིག་གསལ་རྨི་ལམ་ཉུང་བ་དང་། །སོ་དཀར་མཆུ་ལེགས་དད་པར་ལྡན། །ཆོག་ཤེས་པ་ཡི་ཏིང་འཛིན་གྱིས། །གསང་བའི་མཁའ་ལ་ཉི་ཟླའི་འོད། །རྡོ་རྗེ་པདྨོར་ལྡན་བྱས་ཏེ། །ཕན་ཚུན་དུ་ནི་དགའ་སྤྱད་ན། །འདོད་པའི་ཁམས་ལྷའི་སྐད་ཅིག་གིས། །འགྲུབ་པར་འགྱུར་བ་གདོན་མི་ཟ། །ལུས་ཟླུམ་གཏུམ་པ་ང་རྒྱལ་ཅན། །ཁོང་ན་སེམས་རྣོག་སེམས་ལ་འཛིན། །བྱ་བ་འདྲ་ལ་མི་གཏོང་ལྡན། །བསླབ་པའི་བློ་རྟུལ་ཤ་རུས་ཆེ། །མདངས་བཀྲག་བརྟགས་ན་ཕྱི་ཕྱིར་གསལ། །སྦྱིན་ལ་དགའ་ཞིང་ཆོས་ལ་དད། །རིན་ཆེན་རིགས་ཀྱི་ཏིང་འཛིན་གྱིས། །བག་ཆགས་ཡི་གེ་ཚར་གཅོད་ཅིང་། །ཏིང་འཛིན་བློ་ལ་གསལ་བ་ན། །བསྒྲུབ་པའི་དུས་ལ་བབ་པ་སྟེ། །དེ་ཚེ་རབ་ཏུ་རྩེན་པ་ཡིས། །ཡུམ་གྱི་པདྨ་ཁ་ཕྱེ་ཞིང་། །བདེ་བ་ཐུགས་ཀྱི་འཕྲོ་འདུ་ཡིས། །ཕན་ཚུན་དུ་ནི་དགའ་སྤྱད་ན། །རིགས་ཀྱི་རིན་ཆེན་གྲུབ་པ་ནི། །ཚེ་འདི་ཉིད་ལ་ཐོབ་པར་འགྱུར། །ཐུགས་རྗེས་མཛད་སྤྱོད་བྱེ་བྲག་གིས། །འཇིག་རྟེན་དག་ན་དམན་པའི་རིགས། །རབ་ཏུ་བཀུག་སྟེ་དགའ་སྤྱད་ན། །སྙིང་རྗེ་མཆོག་དང་ཐབས་ལྡན་པའི། །རྣལ་འབྱོར་སྤྱོད་པ་ཆེན་པོ་གསུངས། །ཤན་པའི་རིགས་ངན་སྨད་འཚོང་མའི། །ན་བའི་རིགས་དང་འདོད་སྤྱོད་རྣམས། །འཇོམས་པ་ཆེན་པོའི་ཏིང་འཛིན་གྱིས། །མྱུར་དུ་སྤྱད་ན་འགྲུབ་པར་གསུངས། །ཡི་དྭགས་གནོད་སྦྱིན་བྱོལ་སོང་དང་། །ཁྱི་དང་རུས་སྦལ་སྤྲེའུ་ལ་སོགས། །མི་དང་ལྷ་ཡི་གནས་མཆོག་ཀུན། །སོ་སོ་འཚམ་པ་དགའ་སྤྱད་ན། །ལས་མཆོག་དམ་པ་འགྲུབ་པར་གསུངས། །རབ་ཏུ་ཆགས་ལ་ཆགས་པའི་མཆོག །རབ་ཏུ་རྨུགས་པ་རྨུགས་པ་སེལ། །ཞེ་སྡང་ཅན་ལ་འཚམ་པར་སྟོན། །གྲགས་པ་ཅན་ལ་ཞི་བ་ཆེ། ། ― DNG013_Page_0156 ―
[མ་དཔེ་གཟིགས་ན་འདིར་གནོན།]
རྩེན་པ་དག་ལ་རྩེན་པར་མཛད། །ཐབས་ཀྱི་མཛད་པ་ཀུན་གྱི་མཆོག །སེམས་ཅན་ཀུན་གྱི་དོན་གྱི་ཕྱིར། །ཕྱིན་ཅི་ལོག་ཏུ་གང་སྤྱོད་རྣམས། །གདུལ་བར་མཛད་པ་སྣ་ཚོགས་ཀྱིས། །མི་མཛད་པ་ནི་ཅི་ཡང་མེད། །ཤིན་ཏུ་གཏུམ་པའི་ཆ་ལུགས་ཀྱིས། །གཏུམ་པོ་ཐམས་ཅད་དབང་དུ་མཛད། །ཤིན་ཏུ་ཞི་བའི་ཆ་ལུགས་ཀྱིས། །གྲགས་པ་ཅན་རྣམས་དབང་དུ་མཛད། །ཤིན་ཏུ་མདངས་ལྡན་ཆ་ལུགས་ཀྱིས། །ཆགས་པའི་ཡིད་རྣམས་དབང་དུ་མཛད། །ཨེ་མའོ་ཤིན་ཏུ་ངོ་མཚར་ཆེ། །དེ་ནས་བཅོམ་ལྡན་འདས་རྣལ་འབྱོར་ཆེན་པོས་རབ་ཏུ་བརྩོན་པར་མཛད་པ། ཡིད་ཀྱི་འཕྲོ་བ་དང་། ཟླ་གམ་མེད་པ་དང་། གྱད་འགྱེད་པ་དང་། ཁུར་བ་བླ་ན་མེད་པས་ཕན་ཚུན་དུ་དགའ་བ་སྤྱོད་དོ། །ཤ་མདོག་དཀར་ལ་ནུ་མ་འབུར། །སྟོད་སྨད་ཕྱེད་ལ་སྨིན་དཀྱུས་རིང་། །པདྨའི་དྲི་ཡང་དུང་ལྟར་འཕྲོ། །པདྨ་ལེགས་པ་གྲོ་བོས་འདྲ། །ཟླུམ་པ་ཆེ་ཆུང་སྙོམས་པའོ། །ཤ་མདོག་དཀར་ལ་སྨེ་བ་ཅན། །སྟོད་སྨད་ཕྱེད་ལ་སོར་མོ་རིང་། །ནུ་མ་ཆུང་ཞིང་མཁྲང་བ་སྟེ། །དྲི་ཡང་པདྨའི་དྲི་རུ་བྲོ། །མགུལ་པ་ལེགས་ལ་རིང་ཐུང་རན། །པདྨ་དམར་ལ་མཁུར་ཚོས་ལེགས། །སྤྱན་ཡང་ཟླུམ་ལ་འོག་ནས་ལྟ། །ཤ་མདོག་སེར་ལ་ནུ་མ་ཟླུམ། །རྐེད་པ་ཕྲ་ལ་རོ་སྨད་ཟླུམ། །རྐང་པའི་སོར་མོ་ནང་དུ་སྐྱོར། །ལུས་ཀྱང་ལེགས་ལ་ཆེ་ཆུང་སྙོམས། །ཚེམས་ཀྱང་དམར་ལ་ཐགས་ཀྱང་དམ། །སོར་མོ་རྣམས་ཀྱང་ཕྲ་ལ་རིང་། །དྲི་ཡང་ཙན་དན་དྲི་རུ་བྲོ། །ཡན་ལག་ལྕུག་མ་བཞིན་དུ་མཉེན། །པདྨ་སེར་ལ་ཕྲ་ལ་རིང་། །སྤྱན་ཡང་ཕྲ་ལ་ཟུར་དུ་གཟིགས། །ཤ་མདོག་གནག་ལ་སྨེ་བ་གནག །ཤ་ཡང་གནག་ལ་རྩུབ་པ་སྟེ། །སྐད་གདངས་མི་སྙན་གཉིད་ར་རོ། །རྨོངས་ལ་མི་ཤེས་སུབ་སུབ་མོ། །ནུ་རྡོག་ཆེ་ལ་ནུ་བཤལ་རིང་། །རྐང་པ་སྦོམ་ལ་སོར་མོ་ཐུང་། །གདོང་ཡང་ལེབ་ལ་སྨེ་བ་མཐུག །སྨིན་མ་ཐུང་ལ་མིག་མི་སྡུག །ལུས་པོ་སྦོམ་ཐུང་མཇིང་པ་ཐུང་། །པདྨ་གནག་ལ་ཡངས་པ་སྟེ། །བ་ལང་ཅན་གྱི་རིགས་ཞེས་པའོ། །གཟུངས་མ་མཚན་དང་ལྡན་པ་བཙལ་བའི་དོན་ནི། རང་དབང་ཐོབ་པ་ང་ལོ་ཡང་། །བཅོས་སུ་ ― DNG013_Page_0157 ―
[མ་དཔེ་གཟིགས་ན་འདིར་གནོན།]
བཏུབ་ལ་ལུང་ཉན་པ། །སྐད་གསལ་ལྟ་བས་ཐག་ཆོད་པ། །སྤྱོད་པ་ལ་དོར་རྟོག་པ་ཆོམས། །ཡིད་གཞུངས་བློ་རྣོ་དབང་པོ་གསལ། །སེམས་དག་གཞུང་བཟང་ཞལ་ངོ་རྟག །དམ་ཚིག་ཕོག་ལས་མི་འདའ་བ། །ཚིག་ལ་བརྫུན་གྱི་གྲོན་ཐེབ་མེད། །དད་པ་སྐྱོ་དང་དུབ་པ་མེད། །སྤྱོད་པ་བླང་ཞིང་དོར་བ་མེད། །བརྩོན་འགྲུས་ཐང་དང་ལྷོད་པ་མེད། །ངོ་ཚ་ཤེས་དང་ཁྲེལ་ཡོད་པ། །གོམ་པ་དལ་ལ་སྤྱོད་པ་གཟོབ། །མིག་འབྲུ་ཚུགས་སུ་མི་ལྟ་ཞིང་། །འོག་དང་ཟུར་གྱིས་རྟོགས་པར་ལྟ། །དབུ་ལོ་འཇམ་ལ་ལྕང་ལོར་འཁྱིལ། །སྤྱན་བཀྲ་ཕྲ་ལ་དཀྱུས་རིང་བ། །སྣ་གཟུར་ཟོར་ལ་རྒྱུད་མ་ཆད། །ཡ་ཡོ་ཉག་དད་ཆད་པ་མེད། །སོ་དཀར་སུམ་ཅུ་ཐགས་བཟངས་ལ། །ཀོས་ཀོ་སོགས་བུ་ཡུལ་གཟུངས་འདྲ། །མདོག་སྡུག་དཀར་དམར་མདངས་ཕྱེད་པ། །རྐེད་ཕན་ཆག་གང་ཟླུམ་པ་དང་། །མགུལ་པ་ཟླུམ་ལ་ཕྲ་ལ་རིང་། །ངང་མོ་བྱ་ཡི་ཚུལ་དང་འདྲ། །སྣ་ཟླུམ་བལྟ་མཛེས་ཆུང་བ་དང་། །ཕྱག་གི་སོར་མོ་ཕྲ་ལ་རིང་། །རྣ་བ་གྲོ་བ་གཅུས་པ་འདྲ། །ལྕེ་ནི་དར་བལྟབ་ཁུག་པ་བཞིན། །དབུགས་རྒྱུ་ཕྱི་ནང་མེད་པ་འདྲ། །གཉིད་ཆུང་ཤ་ཡང་སྡུད་པ་མེད། །ཁ་སྣབས་མེད་ལ་དྲི་ཞིམ་པ། །སྣ་ཚོགས་སྤོས་དྲི་ལུས་ལ་བྲོ། །བསྐྱོད་པར་མཁས་ཤིང་ལས་ལ་དཔའ། །སྦྱོར་དྲོད་རིག་དང་ཏིང་འཛིན་རིག །པདྨ་དམ་ལ་སྤྱད་ན་དོག །ནུ་མ་དག་ནི་ཆུང་ལ་སྲ། །ཁ་མཆུ་སྲབ་ལ་བཟང་བའོ། །ལྷ་ཡི་སྦྱོར་བ་ཙོག་པུ། མིའི་གན་རྐྱལ། ཡི་དྭགས་ཟུར་གྱིས་སྦྱོར། བྱོལ་སོང་ཁ་སྦུབ་ཏུ་སྦྱོར་རོ། །གཟུངས་མ་མཚན་དང་ལྡན་པ་རྣམས་ལ་ཞག་ཟླའི་ཚད་བཟུང་སྟེ། དམ་དུ་བཅས་ནས་མཆོད་དུས་མི་ཆག་པར་ཕྱི་ནང་མི་བསྲེ། དམ་བཅས་པ་ལ་མ་གཏོགས་པ་གཞན་དང་སྦྱར་བར་མི་བྱའོ། །གཞན་དུ་སྦྱོར་བ་བྱས་ན་དམ་ལས་འདས་ཏེ།མངལ་གྱི་སྲིན་བུ་ཁ་དམར་དུ་སྐྱེའོ། །དམ་ལས་མ་འདས་བཀའ་བཞིན་དུ་བསྲུངས་ན། སངས་རྒྱས་དང་བྱང་ཆུབ་སེམས་དཔའི་སྲས་སུ་སྐྱེའོ། །གཟུངས་མ་འདི་དག་དང་བཀའ་མཐུན་པར་བསྒྲུབས་ན་འགྲུབ་པར་འགྱུར་བར་ཐེ་ཚོམ་མེད་དོ། །བཅོམ་ལྡན་འདས་དཔལ་རྡོ་རྗེ་ ― DNG013_Page_0158 ―
[མ་དཔེ་གཟིགས་ན་འདིར་གནོན།]
སེམས་དཔས་གསུངས་སོ། །ཧེ་རུ་ཀ་རོལ་པ་ལས་གསང་བའི་ལྷ་མོ་མཆོད་པའི་སྦྱོར་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས་རུ་ལུའི་བསྙེན་པའི་ཏིང་ངེ་འཛིན་ལ་སྙོམས་པར་བཞུགས་སོ། །ཞུགས་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །རུ་ལུ་ཆོས་ཉིད་དུ་ཤེས་པ་ནི་ཨོཾ་ལ་དཔལ་ཆེན་པོ་ཡབ་ལྔ་ལ་ཡུམ་ཁྲག་འཐུང་རྒྱལ་མོ་ལྔ་ཡང་སྐུ་ལ་རྫོགས་སོ། །དེ་ཉིད་ལྟ་བས་སྲིན་པོར་སོང་གིས་དོགས་ནས་ཡེ་ཤེས་ལྔར་བསྟན་ཏོ། །ཨ་ལྟར་སྣང་བ་ཆོས་ཀྱི་དབྱིངས་ཀྱི་ཡེ་ཤེས། ཟླ་ཚེས་མེ་ལོང་ལྟ་བུའི་ཡེ་ཤེས། སྣ་རུ་སོ་སོར་རྟོག་པའི་ཡེ་ཤེས། མ་མཉམ་པ་ཉིད་ཀྱི་ཡེ་ཤེས། ཨ་ལ་བཏགས་པར་བྱ་བ་ནན་ཏན་གྱི་ཡེ་ཤེས། ཡབ་ཡུམ་རྣམས་ཀྱང་དེ་བཞིན་དུ་སྦྱར། ཆོས་ཐམས་ཅད་མ་བྱུང་མ་སྐྱེས་པའི་ངང་ལ་སྐྱེ་བའི་ཆོ་འཕྲུལ་བསྟན་ནོ། །རུ་ལུ་དཀྱིལ་འཁོར་དུ་ཤེས་པ་ནི་ཕུང་པོ་ལྔ་རིགས་ལྔ་འབྱུང་བ་ལྔ་ཡུམ་ལྔ་ཁམས་དང་སྐྱེ་མཆེད་བྱང་ཆུབ་སེམས་དཔའ་དང་སེམས་མ་དང་སྤྲུལ་པ་ལྕམ་དྲལ། ཕུང་པོ་ལྔ་ཧེ་རུ་ཀ་ལྔ། འབྱུང་བ་ལྔ་ཁྲག་འཐུང་རྒྱལ་མོ་ལྔ། ཁམས་དང་སྐྱེ་མཆེད་ཕྲ་མེན་མ་བཅུ་དྲུག །སྒལ་ཚིགས་དབང་ཕྱུག་མ་ཉི་ཤུ་རྩ་བརྒྱད། །བ་སྤུ་ཉག་མ་རེ་རེ་སྤྲུལ་པའི་ཕྲ་མེན་མ་དང་ཕོ་ཉ། ཡན་ལག་སྒོ་བ་བཞི། སྤྲུལ་པ་ཐུགས་ཀྱི་རྒྱན་ཏེ། སྔགས་མ་ཧཱ་ཡོ་གའོ། །དཀྱིལ་འཁོར་ལ་ཡང་ཕྱོགས་དང་གྲལ་མ་ནོར་བར་དགོད་དོ། །སྒོ་སྐྱོང་ཡན་ཆད་རིམ་བཞིན་དུ་དགོད། རུ་ལུ་ལྷར་ཤེས་པ་ནི་བཅོམ་ལྡན་འདས་དཔལ་ཀུན་དུ་བཟང་པོ་བྱང་ཆུབ་སེམས་ཀྱི་དོན་རྟོགས་ན་སངས་རྒྱས་ཡིན་པར་ཤེས་པར་བྱའོ། །རུ་ལུ་མཆོད་པར་ཤེས་པ་ནི་བཅོམ་ལྡན་འདས་བྱང་ཆུབ་ཀྱི་སེམས་ཀྱི་དོན་རྟོགས་ན། བདག་བྱང་ཆུབ་ཀྱི་སེམས་མཆོད་པས་འཕགས་པའི་ཚོགས་མཉེས་པ་སྟེ། འགྲངས་ཤིང་ཚིམ་པར་འགྱུར་རོ། །ཚིམ་པས་དངོས་གྲུབ་ཐོབ་པར་འགྱུར་རོ། །རུ་ལུ་བསྙེན་པར་ཤེས་པ་ནི་བསྙེན་པ་ནི་དཔལ་ཆེན་པོའི་སྐུའོ། །ཉེ་བའི་བསྙེན་པ་ནི་ཡུམ་ཀྲོ་དྷི་ཤྭ་རིའོ། །སྒྲུབ་ ― DNG013_Page_0159 ―
[མ་དཔེ་གཟིགས་ན་འདིར་གནོན།]
པ་ནི་ཕྲ་མེན་མ་བཅུ་དྲུག །སྒྲུབ་པ་ཆེན་པོ་ནི་འདི་ལྟར་བསྒྲུབས་པས་འབྲས་བུ་དྲོད་རྣམ་པ་གསུམ་དང་སྦྱར་རོ། །འོད་ཀྱི་དྲོད་ནི་བདག་སྒྲུབ་པ་བྱེད་པའི་དུས་སུ་བདག་གི་ལུས་ལ་འོད་འབྱུང་བ་ནི་དྲོད་དང་པོ་དང་སྦྱར་རོ། །འདོན་པའི་དྲོད་ནི་བདག་སྒྲུབ་པར་བྱེད་པའི་དུས་སུ་བདག་གི་ལུས་བལ་འདབ་གཡེངས་པ་ལྟར་བྱེད་ན་དྲོད་འབྲིང་པོ་དང་སྦྱར་རོ། །དྲོད་ཀྱི་དྲོད་ནི་བདག་གི་སེམས་ཏག་ཏག་རང་རང་ནམ་མཁར་འཕུར་སྙམ་བྱེད་ན་ཐ་མ་དག་སྦྱར་རོ། །བཅོམ་ལྡན་འདས་དཔལ་རྡོ་རྗེ་སེམས་དཔས་བཀའ་སྩལ་པ།དོན་དམ་པར་བསྙེན་པ་ནི་བྱང་ཆུབ་ཀྱི་སེམས་ཀུན་དུ་བཟང་པོའི་ཉེ་བའི་བསྙེན་པ་ནི་བྱང་ཆུབ་ཀྱི་སེམས་ཀུན་དུ་བཟང་མོའོ། །དེ་ལ་གཉིས་སུ་མེད་པ་ནི་སྒྲུབ་པ།རྒྱུ་བྱང་ཆུབ་ཀྱི་སེམས་སྐྱེ་བ་མེད་པའི་དབྱིངས་ལས་མ་གཡོས་ལ་འབྲས་བུ་ཀུན་རྫོབ་བྱང་ཆུབ་ཀྱི་སེམས་ཕྱག་རྒྱ་སྣ་ཚོགས་ཅིར་སྣང་ཡང་སྒྱུ་མ་ཡེ་ཤེས་ཀྱི་ཕྱག་རྒྱ་ཙམ་དུ་སྣང་། སྣང་ཙམ་ཉིད་ན་རྒྱུ་དང་འབྲས་བུ་གཉིས་ཀ་སྟེ། རྒྱུ་འབྲས་རོ་གཅིག་པའི་བྱང་ཆུབ་ཀྱི་སེམས་ཤེས་པར་བྱ་སྟེ། ཐིག་ལེ་ཆེན་པོའི་ངང་དུ་ཡེ་ནས་མ་བཅོས་པར་ལྷུན་གྱིས་གྲུབ་པར་གནས་པ་ནི་ལྷུན་གྱིས་གྲུབ་པའི་བྱང་ཆུབ་ཀྱི་སེམས་ཞེས་བྱ་སྟེ། སྒྲུབ་པ་ཆེན་པོའོ། །རུ་ལུ་སྒྲར་ཤེས་པ་ནི་བྱི་ཁུང་ན་བུང་བ་ཆེན་པོའི་སྐད་ཙམ་རང་གི་རྣ་བས་ཐོས་པ་ལས་མ་གཏོགས་པ་གཞན་གྱིས་ཚོར་བར་མི་བྱའོ། །རུ་ལུ་དབྱངས་སུ་ཤེས་པ་ནི། ཚངས་པའི་དབྱངས་ཀྱིས་འདྲེན་སྟངས་ཀྱིས། །རྒྱལ་བ་རྒྱ་མཚོ་ཐུགས་དམ་བསྐུལ། །རྡོ་རྗེ་སྲིན་པོ་ངུར་སྒྲ་ཡིས། །ཁམས་གསུམ་མ་ལུས་དབང་དུ་སྡུད། །འཁུན་ཅིང་གདུང་བའི་སྒྲ་དབྱངས་ཀྱིས། །མ་དང་མཁའ་འགྲོ་ཐུགས་དམ་བསྐུལ། །ཁོང་ཀུན་འདྲེན་པའི་གདུང་དབྱངས་ཀྱིས། །ཀེའུ་རི་བརྒྱད་ཀྱི་ཐུགས་དམ་བསྐུལ། །མཁུར་བ་དབུགས་ཀྱི་རླུང་འབྱིན་གྱིས། །སེང་གདོང་ལ་སོགས་ཐུགས་དམ་བསྐུལ། །སྔགས་ཀྱི་ཡིག་འབྲུ་བཟླས་པ་ཡིས། །རྡོ་རྗེ་ཚིག་ལ་སྐད་མདངས་མེད། །དེ་ནས་བཅོམ་ལྡན་འདས་ཀྱིས་ལས་ཀྱི་བཟླས་པ་འདི་གསུངས་སོ། །དམ་ཚིག་ཡེ་ཤེས་དཔལ་འབར་མ། །ཨོཾ་ནི་སྐུ་ ― DNG013_Page_0160 ―
[མ་དཔེ་གཟིགས་ན་འདིར་གནོན།]
གསུང་ཐུགས་ཀྱི་ངང་། །རུ་ནི་གཟི་བརྗིད་འཕྲུལ་པོ་ཆེ། །ལུ་ནི་ཡུམ་ཆེན་དཔལ་འབར་མ། །བྷྱོ་ནི་མ་སྲིང་རྒྱ་མཚོ་ཚོགས། །རུ་ལུ་གསེར་ཕྲེང་རྒྱ་མཚོ་སྟེ། །ཕར་སྤྲོས་པས་ནི་སྐུ་ལ་ཐིམ། །སླར་བསྡུས་པས་ནི་ཐུགས་ལ་ཐིམ། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཧཱུྃ་ལས་རྡོ་རྗེ་རྩེ་ལྔ་པ། །པྃ་ལས་པདྨར་གྱུར་པའི་དབུས། །མ་ལས་ཉི་མའི་དཀྱིལ་འཁོར་བསམ། །ཤ་ད་པ་ལ་སོགས་པ་ཡི། །བསྐུལ་བ་བདག་ནི་ཚུལ་བཞིན་དུ། །བསྙེན་པ་དང་ནི་ཉེ་བསྙེན་པའོ། །སྒྲུབ་པ་དང་ནི་བསྒྲུབ་ཆེན་པོ། །ཡུམ་ནི་པདྨའི་དཀྱིལ་འཁོར་དུ། །བདེ་བ་ཐུགས་ཀྱི་དཀྱིལ་འཁོར་སྤྲོ། །སངས་རྒྱས་སྤྲིན་ཚོགས་མ་ལུས་ལ། །དགྱེས་མཉམ་མཆོག་གི་སྦྱིན་པས་བསྡིམ། །སྟོང་གསུམ་སྟོང་གི་འཇིག་རྟེན་ན། །སྐུ་ཡི་སྤྲུལ་པ་བསམ་མི་ཁྱབ། །དེ་ཡང་དཔལ་ཆེན་ཉིད་ཀྱི་སྐུ། །སྟོང་གསུམ་སྟོང་གི་འཇིག་རྟེན་ན། །གསུང་གི་སྤྲུལ་པ་བསམ་མི་ཁྱབ། །དེ་ཡང་དཔལ་ཆེན་ཉིད་ཀྱི་གསུང་། །སྟོང་གསུམ་སྟོང་གི་འཇིག་རྟེན་ན། །ཐུགས་ཀྱི་སྤྲུལ་པ་བསམ་མི་ཁྱབ། །དེ་ཡང་དཔལ་ཆེན་ཉིད་ཀྱི་ཐུགས། །སྟོང་གསུམ་སྟོང་གི་འཇིག་རྟེན་ན། །ཤར་ཕྱོགས་སྟོང་གི་འཇིག་རྟེན་ན། །ཀུན་ཀྱང་བཛྲ་ཧེ་རུར་བྱིན་བརླབས་ནས། །བཛྲ་ཧེ་རུ་ཀ་ཡི་དངོས་གྲུབ་དུས་འདིར་སྩོལ། །སྟོང་གསུམ་སྟོང་གི་འཇིག་རྟེན་ན། །ལྷོ་ཕྱོགས་སྟོང་གི་འཇིག་རྟེན་ན། །ཀུན་ཀྱང་རཏྣ་ཧེ་རུར་བྱིན་བརླབས་ནས། །རཏྣ་ཧེ་རུ་ཀ་ཡི་དངོས་གྲུབ་དུས་འདིར་སྩོལ། །སྟོང་གསུམ་སྟོང་གི་འཇིག་རྟེན་ན། །ནུབ་ཕྱོགས་སྟོང་གི་འཇིག་རྟེན་ན། །ཀུན་ཀྱང་པདྨ་ཧེ་རུར་བྱིན་བརླབས་ནས། །པདྨ་ཧེ་རུ་ཀ་ཡི་དངོས་གྲུབ་དུས་འདིར་སྩོལ། །སྟོང་གསུམ་སྟོང་གི་འཇིག་རྟེན་ན། །བྱང་ཕྱོགས་སྟོང་གི་འཇིག་རྟེན་ན། །ཀུན་ཀྱང་ཀརྨ་ཧེ་རུར་བྱིན་བརླབས་ནས། །ཀརྨ་ཧེ་རུ་ཀ་ཡི་དངོས་གྲུབ་དུས་འདིར་སྩོལ། །སྟོང་གསུམ་སྟོང་གི་འཇིག་རྟེན་ན། །གནས་རབ་གནས་ནི་བསམ་མི་ཁྱབ། །དུར་ཁྲོད་ཆེན་པོ་གནས་ཀྱི་མཆོག །བདེ་བ་ཆེན་པོ་གནས་ཀྱི་མཆོག །ཡུམ་གྱི་མཁའ་དབྱིངས་གནས་ཀྱི་མཆོག །དེ་ཡང་དཔལ་ཆེན་ཉིད་ཀྱི་གནས། །སྟོང་གསུམ་སྟོང་གི་འཇིག་རྟེན་ན། །ཟས་རབ་ཟས་ནི་བསམ་མི་ཁྱབ། །རྡོ་རྗེ་དྲི་ཆེན་ཟས་ཀྱི་མཆོག །རྡོ་རྗེ་ག་བུར་ཟས་ཀྱི་ ― DNG013_Page_0161 ―
[མ་དཔེ་གཟིགས་ན་འདིར་གནོན།]
མཆོག །བདུད་རྩི་རྣམ་ལྔ་ཟས་ཀྱི་མཆོག །དེ་ཡང་དཔལ་ཆེན་ཉིད་ཀྱི་ཟས། །སྟོང་གསུམ་སྟོང་གི་འཇིག་རྟེན་ན། །སྐོམ་རབ་སྐོམ་ནི་བསམ་མི་ཁྱབ། །རཀྟ་དྲི་ཆུ་སྐོམ་གྱི་མཆོག །དེ་ཡང་དཔལ་ཆེན་ཉིད་ཀྱི་སྐོམ། །སྟོང་གསུམ་སྟོང་གི་འཇིག་རྟེན་ན། །སྐྱོགས་རབ་སྐྱོགས་ནི་བསམ་མི་ཁྱབ། །བྷན་དྷ་གསར་རྙིང་སྐྱོགས་ཀྱི་མཆོག །དེ་ཡང་དཔལ་ཆེན་ཉིད་ཀྱི་སྐྱོགས། །སྟོང་གསུམ་སྟོང་གི་འཇིག་རྟེན་ན། །ཡབ་རབ་ཡབ་ནི་བསམ་མི་ཁྱབ། །ཀུན་དུ་བཟང་པོ་ཡབ་ཀྱི་མཆོག །དེ་ཡང་དཔལ་ཆེན་ཉིད་ཀྱི་ཡབ། །སྟོང་གསུམ་སྟོང་གི་འཇིག་རྟེན་ན། །ཡུམ་རབ་ཡུམ་ནི་བསམ་མི་ཁྱབ། །ཀུན་དུ་བཟང་མོ་ཡུམ་གྱི་མཆོག །དེ་ཡང་དཔལ་ཆེན་ཉིད་ཀྱི་ཡུམ། །ཨོཾ་རུ་ལུ་འདི་ནི་སྐུ་ཡི་སྐུ། །རུ་ལུ་འདི་ནི་སྐུ་ཡི་གསུང་། །རུ་ལུ་འདི་ནི་སྐུ་ཡི་ཐུགས། །རུ་ལུ་འདི་ནི་གསུང་གི་སྐུ། །རུ་ལུ་འདི་ནི་གསུང་གི་གསུང་། །རུ་ལུ་འདི་ནི་གསུང་གི་ཐུགས། །རུ་ལུ་འདི་ནི་ཐུགས་ཀྱི་སྐུ། །རུ་ལུ་འདི་ནི་ཐུགས་ཀྱི་གསུང་། །རུ་ལུ་འདི་ནི་ཐུགས་ཀྱི་ཐུགས། །སྐུར་གསལ་གསུང་གསལ་ཐུགས་ཀྱང་གསལ། །སྐུ་དོན་གསུང་དོན་ཐུགས་ཀྱི་དོན། །རུ་ལུར་མ་གྱུར་གང་ཡང་མེད། །སྟོང་ཁམས་ཐམས་ཅད་རུ་ལུས་བཀང་། །རུ་ལུ་དངོས་གྲུབ་དུས་འདིར་གསོལ། །རུ་ལུ་དངོས་སུ་སྣང་བ་ནི་སྐུ། དེ་ཉིད་མ་སྐྱེས་པ་ནི་གསུང་།སྣང་བ་དང་མ་བྱུང་བ་གཉིས་སུ་མེད་པ་ནི་ཐུགས་སོ། །རུ་ལུ་སྐུ་གསུམ་གསུང་གསུམ། ཐུགས་གསུམ། དགུ་ཕྲུགས་ཀྱི་དོན་ཏོ། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨོཾ་ནི་དཔལ་ཆེན་ཧེ་རུ་ཀ་ཡབ་ཡུམ་མོ། །རུ་ལུ་གོང་མ་བརྒྱད་ནི་ཀེའུ་རི་མ་བརྒྱད།རུ་ལུ་འོག་མ་བརྒྱད་ནི་སིང་ཧ་མ་བརྒྱད། ཧཱུྃ་ནི་སྒོ་བ་ཡབ་ཡུམ་བརྒྱད། བྷྱོ་ནི་དབང་ཕྱུག་མ་ཉི་ཤུ་རྩ་བརྒྱད། ཧཱུྃ་ནི་སྡུད་པ་བྱང་ཆུབ་སེམས། ལྷ་རེ་རེ་ལ་སྙིང་པོ་གྲངས་བརྒྱ་རྩ་བརྒྱད་རྩ་བརྒྱད་དབུལ་ལོ། །ཁྲོ་བོ་རྣམས་ནི་ཀྲོ་དྷ་ནི་རུ་ལུ་རུ་ལུ་ཧཱུྃ་བྷྱོ་ཧཱུྃ། དེ་ནས་བཅོམ་ལྡན་འདས་ཧེ་རུ་ཀ་རོལ་པའི་ཏིང་ངེ་འཛིན་དུ་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཁྲོ་གཉེར་སྙིང་པོ་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་བཛྲ་བྷྲྀ་ཀུ་ཌི་མ་ཧཱ་ཀྲོ་དྷ་ ― DNG013_Page_0162 ―
[མ་དཔེ་གཟིགས་ན་འདིར་གནོན།]
མ། ཧ་ན་ཧ་ན། གྲྀ་ཧྞ་གྲྀ་ཧྞ། མཱ་ར་མཱ་ར། བྷཉྫ་བྷཉྫ། ད་ཧ་ད་ཧ། པ་ཙ་པ་ཙ།ཧཱུྃ་ཋེཾ་བྲི་བྲི། བྲ་མ་ཡ་བྲ་མ་ཡ། བི་དྭན་སརྦཱ་བ་ར་ན་སརྦ་དུཥྚཱཾ། མ་ཏ་མ་ཏ། མོ་ཏ་མོ་ཏ། ཧཱུྃ་བྲི་ཏྲཾ་ཏྲཾ། བྲི་ཧཱུྃ་ཏྲཾ་ཏྲཾ། དེ་ནས་བཅོམ་ལྡན་འདས་ཁྲོ་བོ་ཆེན་པོ་པདྨ་འབྱུང་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཀྱི་སྐུ་དང་གསུང་དང་ཐུགས་རྡོ་རྗེ་ཐུགས་ཀ་ནས་ཕྱུང་ངོ་། །པདྨ་ཛ་ལ་མ་ཧཱ་ཀྲོ་དྷ་པདྨ་བ་མུ་ཀ་ཁ་ཁ། སརྦ་དུཥྚཱཾ། ཁ་ཧི་ཁ་ཧི། སརྦ་དུསྟ་བ། དུསྟ་ན་མ། ད་མ་ད་མ། བཛྲ་ཤོ་ད་ཀ །ཏ་མ་ཐ་མ་ཐ། ཀྲོ་དྷ་ཀྲོ་དྷ། བཛྲ་ཁ་ར་ཙ། བ་ལ་དུ་རུ། ག་བེ་ག་ཏྲ་ས་ཡ་ཏྲ་ས་ཡ་མ་ཧཱ་བཛྲ་པ་ད་བ་མུ་ཀ །པྲ་མ་པྲ་མ་ཧཱུྃ་ཕཊ། ཏི་ཧ་ཧ་ཏི་ཧ་ཏི། ཙ་ཏུ་ར་མུ་ཁ། བི་ཕྲ་ན་ཤ་ན་ཧཱུྃ་ཧྲི། ཧཱུྃ་ཧཱུྃ་ཧཱུྃ་ཧྲི། རྡོ་རྗེ་ཆེན་པོ་འཇིགས་བྱེད་ཅེས་བྱ་བའི་ཁྲོ་བོ་ཆེན་པོའི་སྙིང་པོ་འདི་ཉིད་ཀྱི་སྐུ་དང་གསུང་དང་ཐུགས་ཡེ་ཤེས་ཀྱི་སྙིང་ག་ནས་ཕྱུང་ངོ་། །ཨོཾ་བཛྲ་བེ་ག་མ་ཧཱ་ཀྲོ་དྷ་སརྦ་དུཥྚཱཾ། ས་མ་ཡ་བཀྵ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། བཛྲ་ས་ཀྵ་ཧ་ན་ཧ་ན་ཧཱུྃ་ཕཊ། ཁྲོ་བོ་ཆེན་པོ་ཐམས་ཅད་ཕྱག་རྒྱ་ཆེན་པོ་མངོན་པར་སྤྲུལ་ནས་མཆེ་བ་ཆེན་པོ་འཁྱིལ་ཅིང་ཞལ་མི་སྡུག་པ། སྤྱན་སྟོང་པ། ཉི་མ་ཆེན་པོ་སྟོང་གི་གཟི་བརྗིད་ཅན་རབ་ཏུ་ཟ་བར་བྱེད་པའི་མདོག་སྔོན་པོའི་སྐུ། དུར་ཁྲོད་ཆེན་པོའི་དཔལ་ཆེན་གྱི་ཕྱག་ཆ་མིའི་ཀེང་རུས་ཁྲག་དང་ཤ་དང་ལུད་པ་དང་རྐང་དང་ཚིལ་རྣམས་ཟས་སུ་གསོལ་པ། མིའི་པགས་པ་རྣམས་གཡོགས་ཏེ་བསྡམས་པ། མི་མགོའི་ཕྲེང་བ་དབུ་ལ་འཛིན་པ། སེང་གེ་དང་། གླང་པོ་དང་། བོང་བུ་དང་། རྔ་མོ་དང་། མ་ཧེ་དང་། ཕག་དང་། ཅེ་སྤྱང་དང་། ར་དང་། ཁྱི་དང་། འུག་པ་དང་། བྱ་རོག་དང་། བཞད་དང་། བྱི་ལ་དང་། གཟིག་དང་། སྟག་ལ་སོགས་པ་ཁྲོ་བོའི་བྱོལ་སོང་གི་གདོང་ལ་སོགས་པ་བརྒྱ་སྟོང་མང་པོ་རང་གི་བ་སྤུའི་བུ་ག་ནས་ཕྱུང་སྟེ། དཀྱིལ་འཁོར་ཆེན་པོའི་ཚུལ་གྱིས་ཤར་ཕྱོགས་འཇིགས་བྱེད་འདུལ་བ། ཞལ་རྣམ་པར་བསྙེན་པ། འཇིགས་པ་ལྟ་བུའི་སྤྱན་དང་། ཞལ་རྡོ་རྗེ་མཆེ་བ་ཆེར་གཙིགས་པ། འཇིགས་པར་བྱེད་པའི་ཁྲོ་བོ་ཆེན་པོ་བརྒྱད་སྟོང་གི་གཡོག་དང་། ― DNG013_Page_0163 ―
[མ་དཔེ་གཟིགས་ན་འདིར་གནོན།]
ཤར་ཕྱོགས་དཀྱིལ་འཁོར་དུ་འཁྱིལ་པར་གྱུར་ཏེ་གནས་སོ། །ལྷོ་ཕྱོགས་ཀྱི་དཀྱིལ་འཁོར་དུ་ཁྲོ་གཉེར་ཅན་མང་པོ་བརྒྱ་སྟོང་གཡོག་དང་བཅས་པར་གནས་སོ། །ནུབ་ཕྱོགས་སུ་ཡང་རྟ་གདོང་ཁྲོ་བོ་ཆེན་པོ་བརྒྱ་སྟོང་མང་པོ་གཡོག་དང་བཅས་ཏེ་གནས་སོ། །བྱང་དུ་ཡང་འུར་འུར་ཆེན་པོ་ཁྲོ་བོ་བརྒྱད་སྟོང་མང་པོ་གཡོག་དང་བཅས་ཏེ་གནས་སོ། །བཅོམ་ལྡན་འདས་ཤིན་ཏུ་ཁྲོ་བོ་ཆེན་པོའི་ཚོགས་བརྒྱ་སྟོང་མང་པོས་བསྐོར་ནས་དབུས་ཀྱི་དཀྱིལ་འཁོར་ན་བཞུགས་ཏེ། ཧེ་རུ་ཀའི་ཁྲོ་བོའི་ཚོགས་ཆེན་པོ་དེ་དག་དང་། ཁྲོ་བོ་ཆེན་པོ་བརྒྱ་སྟོང་མང་པོའི་རི་རབ་ཀྱི་རྡུལ་ཕྲན་དང་མཉམ་པ་བསྐྱེད་བྱུང་ནས་ནམ་མཁའི་དབྱིངས་རབ་འབྱམ་ཐམས་ཅད་སྣང་བར་བྱས་ཏེ། སྟོང་གསུམ་གྱི་འཇིག་རྟེན་གྱི་ཁམས་འདི་དག་ཐམས་ཅད་གང་བར་བྱས་སོ། །ཤིན་ཏུ་དགྱེས་པའི་ཁྲོ་བོ་ཆེན་པོས་ཁྲོ་བོའི་ཚོགས་རྣམས་ལ་བཀའ་སྩལ་པ། ན་མོ་རཏྣ་ཏྲ་ཡཱ་ཡ། ན་མ་ཤྩཎ་ཌ་བཛྲ་པཱ་ཎ་ཡེ། མ་ཧཱ་ཡཀྵ་སེ་ན་པ་ཏ་ཡེ། ཏདྱ་ཐཱ། ཨོཾ་བྷོ་བྷོ། མ་ཧཱ་བ་རེ་བ་ད་ར་བ། མ་ཧཱ་དྷི། ཧ་ར་ཧ་ར། གྲྀ་ཧྞ་གྲྀ་ཧྞ། མ་ར་མ་ར། བྷཉྫ་བྷཉྫ། ཀྵྀ་ཀྲ་ན་མ་ཧཱ་བཛྲ་ཙཎྜ་དྷ། སརྦ་དུཥྚཱཾ་དུ་ཀུ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མ་ཐ་མ་ཐ་ཧཱུྃ་ཕཊ། འདི་གསུངས་མ་ཐག་ཏུ། འཇིགས་བྱེད་ཆེན་པོ་དབུལ་བར་བྱེད་པ། རང་གི་སྐུ་ནམ་མཁའི་དབྱིངས་ཀྱི་ཚུལ་དུ་བྱེད་དོ། །ཁྲོ་བོ་བརྒྱ་སྟོང་མང་པོ་ཞལ་རྣམ་པར་བསྙེར་བ། མཆེ་བ་གཙིགས་པ། འཁྱིལ་ཅིང་བསྒྱུར་བ་ཕྱག་བརྒྱ་སྟོང་མང་པོ་ལ་མཚོན་ཆ་སྣ་ཚོགས་བསྣམས་པ། ཞལ་བརྒྱ་སྟོང་མང་པོ་མེ་ལྕེ་བཞིན་དུ་འབར་བའི་སྐུ། ཨོཾ་མ་ཧཱ་བཛྲ་ཨང་། ཧ་ས་ཧ་ས།ཧ་ཧ་ཧ་ཧཱུྃ་ཧ། ཨོཾ་ཏི་ཨོཾ་མ་ཧཱ། བེ་ར་བ་བེ། ཤིང་ཤིང་། ཏྲ་ཏྲ་ཏྲཾ་ཏྲཾ། ཧ་ཧ་ཨི་ཏི། དེ་ནས་འཇིགས་བྱེད་ཆེན་པོ་འདུལ་བར་བྱེད་པའི་ཁྲོ་བོ་དེས་ཧེ་རུ་ཀའི་ང་རོ་འབྱིན་ཅིང་མགོ་བོ་ནས་མནན་ཏོ། །རྡོ་རྗེ་ཧེ་རུ་ཀའི་རོལ་པའི་བདག་ཉིད་ཀྱི་མཐུ་ཆེན་པོས་འཇིགས་བྱེད་ཆེན་པོའི་ང་རོ་འབྱིན་ཅིང་རྒྱུ་མའི་སྦུ་གུ་དྲངས་ནས་ཁྲག་དང་རུས་པ་དང་རྐང་རྣམས་ཟ་ཞིང་ཆེམ་ཆེམ་མཛད་པས། དེའི་འཁོར་ལ་ ― DNG013_Page_0164 ―
[མ་དཔེ་གཟིགས་ན་འདིར་གནོན།]
རབ་ཏུ་སྟོན་པར་མཛད། མ་མོའི་ཚོགས་ཐམས་ཅད་ཀྱང་སྒྲེན་མོར་བྱས་ཏེ་སྨ་ཕབ་ནས་ཧེ་རུ་ཀའི་ཚོགས་ཆེན་པོའི་མཐུ་དང་གཟི་བྱིན་བསྐྱེད་ནས། འཁོར་ཐམས་ཅད་ཐུལ་སྐྱབས་འོག་ཏུ་ཡང་བཙུད་ནས་དམ་ཚིག་ལ་གནས་ཏེ་ཡང་དག་པར་བཞུགས་སོ། །དེ་ནས་བཅོམ་ལྡན་འདས་ཁྲོ་བོ་དྲུག་པོའི་བཞད་པས་བཞད་ཅིང་། ཨོཾ་བཛྲ་བྷྲྀ་ཀུ་ཊི་ཧ་ན་ཧ་ན། གྲྀ་ཧྞ་གྲྀ་ཧྞ། མ་ཏ་མ་ཏ། ཀི་ན་ཙ་རི་ཡ། སི་སུ་ར་མ་ཧཱ་ས། སྲ་ཏི་རེ་ཀེ་བ་སུར་ཛ་ལ་ན་ལ་ར་ཚི་པྲ་ཏི་ཛ་ལི་ཏ། མ་སུ་ར་ཏྃ། ཨཱ་ཀ་ཏ་ཊ་ཨཱ་ཀ་ཏ་ཊ། ཨ་ཕྱ་ཝ། ཨ་ཕྱ་ཝ། ཀྲྀཥྞ་ཙཀྲ་བེ་ར་བརྟི་ད་ཡ་ན་ཧཱུྃ་བྲི། དེ་ནས་ཁྲག་འཐུང་གི་སྔགས། ཨོཾ་བཛྲ་སཱུརྱ་བྷྲྀ་ཀུ་ཊི། ཁྲོ་ད་མ་ཧཱ་ཀྲི་ཏེ། ད་ར་བ་ད་ར་བ། སུ་ར་དུ་ར་ཏི། ཨོཾ་ས་མེ་ད་ད་མ་ནི་ཙ་ན། ཨོཾ་བྲ་བྲ་བི་བྲྃ་བ། དེ་ནས་རྟ་གདོང་གི་ཁྲོ་བོ་ཆེན་པོའི་སྔགས། བ་ཧྲི། ཨོཾ་མ་ཧཱ་བཛྲ་བ་ད། བ་མུ་ག །ཁ་ཁ། ཁཱ་ཧི་ཁཱ་ཧི་ཙ་དུར་མུ་ཁང་། བ་བ་བི་བ། ཨ་རུ་ཏི་རམ། མ་ཀཱརྱ་ཧྲྀ་ད་ཡ་ན། དྲ་ན། དམ་དེའུ། བཛྲ་བ་དཾ་བ་མུ་ཀ །ཧི་ཧི། ཤ་ཧི་ཤ་མ་ཧཱ་ཤེ་ཤ་ཧི་ཧི། དེ་ནས་རྡོ་རྗེ་ཆེན་པོའི་རྟ་གད་ཆེན་པོ་མཛད་ཅིང་བཞུགས་སོ། །བཅོམ་ལྡན་འདས་ཁྲོ་བོ་ཆེན་པོས་ཁྲོས་པ་དང་བཅས་པའི་ལྟ་བས་གཟིགས་ཏེ། ཨོཾ་གུ་ལུ་གུ་ལུ་བཛྲ་མ་ཧཱ་ཀྲོ་དྷ་ཨཱ་ཀར་ཥ་ཡ། ཨཱ་ཀར་ཥ་ཡ། ཤ་ཀྲ་ཧྲྀ་ད་ཡཱ་ན་མ་ཧཱ་བཛྲ་དཾཥྚཱཾ་ཡ། ཧཱུྃ་བྷཀྵ་ཡ་ཤྲིཾ། དེ་ནས་བཅོམ་ལྡན་འདས་ཁྲོ་བོ་ཆེན་པོ་རྣལ་འབྱོར་པ་རྣམས་དང་རོལ་ཅིང་། རང་གི་ཤིན་ཏུ་དགྱེས་པའི་ཀུན་དུ་ལོངས་སྤྱོད་པའི་ཁྲོ་བོ་ཆེན་པོའི་དཀྱིལ་འཁོར་དུ་བཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་འདུ་བ་མཛད་ནས། བཅོམ་ལྡན་འདས་ལ་བསྐུལ་བ་མཛད་དོ། །ཨོཾ་མ་ཧཱ་སུ་ར་ཏ། བཛྲ་མ་ཧཱ་ཀྲོ་དྷ་པ་སཾ་ཧ་ར་པ་སཾ་ཧ་ར། སརྦ་ཀྲོ་དྷ་མ་ཤ་མ་ཤ་མ། པྲ་ཤ་མ་པྲ་ཤ་མ། སརྦ་ཀྲོ་དྷ་ཨུཙྪུཥྨ་ཀྲོ་དྷ་བྷ་བ་ས་མ་ཡ། མ་ཧཱ་མ་དྲེ་ལེ་སྟ་མ་ཡ། སརྦ་དུཥྚ་པྲ་དུཥྚ་པྲ་དུཥྚ་ཀྲོ་དྷ་མ་བ་བ་ཡ། ཛྭ་ལ་ཡ་ཤ་ཀྲ་པཱ་དཾ། བཻ་ཤ་ར་མ་ཡེ། ཤ་ར་མ་ཧཱ། བྷ་ག་བནྡྷ། སུ་ར་ཏི། སརྦ་ཏ་ཐཱ་ག་ཏཱ་སཱ་དཱ་ན། ས་མ་ཡེ་ན་ཙ་ཧོཿ། སུ་ར་ཏ། ས་མ་ཨི་ཏི། དེ་ནས་བཅོམ་ལྡན་འདས་ཁྲོ་བོ་ ― DNG013_Page_0165 ―
[མ་དཔེ་གཟིགས་ན་འདིར་གནོན།]
ཆེན་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་ཛཿཧཱུྃ་བྃ་ཧོཿ། ཊཱཀྐི་ཧཱུྃ་ཛ་ཧཱུྃ་ཊཱཀྐི་ཧཱུྃ་ཊཱཀྐི་ཧཱུྃ། ཨོཾ་ག་ཏ་ཤེ་ཧཱུྃ་ཛཿ། ཨཱ་ཀར་ཥ་ཡ། པྲ་བེ་ཤ་ཡ། བྷནྡྷ་ཡ། བ་ཤི་ཀུ་རུ། སརྦ་ཀྲོ་དྷ་ས་མ་ཡ། ཛཿཧཱུྃ་ཡྃ་ཧོཿ། ཊཱཀྐི་ཧཱུྃ་ཛཿཛཿཧཱུྃ། ཊཱཀྐི་ཧཱུྃ། དེ་ནས་བཅོམ་ལྡན་འདས་ཀྱི་ཁྲོ་བོ་ཆེན་པོ་འདི་ཕྱུང་ངོ་། །ཨོཾ་སུམ་བྷ་ནི་སུམ་བྷ་མ་ཧཱ་ཀྲོ་དྷཱི་ཤྭ་རི་ཧཱུྃ་ཕཊ།བདུད་རྩིའི་ཁྲོ་བོའི་དབང་མོ་འདི་ཕྱུང་ངོ་། །ཨོཾ་བཛྲ་ཨ་མྲྀ་ཏ་མ་ཧཱ་ཀྲོ་དྷཱི་ཤྭ་རི།ཨུཙྪ་བཛྲ་ཨ་མྲྀ་ཏ་ཧཱུྃ་ཨཱཿ། དེ་ནས་བཅོམ་ལྡན་འདས་མ་བདུད་རྩི་ཆེན་མོ་འདི་ཀུན་དུ་ཁྲོས་ཏེ། རུ་ལུ་རུ་ལུ་ཞེས་བྱ་བ་འབྱིན་ཅིང་རང་གི་པདྨོ་ལ་བཅོམ་ལྡན་འདས་ཀྱི་རྡོ་རྗེ་བཅུག་ནས་བདུད་རྩི་ཡང་དག་པར་བསྒྲུབ་པའི་རིག་པ་ཕྱུང་ངོ་། །ཨོཾ་ཨ་མྲྀ་ཏ་ས་མན་ཙི་པ་ནི་ཨ་མྲྀ་ཏ་སུ་མུ་ཏེ། པྲ་བེ་ཤ་ཡ་སརྦཱན་བཛྲ། པདྨ་མ་ས། ཡོ་གི་ནི་ར། མ་ཧཱ་བོ་དྷི་ཙི། བི་ཏ་བི་ཏི་མུརྟྟི་ཡ། རྡོ་རྗེ་ཁྲོ་བོའི་དབང་མོ་ཞེས་བྱ་བ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་སརྦ་ཏ་ཐཱ་ག་ཏཱ་མ་ཧེ་ཤྭ་རི་སརྦ་དུཥྚཱཾ། སུ་ཏ་ནི་མ་ཧཱ་པྲཱ་ལ་ཡཱན། སྨ་ཤཱ་ན་བ་ཤ་ཙི། མ་ཧཱ་བཛྲ་ཀྲོ་དྷ་དཾཥྚཱ་ཀཱ་ར་ལེ་བི་ཀྲྀ་ཏ། དེ་བ་ན། སརྦ་ཤ་དུ་པྲ་མ་ནྀ་ཧཱུྃ་ཧཱུྃ་མ་ཧཱ་ཀྲོ་དྷི་ཤྭ་རི་ཧཱུྃ་ཕཊ། ཁྲོ་བོ་འདི་རྣམས་ཕྱག་ན་མཚོན་ཆ་སྣ་ཚོགས་བསྣམས་པ།ཞལ་གསུམ་པ། མདོག་ཨིནྡྲ་ནཱི་ལའི་འོད་འདྲ་བ། རྡོ་རྗེ་དང་། ཐོ་བ་གཅིག་ཁང་པ་དང་། ཐོད་པ་དང་། མདུང་དང་། དགྲ་སྟ་དང་། ཞགས་པ་དང་། རྩེ་གསུམ་དང་། བེ་ཅོན་དང་། མུ་སུ་དང་། འཁོར་ལོ་དང་། ཀ་ན་ཡ་དང་། ཏོམ་དང་། མདའ་དང་། གཞུ་དང་། ཤཀྟི་དང་། གྲི་རྣམས་ཕྱག་ན་འཛིན་པ། ཐོད་པའི་ཕྲེང་བ་མགུལ་རྒྱན་དུ་བྱས་ནས་ཉི་མ་བརྒྱའི་མེའི་འོད་འདྲ་བའོ། །དེའི་དབུས་མདུན་དུ་རྡོ་རྗེ་ཁྲག་འཐུང་ཆེན་མོ་དེ་དང་འདྲ་བའི་གཟུགས་དང་ཆ་ལུགས་འཛིན་པ་རིག་པ་འདིས་གཞག་པར་བྱའོ། །ཨོཾ་བཛྲ་མ་ཧཱ་དྷ་ར། མ་ཧཱ་ཀྲོ་དྷཱི་ཤྭ་རི་མ་ཧཱ་སྨ་ཤཱ་ནི། པི་ཤ་ནི་ལ་ཛྭ་ལ་ཡ། མ་ཧཱ་ས་པྲ་པྲ་ཛྭ་ལ་ཏེ། མུ་ཏི་ད་ར། ཀ་པཱ་ལ་མཱ་ལ། བུ་ཤི་ད། མ་ཀུ་ཏེ། མ་ར་རུ་དྷི། ར་དྲ་ར་བ། ཙི་པུ་རི་ཏ། ཀ་པཱ་ལ་ཧ་སྟེ། ཁ་ཊྭཱ་ངྒ་བཛྲ། ཏྲི་ཤཱུ་ལ་གནྡྷ། མ་ཧཱ་ཀྲོ་དྷི་ ― DNG013_Page_0166 ―
[མ་དཔེ་གཟིགས་ན་འདིར་གནོན།]
ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧེ་ཧེ་རུ་ཏ་མུ་ཏ་པྲ་ཡེ་ཧཱུྃ་ཕཊ། དེ་ནས་བཅོམ་ལྡན་འདས་ཁྲོ་བོ་ཆེན་པོ་གཟི་བརྗིད་མཆོག་དང་ལྡན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རྡོ་རྗེ་ཉི་མ་ཉིད་ཀྱི་ཁྲོ་བོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་ཧཱུྃ་ཏྲཾ་ཨཱཿསུརྱ་བཛྲ་ཀྲོ་དྷཱི་ཤྭ་རི། ད་མ་ད་མ།གྲ་ས་གྲ་ས་ཨསྟ་མ་ཧཱུྃ་ཕཊ། ཨྃ་ཧཱུྃ་བྲྃ་དྲ་དྲ་དྲ། ཁྲོ་མོ་ཆེན་མོ་འདི་ལྷོ་ཕྱོགས་སུ་གཞག་པར་བྱ་སྟེ། གཟི་བརྗིད་ཆེན་མོ་རང་གཏོང་ཞིང་། །ཤིན་ཏུ་འཇིགས་པ་མེ་བཞིན་འབར། །དཔུང་པ་བཅུ་དྲུག་རྣོ་བ་ཆེ། །དཔུང་རྒྱན་ཐོད་པ་བརྩེགས་པ་བྱས། །སྤྱན་ནི་རབ་དམར་སྔོ་བསངས་མདོག །མཚོན་ཆ་སྣ་ཚོགས་བསྣམས་པར་བརྩོན། །གདུག་པ་ཐམས་ཅད་ཆ་བྱད་ཅིང་། །ཡི་དྭགས་ཆེན་པོ་སྟག་ལ་ཞོན། །རང་གི་གཡོག་གིས་མདུན་དུ་བསྐོར། །དེ་ནས་བཅོམ་ལྡན་འདས་པདྨོའི་འོད་ཟེར་འཕྲོ་བའི་འོད་ཟེར་གྱི་ཕྲེང་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། པདྨོའི་ཁྲོ་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་ཧྲཱྀཿབཛྲ་པདྨ་བ་མུ་ཀེ། ཁ་ཁ། ཁཱ་ཧི་ཁཱ་ཧི། མ་ཧཱ་མ་ཧོ་དི་ར། བི་གོ་བེ་ཧཱུྃ། ཧེ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧྲཱྀ་ཧ། ཤ་ཏི་ཤ་མ་ཐ་བ། བཛྲ་པ་ད་པ་ན་ལ་མ་ཧོཿ། ཏེ་ཏོ་ཧཱུྃ་ཧཱུྃ་ཧི་ཧི་ཧཱུྃ། དཀྱིལ་འཁོར་གྱི་ནི་དབུས་ཉིད་དུ། །འདི་ནི་རྒྱབ་ཏུ་གཞག་པར་བྱ། །རྣོ་བ་ཆེན་པོ་ཞལ་གསུམ་པ། །རྟ་གདོང་གྱེན་དུ་སྟོན་པ་སྟེ། །ཁྲོ་བོ་ཆེན་པོ་དཔུང་བཅུ་དྲུག །རྣམ་པར་བསྒྱུར་བའི་མི་སྡུག་གདེང་། །མི་ལྟོ་སྟན་ལ་ཡང་དག་ཞོན། །ཁྲག་མང་པོ་ལ་འཐུང་བྱེད་པ། །མཚོན་ཆ་སྣ་ཚོགས་འཛིན་པ་སྟེ། །ཁྲོས་པའི་དབུ་རྒྱན་ཐོད་པ་བརྩམས། །འོད་ཟེར་རྣོན་པོ་གཏོང་བྱེད་ཅིང་། །གཡོག་བཅས་དཀྱིལ་འཁོར་རྒྱན་དུ་བཞུགས། །དེ་ནས་བཅོམ་ལྡན་འདས་ཀྱི་ཡེ་ཤེས་གདོན་མི་ཟ་བའི་རྡོ་རྗེ་ཁྲོ་བོ་གཉིས་སུ་མེད་པའི་འདུལ་བའི་ཐབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཁྲོས་པའི་དབང་མོ་ཆེན་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་སརྦ་ཨ་མོ་གྷ་མ་ཧཱ་བྱི་ཤྭི་ཤྭ་རི་ཧཱུྃ་ཧཱུྃ་ཧྃ་ཧྃ་ཧྃ་མ་ཧཱ་ ― DNG013_Page_0167 ―
[མ་དཔེ་གཟིགས་ན་འདིར་གནོན།]
ཀྲོ་ཏི་གྲ་མ་ཁེ། མ་ཧཱ་བི་ཤྭ་རཱུ་པ་དྷ་རི་ཎི་སརྦ་དུཥྚ་པྲ་ཤ་མ་ནི། ཧཱུྃ་ཧཱུྃ་ཧཱུྃ་ཕཊ། འདི་ཉིད་ཀྱིས་ནི་ཅི་རིགས་པར། །རྡོ་རྗེ་གདོན་མི་ཟ་དཀྱིལ་དུ། །གཡོག་དང་བཅས་པ་རྣམ་པ་བཞི། །སྣ་ཚོགས་དམ་ཚིག་གཞག་བྱ་སྟེ། །སྣ་ཚོགས་པ་དང་ཁྱད་པར་ལྡན། །ཀུན་དུ་ཡོངས་སུ་བསྐྲོར་ནས་གནས། །བསྐྱེད་པ་དང་ནི་བཅུམ་པའི་གདོང་། །རབ་ཏུ་དྲག་པའི་རོ་བྱང་ཞིང་། །གདོང་གཉེར་ཐོད་པས་རྩེ་མོ་བྱས། །དཔུང་པ་བཅུ་དྲུག་གིས་བརྒྱན་པའི། །ཁྲོ་མོ་ཆེན་མོ་གདོང་གསུམ་ལ། །ཟ་བྱེད་མེ་བཞིན་ལྟ་བ་ཡི། །དེ་ཡི་རི་བོ་ཐམས་ཅད་ཀྱི། །གཡོག་ནི་རྣམ་པ་བཞི་རྣམས་ཀྱང་། །རང་གི་ཕྱག་དང་མཚན་མར་ལྡན། །དཔུང་པ་བརྒྱད་དང་ལྡན་པ་ཡི། །དེ་ནི་ཆོ་ག་ཅི་བཞིན་དུ། །འབྱུང་མོ་ཕྱག་རྒྱ་ཡང་དག་ཞོན། །དུར་ཁྲོད་བཞིན་དུ་འཇིགས་བྱེད་པ། །ཕྱི་ཡི་རྣལ་འབྱོར་མ་ཚོགས་རྣམས། །དེ་དག་ཀུན་དུ་ཡོངས་སུ་བསྐོར། །བཞག་གམ་བྲི་བར་བྱ་ཡང་རུང་། །དེ་ནི་དེ་ཡི་སྟན་ལ་གནས། །བཞིན་མི་སྡུག་ལ་དཔུང་བཞི་མོ། །གདུག་པའི་ཁྲོ་མོ་རྣམ་བསྒྱུར་བཅས། །དེ་ལ་སོགས་པ་རིམ་པར་ལྡན། །མཁས་པས་དཀྱིལ་འཁོར་བྲི་བར་བྱ། །དེ་ནས་བཅོམ་ལྡན་འདས་ཀྱིས་གསང་བའི་སྔགས་རྣམས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་སརྦ་བཛྲ་དྷ་ར་ཨ་ནུ་རཱ་གི་ནཱི་མ་ཧཱ་ཏི་ཤ་ཏྲཾ་ཧཱུྃ་ཕཊ། ཨོཾ་སརྦ་བཛྲ་ཨཱ་ཀཪྵ་ཎི།མ་ཧཱ་ཀྲོ་དྷཱི་ཤྭ་རི་ཧཱུྃ་ཛཿཛཿཛཿཧཱུྃ་ཧཱུྃ་ཧཱུྃ། ཨོཾ་བཛྲ་དྷ་ར་ཀུ་ལ་མ་ནུ་རཱ་གི་ནི་མ་ཧཱ་བཛྲ་ཀྲོ་དྷཱི་ཤྭ་རི་ཧཱུྃ་ཧ་ཧེ་ཕཊ་ཧོཿ། ཨོཾ་སརྦ་བཛྲ་བྷ་རོ་གྲ་མ་ཧཱ་ཀྲོ་དྷ་ཧཱུྃ་ས་ས་ཧཱུྃ་ཕཊ། ཨོཾ་སརྦ་བཛྲ་བྷ་ར་མ་ཧི་ཧ་ཙ་ཨ་བེ་ཤ་ཀ་ཧཱུྃ་ཏྲུྃ་ཧཱུྃ། ཨོཾ་སརྦ་བཛྲ་དྷ་ར་མ་ཧཱ་སུ་ཏ་པྲི་ཏི་ཀ་རོ་ཀེ་དྲ་ཐ་ཏ་ཐ། ཨོཾ་སརྦ་བཛྲ་དྷ་ར་མ་ཧཱ་བཛྲ་ཧེ་རུ་ཀ་མ་ཧཱ་ཀྲོ་དྷཱི་ཤྭ་རི། མ་ཧཱ་བི་ཙ་ཡ་ཙ་ར་བ་ཡེ། ཧཱུྃ་ཧཱུྃ་ཧཱུྃ་ཋེཾ་ཋེཾ་དྲྃ་དྲྃ་ཐ། ཨོཾ་སརྦ་བཛྲ་དྷ་ར་མ་ཧཱ་ཀྲོ་དྷ་ཨ་ཏ་ཧ་སི་ནི། ཧཱུྃ་ཧཱུྃ་པྲོཾ་ཏྲོ་ཊ་ཡ་ཏྲོ་ཊ་ཡ་ཧཱུྃ་ཕཊ། ཨོཾ་སརྦ་བཛྲ་དྷ་ར་མ་ཧཱ་བཛྲ་ཀྲོ་དྷ་བྷཀྵ་ཎི་ཧཱུྃ་ཧཱུྃ་ཧཱུྃ། བྷཀྵ་ཡ་བྷཀྵ་ཡ་ཧཱུྃ་ཧྲཱྀཿ། ཨོཾ་སརྦ་བཛྲ་མ་ཧཱ། བཛྲ་དྷ་ར་བཛྲ་ཏིཀྵྞ་ཀྲོ་དྷཱི་ཤྭ་རི། ཚིནྡྷ་ཚིནྡྷ་ཧཱུྃ་བཛྲ་ཏིཀྵྞ་ཧ་སྟེ། ཙྪེ་ད་ཡ་ཙྪེ་ད་ཡ། ཧཱུྃ་ཧཱུྃ་མ་ཐ་མ་ཐ། ཨོཾ་སརྦ་བཛྲ་བྷ་ ― DNG013_Page_0168 ―
[མ་དཔེ་གཟིགས་ན་འདིར་གནོན།]
ར་མ་ཧཱ་བཛྲ་ཀྲོ་དྷ་རི་ནི་ཧཱུྃ་མ་ཧཱ་གྲ་དུ་བཱི་ནི།ཧཱུྃ་ཧཱུྃ་པཱ་ཏ་ཡ་པཱ་ཏ་ཡ། མ་ཧཱ་བཛྲ་ཙཀྲེ་ཎ་ཙཀྲེ་ཎ་ཙཱུརྞ་ཧཱུྃ་ཧཱུྃ་ཕཊ། ཨོཾ་སརྦ་བཛྲ་དྷ་ར་མ་ཧཱ་ཀེ་ར་བཱ་ཙ་ནི། ཧཱུྃ་ཧཱུྃ་ཧཱུྃ། མ་ཏ་མ་ཏ། ཨོཾ་སརྦ་བཛྲ་མ་ཧཱ་དྷ་ར་མི་ཏ་པི་ཤ་མུ་ཁ་ཧཱུྃ་ཧཱུྃ་ཕཊ་ཕཊ། ཨོཾ་སརྦ་བཛྲ་མ་ཧཱ་དྷ་ར་མ་ཡ་བ་ཧུ་དུ་ཧཾ་ཧཾ་ཧཾ་ཕཊ་ཕཊ་ཕཊ། ཨོཾ་སརྦ་བཛྲ་དྷ་ར་མ་ཧཱ་བཛྲ་ཡཀྵྀ་ཎི་ཧཱུྃ་ཧཱུྃ། ཁ་ཁ། ཁཱ་ཧི་ཁཱ་ཧི།ཨ་བི་བ་བཱི་ཧཱུྃ་ཕཊ། ཨོཾ་སརྦ་བཛྲ་དྷ་ར་མ་ཧཱ་བཛྲ་པ་ནི་དི་ནི་མ་ཧཱ་ཀྲོ་དྷི་བིནྡྷ་ཡ་བིནྡྷ་ཡ། བི་དྷ་ཡ་ཧཱུྃ་ཕཊ། ཨོཾ་སརྦ་བཛྲ་དྷ་ར་ད་ཧ་ནི། མ་ཧཱ་ཀྲོ་དྷཱི་ཤྭ་རི་ཧཱུྃ་ཧཱུྃ་ཕཊ། ཨོཾ་སརྦ་བཛྲ་དྷ་ར་ཀྲོ་དྷ་མཱ་ལ་ནི། ཧཱུྃ་ཧཱུྃ། གྲུཾ་གྲུཾ་གྲུཾ། ཨོཾ་སརྦ་བཛྲ་དྷ་ར་མ་ཧཱ་བཛྲ་ཀྲོ་དྷ་གནྡྷ་གྲ་ས་ནི། ཧཱུྃ་ཧཱུྃ་གྲུཾ་གྲུཾ། ཨོཾ་སརྦ་བཛྲ་དྷ་རི་མ་ཧཱ། ཀྲོ་དྷཱི་ཤྭ་རི་མ་ཧཱ་མ་ཧོཿ། ཀཱ་ལ་དྷ་རི་ཎི་ཏི་པ་ཡ། ཧོ་ད་ཧོ་ད། ཨོཾ་སརྦ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རི་མ་ཧཱ་ལ་སི་ཧཱུྃ། ཨོཾ་སརྦ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རི་མཱ་ལེ་དྷ་ར་ཎི་ཧཱུྃ།ཨོཾ་སརྦ་བཛྲ་དྷ་ར་མ་ཧཱ་ཀྲོ་དྷཱི་ག་ཏི་ནི་ཧཱུྃ་ཧཱུྃ་ཧེ་ཧེ། ཨོཾ་སརྦ་བཛྲ་དྷ་ར་མ་ཧཱ་ཀྲོ་དྷཱི་ཤྭ་རི་ནི་རི་ཏེ་ཀེ་ཧཱུྃ། ཨོཾ་སརྦ་བཛྲ་དྷ་ར་མ་ཧཱ་ཀྲོ་དྷ་མ་ཧཱ་ཀ་ར་ཤི་ན། ཛཿཛཿཧཱུྃ་ཧཱུྃ་ཛཿ། ཨོཾ་སརྦ་བཛྲ་དྷ་ར་མ་ཧཱ་ཀྲོ་དྷ་དྷ་ར་མ་ཧཱ་བཛྲ་པཱ་ཤ་ཧཱུྃ་ཧཱུྃ་ཧཱུྃ། ཨོཾ་སརྦ་ཏ་ཐཱ་ག་ཏ་མ་ཧཱ་བཛྲ་ཀྲོ་དྷ། བནྡྷེ་བནྡྷེ། བནྡྷ་ཡ་བནྡྷ་ཡ་ཧཱུྃ་བྃ། ཨོཾ་སརྦ་ཏ་ཐཱ་ག་ཏ་བཛྲ་དྷ་ར་མ་ཧཱ་ཀྲོ་དྷི་པ་ཤེ། ཧཱུྃ་ཧཱུྃ་ཧཱུྃ་ཧོ་ཧོ་ཧོ། ཨྃ་ཧཱུྃ་ཏྲཾ་ཧྲི་ཧཱ། དེ་ནས་བཅོམ་ལྡན་འདས་རྡོ་རྗེ་མཁའ་ལ་འགྲོ་བ་ཐམས་ཅད་ཀྱི་སྙིང་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་སརྦ་ཏ་ཐཱ་ག་ཏ་མ་ཧཱ་བཛྲ་དྷ་ར།ཨོཾ་བཛྲ་ཀྲོ་དྷ་གྷྲྀ་ཎི་ཧཱུྃ་ཕཊ། ཨོཾ་བཛྲ་ཀྲོ་དྷ་ཊཱཀྐི་ནི། མ་ཧཱ་ཧེ་མ་པ་ཏི་བ་ཧཱུྃ་ཕཊ།ཨོཾ་བཛྲ་ཊཱཀྐི་ནི་ཀུ་མཱ་རི་ཡེ་ཧཱུྃ་ཕཊ། ཨོཾ་བཛྲ་ཊཱཀྐི་ནི་དྲ་ཤ་མཱ་ར་ཡ་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་བཛྲ་མུཥྚི་ནི། བིདྱ་བིདྱ། སུམ་བྷ་ནི་སུམ་བྷ་ཧཱུྃ་ཕཊ། ཨོཾ་སརྦ་ཊཱཀྐི་ནི་མ་ཧཱ་བཛྲ་ཀྲོ་དྷ་ར་ལི་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་བཛྲ་ཀྲོ་དྷ་ཙཀྲ་ཎི། ཚིན་དྷ་ཚིན་དྷ་ཧཱུྃ་ཕཊ། ཨོཾ་བཛྲ་ཊཱཀྐི་ནི། མ་ཧཱ་མི་ཐོད་པ་ཏི་ཀེ་ཧཱུྃ་ཕཊ། ― DNG013_Page_0169 ―
[མ་དཔེ་གཟིགས་ན་འདིར་གནོན།]
ཨོཾ་བཛྲ་ཊཱཀྐི་ནི་སེ་མྱ་ཀྲོ་དྷཱི་ཤྭ་རི་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་བཛྲ་དྷན་ཏེ་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་མ་རི་ཎི་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་ཨ་མྲྀ་ཏ་ཀ་པཱ་ལི་ཧསྟེ་ཧཱུྃ་ཕཊ། ཨོཾ་བཛྲ་ཊཱཀྐི་ནི། མ་ཧཱ་སེ་ནྱ་ཀྲོ་དྷཱི་ཤྭ་རི་ཧཱུྃ་ཕཊ། ཨོཾ་བཛྲ་ཊཱཀྐི་ནི་མྲྀ་ཏུ་དཎྜ་རི་ཧཱུྃ་ཕཊ། ཨོཾ་བཛྲ་ཊཱཀྐི་ནི་བཛྲ་སྲི་ག་ལི་ཧཱུྃ་ཕཊ། ཨོཾ་བཛྲ་ཊཱཀྐི་ནི་པི་བ་པི་བ་རུ་དྷི་ར་མ་མ་ཧཱ་བཛྲ་པ་ལི་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་བཛྲ་པཱ་ཤ་བ་པ་ཤ་ཀྵ་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་བཛྲ་ཤ་ནི་བི་བེ་ཧཱུྃ་ཕཊ། ཨོཾ་བཛྲ་ཊཱཀྐི་ནི། མ་ཧཱ་བཛྲ་བི་ཤེ་ཧཱུྃ་ཕཊ། ཨོཾ་བཛྲ་ཊཱཀྐི་ནི་ཨཱ་ན་ཡ་ཨཱ་ན་ཡ་ཧཱུྃ་ཕཊ། ཨོཾ་བཛྲ་ཊཱཀྐི་ནི། མ་ཧཱ་བཛྲ་བེ་ཀ་ནི་གུ་གུ་མ་ཡ་ཧཱུྃ་ཕཊ། ཨོཾ་བཛྲ་ཊཱཀྐི་ནི་བཛྲ་ཛྭ་ལ་ཡ། བྷསྨི་ཀུ་རུ་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་བཛྲ་མི་ཀ་ཏེ་ཧཱུྃ་ཕཊ། ཨོཾ་བཛྲ་ཊཀྐི་ནི་མ་ཧཱ་བཛྲ་ཧསྟེ་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་བཛྲ་ཀེ་ལི་པྲ་བེ་ཤ་པྲ་བེ་ཤ་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་སུ་མྃ་སཱ་ཤ་ནི་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་ཀ་ར་ཧཱུྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་ཀ་ར་ཤ་ནི་མི་ཏ་ཀ་ལ་མུ་ཀི་ཧཱུྃ་ཛཿཛཿཧཱུྃ་ཕཊ། ཨོཾ་བཛྲ་ཊཱཀྐི་ནི་ཡ་བི་ཤ་ནི་ཧཱུྃ་ཕཊ། ཁྲོ་བོ་སྤྱིའི་བསྙེན་པའི་སྙིང་པོ་འདི་གསུངས་སོ། །ཨོཾ་བ་ཧཱུྃ་བི་བི་ཏ་རོ། དྲ་སན་ཏི་ཏ། ཡི་ནི་ཤེ་ཤེ། སརྦ་བི་དཱ་ན་ཡ། སརྦ་ཏ་ཐཱ་ག་ཏ་ཛ་ལེ་ཛ་ལེ། པྲ་ཛ་ལེ་པྲ་ཛ་ལེ། གུར་བི་གུར་བི། ཀྵ་མ་སརྦ་མ་བ་པྲ་ཎི། བྷྱོ་ཧཱུྃ་ཧཱུྃ། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། བསྙེན་པའི་གྲངས་བརྒྱ་དང་སྟོང་དང་འབུམ་མོ། །བཅོམ་ལྡན་འདས་དཔལ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་གསང་བའི་ཁྲོ་བོའི་བསྙེན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་དཔལ་ཧེ་རུ་ཀ་རོལ་པ་རྡོ་རྗེ་ཁྲོ་བོའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཁྲོ་བོ་རྡོ་རྗེ་མགྱོགས་པའི་དབུ་ལྔ་བཅུ་རྩ་གཅིག །ཕྱག་བརྒྱ་རྩ་གཉིས་པ་ཕྱུང་སྟེ། ཨོཾ་བཛྲ་ཊཱཀྐི་ནི་མ་ཧཱ་བན་ཏེ། བྃ་བྃ་ཕཊ། ཨོཾ་བཛྲ་ཊཱཀྐི་ནི་མ་ཧཱ་དོ་ཤ་ན་ས་ཡེ་ཧཱུྃ་ཕཊ། ཨ་ཨ། ཨོཾ་བཛྲ་མ་ཧཱ་རཀྵ་ས་མ་ས་རུ་ཏི། ར་མ་ཏི་ད་པྲི་ཡ། མ་ཧཱ་ཀུ་མ་བ་ཀཱ་རུ་ན། ཧཱུྃ་ཧཱུྃ་ཧཱུྃ་ཧཱུྃ། ཀྵ་ཨོཾ་བཛྲ་མ་ཧཱ་རཀྵ། ཨ་གཏྟ་ཡ། པྲ་བེ་ཤ་ཡ། པྲ་བེ་ཤ་ཡ། སརྦ་བཛྲ་ག་ལ། བ་ཤི་ན་བྷན་ད། ཧཱུྃ་ཧཱུྃ་ཧཱུྃ་ཕཊ། ཨོཾ་བཛྲ་རཀྵ་བྷན་དྷ་ཡ་བྷན་དྷ་ཡ། བི་ཤ་ཡ། བི་ཤ་ཡ། བི་བི་ཤ་ན་ ― DNG013_Page_0170 ―
[མ་དཔེ་གཟིགས་ན་འདིར་གནོན།]
སརྦཱ་ན། ཧཱུྃ་ཧཱུྃ་ཕཊ། ཨོཾ་བཛྲ་མ་ཧཱ་ར་ཤ་ས། བྷན་དྷ་ཡ་བྷན་དྷ་ཡ། སརྦ་མ་ཧཱ་བི་ཀྲྀ་ཏ་ནན། ད་ཤ་གྲཱི་བ་ཧཱུྃ་ཕཊ། དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་ཧེ་རུ་ཀའི་སྤྲུལ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །སྨུག་ནག་སྔོ་ནག །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ།ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཕཊ།ཞལ་རེ་རེ་ནས་ཧཱུྃ་དང་ཕཊ་ཀྱི་སྒྲ་མང་པོ་ཕྱུང་བས། ཁྲོ་བོ་འབུམ་དུ་གཅིག་ཏུ་ཕྱུང་སྟེ། ཧཱུྃ་དང་ཕཊ་ཀྱི་སྒྲ་མང་པོ་འབྱིན་ཅིང་འཇིག་རྟེན་གྱི་ཁམས་དུས་གཅིག་ཏུ་གང་བར་གྱུར་ཏེ། དྲེགས་པ་ཐམས་ཅད་བརྒྱལ་བར་གྱུར་ཏོ། །དེ་ནས་བཅོམ་ལྡན་འདས་ཧེ་རུ་ཀ་རོལ་པ་མ་དང་། མཁའ་འགྲོ་མ་རྣམས་ཀྱི་ཏིང་ངེ་འཛིན་དུ་ཞུགས་ཏེ། མ་དང་མཁའ་འགྲོ་མ་འབུམ་ཆོས་ཀྱི་དབྱིངས་ནས་བཞེངས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །མ་མོ་འབུམ་གྱི་རྒྱལ་མོ་དབྱིངས་ནས་བཞེངས། །ཁྱོད་ནི་ཡེ་ཤེས་ལྷ་མོ་འབུམ་གྱི་གཙོ། །ཞིང་ལྤགས་རློན་པས་ས་གཞི་འགེངས་མཛད་མ། །ཞིང་ཆེན་རློན་པ་གཡང་གཞི་རལ་པ་ཅན། །གཟིག་ལྤགས་རློན་པ་སྟོང་གིས་སྐུ་སྨད་བཀླུབས། །སྦྲུལ་ནག་འབུམ་གྱིས་ཡན་ལག་རྒྱན་དུ་སྒྲིལ། །ཐོད་རློན་ཐོད་སྐམ་ཐོད་ཚལ་མགུར་ཆུ་དཔུང་རྒྱན་སེ་རལ་ཁ། །ཁྱོད་ཀྱི་རྡོ་རྗེ་ཐེའུ་གཤོག་གཡས་པ་ལས། །ཡེ་ཤེས་ལྷ་མོ་ཚོགས་ནི་བརྒྱ་ཡང་འཚེར། །ཁྱོད་ཀྱི་རྡོ་རྗེ་ཐེའུ་གཤོག་གཡོན་པ་ལ། །ལས་བྱེད་ལྷ་མོ་བརྒྱད་ཅུ་གནས། །ཉིན་ཞིང་རྒྱ་མཚོ་གཏིང་ནས་བཞུགས་པའི་ཚེ། །ཀླུ་རྒྱལ་འབུམ་གྱིས་དཀྲིས་ཤིང་མཆོད་པ་འབུལ། །མཚན་ཞིང་རི་རབ་རྩེ་ལ་བཞུགས་པའི་ཚེ། །གནོད་སྦྱིན་བུ་མོ་ཁྱོད་ཀྱི་ཕོ་ཉར་གཏོང་། །བདུད་ཀྱི་བུ་མོ་འཁོལ་ཞིང་ང་རྒྱལ་དྲག་ཏུ་གནོན། །གཤེད་མ་དོན་ ― DNG013_Page_0171 ―
[མ་དཔེ་གཟིགས་ན་འདིར་གནོན།]
དུ་གཉེར་ཞིང་དགྲ་སྙིང་ཚལ་པར་འགས། །བསུར་ཆེན་དུད་པས་འཇིག་རྟེན་མ་ལུས་འགེངས། །ཤ་ཆེན་རོ་ལ་རྔམ་ཞིང་དཔལ་ཆེན་ཞལ་དུ་སྟོབས། །རང་ཡང་ཟ་ཞིང་གྲོགས་ལ་བདར་བར་བྱེད། །མ་དང་མཁའ་འགྲོ་དབྱིངས་ནས་བསྐུལ་བསྐྱོད་ལ། །ལས་ལ་འཁྲིལ་ཞིང་ཆོས་ཀྱི་དབྱིངས་སུ་བསྟེན། །མཁའ་འགྲོ་ཟ་བྱེད་མགྱོགས་མ་གཤོག་པ་ཅན། །མཁའ་འགྲོ་འཇུག་བྱེད་ཡིད་འཕྲོག་ནུ་མ་ཅན། །མཁའ་འགྲོ་རྔམ་པའི་ཞལ་གདངས་མཆེ་བ་ཅན། །མཁའ་འགྲོ་འབྱུང་བ་འཛིན་པའི་སྡེར་མོ་ཅན། །མཁའ་འགྲོ་ཁམས་གསུམ་རྔུབ་པའི་མཆུ་རིངས་མ། །མཁའ་འགྲོ་དུག་གསུམ་ཟ་བྱེད་འབར་བའི་སྐུ། །ལས་ཀྱི་མཁའ་ལ་འགྲོ་བའི་ཤུགས་ཅན་མ། །དོན་གྱིས་མཁའ་ལ་འགྲོ་བའི་ཡེ་ཤེས་ཡུམ། །དེ་ནས་མཁའ་འགྲོ་མ་བརྒྱད་དཔལ་ཆེན་པོའི་ཏིང་ངེ་འཛིན་གྱི་ལས་བྱེད་པར་གྱུར་ཏོ། །དེ་ནས་བཅོམ་ལྡན་འདས་ཧེ་རུ་ཀའི་རོལ་པ་མ་དང་མཁའ་འགྲོ་མ་དེ་རྣམས་དང་གཉིས་སུ་མེད་པའི་སྦྱོར་བ་རྩེ་གཅིག་མའི་ཏིང་ངེ་འཛིན་དུ་མཛད་དོ། །འདོད་ཆགས་ཞེ་སྡང་གཏི་མུག་གསུམ་ལ་སྐྱེས་པའི་བདུད་བག་ཆགས་ཀྱིས་མཚམས་སྦྱར་ཏེ། བདུད་རུ་ཏྲ་ནག་པོ་སེམས་ཅན་དང་རྣལ་འབྱོར་པ་ལ་འཚེ་ཞིང་གནོད་པར་བྱེད་པ་ཟ་བར་བྱེད་པ་དེ་ལ་བཅོམ་ལྡན་འདས་ཧེ་རུ་ཀའི་རོལ་པས་ཕོ་ཉའི་ཏིང་ངེ་འཛིན་དུ་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཏིལ་མར་སྣ་ཚོགས་ཀྱིས་ལུས་བསྐུས་པའི་རྡོ་རྗེ་མཆེ་བ་ཅན་དང་། ནག་མོ་མི་ཐོད་ཐོགས་པའི་རྡོ་རྗེ་ཕྲེང་བ་ཅན་དང་། རྣལ་འབྱོར་ཡེ་ཤེས་རྡོ་རྗེ་དམ་ཚིག་མ་དང་། མགོ་བོ་ཅོད་པན་ལེགས་སྤྲས་རྡོ་རྗེ་ཁྲག་འཐུང་མ་དང་། ལག་ན་མཚོན་ཐོགས་པའི་རྡོ་རྗེ་ཕྲེང་མ་དང་། དགྲ་བགེགས་དབང་དུ་སྡུད་པའི་རྡོ་རྗེ་གཡུལ་ཟློག་མ་དང་། སྦྲུལ་གྱི་སྐ་རགས་འཆིང་ཞིང་ལག་ན་མདུང་ཐུང་རལ་གྲི་ཐོགས་མ་དང་། ཞིང་ལྤགས་རྐེད་པར་དཀྲིས་ཤིང་ཁྲག་གིས་མྱོས་མ་དང་། མིག་རྩ་དམར་པོར་གྱུར་པའི་རྡོ་རྗེ་འཁྲུག་མ་དང་། མཚན་མོ་དུར་ཁྲོད་དུ་རྒྱུ་བའི་འབྱུང་མོ་སྒྲོལ་མ་དང་། ཀོ་རློན་ ― DNG013_Page_0172 ―
[མ་དཔེ་གཟིགས་ན་འདིར་གནོན།]
སྨད་དཀྲིས་ཐོད་པ་སེ་རལ་ཁར་ཐོགས་མ་དང་། མི་རོ་རྒྱུ་མ་ཚེམས་ཀྱིས་འདྲེན་པའི་རྡོ་རྗེ་ཟ་བ་མོ་དང་། ཁྲག་གི་ཐིག་ལེས་བརྒྱན་པའི་རྡོ་རྗེ་དྲི་ཚོར་མ་དང་། ཞིང་ཆུང་འཛིན་པའི་རྡོ་རྗེ་འཁྲུག་མ་དང་། རྡོ་རྗེ་ཞག་གི་ཚོམ་བུ་ཅན་ཆེན་མོ་དང་། རྡོ་རྗེ་མི་རོ་ཤ་ལ་ཆེམ་ཆེམ་ཟ་བའི་རྡོ་རྗེ་མཆེ་བ་འཛིན་མ་དང་། དྲག་པོ་འདུལ་བའི་རྡོ་རྗེ་དྲག་མོ་ཆེན་མོ་དང་། མ་མོ་སྐྲག་པར་བྱེད་པའི་ཁམས་གསུམ་དབང་དུ་སྡུད་མ་དང་། ཞིང་ལ་རྐོམ་པར་བྱེད་པའི་རྡོ་རྗེ་ཁ་ཊྭཱཾ་ག་དང་། ནག་མོ་ལུས་མདོག་གནག་པའི་རྡོ་རྗེ་མེ་སྟག་འཕྲོ་བ་མོ་དང་། ཟས་སུ་ཁྲག་ཚིལ་ཟ་བའི་རྡོ་རྗེ་སྲིན་མོ་དང་། ཀུན་ལ་དབང་མཛད་རྡོ་རྗེ་པདྨ་འཛིན་པ་དང་། ཟས་སུ་ཤ་རློན་ཟ་བའི་རྡོ་རྗེ་རྔ་མོ་དང་། ཨེ་མ་མ་ཚོགས་རྡོ་རྗེ་ཟ་བྱེད་མ་དང་། དཔལ་ལྡན་ཆེན་པོ་རྡོ་རྗེ་ལྕང་ལོ་ཅན་མ་དང་། ཁ་ནས་རྡོ་རྗེ་མེ་འབར་རྒྱ་མཚོ་སྐམས་ས་དང་། ལག་ན་བདུད་རྩི་རྡོ་རྗེ་འཛིན་མ་དང་། ནག་མོ་མིག་གཅིག་རྡོ་རྗེ་ལྕགས་ཀྱུ་འཛིན་མ་དང་། སྦྲུལ་གྱི་ཞགས་པ་ཐོགས་པའི་རྡོ་རྗེ་གཤོག་པ་ཅན་དང་། ལྕགས་ཀྱི་བྱ་ཁྲ་ཁྱུང་གི་གཡུ་མིག་ཅན་དང་། ཐལ་བའི་མཚན་མས་རྡོ་རྗེ་འབྱུག་མ་དང་། རྡོ་རྗེ་རལ་གཅིག་ཆེན་མོ་ཟ་བྱེད་མ་དང་།རྡོ་རྗེ་ཏྲི་ཤཱུལ་ཐོགས་པའི་ཞག་གི་ཚོམ་བུ་ཅན་དང་། ཚམ་ངམ་དྲག་ཤུལ་སྤྱོད་པའི་རྡོ་རྗེ་སྒྲོལ་མ་དང་། འཇིགས་པའི་གཟུགས་ཅན་རྡོ་རྗེ་བདུད་འདུལ་མོ་དང་།རྣམ་པར་བསྒྱིངས་པའི་རྡོ་རྗེ་གཟུགས་ཅན་མ་དང་། ཅིར་ཡང་འགྱུར་བའི་རྡོ་རྗེ་རྫུ་འཕྲུལ་ཅན་དང་། ཁྲོ་གཉེར་སྤྱན་བགྲད་རྣལ་འབྱོར་སྔོ་ནག་ཆེན་མོ་དང་།མཆེ་བ་གཙིགས་པའི་རལ་པ་འཁྱིལ་མ་དང་། ཐོད་པ་རློན་པའི་རྡོ་རྗེ་མུན་ཙ་ལ་དང་། དབུ་གསུམ་ཕྱག་དྲུག་རྡོ་རྗེ་མི་ལྤགས་གཡང་གཞི་གསོལ་པ་དང་། སྡིར་ཆུང་ངུ་མང་པོ་བརྒྱུས་ནས་བརྒྱན་ཏེ་རྡོ་རྗེ་བརྗིད་མ་དང་། ཚམ་ངམ་བརྐྱང་བསྐུམ་རྡོ་རྗེ་འཇིག་རྟེན་སྐྲག་མ་དང་། བདུད་བཞི་གནོན་པའི་རྡོ་རྗེ་བྷན་དྷར་ལྡན་པ་དང་། སྡིར་ཆེན་གློ་སྙིང་འདྲེན་པའི་རྡོ་རྗེ་ཁྲག་འཐུང་མ་དང་། འཇིགས་སུ་རུང་བའི་རྔུབས་པའི་རྔེའུ་ཆུང་ཐོགས་པའི་རྡོ་རྗེ་རྐན་སྒྲ་ཅན་དང་། ལོག་པར་ལྟ་ ― DNG013_Page_0173 ―
[མ་དཔེ་གཟིགས་ན་འདིར་གནོན།]
བའི་རྡོ་རྗེ་བདུད་རྣམས་འདུལ་བ་དང་། རོ་ལ་རྔམ་པའི་རྡོ་རྗེ་ཟ་བ་མོ་དང་།གསོད་ཅིང་སྦྱོང་བའི་རྣལ་འབྱོར་སྔོ་ནག་མ་དང་། ཁྲོ་གཉེར་སྤྱན་བགྲད་རྡོ་རྗེ་མཆེ་གཙིགས་མ་དང་། ཚམ་ངམ་ཆེན་མོ་མཛད་པའི་ཏྲི་ཤཱུལ་མདའ་འཕེན་རྡོ་རྗེ་འགེངས་མ་དང་། དགྱེས་པར་བྱེད་པའི་རྡོ་རྗེ་སེ་གོལ་རྡེབས་མ་དང་།འགུགས་པར་བྱེད་པའི་རྡོ་རྗེ་རྣལ་འབྱོར་དམར་ནག་འཇིགས་པའི་སྐུ་དང་། སངས་རྒྱས་ཀུན་གྱི་རྡོ་རྗེ་ཡུམ་ཆེན་མོ་དང་། རྣལ་འབྱོར་ཆེན་མོ་དུར་ཁྲོད་བདག་མོ་དང་། ཚམ་ངམ་གར་མཁན་ཆེན་མོ་རྡོ་རྗེ་སྟབས་ཚུལ་ཅན་དང་། རྣལ་འབྱོར་མཐིང་ནག་རྡོ་རྗེ་སྡིར་ཆེན་ཟ་བ་མོ་དང་། བདུད་བཞི་འཇོམས་པའི་རྡོ་རྗེ་གདུག་པ་ཀླད་འགེམས་མ་དང་། གསོད་པའི་ལས་ལ་དགྱེས་པའི་ཁྲོ་མོ་རྡོ་རྗེ་ལྗང་མ་དང་། ཁྲོ་གཉེར་འཇིགས་པའི་དབུ་གཅིག་ཕྱག་དྲུག་མ་དང་། རྡོ་རྗེ་ཏྲི་ཤཱུལ་རྔེའུ་འཛིན་པའི་རྡོ་རྗེ་རྐན་སྒྲ་རྡེབས་མ་དང་། འཆིང་ཞིང་སྡོམ་པའི་རྣལ་འབྱོར་སེར་ནག་དང་། གཏུམ་མོ་ཞེ་སྡང་སྡིར་ཆེན་ཟ་བ་མོ་དང་། ཞིང་ཆེན་ནང་གྲོལ་འབྱིན་ཅིང་རྡོ་རྗེ་ཚམ་ངམ་ཅན་དང་། སྒྲོལ་བར་བྱེད་པའི་རྡོ་རྗེ་མཐིང་ནག་དང་། སྤྱན་བགྲད་མཆེ་གཙིགས་རྡོ་རྗེ་ཆེན་མོ་དང་། སྡི་ར་འདྲེན་པའི་རྡོ་རྗེ་ཁྲག་འཐུང་ཞལ་དུ་སྟོབས་མ་དང་། སྤུ་གྲིས་འདེབས་པའི་རྡོ་རྗེ་བྷན་དྷར་ལྡན་མ་དང་།ཟངས་གྲིས་འདེབས་ཤིང་ཁ་ཊྭཱཾ་འཕེན་པའི་རྡོ་རྗེ་ཤ་ཟ་བ་མོ་དང་། རོ་ལ་བརྐམ་པའི་རྡོ་རྗེ་ཟ་སྟངས་ཆེན་མོ་དང་། རྡོ་རྗེ་སེར་ནག་སེང་གེ་མགོ་ཅན་དང་།མཆེ་གཙིགས་སྤྱན་གསུམ་འཇིགས་པའི་རྡོ་རྗེ་སྡང་མིག་ཅན་དང་། མཆེ་ཚོགས་མང་པོས་བསྐོར་བའི་རྡོ་རྗེ་ཞེ་སྡང་འཇོམས་མ་དང་། མཐིང་ནག་རྡོ་རྗེ་སེང་གེ་རལ་པ་ཅན་དང་། རྡོ་རྗེ་ཡེ་ཤེས་སྐུའི་ཆ་ལུགས་འཆང་མ་དང་། མི་འཇིགས་སྡི་རའི་གཡང་གཞི་གསོལ་མ་དང་། སྲོག་ཆགས་མང་པོའི་སྙིང་འབྱིན་རྡོ་རྗེ་ཀླད་འགེམས་མ་དང་། དམར་མོ་ཆེན་མོ་སྡི་ར་མགོ་ཅན་དང་། ཡེ་ཤེས་ལྔའི་རྡོ་རྗེ་ཆ་ལུགས་འཆང་མ་དང་། མི་འཇིགས་བཞིའི་གཡང་གཞི་སེ་རལ་ཁར་ཐོགས་མ་དང་། བཀའ་ལས་མི་འདའ་ཐུགས་དམ་སྐོང་ཞིང་ལས་མཛད་མ་དང་། བྷན་དྷ་རཀྟས་བཀང་ནས་གཙོ་ལ་སྟོབས་ཤིང་དགྲ་ ― DNG013_Page_0174 ―
[མ་དཔེ་གཟིགས་ན་འདིར་གནོན།]
སྡང་ཀླད་འགེམས་མ་དང་། གསོད་བྱེད་སྔོ་ནག་དུར་བྱའི་མགོ་ཅན་དང་། མཆེ་ཚོགས་འཁོར་དུ་བསྐོར་ཞིང་འདོད་ཆགས་འཇོམས་པའི་རྡོ་རྗེ་ཟ་བ་མོ་དང་། ཐལ་ཆེན་རཀྟས་རྡོ་རྗེ་སྐུ་ལ་བརྒྱན་མ་དང་། སྤུ་གྲི་མགོ་གཅོད་བྷན་དྷ་འཐུང་ཞིང་གསོད་ལ་དགའ་བ་མོ་དང་། རྡོ་རྗེ་ཞགས་པ་འཆིང་ཞིང་ཁྲག་འཐུང་ཞལ་དུ་སྟོབས་པ་དང་། མཐིང་ནག་འགྱིང་སྟབས་རྡོ་རྗེ་ཤྭ་ན་ཁྱི་མགོ་ཅན་དང་། གློ་སྙིང་འདྲེན་པའི་རྡོ་རྗེ་ལྕགས་ཀྱུ་འཛིན་མ་དང་། ཕྲག་དོག་འཇོམས་པར་བྱེད་པའི་རྡོ་རྗེ་ཟ་བ་དང་། དམར་ནག་འགྱིང་བའི་བྱ་རྒོད་མགོ་ཅན་དང་། ཞིང་ཆེན་རྒྱུ་འདྲེན་གཏི་མུག་འཇོམས་པར་བྱེད་མ་དང་། གཤོག་ཚོགས་མང་པོས་བསྐོར་བའི་ཐོད་རློན་འཛིན་མ་དང་།སེར་ནག་འགྱིང་བའི་ཕོ་རོག་མགོ་ཅན་དང་། ཀླུ་རྣམས་འདུམ་པར་བྱེད་པའི་སྔགས་དང་ཕྱག་རྒྱ་འཆང་མ་དང་། མཐིང་ནག་འགྱིང་བ་བྱ་རོག་མགོ་ཅན་དང་། སེར་ནག་གསོད་པར་བྱེད་པའི་མགོ་ཅན་དང་། ཤ་ཁྲག་ཟ་བའི་མཁའ་འགྲོ་དབུ་གསུམ་མ་དང་། ལྕགས་ཀྱུས་འདྲེན་པ་མི་འཇིགས་སྦྱོར་བ་དང་། རྡོ་རྗེ་བཀའི་ཕོ་ཉ་སྤྱན་གསུམ་མཆེ་བ་ཅན་དང་། རྡོ་རྗེ་བྲན་མོ་གཏུམ་བག་ཅན་དང་།འཇིགས་པའི་གཟུགས་ཅན་རྡོ་རྗེ་ཁྲག་འཐུང་མ་དང་། སྙིང་རྗེ་ཕག་གི་མགོ་ཅན་དང་། རྡོ་རྗེ་སྦྲུལ་གྱི་མགོ་ཅན་དང་། རྡོ་རྗེ་གཟིག་གི་མགོ་ཅན་དང་། རྡོ་རྗེ་བྱི་བའི་མགོ་ཅན་དང་། རྡོ་རྗེ་ཕ་བང་མགོ་ཅན་དང་། རྡོ་རྗེ་དྲེད་ཀྱི་མགོ་ཅན་དང་། རྡོ་རྗེ་དོམ་གྱི་མགོ་ཅན་དང་། རྡོ་རྗེ་སྡིག་པའི་མགོ་ཅན་དང་། རྡོ་རྗེ་ཝའི་མགོ་ཅན་དང་། རྡོ་རྗེ་སྟག་གི་མགོ་ཅན་དང་། རྡོ་རྗེ་རྟའི་མགོ་ཅན་དང་། རྡོ་རྗེ་སྤྱང་ཀིའི་མགོ་ཅན་དང་། རྡོ་རྗེ་པུ་ཤུད་ཀྱི་མགོ་ཅན་དང་། རྡོ་རྗེ་ཤ་བའི་མགོ་ཅན་དང་། རྡོ་རྗེ་སྐྱིན་གྱི་མགོ་ཅན་དང་། རྡོ་རྗེ་ཕག་གི་མགོ་ཅན་དང་།རྡོ་རྗེ་རྔ་མོའི་མགོ་ཅན་དང་། རྡོ་རྗེ་བྱ་རོག་མགོ་ཅན་དང་། རྡོ་རྗེ་སྤང་ཏིའི་མགོ་ཅན་དང་། རྡོ་རྗེ་སྐེ་ཀའི་མགོ་ཅན་དང་། རྡོ་རྗེ་ཁྲའི་མགོ་ཅན་དང་། རྡོ་རྗེ་སྤྲེའུ་མགོ་ཅན་དང་། རྡོ་རྗེ་ཁུ་བྱུག་མགོ་ཅན་དང་། རྡོ་རྗེ་སེང་གེ་མགོ་ཅན་དང་། རྡོ་རྗེ་ཕ་བང་མགོ་ཅན་དང་། རྡོ་རྗེ་ཤ་བའི་མགོ་ཅན་དང་། ― DNG013_Page_0175 ―
[མ་དཔེ་གཟིགས་ན་འདིར་གནོན།]
རྡོ་རྗེ་སྲིན་བྱའི་མགོ་ཅན་དང་། རྡོ་རྗེ་སྲེ་མོ་མགོ་ཅན་དང་། རྡོ་རྗེ་ཟེར་མོ་མགོ་ཅན་དང་། རྡོ་རྗེ་དམག་པ་ཐང་གོག་གི་མགོ་ཅན་དང་། རྡོ་རྗེ་ཉི་མའི་ཞགས་པ་ཅན་དང་། རྡོ་རྗེ་མེ་ལྕེ་གློག་ཕྲེང་འཛིན་དང་། རྡོ་རྗེ་སྲིན་མོ་མདུང་ཐུང་འཕེན་པ་དང་། རྡོ་རྗེ་རལ་གྲི་སྒྲ་འབྱིན་མ་དང་། རྡོ་རྗེ་ཀླུ་མོ་ཐོག་འབེབས་མོ་དང་།རྡོ་རྗེ་འཇིགས་བྱེད་བ་ལང་གི་སྣ་དང་། རྡོ་རྗེ་གནོད་སྦྱིན་ཁྱུང་གདོང་མ་དང་།རྡོ་རྗེ་ལག་ན་ཁྲག་ཐོགས་མ་དང་། རྡོ་རྗེ་ཟླ་བ་སྐར་མདའ་ལྟར་གཏོང་བ་དང་།རྡོ་རྗེ་དམ་ཚིག་བསྲུང་མ་དཔལ་ཕྲེང་མ་དང་། རྡོ་རྗེ་ལག་ན་ཕུར་བུ་འདྲིལ་མ་དང་། རྡོ་རྗེ་རི་རབ་བསྙིལ་བའི་རྔམ་སྟངས་ཅན་དང་། རྡོ་རྗེ་དམར་མོ་སྤྱན་གསུམ་ཤིན་ཏུ་མི་སྲུན་མ་དང་། རྡོ་རྗེ་ཅིར་ཡང་འགྱུར་བའི་རྫུ་འཕྲུལ་ཅན་ཆེན་མོ་དང་། རྡོ་རྗེ་མཁའ་འགྲོ་མའི་མགྱོགས་མ་དང་། རྡོ་རྗེ་སྨུག་ནག་གཏིབས་པའི་མེ་དབལ་ཅན་དང་། རྡོ་རྗེ་ཀེང་རུས་འཆའ་བའི་ཚེམས་རྣོན་མ་དང་། རྡོ་རྗེ་བཞད་མའི་ཤིན་ཏུ་གད་རྒྱངས་ཆེན་མོ་དང་། རྡོ་རྗེ་ནང་གྲོལ་འདྲེན་མ་ཀང་ཀའི་མགོ་ཅན་དང་། རྡོ་རྗེ་སྒྲ་འབྱིན་འབྲུག་སྒྲོགས་མ་དང་། རྡོ་རྗེ་བདུད་རྩི་རིན་ཆེན་ཆར་འབེབས་མ་དང་། རྡོ་རྗེ་ཤུགས་འཆང་རྡོ་རྗེ་སྒྲོལ་མ་དང་། རྡོ་རྗེ་དབང་མོ་རྡོ་རྗེ་སྡེར་མོའི་ཚོགས་དང་། རྡོ་རྗེ་ཤན་པ་སྤུ་གྲི་རྣོན་པོའི་སོ་ཅན་དང་། རྡོ་རྗེ་གོ་ཆ་སྲ་བར་བྱེད་པ་དང་། རྡོ་རྗེ་སྤྲིན་ཚོགས་མང་པོ་སྡུད་པར་བྱེད་པ་དང་། རྡོ་རྗེ་འུར་འུར་ཤིག་ཤིག་གཡོ་བར་བྱེད་པ་དང་། རྡོ་རྗེ་རྐན་སྒྲ་རྡེབས་པའི་དྲག་ཤུལ་ཅན་ཆེན་མོ་དང་། རྡོ་རྗེ་ཟ་བར་བྱེད་པའི་ཕཊ་ཕཊ་སྒྲོགས་མ་དང་། རྡོ་རྗེ་བརྐྱང་བསྐུམ་གཤིན་རྗེ་གནོན་མ་དང་། རྡོ་རྗེ་ཞིང་ཆེན་ཁྲག་འཛག་ཐོད་རློན་སྐུ་ལ་བརྒྱན་པ་དང་། རྡོ་རྗེ་དྲག་པོའི་ང་རོ་འབྱིན་པའི་གདོང་གསུམ་མ་དང་།རྡོ་རྗེ་ཡུད་ཙམ་འདུལ་ཕྱོགས་བཅུར་འཕྲོ་མ་དང་། རྡོ་རྗེ་སེང་གེ་སྟབས་སུ་མཆོངས་པའི་ང་རྒྱལ་ཅན་དང་། རྡོ་རྗེ་སྤྲུལ་པ་མང་པོ་འགྱེད་པའི་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་སྡིར་གནས་མྱུལ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དམ་ཚིག་གི་ཚོགས་མྱུལ་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་ཕྱི་ནང་མཚམས་མྱུལ་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དམ་ཚིག་གི་རྗེས་གཅོད་མ་བྱ་ཁྲ་ ― DNG013_Page_0176 ―
[མ་དཔེ་གཟིགས་ན་འདིར་གནོན།]
ཁྱི་སྒྱིགས་ཅན་དང་། རྡོ་རྗེ་དེ་བྱའི་སྦྱོར་མྱུལ་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་འདོད་ཆགས་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དུར་ཁྲོད་རོ་ཟ་འདུལ་བའི་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དམར་མོ་བཀྲ་གསལ་དབང་སྡུད་མ་དང་། རྡོ་རྗེ་སེར་མོ་སྦྲུལ་གྱི་སྐ་རགས་ཅན་དང་། རྡོ་རྗེ་གནམ་ལྕགས་འུར་མོ་ཐོག་འབེབས་མ་དང་། རྡོ་རྗེ་བརྒྱལ་བྱེད་དངངས་པར་བྱེད་མ་དང་། རྡོ་རྗེ་བསྡམས་པས་སྲིན་མོ་བརྒྱལ་བར་བྱེད་མ་དང་། རྡོ་རྗེ་ཁ་ནས་མི་ཁྲག་རྟ་ཁྲག་འཛག་མ་དང་། རྡོ་རྗེ་དབུ་སྟོང་ཕྱག་སྟོང་བདུད་ཀྱི་དཔུང་རྣམས་འདུལ་བར་བྱེད་མ་དང་། རྡོ་རྗེ་འབུམ་ཕྲག་ཡངས་པའི་མཁའ་འགྲོ་ཆེན་མོ་དང་། རྡོ་རྗེ་རལ་པ་སྤྱི་གཙུག་འཁྱིལ་མ་དང་། རྡོ་རྗེ་སྐུ་ཡིས་རོལ་པའི་མཁའ་འགྲོ་འབར་མ་དང་། རྡོ་རྗེ་གསུང་གི་སྤྲུལ་པ་ཕྱོགས་བཅུར་འགྱེད་མ་དང་། རྡོ་རྗེ་ཐུགས་ཀྱི་སྒྱུ་འཕྲུལ་མངའ་བ་ཆེན་མོ་དང་། རྡོ་རྗེ་ཐུགས་ཀྱི་སྒྱུ་འཕྲུལ་དབང་ཕྱུག་མོ་དང་། རྡོ་རྗེ་རིན་ཆེན་སྐུའི་དབང་ཕྱུག་མ་དང་། རྡོ་རྗེ་པདྨོ་དབང་ཕྱུག་མ་དང་། རྡོ་རྗེ་དབྱིངས་ལ་སྦྱོར་ཞིང་སྟན་བྱེད་མ་དང་། རྡོ་རྗེ་མགྱོགས་མ་དབུ་དགུ་མ་དང་། རྡོ་རྗེ་སྒྲ་འབྱིན་མ་དང་། རྡོ་རྗེ་ཚེར་མ་དང་། རྡོ་རྗེ་མྱོང་མ་དང་། རྡོ་རྗེ་རེག་བྱེད་ཀུན་ལ་འཁྱམས་དང་། རྡོ་རྗེ་དམར་ནག་དབུ་གསུམ་མ་དང་། རྡོ་རྗེ་སྔོ་ནག་རལ་པ་ཅན་ཆེན་མོ་དང་། རྡོ་རྗེ་ལྗང་ནག་དབུ་བརྒྱ་མ་དང་། རྡོ་རྗེ་ལྗང་སྔོ་དབུ་དྲུག་མ་དང་། རྡོ་རྗེ་བ་ལང་གི་མགོ་ཅན་མ་དང་། རྡོ་རྗེ་སེར་ནག་དབུ་བཅྭ་ལྔ་མ་དང་། རྡོ་རྗེ་སྨུག་ནག་དབུ་བརྒྱ་མ་དང་། རྡོ་རྗེ་ལྗང་སེར་ཁྲོ་གཏུམ་དབུ་དགུ་མ་དང་། རྡོ་རྗེ་སེར་མོ་དབུ་གཅིག་མ་དང་། རྡོ་རྗེ་དཀར་མོ་དབུ་ལྔ་མ་དང་། རྡོ་རྗེ་ནག་མོ་དབུ་གསུམ་མ་དང་།རྡོ་རྗེ་བསྙེམས་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་སེར་མོ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དུར་ཁྲོད་ཀྱི་བདག་མོ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་གཏུན་ཁུང་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་མདའ་བསྙག་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་སྐུལ་བྱེད་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་རླུང་འབྱིན་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་རྗོད་བྱེད་མ་བྱ་ཁྲ་ཁྱི་སྒྱིགས་ཅན་དང་། ― DNG013_Page_0177 ―
[མ་དཔེ་གཟིགས་ན་འདིར་གནོན།]
རྡོ་རྗེ་འཇིགས་བྱེད་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་བདུད་རྩི་སྦྱོར་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་འཕྲོག་མ་བརླག་བྱེད་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་རྨོངས་བྱེད་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་ཡིད་འཕྲོག་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་ཁྲག་འཇོམས་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་ཚེ་འཇོམས་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་རྨུགས་བྱེད་མ་བྱ་ཁྲ་ཁྱི་སྒྱིགས་ཅན་དང་།རྡོ་རྗེ་སྲིན་མོ་སྙིང་ཟན་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་སྐུལ་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་འབེབས་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་དཔལ་བདག་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་རྐན་འཇིབ་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་གནས་མ་མགྱོགས་བྱེད་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་སྒྲུབ་པ་ཚེ་འཛིན་མ་བྱ་ཁྲ་ཁྱི་སྒྱིགས་ཅན་དང་། རྡོ་རྗེ་ཐོད་རློན་དང་སྦྲུལ་ནག་འཁྱིལ་པ་ཅན་དང་། རྡོ་རྗེ་ཞིང་ཆེན་སྟོད་གཡོགས་ཆུ་སྲིན་སྨད་གཡོགས་ཅན་དང་། རྡོ་རྗེ་ཟ་བྱེད་ཁ་འབར་མ་དང་། རྡོ་རྗེ་ནམ་མཁའ་ལྡིང་དང་། རྡོ་རྗེ་ཁྲ་དང་འུག་པ་དང་། རྡོ་རྗེ་བྱ་རྒོད་ཆེན་མོ་དང་། རྡོ་རྗེ་བྱན་ལག་དང་། རྡོ་རྗེ་ཀང་ཀའི་ལུས་ལ་ཆུ་སྲིན་གྱི་མགོ་ཅན་དང་། རྡོ་རྗེ་གཤོག་པ་གཏམས་པ་དང་། རྡོ་རྗེ་སྡེར་མོ་ལྕགས་ཀྱུ་མ་དང་། རྡོ་རྗེ་མཆུ་རྩེ་གཅིག་མའི་གདོང་ཅན་མ་དང་། རྡོ་རྗེ་སོ་གྲི་ཅན་དང་། རྡོ་རྗེ་ཁ་གདངས་མ་དང་། རྡོ་རྗེ་ཀརྨ་མུད་ཀ་ར་དང་། རྡོ་རྗེ་འཇིགས་པར་བྱེད་པའི་གཟུགས་ཅན་དང་། རྡོ་རྗེ་སྨིགས་བུའི་མགོ་ཅན་དང་། རྡོ་རྗེ་ཁྭའི་མགོ་ཅན་དང་། རྡོ་རྗེ་ཡིད་ལས་བྱུང་བའི་མདུན་པ་མོ་དང་། རྡོ་རྗེ་མྱོས་པ་མོ་དང་། རྡོ་རྗེ་དྲ་བ་མོ་དང་། རྡོ་རྗེ་ཏིང་ངེ་འཛིན་དང་། རྡོ་རྗེ་བྱེད་པ་དང་། རྡོ་རྗེ་དང་བ་མོ་དང་། རྡོ་རྗེ་ཁ་སྤུ་ཅན་དང་། རྡོ་རྗེ་རལ་གྲི་སྤུ་ཅན་དང་། རྡོ་རྗེ་ལྕགས་ཀྱི་པགས་པ་ཅན་དང་། རྡོ་རྗེ་ཟངས་ཀྱི་ཁ་སྤུ་ཅན་དང་། རྡོ་རྗེ་ཀ་ལི་པི་ཀའི་དབྱིངས་ཅན་དང་། རྡོ་རྗེ་དབང་སྦྱིན་མའི་ཚོགས་དང་། རྡོ་རྗེ་དགྱེས་པ་ཆེན་མོའི་ཚོགས་དང་། རྡོ་རྗེ་སྒྱུ་འཕྲུལ་གྱི་ཚོགས་དང་། རྡོ་རྗེ་ཏིང་ངེ་འཛིན་གྱི་ཚོགས་དང་། རྡོ་རྗེ་སྙོམས་པར་འཇུག་པའི་ཚོགས་དང་། རྡོ་རྗེ་ཆེད་དུ་འཛིན་ ― DNG013_Page_0178 ―
[མ་དཔེ་གཟིགས་ན་འདིར་གནོན།]
པའི་ཚོགས་དང་། རྡོ་རྗེ་བྱིན་གྱིས་བརླབས་པའི་ཚོགས་དང་། རྡོ་རྗེ་རབ་ཏུ་གཏོགས་པའི་ཚོགས་དང་། རྡོ་རྗེ་གསང་བའི་ཚོགས་དང་། རྡོ་རྗེ་གཟུགས་ཀྱི་ཚོགས་དང་། རྡོ་རྗེ་སྒྲའི་ཚོགས་དང་། རྡོ་རྗེ་དྲིའི་ཚོགས་དང་།རྡོ་རྗེ་རོའི་ཚོགས་དང་། རྡོ་རྗེ་རེག་གི་ཚོགས་དང་། རྡོ་རྗེ་ཁྲོ་མོའི་ཚོགས་དང་། རྡོ་རྗེ་གོས་གྱོན་པའི་ཚོགས་དང་། རྡོ་རྗེ་བཟའ་བཏུང་གི་ཚོགས་དང་། རྡོ་རྗེ་བྲོ་གར་གྱི་ཚོགས་དང་། རྡོ་རྗེ་ངོ་མཚར་གྱི་ཚོགས་དང་། རྡོ་རྗེ་ལྷ་མོའི་ཚོགས་དང་། རྡོ་རྗེ་ཀླུ་མོའི་ཚོགས་དང་། རྡོ་རྗེ་དབྱེ་བར་བྱེད་མའི་ཚོགས་དང་། རྡོ་རྗེ་པདྨོ་ཕྲེང་བ་མའི་ཚོགས་དང་། རྡོ་རྗེ་བདེ་བ་མོའི་ཚོགས་དང་། རྡོ་རྗེ་སྤྲིན་སྡུད་མའི་ཚོགས་དང་། རྡོ་རྗེ་དགྱེས་པ་མོའི་ཚོགས་དང་། རྡོ་རྗེ་མཉམ་པའི་ཚོགས་དང་། རྡོ་རྗེ་ཉི་ཟླའི་འོད་ཀྱི་ཚོགས་དང་། རྡོ་རྗེ་མཁའ་འགྲོ་མའི་ཚོགས་དང་། རྡོ་རྗེ་ཡིད་བཞིན་གྱི་ཚོགས་དང་། རྡོ་རྗེ་མཆོག་ཕྲན་འཛིན་པའི་ཚོགས་དང་། རྡོ་རྗེ་ཞིང་འཛིན་པའི་ཚོགས་དང་། རྡོ་རྗེ་ང་རྒྱལ་ཅན་གྱི་ཚོགས་དང་། རྡོ་རྗེ་ཐིམ་པར་བྱེད་པའི་ཚོགས་དང་། རྡོ་རྗེ་ངོ་མཚར་ཆེན་པོའི་ཚོགས་དང་།རྡོ་རྗེ་འཁོར་ལོ་མའི་ཚོགས་དང་། རྡོ་རྗེ་པདྨོའི་ཚོགས་དང་། རྡོ་རྗེ་ཁྲོ་བོའི་ཚོགས་དང་། རྡོ་རྗེ་མཉམ་པར་རྫོགས་པའི་ཚོགས་དང་། རྡོ་རྗེ་བཀའ་ཉན་སྤྲུལ་པའི་ཚོགས་དང་། རྡོ་རྗེ་དངོས་གྲུབ་ལས་ཀྱི་ཚོགས་དང་། རྡོ་རྗེ་སྤྱོད་པས་ཅི་ལ་འང་ཐོགས་པ་མེད་པའི་ཚོགས་དང་། རྡོ་རྗེ་རིགས་སུ་ཐབས་མཁས་པའི་ཚོགས་དང་། རྡོ་རྗེ་འོད་འཕྲོ་བ་འབར་བའི་ཚོགས་དང་། རྡོ་རྗེ་ཆགས་པ་མེད་པའི་ཚུལ་དུ་གནས་པའི་ཚོགས་དང་། རྡོ་རྗེ་སྡུག་བསྔལ་སེལ་བར་བྱེད་པའི་ཚོགས་དང་། རྡོ་རྗེ་རིགས་སུ་སྐྱེས་པའི་ཚོགས་དང་། རྡོ་རྗེ་མེ་སྟག་ཕྲ་མོའི་ཚོགས་དང་། རྡོ་རྗེ་སེམས་མ་ཡེ་ཤེས་སུ་སྣང་བའི་ཚོགས་དང་། རྡོ་རྗེ་མེད་པའི་ཚོགས་དང་། རྡོ་རྗེ་སྙོམ་ལས་མེད་པའི་ཚོགས་དང་། རྡོ་རྗེ་སྒྱིད་ལུག་མེད་པའི་ཚོགས་དང་། རྡོ་རྗེ་ཐེ་ཚོམ་མེད་པར་བསྒྲུབ་པའི་ཚོགས་དང་། རྡོ་རྗེ་གསང་བ་མའི་ཚོགས་དང་། རྡོ་རྗེ་རབ་ཏུ་དགྱེས་པ་མའི་ཚོགས་དང་། རྡོ་རྗེ་རོལ་མོའི་ཚོགས་དང་། རྡོ་རྗེ་རྣམ་པར་སྤྲོས་པའི་ཚོགས་དང་། རྡོ་རྗེ་རྒྱན་བཀོད་པ་མོའི་ཚོགས་དང་། རྡོ་རྗེ་བསྟན་པ་མོའི་ ― DNG013_Page_0179 ―
[མ་དཔེ་གཟིགས་ན་འདིར་གནོན།]
ཚོགས་དང་། རྡོ་རྗེ་ནམ་མཁའ་ལ་རྒྱུ་བ་མོའི་ཚོགས་དང་། སྙིང་རྗེ་སྐྱོན་དག་པ་མོའི་ཚོགས་དང་། རྡོ་རྗེ་ཕྱོགས་འཛིན་པ་མོའི་ཚོགས་དང་། རྡོ་རྗེ་གདུལ་བ་མོའི་དགོངས་པའི་ཚོགས་དང་། རྡོ་རྗེ་རྟེན་པ་མོའི་ཚོགས་དང་། རྡོ་རྗེ་ཚིགས་མཚོན་པ་མོའི་ཚོགས་དང་། རྡོ་རྗེ་གབ་པ་མོའི་ཚོགས་དང་། རྡོ་རྗེ་སྦས་པ་མོའི་ཚོགས་དང་། རྡོ་རྗེ་ཐུགས་འཛིན་པ་མོའི་ཚོགས་དང་། རྡོ་རྗེ་འབྱུང་བ་མོའི་ཚོགས་དང་། རྡོ་རྗེ་ཤེས་རབ་འཛིན་པ་མོའི་ཚོགས་དང་། རྡོ་རྗེ་བདེ་བའི་ཚོགས་དང་། རྡོ་རྗེ་རོལ་མོའི་ཚོགས་དང་། རྡོ་རྗེ་ཐུགས་ཀྱི་ཡེ་ཤེས་འཛིན་པའི་ཚོགས་དང་། རྡོ་རྗེ་དྲང་སྣང་མོའི་ཚོགས་དང་།རྡོ་རྗེ་རང་འབྱུང་མོའི་ཚོགས་དང་། རྡོ་རྗེ་ཀུན་དུ་མང་བའི་ཚོགས་དང་། རྡོ་རྗེ་ཤེས་རབ་ཀྱི་མིག་དང་ལྡན་པའི་ཚོགས་དང་། རྡོ་རྗེ་ཀུན་བཟང་ལོངས་སྤྱོད་གནས་པའི་ཚོགས་དང་། རྡོ་རྗེ་རྨོངས་པར་བྱེད་པ་མོའི་ཚོགས་དང་། རྡོ་རྗེ་སྲོག་ཟ་བར་བྱེད་པ་མོའི་ཚོགས་དང་། རྡོ་རྗེ་ཟ་བ་མོའི་ཚོགས་དང་། རྡོ་རྗེ་ཁྲག་ཟ་བའི་ཚོགས་དང་། རྡོ་རྗེ་ཚིལ་ཟ་བའི་ཚོགས་དང་། རྡོ་རྗེ་རྐང་ཟ་བའི་ཚོགས་དང་། རྡོ་རྗེ་བསོད་ནམས་གཏེར་འཆང་བའི་ཚོགས་དང་། རྡོ་རྗེ་ཡེ་ཤེས་དཀྱིལ་འཁོར་དང་ལྡན་པའི་ཚོགས་དང་། རྡོ་རྗེ་སྒྲ་མཐའ་ཡས་པའི་ཚོགས་དང་། རྡོ་རྗེ་ཡོན་ཏན་ཕྲིན་ལས་ཀྱི་ཚོགས་དང་། རྡོ་རྗེ་ལྷུན་གྱིས་གྲུབ་པའི་ཚོགས་དང་། རྡོ་རྗེ་སྤྲུལ་པ་འབྱུང་བ་མོའི་ཚོགས་དང་། རྡོ་རྗེ་རྒྱུ་ལས་འབྱུང་བ་མོའི་ཚོགས་དང་། རྡོ་རྗེ་གཏུམ་བག་ཅན་དང་། རྡོ་རྗེ་གདུག་པ་གཏོང་བ་སྦྲུལ་གྱི་ཆུན་པོ་ཅན་དང་། རྡོ་རྗེ་འཇིགས་པའི་མགོ་བརྒྱད་པ་དང་། རྡོ་རྗེ་མགོ་སྣ་ཚོགས་པར་སྤྲུལ་པའི་ཚོགས་དང་། རྡོ་རྗེ་ལུས་སྟོང་ལ་མགོ་བཅུ་པ་དང་། རྡོ་རྗེ་ལུས་བརྒྱ་ལ་མགོ་གཅིག་པའི་ཚོགས་དང་། རྡོ་རྗེ་ལུས་སྣ་ཚོགས་དང་། རྡོ་རྗེ་ཡན་ལག་འབུམ་ཡོད་པ་དང་། རྡོ་རྗེ་གདུག་པའི་ལག་ཆ་སྣ་ཚོགས་ཐོགས་པ་དང་། རྡོ་རྗེ་ལུས་བརྒྱ་ལ་མགོ་སྟོང་ཡོད་པ་དང་། རྡོ་རྗེ་ལུས་བརྒྱ་ལ་མགོ་བརྒྱ་པ་དང་།རྡོ་རྗེ་ལུས་བཅུ་ལ་མགོ་གཅིག་པ་དང་། མགོ་བརྒྱ་པ་ལ་རྐང་པ་བརྒྱད་པ་དང་།མགོ་ ― DNG013_Page_0180 ―
[མ་དཔེ་གཟིགས་ན་འདིར་གནོན།]
དགུ་པ་ལ་རྐང་པ་གཅིག་པ་དང་། དེའི་འཁོར་གྱི་ཡང་སྤྲུལ་གྱི་ཕོ་ཉ་ནི་ལྕགས་ཀྱི་ཁྱི་སྟེ་རྐང་གསུམ་པོ་དང་། ལོང་བ་རྒྱབ་སྦྲེལ་བ་དང་། ནག་པོ་མགོ་དགུ་པའོ། །ཤར་གྱི་དཀར་མོ་སྤྱང་དུང་གི་ཁྱི་མོ་ཆེན་མོ་དང་། ལྷོའི་སྦྲུལ་གྱི་ཞགས་པ་ཅན་དང་། ནུབ་ཀྱི་དམར་མོ་ཟངས་ཀྱི་མཆེ་བ་ཅན་དང་། བྱང་གི་སེར་མོ་དྲིལ་བུ་ཅན་དང་། འདི་རྣམས་ཀྱི་ཕོ་ཉ་མོ་ནི་ཤར་གྱི་རྡོ་རྗེ་སྡེར་མོ་དང་།ལྷོའི་ནག་མོ་དུང་གདུབ་མ་དང་། ནུབ་ཀྱི་དམར་མོ་སེང་གེའི་མགོ་ཅན་དང་།བྱང་གི་སེར་མོ་ལས་ཀྱི་བདག་མོ་དང་། རྡོ་རྗེ་རུས་ཆེན་ཕྲེང་བ་ཅན་དང་། རྡོ་རྗེ་ཟངས་ཀྱི་ཕྲེང་བ་ཅན་དང་། རྡོ་རྗེ་ལྕགས་ཀྱི་ཕྲེང་བ་ཅན་དང་། རྡོ་རྗེ་རལ་གྲི་སོ་ཅན་དང་། རྡོ་རྗེ་ནམ་མཁའི་གུང་གཅོད་མ་དང་། རྡོ་རྗེ་ཉི་མའི་ཟེར་ཞོན་མ་དང་། རྡོ་རྗེ་ཆུ་བོའི་གཞུང་འདྲལ་མ་དང་། རྡོ་རྗེ་རྒྱ་མཚོའི་གཏིང་དཀྲུགས་མ་དང་། འདི་རྣམས་ཀྱི་སྐུ་མདོག་ནི་སྣ་ཚོགས་པའོ། །ཕྱག་ན་མཚོན་ཆ་སྣ་ཚོགས་པའོ། །དྲག་བྱེད་བདག་པོས་སྒྲོལ་བར་བྱེད་པའོ། །དེ་ནས་བཅོམ་ལྡན་འདས་དཔལ་ཧེ་རུ་ཀས་སྐུ་དང་གསུང་དང་ཐུགས་རྡོ་རྗེ་ལས་ཕོ་ཉའི་ལས་འདི་གསུངས་སོ། །ཨོཾ་ཧཱུྃ་ཕོ་ཉ་སུམ་བརྒྱ་དྲུག་ཅུ་རྣམས། །ཡུད་ཙམ་གྱིས་ནི་ཀུན་འདུལ་ཞིང་། །ཡུད་ཙམ་གྱིས་ནི་ཕྱོགས་བཅུར་འཕྲོ། །ཧཱུྃ་དང་ཕཊ་ཀྱི་སྒྲ་སྒྲོགས་ཤིང་། །བསྐལ་པའི་འབྲུག་སྒྲ་ཆེན་པོ་ལྡིར། །མགོ་གསུམ་པོ་ལ་ལྕགས་སྡེར་ཅན། །མི་ཤ་ཟ་ཞིང་བདུད་དཔུང་འཇོམས། །བལྟས་པས་བདུད་རྣམས་ཚིག་བྱེད་ཅིང་། །ཀླུ་ཡི་ཁྱིམ་རྣམས་རབ་ཏུ་འཇོམས། །རབ་ཏུ་མི་སྲུན་འདི་དག་ནི། །འདི་ཡང་དཔལ་གྱི་ཕོ་ཉ་སྟེ། །ལས་རྣམས་ཐམས་ཅད་གྲུབ་པར་གྱིས། །མཚན་དང་དཔེ་བྱད་གཉིས་ལས་འཕྲོས། །མགྱོགས་པ་མགྱོགས་མའི་ཕོ་ཉར་ལྡན། །གློག་འགྱུ་མ་དང་འདྲ་བར་གྲགས། །ཆོས་ཉིད་ཁྱབ་པས་མཚན་མ་དབྱིངས་སུ་སྡུད། །ཡེ་ཤེས་ཐུགས་རྗེས་འདྲེལ་པས་ཀུན་ལ་ཁྱབ། །ཕྲིན་ལས་དྲ་བས་འགྲོ་བ་རླབས་ཀྱིས་གྲོལ། །དེ་ཕྱིར་ལྷ་མོ་རིན་ཆེན་དྲ་བ་མ། །ཨོཾ་ཛྭ་ལ་བཛྲ་ཧཱུྃ། ཡེ་ཤེས་གློག་འགྱུས་མཚན་མ་དབྱིངས་སུ་གཅོད། །སྐད་ཅིག་ཐུགས་རྗེས་འཁོར་བ་དབྱེ་བསལ་བྱེད། །ཕྲིན་ལས་གློག་འགྱུས་འགྲོ་བ་ཡུད་ ― DNG013_Page_0181 ―
[མ་དཔེ་གཟིགས་ན་འདིར་གནོན།]
ཀྱིས་སྒྲོལ། །དྲ་བས་སྡུད་ལ་གློག་འགྱུ་མ་ཡིས་འདྲེན། །བཛྲ་ཨ་མ་ཀ་ཧཱུྃ། འོད་ཟེར་དུད་ཀ་འཕྲོ་བ་ནི། །ཧཱུྃ་དང་ཕཊ་ཀྱི་སྒྲ་སྒྲོགས་ཤིང་། །བསྐལ་པའི་འབྲུག་སྒྲ་ཆེན་པོ་བཞིན། །ཀུན་ཀྱང་མགྱོགས་མ་རླུང་དང་མཚུངས། །མིག་གསུམ་ཡོ་ལ་ལྕགས་སྡེར་ཅན། །མགོ་གསུམ་པོ་ལ་རྐང་གསུམ་པ། །མང་དུ་ཟ་ཞིང་བདུད་ཁྱིམ་འཇོམས། །བལྟས་པས་བདུད་རྣམས་ཚིག་བྱེད་ཅིང་། །ཀླུ་ཡི་གནས་ཀྱང་ངེས་པར་འཇོམས། །འདི་རྣམས་ཁྲོ་བོ་ཕོ་ཉ་སྟེ། །ཧ་ཧ་རུ་ལུའི་སྒྲ་སྒྲོགས་ཤིང་། །གང་གིས་རླུང་ཕྱོགས་སོང་བ་ཡི། །ཁྲོ་བོ་ཐམས་ཅད་ངེས་པར་འཇིག །ན་མོ་བྱི་ཙིར་བྷྱོ། ཧ་ཧ་རུ་ལུ་རུ་ལུ་བྷྱོ།མགོ་བརྒྱད་པོ་ལ་རྐང་བརྒྱད་པོ། །ལག་པ་བརྒྱད་ལ་མིག་ཀྱང་བརྒྱད། །ལག་པ་བརྒྱད་ནི་རྡོ་རྗེ་འཛིན། །རྟ་མགྲིན་གནས་ཀྱང་ངེས་པར་འཇོམས། །མགོ་དྲུག་པོ་ལ་རྐང་དྲུག་པོ། །ལག་པ་དྲུག་ནི་རྒྱུད་དྲུག་གཅོད། །རྐང་པ་གསུམ་ནི་ཕུར་བུ་འདྲིལ། །གཡོན་པ་གསུམ་ནི་གཏོར་མ་སྦྱིན། །གང་ནས་གང་དུ་འགྲོ་བའི་ཚེ། །རྐང་པ་ལྕགས་ཕུར་རབ་ཏུ་དྲག །འོད་ཟེར་དུད་ཀས་རེག་པ་ནི། །ཚངས་པའི་གནས་ཀྱང་རབ་ཏུ་འཇིག །ལག་པ་གཡོན་པས་བསྐྱོད་པ་ནི། །ཕྲ་མེན་འཁོར་བཅས་རལ་པར་འབར་། །ལྕགས་ཀྱུས་དགྲ་སྟ་རབ་ཐོགས་ཤིང་། །ཞིང་ཆེན་ཡན་ལག་འཛིན་པ་འཕྲོ། །བྱང་གི་ཕྱོགས་ནས་འབྱུང་བ་ནི། །ལྕགས་ཀྱི་ཁྱི་སྟེ་རྐང་གསུམ་པོ། །ལྕགས་ཀྱི་ལུས་ལ་ཉི་མའི་མིག །སྤུ་ནི་ལྕགས་ཀྱུ་བསྲེགས་པ་འདྲ། །བང་ནི་གློག་པས་ངེས་པར་མགྱོགས། །སྐད་ནི་འབྲུག་པས་ཤིན་ཏུ་ཆེ། །རབ་ཏུ་མི་སྲུན་འདི་དག་ནི། །ཕྱག་ན་རྡོ་རྗེའི་མཐུ་ཡང་འཕྲོག །མགོ་དགུ་པོ་ལ་རྐང་གཅིག་པོ། །ལུས་ཀྱང་གནག་ལ་འོད་ཕུང་གནག །ཡན་ལག་གནག་ལ་སྦྲུལ་གྱིས་བརྒྱན། །རལ་པ་གནག་ཅིང་མཆེ་བ་གནག །མིག་ཀྱང་གནག་ལ་ལག་ནག་པོ། །མགྱོགས་ཀྱང་རླུང་གིས་བསྐྱོད་དུ་མེད། །འདི་དག་ཕོ་ཉའི་མཆོག་ཡིན་པས། །ལས་རྣམས་ཐམས་ཅད་གྲུབ་པར་གྱིས། །ལོང་བ་རྒྱབ་སྦྲེལ་ཕྱི་མ་ནང་། །མཾ་ས་ཟ་ཞིང་རི་ལུ་སྒྲོལ། །མིག་ཀྱང་མེད་ལ་ཅང་མི་ ― DNG013_Page_0182 ―
[མ་དཔེ་གཟིགས་ན་འདིར་གནོན།]
སྨྲ། །ཡང་ན་ལག་པ་སྦྲེལ་ཏེ་འགྲོ། །འདི་ཡང་ཁྲོ་བོའི་ཕོ་ཉ་སྟེ། །ལས་རྣམས་ཐམས་ཅད་གྲུབ་པར་བྱེད། །ཤར་གྱི་ཕྱོགས་ནས་འགུགས་པ་ནི། །དུང་གི་ཁྱི་མོ་ཆེན་མོ་ལ། །དུང་གི་བ་ལང་སྣ་ཁྲིད་ཅན། །དུང་གི་མི་མོ་ཆེན་མོ་ཞོན། །ལག་ན་ལྕགས་ཀྱུ་འབར་བ་ཐོགས། །ལྷོ་ཡི་ཕྱོགས་ནས་འགུགས་པ་ནི། །ལྕགས་ཀྱི་ཁྱི་སྟེ་རྐང་གསུམ་པ། །ལྕགས་ཀྱི་སྤྱང་མོ་མགོ་དགུ་ལ། །ལྕགས་ཀྱི་མི་མོ་ཆེན་མོ་ཞོན། །ལག་ན་ཞགས་པ་སྒྲིལ་མ་ཐོགས། །ནུབ་ཀྱི་ཕྱོགས་ནས་འགུགས་པ་ནི། །ཟངས་ཀྱི་ཁྱི་མོ་ཆེན་མོ་ལ། །ཟངས་ཀྱི་མི་མོ་ཆེན་མོ་ཞོན། །ལག་ན་ལྕགས་སྒྲོག་སྒྲིལ་མ་ཐོགས། །བྱང་གི་ཕྱོགས་ནས་འགུགས་པ་ནི། །གསེར་གྱི་ཁྱི་མོ་ཆེན་མོ་ལ། །གསེར་གྱི་མི་མོ་ཆེན་མོ་ཞོན། །ལག་ན་རྡོ་རྗེ་ཕུར་བུ་འདྲིལ། །འདི་ཡང་དཔལ་གྱི་ཕོ་ཉ་སྟེ། །ལས་རྣམས་ཐམས་ཅད་གྲུབ་པར་གྱིས། །དེ་ནས་བཅོམ་ལྡན་འདས་དཔལ་ཧེ་རུ་ཀ་ཕོ་ཉ་བསྒྲུབ་པའི་དཀྱིལ་འཁོར་འདི་གསུངས་སོ། །དཀྱིལ་འཁོར་འདོམ་གང་གྲུ་བཞི་ལ། །དབུས་སུ་འཁོར་ལོ་རྩིབས་བཞི་ལ། །དབུས་སུ་བཅོམ་ལྡན་འདས་ཧེ་རུ་ཀའི་རོལ་པ། སྐུ་མདོག་མཐིང་ནག་དབུ་སུམ་བརྒྱ་ཕྱག་དྲུག་བརྒྱ་པ་ཞིག་དགོད།ཤར་དུ་རྡོ་རྗེ་ཏིལ་མར་དགོད། ལྷོར་སྟག་གི་མགོ་ཅན་དགོད། ནུབ་ཏུ་གཡག་གི་མགོ་ཅན་དགོད། བྱང་དུ་སྦྲུལ་གྱི་མགོ་ཅན་དགོད། དེའི་ཕྱི་རིམ་པདྨ་ལ་བརྒྱ་རྩ་བརྒྱད་རིམ་པ་གསུམ་ལ་ཕོ་ཉ་སུམ་བརྒྱ་བཅུ་དགོད་དོ། །དེའི་ཕྱི་རིམ་སྣམ་བུ་ལ་ཕོ་ཉ་ལྔ་བཅུ་རྩ་བརྒྱད་དགོད་དོ། །དེའི་ཕྱི་རིམ་སྣམ་བུ་ལ་ཡང་སྦྲུལ་གྱི་ཕོ་ཉ་དགོད་དོ། །དེའི་ཕྱི་རིམ་སྒོ་བ་བཞི། །ཕོ་ཉ་ལས་བྱེད་བཞི་དགོད་དོ། །ཅི་བགྱི་དང་། བཀའ་ཉན་དང་། བཀའི་ཕོ་ཉ་དང་། སྤྲུལ་པ་དང་། ཡང་སྤྲུལ་པ་དང་། འདི་རྣམས་ཡང་དག་པའི་བདེན་དུ་ངེས་པར་རིག་པར་བྱའོ། །བཅོམ་ལྡན་འདས་དེ་བཞིན་གཤེགས་པ་ཤིན་ཏུ་གསང་བ་ཧེ་རུ་ཀའི་རོལ་པ་ལས་རྡོ་རྗེ་ཕོ་ཉའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཧེ་རུ་ཀའི་ལས་ཀྱི་ ― DNG013_Page_0183 ―
[མ་དཔེ་གཟིགས་ན་འདིར་གནོན།]
བཟླས་པ་འདི་གསུངས་ཤིང་ཕྱུང་ངོ་། །བདག་མེད་གཉིས་རྟོགས་སྒྲིབ་པ་གཉིས་སྤངས་པ། །ཐུགས་རྗེ་སྤྲུལ་པས་འགྲོ་བ་མ་ལུས་སྒྲོལ། །ཡུལ་མེད་མ་སྐྱེས་བྱམས་པའི་ཆོས་དབྱིངས་ལས། །འཛིན་པ་མི་རྟོག་སྙིང་རྗེ་ཞེན་ཆགས་ཁྲོ། །གཉིས་མེད་དག་ལས་ཕྲིན་ལས་སྙིང་རྗེ་སྙོམས། །དཔལ་ཆེན་ཁྲག་འཐུང་ཁྱོད་ལ་ཕྱག་འཚལ་ལོ། །རྟོག་འཇོམས་སྤྱོད་པ་མཐུན་པས་འགྲོ་འདུལ་ཞིང་། །བརྡ་ཅན་ཡན་ལག་ལེན་པའི་དོན་གོ་ལ། །ལྷ་བརྒྱུད་བརྗོད་པས་དངོས་གྲུབ་ཀུན་དང་འདྲེལ། །བཀའ་དོན་གཏན་ཚིགས་རིགས་པས་བརྗོད་པར་འོས། །ཞེས་བྱ་བའི་དོན་ཏོ།། །།ལུང་གསུམ་མན་ངག་གསུམ་དང་སྤྱི་དོན་གསུམ། །ལུང་གི་སྤྱི་གཅོད་མན་ངག་གདེང་དུ་བྱ། །སྤྱི་ཁོག་བཅུ་བཞིས་དོན་གྱི་ཁོག་ཕུབ་ལ། །བཞི་བཅོམ་དྲུག་ལྡན་རྩིས་མགོས་ས་གཅད་དེ། །ཁྲོ་བོ་རྟོག་པ་མཚན་མའི་གཉེར་གྱིས་བཤད། །འདི་ནི་ཁྲག་འཐུང་རྔོམ་བརྗིད་རྒྱལ་པོའི་ལུང་ཞེས་ཚིག་ཉུང་ཞིང་མདོར་འདུས་ལ་དོན་མང་པོར་འབྱུང་བས་མདོའི་སྡེ་ཞེས་བྱའོ། །བཅོམ་ལྡན་འདས་དཔལ་རྡོ་རྗེ་སེམས་དཔས་བཀའ་སྩལ་པ། ལུང་གསུམ་གྱིས་སྣ་གྲངས་ཏེ་རྡེའུ་བྱའོ། །མན་ངག་གསུམ་གྱིས་མཇུག་བསྡུས་ཏེ་བློ་ལ་བཞག་པའི་དོན་ཏོ། །སྤྱི་དོན་གསུམ་གྱིས་ལུང་ཐམས་ཅད་ཀྱི་སྤྱི་གཅད་དོ། །སྤྱི་ཁོག་བཅུ་བཞིས་དོན་གྱི་ཁོག་དབུབ་བོ། །བདུད་བཞི་བཅོམ་པས་ཡོན་ཏན་ཀུན་ལ་སྣང་བའི་ཆེ་བ་ཙམ་མོ། །རྩིས་མགོ་དྲུག་གིས་ས་གཅད་དོ། །ཁྲོ་བོ་རྟོག་པ་མཚན་མའི་གཉེར་གྱིས་བཤད་པས་ནི་གོལ་ས་དང་ནི་སྒྲིབ་པ་སྤང་ངོ་། །ཡོན་ཏན་ཀུན་རྔོམ་པས་བརྗིད་གཞན་ལ་སྣང་ཕྱིར་རྔོམ་བརྗིད་ཆེན་པོ་སུམ་ཅུ་རྩ་དྲུག་བསྟན་ཏེ། རྒྱལ་པོ་ཡིན་པའི་རྟགས་ནི་རིན་པོ་ཆེ་སྣ་བདུན་གྱིས་རྒྱལ་པོར་གསོལ་ལོ། །ལུང་གིས་སྤྱི་དྲིལ་དེ་བཤད་དོ། །དེ་ལྟར་རྣམ་པ་བཅུར་ངེས་ནས། །དེ་ནི་ཕྱེ་བྱང་ངོ་བསྟན་ཏེ་གསེས་ནས་བཤད་པ། དེ་ལ་ལུང་གསུམ་ནི་ཞི་གནས་མི་རྟོག་དངོས་པོ་མཁའ་ཁྱབ་འདྲ། །ལྷག་མཐོང་མ་རྨོངས་གཟའ་སྐར་མཁའ་ལ་བཀྲམ། ། ― DNG013_Page_0184 ―
[མ་དཔེ་གཟིགས་ན་འདིར་གནོན།]
གདོད་བཅས་དོན་དང་བསྟུན་དེ་འཚམ་པར་བཤད། །ཏིང་འཛིན་ཤེས་རབ་བཀའ་ལུང་གསུམ་དུ་ངེས། །དེ་ལ་མན་ངག་གསུམ་ནི་བདག་ཏུ་མི་རྟོག་སྤྲུལ་པ་མཛོད་ནས་ཐོང་། །ཡུལ་དུ་མ་གྲུབ་གཞན་མེད་མཛད་དུ་གཤེགས། །ཡུལ་སེམས་གཉིས་མེད་མ་སྐྱེས་དབྱིངས་སུ་གཅིག །ཉན་ཐོས་རང་རྒྱལ་སེམས་ཙམ་སྤོང་མན་ངག །དེ་ལ་སྤྱི་དོན་གསུམ་ནི། མེད་རྒྱུ་བཏག་ཆགས་སྒྲུབ་འགྲུབ་བལྟས་པར་སྣང་། །སྤྱོད་མཐུན་ཁྲོ་དྲག་གདུག་པའི་དབལ་སོས་འདུལ། །རྟོག་འཇོམས་སྨན་རྫས་དངོས་ལེན་དངོས་གྲུབ་རྒྱུ། །འདི་ནི་ཁྲོ་བོ་སྤྱི་ཡི་དོན་དུ་བཤད། །དེ་ལ་སྤྱི་ཁོག་བཅུ་བཞི་ནི། གང་ཁྲོ་གང་ལ་ཅི་ཕྱིར་གང་གིས་ཁྲོ། །གང་ཁྲོ་རྣམ་པ་བཞིར་ནི་ཤེས་བྱ་སྟེ། །ངང་ཁྲོ་ཤུགས་ཁྲོ་བར་བཅས་དང་བཅས་སོ། །རྟོགས་པ་ཐུགས་རྗེ་རང་བཞིན་འདུལ་བའི་དབང་། །གང་ལ་སྙིང་རྗེས་ཁྲོས་ཏེ་ཡུལ་དང་གནས། །ལས་དང་འབྲས་བུ་སེམས་ཅན་སྒྲུབ་པའོ། །ལས་བཞི་སྒྲོལ་མཛད་འབྲས་སུ་སྐུ་གསུང་ཐུགས། །ཅི་ཕྱིར་རྒྱུ་དང་འབྲས་བུ་གཉིས་ལ་ནི། །དུས་གསུམ་མི་ཡང་ཤ་རུས་ཁྲག་ལ་རོལ། །གང་གི་རོ་ནི་ཧཱུྃ་དང་ཧ་ཧེ་ཕཊ། །གནས་ན་ལྟ་འོག་མཁའ་སྟོང་ཡེ་ཤེས་ཐུགས། །བསྐྱེད་ཐབས་ཆོ་འཕྲུལ་གསུམ་པོ་ཁྲོ་བོའི་སྐུ། །འབྲས་བུ་དཔལ་ཆེན་ཕྲ་མེན་ཚོགས་ཀྱིས་བསྐོར། །ཕྲ་མེན་ལས་དྲག་འགྲོ་བ་ཅིས་འདུལ་མཛད། །དེ་ལ་བདུད་བཞི་གཞོམ་པ་ནི། །ཚམ་ངམ་དྲག་པོས་ལྷ་ཆེན་འདར་འགྱེལ་བརྫིས། །བརྟུལ་ཞུགས་རོལ་པས་གདོས་བཅས་ཕུང་པོ་བཤིག །དུས་གསུམ་བརླག་ཕྱིར་ཤ་རུས་ཁྲག་ལ་ཟ། །རྣམ་ཤེས་འཆི་མེད་རྒྱལ་བའི་གནས་སུ་སྟོབས། །རྩིས་མགོ་དྲུག་ནི་དབང་དང་རབ་ཏུ་ལྡན་པ་དང་། །དཔལ་དང་གཟུགས་དང་གྲགས་པ་དང་། །ཡེ་ཤེས་དང་ནི་ནན་ཏན་དང་། །དྲུག་དང་ཡང་དག་ལྡན་ཕྱིར་རོ། །དེ་ལ་དབང་ནི་ཆགས་སྡང་གཏི་མུག་ང་རྒྱལ་ཕྲག་དོག་ནི། །མཉེས་སྟོབས་ཡུམ་དང་འཇིགས་ཚུལ་སྐུ་ཡི་སྤྲུལ། །དྲན་མེད་ཐོད་པ་ཁམ་པོར་གཡང་གཞི་ནི། །ཁ་ ― DNG013_Page_0185 ―
[མ་དཔེ་གཟིགས་ན་འདིར་གནོན།]
དང་རྒྱལ་མཚན་མེ་དང་ལྷ་ཆེན་གནོན། །དེ་ལ་དཔལ་དྲུག་ནི། བྱམས་ལས་ཁྱབ་པ་ཐུགས་དམ་དམིགས་ཀྱིས་བསྒྲལ། །ཐུགས་རྗེས་འགྲོ་བ་ཐམས་ཅད་བུ་ལྟར་དགོངས། །སྨོན་ལམ་དབང་གིས་འཁོར་བར་ཇི་སྲིད་བཞུགས། །གཞན་དོན་མཛད་པས་བདག་དོན་ལྷུན་གྱིས་གྲུབ། །ཡོངས་སུ་རྫོགས་པ་བདེ་བ་ཆེན་པོའི་དཔལ། །ཁྲོ་རྒྱལ་ཁྲག་འཐུང་དཔལ་ཏེ་རྣམ་དྲུག་ཡིན། །དེ་ལ་དཔལ་ཡོངས་སུ་རྫོགས་པ་བདེ་བ་ཆེན་པོའི་དཔལ་ནི་བསམ་གྱིས་མི་ཁྱབ་པ་བཞི་སྟེ། དེ་ཡང་གང་ཞེ་ན། སྐུ་གསུམ་ས་གསུམ་སེམས་དཔའ་རྟོགས་དཀའ་བ། །བཀའ་ཁྱབ་སྤྲིན་འདལ་ཆར་འབབ་ཆུ་བོའི་རྒྱུན། །ཏིང་འཛིན་བསམ་ཡས་བོ་དྷིས་ཐོགས་པ་དེ། །བསམ་ཡས་བསམ་ཁྱབ་མཁས་ལ་གཟའ་སྐར་གསལ། །ཀླུ་མཐུ་གདུལ་ཕྱིར་ཀླུ་ལྔས་སྐུ་བརྒྱན་པ། །མང་ཆེན་གསུང་སྒྲ་དབྱངས་དང་ཕོ་ཉའི་དབང་། །དུག་ལྔས་གདོས་བཅས་འདུ་བྱེད་རྒྱན་བྱས་པ། །ཁྲག་སྤྲུལ་གཡང་གཞི་ཁྭ་ཏ་དྲེགས་པ་འཇོམས། །དེ་ལ་གཟུགས་རྣམ་པ་གཉིས་ནི། མི་ཐུང་བུས་པའི་གཟུགས་འདྲ་ལ། །ཨ་གོན་ལ་ནི་རྐང་ལག་གཏམས། །དྲང་སྲོང་ཁྲོས་པའི་ཆ་བྱད་ལ། །ཤིན་ཏུ་མཁྲང་ཞིང་སྐེམས་བགས་བྲི། །གནོད་སྦྱིན་སྙིང་བགས་མི་མཐུན་གཟུགས་དང་ནི། །འདུལ་དབང་ཡི་དྭགས་སྲིན་པོ་དྲང་སྲོང་འདྲ། །དེ་ལ་གྲགས་པ་ནི། བུད་དྷ་བོ་དྷིས་བསྟོད་དམ་སྲས་སྤུན་དགོངས། །གཏི་མུག་གཟེངས་བསྟོད་ང་རྒྱལ་གནོན་པར་གྲགས། །དེ་ལ་ཡེ་ཤེས་ནི། རྣམ་དག་དབྱིངས་མཁྱེན་འཁོར་བའི་སྐྱོན་དང་བྲལ། །འགྲོ་བའི་རྒྱུད་མཁྱེན་འཁོར་བའི་མཐའ་ལས་འདས། །གཉིས་སུ་མེད་པར་མཁྱེན་པས་དབུ་མའི་ངང་། །མདོར་ན་ཐམས་ཅད་པ་ཡི་ཡེ་ཤེས་ཡིན། །དེ་ལ་ནན་ཏན་ནི། ནན་ཏན་སྙིང་པོ་ཟག་མེད་ཟག་བཅས་འདུ། །ནན་ཏན་ཕྲིན་ལས་འགྲོ་བ་གནས་ནས་འདོན། །བསམ་ཡས་ནན་ཏན་འགྲོ་བ་ཆུད་མི་གསོན། །ནན་ཏན་མཆོག་གིས་མཆོག་ཏུ་ཤེས་པར་བྱ། །ད་ནི་ལུང་རྣམ་པ་གསུམ་སྤྱིར་དྲིལ་ཏེ་བཤད་དོ། །དེ་ཡང་མི་འདའ་བ་རྒྱན་གྱི་ལུང་དང་། ཆེ་མཆོག་ཡོན་ཏན་གྱི་ལུང་དང་། ཡན་ལག་རྟགས་ཀྱི་ལུང་གིས་བཤད་དོ། །དེ་ལ་མི་ ― DNG013_Page_0186 ―
[མ་དཔེ་གཟིགས་ན་འདིར་གནོན།]
འདའ་བ་རྒྱན་གྱི་ལུང་ནི། གླང་ཆེན་འདུལ་སྟོབས་ཐེག་པའི་རྒྱན་ཞེས་པ། །བདུད་འཇོམས་སྨན་རྫས་གྲུབ་དང་ལྟ་བའི་གཞུང་། །སྟག་ནི་དཔའ་རྟུན་ཟ་བྱེད་རྒྱན་ཞེས་པ། །ཡེ་ཤེས་ཐུགས་རྗེའི་ཕྲིན་ལས་ངང་དུ་བསྟན། །སྦྲུལ་ནི་མཉེན་ལྕུག་ཕྲིན་ལས་རྒྱན་ཞེས་པ། །འཇིགས་ཚུལ་དུག་གནོན་འཁྲིལ་པ་ཡུམ་གྱི་རྒྱན། །ཐོད་ཕྲེང་དབང་སྒྲོལ་འཆད་པའི་རྒྱན་ཞེས་པ། །སྐུ་གསུམ་ཐེག་གསུམ་དུས་གསུམ་དབང་ཆད་སྒྲོལ། །གཡང་གཞི་ཚུལ་ཁྲིམས་གོས་ཀྱི་རྒྱན་ཞེས་པ། །བྱང་ཆུབ་སེམས་ཚུལ་དམ་ཁྲིམས་གོས་ཞེས་བྱ། །རཀྟ་ཐུགས་རྗེ་ཆགས་པའི་རྒྱན་ཞེས་བྱ། །མི་རྟོག་དབྱིངས་ནས་ཐུགས་རྗེའི་སྤྱན། །གཟི་ཆེན་དོན་དམ་བཅུད་ཀྱི་རྒྱན་ཞེས་པ། །བཅུད་ཀྱི་ཐིག་ལེ་དོན་དམ་ཀུན་དུ་འོང་། །ཐལ་བ་འདུལ་བྱེད་ཕྲིན་ལས་རྒྱན་ཞེས་པ། །ཡི་གེ་འཁོར་ལོས་མཚན་མ་ཐལ་བར་རློག །མེ་ནི་འབར་འཕྲོ་འདུ་སྲེག་ཀློང་དཀྱིལ་ཞེས། །ཡེ་ཤེས་ཐུགས་རྗེ་དབྱིངས་འདུལ་ཕྲིན་ལས་ཏེ། །ཟད་པར་བྱེད་པའི་མཐའ་འདས་དཀྱིལ་ཞེས་བྱ། །མེ་སྒྲ་སྒྲ་ཆེན་ཐ་དད་སྒྲ་ཞེས་པ། །ཆོས་སྐུ་ཁྱབ་དང་ཏིང་འཛིན་སྣ་ཚོགས་པ། །རལ་པ་ཁམ་ནག་སྙིལ་ཞིང་ཕྱེ་མ་ནི། །དེ་ནས་ཆོས་ཉིད་དབང་དྲག་སྤྲུལ་པ་འཕྲོ། །སྐུ་མདོག་མཐིང་ནག་ནམ་མཁའི་རྒྱན་ཞེས་བྱ། །འདུལ་དབང་མཐའ་མེད་ཡོན་ཏན་དགོངས་པ་གཏིང་མི་དཔོགས། ཞེས་བྱའོ། །དེ་ལ་ཁྲག་འཐུང་ཞེས་བྱ་བའི་སྒྲ་ནི་གོང་དུ་བཤད་པར་ཟད་དོ། །དེ་ལ་དཔལ་ཧེ་རུའི་སྐུ་མདོག་དང་ཕྱག་མཚན་ཅིར་ཡང་མ་ངེས་པར་འབྱུང་སྟེ་གང་ལྟར་བསྒྱུར་ཡང་འགྲུབ་བོ་ཞེས་བཤད་དོ། །དེ་ཡང་མཚན་ཉིད་མེད་པའི་ཕྱག་རྒྱ་དང་། དེ་ལ་དངོས་བྱུང་ཕྱག་རྒྱ་རྣམས། ངེས་པ་མེད་པར་དཔའ་བོས་བཤད། མཁས་པས་བསྒོམས་ལ་ཅི་དགར་འགྲུབ་ཅེས་འབྱུང་ངོ་། །འོ་ན་ཡང་འདིའི་གནས་སྐབས་སུ། ཧེ་རུ་ཀ་དབུ་གསུམ་ཕྱག་དྲུག་ཞབས་བཞིར་བགྲད་དེ། དེ་ཡང་ཡན་ལག་རྟགས་ཀྱི་ལུང་གིས་བཤད་ན། གྲུབ་པ་རྟགས་ཀྱི་ཕྱག་རྒྱ་དང་། མཛད་པ་རྟགས་ཀྱི་ཕྱག་རྒྱ་དང་གཉིས་སོ། །དེ་ལ་གྲུབ་པ་རྟགས་ཀྱི་ཕྱག་རྒྱ་ནི་དབུ་གསུམ་དུག་གསུམ་སྐུ་ ― DNG013_Page_0187 ―
[མ་དཔེ་གཟིགས་ན་འདིར་གནོན།]
གསུང་ཐུགས་ལྷུན་གྲུབ། །ལྟ་སྤྱོད་རྣམ་གསུམ་གྲུབ་པའི་རྟགས། །སྤྱན་དགུ་ས་གསུམ་སྐུ་གསུམ་ཡེ་ཤེས་གསུམ་སྟེ་དགུ། །བགྲོད་མེད་ཐོབ་མེད་དམིགས་པ་ལས་འདས་པ། །རྟག་ཆད་སྤྱན་གཉིས་མཐའ་ཡངས་དབུ་མའི་སྤྱན། །ཤངས་གསུམ་སྲོག་ལ་མངའ་མཛད་ཏིང་འཛིན་གསུམ། །དེ་བཞིན་ཉིད་དུ་ཀུན་དུ་སྣང་ཞེས་བྱ། །སྒྲ་ཆེན་ཐ་དད་སྒྲ་ཆེན་ཆོས་སྐུ་ཏིང་འཛིན་སྙན། །ཞལ་གསུམ་རྣམ་ཐར་སྒོ་གསུམ་ལྷུན་གྱིས་གྲུབ། །ལྗགས་གསུམ་ཐེག་གསུམ་མཐར་ཕྱིན་ཤེས་བྱའི་རྟགས། །མཆེ་བཞི་ཕྲིན་ལས་མཐར་ཕྱིན་ཞི་བའི་ཚུལ། །ཡེ་ཤེས་དྲུག་ནི་མཐར་ཕྱིན་ཕྱག་དྲུག་སྟེ། །ཕ་རོལ་ཕྱིན་དྲུག་མཐར་ཕྱིན་ཕྱག་མཚན་དྲུག །ཞབས་བཞི་ལམ་བཞིར་བགྲོད་པ་མེད་པ་ཐོབ། །དེ་ལ་མཛད་པ་རྟགས་ཞེས་བྱ་བ་ནི། །སྤྱན་དགུ་ས་དགུ་འདུལ་བའི་བྱེ་བྲག་གཟིགས། །སྤྱན་གསུམ་སྲིད་གསུམ་མགོ་རྒྱུད་སོ་སོར་མཁྱེན། །ཤངས་གསུམ་ནས་བྱུང་སྤྲུལ་པས་སྟོང་གསུམ་འགེངས། །སྙན་དྲུག་འགྲོ་དྲུག་གནས་ནས་ཅི་གསོལ་གསན། །དབུ་གསུམ་སྲིད་གསུམ་མགོན་མཛད་སྐུ་གསུང་ཐུགས། །ཞལ་གསུམ་དབྱིངས་སུ་དུག་གསུམ་ཟད་པར་རྔུབ། །ལྗགས་གསུམ་ཐེག་གསུམ་བསྟན་པའི་གདངས་ངར་སྒྲོགས། །ཁམས་གསུམ་ཉུག་བྱེད་རྡོ་རྗེ་སྲིན་མོ་ལྕེ། །མཆེ་བཞི་སྐྱེ་ཤི་རྩ་ནས་གཅོད་པར་མཛད། །ཕྱག་དྲུག་རྒྱུད་དྲུག་འཁོར་བ་གཏིང་ནས་འདོན། །ཕྱག་མཚན་ཕ་རོལ་ཕྱིན་དྲུག་འགྲོ་དོན་མཛད། །ཞབས་བཞིར་ཕྲིན་ལས་རྣམ་བཞི་བགྲོད་མེད་སྒྲོལ། །ཡན་ལག་རྟགས་ཀྱི་ལུང་གིས་འདི་ལྟར་ཡང་དག་བཤད། །རྡོ་རྗེ་ཡེ་ཤེས་ཕ་རོལ་ཕྱིན་པ་ནི། །རང་བཞིན་མི་འགྱུར་ལས་ནི་འབིགས་ཤིང་འཇོམས། །ཆོས་སྐུ་རྡོ་རྗེ་རྟོག་དང་བག་ཆགས་བསྲེག །ཡེ་ཤེས་ཡིན་ཕྱིར་དེ་ལ་དེ་སྐད་བྱ། །བྷན་དྷ་བཟོད་པའི་ཕ་རོལ་ཕྱིན་པ་ནི། །ཆོས་དབྱིངས་སྤྲོས་མེད་ཡེ་ཤེས་བཞི་དང་ལྡན། །ཡེ་ཤེས་དབྱིངས་རྟོག་ཞེན་ཁྲག་ཐུགས་རྗེ་སྐྱེད། །མཐའ་གཉིས་སྐྱོན་ལ་མི་བསྔགས་བཟོད་པའི་མཆོག །ཁ་ཊྭཱཾ་སྟོབས་ཀྱི་ཕ་རོལ་ཕྱིན་པ་ནི། །དུག་གསུམ་དགའ་བྱེད་དྲེགས་པའི་ལྷ་བདུད་ ― DNG013_Page_0188 ―
[མ་དཔེ་གཟིགས་ན་འདིར་གནོན།]
འཇོམས། །སྟོང་གསུམ་སྲིད་པ་ཡོ་འདུལ་རྒྱལ་པོའི་རྟགས། །ཀུན་ལ་མངའ་མཛད་འཁོར་རྣམས་དབང་དུ་སྡུད། །ཞིང་ཆེན་སྨོན་ལམ་ཕ་རོལ་ཕྱིན་པ་ནི། །འབོད་པའི་གཡབ་མོས་འཁོར་རྣམས་དབང་དུ་སྡུད། །སྦྱིན་པའི་ཟ་བས་མཁའ་འགྲོ་ཚིམ་པར་བྱེད། །རྡེག་པའི་དབྱིག་པས་གདོན་བཅས་ཕུང་པོ་བཤིག །རྟོག་པ་ཆོས་ཉིད་དྲན་མེད་ཤེས་ལྔ་བཟུང་། །ཅི་ལྟར་སྨོན་ཅིང་གྲུབ་པས་དེ་སྐད་བྱ། །ཐོང་གཤོལ་ཐབས་ཀྱིས་ཕ་རོལ་ཕྱིན་པ་ནི། །ཉོན་མོངས་ཐ་བ་ཐུགས་རྗེས་ཟློག་མཛད་ཅིང་། །ཡེ་ཤེས་ཆོས་དབྱིངས་མཐའ་དང་བྲལ་བའི་རྟགས། །ཐབས་ཀྱིས་སྐུ་གསུམ་ལྷུན་གྲུབ་སྤྲུལ་པ་འཕྲོ། །བརྡ་ནི་ཤེས་རབ་ཕ་རོལ་ཕྱིན་བསྟན་པ། །ཡུལ་མེད་མ་སྐྱེས་ཆོས་སྐུ་རྔ་སྒོ་ལ། །འཛིན་པ་བདག་མེད་རིག་པའི་དབྱུ་གུས་བརྡུངས། །གསུང་རབ་རྔ་སྒྲས་འགྲོ་བ་ཤེས་རབ་སྐྱེད། །འཁོར་ལོ་བསམ་གཏན་ལྷག་པ་གསུམ་གྱི་མཚན། །ཚུལ་ཁྲིམས་ཏིང་འཛིན་ཤེས་རབ་གསུམ་དང་ལྡན། །པདྨ་འདམ་སྐྱེས་མ་ཆགས་ཐུགས་རྗེས་སྤྱོད། །ཚུལ་ཁྲིམས་ཕ་རོལ་ཕྱིན་པའི་ངང་དུ་བསྟན། །མི་ཟད་པར་ལྡན་སྦྱིན་པའི་ཕ་རོལ་ཕྱིན། །རལ་གྲི་ཡེ་ཤེས་ཐུགས་རྗེ་མཐའ་གཉིས་གཅོད། །རྩེ་གཅིག་ཏིང་འཛིན་གཉིས་ལས་བརྩོན་འགྲུས་མཛད། །དགྲ་སྟྭ་ཞགས་པ་ལ་སོགས་ཕྱག་མཚན་རྣམས། །རང་གཉེར་ལས་ཀྱི་བརྡ་ཙམ་ཆོས་སྐུ་རྟོགས་པར་བསྟན། །དེ་ལ་འདི་མན་ཆད་ཆེ་མཆོག་ཡོན་ཏན་གྱི་ལུང་གིས་སྤྱིར་དྲིལ་ཏེ་བཤད་པ་ནི། ཡོན་ཏན་གྱི་བརྗིད་ལ་ཕྲིན་ལས་ཀྱི་རྔོམ་སུམ་ཅུ་རྩ་དྲུག་བསྟན་པ་ནི་དེ་ལ་སྐུའི་རྔོམ་པ་བཞི་ལ་ནམ་མཁའ་རི་མོ་ཕྱག་རྒྱར་རྔོམ། ཅིར་ཡང་འགྱུར་བཞི་བཞུགས་ཚུལ་རྔོམ། ཟིལ་གྱིས་གནོན་པའི་གདན་རྔོམ། ཚམ་ངམ་ཆེན་པོའི་སྟོབས་རྔོམ་པ་དང་བཞིའོ། །དེ་ཡང་ཀུན་རྫོབ་རང་བཞིན་མེད་པ་ལ་ནམ་མཁའ་ལ་སྤྲིན་ད་བའི་ཚུལ་དང་། ལྷ་དང་འཕགས་པ་ཚངས་པ་དང་། སྨོན་ལམ་ཅིར་ཡང་འགྱུར་བའི་བཞུགས་ཐབས་ཀྱི་ཚུལ་དང་།སྲིད་པའི་འཁོར་ལོ་ཟིལ་གྱིས་གནོན་པ་དྲི་མེད་པདྨ་ཉི་ཟླ་འོད་ཡོན་ཏན་རྟགས་དེ་གདན་ཁྲིའི་ཚུལ་དང་། སྟོབས་ཆེན་བཅུའི་ཚུལ་དང་། རྣམ་པ་ ― DNG013_Page_0189 ―
[མ་དཔེ་གཟིགས་ན་འདིར་གནོན།]
ནི་འོག་ནས་འཆད་དོ། །གསུང་གི་རྔོམ་བཞི་ལ་ཧོམ་ལྔ་འདྲེལ་བར་འབྱུང་བའི་ཞལ་རྔོམ།ཟླ་གམ་ཅིར་ཡང་འགྱུར་བའི་ལྗགས་རྔོམ། སྐྱེ་ཤི་རྩ་བ་གཅོད་པའི་ཚེམས་རྔོམ།གསུང་སྒྲ་འབྲུག་ལྟར་སྒྲོགས་པའི་དབྱངས་རྔོམ་པའོ། །དེ་ཡང་ཞལ་ཡེ་ཤེས་ཀྱི་ཕྱག་རྒྱ་རྣམ་པ་ལྔའི་བསྲེག་ཁང་དུ་རོ་རྣམ་པ་ལྔས་ཚིམ་ཞིང་མཆོད་པ་འདྲེལ་པ་རྣམ་ལྔའི་ཚུལ་དང་། གསུང་དབྱངས་ཚུལ་འདུས་བྱས་དང་། རང་བཞིན་ཟུང་མ་འདྲེས་པར་སྟོན་པའི་ཚུལ་དང་། མཆེ་བ་བཞི་ཡེ་ཤེས་བཞིའི་འཕྲོ་འདུས་དུག་བཞི་ཡེ་ཤེས་བཞིས་གཅོད་པའི་ཚུལ་དང་། འབྲུག་ལྟར་སྒྲོགས་པའི་ཡན་ལག་དྲུག་ཅུའི་དབྱངས་ཀྱིས་སྙན་པའི་མདོ་སྡེས་གོ་བར་སྒྲོགས་ཤིང་ཟིལ་གྱིས་གནོན་པའི་ཚུལ་དང་རྣམ་པར་བཤད་དོ། །ཐུགས་ཀྱི་རྔོམ་པ་བཞི་ལ་ཏིང་ངེ་འཛིན་ཕྱག་རྒྱའི་རྒྱན་གྱི་སྐར་ཚོགས་ལྟར་རྔོམ། ཕྲིན་ལས་རྒྱ་མཚོ་རྒྱན་གྱི་དབའ་རླབས་ལྟར་རྔོམ།ཡོན་ཏན་ས་གཞི་རྒྱན་གྱི་རྩི་ཤིང་ལྟར་རྔོམ། མཛད་པ་རོལ་མོ་རྒྱན་གྱི་གར་ཐབས་ལྟར་རྔོམ་པའོ། །དེ་ཡང་རྒྱ་ཆེན་པོ་བཞི་ནི་རང་བཞིན་དང་རྒྱན་དུ་དབྱེའོ། །ལྷག་མཐོང་གི་རང་བཞིན་ལས་ལྷག་མཐོང་གི་རྒྱན་མ་གཡོས་པར་སྣང་བའི་ཚུལ་དང་། ཞི་གནས་ཀྱི་རང་བཞིན་ལས་ཞི་གནས་ཀྱི་རྒྱན་ཁྱད་པར་དུ་འབྱུང་བའི་ཚུལ་དང་། ཞི་གནས་ཀྱི་རང་བཞིན་བཟོད་པ་ལས་ལྷག་མཐོང་གི་རྒྱན་གྱིས་ཕན་འདོགས་པའི་ཚུལ་དང་། ཞི་གནས་ཀྱི་རང་བཞིན་མི་ཟད་མ་གོལ་བ་ལས་ལྷག་མཐོང་གི་རྒྱན་གྱིས་ཅིར་ཡང་འགྱུར་བའི་དགའ་བ་སྐྱེད་པའི་ཚུལ་ལོ། །མཐུའི་རྔོམ་པ་བཞི་ལ་རུ་ཏྲ་བཅོས་པའི་གནས་རྔོམ། ལྷ་ཆེན་གནོན་པའི་གདན་རྔོམ།ཁམས་གསུམ་སྒྲོལ་བའི་ཞིང་རྔོམ། རྟོགས་འཇོམས་སྤྱོད་པའི་བརྟུལ་ཞུགས་རྔོམ།དེ་ཡང་གནས་ཁྱད་པར་ཅན་བཀྲ་ཤིས་ཤིང་ཅིས་ཀྱང་མི་ཚུགས་པའི་ཚུལ་དང་། གནས་ཁྱད་པར་ཅན་ཐམས་ཅད་ཟིལ་གྱིས་གནོན་པའི་ཚུལ་དང་། ཞིང་ཁྱད་པར་ཅན་ཁམས་གསུམ་ཡོ་སྒྲོལ་བའི་ཚུལ་དང་། སྤྱོད་པ་ཁྱད་པར་ཅན་སྲིད་པའི་རྟོག་ ― DNG013_Page_0190 ―
[མ་དཔེ་གཟིགས་ན་འདིར་གནོན།]
པ་དུས་གཅིག་ཏུ་བཅོམ་པའི་ཚུལ་ལོ། །རྔོམ་ཚུལ་སུམ་ཅུ་རྩ་གཉིས་བཤད་དོ། །དེ་ལ་བརྗིད་ཆེན་པོ་ལ། སྐུ་ཆེ་ཡན་ལག་རགས་པས་བརྗིད་ཆེ། གྲངས་མང་རྐྱེན་དང་འཚམ་པས་བརྗིད་ཆེ། བཀུར་འོས་གཙོ་བོར་མཐོང་བས་བརྗིད་ཆེ།ཁྱད་ཞུགས་ཡིད་དང་འཐད་པས་བརྗིད་ཆེ་བ་སྟེ་བཞིའོ། །དེ་ཡང་ཆོས་སྐུ་དང་མཉམ་པར་འབྱུང་བའི་སྒོ་ནས་སྐུ་ཆེ། ཐུགས་རྗེ་དང་མཉམ་པར་འབྱུང་བའི་སྒོ་ནས་སྤྲུལ་རགས། སེམས་འདུ་བྱེད་དང་མཉམ་པར་འབྱུང་བའི་སྒོ་ནས་སྤྲུལ་པ་གྲངས་མང་། སྨོན་ལམ་གྱི་སྒོ་ནས་རིགས་དང་མཐུན་པའི་རྐྱེན་དུ་འཚམ། སྤྱོད་ལམ་གྱི་སྒོ་ནས་བཀུར་བར་འོས། རིགས་བཙུན་པའི་སྒོ་ནས་གཙོ་བོར་མཐོང་།རང་བཞིན་གྲུབ་པའི་སྒོ་ནས་ཁྱད་ཞུགས། ཕྲིན་ལས་ཀྱི་སྒོ་ནས་ཡིད་དང་འཐད། །གསུང་གི་བརྗིད་བཞི་ལ་གདངས་ཆེ་སྟོང་གསུམ་གང་བས་བརྗིད་ཆེ། ཚིག་མྱུར་ཐེ་ཙོམ་གཅོད་པས་བརྗིད་ཆེ། བདག་ལ་ཆེར་སྟོན་སྙམ་པས་བརྗིད་ཆེ། ཁྱད་ཞུགས་ཡོན་ཏན་མཐོང་བས་བརྗིད་ཆེ་དེ་ཡང་ཆོས་སྐུས་ཁྱབ་པའི་སྒོ་ནས་སྒྲ་ཆེ། སྒྲ་ཐ་དད་པའི་སྒོ་ནས་སྟོང་གསུམ་གང་། སྒྲ་དབྱངས་སྒོ་ནས་ཀུན་གྱིས་གོ་བས་མྱུར། ཉེ་བར་བསྒྱུར་བའི་སྒོ་ནས་ཐེ་ཙོམ་གཅོད། བྱམས་པའི་སྒོ་ནས་བདག་ལ་གཟིགས། ཐུགས་རྗེའི་སྒོ་ནས་ཉི་ཚེར་སྟོན། ཤེས་པའི་བྱེ་བྲག་གི་སྒོ་ནས་ཁྱད་ཞུགས། ཚིག་གི་ཡོན་ཏན་གྱི་སྒོ་ནས་འདུལ། ཐུགས་ཀྱི་བརྗིད་བཞི་ལ།ཡངས་པ་རེ་དོགས་མེད་པས་བརྗིད་ཆེ། གསོལ་བ་མཐའ་གཉིས་སྤངས་པས་བརྗིད་ཆེ། ཐུགས་རྗེ་ཐུགས་དམ་མཐར་འབྱིན་པས་བརྗིད་ཆེ། མ་རྨོངས་ཐབས་ཀྱིས་འདུལ་བས་བརྗིད་ཆེའོ། །དེ་ཡང་གཉིས་མེད་པའི་སྒོ་ནས་ཡངས། སྤང་བླང་མེད་པའི་སྒོ་ནས་རེ་དོགས་མེད། ལྷག་མཐོང་གི་སྒོ་ནས་དབུ་མར་གསལ།ཞི་གནས་ཀྱི་སྒོ་ནས་མི་འགྱུར་བས་གཉིས་མཐའ་སྤངས། མཛད་པ་རྒྱུན་མི་འཆད་པའི་སྒོ་ནས་ཐུགས་རྗེ་ཆེ། འཁོར་བ་ཅི་སྲིད་བཞུགས་པའི་སྒོ་ནས་ཐུགས་དམ་མཐར་འབྱིན། ཤེས་རབ་ཀྱི་སྒོ་ནས་རྨོངས་པ་སེལ། ཏིང་ངེ་འཛིན་གྱི་སྒོ་རྣམས་ཐབས་ཀྱིས་འདུལ། ཡོན་ ― DNG013_Page_0191 ―
[མ་དཔེ་གཟིགས་ན་འདིར་གནོན།]
ཏན་གྱི་བརྗིད་པ་བཞི་ལ། མེད་པ་ཟད་མི་ཤེས་པས་བརྗིད་ཆེ། གཅིག་ལ་འདོད་དགུར་སྟོན་པས་བརྗིད་ཆེ། གནོད་སྦྱོར་ཕན་པར་འདོད་པས་བརྗིད་ཆེ། ཐབས་མཁས་སྐྱོན་གྱིས་མི་གོས་པས་བརྗིད་ཆེའོ། །དེ་ཡང་བདག་ཏུ་མི་འཛིན་པའི་སྒོ་ནས་མེད། མེད་པའི་སྒོ་ནས་ཟད་མི་ཤེས། ཡེ་ཤེས་ཀྱི་སྒོ་ནས་གཅིག །སེམས་ཀྱི་སྒོ་ནས་འདོད་དགུར་སྟོན། །སེམས་ཀྱི་སྒོ་ནས་གནོད་པར་སྦྱོར། །གྲུབ་པ་རྒྱུའི་སྒོ་ནས་ཕན་པར་མཛད། །ཤེས་བྱའི་སྒོ་ནས་ཐབས་མཁས། སྤྱོད་པའི་སྒོ་ནས་སྐྱོན་གྱིས་མ་གོས། ཕྲིན་ལས་ཀྱི་བརྗིད་བཞི་ལ། མི་མཉེལ་ཉམས་ཕག་རོལ་པས་བརྗིད་ཆེ། འཁོར་བ་ཡུན་རིངས་མི་མཉེལ་བར་བརྗིད་ཆེ། མགོན་སྐྱབས་རྒྱུན་དུ་མཛད་པས་བརྗིད་ཆེ། དགོངས་པའི་དོན་རྣམས་མཛད་པས་བརྗིད་ཆེའོ། །དེ་ཡང་སྒྱུ་མར་གྱུར་པའི་སྒོ་ནས་མི་མཉེལ། རང་བཞིན་གཅིག་པའི་སྒོ་ནས་ཕག་ཏུ་རོལ། སྤྱོད་པའི་སྒོ་ནས་འཁོར་བར་ཡུན་རིངས་པོར་བཞུགས། བྱ་བ་མེད་པའི་སྒོ་ནས་མི་མཉེལ། མཐུ་ཡི་སྒོ་ནས་མགོན་སྐྱབས་ཆེ། དམ་བཅས་པའི་སྒོ་ནས་འགྲོ་དོན་རྒྱུན་དུ་མཛད། རྩེ་གཅིག་གི་སྒོ་ནས་མཐའ་གཉིས་ཀྱི་སྐྱོན་དགོངས། ནན་ཏན་གྱི་སྒོ་ནས་བྱ་བ་གྲུབ།བརྗིད་ཉི་ཤུ་དང་སྒོ་བཞི་བཅུ་སྟེ་སྤྱིར་དྲུག་ཅུའོ། །དེ་ལ་རིན་པོ་ཆེ་སྣ་བདུན་ནི་འཁོར་ལོ་རིན་པོ་ཆེའི་དབང་བཅུས་སྐྱེ་བ་བཞི་ལ་དབང་བསྐུར་རོ། །བཙུན་མོ་རིན་པོ་ཆེས་ནི་ཡུལ་གྱི་རྒྱལ་པོ་ལ་མཉེས་པར་དབུལ་ལོ། །དམག་མི་རིན་པོ་ཆེའི་ཚུལ་དགུས་ཕ་རོལ་གྱི་དཔུང་འཇོམས་སོ། །ཁྱིམ་བདག་རིན་པོ་ཆེའི་ཚད་མེད་པ་བཞིས་རྒྱལ་པོའི་ཆབ་སྲིད་འཛིན་ཏོ། །གླང་བོ་རིན་པོ་ཆེའི་སྟོབས་བཅུས་ཕ་རོལ་དུ་བདག་དང་གཞན་གྱི་དོན་བྱེད་དོ། །རྟ་རིན་པོ་ཆེའི་མྱུར་མགྱོགས་རྫུ་འཕྲུལ་གྱི་རྐང་པ་བཞིས་བགྲོད་པའི་གནས་སླེབ་པར་བྱེད་དོ། །ཡིད་བཞིན་གྱི་ནོར་བུ་རིན་པོ་ཆེ་ནི་རྣམ་པ་བཞིའི་སྒོ་ནས་སེམས་ཅན་གྱི་རེ་འདོད་སྐོང་ངོ་། །ལུང་རྣམ་པ་གསུམ་ནི་མི་འདའ་བ་རྒྱན་གྱི་ལུང་ལ་སོགས་པ་གོང་དུ་རྩིས་མགོ་སྤྱིར་སྦྱར་བར་ཟད། དེ་ནས་འཁོར་ལོ་རིན་ ― DNG013_Page_0192 ―
[མ་དཔེ་གཟིགས་ན་འདིར་གནོན།]
པོ་ཆེའི་དབང་བཅུ་ནི། སྐྱེ་བཞི་སྐུར་སྟོན་སྐྱེ་བཞི་སྒྲོལ་མཛད་པ། །ལྷ་མི་སྡིག་སྦྲུལ་མཆེ་བ་བཞི་རུ་སྟོན། །ཡོ་བྱད་བྲིད་པའི་འདོད་ཡོན་ལྔ་དང་ནི། །རྟོག་པ་གཞོམ་ཕྱིར་སྨན་ལྔ་དང་ལེན་རོལ། །ཅི་ལྟར་མོས་བཞིན་འདོད་དགུ་གཟུགས་སྟོན་པ། །གར་དབང་འཐད་དགའི་ཚུལ་དུ་རོལ་པ་མཛད། །རྫུ་འཕྲུལ་བ་སྤུའི་དབྱིངས་ནས་ཕྲ་མེན་འཕྲོ། །ལུས་ནི་ཅི་རྫུ་སེམས་ནི་ཆོ་འཕྲུལ་སྟོན། །གད་རྒྱངས་གདངས་ངར་སྒྲོགས་པ་སྣ་ཚོགས་ཀྱིས། །མཆེ་བ་ཟིལ་གནོན་ཐ་དད་ཆོས་རྣམས་སྟོན། །ཤེས་རབ་ཐབས་ལྡན་སྤྱན་གཉིས་དབུ་མའི་ངང་། །དབྱིངས་ལས་མ་གཡོས་ཅིར་ཡང་ས་ལེ་མཁྱེན། །སེམས་ཀྱི་བྱེ་བྲག་ཏིང་འཛིན་ཐ་དད་འཕྲོ། །བསམ་གྱིས་མི་ཁྱབ་བཞི་ལ་རོལ་པ་མཛད། །རྡོ་རྗེ་སྡེར་མོ་པགས་པ་སྤུ་ཕྲེང་བརྒྱན། །འཁོར་བ་ཅི་སྲིད་བཞུགས་པའི་ཚེ་ལ་དབང་། །ལྟ་བ་རྣམ་བཞི་སྤྱན་ཟུར་གྱིས་བསྐུལ་བས། །ཕྲ་མེན་བཞི་འཕྲོ་ཕྱོགས་བཞིར་ལས་བཞི་མཛད། །སྨོན་ལམ་དབང་གིས་དྲག་པོ་སྐུར་སྟོན་པ། །དུས་མཐའི་བསྐལ་པ་བཞིན་དུ་བཤོལ་དུ་མེད། །དེ་ལ་བཙུན་མོ་རིན་པོ་ཆེའི་དབང་ནི། མ་ཆགས་རྡོ་རྗེ་གཟུགས་ཀྱི་ཡུམ་གྱིས་འཁྱུད། །ཞི་གནས་ཏིང་འཛིན་མི་གཡོ་ཡུམ་གྱིས་སྦྱོར། །ཐོགས་མེད་ཤུགས་འཆང་དོན་གྲུབ་ཡུམ་གྱིས་བསྐྱོད། །ལྷག་མཐོང་ཡེ་ཤེས་ཡུམ་གྱིས་མཉེས་བྱེད་འབབས། །འབྱུང་བ་བཞི་པོ་རྡོ་རྗེ་ལྷ་མོ་སྟེ། །བདེ་བ་ཆེན་པོའི་སྐུ་ལ་མཉེས་པར་དབུལ། །དམག་མི་རིན་པོ་ཆེ་ཡི་ཚུལ་དགུ་ནི། །བསྒྲེགས་པས་འགྲོ་བ་ཤེས་རབ་བསྐྱེད་པའི་ཚུལ། །ཉམ་ང་མེད་པའི་མཛའ་སྤྱོད་དཔའ་བོའི་ཚུལ། །གདུག་རྩུབ་གདོས་བཅད་བརྒྱན་པས་འཇིགས་པའི་ཚུལ། །ལོག་པར་ལྟར་བ་ཞེ་གཅོད་གཤེ་བའི་ཚུལ། །རྨད་དུ་བྱུང་བའི་ཆོས་སྒྲོགས་བཞད་པའི་ཚུལ། །ཤིན་ཏུ་གདུལ་དཀའ་ལ་ཁྲོ་སྙིང་རྗེའི་ཚུལ། །སྨོན་ལམ་དབང་གིས་མི་ཤོམ་རྔམ་པའི་ཚུལ། །ཉོན་མོངས་གྲུབ་པའི་གྱུར་མཛད་ངོ་མཚར་ཚུལ། །ཁྲོ་དྲག་དབྱིངས་ནས་མི་གཡོ་ཞི་བའི་ཚུལ། །དེ་ལ་ཁྱིམ་བདག་རིན་པོ་ཆེའི་ཚད་མེད་པ་བཞི་ནི།ཁྲོ་གཏུམ་ཚད་མེད་བྱམས་པར་སྣང་། །བསོད་ཆེན་ ― DNG013_Page_0193 ―
[མ་དཔེ་གཟིགས་ན་འདིར་གནོན།]
སྙིང་རྗེ་བདག་ཉིད་ཆེ། །བསྒྲལ་ཞིང་བསྟབས་པ་དགའ་བའི་མཆོག །ཡལ་བར་མི་འདོར་བཏང་སྙོམས་སོ། །དེ་ལ་གླང་པོ་རིན་པོ་ཆེའི་སྟོབས་བཅུ་ནི། ཐུགས་རྗེ་ཆེན་པོའི་སྟོབས་ནི་དྲེགས་ཆེན་བསྙེངས་ཕྱིར་གནོན། །ཆོས་ཉིད་སྟོབས་ནི་མི་དམིགས་ནམ་མཁའི་མདོག །མི་འབྱེད་སྟོབས་ནི་དངོས་གྲུབ་བདུད་རྩིའི་རྒྱུན། །མ་སྤངས་སྟོབས་ནི་གདོས་བཅས་སྐུ་ལ་བརྒྱན། །མ་གཡོས་སྟོབས་ནི་དོན་མཐུན་གྲོལ་བའི་བརྒྱན། །སྨོན་ལམ་སྟོབས་ནི་བསྐལ་པར་ཡོངས་གྲོལ་མཛད། །སྤྲུལ་པའི་སྟོབས་ནི་མགོ་བརྙན་ཕྲ་མེན་འཕྲོ། །ཕྲག་དོག་ལོག་ལྟ་འཁོར་བར་གཅིག་མི་གཏོང་། །འདོད་ཆགས་ཡུད་ཙམ་འཕྲལ་འདོད་སྤྱན་བཟློག་དམར། །དེ་ལ་རྟ་རིན་པོ་ཆེའི་རྫུ་འཕྲུལ་གྱི་རྐང་པ་བཞི་ནི། ཆོས་དབྱིངས་མེད་བཞིན་ཅིར་སྣང་བ། །མཁའ་ལ་འཇའ་ཚོན་བཞིན་དུ་རྣམ་པར་བཀྲམ། །ཡེ་ཤེས་རྫུ་འཕྲུལ་ཆོས་ཀྱི་དབྱིངས་རྟོགས་པ། །མཁའ་ལ་ཉི་ཤར་བཞིན་དུ་གསལ་ལ་སྟོང་། །ཚོགས་གཉིས་རྫོགས་པའི་རྫུ་འཕྲུལ་བྱེ་བྲག་ནི། །མཁའ་དང་མཉམ་པའི་སྤྲིན་ཕུང་བཞིན་དུ་བདལ། །སྤྲུལ་པའི་བྱེ་བྲག་འཕྲོ་བའི་རྫུ་འཕྲུལ་ནི། །རོ་ལ་ཅིག་ཅར་འབབས་སྣོད་བྱེ་བྲག་ཕྱེ། །དེ་ལ་ནོར་བུ་རིན་པོ་ཆེའི་རང་བཞིན་ནི། འགྲོ་རྣམས་ཅི་ལྟར་འདོད་པའི་རེ་འདོད་སྐོང་། །མི་ཟད་བདག་ཉིད་གཏེར་ཆེན་ནམ་མཁའི་མདོག །སྲིད་གསུམ་མུན་ནག་སེལ་བའི་ཡེ་ཤེས་སྒྲོན། །དུས་གསུམ་རྒྱུན་མི་འཆད་པའི་རིན་ཆེན་ཕྲེང་། །ལུང་གསུམ་ནི་རྩིས་མགོ་སྤྱིར་སྦྱར་བ་ཡིན་ནོ། །ད་ནི་ལྷ་རྒྱུད་ཀྱི་རྟོགས་པ་སོ་སོར་བཤད་པར་བྱ་སྟེ། འགྲོ་རྣམས་ཇི་ལྟར་འདུལ་ཞིང་གཤེགས་མཛད་པ། །ཤེས་རབ་ནམ་མཁའི་བསྐལ་པ་དགའ་རྒྱུད་སྟོན། །གཏི་མུག་ཚུལ་གྱིས་གཏི་མུག་འཇོམས་མཛད་པ། །གཏི་མུག་རྡོ་རྗེ་བུཌྜྷ་ཧེ་རུ་ཀ །ཡེ་ཤེས་རྡོ་རྗེས་ཉོན་མོངས་རྡོ་རྗེ་འཇོམས། །ཐབས་འཛིན་མཆོད་པའི་དངོས་པོ་བཤིག །ཞེ་སྡང་ཚུལ་གྱིས་ཞེ་སྡང་འཇོམས་མཛད་པ། །ཞེ་སྡང་རྡོ་རྗེ་བཛྲ་ཧེ་རུ་ཀ །རིན་ཆེན་དབྱིག་ལྟར་ཀུན་སྐོང་ཞིང་། །བདག་མེད་ཞི་གནས་ཆུ་ཡི་བསྐལ་པས་འཁྲུ། །ང་རྒྱལ་ཚུལ་གྱིས་ང་རྒྱལ་འཇོམས་མཛད་པ། །ང་ ― DNG013_Page_0194 ―
[མ་དཔེ་གཟིགས་ན་འདིར་གནོན།]
རྒྱལ་རྡོ་རྗེ་རཏྣ་ཧེ་རུ་ཀ །འཁོར་བའི་འདམ་དུ་པད་ལྟར་སྐུ་འཁྲུངས་ཤིང་། །ལྷག་མཐོང་མེ་ཆེན་འབར་བས་ཐམས་ཅད་སྲེག །འདོད་ཆགས་ཚུལ་གྱིས་འདོད་ཆགས་འཇོམས་མཛད་པ། །འདོད་ཆགས་རྡོ་རྗེ་པདྨ་ཧེ་རུ་ཀ །ཕྲིན་ལས་རྒྱ་མཚོས་འགྲོ་བའི་དོན་མཛད་པའི། །ཤེས་བྱ་ཐོགས་མེད་བསྐལ་པའི་རླུང་གིས་བསྐྱོད། །ཕྲག་དོག་ཚུལ་གྱིས་ཕྲག་དོག་འཇོམས་མཛད་པ། །ཕྲག་དོག་རྡོ་རྗེ་ཀརྨ་ཧེ་རུ་ཀ །སྐུ་ཡི་ལོངས་སྤྱོད་སྣ་ཚོགས་མི་དམིགས་ཤིང་། །ཤེས་རབ་མཐར་ཕྱིན་གཏི་མུག་རྣམ་པར་དག །ཕྱག་རྒྱ་གཟུགས་ཀྱི་མཆོད་པས་མཉེས་མཛད་ཅིང་། །ཆོས་དབྱིངས་ནམ་མཁའི་དབང་བསྐུར་ཁྲོ་མོ་རྒྱལ། །ཐུགས་ཀྱི་ལོངས་སྤྱོད་སྣ་ཚོགས་མི་དམིགས་ཤིང་། །བརྩོན་འགྲུས་མཐར་ཕྱིན་ཞེ་སྡང་རྣམ་པར་དག །རྟོགས་པ་རེག་བྱའི་མཆོད་པས་མཉེས་མཛད་ཅིང་། །སྲ་བརྟན་རྡོ་རྗེ་དབང་བསྐུར་ཁྲོ་མོ་རྒྱལ། །གསུང་གི་ལོངས་སྤྱོད་སྣ་ཚོགས་མི་དམིགས་ཤིང་། །ཚུལ་ཁྲིམས་མཐར་ཕྱིན་འདོད་ཆགས་རྣམ་པར་དག །གསུང་རབ་སྒྲ་ཡི་མཆོད་པས་མཉེས་མཛད་ཅིང་། །ལྷག་མཐོང་ཡེ་ཤེས་དབང་བསྐུར་ཁྲོ་མོ་རྒྱལ། །ཡོན་ཏན་ལོངས་སྤྱོད་སྣ་ཚོགས་མི་དམིགས་ཤིང་། །སྦྱིན་པས་མཐར་ཕྱིན་ང་རྒྱལ་རྣམ་པར་དག །ངར་འཛིན་བྲོ་མཆོག་མཆོད་པས་མཉེས་མཛད་ཅིང་། །བདག་མེད་ཞི་གནས་དབང་བསྐུར་ཁྲོ་མོ་རྒྱལ། །ཕྲིན་ལས་ལོངས་སྤྱོད་སྣ་ཚོགས་མི་དམིགས་ཤིང་། །བཟོད་པས་མཐར་ཕྱིན་ཕྲག་དོག་རྣམ་པར་དག །ཚུལ་ཁྲིམས་དྲི་མེད་མཆོད་པས་མཉེས་མཛད་ཅིང་། །ཐོགས་མེད་ལས་ལ་དབང་བསྐུར་ཁྲོ་མོ་རྒྱལ། །ཐུགས་མཆོག་རྣམ་དག་ཡེ་ཤེས་དཀར་མོའི་ཚོགས། །འགུགས་མཛད་ཡེ་ཤེས་ལྔ་ཡི་དབྱུག་ཏོ་ཅན། །དྲན་པས་རྒྱུད་ལྔ་སྒྲོལ་མཛད་ཞི་བར་གཟིགས། །སྲིད་གསུམ་འཇོམས་བྱེད་དབྱུག་ཐོགས་གཽ་རི་མ། །སྐུ་ཡི་ཡོན་ཏན་ཚོགས་སྡུད་རྐུན་མོའི་ཚོགས། །མཐུ་འཕྲོག་ཞི་གནས་ལྷག་མཐོང་ཟུང་དུ་འདྲེལ། །བདེན་གཉིས་ལྟ་བས་ཁྲོ་ཚུལ་འགྲོ་ལ་གཟིགས། །དམ་ཚིག་དབྱིངས་མཆོག་སྐུལ་ ― DNG013_Page_0195 ―
[མ་དཔེ་གཟིགས་ན་འདིར་གནོན།]
བྱེད་ཙཽ་རི་མ། །གསུང་གིས་ཐམས་ཅད་ཟིལ་གནོན་རྨོངས་པའི་ཚོགས། །དབང་མཛད་མཐའ་གཉིས་མི་ཡོང་ཆུ་སྲིན་ནི། །མི་གནས་རྒྱལ་མཚན་འཛིན་ཅིང་མྱོས་པར་ལྟ། །སྟོང་གསུམ་དབང་མཛད་རྒྱལ་བྱེད་པྲ་མོ་ཧ། །ཐལ་བ་བྱེད་པས་ཐལ་བྱེད་མ་ཡི་ཚོགས། །ཀུན་གྱི་དངོས་གྲུབ་རྡོ་རྗེ་རྩེ་དགུ་འཛིན། །ས་དགུ་རྟོག་འཇོམས་ཤི་བ་སློང་བར་གཟིགས། །འཇིག་རྟེན་ཐལ་བྱེད་རྔེའུ་ཐོགས་བེ་ཏཱ་ལི། །འབྱེད་མེད་ཤེས་རབ་མི་རྟོག་སྦོས་མོའི་ཚོགས། །འཁོར་བའི་རྒྱུད་འཛིན་འཆིང་ཞིང་དབང་འདྲེན་ལས། །ཁྲོ་གར་གཟིགས་ཚུལ་རྒྱུན་གྱིས་ཐུགས་རྗེས་སྒྲོལ། །བདེ་མཆོག་དབྱིངས་སུ་འདྲེན་མཛད་པུཀྐ་སི། །ཞེ་སྡང་ཚུལ་གྱིས་དོན་མཛད་གཏུམ་མོའི་ཚོགས། །མྱོས་མཛད་དབྱིངས་དང་ཡེ་ཤེས་གཉིས་མེད་པའི། །ཐུགས་རྗེས་དཀྲུག་ཅིང་རོ་ཟའི་ཚུལ་དུ་གཟིགས། །སྣོད་བཅུད་དཀྲུགས་ནས་སྐོངས་མཛད་གྷསྨ་རི། །ཆགས་པའི་ཚུལ་གྱིས་དོན་མཛད་སྨེ་ཤ་ཅན། །མ་ནི་རྒྱུད་འཕེལ་གཟུང་འཛིན་བྲལ་བའི་རྟགས། །མཐའ་གཉིས་སྤངས་པས་རྣམ་པར་གཡེངས་ཚུལ་བཞུགས། །འབར་བ་སྟོང་གསུམ་སྟོབས་བྱེད་ཙཎྜ་ལི། །ཐམས་ཅད་འབྱུང་བའི་ལྷུན་འགྱུར་མ་ཚོགས་མ། །ཀུན་གྱི་ལས་མཛད་ཆོས་ཀུན་སྙིང་པོ་འཛིན། །ཀུན་ལ་རོལ་པས་གཟིགས་ཚུལ་ཀུན་དང་ལྡན། །ཐུགས་རྗེ་འཇིག་རྟེན་སྒྲོལ་མཛད་སྨ་ཤ་ནི། །འཇོམས་བྱེད་རྩལ་མཆོག་རྡོ་རྗེ་ཐུགས་ཀྱི་ཡུམ། །གཉེན་པོ་སྟོབས་ཀྱིས་ཐམས་ཅད་ཟིལ་གྱིས་གནོན། །ཤེས་རབ་ཐབས་ལྡན་སྐུ་གསུམ་བདག་གཞན་དོན། །སྡུག་བསྔལ་ཞེ་སྡང་གསོད་བྱེད་སིང་ཧ་མ། །དཔའ་བརྟུན་ཟ་བྱེད་ཡེ་ཤེས་ཐུགས་རྗེའི་ལས། །བརྩོན་འགྲུས་མྱུར་བའི་ཤུགས་འཆང་འགྲོ་དོན་དུ། །ཐུགས་རྗེ་ཡེ་ཤེས་རྩེ་གཅིག་སོ་སོར་གཟིགས། །ང་རྒྱལ་འཆི་བདག་འཇོམས་མཛད་བྱ་ཁྲ་མ། །མཛེས་བྱེད་དམ་ཚིག་རྣམ་དག་གསུང་གི་ཡུམ། །ཐབས་མཁས་སྤྱོད་པས་བདག་དང་གཞན་དོན་མཛད། །དོན་གྱི་ཆོས་སྐུ་ཏིང་འཛིན་ལྗགས་ལ་གཏང་། །འདོད་ཆགས་དུར་ཁྲོད་འཇོམས་མཛད་སྲི་ཀ་མ། །མི་མ་བྱེད་སྤྱོད་པས་ ― DNG013_Page_0196 ―
[མ་དཔེ་གཟིགས་ན་འདིར་གནོན།]
མཆོག་རིགས་ཀྱི་ཡུམ། །གཡེར་བའི་ཕྲིན་ལས་འགྲོ་ལ་ཐུགས་རྗེས་སྲུང་། །ཆོས་ཉིད་སྐུ་ལ་ཡེ་ཤེས་སྤྱན་གྱིས་གཟིགས། །ཕྲག་དོག་ལས་གྲུབ་ཟ་བྱེད་ཤྭ་ན་མ། །ཡིད་ཀྱི་ཡེ་ཤེས་སོ་སོ་ཀུན་ལ་རྟོག །རྣམ་ཤེས་ཀྱིས་བསད་གོད་འབྲང་ཚུལ་ཁྲིམས་སྲུང་། །འཁོར་བའི་རྒྱུན་གཅོད་རྒྱུད་འཛིན་རྒྱུ་གྲི་འཛིན། །མགྱོགས་མས་སྙགས་བྱེད་ཁྲག་འཐུང་ཀྱི་གྱ་མ། །རྣམ་ཤེས་མཉམ་ཉིད་ཡིད་འགྲོགས་མཚན་མ་འཇོམས། །གསད་པའི་གོད་རྣམས་སྦྱིན་པས་ཕ་རོལ་ཕྱིན། །མཐའ་འདས་ཆོས་སྐུ་གཟུགས་འཛིན་སྤངས་ཚུལ་བཟུང་། །འགྲོ་བའི་སྡུག་བསྔལ་ཆེ་འཕྲོག་ཀ་ཀ་མ། །བསླད་པས་མི་འགྱུར་བཀྲུས་པས་མི་འདག་ཅིང་། །མི་མཐུན་གཉེན་པོས་མི་ཤིགས་བཟོད་པའི་མཆོག །ཆོས་སྐུ་ཐུགས་སུ་ཆུད་ཕྱིར་ཞལ་ན་ཐོགས། །ཡོན་ཏན་ཡིད་བཞིན་བདག་ཉིད་ཀང་ཀ་མ། །དབྱིངས་ལ་མི་རྟོག་འགྲོ་ལ་ཐུགས་རྗེས་གཟིགས། །གཉིས་ལ་མི་གནས་ཤེས་རབ་ཕ་རོལ་ཕྱིན། །དབྱིངས་ཀྱི་ཐུགས་རྗེས་ཕྲིན་ལས་འདུས་མ་བྱས། །མཐའ་གཉིས་སྤངས་པའི་རྔམ་ཚུལ་ཀ །བཅུ་དྲུག་ཞག་གིས་ཟླ་བའི་དཀྱིལ་འཁོར་རྫོགས། །དཔལ་ཆེན་བཅུ་དྲུག་ས་ལ་ལྷུན་གྱིས་གྲུབ། །བསོད་ནམས་ཡེ་ཤེས་ཚོགས་གཉིས་རྫོགས་པའི་སྐུ། །ཐོག་མ་མེད་ཅིང་ཡོན་ཏན་ཟླ་བ་མེད། །སྦྱིན་པས་རིགས་པའི་ཀླུང་དུ་མཚོ་དྲང་ལྟར། །འཁོར་བས་འཇིགས་ནས་ཐུགས་རྗེའི་ལྕགས་ཀྱུས་འདྲེན། །དཔའ་བར་འགྲོ་བའི་ཏིང་འཛིན་དོན་མཛད་པ། །ཐུགས་རྗེས་ཤར་མཛད་རྟ་གདོང་ལྕགས་ཀྱུ་མ། །དོན་དང་མཐུན་པས་ཀུན་ཀྱང་དགའ་བར་མཛད། །བྱམས་པའི་ཞགས་པ་འཁོར་བའི་རྒྱུན་འཛིན་ཅིང་། །རིན་ཆེན་ཕྱག་རྒྱས་སེམས་ཅན་རེ་འདོད་སྐོང་། །ཡོན་ཏན་ཚོགས་རྫོགས་ཕག་གདོང་ཞགས་པ་མ། །གཞན་གྱི་དོན་དུ་སྤྱད་པས་བདག་གི་དོན། །ཤེས་རབ་སྒྲོལ་མས་མུན་པའི་སྡུག་བསྔལ་སེལ། །དོན་ཉིད་མི་འདའ་དགའ་བའི་མཆོག །ཀུན་གཉེན་མ་རིག་ནུབ་མཛད་ཉི་ཟླའི་སྤྱན། །སྙན་པར་སྨྲ་བས་ཀུན་ཀྱང་བཀའ་བཞིན་བྱེད། །བཏང་ ― DNG013_Page_0197 ―
[མ་དཔེ་གཟིགས་ན་འདིར་གནོན།]
སྙོམས་ཐབས་མཁས་ཐུགས་རྗེས་འགྲོ་དོན་དུ། །ཕབ་ནས་རྣམ་ཤེས་ཐལ་བའི་གཟུགས་ཀྱང་འཚོ། །ཆོས་སྟོན་བག་ཆགས་བྱང་མཛད་དྲིལ་འཁྲོལ་མ། །ད་ནི་སྲིན་མོའི་ལྷ་རྒྱུད་བཤད་དེ།བཅྭ་བརྒྱད་སྤྱན་གྱིས་བཅྭ་བརྒྱད་ཁམས་ལ་གཟིགས། །བཅྭ་བརྒྱད་ཤངས་ནས་བཅྭ་བརྒྱད་སྤྲུལ་པ་འབྱུང་། །བཅྭ་བརྒྱད་ཁམས་ལ་བཅྭ་བརྒྱད་སྐུར་སྟོན་ཅིང་། །བཅྭ་བརྒྱད་ཐུགས་ཀྱིས་བཅྭ་བརྒྱད་འདུལ་ཐབས་མངའ། །བཅྭ་བརྒྱད་སྙན་གྱིས་བཅྭ་བརྒྱད་ཁམས་གསན་ཅིང་། །བཅྭ་བརྒྱད་ལྗགས་ཀྱིས་གསུང་རབ་བཅྭ་བརྒྱད་འཆད། །བརྒྱ་རྩ་བརྒྱད་ཀྱིས་དགོངས་པ་བསམ་མི་ཁྱབ། །ས་དགུར་ཐུགས་རྗེས་དོན་མཛད་དབུ་དགུར་ལྡན། །བརྗིད་གནོན་ཞབས་བརྒྱད་ཕྱོགས་བརྒྱད་ལྷ་བརྒྱད་གནོན། །ཅི་ལྟར་རོལ་ཡང་སྤྱན་དགུར་དབྱིངས་མི་གཡོ། །འདུལ་བའི་དབང་དུ་བསྐལ་པའི་ཚུལ་སྟོན་ཅིང་། །རྡོ་རྗེ་སྲིན་པོས་ཅི་འདུལ་ཡིད་བཞིན་རྫོགས། །རྣམ་ཐར་གསུམ་ལས་སྐུ་གསུམ་ཕྲིན་ལས་འབྱུང་། །སྤྱོད་པ་རྣམ་དག་སྨོན་ལམ་སྟོབས་ཀྱིས་གཤེགས། །རལ་གསིགས་སྤྲུལ་པས་འགྲོ་དོན་རྩེ་གཅིག་རོལ། །བཅྭ་བརྒྱད་སྟོང་པས་མཉེས་མཛད་རྩ་བཏིང་མ། །བརྗིད་པའི་སྟབས་ཀྱིས་ཀླུ་རྣམས་ཟིལ་གནོན་ཅིང་། །ཕྲ་མའི་སྐྱོན་སྤངས་ངག་གི་དབང་ཕྱུག་ཆེ། །འབད་པ་མེད་པའི་བརྩོན་འགྲུས་ཤུགས་དང་ལྡན། །ཆོས་ལ་དབང་མཛད་ཧ་ཡ་གྲཱི་བ་དཔལ། །འཛིན་ཚུལ་སྟབས་ཀྱིས་དྲང་སྲོང་ཚར་གཅོད་ཅིང་། །ལོག་ལྟའི་ཉེས་སྤངས་ཡང་དག་ལྷ་དང་ལྡན། །ཚུལ་ཁྲིམས་མཐར་ཕྱིན་དྲང་སྲོང་སྤྱོད་པས་ཚེ། །སྐྱེ་ལ་དབང་མཛད་བྲན་ཚུལ་མི་གཡོ་མགོན། །ཤུགས་འཆང་སྟབས་ཀྱིས་རླུང་ལྷ་ཚར་གཅོད་ཅིང་། །འཁྱལ་པའི་སྤྱོད་སྤངས་ངག་གི་དབང་ཕྱུག་ཆེ། །འདོད་པ་ཀུན་ལ་སྦྱིན་མཛད་རྒྱལ་པོའི་ཚུལ། །སེམས་ལ་དབང་མཛད་འདོད་པའི་ཁྲོ་བོ་རྒྱལ། །འཚིར་བའི་སྟབས་ཀྱིས་གནོད་སྦྱིན་ཞབས་ཀྱིས་མནན། །ངག་རྩུབ་སྐྱོན་སྤངས་ངག་གི་དབང་ཕྱུག་ཆེ། །སྨོན་ལམ་མཐར་ཕྱིན་བདུད་འདུལ་ཐུགས་རྗེའི་རྩེ། །ལས་ལ་དབང་མཛད་བདུད་རྩི་ཀུཎྜ་ལི། །གནོན་ ― DNG013_Page_0198 ―
[མ་དཔེ་གཟིགས་ན་འདིར་གནོན།]
པའི་སྟབས་ཀྱིས་འབྱུང་པོ་ཚར་གཅོད་ཅིང་། །གནོད་སེམས་ཉེས་སྤངས་ཐུགས་ཀྱི་དབང་ཕྱུག་ཆེ། །མཉེན་པའི་སྟོབས་ཀྱིས་མི་མཐུན་གནོན་མཛད་ཅིང་། །རྫུ་འཕྲུལ་དབང་མཛད་འཇིགས་བྱེད་སྟོབས་པོ་ཆེ། །རྡེགས་པའི་སྟབས་ཀྱིས་སྲིན་པོ་ཚར་གཅོད་ཅིང་། །བདེན་དང་བྲལ་བའི་བརྫུན་སྤངས་སྐྱོན་སེལ་བ། །མཚན་མའི་ཐབས་ཀྱིས་མཚན་མ་འདུལ་མཛད་པ། །ཡེ་ཤེས་དབང་མཛད་དབྱུག་པ་སྔོན་པོ་ཅན། །འདེབས་པའི་སྟབས་ཀྱིས་ས་བདག་ཚར་གཅོད་ཅིང་། །བརྣབ་སེམས་སྐྱོན་སྤངས་ཐུགས་ཀྱི་དབང་ཕྱུག་ཆེ། །བཟོད་པ་ས་གཞི་ལྟ་བུ་གཞིར་འགྱུར་བ། །སྨོན་ལམ་དབང་མཛད་འདམ་སྐྱེས་ཀུཎྜ་ལི། །ཟློག་པའི་སྟབས་ཀྱིས་བདུད་རྣམས་ཚར་གཅོད་ཅིང་། །འདོད་ཆགས་སྐྱོན་སྤངས་སྐུ་ཡི་དབང་ཕྱུག་ཆེ། །ཡེ་ཤེས་མཐར་ཕྱིན་ཉི་ཟླའི་འོད་བཞིན་གསལ། །སྐྱེ་བཞི་མོས་པས་དབང་མཛད་ཧཱུྃ་ཀ་ར། །རོལ་པའི་སྟབས་ཀྱིས་ལྷ་རྣམས་ཚར་གཅོད་ཅིང་། །མ་བྱིན་ལེན་པའི་སྐྱོན་སྤངས་བདག་ཉིད་ཆེ། །རབ་ཏུ་ཤེས་པའི་ཤེས་རབ་མཐར་འབྱིན་པ། །ཡོ་བྱད་དབང་མཛད་གཞན་གྱིས་མི་ཐུབ་རྒྱལ། །འཇིགས་བྱེད་སྟབས་ཀྱིས་འཆི་བདག་ཟིལ་གནོན་ཅིང་། །སྲོག་གཅོད་ཉེས་སྤངས་སྐུ་ཡི་དབང་ཕྱུག་ཆེ། །གཟུང་འཛིན་སྐྱོན་སྤངས་བསམ་གཏན་ངང་ལ་གནས། །ཚེ་ལ་དབང་མཛད་འཇིགས་བྱེད་གཤིན་རྗེ་གཤེད། །ཡེ་ཤེས་ཐུགས་རྗེས་ཟིན་པས་མཐར་མི་འཆིང་། །ཐུགས་རྗེས་ཟིན་པའི་སྲིད་ལས་གྲོལ། །གཉིས་ལ་མི་གནས་མཐའ་བྲལ་དབུ་མར་བསྙེམས། །འདོད་པའི་རྒྱལ་པོ་མཉེས་མཛད་ལ་སེ་ཀི། །རིག་པའི་སྡེར་ཆེན་ཆོས་ཀྱི་དབྱིངས་ཉིད་འཛིན། །ཐུགས་རྗེ་ལྕགས་ཀྱུས་འཁོར་བ་མི་གཏོང་ཞིང་། །ཤེས་རབ་ཐབས་ཀྱི་ལྕགས་ཀྱུས་མཐའ་གཉིས་འཛིན། །གཙོ་བོ་དབྱུག་སྔོན་མཉེས་མཛད་དྲ་ཏི་རུ། །ཡེ་ཤེས་མཚན་སྡུད་ཐུགས་རྗེ་ཁྲོད་འབྱུང་ཞིང་། །སྤྲུལ་པས་འགྲོ་བསྒྲལ་སྐུ་དང་ཡེ་ཤེས་འཕྲོ། །ཤེས་སྙིང་མ་སྐྱེས་དབུ་མའི་རིག་པ་སྐྱེ། །སྟ་ན་པ་ཏིས་ཁྲོ་ ― DNG013_Page_0199 ―
[མ་དཔེ་གཟིགས་ན་འདིར་གནོན།]
རྒྱལ་གཤིན་རྗེ་མཉེས། །དབྱིངས་སུ་མཚན་མ་ཤེས་རབ་ཐོ་བས་བརྡུངས། །ཐུགས་རྗེ་སེམས་ཅན་ཕྲིན་ལས་མཚན་མ་འཇོམས། །དབུ་མར་ཡེ་ཤེས་སྙིང་རྗེ་མི་རྟོག་དང་། །མི་གཡོ་མགོན་པོ་མཉེས་མཛད་མུ་ཧ་ལ། །རྡོ་རྗེ་གཏུམ་མོ་མཚན་མའི་དངོས་པོ་བཅོམ། །ཐུགས་རྗེ་རྔམ་ཚུལ་སྲིད་པ་ཐལ་བར་བརླག །གཉིས་ལ་མི་གནས་མཐའ་བྲལ་དབུ་མར་བསྡིགས། །ཧ་ཡ་གྲཱི་བ་མཉེས་མཛད་ཙཎྜ་ལི། །ཕྲ་མོར་འབིགས་པའི་ཡེ་ཤེས་དབྱིངས་སུ་འཕེན། །འབིགས་པའི་ཡེ་ཤེས་གནད་དུ་ཐུགས་རྗེས་རྡེག །མ་ཁྱོགས་དབུ་མ་ཆེན་པོའི་དོན་སྟོན་པ། །གཞན་གྱིས་མི་ཐུབ་མཉེས་བྱེད་ཤ་ཡ་ཏི། །མཚན་མ་མེད་པའི་དབྱིངས་ཐོས་རིག་པའི་སྒྲ། །དབྱིངས་ཉིད་རིག་ཤེས་དབྱིངས་ལ་ཉན་པའི་སྒྲ། །དེ་ལ་བསྟན་པ་གསུང་གི་སྒྲ་འབྱིན་པ། །བདུད་རྩིར་འཁྱིལ་པ་ཤ་ཡ་མ་ཏིས་མཉེས། །བདག་རྟོག་ལོག་ལྟའི་མཚན་མ་ཀུན་བཅོམ་ཞིང་། །ཟ་བྱེད་མཆེ་བས་སྐྱེ་བཞི་རྩད་གཅད་དེ། །སྐུ་དང་ཡེ་ཤེས་མ་སྐྱེས་མི་དམིགས་པ། །པདྨོ་འཁྱིལ་པ་མཉེས་བྱེད་མ་ར་ན། །ཐུགས་དམ་དབང་གིས་རྣམ་དག་དབྱིངས་ནས་བསྐུལ། །ཐུགས་རྗེའི་ཤུགས་ཀྱིས་འགྲོ་བ་གནས་ནས་འདྲེན། །གཉིས་མེད་མཆོད་བསྐུལ་དབུ་མའི་དགྱེས་པ་སྟོབས། །མ་ཧ་ཧ་ལ་མཉེས་མཛད་ཙུན་ད་མ། །བསྐྱོད་པའི་ཡེ་ཤེས་ས་རྣམས་དུས་གཅིག་གཅོད། །ཐུགས་རྗེ་ཤུགས་ཀྱིས་འགྲོ་བ་གནས་ནས་སྤོར། །ཐབས་དང་ཤེས་རབ་བསྐྱོད་པས་མཐའ་གཉིས་སྤོར། །བ་ཡ་བ་ཏིས་ཁམས་གསུམ་ཧཱུྃ་མཛད་གཉིས། །སྡུག་བསྔལ་ཐུགས་རྗེས་མི་བཟོད་ཕྲིན་ལས་དཔའ། །ཡལ་བར་མི་འདོར་བརྩོན་འགྲུས་ཤུགས་ཀྱིས་བརྟན། །གདོད་ནས་དོན་མཛད་འཁོར་བ་མཐར་ཐུག་སྒྲོལ། །དེ་ཕྱིར་དཔའ་བརྟུལ་ཟ་བྱེད་བྱ་ཁྲ་མ། །སྡང་མིག་མི་འགྱུར་ཐུགས་རྗེས་ཞི་ལ་གནོན། །མཐུ་རྩལ་རྔོམ་བརྗིད་འགྱུར་མེད་བདུད་དཔུང་བཟློག །ཚམ་ངམ་རལ་གསིགས་གདངས་ངར་འཇིག་རྟེན་འགེངས། །དེ་ཕྱིར་འགྱུར་མེད་ཕྲ་མེན་ཙ་ས་ར། །རྟོག་པའི་དགྲ་སྤངས་དྲན་པའི་ ― DNG013_Page_0200 ―
[མ་དཔེ་གཟིགས་ན་འདིར་གནོན།]
དགོན་པར་གནས། །འཁྲུལ་སྐྱོན་དྲི་མེད་ཤེས་བཞིན་རྫི་མཚོར་སྤོང་། །འགྲོ་དོན་དུས་ལ་བབ་ན་ཐུགས་རྗེས་འཇུག །དེ་ཕྱིར་འཇུག་པར་བྱེད་པའི་ཧ་རི་ན། །ཆོས་དབྱིངས་གནས་མལ་རྟོག་པའི་སྐྱོན་སེལ་ཞིང་། །ཐུགས་རྗེ་སྤུ་རིས་སྤྲུལ་པ་བསམ་མི་ཁྱབ། །དུག་གསུམ་འཇོམས་མཛད་ཤ་རུས་ཁྲག་ལ་རོལ། །སེལ་བྱེད་སྤྲུལ་པས་དོན་མཛད་དྷྱ་མ། །ཡང་དག་ཟོན་ཆགས་འགྲོ་དོན་ཐབས་མཁས་ལྡན། །མི་འདུལ་ཟིང་ཐུབ་བཏང་སྙོམས་ཆེན་པོར་བཞུགས། །དུས་ལ་བབ་ནས་བརྩོན་འགྲུས་ཤུགས་དང་ལྡན། །དེའི་ཕྱིར་མཁས་བརྩོན་མཛད་པའི་རྩ་ལ་མ། །ཡེ་ཤེས་དབྱིངས་ལ་འཇུག་པ་ཤེས་བྱ་ཟ། །དབྱིངས་ཉིད་ཤེས་ལ་འཇུག་པ་ཉོན་མོངས་ཟ། །གཉིས་མེད་ཡེ་ཤེས་ཕྲིན་ལས་འཁོར་བ་ཟ། །དེ་ཕྱིར་ཟ་བྱེད་པུ་ཀ་མུ་ཀ་པ། །རིགས་བཙུན་གཉེན་པོར་གྱུར་པས་ཐམས་ཅད་འདུལ། །ཕྲིན་ལས་རྩལ་གྱིས་བདུད་དཔུང་ཐམས་ཅད་འཇོམས། །སྟོང་ཉིད་སྒྲ་བསྒྲགས་མུ་སྟེགས་ཝ་ཚོགས་འཇིགས། །དེ་ཕྱིར་འཇོམས་བྱེད་རྩ་མཆོག་སིང་ཧ་མ། །དབྱིངས་ལ་ཡེ་ཤེས་ཉལ་ཞིང་ཐུགས་རྗེ་རྨི། །ལྷིང་ནག་ནག་པོ་དྲག་པོ་སྐུ་སྟོན་པ། །ཐུགས་མཆོག་རྣམ་དག་ཆོས་ཉིད་དབྱིངས་སུ་མཁྱེན། །དེ་ཕྱིར་རྨི་བྱེད་ཕྲ་མེད་རི་ཀྵ་མ། །ཡེ་ཤེས་ཐུགས་རྗེ་སྟོབས་ཀྱིས་མཐའ་གཉིས་གནོན། །ཚམ་ངམ་རལ་གསིགས་སྤྲུལ་པས་བདུད་དཔུང་འཇོམས། །ལས་སུ་ཅི་མཛད་བརྩོན་འགྲུས་སྟོབས་ཀྱིས་རོལ། །དེ་ཕྱིར་སྟོབས་ལྡན་ཕྲ་མེན་ཧ་ཀྵ་མ། །ལྷག་མཐོང་ཆོས་དབྱིངས་ཞི་གནས་རླན་གྱིས་བརྒྱལ། །ཐུགས་རྗེ་འཁོར་བར་སྨོན་ལམ་སྟོབས་ཀྱིས་མྱོས། །རྟོག་འཇོམས་རྫས་ལ་གཙང་སྨེ་མེད་པར་རོལ། །དེ་ཕྱིར་ཕྲ་མེན་མྱོས་བྱེད་ཨུ་ཀ་ར། །ཡིད་གཡོ་ལས་ཅན་སེམས་པར་གྱུར་པ་ནི། །ཡེ་ཤེས་དབང་གིས་ཐུགས་རྗེས་འགྲོ་ལ་གཡོ། །དོན་མཛད་གོད་འབྲང་ཡེ་ཤེས་དབྱིངས་སུ་མཁྱེན། །དེ་ཕྱིར་ཚུལ་ཁྲིམས་ཆེན་པོ་ཀྱི་ཀྱ་མ། །བསམ་པའི་དངོས་པོ་འདོད་ལ་འདུན་པ་ནི། །དབྱིངས་ཉིད་མཉམ་ཉིད་ཡེ་ཤེས་མཁྱེན་པ་ཟ། །ཐུགས་རྗེ་ ― DNG013_Page_0201 ―
[མ་དཔེ་གཟིགས་ན་འདིར་གནོན།]
འདུན་པས་འཁོར་བ་བག་ཆགས་སྦྱོང་། །དེ་ཕྱིར་ཕྲ་མེན་ཟ་བྱེད་དོན་ཀ་མ། །དབྱིངས་ལ་སེམས་འཛིན་ཡིད་ལ་བྱེད་པར་འགྱུར། །ཡེ་ཤེས་དབྱིངས་རྟོགས་དྲངས་པ་ཉིན་མོ་ཉལ། །འགྲོ་མདོངས་རྨོངས་ལ་ཐུགས་རྗེས་མཚན་མོ་ལྡན། །ཡེ་ཤེས་ཐུགས་རྗེས་དྲངས་པའི་ཨུ་ལུ་ཀ །བརྟགས་པའི་དངོས་ལ་རྩེ་གཅིག་ཏིང་འཛིན་འགྱུར། །མཉམ་ཉིད་མཐའ་བྲལ་དབྱིངས་ལས་མི་གཡོ་བ། །རྟོག་གེ་སྤྱོད་ཡུལ་བྱིས་པས་མི་མཐོང་བ། །དེ་ཕྱིར་སྦེད་བྱེད་ཕྲ་མེན་བ་ཡ་ཏ། །ལས་འབྲས་བདེན་ལ་ཡིད་ཆེས་དད་གྱུར་ཏེ། །མཉམ་ཉིད་དབྱིངས་སུ་ཡེ་ཤེས་ཐུགས་ཀྱིས་མགྱོགས། །ཞི་གནས་སྤྱན་རྫི་ལྷག་མཐོང་བགྲོད་ཚགས་ཆུང་། །དེ་ཕྱིར་ཕྲ་མེན་མགྱོགས་བྱེད་བྷག་ཤི་ཏ། །ངེས་པའི་དངོས་ལ་འཛིན་པའི་མོས་པ་གྱུར། །ལྷག་མཐོང་ཡེ་ཤེས་དབྱིངས་ཉིད་མཉམ་འགྱུར་འཛིན། །ཞི་གནས་གཅེས་པར་འཛིན་པ་མི་འཕྲོགས་པ། །དེ་ཕྱིར་ཕྲ་མེན་འཛིན་མ་ཙ་ཏ་མ། །འདྲིས་པའི་དངོས་པོ་མ་བརྗེད་དྲན་པར་གྱུར། །དབྱིངས་དང་ཡེ་ཤེས་གཉིས་མེད་མ་བརྗེད་དྲན། །ཏིང་འཛིན་འབུམ་ཕྲག་ལྷག་མཐོང་སོ་སོར་གསལ། །གཉིས་ལ་མ་རྨོངས་ཟིན་མ་ཏི་ཏི་ལ། །ཆོས་རྣམས་འབྱེད་པའི་བྱེད་པར་གྱུར་པ་ནི། །མཉམ་ཉིད་ངང་དུ་ལོག་ལྟ་སེལ་བྱེད་ཅིང་། །རིག་པ་སྐྱེད་པས་སོམ་ཉི་ཐེ་ཚོམ་གཅོད། །དེ་ཕྱིར་ཕྲ་མེན་གསོད་བྱེད་ན་ཀུ་ལ། །འཇུག་པ་རང་དབང་མེད་པའི་གཉིད་གྱུར་པ། །བསྟན་པའི་ཆོས་སྒྲོགས་ལོག་ལྟ་མྱོས་བྱེད་ཅིང་། །མཉམ་དང་མི་མཐུན་ལོག་ལྟ་མྱོས་བྱེད་ཕྱིར། །ཐམས་ཅད་མྱོས་བྱེད་ཕྲ་མེན་འུ་ཤི་ཀ །གསུམ་འདུས་གཅོད་པའི་རེག་པ་གྱུར་པ་ནི། །ཕྲིན་ལས་བྱེ་བྲག་མང་པོ་ཅི་མཛད་ཅིང་། །ཕྱག་རྒྱ་བཞི་པོ་མ་སྐྱེས་དབྱིངས་སུ་བྲོས། །དེ་ཕྱིར་ཕྲ་མེན་འབྲོས་བྱེད་ཀ་སི་ཀ །འཁོར་བའི་རྡོ་རྗེ་བརྗོད་པས་མྱ་ངན་འདས། །ཆོས་སྐུ་རྡོ་རྗེ་བརྗོད་པས་མཐའ་གཉིས་སྤངས། །རྗོད་བྱེད་བརྗོད་བྲལ་དོན་གྱི་ཚིག་དང་བྲལ། །དེ་ཕྱིར་རྗོད་བྱེད་བཛྲ་པ་ཤ་མ། །ཆོས་ཉིད་རྡོ་རྗེས་མཚན་མའི་དངོས་པོ་བཤིག །ཡེ་ཤེས་རྡོ་རྗེས་གཟུང་འཛིན་རྟོག་པ་བསྲེགས། །ཕྱག་མཚན་རྡོ་རྗེས་དྲེགས་པའི་ལྷ་བདུད་བཅོམ། །དེ་ཕྱིར་འཇོམས་བྱེད་ ― DNG013_Page_0202 ―
[མ་དཔེ་གཟིགས་ན་འདིར་གནོན།]
བཛྲ་བེ་ར་བེ། །འཆི་མེད་བདུད་རྩི་ཡུལ་སེམས་སྐྱེ་འགག་མེད། །གྲུབ་པའི་བདུད་རྩི་བསམ་པའི་འབྲས་བུ་ཐོབ། །ཐུགས་རྗེས་འགྲོ་བདུད་རྩི་གཏོང་བླ་མེད་བསྒྲུབ། །རྩི་མཆོག་ཡེ་ཤེས་བཛྲ་ཨ་མྲྀ་ཏ། །ཡེ་ཤེས་འཕྲོག་བྱེད་ཡོན་ཏན་རྒྱ་མཚོ་བསྒྲུབ། །ཐུགས་རྗེས་འཕྲོག་བྱེད་འཇིག་རྟེན་དབང་དུ་སྡུད། །ཡེ་ཤེས་ཐུགས་རྗེས་གཉིས་མེད་དབང་དུ་འུབ། །དེ་ཕྱིར་བརླབ་བྱེད་བཛྲ་མ་ར་ན། །ད་ནི་པདྨ་དབང་ཆེན་དང་། །དབང་ཕྱུག་མ་ལྷ་རྒྱུད་བརྗོད་པར་བྱའོ། །བཅྭ་ལྔ་སྤྱན་གྱིས་རྒྱུད་ལྔའི་མི་དགེ་བཅུ། །ཡེ་ཤེས་ལྔ་དང་སོ་སོ་ཅིས་འདུལ་མཁྱེན། །སྙན་བཅུས་མི་དགེ་བཅུ་ཡི་སྡུག་བསྔལ་གསན། །ཤེས་ལྔ་ནས་བྱུང་རིགས་ལྔའི་སྤྲུལ་འཕྲོས་པས། །རྒྱུད་ལྔའི་མགོན་མཛད་བརྩོན་ལྡན་རྟ་དབུ་ལྔ། །དུག་ལྔ་ཞལ་དུ་ཤར་ཏེ་རྔུབ་མཛད་ཅིང་། །ལྗགས་ལྔ་ཐེ་ཚོམ་གཅོད་ཕྱིར་ཐེག་ལྔ་འཆང་། །སྐྱེ་བཞི་ལས་བཞིས་སྒྲོལ་མཛད་ཤོག་བཞིས་སྐྱོད། །བཅུ་དྲུག་དམྱལ་ཁམས་བཅུ་དྲུག་ཕྱག་གིས་འདྲེན། །ཕྱོགས་བརྒྱད་འདུལ་ཕྱིར་ཞབས་བརྒྱད་ཁྲོ་བརྒྱད་བཅོམ། །རིགས་བཞི་སྣོད་བཅུད་ཉི་ཟླ་འོད་དང་བརྫིས། །ཕྱོགས་བཞི་རྩལ་དྲུག་དབང་ཕྱུག་ཡང་ཆེས་མནན། །ཆེ་བ་ཆེ་བ་ཡང་ཆེ་བླ་ན་མེད། །བཅུ་དྲུག་ཞག་གིས་ཟླ་དཀྱིལ་རྫོགས་པ་ལྷ། །ཚོགས་གཉིས་རྫོགས་པས་བཅུ་དྲུག་ས་ལ་ཞུགས། །ཕྱོགས་བཞི་དབུ་ལྔར་འབར་ལྟར་རིགས་ལྔའི་དབུ། །མཁྱེན་པའི་ཡེ་ཤེས་ཐུགས་རྗེས་གཟིགས། །ཚོགས་ཆེན་ཡོངས་སུ་རྫོགས་པའི་དཀྱིལ་འཁོར་དང་། །དབང་ཆེན་ཡོངས་སུ་འདུས་པའི་དཀྱིལ་འཁོར་དང་། །ཚོགས་ཆེན་གཉིས་རྫོགས་ཡེ་ཤེས་ལྷུན་གྲུབ་པ། །དཀྱིལ་འཁོར་གསུམ་གྱིས་བརྗིད་པའི་ཁྲོ་བོ་རྒྱལ། །ཐུགས་རྗེ་འདམ་སྐྱེས་སྤྱོད་པ་སྐྱོན་མི་གོས། །མཐའ་གཉིས་དབང་མཛད་པདྨ་ཧེ་རུ་ཀ །རྔམ་པའི་ཚུལ་གྱིས་སྲིན་མོ་གཟུགས་འཛིན་ཅིང་། །ཐོད་རུས་གདུག་པ་འབུམ་མར་ཟས་སུ་ཟ། །སྲིད་པའི་སེམས་ཅན་ཆགས་པའི་སྙིང་ཁྲག་གསོལ། །དབང་དྲག་ལས་མཛད་མ་བུ་རཀྵ་སི། །སྡུག་བསྔལ་མྱ་ངན་འདས་རྟོགས་ཚངས་པའི་གཟུགས། །ཚད་མེད་བཞི་རྫོགས་རྟགས་ཀྱི་དབུ་བཞིར་ལྡན། ། ― DNG013_Page_0203 ―
[མ་དཔེ་གཟིགས་ན་འདིར་གནོན།]
ཞབས་བཞིས་སྨྲ་འདོན་གླིང་བཞིར་བཀྲ་ཤིས་བརྗོད། །གཏི་མུག་ཡིད་བཞིན་རིན་ཆེན་པྲ་མ་ཏི། །ཐམས་ཅད་མཉམ་པ་ཉིད་རྟོགས་རིགས་མཆོག་མ། །མ་རིག་དུག་གསུམ་འཇོམས་མཛད་དཔལ་རྩེ་བསྣམས། །བུད་མེད་ཆགས་ཚུལ་དབང་མཛད་བཀའ་ཟློག་མ། །ཆགས་པའི་སྐྱོན་བྲལ་ཏེ་ཆེན་རེའུ་ཏྲི་མ། །ཐམས་ཅད་སྒྱུ་མ་བཞིན་དུ་རྟོགས་མཁྱེན་མ། །འདྲེལ་པའི་ཐུགས་རྗེས་སེམས་ཅན་ཀུན་ལ་གཏོགས། །ཕྲིན་ལས་རྒྱ་མཚོ་སྒྲོལ་བའི་བཞེད་ཆེན་ཅན། །འཁོར་བའི་རྒྱུད་གཅོད་དྲག་མོ་པོ་སྣ་བེ། །འདུ་བྱེད་མི་རྟག་དྲིལ་བུའི་སྒྲ་ལྟར་མཁྱེན། །རྟག་པར་གཞོན་ཚུལ་འཁོར་བ་ཇི་སྲིད་བཞུགས། །ཉོན་མོངས་ཐ་བ་འབིགས་པའི་མདུང་ཐུང་འཕེན། །གཞོན་ཚུལ་ཆགས་པས་དབང་མཛད་གོའུ་རི། །རྡོ་རྗེ་ལས་མཛད་ཀུན་གྱི་བླ་ན་མེད། །ལྷ་ཡི་རྒྱལ་སྲིད་ཆོས་ལ་དབང་བསྒྱུར་ཞིང་། །མཚོན་སྦྱིན་བརྒྱ་མཛད་མི་དམིགས་སྐུ་དཀར་མདོག །གསོད་བྱེད་རྡོ་རྗེ་འབེབས་བྱེད་ཨིན་དྲ་མ། །བྱམས་དང་ཐུགས་རྗེས་དབང་མཛད་སྐུ་མདོག་དམར། །བྷན་དྷ་སྣོད་ཡངས་བཅུད་ཀྱི་ཁྲག་མཚོ་ལ། །རྔམ་པའི་ཞལ་དུ་དུག་གསུམ་ཟ་བྱེད་མ། །སྡུག་བསྔལ་དབྱིངས་སུ་སྐྱོངས་མཛད་པི་ཀ་ལམ། །སེམས་ཅན་གདུལ་ཐབས་ཁྲོ་བོ་མཆོག་ཏུ་མཁྱེན། །མུན་སེལ་སྒྲོན་འབར་བདུད་ཀྱི་ནད་གསོས་མཛད། །འདམ་སྐྱེས་པད་ལྟར་འཁོར་བར་སྐུ་འཁྲུངས་ཀྱང་། །ཆགས་པའི་སྐྱོན་བྲལ་དབང་མཛད་ཨ་མྲྀ་ཏ། །ཞི་བའི་ལས་ནི་གསོད་པའི་མཆོག་ཏུ་མཁྱེན། །ཟླ་ལྟར་ཡོན་ཏན་ཆ་ཤས་མཐར་ཕྱིན་སྐུ། །གདུང་བའི་ནད་སེལ་འཇིག་རྟེན་སྒྲོལ་མཛད་ཅིང་། །གཏན་མཆོག་ཐམས་ཅད་སྟོབས་བྱེད་སེའུ་མྱ་ལ། །དབྱུག་པ་འཚོག་པ་འདྲ་བ་གཞན་མེད་མཁྱེན། །ཐབས་ཀྱིས་མ་རྨོངས་ཕྲིན་ལས་ལྗང་གུའི་མདོག །ནན་དབང་དྲག་ཤུལ་འཚོག་པའི་དབྱུག་ཏོ་བསྣམས། །དྲེགས་བྱེད་སྤྱི་ནས་འཇོམས་མཛད་ད་ན་ཧམ། །ལོག་པར་ལྟ་བ་འཇིགས་བྱེད་སྤྱན་གྱི་མཆོག །སྐྱེ་བ་འཕྲོག་བྱེད་སྐྱེ་རྒྱུན་ཁྲག་མཚོ་གསོལ། །ལས་མཛད་ཆགས་པ་གསེར་གྱི་རྐེད་ཆིངས་ཅན། །དྲག་མོ་རྔམ་ ― DNG013_Page_0204 ―
[མ་དཔེ་གཟིགས་ན་འདིར་གནོན།]
ཚུལ་གློག་འགྱུ་རཀྵ་སི། །ཕྲེང་བ་རྒྱན་གྱི་ནང་ན་མཆོག་ཏུ་མཛེས། །སྙིང་རྗེ་རྒྱུན་སྐད་བ་སུ་ཞགས་པ་ཡིས། །ཆགས་མེད་ཞིང་དུ་ཁམས་གསུམ་ཀུན་འདྲེན་མ། །རྒྱུན་གྱིས་ཐུགས་རྗེས་སྒྲོལ་མཛད་བཀྵ་སི། །འཚོག་པ་དབྱུག་པས་འཆང་བའི་མཆོག་ཏུ་མཁྱེན། །གཏུན་བུས་གདུག་པ་མ་ལུས་འཇོམས་མཛད་མ། །ཡོན་ཏན་མི་ཟད་ནོར་གྱི་གཏེར་འཛིན་མ། །སྟོང་གསུམ་ནོར་གྱིས་རྒྱས་མཛད་རལ་གྲི་མ། །ར་རོ་འདྲ་བར་དཔའ་བོ་གཞན་མེད་མཁྱེན། །ཆོས་རྣམས་གཉིས་མེད་དོན་རྟོགས་རྟག་ཏུ་མྱོས། །ཉོན་མོངས་ཐ་བ་བཟློག་པའི་གཤོལ་བསྣམས་ཤིང་། །དགེ་བའི་ལོ་ཏོག་སྐྱེད་མཛད་རུ་ཏི་རམ། །བརྟན་པ་ཙམ་གྱིས་གཞན་ཕམ་དཔའ་བོ་མཆོག །མ་ལུས་གསོད་བྱེད་ལས་ལ་འཇུག་མཛད་ཅིང་། །བསྙེངས་པ་མི་མངའ་འགྲོ་དོན་གཅིག་པུ་སྤྱོད། །གསོད་བྱེད་འདྲ་མཛད་ཨེ་ཀ་ར་ཙ་མ། །བུད་མེད་ཆགས་པས་འགྲོ་བ་དབང་དུ་བྱེད། །ཐམས་ཅད་མ་ལུས་མགུ་བྱེད་དགེ་བའི་ལས། །འདོད་ལྷའི་མདའ་འཕེན་སྲིད་གསུམ་ཡིད་འཕྲོག་མ། །ཐུགས་རྗེས་ཞེན་པའི་མ་ནོ་ཧ་ར་མ། །ཁྲག་ལས་ཟས་གཞན་མེད་པར་རྟོགས་མཁྱེན་ཅིང་། །གདོན་རྣམས་བསྒྱུར་བའི་ལས་མཛད་སྒོ་གཏོང་ཅན། །མི་ཟད་ནོར་གྱི་གཏེར་ལྡན་བུམ་པ་འཛིན། །སྡུག་བསྔལ་རེ་སྐོང་ཐག་ཐུག་སི་ཏི་ཀ །རེག་བྱའི་སེམས་ནི་རླུང་གི་ཁམས་ཏེ་མཆོག །སྲིད་གསུམ་དབུགས་ཀྱི་སྲོག་སྦྱིན་ཚེ་འཕེལ་མ། །བདེར་གཤེགས་རས་རྒྱུས་སེམས་ཅན་སྒྲོལ་མཛད་ཅིང་། །ཁམས་གསུམ་གནས་ནས་སྐྱོན་མཛད་པ་ཡ་བེ། །སྙིགས་མ་ལྔ་ལྡན་ལྔ་བརྒྱའི་ཐ་མ་ལ། །སྲིད་གསུམ་འཁོར་བའི་སེམས་ཅན་གདུལ་དཀའ་བ། །གསད་པ་ཉིད་ལ་ལས་ཀྱིས་འདུལ་བར་མཛད། །སྡུག་བསྔལ་དབྱིངས་སུ་གསོལ་མཛད་མ་ར་ན། །གཟི་བརྗིད་ཅན་དེ་མེ་ཡི་ཁམས་ཏེ་མཆོག །འབར་བ་མཆོག་གིས་གདུག་པ་མ་ལུས་བསྲེགས། །ཟ་བྱེད་བསྐལ་པ་དུས་མཐའི་ཚུལ་སྟོན་པ། །ལྷག་མཐོང་ཡེ་ཤེས་འབར་འཕྲོ་ཨག་ན་ཡེ། །མཆེ་བ་དག་པས་སྐྱེ་བཞི་རྩད་གཅོད་བཞུགས། །ཉན་ཐོས་ཐ་བ་ཟློག་མཛད་ཕག་གི་དབུ། །འོག་གི་ཕྱོགས་ནས་སྲིད་གསུམ་སྟོབས་ཀྱིས་སྤོར། ། ― DNG013_Page_0205 ―
[མ་དཔེ་གཟིགས་ན་འདིར་གནོན།]
སྐྱེ་བཞི་རྩད་གཅོད་ཟ་བྱེད་བ་ར་ཏི། །འཆི་བདག་ཐམས་ཅད་གནས་ནས་མ་འཕོས་མཁྱེན། །ཐམས་ཅད་གསོད་བྱེད་དམ་ཉམས་འཆི་བདག་མཛད། །དམ་ཚིག་བསྲུང་བའི་འཆི་བདག་ཟློག་མཛད་ཅིང་། །ལུང་གི་དུར་ཁྲོད་དབང་མཛད་ཛ་མུན་ཏི། །འཇིགས་ལས་ལྷགས་པའི་གྲགས་ནི་གཞན་མེད་མཁྱེན། །སྟོང་ཕྲག་བརྒྱད་ཅུ་གྲགས་ལ་མངའ་མཛད་ཅིང་། །སྣ་ཆེན་གླང་སྣ་བདུད་རྩི་གིའུ་ཝང་མཐོང་། །སྡུག་བསྔལ་ནད་གསོས་མཛད་པའི་པུ་ཏ་མ། །ཆུ་ལས་ལྷག་པའི་ནོར་ནི་གཞན་མེད་མཁྱེན། །ནོར་གྱི་ཚོགས་རྣམས་མ་ལུས་འཕྲོག་མཛད་ཅིང་། །གདུག་པ་འདུལ་ཕྱིར་དུག་གཏོང་སྦྲུལ་ཞགས་བསྣམས། །ཞི་གནས་ཏིང་འཛིན་དབང་སྡུད་བ་རུ་ན། །འགྲོ་བའི་དོན་མཛད་མི་འགྱུར་སྐུ་མདོག་གནག །སྲིད་གསུམ་འཇོམས་མཛད་ཏྲི་ཤཱུལ་གདེངས་པོ་བསྣམས། །ཐུགས་རྗེ་ཤུགས་ཀྱིས་འདྲེན་མཛད་ལྕགས་ཀྱུ་བསྣམས། །འཁོར་བར་ཐུགས་རྗེས་ཤར་བའི་ཀ་མ་ལ། །ཆགས་པའི་ཐུགས་རྗེས་དོན་མཛད་ར་མགོ་ཅན། །བྱམས་པའི་ཞགས་པ་འཁོར་བའི་རྒྱུད་འཛིན་ཅིང་། །གང་ལ་ཅི་འདུལ་དེ་ལ་དེས་སྟོན་པ། །ཡོན་ཏན་ཚོགས་རྫོགས་རེ་སྐོང་ཙ་ཀ་ལམ། །སྟོན་པའི་བཀའ་དང་རང་གི་དམ་བཅའ་གཉིས། །མི་འདའ་མ་གྲུབ་རབ་ཏུ་བརྟན་པར་བཞུགས། །དམ་ཚིག་སྒྲོག་གིས་སེམས་ཅན་འདུལ་མཛད་ཅིང་། །མ་རིག་ནུབ་མཛད་ཀུམ་པ་ཀ་རྣམ་འཕྲུལ། །སྐུ་གསུམ་ཡོན་ཏན་ཕྲིན་ལས་མཐའ་ཀླས་པ། །སྟོང་པའི་སྒྲས་བསྐུལ་འགྲོ་བའི་རྒྱུད་ལ་འབེབས། །སོ་སོའི་སྐད་དུ་ཆོས་ཀྱི་སྒྲ་སྒྲོགས་པ། །མ་ཆགས་བྱང་མཛད་ལམ་པོ་དྷ་ར་མ། །དཔལ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་བཟླས་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔའ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཐབས་དང་ཤེས་རབ་ཀྱི་བྱང་ཆུབ་ཀྱི་སེམས་ཀྱི་དབང་འདི་བཀའ་སྩལ་ཏོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་པདྨ་འདབ་མ་བརྒྱད། པདྨའི་ལྟེ་བ་ལ་རག་ཏའི་མཎྜལ་བྱས་ཏེ། དབུས་སུ་བཛྲ་ཧེ་རུ་ཀ །ཤར་དུ་བུད་ ― DNG013_Page_0206 ―
[མ་དཔེ་གཟིགས་ན་འདིར་གནོན།]
དྷ་ཧེ་རུ་ཀ །ལྷོར་རད་ན་ཧེ་རུ་ཀ །ནུབ་ཏུ་པདྨ་ཧེ་རུ་ཀ །བྱང་དུ་ཀརྨ་ཧེ་རུ་ཀ །མཚམས་བཞིར་ཁྲོ་མོ་དབང་ཕྱུག་མ་བཞི། དེའི་ཕྱི་རིམ་སྣམ་བུ་ལ་གོའུ་རི་མ་བརྒྱད། དེའི་ཕྱི་རིམ་ལ་སིང་ཧ་མ་བརྒྱད། སྒོ་བཞི་དང་སྒོ་ཁྱུད་དང་བཅས་པ། ཞིང་གི་རྒྱལ་མཚན། རས་ཆེན་གྱི་འཕན་གདུགས། ཙིཏྟའི་ཐོག །མཾ་སའི་བླ་རེས་དེ་ནས་བཅོམ་ལྡན་འདས་ཐབས་དང་ཤེས་རབ་གཉིས་སུ་མེད་པའི་བྱང་ཆུབ་ཀྱི་སེམས་ཡུམ་གྱི་སྐུ་ལ་བསྡིམས་ཏེ། ཡུམ་ཀུན་དུ་བཟང་མོས་རང་གིས་མཐའ་ལ་བྱང་ཆུབ་ཀྱི་སེམས་བླངས་ཏེ། ཉིད་ལས་མི་གཞན་པའི་འཁོར་རྣམས་དབང་བསྐུར་རོ། །དེ་ནས་བཅོམ་ལྡན་འདས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །བྱང་ཆུབ་སེམས་ཉིད་སྒོམ་པའི་དབང་། །དབྱིངས་དང་དབྱིངས་ཀྱི་དཀྱིལ་འཁོར་འདིར། །སེམས་ཉིད་རྟོགས་པའི་ཐིག་བཏབ་སྟེ། །དེ་རུ་སློབ་མ་བསྐུར་བར་བྱ། །ཆོས་རྣམས་ཐམས་ཅད་བརྟག་པར་དཀའ། །བརྗོད་པའི་ཐ་སྙད་ཀུན་ལས་འདས། །ད་ལྟར་ས་གསུམ་གནོན་པ་ནི། །སེམས་ཅན་ནང་ན་མི་ཡིན་ཏེ། །སངས་རྒྱས་མིས་ནི་བསྒྲུབ་ཐག་ཉེ། །བྱང་ཆུབ་སེམས་དེའི་དོན་རྟོགས་ནས། །འབྲས་བུ་ཡང་དག་མངོན་དུ་འཆར། །དེ་ལས་ཀྱང་ནི་མ་གཏོགས་པ། །དེ་ལས་སངས་རྒྱས་གཞན་ན་མེད། །སེམས་ཉིད་དངོས་པོ་དེ་ལས་མེད། །བསྟན་ཅིང་ཡང་ནི་རྟོགས་པར་དཀའ། །བསྒོམ་པའི་དངོས་གཞིའང་དེ་ལས་མེད། །སེམས་ཀྱིས་བརྟག་པར་དཀའ་ན་ཡང་། །ཚིག་གིས་འདི་ཡིན་བསྟན་དཀའ་ཞེས། །སངས་རྒྱས་བྱང་ཆུབ་སེམས་ཉིད་འདི། །དེ་རིང་ཁྱོད་ལ་བསྐུར་བར་བྱ། །བོ་དྷི་ཙིཏྟ་ཧཱུྃ། ཕྱི་ཡི་ཚུལ་དུ་རྟོགས་འགྱུར་ན། །སེམས་ལ་སྲིད་པ་ཐམས་ཅད་ཆུབ་པར་འགྱུར། །ནང་གི་ཚུལ་དུ་རྟོགས་འགྱུར་ན། །སེམས་ལ་སྐུ་གསུང་ཐུགས་ཀྱང་འཕྲུགས་པར་གནས། །གསང་བའི་ཚུལ་དུ་སྣང་བ་ཐམས་ཅད་ནི། །ཡུམ་ཆེན་ཀུན་དུ་བཟང་མོ་ཞེས་ཀྱང་བྱ། །སེམས་ནི་སྣང་བ་ཤར་བའི་ཡེ་ཤེས་ཡིན། །གཉིས་སུ་མེད་པར་རྟོགས་ན་ཆོས་ཀྱི་སྐུ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །བཛྲ་ཙིཏྟ་ཧཱུྃ། མངོན་པའི་སངས་རྒྱས་ཆེ་བ་ཡུམ་ཆེན་ཀུན་དུ་བཟང་། །བདག་ཉིད་ཆེན་པོ་སངས་ ― DNG013_Page_0207 ―
[མ་དཔེ་གཟིགས་ན་འདིར་གནོན།]
རྒྱས་ཀུན་དུ་བཟང་པོ་ནི། །ཡབ་ཡུམ་གཉིས་སུ་མེད་པར་གྱུར་པ་ལས། །བྱང་ཆུབ་སེམས་ཉིད་བདེ་བ་ཆེན་པོ་ཡིན། །ཆོས་ཀྱི་དབྱིངས་སུ་སངས་རྒྱས་བདེ་བ་ཆེན་པོ་ནི། །ཡུམ་དང་སེམས་ཉིད་གཉིས་སུ་མེད་པ་ཡིན། །རྡོ་རྗེ་སེམས་ནི་ཡེ་ནས་མི་འགྱུར་ཏེ། །སྐྱེ་འགག་མེད་པའི་སེམས་ཉིད་དོན་ཡིན་ཏེ། །སེམས་དཔའ་ཡི་ནི་བདུད་བཞི་མེད་པའི་དོན། །ཀུན་དུ་ཁྱབ་ཅིང་བདལ་བ་དཔག་ཏུ་མེད། །ཐམས་ཅད་མན་ངག་ལ་ནི་ཐམས་ཅད་རྟེན། །གདོད་ནས་འཚང་ནི་རྒྱ་བའི་ཆེ་བར་གསུངས། །ཕྱི་ནི་སྣོད་ཀྱི་འཇིག་རྟེན་རྟོགས་འགྱུར་ན། །འབྱུང་བ་ལྔ་ལས་སངས་རྒྱས་གཞན་ན་མེད། །ནང་གི་བཅུད་ཀྱི་འཇིག་རྟེན་རྟོགས་འགྱུར་ན། །སེམས་ལས་མ་གཏོགས་སངས་རྒྱས་གཞན་ན་མེད། །བྱང་ཆུབ་སེམས་ཀྱིས་དབང་བསྐུར་རོ། །བསྡུ་བའི་གནས་སུ་ངེས་པ་མེད་ཅེས་བྱ། །རང་འབྱུང་ཡེ་ཤེས་ཉིད་ཀྱང་ཚིག་གི་མཐའ་ལས་འདས། །སེམས་ལ་དངོས་པོ་མེད་ཅིང་གཟུང་དུ་མེད། །གནས་ནི་ཡུམ་གྱི་བྷ་ག་ཡ་ཏི་སྟེ། །རྣམ་པར་མི་རྟོག་ཆོས་ཉིད་སྟོང་པར་གསལ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །རིག་པ་རྙེད་པ་དག་ལ་ཤིན་ཏུ་གསལ། །བྱང་ཆུབ་སེམས་ཀྱི་དངོས་གཞི་མ་གཏོགས་པ། །སངས་རྒྱས་གཞན་ན་མེད་ཅེས་འབྱུང་བ་ཡང་། །མི་རྟོག་པའི་ལྟ་བ་མི་བསླད་པའི་ཡེ་ཤེས་ཏེ། །མི་གཏོང་བའི་སྤྱོད་པ་མི་འགྱུར་བའི་སེམས་ཉིད་ཡིན། །མི་འདའ་བའི་དམ་ཚིག་མི་འབྲལ་བའི་གཟུངས། །མི་གཡོ་བ་ཡི་ཆོས་ཉིད་དབྱིངས་དག་པས། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །མཉམ་པར་ཤེས་པ་སངས་རྒྱས་ཀུན་གྱི་རྗེ། །མཐོ་རིས་སྲིན་མོ་ན་རག་དམྱལ་བ་ཀུན། །མཉམ་པའི་དོན་དང་རིག་པ་གཉིས་མེད་པས། །འདི་དང་ཕྱི་མའི་དོན་དུ་བསྒོམ་པར་བྱ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །མཛོད་གསུམ་སྟོན་པ་སངས་རྒྱས་ཀུན་གྱི་རྗེ། །ཕྱི་མའི་དོན་དུ་སྲིད་པའི་གནས་འགྲོ་བས། །ནང་གི་ཚུལ་དུ་གནས་ནི་རྟོགས་འགྱུར་ན། །སྐུ་གསུང་ལུས་ངག་ཡིད་གསུམ་གནས་གྱུར་ན། །དེ་ཡང་གསང་བའི་གནས་སུ་རྟོགས་པར་བྱ། །ཀུན་གཞི་ཡིད་དང་རྣམ་ཤེས་ ― DNG013_Page_0208 ―
[མ་དཔེ་གཟིགས་ན་འདིར་གནོན།]
ཡིད་དང་གསུམ། །གསང་བའི་མཛོད་གསུམ་ཡིན་པས་བསྐུར་བར་བྱ། །དེ་ལ་སེམས་ཀྱི་གཟུགས་ནི་ཅི་འདྲ་བ། །ཙིཏྟའི་དབྱིངས་ནས་འོད་ནི་ཚོན་གང་འཕྲོ། །དཀར་སེར་སྣུམ་ལ་འདྲིལ་བ་གཅིག་ཏུ་གནས། །ལས་འཕྲོ་ལེན་ལས་གཞན་ནི་ལེན་པའི་ཚེ། །སེམས་ནི་རྟ་དགུག་ཉིད་རྒྱུ་བ་ཡིས་འདུས། །མི་ཆགས་མི་འཁོར་བ་ཡི་དོན་དེ་ནི། །འོད་དང་བཅས་པ་ཚོན་གང་གསལ་བར་བསྒོམ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །རྟག་པ་ཆེན་པོ་རྣམ་སྣང་མཛད། །མི་བསྐྱོད་པ་ནི་སེམས་ཀྱི་མཆོག །བདག་གི་ལུས་ནི་རྟག་པ་སྟེ། །བདག་གི་གསུང་ནི་འགྱུར་བ་ཡིན། །བདག་གི་སེམས་ནི་མི་བསྐྱོད་པ། །སེམས་ཉིད་དུས་གསུམ་འགྱུར་བ་མེད་པར་གསུངས། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །ཐིག་ལེ་ཆེན་པོ་དགུ་ཡི་ལུང་བསྟན་པ། །མན་ངག་གཉེར་ཆེན་རྣམ་ཤེས་ཚོགས་དགུ་སྟེ། །ཡིད་ཀྱིས་རྣམ་ཤེས་ལས་འཕྲོ་ལེན་པའི་དོན། །རྣམ་པར་ཤེས་པའི་བྱང་ཆུབ་སེམས་ཉིད་འདི། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །མེད་པའི་ཕྱལ་པ་དང་ནི་གཅིག་པུ་ལྷུན་གྱིས་རྫོགས། །སངས་རྒྱས་ཀུན་གྱི་རྗེ་བཙན་བསྐལ་པར་མི་ཉམས་རྡུལ་ཙམ་མེད། །རིག་པའི་རྒྱལ་པོ་རྡོ་རྗེ་རང་དབང་ལས། །གཞན་ནས་སངས་རྒྱས་བཙལ་གྱུར་ཀྱང་། །བཙལ་ཀྱང་རྒྱལ་བ་མི་རྙེད་དོ། །ཐམས་ཅད་འགྱུར་མེད་བྱང་ཆུབ་སེམས་དཔའ་ལས། །མ་གཏོགས་གཞན་ན་མེད་ཅེས་བྱ་བར་གསུངས། །བྱང་ཆུབ་སེམས་ཉིད་མཉམ་པར་ཁྱབ་བདལ་ཏེ། །བདག་དང་གཞན་དུ་མེད་པར་རྟོགས་པ་ལ། །དེ་ལྟར་སུས་རྟོགས་སྐྱེས་བུ་གཅིག་པུ་ཡིན། །ལྷུན་གྱིས་རྫོགས་པ་ཞེས་ཀྱང་དེ་ལ་བྱ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །དྲན་པའི་སེམས་ཅན་སེམས་ཀྱི་རང་བཞིན་ནི། །དཀར་འཚེར་སྣུམ་ལ་འདྲིལ་བས་བྱང་ཆུབ་སེམས། །མཛངས་པ་ཟིན་པོ་སེམས་ཤེས་དེ་ལ་བྱ། །བླུན་པོ་བྱོལ་སོང་སེམས་ནི་ན་བུན་དུད་པས་འདྲེས། །སེམས་གནས་ཕུང་པོ་ཙིཏྟའི་དབྱིངས་དཀྱིལ་ན། །འོད་ཀྱི་ཐིག་ལེ་དཀར་འཚེར་ ― DNG013_Page_0209 ―
[མ་དཔེ་གཟིགས་ན་འདིར་གནོན།]
གནས་པ་ནི། །ང་དང་བདག་ཏུ་འཛིན་པའི་སེམས་དེ་ནི། །ཏི་དང་ར་དང་ནས་བཏགས་ཞབས་འཁྱུད་རྣམས། །གུ་གུ་ཟླ་ཚེས་དག་ཏུ་གནས་གྱུར་ཏེ། །མི་ལས་སངས་རྒྱས་དག་ཏུ་གནས་བསྒྱུར་ནས། །དུས་གསུམ་སངས་རྒྱས་ཀུན་གྱི་ཐུགས་ཀྱི་ས་བོན་འདི། །བདག་གིས་མ་ཡེངས་བརྗེད་བྲལ་མེད་པར་འདི་བསྒོམས་ན། །སངས་རྒྱས་འབྲས་བུ་ཡང་དག་བྱང་ཆུབ་སེམས། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །ཉམས་པའི་ཆད་པ་བྱུང་བ་ལ། །མགོན་ཆུན་དེ་ལས་གཞན་མེད་དོ། །རྣལ་འབྱོར་དམ་ཉམས་གཞན་གྱིས་མི་སྐོངས་ཀྱིས། །བདག་གི་སེམས་ཉིད་ཀུན་དུ་བཟང་པོའི་ངང་གྱུར་ན། །བྱ་ཙ་དང་ནི་བྲལ་ཞིང་འདས་པ་ཡིན། །འཁོར་བ་དང་ནི་མྱ་ངན་འདས་པ་ཡང་། །ང་དང་བདག་ཏུ་འཛིན་པ་དབྱེར་མེད་མཉམ་པ་ཆེན་པོ་དང་། །དེ་ལ་སངས་རྒྱས་གང་ནས་བཙལ་ཀྱང་རྒྱལ་བས་རྙེད་པར་མ་གསུངས་སོ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །གླང་པོ་དཔལ་གྱི་ཐུགས་ཀ་ནས། །ལྕགས་ཀྱི་ཟེར་ཆེན་བཞི་འཕྲོས་ཏེ། །གླང་པོ་དཔལ་ཆེན་ཧེ་རུ་ཀའི། །ལུས་ངག་ཡིད་གསུམ་སྐུ་གསུང་ཐུགས་ཀྱི་དཀྱིལ་འཁོར་ལས། །འོད་ཟེར་དགུ་འཕྲོས་གདུག་པ་མ་ལུས་བཅོམ། །འགྲོ་བ་མཐའ་དག་རྣམས་ཀྱི་དོན་བྱས་ཏེ། །བདག་གི་རྣམ་པར་ཤེས་པའི་ཚོགས་བརྒྱད་ཀྱང་། །ཀུན་གཞི་སྙིང་ལ་འདུས་པའི་ཧེ་རུ་ཀ །དེ་ལྟར་ལགས་པས་རྟོགས་ན་བྱང་ཆུབ་སེམས། །གང་ནས་བཙལ་ཀྱང་རྙེད་པར་མི་འགྱུར་ཏེ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །བདག་མེད་ཁམས་ཀྱི་སྣོད་གང་དུ། །རྒྱ་ཆེ་གསལ་བའི་ཁམས་བཀང་སྟེ། །རེ་དོགས་མེད་པར་ཕུར་འགྲོ་ཡང་། །ཉམ་ང་མེད་པར་ལམ་གྱི་མཆོག །གཟའ་གཏད་མེད་པས་དོན་དུ་བདེ། །དེ་བས་རང་སེམས་བགྲོད་པའི་ས། །བྱང་ཆུབ་སེམས་ནི་ཡངས་ཞིང་རྒྱ་ཆེ་སྟེ། །དེ་བས་བདག་གིས་ལུས་རྟོགས་ན། །སྣོད་བཅུད་ལ་སོགས་རྟོགས་པའི་སྐྱེས་མཆོག་རྣམས། །ཤེས་གསལ་བློ་ལྡན་རྣམས་ལ་ཡེ་ནས་རྙེད་པ་གསལ། །བླ་མའི་རྒྱུད་མཆོད་དེ་ལ་ཡོད་ཅེས་གསུངས་ཏེ་རྫོགས། ། ― DNG013_Page_0210 ―
[མ་དཔེ་གཟིགས་ན་འདིར་གནོན།]
རྫོགས་པའི་བྱང་ཆུབ་སེམས་ཀྱིས་དབང་བསྐུར་རོ། །བསྒོམས་པས་རྙེད་པར་མི་འགྱུར་མ་བསྒོམས་སྟོང་བྲལ་མེད། །ཐུགས་ནས་ཞལ་དུ་བྱུང་བ་འགྲོ་བའི་དོན་དུ་གསུངས། །རྣ་རྒྱུད་སྟོན་པས་ཐུགས་བརྟོལ་ཏེ། །ལུས་དང་སེམས་ལས་མ་གཏོགས་བསྒོམ་དུ་མེད། །བསྒོམས་ནས་སེམས་ཉིད་གཞན་ནས་བཙལ་ཡང་རྙེད་པར་མ་གསུངས་སོ། །དུས་གསུམ་རྒྱལ་བས་ཡེ་ནས་མ་བཅོས་ཏེ། །རང་སེམས་གདོད་ནས་མ་སྐྱེས་ཆོས་ཀྱི་སྐུ། །ཆོས་ཉིད་བསྒོམ་པར་བྱ་བ་གང་ཡང་མེད། །མན་ངག་ཤེས་རབ་སྦྱིན་ཆེན་དེས་གསུངས་པས། །ལུས་དང་སེམས་ལས་མ་གཏོགས་ན། །བདག་གི་སྐུ་གསུང་ཐུགས་ལ་ཚང་བར་གནས། །གལ་ཏེ་བརྗོད་པའི་མཐའ་བཞི་ཡོད་ན་ནི། །དོན་རྫོགས་སྒོམ་པ་པོ་ཡང་ཡོད་པར་གྱུར། །ལུས་སེམས་སྐྱེ་བ་མེད་བདེན་པས། །བསྒོམ་དུ་མེད་པར་འཇོག་པ་གང་། །དོན་ཀུན་རྫོགས་ཤིང་ཆུབ་པར་དེར་གནས་སོ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །ཟླ་གསང་དཀར་དམར་རླུང་ཀ་ལྕི། །ཟླ་བ་ཤེས་རབ་གསལ་བ་ཐབས་ཆེན་ཏེ། །ཐིག་ལེ་བྱང་ཆུབ་སེམས་ཉིད་དཀར་ལ་འཚེར་བ་ཡི། །དམར་བ་ཡུག་གི་རཀྟ་བྱང་ཆུབ་སེམས། །རླུང་ལ་ཤོར་དུ་མི་རྩལ་ཐིག་ལེ་སྒྲོམ་དུ་སྦ། །དེ་ལས་མ་གཏོགས་སངས་རྒྱས་གཞན་ན་མེད། །མན་ངག་ཚུལ་དུ་ཟླ་བའི་གཟུགས་ཡིན་ཏེ། །གསང་བའི་ཚུལ་དུ་ཡིད་ཀྱི་རྣམ་ཤེས་ཉིད་ཀྱང་ཟླ་བ་ཡིན། །ཐིག་ལེ་སེམས་ཀྱི་རང་བཞིན་སྣུམ་ལ་འདྲིལ། །མན་ངག་ལེན་པར་བྱེད་པས་སེམས་ཀྱི་ཐིག་ལེ་ཡིན། །སེམས་ལས་མ་གཏོགས་སངས་རྒྱས་གཞན་ན་མེད། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །རང་འབྱུང་ཆེ་བའི་ཡེ་ཤེས་མི་འགྱུར་ལ། །ཆོས་ཉིད་རང་གིས་གནས་པའི་རང་བཞིན་ལ། །དམིགས་བྲལ་ཏིང་འཛིན་རྒྱ་མཚོར་རབ་སྤྲུལ་ཏེ། །ཡིད་ནི་འཕགས་པའི་ལམ་ནི་གནས་པ་ནི། །ཕྲ་ཞིང་ཟབ་པ་བསྟན་དཀའ་རྒྱལ་བའི་སྐུ། །དྲན་པ་བྱེད་པའི་རྩོལ་དང་སྲོག་ཆགས་གསུམ། །ཀུན་གཞི་པདྨའི་ཡིག་འབྲུ་གསལ་བར་བྱེད། ། ― DNG013_Page_0211 ―
[མ་དཔེ་གཟིགས་ན་འདིར་གནོན།]
བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །རྒྱུ་ནི་སྐྱེ་བ་མེད་པས་རྣམ་པར་དག །འབྲས་བུ་འགགས་པ་མེད་པས་བྱང་ཆུབ་སེམས། །བྱང་ཆུབ་སེམས་དེ་སྐྱེ་མེད་ཡེ་ཤེས་དབྱིངས། །སྐྱེ་མེད་མི་འགྱུར་མི་ཤིགས་རྡོ་རྗེའི་དོན། །སེམས་ལ་རྡོ་རྗེ་སེམས་དཔའ་རབ་ཏུ་བསྒོམ། །བྱང་ཆུབ་སེམས་ཀྱིས་དེང་འདིར་དབང་བསྐུར་རོ། །འབྱུང་བ་ཆེན་པོ་བཅོམ་ལྡན་འདས། །ནམ་མཁའ་རྡོ་རྗེ་སྣང་བ་སྟོན་པའི་སངས་རྒྱས་སོ། །ས་རྡོ་རྗེ་ཆོས་ཉིད་ཡེ་ནས་གནས་པའི་སངས་རྒྱས་སོ། །མེ་རྡོ་རྗེ་ཆོས་ཉིད་རིན་པོ་ཆེའི་སངས་རྒྱས་སོ། །ཆུ་རྡོ་རྗེ་སྙིང་རྗེ་ཆེན་པོས་བརླན་པའི་སངས་རྒྱས་སོ། །རླུང་རྡོ་རྗེ་འདོད་པ་སྒྲོལ་བའི་སངས་རྒྱས་སོ། །འབྱུང་བ་བཅོམ་ལྡན་འདས་ཀྱིས་དབང་བསྐུར་རོ། །དངོས་གྲུབ་སྩོལ་བ་རྣམ་གཉིས་ཏེ། །ངེས་པའི་ལུང་དང་རང་བཞིན་ནོ། །ཆོས་ཀྱི་དབྱིངས་ལས་མངའ་བརྙེས་ནས། །གང་ལྟར་བསྒྲུབ་ཀྱང་དབྱིངས་ཀྱི་དོན། །ཆོས་ཀྱི་དབྱིངས་ལ་འཆར་བ་དང་། །དབང་ཆེན་དབང་སྒྱུར་འཆི་བ་མེད། །སྤྲུལ་པ་ཀུན་དུ་བཟང་པོ་ཉིད། །སྒྲིབ་དང་འཆི་བར་མི་འགྱུར་རོ། །བྱང་ཆུབ་སེམས་ཀྱིས་དབང་བསྐུར་རོ། །ལྷུན་གྱིས་གྲུབ་པའི་དབང་ཆེན་ནི། །དེ་ཡང་ས་གསེར་ཟླ་བ་མེ། །གསེར་དང་འདྲ་བའི་བྱང་ཆུབ་སེམས། །བྱང་ཆུབ་སེམས་ནི་ས་ཞེས་བྱ། །ཟླ་བ་མེ་དང་འདྲ་བ་ཡིན། །བྱང་ཆུབ་སེམས་ཉིད་ཀུན་དུ་བཟང་། །གསལ་ཞིང་དྲོ་ལ་ཉོན་མོངས་སྲེག །བྱང་ཆུབ་སེམས་ཀྱིས་དབང་བསྐུར་རོ། །དོན་ནི་དབྱིངས་དང་ཡེ་ཤེས་ཡིན། །ཡབ་ཡུམ་གཉིས་མེད་རོལ་པ་ཡི། །རཀྟ་བྱང་ཆུབ་སེམས་དཀྱིལ་ན། །མ་སྐྱེས་རྫོགས་པའི་ཧེ་རུ་ཀ །སྐུ་དང་གསུང་དང་ཐུགས་ཀྱི་རྒྱུད། །ཡོན་ཏན་ཕྲིན་ལས་རྫོགས་མཛད་པ། །གསང་བའི་དོན་གྱིས་དབང་བསྐུར་རོ། །གསང་བ་ཡུམ་ཆེན་ཀུན་དུ་བཟང་། །རཀྟ་བྱང་ཆུབ་སེམས་དཀྱིལ་ན། །མ་ཧཱ་སུ་ཁའི་དཀྱིལ་འཁོར་དབྱིངས། །སེམས་ཀྱི་ཐིག་ལེས་ཐིག་བཏབ་སྟེ། །དཀྱིལ་འཁོར་ཟླུམ་པོ་འཁྱིལ་བ་ལ། །ཆོས་ཀྱི་དབྱིངས་ལས་སྤྲོས་པའི་སྐུ། །དོན་གྱི་དབྱིངས་ནས་ལྷ་དང་ལྷ་མོ་དགོད། །ངེས་པའི་དོན་གྱིས་དབང་བསྐུར་རོ། །ང་དང་རང་བཞིན་བདག་ ― DNG013_Page_0212 ―
[མ་དཔེ་གཟིགས་ན་འདིར་གནོན།]
ཉིད་ཆེན་པོ་སྟེ། །ལྷུན་གྱིས་རྫོགས་དང་སྤྲོས་པ་མེད་པ་ཡི། །ཐུགས་ཀྱི་དཀྱིལ་ནས་འབྱུང་བ་རིགས་ཀྱི་སྲས། །ཀུན་དུ་བཟང་པོ་ཡུམ་དང་དོན་གྱི་ཐབས་ཆེན་ལས། །མན་ངག་དང་བཅས་པ་ཡི་ཡེ་ཤེས་སྙིང་པོའི་དོན། །བཅོམ་ལྡན་གསང་བའི་མཆོག་གི་དཀྱིལ་འཁོར་ན། །དཔལ་ཆེན་ཀུན་དུ་བཟང་པོ་ཡེ་ཤེས་ཏེ། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །དཀྱིལ་འཁོར་མ་ཧཱ་སུ་ཁའི་གནས། །མ་ཧཱ་སུ་ཁའི་དབྱིངས་ཉིད་ན། །བྱང་ཆུབ་སེམས་ཉིད་དེ་ཁོ་ན། །ཡེ་ཤེས་ཆེན་པོ་ལྷུན་གྱིས་རྫོགས་ནས་གནས། །མ་ཧཱ་སུ་ཁ་གསང་བ་ཆེན་པོ་འདི། །དོན་དང་ལྡན་ཏེ་ཀུན་དུ་བཟང་པོ་ཡིན། །ངང་ལས་མ་གཡོས་ཀུན་དུ་བཟང་པོ་ནི། །གཉིས་སུ་མེད་པར་རྣམ་པར་དག་པའི་ཕྱིར། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །ཡུམ་གྱི་ནགས་ཚལ་ཆེན་པོ་འདུལ་མེད་དུ། །རྟག་ཏུ་མཉམ་པ་ཉིད་ཀྱི་ངང་དུ་བཞུགས། །ངང་ནི་དུས་གསུམ་བཞུགས་ཤིང་རང་བཞིན་འགྱུར་བ་མེད་པ་ཡིན། །བདག་ཉིད་འདུས་མ་བྱས་པས་སྐྱེ་བ་མེད་པར་ལྷུན་གྱིས་གྲུབ། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །སྲིད་པ་བྱང་ཆུབ་སེམས་སུ་མ་བཅོས་ཐིག་ལེར་ཟླུམ། །སྔར་འདས་དང་ལྡན་བཞུགས་དང་ཕྱིས་འབྱུང་བའི། །སེམས་ཉིད་རྟོགས་པའི་བྱང་ཆུབ་སེམས་དཔའ་རྣམས། །ཉོན་མོངས་དྲི་མ་ཡེ་ནས་མེད་པའོ། །ཡེ་ནས་སངས་རྒྱས་མ་སྐྱེས་ལྷུན་གྱིས་གྲུབ། །བྱང་ཆུབ་སེམས་ཉིད་གསང་བའི་དབང་བསྐུར་རོ། །དཔལ་ཆེན་ཀུན་དུ་བཟང་པོ་དབྱེ་བ་མེད་པའི་དོན། །སྐུ་གསུང་ཐུགས་ཀྱི་རྒྱུད་ལས་སྤྲུལ་པ་མང་པོ་འཕྲོ། །ལྷག་པའི་ཡེ་ཤེས་བྱེ་བྲག་གཅིག་འདུའོ། །ཕྱག་རྒྱ་འགྱུར་བ་མེད་པ་རྒྱན་གྱི་ཕྱག་རྒྱའོ། །སྐུ་ནི་ཐམས་ཅད་ཆོས་ཀྱི་སྐུ་རུ་འདུས། །ལམ་ནི་ཐམས་ཅད་རོལ་པས་ཆུབ་པའོ། །ཡུམ་གྱི་དབྱིངས་ཅན་རང་བཞིན་རྣམ་པར་དག །ཟས་ནི་ཐམས་ཅད་བདུད་རྩི་ལྔ་ཡི་དོན། །སྤྱོད་པ་བྱ་བ་མེད་པ་ཆེན་པོའོ། །ཐུགས་ནི་རྟོག་པ་མི་མངའ་ས་ལེ་བའོ། །ལྡེམ་དགོངས་དོན་དམ་བྱང་ཆུབ་སེམས་ཀྱི་དོན། །བྱང་ཆུབ་སེམས་ཀྱིས་ ― DNG013_Page_0213 ―
[མ་དཔེ་གཟིགས་ན་འདིར་གནོན།]
དེང་འདིར་དབང་བསྐུར་རོ། །རྣར་བརྒྱུད་སྟོན་པས་ཐུགས་བརྟོལ་ཏེ། །ངེས་པའི་ལུང་དང་དོན་ཡང་སངས་རྒྱས་ཡིན། །སངས་རྒྱས་མཉམ་དང་དབྱིངས་སུ་འགྲོ་བ་ཞེས། །བྱང་ཆུབ་སེམས་ནི་ཀུན་དུ་རྟག་པའི་དོན། །རྫོགས་པའི་ཡེ་ཤེས་བདེ་བ་ཆེན་པོ་ཉིད། །དབང་མཆོག་འདིས་ནི་དབང་བསྐུར་རོ། །སྐུ་རྒྱན་འཁོར་ལོ་ལུང་ཆེན་ཟབ་མོ་ནང་ནས་གསལ། །ལྔ་བཞི་ནང་དུ་འཁོར་བ་ཡང་། །ཡེ་ཤེས་སངས་རྒྱས་དེ་ལས་མེད། །ལྟ་བ་འདི་ལ་གནས་ཤིང་རྣལ་འབྱོར་སྐལ་བ་བཟང་། །བདེར་གཤེགས་ཀུན་གྱི་ཐུགས་དམ་བྱང་ཆུབ་སེམས་ཀྱི་དོན། །དོན་དམ་དབང་མཆོག་འདིས་ནི་དབང་བསྐུར་རོ། །དབྱིངས་ནས་གསལ་ཤར་བདལ་བ་ལ། །ཐུགས་ཀྱི་དཀྱིལ་འཁོར་འབྱམ་རེ་ཡས། །རྫོགས་པའི་དཀྱིལ་འཁོར་ཡིད་ལ་ཐིམ། །འགྲེང་ལྡོག་སྤྱིའུ་ཚུགས་གར་འགྱུར་ཡང་། །གང་ལྟར་བྱས་པ་བྱང་ཆུབ་སེམས་ཀྱི་དོན། །ཐིག་ལེ་ཆེན་པོའི་དཀྱིལ་འཁོར་དུ། །མུན་ནག་ལངས་ཀྱང་ཁམས་གསུམ་གསལ། །ཡེ་ཤེས་ཁྲུས་ཀྱི་རྫིང་བུ་རུ། །དྲི་ལ་དག་པས་རྡུལ་མི་འགོ། །དབང་མཆོག་འདིས་ནི་དབང་བསྐུར་རོ། །དེ་ནས་བཅོམ་ལྡན་འདས་ཉིད་ལས་གཞན་པའི་འཁོར་རིགས་བཞིས་འཁོར་བའི་ཕྲ་མེན་མ་དང་། ཁྲོ་བོ་རྡོ་རྗེ་བཀའི་ཕོ་ཉ་རྣམས་ལ་བཀའ་སྩལ་ཏོ། །སངས་རྒྱས་ཀུན་གྱི་རྡོ་རྗེ་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་རྣམས་སུ་གྲུབ་བྱའི་ཕྱིར། །རྡོ་རྗེ་འདི་ནི་ཁྱོད་ཀྱིས་ལོང་། །ཤེས་རབ་ཐབས་ཀྱི་ཕྱག་རྒྱ་འཛིན། །རྣམ་གྲོལ་དག་པས་གསུང་སྐད་སྒྲོགས། །དྲིལ་བུ་འདི་ནི་སྒྲ་སྙན་གྱིས། །ཕྱོགས་བཅུ་ཀུན་དུ་སྒྲོགས་པར་བྱེད། །དབང་མཆོག་འདིས་ནི་དབང་བསྐུར་རོ། །དེ་ནས་དཀྱིལ་འཁོར་ཁྲུ་གང་ཚད་དུ་བྱ། །རཀྟའི་མགོ་མ་ཡིན་གྱི་ས་བྱུགས་ལ། །དེ་རུ་དཔལ་ཆེན་དགོད་པར་བྱ། །ཕྲ་མེན་འཁོར་དང་ཕོ་ཉས་བསྐོར། །དེ་རུ་སློབ་མ་གཞུག་པར་བྱ། །དེ་ནས་རིགས་ཀྱི་བུ་མཆོག་དེས། །རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །དབང་ཕྱུག་ལོངས་སྤྱོད་ལྔས་ ― DNG013_Page_0214 ―
[མ་དཔེ་གཟིགས་ན་འདིར་གནོན།]
མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །དེ་ནས་བཅོམ་ལྡན་འདས་ཀྱིས་ཕྱི་དང་ནང་དང་གསང་བ་གསུམ་གྱིས་བཀའ་སྩལ་ཏོ། །ཕྱིའི་དབང་རིན་པོ་ཆེ་སྣ་བདུན་ལ་སོགས་ཏེ་དབང་རྫས་ལྔ་བཅུ་རྩ་ལྔས་དབང་བསྐུར་རོ། །ནང་དབང་དཔལ་ཆེན་པོ། ཡབ་ཡུམ་དང་། ཁྲོ་བོ་དང་ཕྲ་མེན་རྣམས་ཀྱི་ཕྱག་མཚན་གྱིས་དབང་བསྐུར་རོ། །གསང་དབང་ཐབས་དང་ཤེས་རབ་བྱང་ཆུབ་སེམས་ཀྱིས་དབང་བསྐུར་རོ། །བཅོམ་ལྡན་འདས་ཧེ་རུ་ཀ་རོལ་པ་གསང་བ་ཟབ་མོ་ལས་དབང་གི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔའ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཆོས་ཐམས་ཅད་ཡེ་ནས་སངས་རྒྱས་ཀྱིས་ཀྱང་མཁྱེན་པའི་ཡེ་ཤེས་ལ་སྐུ་གསུང་ཐུགས་མངའ་བའི་རྟགས་སུ་དང་པོ་ཕྱག་རྒྱ་ཆེན་པོ་དྲུག་དང་ལྡན་པར་བསྒོམ་མོ། །དེ་ནས་ཀུན་མཁྱེན་ཡེ་ཤེས་ཀྱིས་ཐབས་མཁས་པའི་ཐུགས་རྗེས་གོ་ཤག་གིས་ཕྱེ་ལ་ཀུན་དུ་སྣང་གི་ཏིང་ངེ་འཛིན་དུ་བསྒོམ་མོ། །དེ་ནས་རྒྱུའི་ཏིང་ངེ་འཛིན་དུ་ཡི་གེ་ཧཱུྃ་མཐིང་ནག་ལས་སྐུ་སྨུག་ནག་འཇིགས་པའི་སྐུ། གསུང་གི་དྲག་ཤུལ་སྤྱོད་པའི་སྔགས། ཐུགས་ཏིང་ངེ་འཛིན་ཧཱུྃ་མཐིང་ནག་ལས་འཕགས་པའི་སྐུར་བསྒོམ་མོ། །དེ་ནས་ཧེ་རུ་ཀ་རོལ་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཆོས་ཐམས་ཅད་སྟོང་པ་ཉིད་ཀྱི་ཏིང་ངེ་འཛིན་དང་གཉིས་སུ་མེད་པའི་ཏིང་ངེ་འཛིན་དང་། འཁྱིལ་པའི་ཏིང་ངེ་འཛིན་དང་། མཉེས་པ་ཆེན་པོའི་ཏིང་ངེ་འཛིན་དང་། གྲུབ་པ་རྫས་ཀྱི་ཏིང་ངེ་འཛིན་དང་། རྡོ་རྗེ་ཚོགས་ཀྱི་ཏིང་ངེ་འཛིན་དང་། རྡོ་རྗེ་བཟའ་བའི་ཏིང་ངེ་འཛིན་དང་། བདུད་རྩི་བཏུང་བའི་ཏིང་ངེ་འཛིན་དང་། ལྷའི་རྣལ་འབྱོར་གྱི་ཏིང་ངེ་འཛིན་དང་། ཕྱག་རྒྱ་ཆེན་པོའི་ཏིང་ངེ་འཛིན་དང་། རྫོགས་པ་ཆེན་པོའི་ཏིང་ངེ་འཛིན་དང་། རྡོ་རྗེ་གསལ་བའི་ཏིང་ངེ་འཛིན་དང་། དཀྱིལ་འཁོར་ཆེན་པོའི་ཏིང་ངེ་འཛིན་དང་། བླ་ན་མེད་པའི་ཏིང་ངེ་འཛིན་དང་། རྡོ་རྗེ་གསང་བའི་ཏིང་ངེ་འཛིན་དང་། དགྱེས་པ་ཆེན་པོའི་ཏིང་ངེ་འཛིན་དང་། དོན་ཡོད་པའི་ཏིང་ ― DNG013_Page_0215 ―
[མ་དཔེ་གཟིགས་ན་འདིར་གནོན།]
ངེ་འཛིན་དང་། ཉོན་མོངས་པ་དང་བྲལ་བའི་ཏིང་ངེ་འཛིན་དང་། ཀུན་དུ་འདུས་པའི་ཏིང་ངེ་འཛིན་དང་། རྟོག་པ་འཇོམས་པ་ཆེན་པོའི་ཏིང་ངེ་འཛིན་དང་། ཚུལ་ཁྲིམས་ཆེན་པོའི་ཏིང་ངེ་འཛིན་དང་། དབུ་མ་ཆེན་པོའི་ཏིང་ངེ་འཛིན་དང་། བདེན་པ་ཉིད་ཀྱི་ཏིང་ངེ་འཛིན་དང་། སྒྲ་སྒྲོགས་པའི་ཏིང་ངེ་འཛིན་དང་། དམ་ཚིག་གི་ཏིང་ངེ་འཛིན་དང་། ལྷུན་གྱིས་གྲུབ་པའི་ཏིང་ངེ་འཛིན་དང་། ཀུན་དུ་བཟང་པོའི་ཏིང་ངེ་འཛིན་དང་། འབར་བ་ཆེན་པོའི་ཏིང་ངེ་འཛིན་དང་། གཏུམ་པོ་རྔམ་པའི་ཏིང་ངེ་འཛིན་དང་། མཚན་མ་མེད་པའི་ཏིང་ངེ་འཛིན་དང་། རྡོ་རྗེ་ལུ་གུ་རྒྱུད་ཀྱི་ཏིང་ངེ་འཛིན་དང་། རྡོ་རྗེ་འགུགས་པའི་ཏིང་ངེ་འཛིན་དང་། རྡོ་རྗེ་ལས་ཀྱི་ཏིང་ངེ་འཛིན་དང་། ཁྲག་འཐུང་ཆེན་པོའི་ཏིང་ངེ་འཛིན་དང་། རྡོ་རྗེ་སྦོས་པའི་ཏིང་ངེ་འཛིན་དང་། སེང་གདོང་ཆེན་པོའི་ཏིང་ངེ་འཛིན་དང་། བཞད་གདོང་ཆེན་པོའི་ཏིང་ངེ་འཛིན་དང་། རྡོ་རྗེ་མཚོན་ཆའི་ཏིང་ངེ་འཛིན་དང་། རྡོ་རྗེའི་དུར་ཁྲོད་ཀྱི་ཏིང་ངེ་འཛིན་དང་། དྲེགས་པ་ཆེན་པོའི་ཏིང་ངེ་འཛིན་དང་། རྡོ་རྗེ་ངོ་མཚར་གྱི་ཏིང་ངེ་འཛིན་དང་། བསྙེན་པའི་ཏིང་ངེ་འཛིན་དང་། རྡོ་རྗེ་གཤེགས་པའི་ཏིང་ངེ་འཛིན་དང་། འཐོར་བའི་ཏིང་ངེ་འཛིན་དང་། བརྒྱལ་བའི་ཏིང་ངེ་འཛིན་དང་། རྔམ་པར་བྱེད་པའི་ཏིང་ངེ་འཛིན་དང་། གློ་སྙིང་ནང་གྲོལ་འདྲེན་ཅིང་ཟ་བའི་ཏིང་ངེ་འཛིན་དང་། སྤྲུལ་པའི་ཏིང་ངེ་འཛིན་དང་། ཆོ་འཕྲུལ་གྱི་ཏིང་ངེ་འཛིན་དང་། བྱིན་གྱིས་བརླབས་ཀྱི་ཏིང་ངེ་འཛིན་དང་། མཆོད་པའི་ཏིང་ངེ་འཛིན་དང་། ཡོངས་སུ་རྫོགས་པའི་ཏིང་ངེ་འཛིན་དང་། བཅོམ་ལྡན་འདས་ཧེ་རུ་ཀ་རོལ་པའི་རྒྱུད་གསང་བ་ཟབ་མོ་ལས་ཏིང་ངེ་འཛིན་གྱི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་ཧེ་རུ་ཀ་རོལ་པའི་མཉེས་པ་ཆེན་པོའི་མཆོད་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དེ་ལ་མཆོད་པ་དམ་པ་ནི། །ཐོག་མར་རྟོག་བསྒོམས་བདག་ཉིད་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་འཇིག་རྟེན་སྙིང་རེ་རྗེ། །གཉིས་སུ་མེད་པར་བསྒྲལ་བར་བྱ། །འཁྲིལ་བའི་ ― DNG013_Page_0216 ―
[མ་དཔེ་གཟིགས་ན་འདིར་གནོན།]
འཇིག་རྟེན་མཉམ་སྦྱོར་བས། །བདག་ཉིད་མཉེས་པས་མཆོད་པར་བྱ། །མཉམ་པའི་གྲུབ་རྫས་ཆེན་པོ་དག །བདག་དང་མཉམ་པའི་ཚོགས་ལ་འབུལ། །བཟའ་དང་བཏུང་དང་བཅའ་དང་བགོ། །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ནི་དབུལ་བར་བྱ། །མཉེས་པའི་མཆོད་པ་ཆེན་པོས་རབ་ཏུ་མཆོད། །ཤ་ཆེན་དང་ནི་དྲི་ཆེན་དང་། །ག་བུར་རཀྟ་དྲི་ཆུ་དང་། །མ་ཧེ་རྟ་དང་ཁྱི་ཤ་དང་། །ན་གེ་གེ་རྒྱ་གཤོག་པ་ཅན། །འདི་དག་འཕགས་པའི་ཚོགས་ལ་དབུལ། །པདྨ་ཅན་དང་དུང་ཅན་དང་། །བ་ལང་ཅན་དང་རི་མོ་ཅན། །འདི་དག་མཉེས་པའི་མཆོད་པར་དབུལ། །ཞིང་གི་རྒྱལ་མཚན་ཤ་ཆེན་ཏོག །རས་ཆེན་དག་གི་བླ་རེས་དང་། །ཞིང་གི་དབྱུག་པ་ཙིཏྟའི་ཏོག །ཏིལ་མར་དག་ཏུ་བཅས་པ་རྣམས། །འདི་དག་མཆོད་པར་དབུལ་བར་བྱ། །མཉེས་པའི་མཆོད་པས་རབ་མཆོད་ན། །ཐམས་ཅད་མ་ལུས་མངོན་སངས་རྒྱས། །ཕྱི་ཡི་མཆོད་པ་དང་ནང་གི་མཆོད་པའོ། །བཅོམ་ལྡན་འདས་ཧེ་རུ་ཀ་རོལ་པ་ལས་མཆོད་པ་གསང་བའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཧེ་རུ་ཀ་རོལ་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །བླ་མེད་མི་སྤང་བ་དང་། བླ་མ་བཀུར་བ་དང་། སྔགས་དང་ཕྱག་རྒྱ་རྒྱུན་མི་འཆད་པ་དང་། ཡང་དག་པའི་ལམ་ལ་ཞུགས་པ་དང་།གསང་བའི་དོན་དུ་མི་སྨྲ་བ་དང་། རྩ་བ་ལྔ་དང་སྒྲུབ་པ་དང་། བསྲུང་བ་དང་། གཏི་མུག་དང་། འདོད་ཆགས་དང་། ཞེ་སྡང་དང་། ང་རྒྱལ་དང་། ཕྲག་དོག་དག་མི་སྤང་ངོ་། །དཀར་རྩི་དམར་རྩི་དྲི་ཆེན་ཤ །དག་པའི་སྣོད་བཅུད་མི་འདོར་རོ། །ཡན་ལག་བཅུ་ཡི་དམ་ཚིག་སྟེ། །ཡེ་ནས་མ་ཉམས་རྟོགས་པས་སྤྱད། །བསྲུང་ཞིང་བསྒྲུབ་པའི་དམ་ཚིག་ནི། །རྩ་བ་ཡིན་ཏེ་རིགས་མེད་འགྱུར། །མི་སྤོང་མི་འདོར་གཉིས་པོ་ན། །ཡན་ལག་དམ་ཚིག་འདའ་དཀའ་བའོ། །མཉམ་ལ་མཉམ་པར་སྦྱོར་བ་ནི། །མཉམ་པའི་དམ་ཚིག་ལ་གནས་ན། །མཉམ་རྫོགས་ཆེན་པོ་ཐོབ་གྱུར་ནས། །འདས་ན་སངས་རྒྱས་མ་ཡིན་ནོ། །རྩ་ཉམས་པ་ཡི་ཕྱལ་པ་དག །གསོ་ལ་ཉེ་བར་ ― DNG013_Page_0217 ―
[མ་དཔེ་གཟིགས་ན་འདིར་གནོན།]
མི་བརྩོན་དང་། །སྐད་ཅིག་ཡུད་ཙམ་སྨྲ་མི་བྱེད། །ཉམས་གྱུར་ཉེས་པ་བརྗོད་མི་ལང་། །རྩ་བའི་དམ་ཚིག་ཉམས་འགྱུར་ན། །བསྒྲུབ་པ་ཐམས་ཅད་ཉམས་པར་འགྱུར། །ཡིད་དུ་མི་འོང་སྣ་ཚོགས་པའི། །འབྲས་བུ་མི་འདོད་བཞིན་དུ་འདུ། །ཡན་ལག་དམ་ཚིག་ཉམས་གྱུར་ན། །འབྲས་བུ་མེད་ཅིང་ངན་འགྲོར་ལྟུང་། །དམ་ཚིག་རྣམས་ནི་རྡོ་རྗེ་སྟེ། །སངས་རྒྱས་རྣམས་ཀྱི་བདག་ཉིད་ཡིན། །རྩ་བའི་དམ་ཚིག་ལྔ་ལ་ནི། །གཅིག་ལ་གཉིས་དང་བཅུ་ཕྲག་གསུམ། །ཡན་ལག་དམ་ཚིག་ལྔ་གཉིས་ལ། །གཅིག་ལ་བཅུ་ཕྲག་གཉིས་སུ་མེད། །བསྲུང་བར་བྱ་བ་དང་མི་སྤང་བ་བརྒྱ་ཉི་ཤུ། དང་དུ་བླང་བ་བརྒྱ་ཉི་ཤུ། སྤྱད་པར་བྱ་བ་བརྒྱ་ཉི་ཤུ། སྤྱིར་སུམ་བརྒྱ་དྲུག་ཅུའོ། །དམ་ཚིག་འདི་རྣམས་མ་ཉམས་ན་འཚང་རྒྱའོ། །ཉམས་ན་དམྱལ་བ་ཡིན་པར་ཤེས་པར་བྱའོ། །བཅོམ་ལྡན་འདས་ཧེ་རུ་ཀ་རོལ་པ་ལས་དམ་ཚིག་གི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་རྡོ་རྗེ་སེམས་དཔའ་ཧེ་རུ་ཀ་རོལ་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །བླང་བར་བྱ་བའི་སྣོད་ནི་གང་། །སྤང་བར་བྱ་བ་ཅི་ལྟ་བུ། །མཚན་ཉིད་རྣམ་པ་དུ་ཞིག་མཆིས། །སྤྱད་པར་བྱ་བ་དུ་ཞིག་མཆིས། །དེ་ནས་བཅོམ་ལྡན་འདས་ཀྱིས་ཧེ་རུ་ཀ་རོལ་པའི་དོན་བཀའ་སྩལ་པ། དུམ་བུ་གཅིག་དང་དུམ་བུ་གཉིས། །གསུམ་དང་བཞི་དང་ལྔ་པ་དང་། །དྲུག་པ་དང་ནི་བདུན་པ་དང་། །དུམ་བུ་བརྒྱད་པ་རབ་ཏུ་གྲགས། །བྲམ་ཟེ་རྒྱལ་རིགས་རྗེའུ་རིགས་དང་། །དམངས་རིགས་བུད་མེད་རིགས་མ་ངེས། །དཀར་དང་དམར་དང་དཀར་སྔོ་དང་། །སྔོ་དང་དེ་བཞིན་སེར་སྐྱ་སྟེ། །ཐལ་བའི་མདོག་དང་མདོག་མི་སྡུག །ཁ་དོག་བདུན་དུ་རབ་ཏུ་གྲགས། །ཉི་རིམ་དང་ནི་གླང་པོའི་རྒྱབ། །འཁོར་བ་དེ་བཞིན་བྱ་རོག་རྗེས། །དུང་སྔོ་གཅིག་དང་དུང་གཉིས་དང་། །ཆག་པ་དང་ནི་མཚམས་གྱེས་པ། །འདི་དག་ཐམས་ཅད་རབ་བརྟགས་ཏེ། །རབ་ཏུ་བརྟགས་ཏེ་སྤྱད་པར་བྱ། །ཤིན་ཏུ་མཉམ་པའི་ས་ཕྱོགས་སམ། །སྙི་བའམ་ ― DNG013_Page_0218 ―
[མ་དཔེ་གཟིགས་ན་འདིར་གནོན།]
ཡང་ན་དུལ་བའི་སར། །སྔགས་ཀྱིས་བཏབ་སྟེ་གནམ་དུ་བསྐྱུར། །ལྟུང་བའི་མཚན་ཉིད་འདི་རིག་བྱ། །ལྷོ་ཕྱོགས་ཁ་བལྟས་བྲམ་ཟེ་མེད། །སྲིན་པོའི་ཕྱོགས་བལྟས་གླང་པོ་སྙོལ། །ནུབ་ཀྱི་ཕྱོགས་བལྟས་རིགས་ངན་ཏེ། །རླུང་གི་ཕྱོགས་བལྟས་གསང་མི་ཐུབ། །བྱང་གི་ཕྱོགས་བལྟས་ཕྱུག་པོར་འགྱུར། །དབང་ལྡན་ཕྱོགས་བལྟས་སྔགས་གྲུབ་སྟེར། །ཤར་དུ་བལྟས་ན་བདག་ཉིད་གསོད། །མེ་ཡི་ཕྱོགས་བལྟས་ཤེའུ་ཤིང་མེད། །འོག་ཏུ་བལྟས་ན་རྐུན་པོར་སྤྱོད། །སྟེང་དུ་བལྟས་ན་བུད་མེད་གསོད། །གློར་བལྟས་དེ་ནི་རིགས་ངན་ཏེ། །སྣོད་ཀྱི་མཚན་ཉིད་འདི་རྣམས་སོ། །དེ་ནས་གཞན་ཡང་བཤད་བྱ་སྟེ། །དགེ་བ་སྤྲུལ་པའི་སྣོད་དག་ནི། །དུམ་བུ་གཅིག་པ་ས་ལ་དབང་། །གཉིས་པ་དེ་ནི་རྒྱལ་ཕྲན་འགྱུར། །གསུམ་པ་དེ་ཡང་ནོར་ལ་དབང་། །བཞི་པ་དེ་ཡང་སྔགས་སྒྲུབ་འགྱུར། །ལྔ་པ་དེ་ཡང་ཆོས་ཀྱང་སྒྲུབ། །དྲུག་པ་དེ་ནི་སློང་བ་ཡིན། །བདུན་པ་དེ་ནི་བརྟུལ་ཞུགས་སོ། །བརྒྱད་པ་ཡོངས་སུ་སྤང་བར་བྱ། །དུམ་བུ་གཅིག་པ་བྲམ་ཟེའི་རིགས། །གཉིས་པ་དེ་ནི་རྒྱལ་པོའི་རིགས། །གསུམ་པ་རྗེའུ་རིགས་ཡིན་པ་སྟེ། །བཞི་པ་དེ་ནི་དམངས་རིགས་སོ། །བུ་གུ་མེད་དང་མང་བ་ནི། །མཁས་པས་ཤིན་ཏུ་སྤང་བར་བྱ། །བོང་ཆུང་བ་དང་སྲབ་པ་དང་། །གང་དག་སེར་པོར་འགྱུར་བ་ནི། །བུད་མེད་ཡིན་པར་ཤེས་པར་བྱ། །བུད་མེད་རབ་ཏུ་སྨད་པས་ན། །དེ་དག་རབ་ཏུ་སྤང་བར་བྱ། །སེར་སྐྱ་དང་ནི་དཀར་བ་དང་། །ཁ་དོག་སྣ་ཚོགས་སྤང་བར་བྱ། །དུང་མེད་པ་དང་དུང་གཉིས་དག །ལྷ་མོ་སྤྲུལ་པས་མི་བླང་ངོ་། །དུང་སྔོ་བ་དག་སྡུག་བསྔལ་ཏེ། །བྱ་རོག་རྗེས་ནི་འཐབ་རྩོད་འགྱུར། །ཉི་རིམ་གྱིས་ནི་གསོད་པར་འགྱུར། །གླང་པོ་རྒྱབ་ནི་ནད་དུ་འགྱུར། །འདི་ལས་གཞན་ཡང་བཤད་བྱ་སྟེ། །གསང་བ་སྒྲུབ་ཐོད་མཚན་ཉིད་ནི། །ཡན་ལག་ཆེ་ཕྲ་མང་བའི་བདག །དཔག་བསམ་ཤིང་ནི་ཡོད་གྱུར་ན། །འདོད་པའི་འབྲས་བུ་ཐོབ་འགྱུར་ཏེ། །སྔགས་པ་དེ་ལ་ཐེ་ཚོམ་མེད། །དབུས་ན་གཤོང་བུ་བཞི་ཡོད་ན། །འདི་ནི་འདོད་འཇོ་བ་ཞེས་བྱ། ། ― DNG013_Page_0219 ―
[མ་དཔེ་གཟིགས་ན་འདིར་གནོན།]
མདུན་ན་གཤོང་བུ་གཉིས་ཡོད་ན། །ཡིད་བཞིན་ནོར་བུ་ཞེས་བྱའོ། །དེ་ཡི་མཚན་ཉིད་ལྡན་པའི་སྣོད། །སུ་དག་རྟག་ཏུ་འཆང་བ་ནི། །ལོངས་སྤྱོད་ཐར་པ་ཐོབ་འགྱུར་ཏེ། །དེ་ལ་ལྷ་མོ་ཐེ་ཚོམ་མེད། །དེ་ནས་རིགས་ནི་རྣམ་བཤད་དེ། །སྣོད་རྣམས་ཀྱི་ནི་བྱེ་བྲག་དང་། །དུང་དང་ཀུན་ཟླ་འདྲ་བའི་མདོག །སྣུམ་ལ་མཉམ་དུ་སྡུག་པ་ནི། །སྔགས་རྣམས་ཐམས་ཅད་འགྲུབ་སྟེར་ཡིན། །དབང་ཕྱུག་ཆེན་པོར་ཤེས་པར་བྱ། །ཐལ་བའི་མདོག་ལ་བོང་ཡང་ཆེ། །པདྨའི་དབྱིབས་སུ་འདབ་མར་བརྒྱན། །ཚངས་པའི་སྐུད་པ་གསལ་བ་ཡོད། །འདི་དང་ཚངས་པར་རིག་པར་བྱ། །སྦྲང་རྩི་སེར་སྐྱའི་མདོག་འདྲ་བའི། །ཞི་བའི་ཐིག་ལེས་རྣམ་པར་བརྒྱན། །ཁྱབ་འཇུག་པ་ཡི་སྣོད་ཡིན་ཏེ། །ཟུག་རྔུ་དགྲ་རྣམས་འཇོམས་པར་བྱེད། །ཁ་དོག་དམར་ཞིང་ལྔ་པ་ལ། །པདྨོ་དམར་བས་བརྒྱན་པ་དང་། །ཟླུམ་པ་ཤིན་ཏུ་རྣམ་པ་སྟེ། །སྣོད་འདི་གཞོན་ནུ་མ་ཞེས་བྱ། །ཅུང་ཟད་སེར་ཞིང་ཟླུམ་ལ་ཟབ། །གང་དག་རྡོ་རྗེ་མཚན་ཡོད་པ། །དེ་ཡི་མཚན་ལྡན་གང་ཡིན་པ། །དབང་ཕྱུག་ཆེན་མོ་རིགས་ཆེན་ཡིན། །ཕག་མོའི་གདོང་དབྱིབས་འདྲ་བ་ལ། །རབ་ཏུ་མཁྲེགས་ཤིང་མུ་ཏིག་འཕྲོ། །ཤ་ཡི་དྲི་དག་མནམ་པ་ཡི། །སྣོད་ནི་ཕག་གདོང་མ་ཞེས་བྱ། །ཐལ་བའི་མདོག་ལ་བོང་ཡང་ཆེ། །ཐིག་ལེ་ཆེན་པོས་རྣམ་པར་བརྒྱན། །ཁྲག་འཛག་པ་ཡི་དྲི་མནམ་པ། །འཇིགས་བྱེད་མ་ཡི་སྣོད་ཅེས་བྱ། །སྣོད་ཀྱི་ཁྱད་པར་ཤེས་བྱས་ནས། །སྔགས་པས་འདི་དག་རྟག་འཆང་ན། །བདག་བཀའ་བྱེད་ན་བཞིན་བཟངས་མ། །དེ་ལ་བགེགས་ཀྱིས་ཚུགས་མི་འགྱུར། །དེ་ནས་གཞན་ཡང་བཤད་པར་བྱ། །སྣོད་ཀྱི་དངོས་པོ་ཁྱད་པར་ནི། །ཚངས་པ་བྲམ་ཟེ་བཅང་བར་བྱ། །རྟག་ཏུ་དངོས་གྲུབ་སྦྱིན་པར་བྱེད། །སྒྲུབ་པ་ཆེན་པོའི་དུས་དག་ཏུ། །ཁྱབ་འཇུག་དང་ནི་འབྱོར་ཀུན་ལ། །རྟག་ཏུ་ལས་རྣམས་འགྲུབ་པར་བྱེད། །རྒྱལ་རིགས་ཀྱིས་ནི་གཞོན་ནུ་མ། །ཕ་རོལ་ཡུལ་ནི་རྣམ་པར་འཇོམས། །རྗེའུ་རིགས་ཀྱིས་ནི་དམ་ཆེན་མོ། །བློ་དང་ལྡན་པས་བཟློག་ཕྱིར་བཤད། །གསད་དང་བསྒྲལ་དང་བསྟབས་པའི་ཕྱིར། །དམངས་རིགས་ཀྱིས་ནི་ཕག་གདོང་ ― DNG013_Page_0220 ―
[མ་དཔེ་གཟིགས་ན་འདིར་གནོན།]
བཅང་། །ལས་དང་རིགས་རྣམས་ཐམས་ཅད་དང་། །འཇིགས་བྱེད་མས་ནི་དངོས་གྲུབ་སྟེར། །རེ་བ་མེད་པས་བདག་ཉིད་མས། །གྲུབ་པའི་ཁྱད་པར་འདི་ཤེས་པས། །འདུ་བ་མེད་པས་བདག་བསམས་ཏེ། །རྟག་ཏུ་འདི་དག་སྤྱད་ཅིང་བཅང་། །བདག་གི་དངོས་གྲུབ་སྐྱེ་བ་ཡི། །སྔགས་པས་དེ་ནས་བཤད་པར་བྱ། །ཨོཾ་ན་བ་བ་ཏོ། བ་དུ་བ་ཡ་སྨ་ཤ་ན། བ་སི་ནི་ཨི་ཏང་ཀ་པཱ་ལ། ཨ་བེ་ཤ་ཡ། ཨ་བེ་ཤ་ཡ། ཧཱུྃ་ཕཊ་སྭཱ་ཧཱ། ཐལ་བ་དང་། མེ་ཏོག་དང་། ཆུ་ལ་ལན་བརྒྱ་རྩ་བརྒྱད་སྣོད་ལ་བཏབ་སྟེ་བླང་བར་བྱ། རི་མོ་རྡོ་རྗེ་འཁོར་ལོ་དང་། །མཆོད་རྟེན་དང་ནི་རིན་པོ་ཆེ། །པདྨ་དང་ནི་ལྗོན་ཤིང་དང་། །དབུས་ན་བུ་ག་གཉིས་ཡོད་པ། །མདུན་ན་གཤོང་བུ་གསུམ་དང་གཉིས། །གང་དག་རྡོ་རྗེ་མཚན་ཡོད་པ། །དཔལ་དང་ལྡན་པའི་སྣོད་གནས་སོ། །སྲུབས་གཅིག་པ་དང་སྲུབས་གཉིས་དང་། །སྲུབས་གསུམ་པ་དང་སྲུབས་བཞི་པ། །ལྔ་དང་དྲུག་དང་བདུན་དང་བརྒྱད། །དགུ་དང་བཅུ་དང་བཅུ་གཉིས་དག །བཅོམ་ལྡན་འདས་ཀྱིས་བཀའ་སྩལ་ཏོ། །བཅུ་དྲུག་པ་དང་ཉི་ཤུ་དྲུག །འདི་དག་རབ་ཏུ་སྤང་བར་བྱ། །བཅོམ་ལྡན་འདས་ཧེ་རུ་ཀ་རོལ་པ་ལས་ཀུན་ཏུ་བཟང་པོ་ཧེ་རུ་ཀ་རོལ་པ་སྣོད་བརྟག་པའི་ལེའུ་སྟེ་བཅུ་གཅིག་པའོ།། །།དེ་ནས་དབང་ཕྱུག་ཆེན་པོ་བསྒྲལ་བའི་ཐབས་འདི་བཅོམ་ལྡན་འདས་དཔལ་ཀུན་དུ་བཟང་པོའི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །མ་ཧཱ་རུ་དྲའི་རྒྱུད་དུར་ཁྲོད་མ་ཧཱ་རུ་དྲ་བརྒྱུད་པའི་དབང་དུ་བསྡུ་བའི་མཆོག །ཕྱི་རོལ་ཕྱོགས་གར་བདེ་བའི་སར་ཞིང་ཆེན་སྟན་གར་འོས་པ་གཅིག་ཏུ་མཎྜལ་བྱུགས་ཏེ། གནས་ཆེན་པོ་དུར་ཁྲོད་ཀྱི་བདག་པོ་ཆེན་པོའི་ཆ་ལུགས་ཅི་ལྟར་ཉལ་ཚིགས་བཅད་ལས་བྱུང་བ་བཞིན་ཚོན་གྱིས་བྲིས། ཡང་ན་ཐལ་རིས་དང་། ཡིད་ཀྱིས་བཀོད་ཀྱང་རུང་། སྟ་ནའི་དཀྱིལ་འཁོར་བཤམ། དེའི་དབུས་སུ་ཧོམ་ཁུང་གྲུ་གསུམ་པ་ཞིག་བཀོད། རྡོ་རྗེ་སློབ་དཔོན་གྱིས་ཏིང་ངེ་འཛིན་གྱི་ཕྱག་རྒྱ་བཅའ་སྟེ། མཉམ་པ་ཉིད་དུ་བསྒོམ་པའི་ ― DNG013_Page_0221 ―
[མ་དཔེ་གཟིགས་ན་འདིར་གནོན།]
སྔགས་ལ། ཨ་ས་མ་ཧཱ་ཙ་ལ་དྷརྨ་དྷཱ་ཏུ་སྭ་བྷཱ་བ་ཨཱདྨ་ཀོ྅ཧྃ་ཞེས་ཅུང་ཟད་བསྒོམས་པའི་རྗེས་ལ། མི་གཡོ་ཕྱག་རྒྱ་ཆེན་པོ་དང་། །ཆོས་ཀྱི་སྐུ་ལས་བཞེངས་པ་ཡི། །གཉིས་མེད་ཕྱག་རྒྱ་རོལ་པ་ཡིས། །དུས་ལ་བབ་པོ་ས་མ་ཡ་ཞེས་བརྗོད་ནས། རྣལ་འབྱོར་གཞན་གྱིས་འདི་ལྟར་བྱིན་གྱིས་བརླབས་ནས་མཁས་པ་གཅིག་གིས་ལས་འདི་བགྱི། དབང་གི་གཏམ་རྒྱུད་བཤད། རྒྱུད་ཀྱི་གཙུག་ལག་ཆེན་པོ་དང་བདེན་པའི་ཚིག་གིས་བསྒྲགས་ནས། འཕགས་པ་ཐམས་ཅད་བདག་ལ་གསོན། །འབྱུང་པོ་མང་པོ་ཀུན་ཉོན་ཅིག །ཐུགས་རྗེ་ངང་དང་ཤེས་རབ་དང་། །ཐབས་ལ་མཁས་པའི་བྱིན་རླབས་ཀྱིས། །འགྲོ་བ་ཐམས་ཅད་སྤྱོད་པར་མཛད། །འགྲོ་བའི་བདག་པོ་ཚེ་དང་སྲོག །གསོན་པོ་བདེ་བའི་བར་གཅོད་པ། །བདུད་དང་གཤིན་རྗེ་འཁོར་བཅས་ཀུན། །བཅོམ་ཞིང་གསང་བའི་གཉེན་པོ་ནི། །འཇམ་དཔལ་འཕྲུལ་གྱི་ཁྲོ་བོ་དེས། །སྲིད་གསུམ་མཐར་བྱེད་རྔམ་པ་དང་། །ཐོད་དབྱུག་དྲག་པོ་མི་མཛད་པས། །གཤིན་རྗེ་བཅོམ་སྟེ་བསད་ནས་ཀྱང་། །རོ་ཡང་ལྷོ་ཡི་འཛམ་གླིང་དུ། །བོར་ནས་ས་གཞི་དུར་ཁྲོད་ཀྱི། །བདག་པོ་གདོལ་པ་དྲག་པོ་ཡིས། །རོ་ཡི་ཉལ་ཐབས་གན་རྐྱལ་ཏེ། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །དེ་ཡང་ཅུང་ཟད་བསྣོལ་བའོ། །ལག་པ་གཡས་གཡོན་མཁྲིག་མ་ལ། །ཁྱི་གཉིས་དང་ནི་བྱ་རྒོད་དོ། །ཐལ་བའི་མདོག་ལ་སྐུ་སྒྲེང་བ། །དེ་ཡི་ལུས་སྙིང་ཡན་ལག་ནི། །མ་མོ་ཆེན་མོ་རྣམས་ཀྱི་གནས། །དུར་ཁྲོད་ཆེན་པོ་འདི་དག་གོ། །དེ་ཡི་སྙིང་ནི་མ་ཧཱའི་ལྟོ། །དུར་ཁྲོད་ཆེན་པོ་བསིལ་ཚལ་ན། །མ་མོ་ཆེན་མོ་གཽ་རི་མ། །མཁས་མ་སྙིང་སྟོབས་ཆེ་བའི་གནས། །དེ་ཡི་མགོ་ནི་ལྷོ་ཕྱོགས་ཀྱི། །སིང་ག་ལ་ཡི་གླིང་ཕྲན་ན། །མ་མོ་ཆེན་མོ་ཙཽ་རི་མ། །མཐོང་ཐོས་རྔམ་པའི་རྫུ་འཕྲུལ་མངའ། །ལག་པ་གཡས་ནི་ཤར་ལྷོ་མཚམས། །བལ་ཡུལ་ན་ནི་པུཀྐ་སི། །འཁོར་དང་ལོངས་སྤྱོད་སྣ་ཚོགས་ལྡན། །ལྷག་པར་ཟས་ཀྱི་འབྱོར་བ་ཆེ། །ལག་པ་གཡོན་ནི་ལྷོ་ནུབ་མཚམས། །ས་ཡི་ཚལ་ན་བེ་ཏ་ལི། །ཕྱག་ན་རྡོ་རྗེ་དབང་གི་ ― DNG013_Page_0222 ―
[མ་དཔེ་གཟིགས་ན་འདིར་གནོན།]
གནས། །དེ་ནས་མཐུ་དང་དབང་ཡང་ཆེ། །རྐང་པ་གཡས་པ་བྱང་ཤར་མཚམས། །ལི་ཡུལ་ན་ནི་ཙཎྜ་ལི། །ཤང་ཀ་ན་ཞེས་གྲགས་པ་དེ། །དེ་ཡང་འཁོར་དང་ལོངས་སྤྱོད་ལྡན། །རྐང་པ་གཡོན་པ་ནུབ་བྱང་མཚམས། །སྐད་ནི་སྐད་སྣ་མཐུན་པས་ན། །མ་མོ་ཆེན་མོ་པྲ་མོ་ཧ། །བདེ་སྐྱིད་ལྡན་པའི་ས་ལ་གནས། །ཕོ་མཚན་སྟེང་གི་བྱང་ཕྱོགས་ན། །ཨུ་རྒྱན་ཡུལ་ན་གྷསྨ་རི། །སྦྱོར་བས་ལོངས་སྤྱོད་འཇུག་པས་ན། །དངོས་གྲུབ་ཅན་ཡང་དེ་ན་མང་། །དེ་ནས་སྟ་ནའི་དཀྱིལ་འཁོར་འདིར། །བྲིས་ཏེ་བསམས་ནས་དགོངས་པ་ནི། །དུར་ཁྲོད་བདག་པོས་འདུས་པ་དང་། །དབང་དུ་སྡུད་པའི་ལས་བརྩམ་གྱིས། །སངས་རྒྱས་ཀུན་གྱི་བྱིན་བརླབས་ཞེས་བརྗོད་དོ། །དེ་ནས་འགེང་ལ་རྡོ་རྗེ་ཁུ་ཚུར་དཀུ་གཡས་སུ་གཞག་ཅིང་། མིག་གིས་ཕྱོགས་བཅུར་བལྟས་ཏེ། འཛམ་བུ་གླིང་གི་འཇིག་རྟེན་འདི། །སྐྱེ་ཤི་གནས་ནི་དུར་ཁྲོད་ཀྱི། །རང་བཞིན་ཡིན་ནོ་རྣམ་གཟིགས་ནས། །ས་གཞི་དུར་ཁྲོད་གནས་སུ་བསྟན། །བདག་གིས་ཡིད་ཆེས་པར་བྱ་ཞིང་། སྟ་ནའི་དཀྱིལ་འཁོར་བསམས་ལ་གར་བྲིས་པའི་སར་བལྟས་ཏེ། དེའི་བདག་པོ་ལ་སྡིགས་པའི་ཕྱིར་ལྡན་པ་གཡས་བྱོ་ཞིང་སྡང་མིག་དྲག་ཏུ་བགྲད། མིག་གི་འབྲས་བུ་དྲིལ་ལ། སརྦ་པ་པ་ཀ་ར་ཧེ་རུ་ཀ །བྱིསྟ་ན་མ་ཧྃ་ཀ་རུ་དྲ་ཧཱུྃ་ཕཊ། རིགས་ལྔའི་འཁོར་དང་བཅས་པ་ཁྲོ་བའི་ངང་དུ་གྱུར་ཏེ། བདག་དང་འདྲ་བར་བསམས་ལ།དེ་ནས་འགྱིང་རྔམ་པ་ལས་རལ་པ་བསིགས་ལ། ལག་པ་གཡས་པ་བསྒྲེང་སོར་མོ་གྱེན་དུ་བགྲད་ལ་བ་ཡ་ཀེ་རྩི་ཏ་ཛ་ལ་ཧཱུྃ་ཕཊ་ཅེས་བརྗོད་ནས་ལག་པ་སྟ་ཟུར་དུ་བཞག་ཅིང་ལག་པ་གཡོན་པ་རྔམ་པ་བཞིན་དུ་སྐྲ་གྱེན་དུ་བཏེག་ལ། པྲཛྙཱ་ཀེ་ཤི་ཙི་ཏ་ཛྭ་ལ་ཧཱུྃ་ཕཊ་ཅེས་བརྗོད་ལ་རྔམ་པའི་ང་རོ་བགྱི། མཆེ་བ་འདར་རྐན་སྒྲ་དྲག་ཏུ་གཏོགས་ལ་རྔོམ་བརྗིད་ཆེན་པོའི་ཚུལ་དང་ལྡན་པར་བསམ། ཨོཾ་པྲཛྙཱ་སུ་པ་ཡ་ན་ཧཱུྃ་ཕཊ། རྐང་པ་གཡས་པ་བསྐུམ། ཨོཾ་བཛྲ་ཀྲོ་དྷ་ཨེ་ཤ་ཡ་ཧཱུྃ། དེ་ནས་སླར་གོ་ཆའི་ཕྱག་རྒྱ་སྙིང་གར་བཅིངས་ལ་བཏང་སྟེ། ཨོཾ་ ― DNG013_Page_0223 ―
[མ་དཔེ་གཟིགས་ན་འདིར་གནོན།]
བཛྲ་ཀ་བ་ཙ་ཞེས་བརྗོད་ནས་གོ་བགོ་བར་བསམས་ཏེ། གནས་ལྔར་བསྲུང་ཞིང་། ཨོཾ་ན་མ་དྷུ་བ་བི། སྤྱི་བོར་ཐལ་མོ་སྦྱར་ཏེ། སརྦ་བུདྷ་མུ་དྲ་སྃ་ཧ་ར་ན། ཨ་བྷི་ཤིཉྩ་ཧཱུྃ་ཕཊ་ཅེས་བརྗོད་པས་སྐུ་ཅིར་ཡང་འགྱུར་བའི་ཕྱག་རྒྱ་བཅས་ཏེ། རྐང་ལག་བཞིའི་ཚོགས་བསྐུམ་མགོ་མགྲིན་འཁྲིལ་ཅིང་བསྒྲིལ་ལ་ཧཱུྃ་ཞེས་ཚིག་འབྲུ་དྲག་པོས་གཡས་གཡོན་དུ་ལྟ་བའི་ཚུལ་དྲག་པོ་རེ་རེ་བགྱི། སུམ་བྷ་ནི་སུམ་བྷ་ཧཱུྃ་ཞེས་དྲག་ཏུ་བརྗོད་དོ། །རྡོ་རྗེ་དྲིལ་བུ་གསིལ་ཏེ། བརྐྱང་བསྐུམ་བསྒྲེང་ལ་འགྱིང་ཞིང་དཀྱིལ་འཁོར་ཕྱོགས་སུ་མཆོངས་ལ། ཁམས་གསུམ་ནས་འབྱུང་སེམས་ཅན་རྣམས། །རྡོ་རྗེ་སྐུ་ཡི་ཁྱད་པར་གྱིས། །འོད་ཟེར་ཚུལ་དུ་བསྡུས་ནས་ཀྱང་། །དེ་དག་བདག་གི་ལུས་ལ་གཟུང་། །སྤྲོ་བ་རྡོ་རྗེ་ཐམས་ཅད་ཀྱི། །སྐུ་དང་ཡེ་ཤེས་མཆོག་གིས་བྱ། །ཐར་པའི་བླ་མེད་དཀྱིལ་འཁོར་འདིར། །བྲོད་པ་ཅན་རྣམས་དར་བ་ལྟར། །སྐལ་དང་ལྡན་པ་རིགས་ཀྱི་བུ། །བདེ་བར་འོངས་པ་ལེགས་པ་འོངས། །རྩེ་རྒྱལ་བསྟན་པའི་གནས་ཆེན་འདིར། །བོ་དྷི་ཙིཏྟའི་གནས་ཉིད་དུ། །ཁམས་གསུམ་འཁོར་བ་ཀུན་བསྡུའོ། །ཆོས་ཉིད་སྐྱེ་འགག་མེད་པ་ལས། །དབྱིངས་སུ་ཐིམ་པས་གཉིས་སུ་མེད། །ཀུན་གྱི་ངོ་བོ་མཉམ་ཉིད་དེ། །ཐམས་ཅད་སྙིང་པོ་བྱང་ཆུབ་ལས། །མ་སྐྱེས་པས་ན་འགག་པ་འཇིག །བདག་ཉིད་མེད་པས་མཉམ་པའི་སྐུ། །ཐུགས་རྗེ་ཆེན་པོ་ཅིར་མི་མཛད། །སེམས་ཅན་མ་རིག་རྨོངས་པའི་བློས། །བདག་དང་བདག་གིས་སོ་སོར་ཕྱེ། །ལོག་རྟོག་ཕྱིན་ཅི་ལོག་བཞིས་བཅིངས། །འཁོར་བ་རྒྱུད་ལྔ་ཡི་ཁ་བྲིམས། །མྱ་ངན་མི་འདའ་ཡུན་རིངས་ཏེ། །ཐུགས་རྗེ་ཆེན་པོའི་བྱིན་རླབས་ཀྱིས། །སྐུ་ཡི་སྤྲུལ་པ་ཕྱོགས་བཅུར་བཀྱེ། །གསུང་གིས་མཐའ་ཡས་སེམས་ཅན་སྒྲོལ། །ཐུགས་ནི་ཚད་མེད་བཞི་དང་ལྡན། །སྐུ་གསུམ་འགྲོ་བའི་ཚུལ་སྟོན་པས། །དུས་ལ་བབ་པའི་སེམས་ཅན་དག །ལས་ལ་བབ་པའི་རྣལ་འབྱོར་པས། །རྡོ་རྗེ་དབྱིངས་ཀྱི་དཀྱིལ་འཁོར་དུ། །ཐུགས་རྗེ་ལྕགས་ཀྱུས་བཀུག་ནས་ནི། །ཡང་དག་ཉིད་ལ་ ― DNG013_Page_0224 ―
[མ་དཔེ་གཟིགས་ན་འདིར་གནོན།]
ཡང་དག་གྲོལ། །ཡང་དག་བསྒྲལ་ནས་བདེ་ཆེན་ཐོབ། །མི་ལྡོག་ས་ལ་ངེས་པར་ཕྱིན། །ཕྱིན་པ་ཙམ་གྱིས་དབང་ཐོབ་ནས། །རྒྱལ་བའི་ཞིང་ཁམས་དབྱིངས་ཉིད་མཐོང་། །རྒྱུད་དྲུག་གནས་སུ་མི་སྐྱེ་ཕྱིར། །དཔའ་བོ་འབྲུ་ལྔས་ལམ་ལྔ་དགག །ཕུང་པོ་ཁམས་དང་སྐྱེ་མཆེད་རྣམས། །འཁྲུག་པའི་བག་ཆགས་བག་ལ་ཉལ། །བདེ་འགྲོ་ལམ་ལ་སྒྲིབ་པའི་རྣམས། །ཡེ་ཤེས་འབར་བའི་མེས་བསྲེགས་ཏེ། །མཚན་ཉིད་མེད་པར་སྟོང་པར་འགྱུར། །སྦྱོར་བའི་ལྷུམས་སུ་ཕཊ་ཀྱིས་ཕཊ། །གསང་བའི་དབྱིངས་སུ་ཧཱུྃ་གིས་བསྡུ། །སྐུར་བསྐྱེད་ཡེ་ཤེས་སྐུར་བསྡུས་པས། །འོག་མིན་གནས་མཆོག་དམ་པ་རུ། །ཆོས་ཀྱི་འཁོར་ལོ་སྐོར་ཞིང་གཤེགས། །སྟོང་གསུམ་མ་ལུས་གདོན་པ་ནི། །འབུམ་གྱི་ཆར་ཡང་མི་ཕོད་དོ། །སྐྱེས་བུ་ཆེན་པོའི་རྣལ་འབྱོར་གྱིས། །བསྐལ་པ་འབར་ཞིང་སྙིང་རྗེའི་མཆོག །ཉན་ཐོས་དགྲ་བཅོམ་རང་རྒྱལ་དང་། །ས་བཅུ་བྱང་ཆུབ་སེམས་དཔའ་དང་། །འཇིག་རྟེན་འདས་པའི་མཆོད་པས་མཆོད། །དེ་ནས་འགྱིང་ཞིང་དཀྱིལ་འཁོར་ཕྱོགས་སུ་མཆོངས་ལ། མ་ཏང་གི་གནས་དང་ལུང་གི་ཚུལ་དུ་སྨོས་པ་བཞིན་གསལ་བར་བསྒོམས་ཏེ། དེའི་འཁོར་འབྱུང་པོ་མང་པོ་ཡང་མངོན་དུ་བཀུག་པར་བསམས་ཏེ། རྐང་པ་གཉིས་བསྣོལ་བའི་དྲུང་དུ་ཕྱིན་ནས་བྱང་ཤར་མཚམས་སུ་ཁ་བལྟས་ཏེ། བདག་ཉིད་བརྐྱང་བསྐུམ་གྱི་ཚུལ་དུ་འགྲེང་ལ། མཛུབ་མོ་གཉིས་རྡོ་རྗེ་ལྕགས་ཀྱུའི་ཕྱག་རྒྱ་བཅིངས་ལ། གནས་ཀྱི་སྒོ་འདི་སུ་ཡིས་བཅད། །སེམས་ཀྱི་བདག་པོས་བཅད་དམ་ཅི། །གཟུང་འཛིན་རྐ་ལག་བསྣོལ་བའི་སྒོ། །ཡུལ་ལས་འདས་པའི་ཞབས་ཀྱིས་ཕྱེ། །དེ་ནས་ཧཱུྃ་ཕཊ་བྲ་བེ་ཤ་ཧཱུྃ་ཕཊ། རྐང་པས་ཤག་གིས་ཕྱེ་བར་བསམ། དེ་ནས་ལག་པ་གཡས་པ་རྡོ་རྗེ་གསུམ་པའི་ཕྱག་རྒྱ་བྱ། གཡོན་པའི་འཛུབ་མོ་སྙིང་གར་བསྒྲེང་སྟེ། ཨོཾ་ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚ་ན་ས་མ་ཡ་མུ་དྲ་པྲ་བྷན་ཙ་ཧཱུྃ་ཕཊ་སྭཱ་ཧཱ། ཟུང་མཐར་བྱེད་ཀྱིས་གཟུང་། ལས་མཐར་བྱེད་གང་གིས་མནན་ནས་ཁ་ལྷོ་ཕྱོགས་སུ་བལྟས་ཏེ། བརྐྱང་བསྐུམ་དུ་བསྒྲེང་ལ་ཨ་ཨ་ཞེས་བརྗོད་ལ། ལྕགས་ཀྱུས་སྙིང་གར་སྒོ་ཕྱེ་བར་བསམ། གཡས་ ― DNG013_Page_0225 ―
[མ་དཔེ་གཟིགས་ན་འདིར་གནོན།]
ནས་རྒྱབ་ཏུ་བསྐོར་ཏེ། ལུས་ཀྱི་ནང་དུ་ཞུགས་མ་ཐག་ཏུ་རྐང་པ་གཤིབས་ཏེ། དམ་ཚིག་གི་ཕྱག་རྒྱ་བཅས་ཏེ། ཧཱུྃ་ཞེས་སྒོ་ཕྱེ་བར་བསམ། གཡས་རྒྱབ་ཀྱིས་བསྐོར་བས་འབོད་པར་བྱ། ཨེ་ཧྱེ་ཧི་མ་ཧཱ་ཀ་རུ་ཤ །དྲྃ་ཀརྨ་བཛྲ་ཧཱུྃ་ཕཊ། མ་ཧཱ་དེ་བ་མ་ཏ་རུ་དྲ་ཛ། ཞེས་རྡོ་རྗེ་གར་གྱི་གོམ་པ་འདོར་ཞིང་ལྟེ་བའི་ཕྱོགས་སུ་སོང་ལ། ཤིན་ཏུ་དམར་པོ་བཞི་ལྟེ་བའི་ཕྱོགས་བཞིར་དགོད་དོ། །ཡི་གེ་ཧཱུྃ་མཆོག་ཏུ་བརྗོད་ཅིང་། གཡས་གཡོན་དུ་ལན་ཅིག་ཏུ་གར་གྱིས་བསྐོར་བར་བྱའོ། །དེ་ནས་སྙིང་པོ་འདི་བརྗོད་པར་བྱའོ། །དྷོ་ཙེ་ཕྱ་དྷོ་ཙེ་ཕྱ། མ་ནུ་དྷ་རྃ། ཨ་མ་དྷ་རྃ། ཤྲཱི་མ་ཧཱ་ཀ་པཱ་ལ། དྷོ་ཙ་ཥྱུ ། པདྨ་རཀྟ་དྷ་རྃ། བཛྲ་དྷ་རྃ། བཛྲ་མ་ཧཱ་མྃ་བ་དྷ་རྃ། ཞེས་བརྗོད་དོ། །དེ་ནས་གར་གྱི་ཚུལ་དུ་སྙིང་ག་ཕྱོགས་སུ་སོང་ལ། དམ་ཚིག་གི་ཕྱག་རྒྱ་བཅིངས་ནས་ཅི་ལྟར་བདེ་བ་གཏོར་མ་སྦྱིན་པར་མཁྱེན་པ་ནི་ཤེས་རབ་མཁའ་དབྱིངས་དང་། མ་ཏང་གི་ལུས་སུ་དབྱེར་མེད་པར་གཞལ་ཡས་ཁང་འབར་བའི་ནང་དུ་ཁྲོ་བོ་ཧེ་རུ་ཀ་ཕྱིའི་ཕྲ་མེན་ལ་སོགས་པ་འཁོར་དང་བཅས་པ་བཀོད་དེ། སྤྱན་དྲང་བའི་ཕྱིར་ཐབས་དང་ཤེས་རབ་ཀྱི་དབྱིངས་ནས་ཡི་གེ་ཛ་ལས་ལྕགས་ཀྱུས་གསལ་བར་ཕྱོགས་བཅུར་འཕྲོས་ཏེ། ཕྱིའི་རྣལ་འབྱོར་དགུག་ཅིང་སྤྱན་དྲང་བའི་ཕྱག་རྒྱ་གསལ་བ་ལས་འཁོར་དང་བཅས་པ་སྤྱན་དྲང་ངོ་། །མི་གསང་བའི་གསང་བ་ཆེན་པོ་ཆོས་ཉིད་ཀྱིས་བསྒྲལ་བ་དང་། སྐུ་གསུང་ཐུགས་ཆེ་བའི་ཡོན་ཏན་གྱིས་བསྒྲལ་བ་དང་། བདག་ཉིད་ཆེན་པོ་ལྷུན་གྱིས་གྲུབ་པས་བསྒྲལ་ལོ། །བཅོམ་ལྡན་འདས་ཧེ་རུ་ཀ་རོལ་པ་གསང་བ་ཟབ་མོའི་དོན་བདུད་འདུལ་བའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་ཀྱིས་ཧེ་རུ་ཀའི་ལས་ཀྱི་བཟླས་པ་འདི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །འདས་པའི་དུས་ན་སྔོན་བྱུང་བ། །དེ་བཞིན་གཤེགས་པའི་གསུང་རབ་ལས། །འགྲོ་བའི་ཚུལ་དུ་སྔོན་འབྱུང་སྟེ། །དེ་ཚེ་སེམས་ཅན་ཐམས་ཅད་ཀུན། །ཤིན་ཏུ་ཁྲོ་ཞིང་གདུག་པར་གྱུར། །ཤིན་ཏུ་ཁྲོ་དྲག་གཏུམ་པ་ཡང་། །ཞི་བས་ཕན་པར་མི་འགྱུར་ཏེ། །ཤེས་རབ་ ― DNG013_Page_0226 ―
[མ་དཔེ་གཟིགས་ན་འདིར་གནོན།]
ཐབས་ཀྱི་ངོ་བོ་ཡིས། །ཁྲོ་བས་དེ་བཞིན་གཤེགས་ཀུན་མཛད། །སངས་རྒྱས་ཐུགས་རྗེས་ཁྲོས་པ་ཡིས། །ཐམས་ཅད་འཇིགས་པའི་མཆོག་ཡིན་ཏེ། །རྡོ་རྗེ་སེམས་དཔའ་དེ་བཞིན་གཤེགས། །དམ་ཚིག་ལ་སྡང་རྣམ་སྦྱང་ཕྱིར། །དུར་ཁྲོད་གར་གྱི་ཕྱག་རྒྱར་གསལ། །ཧཱུྃ་བཞིས་ཧེ་རུ་ཀ་བསྒོམ། ཧས་ཧེ་རུ་ཀ་ལ་སོགས་པ་བསྒོམ།ཧེས་སིང་ཧ་ལ་སོགས་པ་བསྒོམ། ཕཊ་ཀྱིས་སྒོ་བ་ལ་སོགས་པ་བསྒོམ། ཧཱུྃ་ཧ་ཧེ་ཕཊ་ཀྱིས་ཏིང་ངེ་འཛིན་བཟླས། སྔགས་འདིས་སྤྱན་དྲང་ངོ་། །སརྦ་དུཥྚཾ་ན་ས་མ་ཡ་མུད་ཏྲ་པྲ་བྷན་ཙཀྲ་ཧཱུྃ་ཕཊ། ཨེ་ཧྱེ་ཧི་བྷ་ག་བན། ཛཿཧཱུྃ་བྃ་ཧོཿ། རུ་ལུ་རུ་ལུ། ཛཿཧཱུྃ་བྃ་ཧོཿ། ཨེ་ཧྱེ་ཧི་ཏྲི་ཤ་ཧོ་ས་མ་ཡ་ཧོ། ཨེ་ཧྱེ་ཧི་ཨ་ར་ལི་དྷིང་དྷིང་། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་ཧེ་རུ་ཀ །ཆོས་སྐུ་ཞི་བའི་ངང་ལས་མ་གཡོས་ཀྱང་། །གཟུགས་སྐུ་འཇིགས་ཚུལ་བསྟན་དུ་གསོལ། །ཐུགས་རྗེ་ཆེན་པོ་ཐབས་མཁས་པས། །གདུག་པ་འདུལ་ཕྱིར་གཤེགས་སུ་གསོལ། །ཚོགས་རྗེ་ཚོགས་བདག་དཔལ་དང་ལྡན། །ཚོགས་ཀྱི་སློབ་དཔོན་གཤེགས་སུ་གསོལ། །ཡེ་ཤེས་རྟོགས་པའི་ཁྱད་པར་ལས། །སྤྲུལ་པ་མང་པོའི་ཚོགས་དང་གཤེགས། །ཨོཾ་ཤྲཱི་ཧེ་རུ་མ་ཧཱ་བཛྲ། སརྦ་དུཀྐླཱྀ་ས་མ་ཡ་མུ་དྲ་པྲ་བེ་ཤ་ཡ་ཤྲཱི་ཧེ་རུ་ཀ་ཧཱུྃ་ཕཊ། ཨོཾ་ཛཿཧཱུྃ་བྃ་ཧོཿ། ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚཾ་ས་མ་ཡ་མུ་ཏྲ་པྲ་བྷན་ཙཀྲ་ཧཱུྃ་ཕཊ། བདེར་གཤེགས་ཕོ་བྲང་དཀྱིལ་འཁོར་འདིར། །འགྲོ་བ་མ་ལུས་བསྒྲལ་བའི་ཕྱིར། །དོན་གྱི་དབང་དུ་དགོངས་ནས་ཀྱང་། །འཁོར་བཅས་རབ་འབར་གཤེགས་སུ་གསོལ། །ཨོཾ་ཤྲཱི་ཧེ་རུ་ཀ་མ་ཧཱ་བཛྲ་སརྦ་ས་མ་ཡ་ཧི། སརྦ་དུཥྚཾ་ཀཱ་ཡ་བཱ་ཀ་ཙིཏྟ་བཛྲ་ཧཱུྃ་ཕཊ། སེམས་ཅན་དོན་ཕྱིར་ནན་ཏན་མཆོག་བསྐྱེད་ཅིང་། །ཡེ་ཤེས་ཐུགས་རྗེས་བདག་ལ་དགོངས་ནས་ཀྱང་། །མི་གཉིས་དོན་ཕྱིར་དངོས་གྲུབ་མཆོག་གི་རྣམས། །བདག་ཅག་སྩལ་ཅིང་བརྟན་པར་བཞུགས་སུ་གསོལ། །ཨོཾ་ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚཾ་ས་མ་ཡ་མུ་ཏྲ་ཨ་མ་བ་སྟམ་བྷ་ཀ་ཧཱུྃ་ཕཊ། ཨོཾ་གུ་ཧྱ་ཏྲི་ཤ་ས་མ་ཡ། གུ་ཧྱ་ཏྲི་ཤ་ས་མ་ཡ་ཧོ། ཨོཾ་ ― DNG013_Page_0227 ―
[མ་དཔེ་གཟིགས་ན་འདིར་གནོན།]
བཛྲ་གུ་ཧྱ་ཏྲི་ཤ་ས་མ་ཡ་ཧཱུྃ། དམ་ཚིག་ས་ལ་བཞེངས་པ་ཡི། །དཔལ་ཆེན་ཁྲག་འཐུང་འཁོར་དང་བཅས། །དམ་ཚིག་ཚུལ་བཞིན་མ་གཤེགས་སམ། །གྲུབ་པ་མཆོག་དག་མ་སྩལ་ན། །སྐུ་གསུང་ཐུགས་དང་འགལ་བའོ། །ཛཿཧཱུྃ་བྃ་ཧོཿ། ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚཾ་ས་མ་ཡ་མུ་དྲ་པྲ་བྷན་ཙཀྲ་བྷཀྵ་ཡ་བཱཀྵ་ཡ་བི་ཏོ་ག་ས་ཡ་བི་ཏོ་ག་ས་ཡ། ཧེ་བྷ་ག་བན། བུཌྜྷ་ཀྵེ་ཏྲཾ་པྲ་ཏི་སྟམ་བྷ་ཀ་ཧཱུྃ་ཕཊ། སྐུ་གསུང་ཐུགས་སུ་བདག་སྦྱོར་བས། །ཕོ་བྲང་དཀྱིལ་འཁོར་རང་ལས་སྤྲུལ། །ང་ནི་བདུད་ཀྱི་བདུད་བདག་སྟེ། །མཁའ་འགྲོ་ཚོགས་བཅས་བསྡུས་པའོ། །ཨོཾ་ཤྲཱི་བཛྲ་ཀ་ར་མུ་ཀ་ཤ་ར་ཡཱ་ཡ་ན་མཿ། ཨོཾ་བཛྲ་ར་ག་ས་མ་ཡཱ་ཡ་ན་མཿ། ཨོཾ་ཤྲཱི་བཛྲ་ཁ་ཊྭཱཾ་གཾ་པྲ་མ་ཡཱ་ཡ་ན་མཿ། ཨོཾ་ཤྲཱི་གན་དྷི་ཛ་ཡཱ་ཡ་ན་མཿ། ཨ་ཏི་པུ་ཧོ། པྲ་ཏི་པུ་ཧོ། ཏ་ཐཱ་བྷན་དྷ་ནྃ་ཀ་རོ་ཡ་མི་མ་ཧཱ་ཡོ་གི་ནི། ཨ་ཏི་པུ་ཧོ། པྲ་ཏི་པུ་ཧོ། བདག་མེད་ཕྱོགས་བྲལ་དོན་དམ་ཐུགས་ཆུད་ཅིང་། །བྱམས་དང་སྙིང་རྗེ་སྒྲ་ཟུན་མི་མངའ་ཡང་། །གདུག་པ་འདུལ་ཕྱིར་དུས་ལས་མི་འདའ་བའི། །འཇིགས་བྱེད་ཧེ་རུ་ཀ་ལ་ཕྱག་འཚལ་ལོ། །ནམ་མཁའི་ལུས་ཅན་གར་ཡང་ཐོགས་མེད་ཅིང་། །འདོད་དགུར་སྒྱུར་བའི་གཟུགས་ཅན་འཕྲུལ་མོ་ཆེ། །མ་སྲིང་བྱམས་པའི་ཚུལ་གྱིས་འགྲོགས་མཛད་མ། །ཕྱི་ནང་མཁའ་འགྲོའི་ཚོགས་ལ་ཕྱག་འཚལ་ལོ། །ཛཿཧཱུྃ་བྃ་ཧོཿ། ཤྲཱི་ཧེ་རུ་ཀ་ཡ་ཧཱ་ཨི་དན་པུ་ཡ་ཏི་བ་ལིན་ཏ། པྲ་ཏི་ཛ་ཧོ། ཤྲཱི་བན་ཁ་ཁ་ཁཱ་ཧི་ཁཱ་ཧི་ཛཿཧཱུྃ་བྃ་ཧོཿ། ཤྲཱི་ཧེ་རུ་ཀ་མ་ཧཱ་བཛྲ་ཨ་བེ་ཤ་ཡ། པྲ་བེ་ཤ་ཡ། ཧཱུྃ་ཁཱ་ཧི། ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོ་གནས་བརྒྱད་ནས། །དཔལ་ཆེན་འཁོར་བཅས་སྤྱན་དྲངས་ཏེ། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷ་རྒྱ་མཚོར་བསྐྱིལ། །མཁའ་འགྲོ་འབར་བའི་ཚོགས་བཅས་ཀྱིས། །མ་ལུས་གཤེགས་ཤིང་བསྣམས་སུ་གསོལ། །ཛཿཧཱུྃ་བྃ་ཧོཿ། ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚཾ་ས་མ་ཡ་མུ་དྲ་པྲ་བྷན་ཙཀྲ། ཁ་ཁ་ཁཱ་ཧི་ཁཱ་ཧི་ད་ཡན་བི་བ་ཧཱུྃ་ཕཊ། ང་ནི་ཟ་བྱེད་ཆེན་པོ་སྟེ། །ཁམས་གསུམ་མ་ལུས་བསྒྲལ་བར་བྱ། །གདུལ་དཀའ་མ་ལུས་འདུལ་བའི་ཕྱིར། ། ― DNG013_Page_0228 ―
[མ་དཔེ་གཟིགས་ན་འདིར་གནོན།]
ཤ་རུས་ལ་སོགས་བཟའ་བར་བྱ། །ཛཿཧཱུྃ་བྃ་ཧོཿ། ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚཾ་ན་ས་མ་ཡ། མ་ཧཱ་མཾ་ས་མ་ཧཱ་རཀྟ། མ་ཧཱ་ཙིཏྟ། མ་ཧཱ་བ་སུ་ཏ། མ་ཧཱ་པཉྩ་ཨ་མྲྀ་ཏ་ཁ་ཁ་ལེ་ལེ་ཧཱུྃ་བྷྱོ་ཧཱུྃ་བྷྱོ་ཧཱུྃ། རང་འབྱུང་གདོད་ནས་དག་པའོ། །རྩ་བརྒྱད་སྟོང་ལ་སྦྱར་བའི་སྨན། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔའི་སེམས་ཅན་ཀུན་སྒྲོལ་བའི། །དུག་ལྔ་སེལ་བའི་བདུད་རྩི་སྟེ། །ཕྱོགས་བཅུ་སངས་རྒྱས་ཐམས་ཅད་དང་། །བྱང་ཆུབ་སེམས་དཔའི་ཚོགས་ཆེན་གྱི། །ཐུགས་དམ་དབྱིངས་ཉིད་བསྐུལ་བའི་མཆོག །སྐུ་གསུང་ཐུགས་ཀྱི་རང་ཉིད་འདི། །བདག་ཅག་དད་པས་འབུལ་ལགས་ན། །བཞེས་ཏེ་ཀུན་དུ་དགྱེས་མཛོད་ལ། །འཕྲུལ་གྱི་དངོས་གྲུབ་བདག་ལ་སྩོལ། །ཨོཾ་སརྦ་ཏ་ཐཱ་ག་ཏཱ་མ་ཧཱ་ཨརྒྷཾ་པྲ་ཏིཙྪ་ཧོ། དཔལ་ལྡན་ཤྲཱི་ཧེ་རུ་ཀ་དང་། །ཡུམ་ཆེན་ཀྲོ་དྷི་ཤྭ་རི་ལ། །དམ་ཚིག་མཆོག་གི་མཆོད་པ་འབུལ། །བཞེས་ཏེ་ཀུན་དུ་དགེས་མཛོད་ལ། །འཕྲུལ་གྱི་དངོས་གྲུབ་བདག་ལ་སྩོལ། །ཨོཾ་སརྦ་ཏ་ཐཱ་ག་ཏཱ་མ་ཧཱ་ཨརྒྷཾ་པྲ་ཏིཙྪ་ཧོ།དཔལ་ཆེན་བཛྲ་ཧེ་རུ་དང་། །བཛྲ་ཀྲོ་དྷཱི་ཤྭ་རི་ལ། །དམ་ཚིག་གི་ནི་མཆོད་པ་འབུལ། །དཔལ་ཆེན་རཏྣ་ཧེ་རུ་དང་། །རཏྣ་ཀྲོ་དྷཱི་ཤྭ་རི་ལ། །དམ་ཚིག་མཆོག་གི་མཆོད་པ་འབུལ། །དཔལ་ཆེན་པདྨ་ཧེ་རུ་དང་། །པདྨ་ཀྲོ་དྷཱི་ཤྭ་རི་ལ། །དམ་ཚིག་མཆོག་གི་མཆོད་པ་འབུལ། །དཔལ་ཆེན་ཀརྨ་ཧེ་རུ་དང་། །ཀརྨ་ཀྲོ་དྷཱི་ཤྭ་རི་ལ། །དམ་ཚིག་མཆོག་གི་མཆོད་པ་འབུལ། །ཨོཾ་སརྦ་ཏ་ཐཱ་ག་ཏཱ་མ་ཧཱ་ཨརྒྷཾ་པྲ་ཏིཙྪ་ཧོ། དཔལ་ཆེན་མི་ཕམ་རྡོ་རྗེ་དང་། །མ་ཚོགས་དབང་ཕྱུག་འཁོར་གྱི་རྐྱེན། །གཽ་རི་ལ་སོགས་བརྒྱད་རྣམས་དང་། །སིང་ཧ་ལ་སོགས་བརྒྱད་རྣམས་ལ། །དམ་ཚིག་མཆོག་གི་མཆོད་པ་འབུལ། །མ་མོ་ཆེན་མོ་བདུན་རྣམས་དང་། །སྲིང་མོ་ཆེན་མོ་བཞི་རྣམས་དང་། །མཁའ་འགྲོ་འཁོར་བཅས་ཐམས་ཅད་ལ། །དམ་ཚིག་མཆོག་གི་མཆོད་པ་འབུལ། །བཞེས་ཏེ་ཀུན་དུ་དགྱེས་མཛོད་ལ། །འཕྲུལ་གྱི་དངོས་གྲུབ་བདག་ལ་སྩོལ། །ཨོཾ་སརྦ་ཏ་ཐཱ་ག་ཏཱ་མ་ཧཱ་ཨརྒྷཾ་པྲ་ཏིཙྪ་ཧོ། ཤྲཱི་བན་ཁེ་ཧི། དཔལ་ ― DNG013_Page_0229 ―
[མ་དཔེ་གཟིགས་ན་འདིར་གནོན།]
ཆེན་སེམས་དཔའ་འཁོར་རྒྱ་མཚོ་དང་བཅས་པ་དང་།དཔལ་ཆེན་པོ་ཤྲཱི་ཧེ་རུ་ཀ །བཛྲ་ཌཱཀྐི་ནཱི་འཁོར་རྒྱ་མཚོ་དང་བཅས་པ་དང་།གཞན་ཡང་རྡོ་རྗེ་རྣལ་འབྱོར་གྱི་དབང་ཕྱུག་ཆེན་མོ་མཆེད་ལྕམ་དྲལ་འཁོར་རྒྱ་མཚོ་དང་བཅས་པ་ཐམས་ཅད་དགོངས་སུ་གསོལ་ལོ། །དིང་གནས་མཆོག་དམ་པ་འདིར་འཕགས་པ་ཐམས་ཅད་མཆོད་པ་དང་། རྡོ་རྗེ་མཆེད་ལྕམ་དྲལ་ཕྱོགས་བཅུ་ན་བཞུགས་པ་དང་། ད་ལྟར་བཞུགས་པའི་ཐུགས་དམ་བསྐང་བ་དང་། སེམས་ཅན་ཐམས་ཅད་བླ་ན་མེད་པའི་གནས་སུ་བསྒྲལ་བའི་ཕྱིར་རྒྱུ་མཆོག་རྐང་བཞི་པ་ཞིག་ཡོན་དུ་འབུལ་ཞིང་མཆིས་ན། ཐུགས་རྗེས་བཟུང་ཞིང་བསྒྲལ་དུ་གསོལ་ལོ། །རྒྱུ་མཆོག་འདི་ཐུགས་རྗེས་བཟུང་ནས་མ་བསྒྲལ་ན། འདི་ལ་སྤྱོད་པ་ཞིག་མཆིས་ཏེ། རྣལ་འབྱོར་ཐེག་པའི་གཞུང་ལས་ཀྱང་ཚུལ་བཞིན་དུ་མ་བགྱིས་ཏེ། དེ་བཞིན་གཤེགས་པའི་ཚད་མ་ཁྱད་དུ་བསད་པ་དང་། རྡོ་རྗེ་སློབ་དཔོན་དང་།མཆེད་དང་ལྕམ་དྲལ་ལ་ངན་སེམས་དང་དཔྱ་སེམས་བསྐྱེད་པ་དང་། མཆེད་ལ་འཁུས་པ་དང་། དམ་ལས་འདས་པ་དང་། སྤ་ལོ་དང་སྒྱུ་གསོག །བརྫུན་དང་ཁ་གསག །ཕྱི་ཚུལ་དང་རྒྱབ་ཉན་བགྱིས་ནས་རྡོ་རྗེ་སློབ་དཔོན་སྙིང་ནས་སྨོད་ཅིང་བླ་མ་ལ་དབང་ཟོས་པ་དང་མཉམ་པའི་སྤྱོད་ཡུལ་སུན་ཕྱུང་སྟེ། སྦྱོར་སྒྲོལ་སྒོ་བཀག་པ་དང་། དད་པ་ཅན་གྱི་ཚོགས་བཅག་སྟེ། གདུང་སེམས་ཀྱི་རྒྱུན་བཅད་པས་ཕྲག་དོག་དབང་གིས་སྐུ་གསུང་ཐུགས་ཀྱི་གདུང་འཚོབ་པའི་བར་ཆད་ཀྱིས་ད་ལྟར་ངན་སོང་གི་གནས་ན་འཁྱམས་ཤིང་རྟོག་པའི་དྲ་བས་ནི་བཅིངས། འཁོར་བའི་རྙིས་ནི་ཟིན་ནས་དམྱལ་ཁམས་ཀྱི་གཏིང་བརྒྱུད་པར་ངེས་ཏེ། ཞིང་བཅུ་དང་ལྡན་པ་འདི་དམ་ཚིག་ཚུལ་བཞིན་དུ་བསྒྲལ་བས། འདིའི་རྣམ་པར་ཤེས་པ་བླ་ན་མེད་པའི་གནས་སུ་བསྒྲལ་བ་ཡང་གནས་སྟོབས་པར་བྱིན་གྱིས་བརླབ་ཏུ་གསོལ། ལྔ་ཕུང་གི་ཡན་ལག་ནི་ཀུན་དུ་བཟང་པོ་མཆོད་པའི་སྤྲིན་ཕུང་དུ་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དགྱེས་པའི་ངང་དུ་ཐིམ་པར་སྨོན་ཏོ། །སྨོན་ལམ་བརྗོད་དེ་བསྒྲལ་བར་བྱའོ། །སྤྱི་གཙུག་ཏུ་ཨོཾ། ལག་པ་གཡས་པར་སྭཱ། གཡོན་པ་ལ་ཧཱ། སྙིང་ ― DNG013_Page_0230 ―
[མ་དཔེ་གཟིགས་ན་འདིར་གནོན།]
གར་ཧཱུྃ། ལུས་ལ་ཨོཾ། ཨོཾ་མ་ཧཱ་སུ་ར་ཏ་སྟྭཾ། ཛཿཧཱུྃ་བྃ་ཧོཿ། ས་མ་ཡ་སྟྭཾ། ཨོཾ་བཛྲ་ཀྲོ་དྷ་ཤྲཱི་ཧེ་རུ་ཀ་ཨ་ཨ་ཧཱུྃ་ཕཊ། ཨོཾ་བཛྲ་ཀྲོ་དྷ་བཛྲ་ཧཱུྃ་ཕཊ། ཨོཾ་བཛྲ་ཀྲོ་དྷ་ཡཀྵ་ཧ་ན་ཧ་ན་ཧཱུྃ་ཕཊ། ཨོཾ་བཛྲ་ཀྲོ་དྷ་ནི་ལ་དནྜ་ད་ཧ་ད་ཧ་ཧཱུྃ་ཕཊ། ཨོཾ་བཛྲ་ཀྲོ་དྷ་ཡ་མཱན་ཏ་ཀ་པ་ཙ་པ་ཙ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་བྃ་དྷ་བྃ་དྷ་ཧཱུྃ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧུ་ལུ་ཧུ་ལུ་ཧཱུྃ་ཕཊ།ཨོཾ་བཛྲ་ཀྲོ་དྷ་ཨ་པ་ར་ཙིཏྟ་ཏིཥྛ་ཏིཥྛ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཙྪིནྡ་ཙྪིནྡ་ཧཱུྃ་ཕཊ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་བྷིན་ད་བྷིན་ད་ཧཱུྃ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་སྥོ་ཊ་སྥོ་ཊ་ཧཱུྃ་ཕཊ། མ་མ་མ་མ། བོ་བོ་བོ་བོ། ཛཿཛཿཛཿཛཿ། མི་འགྱུར་ནམ་མཁའི་རང་བཞིན་ལས། །གཟུགས་སྣང་རྟོག་པ་རྣམ་པར་བསྒྲིབས། །བག་ཆགས་མ་ལུས་སྦྱོང་བའི་ཕྱིར། །ཁམས་གསུམ་མ་ལུས་བསྒྲལ་བར་བྱ། །ང་ནི་ཟ་བྱེད་ཆེན་པོ་སྟེ། །སེམས་ཅན་ཐམས་ཅད་གསད་པར་བྱ། །མ་སྐྱེས་ཕྱིར་ཡང་གསད་པར་བྱ། །རྣམ་ཤེས་ཧཱུྃ་གིས་བསྡུས་ནས་ཀྱང་། །ཤ་རུས་ལ་སོགས་བཟའ་བར་བྱ། །ང་ནི་ཁྲག་འཐུང་ཆེན་པོ་སྟེ། །འཁོར་བའི་དྲ་བས་ཆགས་པ་ཡི། །དམར་ཆེན་དག་གི་རྒྱ་མཚོ་ལ། །འཁོར་གྱི་མཁའ་འགྲོ་ཚོགས་དང་རོལ། །མ་རུངས་གདུག་པས་མ་ཆགས་ཤིང་། །དམ་ཚིག་ལ་སྡང་དགྲ་ཆེན་རྣམས། །ཐུགས་རྗེ་བྱམས་སེམས་ལྡན་པ་ཡིས། །ངོ་མཐོན་སྟོབས་ཀྱིས་བསྒྲལ་བར་བྱ། །པྲ་བེ་ཤ་ཡ་ཕཊ། ཙི་ཏ་ཌཱཾ ། སུམ་བྷ་ནི་སུམ་བྷ་ཧཱུྃ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ། ཨཱ་ན་ཡ་ཧོ་བྷ་ག་བཱན་བིདྱཱ་རཱ་ཛ་ཡ་ཧཱུྃ། ཨཱ་ན་ཡ་ཧོ། བཛྲ་ཌཱ་ཀི་ནི། ཨ་ཡང་། སྥ་ར་ན་ཕཊ། བཛྲ་ཡུ་ཏི་ཛ། དྲག་པོ་ལས་ཀྱིས་བསྒྲལ་བའི་རྣམས། །འཁོར་བའི་ལམ་ལྔ་སྒོ་ཡང་གཅད། །རྣམ་ཤེས་ཧཱུྃ་གིས་བསྡུས་བརྔུབས་ནས། །འོག་མིན་གནས་མཆོག་བླ་མེད་འདིར། །གཙོ་བོ་ལྔ་དང་གཙོ་མོ་ལྔ། །སེམས་དཔའ་དང་ནི་སེམས་མ་དང་། །ཁྲོ་བོ་དང་ནི་ཁྲོ་མོ་ཡི། །སྦྱོར་བའི་ལྷུམས་སུ་ཕཊ་ཀྱིས་འཕང་། །ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་བརླག་མཛད་དེ། །བརླག་པར་མ་གྱུར་གང་ ― DNG013_Page_0231 ―
[མ་དཔེ་གཟིགས་ན་འདིར་གནོན།]
ཡང་མེད། །འདོད་ཆགས་རྡོ་རྗེ་འཁོར་བཅས་རྣམས། །འཇིག་རྟེན་ཁམས་ནི་རབ་འབྱམ་ཀུན། །ཡུད་ཙམ་གྱིས་ནི་དབང་མཛད་དེ། །དབང་དུ་མ་གྱུར་གང་ཡང་མེད། །ང་རྒྱལ་རྡོ་རྗེ་འཁོར་བཅས་རྣམས། །འཇིག་རྟེན་ཁམས་ནི་རབ་འབྱམ་ཀུན། །དཔལ་ལྡན་གཟི་བརྗིད་ཆེན་པོ་རྣམས། །ཡུད་ཙམ་གྱིས་ནི་རྒྱས་པར་མཛོད། །གཏི་མུག་རྡོ་རྗེ་འཁོར་བཅས་རྣམས། །འཇིག་རྟེན་ཁམས་ནི་རབ་འབྱམ་ཀུན། །ཡུད་ཙམ་གྱིས་ནི་ཞི་མཛད་དེ། །ཞི་བར་གྱུར་པས་དབྱིངས་ལ་རོལ། །བདག་ཅག་མཆེད་ལྕམ་དྲལ་རྣམས་ཀྱིས་རྡོ་རྗེ་སློབ་དཔོན་དབང་ཟོས་པ་དང་། ཕྲག་དོག་གི་དབང་གིས་མཆེད་ལྕམ་དྲལ་ངན་སེམས་དང་དབྱེ་སེམས་བགྱིས་པ་དང་། གཉིད་དབང་གིས་ལེ་ལོར་གྱུར་པ་དང་། སེམས་གཡེངས་པས་སྔགས་དང་ཕྱག་རྒྱ་ཟུར་ཆག་པ་དང་། དམ་ཚིག་དང་དུ་ལེན་རྔོ་མ་ཐོགས་པས་སྨད་པའི་དམ་ཚིག་ཉམས་སོ་འཚལ་ཐམས་ཅད་མཐོལ་ཞིང་བཤགས་སོ། །རྒྱུ་མཆོག་རྐང་བཞི་པ་འདི་ཕྲིན་ལས་རྣམ་བཞིས་བསྒྲལ་བ་ཡང་གནས་སྟོབས་པར་སྨོན་ཏོ། །བདག་ཅག་མཆེད་ལྕམ་དྲལ་འདི་ཚོགས་པ་རྣམས་ཀྱིས་ཡིད་ལ་རྟག་པའི་དངོས་གྲུབ་ཐོབ་པར་གྱུར་ཅིག །ཤྲཱི་ཧེ་རུ་ཀ་བྱ་ཤ་ན། བཛྲ་བེ་ར་བ་ན་ཤན། བཛྲ་ཀ་ར་ཛ་ལི་ཏ། ཨོཾ་བཛྲ་ཀྲོ་དྷ་རུ་ལུ་རུ་ལུ་ཧཱུྃ་ཕཊ། ཨུར་ཏ་ཀེ་ཤ་བྲ་ལ་བན། ཤ་ཏ་ཤ་པྲ་དྲ། ཤ་མ་བ་ར་ན་ཤྲ་མ་ལ་ཧ་ཧ་ཧ་ཧཱུྃ། ཀ་ར་བྃ། བཛྲ་ཀ་ར་བྃ། བཛྲ་ཀ་ར་ན་ཏ། ཏྲི་ཤཱུ་ལ་ཨ་གུ་ཛ། པ་ར་ཤ་ར་ན་སུ་ཤོ་མ་མ། པྲ་ཡོ་མ་ཧཱ་ཙཎྜ། སུ་རེ་བ་རུ་ན། ཀུ་བེ་ར་ན། ནི་ར་པ་པྲི་ཙི་ཏི་མ་ཧཱ་ཀུ་རུ་ནན། ཤྲཱི་ཧེ་རུ་ཀ་ཏ་ན་ཏི། ལ་ལ་གན་དུ་ས་ཏ་མ་ཧང་ཡ་ཀུར་ཀ་ཏེ། ཀུ་ཤ་ལ་ཛི་མོ་ཧ། བ་ར་མོ། གན་ཏ་གན་ཏ། ཀར་ཏ་ཀ །ག་བོ་ཛ་ལ་ནི། བ་བུར་ཏི་བ་ཏ། ཀོ་ཤ་བི་ཤ་ལ། ཨི་ས་ན་པདྨ་ཙནྡྲེ་ན་ཀ །མང་གུ་ན་ད་རོ། ཙི་རི་ཀ་ཏ། ཙི་ཏ་སྡི། ཛ་བི་སྟྲ། བྷན་དྷ་ཧེ་རུ་ཀ །བཛྲ་མ་རང་ས་ན་ས་རང་། བ་མུན་ཀ་ན། ཧིག་ཤྣ། ཏྲཾ་སྟང་ག་ཡ། ཛ་ཡ་བ་གེ་དོང་། བི་ཀ་ར་བེ་ར། མ་ར་མ་ཧཱ། རི་ཙ་ཡང་སང་ས་ར། མ་ཧཱ་རུ་ན། ཛཱ་ལ་པ་ནི། ཧོ་ཧོ་ཧ། ― DNG013_Page_0232 ―
[མ་དཔེ་གཟིགས་ན་འདིར་གནོན།]
རོ་ན་རོ་ཧཱུྃ་ཧཱུྃ། རེ་ན་རོ་དེ་ན། ཧེ་ཧེ་ར་ན་རོ། བཞི་ལ་བསྟོད། ཐ་མེད་ཏང་བ་ཏིང་། བ་བ་ཏི་ཀ་བ་ར་མཉྫུ། གྲི་ན་ཛ་ལ་པ་ར་ཧོ། ཧེ་ཧེ་རོ་ན་རོ། ཨོཾ་ཕུར་བུ་སྲ་སྡི་སྲ་ཧོ། ཨོཾ་ཕུར་བུ་ཤ་ཤྃ་ཀ །ཕུར་བུ་བ་ཏ་བ་ཏི་ཧོ། ཕུར་བུ་བ་སཱ་ས་ར་ཧཱུྃ། བྱིན་གྱིས་བརླབས་པ། ཨོཾ་ཨེ་ཤ་ཧཱུྃ་བེ་ཤེ་ཧཱུྃ་ས་མ་ཡ་བཀྵ་ཧཱུྃ། རུ་ལུ་རུ་ལུ་ཧཱུྃ་བྷྱོ་ཧཱུྃ། ཁ་རྃ་པྲ་ཏི་ཛ་ཧོ།མཆོད་པ་འབུལ། བཤགས་པ་བྱ། སྨོན་ལམ་གདབ། ཕྱོགས་བཅུ་མཐས་ཀླས་མུ་མེད་པའི་སངས་རྒྱས་བཅོམ་ལྡན་འདས་ཡེ་ཤེས་སེམས་དཔའི་འཁོར་རྒྱ་མཚོ་དང་བཅས་པ་དང་། དཔལ་ཆེན་པོ་ཤྲཱི་ཧེ་རུ་ཀ་བཛྲ་ཌཱ་ཀི་ནཱི་ཚོགས་ཀྱི་དམ་ཚིག་གིས་ས་ལ་གཞེས་པའི་ནང་གི་རྣལ་འབྱོར་དང་། ཕྱིའི་གྲུབ་པ་ལ་སོགས་ཏེ། ཕྲ་མེན་གྱི་འཁོར་བསམ་གྱིས་མི་ཁྱབ་པ་ལ་སོགས་པ་རྡོ་རྗེ་ཐེག་པ་བསྲུང་བར་ཞལ་འཆེས་པའི་འཕགས་པ་ཐམས་ཅད་དང་། རིག་འཛིན་སྩལ་འཆང་དུ་གྱུར་པའི་མི་ལ་སོགས་ཏེ། སྤྲུལ་པ་སྣ་ཚོགས་སུ་སྐུ་བཞེངས་ནས་སློབ་དཔོན་གྱི་ས་ལ་བཞེངས་ཤིང་སེམས་ཅན་གྱི་དོན་མཛད་པ་ལ། བདག་ཅག་མཆེད་ལྕམ་དྲལ་འདིར་ཚོགས་པ་རྣམས་ཀྱིས་མཆོད་པའི་ཞལ་ཟས་འདི་དག་ཚུལ་བཞིན་དུ་བྱིན་གྱིས་བརླབས་ནས་འབུལ་བས་མཐའ་ཡས་པའི་སེམས་ཅན་ཐམས་ཅད་ཡེ་ཤེས་བླ་མའི་ས་ནོན། དམ་ཚིག་ཉམས་པ་ཐམས་ཅད་སྐོངས་པར་གྱུར་ནས་སོ་སོའི་ཐུགས་དམ་སྐོངས་པར་སྨོན་ཏོ། །རྣལ་འབྱོར་སྔ་རབས་སྐུ་ཚེ་འདས་པ་རྣམས་ཀྱང་སྒྲིབ་པ་རྣམ་གཉིས་ནི་བྱང་ཚོགས་གཉིས་ནི་རྫོགས། བདག་ཅག་གི་སྟོང་གྲོགས་སུ་གྱུར་ཅིག །བདག་གིས་སྔ་སླད་དམ་རྫས་བསྒྲལ་བ་དང་། སེམས་ཅན་གྱི་སྲོག་བཀུམ་མོ་འཚལ་ཐམས་ཅད་ཀྱང་ཡེ་ཤེས་ངང་གིས་བསྒྲལ་ཞིང་རྣལ་འབྱོར་གྱི་སྐལ་བ་ཅན་དུ་གྱུར་ཅིག །བདག་ཅག་རྣམས་ཀྱི་ཚེ་སྔ་མ་ནས་ད་ལྟར་གྱི་སློབ་དཔོན་དུ་གྱུར་པ་དང་། རྒྱུད་གཅིག་ཅིང་ཡི་དམ་གཅིག་པའི་ཐུགས་དམ་ལ་མཉེས་པར་ཕོག་པ་དང་། བདག་གི་སྙིང་རྗེ་ཆུངས་པའི་རྐྱེན་གྱིས་འཕགས་པ་ཐུགས་དམ་བསྐུལ་བའི་རྩལ་འཕང་ ― DNG013_Page_0233 ―
[མ་དཔེ་གཟིགས་ན་འདིར་གནོན།]
དམས་པ་དང་། གནང་བའི་དབང་ལས་ཕམ་པར་གྱུར་པ་དང་། གཏི་མུག་མ་ཚོར་བའི་རྐྱེན་གྱིས་བདེ་བ་དང་སྡུག་བསྔལ་གྱི་རྐྱེན་མི་བཟོད་དེ། ལུས་ངག་ཡིད་གསུམ་གྱིས་སེམས་དཀྲུགས་ནས་མ་ཡིན་པའི་ཆོས་སྨྲ་བ་དང་། སྤྱོད་ལམ་མི་མཁས་པའི་རྐྱེན་གྱིས་དམ་ཚིག་གི་ལྷ་དང་། སློབ་དཔོན་དང་།དགེ་བའི་བཤེས་གཉེན་དང་། རྡོ་རྗེ་མཆེད་ལྕམ་དྲལ་ཐུགས་དམ་གྱི་ལྷ་ཡལ་བར་བཞག་ནས་དངོས་གྲུབ་ཐམས་ཅད་འཕང་བར་གྱུར་པ་དང་། མཁྱེན་གསལ་གོང་མ་རྣམས་དང་བྲལ་བའི་རྐྱེན་གྱིས་མཆོད་པའི་ཡོ་བྱད་རྒྱུན་མི་གཅིག་པ་དང་། མཆོད་པ་མ་ཡིན་པའི་གྲོགས་པོ་ལ་བརྟེན་ནས་རྒྱུན་མི་གཅིག་པ་དང་། བསོད་ནམས་འདྲེས་པས་རྩལ་ཚད་མར་གྱུར་ཏེ། ལེ་ལོ་དང་བཏང་སྙོམས་ཀྱི་དབང་དུ་གྱུར་ནས་ཐུགས་རྗེའི་གནས་སུ་མ་གྱུར་ཏེ། ཡེ་ཤེས་ལྷ་དང་སྲུང་མ་རྣམས་འཕང་བར་གྱུར་པ་དང་། རྒྱང་འཕེན་གྱི་ཆོས་ཀྱི་གདུངས་ནས་བདེ་བའི་ཡོ་བྱད་དང་བྲལ་ཏེ། ཉེས་པ་བསགས་པའི་ཆ་ཤས་དང་། མཆོད་སྦྱིན་མི་ཆུད་པའི་སྒྲིབ་པ་དང་། བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་ལས་ཐེ་ཚོམ་གཅོད་པའི་བསམ་པ་མ་ཡིན་པ་བྱུང་བ་དང་། ཤིན་ཏུ་སྡུག་བསྔལ་བར་གྱུར་པ་རྣམས་རྗེས་སུ་དྲན་ཞིང་གནོད་པའི་སེམས་ཀྱིས་མཐོལ་ཞིང་བཤགས་སོ། །བཤགས་བྱ་འདི་ནི་བརྗོད་པ་ཙམ་གྱིས་ཚོར་བ་དང་མ་ཚོར་བ་དང་བག་ཆགས་བྱང་བར་སྨོན་ཏོ། །གནས་ཐོབ་པ་དང་རྒྱུད་བྱང་བས་ཕྱིར་མི་ལྡོག་པའི་ས་ཐོབ་པར་གྱུར་ཅིག །ལྷ་དང་སློབ་དཔོན་གྱི་དབང་དང་སྔོན་ཅི་ལྟར་དཀྱིལ་འཁོར་གནང་བ་དང་། མི་སྐྱོལ་ཞིང་དངོས་གྲུབ་རྣམ་བཞི་ཡང་ཐོབ་པར་གྱུར་ཅིག །སྐྱོན་བརྗོད་པ་ཐམས་ཅད་དང་བྲལ་ཞིང་དགེ་བའི་རྩ་བ་བསགས་པ་རྣམས་ཡོན་ཏན་ཚད་མ་བཞིན་ཐོབ་པར་གྱུར་ཅིག །དེ་ནས་ཚོགས་ཀྱི་གཏོར་མ་གཏང་། ཨོཾ་ཤྲཱི་ཧེ་རུ་ཀ་མ་ཧཱ་བཛྲ་ཌཱ་ཀི་ནཱི་། བཛྲ་གཽ་རི་ཧ། བཛྲ་ཙཽ་རི་ཧ། བཛྲ་པྲ་མོ་ཧ། བཛྲ་པེ་ཏ་ལི། བཛྲ་པུཀྐ་སི། བཛྲ་གྷསྨ་རི། བཛྲ་ཙཎྜ་ལི། བཛྲ་སཱ་ ― DNG013_Page_0234 ―
[མ་དཔེ་གཟིགས་ན་འདིར་གནོན།]
ཤ་ནི། བཛྲ་ཧེ་རུ་ཀ་ས་མ་ཡ་ཡོ་གི་ཤྭ་རི། སརྦ་ཌཱ་ཀི་ནན། རུ་ལུ་རུ་ལུ་ཧཱུྃ་བྷྱོ་ཧཱུྃ། དབྱུག་པའི་བརྡ་ཡིས་མཚོན་ནས་ཀྱང་། །མ་ཚོགས་དབང་ཕྱུག་སྤྱན་འདྲེན་གྱིས། །དམ་ཚིག་ཚུལ་བཞིན་གཤེགས་སུ་གསོལ། །ཐལ་མོ་བརྡ་ཡིས་མཚོན་ནས་ཀྱང་། །མ་ཚོགས་དབང་ཕྱུག་སྤྱན་འདྲེན་གྱིས། །དམ་ཚིག་ཚུལ་བཞིན་གཤེགས་སུ་གསོལ། །གླུ་ཡི་བརྡ་ཡིས་མཚོན་ནས་ཀྱང་། །མ་ཚོགས་དབང་ཕྱུག་སྤྱན་འདྲེན་གྱིས། །དམ་ཚིག་ཚུལ་བཞིན་གཤེགས་སུ་གསོལ། །བསྐལ་པ་མེ་ལྟར་འབར་བ་ཡིས། །འོད་ཟེར་འདུ་འཕྲོ་ཀློང་དཀྱིལ་ན། །སྐུ་ནི་དུད་ཁ་ཆེན་པོ་ལ། །ཞལ་གསུམ་པོ་ལ་ཕྱག་དྲུག་སྟེ། །གནག་དང་མཐིང་ག་དམར་བའི་དབུ། །གཡས་ཀྱི་གསུམ་ན་ཐོགས་པ་ནི། །རྡོ་རྗེས་བཀུག་ཅིང་ཞལ་དུ་གསོལ། །ཁྱུང་གི་ཁྲ་ཆེན་འབར་བའོ། །གཡོན་པ་གསུམ་ན་ཐོགས་པ་ནི། །སྡི་རའི་རྒྱུ་མའི་ཞགས་པ་དང་། །ཐོད་རློན་དམར་གྱིས་བཀང་བ་དང་། །སྡི་ར་ཕྲ་མོ་གསུས་པ་ནས། །གློ་སྙིང་ནང་གྲོལ་འབྱིན་ཅིང་ཟ། །གླང་ཆེན་ཀོ་རློན་གོས་སུ་གྱོན། །ཞིང་ལྤགས་གཡང་གཞི་ཤམ་ཐབས་ཅན། །ཐོད་རློན་ཕྲེང་བས་རྒྱན་དུ་བྱས། །མ་ལུས་པ་དག་གསན་དུ་གསོལ། །རྒྱུ་ལས་བྱུང་བས་དེ་བཞིན་གཤེགས། །སྟོན་ནི་མ་ནོར་དོན་མཛད་པ། །མངག་པའི་གནས་སུ་ཡུད་ཙམ་གྱིས། །ཐམས་ཅད་ཁོ་ནར་དབང་མཛད་མཛོད། །སྲུངས་ཤིག་མྱུར་དུ་རྣམ་རྒྱལ་དཔལ། །ཐལ་བ་བཞིན་དུ་རབ་ཏུ་རློགས། །རོལ་ཅིག་དགོངས་ཤིག་དེ་བཞིན་གཤེགས། །མཱ་ར་ན་ཏ་ཐ། འབྱུང་པོའི་ཤ་ནི་ཟན་པས་ཞིམ། །འབྱུང་པོའི་ཁྲག་ནི་ཆང་བས་ཞིམ། །འབྱུང་པོའི་རུས་པ་ཞིམ་པ་སྟེ། །ཐམས་ཅད་གསོལ་ཏེ་དགྱེས་པར་མཛོད། །དཔལ་ཆེན་ཧེ་རུ་ཀ །མཁའ་འགྲོ་འབར་བའི་ཚོགས་ཆེན་པོ། །ཤིན་ཏུ་མི་བཟད་འཇིགས་པའི་གཟུགས། །ནམ་མཁའི་ཁམས་ཀུན་ཁྱབ་པར་སྤྲུལ། །ལྷིང་ནག་གཅེར་བུ་རལ་པ་ཅན། །མི་ལྤགས་རློན་པ་གོས་སུ་གྱོན། །ཐལ་བའི་མཚན་མས་བྱུགས་པ་སྟེ། །ཁྲག་དང་ཞག་གི་ཐིག་ལེས་བརྒྱན། །ཕྲེང་ ― DNG013_Page_0235 ―
[མ་དཔེ་གཟིགས་ན་འདིར་གནོན།]
བ་མང་པོས་རྒྱན་དུ་བྱས། །ལག་ན་ཏྲི་ཤཱུལ་ཐོད་པ་ཐོགས། །དུག་གསུམ་བཤིགས་པར་དམ་བཅས་པའི། །རྡོ་རྗེ་མེ་ཕུང་འཁྲུག་པའི་ཚུལ། །རེ་བ་ཐམས་ཅད་སྐོང་མཛད་པའི། །ཁྱོད་ཀྱི་ཐུགས་དམ་དུས་ལ་བབ། །ཐེག་ཆེན་རྣལ་འབྱོར་སྤྱོད་པ་ལ། །གནོད་པའི་དགྲ་བགེགས་གཏན་ནས་ཕྱུང་། །ཐམས་ཅད་གཅིག་ཏུ་བསྡུས་ནས་ཀྱང་། །རྡུལ་ཕྲན་བཞིན་དུ་བརླག་པ་དང་། །སེམས་ཉིད་ཐེག་པ་ཆེན་པོ་ཡི། །རྣམ་ཐར་ལ་ནི་དགོད་པར་མཛོད། །རྣལ་འབྱོར་བདེ་མཆོག་སྒྱུ་མས་སྤྲུལ། །དམ་ཚིག་དག་ལ་འཇུག་ཏུ་གསོལ། །ཉོན་མོངས་ཀུན་ལས་རྒྱལ་བར་མཛོད། །མ་ལུས་པ་དག་བསྣམས་སུ་གསོལ། །རྣམ་པ་སྣ་ཚོགས་འདོད་ཆགས་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་མཁའ་འགྲོ་བདེ་མཆོག་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །དེ་ན་ཏེ་ཐེ་ཧཱུྃ། རྣམ་པ་སྣ་ཚོགས་དག་པའི་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་མཁའ་འགྲོ་སྒྱུ་མའི་བདེ་མཆོག་ཐམས་ཅད་རབ་སྤྲུལ་རྣམ་པར་སྤྲུལ། །ཧཱུྃ་ཧཱུྃ་ཧཱུྃ། རྣམ་པ་སྣ་ཚོགས་ཁྲོ་བོ་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་མཁའ་འགྲོ་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །རུ་ལུ་རུ་ལུ་ཧཱུྃ་བྷྱོ་ཧཱུྃ། རྣམ་པ་སྣ་ཚོགས་ཐབས་ཀྱི་རྒྱུད་ཀྱིས་སེམས་ཅན་མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་མཁའ་འགྲོ་སྒྱུ་མས་ཐམས་ཅད་རབ་སྤྲུལ་རྣམ་པར་སྤྲུལ། །ཧཱུྃ་ཨེ་ཤ་ཧཱུྃ་བེ་ཤ་ཧཱུྃ། ན་མོ་རཏྣ་ཏྲ་ཡཱ་ཡ། ན་མཤྩཎྜ་དྷ་བཛྲ་པཱ་ཎ་ཡེ། མ་ཧཱ་ཡཀྵ་སེ་ན་པཱ་ཏ་ཡེ། ཏདྱ་ཐཱ། ཨེ་ཧྱེ་ཧི་ས་མ་ཡ། ཨཱ་ན་ཡ་བཛྲ་ཤན་ཏིང་།བཛྲ་ཀྲོ་དྷ་ན། བཛྲ་ཙ་ཀྲོ་བཛྲ་གན། བཛྲ་མུ་སྡིང་། བཛྲ་ཏི་བ་ཏི། བཛྲ་གན་ཏི། བཛྲ་གན་ད། བཛྲ་ཨ་ཀྲིང་། བཛྲ་རཀྵ། བཛྲ་དང་ཥྚཱ། བཛྲ་ཤན་ཏིང་། བཛྲ་ཨེ་ཀ་ར་ཙ་མ། བཛྲ་མ་ནོ་ཧ་རམ། བཛྲ་དུན་ཏིང་། བཛྲ་ནཱི་ལམ། བཛྲ་ ― DNG013_Page_0236 ―
[མ་དཔེ་གཟིགས་ན་འདིར་གནོན།]
ན་ལམ། བཛྲ་གྲི་ཏ། བཛྲ་མུ་ཀྲིང་། བཛྲ་ཀི་ལམ། བཛྲ་ཨུས་སྨ། བཛྲ་མ་ཀ་རད་ལྦ། བཛྲ་བིདྱ་ཙ་ར་ཙ་ནི་ཀ །ཁ་ན་ཁ། ཏུ་ཏ་ཁ།སརྦ་ཨ། ཤ་ས་ཁ། སརྦ་མ་ཨཱ་ཀཪྵ་ཡ། པྲ་བེ་ཤ་ཡ། བྷན་དྷ་ཡ་བྷན་དྷ་ཡ། སརྦ་ཌཱ་ཀི་ནི་ནན། ཨེ་ཨ་ར་ལི་མ་ནུ་སྨ་ར་ཡ་ཕཊ། མི་ཡི་སྲིན་མོ་ཚངས་མ་དང་། །ཁྲོ་བོ་དང་ནི་འཇུག་སྲེད་མོ། །གཞོན་ནུ་མ་དང་དབང་པོ་དང་། །རྡོ་རྗེ་དམར་མོ་བདུད་རྩི་མོ། །ཞི་བ་མ་དང་བེ་ཅོན་མོ། །ཟིན་མོ་དང་ནི་ཟ་བ་མོ། །རྡོ་རྗེ་དགའ་བ་མོ་དང་ནི། །ཤིན་ཏུ་ཁྲག་འཐུང་མོ། །གཅིག་པུ་སྤྱོད་དང་ཡིད་འཕྲོག་མོ། །གྲུབ་མོ་དང་ནི་རླུང་མོ་དང་། །རྡོ་རྗེ་ཡང་ནི་གསོད་ཆེན་མོ། །མེ་མོ་ཕག་མོ་རྒན་བྱད་མོ། །སྣ་ཆེན་མོ་དང་ཆུ་ལྷ་མོ། །རྡོ་རྗེ་ནག་མོ་ཆེན་མོ་དང་། །རྡོ་རྗེ་ར་སྟེ་དམར་སེར་མོ། །རྡོ་རྗེ་སྔོ་ནག་བུམ་རྣ་མོ། །རྡོ་རྗེ་དམར་སེར་དྲིལ་འཁྲོལ་མ། །མ་མོ་ཆེན་མོ་ཁྱེད་རྣམས་ཀྱིས། །ཇི་ལྟར་ཁས་བླངས་དམ་བཅས་པའི། །འཇིག་རྟེན་འདས་དང་འཇིག་རྟེན་པའི། །ཡེ་ཤེས་ཐོབ་པར་བྱ་བ་དང་། །བསྒྲུབ་པ་རྣམས་ཀྱི་ལས་བྱ་ཞེས། །རྡོ་རྗེ་བྱིན་ནས་མིང་བཏགས་ཏེ། །དམ་བཅས་བཞིན་དུ་ཧེ་རུ་ཀ །ད་ལྟར་ཁྱོད་ཀྱིས་གཟུགས་མཆོག་རྣམས། །མངོན་པར་སྟོན་ལ་གྲུབ་པ་འཕྲུལ། །ཅི་སྙེད་གྲུབ་མཆོད་མ་ཕུལ་ཞིང་། །ཁྱེད་རྣམས་མངོན་དུ་མ་གྱུར་ན། །རབ་ཏུ་སྟ་ནའི་དཀྱིལ་འཁོར་འདིར། །འདུག་ལ་ལས་རྣམས་ཀུན་གྱིས་ཤིག །ཨོཾ་པདྨ་བ་ད་མུ་མུ་ཀ །ཨཱ་ཀཪྵ་ཡ། ཨཱ་ཀཪྵ་ཡ། པྲ་བེ་ཤ་ཡ། པྲ་བེ་ཤ་ཡ། བན་དྷ་ཡ། བན་དྷ་ཡ། ཏོ་ཤ་ཡ་ཏོ་ཤ་ཡ། བཛྲ་ཌཱ་ཀི་ནཱི་ཧྲྀ་ད་ཡན། ཨོཾ་ཨོཾ་ཧཱུྃ། གཏོར་མ་དཀྱིལ་འཁོར་གྱི་ཕྱི་རོལ་དུ་བསྒྱུར་ལ་ཁ་བྷན་དྷ་དང་རས་ཆེན་གྱིས་བཅད་ལ་རྟ་མགྲིན་དབང་གི་ཕྱག་རྒྱ་བཅས་ལ་མཆོད་དོ། །བཅོམ་ལྡན་འདས་ཧེ་རུ་ཀ་རོལ་པ་ལས། ཁྲོ་བོ་བསྐྱེད་རྫོགས་ལས་ཀྱི་བཟླས་པའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཞི་བའི་མཆོག་གཏན་ཕྲེང་བའི་ཕྲིན་ལས་རབ་བསྡུས་པ། །ཚད་མེད་སྙིང་རྗེ་སྐྱེད་པ་དང་། །བྱང་ཆུབ་སེམས་དཔའ་ ― DNG013_Page_0237 ―
[མ་དཔེ་གཟིགས་ན་འདིར་གནོན།]
དག་ལ་ནི། །སྔོན་དུ་འགྲོ་བའི་ལས་མཆོག་སྟེ། །སྒྲུབ་པ་པོས་ནི་ནན་ཏན་བྱ། །ཁྲག་འཐུང་ཐུགས་སུ་གནས་པ་ནི། །ཡེ་ཤེས་གཙོ་མོ་མཆོག་ཉིད་དེ། །གསུམ་པ་ལས་ནི་འདས་པའི་ཕྱིར། །རྩེ་མོ་མེད་པའི་ལས་སུ་བསྟན། །དེ་ནི་གཟུགས་དང་བྱིན་རླབས་དང་། །བཟླས་བརྗོད་དང་ནི་ཕྲིན་ལས་དང་། །དུས་དང་གནས་དང་བདག་ཉིད་དག །ཕུན་སུམ་ཚོགས་པ་བདུན་པོ་སྟེ། །བཏབ་ན་ཅི་འདོད་སྦྱིན་ནོ་ཞེས། །དམ་ཚིག་བདག་པོས་རབ་ཏུ་གསུངས། །འདས་ན་ལྷ་ཡང་བརླགས་པའི་ཕྱིར། །རང་གི་བཀའ་ལས་རང་མི་འདའ། །གཟུགས་ནི་ཐུགས་ཀྱི་ཕྱག་རྒྱ་དབྱིངས་ལ་སྟེ། །ལྕགས་དང་ལྕགས་ལྔ་སེང་ལྡེང་ལ་སོགས་པ་ཚེར་མ་ཅན་གྱི་ཤིང་ལས་སོར་བརྒྱད་དམ་བཅུ་གཉིས་པར་བྱས་པ་མགོ་མཇུག་མ་ནོར་བར་ཤིང་རྩ་བ་ཕྱོགས་སུ་མགོ་བྱས་ལ། སོར་བརྒྱད་ལ་སོར་གཅིག་ལ་རྒྱ་མདུད། རྐེད་པར་སོར་གཅིག་ལ་རྒྱ་མདུད་སྟོད་ཟུར་བརྒྱད། སྨད་ཟུར་གསུམ་དུ་བྱས་ལ། རི་རབ་ལྟར་བརྗིད་པ་འདུག་པ་ནི་གཟུགས་སོ། །བྱིན་རླབས་ནི་ཐོག་མ་ཉིད་སྐུ་གསུམ་དུ་བྱིན་གྱིས་བརླབ་པར་བྱ་སྟེ། དེའི་འོག་ཏུ་རྒྱ་མདུད་གཞལ་མེད་ཁང་དུ་དམིགས་ཏེ།ཕྱོགས་བཞི་དབུས་དང་ལྔར། ཧཱུྃ་བསྒྲིལ་མ་ལྔ་བཞག་སྟེ། དབུས་སུ་ཧེ་རུ་ཀ །ཤར་དུ་ཁམས་གསུམ་རྣམ་པར་རྒྱལ་བ། ལྷོར་གཤིན་རྗེ་གཤེད། ནུབ་ཏུ་རྟ་མགྲིན། བྱང་དུ་སྟོབས་པོ་ཆེ་འདི་རྣམས་སོ་སོའི་སྙིང་པོ་དྲན་པ་ཙམ་གྱིས་བསྐུལ་ཏེ་ཕྱི་ནང་གི་མཆོད་པ་ཅི་འབྱོར་པ་ཕུལ་ཏེ། དམ་ཚིག་རྗེས་སུ་བཀུག་ནས་གཉིས་སུ་མེད་པའི་རྒྱན་རྫོགས་པར་མཛད་པ་ནི་ལོངས་སྤྱོད་རྫོགས་པའི་སྐུར་བྱིན་གྱིས་བརླབ་བོ། །དེ་ནས་སྲས་ཕུར་བུའི་ཁྲོ་བོ་བསྐྱེད་པ་ནི། ཨོཾ་བཛྲ་ཀྲོ་དྷ་ཀཱི་ལི་ཀཱི་ལ་ཡ་མ་ན་ཕཊ། ཅེས་བརྗོད་པས་ལྟེ་བ་ཡན་ཆད་མཐིང་ནག་ལ་དབུ་སྐྲ་ཁམ་པ་ཟུར་གསུམ་པའི་ཐབས་སུ་བསྒྲེང་ལ། བྲང་གིས་འགྲོ་ཆེན་པོ་དང་། ཐོད་རློན་གྱིས་བཅིངས་ཤིང་བཤམས་ལ། སྤྱན་གསུམ་སྡང་མིག་ཏུ་བགྲད་དེ། ཕྱག་གཡོན་པའི་ཕུར་བུ་ལ་གཟིགས། མཆེ་བ་གཙིགས་པ། རབ་ཏུ་རྔམ་པ། དུར་ཁྲོད་ཀྱི་མེ་ཕུང་གི་ནང་དུ་ལྟེ་བ་མན་ཆད་ལྕགས་ཀྱི་ ― DNG013_Page_0238 ―
[མ་དཔེ་གཟིགས་ན་འདིར་གནོན།]
ཕུར་པ་ཟུར་གསུམ་པ། ཨེའི་ནང་དུ་སུམ་ཆ་ཙམ་ནུབ་པ་ལ་ཕྱག་བཞི་ལ་གཡས་ཀྱི་གོང་མ་སྟ་རེ་ཁ་ཡར་བསྟན་ཏེ་བརྡེག་པར་བྱ་སྟེ། གཡོན་པ་རི་རབ་ཀྱིས་གནོན་པའི་སྟོབས་སུ་འཛིན་པ། གཡོན་དང་པོས་རྡོ་རྗེ་ཁ་ཊྭཱཾ་ག་འཁྲོལ་ཞིང་བདུད་ཀྱི་ཁམས་འཇིགས་པ། འོག་མ་ཕུར་བུ་ཟུར་གསུམ་འདེབས་པའི་སྟབས་སུ་གཟས་ཤིང་། ངན་སོང་གསུམ་དུ་འཇིགས་པ།སྟོབས་དང་མཐུ་ལ་སོགས་པ་ཁྲོ་བོ་ཐམས་ཅད་འདུས་པས་ཀྱང་ཆེ་བ་གཅིག་ཕྱུང་སྟེ། རྟག་པ་ཆེན་པོ་བཞུགས་པར་བསྟན་པ་ནི་སྤྲུལ་པའི་སྐུར་བྱིན་གྱིས་བརླབ་བོ། །དེ་ལ་རིགས་ལྔར་བྱིན་གྱིས་བརླབ་པར་བྱ་སྟེ། འབྲུ་ལྔས་གནས་ལྔ་བྱིན་གྱིས་བརླབ་བོ། །སྐུ་གསུང་ཐུགས་སུ་བྱིན་གྱིས་བརླབ་པར་བྱ་སྟེ། སྤྱི་གཙུག་ཏུ་ཨོཾ། རྐེད་པར་ཧྲི། རྩེ་མོར་ཕཊ་བསམ་མོ། །དེའི་འོག་ཏུ་ཐུགས་ཀྱི་ཡེ་ཤེས་རྩེ་གཅིག་པར་བྱིན་གྱིས་བརླབ་པར་བྱ་སྟེ། ཟུར་གསུམ་དུ་ཕཊ་གསུམ། ངོས་གསུམ་དུ་ཧཱུྃ་གཞག་གོ། །དེ་ནས་སྐུ་བལྟས་པ་དང་། རིགས་སོ་སོའི་ཁྲོ་བོ་ཐམས་ཅད་ཀྱིས་དབང་བསྐུར་བར་བྱ་སྟེ། ཁྲོ་བོ་དཀྱིལ་འཁོར་དེ་དག་ཉིད་ཕྱོགས་བཅུར་འཕྲོས་པ་སླར་འདུས་ནས། ཧཱུྃ་ཧཱུྃ་ཕཊ་ཕཊ་ཀྱི་སྒྲ་འབྱིན་ཅིང་། དེའི་སྐུ་ལ་བསྡིམས་ཏེ།དབང་དང་བྱིན་རླབས་ཐམས་ཅད་བརླན་པར་བྱའོ། །དེ་ནས་འགྲོ་བའི་དོན་ལ་གཤེགས་ནས་ཕྱོགས་བཅུའི་བདེ་བར་གཤེགས་པ་ཐམས་ཅད་དང་། སྔོན་ཐུགས་དམ་དུ་ཞལ་གྱིས་བཞེས་པ་ལགས་པས་དེས་གྲོས་མཛད་ཅིང་བསྐུལ་བ་ལ་བཞུགས་པ་དང་། བདག་ཉིད་ཀྱང་བདག་ཉིད་ཆེན་པོ་ཡིན་པས་ཕུར་པ་ཡང་བདག་ཉིད་ཆེན་པོ་ཉིད་དུ་དབང་བསྐུར་ཞིང་བྱིན་གྱིས་བརླབ་པར་བྱ་བའི་ཕྱིར། ལག་པ་གཡས་པར་མ་ལས་ཉི་མའི་དཀྱིལ་འཁོར་དུ་གྱུར་པའི་སྟེང་དུ་ཧཱུྃ། གཡོན་པའི་སྟེང་དུ་ཨ་ལས་ཟླ་བའི་དཀྱིལ་འཁོར་དུ་གྱུར་པའི་སྟེང་དུ་ཏ་བསམ་མོ། །གུང་མོ་ལ་ཨོཾ། མཐེ་བོ་ལ་ཧཱུྃ། མཛུབ་མོ་ལ་ཏྲཾ། སྲིན་ལག་ལ་ཧྲི། མཐེའུ་ཆུང་ལ་ཧ། འདི་རྣམས་ཟླ་བའི་དཀྱིལ་འཁོར་དུ་གྱུར་པའི་སྟེང་དུ་གཞག་སྟེ། སུ་ར་ད་སྟྭཾ་ཞེས་ ― DNG013_Page_0239 ―
[མ་དཔེ་གཟིགས་ན་འདིར་གནོན།]
བརྗོད་པས་ཐལ་མོ་མཉམ་པར་སྦྱར་ལ། ཨོཾ་བཛྲ་ཨ་ཛ་ལི་ཧཱུྃ། ཞེས་བརྗོད་པས་སོར་མོ་ཅུང་ཟད་བསྣོལ་ལོ། །ཨོཾ་བཛྲ་བན་དྷ་ཧཱུྃ་ཞེས་བརྗོད་པས་སོར་མོ་རྒྱབ་ཏུ་བསྣོལ་ལ་བསྡམ་མོ། །ས་མ་ཡ་སྟྭཾ་ཞེས་བརྗོད་པས་ཕུར་པ་བླངས་ཏེ་ཆང་པའི་ནང་དུ་བཅུག་ལ། ལག་པ་ཆང་པ་ཕྱེ་ལ་མཐེ་བོ་དང་སྲིན་ལག་དང་མཐེའུ་ཆུང་དང་གཉིས་ཀྱི་བར་དུ་ཡང་གཞུག །མཐེ་བོས་ཆུང་ཟད་བསྒུལ་ཞིང་དྲུད་དོ། །ཨོཾ་བཛྲ་ཨཱ་བེ་ཤ་ཡ། ཨ་ཨ་ཞེས་བརྗོད་པས་ཕྱོགས་བཅུ་དུས་གསུམ་དུ་གཤེགས་པ་ཡབ་ཡུམ་སྲས་དང་བཅས་པ་ཐམས་ཅད་ཞེ་སྡང་རྗེས་སུ་དྲན་པའི་སྐུ་ཡུངས་འབྲུ་ཙམ་བར་མཚམས་མེད་པར་ཕུར་པ་ལ་བསྡུ་ཞིང་བསྡིམ་མོ། །སྐུ་གསུང་ཐུགས་ཀྱི་བདག་པོ་ཆེན་པོ་ཉིད་དུ་རྫོགས་པའི་བྱིན་གྱིས་བརླབ་ཅིང་དབང་བསྐུར་བར་བྱ་སྟེ། སོར་མོ་རྒྱབ་ཏུ་བསྣོལ་ལ་གུང་མོ་གཤིབས་ཏེ། བསྒྲེང་བའི་བར་དུ་ཕུར་བུ་བཅུག་ལ། ཨོཾ་བཛྲ་སཏྭ་ར་ཛ་ཧཱུྃ་ཕཊ་ཞེས་བརྗོད་པས་བཟླས་སོ། །དེ་ནས་སོར་མོ་བུག་བུག་བྱས་ཏེ། ལག་པས་ཕུར་པ་བཟུང་ལ། ཨོཾ་ཧཱུྃ་ཧྲིཿ། ཕུར་བུ་བ་ཕཊ་ཞེས་བརྗོད་པས་དེ་ནས་སོར་མོ་རྒྱབ་ཏུ་བསྣོལ་ལ་མཐེ་བོང་གཉིས་གཤིབས་པའི་ཆང་པར་བཅུག་ནས། ཨོཾ་ཙྪིན་ད་ཙྪིན་ད། ཧ་ན་ཧ་ན། ཏི་བ་ཏ་ཙཀྲ་ཧཱུྃ་ཕཊ་ཅེས་བརྗོད་ནས་དྲིལ་ཏེ། བདག་ཉིད་ཆེན་པོ་ཐམས་ཅད་གཉིས་སུ་མེད་པའི་སྦྱོར་བ་མཛད་པའི་གཟི་བྱིན་ཐམས་ཅད་ཕུར་པའི་སྐུ་ལ་བསྡིམས་པས་སྟོང་གསུམ་གང་བར་མེ་སྟག་འཕྲོ་ཞིང་དམིགས་པ་ཐམས་ཅད་སྒྲུབ་པའི་བྱིན་དང་། དབང་དང་ལྡན་པར་གྱུར་ཏེ། མདུན་གྱི་ནམ་མཁའ་ལ་ཨེའི་གདན་ལ་བཞུགས་པར་གསོལ་ནས་ཡུངས་ཀར་གྱི་རྒྱལ་པོས་བྲབ་ཅིང་གུ་གུལ་སྦྱར་བས་བདུགས་ལ། ཕྱི་ནང་གི་མཆོད་པ་ཐམས་ཅད་མཆོད་པར་བྱའོ། །དེ་ནས་ཡིད་ལ་བརྣག་པའི་ཕྲིན་ལས་བཅོལ་ཏེ་དེའི་བྱིན་བརླབས་སོ། །བཟླས་བརྗོད་ནི་བདག་ཉིད་ལས་ཀྱི་ལྷའི་ཏིང་ངེ་འཛིན་དུ་བཞུགས་ལ་སྙིང་གར་ཉི་མའི་དཀྱིལ་འཁོར་ལ་ཧཱུྃ་མཐིང་ནག་པ་གཅིག་བསམ་ལ། ཨོཾ་བཛྲ་ཀྲོ་དྷ་ཀཱི་ལི་ཀཱི་ལ་ཡ་མཱ་ར་ཡ་ཕཊ་ཅེས་བརྗོད་པས་ཕུར་བུའི་ཁྲོ་བོ་ཅི་འདྲ་བ་ཞིག་དེ་ལས་ ― DNG013_Page_0240 ―
[མ་དཔེ་གཟིགས་ན་འདིར་གནོན།]
བྱུང་སྟེ་ཕྱོགས་བཅུ་ཐམས་ཅད་དུ་སེམས་ཅན་གྱི་དོན་བྱས་ནས་ཕུར་བུ་ལ་བསྡིམ་མོ། །འདི་འབུམ་མམ། བདུན་འབུམ་མམ། ས་ཡ་བྱེ་བ་སྙེད་བྱ་སྟེ་བསྙེན་པ་གཏོང་བར་འདོད་ན་ཕུར་བུ་ཉིད་སྙིང་ག་ལ་བསྡུ་སྟེ། འདི་ནི་བཟླས་བརྗོད་དོ། །ཕྲིན་ལས་ནི་ཐོག་མ་ཉིད་བརྟག་པའི་ས་རྙེད་ནས་བསྐྲད་པ་དང་མཚམས་གཅད་པ་ལ་སོགས་པ་བྱས་ནས་སྐད་ཅིག་མའི་ཏིང་ངེ་འཛིན་གྱིས་ཁྲོ་བོའི་སྡང་མིག་དང་། མཚོན་ཆའི་ཆར་དང་། རྡོ་རྗེ་གནོད་སྦྱིན་ལ་སོགས་པས་བསྐྲད་ནས་ཕུར་པ་བཅུ་ཁྲོ་བོ་བཅུར་བྱིན་གྱིས་བརླབས་ཏེ་ཕྱོགས་བཅུར་བཏབ་ནས་ཅི་ཙམ་འདོད་པ་ཐམས་ཅད་མཚམས་གཅད་དོ། །རིགས་ལྔའི་ལྷ་མཉེས་པར་བྱ་སྟེ། དེ་ནས་ལས་ཀྱི་ལྷ་མཉེས་པར་བྱས་ནས་དེ་ནས་ཏིང་ངེ་འཛིན་གོང་ནས་བྱུང་བ་དང་། བསྙེན་པ་ཚང་ནས་གནས་ཆེན་པོར་དཀྱིལ་འཁོར་གྲུ་གསུམ་ལ་རྩེ་མོ་ལྷོ་ཕྱོགས་སུ་བསྟན་ཏེ། ཞིང་ཆེན་གྱི་ཐལ་བ་དང་། སྐེ་ཚེ་དང་། ལན་ཚྭ་དང་ཞིང་ཆེན་གྱི་རཀྟ་དང་། སྲུབ་མའི་ལོ་མའི་ལོ་མ་དང་། ཁྲེ་དང་ཅི་ཙེ་དང་། སུམ་མ་དང་། གྲོག་མཁར་གྱི་ས་དང་། བོང་བུའི་བདུད་རྩི་ལས་སྦྲུས་ཏེ། ཞིང་ཆེན་གྱི་ཐལ་བ་མ་རྙེད་ན་ཏིལ་ནག་པོ་ལས་གཞི་བླངས་ཏེ་གཟུགས་བྱས་ཀྱང་རུང་། རི་མོ་བྲིས་ལ་མདོག་སྨུག་ནག་ཏུ་བགྱིས་ཏེ་ཤུལ་བ་ལ་སོགས་པ་ལ་ཞིང་ཆེན་གྱི་རཀྟས་ཧཱུྃ་ཆེ་གེ་མོ་མཱ་ར་ཡ་ཕཊ། ཅེས་བྲིས་ཏེ། སྙིང་གར་གླན་ཏེ་དཀྱིལ་འཁོར་གྱི་སྟེང་དུ་གན་རྒྱལ་དུ་བཞག་སྟེ། མགོ་བོ་ལྷོ་ཕྱོགས་སུ་བསྟན་ཏེ། གདོན་དེ་ཉིད་དགུག་པ་ནི་མངག་གཞུག་གམ། ཁྲོ་བོ་སུམ་བྷ་ནི་སྦྱོར་བ་ཡང་རུང་སྟེ། གསང་བའི་ཐུགས་ཀའམ་སྙིང་གར་ཟླ་བའི་དཀྱིལ་འཁོར་དམར་པོ་ཞིག་བཞག་ལ་ཛཿཧཱུྃ་བྃ་ཧོཿ། བཛྲ་ཨཾ་ཀུ་ཤ་ཆེ་གེ་མོ་ཞིག་ཧཱུྃ་ཞེས་བརྗོད་ནས་ཁྲོ་བོ་ལྕགས་ཀྱུ་ཅན་གྲངས་མེད་པ་རྒྱུད་མ་ཤ་སྟག་བྱུང་བས་བགེགས་ཀྱི་སྙིང་ག་ནས་བཟུང་སྟེ། དེར་འོངས་པ་དང་། ཛཿཧཱུྃ་བྃ་ཧོཿ། ཆེ་གེ་མོ་མཱ་ར་ཡ་པྲ་བེ་ཤ་ཕཊ་རན་ཙམ་དུ་བརྗོད་ལ། གཟུགས་སམ་རི་མོ་ལ་ཕབ་ལ་ལྕགས་ཀྱུ་དང་། ཞགས་པ་དང་། ལྕགས་སྒྲོག་གི་ཕྱག་རྒྱ་བཅིངས་པ་ ― DNG013_Page_0241 ―
[མ་དཔེ་གཟིགས་ན་འདིར་གནོན།]
དང་། བསྡམས་པ་དང་། དེའི་སེམས་མ་འཁྲུགས་པར་དག་པར་བྱས་ནས་ཨེའི་ནང་དུ་རྩེ་མོ་འོག་ཏུ་སོང་བར་བསམ། དེ་ནས་ཕུར་པ་བླངས་ཏེ། ལས་ཀྱི་ལྷའི་སྙིང་པོ་དང་བཅས་པས་དྲག་ཏུ་ཆུད་ཟད་བསྐུལ་ལོ། །ཐལ་མོ་སྦྱར་ཕུར་བུ་ཐབས་ཀྱིས་གསོར་ལ་རྡོ་རྗེ་སྡེར་མོའི་སྔགས་བཟླས་ནས་ཏིང་ངེ་འཛིན་གསལ་བར་མ་ཁུགས་ཀྱི་བར་དུ་དྲིལ་ན་ཏིང་ངེ་འཛིན་ལ་ཞུགས་པ་དང་། གདན་གྱི་སྟེང་དུ་རྩེ་མོ་ནས་གང་ཙམ་མ་རེག་པར་གཟས་ལ་ཁྲོ་བོའི་སྐྱེའམ་རྐེད་པ་ནས་ལག་པ་གཡོན་པས་བཟུང་སྟེ། རྡོ་རྗེ་ཐོ་བའི་སྟ་རེ་ལག་པས་རྡེག་ཅིང་རྡོ་རྗེ་སྡེར་མོའི་སྔགས་ལན་གསུམ་དང་ཉི་ཤུ་རྩ་གཅིག་གདབ་ཅིང་བཟླས་ཏེ། སེང་ལྡེང་གི་ཕུར་པ་སོར་བརྒྱད་པ་གཅིག་སྙིང་གར་བཏབ་དཔྲལ་བར་གཅིག་གདབ། དཔུང་མགོ་གཉིས་དང་བརླའི་ནང་རོལ་གཉིས་སུ་ཡང་གདབ། ལྟེ་བ་ཁུང་དུ་ཡང་གདབ། སྡེར་མོའི་སྔགས། ན་མཿས་མན་ཏ་ཀཱ་ཡ་བཱ་ཀ་ཙི་ཏ་བཛྲ་ནན། ཨོཾ་གྷ་གྷ་གྷཱ་ཏ་ཡ། སརྦ་དུཥྚན། མཱ་ར་ཡ་ཕཊ། ཀཱི་ལི་ཀཱི་ལཱ་ཡ་སརྦ་པཱ་པཾ་ཕཊ། ཧཱུྃ་ཧཱུྃ་བཛྲ་ཀཱི་ལི་ཀཱི་ལཱ་ཡ་བཛྲ་དྷ་རོད། ཨཱཛྙ་པ་ཡ་ཏི་ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ་དྲག་ཏུ་བརྗོད་དོ། །ཕུར་པ་དེ་བཏབ་ཟིན་ནས་དེའི་སྟེང་དུ་ལས་ཀྱི་ལྷ་ཕྱག་རྒྱ་དང་སྔགས་ཀྱིས་མནན་ཏེ་ལག་པ་གཉིས་སོར་མོ་བསྣོལ་བ་མཐེ་བོ་དང་མཐེའུ་ཆུང་རྩེ་སྦྱར་བརྐྱང་ནས་གཞན་ནི་དྲག་པོར་རྒྱབ་ཏུ་བསྐྱེད་དེ་དེའི་སྔགས། ཨོཾ་བཛྲ་ཀརྨ་ཀྲོ་དྷ་ཧཱུྃ་ཕཊ། ལན་ཉི་ཤུ་རྩ་གཅིག་བཟླས་ཏེ་གཡས་ཕྱོགས་སུ་བསྐོར་ཏེ་ཀཱི་ལ་ཡའི་མགོ་ལ་ལན་གསུམ་བདུག་གོ། །དེ་ནས་ཕུར་པ་སླར་མི་འབྱུང་བ་དང་། སུས་ཀྱང་མི་ཕྱིན་པ་དང་། ལྷག་པར་ཡང་ཟད་ཅིང་ཐལ་ཕྱིན་པར་བསམ་མོ། །དེ་ནས་དམ་ཚིག་གི་ཕྱག་རྒྱ་བསྟན་ཏེ། སོར་མོ་རྣམས་རྒྱབ་ཏུ་བསྣོལ་ལ་བཅངས་ནས་གུང་མོ་གཉིས་རྒྱབ་སྦྱར་རྩེ་མོ་རྣོན་པོར་བསྒྲེང་ལ་ཕུར་པའི་ཀླད་དུ་གནོན། ཕུར་པའི་ལྷ་དང་བགེགས་ཆེ་གེ་མོ་ཁྱོད་དམ་ཚིག་འདི་ལས་མ་འདའ་ཞིག་པར་བསྒོ་ཞིང་སྔགས་འདིས་ལན་བདུན་བཟླས་སོ། །ཨོཾ་སརྦ་ཏ་ཐཱ་ག་ཏཱ་ས་མ་ཡ་ཧཱུྃ་ཕཊ་ཅེས་བྱའོ། །འདི་ནི་སེམས་མ་དམ་ཚིག་གི་སྔགས་དང་ཕྱག་རྒྱ་སྟེ། བསྒོ་བ་ཐམས་ཅད་ཉན་ ― DNG013_Page_0242 ―
[མ་དཔེ་གཟིགས་ན་འདིར་གནོན།]
པར་བསམ་སོར་མོ་གཉིས་ནང་དུ་བསྣོལ་ཏེ། མཐེ་བོ་དང་མཐེའུ་ཆུང་ངོ་སྦྱར་ལ་བསྒྲེང་། ཁུ་ཚུར་མི་བཅང་བར་སོར་མོ་རྣམས་ཕྱིར་བསྐྱེད་དེ་ཕུར་བའི་སྟེང་དུ་མནན་ཅིང་སྔགས་འདི་བརྗོད་དོ། །ཨོཾ་བཛྲ་ཀྲོ་དྷ་ཧ་ན་ཧ་ཎ། ད་ཧ་ད་ཧ། པ་ཙ་པ་ཙ། བན་དྷ་བན་དྷ། ཙྪིན་ད་ཙྪིན་ད་རྦ་ན་རྦ་ན་ཕཊ། ཉི་ཤུ་རྩ་གཅིག་བཟླས་སོ། །སྟོབས་པོ་ཆེའི་སྔགས་དང་ཕྱག་རྒྱ་སྟེ། གོང་དུ་བཀའ་ཉན་པས་བདག་གི་དབང་དུ་གྱུར་ནས་ཅི་བསྒོ་བ་ཐམས་ཅད་བྲན་བཞིན་དུ་ལས་བྱེད་པར་འགྱུར་རོ། །ཡུངས་ཀར་གྱི་རྒྱལ་པོས་བརྡེག །གུར་གུམ་སྦྱར་མས་བདུགས་ལ་གཞག་གོ། །དེ་ནས་ལག་པ་གཉིས་སྦྱར་ལ། མཐེའུ་ཆུང་གཉིས་གཅིག་ལ་གཅིག་འཁྱུད་མཛུབ་མོ་གཉིས་སྦྱར་ཏེ་མཐེའུ་ཆུང་གཉིས་གཅིག་ལ་གཅིག་འཁྱུད། མཛུབ་མོ་གཉིས་ཁ་གྲམ་ལ་གཡས་གཡོན་དུ་སྒྲེང་། ཡིད་ཙམ་དགུ་བར་བྱ་ལྷག་མ་རྣམས་ནང་དུ་བཅང་ལ་མཛུབ་མོ་གཉིས་མཆེ་བར་བསམས་ཏེ་རྐང་པ་གཡོན་པས་བགེགས་ཀྱི་སྙིང་གར་མནན་ཏེ་ལན་བདུན་བཟླས། ཨོཾ་བཛྲ་ཀྲོ་དྷ་ཡཀྵ་ཁ་ཁ། ཁཱ་ཧི་ཁཱ་ཧི། ཧཱུྃ་ཧཱུྃ། ཕཊ་ཕཊ་ཅེས་བརྗོད་དེ། དེ་ནས་རྡོ་རྗེ་བེ་ཅོན་གྱི་སྔགས་དང་ཕྱག་རྒྱ་སྟེ། ལག་པ་གཉིས་རྡོ་རྗེ་ལུ་གུ་རྒྱུད་དུ་སྦྲེལ་ལ་མཐེ་བོང་གཡོན་པའི་སྟེང་དུ་གཞག །མཛུབ་མོ་གཉིས་ངོ་སྦྱར་ཏེ་བསྒྲེང་ནས་སྡང་མིག་ཏུ་བགྲད་ལ་རྡེག་ཅིང་སྔགས་འདི་ལན་བདུན་གསུམ་ཉི་ཤུ་རྩ་གཅིག་གམ་བརྒྱ་རྩ་བརྒྱད་བཟླས་སོ། །ཨོཾ་བཛྲ་ཀྲོ་དྷ་མ་ཧཱ་བ་ལ།ཧ་ན་ཧ་ན་ད་ཧ་པ་ཙ་བི་དྷྭྨ་ས་ཡ་ཛ་ཊི་ལམ་བོ་དྷ་ར་ཨུ་ཙྪུས་མ་ཀྲོ་དྷ་ཧཱུྃ་ཕཊ་ཅེས་བརྗོད་དོ། །དེ་ནས་ཡུངས་ཀར་གྱི་རྒྱལ་པོ་བརྡེག་ཅིང་ལས་འདི་ཤིན་ཏུ་བརྟན་ཞིང་གྲུབ་པར་བཅོལ་ལོ། །རྡོ་རྗེ་བརྗིད་གནོན་གྱི་བསམ་གཏན་གྱིས་གནན་པར་བྱའོ། །ཁྲོ་བོ་རྣམས་ཀྱི་སྤྱི་བོ་ནས་འདུས་པའི་སྟེང་དུ་ཧཱུྃ་མཐིང་ནག་ལ་རྡོ་རྗེ་ལྕགས་ཀྱུའི་རྒྱ་གྲམ་མེ་ལྕེའི་ཕྲེང་བས་བསྐོར་བའི་རྒྱ་གྲམ་གྱི་དཀྱིལ་འཁོར་ཡི་གེ་གསུམ་གསེར་བཙོ་མའི་མདོག་འདྲ་བ་ཞིག་ཏུ་གནས་པ་ལས། ཨོཾ་བཛྲ་བཛྲ་མེ་རྟ་ཧཱུྃ་ས་མ་ཡ་སྟྭཾ་ཞེས་བརྗོད་པ་ལས་གསེར་གྱི་རི་རབ་དཔག་ཚད་བྱེ་བ་གྲུ་བཞི་པ་གཅིག་ཏུ་གྱུར་ ― DNG013_Page_0243 ―
[མ་དཔེ་གཟིགས་ན་འདིར་གནོན།]
ལ་དེའི་སྟེང་ན་བཅོམ་ལྡན་འདས་དོན་ཡོད་གྲུབ་པ་སྐུ་མདོག་ལྗང་གུ་དབུ་གསུམ་ཕྱག་དྲུག་ལ། ཕྱག་གཡས་དང་པོ་རྡོ་རྗེ་འབར་བ་ཕྱར་ཏེ་བསྣམས།གཡོན་དང་པོ་རྡོ་རྗེ་རྒྱ་གྲམ་ཐུགས་ཀར་བསྟན། འཁོར་དཔག་ཏུ་མེད་པའི་ཕོ་བྲང་གཏམས་པ་ཁྲོ་བོ་རྣམས་ཀྱིས་ཤིན་ཏུ་གཟིར་ཅིང་མི་གཡོ་བ་དང་། ལས་མ་གྲུབ་ན་བསྐལ་པ་མཐར་ཐུག་ན་ཡང་གནས་པར་བསམ། ཕྲིན་ལས་ཀྱང་དེ་བཞིན་དུ་བཅོལ་ཏེ་གཞག་གོ། །ཡོ་བྱད་ཐམས་ཅད་ཀྱང་ནག་པོར་བསམ། གཏོར་མ་ནག་པོ་ཆ་གཅིག་བཤམས་ཏེ་དམ་ཚིག་ཅན་གྱི་འཁོར་དང་བཅས་པ་དང་། འཇིག་རྟེན་ཐམས་ཅད་ལ་བསྔོ་ཞིང་དབུལ་ལོ། །དྲག་པོའི་གཏོར་མ་ཆ་གཅིག་གནོད་བྱེད་དེ་ཉིད་བཀུག་སྟེ་ཟར་གཞུག་གོ། །ཕྲིན་ལས་འདིའི་དུས་སུ་ཕྲ་མེན་མ་དང་། གནོད་སྦྱིན་མོ་དང་། སྲིན་མོ་རྣམས་ཀྱང་སྤྱན་དྲངས། གཏོར་མ་དབུལ་ལོ། །ཛཿཧཱུྃ་བྃ་ཧོཿ། ཨེ་ཧྱེ་ཧི་བྷ་ག་བཱན་བྱ་ད་ཡཀྵ་ཛ། བྷྱོ་རུ་ལུ་རུ་ལུ་ཧཱུྃ་ཞེས་ལན་གསུམ་བརྗོད་དེ་སྤྱན་དྲང་། པྲ་ཏཱིཙྪ་ཧོ་ཞེས་བརྗོད་ལ་གཏོང་། ཨོཾ་ས་མ་ཡ་ཨརྒྷཾ་པྲ་ཏཱིཙྪ་ཧཱུྃ་སྭཱ་ཧཱ་ཞེས་ལན་གསུམ་བརྗོད་ལ་ཨ་མྲྀ་ཏ་ཕུལ་ལ་ལས་བཅོལ་ལོ། །འདིའི་ཕྲིན་ལས་སོ། །དུས་ནི་ཚེས་བཅུ་བདུན་ནམ་མར་གྱི་ངོ་ལ་ཉིན་མཚན་གྱི་གུང་དུ་གཟའ་དང་སྦྱར་བ་དང་། བསྙེན་པ་ཚང་བ་དང་། རྟགས་བྱུང་བ་ལ་སོགས་ཏེ་འདི་ནི་དུས་སོ། །གནས་ནི་ཤིང་རྐང་གཅིག་པ་དང་གནོད་པར་ངེས་པ་སྟེ། འདི་ནི་གནས་སོ། །བདག་ཉིད་བྱང་ཆུབ་སེམས་ལ་གཞོལ་ཞིང་མང་དུ་ཐོས་པ་དང་། ལས་ལ་མཁས་པ་དང་། ལྷ་ཉེ་བར་གྱུར་པ་དང་། མི་ཕྱེད་པའི་དད་པ་ཐོབ་པ་དང་། དྲག་ཅིང་ལྟོས་པ་མེད་པའི་སེམས་དང་ལྡན་པ་དང་།ཕྲག་དོག་མེད་པ་དང་། གཞན་ལ་རེ་བ་མེད་པ་དང་། དམ་ཚིག་མ་ཉམས་པའོ། །འདི་ནི་བདག་ཉིད་དོ། །དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཞི་རྒྱས་དབང་དང་མངོན་སྤྱོད་དང་།མནན་བཟློག་དྲུག་ཏུ་བཀའ་སྩལ་ཏོ། །ཞི་བའི་ཞི་བ་ཆེན་པོ་ནི་དཀྱིལ་འཁོར་འདོམ་གང་ཐབ་ཁུང་ཟླུམ་པོ་ཆག་གང་ཐབ་ཀྱི་དཀྱིལ་དུ་འཁོར་ལོ་རྩིབས་བཞི་མཐོ་གང་ཟླུམ་པོ་ཕར་སོར་གཅིག །འཇིམ་པའམ་ ― DNG013_Page_0244 ―
[མ་དཔེ་གཟིགས་ན་འདིར་གནོན།]
བོང་བ་ལ་འབུར་དུ་བརྐོས་ཏེ་གཞག །ཐབ་ཀྱི་ཁ་ཁྱེར་རྡོ་རྗེ་ར་བས་བསྐོར། །དེའི་ཕྱི་རིམ་ཟླུམ་པོ་ལ་པདྨ་འདབ་བརྒྱད་བྲི། བཀྲ་ཤིས་ཀྱི་ལྷ་མོ་དང་། མཆོད་པའི་ལྷ་མོ་དགོད། བསྲེག་པའི་རྫས་ཤུ་གུ་ཤུག་ཤགས། མར་དཀར། ཁ་ར། སྦྲང་རྩི། འབྲས་ཅན། འབྲས་ཐུག །འབྲས་ཡོས། ཏིལ་ཞོ། ནས་ཐུག་སོ་བ། གྲོ་སོ་བ། ཏིལ་སོ་བ། སྲན་མ་ཤ །ཡུངས་ཀར། འབྲས་ཀྱི་ལག་པན། གཏོར་མ་དཀར་པོ་འབྲས་ལས་བགྱི། ཡོ་བྱད་ཐམས་ཅད་དཀར་པོ། ཚོན་དཀར་པོས་བྲི། ཆས་གོས་གསུམ་དཀར་པོ། ལྷའི་སྐུ་མདོག་ཀྱང་དཀར་པོ། གྲངས་དང་སྦྱར་ནས་མཆོད་པར་བྱའོ། །རྒྱས་པའི་དཀྱིལ་འཁོར་འདོམ་གང་གྲུ་བཞི། ལྷ་ནི་སྔ་མའི་སྟེང་དུ་གནོད་སྦྱིན་མོ་བརྒྱད་ཀྱིས་བསྣན། ཕོ་ཉ་ཡང་འབྱུང་ངོ་། །ཡོ་བྱད་ཐམས་ཅད་ཀྱང་སེར་པོ། དགང་གཟར་སེར་པོ། ཕྲུགས་སུ་བཅས་པ་གྲངས་བཞིན་དུ་དབུལ་ལོ། །དབང་གི་དཀྱིལ་འཁོར་འདོམ་གང་གྲུ་བཞི་ལ། དཀྱིལ་འཁོར་གྱི་སྟེང་དུ་ཟླ་གམ་ཕྱེད་པར་བཅད་པའི་ཚུལ་དུ་བྱ། ལས་ཀྱི་ལྷ་པདྨ་གར་གྱི་དབང་ཕྱུག་དགོད། བསྲེག་རྫས་དམར་པོ། གཏོར་མ་དམར་པོ། ཆས་གོས་དམར་པོ། ལྷའི་གྲངས་བཞིན་དུ་དབུལ། དྲག་པོའི་དཀྱིལ་འཁོར་འདོམ་གང་གྲུ་བཞི་དབུས་སུ་གྲུ་གསུམ་ཟབས་སུ་ཁྲུ་ཕྱེད། གྲུ་གསུམ་དུ་མདའ་གཞུ། མཐའ་ཐོད་པ་གསར་སྙིང་གིས་བསྐོར། དཔལ་ཆེན་པོ་དང་ཁྲོ་བཅུ་དགོད། ཡོ་བྱད་ཐམས་ཅད་ནག་པོ། བསྲེག་རྫས་ནག་པོ། དཀྱིལ་འཁོར་ཡང་ནག་པོ། གཏོར་མ་ཡང་ནག་པོ། ལས་ཀྱི་ཁྲོ་བོ་བཅུ་དང་། ཕྲ་མེན་མ་ཆས་གོས་ནག་པོ། སྦྱིན་སྲེག་ལྷའི་གྲངས་བཞིན་དུ་དབུལ་ལོ། །ཨོཾ་ཤན་ཏིང་གན་ཏིང་ཏི་ཀར་པྲ་ཤ་མ་ནི་རཱ་ཙ་ཏ། ཨ་བ་བ་སྭ་བ་བ། ཨ་མུ་ཀ་སི། སྭ་སྡི་ཤི་བྃ། ཀུ་རུ་སྭཱ་ཧཱ། ཞི་བའོ། །པ་ཤང་ཀུ་རུ་པྲ་ཤ་མ་ན་ཡེ་ཧོ། པུཥྚིཾ་ཀུ་རུ་སྭཱ་ཧཱ། སུམ་བྷ་ནི་སུམ་བྷ་ཧཱུྃ། བཅོམ་ལྡན་འདས་དཔལ་ཀུན་དུ་བཟང་པོ་ཧེ་རུ་ཀ་རོལ་པ་ལས་ཁྲོ་བོ་མནན་བཟློག་གི་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་ཐུགས་གསང་བའི་དཀྱིལ་འཁོར་འདི་ཕྱུང་ངོ་། །དཀྱིལ་འཁོར་འདོམ་གང་གྲུ་བཞི་ལ། ། ― DNG013_Page_0245 ―
[མ་དཔེ་གཟིགས་ན་འདིར་གནོན།]
ཐིག་བཞི་གདབ་པས་རེའུ་ཆ་དགུ། །དབུས་སུ་ཟླ་བ་ཕྱེད་པར་བཅས་པའི་ཚུལ་དུ་བྱ། དེའི་ཕྱི་རིམ་ཕྲ་མེན་མ་བཅུ་དྲུག །སྒོ་བ་བཞི། ཁམ་ཕོར་རི་མོར་བྲིས་པ་དགུ། སྣང་བའི་འོད་བཅས་པ་དགྲམ། ཚིལ་ཆེན་དང་ནི་ཙིཏྟའི་ཏོག །རས་ཆེན་འཕན་གདུགས་ལ་སོགས་པ། དཀྱིལ་འཁོར་རྒྱུན་ཏུ་བྲི་བར་བྱ། བྷན་དྷའི་གནམ་ཡོལ། ཞིང་གི་རྒྱལ་མཚན། ཐོད་པའི་ཕྲེང་བ་ལ་སོགས་པ་དགོད། རཀྟ་དྲི་ཆེན་གྱི་མཎྜལ་བྱ། ཡོ་བྱད་ཐམས་ཅད་ཚང་བར་བསོགས་ལ་འཕགས་པ་མཆོད་ཅིང་བདག་ཀྱང་བཟའོ། །དམ་མ་འདྲེས་ཤིང་མི་གཅིག་པ། སྤྱོད་ལམ་ཡན་ཆད་ཅིའི་སྒོ་ནས་ཀྱང་སྒྲུབ་པའི་ཞལ་ཟས་དང་ཚོགས་རྣམས་ཕྱི་རོལ་ཏུ་བྱུང་ངོ་། །བཅོམ་ལྡན་འདས་རྡོ་རྗེ་སེམས་དཔའི་སྒྲུབ་པ་པོ་ཉིད་ཏིང་ངེ་འཛིན་གཉིད་དབང་དུ་མི་གཏང་། སྤྱོད་པའི་རྣལ་འབྱོར་པས་སྐུ་གསུང་ཐུགས་དངོས་གྲུབ་ཀྱི་དབྱིག་བསྒྲུབ་པ་དང་། སྲིད་པ་གསུམ་གྱི་སེམས་ཅན་རྒྱུའི་སྡུག་བསྔལ་གྱིས་གདུངས་པ་རྣམས་གྲོལ་བར་མཛད་པའི་ཕྱིར་ཚུལ་མཁས་པ་དང་། སྤྱོད་པ་གཟོབ་པས་རྣལ་འབྱོར་བསྒྲུབ་པ་ལ་འཇུག་པར་བྱའོ། །དེ་ལ་དང་པོར་སྒྲུབ་པ་ལ་བགེགས་མི་འཇུག་པར་བྱ་བའི་ཕྱིར་མཚམས་གཅད་དོ། །ཏིང་ངེ་འཛིན་དང་ལྟ་བ་དང་། སྔགས་དང་ཕྱག་རྒྱ་དང་། རྒྱལ་མཚན་དང་རྫས་འདི་དག་གིས་རབ་ཏུ་གཅད་པར་བྱའོ། །བསྙེན་པ་ཉེ་བསྙེན་དབང་ཡང་རྫོགས། །རྫོགས་ནས་དངོས་གྲུབ་བླང་བར་བྱ། །ལྷའི་གྲངས་བཞིན་བསྙེན་པ་དབུལ་བར་བྱའོ། །སྙིང་པོ་ནི། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཞེས་དྲང་ངོ་། །དེ་ནས་བསྙེན་བསྒྲུབ་ལགས་པ་དང་། ཡོ་བྱད་རྣམས་ཕྱི་རོལ་དུ་མི་འབྱུང་། གནས་སུ་མི་བགྱེར་ལྷ་དང་བདག་མཆོད་ལ་སོགས་པའི་རྗེས་ལ་ལྷག་མ་དཀྱིལ་འཁོར་སའི་འོག་ཏུ་རིན་པོ་ཆེས་ཁ་བཅད་ལ་སྦ་བར་བྱའོ། །དོན་དེ་ལྟར་བྱས་ནས་སངས་རྒྱས་དང་། བྱང་ཆུབ་སེམས་དཔའི་སྲས་སུ་སྐྱེའོ། །དེ་ལྟར་མ་བྱས་ན་དམྱལ་བར་ལྟུང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཕྲ་མེན་མའི་སྒྲུབ་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་གཽ་རི། དེའི་ཕྱི་རིམ་པདྨ་འདབ་མ་ ― DNG013_Page_0246 ―
[མ་དཔེ་གཟིགས་ན་འདིར་གནོན།]
བརྒྱད་ལ་ཤར་དུ་སྟག་གི་མགོ་ཅན། ལྷོ་རུ་གཡག་གི་མགོ་ཅན། ནུབ་ཏུ་སེང་གེའི་མགོ་ཅན། བྱང་དུ་གཟིག་གི་མགོ་ཅན། ཤར་ལྷོ་ཕ་བང་གི་མགོ་ཅན། ལྷོ་ནུབ་ཏུ་པུ་ཤུད་ཀྱི་མགོ་ཅན། ནུབ་བྱང་དུ་སྲིན་བྱའི་མགོ་ཅན། བྱང་ཤར་དུ་སྐེ་གའི་མགོ་ཅན། སྒོ་བ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཙཽ་རི། དེའི་ཕྱི་རིམ་པདྨ་འདབ་མ་བཞི་ལ། ཤར་དུ་སྨིགས་བུའི་མགོ་ཅན།ལྷོར་བྱ་རྒོད་ཀྱི་མགོ་ཅན། ནུབ་ཏུ་ཤ་བའི་མགོ་ཅན། བྱང་དུ་ཁུ་བྱུག་གི་མགོ་ཅན། མཚམས་བཞིར་ཕ་ཝང་གི་མགོ་ཅན། ཁྲ་མགོ་ཅན་དང་། བྱན་ལག་གི་མགོ་ཅན་དང་། ཕོ་རོག་གི་མགོ་ཅན་དང་རྣམས་སོ། །སྒོ་བ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་པྲ་མོ་ཧ། དེའི་ཕྱི་རིམ་འཁོར་ལོ་རྩིབས་བཞི་ལ་ཤར་དུ་འུག་པའི་མགོ་ཅན་དང་། ལྷོར་སྤྱང་ཀིའི་མགོ་ཅན་དང་།ནུབ་ཏུ་སྦྲུལ་གྱི་མགོ་ཅན་དང་། བྱང་དུ་གཟིག་གི་མགོ་ཅན། མཚམས་བཞིར་སྲེ་མོའི་མགོ་ཅན། དྲེད་མགོ་ཅན་དང་། སྡིག་པའི་མགོ་ཅན་དང་། ཝའི་མགོ་ཅན་རྣམས་སོ། །སྒོ་བ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་བེ་ཏ་ལི། པདྨ་འདབ་མ་བཅུ་དྲུག་ལ་ཡེ་ཤེས་ཀྱི་ཁྲོ་མོ་བཅུ་དྲུག་དགོད་དོ། །མཚམས་བཞིར་ཡེ་ཤེས་ཀྱི་ཁྲོ་མོ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་པུཀྐ་སི། དེའི་ཕྱི་རིམ་པདྨ་འདབ་མ་བཞི་ལ་ཤར་དུ་རྟའི་མགོ་ཅན། ལྷོར་ནམ་མཁའ་ལྡིང་གི་མགོ་ཅན། ནུབ་ཏུ་ཁྱིའི་མགོ་ཅན། བྱང་དུ་སྤང་ཏིའི་མགོ་ཅན། མཚམས་བཞིར་ཡང་སྦྲུལ་བཞི་དགོད་དོ། །དེའི་ཕྱི་རིམ་སྒོ་བ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་གྷསྨ་རི།དེའི་ཕྱི་རིམ་པདྨ་འདབ་མ་བཞི་ལ་ཤར་དུ་རྡོ་རྗེ་དབྱིངས་ཕྱུག་མ། ལྷོར་རིན་ཆེན་དབྱིངས་ཕྱུག་མ། ནུབ་ཏུ་པདྨ་དབྱིངས་ཕྱུག་མ། བྱང་དུ་ལས་ཀྱི་དབྱིངས་ཕྱུག་མ། ནུབ་ཏུ་ཁྱིའི་མགོ་ཅན། མཚམས་བཞིར་ཕག་གི་མགོ་ཅན་མ། བྱི་ལའི་མགོ་ཅན། ཆུ་སྲིན་གྱི་མགོ་ཅན། རའི་མགོ་ཅན་རྣམས་སོ། །སྒོ་བཞི་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་སྨ་ཤ་ནི། དེའི་ ― DNG013_Page_0247 ―
[མ་དཔེ་གཟིགས་ན་འདིར་གནོན།]
ཕྱི་རིམ་པདྨ་འདབ་བརྒྱད་ལ་ཤར་དུ་སྡི་རའི་གནས་ཉུལ་མ། ལྷོར་རྡོ་རྗེ་ཕུང་ཉུལ་མ། ནུབ་ཏུ་མཆོད་པའི་ཚོགས་ཉུལ་མ། བྱང་དུ་དེ་བྱའི་སྦྱོར་ཉུལ་མ། ཤར་ལྷོར་དམ་ཚིག་རྗེས་གཅོད་མ། ལྷོ་ནུབ་ཏུ་ཕྱི་ནང་གི་མཚམས་ཉུལ་མ། དུར་ཁྲོད་གནས་ཕྱུག་མའི་ལྷག་ཉུལ་མ། དེའི་མཚམས་བཞིར་རྡོ་རྗེ་སྒྲོལ་ཉུལ་མ། བསྙེན་པའི་མཚམས་ཉུལ་མ། དགོངས་པའི་དོན་ཉུལ་མ། དུར་ཁྲོད་གནས་ཉུལ་མ་དགོད་དོ། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཙཎྜ་ལི། པདྨ་འདབ་མ་བཞི་ལ། ཤར་དུ་རྡོ་རྗེ་སྡེར་མོ། ལྷོར་རྡོ་རྗེ་གཏུམ་མོ། ནུབ་ཏུ་དུར་ཁྲོད་བདག་མོ། བྱང་དུ་རྡོ་རྗེ་སྒྲོལ་མ། དེའི་མཚམས་བཞིར་རྡོ་རྗེ་ཏིབ་ཏིབ་དང་།རྡོ་རྗེ་ཏེག་ཏེག་དང་། རྡོ་རྗེ་འཛིན་མ་དང་། རྡོ་རྗེ་ཡིད་གཡོ་མ་དང་། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་སིང་ཧ་མུ་ཁ་པདྨ་འདབ་མ་བརྒྱད་ལ། ཆུ་སྲིན་གྱི་ལུས་ལ་སེང་གེའི་མགོ་ཅན་བརྒྱད་ཀྱིས་བསྐོར།སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་བྱ་གྷྲྀ་མུ་ཁ།པདྨ་འདབ་མ་བརྒྱད་ལ། ཀང་ཀའི་ལུས་ལ་སྟག་གི་མགོ་ཅན་བརྒྱད་ཀྱིས་བསྐོར།སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་སྲི་ལ་མུ་ཁ།པདྨ་འདབ་མ་བརྒྱད་ལ་སེང་གེའི་ལུས་ལ་ཝའི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་ཤྭ་ན་མུ་ཁ།པདྨ་འདབ་མ་བརྒྱད་ལ་ཕོ་རོག་གི་ལུས་ལ་ཁྱིའི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ། དབུས་སུ་ཀྲྀ་དྷ་མུ་ཁ།པདྨ་འདབ་མ་བརྒྱད་ལ་ཀང་ཀའི་ལུས་ལ་བྱ་རྒོད་ཀྱི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཀང་ཀ་མུ་ཁ།པདྨ་འདབ་མ་བརྒྱད་ལ། སྤྱང་ཀིའི་ལུས་ལ་ཀང་ཀའི་མགོ་ཅན་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཀང་ཀ་མུ་ཁ།པདྨ་འདབ་མ་བརྒྱད་ལ་འུག་པའི་ལུས་ལ་ཕོ་རོག་གི་མགོ་བཏགས་པ་བརྒྱད་ཀྱིས་བསྐོར། སྒོ་བཞི་དགོད། དཀྱིལ་འཁོར་འདོམ་གང་གྲུ་བཞི་ལ་དབུས་སུ་ཨུ་ལུ་ ― DNG013_Page_0248 ―
[མ་དཔེ་གཟིགས་ན་འདིར་གནོན།]
མུ་ཁ། པདྨ་འདབ་མ་བརྒྱད་ལ་ཕོ་རོག་གི་ལུས་ལ་འུག་པའི་མགོ་བཏགས་པ་བརྒྱད་ཀྱིས་བསྐོར། སྒོ་བཞི་དགོད། དེ་ནས་བཅོམ་ལྡན་འདས་ཕྲ་མེན་མའི་ཏིང་ངེ་འཛིན་དུ་བཞུགས་ནས་འགྲོ་བ་རྣམས་ཀྱི་དོན་མཛད་དོ། །བཅོམ་ལྡན་འདས་དཔལ་ཀུན་དུ་བཟང་པོ་རྡོ་རྗེ་སེམས་དཔའ་ཧེ་རུ་ཀ་རོལ་པ་ལས་ཕྲ་མེན་མ་བསྒྲུབ་པའི་ལེའུ་སྟེ་བཅྭ་ལྔ་པའོ།། །།དེ་ནས་བཅོམ་ལྡན་འདས་ཀྱིས་སྐུ་དང་གསུང་དང་ཐུགས་དངོས་གྲུབ་ཀྱི་ཏིང་ངེ་འཛིན་དུ་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །སྐུ་དང་གསུང་དང་ཐུགས་ལས་སྤྲུལ་པའི་ཧེ་རུ་ཀ །ཆོས་དབྱིངས་དོན་དམ་རིག་པའི་དབྱིངས་ན་བཞུགས། །ཕྱག་རྒྱ་ཡུམ་གྱི་མཁའ་ལ་བཞུགས་ནས་ཀྱང་། །སྐུ་གསུང་ཐུགས་ཀྱི་དངོས་གྲུབ་བདག་ལ་སྩོལ། །ཡེ་ཤེས་ཁྲོ་རྒྱལ་སྤྲུལ་པ་མང་པོ་འཕྲོ། །ཕྱག་མཚན་སྣ་ཚོགས་འགྲོ་དོན་མང་པོར་མཛད། །ལས་བྱེད་མཁའ་འགྲོ་ཆོས་དབྱིངས་སྐུ་ལ་འཁྲིལ། །ཡེ་ཤེས་ཁྲོ་རྒྱལ་དངོས་གྲུབ་བདག་ལ་སྩོལ། །ཕྲ་མེན་ཟ་བྱེད་མཆེ་གཤོག་འབར་བའི་ཚོགས། །དབང་ཕྱུག་འཇུག་བྱེད་ཡིད་འཕྲོག་ནུ་མ་ཅན། །རྡོ་རྗེ་མཆུ་ཅན་སྡེར་ཆེན་གཤོག་པ་ཅན། །ཕྲ་མེན་ཟ་བྱེད་ཆེན་མོ་དངོས་གྲུབ་བདག་ལ་སྩོལ། །རྡོ་རྗེ་ཡང་སྤྲུལ་ཆེན་པོ་ཆོས་དབྱིངས་མཁའ་ལ་ཤར། །མཚོན་ཐོགས་སྤྲུལ་པ་སྣ་ཚོགས་འགྲོ་དོན་མཛད། །རྟག་ཏུ་དོན་མཛད་ཐུགས་རྗེ་ཤུགས་ལས་བྱུང་། །ཕྲ་མེན་ཡང་སྤྲུལ་ཆེན་པོ་དངོས་གྲུབ་སྩོལ། །སྨོན་ལམ་གྲུབ་པ་འགག་པ་མེད་པའི་ཆོས་ཉིད་ཅན། །འགྲོ་བའི་དོན་སྒྲུབ་རབ་ཏུ་བརྩོན་པ་མཐའ་ཡས་པ། །སེམས་ཅན་རྣམས་ལ་དངོས་གྲུབ་མཆོག་རྣམས་ངེས་པར་སྩོལ། །ཡེ་ཤེས་ཆོས་དབྱིངས་སྐར་ཚོགས་ཟླ་ཉའི་ཞལ། །ལས་མཛད་ཡེ་ཤེས་ནན་ཏན་དོན་ལ་བཞུགས། །རྒྱུ་འབྲས་གཉིས་ཀྱིས་འགྲོ་བའི་དོན་མཛད་པ། །སྒོ་བ་ཡབ་ཡུམ་དངོས་གྲུབ་སྩལ་དུ་གསོལ། །རྡོ་རྗེ་མཁའ་འགྲོ་དབྱིངས་ཀྱི་ཡེ་ཤེས་ཡུམ། །ལས་བྱེད་མ་མོ་ཀུན་ལ་དབང་མཛད་མ། །ཕྱག་བརྙན་སྤྲུལ་པ་སྣ་ཚོགས་འགྲོ་དོན་མཛད། །རྡོ་རྗེ་མཁའ་འགྲོའི་དངོས་གྲུབ་བདག་ལ་སྩོལ། །རྡོ་རྗེ་གཤོག་པ་ཐོགས་པའི་ཡིད་འཕྲོག་མ། །རྡོ་རྗེ་ ― DNG013_Page_0249 ―
[མ་དཔེ་གཟིགས་ན་འདིར་གནོན།]
སྡེར་མོ་ཕྱོགས་བཅུར་སྤྲུལ་པ་འཕྲོ། །རྡོ་རྗེ་ལས་བྱེད་མ་མོ་བརྒྱ་ཡང་འགྱེད། །དབང་ཕྱུག་ཕོ་ཉའི་དངོས་གྲུབ་བདག་ལ་སྩོལ། །མི་མཉམ་པ་ཡི་ལྷ་ཁྱོད་རྟག་ཏུ་ནི། །ཐུགས་རྗེ་ཅན་གྱིས་གཟིགས་ཤིང་འགྲོ་བའི་དཔལ། །བླ་མེད་བྱང་ཆུབ་བསྒྲུབ་པར་དམ་བཅས་པ། །བདག་ཅག་ལས་ཀྱི་འབྲས་བུ་མཆིས་པར་མཛོད། །དེ་ནས་བཅོམ་ལྡན་འདས་ལ་འཁོར་རྣམས་འདུས་ནས་གསོལ་པ། སྔོན་ཚེ་ཡེ་ཤེས་བརྙེས་པའི་ལྷ། །དེ་ཡི་འཁོར་དུ་གཏོགས་པ་མ་དང་མཁའ་འགྲོ་མ། །རྩེ་གཅིག་བསྙེན་ཀྱང་ཡེ་ཤེས་ལྷ་དང་ཕྲ་མེན་ཁྱོད་བསྙེན་བསྙེན། །བསྙེན་པའི་དུས་ན་རྒྱང་མ་རིང་། །བསྒྲུབ་པའི་དུས་ན་མཐུ་མ་ཆུང་། །ཡང་བསྙེན་ནི་ཡང་ཡང་བསྙེན་ན། །དཔལ་ཆེན་ཕྲ་མེན་ཁྱེད་ལྟར་མ་ལགས་ཀྱི། །ལང་ཀ་ཚོགས་ཀྱི་སྲིན་མོ་ཡང་། །ཕ་བས་བྱམས་ཤིང་ཁུ་བས་གདུང་། །ཡང་བསྒྲུབ་པ་ནི་ཡང་བསྒྲུབས་ན། །ལང་ཀའི་ཚོགས་ཀྱི་སྲིན་མོ་ཡང་། །མ་བས་བྱམས་ཤིང་སྲིང་བས་གདུང་། །གདུངས་པའི་མཆི་མའི་ཚུལ་དུ་དཀུ། །ཡེ་ཤེས་ལྷ་ཡི་ཐུགས་ཀྱིས་བཟོད་ལགས་སམ། །དངོས་གྲུབ་སྐལ་དང་ལྡན་པར་མི་དམིགས་ཀྱང་། །སྔོན་གྱི་ཐུགས་དམ་དབང་གིས་དངོས་གྲུབ་སྩོལ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱི་སྐུ་གསུང་ཐུགས་ཀྱི་སྤྲུལ་པའི་དངོས་གྲུབ་འཁོར་རྣམས་ལ་སྩལ་ཏོ། །འཁོར་རྣམས་ཀྱིས་ཀྱང་རྡོ་རྗེ་ཆོས་ཀྱི་སྡུད་པ་པོར་དངོས་གྲུབ་སྩལ་ཏོ། །བཅོམ་ལྡན་འདས་ཧེ་རུ་ཀ་རོལ་པ་ལས་སྐུ་གསུང་ཐུགས་ཀྱི་དངོས་གྲུབ་དབྱིག་བསྒྲུབ་པའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་ཀྱིས་བཀའི་དམ་པའི་དོན་གྱི་གསང་བ་ཟབ་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ནས་སྤྲུལ་པ་ལྕམ་དྲལ་འདི་མགོ་མཇུག་གི་དོན་རྒྱུ་དང་འབྲས་བུ་གཉིས། དབྱིངས་དང་ཡེ་ཤེས་གཉིས། ཐབས་དང་ཤེས་རབ་གཉིས། ཀུན་རྫོབ་དང་དོན་དམ་གཉིས། མདོར་བསྡུས་ན་དོན་དམ་ལ་ལྷུན་གྱིས་གྲུབ་པའི་བྱང་ཆུབ་སེམས་སུ་བསྡུའོ། །རྒྱུད་འདིའི་མགོ་མཇུག་གི་དོན་དཔལ་ཀུན་དུ་བཟང་པོར་འདུས་སོ། །ཀུན་དུ་བཟང་པོ་སྐུ་མི་ཟད་རྒྱན་གྱི་འཁོར་ལོ་དང་། གསུང་མི་ཟད་ ― DNG013_Page_0250 ―
[མ་དཔེ་གཟིགས་ན་འདིར་གནོན།]
རྒྱན་གྱི་འཁོར་ལོ་དང་། ཐུགས་མི་ཟད་རྒྱན་གྱི་འཁོར་ལོ་དང་། སྐུ་གསུང་ཐུགས་བདེ་བ་ཆེན་པོ་ཡེ་ཤེས་ཀྱི་དཀྱིལ་འཁོར་ཉིད་ཀྱང་བྱང་ཆུབ་ཀྱི་སེམས་སུ་འདུས་སོ། །བཅོམ་ལྡན་འདས་བྱང་ཆུབ་སེམས་དཔའི་ཀུན་ཏུ་བཟང་པོར་འདུས་པའི་དོན་ནི་བཅོམ་ལྡན་འདས་ཀྱིས་སྡུད་པ་པོ་རྡོ་རྗེ་ཆོས་ལ་གཏད་དོ། །སྐུ་གསུང་ཐུགས་ཀྱི་དོན་གསང་བ་ཟབ་མོ་འདི་རྡོ་རྗེ་ཆོས་ཀྱི་སྡུད་པ་པོ་ལ་གཏད་དོ། །དེ་ནས་བཅོམ་ལྡན་འདས་ལ་རྡོ་རྗེ་ཆོས་ཀྱི་སྡུད་པ་པོས་ལུས་ངག་ཡིད་གསུམ་རྗེས་སུ་ཡི་རང་སྐྱེས་ཏེ། བཅོམ་ལྡན་འདས་ལ་བསྟོད་པ། ཀུན་གཞི་རྣལ་འབྱོར་རྫོགས་པའི་དཀྱིལ་འཁོར་ན། །ཟབ་ཅིང་གཏིང་དཔག་དཀའ་བ་རྒྱལ་བའི་སྐུ་བཞུགས་སོ། །སྤྲུལ་པ་མང་པོས་འགྲོ་དོན་རྫོགས་པར་མཛད། །དཔལ་ཆེན་ཀུན་བཟང་ཁྱོད་ལ་ཕྱག་འཚལ་ལོ། །ཡེ་ཤེས་ཁྲོ་བོ་ཆོས་ཉིད་དབྱིངས་ན་བཞུགས། །སྤྲུལ་པའི་ཁྲོ་བོས་ལས་རྣམས་རྫོགས་པར་མཛད། །ཕྲ་མེན་ཡང་སྤྲུལ་ཡེ་ཤེས་དབྱིངས་སུ་འཁྱིལ། །ཁྲོ་བོ་ཁྲོ་མོའི་ཚོགས་ལ་ཕྱག་འཚལ་ལོ། །སྐུ་གསུང་དངོས་གྲུབ་ཡ་མཚན་ཆོ་འཕྲུལ་ཅན། །སྐུ་གསུང་ཐུགས་ལས་སྤྲུལ་པ་མང་པོ་འཕྲོ། །མཁའ་འགྲོ་ཟ་བྱེད་ཕྲ་མེན་ཕོ་ཉ་མ། །མགྱོགས་པའི་ཚོགས་ལ་ཕྱག་འཚལ་ལོ། །ལས་རྣམས་དྲག་ཤུལ་མཛད་པའི་ཁྲོ་རྒྱལ་སྐུ། །དེ་བཞིན་གཤེགས་པའི་མན་ངག་གསང་ཆེན་རྣམས། །ཀླུང་ནས་གྲོལ་བར་མཛད་པ་ཡེ་ཤེས་ཡུམ། །སྒོ་བ་སྒོ་མའི་ཚོགས་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་འཁོར་རྣམས་རྗེས་སུ་ཡི་རངས་ཏེ། ལེགས་སོ་ལེགས་སོ་ཞེས་བྱ་བ་བྱིན་ཏེ། བཀའ་དམ་པ་གསང་བ་ཟབ་མོའི་ཏནྟྲ་འདི་སྡུད་པ་པོ་རྡོ་རྗེ་ཆོས་ལ་གཏད་དོ། །དེ་ནས་སྡུད་པ་པོ་རྡོ་རྗེ་ཆོས་ཀྱིས་བཅོམ་ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀ་འཁོར་དང་བཅས་པ་རྣམས་ལ་སྐུ་གསུང་ཐུགས་ཀྱི་བཤགས་པ་ཕུལ་ལོ། །འདོད་ཆགས་ཞེ་སྡང་གཏི་མུག་དབང་དུ་གྱུར་པས་ན། །ལུས་ངག་སེམས་ཀྱིས་སྡིག་བགྱིས་མཐོལ་ཞིང་བཤགས། །ཐེག་པ་དམན་པའི་དབང་དུ་གྱུར་པས་ན། །ཐབས་ཆེན་སྤྱད་དང་མ་སྤྱད་མཐོལ་ཞིང་བཤགས། །མ་རིག་ལོག་པའི་དབང་དུ་གྱུར་པས་ན། །ཡང་དག་དོན་མ་རྟོགས་པ་མཐོལ་ཞིང་བཤགས། །སྙིང་རྗེ་ཆུང་ཞིང་ཞེ་སྡང་དབང་དུ་གྱུར་པས་ན། །འགྲོ་བའི་དོན་མ་བགྱིས་པ་མཐོལ་ཞིང་བཤགས། །ལེ་ལོ་གཉིད་ཀྱི་དབང་དུ་གྱུར་པས་ན། །བསྒོམ་དང་ ― DNG013_Page_0251 ―
[མ་དཔེ་གཟིགས་ན་འདིར་གནོན།]
བསྒྲུབ་ལ་གཡེལ་བ་མཐོལ་ཞིང་བཤགས། །སེར་སྣ་འཇུར་འགེགས་དབང་དུ་གྱུར་པས་ན། །མཆོད་པ་ལོ་ཟླ་འདས་པ་མཐོལ་ཞིང་བཤགས། །ང་རྒྱལ་ཁེངས་སེམས་དབང་དུ་བསྡུས་པ་ན། །སློབ་དཔོན་སྐུ་མི་མཉེས་པ་མཐོལ་ཞིང་བཤགས། །བརྩེ་གདུང་ཆུང་བའི་དབང་དུ་གྱུར་པས་ན། །གྲོགས་མཆེད་ཐུགས་དང་འགལ་བ་མཐོལ་ཞིང་བཤགས། །ཟ་རོག་ངན་པའི་དབང་དུ་གྱུར་པས་ན། །ཕུད་དང་ལྷག་མར་གྱུར་པ་མཐོལ་ཞིང་བཤགས། །ཕུད་དང་ལྷག་མ་ཉམས་པའི་སྐྱོན་དབང་གིས། །ཕུད་ཉུལ་ཐུགས་དང་འགལ་བ་མཐོལ་ཞིང་བཤགས། །ཕུད་ཉུལ་ཐུགས་དང་འགལ་བའི་སྐྱོན་དབང་གིས། །མཁའ་འགྲོ་བཀའ་ཆད་གནས་སུ་གྱུར་པ་མཐོལ་ཞིང་བཤགས། །སྒྲོལ་བའི་དུས་སུ་སྙིང་རྗེ་ཆུང་བ་ཡིས། །སེམས་ཅན་གནས་མ་སྟོབས་པ་མཐོལ་ཞིང་བཤགས། །ཉོན་མོངས་གནས་མ་སྟོབས་པའི་སྐྱོན་དབང་གིས། །ཡུན་གྱི་སྒྲིབ་པར་གྱུར་པ་མཐོལ་ཞིང་བཤགས། །སྦྱོར་བའི་དུས་སུ་ཏིང་འཛིན་མ་གསལ་བས། །གཟུངས་མ་ཐུགས་དང་འགལ་བའི་སྐྱོན་དབང་གིས། །ཆགས་ཤིང་འཁོར་བའི་གནས་སུ་མཐོལ་ཞིང་བཤགས། །བཤགས་ནས་སྐུ་གསུང་ཐུགས་ཀྱི་དངོས་གྲུབ་སྩོལ། །དེ་སྐད་ཅེས་བཟོད་པ་ཕུལ་ནས་བཅོམ་ལྡན་འདས་ཀྱིས་ཀྱང་ཚངས་པ་གནང་སྟེ། བཀའ་དམ་པ་འདི་ཡང་ནས་ཡང་དུ་རྡོ་རྗེ་ཆོས་ཀྱི་སྡུད་པ་པོ་ལ་གཏད་དོ། །དེ་ནས་རྡོ་རྗེ་ཆོས་ཀྱིས་བཀའ་དམ་པ་འདི་མ་ཆགས་པའི་དབང་གིས་བཀའ་བཞིན་བྱས་སོ། །དེ་ནས་འཁོར་དེ་དག་ཐལ་མོ་སྦྱར་ནས་རྗེས་སུ་ཡི་རང་ངོ་། །དེ་ནས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །བཅོམ་ལྡན་འདས་ཧེ་རུ་ཀ་རོལ་པ་ལས་ཡོངས་སུ་གཏད་པའི་ལེའུ་སྟེ་བཅུ་བདུན་པའོ།། །།དེ་ནས་བྱང་ཆུབ་སེམས་དཔའ་དེ་དག་དང་། ལྷ་དང་། ཀླུ་དང་། ལྷ་མ་ཡིན་དུ་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །གསང་བའི་སྙིང་པོ་ཟབ་མོ་མཆོག་དཔལ་སྙིང་རྗེ་རོལ་པའི་རྒྱུད་རྫོགས་སོ།། །།རྒྱ་གར་གྱི་ལོཙྪ་བ་མཁས་པར་ལོབས་པ་བལ་བོ་ཤྲཱི་ཀཱིརྟིས་གཏན་ལ་ཕབ་སྟེ། སྐད་གསར་པས་བསྒྱུར་ནས་སོག་པོ་མཆོག་གི་སྙིང་པོ་དང་། ཨན་བཀྲ་ཤིས་དང་།བལ་པོ་བཟང་བཀྲ་ཤིས་རྒྱ་མཚོས་ཡོན་བདག་བགྱིས་ནས་མང་ཡུལ་བྱམས་སྤྲིན་གཙུག་ལག་ཁང་གི་ཡ་ཐོག་གི་དབུ་རྩེར་ཤིན་ཏུ་གསང་སྟེ། སྐད་གསལ་བར་ བསྒྱུར་རོ།། །། རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ།― DNG013_Page_0252 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། མ་ཧཱ་ཏནྟྲ་རཱ་ཛ་ཤྲཱི་ཨ་མྲྀ་ཏ་ལ་ལི་ཏ་ནཱ་མ།བོད་སྐད་དུ། རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ།བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ལོངས་སྤྱོད་ཆེན་པོའི་གནས་དམ་པར་གྱུར་པ་དེ་ཉིད་ཕྱོགས་བཅུའི་སངས་རྒྱས་ཐམས་ཅད་འདུས་པའི་ངོ་བོ་ཉིད་དུ་གྱུར་ཏེ། ཉིད་ཀྱི་སྣང་བ་ཡོངས་སུ་མ་འགགས་པ། རྣམ་པ་སྣ་ཚོགས་དག་གིས་མངོན་པར་བསྟོད་ཅིང་། ཐབས་དང་ཤེས་རབ་མཐའ་ཀུན་ནས་གྲོལ་བའི་མཛོད་བརྙེས་པས། ཡོན་ཏན་རིན་པོ་ཆེའི་བདག་ཉིད་ཀུན་ནས་སྐུ་སྣ་ཚོགས་དང་། གསུང་སྣ་ཚོགས་དང་། ཐུགས་སྣ་ཚོགས་དང་། ཡོན་ཏན་སྣ་ཚོགས་དང་། ཕྲིན་ལས་སྣ་ཚོགས་ཀྱིས་གཞན་ལས་འཕགས་ཤིང་ཆོ་འཕྲུལ་གྱི་བྱ་བ་ཐབས་མཁས་པའི་སྒོ་ཐམས་ཅད་རྣམ་པ་སྣ་ཚོགས་སུ་གསལ་བར་སྟོན་པ་དེ་ཉིད། འོག་མིན་གྱི་གནས་ལྷའི་རྒྱལ་པོའི་ཁང་བཟང་དམ་པ་ན་བཞུགས་ཏེ། འོད་ཟེར་གྱི་སྣང་བ་མངོན་པར་འདུ་མཛད་པ་སྣ་ཚོགས་འཕྲུལ་ཞིང་། དཀྱིལ་འཁོར་ཐམས་ཅད་ཕྱོགས་ཀུན་ཏུ་རྒྱ་ཆེར་བཀོད་པར་མཛད་དོ། །དེ་ཉིད་ཀྱི་ཚེ་ན་ཕྱོགས་བཅུའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་། བྱང་ཆུབ་སེམས་དཔའ་མཐའ་ཡས་པ་ཀུན་ནས་འདུས་པ་འདི་ལྟ་སྟེ། སྙིང་པོ་རྡོ་རྗེ་ཞེས་བྱ་བ་དང་། རགས་རྣམ་པར་སྣང་བ་ཞེས་བྱ་བ་དང་། རིན་པོ་ཆེའི་རྒྱལ་མཚན་ཞེས་བྱ་བ་དང་། ཆོས་ཐམས་ཅད་རྣམ་པར་དག་པའི་འཁོར་ལོ་ཞེས་བྱ་བ་དང་།མཛད་པ་རྒྱ་ཆེན་པོ་ཞེས་བྱ་བ་དང་། པདྨོ་དོན་ཡོད་པ་ཞེས་བྱ་བ་དང་། སངས་རྒྱས་བརྩེགས་པ་ཞེས་བྱ་བ་དང་། ས་རྣམས་གནོན་པ་ཞེས་བྱ་བ་དང་། འབྲས་བུ་བསྐྱེད་པ་ཞེས་བྱ་བ་དང་། ལས་རྒྱུད་སེལ་བ་ཞེས་བྱ་བ་དང་། བློ་གྲོས་ཆེན་པོ་ཞེས་བྱ་བ་དང་། ཐམས་ཅད་སྲུང་བ་ཞེས་བྱ་བ་དང་། ལས་ཀུན་བྱེད་པ་ཞེས་བྱ་བ་དང་། གླང་པོའི་སྡེ་ཅན་ཞེས་བྱ་བ་དང་། སྟོན་པ་གཙོ་བོ་དམ་པ་ ― DNG013_Page_0253 ―
[མ་དཔེ་གཟིགས་ན་འདིར་གནོན།]
རྣམས་ཀྱིས་སྣང་བ་སྣ་ཚོགས་དག་རྣམ་པར་འཕྲོས་ཏེ། ཕྱོགས་བཅུའི་ཞིང་ཁམས་ཐམས་ཅད་ཉེ་བར་བསྐུལ་ཅིང་། དེ་ན་བཞུགས་པའི་དེ་བཞིན་གཤེགས་པ་ཐམས་ཅད་ཀྱི་ཐུགས་རྗེ་ཆེན་པོ་ཉེ་བར་གཡོ་བར་མཛད་དོ། །ཡང་དག་དོན་ནི་རྒྱ་ཆེ་ཞིང་། །རོལ་པའི་བྱིན་རླབས་ཀུན་ཏུ་སྣང་། །ཐམས་ཅད་མི་གཉིས་ལས་ཀུན་པས། །རིགས་ཀྱི་དཀྱིལ་འཁོར་རྣམ་པར་བཀོད། །དེ་ཚེ་རྒྱལ་བ་དེ་དག་གིས། །དགོངས་པའི་དོན་ཀུན་མཉམ་བཞག་ནས། །རང་གི་ཡེ་ཤེས་ཇི་ལྟ་བར། །རིགས་ཀྱི་དཀྱིལ་འཁོར་ཉེ་བར་སྡུད། །དེ་ལྟར་འཇིག་རྟེན་གྱི་ཁམས་མཐའ་ཡས་པ་ཀུན་ནས་སངས་རྒྱས་ཀྱི་དཀྱིལ་འཁོར་མ་ལུས་པ་ཐམས་ཅད་རང་རང་གི་བྱང་ཆུབ་སེམས་དཔའི་ཚོགས་དང་བཅས་པས། འོག་མིན་གྱི་གནས་སུ་མངོན་པར་ལྷགས་སོ། །དེ་དག་ཀྱང་རང་གི་དཀྱིལ་འཁོར་ཇི་ལྟ་བ་བཞིན་དུ་བཞུགས་ཤིང་།ཉིད་ཀྱི་ལོངས་སྤྱོད་ཐམས་ཅད་རྣམ་པར་བཀོད་པ་དང་། རང་གི་གདན་ལ་ཐབས་དང་ཤེས་རབ་རོལ་པའི་ཚུལ་གྱིས་ཐམས་ཅད་ལོངས་སྤྱོད་པར་མཛད་དོ། །བཅོམ་ལྡན་མཆོག་གི་དཀྱིལ་འཁོར་ན། །ཤིན་ཏུ་རྣལ་འབྱོར་དབང་ཕྱུག་ཚོགས། །རྒྱལ་བ་རྒྱ་མཚོ་འཁོར་དང་བཅས། །སྐལ་ལྡན་རྣམས་དང་ཐབས་ཅིག་བཞུགས། །ཐམས་ཅད་དོན་ཀུན་སྣང་བྱེད་པས། །ཕྱག་རྒྱའི་དཀྱིལ་འཁོར་སྣ་ཚོགས་པའི། །འདི་ལྟར་སྟོན་པ་ཀུན་སྣང་བས། །ཁྱད་པར་ཆོས་རྣམས་ཀུན་གྱི་གཞི། །རང་གི་ཡེ་ཤེས་གནས་ལོངས་སྤྱོད། །ཐབས་མཆོག་གསང་བའི་དཀྱིལ་འཁོར་ཉིད། །བདེ་ཆེན་དགྱེས་ལ་གསང་བའི་སྐུ། །ཀུན་ཏུ་བཟང་པོ་ཀུན་གྱི་མཆོག །སངས་རྒྱས་ཀུན་གྱི་གཙོ་བོ་ཡིས། །དཀྱིལ་འཁོར་གནས་ལོངས་སྤྱོད་པའོ། །གནས་མཆོག་ཡུམ་གྱི་དཀྱིལ་འཁོར་ན། །གཉིས་མེད་ལྷུན་གྱིས་གནས་པའི་ཚེ། །དེ་ཚེ་ཉན་ཐོས་དགེ་འདུན་དང་། །རང་རྒྱལ་ཐེག་ཆེན་མདོ་སྡེ་དང་། །བྱང་ཆུབ་སེམས་དཔའི་དགེ་འདུན་ཚོགས། །ཉན་ཐོས་དགེ་འདུན་ཆེན་པོ་ཡི། །དགྲ་བཅོམ་མིང་ཡང་མེད་ནང་དུ། །ཀུན་བཟང་ཐུགས་ཀྱི་ ― DNG013_Page_0254 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ནས། །དགོངས་པའི་དོན་ཀུན་རྣམ་པར་གསལ། །ཐབས་དང་ཤེས་རབ་རོལ་པའི་མཐུས། །ཡེ་ཤེས་ཆོ་འཕྲུལ་སྣ་ཚོགས་དང་། །འོད་ཟེར་སྣང་བ་ཀུན་ཁྱབ་བྱེད། །ཕྱག་རྒྱའི་ཚོགས་ཀུན་གར་བསྒྱུར་ཅིང་། །འཛུམ་མདངས་གསང་སྔགས་ཚིག་བྲལ་བའི། །མི་གཉིས་ཡེ་ཤེས་ཀུན་གསལ་བའི། །ཉིད་ཀྱི་དཀྱིལ་འཁོར་ཐམས་ཅད་ཀུན། །ངོ་མཚར་ཆོས་ཉིད་དོན་ལ་སྦྱོར། །དཀྱིལ་འཁོར་ཀུན་མཆོག་བླ་ན་མེད། །རིགས་ཀུན་མཛད་པ་མ་འགགས་པས། །སེམས་དང་སེམས་གནས་རྣམ་པར་དག །ཞིང་ཁམས་བསམ་གྱིས་མི་ཁྱབ་པའི། །གནས་རྣམས་དེ་ཉིད་གནས་ཀུན་བཞིན། །དེ་དག་ཡ་མཚན་ཆོས་ཀུན་དང་། །ཐེ་ཚོམ་རྒྱུན་གྱིས་རྣམ་པར་འཇུག །གཅིག་ལ་གཅིག་གིས་རྗོད་བྱེད་པ། །འདི་ལྟར་སངས་རྒྱས་ཀུན་སྣང་ཞིང་། །རང་གི་རྟོགས་པ་ཇི་ལྟ་བར། །དོན་མཐུན་གསང་བ་འགྲོ་བར་བྱེད། །གནས་ཀུན་རིགས་ཀྱི་དཀྱིལ་འཁོར་གྱིས། །ཀུན་བཟང་དཀྱིལ་འཁོར་རྣམ་པར་འཕྲུལ། །མི་མཐུན་སྐུ་དང་གསུང་ཐུགས་རྣམས། །བྱ་བའི་ཡོན་ཏན་རྒྱ་ཆེར་སྣང་། །དེ་དག་ཤེས་པ་ལས་འདས་པ། །ངོ་མཚར་ཡུལ་འདི་ཇི་ལྟ་བུ། །དེ་ནས་འཁོར་ལོ་གཙོ་བོ་མཆོག །གསུང་བདག་རྡོ་རྗེ་ཆོས་ཉིད་ཀྱིས། །རང་གི་རིགས་ཀྱི་དཀྱིལ་འཁོར་དང་། །རྣམ་ཀུན་སྟོན་པའི་གནས་སུ་འཁོད། །ཐེག་པ་གསང་བའི་རྒྱུད་ལྡན་པ། །ཕྱག་ན་རྡོ་རྗེ་ལ་གཟིགས་ཏེ། །རང་བྱུང་བསྟན་པའི་གནས་རྣམས་ཀུན། །ཐབས་ཀྱི་བརྒྱུད་པས་གླེང་སློང་མཛོད། །འདི་དག་སངས་རྒྱས་ཀུན་གྱི་གནས། །དེ་ཉིད་མཐུ་ཡིས་ཀུན་སྣང་བ། །ཐམས་ཅད་གསང་བའི་ཐིག་ལེ་ཉིད། །བྱིན་རླབས་ངོ་མཚར་ཀུན་གྱི་གཞི། །བསྟན་པའི་མཐུ་ཡིས་ཕྱོགས་ཁྱབ་པ། །གསང་བའི་བདག་པོས་ཞུ་བར་མཛད། །ཐམས་ཅད་སྐུ་དང་གསུང་དང་ཐུགས། །ཡོན་ཏན་ཕྲིན་ལས་སྣ་ཚོགས་ཀུན། །མཐའ་རྣམས་འགོག་པའི་དོན་སྟོན་པས། །ཐམས་ཅད་ཐེ་ཚོམ་ཡིད་གཉིས་གྱུར། །དེ་ནས་གསང་བའི་བདག་པོ་ཡིས། །རང་གི་རིགས་ཚོགས་དཀྱིལ་འཁོར་རྣམས། །རྡོ་རྗེ་ཆོས་ཚོགས་ལྷན་ཅིག་ ― DNG013_Page_0255 ―
[མ་དཔེ་གཟིགས་ན་འདིར་གནོན།]
ཏུ། །བློ་གྲོས་གསང་བའི་གནས་ཀུན་འཇུག །དེ་ཉིད་ཕྱག་རྒྱ་ཇི་ལྟ་བར། །མཆོད་པ་བཀོད་ཚོགས་རབ་འབྱམས་ཀྱིས། །ཕྱོགས་བཅུའི་རྒྱལ་བ་སྲས་བཅས་གཙོ། །རང་གི་བྱིན་རླབས་ཡུལ་བཅས་པ། །ཀུན་ཚོགས་རྣམ་པར་མཆོད་བྱས་ཤིང་། །ཕྱག་འཚལ་འདུད་ཅིང་གསོལ་བ་འདེབས། །མགོན་པོ་དུས་གསུམ་སྒྲིབ་མེད་པའི། །ཡེ་ཤེས་དཀྱིལ་འཁོར་འབྱུང་བའི་གནས། །འདི་ལྟར་དངོས་གྲུབ་རྒྱ་ཆེན་ཚོགས། །བསྟན་པའི་སྒོ་རྣམས་གང་ལས་བྱུང་། །སངས་རྒྱས་ཀུན་གྱི་གསང་བའི་དོན། །ཆོས་ཀུན་མ་འདྲེས་འོད་གསལ་བ། །སྒྱུ་མ་ལྟ་བུར་འགག་པ་མེད། །དེ་དག་དཀྱིལ་འཁོར་ཇི་ལྟ་བུར། །ཕྱོགས་རྣམས་དུས་ཀུན་ཐམས་ཅད་ཀྱི། །སངས་རྒྱས་དཀྱིལ་འཁོར་ཞིང་དག་ལ། །སྐུ་གསུང་ཐུགས་ཀྱི་ཕྱག་རྒྱ་རྣམས། །བྱིན་རླབས་བཀོད་པའི་ཡི་གེ་བཞིན། །རྣམ་འཕྲུལ་རྣམ་པར་སྤྱོད་པའི་ཚོགས། །དེ་དག་ཆོས་རྣམས་བསྟན་པའི་དུས། །ཤིན་ཏུ་རྒྱ་ཆེན་འདིར་གནས་པས། །ངོ་མཚར་གསང་བ་ལ་ཞུགས་མཛད། །དེ་ནས་སངས་རྒྱས་ཐམས་ཅད་ཀྱི། །རང་བཞིན་ཀུན་ཏུ་བཟང་པོ་ཉིད། །ངེས་པར་བསྟན་པའི་བྱིན་རླབས་ཀྱིས། །དགྱེས་པའི་དགའ་མདངས་རྣམ་པར་སྟོན། །ཐམས་ཅད་རིགས་ཀྱི་དཀྱིལ་འཁོར་དུ། །བྱིན་རླབས་བྱང་ཆུབ་སེམས་སྦྱོར་ཏེ། །རང་བཞིན་བདུད་རྩི་ཆེན་པོའི་དོན། །ངེས་པའི་ཀླུང་ནས་གྲོལ་བར་མཛད། །སྲིད་གསུམ་ཡེ་ནས་བདུད་རྩི་ལྔ། །མ་བཅོས་གདོད་ནས་རྫོགས་སངས་རྒྱས། །ཀུན་ཏུ་བཟང་པོའི་ཐུགས་དཀྱིལ་ནས། །བྱང་ཆུབ་སེམས་ཚོགས་དཀྱིལ་འཁོར་འཆར། །དུས་གསུམ་སྲིད་གསུམ་སྐུ་གསུང་ཐུགས། །ཡེ་ནས་གཉིས་མེད་བདུད་རྩིའི་ཕྱིར། །དགོངས་པ་རྒྱ་མཚོ་མཐར་ཕྱིན་པ། །ངེས་དོན་ཟབ་མོའི་ཚུལ་གྱིས་འཇུག །དེ་ནས་བདེ་གཤེགས་ཐམས་ཅད་ཀྱིས། །རང་སྣང་དཀྱིལ་འཁོར་ལ་དགོངས་ཏེ། །གཉིས་མེད་བདུད་རྩི་ཆེན་པོ་འདི། །རང་བཞིན་མི་གཉིས་བསྟན་པས་གྲོལ། །དེ་ཚེ་འཁོར་གྱི་གཙོ་བོའི་མཆོག །རྣལ་འབྱོར་དབང་ཕྱུག་ཆེན་པོ་རྣམས། །བླ་ན་མེད་པའི་བྱང་ ― DNG013_Page_0256 ―
[མ་དཔེ་གཟིགས་ན་འདིར་གནོན།]
ཆུབ་སེམས། །ཡེ་ཤེས་མཉམ་ཉིད་ཉམས་རྙེད་དེ། །རང་གི་རིག་པ་འཛིན་པའི་གནས། །རྡོ་རྗེ་གསང་བའི་གྲལ་རྣམས་འཁོད། །མཐའ་ཡས་སྟོབས་རྣམས་ཟད་མེད་བདེ། །རྒྱལ་བ་ཀུན་གྱིས་མཆོད་བྱས་ཏེ། །རང་བཞིན་བདུད་རྩི་ཆེན་པོའི་གནས། །དུས་གསུམ་ཀུན་ཏུ་སྟོན་པར་དགོངས། །རིགས་ཚོགས་བྱང་ཆུབ་སེམས་དཔའ་རྣམས། །བསྟན་པའི་དོན་གྱིས་ངོ་མཚར་སྐྱེས། །ཨེ་མ་ཧོ་ལྷ་ཀླུ་འགྲོ་ཚོགས་ཀུན། །རང་གི་རྟོག་པ་མཐའ་ཡས་སྣང་། །ཀུན་གྱི་བསམ་པ་ཤེས་རུང་ཞིང་། །ཐམས་ཅད་སྐད་རྣམས་གོ་འགྱུར་ཞིང་། །ཐེག་མཆོག་སྙིང་པོ་བྱིན་རླབས་འདི། །ཕྱོགས་རྣམས་ཀུན་ནས་སྤྱོད་པར་དཀའ། །རང་གི་དཀྱིལ་འཁོར་ཇི་ལྟ་བ། །ཀུན་ཏུ་མ་འགགས་སྒོ་མཐའ་ཡས། །རྒྱལ་བ་ཀུན་གྱི་ལམ་ཉིད་ནི། །ཐེག་ཆེན་བདུད་རྩིའི་གནས་རྒྱས་པས། །ཕྱག་རྒྱ་གསང་སྔགས་ཟབ་མོའི་ཚོགས། །དེ་དག་མཚན་ཉིད་ཇི་ལྟ་བུ། །དེ་ཚེ་སྣང་བ་ཐམས་ཅད་ཀྱི། །དཀྱིལ་འཁོར་མ་འགགས་རྣམ་སྤྲུལ་ཞིང་། །རང་བཞིན་གཉིས་མེད་བདུད་རྩིའི་མཆོག །སྒྲུབ་པའི་ཐབས་འདི་ངེས་པར་གསུངས། །བསྟན་པའི་ཕྱོགས་རྣམས་ཀུན་སྤྱོད་པ། །བཀའ་ཡི་དམ་པ་མཆོག་གི་ལུང་། །ཆོས་རྣམས་ཡེ་ནས་བདུད་རྩི་མཆོག །ངེས་པར་སྟོན་པའི་སྒོ་འདི་སྤྱོད། །སྒྲུབ་དང་བསྒྲུབ་པར་བྱ་བ་དང་། །འབྲས་བུ་ཐོབ་པར་བྱ་བའི་ཕྱིར། །གསང་སྔགས་གསང་བའི་མན་ངག་ནི། །བདུད་རྩི་དམ་པ་མཆོག་གི་ལུང་། །སྙིང་པོ་བསྡུས་པའི་ངེས་དོན་འདི། །ཐམས་ཅད་བྱང་ཆུབ་འབྱུང་བའི་གནས། །ལྟ་བ་དང་ནི་སྤྱོད་པ་དང་། །དམ་ཚིག་མཆོག་ཏུ་ཕྲིན་ལས་དང་། །ངེས་པར་སྒྲུབ་དང་བསྒྲུབ་བྱའི་ཕྱིར། །ཟབ་མོར་བསྡུས་པའི་ལུང་འདི་གསུངས། །བསམ་གྱིས་མི་ཁྱབ་བསྟན་པ་དང་། །བརྒྱད་ཁྲི་བཞི་སྟོང་བསམ་ཡས་ཀྱང་། །ཐེག་པའི་སྒོ་ནི་གསུམ་དུ་གསུངས། །གསང་ཉིད་ཐེག་པར་འདུས་དང་བཞི། །ལྡེམ་པོར་དགོངས་དང་དོན་དམ་ཡང་། །བཀྲི་བའི་དོན་དེ་སངས་རྒྱས་ཡིན། །རྣ་བརྒྱུད་བསྟན་པ་ཐུགས་བརྟོལ་ཏེ། །ཐིག་ལེ་ཆོས་སྐུར་ཁྱབ་པའི་ཕྱིར། །ངེས་པའི་ལུང་ཡང་སངས་རྒྱས་ ― DNG013_Page_0257 ―
[མ་དཔེ་གཟིགས་ན་འདིར་གནོན།]
ས། །སངས་རྒྱས་མཉམ་དང་དབྱིངས་སུ་གྲོལ། །ཡེ་ནས་གཉིས་མེད་ལྷུན་གྲུབ་པས། །གསང་བ་ཆེན་པོར་རྣམ་སྤྱོད་ཅིང་། །ཐིག་ལེ་བྱང་ཆུབ་སེམས་ཀྱི་གནས། །འདི་དག་རང་གི་རྒྱུད་བཞིན་འཇུག །གསང་སྔགས་གསང་བའི་སངས་རྒྱས་ཆེ། །བྱང་ཆུབ་སེམས་འདི་ཀུན་ཏུ་དག །རྫོགས་པའི་སངས་རྒྱས་བདེ་ཆེན་ཉིད། །མ་ལུས་མཐའ་དག་ཉིད་ཀྱི་རྒྱ། །ཡེ་ནས་བྱ་བྱེད་བྱ་མི་དགོས། །རྒྱུ་དང་འབྲས་བུ་འཁྲུལ་པའི་སྒྲ། །མི་རྟོག་སྦྱོར་བའི་ཡུལ་མེད་ན། །དེ་ལྟའི་ཡུལ་དང་རྟོག་འཛིན་གྱིས། །འཁོར་བའི་རྒྱ་མཚོར་གྱུར་པ་ཡིན། །ངེས་འབྱུང་ཆོས་སྐུ་ཆེན་པོ་ལ། །བྷ་གར་ཇི་བཞིན་བཞག་པས་ན། །བྱང་ཆུབ་ཉིད་དེ་ལྟུང་གནས་མེད། །བུ་གཅིག་མ་རྩོལ་བདེ་བར་གནོས། །རྒྱུད་དང་ལུང་དང་མན་ངག་ཀྱང་། །འབངས་དང་རྗེའུ་དང་རྒྱལ་པོའི་ཚུལ། །ཁྱད་པར་རྩལ་འཕགས་ཐག་རིང་ཡང་། །གཅིག་ལ་གཅིག་བརྟེན་གཅིག་གི་ངང་། །དབྱེར་མེད་ཚུལ་གཅིག་རང་བཞིན་དུ། །གཅིག་སྟེ་རྣམ་པ་ཡོངས་ཀྱི་མེད། །གཉིས་མེད་ངང་དུ་རྟོགས་གྲོལ་ན། །བདུད་རྩི་ཞེས་ནི་དེ་ལ་བྱ། །དེ་བས་སྐུ་གསུང་ཐུགས་ཀྱི་བདག །ཁམས་གསུམ་རྣམ་པར་སྦྱོང་བའི་གཞི། །སྐུ་དང་རྒྱན་དང་འཁོར་ལོ་ཡང་། །ལུང་ཆེན་ཟབ་མོའི་ནང་ན་གསལ། །ལྔ་བཞིའི་ནང་དུ་འཁོར་བ་ལས། །ཡེ་ཤེས་སངས་རྒྱས་གཞན་ན་མེད། །དབྱིངས་སུ་གྱུར་པས་མཉམ་པའི་ངང་། །དེ་ནི་སངས་རྒྱས་བདེ་ཆེན་ཉིད། །བདུད་རྩི་བདེ་ཆེན་མཆོག་གི་སྐུ། །དུས་གསུམ་འགྱུར་མེད་དབྱིངས་ཀྱི་རྒྱ། །དབྱིངས་གྱུར་དག་མཉམ་ལྷུན་གྲུབ་པས། །རྣལ་འབྱོར་ཆེན་པོའི་ངང་ཚུལ་བཟང་། །ལྟ་བ་འདི་ལ་གང་གནས་པའི། །རྣལ་འབྱོར་མཆོག་གྱུར་སྐལ་བཟང་པོ། །ཅི་སྤྱོད་ཅི་བསྒོམ་ཅི་བསྒྲུབས་ཀྱང་། །བདུད་རྩི་ཉིད་དེ་སྨན་གྱི་མཆོག །བདེ་གཤེགས་ཀུན་གྱི་ཐུགས་དམ་ཉིད། །བྱིན་རླབས་ངོ་མཚར་རྒྱ་ཆེར་འབྱུང་། །རྒྱལ་བ་རྒྱ་མཚོ་རྣམས་ཀྱི་གསོས། །སངས་རྒྱས་བདེ་ཆེན་ཉིད་ལས་བྱུང་། །ཐམས་ཅད་མ་ལུས་བདུད་རྩི་འདི། །སྤྲོས་མེད་ ― DNG013_Page_0258 ―
[མ་དཔེ་གཟིགས་ན་འདིར་གནོན།]
ཐིག་ལེར་གནས་པ་ལས། །མཐའ་ཡས་སེམས་ཅན་དོན་གྱི་ཕྱིར། །རང་ལ་མཆོད་ཅིང་རང་གིས་བཟའ། །དེ་དག་དངོས་གྲུབ་རྒྱ་མཚོའི་གཞི། །སྒྲུབ་པ་པོས་ནི་ནན་ཏན་བྱོས། །ཐམས་ཅད་རང་བྱུང་བདུད་རྩིར་གནས། །ཆོས་རྣམས་ཀུན་གྱི་དེ་བཞིན་ཉིད། །སྟོན་པའི་བྱིན་རླབས་ལ་སྣང་བ། །རྣལ་འབྱོར་ཐབས་མཁས་རྣམས་ཀྱི་ཡུལ། །རང་བཞིན་ངོ་བོ་གཅིག་ཉིད་ལས། །བྱིན་རླབས་མཐུ་རྩལ་རྣམ་སྤྲོས་པས། །ཐམས་ཅད་དག་ཅིང་གྲོལ་བའི་མཆོག །བདུད་རྩི་ཆེན་པོའི་རང་བཞིན་ཏེ། །ཐབས་མཁས་རྣམ་པར་སྤྱོད་པའི་སྒོ། །རང་བཞིན་ངོ་བོས་སྟོན་བྱེད་པའོ། །བྱང་ཆུབ་སེམས་ཀྱི་དཀྱིལ་འཁོར་དུ། །ཕྱི་ནང་སྣོད་བཅུད་རྣམ་དག་ཚོགས། །རང་གྲོལ་འཇུག་པའི་སྤྱོད་པ་ཡིས། །དཀྱིལ་འཁོར་ཆེན་པོའི་གནས་མཐོང་འགྱུར། །དེ་དག་རབ་ཏུ་དབང་བསྐུར་ཞིང་། །བློ་བུར་དྲི་མ་དག་པའི་མཐུས། །རང་བཞིན་ཡེ་ཤེས་གནས་རྙེད་དེ། །དམ་ཚིག་གསལ་བ་ལ་གནས་པས། །ཐམས་ཅད་ཀུན་ཏུ་མཉམ་སྦྱོར་ཅིང་། །སྒྲུབ་པའི་དཀྱིལ་འཁོར་མངོན་པར་སྤྱོད། །དེ་ནས་བསྙེན་བསྒྲུབ་ཀུན་རྫོགས་ཤིང་། །ཕྱག་རྒྱའི་དཀྱིལ་འཁོར་མངོན་དུ་འགྱུར། །ཐ་དད་མིན་ལ་ཐ་དད་པའི། །བརྟན་གཡོ་མཉམ་དང་མི་མཉམ་ཚོགས། །རབ་གྲོལ་གནས་པའི་ཆོས་ཀུན་ཉིད། །ཡེ་ཤེས་བདུད་རྩི་ཆེན་པོའི་དོན། །ཞེས་གསུངས་སོ། །དེ་ཚེ་འཁོར་ཚོགས་རྒྱ་ཆེན་པོའི། །རིགས་ཀྱི་དཀྱིལ་འཁོར་ཐམས་ཅད་ཀྱིས། །རང་བྱུང་དོན་གྱི་བདུད་རྩི་འདི། །གནས་རྣམས་ཀུན་ཏུ་རྒྱས་པར་རྟོགས། །བྱིན་རླབས་ངོ་མཚར་ཆེན་པོའི་ཡུལ། །མི་གཉིས་དགའ་བ་མངོན་གྱུར་ཅིང་། །ཐམས་ཅད་ཆོས་ཀྱི་གནས་སྤྱོད་པའི། །ཡང་དག་དོན་ནི་སྤྱོད་པར་བྱེད། །ཨེ་མ་ཧོ་གསང་ཆེན་ཉིད་ཀྱི་དབྱིངས། །རྣམ་གྲོལ་ཡེ་ཤེས་དཀྱིལ་འཁོར་ཉིད། །བྱང་ཆུབ་སེམས་ཉིད་རྣམ་སྤྱོད་པས། །རིན་ཆེན་བདུད་རྩི་རྒྱས་པར་སྣང་། །ཕྱོགས་རྣམས་མཐའ་དག་གྲོལ་བ་ཡི། །རིགས་ཀུན་ངོ་མཚར་ ― DNG013_Page_0259 ―
[མ་དཔེ་གཟིགས་ན་འདིར་གནོན།]
སྐྱེ་བའི་གནས། །རྒྱལ་བ་རྒྱ་མཚོ་རྣམས་ཀྱི་གསོས། །རང་བྱུང་ཡེ་ཤེས་གནས་ཕྱག་འཚལ། །ཐམས་ཅད་མིན་ལ་ཐམས་ཅད་སྣང་། །དེ་དག་རང་གི་དཀྱིལ་འཁོར་ཉིད། །ཕྱོགས་དུས་ཀུན་ཏུ་མ་འགགས་པའི། །ཡོན་ཏན་ཀུན་འབྱུང་གནས་ཕྱག་འཚལ། །ངོ་མཚར་ཟབ་ཅིང་རྒྱ་ཆེན་ཆོས། །རིགས་ཚོགས་ཐེག་པ་གྲངས་མེད་ཀྱིས། །དེ་དག་ཚུལ་རྣམས་ཞི་མཛད་པ། །དཀྱིལ་འཁོར་ཀུན་འབྱུང་སྟོན་པའི་མཆོག །ཁྱོད་ཉིད་བྱང་ཆུབ་སེམས་ཀྱི་ཞིང་། །གསང་ཆེན་དཀྱིལ་འཁོར་རྫོགས་པ་ཉིད། །གང་ཞིག་མཐོང་བས་རྣམ་གྲོལ་ཞིང་། །ཕྱག་རྒྱའི་དཀྱིལ་འཁོར་ཀུན་སྤྱོད་མཛད། །བྱིན་རླབས་ཐེག་པའི་གནས་ཆེན་འདི། །རྒྱལ་བ་ཀུན་གྱིས་བསྟན་པའི་དོན། །ཕྱག་རྒྱའི་རོལ་པ་རྒྱ་ཆེན་པོར། །ཐམས་ཅད་འདུད་ཅིང་བསྟོད་པའི་གནས། །ཞེས་ཀུན་གྱིས་རྒྱ་ཆེར་བསྟོད་དོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རང་གི་དཀྱིལ་འཁོར་མངོན་པར་འདུ་མཛད་པའི་ཏིང་ངེ་འཛིན་ལ་མཉམ་པར་སྦྱོར་ཞིང་། རིགས་ཐམས་ཅད་ཀྱི་བདག་པོ་ཀུན་ཏུ་བཟང་པོ་ལ་འདུད་པར་གྱུར་ཏོ། །དེ་དག་གི་བསྟན་པས་ཞིང་ཁམས་དེ་ཉིད་གསལ་བར་བྱས་ཏེ། རྣལ་འབྱོར་དབང་ཕྱུག་ཆེན་པོ་རྣམས་ཀྱི་བྱིན་རླབས་ཀྱི་གཟུགས་བརྙན་ལས། བདུད་རྩིའི་གྲོང་ཁྱེར་ཆེན་པོ་རྒྱ་ཆེར་གཟིགས་སོ། །དེའི་ཚེ་ཞིང་ཁམས་བསམ་གྱིས་མི་ཁྱབ་པ་ཁ་ཅིག་ནི་ཉོན་མོངས་པའི་ཕྱོགས་ནས་རྣམ་པར་སྤྱོད་ཅིང་། ཁ་ཅིག་ནི་སྙིང་པོ་ཡེ་ཤེས་ཀྱི་ཚོགས་ཀྱིས་རབ་ཏུ་གྲོལ་བར་གྱུར་ཏེ། འདི་ལྟར་གྲངས་མེད་པའི་སྣང་བ་ཀུན་ཀྱང་ཚུལ་སྣ་ཚོགས་ཀྱི་སྒོ་ནས་སྤྱད་པར་སྣང་ངོ་། །གདོད་ནས་མ་བཅོས་སངས་རྒྱས་ཀུན། །རང་གི་གནས་ན་ལོངས་སྤྱོད་མཛད། །དེ་ལ་གྲངས་མེད་རྒྱ་ཆེན་ཚོགས། །ཞིང་ཁམས་བསམ་གྱིས་མི་ཁྱབ་གྲུབ། །སྐྱེ་འགྲོ་ཀུན་གྱི་གནས་སྤྱོད་དེ། །ཐ་དད་གཉིས་ཀྱི་ཆོས་སྣང་བའི། །འདི་ལྟར་ཁ་ཅིག་རྟག་པའི་རྒྱུན། །ཉོན་མོངས་རྒྱུ་ལས་དེ་བསྐྱེད་ཅིང་། །ང་རྒྱལ་ཆེན་པོས་གནས་པ་ལ། །ང་རྒྱལ་ཚོགས་བཅས་རགས་པར་སྤྱོད། །དེ་དག་ ― DNG013_Page_0260 ―
[མ་དཔེ་གཟིགས་ན་འདིར་གནོན།]
གཉིས་དང་གསུམ་བཅས་པའི། །དྲེགས་པའི་མཐའ་ཀུན་དོན་དུ་གཉེར། །དེ་ཡི་རྒྱུ་དང་རྐྱེན་དག་དང་། །འབྲས་བུ་ཉིད་ཀྱིས་གནས་རྒྱས་འགྱུར། །དེ་ལས་ཉོན་མོངས་ཚོགས་བསྐྱེད་ཅིང་། །ལྷ་མིན་གྲོང་ཁྱེར་ལ་སོགས་པའི། །ང་རྒྱལ་དྲེགས་པའི་མཐའ་གནས་པ། །རང་རྒྱུད་རྟག་པའི་མཐུ་དང་ལྡན། །འགྲོ་གཞན་དེ་དག་གནས་མོས་པས། །དེ་ཉིད་བསྟན་པས་བཟུང་བར་བྱེད། །ཞིང་ཁམས་ཁ་ཅིག་གཏི་མུག་གི། །ལོག་པའི་རྒྱུ་བཅས་ཀུན་སྤྱད་རྨོངས། །རྒྱུ་འབྲས་དོན་ཀུན་འཁྲུལ་པའི་མཐུས། །རྟག་ཏུ་མུན་པའི་འཇིག་རྟེན་གནས། །དེ་དག་མཐུ་ཡིས་ཁམས་གསུམ་འདིར། །རྒྱུ་འབྲས་ཀུན་ཏུ་རྣམ་སྤྱོད་པས། །བྱོལ་སོང་འཇིག་རྟེན་ལ་སོགས་སྣང་། །ཆོས་རྣམས་ཀུན་ཏུ་རབ་གསལ་བ། །དེ་དག་གཏི་མུག་ཆེན་པོས་བསྒྲིབས། །དེ་མཐའ་བསྟན་པ་ལ་གནས་པའི། །རྨོངས་པའི་ཚོགས་རྣམས་ཀུན་ཏུ་འཇུག །རང་གི་ལས་བཅས་རྣམ་སྤྱོད་པའི། །སྡུག་བསྔལ་ཉོན་མོངས་ཚོགས་ཀྱི་རྒྱུན། །ཞིང་ཁམས་སྣང་བ་ཁ་ཅིག་ཏུ། །འདོད་ཆགས་ཉིད་ཀྱི་རྣམ་སྤྱོད་བདག །དེ་དག་ཆོས་རྣམས་ཀུན་འདོད་པར། །ཉོན་མོངས་ཚོགས་བཅས་འཕེལ་བར་བྱེད། །རང་གི་ལས་བཞིན་འཇུག་བྱེད་ཅིང་། །རྟག་ཏུ་ཆགས་སྲེད་ལེན་པར་གནས། །རྒྱུ་རྐྱེན་འབྲས་བུའི་སྒོ་མཐུན་པས། །ཡི་དྭགས་འཇིག་རྟེན་ལ་སོགས་སྣང་། །དེ་ནས་དེ་ལས་དེར་རྟོགས་པ། །བསྟན་པའི་ཚུལ་དེ་གཟུང་བར་བྱེད། །ཞིང་ཁམས་ཆེན་པོ་ཁ་ཅིག་ཏུ། །ཞེ་སྡང་ཆོས་ཀུན་རྣམ་སྤྱོད་དེ། །དེ་ཉིད་ཀུན་ནས་ཞེན་པའི་མཐུས། །ཉོན་མོངས་ཆོས་ཀུན་སྐྱེད་པར་བྱེད། །དེ་དག་རྒྱུ་བཅས་འབྲས་བུ་ཉིད། །དམྱལ་བའི་འཇིག་རྟེན་ལ་སོགས་སྣང་། །རྒྱུ་རྐྱེན་གོམས་ཤུགས་མཐར་ཕྱིན་པས། །རྟག་ཏུ་རང་གི་ལས་བཞིན་སྤྱོད། །སྡུག་བསྔལ་སྡུག་བསྔལ་སྣ་ཚོགས་ཀྱིས། །བར་མཚམས་མེད་པར་ཀུན་ཏུ་རྨོངས། །དེ་ཉིད་རྐྱེན་གྱི་གཞན་དག་ཀྱང་། །དེ་ཡི་བསྟན་པ་ལ་འཛུད་ཅིང་། །ཀུན་ནས་ཉེས་པའི་བལྟ་བ་ཡིས། །མཐའ་རྣམས་ཀུན་ཏུ་ ― DNG013_Page_0261 ―
[མ་དཔེ་གཟིགས་ན་འདིར་གནོན།]
རྣམ་པར་མྱོས། །ཞིང་ཁམས་གཞན་དག་ཁ་ཅིག་ཏུ། །ཕྲག་དོག་ལས་ཀྱིས་འཁོར་གྱུར་ཏེ། །བདག་ཅག་ཆོས་ཀུན་རྣམ་བརྟགས་པས། །དེ་དག་མྱ་ངན་སྡུག་བསྔལ་བསྐྱེད། །རང་གི་ལྟ་བ་རྣམ་འཛིན་པས། །ཐམས་ཅད་ཆོས་ལས་རབ་ཏུ་ཉམས། །ཡོན་ཏན་འདོད་པའི་དངོས་པོ་ལ། །ཀུན་ཏུ་འཛིན་པས་བདག་སྒྲུབ་བྱེད། །གཞན་རྟོགས་གནས་ཀུན་ཕྲག་དོག་ཉིད། །ཉོན་མོངས་སྡུག་བསྔལ་རྒྱུད་བཅས་པའི། །ཡན་ལག་གཞན་ཚོགས་རྣམ་བསྐྱེད་པས། །རྟོག་པའི་ཆོས་རྣམས་རབ་ཏུ་རྒྱས། །དེ་ལས་རྩ་བ་ཡན་ལག་གོ། །རྒྱུ་དང་བཅས་ཀྱི་མིང་སོགས་གནས། །རང་གི་མཐུ་ཡིས་ཀུན་ཏུ་སྣང་། །དུས་ཀུན་མངོན་པར་ཞེན་པའི་ཤུགས། །གཞན་དག་བསྟན་པ་ལ་གནས་བྱེད། །མངོན་པར་འཕོ་བའི་ལས་ཀུན་གྱིས། །ལྷ་ལ་སོགས་པའི་འགྲོ་བ་ཀུན། །རང་གི་ལས་དང་ལས་ཀྱིས་འཁོར། །དེ་ལས་སྡུག་བསྔལ་ཀུན་སྣང་བས། །ཕྱོགས་རྣམས་ཀུན་ཏུ་རྒྱས་པར་འགྱུར། །དེ་ལྟར་ཉོན་མོངས་ཚོགས་འཕེལ་ཞིང་། །རྩ་བ་མངོན་བསྐྱེད་འབྱིན་བྱེད་པས། །ཡན་ལག་ཆ་ཤས་རྣམ་རྒྱས་ཏེ། །འགྲོ་གཞན་གནས་ཀུན་རྒྱས་པར་འགྲུབ། །ཁ་ཅིག་དེ་དག་ཀུན་འཛིན་ཅིང་། །ཁ་ཅིག་དེ་དག་ཆ་ལ་གནས། །ལས་ཀྱི་འཁོར་ལོ་རྣམ་རྒྱས་པ། །སངས་རྒྱས་ཉིད་ལ་འཁོར་བའི་གནས། །ཞིང་ཁམས་ཆེན་པོ་གཞན་དག་ན། །སྤྱོད་བཅས་དེ་ལས་གྲོལ་འདོད་ཅིང་། །དེ་ཉིད་རྒྱུ་རྐྱེན་ལས་ཀུན་སྤྱོད། །དེ་དག་བརྟགས་པས་གཞན་གནས་ཏེ། །དེ་དག་ཟློས་པས་གཞན་དུ་འཁྲུལ། །དེ་ཉིད་ཚུལ་ལས་གྲོལ་འདོད་པའི། །ཐབས་ཀྱིས་མ་ཟིན་གང་ཟག་དག །ཐེག་པ་དམན་པའི་ལམ་སྤྱོད་ཅིང་། །མྱ་ངན་མི་འདའ་རྟོག་ཀུན་འཛིན། །ཐབས་གཞན་ཐེག་པའི་རིམ་པ་བཞིན། །བྱང་ཆུབ་སེམས་དཔའ་རྒྱ་ཆེན་བློས། །ཞིང་ཁམས་ཆེན་པོ་རྣམ་སྦྱངས་ཤིང་། །རྣམ་གྲོལ་མྱ་ངན་འདས་ལམ་བསྒྲུབ། །དེ་ནས་རིགས་རྣམས་ཀུན་གྱི་བདག །བཅོམ་ལྡན་ཀུན་ཏུ་བཟང་པོ་དཔལ། །རང་བྱུང་ཡེ་ཤེས་གདན་ ― DNG013_Page_0262 ―
[མ་དཔེ་གཟིགས་ན་འདིར་གནོན།]
བཞུགས་ཏེ། །དེ་ཉིད་ཆོས་ཀྱི་ཏིང་འཛིན་གནས། །སངས་རྒྱས་ཀུན་གྱི་དགོངས་པའི་དོན། །ཐུགས་རྗེ་དྲི་མེད་སྤྱན་ལྡན་པས། །ཞིང་ཁམས་ཆེན་པོ་བསམ་ཡས་པའི། །གདུལ་བྱའི་རྒྱུད་རྣམས་དག་པར་གཟིགས། །དེ་ཉིད་ཐུགས་ཀྱི་དཀྱིལ་འཁོར་མཆོག །ཕྱོགས་བཅུའི་སངས་རྒྱས་ཀུན་སྣང་བས། །ཞིང་ཁམས་ཆེན་པོ་བསམ་ཡས་ཀྱི། །ཆོས་རྣམས་འོད་གསལ་མཉམ་པར་སྦྱོར། །རིགས་ཀྱི་རྒྱལ་བ་ཐམས་ཅད་ཀྱིས། །དཀྱིལ་འཁོར་འཕྲུལ་པར་གསོལ་བ་གདབ། །དེ་ལྟར་རྟོག་པའི་མཚན་གནས་པ། །རྒྱ་ཆེར་བསྟན་པས་གདུལ་འགྱུར་ཞིང་། །རྒྱ་ཆེན་ཐེག་པ་སྦྱང་བའི་ཕྱིར། །སྐུ་གསུང་ཐུགས་ཀྱི་དཀྱིལ་འཁོར་ཉིད། །ཐབས་མཁས་ཀུན་ཏུ་རྣམ་སྤྱོད་མཛོད། །གཙོ་བོས་འཁོར་གྱི་ཚིག་གསན་ཏེ། །ཐུགས་རྗེས་ཕྱོགས་རྣམས་སྒྲིབ་མེད་པར། །ཆོས་རྣམས་ཐམས་ཅད་མཉམ་སྦྱོར་ཞིང་། །གཞན་དག་རྣམ་པར་བདེ་བསྐྱེད་དེ། །ངོ་མཚར་ཡུལ་ཀུན་འགྲོ་བའི་ཕྱིར། །མཐུན་པའི་དཀྱིལ་འཁོར་དོན་བཞིན་བསྟན། །དཀྱིལ་འཁོར་ཆེན་པོ་ཉམས་དགའ་བའི། །འོག་མིན་གནས་སུ་རྣམ་བཀོད་པ། །དེ་དག་དུས་གསུམ་རྒྱལ་བའི་སྐུ། །རྡུལ་ཕྲན་གྲངས་མེད་རིགས་ཀྱི་ཚོགས། །དཀྱིལ་འཁོར་ཆེན་པོར་གྲོལ་འགྱུར་ཡང་། །ཞིང་ཁམས་མཐའ་ཡས་བསམ་འདས་པའི། །འགྲོ་རྣམས་རྗེས་སུ་གཟུང་བའི་ཕྱིར། །རང་བཞིན་བདུད་རྩིའི་དཀྱིལ་འཁོར་འདི། །ཐམས་ཅད་ཀུན་ཏུ་སྟོན་པར་མཛད། །ཡོན་ཏན་ཆེན་པོའི་བྱིན་རླབས་ལས། །སྣང་བའི་འོད་ཀྱིས་ཀུན་ཁྱབ་ཅིང་། །རབ་ཏུ་སྦྱངས་པ་ཟུང་འཇུག་པ། །སྙིང་རྗེ་ཆེན་པོའི་བདག་ཉིད་དོ། །རིགས་མཆོག་གཙོ་བོ་བཟང་པོ་ཉིད། །ཞལ་གསུམ་ཟླ་བ་མདངས་བཟང་གསལ། །གཡས་སྔོ་གཡོན་པ་དམར་པའི་བཞིན། །ཕྱག་དྲུག་རིན་ཆེན་རྒྱན་གྱིས་མཛེས། །རང་གི་གསང་སྔགས་ཀྱིས་རྫོགས་པ། །རྡོ་རྗེ་རིན་ཆེན་པདྨ་དང་། །འཆི་མེད་བདུད་རྩི་བུམ་བཅས་ཕྲེང་། །ཀུན་ཏུ་བཟང་མོའི་ ― DNG013_Page_0263 ―
[མ་དཔེ་གཟིགས་ན་འདིར་གནོན།]
གནས་སྦྱོར་ཅིང་། །དབུ་སྐྲ་རིན་ཆེན་དབུ་རྒྱན་མཛེས། །ན་བཟའ་རྒྱན་བཅས་རྣམ་གྲོལ་བ། །ཐབས་དང་ཤེས་རབ་སྐྱིལ་ཀྲུང་གིས། །ལྷ་ཡི་རྒྱལ་པོའི་ཁང་བཟང་གནས། །རིན་ཆེན་ཉི་ཟླ་པད་དཀྱིལ་བཞུགས། །རིན་ཆེན་འབར་བའི་ཁྲིར་བཅས་པའོ། །ཁང་པ་གྲུ་བཞི་མུ་ཁྱུད་ལྡན། །རེ་ཆའི་ཕྲེང་བ་བཟང་པོ་དང་། །འཁོར་ལོ་བཅུ་དྲུག་བར་ཁྱམས་བཅས། །སྒོ་ཁང་རྟ་བབས་ལྡན་པ་ལ། །ཏྭ་ར་ཎ་བཞི་བཀོད་པ་དང་། །སྣ་ཚོགས་རྒྱན་གྱིས་ཉེ་བར་སྤྲས། །པདྨ་རྡོ་རྗེ་ཕྲེང་བ་དང་། །འདོད་པའི་ལྷ་མོ་ཀུན་གྱིས་བཀླུབས། །དེ་ནས་རིན་ཆེན་ས་གཞི་ལ། །ཁྲི་སྟེང་པད་མ་ཉི་ཟླས་བརྒྱན། །ཐམས་ཅད་རྣམ་པར་བཀོད་བྱས་ཏེ། །གནས་མཆོག་བླ་མེད་གཞན་སྣང་བའོ། །རང་གི་གསང་སྔགས་ཀྱིས་བསྐྱེད་ཅིང་། །ཕྱོགས་རྣམས་ཀུན་ཏུ་སྤྲོས་བྱས་ཏེ། །དེ་ཉིད་གདུལ་བྱའི་གནས་སུ་སྣང་། །ཡེ་ཤེས་བྱིན་རླབས་ཆེ་ལས་འབྱུང་། །ཀུན་ཏུ་བཟང་མོ་ཞི་བའི་མདངས། །ཞལ་གཅིག་ཕྱག་གཉིས་རིན་ཆེན་འཛིན། །དཀར་མོ་རྒྱན་རྣམས་ཀུན་གྱིས་མཛེས། །འོད་ཟེར་སྣ་ལྔའི་འཕྲེང་བ་ཅན། །གསང་བའི་སྔགས་ཀྱིས་བསྐྱེད་བྱས་པའི། །ཡིག་འབྲུ་ཕྱག་རྒྱའི་མཚན་མ་ཀུན། །རང་གནས་འོད་ཟེར་འཕྲོ་འདུའི་སྟོབས། །རིགས་ཀྱི་དཀྱིལ་འཁོར་བཟང་པོའི་ཚོགས། །དབུས་ཀྱི་དཀྱིལ་འཁོར་གནས་བཞུགས་པ། །འཁོར་ལོས་སྒྱུར་རྒྱལ་རིན་ཆེན་སྐུ། །བཙོ་མ་གསེར་གྱི་མདོག་འདྲ་ལས། །ཉི་མ་འབུམ་གྱི་གཟི་བརྗིད་ཅན། །ཞལ་བཞི་དཀར་དམར་སྔོ་བ་དག །ཕྲིན་ལས་བཞི་ཡི་མདངས་བཅས་པ། །ཕྱག་རྒྱ་གཡས་ཀྱི་བཞི་དག་ན། །རིན་ཆེན་སྤུངས་པའི་བུམ་པ་དག །ཉི་མའི་དཀྱིལ་འཁོར་འཁོར་ལོ་འཛིན། །གཡོན་ན་པདྨའི་ཕྲེང་བ་དང་། །འཆི་མེད་བདུད་རྩི་ཟླ་བའོ། །རིན་ཆེན་སྣ་ཚོགས་རྒྱན་གྱིས་བཀླུབས། །རིན་ཆེན་དབྱིངས་ཀྱི་ཡུམ་དང་འཁྲིལ། །རྡོ་རྗེ་འཁོར་ལོ་པདྨ་དང་། །སྣ་ཚོགས་རྒྱ་གྲམ་རྟགས་ཀྱི་རྒྱ། ། ― DNG013_Page_0264 ―
[མ་དཔེ་གཟིགས་ན་འདིར་གནོན།]
ཕྱོགས་བཅུའི་འགྲོ་བའི་དོན་སྤྲོས་ཏེ། །རང་བཞིན་ཀུན་ཏུ་བཟང་པོའི་གནས། །དབང་བསྐུར་མཚན་མ་ལས་བྱུང་བའི། །རིགས་ཀྱི་བདག་པོས་དབུ་བརྒྱན་པ། །ལྷ་མོ་ཞལ་གཅིག་ཕྱག་གཉིས་མ། །སྒྱུ་རྩལ་གུར་གུམ་བཟང་པོའི་མདོག །བདུད་རྩིའི་བུམ་བཅས་ཕྲེང་བས་མཛེས། །སྣ་ཚོགས་དར་གྱི་ན་བཟས་བཀླུབས། །གཉིས་མེད་འཁྲིལ་བའི་བྱིན་རླབས་ཀྱིས། །རིགས་ཀྱི་དཀྱིལ་འཁོར་འཕྲོ་བར་མཛད། །རྡོ་རྗེ་སེམས་དཔའ་ཆགས་བཅས་བདག །བདེ་གཤེགས་ཐུགས་ཀྱི་རྣམ་འཕྲུལ་ཞིང་། །རང་གི་དཀྱིལ་འཁོར་གནས་བཞུགས་པ། །ཐབས་དང་ཤེས་རབ་མཉམ་པར་སྦྱོར། །དེ་བཞིན་ཕྱོགས་རྣམས་ཀུན་ཏུ་ཡང་། །རང་རིགས་བྱིན་རླབས་སྔགས་ཀྱི་མཐུས། །དེ་བཞིན་གཤེགས་པ་རྣམ་སྣང་མཛད། །འོད་ཟེར་དཔག་མེད་དོན་ཡོད་གྲུབ། །མཐིང་ག་དཀར་པོ་དམར་དང་ལྗང་། །རྡོ་རྗེ་རྩེ་ལྔ་འཁོར་ལོ་དང་། །པདྨ་རྒྱ་གྲམ་དྲིལ་བུས་མཚན། །རིགས་སྐུ་མངོན་པར་སྣང་བྱེད་ཅིང་། །འོད་མདངས་རྒྱན་གྱི་ཕྲེང་བས་མཛེས། །ལྷ་མོ་རྡོ་རྗེ་དབང་ཕྱུག་མ། །བདེ་གཤེགས་དབང་ཕྱུག་ཆོས་དབང་ཕྱུག །སྣ་ཚོགས་དབང་ཕྱུག་གཙོ་བཞི་དང་། །ཆགས་པའི་རྒྱན་བཅས་མཉེས་འཛིན་ཅིང་། །རིན་ཆེན་བུམ་བཅས་ཕྲེང་བ་འཛིན། །མཉམ་པའི་རོལ་སྟབས་འཁྲིལ་པས་གནས། །རིགས་ཀྱི་བདེ་གཤེགས་ཆེ་རྣམས་ཀྱི། །ཞལ་གསུམ་གཡས་གཡོན་དཀར་དང་དམར། །མཐིང་ག་ལྗང་སེར་ཁྱད་པར་ཅན། །ཐ་མའི་ཕྱག་བཞི་བདུད་རྩིའི་སྣོད། །རང་གི་གསང་སྔགས་ཕྱག་མཚན་ཀྱང་། །འཕྲོ་འདུ་སེམས་དཔའ་ཆེན་པོའི་ཚོགས། །བྱམས་པ་སྟོབས་ལྡན་དགའ་བའི་དཔལ། །མྱ་ངན་མུན་སེལ་བློ་གྲོས་མཆོག །མཁས་མཛད་བརྟན་པའི་དབང་ཕྱུག་དང་། །ཆོས་ཀུན་སྐྱོང་བའི་དྲི་མེད་དཔལ། །བཟང་པོའི་རྒྱན་ཅན་ལས་སྟོབས་རྫོགས། །མི་གཡོ་ཕྱག་རྒྱའི་གཙུག་ཕུད་ཅན། །ཆོས་ཀྱི་སྙིང་པོ་གཞན་བརྩེ་བ། །དྲི་མེད་ ― DNG013_Page_0265 ―
[མ་དཔེ་གཟིགས་ན་འདིར་གནོན།]
གྲགས་པ་རིན་ཆེན་ཏོག །ཞལ་གཅིག་ཕྱག་གཉིས་མཛེས་པའི་མདངས། །རིན་ཆེན་རྒྱན་ཚོགས་ན་བཟས་མཛེས། །རང་གི་དཀྱིལ་འཁོར་གནས་རྣམས་སུ། །རིགས་ཀྱི་མཚན་མས་བརྒྱན་ཏེ་གནས། །ཤར་ན་དཀར་གསལ་རྡོ་རྗེ་ཆེ། །ལྷོ་ཕྱོགས་གསེར་གྱི་འཁོར་ལོ་ཉིད། །ནུབ་ཏུ་དམར་སེར་པད་མ་རྒྱས། །བྱང་ན་ལྗང་སེར་རྒྱ་གྲམ་བརྩེགས། །རིགས་ཀྱི་མཚན་མ་ཀུན་སྤྱོད་ཅིང་། །མཁས་མཆོག་འགྲོ་བའི་དོན་མཛད་པས། །རང་འོད་ཡུམ་དང་འཁྲིལ་སྦྱོར་ཅིང་། །སྤྲུལ་པས་འགྲོ་བའི་དོན་བརྩོན་པའི། །ཕྱི་ཡི་དཀྱིལ་འཁོར་དེ་རྣམས་སུ། །རིགས་ཀྱི་མཆོད་པའི་ལྷ་མོ་དག །རང་གི་ཕྱག་རྒྱའི་ཚོགས་རྣམས་དང་། །ཀུན་ཏུ་འཁྲིགས་པའི་རྣམ་པར་གནས། །སྡུས་བྱེད་འདྲེལ་དང་སྔགས་དག་དང་། །ཡོ་བྱད་རྣམ་པར་འཕྲུལ་བྱ་བས། །རིགས་ཀྱི་དཀྱིལ་འཁོར་མཆོད་མཛད་ཅིང་། །བཀོད་པ་ཀུན་ནས་རྒྱ་ཆེན་སྤྲོ། །སྒེག་མོ་ཕྲེང་བ་དབྱངས་དང་གར། །དཀར་མཐིང་དམར་དང་ལྗང་གུའི་མདོག །མེ་ལོང་ཕྲེང་བ་པི་ཝང་དང་། །གར་གྱིས་ཕྱོགས་བཅུར་མཉེས་མཛད་མ། །བདུག་སྤོས་མེ་ཏོག་མར་མེ་དྲི། །སྔོ་སེར་དམར་དང་ལྗང་གུའི་མདོག །རང་གི་མཚན་མཐུན་ཕྱག་རྒྱར་རོལ། །ཕྱོགས་རྣམས་ཀུན་ཏུ་སྤྲོ་བྱེད་པའོ། །སྒོར་གནས་ཁྲོ་བོའི་རྒྱལ་པོ་དག །འཇིགས་པའི་ཚུལ་གྱིས་ཡུམ་དང་བཅས། །དཀར་སེར་དམར་དང་ལྗང་གུའི་མདོག །ཞལ་གཞན་དེ་ལས་རྣམ་འགྱུར་ཞིང་། །ཕྱག་དྲུག་ཐོ་བ་དབྱུག་པ་དང་། །པདྨ་རལ་གྲི་རྡོ་རྗེ་ཆེ། །འཁོར་ལོ་དང་བཅས་རྣམ་པར་བསྒྱུར། །སྤྱན་གསུམ་ཁྲོ་གཉེར་འཇིགས་པའི་ཞལ། །ཕྱོགས་བཞི་འབྱུང་པོའི་གདན་སྟེང་དུ། །དུར་ཁྲོད་རྒྱན་གྱིས་རྣམ་པར་བརྗིད། །ཡུམ་བཞི་ལྕགས་ཀྱུ་ཞགས་པ་དང་། །ལྕགས་སྒྲོག་དྲིལ་བཅས་ཡབ་ལ་འཁྱུད། །དེ་དག་རང་གི་བདག་པོ་ཡིས། །དབང་བསྐུར་བྱིན་རླབས་རྫོགས་བཅས་པས། །སྤྲུལ་པའི་དཀྱིལ་འཁོར་གནས་རྒྱས་ཤིང་། །དག་པའི་སངས་རྒྱས་ཞིང་དུ་སྦྱོར། །ཡོན་ཏན་གྱི་དཀྱིལ་འཁོར་རྣམ་པར་འཕྲུལ་པའི་ཚུལ་སྟེ་དང་པོའོ།། །།གཞན་ཡང་རྣམ་པར་བཀོད་ ― DNG013_Page_0266 ―
[མ་དཔེ་གཟིགས་ན་འདིར་གནོན།]
པ་ཡི། །ཞིང་ཁམས་གནས་གཞན་སྦྱང་བའི་ཕྱིར། །རབ་འབར་གསལ་བའི་ངོ་བོ་ཉིད། །དཀྱིལ་འཁོར་གསང་བའི་གནས་འཇུག་པས། །ཀུན་ཏུ་སྐུ་དང་གསུང་ཉིད་དང་། །ཐུགས་མཆོག་ཡོན་ཏན་ཕྲིན་ལས་ཀྱི། །བྱིན་རླབས་བསྟན་པ་ཀུན་སྤྱོད་པ། །ཐམས་ཅད་ཆོས་ཉིད་དེ་བཞིན་ཉིད། །གསང་བའི་དོན་གྱི་རྣམ་འཕྲུལ་ཞིང་། །ཕྱོགས་རྣམས་ཀུན་ཏུ་སྟོན་བྱེད་པ། །ཡང་དག་ཆོས་སྐུ་ཆེན་པོ་ལ། །ཐུགས་རྗེའི་ཤུགས་ཀྱིས་སྣང་མཛད་པ། །དེ་དག་ཁམས་གསུམ་ཇི་ལྟ་བར། །རབ་ཏུ་སྤྲུལ་པའི་དཀྱིལ་འཁོར་ཉིད། །ཡེ་ཤེས་དབྱིངས་ལས་སྣང་བ་ཡི། །ཁང་པ་གྲུ་བཞི་སྒོ་བཞི་མཛེས། །སངས་རྒྱས་ཐེག་པ་ཀུན་འདུས་པའི། །རིན་ཆེན་ཏ་ལའི་ཕྲེང་བས་བརྒྱན། །པདྨ་རྡོ་རྗེ་སྣ་ཚོགས་དང་། །འདོད་པའི་ཡོན་ཏན་ལྷ་མོའི་ཚོགས། །རྟ་བབས་བཞི་བཅས་རིན་ཆེན་ཏོག །འཁོར་ལོས་མཚན་པའི་ཀ་བ་དང་། །གདུང་མ་ཤར་བུའི་རྒྱན་གྱིས་མཛེས། །དབུས་ཀྱི་རེ་ཆེའི་གནས་ཉིད་ལ། །འཁོར་ལོའི་ཕྲེང་བས་མཛེས་བྱས་པས། །གྲུ་ཆད་བར་ཁྱམས་རྣམས་ཀྱིས་བརྒྱན། །རིན་ཆེན་སྣ་ལྔའི་ས་གཞི་ལ། །ཇི་བཞིན་རིན་ཆེན་ཁྲི་གདན་དང་། །མི་འཇིགས་སེང་གེ་ལ་སོགས་གནས། །ཉི་ཟླ་པདྨས་མཛེས་བྱས་ཤིང་། །ཆུན་འཕྱང་དར་ལ་སོགས་པས་བཀླུབས། །དེ་ནས་རིགས་ཀྱི་བདག་པོ་ཉིད། །རང་གི་དཀྱིལ་འཁོར་རྣམ་འཕྲུལ་ཞིང་། །རིགས་རྣམས་མཉམ་པ་ཆེན་པོའི་ཆོས། །ཐམས་ཅད་ཆོས་ཀུན་སྦྱོར་མཛད་པའོ། །འགྲོ་རྣམས་རིགས་ཀྱི་དཀྱིལ་འཁོར་ཉིད། །གཏི་མུག་ཉིད་ཀྱིས་འཁོར་བ་ཡིས། །བག་ཆགས་གནས་ཚོགས་ཉོན་མོངས་རྣམས། །རྒྱུ་འབྲས་ཐབས་རྣམས་སེལ་བྱེད་ཅིང་། །འགྲོ་བ་མཐའ་དག་དེ་གནས་ཉིད། །ཡང་དག་ཆོས་དབྱིངས་ཡེ་ཤེས་ཆེ། །རྟག་ཏུ་རང་གི་གནས་སྤྱོད་པ། །ཐབས་ལྡན་རྣལ་འབྱོར་ཀུན་གྱི་ཡུལ། །དེ་དག་རྒྱུ་འབྲས་སེལ་བར་མཛད། །ཕོ་བྲང་རིན་ཆེན་ཀུན་གྱིས་མཛེས། །ཡོན་ཏན་གནས་ཀྱི་དབུས་ ― DNG013_Page_0267 ―
[མ་དཔེ་གཟིགས་ན་འདིར་གནོན།]
བཞུགས་པ། །རང་སྔགས་ཕྱག་རྒྱས་བསྐྱེད་བྱས་ཏེ། །ཞལ་གསུམ་དཀར་སྔོ་དམར་བའི་མདངས། །གཙོ་བོ་རྣམ་པར་སྣང་མཛད་མཆོག །ཕྱག་དྲུག་ནོར་བུ་རིན་ཆེན་བུམ། །འཁོར་ལོ་རལ་གྲི་འབར་བ་ཅན། །རྡོ་རྗེ་དྲིལ་བུས་མཚན་བྱས་པ། །རང་འོད་ཤེས་རབ་རིགས་ཀྱི་ཡུམ། །བདེ་གཤེགས་སེམས་མ་དཀར་དམར་མདངས། །གཡས་པས་པདྨ་གཡོན་ཕྲེང་བ། །ཐབས་དང་ཤེས་རབ་མཉམ་སྦྱར་ནས། །འཁོར་ལོས་སྒྱུར་རྒྱལ་ཆ་ལུགས་ཀྱིས། །ཡོན་ཏན་ཚོགས་འཇོམས་མངའ་བརྙེས་ཤིང་། །ཕྱོགས་རྣམས་ཐུགས་རྗེ་ཆེན་པོའི་དངོས། །ཀུན་ཏུ་ཡེ་ཤེས་འཕྲོ་མཛད་པ། །དེ་ལྟར་ཉོན་མོངས་ཁྱད་པར་དང་། །ཐུན་མོང་རྟོག་ཚོགས་འདུལ་མཛད་ཅིང་། །རང་གི་དཀྱིལ་འཁོར་གནས་བཞུགས་ཤིང་། །རང་གི་ཡོན་ཏན་ཕྲིན་ལས་སྤྱོད། །ཕྱོགས་བཅུར་རྣམ་སྤྲོས་དོན་བྱས་ནས། །རིགས་བདག་སྐུ་དང་གཉིས་མེད་སྦྱོར། །རིགས་ཀྱི་དཀྱིལ་འཁོར་གཞན་དག་ཀྱང་། །རང་གི་ཕྱག་རྒྱ་གསང་སྔགས་མཐུས། །ཕྱོགས་རྣམས་ཀུན་ཏུ་སྤྲོས་བྱས་ཏེ། །རང་གི་གདན་ལ་རྫོགས་པར་གནས། །མཐིང་གི་མདངས་ལྡན་མི་བསྐྱོད་སྐུ། །དཀར་དང་དམར་བའི་ཞལ་གཉིས་མཛེས། །རྡོ་རྗེ་འཁོར་ལོ་རིན་ཆེན་བུམ། །པད་སྡོང་རིན་ཆེན་ཕྲེང་བ་འཛིན། །རིན་ཆེན་འབྱུང་ལྡན་གསེར་གྱི་མདོག །དཀར་ཞིང་དམར་ཞལ་ཕྱག་རྣམས་ན། །རིན་ཆེན་ཉི་ཟླའི་དཀྱིལ་འཁོར་དང་། །པདྨ་ཨུཏྤལ་འཕྲེང་བ་འཛིན། །ཀུན་ཏུ་མཐའ་ཡས་གུར་གུམ་མདོག །མཐིང་ག་དཀར་ཞལ་ཕྱག་རྣམས་ན། །པད་སྡོང་འཁོར་ལོ་རིན་ཆེན་མཛེས། །བདུད་རྩི་བསིལ་གཡབ་འཕྲེང་བ་འཛིན། །དོན་གྲུབ་མར་ཀ་ཏ་ཡི་མདངས། །སེར་དམར་ཞལ་གཉིས་ཕྱག་དག་གིས། །སྣ་ཚོགས་འཁོར་ལོ་རྡོ་རྗེ་བུམ། །རིན་ཆེན་པདྨ་འཕྲེང་བ་འཛིན། །ཞི་བའི་རྒྱན་རྣམས་ཀུན་གྱིས་མཛེས། །དབུ་རྒྱན་རིན་ཆེན་ན་བཟས་བཀླུབས། །ཐར་པ་ཆེན་པོའི་གྲོང་ཁྱེར་སྐྱོང་། །རང་གི་ཕྲིན་ལས་རྣམ་སྤྱོད་པ། །སེམས་མ་རྡོ་རྗེ་རིན་ཆེན་མ། །རྡོ་རྗེ་ཆོས་མ་ལས་དང་འཁྲིལ། །དེ་དག་དཀར་སེར་ ― DNG013_Page_0268 ―
[མ་དཔེ་གཟིགས་ན་འདིར་གནོན།]
དམར་ལྗང་མདོག །རྡོ་རྗེ་རིན་ཆེན་པདྨ་དང་། །སྣ་ཚོགས་མཚན་མས་ཡབ་ལ་འཁྱུད། །འོད་བཅས་རྒྱལ་བས་དབང་བསྐུར་བའོ། །རིགས་ཀྱི་དཀྱིལ་འཁོར་རྣམ་འཕྲུལ་ཚོགས། །བདེ་གཤེགས་རྡོ་རྗེ་རིན་ཆེན་ཉིད། །པདྨ་སྣ་ཚོགས་རྡོ་རྗེ་ཆེ། །འོད་ཟེར་རྣམ་ལྔའི་དཀྱིལ་འཁོར་འཕྲུལ། །དེ་བཞིན་རིགས་ཀྱི་སེམས་དཔའི་མཆོག །རང་སྔགས་ཕྱག་རྒྱས་རྣམ་བསྐྱེད་ཅིང་། །རང་གི་དཀྱིལ་འཁོར་གནས་ཀུན་ཏུ། །སྤྲུལ་པའི་རིགས་བཅས་ཚོགས་ཀྱི་གནས། །རྡོ་རྗེ་སེམས་དཔའ་རྒྱལ་པོ་ཆེ། །དེ་བཞིན་ཆགས་དང་ལེགས་པ་གཉིས། །མཐིང་ག་ཞལ་གཅིག་ཕྱག་གཉིས་པ། །རྡོ་རྗེ་དྲིལ་བུས་མཚན་བྱས་པའོ། །རྡོ་རྗེ་རིན་ཆེན་ཉི་མ་དང་། །དེ་བཞིན་རྒྱལ་མཚན་བཞད་པ་དག །གསེར་མདོག་ཞལ་གཅིག་ཕྱག་གཉིས་པ། །རིན་ཆེན་མཚན་བཅས་དྲིལ་བུ་འཛིན། །ཆོས་དང་རྣོན་པོ་འཁོར་ལོ་དང་། །རྡོ་རྗེ་སྨྲ་བ་ཞེས་བྱ་དག །པདྨ་རཱ་གའི་མདངས་ལྡན་ཞིང་། །པདྨའི་རྡོ་རྗེ་དྲིལ་བུས་མཚན། །རྡོ་རྗེ་ཕྲིན་ལས་གནོད་སྦྱིན་དང་། །རྡོ་རྗེ་སྲུང་བ་ཁུ་ཚུར་དག །ཨིནྡྲ་ནཱི་ལའི་མདངས་ལྡན་པ། །སྣ་ཚོགས་རྡོ་རྗེ་དྲིལ་བུས་མཚན། །རང་འོད་ཡུམ་དང་མཉམ་སྦྱོར་ཞིང་། །རང་གི་ཕྲིན་ལས་རྣམ་པར་སྤྱོད། །རིགས་པའི་དཀྱིལ་འཁོར་མངོན་རྫོགས་པའི། །ཕྱག་རྒྱའི་དཀྱིལ་འཁོར་ཇི་བཞིན་ཉིད། །རང་གི་དཀྱིལ་འཁོར་གནས་བཞུགས་ཏེ། །དགའ་བདེའི་ལོངས་སྤྱོད་རྣམ་པར་རོལ། །ཕྱོགས་རྣམས་སྤྲུལ་པ་མཐའ་ཡས་པའི། །མཆོད་པ་ཆེ་ལ་ལོངས་སྤྱོད་ཅིང་། །མི་འཇིགས་བསྙེམས་པའི་སྒྱུ་རྩལ་ཅན། །དེ་དག་གནས་ཀུན་སྦྱོར་མཛད་པའོ། །ཡེ་ཤེས་ཆེ་གནས་སྣང་བྱེད་ཅིང་། །རིགས་ཀྱི་དཀྱིལ་འཁོར་ཀུན་སྣང་བར། །ལས་ཀུན་སྣང་བ་སྟོན་མཛད་པ། །ཕྱག་རྒྱའི་དཀྱིལ་འཁོར་ཇི་བཞིན་པའོ། །ཁྱད་པར་བདེ་གཤེགས་རིགས་ཀྱི་ཚོགས། །དབུས་ཀྱི་དཀྱིལ་འཁོར་ལ་ཕྱོགས་པ། །སྒྲོན་མ་ཡེ་ཤེས་ཆོས་སྟོན་རྒྱས། །གཉིས་མེད་བྱང་ཆུབ་མཁའ་སྤྱོད་པ། །ཐམས་ཅད་དོན་ ― DNG013_Page_0269 ―
[མ་དཔེ་གཟིགས་ན་འདིར་གནོན།]
ཀུན་རིགས་ཀྱིས་བརྒྱན། །དེ་དག་ཕྲིན་ལས་ཀུན་སྤྱོད་མཛད། །བདེ་གཤེགས་སྣང་གསལ་ཀུན་སྡུད་དང་། །རབ་ཆགས་དགའ་བའི་དབང་ཕྱུག་མོ། །རིགས་ཀྱི་བདེ་གཤེགས་བསྐྱེད་མཛད་ཡུམ། །ཕྱག་རྒྱའི་ཆ་ལུགས་ཀུན་གསལ་བ། །འཁོར་ལོ་རྒྱལ་མཚན་རྡོ་རྗེ་དང་། །རིན་ཆེན་པདྨ་བདུད་རྩིའི་རྫས། །དཀར་མཐིང་དམར་ཞིང་ལྗང་བའི་མདོག །རང་གི་དཀྱིལ་འཁོར་གནས་ལ་བཞུགས། །ཕྱི་རོལ་ཕྱག་རྒྱ་རོལ་པའི་ཚོགས། །མཆོད་པ་མཐའ་ཡས་རྣམ་བཀོད་པའི། །སྒེག་མོ་ཕྲེང་དང་དབྱངས་གར་བཅས། །བདུག་པ་མེ་ཏོག་མར་མེ་དྲི། །དཀར་སེར་དམར་དང་ལྗང་གུའི་མདོག །མཐིང་ག་སེར་སྐྱ་དམར་ཞིང་ལྗང་། །རང་གི་ལག་ཆ་ཀུན་འཛིན་པའི། །ཚོགས་རྣམས་དཀྱིལ་འཁོར་ལ་གནས་པའོ། །སྒོ་བཞིར་ཁྲོ་བོའི་རྒྱལ་པོ་ཀུན། །ཞལ་གསུམ་ཕྱག་དྲུག་འཇིགས་པའི་གཟུགས། །གཤིན་རྗེ་འཇོམས་མཛད་སྟོབས་པོ་ཆེ། །རྟ་མགྲིན་བདུད་རྩི་འཁྱིལ་པ་དག །དཀར་དམར་མཐིང་ག་གཡས་གཡོན་ཞལ། །ཕྱོགས་ཀྱི་སྣང་བ་ཇི་བཞིན་འབར། །རྡོ་རྗེ་རིན་ཆེན་པདྨ་ལ། །རྒྱ་གྲམ་བདུད་རྩིའི་སྣོད་ཐོགས་ཤིང་། །ལྕགས་ཀྱུ་ལ་སོགས་ཡུམ་བཅས་རྒྱས། །རང་གི་གདུལ་བྱ་མནན་པར་མཛད། །རྒྱལ་བ་ཀུན་གྱིས་དབང་བསྐུར་ཞིང་། །ཕྱག་རྒྱའི་ཆ་ལུགས་རྫོགས་པ་ལས། །རིགས་ཀྱི་དཀྱིལ་འཁོར་སྣ་ཚོགས་ཀྱིས། །རང་གི་ཞིང་ཁམས་རྒྱ་ཆེར་སྦྱོར། །སྐུའི་དཀྱིལ་འཁོར་རྣམ་པར་འཕྲུལ་པའི་ཚུལ་ཏེ་གཉིས་པའོ།། །།དེ་ནས་རིགས་ཀྱི་བདག་པོ་ཉིད། །སངས་རྒྱས་དཀྱིལ་འཁོར་ཀུན་བཀོད་པས། །ཕྱག་རྒྱའི་ཆ་ལུགས་གསལ་བྱས་ནས། །བདེ་གཤེགས་གསུང་གི་བྱིན་རླབས་ཀྱིས། །འདོད་ཆགས་མཐའ་གནས་དག་མཛད་ཅིང་། །ཞིང་ཁམས་ཀུན་ཏུ་རྣམ་སྤྱོད་པ། །དེ་ལྟར་ལྷག་པའི་ཕྲིན་ལས་ཀྱིས། །མཐའ་དབུས་འོད་ཀྱིས་ཁྱབ་མཛད་ཅིང་། །ཐབས་ཀྱི་དཀྱིལ་འཁོར་མངོན་ ― DNG013_Page_0270 ―
[མ་དཔེ་གཟིགས་ན་འདིར་གནོན།]
པར་བསྒྲུབ། །ཡེ་ཤེས་རྒྱས་པས་ཀུན་ཁྱབ་བྱེད། །དེ་ནས་གཞལ་ཡས་ཁང་ཆེན་ཏེ། །གྲུ་བཞི་པ་ལ་སྒོ་བཞི་པ། །ཏྭ་ར་ཎ་སོགས་ལོགས་བཞི་མཛེས། །པདྨ་རྡོ་རྗེའི་ཕྲེང་བ་ཅན། །འདོད་ཡོན་ལྷ་མོ་ཀུན་ཏུ་འཁྲུགས། །ཕྱག་རྒྱ་སྣ་ཚོགས་མཆོད་པས་མཛེས། །དབུས་ནི་རེའུ་ཆ་དགུ་པ་ལ། །པདྨའི་ཕྲེང་བས་བརྒྱན་བྱས་པའི། །ཕྱི་རོལ་པདྨ་བཅུ་དྲུག་པའོ། །གྲུ་ཆད་བར་ཁྱམས་སྒོ་ཁྱུད་མཛེས། །རིན་ཆེན་འབར་བའི་ཁྲི་སྟེང་ལ། །ཉི་ཟླ་འཁོར་ལོ་པདྨའི་གདན། །གཙོ་བོ་བདེ་ཆེན་ཆགས་པའི་རྒྱལ། །པདྨའི་གནས་ཀུན་ལས་སྤྱོད་པ། །ཞལ་བརྒྱད་ཕྱག་རྒྱ་བཅུ་དྲུག་སྟེ། །འོད་མདངས་དམར་པོའི་རྒྱན་གྱིས་མཛེས། །པདྨ་རྡོ་རྗེ་མདའ་གཞུ་དང་། །རལ་གྲི་བུམ་པ་ཕྲེང་བ་གོས། །འོད་ཟེར་སྣ་ལྔའི་ཚོགས་དག་ལས། །རིགས་ཀྱི་དཀྱིལ་འཁོར་ཀུན་སྟོན་མཛད། །རིན་ཆེན་སྣ་ཚོགས་རྒྱན་ཆས་དང་། །དབུ་རྒྱན་དར་གྱི་ན་བཟས་བཀླུབས། །འཁོར་ལོས་སྒྱུར་རྒྱལ་ཆ་ལུགས་ཀྱིས། །རང་གི་ལོངས་སྤྱོད་ཀུན་ནས་སྦྱོང་། །ལྷ་མོ་པདྨ་བདེ་ཆེན་མ། །དཀར་དམར་ཆགས་པའི་མདངས་ལྡན་པས། །པདྨ་བདུད་རྩིས་མཚོན་བྱས་ཤིང་། །ཐབས་དང་ཤེས་རབ་སྦྱོར་བར་གནས། །རྡོ་རྗེ་རྣམ་འཕྲུལ་ལ་སོགས་པའི། །ཕྱོགས་བཞིའི་དཀྱིལ་འཁོར་གནས་བཞུགས་པ། །རྡོ་རྗེ་བདེ་བ་ཆེན་པོ་དང་། །རིན་ཆེན་པདྨ་ལས་རྣམས་ཀྱི། །བདེ་ཆེན་ཡུམ་དང་གཉིས་མེད་སྦྱར། །རང་གི་སྔགས་དང་ཕྱག་རྒྱ་ཡིས། །ཕྱོགས་བཅུར་སྤྲོ་དང་བསྡུ་མཛད་ཅིང་། །དཀར་མཐིང་སེར་དང་ལྗང་གུའི་མདོག །རྡོ་རྗེ་རིན་ཆེན་འཁོར་ལོ་དང་། །རྒྱ་གྲམ་དྲིལ་བུ་བདུད་རྩིའི་སྣོད། །བུམ་པ་རིན་ཆེན་ཕྲེང་བ་དང་། །བཟང་པོའི་གནས་སུ་བརྒྱན་བྱས་ལ། །ཞལ་གསུམ་གཡས་གཡོན་རྣམ་པར་བསྒྱུར། །ཆགས་པའི་རྒྱན་ཆ་ཀུན་གྱིས་བརྗིད། །རང་གི་དཀྱིལ་འཁོར་གནས་རྣམས་སུ། །རིགས་ཀྱི་ཕྱག་རྒྱའི་ཚུལ་དུ་བཞུགས། །ཕྱི་རོལ་པདྨའི་གདན་དག་ཏུ། །བདེ་བའི་ལྷ་མོ་ ― DNG013_Page_0271 ―
[མ་དཔེ་གཟིགས་ན་འདིར་གནོན།]
བཅུ་དྲུག་ཉིད། །བཀྲ་ཤིས་ལྷ་མོ་དཔལ་ལྡན་འཕྲེང་། །རྒྱལ་མ་རྣམ་པར་རྒྱལ་མ་དང་། །པདྨའི་ཕྲེང་བ་ནོར་བདག་མོ། །དབྱངས་ཅན་ལྷ་མོའི་རིགས་ཀུན་མིང་། །དོན་ཡོད་ནོར་བུ་དཔལ་ཆེན་མ། །པདྨའི་དབྱངས་སྒྲོགས་རིན་ཆེན་འཆང་། །འོད་ཟེར་ཆེན་མོ་ནོར་གྱི་རྒྱུན། །ཀུན་ཏུ་སྣང་བའི་བསིལ་བ་མ། །ཞལ་གཅིག་ཕྱག་གཉིས་བརྗིད་པའི་མདངས། །འོད་ཟེར་ཆ་ལུགས་ཀུན་གྱིས་མཛེས། །དཀར་མཐིང་སེར་དང་ལྗང་གུའི་མདོག །རྡོ་རྗེ་རིན་ཆེན་འཁོར་ལོ་ཆེ། །རྒྱ་གྲམ་བདུད་རྩིའི་བུམ་པ་ཅན། །རང་བྱུང་རིག་པ་དང་བཅས་པའོ། །ཕྱི་ནས་མཆོད་པའི་ལྷ་མོ་ཀུན། །གནས་རྣམས་ཀུན་ན་རྣམ་པར་འཁོད། །སྒེག་མོ་ཕྲེང་དང་དབྱངས་མཁན་གར། །བདུག་སྤོས་མེ་ཏོག་མར་མེ་དྲི། །རང་གི་རིགས་བཅས་རྒྱན་ཀུན་དང་། །ཁ་དོག་མཚན་མར་རྣམ་པར་གནས། །སྒོ་བཞིར་ཁྲོ་བོ་རྣམ་བརྗིད་པ། །འཇིགས་པའི་མཚོན་ཆ་འཕྲེང་བས་འཁྲིགས། །རང་གི་ཡུམ་བཅས་སྐུར་སྦྱོར་ཞིང་། །ལྕགས་ཀྱུ་ཞགས་བཅས་ཚོགས་སྤྲོ་མཛད། །དེ་དག་དཀྱིལ་འཁོར་ཇི་བཞིན་པར། །ཕྱག་རྒྱའི་ཚོགས་རྣམས་སྣ་ཚོགས་འཕྲུལ། །ཞིང་ཁམས་ཆེན་པོ་སྦྱོང་མཛད་ཅིང་། །རིགས་ཀྱི་དཀྱིལ་འཁོར་མངོན་པར་བསྒྲུབ། །གསུང་གི་དཀྱིལ་འཁོར་རྣམ་པར་འཕྲུལ་པའི་ཚུལ་ཏེ་གསུམ་པའོ།། །།དེ་ནས་རིགས་ཀྱི་གཙོ་བོའི་མཆོག །རིགས་ཀྱི་དཀྱིལ་འཁོར་གཞན་སྣང་བས། །རིགས་ཀྱི་དཀྱིལ་འཁོར་ཀུན་སྦྱོང་ཞིང་། །ཐབས་དང་ཤེས་རབ་རྣམ་པར་སྤྱོད། །སངས་རྒྱས་ཀུན་གྱི་སྐུ་གསུང་ཐུགས། །ཕྱག་རྒྱ་ཆེ་མཆོག་སྟོན་པ་ཡི། །འོད་ཟེར་སྣང་བ་མཐའ་ཡས་སྒོ། །རབ་ཏུ་སྟོན་པས་རྫོགས་བྱེད་ཅིང་། །དེ་གནས་འགྲོ་ཀུན་དག་པར་མཛད། །ཡང་དག་ཆོས་སྐུ་ཆེན་པོ་ལས། །ཐུགས་རྗེའི་ཤུགས་ཀྱིས་སྣང་མཛད་པ། །དེ་དག་ཁམས་གསུམ་ཇི་ལྟ་བར། །རབ་ཏུ་སྤྲུལ་པའི་དཀྱིལ་འཁོར་ཉིད། །ཞེ་སྡང་ཉིད་ཀྱིས་འཁོར་བ་ཡི། །བག་ཆགས་སྣ་ཚོགས་ཉོན་མོངས་རྣམས། །རྒྱུ་འབྲས་མཐའ་རྣམས་སེལ་ ― DNG013_Page_0272 ―
[མ་དཔེ་གཟིགས་ན་འདིར་གནོན།]
བྱེད་པའི། །དོན་མཐུན་སྟོན་པའི་དཀྱིལ་འཁོར་ཚོགས། །རང་གི་གསང་སྔགས་ཀུན་སྤྲོས་ཏེ། །བརྟན་དང་གཡོ་བ་མ་ལུས་ཀུན། །དཀྱིལ་འཁོར་རིགས་བཅས་གཞལ་ཡས་ཁང་། །ཁང་པ་གྲུ་བཞི་རྟ་བབས་རྒྱན། །རིན་ཆེན་དྲ་བ་འཕྲེང་སོགས་ཀྱིས། །ཕྱོགས་མཚམས་ཀུན་ཏུ་རྣམ་སྤྲོ་ཞིང་། །ཉི་ཟླ་ཕྲེང་བ་རྡོ་རྗེ་དང་། །ནོར་བུ་པདྨ་སྣ་ཚོགས་ཀྱིས། །ཕྲེང་བ་ཀུན་གྱིས་ཡང་དག་བརྒྱན། །དེ་དབུས་རེ་ཆའི་སྟེང་རྣམས་སུ། །རྡོ་རྗེས་མཚན་པའི་ཀ་བ་དང་། །རིན་ཆེན་ཁྲི་སྟེང་མི་འཇིགས་སོགས། །ཉི་ཟླ་པདྨ་འཁོར་ལོས་བརྒྱན། །ཐབས་དང་ཤེས་རབ་གཉིས་མེད་པའི། །གསང་ཡུམ་དམ་ཚིག་ཉིད་ཀྱི་མཐུས། །དབུས་ཀྱི་དཀྱིལ་འཁོར་ལ་གནས་པ། །གཙོ་བོ་རྡོ་རྗེ་སེམས་དཔའི་སྐུ། །དཀར་གསལ་ཞལ་གསུམ་ཕྱག་དྲུག་བརྗིད། །སྔོ་དང་དམར་གྱི་མདངས་བཅས་པ། །རྡོ་རྗེ་འཁོར་ལོ་ནོར་བུ་དང་། །པད་མ་རལ་གྲི་མཛེས་པའི་ཕྱག །ཁ་དོག་ལྔ་ཡི་འོད་གསལ་བས། །རིགས་ཀྱི་དཀྱིལ་འཁོར་ཐམས་ཅད་སྒྲོལ། །ཕྱོགས་རྣམས་ཀུན་ཏུ་སྤྲོས་བྱས་ཏེ། །གསང་སྔགས་རྫོགས་པའི་གཉིས་མེད་འགྱུར། །ཕྱོགས་རྣམས་ཀུན་ནས་དབང་བསྐུར་ཅིང་། །རིགས་ཀྱི་བདག་པོས་ཉེ་བར་མཛེས། །ཐབས་དང་ཤེས་རབ་རོལ་པའི་མཐུས། །རིགས་ཀྱི་བདེ་གཤེགས་ཐམས་ཅད་ཀུན། །སྔགས་དང་ཕྱག་རྒྱ་རྫོགས་བྱས་ཏེ། །ཕྱོགས་རྣམས་རང་གི་གནས་སུ་སྦྱོར། །ཤར་གྱི་རྣམ་སྣང་གསེར་གྱི་མདོག །ཞི་ལ་ཞལ་གསུམ་སྔོ་དང་དཀར། །ཕྱག་དྲུག་འཁོར་ལོ་སོགས་འཛིན་པ། །སངས་རྒྱས་སྤྱན་དང་འཁྲིལ་བའོ། །ལྷོ་ན་རིན་ཆེན་ཀུན་འབྱུང་རྒྱལ། །བཻ་ཌཱུརྱ་མདོག་ཞལ་གསུམ་པ། །དཀར་དམར་རིན་ཆེན་སྣ་ཚོགས་བརྒྱན། །ཕྱག་དྲུག་རིན་ཆེན་ལ་སོགས་ཀྱིས། །མཚན་མ་ཡུམ་བཅས་རྒྱལ་པོའི་ཚུལ། །ཡོན་ཏན་གནས་ཀུན་རྒྱས་མཛད་པའོ། །ནུབ་ཏུ་མཐའ་ཡས་དམར་གསལ་མདོག །ཞལ་གསུམ་སྔོ་དང་དཀར་བའི་བཞིན། །པདྨའི་རྒྱན་ཆས་རྣམ་དག་མཁའ། །ཆོས་རྣམས་ ― DNG013_Page_0273 ―
[མ་དཔེ་གཟིགས་ན་འདིར་གནོན།]
ཐམས་ཅད་རྫོགས་པར་བྱེད། །ཕྱག་དྲུག་པདྨ་ལ་སོགས་པའི། །མཚན་བཅས་རང་གནས་ཡུམ་དང་འཁྲིལ། །བྱང་དུ་དོན་ཡོད་ལྗང་གུའི་མདོག །ཞལ་གསུམ་དཀར་དང་དམར་བའི་ཞལ། །ཀུན་ཏུ་ཕྲིན་ལས་རྣམ་སྤྱོད་པ། །རང་གི་དཀྱིལ་འཁོར་གསལ་བར་མཛད། །ཕྱག་དྲུག་རྒྱ་གྲམ་ལ་སོགས་པའི། །རྒྱན་བཅས་ཡུམ་དང་མཉམ་པར་སྦྱོར། །རིགས་ཀྱི་བྱང་ཆུབ་སེམས་དཔའ་དག །ཕྱོགས་མཚམས་ཕྱི་རོལ་དཀྱིལ་འཁོར་ལ། །རིགས་ཀྱི་དཀྱིལ་འཁོར་མངོན་རྒྱས་པས། །གནས་ཀུན་སྤྱོད་པས་ཡོངས་སུ་བརྒྱན། །ས་སྙིང་ནམ་མཁའི་སྙིང་པོ་དང་། །ཀུན་ཏུ་གཟིགས་པ་གསང་བའི་བདག །བྱམས་པ་སྒྲིབ་སེལ་ཀུན་ཏུ་བཟང་། །འཇམ་དཔལ་ཆོས་ཀྱི་སེམས་དཔའ་ཆེ། །ཞལ་གཅིག་ཕྱག་གཉིས་རྒྱན་དང་བཅས། །ཡུམ་བཅས་རང་གི་གནས་སྤྱོད་ཅིང་། །ཕྱག་རྒྱའི་ཚུལ་ཀུན་ཉེ་བར་མཛེས། །དཀར་སེར་དམར་དང་ལྗང་གུའི་མདོག །དཀར་སྔོ་སེར་དང་དམར་བ་ཉིད། །འཁོར་ལོ་རིན་ཆེན་པདྨ་དང་། །རྡོ་རྗེ་བུམ་པ་ཟླ་དཀྱིལ་འཁོར། །ཉེ་བའི་རིན་ཆེན་རྫས་ལྡན་པ། །བདུད་རྩི་བདུད་སོགས་རྣམ་པར་རྒྱལ། །རིན་ཆེན་སྙེམས་མ་བཀྲ་ཤིས་རྫས། །རིགས་ཀྱི་ཕྱག་རྒྱས་དབང་བསྐུར་ཅིང་། །རིགས་ཀྱི་བདག་པོས་དབུ་རྒྱན་མཛད། །ཡེ་ཤེས་བདུད་རྩིའི་བཅུད་རྒྱས་པའི། །ཕྱོགས་མཚམས་དཀྱིལ་འཁོར་ཀུན་སྤྱོད་པའོ། །ཕྱི་ནང་མཆོད་པའི་ལྷ་མོ་རྣམས། །རང་གི་གསང་སྔགས་ཀྱིས་བསྐྱེད་ཅིང་། །སྒེག་མོ་ཕྲེང་བ་གར་དང་དབྱངས། །བདུག་སྤོས་མེ་ཏོག་མར་མེ་དྲི། །ཁ་དོག་མཚན་མ་རིགས་རྣམས་ཀྱིས། །མཚན་མཐུན་ཕྱོགས་བཞིར་གནས་པ་དག །ཀུན་ཏུ་མཆོད་པ་རྣམ་སྤྲོ་མཛད། །དེ་དག་རང་གི་དཀྱིལ་འཁོར་སྦྱོར། །སྒོ་བཞིར་སྒོ་ངའི་རྒྱལ་པོ་རྣམས། །གཤིན་རྗེ་ལ་སོགས་གདན་ལ་གནས། །ཤར་དུ་གཤིན་རྗེ་འཇོམས་བྱེད་པའོ། །སྔོ་སྐྱ་ཞལ་གསུམ་དཀར་དང་དམར། །རྡོ་རྗེ་རྩེ་གསུམ་ལྕགས་ཀྱུ་དང་། །དབྱུག་པ་ཕྱག་གཉིས་ཡུམ་དང་སྦྱོར། །ལྷོ་ཕྱོགས་སྟོབས་ཆེན་རྒྱལ་པོ་ ― DNG013_Page_0274 ―
[མ་དཔེ་གཟིགས་ན་འདིར་གནོན།]
ཉིད། །སེར་སྐྱ་ཞལ་གསུམ་དཀར་དང་དམར། །ཕྱག་དྲུག་རལ་གྲི་གཏུན་ཤིང་དང་། །ཞགས་པ་རིན་ཆེན་ཡུམ་དང་འཁྲིལ། །ནུབ་ཏུ་རྟ་མཆོག་རོལ་པ་ཉིད། །དམར་སྐྱ་ཞལ་གསུམ་སྔོ་དང་དཀར། །ཕྱག་དྲུག་པདྨ་རྡོ་རྗེ་དང་། །ལྕགས་སྒྲོག་གྲི་གུག་ཡུམ་དང་འཁྲིལ། །བྱང་དུ་བདུད་རྩི་འཁྱིལ་པ་ཉིད། །ཞལ་གསུམ་ལྗང་ནག་དཀར་དམར་མདངས། །ཕྱག་དྲུག་རྒྱ་གྲམ་རྩེ་གསུམ་དང་། །དྲིལ་བུ་ཐོད་པ་དབྱུག་པའོ། །དེ་དག་ཁྲོ་རྟགས་འཛིན་པའི་ཚུལ། །རབ་འབར་འོད་ཟེར་ཆེན་པོས་བརྗིད། །རང་གི་དཀྱིལ་འཁོར་ཇི་ལྟ་བུར། །རང་གི་གནས་ལ་ལོངས་སྤྱོད་མཛད། །ལྕགས་ཀྱུ་ཞགས་པ་ལྕགས་སྒྲོག་དྲིལ། །རིགས་ཀྱི་ལྷ་མོའི་ཚོགས་བཅས་ལས། །འདི་དག་དཀྱིལ་འཁོར་གནས་སྤྱོད་ཅིང་། །རབ་འབར་ཁྲོ་བོ་བཞི་གནས་སྦྱོར། །དེ་དག་དཀྱིལ་འཁོར་གྲངས་མེད་ཚོགས། །སྤྲུལ་བཅས་ཀུན་ཏུ་སྣང་བ་དག །གསང་སྔགས་ཕྱག་རྒྱའི་ཚོགས་སྦྱོར་བས། །ཞིང་ཁམས་རྒྱ་ཆེན་དག་པར་མཛད། །ཐུགས་ཀྱི་དཀྱིལ་འཁོར་འཕྲུལ་པའི་ཚུལ་ཏེ་བཞི་པའོ།། །།དེ་ནས་རིགས་རྣམས་བདག་ཉིད་གཙོ། །བཅོམ་ལྡན་བདེ་བ་ཆེན་པོ་ཉིད། །རང་གི་དཀྱིལ་འཁོར་གནས་སྤྱོད་ཅིང་། །ཕྱོགས་རྣམས་ཀུན་ཏུ་སྤྲོ་བར་མཛད། །དུས་གསུམ་ཕྲག་དོག་ཆེན་པོའི་རྒྱུན། །ལོག་པའི་སྟོབས་ཀྱིས་རྣམ་རྒྱས་པ། །ཀུན་ཏུ་ཕྲིན་ལས་རྣམ་སྤྱོད་པ། །ཀུན་ཏུ་གནས་ཚོགས་བསྒྲལ་བའི་ཕྱིར། །གསང་སྔགས་ཕྱག་རྒྱ་རྣམ་འཕྲུལ་ཞིང་། །ཞིང་ཁམས་ཀུན་སྤྱོད་དག་པར་མཛད། །ཡེ་ཤེས་འབར་བའི་གཞལ་ཡས་ཁང་། །ཕྱོགས་བཅུ་རྒྱ་ཡོངས་མ་ཆད་པའི། །ར་བ་རྒྱན་བཅས་སྒོ་བཞི་མཛེས། །རྟ་བབས་ཕྱོགས་ཀྱིས་རྣམ་པར་ཕྱེ། །ཕྱོགས་བཅུར་ཕྱི་ནང་ཀུན་ཁྱབ་པའི། །འདོད་ཡོན་མཆོད་པས་ཀུན་ནས་འཁྲིགས། །རིན་ཆེན་ཚོགས་སྤུངས་ཤར་བུ་དང་། །དྲ་བ་དྲ་ཕྱེད་སྙན་པའི་སྒྲ། །བ་དན་རླུང་གིས་བསྐྱོད་པ་ལས། །གསུང་རབ་ཡན་ལག་ཀུན་སྒྲོགས་ཤིང་། །ལེགས་པར་ཀུན་ནས་རྣམ་སྤགས་ ― DNG013_Page_0275 ―
[མ་དཔེ་གཟིགས་ན་འདིར་གནོན།]
པས། །ཉི་ཟླ་མེ་ལོང་རྒྱན་གྱིས་མཛེས། །སྣ་ཚོགས་རྡོ་རྗེ་རྒྱ་གྲམ་གྱི། །ཕྲེང་བ་རྒྱན་བཅས་ཏོག་གིས་མཛེས། །རིན་ཆེན་སྣ་ལྔའི་ས་གཞི་ཉིད། །རེ་ཆ་དགུ་གནས་རྣམ་བྱེད་པ། །སྣ་ཚོགས་རྡོ་རྗེ་ཕོ་བྲང་ཉིད། །བཅུ་དྲུག་གྲུ་ཆད་བར་ཁྱམས་བཅས། །རིན་ཆེན་ཁྲི་སྟེང་སེམས་ཅན་ཚོགས། །ཉི་ཟླ་རྡོ་རྗེ་རྒྱ་གྲམ་བརྩེགས། །གཙོ་བོ་རིགས་ཀྱི་བདག་པོ་ཉིད། །ཞལ་གསུམ་ལྗང་སེར་འབར་བའི་མདོག །ལྗང་དཀར་དམར་མདངས་ཞལ་གྱིས་མཛེས། །ཕྱག་དྲུག་འཁོར་ལོ་འཁོར་བ་དང་། །ཉི་ཟླ་བདུད་རྩི་ཕྲེང་བས་བརྒྱན། །རིན་ཆེན་སྣ་ཚོགས་རྒྱན་བཅས་པས། །འོད་ཟེར་སྣ་ཚོགས་ཕྲེང་བས་བརྗིད། །ཕྲིན་ལས་རྣམ་པར་སྤྲོས་པ་ཡི། །རིགས་ཀྱི་དཀྱིལ་འཁོར་ཀུན་སྟོན་མཛད། །ཐམས་ཅད་མཐར་གནས་དག་པའི་མཐུས། །སྟོབས་ཆེན་སངས་རྒྱས་རྣམ་པར་འཕྲུལ། །ལས་ཀྱི་དབང་ཕྱུག་དཔལ་ཆེན་མོ། །དཀར་དམར་ཞལ་གཅིག་ཕྱག་གཉིས་ལྡན། །ནོར་བུ་རིན་ཆེན་བདུད་རྩིའི་སྣོད། །སྣ་ཚོགས་རྒྱན་མཛེས་རྣམ་པར་འཁྲིལ། །ཐབས་དང་ཤེས་རབ་སྤྱོད་མཛད་ནས། །ཕྱག་རྒྱ་སྔགས་ཀྱི་བྱིན་རླབས་ཀྱིས། །ཐམས་ཅད་དཀྱིལ་འཁོར་གནས་བསྡུས་ཏེ། །རང་རིག་རྒྱལ་བའི་ལྷ་རྣམས་ཀུན། །མཆོད་པའི་ཡན་ལག་རྫོགས་པར་བསྐྱེད། །མི་བསྐྱོད་རིན་ཆེན་འབྱུང་ལྡན་ཉིད། །མཐའ་ཡས་རྣམ་པར་སྣང་མཛད་ཉིད། །རང་གི་དཀྱིལ་འཁོར་གདན་བཞུགས་ཤིང་། །མཐིང་སེར་དཀར་དམར་དཀར་པོ་ཉིད། །ཀུན་ཀྱང་ཞལ་གསུམ་ཕྱག་དྲུག་པར། །དཀར་དམར་མཐིང་ག་སེར་པོ་བརྗིད། །རྡོ་རྗེ་རིན་ཆེན་པདྨ་དང་། །འཁོར་ལོ་བུམ་པ་བདུད་རྩིའི་རྫས། །ཉི་ཟླ་རིན་ཆེན་ཕྲེང་བས་མཛེས། །སྣ་ཚོགས་རྒྱན་དང་གོས་ཀྱིས་བཀླུབས། །བདེ་བ་དཔལ་ཆེན་ལྷ་མོ་རྣམས། །སྔོ་སེར་དམར་སྐྱ་ལྗང་གུའི་མདོག །རང་གི་དཀྱིལ་འཁོར་ཇི་བཞིན་པར། །འོད་མདངས་ཕྲེང་བས་གནས་སྤྱོད་ཅིང་། །རིགས་ཀྱི་དཀྱིལ་འཁོར་གཙོ་མཉེས་མཛད། །སྣ་ཚོགས་རྡོ་རྗེའི་གནས་རྣམས་ཀྱི། །ཕོ་བྲང་གདན་ལ་མངོན་ཕྱོགས་པར། །བདེ་བའི་མཁའ་འགྲོ་སེམས་ ― DNG013_Page_0276 ―
[མ་དཔེ་གཟིགས་ན་འདིར་གནོན།]
དཔའ་ཆེ། །རང་གི་སྔགས་ཀྱི་རྣམ་པར་འཕྲུལ། །ཡང་དག་རྫོགས་པ་མངོན་རྒྱས་དང་། །གནས་ཀུན་རོལ་པ་མི་གཉིས་མཆོག །མཁའ་མཛོད་ཀུན་ཏུ་རྡོ་རྗེ་ཉིད། །ཉེ་བར་སྟོན་ཏེ་བདུད་རྩི་མཆོག །མི་ཕམ་བཤེས་གཉེན་གླང་པོ་སྟེ། །དཔལ་གྱི་བློ་གྲོས་ཆོས་ཀྱི་བདག །ལྷ་ཡི་དབང་ཕྱུག་ཕྲེང་བ་ཅན། །མྱ་ངན་གནས་སྐྱོབ་འཇུག་སེལ་བ། །གར་གྱི་ཀུན་སྐྱོབ་མཉེས་པ་ཆེ། །དྲེགས་པ་འཇོམས་བྱེད་རིགས་ལྡན་མཆོག །རང་གི་དཀྱིལ་འཁོར་ཇི་ལྟ་བར། །རང་གི་གནས་ཀུན་ལོངས་སྤྱོད་མཛད། །རྡོ་རྗེ་རིན་ཆེན་པདྨ་དང་། །རྒྱ་གྲམ་རྩེ་གསུམ་བདུད་རྩིའི་སྣོད། །རིན་ཆེན་བུམ་པ་གང་བའི་རྫས། །རང་འོད་ཡུམ་དང་གཉིས་མེད་སྦྱོར། །ན་བཟའ་རྒྱན་བཅས་འོད་གསལ་འཕྲོ། །རིགས་ཀྱི་དབུ་རྒྱན་ཀུན་རྫོགས་པའོ། །ཕྱི་ནང་མཆོད་པའི་ལྷ་མོ་རྣམས། །རིགས་ཀྱི་སྔགས་དང་ཕྱག་རྒྱ་སྟེ། །སྒེག་མོ་ཕྲེང་བ་གར་དང་དབྱངས། །བདུག་སྤོས་མེ་ཏོག་མར་མེ་དྲི། །སྐུ་མདོག་ཕྱག་མཚན་རིགས་རྣམས་ཀྱི། །ཕྱོགས་བཞི་མཚམས་དང་མཐུན་པར་གནས། །མཆོད་པའི་ལོངས་སྤྱོད་ཀུན་སྤྲུལ་ཞིང་། །གྲངས་མེད་རྡུལ་ཚོགས་བཀོད་པ་མཛད། །སྒོ་བཞིར་ཁྲོ་བོའི་རྒྱལ་པོ་དག །སྣ་ཚོགས་རྡོ་རྗེ་བྲག་རི་ལ། །རང་གི་ཕྲིན་ལས་གདུལ་བྱའི་ཚོགས། །དོན་བཞིན་མཐུན་པར་ཚར་གཅོད་ཅིང་། །མཉེས་པའི་ལྷ་མོ་ཀུན་དང་སྦྱོར། །རིགས་ཀྱི་རྒྱན་ཚོགས་ཀུན་གྱིས་བརྗིད། །གཤིན་རྗེ་འཇོམས་བྱེད་སྟོབས་པོ་ཆེ། །རྟ་མགྲིན་བདུད་རྩི་འཁྱིལ་པ་དག །དཀར་སེར་དམར་དང་ལྗང་གུའི་མདོག །རྡོ་རྗེ་རིན་ཆེན་པདྨ་དང་། །འཁོར་ལོ་འབར་བས་སྐུ་བསྐྱེད་ཅིང་། །རིན་ཆེན་བུམ་པ་བདུད་རྩིའི་རྫས། །འཇིགས་བྱེད་རྩ་གསུམ་དགྲ་སྟྭ་ཐོགས། །ཁྲོ་བོའི་ཆ་ལུགས་རྣམ་སྤྲུལ་པས། །སྟོང་གསུམ་སྤྲུལ་པས་འགེངས་པར་བྱེད། །དབང་བསྐུར་བྱིན་རླབས་རྫོགས་པའི་མཐུས། །རིགས་ཀྱི་བདག་པོས་ཉེ་བར་གནས། ། ― DNG013_Page_0277 ―
[མ་དཔེ་གཟིགས་ན་འདིར་གནོན།]
འདི་དག་རང་གི་གནས་ཀུན་ནས། །ཞིང་ཁམས་ཐམས་ཅད་ཁྱབ་པར་སྤྲོ། །ཕྲིན་ལས་ཀྱི་དཀྱིལ་འཁོར་འཕྲུལ་པའི་ཚུལ་ཏེ་ལྔ་པའོ།། །།དེ་ནས་ཐམས་ཅད་མཁྱེན་པའི་མཆོག །སངས་རྒྱས་ཀུན་གྱི་བདག་པོ་ཉིད། །དཀྱིལ་འཁོར་ལྔ་ཡི་གནས་སྤྲོས་ཤིང་། །གྲངས་མེད་རིགས་ཀྱི་ཀུན་སྣང་མཛད། །ལ་ལར་ཞི་དང་ཁྲོ་བོ་དང་། །ལ་ལར་རྒྱས་དང་དབང་གི་ཚུལ། །གྲངས་མེད་སྐུ་རྣམས་ཀུན་སྟོན་ཅིང་། །རིགས་བཞི་དཀྱིལ་འཁོར་རྒྱས་པར་མཛད། །དེ་དག་སྟོན་པས་འདུལ་མཛད་ཅིང་། །ཐེག་པའི་དོན་རྟོགས་རྒྱ་ཆེན་པོ། །བདེ་གཤེགས་ཀུན་གྱི་སྐུ་གསུང་ཐུགས། །ཡོན་ཏན་ཕྲིན་ལས་ཇི་བཞིན་པའི། །གསང་བ་རྒྱུད་ཆེན་རྣམ་བཤད་ཅིང་། །ཕྱོགས་བཅུའི་ཞིང་ཁམས་ཀུན་སྤྲོས་ཏེ། །རིགས་ཀྱི་སངས་རྒྱས་གཉིས་མེད་མཐུས། །རང་གི་དཀྱིལ་འཁོར་གནས་བརྒྱན་པར། །བདག་པོའི་སྐུ་དང་གཉིས་མེད་གསལ། །སངས་རྒྱས་ཀུན་གྱིས་དབང་བསྐུར་ཅིང་། །དེ་ཉིད་དེ་ཚེ་འགྲོ་གནས་མཐའ་དག་ཀུན། །ཀུན་ཏུ་བསྟན་པར་འདུལ་གྱུར་ཅིང་། །ར་སཱ་ཡ་ནའི་གནས་སྤྱོད་པས། །སྐྱེ་ཤི་མཐའ་བཅད་རྣམ་པར་གྲོལ། །རྒྱུད་ཀྱི་རྒྱལ་པོ་ཆེན་པོ་བདུད་རྩི་རོལ་པ་ཞེས་བྱ་བ་ལས། བྱང་ཆུབ་སེམས་དེ་ཁོ་ན་ཉིད་བསྟན་ཅིང་དཀྱིལ་འཁོར་ཀུན་ཏུ་འཕྲུལ་པ་སྟེ་རིམ་པར་ཕྱེ་བ་དང་པོའོ།། །།དེ་ནས་ཀུན་ཏུ་བཟང་པོ་དཔལ། །སངས་རྒྱས་ཀུན་གྱིས་གསོལ་བཏབ་ནས། །རང་བཞིན་བདུད་རྩའི་གནས་བཞུགས་ཏེ། །ར་སཱ་ཡ་ནའི་ཚོགས་རྒྱས་མཛད། །ཕྱོགས་བཅུའི་འཇིག་རྟེན་གནས་འདི་དག །བདེ་གཤེགས་བྱིན་རླབས་རོལ་པའི་ཚོགས། །བྱང་ཆུབ་སེམས་དཔའ་ཀུན་གྱི་སྤྱོད། །བདུད་རྩི་བཅུད་ཆེན་རྒྱས་པ་ཉིད། །ཐམས་ཅད་ཀུན་ཏུ་ཁྱབ་པ་ལས། །ཆོ་འཕྲུལ་རྨད་བྱུང་ཡུལ་ཀུན་སྣང་། །དེ་ནས་ཚངས་པའི་གཙོ་བོ་མཆོག །དུང་གི་ཐོར་ཚུགས་ཁོང་སེང་ཅན། །ཚངས་པ་ཀུན་སྒྲོལ་ཆེན་པོ་དང་། །དྲང་སྲོང་ཆེན་པོ་ལྗང་སྔོན་བུ། །ཙ་ར་ཀ་དང་ནབ་སོ་སྐྱེས། །ཐ་སྐར་བུ་དང་ལྷར་བཅས་ཉིད། །རྒྱུན་ ― DNG013_Page_0278 ―
[མ་དཔེ་གཟིགས་ན་འདིར་གནོན།]
ཤེས་གནས་དང་གཡོན་ཕྱོགས་ལྷ། །ཐང་ལ་བར་དང་མེ་བཞིན་འཇུག །རྐང་གཉིས་སྤྱོད་དང་ཀ་ན་ཡ། །ཤིང་ཁྱེར་དང་ནི་ལྗང་སྔོན་བུ། །ཉི་མ་ཟླ་བ་ཀླུ་རུ་བཅས། །ཤིང་གི་ལྷ་མོ་འོད་འཆང་མ། །སྨན་གྱི་ལྷ་མོ་ནོར་གྱི་རྒྱུན། །འདི་ཀུན་འཁོར་དང་བཅས་པ་ཡིས། །ཀུན་བཟང་ལྷ་ལ་ཕྱག་འཚལ་ནས། །སྨན་གྱི་དབང་དང་དམ་ཚིག་མནོས། །རང་བཞིན་བདུད་རྩི་ཆེན་པོའི་མཆོག །དུས་ཀུན་འགྱུར་བ་མེད་པའི་གཞི། །བདག་ཅག་འཇིག་རྟེན་པ་རྣམས་ལ། །གཙོ་བོས་བཀའ་གྲོས་མཛད་པར་འོས། །བཅོམ་ལྡན་ཐུགས་རྗེའི་གནས་གྱུར་ཅིང་། །ནམ་མཁའ་བཞིན་དུ་ཀུན་ཁྱབ་མཛད། །ཡང་དག་སངས་རྒྱས་མ་ཐོབ་པའི། །འཇིག་རྟེན་སྤྱོད་བཅས་རྣམ་གྲོལ་མཛོད། །ཐམས་ཅད་བདུད་རྩི་ར་སཱ་ཡན། །དངོས་གྲུབ་ཆེན་པོ་ཉེ་བའི་རྫས། །འཇིག་རྟེན་ལྷ་བཅས་འགྲོ་གནས་དག །དཀྱིལ་འཁོར་གསང་བར་དབང་བསྐུར་ཞིང་། །བདུད་རྩི་དམ་ཚིག་མཆོག་འདི་ཟུང་། །དེ་དག་དུས་བཞིན་སྦྱོར་བྱེད་ཅིང་། །ཀུན་ཏུ་བསྙེན་དང་ཉེ་བསྙེན་དང་། །སྒྲུབ་དང་སྒྲུབ་ཆེན་བརྩོན་པ་ཡིས། །འདོད་པའི་འབྲས་བུ་སྦྱོར་བྱེད་པས། །དེ་དག་ཇི་བཞིན་གོམས་པའི་མཐུས། །ཐམས་ཅད་ཆོས་ཀྱི་ཚུལ་རྒྱུན་སྣང་། །རིགས་མཐུན་གཞན་གྱིས་མི་ཤིགས་པའོ། །དམ་ཚིག་ཆེན་པོ་རྫོགས་བྱེད་ཆོས། །ཐུགས་རྗེ་ཉི་མས་ཀུན་སྐྱོབ་མཛོད། །དེ་ནས་ཀུན་བཟང་བདེ་གཤེགས་ཀྱིས། །ཐམས་ཅད་བདུད་རྩིའི་དོན་དགོངས་ཏེ། །ཉིད་ཀྱི་སྣང་བ་མ་འགགས་པའི། །ཆོ་འཕྲུལ་ཀུན་ཏུ་བཀོད་པར་མཛད། །དེ་ཚེ་ཐུགས་རྗེའི་རྣམ་འཕྲུལ་གྱིས། །ས་རྣམས་རབ་ཏུ་གཡོས་ནས་ནི། །སྟོང་གསུམ་འཇིག་རྟེན་གནས་ཀུན་ཏུ། །ཐམས་ཅད་སྨན་ཆེན་བཅུད་ཀྱི་ལེན། །སྐྱེ་བ་མེད་ལས་ཐམས་ཅད་སྐྱེས། །དེ་དག་མ་འགགས་ལས་རྫོགས་པའོ། །དེ་ལྟར་སྨིན་པར་གྱུར་པ་ཡང་། །ཐུགས་རྗེའི་རྒྱ་མཚོ་ཚད་མེད་ལས། །རྣམ་དག་འབྱུང་བའི་སྤྲིན་ཁྱབ་པས། །རྒྱུ་རྐྱེན་རྟེན་འདྲེལ་ཚོགས་པར་ ― DNG013_Page_0279 ―
[མ་དཔེ་གཟིགས་ན་འདིར་གནོན།]
འགྱུར། །སྤྲིན་ཆེན་གློག་གི་ཕྲེང་བ་དག །ཕྱོགས་བཅུར་སྒྲིབ་མེད་རྒྱུན་བཅས་པའི། །བདུད་རྩི་འདོད་པའི་ཆར་འབབ་ཅིང་། །ཐམས་ཅད་ཐུགས་རྗེ་སྙོམས་པའི་མགོན། །བསྐལ་པའི་བཅུད་རྣམས་ཚོགས་པ་ལས། །ཕྱི་ནང་འབྱུང་རྣམས་ཚིམས་པར་གྱུར། །བདུད་རྩི་རྒྱ་མཚོའི་གནས་རྒྱས་པ། །ཕྱི་ནང་མ་ལུས་བདུད་རྩི་ཀུན་བསྐྱེད་ཅིང་། །རི་རབ་རྩེ་དང་རི་སུལ་ཀུན། །སྨན་ལྗོངས་གནས་དང་ནགས་ཚལ་དང་། །ལྕང་ལོ་ཅན་གྱི་གནས་ཀུན་ཏུ། །ཐམས་ཅད་བདུད་རྩིའི་ཆར་གྱིས་བརླན། །བཅུད་དུ་ཐམས་ཅད་རོ་གཅིག་སྟེ། །འབྱུང་བའི་བཅུད་ལས་སྐྱེས་པ་ནི། །དཔག་བསམ་ཤིང་དང་གེལ་པའི་ཤིང་། །འཛམ་བུའི་ཤིང་རྒྱས་ཙུ་ཏའི་ཤིང་། །རང་རང་རྒྱུད་ཀྱི་ཚོགས་རྣམས་དང་། །ཡོན་ཏན་ཚོགས་རྣམས་འཕེལ་བར་གྱུར། །སྡོང་པོ་དང་ནི་སྡོང་ཆེན་དང་། །རྩ་བ་སྡོང་བུ་ཤུན་ལྤགས་དང་། །སྙིང་པོ་ཡལ་ག་ལོ་མ་དང་། །འདབ་མ་མེ་ཏོག་འབྲས་བུར་བཅས། །དེ་བཞིན་འབྲུ་ཚོགས་རྣམ་གྲངས་ཀུན། །ཐམས་ཅད་བཅུད་རྒྱས་སྨིན་པར་གྱུར། །དེ་དག་ལོངས་སྤྱོད་ཀུན་གྱི་མཆོག །སོ་སོའི་ཡུལ་དང་གནས་དག་ནས། །མདོག་དང་དྲི་དང་རོ་དང་མཐུ། །རང་གི་ས་བོན་བདེན་གཉིས་ལས། །དེ་དག་རང་བཞིན་འབྱིན་པར་བྱེད། །དེར་གནས་སྐྱེ་འགྲོ་ཐམས་ཅད་ཀུན། །ར་སཱ་ཡ་ནའི་རྫས་ལ་སྤྱོད། །འགྲོ་བ་དྲུག་གི་གསོས་སུ་གྱུར། །བདུད་རྩིའི་སྒོ་དག་རྣམ་པར་འཕེལ། །དེ་ནས་སྟོན་པ་ཀུན་ཏུ་བཟང་། །ཉིད་ཀྱི་དགོངས་པའི་དོན་བཞིན་དུ། །འཁོར་ལྡན་ཚོགས་ལ་བཀའ་སྩལ་ཞིང་། །དེ་དག་བྱིན་རླབས་ངོ་མཚར་སྐྱེད། །འཇིག་རྟེན་ཁམས་སྣང་སྣ་ཚོགས་ཀུན། །ཐམས་ཅད་བདུད་རྩིའི་རྒྱུན་གྱིས་སྣང་། །དེ་དག་ཕྱི་ནང་སྣོད་བཅུད་ཀྱི། །རྟེན་འདྲེལ་མཐུར་བཅས་ཀུན་ཚོགས་པའི། །རང་བཞིན་གཉིས་མེད་ཡེ་ཤེས་ཆེ། །དག་པའི་ཐུགས་རྗེ་ཀུན་སྤྱོད་པས། །ཐམས་ཅད་སྨན་ཆེན་ར་སཱ་ཡན། །རྣམ་པར་འཕྲུལ་པས་གནས་ཀུན་ ― DNG013_Page_0280 ―
[མ་དཔེ་གཟིགས་ན་འདིར་གནོན།]
རྒྱས། །དེ་དག་གཉིས་མེད་ཆེན་པོ་ཡིས། །སྤྱོད་བཅས་བདག་གིས་རབ་ཏུ་འགྲུབ། །རང་བཞིན་གནས་པའི་མཐུ་རྣམས་ལ། །སྦྱང་ཤིང་བསྒྲུབས་པའི་སྟོབས་དག་གིས། །དངོས་གྲུབ་ཆེན་པོ་མཆོག་ཐོབ་ཅིང་། །བརྟེན་པར་བདུད་རྩིའི་གནས་འཕེལ་འགྱུར། །ལམ་འདིར་སྔགས་དང་ཕྱག་རྒྱ་ཡིས། །བསྙེན་བསྒྲུབ་བཞི་བཅད་རྣམ་པར་དག །དང་པོར་བསྒྲུབ་པའི་ཡུལ་གནས་ནི། །རང་གི་ཡིད་མཐུན་དབེན་པར་བརྩམ། །ཕུན་སུམ་ཚོགས་པ་བཞི་ལྡན་པས། །དབང་བསྐུར་དམ་ཚིག་མཆོག་ལ་གནས། །སྔགས་དང་ཕྱག་རྒྱ་བསྟན་པའི་མཐུས། །ཐམས་ཅད་དོན་སྦྱོར་འབྲས་བུའི་ཚུལ། །ཕྱི་ནང་འབྱུང་བ་ལས་སྐྱེས་པའི། །བདུད་རྩིའི་རྫས་རྣམས་གང་རུང་ཞིག །དཀྱིལ་འཁོར་གཙང་མའི་གནས་བཞག་སྟེ། །རང་གི་རྟེན་འདྲེལ་ཚུལ་བཞིན་སྤྱད། །གྲུབ་པའི་དངོས་གྲུབ་ཆེན་པོ་ཉིད། །ལས་ཀྱི་དངོས་གྲུབ་ལ་བརྟེན་པས། །ཐམས་ཅད་དོན་ཀུན་གསང་བའི་གནས། །ལས་ཀྱི་སྒྲུབ་པ་ཇི་བཞིན་དུ། །བརྟེན་པའི་སྟོབས་ཀྱིས་མངོན་པར་སྦྱོར། །ཐབས་དང་ཤེས་རབ་གཉིས་མེད་པའི། །ཚུལ་འདིས་ཐམས་ཅད་འགྲུབ་འགྱུར་ཞིང་། །ལས་བཅས་ཚོགས་རྣམས་དག་འགྱུར་ཏེ། །གཉིས་མེད་ཐུགས་རྗེ་ཆེན་པོའི་དབྱིངས། །ཐུན་མོང་སྦྱོར་བ་ལ་བརྟེན་པས། །མཆོག་གི་དངོས་གྲུབ་སྐྱེ་བར་འགྱུར། །དེ་དག་ཆོ་ག་ཇི་བཞིན་མཐུས། །ཡང་དག་མཆོག་གི་འབྲས་བུ་རྫོགས། །དེ་ཚེ་བསྟན་པའི་ལུང་བཞིན་དུ། །འཇིག་རྟེན་དྲང་སྲོང་ཆེ་རྣམས་ཀྱིས། །བདུད་རྩིའི་རིག་འཛིན་མངོན་བསྒྲུབ་སྟེ། །བསྙེན་བསྒྲུབ་ཕྱག་རྒྱ་བཞིར་གནས་པས། །ལ་ལ་ཐང་ཅིག་ཡུད་ལ་འགྲུབ། །ལ་ལ་ཉིན་ཞག་གཅིག་གིས་འགྲུབ། །ལ་ལ་ཉིན་ཞག་བདུན་གྱིས་འགྲུབ། །ལ་ལ་ཉི་ཤུ་རྩ་གཅིག་ན། །ལ་ལ་ཟླ་བ་ལོ་ཡི་དུས། །དེ་དག་ཐེ་ཚོམ་མེད་པར་འགྲུབ། །འདི་དག་མི་ཡི་འགྲོ་གནས་བཞིན། །དུས་ཚིགས་གཞན་དུ་ངེས་མེད་བསྟན། ། ― DNG013_Page_0281 ―
[མ་དཔེ་གཟིགས་ན་འདིར་གནོན།]
དེ་དག་སྨན་ནི་མཚན་ཉིད་ནི། །རྩ་བ་སྡོང་བུ་ཡལ་ག་དང་། །ལོ་མ་མེ་ཏོག་འབྲས་བུ་དང་། །ཤུན་ལྤགས་མེ་ཏོག་འབྲས་བུ་སྙིང་པོར་བཅས། །རོ་དྲུག་མཐུ་སྟོབས་ཁ་དོག་ལས། །རྩ་བ་གཅིག་ལ་ཡན་ལག་བརྒྱད། །དེ་དག་རྣམ་པར་ཕྱེ་བའི་གྲངས། །སྣ་ཚོགས་ཡོན་ཏན་སྟོང་དུ་འགྱུར། །རང་བཞིན་སྦྱར་དང་སྒྲུབ་པའི་རྫས། །བཞི་བརྒྱ་རྩ་བཞིའི་ནད་སེལ་ཞིང་། །བདུད་དཔུང་ངེས་པར་འཇོམས་བྱེད་པའོ། །བདུད་རྩིའི་རྒྱལ་པོ་སྨན་གྱི་མཆོག །ངེས་བསྒྲུབ་འབྲས་བུ་གསལ་བར་འགྱུར། །དྲང་སྲོང་ཆེ་རྣམས་སྟོབས་ལྡན་ཞིང་། །མངོན་ཤེས་ལྔ་དང་ལྡན་འགྱུར་ཏེ། །རིག་པའི་གནས་མཆོག་བཅོ་བརྒྱད་ཤེས། །ཚེ་ལ་དབང་བའི་རིག་འཛིན་འཐོབ། །སྟེགས་བུ་ཁྲུ་གང་ཚད་མཉམ་པར། །བ་ཡི་རྣམ་ལྔ་དྲི་གཙང་ཆུ། །ཡང་དག་མཎྜལ་ཇི་བཞིན་པར། །ཁ་དོག་རྒྱན་ལྡན་རྫས་རྣམས་བཀོད། །གཙང་མའི་གོས་སོགས་ཉེར་བརྒྱན་ཅིང་། །ཁྲུས་ཀྱི་ཆོ་ག་རྣམ་གསུམ་གྱིས། །ཕྱི་ནང་ལེགས་སྦྱངས་རྫས་བསགས་ཏེ། །སྦྱང་ཞིང་བྱིན་གྱིས་བརླབ་པར་བྱ། །དབུས་ཀྱི་བུམ་པར་སྨན་གྱི་མཆོག །བདུད་རྩི་ཅོང་ཞི་རྣམ་གསུམ་དང་། །སེར་སྐྱ་བ་ལས་བྱུང་བ་ཡི། །འོ་མ་ལེགས་བཙགས་སྨན་ལྡན་པ། །ཨ་ཤྭ་གན་དྷའི་ཕྱེ་མ་དག །ལེགས་པར་བསྐོལ་ཏེ་འདྲེས་པར་སྦྱང་། །ལྕགས་ལས་བྱས་པའི་སྣོད་ནང་དུ། །མངར་གསུམ་དྲི་བཅས་གདབ་པར་བྱ། །བྱིན་བརླབ་བརྟན་པས་བསྲུང་བྱ་ཞིང་། །སྦྱང་ཞིང་འཕྲོ་འདུའི་སྔགས་ཀྱིས་གདབ། །ཨོཾ་བཛྲ་ཨ་མྲྀ་ཏ་སིདྡྷི་བེ་ལ་ལིག་ཙ་དྷ་ས་དྷི་ཏུ་སྭཱ་ཧཱ། བརྒྱ་རྩ་བརྒྱད་དང་སྟོང་རྩ་བརྒྱད། །བྱིན་རླབས་སྔགས་ཀྱི་འོད་ཚོགས་ཀྱིས། །དག་པའི་བཅུད་རྣམས་བསྡུས་བྱས་ཏེ། །བསྡིམས་པས་དངོས་གྲུབ་རྣམ་པར་འཕེལ། །ཨོཾ་ཨ་མྲྀ་ཏ་སིདྡྷི་བི་ཙུ་ན་ཡ་སྭཱ་ཧཱ། དངོས་གྲུབ་མཚན་མ་ཀུན་སྟོན་པ། །དེ་དག་ཚུལ་བཞིན་རྣམ་པར་སྦྱོར། །དེ་ནས་ལྷ་རྣམས་མཆོད་བྱས་ཏེ། །བྱིན་རླབས་བརྟན་པས་བཟའ་བར་བྱ། །དེ་ཡང་སྔ་དྲོའི་དང་པོ་འམ། །ཉི་མའི་གུང་ལ་བབ་ ― DNG013_Page_0282 ―
[མ་དཔེ་གཟིགས་ན་འདིར་གནོན།]
དུས་སུ། །ཕྱོགས་རྣམས་ཁྲོ་བོས་གནས་བསྲུངས་ཤིང་། །རིགས་ཀྱི་དཀྱིལ་འཁོར་ལོངས་སྤྱོད་རྒྱས། །དོན་དམ་ཐིག་ལེ་བདེན་པ་ལས། །ཡོན་ཏན་གནས་ཀུན་སྣ་ཚོགས་སྟོན། །སྙིང་པོ་མེད་ལས་སྙིང་པོ་ཉིད། །འབྲས་བུ་རྣམ་སྨིན་རིག་འཛིན་མཆོག །དེ་དག་བྱིན་རླབས་ཕྱག་རྒྱ་སྔགས། །དོན་བཞིན་སྤྱོད་པར་མི་ལྡན་ཡང་། །བདུད་རྩི་ཟ་བའི་ཐབས་རྣམས་ཀྱིས། །ནད་མེད་ལོ་བརྒྱ་འཚོ་བར་བྱེད། །དྲང་སྲོང་ཆེན་པོ་མཆོག་རྣམས་ཀྱིས། །ཇི་ལྟར་ཕལ་པར་སྤྱོད་པ་ལས། །དེ་ཡི་ནུས་མཐུ་མཐའ་ཡས་ཚོགས། །སྣ་ཚོགས་རྣམ་པར་སྣང་བ་བཞིན། །དེ་དག་ལེགས་པར་སྦྱར་བའི་མཐུས། །མཆོག་གི་འབྲས་བུ་སྐྱེ་བར་འགྱུར། །ནང་གི་བདུད་རྩི་རྣམ་ལྔ་དང་། །ཕྱི་ཡི་སྨན་འབྲས་གསུམ་སོགས་པ། །སོ་སོར་སྦྱོར་དང་གཅིག་བསྡུས་པའི། །བྱིན་རླབས་ངོ་མཚར་མཐའ་ཡས་ཏེ། །རང་གི་རྟེན་འདྲེལ་མཐུ་སྟོན་ཅིང་། །ལས་ཀུན་མྱུར་བར་གཡོ་བར་བྱེད། །ལྷ་རྫས་དགེ་བ་ཨ་རུ་ར། །རྣམ་རྒྱལ་གསོ་བྱེད་འཕེལ་བྱེད་དང་། །སྐྱེས་བུ་བདུད་རྩི་གསེར་གྱི་མདོག །ལས་ཀུན་རྣམ་པར་སྟོན་པར་ཚོགས། །རང་གི་ཡོན་ཏན་རྫས་ལྡན་པས། །ལེགས་སྦྱར་ར་སཱ་ཡ་ནའི་མཆོག །དེ་བཞིན་མར་ནག་ལྕགས་ཕྱེ་དང་། །དངུལ་ཆུ་གཟེ་མ་ལ་སོགས་པའི། །མཐུ་དང་ངོ་བོ་མཐའ་ཡས་ཏེ། །བདུད་རྩིའི་གཙོ་བོར་དང་སྦྱར་བས། །རླུང་དང་མཁྲིས་པ་བད་ཀན་དང་། །འདུས་པའི་ནད་དང་དུས་ཀྱི་དགྲ། །དུས་མིན་རྣམ་རྟོག་ཕྱི་ནང་རྐྱེན། །གཅིག་ལ་བྱེ་བྲག་མཐའ་ཡས་པ། །དེ་དག་རབ་ཏུ་ཞི་བྱེད་པ། །ཕུང་པོའི་བདུད་དང་ཉོན་མོངས་བདུད། །ལྷ་ཡི་བདུད་དང་འཆི་བདག་བདུད། །ཐམས་ཅད་སེལ་བར་བྱེད་པ་ལ། །བདུད་རྩི་འདི་ལས་གཞན་མེད་དོ། །ཤར་ལྷོ་ནུབ་བྱང་བྱེ་བྲག་གི། །ཕྲིན་ལས་སོ་སོའི་བྱེ་བྲག་བཞིན། །བྲག་ལས་འཛག་པའི་ཁུ་བ་ཉིད། །རིན་ཆེན་སྣ་ལྔའི་རྫས་བཞིན་འགྱུར། །དེ་དག་རབ་ཏུ་སྦྱར་བའི་བཅུད། །བདུད་རྩིའི་གཙོ་བོ་ ― DNG013_Page_0283 ―
[མ་དཔེ་གཟིགས་ན་འདིར་གནོན།]
མཆོག་ཅེས་གྲགས། །ཨ་རུ་རོ་མཆོག་བརྒྱ་རྩ་བརྒྱད། །གཞན་ཡང་ཉི་ཤུ་རྩ་གཅིག་སོགས། །བ་ཡི་ཆུ་སོགས་རིམ་བཞིན་དུ། །སྐམ་པོ་རློན་པའི་ཚད་ལྟ་བུར། །གཉེར་མ་སུལ་དག་དྲངས་བྱས་ཏེ། །དྲི་ཞིམ་སྨན་ཚོགས་བཅུད་དང་སྦྱར། །བདུད་རྩིའི་རྒྱལ་པོ་ཇི་ལྟ་བར། །རིམ་བཞིན་བསྟན་པས་རྫོགས་པར་འགྱུར། །ཟངས་ལྕགས་འཁར་བའི་སྣོད་རྣམས་སུ། །བཀང་སྟེ་སྟེགས་བུའི་སྟེང་དུ་བཞག །བྱིན་རླབས་སྔགས་དང་ཕྱག་རྒྱ་ཡིས། །འོད་དང་དྲི་སོགས་འབྱུང་བར་འགྱུར། །ལག་པ་གཡས་པ་བཏེག་སྟེ་བཀན། །མཐེ་བོང་སྲིན་ལག་མཐིལ་དུ་དགུག །ལྷ་ཡི་དངོས་གྲུབ་ཀུན་བསྡུས་ནས། །རིགས་དང་ལྡན་པས་བཏུང་བར་བྱ། །ཨོཾ་ཨ་མྲྀ་ཏ་སི་ཏི་བི་ཙཱུར་ན་ཡ་སྭཱ་ཧཱ། དེ་ཡི་ཡོན་ཏན་བརྗོད་མི་ལངས། །རྡོ་རྗེའི་སྲོག་དང་ལྡན་འགྱུར་ཏེ། །ནད་མེད་རྟག་ཏུ་དར་ལ་བབ། །གྲུབ་པའི་རིག་འཛིན་དམ་པར་འགྱུར། །སྲིད་པ་ཆགས་ནས་སྲུབ་ཤིང་གིས། །བསྲུབས་པའི་འབྲས་བུ་རིན་པོ་ཆེ། །མེ་ཤེལ་ཆུ་ཤེལ་ཀུན་སྣང་འོད། །དེ་དག་ཐབས་དང་ཤེས་རབ་བོ། །ཚོགས་ཀྱི་དཀྱིལ་འཁོར་ལོངས་སྤྱོད་དུས། །བདུད་རྩི་འཛང་ལས་སྨོན་ལམ་སྟོབས། །རིགས་པའི་བུ་མོ་བཟང་མོ་གཉིས། །གཙང་མའི་གནས་སུ་སྐྱེས་ཤིང་རྒྱས། །ལྷ་དང་དྲི་ཟ་གནོད་སྦྱིན་དང་། །རིན་ཆེན་སྣ་ཚོགས་འབྱུང་ཁུངས་གནས། །ལེགས་ལྡན་གངས་རི་གཉན་གྱི་ཤོད། །རི་རབ་ཆུ་ཀླུང་བགེགས་བྲལ་བའི། །བདུད་རྩི་ཆེན་པོ་ར་མཉེ་བ། །ཉེའུ་ཤིང་མཆོག་ཅེས་རབ་ཏུ་གྲགས། །གསེར་མདོག་བདུད་རྩི་ཀུན་གསལ་བ། །སྟར་བུ་མཆོག་ཏུ་གྱུར་པ་ཡིས། །ཉི་མའི་རིགས་ལས་ཀུན་སྐྱེ་ཞིང་། །གཟུགས་མཛེས་ཚ་བའི་རོ་དང་བཅས། །ཚེར་གནོན་དབལ་ལས་འཁྲུངས་པ་ཡི། །བདུད་རྩི་ཤིང་མཆོག་དྲི་དང་ལྡན། །གཟུགས་བཟང་མཛེས་པ་ཕུན་སུམ་ཚོགས། །རྒུན་འབྲུ་འབྱུང་བ་ཀུན་གྱི་བཅུད། །དེ་བཞིན་ཟླ་བ་བདུད་རྩིའི་ཆུ། །དུག་རྣམས་འཇོམས་ཤིང་སླར་ཡང་བཟློག །སྣ་ཚོགས་ནད་རྣམས་སེལ་བར་བྱེད། །ཉི་མའི་འོད་རྣམས་ ― DNG013_Page_0284 ―
[མ་དཔེ་གཟིགས་ན་འདིར་གནོན།]
ཟླ་བའི་མདོག །རོ་རྣམས་རྣམ་པ་སྣ་ཚོགས་ལྡན། །ལྷ་རྫས་དགེ་བ་དབང་པོ་ལག །དེ་བཞིན་མཆོག་གྱུར་རུ་རྟ་ཉིད། །རང་གིས་དུས་བཞིན་བཅུད་རྫས་བསྐོས། །ལེགས་སྦྱར་གཙང་མའི་གནས་དག་ཏུ། །དཀྱིལ་འཁོར་གནས་བཞག་བསྒྲུབ་པ་འམ། །གོང་བཞིན་ལེགས་པར་སྤྱོད་པས་བཟའ། །རྟེན་འདྲེལ་རྟེན་གྱི་མཐུ་བྱས་ལ། །ཚངས་པའི་ཚེ་དང་ལྡན་པར་འགྱུར། །ཉི་མ་ཟླ་བའི་དངོས་གྲུབ་ཐོབ། །ར་སཱ་ཡ་ནའི་གཙོ་བོ་ཡིན། །འཇིག་རྟེན་གནས་ཀུན་རྒྱལ་བྱེད་པ། །འབྱུང་བའི་དྭངས་མ་ཀུན་བསགས་ནས། །མཁས་པས་གཅིག་ཏུ་སྦྱར་བར་བྱ། །དཀྱིལ་འཁོར་བཟང་པོའི་གནས་བཞག་གོ། །རང་གི་སྔགས་དང་ཕྱག་རྒྱ་དང་། །ཏིང་འཛིན་བརྟན་པས་བྱིན་གྱིས་བརླབ། །བདུད་རྩི་ཤིང་མཆོག་འཛམ་བུའི་ཤིང་། །ལོ་མ་མེ་ཏོག་འབྲས་བུར་བཅས། །ཡོན་ཏན་བཅུད་རྫོགས་རོ་ཁ་བ། །བཀྲ་ཤིས་དཔལ་རྣམས་རྫོགས་བྱེད་རྫས། །སེང་ལྡིང་ཡན་ལག་བརྒྱད་ལྡན་པ། །དྲི་སྣང་བཟང་པོ་སྨན་དང་སྦྱར། །དེ་བཞིན་རྩ་བ་ཡན་ལག་དང་། །ལོ་མ་མེ་ཏོག་འབྲས་བུ་སོགས། །རང་གི་བཅུད་རྣམས་རྒྱས་པའི་དུས། །དེ་ཡི་ཕྱོགས་བཞིན་མཁས་པས་གླེང་། །སེ་བ་གཞོན་ནུ་སྟོབས་ལྡན་པ། །དེ་བཞིན་ཀན་ཏ་ཧ་ར་དག ། ཀཎྜ་ཀ་རི་ཡིན་ནམ། དཀྱིལ་འཁོར་གནས་སུ་ལེགས་སྤྱད་པའམ། །བཅུད་ལེན་བསྟེན་པས་བཅུ་རྫོགས་འགྱུར། །དེ་དག་ལྷ་རྣམས་ཀུན་གྱིས་ཀྱང་། །དངོས་གྲུབ་རྫས་སུ་བྱིན་བརླབས་ཏེ། །དུས་བཞིར་ཕྱག་འཚལ་མཆོད་བྱེད་ཅིང་། །དངོས་གྲུབ་རྫས་སུ་ཉེ་བར་སྦྱོར། །སྟོན་ཟླ་ཐ་ཆུང་དཔྱིད་ཟླ་འབྲིང་། །ཡར་ངོའི་བརྒྱད་དང་ཉ་དུས་བཙལ། །བྱིས་པ་ལོ་དྲུག་བདུན་དུ་བརྒྱད། །གཙང་མས་ཁྲུས་བྱས་རྒྱན་གྱིས་མཛེས། །བདག་ཉིད་རྣལ་འབྱོར་དང་བཅས་པས། །ཤར་གྱི་ཕྱོགས་སུ་ཁ་བལྟས་ཏེ། །སེམས་ཅན་ཀུན་ལ་ཚད་མེད་བློས། །ཀུན་བཟང་དཀྱིལ་འཁོར་ལ་དམིགས་ཤིང་། །ཕྱག་འཚལ་མཆོད་ཅིང་བསྐོར་བྱས་ཏེ། །སྨོན་ལམ་རྒྱ་ཆེན་གདབ་པར་བྱ། །ཕྱག་འཚལ་བདུད་རྩི་མཆོག་ཁྱོད་ལ། ། ― DNG013_Page_0285 ―
[མ་དཔེ་གཟིགས་ན་འདིར་གནོན།]
ཕྱག་འཚལ་བདུད་རྩི་ལས་བྱུང་བ། །སྟོབས་དང་བཀྲ་ཤིས་འཕེལ་མཛད་ཅིང་། །རབ་བྱུང་སྟོན་པའི་བཀའ་རྒྱས་ཤོག །ལྷ་མོ་ཁྱོད་ནི་དཔལ་འགྱུར་ཞིང་། །ར་སཱ་ཡ་ནའི་རྫས་རྣམས་ཀུན། །དངོས་གྲུབ་མཆོག་ཏུ་ཉེར་སྤྱོད་པས། །ཚེ་དང་སྟོབས་མཆོག་རྒྱས་པར་གསོལ། །དེ་ལྟར་རྩ་བ་ལ་སོགས་རྫས། །གང་གིས་བཅུད་རྒྱས་དེ་ཉིད་གཟུངས། །ཤུན་ལྤགས་དང་ནི་རྒྱུས་པ་བསལ། །ཐོར་ཏོ་བསྙིལ་ཏེ་གནས་སུ་སྦེད། །བླང་བྱའི་སྨན་རྣམས་གང་ཡང་རུང་། །གཙང་མའི་གནས་སུ་ལེགས་པར་བསྐམ། །འདི་དག་དཀྱིལ་འཁོར་གནས་བཞག་སྟེ། །བཅུད་ཀྱི་དམ་པ་ཀུན་བསྡུས་ལ། །རང་ཉིད་ཁྲུས་བྱས་རྒྱན་གྱིས་མཛེས། །དྲི་གཙང་མེ་ཏོག་ཕྲེང་བཅས་པས། །བདུད་རྩིའི་ལྷ་ལ་གསོལ་བཏབ་ཅིང་། །བདུད་རྩིའི་བཅུད་རྣམས་བསྡུས་ཏེ་བསྒྲུབ། །རང་ཉིད་ལྷ་ཡི་ཏིང་འཛིན་གྱིས། །བརྒྱ་སྟོང་འབུམ་སོགས་ཅི་ནུས་བཟླས། །གྲུབ་པའི་རྟགས་ཚད་གསལ་བའི་དུས། །རང་གི་ཕྱག་རྒྱ་མངོན་པར་བླང་། །བསྲུང་སྦྱང་བྱིན་རླབས་བརྟན་བྱས་ཏེ། །བ་ཡི་འོ་མ་དག་དང་སྦྱར། །བཟའ་བའམ་ཡང་ན་བཏུང་བ་དང་། །ཕྱེ་མའི་མཆོག་དག་འགམ་པ་ལས། །སྔགས་ཀྱིས་ཐོག་མཐའ་རྒྱས་པར་བྱ། །ཨོཾ་ན་མ་ར་ཛ་ཨ་ཀ་ཛ་དུ་སྭཱ་ཧཱ། དེ་ནས་བསྙེན་དང་བསྒྲུབ་པ་དང་། །སྒྲུབ་ཆེན་ལས་ཀྱི་མཐར་དབྱུང་ཞིང་། །སེམས་ཅན་ཀུན་ལ་དམིགས་པའི་སྟོབས། །དཀྱིལ་འཁོར་གསལ་བས་ལོངས་སྤྱོད་དོ། །གང་ཞིག་རྫས་ལ་བརྟེན་པའི་མཐུས། །བཅུད་ལེན་རྩལ་དུ་སྤྱོད་བྱེད་པ། །ཞག་གམ་ཟ་མའི་གྲངས་བཞིན་དུ། །སྲང་རེའི་ཆ་ནས་བསྐྱེད་ཅིང་བཟའ། །ཇི་སྲིད་བརྒྱ་རྩ་བརྒྱད་ཀྱི་བར། །འཇུ་བའི་སྟོབས་དང་སྦྱར་བར་བྱ། །ལེགས་པར་རྫོགས་པའི་ཆ་རྣམས་ཀྱིས། །ལུས་ངག་ཡིད་གསུམ་དབང་པོ་གསལ། །ཇི་ལྟར་ལྷ་རྣམས་འཆི་མེད་ལྟར། །ཀླུ་རྣམས་ལ་ནི་སྨན་བཞིན་དུ། །ཤིང་རྣམས་ལ་ནི་ཆུ་བཞིན་དུ། །མེ་ཏོག་དག་ལ་ཉི་ཟླ་བཞིན། །ཚེ་ལོ་ལོ་བརྒྱའི་བར་གནས་ཏེ། །བཅུ་དྲུག་མདོག་གི་གཞོན་ནུའི་སྐུ། །ནད་མེད་རྟག་ཏུ་དར་ལ་བབ། །སྟོབས་རྣམས་གླང་པོ་ཆེ་མཉམ་ཞིང་། །མངོན་ཤེས་ལྔ་ ― DNG013_Page_0286 ―
[མ་དཔེ་གཟིགས་ན་འདིར་གནོན།]
དང་ལྡན་པར་འགྱུར། །འོ་མ་སྦྲང་རྩི་ཀ་ར་མཆོག །མར་ཁུ་དྲི་སྣ་ལྔ་དང་བཏུང་། །ཞག་གཅིག་ཟོས་ན་ཡོན་ཏན་བཅུ། །བཅུ་ན་ཡོན་ཏན་བརྒྱ་འཕེལ་ཞིང་། །ཉི་ཤུ་རྩ་གཅིག་ཟོས་པ་ཡིས། །རྩ་བརྒྱད་སྟོང་གི་དངོས་གྲུབ་ཐོབ། །བུད་མེད་སྟོང་ལ་ཁྱབ་པར་སྦྱོར། །ས་བོན་མི་ཟད་འབྲས་བུ་ཡང་། །བུ་ཕོར་འཕེལ་ཞིང་དཔལ་དང་ལྡན། །མི་རྣམས་ཀུན་གྱིས་མི་གསོད་པའོ། །ཟླ་གཅིག་ཟོས་པའི་ཡོན་ཏན་ནི། །ངོ་ཡང་ཟླ་བ་ཉ་རྒྱས་བཞིན། །གནོད་སྦྱིན་སྲིན་པོས་མི་འཇིགས་པས། །ལྷ་རྣམས་ཀུན་དང་མཉམ་པར་འགྱུར། །ཟག་པ་ཟད་ནས་མཁའ་ལ་འགྲོ། །རྡོ་རྗེ་ཁྲོས་བཅས་མཁའ་འགྲོ་འདུལ། །རིག་འཛིན་གོ་འཕང་འཐོབ་འགྱུར་ཞིང་། །གང་ཟག་དངོས་གྲུབ་འཕེལ་བར་འགྱུར། །འདི་དག་རྟེན་འདྲེལ་མཐུ་ཡིན་ཏེ། །མི་མཐུན་གནས་ཀུན་སྤང་བར་བྱ། །ལུག་མིག་མེ་ཏོག་ཆེན་པོ་ནི། །ར་སཱ་ཡ་ནའི་རྒྱལ་པོ་སྟེ། །བ་ཡི་འོ་མ་དག་དང་བསྐོལ། །ཏིང་འཛིན་སྔགས་དང་ཕྱག་རྒྱ་བསྐྱེད། །རྔུབ་ཅིང་འཐུང་བས་བ་སྤུ་ལངས། །མདོག་དང་བྱིན་རླབས་ཀུན་གསལ་ཞིང་། །རྔུབ་གཉིས་འཐུངས་པས་ཡོན་ཏན་མཆོག །རིམས་དང་ནད་སོགས་ཞི་བར་འགྱུར། །མིག་རྩ་དམར་ཞིང་མདོག་ཀྱང་གཞོན། །གླང་པོ་ཆེ་ཡི་སྟོབས་དང་མཚུངས། །ཕྱེ་མ་དྲི་མར་སྐམ་པ་དང་། །མེ་དོ་ལ་ནི་ཁུ་བ་དག །དགྲ་ཡི་གཟུགས་བརྙན་ལ་བསྐུས་ན། །ལྷ་ཡིས་བསྲུངས་ཀྱང་འཆི་བར་འགྱུར། །ཨོཾ་སུ་ཏྲི་ཧ་ན་ཧ་ན་ཧཱུཾ། མཱ་ར་ཡ་མཱ་ར་ཡ། ཙེ་ཏ་ཡ་ཙེ་ཏ་ཡ་སུ་ཏྲི་གྲི་བ་ཕཊ། བདུད་རྩི་ར་སཱ་ཡ་ནའི་གཙོ། །ཆུ་དག་དཀར་པོ་རུ་རྟ་ཡི། །ཕྱེ་མ་བྱས་ཏེ་བླུད་བྱས་ལ། །རྒྱལ་པོ་བུད་མེད་དབང་དུ་འགྱུར། །དེ་བཞིན་གུ་གུལ་ལ་སོགས་རྫས། །གི་ཝཾ་སྨན་དང་སྦྱར་བའི་མཐུས། །ཐམས་ཅད་དོན་ཀུན་སྟོན་བྱེད་དེ། །ཏྲི་ཡ་ཡོ་གའི་རིག་འཛིན་འགྲུབ། །དེ་ལྟར་སྦྱོར་བ་རྒྱ་ཆེན་རྫོགས། །ཐམས་ཅད་རབ་ཏུ་སྦྱར་བའི་མཐུས། །འཇིག་རྟེན་འདས་དང་འཇིག་རྟེན་པའི། །ཡོན་ཏན་ཆོས་ཀུན་རྫོགས་པར་བྱེད། །རཀྟ་ཞེས་ནི་འདིར་གྲགས་པ། །ར་སཱ་ཡ་ ― DNG013_Page_0287 ―
[མ་དཔེ་གཟིགས་ན་འདིར་གནོན།]
ནའི་གཙོ་བོ་སྟེ། །རྩ་བ་མེ་ཏོག་འབྲས་བུ་རྣམས། །རིགས་མཐུན་བཟང་ཞིང་དམར་བའོ། །འབྲས་བུ་སྲན་མ་མ་ཤ་ཙམ། །གྱེན་དུ་འགྲེང་བའི་སྙེ་མ་མཆོག །སྟོན་ཟླ་ར་བའི་ཉ་ལ་བཙལ། །ཁྲག་གི་ཉུང་མ་ཞེས་བྱའོ། །རློན་པའི་ཁུ་བ་བཙིར་བ་དང་། །པདྨ་རཀ་ཏ་ཆ་མཉམ་བསྲེ། །ཨོཾ་ན་མོ་རཱ་ག་རཀ་ཏ་མུ་ལ་བུ་ན་སྭཱ་ཧཱ། འགྲོ་བ་དབང་བྱེད་དམ་པ་འདི། །ཆགས་པའི་བདུད་རྩི་ཆེན་པོ་ཡིན། །མེ་ཏོག་ཐ་སྐར་གཞོན་ནུ་ཉིད། །ས་བོན་ཁུ་བ་ཀུན་འཕེལ་བྱེད། །སྙེ་མ་ཟུར་གསུམ་ཏིལ་གང་འདྲ། །རྡོ་རྗེ་བྲག་ཀྱང་འཇོམས་པར་ནུས། །བྱང་ཆུབ་སེམས་དང་རུས་པ་ཡི། །སྦྱོར་བྱེད་སྟོབས་ཀྱིས་ཀུན་རྒྱལ་བའོ། །རུས་པ་སྲ་མཁྲེགས་རྡོ་རྗེར་འགྱུར། །ཕྱག་ན་རྡོ་རྗེའི་མཐུ་དང་མཉམ། །དབང་པོའི་ལག་དང་གནོད་སྦྱིན་ལག །ལྔ་དང་བཞི་གསུམ་བྱེ་བྲག་གིས། །སྡོང་བུ་ཡལ་ག་མཛེས་པར་བྱེད། །སྙེ་མ་ཟུར་གསུམ་མདའ་སྒྲོ་འདྲ། །དབྱར་ཟླ་ཐ་ཆུང་ཉ་ལ་བརྐོ། །སྒྲུབ་པོའི་ལག་མཐིལ་གཡོན་དུ་བཞག །དངོས་གྲུབ་བླང་བའི་ཕྱག་རྒྱ་ཡིན། །ལུས་ལས་བྱུང་བའི་དྲི་ཆེན་དང་། །ཛཱ་ཏི་ཉུང་དཀར་ཆ་མཉམ་པས། །ཕྱི་ནང་དུག་རྣམས་སེལ་བྱེད་ཅིང་། །བདུད་རྩི་ཆེན་པོའི་མཆོག་ཏུ་འགྱུར། །སྲིན་པོ་འཇོམས་བྱེད་རྣ་བ་གཉིས། །མཆོག་ཆེན་ལྔ་ཡི་རྣ་བར་སྦྱར། །སྔགས་དང་ཕྱག་རྒྱས་བྱིན་བརླབས་པས། །རྣ་བའི་མངོན་ཤེས་ཐོབ་པར་བྱེད། །བ་ཧུ་མིག་གི་མེ་ཏོག་དང་། །མཁའ་ལྡིང་ཚོགས་ཀྱི་མིག་སྦྱར་བས། །རྡོ་རྗེ་ཨན་འཛའ་ནག་པོ་བཞིན། །མིག་གི་མངོན་ཤེས་རྫོགས་པར་འགྱུར། །ཙི་ཏྲ་ཀ་དང་སྙིང་ཞོ་ཤ །མི་མཆོག་སྙིང་དང་སྦྱར་བྱས་པས། །མངོན་ཤེས་ལྔ་ཡི་དངོས་གྲུབ་དང་། །བདེ་གཤེགས་ཐུགས་ཀྱི་ཡེ་ཤེས་སྐྱེ། །གི་ཝཾ་ཀུན་ཏུ་མ་ཉམས་པ། །གོ་རོ་ཙ་ནའི་རིགས་ཀུན་སྦྱར། །དེ་དག་བན་གླང་རིགས་ཅན་གྱིས། །དངོས་གྲུབ་ཐམས་ཅད་སྟོན་པར་བྱེད། །གོ་རོ་ཙ་ནའི་རིགས་རྣམས་དང་། །ཐང་ལ་ཧ་ཡི་རྩ་བར་སྦྱར། །མདངས་ཀྱི་དངོས་གྲུབ་སྐུ་ཐོབ་ཅིང་། །དུས་རྣམས་ཀུན་ཏུ་རྒྱས་པར་འགྱུར། །མེ་ཏོག་ཁ་འབར་ལྕེ་བཞི་དང་། །ལྕེ་རྣམས་ཀུན་ཏུ་སྦྱར་བྱས་པས། །དབང་ ― DNG013_Page_0288 ―
[མ་དཔེ་གཟིགས་ན་འདིར་གནོན།]
པོ་ལྗགས་ཀྱི་དངོས་གྲུབ་དང་། །སྤྱན་རས་གཟིགས་ཀྱི་ལས་རྣམས་འཕེལ། །མེ་ཏོག་རྨ་ལོ་འཁྲི་འཁྲི་དག །ག་ན་རིགས་གཉིས་འབྲས་བུར་སྦྱར། །ཆ་སྙོམས་བཏགས་ཏེ་ཕྱེ་མར་བྱས། །ཟླ་བ་གཟའ་ཡིས་ཟིན་པ་འཚེ། །ཡི་དམ་ལྷ་ལ་མཆོད་བྱས་ཤིང་། །དེ་དག་ཆང་དང་སྦྱར་ཏེ་བཏུང་། །སྐད་ཅིག་ཡུད་ཀྱིས་འགྲུབ་པ་སྟེ། །རྟ་མགྲིན་དབང་གི་དངོས་གྲུབ་ཐོབ། །སེམས་ཅན་རྣམས་ཀྱི་ལྕེ་དང་སྦྱར། །ར་སཱ་ཡ་ནའི་གཙོ་བོར་འགྱུར། །སྣ་དང་རྣ་བའི་མ་ཏོག་དག །ལེགས་པར་སྦྱར་ཏེ་བསྒྲུབ་བྱས་པའི། །རི་ལུ་རང་གི་རྣལ་འབྱོར་ན། །ཚངས་པའི་གསུངས་དབྱངས་སྒྲོགས་པར་འགྱུར། །དུང་དང་འབྲུག་རུས་ཐ་ཀར་དང་། །སེམས་ཅན་རུས་པ་གང་རུང་སྦྱར། །ལུས་ཀྱི་རྡོ་རྗེ་མངོན་ཤེས་འཐོབ། །ར་སཱ་ཡ་ནའི་གཙོ་བོ་ཡིན། །རྒྱ་མཚོ་ལྦུ་བ་འདུས་པའི་ཆུ། །སྣ་ཚོགས་ཆུ་དང་གངས་ཀྱི་རླན། །ལན་ཚྭ་སྣ་ཚོགས་དྲི་ཆུ་རྣམས། །རྡོ་རྗེ་ཆུ་ཡི་བདུད་རྩི་སྟེ། །ཕྲིན་ལས་འགྲོ་བའི་དོན་འགྲུབ་བོ། །དེ་དག་ར་སཱ་ཡ་ནའི་མཆོག །ཕྱི་ནང་སྣ་ཚོགས་སྦྱར་ནས་འགྲུབ། །བཅུད་ཀྱི་དམ་པ་ཀུན་བསྡུས་པའི། །བདུད་རྩི་ཆེན་པོའི་དོན་སྤྱོད་པའི་། །རྩ་བརྒྱད་སྟོང་ལས་སྦྱར་བའི་སྨན། །སྣ་ཚོགས་རྣམ་པར་བཀོད་བྱས་པ། །དེ་དག་བསྒྲུབ་པའི་རྫས་རྣམས་ཏེ། །རང་བཞིན་གཅིག་པའི་དངོས་གྲུབ་མཆོག །ཡང་དག་རྩ་བ་བརྒྱད་དང་སྦྱར། །ཕྱི་དང་ནང་གི་དབྱེ་བ་ཡིས། །སྣ་ཚོགས་སྣང་བ་ཐ་དད་དེ། །རང་བཞིན་བདུད་རྩི་ཆེན་པོའི་རྫས། །ཡང་ན་རྩ་བ་བརྒྱད་དང་སྦྱར། །འགོའུ་ཅི་ཧྭང་དང་ལེ་ལེ་ཧྭང་། །འགི་ཧྭང་ཅི་ཧྭང་ར་སཱ་ཡན། །ག་པུར་མུ་ཏིག་ལན་ཚྭ་རྣམས། །འདི་དག་རྩ་བརྒྱད་ལ་སོགས་རྫས། །མཁས་པ་རྣམས་ཀྱིས་བསྒྲུབ་པར་བྱ། །དཀྱིལ་འཁོར་གསང་བ་ཡང་དག་གནས། །བསྙེན་བསྒྲུབ་བཞི་དང་ཕྱག་རྒྱ་བཞི། །ཐམས་ཅད་གཉིས་མེད་རོལ་པ་ཉིད། །ཕྱག་རྒྱའི་དཀྱིལ་འཁོར་ཀུན་སྤྱོད་པའོ། །ཇི་བཞིན་བྱིན་གྱིས་བརླབས་པའི་མཐུས། །ཐམས་ཅད་བདུད་རྩི་ར་སཱ་ཡན། །དེ་དག་རིགས་རྣམས་བཀོད་པའི་རྫས། །རང་གི་དཀྱིལ་འཁོར་སྔགས་ ― DNG013_Page_0289 ―
[མ་དཔེ་གཟིགས་ན་འདིར་གནོན།]
ཀྱིས་སྦྱར། །ཐམས་ཅད་རབ་ཏུ་སྦྱོར་བྱས་པས། །ཐམས་ཅད་གནས་ཀུན་ངོ་བོར་འགྲུབ། །བདུད་རྩི་ཆེན་པོ་ལྔ་རྣམས་ལ། །རྩ་བ་ཡན་ལག་ཀུན་ལྡན་པས། །བྱེ་བྲག་རང་གི་ལས་གྲུབ་པའི། །སྦྱོར་བ་སྣ་ཚོགས་བསྟན་པ་ཡིན། །ཇི་ལྟར་རྫས་ནི་གཅིག་གཉིས་ལ། །གྲོགས་སོགས་སྟོབས་ཀྱི་སྣ་ཚོགས་པ། །བྱེ་བྲག་སྟོབས་ཀུན་སྟོན་པར་བྱེད། །རྡོ་རྗེའི་རིགས་ཀུན་འགྲུབ་བྱེད་པའི། །བྱང་ཆུབ་སེམས་ཀྱི་ཡན་ལག་ཚོགས། །ཀླད་པ་གཞུང་པ་ཆུ་བ་དང་། །བེ་ལ་གཞུང་གནས་རྒྱུ་བའི་ལམ། །གཤེགས་ཤུལ་ཕོ་བྲང་ཚུལ་དག་གིས། །སྦས་པ་ནང་གི་གནས་སུ་བསྟན། །མིག་དང་སེན་མོ་སོ་སྐྲ་སྤུ། །མཐར་ཕྱིན་ཕྱི་ཡི་གནས་དག་གོ། །མི་ཁྱི་རྟ་དང་བ་དག་གི། །འོ་མ་ནང་གི་གནས་ཡིན་ཏེ། །གཉྱ་སྱ་སྣུམ་ཁུར་མཱང་ས་དང་། །ཤང་ཤང་གྲེའུ་འདྲ་ཕྱིའི་གནས། །བྱ་ཁྲི་སེང་ཁྲི་རྒྱ་སྤོས་དང་། །ནཱ་ག་གེ་སར་ཨ་ཀ་རུ། །སྙིང་ཞོ་ཐ་ཀར་རྡོ་རྗེ་དབང་པོ་ལག །སྣ་འདྲེན་སྦྱར་བ་ཀུན་གྱི་སྨན། །བོང་ང་དཀར་པོ་ཤུ་དག་དཀར། །ཡ་བག་ཀྵ་ར་ཀ་ཀོ་ལ། །འཇམ་འབྲས་ཏིལ་དཀར་སེ་འབྲུ་དང་། །ཟི་ར་ཤེལ་ཚ་ཅོང་ཟི་གསུམ། །ཉེའུ་ཤིང་ཐ་ཀར་རམ་ཉེ་བ། །གོ་རོ་ཙ་ན་རུས་པའི་ཚོགས། །མཚལ་བུ་ཙིཏྟ་མདོག་དཀར་ཞིང་། །མངར་བའི་རོ་མཆོག་ཚད་མཉམ་པ། །དེ་དག་བྱང་ཆུབ་སེམས་ཀྱི་སྡེ། །རང་གི་དཀྱིལ་འཁོར་ཕོ་བྲང་ངོ་། །བདུད་རྩི་དྲི་ཆེན་ལས་འཕྲོས་པ། །སློབ་དཔོན་ཡུམ་དང་དྲང་སྲོང་མཆོག །རྟ་གླང་བྱ་དང་ཁྱི་རྣམས་ཀྱི། །ནང་དང་ཕྱི་ཡི་རྫས་ཚོགས་པ། །ཆ་མཉམ་ཚད་ཀྱིས་རྣམ་པར་གཞལ། །རྡོ་དྲེག་ལྕག་རོ་ཤིང་རྩི་དང་། །ཆུ་དྲེག་རྡོ་ཐལ་ཤིང་ཐལ་དང་། །ལྕི་དཀར་སྡོང་རོའི་སྙིང་པོ་དག །བདུད་རྩི་སྙིང་པོ་ཕུད་དུ་སྦྱར། །སེང་གེ་ཛཱ་ཏི་ཤིང་ཚ་དང་། །རུ་རྟ་སྐྱོབ་ཕྲི་ཉུང་དཀར་དང་། །ཆུ་སྲིན་སྡེར་མོ་རྭ་ཚྭར་བཅས། །སྨན་གྱི་མཆོག་ཏུ་བཤད་པ་ཡིན། །ཨ་བར་རྣམ་གཉིས་གསེར་མེ་ཏོག །གུ་གུལ་གླ་སྒང་ཡུང་བ་དང་། །ཆུ་ཤེལ་བྲག་ཞུན་ཀ་ཤོ་དང་། །དཀར་སེར་རིགས་ཀུན་ ― DNG013_Page_0290 ―
[མ་དཔེ་གཟིགས་ན་འདིར་གནོན།]
ཁ་བར་སྦྱར། །ཤ་ཡི་རིགས་རྣམས་རྣམ་བཀོད་པ། །ལྕེ་སྙིང་མཁལ་མ་བཤུལ་ཤ་དང་། །ཡན་ལག་བཞི་ཡི་ཕྱི་དང་ནང་། །ཁྱུ་མཆོག་མ་ཧེ་རྟ་རྒོད་དང་། །རྐྱང་གླང་གཟིངས་ཚོགས་པའི། །ཧ་ས་དེ་བ་ག་པུར་དང་། །སུག་སྨེལ་ཕོབ་སྣ་རྟ་དང་རྐྱང་། །ནི་ལོཏྤལ་ཙི་ཏྲ་ཀ །ཟི་ར་ནག་པོ་ཏིལ་ནག་དང་། །ཏིག་ཏ་མེ་ཏོག་ལུག་མིག་སོགས། །རོ་བསྐལ་ཁ་དོག་སྔོན་པོའི་རྫས། །རྩ་བ་ཡན་ལག་བཅུད་ཀྱི་ལེན། །ཁྲག་གི་རིགས་ཀུན་མངོན་བསྡུས་པ། །དེ་དག་ཐུགས་རྗེ་ཆེན་པོའི་རྫས། །གློ་སྙིང་མཆིན་པ་མཚེར་བ་དང་། །མཁལ་རྩ་ནང་གི་གནས་བཞིའི་ཁྲག །བླ་མའི་གཟུངས་མ་ལས་འཛག་ཅིང་། །ཕྱི་ཡི་རྩ་ཕྲན་ནས་ཕྱུང་དང་། །ན་ཆུང་ཟ་ཐོག་ཐོག་མའི་རྫས། །འདབ་ཆགས་སྡེར་ཆགས་རྨིག་ཟླུམ་དང་། །རྩེ་གཉིས་འཆི་ཀ་ཆུ་ལ་གནས། །ཀན་ཏ་ཀར་དང་ཙན་དན་སྨུག །སྦྲང་རྩི་གྷན་དྷ་པ་ཏྲ་དང་། །རྣམ་པར་བསྒྱུར་ཏེ་རྫས་ཀྱི་མཆོག །སྐྱུ་རུ་ར་མཆོག་ཤྲི་ཤིང་སྣ། །ཁ་རོ་དང་ཁ་ལི་ཤི་དང་། །དམར་ཞིང་རོ་མཆོག་སྐྱུར་བ་ཀུན། །ར་སཱ་ཡ་ནའི་རྫས་མཆོག་གོ། །གཞན་ཡང་འབྱུང་ཚོགས་གནས་ལས་གྲུབ། །ཁྲག་གི་གཙོ་བོ་ཉི་ཤུ་སྟེ། །རིགས་མཐུན་སྦྱོར་བའི་གནས་བཅས་པས། །ཆགས་པ་ཆེན་པོའི་ལས་ཀུན་འགྲུབ། །ཀུན་ཏུ་དག་བྱེད་དྲི་ཡི་ཆུ། །དམ་ཚིག་ཆེན་པོའི་རྫས་རྣམས་ལས། །མཆོག་ཆེན་ཡོངས་སུ་དག་པའི་རྫས། །མཁལ་རྩ་ལྒང་པའི་བེ་དྷ་ལ། །རྡོ་རྗེ་ཆུ་བའི་གནས་བྱུང་བས། །ནང་གི་ལས་ཀུན་སྦས་པར་སྟོན། །སློབ་དཔོན་ཕྱག་རྒྱ་བྱིས་པ་གཙང་། །དམར་སེར་བ་ལས་བྱུང་བའི་ཆུ། །ཕྱི་རོལ་རྫས་ཀྱི་དག་བྱེད་ཅིང་། །གཙོ་བོ་བརྒྱད་དུ་གནས་པས་འགྲུབ། །གངས་ཆུ་སེར་བ་ལུ་མ་དང་། །ཁྲོན་པ་ཆུ་ཀླུང་རྒྱ་མཚོའི་གནས། །ཅོང་ཞི་བྲག་ལས་བྱུང་བ་དག །དེ་དག་རིགས་རྣམས་འབྱེད་པའི་རྫས། །ཐམས་ཅད་དྲི་བཅས་ཤིང་ཀུན་དང་། །ལྕེ་ཕོག་ལི་ཤི་བ་ལེ་ཀ །ཁྱི་ལྕེ་ནིམ་བ་ཀུན་དུ་ར། ། ― DNG013_Page_0291 ―
[མ་དཔེ་གཟིགས་ན་འདིར་གནོན།]
སྔོན་བུ་མི་སྡོམ་ལི་ཀ་དུར། །ཆུ་རྩི་ལྕུམ་ལ་སོགས་པའི་རྫས། །ཁ་དོག་ལྗང་ཞིང་རོ་སྐྱུར་ཀུན། །ཕྱི་ནང་རྫས་ཀྱི་ཀུན་ཏུ་དབྱེ། །དེ་ལྟར་རིགས་མཆོག་གཙོ་བོ་ཡི། །བྱིན་རླབས་དམ་ཚིག་བཀོད་པའི་རྫས། །རྩ་བ་བརྒྱད་ལ་ཡན་ལག་སྟོང་། །སོ་སོའི་དཀྱིལ་འཁོར་ཇི་བཞིན་གནས། །ཕྱི་ནང་འབྱུང་ཚོགས་མ་ལུས་ཀྱི། །ཐ་དད་རྫས་སོགས་མཐུན་བཅས་པ། །ར་སཱ་ཡ་ནའི་སྨན་རྣམས་ཀུན། །རིགས་ཀྱི་དཀྱིལ་འཁོར་གནས་སྦྱིན་སྤྱོད། །གཙོ་དང་འཁོར་དུ་བཅས་པ་རྣམས། །མ་ལུས་ཀུན་ཏུ་རྣམ་པར་དག །ར་སཱ་ཡ་ན་ལ་སོགས་རྫས། །ཇི་སྙེད་འབྱོར་པ་མ་ལུས་ཀུན། །དཀྱིལ་འཁོར་ཐ་མ་བསྐོར་ཏེ་བཞག །རྩ་བ་བརྒྱད་དང་ཡན་ལག་སོགས། །རྫས་རྣམས་སེམས་དཔའ་བཅུ་དྲུག་སྟེ། །སྣོད་དབྱིངས་སེམས་མ་བཅུ་དྲུག་གོ། །མིག་དང་རྡོ་རྗེ་ཆུ་བ་དང་། །སྣ་ལ་བི་དང་ཤར་དང་ལྷོ། །ལྕེ་དང་པདྨ་ནུབ་ཀྱི་ཕྱོགས། །རྣ་བ་ཙིཏྟ་བྱང་དུ་སྟེ། །ལུག་མིག་ཐ་ཀར་རྡོ་རྗེ་དང་། །སྲི་ཤིང་དབང་པོའི་ལག་པ་དང་། །ཁ་འབར་རྒུན་འབྲུ་ཀ་ཤོ་ཀ །སྙིང་ཞོ་ཤ་རྣམས་ཚད་མཉམ་པ། །ཕྱོགས་བཞི་རང་གི་གནས་བཞི་བསྐོར། །ཚད་མེད་རྫས་ཀྱིས་བརྒྱན་པར་བྱ། །རྩ་བ་སྡོང་བུ་ཤར་གྱི་ཕྱོགས། །ཡལ་ག་ལོ་མ་ལྷོ་རུ་སྟེ། །མེ་ཏོག་ཤུན་པ་ནུབ་ཀྱི་གནས། །བྱང་དུ་འབྲས་བུ་སྙིང་པོའོ། །དེ་ལྟར་སྦྱོར་བའི་རྫས་རྣམས་ཀྱིས། །རང་བཞིན་གྲུབ་པའི་མཐུ་བཅས་པ། །ར་སཱ་ཡ་ན་ཚོགས་རྒྱས་ཤིང་། །འཇིག་རྟེན་འདིར་གནས་གཞན་ཡང་འགྲུབ། །དེ་དག་རྟེན་འདྲེལ་མཐུ་བཅས་པས། །ལམ་ཀུན་མངོན་པར་སྟོན་བྱེད་ཅིང་། །སོ་སོའི་གྲོགས་སྐྱབས་རྣམས་ཀྱིས་ནི། །རྒྱལ་དང་བློན་ཚོགས་བཞིན་དུ་གནས། །དེ་ནས་རྣལ་འབྱོར་དབང་ཕྱུག་ཚོགས། །ལྷ་ཡི་དྲང་སྲོང་རིག་འཛིན་བཅས། །ལུས་ཀྱི་ར་སཱ་ཡ་ནའི་རྫས། །ངེས་པར་སྤྱད་པས་འགྲུབ་གྱུར་ཅིང་། །བདུད་རྩི་གསང་བའི་དཀྱིལ་འཁོར་དུ། །དབང་བསྐུར་དམ་ཚིག་ལ་གནས་པས། །བྱང་ཆུབ་སེམས་ལྡན་སྙིང་པོའི་མཆོག །ཐབས་མཁས་འགྲོ་བའི་དོན་ ― DNG013_Page_0292 ―
[མ་དཔེ་གཟིགས་ན་འདིར་གནོན།]
བསྐྱེད་པའོ། །རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ལས། ར་སཱ་ཡ་ན་སྒོ་མཐའ་ཡས་པར་བསྟན་པ་སྟེ། རིམ་པར་ཕྱེ་བ་གཉིས་པའོ།། །།དེ་ནས་རྣལ་འབྱོར་དབང་ཕྱུག་ཚོགས། །གཙོར་བཅས་ལྷ་མོའི་དཀྱིལ་འཁོར་གྱིས། །རང་གི་མཆོད་པའི་ཚོགས་བཅས་པས། །ཡང་དང་ཡང་དུ་དགྱེས་པར་མཛད། །མི་གཉིས་ཡེ་ཤེས་ཆེན་པོའི་གནས། །ཐབས་མཁས་བྱང་ཆུབ་སེམས་དཔའི་དོན། །རང་བཞིན་བདུད་རྩི་གནས་རྒྱས་མཛད། །དོན་ཀུན་གསལ་བ་རྣམ་ཀུན་ཉིད། །ཀྱེ་མ་ཧོ་སྟོབས་མཆོག་རྣམ་སྦྱོང་བས། །རང་རིག་དཀྱིལ་འཁོར་མ་འདྲེས་ཚོགས། །ཐམས་ཅད་ཆོས་ཀྱི་གནས་སུ་སྦྱོར། །འདི་དག་ཉེ་བར་སྤྱོད་བྱེད་པས། །ལས་ཀྱི་བྱ་བ་ཇི་ལྟར་བསྒྲུབ། །བདུད་རྩི་ཆེན་པོའི་རང་བཞིན་གང་། །དཀྱིལ་འཁོར་སྔགས་དང་ཕྱག་རྒྱའི་ཚོགས། །རྣལ་འབྱོར་ཚོགས་བཅས་གྲོལ་བྱའི་ཕྱིར། །དེ་དག་ཉེ་བར་སྟོན་པའི་རིགས། །དེ་ནས་བདེ་གཤེགས་ཐམས་ཅད་ཀྱི། །སྐུ་གསུང་ཐུགས་དབྱིངས་རྒྱ་ཆེན་ཀུན། །གཉིས་མེད་གཉིས་སུ་མེད་སྦྱོར་བའི། །ལམ་མཆོག་འབྲས་བུ་དང་བཅས་པའི། །ཐུབ་པ་གཙོ་བོས་བསྟོན་བསྟན་བཞིན། །དུས་འདིར་བཀོད་པས་རྣམ་གསལ་མཛད། །ཐམས་ཅད་བྱང་ཆུབ་སེམས་ཉིད་མཆོག །ཕྱོགས་དུས་བདུད་རྩི་ཆེན་པོའི་གཞི། །སྣ་ཚོགས་གཉིས་མེད་ཡེ་ཤེས་ཉིད། །ཐབས་ལྡན་འཇུག་པའི་ཡན་ལག་ཏུ། །ལས་རྒྱུད་སྨིན་ཅིང་གྲོལ་བྱའི་ཕྱིར། །དཀྱིལ་འཁོར་དབང་བསྐུར་དམ་ཚིག་དང་། །བསྙེན་བསྒྲུབ་སྤྱོད་དང་ཕྲིན་ལས་དག །སྤྱི་དང་ཁྱད་པར་ནས་བརྩམས་ཏེ། །རང་རྟོགས་འཇུག་པའི་དོན་བཞིན་བཤད། །སངས་རྒྱས་ཀུན་གྱི་སྐུ་གསུང་ཐུགས། །ཡོན་ཏན་ཕྲིན་ལས་མངོན་གསལ་བྱེད། །ཕྱག་རྒྱ་སྔགས་གསལ་ལ་སོགས་པས། །ཐབས་མཁས་འབྲས་བུ་ལ་སྤྱོད་པའོ། །ཐོག་མ་ཐ་མ་མེད་པའི་ཚུལ། །རང་བཞིན་ཆོས་སྐུའི་སྙིང་པོ་ཉིད། །ཟབ་ཅིང་རྒྱ་ཆེ་གཉིས་མེད་པའི། །དཀྱིལ་འཁོར་གནས་ཀུན་རྫོགས་པར་ ― DNG013_Page_0293 ―
[མ་དཔེ་གཟིགས་ན་འདིར་གནོན།]
སྣང་། །དུས་གསུམ་མཐའ་གནས་ཀུན་གསལ་ཞིང་། །མ་འདྲེས་ཆོས་ཚོགས་བརྩོན་བྱེད་པས། །རང་གི་དཀྱིལ་འཁོར་རིགས་བཞིན་དུ། །ཞིང་ཁམས་མཐའ་དག་རྣམ་པར་སྦྱོང་། །ཕྱག་རྒྱ་ཆེ་མཆོག་ཀུན་གསལ་བས། །ཆོས་ཀྱི་ཕྱག་རྒྱ་རྫོགས་སྦྱོར་ཅིང་། །དམ་ཚིག་ཀུན་གྱི་གནས་འཇུག་པས། །ལས་ཀྱི་ཕྱག་རྒྱ་རྫོགས་པར་འགྱུར། །ཡོན་ཏན་ཐམས་ཅད་སྟོན་མཛད་དབྱིངས། །རིན་ཆེན་རིགས་ཀུན་རྫོགས་པའི་ཚོགས། །རིན་ཆེན་དཀྱིལ་འཁོར་ཆེ་གནས་བཞུགས། །ཐབས་དང་ཤེས་རབ་རིན་ཆེན་སྦྱོར། །བདེ་བ་ཆེན་པོའི་ཕྱག་རྒྱ་ལས། །རྣམ་པར་འཕྲུལ་པའི་གཞན་རྒྱུད་བཞིན། །རིགས་ཀྱི་དཀྱིལ་འཁོར་ཀུན་རྫོགས་ཏེ། །རིགས་ཀྱི་མཚན་མའི་ཕྱག་རྒྱ་རྣམས། །བསྲུང་ཉིད་ནོར་བུ་འབར་བ་ལ། །རང་གི་སྔགས་བཅས་རྟེན་སྦྱོར་བས། །ཐམས་ཅད་དཀྱིལ་འཁོར་གནས་རྣམས་རྒྱལ། །ཨོཾ་རཏྣ་སི་མོ་རྟ། ཏ་ར་ཏ་ར། མ་ཧཱ་ཆུ་ན་སི་དི་ཧཱུཾ་སྭཱ་ཧཱ། རྡོ་རྗེ་བཅིངས་པའི་རྒྱ་ཆེན་པོ། །རིགས་ཀྱི་སྦྱོར་བ་ཀླུ་གསལ་བ། །ཐབས་དང་ཤེས་རབ་འོད་ཚོགས་རྣམས། །རང་གི་གནས་སུ་བརྟན་པར་བསྡུས། །དེ་དག་བྱིན་རླབས་རོལ་པའི་མཐུས། །ཐམས་ཅད་རིན་ཆེན་དམ་ཚིག་མཆོག །རྡོ་རྗེ་བསྡམས་པ་བསྟན་བྱས་པས། །གུང་མོ་གཉིས་ནི་རྨྱུག་གུའི་ཚུལ། །རང་མཛུབ་མཐེབ་ཆེན་རྩེ་སྦྱར་བས། །ཡོན་ཏན་རིགས་ཀྱི་དཀྱིལ་འཁོར་རྫོགས། །རྡོ་རྗེ་ཁུ་ཚུར་བཅིངས་པ་ལས། །གུང་མོ་མཐེབ་ཆེན་མཐེའུ་ཆུང་དག །རྩེ་སྤྲད་བསྒྲེང་སྟེ་གཞན་རྣམས་སྦེད། །ནོར་བུ་རིན་ཆེན་ཕྱག་རྒྱ་འདིས། །དཀྱིལ་འཁོར་ཀུན་ནས་ལས་ལ་གཞུང་། །ཡོན་ཏན་དཀྱིལ་འཁོར་རྣམས་ཀྱིས་རྒྱས་འདེབས་པའི་མཚན་མའོ། །བདེ་གཤེགས་གཙོ་བོ་རིགས་ཀྱི་བདག །ཕྱོགས་བཅུའི་དཀྱིལ་འཁོར་སྒྲིབ་མེད་གཞི། །མཚན་དང་དཔེ་བྱད་རྒྱན་རྫོགས་པའི། །སྐུ་གསུང་ཐུགས་ཀྱི་དཀྱིལ་འཁོར་ཆེ། །གཙོ་བོ་འཁོར་བཅས་གནས་སྦྱོང་མཛད། །འདི་དག་འཁོར་ལོ་ཆེ་གནས་པ། །འཁོར་ལོའི་སྐྱིལ་ཀྲུང་སྦྱོར་བའི་ཚུལ། ། ― DNG013_Page_0294 ―
[མ་དཔེ་གཟིགས་ན་འདིར་གནོན།]
འཁོར་ལོ་ལྟ་བུས་ཀུན་སྤྱོད་ཅིང་། །རིགས་ཀྱི་འཁོར་ལོ་རྒྱས་པའི་ཚོགས། །ཕྱག་རྒྱ་མཚན་མའི་སྐུ་སྦྱོར་བས། །ཐམས་ཅད་ཕྱག་རྒྱ་ཆེན་པོའི་དབྱིངས། །གསུང་གི་དཀྱིལ་འཁོར་ལ་གནས་པའི། །འཁོར་ལོ་ཡི་གེའི་མཚན་མས་བརྒྱན། །ཨོཾ་སརྦ་ཏ་ཐཱ་ག་ཏོ་ཡ། སྭ་བྷཱ་བ་བི་ཤུཌྜྷ་པ་རི་བ་རེ་ཧཱུཾ་སྭཱ་ཧཱ། དམ་ཚིག་ཆེན་པོས་སྟོབས་བྱེད་པའི། །ལག་གཉིས་རྒྱབ་བསྣོལ་སོར་མོ་རྣམས། །འཁོར་ལོའི་ཚུལ་བཞིན་རྩེ་བསྣོལ་སྦྱོར། །ཕྱོགས་རྣམས་ཀུན་ཏུ་སྐོར་བྱེད་སྟེ། །རིགས་ཀྱི་དཀྱིལ་འཁོར་གནས་སུ་བཞག །རྡོ་རྗེ་ཁུ་ཚུར་ལས་བྱུང་བའི། །རྩེ་མོ་གདེངས་པ་འཁོར་ལོའི་རྒྱ། །གཡོན་པས་བསྙེམས་བཅས་དབྱིངས་སྦྱོར་ཅིང་། །རང་གི་ལས་ཀུན་སྟོན་བྱེད་པའོ། །སྐུ་ཡི་དཀྱིལ་འཁོར་གནས་རྣམས་སུ། །སངས་རྒྱས་ཀུན་གྱི་སྙིང་པོ་ཉིད། །མི་གཉིས་ཡེ་ཤེས་གསུང་གི་བདག །རིགས་ཀྱི་དཀྱིལ་འཁོར་ཆེ་གནས་བཞུགས། །ཕྱག་རྒྱ་མཚན་མ་རྒྱན་དང་བཅས། །པདྨའི་དཀྱིལ་འཁོར་གནས་རྣམས་སུ། །པདྨའི་ཚུལ་དུ་སྦྱོར་མཛད་ཅིང་། །པདྨའི་རིགས་ཀུན་དག་པའི་ཆོས། །ལས་ཀྱི་ཆོས་ཀུན་སྟོན་པའོ། །ཆོས་རྣམས་ཀུན་གྱི་ཚོགས་བཅས་པས། །ཆོས་ཀྱི་དོན་ཀུན་གསལ་བར་བྱེད། །པདྨའི་སྔགས་སུ་སྦྱར་བའི་མཐུས། །གསུང་དབྱངས་ཡན་ལག་ཀུན་རྫོགས་འགྱུར། །ཨོཾ་དྷརྨྨོ་ཤུཌྜྷ་སརྦ་སཾ་སྐཱ་ར་པ་རི་ཤུདྡྷེ་ཛྙཱ་ན་སིདྡྷི་ཧཱུཾ་སྭཱ་ཧཱ། རྡོ་རྗེ་བཅིངས་པ་བསྐྱེད་བྱ་སྟེ། །སོར་མོ་མཐའ་གཉིས་གཤིབས་ཏེ་བསྒྲེང་། །པདྨའི་འདབ་མ་ཁ་འབྱེད་ཚུལ། །དམ་ཚིག་སྔགས་ཀྱི་འཕྲོ་འདུ་བཅས། །རྡོ་རྗེ་ཁུ་ཚུར་ལས་བྱུང་བའི། །གུང་མོ་མཐེབ་ཆུང་རྩེ་སྦྱར་བསྒྲེང་། །པདྨའི་འདབ་མ་དྲི་མེད་སྤྱན། །ཆོས་རྣམས་ཀུན་གྱི་གནས་ཀུན་གཟིགས། །རང་གི་ལས་བཞིན་བསྐུལ་བྱས་ཏེ། །ལས་ཀྱི་དཀྱིལ་འཁོར་དག་པར་མཛད། །གསུང་གི་དཀྱིལ་འཁོར་རྒྱས་འདེབས་པའི་མཚན་མའོ། །བདེ་གཤེགས་དམ་ཚིག་ཐུགས་ཀྱི་མཆོག །སྐུ་རྣམས་ཡེ་ཤེས་རིགས་ ― DNG013_Page_0295 ―
[མ་དཔེ་གཟིགས་ན་འདིར་གནོན།]
ཀྱི་བདག །དེ་བས་གནས་ཀུན་སྦྱོར་མཛད་པའི། །མི་བསྐྱོད་རྡོ་རྗེ་དཀྱིལ་འཁོར་ཉིད། །ཁ་དོག་རྒྱན་བཅས་ཀུན་རྫོགས་པའོ། །གཙོ་དང་སྤྲུལ་པར་བཅས་པ་དག །རྡོ་རྗེ་དཀྱིལ་འཁོར་གནས་བཞུགས་ཤིང་། །རྡོ་རྗེ་སྐྱིལ་ཀྲུང་མཉམ་སྦྱོར་བས། །རྡོ་རྗེའི་རིགས་རྣམས་གསལ་བྱས་ཏེ། །ཕྱག་རྒྱ་ཆེན་པོ་རྫོགས་པར་འགྱུར། །སྒྲ་ཡི་རྒྱུན་བཅས་ཀུན་སྤྱོད་པའི། །ལྕེ་ལ་རྡོ་རྗེ་རྩེ་ལྔ་ཉིད། །ས་བོན་སྔགས་བཅས་འཕྲོ་འདུ་ཡིས། །ཆོས་ཀྱི་དཀྱིལ་འཁོར་མཉམ་པར་སྦྱོར། །ཨོཾ་བཛྲ་མོ་ཧ་རི་ནི་ཤུཌྜྷ་ས་མཱོ་ཡཱ་སྭཱ་ཧཱ། རྡོ་རྗེ་བཅིངས་པ་ལས་བྱུང་བའི། །གུང་མོ་བསྒྲེང་སྟེ་རྩེ་སྦྱར་ཅིང་། །སོར་མོའི་མཐའ་བཞི་བཀུག་བྱས་པ། །འོད་ཟེར་སྔགས་ཀྱི་སྔགས་ཀུན་སྦྱར། །རང་གི་ཕྱག་རྒྱ་ཀུན་གྱི་གནས། །དམ་ཚིག་ཆེན་པོའི་ཡེ་ཤེས་སྦྱོར། །རྡོ་རྗེ་ཁུ་ཚུར་བསྟན་བྱས་པའི། །སོར་མོའི་རྩེ་རྣམས་ཕྱོགས་བཞིར་གདེངས། །སྣ་ཚོགས་ལས་རྣམས་རྫོགས་བསྐུལ་ཞིང་། །གསང་སྔགས་མཐུན་པའི་དོན་ཀུན་སྦྱོར། །ཐུགས་ཀྱི་དཀྱིལ་འཁོར་རྒྱས་འདེབས་པའི་མཚན་མའོ། །ཐམས་ཅད་ལས་ཀྱིས་སྟོན་མཛད་པའི། །ཕྱག་རྒྱ་ཇི་བཞིན་རྣམ་གསལ་བས། །སྐུ་ཡི་དཀྱིལ་འཁོར་རབ་ཏུ་རྫོགས། །རིགས་ཀྱི་ཚོགས་རྣམས་འབྱུང་བའི་གཙོ། །སྣ་ཚོགས་རྡོ་རྗེའི་གནས་བཞུགས་ཏེ། །སྣ་ཚོགས་རྡོ་རྗེ་ཞབས་མཉམ་སྦྱོར། །ཐབས་དང་ཤེས་རབ་དེ་དག་བསྐུལ། །ལས་ཀྱི་དཀྱིལ་འཁོར་ཡོངས་རྫོགས་པའི། །རྫོགས་པའི་གསང་སྔགས་ཕྲེང་བའི་ཚུལ། །སྣ་ཚོགས་རྡོ་རྗེ་ལ་གནས་པས། །གསང་སྔགས་ཡི་གེ་ཀུན་རྫོགས་ཤིང་། །གནས་ཉིད་རང་གི་མཚན་མའི་རྒྱ། །ཨོཾ་མ་ཧཱ་སུ་ཁ་ཀར་མ་གན་དྷ་རོ་ནི་ཤ་སརྦ་ཧཱུཾ་ཕཊ། དམ་ཚིག་ཕྱག་རྒྱ་བསྟན་པ་ཡི། །འཕྲོ་འདུ་ལས་ཀུན་རྣལ་འབྱོར་པ། །དེ་དག་རྡོ་རྗེ་བསྡམས་པ་ལས། །མཐེ་བོང་བསྣོལ་ཏེ་རྩེ་སྤྲད་ཅིང་། །དེ་བཞིན་གུང་མོ་མཐེའུ་ཆུང་དག །རབ་ཏུ་སྦྱོར་བས་སྣ་ཚོགས་ཉིད། །དམ་ཚིག་དཀྱིལ་འཁོར་ཀུན་གནས་སུ། །རང་རིགས་སྔགས་ཀྱིས་བརྟན་པར་འགྱུར། །རྡོ་རྗེ་ཁུ་ཚུར་བཅས་པ་ལས། །མཐེ་བོང་མཐེབ་ཆུང་གུང་མོ་དག །ལེགས་བསྒྲེང་གཡོན་པས་ ― DNG013_Page_0296 ―
[མ་དཔེ་གཟིགས་ན་འདིར་གནོན།]
ཡུམ་སྦྱོར་བས། །ལས་ཀྱི་དཀྱིལ་འཁོར་ཀུན་རྫོགས་པའི། །རིགས་བཅས་ཀུན་བསྐུལ་བར་བྱེད། །ཕྲིན་ལས་ཀྱི་དཀྱིལ་འཁོར་རྒྱས་འདེབས་པའི་མཚན་མའོ། །སྔགས་འདི་རྣམས་ཡིག་ནོར་རྒྱུན་འབྱམས་མང་བ་དཔྱད་དགོས། ཨོཾ་རཏྣ་སྭཱ་ཏཱ་བ་ད་ཁར་ནིར་ཏི་སྭཱ་ཧཱ། ཨོཾ་གུ་ཎ་བཛྲ་དྷ་ར་ཧཱིས་མོ་ཡ་ཧཱུཾ།ཨོཾ་བཛྲ་དྷ་ར་ཡ་མི་མ་ཧཱ་སུ་གི་སྭཱ་ཧཱ། ཨོཾ་གུཎ་སུ་ཏ་ཏ་ཐཱ་ག་ཏོ་བ་ར་ཧྲི་ཧཱུཾ། ཨོཾ་གུ་ཎ་མ་རཱ་ག་སི་ག་སན་ཏི་སྭཱ་ཧཱ། ཨོཾ་གུ་ཎ་པདྨོ་དྷ་ར་བ་ནི་ཧཱུཾ། ཨོཾ་མ་ཧཱ་སུ་རྱ་བི་ད་ར་སྭཱ་ཧཱ། ཨོཾ་གུ་ཎ་ཀར་མ་བ་བུརྟ་ཧཱུཾ། ཨོཾ་དྷར་མ་ད་ར་ས་མུ་ཀ་ཧཱུཾ་སྭཱ་ཧཱ།ཨོཾ་གུ་ཎ་སྭཱ་ས་ཀ་ར་བཛྲ་ཧཱུཾ། མ་ཧཱ་ཙན་ད་ནི་ཀ་ར་སྭཱ་ཧཱ། ཨོཾ་གུ་ཎ་བི་ཀྲ་ན་བཛྲ་ཧཱུཾ། མ་ཧཱ་ཨ་ཏུ་ལ་སྭཱ་ཧཱ། ཨོཾ་གུ་ཎ་སི་བརྟ་བཛྲ་ཧཱུཾ། མ་ཧཱ་བི་དྷ་ཛ་ར་ཀ་སྭཱ་ཧཱ།ཨོཾ་གུ་ཎར་བ་ས་བཛྲ་ཧཱུཾ། མ་ཧཱ་ཏེ་ཛ་སྭཱ་ཧཱ། ཨོཾ་གུ་ཎ་ས་མོ་ཧཾ་ཙཀྲ་ཧཱུཾ། མ་ཧཱ་བྱ་གྲི་ས་ལ་སྭཱ་ཧཱ། ཨོཾ་གུ་ཎ་ར་ཙ་ཙ་ཏྲ་ཧཱུཾ། མ་ཧཱ་ཏེ་ཧི་སྭཱ་ཧཱ། ཨོཾ་གུ་ཎ་ཨ་མྲྀ་ཏ་ཙཀྲ་ཧཱུཾ། མ་ཧཱ་དུ་ཤ་སྭཱ་ཧཱ། ཨོཾ་གུ་ཎ་ས་ཀ་ར་ཡ་ཙ་ཏྲ་ཧཱུཾ། མ་ཧཱ་བི་ཤྭ་རི་སྭཱ་ཧཱ། ཨོཾ་གུ་ཎ་རཱ་ག་སུ་ད་པདྨོ་ཧཱུཾ། མ་ཧཱ་བི་དྷ་སྭཱ་ཧཱ། ཨོཾ་གུ་ཎ་ཀ་རོ་རྟ་པདྨ་རྟ་ཧཱུཾ།ཨོཾ་གུ་ཎ་ཁ་ཀ་པད་མོ་ཧཱུཾ། མ་ཧཱ་ན་གུད་ཐ་སྭཱ་ཧཱ། ཨོཾ་གུ་ཎ་སཾ་བུད་ཏ་པདྨོ་ཧཱུཾ།མ་ཧཱ་བུ་ཏི་སྭཱ་ཧཱ། ཨོཾ་གུ་ཎ་ཙན་དྷི་ཀར་མ་ཧཱུཾ། མ་ཧཱ་གན་དྷ་ར་སྭཱ་ཧཱ། ཨོཾ་གུ་ཎ་མུ་ཏྲ་ག་ཀར་མ་ཧཱུཾ། མ་ཧཱ་སྤྱིད་ཏ་སྭཱ་ཧཱ། ཨོཾ་གུ་ཎ་མི་ལོ་ག་ཀ་ར་ཧཱུཾ། མ་ཧཱ་ཨུད་སིད་ཐྱ་སྭཱ་ཧཱ། ཨོཾ་གུ་ཎ་ཏྲི་བི་ཤྭ་ཀར་མ་ཧཱུཾ། མ་ཧཱ་ཀུ་མུ་རི་སྭཱ་ཧཱ། ཨོཾ་གུ་ཎ་ལཱ་སྱེ་ཧཱུཾ། ཨོཾ་གུ་ཎ་ས་མཱ་ལེ་ཧཱུཾ། ཨོཾ་གུ་ཎ་གཱིརྟི་ཧྲི། ཨོཾ་གུ་ཎ་ནཱིར་ཏི་ཨཱ། ཨོཾ་གུ་ན་དྷཱུ་པེ་ཧཱུཾ། གུ་ན་པུཥ྇་ཏཱཾ། གུ་ཎ་ཨ་ལོ་ཀེ་ཧྲཱྀཿ། ཨོཾ་གུ་ཎ་གན་དྷི་ཨ། ཨོཾ་གུ་ཎ་ཀི་ཏ་བཛྲ་ད་ར་བ་ནི་ཧཱུཾ། མ་ཧཱ་གུ་ཎ་ཨཾ་ཀུ་ཤ་ཛཿསྭཱ་ཧཱ། ཨོཾ་རཏྣ་སི་སོ་ཏ་རཏྣ་ར་ཏི་ཧཱུཾ། མ་ཧཱ་གུ་ཎ་པཱ་ཤ་ཧཱུཾ་སྭཱ་ཧཱ། ཨོཾ་རཏྣ་པད་མ་བ་དི་ཏྱ་ཁད་ཀ་ཧཱུཾ།མ་ཧཱ་གུ་ཎ་སྥོ་ཊ་བཾ་སྭཱ་ཧཱ། ཨོཾ་རཏྣ་ཨ་མྲྀ་ཏ་སུ་ཀ་ཡ་ཀར་མ་ཧཱུཾ། མ་ཧཱ་གུ་ཎ་གན་དྷི་ཧོ་སྭཱ་ཧཱ། ཡོན་ཏན་རིན་པོ་ཆེའི་སྔགས་རྫོགས་སོ། །ཨོཾ་སརྦ་ཏ་ཐཱ་ག་ཏ་ཤྲི་བཻ་རོ་ཙ་ན་ཧཱུཾ། མ་ཧཱ་ར་ཏི་ས་མ་ཡ་སྟྭམ། ཨོཾ་སརྦ་ཏ་ཐཱ་ག་ཏ་བཛྲ་ཨཀྵོ་བྷྱ་ཧཱུཾ། བཛྲ་ཏེ་ཤ་ས་མ་ཡ་སྟྭམ། ― DNG013_Page_0297 ―
[མ་དཔེ་གཟིགས་ན་འདིར་གནོན།]
ཨོཾ་སརྦ་ཏ་ཐཱ་ག་ཏ་རཏྣ་སྭཱ་བྷཱ་ཝ་ཧཱུཾ། རཏྣ་རཱ་ག་ར་ཏི་ས་མ་ཡ་སྟྭམ། ཨོཾ་སརྦ་ཏ་ཐཱ་ག་ཏ་ཨ་མི་དྷི་ཝ་ཧཱུཾ། པདྨ་རཱ་ག་ར་ཏི་ས་མ་ཡ་སྟྭཾ།ཨོཾ་སརྦ་ཏ་ཐཱ་ག་ཏ་ཨ་མོ་གྷ་སིདྡྷི་ཧཱུཾ། ཀརྨ་རཱ་ག་ར་ཏི་ས་མ་ཡ་སྟྭཾ། ཨོཾ་བཛྲ་སཏྭ་ཧཱུཾ། ཨོཾ་རཱ་ཛ་ཧཱུཾ། ཨོཾ་བཛྲ་རཱ་ག་ཧཱུཾ། ཨོཾ་བཛྲ་སཱ་དྷུ་ཧཱུཾ། ཨོཾ་བཛྲ་རཏྣ་ཏྲཱཾ། ཨོཾ་བཛྲ་ཏེ་ཛྭ་ཏྲཱཾ། ཨོཾ་བཛྲ་ཀེ་ཏུ་ཏྲཱཾ། ཨོཾ་བཛྲ་ཧ་ས་ཏྲཱཾ། ཨོཾ་བཛྲ་དྷརྨ་ཧྲཱྀཿ། ཨོཾ་བཛྲ་ཏཱིཀྵྞ་ཧྲཱྀཿ། ཨོ་བཛྲ་ཙཀྲ་ཧྲཱྀཿ། ཨོཾ་བཛྲ་བཱ་ག་ཧྲཱྀཿ། ཨོཾ་བཛྲ་ཡཀྵ་ཧོ། ཨོཾ་བཛྲ་ཀརྨ་ཧཾ། ཨོཾ་བཛྲ་རཀྵ་ཧཾ། ཨོཾ་བཛྲ་མུ དྨཽ་ཧཾ། ཨོཾ་སརྦ་ཏ་ཐཱ་ག་ཏ་བཛྲ་ཨོཾ། ཨོཾ་སརྦ་ཏ་ཐཱ་ག་ཏ་རཏྣ་ཨོཾ། ཨོཾ་སརྦ་ཏ་ཐཱ་ག་ཏ་པདྨ་ཨོཾ། ཨོཾ་སརྦ་ཏ་ཐཱ་ག་ཏ་ཀརྨ་ཨོཾ། ཨོཾ་ཙཀྲ་ལཱ་སྱེ་ཧཱུཾ། ཨོཾ་ཙཀྲ་མཱ་ལེ་ཏྲཾ། ཨོཾ་ཙཀྲ་གཱིར་ཏི་ཧྲི། ཨོཾ་ཙཀྲ་ནཱིར་ཏི་ཨ། ཨོཾ་ཙཀྲ་དྷཱུ་པེ་དྷཱུ། ཨོཾ་ཙཀྲ་པུཥ྇་པུ། ཨོཾ་ཙཀྲ་ཨཱ་ལོ་ཀེ་ཧྲཱྀཿ། ཨོཾ་ཙཀྲ་གནྡྷེ་གན། ཨོཾ་ཡ་མཱན་ཏ་ཀ་ཧཱུཾ། བཛྲ་མ་ཧཱ་ཤྲཱི་ཨ་མུ་ཀ་སྭཱ་ཧཱ། ཨོཾ་མ་ཧཱ་བ་ལ་ཧཱུཾ། ཨོཾ་མ་ཧཱ་རཏྣ་ས་མ་ཡ་སྭཱ་ཧཱ། ཨོཾ་ཧ་ཡ་གྲཱི་ཝ་ཧཱུཾ། མ་ཧཱ་པདྨ་བི་ག་ར་སྭཱ་ཧཱ། ཨོཾ་ཨ་མྲྀ་ཏ་ཀུཎྜ་ལི་ཧཱུཾ། མ་ཧཱ་ཀརྨ་རཾ་པ་ནི་སྭཱ་ཧཱ། དེ་བཞིན་གཤེགས་པའི་རིགས་ཀྱི་དཀྱིལ་འཁོར་རྒྱ་ཆེན་པོའི་གསང་སྔགས་རྫོགས་སོ། །ཨོཾ་པདྨ་མ་ཧཱ་སུ་ཁ་ཀ་ར་ཀ་ར་ཧཱུཾ་དུམ་སྭཱ་ཧཱ། ཨོཾ་མ་ཧཱ་སིདྡྷི་ཨ་ནན་ཏ་ས་མུ་ར་སྭཱ་ཧཱ། ཨོཾ་པད་མ་ཙཀྲུ་བཛྲ་ད་ར་ནི་ཧཱུཾ། མ་ཧཱ་སིདྡྷི་གུ་རུ་རཱ་ག་སྭཱ་ཧཱ། ཨོཾ་པདྨ་སང་ག་ར་ཙ་ཏྲ།མ་ཧཱ་ས་མུ་ཀ་ཙན་དེ་ཤྭ་རི་སྭཱ་ཧཱ། ཨོཾ་པདྨ་རཏྣ་བྷན་དྷ་རྱ་ནི་ཤུ་ལ་ཧཱུཾ། མ་ཧཱ་སིདྡྷི་ཙཀྲུ་ནེ་སྭཱ་ཧཱ། ཨོཾ་པདྨ་དྷ་ར་ཀརྨ་སིདྡྷི་ཧཱུཾ། མ་ཧཱ་ག་ག་ན་ཨ་མ་ལ་སྭཱ་ཧཱ།ཨོཾ་པད་མ་ཧཱ་ར་ག་ཧཱུཾ། ཨོཾ་ནི་དན་དྷ་སུརྱ་ཧཱུཾ། འདི་ནང་སྔགས་ཚན་གཉིས་མ་ཚང་། ཨོཾ་པད་མོ་ཀསྨ་ར་ཧཱུཾ། པད་མོ་བ་ཡང་གུ་ཧཱུཾ། ཨོཾ་པད་མ་ནཱ་ལཾ་པ་ནི་ཏྲཾ། ཨོཾ་པདྨ་གཉའ་ན་བ་མོ་ད་ཏ་ཏྲཾ། ཨོཾ་པདྨ་ས་ར་ཡ་ནི་ཏྲཾ། ཨོཾ་པདྨ་དྷ་མ་སོ་ཁྱ་ཧྲི། ཨོཾ་པདྨ་ཙནྜ་ར་ཁ་ཧྲི། ཨོཾ་པདྨ་བི་སྐ་ལ་སཾ་བ་ཧྲི། ཨོཾ་པདྨ་ཀརྨ་སུ་ཡ་ཧ། ཨོཾ་པདྨ་ཏ་ཐཱ་ག་ཏོ་རྟ་རེ་ཧ། ཨོཾ་པདྨ་བི་སྤུ་ཏ་མང་ག་ལ་ཧ། ཨོཾ་པད་མ་ཧ་ནན་གར་པརྟ། ཨོཾ་དྷརྨ་ཏ་ལཱ་སྱེ་ཧཱུཾ། ཨོཾ་དྷརྨ་མཱ་ལེ་ཏྲཾ། ཨོཾ་དྷརྨ་གཱིར་ཏི་ཧྲི། ཨོཾ་དྷརྨ་ནིར་ཏི་ཨ། ― DNG013_Page_0298 ―
[མ་དཔེ་གཟིགས་ན་འདིར་གནོན།]
ཨོཾ་དྷརྨ་དྷཱུ་པེ་དྷཱུ། ཨོཾ་དྷརྨ་པུཥ་པུ། ཨོཾ་དྷརྨ་ཨཱ་ལོ་ཀེ་ཧྲཱྀ། ཨོཾ་དྷརྨ་གནྡྷེ་གན། ཨོཾ་ཡ་མཱན་ཏ་ཀ་ཧཱུཾ། མ་ཧཱ་བཛྲ་ཨཾ་ཀུ་ཤ་སྭཱ་ཧཱ། ཨོཾ་མ་ཧཱ་བ་ལ་ཧཱུཾ། མ་ཧཱ་རཏྣ་པཱ་ཤ་ཧཱུཾ། ཨོཾ་ཧ་ཡ་གྲཱི་བ་ཧཱུཾ། མ་ཧཱ་པདྨ་སྥོ་ཊ་བཾ་སྭཱ་ཧཱ། ཨོཾ་ཨ་མྲྀ་ཏ་ཀུནྡྷི་ལི་ཧཱུཾ། མ་ཧཱ་དྷརྨ་གྷཎྜ་ཧོ་སྭཱ་ཧཱ། པདྨའི་རིགས་གསུང་གི་དཀྱིལ་འཁོར་རྒྱ་ཆེན་པོའི་སྔགས་རྫོགས་སོ། །ཨོཾ་ཧཱུཾ་བཛྲ་དྷྲྀཀ །མཱུཾ་དྷཱ་ཏྭཱི་ཤྭ་རི་ཧཱུཾ། ཨོཾ་ཛི་ན་ཛིག །ལཱཾ་དྭེ་ཥ་ར་ཏི། ཨོཾ་སྭཱ་རཏྣ་དྷྲྀཀ །མཱཾ་མོ་ཧ་ར་ཏི་ཏཱཾ་སྭཱ་ཧཱ། ཨོཾ་ཨཱཾ་ཨཱ་རོ་ལྀཀ་སྱཾ་རཱ་ག་ར་ཏི་ཨཱཾ་སྭཱ་ཧཱ། ཨོཾ་ཧཱ་པྲཛྙཱ་དྷྲྀཀ །ཏཱཾ་བཛྲ་ར་ཏི་ཧཱ་སྭཱ་ཧཱ། ཨོཾ་ཀྵིཾ་ཧི་རཱ་ཛཱ་ཡ་ཧཱུཾ། ཏྲཱཾ་ཨཱ་གརྦྷ་ཡ་ཧཱུཾ། ཧྲཱྀཿཔདྨ་པཱ་ད་མ་ཧཱུཾ། ཛིཾ་ཀུ་རུ་པཱ་ཎ་ཡ་ཧཱུཾ། མཻ་དྷ་རཱ་ཡ་ཧཱུཾ། ་ནིསྶ་རཾ་བྷཱ་ཡ་ཧཱུཾ། ཧཱུཾ་ས་ར་ཛཱ་ཡ་ཧཱུཾ། མུ་ཤྲཱི་ཨཱཾ་རཱ་གཱ་ཡ་ཧཱུཾ། ཧཱུཾ་བཛྲ་ལཱ་སྱེ་ཧཱུཾ། ཧཱུཾ་བཛྲ་མཱ་ལེ་ཏྲཱཾ། ཧཱུཾ་བཛྲ་གཱི་ར་ཏི་ཧྲཱྀཿ། ཧཱུཾ་བཛྲ་ནིར་ཏི་ཨ།ཧཱུཾ་བཛྲ་དྷཱུ་པེ་ཧཱུཾ། ཧཱུཾ་བཛྲ་པུཥ྇་ཏྲཱཾ། ཧཱུཾ་བཛྲ་ཨཱ་ལོ་ཀེ་ཧྲཱྀཿ། ཧཱུཾ་བཛྲ་གནྡྷེ་ཧོཿ།ཨོཾ་བཛྲ་ཡ་མཱན་ཏ་ཀྲྀཏ་ཧཱུཾ། མ་ཧཱ་བཛྲ་ཨཾ་ཀུ་ཤ་ཛ། ཨོཾ་རཏྣ་བིགྷྣཱཾ་ཏ་ཀྲྀཏ་ཧཱུཾ།མ་ཧཱ་རཏྣ་པཱ་ཤ་ཧཱུཾ། ཧཱུཾ་པདྨ་པདྨ་ཏཀྲྀཏ་ཧཱུཾ། མ་ཧཱ་པདྨ་སྥོ་ཊ་བཾ། ཧཱུཾ་ཀརྨ་པྲཛྙཱནྟ་ཀྲྀཏ་ཧཱུཾ། མ་ཧཱ་ཀརྨ་གྷནྜེ་ཧོ། རྡོ་རྗེ་རིགས་ཀྱི་དཀྱིལ་འཁོར་རྒྱ་ཆེན་པོའི་སྔགས་རྫོགས་སོ། །ཨོཾ་ཤྲི་བི་ཤྭ་ཙན་དྷ་མ་གུ་ཏ་ར་ཧཱུཾ་སྭཱ་ཧཱ། མ་ཧཱ་སུ་ཁ་བ་དྷ་ཤུ་ས་ན་སྭཱ་ཧཱ། ཨོཾ་བི་ཤྭ་བཛྲ་དྷ་རོད་མ་ཧཱ་རུ་པ་ནི་ཧཱུཾ། བཛྲ་སུརྱ་ཀ་མ་ལ་མ་ཀུ་ཏ་ཡ་སྭཱ་ཧཱ། ཨོཾ་བི་ཤྭ་རཏྣ་ཨ་ཀ་ཏ་སིདྱ་ནི་ར་ཧཱུཾ། མ་ཧཱ་རཏྣ་མུ་ཤྭ་རི་སྭཱ་ཧཱ། ཨོཾ་བི་ཤྭ་པདྨ་དྷ་ར་མ་སྭ་བྷཱ་ཝ་ཧཱུཾ། མ་ཧཱ་པདྨ་དྷཱ་རི་ཎི་སྭཱ་ཧཱ། ཧཱུཾ་བི་ཤྭ་འབུ་ཏ་མ་བུ་དྷ་ར་ཧཱུཾ། མ་ཧཱ་ཙན་དྷི་ཧྱ་ཤྭ་རི་སྭཱ་ཧཱ། ཨོཾ་བཛྲ་སན་ཏེ་སཾ་བ་ར་ཧཱུཾ། ཨོཾ་བཛྲ་རཱ་ཙ་མ་ནི་ཤྭ་ར་ཧཱུཾ། ཨོཾ་བཛྲ་དུ་ཀ་སྡི་ར་ཡ་ཀ་ནི་ཧཱུཾ། ཨོཾ་བཛྲ་ཨ་མུ་ཀ་ག་ལི་ཧཱུཾ།ཨོཾ་བཛྲ་ཀརྨ་ཨུ་མི་ཤྭ་ཧཱུཾ། ཨོཾ་བི་ཤྭ་ལཱ་སྱེ་ཧཱུཾ། ཨོཾ་བི་ཤྭ་མཱ་ལེ་ཏྲཱཾ། ཨོཾ་བི་ཤྭ་གཱིར་ཏི་ཧྲཱྀཿ། ཨོཾ་བི་ཤྭ་ནིར་ཏི་ཨ། བི་ཤྭ་དྷཱུ་པེ་དྷུ། བི་ཤྭ་པུཥ྇་བུ། བི་ཤྭ་ཨཱ་ལོ་ཀེ་ཧྲཱྀཿ། བི་ཤྭ་གནྡྷེ་གན། ཨོཾ་བི་ཤྭ་ཨ་མུ་ཀ་ཡ་མཱན་ཏ་ཀ་ཧཱུཾ། ཨཾ་ཀུ་ཤ་ཧཱུཾ་ཛཿ ཨོཾ་བི་ཤྭ་མ་ ― DNG013_Page_0299 ―
[མ་དཔེ་གཟིགས་ན་འདིར་གནོན།]
ཧཱ་པ་ལ་ཧཱུཾ། པཱ་ཤ་ཧཱུཾ་ཏྲཱཾ། ཨོཾ་བི་ཤྭ་ཧ་ཡ་གྲཱི་བ་ཧཱུཾ། སྥོ་ཊ་བཾ་ཧྲཱྀཿ ཨོཾ་བི་ཤྭ་ཨ་མྲྀ་ཏ་ཀུཎྜ་ལི་ཧཱུཾ། གྷཎྜ་ཧོ་ཧཱ། ལས་ཀྱི་རིགས་ཀྱི་ཕྲིན་ལས་ཀྱི་དཀྱིལ་འཁོར་རྒྱ་ཆེན་པོའི་གསང་སྔགས་རྫོགས་སོ། །སངས་རྒྱས་ཀུན་གྱི་སྐུ་གསུང་ཐུགས། །རང་གི་ཕྱག་རྒྱ་སྔགས་དང་བཅས། །ཉི་ཟླ་པདྨ་ལ་གནས་པའི། །འཕྲོ་འདུ་གནས་གསུམ་བརྟན་པར་འགྱུར། །ཨོཾ་ན་མཿསརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་ན་མཿསརྦ་ཏ་ཐཱ་ག་ཏ་བཱ་ཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་ན་མཿསརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཆོས་དབྱིངས་ཡེ་ཤེས་གཉིས་མེད་པའི། །ཐབས་དང་ཤེས་རབ་མཉམ་སྦྱོར་བས། །ཕྱོགས་བཅུའི་དཀྱིལ་འཁོར་མཉེས་མཛད་ཅིང་། །ཡབ་ཡུམ་དགའ་བདེ་གནས་གསལ་གྲུབ། །ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭཱ་བྷཱ་ཝ་ཨཱདྨ་ཀོ྅ཧཾ། ཕྱོགས་བཅུའི་དཀྱིལ་འཁོར་ཀུན་ཁྱབ་མཛད། །ཐམས་ཅད་རྣམ་པར་སྤྲུལ་པའི་ཚོགས། །ཕྱི་ནང་གསང་བ་རྒྱ་ཆེན་པོའི། །མཆོད་པ་ཀུན་གྱི་མཉེས་པར་སྤྲོ། །ཨོཾ་ན་མཿསརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཐམས་ཅད་གཉིས་མེད་བྱང་ཆུབ་སེམས། །རང་བཞིན་སྤྲོས་བྲལ་ཡེ་ཤེས་ཆེ། །དུས་གསུམ་རྣམ་པར་གསལ་བྱེད་པའི། །དམིགས་པའི་མཚན་རྟོག་ཡུལ་ལས་འདས། །ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། རང་བཞིན་བྱང་སེམས་ཐུགས་རྗེའི་དངོས། །ཁམས་གསུམ་འོད་ཀྱིས་གསལ་མཛད་པའི། །གཉིས་མེད་བདེ་བ་ཆེན་པོའི་མཆོག །ནམ་མཁའ་སྤྲིན་ལས་གློག་བཞིན་བྱུང་། །ཨོཾ་དྷརྨ་དྷཱ་ཏུ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། འདི་དག་རྣམ་ཀུན་ཡེ་ཤེས་ཉིད། །ཕྱོགས་བཅུའི་དཀྱིལ་འཁོར་མཐའ་ཡས་པ། །ཐུགས་རྗེ་དཀྱིལ་འཁོར་སྒྲིབ་མེད་པའི། །མཐུ་ལས་བརྟན་གཡོ་རྣམ་པར་འཕྲུལ། །ཐམས་ཅད་དོན་ཀུན་འབྱུང་བྱེད་པའི། །རྐྱེན་གྱི་གསང་སྔགས་ཕྱག་རྒྱ་ཉིད། །རིགས་ཀྱི་དཀྱིལ་འཁོར་རྣམ་དག་པས། །དོན་ཀུན་གསལ་བ་འདི་ཉིད་དོ། །བྷྲཱུཾ་བི་ཤྭ་བི་ཤུདྡྷེ་ཙཀྲ་མ་དྷ་ལ་ཀརྨ་རག་ཤ་ཧཾ། ཨོཾ་ཙཀྵུ་མ་དྷ་ལ་ཧཱུཾ། རྡོ་རྗེ་བསྡུས་པའི་དཀྱིལ་ ― DNG013_Page_0300 ―
[མ་དཔེ་གཟིགས་ན་འདིར་གནོན།]
འཁོར་གྱིས། །རིགས་ཀྱི་སངས་རྒྱས་ཀུན་སྦྱོར་ཞིང་། །ཐམས་ཅད་གཉིས་མེད་ཆོས་ཀྱི་དབྱིངས། །རང་བཞིན་མ་བཅོས་མཐའ་ལས་འདས། །སྙིང་གའི་རྟེན་ཡིག་རྣམ་སྤྲོས་པས། །ཕྱོགས་བཅུའི་རྡོ་རྗེ་མཚོན་ཆའི་ཚོགས། །མེ་འོད་འཕྲོས་པ་རྣམ་པར་འཁྲིགས། །རྡོ་རྗེའི་ར་བ་ས་གཞི་དང་། །གུར་དག་གནས་ནས་གཏམས་བྱས་པས། །ཁྲོ་བོའི་ཚོགས་བཅས་འཁྲུགས་པའོ། །རང་སེམས་ཟླ་བ་རྒྱས་པ་ལས། །འོད་ཟེར་ཡི་གེ་གནས་བྱས་པས། །ཞིང་ཁམས་ཆེན་པོ་དག་བྱས་ཏེ། །བྱང་ཆུབ་སེམས་ཀྱི་ངོ་བོ་ཉིད། །ཐུགས་རྗེ་ཉི་མ་ལ་གནས་པའི། །འོད་ཟེར་རྣམ་གསུམ་ཀུན་གསལ་ཞིང་། །ཡི་གེའི་གང་བའི་ཚོགས་བཅས་རྣམས། །བྱང་ཆུབ་སེམས་ཉིད་ཡེ་ཤེས་སྐུ། །རྟེན་དང་བརྟེན་བཅས་འཁོར་ལོ་བཞི། །དོན་ཀུན་ཡེ་ཤེས་ཆེན་པོའི་ཚོགས། །ངོ་བོ་གཉིས་མེད་བརྟན་བྱས་པས། །རིགས་ཀྱི་ཞིང་ཁམས་ཀུན་ཏུ་སྦྱོར། །དེ་དག་གཉིས་མེད་བརྟན་པའི་མཐུས། །མཚན་མའི་ཡི་གེ་སྔགས་དང་བཅས། །རིགས་ཀྱི་དཀྱིལ་འཁོར་གསལ་བྱེད་ཅིང་། །ཕྱག་རྒྱའི་དཀྱིལ་འཁོར་རྫོགས་པར་བསྐྱེད། །སངས་རྒྱས་ཀུན་གྱིས་དབང་བསྐུར་ཞིང་། །བྱིན་རླབས་བརྟན་པས་གནས་ཀུན་སྦྱོར། །རིགས་མཐུན་རིགས་དང་འཁྲིལ་བའི་སྐུ། །ཡེ་ཤེས་རྣམ་པར་གསལ་བའི་ཡུམ། །ཆོས་རྣམས་ཐམས་ཅད་རྣམ་པར་དག །བྱང་ཆུབ་སེམས་ཉིད་གང་བྱུང་བའི། །དཀྱིལ་འཁོར་དཀྱིལ་འཁོར་གནས་ལོངས་སྤྱོད། །དཀྱིལ་འཁོར་ཀུན་གྱི་དཀྱིལ་འཁོར་རྫོགས། །རྒྱུ་དང་འབྲས་བུ་རིགས་མཐུན་པའི། །སྤྲུལ་བཅས་ཀུན་ཏུ་རྣམ་སྤྱོད་པ། །དེ་དག་རང་བྱུང་དཀྱིལ་འཁོར་གཙོ། །ཐམས་ཅད་སྐྱོང་བྱེད་རྒྱུ་འབྲས་ཉིད། །རྣལ་འབྱོར་ཀུན་ཏུ་སྦྱོར་བའི་མཐུས། །རིགས་ཀྱི་དཀྱིལ་འཁོར་ཐམས་ཅད་རྫོགས། །དེ་དག་དེ་ལས་དེ་སྣང་བས། །ངོ་བོ་ཉིད་ཀྱི་རང་བཞིན་ནོ། །དམ་ཚིག་དཀྱིལ་འཁོར་མཉམ་སྦྱོར་བས། །དམ་ཚིག་གསུམ་གྱི་གནས་རྫོགས་འགྱུར། །ཡེ་ཤེས་དཀྱིལ་འཁོར་ ― DNG013_Page_0301 ―
[མ་དཔེ་གཟིགས་ན་འདིར་གནོན།]
སྤྱན་དྲངས་ཤིང་། །གཉིས་མེད་བརྟན་པའི་ཕྱག་རྒྱ་ཆེ། །ཨོཾ་ཨེ་ཧྱེ་ཧི་བྷ་ག་བཱན་མ་ཧཱ་ཀ་རུ་ཎཱི་ཀ་དྲྀ་ཤྱ་ཧཾ། ས་མ་ཡ་སྟྭཾ། ཛཿཧཱུཾ་བཾ་ཧོཿ། བཛྲ་ས་མ་ཡ་ཧོཿ། གཉིས་མེད་སྦྱོར་བ་ཆེན་པོའི་མཆོག །ཕྱག་རྒྱ་སྔགས་ཀྱི་སྐུ་སྦྱོར་ཅིང་། །དཀྱིལ་འཁོར་ལྷ་རྣམས་བརྟན་བྱས་པས། །བདུད་རྩིའི་གནས་ཆེན་དོན་སྦྱོར་གྲུབ། །ཐོག་མར་གཉིས་མེད་སྦྱར་བའི་ཚོགས། །བྱང་ཆུབ་མཆོག་ཏུ་སེམས་བསྐྱེད་པས། །གྲོལ་བའི་ཆོས་ཀུན་ལ་སྤྱོད་དེ། །དཀྱིལ་འཁོར་གསང་བས་ཡང་དག་འཇུག །ལེགས་པར་སྤྱོད་པའི་ཆོ་ག་ཡིས། །གནས་ཀུན་དག་པར་སྦྱངས་བྱས་པས། །ལྷ་དང་རྫས་མཆོག་ལྷག་གནས་ཤིང་། །ཡང་དག་རྫོགས་པའི་ཆོ་གས་སྤྱད། །མི་སྤང་བ་དང་དང་དུ་བླང་། །སྤྱད་པའི་དམ་ཚིག་བཅོ་ལྔ་བསྲུང་། །ཤེས་བྱ་བསྒྲུབ་ལྔ་བསྲུང་བ་གསུམ། །ཉི་ཤུ་རྩ་བརྒྱད་གཙོ་བོ་མཆོག །སྟོང་རྩ་བརྒྱད་དུ་རྣམ་སྤྲོས་པས། །ཐམས་ཅད་དོན་ཀུན་རྫོགས་པར་རྫོགས། །རང་བཞིན་མ་བཅོས་གཉིས་མེད་ཆོས། །དེ་དག་དམ་ཚིག་ཆེན་པོའི་གཞི། །བཞི་པོ་རྫོགས་ནས་ཀུན་ཏུ་བཟང་། །ཐབས་ཀྱི་ཐེག་པ་བླ་མེད་པའོ། །ཞི་རྒྱས་དབང་དང་མངོན་སྤྱོད་དང་། །མནན་བཟློག་དྲུག་གི་གཅིག་ཏུ་སྦྱར། །ཁྲུ་ཚད་བཞི་དང་ལྡན་པ་ལ། །བཞིན་བཟང་མིག་གི་དཀྱུས་ཀྱང་རིང་། །སྟོད་སྨད་ཕྱེད་ལ་སྐེད་པ་ཕྲ། །ཚིགས་པ་ཟླུམ་ཞིང་སོར་མོ་རིང་། །ཡོན་ཏན་འོད་ཅན་བཅུ་གཉིས་ལོན། །ཡེ་ཤེས་རིགས་ཅན་ཡིན་པས་ན། །ཐམས་ཅད་འགྲུབ་བྱེད་གཟུངས་ཀྱི་མཆོག །བཅུ་གསུམ་རྡོ་རྗེའི་རིགས་སུ་འགྲུབ། །དགའ་ཞིང་མདོག་དཀར་སྔགས་དང་ལྡན། །བཅུ་དྲུག་སྔགས་པས་ངེས་འགྲུབ་གནས། །རིན་ཆེན་རིགས་མཆོག་ཡིན་པར་བཤད། །ཉི་ཤུ་རྩ་གཅིག་པདྨའི་རིགས། །སྤྱན་རས་གཟིགས་དབང་རྟ་མཆོག་གནས། །ཉི་ཤུ་རྩ་ལྔ་ལ་སོགས་དག །ཀུན་ཏུ་ལས་རྣམས་སྤྱོད་མཁས་པས། །ཐོགས་མེད་བྱང་ཆུབ་སེམས་ཕྱོགས་འདྲེན། །ལས་ཀྱི་རིགས་ཚོགས་ཐམས་ཅད་འགྲུབ། །སུམ་ཅུ་རྩ་གཉིས་ཚུན་ཆད་ཀྱི། །མཚན་ལྡན་དགེ་བའི་སེམས་ ― DNG013_Page_0302 ―
[མ་དཔེ་གཟིགས་ན་འདིར་གནོན།]
འཕེལ་ཞིང་། །ཡིད་འོང་གྲོགས་ཀྱི་དམ་པ་སྟེ། །དེ་བཞིན་རིགས་ཀུན་འགྲུབ་པར་བྱེད། །བདེ་ཆེན་འདུ་འབྲལ་མེད་པའི་གཟུངས། །རིགས་རྣམས་ལྷ་མོ་གང་བསྙེན་དག །ཕྱི་ནང་ཁྲུས་བྱས་དྲི་ཡིས་བྱུག །གོས་དང་རྒྱན་གྱིས་རབ་ཏུ་མཛེས། །ཛཱ་ཏི་ཕ་ལ་གུ་རུ་རྩེ། །ཀ་ཀོ་ལ་དང་ག་པུར་དང་། །ཨ་ཀ་རུ་དང་དུ་རུ་ཀ །གི་ཝཾ་གླང་པོའི་སྤོས་རྣམས་ཀྱིས། །ལུས་དང་ཁ་སོགས་བསྒོ་བྱས་ཏེ། །རིན་ཆེན་མེ་ཏོག་ཕྲེང་བས་བརྒྱན། །རས་འཇམ་དར་སྟན་ལ་སོགས་པས། །ཕྱོགས་རྣམས་ཀུན་ཏུ་རྣམ་པར་བཀླུབས། །གསེར་གྱི་རྣ་ཆ་གདུབ་སྐོར་དང་། །དོ་ཤལ་དཔུང་རྒྱན་སེ་མོ་དོ། །རིན་ཆེན་སྣ་ཚོགས་རྒྱན་རྣམས་ཀྱིས། །རིགས་ཀྱི་ལྷ་མོའི་ཚུལ་བཞིན་བརྒྱན། །ཇི་བཞིན་བདེ་བའི་སྟན་དག་ལས། །གཡོན་ཕྱོགས་དག་ཏུ་གཞག་པར་བྱ། །བསྙེན་པ་དང་ནི་ཉེ་བསྙེན་དང་། །སྒྲུབ་པ་དང་ནི་སྒྲུབ་ཆེན་པོའི། །དཀྱིལ་འཁོར་འདོམ་གང་གྲུ་བཞི་ལ། །འཕང་དུ་སོར་བཞིའི་ཚད་དུ་སྟོན། །བདུད་རྩི་ལྔ་སོགས་རྫས་ཀྱིས་བྱུག །ཤ་ཆེན་གུ་གུལ་སྤོས་ཀྱིས་བདུག །དཀྱིལ་འཁོར་དེ་ལ་མངོན་ཕྱོགས་ཏེ། །ཐབས་དང་ཤེས་རབ་གསལ་བར་བསྒོམ། །སྤྱི་བོར་ཨོཾ་དཀར་འོད་ལྡན་པ། །ཟླ་བའི་དཀྱིལ་འཁོར་གནས་སུ་བཞག །ལྕེ་ལ་ཨཱཿདམར་པདྨའི་དཀྱིལ། །ཐུགས་ཀའི་ཉི་མར་ཧཱུཾ་མཐིང་ག །ལྟེ་བར་སྭཱ་སྔོན་རིན་ཆེན་ལ། །རྐང་མཐིལ་ཧཱ་ལྗང་འོད་འབར་གནས། །པཾ་ལས་པདྨའི་མཁའ་དཀྱིལ་དུ། །གྲུ་གསུམ་མེ་འོད་འབར་འདྲ་བསམ། །ཉི་མ་ལ་གནས་རྡོ་རྗེ་ཉིད། །ཧཱུཾ་ཨོཾ་སྭཱ་ཡིས་རྣམ་མཛེས་པའོ། །ཉོན་མོངས་ལྔ་རྣམས་སྦྱོང་བ་དང་། །སྡུག་བསྔལ་ལྔ་རྣམས་ཚར་བཅད་ཕྱིར། །ལག་གཡས་གཞན་གྱིས་མི་ཐུབ་པ། །གཡོན་པ་རོ་ལངས་ཆེན་མོ་སྟེ། །དེ་ཡི་ཁ་ལ་ཁྲོ་གཉེར་ཅན། །རལ་པ་གཅིག་མ་པདྨ་ལའོ། །གཡས་སུ་སྔགས་དང་ཁྲོ་མོ་བཞི། །སྔགས་དང་ཕྱག་རྒྱ་བརྟན་པར་སྦྱོར། །ཨོཾ་ཨཱཾཿཧཱུཾ་སྭཱ་ཧཱ། ཡང་དག་དོན་གྱི་བདུད་རྩི་འདིས། །ཐམས་ཅད་གནས་ཀུན་སྦྱོར་མཛད་ཅིང་། །རིགས་ ― DNG013_Page_0303 ―
[མ་དཔེ་གཟིགས་ན་འདིར་གནོན།]
ཀྱི་དཀྱིལ་འཁོར་མངོན་པར་སྦྱོར། །དོན་ཀུན་གསང་བ་སྟོན་བྱེད་པའི། །ཐབས་དང་ཤེས་རབ་དཀྱིལ་འཁོར་ཚོགས། །རང་བཞིན་ལྷ་མོ་རྒྱན་བཅས་པ། །མཛད་པ་བཅུ་གཉིས་འཕྲོ་འདུ་དང་། །ཕྲིན་ལས་རྣམ་བཞི་ཀུན་གསལ་བྱེད། །མར་མེའི་ཕྲེང་བ་ཇི་བཞིན་དུ། །ཆོས་རྣམས་ཐམས་ཅད་བདུད་རྩིའི་དབྱིངས། །ངེས་པར་བསྟན་པའི་དོན་ཆེན་འདི། །རིགས་ཀྱི་རྒྱལ་བས་ཀུན་ནས་སྦྱོར། །ཕྱག་རྒྱ་ཆེན་པོ་བཞི་ཡི་བདག །གཉིས་མེད་མཉམ་པར་སྦྱོར་བྱས་ཏེ། །ལྷ་ཡི་བདུད་དང་ཕུང་པོའི་བདུད། །ཉོན་མོངས་བདུད་དང་འཆི་བདག་བཅོམ། །ཐབས་དང་ཤེས་རབ་སྣ་ཚོགས་རྒྱུད། །དོན་རྟགས་གཉིས་མེད་ཡེ་ཤེས་ཉིད། །བདུད་རྩི་གསང་བའི་གནས་འཇུག་པས། །ཕྱག་རྒྱ་ཆེན་པོ་བཞི་དང་ལྡན། །མཁའ་ལས་སེམས་འཕྲེང་སྤྲོ་ཞིང་བསྡུ། །བྱང་ཆུབ་འཁོར་བ་མྱ་ངན་འདས། །བདུད་རྩི་ཆེན་པོའི་མཁའ་དབྱིངས་སུ། །སངས་རྒྱས་སེམས་ཅན་མཉམ་པར་སྦྱོར། །སྟོང་གསུམ་ཆོས་རྣམས་སྣ་ཚོགས་ཀྱི། །མཚན་མར་བསྟན་པ་ཐམས་ཅད་ཀུན། །བདེ་ཆེན་ཉིད་ལས་གཞན་མ་ཡིན། །སངས་རྒྱས་ཀྱིས་ཀྱང་རྙེད་མི་འགྱུར། །ཕྱི་ནང་སྣོད་བཅུད་མ་ལུས་ཀུན། །བྱང་ཆུབ་སེམས་སུ་རྣམ་དག་པས། །སྐྱེ་མེད་ཡེ་ཤེས་ཡུམ་གྱི་དབྱིངས། །གཉིས་མེད་བདུད་རྩི་ཆེན་པོའི་མཆོག །ཡབ་ཡུམ་བདེ་བའི་ངང་དུ་གསལ། །འདི་ནི་སྙིང་པོ་བྱང་ཆུབ་སེམས། །ལུས་ཀུན་ཡོངས་སུ་འཁྱུད་པ་ཡིས། །རྡོ་རྗེ་པདྨོ་གདན་བྱས་ཏེ། །བྱང་ཆུབ་འཁོར་བ་འཕེལ་བའི་རྒྱུན། །རང་སྣང་རྣམ་དག་བྱང་ཆུབ་སེམས། །ཕུལ་བས་དོན་ཀུན་རྫོགས་པ་ཉིད། །ཡོན་ཏན་ཕྲིན་ལས་རྨད་དུ་བྱུང་། །ཨོཾ་བོ་དྷི་ཙིཏྟ་རཱ་ག་པཱུ་ཛ་ཧོ། བྱང་ཆུབ་སེམས་ཀྱི་དབང་བསྐུར་ཞིང་། །དངོས་གྲུབ་ཆེན་པོའི་རྫས་ཀུན་སྦྱོར། །དཀྱིལ་འཁོར་བསྒྲུབ་པའི་གནས་དག་ཏུ། །མཚན་ལྡན་ཐོད་པར་རྫས་བསགས་ཏེ། །རིགས་ཀྱི་དཀྱིལ་འཁོར་གསལ་བྱས་པས། །ར་སཱ་ཡ་ནའི་གནས་རྒྱས་འགྱུར། །ཐབས་ཀྱི་ཐེག་པ་མ་ལུས་ཀུན། ། ― DNG013_Page_0304 ―
[མ་དཔེ་གཟིགས་ན་འདིར་གནོན།]
བདུད་རྩི་ཆེན་པོའི་གནས་འཇུག་པས། །ཡང་དག་ཡེ་ཤེས་སྦྱོར་བའི་སྟོབས། །དོན་ཀུན་གསལ་བར་སྟོན་པ་པོ། །དེ་ལྟར་སངས་རྒྱས་ཐམས་ཅད་ཀྱི། །དོན་འདི་བསྟན་པའི་གནས་དགོངས་ཏེ། །མི་གཉིས་ཡེ་ཤེས་དཀྱིལ་འཁོར་གནས། །གསང་བའི་རྒྱུད་ཆེན་སྟོན་པར་མཛད། །དེ་ཚེ་རྣལ་འབྱོར་དབང་ཕྱུག་ཚོགས། །ཐབས་མཁས་བྱང་ཆུབ་སེམས་བཅས་པས། །སྐུ་གསུང་ཐུགས་ཀྱི་བསྟན་པ་དག །སྣ་ཚོགས་འབྱོར་ཞིང་བཟུང་བར་བྱེད། །དགའ་མགུ་ཡི་རང་གུས་པ་ཡིས། །བདུད་རྩིའི་གནས་རྣམས་མངོན་པར་བསྟོད། །རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ལས། ཆོས་ཐམས་ཅད་གཉིས་སུ་མེད་པའི་ཚུལ་དུ་ཡང་དག་པར་སྦྱར་བའི་རིམ་པར་ཕྱེ་བ་གསུམ་པའོ།། །།དེ་ནས་ཞིང་ཁམས་ཐམས་ཅད་ཀུན། །རྒྱལ་བའི་བསྟན་པས་འདུལ་བའི་ཕྱིར། །བློ་གྲོས་མཆོག་རྣམས་གྲོལ་མཛད་ཅིང་། །ཐམས་ཅད་རིགས་བཅས་ཡང་དག་སྦྱོར། །དེ་ཚེ་ཉོན་མོངས་དྲེགས་པའི་སྟོབས། །ལས་ཀྱི་མཐུ་རྣམས་ཀུན་རྒྱས་པའི། །འགྲོ་བའི་གནས་ཆེན་བདག་པོ་དག །རང་གི་སྡེ་བཅས་ཀུན་ནས་རྨོངས། །ཉོན་མོངས་ལས་རྣམས་རྒྱུ་དང་རྐྱེན། །འབྲས་བུའི་བྱ་བ་ཐ་དད་ཀྱིས། །བདག་དང་གཞན་རྣམས་ཀུན་སྤྱོད་ཅིང་། །དུག་གསུམ་ཉོན་མོངས་བདེ་བའི་མཐུས། །མེ་དཔུང་རི་བོ་མུན་པའི་ཚོགས། །འཐོར་བྱེད་ཆུ་རླུང་རྦ་རླབས་ཀྱིས། །ཁམས་གསུམ་ཀུན་གྱི་གནས་བཅོམ་སྟེ། །རྩ་བ་ཡན་ལག་ཉོན་མོངས་རྒྱུན། །གྲོགས་ཀུན་སྤྱད་པས་རབ་ཏུ་རྒྱས། །རང་གི་སྡེར་བཅས་དཔུང་རྣམས་ཀྱིས། །རིག་སྔགས་སྦྱོར་བས་ཕྱོགས་བཅུར་སྤྲོས། །དེ་ནས་སངས་རྒྱས་ཐམས་ཅད་ཀྱིས། །ཡང་དག་ཐུགས་རྗེ་ཆེན་པོའི་ཐུགས། །ལྷ་མོའི་དཀྱིལ་འཁོར་མཆོད་པའི་ཚོགས། །ཕྱོགས་རྣམས་ཀུན་ནས་སྤྲོས་མཛད་ཅིང་། །མི་གཉིས་ཀུན་ཏུ་བཟང་པོ་ལ། །ཕྱོགས་རྣམས་ཀུན་ནས་གསོལ་བ་འདེབས། །ཐབས་དང་ཤེས་རབ་གཉིས་མེད་པས། །ཡེ་ཤེས་ལྷ་ ― DNG013_Page_0305 ―
[མ་དཔེ་གཟིགས་ན་འདིར་གནོན།]
ཚོགས་ཐུགས་རྗེའི་བདག །རིགས་ཀུན་དཀྱིལ་འཁོར་སྟོན་མཛད་པ། །ཁྱོད་ཀྱི་ཐུགས་རྗེས་བཟོད་ལགས་སམ། །ཁམས་གསུམ་དྲེགས་བྱེད་གནས་ཚོགས་འདི། །ཐབས་ཀྱིས་སྒྲོལ་བས་མི་འདུལ་ཞིང་། །ཉོན་མོངས་ཀུན་སྤྱོད་གནས་རྒྱས་པས། །དུས་འདིར་ཡང་དག་ཐུགས་རྗེའི་མཐུས། །ཤུགས་ཀྱིས་བསྒྲལ་བའི་དུས་ལ་བབ། །ཐབས་མཁས་མི་གཉིས་ཐུགས་རྗེའི་གནས། །དཀྱིལ་འཁོར་འཕྲུལ་པའི་དོན་ཀུན་གྱིས། །དེ་དག་མཐའ་ཡས་ལས་རྒྱུད་དག །ངེས་པའི་གནས་གཞན་རྒྱུད་བྲལ་ཞིང་། །མངོན་སྤྱོད་ཕྲིན་ལས་སྤྱོད་པར་འཚལ། །དེ་ནས་སངས་རྒྱས་ཀུན་ཏུ་བཟང་། །ཆོས་དབྱིངས་ཡེ་ཤེས་ལས་བཞེངས་ཏེ། །རིགས་ཀྱི་དཀྱིལ་འཁོར་ཀུན་སྟོན་ཅིང་། །ཡང་དག་ཐུགས་རྗེ་ཆེན་པོའི་མཐུས། །ཁྲོ་བོའི་དཀྱིལ་འཁོར་མངོན་པར་མཛད། །ཞལ་གསུམ་ཕྱག་རྣམས་བཅོ་བརྒྱད་པའི། །དཔའ་བོ་མཐིང་ནག་འཇིགས་པའི་གཟུགས། །དུར་ཁྲོད་ཀུན་གྱི་རྒྱན་གྱིས་བརྗིད། །ཁྲོས་པའི་ཆ་ལུགས་ཀུན་སྟོན་པའོ། །དཀར་སེར་དམར་དང་ལྗང་གུ་ལས། །ཁ་དོག་འགྱུར་བའི་ཞལ་རྣམས་བརྗིད། །རྡོ་རྗེ་རལ་གྲི་པདྨ་ཕྲེང་། །གྲི་གུག་འཁོར་ལོ་དགྲ་སྟྭ་དག །བདུད་རྩི་གཡས་ཀྱི་ཕྱག་ན་བསྣམས། །ཐོད་པ་ཞིང་དབྱུག་མི་མགོ་དང་། །རྒྱུ་ཞགས་གཡང་གཞི་མཆེ་བ་སྦྲུལ། །སྡིགས་མཛུབ་གཞུ་དང་དབྱུག་པ་གཡོན། །རང་འོད་ཡུམ་ལ་འཁྱུད་པའི་ཕྱག །རིགས་ཀྱི་བདག་པོས་དབང་བསྐུར་ཞིང་། །གནས་ཀུན་ཕྱག་རྒྱའི་དཀྱིལ་འཁོར་རྒྱན། །ཕྱོགས་བཅུར་འགྲོ་བའི་དོན་སྤྲོས་ཏེ། །ཡེ་ཤེས་བྱིན་རླབས་ཆེན་པོའི་གནས། །གཞལ་ཡས་ཁང་ཆེན་སྒོ་བཞི་པའི། །འཁོར་ལོ་འབར་བའི་ལྟེ་བ་ལ། །རིན་ཆེན་དྲེགས་བྱེད་གདན་ཚོགས་གནས། །གཉིས་མེད་ཕྱག་རྒྱ་ཆེན་པོ་ཡིས། །ཕྱོགས་མཚམས་ཐམས་ཅད་སྤྲུལ་བྱས་ཏེ། །རིགས་ཀྱི་ཁྲོ་བོ་རྣམ་སྤྲུལ་པས། །ཕྱོགས་བཅུའི་བགེགས་རྣམས་འགུགས་པར་བྱེད། །ཨོཾ་མ་ཧཱ་ཤྲཱི་ཧེ་རུ་ཀ་ས་མ་ཡ་ཧཱུཾ། མ་ཧཱ་ཀྲོ་དྷཱི་ཤྭ་རཱི་ཨ་ཨ། ཨོཾ་སུམ་བྷ་ནི་སུམ་བྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། ― DNG013_Page_0306 ―
[མ་དཔེ་གཟིགས་ན་འདིར་གནོན།]
གྲྀ་ཧྞ་པ་ཡ་གྲྀ་ཧྞ་པ་ཡ་ཧཱུཾ་ཨཱ་ན་ཡ་ཧོ། བྷ་ག་བཱན་བིདྱཱ་རཱ་ཛ་ཧཱུཾ་ཕཊ། ཁྲག་འཐུང་ཐུགས་ཀྱི་གསང་བ་ཉིད། །གསང་སྔགས་ཕྱག་རྒྱའི་ཚོགས་སྤྲོས་པས། །ཕྱོགས་བཅུའི་བགེགས་རྣམས་འཇོམས་བྱེད་པའོ། །ཁྲོ་བོའི་རྒྱལ་པོ་འཇིགས་པའི་གཟུགས། །དཔལ་ཆེན་ཡེ་ཤེས་རྣམ་སྤྲུལ་ལྟར། །ཞིང་ཁམས་ཀུན་ཏུ་ལས་མཛད་པའོ། །ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ། ཨོཾ་བཛྲ་ཀྲོ་དྷ་ཧཱུཾ་ཀ་ར་ཧཱུཾ། ཨོཾ་བཛྲ་ཀྲོ་དྷ་པདྨ་ཀུཎྜ་ལི་ཧཱུཾ། ཨོཾ་བཛྲ་གྷ་གྷ་གྷཱ་ཏ་ཡ་གྷཱ་ཏ་ཡ་ཧཱུཾ། སརྦ་དུཥྚཱན་ཕཊ། བཛྲ་ཀཱི་ལི་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ། དཀར་དང་སེར་དང་དམར་པོ་དང་། །ལྗང་གུ་སྔོ་སྐྱ་གསེར་གྱི་མདོག །ལེ་བརྒན་ལྗང་སྔོན་མཐིང་ག་དང་། །དམར་སྐྱའི་མདོག་ལ་ཞལ་གསུམ་པ། །ཕྱག་དྲུག་མཚོན་ཆའི་ཚོགས་བསྣམས་ཤིང་། །ཐོ་བ་རྡོ་རྗེ་པདྨ་དང་། །རལ་གྲི་དབྱུག་པ་ཞགས་པ་ཉིད། །གཏུན་ཤིང་སྣ་ཚོགས་རྡོ་རྗེ་དང་། །རྡོ་རྗེ་སྡིགས་མཛུབ་རྩེ་གསུམ་ཚོགས། །རང་གི་ཡུམ་བཅས་རྣམ་པར་སྦྱོར། །ཐོད་སྦྲུལ་ཉི་ཟླ་རིན་ཆེན་ཚོགས། །དུར་ཁྲོད་རྒྱན་རྣམས་ཀུན་གྱིས་འཇིགས། །རིགས་ཀྱི་ལྷ་མོ་དང་བཅས་པའོ། །སྤྲུལ་པས་ཕྱོགས་བཅུ་ཀུན་ཏུ་གང་། །འོད་འཕྲོས་མེ་འོད་མཚོན་ཆའི་ཚོགས། །བགེགས་ཀྱི་རྒྱལ་པོ་ཀུན་བཀུག་པའི། །ཆུང་མ་གཡོག་དང་བྲན་བཅས་དང་། །རང་གི་གནས་ཀུན་བསྡུས་བྱས་ཏེ། །འཇིགས་པའི་མཚོན་ཆས་ཐམས་ཅད་འཇོམས། །བརྒྱ་བྱིན་གཤིན་རྗེ་ལ་སོགས་པའི། །འཇིགས་པའི་ཚོགས་བཅས་ངུ་འབོད་ཅིང་། །ཉེས་པ་སྤྱད་པའི་ཚོགས་དྲན་ཅིང་། །རང་གི་དཀྱིལ་འཁོར་གནས་སུ་འབོད། །དེ་དག་སྤྲུལ་པ་ཡང་སྤྲུལ་དང་། །རིགས་ཀྱི་སྡེ་དཔུང་ཚོགས་བཅས་པས། །ཁྲོ་རྒྱལ་རྣམས་ལ་སྐྱབས་གསོལ་ཅིང་། །སྔགས་དང་ཕྱག་རྒྱ་འབུལ་བར་བྱེད། །དཀྱིལ་ ― DNG013_Page_0307 ―
[མ་དཔེ་གཟིགས་ན་འདིར་གནོན།]
འཁོར་གསང་བར་དབང་བསྐུར་ཏེ། །དམ་ཚིག་བསྟན་པའི་དབང་གཏད་ཅིང་། །ཕྱོགས་ཀྱི་བགེགས་རྣམས་འདུལ་མཛད་པ། །དམ་བཅས་ཕྲིན་ལས་བཞིན་དུ་སྤྱོད། །དེ་ཚེ་ཕྱོགས་བཅུའི་སྣང་བ་ཡི། །རྣམ་རྒྱལ་གཤིན་རྗེའི་གཤེད་པོ་དང་། །རྟ་མགྲིན་ཁྲོ་བོ་བདུད་རྩི་འཁྱིལ། །དབྱུག་སྔོན་མི་གཡོ་མགོན་པོ་དང་། །འདོད་པའི་རྒྱལ་པོ་སྟོབས་པོ་ཆེ། །ཧཱུཾ་མཛད་པདྨ་འཁྱིལ་པ་ལ། །རང་གི་དམ་ཚིག་བསྟན་བྱེད་ཅིང་། །རང་གི་ལུས་ཀྱང་གདན་དུ་འབུལ། །དེ་དག་ཐུགས་རྗེ་ཆེན་པོ་ཡིས། །བདེ་བའི་ཡེ་ཤེས་བསྐྱེད་མཛད་ཅིང་། །རྣམ་པར་སྒྲོལ་བའི་དཀྱིལ་འཁོར་དུ། །རང་གི་རིགས་ཀྱི་སངས་རྒྱས་འགྲུབ། །འཇིག་རྟེན་ཀུན་ལ་ཕན་གདགས་ཕྱིར། །ལས་སྐྱེས་གཟུགས་ཀྱི་གནས་མཛད་ཅིང་། །གསང་སྔགས་གསང་བའི་དཀྱིལ་འཁོར་དུ། །བགེགས་དང་འབྱུང་པོ་གཟིར་བར་མཛད། །བརྒྱ་བྱིན་ཚོགས་བཅས་གཤིན་རྗེ་དང་། །ཀླུ་དང་གནོད་སྦྱིན་ཚོགས་ཀྱི་གདོན། །མི་ཡི་བདག་པོ་སྲིན་པོ་རྒྱལ། །རླུང་དང་དབང་ལྡན་མཚམས་ཀྱི་བགེགས། །ཉི་མ་ཟླ་བ་གཟའ་སྐར་དང་། །ས་བདག་ལྷ་མོ་ལྷ་མིན་དང་། །སྡེ་དཔུང་བློན་པོ་དམག་དཔུང་བཅས། །དེ་དག་རྗེས་སུ་འཇུག་བྱེད་དེ། །རང་གི་རྒྱལ་པོའི་རང་བཞིན་གནས། །ཡང་དག་དོན་གྱི་སྟོན་བྱེད་ཅིང་། །རིགས་ཀྱི་དཀྱིལ་འཁོར་གནས་རྒྱས་པས། །མ་འོངས་དོན་ཕྱིར་སྒྲུབ་པར་མོས། །དེ་དག་རྩོམ་པའི་དཀྱིལ་འཁོར་ཆེ། །འདྲེན་པའི་པདྨའི་དཀྱིལ་འཁོར་ལ། །ས་བོན་མཚན་མ་སྔགས་དང་བཅས། །ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་མ་ཧཱ་སི་དི་ད་ར་ཧཱུཾ། རྡོ་རྗེ་བསྡམས་པ་ལས་བྱུང་བའི། །གུང་མཛུབ་སྲིན་ལག་རྩེ་གསུམ་བསྒྲེང་། །མཐེ་བོང་མཐེའུ་ཆུང་བསྣོལ་ཏེ་བསྡམས། །ཁམས་གསུམ་རྣམ་རྒྱལ་ཕྱག་རྒྱ་ཡིས། །དཀྱིལ་འཁོར་གནས་ཀུན་བརྟན་བྱེད་ཅིང་། །སྦྱོར་བཅས་དམ་ཚིག་སྔགས་ཀྱིས་འགྲུབ། །རྡོ་རྗེ་ཁུ་ཚུར་བཅིངས་པ་ལས། །ལག་གཉིས་རྩེ་གསུམ་གཡས་དང་གཡོན། །ལས་རྣམས་མ་ལུས་ཀུན་སྦྱོར་བའི། །ཕྱག་རྒྱ་གསང་བ་སྔགས་དང་བཅས། ། ― DNG013_Page_0308 ―
[མ་དཔེ་གཟིགས་ན་འདིར་གནོན།]
དེ་ནས་འདྲེན་བྱེད་གཙོ་བོའི་མཆོག །བདུད་ཀྱི་རྒྱལ་པོའི་ཚོགས་འདུས་ཏེ། །ཚངས་པ་ཁྱབ་འཇུག་ལྷ་ཆེན་དང་། །རྒན་བྱེད་གནས་བཅུའི་བདག་པོའི་ཚོགས། །མཐུ་དང་རྫུ་འཕྲུལ་སྐུ་སྟོན་ཅིང་། །སྡེ་དཔུང་དམག་བཅས་ཀུན་ཏུ་རྒྱུག །དེ་ཚེ་སངས་རྒྱས་ཐམས་ཅད་ཀྱིས། །བདེ་ཆེན་གཙོ་ལ་གསོལ་བཏབ་ཅིང་། །དེ་དག་གནས་ཚོགས་ཞི་བྱེད་པའི། །དཀྱིལ་འཁོར་སྤྲུལ་པ་ཀུན་ནས་སྟོན། །འབར་བའི་དཀྱིལ་འཁོར་གྲུ་བཞིའི་དབུས། །གཙོ་བོ་རྣམ་པར་སྤྲུལ་བྱས་ཏེ། །ཐམས་ཅད་འོད་བཅས་སྣང་བའི་མཐུས། །དཀྱིལ་འཁོར་གདན་ལ་ལེགས་པར་གནས། །རིན་ཆེན་འབར་བའི་ཁྲི་སྟེང་ན། །ཉི་ཟླ་པདྨ་འཁོར་ལོར་བཅས། །གཙོ་བོ་ཆེ་མཆོག་ཧེ་རུ་ཀ །སྐུ་མདོག་སྨུག་ནག་འབར་བ་ལ། །ཉི་ཤུ་རྩ་གཅིག་ཞལ་ལྡན་ཅིང་། །བཞི་བཅུ་རྩ་གཉིས་ཕྱག་གིས་མཛེས། །འཇིགས་པའི་ཆ་ལུགས་ཁྲོ་བོའི་བཞིན། །ཞབས་བརྒྱད་རོལ་པའི་རིགས་རྣམས་སྐུ། །དཔལ་ཆེན་ཡང་དག་གདན་ལ་བཞུགས། །རྒྱུ་ཡི་ཧེ་རུ་ཀས་བརྒྱན་ཏེ། །ཞལ་གསུམ་ཕྱག་དྲུག་དཀར་བའི་མདོག །སྔོ་དང་དམར་བའི་ཞལ་གཉིས་མཛེས། །རྡོ་རྗེ་འཁོར་ལོ་རིན་ཆེན་དང་། །པདྨ་ཐོད་པ་བུམ་པའི་རྫས། །རིན་ཆེན་སྣ་ཚོགས་རྒྱན་དང་གོས། །གཙོ་བོའི་ཞལ་རྣམས་སྣ་ཚོགས་མདོག །འོད་བཅས་རིན་ཆེན་སྣ་ལྔའི་མདངས། །ཕྱག་རྣམས་ཞི་དང་ཁྲོ་བོ་ཡི། །དཀྱིལ་འཁོར་གདན་བཅས་སྤྲུལ་ཚོགས་འཛིན། །ཁྲོ་མོ་དབྱིངས་ཀྱི་ཡུམ་ཆེན་མེ། །སྔོ་ནག་ཞལ་དགུ་ཕྱག་བཅོ་བརྒྱད། །ཞབས་བརྒྱད་རིགས་ཀྱི་ཁྲོ་བོ་གནོན། །སྒེག་ལ་སོགས་པའི་གར་གྱིས་མཛེས། །དེ་དག་ཁ་དོག་སྣ་ཚོགས་པ། །འོད་འཕྲོ་ཕྱག་རྒྱའི་མཚན་མ་དག །དབྱིངས་དང་ཡེ་ཤེས་མཉམ་པར་སྦྱོར། །རིགས་ལྔ་ཁྲག་འཐུང་ཆེན་པོ་རྣམས། །ཀུན་ཀྱང་ཞལ་གསུམ་ཕྱག་དྲུག་པ། །སྔོ་ནག་དཀར་སེར་དམར་དང་ལྗང་། །རང་གི་ཕྱག་རྒྱའི་མཚན་མ་ནི། །རིགས་ཀྱི་ཡུམ་ ― DNG013_Page_0309 ―
[མ་དཔེ་གཟིགས་ན་འདིར་གནོན།]
བཅས་རྣམས་ལ་སྦྱོར། །ཁྲོ་བོ་ཆེན་པོ་བཅུ་གནས་སྦྱོར། །འཁོར་གྱི་མཁའ་འགྲོ་ཕྲ་མེན་དག །ཞལ་གཅིག་ཕྱག་གཉིས་འཇིགས་བྱེད་གཟུགས། །འཇིགས་པའི་རྒྱན་ཆ་ཀུན་གྱིས་མཛེས། །རང་གི་རིགས་ཚོགས་སྤྲུལ་པར་བཅས། །སྒོ་བཞིའི་ཁྲོ་བོའི་རྒྱལ་པོ་དག །དཀྱིལ་འཁོར་ཀུན་ནས་ལོངས་སྤྱོད་པའོ། །ཨོཾ་མ་ཧཱ་ཤྲཱི་ཧེ་རུ་ཀ་མ་ཧཱ་ཀྲོ་དྷཱི་ཤྭ་རཱི་སྟྭཾ་ཧཱུཾ་ཛ་ས་མ་ཡ་སྟྭཾ། ཛཿཧཱུཾ་བཾ་ཧོཿ། ཨཱ་ར་ལི་ཧཱུཾ་ཕཊ། ཨོཾ་བཛྲ་ཤྲཱི་ཧེ་རུ་ཀ་བཛྲ་ཀྲོ་དྷཱི་ཤྭ་རཱི་སྟྭཾ་ཛ། ཨོཾ་བུཌྜྷ་ཤྲཱི་ཧེ་རུ་ཀ་བུཌྜྷ་ཀྲོ་དྷཱི་ཤྭ་རཱི་སྟྭཾ་ཛ། ཨོཾ་རཏྣ་ཤྲཱི་ཧེ་རུ་ཀ་རཏྣ་ཀྲོ་དྷཱི་ཤྭ་རཱི་སྟྭཾ་ཛ། ཨོཾ་པདྨ་ཤྲཱི་ཧེ་རུ་ཀ་པདྨ་ཀྲོ་དྷཱི་ཤྭ་རཱི་སྟྭཾ་ཛ།ཨོཾ་ཀརྨ་ཤྲཱི་ཧེ་རུ་ཀ་ཀརྨ་ཀྲོ་དྷཱི་ཤྭ་རཱི་སྟྭཾ་ཛ། ཨོཾ་བཛྲ་ཀྲོ་དྷ་ཧཱུཾ། ཧ་ལ་ཧ་ལ་མ་ཧཱ་ཛྭ་ལ་ཕཊ། ཨོཾ་བཛྲ་གོའུ་རཱི་ཧ། ཨོཾ་བཛྲ་ཙོའུ་རཱི་ཧ། བཛྲ་པྲ་མོ་ཧཱ་ཧ། བཛྲ་བེ་ཏཱ་ལཱི་ཧ། བཛྲ་པུཀྐ་སཱི་ཧ། བཛྲ་གྷསྨ་རཱི་ཧ། བཛྲ་སྨ་ཤ་ནཱི་ཧ། བཛྲ་ཙཎྜ་ལཱི་ཧ། བཛྲ་སིངྷ་མུ་ཁ་ཧེ། བཛྲ་བྱ་གྷྲཱི་མུ་ཁ་ཧེ། བཛྲ་ཛེྨ་ག་ལ་མུ་ཁ་ཧེ། བཛྲ་ཤྭ་ན་མུ་ཁ་ཧེ། བཛྲ་ཀངྈ་མུ་ཁ་ཧེ། བཛྲ་ཀཱ་ཀ་མུ་ཁ་ཧེ། བཛྲ་ཨུ་ལཱུ་ཀ་མུ་ཁ་ཧེ།བཛྲ་ཨཱརྱ་ཏེ་ཛ་ཏང་ཛ་ཧཱུཾ་ཕཊ། ཨོཾ་བཛྲ་ཨ་མུ་ཁེ་ཧཱུཾ་ཕཊ། བཛྲ་ལོ་ཀ་བཾ་ཧཱུཾ་ཕཊ། བཛྲ་བྷསྨི་ས་ལ་ཡ་བ་ཏུ་ཧོ་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཧ་ལ་ཧ་ལ་ཧ་ལ་ཕཊ་ཕཊ་ཕཊ། ཡེ་ཤེས་འབར་བའི་དཀྱིལ་འཁོར་གྱི། །ཕྱོགས་བཅུའི་གནས་ནས་ཀུན་སྤྲོས་ཏེ། །ཁམས་གསུམ་དྲེགས་བྱེད་ཚོགས་རྣམས་ཀུན། །རང་གི་གནས་སུ་བརྒྱལ་བར་མཛད། །ཀུན་ནས་འཇིགས་པའི་ང་རོ་དང་། །ཞུམ་ཚིག་སྒྲ་རྣམས་འདོན་བྱེད་ཅིང་། །སྡེར་བཅས་དཔུང་དང་མགོན་མེད་པ། །ཉེ་བར་དམན་པའི་གནས་སུ་འཁོད། །དེ་ཚེ་ཆེ་མཆོག་དཀྱིལ་འཁོར་ཚོགས། །ཕྱོགས་བཅུ་ཀུན་ཏུ་རྣམ་སྤྲོས་པས། །ཞིང་ཁམས་བསམ་གྱིས་མི་ཁྱབ་པའི། །དྲེགས་བྱེད་ཚོགས་ཀུན་བཅོམ་བྱས་ཏེ། །རང་གི་རྒྱུ་འབྲས་དྲན་རྫོགས་བསྐྱེད། །སངས་རྒྱས་ཀུན་གྱི་སྐུ་གསུང་ཐུགས། །གཉིས་མེད་རྡོ་རྗེ་ཆེན་པོ་འདི། །ཕྱོགས་བཅུའི་དཀྱིལ་འཁོར་གནས་གསལ་བ། །འགྲོ་རྣམས་ ― DNG013_Page_0310 ―
[མ་དཔེ་གཟིགས་ན་འདིར་གནོན།]
ཉོན་མོངས་གནས་སུ་སྦྱངས། །ཉེ་བར་སྦྱོར་བའི་རྐྱེན་རྣམས་ཀྱིས། །བདུད་རྩི་ཆེན་པོའི་གནས་རྒྱས་སོ། །འདི་དག་ཉེ་བར་སྤྱོད་པའི་མཐུས། །རང་གི་དོན་ཀུན་གསལ་བར་བྱེད། །དེ་ནས་སངས་རྒྱས་ཐམས་ཅད་དང་། །བྱང་ཆུབ་སེམས་ཀུན་ཡི་རང་སྟེ། །མ་འོངས་རྣལ་འབྱོར་དོན་གྱི་ཕྱིར། །ངོ་མཚར་རྨད་བྱུང་ཉེ་བར་ཞུས། །རང་གི་དཀྱིལ་འཁོར་ཇི་བཞིན་དུ། །རང་གི་སྒྲུབ་པ་ཆེན་པོ་ཀུན། །དེ་དག་ཉེ་བར་བསྒྲུབ་པ་ཡི། །བསྙེན་བསྒྲུབ་ཕྱག་རྒྱའི་ཚོགས་འཇུག་པ། །ཕྲིན་ལས་ཀུན་ཏུ་བསྟན་བྱེད་པའོ། །ཐབས་དང་ཤེས་རབ་གཉིས་མེད་པའི། །ཕྱག་རྒྱ་ཆེན་པོ་གསལ་བྱས་པས། །ལྗགས་ལ་ས་ནུ་ཧེ་རུ་ཀ །མཚན་མ་ཡི་གེ་རབ་སྦྱོར་ཞིང་། །སྙིང་པོ་ཕྱག་རྒྱ་སྔགས་དང་བཅས། །ཨོཾ་ཤྲཱི་མ་ཧཱ་ཀཱ་ཡ་སུ་ཁ་ཧེ་རུ་ཀ་སི་ཏ་དྷ་ར་ཛྙཱ་ན་གར་བྷ་ཧཱུཾ། རྡོ་རྗེ་བཅིངས་པ་བསྟན་བྱས་ཏེ། །བྷ་ག་ཆེ་དང་ལིངྒ་ཆེ། །ཡང་དག་སྦྱོར་བ་དགའ་མཛད་པ། །པདྨ་ལ་གནས་རྡོ་རྗེ་ཉིད། །དམ་ཚིག་ཆེན་པོའི་ཕྱག་རྒྱ་ཡིས། །རིགས་ཀྱི་དཀྱིལ་འཁོར་བསྟན་པར་མཛད། །རྡོ་རྗེ་ཁུ་ཚུར་ལས་བྱུང་བའི། །ཐབས་དང་ཤེས་རབ་སྐུར་སྟོན་པའོ། །དེ་ནས་བདུད་དང་དྲེགས་བྱེད་རྣམས། །ཕྱོགས་རྣམས་ཀུན་ནས་སྡུད་བྱེད་ཅིང་། །སྐུ་གསུང་ཐུགས་ཀྱི་རྣམ་འཕྲུལ་གྱིས། །རང་རང་གནས་སུ་ངེས་པར་བསྒྲལ། །ཡེ་ནས་རྒྱུ་ཉིད་དག་པ་ལ། །ང་དང་བདག་ཏུ་བཟུང་བའི་བློས། །འཁོར་བའི་གནས་ཀུན་རྣམ་པར་འཕྲུལ། །ཁམས་གསུམ་དེ་དག་བསྒྲལ་བའི་ཞིང་། །ཨོཾ་མ་ཧཱ་ཨ་ཙ་ལ་ས་མ་ཡ་དྷརྨ་དྷཱ་ཏུ་སྭ་བྷཱ་ཝ་ཨཱདྨ་ཀོ྅ཧཾ། མི་གཡོ་ཕྱག་རྒྱ་ཆེན་པོའི་ངང་། །ཆོས་ཀྱི་སྐུ་ལས་བཞེངས་ནས་ཀྱང་། །མི་རྟོག་ཐུགས་རྗེ་ཆེན་པོ་ཡིས། །ཁམས་གསུམ་ལས་ཀུན་རྣམ་པར་ཞི། །འཚེ་བའི་བདག་པོ་ཚེ་དང་སྲོག །ཐུགས་རྗེ་ཆེ་དང་ཤེས་རབ་དང་། །ཐབས་ལ་མཁས་པའི་བྱིན་རླབས་ཀྱིས། །འགྲོ་བ་མཐའ་དག་སྦྱོང་བར་མཛད། །བདུད་དང་གཤིན་རྗེ་འཁོར་བཅས་ཀུན། །གཉིས་མེད་རོལ་པའི་ ― DNG013_Page_0311 ―
[མ་དཔེ་གཟིགས་ན་འདིར་གནོན།]
ཕྱག་རྒྱ་ཡིས། །ཐམས་ཅད་ཅིག་ཆར་བསྒྲལ་བྱས་ཏེ། །རིགས་ཀྱི་དཀྱིལ་འཁོར་ཆེ་གནས་སྦྱོར། །ཨོཾ་སྭ་བྷཱ་བ་ས་ཀ་ར་དྷི་དྷ་ས་སི་སྟྭཾ། མ་ཧཱ་ཀ་རུ་ཎི་ཧཱུཾ་ཛ་ཛ། དྲེགས་བྱེད་རྣམས་ཀྱི་རྣམ་ཤེས་དག །ངེས་པར་གཟུགས་ལ་བབས་ནས་ནི། །མཁའ་འགྲོའི་ཞལ་ནི་ནུབ་ཏུ་བསྟན། །ཕྱག་རྒྱ་བཞི་ཡིས་འགྲུབ་པར་བྱེད། །གནས་ཀྱི་སྒོ་འདི་སུ་ཡིས་གཅོད། །སེམས་ཀྱི་བདག་པོས་བཅད་དམ་ཅི། །གཟུང་འཛིན་རྐང་ལག་བསྣོལ་བའི་ཚོགས། །ཡུལ་ལས་འདས་པའི་དོན་གྱི་དབྱེ། །ཨོཾ་ཀ་ཏ་ཀ་རི་ཀན་དྷ་ཀན་པྲ་བེ་ཤ་ཕཊ། འབྱུང་བའི་སྒོ་རྣམས་བཅད་བྱས་ནས། །བདེ་གཤེགས་ཐུགས་རྗེ་ཁྱབ་པར་མཛད། །དྲེགས་བྱེད་མ་རུངས་ལྷ་ཆེན་རྣམས། །སེམས་ཀྱི་སྒོ་བཅད་རྣམ་འབྱེད་ཅིང་། །རྡོ་རྗེ་འབར་བ་སྤུ་གྲི་ཡིས། །ཉོན་མོངས་རྒྱུན་བཅས་གཅོད་བྱེད་ཅིང་། །སེམས་ཀྱི་གནས་ཀུན་གཟུང་བར་མཛད། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་གཉིས་སུ་བརྐྱང་། །ཏ་ཀི་རྔམ་བརྗིད་འབར་བ་ཡིས། །ཞབས་ཀྱིས་དཀྱིལ་འཁོར་ཀུན་མནན་ཅིང་། །བགེགས་དང་འབྱུང་པོ་གཟིར་བའི་ཚུལ། །རྡོ་རྗེ་དྲག་པོ་རྟ་སྐད་བཅས། །ཨོཾ་མ་ཧཱ་ས་མ་ཡ་ཀི་ཤ་ཙི་ཏ་ཛྭ་ལ་ཧཱུཾ་ཕཊ། ཁམས་གསུམ་ནས་བྱུང་སེམས་ཅན་གནས། །རྡོ་རྗེ་སྐུ་ཡི་ཁྱད་པར་གྱིས། །འོད་ཟེར་ཚུལ་དུ་བསྡུས་ནས་ནི། །དེ་དག་བདག་གི་ལུས་ལ་གཟུད། །སྤྲོ་བ་རྡོ་རྗེ་སྣ་ཚོགས་ཀྱིས། །སྐུ་གནས་ཡེ་ཤེས་མཆོག་ཏུ་སྦྱོར། །ཐར་པའི་ལམ་འབྱེད་དཀྱིལ་འཁོར་འདིར། །སྐལ་ལྡན་བློ་ལ་འཇུག་པ་ལྟར། །དྲེགས་བྱེད་ལྷ་ཆེན་ཚོགས་སོགས་ནས། །རང་བཞིན་བདེ་ཆེན་གནས་སུ་སྦྱོར། །རྣལ་འབྱོར་དབང་ཕྱུག་ཆེན་པོ་ཡིས། །བྱང་ཆུབ་སེམས་ཀྱི་དཀྱིལ་འཁོར་དུ། །ཐུགས་རྗེ་ཆེན་པོས་ཀུན་སྒྲོལ་ཞིང་། །ཞིང་ཁམས་གནས་ཀུན་རྣམ་དག་སྦྱོར། །ཆོས་ཉིད་སྐྱེ་འགག་མེད་པ་ལས། །བདེ་བར་གཤེགས་པ་འགྲོ་བའི་ཆོས། །གཉིས་མེད་དབྱིངས་སུ་གཅིག་པའི་རྒྱ། །སྐུ་ཡི་ངོ་བོ་མཉམ་པ་ཉིད། །ཐམས་ཅད་སྙིང་པོ་བྱང་ ― DNG013_Page_0312 ―
[མ་དཔེ་གཟིགས་ན་འདིར་གནོན།]
ཆུབ་སེམས། །མ་སྐྱེས་པ་ན་འགག་པ་འཇིག །བདག་ཉིད་མེད་ན་མཉམ་པའི་སྐུ། །ཐུགས་རྗེ་ཆེན་པོ་ཅིར་མི་མཛད། །ཡེ་ནས་དེ་ལྟར་གནས་བཞིན་དུ། །སེམས་ཅན་མ་རིག་རྨོངས་པའི་བློས། །བདག་དང་གཞན་དུ་སོ་སོར་འཛིན། །རྟག་ཆད་མཐའ་རྣམས་མ་སྤངས་པས། །འཁྲུལ་པས་བསྟན་པའི་ཕུང་པོ་ལྔ། །ལོག་རྟོག་ཕྱིན་ཅི་ལོག་གིས་བཅིངས། །ཉོན་མོངས་སྡུག་བསྔལ་རྒྱུ་བསགས་ཏེ། །འཁོར་བའི་འབྲས་བཅས་ཀུན་ཏུ་སྤྱོད། །མྱ་ངན་འདས་སོགས་མཐར་ཕྱིན་པས། །ཕུང་པོ་ཁམས་དང་སྐྱེ་མཆེད་རྒྱུན། །དག་དང་མ་དག་གཉིས་ཀྱི་ཆོས། །བདེ་འགྲོའི་ལམ་ལ་སྒྲིབ་བྱེད་རྣམས། །རྟོག་པའི་མཚན་མ་ཀུན་སྦྱོང་བའི། །མི་རྟོག་ཡེ་ཤེས་སྙིང་པོའི་ཆོས། །ཨོཾ་མ་ཐ་མ་ཐ་སརྦ་པྲེ་ཏ་ཀ་ག་ཏེ་ཧེ་ཏུཾ་ཧཱུཾ་ཕཊ། ཨོཾ་པ་ཙ་པ་ཙ་སརྦ་ཏཱིརྱ་ཀ་ག་ཏེ་ཧེ་ཏུཾ་ཧཱུཾ་ཕཊ། ཨོཾ་ད་ཧ་ད་ཧ་སརྦ་ན་ར་ཀ་ག་ཏེ་ཧེ་ཏུཾ་ཧཱུཾ་ཕཊ། ཡེ་ཤེས་འབར་བའི་མེས་བསྲེགས་ཏེ། །མཚན་མེད་སྟོན་པས་རྣམ་པར་དག །ཐུགས་རྗེ་ཆེན་པོའི་བྱིན་རླབས་ཀྱིས། །སྐུ་ཡི་སྤྲུལ་པ་ཕྱོགས་བཅུར་འགྱེད། །གསུང་གི་མཐའ་ཡས་སེམས་ཅན་སྒྲོལ། །ཐུགས་མཆོག་ཚད་མེད་བཞི་དང་ལྡན། །ཉི་ཟླ་གསལ་བའི་དཀྱིལ་འཁོར་དུ། །ཚེ་དཔག་མེད་པས་དབང་བསྐུར་ཏེ། །ཡང་དག་ཉིད་ལས་ཡང་དག་སྒྲོལ། །ཡང་དག་སྒྲོལ་ནས་བདེ་ཆེན་ཐོབ། །མི་ལྡོག་རིགས་ཀྱི་དཀྱིལ་འཁོར་དུ། །རྒྱལ་བའི་ཞིང་ཁམས་རྣམ་པར་དག །ཨོཾ་ཨཱཾཿཧཱུཾ་སྭཱ་ཧཱ། ལས་བཞི་ཡེ་ཤེས་ལྕགས་ཀྱུ་ཡིས། །འགྲོ་གནས་གསང་བར་ཧཱུཾ་གིས་བསྡུས། །བྱིན་རླབས་ཡེ་ཤེས་ལྷུན་གྲུབ་པའོ། །སངས་རྒྱས་ཞིང་ཁམས་རབ་འབྱམས་ཀྱི། །བདེ་གཤེགས་ཕོ་བྲང་ཀུན་སྤྲུལ་ཞིང་། །རྫུ་འཕྲུལ་ཡན་ལག་ཀུན་ལྡན་པས། །འཕགས་ལམ་བརྒྱད་ཚོགས་གནས་ཀུན་སྒྲོལ། །རིགས་ཀྱི་སངས་རྒྱས་ཀུན་གཤེགས་ཏེ། །ཆོས་ཀྱི་འཁོར་ལོ་ལ་སོགས་སྤྱོད། །འཇིག་རྟེན་ལྷར་བཅས་གཙོ་བོ་དང་། །ཉན་ ― DNG013_Page_0313 ―
[མ་དཔེ་གཟིགས་ན་འདིར་གནོན།]
ཐོས་རང་རྒྱལ་དགྲ་བཅོམ་རྣམས། །ས་བཅུའི་བྱང་ཆུབ་སེམས་དཔའི་ཚོགས། །ཕྱག་འཚལ་ཡང་དག་མཆོད་ཅིང་བསྟོད། །སྟུག་པོ་བཀོད་པའི་ས་འདས་ནས། །རང་གི་རིགས་ཀྱི་དཀྱིལ་འཁོར་རྒྱལ། །སྟོང་གསུམ་མ་ལུས་སྟོན་བྱས་པས། །འབུམ་གྱི་ཆར་ཡང་མི་ཕོད་དེ། །སྐྱེས་བུ་ཆེན་པོའི་རྣལ་འབྱོར་གྱིས། །བསྒྲལ་བ་འབའ་ཞིག་སྙིང་རྗེའི་མཆོག །བདུད་དང་དབང་ཕྱུག་སྙིང་རྗེ་དག །ཐུགས་རྗེ་ཚད་མེད་བཞིས་བསྒྲལ་ནས། །རོ་ཡི་ཉལ་ཐབས་གན་རྐྱལ་ཏེ། །འཛམ་གླིང་ལྷོ་ཡི་རྒྱལ་ཁམས་སུ། །བོར་ནས་ས་གཞིར་གྱུར་པ་ནི། །དུར་ཁྲོད་ཆེན་པོ་བརྒྱད་དུ་གྲགས། །མགོ་ནི་ལྷོ་ཕྱོགས་གནས་སུ་བསྟན། །ལག་གཉིས་གཡས་དང་གཡོན་དུ་བརྐྱང་། །མགོ་དང་ལུས་གཉིས་ཡན་ལག་ཀུན། །ཐུགས་རྗེ་ཆེན་པོའི་བྱིན་རླབས་ཀྱིས། །རང་བྱུང་སྤྲུལ་པའི་ལྷ་མོ་གནས། །དེ་དག་བྱིན་རླབས་ཁྱད་པར་མཐུས། །མཆོད་རྟེན་ཤིང་ལ་སོགས་པར་སྣང་། །འདི་ལྟར་ས་གཞི་དེ་དག་ཀུན། །བཀྲ་ཤིས་ཐུགས་རྗེ་ཡ་མཚན་ཅན། །ཆོས་དང་དངོས་གྲུབ་འབྱུང་བའི་གནས། །ཆོ་འཕྲུལ་རོལ་པར་བསྟན་པའོ། །དེ་ཡི་ལུས་སྙིང་མ་ག་དྷཱ། །མ་མོ་ཆེན་མོ་ཀོའུ་རི་གནས། །མཁས་ཤིང་སྙིང་སྟོབས་ཆེ་བའི་ཡུལ། །ཁྱད་པར་ཆོས་ཀྱི་ཚོགས་རྒྱས་ཤིང་། །མཆོད་རྟེན་བདེ་བྱེད་གཞོན་ནུ་ཉིད། །མགོ་ནི་ལྷོ་ཡི་ཕྱོགས་གནས་པའི། །དུར་ཁྲོད་ཆེན་པོ་རབ་སྣང་བྱེད། །སིངྒའི་ཡུལ་གྱི་གླིང་ཕྲན་དག །མ་མོ་ཆེན་མོ་ཙོའུ་རི་གནས། །མཐོང་ཐོས་རྣམ་པའི་འཕྲུལ་བག་ཅན། །མཆོད་རྟེན་རི་པོ་ཏ་ལ་ཡིན། །ལག་པ་གཡས་པ་ཤར་ལྷོ་མཚམས། །དུར་ཁྲོད་ཆེན་པོ་བལ་པོའི་ཡུལ། །མ་མོ་ཆེན་མོ་པུཀྐ་སཱི། །ལྷག་པར་ཟས་ཀྱི་ལོངས་སྤྱོད་ཆེ། །མཆོད་རྟེན་ཁྲི་དེ་ཀ་ར་སྟེ། །རབ་ཏུ་སྤྲུལ་པ་སྣང་བྱེད་པའོ། །ལག་པ་གཡོན་པ་ལྷོ་ནུབ་མཚམས། །དུར་ཁྲོད་ཆེན་པོ་སཱ་ལའི་ཡུལ། །མ་མོ་ཆེན་མོ་གྷསྨ་རཱི། །ཕྱག་ན་རྡོ་རྗེ་དབང་གི་གནས། །མཐུ་དང་རྫུ་འཕྲུལ་མཐའ་ཡས་པས། །གྱད་ ― DNG013_Page_0314 ―
[མ་དཔེ་གཟིགས་ན་འདིར་གནོན།]
ཀྱི་མཆོད་རྟེན་མངོན་འཕགས་པ། །རྐང་པ་གཡས་པ་བྱང་ཤར་མཚམས། །དུར་ཁྲོད་ཆེན་པོ་ལི་ཡི་ཡུལ། །མ་མོ་ཆེན་མོ་ཙནྡ་ལཱི། །མེ་དང་ཆུ་ཡི་རྫུ་འཕྲུལ་ཅན། །མཆོད་རྟེན་མིང་ནི་མྱུ་གུའི་ཚོགས། །མ་མོ་སྔགས་རྣམས་ཀུན་འགྲུབ་གནས། །རྐང་པ་གཡོན་པ་ནུབ་བྱང་མཚམས། །དུར་ཁྲོད་ཆེན་པོ་ལི་ཡི་ཡུལ། །མ་མོ་ཆེན་མོ་སྨ་ཤ་ནཱི། །བདེ་སྐྱིད་ལྡན་པ་ཕུན་སུམ་ཚོགས། །མཆོད་རྟེན་མིང་ནི་ཀ་ནི་ཀ །མཁའ་འགྲོའི་ཚོགས་ཀུན་རྒྱུ་བའི་གནས། །མཚན་མའི་གནས་ཏེ་བྱང་ཕྱོགས་གནས། །དུར་ཁྲོད་ཆེན་པོའི་ཨཽ་ཌིའི་གནས། །མ་མོ་ཆེན་མོ་བེ་ཏཱ་ལཱི། །འབྱོར་པའི་ལོངས་སྤྱོད་ལྔ་དང་ལྡན། །དངོས་གྲུབ་ཅན་ཡང་དེ་ན་མང་། །མཆོད་རྟེན་ཆོས་ཀྱི་འཁོར་ལོའོ། །དེ་ཡི་ནང་ཁྲོལ་ཐམས་ཅད་ཀུན། །དུར་ཁྲོད་ཆེན་པོའི་ནུབ་ཕྱོགས་སྤངས། །རྒྱ་མཚོ་གླིང་གི་གནས་ཆེན་པོ། །ལང་ཀ་པུ་རི་སྲིན་པོའི་ཡུལ། །མ་མོ་ཆེན་མོ་པྲ་མོ་ཧ། །རིན་ཆེན་ནོར་དང་དཔག་བསམ་ཤིང་། །འབྱོར་པའི་ལོངས་སྤྱོད་ཀུན་དང་ལྡན། །མཆོད་རྟེན་གྲུབ་པའི་དངོས་གྲུབ་ཅན། །ཐམས་ཅད་ཀུན་ལ་དབང་བསྒྱུར་བའོ། །དེ་ལྟར་སྒྲོལ་བའི་དཀྱིལ་འཁོར་འདིར། །འདས་པའི་དུས་ན་སྔོན་བྱུང་བ། །སངས་རྒྱས་ཀུན་གྱིས་བྱིན་གྱིས་བརླབས། །རང་གི་རིགས་བཅས་དཀྱིལ་འཁོར་ཉིད། །དུས་གསུམ་རྒྱལ་བའི་བཀའ་བཞིན་དུ། །བྱིན་རླབས་བརྟན་པས་ཀུན་སྤྱོད་ཅིང་། །སྔགས་མཆོག་བདུད་རྩི་བསྒྲུབ་པའི་ཕྱིར། །དམ་རྫས་བརྒྱད་རྣམས་བསྟན་པར་བྱ། །སངས་རྒྱས་ཀུན་ཏུ་འགྲུབ་བྱེད་པའི། །དམ་ཚིག་ཆེན་པོ་མཆོག་གི་རྫས། །པྲཛྙཱ་ཀ་ཤ་ཙིཏྟ་ཛྭ་ལ་ཧཱུཾ་ཕཊ། མ་ནུ་ད་ར་མ་ཤ །ཨུ་མ་ད་ར་མ་མ་ཧཱ་མཾ་ཏྲཾ། ཁཱ་ཧི་ཁཱ་ཧི་ཧཱུཾ་ཕཊ། ཨེ་ཧྱེ་མ་ཧཱ་ཀ་རུ་ཎི་ཀ་དྲྀ་ཤྱ་ཧོ། ཀ་ར་པ་ཏ་ནི་ཧཱུཾ་ཕཊ། ཐུགས་རྗེ་ཆོས་ཀྱི་དཀྱིལ་འཁོར་འདིར། །དུར་ཁྲོད་བདག་པོ་ཀུན་འདུས་ཏེ། །མཆོད་རྟེན་གཙོ་དང་རིགས་བཅས་རྣམས། །རང་གི་སྙིང་པོ་འབུལ་བར་བྱེད། །དྲག་པོའི་ཆུང་མ་དབང་ཕྱུག་ཚོགས། །ཉི་ཤུ་ ― DNG013_Page_0315 ―
[མ་དཔེ་གཟིགས་ན་འདིར་གནོན།]
རྩ་བརྒྱད་གཡོག་དང་བཅས། །དཀྱིལ་འཁོར་ཆེན་པོར་དབང་ཐོབ་ནས། །དམ་བཅས་ལས་བཞིན་རྣམ་པར་བཀོད། །དེ་ནས་བཅོམ་ལྡན་ཀུན་ཏུ་བཟང་། །རིགས་རྣམས་ཐམས་ཅད་ཞི་བྱེད་པས། །དཀྱིལ་འཁོར་ཐམས་ཅད་རབ་བསྡུས་པའི། །སྐུ་ནི་སྨུག་ནག་འབར་བ་ལ། །ཕྱག་རྒྱ་མཚོན་ཆ་སྣ་ཚོགས་ཐོགས། །རབ་ཏུ་འཇིགས་པའི་དཀྱིལ་འཁོར་ལས། །རིགས་ཚོགས་སྤྲུལ་པ་ཕྱོགས་བཅུར་འགྱེད། །བདུད་ཚོགས་དྲེགས་བྱེད་ཆུང་མར་བཅས། །ཐུགས་རྗེས་རིག་འཛིན་དབང་བསྐུར་ནས། །དམ་ཚིག་བསྟན་པ་ལ་གནས་མཛད། །ཕྱོགས་རྣམས་ཀུན་ནས་སྨྲས་པའི་ཚིག །རང་གི་དམ་བཅས་བསྡམ་པར་བྱེད། །རྡོ་རྗེ་འབར་བའི་མེ་དཔུང་གིས། །བསྐལ་པའི་མེ་རྣམས་འཇོམས་པར་བྱེད། །འཇིགས་ཚུལ་རྔམ་པའི་ཁྱད་པར་ཅན། །དབུ་མ་རྩུབ་པའི་ཚིག་སྒྲོགས་ཤིང་། །ཕྱག་ན་འཇིགས་པའི་མཚོན་ཆ་ཐོགས། །ཞི་བ་ཕྱག་སྟོང་སྤྱན་སྟོང་ཚོགས། །འཇིག་རྟེན་ཁམས་ཀུན་སྤ་བཀོང་བྱེད། །ཁྲོ་གཉེར་རབ་ཏུ་འབར་བའི་སྐུས། །འཇིག་རྟེན་དྲེགས་ཚོགས་སྨོས་ཅི་དགོས། །སྒེག་པ་དཔའ་བ་འཇིགས་སུ་རུང་། །རྒོད་དང་གཤེ་དང་འཇིགས་པར་བྱེད། །སྙིང་རྗེ་རྔམས་དང་ཞི་བར་སྟོན། །འབར་བའི་མཚོན་ཆ་སྣ་ཚོགས་ཅན། །འཇིག་རྟེན་ཐལ་བར་བརླག་མཛད་པའི། །ཨེ་མ་ཧོ་ཆེ་མཆོག་ཧེ་རུ་ཀ །ཁྲོ་རྒྱལ་ཁྲོ་ལ་སྐྱབས་སུ་མཆི། །ཐུགས་རྗེས་ནན་ཏན་མི་གཟུང་ངམ། །གལ་ཏེ་བཀའ་ལྟར་མ་བགྱིས་ན། །མགོ་ལུས་སྙིང་དག་བརྒྱར་འགས་ཤིང་། །རབ་ཏུ་འབར་བས་བསྲེག་པར་མཛོད། །དེ་ནས་དེ་དག་ཐམས་ཅད་ཀྱིས། །ཆེ་མཆོག་འབར་བའི་དཀྱིལ་འཁོར་ཉིད། །རྗེས་སུ་བསྒྲུབ་པའི་དོན་ཕྱིར་ཞུས། །ཡང་དང་ཡང་དུ་གསོལ་བཏབ་སྟེ། །ཨེ་མ་ཧོ་སྟོན་པ་ཁྱོད་ཉིད་ཀྱིས། །ཡང་དག་མཛད་པ་རྒྱ་ཆེན་པོ། །རྣལ་འབྱོར་དབང་ཕྱུག་རྣམས་ཀྱི་ཕྱིར། །ཐུགས་རྗེ་དག་པར་བསྟན་པར་མཛོད། །འདི་དག་སྔོན་དུས་ཅི་བཞིན་དུ། །སྟོན་པས་བསྟན་པའི་དོན་གསལ་མཛད། ། ― DNG013_Page_0316 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ཆེན་པོར་འབར་བ་ཡི། །ཁང་པ་གྲུ་བཞི་སྒོ་བཞིས་བརྒྱན། །སྣ་ཚོགས་རིན་ཆེན་རྟ་བབས་ཚོགས། །ཉི་ཟླ་མེ་ཏོག་ཕྲེང་བས་བརྒྱན། །འདོད་པའི་ཡོན་ཏན་ལྷ་མོའི་སྤྲིན། །རྡོ་རྗེ་རིན་ཆེན་བ་དན་ལས། །སྙན་པའི་དྲིལ་བུ་ཕྱོགས་བཅུར་སྒྲོགས། །ར་བ་རྡོ་རྗེ་པདྨས་བརྒྱན། །ཕོ་བྲང་དཀྱིལ་འཁོར་དབུས་གནས་པ། །དུར་ཁྲོད་འབར་བའི་གཞལ་ཡས་ཁང་། །དུས་གསུམ་དཀྱིལ་འཁོར་རྒྱ་ཆེན་ཚོགས། །ཕྱོགས་བཅུ་ཀུན་ནས་འཁྲིགས་པ་ཡིས། །ཞིང་སྦྲུལ་ཐོད་པའི་ཕྲེང་བས་བརྒྱན། །མཚོན་ཆ་སྣ་ཚོགས་མེ་འོད་འབར། །དབུ་ཡི་དཀྱིལ་འཁོར་ཕྱོགས་དང་མཚམས། །རིན་ཆེན་སྣ་ལྔའི་མདངས་བཅས་པར། །རེའུ་ཆ་བརྒྱད་པའི་ཕྲེང་བས་མཛེས། །འཁོར་ལོ་པདྨ་རིན་ཆེན་དག །ཀ་བའི་ཆ་བརྒྱད་ཕྱོགས་དང་མཚམས། །ཀུན་ནས་ཡོངས་སུ་བསྐོར་བ་ཡི། །གྲུ་ཆད་བར་ཁྱམས་སྒོ་ཁྱུད་ཅན། །དར་དང་མེ་ཏོག་རིན་ཆེན་ཚོགས། །དུར་ཁྲོད་རྫས་རྣམས་སྣ་ཚོགས་ཀྱིས། །རང་གི་གནས་བཅས་ཏྭ་ར་ཎ། །པ་ཏྲའི་འཕྲེང་བས་ཀུན་བཀླུབས་པའི། །རྣམ་མཛེས་འཇིགས་པའི་ཚོགས་ཀྱིས་བརྒྱན། །འཁོར་ལོ་ཆེན་པོའི་དཀྱིལ་འཁོར་དབུས། །ཀུན་བཟང་ཡབ་ཡུམ་རོལ་པའི་མཐུས། །སེམས་ཅན་སྣ་ཚོགས་ཕྱོགས་དང་མཚམས། །རང་གི་ཕྱོགས་སྐྱོང་རྒྱལ་པོ་ཚོགས། །གནས་རྣམས་ཀུན་ནས་ལེགས་བཀུག་སྟེ། །དཀྱིལ་འཁོར་བརྟན་པའི་གནས་སུ་བཀོད། །གསང་སྔགས་མཐུ་ལས་རབ་འཕྲུལ་པའི། །ཡེ་ཤེས་ཁྲོ་བོ་བཅུ་པོ་རྣམས། །ཡུམ་དང་གཉིས་མེད་སྦྱོར་མཛད་ཅིང་། །རང་གི་ཕྲིན་ལས་ཀུན་བསྐྱེད་པས། །ཕྱོགས་བཅུའི་དཀྱིལ་འཁོར་གསལ་བར་བྱེད། །རིན་ཆེན་ཀ་བ་མཆོག་བརྒྱད་ཀྱིས། །ཉི་ཟླ་པདྨའི་དཀྱིལ་འཁོར་ལ། །རིགས་ཀྱི་བདེ་གཤེགས་ཡུམ་དང་བཅས། །ཕྱོགས་མཚམས་དབུས་སུ་བརྟན་གྱུར་པའི། །སྤྲུལ་པ་ཡང་སྤྲུལ་དཀྱིལ་འཁོར་ཚོགས། །སྐུ་མདོག་མཚན་མ་རིམ་བཞིན་བཀོད། །ཀུན་ཀྱང་ཞལ་ ― DNG013_Page_0317 ―
[མ་དཔེ་གཟིགས་ན་འདིར་གནོན།]
གསུམ་ཕྱག་དྲུག་ལ། །ཞབས་བཞི་བརྐྱང་བསྐུམ་འབར་བའི་སྟབས། །འཇིགས་བྱེད་རྒྱན་ཆའི་ཆ་ལུགས་དང་། །ཁྲོ་བོ་འབར་བའི་གར་བཅས་པས། །རིན་ཆེན་ཉི་ཟླའི་གདན་བཞུགས་པའོ། །ཀྲོ་དྷཱི་ཤྭ་རི་དབྱིངས་ཀྱི་ཡུམ། །སྐུ་མདོག་སྔོ་ནག་དབུ་དགུ་པ། །བཅོ་བརྒྱད་ཕྱག་བཅས་ཞབས་བརྒྱད་མཛེས། །བདེ་གཤེགས་རིགས་ལྔ་ཧེ་རུ་ཀ །ཡུམ་བཅས་གནོན་ཐབས་གར་གྱིས་བཞུགས། །ཁྲོ་མོ་དབྱིངས་ཀྱི་དབང་ཕྱུག་དང་། །ཆེ་མཆོག་ཁྲོ་བོ་མཉམ་སྦྱོར་བས། །ཉི་ཤུ་རྩ་གཅིག་བཞི་བཅུ་གཉིས། །ཞབས་བརྒྱད་སྨག་ནག་འཇིགས་པའི་ཚུལ། །རིན་ཆེན་རྒྱན་ཚོགས་ཆས་རྣམས་དང་། །དུར་ཁྲོད་གནས་ཀྱིས་རྣམ་པར་བརྗིད། །ཕྱི་རོལ་མ་ཚོགས་མཁའ་འགྲོ་རྣམས། །རང་གི་དཀྱིལ་འཁོར་གནས་ཀུན་ཏུ། །སྤྲུལ་པ་ཡང་སྤྲུལ་ཚོགས་བཅས་འཁོད། །ཕྲ་མེན་སྒོ་བ་ཁྲོ་བོའི་ཚོགས། །ཕྱོགས་རྣམས་ཀུན་ཏུ་ཁྱབ་པ་ཡི། །དཀྱིལ་འཁོར་རྫོགས་པ་ཆེན་པོར་སྦྱོར། །རིགས་རྣམས་ཀུན་གྱི་དབང་བསྐུར་ཞིང་། །བྱིན་རླབས་སྐུ་གསུང་ཐུགས་ཀྱི་བདག །དཀྱིལ་འཁོར་བདུན་གྱི་བརྗིད་པའི་སྐུ། །སྦྱོར་བ་བརྒྱད་ཀྱི་བདག་ཉིད་ཅན། །རབ་ཏུ་རྫོགས་པར་གསལ་བྱས་ཏེ། །ཞིང་ཁམས་ཆེན་པོ་སྤྲོ་མཛད་ཅིང་། །ཕྱག་རྒྱ་ཆེར་གནས་རྣལ་འབྱོར་པས། །སངས་རྒྱས་ཀུན་གྱི་བདག་ཉིད་དོ། །ཁམས་གསུམ་ཐམས་ཅད་བསྒྲལ་བའི་ཞིང་། །རྒྱུད་དྲུག་གནས་པའི་སངས་རྒྱས་རྣམས། །སྡུད་པའི་སྦྱོར་བས་ཀུན་བསྡུས་ནས། །མི་ལྡོག་དབྱིངས་སུ་ཡང་དག་ཉིད། །རིགས་ཀྱི་དཀྱིལ་འཁོར་ཀུན་གསལ་བས། །ཐིག་ལེ་ཆེན་པོར་དབང་བསྐུར་མཛད། །ཟླ་གསང་དབུས་ན་བྱང་ཆུབ་སེམས། །རྫོགས་སངས་རྒྱས་ལ་སོམ་ཉི་མེད། །ཤ་ཆེན་བཤང་གཅི་ཁུ་བ་དག །བདེར་གཤེགས་ལྔ་ཡི་ས་བོན་གྱིས། །རྣམ་པར་དྲི་ཆེན་སྣང་བར་མཛད། །ཕྱི་རོལ་ཆེན་པོ་ལྔ་དག་པས། །ནང་གི་རྒྱུ་འབྲས་ཡེ་ནས་དག །ཆོས་དབྱིངས་ཡེ་ཤེས་ངོ་བོ་ཉིད། །མི་བསྐྱོད་བྱང་ཆུབ་སེམས་ཉིད་དེ། །དམིགས་ ― DNG013_Page_0318 ―
[མ་དཔེ་གཟིགས་ན་འདིར་གནོན།]
མེད་ཡེ་ནས་དག་པས་ན། །མཱཾ་ས་རིན་ཆེན་འབྱུང་ལྡན་གཙོ། །མཉམ་དང་མི་མཉམ་དབྱེར་མེད་དངོས། །སྣང་བ་རཀྟ་མཐའ་ཡས་ཐུགས། །སྐྱེ་འགག་མེད་པ་ཡེ་ནས་དག །དོན་ཡོད་དྲི་ཆུ་ལས་གྲུབ་པ། །ཀུན་ཀྱང་གཙང་ཞིང་དྲི་མ་མེད། །ཐམས་ཅད་མ་ལུས་སངས་རྒྱས་ལྔ། །མ་ལུས་རྫོགས་པའི་ཡེ་ཤེས་ཉིད། །མ་བཅོས་ཡེ་ནས་ལྷུན་གྱིས་གྲུབ། །དེ་ཕྱིར་སྨན་ཆེན་བཅུད་ཀྱི་མཆོག །བདུད་རྩི་ཞེས་ནི་དེ་ལ་བྱ། །རྟོགས་པའི་ཀློང་དུ་སུ་འདྲིས་པ། །མི་ཞེས་བྱ་བ་སངས་རྒྱས་ཡིན། །བཅོམ་ལྡན་འདས་ནི་གུད་ན་མེད། །འབྱུང་བ་ལྔ་ལས་རྒྱུད་ལྔ་རྒྱུ། །སྤྲུལ་པ་རིགས་ལྔའི་སངས་རྒྱས་ཉིད། །རང་གི་ལུས་ལ་བསྡུས་པའི་ཕྱིར། །སྐུ་གསུམ་རྡོ་རྗེའི་དབང་ཐོབ་ནས། །སྒྲུབ་པའི་རྫས་སུ་རྣམ་པར་སྤྱོད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ལས་ཁྲོ་བོའི་དཀྱིལ་འཁོར་མངོན་པར་འདུ་མཛད་པ་སྟེ། རིམ་པར་ཕྱེ་བ་བཞི་པའོ།། །།དེ་ནས་རྣལ་འབྱོར་དབང་ཕྱུག་གཙོ། །རིགས་ཀྱི་དཀྱིལ་འཁོར་ཀུན་འདུས་ཤིང་། །ཐབས་དང་ཤེས་རབ་སྤྲུལ་སྤྱོད་པས། །དེ་དག་དཀྱིལ་འཁོར་མཉེས་པར་མཛད། །དེ་ཚེ་འཁོར་གྱི་བྱང་ཆུབ་སེམས། །རྡོ་རྗེ་ཆོས་ཀྱིས་བསྐུལ་མཛད་ཅིང་། །ཡང་དག་རྫོགས་པའི་ཐབས་འདི་དག །དཀྱིལ་འཁོར་གནས་ཀུན་འཇུག་པར་དགོངས། །སངས་རྒྱས་ཀུན་གྱི་ངོ་བོ་ཉིད། །བདེ་ཆེན་བསྟན་པའི་ཐུགས་རྗེ་ཡིས། །སྒྲུབ་པ་གསང་བའི་ལས་ཀུན་དག །བྱིན་རླབས་མཐུ་ཡིས་སྟོན་པར་མཛད། །སྔོན་དུ་ཡུན་རིང་ཚོགས་བསགས་པའི། །རྣལ་འབྱོར་ཆེན་པོའི་ལས་ཐབས་ཀུན། །ཡོན་ཏན་རིགས་རྣམས་ཀུན་ལྡན་པའི། །མདངས་དགའ་མཆོག་ཏུ་གྱུར་པར་བསྔགས། །དད་ཅིང་རྒྱ་ཆེན་ཤེས་རབ་ཀྱིས། །བརྩོན་པས་ཡང་དག་སྒྲུབ་པར་བྱེད། །དེ་ཉིད་ཡང་དག་བསྟན་པའི་སྣོད། །རྣལ་འབྱོར་ཆེན་པོའི་མཚན་ཉིད་ལྡན། །ཡང་དག་བླ་མས་དབང་བསྐུར་ཅིང་། །ཡང་དག་དམ་ཚིག་ལ་གནས་པས། ། ― DNG013_Page_0319 ―
[མ་དཔེ་གཟིགས་ན་འདིར་གནོན།]
ཡང་དག་སྔགས་དང་ཕྱག་རྒྱའི་ཚོགས། །ཡང་དག་བསྒྲུབ་པ་བརྩོན་པར་བྱ། །བདེ་བ་ཆེན་པོའི་ས་གཞི་དག །ཀུན་ནས་རྣམ་པར་བརྒྱན་པའི་གནས། །ཉེས་པའི་ཚོགས་བྲལ་མདངས་ལྡན་པ། །བར་ཆད་བགེགས་ཀྱིས་གནོད་མེད་པར། །ཕྱི་ནང་ཚུལ་བཞིན་སྦྱང་བ་དང་། །བསྐྲད་དང་བསྲུང་དང་བྱིན་གྱིས་བརླབས། །ཡང་དག་ཡེ་ཤེས་བརྟན་འགྱུར་བའི། །ས་གཞི་ཟབ་མོ་བྱིན་བརླབས་པའི། །མཆོད་དང་གཏོར་མ་རྒྱ་ཆེན་ཚོགས། །དེ་དག་སྔགས་དང་ཕྱག་རྒྱའི་མཐུས། །ཉེས་པར་སྤྱོད་པའི་ལས་རྣམ་དག །ཐམས་ཅད་དངོས་པོར་གྲུབ་བྱེད་པའོ། །རི་རྩེ་ཉམས་དགའ་མདངས་བཟང་བའི། །ཡིད་འོང་གནས་སུ་འདུག་ནས་ནི། །བྱིན་བརླབས་མཚམས་བཅད་བརྟན་པར་གནས། །ལྷ་ཡི་ཚོགས་བཅས་ཐུན་མོང་དང་། །ཁྱད་པར་རྣམ་པར་རོལ་པ་ཡི། །བདེར་གཤེགས་བྱིན་རླབས་ལྷ་མོར་བཅས། །མང་དུ་འདུས་ནས་ཀུན་མཉེས་མཛད། །དཀྱིལ་འཁོར་བཟང་པོའི་གནས་བརྒྱན་ཏེ། །རིགས་རྣམས་བཀོད་པ་ཀུན་སྤྲུལ་ཞིང་། །ལྷག་པའི་ལྷར་བཅས་མ་འདྲེས་རྣམས། །རང་གི་ཕྲིན་ལས་མཐུ་ལས་འཕྲུལ། །ཡེ་ཤེས་དཀྱིལ་འཁོར་དགུག་བྱ་སྟེ། །ཆོ་གའི་ཡན་ལག་ཀུན་རྫོགས་པས། །སྟ་གོན་གནས་མཆོག་བཀྲ་ཤིས་པར། །རིགས་ཅན་དཀྱིལ་འཁོར་བརྟན་པར་གནས། །རྫས་ཀྱི་ཚོགས་ཀུན་སྦྱངས་པ་དང་། །བྱིན་རླབས་འདོད་པའི་དོན་བཞིན་དུ། །ཐམས་ཅད་ལོངས་སྤྱོད་ཡོན་ཏན་ལྔ། །དཀྱིལ་འཁོར་གནས་ཀྱི་དོན་བསྒྲུབ་པའི། །ཐམས་ཅད་རྒྱན་དང་ཁྲུས་རྣམས་ཀྱིས། །ཕྱི་ནང་ཉེ་བར་མཛེས་བྱས་ཏེ། །ཕྱག་འཚལ་སྡིག་བཤགས་ལ་སོགས་རྒྱུད། །དེ་ཀུན་བསྟན་པས་རྣམ་པར་དག །རྡོ་རྗེ་རྒྱལ་པོ་རྒྱལ་ཐེབས་ཆེ། །ཤེས་རབ་ཕྱག་རྒྱ་འཁོར་རྣམ་གསུམ། །སེམས་བསྐྱེད་སྡོམ་པ་ལ་གནས་ཤིང་། །དབང་དང་དམ་ཚིག་རྟོགས་བྱས་ཏེ། །བྱ་བ་ཆེན་པོར་ལས་མཐའ་ཕྱིན། །དཀྱིལ་འཁོར་མདའ་གང་གྲུ་བཞི་ལ། །དྲི་སྣ་ལྔ་ཡི་བྱུག་པས་བརྒྱན། །ཐིག་བཞི་བཏབ་པས་དཀྱིལ་འཁོར་ ― DNG013_Page_0320 ―
[མ་དཔེ་གཟིགས་ན་འདིར་གནོན།]
བརྒྱད། །རེའུ་ཆ་བརྒྱད་པའི་གཞུང་བཞིན་བལྟ། །དེ་ཡི་རྩེ་མོ་བརྒྱད་ལ་ཡང་། །ཡིད་བཞིན་ནོར་བུ་འབར་བ་བྲི། །དཀྱིལ་འཁོར་དབུས་སུ་དགོད་པའི་རྫས། །སྲིད་གསུམ་བྷན་དྷ་བཟང་འཁོར་ཡུག །ཡེ་ནས་མ་བཅོས་རང་བཞིན་སྣོད། །དཔལ་དང་ལྡན་པའི་སྣོད་བཞག་ལ། །གནས་དེ་ཉིད་དུ་དགོད་པའི་སྨན། །ཡེ་ནས་རང་བྱུང་བདུད་རྩི་ལྔ། །ཤ་ཆེན་བཤང་གཅི་ཁུ་བ་ཁྲག །དག་པའི་རྒྱུ་དེ་བདུད་རྩི་དངོས། །སྟོང་ལས་སྦྱོར་བས་ཡེ་ནས་དག །ཕོ་བྲང་རིན་ཆེན་གཞལ་ཡས་ཁང་། །གྲུ་བཞི་སྒོ་ཁྱུད་རྟ་བབས་རྒྱན། །ཕྱོགས་རྣམས་ཀུན་ཏུ་གསལ་བ་ཡི། །རིན་ཆེན་ཁ་དོག་རྣམ་ལྔ་ལ། །བ་དན་དྲིལ་བུས་རྣམ་པར་བཀླུབས། །དྲ་བའི་ཚོགས་རྣམས་རྣམ་པར་འདྲེལ། །སྣ་ཚོགས་རྡོ་རྗེའི་ས་གཞི་ལ། །འཁོར་ལོ་ཉི་ཟླ་པདྨས་བརྒྱན། །གྲུ་ཆད་བར་ཁྱམས་སྒོ་ཁྱུད་དང་། །འདོད་ཡོན་ལྷ་མོ་འཁྲིགས་པའོ། །དཀྱིལ་འཁོར་ཆེན་པོའི་གནས་རྣམས་སུ། །ཀུན་བཟང་ཡེ་ཤེས་གསང་བའི་སྔགས། །ཨཱ་ལི་ཀཱ་ལི་གསང་བའི་རྒྱུན། །ཡིག་འབྲུ་འོད་ཕུང་ཕྱག་རྒྱའི་ཚོགས། །རིགས་ཀྱི་དཀྱིལ་འཁོར་ཀུན་བདག་ཉིད། །འཕྲོ་འདུ་བསྟན་པའི་དོན་སྤྱོད་པའོ། །བདུད་རྩིའི་དཀྱིལ་འཁོར་ཀུན་རྒྱས་པའི། །གཙོ་བོ་ཞལ་གསུམ་ཕྱག་དྲུག་པ། །ལྗང་སེར་དཀར་དང་དམར་བས་མཛེས། །དབུ་རྒྱན་རིན་ཆེན་སྨན་རྣམས་དང་། །ན་བཟའ་ཀུན་གྱིས་རྣམ་པར་བཀླུབས། །རྡོ་རྗེ་རྒྱ་གྲམ་བདུད་རྩིའི་སྣོད། །ནོར་བུ་རིན་ཆེན་པདྨ་དང་། །རྩེ་གསུམ་བེ་ཅོན་མཚན་མ་ཐོགས། །མཚན་དཔེ་ཆ་ལུགས་ཡུམ་རྣམས་དང་། །ཞི་དང་ཁྲོ་བཅས་གཉིས་ཀའི་ཚུལ། །རང་འོད་ཡུམ་དང་མཉམ་སྦྱོར་ཏེ། །ཕྱག་རྒྱའི་དཀྱིལ་འཁོར་རིགས་རྣམས་སྤྲོ། །དབང་བསྐུར་རིགས་ཀྱི་བདག་པོས་བརྒྱན། །སྐུ་གསུང་ཐུགས་ཀྱི་བྱིན་རླབས་དང་། །འོད་ཚོགས་སྤྲུལ་པ་ཀུན་སྤྱོད་པའོ། །ཐབས་དང་ཤེས་རབ་གཉིས་མེད་པའི། །དཀྱིལ་འཁོར་གསལ་བ་ལ་གནས་ཏེ། །རང་སྔགས་ཕྱག་རྒྱའི་ཚོགས་རྣམས་ཀྱིས། །ཕྱོགས་བཅུའི་ ― DNG013_Page_0321 ―
[མ་དཔེ་གཟིགས་ན་འདིར་གནོན།]
བདུད་རྩི་རྫོགས་པར་མཛད། །རྡོ་རྗེ་རིན་ཆེན་པདྨ་དང་། །བདེ་གཤེགས་རིགས་ཀྱི་ཁྲོ་རྒྱལ་བཞི། །དཀར་སྔོ་དམར་དང་སེར་བའི་མདོག །ཞལ་གསུམ་གཡས་གཡོན་རྣམ་པར་འགྱུར། །རྡོ་རྗེ་རིན་ཆེན་པདྨ་དང་། །འཁོར་ལོ་བདུད་རྩི་བུམ་པ་ཉིད། །རྒྱ་གྲམ་རལ་གྲི་དགྲ་སྟྭ་དང་། །རིན་ཆེན་ཕྲེང་བཅས་ཡུམ་དང་འཁྲིལ། །ཕྱི་རོལ་མཆོད་པའི་ལོངས་སྤྱོད་རྒྱན། །ལྷ་མོས་གནས་ཀུན་མཛེས་བྱས་པས། །རྒྱ་ཆེར་རྣམ་པར་སྤྲོ་ཞིང་བསྡུ། །ཕྱོགས་བཅུ་ཀུན་ནས་འཁྲིགས་པའོ། །སྒོ་སྲུང་རིགས་ཀྱི་ཁྲོ་བོ་དག །ཞལ་གསུམ་ཕྱག་དྲུག་འཇིགས་བྱེད་རྒྱན། །དཀར་སེར་དམར་དང་ལྗང་གུའི་མདོག །ཐོ་བ་དབྱུག་པ་པདྨ་དང་། །རྩེ་གསུམ་བདུད་རྩི་བུམ་པ་ཉིད། །ལྕགས་ཀྱུ་ཞགས་པ་ལྕགས་སྒྲོག་དྲིལ། །སྣ་ཚོགས་རྡོ་རྗེའི་ཕྲེང་བ་འཛིན། །སངས་རྒྱས་ཀུན་གྱིས་དབང་བསྐུར་བའི། །རིགས་བཅས་མཚན་མས་མཛེས་བྱས་པའོ། །ཨོཾ་ཨ་མྲྀ་ཏ་ཀུཎྜ་ལི་མ་ཧཱ་ཤྲཱི་ཧེ་རུ་ཀ་ཧཱུཾ་ཀརྨ་ཀྲོ་དྷཱི་ཤྭ་རཱི་སྭཱ་ཧཱ། ཨོཾ་བི་ཤྭ་བཛྲ་ཧེ་རུ་ཀ་ཧཱུཾ། ཀརྨ་བཛྲ་ཀྲོ་དྷཱི་ཤྭ་རཱི་སྭཱ་ཧཱ། ཨོཾ་བི་ཤྭ་རཏྣ་ཧེ་རུ་ཀ་ཧཱུཾ། ཀརྨ་རཏྣ་ཀྲོ་དྷཱི་ཤྭ་རཱི་སྭཱ་ཧཱ། ཨོཾ་བི་ཤྭ་པདྨ་ཧེ་རུ་ཀ་ཧཱུཾ། ཀརྨ་པདྨ་ཀྲོ་དྷཱི་ཤྭ་རཱི་སྭཱ་ཧཱ།ཨོཾ་བི་ཤྭ་བུཌྜྷ་ཤྲཱི་ཧེ་རུ་ཀ་ཧཱུཾ། ཀརྨ་ཙཀྲ་ཀྲོ་དྷཱི་ཤྭ་རཱི་སྭཱ་ཧཱ། ཨོཾ་ཨ་མྲྀ་ཏ་བཛྲ་ཀྲོ་དྷ་ཧཱུཾ། བཛྲ་ཨཾ་ཀུ་ཤ་སྭཱ་ཧཱ། ཨོཾ་ཨ་མྲྀ་ཏ་རཏྣ་ཀྲོ་དྷ་ཧཱུཾ། རཏྣ་པཱ་ཤ་ཧཱུཾ། ཨོཾ་ཨ་མྲྀ་ཏ་པདྨ་ཀྲོ་དྷ་ཧཱུཾ། པདྨ་སྥོ་ཊ་བཾ་སྭཱ་ཧཱ། ཨོཾ་ཨ་མྲྀ་ཏ་བུཌྜྷ་ཀྲོ་དྷ་ཧཱུཾ། བུཌྜྷ་གྷཎྜ་ཤྭ་རི་སྭཱ་ཧཱ། རིགས་རྣམས་རྫོགས་པའི་དཀྱིལ་འཁོར་དག །ཕྱག་རྒྱ་བཞི་ཡིས་བསྟན་པར་གནས། །བདུད་རྩི་འཁྱིལ་པའི་རིགས་ཀུན་གྱི། །བདུད་རྩི་མཚན་མ་རྒྱ་གྲམ་བཅས། །གསུང་གི་གནས་སུ་གསལ་བྱས་པའི། །པདྨ་ལ་གནས་སྣ་ཚོགས་མཚན། །ས་བོན་སྔགས་ཀྱིས་བརྒྱན་པ་དག །འོད་འཕྲོས་གསུང་གི་དཀྱིལ་འཁོར། །ཨོཾ་ཨ་མྲྀ་ཏ་ཀརྨ་སིད་ཏི་ས་མོ་གྷ་གྷན་ཧཱུཾ། རྡོ་རྗེ་བཅིངས་པ་བསྟན་བྱས་པའི། །གུང་མོ་མཐེ་བོང་མཐེའུ་ཆུང་རྣམས། །ནང་དུ་རྩེ་སྤྲད་སྙིང་གར་བཞག །གནས་ཀྱི་དཀྱིལ་འཁོར་གནས་ཀུན་སྦྱོར། །རྡོ་རྗེ་ཁུ་ཚུར་བཅངས་པ་ ― DNG013_Page_0322 ―
[མ་དཔེ་གཟིགས་ན་འདིར་གནོན།]
ལས། །བཅངས་སྟེ་སོར་མོ་སོ་སོར་གདེངས། །སྣ་ཚོགས་རྡོ་རྗེ་འབྱུང་བའི་ཚུལ། །གཞན་རྣམས་ཀུན་ནས་བསྐུལ་བར་བྱས། །བཏག་དང་བཙག་དང་གཞལ་བ་དང་། །ཉི་ཟླ་གསལ་བའི་དཀྱིལ་འཁོར་དུ། །འབྲུ་ལྔ་ཡེ་ཤེས་འཕྲོ་འདུ་ཡིས། །སྟོང་གསུམ་ཁྱབ་པས་དོན་བྱས་ཏེ། །བཅུད་ཀྱི་དམ་པ་ཀུན་བསྡུས་ནས། །དུས་གསུམ་སངས་རྒྱས་མཆོད་པའི་ཕྱིར། །མུ་ཏིག་དཀར་པོ་དྲི་མེད་ལྟར། །བཀའ་བཞིན་བསྟན་པའི་དངོས་གྲུབ་དག །རིགས་རྣམས་ཕྱག་རྒྱ་སྔགས་ཀྱིས་སྦྱར། །དེ་ནས་འཇམ་དཔལ་རྣོན་པོ་ཉིད། །རང་གི་འཁོར་ཚོགས་སྡེར་བཅས་པས། །སངས་རྒྱས་ཀུན་ལ་ཕྱག་འཚལ་མཆོད། །དེ་དག་བསྟན་པའི་གནས་སུ་འཁོད། །དངོས་གྲུབ་ཆེན་པོའི་དཀྱིལ་འཁོར་ཉིད། །ཐབས་དང་གསང་བའི་ཕྱག་རྒྱ་མཆོག །མཚན་མ་རྟགས་བཅས་གསལ་བ་དག །བྱིན་རླབས་མཐུ་ཡིས་གསལ་བ་དང་། །གཉིས་མེད་དངོས་གྲུབ་མཉམ་སྦྱོར་བས། །རིགས་ཀུན་འབྲས་བུ་ཇི་ལྟར་འགྲུབ། །དེ་ནས་ཀུན་ཏུ་བཟང་པོ་ཉིད། །རང་གི་དཀྱིལ་འཁོར་གནས་བཞུགས་ཏེ། །སྣང་བའི་ཚོགས་ཆེན་ཀུན་ཁྱབ་པས། །ཕྱོགས་བཅུའི་དཀྱིལ་འཁོར་བསྡུ་བར་མཛད། །དཀྱིལ་འཁོར་ཀུན་ནས་གྲུ་བཞི་པའི། །ཁང་པ་གྲུ་ཆད་སྒོ་ཁྱུད་བཅས། །བར་ཁྱམས་རྟ་བབས་ར་བ་དང་། །རིན་ཆེན་རྒྱན་རྣམས་ཀུན་གྱིས་མཛེས། །དབུས་ཀྱི་དཀྱིལ་འཁོར་ཟླ་གམ་གྱི། །རིན་ཆེན་པདྨའི་གདན་རྣམས་སུ། །ཕྱོགས་བཅུའི་དཀྱིལ་འཁོར་དབང་མཛད་པའི། །རྟ་མགྲིན་རོལ་པ་རྣམ་པར་བརྗིད། །ཞལ་གསུམ་ཕྱག་དྲུག་དབང་གི་སྐུ། །དམར་དང་མཐིང་ག་དཀར་པོའི་ཞལ། །གཡས་ན་པདྨ་རལ་གྲི་བུམ། །གཡོན་ན་འཁོར་ལོ་རྡོ་རྗེ་འཕྲེང་། །རྟ་མགྲིན་ལྗང་གུ་ཞལ་གདངས་པ། །ཁ་ཊྭཱཾ་རྩེ་གསུམ་ཕྱག་རྒྱས་མཚན། །སྣ་ཚོགས་རྒྱ་གྲམ་པདྨོའི་ཕྲེང་། །རིན་ཆེན་རྒྱན་བཅས་གོས་ཀྱིས་བཀླུབས། །ཁྲོ་མོ་མི་ཕམ་རོ་ལངས་དང་། །ཁྲོ་གཉེར་རལ་པ་གཅིག་མ་དག །དཀར་སེར་དམར་དང་ལྗང་གུའི་མདོག །སྣ་ཚོགས་རྡོ་རྗེ་པདྨ་དང་། །རྩེ་གསུམ་ ― DNG013_Page_0323 ―
[མ་དཔེ་གཟིགས་ན་འདིར་གནོན།]
རཀྟ་བདུད་རྩིའི་སྣོད། །ཕྱོགས་བཞི་ཐབས་དང་ཤེས་རབ་ཀྱི། །སྙོམས་འཇུག་ཤེས་རབ་བཞི་ཡི་ཚུལ། །བདེ་གཤེགས་རིགས་ཀྱི་དབུ་རྒྱན་དང་། །བྱིན་རླབས་ཆ་ལུགས་ཀུན་རྫོགས་པའོ། །ཨོཾ་ཧྲཱྀཿཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཨ་མྲྀ་ཏ་ཧུ་ལུ་ཧུ་ལུ་ཧཱུཾ་ཕཊ། ཨོཾ་རཏྣ་ཨ་མྲྀ་ཏ་ཧུ་ལུ་ཧུ་ལུ་ཧཱུཾ་ཕཊ། ཨོཾ་བུཌྜྷ་ཨ་མྲྀ་ཏ་ཧུ་ལུ་ཧུ་ལུ་ཧཱུཾ་ཕཊ། ཨོཾ་ཀརྨ་ཨ་མྲྀ་ཏ་ཧུ་ལུ་ཧུ་ལུ་ཧཱུཾ་ཕཊ། དེ་དག་དཀྱིལ་འཁོར་རྣམ་སྤྲོས་པས། །ཡེ་ཤེས་བདུད་རྩི་ཀུན་བསྡུས་ཏེ། །དངོས་གྲུབ་ལས་རྣམས་དབང་མཛད་ཅིང་། །ཐུགས་རྗེ་ཆགས་པས་ཀུན་བཀོད་མཛད། །རིགས་ཀྱི་དཀྱིལ་འཁོར་བརྟན་བྱས་པས། །ཕྱག་རྒྱ་ཆེན་པོ་རྫོགས་པའི་མཐུས། །ཕྱི་རོལ་མཆོད་པའི་ཚོགས་རྣམས་དང་། །སྒོ་སྲུང་ཁྲོ་བོ་ཡབ་ཡུམ་བཅས། །རྡོ་རྗེ་བསྡམས་པ་ལས་བྱུང་བའི། །རྟ་མགྲིན་ཕྱག་རྒྱས་ཕྱོགས་བཅུ་ནས། །དངོས་གྲུབ་ཚོགས་རྣམས་བརྟན་པར་བྱེད། །གུང་མོ་མཐེབ་ཆུང་རྩེ་སྦྱར་ཏེ། །སྲིན་ལག་བསྣོལ་བ་མིག་གི་ཚུལ། །མཛུབ་མོ་མཐེ་བོས་ལེགས་མནན་ལ། །དམ་ཚིག་མཆོག་གི་གནས་ཀུན་བཞག །རྡོ་རྗེ་ཁུ་ཚུར་ལས་བྱུང་བའི། །སྲིན་ལག་མཐེ་བོང་རྩེ་སྦྱར་ཞིང་། །ཉི་ཟླ་གསལ་བའི་སྔགས་དང་བཅས། །ལས་ཀྱི་ཕྱག་རྒྱ་ཀུན་སྤྱོད་པའོ། །ཨོཾ་ཧ་ཡ་གྲཱི་བ་ཧུ་ལུ་ཧུ་ལུ་པདྨ་དྷ་ར་ཎི་སིདྡྷི་ཧཱུཾ། གསང་བཅས་ལག་པའི་ཕྱག་རྒྱ་ཡིས། །གཞུང་བཞིན་པདྨའི་འཕྲོ་འདུ་བྱ། །དེ་དབུས་ཀླུ་བདག་ས་བོན་གྱིས། །དངོས་གྲུབ་པདྨ་བླང་བར་བྱ། །དགུག་པའི་སྔགས་ཀྱིས་བསྟན་ནས་ནི། །ལེ་ལོ་མེད་པའི་བརྩོན་འགྲུས་ཀྱིས། །བར་ཆད་མེད་པའི་འཕྲོ་འདུ་བྱ། །ཡང་དག་བདུད་རྩིའི་དཀྱིལ་འཁོར་ཉིད། །ཨོཾ་གྱི་ཡེ་ཤེས་ལས་བྱུང་ཞིང་། །ཨཱཾ་གིས་མེས་བསྲེགས་ཐལ་བར་གྱུར། །ཧཱུཾ་གིས་བདུད་རྩི་རྣམ་པར་དག །གསལ་ནས་འབྱུང་འཇུག་ལྷན་ནེ་པོས། །རྟགས་དང་མཚན་མ་བདུན་གྱིས་འབྱུང་། །འོད་དང་དུ་བ་དྲི་དང་སྒྲ། །ལྷ་མོའི་གཟུགས་ཀྱང་སྟོན་པར་འགྱུར། །མང་དུ་སྟོན་ན་གྲུབ་རྟགས་ཡིན། །དེ་ལ་ཡ་མཚན་སྐྱེ་མི་བྱ། །མཚན་མ་འདི་ ― DNG013_Page_0324 ―
[མ་དཔེ་གཟིགས་ན་འདིར་གནོན།]
དག་མ་བྱུང་ན། །བསྐང་གསོ་ཆོ་ག་རྒྱ་བསྐྱེད་དོ། །སྤོགས་ཐབས་བསྐྱེད་པ་རྩལ་ཤུགས་འབྱུང་། །དམ་ཚིག་ཆེན་པོ་བསྐང་བའི་ཕྱིར། །རྫས་རྣམས་དག་ཀྱང་བཀང་ལ་བཞག །དེ་ནས་མཆོད་ཅིང་དངོས་གྲུབ་བླང་། །སློབ་མ་ལ་ཡང་དབང་བསྐུར་རོ། །བླ་མ་ལུང་ལྡན་དེ་དག་གིས། །ཚིགས་སུ་བཅད་པ་འདི་བརྗོད་དོ། །དོན་དམ་མ་སྐྱེས་རྣམ་དག་སེམས་ཀྱི་དབྱིངས། །དག་དང་མ་དག་མི་རྟོག་རྟོག་ལས་འདས། །དུས་གསུམ་གཅིག་པའི་སྐུ་བསྟན་ཕྱི་བཤོལ་མེད། །དངོས་གྲུབ་སྣ་ཚོགས་རླབས་ཆེན་འབར་བ་འདི། །སུ་འདོད་སྦྱིན་གྱིས་ད་ལྟ་འདི་ལ་ལོངས། །བསྐལ་པར་བསྒྲིབས་དང་གཏི་མུག་མུན་པ་ལ། །སྤྲིན་མཐོང་ཉི་ཤར་ཁུད་པར་དྲོ་བ་བཞིན། །བདུད་རྩིའི་རྒྱལ་པོ་དབང་ཆེན་འདི་བྱིན་པས། །རིག་འཛིན་རྒྱལ་པོའི་གཙོ་བོའི་གོ་འཕང་ཐོབ། །རྣམ་པ་ཀུན་གྱིས་ངེས་པར་ཆོས་ལ་སྦྱོར། །ཚེ་དང་དངོས་གྲུབ་ཡིད་དུ་འོང་། །བགེགས་རྣམས་ཀྱི་བྱས་ལ་སོགས་ཏེ། །ནད་དང་བྲལ་ནས་ཅི་འདོད་པའི། །ཡོན་ཏན་རྩ་བརྒྱད་འདི་ཡིས་འཐོབ། །དེ་ནས་འཇམ་དཔལ་ལ་སོགས་པའི། །བྱང་ཆུབ་སེམས་ཚོགས་ཡི་རང་སྟེ། །སྟོན་པའི་བཀའ་ལ་གུས་བསྐྱེད་ཅིང་། །ཡང་དག་སྙིང་པོ་མྱུར་དུ་བཟུང་། །ཡུལ་ཀུན་གསང་བའི་བདག་པོ་ཉིད། །ཕྱག་རྒྱ་འཁོར་ལོ་ཚོགས་གྱུར་ཅིང་། །མཛད་སྤྱོད་རྒྱ་ཆེན་གནས་བསྒྲུབ་པའི། །རྟོག་པའི་དོན་ཀུན་ཡང་དག་ཞུས། །དེ་ཚེ་རིགས་ལྔའི་བདེ་གཤེགས་ཀྱིས། །ཡང་དག་དོན་འདི་རྣམ་པར་བཤད། །ཚངས་དང་དྲང་སྲོང་གཙང་མ་ཟ། །དེ་དག་གྲོལ་བར་ངས་མ་བཤད། །ཀླུ་དང་བྲམ་ཟེ་གཙང་མའི་རྫས། །དེ་ཀུན་གྲོལ་བར་ངས་མ་གནང་། །བྱོལ་སོང་རྩྭ་མཆོག་ཟ་བ་ཡང་། །ཇི་སྲིད་འཚོ་བའི་བར་དུ་ཟ། །དེ་དག་གྲོལ་བར་ངས་མ་བཤད། །རྣལ་འབྱོར་ཐབས་དང་ལྡན་པས་ནི། །ཆོས་སྐུ་ཞི་བས་མཐའ་དག་ཞི། །རིགས་ལྔ་ཁ་དོག་སྐུར་སྣང་བས། །རབ་ཏུ་བརྟགས་པས་གྲོལ་བར་འགྱུར། །རང་བཞིན་ཡེ་ནས་དག་པའི་རྫས། །མཉམ་པའི་དབྱིངས་ ― DNG013_Page_0325 ―
[མ་དཔེ་གཟིགས་ན་འདིར་གནོན།]
སུ་དག་རྟོགས་ན། །གཉིས་མེད་དོན་གྱིས་ཟིན་པ་ཉིད། །ཇི་ལྟར་དམིགས་པ་བཞིན་དུ་འགྲུབ། །དངོས་དང་དངོས་མེད་རྟོག་པའི་མཚན། །གཙང་དང་མི་གཙང་རྟོག་པའི་མཚན། །མཁས་པས་གཉིས་ལ་གནས་མི་འགྱུར། །བདུད་རྩི་ཆེན་པོའི་ངོ་བོ་ཉིད། །བྱང་ཆུབ་སེམས་ནི་དཀར་བས་ན། །དྲི་མེད་རྣམ་དག་ཡེ་ཤེས་སྐུ། །རཀྟ་ཆགས་མེད་དམར་བས་ན། །ཆོས་རྣམས་ཀུན་སྤྱོད་པདྨའི་སྐུ། །ཤ་ཆེན་ཡིད་བཞིན་རིན་ཆེན་སྔོ། །སྣ་ཚོགས་འབྱུང་གནས་མཉམ་པའི་སྐུ། །དྲི་ཆེན་གསེར་མདོག་སྣང་མཛད་དེ། །མངོན་བྱུང་སྤྲུལ་པ་ཆོས་ཀྱི་སྐུ། །དྲི་ཆུ་དག་བྱེད་ལྗང་གུའི་མདོག །ཀུན་ཏུ་དོན་ཡོད་ལས་རབ་སྐུ། །སྐུ་ལྔ་ལྷུན་གྲུབ་བདུད་རྩི་འདི། །ཀུན་གྱི་ལུས་ལ་གནས་པ་ཉིད། །དྲི་ཆེན་དྲི་ཆུ་རཀྟ་དང་། །ཤ་ཆེན་སེམས་བཅུད་འདི་དག་ཀུན། །སེམས་ཅན་རྟོག་པ་བཟློག་པའི་ཕྱིར། །གཙོ་བོར་དང་དུ་བླང་བར་བྱོས། །གཙང་སྨེ་མེད་པར་ཀུན་གྱིས་སྤྱོད། །གཉིས་མེད་མཉམ་པའི་བདུད་རྩི་འགྲུབ། །ཐེ་ཚོམ་མེད་པར་དངོས་གྲུབ་ཐོབ། །རྣམ་གྲོལ་སྐྱེས་བུ་ཆེན་པོ་དག །ཚེ་འདིར་དངོས་གྲུབ་མངོན་དུ་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ ལས། དངོས་གྲུབ་ཀྱི་དཀྱིལ་འཁོར་ཉེ་བར་བསྒྲུབ་པའི་ཚུལ་ཏེ། རིམ་པར་ཕྱེ་བ་ལྔ་པའོ།། །།དེ་ནས་བདུད་རྩིའི་སྙིང་པོ་ཉིད། །ངེས་པའི་ལུང་གིས་སྒྲུབ་བྱེད་པ། །དོན་ཀུན་གསང་བ་བསྟན་པའི་གནས། །ཟབ་མོའི་རྒྱུད་འདི་ངེས་པར་གསུངས། །དང་པོ་ཕུན་སུམ་ཚོགས་པའི་གནས། །དགེ་ཞིང་བར་ཆད་མེད་པའི་གཞི། །ཕྱི་ནང་རྒྱན་རྣམས་ཀུན་གྱིས་མཛེས། །དབེན་ཞིང་སྨན་རྣམས་ཀུན་རྫོགས་པའི། །ཉེ་བར་སྤྱོད་པའི་གནས་དག་ཏུ། །བསྒྲུབ་པའི་དཀྱིལ་འཁོར་རྒྱ་ཆེན་བརྩམ། །ཕྱི་ནང་གདོན་ཀུན་བསྲུང་བའི་ཕྱིར། །གསང་སྔགས་ཏིང་འཛིན་ཕྱག་རྒྱ་དང་། །སྨན་རྫས་ལག་ཆ་ཕུན་སུམ་ཚོགས། །གནོད་བྱེད་བར་ཆད་དགྲ་བགེགས་བཟློག །དེ་ནས་སྒྲུབ་པའི་ཡོ་བྱད་དང་། །དམ་རྫས་གསང་བ་ཀུན་བསག་ཅིང་། །འཚོ་བ་ཟས་ཀྱི་རྫས་རྣམས་དང་། ། ― DNG013_Page_0326 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་རྒྱན་བཅས་ཕུན་སུམ་ཚོགས། །མཆོད་དང་གཏོར་མ་རྒྱ་ཆེན་རྣམས། །ཉེ་བར་བཀོད་པའི་གནས་སུ་བརྒྱན། །ཕྱི་ནང་གསང་བའི་ལྷ་དག་ལ། །ཇི་བཞིན་ཉེ་བར་དེར་གནས་ཏེ། །ས་གཞི་རབ་ཏུ་སྦྱངས་བྱས་ནས། །ཚེས་གྲངས་ཡར་ངོའི་བརྒྱད་ལ་བརྩམ། །བཀྲ་ཤིས་སྔ་དྲོ་ལ་སོགས་དུས། །དཀྱིལ་འཁོར་ཆེན་པོ་བརྩམ་བྱ་ཞིང་། །བ་ཡི་རྣམ་ལྔ་དྲི་ལྔ་དང་། །བདུད་རྩི་ལྔ་ཡིས་ཉེ་བར་བྱུག །བསྙེན་བསྒྲུབ་སོ་སོའི་བྱེ་བྲག་བཞིན། །སྒྲུབ་རྫས་མཁས་པས་དབྱེ་བར་བྱ། །མཚན་ལྡན་ཐོད་པ་ལྔ་རྣམས་སུ། །ཚིལ་ཆེན་མེ་མར་གཏམས་བྱས་ཏེ། །རས་ཀྱི་སྡོང་བུ་བརྒྱ་བརྒྱས་བརྒྱན། །མེ་མར་ལྔ་བརྒྱ་བལྟམས་ནས་ནི། །ཕྱོགས་རྣམས་ཀུན་ནས་བྱིན་དབབ་སྟེ། །བསྙེན་བསྒྲུབ་དོན་ཆེན་གསང་བ་བརྩམ། །ཕྲིན་ལས་བཞི་ཡི་སྦྱིན་སྲེག་དང་། །ལས་བཞིའི་སྦྱོར་བ་མཆོག་ཀུན་བྱ། །ཞི་བའི་ཚེ་ནི་བྱང་དུ་བལྟ། །དབང་གི་དུས་སུ་ནུབ་ཕྱོགས་ཏེ། །མངོན་སྤྱོད་ཚེ་ན་ལྷོ་ཕྱོགས་སུ། །རྒྱས་པའི་ལས་ཀུན་ཤར་བལྟས་བརྩམ། །སོ་སོའི་གདན་ལ་གནས་པར་བྱ། །ཤར་གྱི་དཀྱིལ་འཁོར་སྟེང་དག་ཏུ། །སྒྲུབ་རྫས་ཐམས་ཅད་གཞག་པར་བྱ། །ལྷོ་ཡི་དཀྱིལ་འཁོར་སྟེང་དག་ཏུ། །མར་མེ་ལྔ་བརྒྱ་སྨོས་པ་གཞག །ནུབ་ཀྱི་དཀྱིལ་འཁོར་གནས་བརྒྱན་པར། །སྒྲུབ་མཆོག་ཡབ་ཡུམ་གནས་པར་བྱ། །བྱང་གི་དཀྱིལ་འཁོར་སྟེང་དག་ཏུ། །ཁམས་གསུམ་དག་པའི་རྫས་རྣམས་བཞག །དབུས་ཀྱི་དཀྱིལ་འཁོར་དབུས་དག་ཏུ། །རིན་ཆེན་པདྨའི་ཁྲི་སྟེང་ལ། །བྲམ་ཟེ་བཀྲ་ཤིས་གཙང་མའི་རྫས། །ཡིད་འོང་མཚན་མའི་སྣོད་རྣམས་བཞག །ཡེ་ཤེས་ལྔ་ལྡན་རི་མོས་བརྒྱན། །རྡོ་རྗེ་ཐོད་པ་དབུས་སུ་སྟེ། །སྐུ་གསུམ་ལྷུན་གྲུབ་ཚོགས་རྫོགས་པའི། །འཁོར་ལོའི་ཐོད་པ་ཤར་གྱི་ཕྱོགས། །མི་ཤིགས་མཛོད་ལྡན་ཀུན་འབྱུང་བའི། །དཀྱིལ་འཁོར་ཐོད་པ་ལྷོ་ཡི་རྫས། །སྲིད་གསུམ་ཡོངས་བསྒྲལ་རྣམ་དག་ཉིད། །པདྨའི་ཐོད་པ་ནུབ་ཀྱི་ཕྱོགས། །ཆོ་འཕྲུལ་རྟགས་ཀུན་ལས་ཉིད་རྫོགས། ། ― DNG013_Page_0327 ―
[མ་དཔེ་གཟིགས་ན་འདིར་གནོན།]
སྣ་ཚོགས་ཐོད་པ་བྱང་དུ་བཞག །མི་འགྱུར་བརྟན་པའི་རྡོ་རྗེ་དག །དངོས་གྲུབ་གསོལ་བྱ་བརྟེན་དུ་བཞག །མི་ཤིགས་མཛོད་ལྡན་རྡོ་རྗེ་དང་། །ཁམས་གསུམ་རྣམ་དག་རྡོ་རྗེ་དང་། །ཉོན་མོངས་གནས་སྦྱོང་རྡོ་རྗེ་དང་། །མཚན་མ་སྤྲོས་བྲལ་རྡོ་རྗེ་དང་། །ཐོད་པ་ཡིད་འོང་མཚམས་བཞི་རུ། །རིགས་མཐུན་པདྨའི་གདན་ལ་དགོད། །ཡོན་ཏན་ཚོགས་རྫོགས་རྡོ་རྗེ་དང་། །བཀྲ་ཤིས་མཚན་ལྡན་རྡོ་རྗེ་དང་། །མི་འགྱུར་སྲ་བརྟན་རྡོ་རྗེ་དང་། །དཔལ་ལྡན་འཇོམས་བྱེད་རྡོ་རྗེ་དང་། །པདྨ་ཅན་དང་དུང་ཅན་དང་། །བན་གླང་ཅན་དང་རི་མོ་ཅན། །མཚམས་དང་སྒོ་གནས་པདྨ་ལ། །རིགས་ཀྱི་རྫས་རྣམས་བཀོད་པར་བྱ། །ཡང་ན་བྷན་དྷ་དཔལ་ལྡན་རྫོགས། །ཟླུམ་ལ་འཁྱིལ་བས་པདྨ་འདྲ། །དབུས་ན་བུ་ག་གཅིག་ཡོད་པ། །འདི་དག་བདུད་རྩི་མཛེས་པའི་སྣོད། །ནང་དུ་ཧྲཱྀཿཞེས་བྲི་བར་བྱ། །ཕྱི་རོལ་པད་འདབ་སྔགས་དང་བཅས། །སྙིང་པོ་ཚིམས་བྱེད་བཅུད་ཀྱི་མཆོག །གཙོ་བོ་ལྔ་དང་འབྲས་བུ་ལྔ། །དྲི་ཞིམ་བཅུད་ལྡན་ཐམས་ཅད་ཀུན། །འདི་དག་རབ་ཏུ་བསྐྱབ་པའི་ཕྱིར། །མང་པོ་འདུས་པས་མཐུ་བྱིན་ཆེ། །ཡང་དག་རྩ་བརྒྱད་སྟོང་དུ་སྦྱར། །གཙོ་བོ་ལྔ་དང་སྦྱོར་བའི་སྨན། །ཨ་མྲ་རྒུན་འབྲུ་པ་ན་སེ། །ན་ལེ་གེ་སར་ཨ་ག་རུ། །འདི་དག་ནང་གི་འབྲས་བུ་ལྔ། །ཤ་ལྔའི་ཡོན་ཏན་རྩལ་རྫོགས་དག །དབང་པོ་ལྔ་ཡི་གཟུགས་དང་སྦྱར། །དེ་ཡི་འཕྲལ་དུ་དགོས་པ་ཡང་། །ཤིང་ཐོག་རྒུན་འབྲུ་ཀ་ཀོ་ལ། །ཨ་མྲ་བ་ན་བུམ་ཤ་རི། །དྲི་ནི་ཆེན་པོ་སྣ་ལྔ་དང་། །ཆ་ཡི་གྲངས་སུ་མཉམ་སྦྱར་ཏེ། །ནཱ་ག་གེ་སར་ཤིང་ཚ་དང་། །སུག་སྨེལ་གྷནྡྷ་རྦྷ་དྲ་དང་། །ཀུན་ཏ་རེ་ཏ་དྲི་ཡི་མཆོག །རྒྱ་སྤོས་ཛ་ཏི་ཕ་ལ་དང་། །ག་པུར་ཙན་དན་ལི་ཤི་དག །དྲི་ཡི་རྒྱལ་པོ་སྤོས་མཆོག་སྟེ། །རང་གི་རིགས་བཞིན་དགོད་པར་བྱ། །ཨ་ཀ་རུ་དང་དུ་རུ་ཀ །པོག་དང་སྦྲང་རྩི་ལྕེ་པོག་དག །གསེར་དངུལ་ཟངས་ལྕགས་དུང་རྣམས་ཀུན། །བརྡར་ཞིང་ཞིབ་ཏུ་བཏགས་ཏེ་སྦྱར། །དེ་དག་རབ་ཏུ་ཆ་བསྙམས་ཤིང་། །རང་གི་མཐུ་བཅས་སྦྱོར་བས་འགྲུབ། །བཏག་བཙག་ལས་ཀྱི་དཀྱིལ་འཁོར་ ― DNG013_Page_0328 ―
[མ་དཔེ་གཟིགས་ན་འདིར་གནོན།]
དུ། །བདུད་རྩི་འཁྱིལ་པའི་སྔགས་ཀྱིས་སྦྱར། །ཨོཾ་ཨ་མྲྀ་ཏ་ཧ་ན་ཧ་ན་ཨ་མྲྀ་ཏ་མུ་ས་ལ་སྭཱ་ཧཱ། ཁམས་གསུམ་རྣམ་རྒྱལ་དཀྱིལ་འཁོར་གྱིས། །བར་གཅོད་བགེགས་རྣམས་ཚར་གཅོད་ཅིང་། །གནས་དང་རྣལ་འབྱོར་སྒྲུབ་པའི་རྫས། །ཐམས་ཅད་འབྱོར་པས་བརྟན་པར་བྱ། །རིགས་ལྔ་རྩ་བའི་དཀྱིལ་འཁོར་ཉིད། །རིགས་ཀྱི་དཀྱིལ་འཁོར་ཇི་ལྟ་བར། །སྐུ་གསུང་ཐུགས་ཚོགས་བསྒྲུབ་པའི་གནས། །ཏིང་འཛིན་བསྙེན་པས་གསལ་བར་འགྱུར། །བདུད་རྩི་ཁྲོལ་བུའི་རིགས་དཀྱིལ་འཁོར། །དེ་ཉིད་སྔགས་དང་ཕྱག་རྒྱ་དང་། །འོད་ཟེར་མཐུ་ཡིས་སྦྱོར་བྱེད་ཅིང་། །རང་གི་དཀྱིལ་འཁོར་ཉིད་དུ་གནས། །བཏག་བཙག་ཕྲིན་ལས་གསལ་བའི་ཚོགས། །བདུད་རྩིའི་དཀྱིལ་འཁོར་འཇུ་འདུལ་བཅས། །རིགས་ཀྱི་འཁོར་ལོས་སྦྱོར་བའི་མཐུ། །སྤྲིན་ལས་བདུད་རྩི་གནས་ཆེན་འགྲུབ། །དེ་ནས་དཔལ་ཆེན་ཧེ་རུ་ཀ །དུར་ཁྲོད་བདག་པོ་ཆེན་པོ་ནི། །ཆེ་མཆོག་ཤིན་ཏུ་མི་བཟད་པའི། །རིགས་རྣམས་སངས་རྒྱས་རྣམས་ཀྱིས་བརྒྱན། །སྐུ་ནི་སྨུག་ནག་འབར་བ་ལ། །ཉི་ཤུ་རྩ་གཅིག་ཞལ་གྱིས་མཛེས། །བཞི་བཅུ་རྩ་གཉིས་ཕྱག་གི་ཚོགས། །རིགས་ཀྱི་སངས་རྒྱས་ཁྲོ་བོ་དང་། །ཞི་བའི་དཀྱིལ་འཁོར་ཡུམ་བཅས་རྣམས། །ཕོ་བྲང་གདན་དང་བཅུད་དུ་ལྡན། །ཁམས་གསུམ་དག་པའི་དཀྱིལ་འཁོར་གྱིས། །འཆི་མེད་རྡོ་རྗེའི་དཀྱིལ་འཁོར་བརྒྱན། །མཁའ་མཉམ་ཀློང་གི་དཀྱིལ་འཁོར་སྦྱོར། །གསང་བ་མཆོག་གི་དཀྱིལ་འཁོར་རྫོགས། །སྐུ་གདུང་འབར་བའི་དཀྱིལ་འཁོར་ལ། །བདུད་རྩི་ཟབ་མོའི་དཀྱིལ་འཁོར་ཉིད། །ཕྲིན་ལས་མཚམས་ཀྱི་དཀྱིལ་འཁོར་གནས། །མཁའ་འགྲོ་རོལ་པའི་ཚོགས་དང་བཅས། །ཡང་དག་བདུད་རྩི་གསང་ཆེན་བསྒྲུབ། །ཕྱག་རྒྱ་ཀུན་ཏུ་བཀོད་པའི་ཚུལ། །གར་དབང་དགྱེས་མཆོག་དཀྱིལ་འཁོར་ལ། །མཁའ་འགྲོའི་དཀྱིལ་འཁོར་སྣ་ཚོགས་པས། །ཐམས་ཅད་གཉིས་མེད་བྱང་ཆུབ་སེམས། །རང་བྱུང་བདུད་རྩིའི་དཀྱིལ་འཁོར་ཉིད། །རིན་ཆེན་འབར་བའི་དཀྱིལ་འཁོར་ལས། །ཐབས་ཤེས་འོད་འཕྲོ་ ― DNG013_Page_0329 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་འཆར། །རྣམ་དག་ཆོས་ཉིད་དཀྱིལ་འཁོར་དུ། །ཚོགས་ཆེན་ཡོངས་རྫོགས་དཀྱིལ་འཁོར་རྒྱས། །རྟ་མགྲིན་དབང་གི་དཀྱིལ་འཁོར་གྱིས། །དངོས་གྲུབ་བདུད་རྩིའི་དཀྱིལ་འཁོར་རྫོགས། །རྒྱུ་འབྲས་མཐུན་པར་སྦྱང་བ་ཡང་། །རིགས་ཚོགས་འབྲས་བུའི་དཀྱིལ་འཁོར་ཉིད། །གསང་བ་ཡུམ་གྱི་ཚོགས་རྣམས་ཀུན། །ཕྱོགས་བཞི་དག་ཏུ་དགོད་བྱ་སྟེ། །ཡང་དག་ཚུལ་བཞིན་བྱིན་གྱིས་བརླབ། །ཉི་ཟླའི་འོད་བཞིན་གསལ་བར་སྤྲོ། །གཉིས་མཉམ་གཉིས་སུ་མཉམ་སྦྱོར་བས། །དུག་གསུམ་སྐུ་གསུམ་གནས་སུ་སྒྲོལ། །ཡངས་ཤིང་རྒྱུད་ལ་གོམས་པ་དང་། །ཆོས་སྐུ་ཞི་བའི་ཏིང་ངེ་འཛིན། །ཡོན་ཏན་ཚོགས་དང་ལྡན་པ་ལ། །ངེས་པར་དབང་ཐོབ་དམ་ཚིག་གནས། །འབྱུང་བ་བཞི་ལས་བསྐྱེད་པའི་ཡུམ། །མཚན་མཆོག་བཟང་པོ་བདུད་རྩི་གཉིས། །ཆ་ལུགས་རྫོགས་པར་མ་འདྲེས་གསལ། །ཟླ་གསང་དཀར་དམར་ཀླུང་དཀར་ལྕི། །རབ་སྦྱངས་གསལ་བའི་གྲོགས་ལྡན་པ། །མ་དང་སྲིང་མོ་རྣལ་འབྱོར་མ། །བཙལ་ནས་བསྒྲུབ་པ་ཆེན་པོ་བྱ། །དྲི་སྦྱར་སྤོས་ཆུས་མགོ་ལུས་བཀྲུ། །དཀྱིལ་འཁོར་གནས་སུ་ཉེ་བར་སྦྱར། །འཛག་པའི་བདུད་རྩིར་སཱ་ཡ་ན། །ཆགས་ཆེན་སྦྱར་བའི་སེམས་དང་བཅས། །ཁྱད་པར་བདུད་རྩི་གནས་ཀུན་ཏུ། །རབ་ཏུ་རྒྱས་པས་ཀུན་འགྲུབ་འགྱུར། །མཚན་དང་ལྡན་པའི་ཐོད་པ་རུ། །གསང་སྔགས་ཕྱག་རྒྱ་འཕྲོ་འདུས་སྦྱང་། །བདུད་རྩི་དམ་པའི་གནས་ཉིད་དུ། །ཀུན་གྱིས་ཐམས་ཅད་གསང་བ་ཡིན། །སློབ་མ་དཔའ་བརྟུལ་གཙང་སྦྲ་ཅན། །སྐྱོན་དྲུག་རྣམ་པར་སྤངས་པ་ཡི། །མི་ཕྱེད་པ་ནི་དགུ་དང་ལྡན། །དམ་ཚིག་ཐམས་ཅད་མ་ཉམས་རྫོགས། །ལུས་སྲོག་བུ་དང་ཆུང་མ་དང་། །རིན་ཆེན་སྣ་ཚོགས་རྫས་རྣམས་དང་། །སྲིང་མོ་ཤིན་ཏུ་བརྒྱན་པ་དག །སློབ་དཔོན་བླ་མ་མཆོག་ལ་འབུལ། །དེ་དག་རབ་ཏུ་སྦྱངས་པ་ཡིས། །ཉུང་ཡང་བདུད་རྩིའི་གྲངས་བཞིན་དུ། །རབ་ཏུ་བརྟགས་ཤིང་བསལ་བྱས་པས། །སྐུ་གསུང་ཐུགས་ཀྱི་དངོས་གྲུབ་བསྒྲུབ། །བདུད་རྩིའི་རྒྱ་མཚོ་གནས་ཆེན་ ― DNG013_Page_0330 ―
[མ་དཔེ་གཟིགས་ན་འདིར་གནོན།]
འདིས། །རང་བྱུང་དོན་ཀུན་རྫོགས་བྱེད་པས། །རེ་དོགས་མཚན་མའི་མཐའ་སྤངས་ཏེ། །དོན་བཞིན་རིགས་ཀྱི་དངོས་གྲུབ་བླང་། །དེ་ཚེ་ཕྱི་ནང་གསང་བ་དང་། །མ་དག་པ་རྣམས་མཚམས་བཅད་དོ། །ལས་ཀྱི་གཙོ་ནི་བསྐང་བྱས་ཏེ། །སྦྱང་དང་མཚམས་དང་གསལ་བྱས་འགྲུབ། །ཉི་ཟླ་པདྨ་ཡང་དག་གནས། །རིགས་མཐུན་དཔའ་བོ་འབྲུ་ལྔའོ། །འཕྲོ་འདུ་མཚན་མ་སྐུ་ཡི་ཚོགས། །གནས་ལྔ་དག་ཏུ་བསམ་པར་བྱ། །འདི་དངོས་ཕྱི་མ་རབ་འབྱམས་མཆོག །དངོས་གྲུབ་རབ་འབྲིང་ཐ་མ་ཀུན། །མ་ཐོབ་བར་དུ་མི་གཏང་བཟུང་། །བཏང་ན་བར་ཆོད་ཆེན་པོར་འགྱུར། །གསང་སྔགས་བདུད་རྩིའི་གནས་ཆེན་འདིར། །མི་གཉིས་མཉམ་པར་བསྒྲུབ་པར་བྱ། །དེ་དག་ཐེ་ཚོམ་རྣམ་སྤངས་པས། །རིགས་ཀྱི་དཀྱིལ་འཁོར་བརྟན་བྱས་ཏེ། །སྔགས་དང་ཕྱག་རྒྱ་ཉེ་བར་སྦྱར། །བདེ་བ་ཆེན་པོའི་ཚོགས་རབ་རྒྱུས། །ཨོཾ་ཨ་ཧོ་སུ་ཁ་དྷརྨ་ཀཱ་ཡ་སིདྡྷི་ཨ་མྲྀ་ཏ་སིདྡྷི་ཧྲཱྀཿསྭཱ་ཧཱ། གནས་ལྔ་དག་ཏུ་བསམ་པར་བྱ། །སྤྱི་གཙུག་དབུས་སུ་ཟླ་གམ་སྟེ། །དེ་ནི་ཨོཾ་དཀར་འོད་ལྡན་པ། །འོད་ཟེར་རྣམ་ལྔ་འཕྲོ་འདུའི་རྒྱ། །བདེ་གཤེགས་རྣམ་པར་སྣང་མཛད་གཙོ། །རིགས་ཀྱི་ཕྱག་རྒྱའི་ཚུལ་བཞུགས་པའི། །ལྕེ་ཡི་པདྨ་ཧྲཱྀཿདམར་པོ། །འོད་ཟེར་རྣམ་ལྔའི་མདངས་དང་བཅས། །མཐའ་ཡས་ཆོས་ཀྱི་གསུང་ལྡན་པ། །མཉམ་པའི་ཕྱག་རྒྱའི་ཚུལ་བསྟན་པའོ། །དེ་ནས་བསྒྲུབ་པའི་རྣལ་འབྱོར་ཀུན། །སྙིང་གའི་ཉི་དཀྱིལ་ཧཱུཾ་མཐིང་ག །རིན་ཆེན་སྣ་ལྔའི་ཟེར་དང་བཅས། །ཐུགས་མཆོག་མི་བསྐྱོད་རྡོ་རྗེ་སེམས། །རྡོ་རྗེ་དྲིལ་བཅས་ས་གནོན་མཛད། །ལྟེ་བའི་ཉི་མར་སྭཱ་སེར་པོ། །འོད་ཟེར་སྣ་ལྔའི་འཕྲོ་འདུ་ལས། །ཡོན་ཏན་རིན་ཆེན་འབྱུང་ལྡན་ཉིད། །ཡིད་བཞིན་རིན་ཆེན་སྦྱིན་པའི་རྒྱ། །གསང་གནས་ཉི་མར་ཧ་ལྗང་གུ། །འོད་ཟེར་སྣ་ལྔའི་ཕྲེང་བར་བཅས། །ཕྲིན་ལས་དོན་ཡོད་གྲུབ་པའི་སྐུ། །སྐྱབས་སྦྱིན་སྣ་ཚོགས་རྡོ་རྗེའི་རྒྱ། །ཕོ་བྲང་དཀྱིལ་འཁོར་རེ་ཆའི་གནས། །ཕུང་པོའི་དཀྱིལ་འཁོར་ཇི་བཞིན་པའོ། །རིགས་ལྔ་གཙོ་བོ་ཡུམ་བཅས་ཀུན། །རང་ ― DNG013_Page_0331 ―
[མ་དཔེ་གཟིགས་ན་འདིར་གནོན།]
བྱུང་བདུད་རྩིའི་དཀྱིལ་འཁོར་ཉིད། །ཡེ་ཤེས་ལྔ་ལས་དེར་སྣང་བའི། །ཉི་ཤུ་རྩ་ལྔའི་འཕྲོ་འདུ་ལས། །ཁམས་གསུམ་འགྲོ་བའི་དོན་མཛད་ཅིང་། །སླར་འདུས་བདུད་རྩིའི་གནས་སུ་ཐིམ། །ཕོ་བྲང་དཀྱིལ་འཁོར་གདན་རྣམས་སུ། །སྨན་ཉིད་ཕྱག་རྒྱ་གསལ་གྱུར་ནས། །སྤྲོ་དང་བསྡུ་བའི་སྦྱོར་བ་ཡིས། །རིགས་ཀྱི་དཀྱིལ་འཁོར་གནས་སྦྱོར་ཅིང་། །རིགས་གནས་ཁ་དོག་ལས་ཀུན་དག །དེ་དག་མཚན་མར་གསལ་བར་གནས། །ཨོཾ་ལས་འཁོར་ལོ་རྩིབས་བརྒྱད་ཀྱིས། །རིན་ཆེན་བདུད་རྩི་གནས་སྤྱོད་མཛད། །ཧཱུཾ་ལས་རྡོ་རྗེ་རྩེ་ལྔ་པ། །འབར་བ་བྱང་ཆུབ་སེམས་ཉིད་སྦྱོང་། །སྭཱ་སྔོན་རིན་ཆེན་འོད་འབར་བས། །ཤ་ཆེན་བདུད་རྩིའི་གནས་དག་མཛད། །དམར་པོ་ཧྲཱྀཿལས་པདྨར་གྱུར། །ཆགས་པའི་རཀྟ་སྦྱོང་བྱེད་པའོ། །ཧཱ་ལྗང་རྡོ་རྗེ་རྒྱ་གྲམ་ལས། །དག་པའི་དྲི་ཆུ་བདུད་རྩིར་གྱུར། །ཡང་དག་གོམས་པས་སྤྲོ་དང་བསྡུ། །ཡུན་རིང་བརྟན་པས་ཀུན་ཏུ་སྦྱོར། །ཨོཾ་ཨཱཿཧཱུཾ་སྭཱ་ཧཱ། རིགས་རྣམས་རྩ་བའི་སྙིང་པོ་ཡིས། །བདེ་གཤེགས་ཀུན་གྱི་གནས་སྦྱོར་ཞིང་། །རིགས་བཅས་ཞིང་ཁམས་ཐམས་ཅད་ཀུན། །བདུད་རྩི་གསང་ཆེན་རྒྱ་མཚོ་ཉིད། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱྀ་ཋ། ཡེ་ཤེས་ལྔ་ཡི་འོད་འབྱུང་བར། །བསྡུས་པས་བདུད་རྩི་རྣམ་པར་དག །ཐམས་ཅད་གཉིས་མེད་བྱང་ཆུབ་སེམས། །རིགས་ལྔའི་དཀྱིལ་འཁོར་མངོན་སངས་རྒྱས། །མ་སྐྱེས་བྱང་ཆུབ་སེམས་ཀྱི་དབྱིངས། །དུག་གསུམ་ཉོན་མོངས་རྩད་ནས་གཅོད། །ཡོན་ཏན་ཚོགས་ཀུན་དབང་སྡུད་ཅིང་། །དམ་བཅས་འཇིག་རྟེན་མ་ལུས་སྒྲོལ། །བདུད་རྩི་གསང་བའི་དཀྱིལ་འཁོར་ཉིད། །ཕོ་བྲང་འབར་བའི་གཞལ་ཡས་གནས། །བདུད་རྩི་རྩ་བ་གྲོགས་དང་སྐྱབས། །རྩ་བརྒྱད་སྟོང་ལས་སྦྱར་བའི་སྨན། །རྣམ་པར་མི་རྟོག་ཆོས་ཀྱི་སྐུ། །དེ་དག་ལོངས་སྤྱོད་ཡོན་ཏན་རྣམས། །མ་འགགས་རྣམ་པར་འཕྲུལ་པའི་སྐུ། །ཐམས་ཅད་གཅིག་ཏུ་རྫོགས་པའོ། །ཕྱག་རྒྱའི་རིགས་ཀྱི་དཀྱིལ་འཁོར་ཉིད། །ཕྲིན་ལས་སོ་སོ་ཀུན་གསལ་བ། །སྤྲུལ་པའི་ཕྲེང་བ་རྒྱུན་མི་ཆད། ། ― DNG013_Page_0332 ―
[མ་དཔེ་གཟིགས་ན་འདིར་གནོན།]
གསང་སྔགས་ཡི་གེ་འཁོར་ལོའི་ཚུལ། །ཕྱག་རྒྱའི་ཚོགས་རྣམས་སྣ་ཚོགས་པས། །རང་རིག་དཀྱིལ་འཁོར་སྦྱང་མཛད་གསལ། །ཨོཾ་ནི་ཆོས་ཀྱི་རང་བཞིན་ཏེ། །ཐམས་ཅད་ཐབས་དང་ཤེས་རབ་ཚོགས། །སྐྱེ་མེད་དབྱིངས་ལས་མ་གཡོས་པས། །ཡུམ་གྱི་མཁའ་ནས་འགྱུར་བ་མེད། །ཨཱོཾ་ནི་གསུང་གི་རང་བཞིན་ཏེ། །སྐྱེ་བ་མེད་ལས་སྐྱེ་བའི་ཚུལ། །ཏིང་འཛིན་རྣམ་གསུམ་འདྲེལ་བའི་ཚུལ། །ལྷུམས་ནས་བལྟམས་པ་ཉིད་དུ་བལྟམས། །ཧཱུཾ་ནི་ཐུགས་ཀྱི་རང་བཞིན་ཏེ། །ཐུགས་རྗེ་ཆེན་པོས་འགྲོ་བའི་དོན། །གཉིས་མེད་ཡེ་ཤེས་རྣམ་སྤྲུལ་པས། །གཞོན་ནུ་རོལ་པ་ཇི་བཞིན་མཛད། །སེམས་གནས་ཀུན་གྱི་གཞིར་གྱུར་ཅིང་། །ཐམས་ཅད་བསྐྱེད་པའི་ཡུམ་ཉིད་དེ། །དབྱིངས་དང་ཡེ་ཤེས་འདྲེལ་པའི་རྒྱ། །རིགས་ཀྱི་ལྷ་མོའི་ཚོགས་བཅས་པའི། །གཡོ་བས་ཀུན་ཏུ་བསྐྱེད་མཛད་ཅིང་། །ཀུན་ཏུ་སྟོན་པའི་གནས་ལྡན་པས། །འཁོར་དང་མྱ་ངན་འདས་པར་སྦྱོར། །རབ་ཏུ་བྱུང་བའི་ཚུལ་འཛིན་པའི། །དྲུག་པས་ཀུན་ཏུ་སྡུད་མཛད་ཅིང་། །རྣམ་རྟོག་དྲི་མ་འཁྲུ་བར་བྱེད། །དོན་ཀུན་གསང་བ་བསྟན་པའི་སྒོས། །དཀའ་ཐུབ་ཆེན་པོ་མཐར་ཕྱིན་པའོ། །བདུན་པ་ཀུན་ཏུ་སྣང་བྱེད་ཅིང་། །ཐམས་ཅད་བསྲེགས་པའི་མཐུ་ལྡན་པས། །རྣམ་རྟོག་རི་བོའི་བདུད་ཚོགས་ཀུན། །ཐུགས་རྗེ་ཉི་མས་བསྡུ་བར་མཛད། །བརྒྱད་པ་བྱང་ཆུབ་སེམས་ཉིད་ཀྱིས། །སྐྱེ་མེད་དབྱིངས་སུ་རྣམ་དག་ཅིང་། །སངས་རྒྱས་ཀུན་གྱི་རྣལ་འབྱོར་པས། །ཡང་དག་རྫོགས་པའི་རྣལ་འབྱོར་ཉིད། །དགུ་པས་དུག་གསུམ་རྩད་ནས་གཅོད། །ཐུགས་རྗེ་རྣམ་དག་ཡེ་ཤེས་ཚོགས། །སྐུ་གསུང་ཐུགས་ཀྱི་མཛད་པ་དག །ཆོ་འཕྲུལ་ཀུན་ཏུ་མ་འགགས་པའོ། །ཕྲ་ཞིང་གཏིང་དཔག་མེད་པའི་ཆོས། །ཟབ་ཅིང་རྒྱ་ཆེ་འགྲོ་ལ་སྟོན། །སྐྱེ་མེད་དབྱིངས་སུ་ཟད་མེད་དེ། །ཆོས་ཀྱི་འཁོར་ལོ་བསྐོར་བའི་ཚུལ། །ཧྲཱྀཿབཅས་དབང་དུ་སྡུད་པའི་སྔགས། །བརྟན་གཡོའི་དངོས་བཅས་མ་ལུས་ཀུན། །ཐམས་ཅད་བདུད་རྩི་ཆེན་པོར་བསྒྱུར། །སྐྱེ་མེད་དབྱིངས་བྲལ་མྱ་ངན་འདས། ། ― DNG013_Page_0333 ―
[མ་དཔེ་གཟིགས་ན་འདིར་གནོན།]
ཕྱོགས་བཅུར་སྔགས་ཀྱིས་སྤྲོ་བྱེད་ཅིང་། །འབྱུང་ཚོགས་དམ་རྫས་ཡབ་ཡུམ་སྐུ། །རང་བཞིན་གཉིས་མེད་ཕྱག་རྒྱ་ལས། །སྤྲུལ་པའི་སྐུ་སྟོན་སྐུ་གདུང་བགོས། །ཐབས་དང་ཤེས་རབ་སྦྱོར་བའི་རྒྱ། །སླར་འདུས་བདུད་རྩི་གསང་བའི་གནས། །འབྱུང་བའི་རྒྱུ་ནི་ཡབ་ཡུམ་མཁའ། །འདི་དག་དོན་ཀུན་སྐྱེ་ཤི་མེད། །རྣམ་རྟོག་མཚན་མ་ཀུན་སྦྱོང་བ། །ཐབས་དང་ཤེས་རབ་རྣམ་བཀོད་པའོ། །ལག་པ་གཡོན་པའི་དཔུང་པས་ཀྱང་། །མཐེ་བོང་སྲིན་ལག་སྦྱོར་བའི་བར། །ཐབས་ཤེས་དཀྱིལ་ན་ཡི་གེ་ཧྲཱྀཿ། །གསང་བའི་མཚན་མ་བསྟན་བྱས་ནས། །མཛུབ་མོ་གུང་མོ་མཐེའུ་ཆུང་བརྐྱང་། །སྔགས་ཀྱི་ཕྲེང་བ་འོད་བཅས་ཀྱིས། །སྒྲུབ་པའི་རྫས་རྣམས་བྱིན་བརླབས་པས། །དཀྱིལ་འཁོར་སྦྱོར་བ་བརྟན་པར་འགྱུར། །ཏིང་འཛིན་མེ་དང་འདྲ་བ་ལ། །བཟླས་བརྗོད་རླུང་དང་འདྲ་བས་བསྐུལ། །ལེ་ལོ་ཉམས་སྤངས་གཡེང་བ་ཡི། །གླལ་དང་སྦྲིད་པས་བར་མི་བཅད། །ཨོཾ་བཛྲ་ཨ་མྲྀ་ཏ་ཧཱུཾ་ཧྲཱྀཿཋ། ཨོཾ་ཨཱཿཧཱུཾ། ཛཿཧཱུཾ་བཾ་ཧོཿ། ཨ་མྲྀ་ཏ་པྲཱ་བེ་ཤ་ཡ། ཨཱ་བེ་ཤ་ཡ་ཨ་ཨ། རང་བཞིན་བདུད་རྩི་གནས་རྣམས་ནས། །རིགས་ཀྱི་དཀྱིལ་འཁོར་ཀུན་བསྡུས་ཏེ། །དེ་དག་གསང་བའི་གནས་སུ་བཞུགས། །ཕྱག་རྒྱའི་དཀྱིལ་འཁོར་རྟག་པར་གནས། །གཉིས་མེད་གདོད་ནས་དག་པ་སྟེ། །སྐུ་གསུང་བདུད་རྩིའི་གནས་རྒྱས་ཤིང་། །རིགས་ཀྱི་དཀྱིལ་འཁོར་ཡང་དག་སྦྱོར། །ཕྱག་རྒྱ་རོལ་པའི་ཚུལ་སྟོན་པའོ། །དེ་ནས་འཁོར་གྱི་གཙོ་བོ་དག །ཀུན་ཏུ་ལོངས་སྤྱོད་མཉེས་པའི་ཚོགས། །རང་གི་དཀྱིལ་འཁོར་རྣམ་དག་པའི། །བདུད་རྩིའི་གནས་ཀུན་ལོངས་སྤྱོད་ཉིད། །དེ་ཚེ་དགའ་མགུ་དད་པ་ཡིས། །རིགས་ཀྱི་དཀྱིལ་འཁོར་རྣམ་པར་བསྟོད། །ཨོཾ་ནམ་མཁའི་མཚན་ཉིད་ཡེ་ཤེས་ཏེ། །མཚན་ཉིད་སྣ་ཚོགས་ནམ་མཁའ་བཞིན། །བྱ་དང་བྱེད་ཚོགས་རྣམ་པར་གྲོལ། །བདུད་རྩིའི་རྒྱལ་མཆོག་ཕྱག་འཚལ་བསྟོད། །ཨཱོཾ་ཆུ་ཟླ་བཞིན་དུ་མ་འགགས་གསལ། །ཐམས་ཅད་རྟོག་པ་ཡོངས་སུ་སྤངས། །དུག་ཏུ་འཛིན་མེད་རྣམ་པར་སྤངས། ། ― DNG013_Page_0334 ―
[མ་དཔེ་གཟིགས་ན་འདིར་གནོན།]
བདུད་རྩིའི་དཀྱིལ་འཁོར་ཕྱག་འཚལ་བསྟོད། །དུས་གསུམ་སངས་རྒྱས་ཆོས་དབྱིངས་གནས། །ཡེ་ཤེས་ཆེན་པོས་ཀུན་སྐྱོབ་མཛད། །སྤྲོ་བ་མེད་ཅིང་འགག་པ་མེད། །བདུད་རྩིའི་དབྱིངས་ལ་ཕྱག་འཚལ་བསྟོད། །རིགས་ཀྱི་དཀྱིལ་འཁོར་ཐམས་ཅད་ཉིད། །དོན་ཀུན་བྱ་བའི་གནས་རྫོགས་པའི། །མཛད་པ་ཆེན་པོ་ལྷུན་གྱིས་གྲུབ། །དཀྱིལ་འཁོར་ཀུན་ལ་ཕྱག་འཚལ་བསྟོད། །ཅེས་བསྟོད་དོ། །རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ལས། དཀྱིལ་འཁོར་གསང་བའི་བདུད་རྩི་བསྒྲུབ་པའི་ཆོ་ག་སྟེ། རིམ་པར་ཕྱེ་བ་དྲུག་པའོ།། །།དེ་ནས་བྱང་ཆུབ་སེམས་རྣམས་ཀྱིས། །གར་གྱི་གནས་ཆེན་རྒྱས་བཀོད་པར། །ཐབས་དང་ཤེས་རབ་གཉིས་མེད་པའི། །ཕྱག་རྒྱ་རོལ་པས་བསྐུལ་བར་མཛད། །དེ་ནས་བྱང་ཆུབ་སེམས་དཔའི་མཆོག །གསང་བའི་བདག་པོ་ལ་སོགས་པས། །རིགས་ཀྱི་དཀྱིལ་འཁོར་ཀུན་བཟུང་སྟེ། །ཐམས་ཅད་སྟོན་པས་གསང་བའི་ཡུམ། །དེ་དག་གསལ་བར་འགྲུབ་བྱེད་པའི། །བདུད་རྩི་གནས་རྣམས་འབྱུང་བར་མཛད། །སངས་རྒྱས་ཀུན་གྱི་དབང་བསྐུར་ཉིད། །བདུད་རྩིའི་གནས་ལས་འབྱུང་བ་འདི། །དག་པའི་དཀྱིལ་འཁོར་བསྒྲུབ་པའི་ཐབས། །ཡང་དག་རྒྱ་ཆེར་གསོལ་བ་འདེབས། །དེ་བཞིན་འགྲོ་རྣམས་མ་ལུས་ཀུན། །ཐབས་ཀྱིས་བདུད་རྩིས་སྦྱོང་བྱེད་པའི། །ཆོ་གའི་རིགས་འཛིན་ཀུན་གྱི་ལམ། །ཕྱག་རྒྱའི་སྔགས་དམ་བཅས་པ་ཡི། །ཐབས་ལྡན་ཡན་ལག་རྫོགས་པའི་གཞི། །དེ་དག་གསང་བའི་གནས་འཇུག་པའི། །དོན་ཀུན་རྒྱ་ཆེར་གསོལ་འདེབས་ཤིང་། །ཡང་དག་ཡེ་ཤེས་བརྟན་པར་གནས། །དེ་ནས་སྟོན་པ་ཐམས་ཅད་གཟིགས། །ཡེ་ཤེས་ཆེན་པོའི་གནས་རྒྱས་པའི། །གཉིས་མེད་ཕྱག་རྒྱས་མཉམ་སྦྱོར་ཅིང་། །གསང་བའི་བདུད་རྩི་འདི་བསྟན་ཏོ། །ཤར་ལྷོ་ནུབ་བྱང་སྒོ་བཞི་རུ། །དྲང་སྲོང་ཆེན་པོའི་སྒྲུབ་ལུགས་དང་། །ཕྲ་མེན་མ་ཡི་སྦྱོར་ལུགས་དང་། །རྩི་སྨན་ ― DNG013_Page_0335 ―
[མ་དཔེ་གཟིགས་ན་འདིར་གནོན།]
འཁྲུངས་པའི་རྒྱལ་ཁམས་དག །ཤིང་དང་ནགས་ཀྱི་ལྷ་མོའི་གནས། །རི་བོའི་ལྗོངས་དང་ཙན་དན་དྲི། །སྟོན་པའི་གནས་རྣམས་བསྒྲུབ་པའི་ཕྱིར། །དུག་རྣམས་བདུད་རྩིར་སྦྱོར་བར་བྱ། །རྩ་བ་ལ་སོགས་ཡལ་གར་བཅས། །བཅུད་ལེན་རྩལ་རྫོགས་མ་ལུས་ཀུན། །རིགས་དང་སྦྱོར་བའི་མཐུ་བཞིན་དུ། །ཚང་པར་བསགས་ནས་བསྒྲུབ་པར་བྱ། །རི་བོ་ནགས་འདབ་ཆུ་ངོགས་དང་། །བྲག་ཕུག་སྟོང་ཡུལ་ཐིབ་པོ་དག །ཕྲིན་ལས་སོ་སོའི་ལས་ཀུན་གྱི། །བསྒྲུབ་པའི་གནས་སུ་མངོན་པར་བསྔགས། །བསྒྲུབ་པའི་གནས་ཀུན་དག་པའི་ཕྱིར། །ས་གཞི་རབ་ཏུ་བརྟག་པར་བྱ། །འཇམ་ཞིང་སྣུམ་ལ་རྣག་མ་ཅན། །མི་སྡུག་སྲིན་པོའི་གཟུགས་སོགས་མེད། །ཚ་སྒོ་ཐ་བའི་སྐྱོན་སོགས་བྲལ། །མ་ཞིས་མ་གས་མཉམ་པོ་ལ། །ཕྱི་ནང་རྒྱན་གྱིས་མཛེས་བྱས་པས། །བསྒྲུབ་པའི་གནས་མཆོག་བཟུང་ཞིང་འཇམ། །ཕྱི་རོལ་སྲུང་མ་ཀུན་བསྡུས་ཏེ། །ཕྱོགས་བཅུར་གཏོར་མས་མཉེས་པར་བྱ། །དེ་དག་རང་གི་ཕྲིན་ལས་བཞིན། །བསྒོས་པའི་གནས་ཀུན་བརྟན་པར་འགྱུར། །རྟེན་གྱི་ཕུར་པ་བཅུ་པོ་དག །ཡེ་ཤེས་ཁྲོ་བོའི་སྐུར་བསྒོམས་ཏེ། །ཕྱོགས་བཅུར་ངེས་པར་བཀོད་བྱས་པས། །གནས་ཀུན་ས་གཞི་དག་པར་འགྱུར། །ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་ཀྲོ་དྷ་ཧཱུཾ་ཧཱུཾ་ཕཊ། ཨོཾ་གརྫ་གརྫ་ཧཱུཾ་ཕཊ། ཨོཾ་ཧ་ན་ཧ་ན་ཧཱུཾ་ཕཊ། ཨོཾ་པ་ཙ་པ་ཙ་ཧཱུཾ་ཕཊ། ཨོཾ་བིན་དྷ་བིན་དྷ་ཧཱུཾ་ཕཊ། ཨོཾ་ཧུ་ལུ་ཧུ་ལུ་ཧཱུཾ་ཕཊ། ཨོཾ་ཏིཥྛ་ཏིཥྛ་ཧཱུཾ་ཕཊ། ཨོཾ་ཙྪིནྡ་ཙྪིནྡ་ཧཱུཾ་ཕཊ། ཨོཾ་སྥོ་ཊ་སྥོ་ཊ་ཧཱུཾ་ཕཊ། ཕྱོགས་རྣམས་ཀུན་ཏུ་བསྲུང་བྱས་ཏེ། །གནས་སོགས་རབ་ཏུ་བྱིན་བརླབས་ནས། །དཀྱིལ་འཁོར་ཀུན་ནས་གནས་རྒྱས་མཆོག །དྲི་ལྔ་ལྡན་དང་བདུད་རྩི་ལྔས། །ལེགས་པར་ཕྱུགས་ཏེ་བརྟན་པར་བརྩམ། །ཕྱོགས་བཞིའི་དཀྱིལ་འཁོར་དག་དང་བཅས། །རས་སྐུད་སྣ་ལྔ་འདྲེལ་ལ་སོགས། །ལེགས་པར་བྱིན་བརླབས་བསྒྲིལ་བྱས་ཏེ། །ཐབས་དང་ཤེས་རབ་མཉམ་སྦྱོར་བས། །སྟེང་འོག་བཅུ་དྲུག་ཆ་བགོས་ཏེ། །དེ་ལ་ཐིག་ལེ་བཅུ་དྲུག་དགོད། །ཐོད་པ་མཚན་ལྡན་མ་ཉམས་པ། །ཉ་ཕྱིས་རུས་སྦལ་སྣོད་ཀྱང་རུང་། ། ― DNG013_Page_0336 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་གནས་ཀུན་ཕྱོགས་བཞག་སྟེ། །བདུད་རྩི་སྣ་གྲངས་བརྒྱ་རྩ་བརྒྱད། །བཏག་བཙག་གཞལ་ཅིང་བརྟན་བྱས་པ། །འཁོར་ལོ་འབར་བའི་དབུས་སུ་བཞག །ཕྱོགས་མཚམས་སྣོད་རྣམས་མ་ནོར་བར། །རང་གི་གདན་ལེགས་གནས་པ་རུ། །རིགས་དང་ཁ་དོག་མཐུན་པའི་རྫས། །ཕོ་བྲང་གནས་ཀུན་བརྒྱན་བྱས་ཏེ། །དར་སྣ་ལྔ་ཡི་ཁ་རྒྱན་ཅན། །ར་སཱ་ཡ་ན་ལ་སོགས་རྫས། །ཇི་སྙེད་འབྱོར་བ་མ་ལུས་ཀུན། །དཀྱིལ་འཁོར་སྟེང་དུ་བཀོད་དེ་བཞག །དེ་བཞིན་དར་གྱི་ཐིག་ཡོལ་གྱིས། །ཕྱོགས་རྣམས་མཐའ་ཡས་བསྐོར་བར་བྱ། །ཕྱི་རོལ་གྲྭ་བཞིར་མདའ་བཞི་ལ། །སྲད་བུ་སྣ་ལྔ་ཕྲེང་བས་བརྒྱན། །མེ་ལོང་བཞི་དང་དར་སྣ་བཞི། །རལ་གྲི་བཞི་དང་ཕུར་བུ་བརྒྱད། །དངོས་གྲུབ་རྫས་རྣམས་མཐའ་ཡས་པས། །དཀྱིལ་འཁོར་འཁོར་བར་བསྐོར་ཏེ་བཞག །ཏིང་འཛིན་རྣམ་གསུམ་རིམ་བཞིན་བསྒོམ། །རྒྱུ་ཡི་ཏིང་འཛིན་འབྲས་བུ་ལས། །དེ་ཉིད་བྱང་ཆུབ་སེམས་ཀྱི་རྒྱུན། །ཕྱོགས་རྣམས་ཀུན་ཏུ་སྤྲོ་བར་བྱ། །འབྱུང་ལྔ་ཡུམ་གྱི་དཀྱིལ་འཁོར་དག །བྱང་སེམས་སྤྲུལ་པས་རིམ་བཞིན་བསྐྱེད། །ཨེ་ཡཾ་ཁཾ་ལཾ་རཾ་དང་མཾ། །བཾ་སུ་བྷྲཱུཾ་གྱིས་གནས་ཁྱབ་པར། །རང་གི་དཀྱིལ་འཁོར་ཇི་བཞིན་ཉིད། །དབྱིངས་མདོག་མཚན་མ་རྒྱན་དང་བཅས། །ནམ་མཁའི་དབྱིངས་ཀྱི་ཚད་མཉམ་པའི། །ཁང་པ་གྲུ་བཞི་སྒོ་དང་བཅས། །རྟ་བབས་རྒྱན་ཚོགས་ཀུན་གྱིས་བརྗིད། །ཕོ་བྲང་རིན་ཆེན་འཁོར་ལོའི་གདན། །ཤར་བུ་དོ་ཤལ་ཕྲེང་བས་མཛེས། །དབུས་སུ་བྱང་ཆུབ་སེམས་ཆེན་པོ། །ཤར་དུ་རྡོ་རྗེ་དྲི་ཆེན་ཏེ། །ལྷོ་རུ་མཱཾ་ས་སྣ་ཚོགས་པའོ། །ནུབ་ཏུ་པདྨ་རཀྟའི་ཚོགས། །བྱང་དུ་དྲི་ཆུ་སྣ་ཚོགས་པའོ། །འདི་དག་རིམ་བཞིན་གནས་དག་ཏུ། །ཆོ་ག་ཀུན་གྱིས་རྣམ་པར་སྦྱང་། །དེ་བཞིན་སྐུ་གསུང་ཡོན་ཏན་དང་། །ཕྲིན་ལས་དཀྱིལ་འཁོར་སོ་སོའི་གཞུང་། །བདུད་རྩིའི་ཕྱོགས་རྣམས་དབུས་གནས་སུ། །རང་གི་དམ་ཚིག་རྫས་བཞིན་དགོད། །རིགས་ཀྱི་གཙོ་བོ་ཡབ་ཡུམ་དག ། ― DNG013_Page_0337 ―
[མ་དཔེ་གཟིགས་ན་འདིར་གནོན།]
རིགས་ཀྱི་དཀྱིལ་འཁོར་དབང་བསྐུར་ལྡན། །གཉིས་མེད་སྦྱོར་བའི་བྱིན་རླབས་ཀྱིས། །བྱང་ཆུབ་སེམས་ཀྱི་དངོས་གྲུབ་དབབ། །རང་གི་གར་ཐབས་ཕྱག་རྒྱ་དང་། །གླུ་དབྱངས་སྔགས་ཀྱི་བཟླས་བརྗོད་ཀྱིས། །ཡེ་ཤེས་དཀྱིལ་འཁོར་ཀུན་བསྐུལ་ཅིང་། །གཉིས་མེད་བདུད་རྩིའི་གནས་རྒྱས་པའི། །བྱང་ཆུབ་སེམས་འདི་ཡེ་ཤེས་རང་བཞིན་ཏེ། །དྲི་མེད་རིན་ཆེན་ཆར་བཞིན་དབབ་པ་ལས། །འགྲོ་བ་ཀུན་བསྐྱེད་ཡིད་བཞིན་ནོར་བུའི་ཚུལ། །གདོད་ནས་དག་པ་བདུད་རྩིའི་རང་བཞིན་ལ། །གཉིས་མེད་སྦྱོར་བས་རྡོ་རྗེའི་རིགས་ཆེན་ཀུན། །མེ་ལོང་ཡེ་ཤེས་དེ་ཉིད་ཡིན་པར་བཤད། །མཚན་ལྡན་བྷན་དྷའི་ཤེལ་ཕོར་དུ། །བྱང་ཆུབ་སེམས་ཀྱི་རིགས་རྣམས་ཀུན། །གསང་བའི་རྡོ་རྗེ་ཕྱག་རྒྱས་མནན། །འཕྲོ་འདུ་སྔགས་ཀྱི་བཟླས་བརྗོད་བྱ། །ཨོཾ་ཨཱཿཧཱུཾ། བཛྲ་སཏྭ་ཧཱུཾ།སརྦ་ཨེ་ཧོ་ཤུདྷི་ཨ་མྲྀ་ཏ་སུ་ཁ་མ་ཧཱ་ཡོ་ག་ཙིཏྟ་ཧཱུཾ། ཨོཾ་ཨཱཿཧཱུཾ། ཨཀྵོ་བྷྱ་བཛྲ་དྷཱ་ཏྭཱི་ཤྭ་རཱི་ས་མ་ཡ་སྟྭཾ། གཉིས་མེད་བསྡུས་པས་བྱང་ཆུབ་སེམས། །རིགས་ཀྱི་དཀྱིལ་འཁོར་རྣམ་དག་པའོ། །ཕྱོགས་བཞི་རང་གི་དཀྱིལ་འཁོར་གྱིས། །དེ་ཉིད་དངོས་གྲུབ་སྐུལ་བྱེད་ཅིང་། །སོ་སོའི་རྫས་རྣམས་མཐའ་ཡས་པ། །རིགས་ཀྱི་ཕོ་བྲང་གནས་སུ་བཞག །སེམས་ཅན་རྣམས་ནི་གནས་ལ་ཆགས། །འཁྲུལ་པའི་བདག་ཉིད་གཙང་མར་འཛིན། །དོན་གྱིས་འདི་དག་སུན་དབྱུང་སྟེ། །རང་བཞིན་བདུད་རྩིའི་དབྱིངས་སུ་སྦྱོར། །བསོད་ནམས་ཐམས་ཅད་དང་བྲལ་བའི། །ཡི་དྭགས་སྐམ་ཐག་ཆད་པ་ཡང་། །རང་ལུས་གཏོང་བར་མི་ཕོད་ན། །ལྷ་ལ་སོགས་པའི་བདག་ཉིད་ཀྱིས། །ལུས་ཅན་རྣམས་ལ་སྨོས་ཅི་དགོས། །རང་བྱུང་བདུད་རྩི་སྟོན་པ་ཉིད། །ལྷས་ཀྱང་ལྷ་ཡི་བདག་ཉིད་བཟའ། །མི་ལ་སོགས་པ་དེ་བཞིན་དུ། །རྣལ་འབྱོར་རྟོགས་པ་དཔྱད་ཅིང་བཟའ། །དེ་ལྟར་བདག་གཞན་མི་འབྱེད་པས། །བླང་དོར་མེད་པར་གྲོལ་བ་ཡི། །ཐམས་ཅད་མཉམ་ཉིད་ཡེ་ཤེས་སྐུ། །རིན་ཆེན་རིགས་མཆོག་དངོས་གྲུབ་འགྲུབ། །ཨོཾ་ཨཱ་ཧཱུཾ། མ་ཧཱ་མཱཾ་ས་ས་མ་ཡ་ར་ ― DNG013_Page_0338 ―
[མ་དཔེ་གཟིགས་ན་འདིར་གནོན།]
གོ྅ཧཾ། རཏྣ་སྭ་བྷཱ་ཝ་རཏྣ་ར་ཏི་ས་མ་ཡ་སྟྭཾ། རྭ་ག་རཀྟ་པད་མ་བྱུང་། སྨད་པས་མི་གཙང་རྫས་འདི་དག །ཆགས་ཡུལ་བདེ་བའི་གནས་ཡིན་ཏེ། །ཐབས་དང་ཤེས་རབ་དམ་ཚིག་འགྲུབ། །པདྨ་རིགས་ཀྱི་དམ་ཚིག་འགྲུབ། །སོ་སོར་རྟོགས་པའི་ཡེ་ཤེས་ཉིད། །ཨོཾ་ཨཱཿཧཱུཾ་པདྨ་རཀྟ་མཱུ་ལ་ཨ་མྲྀ་ཏ། ཨ་མྲྀ་ཏ་དྷི་ཝ། རཱ་ག་ར་ཏི་ས་མ་ཡ་སྟྭཾ། སུ་ཁ་ཧྲཱྀཿ། ཀུན་འབྱུང་ཆགས་པ་གུར་གུམ་ཆུ། །རྡོ་རྗེ་དྲི་ཆུ་ཡིན་པ་སྟེ། །ཆུ་ལས་མ་བྱུང་གང་ཡང་མེད། །དེ་བཞིན་བདུད་རྩི་བཅུད་ཀྱི་མཆོག །ལས་ཀྱི་རིགས་ཀྱི་དམ་ཚིག་འགྲུབ། །བྱ་བ་ནན་ཏན་ཡེ་ཤེས་འགྲུབ། །ཨོཾ་ཨཱཿཧཱུཾ། ཨ་མོ་གྷ་སིདྡྷི་ཨ་མྲྀ་ཏ་ཀུཎྜ་ལི། བཛྲ་ར་ཏི་ས་མ་ཡ་སྟྭཾ། སྨད་པ་མི་གཙང་སྙིགས་མ་འདི། །རྟོག་པ་དེ་ཉིད་སྙིགས་མ་ཡིན། །ཆེ་མཆོག་འཛིན་པའི་བདུད་རྩི་སྟེ། །གདོད་ནས་དག་པའི་རང་བཞིན་པས། །བདེ་གཤེགས་ཀུན་གྱི་ཐུགས་དམ་ཉིད། །གཉིས་མེད་སྐུ་རུ་སྦྱར་བས་ན། །ཐབས་དང་ཤེས་རབ་འདྲེལ་པའི་གཞི། །ཆོས་དབྱིངས་ཡེ་ཤེས་དམ་ཚིག་འགྲུབ། །ཨོཾ་བཻ་རོ་ཙ་ན་མོ་ཧ་ར་ཏི་ས་མ་ཡ་སྟྭཾ། མ་ཧཱ་ཡོ་ག་ཨ་ཏི། པ་ར་ན་བ་ལིནྟ་ཨ་མྲྀ་ཏ་ཨཾ་ཏིསྟ་ཨ་ཏིསྟ་ཨཾ། དེ་ནས་བསྒྲུབ་པའི་རྣལ་འབྱོར་ཀུན། །ཐལ་སྦྱར་སྔར་གྱི་གནས་ནས་ལངས། །དབུས་ཀྱི་སྣོད་མཆོག་མཚན་ལྡན་རྫས། །ཤེས་རབ་སྦྱངས་པའི་ཕྱག་རྒྱས་བླངས། །ཡེ་ཤེས་སྙིང་པོ་ཅན་རྣམས་ཀྱིས། །སངས་རྒྱས་ཀུན་གྱི་ཆོས་ཉིད་འདི། །སྙིང་པོ་ཆོས་ཀྱི་དོན་ལས་འབྱུང་། །བྱང་ཆུབ་སེམས་དཔའི་གནས་འདི་ཡིན། །སྨད་པར་བྱ་བའི་རྫས་ལྔ་པོ། །གཅིག་ལ་ཡོན་ཏན་ལྔ་ལྔ་འམ། །གཅིག་ལའང་ཡོན་ཏན་གསུམ་དུ་དབྱེ། །ཐམས་ཅད་གཉིས་མེད་སྦྱོར་བའི་མཆོག །དམ་ཚིག་ཆེན་པོ་བཅོ་ལྔ་ལས། །ཡན་ལག་ཉི་ཤུ་རྩ་བརྒྱད་དོ། །སྣོད་བཅུད་དབུས་སུ་བསྡུས་ནས་ནི། །བཅུ་དྲུག་སྙིང་པོ་བསྟན་པར་བྱ། །ཐབས་དང་ཤེས་རབ་ལྡན་པ་ལས། །སེམས་དཔའ་སེམས་མའི་ཚོགས་སུ་བལྟ། །རྩ་བ་བརྒྱད་དང་ཡན་ལག་བརྒྱད། །དེ་བཞིན་ཡན་ལག་རྫས་གཞན་རྣམས། །བཅུད་རྣམས་ཐབས་ཀྱི་ཕྱག་རྒྱ་སྟེ། །སྣོད་རྣམས་ཤེས་རབ་དབྱིངས་ཀྱི་ཡུམ། །འཁོར་ ― DNG013_Page_0339 ―
[མ་དཔེ་གཟིགས་ན་འདིར་གནོན།]
ལོ་རྩིབས་བཟང་བཅུ་དྲུག་དག །རིགས་ཀྱི་པདྨ་གདན་ཚོགས་གནས། །ཕྱག་རྒྱ་ཐིག་ལེ་བསྟན་འགྱུར་བའོ། །སུམ་ཅུ་རྩ་གཉིས་མཚན་ལྡན་པ། །དཔེ་བྱད་བཟང་པོ་བརྒྱད་ཅུས་བརྒྱན། །རྡོ་རྗེ་དབྱིངས་ཚོགས་དཀྱིལ་འཁོར་རྫོགས། །རྒྱུ་ཡང་གསང་ལ་འབྲས་བུའང་གསང་། །རིགས་ལྔ་གསལ་བའི་དཀྱིལ་འཁོར་ལ། །མཛོད་ལྡན་དཔལ་གྱི་ཕྱག་རྒྱ་དང་། །མཁའ་འབྱེད་རྡོ་རྗེའི་ཕྱག་རྒྱ་ནི། །འཁོར་ལོ་ཕོ་བྲང་དབུས་སུ་བཞག །བདུད་རྩི་ལྔ་དང་རྩ་བ་བརྒྱད། །མིག་དང་རྣ་བ་སྣ་དང་ལྕེ། །མཚན་མ་རྣམ་ཤེས་ཡུལ་དང་བཅས། །ཐམས་ཅད་མཐུ་ཡིས་སྦྱོར་བྱེད་ཅིང་། །འདུས་མ་བྱས་པའི་རྡོ་རྗེ་སྟེ། །དགོངས་པ་འདུས་པ་སེམས་པ་ཉིད། །རྡོ་རྗེ་སེམས་དཔའ་རབ་སྦྱོར་བ། །རྡོ་རྗེ་སེམས་དཔའ་ཉིད་དུ་འགྱུར། །ཨོཾ་སརྦ་པཉྩ་ཨ་མྲྀ་ཏ་ཨོཾ་ཧཱུཾ། གསང་ཆེན་རིགས་ཆེན་ཚུར་འདུས་པས། །ཐམས་ཅད་གཉིས་མེད་རྡོ་རྗེ་འཆང་། །ཨོཾ་ཨཱཿཧཱུཾ། སརྦ་པཉྩ་ཨ་མྲྀ་ཏ། ར་སཱ་ཡ་ན་སྟ་ན་ཛ་ཡ་སིད་དྷི་ཧཱུཾ་ཧྲཱྀ་ཐ། མ་སྐྱེས་དོན་གྱི་སྙིང་པོ་ལས། །ཡང་དག་ཡེ་ཤེས་སྦྱར་བའི་མཐུས། །རིགས་མཆོག་གསང་བའི་དཀྱིལ་འཁོར་རྫོགས། །གཉིས་མེད་ལྷུན་གྲུབ་གསང་བའི་སྐུ། །རིགས་རྣམས་གཅིག་ཏུ་སྦྱོར་བྱས་ཏེ། །ཡེ་ཤེས་བདུད་རྩིའི་གནས་རྒྱས་འགྱུར། །རིགས་ཀྱི་བདུད་རྩི་གནས་ལྡན་པ། །དེ་དག་སྔགས་དང་ཕྱག་རྒྱ་ཡིས། །གནས་ཀུན་རིགས་ཀྱི་དཀྱིལ་འཁོར་ཆེ། །དེ་དག་སྦྱོར་བས་བརྟན་བྱས་ཏེ། །དེ་ཉིད་རིགས་ལྔའི་བཟླས་བརྗོད་ཀྱིས། །བདུད་རྩིའི་ཕོ་བྲང་གནས་ཀུན་རྫོགས། །འབྲུ་རྣམས་ལ་ཡང་ཆང་མེད་དེ། །ཆུ་ལ་ཆང་གི་རང་བཞིན་མེད། །མཁས་པས་འབྲུ་བཅུད་རྩི་སྦྱར་བས། །མཉམ་ཉིད་སྦྱར་བས་ཆང་དུ་འགྱུར། །མི་གཙང་བ་ལ་རྟོག་མེད་དེ། །གཙང་བ་དངོས་པོའི་རིགས་མ་གྲུབ། །མཁས་པས་གཉིས་མེད་དོན་སྦྱར་ན། །ཐམས་ཅད་གཉིས་མེད་གཙང་བའི་རྫས། །མན་ངག་ཅན་གྱི་སྒྲུབ་པ་པོས། །མཉམ་པ་ཉིད་ཀྱི་དོན་འགྲུབ་འགྱུར། །རྟ་དང་མི་ལ་སོགས་པ་ཡི། །ཇི་ལྟར་འོ་མར་གྱུར་པ་ལ། །མཁས་ལྡན་ཆེན་པོས་རབ་སྦྱར་ནས། །ཡོན་ ― DNG013_Page_0340 ―
[མ་དཔེ་གཟིགས་ན་འདིར་གནོན།]
ཏན་ཞོ་དང་མར་དུ་སྣང་། །དེ་བཞིན་རྫས་རྣམས་སྦྱོར་བའི་མཐུས། །མཉམ་ཉིད་ཡོན་ཏན་མར་ལྟར་འགྲུབ། །དཔེར་ན་གསེར་ཚོགས་རིན་ཆེན་དག །སོ་སོ་ནས་ཀྱང་རང་བཞིན་གྱིས། །ཁ་དོག་མཚན་ཉིད་མ་འདྲེས་གསལ། །ཡོན་ཏན་རྫས་ཀུན་དེ་ལྟ་བུ། །དེ་བས་མཉམ་སྦྱར་གཉིས་སྦྱོར་བས། །དེ་བཞིན་རྫས་ཚོགས་སྦྱར་བའི་མཐུས། །རང་གི་ཡོན་ཏན་རིན་ཆེན་ཉིད། །གཉིས་མེད་མཉམ་སྦྱོར་བླ་ན་མེད། །ཆུ་རྣམས་སྣ་ཚོགས་ཐ་དད་ཀྱང་། །རྒྱ་མཚོར་ཕྱིན་པས་ལན་ཚྭའི་རོ། །དེ་བས་ཐམས་ཅད་བསྡུས་པ་ལ། །ཆོས་ཀྱི་དབྱིངས་སུ་རོ་གཅིག་གོ། །འབྱུང་བའི་ཐུགས་རྗེ་རྣམ་དག་པས། །སྨན་ལྔ་བདུད་རྩིར་རྣམ་པར་དག །འགྲོ་བ་ཀུན་གྱི་གསོས་སུ་འགྱུར། །དངོས་པོ་མེད་ལས་དངོས་གྲུབ་གཞི། །བྱང་ཆུབ་སེམས་ཀྱི་ཕྲིན་ལས་ལས། །གང་ལྟར་དམིགས་པ་བཞིན་དུ་འགྲུབ། །ཨོཾ་ཨ་མྲྀ་ཏ་ཛ་གད་པྲ་བ་སྭཱ་ཧཱ། ཨོཾ་བི་ཛ་ཡ་སྭཱ་ཧཱ། ཨོཾ་རཏྣ་མངྒ་ལ་སྭཱ་ཧཱ། ཨོཾ་མཱ་མ་ཀཱི་ཀྲོ་དྷཱི་ཤྭ་རཱི་སྭཱ་ཧཱ། དེ་ནས་དམ་པ་རིགས་བརྒྱ་ཡི། །སྔགས་དང་ཕྱག་རྒྱས་དབང་བསྐུར་ཏེ། །ཐམས་ཅད་རིགས་ཀྱི་དཀྱིལ་འཁོར་རྣམས། །རྒྱ་ཆེ་སྤྲུལ་པས་རྣམ་པར་གནས། །ཡེ་ཤེས་བྱིན་རླབས་ཆེན་པོའི་མཐུས། །ཕྱོགས་བཅུའི་དཀྱིལ་འཁོར་མཉམ་པར་སྦྱོར། །རང་བྱུང་གདོད་ནས་དག་པ་ཡི། །རྩ་བརྒྱད་སྟོང་ལས་སྦྱར་བའི་སྨན། །ར་སཱ་ཡ་ན་ལ་སོགས་རྫས། །རྩ་བ་འབུམ་ཕྲག་ཡངས་པའི་བཅུད། །གཉིས་མེད་བདེ་ཆེན་ལས་བྱུང་བའི། །བྱང་ཆུབ་སེམས་ཚོགས་རྡོ་རྗེ་ཉིད། །ཤ་ཆེན་མཆོད་པ་རིན་པོ་ཆེ། །ཟས་མཆོག་ཚེ་ཡི་དྲི་ཆེན་པོ། །པདྨ་མེ་ཏོག་ཡང་དག་ལྡན། །རྡོ་རྗེ་ཆུ་སྟེ་བདུད་རྩིའི་མཆོག །ག་བུར་ཤེལ་གྱི་པོག་ཕོར་དྲི། །རིན་ཆེན་མེ་ལྟར་འབར་བའི་ཚོགས། །ཡོན་ཏན་འབུམ་ཕྲག་ཡངས་པའི་བཅུད། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་སྒྲུབ་པའི་རྫས། །རྒྱུ་དྲུག་སེམས་ཅན་ཀུན་སྒྲོལ་ཕྱིར། །དུག་ལྔ་སེལ་བའི་བདུད་རྩི་སྟེ། །ཐམས་ཅད་གཉིས་མེད་རྣལ་འབྱོར་ཆེ། །མ་ལུས་འདུས་པའི་ཐིག་ལེ་ཆེ། །སངས་རྒྱས་ཀུན་དང་མཉམ་སྦྱོར་ཕྱིར། །གཅིག་ཏུ་དཔའ་བོའི་རོ་རྣམས་དང་། །གཉིས་སུ་མེད་པར་མཉམ་སྦྱར་ནས། །དུས་གསུམ་སངས་རྒྱས་ཐམས་ཅད་དང་། །རྒྱལ་བ་རྒྱ་མཚོ་རྣམས་ལ་མཆོད། །དེ་ནས་ཤེས་རབ་ཡུམ་རྣམས་ཀྱིས། །ངོ་མཚར་དབྱངས་འདིས་བསྐུལ་བར་བྱེད། །ངོ་མཚར་རྨད་དུ་བྱུང་བའི་ཆོས། །ནམ་མཁའ་དང་ནི་མཉམ་པའི་ཆོས། །རྣམ་པར་མི་རྟོག་རྟོག་ལས་འདས། །ཀུན་རྫོབ་ཙམ་དུ་བསྟན་པ་མཚན། །ཐབས་དང་ཤེས་རབ་གཙོ་གཟུངས་ཀུན། །རང་བྱུང་སྔགས་དང་ཕྱག་རྒྱའི་ཚོགས། །ཁྲོ་བོ་ཆེན་པོའི་ཆ་ལུགས་ཀྱིས། །དུར་ཁྲོད་རྒྱན་ཆས་མཚོན་ཐོགས་ ― DNG013_Page_0341 ―
[མ་དཔེ་གཟིགས་ན་འདིར་གནོན།]
ཏེ། །ཕྱོགས་བཅུའི་བགེགས་རྣམས་ཚར་གཅོད་ཅིང་། །དཀྱིལ་འཁོར་གནས་ཀུན་བསྲུང་བར་བྱ། །བསྙེན་དང་ཉེ་བའི་བསྙེན་པ་དང་། །སྒྲུབ་དང་སྒྲུབ་ཆེན་རིམ་བཞིན་དུ། །ཕྱག་རྒྱ་བཞི་དང་རྣལ་འབྱོར་པའི། །བསྒྲུབ་པའི་དཀྱིལ་འཁོར་བསྟན་པར་གྱུར། །ཕྱོགས་བཅུའི་ཁྲོ་བོའི་ཚོགས་རྣམས་ཀྱིས། །སྟེང་འོག་གནས་ཀུན་བསྲུང་བྱས་ནས། །རིགས་ལྔ་རྩ་བའི་དཀྱིལ་འཁོར་དུ། །བདུད་རྩི་ཁྲོ་བོ་བསྙེན་པའི་གནས། །ཞི་བའི་དཀྱིལ་འཁོར་ཇི་བཞིན་པར། །འཕྲོ་འདུས་མཚན་རྟགས་གསལ་བར་སྦྱོར། །ཐབས་དང་ཤེས་རབ་གནས་བཞག་སྟེ། །སྦྱངས་ཤིང་བྱིན་རླབས་བརྟེན་བྱེད་པའི། །བདུད་རྩི་འཁྱིལ་པའི་ལྷ་རྣམས་ཀྱིས། །བཏག་བཙག་གནས་ཀུན་ཆ་བསྙམས་ནས། །ཉེ་བའི་བསྙེན་པ་གསལ་བྱས་ནས། །ཞི་ཁྲོ་སྦྱོར་བའི་ཏིང་འཛིན་དང་། །དེ་དག་ཁྲོ་བོའི་དཀྱིལ་འཁོར་གྱིས། །ཁྱད་པར་མངོན་པར་འདུ་བྱས་ཏེ། །ཕྱག་རྒྱ་གར་དང་བརྡའ་རྣམས་དང་། །གསང་སྔགས་བྲོར་བཅས་གནས་ཀུན་སྦྱང་། །གུ་གུལ་ཐལ་ཆེན་ཉུང་དཀར་དང་། །འཇིགས་བྱེད་ཕུར་པ་མཚོན་ཆར་བཅས། །རིགས་ཀྱི་དབང་བསྐུར་བྱིན་བརླབས་ཤིང་། །ཐམས་ཅད་ལས་ཀུན་ཚུལ་གྱིས་སྦྱར། །བསྙེན་པའི་དབྱངས་སྒྲོགས་གླུ་ལེན་ཅིང་། །བྱིན་དབབ་ཆེན་པོའི་ཡོན་ཏན་བརྗོད། །ཨོཾ་བཛྲ་ཨ་མྲྀ་ཏ་ས་མ་ཡོ་གི་ནཱི་ཧཱུཾ། ཨོཾ་ཛཾ་མ་ཡ་ཧཱུཾ། ཨོཾ་མ་ཧཱ་བཛྲ་ཨ་མྲྀ་ཏ་མ་ཧཱ་ཏ་སུ་ཀ་ཏི། ཨོཾ་བཛྲ་ཨེའུ་ཤུད་དྷི། ཤྲི་ཏི་པརྦ་ཤོ་ད་ཡ། ཨོཾ་ཨཱཿཧཱུཾ། ཨོཾ་བཛྲ་ཨ་མྲྀ་ཏེ་ཧཱུཾ། ཡང་དང་ཡང་དུ་སྔགས་རྣམས་དང་། །ཡིག་འབྲུ་འོད་དང་བཅས་པ་བསྡིམ། །ཕྱི་ནང་ཚོགས་ཀྱི་འཁོར་ལོ་དང་། །ཕྱི་ནང་མཆོད་པ་གཏོར་མ་དང་། །ཕྱི་ནང་སྦྱིན་བསྲེག་ལས་ཀུན་དང་། །ཕྱི་ནང་ལོངས་སྤྱོད་ལྷག་མའི་ཚོགས། །རང་གི་དཀྱིལ་འཁོར་ཚུལ་བཞིན་དུ། །སྦྱོར་བ་ཀུན་ནས་རྫོགས་པར་སྤྱད། །རང་གི་དམ་ཚིག་གསོ་བྱས་ཏེ། །དབང་བསྐུར་བྱིན་བརླབ་གསོལ་གདབ་ཅིང་། །ཡང་ཡང་དཀྱིལ་འཁོར་གནས་འཇུག་པས། །སློབ་མའི་ཚོགས་རྣམས་གཟུང་བར་བྱ། །དེ་དག་བྱང་སེམས་མཆོག་བསྐྱེད་ཅིང་། །བདག་གཞན་དམིགས་པའི་གནས་དག་པས། །ཐམས་ཅད་དོན་དུ་རྫོགས་བྱེད་ཅིང་། །སྐུ་གསུང་ཐུགས་ཀྱི་གནས་ལྡན་འགྱུར། །ཐོག་མར་ཕྱི་ནང་དབང་རྫོགས་པས། །སྒྲུབ་པའི་དཀྱིལ་འཁོར་གནས་འཇུག་ཅིང་། །ཡང་དག་བདུད་རྩི་དངོས་གྲུབ་གནས། །གཉིས་མེད་བརྟན་པར་དབང་བསྐུར་རོ། །དེ་དག་རང་གི་དམ་ཚིག་བཞིན། །རང་སྔགས་ལྷ་ཡི་འཕྲོ་འདུ་ཡིས། ། ― DNG013_Page_0342 ―
[མ་དཔེ་གཟིགས་ན་འདིར་གནོན།]
དུས་ཀུན་བཟུང་ཞིང་སྤེལ་བར་བྱེད། །སྒྲུབ་པ་ཆེན་པོའི་དུས་དག་ཏུ། །རྟ་མགྲིན་དབང་གི་དཀྱིལ་འཁོར་གྱིས། །དངོས་གྲུབ་གནས་ཀུན་དབང་མཛད་དེ། །རིགས་ཀྱི་ཕྱག་རྒྱ་གསང་བའི་ཚོགས། །ཐབས་དང་ཤེས་རབ་གཉིས་མེད་པའི། །མཛད་པ་བཅུ་གཉིས་འཕྲོ་འདུ་ཡིས། །བདུད་རྩིའི་ཕོ་བྲང་ཡོངས་སུ་རྒྱས། །རིགས་ཀྱི་དཀྱིལ་འཁོར་གསལ་གྲུབ་ཅིང་། །དེ་གནས་རིམ་འཇུག་འཁོར་ལོའི་ཚུལ། །དངོས་གྲུབ་ཐམས་ཅད་དབང་མཛད་དེ། །དུས་ཀུན་བརྟན་པར་གནས་པའོ། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧ་ཡ་གྲཱི་བ་ཧུ་ལུ་ཧུ་ལུ་བནྡྷ་བནྡྷ་ཧྲཱྀཿཋ། ཧཱུཾ་དཔལ་ལྡན་རྡོ་རྗེ་རིགས་འཆང་བ། །ཐུགས་ཀྱི་དཀྱིལ་འཁོར་རབ་སྤྲོ་བས། །རྡོ་རྗེའི་དཀྱིལ་འཁོར་རིགས་བཅས་པས། །ཐུགས་དམ་དབང་གིས་ཉེ་བར་བསྐུལ། །དམ་ཚིག་ཚུལ་བཞིན་གཤེགས་ནས་ཀྱང་། །གྲུབ་པའི་དངོས་གྲུབ་མཆོག་རྣམས་སྩོལ། །ཨོཾ་བཛྲ་ཙིཏྟ་པཉྩ་ཨ་མྲྀ་ཏ་ཧཱུཾ། རིགས་ཀྱི་དཀྱིལ་འཁོར་ཕྱོགས་རྣམས་ཀྱི། །འཁོར་ལོ་རིན་ཆེན་པདྨ་ལས། །སྐུ་དང་ཡོན་ཏན་གསུང་ཕྲིན་ལས། །དངོས་གྲུབ་གསོལ་གདབ་བསྐུལ་བྱས་པས། །དངོས་གྲུབ་ཐམས་ཅད་མཉམ་སྦྱོར་བས། །རིགས་ཀྱི་དཀྱིལ་འཁོར་བརྟན་པར་གནས། །ཨོཾ་བུཌྜྷ་རཏྣ་པདྨ་བི་ཤྭ་པཉྩ་ཨ་མྲྀ་ཏ་ཨོཾ་ཧྲཱྀཿཨོཾ་ཧཾ། ཐམས་ཅད་ཡེ་ཤེས་མཉམ་སྦྱོར་བས། །ཐབས་ལྡན་ཕྱག་རྒྱ་ཀུན་གྱི་སྐུ། །བྷ་གའི་དཀྱིལ་འཁོར་ལོངས་སྤྱོད་རྫོགས། །སྐུ་གསུང་ཐུགས་ཀྱི་བྷ་ག་དང་། །ཐུགས་ཀྱི་དཀྱིལ་འཁོར་གསུམ་སྦྱོང་ཞིང་། །སྣ་རྩེ་འོད་ཀྱི་ཐིག་ལེ་ལས། །ཁ་དོག་སྣ་ལྔའི་ཕྲེང་བ་དང་། །གནས་ཀུན་འཁོར་ལོའི་ཚུལ་དུ་སྦྱར། །རིགས་ཀྱི་ཡིག་འབྲུ་ཕྱག་མཚན་དང་། །སྐུ་དང་རྒྱན་དང་སྤྲུལ་པར་བཅས། །དཀྱིལ་འཁོར་ཀུན་གྱི་གནས་རྒྱས་ཏེ། །ཡང་དག་བདུད་རྩི་གསང་བའི་མཆོག །ཨོཾ་ནམ་མཁའི་མཐའ་ཀླས་ཆོས་དབྱིངས་མཐའ། །མ་ཆགས་སྤྱན་མངའ་སྒྲིབ་མེད་ཐུགས། །རྡོ་རྗེ་སྙིང་པོའི་ཚོགས་བཅས་རྣམས། །ཐམས་ཅད་ཀུན་ནས་གཟིགས་སུ་གསོལ། །ཨོཾ་གཉིས་མེད་ཡེ་ཤེས་མཉམ་པའི་དབྱིངས། །དུས་ཀུན་དགེ་བའི་བཤེས་གཉེན་ཚོགས། །ཁྱོད་ཀྱི་ཐུགས་རྗེས་གནས་བསྒྲལ་ཞིང་། །ཡང་དག་ཡེ་ཤེས་བརྟན་པར་མཛད། །ཅེས་འཁོར་གྱི་དཀྱིལ་འཁོར་ཆེན་པོ་རྣམས་ཀྱིས་གསོལ་བ་བཏབ་པའོ། །རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ལས། བསྙེན་བསྒྲུབ་ཆེན་པོའི་གནས་ལ་འཇུག་པའི་ཚུལ་བསྟན་པ་སྟེ། རིམ་པར་ཕྱེ་བ་བདུན་པའོ།། །།དེ་ནས་ ― DNG013_Page_0343 ―
[མ་དཔེ་གཟིགས་ན་འདིར་གནོན།]
རིགས་ཀུན་གྱི་བདག་ཉིད་བཅོམ་ལྡན་འདས་དཔལ་ཀུན་ཏུ་བཟང་པོ་ཞེས་བྱ་བ་དེ་ཉིད་རང་གི་དཀྱིལ་འཁོར་དག་པར་མཛད་པས། ཆོས་ཐམས་ཅད་གཉིས་སུ་མེད་པར་མཉམ་པ་ཆེན་པོའི་ཚུལ་གྱིས་སྦྱོར་ཞིང་བཞུགས་པ་ལས། བྱང་ཆུབ་སེམས་དཔའ་འཇམ་དཔལ་རྣོན་པོས་བསྟན་པའི་དོན་བསྡུ་བར་གསོལ་བ་བཏབ་པའོ། །ཐམས་ཅད་ཀུན་ནས་དག་པ་ཡི། །རིན་ཆེན་བདུད་རྩིའི་དོན་རྒྱས་པ། །རང་བྱུང་སངས་རྒྱས་ཀུན་གྱི་ལམ། །དེ་དག་གསང་ཆེན་སྙིང་པོའི་མཆོག །ནམ་མཁའ་ལྟ་བུར་གནས་གྱུར་ཅིང་། །བྱང་སེམས་ཐིག་ལེའི་གནས་རྫོགས་པ། །ངོ་མཚར་སྐུ་གསུང་ཐུགས་ཀྱི་རྒྱ། །ཐམས་ཅད་མཁྱེན་པས་བསྟན་མཛད་པའོ། །འདི་དག་བསྙེན་པ་སྒྲུབ་པ་དང་། །གྲུབ་དང་ཡང་དག་གྲུབ་པའི་མཐུས། །བྱིན་རླབས་ཡུལ་ཀུན་སྦྱོར་བྱེད་པའི། །ཐམས་ཅད་ཆོས་ཉིད་གནས་རྣམས་དག །ཀུན་ཏུ་བཟང་པོའི་རང་བཞིན་དུ། །ཐམས་ཅད་མཁྱེན་པས་ལུང་སྟོན་མཛོད། །བྱང་སེམས་རྡོ་རྗེ་ཀུན་ཏུ་བཟང་། །དུས་གསུམ་འདུ་འབྲལ་མེད་པའི་མཆོག །ཡུམ་གྱི་ཚུལ་ཆེན་མཁའ་ཀློང་ན། །དགོངས་པ་ཆོས་དབྱིངས་ཞི་བ་ཉིད། །དེ་ཚེ་རིགས་ལྔའི་བདེ་གཤེགས་དང་། །གསང་བའི་ཡུམ་ཆེན་ཚོགས་རྣམས་དང་། །བྱང་ཆུབ་སེམས་དཔའི་འཁོར་རྣམས་དག །སེམས་དཔའི་ཚོགས་བཅས་མ་ལུས་ལ། །གཉིས་མེད་བདུད་རྩིའི་དཀྱིལ་འཁོར་འདིར། །ཉེ་བར་བསྡུས་ཏེ་གནང་བར་མཛད། །ནན་ཏན་གྱིས་ནི་བརྩོན་འགྲུས་བྱོས། །ཐེ་ཚོམ་མེད་ན་ཉེ་བར་འགྲུབ། །བདུད་རྩི་ཆེན་པོ་རྣམ་ལྔ་འདི། །རང་བཞིན་དང་པོ་ངོ་བོ་དག །མཐུ་དང་བྱིན་རླབས་བསམ་མི་ཁྱབ། །མི་བརྗེད་རྒྱུན་གྱི་ཏིང་ངེ་འཛིན། །རང་གི་དཀྱིལ་འཁོར་གནས་རྣམས་དག །རིགས་ཀྱི་དཀྱིལ་འཁོར་ཆེན་པོར་སྦྱོར། །བདུད་རྩི་དམ་པ་ངེས་པའི་བཅུད། །ཡང་དག་ཡེ་ཤེས་གོམས་པ་ཡིས། །ཕྱག་རྒྱ་གསང་བའི་གནས་ཀུན་རྫོགས། །བྱང་ཆུབ་སེམས་ཀྱི་རང་བཞིན་དུ། །ཕྱི་ནང་ཆོས་ཀུན་མཉམ་སྦྱོར་ཅིང་། །ངེས་པའི་སངས་རྒྱས་དམ་པའི་གཞི། །རང་གི་མཐུ་ཡིས་ཀུན་སྣང་བས། །གཉིས་མེད་བདུད་རྩིའི་རང་བཞིན་ཆ། །གདོད་ནས་ལྷུན་གྱིས་གྲུབ་པར་གནས། །དེ་དག་རྣལ་འབྱོར་མཆོག་རྣམས་ཀྱིས། །ངེས་པར་ཡེ་ཤེས་མཉམ་སྦྱར་བས། །ཤེས་རབ་ཆེན་པོ་ངས་བྱས་ཏེ། །བདུད་རྩི་གསང་བའི་གནས་ཀུན་མཐོང་། །རང་གི་བྱང་ཆུབ་སེམས་དཀྱིལ་འཁོར། །ཐམས་ཅད་ཀུན་ཏུ་གསལ་བར་འཆར། །གཉིས་ ― DNG013_Page_0344 ―
[མ་དཔེ་གཟིགས་ན་འདིར་གནོན།]
མེད་ཡེ་ཤེས་བརྟན་པ་ལས། །དུས་ཀུན་འཇུག་པའི་ཏིང་ངེ་འཛིན། །དེ་ལས་དེར་སྣང་རྒྱ་ཆེན་པོ། །ཐམས་ཅད་དཀྱིལ་འཁོར་རྣམ་པར་སྤྱོད། །བསྙེན་དང་ཉེ་བའི་བསྙེན་པ་དང་། །སྒྲུབ་དང་སྒྲུབ་ཆེན་བཅུ་དྲུག་ཚོགས། །ཏིང་འཛིན་ཕྱག་རྒྱའི་གནས་མཐུན་པས། །རིགས་ཀུན་བདུད་རྩིའི་གནས་རྒྱས་སྦྱོང་། །དཀྱིལ་འཁོར་ཆེན་པོར་དབང་བསྐུར་ཞིང་། །ཡོན་ཏན་ཚོགས་རྣམས་ཀུན་རྫོགས་ནས། །ངེས་པའི་བྱང་ཆུབ་སེམས་དཔའ་ཉིད། །དམ་ཚིག་གནས་ཀུན་འཇུག་པར་བྱེད། །ཐབས་མཁས་ཐུགས་རྗེའི་རྒྱུ་མཐུན་པས། །རིགས་ཀྱི་རྣལ་འབྱོར་ཀུན་བཟུང་བའི། །ཐབས་ལྡན་འཇུག་པའི་ཡན་ལག་རྫོགས། །དེ་དག་དོན་གསུམ་གསང་བའི་ཚུལ། །ཐོག་མའི་དབང་བསྐུར་ཇི་ལྟ་བར། །རབ་རྒྱས་འབྲས་བུ་དྲི་མ་མེད། །ཡེ་ཤེས་ཆེན་པོའི་རྣལ་འབྱོར་པས། །དེ་དག་ཤེས་རབ་མཐུ་ཡིས་འགྲུབ། །སྨིན་ཅིང་གྲོལ་བར་བྱེད་པའི་ལམ། །ཕྱག་རྒྱ་རྫོགས་པའི་འབྲས་བུ་ཉིད། །ཀུན་ཏུ་སྐུ་གསུང་ཐུགས་རྣམས་དང་། །ཡོན་ཏན་ཕྲིན་ལས་མཐུ་བཅས་པས། །ཞིང་ཁམས་ཡོངས་སུ་དག་པ་ཡི། །དཀྱིལ་འཁོར་གསང་ཆེན་སྙིང་པོར་སྦྱོར། །ངེས་བསྒྲུབ་མན་ངག་གསུམ་དུ་སྣང་། །དེ་ལ་བདུད་རྩི་དཀྱིལ་འཁོར་ཚོགས། །རྒྱ་ཆེན་སྤྲུལ་པ་བསམ་ཡས་པའི། །ཐབས་མཁས་དོན་ཀུན་སྤྱད་པའི་ཚོགས། །ཐབས་དང་ཤེས་རབ་མཉམ་སྦྱོར་བས། །ཆོས་ཀུན་བདུད་རྩིར་སྒྲུབ་བྱེད་ཅིང་། །རང་གི་དཀྱིལ་འཁོར་གསང་བར་སྣང་། །བདེ་ཆེན་འབྲས་བུ་ལ་སྤྱོད་པའི། །རྒྱུད་ཀྱི་རྒྱལ་པོ་གསང་ཆེན་མཆོག །དཔལ་ལྡན་སངས་རྒྱས་ཀུན་གྱི་བདག །སྔོན་མེད་ངོ་མཚར་རོལ་པའི་ཚོགས། །བདུད་རྩི་རོལ་པ་ཞེས་བྱ་བའི། །དོན་འདི་ཡང་གསང་རྨད་དུ་བྱུང་། །སངས་རྒྱས་ཀུན་གྱི་དགོངས་མཛད་དེ། །ཡེ་ནས་གནས་པའི་ཆོས་རྣམས་ཀུན། །ཐབས་དང་ཤེས་རབ་གསལ་བྱེད་ཅིང་། །ཕྱག་རྒྱའི་ཚོགས་རྣམས་གཏན་ལ་འབེབས། །ཐམས་ཅད་བདུད་རྩི་རིག་པའི་རྒྱུད། །སངས་རྒྱས་ཀུན་འབྱུང་དཀྱིལ་འཁོར་གནས། །བྱང་ཆུབ་སེམས་དཔའ་ཆེ་རྣམས་ཀྱིས། །དུས་ཀུན་བསྟན་པས་གཉིས་མེད་སྦྱོར། །དེ་ནས་བྱང་ཆུབ་སེམས་དཔའ་མཆོག །འཇམ་དཔལ་ལ་སོགས་ཚོགས་རྣམས་ཀྱིས། །རིགས་ཀྱི་བདེ་གཤེགས་དཀྱིལ་འཁོར་ལ། །ཕྱོགས་རྣམས་ཀུན་ནས་འདུས་པས་མཆོད། །ཨེ་མའོ་སངས་རྒྱས་ཀུན་ཏུ་བཟང་། །གསང་ཆེན་ཐིག་ལེ་ཉིད་ལ་རྫོགས། །མ་རིག་མུན་སེལ་ཡེ་ཤེས་ ― DNG013_Page_0345 ―
[མ་དཔེ་གཟིགས་ན་འདིར་གནོན།]
སྒྲོན། །དཔའ་བོ་ཁྱོད་ལ་སྐྱབས་སུ་མཆི། །རང་བྱུང་དྲི་མེད་བདུད་རྩི་འདི། །སངས་རྒྱས་ཀུན་གྱིས་བསྔགས་པའི་མཆོག །མི་ཤེས་དྲི་མ་ཀུན་བཅོམ་མཛད། །ངེས་པ་དོན་ལ་ཕྱག་འཚལ་ལོ། །ཨོཾ་ཡོན་ཏན་དཀྱིལ་འཁོར་རབ་རྫོགས་ཉིད། །ཀུན་གསལ་སྣང་བྱེད་དྲི་མ་མེད། །རིན་ཆེན་རིགས་ཀུན་སྦྱང་མཛད་མཆོག །མཉམ་ཉིད་ཡེ་ཤེས་ཕྱག་འཚལ་བསྟོད། །མི་བསྐྱོད་རྡོ་རྗེའི་རིགས་རྒྱལ་པོ། །ཐུགས་རྗེའི་ཉི་མས་ཀུན་གསལ་ཞིང་། །ཐམས་ཅད་ཆོས་ཀྱི་གནས་རྫོགས་མཛད། །སྒྲིབ་སྦྱོང་དཀྱིལ་འཁོར་ཕྱག་འཚལ་བསྟོད། །ཕྱོགས་བཅུ་བཀོད་པ་མཐའ་ཡས་རྣམས། །ཐམས་ཅད་མ་འདྲེས་དོན་ཀུན་རྫོགས། །བདེ་གཤེགས་སྐུ་ཡི་བྱིན་རླབས་སྟོན། །ཆོས་དབྱིངས་ཡེ་ཤེས་ཕྱག་འཚལ་བསྟོད། །ཆོས་ཀུན་རྣམ་དག་པདྨའི་དབྱིངས། །ཡང་དག་ཀུན་གསལ་ཐེག་པའི་མཆོག །གསང་སྔགས་མ་འདྲེས་མཐའ་ཡས་པའི། །རྣམ་རྟོག་ཡེ་ཤེས་ཕྱག་འཚལ་བསྟོད། །ཐབས་མཁས་བདུད་རྩིའི་དཀྱིལ་འཁོར་ཉིད། །ཇི་ལྟར་དོན་ཀུན་སྣ་ཚོགས་ལྟར། །དེ་དག་ཕྲིན་ལས་ཀུན་སྤྱོད་མཛད། །དོན་གྲུབ་ཡེ་ཤེས་ཕྱག་འཚལ་བསྟོད། །ཨོཾ་ཡེ་ཤེས་སྟོབས་རྒྱན་བྱམས་པའི་སྐུ། །ཉོན་མོངས་རྩ་བྲལ་འཇམ་དཔལ་ཉིད། །མི་ཤེས་དྲེགས་སེལ་སྤོས་གླང་པོ། །ཟག་མེད་རྒྱལ་མཚན་ཡེ་ཤེས་ཏོག །ཕུན་ཚོགས་དབང་བསྐུར་བཟང་སྐྱོང་ཉིད། །མཐའ་ཡས་འདྲེན་མཛད་རྒྱལ་པོའི་བློ། །ཚད་མེད་བློ་གྲོས་མི་ཟད་པ། །སྣ་ཚོགས་ཆོས་འབྱེད་སྤོབས་པ་བརྩེགས། །མི་སྣང་སྟོབས་དཔལ་མཐུ་ཆེན་ཐོབ། །རྣམ་པར་སྣང་མཛད་ངན་སོང་སྦྱོང་། །ངེས་པར་ཚོགས་འཇོམས་མུན་སེལ་བློ། །འཁྲུལ་པ་བླུན་གཅོད་དྲ་བའི་འོད། །མུན་པ་འཇིགས་བྱེད་ཟླ་འོད་གཞོན། །ཡེ་ཤེས་ཀུན་གསལ་འོད་དཔག་མེད། །རིན་ཆེན་ཆར་འབེབས་ནམ་མཁའི་མཛོད། །དྲི་མ་རྣམ་བསལ་སྒྲིབ་ཀུན་སེལ། །རིགས་མཆོག་སེམས་དཔའ་ཆེ་རྣམས་ལ། །གཉིས་མེད་གུས་པས་ཕྱག་འཚལ་ལོ། །ཨོཾ་བྱང་ཆུབ་བརྟན་རྫོགས་རྡོ་རྗེ་སེམས། །གསལ་བར་སྣང་བྱེད་རྒྱལ་པོའི་སྟོབས། །ཐམས་ཅད་གནས་ཀུན་ཆགས་པའི་ཚུལ། །དོན་ཀུན་རྫོགས་པ་ལེགས་པ་ཉིད། །འདོད་འབྱུང་ཡོན་ཏན་རིན་ཆེན་ཚོགས། །ཕྱོགས་བཅུར་ཁྱབ་བྱེད་ཉི་མའི་འོད། །ཐེག་པའི་མཐུར་བཅས་རྒྱལ་མཚན་གཙོ། །རབ་དགའ་མགུ་བའི་བཞད་མོ་ཆེ། །དངོས་ཀུན་རྣམ་དག་པདྨའི་ཚོགས། །ཡུལ་རྟོག་གཅོད་པའི་མཚོན་ཆ་རྣོ། །དཀྱིལ་འཁོར་རྫོགས་པའི་འཁོར་ལོ་ཉིད། །རྣམ་གྲོལ་ཡེ་ཤེས་སྔགས་བཅས་ ― DNG013_Page_0346 ―
[མ་དཔེ་གཟིགས་ན་འདིར་གནོན།]
སྒྲ། །ཕྲིན་ལས་ཐམས་ཅད་རྫོགས་བྱེད་ཅིང་། །འཇིགས་པའི་ཚོགས་རྣམས་ཟ་བར་བྱེད། །ཕྱག་རྒྱའི་བསྲུང་བ་བརྟན་བྱས་པས། །རབ་ཏུ་བསྡུས་པ་མི་ཤིགས་པ། །སྲས་མཆོག་རིགས་ཀྱི་སེམས་དཔའ་ལ། །གཉིས་མེད་གུས་པས་ཕྱག་འཚལ་བསྟོད། །ཨོཾ་སངས་རྒྱས་ཀུན་གྱི་བཀྲ་ཤིས་བཟང་། །དཔལ་ཚོགས་ཡོན་ཏན་ཕྲེང་བས་བརྒྱན། །ཁམས་གསུམ་ལས་ཀུན་རྣམ་པར་འཇོམས། །ཆོས་ཀུན་མཚན་མས་རྣམ་དག་པའོ། །མ་འདྲེས་རྫོགས་མཛད་པདྨའི་འཕྲེང་། །ས་གསུམ་གྲུབ་པའི་ནོར་བདག་མོ། །ཡང་དག་གླུ་ཡི་དབྱངས་སྙན་ཅན། །ལྷ་མོའི་རིགས་ཀུན་མཐར་ཕྱིན་མཛད། །བརྩེ་བའི་དབང་ཕྱུག་དོན་ཡོད་རིན། །སྐུ་གསུམ་འཇུག་མཛད་དཔལ་ཆེན་མོ། །གསང་སྔགས་པདྨའི་འཕྲེང་འཛིན་སྔགས། །རིན་ཆེན་འབྱུང་གནས་མཛོད་ཆེན་མོ། །ཀུན་ཏུ་བརྩེ་མེད་འོད་ཟེར་ཅན། །ཉེ་བར་གནས་སྔོན་ནོར་གྱི་རྒྱུན། །ཕྱག་རྒྱ་ཆེ་མཆོག་སྣང་མཛད་པས། །བྱང་ཆུབ་མཆོག་གི་བསིལ་བའི་རྒྱུན། །ལྷ་མོ་བདེ་ཆེན་དཔལ་ལྡན་མའི། །རིགས་མཆོག་གཟུངས་རྣམས་ཕྱག་འཚལ་བསྟོད། །ཨོཾ་ཐེག་ཆེན་སྙིང་པོ་རྡོ་རྗེ་སྟེ། །མཁས་མཛད་ཡོན་ཏན་དཔག་ཏུ་མེད། །ཀུན་ཏུ་གཟིགས་པའི་ཐུགས་རྗེའི་བདག །གསང་བ་མཆོག་གི་གནས་འཛིན་ཅིང་། །མགོན་པོ་མི་ཕམ་དྲི་མ་མེད། །སྒྲིབ་པ་རྣམ་སེལ་གྲོལ་བའི་ཆོས། །མ་ལུས་ཀུན་ཏུ་བཟང་པོ་ཉིད། །ཤེས་རབ་རྩེ་གཅིག་འཇམ་པའི་དབྱངས། །རིགས་ཀྱི་ཡུམ་བཅས་བཅུ་དྲུག་ལ། །གཉིས་མེད་གུས་པས་ཕྱག་འཚལ་ལོ། །ཨོཾ་ནམ་མཁའ་དྲི་མེད་ཀུན་མཁྱེན་མཛོད། །ཕྱོགས་བཅུར་སྣང་མཛད་རྡོ་རྗེའི་སྐུ། །ཐུགས་རྗེའི་སྒོ་རྣམས་ཉེ་བར་སྟོན། །ཡེ་ཤེས་བདུད་རྩིས་ཁྱབ་མཛད་པས། །རིགས་མཆོག་མི་ཕམ་བཤེས་གཉེན་བཅས། །དཔུང་ཚོགས་གནོན་པའི་མཐུ་ལྡན་པ། །སྡོམ་པའི་རྒྱ་མཚོ་བློ་གྲོས་དཔལ། །མི་གནས་རྡོ་རྗེའི་ཆོས་ཀུན་བདག །འཇིགས་བྱེད་སྟོབས་ཅན་ལྷའི་དབང་ཕྱུག །ཕྱི་ནང་གནོན་པའི་ཕྲེང་བས་བརྒྱན། །འཁོར་ཞི་མྱ་ངན་འདས་སྐྱོབ་ཅིང་། །ཐབས་དང་ཤེས་རབ་འཇུག་སེལ་བ། །གར་སྟབས་སྣ་ཚོགས་ཀུན་བསྐྱོད་ཅིང་། །སྟོན་པའི་གཙོ་བོ་མཉེས་བྱེད་ཆེ། །མ་ལུས་དྲེགས་པའི་ཚོགས་ཀུན་འཇོམས། །སྣ་ཚོགས་ཕྲིན་ལས་རིགས་ལྡན་མཆོག །རབ་ཏུ་རྒྱས་པའི་སེམས་དཔའ་ཆེ། །གཉིས་མེད་གུས་པས་ཕྱག་འཚལ་བསྟོད། །ཨོཾ་དག་ཅིང་རང་བཞིན་དྲི་མེད་སྐུ། །ཚུལ་མང་གསལ་བའི་ཕྲེང་བ་ཉིད། །ཀུན་ཏུ་ཆོས་ཀྱི་དབྱངས་སྒྲོགས་ཤིང་། །གར་ཐབས་ ― DNG013_Page_0347 ―
[མ་དཔེ་གཟིགས་ན་འདིར་གནོན།]
ཀུན་བསྐྱོད་དགེས་པར་མཛད། །དྲི་ཞིམ་ཚིམས་བྱེད་ཕྱོགས་བཅུར་ཁྱབ། །རང་བཞིན་བལྟས་མཛེས་ཀུན་ཏུ་སྣང་། །མི་གཉིས་ཡེ་ཤེས་གསལ་མཛད་ཅིང་། །བྱང་ཆུབ་སེམས་ཀྱི་དངོས་གྲུབ་དག །ཁྱད་པར་མཆོད་པའི་ཚོགས་རྣམས་ལ། །གཉིས་མེད་གུས་པས་ཕྱག་འཚལ་བསྟོད། །ཨོཾ་ཐུགས་རྗེ་ཡེ་ཤེས་འགུགས་པའི་མཆོག །བྱམས་གནས་ཀུན་ལ་ཡང་དག་བཞུགས། །གསང་སྔགས་དགའ་བས་བསྟེན་པར་བྱེད། །ཐབས་ཀུན་མཁྱེན་པའི་བཏང་སྙོམས་བརྟན། །རྔམ་པའི་ཚུལ་འཛིན་ཁྲོ་བདག་ཚོགས། །སྒོ་བཞིའི་དཀྱིལ་འཁོར་ཕྱག་འཚལ་བསྟོད། །ཨོཾ་བདེ་ཆེན་དབྱིངས་ཀྱི་དབང་ཕྱུག་ལས། །རབ་ཆགས་ཐུགས་རྗེ་ཀུན་གྱི་གཟུགས། །མཐའ་ཡས་ནམ་མཁའི་དཀྱིལ་འཁོར་ཉིད། །དོན་རྣམས་སྤྲུལ་པས་ཀུན་སྟོན་མཛད། །ཉམ་ངའི་གནས་མེད་འདུལ་བྱེད་པའི། །རྡོ་རྗེ་ཡེ་ཤེས་དབུ་རྒྱན་འཛིན། །ཐམས་ཅད་རྣམ་པར་སྤྲོ་ཞིང་སྡུད། །ཕྱག་རྒྱའི་དཀྱིལ་འཁོར་གང་མཛད་ཅིང་། །མི་རྟོག་རྣམ་ཀུན་སྦྱང་མཛད་ཅིང་། །ས་གསུམ་གནས་རྣམས་བསྲེག་པར་བྱེད། །ཐམས་ཅད་ཀུན་ནས་མཁས་པ་ཡི། །རང་བཞིན་དྲི་མེད་གསལ་བའི་མཛོད། །ཐ་དད་རྣམ་པའི་འོད་གསལ་ཅིང་། །དངོས་གྲུབ་ཕྲིན་ལས་ཀུན་སྤྱོད་མཛད། །བྱ་བ་ཆེན་པོ་དོན་བསྒྲུབ་པའི། །འདོད་པའི་དོན་ཀུན་འདིས་འགྲུབ་མཛོད། །དེ་ནས་སངས་རྒྱས་ཐམས་ཅད་ཀྱིས། །སྙིང་པོ་གསང་ཆེན་ངེས་པ་འདིས། །རིགས་མཆོག་རྣལ་འབྱོར་དབང་ཕྱུག་ཀུན། །ངེས་པར་སྒྲོལ་བའི་ཚིག་བསྙེམས་པོ། །ཕྱོགས་བཅུའི་དཀྱིལ་འཁོར་རྒྱ་ཆེན་པོ། །རབ་ཏུ་རྫོགས་པའི་སྐུ་གསུང་ཐུགས། །དོན་ཀུན་གསུངས་པ་རྫོགས་པའི་རྒྱུད། །དེ་དག་གནས་ཀུན་ཚུལ་གྱིས་འཇུག །ཐབས་དང་ཤེས་རབ་ཐེག་པའི་མཆོག །སེམས་ཅན་ཀུན་གྱི་སེམས་ཉིད་དེ། །རང་བཞིན་ཀུན་ཏུ་རྫོགས་པའི་དོན། །བདག་པོས་དབང་བསྐུར་ཡེ་ཤེས་ཆེ། །ཇི་ལྟར་སྣང་བ་སྣ་ཚོགས་ཀུན། །རང་གི་མཐུ་ཡིས་རྣམ་གྲོལ་ཅིང་། །མི་ཤིགས་ཡུལ་ཀུན་ལས་འདས་པའི། །ཕྱག་རྒྱ་གསང་བའི་དཀྱིལ་འཁོར་ཉིད། །ཐབས་དང་ཤེས་རབ་རོལ་པའི་ཚུལ། །དུས་ཀུན་རྒྱུན་གྱི་རྣམ་པར་གནས། །ཀུན་ཏུ་འགྲོ་ཞིང་འདུག་པ་དང་། །དེ་བཞིན་སྤྱོད་ལམ་ཐམས་ཅད་དུ། །གཉིས་མེད་གཉིས་སུ་སྣང་བའི་ཆོས། །ཕྱག་རྒྱའི་དཀྱིལ་འཁོར་མ་འགགས་པའོ། །རྟག་ཏུ་སེམས་ཅན་ཐམས་ཅད་ལ། །བྱམས་སོགས་ཉེ་བར་སྦྱར་བྱས་ཏེ། །ཕ་རོལ་ཕྱིན་པའི་ཚུལ་རྣམས་ཀྱིས། ། ― DNG013_Page_0348 ―
[མ་དཔེ་གཟིགས་ན་འདིར་གནོན།]
བསོད་ནམས་ཡེ་ཤེས་མཆོག་ཏུ་བསྟེན། །དཀྱིལ་འཁོར་ཐམས་ཅད་རྫོགས་པར་སྦྱོར། །དེ་དག་ཚུལ་གྱིས་ཉེ་བར་སྣང་། །བདག་བཅས་ཆོས་ཀུན་ཡོངས་རྟོགས་པས། །བདག་མེད་མྱ་ངན་འདས་པའི་མཆོག །ཕྱི་རོལ་གནས་ལ་མངོན་ཞེན་པའི། །འགྲོ་རྣམས་ཀུན་ཏུ་འཁྲུལ་པས་འཁོར། །དེ་དག་རང་གི་ཆོས་ཉིད་ཀྱིས། །བདུད་རྩིའི་དཀྱིལ་འཁོར་གནས་ལོངས་སྤྱོད། །ཕྱག་རྒྱ་གསང་གསུམ་སྔགས་ཀྱི་མཐུས། །རིག་འཛིན་གནས་མཆོག་དེ་དག་ལས། །རྟོགས་ལྡན་ལམ་གྱི་རིམ་པ་བཞིན། །མངོན་པར་འཕགས་པའི་འབྲས་བུ་ཉིད། །ངེས་པར་སངས་རྒྱས་ཀུན་གྱི་དངོས། །ཚེ་འདིར་ཉེ་བར་བསྒྲུབ་པའི་དོན། །རིམ་བཞིན་ཅིག་ཅར་འཇུག་པའི་ཚུལ། །བདུད་རྩིའི་དཀྱིལ་འཁོར་རྒྱས་མཛད་པའོ། །དེ་ནས་དཀྱིལ་འཁོར་ཀུན་འབྱུང་བའི། །བདུད་རྩིའི་གནས་ནི་རྒྱས་པ་ཉིད། །དེ་བཞིན་གཤེགས་པས་སྦྱོར་མཛད་ཅིང་། །བྱང་ཆུབ་སེམས་རྣམས་ཀུན་སྤྱོད་པའོ། །སྣང་བ་མེད་ལས་སྣ་ཚོགས་ཆོས། །བདུད་རྩིའི་དཀྱིལ་འཁོར་ཀུན་འབྱུང་ཞིང་། །མཉམ་ཉིད་ཡེ་ཤེས་ཟག་པ་མེད། །བདེ་བ་ཆེན་པོའི་གནས་བཞུགས་པའོ། །བདུད་རྩི་ཆེན་པོའི་དཀྱིལ་འཁོར་ལས། །ཕྱི་ནང་འབྱུང་ཚོགས་བསམ་ཡས་ཀུན། །རིགས་ཀྱི་སྤྲུལ་པས་རྣམ་བཀོད་ཅིང་། །བྱིན་རླབས་མཐུ་ཡིས་གསང་བའི་མཆོག །ཁ་དོག་དབྱིབས་དང་མཚན་མ་མེད། །འགྲོ་བ་མེད་ཅིང་བྱ་བ་མེད། །རྩོལ་བ་མེད་ཅིང་བརྟེན་པ་མེད། །བདུད་རྩི་ཆེན་པོར་བརྗོད་དུ་མེད། །ཉོན་མོངས་དུག་བཅས་དུག་གཞི་བཅོམ། །དྲི་མེད་དག་པའི་བྱང་ཆུབ་སེམས། །སངས་རྒྱས་ཀུན་གྱི་སྤྱོད་ཡུལ་འདི། །ངེས་པའི་དོན་ལ་མཉམ་པར་སྦྱོར། །ནམ་མཁའི་མཚན་ཉིད་སངས་རྒྱས་ཀུན། །ཕྱི་ནང་བདུད་རྩིའི་རང་བཞིན་ཏེ། །དེ་དག་རྣམ་པར་སྤྲུལ་བྱས་ནས། །ཐམས་ཅད་དོན་ཀུན་མཚན་མར་འཛིན། །དེ་བཞིན་རྟོགས་པས་གྲོལ་བའི་ཕྱིར། །རང་བཞིན་ཉེ་བར་སྦྱངས་པའི་སྟོབས། །ཐམས་ཅད་སངས་རྒྱས་ཚོགས་རྣམས་ཀྱིས། །བདུད་རྩི་ཆེན་པོའི་དོན་བཤད་འཚལ། །དུས་རྣམས་ཀུན་ཏུ་བཟུང་བ་དང་། །གཞན་ལ་རྒྱ་ཆེར་སྟོན་བྱེད་པ། །དེ་ཉིད་རྡོ་རྗེ་ཀུན་ཏུ་བཟང་། །སྲས་ཀྱི་དམ་པར་རབ་བསྔགས་པའོ། །དེ་ནས་བྱང་ཆུབ་སེམས་དཔའི་ཚོགས། །ཕྱོགས་རྣམས་ཀུན་ནས་འདུས་པ་དང་། །ལྷ་ཀླུ་གནོད་སྦྱིན་མི་ལ་སོགས། །རྣལ་འབྱོར་དྲང་སྲོང་ཆེ་རྣམས་ལ། །སངས་རྒྱས་ཀུན་གྱིས་བསྟན་པའི་དོན། །ཉེ་བར་ ― DNG013_Page_0349 ―
[མ་དཔེ་གཟིགས་ན་འདིར་གནོན།]
གདམས་པས་སྟོན་པར་མཛད། །དེ་ཉིད་བསྟན་པའི་རྒྱུད་ཆེན་འདི། །ཐམས་ཅད་གཅིག་ཏུ་བསྡུས་པའི་མཆོག །བྱང་སེམས་འཇམ་དཔལ་རྣོན་པོ་དང་། །གསང་བདག་རྡོ་རྗེ་ཆོས་ལ་གཏད། །དུས་གསུམ་ཐམས་ཅད་མཁྱེན་པའི་མཆོག །སངས་རྒྱས་ཀུན་གྱི་གསང་བའི་མཛོད། །བདུད་རྩི་རོལ་པའི་རྒྱུད་ཆེན་འདི། །དད་བརྩོན་གུས་པར་གཟུང་བར་གྱིས། །ཇི་སྙེད་ཆོས་རྣམས་ཐམས་ཅད་ཀྱི། །ཡོན་ཏན་བརྗོད་པའི་དཔེ་ཀུན་གྱིས། །སྣ་ཚོགས་ཕྱོགས་རྣམས་བཀང་བྱས་ཏེ། །དེ་དག་བགྲང་ཞིང་ཤེས་ཀུན་ཀྱང་། །ཡང་དག་དོན་འདི་མཚོན་པ་གང་། །ཇི་ལྟར་ནམ་མཁའི་དཀྱིལ་འཁོར་དང་། །རྒྱ་མཚོ་ཆེན་པོའི་གནས་རྣམས་དག །ཀུན་ཏུ་རྟོགས་པར་ནུས་གྱུར་ཀྱང་། །ཡང་དག་དོན་འདི་དཔེ་ལས་འདས། །ནོར་བུ་རིན་ཆེན་མཐའ་ཡས་སྒོ། །གྲངས་མེད་སྟོང་གསུམ་བཀང་བྱས་པས། །ཡོན་ཏན་ཆེན་པོའི་ཕྱོགས་ཆ་ཡང་། །ཚད་གཟུང་སྟོན་པར་མི་ནུས་སོ། །དུས་ཀུན་འཕེལ་དང་འགྲིབ་མེད་པའི། །བདུད་རྩི་གསང་བའི་དཀྱིལ་འཁོར་ཉིད། །དུས་གསུམ་སྟོན་པས་གྲོལ་བྱེད་པ། །དེ་དག་བྱིན་རླབས་མཐའ་ཡས་ཏེ། །ངོ་བོ་ཉིད་ཀྱི་མཐུ་དག་དང་། །རང་བཞིན་བདག་ལ་གནས་པའི་ཆོས། །གསང་སྔགས་ཕྱག་རྒྱའི་ཏིང་འཛིན་དང་། །དཀྱིལ་འཁོར་རྒྱུད་རྣམས་གཟུང་བར་བྱོས། །རི་ལུ་ལྕགས་གསུམ་དཀྲིས་པ་དག །དངོས་གྲུབ་ཀུན་གྱི་དོན་ཕྱིར་བཅངས། །སྤྱི་གཙུག་མགུལ་ལ་སོགས་པར་གནས། །ཕྱག་རྒྱས་བསྲུང་ཞིང་བསྟོད་པར་བྱ། །ཞེས་རྒྱ་ཆེར་གསུངས་སོ། །དེ་ནས་འཁོར་གྱི་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའི་ཚོགས་ཀུན་དང་། ལྷ་དང་མི་ལ་སོགས་པ་རྣམས་ཤིན་ཏུ་དགའ་ཞིང་གུས་པའི་སྒོ་ནས། ངོ་མཚར་གྱི་ཚིག་གིས་བསྟོད་ཅིང་། ཕྱག་འཚལ་ཞིང་མཆོད་པས་ཞིང་ཁམས་ཐམས་ཅད་གང་བར་སྤྲུལ་ཏེ། སྟོན་པ་དང་བདུད་རྩིའི་སྙིང་པོ་གཉིས་སུ་མེད་པར་སྤྱི་བོས་བླངས་སོ། །རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ལས། ཉེ་བར་བསྡུས་པའི་ཚུལ་བསྟན་པ་སྟེ་རིམ་པར་ཕྱེ་བ་བརྒྱད་པའོ།། །།རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ལས། སངས་རྒྱས་ཐམས་ཅད་ཀྱི་གསང་བའི་བདུད་རྩི་ཉེ་བར་བསྡུས་པའི་ཚུལ་གྱིས་བསྟན་པ་སྟེ། ཐམས་ཅད་རྫོགས་པའི་གནས་འཇུག་པ་རྫོགས་སོ། །རྒྱ་གར་གྱི་མཁན་པོ་བི་མ་ལ་མི་ཏྲ་དང་། བོད་ཀྱི་ལོཙྪ་བ་གཉགས་ཛྙཱ་ན་ཀུ་མཱ་རས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། ཕུར་པ་བཅུ་གཉིས་ཀྱི་རྒྱུད་ཅེས་བྱ་བ་ཐེག་པ་ཆེན་པོའི་མདོ།― DNG013_Page_0350 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀཱི་ལ་ཡ་དྭཱ་ད་ཤ་ཏནྟྲ་མ་ཧཱ་ཡཱ་ན་སཱུ་ཏྲ། བོད་སྐད་དུ། ཕུར་པ་བཅུ་གཉིས་ཀྱི་རྒྱུད་ཅེས་བྱ་བ་ཐེག་པ་ཆེན་པོའི་མདོ། བམ་པོ་ཐོག་མ་ཟུག་པ། དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གསང་བ་གསུམ་གྱི་བདག་པོ།སྤྲོས་པ་མེད་པའི་བྱང་ཆུབ་ཀྱི་སེམས་རྡོ་རྗེ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་རྣམ་པར་དག་པའི་བདག་ཉིད། གཉིས་སུ་མེད་པ་ལས་བྱུང་བའི་པདྨ་ཆེན་པོ། སྤྲོས་པ་དང་བྲལ་བའི་གསུང་རྡོ་རྗེ་ལྟ་བུ་ལ་མངའ་བརྙེས་པ། ཡིད་བཞིན་གྱི་ནོར་བུ་རིན་པོ་ཆེ། ཐམས་ཅད་འབྱུང་བའི་རྒྱལ་པོས་ཐམས་ཅད་ལ་རྒྱས་པར་མཛད་པ། ཕྲིན་ལས་ཐམས་ཅད་ཡོངས་སུ་རྫོགས་པའི་མངའ་བདག་གི་རྒྱལ་པོ། དམ་ཚིག་ཐམས་ཅད་ཉེ་བར་སོན་པའི་བདག་པོ་གསང་བ་གཉིས་སུ་མེད་པའི་སྔགས་ལ་མངའ་བརྙེས་པ། གསང་བ་བཞིའི་ངོ་བོ་ཉིད་དུ་གྱུར་པའི་རྒྱལ་པོ། ཉོན་མོངས་པ་རྣམས་རབ་ཏུ་འཇོམས་ཤིང་རྣམ་པར་དག་པའི་བདག་ཉིད། སྐུ་གསུང་ཐུགས་ཡོན་ཏན་ཕྲིན་ལས་ལྔས་ཀུན་ཏུ་འདུལ་བའི་སྒོ་ཡངས་པར་མཛད་པ། དུས་གསུམ་གྱི་ཆོས་ཐམས་ཅད་མ་ལུས་མི་ལུས་ལུས་པ་མེད་པའི་མངའ་བདག །རོལ་པའི་མཛད་སྤྱོད་རྫུ་འཕྲུལ་རྣམ་པ་སྣ་ཚོགས་པར་སྤྲུལ་ནས་སེམས་ཅན་གྱི་དོན་མཛད་པ་ལ་མངའ་བརྙེས་པ་ནི། འོག་མིན་གྱི་གནས་གཉིས་སུ་མེད་པ་གསང་བ་མཆོག་གི་དཀྱིལ་འཁོར་ཆེན་པོ་གསང་བའི་གནས། བཙུན་མོའི་བྷ་ག །ཕོ་བྲང་ལྷུན་གྱིས་གྲུབ་པ་ཐམས་ཅད་ཀྱིས་ལོངས་སྤྱོད་ཀྱིས་བརྒྱན་པ། དུར་ཁྲོད་ཀྱི་གཞལ་ཡས་ཁང་། ཡེ་ནས་རྣམ་པར་དག་པའི་པདྨ་ཁ་དོག་སྣ་ཚོགས་པ་དང་། དབྱིབས་སྣ་ཚོགས་པས་བརྒྱན་པ། ཡོན་ཏན་དཔག་ཅིང་གཞལ་བ་ལས་འདས་པའི་གཞལ་ཡས་ཁང་རིན་པོ་ཆེའི་རྒྱན་རྣམ་པ་སྣ་ཚོགས་པས་ཕྱི་དང་ནང་མེད་པར་ཕྱོགས་བཅུར་འཁྲིགས་ཤིང་རྣམ་པར་བཀླུབས་པ། ― DNG013_Page_0351 ―
[མ་དཔེ་གཟིགས་ན་འདིར་གནོན།]
ཐོག་མ་དང་ཐ་མ་མེད་པར་རང་བྱུང་བ་ན། རྣལ་འབྱོར་གྱི་དབང་ཕྱུག་རྒྱལ་བ་རིགས་ལྔའི་སངས་རྒྱས་ཀྱིས་ནམ་མཁའི་མཐའ་ཀླས་པ། རྒྱལ་བ་སངས་རྒྱས་ཀྱི་བཙུན་མོ་དམ་པ་ལ་སོགས་ཏེ་རྣལ་འབྱོར་མ་ཆེན་མོ་དང་རྣལ་འབྱོར་ཆེན་པོ་གཉིས་སུ་མེད་པ་ལས་སྤྲུལ་པའི་སེམས་དཔའི་ཚོགས་བཙུན་མོའི་སེམས་མ་དང་བཅས་པ་དང་། གཞན་ཡང་སྤྲུལ་པ་དང་སྤྲུལ་པ་ལས་གྱུར་པའི་སྲས་ཀྱི་ཚོགས་བརྗོད་དུ་མེད་པའི་ཡང་བརྗོད་དུ་མེད་པ། ཞིང་གི་རྡུལ་སྙེད་དང་ཐབས་ཅིག་ཏུ་བསྙེལ་བ་མི་མངའ་བར་བཞུགས་པ་ནི། ཚུལ་རྣམ་པ་བཞིས་ཀུན་ལ་ཁྱབ་པར་བཞུགས་སོ། །རོལ་པ་བྱང་ཆུབ་ཀྱི་སེམས་ཀྱིས་ཀྱང་ཏིལ་གྱི་གང་བུ་བཞིན་ཀུན་ལ་ཁྱབ་པར་བཞུགས་སོ། །རྣམ་པའི་ཁྱད་པར་གྱིས་བཞུགས་སོ། །འཁོར་གྱི་དཀྱིལ་འཁོར་དེ་ཉིད་ཀྱི་ནང་ནས་ཀྱང་། རྣལ་འབྱོར་གྱི་དབང་ཕྱུག་ཆེན་པོ། རྡོ་རྗེ་ཆོས་དང་། བཙུན་མོ་སྟོང་པ་དང་བཅས་པ་གཉིས་སུ་མེད་པའི་ཚུལ་དུ་རྣམ་པར་དག་པའི་རང་བཞིན་གྱིས། བཅོམ་ལྡན་འདས་ཀྱི་སྤྱན་སྔ་ན་རབ་ཏུ་མཛེས་པའི་ཚུལ་བཟུང་ནས། བཀའ་ནོད་ཅིང་སྤོབས་པ་ཅན་དུ་བཞུགས་སོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ཕྱི་དང་ནང་དང་སྣང་བ་ཐམས་ཅད་ལ་མ་བཅོས་པའི་སྤྱན་གྱིས་སོ་སོའི་བྱེ་བྲག་གི་དབང་དུ་གཟིགས་སོ། །དེ་བཞིན་དུ་བྱང་ཆུབ་སེམས་དཔའི་ཁྱད་པར་དུ་ཡང་གཟིགས་སོ། །དེ་བཞིན་དུ་ཕྱོགས་བཅུའི་རྒྱལ་བ་སངས་རྒྱས་གྲངས་མེད་ཅིང་བགྲང་བ་ལས་འདས་པའི་དུས་གསུམ་གྱི་སངས་རྒྱས་ལ་ཡང་གཟིགས་སོ། །སྤྱན་རྣམ་པར་དག་པའི་རྫུ་འཕྲུལ་གྱིས། ཀུན་ལ་ཁྱབ་ཅིང་སོ་སོའི་བྱེ་བྲག་ཏུ་གཟིགས་སོ། །རྣམ་པར་གཟིགས་སོ། །རྣམ་པར་གཟིགས་ནས། ཆོས་ཐམས་ཅད་མ་བཅོས་པའི་དེ་བཞིན་ཉིད་ལ་མནལ་ཏེ། སྨྲ་བསམ་ལས་འདས་པ། གང་གི་ངོ་བོར་ཡང་གྲུབ་པ་མ་ཡིན་ཅིང་། བཅོས་པ་མ་ཡིན་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་བཅོས་མ་ཡིན་པར་གྱུར་ ― DNG013_Page_0352 ―
[མ་དཔེ་གཟིགས་ན་འདིར་གནོན།]
པ་ནི། དེས་ནམ་མཁའི་མཚན་ཉིད་ཀྱིས་ཀྱང་དཔག་ཏུ་རུང་བ་མ་ཡིན་པའོ། །དེ་ནས་ཡུམ་སངས་རྒྱས་སྤྱན་གྱིས་བཅོམ་ལྡན་འདས་གསང་བ་མཆོག་གི་བདག་པོ་དགོངས་པ་བཅོས་མ་མ་ཡིན་པ་ལ་མནལ་བཞིན་དུ་སེམས་ཅན་གྱི་དོན་དུ་གླུ་འདིས་བསྐུལ་ཏོ། །ཨེ་མ་ཧོ། མ་བཅོས་སྤྲོས་མེད་རྣམ་དག་ཀློང་ཡངས་ནས། །ཁྱབ་པའི་སྙིང་རྗེ་འབྱུང་བར་མི་དམིགས་ཀྱང་། །སྔོན་གྱི་སྨོན་ལམ་རྗེས་སུ་དགོངས་མཛད་ནས། །ཁྱབ་པའི་སྙིང་རྗེ་ཆེན་པོ་ནམ་མཁར་སྟོན། །ཞེས་བསྐུལ་བས། གསང་བ་མཆོག་གི་བདག་པོ་དེས་བསྐུལ་བར་མཁྱེན་ནས། བཅོས་མ་མ་ཡིན་པའི་ངང་ལས་གཡོས་ཏེ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ལ་སྙིང་རྗེ་ཆེན་པོས་ཀུན་ལ་ཁྱབ་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ནམ་མཁའི་ངོ་བོ་ཙམ་དུ་གནས་པར་གྱུར་ཏོ། །དེ་ནས་ཡང་ཡུམ་གོས་དཀར་མོས་མ་གཡོས་པའི་ངང་ལས་གླུ་འདིས་བསྐུལ་ཏོ། །ཨེ་མ་ཧོ། ཀུན་ལ་ཁྱབ་པའི་སྙིང་རྗེ་ཆེན་པོ་འདི། །མ་ལྟར་བྱམས་ཤིང་ཐུགས་རྗེས་ཀུན་ལ་འཛིན། །མ་བསྒྲིབས་གསལ་བའི་ཐུགས་རྗེའི་དབྱིངས་ཉིད་ལས། །བདེ་མཆོག་ལོངས་སྤྱོད་བདག་ལ་བསྟན་དུ་གསོལ། །ཧོ་ཞེས་རྣམ་པར་བསྐུལ་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་བསྐུལ་བར་མཁྱེན་ནས། ནམ་མཁའ་བརྗོད་མེད་ཀྱི་ངང་ལས་རིག་པ་བརྗོད་པའི་ཆོ་འཕྲུལ་སྙིང་རྗེའི་དབང་གིས་རྣམ་པར་ཕྱུང་སྟེ། རྣམ་པར་གསལ་བར་མཛད་པའི་གཟི་བརྗིད་ནི་ནམ་མཁའི་དབྱིངས་རུམ་ནས་ཉི་མ་འབུམ་དུས་གཅིག་ཏུ་ཤར་བའི་འོད་ཟེར་ལྟ་བུར་རྡོ་རྗེའི་སྐུ་མངོན་དུ་ཕྱུང་ངོ་། །དེ་ནས་ཡང་ཡུམ་མཱ་མ་ཀཱིས་སྐུ་མངོན་དུ་གསལ་བའི་ངང་ལས་གླུ་འདིས་བསྐུལ་ཏོ། །ཨེ་མ་ཧོ། རིག་པའི་སྐུ་མཆོག་རྣམ་པར་གསལ་བ་ནི། །ཡོངས་སུ་གསལ་ཞིང་དྲི་མ་རྣམས་དང་བྲལ། །ཐུགས་རྗེ་ཆེན་པོས་སེམས་ཅན་དོན་མཛད་པ། །སྤྲུལ་པའི་སྐུ་མཆོག་བདག་ལ་བསྟན་དུ་གསོལ། ། ― DNG013_Page_0353 ―
[མ་དཔེ་གཟིགས་ན་འདིར་གནོན།]
ཧོ་ཞེས་རྣམ་པར་བསྐུལ་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་བསྐུལ་བར་མཁྱེན་ནས། ལོངས་སྤྱོད་རྫོགས་པའི་སྐུ་ལས་རྣམ་པར་སྤྲུལ་ཏེ་སྐུ་ཆ་གཉིས་སུ་རྣམ་པར་གསལ་བར་གྱུར་ཏོ། །དེ་ནས་ཡུམ་དམ་ཚིག་སྒྲོལ་མས་ལོངས་སྤྱོད་རྫོགས་པའི་སྐུ་ཆ་གཉིས་སུ་སྣང་བའི་ངང་ལས་གླུ་འདི་བླངས་སོ། །ཨེ་མ་ཧོ།ལོངས་སྤྱོད་རྫོགས་པའི་སྐུ་མཆོག་གསལ་བ་ལས། །ཀུན་ལ་ཁྱབ་པའི་ཆོ་འཕྲུལ་སྣ་ཚོགས་པ། །མ་བསྒྲིབས་སྙོམས་པའི་ཐུགས་རྗེས་ཁྱབ་མཛད་ཅིང་། །རོལ་པའི་སྐུ་མཆོག་བདག་ལ་བསྟན་དུ་གསོལ། །ཧོ། ཞེས་རྣམ་པར་བསྐུལ་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་བསྐུལ་བར་མཁྱེན་ནས། སྐུ་ཆ་གཉིས་སུ་བཞུགས་པ་དེའི་ངང་ལས་ཁམས་གསུམ་གྱི་སེམས་ཅན་ལ་ཐུགས་རྗེའི་དབང་གིས་རྣམ་པར་སྤྲུལ་པ་མཛད་དོ། །དེ་ནས་ཡང་ཡུམ་ཀུན་ཏུ་བཟང་མོས་མཛེས་པའི་མདངས་ཕྱུང་སྟེ། མཛེས་པའི་སྨིན་མ་བསྒྱུར་ནས། སྤྱན་མཛེས་པས་བལྟས་ཏེ། རྨད་དུ་བྱུང་བའི་མཆོད་པས་མཆོད་ཅིང་། གླུ་དང་གར་གྱི་བྱེ་བྲག་དང་རྣམ་པར་མཛེས་ཤིང་། དགྱེས་པ་བསྐྱེད་པའི་གླུ་འདིས་བསྐུལ་ཏོ། །ཨེ་མ་ཧོ། ཡོངས་སུ་རྫོགས་པའི་སྐུ་མཆོག་མ་བསྒྲིབས་གསལ། །ཐམས་ཅད་ཀུན་ལ་སྙོམས་པའི་ཐུགས་རྗེས་འཛིན། །མ་བསྒྲིབས་ལོངས་སྤྱོད་རྫོགས་པའི་སྐུ་གཉིས་གསལ། །སྤྲུལ་པའི་རོལ་པ་བདག་ལ་བསྟན་དུ་གསོལ། །ཧོ། ཞེས་རྣམ་པར་བསྐུལ་བས། གསང་བ་མཆོག་གི་བདག་པོས་བསྐུལ་བར་མཁྱེན་ནས། རོལ་པའི་སྐུ་ཞལ་གསུམ་པར་སྣང་ཞིང་། ཡེ་ཤེས་ཀྱི་རྡོ་རྗེ་རྩེ་དགུ་པ་ཅན་ལྟ་བུ་དུས་གསུམ་གྱི་སངས་རྒྱས་ཡབ་ཡུམ་སྲས་དང་བཅས་པར་གཟིགས་པར་གྱུར་ཏོ། །དེ་ནས་གསང་བ་མཆོག་གི་བདག་པོ་དེས། འཁོར་ཡོངས་སུ་བསྡུ་བ་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ ― DNG013_Page_0354 ―
[མ་དཔེ་གཟིགས་ན་འདིར་གནོན།]
ཆོས་ཉིད་ཀྱི་གསུང་དྲི་མ་མེད་པའི་སྒྲ་ཧཱུཾ་ཧཱུཾ་ཧཱུཾ་ཞེས་བརྗོད་པས། འཁོར་གྱི་དཀྱིལ་འཁོར་དེ་དག་ཐམས་ཅད་ཉིད་ཀྱི་སྐུ་ལ་བསྡུ་བར་མཛད་དོ། །དེ་ནས་ཡང་གསང་བ་མཆོག་གི་བདག་པོ་དེ་རྣམ་པ་སྣ་ཚོགས་ཀྱི་གསང་བ་གསུམ་གྱི་གླུ་དང་། མགོའི་གར་དང་། ལག་པའི་གར་དང་། སྐེད་པའི་གར་དང་། བརྡེག་པ་དང་། ཡོངས་སུ་བསྡིམ་པ་དང་། རྣམ་པར་སྦྱོར་བ་དང་། རབ་ཏུ་འཁྱུད་པ་དང་། རྣམ་པར་བརྩེ་བ་དང་། རོལ་པའི་རྩེད་པོས་ཡུམ་རྣམས་ལ་སྨིན་མ་མཛེས་པར་བཏེག་སྟེ། ཞལ་ཤིན་ཏུ་འཛུམ་བག་དང་བཅས་ཤིང་། སྤྱན་ཕྲ་བར་བསྙེན་ཏེ། ཟུར་གྱིས་གཟིགས་ཏེ། ཡང་ཆགས་པ་ཆེན་པོའི་ཏིང་འཛིན་ལ་སྙོམས་པར་ཞུགས་ཏེ། ཅང་མི་གསུང་བར་གྱུར་ཏོ། །དེ་ནས་ཡང་ཀུན་ཏུ་བཟང་མོས་ཞལ་འཛུམ་བག་དང་བཅས་ཤིང་། མིག་ཟིམ་བག་གིས་ཟུར་མིག་གིས་བལྟས་ཏེ། བཅོམ་ལྡན་འདས་ལ་ཆགས་པའི་གླུ་འདིས་བསྐུལ་ཏོ། །ཨེ་མ་ཧོ། ཡང་དག་རྨད་བྱུང་བདེ་བའི་སྐུ་མཆོག་ལས། །ཀུན་ལ་ཁྱབ་པའི་ཐུགས་རྗེས་གར་མཛད་ཅིང་། །བདག་གི་གསང་བའི་ཡུམ་གྱི་བྷ་ག་རུ། །དྲི་མེད་བསིལ་བའི་བདུད་རྩིའི་ཆར་ཆེན་ཕོབ། །ཧོ། ཞེས་རྣམ་པར་བསྐུལ་ལོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་བསྐུལ་བར་མཁྱེན་ནས། གསང་བའི་རོལ་པའི་ཏིང་ངེ་འཛིན་ལས་གླུ་འདིས་བསྐུལ་ཏོ། །ཨེ་མ་ཧོ། མ་བཅོས་བདེ་བ་ཆེན་པོའི་དབྱིངས་ཉིད་ནི། །ཀུན་འབྱུང་རྒྱན་གྱིས་མཛེས་པའི་པདྨ་རུ། །བདེ་བ་ཐུགས་ཀྱི་རྡོ་རྗེ་བྱང་ཆུབ་སེམས། །མུ་ཏིག་དཀར་པོའི་ཆར་ཕབ་རྒྱུན་མི་འཆད། །ཧོ་ཞེས་ཆེད་དུ་གླེངས་སོ། །དེ་ནས་ཡང་ཡུམ་གྱིས་ཐབས་མཆོག་ཡབ་ཀྱི་བྱང་ཆུབ་ཀྱི་སེམས་རྣམ་པར་བསྐུལ་བའི་གླུ་འདི་བླངས་སོ། །ཨ་ཧོ། གསང་བ་བྱང་ཆུབ་སེམས་ནི་དྲི་མ་མེད། །དུས་གསུམ་རྒྱལ་བ་རྣམས་ཀྱི་དེ་ཁོ་ན། །མ་བསྒྲིབས་གསལ་ཞིང་ཡང་དག་འོད་ཟེར་འཕྲོ། །སངས་རྒྱས་སེམས་ཅན་ཀུན་གྱི་རྒྱུ་ཆེན་པོ། །ཧོ་ཞེས་རྣམ་པར་བསྐུལ་ཏོ། །དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ ― DNG013_Page_0355 ―
[མ་དཔེ་གཟིགས་ན་འདིར་གནོན།]
བྱང་ཆུབ་ཀྱི་སེམས་འབའ་ཞིག་ཏུ་གནས་པར་གྱུར་ཏོ། །དེ་ནས་ཡང་ཡུམ་གྱི་བྱང་ཆུབ་ཀྱི་སེམས་ལ་བསྐུལ་བའི་གླུ་འདི་བླངས་སོ། །ཨ་ཧོ། མ་ཆགས་པདྨ་དབང་གི་བྱང་ཆུབ་སེམས། །སྐྱོན་གྱིས་མ་གོས་གདོད་ནས་རྣམ་པར་དག །དུས་གསུམ་རྒྱལ་བ་རྣམས་ཀྱི་དགྱེས་པའི་ཡུམ། །བདེ་ཆེན་རང་བྱུང་འོད་ཀྱིས་ཆགས་པར་བྱ། །ཧོ་ཞེས་རྣམ་པར་བསྐུལ་ལོ། །དེ་ནས་ཡང་དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་གཉིས་སུ་མེད་པའི་ངང་ལས་མ་གཡོས་ཏེ་ཆགས་པའི་རང་བཞིན་དུ་གྱུར་ཏོ། །དེ་ནས་ཡང་གསང་བའི་བདག་པོས་གཉིས་སུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཡང་གསང་བའི་སྔགས་ཚིག་འདི་གསུངས་སོ། །ཨེ་མ་ཧོ་བདེ་ཆེན་ཡོངས་རྫོགས་པའི། །ཐིག་ལེ་བྱང་ཆུབ་སེམས་སྤྲོས་པས། །དུས་གསུམ་བདེ་གཤེགས་ཐུགས་དམ་བསྐུལ། །འགྲོ་དྲུག་ལུས་ངག་ཡིད་གསུམ་སྦྱངས། །སླར་འདུས་མ་བཅོས་དབྱིངས་སུ་ཐིམ། །མ་བཅོས་སྤྲོས་མེད་བྱང་ཆུབ་སེམས་སུ་གསལ། །སྤྲོས་མེད་སེམས་ཀྱི་འོད་ཟེར་གྱིས། །བྱང་ཆུབ་སེམས་རྫོགས་ཀུན་ལ་ཁྱབ། །ཅེས་གསུངས་སོ། །དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་མ་བཅོས་པའི་དོན་གྱི་ངོ་བོ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། རྒྱན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བཙུན་མོ་ཀུན་ཏུ་བཟང་མོའི་མཁར་བརྟག་པའི་ཕྱིར།ཉིད་ཀྱི་སྐུ་དང་གསུང་དང་ཐུགས་གསང་བ་ལས། སྔགས་འདི་ཕྱུང་ངོ་། །ཨེ། དེ་ནས་ཡང་གསང་བ་མཆོག་གི་བདག་པོ་དེས། རྣམ་པར་བསྐྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གསང་བའི་སྔགས་འདི་ཕྱུང་ངོ་། །ཡཾ། དེ་ནས་ཡང་གསང་བ་མཆོག་གི་བདག་པོ་དེས། རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གསང་བའི་སྔགས་འདི་ཕྱུང་ངོ་། །རཾ། དེ་ནས་ཡང་གསང་བ་མཆོག་གི་བདག་པོ་དེས། ཡོངས་སུ་སྡུད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ ― DNG013_Page_0356 ―
[མ་དཔེ་གཟིགས་ན་འདིར་གནོན།]
ནས། གསང་བའི་སྔགས་འདི་ཕྱུང་ངོ་། །ཁཾ། དེ་ནས་ཡང་གསང་བ་མཆོག་གི་བདག་པོ་དེས། ཡོངས་སུ་འདེགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྔགས་འདི་ཕྱུང་ངོ་། །སུཾ། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། གསང་བ་གསུམ་ལས་བྱུང་བའི་སྔགས་དེ་རྣམས་འདོན་པའི་ཚེ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡོངས་སུ་གསལ་ཞིང་རྣམ་པར་དག་པའི་རང་བཞིན་ཅན་དུ་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། འབྱུང་བ་ཡོངས་སུ་སྨིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གསང་བའི་སྔགས་འདི་ཕྱུང་ངོ་། །བྷྲཱུཾ། དེ་བཏོན་མ་ཐག་ཏུ་སྣང་བ་ཐམས་ཅད་ཡོངས་སུ་དག་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོས་ཆེད་དུ་བརྗོད་པའི་འདི་བརྗོད་དོ། །ཨེ་མ་ཧོ་སངས་རྒྱས་ཐམས་ཅད་ཀྱི། །གཉིས་མེད་གསང་བ་གསུམ་ལས་བྱུང་། །རྡོ་རྗེ་གསང་བ་མཆོག་གི་གནས། །འཁོར་ལོའི་རྒྱན་དང་རྡོ་རྗེའི་རྒྱན། །ཉི་ཟླ་འོད་འཕྲོ་པདྨས་མཛེས། །འདོད་པའི་ཡོན་ཏན་ལྔ་ཡིས་འཁྲིགས། །རིན་ཆེན་རྒྱན་དང་རོལ་མོའི་སྒྲ། །བླ་རེ་རྒྱལ་མཚན་འཕན་གདུགས་མཛེས། །འོད་འཕྲོ་འབར་བས་ཕྱོགས་བཅུར་འཁྲིགས། །གྲུ་བཞི་སྒོ་ཁྱུད་བཞི་དང་ལྡན། །མཛེས་པའི་བར་ཁྱམས་གཉིས་དང་བཅས། །འཁོར་ལོ་ཏྭ་ར་ཎ་ཡིས་བརྒྱན། །བདེ་གཤེགས་རྒྱལ་བ་སྲས་བཅས་གནས། །ཞེས་གསུངས་སོ། །དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས། ཡོངས་སུ་གནས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་བརྗོད་དོ། །ང་ནི་བཅོམ་ལྡན་རང་བྱུང་སྟེ། །ཁམས་གསུམ་ཀུན་གྱི་གཉེན་གཅིག་པུ། །ཡོངས་སུ་རྫོགས་པའི་ཏིང་འཛིན་ཅན། །ཐབས་དང་ཤེས་རབ་གཉིས་མེད་བཞུགས། །ཏིཥྛ་བཛྲ་ཨ། ཞེས་བརྗོད་དེ། ཕོ་བྲང་ཆེན་པོའི་དབུས་སུ་བཞུགས་པར་གྱུར་ཏོ། །དེ་ནས་ཡང་བྱང་ཆུབ་ཀྱི་སེམས་ ― DNG013_Page_0357 ―
[མ་དཔེ་གཟིགས་ན་འདིར་གནོན།]
སྤྲོས་པ་མེད་ཅིང་གཉིས་སུ་མེད་པའི་བདག་ཉིད་ཅན་དེས། ཆོས་ཐམས་ཅད་རྣམ་པར་རོལ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐབས་དང་ཤེས་རབ་གཉིས་སུ་མེད་པའི་བྱང་ཆུབ་སེམས་ལས་གསང་བའི་སྔགས་འདི་ཕྱུང་ངོ་། །ཐཱ། དེ་ཕྱུང་མ་ཐག་ཏུ་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱི་གསུང་རྣམ་པར་དག་པ་ཞེས་བྱ་བའི་འོད་ཟེར་སྤྲོས་ཏེ། དེའི་ཚེ་གསང་བའི་སྔགས་ཀྱིས་ཡི་གེ་འཕྲོ་འདུའི་རང་བཞིན་དུ་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས།གསུང་རྣམ་པར་དག་ཅིང་དྲི་མ་མེད་པའི་རང་བཞིན་གྱི་འོད་ཟེར་སྤྲོས་ཤིང་བསྡིམས་པ་དེའི་སྔགས་ཀྱི་ཡི་གེ་ལས། གསུང་མ་བཅོས་པའི་སྒྲ་སྐད་འདི་སྐད་ཅེས་བསྒྲགས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །སྤྲོས་མེད་གསུང་གི་རྣམ་པར་དག །བསྡུས་པའི་འོད་ཟེར་དེ་ཉིད་ནི། །ཞེ་སྡང་རིགས་ཀྱི་སངས་རྒྱས་ཡིན། །འོད་ཕུང་བྱང་ཆུབ་སེམས་སུ་གནས། །གདོད་ནས་དག་པ་གསུང་གི་མཆོག །མ་བཅོས་ཞེ་སྡང་སངས་རྒྱས་རྣམས། །རང་སྔགས་ཡི་གེར་གནས་པའོ། །ཞེས་བསྒྲགས་པའོ། །དེ་ནས་ཡང་གསང་བ་མཆོག་གི་བདག་པོ་དེས། རྡོ་རྗེ་རྣམ་པར་འཕྲོ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཐུགས་རྣམ་པར་མི་རྟོག་པའི་མཚན་མ་ཡེ་ཤེས་ཀྱི་རྡོ་རྗེ་རྩེ་ལྔ་པ་ཞིག་ཏུ་གསལ་བར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། རྡོ་རྗེ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱིས་མི་ཤིགས་པའི་འོད་ཟེར་རབ་ཏུ་གཏིབས་པས་དེའི་རྡོ་རྗེ་ལས་མི་ཤིགས་པའི་རང་སྒྲ་འདི་སྐད་ཅེས་གྲགས་སོ། །ཨེ་མ་ཧོ་མ་བཅོས་ཐམས་ཅད་ཐུགས། །ཡེ་ནས་སྤྲོས་བྲལ་ངོ་བོ་ཉིད། །བྱེ་བྲག་ཡེ་ཤེས་ལྔ་རུ་སྣང་། །ཐམས་ཅད་ཀུན་གྱི་གནས་ཆེན་པོ། །མ་ལུས་རྫོགས་པའི་ཐུགས་ཉིད་མཆོག །དུས་གསུམ་སངས་རྒྱས་ཀུན་གྱི་ཐུགས། །སྤྲོས་མེད་རྡོ་རྗེར་གནས་པས་ན། །རྡོ་རྗེའི་ཐུགས་ནི་བརྟན་པའོ། །ཞེས་གྲགས་སོ། །དེ་ནས་ ― DNG013_Page_0358 ―
[མ་དཔེ་གཟིགས་ན་འདིར་གནོན།]
ཡང་གསང་བ་མཆོག་གི་བདག་པོ་དེས། རྐྱེན་ཡོངས་སུ་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་སྒྱུ་མ་ལྟ་བུར་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། གསང་བའི་སྔགས་བཛྲ་དྷྲྀཀ་ཅེས་བརྗོད་པ་དེའི་ཚེ། མི་བསྐྱོད་པའི་སྐུ་ཕྱག་རྒྱ་ཆེན་པོ་རྒྱན་ཡོངས་སུ་རྫོགས་པར་འཐོན་ཏེ། གསང་བ་མཆོག་གི་བདག་པོའི་ཞལ་དུ་བལྟས་ཏེ། འདི་སྐད་ཅེས་གསོལ་ཏོ། །ཨེ་མ་ཧོ་ང་ནི་རང་བྱུང་སྟེ། །གསང་བའི་སྔགས་ཀྱི་ངོ་བོ་ཉིད། །བདེ་ཆེན་ཐུགས་ལས་བྱུང་བ་ཡིན། །རབ་ཏུ་སྤྲོས་མེད་སྙིང་པོ་ཉིད། །མ་བཅོས་སྐུ་ཉིད་ཡོངས་སུ་རྫོགས། །གསལ་ལ་མ་བསྒྲིབས་དྲི་མ་མེད། །གཉེན་པོ་ཅིས་ཀྱང་མི་ཤིགས་པས། །མི་བསྐྱོད་ཕྱག་རྒྱར་བསྟན་པ་ཡིན། །ཞེས་གླེངས་ཏེ་ཨ་ཞེས་བརྗོད་དེ་བཅོམ་ལྡན་འདས་ཀྱི་གནས་སུ་བཞུགས་ནས། དེ་ནས་ཡང་གསང་བ་མཆོག་གི་བདག་པོ་དེས་ཐམས་ཅད་འབྱུང་བའི་རྒྱན་གྱི་འཁོར་ལོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་ཀྱི་གསུང་མཆོག་རྣམ་དག་པ། །སྒྲ་དང་བཅས་པའི་དོན་མཆོག་ནི། །གཉིས་མེད་བྱང་ཆུབ་སེམས་ལ་ཤར། །ཞེས་གསུངས་ཏེ། གསང་བའི་སྔགས་འདི་ཕྱུང་ངོ་། །དྷ། འདི་ཕྱུང་མ་ཐག་ཏུ་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱིས་གསུང་རབ་ཏུ་བསྒྲགས་པ་ཞེས་བྱ་བའི་འོད་ཟེར་སྤྲོས་པས། དེའི་ཚེ་གསང་སྔགས་ཀྱི་ཡི་གེ་འཕྲོ་འདུ་བར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། གསུང་ཡོངས་སུ་བསྒྲགས་པ་ཞེས་བྱ་བའི་འོད་ཟེར་སྤྲོས་ཤིང་། བསྡིམས་པ་དེའི་ཚེ་གསང་སྔགས་ཀྱི་ཡི་གེ་ལས་གསུང་རབ་ཏུ་འཕྲོ་བའི་རང་སྒྲ་འདི་སྐད་བསྒྲགས་སོ། །ཨེ་མ་ཧོ་སངས་རྒྱས་ཐམས་ཅད་ཀྱིས། །ཡོངས་སུ་བསྒྲགས་པའི་གསུང་མཆོག་ཡིན། །མ་བཅོས་དབྱིངས་ལས་ཡོངས་སུ་གསལ། །རྣམ་ ― DNG013_Page_0359 ―
[མ་དཔེ་གཟིགས་ན་འདིར་གནོན།]
པའི་མཆོག་ལྡན་གསུང་མཆོག་ཉིད། །གཏི་མུག་ཆེན་པོ་སྒྲ་ཆེན་འབྱུང་། །མཆོག་ཏུ་གསལ་ལ་དྲི་མ་མེད། །གསལ་ཞིང་དྲི་མ་རྣམ་དག་པ། །གཏི་མུག་རྒྱལ་བའི་གསུང་མཆོག་ཉིད། །ཅེས་བསྒྲགས་སོ། །དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས། རབ་ཏུ་མཆོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཡོངས་སུ་གསལ་བ་ཞེས་བྱ་བའི་ཐུགས་ཀྱི་མཚན་མ་འཁོར་ལོ་རྩིབས་བརྒྱད་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། འཁོར་ལོ་རབ་ཏུ་སྤྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཕྱོགས་བཅུ་དུས་བཞིའི་སངས་རྒྱས་རྣམས་ཀྱིས་རྣམ་པར་གསལ་བ་ཞེས་བྱ་བའི་འོད་ཟེར་བསྡིམས་པ་དེའི་ཚེ། འཁོར་ལོ་རྩིབས་བརྒྱད་པ་ལས་རབ་ཏུ་འཇོམས་པའི་རང་སྒྲ་འདི་སྐད་ཅེས་གྲགས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཐུགས་ནི་རབ་ཏུ་གསལ་འབར་བ། །མཐའ་ཡས་ཀུན་ཏུ་རབ་ཏུ་འཕྲོ། །གསལ་ཞིང་འཕྲོ་བས་ཉོན་མོངས་བསྲེག །རབ་ཏུ་ཆོས་ཀྱི་འཁོར་ལོས་སྒྱུར། །གཏི་མུག་དྲ་བ་གཅོད་པར་བྱེད། །གཏི་མུག་སངས་རྒྱས་ཀུན་གྱི་ཐུགས། །སྐུ་ཡི་ཐུགས་ནི་བརྟན་པའོ། །ཞེས་གྲགས་སོ། །དེ་ནས་ཡང་གསང་བ་མཆོག་གི་བདག་པོ་དེས། ཡོངས་སུ་སྣང་བའི་རྐྱེན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡོངས་སུ་གསལ་ཞིང་དྲི་མ་མེད་པ་འབའ་ཞིག་ཏུ་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས་རིག་པའི་སྔགས་ཨཱོཾ་ཛི་ན་ཛིཀ་ཅེས་བརྗོད་པ་དེའི་ཚེ། རྣམ་པར་སྣང་མཛད་ཀྱི་སྐུ་ཕྱག་རྒྱ་ཆེན་པོ་ཐམས་ཅད་རྫོགས་པར་འཐོན་ཏེ། འདི་སྐད་ཅེས་གླེངས་སོ། །ཨེ་མ་ཧོ་ང་ནི་རང་བྱུང་སྟེ། །གདོད་ནས་དག་པ་སྐུ་ཡི་མཆོག །རབ་ཏུ་འཕྲོ་བའི་འོད་ཟེར་ཅན། །སངས་རྒྱས་ཀུན་གྱི་སྐུ་ཡི་མཆོག །འབར་བའི་འོད་ཟེར་བལྟར་མི་བཟད། །ཁམས་གསུམ་ཀུན་གྱི་གཉེན་གཅིག་ ― DNG013_Page_0360 ―
[མ་དཔེ་གཟིགས་ན་འདིར་གནོན།]
པོ། །དུས་གསུམ་སངས་རྒྱས་ཐམས་ཅད་ཀྱི། །སྐུ་ཡི་ཕྱག་རྒྱ་རྫོགས་པ་ཡིན། །ཞེས་གླེངས་ཏེ། ཨ་ཞེས་བརྗོད་ཅིང་བཅོམ་ལྡན་འདས་ཀྱི་སྤྱན་སྔར་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། རིན་པོ་ཆེ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཡོན་ཏན་གསུང་ནི་བླ་ན་མེད། །ཐམས་ཅད་ཀུན་གྱི་འབྱུང་གནས་གཙོ། །དྲི་མེད་བྱང་ཆུབ་སེམས་ལ་ཤར། །ཞེས་གསུངས་ཏེ་གསང་བའི་སྔགས་འདི་ཕྱུང་ངོ་། །དྷ། འདི་ཕྱུང་མ་ཐག་ཏུ་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱི་གསུང་ཡོན་ཏན་འབྱུང་བ་ཞེས་བྱ་བའི་འོད་ཟེར་སྤྲོས་པ་དེའི་ཚེ། གསང་བའི་སྔགས་ཀྱི་ཡི་གེ་འཕྲོ་འདུས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། གསུང་ཡོངས་སུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པ་དེའི་ཚེ། སྔགས་ཀྱི་ཡི་གེ་ལས་གསུང་རབ་ཏུ་འབྱུང་བ་ཞེས་བྱ་བའི་རང་སྒྲ་འདི་སྐད་བསྒྲགས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ང་རྒྱལ་གསུང་ནི་རྣམ་པར་དག །ང་རྒྱལ་ཆེན་པོའི་དོན་ལས་ཕྱུང་། །ཐམས་ཅད་གསུང་བའི་གསུང་མཆོག་ཉིད། །ཡིད་བཞིན་ནོར་བུ་རིན་ཆེན་ཉིད། །ཐམས་ཅད་མ་ལུས་འབྱུང་གནས་གཙོ། །དྲི་མེད་གསུང་མཆོག་བླ་ན་མེད། །ཡོན་ཏན་གསུང་ནི་དག་པའོ། །ཞེས་བསྒྲགས་སོ། །དེ་ནས་གསང་བ་མཆོག་གི་བདག་པོ་དེས། ཡོངས་སུ་སྤྱོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་རིན་ཆེན་འབྱུང་བ་ཞེས་བྱ་བའི་ཐུགས་ཀྱི་མཚན་མར་རིན་པོ་ཆེ་འབར་བ་ཟུར་བརྒྱད་པ་ཞིག་ཏུ་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། རིན་པོ་ཆེ་རབ་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཕྱོགས་བཅུ་དུས་གསུམ་གྱི་རྒྱལ་བ་རྣམས་ཀྱིས་ཡོན་ཏན་བཀོད་ ― DNG013_Page_0361 ―
[མ་དཔེ་གཟིགས་ན་འདིར་གནོན།]
པ་ཞེས་བྱ་བའི་འོད་ཟེར་བསྡིམས་པས་དེའི་ཚེ་རིན་པོ་ཆེ་ཟུར་བརྒྱད་པ་ལས་ཡོན་ཏན་འབྱུང་བ་ཞེས་བྱ་བའི་རང་སྒྲ་འདི་སྐད་ཅེས་གྲགས་སོ། །ཨེ་མ་ཧོ་ཡོན་ཏན་ཀུན་གྱི་ཐུགས། །རྣམ་དག་ཐུགས་ནི་དྲི་མ་མེད། །རིན་ཆེན་རྒྱལ་པོ་ཡོན་ཏན་གཙོ། །སེམས་ཅན་ཀུན་གྱི་རེ་སྐོང་བ། །ཡིད་བཞིན་ནོར་བུ་རིན་པོ་ཆེ། །མི་འགྱུར་ཁ་དོག་སྔོ་སངས་འོད། །རིན་ཆེན་འབར་བ་གཉིས་མེད་ཐུགས། །རིན་ཆེན་ཐུགས་ནི་རབ་འབར་བརྟན། །ཞེས་བསྒྲགས་སོ། །དེ་ནས་ཡང་གསང་བ་མཆོག་གི་བདག་པོ་དེས། རབ་ཏུ་རིན་ཆེན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ཡོན་ཏན་གྱི་རྒྱན་བཀོད་པ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། རིག་པའི་སྔགས། སྭཱ་རཏྣ་དྷྲྀཀ་ཅེས་བརྗོད་པ་དེའི་ཚེ། རིན་ཆེན་འབྱུང་ལྡན་ཞེས་བྱ་བའི་ཕྱག་རྒྱ་ཆེན་པོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ། འདི་སྐད་ཅེས་གླེངས་སོ། །ཨེ་མ་ཧོ་ང་ནི་རང་བྱུང་སྟེ། །ཡོན་ཏན་འབྱུང་བའི་མཚན་མ་ཡིན། །སེམས་ཅན་རེ་འདོད་ཡིད་བཞིན་སྐོང་། །ཡོངས་ཀྱི་གཏེར་འགྱུར་དམ་པའི་གཙོ། །དུས་གསུམ་སངས་རྒྱས་རེ་གནས་ཡིན། །ཐམས་ཅད་མ་ལུས་ཡོན་ཏན་གཙོ། །ཡིད་བཞིན་སྐུ་མཆོག་དྲི་མ་མེད། །ཡོན་ཏན་ཕྱག་རྒྱ་ཡོངས་སུ་རྫོགས་པའོ། །ཞེས་གསུངས་ཏེ། ཨ་ཞེས་བརྗོད་ཅིང་། བཅོམ་ལྡན་འདས་ཀྱི་གཡས་ཕྱོགས་སུ་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། འོད་རབ་ཏུ་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་བརྗོད་དོ། །ཨེ་མ་ཧོ་སངས་རྒྱས་ཐམས་ཅད་ཀྱིས། །ཡེ་ནས་དག་པའི་གསུང་འོད་བཞིན། །འོད་དང་བཅས་པས་སེམས་ཅན་དོན། །སྐྱོན་བྲལ་བྱང་ཆུབ་སེམས་ལ་ཤར། །ཞེས་གསུངས་ཏེ། གསང་བའི་སྔགས་འདི་ཕྱུང་ངོ་། །དྷ། འདི་ཕྱུང་མ་ཐག་ཏུ་ཕྱོགས་ ― DNG013_Page_0362 ―
[མ་དཔེ་གཟིགས་ན་འདིར་གནོན།]
བཅུ་དུས་གསུམ་གྱི་རྒྱལ་བ་རྣམས་ཀྱིས།འོད་རབ་ཏུ་འཕྲོ་བ་ཞེས་བྱ་བའི་འོད་ཟེར་རབ་ཏུ་སྤྲོས་པ་དེའི་ཚེ། གསང་བའི་སྔགས་འཕྲོ་འདུ་བར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས།འོད་དཔག་ཏུ་མེད་པ་ཞེས་བྱ་བའི་འོད་ཟེར་སྤྲོས་ཤིང་བསྡིམས་པ་དེའི་ཚེ། སྔགས་ཀྱི་ཡི་གེ་ལས་གསུང་དཔག་ཏུ་མེད་པ་ཞེས་བྱ་བའི་རང་སྐད་འདི་སྐད་ཅེས་བསྒྲགས་སོ། །ཨེ་མ་ཧོ་སངས་རྒྱས་ཐམས་ཅད་ཀྱིས། །རབ་ཏུ་སྤྲོས་མེད་རྣམ་དག་གསུང་། །མ་བཅོས་ཡི་གེར་རབ་ཏུ་གནས། །གྲགས་མེད་གསུང་ནི་ཀུན་ཏུ་གྲགས། །རྣམ་དག་གསུང་ནི་སྐྱོན་དང་བྲལ། །བདེ་ཆེན་རྒྱལ་བ་རྣམས་ཀྱི་གསུང་། །ཡོངས་ལ་བསྟན་པའི་གསུང་མཆོག་འདིས། །འདོད་ཆགས་གསུང་ནི་རྣམ་པར་དག །ཅེས་བསྒྲགས་སོ། །དེ་ནས་ཡང་གསང་བ་མཆོག་གི་བདག་པོ་དེས། འདོད་ཆགས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་པདྨ་འོད་ཅེས་བྱ་བའི་ཐུགས་ཀྱི་མཚན་མ་པདྨ་འདབ་མ་བརྒྱད་པ་ཞིག་ཏུ་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས་པདྨ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱིས་དེ་བཞིན་གཤེགས་པ་གདུང་གི་འོད་ཟེར་ཞི་ཞིང་འཁྱིལ་པ་ཞེས་བྱ་བའི་འོད་ཟེར་བསྡིམས་པ་དེའི་ཚེ། པདྨ་འཕྲོ་བ་ཞེས་བྱ་བའི་རང་སྒྲ་འདི་སྐད་ཅེས་བསྒྲགས་སོ། །ཨེ་མ་ཧོ་སངས་རྒྱས་ཀུན་གྱི་གསུང་། །མ་ཆགས་པདྨ་སྐྱོན་བྲལ་ཞིང་། །གདོད་ནས་དག་པ་པདྨའི་གདུགས། །འདོད་ཆགས་གསུང་ནི་དྲི་མ་མེད། །དྲི་མ་མེད་པ་རཱ་གའི་མདོག །སེམས་ཅན་དོན་ལ་རབ་ཏུ་ཆགས། །མ་ཆགས་པ་ཡི་ཐུགས་མཆོག་འདི། །ཆོས་ཀྱི་ཐུགས་ནི་བརྟན་པའོ། །ཞེས་བསྒྲགས་སོ། །དེ་ནས་ཡང་གསང་བ་མཆོག་གི་བདག་པོ་དེས། པདྨ་བསྐྱོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་ ― DNG013_Page_0363 ―
[མ་དཔེ་གཟིགས་ན་འདིར་གནོན།]
འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ཆགས་པ་དང་བྲལ་བ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། རིག་པའི་སྔགས་ཨཱཾཿཨཱ་རོ་ལིཀ་ཅེས་བརྗོད་པ་དེའི་ཚེ། ཆོས་ཀྱི་སེམས་དཔའི་སྐུ་ཕྱག་རྒྱ་ཆེན་པོའི་རྒྱན་ཐམས་ཅད་དང་ལྡན་པར་འཐོན་ཏེ། འདི་སྐད་ཅེས་གླེངས་སོ། །ཨེ་མ་ཧོ་ང་ནི་རང་བྱུང་སྟེ། །ཆོས་སྐུ་དག་པ་པདྨའི་གདུང་། །ཤེས་རབ་ཆགས་མེད་སྐྱོན་དང་བྲལ། །པདྨ་མ་ཆགས་མཚན་མ་ཡིན། །གདོད་ནས་དག་ཅིང་དྲི་མ་མེད། །བདེ་བར་གཤེགས་པ་ཀུན་གྱི་གསུང་། །ཐམས་ཅད་མ་ཆགས་གསུང་མཆོག་སྐུ། །དཔག་མེད་ཕྱག་རྒྱར་བསྟན་པ་ཡིན། །ཞེས་གསུངས་ཏེ། ཨ་ཞེས་བརྗོད་ཅིང་རྒྱབ་ཕྱོགས་སུ་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། ཤེས་རབ་རབ་ཏུ་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཕྲིན་ལས་ཡོངས་སུ་རྫོགས་པའི་གསུང་། །འཁོར་བ་རྩད་གཅོད་ཡི་གེའི་མཆོག །ལས་གྲུབ་བྱང་ཆུབ་སེམས་ལ་ཤར། །ཞེས་གསུངས་ཏེ། གསང་བའི་སྔགས་འདི་ཕྱུང་ངོ་། །ནཱ། འདི་ཕྱུང་མ་ཐག་ཏུ་ཕྱོགས་བཅུ་དུས་གསུམ་གྱི་རྒྱལ་བ་རྣམས་ཀྱི། ཡེ་ཤེས་འཕྲོ་བ་ཞེས་བྱ་བའི་འོད་ཟེར་སྤྲོས་པ་དེའི་ཚེ། གསང་བའི་སྔགས་འཕྲོ་ཞིང་འདུ་བར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། དོན་རབ་ཏུ་འགྲུབ་པ་ཞེས་བྱ་བའི་འོད་ཟེར་རབ་ཏུ་སྤྲོས་ཤིང་བསྡིམས་པ་དེའི་ཚེ། སྔགས་ཀྱི་ཡི་གེ་ལས་ཕྲིན་ལས་དཔག་ཏུ་མེད་པའི་རང་སྒྲ་འདི་སྐད་ཅེས་གྲགས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ལས་མཐར་ཕྱིན་པའི་ངོ་བོ་ཉིད། །ཡོངས་སུ་རྫོགས་པའི་དམ་ཚིག་མཆོག །འདའ་དཀའི་སྙིང་པོ་དོན་ཡོད་གྲུབ། །རྫོགས་པའི་སངས་རྒྱས་རྣམས་ཀྱིས་གསུངས། །གསུང་མཆོག་རྣམ་དག་དྲི་མ་མེད། །ཕྲག་དོག་རྣམ་དག་གསུང་མཆོག་ཉིད། །འདའ་དཀའི་གསུང་ནི་རྣམ་པར་དག །ཅེས་གྲགས་སོ། །དེ་ནས་ཡང་ ― DNG013_Page_0364 ―
[མ་དཔེ་གཟིགས་ན་འདིར་གནོན།]
གསང་བ་མཆོག་གི་བདག་པོ་དེས། ཕྲག་དོག་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཡོངས་སུ་རྫོགས་པ་ཞེས་བྱ་བའི་མཚན་མ་རལ་གྲིར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། ལས་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཕྱོགས་བཅུ་དུས་གསུམ་གྱི་རྒྱལ་བ་རྣམས་ཀྱིས། དོན་ཡོད་པ་ཞེས་བྱ་བའི་འོད་ཟེར་བསྡིམས་པ་དེའི་ཚེ། རལ་གྲི་ལས་དོན་ཐམས་ཅད་ཡོངས་སུ་གྲུབ་པ་ཞེས་བྱ་བའི་རང་སྒྲ་འདི་སྐད་གྲགས་པར་གྱུར་ཏོ། །ཨེ་མ་ཧོ་དོན་གྲུབ་ཀུན་གྱི་ཐུགས། །དངོས་པོ་ཅིར་ཡང་གྲུབ་པ་མེད། །རང་བྱུང་ཐུགས་ནི་སྤྲོས་ལས་འདས། །མ་བཅོས་ཐུགས་ནི་ཡེ་སངས་རྒྱས། །དམ་ཚིག་འདའ་དཀའི་སྙིང་པོ་ཅན། །ཉོན་མོངས་མ་རིག་དྲ་བ་རྣམས། །ཉོན་མོངས་མ་གོས་གཅོད་བྱེད་པ། །ལས་ཀྱི་ཐུགས་ནི་རལ་གྲིར་གྲགས། །ཞེས་གྲགས་སོ། །དེ་ནས་ཡང་གསང་བ་མཆོག་གི་བདག་པོ་དེས། རལ་གྲི་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ཉོན་མོངས་པ་མེད་ཅིང་རྣམ་པར་དག་པ་ཞེས་བྱ་བའི་ས་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོས། རིག་པའི་སྔགས་ཧཱ་པྲཛྙཱ་དྷྲྀཀ་ཅེས་བརྗོད་པ་དེའི་ཚེ། ལས་ཀྱི་སེམས་དཔའི་སྐུ་ཕྱག་རྒྱ་ཆེན་པོ་རྒྱན་རྣམ་པ་སྣ་ཚོགས་པ་དང་ལྡན་པ་འཐོན་ཏེ། འདི་སྐད་ཅེས་གླེངས་སོ། །ཨེ་མ་ཧོ་ང་ནི་རང་བྱུང་སྟེ། །ཡོངས་སུ་རྫོགས་པའི་དམ་ཚིག་སྐུ། །ཐམས་ཅད་ཀུན་གྱི་ལས་མཛད་གྲུབ། །མ་ལུས་སྤྲོས་མེད་དག་པའི་སྐུ། །སེམས་ཅན་ཀུན་གྱི་དོན་གྲུབ་ཡིན། །བརྟན་ཅིང་མི་གཡོའི་ལས་མཛད་པ། །ཕྱག་རྒྱ་གསལ་བའི་བདག་ཉིད་ཅན། །ལས་ཀྱི་ཕྱག་རྒྱར་ཡོངས་རྫོགས་ཡིན། །ཞེས་གསུངས་ཏེ།ཨ། ཞེས་བརྗོད་ཅིང་གཡོན་ཕྱོགས་སུ་བཞུགས་སོ། །མ་སྐྱེས་མཚོན་ཆ་རྡོ་རྗེ་དང་། །ཆོས་ཀྱི་མཚོན་ ― DNG013_Page_0365 ―
[མ་དཔེ་གཟིགས་ན་འདིར་གནོན།]
ཆ་འཁོར་ལོ་སྟེ། །ཡོན་ཏན་མཚོན་ཆ་རིན་ཆེན་ཡིན། །མ་ཆགས་མཚོན་ཆ་པདྨ་སྟེ། །ལས་ཀྱི་མཚོན་ཆ་རལ་གྲི་ལྔས། །ལས་གང་བསྒྲུབ་པ་གྲུབ་པར་བྱེད། །ཅེས་གསུངས་སོ། །དེ་ནས་ཡང་གསང་བ་མཆོག་གི་བདག་པོ་དེས། ནམ་མཁའི་མཚན་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ནམ་མཁའི་མཚན་ཉིད་རབ་འབྱོར་པ། །ཀུན་འབྱུང་ནམ་མཁའི་གསུང་མཆོག་ནི། །བརྗོད་མེད་ཡི་གེར་རབ་ཏུ་གྲགས། །ཞེས་གསུངས་ཏེ། ནམ་མཁའ་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྙིང་པོ་འདི་ཕྱུང་ངོ་། །ཐ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ནམ་མཁའི་ངང་ཚུལ་ཅན་ཞེས་བྱ་བར་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་དང་གསུང་དང་ཐུགས་གསང་བ་ལས་རིག་པའི་སྙིང་པོ་འདི་ཕྱུང་ངོ་། །མུཾ་དྷཱ་ཏྭཱི་ཤྭ་རི། འདི་ཕྱུང་མ་ཐག་ཏུ་ནམ་མཁའི་ངང་ཚུལ་ཅན། ཡུམ་ཀུན་ཏུ་བཟང་མོའི་སྐུ་ཕྱག་རྒྱ་ཆེན་མོ་རྒྱན་དང་ཆ་ལུགས་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་དབྱིངས་དག་པའི་ངོ་བོ་ཉིད། །མ་བཅོས་སྤྲོས་མེད་སྙིང་པོའི་སྐུ། །ཆོས་སྐུ་བདེ་ཆེན་ཀུན་ལ་ཁྱབ། །བདག་མེད་ནམ་མཁའི་ངང་ཚུལ་ཅན། །ནམ་མཁའི་མཚན་ཉིད་རབ་སྦྱོར་བས། །བསྐྱོད་མེད་རང་བཞིན་འོད་གསལ་བ། །ནམ་མཁའི་གཟུགས་བརྙན་བསྟན་པའོ། །ཞེས་གསུངས་ཏེ། ཡུམ་ཀུན་ཏུ་བཟང་མོའི་གནས་སུ་བཅོམ་ལྡན་འདས་རྡོ་རྗེ་འཛིན་པའི་སྐུ་ལ་འཁྲིལ་བའི་ཚུལ་དུ་བཞུགས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། མི་གཡོ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་སྐུ་སྤྲོས་མེད་རབ་ཏུ་བསྟན། །སངས་རྒྱས་ཡུམ་གྱུར་དམ་པའི་གཙོ། །དེ་རྟགས་ཡི་གེའི་མཚན་མ་སྣང་། །ཞེས་གསུངས་སོ། ། ― DNG013_Page_0366 ―
[མ་དཔེ་གཟིགས་ན་འདིར་གནོན།]
ཡང་དེའི་ཚེ་གཉིས་སུ་མེད་པར་རབ་ཏུ་བརྟན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྔགས་འདི་ཕྱུང་ངོ་། །ཊ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ཆོས་ཉིད་རབ་ཏུ་བརྟན་པ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །ལཾ་དྭེ་ཥ་ར་ཏི། འདི་ཕྱུང་མ་ཐག་ཏུ་བརྟན་པའི་མཚན་ཉིད་ཅན་གྱི། ཡུམ་སངས་རྒྱས་སྤྱན་གྱི་སྐུ་ཕྱག་རྒྱ་ཆེན་མོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ། འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་སྐུ་མི་འགྱུར་རང་བཞིན་པས། །ཡེ་ནས་རྣམ་དག་ཡོངས་སུ་བསྟན། །མཁའ་ལྟར་དག་ཅིང་དྲི་མ་མེད། །མ་བཅོས་སྤྲོས་མེད་སྙིང་པོའི་སྐུ། །སྐྱེ་མེད་རང་བྱུང་ཡེ་ནས་གནས། །སྲ་ཞིང་བརྟན་པའི་རང་བཞིན་ལས། །སྲ་བརྟན་མཚན་ཉིད་སྐུ་རྫོགས་པའོ། །ཞེས་གསུངས་ཏེ་སྣང་མཛད་སེམས་དཔའི་སྐུ་དང་གཉིས་སུ་མེད་པའི་ངང་ཚུལ་ཅན་དུ་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། ཆོས་ཐམས་ཅད་རབ་ཏུ་སྡུད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་ཀུན་གཉིས་མེད་དབྱིངས་སུ་སྡུད། །སྤྲོས་བྲལ་ངང་དུ་རབ་སྦྱོར་བས། །སྡུད་བྱེད་ཡི་གེར་རྣམ་པར་གྲགས། །ཞེས་གསུངས་སོ། །ཡང་དེའི་ཚེ་ཆོས་ཐམས་ཅད་མི་དམིགས་པའི་འོད་སྡུད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྙིང་པོ་འདི་ཕྱུང་ངོ་། །ཌ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་དབྱིངས་སུ་སྡུད་པའི་ངང་ཉིད་ཅེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །མཱཾ་མོ་ཧ་ར་ཏི། འདི་ཕྱུང་མ་ཐག་ཏུ་སྡུད་པའི་མཚན་ཉིད་ཅན་གྱི་ ― DNG013_Page_0367 ―
[མ་དཔེ་གཟིགས་ན་འདིར་གནོན།]
སྐུ་ཕྱག་རྒྱ་ཆེན་མོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་ཀྱི་མཚན་ཉིད་རབ་སྡུད་པ། །ཀུན་སྡུད་གསང་བའི་མཚན་ཉིད་ཅན། །མ་གཡོས་དབྱིངས་ལས་ཐམས་ཅད་སྡུད། །སྐྱོན་མེད་དྲི་བྲལ་གདོད་ནས་དག །སྡུད་ཅིང་གསང་བའི་མཚན་ཉིད་ཡིན། །འཁྲིལ་བའི་མཆོད་ཆེན་མཉམ་སྦྱོར་བས། །སྡུད་པའི་མཚན་ཉིད་སྐུར་བསྟན་པའོ། །ཞེས་གསུངས་ཏེ་རིན་ཆེན་འབྱུང་བའི་སེམས་དཔའ་དང་གཉིས་སུ་མེད་པར་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། ཆོས་ཐམས་ཅད་རབ་ཏུ་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །དོན་དམ་སྙིང་པོའི་ངོ་བོ་ཡིས། །དངོས་པོ་མ་ལུས་འཇོམས་པའོ། །གསང་བའི་ངོ་བོར་འབར་བ་ནི། །བརྗོད་མེད་དག་པའི་ཡི་གེར་གསལ། །ཞེས་གསུངས་སོ། །ཡང་དེའི་ཚེ་རབ་ཏུ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་བ་འཇོམས་པ་ཞེས་བྱ་བའི་སྙིང་པོ་འདི་ཕྱུང་ངོ་། །ཌྷ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ཆོས་ཀྱི་དོན་སྦྱིན་པ་ཞེས་བྱ་བའི་ངང་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་དང་གསུང་དང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། ། བྞུ་རཱ་ག་ར་ཏི། འདི་ཕྱུང་མ་ཐག་ཏུ་ཆོས་ཐམས་ཅད་འཇོམས་པའི་མཚན་ཉིད་ཅན་གྱི་སྐུ་ཕྱག་རྒྱ་ཆེན་མོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ། འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱིས། །མ་ལུས་ཡོངས་སུ་རྫོགས་པ་ཡིས། །མཁའ་མཉམ་རྡུལ་བྲལ་ངོ་བོ་ཉིད། །བདེ་བ་ཆེན་པོའི་གསང་བའི་གནས། །གསལ་ལ་དྲོ་བའི་ངང་ཉིད་ཡིན། །ཐམས་ཅད་སྨིན་པའི་རང་བཞིན་ཅན། །སྤྲོས་བྲལ་ངོ་བོ་ཉིད་གནས་པ། །སྨིན་པའི་མཚན་ཉིད་སྐུར་བསྟན་པའོ། །ཞེས་གསུངས་ཏེ། ཆོས་ཀྱི་ ― DNG013_Page_0368 ―
[མ་དཔེ་གཟིགས་ན་འདིར་གནོན།]
སེམས་དཔའི་ཐུགས་མ་གཡོས་པ་དང་གཉིས་སུ་མེད་པར་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། རབ་ཏུ་བསྐྱོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། ཆོས་སྐུའི་དབྱིངས་ནས་ཐམས་ཅད་འབྱུང་། །མ་བཅོས་དབྱིངས་ལས་མ་གཡོས་པ། །དྲི་མེད་གསང་བའི་ཡི་གེར་ཤར། །ཞེས་གསུངས་སོ། །ཡང་དེའི་ཚེ་རབ་ཏུ་གཡོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བསྐྱོད་པ་གསང་བའི་སྙིང་པོ་འདི་ཕྱུང་ངོ་། །ཎཱ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། དབྱིངས་རྣམ་པར་དག་པའི་ངང་དུ་གཡོ་བ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །ཏཱཾ་བཛྲ་ར་ཏི། འདི་ཕྱུང་མ་ཐག་ཏུ་བསྐྱོད་པའི་མཚན་ཉིད་ཅན་གྱི་སྐུ་ཕྱག་རྒྱ་ཆེན་མོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ། འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་སྐུ་བདེ་ཆེན་གསུང་བ་ལས། །གསང་བའི་སྒྲ་སྐད་སྣ་ཚོགས་གཡོ། །གཡོས་པའི་ངང་ཚུལ་དེ་ཉིད་ལས། །མ་བཅོས་དབྱིངས་སུ་རབ་གསལ་སྟོན། །གདོད་ནས་དག་པའི་ངང་ཚུལ་ཅན། །མ་བཅོས་རྣམ་དག་དབྱིངས་སུ་སྡུད། །གསང་བའི་མཚན་ཉིད་སྐུར་བསྟན་པའོ། །ཞེས་གསུངས་ཏེ། དོན་ཐམས་ཅད་ཡོངས་སུ་ངེས་པར་གྲུབ་པའི་སྐུ་ལ་འཁྲིལ་བ་ཞེས་བྱ་བའི་ངང་ཚུལ་ཅན་དུ་བཞུགས་སོ། །ཐམས་ཅད་དབྱིངས་སུ་གསལ་བྱེད་དང་། །ཇི་ལྟར་མཚན་ཉིད་འོད་གསལ་བའི། །ཁམས་གསུམ་སེམས་ཅན་སྡུད་བྱེད་པ། །རང་བཞིན་གནས་སུ་སྨིན་བྱེད་འགྱུར། །མཚན་ཉིད་གཡོ་བའི་ངང་ཚུལ་ལས། །བསྒྲུབས་ན་ཕྲིན་ལས་ཐམས་ཅད་དག །འགྲུབ་འགྱུར་འདི་ལ་ཐེ་ཚོམ་མེད། །ཅེས་གསུངས་སོ། །དེ་ནས་ཡང་གསང་བ་མཆོག་གི་བདག་པོ་དེས། སྙིང་པོ་ཡོངས་སུ་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྙིང་པོ་འདི་ཕྱུང་ངོ་། །ཀཱ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་སྙིང་པོ་མ་བཅོས་པ་ཞེས་བྱ་བའི་ངང་ལ་གནས་པར་གྱུར་ཏོ། །དེ་ནས་ཡང་གསང་བ་ ― DNG013_Page_0369 ―
[མ་དཔེ་གཟིགས་ན་འདིར་གནོན།]
མཆོག་གི་བདག་པོ་དེས། སྐུ་གསང་བ་གསུང་གསང་བ་ཐུགས་གསང་བ་ལས་རིག་པའི་སྔགས་འདི་ཕྱུང་ངོ་། །ཀྵིཾ་ཧི་རཱ་ཛ་ཡ། འདི་ཕྱུང་མ་ཐག་ཏུ་སའི་སྙིང་པོའི་སྐུ་ཕྱག་རྒྱ་ཐམས་ཅད་ཡོངས་སུ་རྫོགས་པར་འཐོན་ཏེ། བཅོམ་ལྡན་འདས་ཀྱི་ཞལ་ལ་བལྟས་ནས་འདི་སྐད་ཅེས་བརྗོད་དོ། །ཨེ་མ་ཧོ་སངས་རྒྱས་ཐམས་ཅད་ཀྱི། །དངོས་མེད་དག་པའི་བྱང་ཆུབ་སེམས། །སྙིང་པོ་ཉིད་ལ་རང་བཞིན་གསལ། །དྲི་མེད་རྣམ་དག་ཀུན་ལ་ཤར། །དེ་རྟགས་སྙིང་པོ་སྐུ་རུ་ཤར། །ཞེས་གླེངས་ཏེ་བཅོམ་ལྡན་འདས་ཀྱི་ཞལ་ལ་ཕྱོགས་ཏེ་གནས་སོ། །དེ་ནས་ཡང་གསང་བ་མཆོག་གི་བདག་པོ་དེས། ནམ་མཁའ་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྙིང་པོ་འདི་ཕྱུང་ངོ་། །ཁཱ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ནམ་མཁའི་སྙིང་པོར་རྫོགས་པ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསང་བ་གསུང་གསང་བ་ཐུགས་གསང་བ་ལས་རིག་པའི་སྔགས་འདི་ཕྱུང་ངོ་། །ཏྲཱཾ་ཨཱ་གརྦྷཱ་ཡ། འདི་ཕྱུང་མ་ཐག་ཏུ་ནམ་མཁའི་སྙིང་པོ་ཡོངས་སུ་གསལ་བ་ཞེས་བྱ་བའི་སྐུ་ཕྱག་རྒྱ་ཆེན་པོ། རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །བརྗོད་པ་མེད་ལས་ཡོངས་རྫོགས་པའི། །དོན་དམ་སྤྲོས་མེད་ནམ་མཁའ་འདྲ། །དེ་རྟགས་སྐུ་རུ་ཡོངས་རྫོགས་པའོ། །ཞེས་གླེངས་ཏེ་བཅོམ་ལྡན་འདས་ཀྱི་གཡས་ཕྱོགས་སུ་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། ཐུགས་རྗེ་ཡོངས་སུ་འབྱུང་བ་ཞེས་བྱ་བའི་ཏིང་ངེ་ ― DNG013_Page_0370 ―
[མ་དཔེ་གཟིགས་ན་འདིར་གནོན།]
འཛིན་ལ་སྙོམས་པར་ཞུགས་ནས་གསང་བའི་སྙིང་པོ་འདི་ཕྱུང་ངོ་། །གཱ། འདི་ཕྱུང་མ་ཐག་ཏུ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། བདུད་རྩིའི་རྒྱུན་ཞེས་བྱ་བ་ལ་གནས་པར་མཛད་དོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསང་བ་གསུང་གསང་བ་ཐུགས་གསང་བ་ལས་རིག་པའི་སྔགས་འདི་ཕྱུང་ངོ་། །ཧྲཱྀཿཧ་ཧཱུཾ་པདྨ་པཱ་ད་མ། འདི་ཕྱུང་མ་ཐག་ཏུ་སྤྱན་རས་གཟིགས་དབང་ཕྱུག་གི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །མ་བཅོས་དག་པའི་དབྱིངས་ཉིད་ལས། །ཐུགས་རྗེ་ཉིད་ཤར་ཀུན་ལ་ཁྱབ། །དེ་རྟགས་སྐུ་རུ་བསྟན་པ་ཡིན། །ཞེས་གླེངས་ཏེ་བཅོམ་ལྡན་འདས་ཀྱི་རྒྱབ་ཕྱོགས་སུ་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས་རྡོ་རྗེ་སྤྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་བའི་སྙིང་པོ་འདི་ཕྱུང་ངོ་། །གྷ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད།སྙིང་པོའི་རྒྱན་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསང་བ་གསུང་གསང་བ་ཐུགས་གསང་བ་ལས་རིག་པའི་སྔགས་འདི་ཕྱུང་ངོ་། །ཛིཾ་ཀུ་རུ་པཱ་ཎ་ཧྲཱྀཿ། འདི་ཕྱུང་མ་ཐག་ཏུ་ཕྱག་ན་རྡོ་རྗེའི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་སྐུ་སྤྲོས་མེད་དབྱིངས་ཉིད་ལས། །རྣམ་རྟོག་བདུད་རྣམས་ཚར་གཅོད་འཇོམས། །དེ་རྟགས་སྐུ་ཉིད་ཡོངས་རྫོགས་ཡིན། །ཞེས་གླེངས་ཏེ་བཅོམ་ལྡན་འདས་ཀྱི་གཡོན་ཕྱོགས་སུ་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས་ཀུན་ལ་སྙོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་གསང་བའི་སྙིང་པོ་འདི་ཕྱུང་ངོ་། །པ། ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། སྡུག་བསྔལ་ཡོངས་སུ་བྲལ་བ་ཞེས་བྱ་བ་ལ་གནས་ ― DNG013_Page_0371 ―
[མ་དཔེ་གཟིགས་ན་འདིར་གནོན།]
པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །མཻ་དྷ་ར་ཎི་སྭཱ་ཧཱ། འདི་ཕྱུང་མ་ཐག་ཏུ་བྱམས་པའི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཀུན་གྱི་དངོས་གཞི་དམ་པ་ལས། །ཁམས་གསུམ་སེམས་ཅན་དོན་རྣམས་འབྱུང་། །དེ་རྟགས་སྐུ་རུ་བསྟན་པ་ཡིན། །ཞེས་གླེངས་ཏེ་ཤར་ལྷོ་མཚམས་ནས་བཅོམ་ལྡན་འདས་ལ་ཕྱོགས་ནས་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། སྒྲིབ་པ་ཐམས་ཅད་གཅོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྙིང་པོ་འདི་ཕྱུང་ངོ་། །ཕཱ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཉོན་མོངས་པ་དང་མི་བྲལ་ཞིང་མི་དམིག་པ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས་སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །་ནིསྶ་རཾ་བྷཱ་ཡ་སྭཱ་ཧཱ། འདི་ཕྱུང་མ་ཐག་ཏུ་སྒྲིབ་པ་རྣམ་པར་སེལ་བའི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་ཀྱི་དབྱིངས་ཉིད་དག་པ་ལས། །སེམས་ཅན་སྒྲིབ་པ་གཅོད་པར་བྱེད། །དེ་རྟགས་སྐུ་ཉིད་རྫོགས་པ་ཡིན། །ཞེས་གླེངས་ཏེ་ལྷོ་ནུབ་མཚམས་ན་བཅོམ་ལྡན་འདས་ལ་ཕྱོགས་ནས་བཞུགས་སོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་ངང་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་བའི་སྙིང་པོ་འདི་ཕྱུང་ངོ་། །བཱ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་མི་དགེ་བ་མེད་པ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས་སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །ཧཱུཾ་ས་ ― DNG013_Page_0372 ―
[མ་དཔེ་གཟིགས་ན་འདིར་གནོན།]
རཱ་ཛཱ་ཡ་སྭཱ་ཧཱ། འདི་ཕྱུང་མ་ཐག་ཏུ་ཀུན་ཏུ་བཟང་པོའི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཆོས་ཀུན་དག་པ་བདག་མེད་པ། །དྲི་མ་མེད་ཅིང་གསལ་བའི་དངོས། །དེ་རྟགས་སྐུ་རུ་ཡོངས་རྫོགས་པའོ། །ཞེས་གླེངས་ཏེ་ནུབ་བྱང་མཚམས་ཀྱི་ངོས་སུ་བཅོམ་ལྡན་འདས་ལ་ཕྱོགས་ནས་བཞུགས་སོ། །དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས། དམིགས་པ་ཐམས་ཅད་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྔགས་འདི་ཕྱུང་ངོ་། །བྷ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། རྡུལ་དང་བྲལ་བ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས། རིག་པའི་སྔགས་འདི་ཕྱུང་ངོ་། །མཱུཾ་ཤྲི་ཨཾ་རཱ་གཱ་ཡ་སྭཱ་ཧཱ། འདི་ཕྱུང་མ་ཐག་ཏུ་འཇམ་དཔལ་གཞོན་ནུའི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ངོ་བོ་ཉིད་ལས་ཐམས་ཅད་བྱུང་། །བདེ་ཆེན་གསང་བར་དེ་གནས་ཏེ། །བརྗོད་མེད་སྨྲ་བསམ་ཡུལ་ལས་འདས། །དེ་རྟགས་ཕྱག་རྒྱ་ཡོངས་རྫོགས་ཡིན། །ཞེས་གླེངས་ཏེ་བྱང་ཤར་མཚམས་སུ་བཅོམ་ལྡན་འདས་ལ་ཕྱོགས་ནས་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས་རོལ་མོ་རྣམ་པར་བསྒྱིངས་པ་དང་། མཛེས་པ་དང་། རྣམ་པར་སྤྲས་པ་དང་། སྣ་ཚོགས་པའི་བྱེ་བྲག་གི་ཏིང་ངེ་འཛིན་ལ་སྙོམས་པར་ཞུགས་ནས་གསང་བའི་སྙིང་པོ་འདི་ཕྱུང་ངོ་། །ཙ་ཚ་ཛ་ཛྷ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་དྲི་མ་མེད་ཅིང་རོལ་པ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས་སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །ཧཱུཾ་ལཱ་སྱེ་ས་མ་ཡ་སྟྭཾ། ཏྲཾ་མཱ་ལེ་ས་མ་ཡ་ཧོཿ། ཧྲཱྀཿགཱིརྟི་ར་གོ྅ཧཾ། ― DNG013_Page_0373 ―
[མ་དཔེ་གཟིགས་ན་འདིར་གནོན།]
ཨཱཾ་ནཱིརྟི་རཱ་ག་ཡཱ་མི། འདི་ཕྱུང་མ་ཐག་ཏུ་ལཱ་སྱེ་མ་དང་། མཱ་ལེ་མ་དང་། གཱིརྟི་དང་། ནཱིརྟི་རྣམས་སྐུ་ཆ་ལུགས་དང་རྒྱན་ཡོངས་རྫོགས་སུ་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཡང་དག་ཉིད་ལས་ཐམས་ཅད་བྱུང་། །ཇི་ལྟར་མཛེས་ཤིང་མཉེས་པ་དང་། །ཇི་ལྟར་སྣང་རྟགས་སྐུ་རུ་རྫོགས། །ཞེས་གླེངས་ཏེ་སའི་སྙིང་པོ་དང་། ནམ་མཁའི་སྙིང་པོ་དང་། སྤྱན་རས་གཟིགས་དབང་ཕྱུག་དང་། ཕྱག་ན་རྡོ་རྗེའི་སྐུ་ལ་དགྱེས་པའི་ཚུལ་གྱིས་འཁྲིལ་ནས་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། རབ་ཏུ་མཉེས་ཤིང་གསལ་བ་དྲི་མ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྙིང་པོ་འདི་ཕྱུང་ངོ་། །ཡ་ར་ལ་ཝ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རབ་ཏུ་བདེ་ཞིང་གསལ་བ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །ཛཿ། དྷུ་པེ་པྲ་ཝེ་ཤ །ཧཱུཾ་པུཥ྇་ཨཱ་ཝེ་ཤ །བཾ་དི་པ་སུ་གི་རི། ཧོ་གནྡྷེ་ཙིཏྟ་ཧོཿ། འདི་ཕྱུང་མ་ཐག་ཏུ་དྷཱུ་པེ་མ་དང་། པུཥ྇་མ་དང་། ཨཱ་ལོ་ཀེ་དང་། གནྡྷེ་མ་རྣམས་སྐུ་རྒྱན་དང་ཆ་ལུགས་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །དྲི་མེད་གསལ་བའི་ཡེ་ཤེས་མཆོག །གསལ་འཚེར་ལྷུན་སྡུག་གཟི་བྱིན་ཅན། །དེ་རྟགས་སྐུ་རུ་རྫོགས་པའོ། །ཞེས་གླེངས་ཏེ། བྱམས་པ་དང་། སྒྲིབ་པ་རྣམ་པར་སེལ་བ་དང་། ཀུན་ཏུ་བཟང་པོ་དང་། འཇམ་དཔལ་གཞོན་ནུའི་སྐུ་ལ་འཁྲིལ་བའི་ཚུལ་གྱིས་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། རྣམ་རྟོག་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ཉིད་ལས་གསང་བའི་སྙིང་པོ་འདི་ཕྱུང་ངོ་། །ང་ཉམས། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། རབ་ཏུ་ལྡོག་པ་ཞེས་བྱ་བ་ལས་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ ― DNG013_Page_0374 ―
[མ་དཔེ་གཟིགས་ན་འདིར་གནོན།]
ཐུགས་ཀྱི་གསང་བ་ལས། རིག་པའི་སྔགས་འདི་ཕྱུང་ངོ་། །ཡ་མཱན་ཏ་ཀྲྀཏ་ཕཊ། བིགྷྣཱཾ་ཏ་ཀྲྀཏ་ཕཊ། པདྨཱནྟ་ཀྲྀཏ་ཕཊ། པྲཛྙཱནྟ་ཀྲྀཏ་ཕཊ། འདི་ཕྱུང་མ་ཐག་ཏུ་འཇོམས་པ་ཆེན་པོ་རེག་ཤེས་དང་། འཇོམས་པ་ཆེན་པོ་རེག་བྱེད་དང་། འཇོམས་པ་ཆེན་པོ་རེག་བྱ་དང་། འཇོམས་པ་ཆེན་པོ་མཐར་བྱེད་ཀྱི་སྐུ་ཕྱག་རྒྱ་ཆེན་པོ་རྒྱན་ཐམས་ཅད་ཡོངས་སུ་རྫོགས་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཕྲིན་ལས་མ་ལུས་ཡོངས་རྫོགས་པའི། །བྱམས་དང་སྙིང་རྗེ་ལ་སོགས་པའི། །དེ་རྟགས་སྐུ་རུ་བསྟན་པ་ཡིན། །ཞེས་གླེངས་ཏེ་སྒོ་བཞིར་འཁོད་དོ། །དེ་ནས་ཡང་གསང་བ་མཆོག་གི་བདག་པོ་དེས། ཡོན་ཏན་གྱི་མཛོད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྙིང་པོ་འདི་ཕྱུང་ངོ་། །ཛཿཧཱུཾ་བཾ་ཧོཿ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་གཟི་མདངས་དང་ལྡན་ཞིང་གཉིས་སུ་མེད་པའི་ངང་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །བཛྲ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། རཏྣ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། པདྨ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཀརྨ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། འདི་ཕྱུང་མ་ཐག་ཏུ་རྟག་པར་མ་ཡིན་པ་དང་། ཆད་པར་མ་ཡིན་པ་དང་། གཉིས་སུ་མ་ཡིན་པ་དང་། ཐལ་བར་མ་ཡིན་པ་རྣམས་ཀྱི་སྐུ་རྒྱན་ཆ་ལུགས་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །རོལ་པའི་ཕྱག་རྒྱ་གར་རྣམས་ཀུན། །ཡང་དག་ཉིད་ལས་བྱུང་བས་ན། །དེ་རྟགས་ཕྱག་རྒྱ་རྫོགས་པ་ཡིན། །ཞེས་གླེངས་ཏེ་འཇོམས་པ་ཆེན་པོ་རྣམས་ཀྱི་སྐུ་དང་གཉིས་སུ་མེད་པར་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། སོ་སོའི་མཚན་མ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་བའི་སྙིང་པོ་འདི་ཕྱུང་ངོ་། །ཨ་ཨཱ། ཨི་ཨཱིཾ། ཨུ་ཨཱུ། འདི་ཕྱུང་མ་ཐག་ཏུ་འཁོར་བ་ ― DNG013_Page_0375 ―
[མ་དཔེ་གཟིགས་ན་འདིར་གནོན།]
དང་མྱ་ངན་ལས་འདས་པའི་ཆོས་ཐམས་ཅད། སོ་སོའི་མཚན་ཉིད་ཀྱི་བྱེ་བྲག་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས་སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་། །ཨཱོཾ་མུ་ནེ་ཀྲིཾ་སྭཱ་ཧཱ། ཨཱོཾ་མུ་ནེ་ཧཱུཾ་ཏྲུཾ་སྭཱ་ཧཱ། ཨཱོཾ་མུ་ནེ་སྲུཾ་སྭཱ་ཧཱ། ཨཱོཾ་མུ་ནེ་བྲཾ་སྭཱ་ཧཱ། ཨཱོཾ་མུ་ནེ་ཀྵཾ་སྭཱ་ཧཱ། ཨཱོཾ་མུ་ནེ་ཡེ་སྭཱ་ཧཱ། འདི་ཕྱུང་མ་ཐག་ཏུ་ཐུབ་པ་ཆེན་པོ་དྲུག་གི་སོ་སོའི་སྐུ་རུ་འཐོན་ཏེ་འདི་སྐད་ཅེས་གླེངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །བདེ་བ་ཆེན་པོའི་ཆོས་སྐུ་ལས། །འགྲོ་དྲུག་ཇི་ལྟར་འདུལ་བ་ཡི། །སྤྲུལ་སྐུར་བསྟན་པ་རྫོགས་པའོ། །ཞེས་གླེངས་ཏེ་ཁྱམས་ལ་བཞུགས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས་རྣམ་པའི་མཆོག་དང་ལྡན་པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་གསུངས་སོ། །ང་ཡི་དཀྱིལ་འཁོར་གསང་བའི་མཆོག །ཐམས་ཅད་ཀུན་ལ་ཁྱབ་ཆེན་པོ། །འདི་བསྒྲུབ་ལས་གང་འགྲུབ་པར་འགྱུར། །ཐམས་ཅད་འཇོམས་པའི་ཕུར་པ་ཡིན། །ཞེས་གསུངས་སོ། །དཀྱིལ་འཁོར་གནས་རྣམས་ཐམས་ཅད་ཀུན། །ཇི་ལྟ་བ་ཡི་བསམ་རྫོགས་པ། །འགྲོ་རྣམས་བཀོད་པ་ཇི་ལྟ་བར། །དེ་འདྲར་བདེ་ཆེན་གསང་བདག་མཛད། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་རྡོ་རྗེ་ཆོས་རང་གི་སྟན་ལས་ལངས་ཏེ། བཅོམ་ལྡན་འདས་གསང་བ་མཆོག་གི་བདག་པོ་ལ། ཕྱི་ནང་གསང་བ་གསུམ་གྱི་མཆོད་པ་རྒྱ་ཆེན་པོས་མཆོད་ཅིང་བསྟོད་པ་བྱས་ནས། ལན་བརྒྱ་སྟོང་དུ་བསྐོར་བ་བྱས་ནས་ཕྱག་འཚལ་ནས་འདི་སྐད་ཅེས་གསོལ་བ་བཏབ་བོ། །ཨེ་མ་ཧོ་བདེ་གཤེགས་བཅོམ་ལྡན་འདས། །གསང་གསུང་དོན་གྱི་བདག་ཉིད་གཙོ། །སྟོང་པ་རྣམ་དག་ཀུན་གྱི་མཛོད། །མ་བཅོས་སྤྲོས་མེད་སྙིང་པོའི་སྐུ། །དངོས་མེད་བྱང་ཆུབ་སེམས་ཀྱི་བདག །སངས་རྒྱས་ཀུན་གྱི་གཙོར་གྱུར་པ། །སྔགས་ཀྱི་བདག་པོ་ཁྱོད་ལ་འདུད། ། ― DNG013_Page_0376 ―
[མ་དཔེ་གཟིགས་ན་འདིར་གནོན།]
ཨེ་མ་ཧོ་སངས་རྒྱས་བཅོམ་ལྡན་འདས། །དཀྱིལ་འཁོར་རྣམས་ཀྱི་དེ་ཉིད་དོན། །བྱང་ཆུབ་སེམས་ཀྱི་མཚན་ཉིད་དང་། །མ་བཅོས་སྙིང་པོའི་དོན་རྣམས་ཀུན། །བདག་ཅག་འཁོར་ལ་བཤད་དུ་གསོལ། །ཞེས་ཞུས་པ་དང་། དེ་ནས་གསང་བ་མཆོག་གི་བདག་པོ་དེས། རྡོ་རྗེ་ཆོས་ལ་བཀའ་སྩལ་པ། སེམས་དཔའ་ཆེན་པོ་ཉོན་ཅིག །ཁྱོད་ཀྱིས་ཞུམས་པའི་སེམས་མ་ཡིན་པར། སྤོབས་པ་བསྐྱེད་ནས་ཞུས་པ་ལེགས་སོ་ལེགས་སོ། །དཀྱིལ་འཁོར་རྣམས་ཀྱི་དེ་ཉིད་ནི། །གསང་བའི་དོན་ལས་བྱུང་བ་ཡིན། །དོན་དམ་ཀུན་རྫོབ་གཉིས་ཡོད་དེ། །མཁས་པ་རྣམས་ཀྱིས་རིག་པར་བྱ། །བྱང་ཆུབ་སེམས་ཀྱི་དེ་ཉིད་ནི། །སྔོན་གྱི་རྒྱལ་བས་མ་གསུངས་ཤིང་། །ད་ལྟའི་རྒྱལ་བས་མི་གསུང་ལ། །ཕྱིས་ཀྱང་གསུང་བར་མི་འགྱུར་རོ། །དུས་གསུམ་སངས་རྒྱས་རྣམས་ཀྱིས་ཀྱང་། །རབ་ཏུ་གསུངས་པར་དཀའ་བ་ཡིན། །མ་བཅོས་པ་ཡི་ཁོ་ན་ཉིད། །སེམས་ཀྱི་མཚན་ཉིད་མེད་པའི་ཕྱིར། །སྣོད་དུ་གྱུར་པ་དཀོན་པ་ཡིན། །ཞེས་གསུངས་ནས། སེམས་དཔའ་ཆེན་པོ་ཁྱོད་ཉིད་ཀྱིས་སེམས་ལ་དྲིས་ཤིག་ཅེས་བཀའ་སྩལ་ནས་ཅང་མི་གསུང་བར་བཞུགས་སོ། །དེ་ནས་འཁོར་གྱི་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཆོས་ལ་བཀའ་སྩལ་པ། བྱང་ཆུབ་སེམས་དཔའ་ཆེན་པོ་ཁྱོད་ཉིད་ནི་དུས་གསུམ་གྱི་སངས་རྒྱས་ཐམས་ཅད་ཀྱི་ཐུགས་ཡང་དག་པ་ཡིན་པས་ན་བཅོམ་ལྡན་འདས་ལ་ཞུ་བར་ཡང་སྤོབས་པར་འགྱུར་བ་ཡིན་པས་བཅོམ་ལྡན་འདས་གསང་བ་མཆོག་གི་བདག་པོ་གཉིས་སུ་མེད་པ་ལ་མངའ་བརྙེས་པ་ནི་ཐེ་ཚོམ་ཐམས་ཅད་གཅོད་པ་ཡིན་པས་ཁྱོད་ཀྱིས་ཀྱང་ཐེ་ཚོམ་དང་སོམ་ཉིར་གྱུར་པ་ཐམས་ཅད་ཞུས་ཤིག །ཡང་ནས་ཡང་དུ་ཞུས་ཤིག །གསང་བའི་བདག་པོ་ནི་སྣོད་ཀྱི་རིམ་པ་ཇི་ལྟ་བར་ཆོས་སྟོན་པར་མཛད་ཅིང་བྱང་ཆུབ་སེམས་དཔའ་བློ་དམན་ཞིང་སེམས་ཞུམས་པ་རྣམས་ལ་ཡང་བྱིན་གྱིས་བརླབ་བོ་ཞེས་བཀའ་སྩལ་པ་དང་། རྡོ་རྗེ་ཆོས་ཀྱིས་འཁོར་རིགས་ལྔའི་སངས་རྒྱས་དང་བྱང་ཆུབ་སེམས་དཔའ་ ― DNG013_Page_0377 ―
[མ་དཔེ་གཟིགས་ན་འདིར་གནོན།]
རྣམས་ཀྱིས་བསྐུལ་བ་ཐུགས་སུ་ཆུད་དེ་འཁོར་གྱི་བྱང་ཆུབ་སེམས་དཔའ་བློ་དམན་པ་གྲངས་མེད་པ་བྱིན་གྱིས་བརླབས་ནས་སྣོད་དུ་རུང་བར་བྱས་སོ། །དེ་ནས་ཡང་རྡོ་རྗེ་ཆོས་ཀྱིས་སྟོན་པའི་ཞལ་དུ་བལྟས་ནས་འདི་སྐད་ཅེས་གླེངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །གསུང་མཆོག་བཀའ་ནི་དྲི་མ་མེད། །བདག་ཅག་འཁོར་ཚོགས་མ་འཚལ་ན། །བདེ་བར་གཤེགས་པས་བཤད་དུ་གསོལ། །དེ་ནས་ཡང་གསང་བ་མཆོག་གི་བདག་པོ་དེས། སྤྲོས་པ་མེད་ཅིང་བརྗོད་པ་ལས་འདས་པའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་བཀའ་སྩལ་ཏོ། །རྡོ་རྗེ་ཆོས་དང་། རིགས་ལྔ་དང་། འཁོར་དུ་འདུས་པའི་བྱང་ཆུབ་སེམས་དཔའ་ཇི་སྙེད་འདུས་པ་ཀུན་ཉོན་ཅིག །བྱང་ཆུབ་སེམས་ཀྱི་མཚན་ཉིད་ནི། །བརྗོད་མེད་སྨྲ་བསམ་ཀུན་རྟོག་བྲལ། །དངོས་མེད་བྱང་ཆུབ་སེམས་ཞེས་བརྗོད། །བརྗོད་པ་ཞེས་བྱ་ཀུན་རྫོབ་ཡིན། །ཡང་དག་ཉིད་ལ་བརྗོད་པ་མེད། །རང་བྱུང་སྐུ་སྟེ་བདེ་བའི་མཆོག །མ་བཅོས་དོན་དམ་ངང་ཉིད་ལ། །སངས་རྒྱས་སེམས་ཅན་གཉིས་སུ་མེད། །རང་གི་ལུས་ངག་ཡིད་གསུམ་དང་། །གཉིས་མེད་མ་བཅོས་རྡོ་རྗེ་སྟེ། །ལུས་ངག་ཡིད་གསུམ་དམིགས་མེད་པས། །མ་བཅོས་པ་ཡི་སེམས་ཉིད་ཀྱིས། །དོན་དམ་ཀུན་རྫོབ་གཉིས་སུ་སྣང་། །དེར་སྣང་དབྱིངས་ལས་བསྐྱོད་པ་མེད། །དེ་ལྟར་རིག་པའི་སྐྱེས་བུ་དེ། །གཉིས་མེད་བྱང་ཆུབ་མཆོག་སེམས་བསྐྱེད། །ཅེས་གསུངས་སོ། །དེ་ནས་འཁོར་རིགས་ལྔ་དང་། དེར་འདུས་པའི་བྱང་ཆུབ་སེམས་དཔའ་རྣམས་རང་རང་གི་ལུས་ངག་ཡིད་གསུམ་ལ་སེམས་ནས་ཅང་མི་སྨྲ་བར་གྱུར་ཏོ། །དེ་ནས་རྡོ་རྗེ་ཆོས་ཀྱིས་རྟོགས་ཚད་འདི་གསུངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །དུས་གསུམ་རྒྱལ་བ་ཐམས་ཅད་ཀྱི། །ཆོས་སྐུ་བྱང་ཆུབ་སེམས་ལས་བྱུང་། །རྒྱུ་ཡི་དུས་ན་དེ་ཉིད་གསལ། །རིག་པ་རིམ་པར་གསལ་བྱས་ཏེ། །མ་བཅོས་དོན་དམ་ངོ་བོ་ཉིད། །སྤྲོས་བྲལ་བརྗོད་ལས་འདས་པའི་སེམས། །ནམ་མཁའ་རྡུལ་དང་བྲལ་བ་སྟེ། །དཔེས་ཀྱང་དེ་ལ་མཚོན་མི་ནུས། །རྟོགས་པར་དཀའ་བའི་སྙིང་པོ་འདི། ། ― DNG013_Page_0378 ―
[མ་དཔེ་གཟིགས་ན་འདིར་གནོན།]
རབ་ཏུ་མི་རྟོག་གནས་མེད་པའོ། །ཞེས་གསུངས་སོ། །དེ་ནས་ཡང་བཅོམ་ལྡན་འདས་མི་བསྐྱོད་པས། བྱང་ཆུབ་སེམས་རྟོགས་པའི་ཚད་འདི་གསུངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །དུས་གསུམ་སངས་རྒྱས་རྣམས་ཀྱི་ཐུགས། །དམིགས་པ་མེད་ལས་ཐམས་ཅད་བསྐྱེད། །དེ་རྫོགས་སྔགས་ཀྱི་དོན་རབ་གསལ། །བྱང་ཆུབ་སེམས་རྫོགས་བདེ་བའི་གནས། །གཟུང་འཛིན་རྣམ་སྤངས་རིག་པར་གསལ། །གསལ་ལ་དྲི་མེད་རྒྱལ་བའི་བཀའ། །དེ་རྫོགས་ངོ་བོ་གཉིས་མེད་སྐུ། །ཚིག་དང་ཡི་གེ་སྒྲ་ལས་འདས། །བརྗོད་མེད་བརྗོད་བྲལ་དོན་གྱི་མཆོག །བསམ་དང་བྲལ་བའི་སེམས་ཉིད་ནི། །རང་གི་ངོ་བོ་མ་སྐྱེས་པའོ། །ཞེས་གསུངས་སོ། །དེ་ནས་ཡང་རྣམ་པ་ཐམས་ཅད་མཁྱེན་པའི་བཅོམ་ལྡན་འདས་རྣམ་པར་སྣང་མཛད་ཀྱིས། བྱང་ཆུབ་ཀྱི་སེམས་རྟོགས་པའི་ཚད་འདི་གསུངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །དུས་གསུམ་སངས་རྒྱས་ཐམས་ཅད་ཀྱི། །བྱང་ཆུབ་སེམས་ལས་ཐམས་ཅད་ཤར། །ཤར་བའི་ངང་ལས་མ་གཡོས་གསལ། །གསལ་བའི་ཡེ་ཤེས་བདེ་ཆེན་ཡིན། །བདེ་ཆེན་ངང་ཉིད་སྣ་ཚོགས་པའི། །ཇི་ལྟར་བརྟག་པ་གཉིས་སུ་མེད། །གཉིས་མེད་བརྗོད་ལས་འདས་པའོ། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་འབྱུང་བ་ཞེས་བྱ་བའི་བྱང་ཆུབ་ཀྱི་སེམས་རྟོགས་པའི་ཚད་འདི་གསུངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །དུས་གསུམ་བདེ་གཤེགས་ཐམས་ཅད་ཀྱི། །གཉིས་མེད་བྱང་ཆུབ་སེམས་ཞེས་བྱ། །ངོ་བོ་ཉིད་ལས་ཐམས་ཅད་འབྱུང་། །ཇི་ལྟར་སྣང་བ་དག་པའི་དབྱིངས། །མ་བཅོས་ཡེ་ནས་མཁའ་ལྟར་དག །གཉིས་མེད་ཐབས་དང་ཤེས་རབ་དོན། །མཉམ་པ་ཉིད་ལས་གཞན་མེད་དོ། །ཞེས་གསུངས་སོ། །དེ་ནས་ཡང་བཅོམ་ལྡན་འདས་འོད་དཔག་པ་ལས་འདས་པའི་སེམས་དཔས་བྱང་ཆུབ་ཀྱི་སེམས་རྟོགས་པའི་ཚད་འདི་གསུངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །ཆོས་ཀྱི་དབྱིངས་ལས་ཐམས་ཅད་ཤར། ། ― DNG013_Page_0379 ―
[མ་དཔེ་གཟིགས་ན་འདིར་གནོན།]
ཤར་བ་ཉིད་ན་བརྗོད་དུ་མེད། །བརྗོད་མེད་ངང་ལས་ཐམས་ཅད་གསལ། །གསལ་བའི་བྱེ་བྲག་ཐམས་ཅད་གསལ། །གསལ་བའི་བྱེ་བྲག་སོ་སོར་འབྱུང་། །དེ་ལས་ཐམས་ཅད་ཉོན་མོངས་མེད། །དྲི་མེད་རྣམ་དག་རྒྱལ་བའི་སྐུ། །རྣལ་འབྱོར་བློ་ལྡན་གྱིས་བསྒོམས་འགྲུབ། །ཅེས་གསུངས་སོ། །དེ་ནས་ཡང་བཅོམ་ལྡན་འདས་དོན་ཐམས་ཅད་གྲུབ་པས། བྱང་ཆུབ་ཀྱི་སེམས་རྟོགས་པའི་ཚད་འདི་གསུངས་སོ། །ཨེ་མ་ཧོ་བདེ་གཤེགས་བཅོམ་ལྡན་འདས། །ཆོས་སྐུ་བྱང་ཆུབ་སེམས་ལས་བྱུང་། །རྒྱུ་ཡི་དུས་ན་དེ་ཉིད་གསལ། །རིམ་པ་རིམ་པར་གསལ་བྱས་ཏེ། །གཉིས་མེད་ངོ་བོ་ཉིད་ལ་གནས། །མ་བཅོས་བརྗོད་མེད་ངོ་བོ་ཉིད། །རྣལ་འབྱོར་དམ་པས་བསྒོམས་ནས་འགྲུབ། །ཅེས་གསུངས་སོ། །དེ་ནས་བདེ་བར་གཤེགས་པ་ལྔ་ལ་སོགས་པ་འདུས་པའི་འཁོར་ཚོགས་རྣམས་གཉིས་སུ་མེད་པའི་ངང་ཉིད་བརྗོད་པ་དང་བྲལ་བའི་དོན་ལ་སེམས་ནས་བཞུགས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ་ཀཱི་ལ་ཡ་བཅུ་གཉིས་ཀྱི་མདོ་ལས་བྱང་ཆུབ་སེམས་ཀྱི་ངེས་པ་དེ་ཁོ་ན་ཉིད་ཀྱི་ལེའུ་སྟེ་གཉིས་པའོ།། །།དེ་ནས་ཡང་རྡོ་རྗེ་ཆོས་ཀྱིས་བཅོམ་ལྡན་འདས་ལ་ཕྱི་ནང་གསང་བ་གསུམ་གྱི་མཆོད་པ་རྣམ་པར་དག་པ་ཕུལ་ནས། ལན་བརྒྱ་ཕྲག་སྟོང་དུ་བསྐོར་བ་བྱས་ཤིང་། བརྐྱང་ཕྱག་འཚལ་ནས་གསང་བ་མཆོག་གི་བདག་པོ་ལ་གསོལ་བ་བཏབ་པ། ཨེ་མ་ཧོ་བདེ་གཤེགས་བཅོམ་ལྡན་འདས། །ཀུན་གྱི་གཉེན་གྱུར་དམ་པའི་གཙོ། །ཀུན་ལ་སྙོམས་པའི་ངང་ཚུལ་ཅན། །འཁོར་བའི་གནས་ནས་དྲངས་པ་དང་། །སེམས་ཅན་ལམ་ལ་འགོད་པའི་ཕྱིར། །རྡོ་རྗེའི་དཀྱིལ་འཁོར་རིན་ཆེན་དཀྱིལ། །པདྨའི་དཀྱིལ་འཁོར་ལས་ཀྱི་དཀྱིལ། །རྣམ་སྣང་མཛད་ཆེན་དཀྱིལ་འཁོར་ནི། །དངོས་གྲུབ་ཐམས་ཅད་འབྱུང་བའི་གནས། །བདེ་གཤེགས་ངོ་མཚར་ཁྱོད་ལ་འདུས། །གསང་བ་གསུམ་ལས་བྱུང་བ་རྣམས། །འགྲོ་བ་རིགས་དྲུག་ཐམས་ཅད་ལ། །རབ་ཏུ་ཕན་པའི་སེམས་འཆང་ཞིང་། །རྣལ་འབྱོར་རྣམས་ལ་ཐུགས་བརྩེའི་ཕྱིར། །བདག་ཅག་ ― DNG013_Page_0380 ―
[མ་དཔེ་གཟིགས་ན་འདིར་གནོན།]
འཁོར་ཚོགས་ཞུ་བར་འཚལ། །ཞེས་གསོལ་བ་བཏབ་བོ། །དེ་ནས་སྟོན་པ་གསང་བདག་གིས་རྡོ་རྗེ་ཆོས་ཀྱི་ཚིག་གསན་ནས། སོ་སོར་རང་རང་དཀྱིལ་འཁོར་རྣམས། །རབ་ཏུ་ཉམས་དགའ་ཐོགས་མེད་བཤད། །རྣལ་འབྱོར་བློ་ལྡན་བརྩེ་ཕྱིར་རོ། །ལས་ཀྱི་བྱེ་བྲག་ཐམས་ཅད་དང་། །དངོས་གྲུབ་རབ་འབྲིང་ཐ་མ་རྣམས། །སློབ་དཔོན་བྱེད་པར་འདོད་པ་དང་། །བདེ་བར་གཤེགས་པའི་རྗེས་འབྲང་བའི། །སོ་སོའི་མཚན་ཉིད་བཤད་པར་བྱ། །རྒྱུད་ཤེས་ལེགས་པར་སྟོན་པ་དང་། །ཏིང་འཛིན་དྲོད་ལྡན་གདེང་དུ་བཅང་། །བཀའ་དང་བསྟན་བཅོས་ཐམས་ཅད་ལ། །རབ་ཏུ་མཁས་ཤིང་ཐེ་ཚོམ་མེད། །དོན་ལས་སྲན་ཚུགས་བསྒོམ་ལ་བརྩོན། །གཉིས་མེད་བློ་ལྡན་དད་པ་ཆེ། །གསང་བ་བཞི་ཡི་དོན་རྣམས་དང་། །གབ་ཅིང་སྦས་པའི་ཐབས་མཆོག་རྣམས། །སྣོད་ངན་སྦས་པ་གསང་མི་ཐུབ། །དེ་ལ་རྟག་ཏུ་མི་སྟེར་ཞིང་། །གསང་གསུམ་དབང་མཆོག་ཐོབ་པ་ནི། །རྡོར་འཛིན་དཀྱིལ་འཁོར་དག་ལ་ཤིས། །རྩ་བ་དག་དང་ཡན་ལག་བཅས། །དམ་ཚིག་མ་ཉམས་ལེགས་ཐུབ་དང་། །མདོག་བཟང་གཟུགས་མཛེས་དྲི་མཆོག་ལྡན། །མི་འོས་སྟོབས་ལྡན་ཤུགས་འཆང་ཞིང་། །ལག་མཐིལ་འཁོར་ལོ་རྩིབས་བརྒྱད་ཡོད། །ཁ་དོག་སེར་ཞིང་ཤིན་ཏུ་འཚེར། །འཁོར་ལོ་ཅན་གྱི་ལས་རྣམས་ནི། །ཅི་དགར་དཀྱིལ་འཁོར་བྱ་བར་གསུངས། །བློ་ཡངས་ཡོན་ཏན་ཀུན་གྱི་བརྒྱན། །ཤེས་པ་གསལ་ཞིང་ཡོན་ཏན་ལྡན། །རིག་པའི་གནས་མཆོག་ཀུན་ལ་མཁས། །སྤྱོད་ལམ་རྣམ་བཞིར་ལྷུན་སྡུག་ཅིང་། །མཛེས་པའི་གླུ་དབྱངས་རྣམས་ལ་མཁས། །ཡོན་ཏན་ཀུན་ལ་མ་འགགས་སྤྱོད། །རྡོ་རྗེ་སློབ་དཔོན་བཀའ་བཞིན་བྱེད། །རྡོ་རྗེ་སྤུན་ལ་གདུང་བ་ཆེ། །རིན་པོ་ཆེ་ཡི་ལས་རྣམས་ཀུན། །རྣལ་འབྱོར་དེ་ཡིས་བྱ་བར་གསུངས། །རྟག་པར་ཏིང་འཛིན་རྒྱུན་མི་གཅོད། །བཟླས་པ་དག་ལ་རབ་ཏུ་བརྩོན། །སྔགས་ཀྱི་དོན་རྣམས་མ་ལུས་མཁྱེན། །ངག་ཀྱང་ཤིན་ཏུ་འཇམ་པར་སྨྲ། །བདེན་སྨྲ་མགྲིན་བདེ་གླུ་དབྱངས་མཁས། །ཕྱི་ནང་ཆོས་ལ་མོས་ཤིང་འཆད། ། ― DNG013_Page_0381 ―
[མ་དཔེ་གཟིགས་ན་འདིར་གནོན།]
ཚིག་སྒོ་གསལ་ཞིང་ཁ་དོག་དམར། །པདྨ་ཅན་གྱི་ལས་ཀྱི་རིགས། །ཕྱི་ནང་ལས་རྣམས་ཐམས་ཅད་ལ། །ཤིན་ཏུ་མ་རྨོངས་དབང་ཡང་ཐོབ། །སྔགས་ལ་བརྩོན་ཞིང་ཤེས་རབ་གསལ། །ཕྱི་ནང་རྒྱུད་ཀྱི་ལས་རྣམས་ལ། །ལྷག་གམ་འོན་ཏེ་ཆད་ཀྱང་རུང་། །དེ་ཡི་དོན་རྣམས་མ་ནོར་སྐོང་། །ཕྲིན་ལས་རྣམ་བཞིའི་ལས་ལ་མཁས། །ལས་ཀྱི་དཀྱིལ་འཁོར་བྱ་བར་གསུངས། །ཡོན་ཏན་ཐམས་ཅད་ཀུན་དང་ལྡན། །ཕྱི་ནང་སྡེ་སྣོད་ཀུན་ལ་མཁས། །སྤྱོད་པའི་བྱེ་བྲག་མང་པོ་སྤྱོད། །ལས་དང་བྱ་བ་ཀུན་ལ་མཁས། །རྟག་པར་དད་ལྡན་སྙིང་རྗེ་ཆེ། །ཏིང་འཛིན་བྱེ་བྲག་ཀུན་ལ་མཁས། །བྱང་སེམས་མཚན་ཉིད་ཐུགས་སུ་ཆུད། །དཀྱིལ་འཁོར་སྤྱི་ཡི་ལས་སུ་རུང་། །སློབ་དཔོན་ལུང་ལྡན་དམ་པ་དེས། །སློབ་མའི་མཚན་ཉིད་བརྟག་པར་བྱ། །རྩ་བ་ཡན་ལག་དམ་ཚིག་བསྲུངས། །ཤེས་རབ་རྣམ་གསུམ་སྒོ་ནས་སྦྱངས། །དད་ལྡན་བརྩོན་འགྲུས་རྐྱེན་ཐུབ་དཔའ། །སྟོན་པའི་བཀའ་དང་བསྟན་བཅོས་མཁས། །སློབ་དཔོན་འཁུར་ཞིང་སྙིང་རྗེ་ལྡན། །རྡོ་རྗེ་སྤུན་ལ་བརྩེ་གདུང་ཆེ། །བླ་མའི་མན་ངག་ཤིན་ཏུ་འཛིན། །རྡོ་རྗེ་འཛིན་པའི་སློབ་མར་རུང་། །ལུས་ལ་དྲི་ཞིམ་ངད་ལྡང་ཞིང་། །ལུས་མཛེས་སྐྲ་ཡང་སེར་ལ་འཇམ། །སློབ་དཔོན་རྡོ་རྗེ་སྤུན་ལ་གདུང་། །དཀྱིལ་འཁོར་གྱི་ནི་ལས་ལ་མཁས། །སྟོད་སྨད་ཕྱེད་ཅིང་མིག་དཀྱུས་རིང་། །དྲང་པོར་སྨྲ་ཞིང་ཚིག་མི་འགྱུར། །ངག་ཀྱང་ཤིན་ཏུ་བདེ་ཞིང་འཇམ། །འཁོར་ལོ་ཅན་གྱི་སློབ་མར་རུང་། །སྤྱོད་པ་སྤང་ཞིང་དཔའ་རྩལ་ཆེ། །རིན་ཆེན་སྣ་ཚོགས་ནོར་རྣམས་འཆང་། །གསེར་དང་བྱི་རུ་མུ་ཏིག་རྣམས། །ཇི་ལྟར་འོས་པའི་རིན་ཆེན་གྱིས། །བླ་མའི་དགོངས་པ་སྐོང་བར་བྱེད། །ངག་སྙན་ལུས་ཀྱང་མཛེས་པ་དང་། །སྐྱོན་རྣམས་ཐམས་ཅད་སྤངས་པ་ནི། །རིན་ཆེན་དཀྱིལ་འཁོར་སློབ་མར་རུང་། །ལུས་དང་ངག་དང་ཡིད་གསུམ་གྱི། །མི་དགེ་བཅུ་པོ་ཡོངས་སུ་སྤོང་། །དགེ་བ་བཅུ་ལ་རྟག་ཏུ་བརྩོན། །ངག་སྙན་མགྲིན་བདེ་གླུ་ལ་མཁས། །མདོག་དམར་ལུས་ལ་ཙནྡན་དྲི། །སྐྲ་ཡང་མཐོན་མཐིང་སེན་མོ་དམར། །ཡན་ལག་ཕྲ་ལ་ཚིག་རྣམས་དྲང་། །པདྨ་འཆང་གི་སློབ་མར་ ― DNG013_Page_0382 ―
[མ་དཔེ་གཟིགས་ན་འདིར་གནོན།]
བཤད། །ཕྱི་ནང་ཆོས་ལ་རྟག་ཏུ་དགའ། །ཕྲིན་ལས་རྣམ་བཞིའི་ལས་ལ་འགྲུས། །དཔའ་རྩལ་ཆེ་ཞིང་ལྷུན་ཡང་སྡུག །བཟོ་ལ་མཁས་ཤིང་རིག་པ་གསལ། །བླ་མ་དམ་པ་མཉེས་བྱེད་ཅིང་། །དགོངས་པ་ཐམས་ཅད་སྐོང་བྱེད་པ། །སྣ་ཚོགས་ལས་ལ་ཤིན་ཏུ་མཁས། །ལས་ཀྱི་རིགས་ཀྱི་སློབ་མར་རུང་། །ཡོན་ཏན་མཆོག་རྣམས་ཀུན་ཚང་ཞིང་། །མང་པོས་བཀུར་ཞིང་བསྔགས་པ་བརྗོད། །ལུས་མཛེས་སྤྱོད་གཟོ་ཡིད་དུ་འོང་། །ཕྱི་ནང་དཀྱིལ་འཁོར་ལས་ལ་མཁས། །མན་ངག་གསང་བ་སྦས་པ་ཐུབ། །སྤྱོད་པ་གང་བསྒོམས་སློབ་དཔོན་འཁུར། །རིག་པའི་གནས་ལ་འགག་པ་མེད། །སྤྱི་ཡི་དཀྱིལ་འཁོར་སློབ་མར་རུང་། །དང་པོ་གནས་ཀྱི་བརྟག་པ་ནི། །བཟང་ངན་གཉིས་སུ་ཤེས་པར་བྱ། །བཟང་བོ་དངོས་གྲུབ་མཆོག་ཀྱང་འགྲུབ། །ངན་པས་རྣལ་འབྱོར་ཉིད་བརླག་འགྱུར། །སྤང་བླང་གཉིས་སུ་ཤེས་པར་གྱིས། །སྔོན་ལ་སྤང་བའི་གནས་བསྟན་པ། །གནོད་སྦྱིན་སྲིན་པོ་བསྒྲུབ་པ་དང་། །སྲིན་མོས་བྲད་པའི་སྡེར་རྗེས་དང་། །སྲིན་གདུག་མཚོན་ཆ་འདྲ་བ་དང་། །སྲིན་པོ་བསད་པའི་ཁྲག་རྗེས་དང་། །འབྱུང་པོ་མང་པོ་འདུ་བའི་གནས། །ཀླུ་གདུག་ཆུ་མིག་ངམ་གནག་དང་། །ལྷ་འདྲེ་ཅན་གྱི་རྒྱུན་སྲང་དང་། །སྔོན་ཆད་ལྷ་མིའི་གནས་གཞི་དང་། །གནོད་སྦྱིན་གནས་པའི་ལྷ་རྟེན་ས། །དེ་ལྟ་བུ་ཡི་གནས་དག་ཏུ། །བློ་ལྡན་རྣལ་འབྱོར་དེས་བསྒོམས་ན། །ཁ་ན་མ་ཐོ་བཅས་འགྱུར་ཞིང་། །སྡུག་བསྔལ་རྣམས་ཀྱང་འཕེལ་བར་འགྱུར། །དེ་ལྟ་བུ་ཡི་གནས་དག་ནི། །མཚན་ཉིད་ལེགས་པར་ཤེས་བྱས་ལ། །སྤངས་ན་དངོས་གྲུབ་མཆོག་ཀྱང་འགྲུབ། །བླང་བར་བྱ་བའི་གནས་རྣམས་ནི། །རྡོ་རྗེ་བྲག་དཀར་མདངས་བཟང་བ། །རི་བོ་ལྷུན་སྡུག་བྲག་ཆེན་གཏམས། །རི་ནི་རིན་ཆེན་སྤུངས་པ་འདྲ། །དེ་ལྟ་བུ་ཡི་རྩེ་རྣམས་སམ། །ཉམས་དགའ་གངས་རི་མཐའ་མ་བསྐོར། །ཤིན་ཏུ་ཉམས་དགའ་ཡིད་འོང་བ། །རྡོ་རྗེའི་དཀྱིལ་འཁོར་བསྒྲུབ་པའི་གནས། །སྤང་ཕུག་རི་བོ་ཉམས་དགའ་དང་། །སྔོན་གྱི་བདེ་གཤེགས་ཀྱིས་བསྒྲུབས་པ། །མི་དང་འདུ་འཛི་དབེན་པ་དང་། །རི་བོ་ཆེན་པོའི་སུལ་དག་དང་། །ནགས་ ― DNG013_Page_0383 ―
[མ་དཔེ་གཟིགས་ན་འདིར་གནོན།]
ཚལ་ཆེན་པོ་གཏིབས་པ་དང་། །སྐྱེད་མོས་ཚལ་གྱིས་མཐའ་བསྐོར་དང་། །ཉམས་དགའ་ཤར་དུ་ཁ་བལྟས་དག །འཁོར་ལོའི་དཀྱིལ་འཁོར་བསྒྲུབ་པའི་གནས། །ཁ་དོག་རྣམ་པ་ལྔ་ཡོད་དང་། །རིན་ཆེན་སྣ་ལྔའི་དབྱིབས་འདྲ་བ། །ཡང་ན་རིན་ཆེན་ཟུར་བརྒྱད་དམ། །རིན་ཆེན་མྱུ་གུ་འདྲ་བའམ། །མཛེས་པའི་བྱ་སྐད་སྣ་ཚོགས་སྒྲོགས། །ལུང་པ་མཛེས་ཤིང་ཁ་དོག་སྔོ། །སྐྱེ་ཤིང་ལེགས་པོ་ཡོད་པའི་གནས། །རིན་ཆེན་དཀྱིལ་འཁོར་བསྒྲུབ་པའི་གནས། །རི་ནི་དྲི་ཞིམ་སྣ་ཚོགས་ཡོད། །ཙནྡན་དམར་པོའི་ནགས་ཚལ་ཅན། །མེ་ཏོག་པདྨའི་གླིང་ཡོད་དམར། །ཡིད་འོང་ལུང་པ་དམར་ལ་མཛེས། །པདྨ་འདྲ་བའི་དབྱིབས་ཡོད་དང་། །གནམ་ནི་ཟླུམ་ལ་ཡ་ཡོ་མེད། །བྲ་མ་སྨུག་པོས་གཏིབས་པ་དེར། །པདྨའི་དཀྱིལ་འཁོར་བསྒྲུབ་པའི་གནས། །དུར་ཁྲོད་མ་མོ་འདུ་བའི་གནས། །ཐང་ཡངས་གྲོག་པོ་མདུང་བཙུགས་སམ། །ལམ་གསུམ་བསྣོལ་བའི་དབུས་སུ་འམ། །གྲོག་པོ་ཕས་ཆོད་ཚུས་ཆོད་གླེང་། །རི་ལ་རྫ་མོ་ཡོད་པ་དང་། །བྲག་སྔོན་རག་རག་མང་བ་དང་། །རལ་གྲི་འདྲ་བའི་དབྱིབས་ཡོད་པར། །ལས་ཀྱི་དཀྱིལ་འཁོར་བསྒྲུབ་པར་ཤིས། །རི་བོ་ལྷུན་སྡུག་བསྒྱིངས་པ་དང་། །རི་བྲག་མང་པོས་བསྐོར་བ་དང་། །ལུང་པ་མཛེས་ཤིང་ཁ་དོག་ཡངས། །ལྕུག་ཕྲན་ཚལ་དག་སྐྱེས་པ་དང་། །མཛེས་པའི་ས་ནི་རིན་ཆེན་འདྲ། །གནམ་ནི་འཁོར་ལོ་རྩིབས་བརྒྱད་འདྲ། །ལོགས་ལ་སྨན་གྱི་ནགས་ཚལ་ཡོད། །དཀྱིལ་འཁོར་སྤྱི་ཡི་བསྒྲུབ་པའི་གནས། །ཡང་ན་དཀྱིལ་འཁོར་ལྔ་ཆར་ནི། །ཡོན་ཏན་ཆ་དང་ཆ་ཡིས་བརྒྱན། །དེ་ལྟར་སྤྱི་ཡི་གནས་སུ་བསྟན། །དེ་ལྟ་བུ་ཡི་གནས་རྣམས་ནི། །རྣལ་འབྱོར་བློ་དང་ལྡན་པ་ཡིས། །མཚན་ཉིད་ཤེས་ཤིང་རྟོགས་བྱས་ལ། །དང་དུ་བླངས་ཏེ་བསྒྲུབ་པར་བྱ། །སློབ་དཔོན་སློབ་མ་གནས་རྣམས་དག །གཞུང་དང་མཐུན་པར་རྙེད་ནས་ནི། །སློབ་དཔོན་ཏིང་འཛིན་མི་ལྡན་ན། །ཉེས་དང་བཅས་ཤིང་ཡ་གར་འགྱུར། །དངོས་གྲུབ་མེད་ཅིང་ཚི་ཆད་འགྱུར། །དེ་ཡི་མཚན་ཉིད་ཟིན་བྱས་ལ། །ཤེས་དང་སྤང་བར་བྱ་བ་ཡིན། །ཏིང་འཛིན་ལས་སུ་རུང་བ་ཡིས། །རྣལ་འབྱོར་བློ་དང་ལྡན་པ་དེས། །གནས་དང་སློབ་མའི་མཚན་ཉིད་ནི། ། ― DNG013_Page_0384 ―
[མ་དཔེ་གཟིགས་ན་འདིར་གནོན།]
ཆོ་ག་ཡོ་བྱད་མ་ཚོགས་ཀྱང་། །དངོས་གྲུབ་ཇི་ལྟར་འདོད་པ་རྣམས། །འགྲུབ་འགྱུར་འབྲས་བུ་ཐག་མི་རིང་། །གནས་དང་སློབ་མའི་མཚན་ཉིད་ནི། །ཆོ་ག་ཡོ་བྱད་ལྡན་གྱུར་ན། །མཁས་པས་རིམ་པ་བྱས་བསྒོམས་ན། །དངོས་གྲུབ་འབྲས་བུ་མྱུར་འགྲུབ་ཅེས། །དུས་གསུམ་སངས་རྒྱས་ཀྱིས་གསུངས་པས། །ཀུན་གྱི་མཚན་ཉིད་བཤད་པ་ཡིན། །དངོས་པོའི་ཆོས་ལ་དད་པ་དང་། །མཚན་མ་དག་ལ་དགའ་བ་དག །དྲང་ཞིང་མཚན་དངོས་གཞོམ་པའི་ཕྱིར། །ལུང་པའི་རི་དང་བར་སྣང་དང་། །རིགས་ལྔ་སོ་སོའི་མཚན་ཉིད་དག །རབ་ཏུ་བརྟགས་ཏེ་གཟུང་བར་བྱ། །གཉིས་མེད་དོན་ལ་དགའ་བ་དང་། །མ་བཅོས་དོན་རྣམས་ཉམས་སུ་ལེན། །གསང་བ་སྦས་པའི་དོན་ལ་བརྟག །དེ་ལ་རྩེ་གཅིག་ཏིང་འཛིན་བརྟན། །དང་པོ་རང་ལུས་རྣལ་འདུག་སྟེ། །ཏིང་འཛིན་རྩེ་གཅིག་བྱས་ནས་སུ། །ཕྱི་ནང་དངོས་པོ་ཐམས་ཅད་ལ། །རང་བཞིན་མེད་རྟོག་དེས་བསྒོམས་ན། །དེ་ནི་ས་སྦྱོང་དང་པོ་ཡིན། །མིག་གཡས་ཉི་མ་གཡོན་ཟླ་བ། །སྣ་ནས་རླུང་གིས་བསྲེག་གཏོར་བཀྲུས། །དེ་ནི་སྦྱོང་བ་གཉིས་པ་ཡིན། །བྱང་ཆུབ་སེམས་ཆུས་རབ་བསལ་བ། །དེ་ནི་སྦྱོང་བ་གསུམ་པའོ། །དེའི་ཚེ་ཕྱག་རྒྱ་བཅས་ནས་ནི། །དཔང་གྱུར་ལྷ་མོ་སྤྱན་དྲངས་ལ། །མཆོད་དེ་འོད་ཞུ་ས་ལ་ཐིམ། །བདུད་དང་གནོད་སྦྱིན་མ་རུངས་པས། །བར་དུ་གཅོད་པར་མི་ནུས་ཤིང་། །བསོད་ནམས་ཚོགས་བསགས་དམ་པ་མཆོག །དངོས་གཞི་དམ་པར་དེ་འགྱུར་རོ། །ས་གཞི་བྱིན་གྱིས་བརླབ་པར་བྱ། །གཞུང་དང་མཐུན་པའི་ས་གཞི་དེ། །རྒྱལ་པོའམ་ས་བདག་ལ་སོགས་ལ། །དབང་བཙན་ཐུག་ཐུབ་མ་ཡིན་པར། །བདེན་པའི་གཏམ་སྨྲས་རིན་གྱིས་བླང་། །དེ་ནས་རྡོ་རྗེའི་ཁང་པ་བྱ། །དེ་དབུས་སྟེགས་བུ་གྲུ་བཞི་བརྩིག །བདུད་རྩི་རྣམ་པ་ལྔ་རྣམས་དང་། །དྲི་ཞིམ་པོ་ནི་སྣ་ཚོགས་པས། །རབ་ཏུ་བསྲེས་ཏེ་བྱུགས་པར་བྱ། །མཐུག་སྲབ་བ་ཡི་ཀོ་བ་ཙམ། །ལེགས་པར་འཐས་ཤིང་སྙོམས་པར་བྱ། །རྡོ་རྗེའི་ཁང་པ་གསལ་ཡང་གདབ། །དཀྱིལ་འཁོར་སོ་སོའི་ཁ་དོག་གི། །རིགས་དང་མཐུན་པའི་གྲོགས་མཆོག་དེས། །མཛེས་ཤིང་ཁྲུས་ ― DNG013_Page_0385 ―
[མ་དཔེ་གཟིགས་ན་འདིར་གནོན།]
བྱས་རྒྱན་གྱིས་སྤྲས། །བྱིན་དང་ལྡན་པས་དབང་བསྐུར་བྱ། །དེ་དག་རྣལ་འབྱོར་གཡོན་དུ་བཞག །ཚད་ལྡན་རྡོ་རྗེ་སྲད་བུ་ལ། །དེ་ལྡན་དབང་བསྐུར་བྱིན་བརླབས་ནས། །ཐིག་གི་བྱེ་བྲག་དཀྱིལ་འཁོར་གཞུང་། །ཇི་ལྟར་འོས་པར་ཐིག་གདབ་བརྩམ། །དེ་རྗེས་དྲི་ཡི་ཐིག་ལེ་བྱ། །སོ་སོའི་ཕོ་བྲང་གདན་དུ་བརྩིག །རང་བཞིན་དཀྱིལ་འཁོར་སྤྱན་དྲངས་ནས། །མཆོད་བསྟོད་རིམ་པར་བྱས་ནས་ནི། །རབ་ཏུ་མཉེས་བྱས་དཀྱིལ་འཁོར་ནི། །ཚོན་རྩི་སྣ་ལྔ་རབ་འབྲིང་ཐ། །རབ་ཏུ་བསྒྲིམས་ཏེ་བྱིན་བརླབས་ལ། །འགྲོ་བ་རྨོངས་པ་ལས་དང་པོས། །དང་པོ་མཚན་ཉིད་ཤེས་བྱས་ནས། །སྐུ་གསུང་ཐུགས་ཀྱི་དཀྱིལ་འཁོར་དེ། །རབ་ཏུ་མཚོན་པར་བྱ་བའི་ཕྱིར། །རྣམ་ལྔའི་དཀྱིལ་འཁོར་བྲི་བར་བཤད། །རྡོ་རྗེ་འཛིན་པའི་དཀྱིལ་འཁོར་ནི། །དབུས་སུ་རབ་ཏུ་ཟླུམ་པ་ལ། །ཐིག་བཞི་བཏབ་པས་ལེའུ་ཚེ་དགུ། །གྲུ་ཆད་དང་ནི་བར་ཁྱམས་དང་། །སྒོ་ཁྱུད་དང་ནི་རིན་ཆེན་ལྔ། །འདོད་ཡོན་རིན་ཆེན་ཕ་གུ་དང་། །དྲ་བ་དྲ་ཕྱེད་རོལ་མོར་བཅས། །འབའ་ཧུ་ལ་དང་རྟ་བབས་དང་། །དྲིལ་བུ་གཡེར་ཁ་སིལ་སིལ་སྒྲ། །ཆོས་ཀྱི་འཁོར་ལོ་ཏྭ་ར་ཎ། །རིན་ཆེན་རྒྱན་གྱིས་བརྒྱན་པར་བྲི། །དེ་འདྲའི་དཀྱིལ་འཁོར་རྡོ་རྗེ་འཛིན། །དབྱིངས་ཕྱུག་མ་དང་གཉིས་མེད་འཁྲིལ། །སེང་གེས་གཏམས་པའི་ཁྲི་སྟེང་དུ། །ཉི་ཟླ་པདྨ་རིན་པོ་ཆེ། །དེ་སྟེང་ཡབ་ཡུམ་ཡང་དག་གནས། །རྒྱན་རྣམས་ཡོངས་སུ་རྫོགས་པར་གསལ། །ཁ་དོག་མཐིང་ག་འོད་དང་བཅས། །གཡས་དཀར་གཡོན་པ་དམར་བ་ཡིན། །ཕྱག་ནི་རྣམ་པ་དྲུག་ཏུ་གསུངས། །གཡས་ཀྱི་དང་པོ་རྡོ་རྗེ་སྟེ། །བར་མ་འཁོར་ལོ་ཐ་མར་ནི། །གཡོན་གྱི་དང་པོ་དྲིལ་བུ་དཀུར། །བར་མ་རིན་ཆེན་མྱུ་གུའོ། །ཐ་མ་རལ་གྲི་འབར་བ་བསྣམས། །ཞབས་གཉིས་མཉམ་པའི་སྐྱིལ་ཀྲུང་བཅས། །མདུན་དུ་རྣམ་པར་སྣང་མཛད་དེ། །སངས་རྒྱས་སྤྱན་དང་གཉིས་སུ་མེད། །གླང་པོའི་གདན་དང་བཅས་པ་ལ། །ཉི་ཟླ་པདྨ་རིན་པོ་ཆེ། །དེ་སྟེང་ཡབ་ཡུམ་ཡང་དག་གནས། །ཁ་དོག་དཀར་པོའི་འོད་འབར་བས། །གཡས་སེར་གཡོན་པ་སྔོ་བ་ཡིན། །གཡས་དང་འཁོར་ལོ་ཐུགས་ཀར་ ― DNG013_Page_0386 ―
[མ་དཔེ་གཟིགས་ན་འདིར་གནོན།]
འཛིན། །བར་བ་རྡོ་རྗེ་རྩེ་ལྔ་པ། །ཐ་མ་རིན་ཆེན་མྱུ་གུའོ། །གཡོན་དང་དྲིལ་བུ་དཀུ་ལ་བརྟེན། །བར་བ་པདྨ་ཁ་འབུས་བསྣམས། །ཐ་མ་རྡོ་རྗེ་རྒྱ་གྲམ་མོ། །ཞབས་ནི་བརྐྱང་བསྐུམ་ཚུལ་དུ་བཞུགས། །གཡས་སུ་རིན་ཆེན་འབྱུང་ལྡན་ཏེ། །མཱ་མ་ཀཱི་དང་གཉིས་སུ་མེད། །རྫུ་འཕྲུལ་རྟ་ཡི་ཁྲི་སྟེང་ན། །ཉི་ཟླ་པདྨ་རིན་པོ་ཆེ། །དེ་སྟེང་ཡབ་ཡུམ་ཡང་དག་བཞུགས། །ཁ་དོག་ཛཱམ་བུ་ན་དའི་གསེར། །གཡས་དམར་གཡོན་པ་དཀར་བ་ཡིན། །ཕྱག་དྲུག་གཡས་དང་རིན་པོ་ཆེ། །བར་མ་རྡོ་རྗེ་ཐ་མ་པད། །གཡོན་དང་དྲིལ་བུ་བར་མ་འཁོར། །ཐ་མ་རལ་གྲི་བསྣམས་པའོ། །ཞབས་ནི་བརྐྱང་བསྐུམ་ཚུལ་དུ་བཞུགས། །རྒྱབ་ཏུ་སྣང་བ་མཐའ་ཡས་ཏེ། །གོས་དཀར་མོ་དང་གཉིས་མེད་བཞུགས། །རྨ་བྱས་གཏམས་པའི་ཁྲི་སྟེང་ན། །ཉི་ཟླ་པདྨ་རིན་པོ་ཆེ། །དེ་སྟེང་ཡབ་ཡུམ་ཡང་དག་བཞུགས། །ཁ་དོག་པདྨ་རཱ་གའི་མདོག །གཡས་པ་དཀར་ལ་སེར་བ་སྟེ། །གཡོན་པ་སྔོ་ལ་སྐྱ་བའོ། །གཡས་དང་པདྨ་ཐུགས་ཀར་འཛིན། །བར་མ་རྡོ་རྗེ་ཐ་མ་འཁོར། །གཡོན་དང་དྲིལ་བུ་དཀུ་ལ་བརྟེན། །བར་མ་རྡོ་རྗེ་རྒྱ་གྲམ་སྟེ། །ཐ་མ་རིན་ཆེན་མྱུ་གུའོ། །ཞབས་ནི་བརྐྱང་བསྐུམ་ཚུལ་དུ་བཞུགས། །གཡོན་དུ་དོན་ཡོད་གྲུབ་པ་སྟེ། །དམ་ཚིག་སྒྲོལ་དང་གཉིས་མེད་བཞུགས། །ནམ་མཁའ་ལྡིང་གི་ཁྲི་སྟེང་ན། །ཉི་ཟླ་པདྨ་རིན་པོ་ཆེ། །དེ་སྟེང་ཡབ་ཡུམ་ཡང་དག་བཞུགས། །ཁ་དོག་ཨིནྡྲ་ནཱི་ལའི་མདོག །གཡས་དཀར་གཡོན་པ་དམར་བ་ཡིན། །ཕྱག་དྲུག་གཡས་དང་རལ་གྲི་ཐུགས། །བར་མ་རྡོ་རྗེ་ཐ་མ་ཟད། །གཡོན་པ་དྲིལ་བུ་དཀུ་ལ་བརྟེན། །བར་མ་འཁོར་ལོ་ཐ་མ་རིན། །ཞབས་ནི་བརྐྱང་བསྐུམ་ཚུལ་དུ་བཞུགས། །རྒྱན་རྣམས་ཀུན་དང་ཡང་དག་ལྡན། །ཡུམ་ནི་ཞལ་གཅིག་ཕྱག་གཉིས་ཏེ། །རྡོ་རྗེ་དྲིལ་བུ་ཐོགས་ནས་འཁྱུད། །ཁ་དོག་ཡབ་དང་འདྲ་བར་བརྟག །ཀུན་གྱི་མཚན་ཉིད་ཡིན་པས་སོ། །གཡས་པའི་ཕྱག་ན་བསྣམས་པ་ནི། །འཁོར་ལོ་རིན་ཆེན་པདྨ་དང་། །ལས་ཀྱི་རལ་གྲི་བསྣམས་པའོ། །ཤར་ལྷོ་མཚམས་ཀྱི་རེའུ་མིག་ལ། །པདྨ་དཀར་ ― DNG013_Page_0387 ―
[མ་དཔེ་གཟིགས་ན་འདིར་གནོན།]
པོའི་གདན་སྟེང་ན། །བྱང་ཆུབ་སེམས་དཔའ་སའི་སྙིང་པོ། །ཞལ་གཅིག་ཕྱག་གཉིས་སྐུ་མདོག་དཀར། །ལཱ་སྱེ་དཀར་མོ་སྐུ་ལ་འཁྲིལ། །གཡས་པ་རིན་ཆེན་མྱུ་གུ་བསྣམས། །གཡོན་པ་དྲིལ་བུ་དཀུ་ལ་བརྟེན། །ཡུམ་ནི་འགྱིང་སྟབས་ཡབ་ལ་འཁྱུད། །ཞབས་ནི་བརྐྱང་བསྐུམ་ཚུལ་དུ་བཞུགས། །ལྷོ་ནུབ་མཚམས་ཀྱི་རེའུ་མིག་ལ། །པདྨ་དཀར་པོའི་ཁྲི་སྟེང་དུ། །བྱང་ཆུབ་སེམས་དཔའ་ནམ་མཁའི་སྙིང་། །ཞལ་གཅིག་ཕྱག་ནི་གཉིས་པ་སྟེ། །ཁ་དོག་སྔོན་པོ་མདངས་དང་ལྡན། །མཱ་ལེ་སྔོན་མོ་སྐུ་ལ་འཁྲིལ། །གཡས་པ་རལ་གྲི་གཡོན་དྲིལ་བུ། །ཡུམ་ནི་ཕྲེང་བ་གཙོ་ལ་འཁྱུད། །ཞབས་ནི་བརྐྱང་བསྐུམ་ཚུལ་དུ་བཞུགས། །ནུབ་བྱང་མཚམས་ཀྱི་རེའུ་མིག་ལ། །པདྨ་དཀར་པོའི་གདན་སྟེང་ན། །བྱང་ཆུབ་སེམས་དཔའ་སྤྱན་རས་གཟིགས། །ཞལ་གཅིག་ཕྱག་གཉིས་སྐུ་མདོག་དམར། །གཱིརྟི་དམར་མོ་སྐུ་ལ་འཁྲིལ། །གཡས་པ་རྡོ་རྗེ་གཡོན་པ་དྲིལ། །ཡུམ་ནི་པི་ཝང་ཡབ་ལ་འཁྲིལ། །ཞབས་ནི་བརྐྱང་བསྐུམ་ཚུལ་དུ་བཞུགས། །བྱང་ཤར་མཚམས་ཀྱི་རེའུ་མིག་ལ། །པདྨ་དཀར་པོའི་གདན་སྟེང་ན། །བྱང་སེམས་ཕྱག་ན་རྡོ་རྗེ་ནི། །ཞལ་གཅིག་ཕྱག་གཉིས་སྐུ་མདོག་ལྗང་། །ནཱིརྟི་ལྗང་གུ་སྐུ་ལ་འཁྲིལ། །གཡས་པ་རྡོ་རྗེ་གཡོན་པ་དྲིལ། །ཡུམ་ནི་གར་གྱི་ཕྱག་རྒྱས་འཁྲིལ། །ཞབས་ནི་བརྐྱང་བསྐུམ་ཚུལ་དུ་བཞུགས། །ཤར་ལྷོ་མཚམས་ཀྱི་གྲུ་ཆད་ལ། །པདྨ་དཀར་པོའི་གདན་སྟེང་ན། །བྱང་ཆུབ་སེམས་དཔའ་བྱམས་པ་ནི། །ཞལ་གཅིག་ཕྱག་གཉིས་སྐུ་མདོག་དཀར། །དྷཱུ་པེ་དཀར་མོ་སྐུ་ལ་འཁྲིལ། །གཡས་པ་ཀླུ་ཤིང་གཡོན་པ་དྲིལ། །ཡུམ་ནི་པོག་ཕོར་སྐུ་ལ་འཁྲིལ། །ཞབས་གཉིས་བརྐྱང་བསྐུམ་ཚུལ་དུ་བཞུགས། །ལྷོ་ནུབ་མཚམས་ཀྱི་གྲུ་ཆད་ལ། །པདྨ་སྔོ་སྐྱའི་གདན་སྟེང་ན། །བྱང་ཆུབ་སེམས་དཔའ་སྒྲིབ་སེལ་ནི། །ཞལ་གཅིག་ཕྱག་ནི་གཉིས་པ་སྟེ། །སྐུ་མདོག་སྔོ་སྐྱ་འོད་དང་བཅས། །པུཥ྇་སྔོ་སྐྱ་སྐུ་ལ་འཁྲིལ། །གཡས་པ་འཁོར་ལོ་གཡོན་པ་དྲིལ། །ཡུམ་ནི་མེ་ཏོག་ཕྱག་རྒྱ་ཅན། །ཞབས་གཉིས་བརྐྱང་བསྐུམ་ཚུལ་དུ་བཞུགས། །ནུབ་བྱང་མཚམས་ཀྱི་གྲུ་ཆད་ལ། ། ― DNG013_Page_0388 ―
[མ་དཔེ་གཟིགས་ན་འདིར་གནོན།]
པདྨ་དམར་སེར་གདན་སྟེང་ན། །བྱང་ཆུབ་སེམས་དཔའ་ཀུན་ཏུ་བཟང་། །ཞལ་གཅིག་ཕྱག་ནི་གཉིས་པ་སྟེ། །ཁ་དོག་དམར་སེར་འོད་དང་བཅས། །ཨཱ་ལོ་ཀ་དམར་སེར་སྐུ་ལ་འཁྲིལ། །གཡས་པ་རིན་ཆེན་སྙེ་མ་བསྣམས། །གཡོན་པ་དྲིལ་བུ་དཀུ་ལ་བརྟེན། །ཡུམ་ནི་མར་མེ་སྐུ་ལ་འཁྲིལ། །ཞབས་གཉིས་བརྐྱང་བསྐུམ་ཚུལ་དུ་བཞུགས། །བྱང་ཤར་མཚམས་ཀྱི་གྲུ་ཆད་ལ། །པདྨ་ལྗང་གུའི་གདན་སྟེང་ན། །བྱང་སེམས་འཇམ་དཔལ་གཞོན་ནུ་ནི། །ཞལ་གཅིག་ཕྱག་གཉིས་སྐུ་མདོག་ལྗང་། །གཡས་པ་ཨུཏྤལ་གཡོན་པ་དྲིལ། །ཡུམ་ནི་བྱུག་པ་སྐུ་ལ་འཁྲིལ། །ཞབས་གཉིས་བརྐྱང་བསྐུམ་ཚུལ་དུ་བཞུགས། །ཤར་གྱི་ཁྱམས་ན་བཞུགས་པ་ནི། །པདྨ་སེར་པོའི་གདན་སྟེང་ན། །བཅོམ་ལྡན་ཤཱཀྱ་ཐུབ་པ་ནི། །ཞལ་གཅིག་ཕྱག་གཉིས་སྐུ་མདོག་སེར། །གཡས་པ་གསེག་ཤང་གཡོན་པར་བུ། །བཞེངས་ནས་མི་རྣམས་སྟོན་པ་མཛད། །ལྷོ་ཡི་ཁྱམས་ན་བཞུགས་པ་ནི། །པདྨ་སེར་སྐྱའི་གདན་སྟེང་ན། །ལྷ་ཡི་ཐུབ་པ་བརྒྱ་བྱིན་ནི། །ཞལ་གཅིག་ཕྱག་གཉིས་སྐུ་སེར་སྐྱ། །པི་ཝང་བཞེངས་ནས་ལྷ་ཡི་སྟོན། །ནུབ་ཀྱི་ཁྱམས་ན་བཞུགས་པ་ནི། །ལྷ་མིན་ཐུབ་པ་ཐགས་བཟངས་རིས། །པདྨ་དམར་སྐྱའི་གདན་ལ་བཞུགས། །ཞལ་གཅིག་ཕྱག་གཉིས་སྐུ་དམར་སྐྱ། །ཕྱག་ན་རལ་གྲི་གོ་ཆ་བསྣམས། །བཞེངས་ནས་ལྷ་མིན་སྟོན་པ་མཛད། །བྱང་གི་ཁྱམས་ན་བཞུགས་པ་ནི། །པདྨ་དཀར་སྐྱའི་གདན་སྟེང་ན། །ཡི་དྭགས་ཐུབ་པ་ཁ་འབར་མ། །ཞལ་གཅིག་ཕྱག་གཉིས་སྐུ་དཀར་སྐྱ། །སྒྲོམ་བུ་བཞེངས་ནས་ཡི་དྭགས་སྟོན། །ཤར་གྱི་ཁྱམས་འགྲམ་བཞུགས་པ་ནི། །པདྨ་སྔོན་པོའི་གདན་སྟེང་ན། །བྱོལ་སོང་ཐུབ་པ་ཨ་གླང་མགོ། །ཞལ་གཅིག་ཕྱག་གཉིས་སྐུ་མདོག་སྔོ། །བུ་སྡི་བཞེངས་ནས་བྱོལ་སོང་སྟོན། །ནུབ་ཀྱི་ཁྱམས་འགྲམ་བཞུགས་པ་ནི། །པདྨ་ནག་པོའི་གདན་སྟེང་ན། །དམྱལ་ཐུབ་གཤིན་རྗེ་མི་ཐོད་ཅན། །ཞལ་གཅིག་ཕྱག་གཉིས་སྐུ་མདོག་ནག །མེ་ཆུ་བཞེངས་ནས་དམྱལ་བའི་སྟོན། །ཤར་གྱི་ཁྱམས་ན་ ― DNG013_Page_0389 ―
[མ་དཔེ་གཟིགས་ན་འདིར་གནོན།]
བཞུགས་པ་ནི། །པདྨ་དཀར་པོའི་གདན་སྟེང་ན། །ཀུན་བཟང་ཕྱག་ན་རྡོ་རྗེ་དཀར། །རྡོ་རྗེ་ཐལ་མོ་ཕྱག་རྒྱས་གནོན། །ནུབ་ཁྱམས་གཡོན་ན་བཞུགས་པ་ནི། །པདྨ་དཀར་པོའི་གདན་སྟེང་ན། །ཀུན་ཏུ་བཟང་མོ་གཙོ་དང་མཐུན། །དཀྱིལ་འཁོར་ཤར་གྱི་སྒོ་རུ་ནི། །འཇོམས་པ་ཡ་མཱན་ཏ་ཀྲྀཏ་ནི། །ཞིང་གདན་མེ་དཔུང་ནང་ན་བཞུགས། །ཐོད་གདེང་རྟ་གདོང་སྐུ་ལ་འཁྲིལ། །ཞབས་གཉིས་བགྲད་པའི་ཚུལ་དུ་བཞུགས། །ལྷོ་ཡི་སྒོ་རུ་བསམ་བྱ་བ། །འཇོམས་པ་པྲཛྙཱནྟ་ཀྲྀཏ་ནི། །ཞིང་གདན་མེ་དཔུང་ནང་ན་བཞུགས། །པད་ནང་རྡོ་རྗེ་ཕག་གདོང་འཁྲིལ། །ཞབས་གཉིས་གྱད་ཀྱི་དོར་སྟབས་བཞུགས། །ནུབ་ཀྱི་སྒོ་རུ་བསམ་བྱ་བ། །འཇོམས་པ་པདྨཱནྟ་ཀྲྀཏ་ནི། །ཞིང་གདན་མེ་དཔུང་ནང་ན་བཞུགས། །ཐོད་ཕོར་རྡོར་བཅུག་སྦྲུལ་གྱིས་དཀྲིས། །ཉི་ཟླ་ལྕགས་སྒྲོག་སྐུ་ལ་འཁྲིལ། །ཞབས་གཉིས་གྱད་ཀྱི་དོར་སྟབས་བཞུགས། །བྱང་གི་སྒོ་རུ་བསམ་བྱ་བ། །འཇོམས་པ་བིགྷྣཱཾ་ཏ་ཀྲྀཏ་ནི། །ཞིང་གདན་མེ་དཔུང་ནང་ན་བཞུགས། །རྡོ་རྗེ་རྒྱ་གྲམ་ཐོད་པ་གནོན། །ཐལ་བྱེད་དྲིལ་བུ་སྐུ་ལ་འཁྲིལ། །ཞབས་གཉིས་བགྲད་པའི་ཚུལ་དུ་བཞུགས། །སྒོ་བའི་ཁྲོ་བོ་ཁྲོ་མོ་ནི། །སྐུ་མདོག་རིགས་ལས་ཤེས་པར་བྱ། །བཅོམ་ལྡན་བདེར་གཤེགས་སྐུར་རྫོགས་ཏེ། །སངས་རྒྱས་རྡོ་རྗེ་འཛིན་པ་ཡི། །དཀྱིལ་འཁོར་དམ་པ་ཉམས་དགའ་ཡིན། །འཁོར་ལོ་ཅན་གྱི་དཀྱིལ་འཁོར་ནི། །འཁོར་ལོ་རྩིབས་བཞི་མུ་ཁྱུད་ཅན། །གྲུ་ཆད་བར་ཁྱམས་ལ་སོགས་པ། །རྡོར་འཛིན་དཀྱིལ་འཁོར་ཇི་བཞིན་ནོ། །དབུས་སུ་སེང་གེའི་གདན་དག་ལ། །རྣམ་སྣང་ཡབ་ཡུམ་བསྒོམ་པར་བྱ། །སྤྱན་སྔར་མི་བསྐྱོད་ཡབ་ཡུམ་བཅས། །གཞན་རྣམས་སོ་སོའི་མཚན་ཉིད་ནི། །རྡོར་འཛིན་དཀྱིལ་འཁོར་འདྲ་བར་བྲི། །རིན་ཆེན་དཀྱིལ་འཁོར་བྲི་བ་ནི། །རིན་ཆེན་ཟུར་བརྒྱད་འདྲ་བ་ལ། །བདེ་བར་གཤེགས་པའི་ཕོ་བྲང་བྱ། །བར་ཁྱམས་ལ་སོགས་གོང་བཞིན་བྱ། །དབུས་སུ་རྫུ་འཕྲུལ་རྟ་ཡི་ཁྲི། །དེའི་སྟེང་རིན་ཆེན་འབྱུང་ལྡན་བསྒོམ། །ཡུམ་དང་གཉིས་སུ་མེད་པར་བཞུགས། །ལྷོ་རུ་རྡོ་རྗེ་འཛིན་ ― DNG013_Page_0390 ―
[མ་དཔེ་གཟིགས་ན་འདིར་གནོན།]
པ་བསྒོམ། །ཡུམ་དང་གཉིས་སུ་མེད་པར་བཞུགས། །གཞན་རྣམས་གོང་མ་ཇི་བཞིན་ནོ། །པདྨ་རིགས་ཀྱི་དཀྱིལ་འཁོར་ནི། །པདྨ་འདབ་མ་བརྒྱད་པ་བྲི། །ཟེའུ་འབྲུ་པདྨ་འབྲས་བུར་བཅས། །དབུས་སུ་རྨ་བྱའི་གདན་དག་ལ། །སྣང་བ་མཐའ་ཡས་ཡབ་ཡུམ་བསྒོམ། །ནུབ་ཏུ་རྡོ་རྗེ་འཛིན་པ་བསྒོམ། །གཞན་རྣམས་གོང་མའི་དཀྱིལ་འཁོར་བཞིན། །ཤིན་ཏུ་རྒྱས་པར་བྲི་བ་ཡིན། །དོན་ཡོད་གྲུབ་པའི་དཀྱིལ་འཁོར་ནི། །དབུས་སུ་ལེའུ་ཚེ་དགུ་དང་ལྡན། །ཕྱི་རོལ་འཁོར་ལོ་རྩིབས་བཞི་ལྡན། །རིན་ཆེན་ཟུར་བརྒྱད་པདྨར་མཛེས། །དབུས་སུ་ནམ་མཁའ་ལྡིང་གི་ཁྲི། །དེའི་སྟེང་དོན་ཡོད་ཡབ་ཡུམ་བསྒོམ། །བྱང་དུ་རྡོར་འཛིན་ཡབ་ཡུམ་སྟེ། །གཞན་རྣམས་ཀྱང་ནི་གསལ་བར་བྲི། །དཀྱིལ་འཁོར་དམ་པ་དེ་དག་ལ། །བརྒྱན་པར་བྱ་བའི་རྫས་རྣམས་ནི། །བུམ་པ་བརྒྱད་དམ་བཅུ་དྲུག་གམ། །ཁ་རྒྱན་མཛེས་པའི་ཤིང་ལོས་བྱ། །ནང་དུ་གཏམས་པའི་བཅུད་རྣམས་ནི། །བཟའ་དང་བཅའ་བའི་བྱེ་བྲག་དང་། །བུ་རམ་སྦྲང་རྩི་མར་རྣམས་དང་། །ཏིལ་ལ་སོགས་པའི་འབྲུ་རྣམས་དང་། །རིན་ཆེན་སྣ་ལྔ་སྙིང་པོ་ལྔ། །ཟླ་བ་ཉི་མ་ཆུ་སྨན་དྲིས། །ཡོངས་སུ་གང་བའི་བུམ་པ་ནི། །དང་པོ་གསེར་ལས་བྱས་པ་བརྒྱད། །གཉིས་པ་ཤེལ་དུང་དངུལ་ལས་བྱས། །གསུམ་པ་བཻ་ཌཱུརྱ་ཡི་བརྒྱད། །བཞི་པ་ཟངས་ལས་བྱས་པ་བརྒྱད། །ལྔ་པ་ལྕགས་ལས་བྱས་པ་བརྒྱད། །དེ་རྣམས་དཀྱིལ་འཁོར་ལྔ་ཡི་བརྒྱན། །དཀྱིལ་འཁོར་དྲུག་པ་ལ་བརྒྱན་པ། །ཟངས་ལྕགས་དངུལ་དང་བཻ་ཌཱུརྱ། །གསེར་ལ་སོགས་པས་བརྒྱན་པར་བྱ། །གཞན་ཡང་བརྒྱན་པར་བྱ་བའི་རྫས། །རོལ་མོའི་བྱེ་བྲག་ཐམས་ཅད་དང་། །ཡིད་དུ་འོང་བའི་ལྷབ་ལྷུབ་དང་། །བཟའ་དང་བཅའ་བའི་བྱེ་བྲག་གིས། །དཀྱིལ་འཁོར་དམ་པ་བརྒྱན་པར་བྱ། །ཕྱོགས་སྐྱོང་གཏོར་མ་ལ་སོགས་པ། །དཀར་གསུམ་མངར་གསུམ་འོ་མས་བརྒྱན། །འབྲུ་སྣ་ཚོགས་པའི་ཆན་རྣམས་དང་། །ཤ་སྣ་ཚོགས་པའི་གཏོར་མ་དགྲམ། །དེ་ནས་རྣལ་འབྱོར་ཅན་དག་གིས། །སྐུ་གསུང་ཐུགས་ཀྱི་རྡོ་རྗེ་བརླབ། །ཕྱག་རྒྱ་སྙིང་གར་གསལ་བར་བསྐྱེད། །ཕྱག་རྒྱ་བཞི་ ― DNG013_Page_0391 ―
[མ་དཔེ་གཟིགས་ན་འདིར་གནོན།]
དང་ལྡན་པར་བྱ། །བདག་གི་དཀྱིལ་འཁོར་རྫོགས་ཞེས་བྱ། །རང་བཞིན་གྲུབ་པའི་གནས་ནས་ནི། །བདེ་གཤེགས་འཁོར་བཅས་སྤྱན་དྲངས་མཆོད། །ཕྱག་རྒྱ་བཞི་ཡིས་གཉིས་མེད་བསྡིམ། །ཕྱི་ནང་གསང་བའི་དབང་ཡང་ནོད། །དེ་ལ་མཆོད་པའི་བྱེ་བྲག་བྱ། །ལྷ་མོ་མཛེས་པའི་ཁ་དོག་ལྔ། །ཕྱི་ནང་མཆོད་པར་དབུལ་བར་བྱ། །ཕྱི་ཡི་མཆོད་པ་དབུལ་བྱ་བ། །དྷཱུ་པེ་པུཥ྇་ཨཱ་ལོ་ཀེ། །གནྡྷེ་མ་ཡིས་མཆོད་བསྟོད་བྱ། །ལཱ་སྱེ་མཱ་ལེ་གཱིརྟི་དང་། །ནཱིརྟིས་མཆོད་བསྟོད་ལས་བྱའོ། །ནང་གི་མཆོད་པའི་ལས་བྱ་བ། །ཡུམ་ལྔའི་མཚན་ཉིད་ཅན་གྱིས་བྱ། །གསང་བའི་མཆོད་པ་དེ་བཞིན་ནོ། །དེ་ནས་ལས་རྣམས་སོ་སོ་ཡི། །མཚན་ཉིད་ལྡན་པའི་བུ་མཆོག་དེར། །དཀྱིལ་འཁོར་དམ་པ་བསྟན་པའི་ཕྱིར། །བུ་ཚུར་ཅི་ལ་དགའ་ཞེས་དྲི། །རིགས་དང་ལྡན་པའི་བུ་མཆོག་དེས། །བདག་ནི་འདི་ལ་དགའ་ལགས་སོ། །སོ་སོའི་དཀྱིལ་འཁོར་མཚན་ནས་བརྗོད། །སློབ་དཔོན་ལུང་ལྡན་དམ་པ་དེས། །མནའ་བསྒག་ཆུ་བླུད་བྱ་བའི་ཕྱིར། །ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ནོ་ད་ཀ་ཋ། བཟླས་པའི་ཆུ་འདི་ཁ་རུ་བླུད། །གསང་བའི་དཀྱིལ་འཁོར་འདི་དག་ལ། །གང་དག་མི་མོས་པ་ཡི་དྲུང་། །ཁྱོད་ཀྱིས་སྨྲ་བར་མ་བྱེད་ཅིག །གལ་ཏེ་སྨྲ་བར་གྱུར་ན་ནི། །ཁྱོད་ནི་སྡུག་བསྔལ་དང་མི་འབྲལ། །ཚེ་ཡི་འདུ་བྱེད་བྱས་ནས་ནི། །སེམས་ཅན་དམྱལ་བ་ཆེན་པོར་སྐྱེ། །ཁྱོད་ཀྱིས་བསྲུང་བར་བྱ་བ་ནི། །ཡི་དམ་ལྷ་ལ་རྟག་གནས་བྱ། །བླ་མ་མིག་གི་འབྲས་ལྟར་ལྟོས། །རྡོ་རྗེ་སྤུན་ལ་བརྩེ་གདུང་སྐྱེད། །སྔགས་དང་ཕྱག་རྒྱ་རྟག་ཏུ་བཅའ། །གསང་བ་སྦས་པའི་ཐབས་མཆོག་རྣམས། །སྣོད་ངན་གཞན་ལ་སྤེལ་བྱ་མིན། །ཟླ་བ་ཡབ་ཀྱི་བྱང་ཆུབ་སེམས། །ཉི་མ་ཡུམ་གྱི་རཀྟ་ཆུ་སྨན་དྲི། །སྒྲུབ་རྫས་རྟག་ཏུ་བསྟེན་པར་བྱ། །ཤ་ཡི་བྱེ་བྲག་རྣམ་པ་ལྔ། །ཆང་ལྔ་རྣམས་ཀྱང་བསྟེན་པར་བྱ། །བུད་མེད་འདོད་པ་དྲག་ཏུ་བསྟེན། །སྦྱོར་སྒྲོལ་ཕྲ་མ་མི་སྙན་བརྐུ། །འདི་དག་རྟག་ཏུ་སྤྱད་པར་བྱ། །མུ་སྟེགས་དཀའ་ཐུབ་མ་ཡིན་ཞིང་། །ཉན་ཐོས་ཁྲིམས་དང་སྡོམ་པ་མིན། །གསང་ ― DNG013_Page_0392 ―
[མ་དཔེ་གཟིགས་ན་འདིར་གནོན།]
བའི་སྡོམ་པ་འདའ་བར་དཀའ། །སློབ་དཔོན་སྨད་པར་བྱ་བ་མིན། །གལ་ཏེ་སྨད་པར་གྱུར་ན་ནི། །དངོས་གྲུབ་མེད་ཅིང་དམྱལ་བར་ལྟུང་། །དེ་ལྟར་དམ་ཚིག་བསྒྲགས་ནས་ནི། །དེ་ནས་བླ་མ་ལུང་ལྡན་དེས། །སྣོད་ཀྱི་ཁྱད་པར་ཅི་རིགས་པར། །དབང་རྣམས་རིམ་པར་བསྐུར་བར་བྱ། །དང་པོ་དཀྱིལ་འཁོར་གཞུག་པའི་དབང་། །གཉིས་པ་གསང་བ་ཉན་པའི་དབང་། །གསུམ་པ་རྡོ་རྗེ་སློབ་དཔོན་དབང་། །བཞི་པ་ལས་བཞིའི་ལུང་ཡང་བསྟན། །ལྔ་པ་དབུགས་དབྱུང་བསྟན་པ་སྟེ། །དྲུག་པ་རབ་འབྱམས་རྒྱལ་པོའི་དབང་། །བདུན་པ་གསང་བའི་དབང་དག་སྦྱིན། །བརྒྱད་པ་ཤེས་རབ་དབང་མཆོག་སྦྱིན། །དགུ་པ་ཡེ་ཤེས་དབང་མཆོག་སྟེ། །མཐར་ཕྱིན་དབང་མཆོག་རྫོགས་པར་སྦྱིན། །དེ་ནས་དབང་མཆོག་ལྡན་བྱའི་ཕྱིར། །སོ་སོར་རིགས་ཀྱི་བུ་མཆོག་དེས། །བྱེ་བྲག་སོ་སོའི་ཡོན་རྣམས་དབུལ། །བདག་ལུས་སྲོག་དང་ནོར་ལ་སོགས། །བདག་ཉིད་བུ་དང་ཆུང་མར་བཅས། །ཞུམ་པ་མེད་པའི་སེམས་ཀྱིས་དབུལ། །རྡོ་རྗེ་འཛིན་པའི་ཡོན་ཏན་ནོ། །བྲན་དང་བཅས་པའི་འདོད་ཡོན་ལྔ། །དེ་ལྟར་རིགས་པའི་རྫས་རྣམས་ཀུན། །འཁོར་ལོ་ཅན་གྱི་ཡོན་དུ་འབུལ། །རིན་ཆེན་སྣ་ལྔའི་བྱེ་བྲག་དང་། །གླང་པོ་རྟ་དང་མ་ཧེར་བཅས། །དགོས་པའི་བྱེ་བྲག་ཅི་ཡོད་པར། །རིན་ཆེན་རིགས་ཀྱི་ཡོན་ཡིན་ནོ། །མ་སྲིང་བུ་མོ་ཆུང་མ་རྣམས། །རིན་ཆེན་སྣ་ལྔས་བརྒྱན་བྱས་ལ། །རྒོད་མ་ལ་སོགས་མོ་ཡི་མིང་། །པདྨའི་རིགས་ཀྱི་ཡོན་ཡིན་ནོ། །གླང་པོ་ནོར་གྱིས་བརྒྱན་པ་དང་། །མ་ཧེ་ནོར་གྱིས་བརྒྱན་པ་དང་། །ཤིང་རྟ་ནོར་གྱིས་བརྒྱན་པ་དང་། །ཐེག་པའི་བྱེ་བྲག་ཐམས་ཅད་ལ། །རྫས་ཀྱི་བྱེ་བྲག་མང་པོ་བཀལ། །ལས་ཀྱི་རིགས་ཀྱི་ཡོན་ཡིན་ནོ། །རིན་ཆེན་བྱེ་བྲག་སྣ་ཚོགས་དང་། །ཐེག་པའི་བྱེ་བྲག་སྣ་ཚོགས་དང་། །བཟའ་དང་བཅའ་བའི་བྱེ་བྲག་རྣམས། །ཡིད་དུ་འོང་བའི་རྫས་རྣམས་ཀུན། །སྤྱི་ཡི་དཀྱིལ་འཁོར་ཡོན་དུ་བཤད། །དཀྱིལ་འཁོར་དམ་པ་དེ་དག་ཏུ། །དབང་གི་རིམ་པ་ཐམས་ཅད་ཀུན། །ཚང་བར་བསྐུར་བ་མཐར་ཕྱིན་དབང་། ། ― DNG013_Page_0393 ―
[མ་དཔེ་གཟིགས་ན་འདིར་གནོན།]
དེ་ཡི་གཟུངས་མ་དེ་དག་ལ། །གོང་གི་ཡོན་རྣམས་དབུལ་བ་ཡིན། །དབང་མཆོག་ཐོབ་པའི་སློབ་མ་ལ། །དབང་ཐོབ་རྟགས་རེ་སྦྱིན་པ་དང་། །དང་པོ་རྒྱུ་འབྲས་མི་བསླུ་བསྟན། །གཉིས་པ་ཕྱག་རྒྱ་བསྒོམ་པ་བསྟན། །གསུམ་པ་གསང་བའི་ངེས་དོན་བཤད། །བཞི་པ་ཕྱག་རྒྱ་བཞི་ཡང་བསྟན། །ལྔ་པ་ཆོས་ཀྱི་འཁོར་ལོར་སྦྱིན། །དྲུག་པ་ཆོས་ཀྱི་དུང་ཡང་སྦྱིན། །བདུན་པ་གསང་བའི་མན་ངག་སྦྱིན། །བརྒྱད་པ་སེམས་ཀྱི་གཏན་ཚིགས་སྦྱིན། །དགུ་པར་གཉིས་མེད་བྱུང་བའོ། །དེ་ལྟར་རྟགས་རྣམས་ཚང་བར་སྦྱིན། །དེ་ནས་སློབ་མ་གནས་བྱ་བ། །ལུས་བཀྲུས་གོས་བཟང་གོན་ནས་ནི། །ཤར་ཕྱོགས་ཁ་བལྟས་མི་སྨྲ་ཉལ། །དེ་དུས་རྨི་ལམ་བརྟག་བྱས་ལ། །དབང་མཆོག་དམ་པ་ཐོབ་པའི་ལྟས། །བདེ་གཤེགས་སྔུན་ན་གནས་པ་ལ། །རང་གི་དབང་ནོས་རྨི་བ་དང་། །ཕྱི་ནང་ཆོས་རྣམས་ཐམས་ཅད་ལ། །བདག་གིས་འཁོར་བར་རྨི་བ་དང་། །འགྲོ་བ་རིགས་དྲུག་ཐམས་ཅད་ལ། །ཁ་ལོ་སྒྱུར་བར་རྨི་བ་དང་། །རྒྱལ་པོ་དབང་འདུས་རྨི་བ་དང་། །ས་དང་བར་སྣང་ཆུ་དག་ལ། །མི་འབྱིན་མི་ཐོགས་འགྲོ་རྨི་དང་། །རྒྱ་མཚོ་ཆེན་པོའམ་ཆུ་བྲན་ལ། །གྲུ་གཟིངས་བྱས་ནས་མི་སྒྲོལ་རྨི། །མང་པོའི་ཁ་དཔོན་བྱས་ནས་ནི། །འཐབ་པའི་གཡུལ་ལས་རྒྱལ་བ་རྨི། །རྡོ་རྗེ་ཐོགས་ནས་ཆོས་འཆད་རྨི། །རྡོ་རྗེ་འཛིན་པའི་དབང་ཐོབ་རྟགས། །ས་བདག་རྒྱལ་པོ་ཡིན་པར་རྨི། །ཀུན་ལ་དབང་སྒྱུར་ལས་ཀྱང་བསྒོ། །ཀུན་གྱི་སློབ་དཔོན་བྱེད་པ་དང་། །ཕྱི་ནང་ཆོས་ལ་ཐོགས་པ་མེད། །མི་མཐུན་གཟུགས་ལ་ཆོས་སྟོན་དང་། །ལུས་ལ་མེ་འབར་ཆུ་ཡང་འབྲུབ། །གཟུགས་སྐྱེ་རྣམ་པ་མི་འདྲ་སྟོན། །རྣལ་འབྱོར་མང་པོ་འདུས་པ་ཡིས། །ཀུན་གྱིས་བཀུར་བའི་འོས་ཡིན་རྨི། །རྒྱལ་མཚན་ལག་ཏུ་ཐོགས་ནས་ནི། །རྣལ་འབྱོར་ཁ་དཔོན་བྱེད་པ་རྨི། །ཚོགས་ཀྱི་སློབ་དཔོན་བྱེད་རྨི་དང་། །ལག་ཏུ་བ་དན་ཐོགས་ནས་ནི། །ཀུན་གྱི་དམག་དཔོན་བྱེད་པ་དང་། །ལག་ཏུ་འཁོར་ལོ་བབས་རྨི་ན། །འཁོར་ལོ་ཅན་གྱི་དབང་ཐོབ་རྟགས། །རིན་པོ་ཆེ་ཡི་བང་མཛོད་ལ། །བདག་ནི་རྟག་ཏུ་སྤྱོད་པ་དང་། །རིན་ཆེན་སྣ་ ― DNG013_Page_0394 ―
[མ་དཔེ་གཟིགས་ན་འདིར་གནོན།]
ཚོགས་ལུས་ལ་བརྒྱན། །འདོད་པའི་ཡོན་ཏན་ལྔ་པོ་ལ། །ཐོགས་པ་མེད་པར་སྤྱོད་པ་དང་། །སྡུག་ཅིང་མཛེས་པའི་གོས་གོན་དང་། །ཕྱི་ནང་ཆོས་ལ་ཉན་སེམས་དང་། །གླེགས་བམ་ཆོས་ཀྱི་སྦྱིན་པ་གཏོང་། །མི་འོས་པ་ཡི་སྒྲ་ཐོས་དང་། །ས་དང་ཤིང་དང་རྡོ་དག་དང་། །སྔོན་མ་ཐོས་པའི་སྒྲ་རྣམས་ཀུན། །བདག་གི་ཐོས་པར་རྨི་བ་དང་། །རིན་ཆེན་ལག་ཏུ་ཐོགས་པ་དང་། །དེ་ཡིས་སེམས་ཅན་སྐོང་བ་དང་། །བདག་ཉིད་ཡོངས་སུ་ཚིམས་རྨི་བ། །རིན་ཆེན་རིགས་ཀྱི་དབང་ཐོབ་རྟགས། །པདྨའི་སྟན་ལ་འདུག་པ་དང་། །པདྨའི་རྫིང་ན་བརྩེ་བ་དང་། །པདྨའི་འབྲས་བུ་ཟ་བ་དང་། །པདྨའི་རྩ་བ་བརྐོ་བ་དང་། །ཤེས་རབ་ཕ་རོལ་ཕྱིན་པ་ཡི། །དོན་ལ་དཔྱོད་ཅིང་གླེགས་བམ་རྙེད། །དེ་དོན་གཞན་ལ་འཆད་ཅིང་སྟོན། །འགྲོ་བ་རིགས་དྲུག་སེམས་ཅན་ལ། །ཇི་ལྟར་འཚམས་པའི་ཆོས་འཆད་དང་། །ཕྱོགས་བཅུའི་སངས་རྒྱས་སྲས་བཅས་ཀྱིས། །བདག་ལ་བསྐོར་བ་རྨི་བ་དང་། །པདྨ་ལག་པར་བཅངས་པ་དང་། །པདྨའི་ཁང་པར་ཞུགས་རྨི་བ། །འོད་དཔག་མེད་པའི་དབང་ཐོབ་རྟགས། །ཕྱི་ནང་ལས་ལ་འཇུག་པ་དང་། །རོ་ཡི་ཕུང་པོར་ཞུགས་པ་དང་། །ལུས་ལ་མེ་འབར་རྨི་བ་དང་། །རལ་གྲི་རྣོན་པོས་གཅོད་པ་རྨི། །རི་རབ་གླིང་བཞི་བཅས་པ་རྣམས། །བདག་གི་ལག་ཐོགས་རྨི་བ་དང་། །ཉི་ཟླ་ལག་པར་ཐོགས་ནས་ནི། །སེམས་ཅན་རྣམས་ཀྱི་དོན་བྱེད་རྨི། །འཇིག་རྟེན་པ་ཡིས་ལོངས་སྤྱོད་ལ། །དྲེལ་བ་མེད་པར་སྤྱོད་པ་དང་། །གཡུལ་འགོག་དགྲ་རྣམས་བསད་རྨི་དང་། །གཡུལ་ལས་ཤིན་ཏུ་རྒྱལ་རྨི་དང་། །རྟ་དང་གླང་ཆེན་ལ་སོགས་པའི། །ཐེག་པའི་བྱེ་བྲག་ཐམས་ཅད་ལ། །བདག་གི་དབང་བྱས་ཞོན་རྨིས་དང་། །སྦྱིན་པའི་བྱེ་བྲག་ཐམས་ཅད་ལ། །ཆགས་པ་མེད་པར་གཏོང་བ་དང་། །བདག་ཉིད་བཤས་པར་རྨི་བ་དང་། །བདག་གི་ཤ་རྣམས་བགོས་རྨི་བ། །ལས་ཀྱི་རིགས་ཀྱི་དབང་ཐོབ་རྟགས། །རིགས་ལྔའི་རྨི་ལམ་ཐམས་ཅད་མི། །གསང་བ་གསུམ་གྱི་དབང་ཐོབ་རྟགས། །དེ་ཡི་གཉིས་མེད་དོན་རྟོགས་མི། །འོན་ཏེ་རྨི་ལམ་ཐམས་ཅད་ཀུན། །མེད་པར་ ― DNG013_Page_0395 ―
[མ་དཔེ་གཟིགས་ན་འདིར་གནོན།]
ཆོས་ཉིད་ལ་གནས་རྨི། །རིགས་ལྔ་སོ་སོའི་ཕྱག་མཚན་རྣམས། །རང་གི་ལག་པ་བརྒྱན་རྨི་བ། །སྤྱི་ཡི་དཀྱིལ་འཁོར་དབང་ཐོབ་རྟགས། །རིགས་ཀྱི་བུ་མཆོག་གང་ཞིག་གིས། །དཀྱིལ་འཁོར་དེ་དང་དེ་དག་ཏུ། །དབང་རྣམས་ཐོབ་པའི་གང་ཟག་དེ། །རྒྱལ་པོས་བཀུར་ཞིང་མཆོད་པ་དང་། །རྒྱལ་ཕྲན་དང་ནི་དམངས་ཀྱིས་བཀུར། །རིགས་ངན་བྲམ་ཟེའི་རིགས་ཀྱིས་ཀྱང་། །མཆོད་ཅིང་བཀུར་སྡི་བྱེད་པར་འགྱུར། །ཚེ་རིང་ནད་མེད་གཉེར་མ་དེངས། །འཇིག་རྟེན་འདི་ཡི་བདེ་བ་ཡང་། །ཕུན་སུམ་ཚོགས་པ་ཐོབ་པར་འགྱུར། །ཇི་ལྟར་སྨྲས་པ་ངག་སྙན་འགྱུར། །སྤྱོད་པ་ཅི་བྱས་སྡུག་པར་འགྱུར། །སེམས་ཀྱི་བསམ་པ་འགྲུབ་པར་འགྱུར། །འདུས་པ་ཀུན་གྱིས་བསྟོད་པར་བྱེད། །བསྔགས་པ་དག་ཀྱང་རྗོད་པར་བྱེད། །རྒྱལ་པོའི་བུ་མོའི་སྙིང་དུ་སྡུག །འཇིག་རྟེན་འདི་རུ་གྲགས་པ་ཡི། །ལྷ་འམ་ཀླུ་འམ་གནོད་སྦྱིན་རྣམས། །མི་མོས་མཐུ་ཆེན་ཐམས་ཅད་འདུལ། །རྩེ་གཅིག་སེམས་ནི་མཉན་པར་འགྱུར། །བྱང་ཆུབ་སེམས་དཔའི་སྤུན་དུ་དགོངས། །སངས་རྒྱས་ཀུན་གྱི་སྲས་ཡིན་པས། །དེ་ལ་དབང་བསྐུར་བྱེད་པའོ། །ལྷ་དང་ཀླུ་དང་གནོད་སྦྱིན་རྣམས། །དེ་ཡི་རྒྱལ་པོའམ་བདག་པོར་མཐོང་། །མ་མོ་མཁའ་འགྲོས་ལས་རྣམས་བསྒྲུབ། །དེ་ཡི་རྗེ་དཔོན་ཡིན་པར་མཐོང་། །སེམས་ཅན་རྣམས་ཀྱིས་གཙོ་བོར་མཐོང་། །དེ་ལྟར་དབང་ཐོབ་ཡོན་ཏན་ནི། །བསམ་མི་ཁྱབ་སྟེ་དཔག་མི་ལང་། །སངས་རྒྱས་བདེ་ཆེན་གསང་བ་ནི། །སྐུ་ཡི་དཀྱིལ་འཁོར་དམ་པ་ཡིས། །ནང་ཞུགས་དབང་ཐོབ་ཡོན་ཏན་ནི། །ཇི་ལྟར་བསམ་པ་བཞིན་དུ་འགྲུབ། །ཡོན་ཏན་གོང་ལས་བརྗོད་མེད་འདས། །གསང་བའི་དཀྱིལ་འཁོར་ཐམས་ཅད་ཀྱི། །གསུང་མཆོག་དམ་པའི་དཀྱིལ་འཁོར་ནི། །ཡི་གེའི་ཚོགས་རྣམས་བཀོད་པ་ལས། །དེ་ནང་ཞུགས་ནས་དབང་ཐོབ་པ། །ཡོན་ཏན་གོང་དང་འདྲ་བ་ཐོབ། །གསང་བའི་དཀྱིལ་འཁོར་ཐམས་ཅད་ཀྱི། །ཐུགས་ཀྱི་དཀྱིལ་འཁོར་དམ་པ་ནི། །ཐུགས་མཚན་ཕྱག་རྒྱ་བཀོད་པ་རུ། །ནང་ཞུགས་དབང་ཐོབ་ཡོན་ཏན་ནི། །གོང་གི་ཡོན་ཏན་དེ་དང་འདྲ། །སྐུ་ཡི་དཀྱིལ་ ― DNG013_Page_0396 ―
[མ་དཔེ་གཟིགས་ན་འདིར་གནོན།]
འཁོར་དམ་པ་ཡིས། །གཏི་མུག་འཇོམས་པའི་ཕུར་པའོ། །གསུང་གི་དཀྱིལ་འཁོར་དམ་པ་ནི། །འདོད་ཆགས་འཇོམས་པའི་ཕུར་པའོ། །ཐུགས་ཀྱི་དཀྱིལ་འཁོར་གསང་བ་ཡིས། །ཞེ་སྡང་འཇོམས་པའི་ཕུར་པའོ། །ཡོན་ཏན་དཀྱིལ་འཁོར་གསང་བ་ཡིས། །ང་རྒྱལ་འཇོམས་པའི་ཕུར་པའོ། །ལས་ཀྱི་དཀྱིལ་འཁོར་སྣ་ཚོགས་ཀྱི། །ཕྲག་དོག་འཇོམས་པའི་ཕུར་པའོ། །དེ་ལྟར་ཕུར་བ་དྲུག་པོ་ཡིས། །བཏབ་ན་ཅི་འདོད་སྦྱིན་ནོ་ཞེས། །དམ་ཚིག་བདག་པོས་རབ་ཏུ་བསྒྲགས། །རང་གི་སྙིང་གར་ཟླ་དཀྱིལ་འཁོར། །དེ་སྟེང་ཉི་མའི་དཀྱིལ་འཁོར་བསམ། །དེ་སྟེང་སོ་སོའི་ཡིག་འབྲུ་དབུས། །ཐ་མ་བཟླས་པའི་སྔགས་ཀྱིས་བསྐོར། །བསྙེན་བསྒྲུབ་གཉིས་ལ་དེ་བཞིན་ཏེ། །ལས་སུ་སྦྱར་བར་བྱ་བའི་སྔགས། །སོ་སོའི་ལས་གང་སྔགས་ཀྱིས་སྤྲོ། །ད་ལྟར་བལྟས་ལ་སྔགས་རྣམས་ནི། །གློད་ལ་ཏིང་འཛིན་འདྲེས་པར་བཟླས། །སྔགས་ཀྱི་ཕྲེང་བ་དམ་པར་བྱའོ། །བྱེ་བ་ས་ཡ་བསྙེན་པའི་དུས། །ཉིས་འབུམ་སུམ་འབུམ་སྒྲུབ་པའི་དུས། །སྟོང་ངམ་བརྒྱ་རྩ་བརྒྱད་པ་ནི། །ལས་ཀྱི་དུས་སུ་ཤེས་པར་བྱ། །མཚན་མའི་བྱེ་བྲག་མཐོང་ནས་ནི། །དེ་ནས་ལས་གང་བརྩམ་པར་བྱ། །སྐུ་གསུང་ཐུགས་ཀྱི་དཀྱིལ་འཁོར་ལ། །རེ་རེ་ལ་ཡང་གསུམ་གསུམ་སྟེ། །དེ་ལས་འཕྲོས་པ་བསམ་མི་ཁྱབ། །དེ་བས་ངེས་པ་མེད་པར་ནི། །དུས་གསུམ་བདེ་གཤེགས་རྣམས་ཀྱི་གསུང་། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ཡ་བཅུ་གཉིས་ཀྱི་མདོ་ལས། སོ་སོའི་དཀྱིལ་འཁོར་གྱི་རིམ་པ་བཤད་པའི་ལེའུ་སྟེ་གསུམ་པའོ།། །།དེ་ནས་ཡེ་ཤེས་གསང་བའི་བདག །ཕྱི་ནང་གསང་གསུམ་བདག་ཉིད་གཙོ། །སྔགས་ཀྱི་བདག་པོར་གྱུར་པ་དེས། །སྐུ་གསུང་ཐུགས་ཀྱི་གསང་བ་ལས། །རྡོ་རྗེའི་གསུང་འདི་བཀའ་སྩལ་ཏོ། །གླེགས་བམ་སོར་ནི་བཅུ་གཉིས་བྱ། །ཏིལ་ཆེན་པོ་ཡི་སྣག་ཚ་བྱ། །དུར་ཁྲོད་རྐང་གི་རྨྱུ་གུས་བྲིས། །བརྒྱད་དམ་བཅོ་བརྒྱད་ཉི་ཤུ་བརྒྱད། །ཉིན་མཚན་གུང་ལ་ ― DNG013_Page_0397 ―
[མ་དཔེ་གཟིགས་ན་འདིར་གནོན།]
བྲིས་བྱས་ཏེ། །བདེ་བར་གཤེགས་པ་ཐམས་ཅད་ལ། །ཕྱི་ནང་གསང་བའི་མཆོད་པས་མཆོད། །མཁའ་འགྲོ་དམ་ཅན་འཁོར་བཅས་ལ། །གཏོར་མས་ཡོངས་སུ་ཚིམས་བྱས་ནས། །ལུས་ལ་ཞིང་ཆེན་གོན་ནས་ནི། །སྐྲ་ཡང་སྤྱི་བོར་བཅིང་བར་བྱ། །ལྷོ་ཕྱོགས་ཁ་བལྟས་དང་བའི་སེམས། །དྲི་ཞིམ་སྤོས་བལྟམས་བྲི་བར་བྱ། །ལུགས་སུ་བླུགས་སམ་འབུར་དུ་བརྐོས། །རི་མོར་བྲི་བར་བྱ་བའི་ཚེ། །དུར་ཁྲོད་རས་མ་བཙལ་ནས་སུ། །ཧཱུཾ་གི་དབྱངས་རིང་ལན་གསུམ་བླངས། །ཧ་ཧའི་གད་མོས་མཁའ་འགྲོ་བསྐུལ། །དེ་ནས་རྣལ་འབྱོར་བློ་ལྡན་གྱིས། །རང་གི་ཏིང་འཛིན་གསལ་བྱས་ལ། །ཚོགས་ཀྱི་འཁོར་ལོ་བསྐོར་ལ་བྲི། །མཆོད་རྟེན་ཚ་ཚ་འདེབས་པ་རྣམས། །ཨཱོཾ་ལས་བསྐྱེད་དེ་སོ་སོ་ཡི། །བྱེ་བྲག་གིས་ནི་གདབ་པར་བྱ། །མ་དང་ཡི་གེ་ལྔ་རྣམས་ཀྱིས། །ཅི་རིགས་པར་ནི་བསྐྱེད་ནས་སུ། །མཆོད་པ་ཡོངས་སུ་རྫོགས་པར་འབུལ། །དེ་རྗེས་སོ་སོའི་གཞུང་དག་གིས། །དབྱིངས་ནས་དཀྱིལ་འཁོར་སྤྱན་དྲངས་མཆོད། །གཉིས་མེད་བསྡིམ་ལ་མཆོད་པ་བརྩམ། །བསྟོད་དང་ཁྲུས་གསོལ་རིམ་པར་བྱ། །ཞལ་བསྲོ་བརྟན་བཞུགས་སྨོན་ལམ་གདབ། །བཀྲ་ཤིས་པ་ཡི་ཚིགས་བཅད་བརྗོད། །ཆོས་ཀྱི་སྦྱིན་པ་རྒྱ་ཆེར་བཏང་། །ཡོངས་སུ་རྫོགས་པའི་མཆོད་པ་བྱའོ། །དེ་ནས་རྡོ་རྗེ་ཆོས་ཀྱིས་བཅོམ་ལྡན་འདས་གསང་བ་མཆོག་གི་བདག་པོ་ལ་བལྟས་ཏེ་འདི་སྐད་ཅེས་གསོལ་ཏོ། །བཅོམ་ལྡན་དགྱེས་ཆེན་གསང་གསུམ་བདག །བརྙན་མའི་དཀྱིལ་འཁོར་ལ་སོགས་པ། །བྱས་ཤིང་འདི་ལ་རྟག་གནས་ན། །འདི་དོན་འབྲས་བུ་ཇི་ལྟར་འགྱུར། །བཅོམ་ལྡན་གསང་མཆོག་དགྱེས་ཆེན་གྱིས། །རྡོ་རྗེ་ཆོས་ཀྱི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །ས་ཡི་འདུ་བ་བྱས་པ་དང་། །རྡོ་རྗེའི་ཐིག་གདབ་ཚོན་རྩི་ཡིས། །བརྙན་མའི་དཀྱིལ་འཁོར་ཐམས་ཅད་ཀུན། །རྣལ་འབྱོར་བློ་དང་ལྡན་པས་ནི། །ལས་དེ་དག་ལ་འཇུག་མི་བྱ། །གལ་ཏེ་ཞུགས་པར་གྱུར་ན་ནི། །དངོས་གྲུབ་འབྲས་བུ་ཐག་རིང་འགྱུར། །དེ་བས་རྣལ་འབྱོར་ཏིང་འཛིན་བསྒོམ། ། ― DNG013_Page_0398 ―
[མ་དཔེ་གཟིགས་ན་འདིར་གནོན།]
མཁའ་མཉམ་རྡུལ་བྲལ་ངོ་བོའི་དབྱིངས། །འབྱུང་བའི་དཀྱིལ་འཁོར་དབང་ཆེན་རྣམས། །གསལ་ལ་དག་ཅིང་དྲི་མེད་བསྒོམ། །བྷྲཱུཾ་ལས་གྱུར་ཅིང་གཞལ་ཡས་རྫོགས། །རྡོ་རྗེ་མེ་འོད་འབར་བས་འཁྲིགས། །རྒྱན་དང་སྟན་རྫོགས་བལྟས་གསལ་བ། །དེར་ནི་སྔགས་ཀྱི་བདག་པོར་བསྒོམ། །བསྟོད་དང་མཆོད་པ་ལ་སོགས་པ། །རིམ་པ་མ་ལུས་ཡོངས་རྫོགས་བསྒོམ། །མཁའ་དབྱིངས་དག་པའི་དབུས་སུ་ནི། །རྡོ་རྗེ་འཛིན་པའི་དཀྱིལ་འཁོར་བསྒོམ། །རོལ་མོ་རྒྱན་དང་རྡོ་རྗེས་འཁྲིགས། །དེ་དབུས་རང་སྔགས་རྡོ་རྗེ་ཅན། །རྣལ་འབྱོར་བློ་ལྡན་དམ་པས་བསྒོམ། །གཉིས་མེད་རྡོ་རྗེ་ཅན་དུ་འགྱུར། །མཁའ་དབྱིངས་དག་པའི་དབུས་སུ་ནི། །ཡོངས་སུ་རྫོགས་པའི་གཞལ་ཡས་མཆོག །རོལ་མོ་རྒྱན་དང་འཁོར་ལོས་འཁྲིགས། །དེ་དབུས་རང་སྔགས་འཁོར་ལོ་ཅན། །གཉིས་མེད་དོན་ལྡན་རྣལ་འབྱོར་པས། །བསྒོམས་ན་འཁོར་ལོ་ཅན་དུ་འགྱུར། །མཁའ་དབྱིངས་དག་པའི་དབུས་སུ་ནི། །རིན་ཆེན་འབྱུང་ལྡན་དཀྱིལ་འཁོར་ནི། །རིན་ཆེན་རྒྱན་དང་རིན་ཆེན་འཁྲིགས། །དེ་དབུས་རང་སྔགས་རིན་པོ་ཆེ། །རྣལ་འབྱོར་བློ་མཆོག་ལྡན་པ་དེས། །བསྒོམས་ན་རིན་ཆེན་འབྱུང་ལྡན་འགྱུར། །མཁའ་དབྱིངས་དག་པའི་དབུས་སུ་ནི། །འོད་དཔག་མེད་པའི་དཀྱིལ་འཁོར་བསྒོམ། །རོལ་མོ་རྒྱན་དང་པདྨ་འཁྲིགས། །དེ་དབུས་འོད་དཔག་མེད་པ་བསྒོམ། །རང་སྔགས་པདྨ་དག་པ་བསྐྱེད། །བསྒོམས་ན་པདྨ་ཅན་དུ་འགྱུར། །མཁའ་དབྱིངས་དག་པའི་དབུས་གནས་པར། །ལས་ཀྱི་དཀྱིལ་འཁོར་བསྒོམ་པར་བྱ། །རོལ་མོ་རྒྱན་དང་སྣ་ཚོགས་འཁྲིགས། །དེ་དབུས་རང་སྔགས་རལ་གྲི་ཅན། །རྣལ་འབྱོར་བློ་དང་ལྡན་པ་དེས། །བསྒོམས་ན་ལས་ཀྱི་སེམས་དཔར་འགྱུར། །མཁའ་དབྱིངས་དག་པའི་དབུས་སུ་ནི། །སངས་རྒྱས་ཀུན་གྱི་དཀྱིལ་འཁོར་བསྒོམ། །རོལ་མོ་སྣ་ཚོགས་ཀུན་དང་ལྡན། །དེ་དབུས་རང་སྔགས་ཀུན་ཏུ་བཟང་། །རྣལ་འབྱོར་བློ་དང་ལྡན་པས་ནི། །བསྒོམས་ན་སངས་རྒྱས་ཀུན་དང་མཉམ། །འདི་དག་བསྒོམས་ ― DNG013_Page_0399 ―
[མ་དཔེ་གཟིགས་ན་འདིར་གནོན།]
པའི་གནས་དག་ནི། །དུར་ཁྲོད་རབ་ཏུ་དབེན་པའི་གནས། །རི་བོར་སྦྲུལ་གདུག་ཡོད་པའི་གནས། །ཆུ་ཀླུང་ཆུ་སྲིན་ཡོད་པའི་གནས། །དོམ་དྲེད་སྟག་གཟིག་ནགས་འདབ་དང་། །གདུག་པའི་གནས་སམ་དབེན་པ་རུ། །ཏིང་འཛིན་དཀྱིལ་འཁོར་བསྒོམས་ན་ནི། །ཇི་ལྟར་བསམས་པའི་འབྲས་བུ་དག །ཐོབ་འགྱུར་འདི་ལ་ཐེ་ཚོམ་མེད། །ཨ་ལས་བྱུང་བའི་བནྡྷའི་ནང་། །གླང་པོའི་ཤ་དང་ཁྱི་ཤ་དང་། །རྨ་བྱའི་ཤ་དང་ཤང་ཤང་ཤ །རྟ་ཤ་ལྔ་རྣམས་བསམ་པར་བྱ། །ཟླ་བ་ཉི་མ་ཆུ་སྨན་དྲི། །ཡིག་འབྲུ་ལྔ་ཡང་བསམ་པར་བྱ། །ཨ་ལས་ནམ་མཁའ་ཟླ་དཀྱིལ་འཁོར། །ཧཱུཾ་ལས་རྡོ་རྗེ་རྩེ་ལྔ་སྟེ། །འོད་འབར་ལ་སོགས་བསྐྱེད་བསྡིམ་བྱ། །ཡཾ་ལས་རླུང་གི་དཀྱིལ་འཁོར་བསྐྱེད། །རཾ་ལས་མེ་ཡི་དཀྱིལ་འཁོར་གྱིས། །བདུད་རྩི་སྦྱངས་པའི་ལས་རྣམས་བྱའོ། །ལྕེ་ལ་ཕཾ་ལས་པདྨ་སྟེ། །དེ་སྟེང་ཧཱུཾ་ལས་རྡོ་རྗེ་སྟེ། །ཆང་བཟུང་ཧཱུཾ་གི་རྡོ་རྗེ་འོད། །བདུད་རྩི་སྟོབ་པའི་ལས་བྱའོ། །ཟབ་མཆོག་དམ་པ་འདི་བཟའ་སྟེ། །དམན་པའི་ཟས་ལ་ཆགས་མི་བྱ། །ཉན་ཐོས་གཟུགས་ལ་མཐོང་བར་བསྐུལ། །རང་རྒྱལ་གཟུགས་ལ་དེ་བཞིན་ཏེ། །བྱང་ཆུབ་སེམས་དཔའ་རྣམས་ལ་ནི། །གཉིས་མེད་མཆོད་བསྟོད་དགྱེས་པར་བསྟོད། །བྱང་ཆུབ་སེམས་དཔའ་ཆེན་པོ་ལ། །ཟུང་འཇུག་དོན་ལ་གཉིས་མེད་བསྐུལ། །བདེ་བར་གཤེགས་པའི་རང་བཞིན་ལ། །སེམས་ཅན་དོན་མཛད་སྨོན་ལམ་བསྐུལ། །བདེ་གཤེགས་ལྔ་ཡིས་སྐུ་གདུང་བསྐྱེད། །རྒྱལ་མཚན་བཞི་ཡི་རིགས་གསལ་བྱ། །སྣང་མཛད་སེམས་དཔའི་ལུགས་ལ་སོགས། །ཇི་ལྟའི་རིམ་པ་བསྐྱེད་པར་བྱའོ། །ཆོ་གའི་རིམ་པ་གོ་རིམ་བཞིན། །ཀུན་ལ་དེ་བཞིན་བྱ་བ་ཡིན། །གླེགས་བམ་ཟབ་མོའི་གཞུང་འདི་ནི། །ཡུམ་མཆོག་ཤེས་རབ་ཕ་རོལ་ཕྱིན། །དེ་ལ་ཆོ་ག་ཡོངས་རྫོགས་བྱ། །བུམ་པ་བརྒྱད་དམ་བཅུ་དྲུག་གམ། །ཕྱོགས་ཀུན་བསྐོར་ཏེ་དབང་ཡང་བསྐུར། །དེ་ཞུ་ཡི་གེའི་རང་བཞིན་ཏེ། །བདེ་གཤེགས་གསུང་གི་བྱིན་གྱིས་བརླབ། །ཉོན་མོངས་དུག་གསུམ་གཟེར་ཡང་གདོན། །མཁས་ ― DNG013_Page_0400 ―
[མ་དཔེ་གཟིགས་ན་འདིར་གནོན།]
པས་ཆོ་ག་རིམ་བཞིན་བྱ། །མཁའ་དབྱིངས་རྣམ་དག་གཞལ་ཡས་སུ། །མ་ཆགས་པདྨའི་གདན་བཏིང་ཞིང་། །རང་སྔགས་སྐུ་ཡི་དཀྱིལ་འཁོར་རྣམས། །བསྒོམས་ན་དངོས་གྲུབ་དམ་པ་ཐོབ། །མཁའ་དབྱིངས་གསལ་བའི་དབྱིངས་ཉིད་དུ། །རང་སྔགས་གསུང་གི་དཀྱིལ་འཁོར་རྣམས། །བསྒོམས་ན་དངོས་གྲུབ་དམ་པ་ཐོབ། །མཁའ་དབྱིངས་གསལ་བའི་དབྱིངས་ཉིད་དུ། །རང་སྔགས་ཐུགས་ཀྱི་ཕྱག་མཚན་རྣམས། །བསྒོམས་ན་དངོས་གྲུབ་ཡ་མཚན་འབྱུང་། །རྣལ་འབྱོར་ཏིང་འཛིན་རྩེ་གཅིག་གིས། །གང་འདོད་ལས་རྣམས་འགྲུབ་པར་འགྱུར། །ཏིང་འཛིན་དཀྱིལ་འཁོར་དམ་པ་འདིས། །ཐམས་ཅད་ཀུན་ལ་དབང་བསྒྱུར་བའོ། །མཚན་མར་བཅས་པའི་དཀྱིལ་འཁོར་རྣམས། །ཇི་ལྟར་ཏིང་འཛིན་བསྒོམས་བྱས་ཀྱང་། །གཉིས་མེད་འབྲས་བུ་ཐག་རིང་འགྱུར། །གཉིས་མེད་དོན་ལ་རབ་གནས་མིས། །བདེ་ཆེན་ལྷ་ལ་རབ་གནས་པའི། །དེ་བས་ཏིང་འཛིན་ནན་ཏན་བསྐྱེད། །གཉིས་མེད་དོན་ལ་བརྩོན་པར་འབད། །ཅེས་གསུངས་སོ། །རྒྱུད་ཀྱི་རྒྱལ་པོས་ཡང་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་ཏིང་ངེ་འཛིན་གྱི་དཀྱིལ་འཁོར་གྱི་ལེའུ་སྟེ་བཞི་པའོ།། །།དེ་ནས་ཡང་གསང་བ་མཆོག་གི་བདག་པོ་ལ། རྡོ་རྗེ་ཆོས་ཀྱིས་གསོལ་པ། བཅོམ་ལྡན་གསང་བདག་དགྱེས་པ་ཆེ། །སངས་རྒྱས་རྣམས་ཀྱི་སྔགས་རྣམས་དང་། །ཕྱག་རྒྱའི་མཚན་ཉིད་ཐམས་ཅད་ཀུན། །བདག་ཅག་འཁོར་ཚོགས་ཐམས་ཅད་དང་། །སེམས་ཅན་རྣམས་ལ་སྨན་སླད་དུ། །བདེ་གཤེགས་མགོན་པོས་བཤད་དུ་གསོལ། །དེ་ནས་གསང་བདག་རྒྱལ་པོ་ཡིས། །རྡོ་རྗེ་ཆོས་ཀྱི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །སེམས་ཅན་ཆེན་པོ་ཚུར་ཉོན་ཅིག །སྔགས་དང་ཕྱག་རྒྱའི་དོན་བཤད་ཀྱིས། །ལེགས་པར་ལུས་ངག་ཡིད་གསུམ་ཉོན། །ཨཱོཾ་བུཌྜྷ་བཻ་རོ་ཙ་ན་ཨཱོཾ། འདི་ནི་དུས་གསུམ་སངས་རྒྱས་ཀྱི། །མཐའ་ཕྱིན་ལས་གང་སྙིང་པོ་ཡིན། །འདི་ལ་ ― DNG013_Page_0401 ―
[མ་དཔེ་གཟིགས་ན་འདིར་གནོན།]
རྣལ་འབྱོར་སུ་མོས་པ། །སྣང་མཛད་སེམས་དཔའ་ཉིད་འདྲར་འགྱུར། །ལག་གཉིས་རྡོ་རྗེ་ཁུ་ཚུར་གྱིས། །གཡོན་པའི་མཛུབ་མོ་བསྒྲེང་བ་ནི། །གཡས་པའི་ཁུ་ཚུར་ནང་དུ་གཞུག །ཐུགས་ཀར་བརྟན་པར་བཟུང་བ་ནི། །རྣམ་པར་སྣང་མཛད་ལས་ཀྱི་རྒྱ། །བསྒྲུབས་ན་སྔགས་གང་འགྲུབ་པའི་དུས། །ཇི་ལྟར་མཆོད་པར་འོས་པའི་རྫས། །ཇི་ལྟར་བསམས་པ་འབྱུང་བར་འགྱུར། །དེ་ཡི་འབྲས་བུ་བརྗོད་ལས་འདས། །བྱང་ཆུབ་མཆོག་ཏུ་གདོན་མི་ཟའོ། །གཞན་ཡང་རྡོ་རྗེ་འཛིན་པ་ཡི། །སྐུ་གསུང་ཐུགས་ཀྱི་གསང་བ་ལས། །ཨཱོཾ་བཛྲ་ཨཀྵོ་བྷྱ་ཧཱུཾ། སྔགས་འདི་ཕྲེང་བར་བསྐོར་ཅིང་བསྒྲུབ། །ལེགས་པར་འགྲུབ་པའི་དུས་སུ་ནི། །སེམས་དཔའི་སྐྱིལ་མོ་ཀྲུང་འདུག་ནས། །ལག་གཡོན་རྡོ་རྗེ་པང་བར་བཞག །ལག་གཡས་རྡོ་རྗེ་ས་གཞི་གནོན། །ཁྲོས་པའི་སེམས་བཅས་ཕྱག་རྒྱ་གཏད། །རབ་ཏུ་དྲག་པོའི་སྔགས་བཟླས་པས། །སངས་རྒྱས་ཀུན་ཀྱང་སྐྲག་འགྱུར་ན། །བར་གཅོད་བདུད་རྣམས་སྨོས་ཅི་དགོས། །གཞན་ཡང་རིན་ཆེན་འབྱུང་ལྡན་གྱི། །སྐུ་གསུང་ཐུགས་ཀྱི་གསང་བ་འདི། །སྙིང་པོ་དམ་པ་འདི་ཡིན་ནོ། །ཨཱོཾ་རཏྣ་སམ་བྷ་ཝ་ཏྲཱཾ། སྔགས་འདི་མ་ནོར་དོན་གྱིས་བཟླས། །སྔགས་འདི་བསྒྲུབ་པའི་དུས་སུ་ནི། །ལག་གཡོན་རིན་ཆེན་པང་པར་བཞག །ལག་པ་མཆོག་སྦྱིན་ཕྱག་རྒྱ་ནི། །ལས་གང་བྱེད་པའི་དུས་སུ་ནི། །ཕྱག་རྒྱ་གཏད་ཅིང་སྔགས་བཟླས་པས། །ཚེ་ཟད་ཤི་ལས་སློང་བར་བྱེད། །ནོར་ཕྱུགས་འཕེལ་བར་དེ་འགྱུར་རོ། །གཞན་ཡང་འོད་དཔག་མེད་པ་ཡི། །སྐུ་གསུང་ཐུགས་ཀྱི་གསང་བའི་སྔགས། །མ་བཅོས་དམ་པ་འདི་ཡིན་ནོ། །ཨཱོཾ་པདྨ་ཨ་མི་ཏཱ་བྷ་ཧྲཱྀཿ། སྔགས་འདི་མ་ནོར་དོན་གྱི་བཟླས། །ཇི་ལྟར་རྟགས་རྣམས་འབྱུང་བ་དང་། །ལག་གཉིས་བསྣོལ་ནས་པང་པར་བཞག །གདུང་བའི་སེམས་བཅས་ཕྱག་རྒྱ་གཏད། །སྔགས་བཟླས་པས་ནི་སངས་རྒྱས་དང་། །བྱང་ཆུབ་སེམས་དཔའ་ལས་ལ་བསྐུལ། །རྒྱལ་པོའི་བུ་མོ་ ― DNG013_Page_0402 ―
[མ་དཔེ་གཟིགས་ན་འདིར་གནོན།]
དབང་དུ་འགྱུར། །གཞན་ཡང་དོན་ཡོད་གྲུབ་པ་ཡི། །སྐུ་གསུང་ཐུགས་ཀྱི་གསང་བའི་སྔགས། །ཨོཾ་བཛྲ་ཨ་མོ་གྷ་སིདྡྷི་ཨ། སྔགས་འདི་གཡོ་བ་མེད་པར་བཟླས། །གྲུབ་དུས་ཕྱག་རྒྱ་བཅའ་བ་འདིའོ། །ལག་གཡོན་པང་པར་བཞག་ནས་ནི། །གཡས་པ་མི་འཇིགས་སྦྱིན་པ་ནི། །ལས་བྱེད་པ་ཡི་ངང་དུ་གཏད། །སྔགས་བཟླས་ཕྱག་རྒྱ་གཏད་པ་ཡིས། །ཇི་ལྟར་འདོད་པའི་སེམས་དབང་འགྱུར། །འགྲུབ་འགྱུར་འདི་ལ་ཐེ་ཚོམ་མེད། །གཞན་ཡང་དབྱིངས་ཕྱུག་མ་ཡི་སྔགས། །སྐུ་གསུང་ཐུགས་ལས་བྱུང་བ་འདིའོ། །ཨོཾ་བུཌྜྷ་ལོ་ཙ་ན་ཨོཾ། སྔགས་འདི་ཞི་བའི་སེམས་ཀྱིས་བཟླས། །སྔགས་དེ་གྲུབ་པའི་དུས་ཉིད་དུ། །ལག་མཐིལ་ཐལ་སྦྱར་སྤྱི་གཙུག་བཞག །སྔགས་བཟླས་པས་ནི་དྲེགས་པ་ཀུན། །ཕོ་མོ་ཐམས་ཅད་ཞི་སེམས་འགྱུར། །གཞན་ཡང་རྡོ་རྗེ་དབྱིངས་ཕྱུག་མའི། །སྐུ་གསུང་ཐུགས་ཀྱི་གསང་བའི་སྔགས། །ཨཱོཾ་ག་ག་ན་ལོ་ཙ་ན་ཧཱུཾ།སྔགས་འདི་གདུང་བའི་སེམས་ཀྱིས་བཟླས། །སྔགས་གང་ལས་ལ་སྦྱར་དུས་སུ། །རྡོ་རྗེ་ཐལ་མོ་སྦྱར་བ་ལས། །མཛུབ་མོ་མིག་འབྲས་མཐེ་བོང་མིག །ལས་གང་བྱེད་པའི་དུས་ཉིད་དུ། །ཕྱག་རྒྱ་བཅའ་ཞིང་གཏད་བྱས་ན། །སྔགས་བཟླས་སངས་རྒྱས་མཉེས་པ་འབྱུང་། །ཞི་དང་རྒྱས་པ་ཤི་དང་སོས། །འགྲུབ་པར་འགྱུར་ཏེ་གདོན་མི་ཟའོ། །གཞན་ཡང་མཱ་མ་ཀཱི་ཡི་སྔགས། །སྐུ་གསུང་ཐུགས་ལས་འབྱུང་བ་འདིའོ། །ཨཱོཾ་ཀི་རི་ཀི་རི་མ་མཱ་ཀཱི་ཧཱུཾ། སྔགས་འདི་ཁྲོས་པའི་སེམས་ཀྱིས་བཟླས། །སྔགས་གྲུབ་དུས་སུ་ཕྱག་རྒྱ་གཏད། །ལག་གཉིས་ཐལ་སྦྱར་གུང་མོ་བསྒྲེང་། །ཚིགས་གསུམ་བར་ནི་མཛུབ་མོ་དགུག །རྡོ་རྗེར་བྱས་ཏེ་བསྲུང་བ་ཡི། །གནས་གསུམ་དག་ཏུ་གཏུག་ཅིང་བསྲུང་། །དེ་ཡིས་བསྲུང་བ་བྱས་གྱུར་ན། །དུས་གསུམ་སངས་རྒྱས་ཀྱིས་མི་ཚུགས། །གཞན་ཡང་པདྨ་དབྱིངས་ཕྱུག་མའི། །སྐུ་གསུང་ཐུགས་ལས་བྱུང་བ་ཡི། །གསང་བའི་སྔགས་ནི་ ― DNG013_Page_0403 ―
[མ་དཔེ་གཟིགས་ན་འདིར་གནོན།]
འདི་ཡིན་ནོ། །ཨོཾ་ཀ་ཏེ་བི་ཀ་ཏེ་ཀ་ཏངྈ་ཏེ་སྭཱ་ཧཱ། སྔགས་འདི་དམིགས་མེད་སེམས་ཀྱིས་བཟླས། །སྔགས་གྲུབ་དུས་སུ་ཕྱག་རྒྱ་བཅའ། །ལག་གཉིས་པདྨ་ཁ་ཕྱེའི་ཚུལ། །བཅངས་ཏེ་སྙིང་གར་གཏུག་པར་བྱ། །གཉིས་མེད་དོན་ཐོབ་བདེ་བར་འགྱུར། །གཞན་ཡང་ལས་ཀྱི་དབྱིངས་ཕྱུག་མའི། །སྐུ་གསུང་ཐུགས་ལས་ཕྱུང་བ་འདིའོ། །ཨོཾ་ཏཱ་རེ་ཏུཏྟཱ་རེ་སྭཱ་ཧཱ། སྔགས་འདི་གཡོ་བའི་སེམས་ཀྱིས་བཟླས། །སྔགས་གྲུབ་བཅའ་བའི་ཕྱག་རྒྱ་འདིའོ། །ལག་གཉིས་ཐལ་མོ་ཁང་སྟོང་སྦྱར། །མཛུབ་གཉིས་སོར་མོ་སྤྲད་ནས་དགུག །དེ་སྟེང་མཐེ་བོང་གཉིས་ཀྱིས་མནན། །གུང་གཉིས་རྩེ་སྤྲད་བསྒྲེངས་ནས་ནི། །སྲིན་ལག་མཐེ་ཆུང་སོ་སོར་བསྣོལ། །གང་འདོད་ཡུལ་ལ་གཏད་པར་བྱ། །འཇིག་རྟེན་འདས་དང་འཇིག་རྟེན་པའི། །གང་འདོད་དབང་དུ་འགྱུར་བར་ངེས། །དེ་ལས་གཞན་པའི་སྔགས་རྣམས་ནི། །སྐུ་གསུང་ཐུགས་ཀྱི་ལས་སྔགས་ནི། །དབང་བསྐུར་བདག་སྦྱིན་སྐབས་སུ་སྦྱར། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། རྡོ་རྗེ་ཁུ་ཚུར་བསྡམས་བཅངས་ལ། །མཐེབ་གཉིས་གྱེན་དུ་བསྒྲེངས་པ་ནི། །བདེ་བར་གཤེགས་པའི་སྐུ་ཡི་རྒྱ། །གང་ལ་བྱིན་བརླབས་སྐུ་ཡི་གནས། །རྒྱས་བཅིངས་སྔགས་བཟླས་བྱིན་བརླབས་ན། །གཉིས་མེད་རྡོ་རྗེ་ལྟ་བུར་འགྱུར། །ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། རྡོ་རྗེ་ཁུ་ཚུར་དམ་བཅིངས་ནས། །གཡས་པའི་མཐེ་བོང་རབ་བཏེག་སྟེ། །གཡོན་གྱི་མཐེ་བོང་ནང་དུ་བཅིངས། །གང་ལ་བྱིན་བརླབ་གསུང་གི་གནས། །རྒྱ་བཅིངས་སྔགས་བཟླས་གཏད་བྱས་ན། །གསུང་ནི་སྐྱེ་འགག་མེད་པ་སྟེ། །སངས་རྒྱས་ཀུན་གྱི་གསུང་དུ་འགྱུར། །ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། རྡོ་རྗེ་ཁུ་ཚུར་དམ་བཅིངས་ལ། །གཡས་པའི་མཐེབ་བཏེག་གཡོན་པའི་ནང་། །གང་ལ་བྱིན་བརླབ་ཐུགས་ཀྱི་གནས། །རྒྱ་བཅིངས་སྔགས་བཟླས་གཏད་བྱས་ན། །གཞན་གྱིས་སེམས་འཕྲོག་མི་ནུས་ལ། །སངས་རྒྱས་ཀུན་གྱི་ཐུགས་སུ་འགྱུར། ། ― DNG013_Page_0404 ―
[མ་དཔེ་གཟིགས་ན་འདིར་གནོན།]
སྐུ་གཟུགས་ལུགས་མ་འབུར་དུ་བརྐོས། །དེ་ལ་སོགས་པ་ཅི་རིགས་པར། །དབང་བསྐུར་དུས་སུ་བརྩམ་བྱ་བ། །རྡོ་རྗེ་ཁུ་ཚུར་དམ་བཅིངས་ལ། །གུང་མོ་གཉིས་གཤིབས་བསྒྲེངས་བྱས་ནས། །ཅོད་པན་དབང་བསྐུར་ཕྱག་རྒྱ་ཡིས། །ཨཱོཾ་ཨ་བྷི་ཥིཉྩ་མཱཾ། སརྦ་ཏ་ཐཱ་ག་ཏ་མུ་ཀུ་ཊ་རཏྣ་ཏྲཱཾ། སྔགས་བརྗོད་དབང་བསྐུར་གནས་སུ་གཏུག །རིན་པོ་ཆེ་དང་རིགས་ལྔ་ཡིས། །སོ་སོའི་སྐབས་ཀྱི་དབུ་རྒྱན་སོགས། །སྐབས་སུ་རྒྱན་དུ་ཤེས་པར་བྱ། །དེ་ལ་སོགས་པ་སྣ་ཚོགས་པ། །མཁས་པས་བརྟགས་ཤིང་ཅི་རིགས་པར། །ལས་རྣམས་ཡོངས་སུ་ཤེས་པར་བྱའོ། །དེ་ལ་སོགས་པའི་ཕྱག་རྒྱ་དང་། །སྔགས་ལ་སོགས་པ་བརྗོད་མི་ལང་། །ཆོས་དབྱིངས་བརྗོད་བྲལ་དེ་ལས་འབྱུང་། །འབྱུང་བ་ནམ་མཁའི་མཐའ་ཀླས་པ། །བརྗོད་མེད་བསམ་ལས་མི་དཔོག་པ། །ཡོན་ཏན་བསམ་ཡས་དེ་ལས་འབྱུང་། །ཞེས་གསང་བའི་བདག་པོས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། ཕྱག་རྒྱ་རྣམ་པར་སྤྲོ་བའི་ལེའུ་སྟེ་ལྔ་པའོ།། །།དེ་ནས་རྡོ་རྗེ་ཆོས་ཀྱིས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་མ་བཅོས་ངོ་བོ་ཉིད། །བརྗོད་པའི་ཐ་སྙད་རྣམས་དང་བྲལ། །དུས་གསུམ་སངས་རྒྱས་སྐུ་ཡི་མཆོག །ཇི་ལྟར་རྟགས་སྣང་ཁྱོད་ལ་བསྟོད། །ཨེ་མ་ཧོ་མ་བསྒྲིབས་མཁའ་ལྟར་དག །དུས་གསུམ་སངས་རྒྱས་གསུང་གི་མཆོག །སོ་སོའི་སྒྲ་སྐད་རྣམས་སུ་གསལ། །རྣམ་དག་སྒྲ་ཆེན་ཁྱོད་ལ་བསྟོད། །ཨེ་མ་ཧོ་གཉིས་མེད་ངོ་བོ་ཉིད། །བརྗོད་མེད་བརྗོད་བྲལ་ཚིག་མཚོན་མེད། །ཡེ་ཤེས་གཙོ་གྱུར་དམ་པའི་མཆོག །དུས་གསུམ་སངས་རྒྱས་ཐུགས་ལ་བསྟོད། །སངས་རྒྱས་མངོན་གྱུར་ཡེ་ཤེས་གཙོ། །ཆོས་དབྱིངས་ཡེ་ཤེས་ངོ་བོ་ཉིད། །ཡེ་ཤེས་ཆེན་པོ་རྡོ་རྗེ་འཆང་། །རྡོ་རྗེ་འཛིན་ ― DNG013_Page_0405 ―
[མ་དཔེ་གཟིགས་ན་འདིར་གནོན།]
ལ་ཕྱག་འཚལ་བསྟོད། །དུས་གསུམ་སངས་རྒྱས་སྐུ་ཡི་མཆོག །མེ་ལོང་ཡེ་ཤེས་ངོ་བོ་ཉིད། །ཐམས་ཅད་ཀུན་གྱི་བདག་པོ་གཙོ། །འཁོར་ལོ་འཆང་ལ་ཕྱག་འཚལ་བསྟོད། །དུས་གསུམ་སངས་རྒྱས་ཡོན་ཏན་མཆོག །མཉམ་ཉིད་ཡེ་ཤེས་ངོ་བོ་ཉིད། །ཡིད་བཞིན་ནོར་བུས་རེ་འདོད་སྐོང་། །ནོར་བུ་འཛིན་པ་ཁྱོད་ལ་བསྟོད། །དུས་གསུམ་སངས་རྒྱས་གསུང་གི་མཆོག །སོ་སོར་རྟོག་པའི་ཡེ་ཤེས་བདག །མ་ཆགས་སྐྱོན་གྱིས་གོས་པ་མེད། །པདྨ་འཆང་ལ་ཕྱག་འཚལ་བསྟོད། །དུས་གསུམ་སངས་རྒྱས་ཕྲིན་ལས་མཆོག །བྱ་གྲུབ་ཡེ་ཤེས་ངོ་བོ་ཉིད། །མ་རིག་དྲ་བ་གཅོད་མཛད་པའི། །དོན་ཡོད་གྲུབ་ལ་ཕྱག་འཚལ་བསྟོད། །ཁམས་གསུམ་སེམས་ཅན་ཐམས་ཅད་ལ། །ཇི་ལྟའི་སྒོ་ནས་ཆོས་སྟོན་འགྱུར། །ས་བཅུའི་བྱང་ཆུབ་སེམས་དཔའ་ལ། །ཐབས་ནི་ཇི་ལྟ་བུ་ཡིས་སྟོན། །ཞེས་གསོལ་བ་བཏབ་བོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། དེ་བཞིན་ཉིད་ལ་དམིགས་ཤིང་། དེའི་ངང་ལས་འཁོར་རིགས་ལྔ་དང་། དེ་ལས་འགྱུར་བའི་གདུལ་བྱའི་ངོ་གང་ལ། སྣང་བའི་ཆོ་འཕྲུལ་འདི་ཕྱུང་ངོ་། །གདུལ་བའི་ཐབས་ནི་སྣ་ཚོགས་ཀྱིས། །འགྲོ་བ་མཐའ་ཡས་འདུལ་བར་འགྱུར། །ལ་ལར་སྐུ་ཡི་འདུལ་བར་སྟོན། །ལ་ལར་གསུང་གི་འདུལ་བར་སྟོན། །ལ་ལར་ཐུགས་སྤྲོས་མེད་པས་འདུལ། །སྤྲུལ་པའི་སྐུ་ནི་སྣ་ཚོགས་པས། །སོ་སོའི་ངོ་བོར་འདུལ་བ་ལ། །ཀུན་ལ་སྡིག་སྤང་ཚུལ་གྱིས་སོ། །དམྱལ་བ་རྣམས་ལ་གཤིན་བུའི་རྗེའི། །སྐུ་ཡི་དབྱིབས་བསྟན་ཚུལ་གྱིས་འདུལ། །ཡི་དྭགས་རྣམས་ལ་ཁ་འབར་མ། །ཚུལ་མཐུན་སྐུ་ཡིས་འདུལ་བར་འགྱུར། །བྱོལ་སོང་རྣམས་ལ་གླང་མགོ་ཅན། །སེང་གེ་ལ་སོགས་ཐམས་ཅད་ཀྱིས། །མཐུན་བཅས་གཟུགས་ཀྱིས་ཆོས་སྟོན་ཏོ། །མི་རྣམས་ཀུན་ལ་འཁོར་ལོ་སྒྱུར། །ཆ་ལུགས་བཟུང་ནས་ཆོས་ཀྱང་སྟོན། །ལྷ་མིན་རྣམས་ལ་ཐག་བཟངས་རིས། །གོ་མཚོན་མཐུན་བྱས་ཆོས་ཀྱང་སྟོན། །ལྷ་ཡི་གནས་སུ་བརྒྱ་བྱིན་ ― DNG013_Page_0406 ―
[མ་དཔེ་གཟིགས་ན་འདིར་གནོན།]
གྱིས། །མཐུན་བྱས་གཟུགས་ཀྱིས་ཆོས་ཀྱང་སྟོན། །ཚངས་རིས་རྣམས་ལ་ཚངས་ཆེན་གཟུགས། །མཐུན་བྱས་གཟུགས་ཀྱིས་ཆོས་ཀྱང་སྟོན། །ཉན་ཐོས་རྣམས་ལ་དགྲ་བཅོམ་གཟུགས། །ཤཱཀྱ་ཐུབ་པར་མཐུན་བྱས་སྟོན། །རང་རྒྱལ་རྣམས་ལ་རུས་པའི་གཟུགས། །མཐུན་བྱས་ཚུལ་གྱིས་ཆོས་ཀྱང་སྟོན། །ས་བཅུའི་བྱང་ཆུབ་སེམས་དཔའ་ལ། །རྣམ་པར་སྣང་མཛད་ཆ་གཉིས་སྟོན། །འགྲོ་བའི་བསམ་པས་དབང་བསྒྱུར་བས། །ཇི་ལྟར་གདུལ་བྱ་སྐུར་བསྟན་འདུལ། །གསུང་གི་བྱེ་བྲག་བསམ་ཡས་ཏེ། །བསྡུས་པའི་ཚིག་ཙམ་བཤད་བྱ་བ། །ལ་ལར་སྡེ་གསུམ་དག་ཏུ་བསྡུས། །བསྡུས་ནས་ཆོས་ཀྱི་འཁོར་ལོ་བསྐོར། །ལ་ལར་གསུང་རབ་བཅུ་གཉིས་སུ། །བསྡུས་ནས་ཆོས་ཀྱི་འཁོར་ལོ་བསྐོར། །ལ་ལར་སྟོང་ཕྲག་བརྒྱད་ཅུ་ཡིས། །སོ་སོའི་རྒྱུད་དུ་ཆོས་ཀྱང་སྟོན། །གཏི་མུག་གིས་འཐིབས་འགྲོ་གང་ལ། །སངས་རྒྱས་འཁོར་ལོ་ཅན་གྱིས་སྟོན། །ཞེ་སྡང་གིས་ནི་གཟིར་བ་ལ། །རྡོ་རྗེ་འཛིན་པས་ཆོས་ཀྱང་སྟོན། །ང་རྒྱལ་གྱིས་ཁེངས་འགྲོ་གང་ལ། །རིན་ཆེན་འབྱུང་བས་འཁོར་ལོ་བསྐོར། །འདོད་ཆགས་ཀྱིས་གདུངས་འགྲོ་གང་ལ། །འོད་དཔག་མེད་པས་འཁོར་ལོ་བསྐོར། །ཕྲག་དོག་གིས་མྱོས་འགྲོ་གང་ལ། །དོན་ཡོད་གྲུབ་པས་འཁོར་ལོ་བསྐོར། །འགྲོ་བའི་སྐད་ནི་བསམ་ཡས་པར། །བདེ་གཤེགས་གསུང་གིས་དེ་སྙེད་སྟོན། །ཐུགས་ལས་ངེས་མེད་གཟུགས་བྱུང་བ། །འགྲོ་རྣམས་གཅིག་པར་འཛིན་རྣམས་ལ། །ཐུགས་ཀྱི་སྤྲུལ་པས་མདོ་ཙམ་བཤད། །ལ་ལར་ཡོངས་སུ་ལུང་བསྟན་ཚུལ། །ལ་ལར་ལྷུམས་སུ་གཤེགས་པར་སྟོན། །ལ་ལར་མངལ་གནས་བདེ་བར་སྟོན། །ལ་ལར་ལྷུམས་ནས་བལྟམས་པར་སྟོན། །ལ་ལར་ཕྱོགས་བཞིར་གཤེགས་པར་སྟོན། །ལ་ལར་གཞོན་ནུར་རོལ་རྩེད་སྟོན། །ལ་ལར་ཁྱིམ་པ་ལྟ་བུར་སྟོན། །ལ་ལར་ཁབ་ལས་རབ་བྱུང་སྟོན། །ལ་ལར་དཀའ་ཐུབ་མཛད་པར་སྟོན། །ལ་ལར་སེམས་བསྐྱེད་སྐྱོ་བསྐྱེད་སྟོན། །ལ་ལར་བདུད་ཚོགས་འདུལ་བར་སྟོན། །ལ་ལར་ ― DNG013_Page_0407 ―
[མ་དཔེ་གཟིགས་ན་འདིར་གནོན།]
བྱང་ཆུབ་ཤིང་གི་དྲུང་། །ལ་ལར་རྡོ་རྗེ་གདན་ལ་གཤེགས། །ལ་ལར་ཆོ་འཕྲུལ་ཆེན་པོར་སྟོན། །ལ་ལར་རྣམ་པ་བཅུ་གཉིས་སུ། །ལན་གསུམ་དག་ཏུ་འཁོར་ལོ་བསྐོར། །ལ་ལར་མྱ་ངན་འདས་པར་སྟོན། །ལ་ལར་སྐུ་གདུང་དག་ཏུ་སྟོན། །ལ་ལར་སྤྲུལ་པའི་མཆོད་རྟེན་སྟོན། །ལ་ལར་ཆོས་ཀྱི་གླེགས་བམ་སྟོན། །ལ་ལར་རྟེན་བཅས་སྐུ་ཡིས་སྟོན། །ལ་ལར་འབྱུང་བའི་སྒྲ་སྐད་ལས། །ཆོས་མཐུན་སྐད་ཀྱིས་འགྲོ་རྣམས་འདུལ། །ལ་ལར་བསྐུལ་བའི་ས་ལ་གཤེགས། །ལ་ལར་འཇིག་རྟེན་ཟད་པར་བསྒོམ། །ལ་ལར་བསམ་གཏན་རིམ་གྱིས་བསྒོམ། །ལ་ལར་འཁོར་ལོའི་ཚུལ་དུ་སྣང་། །ལ་ལར་དགེ་འདུན་སྡེ་བཞིར་སྣང་། །ལ་ལར་ཐིག་ལེའི་རང་བཞིན་སྟོན། །ལ་ལར་བྱང་ཆུབ་སེམས་སུ་སྟོན། །ལ་ལར་སྤྱན་ལྔ་རྣམ་དག་སྟོན། །ལ་ལར་ཁྱབ་འཇུག་གཟུགས་སུ་སྟོན། །ལ་ལར་དབང་ཕྱུག་གཟུགས་སུ་སྟོན། །ལ་ལར་སྐྱོང་བའི་སྲུང་མར་སྟོན། །འགྲོ་དྲུག་ཇི་ལྟར་འདུལ་བའི་དབང་། །ཐུགས་ཀྱི་ཆོ་འཕྲུལ་བསམ་ཡས་སྟོན། །དེ་ཡི་དུས་ཀྱི་འགྲོ་བ་རྣམས། །དུས་གསུམ་སངས་རྒྱས་ཐམས་ཅད་ཀྱི། །གཉིས་མེད་དོན་གྱིས་འདུལ་བར་གསུངས། །ལོག་པའི་ལམ་ལ་མ་གཏོགས་སོ། །ཁམས་གསུམ་སངས་རྒྱས་བསྟན་ལ་དད། །དེ་སྙེད་འབྲས་བུ་བདེན་གཉིས་མཐོང་། །དུས་དེར་འཁོར་དུ་སྤྲུལ་པ་ཡི། །བྱང་ཆུབ་སེམས་དཔའ་ཇི་སྙེད་པ། །ངོ་མཚར་ཡིད་བདེ་རྨད་དུ་བྱུང་། །རྡོ་རྗེ་ཆོས་ལ་འདི་སྐད་གསོལ། །ཨེ་མ་ཧོ་དོན་ཟབ་རྡོ་རྗེ་ཆོས། །རབ་ཟབ་ཁྱོད་ལ་ཕྱག་འཚལ་ལོ། །ཨེ་མ་ཧོ་སྔགས་ཀྱི་བདག་ཉིད་ཅན། །ཡོངས་གསལ་ཁྱོད་ལ་ཕྱག་འཚལ་ལོ། །ཨེ་མ་ཧོ་མི་འདུལ་གཅིག་ཀྱང་མེད། །ཆོ་འཕྲུལ་ཁྱོད་ལ་ཕྱག་འཚལ་ལོ། །ཨེ་མ་ཧོ་སངས་རྒྱས་ཐམས་ཅད་ཀྱིས། །སྐུ་གསུང་ཐུགས་ཀྱི་མི་འདུལ་མེད། །འདི་ནི་ངོ་མཚར་ཡ་མཚན་ཆེ། །ཞེས་གསོལ་པ་དང་། རྡོ་རྗེ་ཆོས་ཀྱིས་བཀའ་སྩལ་པ། རིགས་རྣམས་བྱང་ཆུབ་སེམས་དཔའི་འཁོར། །འདུས་པའི་འཁོར་ཚོགས་ཀུན་ཉོན་ཅིག །གསང་ ― DNG013_Page_0408 ―
[མ་དཔེ་གཟིགས་ན་འདིར་གནོན།]
བའི་ཐེག་པའི་ཡང་རྩེ་ལ། །སུ་ཞིག་དད་ཅིང་མོས་གྱུར་ན། །དེ་ཡིས་ལས་རྣམས་ཐམས་ཅད་འགྲུབ། །མི་བྱ་བ་ནི་གང་ཡང་མེད། །མི་བསྲུང་བ་ནི་གང་ཡང་མེད། །ཁྱོད་ཀྱིས་སྲོག་ཆགས་གསད་པར་བྱ། །མི་ཚངས་པར་ཡང་སྤྱད་པར་བྱ། །བརྫུན་དུ་ཡང་ནི་སྨྲ་བར་བྱ། །ཚིག་རྩུབ་པ་ཡང་སྨྲ་བར་བྱ། །རིན་ཆེན་རིགས་སུ་ངེས་པར་སྐྱེ། །ཕ་དང་ཁུ་བོ་རྟག་ཏུ་བསད། །མེས་པོ་བུ་རྣམས་རྟག་ཏུ་གཞོམ། །སྤུན་དང་ཚ་བོ་རྣམས་སྤངས་ཏེ། །ཞེ་སྡང་སེམས་ཀྱིས་མེད་བྱས་ན། །རྡོ་རྗེ་འཛིན་པར་དེ་འགྱུར་རོ། །མ་དང་བུ་མོ་གདོལ་པ་མོ། །སྲིང་མོ་དང་ནི་ཕྱལ་པ་ལ། །ཆགས་པའི་སེམས་ཀྱིས་རབ་སྦྱར་ན། །པདྨའི་རིགས་སུ་ངེས་པར་སྐྱེས། །ཟས་སུ་བཤང་གཅི་ཤ་རྣམས་དང་། །རྣག་དང་ཁྲག་དྲོན་འཐུང་བས་ནི། །ལས་ཀྱི་རིགས་སུ་ངེས་པར་སྐྱེ། །ངན་པ་ཟོས་ཤིང་ངན་པ་སྤྱད། །ཇི་ལྟར་ངན་པ་ཐམས་ཅད་ཀྱིས། །གཙང་སྨེ་མེད་པར་སྤྱད་བྱས་ན། །དེ་བཞིན་གཤེགས་པའི་རིགས་སུ་སྐྱེ། །ཞེས་གསུངས་པས། འཁོར་དུ་འདུས་པའི་བྱང་ཆུབ་སེམས་དཔའ་དེ་དག་སྐྲག་སྟེ། རབ་ཏུ་བརྒྱལ་ཏེ་ཁ་བུབ་ཏུ་འགྱེལ་བར་འགྱུར་རོ། །དེ་ནས་རྡོ་རྗེ་ཆོས་ཀྱིས། བཅོམ་ལྡན་འདས་གསང་བ་མཆོག་གི་བདག་པོ་ལ་བལྟས་ཏེ། བཅོམ་ལྡན་འདས་བྱང་ཆུབ་སེམས་དཔའ་འདི་དག །སྔོན་གྱི་འདུ་ཤེས་ངན་པ་དྲན་ནས་བརྒྱལ་ན། འདི་དག་གསོ་བར་གསོལ་ཞེས་ཞུས་པ་དང་། བཅོམ་ལྡན་འདས་གསང་བ་མཆོག་གི་བདག་པོ་དེས། བདུད་རྩི་འབྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་སེམས་ཀྱི་འོད་ཟེར་འཁྱིལ་པ་ཡིས། བྱང་ཆུབ་སེམས་དཔའ་དེ་དག་ལ་བསྡིམས་ཏེ། བྱང་ཆུབ་སེམས་དཔའ་དེ་རྣམས་དྲན་པ་རྙེད་པར་བྱས་སོ། །དེ་ནས་ལངས་ཏེ། བཅོམ་ལྡན་འདས་གསང་བ་མཆོག་གི་བདག་པོའི་ཞལ་དུ་མིག་མི་འཛུམ་པར་བལྟས་ཏེ་འཁོད་དོ། །དེ་ནས་ཡང་གསང་བའི་བདག་པོས་འདི་སྐད་ཅེས་བཀའ་སྩལ་ཏོ། །རིག་པ་ལས་བྱུང་བུ་མཆོག་རྣམས། །སྔོན་གྱི་འདུ་ཤེས་ངན་ ― DNG013_Page_0409 ―
[མ་དཔེ་གཟིགས་ན་འདིར་གནོན།]
པ་རྣམས། །འདི་ལ་གནས་པར་མ་བྱེད་ཅིག །འདི་ཉིད་བྱང་ཆུབ་སྤྱོད་པའི་གནས། །གང་ལ་ཡོད་པ་བརྒྱད་དུ་ཤེས། །གང་ལ་ཅི་འདྲའི་དེ་ཉིད་སྲིད་པ་ཡིན། །རྣམ་བཞི་བྱེ་བྲག་དྲུག་ལས་བརྒྱད་དཀྱིལ་ན། །གང་ལ་སྙོམས་འཇུག་དེ་ལ་ཡོད་པ་ལ། །དེ་ལ་དེ་ཡོད་དེ་ལ་བལྟ་བར་བྱ། །གང་ལས་བྱུང་བ་དེ་ལས་བྱུང་བ་ཡིན། །དེ་ལས་དེ་བྱུང་དེ་ཉིད་ཁོ་ནའོ། །གསང་བའི་ཤེས་རབ་ཐིག་ལེའི་དབྱིངས། །བཅུ་དྲུག་གཉིས་ཀྱི་དཀྱིལ་ན་བཞུགས། །ཤེས་རབ་ཐབས་ཀྱི་སྙོམས་འཇུག་ལ། །ཀུན་ཏུ་རྒྱས་བཏབ་དཀྱིལ་འཁོར་ཡིན། །བདག་ཉིད་ཆེན་པོ་ལྔར་བལྟ་ཞིང་། །ཐུར་དུ་འཕྲོ་ཞིང་གྱེན་དུ་འབར། །བདེ་བ་ཆེན་པོའི་མཆོད་པ་ཡིས། །སྟེང་གི་སྙིང་པོ་སྐུལ་བར་བྱེད། །དེ་འོད་ཐིག་ལེ་མཉམ་འབྱོར་ལས། །ལྔ་གཉིས་དྲུག་གི་དཀྱིལ་ནའོ། །བདེ་བ་ཆེན་པོའི་རོ་ཡིས་ནི། །དགྱེས་པ་ཆེན་པོ་རྟོགས་པར་བྱ། །ཤེས་བྱའི་འབྱུང་ཟད་རྟོགས་པ་ཡིས། །དེ་ཉིད་སྒྱུ་མར་རབ་སྣང་བ། །གཟིགས་མོའི་བདེ་བ་མཐའ་ཡས་ཀྱིས། །བདེ་བ་ཆེན་པོའི་སྤྲིན་ལས་སྤྲོ། །བཅུ་གསུམ་གཉིས་ཀྱི་དཀྱིལ་འཁོར་ན། །ཐིག་ལེའི་དེ་ཉིད་མཉམ་པའི་དབྱིངས། །ཀུན་གྱི་དངོས་ཡིན་ཀུན་གྱི་གཙོ། །བཅུ་དང་བཞིར་ནི་མངོན་རྫོགས་པ། །གསུམ་དང་གཉིས་སུ་ཡང་དག་གནས། །ཀུན་གྱི་དངོས་པོར་བདག་ཉིད་འགྱུར། །དེ་ལ་བསྒྱུར་བའི་དབང་བ་ཡིན། །ཡིད་ལ་གནས་པ་དེ་ཉིད་དེ། །དེ་ལ་གཉིས་རྫོགས་ལྷུན་གྱིས་གྲུབ། །ཐམས་ཅད་དེ་ཡི་རྒྱན་དུ་ཆེ། །གཉིས་རྫོགས་ཐིག་ལེ་མཉམ་སྦྱོར་བས། །སྙིང་རྗེ་ཆེན་པོ་ཡོངས་ཀྱིས་འཆར། །བཅུ་བཞིའི་སེམས་ཅན་གདུལ་དཀའ་ལ། །སྒྱུ་མའི་སེམས་ཅན་སྒྲོལ་བ་ཡི། །རྣལ་འབྱོར་ཆེན་པོའི་འོད་ལྡན་སྤྱོད། །འོད་ལ་རྟག་ཏུ་གང་འདུག་པ། །སངས་རྒྱས་སྲས་དང་འཁོར་བཅས་ཀྱིས། །ཐུགས་རྗེའི་ཉི་མ་ཤུགས་ཀྱིས་འབྱུང་། །དངོས་མེད་ནམ་མཁའི་མཚན་ཉིད་ནི། །མཚན་ཉིད་ལ་ཡང་མི་གནས་སོ། །དེ་ཉིད་སྣ་ཚོགས་པར་ཡང་སྣང་། །ཕྱག་རྒྱ་ལྷུན་གྲུབ་དེ་ཉིད་དོ། །དེ་ལྟར་སྒྱུ་མའི་རང་བཞིན་ ― DNG013_Page_0410 ―
[མ་དཔེ་གཟིགས་ན་འདིར་གནོན།]
པས། །དེ་ལྟར་དངོས་མེད་དངོས་དང་བྲལ། །ཇི་ལྟར་སྤྱོད་ཅིང་བལྟས་པ་རྣམས། །གཉིས་མེད་དོན་ལས་གཡོས་པ་མེད། །དམྱལ་བ་ཡི་དྭགས་བྱོལ་སོང་རྣམས། །འདི་ཡི་སྡུག་བསྔལ་བྱང་ཆུབ་ལ། །དེ་ཡི་གནས་ཉིད་བླ་མེད་གནས། །ཁམས་གསུམ་འཁོར་བ་མྱ་ངན་འདས། །ལུས་ཀྱི་སྒྲིབ་པ་མངོན་སངས་རྒྱས། །འདི་ཞེས་བྱ་བར་བསྟན་པ་ནི། །ངས་ཀྱང་བསྟན་དུ་ཡོད་མ་ཡིན། །རང་རང་ལུས་ངག་ཡིད་ལ་ལྟོས། །ཞེས་གསུངས་པས། འཁོར་དུ་འདུས་པའི་བྱང་ཆུབ་སེམས་དཔའ་དེ་དག་ཐེ་ཚོམ་དང་བྲལ་ནས། རང་རང་གི་ལུས་ངག་ཡིད་གསུམ་གྱིས་དེ་བཞིན་ཉིད་ལ་དམིགས་ནས་ཅང་མི་སྨྲ་བར་འཁོད་དོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་སྐུ་གསུང་ཐུགས་ཀྱི་སྤྲུལ་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དང་། རིགས་ལྔའི་བདེ་བར་གཤེགས་པ་ཐམས་ཅད་དང་། འདུས་པའི་བྱང་ཆུབ་སེམས་དཔའ་ཐམས་ཅད་དགོངས་པ་གཅིག་ཏུ་གྱུར་ཏེ། ཕྱིན་ཅི་ལོག་པའི་ལམ་ལ་དད་པའི་དབང་གིས་ད་ལྟར་དངོས་པོ་ལ་ལྷག་པར་མངོན་སུམ་དུ་གྱུར་པ། མངོན་པའི་ལུས་ངག་ཡིད་ཀྱི་མཐུ་བརྙེས་པ། སངས་རྒྱས་ཀྱི་བསྟན་པ་ལ་སྐུར་པ་འདེབས་ཤིང་འཇིག་རྟེན་ཕུང་བར་བྱེད་པ། ཁྲོ་གཏུམ་བརླང་ཚིག་གི་འོ་དོད་འབོད་ཅིང་། སེམས་ཅན་ཐམས་ཅད་དྲེད་ཅིང་བརྒྱལ་བར་བྱེད་པ། སྡུག་བསྔལ་ཐམས་ཅད་རབ་ཏུ་རྒྱས་པར་སྤྱོད་པའི་སེམས་ཅན་དེ། ཆོས་ཉིད་ཞི་བས་འདུལ་བའི་སྐབས་ལ་མ་བབས་ཏེ། ཐབས་མཁས་པའི་རོལ་པའི་མཛད་སྤྱོད་ཀྱིས་འདུལ་བར་གཟིགས་ནས། བཅོམ་ལྡན་འདས་གསང་བ་མཆོག་གི་བདག་པོ་ལ། རྡོ་རྗེ་ཆོས་ཀྱིས་འདི་སྐད་ཅེས་གསོལ་བ་བཏབ་བོ། །ཨེ་མ་ཧོ་བདེ་གཤེགས་གསང་བའི་བདག །ལོག་པའི་ལམ་དུ་ཞུགས་པ་འདི། །ཤིན་ཏུ་ཁྲོས་ཤིང་གཏུམ་པར་འགྱུར། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་སུ་སྦྱོར་མཛད་པ། །ཁྲོ་བོར་དེ་བཞིན་ ― DNG013_Page_0411 ―
[མ་དཔེ་གཟིགས་ན་འདིར་གནོན།]
གཤེགས་ཀུན་མཛད། །སངས་རྒྱས་ཐམས་ཅད་ཁྲོས་པ་ཡིས། །གདུག་པའི་ང་རྒྱལ་ཞི་བར་འགྱུར། །དེ་ཕྱིར་འཁོར་རྣམས་བསྡུ་བར་མཛོད། །ཅེས་གསོལ་པ་དང་། བཅོམ་ལྡན་གསང་མཆོག་དགྱེས་བདག་གིས། །རྡོ་རྗེ་ཆོས་ཀྱི་ཚིག་གསན་ནས། །ཧཱུཾ་ཞེས་བརྗོད་དེ་རབ་ཏུ་བསྡུས། །རིགས་ལྔ་ལ་སོགས་འཁོར་རྣམས་ཀུན། །ཐུགས་ཀར་བསྡུས་ཏེ་མི་སྣང་མཛད། །ཧཱུཾ་ཞེས་བརྗོད་དེ་གཞལ་ཡས་བསྡུས། །སྐུ་ཡི་དབྱིངས་སུ་མི་སྣང་མཛད། །ཧཱུཾ་ལས་གྱུར་པའི་འོད་ཟེར་གྱིས། །འཇིག་རྟེན་གསུམ་ཡང་རབ་བསྡུས་ཏེ། །གསུང་གི་གནས་སུ་མི་སྣང་མཛད། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས། ཉིད་ཀྱི་སྐུ་མི་བཟད་པར་རབ་ཏུ་ཁྲོས་པའི་སྐུ་མི་བཟད་པར་བྱ་བའི་ཕྱིར། སྐུ་གསུང་ཐུགས་ལས་གསང་བའི་སྔགས་འདི་བརྗོད་དོ། །ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་རཱ་ཛ་ཡ་ཧཱུཾ་ཞེས་བརྗོད་ཅིང་། རབ་ཏུ་ཁྲོས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། རབ་ཏུ་ཁྲོས་པའི་སྐུ་མི་བཟད་པ་དབུ་སྟོང་མངའ་བ། ཕྱག་སྟོང་ཁམས་ཀྱི་རྡུལ་དང་མཉམ་པ། སྤྱན་བྱེ་བ་སྟོང་མངའ་བ། ཞབས་ཀྱིས་ཕྱོགས་མཚམས་གནོན་པའི་སྐུ་ཤིན་ཏུ་མི་བཟད་པ་ཅིག་ཏུ་གྱུར་ཏོ། །རབ་ཏུ་མི་བཟད་པ་དེའི་ཐུགས་ཀ་ནས། ཨེ་བཏོན་ཏེ། ཨེ་ཨཱ་ཀཱ་ཤ་ཧཱུཾ་ཞེས་བརྗོད་པས། འབྱུང་བ་ནམ་མཁའི་རང་བཞིན། ཡུམ་ཀུན་ཏུ་བཟང་མོའི་མཁའ་གྲུ་གསུམ་པ་སྟེ། ཆོས་ཉིད་བདེ་བའི་རོལ་པས་བདེ་བ་བསྐྱེད་པར་མཛོད། དེ་ནས་ཡང་ཉིད་ཀྱི་ཐུགས་ཀ་ནས་ཡཾ་ཕྱུང་སྟེ། ཀརྨ་རཀྵ་ཧཾ་ཞེས་བརྗོད་པས། འབྱུང་བ་རླུང་གི་དཀྱིལ་འཁོར་ཡུམ་དམ་ཚིག་སྒྲོལ་མའི་མཁའི་རང་བཞིན་དུ། རྡོ་རྗེ་རྒྱ་གྲམ་བ་དན་བཞིས་མཚན་པ་ཅིག་ཏུ་གྱུར་ཏེ། ཕྲིན་ལས་ཐོགས་པ་མེད་པའི་དོན་མཛད་དོ། །དེ་ནས་ཡང་ཉིད་ཀྱི་ཐུགས་ཀ་ནས་རཾ་བཏོན་ཏེ། རཾ་བཛྲ་ཛྭ་ལ་རཾ་ཞེས་བརྗོད་པས། འབྱུང་བ་མེའི་རང་བཞིན། ཡུམ་གོས་དཀར་མོའི་མཁའ་གྲུ་གསུམ་པ་སྟེ་གཉིས་སུ་མེད་པའི་འབྲས་བུ་སྨིན་པར་མཛད་དོ། །དེ་ནས་ཡང་ཉིད་ཀྱི་ཐུགས་ ― DNG013_Page_0412 ―
[མ་དཔེ་གཟིགས་ན་འདིར་གནོན།]
ཀ་ནས། མ་བཏོན་ཏེ་མ་ཧཱ་རཀྟ་ཛྭ་ལ་མཎྜལ་ཞེས་བརྗོད་པས། ཁྲག་གི་རྒྱ་མཚོའི་གཏིང་མཐའ་མེད་པ། ཡུམ་མཱ་མ་ཀཱིའི་མཁའ་ཟླུམ་པོ་སྟེ། སྡུག་བསྔལ་དབང་དུ་བསྡུས་ནས་གཉིས་སུ་མེད་པའི་རང་བཞིན་དུ་མཛད་དོ། །དེ་ནས་ཡང་ཉིད་ཀྱི་ཐུགས་ཀ་ནས་སུཾ་བཏོན་ཏེ། སུཾ་ས་མ་ཡ་ཧཱུཾ། ཞེས་བརྗོད་པས། འབྱུང་བ་སའི་རང་བཞིན།ཡུམ་སངས་རྒྱས་སྤྱན་གྱི་མཁའི་རང་བཞིན་གྲུ་བཞི་པ་བཏོན་ཏེ། ཁམས་གསུམ་ཐམས་ཅད་གཉིས་སུ་མེད་པའི་ཡེ་ཤེས་ཆེན་པོ་ལ་གནས་པར་མཛད་དོ། །དེ་ནས་ཡང་ཉིད་ཀྱི་ཐུགས་ཀ་ནས། ཀེཾ་བཏོན་ཏེ་ཀེཾ་ནི་རི་ཏི་མཎྜལ་ཞེས་བརྗོད་པས། ཀེང་རུས་ཀྱི་རི་རབ་གཅིག་ཏུ་གྱུར་ཏེ། འཁོར་བ་གནས་སུ་དག་ཅིང་ཆོ་འཕྲུལ་མངོན་པར་འདུ་མཛད་དོ། །དེ་ནས་ཡང་ཉིད་ཀྱི་ཐུགས་ཀ་ནས་རིན་པོ་ཆེའི་བྷྲཱུཾ་སྨུག་ནག་བཏོན་ཏེ། བྷྲཱུཾ་བྷནྡྷ་ཛྙཱ་ན་ཙཀྲ་ཛྭ་ལ་མཎྜ་ལ་ཞེས་བརྗོད་པས། བྷནྡྷའི་གཞལ་ཡས་ཁང་མཐིང་ནག་རབ་ཏུ་འབར་བ། འབྲས་བུ་ལྔ་མངོན་པར་ཤར་བར་མཛད་དོ། །དེ་ནས་ཡང་ཨཱོཾ་བཛྲ་ཀཱི་ལི་ཀཱི་ལ་ཡ་མ་ཧཱ་ཀྲོ་དྷཱི་ཧཱུཾ། ཞེས་པས་དེ་བཞིན་ཉིད་ཀྱི་ངང་ལས་ཡུམ་འཁོར་ལོ་རྒྱས་འདེབས་མ་མངོན་དུ་ཕྱུང་སྟེ། ཉིད་ཀྱི་སྐུ་ལ་འཁྲིལ་བའི་ཚུལ་གྱིས་བཞུགས་པར་གྱུར་ཏོ། །དེ་ནས་ཡང་ཡབ་ཡུམ་གཉིས་སུ་མེད་པའི་བྱང་ཆུབ་ཀྱི་སེམས་ལས། ཧཱུཾ་ཧཱུཾ་ཧཱུཾ་བཛྲ་ཀཱི་ལི་ཀཱི་ལ་ཡ་བི་ཤྭ་ཀྲོ་དྷ་ཛྭ་ལ་མཎྜལ་ཕཊ་ཕཊ། ཧ་ལ་ཧ་ལ་ཞེས་བརྗོད་པས་དེའི་ཚེ་ཕྱོགས་བཅུའི་སངས་རྒྱས་ཐམས་ཅད་ཀྱིས། ཞེ་སྡང་རྗེས་སུ་དྲན་པར་གྱུར་ཏོ། །ཉིད་ཀྱི་སྐུ་ལས་ཀྱང་རབ་ཏུ་མི་བཟད་པའི་སྐུ་འབར་བ། གསུང་གཏུམ་ཚིག་ཏུ་སྨྲ་བ་མང་པོ་འཐོན་པ་དེའི་ཚེ། འཇིག་རྟེན་དྲུག་གི་ཕྱོགས་མཚམས་ཐམས་ཅད་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ། །འཁྲུགས་རབ་ཏུ་འཁྲུགས་སོ། །ཀུན་ཏུ་རབ་ཏུ་འཁྲུགས་སོ། །ཚིག་རབ་ཏུ་ཚིག །ཀུན་ཏུ་རབ་ཏུ་ཚིག་གོ། །འཐོར་རབ་ཏུ་འཐོར། ཀུན་ཏུ་རབ་ཏུ་འཐོར་རོ། །དེ་ལྟར་ཁྲོས་པའི་རྒྱལ་པོའི་ཆོ་འཕྲུལ་བྱུང་བ་དེའི་ཚེ། འཇིག་རྟེན་ཕུང་བར་བྱེད་པའི་གདུག་པ་ཅན། ལུས་ངག་ཡིད་ ― DNG013_Page_0413 ―
[མ་དཔེ་གཟིགས་ན་འདིར་གནོན།]
གསུམ་གྱི་དྲེགས་པ་སྟོན་པའི་དབང་ཕྱུག་ཆེན་པོ་དང་། བརྒྱ་བྱིན་དང་། ཚངས་པ་དང་། དབང་པོ་དང་། ཁྱབ་འཇུག་རྣམས་རང་རང་གི་མཐུ་སྟོབས་སྟོན་ཅིང་རབ་ཏུ་ཁྲོ་གཏུམ་མོ། །དེ་ནས་འཇིགས་བྱེད་ཀྱི་བདག་པོ་བཛྲ་ཀཱི་ལ་ཡ།ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ། སརྦ་བིགྷྣཾ་བཾ་ཧཱུཾ་ཧཱུཾ་ཧཱུཾ་ཕཊཿཞེས་བརྗོད་པས། སྐུ་གསུང་ཐུགས་ལས་ཕྱུང་བའི་ཁྲོ་བོ་དེ་དག་གིས། ཕྱོགས་བཅུའི་དྲེགས་པ་ཅན་དེ་དག་བསྒྲལ་ནས་སླར་འདུས་ཏེ། བཅོམ་ལྡན་འདས་ཀྱི་སྤྱན་སྔ་ན་སྲས་མཆོག་རྡོ་རྗེ་གཞོན་ནུར་གྱུར་ཏེ། ཞལ་གསུམ་པ། གཡས་དཀར་བ། གཡོན་དམར་བ།དབུས་མཐིང་ནག །ཞལ་ཤིན་ཏུ་ཡང་རྔམས་པ། ཞབས་བཞི་བརྐྱང་བསྐུམ་དུ་བཞུགས་པ། རྡོ་རྗེའི་གཤོག་པས་གཏམས་པ། སྐྲ་ཁམ་ནག་གྱེན་དུ་བརྫེས་པ།ཁྲག་འཐུང་ལྔས་དབུ་ལ་བརྒྱན་ཅིང་གཡང་གཞི་ཡ་བཀོད་དུ་མནབས་པ། གླང་ཆེན་གྱི་ཀོ་རློན་གོ་ཟུར་མནབས་པ་ཐོད་པ་སྐམ་རློན་གྱི་ཕྲེང་བས་བརྒྱན་པ། སྦྲུལ་རིགས་བཞིས་མདོ་བཞིར་བརྒྱན་པ། སྟག་ལྤགས་ཀྱི་ཤམ་ཐབས་ཅན། དུར་ཁྲོད་ཀྱི་མེ་རི་སྨུག་ནག་གི་ནང་ན་བཞུགས་ཤིང་། ཡུམ་རལ་གཅིག་མ་དང་འཁྲིལ་བའི་ཚུལ་དུ་བཞུགས་པ་གཅིག་ཏུ་གྱུར་ཏེ། བྲན་ཇོ་བོ་ལ་བཀའ་ནོད་པའི་ཚུལ་དུ་བཞུགས་ཤིང་། གདུག་པ་ཅན་གྱི་དྲེགས་པ་རྣམས་ཞབས་འོག་ཏུ་བརྫིས་ཏེ་གནས་པར་གྱུར་ཏོ། །དེ་ནས་ཁྲག་འཐུང་ཆེན་པོས་ཁྲོས་པའི་ང་རྒྱལ་ཆེན་པོར་བྱིན་ཏེ་དབང་བསྐུར་བའི་ཕྱིར། ཧཱུཾ་བཛྲ་ཀཱི་ལ་ཡ་ཧཱུཾ་ཛྙཱ་ན་བཛྲ་ཞེས་བརྗོད་དེ། ཡེ་ཤེས་ཀྱི་རྡོ་རྗེ་རྩེ་དགུ་པ་ནི་གཡས་ཀྱི་དང་པོར་བྱིན། ཡེ་ཤེས་ལྔའི་རྡོ་རྗེ་རྩེ་ལྔ་པ་ནི་ཕྱག་གཡས་ཀྱི་བར་མར་བྱིན། ཉོན་མོངས་པ་གཟིར་བའི་རི་རབ་ནི་གཡས་ཀྱི་ཐ་མར་བྱིན། ཐུགས་རྗེ་ཆགས་པའི་བྷནྡྷ་ནི་གཡོན་གྱི་དང་པོར་བྱིན་ཏེ་དབང་བསྐུར་རོ། །ཕྱོགས་བཅུའི་གདུག་པ་ཅན་བཏུལ་ནས་དེའི་ལག་ཆ་ཁ་ཊྭཱཾ་ག་ཕྲོགས་ནས། གཡོན་གྱི་བར་མ་ན་དཔའ་རྟགས་སུ་བསྣམས་སོ། །དེ་ནས་ཡང་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་ཕྱོགས་སྐྱོང་བ་བསྒྲལ་བའི་ཆེད་དུ། ― DNG013_Page_0414 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཁྲོ་བོའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཕུར་པ་ཉིད་ཀྱི་སྐུ་དང་གསུང་དང་ཐུགས་ལས་ཐོན་ཏོ། །ཨོཾ་བུཌྜྷ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ཨོཾ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ཨོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ཨོཾ་ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ཞེས་བརྗོད་པས་ཁྲག་འཐུང་ཁྲོ་བོ་ལས་ཀྱི་ཕུར་པ་དང་། རྡོ་རྗེ་ཁྲོ་བོ་ལས་ཀྱི་ཕུར་པ་དང་། རིན་ཆེན་ཁྲོ་བོ་ལས་ཀྱི་ཕུར་པ་དང་། པདྨ་ཁྲོ་བོ་ལས་ཀྱི་ཕུར་པ་དང་།ལས་ཀྱི་ཁྲོ་བོ་ལས་ཀྱི་ཕུར་པ་དང་། རིགས་ལྔ་ལས་གྱུར་པའི་ལས་ཀྱི་ཕུར་པ་བཅུ་འཐོན་པར་གྱུར་ཏོ། །དེ་ཡང་སྐུ་སྟོད་ཞལ་གསུམ་ཕྱག་དྲུག་པ། སྐུ་སྨད་ལྕགས་ཀྱི་ཕུར་པ་ཟུར་གསུམ་དུ་སྣང་བ། དབུ་སྐྲ་ཁམ་པ་རལ་པ་ཟུར་གསུམ་པ་གྱེན་དུ་སྣང་བ། དབུ་ལ་རིགས་ལྔ་རྫོགས་པ། ཐུགས་ཀ་ན་ས་བོན་དང་ལྡན་པ་ཨེའི་གདན་ལ་སྲས་མཆོག་རྡོ་རྗེ་གཞོན་ནུའི་སྤྱན་སྔ་ན། བཀའ་ནོད་པའི་ཚུལ་དུ་བཞུགས་སོ། །དེ་ནས་ཡང་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས། རབ་ཏུ་ཁྲོས་པའི་ཏིང་ངེ་འཛིན་ལ་སྙོམས་པར་ཞུགས་ནས། ཨཱོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཛཿཞེས་བརྗོད་པས། བགེགས་ཀྱི་རྒྱལ་པོ་འཁོར་དང་བཅས་པ་ཐང་གཅིག་ཡུད་ཙམ་གྱིས་རང་དབང་མེད་པར་འདུས་པར་འགྱུར་རོ། །དེ་ནས་ཡང་ཁྲག་འཐུང་ཆེན་པོས་སྲས་མཆོག་རྡོ་རྗེ་གཞོན་ནུ་ལ་འདི་སྐད་ཅེས་བསྐུལ་ལོ། །ཧཱུཾ་མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །བཛྲ་འདུས་པའི་སྲས་མཆོག་ཀཱི་ལ་ཡ། །ཐུགས་མཆོག་མཉམ་པའི་དབྱིངས་ནས་སྤྲུལ་པ་འགྱེད། །ཞེ་སྡང་བདུད་འདུལ་གཅེར་བུ་རལ་པ་ཅན། །ཞེ་སྡང་འདོད་ཆགས་ཅན་གྱི་སྙིང་ལ་ཐོབ། །ཧཱུཾ་གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །བུཌྜྷ་འདུས་པའི་སྲས་མཆོག་ཀཱི་ལ་ཡ། །སྐུ་མཆོག་མཉམ་པའི་དབྱིངས་ནས་སྤྲུལ་པ་འགྱེད། །མཐིང་ནག་གཅེར་བུ་མི་བཟད་རལ་པ་ཅན། །ངག་འཁྱལ་རྫུན་དུ་སྨྲ་བའི་སྙིང་ལ་ཐོབ། །ཧཱུཾ་མཐིང་ནག་གྲུ་གསུམ་ ― DNG013_Page_0415 ―
[མ་དཔེ་གཟིགས་ན་འདིར་གནོན།]
འབར་བའི་དཀྱིལ་འཁོར་ནས། །རཏྣ་འདུས་པའི་སྲས་མཆོག་ཀཱི་ལ་ཡ། །ཡོན་ཏན་སྐུ་ལ་འོད་ཕུང་དབྱིངས་སུ་ཐིམ། །སྲོག་གཅོད་ལོག་པར་ལྟ་བའི་སྙིང་ལ་ཐོབ། །ཧཱུཾ་མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །པདྨ་འདུས་པའི་སྲས་མཆོག་ཀཱི་ལ་ཡ། །གསུང་མཆོག་བསྒྲགས་ནས་འགྲོ་བ་མ་ལུས་འདུལ། །ཕྲ་མ་མ་བྱིན་ལེན་པའི་སྙིང་ལ་ཐོབ། །ཧཱུཾ་མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །ཀརྨ་འདུས་པའི་སྲས་མཆོག་ཀཱི་ལ་ཡ། །ཕྲིན་ལས་དྲག་པོས་ལོག་ལྟ་ཚར་གཅོད་པ། །ངག་རྩུབ་གནོད་སེམས་ཅན་གྱི་སྙིང་ལ་ཐོབ། །ཅེས་བསྐུལ་བས། སྲས་མཆོག་རྡོ་རྗེ་གཞོན་ནུའི་ཕྱག་གཡོན་གྱི་ཐ་མ་ལ། རྡོ་རྗེ་ཁྲོས་པ་ལས་ཀྱི་ཕུར་པ་དང་། བུཌྜྷ་ཁྲོས་པ་ལས་ཀྱི་ཕུར་པ་དང་། རཏྣ་ཁྲོས་པ་ལས་ཀྱི་ཕུར་པ་དང་། པདྨ་ཁྲོས་པ་ལས་ཀྱི་ཕུར་པ་དང་། ཀརྨ་ཁྲོས་པ་ལས་ཀྱི་ཕུར་པ་རྣམས་ཀྱི་སྐེ་ནས་བཟུང་ནས། སོ་སོའི་གནས་སུ་བཏབ་སྟེ་བསྒྲལ་ལོ། །དེ་ནས་ཁྲག་འཐུང་ཆེན་པོ་བཛྲ་ཀཱི་ལ་ཡས། འོད་རབ་ཏུ་འབར་ཞིང་ཟ་བྱེད་རྡོ་རྗེ་གཞོན་ནུར་བྱིན་གྱིས་བརླབ་པའི་ཕྱིར། བཛྲ་ཛྭ་ལ་རཾ། ཞེས་བརྗོད་པས། མེ་དཔུང་དུད་ཁ་འབར་ཞིང་འཕྲོ་བའི་དབུས་ན་ལྷག་པར་ཡང་བཞུགས། ཕྱག་གཡོན་གྱི་དང་པོ་ན་བསྣམས་པའི་མེ་དེས་ལས་དང་ཉོན་མོངས་པ་ཐམས་ཅད་བསྲེགས་ནས། ཕུང་པོ་ལྷག་མ་ཧ་ཧ་ཞེས་ཞལ་དུ་གསོལ་ནས། ཕུང་པོ་ལྷག་མ་དང་བཅས་པ་གསོལ་བར་མཛད་དོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས། རྡོ་རྗེ་ཆོས་ཀྱི་ལྕེ་ལ་ཧཱུཾ་བཞག་སྟེ། རྡོ་རྗེ་རྒྱ་གྲམ་དུ་བྱིན་གྱིས་བརླབས་ནས། ལག་པར་ཡང་རྡོ་རྗེ་བྱིན་ཏེ། ལས་ཀྱི་ཧེ་རུ་ཀར་དབང་བསྐུར་རོ། །དེའི་ཚེ་ལས་ཀྱི་ཧེ་རུ་ཀ་ཡིས་བཅོམ་ལྡན་འདས་ལ་གསོལ་པ། ཨེ་མ་ཧོ་ཁྲག་འཐུང་རྒྱལ་པོའི་གཙོ། །གཉིས་སུ་མེད་ལས་ཐམས་ཅད་སྣང་། །སྲིད་གསུམ་གཙོར་གྱུར་སེམས་ཅན་འདི། །ངན་སོང་གསུམ་དུ་སྐྱེ་ངེས་ལ། །འདི་ལྟའི་ཐུགས་རྗེ་དཔྱང་ཐག་ཅན། །འཁོར་བར་ཡང་ནས་ ― DNG013_Page_0416 ―
[མ་དཔེ་གཟིགས་ན་འདིར་གནོན།]
ཡང་དུ་འཁོར། །འདི་ལྟའི་སེམས་ཅན་ཉོན་མོངས་ལ། །འདི་ལྟའི་རྫུ་འཕྲུལ་བསྟན་པ་མཚར། །འདི་ལྟའི་ཆོ་འཕྲུལ་ངོ་མཚར་ཆེའོ། །དེ་ཡི་རྗེས་སུ་བསྒྲུབ་པ་ཡིས། །དཀྱིལ་འཁོར་དམ་པ་ཇི་ལྟར་བསྒོམས། །དྲེགས་པའི་མ་དང་བུ་མོ་དང་། །ཆུང་མ་དབང་དུ་མི་འཚལ་ལམ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །རྗེས་སུ་བསྒྲུབ་པའི་རྣལ་འབྱོར་པས། །དང་པོར་ཚངས་པའི་གནས་བཞི་བསྒོམས། །དེ་རྗེས་རིམ་པའི་ཏིང་འཛིན་བསྐྱེད། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པར་ཤར། །སྲོག་གི་གོ་རུ་ཤར་བ་དང་། །སྙིང་གི་གོ་རུ་བསྒོམ་པར་བྱ། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེར་གཏམས་བྱས་ནས། །ཡེ་ཤེས་ཁྲོ་བོ་འགྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིངས་སུ་བདག་བསྐྱེད་ཅིག །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་བྱའི་ཕྱིར། །དབང་དང་བྱིན་རླབས་འདིར་སྩོལ་ཅིག །དེ་རྗེས་ཕྱི་ནང་གསང་གསུམ་དབང་། །བྱིན་རླབས་བདག་ལ་སྩལ་ནས་ནི། །དེ་ཉིད་དུ་ནི་མི་སྣང་གྱུར། །དེ་ནས་སྲས་མཆོག་ཡབ་ཡུམ་གྱིས། །གཉིས་མེད་བྱང་ཆུབ་སེམས་ལས་ནི། །འབྱུང་བའི་གསང་སྔགས་འདི་ཡིན་ནོ། །ཧཱུཾ་ཀཱ་ར་དང་རྣམ་པར་རྒྱལ། །དབྱུག་སྔོན་གཤིན་རྗེའི་གཤེད་པོ་དང་། །མི་གཡོ་རྟ་མགྲིན་རྒྱལ་པོ་དང་། །གཞན་གྱིས་མི་ཐུབ་བདུད་རྩི་འཁྱིལ། །ཁམས་གསུམ་རྣམ་རྒྱལ་སྟོབས་པོ་ཆེ། །རང་རང་སྐུ་ཡི་དབྱིངས་སུ་འཐོན། །སྒྲ་འབྱིན་སྙེམས་མ་སྡེར་མོ་དང་། །དུར་ཁྲོད་གཏུན་ཁུང་གཏུམ་མོ་དང་། །མདའ་སྙེམས་མ་དང་རླུང་འབྱིན་མ། །གསོད་མ་བསྐྱོད་མ་རྣམས་ཀྱིས་ནི། །ཁྲོ་བོའི་སྐུ་ལ་རབ་འཁྲིལ་འཐོན། །དབུ་གསུམ་ ― DNG013_Page_0417 ―
[མ་དཔེ་གཟིགས་ན་འདིར་གནོན།]
ཕྱག་དྲུག་ཞབས་བཞིར་བགྲད། །དུར་ཁྲོད་ཆས་ཀྱིས་ལེགས་པར་བརྒྱན། །གདུག་པའི་ལག་ཆ་སྣ་ཚོགས་བསྣམས། །གཤོག་པ་རྡོ་རྗེ་འབར་བས་གཏམས། །སྐུ་སྟོད་རྡོ་རྗེའི་གོ་ཆ་དང་། །ཞིང་དང་གླང་ཆེན་ཀོ་རློན་མནབས། །སྐུ་སྨད་སྟག་ལྤགས་ཤམ་ཐབས་ཅན། །བྲང་གིས་འགྲོ་བ་ཆེན་པོས་བརྒྱན། །དེ་དག་ཡབ་ཡུམ་རོལ་པ་ལས། །བྱང་ཆུབ་སེམས་ལས་བྱུང་བའི་འཁོར། །ཕག་དང་སྨྲིག་བུ་སྟག་དང་ནི། །བྱ་རྒོད་གཡག་དང་བྱ་རོག་དང་། །ཤ་བ་འུག་པ་གཟིག་དང་ཁྭ། །བྱི་ལ་པུ་ཤུད་སྤྱང་ཀི་ཁྱི། །ཁྲ་དང་སེང་གེ་ཕ་ཝང་དང་། །དོམ་དང་སྲེ་མོ་དྲེད་དང་ནི། །བྱི་བའི་མགོ་ཅན་ལ་སོགས་པའི། །སྤྲུལ་པའི་ཚོགས་དང་བཅས་པ་ཡིས། །སྲིད་པའི་རླུང་ཡང་མི་འཆོར་གཏམས། །དེ་ནས་ཡང་ཁྲོ་བོ་རྣམས་ཀྱིས་གདན་རྣམས་དབྱུང་བར་བྱ་བའི་ཕྱིར། སྲས་མཆོག་རྡོ་རྗེ་གཞོན་ནུས། ཕྱག་གི་དྲེགས་པ་རྣམས་ཀྱིས་བྲང་ལ་བསྣོལ་ཏེ་བཙིར་བས། ཕུང་པོའི་ཚོགས་མི་གཅོད་པའི་རྒྱ་མཚོའི་ནང་ན། དྲན་པ་མེད་པར་གནས་པ་ལས། བཅོམ་ལྡན་འདས་བཛྲ་ཀཱི་ལ་ཡས། བདུད་རྩི་འབྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐུགས་ཀ་ནས་ཁྲོ་བོ་སྨེ་བ་བརྩེགས་པ་བཏོན་ནས་མི་གཙང་བའི་རྒྱ་མཚོ་རྔུབས་སོ། །དེ་ནས་བཅོམ་ལྡན་འདས་ཀྱི་ཐུགས་ཀྱི་འོད་ཟེར་ལུས་ལ་བསྡིམས་པས། སླར་དྲན་པ་རྙེད་ནས་བདེན་པ་མཐོང་ངོ་། །དེའི་ཚེ་དཔལ་ཆེན་པོའི་འབངས་སུ་མནའ་བོར་ཏེ་ལུས་ཁྲོ་བོ་རྣམས་ཀྱི་གདན་ཁྲི་རུ་ཕུལ་ཏེ། གྲུབ་པ་ལང་ཀར་ཁས་འཆེས་ཤིང་ཕྱི་རབས་ཀྱི་རྣལ་འབྱོར་པའི་ཚོགས་བསྐྱང་བར་དམ་བཅས་སོ། །དེའི་ཚེ་ཕྱོགས་སྐྱོང་བ་རྣམས། ཁྲོ་བོ་རྣམས་ཀྱིས་ཞབས་འོག་ཏུ་བཞག་གོ། །དེ་ནས་ཡང་དཔལ་ཆེན་པོ་བཛྲ་ཀཱི་ལ་ཡས། སྲིན་མོའི་ཚོགས་གདུལ་བའི་ཕྱིར། གསང་བ་རོལ་པའི་ཏིང་འཛིན་ལ་སྙོམས་པར་ཞུགས་ནས། ཧཱུཾ་ཧཱུཾ་ཧཱུཾ་ཨེ་ཨཱ་ར་ལི་རུ་ལུ་རུ་ལུ་ཧཱུཾ་ཛཿ། ཞེས་བརྗོད་པས། དྲེགས་པ་ཆེན་པོའི་མ་དང་བུ་མོ་དང་། ཆུང་མའི་ཚོགས་ཀྱི་གཙོ་མོ་ཉི་ཤུ་རྩ་བརྒྱད་ ― DNG013_Page_0418 ―
[མ་དཔེ་གཟིགས་ན་འདིར་གནོན།]
འཁོར་གྲངས་མེད་པ་དང་བཅས་ནས། བཛྲ་ཀཱི་ལ་ཡའི་ཐད་དུ་ཡུད་ཙམ་གྱིས་འདུས་སོ། །འདུས་ནས་ཀྱང་མཁའ་གཅིག་ཏུ་བཅུག་སྟེ། སྦྱོར་བ་མཛད་པའི་བྱང་ཆུབ་སེམས་ཀྱི་སྤྲིན་ལས། ཧ་ཧ་ཞེས་བརྗོད་པས། གཽ་རཱི་མ་དང་། ཙཽ་རཱི་མ་དང་། པྲ་མོ་ཧཱ་དང་། བེཏྟཱ་ལཱི་དང་། པུཀྐ་སཱི་དང་། གྷསྨ་རཱི་དང་། སྨ་ཤ་ནཱི་དང་། ཙཎྜ་ལཱི་ལ་སོགས་པ་རེ་རེ་ལ་ཡང་འཁོར་གྲངས་མེད་པ་དང་བཅས་ནས། རང་རང་གི་སྟན་དང་ལག་ཆ་གདུག་པ་དང་བཅས་ཏེ། འབར་བའི་དཀྱིལ་འཁོར་གྱི་ཁྱམས་ལ་འཁོད་དོ། །དེ་ནས་ཡང་ཧེ་ཧེ་ཞེས་བརྗོད་པས། སིངྷ་མ་དང་། བྱཱ་གྷྲི་མ་དང་། སྲིཾ་ག་ལ་མ་དང་། ཤྭ་ན་མ་དང་། གྲྀ་ཌྷ་མ་དང་། ཀངྈ་མ་དང་། ཀཱ་ཀ་མ་དང་། ཨུ་ལཱུ་མ་ལ་སོགས་ཏེ་དེ་དག་རེ་རེ་ལ་ཡང་འཁོར་བསམ་གྱིས་མི་ཁྱབ་པ་དང་བཅས་ནས། རང་རང་གི་སྟན་དང་ལག་ཆར་བཅས་ཏེ། དཀྱིལ་འཁོར་གྱི་མེ་རིའི་ཁྱམས་ལ་འཁོད་དོ། །དེ་ནས་ཡང་ཕཊ་ཅེས་བརྗོད་པས། ལྕགས་ཀྱུ་མ་དང་། ཞགས་པ་མ་དང་། ལྕགས་སྒྲོག་མ་དང་། དྲིལ་བུ་མ་དང་། དེ་དག་རེ་རེ་ལ་ཡང་འཁོར་གྲངས་མེད་པས་བསྐོར་ཏེ། མེའི་ཁྱམས་ཀྱི་སྒོའི་ཐད་དུ་འཁོད་དོ། །དེ་ནས་སྲིན་མོ་རྣམས་ལ་ཕཊ་ཅེས་བརྗོད་པས། རང་རང་གི་གནས་ག་ལ་བ་དེར་ཡུད་ཙམ་གྱིས་བཀྱེའོ། །དེ་ནས་ཡང་དཔལ་ཁྲག་འཐུང་ཆེན་པོ་བཛྲ་ཀཱི་ལ་ཡས།གསང་བ་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་གྱི་དཀྱིལ་འཁོར་རྣམས་ཡོངས་སུ་རྫོགས་པར་བསྟན་ནས། ཨེ་ཨཱ་ར་ལི་རུ་ལུ་ཧོ་ཛཿ། ཞེས་བརྗོད་པས་དྲེགས་པ་མ་དང་བུ་མོའི་ཚོགས་རྣམས་འཁོར་གྲངས་མེད་པ་དང་བཅས་ནས། རང་རང་གི་ལག་ཆ་གདུག་པ་སྟན་དུ་ཆས་ཏེ། ཅི་བགྱི་ཟེར་ཞིང་ཐད་དུ་འདུས་པ་ལ་དམ་ཚིག་ཕོག་ཅིང་ལས་ཀྱི་དབང་བསྐུར་ཏེ། གཞལ་ཡས་ཁང་གི་ཕྱི་རོལ་དུ་བཞག་གོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་ ― DNG013_Page_0419 ―
[མ་དཔེ་གཟིགས་ན་འདིར་གནོན།]
བཅུ་གཉིས་ཀྱི་མདོ་ལས་གདུག་པ་ཅན་བཏུལ་བའི་ལེའུ་སྟེ་བདུན་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་དགྱེས་པ་ཆེ། །འདི་བསྒྲུབ་འཚལ་བའི་རྣལ་འབྱོར་པས། །གནས་ནི་གང་དང་གང་དུ་བགྱི། །སྐུ་གསུང་ཐུགས་ཀྱི་དཀྱིལ་འཁོར་གྱི། །བྱེ་བྲག་རྣམས་ནི་ཇི་ལྟར་ལགས། །ཞེས་གསོལ་པ་དང་། དེ་ནས་སྟོན་པ་ཀཱི་ལ་ཡས། ཀརྨ་ཧེ་རུ་ཀ་ཡི་ཚིག་གསན་ནས། །གནས་ཀྱི་ཁྱད་པར་འདི་གསུངས་སོ། །ཕུར་པ་བསྒྲུབ་པའི་གནས་རྣམས་ནི། །དུར་ཁྲོད་གནས་དང་ཤིང་གཅིག་དྲུང་། །རྒྱ་གྲམ་ལམ་དུ་བྱ་བ་དང་། །ངམ་གྲོག་གནས་དང་ཁང་སྟོང་དུ། །རྡོ་རྗེ་དྲག་པོའི་དཀྱིལ་འཁོར་བྱ། །ལས་ལ་ཕན་འདོགས་ཡོད་པ་དང་། །གྲིམས་འབྱིན་ཤུགས་ཀྱིས་ཏིང་འཛིན་གསལ། །དེ་ལ་ཐབས་དང་རྟགས་མེད་ན། །བདག་གི་གཟུགས་ཕུང་བརླག་པ་དང་། །ཚེ་དང་དགེ་བའི་བར་ཆད་འོང་། །ནགས་ཚལ་ཆེན་པོ་ག་ན་བར། །དེར་ནི་ལེགས་པར་དཔྱད་པ་ཡི། །ཀླུ་ཡི་གནས་དང་འབྱུང་པོའི་སྲང་། །ས་ཡི་བགེགས་དང་འབྱུང་བའི་ས། །ཚ་སྒོ་དམྱལ་བའི་ཆུ་མེད་པར། །ལས་ཀྱི་བྱ་བ་གཞུང་བརྩམས་ནས། །བཀྲ་ཤིས་དོན་གྱི་གནས་ཡིན་པས། །བསྒྲུབ་ཡུན་རིང་བས་ཞི་རྒྱས་འགྲུབ། །མེ་ཏོག་གླིང་དང་རིན་ཆེན་རི། །དཔག་བསམ་ཤིང་དང་སྐད་སྙན་བྱ། །འབྲུ་སྣ་ཚོགས་དང་གནམ་ས་ལེགས། །དབྱིབས་ལེགས་ལུང་པ་རན་པ་ནི། །བཀྲ་ཤིས་གནས་སུ་དབང་དགུག་འགྲུབ། །གནས་ཀྱི་དམ་པ་ཡིན་པར་བཤད། །དྲག་པོའི་ལས་སུ་བྱ་བ་དང་། །དང་པོར་ཕུར་པ་བསྒྲུབ་པའི་གནས། །གནས་རི་ཚེར་མ་ཅན་གྱི་ཤིང་། །གཅན་གཟན་གདུག་པ་སྣ་ཚོགས་ཡོད། །གནམ་ནི་གྲི་མདའ་རལ་གྲིའི་ཤུལ། །ས་ནི་གྲུ་གསུམ་མེ་དཔུང་འདྲ། །ལོགས་ལ་དུར་ཁྲོད་གནས་ཡོད་པ། །མཁས་པས་བརྟགས་ཏེ་བཙལ་བྱས་ནས། །འདི་ནི་ཕུར་པ་བསྒྲུབ་གནས་ཡིན། །ཚེར་མ་ཅན་གྱི་ཤིང་རྣམས་དང་། །དུག་ཤིང་གདུག་པ་ཡོད་པ་དང་། །བྲག་ལ་རད་རོད་ཡོད་པ་དང་། ། ― DNG013_Page_0420 ―
[མ་དཔེ་གཟིགས་ན་འདིར་གནོན།]
གྲོག་པོ་ངན་པ་གཏིང་ཟབ་དང་། །སྟག་གི་སོ་འདྲ་སྦྲུལ་གྱི་ལྕེ། །སྡིག་པའི་རྭ་འདྲ་ཆུ་སྲིན་ཁ། །བན་གླང་སྣ་འཐབ་བྲག་ཆུའི་བར། །རྐང་གཅིག་ཤིང་དང་མ་རུངས་པ། །འདི་ནི་སྲས་མཆོག་བསྒྲུབ་གནས་ཡིན། །གསད་པའི་གནས་སུ་བསྟན་པ་ནི། །སྔོན་ཆད་ལྷ་མི་ཕུང་ས་དང་། །གཡུལ་བཀྱེ་བ་དང་མཚོན་དུམ་དང་། །བསད་བཅད་ས་དང་མ་རུངས་འདུས། །སྲིན་པོ་བསྒྲལ་བའི་བཅས་གཞི་དང་། །སྲོག་ཆགས་བསད་པའི་ཁྲག་རྗེས་དང་། །གཡུལ་ངོ་བགོས་པའི་ས་མཁར་གླིང་། །མང་པོ་བསད་ཅིང་ཕུང་པའི་ས། །བྲག་ནི་སྲིན་པོ་རུས་པ་འདྲ། །རི་ནི་ཐལ་ཕུང་བསྙིལ་བ་འདྲ། །ལུང་པ་མེ་ཡིས་བསྲེག་འདྲ་བ། །རྩི་ཤིང་ཀེང་ཐོད་གཟིངས་འདྲ་བ། །སྒང་གཤོངས་མི་རོ་སྦས་པ་འདྲ། །འདི་ནི་ཕུར་པ་འདེབས་པའི་གནས། །སེམས་ལ་ཆོས་ཉིད་མི་གསལ་ཞིང་། །ཉམས་དང་ཏིང་འཛིན་གཡེལ་བ་ནི། །གནས་འདི་དག་ཏུ་བྱ་བ་མིན། །རྣལ་འབྱོར་ཉམས་མེད་དེ་བརླག་འགྱུར། །དེ་བས་གཞུང་དང་མཐུན་པ་ཡི། །བཀྲ་ཤིས་པ་ཡི་གནས་དག་ཏུ། །ཡུན་རིང་བསྲིངས་ན་གདོན་ཏོ་མེད། །དམ་ཚིག་མ་ཉམས་ངེས་ཐུབ་དང་། །ཏིང་འཛིན་བརྟན་པའི་བློ་ཅན་གྱིས། །གནས་ནི་དེ་དང་དེ་དག་ཏུ། །ཆོ་གའི་ལས་འདི་བརྩམ་བྱས་ན། །ངེས་པར་འགྲུབ་པ་གདོན་མི་ཟ། །དེ་ལྟ་བུ་ཡི་ས་རྙེད་ནས། །སྣང་དང་མི་སྣང་བདག་པོ་ལ། །རིན་དང་བདེན་པས་བཀྲོལ་ལ་བསླང་། །དེ་ནས་བྱིན་བརླབ་མཚམས་ཀྱང་གཅད། །མ་རུངས་ཡོད་ན་གཏོར་མ་བྱིན། །དེ་ནས་ཞག་གྲངས་འདི་ཙམ་མམ། །དྲག་པོའི་ལས་འདི་མ་གྲུབ་པར། །གནས་འདི་རྣལ་འབྱོར་བདག་གཡར་བས། །གཏོར་མ་སྦྱིན་པ་འདི་ལོངས་ལ། །མ་གྲུབ་བར་དུ་གཞན་དུ་དེངས། །དེ་སྐད་བྱས་ལ་གཏོར་མ་སྦྱིན། །བསྒོ་བའི་ལས་རྣམས་གཉེར་ཡང་གཏད། །དེ་ནས་སྟེགས་བུ་གཞུང་བཞིན་བརྩིག །དམ་རྫས་ཆག་ཆག་གཞུང་བཞིན་བཏབ། །ཁ་དོག་ཚོན་རྣམས་བཀྱེ་བྱས་ནས། །དབུས་ཀྱི་ལྟེ་བའི་ཟླུམ་པོ་ལ། །ཐིག་བཞི་གདབ་པས་ལིང་ཚེ་བརྒྱད། ། ― DNG013_Page_0421 ―
[མ་དཔེ་གཟིགས་ན་འདིར་གནོན།]
དབུས་སུ་དྲག་པོ་གྲུ་གསུམ་བྲི། །ཐ་མར་ཚོན་གྱི་འཁོར་ལོ་བརྒྱད། །གྲུ་ཆད་བཞིས་ནི་རབ་ཏུ་བརྒྱན། །སྒོ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གཉིས་ཀྱིས་མཛེས། །དབུས་སུ་དྲེགས་པའི་གདན་དག་དང་། །ཕྱོགས་སྐྱོང་གདན་དང་པདྨར་ལྡན། །ཉི་ཟླ་བཞི་རྣམས་གསལ་བྱས་ནས། །དང་པོ་སྔགས་ཀྱི་བདག་པོར་བསྐྱེད། །དེ་བཞིན་བརྒྱ་དང་བརྒྱད་དུ་བསྟན། ། བརྒྱད་དང་བརྒྱད་ཀྱང་འཇུག ། བཞི་པོ་དག་ཏུ་གང་བསྟན་དང་། །ཉི་ཤུ་རྩ་བརྒྱད་ལ་སོགས་པ། །མཁས་པས་གཞུང་བཞིན་དགོད་པར་བྱ། །ཤར་གྱི་འཁོར་ལོའི་རྩིབས་དག་ལ། །དྲི་ཟ་བསྣོལ་བའི་གདན་སྟེང་དུ། །རྣམ་རྒྱལ་ཡབ་ཡུམ་བདག་པོ་བསྐྱེད། །ལྷོ་ཕྱོགས་འཁོར་ལོའི་རྩིབས་སྟེང་ལ། །གཤིན་རྗེ་བསྣོལ་བའི་གདན་སྟེང་དུ། །གཤིན་རྗེ་གཤེད་པོ་ཡབ་ཡུམ་བསྐྱེད། །ནུབ་ཕྱོགས་འཁོར་ལོའི་རྩིབས་སྟེང་དུ། །ཆུ་བདག་བསྣོལ་བའི་གདན་སྟེང་ན། །རྟ་མགྲིན་རྒྱལ་པོ་ཡབ་ཡུམ་བསྐྱེད། །བྱང་ཕྱོགས་འཁོར་ལོའི་རྩིབས་སྟེང་ལ། །གནོད་སྦྱིན་བསྣོལ་བའི་གདན་སྟེང་དུ། །བདུད་རྩི་འཁྱིལ་པ་ཡབ་ཡུམ་བསྐྱེད། །ཤར་ལྷོ་འཁོར་ལོའི་རྩིབས་སྟེང་ལ། །མེ་ལྷ་བསྣོལ་བའི་གདན་སྟེང་དུ། །དབྱུག་པ་སྔོན་པོ་ཡབ་ཡུམ་བསྐྱེད། །ལྷོ་ནུབ་འཁོར་ལོའི་རྩིབས་སྟེང་ལ། །བདེན་བྲལ་བསྣོལ་བའི་གདན་སྟེང་དུ། །མི་གཡོ་མགོན་པོ་ཡབ་ཡུམ་བསྐྱེད། །ནུབ་བྱང་འཁོར་ལོའི་རྩིབས་སྟེང་ལ། །རླུང་ལྷ་བསྣོལ་བའི་གདན་སྟེང་དུ། །གཞན་གྱིས་མི་ཐུབ་ཡབ་ཡུམ་བསྐྱེད། །བྱང་ཤར་འཁོར་ལོའི་རྩིབས་སྟེང་ལ། །དབང་ལྡན་བསྣོལ་བའི་གདན་སྟེང་དུ། །ཁམས་གསུམ་རྣམ་རྒྱལ་ཡབ་ཡུམ་བསྐྱེད། །མདུན་དུ་གཟའ་སྐར་གདན་ལ་ནི། །ཧཱུཾ་ཆེན་ཡབ་ཡུམ་བསྐྱེད་པར་བྱ། །རྒྱབ་ཏུ་ས་བདག་གདན་ལ་ནི། །སྟོབས་ཆེན་ཡབ་ཡུམ་བསྐྱེད་པར་བྱ། །གྲུ་ཆད་བཞི་ལ་དགོད་པ་ནི། །བྷནྡྷ་བདུད་རྩིས་བཀང་བ་བཞི། །གཉིས་མེད་བདུད་རྩིའི་མཆོད་ཕྱིར་དགོད། །ཤར་སྒོར་ཉི་མའི་གདན་ལ་ནི། །པུ་ཤུད་མགོ་ཅན་བསྐྱེད་པར་བྱ། །ལྷོ་སྒོར་ཉི་མའི་གདན་ལ་ནི། །སྐྱེ་ཀའི་མགོ་ཅན་བསྐྱེད་པར་བྱ། །ནུབ་སྒོར་ཉི་མའི་གདན་ལ་ནི། །སྲིན་བྱའི་ ― DNG013_Page_0422 ―
[མ་དཔེ་གཟིགས་ན་འདིར་གནོན།]
མགོ་ཅན་བསྐྱེད་པར་བྱ། །བྱང་སྒོར་ཉི་མའི་གདན་ལ་ནི། །ཁྲ་ཡི་མགོ་ཅན་བསྐྱེད་པར་བྱ། །ལས་ཀྱི་ལྷ་རྣམས་རིམ་བཞིན་དགོད། །རྫས་སུ་དགོད་པར་བྱ་བ་ནི། །བྷནྡྷ་བུ་ག་གཅིག་ནང་དུ། །དབང་པོ་ལྔ་རྣམས་བླུགས་པ་ནི། །བདག་པོ་ཡབ་ཡུམ་མཚན་མར་བཞག །ཡན་ལག་བཞི་ཡི་ནི་སག་བཅུ། །ཁྲོ་རྒྱལ་ཡབ་ཡུམ་རྣམས་ཀྱི་རྫས། །ཡན་ལག་བཞི་ཡི་མཚན་མ་ནི། །སྒོ་བ་རྣམས་ཀྱི་མཚན་མར་བཞག །ཐོད་པ་དུམ་བུ་བཅུ་དྲུག་ནི། །ལྷ་མོ་བཅུ་དྲུག་མཚན་མར་དགོད། །སོ་དང་འབར་འབུར་ཐམས་ཅད་ཀུན། །ཕོ་ཉ་རྣམས་ཀྱི་རྫས་སུ་དགོད། །སྒལ་ཚིགས་ཉི་ཤུ་རྩ་བརྒྱད་ནི། །ཅི་བགྱི་ཚོགས་ཀྱི་མཚན་མར་དགོད། །སོ་སོའི་གསུང་གི་ཡིག་འབྲུ་རྣམས། །རང་རང་སོ་སོའི་མཚན་མ་ལ། །ཡབ་ཡུམ་བྱང་ཆུབ་སེམས་དེ་ཡིས། །དུར་ཁྲོད་རྨྱུག་གུས་བྲི་བར་བྱ། །ཐོད་པ་དུམ་བུ་དགུ་ནང་དུ། །ཏིལ་ཆེན་མར་ཁུ་ཁ་དགུར་གདགས། །དེ་རྗེས་ཤ་ཆེན་ཐང་མར་བརྡལ། །རཀྟ་ཆེན་པོ་རྒྱ་མཚོར་བསྐྱིལ། །ཀེང་རུས་ཚོགས་ནི་རི་ལྟར་སྤུང་། །གསུར་ཆེན་དུད་པ་རྒྱུན་མི་འཆད། །ཕྱོགས་བཞི་མཚམས་བཞི་བརྒྱད་དག་ཏུ། །སྟག་དང་ཆུ་སྲིན་ཆུ་ཀེང་དང་། །ཞིང་གི་རྒྱལ་མཚན་བརྒྱད་རྣམས་གཟུག །ཞིང་ལྤགས་གཡང་གཞི་སྤྲིན་ལྟར་གཏིབས། །ཞིང་ཕྲན་མང་པོ་འཕན་དུ་བཀྲམ། །དེ་ལྟར་གསལ་བའི་དཀྱིལ་འཁོར་ནི། །ཐུགས་ཀྱི་དཀྱིལ་འཁོར་དམ་པ་སྟེ། །ཞེ་སྡང་འཇོམས་པའི་ཕུར་པའོ། །སྐུ་ཡི་དཀྱིལ་འཁོར་དམ་པ་ནི། །ཆོས་ཀྱི་འཁོར་ལོ་འདྲ་བ་ལ། །གྲུ་གསུམ་མེ་འོད་འབར་བ་བྲི། །གཞན་རྣམས་གོང་དང་མཐུན་པར་དགོད། །དབུས་སུ་དྲེགས་པའི་གདན་ལ་ནི། །རྣམ་པར་རྒྱལ་བ་ཡབ་ཡུམ་བསྒོམ། །སྤྱན་སྔར་སྔགས་ཀྱི་བདག་པོའོ། །དེ་ལྟར་གསལ་བར་བལྟས་པ་ནི། །སྐུ་ཡི་དཀྱིལ་འཁོར་དམ་པ་སྟེ། །གཏི་མུག་འཇོམས་པའི་ཕུར་པའོ། །གསུང་གི་དཀྱིལ་འཁོར་དམ་པ་ནི། །ཆགས་པའི་འཁོར་ལོ་རྩིབས་བརྒྱད་བྲི། །གྲུ་གསུམ་མེ་འོད་འབར་བ་དགོད། །དབུས་སུ་དྲེགས་པའི་གདན་ལ་ནི། །རྟ་མཆོག་རོལ་པ་ཡབ་ཡུམ་བསྒོམ། །རྒྱབ་ཏུ་སྔགས་ཀྱི་བདག་པོ་ནི། །གསུང་གི་དཀྱིལ་འཁོར་དམ་པ་སྟེ། །འདོད་ཆགས་འཇོམས་པའི་ཕུར་པའོ། །ཡོན་ཏན་དཀྱིལ་འཁོར་དམ་པ་ནི། །རིན་ཆེན་མྱུ་གུ་བརྒྱད་དུ་བྲི། །གྲུ་གསུམ་མེ་འོད་འབར་བར་དགོད། །དབུས་ ― DNG013_Page_0423 ―
[མ་དཔེ་གཟིགས་ན་འདིར་གནོན།]
སུ་དྲེགས་པའི་གདན་ལ་ནི། །གཤིན་རྗེའི་གཤེད་པོ་ཡབ་ཡུམ་བསྐྱེད། །གཡས་སུ་སྔགས་ཀྱི་བདག་པོའོ། །ཡོན་ཏན་དཀྱིལ་འཁོར་དམ་པ་ནི། །ང་རྒྱལ་འཇོམས་པའི་ཕུར་བུ་སྟེ། །ཐུགས་ཀྱི་དཀྱིལ་འཁོར་རིགས་ཞེས་བྱ། །ལས་ཀྱི་དཀྱིལ་འཁོར་དམ་པ་ནི། །དང་པོ་ཚད་མེད་སྙིང་རྗེ་བསྐྱེད། །བྱང་ཆུབ་སེམས་ལ་དགའ་བ་ནི། །སྔོན་དུ་འགྲོ་བའི་ལམ་མཆོག་ཡིན། །སྒྲུབ་པ་པོས་ནི་ནན་ཏན་བྱ། །ཁྲག་འཐུང་ཐུགས་ལ་གནས་པ་ནི། །ཡེ་ཤེས་རྩེ་མོ་མཆོག་ཡིན་ཏེ། །ཧཱུཾ་གསུམ་ལས་ནི་འདས་པའི་ཕྱིར། །རྩེ་མོ་མེད་པའི་ལས་སུ་བསྟན། །འདི་ནི་གཟུག་དང་བྱིན་རློབ་དང་། །བཟླས་བརྗོད་དང་ནི་ཕྲིན་ལས་དང་། །དུས་དང་གནས་དང་བདག་ཉིད་དང་། །ཕུན་སུམ་ཚོགས་པ་བདུན་པོ་ཡིས། །ལས་གང་སྒྲུབ་པ་འགྲུབ་པར་བྱེད། །དཀྱིལ་འཁོར་རྩིབས་བཞི་མུ་ཁྱུད་བཅས། །གྲུ་ཆད་བཞི་ཡིས་བརྒྱན་པའི་གནས། །དབུས་སུ་དྲེགས་པའི་གདན་ལ་ནི། །བྱང་ཆུབ་ལྔ་ལས་བཞེངས་པ་ཡི། །ལས་ཀྱི་ཧེ་རུ་བསྒོམ་པར་བྱ། །ཤར་ཕྱོགས་འཁོར་ལོའི་རྩིབས་ལ་ནི། །དྲི་ཟ་བསྣོལ་བའི་གདན་དག་ལ། །བྱང་ཆུབ་ལྔ་ལས་མངོན་རྫོགས་པའི། །རྣམ་པར་རྒྱལ་བ་ཡབ་ཡུམ་བསྒོམ། །ལྷོ་ཕྱོགས་འཁོར་ལོའི་རྩིབས་སྟེང་ལ། །གཤིན་རྗེ་བསྣོལ་བའི་གདན་སྟེང་དུ། །བྱང་ཆུབ་ལྔ་ལས་མངོན་རྫོགས་པའི། །གཤིན་རྗེ་གཤེད་པོ་ཡབ་ཡུམ་བསྒོམ། །ནུབ་ཕྱོགས་འཁོར་ལོའི་རྩིབས་སྟེང་ལ། །ཀླུ་གདུག་བསྣོལ་བའི་གདན་སྟེང་དུ། །བྱང་ཆུབ་ལྔ་ལས་མངོན་རྫོགས་པའི། །རྟ་མགྲིན་རྒྱལ་པོ་ཡབ་ཡུམ་བསྒོམ། །བྱང་ཕྱོགས་འཁོར་ལོའི་རྩིབས་སྟེང་དུ། །གནོད་སྦྱིན་བསྣོལ་བའི་གདན་སྟེང་དུ། །བྱང་ཆུབ་ལྔ་ལས་མངོན་རྫོགས་ ― DNG013_Page_0424 ―
[མ་དཔེ་གཟིགས་ན་འདིར་གནོན།]
པའི། །སྟོབས་ཆེན་ཡབ་ཡུམ་བསྒོམ་པར་བྱ། །སྒོ་མ་ཡན་ཆད་གཞན་བཞིན་གསལ། །ཧཱུཾ་བསྒྲིལ་ལྔ་དང་ཉི་ཟླ་དང་། །ཕྱག་མཚན་འོད་དང་བཅས་པ་ལྔ། །སོ་སོར་རྟོག་པ་མེ་ལོང་དང་། །མཉམ་ཉིད་ཡེ་ཤེས་ཆོས་དབྱིངས་དང་། །བྱ་བ་ནན་ཏན་ཡེ་ཤེས་ལྔ། །ཡོངས་སུ་རྫོགས་པའི་སྐུ་རུ་བརྟག །ལས་ཀྱི་དཀྱིལ་འཁོར་དམ་པ་ཡི། །ཐུགས་ཀྱི་རིགས་ལས་བྱུང་ཞེས་བྱའོ། །དཀྱིལ་འཁོར་དེ་ཡིས་ཕྲག་དོག་འཇོམས། །ལས་ཀྱི་ཕུར་པ་ཡིན་ཞེས་གསུངས། །དཀྱིལ་འཁོར་དེ་དག་ཉིད་ལའང་། །བྱེ་བྲག་ཏུ་ནི་གསུངས་པའོ། །རྣལ་འབྱོར་བློ་ལྡན་དམ་པ་ཡིས། །རྡོ་རྗེའི་གཡབ་མོས་གཡབས་ནས་ནི། །དབྱིངས་ནས་དཀྱིལ་འཁོར་སྤྱན་དྲངས་མཆོད། །གཉིས་སུ་མེད་པར་བསྡིམ་བྱས་ནས། །བདག་ཉིད་ལྷུན་གྲུབ་དཀྱིལ་འཁོར་ལ། །ཕྱི་ནང་གསང་བའི་མཆོད་པ་བརྩམ། །བདག་ཉིད་ཐུགས་ཀྱི་འོད་ཟེར་ལས། །ལྷ་མོ་མང་པོ་ཐོན་ནས་ནི། །ཕྱོགས་བཅུའི་རྒྱལ་བ་རྣམས་ལ་མཆོད། །ཕྱོགས་བཅུའི་རྒྱལ་བའི་ཐུགས་ཀ་ནས། །ལྷ་མོ་མང་པོ་སླར་འཐོན་ནས། །བདག་ལ་མཆོད་པ་དབུལ་བར་བརྟག །དེ་རྗེས་བསྟོད་པ་བྱེད་པར་བསམ། །ཧཱུཾ་བསྐལ་པ་མེ་ལྟར་འབར་བ་ཡིས། །འོད་ཟེར་འཕྲོ་འདུའི་ཀློང་དཀྱིལ་ན། །ཁྲོ་བོ་ཁྲོ་མོ་རྣམ་བཞུགས་པ། །སྐུ་ནི་ཅིར་ཡང་འགྱུར་བའི་གཟུགས། །ཧཱུཾ་དབུ་སྐྲ་ཁམ་ནག་རལ་པ་ཅན། །གྱེན་དུ་འཁྱིལ་ཅིང་སྲིད་རྩེར་འབར། །མི་མཉམ་ཁྲོ་གཉེར་སྡང་མིག་ནི། །ལོག་པར་ལྟ་བ་འདུལ་བའི་སྤྱན། །ཧཱུཾ་མཆེ་བ་ཟང་ཡག་གཙིགས་པ་ནི། །སྐྱེ་ཤིའི་རྩ་བ་གཅོད་པའི་ཚུལ། །སྐུ་གསུང་ཐུགས་ཀྱི་བྱིན་རླབས་ལས། །ཕྱག་རྒྱ་སྣ་ཚོགས་ཅིར་ཡང་སྣང་། །ཧཱུཾ་ཐུགས་རྗེའི་བྱིན་རླབས་སྤྲིན་ལྟར་གཏིབས། །བྱམས་པའི་འོད་ཟེར་གློག་བཞིན་འགྱུ། །རྔམས་པའི་སྒྲ་སྐད་འབྲུག་ལྟར་སྒྲོགས། །སྤྲུལ་པའི་ཐོག་ཐོག་ཆར་བཞིན་འབེབས། །ཧཱུཾ་སྔོན་གྱི་ཐུགས་དམ་ཆེན་པོ་ནི། །ཀླན་ཀ་ཆེན་པོ་བདུད་ལ་ཚོལ། །ཀྱལ་ཀ་ཆེན་པོ་བགེགས་ལ་ཚོལ། །ཡལ་ ― DNG013_Page_0425 ―
[མ་དཔེ་གཟིགས་ན་འདིར་གནོན།]
གམ་ཅན་ལ་དངོས་གྲུབ་སྩོལ། །ཧཱུཾ་ཐུགས་རྗེ་ཆེན་པོའི་བྱིན་རླབས་ཀྱིས། །བདག་ལ་བྱིན་གྱིས་བརླབ་མཛད་ཅིང་། །བདག་གི་ལྷག་པའི་བསམ་པ་རྣམས། །འགྲུབ་པར་བྱིན་གྱིས་བརླབ་ཏུ་གསོལ། །ཧཱུཾ་འཁྱིལ་ཅིང་རྒྱན་ཡང་འཁྱིལ་པ་ཆེ། །སེམས་ལ་བརྗོད་མེད་སྐུ་མི་མངའ། །སྒྲ་ལས་འདས་པའི་སྦྱོར་བ་སྟེ། །བསམ་དང་བྲལ་བའི་ཡེ་ཤེས་ལགས། །ཧཱུཾ་སྲིད་གསུམ་འཇོམས་པའི་ལྷ་ལ་ཕྱག་འཚལ་བསྟོད། །མཉམ་ཉིད་ངང་གིས་ཁྲོ་ལ་ཕྱག་འཚལ་བསྟོད། །ཁྲོ་བོ་ལོངས་སྤྱོད་མཛད་ལ་ཕྱག་འཚལ་བསྟོད། །རྡོ་རྗེ་འདུ་འཕྲོ་མཛད་ལ་ཕྱག་འཚལ་བསྟོད། །ཅེས་བསྟོད་དོ། །དེ་ནས་ཡང་ཀརྨ་ཧེ་རུ་ཀས། ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་ཁྲག་འཐུང་བདག །གཉིས་མེད་ལས་བྱུང་ཁྲོ་རྒྱལ་གཙོ། །ལྷ་ལ་དབང་བསྐུར་མི་འཚལ་ལམ། །ཞེས་གསོལ་པ་དང་། ཁྲོ་བོའི་རྒྱལ་པོ་བཛྲ་ཀཱི་ལ་ཡས། །ཀརྨ་ཧེ་རུ་ཀ་ཡི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །གཉིས་མེད་ལས་བྱུང་ལྷ་མོ་བསྐུལ། །ཕྱོགས་བཅུའི་རྒྱལ་བ་སྤྱན་དྲངས་ལ། །མཆོད་བསྟོད་རིམ་པར་བྱས་ནས་ནི། །གསོལ་གདབ་དབང་སྦྱིན་ནོད་པར་བྱ། །བདག་ཉིད་དབང་ནོད་རིམ་དབང་བརླབ། །བདག་ཉིད་ལས་བྱུང་ལྷ་མོ་ཡིས། །རབ་བསྐུལ་ལྷ་མོས་རིགས་དབང་བསྐུར། །འཁོར་དང་ལས་ཀྱི་དཀྱིལ་འཁོར་ལའོ། །ལས་ཀྱི་དཀྱིལ་འཁོར་འདི་ལྟ་སྟེ། །དགོན་པའི་གནས་སུ་དེར་འདུག་ནས། །ཕྱི་མཚམས་རྒྱལ་པོས་བསྲུང་བར་བྱའོ། །དཀྱིལ་འཁོར་བརྒྱད་པའི་ལས་རྣམས་བྱ། །ཕུར་བུ་བཅུ་དང་མཚོན་དུ་བཅས། །མ་མོ་བསྙེན་པའི་དམར་དང་ཨེ། །གཅིག་ཤོས་འདུལ་བའི་དུག་རྣམས་གསོག །རྣམ་གསུམ་བསྒོམ་པའི་རིམ་པ་བྱ། །སྙིང་པོས་སྐུ་བསྐྱེད་གཙོ་དབུས་བསམ། །ཧཱུཾ་ཆེན་འབར་བ་བཅུ་དང་སྟེང་འོག་འཁོར་ལོ་ལ། །གཏུམ་ཆེན་འབར་བ་བཅུ་ཡང་སྐུ་ཡི་གཡོན། །ཁྱམས་ལ་ཁྲ་ཐབས་སྒོ་ལ་རལ་ཅན་བཞི། །སྐུ་བསྐྱེད་དབང་བསྐུར་འོད་དང་ལྡན་པར་བྱ། །སྤྱན་དྲངས་མཆོད་པ་ལ་སོགས་ ― DNG013_Page_0426 ―
[མ་དཔེ་གཟིགས་ན་འདིར་གནོན།]
གཞུང་བཞིན་བྱ། །བདུད་རྩིས་མཉེས་ཕྱིར་མཆོད་དང་བླང་། །རཀྟས་མཆོད་ཕྱིར་སྦྲེང་བར་བྱ། །བསྙེན་འབུམ་གྲངས་ཀྱང་ཚང་བར་བྱའོ། །ཏིང་འཛིན་འོད་དང་སྐུ་ཡང་སྤྲོ། །བསྲེག་དང་རྡུལ་དུ་བརླག་པར་བསམ། །སྐུ་དང་ཁ་དང་སྙིང་གའོ། །ལྟེ་བར་བསམ་བྱ་སྙིང་པོ་བཟླས། །བདག་ཉིད་ཁྲོ་རྒྱལ་ཡིན་པའི་ཕྱིར། །སྐུ་ལས་འོད་ཟེར་འབར་བ་འཁྲུགས། །ཐིམ་དང་དབང་ཕྱུག་སྟོབས་དང་ལྡན། །ཅིས་ཀྱང་མི་བསྐྱོད་དཔལ་དང་ལྡན། །སྐུ་ཡི་དབང་ཆེན་རྫོགས་པས་བཀའ་ལ་ཐམས་ཅད་ཉན། །ལྷ་སྲིན་སྡེ་བཅས་བཀའ་ཉན་ཐམས་ཅད་བསྲུང་བར་བྱེད། །རིགས་ལྔ་འཁོར་དང་བཅས་པ་སྐུ་ཡི་སྙིང་པོ་ཉིད། །གསུང་གི་དབང་ཕྱུག་ཐམས་ཅད་དབང་དུ་སྡུད། །རིགས་ལྔ་འཁོར་དང་བཅས་པ་གསུང་གི་སྙིང་པོ་ཉིད། །འོད་དང་ཟེར་གྱིས་ཀླུ་རྣམས་རབ་ཏུ་འདར། །ཐུགས་ཀྱི་རྡོ་རྗེས་དགྲ་བགེགས་ཐམས་ཅད་དང་། །གནོད་བྱེད་སྡང་བ་དབང་དུ་སྡུད་པར་བྱེད། །བསྡུ་དང་སྤོང་བྱེད་ཤུགས་དང་ལྡན་པའོ། །ཚོགས་ཕུལ་ཉམས་དང་ལྡན་ན་བསྒྲལ་ལས་བྱའོ། །ཕུར་བཏབ་ཧོ་ཡིས་ཕྱུང་ནས་བསྟབ་གནན་བྱ། །དཀྱིལ་འཁོར་དབུས་སུ་བུམ་པ་བཞག་ནས་ནི། །སྤོས་ཆུས་བཀང་སྟེ་གཟུངས་ཐག་སྦྲེལ་བར་བྱའོ། །སྔགས་ཀྱིས་བསྟབ་སྟེ་ཚད་ན་བླུད་བཀྲུ་བྱ། །བདུག་པ་བྱས་ཏེ་དྲག་ཏུ་བཟླས་བཀྲུ་བྱའོ། །གསོད་པའི་ལས་ཅན་གང་ཞིག་བྱེད་པ་ན། །ཁྱི་དང་ཕག་དང་དྲེལ་ཐོད་ནང་དུ་མནན། །སྤོས་དང་མཚལ་དུད་གུ་གུལ་ནག་པོས་བདུག །བསྲུང་བའི་ལས་ཅན་གང་ཞིག་བྱེད་པ་ན། །ཚྭ་དང་སྐྱེ་ཚེ་སྐྱེ་འབྲུམ་རྣམས་སྔགས་ཏེ། །ཕུར་ཏེ་མཐོ་འམ་ཡང་ན་སྦ་བར་བྱ། །ཕུར་བུ་དབང་བསྐུར་འོས་པའི་ས་རུ་གདབ། །མོ་གཤམ་གང་ཞིག་བུ་ཕོ་འཕེལ་བྱེད་ན། །བུམ་པས་བཀྲུ་ཞིང་བདུག་པ་མང་དུ་བྱ། །ལྷོག་འབྲས་སྦྲུལ་དང་ཕོལ་གྱིས་ཟིན་པ་ལ། །ཁ་རུ་བཟླས་ཤིང་དེ་ལ་གདབ་པར་བྱ། །འཛའ་གད་གདོན་གྱི་དབང་དུ་གྱུར་པ་ལ། །ཉུང་དཀར་སྔགས་ཤིང་སོལ་རྟགས་དུས་སུ་བླུག །གང་ཞིག་གདོན་གྱིས་སྨྱོ་འབོག་བྱེད་པ་ལ། ། ― DNG013_Page_0427 ―
[མ་དཔེ་གཟིགས་ན་འདིར་གནོན།]
མཚན་དང་ལྡན་པའི་མི་མོ་གཞོན་པ་ལ། །བྱིན་དང་ལྡན་པའི་མཆོག་གི་ཕུར་པ་དང་། །ཕུར་པས་གདབ་ཅིང་སྦྱོར་བ་དག་ཀྱང་བྱ། །ཕྱུགས་ལ་གདོན་ཞུགས་ནུ་ཞོ་བསྐམས་པ་ལ། །རེ་ལྕག་ཐར་ནུ་བསེ་ཞོ་ཅན་དག་ལ། །གཟུགས་བྱས་ཕུར་པས་བཏབ་ན་ཐུབ་པར་ངེས། །གང་ཞིག་བདག་ལ་གནོད་དེ་ཡིད་འཁྲུགས་ན། །མོན་དང་རབས་ཆད་ཐོད་པར་ངེས་པར་མནན། །གདོན་ལ་ཏིང་འཛིན་གསལ་ཞིང་སྙིང་པོ་བགྲང་། །ཀླུང་དུ་གྱུར་ན་ཕྱོགས་སུ་མི་བདེ་འབྱུང་། །ཉམས་སུ་ལོན་ན་རང་ལ་ཉམས་མི་འགྱུར། །ལས་སུ་རུང་ན་དོན་དུ་ཅི་ཡང་འགྲུབ། །ཏིང་འཛིན་མེད་ཅིང་རང་དབང་མེད་པ་དང་། །སྔགས་དང་ལུང་མེད་རང་ཡན་སྙོམས་ཞུགས་པས། །ཡུན་དུ་བསྒྲུབས་ཀྱང་རྟགས་མེད་ཡལ་བར་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་དྲག་པོའི་དཀྱིལ་འཁོར་རྣམ་ པར་བཀོད་པའི་ལེའུ་སྟེ་བརྒྱད་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ཁྲག་འཐུང་གི་རྒྱལ་པོའི་ཡང་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་གསང་མཆོག་རོལ་པའི་བདག །སྲས་མཆོག་ཕུར་པའི་དཀྱིལ་འཁོར་གང་། །གསོད་པ་ལས་ཀྱི་དཀྱིལ་འཁོར་གང་། །ཞེས་གསོལ་པ་དང་། ཀཱི་ལ་ཡ་ཡིས་བཀའ་སྩལ་པ། སྲས་མཆོག་ཕུར་བའི་དཀྱིལ་འཁོར་ནི། །ཡང་དག་ཉིད་དུ་ངས་བཤད་ཀྱིས། །ལུས་ངག་ཡིད་ཀྱིས་གུས་པར་ཉོན། །ལས་ལ་སྦྱོར་བའི་དུས་སུ་ནི། །གསང་བ་ཡུམ་གྱི་དཀྱིལ་འཁོར་ལ། །མེ་འོད་འབར་བས་བསྐོར་བ་བྲིས། །རོལ་མོའི་རྒྱན་རྣམ་འཁྲིགས་པར་བརྟག །ཕྱོགས་བཞི་མཚམས་བཞི་སྟེང་འོག་བཅུ། །སྲས་མཆོག་ཉི་ཤུ་དགོད་པར་བྱ། །དབུས་སུ་ཉིད་ཀྱི་སྲས་མཆོག་སྟེ། །ཕོ་ཉའི་དཔུང་ཚོགས་མང་པོ་ཀུན། །ཤིན་ཏུ་གསལ་ཞིང་འབར་བར་བརྟག །འདི་ནི་སྲས་མཆོག་དཀྱིལ་འཁོར་རོ། །དེ་ནས་གཞན་པའི་དཀྱིལ་འཁོར་ནི། ། ― DNG013_Page_0428 ―
[མ་དཔེ་གཟིགས་ན་འདིར་གནོན།]
བདག་ཉིད་དཀྱིལ་འཁོར་དམ་པའོ། །ཕོ་བྲང་ལིང་ཚེ་དགུ་པ་ལ། །ཕྱོགས་བཞི་ལེའུ་ཚེ་དག་དང་ནི། །མདུན་དང་གཡས་མཆན་གཡོན་མཆན་ལ། །སྲས་མཆོག་བདུན་པོ་དགོད་པར་བྱ། །འདི་ཡང་སྲས་མཆོག་དཀྱིལ་འཁོར་རོ། །གསོད་པ་ལས་ཀྱི་དཀྱིལ་འཁོར་ནི། །སྲས་མཆོག་ཕུར་པའི་དཀྱིལ་འཁོར་གྱི། །དབང་ལྡན་ཕྱོགས་ཀྱི་གྲྭ་ལ་ཡང་། །འབྲུབ་ཁུང་ལས་ཀྱི་དཀྱིལ་འཁོར་ནི། །ཧོམ་ཁུང་གྲུ་གསུམ་གདེངས་པ་ལ། །རྩེ་མོ་ལྷོ་ཡི་ཕྱོགས་སུ་བསྟན། །དུག་གི་ཆུ་ཡིས་ཆག་ཆག་གདབ། །རོ་བསྲེགས་སོལ་བས་ནག་པོ་འབྱུང་། །བང་རིམ་གསུམ་དང་ལྡན་པར་བྱ། །ཧཱུཾ་དང་ཕཊ་ཀྱིས་འཁོར་བར་བྲི། །རྩང་ཐོད་མང་པོས་ཁ་བསྐོར་ལ། །ཐོ་བ་ལྕགས་ཀྱུ་འཁྲིགས་པར་དགོད། །དུས་ལ་བབ་པའི་སེམས་ཅན་གཟུགས། །ལས་ལ་བབ་པའི་རྣལ་འབྱོར་པས། །དྲི་མ་དྲུག་ལ་སོགས་པ་ལ། །མཚན་མ་མིང་དུ་བཅས་པར་བྱའོ། །ཧོམ་ཁུང་ནང་དུ་གཞུག་པ་ཡིན། །མགོ་ནི་ལྷོ་ནུབ་མཚམས་སུ་བསྟན། །གན་རྐྱལ་དག་ཏུ་གཞག་པར་བྱ། །དེ་ནས་གདེང་ལྡན་རྣལ་འབྱོར་པས། །རྡོ་རྗེ་དབྱུག་པ་བླངས་ནས་སུ། །ཁྲག་འཐུང་འཁོར་ལ་གནས་པ་ཡི། །གསོད་མ་ལས་མཁན་སྤྱན་དྲངས་ལ། །དེ་ལ་རྡོ་རྗེའི་གཡབ་མོས་གདབ། །དེ་ལ་གཏོར་མ་རྒྱས་པར་བྱིན། །བདག་ཉིད་ཆེན་པོ་བསྐུལ་བ་ནི། །ཤ་ཆེན་ལ་སོགས་བདུད་རྩི་ལྔ། །གླ་བ་ཤིང་ཀུན་རྒུན་འབྲུམ་གྱིས། །མཆོད་པ་ཕུལ་ལ་ལས་ལ་བཏང་། །ཤྭ་ན་མུ་ཁ་བསྐུལ་བ་ནི། །ཉི་མའི་མཆོད་པ་ཕུལ་བའོ། །ས་བདག་ཆེན་མོ་བསྐུལ་བ་ནི། །གནོད་སྦྱིན་ཤ་ཁྲག་བྱིན་ལ་བཅོལ། །ཕྲ་མེན་ལས་ལ་བསྐུལ་བ་ནི། །སྙིང་སྣ་མང་པོ་ཕུལ་ལ་བཅོལ། །སྲིན་མོ་ལས་ལ་བསྐུལ་བ་ནི། །སྙིང་སྣ་སྙིང་ཁྲག་ཕུལ་ནས་ནི། །རྣལ་འབྱོར་ལས་འདི་གྲུབ་པར་གྱིས། །གང་ཡིན་གནས་ནས་དྲང་བར་བྱོས། །དུག་གི་གཏོར་མ་ཟ་རུ་གཞུག །འགོ་བའི་ལྷ་དང་དབྲལ་བ་གཅེས། །འབྲོས་ ― DNG013_Page_0429 ―
[མ་དཔེ་གཟིགས་ན་འདིར་གནོན།]
ཀྱིས་མི་ཐར་གནན་གཟིར་བྱ། །མཐུ་དང་རྫུ་འཕྲུལ་ཕྲོགས་པ་དང་། །ཡན་ལག་འཁུ་མི་ནུས་པར་བྱ། །རྡོ་རྗེ་དྲག་པོའི་ཕུར་པས་གདབ། །མ་མོ་མཁའ་འགྲོ་ལས་མཁན་གྱིས། །ཐུན་གྱིས་དབབ་ཅིང་གསད་པར་བྱ། །མཚོན་ཆ་རབ་ཏུ་འབར་བ་ཡིས། །རྐང་པ་གཡས་གཡོན་གང་ཡིན་ནས། །རྡུལ་དུ་གཏུབ་ཅིང་ཕྱེ་མར་བྱ། །ལྷ་ཡི་ཚོགས་ལ་ཐིམ་པར་བསྟབ། །སངས་རྒྱས་ཉིད་ཀྱང་འཇིག་འགྱུར་ན། །ཁམས་གསུམ་པ་དག་སྨོས་ཅི་དགོས། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། སྲས་མཆོག་ཕུར་པའི་ལེའུ་སྟེ་དགུ་པའོ།། །།དེ་ནས་ཡང་ཀརྨ་ཧེ་རུ་ཀས་ཡང་འདི་སྐད་ཅེས་གསོལ་ཏོ། །ཀྱེ་ཀྱེ་སྟོན་པ་ཐབས་ཀྱི་བདག །སངས་རྒྱས་ཀུན་གྱི་ཡབ་ཆེན་པོ། །སྲིད་གསུམ་གཙོར་གྱུར་བསྒྲལ་བ་ལ། །ཕུར་པའི་རྒྱུ་ནི་ཅི་ལ་བགྱི། །དེ་ཡི་ཚད་ནི་ཇི་ལྟར་འབྱུང་། །གསང་བའི་བདག་པོས་ལུང་བསྟན་གསོལ། །ཞེས་གླེངས་པས། ཁྲག་འཐུང་རྒྱལ་པོ་བཛྲ་ཀཱི་ལ་ཡས། །ཀརྨ་ཧེ་རུ་ཀ་ཡི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །ཕུར་པའི་རྒྱུ་རྣམས་ངས་བཤད་ཀྱི། །རྩེ་གཅིག་ཡིད་ཀྱིས་མཉན་པར་གྱིས། །དྲག་པོ་ལྕགས་ཀྱི་ཕུར་པ་ལ། །གྲི་ལྕགས་མདེ་སྙིང་རྟགས་ཕྱིན་དང་། །གནམ་ལྕགས་ཐོག་གི་ལྕགས་དག་དང་། །གཅོད་དང་རྣོ་དང་སྲ་ལ་སོགས། །ལྕགས་ནི་སྣ་ལྔ་དག་ལས་ནི། །སྟེང་དུ་སོར་གཅིག་རྒྱ་མདུད་བྱ། །བར་དུ་རིན་ཆེན་ཟུར་བརྒྱད་དེ། །སྐེད་པར་སོར་གཅིག་རྒྱ་མདུད་བྱ། །ཁྲོ་རྒྱལ་གནས་པའི་གཞལ་ཡས་ཁང་། །ཐབས་དང་ཤེས་རབ་ལས་བྱུང་བའི། །རྩེ་མོ་ཟུར་གསུམ་འཇོམས་པ་སྟེ། །ཆོས་དབྱིངས་ཕྱག་རྒྱ་ཡིན་པ་སྟེ། །དྲག་པོའི་རྐྱེན་དུ་ཡང་དག་བཤད། །དབང་ལ་ཟངས་ཀྱི་ཕུར་པར་བྱ། །རྒྱས་པ་གསེར་ལ་སོགས་པའོ། །ཞི་བ་ཙནྡན་དཀར་པོ་སྟེ། །རྩེ་མོའི་དབྱིབས་ནི་སོ་སོར་བྱ། །གཞན་ཡང་ཚེར་མ་ཅན་ ― DNG013_Page_0430 ―
[མ་དཔེ་གཟིགས་ན་འདིར་གནོན།]
གྱི་ཤིང་། །རབ་ཏུ་མི་བསྲུན་གནས་དག་ནས། །གང་དག་སྐྱེས་པ་གང་ཡིན་དང་། །དུག་དང་གཅན་གཟན་གདུག་པ་དང་། །རབ་ཏུ་གཏུམ་པའི་གནས་དག་ན། །སྐྱེས་པའི་ཤིང་མཆོག་ཚེར་མ་ཅན། །སྐྱེར་བ་དང་ནི་སེང་ལྡེང་དང་། །གང་དག་སྐྱེར་ལྡེང་མཛོ་མོ་ཤིང་། །རྩ་བའི་ལོགས་སུ་རྒྱ་མདུད་བྱ། །རྩེ་མོའི་ལོགས་སུ་ཟུར་གསུམ་བྱ། །གཞན་ཡང་གདུག་པའི་ཚེར་མ་ཅན། །གོང་མ་དེ་རྣམས་མ་འབྱོར་ན། །གདུག་པའི་ཤིང་མཆོག་གང་རྙེད་བྱ། །ཏིང་ངེ་འཛིན་གྱི་དཀྱིལ་འཁོར་ལྷ། །ཡིད་ལ་དྲན་ཞིང་གསལ་བསྒོམས་ནས། །སྔགས་དང་བྱ་བ་མ་ནོར་ན། །དེས་ཀྱང་བྱ་བར་ང་ཡིས་བཤད། །འདི་དག་རིང་ཐུང་ཚད་བསྟན་པ། །སོར་བཞི་པ་དང་སོར་བརྒྱད་པ། །བཅུ་གཉིས་པ་དང་བཅོ་བརྒྱད་སྟེ། །དེ་ལས་ཐུང་བར་མ་གསུངས་ཤིང་། །དེ་ལས་རིང་བ་ཡོངས་མ་བསྟན། །སོར་བཞི་འབྱུང་བ་བཞི་ཡི་ཚད། །སོར་བརྒྱད་རྣམ་ཤེས་བརྒྱད་ཀྱི་ཚད། །བཅུ་གཉིས་སྐྱེ་མཆེད་བཅུ་གཉིས་ཚད། །བཅོ་བརྒྱད་ཁམས་ཆེན་བཅོ་བརྒྱད་ཚད། །རྟགས་དང་སྦྱར་ཏེ་དེ་རྣམས་བསྟན། །རྟགས་ཕྱིན་པ་ཡི་ལྕགས་རྣམས་ནི། །དེ་ཡི་ཡོན་ཏན་བསྟན་པ་ནི། །དཔེར་ན་ནགས་ཀྱི་སྡོང་པོ་ལ། །སྔོན་ཆད་ཆོད་པའི་སྟྭ་རེ་དག །དེ་དག་ཡོད་པར་གྱུར་ན་ནི། །ཆོད་མི་ཆོད་ཀྱི་ཐེ་ཚོམ་མེད། །དེ་དག་སྔོན་ཆད་མ་ཆོད་པས། །ཆོད་དང་མི་ཆོད་ཡོད་མ་ངེས། །དེ་བཞིན་རྒྱུ་ཡང་དེ་དང་འདྲ། །མདོར་ན་རྣལ་འབྱོར་རྩལ་མཆོག་གཅེས། །རེ་ཞིག་དེ་ཡང་སྐྱོན་མེད་དེ། །ཡོན་ཏན་ཡོད་པར་འདི་ལས་བསྟན། །ནག་པོའི་ཤིང་ནི་དུག་ཅན་ལ། །ཕུར་པ་བྱས་པའི་ཡོན་ཏན་ནི། །ནག་པོ་གཞན་གྱིས་མི་ཚུགས་ལ། །དུག་གིས་ཕ་རོལ་གསོད་པར་བྱེད། །ཚེར་མ་ཅན་གྱི་ཤིང་རྣམས་ལ། །ཕུར་པ་བྱས་པའི་ཡོན་ཏན་ནི། །སྐྱེར་པས་ཚེ་དང་ལོངས་སྤྱོད་འཕེལ། །མཛོ་མོས་དབང་དུ་བྱ་བ་འགྲུབ། །གཞན་ཡང་ཁ་དོག་རིགས་སུ་སྦྱར། །མདོར་ན་བདེ་གཤེགས་ས་བོན་གྱིས། །བྱིན་གྱིས་བརླབ་པ་གཅེས་པར་བཤད། །དེ་བས་ཀྱང་ནི་དམ་ཚིག་གཙོ། །རྣལ་འབྱོར་རྣམས་ལ་དམ་པར་བསྔགས། །དང་ ― DNG013_Page_0431 ―
[མ་དཔེ་གཟིགས་ན་འདིར་གནོན།]
པོར་གཞུང་ལས་འབྱུང་བ་བཞིན། །དེ་དག་མ་ནོར་བཤམ་པར་བྱ། །ཚོགས་པས་ཐེ་ཚོམ་མེད་ཅེས་བྱ། །བཤམས་པས་བྱ་བ་ཆུད་མི་ཟའོ། །ཀུན་གྱི་རྒྱུ་ནི་བྱང་ཆུབ་སེམས། །བྱང་ཆུབ་སེམས་ནི་མངགས་པ་སྟེ། །རྒྱུ་ཡི་རྒྱལ་པོ་གང་ཤར་བའོ། །གཞན་ཡང་ཕུར་པའི་རྒྱུ་བཤད་པ། །ཟངས་ལྕགས་འཁར་བ་གང་ཡོད་པ། །དེ་ལ་ལེགས་ཤིང་དོད་པར་བྱའོ། །མ་དོད་པ་ཡི་སྐྱོན་རྣམས་ནི། །གང་དགར་བྱས་པས་ཚུལ་ལས་ཉམས། །ཏོམ་ཆལ་བྱས་ན་བཀའ་ལས་འགལ། །རྙེད་བཙན་བྱས་ན་བྱིན་རླབས་ཆུང་། །ཡོད་བཙན་བྱས་ན་བསྒོམ་མི་བདེ། །ངན་དགུར་བཤམས་ན་རྟོག་པ་འབྱུང་། །ལེགས་པར་བྱས་ན་ཡིད་རང་བཞིན། །ཚོགས་པར་བསགས་ན་གཞུང་དང་མཐུན། །དོད་པར་བྱས་ན་བྱིན་རླབས་ཡོད། །མདོར་ན་རྟོགས་པ་གཙོ་བོ་ཡང་། །རྟོགས་པའི་དོན་ལ་མཐར་ཕྱིན་ན། །རྣམ་རྟོག་ལས་འདི་ཡོངས་མི་དགོས། །རྣམ་པར་རྟོག་ལ་ཁྲོ་འདུལ་བཟང་། །ཉོན་མོངས་པ་ལ་གཉེན་པོས་འཇོམས། །རྟོགས་པ་གསལ་བར་བསམས་པ་ཤེས། །གཞན་ཚུགས་འདོད་ན་གྲངས་མང་ཟློས། །རྟགས་ཕྱིན་འདོད་ན་ཡུན་དུ་སྲིངས། །དོན་ལ་འཇུག་འདོད་མ་གཡེལ་གྱིས། །རིངས་པར་འདོད་ན་བརྩོན་འགྲུས་བསྐྱེད། །དོན་འདི་ཡིད་ལ་བཞག་ནས་ཀྱང་། །སྔགས་པས་དེ་ལ་ནན་ཏན་བསྐྱེད། །ཅེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། ཕུར་པའི་རྒྱུ་བསྟན་པའི་ལེའུ་སྟེ་བཅུ་པའོ།། །།དེ་ནས་ཡང་ཀརྨ་ཧེ་རུ་ཀས། འདི་སྐད་ཅེས་གླེང་ངོ་། །ཀྱེ་ཀྱེ་བཅོམ་ལྡན་སེམས་ཀྱི་བདག །གཉིས་མེད་ལས་བྱུང་རྫུ་འཕྲུལ་ཅན། །དཔལ་ཆེན་ཁྱོད་ལ་བདག་ཞུ་འཚལ། །ཕུར་པ་བསྐྱེད་པ་ཇི་ལྟར་བགྱི། །བྱིན་གྱིས་བརླབ་པ་ཇི་ལྟར་བརླབ། །ལྟ་བ་ཅི་ལ་དམིགས་པ་ལགས། །བདེ་བར་གཤེགས་པས་ལུང་བསྟན་གསོལ། །བཅོམ་ལྡན་མགོན་པོས་ལུང་བསྟན་གསོལ། །ཞེས་གླེངས་པ་དང་། བཅོམ་ལྡན་འདས་དཔལ་ཁྲག་ ― DNG013_Page_0432 ―
[མ་དཔེ་གཟིགས་ན་འདིར་གནོན།]
འཐུང་གི་རྒྱལ་པོས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །ཕུར་པ་དང་པོ་བསྐྱེད་པ་ནི། །རྫས་ཀྱི་ཕུར་པ་གཞལ་ཡས་ཁང་། །རྒྱན་དང་ཆས་པར་རྣམ་པར་བརྟག །བདེ་གཤེགས་ཁྲག་འཐུང་སྤྱན་དྲངས་བཞུགས། །ཕྱི་ནང་གསང་བའི་མཆོད་པ་འབུལ། །འོད་ཞུ་བདག་གི་ཞལ་དུ་ཐིམ། །ལྟེ་བའི་དབུས་ན་བྱང་ཆུབ་སེམས། །རིམ་པ་གཉིས་ཀྱི་ཚུལ་བརྟགས་སོ། །པདྨ་ལས་འཕྲོས་འོད་ཕུང་ལས། །སོ་སོའི་ཡིག་འབྲུ་ཕྱག་མཚན་གྱུར། །དེ་ལས་སྐུ་བཞེངས་འཇིགས་པའི་ཚུལ། །སྐུ་སྟོད་ཞལ་གཅིག་ཕྱག་བཞི་སྟེ། །སྐུ་སྨད་སྔོ་སངས་ཟུར་གསུམ་པ། །རལ་པ་ཁམ་ནག་གྱེན་དུ་འབར། །བྲང་གིས་འགྲོ་བ་ཆེན་པོས་བརྒྱན། །ཕྱག་གཡས་དང་པོ་སྟ་རེ་ལ། །དེ་འོག་རྡོ་རྗེ་རྒྱ་གྲམ་བསྣམས། །གཡོན་གྱི་དང་པོ་ཁ་ཊྭཱཾ་འཁྲོལ། །དེ་འོག་ཁྲོ་བོའི་སྐེ་ནས་འཛིན། །དེ་ནི་ཕུར་པ་བསྐྱེད་པའོ། །བྱིན་གྱིས་བརླབ་པ་བསྟན་པ་ནི། །སྔོན་ལ་སྐུ་གསུང་ཐུགས་སུ་བརླབ། །སྐུ་ཡི་རྡོ་རྗེ་སྐུ་ཡི་གནས། །ཤིན་ཏུ་བརྗིད་པར་བྱིན་གྱིས་བརླབ། །གསུང་གི་རྡོ་རྗེ་གསུང་གི་གནས། །གདངས་སྒྲ་གྲགས་པར་བྱིན་གྱིས་བརླབ། །ཐུགས་ཀྱི་རྡོ་རྗེ་ཐུགས་ཀྱི་གནས། །ཞེ་སྡང་རྩེ་གཅིག་ལྡན་པར་བརླབ། །དེ་ནས་རིགས་ལྔ་བྱིན་བརླབས་ཏེ། །སྐུ་གསུང་ཐུགས་ཀྱི་ཡི་གེ་གསུམ། །རང་རང་ཐུགས་ཀྱི་མཚན་མ་གནས། །ལྟེ་བར་སྭཱ་དང་སྐེད་པར་ཧཱ། །རིགས་རྣམས་འདུས་པའི་ངོ་བོར་བརླབ། །དེ་ནས་ཐུགས་ཉིད་མི་འགྱུར་བ། །ཡེ་ཤེས་གཅིག་ཏུ་བྱིན་གྱིས་བརླབས། །ལོགས་གསུམ་ཧཱུཾ་གསུམ་མི་འགྱུར་རྟགས། །ཟུར་གསུམ་ཕཊ་གསུམ་འཇོམས་པའི་རྟགས། །དེ་ནས་ཤིན་ཏུ་བརྟས་པ་དང་། །ཛཿཡི་དཀྱིལ་འཁོར་གདོན་པ་དང་། །བདག་ཉིད་མདུན་ན་གནས་པར་བརྟག །དེ་ནས་རིགས་ཀྱི་ཁྲོ་བོས་ནི། །རང་རང་སོ་སོའི་དབང་ཡང་བསྐུར། །འཆོལ་པར་སྤྲོས་ལ་སོ་སོར་བསྡིམ། །ཧཱུཾ་ཧཱུཾ་ཕཊ་ཀྱི་སྒྲ་འབྱིན་ཅིང་། །རང་རང་རིགས་ལ་ཞུགས་གྱུར་པས། །དབང་དང་བྱིན་རླབས་ཐམས་ཅད་ཀུན། །དེ་ཉིད་ལ་ནི་འདུས་ ― DNG013_Page_0433 ―
[མ་དཔེ་གཟིགས་ན་འདིར་གནོན།]
ཐིམ་བསམ། །དེ་ནས་སྔོན་གྱི་དམ་ཚིག་བསྒྲག །དེ་རྗེས་བདག་ཉིད་ཆེན་པོར་བརླབ། །ལག་པ་གཡས་པའི་མཐིལ་དུ་ལ། །ཉི་མའི་དཀྱིལ་འཁོར་གྱུར་པའི་དཀྱིལ། །ཧཱུཾ་བདག་ཀུན་ཏུ་བཟང་པོའི་སྐུ། །གཡོན་པ་ཨ་ལས་ཟླ་དཀྱིལ་བསམ། །ཨ་བཞག་ཀུན་ཏུ་བཟང་མོའི་སྐུ། །ཡབ་ཡུམ་རྗེས་སུ་ཆགས་པ་ལས། །བྱང་ཆུབ་སེམས་ཀྱི་འོད་བྱུང་སྟེ། །གཡས་པའི་གུང་མོའི་དཀྱིལ་དུ་ཨོཾ། །དེ་ཞུ་རྣམ་པར་སྣང་མཛད་སྐུ། །མཐེ་བོང་དཀྱིལ་དུ་ཧཱུཾ་གསལ་ལས། །དེ་ལས་མི་བསྐྱོད་པ་ཡི་སྐུ། །མཛུབ་མོའི་དཀྱིལ་དུ་ཏྲཱཾ་བསམས་ལ། །དེ་ལས་རིན་ཆེན་འབྱུང་ལྡན་བསྐྱེད། །སྲིན་ལག་དཀྱིལ་དུ་ཧྲཱྀཿབསམས་ལ། །དེ་ལས་དོན་ཡོད་གྲུབ་པའོ། །མཐེའུ་ཆུང་དཀྱིལ་དུ་ཨཱཾ་བསམས་ཏེ། །དེ་ལས་སྣང་བ་མཐའ་ཡས་བསྐྱེད། །ཀུན་ཀྱང་ཟླ་བའི་དཀྱིལ་འཁོར་ལའོ། །གཡོན་གྱི་སོར་མོ་རྣམས་ལ་ཡང་། །ཡི་གེ་གོང་མ་བསམ་པ་འམ། །ཡང་ན་ཡུམ་ལྔའི་སྙིང་པོ་ལས། །ཡོངས་སུ་རྫོགས་པར་བསྐྱེད་བྱས་ལ། །རྗེས་སུ་ཆགས་པའི་བརྡ་ཡིས་བསྐུལ། །ཐལ་མོ་མཉམ་པར་བྱས་ནས་ནི། །ཨོཾ་དང་བཛྲ་ཨཉྫ་ལི། །ཧཱུཾ་ཞེས་ཡོངས་སུ་བརྗོད་ནས་ནི། །སོར་མོ་ཅུང་ཟད་བསྣོལ་བར་བྱ། །བཛྲ་བྷནྡྷ་ཧཱུཾ་ཞེས་བརྗོད། །སོར་མོ་རྒྱབ་ཏུ་བསྣོལ་ཏེ་བསྡམས། །དེ་ནས་ས་མ་ཡ་སྟྭཾ་ཞེས། །བརྗོད་ལ་ཕུར་པ་ལག་ཏུ་གཞུག །ལག་པའི་རྟིང་པ་རབ་ཕྱེ་སྟེ། །མཐེ་བོང་མཐེའུ་སྲིན་ལག་གསུམ། །དབུས་སུ་ཕུར་བཅུག་འདྲིལ་བར་བྱ། །ཨཱོཾ་དང་བཛྲ་ཨཱ་བེ་ཤ །ཡ་དང་ཨ་ཞེས་བརྗོད་པས་ནི། །ཕྱོགས་བཅུ་དུས་གསུམ་བདེ་གཤེགས་ཀྱི། །ཡབ་ཡུམ་སྲས་དང་བཅས་པ་ཡིས། །ཞེ་སྡང་རྗེས་སུ་དྲན་པའི་སྐུ། །ཡུངས་འབྲུ་གྲངས་མེད་ཕུར་པར་བསྡིམ། །དེ་ནས་སྐུ་གསུང་ཐུགས་ཉིད་ཀྱི། །བདག་ཉིད་ཆེན་པོར་དབང་བསྐུར་ཏེ། །སོར་མོ་རྒྱབ་ཏུ་བསྣོལ་ནས་ནི། །གུང་གཉིས་བསྒྲེང་བར་ཕུར་བུ་གཞུག །ཨོཾ་དང་བཛྲ་སཏྭ་རཱ། ཛ་ཧཱུཾ་ཞེས་ནི་བརྗོད་པ་ལས། །སྲས་མཆོག་བདག་ཉིད་ཐུགས་འདྲར་འགྱུར། །དེ་ནས་སོར་མོ་ཐུག་པོར་བྱ། །ལག་པའི་རྟིང་པས་ཕུར་པ་བཟུང་། །བཛྲ་ ― DNG013_Page_0434 ―
[མ་དཔེ་གཟིགས་ན་འདིར་གནོན།]
ཕུར་བུ་ཞེས་བརྗོད་པས། །དེས་ནི་བདག་དང་གསུང་འདྲར་འགྱུར། །དེ་ནས་སོར་མོ་བརྒྱད་བསྣོལ་ཏེ། །མཐེ་བོང་གཤིབས་པའི་བར་དུ་ནི། །ཕུར་པ་བཅུག་ནས་འདི་སྐད་བརྗོད། །ཨོཾ་དང་ཙྪིནྡ་ཙྪིནྡ་དང་། །ཧ་ན་ཧ་ན་ཏིསྟ་དང་། །ཙཀྲ་ཧཱུཾ་ཞེས་རབ་བརྗོད་པས། །བདག་ཉིད་ཡབ་ཡུམ་བྱང་ཆུབ་སེམས། །རབ་ཏུ་སྤྲོ་ཞིང་དེ་ལ་བསྡིམ། །སྟོང་ཁམས་གང་བའི་མེ་སྟག་འཕྲོ། །དམིགས་པ་ཐམས་ཅད་ངེས་འགྲུབ་པའི། །བྱིན་དང་དབང་ཆེན་ལྡན་གྱུར་ཏེ། །གསང་བ་ཡུམ་གྱི་དབུས་བཞུགས་གསོལ། །གུ་གུལ་ནག་པོའི་དུད་པས་བདུག །ཡུངས་ནག་ཁྲོ་ཆུང་རྒྱལ་པོས་བརྡེག །ལས་ལ་སྦྱར་བའི་དུས་སུ་ནི། །ལྕགས་སམ་ཤིང་ངམ་གང་ཡོད་ལ། །ཁྱི་ཁྲག་ར་ཁྲག་གིས་བྱུགས་ལ། །དུག་དང་མ་རུངས་པས་ཀྱང་བྱུག །བྱིན་བརླབས་ལག་པར་བླངས་ནས་ནི། །གྱེན་དུ་གསོར་ཞིང་འདི་སྐད་བརྗོད། །ཧཱུཾ་བཞི་གསལ་འཕྲོས་ཧཱུཾ་བཞི་ཚོགས་ལ་བསྐྱེད། །དབུ་ལ་རྒྱ་མདུད་བསྟན་པས་ཐབས་ཀྱི་རྟགས། །རྩིབས་ལ་ལོགས་བརྒྱད་བསྟན་པས་ཁྲོ་བོ་བརྒྱད། །རིན་ཆེན་ཟུར་བརྒྱད་བསྟན་པས་ཁྲོ་བོ་བརྒྱད། །དབུས་སུ་རྒྱ་མདུད་བསྟན་པས་ཤེས་རབ་རྟགས། །རྩེ་མོ་ཟུར་གསུམ་བསྟན་པས་སྐུ་གསུང་ཐུགས། །སྟེང་འོག་གཉིས་སུ་བསྟན་པས་ཁྲོ་བོ་བཞི། །ཁོང་སྟོད་བྱང་ཆུབ་སེམས་ཀྱི་ཐིག་ལེ་ལས། །ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ། །མ་གཡོས་ཆེ་མཆོག་སྐུ་གསུང་ཐུགས་ཀྱི་བདག །སྡུག་བསྔལ་ལོག་པར་འཁྱམས་པའི་སེམས་ཅན་རྣམས། །ཐུགས་རྗེ་བྱེ་བྲག་དབྱིངས་སུ་སྒྲོལ་མཛད་པ། །ཐབས་ཀྱིས་བསྒྲལ་བའི་སྐལ་དང་མི་ལྡན་ཡང་། །ཤུགས་ཀྱིས་བསྒྲལ་བའི་ཕྲིན་ལས་མཛད་དུ་གསོལ། །དེ་ནས་ཕྱི་ནང་མཆོད་པས་མཆོད། །བལྟ་བ་ཅི་ལ་དམིགས་བསྟན་པ། །བལྟ་བའི་རྒྱལ་པོ་ངེས་པའི་དོན། །གདོད་ནས་མ་སྐྱེས་ཆོས་ཀྱི་དབྱིངས། །རྣམ་དག་མ་སྐྱེས་ཤེས་རབ་སྐུ། །མི་འགག་ཆོ་འཕྲུལ་སྙིང་རྗེ་སྟེ། །རིག་པའི་རྒྱལ་ ― DNG013_Page_0435 ―
[མ་དཔེ་གཟིགས་ན་འདིར་གནོན།]
པོ་རང་གནས་པ། །ཕྱི་ནང་སྣོད་བཅུད་རྣམ་པར་དག །ཐབས་ཀྱི་རྒྱལ་པོ་བདག་གནས་པས། །འགྲོ་ཀུན་བླ་ན་མེད་པར་སྒྲོལ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། སྲས་མཆོག་ཕུར་པ་བྱིན་གྱིས་བརླབ་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ཁྲག་འཐུང་གི་རྒྱལ་པོ། བཛྲ་ཀཱི་ལར་འདི་སྐད་ཅེས་གསོལ་ཏོ། །ཀྱེ་ཀྱེ་མཆོག་ཏུ་གསང་བའི་བདག །དོན་ཡོད་རྒྱལ་པོ་མཆོག་གི་གཙོ། །གཉིས་མེད་ལས་བྱུང་དཔའ་བོའི་མཆོག །སངས་རྒྱས་ཀུན་གྱི་ཡབ་ཆེན་པོ། །དྲག་པོའི་ཕུར་པ་གསུངས་པ་རྣམས། །སྔོན་ཚེ་དྲེགས་པ་བསྒྲལ་བའི་ཞིང་། །ད་ལྟའི་རྗེས་བསྒྲུབ་རྣལ་འབྱོར་པས། །དམིགས་ནི་གང་དང་གང་དུ་བགྱི། །བསྒྲལ་བའི་དུས་ཚོད་ཇི་ལྟར་ལགས། །གཉིས་མེད་དོན་ལ་བདག་ཞུ་འཚལ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །བསྒྲལ་བའི་དམིགས་རྣམས་བསྟན་པ་ནི། །ཀུན་ལ་བྱ་བར་གཞུང་ལས་མིན། །ཉམས་པ་བྱ་བ་བདུན་ཡོད་དེ། །དམ་ལས་ཉམས་དང་བཀའ་ལས་ཉམས། །དོན་ལས་ཉམས་དང་ལས་ཀྱིས་ཉམས། །མཚན་མས་ཉམས་དང་འདོད་པས་ཉམས། །ལོག་པས་ཉམས་དང་བདུན་པོ་ལ། །འདི་ལ་ཉམས་པ་ཞེས་བྱ་སྟེ། །འདི་དག་སོ་སོའི་མཚན་ཉིད་ནི། །མ་འདྲེས་གསལ་བར་ང་ཡིས་བཤད། །སྲོག་ལ་ཉམས་པའི་མཚན་ཉིད་ནི། །ཕ་དང་མ་དང་མཁན་པོ་གསོད། །སློབ་དཔོན་གསོད་དང་ནང་དམེ་བྱེད། །འདི་ནི་ནམས་ཀྱང་ལྟུང་བས་ན། །བསྒྲལ་བའི་ཞིང་གཅིག་འདི་ཡིན་ནོ། །ཉམས་ལས་ཉམས་པའི་མཚན་ཉིད་ནི། །རྡོ་རྗེ་སློབ་དཔོན་བཀའ་བསླུ་དང་། །ངན་སེམས་དཔྱ་སེམས་བྱེད་པ་དང་། །སྔགས་དང་ཕྱག་རྒྱ་རྒྱུན་གཅོད་དང་། །གསང་བ་སྦས་པའི་ཐབས་མཆོག་རྣམས། །སྣོད་མེད་རྣམས་ལ་བསྒྲག་པ་དང་། །འདི་ནི་ཉམས་པ་ ― DNG013_Page_0436 ―
[མ་དཔེ་གཟིགས་ན་འདིར་གནོན།]
ཆེན་པོ་སྟེ། །འདི་ཡང་བསྒྲལ་བའི་དམིགས་གཅིག་ཡིན། །བཀའ་ལས་ཉམས་པའི་མཚན་ཉིད་ནི། །དམ་ལ་བཏགས་ན་སྐུ་འཚང་འབྲུ། །སྒྲུབ་ཟླར་སྦྲན་ན་ཡ་ག་འདོགས། །མན་ངག་བསྟན་ན་སྐུར་པ་འདེབས། །བདེན་པར་བསྟན་ན་ལོག་པར་འཁྲིད། །དོན་རྟགས་བསྟན་ན་གོལ་སར་འཛིན། །འདི་ནི་ཉམས་པ་ཆེན་པོ་སྟེ། །འདི་ལ་བསྒྲལ་བ་ལྷུར་ཡང་བརྩམ། །དོན་ལས་ཉམས་པའི་མཚན་ཉིད་ནི། །བྱ་རུ་མི་རུང་སྣ་ཚོགས་བྱེད། །རྫས་དང་ལག་ཆ་མངོན་དུ་འཛིན། །ཏན་གཎ་སྦྱོར་སྒྲོལ་དངོས་པོར་སྤྱོད། །ལྟ་བ་ཏིང་འཛིན་རྒྱབ་ཏུ་བོར། །སྤྱོད་པ་བརླང་པོ་དང་དུ་ལེན། །ཁྲོ་གཏུམ་ང་རྒྱལ་རང་གར་གཏོང་། །དོན་གྱི་མན་ངག་ལོག་པར་གོ། །ཕ་རོལ་འདྲེན་ལ་ལོག་པའི་ཆོས། །ཕྱིན་ཅི་ལོག་གི་དོན་ལ་མཁས། །བཀའ་གཞུང་བོར་ནས་རྩོམ་པ་ཆེ། །ལོག་པར་སྤྱད་པ་མཐའ་དག་སྤྱད། །འདི་ནི་རཱུ་ཏྲ་དངོས་ཡིན་ཏེ། །མངོན་སྤྱོད་བསྒྲལ་ཡང་སྡིག་མི་གོས། །ལས་ཀྱིས་ཉམས་པའི་མཚན་ཉིད་ནི། །བདག་དང་སྐྱེ་གནས་མི་གཅིག་པར། །བསྒྲལ་བའི་ལས་ཀྱི་གློར་འོངས་ནས། །སྔོན་ཆད་འཁོན་པར་ཡོང་མེད་པར། །གླག་ལ་བབ་པར་དྲན་ནས་ཀྱང་། །ཞི་བ་དྲང་པོར་མི་ཉན་པར། །ཉེས་མེད་གཞན་ལ་འཛུགས་པ་དང་། །དཔུང་པས་བསྙེམས་ལ་ཀླན་ཀ་ཚོལ། །ཁ་ལྕེ་དགོད་ཅིང་བཞིན་མདོག་བཟློག །བརྒལ་ས་མེད་པར་བདག་ལ་རྒོལ། །དཔྲོག་མི་དགོས་པར་བདག་ལ་འཕྲོག །བདག་གིས་ཉེས་པར་མ་དྲན་ཞིང་། །བདག་གིས་བརྒལ་བར་མ་བསམས་ཀྱང་། །ལས་ཀྱིས་བདག་ལ་གནད་འཛུགས་ཤིང་། །བདག་ལ་མཐུ་དང་རྩལ་འདོད་པ། །ལས་ཀྱི་ཉམས་པ་འདི་ཡིན་པས། །འདི་ཡང་བསྒྲལ་བའི་དམིགས་གཅིག་ཡིན། །གཞན་ཡང་ལས་ཀྱིས་ཉམས་པ་ནི། །གལ་མི་ཆེ་བར་ཡ་ག་ཚོལ། །ཕན་རྒྱུ་མེད་པར་བདག་ལ་འཚེ། །འོང་རྒྱུ་མེད་པར་སྒྲུབ་པར་འོང་། །ལས་ཀྱི་ཉམས་པའི་རྟགས་ཡིན་པས། །འདི་ལ་བསྒྲལ་བ་ལྷུར་ཡང་བརྩམ། །ལས་ཀྱིས་འཁོར་བས་སྡིག་མེད་བཤད། །མཚན་མས་ཉམས་ ― DNG013_Page_0437 ―
[མ་དཔེ་གཟིགས་ན་འདིར་གནོན།]
པའི་མཚན་ཉིད་ནི། །ཆོས་ལ་ཕྱོགས་ཆར་འཛིན་པ་དང་། །ལྟ་བ་སྒྲོ་སྐུར་སྤྱོད་པ་དང་། །རྣལ་འབྱོར་དོན་ལྡན་ཐུགས་དཀྲུག་དང་། །རང་བཞིན་མེད་པའི་ཆོས་བཤད་ཀྱང་། །མཚན་མ་ཅན་གྱི་ཆོས་བཟུང་ནས། །ལྷ་སྲིན་བྲན་དུ་ང་འཁོལ་ལོ། །མཐུ་འགྲན་བྱེད་པ་སུ་ཞིག་ཡོད། །ང་ཡི་ཉམས་སུ་དཔལ་ཆེན་བྱུང་། །ང་ནི་ཁྲོ་བོའི་རྒྱལ་པོ་ཡིན། །གཞན་ལ་འཚེ་ཞིང་ཁྲོ་ལ་སོགས། །འདི་ནི་མཚན་མས་ཉམས་པ་སྟེ། །བསྒྲལ་བར་བྱས་ཀྱང་དམ་མི་ཉམས། །ལོག་པར་ཉམས་པར་གྱུར་པ་ནི། །མཉན་ན་གོ་རྟོགས་གསལ་མེད་པར། །ལ་འུར་མཐུ་ཆེ་རྩལ་འདོད་པས། །ལས་ཀྱི་དོན་དུ་མཚན་མ་སྤྱོད། །སྡིགས་པའི་ལག་ཆར་མི་མགོ་ཐོགས། །རལ་པ་བསིག་ཅིང་སོ་གཙིགས་བྱེད། །དམར་གྱི་ཨརྒྷ་གློ་ལ་ཐོགས། །ཞིང་གི་པགས་པ་ཕྲག་ལ་ཐོགས། །སྒྲོ་བ་ནག་པོ་ཤ་དང་ཚིལ། །སྣོད་བཀང་ཁུར་ཞིང་ལོག་ཆོས་སྤྱོད། །སྤྱོད་པ་མ་ནོར་གཞུང་བོར་ནས། །བྱ་བ་མི་འཚམས་སྣ་ཚོགས་བྱེད། །ངོ་དང་གདོང་ལ་ཁྲག་གིས་བྱུག །ཚུལ་འགལ་དམ་དགྲ་སྣ་ཚོགས་བྱེད། །ཐོ་ཆོར་སྤྱོད་ཅིང་དམ་མི་བསྲུང་། །སྤྱོད་པ་བརླང་པོས་བཀའ་གཞུང་སྨད། །སངས་རྒྱས་ཀུན་གྱི་ཞབས་འདྲེན་བྱས། །རྣལ་འབྱོར་སྔགས་པའི་རྐང་ནས་དྲངས། །དཔལ་ཆེན་ཁྲག་འཐུང་ཐུགས་ཁྲལ་བསྐྱེད། །མ་མོ་མཁའ་འགྲོ་ཟན་ཚོགས་བཀྲམ། །རྣལ་འབྱོར་ཡོངས་ཀྱི་དམ་བཙོགས་བྱས། །འདི་ནི་བསྒྲལ་བའི་དམིགས་གཅིག་ཡིན། །འདོད་པས་ཉམས་པའི་མཚན་ཉིད་ནི། །འདོད་ཆགས་ནོར་གྱིས་སྙིང་བྲུས་ནས། །ཤི་བར་ངེས་ཀྱང་འདོད་པས་རྒྱལ། །ཕུང་བར་རྟོགས་ཀྱང་སྔགས་འཆང་འཇོམས། །དུག་ཏུ་སྣང་ཡང་ལྟོ་རུ་བཟའ། །གཉན་པ་ཡིན་ཡང་ཐབས་ཀྱིས་སྨོད། །ཐོབ་ཏུ་འདོད་ནས་གསང་སྔགས་བརྐུ། །བཟའ་རུ་སྒྲུབ་པའི་ཡོ་བྱད་བརྐུ། །ནོར་དུ་རྣལ་འབྱོར་གཞུང་སྤྱོད་འཇོམས། །འདི་དག་བསྒྲལ་ན་རྣལ་འབྱོར་བཙུན། །བཏུལ་ཞིང་ཚར་བཅད་བསྟན་པ་གཉན། །མེད་ཅིང་སྟོང་ན་བར་ཆད་ཉུང་། །འདི་དག་བསྒྲལ་བར་མ་བྱས་ན། །མཐོ་རིས་འགྲམ་ནས་དམྱལ་ཁམས་ ― DNG013_Page_0438 ―
[མ་དཔེ་གཟིགས་ན་འདིར་གནོན།]
འཕེལ། །རྣལ་འབྱོར་དམ་ཅན་སྒྱིད་ལུག་ནས། །ཐེག་པ་ཆེན་པོའི་ཆོས་སྒོ་འགག །འདི་དག་བསྒྲལ་བར་བྱས་ན་ནི། །དམྱལ་བའི་གནས་སུ་ཡུན་ཐུང་འགྱུར། །བརྡེག་པའི་དུས་ཚོད་བསྟན་པ་ནི། །གནམ་སྟོང་དང་ནི་ཚེས་བརྒྱད་དང་། །བཅོ་ལྔ་ཉི་ཤུ་གཉིས་དག་དང་། །བཅུ་དྲུག་དང་ནི་བཅུ་བཞི་དང་། །ཉེར་གསུམ་དང་ནི་བཅོ་བརྒྱད་དང་། །ཉི་ཤུ་ལ་ཡང་བརྡེག་པ་ཡིན། །བཅུ་གསུམ་བཅུ་དྲུག་བར་དག་དང་། །བཅུ་དགུ་ཉི་ཤུ་དགུ་ལ་ནི། །བརྡེག་པའི་དུས་ནི་བབས་པ་ཡིན། །བཅུ་བདུན་བཅུ་དགུ་ཚེས་གཅིག་དང་། །ཉི་ཤུ་བརྒྱད་དང་གནམ་སྟོང་དང་། །བཅོ་ལྔ་ཚེས་དྲུག་དག་དང་ནི། །བཅུ་གཅིག་ཉི་ཤུ་ལྔ་དག་དང་། །ཚེས་གསུམ་ཚེས་གཉིས་བཅོ་བརྒྱད་དང་། །ཉི་ཤུ་དང་ནི་ཉི་ཤུ་བདུན། །འདི་ལ་བརྡེག་པར་ཡང་མི་བྱ། །འདི་ལ་བརྡེག་པར་བྱས་ན་ནི། །རྣལ་འབྱོར་འཁོར་དུ་བཅས་པ་བརླག །མིག་དམར་ཕུར་བུ་གཟའ་རྣམས་ནི། །བརྡེག་པའི་དུས་ལ་བབ་པར་བྱ། །དང་པོ་དཀྱིལ་འཁོར་གཞུང་བཙུགས་ཏེ། །བསྙེན་བསྒྲུབ་ཆོ་ག་ཚང་བྱས་ནས། །འཛབ་གྲངས་བསྙེན་པ་འབུམ་དུ་གདོན། །བཟླས་བརྗོད་ཉིན་མཚན་བར་མི་གཅད། །བསྙེན་བསྒྲུབ་གཉིས་ཀྱི་རྟགས་རྣམས་ནི། །ལྷ་ཡི་སྐུ་མཐོང་ཕུར་བུ་ལྡེག །རྟགས་བྱུང་ནས་ནི་ལས་ལ་འཇུག །དྲག་པོའི་རྟགས་སུ་བསྟན་པ་ནི། །རབ་ཀྱིས་མངོན་དུ་ཁུགས་པ་འོང་། །འབྲིང་གིས་ལིང་ག་འགུལ་བ་དང་། །ཐ་མས་དམིགས་གནོན་མཚན་ཉམས་འབྱུང་། །དེར་ནི་ལེགས་པར་འོང་བ་ཡིན། །ནམ་གྱི་གུང་ངམ་ཉི་མ་དྲོས། །དེ་ལ་བརྡེག་པར་རབ་ཏུ་ཤིས། །དུར་ཁྲོད་ཆེན་པོ་ག་ན་བར། །བསྒྲལ་བ་ལ་སོགས་ཚུལ་བཞིན་བྱ། །རྒྱ་གྲམ་ལམ་གྱི་ག་ན་བར། །བརྡེག་པ་ལ་སོགས་ཚུལ་བཞིན་བྱ། །འདི་དག་བརྡེག་པའི་དུས་ཚོད་ཀྱང་། །སྲོད་ལ་ཞུགས་ནས་ཐོ་རངས་ཁ། །འདི་དག་བརྡེག་པར་བྱ་བ་མིན། །འདི་དག་བརྡེག་པར་བྱ་བས་ནི། །ཡུན་ནི་ལོ་ཙམ་དུ་ཡང་བསྲིང་། །གྲངས་ནི་བྱེ་བ་འབུམ་དུ་གདོན། །མཆོད་པ་ ― DNG013_Page_0439 ―
[མ་དཔེ་གཟིགས་ན་འདིར་གནོན།]
དུས་དྲུག་རྒྱུན་མི་གཅོད། །ཆོ་ག་བཟླས་བརྗོད་ཚང་བྱས་ནས། །བྱ་བ་ལ་སོགས་མཚན་མ་ལ། །བརྡེག་པའི་དུས་ཚོད་བསྟན་པ་ནི། །རྣལ་འབྱོར་དམ་པས་ཤེས་པར་བྱ། །དེ་ཡང་བཟླས་དུས་འདི་ལྟར་བསྒོམ། །བདག་ཉིད་དཀྱིལ་འཁོར་རྫོགས་པ་དང་། །ས་བོན་ཐ་མ་སྔགས་ཀྱིས་བསྐོར། །དྲག་དལ་བྱེད་པའི་ཡིག་འབྲུ་བསམ། །འབྱུང་བ་བཞི་ཡིས་བསྐྱོད་པ་ལས། །འོད་ཟེར་འཕྲོ་འདུ་བྱིན་རླབས་བསྐྱེད། །སྔགས་ཀྱིས་འཁོར་ལོས་དབང་བསྐུར་བསམ། །དེ་ནས་རིམ་པའི་འཕྲོ་འདུ་ཡིས། །ལས་གང་བྱེད་པ་དབང་དུ་བསྡུ། །དེ་ནི་བརྡེག་པའི་དུས་ཚོད་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་བསྒྲལ་བའི་དམིགས་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གླེངས་སོ། །ཀྱེ་ཀྱེ་བཅོམ་ལྡན་སྔགས་ཀྱི་བདག །རྨད་བྱུང་དཔའ་བོ་ཁྱོད་ལ་འདུད། །ཡེ་ཤེས་བདག་ཉིད་ཁྱོད་ལ་འདུད། །བདེ་གཤེགས་སྐུ་གསུང་ཐུགས་དཀྱིལ་འཁོར། །དམ་པ་རྣམས་ཀྱིས་གསུངས་པ་ནི། །དེ་ཡི་ས་བོན་ཇི་ལྟར་ལགས། །གསོད་པའི་སྔགས་ནི་ཇི་ལྟར་ལགས། །བསྐྲད་པ་ལ་སོགས་སྔགས་འདི་དག །སྔགས་ཀྱི་རྒྱལ་པོས་ལུང་བསྟན་གསོལ། །ཞེས་གསོལ་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །དང་པོ་ཚངས་པའི་གནས་གཞི་བསྒོམ། །རྡོ་རྗེས་ཧཱུཾ་ལས་བསྐྱེད་པའི་སྐུ། །འོད་འཕྲོས་བདེ་གཤེགས་མདུན་བལྟས་ལ། །དེ་ལ་ཕྱག་འཚལ་མཆོད་པ་འབུལ། །སྡིག་བཤགས་ལམ་བསྟན་སྨོན་ལམ་གདབ། །ཡོངས་སུ་བསྔོ་དང་མི་དམིགས་བསྒོམ། །དེ་ཡི་སྔགས་ཀྱང་འདི་ལྟ་སྟེ། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་རྗེས་ཧཱུཾ་ལས་ཡོངས་བསྐྱེད་པའི། །བཅོམ་ལྡན་རྡོ་རྗེ་ ― DNG013_Page_0440 ―
[མ་དཔེ་གཟིགས་ན་འདིར་གནོན།]
གཞོན་ནུའི་སྐུ། །སྐུ་མདོག་དམར་ནག་རྒྱན་དང་ལྡན། །ཕྱག་མཚན་རྣམས་ནི་གཞན་བཞིན་གསལ། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ། རྩ་བའི་སྐུ་བསྐྱེད་པའི་སྔགས་སོ། །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཊྱཾ་ཊྱཾ་ཊྱཾ་ཊྱཾ་ཊྱཾ། ཊྱཾ་ཊྱཾ་ཊྱཾ་ཊྱཾ་ཊྱཾ། ཛཿཧཱུཾ་བཾ་ཧོཿ། ཧ་ཧ་ཧ་ཧ། ཧ་ཧ་ཧ་ཧ། ཧེ་ཧེ་ཧེ་ཧེ། ཧེ་ཧེ་ཧེ་ཧེ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། ཕཊ་ཕཊ་ཕཊ་ཕཊ་བསྐྱེད་པའི་ས་བོན་ནོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། བསྐྱེད་པའི་སྙིང་པོའོ། །ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ།གརྫ་གརྫ་ཧཱུཾ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བནྡྷ་བནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨ་པ་རི་ཛ་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཙྪིནྡ་ཧཱུྃ་ཕཊ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། བྷིནྡ་བྷིནྡ་ཧཱུཾ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། ཁྲོ་བོའི་སྐུ་བསྐྱེད་པ་དང་བཟླས་པའི་སྔགས་སོ། །དྷྲི་བ་ཧྲི་ད་ཡ་བྷི་དྷ་ཡ། ཀྲོ་དྷ་ཛྭ་ལ་མཎྜལ་ཀ་ར་ཡ་ཧཱུཾ་ཕཊ། རྩ་བའི་སྙིང་པོའོ། །ཨོཾ་ཕཊ། ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། སྥུ་ཏ་སྥུ་ཏ། སྥུ་ཏ་ཡ་སྥུ་ཏ་ཡ། སྐུའི་སྙིང་པོའོ། །སརྦ་ནཱ་ག་བཱ་བྷྱ་ན་མ་པ་ར་པ་ར། གསུང་གི་སྙིང་པོའོ། །སརྦ་དུཥྚན་ཧྲྀ་ད་ཡ་ཤོ་དྷ་ནི་ཧཱུཾ་ཧཱུཾ་ཕཊ། ཐུགས་ཀྱི་སྙིང་པོའོ། །ཨཱོཾ་ཨཱཿཧཱུཾ། སྐུ་གསུང་ཐུགས་ཀྱི་སྙིང་པོའོ། །སྭཱ་ཧཱ། ཡོན་ཏན་ཕྲིན་ལས་ཀྱི་སྙིང་པོའོ། །ཨོཾ་ཤྲཱི་བཛྲ་ཀུ་མཱ་ར་ཡཀྵ་ཧཱུཾ། ཨོཾ་བཛྲ་ཀྲོ་དྷི་ཨེ་ཀ་ཛ་ཊཱི་ཧཱུཾ་ཨ། ཡབ་ཡུམ་གཉིས་ཀྱི་སྔགས་སོ། །ཧཱུཾ་ཧཱུཾ་ཧཱུཾ།ཕཊ་ཕཊ་ཕཊ། ཐུགས་རྩེ་གཅིག་པའི་སྙིང་པོའོ། །ཨོཾ་བཛྲ་ཀྲོ་དྷི་དཱི་པ་ཡ་ཏི་ཧཱུཾ། ཨོཾ་བཛྲ་ཀྲོ་དྷི་ལཱ་སྱ་ཀི་ཧཱུཾ། ཨོཾ་བཛྲ་ཀྲོ་དྷཱི་པྲ་ཏི་ཛ་ཧཱུཾ། ཨོཾ་བཛྲ་ཀྲོ་དྷཱི་ཤྨ་ཤན་པ་ཏི་ཧཱུཾ། ཨོཾ་བཛྲ་ཀྲོ་དྷཱི་མུ་ས་ལ་ཧཱུཾ། ཨོཾ་བཛྲ་ཀྲོ་དྷཱི་ཙཎྜ་ཡ་བ་ཏི་ཧཱུཾ། ཨོཾ་བཛྲ་ཀྲོ་དྷཱི་ཤ་སྱ་ཡ་བ་ཏི་ཧཱུཾ། ཨཱོཾ་བཛྲ་ཀྲོ་དྷི་རིག་ཤ་ ― DNG013_Page_0441 ―
[མ་དཔེ་གཟིགས་ན་འདིར་གནོན།]
ཡ་བ་ཧཱུཾ། ཨོཾ་བཛྲ་ཀྲོ་དྷཱི་མཱ་ར་ཎ་ཧཱུཾ། ཨོཾ་བཛྲ་ཀྲོ་དྷ་ཙུནྡ་མུ་ནེ་ཧཱུཾ། ཁྲོ་མོ་རྣམས་ཀྱི་མིང་གིས་བསྐྱེད་པའོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་དིཔྟ་ཙཀྲ་ཧཱུཾ་ཕཊ། བསྐྱེད་ནས་གདོན་པའི་སྔགས་སོ། །གསོད་པའི་སྔགས་སུ་བསྟན་པ་ནི། །ཚང་ནས་བརྡེག་པའི་དུས་དེ་རུ། །བླ་འགུགས་ཕོ་ཉ་གཏང་བྱ་སྟེ། །ཧཱུཾ་དཔལ་གྱི་ཕོ་ཉ་ལས་མཁན་མོ། །དཀར་མོ་དུང་གི་མཆེ་བ་ཅན། །མཁའ་ལ་འབྱུང་བའི་མཛོད་འཁྱིལ་མ། །ལག་ན་སྤུ་གྲིས་སེམས་ཅན་སྒྲོལ། །ཞལ་དུ་སེམས་ཅན་སྙིང་ཁྲག་གསོལ། །སྤྲུལ་པའི་ཐོག་ཐོག་ཆར་ལྟར་འབེབས། །ཕོ་ཉ་སུམ་བརྒྱ་དྲུག་ཅུའི་གཙོ་མོ་སྟེ། །བསྐལ་པ་བརྒྱད་ཁྲིའི་ཕ་རོལ་ནས། །དམ་ལས་འདས་པའི་བླ་འདྲེན་མ། །ཉམས་པའི་བླ་ལ་ནན་མ་ཆུང་། །ལྷོ་ཡི་ཕྱོགས་ནས་འབྱུང་བ་ནི། །ནག་མོ་ལྕགས་ཀྱི་ལན་ཚར་ཅན། །ཁྱུང་གི་ཁྲ་ཚོགས་གཡས་པ་ན། །བྷནྡྷ་གྲི་ཐོགས་གསོད་ལ་རྔམས། །ཚངས་པ་དཀྱིལ་བའི་ཆ་ལུགས་ཅན། །མི་གདུག་མགོ་ལ་གཅེར་བུ་ཅན། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་གཙོ་མོ་སྟེ། །བསྐལ་པ་བརྒྱ་ནས་བླ་ཚེ་ཚོལ། །དཔག་ཚད་བྱེ་བར་སྲོག་དབུགས་འགུགས། །ཉམས་པའི་བླ་དང་སྲོག་ལ་ཡ། །ནུབ་ཀྱི་ཕྱོགས་ནས་འབྱུང་བ་ནི། །དམར་མོ་ཉི་མའི་འོད་འཕྲོ་མ། །གདུག་པ་འདུལ་ལ་སྡང་བ་སེལ། །གསོད་ལ་རྔམས་ལ་ལས་ལ་བརྩོན། །མཆེ་གཙིགས་གཡང་གཞི་གོས་སུ་གོན། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་གཙོ་མོ་སྟེ། །རབ་ཏུ་མི་བསྲུན་བླ་འགུགས་མ། །ཉམས་པའི་བླ་དང་སྲོག་ལ་ཡ། །བྱང་གི་ཕྱོགས་ནས་འབྱུང་བ་ནི། །ལྗང་ནག་དཀྱིལ་བའི་ཐོད་གདེངས་ཅན། །སེར་མོ་རལ་ཅན་གསུམ་གྱིས་བསྐོར། །ཕྱག་ན་རལ་གྲི་གསོད་ལ་རྔམས། །སུམ་བརྒྱ་དྲུག་ཅུའི་གཙོ་མོ་སྟེ། །སྔོན་ནས་དགྲ་བོའི་བླ་འགུགས་མ། །ཉམས་པའི་བླ་དང་སྲོག་ལ་ཡ། །ནམ་མཁའི་ལྷ་མོ་ཕུར་པའི་ལྷ། །ལག་བརྒྱ་ལྕགས་ཀྱི་ཕུར་པ་འདྲིལ། །སྤྱན་བརྒྱ་ཁྲག་ ― DNG013_Page_0442 ―
[མ་དཔེ་གཟིགས་ན་འདིར་གནོན།]
གི་མཆི་མ་འཛག །ཞལ་བརྒྱ་གདུག་པའི་སྔགས་ཟེར་ཟློས། །ཚེམས་ཀྱིས་སྐྱེ་ཤིའི་རྩ་བ་གཅོད། །ཕུར་པའི་ལས་མཁན་ཆེན་མོ་ལ། །རབ་ཏུ་མི་བསྲུན་ལས་ལ་བརྩོན། །ཕོ་ཉ་མང་པོ་ཕྱོགས་བཅུར་འགྱེད། །རྡོ་རྗེའི་སྐུ་གསུང་ཐུགས་ལས་སྤྲུལ། །ཉམས་པའི་བླ་དང་སྲོག་ལ་ཡ། །གཞན་ཡང་ཕོ་ཉར་གྲགས་པ་ཀུན། །དེ་དག་ལས་ལ་བསྐུར་བར་བྱ། །དེ་དག་མངོན་པར་ཁུགས་པ་དང་། །གསད་པའི་ལས་ལ་སྦྱར་བར་བྱ། །ཨོཾ་ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ཎཱཾ། ཨོཾ་གྷ་གྷ་གྷཱ་ཏ་ཡ། སརྦ་དུཥྚཱན་མཱ་ར་ཡ་ཕཊ། ཀཱི་ལི་ཀཱི་ལ་ཡ།སརྦ་པཱ་བཾ་ཕཊ། ཧཱུཾ་ཧཱུཾ་ཧཱུཾ། བཛྲ་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། རྡོ་རྗེ་སྡེར་མོའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་པ་ར་བི་དྷྭ་ན་ས་མཱ་ར་ཡ་ཧཱུཾ་ཧཱུཾ་ཕཊ་ཕཊ། བཅོམ་ལྡན་འདས་ཀྱིས་གསོད་པའི་སྔགས་སོ། །ཨོཾ་ལཾ་ཧཱུཾ་ལཾ་སྟམྦྷ་ནི། མོ་ཧ་ཡ། བྷ་ག་ཝཱ་ན། ཤྲཱི་ཀྲིཾ་པི་ཀྲི་བཛྲ་ཧཱུཾ་ཀཱ་ར་ཧཱུཾ་ཧཱུཾ་ཧཱུཾ་ཕཊ་ཕཊ། གཟིར་བའི་སྔགས་སོ། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཛཿཧཱུཾ་བཾ་ཧོཿ། འགུགས་ཤིང་བཅིང་བའི་སྔགས་སོ། །ཨོཾ་སརྦ་བིགྷྣཱན་བཛྲ་ཀཱི་ལ་ཡ་ཧཱུཾ་ཧཱུཾ་ཕཊ་ཕཊ། ཨོཾ་བཛྲ་ཧཱུཾ་ཀཱ་ར་ཧཱུཾ་ཨཱ། ཆོ་ལུང་ངོ་། །པ་ར་བི་དྷྭནྶ་ཙྪིནྡ་ཙྪིནྡ་ཧཱུཾ་ཕཊ། བྷིནྡ་བྷིནྡ་བཛྲ་ཧཱུཾ་ཕཊ། གྲྀ་ཧྞ་གྲྀ་ཧྞ་བཛྲ་ཧཱུཾ་ཕཊ། ཧ་ན་ཧ་ན་བཛྲ་ཧཱུཾ་ཕཊ། བྷནྡ་བྷནྡ་བཛྲ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་བཛྲ་ཧཱུཾ་ཕཊ། ཧ་ས་ཡ་ར་ཧྲྀ་ད་ན་ཧཱུཾ་ཕཊ། ཤྲི་ཀྲིན་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ།ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། བིནྡ་ཡ་བིནྡ་ཡ་ཧཱུཾ་ཕཊ། ཧ་ན་ཧ་ན་བཛྲ་ཧཱུཾ་ཕཊ། ད་ཧ་ད་ཧ་བཛྲ་ཧཱུཾ་ཕཊ། པ་ཙ་པ་ཙ་བཛྲ་ཧཱུཾ་ཕཊ། མ་ཐ་མ་ཐ་བཛྲ་ཧཱུཾ་ཕཊ། ཛྭ་ལ་ཛྭ་ལ་བཛྲ་ཧཱུཾ་ཕཊ། སུ་རུ་སུ་རུ་བཛྲ་ཧཱུཾ་ཕཊ། མུ་རུ་མུ་རུ་བཛྲ་ཧཱུཾ་ཕཊ། ཀ་ཏཾ་ཀ་ཡེ་ཛ་ཡེ་བི་ཛ་ཡེ། ཨ་ཛི་ཏེ་ཨ་པ་ར་ཛི་ཏ། མཱ་ར་སེ་ན་པྲ་མརྡ་ནི་ཡ་ཧཱུཾ་ཕཊ། ཧཱུཾ་ཧཱུཾ་མ་མ་པ་ཤཾ་ཀུ་རུ་མ་ཏཾ་ཉ་ཀ་རེ། ཨི་དན་ཏེ། མ་མ་ཀརྨཱ་ཤྲི་ཀྲང་ཀ་རེ་སྭཱ་ཧཱ། ཨོཾ་སརྦ་ཨཱ་ན་ཡ་ཧཱུཾ་ཕཊ། ཏ་ཐཱ་ཡ་ཧཱུཾ་ཕཊ། ཨོཾ་སུ་རུ་སུ་རུ་ཨུཙུཥྨ་ཀྲོ་དྷ་ཧཱུཾ་ཕཊ། ཨོཾ་ཏ་ཐ་ས་ནན་ཀྲོ་ ― DNG013_Page_0443 ―
[མ་དཔེ་གཟིགས་ན་འདིར་གནོན།]
དྷ་ཡ་ཧཱུཾ་ཕཊ། ཨཱོཾ་ས་མནྟ་བི་ཤུདྡྷེ།ཨ་བི་ཤུདྡྷཱ་ཡ། བི་དྷ་ར་བི་དྷ་ར་ཧཱུཾ་ཕཊ། ཨཱོཾ་བཛྲ་ཨཾ་ཀུ་ཤ །ཨཱོཾ་བཛྲ་རྦ་ན་རྦ་ན་ཧཱུཾ་ཕཊ། ཨཱོཾ་བཛྲ་ཀརྨ་ཀྲོ་དྷ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨཱོཾ་བཛྲ་སཏྭ་ས་མ་ཡ་ཧཱུཾ།ཨཱོཾ་བཛྲ་ཀྲོ་ཏ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། བན་དྷ་བན་དྷ། ཙྪིནྡ་ཙྪིནྡ། རྦན་རྦན་ཧཱུཾ་ཧཱུཾ་ཕཊ་ཕཊ། བཛྲ་ཀྲོ་དྷ་ཡཀྴ་ཁ་ཁ་ཁཱ་ཧི་ཁཱ་ཧི་ཧ་ཧ་ཧཱུཾ་ཧཱུཾ་ཕཊ་ཕཊ། ཨཱོཾ་བཛྲ་ཀྲོ་དྷ་མ་ཧཱ་བ་ལ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བིདྷྭནྶ་ཡ། ཛ་ཊཱི་ལཾ་བོ་ད་ར་ཎ། ཨུཙུཥྨ་ཀྲོ་དྷ་ཡ་ཧཱུཾ་ཧཱུཾ་ཕཊ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་ཁ་ཐཾ་ཁ་ཐཾ་ཁ་ཐཾ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། རཾ་ཛྭ་ལ་རཾ་ཛྭ་ལ་སྥ་ར་ན་ཧཱུཾ་ཕཊ། ཨཱོཾ་བཛྲ་སུ་མེ་རུ། ཧཱུཾ་ས་མ་ཡཱ་སྟྭཾ། ཛཿཧཱུཾ་བཾ་ཧོཿ། ཨེ་ཧྱེ་ཧི་བྷ་ག་ཝཱན། བཱི་ར་ཡཀྵ་བཛྲ་བྷྱོ། རུ་ལུ་རུ་ལུ་ཧཱུཾ། ཨཱོཾ་པྲ་ཏཱིཙྪ་ཧཱུཾ། ཨཱོཾ་ས་མ་ཡ། ཨ་མྲྀ་ཏ་ཨརྒྷཾ་པྲ་ཏཱིཙྪ་ཧཱུཾ་ཧཱུཾ་སྭཱ་ཧཱ། ཨཱོཾ་ན་མོ་བྷ་ག་ཝ་ཏེ་ཤ་ཥ་ཎ་ཏི་ཀི་རུ། ཏདྱ་བཛྲ། ཌཎ་ཌེ་ཡེ། མེ་ཀི་ན་ཀེ། ཙ་ལ་ཙ་ལ། མ་ལ་མ་ལ་ཏི་ལི་ཏི་ལི་སྭཱ་ཧཱ། ཨཱོཾ་བཛྲ་ཀཱི་ལི་ཀཱི་ལ་ཡ། སུཾ་བྷ་ཧཱུཾ་མིང་ཧཱུཾ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ། པུཥྚིཾ་ཧཱུཾ་མིང་ཧཱུཾ་སྭཱ་ཧཱ། ཨཱོཾ་བཛྲ་ཀཱི་ལི་ཀཱི་ལ་ཡ་ཤཱནྟིཾ་ཧཱུཾ་མིང་སྭཱ་ཧཱ། ཨཱོཾ་བཛྲ་ཀཱི་ལི་ཀཱི་ལ་ཡཱ། བྷཥྚ་ཨ་སྭཱ་ཧཱ། ཨཱོཾ་བཛྲ་ཀཱི་ལི་ཀཱི་ལ་ཡཱ། ཧཱུཾ་ཛྫ་ཛྫ། ཨཱོཾ་རོ་རུ་པ་དིཥྚ་ས་མ་ཡ་ཧཱུཾ། ཨཱ་ར་ལི་ཛཿཧཱུཾ་བཾ་ཧོཿ། སྤྱན་དྲངས་པའི་སྔགས་སོ། །ཨཱོཾ་བཛྲ་ས་མ་ཡ། ཡོ་གི་ནཱི་པྲ་ཏཱིཙྪ་ཧཱུཾ་ཧཱུཾ། ཞལ་དབྱེ་བའི་སྔགས་སོ། །ཁ་ཁ་དུ་ར་མ་ཧི་མ་རུང་། རུ་ལུ་རུ་ལུ་ཧཱུཾ་ཧཱུཾ་བྷྱོ་བྷྱོ། ཀུ་མ་ད་རི་ཤུ་ད་རི། ཙ་མུན་ད་རི། ཀངྈ་ད་རི། ཁ་རཾ་ཡོ་གི་ནི། ས་མ་ཡ་ཨ་མྲྀ་ཏ་ཨརྒྷཾ་པྲ་ཏཱིཙྪ་ཁཱ་ཧི། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ།ཨ་ཨཱ། ཨི་ཨཱིཾ། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ། སྔགས་དེ་ཕྱི་མོ་ཡང་དག་ལྡན། །དེ་ལས་བྱུང་བའི་སྔགས་རྣམས་ཀྱིས། །བསྐྱེད་དང་ཡོངས་སུ་རྫོགས་པ་དང་། །བཟླས་དང་དགུག་དང་བསྡིམ་པ་དང་། །བཅིང་བ་མཐུ་འཕྲོག་གཟིར་བ་སྟེ། །ལས་ཀྱི་བྱེ་བྲག་ཡོངས་གསལ་བྱ། །གདབ་དང་ཐུན་དབབ་གཟུགས་ཕུང་གཏུབ། །བརྡུང་དང་ཞལ་བསྟབ་དབྱིངས་སུ་འཕངས། །ཀཱི་ལི་ཀཱི་ ― DNG013_Page_0444 ―
[མ་དཔེ་གཟིགས་ན་འདིར་གནོན།]
ལས་མཐུ་བསྐྱེད་ཅིང་། །ཀཱི་ལི་ཀཱི་ལིའི་བཟླས་པ་བྱ། །ཞི་དང་རྒྱས་དང་དབང་དང་དགུག །དྲག་པོ་སྐྲོད་པའི་དོན་རྣམས་འབྱུང་། །བྱང་ཆུབ་ཡིད་ལ་དྲན་པ་ཡིས། །མང་དུ་ཐོས་ཤིང་ལས་ལ་མཁས། །ལྷ་དང་གཉིས་མེད་མི་ཕྱེད་དང་། །དྲག་ཅིང་ལྡོག་མེད་སེམས་དང་ལྡན། །ཕྲག་དོག་མེད་ཅིང་ཁོང་ཁྲོ་མེད། །གཞན་ལ་རེ་བ་མི་འཇོག་ཅིང་། །རྩ་བ་ཡན་ལག་དམ་ཚིག་རྣམས། །མ་ཉམས་ངེས་ཐུབ་གཞུང་བཞིན་བསྲུང་། །དེ་འདྲའི་རྣལ་འབྱོར་དམ་པ་དེས། །ལས་སུ་བྱ་བ་ཐམས་ཅད་འགྲུབ། །དང་པོ་ཤེས་རབ་རྣམ་གསུམ་གྱིས། །གཏན་ཚིགས་དོན་ལ་ཡིད་ཆེས་ནས། །དེ་ནས་ངེས་པར་དབང་ཐོབ་སྟེ། །སྙིང་རྗེའི་སེམས་དང་ལྡན་པ་ཡིས། །ཁམས་གསུམ་འཁོར་བ་གཟུང་བར་བྱ། །དོན་འདི་དག་དང་མི་ལྡན་ཞིང་། །ངེས་པའི་དབང་རྣམས་མ་ཐོབ་དང་། །མཁས་ལ་སྒྲོ་སྐུར་འདེབས་པ་དང་། །གསང་སྔགས་ཐེག་ཆེན་སྐུར་འདེབས་དང་། །རང་ཤེས་སྤྱང་ཚིག་ཚུལ་གནས་དང་། །དམ་ཚིག་ཉམས་པར་གྱུར་པ་དང་། །དོན་མེད་ཕྱལ་པར་གཏོང་བ་རྣམས། །འདི་ནི་རྣལ་འབྱོར་མ་ཡིན་ཏེ། །ལོག་པའི་ལམ་དུ་ཤེས་པར་བྱ། །དེ་ཡིས་སྤྱད་ཀྱང་ཡོངས་མི་འགྲུབ། །སླར་ལ་རང་སེམས་བརླག་པ་དང་། །འབྲས་བུ་མནར་མེད་དམྱལ་བར་སྐྱེ། །འདི་དག་རྩོམ་པའི་རྣལ་འབྱོར་པས། །རིགས་ཀྱི་རྣལ་འབྱོར་གྲལ་དུ་སྨོས། །གཞན་ཡང་ལས་འདི་རྩོམ་པ་ཡི། །རྣལ་འབྱོར་པ་ནི་གང་ཡིན་ན། །ཐེག་པ་བསམ་ཡས་སེམས་ལ་གསལ། །ལྟ་བ་མི་འགྱུར་གདེང་དུ་འཇོག །སྒོམ་པ་ཡེངས་མེད་དོན་ལ་གསལ། །དམ་ཚིག་ཉན་ཐོས་ཁྲིམས་བཞིན་བསྲུང་། །རྒྱུད་དང་སྒྲུབ་ཐབས་ཀུན་ལ་མཁས། །རྫས་དང་ལག་ཆ་རྟག་ཏུ་འཆང་། །དོན་དང་མན་ངག་སེམས་ལ་འཆང་། །ཚུལ་དང་ངང་ཚུལ་བཟང་ལ་ཤིས། །དུས་དྲུག་མཆོད་པ་རྒྱུན་མི་གཅད། །ཕུང་པོ་ལྷ་དང་གཉིས་སུ་མེད། །སེམས་ནི་ཆོས་ཉིད་ངང་ལ་གནས། །རྣལ་འབྱོར་རྟག་ལྡན་དམ་པ་དེས། །ལས་སུ་བྱ་བ་ཀུན་རྫོགས་ནས། །བཟླས་པ་དག་ལ་རབ་ཏུ་བརྩོན། །སྔགས་དང་ཕྱག་རྒྱ་རྟག་ཏུ་འཆང་། ། ― DNG013_Page_0445 ―
[མ་དཔེ་གཟིགས་ན་འདིར་གནོན།]
དེ་ལྟ་བུ་ཡི་རྣལ་འབྱོར་པས། །ལས་དང་བྱ་བ་གདོན་མི་ཟར། །ངེས་པར་བརྩམས་པས་འབྲས་བུ་འགྲུབ། །གཏོར་མའི་ལས་ལ་ཁྱད་པར་མཁས། །མཁའ་འགྲོ་ལས་ལ་འཁོལ་མཁས་ན། །དགའ་ཤིང་འགུགས་པར་བྱ་བ་ཤིས། །དྲག་ཤུལ་ཐབས་ཀྱི་ཕོ་ཉ་ནི། །རྫུ་འཕྲུལ་ཤུགས་ལས་ཐབས་ཀྱིས་འགྱེད། །རྣམ་རྟོག་མཚན་མ་ཐབས་ཀྱིས་འདུལ། །གཙང་སྨེ་མེད་པར་སྤྱོད་པ་དེས། །ལས་སུ་བྱ་བ་ཀུན་འགྲུབ་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་སྔགས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་གསང་གསུམ་བདག །གཉིས་མེད་དོན་ལྡན་མཚོན་པ་ནི། །ཕྱག་རྒྱ་རྣམས་ནི་ཇི་ལྟར་ལགས། །དེ་ཡིས་ལས་ནི་ཇི་ལྟར་འགྲུབ། །གསང་གསུམ་བདག་ལ་བཤད་དུ་གསོལ། །ཞེས་གླེངས་པ་དང་། དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །ཁྲོས་པའི་རྒྱལ་ལ་སོགས་པ་ཡི། །ཕྱག་རྒྱ་དམ་པ་བཤད་བྱ་བ། །ཁྲོས་པོའི་སྟབས་སུ་གནས་ནས་ཀྱང་། །ལག་གཡས་རྡོ་རྗེ་གདེངས་པ་ཡིས། །ལག་གཡོན་ཕུར་པ་བཟུང་ཐབས་སུ། །བགྲད་པའི་ཚུལ་དུ་གནས་བྱས་པ། །ཁྲག་འཐུང་ཕྱག་རྒྱ་ཡིན་པར་བཤད། །ཕྱག་རྒྱ་དམ་པ་འདི་བཅས་ནས། །ཉིད་ཀྱི་རྩ་བའི་སྔགས་བཟླས་པས། །སངས་རྒྱས་རྡོར་འཛིན་ལ་སོགས་རྣམས། །རྒྱལ་བར་འདོད་ན་རྒྱལ་བར་འགྱུར། །འཆིང་བར་འདོད་ན་འཆིང་བར་འགྱུར། །ཁམས་གསུམ་སེམས་ཅན་སྨོས་ཅི་དགོས། །ཁྲོ་མོའི་སྟངས་སུ་གནས་བྱས་ཏེ། །གཡས་པ་ཐབས་ཀྱི་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །འདི་ནི་ཁྲོས་པའི་རྒྱལ་མོ་སྟེ། །ཡུམ་གྱི་ཕྱག་རྒྱ་འདི་བཅིངས་ནས། །ཉིད་ཀྱི་རྩ་བའི་སྔགས་བཟླས་པས། །དུས་གསུམ་སངས་རྒྱས་ཐམས་ཅད་ཀྱང་། །སྐུ་གསུང་ཐུགས་རྣམས་རབ་མཉེས་ཏེ། །བདག་གི་དབང་དུ་འདུ་བར་ངེས། །རྐང་པ་མཐིལ་སྦྱར་ཐུར་དུ་གཟུག །གཡས་ ― DNG013_Page_0446 ―
[མ་དཔེ་གཟིགས་ན་འདིར་གནོན།]
པ་སྟ་རེ་གྱེན་དུ་འཕྱར། །གཡོན་པ་ཕུར་པ་འདེབས་པའི་ཚུལ། །གཟུགས་པོ་གཅུས་ཤིང་ཟུར་མིག་བལྟ། །འདི་ནི་སྲས་མཆོག་ཕུར་པའི་རྒྱ། །རྒྱ་འདི་བཅིངས་ཤིང་སྔགས་བཟླས་པས། །སངས་རྒྱས་ཉིད་ཀྱང་འཆིང་འགྱུར་ན། །ཁམས་གསུམ་སེམས་ཅན་སྨོས་ཅི་དགོས། །ལག་གཉིས་ཐལ་སྦྱར་གྱེན་དུ་བསྒྲེང་། །རྐང་པའི་མཐིལ་སྦྱར་ཐུར་དུ་བཙུགས། །གཅུ་ཞིང་རོལ་པའི་ཚུལ་དུ་སྟོན། །ཧཱུཾ་ཆེན་ཕྱག་རྒྱ་ཡིན་པར་བཤད། །ཕྱག་རྒྱ་བཅིངས་ཤིང་སྔགས་བཟླས་གཏད། །དུས་གསུམ་སངས་རྒྱས་འགུགས་འགྱུར་ན། །རྒྱལ་པོའམ་བུ་མོ་སྨོས་ཅི་དགོས། །ལག་གཡོན་མཛུབ་བསྒྲེང་སྙིང་གར་བཞག །གཡས་པ་མཛུབ་བཀུག་ལྕགས་ཀྱུར་བྱས། །སྤྱན་བཟློག་སྟངས་ཀྱིས་བལྟ་བ་ནི། །རྣམ་པར་རྒྱལ་བའི་ཕྱག་རྒྱ་ཡིན། །སྔགས་བཟླས་རྒྱ་འདི་བཅས་པས་ནི། །རླུང་གཅོད་འདོད་ན་འཁོར་ལོ་ལའོ། །ཆུ་ཆེན་གཅོད་ན་ཕུར་པ་སྟེ། །ཇི་ལྟར་འདོད་པ་ཟློག་པར་བྱེད། །གཡོན་པ་ཁྲོ་མཛུབ་སྙིང་གར་བསྒྲེང་། །གཡས་པ་རྩེ་གསུམ་གྱེན་དུ་བསྒྲེང་། །བརྡེག་པའི་ཚུལ་དུ་གནས་པ་ནི། །དབྱུག་པ་སྔོན་པོའི་ཕྱག་རྒྱ་ཡིན། །རྒྱ་བཅིངས་སྔགས་བཟླས་གཏད་བྱས་ན། །རྡོ་རྗེའི་བྲག་ཀྱང་འཇོམས་པར་ནུས། །གསོད་པའི་ལས་ལ་ངེས་པར་འགྲུབ། །ལག་གཉིས་ཁུ་ཚུར་བཅིངས་པ་ལས། །གུང་གཉིས་སྤྲད་དེ་བསྒྲེང་བར་བྱ། །རྒྱབ་ཀྱི་ཚིགས་ལ་མཛུབ་མོ་དཀྲི། །མཐེབ་གཉིས་གཞིབས་ཏེ་མདུན་བཞག་སྟེ། །ཁ་ཡི་ཚུལ་དུ་བྱས་པ་ནི། །གཤིན་རྗེའི་གཤེད་པོའི་ཕྱག་རྒྱ་ཡིན། །རྒྱ་བཅིངས་སྔགས་བཟླས་གཏད་བྱས་ན། །འགུགས་པར་འདོད་ན་རང་དབང་མེད། །གསད་པར་འདོད་ན་ཡུད་ཀྱིས་འཆི། །དབྱེ་བར་འདོད་ན་དུག་གིས་སོ། །བསྐྲད་པར་འདོད་ན་དུར་ཁྲོད་རས་མ་ལའོ། །ལག་པ་གཉིས་ཀྱི་མཐེ་བོང་གོང་། །སྲིན་ལག་མཐེ་ཆུང་སེན་མོས་མནན། །གུང་མོ་མཛུབ་མོ་གཤིབས་ཏེ་བརྐྱང་། །རལ་གྲི་ལྟ་བུར་བྱས་པ་ནི། །མི་གཡོ་མགོན་པོའི་ཕྱག་རྒྱ་ཡིན། །རྒྱ་བཅིངས་སྔགས་བཟླས་གཏད་བྱས་ན། །ལྷ་འམ་ཀླུ་འམ་གནོད་སྦྱིན་ནམ། །བདག་གིས་ལས་གང་ ― DNG013_Page_0447 ―
[མ་དཔེ་གཟིགས་ན་འདིར་གནོན།]
བསྒོ་བ་བཞིན། །གང་འདོད་ལས་ལ་མྱུར་དུ་འགྲོ། །བགེགས་རྣམས་མེད་པར་འདོད་པ་ལ། །སྲིན་ལག་རྩེ་ལ་རི་ལུ་གདགས། །དེ་ཡིས་སྐྲག་ཅིང་དྲེད་པར་འགྱུར། །ལག་གཉིས་སོ་སོར་ཁུ་ཚུར་བཅངས། །མཐེ་ཆུང་གཉིས་ནི་ལུག་རྒྱུད་སྦྲེལ། །མཛུབ་མོ་གཉིས་གཤིབས་བསྒྲེང་བ་ནི། །ལན་གསུམ་བསྐོར་ནས་དཔྲལ་བར་བཞག །རྟ་མགྲིན་རྒྱལ་པོའི་ཕྱག་རྒྱ་ཡིན། །རྒྱ་བཅིངས་སྔགས་བཟླས་གཏང་བྱས་ན། །དུག་རྣམས་གཞོམ་པར་བུམ་པ་བྱའོ། །སེར་བ་བཟློག་ན་ཐལ་བས་སོ། །འཇིགས་པ་ལས་ཐར་སྨན་ལྔའོ། །ལག་གཉིས་ཁུ་ཚུར་སོ་སོར་བཅིངས། །རྒྱབ་སྤྲད་མཐེ་ཆུང་ལུ་གུ་རྒྱུད། །མཛུབ་གཉིས་རྩེ་མོ་སྤྲད་ནས་ཀྱང་། །ཞགས་པ་ལྟ་བུར་བྱས་ན་ནི། །གཞན་གྱིས་མི་ཐུབ་ཕྱག་རྒྱ་ཡིན། །རྒྱ་བཅིངས་སྔགས་བཟླས་གཏད་བྱས་ན། །དུས་གསུམ་སངས་རྒྱས་ཐམས་ཅད་དང་། །ས་བཅུའི་བྱང་ཆུབ་སེམས་དཔའ་རྣམས། །རབ་ཏུ་གནད་ལ་འབེབས་པར་བྱེད། །གདོན་དང་འབྱུང་པོ་རོ་ལངས་རྣམས། །དུར་ཁྲོད་གཡམ་པས་གཟིར་བར་བྱེད། །ལག་པ་གཉིས་ཀྱི་མཐེ་བོང་གིས། །མཐེ་ཆུང་གཉིས་ཀྱི་སེན་མོ་མནན། །ལྷག་མ་གསུམ་པོ་དཔུང་མགོར་བསྣོལ། །བདུད་རྩི་འཁྱིལ་པའི་ཕྱག་རྒྱ་ཡིན། །རྒྱ་བཅིངས་སྔགས་བཟླས་གཏད་བྱས་ན། །སངས་རྒྱས་སེམས་ཅན་དོན་ལ་བསྐྱོད། །བྱང་ཆུབ་སེམས་དཔའ་ས་ལ་སྤྱོད། །སྐྱེ་བོའི་བགེགས་རྣམས་གནས་ལ་བསྐྱོད། །ལག་གཉིས་ཁུ་ཚུར་སོ་སོར་བཅངས། །མཛུབ་གཉིས་བསྒྲེངས་ཏེ་མཁྲིག་མ་བསྣོལ། །ཁམས་གསུམ་རྣམ་རྒྱལ་ཕྱག་རྒྱ་ཡིན། །རྒྱ་བཅིངས་སྔགས་བཟླས་གཏད་བྱས་ན། །སངས་རྒྱས་བྱང་ཆུབ་སེམས་དཔའ་ཡང་། །འཆི་བར་འགྱུར་ཏེ་གདོན་མི་ཟ། །གཡོན་པ་ཁུ་ཚུར་སྙིང་གར་བཞག །གཡས་པ་སྟ་རེ་བརྡེག་པའི་ཚུལ། །སྟོབས་པོ་ཆེ་ཡི་ཕྱག་རྒྱ་ཡིན། །རྒྱ་བཅིངས་སྔགས་བཟླས་གཏད་བྱས་ན། །ཐན་པ་བྱུང་ན་ཆར་པ་འབེབས། །ཆར་ཆེན་ཡང་དག་གཅོད་པར་བྱེད། །ཁྲོ་མོའི་སྟབས་སུ་གནས་ནས་ཀྱང་། །གཡས་པ་ཐབས་ཀྱི་གཙོ་ལ་འཁྱུད། །གཡོན་པ་དུང་ཁྲག་གཙོ་ལ་སྟོབ། །ཁྲོ་མོ་རྣམས་ཀྱི་ཕྱག་རྒྱར་བཤད། །རྒྱ་བཅིངས་སྔགས་བཟླས་གཏད་བྱས་ན། །སོ་སོའི་ལས་ ― DNG013_Page_0448 ―
[མ་དཔེ་གཟིགས་ན་འདིར་གནོན།]
རྣམས་འབྱུང་བར་བྱེད། །ལག་པ་གཉིས་ཀྱི་རྟིང་སྦྱར་ནས། །གུང་མོ་རྩེ་སྤྲད་དྲག་ཏུ་དྲིལ། །འདི་ནི་ཕུར་བུ་འདྲིལ་བའི་རྒྱ། །གཡོན་པ་ཁུ་ཚུར་བཅངས་ནས་ནི། །གཡས་པ་རྡོ་རྗེ་ཐོ་བས་བརྡེག །ཕུར་པས་བརྡེག་པའི་ཕྱག་རྒྱ་ཡིན། །ལག་པ་གཉིས་ནི་ཐལ་སྦྱར་ནས། །གུང་མོ་རྩེ་སྤྲད་མཐེའུ་ཆུང་བརྐྱང་། །སྲིན་ལག་མཛུབ་མོ་རྒྱབ་བསྣོལ་ཏེ། །མཐེའུ་ཆུང་གཤིབས་ཏེ་རབ་ཏུ་བསྒྲིལ། །འདི་ནི་ཕུར་བུ་འདྲིལ་བའི་རྒྱ། །མཐེབ་མཛུབ་གཉིས་ཀྱི་བར་དུ་ནི། །ཕུར་པ་བཙུག་པ་ཡས་མར་བདག །བབ་དུས་བརྡེག་པའི་ལས་ལ་བསྐུལ། །འདི་ནི་ཕུར་བུ་བསྐུལ་བའི་རྒྱ། །ལག་གཡོན་སྟེང་ནས་གདུགས་ལྟར་དགབ། །གཡས་པའི་མཐིལ་དུ་ཧོ་ལས་སྟེང་། །གདུག་པ་དབུལ་བའི་ཕྱག་རྒྱ་ཡིན། །ལག་གཉིས་ཉི་ཟླའི་ཚུལ་དུ་སྦྱར། །དཀྱིལ་དུ་ཉུང་དཀར་བཅུག་ནས་ནི། །ཕུར་པ་གཟི་བྱིན་བསྐྱེད་པའི་རྒྱ། །ལག་པ་གཉིས་ཀྱི་རྟིང་སྦྱར་ནས། །པདྨ་འདྲ་བ་སྟེང་དང་འོག །གཏོར་མ་བསྔོ་བའི་ཕྱག་རྒྱ་ཡིན། །ལག་གཉིས་སོ་སོར་ཁུ་ཚུར་བཅིངས། །རྒྱབ་སྤྲད་མཐེ་ཆུང་ལུ་གུ་རྒྱུད། །གཡོན་པའི་མཛུབ་བསྒྲེང་རྒྱབ་ཏུ་ནི། །གཡས་མཛུབ་ལྕགས་ཀྱུ་ལྟར་བྱས་པ། །འགུགས་ཤིང་འདྲེན་པའི་ཕྱག་རྒྱ་ཡིན། །གཡས་གཡོན་ལག་པ་སོ་སོར་སྦྲེལ། །ཚིགས་ཆེན་བཀུག་ནས་ཟུར་དུ་བྱས། །མཐེ་བོང་གཤིབས་ནས་མདུན་བཞག་པ། །རི་རབ་ཀྱིས་གཟིར་ཕྱག་རྒྱ་ཡིན། །ལག་གཉིས་ཁུ་ཚུར་བཅངས་ནས་ཀྱང་། །མཛུབ་བསྒྲེང་ཀུན་ཏུ་བསྟན་ནས་ནི། །གཡས་པ་ཞགས་པ་འཛིན་ཚུལ་བྱ། །ཡན་ལག་བཅིང་བའི་ཕྱག་རྒྱ་ཡིན། །གཡས་གཡོན་སོར་མོ་བསྣོལ་ནས་ཀྱང་། །བརྐྱང་སྟེ་ཁ་སྦུབ་བྱས་པ་ནི། །གཟུགས་ལ་འབེབས་པའི་ཕྱག་རྒྱ་ཡིན། །ལག་གཉིས་སོར་མོ་བསྣོལ་ནས་བསྡམས། །གུང་གཉིས་གཤིབས་ནས་བསྒྲེང་བ་ནི། །ཚེ་ལུང་ཆེན་པོའི་ཕྱག་རྒྱ་ཡིན། །གཡས་གཡོན་ཁུ་ཚུར་བཅངས་ནས་ནི། །མཛུབ་མོ་ལྕགས་ཀྱུ་ལྟར་བྱས་པ། །སྙིང་ག་ནས་འཛིན་ཚུལ་དུ་བྱ། །གཡས་པ་རལ་གྲིས་གཏུབ་པ་ནི། །གཟུགས་ཕུང་བཤིགས་པའི་ཕྱག་རྒྱ་ཡིན། །གཡས་གཡོན་གཉིས་ཀྱི་ཁུ་ཚུར་བཅངས། ། ― DNG013_Page_0449 ―
[མ་དཔེ་གཟིགས་ན་འདིར་གནོན།]
སྤྱི་བོའི་སྟེང་དུ་བཞག་པ་ནི། །ཕུང་པོ་བརྡུང་བའི་ཕྱག་རྒྱ་ཡིན། །ལག་གཉིས་སོར་མོ་བསྣོལ་ཏེ་བརྐྱང་། །མཐེ་བོང་མཐེའུ་ཆུང་གཤིབས་ལ་བསྒྲེང་། །ལས་ཀྱིས་གདབ་པའི་ཕྱག་རྒྱ་ཡིན། །རྒྱ་བཅིངས་སྔགས་བཟླས་ཉི་ཤུ་གཅིག །ལན་གསུམ་མགོ་ལ་བསྐོར་ལ་གཏུག །སུས་ཀྱང་ཐོན་པར་ཡོངས་མི་འགྱུར། །ཚེ་ལུང་ཆེན་པོའི་ཕྱག་རྒྱ་ཡིན། །ཕུར་པའི་མགོ་ལ་རབ་གཏུགས་ཏེ། །རྒྱ་བཅིངས་སྔགས་ནི་ལན་བདུན་བཟླས། །ལྷ་དང་བགེགས་ནི་དམ་མི་འདའ། །ལག་གཉིས་སོར་མོ་ནང་དུ་བསྣོལ། །མཐེ་བོང་མཐེའུ་ཆུང་རྩེ་སྤྲད་བསྒྲེངས། །སོར་མོ་ནང་དུ་སོ་སོར་བརྒྱངས། །ཁ་སྦུབ་ཕུར་པའི་སྟེང་དུ་བརྐྱངས། །རྒྱ་བཅིངས་སྔགས་བཟླས་ཉི་ཤུ་གཅིག །བདག་གི་བཀའ་ཉན་བྲན་བཞིན་བྱེད། །སྟོབས་ཆེན་སྔགས་ནི་ཡིན་པར་འདོད། །དེ་ནས་ལག་གཉིས་རྒྱབ་སྦྱར་ཏེ། །མཐེའུ་ཆུང་ལུ་གུ་རྒྱུད་དུ་སྦྲེལ། །ཁུ་ཚུར་བཅངས་ཏེ་མཛུབ་མོ་བསྒྲེང་། །ཁ་འགྲམ་གཉིས་སུ་དགུ་པོར་བྱ། །མཆེ་བས་གསོད་པ་ཡིན་པར་བརྟག །རྐང་པ་གཡོན་པ་སྙིང་གར་མནན། །སྡང་མིག་བལྟས་ལ་ལན་གསུམ་དུ། །བཟླས་ཤིང་སྙིང་རྩ་གཅད་པར་བསམ། །ལག་གཉིས་སོར་མོ་ལུག་རྒྱུད་ནས། །གཡོན་པའི་མཐེ་བོང་གཡས་པས་མནན། །མཛུབ་གཉིས་ནང་སྦྱར་མཉམ་པར་བསྒྲེང་། །རྡོ་རྗེ་བེ་ཅོན་ཕྱག་རྒྱ་ཡིན། །རྒྱ་བཅིངས་སྔགས་ནི་ཉི་ཤུ་གཅིག །འོན་ཏེ་བདུན་ནམ་སྡང་མིག་བལྟ། །གཟུགས་ཕུང་ཐལ་བར་གྱུར་པར་བརྟག །ཉུང་དཀར་བརྡེག་ཅིང་གུ་གུལ་བདུག །ལས་འདི་གྲུབ་པར་གྱིས་ཤིག་བཅོལ། །ཅུང་ཟད་ལས་སུ་མ་རུངས་ན། །ཁྲོ་བོའི་སྟེང་དུ་རི་རབ་བསྐྱེད། །རི་རབ་སྟེང་དུ་ཧཱུཾ་བསམས་ཏེ། །ཧཱུཾ་ལས་རྡོ་རྗེ་རྒྱ་གྲམ་ལྡང་། །མེ་ལྕེའི་ཕྲེང་བས་བསྐོར་བར་བསམ། །དེ་སྟེང་ཉི་ཟླའི་དཀྱིལ་འཁོར་རོ། །དེ་སྟེང་ཧཱུཾ་ལས་དོན་ཡོད་གྲུབ། །དབུ་གསུམ་ཕྱག་དྲུག་སྐུ་མདོག་ལྗང་། །གཡས་ན་འཁོར་ལོ་རབ་ཏུ་འཕྱར། །གཡོན་ན་རྡོ་རྗེ་རྒྱ་གྲམ་ཐོགས། །འཁོར་རྣམས་དང་བཅས་ཕོ་བྲང་གདབ། །ཁྲོ་བོའི་སྟབས་ཀྱིས་ཤིན་ཏུ་གཟིར། །ལས་མ་གྲུབ་པར་བསྐལ་པའི་མཐར། །ཁྱོད་ཀྱིས་མ་བཏང་བཅོལ་ལ་བཞག །གཞན་ཡང་སྤྲུལ་པ་ལྕམ་དྲལ་དང་། །མ་མོ་ ― DNG013_Page_0450 ―
[མ་དཔེ་གཟིགས་ན་འདིར་གནོན།]
མཁའ་འགྲོ་ཅི་བགྱིའི་ཚོགས། །སོ་སོའི་སྔགས་དང་ཕྱག་རྒྱ་དག །ངེས་པ་མེད་པར་རྒྱལ་བས་གསུངས། །དོན་དུ་ཕྱག་རྒྱ་ལ་སོགས་པ། །ཡང་དག་རྟོགས་ན་ཀུན་ཀྱང་རྒྱ། །མ་རྟོགས་མཚན་མ་རྟོག་པའི་གཞི། །ངེས་པ་མེད་པར་རྒྱལ་བས་གསུངས། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་ཕྱག་རྒྱའི་ལེའུ་སྟེ་བཅུ་བཞི་པའོ།། །།དེ་ནས་ཀརྨ་ཧེ་རུ་ཀས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ་འདི་སྐད་ཅེས་གླེངས་སོ། །ཀྱེ་ཀྱེ་བཅོམ་ལྡན་རྫུ་འཕྲུལ་བདག །བདེ་གཤེགས་ཕྱག་རྒྱ་དེ་ལགས་ན། །རྣལ་འབྱོར་ལས་དང་རྟོག་པ་ལ། །སྐུ་མདོག་ཕྱག་མཚན་མི་འཚལ་ལམ། །སྤྱི་དང་སོ་སོའི་བྱེ་བྲག་ཅི། །ཞེས་གསོལ་པ་དང་། བཅོམ་ལྡན་འདས་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །རྣལ་འབྱོར་ལས་དང་འདིར་འཇུག་པ། །སེམས་སྦྱོང་པ་ཡི་ཐབས་འདི་ཡིན། །དང་པོ་སྤྱི་ཡི་དཀྱིལ་འཁོར་གྱིས། །ཁ་དོག་དབྱིབས་ལ་བརྟན་པར་བཟུང་། །ཁ་དོག་དབྱིབས་རྣམས་འདི་ལྟ་སྟེ། །ཁྲོ་བོ་ཧཱུཾ་ཆེན་ཀ་ར་ནི། །དབུ་གསུམ་ཕྱག་ཀྱང་དྲུག་པ་སྟེ། །ཞབས་ནི་རྣམ་པ་བཞི་རུ་བགྲད། །གཡས་དཀར་གཡོན་སྔོ་དབུས་སྔོ་བ། །གཡས་གཡོན་དང་པོ་རྡོ་རྗེ་བྷན། །བར་མ་གཉིས་ནི་མདའ་གཞུ་འགེངས། །ཐ་གཉིས་རི་རབ་ཕུར་བུ་འདྲིལ། །ཐོད་སྐམ་ཐོད་རློན་ཕྲེང་བས་བརྒྱན། །སྟག་དང་གླང་ཆེན་སྦྲུལ་གྱིས་བརྒྱན། །ཁྲོ་མོ་གཡས་ན་དྲིལ་བུའོ། །ཁྲོ་བོ་རྣམ་པར་རྒྱལ་བ་ནི། །དབུ་གསུམ་ཕྱག་ཀྱང་དྲུག་པ་སྟེ། །གཡས་སྔོ་གཡོན་ལྗང་དབུས་མ་དཀར། །བར་གཉིས་རྡོ་རྗེ་འཁོར་ལོའོ། །ཁྲོ་བོ་དབྱུག་པ་སྔོན་པོ་ནི། །གཡས་དཀར་གཡོན་པ་དམར་སྐྱ་སྟེ། །དབུས་མའི་ཞལ་ནི་སྔོ་ལ་སྐྱ། །བར་གཉིས་དབྱུག་པ་མེ་དབལ་བསྣམས། །ཁྲོ་བོ་གཤིན་རྗེའི་གཤེད་པོ་ནི། །གཡས་པ་སྔོ་ལ་སྐྱ་བ་སྟེ། །གཡོན་པ་ལྗང་ལ་གནག་པའོ། །རྩ་བའི་ཞལ་ནི་ནམ་མཁའ་འདྲ། །བར་མ་གཉིས་ན་བསྣམས་པ་ནི། །དབྱུག་པ་མི་མགོ་དགྲ་ ― DNG013_Page_0451 ―
[མ་དཔེ་གཟིགས་ན་འདིར་གནོན།]
སྟྭའོ། །ཁྲོ་བོ་མི་གཡོ་མགོན་པོ་ནི། །དབུས་ལྗང་གཡས་སྔོ་གཡོན་སྨུག་ནག །བར་མ་གཉིས་ན་རྡོ་རྗེ་ཞགས། །ཁྲོ་བོ་ཆེན་པོ་རྟ་མགྲིན་ནི། །གཡས་དཀར་གཡོན་སྔོ་དབུས་མ་དམར། །བར་མ་གཉིས་ན་རལ་གྲི་ཞགས། །ཁྲོ་བོ་གཞན་གྱིས་མི་ཐུབ་པ། །གཡས་སེར་གཡོན་ལྗང་དབུས་དམར་སྐྱ། །བར་གཉིས་བྷནྡྷ་རྔ་ཡབ་བོ། །ཁྲོ་བོ་བདུད་རྩི་འཁྱིལ་པ་ནི། །གཡས་སེར་གཡོན་དུད་དབུས་ལྗང་ནག །གཡས་པ་རྡོ་རྗེ་རྒྱ་གྲམ་ལ། །གཡོན་པ་རིན་ཆེན་དབྱུག་པའོ། །ཁྲོ་བོ་ཁམས་གསུམ་རྣམ་པར་རྒྱལ། །གཡས་དཀར་གཡོན་དམར་དབུས་སེར་པོ། །བར་གཉིས་འཁོར་ལོ་མདའ་གཞུའོ། །ཁྲོ་བོ་ཆེན་པོ་སྟོབས་ཆེན་ནི། །གཡས་ནག་གཡོན་དམར་དབུས་དུད་ཀ །བར་གཉིས་ཞགས་པ་ཐོ་བ་ཐོགས། །ཁྲོ་བོའི་རྒྱལ་པོ་དེ་དག་ཀུན། །དང་པོ་ཐ་མ་ཀུན་ཀ་ན། །རྡོ་རྗེ་བྷནྡྷ་ཕུར་པར་བཤད། །དུར་ཁྲོད་རྒྱན་ཀྱང་དེ་བཞིན་ནོ། །ཁྲོ་མོ་ཀུན་ཀྱང་ཡབ་འདྲ་སྟེ། །གཡས་ཀྱི་ཕྱག་ན་དྲིལ་བུའོ། །སྤྲུལ་པ་ལྕམ་དྲལ་སྐུ་མདོག་ནི། །གཡས་གཡོན་མདོག་ལས་ཤེས་པར་བྱ། །གཡས་ཀྱི་དང་པོ་རང་རྟགས་ལ། །གཡོན་གྱི་དང་པོ་དེ་བཞིན་སྦྱིན། །བཛྲ་ཡཀྵྀ་ཎཱི་ཞེས་པས། །ཤར་དུ་པུ་ཤུད་མགོ་ཅན་དེ། །སྐུ་མདོག་མཐིང་ནག་ལྕགས་ཀྱུ་བསྣམས། །བཛྲ་བྷཻ་ར་བེ་ཞེས་པས། །ལྷོ་རུ་སྐྱེ་ཀའི་མགོ་ཅན་ནི། །སྐུ་མདོག་སེར་པོ་ཞགས་པ་བསྣམས། །བཛྲ་ཨ་མྲྀ་ཏ་ཞེས་པ། །ནུབ་ཏུ་སྲིན་བྱའི་མགོ་ཅན་ནི། །སྐུ་མདོག་དམར་ནག་ལྕགས་སྒྲོག་བསྣམས། །བཛྲ་མཱ་ར་ཎཱི་ཞེས་པ། །བྱང་དུ་ཁྲ་ཡི་མགོ་ཅན་ནོ། །སྐུ་མདོག་ལྗང་ནག་དྲིལ་བུ་བསྣམས། །དེ་ནི་སྤྱི་ཡི་དཀྱིལ་འཁོར་རོ། །སོ་སོའི་དཀྱིལ་འཁོར་བསྟན་པ་ནི། །སོ་སོའི་ཁ་དོག་རིམ་པ་སྟེ། །ཕྱག་མཚན་ལ་སོགས་སྤྱི་བཞིན་བརྟག །རེ་རེ་ལ་ཡང་སོ་སོ་སྟེ། །ཁ་དོག་ཕྱག་མཚན་ལ་སོགས་པ། །ངེས་པ་མེད་པར་རྒྱལ་བས་གསུངས། །བདེ་གཤེགས་བཅོམ་ལྡན་གཙོ་བོ་ལ། །ཁྲོ་མོ་རྣམས་ཀྱིས་བསྐོར་བ་ནི། །དཀྱིལ་འཁོར་ཉམས་དགའ་དམ་པ་དེའི། །སྐུ་མདོག་རྣམས་ནི་མཐིང་ནག་སྟེ། །ལས་ཀྱི་བྱེ་བྲག་རྣམས་ཀྱིས་གསལ། །བདེ་གཤེགས་བཅོམ་ལྡན་ཁྲག་འཐུང་ལ། །བདག་ཉིད་ཆེན་མོ་ ― DNG013_Page_0452 ―
[མ་དཔེ་གཟིགས་ན་འདིར་གནོན།]
བཞི་ཡིས་བསྐོར། །ཐོད་པའི་འཁོར་ལོ་བཞི་ལ་གནས། །མ་ལས་ཡོངས་བསྐྱེད་གཞན་དང་འདྲ། །དཀྱིལ་འཁོར་དེ་ཡི་སྐུ་མདོག་དུད། །བཅོམ་ལྡན་བདེ་གཤེགས་ཁྲག་འཐུང་ལ། །ལྷ་མོ་བཞིས་བསྐོར་པདྨ་བཞི། །སྐུ་མདོག་སོ་སོའི་བྱེ་བྲག་སྟེ། །ཀུ་དང་ཤུ་དང་ཙ་དང་མི། །ཀཾ་ལས་ཡོངས་སུ་བསྐྱེད་པའོ། །བཅོམ་ལྡན་བདེ་གཤེགས་ཁྲག་འཐུང་ལ། །ཅི་བགྱིས་བསྐོར་བའི་དཀྱིལ་འཁོར་ནི། །པད་གདན་ཉི་ཤུ་རྩ་བཞི་ལ། །ཕྱོགས་ཀྱི་ཆ་ཡིས་དགོད་པར་བྱ། །དཀར་དང་དམར་དང་ལྗང་དང་སེར། །ཁ་དོག་དེ་བཞིན་རབ་ཏུ་བརྟག །སྒོ་ནས་གནས་བཞི་དེ་བཞིན་ནོ། །བཅོམ་ལྡན་བདེ་གཤེགས་ཁྲག་འཐུང་ལ། །ཕྲ་མེན་ཚོགས་ཀྱི་དཀྱིལ་འཁོར་ནི། །སྤྱི་ཡི་དཀྱིལ་འཁོར་དབྱིབས་འདྲ་ལ། །ནང་དང་ཕྱི་ལ་དེ་བཞིན་དགོད། །ཙོའུ་རི་གསེར་མདོག་ཕྲ་མོ་ཟངས། །བེ་ཏཱ་མཐིང་ནག་གཽ་རི་དཀར། །པུཀྐ་དམར་སེར་གྷསྨ་ལྗང་། །སྨ་ཤ་མཐིང་ནག་ཙཎྜ་སེར་སྐྱའོ། །འཁོར་ལོའི་རྩིབས་ལ་གནས་པར་བརྟག །སིངྷ་དཀར་ལ་བྱཱ་གྷྲཱི་སྔོ། །སྲིཾ་ལ་དམར་ལ་ཤྭ་ན་ལྗང་། །གྲྀ་ཌྷ་སེར་ལ་སྐྱ་བ་ཡིན། །ཀང་ཀ་དཀར་ལ་ཅུང་དམར་བ། །ཀཱ་ཀ་མཐིང་ནག་ཆེན་མོ་སྟེ། །ཨུ་ལཱུ་དམར་ལ་སེར་བའོ། །རྟ་གདོང་དཀར་མོའི་ཆ་ལུགས་ཅན། །ཕག་གདོང་ནག་མོའི་ཚུལ་དུ་སྣང་། །ཉི་ཟླ་མ་ནི་དམར་མོ་སྟེ། །ཐལ་བྱེད་མ་ནི་ལྗང་གུའོ། །སོ་སོའི་ཕྱག་མཚན་ལ་སོགས་པ། །མཚན་ཉིད་དག་གི་རྣམ་པའོ། །མིང་གིས་བསྐྱེད་པ་ལ་སོགས་པ། །ཇི་ལྟར་བཀོད་པ་བཞིན་དུ་བྱའོ། །བཅོམ་ལྡན་བདེ་གཤེགས་ཁྲག་འཐུང་ལ། །ཤྭ་ན་མུ་ཁས་བསྐོར་བ་ནི། །དཀྱིལ་འཁོར་དམ་པ་བྲི་བ་སྟེ། །ཤིན་ཏུ་གྲུ་བཞིར་ལྡན་པ་ལ། །ཐིག་བཞི་གདབ་པས་ལིང་ཚེ་དགུ། །དབུས་སུ་ཁྲག་འཐུང་ཆེན་པོ་སྟེ། །ཤར་དུ་གསོད་བྱེད་སེང་གེའི་མགོ། །ལྷོ་རུ་འགུགས་བྱེད་སྟག་མོའི་མགོ། །ནུབ་ཏུ་རྒྱུག་བྱེད་ཝ་ཡི་མགོ། །བྱང་དུ་ཟ་བྱེད་སྤྱང་མོའི་མགོ། །དཀར་དང་སེར་དང་དམར་དང་ལྗང་། །རིམ་པར་ཁ་དོག་ལྡན་པར་བཤད། །ཞལ་གཅིག་ཕྱག་ཀྱང་གཉིས་པ་སྟེ། །ལྕགས་ཀྱུ་ཕུར་བུར་ལྡན་པའོ། །བྱང་ཤར་མཚམས་ལ་སྤྱང་བཞི་སྟེ། །ནུབ་བྱང་ལ་ཡང་དེ་བཞིན་བརྟག །ལྷོ་ནུབ་མཚམས་ལ་ཁྱི་ ― DNG013_Page_0453 ―
[མ་དཔེ་གཟིགས་ན་འདིར་གནོན།]
བརྒྱད་དེ། །ལྷོ་ཤར་ལ་ཡང་དེ་བཞིན་ནོ། །སྒོར་ནི་སྒོ་བ་རྣམས་དང་བཅས། །རྒྱན་རྣམས་ཀུན་ཀྱང་དེ་བཞིན་ནོ། །མཆོད་པ་དབུལ་བ་སོ་སོའི་གཞུང་། །ལས་རྣམས་ཇི་ལྟར་འདོད་བཞིན་བཅོལ། །བཅོམ་ལྡན་བདེ་གཤེགས་ཁྲག་འཐུང་གི། །རྒྱན་གཅིག་དོན་དང་ལྡན་འདོད་ན། །རྡོ་རྗེ་ཁང་པ་ལ་སྩོགས་པ། །ཇི་ལྟར་བརྟག་པའི་རང་བཞིན་ལ། །པདྨའི་གདན་ལ་ཡང་དག་བརྟག །བདེ་གཤེགས་སྐུ་མདོག་ངེས་པ་མེད། །བདེ་གཤེགས་གཅིག་བསྒོམ་ཀུན་གྱི་ངང་། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་སྐུ་མདོག་དང་ཕྱག་མཚན་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་རྣམ་པར་དག །མ་བཅོས་དོན་དམ་ངོ་བོ་ཉིད། །རྣམ་དག་སྐུ་ནི་ཀུན་ཏུ་ཁྱབ། །གཉིས་མེད་ཁྱོད་ལ་བདག་ཅག་འདུད། །བདེ་བར་གཤེགས་པའི་སྐུར་སྣང་བ། །འདི་ཡི་དོན་རྣམས་ཇི་ལྟར་ལགས། །རྣམ་པར་དག་པའི་ཚུལ་ཅི་ལགས། །གདུག་པ་འདུལ་བའི་སྐུར་བསྟན་པ། །ཁྲག་འཐུང་ལ་སོགས་ཁྲོ་བོ་རྣམས། །འདི་ཡི་རྣམ་དག་ཇི་ལྟར་ལགས། །བདེ་བར་གཤེགས་པས་ལུང་བསྟན་གསོལ། །ཞེས་གླེངས་པ་དང་།བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །བདེ་གཤེགས་དཀྱིལ་འཁོར་དམ་པ་རྣམས། །གཡེང་བའི་སེམས་བསྡུའི་དོན་དུ་གསུངས། །ལུས་ནི་རིགས་པས་འཛིན་པ་ལ། །རྣམ་པར་དག་པའི་ཚུལ་བསྟན་གྱི། །ལུས་ངག་ཡིད་ཀྱིས་གུས་པར་ཉོན། །བཅོམ་ལྡན་རྣམ་པར་སྣང་མཛད་ནི། །གཟུགས་ཀྱི་ཕུང་པོ་རྣམ་པར་དག །བཅོམ་ལྡན་རིན་ཆེན་འབྱུང་གནས་ནི། །ཚོར་བའི་ཕུང་པོ་རྣམ་དག་པའོ། །བཅོམ་ལྡན་སྣང་བ་མཐའ་ཡས་ནི། །འདུ་ཤེས་ཕུང་པོ་རྣམ་དག་པའོ། །བཅོམ་ལྡན་དོན་ཡོད་གྲུབ་པ་ནི། །འདུ་བྱེད་ཕུང་པོ་རྣམ་དག་པའོ། །བཅོམ་ལྡན་རྡོ་རྗེ་འཛིན་པ་ནི། །རྣམ་ཤེས་ཕུང་པོ་རྣམ་དག་པའོ། ། ― DNG013_Page_0454 ―
[མ་དཔེ་གཟིགས་ན་འདིར་གནོན།]
ཡུམ་ལྔ་འབྱུང་ལྔ་རྣམ་དག་པའོ། །བྱང་སེམས་ས་ཡི་སྙིང་པོ་ནི། །མིག་གི་རྣམ་ཤེས་དག་པའོ། །བྱང་སེམས་ནམ་མཁའི་སྙིང་པོ་ནི། །རྣ་བའི་རྣམ་ཤེས་རྣམ་དག་པའོ། །བྱང་སེམས་སྤྱན་རས་གཟིགས་དབང་ནི། །སྣ་ཡི་རྣམ་ཤེས་རྣམ་དག་པའོ། །བྱང་སེམས་ཕྱག་ན་རྡོ་རྗེ་ནི། །ལྕེ་ཡི་རྣམ་ཤེས་རྣམ་དག་པའོ། །བྱང་ཆུབ་སེམས་མ་ལཱ་སྱེ་ནི། །མིག་གི་ཡུལ་རྣམས་རྣམ་དག་པའོ། །བྱང་ཆུབ་སེམས་མ་མཱ་ལེ་ནི། །རྣ་བའི་ཡུལ་རྣམས་རྣམ་དག་པའོ། །བྱང་ཆུབ་སེམས་མ་གཱིརྟི་ནི། །སྣ་ཡི་ཡུལ་རྣམས་རྣམ་དག་པའོ། །བྱང་ཆུབ་སེམས་མ་ནིརྟི་ནི། །ལྕེ་ཡི་ཡུལ་རྣམས་རྣམ་དག་པའོ། །བྱང་ཆུབ་སེམས་དཔའ་བྱམས་པ་ནི། །མིག་གི་དབང་བོ་རྣམ་དག་པའོ། །བྱང་ཆུབ་སེམས་དཔའ་སྒྲིབ་སེལ་ནི། །རྣ་བའི་དབང་པོ་རྣམ་དག་པའོ། །བྱང་ཆུབ་སེམས་དཔའ་ཀུན་བཟང་ནི། །སྣ་ཡི་དབང་པོ་རྣམ་དག་པའོ། །བྱང་ཆུབ་སེམས་དཔའ་འཇམ་དཔལ་ནི། །ལྕེ་ཡི་དབང་པོ་རྣམ་དག་པའོ། །བྱང་ཆུབ་སེམས་མ་དྷཱུ་པེ་ནི། །སྔར་འདས་དུས་ནི་རྣམ་དག་པའོ། །བྱང་ཆུབ་སེམས་མ་པུཥ྇་ནི། །ད་ལྟའི་དུས་ནི་རྣམ་དག་པའོ། །བྱང་ཆུབ་སེམས་མ་ཨཱ་ལོ་ཀེ། །ཕྱིས་འབྱོན་དུས་ནི་རྣམ་དག་པའོ། །བྱང་ཆུབ་སེམས་མ་གནྡྷེ་མ། །བྱོན་པར་རྟོག་པ་རྣམ་དག་པའོ། །སྒོ་སྲུང་ཁྲོ་བོ་བཞི་རྣམས་ནི། །ཡན་ལག་བཞི་རྣམས་རྣམ་དག་པའོ། །སྒོ་མ་ཆེན་མོ་རྟ་གདོང་ནི། །རྟག་པར་ལྟ་བ་རྣམ་དག་པའོ། །ཁྲོ་མོ་ཕག་གདོང་ཞགས་པ་ནི། །ཆད་པར་ལྟ་བ་རྣམ་དག་པའོ། །ཁྲོ་མོ་ཉི་ཟླ་ལྕགས་སྒྲོག་ནི། །གཉིས་སུ་ལྟ་བ་རྣམ་དག་པའོ། །ཁྲོ་བོ་ཐལ་བྱེད་དྲིལ་བུ་ནི། །བདག་ཏུ་ལྟ་བ་རྣམ་དག་པའོ། །བཅོམ་ལྡན་ཐུབ་པ་དྲུག་རྣམས་ནི། །འགྲོ་དྲུག་རྣམ་པར་དག་པའོ། །ཡིད་དང་ཆོས་ནི་དེ་དག་ནི། །མཚན་ཉིད་སྤྲོས་མེད་དེ་ཉིད་དོ། །གདུག་པ་འདུལ་བ་ཁྲོ་བོའི་སྐུ། །ཕྱི་ཁྲོ་ནང་ཉིད་མ་བཅོས་པའོ། །དེ་ཡི་རྣམ་དག་བཤད་བྱ་བ། །བཅོམ་ལྡན་རྡོ་རྗེ་གཞོན་ནུ་ནི། །རྣམ་ཤེས་ཚོགས་བརྒྱད་རྣམ་དག་པའོ། །ཁྲོ་བོ་ཆེན་པོ་ཧཱུཾ་ཀཱ་ར། །འདོད་ཆགས་རྣམ་པར་དག་པའོ། །ཁྲོ་བོ་ཆེན་པོ་རྣམ་པར་རྒྱལ། །ངག་འཁྱལ་རྣམ་པར་དག་པའོ། །ཁྲོ་བོ་དབྱུག་ ― DNG013_Page_0455 ―
[མ་དཔེ་གཟིགས་ན་འདིར་གནོན།]
པ་སྔོན་པོ་ནི། །རྫུན་དུ་སྨྲ་བ་རྣམ་དག་པའོ། །ཁྲོ་བོ་གཤིན་རྗེའི་གཤེད་པོ་ནི། །སྲོག་གཅོད་རྣམ་པར་དག་པའོ། །ཁྲོ་བོ་མི་གཡོ་མགོན་པོ་བ། །ལོག་ལྟ་རྣམ་པར་དག་པའོ། །ཁྲོ་བོ་ཆེན་པོ་རྟ་མགྲིན་ནི། །ཕྲ་མ་རྣམ་པར་དག་པའོ། །ཁྲོ་ཆེན་གཞན་གྱིས་མི་ཐུབ་ནི། །མ་བྱིན་ལེན་པ་རྣམ་དག་པའོ། །ཁྲོ་བོ་བདུད་རྩི་འཁྱིལ་པ་ནི། །ངག་རྩུབ་རྣམ་པར་དག་པའོ། །ཁྲོ་བོ་ཁམས་གསུམ་རྣམ་རྒྱལ་ནི། །གནོད་སེམས་རྣམ་པར་དག་པའོ། །ཁྲོ་བོའི་རྒྱལ་པོ་སྟོབས་པོ་ཆེ། །བརྣབ་སེམས་རྣམ་པར་དག་པའོ། །དེ་རྣམས་ཀུན་གྱི་ཡུམ་རྣམས་ནི། །ཁྲོ་མོ་རྣམས་སུ་དག་པའོ། །ཕྲ་མེན་ཕག་གི་མགོ་ཅན་ནི། །གཉིད་ཀྱི་དངོས་པོ་རྣམ་པར་དག་པའོ། །ཕྲ་མེན་རྨིག་བུའི་མགོ་ཅན་ནི། །གཉིད་ཀྱི་མཚན་ཉིད་རྣམ་པར་དག་པའོ། །ཕྲ་མེན་སྟག་གི་མགོ་ཅན་ནི། །སེམས་དངོས་རྣམ་པར་དག་པའོ། །ཕྲ་མེན་བྱ་རྒོད་མགོ་ཅན་ནི། །སེམས་ཡུལ་རྣམ་པར་དག་པའོ། །ཕྲ་མེན་གཡག་གི་མགོ་ཅན་ནི། །གདུལ་དངོས་རྣམ་པར་དག་པའོ། །ཕྲ་མེན་བྱ་རོག་མགོ་ཅན་ནི། །གདུལ་ཡུལ་རྣམ་པར་དག་པའོ། །ཕྲ་མེན་ཤ་བའི་མགོ་ཅན་ནི། །ཡིད་ལ་བྱེད་པ་རྣམ་པར་དག་པའོ། །ཕྲ་མེན་འུག་པའི་མགོ་ཅན་ནི། །ཡིད་ཡུལ་རྣམ་པར་དག་པའོ། །ཕྲ་མེན་གཟིག་གི་མགོ་ཅན་ནི། །ཏིང་འཛིན་རྣམ་པར་དག་པའོ། །ཕྲ་མེན་བྱི་ལའི་མགོ་ཅན་ནི། །དད་པ་རྣམ་པར་དག་པའོ། །ཕྲ་མེན་པུ་ཤུད་མགོ་ཅན་ནི། །དད་ཡུལ་རྣམ་པར་དག་པའོ། །ཕྲ་མེན་སྤྱང་ཀའི་མགོ་ཅན་ནི། །མོས་པ་རྣམ་པར་དག་པའོ། །ཕྲ་མེན་ཁྲ་ཡི་མགོ་ཅན་ནི། །མོས་ཡུལ་རྣམ་པར་དག་པའོ། །ཕྲ་མེན་སེང་གེའི་མགོ་ཅན་ནི། །དྲན་པ་རྣམ་པར་དག་པའོ། །ཕྲ་མེན་ཕ་ཝང་མགོ་ཅན་ནི། །དྲན་ཡུལ་རྣམ་པར་དག་པའོ། །ཕྲ་མེན་དོམ་གྱི་མགོ་ཅན་ནི། །བྱེད་པ་རྣམ་པར་དག་པའོ། །ཕྲ་མེན་སྲེ་མོ་མགོ་ཅན་ནི། །བྱེད་ཡུལ་རྣམ་པར་དག་པའོ། །ཕྲ་མེན་དྲེད་ཀྱི་མགོ་ཅན་ནི། །རིག་པ་རྣམ་པར་དག་པའོ། །ཕྲ་མེན་བྱི་བའི་མགོ་ཅན་ནི། །རིག་ཡུལ་རྣམ་པར་དག་པའོ། །ཕྲ་མེན་པུ་ཤུད་མགོ་ཅན་ནི། །བྱམས་པ་རྣམ་པར་ ― DNG013_Page_0456 ―
[མ་དཔེ་གཟིགས་ན་འདིར་གནོན།]
དག་པའོ། །ཕྲ་མེན་སྐྱེ་ཀའི་མགོ་ཅན་ནི། །སྙིང་རྗེ་རྣམ་པར་དག་པའོ། །ཕྲ་མེན་སྲིན་བྱའི་མགོ་ཅན་ནི། །དགའ་བ་རྣམ་པར་དག་པའོ། །ཕྲ་མེན་ཁྲ་ཡི་མགོ་ཅན་ནི། །བཏང་སྙོམས་རྣམ་པར་དག་པའོ། །བདག་ཉིད་དཀྱིལ་འཁོར་དམ་པ་ནི། །བདུད་བཞི་རྣམ་པར་དག་པའོ། །ལྷ་མོའི་དཀྱིལ་འཁོར་དམ་པ་ནི། །མཚོ་བཞི་རྣམ་པར་དག་པའོ། །ཅི་བགྱིའི་ཚོགས་ཀྱིས་དཀྱིལ་འཁོར་ནི། །མཆོད་རྟེན་རྣམ་པར་དག་པའོ། །ཕྲ་མེན་དཀྱིལ་འཁོར་དམ་པ་ནི། །རྣམ་ཤེས་ཚོགས་བརྒྱད་ཡུལ་རྣམས་བརྒྱད། །དེ་རྣམས་རྣམ་པར་དག་པར་འདོད། །ཤྭ་ན་མུ་ཁའི་དཀྱིལ་འཁོར་ནི། །ཉིང་ལག་རྣམ་པར་དག་པའོ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་རྣམ་པར་དག་པའི་ལེའུ་སྟེ་བཅུ་དྲུག་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་གཉིས་མེད་གཙོ། །གསང་བའི་བདག་པོ་ཁྱོད་ལ་འདུད། །བརྗོད་བྲལ་བདག་ཉིད་ཁྱོད་ལ་འདུད། །རྣམ་དག་རང་བཞིན་དེ་ལགས་ན། །རྣལ་འབྱོར་བློ་ལྡན་དམ་པ་ཡིས། །སེམས་བསྡུ་ཐབས་ནི་ཇི་ལྟར་ལགས། །སེམས་བཞག་ཐབས་ནི་ཇི་ལྟ་བུ། །གཞལ་ཡས་བྱེ་བྲག་ཇི་ལྟར་ལགས། །ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་དོན་ལ་ཡིད་ཆེས་ཏེ། །སེམས་བསྡུའི་ཐབས་ལ་རྣམ་པ་མང་། །སེམས་ཅན་མོས་པའི་དབང་དུའོ། །དང་པོ་རང་ལུས་བདེར་འདུག་སྟེ། །མངལ་སྐྱེས་རྫུས་སྐྱེས་རིམ་པ་ཡང་། །དྲོད་སྐྱེས་སྒོང་སྐྱེས་ལ་གནས་པའི། །ཏིང་འཛིན་རིམ་པ་རྫོགས་པའི་རྗེས། །གཉིས་མེད་བློ་གཞན་དྲན་བྱས་ཏེ། །གཞལ་ཡས་བྱེ་བྲག་དྲན་བྱ་བ། །འབྱུང་བ་ལས་བྱུང་རྡོ་རྗེའི་གུར། །ཆོས་དབྱིངས་ཅིས་ཀྱང་མི་ཚུགས་རྟགས། །དེ་ལས་མེ་འོད་འབར་བ་ནི། །ཉོན་མོངས་ལོག་ལྟ་མི་གནས་རྟགས། །རྣལ་འབྱོར་ཏིང་འཛིན་ལ་གནས་ ― DNG013_Page_0457 ―
[མ་དཔེ་གཟིགས་ན་འདིར་གནོན།]
པའི། །སྲུང་བ་དམ་པ་ཤིན་ཏུ་གཅེས། །གཞལ་ཡས་གྲུ་བཞིར་བྱུང་བ་ནི། །ཚད་མེད་བཞི་རྣམས་རྣམ་དག་རྟགས། །སྒོ་བཞི་དྲན་པ་ཉེར་གཞག་བཞི། །རྣམ་པར་དག་པའི་རྟགས་ཡིན་ནོ། །རྟ་བབས་ཡང་དག་སྤོང་བ་བཞི། །རྣམ་པར་དག་པའི་རྟགས་ཡིན་ནོ། །དྲ་བ་ཕྱེད་ཀྱིས་བརྒྱན་པ་ནི། །ཉོན་མོངས་ཆེ་ཆུང་རྣམ་དག་པའོ། །ཀ་བ་བརྒྱད་ཀྱིས་དབུས་བརྒྱན་པ། །འཕགས་ལམ་བརྒྱད་དུ་རྣམ་དག་རྟགས། །རིན་ཆེན་ཕ་གུ་ལ་སོགས་མཚན། །ཚུལ་ཁྲིམས་རྣམ་པར་དག་པའི་རྟགས། །འདོད་པའི་ལྷ་མོས་བརྒྱན་པ་ནི། །གཟུགས་སྒྲ་དྲི་རོ་རྣམ་དག་རྟགས། །སྒོ་བཞིར་རྒྱལ་མཚན་བཞི་རྣམས་ནི། །རྣམ་རྟོག་བདུད་ལས་རྒྱལ་བའི་རྟགས། །ཟུར་བཞིར་རྒྱལ་མཚན་བཞི་རྣམས་ནི། །ཕྱི་ཡི་བདུད་ལས་རྒྱལ་བའི་རྟགས། །ཞིང་གི་བླ་རེ་དྲེས་པ་ནི། །ཐབས་དང་ཤེས་རབ་གཉིས་མེད་རྟགས། །རྡོ་རྗེའི་ར་བས་བསྐོར་བ་ནི། །ཆོས་ཀྱི་འཁོར་ལོ་བསྐོར་བའི་རྟགས། །བུམ་པ་བརྒྱད་ཀྱིས་བརྒྱན་པ་ནི། །བྱང་ཆུབ་སེམས་ཀྱིས་བརྒྱན་པའི་རྟགས། །དཔག་བསམ་ཤིང་གིས་བརྒྱན་པ་ནི། །ཐུགས་རྗེས་ཡོངས་ལ་ཁྱབ་པའི་རྟགས། །རི་དྭགས་ཤ་ར་ཎས་བརྒྱན་པ། །བྱང་ཆུབ་སེམས་དཔས་བསྐོར་བའི་རྟགས། །ཆོས་ཀྱི་འཁོར་ལོས་བརྒྱན་པ་ནི། །ས་བཅུའི་བྱང་ཆུབ་སེམས་དཔའ་ལ། །ཆོས་ཀྱི་འཁོར་ལོ་བསྐོར་བའི་རྟགས། །གདུགས་དང་འཕན་གྱིས་བརྒྱན་པ་ནི། །ས་ལ་གནས་པའི་བྱང་སེམས་ཀྱིས། །སོ་སོར་ཆོས་རྣམས་སྟོན་པའི་རྟགས། །རིན་ཆེན་ལྔ་ལས་གྲུབ་པ་ནི། །ཉོན་མོངས་ལྔ་རྣམས་རྣམ་དག་ཅིང་། །ཡེ་ཤེས་ལྔ་ལས་གྲུབ་པའི་རྟགས། །ནང་དུ་ཐོད་པའི་གཞལ་ཡས་ཁང་། །ང་དང་བདག་འཛིན་བྲལ་བའི་རྟགས། །འོབས་བདུན་གཞལ་ཡས་ཀྱིས་བརྒྱན་པ། །བྱ་དཀའ་སྣ་ཚོགས་མཛད་པའི་རྟགས། །དེ་ལྟར་གཞལ་ཡས་ཉེར་བཞག་སྟེ། །ཕྱི་ཡི་གཞལ་ཡས་དམ་པའོ། །རང་ལུས་གཞལ་ཡས་འདི་ལྟར་རྟགས། །རྐང་པ་རླུང་གི་དཀྱིལ་འཁོར་ལ། །ལྟེ་བ་མཐའ་ཟད་མེ་དཀྱིལ་འཁོར། །ལྟོ་བ་ཆུ་ཡི་དཀྱིལ་འཁོར་ཏེ། །རོ་སྟོད་ས་ཡི་དཀྱིལ་འཁོར་རོ། །མགོ་བོ་རི་ ― DNG013_Page_0458 ―
[མ་དཔེ་གཟིགས་ན་འདིར་གནོན།]
རབ་རང་བཞིན་ཏེ། །ནམ་མཁའ་ཀུན་གྱི་གོ་འབྱེད་པའོ། །དེ་ལས་གྲུབ་པའི་གཞལ་ཡས་ནི། །སྤྲུལ་པའི་ཕོ་བྲང་དྲུག་ཅུ་བཞི། །ཀུན་འབྱུང་སྒོ་དྲུག་གིས་བརྒྱན་ཏེ། །སྟོན་པ་དེ་དབུས་ཨཱོཾ་གྱི་གཟུགས། །ཐམས་ཅད་འབྱུང་བ་ཨ་ཞེས་བྱ། །དེ་ཡི་མཚན་ཉིད་བརྗོད་པར་བྱ། །ཁ་དོག་དཀར་པོ་ཡེ་ཤེས་བཞི། །དབུས་ཀྱི་རི་བོ་འཛིན་པ་སྟེ། །ལྟ་བའི་ཐལ་གནས་ཞེས་བྱའོ། །ས་དབུས་ཆོས་ཀྱི་ཕོ་བྲང་སྟེ། །ཁ་དོག་མཐིང་གའི་ཡི་གེ་དགུ། །ཕྱོགས་བཞིར་ཡབ་ཡུམ་ཡི་གེ་བརྒྱད། །དྲན་རྟོག་བསྐྱེད་པའི་ཡི་གེ་གཅིག །རྒྱར་ནི་འཁོར་ལོའི་འདབ་ལ་གནས། །གཅིག་ནི་ཨ་ཡི་དབུས་སུ་གནས། །སྨྲ་བྱེད་སྒོ་དགུ་ཞེས་པའོ། །མགྲིན་བཅུ་ལོངས་སྤྱོད་ཕོ་བྲང་སྟེ། །འདབ་མ་བཅུ་དྲུག་སྒོ་བཞིར་ལྡན། །འབྱུང་བའི་ཡི་གེ་བཞི་ཡིས་སྤྲས། །དབུས་སུ་ཡི་གེ་ཨཱོཾ་ཡིན་ཏེ། །སྐུ་ཡི་དངོས་པོ་ཡེ་ཤེས་ལྔ། །ཆགས་མེད་རྟགས་འཛིན་མདུད་པ་གསུམ། །རི་རབ་དབུས་སུ་བདེ་ཆེན་གནས། །འདབ་མ་སུམ་ཅུ་གཉིས་པ་སྟེ། །ཨཱ་ལི་གཉིས་ཀྱིས་ཡོངས་སུ་སྤྲས། །དབུས་སུ་བྱང་ཆུབ་སེམས་ཡིག་ཧཾ། །མི་ཤིགས་ས་ཡི་སྙིང་པོ་སྟེ། །རྟག་པར་ཁ་དོག་གཞོམ་མེད་བལྟས། །མཚན་མ་མེད་པའི་སྐུ་ཞེས་བྱ། །འབྱུང་འཇུག་བྱེད་པའི་སྒོ་དྲུག་ཅན། །ས་བོན་ཁ་བ་ལྟ་བུར་གནས། །རྡོ་རྗེ་གསང་འཇུག་ཕོ་བྲང་ནི། །མཚོན་བྱེད་འོད་གསལ་བདེ་གསལ་བདེ་ཆེན་འབྱུང་། །རིན་པོ་ཆེ་ཡིས་བརྒྱན་པ་སྟེ། །མཚོན་བྱེད་སྒོ་ནི་གཅིག་པའོ། །རྡོ་རྗེ་སྙོམས་འཇུག་ཕོ་བྲང་ནི། །རིན་པོ་ཆེ་ཡི་ཕོ་བྲང་ལ། །འབྱུང་བ་ལྔ་ཡི་རྒྱན་དང་ལྡན། །དྲུག་ཅུ་བཞི་ཡི་དབུས་ན་བཞུགས། །བརྗོད་མེད་བརྗོད་བྲལ་དེ་ཉིད་དོན། །མ་བཅོས་ལྷུན་གྱིས་གྲུབ་པར་གནས། །གཞལ་ཡས་བྱེ་བྲག་དེ་ལྟར་གནས། །གསང་བའི་གཞལ་ཡས་དམ་པ་ལ། །ཀུན་གྱི་མཚན་ཉིད་རྫོགས་ཞེས་བྱའོ། །དེ་ལ་བརྟག་ཅིང་འཕྲོར་མི་འཇུག །དེ་ཡང་འདི་ལྟར་བརྟག་བྱ་བ། །ཆོས་དབུས་ཡེ་ཤེས་སེམས་དཔའ་སྟེ། །དེ་དབུས་ཏིང་འཛིན་སེམས་དཔའོ། །ཏིང་འཛིན་ཧཱུཾ་གི་རང་བཞིན་ལས། །འོད་ཟེར་ཕྱོགས་བཅུར་འཕྲོས་གྱུར་པས། །ཕྱི་ནང་གཞལ་ཡས་གསལ་བྱས་ཏེ། །སྲིད་པ་གསུམ་ཡང་གསལ་ ― DNG013_Page_0459 ―
[མ་དཔེ་གཟིགས་ན་འདིར་གནོན།]
བྱས་ནས། །དུས་གསུམ་སངས་རྒྱས་བྱང་ཆུབ་སེམས། །མི་འགྱུར་བ་ཡི་འོད་ཅེས་བྱའོ། །ཕྱོགས་བཅུའི་རྒྱལ་བའི་སེམས་བསྡུས་ནས། །སླར་ཡང་རིམ་གྱིས་ཧཱུཾ་ལ་ཐིམ། །ཧཱུཾ་ཡང་རིམ་གྱིས་ཐིག་ལེའི་ངང་། །ཡོངས་སུ་དག་པའི་འོད་ཅེས་བྱའོ། །ངེས་པར་སྙིང་པོ་འབྲུ་བཀོད་དེ། །ཙ་ན་ཀ་ཡི་འབྲུ་ཙམ་ལ། །བདེ་བར་གཤེགས་པའི་སྐུ་ཡང་བསྐྱེད། །ཤིན་ཏུ་དོད་ཅིང་གསལ་བལྟས་ལ། །དབུགས་དབྱུང་འགྲོགས་ནས་གཡས་ནས་སྤྲོས། །མཐོ་གང་མཐོ་དོ་ཇི་སྲིད་བར། །བྱང་ཆུབ་སེམས་ནི་དེ་གཟུང་བྱ། །གལ་ཏེ་ནང་དུ་འཇུག་ན་ཡང་། །དབུགས་དང་འགྲོགས་ནས་གཡོན་དུ་འཇུག །ཐིག་ལེའི་སྐུ་ལ་ཐིམ་པར་བརྟག །ཡུད་ཙམ་སྐད་ཅིག་ཐུན་ལ་སྩོགས། །ཇི་ལྟར་གནས་པའི་བར་དུ་བརྟག །དེ་ལྟར་རིམ་པ་ཡང་ནས་ཡང་། །སེམས་དེ་ངེས་པར་ཟིན་པ་དང་། །མཐར་ནི་དམིགས་པར་མི་འགྱུར་ཏེ། །གང་ལ་དམིགས་པའི་སེམས་མེད་པའོ། །ཕྱི་ཡི་ཐིག་ལེའི་རྣལ་འབྱོར་ཏེ། །དེ་ཡང་སེམས་བསྡུས་བཞག་ཐབས་ཡིན། །དེ་ནས་ཡང་ནི་འདི་བསྟན་ཏེ། །གསང་བའི་ཕོ་བྲང་དབུས་སུ་ནི། །བྱང་ཆུབ་སེམས་ཆུ་རབ་ཕབ་ནས། །རྡོ་རྗེའི་ཆོ་ག་རྣམ་གསུམ་གྱིས། །བདེ་བར་གཤེགས་པའི་སྐུ་རྣམས་བསྐྱེད། །སྐད་ཅིག་མ་ཡི་རྫོགས་པར་བྱ། །དེ་ཡང་ཤིན་ཏུ་ཕྲ་བ་སྟེ། །པདྨའི་སྣ་རྩེ་ལ་རྫོགས་བྱ། །དེ་ལ་སེམས་བསྡུས་བརྟན་པར་བཟུང་། །དེ་ལ་སེམས་དེ་བརྟན་པ་དང་། །དུས་གཅིག་ལའམ་རེ་རེ་སྤྲོ། །རིམ་པས་རིམ་པར་གསལ་བར་སྤྲོ། །སྤྲོས་པས་དེ་ལ་སེམས་བཟུང་གཞག །གལ་ཏེ་དེ་ལ་མི་གནས་ན། །སླར་ཡང་ནང་དུ་གཞུག་པར་བརྟག །དེ་ལ་ནན་ཏན་བསྐྱེད་བྱས་ལ། །སེམས་བསྡུས་ནས་ནི་གནས་པར་བྱ། །དེ་ལ་སེམས་གནས་བརྟན་པར་བཟུང་། །འཇིག་རྟེན་གསུམ་དུ་འཕྲོས་གྱུར་ཀྱང་། །དེ་ལས་གཞན་དུ་མི་གཡོའོ། །དེ་ལས་རང་བཞིན་མེད་བརྟགས་ཏེ། །གང་ལ་དམིགས་པ་མེད་པར་འགྱུར། །འདི་ཡང་སེམས་བསྡུས་གཞག་ཐབས་ཡིན། །དེ་ལས་གཞན་པའི་བསྡུ་བཞག་ནི། །རླུང་གིས་རབ་བསྐྱོད་མེ་སྤར་ཏེ། །ཡི་གེ་ཡོངས་སུ་ཞུ་བའི་ ― DNG013_Page_0460 ―
[མ་དཔེ་གཟིགས་ན་འདིར་གནོན།]
འོད། །གཡས་འབྱུང་ཆོས་སྐུ་ཡོངས་སུ་ནས། །དེ་འོག་རྩ་གཡས་ལོངས་སྤྱོད་ལ། །སྐོར་གསུམ་ཡོངས་ཞུ་བདེ་ཆེན་གནས། །ཧཾ་སྤྲོས་ཕྱིར་འཐོན་ཕྱོགས་བཅུར་སྤྲོས། །ཕྱོགས་བཅུའི་རྒྱལ་བ་བྱང་ཆུབ་སེམས། །ཐམས་ཅད་བསྡུས་ཏེ་སྟེང་སྒོར་ཐིམ། །ཨ་ཝ་དྷཱུ་ཏཱིའི་གནས་ནས་བྱུང་། །སཾ་བྷོ་ཀ་རུ་སེམས་གཟུང་བྱ། །ལུས་སྦྱངས་མི་རྟོག་ཡེ་ཤེས་སྐྱེ། །སྟོན་པས་དེ་ལུང་སྒོ་ཞེས་བྱ། །དེ་ནས་འཇུག་པའི་ལམ་ཞུགས་ཏེ། །སྤྲུལ་པའི་གནས་སུ་བཀའ་ལུང་ནོས། །ཡང་དག་ས་དེར་སེམས་བསྡུ་བཞག །གཉིས་མེད་དོན་གྱི་ལུང་ཐོབ་འགྱུར། །དེ་རུ་མི་གནས་དབུས་ནས་གཤེགས། །ཆོས་སྐུའི་གནས་སུ་ཡང་དག་གནས། །ལུས་རྣམས་རྣམ་དག་སྐྱེ་བར་འགྱུར། །སྐྱེས་ནས་བསྐལ་པའི་བར་དུ་གནས། །ཆོས་ཀྱི་གནས་སུ་མི་གནས་ན། །ནིརྨཱ་ཎ་ཡི་གནས་སུ་དྲངས། །དེ་རུ་སེམས་བསྡུ་གཞག་པར་བྱ། །རྣམ་རྟོག་མེད་པའི་ཡེ་ཤེས་སྐྱེ། །འབྱུང་བས་བསྲེག་ཅིང་འཇུག་པའོ། །གནས་སུ་བྱང་ཆུབ་སེམས་འོད་ལ། །རྣལ་འབྱོར་མིག་གི་འོད་ཟེར་གྱིས། །གཡོ་མེད་མི་འགྱུར་འོད་ལ་བལྟ། །དེ་ལྟར་ཡང་དང་ཡང་དུ་བྱ། །སངས་རྒྱས་ཡེ་ཤེས་ནམ་མཁའ་འབྱུང་། །དེ་ཡང་ནང་གི་ཐིག་ལེ་སྟེ། །སེམས་བསྡུས་བཞག་པའི་ཐབས་ཅིག་ཡིན། །དེ་ལས་གཞན་པའི་སེམས་བསྡུ་བ། །གསང་བའི་ཐབས་ནི་འདི་ཡིན་ཏེ། །ཤེས་རབ་མ་ཡི་མཚན་བརྟག་པ། །སྐྲ་ནི་མཐོན་མཐིང་གྱེན་དུ་འཁྱིལ། །ལུས་ནི་རིང་ཐུང་གཉིས་སྤངས་པ། །མིག་འབྲས་དཀར་ནག་ཕྱེད་པ་དང་། །ལུས་ལ་དྲི་ཞིམ་ནད་ཀྱང་ཉུང་། །ནུ་སྐྲ་མཛེས་ཤིང་ངང་པའི་སྐད། །མཆོག་དང་རབ་དང་འབྲིང་དང་ཐ། །རི་ལུ་དང་འོག་མཐའ་བརྟག་སྟེ། །སྲན་མ་ཙམ་ཉིད་རླང་པོའི་རླུང་། །དེ་ལ་ཡང་ཡང་རོལ་མོ་བྱ། །ལྕེ་ཡི་རོལ་མོ་བྱ་བ་ཡིན། །གནས་དགུ་རུ་ཡང་སེན་མོ་གདག །མ་མཆུ་སོ་ཡིས་དྲུད་པར་བྱ། །དེ་ནས་གཉིས་མེད་སྦྱོར་བ་བྱ། །སྲ་དང་དྲོད་དང་གཤེར་ལ་བསྐྱོད། །བྱང་ཆུབ་སེམས་ནི་སྤྱན་དྲངས་ནས། །དགའ་དང་མཆོག་དགའ་རང་བཞིན་དགའ། །བྲལ་བའི་དགའ་བའི་མཚན་ཉིད་ཅན། །སྙོམས་ ― DNG013_Page_0461 ―
[མ་དཔེ་གཟིགས་ན་འདིར་གནོན།]
འཇུག་ཕོ་བྲང་དེར་ཞུགས་ནས། །སྤྱན་དྲངས་རླུང་གི་ལྕགས་ཀྱུ་སྟེ། །བཟུང་བ་རླུང་གཉིས་བསྡམས་པའོ། །བསྐྱོད་པ་རུས་སྦལ་ལྟ་བུའོ། །སེམས་བཟུང་ཐབས་མཁས་ལྕགས་ཀྱུ་སྟེ། །དེ་ལྟར་བྱང་སེམས་རབ་གནས་ནས། །རང་བཞིན་ལྷན་ཅིག་སྐྱེས་པ་འབྱུང་། །དེ་ཡང་སེམས་བསྡུས་བཞག་ཐབས་སོ། །དོན་དུ་གང་ལ་མོས་པ་ལ། །རབ་ཏུ་འབད་དེ་ཡིད་གཞུངས་ན། །ཡེ་ཤེས་སྐྱེ་བར་ངེས་པ་ཡིན། །ཇི་ལྟར་བརྟག་པ་དེར་སྣང་བས། །སངས་རྒྱས་ཡེ་ཤེས་མཆོག་གྱུར་པར། །དུས་གསུམ་བདེ་གཤེགས་རྣམས་ཀྱིས་གསུངས། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་སེམས་བསྡུས་བཞག་ཐབས་ཀྱི་ལེའུ་སྟེ་བཅུ་བདུན་པའོ།། །།དེ་ནས་ཡང་ཀརྨ་ཧེ་ཀས། བཅོམ་ལྡན་འདས་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་འབྱུང་གནས་གཙོ། །ཐམས་ཅད་མཁྱེན་པའི་གཙོར་གྱུར་པ། །ཐབས་མཁས་མ་ལུས་བདག་ཉིད་ཅན། །རྫོགས་ཉིད་ཁྱེད་ལ་བདག་བདུད་འཚལ། །སེམས་བསྡུ་བཞག་ཐབས་དེ་ལགས་ན། །དེ་ཡི་འབྲས་བུ་ཇི་ལྟར་ལགས། །བལྟ་བ་སྤྱོད་པ་ཇི་ལྟར་ལགས། །བཅོམ་ལྡན་ཐབས་མཁས་ལུང་བསྟན་གསོལ། །ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །བསྐྱེད་པའི་རིམ་པ་ལས་སུ་རུང་། །འདི་ལྟར་སྣང་བའི་ཆོས་འདི་ལ། །གང་ལྟར་བཏགས་པ་དེར་སྣང་སྟེ། །དམིགས་མེད་ཡིད་ལ་དྲན་བྱས་ན། །འབྲས་བུ་ཁམས་གསུམ་ས་དགུ་ནོན། །ལམ་གཉིས་མངོན་དུ་གྱུར་པའོ། །རྫོགས་པའི་རིམ་པའི་མངོན་རྟགས་ནི། །འགྲོ་ཉལ་འདུག་སྡོད་ཅི་བརྟགས་ཀྱང་། །གཞན་ལ་སེམས་ནི་འཕྲོས་པ་མིན། །འབྲས་བུ་ས་ནི་དང་པོ་ནོན། །མཐོང་བའི་ལམ་ནི་མངོན་གྱུར་པའོ། །དེ་ལས་ཡོངས་སུ་བརྟས་གྱུར་ན། །རྟག་དང་ཆད་པའི་སྐྱོན་རྣམས་ཀྱིས། །རྣལ་འབྱོར་པ་ལ་གོས་པ་མེད། །འབྲས་བུ་ས་ནི་གཉིས་པ་སྟེ། །དྲི་མ་མེད་པའི་ཡེ་ཤེས་སོ། །དེ་ལ་ ― DNG013_Page_0462 ―
[མ་དཔེ་གཟིགས་ན་འདིར་གནོན།]
ཡང་དང་ཡང་དུ་ནི། །ཡོངས་སུ་རེད་པར་གྱུར་པ་ནི། །ཆོས་ཉིད་ལ་གནས་གཞན་ན་མེད། །ཁམས་གསུམ་སེམས་ཅན་གདུང་བས་ཟིན། །ཡོངས་སུ་རྟོགས་པའི་ཡེ་ཤེས་ཏེ། །འབྲས་བུ་ས་གསུམ་བགྲོད་པའོ། །དེ་ནས་ཡོངས་སུ་གྱུར་པ་ན། །ཤིན་ཏུ་གསལ་བའི་སེམས་དེ་ལ། །གཞན་དུ་མི་འགྱུར་ལྷན་ནེར་གནས། །འཛིན་པ་མེད་པའི་ཡེ་ཤེས་ཏེ། །འབྲས་བུ་ས་བཞི་བགྲོད་པའོ། །དེ་ལ་ཡོངས་སུ་གསལ་གྱུར་ན། །ཡུལ་ལ་སྨིག་རྒྱུ་ལྟ་བུར་མཐོང་། །གང་ལའང་ཤེས་པ་ཡོངས་མི་འཇུག །ཐ་དད་མེད་པའི་ཡེ་ཤེས་ཏེ། །འབྲས་བུ་ས་ལྔ་བགྲོད་པའོ། །དེ་ལས་ཡོངས་སུ་རྒྱས་གྱུར་ན། །ནང་གི་ཤེས་པ་ཤིན་ཏུ་གསལ། །ཕྱི་ཡི་ཡུལ་ལ་དུ་བར་མཐོང་། །ཤེས་རབ་མངོན་གྱུར་ཡེ་ཤེས་ཏེ། །འབྲས་བུ་ས་དྲུག་བགྲོད་པའོ། །དེ་ལས་ཡོངས་སུ་འཕེལ་བ་ན། །ཤེས་པ་ཡོངས་སུ་གསལ་བ་དང་། །འབྲས་བུ་ལ་གནས་རྒྱུ་མེད་པའོ། །ཕྱི་ཡུལ་སྲིན་བུ་མེ་ཁྱེར་མཐོང་། །ཐ་དད་མེད་པའི་ཡེ་ཤེས་ཏེ། །འབྲས་བུ་ས་བདུན་བགྲོད་པའོ། །དེ་ལས་ཡོངས་སུ་འཕེལ་གྱུར་ན། །འདི་ལས་ལྷག་པའི་ཡེ་ཤེས་མེད། །འདི་ལས་བགྲོད་གནས་ག་ལ་ཡོད། །ནང་གི་ཤེས་པ་དེ་ལྟར་གསལ། །ཕྱི་ཡུལ་སྲིན་བུ་མེ་ཁྱེར་མཐོང་། །མི་སྐྱེའི་ཆོས་ལ་བཟོད་པ་ཡི། །ཡེ་ཤེས་ཞེས་ནི་དེ་ལ་བྱ། །འབྲས་བུ་ས་བརྒྱད་བགྲོད་པའོ། །དེ་ལས་ཡོངས་སུ་རྒྱས་གྱུར་ན། །ཆོས་ཉིད་མ་བཅོས་ཉིད་ལ་གནས། །འཁྱགས་ལྟོགས་སྡུག་བསྔལ་མི་བཟད་པ། །དེ་ཡི་ཉེས་པས་གོས་མི་འགྱུར། །ཕྱི་ཡི་ཡུལ་གྱི་རྣམ་པ་ལ། །སྤྲིན་མེད་ནམ་མཁའ་ལྟ་བུ་སྟེ། །དྲི་མེད་རྣམ་དག་ཡེ་ཤེས་ལ། །འབྲས་བུ་ས་དགུ་བགྲོད་པའོ། །བརྒྱད་པ་དང་ནི་དགུ་པ་ལས། །ཞི་བ་ཕྱོགས་གཅིག་ལྟུང་བ་སྲིད། །བྱང་ཆུབ་སེམས་ཀྱི་བར་ཆད་རྐྱེན། །དུས་དེར་འབད་པ་དྲག་ཏུ་བརྩོན། །དེ་ལས་ཡོངས་སུ་རྒྱས་གྱུར་ན། །མི་ལྡོག་ཤེས་པ་ཕྱོགས་སུ་སྐྱེ། །ཕྱི་རོལ་མེ་ཏོག་ཀུནྡ་འདྲ། །ཡོངས་སུ་གཏོང་བའི་ཡེ་ཤེས་ཏེ། །འབྲས་བུ་ས་བཅུ་བགྲོད་པའོ། །ས་བཅུར་གནས་ ― DNG013_Page_0463 ―
[མ་དཔེ་གཟིགས་ན་འདིར་གནོན།]
པའི་དུས་ཉིད་དུ། །ཕྱོགས་བཅུའི་རྒྱལ་བ་ཐམས་ཅད་ཀྱིས། །བྱང་ཆུབ་སེམས་ཀྱིས་དབང་བསྐུར་ཏེ། །དབང་དེས་ཤེས་བྱའི་སྒྲིབ་པ་བཅོམ། །འབྲས་བུ་མཐར་ཕྱིན་དབང་ཞེས་བྱ། །དེ་ཉིད་དུ་ནི་བཅུ་གཅིག་འོད། །མདུང་དང་རལ་གྲི་གདུག་པའི་མཚན། །སྦྲང་བུ་སུ་ཏྲ་ཏྲཻ་ལ་ཏ། །ཁྱི་དང་དུར་བྱ་ཀང་ཀ་ཡིས། །ཟོས་སམ་གཙེས་ཀྱང་ཚོར་མི་འགྱུར། །རྔ་དང་རྔ་བོ་ཆེ་དག་དང་། །རྫ་རྔ་འབྲུག་སྒྲ་ཆེན་པོ་དང་། །དུང་དང་ཆ་ལང་ལ་སོགས་པའི། །སྒྲ་རྣམས་ཡོངས་སུ་བསྒྲགས་གྱུར་ཀྱང་། །དེ་ཡི་ཏིང་འཛིན་ཡོངས་མི་འཕྲོག །འདི་ལྟར་སྣང་བའི་དངོས་པོ་ལ། །སྐད་ཅིག་གཅིག་ལ་མངོན་སངས་རྒྱས། །རྣམ་པར་སྣང་མཛད་ས་ལ་གནས། །ཕྱི་ནང་ཐམས་ཅད་ཆོས་ཉིད་ལ། །དེ་ལས་སེམས་ཅན་དགོས་འདོད་འབྱུང་། །རིན་ཆེན་འབྱུང་ལྡན་ས་ལ་གནས། །དེ་ལ་བརྗོད་པ་ཡོངས་མི་འབྱུང་། །གང་ཞིག་དེ་ལས་དཔོག་མི་འགྱུར། །སྣང་བ་མཐའ་ཡས་ས་ལ་གནས། །ཆོས་ཉིད་བརྗོད་མེད་དོན་རྣམས་གྲུབ། །ཐམས་ཅད་དེ་ཡི་རྒྱན་དུ་ཆེ། །དོན་ཡོད་གྲུབ་པའི་ས་ལ་གནས། །བརྗོད་མེད་བརྗོད་བྲལ་ལ་གནས་ཤིང་། །དེ་ལ་གང་གིས་མི་བསྐྱོད་པ། །རྡོ་རྗེ་འཛིན་པའི་ས་ལ་གནས། །ས་ལ་གནས་པའི་ངང་ཉིད་ལ། །བརྗོད་མེད་བརྗོད་བྲལ་ངོ་བོ་ཉིད། །གང་ལ་འདི་ཞེས་བྱ་བར་ནི། །ཡོད་པ་མ་ཡིན་དེ་ཉིད་དོ། །རྡོ་རྗེ་སེམས་དཔའི་ངོ་བོ་ཉིད། །ཐམས་ཅད་མ་ལུས་དེ་ཡི་ངང་། །རྫོགས་པའི་རྫོགས་པ་མཐར་ཕྱིན་པའི། །བསྒོམ་པའི་ལམ་ལས་ཡོངས་གསལ་བའི། །བར་ཆད་མེད་པའི་ལམ་ལ་གནས། །འབྲས་བུ་མཐར་ཕྱིན་ལམ་ལ་གནས། །མ་བཅོས་ས་རྣམས་ངེས་པར་ཐོབ། །སྤྱོད་པའི་ཚུལ་ནི་འདི་ལྟ་སྟེ། །ཏིང་འཛིན་ལ་ནི་གནས་པའི་དུས། །ཚོགས་ཀྱི་ལམ་གྱི་སྐབས་སུ་ནི། །བཞི་གསུམ་བཅུ་གཉིས་དྲན་པར་བྱའོ། །སྦྱོར་བའི་ལམ་དུ་གནས་དུས་སུ། །དབང་པོ་ལྔ་དང་སྟོབས་ལྔ་རྣམས། །མི་བརྗེད་ཡིད་ལ་དྲན་པར་བྱ། །མཐོང་བའི་ལམ་ལ་གནས་པ་དང་། །བསྒོམ་པའི་ལམ་ལ་གནས་བར་དུ། །ཆོས་ནི་བཅོ་བརྒྱད་དྲན་པར་བྱ། །སྦྱིན་པ་ལ་སོགས་ཕ་རོལ་ཕྱིན། །བཅུ་ལ་ཡོངས་ ― DNG013_Page_0464 ―
[མ་དཔེ་གཟིགས་ན་འདིར་གནོན།]
སུ་འབད་པར་བྱ། །སྦྱོར་བའི་ལམ་ལ་མན་ཆད་ཀྱི། །ཏིང་ངེ་འཛིན་ནི་རྒྱུན་དུ་བྱས། །མཐོང་བའི་ལམ་ལ་མན་ཆད་ཀྱི། །རྒྱན་ལ་སོགས་པ་དངོས་སུ་བྱའོ། །དེ་ལ་སྤྱོད་པ་གཉིས་ཡོད་དེ། །སྦས་པ་དང་ནི་སྨྱོན་ཐབས་སོ། །སྦས་པའི་སྤྱོད་པ་རབ་སྤྱོད་ན། །ཁ་ན་མ་ཐོ་སྤང་བར་འགྱུར། །སྨྱོས་པའི་སྤྱོད་པས་རབ་འབད་ན། །ཏིང་འཛིན་ཡོངས་སུ་ཉམས་བདེར་འགྱུར། །དེ་ལྟའི་སྤྱོད་པ་གཉིས་ལ་གནས། །མཁའ་འགྲོ་མ་ཡིས་བདེ་བ་རྩོལ། །ཡོངས་སུ་རྫོགས་པའི་སེམས་གནས་པའི། །དེ་ཚེ་ཚེ་འཕོས་འཆི་གྱུར་ན། །རང་གི་སེམས་ནི་འདི་ལྟར་བརྟག །གདོད་ནས་སྐྱེ་མེད་བྱང་ཆུབ་སེམས། །དེ་ལས་བྱུང་བའི་ཡི་གེ་ཨཿ། །འོད་ཟེར་ལྔ་ཡིས་འཁྲིགས་པའོ། །སྙིགས་མ་ལྔ་ཉིད་ལུས་བརྟག་སྟེ། །དྭངས་མ་ཆེན་པོར་རབ་བརྟགས་ལ། །ཡེ་ཤེས་རྟ་ལ་ཞོན་གནས་པར། །རྟག་ཏུ་བདག་ཉིད་གསལ་བར་བྱ། །དེ་ལ་སྲིད་པའི་བར་མ་དོ། །སྟོབས་ཀྱི་རྟ་ཞོན་དེ་ལ་གནས། །དེ་ཚེ་ཏིང་འཛིན་ལྷག་པར་གསལ། །ཡེ་ཤེས་སྟོབས་སུ་གྱུར་ནས་ནི། །སྐྱེ་བ་མེད་ལ་གནས་པ་སྟེ། །ཕུང་པོ་ལྷག་མེད་མངོན་སངས་རྒྱས། །འོན་ཏེ་སྐྱེ་བ་བླངས་ནས་ནི། །སྔ་མའི་ལས་འཕྲོ་རྗེས་དྲན་ནས། །གང་ལ་སྦྱངས་པ་དེར་གནས་པར། །བར་ཆད་མེད་པའི་ལམ་ཞེས་བྱ། །དེ་ལུས་ལ་བརྟེན་རབ་འབད་ན། །སྐྱེ་བ་གཅིག་ལ་མངོན་སངས་རྒྱས། །ཕུང་པོ་ལྷག་མ་མེད་ཅེས་བྱ། །གལ་ཏེ་ལས་ཀྱི་དབང་བཙན་ནས། །སྐྱེ་བ་གཉིས་ཐོགས་ཕན་ཆད་ན། །ཕུང་པོ་ལྷག་མ་མེད་ཅེས་བྱ། །འདི་ལྟར་འདའ་ཀ་མ་ཡི་སེམས། །རབ་ཏུ་འབད་དེ་ཉམས་སུ་བླངས། །གལ་ཏེ་དེ་ལ་མ་འབད་ན། །བསགས་པ་འབྲས་བུ་མེད་པར་འགྱུར། །འདའ་ཀ་མ་ཡི་སེམས་ཡོད་ན། །མ་བསགས་འབྲས་བུ་ངེས་པར་སྐྱེ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་ལམ་ལ་བགྲོད་ཚུལ་གྱི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་ ― DNG013_Page_0465 ―
[མ་དཔེ་གཟིགས་ན་འདིར་གནོན།]
འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་སྔགས་ཀྱི་བདག །སྔགས་འདི་དང་པོར་ཇི་ལྟར་བྱུང་། །སྔགས་བསྡུ་བ་ནི་ཇི་ལྟར་ལགས། །སྔགས་ཀྱི་མིང་ནི་ཇི་ལྟར་ལགས། །ཞེས་གླེངས་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །དང་པོ་ཡེ་ནས་རྣམ་དག་ལས། །ང་དང་བདག་ཏུ་བརྟག་པའི་དབང་། །འཁོར་བའི་གཟུགས་སུ་བརྟགས་པ་ལས། །དེ་ལུས་ཡི་གེ་ཨ་ལ་བརྟེན། །ཨ་ལས་ཡི་གེ་སྡེ་དང་བཅས། །ཐབས་དང་ཤེས་རབ་ཡི་གེ་བྱུང་། །དེ་ལ་ཡི་གེ་ཨ་ཞེས་བྱ། །ཡི་གེའི་ཚོགས་ལ་སྡེ་ཚན་དགུ། །སྒྲ་ཡི་ཡི་གེས་ཡོངས་སུ་བརྒྱན། །དེ་ནི་མིང་གི་ཚོགས་ཞེས་བྱ། །ཨཱ་ལི་ལ་སོགས་སྡེ་ཚན་གྱིས། །ཀ་ལ་སྩོགས་པའི་སྡེ་ལ་བརྒྱན། །དེ་ནི་ཚིག་གི་ཚོགས་ཞེས་བྱ། །དེ་ལས་སྔགས་ཀྱི་ཚོགས་རྣམས་འབྱུང་། །དང་པོ་གཅིག་ལ་དགུ་དབུས་བཞག །གཉིས་པ་ཡིས་ནི་འགོ་ནས་བརྒྱན། །བཅུ་གསུམ་པ་ཡིས་སྟེང་ནས་བཀོད། །དེ་སྟེང་བཅོ་ལྔ་པ་ཡིས་བརྒྱན། །གཏི་མུག་ཡིན་པར་རྒྱལ་བས་གསུངས། །དེ་འོག་ལྔ་པའི་གསུམ་པ་བཞག །དེ་འོག་གཉིས་པའི་གསུམ་པ་ལ། །དྲུག་པའི་གཉིས་པས་འགོ་ནས་བརྒྱན། །དེ་འོག་དང་པོའི་དང་པོ་བཞག །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་སྦྱིན། །དབྱངས་ཀྱི་བཞི་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་ལ། །དབྱངས་ཀྱི་བཞི་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་བྱིན། །དེ་འོག་དྲུག་པའི་དང་པོ་སྦྱིན། །གང་མིང་བསྐུལ་བ་དེར་བཅུག་ནས། །དེ་འོག་ལྔ་པའི་ཐ་མ་སྦྱིན། །དེ་འོག་དྲུག་པའི་གཉིས་པ་བཞག །དེ་འོག་དྲུག་པའི་དང་པོ་སྟེ། །ཧཱུཾ་ཕཊ་མཐའ་རུ་བཞག་པ་ནི། །བཅོམ་ལྡན་འདས་ཀྱི་གསོད་པའི་སྔགས། །སྔགས་མིང་བསྒྲུབ་པའི་སྔགས་ཞེས་བྱ། །དང་པོ་རྣམ་པར་སྣང་མཛད་བཞག །དེ་འོག་དྲུག་པའི་དང་པོ་སྟེ། །རྡོ་རྗེས་དྲུག་པའི་གསུམ་པའོ། །སྟོང་པ་ཡིས་ནི་རྣམ་པར་བརྒྱན། །དེ་ ― DNG013_Page_0466 ―
[མ་དཔེ་གཟིགས་ན་འདིར་གནོན།]
འོག་ཧཱུཾ་དང་ལམ་གཉིས་ཏེ། །དེ་འོག་བདུན་པའི་ཐ་མ་ལ། །བཞི་པའི་དང་པོས་རྣམ་པར་བརྒྱན། །དེ་ནས་ལྔ་པའི་ཐ་མ་སྦྱིན། །དེ་རྗེས་ལྔ་པའི་གསུམ་པའོ། །དེ་འོག་གསུམ་པའི་ཐ་མ་བཞག །དེ་ལ་དབྱངས་ཀྱི་གསུམ་པས་བརྒྱན། །སྔགས་དེ་གཟིར་བའི་སྔགས་ཡིན་ནོ། །དེ་རྗེས་ལྔ་པའི་ཐ་མ་ལ། །དབྱངས་ཀྱིས་བཅུ་གསུམ་པ་ཡིས་བརྒྱན། །དེ་རྗེས་བརྒྱད་པའི་མཐའ་ལྟག་གོ། །དེ་འོག་དང་པོའི་གསུམ་པ་ལ། །དེ་རྗེས་དྲུག་པའི་དང་པོ་སྟེ། །དེ་འོག་ལྔ་པའི་བཞི་པ་བཞག །དེ་འོག་དང་པོའི་གསུམ་པའོ། །དེ་རྗེས་ལྔ་པའི་གསུམ་པ་སྟེ། །དེ་ལ་བཞི་པའི་ཐ་མ་སྦྱིན། །དེ་རྗེས་བདུན་པའི་ཐ་མ་ལ། །དྲུག་པའི་གཉིས་པས་འོག་ནས་བརྒྱན། །དབྱངས་ཀྱི་བཞི་པས་བརྒྱན་བྱས་ཏེ། །དེ་འོག་དང་པོའི་དང་པོ་ལ། །དྲུག་པའི་གཉིས་པས་ཡོངས་སུ་སྤྲས། །དབྱངས་ཀྱི་གསུམ་པས་དེ་ལ་བརྒྱན། །དེ་འོག་ལྔ་པའི་བཞི་པ་བླངས། །དེ་ལ་དབྱངས་ཀྱི་བཞི་པས་བརྒྱན། །དེ་འོག་དང་པོའི་དང་པོ་བཞག །འོག་ཏུ་ར་ལྡན་སྟེང་དུ་གསུམ། །མི་ཤིགས་སྙིང་པོ་བརྗོད་པ་ལས། །དེ་འོག་ཧཱུཾ་དང་དང་པོ་སྟེ། །དེ་འོག་དྲུག་པའི་གཉིས་པ་བཞག །ཧཱུཾ་དང་ཕཊ་གཉིས་རབ་བརྗོད་པས། །ཡོན་ཏན་ཀུན་དང་ལྡན་པའི་སྔགས། །དང་པོ་གཏི་མུག་རིགས་ཡིན་ཏེ། །དེ་འོག་མི་ཤིགས་སྙིང་པོར་བརྗོད། །དེ་འོག་དང་པོའི་དང་པོ་བཞག །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་བཞག །དེ་འོག་དྲུག་པའི་དང་པོ་བཞག །དེ་དག་བསྐུལ་པའི་མིང་དང་བཅས། །དེ་འོག་གཉིས་པའི་གསུམ་པ་བཞག །དེ་རྗེས་ཧཱུཾ་དང་བཾ་དང་ཧོ། །སྔགས་མིང་དགུག་ཅིང་འཆིང་བའི་སྔགས། །དང་པོ་རྣམ་པར་སྣང་མཛད་དེ། །དེ་འོག་ཐམས་ཅད་སྙིང་པོ་བརྗོད། །དེ་འོག་ལྔ་པའི་གསུམ་པ་ལ། །བརྒྱད་པའི་མཐའ་ལྟག་གིས་བརྒྱན་པ། །དེ་འོག་དང་པོའི་གསུམ་པ་སྦྱིན། །དབྱངས་ཀྱི་གསུམ་པ་སྟེང་དུ་བཀོད། །དེ་འོག་བཞི་པའི་ལྔ་པ་ལ། །གསུམ་པའི་ལྔ་པ་དེ་ལ་སྦྱིན། །དེ་འོག་དང་པོའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་དྲུག་པའི་གསུམ་པ་བཞག །དེ་རྗེས་དྲུག་པའི་དང་པོའོ། །ཧཱུཾ་གཉིས་ཕཊ་ཀྱི་རབ་བརྗོད་པས། ། ― DNG013_Page_0467 ―
[མ་དཔེ་གཟིགས་ན་འདིར་གནོན།]
སྔགས་མིང་ཟིལ་གྱིས་གནོན་པའི་སྔགས། །མི་ཤིགས་སྙིང་པོ་བརྗོད་པ་ལས། །དེ་འོག་བརྒྱད་པའི་ཐ་ལྟག་སྟེ། །དེ་ལ་དབྱངས་ཀྱི་དྲུག་པས་བརྒྱན། །སྟོང་པས་སྟེང་ནས་མཛེས་པར་བྱས། །དེ་འོག་དང་པོའི་དང་པོ་བཞག །དེ་འོག་དྲུག་པའི་གཉིས་པ་བཞག །ཧཱུཾ་བཞག་དབྱངས་ཀྱི་དང་པོ་ཐ། །དང་པོ་གཏི་མུག་རིགས་ཡིན་ནོ། །སྔགས་མིང་ཚེ་ལུང་ཞེས་བྱའོ། །དང་པོ་ལྔ་པའི་དང་པོ་བཞག །དེ་རྗེས་དྲུག་པའི་གཉིས་པའོ། །དེ་ནས་ལྔ་པའི་གསུམ་པ་ལ། །བརྒྱད་པའི་ཐ་ལྟག་པ་ཡིས་བརྒྱན། །དེ་འོག་བཞི་པའི་གསུམ་པ་བཞག །དེ་རྗེས་བཞི་པའི་བཞི་པ་ལ། །གསུམ་པའི་ལྔ་པ་དེ་ལ་སྦྱིན། །སྔགས་མིང་བཅོམ་ལྡན་འདས་ཀྱིས་བསད། །དང་པོ་གཉིས་པའི་དང་པོ་ལ། །དབྱངས་ཀྱི་གསུམ་པས་རྣམ་པར་བརྒྱན། །དེ་ལ་གསུམ་པའི་ལྔ་པ་སྦྱིན། །དེ་འོག་གསུམ་པའི་གསུམ་པའོ། །ཚེག་དྲག་དང་བཅས་ཉིས་འགྱུར་ལ། །མི་ཤིགས་སྙིང་པོ་ཧཱུཾ་ཕཊ་མཐའ། །སྔགས་མིང་བདུད་རྩི་འཁྱིལ་པའི་སྔགས། །དང་པོ་ལྔ་པའི་གསུམ་པ་ལ། །དབྱངས་ཀྱི་གསུམ་པས་རྣམ་པར་བརྒྱན། །དེ་ལ་གསུམ་པའི་ལྔ་པ་སྦྱིན། །དེ་འོག་གསུམ་པའི་གསུམ་པ་བཞག །ཚེག་དྲག་དང་བཅས་ཉིས་འགྱུར་ལ། །མི་ཤིགས་སྙིང་པོ་ཧཱུཾ་ཕཊ་མཐའ། །སྔགས་མིང་རྣམ་པར་རྒྱལ་བའི་སྔགས། །དང་པོའི་དང་པོ་བཞི་པ་ལ། །དྲུག་པའི་གཉིས་པས་འོག་ནས་སྤྲས། །དབྱངས་ཀྱི་བཞི་པས་སྟེང་ནས་བརྒྱན། །ཚེག་དྲག་དང་བཅས་གསུམ་པའི་ལྔ། །ཉིས་འགྱུར་མི་ཤིགས་སྙིང་པོ་ཅན། །ཧཱུཾ་ཕཊ་མཐའ་ཅན་ཚེག་དྲག་བཅས། །སྔགས་མིང་རྟ་མགྲིན་ལས་ཀྱི་སྔགས། །དང་པོ་བརྒྱད་པའི་ཐ་ལྟག་བཞག །དེ་རྗེས་ཚེག་དྲག་གསུམ་པའི་ལྔ། །ཉིས་འགྱུར་བཛྲ་ཧཱུཾ་ཕཊ་མཐའ། །སྔགས་མིང་གཞན་གྱིས་མི་ཐུབ་སྔགས། །དང་པོ་ལྔ་པའི་གསུམ་པ་ལ། །བརྒྱད་པའི་ཐ་ལྟག་འོག་ནས་བརྒྱན། །དེ་ལ་ལྔ་པའི་ལྔ་པ་སྦྱིན། །དེ་འོག་གསུམ་པའི་བཞི་པའོ། །ཚེག་དྲག་དང་བཅས་ཉིས་འགྱུར་ལ། །མི་ཤིགས་པ་ཡི་སྙིང་པོ་ཅན། །ཚེག་དྲག་དང་བཅས་ཧཱུཾ་ཕཊ་མཐའ། །སྔགས་མིང་མི་གཡོ་མགོན་པོའི་ལས། །དང་པོ་བརྗོད་མེད་གོང་མ་བཞིན། །དེ་རྗེས་བཞི་པའི་དང་པོ་ལ། །དེ་ ― DNG013_Page_0468 ―
[མ་དཔེ་གཟིགས་ན་འདིར་གནོན།]
ལ་གསུམ་པའི་བཞི་པས་བརྒྱན། །དེ་འོག་དྲུག་པའི་དང་པོ་བཞག །དེ་རྗེས་གསུམ་པའི་གཉིས་པའོ། །ཚེག་དྲག་དང་བཅས་ཉིས་འགྱུར་ལ། །དེ་འོག་མི་ཤིགས་སྙིང་པོ་ཅན། །ཧཱུཾ་ཕཊ་མཐའ་རུ་ཚེག་དྲག་བཅས། །སྔགས་མིང་སྟོབས་ཆེན་ལས་ཀྱི་སྔགས། །དང་པོ་བརྒྱད་པའི་ཐ་ལྟག་བཞག །དེ་འོག་བདུན་པའི་ཐ་མའོ། །དེ་འོག་དྲུག་པའི་དང་པོ་བཞག །དེ་རྗེས་དྲུག་པའི་གཉིས་པའོ། །དེ་འོག་བརྒྱད་པའི་ཐ་ལྟག་ལ། །དྲུག་པའི་གཉིས་པས་འོག་ནས་སྤྲས། །དབྱངས་ཀྱི་བཞི་པས་སྟེང་ནས་བརྒྱན། །དེ་རྗེས་གསུམ་པའི་གསུམ་པ་ལ། །དེ་ལ་བཞི་པ་ལྔ་པ་སྦྱིན། །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་མཐུ་འཕྲོག་སྔགས་ཡིན་ནོ། །དང་པོ་བདུན་པའི་དང་པོ་བཞག །དྲུག་པའི་གཉིས་པས་འོག་ནས་སྤྲས། །སྟེང་དུ་དབྱངས་ཀྱི་གསུམ་པའོ། །དེ་འོག་དང་པོའི་དང་པོ་ལ། །དྲུག་པའི་གཉིས་པས་རྣམ་པར་བརྒྱན། །དེ་སྟེང་དབྱངས་ཀྱིས་བཞི་པས་བརྒྱན། །དེ་འོག་དབྱངས་ཀྱི་གཉིས་པ་བཞག །དེ་འོག་གསུམ་པའི་ཐ་མ་བཞག །དེ་རྗེས་དྲུག་པའི་དང་པོ་སྟེ། །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་བཅིངས་པའི་སྔགས་ཞེས་བྱའོ། །དང་པོ་གཉིས་པའི་གསུམ་པ་བཞག །དེ་འོག་དྲུག་པའི་བཞི་པ་གདགས། །དེ་རྗེས་དྲུག་པའི་གསུམ་པ་བཞག །དེ་འོག་ལྔ་པའི་དང་པོའོ། །དེ་རྗེས་དྲུག་པའི་དང་པོ་སྟེ། །ཚེག་དྲག་དང་བཅས་ཉིས་འགྱུར་ལ། །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་འབོད་པའི་སྙིང་པོས་བྱ། །དང་པོ་རྣམ་པར་སྣང་མཛད་དེ། །དེ་འོག་བཅུ་པ་དགུ་དབུས་བཞག །དེ་རྗེས་ལྔ་པའི་བཞི་པ་བཞག །དབྱངས་ཀྱི་བཅུ་གཅིག་པ་ཡིས་བརྒྱན། །དེ་འོག་བདུན་པའི་གཉིས་པ་བཞག །དེ་འོག་དྲུག་པའི་དང་པོའོ། །ཚེག་དྲག་དང་བཅས་ཉིས་འགྱུར་ལ། །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་འབེབས་པའི་སྙིང་པོའོ། །དང་པོ་ལྔ་པའི་བཞི་པ་བཞག །དབྱངས་ཡིག་གསུམ་པས་སྟེང་ནས་བརྒྱན། །དེ་འོག་བཞི་པའི་བཞི་པ་བཞག །དེ་འོག་དྲུག་པའི་དང་པོའོ། །ཚེག་དྲག་དང་བཅས་ཉིས་འགྱུར་ལ། །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་དམིགས་པའི་ ― DNG013_Page_0469 ―
[མ་དཔེ་གཟིགས་ན་འདིར་གནོན།]
ཕུང་པོའོ། །དང་པོ་བརྒྱད་པའི་ཐ་ལྟག་བཞག །དེ་རྗེས་ཚེག་དྲག་གསུམ་པའི་ལྔ། །ཉིས་འགྱུར་བཛྲ་ཧཱུཾ་ཕཊ་མཐའ། །སྔགས་མིང་གཞན་གྱིས་མི་ཐུབ་པས། །དང་པོ་བཞི་པའི་གསུམ་པ་བཞག །དེ་རྗེས་ཚེག་དྲག་བརྒྱད་ཐ་ལྟག །མི་འགྱུར་མི་ཤིགས་སྙིང་པོ་ཅན། །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་དབྱུག་པ་སྔོན་པོའི་ལས། །དང་པོ་ལྔ་པའི་དང་པོ་བཞག །གཉིས་པའི་དང་པོ་ཚེག་དྲག་བཅས། །མི་འགྱུར་སྟོང་པའི་སྙིང་པོ་ཅན། །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་གཤིན་རྗེའི་ལས་ཀྱི་སྔགས། །དང་པོ་ལྔ་པའི་ལྔ་པ་བཞག །དེ་རྗེས་གསུམ་པའི་དང་པོ་སྟེ། །ཚེག་དྲག་དང་བཅས་ཉིས་འགྱུར་ལ། །མི་ཤིགས་སྙིང་པོ་ཧཱུཾ་གི་མཐའ། །སྔགས་མིང་བདག་ཉིད་ལས་ཀྱི་སྔགས། །དང་པོ་གཉིས་པའི་གསུམ་པའོ། །དྲུག་པའི་བཞི་པས་འོག་ནས་བརྒྱན། །དེ་རྗེས་དྲུག་པའི་གསུམ་པ་བཞག །ཚེག་དྲག་དང་བཅས་ཉིས་འགྱུར་ལ། །མི་ཤིགས་སྙིང་པོ་ཧཱུཾ་ཕཊ་མཐའ། །སྔགས་མིང་ཤྭ་ན་མུ་ཁའི་ལས། །དང་པོ་བདུན་པའི་ཐ་མ་ལ། །དབྱངས་ཀྱི་ལྔ་པས་རྣམ་པར་བརྒྱན། །དེ་འོག་དྲུག་པའི་གཉིས་པ་ལ། །དབྱངས་ཀྱི་དྲུག་པས་བརྒྱན་པ་སྟེ། །ཚེག་དྲག་དང་བཅས་ཉིས་འགྱུར་ལ། །མི་ཤིགས་སྙིང་པོ་ཧཱུཾ་ཕཊ་མཐའ། །སྔགས་མིང་མཆེ་བ་ཅན་གྱི་ལས། །དང་པོ་ལྔ་པའི་ལྔ་པ་ལ། །དབྱངས་ཀྱི་ལྔ་པས་རྣམ་པར་བརྒྱན། །དེ་རྗེས་དྲུག་པའི་གཉིས་པ་ལ། །དབྱངས་ཀྱི་དྲུག་པ་ཤིན་ཏུ་མཛེས། །ཚེག་དྲག་དང་བཅས་ཉིས་འགྱུར་ལ། །མི་ཤིགས་སྙིང་པོ་ཧཱུཾ་ཕཊ་མཐའ། །སྔགས་མིང་གཤོག་པ་ཅན་གྱི་ལས། །དང་པོའི་དང་པོ་དང་པོར་བཞག །དེ་རྗེས་བཞི་པའི་དང་པོ་ལ། །དེ་འོག་དང་པོའི་དང་པོ་ཡིན། །དེ་འོག་དྲུག་པའི་དང་པོ་ལ། །དབྱངས་ཡིག་བཅུ་གཅིག་པ་ཡིས་བརྒྱན། །དེ་འོག་ལྔ་པའི་བཞི་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་གཉིས་པའི་བཞི་པ་ལ། །དེ་འོག་དྲུག་པའི་དང་པོའོ། །དེ་འོག་དབྱངས་ཀྱི་དང་པོ་བཞག །དེ་འོག་གཉིས་པའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་ལ་བཞི་པའི་ལྔ་པ་བྱིན། །དེ་འོག་བཞི་པའི་ ― DNG013_Page_0470 ―
[མ་དཔེ་གཟིགས་ན་འདིར་གནོན།]
བཞི་པ་ལ། །དབྱངས་ཀྱི་བཅུ་གཅིག་པ་ཡིས་བརྒྱན། །དེ་འོག་དབྱངས་ཀྱི་དང་པོ་བཞག །དེ་འོག་ལྔ་པའི་དང་པོ་བཞག །དེ་འོག་དྲུག་པའི་གཉིས་པ་བཞག །དེ་འོག་གཉིས་པའི་དང་པོ་ལ། །དབྱངས་ཀྱི་བཅུ་གཅིག་པ་ཡིས་བརྒྱན། །དེ་འོག་བཞི་པའི་དང་པོ་ལ། །དབྱངས་ཀྱི་བཅུ་གཉིས་པ་ཡིས་བརྒྱན། །དེ་འོག་ལྔ་པའི་ལྔ་པ་བཞག །དེ་འོག་དྲུག་པའི་གཉིས་པ་བཞག །དེ་འོག་བདུན་པའི་ཐ་མ་བཞག །དེ་རྗེས་བཞི་པའི་ལྔ་པ་བཞག །དེ་རྗེས་ལྔ་པའི་དང་པོ་ལ། །དབྱངས་ཀྱི་ལྔ་པས་འོག་ནས་སྤྲས། །དེ་འོག་ལྔ་པའི་ལྔ་པ་བཞག །དྲུག་པའི་གཉིས་པ་དེ་ལ་སྦྱིན། །དེ་རྗེས་དྲུག་པའི་གཉིས་པ་ལ། །བཞི་པའི་དང་པོས་འོག་ནས་བརྒྱན། །དེ་འོག་བཞི་པའི་ལྔ་པ་སྟེ། །དེ་འོག་དྲུག་པའི་དང་པོ་བཞག །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་ལྷ་མོ་བཞི་ཡི་སྔགས། །དང་པོ་ཧཱུཾ་བཞག་མ་གཉིས་བཞག །དེ་རྗེས་ལྔ་པའི་དང་པོ་བཞག །དེ་འོག་བདུན་པའི་གཉིས་པ་ལ། །དབྱངས་ཀྱི་གཉིས་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །དབྱངས་ཀྱི་ལྔ་པས་འོག་ནས་སྤྲས། །དེ་འོག་དྲུག་པའི་གཉིས་པ་བཞག །དེ་ལ་དབྱངས་ཀྱི་ལྔ་པས་བརྒྱན། །དེ་འོག་བདུན་པའི་གསུམ་པ་ལ། །དེ་ལ་བཞི་པའི་དང་པོས་བརྒྱན། །དེ་ལ་ལྔ་པའི་ལྔ་པ་སྦྱིན། །དེ་འོག་ལྔ་པའི་གཉིས་པ་བཞག །དེ་འོག་དང་པོའི་དང་པོ་སྟེ། །དེ་རྗེས་དྲུག་པའི་གཉིས་པ་ལ། །དབྱངས་ཀྱི་བཅུ་གཅིག་པ་ཡིས་བརྒྱན། །དེ་འོག་དབྱངས་ཀྱི་གསུམ་པ་བཞག །དེ་འོག་བཞི་པའི་བཞི་པ་ལ། །གསུམ་པའི་ལྔ་པ་དེ་ལ་སྦྱིན། །དེ་རྗེས་བཞི་པའི་དང་པོ་ལ། །དྲུག་པའི་གཉིས་པ་དེ་ལ་སྦྱིན། །དབྱངས་ཀྱི་བཅུ་གཉིས་པ་ཡིས་བརྒྱན། །དེ་འོག་མ་གཉིས་ཚེག་དྲག་བཅས། །དེ་འོག་དང་པོའི་དང་པོ་ལ། །དྲུག་པའི་གཉིས་པ་དེ་ལ་སྦྱིན། །དེ་འོག་ལྔ་པའི་ལྔ་པ་བཞག །དེ་རྗེས་བདུན་པའི་གཉིས་པ་ལ། །དྲུག་པའི་གཉིས་པས་འོག་ནས་སྤྲས། །དབྱངས་ཀྱི་བཞི་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །དང་པོའི་ལྔ་པ་སྟེང་དུ་བཀོད། །དེ་འོག་དང་པོའི་དང་པོ་བཞག །དེ་རྗེས་དྲུག་པའི་གཉིས་པ་ལ། །དབྱངས་ཀྱི་བཅུ་གཅིག་པ་ཡིས་བརྒྱན། །ཚེག་དྲག་ ― DNG013_Page_0471 ―
[མ་དཔེ་གཟིགས་ན་འདིར་གནོན།]
དང་བཅས་སྭཱ་ཧཱའི་མཐའ། །སྔགས་མིང་ཐུབ་པའི་སྔགས་ཡིན་ནོ། །དང་པོ་ཐམས་ཅད་སྙིང་པོ་བཞག །དེ་རྗེས་དབྱངས་ཀྱི་དང་པོའོ། །དེ་འོག་གསུམ་པའི་ལྔ་པ་སྟེ། །དེ་རྗེས་དྲུག་པའི་དང་པོའོ། །དེ་འོག་མི་ཤིགས་སྙིང་པོ་ཅན། །ཚེག་དྲག་དང་བཅས་ཧཱུཾ་ཕཊ་མཐའ། །གཏི་མུག་རིགས་ཀྱི་དང་པོ་སྟེ། །སྔགས་མིང་ཧཱུཾ་ཆེན་ལས་ཀྱི་སྔགས། །དང་པོ་བཞི་པའི་དང་པོ་བཞག །དེ་ལ་གསུམ་པའི་གསུམ་པ་སྦྱིན། །དེ་རྗེས་དྲུག་པའི་དང་པོ་བཞག །དེ་འོག་བཞི་པའི་གཉིས་པའོ། །ཚེག་དྲག་དང་བཅས་ཧཱུཾ་ཕཊ་མཐའ། །སྔགས་མིང་རྫུ་འཕྲུལ་དབྲོག་པའི་སྔགས། །དང་པོ་རྣམ་པར་སྣང་མཛད་དེ། །སུ་རུ་ཉིས་འགྱུར་ཨུ་ཙུཥྨ། །དེ་རྗེས་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་བཞི་པའི་དང་པོ་བཞག །དེ་འོག་དྲུག་པའི་དང་པོ་བཞག །དེ་འོག་དྲུག་པའི་དང་པོ་ལ། །ཚེག་དྲག་དང་བཅས་ཧཱུཾ་ཕཊ་མཐའ། །སྔགས་མིང་སེང་ལྡེང་ཕུར་པའི་སྔགས། །དང་པོ་གཏི་མུག་རིགས་ཡིན་ནོ། །དེ་རྗེས་བཞི་པའི་གཉིས་པ་བཞག །དེ་འོག་གསུམ་པའི་གཉིས་པ་བཞག །དེ་འོག་གསུམ་པའི་དང་པོ་སྟེ། །དེ་ལ་བཞི་པའི་གསུམ་པ་སྦྱིན། །དེ་འོག་བཞི་པའི་ལྔ་པ་ལ། །དེ་ལ་གསུམ་པའི་ལྔ་པ་བཞག །དེ་འོག་དང་པོའི་བཞི་པ་ལ། །དྲུག་པའི་གཉིས་པས་འོག་ནས་སྤྲས། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་རྗེས་གསུམ་པའི་དང་པོ་བཞག །ཚེག་དྲག་དང་བཅས་ཧཱུཾ་ཕཊ་མཐའ། །སྔགས་མིང་རྨ་ཤིང་ཕུར་པའི་སྔགས། །དང་པོར་རྣམ་པར་སྣང་མཛད་དེ། །དེ་རྗེས་བདུན་པའི་གསུམ་པ་བཞག །དེ་འོག་ལྔ་པའི་ལྔ་པ་ལ། །དེ་ལ་བཞི་པའི་ལྔ་པ་སྦྱིན། །དེ་འོག་གསུམ་པའི་དང་པོ་བཞག །དེ་རྗེས་ལྔ་པའི་བཞི་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་སྟེང་བདུན་པའི་གཉིས་པ་ལ། །དབྱངས་ཀྱི་ལྔ་པས་འོག་ནས་བརྒྱན། །བཞི་པའི་གསུམ་པས་དེ་ལ་སྦྱིན། །དེ་འོག་བཞི་པའི་བཞི་པ་ལ། །དབྱངས་ཀྱི་བཅུ་གཅིག་པ་ཡིས་བརྒྱན། །དེ་རྗེས་དབྱངས་ཀྱི་དང་པོ་བཞག །དེ་འོག་ལྔ་པའི་བཞི་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་བདུན་པའི་གཉིས་པ་ལ། ། ― DNG013_Page_0472 ―
[མ་དཔེ་གཟིགས་ན་འདིར་གནོན།]
དབྱངས་ཡིག་ལྔ་པས་འོག་ནས་སྤྲས། །དེ་ལ་བཞི་པའི་གསུམ་པ་སྦྱིན། །དེ་འོག་དྲུག་པའི་དང་པོ་བཞག །དེ་འོག་ལྔ་པའི་བཞི་པ་ལ། །དབྱངས་ཡིག་གསུམ་པས་སྟེང་ནས་བརྒྱན། །དེ་རྗེས་བཞི་པའི་བཞི་པ་ལ། །དེ་འོག་དྲུག་པའི་བཞི་པ་བཞག །དེ་གསུམ་ཉིས་འགྱུར་ཧཱུཾ་ཕཊ་མཐའ། །ཚེག་དྲག་དང་བཅས་མཆོག་ཕུར་ལས། །དང་པོ་རྣམ་པར་སྣང་མཛད་དེ། །དེ་རྗེས་མི་ཤིགས་སྙིང་པོའོ། །དེ་འོག་དབྱངས་ཀྱི་དང་པོ་སྟེ། །དེ་རྗེས་དང་པོའི་གསུམ་པ་ལ། །བརྒྱད་པའི་ཐ་ལྟག་གིས་བརྒྱན་ནས། །དབྱངས་ཀྱི་ལྔ་པས་འོག་ནས་བརྒྱན། །དེ་འོག་བདུན་པའི་གཉིས་པ་ལ། །བརྒྱད་པའི་ཐ་ལྟག་འོག་ནས་བརྒྱན། །ཚེག་དྲག་དང་བཅས་ནྣ་ལས། །དང་པོ་གཏི་མུག་རིགས་ཡིན་ཏེ། །དེ་རྗེས་མི་ཤིགས་སྙིང་པོ་ཅན། །དེ་རྗེས་དྲུག་པའི་གཉིས་པ་ལ། །ལྔ་པའི་གསུམ་པ་ཡིས་བརྒྱན་ཏེ། །དེ་འོག་གསུམ་པའི་ལྔ་པ་བཞག །འབྲུ་གཉིས་ཉིས་འགྱུར་བརྗོད་པའི་རྗེས། །ལྔ་པའི་བཞི་པ་གཞག་པར་བྱ། །འོག་ནས་དྲུག་པའི་དང་པོས་བརྒྱན། །ཚེག་དྲག་དང་བཅས་ཧཱུཾ་ཕཊ་མཐའ། །སྔགས་མིང་སྐྱེར་ཕུར་ལས་ཀྱི་སྔགས། །དང་པོ་གཏི་མུག་རིགས་ཡིན་ཏེ། །དེ་རྗེས་མི་ཤིགས་སྙིང་པོ་ཅན། །དེ་འོག་དང་པོའི་དང་པོ་ལ། །དྲུག་པའི་གཉིས་པ་དེ་ལ་སྦྱིན། །དེ་འོག་ལྔ་པའི་ལྔ་པ་བཞག །དེ་འོག་དང་པོའི་དང་པོ་ལ། །དྲུག་པའི་གཉིས་པ་དེ་ལ་སྦྱིན། །དེ་འོག་ལྔ་པའི་ལྔ་པ་བཞག །དེ་འོག་དང་པོའི་དང་པོ་ལ། །དྲུག་པའི་གཉིས་པས་འོག་ནས་བརྒྱན། །དབྱངས་ཀྱི་བཅུ་གསུམ་སྟེང་ནས་བཀོད། །དེ་འོག་བཞི་པའི་དང་པོ་བཞག །ཧཱུཾ་གཉིས་ཕཊ་གཉིས་སྭཱ་ཧཱ་མཐའ། །ཚེག་དྲག་དང་བཅས་འབིགས་པའི་སྔགས། །དང་པོ་གཏི་མུག་རིགས་ཡིན་ཏེ། །དེ་རྗེས་མི་ཤིགས་སྙིང་པོ་ཅན། །དེ་རྗེས་བདུན་པའི་གསུམ་པ་ལ། །དྲུག་པའི་ཐ་མས་འོག་ཏུ་སྤྲས། །དེ་རྗེས་བཞི་པའི་དང་པོ་བཞག །དེ་རྗེས་བདུན་པའི་གསུམ་པ་བཞག །དེ་འོག་ལྔ་པའི་ལྔ་པ་བཞག །དེ་འོག་དྲུག་པའི་དང་པོའོ། །ཧཱུཾ་དང་ཚེག་དྲག་བཅས་པ་ནི། །སྔགས་མིང་དམ་ཚིག་མི་འདའ་འོ། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་དང་པོའི་དང་པོ་ལ། །འོག་ཏུ་རར་ལྡན་སྟེང་དབྱངས་ ― DNG013_Page_0473 ―
[མ་དཔེ་གཟིགས་ན་འདིར་གནོན།]
གསུམ། །དེ་འོག་བཞི་པའི་དང་པོ་བཞག །ཧ་ན་ཉིས་འགྱུར་ད་ཧ་གཉིས། །བ་ཙ་གཉིས་དང་བན་དྷ་གཉིས། །ཚིན་དྷ་གཉིས་དང་རྦ་ན་གཉིས། །ཧཱུཾ་གཉིས་ཕཊ་གཉིས་བརྗོད་པ་ནི། །སྔགས་མིང་བཀའ་ཉན་སྔགས་ཡིན་ནོ། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་རྗེས་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དབྱངས་ཀྱི་བཅུ་གསུམ་སྟེང་ནས་བཀོད། །དེ་འོག་གསུམ་པའི་དང་པོ་བཞག །དེ་འོག་དྲུག་པའི་དང་པོ་ལ། །དང་པོའི་གསུམ་པ་དེ་ལ་སྦྱིན། །དེ་རྗེས་བདུན་པའི་གཉིས་པ་བཞག །ཁ་གཉིས་ཧ་གཉིས་ཧཱུཾ་ཡང་གཉིས། །ཚེག་དྲག་དང་བཅས་ཕཊ་གཉིས་བརྗོད། །སྔགས་མིང་སྙིང་ཁྲག་དྲང་བའི་སྔགས། །དང་པོ་རྗོད་བྱེད་གོང་མ་སྦྱིན། །དེ་འོག་མི་ཤིགས་སྙིང་པོ་ཅན། །དེ་རྗེས་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟེང་དུ་དབྱངས་ཀྱི་བཅུ་གསུམ་བཀོད། །དེ་འོག་བཞི་པའི་དང་པོ་བཞག །དེ་རྗེས་ལྔ་པའི་ལྔ་པ་བཞག །དེ་འོག་མཐར་གནས་ཐ་ལྟག་བཞག །དེ་འོག་ལྔ་པའི་དང་པོ་སྟེ། །དེ་རྗེས་དྲུག་པའི་གསུམ་པ་བཞག །ཧ་ན་གཉིས་དང་ད་ཧ་གཉིས། །སྔགས་མིང་བཀའ་ཉན་སྔགས་ཡིན་ནོ། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་རྗེས་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་ལ་དབྱངས་ཀྱི་བཅུ་གསུམ་སྟེང་དུ་བཀོད། །དེ་འོག་གསུམ་པའི་དང་པོ་བཞག །དེ་འོག་དྲུག་པའི་དང་པོ་ལ། །པ་ཙ་གཉིས་བརྗོད་རྗེས་ཐོག་ལ། །ལྔ་པའི་བཞི་པར་དབྱངས་གསུམ་བརྒྱན། །དེ་འོག་བཞི་པའི་དང་པོ་ལ། །དྲུག་པའི་བཞི་པས་འོག་ནས་སྤྲས། །དེ་ལ་བཞི་པའི་ལྔ་པ་སྦྱིན། །དེ་རྗེས་གསུམ་པའི་གསུམ་པ་སྟེ། །དེ་རྗེས་ལྔ་པའི་ལྔ་པ་བཞག །དེ་འོག་དྲུག་པའི་དང་པོའོ། །དེ་རྗེས་གཉིས་པའི་བཞི་པ་བཞག །དེ་འོག་གསུམ་པའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་དྲུག་པའི་གསུམ་པ་ལ། །ལྔ་པའི་ལྔ་པ་དེ་ལ་སྦྱིན། །དེ་འོག་ལྔ་པའི་དང་པོ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་བཞི་པའི་བཞི་པ་བཞག །དེ་རྗེས་དྲུག་པའི་གཉིས་པ་བཞག །དེ་འོག་གསུམ་པའི་ལྔ་པ་བཞག །དེ་འོག་དབྱངས་ཀྱི་དྲུག་ ― DNG013_Page_0474 ―
[མ་དཔེ་གཟིགས་ན་འདིར་གནོན།]
པ་བཞག །དེ་རྗེས་གཉིས་པའི་དང་པོ་ལ། །དབྱངས་ཀྱི་ལྔ་པས་དེ་ལ་བརྒྱན། །དེ་འོག་བདུན་པའི་གསུམ་པ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་བཞི་པའི་བཞི་པ་བཞག །དེ་རྗེས་དྲུག་པའི་གཉིས་པ་བཞག །དེ་འོག་གསུམ་པའི་ལྔ་པ་བཞག །དེ་འོག་དབྱངས་ཀྱི་དྲུག་པ་བཞག །དེ་རྗེས་གཉིས་པའི་དང་པོ་ལ། །དབྱངས་ཀྱི་ལྔ་པས་དེ་ལ་བརྒྱན། །དེ་འོག་བདུན་པའི་གསུམ་པ་ལ། །ལྔ་པའི་ལྔ་པ་དེ་ལ་སྦྱིན། །དེ་རྗེས་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་བཞི་པའི་དང་པོ་བཞག །དེ་རྗེས་དྲུག་པའི་དང་པོའོ། །ཚེག་དྲག་དང་བཅས་ཧཱུཾ་ཕཊ་མཐའ། །སྔགས་མིང་བརྟན་ཅིང་སྒྲུབ་པའི་སྔགས། །དང་པོ་རྣམ་པར་སྣང་མཛད་དེ། །དེ་རྗེས་མི་ཤིགས་སྙིང་པོ་བརྗོད། །དེ་འོག་དང་པོའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་དྲུག་པའི་གསུམ་པ་བཞག །དེ་འོག་དྲུག་པའི་དང་པོ་སྟེ། །ཁ་ཐམ་གསུམ་དང་ཧཱུཾ་གསུམ་སྟེ། །ཚེག་དྲག་དང་བཅས་ཕཊ་གསུམ་བརྗོད། །སྔགས་མིང་བརྡུང་བའི་སྔགས་ཡིན་ནོ། །དང་པོ་དྲུག་པའི་གཉིས་པ་ལ། །ལྔ་པའི་ལྔ་པ་སྟེང་དུ་བཀོད། །དེ་རྗེས་གཉིས་པའི་གསུམ་པ་ལ། །དྲུག་པའི་བཞི་པས་འོག་ནས་སྤྲས། །དེ་རྗེས་དྲུག་པའི་གསུམ་པ་བཞག །ཉིས་འགྱུར་བརྗོད་པའི་རྗེས་ཐོག་ལ། །བདུན་པ་ཡིས་ནི་གསུམ་པ་ལ། །ལྔ་པའི་དང་པོས་བརྒྱན་པར་བྱ། །དེ་འོག་དྲུག་པའི་གཉིས་པ་ལ། །དེ་རྗེས་བཞི་པའི་ལྔ་པ་སྟེ། །ཧཱུཾ་ཕཊ་མཐའ་རུ་བཞག་པ་ནི། །སྔགས་མིང་མེ་སྤར་སྔགས་ཡིན་ནོ། །དང་པོ་རྗོད་བྱེད་དང་པོ་སྟེ། །དེ་རྗེས་མི་ཤིགས་སྙིང་པོ་ཅན། །དེ་རྗེས་བདུན་པའི་གསུམ་པ་ལ། །དབྱངས་ཀྱི་ལྔ་པས་འོག་ནས་སྤྲས། །དེ་འོག་ལྔ་པའི་ལྔ་པ་ལ། །དབྱངས་ཀྱི་བཅུ་གཅིག་པ་ཡིས་བརྒྱན། །དེ་རྗེས་བཞི་པའི་དང་པོ་ལ། །འོག་ཏུ་ར་ལྡན་དབྱངས་ཀྱི་ལྔ། །སྟེང་དུ་དང་པོའི་ལྔ་པས་བརྒྱན། །དེ་འོག་ཧཱུཾ་དང་ས་དང་མ། །ཡ་དང་སྟྭཾ་ཞེས་བརྗོད་པ་ནི། །སྔགས་མིང་མནན་ཅིང་གཟིར་བའི་སྔགས། །ཛཿདང་ཧཱུཾ་དང་བཾ་དང་ཧོ། །དེ་རྗེས་དབྱངས་ཀྱི་བཅུ་གཅིག་བཞག །དེ་ ― DNG013_Page_0475 ―
[མ་དཔེ་གཟིགས་ན་འདིར་གནོན།]
རྗེས་མཐར་གནས་ཐ་ལྟག་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་ལྔ་པའི་བཞི་པའོ། །དེ་རྗེས་དང་པོའི་གསུམ་པ་བཞག །དེ་འོག་ལྔ་པའི་གསུམ་པ་ལ། །བཞི་པའི་ལྔ་པ་དེ་ལ་སྦྱིན། །དེ་འོག་ལྔ་པའི་བཞི་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་བཞི་པའི་དང་པོ་བཞག །དེ་འོག་དྲུག་པའི་གཉིས་པས་བརྒྱན། །དེ་འོག་གཉིས་པའི་དང་པོ་སྟེ། །དེ་འོག་དྲུག་པའི་གཉིས་པའོ། །དེ་འོག་དྲུག་པའི་དང་པོ་བཞག །དེ་འོག་དང་པོའི་དང་པོ་ལ། །བདུན་པའི་གཉིས་པས་འོག་ནས་སྤྲས། །དེ་འོག་མི་ཤིགས་སྙིང་པོ་ཅན། །བྷྱོ་གཉིས་རུ་ལུ་གཉིས་ལྡན་ཧཱུཾ། །སྔགས་མིང་ལས་ཀྱིས་སྤྱན་དྲངས་སྔགས། །དང་པོ་བརྗོད་མེད་གོང་མ་སྟེ། །དེ་འོག་ལྔ་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་རྗེས་བཞི་པའི་དང་པོ་ལ། །དབྱངས་ཀྱི་བཞི་པས་སྟེང་ནས་བརྒྱན། །དེ་འོག་གཉིས་པའི་དང་པོ་བཞག །དེ་རྗེས་ཧཱུཾ་དང་ལྡན་པ་ནི། །སྔགས་མིང་དབུལ་བའི་སྔགས་ཡིན་ནོ། །དང་པོ་གཏི་མུག་རིགས་ཡིན་ཏེ། །དེ་འོག་བདུན་པའི་གསུམ་པ་བཞག །དེ་རྗེས་ལྔ་པའི་ལྔ་པ་བཞག །དེ་འོག་དྲུག་པའི་དང་པོའོ། །དེ་འོག་དབྱངས་ཀྱི་དང་པོ་སྟེ། །དེ་རྗེས་ལྔ་པའི་ལྔ་པ་ལ། །འོག་ཏུ་རར་ལྡན་དབྱངས་ཡིག་གསུམ། །དེ་འོག་བཞི་པའི་བཞི་པ་བཞག །དེ་རྗེས་དབྱངས་ཀྱི་དང་པོའོ། །དྲུག་པའི་གཉིས་པ་དང་པོའི་གསུམ། །དེ་ལ་ལྔ་པའི་ལྔ་པ་སྦྱིན། །དེ་འོག་ལྔ་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་བཞི་པའི་དང་པོ་ལ། །དབྱངས་ཀྱི་བཞི་པས་སྟེང་ནས་བརྒྱན། །དེ་འོག་གཉིས་པའི་དང་པོ་བཞག །ཧཱུཾ་དང་སྭཱ་ཧཱ་མཐའ་ལྡན་པ། །སྔགས་མིང་ཞལ་དུ་གསོལ་བའི་སྔགས། །དང་པོ་རྣམ་པར་སྣང་མཛད་དེ། །དེ་རྗེས་བཞི་པའི་ལྔ་པ་བཞག །དེ་འོག་ལྔ་པའི་ལྔ་པ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་ལྔ་པའི་གསུམ་པ་བཞག །དེ་རྗེས་དང་པོའི་གསུམ་པ་དེ། །དེ་འོག་ལྔ་པའི་གསུམ་པ་ལ། །དང་པོའི་གསུམ་པ་དེ་ལ་སྦྱིན། །དེ་རྗེས་བཞི་པའི་དང་པོ་ལ། །དབྱངས་ཀྱི་བཅུ་གཅིག་པ་ཡིས་བརྒྱན། །དེ་འོག་བདུན་པའི་གཉིས་པ་ལ། །དྲུག་པའི་ ― DNG013_Page_0476 ―
[མ་དཔེ་གཟིགས་ན་འདིར་གནོན།]
བཞི་པས་འོག་ནས་སྤྲས། །དེ་རྗེས་བདུན་པའི་གཉིས་པ་ལ། །བཞི་པའི་ལྔ་པ་དེ་ལ་སྦྱིན། །དེ་འོག་གསུམ་པའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་དང་པོའི་གསུམ་པ་ལ། །དབྱངས་ཀྱི་བཞི་པས་རྣམ་པར་བརྒྱན། །དེ་འོག་བཞི་པའི་དང་པོ་ལ། །དབྱངས་ཀྱི་ལྔ་པས་འོག་ནས་སྤྲས། །དེ་འོག་བཞི་པའི་དང་པོ་ལ། །དེ་ལ་གསུམ་པའི་གསུམ་པ་སྦྱིན། །དེ་འོག་དྲུག་པའི་དང་པོ་བཞག །དེ་འོག་མི་ཤིགས་སྙིང་པོ་ཅན། །དེ་རྗེས་བཞི་པའི་བཞི་པ་ལ། །དེ་ལ་གསུམ་པའི་ལྔ་པ་སྦྱིན། །དེ་རྗེས་གསུམ་པའི་དང་པོ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་དྲུག་པའི་དང་པོ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་རྗེས་ལྔ་པའི་ལྔ་པ་ལ། །དབྱངས་ཀྱི་བཅུ་གཉིས་པ་ཡིས་བརྒྱན། །དེ་འོག་དང་པོའི་དང་པོ་བཞག །དེ་རྗེས་བཞི་པའི་ལྔ་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་ལ་གསུམ་པའི་ལྔ་པ་སྦྱིན། །ཙ་ལ་གཉིས་དང་མ་ལ་གཉིས། །ཏི་ལ་གཉིས་དང་སྭཱ་ཧཱའི་མཐའ། །སྔགས་མིང་ཟློག་པར་བྱེད་པའི་སྔགས། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་དང་པོའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་དྲུག་པའི་གསུམ་པ་བཞག །དབྱངས་ཀྱི་བཞི་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །དབྱངས་ཀྱི་གསུམ་པས་རྣམ་པར་བརྒྱན། །དེ་འོག་དྲུག་པའི་གསུམ་པ་བཞག །དེ་རྗེས་དྲུག་པའི་དང་པོ་བཞག །དེ་རྗེས་བདུན་པའི་ཐ་མ་ལ། །དབྱངས་ཀྱི་ལྔ་པས་རྣམ་པར་བརྒྱན། །ལྔ་པའི་ལྔ་པ་དང་ལྡན་ཏེ། །དེ་རྗེས་ལྔ་པའི་བཞི་པ་བཞག །དེ་རྗེས་ཧཱུཾ་གིས་ཡང་དག་བཅས། །མིང་དང་བཅས་པའི་ཕཊ་བརྗོད་པས། །སྔགས་མིང་དྲག་པོའི་སྲེག་དུག་སྔགས། །གོང་མ་ཇི་ལྟར་བསྒྲུབ་པ་ལས། །དྲུག་པའི་དང་པོའི་འོག་ཏུ་ནི། །ལྔ་པའི་དང་པོ་ཡོངས་སུ་བཀོད། །དབྱངས་ཀྱི་ལྔ་པས་རབ་ཏུ་བརྒྱན། །དེ་རྗེས་བདུན་པའི་ཐ་མ་ལ། །བཞི་པའི་དང་པོ་དེ་ལ་སྦྱིན། ། ― DNG013_Page_0477 ―
[མ་དཔེ་གཟིགས་ན་འདིར་གནོན།]
དབྱངས་ཀྱི་གསུམ་པས་རྣམ་པར་བརྒྱན། །དང་པོའི་ལྔ་པ་དེ་ལ་སྦྱིན། །ཧཱུཾ་གཉིས་བར་དུ་མིང་བསྐུལ་བ། །སྔགས་མིང་དབང་གི་དུས་ཀྱི་སྔགས། །གོང་མ་ཇི་ལྟར་བསྒྲུབ་པ་ལས། །དྲུག་པའི་དང་པོ་འོག་ཏུ་ནི། །བདུན་པའི་གཉིས་པ་དེ་འོག་བཞག །བཞི་པའི་ཐ་མ་དེ་ལ་སྦྱིན། །དེ་འོག་བཞི་པའི་དང་པོ་ལ། །འོག་ཏུ་ཁ་བལྟས་ཀྱིས་བརྒྱན་ཏེ། །སྟེང་དུ་དབྱངས་ཀྱི་བཞི་པས་བརྒྱན། །དང་པོའི་ལྔ་པ་དེ་ལ་སྦྱིན། །ཧཱུཾ་དང་མིང་བཅས་སྭཱ་ཧཱ་མཐའ། །སྔགས་མིང་ཞི་བའི་སྔགས་ཡིན་ནོ། །གོང་མ་ཇི་ལྟར་བསྒྲུབ་པ་ལས། །དྲུག་པའི་དང་པོའི་འོག་ཏུ་ནི། །ལྔ་པའི་བཞི་པ་གཞག་པར་བྱ། །དེ་འོག་བདུན་པའི་གཉིས་པ་ལ། །འོག་ཏུ་བརྒྱད་པའི་ཐ་ལྟག་སྦྱིན། །དེ་འོག་ཡ་ཡིས་ཡོངས་སུ་བརྒྱན། །སྟོང་པ་ཡིས་ནི་ཤིན་ཏུ་མཛེས། །སྭཱ་ཧཱའི་བར་དུ་མིང་གིས་སྤྲས། །སྔགས་མིང་རྒྱས་པའི་སྔགས་ཡིན་ནོ། །དང་པོ་ཇི་ལྟར་གནས་པ་ལ། །དྲུག་པའི་དང་པོ་འོག་ཏུ་ནི། །ཧཱུཾ་དང་ཛ་བརྩེགས་གཉིས་བཞག་པ། །སྔགས་མིང་སྐྲོད་པའི་སྔགས་ཡིན་ནོ། །དང་པོ་གཏི་མུག་རིགས་ཡིན་ནོ། །དེ་འོག་དྲུག་པའི་གཉིས་པ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་དྲུག་པའི་གཉིས་པ་ལ། །དབྱངས་ཀྱི་ལྔ་པས་འོག་ནས་སྤྲས། །དེ་འོག་ལྔ་པའི་དང་པོ་བཞག །དེ་འོག་བཞི་པའི་གསུམ་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་བདུན་པའི་གསུམ་པ་ལ། །དེ་ལ་བཞི་པའི་དང་པོ་སྦྱིན། །དེ་རྗེས་བདུན་པའི་གསུམ་པ་བཞག །དེ་རྗེས་ལྔ་པའི་ལྔ་པ་བཞག །དེ་འོག་དྲུག་པའི་དང་པོ་སྟེ། །དེ་འོག་ཧཱུཾ་དང་བྷྱོ་བཞག་ཧཱུཾ། །དེ་རྗེས་དབྱངས་ཀྱི་དང་པོ་བཞག །དེ་འོག་དྲུག་པའི་གཉིས་པའོ། །དེ་རྗེས་དྲུག་པའི་གསུམ་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །ཛཿདང་ཧཱུཾ་དང་བཾ་དང་ཧོཿ། །སྔགས་མིང་སྤྱི་ཡི་མཁའ་འགྲོ་སྤྱན། །དྲངས་པ་ཡི་ནི་སྔགས་ཡིན་ནོ། །དེ་འོག་ལྔ་པའི་ལྔ་པ་བཞག །དེ་འོག་བཞི་པའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དང་པོ་རྗོད་བྱེད་གོང་མ་སྦྱིན། །དེ་འོག་མི་ཤིགས་སྙིང་པོ་ཅན། །དེ་འོག་བདུན་པའི་གསུམ་པ་བཞག །དེ་འོག་ལྔ་པའི་ལྔ་པའོ། ། ― DNG013_Page_0478 ―
[མ་དཔེ་གཟིགས་ན་འདིར་གནོན།]
དེ་འོག་དང་པོའི་དང་པོ་སྟེ། །དེ་རྗེས་དྲུག་པའི་དང་པོ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་དང་པོའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་བཞི་པའི་ལྔ་པ་ལ། །དབྱངས་ཀྱི་བཞི་པས་སྟེང་ནས་བརྒྱན། །དེ་འོག་ལྔ་པའི་ལྔ་པ་ལ། །དྲུག་པའི་གཉིས་པས་འོག་ནས་སྤྲས། །དྲུག་པའི་བཞི་པའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །ཛ་དང་ཧཱུཾ་གཉིས་བརྗོད་པ་ནི། །སྔགས་མིང་ཞལ་དབྱེ་བ་ཡི་སྔགས། །དང་པོའི་དང་འོག་ཉིས་འགྱུར་ལ། །དེ་འོག་བཞི་པའི་གསུམ་པ་ལ། །དབྱངས་ཀྱི་ལྔ་པས་འོག་ནས་བརྒྱན། །དེ་ལ་དྲུག་པའི་གཉིས་པ་སྦྱིན། །དེ་འོག་ལྔ་པའི་ལྔ་པ་བཞག །དེ་འོག་བཞི་པའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་ལྔ་པའི་ལྔ་པ་བཞག །དེ་འོག་བཞི་པའི་དང་པོ་ལ། །དབྱངས་ཀྱི་ལྔ་པས་དེ་ལ་བརྒྱན། །དེ་འོག་ལྔ་པའི་ལྔ་པ་བཞག །རུ་ལུ་གཉིས་དང་ཧཱུཾ་གཉིས་ཏེ། །བྷྱོ་གཉིས་རྗེས་སུ་ཀུན་བཞག་ནས། །དེ་འོག་ལྔ་པའི་ལྔ་པ་བཞག །དེ་རྗེས་བཞི་པའི་གསུམ་པ་སྟེ། །དེ་འོག་དྲུག་པའི་གཉིས་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་གསུམ་པའི་གསུམ་པ་ལ། །བདུན་པའི་གཉིས་པ་དེ་ལ་སྦྱིན། །དབྱངས་ཀྱི་ལྔ་པས་འོག་ནས་བརྒྱན། །དེ་རྗེས་དྲུག་པའི་གསུམ་པ་ལ། །དེ་རྗེས་བཞི་པའི་གསུམ་པའོ། །དེ་འོག་དྲུག་པའི་གཉིས་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་གཉིས་པའི་དང་པོ་བཞག །དེ་རྗེས་ལྔ་པའི་ལྔ་པ་ལ། །དབྱངས་ཀྱི་ལྔ་པས་འོག་ནས་སྤྲས། །དེ་ལ་བཞི་པའི་ལྔ་པ་སྦྱིན། །དེ་འོག་བཞི་པའི་བཞི་པ་བཞག །དེ་འོག་དྲུག་པའི་གཉིས་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །དང་པོའི་ལྔ་པས་སྟེང་དུ་བརྒྱན། །དེ་རྗེས་དང་པོའི་དང་པོ་བཞག །དེ་འོག་བཞི་པའི་གསུམ་པའོ། །དེ་འོག་དྲུག་པའི་གཉིས་པ་ལ། །དབྱངས་ཀྱི་གསུམ་པས་སྟེང་དུ་བརྒྱན། །དེ་རྗེས་དང་པོའི་གཉིས་པ་བཞག །དེ་འོག་དྲུག་པའི་གཉིས་པ་ལ། །ལྔ་པའི་ལྔ་པ་དེ་ལ་སྦྱིན། ། ― DNG013_Page_0479 ―
[མ་དཔེ་གཟིགས་ན་འདིར་གནོན།]
དེ་རྗེས་དྲུག་པའི་དང་པོ་ལ། །དབྱངས་ཀྱི་བཅུ་གསུམ་པ་ཡིས་བརྒྱན། །དེ་འོག་དང་པོའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་རྗེས་བཞི་པའི་ལྔ་པ་ལ། །དབྱངས་ཀྱི་བཞི་པས་སྟེང་ནས་བརྒྱན། །དེ་འོག་དང་པོའི་གཉིས་པ་བཞག །དེ་རྗེས་དབྱངས་ཀྱི་གཉིས་པ་བཞག །དེ་རྗེས་དབྱངས་ཀྱི་གཉིས་པ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་བདུན་པའི་གསུམ་པ་བཞག །དེ་རྗེས་ལྔ་པའི་ལྔ་པ་བཞག །དེ་རྗེས་དྲུག་པའི་དང་པོ་ནས། །དེ་འོག་དབྱངས་ཀྱི་གཉིས་པའོ། །དེ་རྗེས་ལྔ་པའི་ལྔ་པ་ལ། །དྲུག་པའི་གཉིས་པས་འོག་ནས་སྤྲས། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་བཞི་པའི་གཉིས་པ་བཞག །དེ་འོག་དབྱངས་ཀྱི་དང་པོའོ། །དེ་རྗེས་དྲུག་པའི་གཉིས་པ་ལ། །དང་པོའི་གསུམ་པ་དེ་ལ་སྦྱིན། །དེ་ལ་ལྔ་པའི་ལྔ་པ་སྦྱིན། །དེ་འོག་ལྔ་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་རྗེས་བཞི་པའི་དང་པོ་ལ། །དབྱངས་ཀྱི་གསུམ་པས་སྟེང་ནས་བརྒྱན། །དེ་འོག་གཉིས་པའི་གསུམ་པ་བཞག །དེ་འོག་དང་པོའི་གཉིས་པ་སྟེ། །དེ་རྗེས་དབྱངས་ཀྱི་གཉིས་པ་ལ། །དབྱངས་ཀྱི་གསུམ་པས་སྟེང་དུ་བཀོད། །སྔགས་མིང་ཞལ་དུ་བསྟབ་པའི་སྔགས། །དང་པོའི་ཕྱི་མོའི་ཡི་གེ་རྣམས། །སྡེ་ཚན་དགུ་རུ་རྣམ་པར་གྲགས། །དེ་ལས་ཡོངས་སུ་གྲུབ་པའི་སྔགས། །བསད་དང་བཀུག་དང་བཅིང་བ་དང་། །གཟིར་དང་གཏུམ་དང་བསྟབ་པ་དང་། །ཞི་བ་རྒྱས་པ་དབང་དང་དགུག །དུག་གཞིལ་བསྐྲད་པ་ལ་སོགས་པ། །ལས་འདི་རྣལ་འབྱོར་དམ་པས་འགྲུབ། །ཉམས་པས་བརྩམས་ཀྱང་ཉིད་བརླག་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། སྔགས་བསྡུ་བའི་ལེའུ་སྟེ་བཅུ་དགུ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ་འདི་སྐད་ཅེས་གླེངས་སོ། །ཀྱེ་ཀྱེ་གཉིས་མེད་ཏིང་འཛིན་བདག །ལས་རྣམས་ཐམས་ཅད་བརྩམ་པ་ལ། །ཏིང་འཛིན་བྱེ་བྲག་མི་འཚལ་ལམ། ། ― DNG013_Page_0480 ―
[མ་དཔེ་གཟིགས་ན་འདིར་གནོན།]
ཏིང་འཛིན་བྱེ་བྲག་ཇི་ལྟར་ལགས། །དཔའ་བོ་ཁྱེད་ཀྱིས་བཤད་དུ་གསོལ། །ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །སོ་སོ་རང་རིག་ཏིང་འཛིན་རྣམས། །འདི་མེད་ལས་རྣམས་འགྲུབ་མི་སྲིད། །དེས་ན་ཏིང་འཛིན་བྱེ་བྲག་བསྟན། །ནམ་མཁའ་དབྱིངས་ཀྱི་དབུས་གནས་པར། །འབྱུང་བའི་དཀྱིལ་འཁོར་གསལ་བལྟས་ལ། །དེ་སྟེང་ཉི་མའི་དཀྱིལ་འཁོར་བསྒོམ། །དེ་དབུས་སོ་སོའི་བདག་པོ་བསམ། །རྒྱན་དང་ལྡན་པ་དེ་བརྟགས་ལ། །ལས་རྣམས་ཐམས་ཅད་བརྩམ་པར་བྱ། །ནམ་མཁའ་ཏིང་འཛིན་རབ་བསྒྱུར་བའི། །ཇི་ལྟར་བསམ་པ་བཞིན་དུ་འགྲུབ། །འདི་ནི་ལས་ཀྱི་ཏིང་འཛིན་ནོ། །དཀྱིལ་འཁོར་མཐིང་ནག་གྲུ་གསུམ་ནི། །དྲག་པོའི་ཐབས་ཀྱི་དཀྱིལ་འཁོར་བརྟག །སྲས་མཆོག་ཕུར་པའི་དཀྱིལ་འཁོར་ནི། །གཉིས་སུ་མེད་པ་ལས་བྱུང་སྟེ། །དེ་ལས་བྱུང་བའི་སྤྲུལ་པའི་ཚོགས། །གནོད་བྱེད་ལ་སོགས་བསྒྲལ་བར་བརྟག །འདི་ནི་ཏིང་འཛིན་དཀྱིལ་འཁོར་རོ། །འདི་ནི་དཀྱིལ་འཁོར་ཏིང་འཛིན་ནོ། །བདག་ཉིད་དང་པོ་རྣལ་འདུག་སྟེ། །སྙིང་གར་ཉི་མའི་དཀྱིལ་འཁོར་ལ། །ཡེ་ཤེས་རྡོ་རྗེ་རབ་བརྟག་སྟེ། །དེ་དབུས་ཉི་མའི་དཀྱིལ་འཁོར་བསམ། །དེ་སྟེང་མཐིང་ནག་འབར་བའི་ཧཱུཾ། །དེ་ལ་སྔགས་ཀྱི་ཡི་གེ་རྣམས། །སོ་སོའི་གཞུང་གིས་ལས་བསྐོར་ཏེ། །ཕུར་པ་ལ་ཡང་དེ་བཞིན་ནོ། །བསྙེན་དུས་འོད་འཁོར་གཟི་བརྗིད་བསྐྱེད། ། གྲངས་ཀྱི་མཚན་ཉིད་ཚང་པ་དང་། །སྒྲུབ་པའི་ལས་ལ་རབ་ཞུགས་འབད། །མཚན་མ་ལ་སོགས་བྱུང་བ་ན། །ཕུར་པ་ཕྲ་མོའི་སྐུར་སྤྲོས་ཏེ། །ཁྲོས་པའི་སྙིང་གར་གཏམས་བྱས་ནས། །རང་སྔགས་ཚིག་ཏུ་རབ་བརྗོད་པས། །དྲག་པོའི་ལས་ལ་བསྐུལ་བར་བྱ། །འདི་ནི་བཟླས་པའི་ཏིང་འཛིན་ཡིན། །དིཔྟ་ཙཀྲ་ཕུར་པའི་ལྷ། །ཁྲོས་པས་མི་བཟད་འབར་བའི་སྐུ། །སྐེ་ནས་ལག་གཡོན་བཟུང་ལ་བཟླས། །རྡོ་རྗེ་ཐོ་བས་གཡས་པས་བརྡེག །རྡོ་རྗེ་སྡེར་མོའམ་སོ་སོ་ཡིས། ། ― DNG013_Page_0481 ―
[མ་དཔེ་གཟིགས་ན་འདིར་གནོན།]
གསོད་པའི་སྔགས་ནི་དྲག་བཟླས་ཏེ། །བདུན་ནམ་ཉི་ཤུ་རྩ་གཅིག་གིས། །རབ་ཏུ་བརྗོད་ཅིང་གདབ་པར་བྱ། །བཏབ་པའི་ལས་རྣམས་བསྟན་བྱའི་ཕྱིར། །རྡོ་རྗེའི་ཚིག་ཏུ་འདི་སྐད་བརྗོད། །དམ་ཚིག་ཆེན་པོའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནི་འགུགས་དང་མནན་པ་ཡི། །ཏིང་འཛིན་ཞེས་ནི་དེ་ལ་བྱ། །རྡོ་རྗེའི་ཚིག་ཏུ་བརྗོད་བྱ་བ། །སོ་སོ་རང་སྔགས་བརྗོད་བྱས་ཏེ། །བཀྲག་དང་གཟི་མདངས་བདག་ལ་ཐིམ། །ཨ་ཉིད་བྱང་ཆུབ་སེམས་ཀྱི་ཁྲུས། །ཕུར་པ་ཉིད་ཀྱང་གཟི་བྱིན་བསྐྱེད། །འོད་དང་མཐུ་དཔུང་ལྷག་པར་བསྐྱེད། །དེ་ནི་ཚེ་ལུང་ཁྲུས་ལུང་གི། །ཏིང་ངེ་འཛིན་ཞེས་དེ་ལ་བྱའོ། །དེ་ནས་ཕྱོགས་བཅུའི་ཁྲོ་བོ་ལ། །རྡོ་རྗེའི་ཚིག་གིས་འདི་སྐད་བསྐུལ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །རྟོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲ་རུ་ཆུག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་འདི་ཉན་པར་གྱིས། །དྲག་པོ་སྤྱི་ཡི་ཏིང་འཛིན་ཡིན། །རྡོ་རྗེ་ཕྲ་མེན་ཚོགས་རྣམས་ལ། །རྡོ་རྗེའི་ཚིག་ཏུ་འདི་སྐད་བརྗོད། །བྲན་དང་ཕོ་ཉ་བཀའ་ཉན་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་གྱི་ཐ་ཚིག་བཅས་པ་བཞིན། །མངོན་སྤྱོད་ཕྲིན་ལས་མྱུར་དུ་མཛོད། །གལ་ཏེ་ཐ་ཚིག་འདས་གྱུར་ན། །རྡོ་རྗེ་ཆུ་བོས་དེ་སྐྲད་ངེས། །ཕྲ་མེན་ལས་ལ་བསྐུལ་བ་ཡི། །ཏིང་ངེ་འཛིན་ཞེས་དེ་ལ་བྱ། །དེ་ནས་རྡོ་རྗེའི་ཚིག་ཏུའོ། །སྲས་མཆོག་ལས་ལ་བསྐུལ་བ་ནི། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་ ― DNG013_Page_0482 ―
[མ་དཔེ་གཟིགས་ན་འདིར་གནོན།]
བདེ་ཆེན་ཧཾ་ལ་ལོངས་སྤྱོད་ཨཱཿ། །ཆོས་འཁོར་ཧཱུཾ་ཉིད་སྤྲུལ་པ་ཨ། །ཨཱ་ལི་ཀཱ་ལི་སྲོག་ཤིང་གསུང་། །ཡི་གེ་ལྔ་གསུམ་གྲུབ་ནས་གནས། །ལུས་ཀྱི་ཁམས་དགུ་འདུས་པ་ཡི། །བྱང་ཆུབ་སེམས་ཀྱི་བདུད་རྩི་ཉིད། །ལུགས་འབྱུང་འཁོར་བ་སྐྱེད་བྱེད་པས། །ལུགས་ལས་བཟློག་པས་མྱ་ངན་འདས། །ནམ་མཁའི་རླུང་གིས་སྲོག་འཛིན་ཅིང་། །ས་ཆུ་མེ་རླུང་རྩོལ་བར་རྒྱུ། །རྩ་བ་ཡན་ལག་བཅས་པ་ཡིས། །ཕུང་པོ་དབང་ཡུལ་ལས་རྣམས་བྱེད། །འབྲས་བུའི་མཚན་ཉིད་རབ་ཤེས་པ། །རིག་པ་འཛིན་པའི་སར་གནས་པ། །རྣམ་པར་སྨིན་པའི་རིག་འཛིན་ནི། །བརྐོས་ཕོར་ནང་གི་འདག་པ་འདྲ། །ཚེ་ལ་དབང་བའི་རིག་འཛིན་ནི། །ཉི་མ་ཟླ་བའི་དཀྱིལ་འཁོར་འདྲ། །ཕྱག་རྒྱ་ཆེན་པོའི་རིག་འཛིན་ནི། །འཇིག་རྟེན་མེས་པོ་ཚངས་པ་འདྲ། །ལྷུན་གྱིས་གྲུབ་པའི་རིག་འཛིན་ནི། །འབྱུང་ཆེན་གཏོས་ཀྱི་ནམ་མཁའ་འདྲ། །ཡང་དག་རྫོགས་པའི་སངས་རྒྱས་ནི། །ཡིད་བཞིན་ནོར་བུ་རིན་ཆེན་འདྲ། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། ཆོས་ཐམས་ཅད་དོན་རྣམ་པར་བསྡུས་ནས་སྒོ་དབྱེ་བའི་ལེའུ་སྟེ་བཅོ་བརྒྱད་པའོ།། །།དེ་ནས་སངས་རྒྱས་རྡོ་རྗེ་འཆང་ཆེན་པོས་ཆོས་ཐམས་ཅད་ཡེ་ཤེས་དང་དབྱིངས་སུ་ཡེ་ནས་སངས་རྒྱས་པ་འདི་གསུངས་སོ། །སྟོང་གསུམ་སྲིད་གསུམ་ཁམས་གསུམ་རྣམས། །ཡེ་ནས་ཆོས་ཀྱི་དབྱིངས་ཉིད་ལ། །མ་རྟོགས་འབྱུང་བ་ལྔ་རུ་འཛིན། །འཛིན་པ་དེ་ཉིད་རང་གྲོལ་ཕྱིར། །འགྱུར་མེད་ས་དང་སངས་རྒྱས་སྤྱན། །རྒྱུད་ཆད་མེད་པ་ཐུགས་རྗེའི་རྒྱུན། །མཱ་མ་ཀཱི་ཡི་བྷ་ག་ན། །སྐྱོན་བྲལ་མེ་དབྱིངས་གོས་དཀར་མ། །ཐོགས་མེད་རླུང་དབྱིངས་དམ་ཚིག་སྒྲོལ། །ནམ་མཁའ་ཀུན་ཏུ་བཟང་མོ་ཉིད། །གནས་དང་སྐྱེ་དང་སྤྱོད་གྱུར་པ། །རྡོ་རྗེ་བཙུན་མོའི་བྷ་ག་ལ། །ཕྱོགས་བཅུ་དུས་གསུམ་སངས་རྒྱས་རྣམས། །ཡུམ་དང་འདུ་འབྲལ་མེད་པར་བཞུགས། །སྣོད་ཀྱི་འཇིག་རྟེན་མ་ལུས་ཀུན། །ཡེ་ནས་ཞིང་ཁམས་རྣམ་དག་ལ། །མ་རིག་དེ་ཉིད་ཤེས་བྱ་ལ། །ཤར་ཕྱོགས་མངོན་ ― DNG013_Page_0483 ―
[མ་དཔེ་གཟིགས་ན་འདིར་གནོན།]
པར་དགའ་བ་ཉིད། །རྡོ་རྗེ་རིགས་ཀྱི་གནས་སུ་ཤེས། །ལྷོ་ཡི་ཕྱོགས་ན་དཔལ་དང་ལྡན། །ཡིད་བཞིན་རིན་ཆེན་ཡོན་ཏན་གནས། །ནུབ་ཕྱོགས་བདེ་བ་ཆེན་པོ་ཉིད། །གསུང་མཆོག་པདྨ་རིགས་ཀྱི་གནས། །བྱང་ཕྱོགས་རྣམ་དག་བཀོད་པ་ནི། །རབ་རྫོགས་ལས་ཀྱི་རིགས་ཀྱི་གནས། །དབུས་ན་བྱང་ཆུབ་ཆེན་པོ་ཉིད། །བདེ་གཤེགས་གནས་རྣམས་ལྷུན་གྱིས་གྲུབ། །ཡེ་ནས་གནས་ཕྱིར་རྩོལ་བ་བྲལ། །ལུས་ལ་ཡེ་ཤེས་ཆེན་པོ་གནས། །མ་རྟོགས་རྟོགས་པར་རབ་བསྟན་པ། །ཉེས་པའི་སྐྱོན་དང་བྲལ་བས་ན། །པུ་ཤ་རི་ཀའི་མདོག་ཏུ་བསྟན། །ཆེ་བའི་ཡོན་ཏན་རྒྱས་པས་ན། །ཛམྦུ་ན་དཱིའི་གསེར་འོད་མཚུངས། །ཐུགས་རྗེས་ཀུན་ལ་ཆགས་པ་ནི། །པདྨ་རཱ་གའི་མདོག་ཏུ་གནས། །ཕྲིན་ལས་ཐོགས་པ་མེད་པར་ན། །མརྒད་ལྟ་བུའི་མདོག་ཏུ་བསྟན། །ཆོས་ཉིད་འགྱུར་བ་མེད་པས་ན། །ཨིནྡྲ་ནཱི་ལའི་མདོག་ཏུ་བསྟན། །མདོག་གི་དབྱེ་བས་རབ་མཚོན་པས། །ཡེ་ཤེས་ཆེན་པོ་ལྔ་རྣམས་རྟོགས། །སྟོང་གསུམ་སྟོང་གི་འཇིག་རྟེན་ན། །སངས་རྒྱས་དཀྱིལ་འཁོར་ལྷུན་གྱིས་གྲུབ། །བཅུད་ཀྱི་འགྲོ་བ་མ་ལུས་ཀུན། །རྒྱལ་བ་རྫོགས་པའི་སངས་རྒྱས་ཉིད། །འགྲོ་དོན་མཛད་པར་སྣང་བ་ནི། །གཡས་པ་ནས་ནི་འབྱུང་བའི་ཁམས། །མེ་ཡི་དཀྱིལ་འཁོར་སྣང་མཐའ་ཡས། །ཁ་དོག་དམར་པོ་གྱེན་ལ་འབར། །གཡོན་ནས་གསེར་མདོག་ལྗང་སེར་རླུང་། །དོན་གྲུབ་གསེགས་ལ་འགྲོ་བ་དང་། །གཉིས་དཀར་དལ་རྒྱུ་ཆུ་རླུང་དཀར། །རྡོ་རྗེ་མི་བསྐྱོད་བྱང་སེམས་འབབ། །གཉིས་ཀར་ཐུར་རྔུབ་ས་རླུང་སེར། །རིན་ཆེན་འབྱུང་གནས་ཐད་ཀར་གནས། །ཉུང་དཀར་འབྲུ་ཚོད་ཙམ་དུ་འཕྲོ། །ཨཱཿདམར་ཧཱ་ལྗང་ཧཱུཾ་དཀར་དང་། །སྭཱ་སེར་འདུ་འཕྲོ་མཛད་པ་རྫོགས། །ཉིན་ཞག་དག་ནི་ཕྲུགས་གཅིག་ལ། །ཉི་ཁྲི་གཅིག་རྫོགས་སྟོང་དྲུག་བརྒྱ། །དེ་ཉིད་བཟླས་པ་རྫོགས་འགྱུར་བ། །རྩ་བ་ཨོཾ་ཉིད་སྲོག་ཏུ་གནས། །རླུང་རྣམས་ཕྲ་བའི་གཟུགས་ཀྱིས་ནི། །ཤེས་དང་ཡང་དག་འདྲེས་འགྱུར་ན། །དབང་པོའི་ལམ་ལ་བྱུང་ནས་སུ། །ཡུལ་རྣམས་ཀུན་ལ་འཇུག་པར་བྱེད། །སྣང་བ་མཆེད་པ་ ― DNG013_Page_0484 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་མཆོག །ལས་སུ་རུང་བའི་རྣལ་འབྱོར་པས། །དེ་ཡི་བརྩམ་པ་ཡིད་བཞིན་འགྲུབ། །གང་ལ་བསམས་ཀྱང་འགྲུབ་པར་འགྱུར། །མི་བྱ་བ་ནི་གང་ཡང་མེད། །ཏིང་འཛིན་ལས་སུ་རུང་བའི་མི། །མི་ཞེས་བྱ་བ་བདེ་གཤེགས་ཡིན། །བཅོམ་ལྡན་འདས་ཞེས་གུད་ན་མེད། །ཅེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། ཏིང་ངེ་འཛིན་རིམ་པར་ཕྱེ་བའི་ལེའུ་སྟེ་ཉི་ཤུ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་དཔའ་བོ་བརྗིད་པའི་སྐུ། །ལས་ཀྱི་བདག་པོ་ཁྱོད་ལ་འདུད། །རྣལ་འབྱོར་བསྟན་ལ་འཚེ་གྱུར་དང་། །སངས་རྒྱས་བསྟན་པ་བཤིག་བྱེད་དང་། །རྣལ་འབྱོར་ཡོངས་ཀྱི་དགྲར་གྱུར་ལ། །ཕུར་པས་བསྒྲལ་བར་གསུངས་ལགས་ན། །དུག་ལ་སོགས་པའི་ཐུན་རྣམས་ཀྱིས། །བསྒྲལ་བ་ལ་སོགས་ཇི་ལྟར་བགྱི། །བདེ་བར་གཤེགས་པས་ལུང་བསྟན་གསོལ། །ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །དུག་ལ་སྩོགས་པས་བསྒྲལ་བ་རྣམས། །ངེས་པ་ཁོ་ནར་ངས་བཤད་ཀྱིས། །རྩེ་གཅིག་སེམས་ཀྱིས་ང་ལ་ཉོན། །དང་པོ་འཁོར་ལོས་བསྒྲལ་བ་བསྟན། །དང་པོ་ཕྱི་ཡི་འཁོར་ལོ་བཅའ། །རྩིབས་ནི་བཞི་བཅུ་རྩ་བརྒྱད་ལ། །མིང་བྱང་གཉིས་དང་ལྡན་པར་བྲི། །དེ་ལས་འཁོར་ལོ་བཞི་རུ་བཅའ། །སྔགས་རྣམས་བསྡུས་ཏེ་གསལ་བར་དགོད། །དང་པོ་དགུག་པའི་འཁོར་ལོ་ལ། །དགུག་པའི་འཁོར་ལོ་དབང་བྱེད་དབྱིབས། །ཡི་གེ་བཅུ་གཅིག་རྣམ་པར་ལྡན། །གཡས་ནས་བསྐོར་ནས་ལངས་པ་བརྟག །བཅའ་བའི་རྒྱུ་རྣམས་བསྟན་པ་ནི། །ཉི་ཤུ་རཀྟ་ནིམ་པའི་ལོ། །སྔགས་དང་འཁོར་ལོའི་རྒྱུ་རུ་གསུངས། །འོད་ཟེར་སྤྲོས་ནས་དེ་བཀུག་བསྡིམ། །རླུང་གི་ལྕགས་ཀྱུས་ཁྲོ་བོར་སྦྱོར། །སྔགས་ཀྱི་འོད་ཟེར་ཕྲ་མེན་སྦྱོར། །གང་ལས་ངེས་པར་དགུག་པ་ཡིན། ། ― DNG013_Page_0485 ―
[མ་དཔེ་གཟིགས་ན་འདིར་གནོན།]
དེ་ནི་དགུག་པའི་འཁོར་ལོ་ཡིན། །དེ་འོག་བསད་པའི་འཁོར་ལོ་ནི། །མཚོན་ཆའི་འཁོར་ལོ་རྩིབས་བརྒྱད་ལ། །གཡོན་ནས་བསྐོར་བ་བཅུ་བདུན་བཞག །གཏི་མུག་ཞེ་སྡང་ཡ་གསུམ་ཀྱང་། །ལྷག་མ་ཐབས་དང་ཤེས་རབ་བོ། །དེ་ཡི་རྒྱུ་རྣམས་བསྟན་པ་ནི། །སྤྱང་ཚེར་ལྡོང་རོས་རེ་ལྕག་པ། །ཀྱི་ལྕེ་ནག་པོ་མེ་རེག་ཁྲག །སྨྱོ་བྱེད་ཆུ་ཡིས་སྦྱར་བྱས་ལ། །དེ་ནི་སྔགས་དང་འཁོར་ལོའི་རྒྱུ། །དེ་ལས་འོད་འཕྲོས་གཟི་བྱིན་བསྐྱེད། །ཤིན་ཏུ་འབར་ཞིང་ཁྲོས་པ་ཡིས། །ལམ་ནས་གཞུག་སྟེ་བསྒྲལ་བར་བྱའོ། །དེ་གཉིས་གཅིག་བསྡོམས་འཁོར་ལོ་ནི། །གསང་བའི་འཁོར་ལོའི་རྩིབས་མཆན་ལ། །ཧཱུཾ་ཕཊ་བཞག་པ་བརྒྱད་པོ་དགོད། །རྒྱུ་ནི་དང་པོ་དེ་ཉིད་དོ། །དགུག་དང་བསད་ལ་ཤིས་པའོ། །མ་གྲུབ་སྤོགས་ཐབས་བསྟན་པ་ནི། །དགུག་པའི་འཁོར་ལོ་འདབ་བརྒྱད་ལ། །ཡི་གེ་མགོ་ནང་བཅུག་ནས་བསྐོར། །རྒྱུ་ནི་དགུག་པའི་འཁོར་ལོས་བྱའོ། །འོད་ཟེར་བཟློག་ལ་རྣམ་པར་བསླང་། །དེ་ཡིས་འགྲུབ་པར་རྒྱལ་བས་གསུངས། །འདི་ཡིས་མི་འགྲུབ་མི་སྲིད་དོ། །མ་གྲུབ་སྤོགས་པའི་ཆོ་གའོ། །པད་མར་འོ་མས་འཁོར་ལོ་བཀྲུའོ། །བདེ་གཤེགས་གཤེགས་གསོལ་མཆོད་འབུལ་གདབ། །འཁོར་ལོ་བཞི་པོ་ཐོད་པར་སྦ། །ཡི་གེ་ཐུགས་བསྡུས་བདག་ལ་བསྡིམ། །འཁོར་ལོ་གཞལ་ཡས་གདན་སྟེང་གསལ། །གསལ་བ་གསུམ་ལ་དམིགས་པར་བྱ། །ཕྱི་མོ་གནས་སུ་ཡང་དག་དགོད། །གྲུབ་ནས་གསོ་བའི་ཆོ་གའོ། །སྐྲོད་པའི་འཁོར་ལོ་ཡང་གསུངས་པ། །ལྟེ་བར་ས་ཡི་དཀྱིལ་འཁོར་ལ། །གྲོང་ཁྱེར་ལ་སོགས་གཟུགས་བྲིས་ཏེ། །དེ་ཡི་ཕྱི་རོལ་འཁོར་ལོ་བྲིས། །འཁོར་ལོ་ལ་ཡང་ཡིག་འབྲུ་དགོད། །གྲུ་ཆད་བཞི་ལ་ཡཾ་བཀོད་ལ། །ཡཾ་ལས་རླུང་གི་དཀྱིལ་འཁོར་ཏེ། །མཐའ་མ་བཞི་རུཛྫ་བརྩེགས་བཞི། །རླུང་གི་དཀྱིལ་འཁོར་སྐྱོད་བྱེད་ཡིན། །བསྙེན་པ་ལ་ཡང་གྲངས་ལས་འདས། །སྒྲུབ་པ་ཁྲི་ཕྲག་གཅིག་ཏུའོ། །ལས་དུས་སྟོང་རྩ་གཅིག་ཏུ་བྱ། །དང་པོ་རླུང་སྒྲ་གཉིས་པར་ལྡེག །དེ་ལྟའི་མཚན་མ་བྱུང་བ་དང་། །དུར་ཁྲོད་ ― DNG013_Page_0486 ―
[མ་དཔེ་གཟིགས་ན་འདིར་གནོན།]
རས་ལ་རྔ་མོ་བྲི། །ལྟེ་བའི་སྟེང་དུ་འཁོར་ལོ་བྲི། །རྐང་ལག་བཞི་ལ་ཡཾ་ཡང་དགོད། །ཁྲོ་བོ་བཅུ་ཡི་སྔགས་ཀྱིས་བསྐོར། །གྲོང་ཁྱེར་གྲོང་རྡལ་གང་ཡང་རུང་། །སྒོ་ཡི་ཐེམ་འོག་བཅུག་ལ་བཞག །དེས་ནི་གནས་ནས་བསྐྱོད་པར་ངེས། །གནས་ནས་བསྐྱོད་པར་གྱུར་པ་དང་། །ཐེམ་འོག་འཁོར་ལོ་ཕྱུང་ནས་སུ། །བོང་བུའི་བདུད་རྩི་དང་སྦྱར་བའི། །བདུད་རྩིས་ཆུ་ཡིས་རབ་བཀྲུས་ལ། །བ་དམར་འོ་མ་དང་སྦྱར་ཏེ། །རིལ་བུ་བྱས་ལ་སྣོད་དུ་སྦ། །དེ་ནི་གནས་སྦྱོང་འཁོར་ལོའོ། །དུག་གིས་སྒྲོལ་བ་ཡང་གསུངས་ཏེ། །སྦྱར་དུག་ལ་སོགས་དུག་ཆེན་བརྒྱད། །ཐོད་པ་གླིང་དྲུག་ནང་དུ་བླུག །སྨྱོ་བའི་རྫས་ཀྱིས་རབ་སྦྱར་ལ། །དེ་ལ་དུག་ཆེན་བྱིན་བརླབ་བྱ། །འོད་ཟེར་ལྕགས་ཀྱུར་འཕྲོས་པ་ཡིས། །འཇིག་རྟེན་ཁམས་ན་གནས་པ་ཡི། །དུག་ཆེན་བརྒྱད་པོ་དེ་བཀུག་ལ། །སྦྱར་བའི་དུག་ཆེན་དེ་ལ་བསྡིམ། །ཧ་ལ་ཧ་ལ་ཆེན་པོར་བརྟགས། །སེམས་ཅན་གང་གིས་མཐོང་བ་རྣམས། །ལུས་ངག་ཡིད་གསུམ་བྲལ་བར་བསམ། །དེ་ལས་འོད་དང་དུ་བ་དང་། །མེ་ལྕེ་རབ་ཏུ་འབར་མཐོང་ན། །དྲི་མ་དྲུག་ལས་བྱས་པའི་གཟུགས། །འཁོར་ལོའི་དབུས་སུ་བཞག་ནས་ནི། །ཙ་ར་ནག་པོའི་དཀྱིལ་འཁོར་དུ། །མེ་རེག་མ་ཡིས་ཡོངས་བཟུང་སྟེ། །དེ་ལ་བཀུག་ཅིང་བསྡིམས་བྱས་པས། །ཁུགས་པའི་ཁ་སྤྲས་ཐེབས་པ་དང་། །དེ་ཡི་ཁ་རུ་བླུད་པར་བྱ། །ཐུན་བཞིའི་བར་དུ་སྤེལ་ཞིང་བླུད། །སྒྲུབ་པ་ཉ་གསུམ་དག་ལ་གཟུག །ལས་དུས་བཅོ་བརྒྱད་བཅུ་དགུ་དང་། །ཉི་ཤུའི་བར་དུ་འབད་དེ་བྱ། །དེ་ཡིས་འཆི་བར་གདོན་མི་ཟའོ། །ལས་དེ་དུག་ཐུན་ཞེས་བྱའོ། །དེ་ནས་མདའ་ཡི་ཐུན་གསུངས་པ། །ཁྲུ་གང་གྲུ་བཞིའི་དཀྱིལ་ཉིད་དུ། །གྲུ་གསུམ་ལ་སོགས་སོར་ཉི་ཤུ། །འཕང་དང་ཞིང་དུ་སོར་གསུམ་བྱ། །བདུད་རྩི་ལྔ་ཡིས་འཐས་པར་བྱུག །དུར་ཁྲོད་སོལ་བས་ནག་པོར་བསྐུ། །ལོག་གསུམ་ཐོད་པ་ཆེན་པོ་གསུམ། །ཟུར་དུ་རྡོ་རྗེ་རྩེ་གསུམ་པ། །ཁ་ཁྱེར་ཐོད་ཕྲན་ཁ་ནང་བལྟས། །ཕྱི་རོལ་འཁོར་ལོ་རྩིབས་བརྒྱད་བྲི། །དེ་ལ་དགོད་པར་བྱ་བའི་རྫས། །ལྷོ་ཕྱོགས་འཁོར་ལོའི་རྩིབས་སྟེང་ ― DNG013_Page_0487 ―
[མ་དཔེ་གཟིགས་ན་འདིར་གནོན།]
དུ། །རྨྱུག་མ་སོར་ནི་བཅུ་དྲུག་ལ། །འུག་པའི་སྒྲོ་ནི་བསྐྱོན་ནས་སུ། །སྐྱེར་པའི་མདེའུ་སོར་གསུམ་གཞུག །གཤིན་རྗེའི་གཤེད་དུ་བསྐྱེད་ལ་གཞག །ཤར་ཕྱོགས་འཁོར་ལོའི་རྩིབས་སྟེང་དུ། །ཁྲ་ཡིས་བསྐྱོན་པའི་མདའ་དེ་བཞིན། །རྣམ་པར་རྒྱལ་ལ་བསྐྱེད་ལ་བཞག །བྱང་ཕྱོགས་འཁོར་ལོའི་རྩིབས་སྟེང་དུ། །སྲིན་བྱས་བསྒྲོན་པའི་མདའ་དེ་བཞིན། །བདུད་རྩི་འཁྱིལ་པར་བསྐྱེད་ལ་བཞག །ནུབ་ཕྱོགས་འཁོར་ལོའི་རྩིབས་སྟེང་དུ། །བྱ་རོག་སྒྲོ་བསྐྱོན་མདའ་དེ་བཞིན། །རྟ་མགྲིན་རྒྱལ་པོ་བསྐྱེད་ལ་བཞག །ཞིང་ལྤགས་སྒྲོ་བསྐྱོན་མདའ་དུག་བྱ། །སོ་སོའི་གནས་སུ་སྐུ་བསྐྱེད་གཟུག །དེ་ལས་བྱུང་བའི་སྲས་ཕུར་བུ། །དུག་ཤིང་གདུག་པའི་ཤིང་དག་ལ། །ཕུར་པ་ཕྲ་མོ་ཚོན་གང་བཅུ། །སྲས་སུ་བྱིན་བརླབས་རྩིབས་མཆན་ལའོ། །བྷནྡྷ་གླིང་བཞིའི་ནང་དུ་ནི། །མ་མོ་མཁའ་འགྲོའི་གཏོར་མ་བྱ། །ཟངས་ཕུར་ལ་སོགས་འགུགས་པའི་རྫས། །རྣལ་འབྱོར་མདུན་དུ་གཟུག་པར་བྱ། །ཐོད་པ་ལེའུ་ཚེ་བདུན་ནང་དུ། །ཉུང་དཀར་ཉུང་ནག་བྲག་ནག་མཚོ། །ཁྲག་དང་དུག་ནི་སྣ་ཚོགས་དང་། །རྡེའུ་ནག་པོ་སྐེ་ཚེ་དགྲམ། །མཐིང་ནག་ཡོལ་བ་ཞིང་ཆན་གུར། །བྷནྡྷ་གླིང་དྲུག་ནང་དུ་ནི། །གཟས་པའི་གཟུགས་བྱས་གྲུ་གསུམ་ནང་། །དེ་ལྟར་ལེགས་པར་ཚོགས་པ་དང་། །རང་གི་དཀྱིལ་འཁོར་རྫོགས་པར་བལྟ། །ཉུང་དཀར་ཉུང་ནག་ལ་སོགས་པ། །མ་མོ་མཁའ་འགྲོའི་སྔགས་བཟླས་གདབ། །ཟངས་ཕུར་ལ་སོགས་བདུན་པོ་ཡིས། །དགུག་པ་དག་ཀྱང་ཚུལ་བཞིན་བྱ། །ཕུར་པ་ལ་སོགས་འཛབ་རྣམས་ཀུན། །གཞུང་གི་ལས་རྣམས་ཇི་བཞིན་ནོ། །ཁུགས་པའི་རྨིས་ལྟས་བྱུང་བ་དང་། །ཐུན་རྣམས་སྒྲོལ་བའི་སྔགས་དང་བཅས། །ཐུན་གྱི་ནང་དུ་བླུག་པར་བྱ། །ཕུར་པ་སོ་སོའི་བསད་པའི་སྔགས། །མང་དུ་བཟླས་ལ་རྨུགས་ནང་བླུག །རྡོ་རྗེའི་སྤྱུགས་པ་རབ་བླངས་ལ། །མ་མོ་མཁའ་འགྲོ་ཀུན་བཀུག་སྟེ། །གཏོར་མ་རྒྱས་པར་བྱིན་ནས་ནི། །གསོད་པའི་ལས་ལ་རབ་བསྐུལ་བྱ། །དུར་ཁྲོད་གནས་སུ་རབ་བརྟགས་ལ། །ཐོད་ ― DNG013_Page_0488 ―
[མ་དཔེ་གཟིགས་ན་འདིར་གནོན།]
པའི་ནང་དུ་མདའ་ཡིས་བརྡེག །སྐྱེར་པའི་གཞུ་ནི་གྲུ་གང་ལ། །མི་ཡི་ལོ་མས་གཞུ་རྒྱུད་བྱ། །གནས་དག་ཏུ་ནི་རྒྱབ་ནས་ནི། །ཐུན་རྣམས་ཀྱང་ནི་རེ་མོས་བརྡེག །ལྷག་པར་གསོད་པའི་ལས་ལ་མྱུར། །ཕུར་པ་ཟོར་གྱི་ཐུན་ཞེས་བྱ། །ཁྲག་གི་ཐུན་ཡང་གསུངས་པ་ནི། །བྷནྡྷ་མཚན་དང་ལྡན་པ་རུ། །དམེ་ཁྲག་རྣམས་ནི་རབ་སྦྱར་ཏེ། །མ་མོ་མཁའ་འགྲོའི་དཀྱིལ་འཁོར་རྣམས། །བདག་ཉིད་དཀྱིལ་འཁོར་གསལ་བལྟས་ལ། །བསྙེན་སྒྲུབ་གྲངས་ནི་ཚང་བ་དང་། །ལས་ལ་བསྐུལ་བའི་ཚིག་རྣམས་བརྗོད། །སེང་ལྡེང་འཁར་བ་ལག་ཐོགས་ལ། །དེ་ལ་སྔགས་ཀྱི་དབང་ཡང་བསྐུར། །དུར་ཁྲོད་མཆད་ཁར་སོང་ནས་ནི། །ཏིལ་ཆེན་པོ་ཡི་དུད་པས་བཏང་། །རང་གིས་མ་ཉེས་དབང་ཡང་གཟུག །དུར་དུ་གཏོར་ན་མཐའ་རབས་ཆད། །གྲོང་དུ་གཏོར་ན་མི་ནད་འབྱུང་། །ཕྱུགས་ལ་གཏོར་ན་རླག་པར་འགྱུར། །མ་མོ་ཐུན་གྱི་སྙིང་པོ་འདིའོ། །ཨཱོཾ་ཏྲིག་ནན། རོ་རུ་པ་ཏི་ཏ་ནན། ཏྲིག་ནན། རཀྨོ་ཡཀྨོ་ཏྲིག་ནན། ས་མ་ཡ་སྙིང་རྩ་ལ་བྷྱོ། བདག་ཉིད་ཆེན་མོའི་ཐུན་སྔགས་སོ། །ཨཱོཾ་སུ་ཏྲི་པ་ཡ་པ་ར་ཙིཏྟ་ཡོ་གཱི་ཤྭ་ར་ས་མ་ཡ་ཙིཏྟ་ཨོཾ་ཕཊ། མི་རི་ཀུན་དྷ་རི། རྒྱལ་མོ་བཞི་ཡི་ཐུན་སྔགས་སོ། །ཛ་ཡ་དུ་མན་ཏི་ཤྭ་རི་ནི། ཨ་ཕུ་ཏི། ཛ་ཛ་ཛ། ཐུམས་རྦད། ཁྲག་ཏི་སྨར་ཕཊ་རྦད། ཝ་མོ་བཞི་ཡི་ཐུན་སྔགས་སོ། །དེ་ལ་ལས་འདི་བསམ་ཡས་ཏེ། །མཁས་པས་བརྟག་སྟེ་ཤེས་པར་བྱ། །དེ་ནས་ཡང་རྡོ་རྗེ་ཁ་ཊྭཱཾ་གའི་ལས་ཀྱང་གསུངས་པ། རྡོ་རྗེ་དྲག་པོའི་དཀྱིལ་འཁོར་ལ། །ཁྲོ་བོ་རྣམས་ཀྱང་རྒྱབ་བསྣོལ་བརྟག །ཁྲོ་བོ་རྟག་པའི་སྙིང་པོས་སྨྲས། །བསད་པའི་ལས་ཀྱང་དེ་ཉིད་བསད། །དང་པོ་རྟག་པ་སྤྱན་དྲངས་ལ། །དེ་ཉིད་ལ་ཡང་མཆོད་པ་འབུལ། །གཟུ་དང་དཔང་དུ་དེ་གསོལ་ལ། །དེ་ལ་ལས་རྣམས་བརྩམ་པར་བྱ། །ཁ་དང་སྙིང་ག་མཚན་བར་དུ། །རྡོ་རྗེ་མེ་ཡིས་དེ་བསྲེག་བརྟག །ཀླད་དང་རྐང་པའི་མཐིལ་དག་གནས། །པདྨའི་ལྕགས་ཀྱུས་དྲང་བར་བྱ། །ཟླ་བ་ཉི་མའི་གའུ་ནི། །རླུང་གི་ལྕགས་ཀྱུས་ཁ་ཕྱེ་ལ། །དེ་ལ་ཟ་བྱེད་བལྟ་རུ་གཞུག །ཁ་ཊྭཱཾ་རྣམས་ཀྱི་གཞལ་ཡས་བསྡིམ། །པདྨ་རྣམས་ཀྱིས་དེ་མི་གསད། །དུས་ཚིགས་ ― DNG013_Page_0489 ―
[མ་དཔེ་གཟིགས་ན་འདིར་གནོན།]
ལོན་པའི་གནས་ཉིད་དུ། །མཁས་པས་བརྟག་ལ་ཤེས་པར་བྱ། །འདི་འདྲའི་ལས་འདི་དམ་ཚིག་ཟབ། །མི་རེག་པ་ཡི་དཀྱིལ་འཁོར་དུ། །ལས་ཀྱི་བྱེ་བྲག་ཤེས་པས་བསད། །སངས་རྒྱས་ཉིད་ཀྱང་འཆི་གྱུར་ན། །རྣལ་འབྱོར་ཉམས་པ་སྨོས་ཅི་དགོས། །རྩ་བ་རབ་ལོག་ཐུན་ཞེས་བྱ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། ཐུན་གྱི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་དོན་ཡོད་བདག །ལས་ཀྱི་མཇུག་ནི་ཇི་ལྟར་བརྟུལ། །ཕྲིན་ལས་རྣམ་བཞིའི་བྱེ་བྲག་ཅི། །དོན་ཡོད་དཔའ་བོས་བཤད་དུ་གསོལ། །ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །ལས་ཀྱི་བྱེ་བྲག་བྱ་བ་ལ། །ཀུན་ཏུ་སྣ་ཚོགས་དཀྱིལ་འཁོར་དུ། །གནས་པའི་རྣལ་འབྱོར་དམ་པ་ཡིས། །ཇི་ལྟར་ལས་རྣམས་ཐམས་ཅད་ཀུན། །བརྩམས་པ་བཞིན་དུ་འགྲུབ་པར་འགྱུར། །འཇིག་རྟེན་ཁམས་ནི་རབ་འབྱམས་ན། །རྨུགས་པར་བྱེད་པའི་འགྲོ་གང་ལ། །སྣ་ཚོགས་ལས་ཀྱིས་ཞི་བར་བྱ། །བཀྲ་ཤིས་དབེན་པའི་གནས་དག་ཏུ། །བཀྲ་ཤིས་མཚན་ལྡན་ཡུམ་མཆོག་བཟུང་། །རྣམ་སྣང་མཛད་ཀྱི་རྣལ་འབྱོར་རོ། །མི་བསྐྱོད་དཀྱིལ་འཁོར་བདག་གནས་ལ། །དཀར་ལ་ཟླུམ་པའི་དཀྱིལ་འཁོར་བྲི། །རྡོ་རྗེའི་འོད་ཟེར་འཕྲོ་བས་བརྒྱན། །རྒྱན་རྣམས་མཛེས་པའི་དཀྱིལ་འཁོར་དབུས། །རིན་ཆེན་དངུལ་ལ་སོགས་པ་ཡི། །ཁ་དོག་དཀར་ལས་བྱས་པའི་བུམ། །མཆུ་འཕྱང་ལྟོ་ཆེ་ཁ་རྒྱན་མཛེས། །སྨན་གྱི་བྱེ་བྲག་མང་པོས་དགང་། །དཀྱིལ་འཁོར་དབུས་སུ་གཞག་པར་བྱ། །དེ་ཡིས་ལས་རྣམས་ཐམས་ཅད་བྱ། །གཏི་མུག་འཇོམས་པའི་དཀྱིལ་འཁོར་རོ། །ཞེ་སྡང་འཇོམས་པའི་དཀྱིལ་འཁོར་དུ། །རྣལ་འབྱོར་དམ་པ་དེ་ཞུགས་ནས། །རིན་ཆེན་ཁ་དོག་དཀར་པོ་འམ། ། ― DNG013_Page_0490 ―
[མ་དཔེ་གཟིགས་ན་འདིར་གནོན།]
དཀར་ལ་མངར་བ་ཡོད་པའི་ཤིང་། །དེ་ལས་བྱས་པའི་ཕུར་བུ་དྲུག །རྩེ་མོ་ཟླུམ་ལ་མཛེས་པས་བརྒྱན། །དེ་ལ་དབང་བསྐུར་མཆོད་པ་འབུལ། །ཞི་བའི་ལྷ་ཚོགས་སྤྱན་ཡང་དྲང་། །བྱམས་དང་སྙིང་རྗེའི་སེམས་ལ་གནས། །ཏིང་འཛིན་ལས་སུ་རུང་བའི་མིས། །ལས་རྣམས་ཐམས་ཅད་བརྩམ་པར་བྱ། །ཟླུམ་པོ་གྲུ་གང་ཁྲུ་ཕྱེད་ཐུར། །ཁ་ཁྱེར་སོར་བཞི་ཞེང་དང་དཔངས། །རྡོ་རྗེའི་ཕྲེང་བའི་འཁོར་ལོས་བསྐོར། །ཁ་དོག་དཀར་པོ་འོད་དང་བཅས། །རྡོ་རྗེས་དབུས་སུ་བརྒྱན་པར་བྱ། །ཡམ་ཤིང་རློན་པ་འདབ་བཅས་རྩེ། །སྦོམ་དུ་ཆག་གང་མཆུ་རུ་མཛུབ། །འོ་མ་སྦྲང་རྩི་ཙནྡན་དཀར། །ཨ་ག་རུ་དང་དྲི་ཞིམ་ཆུས། །སྦངས་པ་ཞི་བའི་ལས་སུ་དབུལ། །བུད་ཤིང་དཀར་པོ་བྱང་ཆུབ་ཤིང་། །བསྲེག་རྫས་གཡས་ལ་མཆོད་རྫས་གཡོན། །རྫས་རྣམས་དཀར་པོ་མར་སྣ་དྲང་། །བྱང་དུ་ཁ་བལྟས་ཏིང་འཛིན་བྱའོ། །བམ་གྱི་ཚོགས་ཀྱི་དཀྱིལ་འཁོར་དུ། །ཞི་བའི་ལྷ་ཚོགས་སྤྱན་ཡང་དྲང་། །སྙིང་རྗེ་བྱམས་པས་མཆོད་པ་བྱ། །ལས་མཁན་ཕྱོགས་སྐྱོང་ལ་ཡང་སྦྱིན། །དཀར་ལ་མངར་བའི་རྫས་རྣམས་ཀྱིས། །ཞི་བའི་ཚུལ་དུ་སྦྱིན་བསྲེག་བྱ། །དངུལ་ཕྱེ་འབྲས་ཆན་དཀར་པོ་ལ། །གཏོར་མ་བྱས་ཏེ་ཕྲིན་ལས་བཅོས། །བམ་གྱི་ཚོགས་ཀྱི་དཀྱིལ་འཁོར་དུ། །གཏི་མུག་ལས་ཀྱིས་འཆེལ་པ་རྣམས། །བུམ་པས་ཞི་བྱས་མཐའ་སྦྱིན་བསྲེག །ཞི་བར་གྱུར་པའི་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། །ཕོངས་པར་གྱུར་པའི་འགྲོ་གང་ལ། །རིན་ཆེན་དཀྱིལ་འཁོར་གསལ་བལྟས་ལ། །ཙནྡན་ནགས་ཚལ་དྲི་ཞིམ་ཚལ། །མེ་ཏོག་མཛེས་པའི་གླིང་ཡང་ཡོད། །སྐྱེད་མོས་ཚལ་དང་ཉམས་དགའ་རུ། །རིན་ཆེན་ཏིང་འཛིན་བདག་གནས་ལ། །ལྕུག་ཕྲན་མ་ཡི་ཡུམ་མཆོག་བཟུང་། །སེར་བའི་དཀྱིལ་འཁོར་དཀྱིལ་དུ་ནི། །གསེར་ལས་བྱས་པའི་བུམ་པ་རུ། །ཞལ་ཟས་ལ་སོགས་བླུགས་ནས་ནི། །དཀྱིལ་འཁོར་དབུས་སུ་གཞག་པར་བྱ། །དེ་ཡིས་རྒྱས་པའི་ལས་རྣམས་བྱ། །ང་རྒྱལ་འཇོམས་པའི་དཀྱིལ་འཁོར་དུ། །རྣལ་འབྱོར་ཏིང་འཛིན་ལ་གནས་ནས། །རིན་ཆེན་ཁ་དོག་སེར་པོ་འམ། །སེར་པོའི་ཤིང་ལས་བྱས་པ་ཡི། ། ― DNG013_Page_0491 ―
[མ་དཔེ་གཟིགས་ན་འདིར་གནོན།]
ཕུར་པའི་རྩེ་མོ་ཟུར་བཞིར་བྱ། །རྒྱས་པའི་ལྷ་ཚོགས་སྤྱན་ཡང་དྲང་། །དང་བའི་སེམས་སུ་བདག་གནས་ལ། །གྲུ་བཞི་རྒྱ་རུ་ཁྲུ་གསུམ་བྱ། །ཁྲུ་དོ་ཐབ་ཁུང་ཕྱེད་ལོགས་ནང་། །སོར་བཞི་ཕྱིར་གྱེད་ཁ་ཁྱེར་ཏེ། །ཞེང་དང་དཔངས་སུ་སོར་བཞིའོ། །རྡོ་རྗེ་འཁོར་ལོ་པདྨས་སྤྲས། །ཁ་དོག་སེར་པོ་རྒྱས་པར་བྱུག །སྲིད་དུ་ཁྲུ་གང་སྦོམ་དུ་ནི། །ཆག་པ་གང་དུ་ཡོད་པ་དབུལ། །ཞོ་དང་མར་དང་ལྡོང་རོས་དང་། །སེར་པོ་དྲི་ལ་མར་སྦོལ་ལ། །རྒྱས་པའི་ལས་ལ་རྩེ་གཅིག་དབུལ། །བུད་ཤིང་སེར་པོའི་ཤིང་ལ་བྱ། །རྣལ་འབྱོར་ཤར་དུ་ཁ་བལྟས་ལ། །ཏིང་འཛིན་བྱེ་བྲག་བྱ་བ་ཡིན། །སེར་པོའི་འབྲུ་རྣམས་སེར་པོ་ལ། །གཏོར་མ་བྱས་ལ་ལས་མཁན་སྦྱིན། །ཁ་བའི་རོ་ཡོད་སེར་པོའི་རྫས། །རྒྱས་པའི་ཚུལ་དུ་སྦྱིན་བསྲེག་བྱ། །མ་ཡི་ཚོགས་ཀྱི་དཀྱིལ་འཁོར་དུ། །ང་རྒྱལ་ལས་ཀྱིས་འཆེལ་པ་ཡི། །འགྲོ་བ་གང་དང་གང་དག་ལ། །བུམ་པ་རྒྱས་བྱས་མཐའ་སྦྱིན་བསྲེག །རྒྱས་པར་འགྱུར་བས་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། །ཆགས་པར་གྱུར་པའི་འགྲོ་གང་ལ། །དབང་གི་ལས་ལ་སྦྱར་བར་གསུངས། །ཟླ་མཚན་ཅན་གྱི་ཆུ་གླིང་དུ། །སྣང་བ་མཐའ་ཡས་དཀྱིལ་འཁོར་བསྒོམ། །སྡོང་གཅིག་མ་ཡི་གཟུངས་མ་བཟུང་། །རིན་ཆེན་བུམ་པ་དམར་པོ་རུ། །ཙནྡན་དམར་པོའི་ཆུས་བཀང་ལ། །ཨ་ཤོ་གནྡྷའི་ཁ་རྒྱན་བྱ། །དེ་ལ་ལྕགས་ཀྱུའི་འཕྲོ་འདུ་ཡིས། །དབང་གི་ལས་རྣམས་དེ་ཡིས་སོ། །འདོད་ཆགས་འཇོམས་པའི་དཀྱིལ་འཁོར་དུ། །རྣལ་འབྱོར་དམ་པ་བདག་གནས་ལ། །ཟངས་ལ་སོགས་པའི་རིན་ཆེན་ནམ། །དམར་པོའི་ཤིང་ལས་བྱས་པ་ཡི། །ཕུར་པ་ཟླ་གམ་རྩེ་བྱས་ལྔ། །དམར་སྨུག་ལྷ་ཚོགས་སྤྱན་ཡང་དྲང་། །དགའ་དང་ཆགས་པའི་ཏིང་འཛིན་གྱིས། །ཟླ་གམ་ཁ་ལ་སོར་བཞི་མཆུ། །ཁ་ལ་སོར་ནི་ཉི་ཤུ་སྟེ། །ཕྱེད་ལོགས་གཏིང་དུ་བརྐོ་བར་བྱ། །སོར་གསུམ་ཕྱིར་བཀྱེད་ཁ་ཁྱེར་ཏེ། །ལྕགས་ཀྱུ་ཞགས་པས་རྣམ་པར་བརྒྱན། །ཁ་དོག་དམར་པོར་བྱུགས་པ་སྟེ། །ཡམ་ཤིང་སྲིད་དུ་སོར་ལྔ་པ། །འདབ་ཆགས་སྦོམ་དུ་ཆག་གང་པ། །ཟླ་ ― DNG013_Page_0492 ―
[མ་དཔེ་གཟིགས་ན་འདིར་གནོན།]
བ་ཉི་མ་ཆུ་སྨན་དྲི། །བདུད་རྩི་ལྔ་ལ་རབ་སྤངས་ཏེ། །དབང་གི་ལས་ལ་བསྒྲིམས་ལ་དབུལ། །བུད་ཤིང་དམར་པོའི་མེ་སྦར་ཏེ། །རྣལ་འབྱོར་ཁ་ནི་ནུབ་ཏུ་བལྟས། །དབང་གི་ཏིང་འཛིན་བྱེ་བྲག་བྱ། །ཟངས་ཕྱེ་འབྲུ་རྣམས་དམར་པོ་ལ། །གཏོར་མ་བྱས་ཏེ་ལས་མཁན་སྦྱིན། །སྐྱུར་ཞིང་མངར་བའི་རྫས་རྣམས་ཀྱིས། །དབང་གི་ཚུལ་དུ་སྦྱིན་བསྲེག་བྱ། །ཡ་ཡི་ཚོགས་ཀྱི་དཀྱིལ་འཁོར་དུ། །འདོད་ཆགས་ལས་ཀྱིས་འཆེལ་པ་རྣམས། །འགྲོ་གང་དབང་དུ་བྱས་པ་ལ། །བུམ་པས་དབང་བྱས་མཐར་སྦྱིན་བསྲེག །དབང་དུ་བསྡུས་ནས་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། །ཤིན་ཏུ་གདུག་པའི་སེམས་ཅན་ལ། །དྲག་པོའི་སྤྱོད་ལས་སྦྱར་བྱས་ཏེ། །རྐང་གཅིག་དྲུང་ངམ་མ་མོའི་གནས། །མེ་རེག་མ་ཡི་གཟུངས་མ་བཟུང་། །ཁྲོས་པའི་གཟུགས་སུ་བདག་གནས་ལ། །ནག་པོ་གྲུ་གསུམ་དཀྱིལ་འཁོར་ལ། །ངོས་རེ་སོར་ནི་ཉི་ཤུའོ། །སོར་བཅུ་གཏིང་དུ་བརྐོ་བར་བྱ། །སོར་གསུམ་ཕྱིར་བཀྱེད་ཁ་ཁྱེར་ཏེ། །ཞེང་དང་དཔངས་དང་གཉིས་ཀའོ། །ཕྱི་རོལ་སོར་གསུམ་རྡོ་རྗེ་སྟེ། །མདའ་གཞུ་མདུང་རྩེ་གསུམ་ལ་སོགས། །སྤེལ་ལ་བརྒྱན་ཏེ་གྲྭར་མདའ་གཞུ། །བཀང་བ་བཞི་ཡིས་བརྒྱན་པར་བྱ། །རྩང་དང་ཐོད་པས་བརྒྱན་པར་བྱ། །ཚངས་པའི་ལྕགས་ཐག་གཉིས་པ་བསྐོར། །ལྕགས་སམ་ནག་པོའི་ཤིང་རྣམས་ལ། །དུག་ཤིང་ཚེར་མ་ཅན་གྱི་ཤིང་། །རབས་ཆད་ནག་པོའི་རྐང་གི་ཕུར། །རྩེ་མོ་ཟུར་གསུམ་དཔལ་དང་ལྡན། །གསུམ་ལས་བྱུང་བའི་བྱེ་བྲག་ལ། །དབང་བསྐུར་འོད་དང་ལྡན་པར་བརྟག །མཐིང་ནག་ཁྲོས་པའི་ལྷ་ཚོགས་རྣམས། །དྲེགས་པ་འདུལ་ཕྱིར་སྤྱན་དྲངས་ཏེ། །རབ་ཏུ་ཁྲོས་པའི་སེམས་གནས་ལ། །མཆུ་རུ་སོར་བཞི་སྦོམ་ཆག་ཕྱེད། །གདུག་པའི་ཤིང་བུ་རྩེ་མོའི་ཆ། །མི་རུས་དུར་ཁྲོད་སོལ་བ་དང་། །ཐལ་ཆེན་ལན་ཚྭ་ཚ་བའི་རྫས། །བདུད་རྩི་ལྔ་ཡི་ཆུ་ལ་སྦངས། །མངོན་སྤྱོད་ལས་ལ་བསྒྲིམས་ལ་དབུལ། །བུད་ཤིང་ཚེར་མ་ཅན་གྱི་ཤིང་། །ལྷོ་རུ་ཁ་བལྟས་ཏིང་འཛིན་བྱ། །ལྕགས་ཕྱེ་འབྲུ་ནག་ཤ་ཁྲག་ལས། །སྦྱར་བའི་ ― DNG013_Page_0493 ―
[མ་དཔེ་གཟིགས་ན་འདིར་གནོན།]
གཏོར་མ་ཤ་ཁྲག་རྣམས། །ལས་མཁན་སྦྱིན་ལ་ལས་ལ་བསྐུལ། །ནག་པོའི་ཆུ་དུག་རྩུབ་པ་ཡི། །དྲག་པོའི་ཚུལ་དུ་སྦྱིན་བསྲེག་བྱ། །ཨེ་ཡི་ཚོགས་ཀྱི་དཀྱིལ་འཁོར་དུ། །ཞེ་སྡང་ལས་ཀྱིས་འཆེལ་པ་རྣམས། །ཕུར་པས་བསད་བྱས་མཐར་སྦྱིན་བསྲེག །བརླག་པར་འགྱུར་བས་དབྱིངས་སུ་རོལ། །ཞོ་དང་ཨུཏྤལ་ཚེར་མ་ཅན། །སྣ་དྲངས་ནས་ནི་མཆོད་པ་བརྩམས། །ལས་ཀྱི་རྗེས་མཐུན་སྨོན་ལམ་གདབ། །ཞི་བས་ལས་ཀྱི་བྱེ་བྲག་བྱ། །རྒྱས་པས་ཚེ་དང་དབང་ཐང་འཕེལ། །དབང་གིས་དབང་དུ་བྱ་བ་དང་། །ཇི་ལྟར་འདོད་པ་དགུག་པའོ། །དྲག་པོས་བསད་དང་བསྲུང་བ་དང་། །དྲག་པོའི་སྦྱིན་སྲེག་ནམ་བྱེད་ན། །དུར་ཁྲོད་རས་ལ་མིང་རུས་དང་། །མཐུན་བྱས་གཟུགས་ནི་བྲིས་ནས་ནི། །མེ་རེག་ཡུམ་མཆོག་དཀྱིལ་འཁོར་དུ། །ཕྱེད་ཀྱི་ཆ་ལས་བསད་ནས་ནི། །ཁྲག་གི་དུམ་བུ་གཤེར་བྱས་ལ། །བཤན་པའི་མེ་བླངས་དེ་ལ་བསྲེག །དུར་ཁྲོད་རས་ལ་སྔགས་ལ་བདུག །བཤང་གཅི་ཁྲག་གིས་ལུས་པོ་བྱུག །གསང་སྔགས་ཡབ་ཡུམ་ཐུན་གྱིས་བཟླས། །སངས་རྒྱས་རྡོ་རྗེ་འཛིན་པ་ཡང་། །བརླག་ཅིང་འཆི་བར་གདོན་མི་ཟ། །སེམས་ཅན་རྣམས་ལྟ་སྨོས་ཅི་དགོས། །དྲག་པོས་བསྲུང་བར་བྱ་བ་ནི། །འཁོར་ལོ་རྩིབས་བརྒྱད་ཞིང་ཤུན་བྲི། །ཡི་གེ་རྣམས་ནི་ལེགས་བཀོད་ལ། །དེ་ལ་དབང་བསྐུར་བྱིན་གྱིས་བརླབ། །བདུག་པ་ལ་སོགས་མཆོད་པར་དབུལ། །མཁའ་འགྲོར་གཏོར་མ་རྒྱས་པར་དབུལ། །གང་འདོད་ལས་རྣམས་རབ་བཅོལ་བསྐུལ། །ཀླད་ལ་ལན་གསུམ་འཁོར་ལོ་བསྐོར། །བསྲུང་འདོད་ལག་གཡོན་དཔུང་རྩར་གདགས། །ཅིས་ཀྱང་ཚུགས་པར་མི་འགྱུར་རོ། །འཁོར་ལོས་བསྲུང་བ་ཞེས་བྱའོ། །དུར་ཁྲོད་རས་མ་བླངས་ནས་སུ། །སོར་བཞི་དུམ་བུ་གཉིས་སུ་བྱ། །གཅིག་ལ་ཉི་མའི་འོད་དང་བཅས། །གཅིག་ལ་ཟླ་བ་མདོག་དང་བཅས། །ཡོངས་སུ་རྫོགས་པའི་ཁ་དོག་ཅན། །དེ་དབུས་ཡི་གེའི་ཕྲེང་བ་ཅན། །ཡབ་ཡུམ་གཉིས་པོ་སོ་སོར་བྲི། །དེ་ལ་སྔགས་ཀྱི་བཟླས་པ་བྱའོ། །གུ་གུལ་ཆུས་བྱུགས་ཁ་སྤྲད་རྒྱ། །རྡོ་རྗེ་རྒྱ་གྲམ་གྱིས་ཁ་བཅིང་། །རིལ་བུ་བྱས་ཏེ་སྙིང་གར་གདགས། ། ― DNG013_Page_0494 ―
[མ་དཔེ་གཟིགས་ན་འདིར་གནོན།]
སངས་རྒྱས་ཁྲོས་པས་མི་ཚུགས་ན། །བགེགས་ལ་སོགས་པས་སྨོས་ཅི་དགོས། །ཁ་སྦྱོར་སྲུང་བ་ཞེས་བྱའོ། །ལྕེ་པོག་དཀར་ནག་གཉིས་ཀྱང་གསོག །ཚིལ་ཆེན་དུར་ཁྲོད་རས་ལ་ཕུར། །སྔགས་བཟླས་བྱིན་བརླབ་ཉུང་ནག་གིས། །བཟླས་པ་བྱས་ལ་མགུལ་དུ་གདགས། །སངས་རྒྱས་ཀྱིས་ཀྱང་མི་ཚུགས་ན། །ལོག་འདྲེན་བགེགས་ལྟ་སྨོས་ཅི་དགོས། །རྫས་ཀྱི་སྲུང་བ་ཞེས་བྱའོ། །ཁྲོ་བཅུའི་སྔགས་ཀྱི་ཕྲེང་བ་ནི། །དུར་ཁྲོད་སྣག་ཚས་ཤིང་ཤུན་བྲི། །དུར་ཁྲོད་རྨྱུ་གུས་སྔགས་བྲིས་ལ། །ཁམ་ཕོར་ཁ་སྦྱར་ནང་དུ་གཞུག །སྔགས་ཀྱི་བཟླས་པ་འབུམ་དུ་བྱ། །དེ་ནས་ཁ་སྦྱོར་ཕྱེ་ནས་ནི། །ཁྲོ་བཅུར་བསྟོད་པ་བྱས་ནས་ནི། །རས་ལ་གྲིལ་ཏེ་མགུལ་དུ་གདགས། །ཁྲོས་པའི་རྒྱལ་པོས་མི་ཚུགས་སོ། །སྔགས་ཀྱི་སྲུང་བ་ཞེས་བྱའོ། །འཁོར་ལོ་རྣམས་ནི་རིམ་བཞིན་བྲི། །ས་དབུས་ལ་སོགས་འཁོར་ལོ་ལ། །ཡི་གེའི་ཕྲེང་བའི་འོད་གསལ་བཅས། །དབུས་སུ་བདེ་གཤེགས་འཁོར་དང་བཅས། །ཐ་མར་ཕྲ་མེན་ལས་མཁན་སོགས། །གང་གིས་སྲུང་བའི་མིང་དང་བཅས། །སྤེལ་ལ་བྲིས་ལ་བཟླས་པ་བྱ། །སོ་སོའི་གནས་རྣམས་སུ་བཏགས་ན། །བདེ་གཤེགས་ཁྲོས་པ་གང་གིས་ཀྱང་། །དེ་ལ་ཚུགས་པར་མི་འགྱུར་རོ། །སྔགས་ཀྱི་སྲུང་བ་ཞེས་བྱའོ། །འབྲས་བུ་གསུམ་དང་བ་ལེ་ཀ །ཨ་ག་རུ་དང་དུ་རུ་ཀ །འབའ་ཧུ་གྲིབ་མར་སྐམས་པ་རྣམས། །ཕྱེ་མར་བཏགས་ཏེ་རི་ལུ་བྱ། །བདུད་རྩི་ལྔ་ཡིས་སྤྲུས་ནས་ནི། །བྷནྡྷ་གླིང་བཞིའི་ནང་དུ་གཞུག །སྔགས་ཀྱི་བཟླས་པ་ཁྲི་རུ་བྱ། །ཤིང་ཤུན་གཏུམས་ལ་མགུལ་དུ་གདགས། །མཁའ་འགྲོ་ཁྲོས་པས་ཚུགས་མི་འགྱུར། །སྨན་གྱི་སྲུང་བ་ཞེས་བྱའོ། །ཉིན་མཚན་ཐུན་བཞིའི་བར་དུ་ནི། །ཕྱག་རྒྱ་བཞི་ཡི་རྒྱ་ཡང་གདབ། །བདུད་རྩི་ལྔ་ཡིས་ལུས་ལ་བྱུག །སྨན་གྱི་རིལ་བུ་མགུལ་དུ་གདགས། །འཁོར་ལོ་བཞི་ནི་ལུས་ལ་གདགས། །ཁྲོས་པའི་སེམས་སུ་གནས་བྱས་ན། །སྔགས་པ་ནང་གིས་ཚུགས་མི་འགྱུར། །སྔགས་དང་སྨན་གྱི་སྦྱོར་བས་བསྲུངས། །འཁོར་ལོར་འབར་བ་བཞིར་བྱས་ན། །དུར་ཁྲོད་རས་ལ་གསལ་ ― DNG013_Page_0495 ―
[མ་དཔེ་གཟིགས་ན་འདིར་གནོན།]
བྲིས་ནས། །འཁོར་ལོ་བྱིན་བརླབ་དབང་ཡང་བསྐུར། །སྔགས་ཀྱིས་ཁྲོས་པའི་ཐབས་སུ་བྲི། །བདུད་རྩི་ལྔ་ཡིས་ལུས་ལ་བྱུག །ཐལ་བ་ཆེན་པོས་འཐས་པར་བྱ། །ཁང་པའི་གྲྭ་བཞིར་བཏགས་ནས་ནི། །སྟོངས་སྟབས་བྱས་ནས་ཧ་ཧས་གདབ། །གུ་གུལ་གྱིས་བྲིས་འཁོར་ལོ་ནི། །སྟེང་གི་ཕྱོགས་སུ་བཏགས་ནས་ནི། །ཁྲོས་པས་ཐལ་མོ་ལན་གསུམ་བརྡབ། །ལྷ་དང་ཀླུ་དང་གནོད་སྦྱིན་དང་། །སྲིན་པོ་འབྱུང་པོ་མ་ལུས་པས། །དེ་ལ་ཚུགས་པར་མི་འགྱུར་འོ། །རྣལ་འབྱོར་ཆེན་པོས་བསྲུང་བར་བྱ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ་ཀཱི་ལ་ཡ་བཅུ་གཉིས་ཀྱི་མདོ་ལས་ཕྲིན་ལས་བཞིའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་འདི་སྐད་ཅེས་གླེངས་སོ། །ཀྱེ་ཀྱེ་བཅོམ་ལྡན་བཀའ་ཡི་བདག །ལས་ཀྱི་བྱེ་བྲག་གསུང་ལགས་ན། །བསྲུང་བར་བྱ་བའི་དམ་ཚིག་གང་། །བདེ་བར་གཤེགས་པས་ལུང་བསྟན་གསོལ། །ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །བསྲུང་བར་བྱ་བའི་དམ་ཚིག་ནི། །ས་མ་ཡ་དང་འབུམ་སྡེ་ལས། །མདོ་ཡི་དམ་ཚིག་དམ་པ་ནི། །བརྗོད་མེད་བརྗོད་བྲལ་ངོ་བོ་མེད། །འདི་ལས་གང་དུའང་མི་གཡོ་ལ། །སྐུ་གསུང་ཐུགས་ཀྱི་དམ་ཚིག་མཆོག །འདི་ནི་དམ་ཚིག་རྡོ་རྗེ་སྟེ། །འདི་གྲུབ་ཉམས་པའི་དུས་མཐའ་མེད། །རྡོ་རྗེའི་ཚིག་གི་ལུ་གུ་རྒྱུད། །འདི་ལ་རྣལ་འབྱོར་དམ་པས་བླང་། །འདི་མེད་འབྲས་བུ་འབྱུང་མི་སྲིད། །ཡན་ལག་དམ་ཚིག་འདའ་དཀའི་ཆོས། །རྡོ་རྗེ་བླ་མ་སློབ་དཔོན་ལ། །རྣམ་པའི་བྱེ་བྲག་གིས་ཀྱང་ནི། །མཉེས་བྱ་སྲོག་ལ་བབ་ཀྱང་བཀུར། །དམ་ཚིག་དབང་དང་ཤེས་རབ་རྒྱུད། །མན་ངག་སྟོན་པའི་སློབ་དཔོན་ལ། །ཇི་ལྟར་བལྟ་ཞིང་བཀུར་བ་ནི། །དམ་ཚིག་དབང་གི་སློབ་དཔོན་ལ། །འཇིག་རྟེན་ཕ་བཞིན་བལྟ་ཞིང་བཀུར། །ཤེས་རབ་རྒྱུད་ཀྱི་སློབ་དཔོན་ལ། །ཇི་ལྟར་བལྟ་ཞིང་བཀུར་བ་ ― DNG013_Page_0496 ―
[མ་དཔེ་གཟིགས་ན་འདིར་གནོན།]
ནི། །འཇིག་རྟེན་མ་བཞིན་བལྟ་ཞིང་བཀུར། །མན་ངག་སྟོན་པའི་སློབ་དཔོན་ལ། །བཀུར་ཞིང་བལྟ་བར་བྱ་བ་ནི། །འཇིག་རྟེན་མིག་འབྲས་བཞིན་དུ་བལྟ། །དེ་ཡིས་བསྒོ་བ་བཞིན་དུ་མཉན། །དེ་བཞིན་མཛེས་པ་དབུལ་བར་བྱ། །རྫས་དང་སྤྱོད་པ་སྣ་ཚོགས་པས། །མཉེས་པར་བྱ་ཞིང་དགོས་པ་དབུལ། །བླ་མའི་འཁོར་དང་རྡོ་རྗེ་སྤུན། །གཅིག་ལ་གཅིག་ནི་མངན་མི་བྱ། །ཁ་ན་མ་ཐོ་ཐམས་ཅད་བསྲུང་། །གཅིག་ལ་གཅིག་ནི་མིག་བཞིན་བལྟ། །འདི་ནི་སྐུ་ཡི་དམ་ཚིག་གོ། །དང་པོ་ཁས་བླངས་དམ་བཅས་བཞིན། །རྒྱ་བཅས་སྔགས་འདི་རྒྱུན་མི་གཅད། །ཏིང་འཛིན་བྱེ་བྲག་ཉམས་སུ་ལེན། །དངོས་གྲུབ་དམ་པ་འབྱུང་བའི་རྒྱུ། །འདི་ལ་རྟག་ཏུ་བདག་གནས་ན། །འདི་ནི་གསུང་གི་དམ་ཚིག་གོ། །ཕྱི་ནང་ཉམས་སུ་བླངས་པ་བཞི། །བར་གསང་ཏིང་འཛིན་བྱེ་བྲག་གནས། །གསང་འོས་ཏིང་འཛིན་བརྟན་པོར་བཟུང་། །གསང་གཉེར་གང་ཡང་མི་གཡོའོ། །འདི་ལྟ་བུ་ཡི་མན་ངག་རྣམས། །སྣོད་ངན་ཚུལ་འཆོས་སྤེལ་མི་བྱ། །གསང་བ་སྦས་པའི་ཐབས་མཆོག་རྣམས། །བློ་ཡི་གཏིང་དུ་འཚང་མི་སྨྲ། །འདི་ནི་ཐུགས་ཀྱི་དམ་ཚིག་གོ། །དམ་ཚིག་རྣམ་གསུམ་རྡོ་རྗེ་སྟེ། །འདི་དག་ཉམས་པར་གྱུར་ན་ནི། །འབྲས་བུ་མེད་ཅིང་བདུན་རྒྱུད་བརླག །ཉམས་པའི་གྲིབ་མས་གོས་པ་ལ། །དེ་ཡི་གྲིབ་མའི་སྐྱོན་རྣམས་ནི། །བརྗོད་མེད་བརྗོད་ལས་འདས་པ་ལ། །རྩ་བའི་དམ་ཚིག་ཉམས་པ་དང་། །དམ་ཚིག་གནས་པའི་རྣལ་འབྱོར་གཉིས། །ཐང་གཅིག་ཡུད་ཙམ་སྨྲ་མི་བྱ། །སྨྲས་ན་རྩ་བ་ཉམས་པར་འགྱུར། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལྔ་རྣམས་ནི། །བདེ་གཤེགས་ལྔ་ཡི་རང་བཞིན་ཏེ། །འདི་རྣམས་སྤང་བར་ཡོངས་མི་བྱ། །སྤངས་ན་འབྲས་བུ་རྙེད་པར་དཀའ། །འདི་ནི་མི་སྤང་དམ་ཚིག་གོ། །ཤ་ཆེན་བཤང་གཅི་ཁུ་བ་ཁྲག །གདོད་ནས་དག་པའི་རང་བཞིན་ཏེ། །ཟས་མཆོག་དམ་པ་བདུད་རྩིའི་དངོས། །མི་འདོར་བ་ཡི་དམ་ཚིག་གོ། །རྫུན་དང་ཚིག་རྩུབ་ཕྲ་མ་དང་། །སྦྱོར་བ་དང་ནི་བརྐུ་བ་དང་། །སྒྲོལ་ ― DNG013_Page_0497 ―
[མ་དཔེ་གཟིགས་ན་འདིར་གནོན།]
བ་ཆེན་པོའི་དམ་ཚིག་ནི། །བདེ་གཤེགས་ལྔ་ཡི་མཛད་སྤྱོད་དེ། །སྤྱད་པར་བྱ་བའི་དམ་ཚིག་གོ། །ཡན་ལག་བཅོ་ལྔའི་དམ་ཚིག་ནི། །ལུས་ངག་ཡིད་གསུམ་དམ་ཚིག་སྟེ། །སྲོག་ལ་བབ་ཀྱང་མི་གཏང་སྟེ། །བཏང་ན་འབྲས་བུ་ཡོངས་མི་རྙེད། །ཉམས་ན་མནར་མེད་དམྱལ་བར་སྐྱེ། །སྙིང་ནས་སློབ་དཔོན་རྣམ་གསུམ་སྨོད། །སངས་རྒྱས་བསྟན་པ་འཇིག་པ་དང་། །ཐེག་པ་ཆེན་པོ་སྨོད་པ་དང་། །སེམས་ཅན་ཡོངས་ལ་གནོད་བྱེད་དང་། །རྣལ་འབྱོར་ཡོངས་ཀྱི་དགྲར་གྱུར་པ། །མྱུར་དུ་སྒྲིབ་འབྱིན་ཤུགས་ཀྱིས་སྒྲོལ། །གལ་ཏེ་འདི་འདྲ་མ་བསྒྲལ་ན། །ཐུགས་ཀྱི་དམ་ཚིག་ཉམས་པས་ན། །དེ་བས་བསྒྲལ་བའི་མཆོག་ཏུ་འབད། །དམ་ཚིག་འདི་ནི་ཀུན་གྱི་དངོས། །སངས་རྒྱས་བསྒྲུབ་པའི་རྒྱུད་དང་གཞི། །ཀུན་གྱི་བདག་ཉིད་རིན་ཆེན་འདྲ། །སངས་རྒྱས་ཀུན་གྱི་ཡོན་ཏན་མཆོག །གདོད་ནས་མི་གཏང་ཡོན་ཏན་འཕེལ། །དེ་ཡི་ངེས་པ་བརྗོད་མི་ལང་། །དངོས་གྲུབ་དམ་པ་ཐོབ་པའི་གཞི། །དངོས་གྲུབ་ཕྲ་མོ་སྨོས་ཅི་དགོས། །དེ་བས་ནན་ཏན་བསྐྱེད་དེ་བསྲུང་། །གལ་ཏེ་ཉམས་པར་གྱུར་ན་ནི། །རང་བཞིན་དཀྱིལ་འཁོར་དམ་པ་ལ། །ཕྱི་ཡི་དབང་ནོས་བྱས་པས་སོབས། །གཉིས་པ་ནང་གི་དབང་ནོས་སོབས། །གསུམ་པ་གསང་བའི་དབང་ནོས་སོབས། །བཞི་པ་ཤེས་རབ་ཡེ་ཤེས་ཀྱི། །དབང་ནོས་ཉམས་སུ་བླངས་པས་སོབས། །སློབ་དཔོན་ཡོད་ན་མཐོལ་བཤགས་དབུལ། །དེ་ལ་དབང་ནོས་མཉེས་པར་དབུལ། །མེད་པར་གྱུར་ན་རྡོ་རྗེ་སྤུན། །མང་པོ་བསགས་པར་མཐོལ་བཤགས་བྱ། །དེ་ནས་དབང་ནོས་མཉེས་པ་དབུལ། །ཚོགས་ཀྱི་འཁོར་ལོ་ཆེན་པོ་བསྐོར། །དེ་ཡིས་ཉམས་པ་གསོ་བ་ཡི། །ཆོ་ག་དམ་པ་ཞེས་ནི་བྱ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་དམ་ཚིག་གི་རིམ་པར་ཕྱེ་བའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཁྲོ་བོ་ཀརྨ་ཧེ་རུ་ཀ་ལ་སྩོགས་པ་འདུས་པའི་འཁོར་ཚོགས་མ་ལུས་པ་རྣམས་སོ་སོར་རང་རང་གི་བསམ་པ་མཐར་ཕྱིན་ཅིང་མངོན་དུ་གྱུར་ཏེ། ལུས་ངག་ཡིད་གསུམ་ ― DNG013_Page_0498 ―
[མ་དཔེ་གཟིགས་ན་འདིར་གནོན།]
གྱི་སྒོ་ནས་བཅོམ་ལྡན་འདས་བཛྲ་ཀཱི་ལ་ཡ་ལ་བསྐོར་བ་ལན་གསུམ་བྱས་ཏེ་ཕྱག་འཚལ་ནས། གསང་བ་མཆོག་གི་བདག་པོ་ལ་མདུན་གྱིས་བལྟས་ཏེ་ཤིན་ཏུ་རྨད་དུ་བྱུང་བའི་ཚིག་འདི་སྐད་ཅེས་བསྟོད་དོ། །ཨེ་མ་ཧོ་ངོ་མཚར་རྨད་དུ་ཆེ། །མཉམ་ཉིད་དབྱིངས་མཆོག་དམ་པ་ལ། །ཐུགས་རྗེ་ཆེན་པོས་གསང་བ་ཡིས། །མ་འདྲེས་ཀུན་ལ་ཁྱབ་བདལ་དབྱིངས། །སྐུ་དང་གསུང་ཐུགས་ཡོན་ཏན་དང་། །ཕྲིན་ལས་ཕྱག་རྒྱའི་དཀྱིལ་འཁོར་རྣམས། །བརྗོད་ཀྱིས་མི་ལང་གྲངས་ལས་འདས། །འགྲོ་བ་བསམ་ཡས་སོ་སོའི་དབང་། །དེའི་རྣམ་རྟོག་དེ་སྙེད་པར། །ཐུགས་རྗེ་འཕྲོས་པས་ངོ་མཚར་ཆེའོ། །ཨེ་མ་ཧོ་ངོ་མཚར་རྨད་དུ་བྱུང་བའི་ཆོས། །མཚན་ཉིད་ནམ་མཁའ་འདྲ་བ་ལ། །སྒྱུ་མ་ལྟ་བུར་འཕྲུལ་པ་རྣམས། །ཀུན་རྫོབ་ཙམ་དུ་བསྟན་པར་འཚལ། །ཞེས་གླེངས་སོ། །བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ནི་དུས་བཞི་མཉམ་པ་ཉིད་གཉིས་སུ་མེད་པ་ལ་དགོངས་ནས། སྨྲ་བསམ་ལས་འདས་ཏེ་ཅང་མི་གསུང་བར་བཞུགས་སོ། །དེ་ནས་ཁྲོ་བོ་ཀརྨ་ཧེ་རུ་ཀས་རང་གི་སྟན་ལས་ལངས་ཏེ། གཙུག་གིས་འདུད་པས་ཕྱག་འཚལ་ཏེ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་ལུང་བསྟན་བདག །ཞལ་ནས་གསུངས་པ་མདོ་ཡི་དོན། །བསྡུས་ནས་བདག་ཅག་རྣམས་ལ་ནི། །སྒོམ་པའི་ལུང་འདི་བསྟན་དུ་གསོལ། །ཞེས་གླེང་བ་དང་། བཅོམ་ལྡན་འདས་གསང་བ་མཆོག་གི་བདག་པོ་བཛྲ་ཀཱི་ལ་ཡས་གཉིས་མེད་ཀྱི་ངང་ལས་བཞེངས་ནས། རྫུ་འཕྲུལ་གྱི་སྤྱན་གྱིས་འཁོར་གྱི་དཀྱིལ་འཁོར་ལ་གཟིགས་པ་མེད་པའི་ཚུལ་གྱིས་གཟིགས་ཏེ། གཟིགས་པའི་ཞལ་འཛུམ་པ་དང་བཅས་ནས་ཀརྨ་ཧེ་རུ་ཀ་ལ་གཟིགས་ཏེ་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྒྱུད་ཀྱི་རྒྱལ་པོ་ཆོས་ཀྱི་དོན། །འདི་ཉིད་ངས་བསྡུས་བཤད་པར་བྱའོ། །ཆོས་རྣམས་སེམས་ཀྱི་འཕྲུལ་པ་སྟེ། །སེམས་ལས་མ་གཏོགས་ཆོས་རྣམས་མེད། །འཁྲུལ་པ་བཟློག་ཕྱིར་ཆོས་བསྟན་པ། །དེ་ཡི་སྒྱུ་ ― DNG013_Page_0499 ―
[མ་དཔེ་གཟིགས་ན་འདིར་གནོན།]
འཕྲུལ་འཕྲུལ་པར་སྣང་། །འཁྲུལ་པར་སྣང་བའི་ཆོས་རྣམས་ཀུན། །རང་སེམས་སྣང་བ་ཁོ་ནར་ཟད། །སེམས་ཀྱི་རང་བཞིན་དངོས་མ་གྲུབ། །སྔ་ཕྱིར་བསྲེས་ན་རང་བཞིན་མེད། །གདོད་ནས་མ་སྐྱེས་རྣམ་པར་དག །ཡི་གེ་མེད་ཅིང་སྒྲ་དང་བྲལ། །ཐ་སྙད་རྣམས་དང་བྲལ་བ་སྟེ། །སྟོང་པ་སྟོང་པའི་ཡུལ་ལས་འདས། །ཡུལ་ལས་འདས་ཏེ་བརྗོད་དང་བྲལ། །དེ་ཕྱིར་སེམས་ཉིད་ཆོས་རྩ་བ། །དེ་ཉིད་སྲིད་དང་གྲོལ་ལས་སྣང་། །ཧོ། ཨེ་མ་ཧོ་སེམས་ཉིད་སྟོང་པ་སྟེ། །མ་བཅོས་སྟོང་པ་ཆེན་པོའི་དབྱིངས། །བརྗོད་དང་བྲལ་བའི་ངོ་བོ་ལ། །གནས་དང་རྒྱན་ཞེས་གདགས་སུ་མེད། །སྟོན་པ་འཁོར་ཞེས་ག་ལ་ཡོད། །ཏིང་འཛིན་ཡིག་འབྲུ་སོ་སོར་མེད། །ཕྱག་མཚན་སྒྱུ་མདོག་རྟག་པ་མེད། །སྟན་དང་བཞུགས་ཐབས་བགྲང་དུ་མེད། །སྟོང་པ་ཉིད་མེད་སྙིང་རྗེ་མེད། །ཚོགས་བསག་བྱང་ཆུབ་སེམས་བསྐྱེད་དང་། །གཟུགས་བརྙན་དཀྱིལ་འཁོར་བསྐྱེད་པ་མེད། །རང་བཞིན་དཀྱིལ་འཁོར་སྤྱན་དྲང་མེད། །གཉིས་མེད་སྔགས་དང་ཕྱག་རྒྱ་མེད། །ཐུགས་རྗེས་ཁམས་གསུམ་འདུལ་བ་མེད། །དྲག་པོས་མ་ལུས་འདུལ་མེད་ཅིང་། །དྲག་པའི་དཀྱིལ་འཁོར་འཇོམས་པའང་མེད། །གསོད་པའི་ངན་སྔགས་སྙིང་པོ་མེད། །ཁྲོས་པའི་སྟངས་སྟབས་ག་ལ་ཡོད། །རྒྱུན་གྱི་ཏིང་འཛིན་བྱེ་བྲག་མེད། །ཕྲིན་ལས་རྣམས་ཀྱི་བྱེ་བྲག་མེད། །དུག་ལ་སོགས་པའི་ཐུན་རྣམས་མེད། །སེམས་ཅན་སྲུང་བ་ག་ལ་ཡོད། །རྡོ་རྗེས་གཏམས་བྱས་མིང་ཡང་མེད། །ཐམས་ཅད་བྱ་བ་རྣམས་དང་བྲལ། །ལུས་ཀྱི་སྡོམ་པ་ཀུན་ལས་འདས། །ངག་གི་སྡོམ་པ་བརྗོད་ལས་འདས། །ཡིད་ཀྱི་སྡོམ་པ་བསམ་དང་བྲལ། །ཐམས་ཅད་བརྗོད་པ་ཀུན་རྫོབ་ཡིན། །འཁྲུལ་པ་བཟློག་ཕྱིར་ཀུན་རྫོབ་བསྟན། །དོན་དམ་བདེན་པ་རིག་པར་བྱ། །སེམས་ལས་འདས་པའི་ཆོས་ཉིད་ནི། །ཚིག་གིས་དེ་ལ་མཚོན་དུ་མེད། །ཐ་སྙད་གདགས་སུ་ག་ལ་ཡོད། །ནམ་མཁའི་དཔེས་ཀྱང་མཚོན་དུ་མེད། །འདི་ཞེས་བྱ་བར་བསྟན་དུ་མེད། །ཁ་དོག་དབྱིབས་སུ་གྲུབ་པ་མེད། །ཡེ་ནས་མ་བཅོས་རྣམ་པར་དག །རྣམ་པར་དག་ཅེས་བརྗོད་པ་ཀུན། །བསྟན་པ་རྣམས་ཀྱང་སྒྲིབ་པ་ཡིན། ། ― DNG013_Page_0500 ―
[མ་དཔེ་གཟིགས་ན་འདིར་གནོན།]
མཚན་མ་མེད་པའི་བློ་ལྡན་དེ། །ཐ་སྙད་ཚིག་ལ་དད་མི་འགྱུར། །བདེན་གཉིས་བློ་དང་ལྡན་པ་དེས། །གཉིས་མེད་བློ་དང་ལྡན་པར་ཟད། །ཅེས་གསུངས་པས། འཁོར་རྣམས་རབ་ཏུ་དང་བ་སྐྱེས་ཏེ། འདུས་པའི་འཁོར་ཚོགས་རྣམས་མ་བཅོས་པའི་དེ་ཁོ་ན་ཉིད་ལ་གནས་ཤིང་། སེམས་ཅང་མི་སྨྲ་བར་འཁོད་དོ། །དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས། ཁྲོ་བོ་ཀརྨ་ཧེ་རུ་ཀའི་ལུས་ངག་ཡིད་གསུམ་བྱིན་གྱིས་བརླབས་ཤིང་། དོན་བསྡུ་བར་དབང་བསྐུར་ནས། འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །ང་ཉིད་མངོན་པར་སངས་རྒྱས་ནས། །མདོ་ཡི་དོན་ཉིད་བཤད་ཀྱི་བར། །ཚིག་ཙམ་དུ་ཡང་ངས་མ་བཤད། །ཐ་སྙད་ཚིག་ཀྱང་ངས་མ་བརྗོད། །བཤད་ཅིང་བརྗོད་པ་གང་ཡང་མེད། །ཕྱི་ནང་ཆོས་ཀུན་ཐམས་ཅད་ཀུན། །བཤད་ཅིང་བརྗོད་པ་རྣམས་དང་བྲལ། །ཕྱོགས་བཅུ་དུས་བཞིའི་སངས་རྒྱས་ནི། །བཤད་ཅིང་བརྗོད་དང་བྲལ་བའི་དོན། །ཐུགས་སུ་ཆུད་ནས་མངོན་སངས་རྒྱས། །རྫོགས་པའི་སངས་རྒྱས་དེ་ལས་བྱུང་། །དེ་བས་མ་འོངས་རྣལ་འབྱོར་ལ། །དོན་དུ་མདོ་ནི་མངོན་བསྡུས་ལ། །མི་ནུབ་པ་རུ་བྱ་བའི་ཕྱིར། །གསུང་མཆོག་ཆོས་ཀྱི་ཡི་གེར་ནི། །སྣང་ཞིང་མི་ནུབ་པ་རུ་གྱིས། །མ་ནོར་འཁོར་ལོའི་ལམ་འདི་ནི། །ཕྱི་མའི་རྣལ་འབྱོར་རྣམས་ཀྱིས་སྟོན། །དེ་དག་མ་ནོར་ཁོང་དུ་ཆུད། །ཡེ་ཤེས་མཆོག་དེ་ཐོབ་པར་གྱིས། །མ་ནོར་ལམ་ལ་བགྲོད་པར་གྱིས། །སེམས་ཅན་སངས་རྒྱས་དོན་རྣམས་ཀྱིས། །བདེན་གཉིས་སྙིང་པོ་འཆང་བར་གྱིས། །གསང་བ་ཁོང་དུ་ཆུད་པར་གྱིས། །ལམ་གྱི་བྱེ་བྲག་ཤེས་པར་གྱིས། །སྤྱོད་པའི་ཁྱད་པར་ཤེས་པར་གྱིས། །འོན་ཀྱང་དད་ཅན་རྣལ་འབྱོར་པ། །དེས་ནི་རྡོ་རྗེ་ཐེག་པ་ཡི། །གཏིང་ནི་འཛུགས་ཤིང་མི་ནུབ་བྱེད། །རྣལ་འབྱོར་དབང་ཕྱུག་ཆེན་པོ་ཡི། །རྒྱུད་ནི་འཛིན་པར་དེ་འགྱུར་རོ། །མི་གནས་ཡེ་ཤེས་གནས་གྱུར་ཏེ། །གསང་བའི་དོན་རྣམས་མི་འགྱུར་རོ། །གསང་བའི་དོན་རྣམས་མི་ནུབ་འགྱུར། །སྦས་པ་གསང་བའི་ཐབས་མཆོག་རྣམས། །བྱེ་བྲག་མེད་པར་དེ་འགྱུར་རོ། །ཁྲོ་བོ་ཀརྨ་ཧེ་རུ་ཀ །ང་ཡིས་བཤད་པའི་མདོ་འདི་ནི། །རྣལ་འབྱོར་དམ་པ་རྣམས་ཀྱིས་ནི། །ཉེ་ལམ་བདེ་རྫོགས་ཡིན་པས་ན། །ཁྱོད་ཀྱིས་དེ་ལྟར་ཤེས་པར་ ― DNG013_Page_0501 ―
[མ་དཔེ་གཟིགས་ན་འདིར་གནོན།]
གྱིས། །གསང་བའི་ཉིང་ཁུ་ཡིན་པར་ནི། །ཁྱོད་ཀྱིས་དེ་ལྟར་ཤེས་པར་གྱིས། །ཞེས་གསུངས་སོ། །དེ་ནས་ཁྲོ་བོ་ཀརྨ་ཧེ་རུ་ཀ་རབ་ཏུ་དག་པའི་སྤྱོད་པས། རང་གི་གསང་བའི་རྡོ་རྗེ་རང་གི་གསང་བའི་གནས་སུ་གསོར་ཞིང་། བཙུན་མོ་ཀྲོ་དྷི་མོ་དང་གཉིས་སུ་མེད་པའི་ཚུལ་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མ་ཧོ་བཅོམ་ལྡན་ཐབས་ཀྱི་བདག །སྐུ་མདོག་བལྟ་བས་མི་བཟད་པ། །སངས་རྒྱས་ཀུན་གྱི་སྐུ་ཡི་མཆོག །བདེ་གཤེགས་སྐུ་ལ་ཕྱག་འཚལ་བསྟོད། །ཨེ་མ་ཧོ་གསུང་ནི་དྲི་མ་མེད་པའི་གསུང་། །ཆོས་ཀྱི་སྒྲ་ཆེན་མཐའ་ཡས་པ། །ཕྱི་ནང་གསང་བའི་དོན་རྣམས་སྟོན། །བདེ་གཤེགས་གསུང་ལ་ཕྱག་འཚལ་བསྟོད། །ཨེ་མ་ཧོ་གསང་མཆོག་དགྱེས་པ་ཆེ། །མི་ནུབ་རྒྱལ་མཚན་ཡོངས་ཀྱི་བདག །དུས་གསུམ་བདེ་གཤེགས་ཐུགས་ཀྱི་བདག །བདེ་གཤེགས་ཐུགས་ལ་ཕྱག་འཚལ་བསྟོད། །ཅེས་བསྟོད་ནས། འདི་སྐད་ཅེས་གླེངས་སོ། །བཅོམ་ལྡན་རྣལ་འབྱོར་དབང་ཕྱུག་ཆེ། །འདས་པའི་བདེ་བར་གཤེགས་པ་དང་། །ད་ལྟ་མ་འོངས་པ་རྣམས་ཀྱི། །ཉེ་ལམ་ཆེན་པོ་ལྟ་བུར་ནི། །མདོ་ཡི་སྣང་བ་ལགས་པས་ན། །བདག་གི་མི་ནུབ་པ་ཡི་ནི། །རྒྱལ་མཚན་ཆེན་པོར་སྣང་བར་བགྱི། །གསུང་མཆོག་ཆོས་ཀྱི་ཡི་གེར་ཡང་། །སྣང་བར་བདག་གིས་བགྱི་ལགས་སོ། །བཅོམ་ལྡན་གསང་བདག་ཉིད་དུ་ཡང་། །བདག་གིས་གནས་པར་བགྱི་ལགས་སོ། །འདི་དོན་འཆད་ཅིང་སྟོན་པ་ཡི། །གང་ཟག་སྐྱེས་བུ་དམ་པ་དེ། །གཞན་ལ་ཕན་ཐོགས་གནས་པར་བགྱིའོ། །ཡིད་བཞིན་ནོར་བུའི་རྒྱལ་པོ་ལྟར། །མདོ་འདི་བདག་གིས་གནས་པར་བགྱིའོ། །ཕས་ཀྱི་རྒོལ་བ་ལ་སོགས་པས། །འདི་ལ་ཚུགས་པར་མི་བགྱིའོ། །ཁམས་གསུམ་གནས་པའི་སེམས་ཅན་རྣམས། །སངས་རྒྱས་བསྟན་པ་དར་བར་བགྱིའོ། །གཞན་གྱི་སྡེ་ལ་སོགས་པ་ཡིས། །བར་དུ་གཅོད་པར་མི་འགྱུར་བགྱི། །ཞེས་གསོལ་ཏོ། །དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་གཉིས་སུ་མེད་པའི་ངང་ལ་བཞུགས་ནས་ཅང་མི་གསུང་བར་གྱུར་ཏོ། །རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་ཀཱི་ལ་ཡའི་རྒྱུད་བཅུ་གཉིས་ཀྱི་མདོ་དོན་རྣམ་པར་བཤད་པའི་རྒྱུད་ཅེས་བྱ་བ་ཡོངས་སུ་གཏད་པའི་ལེའུ་སྟེ་ཉི་ཤུ་རྩ་བཞི་པའོ།། །།དེ་བཞིན་གཤེགས་པ་ཐམས་ཅད་ཀྱི་སྐུ་གསང་བ། གསུང་གསང་བ། ཐུགས་གསང་བ། ཀཱི་ལ་ཡ་བཅུ་གཉིས་ཀྱི་མདོ། ཀཱི་ལ་ཡ་བཅུ་གཉིས་ཀྱི་བཤད་པའི་རྒྱུད་ཅེས་བྱ་བ་རྫོགས་སོ།། །། གླང་པོ་རབ་འབོག་གི་རྒྱུད་ཅེས་བྱ་བ།― DNG013_Page_0502 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཧསྡི་ག་ཛི་བ་རཪྞ་ཏནྟྲ་ནཱ་མ། བོད་སྐད་དུ།གླང་པོ་རབ་འབོག་གི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ཡེ་ཇི་བཞིན་པའི་རྡོ་རྗེ་འཆང་ཆེན་པོ་དེ་ནི། ཡིད་བཞིན་གྱི་ནོར་བུ་རིན་པོ་ཆེ་ལྟར་གནས་པ། རྒྱུད་དག་པའི་རྡོ་རྗེ་འཆང་ཆེན་པོ་དེ་ནི། ཉི་མའི་དཀྱིལ་འཁོར་ལྟར་དབྱེར་མེད་པ་རང་བཞིན་གྱིས་འོད་གསལ་བ། དབྱེར་མེད་གཅིག་ཏུ་གྱུར་པའི་རྡོ་རྗེ་འཆང་ཆེན་པོ་དེ་ནི། ནམ་མཁའ་རྣམ་པར་དག་པའི་ཀློང་ནས་ཉི་མ་སྤྲིན་དང་བྲལ་བ་ལྟ་བུ་སྟེ། རིག་པའི་གནས་མཆོག་ཆེན་པོ་ན། རང་སྣང་སྤྲུལ་པའི་གཞལ་ཡས་ཁང་ཆེན་པོ་ན། འདོད་པ་པདྨའི་གདན་ཆེན་པོ་རྒྱས་པ་ལ།མི་རྟོག་པའི་འཁོར་ལོ་ཆེན་པོ། བདེ་བ་ཆེན་པོ་པདྨའི་ནང་དུ། གསལ་བའི་རྡོ་རྗེ་ཆེན་པོ་བཞུགས་པ་ལ། འདས་པའི་འཁོར་ཐམས་ཅད་མ་ལུས་པར་ཐིམ། ད་ལྟར་གྱི་འཁོར་ཐམས་ཅད་མ་ལུས་པ་མེད་པར་རྫོགས། མ་འོངས་པའི་འཁོར་ཐམས་ཅད་མི་ལུས་པར་གྱུར་པའི་མངའ་དབང་རྫོགས་པར་བཞུགས་སོ། །ཉིད་ལས་མི་གཞན་པའི་འཁོར་ནི་འདི་ལྟ་སྟེ། འགྱུར་བ་མེད་པའི་རྡོ་རྗེས་མི་རྟོག་མཁྱེན་པ་དང་། འཁོར་ལོ་ཆེན་པོ་རྣམ་པར་བརྗིད་པ་དང་། པདྨ་ཆེན་པོ་སྨྲ་བརྗོད་འབྱུང་བ་དང་། ཡིད་བཞིན་ནོར་བུ་འདོད་དགུར་བསྒྱུར་བ་དང་། རྒྱ་གྲམ་ཆེན་པོས་ཐོགས་མེད་མཛད་པ་དང་། བཙུན་མོ་འདུས་མ་བྱས་གོ་སྐབས་འབྱེད་པ་དང་། སྲ་བརྟན་མི་འགྱུར་བ་དང་། གསལ་བར་སྐྱོན་བྲལ་མ་དང་།མཉེན་སྡུད་རྒྱུན་མ་ཆད་པ་དང་། གཡོ་བསྐྱོད་རྩོགས་མེད་པའི་ཚོགས་རྣམས་དང་། རིག་པ་ཁྱད་པར་ཅན་གྱི་འཁོར་རྣམས་འདི་ལྟ་སྟེ། བྱང་ཆུབ་ཆེན་པོ་ཐུགས་སུ་ཆུད་པ། ཐུགས་ཀྱི་བདག་ཉིད་སྟངས་དཔྱལ་དང་བཅས་པ་དང་། གོ་བརྡ་སྤྲོད་པ་གསུང་གི་བདག་ཉིད་ཡབ་ཡུམ་དང་བཅས་པ་རྣམས་དང་། ཐུགས་རྗེ་སྤྲུལ་པའི་འཁོར་ནི་འདི་ལྟ་སྟེ། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་བདག་པོ་དང་། བསམ་གཏན་གྱི་ཕ་རོལ་ཏུ་ཕྱིན་པའི་དེད་དཔོན་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་དབང་པོ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་རྒྱལ་པོ་དང་། ― DNG013_Page_0503 ―
[མ་དཔེ་གཟིགས་ན་འདིར་གནོན།]
སྦྱིན་པའི་ཕ་རོལ་ཏུ་ཕྱིན་པའི་མངའ་བདག་དང་། བཟོད་པའི་ཕ་རོལ་ཏུ་ཕྱིན་པའི་དབང་ཕྱུག་ཆེན་པོ་བསམ་གྱིས་ཁྱབ་པ་འབྱུང་བ་དང་། གདུག་པ་འདུལ་བའི་འཁོར་གྱི་ཚོགས་སུ་སྣང་བ་ནི་འདི་ལྟ་སྟེ། གཤིན་རྗེ་མཐར་བྱེད་འགུགས་བྱེད་མ་དང་སྦྱོར་བ་དང་། བགེགས་མཐར་བྱེད་འཆིང་བྱེད་མ་དང་འཁྱུད་མ་དང་། པད་མ་མཐར་བྱེད་སྡོམ་བྱེད་མ་དང་རོལ་པ་དང་། ཤེས་རབ་མཐར་བྱེད་དགྱེས་པ་ཆེན་མོས་འབེབས་པ་དང་བཅས་པ་རྣམས་དང་། དད་པས་འདུས་པའི་འཁོར་ནི་འདི་ལྟ་སྟེ། མེ་ལོང་གི་དཀྱིལ་འཁོར་ཆེན་པོ་ལ། བཞིན་གྱི་དཀྱིལ་འཁོར་ཆེན་པོས་བལྟས་པས། དད་པས་གཏམ་ཉན་པ་མ་ལུས་པར་ཐོས་པ་ཆེན་པོའི་མཆོག་ཐོས་པར་འགྱུར་བས། གསང་བ་བས་ཀྱང་ཆེས་གསང་བ།ཡང་གསང་རྨད་དུ་བྱུང་བ། བཀའ་གསང་ཐུགས་ཀྱི་དཀྱིལ་འཁོར། རང་དོན་དུ་རྟོགས་པར་དཀའ་བས་ཟབ་པ། གཞན་དོན་ཀུན་དང་མཐུན་པར་སྣང་བས་རྒྱ་ཆེ་བ། སྐུ་ཕྱག་རྒྱ་ཆེན་པོ་དང་། གསུང་ཆོས་ཀྱི་ཕྱག་རྒྱ་དང་། ཐུགས་དམ་ཚིག་གི་ཕྱག་རྒྱ་དང་། ཡོན་ཏན་མཛད་པ་ལས་ཀྱི་ཕྱག་རྒྱ་དང་བཅས་པས་གསང་བའི་དཀྱིལ་འཁོར་ཆེན་པོ་ལ་རྒྱས་བཏབ་ནས་གནས་པ། གཟུང་བར་བྱ་བའི་ཡུལ་གྱི་ཆོས་ཐམས་ཅད་ཡི་གེ་མཱུཾ་གྱི་དབྱིངས་སུ་ཐིམ་པས་དྲིལ་བུ་འབར་བར་འཛིན་པར་བྱེད་པ། སེམས་ཀྱི་ཆོས་ཐམས་ཅད་ཡི་གེ་ཧཱུཾ་ལ་ཡོངས་སུ་རྫོགས་པས་གསང་བའི་རྡོ་རྗེ་ཆེན་པོར་བཞུགས་པ། གཟུང་འཛིན་དབྱེར་མི་ཕྱེད་པས་རྡོ་རྗེ་དྲིལ་བུ་འདུ་འབྲལ་མེད་པར་གནས་སོ། །དེ་ནས་ཆོས་ཀྱི་རང་སྒྲ་ཆེན་པོ་འདི་མ་གསུངས་པར་གྲག་གོ། །གླིང་བཞི་འཁོར་ལོ་རྩིབས་དང་རབ་ལྡན་པ། །གླིང་ཕྲན་གྲུ་ཆད་བར་ཁྱམས་སྒོ་ཁྱུད་བཅས། །ལྕགས་རི་མུ་ཁྱུད་རྡོ་རྗེ་མེ་དཔུང་འབར། །རང་བཞིན་དཀྱིལ་འཁོར་ཡེ་ནས་ལྷུན་གྱིས་གྲུབ། །སྲིད་གསུམ་སེམས་ཅན་རང་ལུས་དཀྱིལ་འཁོར་ལ། །རྟོག་ཚོགས་རྒྱལ་བའི་སྐུ་རྣམས་སྐུར་གསལ་བ། །རྒྱལ་འགྲོས་མ་མཛད་མ་བཅོས་རང་སྣང་བ། །མི་ཟད་རྒྱན་གྱིས་འཁོར་ལོ་བསམ་མི་ཁྱབ། །རྣལ་འབྱོར་དབང་ཕྱུག་ཆེན་པོའི་སྤྱོད་ཡུལ་དུ། །རང་བཞིན་ཉིད་ཀྱི་དཀྱིལ་འཁོར་ལྷུན་གྱིས་གྲུབ། །བླ་མེད་གནས་མཆོག་རིགས་པའི་འོག་མིན་ན། ། ― DNG013_Page_0504 ―
[མ་དཔེ་གཟིགས་ན་འདིར་གནོན།]
རྡོ་རྗེ་དབྱིངས་ཀྱི་དཀྱིལ་འཁོར་འོད་གསལ་བ། །ཆོས་སྐུ་སྨྲ་བསམ་བརྗོད་དང་བྲལ་བ་ལ། །ཡེ་ཤེས་སྒྱུ་མའི་གཟུགས་སུ་རང་སྣང་བ། །རང་བཞིན་འབྲས་བུ་མཐར་ཕྱིན་དཀྱིལ་འཁོར་ཡིན། །འཁོར་བར་སྣང་བ་ཉིད་ན་སྣང་བ་མེད། །མྱ་ངན་ལས་འདས་རྒྱལ་བའི་སྐུ་གསུང་ཐུགས། །གཞན་ན་མེད་དེ་འཁོར་བ་ཉིད་ལ་གནས། །རང་བཞིན་དཀྱིལ་འཁོར་རང་བཞིན་ཉིད་དུ་སྣང་། །དེ་ཉིད་འབྲས་བུ་མཐར་ཕྱིན་ཀུན་དང་མཉམ། །རྣམ་གསུམ་དབྱེར་མེད་གཅིག་གི་ངང་དུ་གནས། །གནས་དང་མ་གནས་ཐ་དད་མཐའ་ལས་འདས། །མི་དམིགས་ཆོས་ཀྱི་དབྱིངས་ལ་འཕེལ་འགྲིབ་མེད། །དྲི་མེད་ཆོས་ཀྱི་སྐུ་ལ་སྐྱེ་འགག་མེད། །དབྱིངས་དང་ཡེ་ཤེས་དབྱེར་མེད་གཅིག་གི་ངང་། །གཟུགས་ཅན་མ་ཡིན་ཀུན་ལ་ཁྱབ་པ་དང་། །འགྲོ་འོང་མེད་པར་ཀུན་ལ་འདུས་རྣམས་སུ། །ཐམས་ཅད་པ་ཞེས་སྤྱོད་ཡུལ་དཀྱིལ་འཁོར་ཆེ། །མཚན་མ་མེད་པའི་ཕྱག་རྒྱ་ཆེན་པོར་གནས། །སངས་རྒྱས་ཉིད་ཀྱིས་གཟིགས་པའི་སྤྱོད་ཡུལ་ལས། །གཙོ་འཁོར་དགོངས་པ་ཆོས་ཀྱི་སྐུ་ལ་བཞུགས། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། གསང་བ་བསྟན་པ་འབྱུང་བའི་རྒྱུད་གླེང་གཞི་བསྟན་པའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ་ལ། དེ་བཞིན་གཤེགས་པ་ཐམས་ཅད་ཀྱིས་འདི་སྐད་ཅེས་གསོལ་ཏོ། །སྣོད་དུ་སྣང་བ་དཀྱིལ་འཁོར་ཡུམ་གྱི་དབྱིངས། །བཅུད་དུ་སྣང་བ་རྒྱལ་བ་ལྷ་ཡི་སྐུ། །སྣང་སྲིད་མ་བཀོད་ཡེ་ནས་རྫོགས་སངས་རྒྱས། །རྨོངས་པའི་མུན་པ་བསལ་ཕྱིར་བཤད་དུ་གསོལ། །ཞེས་ཞུས་སོ། །དེ་ནས་སངས་རྒྱས་རྡོ་རྗེ་འཆང་ཆེན་པོ་འཁོར་འདས་དབྱེར་མེད་པའི་ཏིང་ངེ་འཛིན་ལ་བཞུགས་ནས། འགྲོ་བའི་ཆེད་དུ་ཆེད་དུ་བརྗོད་པ་འདི་གསུངས་སོ། །ཀུན་ནས་ཉོན་མོངས་འཁོར་བའི་ཆོས་རྣམས་ཀུན། །རྣམ་བྱང་མྱ་ངན་འདས་པར་དབྱེར་མེད་པས། །གཉིས་མེད་རོ་གཅིག་ཕྱག་རྒྱ་ཆེན་པོར་གནས། །ཇི་ལྟར་གླང་ཆེན་རྩལ་གྱིས་རབ་གཅོད་པ། །ཆུ་ཀླུང་རྦ་ཀློང་ཆེ་ལ་བདེ་བ་ལྟར། ། ― DNG013_Page_0505 ―
[མ་དཔེ་གཟིགས་ན་འདིར་གནོན།]
འཁོར་བའི་ཆོས་ལས་གཞན་ལ་མི་འཆོལ་བའི། །སངས་རྒྱས་ཐུགས་ཀྱི་དཀྱིལ་འཁོར་ཞལ་ཕྱེས་པའི། །གླང་པོ་རབ་འབོག་རྒྱུད་ཆེན་གུས་པས་ཉོན། །སྡུག་བསྔལ་འཁོར་བའི་རྒྱ་མཚོས་བདེ་ཆེན་ཀློང་། །ཡེ་ཤེས་ཆུ་བོ་དཔག་མེད་རྒྱུན་མི་འཆད། །མ་རིག་མུན་པར་སྒྲོན་མར་རང་འོད་འབར། །ཤེས་བྱ་མཐའ་དབུས་མེད་པར་ཡོངས་རྒྱས་པ། །ཉི་མའི་དཀྱིལ་འཁོར་འོད་ཟེར་འབར་འདྲ་བས། །མུན་པའི་ཚོགས་བཅོམ་ཟངས་ལ་གསེར་འགྱུར་རྩི། །དུག་འགྱུར་རྩི་མཆོག་བདུད་རྩི་སྨན་མཆོག་འགྱུར། །འཁོར་བ་ཉིད་ནི་སངས་རྒྱས་དཀྱིལ་འཁོར་ཡིན། །རབ་ཏུ་གུས་པས་རྒྱུད་འདི་དང་དུ་ལོངས། །ཐུགས་རྗེས་འགྲོ་བ་རྣམས་ལ་ཁྱབ་པར་འགྱུར། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། གླེང་བསླང་བའི་ལེའུ་སྟེ་གཉིས་པའོ།། །།དེ་ནས་རྡོ་རྗེ་འཆང་གིས་འཁོར་འདས་ཀྱི་ཆོས་ཐམས་ཅད་ཀྱི་འབྱུང་གནས་འདི་གསུངས་སོ། །རང་བཞིན་ངང་གིས་སྣང་བ་ནི། །གདོད་ནས་མ་སྐྱེས་སྙིང་པོ་ཨ། །རིས་མེད་ཀུན་གྱི་དངོས་གཞི་པ། །བཅིང་གྲོལ་མེད་པར་ལྷུན་གྱིས་གྲུབ། །སྐྱེས་བུའི་བྱད་ཀྱི་དཀྱིལ་འཁོར་ཉིད། །མེ་ལོང་ནང་དུ་གང་ཤར་བ། །ཉིད་ལས་མ་གཏོགས་གཞན་མེད་པས། །དེ་ཡིས་རྐྱེན་རྣམས་བྲལ་བར་འགྱུར། །ཆོས་དབྱིངས་དཀྱིལ་འཁོར་མུ་མཐའ་བྲལ། །ཡེ་ཤེས་རྒྱལ་པོས་དབང་བསྒྱུར་ན། །སྐུ་དང་ཡེ་ཤེས་དཀྱིལ་འཁོར་གསལ། །རང་ཞལ་རང་གིས་མཐོང་གྱུར་པ། །ཆོས་སྐུ་ཕྱག་རྒྱ་ཆེན་པོར་གནས། །བླ་མེད་ཀུན་ཏུ་བཟང་པོར་གྲོལ། །རྟོགས་པ་མངོན་དུ་འགྱུར་ཞེས་བྱ། །རང་བཞིན་དག་པའི་སྣང་བ་ཤར། །སེམས་ཉིད་སངས་རྒྱས་ཡེ་ནས་ཀྱང་། །ངེས་པའི་ཤེས་པ་མ་སྐྱེས་པས། །མ་རིག་མུན་པའི་སྤྱོད་ཡུལ་ཅན། །ལོང་བའི་གྲོང་ཁྱེར་ཆེན་པོར་འགྲོ། །དབུལ་མོའི་གཏེར་ལྟར་གྱུར་པ་འམ། །གྱད་ཀྱི་ནོར་བུ་ལྟར་གནས་པས། །རང་གསང་ཐབས་ཀྱིས་ཆོད་གྱུར་པས། །རང་ལ་ཡོད་ཀྱང་དེ་མ་ཤེས། །མ་དག་རང་བཞིན་སྣང་བ་ཤར། །དོན་མཆོག་ཉིད་ལས་ཉམས་པ་མེད། །མ་རིག་པ་ཉིད་རིག་པར་གཅིག །མ་རྟོགས་རྟོགས་པ་ཐ་དད་མེད། ། ― DNG013_Page_0506 ―
[མ་དཔེ་གཟིགས་ན་འདིར་གནོན།]
ཤེས་དང་མ་ཤེས་གཅིག་ཏུ་མཚུངས། །འཁོར་བར་སྣང་བ་མྱ་ངན་འདས། །སྡུག་བསྔལ་བདེ་བ་ཆེན་པོ་ཤར། །མུན་པ་ཉིད་ནི་སྣང་བར་གསལ། །ཀུན་ཀྱང་བྱང་ཆུབ་ཆེན་པོར་གནས། །བླང་ཞིང་དོར་བ་ཅི་ཡང་མེད། །ཐབས་དང་ཤེས་རབ་ཟུང་དུ་འདྲེལ། །དོན་དམ་ཀུན་རྫོབ་དབྱེར་མེད་ཀུན། །སྣང་བ་སྟོང་པ་ངོ་མཉམ་པས། །རྣམ་པ་ཀུན་ལྡན་སྟོང་ཆེན་པོ། །མཐའ་དབུས་མེད་པར་རང་ཤར་བ། །ཆོས་ཉིད་གཤིས་ཀྱི་འདུག་ཚུལ་ཉིད། །སྐྱེས་བུས་མངོན་དུ་གང་བྱས་པ། །ཕྱག་རྒྱ་ཆེན་པོ་མཆོག་ཉིད་ཀྱི། །དངོས་གྲུབ་རྒྱ་ཆེན་ཐོབ་པ་ཡིན། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། )གནས་ལུགས་ཀུན་གྱི་གཞིར་བསྟན་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་མ་རིག་པའི་གྲོང་ཁྱེར་ཆེན་པོ་ཤེས་པར་བྱེད་པ་འདི་གསུངས་སོ། །བདེ་གཤེགས་སྙིང་པོ་བྱང་ཆུབ་སེམས། །ཐམས་ཅད་བསྐྱེད་པའི་ས་བོན་ཉིད། །འདི་ཡིས་མ་བསྐྱེད་ཆོས་མེད་པས། །ཆོས་སུ་སྣང་བ་འཁྲུལ་པའི་ཡིད། །སེམས་ཉིད་ཡེ་སངས་རྒྱས་གྱུར་ཀྱང་། །དེ་མ་ཤེས་པས་མ་རིག་པ། །སྔོན་གྱི་བག་ཆགས་མཚུངས་གྱུར་པས། །ལྷན་ཅིག་སྐྱེས་པའི་མ་རིག་པ། །རང་ལ་རང་བརྟགས་མ་ཤེས་པས། །དམུས་ལོང་ནམ་མཁའ་བལྟ་བར་འདོད། །ཀུན་ཏུ་བརྟགས་ཤིང་མི་ཤེས་ལ། །ཀུན་བརྟགས་མ་རིག་རྒྱུ་ཉིད་ཡིན། །དགེ་སྡིག་ལུང་མ་བསྟན་པའི་ལས། །རབ་འབྲིང་ཐ་མ་སྤྱད་བྱས་ཏེ། །ཉོན་མོངས་ལྔ་ལ་མངོན་ཞེན་པས། །ཁམས་གསུམ་འཁོར་བ་འབྱུང་བའི་རྐྱེན། །སྣོད་ཀྱི་འཇིག་རྟེན་ཡུལ་དུ་སྣང་། །བཅུད་ཀྱི་སེམས་ཅན་བདག་ཏུ་བཟུང་། །བདག་གཞན་རྟོག་པའི་རྒྱུན་ཆགས་པས། །རི་རབ་གནས་བཅས་ལྷ་ཡི་ཡུལ། །ལྷ་མིན་རི་རབ་ཁོང་སེང་གནས། །གླིང་བཞིའི་གནས་ན་མི་རྣམས་ཉིད། །ཕྱི་ཡི་རྒྱ་མཚོ་བྱོལ་སོང་གནས། །ཡི་དྭགས་གྲོང་ཁྱེར་སེར་སྐྱ་ན། །དམྱལ་བ་རྡོ་རྗེ་གདན་གྱི་འོག །ཨ་དཀར་ལྷ་སྟེ་སུ་སེར་ནི། །ལྷ་མིན་ནྲྀ་སྔོན་མི་རུ་གནས། །ཡི་དྭགས་དྲེ་དམར་དུད་འགྲོ་ལ། །དུ་ཉིད་དུད་ཁ་བྱོལ་སོང་ཡིན། །དམྱལ་བར་ཏྲི་ ― DNG013_Page_0507 ―
[མ་དཔེ་གཟིགས་ན་འདིར་གནོན།]
གནག་ས་བོན་གནས། །རིགས་དྲུག་བསྐྱེད་ཅིང་འཕེལ་བར་བྱེད། །ལྷ་རྣམས་འདོད་པའི་ལོངས་སྤྱོད་བསམ་ཡས་ལ། །དཔག་བསམ་ཤིང་ལ་ལྟོ་གོས་རྩོལ་བ་བྲལ། །ལྷ་མིན་ལོངས་སྤྱོད་རྫས་ལ་རྣམ་སྤྱོད་པ། །རང་སྐལ་ལས་ཀྱི་དབང་གིས་རྣམ་པར་སྣང་། །མི་རྣམས་བཟའ་བཏུང་ལོངས་སྤྱོད་འདོད་ཡོན་ལྔ། །རྩོལ་བས་ལྟོ་གོས་བདེ་བ་ལྡན་པར་བསྒྲུབ། །དུད་འགྲོ་ལས་ཀྱི་རང་གིས་ལོངས་སྤྱོད་ལ། །ཇི་ལྟར་འདོད་པ་ལས་ཀྱི་སྣང་བ་དང་། །ཡི་དྭགས་བསམ་པའི་དབང་གི་རང་སྐལ་ཙམ། །སྣང་བར་གྱུར་བས་ལུས་ཀྱི་སྲོག་ཀྱང་འཛིན། །དམྱལ་བར་རང་སྣང་ཙམ་གྱི་ངང་ལ་སྤྱོད། །རང་གི་དབང་གིས་དེ་ལྟར་སྣང་བ་ཡིན། །ལྷ་རྣམས་ལྟུང་བའི་སྡུག་བསྔལ་སྣང་གྱུར་པ། །ལྷ་མ་ཡིན་ལ་འཐབ་དང་རྩོད་པ་དང་། །མི་རྣམས་ལ་ནི་འགྱུར་བ་ཡོད་པ་དང་། །བྱོལ་སོང་བཟའ་བཏུང་བཀོལ་དང་སྤྱད་པ་དང་། །ཡི་དྭགས་ཕྱི་ནང་སྒོས་ཁུར་སྒྲིབ་པ་ཅན། །དམྱལ་བ་ཚ་དང་གྲང་བར་སྣང་བས་སྡུག །ལྷ་མིག་དག་པས་མཐོང་བའི་ཡོན་ཏན་དང་། །མཚོན་ཆས་བསྣུན་ཡང་འཆི་བར་དཀའ་བ་དང་། །དམ་ཚིག་སྡོམ་པ་བསྲུང་ན་སངས་རྒྱས་འགྲུབ། །བྱོལ་སོང་རྣམས་ནི་ལྟོ་གོས་བཙལ་བར་སླ། །ཡི་དྭགས་རྣམས་ལ་བསྔོས་པས་ཚིམ་པར་འགྱུར། །དམྱལ་བ་རང་གི་ཚེ་ལས་སྔ་ཕྱི་དྲན། །འཁོར་བའི་སྡུག་བསྔལ་དག་ལས་ཚང་འགྱུར་བས། །བྱམས་པས་གཞན་ལ་ཕན་ནི་འདོགས་པར་བྱེད། །སྙིང་རྗེ་བརྩེ་བའི་སེམས་དང་ལྡན་པ་དང་། །དགའ་བས་སྡུག་བསྔལ་བྲལ་བར་འདོད་པ་དང་། །བཏང་སྙོམས་དགྲ་ཟིན་མེད་པར་ཁྱབ་གྱུར་ཅིང་། །དགའ་བ་དང་ནི་བདེ་བ་ལྡན་གྱུར་པས། །རྟོག་པ་དང་ནི་དཔྱོད་པས་རྣམ་པར་བྱེད། །ཚངས་གནས་རིམ་པར་གནས་པའི་ལྷ་རྣམས་ཡིན། །སྐྱེ་མཆེད་བཞི་ལ་མི་གཡོ་གནས་གྱུར་པ། །སྲིད་པའི་རྩེ་མོ་ལྟོས་པའི་སངས་རྒྱས་ཡིན། །ཆོས་ཀྱི་དབྱིངས་ཀྱིས་ཀུན་ལ་ཁྱབ་པའི་ཕྱིར། །གང་ཟག་ཐེག་པ་གསུམ་དུ་འཇུག་གྱུར་པ། །ངེས་མེད་གང་དང་འཕྲད་པའི་ཆོས་ལ་སྤྱོད། །འདི་ནི་རིགས་ཀྱི་ངེས་པ་མེད་པ་ཡིན། །ཆོས་ཀྱི་དབྱིངས་ནི་ཀུན་ལ་ཁྱབ་པ་དང་། །བདེ་གཤེགས་སྙིང་པོ་རང་སེམས་ ― DNG013_Page_0508 ―
[མ་དཔེ་གཟིགས་ན་འདིར་གནོན།]
ལ་ཡོད་པས། །དེ་ཉིད་རྟོགས་པའི་སྐལ་བ་མི་ལྡན་ན། །འདི་ནི་རིགས་ཆད་གང་ཟག་ཡིན་ཞེས་བྱ། །རང་བཞིན་གཤིས་ཀྱི་དབང་པོ་རྣོ་བ་འམ། །ཡང་ན་སྦྱངས་པས་དབང་པོ་རྣོ་བ་རྣམས། །དམ་པའི་ཆོས་དེ་མཐོང་ནས་འཇུག་པ་ནི། །དབང་པོ་རྣོན་པོས་ཆོས་ཕྱིར་འབྲང་བ་ཡིན། །རང་བཞིན་གཤིས་ཀྱིས་དབང་པོ་བརྟུལ་བ་དང་། །མ་སྦྱངས་ལས་ངན་དབང་གིས་བརྟུལ་བ་ནི། །བླ་མའི་ཡོན་ཏན་མཐོང་བྲོད་ཆོས་ལ་ཞུགས། །དབང་པོ་བརྟུལ་པོ་གང་ཟག་ཕྱིར་འདྲེང་ཡིན། །རང་བཞིན་སྣོད་དུ་གྱུར་པའི་གང་ཟག་རྣམས། །ལས་དང་སྐལ་བར་རབ་ཏུ་ལྡན་པ་ཡིན། །རང་བཞིན་སྣོད་མེད་རང་རྒྱུད་ངན་པ་རྣམས། །ལས་འཕྲོ་སྐལ་བ་མེད་པས་ཆོས་མི་འབྱུང་། །ཁམས་གསུམ་འཁོར་བར་འཁྱམས་པའི་སེམས་ཅན་རྣམས། །མ་འོངས་སངས་རྒྱས་འབྱུང་བའི་རྒྱུར་གྱུར་པ། །བདེ་གཤེགས་སྙིང་པོས་ཀུན་ལ་ཁྱབ་པ་ཡིན། །དམ་ཆོས་རྟོག་པའི་སྐལ་དང་མི་ལྡན་པ། །བྱང་དུ་ཁ་བལྟས་བྲག་གི་ཕུག་པའི་ནང་། །ཉི་མ་མི་འཆར་ལས་ངན་ཐུགས་རྗེ་རྡུགས། །སངས་རྒྱས་ཐུགས་རྗེ་ཀུན་ལ་ཁྱབ་གྱུར་པ། །འབྱུང་ཆེན་གཏོས་ཀྱི་ནམ་མཁའ་ལྟ་བུར་གནས། །ཐམས་ཅད་མ་ལུས་འདི་ལས་འདའ་བ་མེད། །ཅེས་གསུངས་སོ། །གླང་པོ་རབ་འབོག་གི་རྒྱུད་ལས། འཁྲུལ་པའི་ལེའུ་སྟེ་བཞི་པའོ།། །།དེ་ནས་ཡང་དག་པར་རྫོགས་པའི་སངས་རྒྱས་ཀྱི་དགོངས་པར་གྲོལ་བ་འདི་དག་གསུངས་སོ། །མྱ་ངན་འདས་པའི་ཆོས་རྣམས་ཀུན། །མཐར་ཐུག་འབྲས་བུའི་རྟེན་གྱུར་པ། །སྐུ་རྣམས་ཀུན་གྱི་གཞིར་གྱུར་ཏེ། །ཆོས་སྐུ་དྲི་མ་མེད་པར་གནས། །རིག་པ་རང་སྣང་གཞལ་ཡས་བཀོད། །རིགས་བདག་རྒྱལ་བ་སངས་རྒྱས་ལྔ། །བཙུན་མོ་སྲས་ཀྱི་ཚོགས་ཀྱིས་བསྐོར། །དངོས་པོ་གཉིས་ལ་ལོངས་སྤྱོད་ཅིང་། །ས་བཅུ་པ་ཡིས་གཟིགས་གྱུར་པ། །ལོངས་སྤྱོད་རྫོགས་པའི་སྐུ་ཞེས་བྱ། །གདུལ་བྱ་མ་ལུས་འགྲོ་རྣམས་ལ། །རྒྱུ་འབྲས་ཆོས་ཀྱིས་འདུལ་མཛད་ཅིང་། །མཛད་པ་བཅུ་གཉིས་རྫོགས་མཛད་པ། །སྟོང་གསུམ་འགྲོ་བ་སྤྲུལ་པས་འདུལ། །ཇི་སྙེད་གདུལ་བྱ་བསམ་ཡས་རྣམས། །ཇི་སྙེད་ ― DNG013_Page_0509 ―
[མ་དཔེ་གཟིགས་ན་འདིར་གནོན།]
གྲངས་མཉམ་སྤྲུལ་པར་སྣང་། །མཐུན་པས་མཐུན་པ་འདུལ་མཛད་པ། །དེ་ལ་སྤྲུལ་པའི་སྐུ་ཞེས་བྱ། །དང་པོའི་སངས་རྒྱས་སར་འགྲོ་བ། །དེ་ཉིད་ཇི་བཞིན་རྡོ་རྗེ་འཆང་། །དེ་ཉིད་རང་སྣང་རང་རིག་པ། །མགོན་པོ་གཞི་ནས་རྫོགས་སངས་རྒྱས། །སེམས་ཅན་ལུས་ཀྱི་བྱ་བ་ཡིས། །ཚོགས་གཉིས་རྫོགས་ནས་སངས་རྒྱས་པ། །ལམ་སྦྱངས་རིག་པ་གྲོལ་གྱུར་པ། །རྟོགས་པ་མངོན་གྱུར་སངས་རྒྱས་ཡིན། །དེ་བཞིན་ཉིད་རྟོགས་གཞི་ནས་གྲོལ། །ལམ་སྦྱངས་རྟོགས་པ་མངོན་གྱུར་པ། །ཆོས་སྐུ་ཐོབ་པར་གང་གྱུར་པ། །མཚན་མེད་ཕྱག་རྒྱ་ཆེན་པོར་གནས། །ཆོས་ཀྱི་སྐུ་ལས་རྣམ་འཕྲུལ་ཞིང་། །གདུལ་བྱ་ཡས་གཟིགས་ལོངས་སྤྱོད་རྫོགས། །ལུས་ངག་ཡིད་གསུམ་སྐུ་གསུང་ཐུགས། །གང་བསྒོམ་མངོན་དུ་གྱུར་པ་ཡི། །སྐུ་ཉིད་གཉིས་སུ་མེད་གྱུར་པ། །ཤེས་རྒྱུད་མ་སྦྱངས་ལོངས་སྐུར་བཞུགས། །འཁོར་འདས་དངོས་པོ་རྣམ་གཉིས་ལ། །སྤྱོད་པ་རང་གྲོལ་སྒྱུ་མའི་སྐུ། །བདེ་བ་ཆེན་པོ་ཉམས་སུ་བསྟར། །གཟུགས་སྐུ་ཕྱག་རྒྱ་ཆེན་པོ་ཡིན། །འཇིག་རྟེན་ཁམས་ནི་འདི་ཉིད་ན། །སྤྲུལ་སྐུ་ཐུབ་པའི་དབང་པོར་སྣང་། །དེ་བཞིན་འགྲོ་དྲུག་ཐུབ་པ་དྲུག །འཇིག་རྟེན་ཁམས་ནི་གཞན་དག་ན། །བཞུགས་པའི་སྤྲུལ་སྐུ་བསམ་མི་ཁྱབ། །འགྲོ་བ་ཇི་ལྟར་འདུལ་ཞིང་སྣང་། །ཆོས་ཀྱི་དབྱིངས་ཀྱི་ཡེ་ཤེས་ཉིད། །དང་པོ་ཆོས་རྣམས་སྟོང་པར་རྟོགས། །མེ་ལོང་ལྟ་བུའི་ཡེ་ཤེས་ཉིད། །ཆོས་རྣམས་དག་ཅིང་གསལ་བར་མཁྱེན། །ཡེ་ཤེས་གཉིས་ཀྱིས་གང་བསྡུས་པ། །ཆོས་སྐུ་དྲི་མ་མེད་པར་བཞུགས། །མཉམ་པ་ཉིད་ཀྱི་ཡེ་ཤེས་ཀྱིས། །འཁོར་འདས་སོ་སོར་ཐ་དད་མེད། །སོ་སོར་ཀུན་ཏུ་རྟོགས་པ་ཡིས། །རང་དང་སྤྱི་ཡིས་མཚན་ཉིད་མཁྱེན། །ཡེ་ཤེས་དེ་གཉིས་གང་བསྡུས་པ། །སྒྱུ་མའི་ཡེ་ཤེས་ཆུ་ཟླ་བཞིན། །ཞལ་ཕྱག་འཁོར་དང་བཅས་རྫོགས་པ། །ལོངས་སྤྱོད་རྫོགས་པའི་སྐུ་རུ་བཞུགས། །འཁོར་འདས་ཕྲིན་ལས་མ་ལུས་པ། །ལུས་ངག་ཡིད་ཀྱི་བྱ་བ་གྲུབ། །ཕུན་སུམ་ཚོགས་གྱུར་ཡེ་ཤེས་འདི། །སྤྲུལ་པའི་སྐུ་རུ་བཞུགས་པ་ཡིན། །བསོད་ནམས་རྒྱུ་ཡི་ཚོགས་བསགས་པས། །གཟུགས་སྐུ་གཉིས་ཀྱི་བདག་ཉིད་ཆེ། །འབྲས་བུ་ཡེ་ཤེས་ཚོགས་ ― DNG013_Page_0510 ―
[མ་དཔེ་གཟིགས་ན་འདིར་གནོན།]
རྫོགས་པས། །ཆོས་ཀྱི་སྐུ་རུ་རབ་ཏུ་འགྲུབ། །མཚན་དང་དཔེ་བྱད་ཡང་དག་རྫོགས། །ལོངས་སྤྱོད་རྫོགས་སྐུ་སྤྲུལ་པའི་སྐུ། །མཚན་དང་དཔེ་བྱད་མི་དམིགས་སྤངས། །ཆོས་སྐུ་སྨྲ་བརྗོད་ཡུལ་ལས་འདས། །དྲི་མ་མེད་པའི་ཆོས་སྐུ་ལ། །གཞན་སྣང་རྟོག་པ་ཀུན་བྲལ་བས། །གཟིགས་པར་བྱ་བའི་ཡུལ་དང་བྲལ། །རང་སྣང་དགོངས་པ་རང་གསལ་མཁྱེན། །ཉན་ཐོས་རང་རྒྱལ་བྱང་ཆུབ་སེམས། །ས་ཐོབ་རྣམས་ཀྱིས་ཞལ་གཟིགས་ནས། །གསང་བ་ཆོས་ཀྱི་བགྲོ་བ་ཉན། །ལོངས་སྐུ་ཐུགས་རྗེས་ས་བཅུ་གཟིགས། །ལས་དག་འགྲོ་བ་དྲུག་རྣམས་ལ། །མཐུན་པའི་ཐུགས་རྗེ་རང་སྣང་ལ། །ལྷ་རྣམས་ལ་ནི་སྲིད་ཐུབ་འཛིན། །ལྷ་མིན་རྣམ་པར་སྣང་བྱེད་དང་། །མི་ལ་ཤཱཀྱ་སེང་གེ་ཉིད། །བྱོལ་སོང་སེང་གེ་དམ་བརྟན་སྐུ། །ཡི་དྭགས་ཁ་འབར་རྒྱལ་མོའི་བུ། །དམྱལ་བ་རྣམས་ལ་ཆོས་རྒྱལ་སྲས། །ཐུགས་རྗེའི་མཛད་པ་བཅས་པར་སྣང་། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། མྱ་ངན་ལས་འདས་པ་སྐུ་གསུམ་བསྟན་པ་སྟེ་ལེའུ་ལྔ་པའོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ་འཁོར་འདས་ཐམས་ཅད་རང་སྣང་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། །རང་བཞིན་སྣང་བ་བཅོས་བསླད་བྲལ། །འཁོར་འདས་དབྱེར་མེད་ཆེན་པོར་གནས། །འཁྲུལ་པའི་སྣང་བ་སྣོད་དང་བཅུད། །གཟུང་དང་འཛིན་པ་གཉིས་སུ་སྣང་། །གདུལ་བྱའི་སྣང་བ་གང་སྣང་བ། །བདེ་གཤེགས་སེམས་ཅན་དོན་མཛད་པ། །བདེ་གཤེགས་སྣང་བ་སྐུ་གསུང་ཐུགས། །མི་ཟད་རྒྱན་གྱི་འཁོར་ལོར་སྣང་། །སྣང་བ་བཞི་ཞེས་བྱ་བའི་ཏིང་ངེ་འཛིན་ཏོ། །དེ་ནས་དེ་བཞིན་གཤེགས་པ་ཉིད་ལ་ཉིད་འདི་བརྗོད་དོ། །སེམས་ཅན་འཁོར་བར་འཁྱམས་རྣམས་ལ། །ཉོན་མོངས་རྣམ་པ་ལྔ་རུ་སྣང་། །རྣལ་འབྱོར་ཉམས་སུ་ལེན་རྣམས་ལ། །ཉམས་ཀྱི་སྣང་བ་ལམ་དུ་སྣང་། །བདེ་བར་གཤེགས་པའི་སྐུ་གསུང་ཐུགས། །མི་ཟད་རྒྱན་གྱི་འཁོར་ལོར་སྣང་། །གསང་བ་བསམ་གྱིས་མི་ཁྱབ་དང་། །ཐམས་ཅད་ས་རུ་སྣང་བའོ། །སྣང་བ་གསུམ་ ― DNG013_Page_0511 ―
[མ་དཔེ་གཟིགས་ན་འདིར་གནོན།]
ཞེས་བྱ་བའི་ཏིང་ངེ་འཛིན་ཏོ། །དེ་ནས་བདེ་བར་གཤེགས་པ་ཉིད་ལ་ཉིད་འདི་བརྗོད་དོ། །མ་རྟོགས་པ་ཡི་སྣང་བ་ཉིད། །ལོག་པར་རྟོག་པའི་སྣང་བ་དང་། །འགྲོ་བ་ཞེན་པའི་སྣང་བ་དང་། །རྒྱུ་འབྲས་བློ་ཡི་སྣང་བ་དང་། །དབྱེར་མེད་ཀུན་བཟང་སྣང་བ་རྣམས། །རང་བཞིན་མ་ནོར་དོན་རྟོགས་ན། །ཆོས་ཀྱི་དབྱིངས་ལས་འགྱུར་བ་མེད། །ཆོས་སྐུ་ཆེན་པོར་རང་གནས་པའོ། །དེ་ཡང་ཇི་ལྟ་བུ་ཞེ་ན། །དམུས་ལོང་ཚུལ་བྱུང་སྐྱེ་བོ་པས། །མཐོ་ཡོར་མི་རྟ་རྟགས་རྣམས་མཐོང་། །མུ་སྟེགས་ཆད་པར་བལྟ་བ་ནི། །གློ་བུར་ཙམ་སྣང་མཐའ་མེད་བལྟ། །རྟག་པ་བྱས་སྣང་དངོས་པོར་འདོད། །ཐམས་ཅད་བྱེད་པ་རྒྱུ་རུ་སྨ། །དམྱལ་བའི་རང་བཞིན་མེ་སོགས་སྣང་། །ཡི་དྭགས་སྡིག་སེམས་མི་གཙང་ལུས། །བྱོལ་སོང་གྱེན་མཐུར་ངམ་གྲོག་སྣང་། །མི་ལ་མཐོང་ཡུལ་གླིང་དུ་སྣང་། །དེ་བཞིན་ལྷ་མིན་གོ་མཚོན་སྣང་། །ལྷ་ཡི་དགེ་སེམས་རིན་ཆེན་སྣང་། ། རྟགས་པར་འདི་སྐབས་འདིར་འཕེལ་མིན་དཔྱད། ཉན་ཐོས་ཕྱི་རོལ་རྡུལ་བྲལ་བལྟས། །རང་གི་ཤེས་པ་སྐད་ཅིག་མ། །རང་སངས་རྒྱས་པའི་ལྟ་བ་ནི། །ཕྱི་རོལ་བཅུ་གཉིས་སྒྱུ་མ་ཙམ། །ནང་གི་ཡེ་ཤེས་སྐད་ཅིག་མ། །རྟེན་འདྲེལ་རྩ་བ་རྩད་ནས་གཅོད། །དབུ་མ་ཀུན་རྫོབ་རྣམ་པ་བཞི། །དོན་དམ་སྤྲོས་པ་རབ་ཏུ་ཞི། །ཀྲི་ཡཱ་དོན་དམ་ཆོས་ཉིད་བལྟ། །ཀུན་རྫོབ་རང་རིག་ཡོན་ཏན་ལྷ། །རིགས་གསུམ་དཀྱིལ་འཁོར་སྣང་བ་ལ། །སྐྱེ་བོ་འཁྲུལ་པ་མེད་པའོ། །གཉིས་ཀ་རྒྱུད་ཀྱི་འདོད་པ་ནི། །ལྟ་སྤྱོད་གོང་འོག་རྫས་སུ་མཐུན། །ཡོ་ག་དོན་དམ་དག་པ་ཡིས། །ཆོས་ཀྱི་དབྱིངས་ཀྱི་ཡེ་ཤེས་སུ། །རྟོགས་པའི་བྱིན་རླབས་ལྟར་སྣང་བ། །དེ་ཕྱིར་སྐྱེ་བོ་ལྟར་མཐོང་འཁྲུལ། །རྣལ་འབྱོར་ཆེན་པོའི་དོན་དམ་དུ། །རང་རིག་གཉིས་མེད་དེ་བཞིན་ཉིད། །རྟོགས་པའི་ཆོ་འཕྲུལ་དྲུག་སོགས་པ། །ལྷར་སྣང་ངང་ལས་འཁོར་བ་མེད། །ཨ་ནུ་ཡོ་གས་དོན་དམ་དུ། །བདེ་ཆེན་རྟོགས་པའི་རིག་རྩལ་ལས། །ཀུན་རྫོབ་ལྷ་ཡི་དཀྱིལ་འཁོར་སྣང་། །དེ་ཕྱིར་སྐྱེ་བོས་བརྟགས་པ་འཁྲུལ། །རྫོགས་པའི་རྣལ་འབྱོར་བདེན་གཉིས་བྲལ། །ཐམས་ཅད་རང་བྱུང་རང་སྣང་བའི། །ཡེ་ཤེས་མཐའ་གསུམ་བྲལ་བ་ལ། །བརྟགས་པས་གཉིས་པོ་གདོད་ནས་མེད། །ཀུན་ཏུ་བཟང་པོའི་ ― DNG013_Page_0512 ―
[མ་དཔེ་གཟིགས་ན་འདིར་གནོན།]
སྣང་བ་ནི། །འཁོར་དང་མྱ་ངན་འདས་པའི་ཆོས། །མ་ལུས་རིག་པ་བྱང་ཆུབ་སེམས། །དབྱེར་མེད་ཐིག་ལེ་ཆེན་པོར་བཞུགས། །ཞེས་གསུངས་པས་སྣང་བའི་ཆོས་འཇིག་པའི་ཏིང་ངེ་འཛིན་ཏོ། །དེ་ནས་དེ་བཞིན་གཤེགས་པ་འདི་སྐད་བརྗོད་དོ། །སྣང་བ་དབང་པོ་ཡུལ་རྣམས་ལ། །གཟུགས་སྒྲ་དྲི་རོ་རེག་བྱར་སྣང་། །མཆོད་པ་འདོད་ཡོན་རྣམ་ལྔས་བསོགས། །དབང་པོ་རབ་འབྲིང་ཐ་མས་བརྟག །ཐོབ་པ་དོན་རིག་ཞེན་པ་ལོག །སྒོ་ལྔ་ཡིད་ཀྱི་ངང་དུ་ཐིམ། །ཐ་མལ་ཡུལ་གྱི་སྣང་བ་དང་། །ཡུལ་ཅན་རྣལ་འབྱོར་སྣང་བ་ལ། །ཡུལ་བྲལ་རྒྱལ་བའི་སྣང་བར་གྲུབ། །ལེགས་པའི་ཡོན་ཏན་འདོད་ཆགས་དང་། །ཉེས་པའི་སྐྱོན་ལ་ཞེ་སྡང་སྐྱེས། །གཉི་ག་མ་ཡིན་གཏི་མུག་པའི། །དུག་གསུམ་རྩ་བ་མཆེད་པར་བྱེད། །སྣང་བ་སྐུ་ཡི་དཀྱིལ་འཁོར་ཉིད། །གྲགས་པའི་སྒྲ་སྐད་བདེ་གཤེགས་གསུངས། །དྲན་རྟོག་ཐུགས་ཉིད་བདེ་བ་ཆེ། །གཅེར་མཐོང་གཅེར་གྲོལ་མངོན་སངས་རྒྱས། །འཁོར་བར་སྣང་བ་ཞེན་པའི་ཆོས། །མཆོད་པར་གྱུར་པ་ཞེན་ཡུལ་བརྟག །ཐོབ་པར་འབྲས་བུའི་ནང་དུ་བསྐྱལ། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། འཁོར་འདས་སྣང་བའི་དཀྱིལ་འཁོར་གྱི་སྤྱོད་ཡུལ་བསྟན་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་རང་རང་གི་ཐེག་པ་གསང་བར་གསུངས་སོ། །འཁོར་དང་མྱ་ངན་འདས་པ་ལ། །ལྟ་བའི་དོན་ལ་ཀུན་ཀྱང་གནས། །བལྟ་བས་མ་ཁྱབ་གཅིག་ཀྱང་མེད། །ཐེག་པར་ཞུགས་པ་ཤིན་ཏུ་ཉུང་། །འཇིག་རྟེན་ཐ་མལ་ངོ་མཚར་ཅན། །གཞན་ལུས་བསད་ནས་རང་ལུས་གསོ། །འདི་བདེ་ཕྱི་མ་མ་ཤེས་པ། །འདི་རྟེན་རྒྱང་འཕེན་བལྟ་བར་བཤད། །ཁ་ཅིག་སྐྱེ་བོ་དམན་པ་ཡིས། །འདི་དང་ཕྱི་མའི་དོན་མ་གོ། །བྱ་བ་གཉིས་དང་བྲལ་གྱུར་པ། །འཇིག་རྟེན་ཕྱལ་པའི་ལྟ་བར་བཤད། །རང་སེམས་སྙིང་གི་དཀྱིལ་གནས་ནས། །བྱེད་པ་པོ་རུ་དེ་འདོད་བརྟག །ལས་འབྲས་བདེན་པའི་དོན་མེད་ཅིང་། །ཐམས་ཅད་མེད་འདོད་ཆད་པར་བལྟ། །མུ་སྟེགས་རྟག་ཆད་ ― DNG013_Page_0513 ―
[མ་དཔེ་གཟིགས་ན་འདིར་གནོན།]
བལྟ་བ་ནི། །ལོག་པའི་ཐེག་པ་ལམ་དུ་ཞུགས། །འདུས་བྱས་ཐམས་ཅད་མི་རྟག་པ། །ཟག་པ་བཅས་རྣམས་སྡུག་བསྔལ་ཞིང་། །ཆོས་རྣམས་ཀུན་ལ་བདག་མེད་པས། །མྱ་ངན་འདས་པ་ཐམས་ཅད་ཞི། །འདི་ནི་ཆོས་རྟགས་ཕྱག་རྒྱ་བཞི། །འདི་འདོད་འདས་པའི་ཐེག་པར་བཤད། །སེམས་ཉིད་སངས་རྒྱས་རྒྱུད་ཤེས་པས། །རྒྱུ་ལ་སྦྱོར་བ་རྒྱུ་ཡི་ཆོས། །བསོད་ནམས་ཚོགས་དང་ཡེ་ཤེས་ཚོགས། །རྫོགས་ནས་བསྐལ་པར་ཚོགས་བསགས་པའི། །དུས་ཚིག་ཕྱི་མར་འབྲས་བུ་ཐོབ། །མཚན་ཉིད་རྒྱུ་ཡི་ཐེག་པར་བཤད། །རང་སེམས་སྐུ་གསུམ་འབྲས་བུར་བལྟ། །བྱ་བ་སྤྱོད་པ་རྣལ་འབྱོར་རྒྱུད། །གཟུགས་སྐུ་ལྷ་ཡི་འབྲས་བུར་བསྒོམ། །རྣལ་འབྱོར་ཆེན་པོ་ལོངས་སྐུ་སྒྲུབ། །རྗེས་སུ་རྣལ་འབྱོར་སྤྲུལ་སྐུའི་ལམ། །རྫོགས་ཆེན་ཆོས་སྐུ་ཆེན་པོར་བལྟ། །འབྲས་བུ་ལམ་དུ་བྱེད་པས་ན། །ཚེ་གཅིག་ལུས་གཅིག་མངོན་སངས་རྒྱས། །དགེ་བ་བཅུ་ལ་ལེགས་སྤྱད་པས། །མཐོ་རིས་ལྷ་མི་ཐོབ་པར་འགྱུར། །མི་དགེའི་ལས་རྣམས་སྤྱད་པ་ཡིས། །ངན་སོང་གསུམ་དུ་གཞོལ་བར་འགྱུར། །སྡིག་སྤངས་དགེ་སྦྱོང་ལམ་དུ་ཞུགས། །འདི་ནི་ལྷ་མིའི་ཐེག་པ་ཡིན། །བྱམས་པ་དང་པོར་བསྒོམ་པར་བྱ། །གཉིས་པ་སྙིང་རྗེ་ཆེན་པོ་ལ། །གསུམ་པ་ལ་ནི་དགའ་བ་སྟེ། །ཀུན་གྱི་མཐར་ནི་བཏང་སྙོམས་ཉིད། །འདི་ནི་ཚངས་གནས་གཟུགས་ཁམས་ཉིད། །རྟོག་སྤྱོད་དགའ་བདེ་གཟུགས་ཁམས་འགྲུབ། །ཞི་གནས་ཙམ་ལ་མངོན་པར་ཞེན། །རྣམ་ཤེས་དོན་ལ་རིགས་བཞིར་འཛིན། །ལྷག་མཐོང་རྒྱབ་ཀྱིས་ཕྱོགས་པ་ནི། །གཟུགས་མེད་ཁམས་སུ་སྐྱེ་བར་བྱེད། །མུ་སྟེགས་ཆོས་ཀྱི་ལམ་ཞུགས་པས། །ཚངས་པ་ཁྱབ་འཇུག་གུ་ལང་དང་། །ལྷ་ཆེན་གོ་འཕང་འཐོབ་པར་འགྱུར། །དེ་ཕྱིར་འདི་དག་མཆོད་པར་བྱ། །དམིགས་པ་ཕྲ་བའི་རང་རྒྱལ་བས། །ཡིད་བཞིན་བདེ་བ་མཆོག་གི་ས། །བསེ་རུ་ནེ་ཙོ་ལྟ་བུ་ཡི། །འབྲས་བུ་དམ་པ་འཐོབ་པར་འདོད། །མོས་པ་ཆུང་བའི་ཉན་ཐོས་པས། །རྒྱུན་དུ་ཞུགས་དང་ཕྱིར་ལ་འོང་། །ས་བརྒྱད་སྦྱོངས་པས་ཕྱིར་མི་འོང་། །དགྲ་བཅོམ་འབྲས་བུ་འཐོབ་པར་འདོད། །བྱང་ཆུབ་སེམས་ ― DNG013_Page_0514 ―
[མ་དཔེ་གཟིགས་ན་འདིར་གནོན།]
དཔའི་ཐེག་པ་ནི། །ཕ་རོལ་ཕྱིན་བཅུའི་ལམ་ཞུགས་པས། །ས་བཅུ་རིམ་གྱིས་བགྲོད་གྱུར་ནས། །བཅུ་གཅིག་ཀུན་ཏུ་འོད་ཀྱང་འཐོབ། །དུག་གསུམ་སྦྱངས་པའི་རིགས་གསུམ་པས། །རྡོ་རྗེ་འཛིན་པའི་ས་འཐོབ་འགྱུར། །རིགས་བཞི་ལྷ་འདོད་ཆ་གཉིས་འཛིན། །རིགས་བཞི་རྡོ་རྗེ་འཆང་སར་འགྲོ། །རིགས་ལྔ་བསྒོམས་པའི་རྣལ་འབྱོར་ནི། །སྟུག་པོ་བཀོད་པའི་ས་འཐོབ་འདོད། །རྣལ་འབྱོར་ཆེན་པོ་ནང་པ་ནི། །མ་ཆགས་པདྨ་ཅན་གྱི་སར། །ཡི་གེ་འཁོར་ལོ་ཚོགས་ཆེན་ལ། །སྐུ་ལྔ་ལྷུན་གྱིས་གྲུབ་པ་འཐོབ། །རྗེས་སུ་རྣལ་འབྱོར་ཆེན་པོ་ནི། །མཚན་རྫོགས་རྡོ་རྗེ་འཆང་གི་སར། །བཅུ་བཞི་རྡོ་རྗེ་འཛིན་པ་འཐོབ། །རྫོགས་པ་ཆེན་པོའི་རྣལ་འབྱོར་པ། །ཀུན་བཟང་དབྱེ་བ་མེད་པའི་ས། །ཆོས་སྐུ་ཐེག་ཆེན་ཀུན་ཏུ་བརྡལ། །ཐིག་ལེ་ཆེན་པོ་གཅིག་ཏུ་འཐོབ། །ཕྱལ་པ་རྒྱང་འཕན་བཟའ་བཏུང་གིས། །གངས་རི་ཡུལ་ལྷ་མཆོད་པར་བྱེད། །མུ་སྟེགས་སྲོག་ཆགས་ཤ་ཁྲག་གིས། །ཕྱྭ་དང་དབང་ཕྱུག་ལ་སོགས་མཆོད། །ཉན་ཐོས་རང་རྒྱལ་བྱང་ཆུབ་སེམས། །གཙང་མའི་མཆོད་པ་སྣ་ཚོགས་པས། །དཀོན་མཆོག་རྣམ་པ་གསུམ་མཆོད་པ། །ཟས་མཆོག་གཙང་མའི་སྣོད་ཀྱིས་འབུལ། །ཀྲི་ཡཱ་ཨུ་པ་ཡོ་ག་པ། །དུང་ཆོས་ནང་གི་སྣོད་ནང་དུ། །ཡི་དམ་ལྷ་ལ་མཆོད་པ་དབུལ། །སྦྱིན་གཏོང་གནས་སུ་གཏོར་མས་མཆོད། །བསྐྱེད་པ་མ་ཧཱ་ཡོ་གའི་རྒྱུད། །རྫོགས་པ་ཨ་ནུ་ཡོ་གའི་ལུང་། །དམ་རྫས་བདུད་རྩི་བྷན་དྷའི་སྣོད། །སྒྲོལ་སྦྱོར་མཆོད་པ་འབུལ་བར་བྱེད། །རྫོགས་ཆེན་རྟོགས་པའི་རྣལ་འབྱོར་པ། །སེམས་ཉིད་རང་སྣང་རིག་པ་ལ། །མཆོད་བྱ་གྲུབ་པའི་གནས་མེད་པས། །ཆོས་སྐུ་གཅིག་ལ་རོལ་པར་ཤར། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། ཐེག་པ་ཐམས་ཅད་ཀྱི་ཁྱད་པར་ཕྱེ་བ་སྟེ་ལེའུ་བདུན་པའོ།། །།དེ་ནས་རྡོ་རྗེ་འཆང་ཆེན་པོས་ཐམས་ཅད་མཁྱེན་པའི་ཡེ་ཤེས་ཆེན་པོས་གཟིགས་པ་འདི་འགྲོ་བའི་ཆེད་དུ་གསུངས་པའོ། །དྲི་མེད་ཆོས་ཀྱི་སྐུ་ཡི་ཐུགས་རྗེ་ནི། །ནམ་མཁའི་མཐའ་དང་མཉམ་པའི་གདུལ་བྱ་ལ། །དམིགས་པ་མེད་པའི་མཛད་པ་ཀུན་ལ་ཁྱབ། །ཆུ་བོའི་རྒྱུན་ལྟར་རྟག་པར་ ― DNG013_Page_0515 ―
[མ་དཔེ་གཟིགས་ན་འདིར་གནོན།]
རྒྱུན་དུ་སྐྱེ། །རྡོ་རྗེའི་སྐུ་དང་མངོན་པར་བྱང་ཆུབ་སྐུ། །རང་བཞིན་ཤུགས་ཀྱི་ཐུགས་རྗེ་སྐྱེ་བ་ནི། །དབྱར་དགུན་སྟོན་དཔྱིད་ཉི་མའི་དཀྱིལ་འཁོར་ལྟར། །མ་བྱས་བྱེད་མེད་རང་བཞིན་ངང་གིས་སྣང་། །ལོངས་སྤྱོད་རྫོགས་པའི་སྐུ་ལ་ཐུགས་རྗེ་ནི། །བསྐུལ་ཞིང་གསོལ་བ་བཏབ་པས་སྐྱེ་བར་འགྱུར། །ས་བཅུ་ཐོབ་པའི་བྱང་ཆུབ་སེམས་དཔའ་རྣམས། །ལྷན་ཅིག་པ་དང་གོ་ཕྱེའི་འཁོར་རྣམས་ལ། །འགྲོ་བའི་དོན་ལ་སྐུལ་མ་འདེབས་པ་ཡིས། །གསང་བའི་བ་དན་རྒྱ་ཆེར་སྒྲོགས་པར་འགྱུར། །འདི་ནི་སྔོན་བྱུང་ཡིན་ཞེས་དོན་ཡང་བསྟན། །དེ་བཞིན་རྗེས་སུ་འདུག་པར་བྱེད་པ་རྣམས། །བསམ་གཏན་རང་བཞིན་དཀྱིལ་འཁོར་བསྐྱེད་བྱས་ནས། །ཡེ་ཤེས་དཀྱིལ་འཁོར་གཉིས་སུ་མེད་པར་བསྒྲུབ། །འདོད་པའི་དོན་ལ་བསྐུལ་ཞིང་གསོལ་བ་འདེབས། །ཐུན་མོང་མཆོག་གི་དངོས་གྲུབ་འཐོབ་པར་འགྱུར། །ཡུལ་དང་ཕྲད་ནས་ཐུགས་རྗེ་སྐྱེ་བ་ནི། །སྤྲུལ་པའི་སྐུ་ཡིས་གདུལ་བྱ་གཟིགས་མཛད་པ། །མ་ངེས་འཁོར་ལ་སྡེ་སྣོད་རྒྱུད་རྣམས་གསུངས། །བཟང་པོའི་ཡུལ་དང་ཕྲད་པར་སྣང་བ་ཡིན། །གདུག་པ་གདུལ་བྱའི་དོན་དུ་ཁྲོ་བོར་བསྟན། །ངན་པའི་ཡུལ་དང་ཕྲད་པར་སྣང་བ་ཡིན། །གང་ལ་ཅིས་འདུལ་དེ་ལ་དེར་སྟོན་པ། །སྣ་ཚོགས་ཡུལ་དང་ཕྲད་པར་སྣང་བ་ཡིན། །རྗེས་འཇུག་རྣལ་འབྱོར་ཆེན་པོ་སྒྲུབ་པ་པོས། །སྣོད་ལྡན་བུ་ལ་གསང་བའི་མན་ངག་སྦྱིན། །བཟང་པོའི་སྣོད་དང་ཕྲད་པར་གྱུར་པ་ཡིན། །ཞིང་བཅུ་གདུག་པ་མ་ལུས་བསྒྲལ་བྱས་ནས། །གནས་ངན་ངན་སོང་གནས་རྣམས་སྒྲོལ་མཛད་པ། །ངན་པའི་ཡུལ་དང་ཕྲད་པར་གྱུར་པ་ཡིན། །རབ་འབྲིང་ཐ་མའི་དབང་པོ་མཐུན་རྟོགས་པ། །སྣ་ཚོགས་ཡུལ་དང་ཕྲད་པར་གྱུར་པ་ཡིན། །ཕྱོགས་གཅིག་སྙིང་རྗེ་འགྲོ་བ་ཀུན་ལ་ཡོད། །ཁྲ་དང་སྤྱང་ཀིས་རང་གི་བུ་ཉིད་གསོ། །མཚན་ཉིད་ཉན་རང་ཐེག་པ་ཆུང་ངུ་ལ། །སེམས་ཅན་རྣམས་ལ་དམིགས་པའི་སྙིང་རྗེ་ཡོད། །ཚད་མེད་བཞི་ཡིས་འགྲོ་དོན་ཡིད་ལ་བྱེད། །མདོ་སྡེ་བྱང་ཆུབ་སེམས་དཔའི་ཐེག་ཆེན་ལ། །ཆོས་ལ་དམིགས་པའི་སྙིང་རྗེ་ཆེན་པོ་ཡིས། །ཀུན་རྫོབ་བྱང་ཆུབ་མཆོག་ཏུ་སེམས་བསྐྱེད་ནས། །བསྡུ་བའི་དངོས་པོ་བཞི་ཡིས་དོན་རྣམས་མཛད། ། ― DNG013_Page_0516 ―
[མ་དཔེ་གཟིགས་ན་འདིར་གནོན།]
གསང་བ་བྱ་སྤྱོད་རྣལ་འབྱོར་རྒྱུད་རྣམས་ནི། །ཐུགས་རྗེ་ཆེན་པོས་གཞན་དོན་དང་དུ་ལེན། །ཕྲིན་ལས་རྣམ་བཞིས་འགྲོ་དོན་རྫོགས་པར་མཛད། །བླ་མེད་རྣལ་འབྱོར་གསང་སྔགས་ནང་པ་ནི། །འདོད་ཆགས་ཆོས་ཉིད་དུ་ནི་སྦྱར་བྱས་ནས། །ཞེ་སྡང་སྙིང་རྗེ་ཆེན་པོའི་མཛད་སྤྱོད་ཀྱིས། །མཚམས་མེད་མནར་མེད་དམྱལ་བར་ལྷུང་བ་དང་། །དམ་ཉམས་རྡོ་རྗེ་དམྱལ་བར་སྐྱེ་བ་རྣམས། །གསང་སྔགས་ཐབས་ཀྱི་མཛད་སྤྱོད་ཆེན་པོ་ཡིས། །འཁོར་བའི་གནས་ནས་མྱ་ངན་འདས་པར་སྒྲོལ། །རྫོགས་ཆེན་མཐར་ཐུག་ཐེག་པ་ཆེན་པོ་ནི། །དམིགས་པ་མེད་པའི་སྙིང་རྗེ་ཆེན་པོ་ཉིད། །སྙིང་རྗེ་ཆེན་པོས་ཅིར་མི་མཛད། །སྲིད་པའི་རྩེ་ནས་དམྱལ་བའི་གནས་རྣམས་ཀུན། །ཆོས་སྐུ་ཐིག་ལེ་ཆེན་པོ་གཅིག་ཏུ་རྟོགས། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། ཐུགས་རྗེ་ཡོངས་ལ་སྣང་བའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ལོངས་སྤྱོད་ཆེན་པོ་རྒྱལ་བ་དྲུག་པས། སྐུ་གསུམ་དཀྱིལ་འཁོར་གྱིས་འགྲོ་བའི་དོན་དུ་བསྟན་པ་རྒྱས་པར་སྣང་བ་འདི་གསུངས་སོ། །སྟོང་ཕྲག་བརྒྱད་ཁྲི་བཞི་སྟོང་གི། །ཉོན་མོངས་དེ་ཉིད་གཉེན་པོ་རུ། །སྟོང་ཕྲག་བརྒྱད་ཁྲི་བཞི་སྟོང་གི། །ཆོས་ཀྱི་སྒོ་མོ་དེ་ཉིད་སྤྲོ། །སྟོང་གསུམ་སེམས་ཅན་མ་ལུས་པའི། །ཉོན་མོངས་གཉེན་པོར་དགོངས་ནས་གསུངས། །ལ་ལར་མདོ་ཡི་སྡེ་རུ་གསུངས། །ལ་ལར་དབྱངས་ཀྱི་སྡེ་བ་དང་། །ལ་ལར་ལུང་དུ་བསྟན་པའི་སྡེ། །ལ་ལར་ཚིགས་སུ་བཅད་པའི་སྡེ། །ལ་ལར་ཆེད་དུ་བརྗོད་པའི་སྡེ། །ལ་ལར་གླེང་གཞིའི་སྡེ་དང་ནི། །ལ་ལར་རྟོགས་པ་བརྗོད་པའི་སྡེ། །དེ་ལྟ་བུ་རུ་བྱུང་བའི་སྡེ། །ལ་ལར་སྐྱེས་པ་རབས་ཀྱི་སྡེ། །ལ་ལར་ཤིན་ཏུ་རྒྱས་པའི་སྡེ། །རྨད་དུ་བྱུང་བའི་ཆོས་ཀྱི་སྡེ། །གཏན་ལ་ཕབ་པས་བསྟན་པའི་སྡེ། །གསུང་རབ་ཡན་ལག་བཅུ་གཉིས་རྣམས། །གདུལ་བྱར་གྱུར་ལ་གང་མོས་གསུངས། །ལ་ལར་ལྷུམས་སུ་ཞུགས་པར་སྟོན། །ལ་ལར་ལྷུམས་ནས་བལྟམས་པ་དང་། །ལ་ལར་གཞོན་ནུ་རོལ་རྩེད་མཛད། །ལ་ལར་ཁབ་ཏུ་བཞེས་ ― DNG013_Page_0517 ―
[མ་དཔེ་གཟིགས་ན་འདིར་གནོན།]
པ་དང་། །ལ་ལར་རབ་ཏུ་བྱུང་བ་དང་། །ལ་ལར་དཀའ་ཐུབ་མཛད་པར་སྣང་། །ལ་ལར་ཆོ་འཕྲུལ་བསྟན་པ་དང་། །ལ་ལར་སངས་རྒྱས་མཛད་པ་དང་། །ལ་ལར་བདུད་རྣམས་བཏུལ་བ་དང་། །ལ་ལར་ཆོས་ཀྱི་འཁོར་ལོ་བསྐོར། །ལ་ལར་མྱ་ངན་འདས་པ་དང་། །ལ་ལར་སྐུ་གདུང་བགོད་པ་མཛད། །སངས་རྒྱས་མཛད་པ་བཅུ་གཉིས་ཀྱིས། །གདུལ་བྱ་མ་ལུས་འདུལ་བར་འགྱུར། །གཏི་མུག་རྨོངས་པའི་གདུལ་བྱ་རྣམས། །བདེ་གཤེགས་སྣང་མཛད་འབྱུང་བར་འགྱུར། །ཞེ་སྡང་མནར་སེམས་འདུལ་དོན་དུ། །རྡོ་རྗེ་སེམས་དཔའ་འབྱུང་བར་འགྱུར། །ང་རྒྱལ་མངོན་པ་འདུལ་བའི་ཕྱིར། །རིན་ཆེན་འབྱུང་ལྡན་འབྱུང་བར་འགྱུར། །འདོད་ཆགས་ཅན་རྣམས་འདུལ་བའི་ཕྱིར། །སྣང་བ་མཐའ་ཡས་འབྱུང་བར་འགྱུར། །ཕྲག་དོག་ཅན་རྣམས་འདུལ་བའི་ཕྱིར། །དོན་ཡོད་གྲུབ་པ་འབྱུང་བར་འགྱུར། །དུག་ལྔ་འདུལ་བའི་གདུལ་བྱ་ལ། །རིགས་ལྔའི་དཀྱིལ་འཁོར་མངོན་པར་སྣང་། །བྲམ་ཟེ་འདུལ་ཕྱིར་བྱ་བའི་རྒྱུད། །རྨོངས་རིགས་རྣམས་ལ་སྤྱོད་པའི་རྒྱུད། །རྗེའུ་རིགས་ལ་རྣལ་འབྱོར་སྤྱོད། །གདོལ་པར་རྣལ་འབྱོར་བླ་ན་མེད། །མི་རིགས་བཞི་རྣམས་འདུལ་བའི་ཕྱིར། །རྒྱུད་སྡེ་བཞི་ནི་སྣང་བར་མཛད། །རྒྱལ་རིགས་ལ་ནི་ཀུན་གྱིས་འདུལ། །ཆོས་སྐྱོང་མངའ་བདག་འདུལ་བའོ། །གདུག་པ་ཅན་རྣམས་འདུལ་འགྱུར་ཕྱིར། །དུར་ཁྲོད་ཆེན་པོ་བསིལ་བའི་ཚལ། །མཁས་ཤིང་སྙིང་སྟོབས་ཆེ་བའི་གནས། །དུར་ཁྲོད་ཆེན་པོ་སྐུ་ལ་རྫོགས། །ཡོན་ཏན་མཐོང་ཐོས་ཅན་ནི་མང་། །དུར་ཁྲོད་ཆེན་པོ་ཧེ་ཆེན་བརྡལ། །བདེ་སྐྱིད་ལྡན་པ་དེ་ན་མང་། །དུར་ཁྲོད་ཆེན་པོ་གསང་ཆེན་རོལ། །མཐུ་དབང་ཡོན་ཏན་དེ་ན་ཆེ། །དུར་ཁྲོད་ཆེན་པོ་ལྷུན་གྲུབ་བརྩེགས། །ཟས་ཀྱི་ལོངས་སྤྱོད་ཆེ་བའི་གནས། །དུར་ཁྲོད་ཆེན་པོ་ལང་ཀ་བརྩེགས། །ཡོན་ཏན་དངོས་གྲུབ་ཐོབ་པ་མང་། །དུར་ཁྲོད་ཆེན་པོ་སྒྲོལ་བར་མཛད། །རྣལ་འབྱོར་ལོངས་སྤྱོད་རབ་ཏུ་ལྡན། །དུར་ཁྲོད་འཇིག་རྟེན་མངོན་རྫོགས་ན། །རྫུ་འཕྲུལ་ཡ་མ་ཟུང་དུ་སྟོན། །འཇིག་རྟེན་ལྷ་བརྒྱད་བསྒྲལ་འདུལ་བས། །དུར་ཁྲོད་ཆེན་པོ་བརྒྱད་དུ་བསྟན། ། ― DNG013_Page_0518 ―
[མ་དཔེ་གཟིགས་ན་འདིར་གནོན།]
གནས་དང་ཉེ་བའི་གནས་དང་ནི། །ཞིང་དང་ཉེ་བའི་ཞིང་ཉིད་དང་། །ཡུལ་དང་ཉེ་བའི་ཡུལ་ཉིད་དེ། །ཚནྡོ་ཉེ་བའི་ཚནྡོ་དང་། །དུར་ཁྲོད་ཉེ་བའི་དུར་ཁྲོད་རྣམས། །གནས་ཀྱིས་འདུལ་བར་དགོངས་པ་རྣམས། །ཧེ་རུ་ཀ་ཡི་གནས་བཅུར་བསྟན། །ལ་ལར་ཚངས་པའི་གཟུགས་སུ་སྟོན། །ལ་ལར་དབང་ཕྱུག་ཆེན་པོར་སྣང་། །ལ་ལར་ལྷ་ཆེན་ཉིད་ཡིན་ལ། །ལ་ལར་བརྒྱ་བྱིན་སྐུར་སྣང་བ། །ཚངས་པ་རྟ་ཡི་མགོ་ཅན་དང་། །གུ་ལང་གླང་གི་མགོ་ཅན་དང་། །ཁྱབ་འཇུག་སེང་གེའི་མགོ་ཅན་སོགས། །འཇིག་རྟེན་ཐབས་ཀྱིས་འདུལ་བའི་ཕྱིར། །འཇིག་རྟེན་ལྷ་ཡིས་གཟུགས་ཀྱིས་འདུལ། །ལ་ལར་བདེ་གཤེགས་མཁའ་འགྲོ་མ། །ལ་ལར་རིན་ཆེན་མཁའ་འགྲོ་མ། །ལ་ལར་པདྨ་མཁའ་འགྲོ་མ། །ལ་ལར་ལས་ཀྱི་མཁའ་འགྲོ་མ། །ལ་ལར་རྡོ་རྗེ་མཁའ་འགྲོ་མ། །བུད་མེད་ཚོགས་རྣམས་འདུལ་བར་འགྱུར། །འདུལ་བའི་དུས་ལ་བབ་གྱུར་ན། །སྣོད་ཀྱི་འཇིག་རྟེན་རྫས་དག་ལ། །དམ་ཆོས་བསྟན་པའི་སྒྲ་སྒྲོགས་ཤིང་། །སྟོང་ཉིད་ནམ་མཁའི་དཀྱིལ་འཁོར་ནས། །ཆོས་ཀྱི་བསྟན་པ་ཆར་འབེབས་པས། །འདུལ་བ་མདོ་སྡེ་མངོན་པའི་ཆོས། །སྣོད་ཀྱི་འཇིག་རྟེན་སྒྲ་གྲགས་སྟོན། །བཅུད་ཀྱི་སྐྱེ་འགྲོས་ཞུ་ཞིང་འཆང་། །མཚན་ཉིད་རྒྱུ་ཡི་སྡེ་སྣོད་དང་། །གསང་སྔགས་འབྲས་བུའི་རྒྱུད་སྡེ་རྣམས། །གདུལ་བྱ་རྣམས་དང་མཐུན་པ་རུ། །སངས་རྒྱས་སྤྲུལ་པས་གསུངས་པར་བྱེད། །ཅེས་གསུངས་སོ། །གླང་པོ་རབ་འབོག་གི་རྒྱུད་ལས། ཆོས་ཀྱི་འཁོར་ལོ་སྣང་བའི་ལེའུ་སྟེ་དགུ་པའོ།། །།དེ་ནས་རྡོ་རྗེ་འཆང་ཆེན་པོས་འཁོར་བྱིན་གྱིས་བརླབ་པའི་ཕྱིར། སེང་གེ་རྣམ་པར་བསྒྱིངས་པའི་ཏིང་ངེ་འཛིན་ལ་སྙོམས་པར་ཞུགས་ནས། ལྷན་ཅིག་པའི་འཁོར་དང་། གོ་ཕྱེ་བའི་འཁོར་གྱིས་རྒྱུད་མེ་ལོང་ལྟར་གསལ་བར་གྱུར་པ་འདི་ཆེད་དུ་གླེངས་སོ། །གསང་བ་གསང་ཆེན་གསང་མཆོག་རྒྱུད། །རྒྱན་བདུན་དག་ཏུ་རྣམ་པར་གནས། །དེ་ཡི་དབྱེ་བ་ཇི་ལྟར་ལགས། །གོ་ཕྱེའི་འཁོར་རྣམས་མཐུན་པར་ཞུས། །གསང་བ་རྒྱུད་ཀྱི་བྱ་བ་བསྐྱེད། །གསང་ཆེན་ལུང་གི་བསྒྲུབ་པ་མཛད། །གསང་ ― DNG013_Page_0519 ―
[མ་དཔེ་གཟིགས་ན་འདིར་གནོན།]
མཆོག་མན་ངག་དགོངས་པ་མཛད། །གླེང་བསླངས་སངས་རྒྱས་རྒྱས་བཤད་དབྱེ། །སྣོད་ལྡན་རྒྱན་བདུད་རྨོངས་སེལ་བ། །ལྷན་ཅིག་པ་ཡི་འཁོར་རྣམས་ཀྱིས། །མགྲིན་གཅིག་མཐུན་པར་གྱུར་པ་ཡིས། །རབ་ཏུ་རྒྱལ་བ་རྣམས་ཀྱིས་བཤད། །གླེང་བསླངས་པ་ཡི་གྲངས་ནི་ལྔ། །སངས་རྒྱས་པ་ཡི་ཚུལ་ནི་བཞི། །བཤད་པའི་མཐའ་ནི་རྣམ་པ་དྲུག །བཤད་པའི་ཚུལ་ཡང་རྣམ་པ་བཞི། །བཤད་པ་དབྱེ་བའི་རིམ་པ་གཉིས། །སྣོད་ཀྱི་གང་ཟག་རྣམ་པ་ལྔ། །བདེན་པའི་དགོངས་པ་རྣམ་པ་གཉིས། །གསང་སྔགས་རྒྱུད་རྣམས་བཤད་པ་ཡིན། །གླེང་བསླངས་པ་ཡི་གྲངས་ལྔ་ནི། །རྒྱུད་འདིའི་མིང་ནི་ཅི་ཞིག་ཡིན། །གང་ཟག་གང་དོན་རྒྱུད་འདི་གསུངས། །བྱེད་པའི་སྟོན་པ་སུ་ཞིག་ཡིན། །རྒྱུད་འདིའི་ལྡང་ཚད་གང་ཡིན་ལ། །འདི་ཡི་དགོས་པ་ཅི་ཞིག་ཡོད། །གསང་བ་བས་ཀྱང་ཆེས་གསང་བ། །གསང་སྔགས་གསང་བའི་རྒྱུད་ཆེན་ཡིན། །ཆོས་རྣམས་མིང་དུ་མ་གྲུབ་ཀྱང་། །སྟོན་པས་གདུལ་བྱའི་བློར་བསྟུན་ནས། །མེད་ལ་ཡོད་པར་མིང་དུ་བཏགས། །སྐུ་གསུང་ཐུགས་དང་ཡོན་ཏན་ལས། །རྩ་རྒྱུད་བཤད་རྒྱུད་དུ་མའི་མིང་། །གདུལ་བྱ་རྣམས་ལ་མཚན་དུ་བཏགས། །དཔེ་དོན་ཡུལ་དང་གང་ལྡང་ལ། །སོ་སོར་མཚན་དུ་གྲགས་པ་ཡིན། །རྟེན་གྱི་གང་ཟག་བསམ་ཡས་ཀྱང་། །གཏི་མུག་ཅན་གྱི་རྒྱལ་པོའི་རིགས། །ང་རྒྱལ་ཅན་ནི་རྗེའུ་རིགས། །ཞེ་སྡང་ཅན་ནི་བྲམ་ཟེའི་རིགས། །འདོད་ཆགས་ཅན་ནི་དམངས་ཀྱི་རིགས། །ཕྲག་དོག་ཅན་ནི་གདོལ་བའི་རིགས། །དེ་སྙེད་གདུལ་བྱ་བསམ་ཡས་པའི། །གང་ཟག་རིགས་ལ་དགོངས་ནས་གསུངས། །སྟོན་པ་གདུལ་བྱ་ཐ་དད་པས། །སྤྱི་ཡི་སྟོན་པ་ཀུན་བཟང་ཉིད། །ཁྱད་པར་སྟོན་པ་སྐུ་གསུམ་ཤར། །ཀུན་བཟང་སྐུ་ལྔ་དབྱེར་མེད་པ། །རིགས་བདག་ཀུན་གྱི་སྤྱི་གཟུགས་ཅན། །སྐུ་བཞི་ཀུན་བཟང་དབྱེར་མེད་པ། །གསང་བ་མཆོག་གི་བདག་པོར་བཞུགས། །རིགས་ལྔ་ཀུན་བཟང་དབྱེར་མེད་པ། །རྒྱལ་བ་དྲུག་པ་རྡོ་རྗེ་འཆང་། །སྟོན་པའི་བདག་ཉིད་ཀུན་བཟང་ཉིད། །རང་བཞིན་ཆོས་སྐུ་སྤྲོས་དང་བྲལ། །ངོ་བོ་ལོངས་སྐུ་རྣམ་པར་ ― DNG013_Page_0520 ―
[མ་དཔེ་གཟིགས་ན་འདིར་གནོན།]
གསལ། །མཛད་སྤྱོད་སྤྲུལ་སྐུ་བསམ་མི་ཁྱབ། །འཆད་པའི་སྐྱེས་བུ་རིགས་ལྔ་ཉིད། །བསམ་གྱིས་མི་ཁྱབ་སྣང་བར་འགྱུར། །ལྟ་བ་དང་ནི་སྤྱོད་པ་དང་། །དབང་བསྐུར་བ་དང་དམ་ཚིག་བསྲུངས། །དཀྱིལ་འཁོར་བསྐྱེད་ལ་མཆོད་པ་འབུལ། །ཕྲིན་ལས་རྣམ་བཞི་བསྙེན་བསྒྲུབ་བཞི། །ཏིང་འཛིན་བསྒོམ་དང་གསང་སྔགས་བཟླས། །འདི་བཅུ་རྒྱུད་དོན་རང་བཞིན་ཅན། །ལྡང་ཚད་ཡིན་པར་རྒྱལ་བས་གསུངས། །དགོས་པའི་དགོངས་པ་བསམ་ཡས་རྣམས། །ལས་ཚོགས་ཐུན་མོང་དངོས་གྲུབ་བསྒྲུབ། །མཚན་བཅས་མཚན་མ་མེད་པ་ཡི། །མཆོག་གི་དངོས་གྲུབ་བསྒྲུབ་པས་འགྲུབ། །སངས་རྒྱས་པ་ཡི་ཚུལ་བཞི་ནི། །རྒྱུད་དང་གླེང་གཞི་ངེས་ཚིག་རྒྱུ། །ཆགས་བྲལ་ཆགས་སངས་རྒྱ་བ་ཡང་། །མཚན་ཉིད་སྔགས་ཀྱི་དགོས་པའོ། །འདོད་ཆགས་བྲལ་བའི་ཚུལ་བཞི་ནི། །རྒྱུ་ནི་མི་ཡི་ལུས་ཡིན་ཏེ། །སྡོམ་པ་འཆགས་པའི་རྟེན་ཅན་ཡིན། །གླིང་བཞི་རབ་ཏུ་བྱུང་བ་སྟེ། །འདོད་ཆགས་སྤངས་པའི་རྟགས་རྣམས་འཆང་། །ངེས་ཚིག་འདུལ་བའི་སྡོམ་པ་བླངས། །ཉོན་མོངས་དུག་གསུམ་རྟ་རྒོད་འདུལ། །དེ་རྒྱུ་འབྲས་བུ་སངས་རྒྱས་འདོད། །ཚོགས་གཉིས་ཡུན་རིང་བསགས་པས་འགྲུབ། །འཁོར་བ་སྤངས་ནས་འདས་པ་བསྒྲུབ། །འདོད་ཆགས་བཅས་པའི་ཚུལ་བཞི་ཡང་། །གསང་སྔགས་ཆགས་བཅས་གསང་བ་ཉིད། །རྒྱུ་ནི་ལྷ་ཡི་ལུས་ཀྱི་སྟེ། །ཕུང་པོ་སངས་རྒྱས་ལྔ་བདག་ཉིད། །གླེང་གཞི་རིགས་ལྔ་རིགས་གཅིག་འགྱུར། །ཕུང་པོ་ལྔ་པོ་སེམས་ཉིད་ལུས། །ངེས་ཚིག་སྔགས་ཀྱི་དམ་ཚིག་བླངས། །རྩ་བ་ཡན་ལག་རྡོ་རྗེ་འཛིན། །རྒྱུ་ནི་སྒེག་སོགས་སྤྱོད་པ་སྟེ། །འདོད་ཆགས་བཞི་ནི་དགའ་བཞིར་སྤྱོད། །རྒྱས་བཤད་མཐའ་དྲུག་དྲང་དོན་ངེས། །དགོངས་དང་དགོངས་མིན་ཇི་བཞིན་བཤད། །ཇི་བཞིན་མ་ཡིན་བཤད་པ་ཡིས། །ཚིག་ཚོགས་རྒྱ་མཚོ་འགྲོལ་བར་བྱེད། །དྲང་བའི་དོན་དུ་བཤད་པ་ཉིད། །ཉན་རང་མུ་སྟེགས་ནང་དང་ཕྱི། །འཇིག་རྟེན་ལྷ་ཀླུ་མཁའ་འགྲོ་མ། །རང་རང་ལྟ་སྤྱོད་བཤད་ན་དྲང་། །གསང་སྔགས་ངེས་པའི་དོན་ ― DNG013_Page_0521 ―
[མ་དཔེ་གཟིགས་ན་འདིར་གནོན།]
ལ་གཟུང་། །ཡང་དག་དོན་སྟོན་ངེས་པའི་དོན། །སེམས་ཉིད་ཡེ་ནས་སངས་རྒྱས་པས། །འཁོར་བ་ཀ་དག་དྲི་མ་མེད། །ཉི་མའི་དཀྱིལ་འཁོར་བཞིན་དུ་གནས། །དགོངས་པས་བཤད་པ་བློ་རབ་ལ། །དེ་བཞིན་གཤེགས་པའི་ཚོགས་བསད་ན། །བདག་གཞན་དངོས་གྲུབ་ཐོབ་པར་འགྱུར། །ཞེ་སྡང་ཤན་པ་རྡོ་རྗེའི་རིགས། །གཏི་མུག་གླེན་པ་དེ་བཞིན་རིགས། །འདོད་ཆགས་ཡི་དྭགས་པདྨའི་རིགས། །དུག་གསུམ་ཞིང་བཅུའི་ཕུང་པོ་བསད། །སེམས་ཉིད་སངས་རྒྱས་སྲས་སུ་བསྒྲལ། །རྒྱུ་འབྲས་བསོད་ནམས་ཡེ་ཤེས་ཚོགས། །བདག་གཞན་གཉིས་ཀས་ཐོབ་པར་འགྱུར། །དགོངས་མིན་དབང་པོ་དམན་པ་ལ། །ལྟ་དམན་སྔགས་ཀྱི་ལྟ་ཟབ་འབྲི། །སེམས་ནི་སངས་རྒྱས་འགྲུབ་པའི་རྒྱུ། །ཚོགས་གཉིས་འབད་པས་འབྲས་བུ་འགྲུབ། །སྒྲ་ནི་ཇི་བཞིན་བཤད་པ་གང་། །དཀྱིལ་འཁོར་བྲིས་དང་དམ་ཚིག་བསྲུང་། །ལྷ་ཀུན་སྒོམ་དང་གསང་སྔགས་བཟླས། །སློབ་མ་དབང་བསྐུར་དངོས་གྲུབ་བླང་། །སྒྲ་ནི་ཇི་བཞིན་མ་ཡིན་པ། །དེ་བཞིན་གཤེགས་པའི་སྤྱོད་ཡུལ་ཏེ། །ཨ་འབྲས་རྒུན་འབྲུམ་པ་ན་སེ། །ན་ལེ་གེ་རྒྱས་ཨ་ག་རུ། །ཀོ་ཊ་ཀྵ་ནི་སྲིན་པོའི་སྐད། །ཀུན་མཁྱེན་དགོངས་པས་ཤེས་པར་འགྱུར། །བཤད་པའི་ཚུལ་བཞི་ཚིག་དོན་དང་། །སྤྱི་སྦས་མཐར་ཐུག་དོན་དུ་བཤད། །ཚིག་དོན་མིང་ཚིག་སྒྲ་འབྱོར་ལ། །རུས་སྦལ་བསྣུར་འགྲོས་ལྟ་བུ་ཉིད། །སྤྱི་དོན་མདོ་སྔགས་རྣམ་པ་གཉིས། །མདོ་ལ་ཞུགས་ནས་འདོད་པ་ཟློག །སྔགས་ལ་ཞུགས་ནས་བསྐྱེད་རྫོགས་བསྒོམ། །སྤྱིར་སྡུད་སེང་གེའི་མཆོངས་པས་བཤད། །སྦས་བཤད་རྩ་རླུང་ཐིག་ལེ་སྔགས། །སེམས་ཅན་ལུས་སྦས་སྟོན་པས་འབྱིན། །འདོད་ཆགས་ཀུན་རྫོབ་ཡེ་ཤེས་གསུམ། །རྒྱུད་སྦས་ཐུགས་གབ་རྣ་བརྒྱུད་འཛིན། །མཐར་ཐུག་འཁོར་འདས་དབྱེར་མེད་ཆོས། །རང་བཞིན་འོད་གསལ་ཟུང་དུ་འཇུག །ཉན་བཤད་དབྱེ་བ་རྣམ་པ་གཉིས། །ཚོགས་དང་སློབ་མ་ཕྱི་དང་ནང་། །ཚོགས་བཤད་སྒྲ་བཞིན་དགོངས་པ་ཡིན། །དྲང་དོན་ཡི་གེ་སྤྱི་ཡི་དོན། །སློབ་བཤད་སྒྲ་ ― DNG013_Page_0522 ―
[མ་དཔེ་གཟིགས་ན་འདིར་གནོན།]
ཉིད་ཇི་བཞིན་མིན། །ངེས་དོན་དགོངས་ཏེ་སྦས་མཐར་ཐུག །སྣོད་ཀྱི་གང་ཟག་རྣམ་པ་ལྔ། །ཨུཏྤལ་པདྨ་དཀར་པོ་དང་། །པདྨ་དམར་པོ་ཙནྡན་དང་། །རིན་ཆེན་ལྟ་བུའི་གང་ཟག་ལྔས། །གསང་སྔགས་སྣོད་རྣམས་གཏན་ལ་དབབ། །ཨུཏྤལ་མང་འཛིན་ཡལ་བ་སྐྱེན། །ཐོས་མང་འཛིན་མཁས་རྗེད་པར་སླ། །པད་དཀར་སྦྲང་མ་སྦྲང་རྩི་འཛིན། །ཐོས་མང་བུམ་ནང་རས་བལ་འདྲ། །པདྨ་ཡིད་འོང་ལེགས་པར་བྱ། །སྦྲང་རྩི་འཛག་པར་གྱུར་པས་ན། །དད་ལྡན་སྙིང་རྗེ་ཤེས་རབ་ཆེ། །ཐོས་ནས་ཁ་ཕྱེའི་ཚིག་དོན་བརྗོད། །ཙནྡན་སྡོང་ཆུང་དྲི་ལྡན་ཕྲ། །འདབ་མ་དུག་བུལ་བླང་བར་དཀའ། །ཐོས་ཉུང་ང་རྒྱལ་རྩ་མེད་སྨྲ། །རྗེས་སུ་གཟུང་བར་མི་ནུས་སོ། །རིན་ཆེན་རང་དག་གཞན་དོན་མཛད། །འདོད་འབྱུང་ནོར་བུས་དོན་བྱེད་ལྟར། །དམ་ལྡན་འཛིན་མཁས་ཤེས་རབ་ལྡན། །རྒྱུད་གཅིག་ཐོས་ནས་ལེན་པར་སྟོན། །བདེན་པའི་དགོངས་པ་རྣམ་པ་གཉིས། །ཀུན་རྫོབ་བསྐྱེད་རིམ་སྒྱུ་ལུས་བསྒོམ། །དོན་དམ་རྫོགས་རིམ་འོད་གསལ་བསྒོམ། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། གསང་སྔགས་གསང་བའི་རྒྱུད་ཐམས་ཅད་ལ་རྒྱན་བདུན་གྱི་བཤད་པར་བསྟན་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་དམིགས་པར་བྱ་བའི་བརྟག་བྱ་གཏན་ལ་འབེབས་པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་གསུངས་སོ། །ཆོས་རྣམས་མ་ལུས་ཐམས་ཅད་ཀུན། །གནས་ལུགས་སྣང་ལུགས་གཉིས་སུ་འདུས། །དེ་ཡང་ཇི་ལྟ་བུ་ཞེ་ན། །གནས་ལུགས་ངོ་བོ་ཉིད་ཀྱི་གཞི། །གཉིས་མེད་རིས་བྲལ་ཀུན་ངོ་བོ། །སྣང་ལུགས་འཁོར་འདས་གཉིས་སུ་སྣང་། །མ་རྟོགས་པ་དང་རྟོགས་པར་འགྱུར། །དེ་ནས་མ་སྦྱངས་གོ་ཕྱེའི་འཁོར། །ལྷན་ཅིག་པ་ལ་འདི་སྐད་ཞུས། །འགྲོ་དྲུག་སྣང་ལ་རང་ཀ་མ། །གནས་ལུགས་གཞི་ཉིད་ཡིན་ནམ་མིན། །ཡིན་ན་འགྲོ་དྲུག་བདེན་མཐོང་བས། །འབད་པ་མེད་པས་རང་གྲོལ་འགྱུར། །མིན་ན་འགྲོ་དྲུག་སེམས་ཅན་རྣམས། །སངས་རྒྱས་འབྲས་བུ་ག་ལ་ཐོབ། ། ― DNG013_Page_0523 ―
[མ་དཔེ་གཟིགས་ན་འདིར་གནོན།]
འོན་ཏེ་གཉིས་སུ་མེད་གྱུར་ན། །རིག་དང་མ་རིག་ཐ་དད་སྣང་། །འོན་ཏེ་སོ་སོར་ཐ་དད་སྣང་། །སངས་རྒྱས་སེམས་ཅན་འདྲེལ་པ་མེད། །སེམས་ཉིད་བདེ་གཤེགས་སྙིང་པོ་མིན། །ཆུ་དང་མེ་བཞིན་དགྲ་ཐུན་འདྲ། །དེ་སྐད་སྨན་པའི་ལྷ་ཅན་གསུངས། །དེ་ནས་ལྷན་ཅིག་གནས་པའི་འཁོར། །དགྱེས་ནས་རྨད་བྱུང་ངོ་མཚར་གསུངས། །སྲིད་གསུམ་འཁོར་བའི་སེམས་ཅན་རྣམས། །སེམས་ཉིད་ཡེ་ནས་མངོན་སངས་རྒྱས། །དེ་མ་ཤེས་པས་བདེན་མཐོང་མིན། །གསེར་མཐོང་གསེར་དུ་མ་ཤེས་བཞིན། །རང་སེམས་ལྷུན་གྲུབ་སངས་རྒྱས་ཀྱང་། །རྣམ་རྟོག་གཟུང་འཛིན་མཐུ་བརྟས་པས། །བདག་དང་བདག་གིར་འཛིན་པ་རྣམས། །བདེན་པ་མ་མཐོང་འཁོར་བར་འཁྱམས། །སངས་རྒྱས་སེམས་ཅན་གཉིས་མེད་ཀྱང་། །ཐེག་དམན་འཁོར་འདས་ཐ་དད་འཛིན། །འཁོར་བ་སྤངས་ནས་བདེ་བ་འགྲུབ། །མེ་ལོང་ལྟོ་རྒྱབ་ལོག་དང་མཚུངས། །ཁམས་གསུམ་སེམས་ཅན་ལས་དང་ནི། །དུས་གསུམ་སངས་རྒྱས་ཐུགས་རྗེ་འདྲེལ། །དཔེར་ན་མི་གཉིས་གཉེན་བཤེས་བཞིན། །བདེ་གཤེགས་སྙིང་པོ་གཅིག་ཏུ་གནས། །འདི་རྟོགས་སེམས་ཅན་སངས་རྒྱས་ཡིན། །ཡང་ནི་གོ་ཕྱེའི་འཁོར་གྱིས་དྲིས། །འཁོར་བའི་རྒྱུ་ནི་ཅི་ལས་བྱུང་། །མ་རིག་པ་ལས་བྱུང་གྱུར་ན། །གཞི་ལ་ཡོད་དམ་མེད་པ་ཡིན། །ཡོད་ན་མ་རིག་སྤང་དུ་མེད། །མེད་ན་འོང་བའི་རྩ་བ་མེད། །མེད་ཀྱང་འབྱུང་བར་གྱུར་པ་ན། །ནམ་མཁའ་ལས་ཀྱང་མེ་ཏོག་སྐྱེ། །ལྷན་ཅིག་འཁོར་ལ་བཀའ་སྩལ་པ། །སེམས་ཉིད་ཡེ་ནས་སངས་རྒྱས་ཀྱང་། །ངེས་པའི་ཤེས་པ་མ་སྐྱེས་པས། །ལྷན་ཅིག་སྐྱེས་པའི་མ་རིག་པ། །གཞི་ལ་མེད་ཀྱང་གློ་བུར་སྣང་། །དཔེར་ན་ནམ་མཁའི་སྤྲིན་དང་འདྲ། །གོ་ཕྱེའི་འཁོར་གྱིས་ཡང་དྲིས་པ། །འཁོར་བའི་སེམས་ལ་གཞི་རྩ་མེད། །དེ་ལ་རྟོགས་པར་བྱར་ཡོད་ན། །ནམ་མཁའ་ཡེ་ནས་སྟོང་པ་ལ། །དེ་ལས་སྟོང་པ་གཉིས་མི་རྙེད། །དེ་ཕྱིར་སངས་རྒྱས་གང་རྟོགས་སྣང་། །ལྷན་ཅིག་པ་ཡི་འཁོར་གྱིས་གསུངས། །དཔེར་ན་མིག་གིས་གཞན་མཐོང་ཡང་། །མིག་ན་རྡུལ་སོང་དེ་མ་མཐོང་། ། ― DNG013_Page_0524 ―
[མ་དཔེ་གཟིགས་ན་འདིར་གནོན།]
མེ་ལོང་ནང་བལྟས་རྡུལ་འབྱིན་ལྟར། །རང་སེམས་རང་གིས་མ་རིག་པས། །ཆོས་ཀྱི་དབྱིངས་ཀྱི་མེ་ལོང་བལྟས། །སྐྱེ་མེད་སྤྲོས་བྲལ་མངོན་དུ་བྱས། །ཡུལ་སེམས་གཉིས་མེད་དབྱིངས་སུ་ཐིམ། །མ་རིག་ལྟ་ངན་ཉེས་པ་བྲལ། །ཡེ་ཤེས་མཁྱེན་པའི་ཉི་མ་ཤར། །མ་རིག་པ་ཉིད་རིག་པར་གྲོལ། །རིག་པ་ཡེ་འབྱམས་ཀློང་ཡང་གདལ། །ཉི་མའི་དཀྱིལ་འཁོར་ཤར་ནུབ་མེད། །དཔག་བསམ་ཤིང་ཆེན་ཡོངས་སུ་རྒྱས། །ཡིད་བཞིན་མཆོད་སྡོང་ཀུན་ལ་འབར། །བུམ་པ་བཟང་པོ་བདེ་བ་གང་། །མ་རྟོགས་རྟོགས་པས་མུན་པ་སངས། །ཐིག་ལེ་ཆེན་པོ་སྨྲ་བརྗོད་འདས། །དཔའ་བོ་འབྲུ་ལྔ་ཀུན་གྱི་གཞི། །ཞི་ཁྲོ་ལྷ་བརྒྱ་འཁོར་འདས་རྫོགས། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། གནས་ལུགས་དང་སྣང་ལུགས་ཀྱིས་འཁོར་བ་དང་མྱ་ངན་ལས་འདས་པ་གཏན་ལ་དབབ་པ་སྟེ། ལེའུ་བཅུ་གཅིག་པའོ།། །།དེ་ནས་བཅོམ་ལྡན་འདས་སངས་རྒྱས་ཐམས་ཅད་ཀྱི་རྗེ་བཙན་དམ་པས། འགྲོ་བའི་འབངས་རྣམས་རྗེས་སུ་བསྐྱང་བའི་ཕྱིར་འདི་གསུངས་སོ། །ལྷུན་གྲུབ་ཀ་དག་སེམས་ཉིད་གནས་ལུགས་གཞི། །འཁོར་འདས་མ་ལུས་འབྱུང་བ་ས་བོན་ཚུལ། །ཀུན་ལ་ཁྱབ་པར་ཡེ་ནས་རང་གནས་པ། །དེ་ཉིད་མ་རྟོགས་མངོན་དུ་མ་གྱུར་པ། །བྱང་ཆུབ་སེམས་དཔའི་ཤེས་བྱའི་སྒྲིབ་པས་བསྒྲིབས། །འགྲོ་རྣམས་ཉོན་མོངས་ལས་ཀྱི་སྒྲིབ་པས་བསྒྲིབས། །ལམ་ཞུགས་ཐེག་པ་རང་རང་བལྟ་བས་བསྒྲིབས། །མ་མཐོང་མཐོང་འདོད་རང་གི་སེམས་ལ་ལྟོས། །རབ་འབྱམས་བཀའ་ཡི་དགོངས་པ་བསམ་ཡས་པ། །རྩ་བ་རིག་པ་བྱང་ཆུབ་སེམས་ལ་འདུས། །ཉན་ཐོས་སྡུག་བསྔལ་ཀུན་འབྱུང་འཁོར་བར་སྣང་། །འགོག་པ་ལམ་ནི་མྱ་ངན་འདས་པར་སྒྲུབ། །རང་རྒྱལ་རྟེན་འདྲེལ་ལུགས་འབྱུང་འཁོར་བར་སྣང་། །ལུགས་ལས་བཟློག་པ་མྱ་ངན་འདས་པར་སྦྱོར། །བྱང་ཆུབ་སེམས་དཔའ་ཀུན་རྫོབ་འཁོར་བའི་ཆོས། །དོན་དམ་མྱ་ངན་འདས་པའི་སྤྱོད་ཡུལ་གཟིགས། །ཀྲི་ཡཱ་རང་ཉིད་རིགས་གསུམ་ཀུན་རྫོབ་འབངས། །ཡེ་ཤེས་ ― DNG013_Page_0525 ―
[མ་དཔེ་གཟིགས་ན་འདིར་གནོན།]
སེམས་དཔའ་དོན་དམ་རྗེ་དང་འདྲ། །ཆ་གཉིས་འཛིན་པ་ཀུན་རྫོབ་རིགས་བཞིའི་ལུས། །དོན་དམ་ཡེ་ཤེས་ལྷ་ནི་རང་སྣང་སྐུ། །རྣལ་འབྱོར་ཀུན་རྫོབ་ལྷ་ནི་རང་ལུས་ཉིད། །དོན་དམ་རྡོ་རྗེ་དབྱིངས་ཏེ་སྤུན་ཟླ་གྲོགས། །མ་ཧཱ་ལོངས་སྐུ་རྟོག་ཚོགས་བདེན་གཉིས་ལྷ། །ཨ་ནུ་དབྱིངས་དང་ཡེ་ཤེས་བདེན་གཉིས་ལྷ། །ཐེག་བརྒྱད་སྣང་ལུགས་འཁོར་འདས་གཉིས་སུ་བལྟ། །རྫོགས་ཆེན་གནས་ལུགས་ཐིག་ལེ་ཆེན་པོའི་དོན། །རབ་ཞི་སྤྲོས་མེད་ཡོངས་སུ་གཟུང་འཛིན་བྲལ། །ཞེས་གསུངས་སོ། །དེ་ནས་གོ་ཕྱེའི་འཁོར་རྣམས་ཀྱིས། ལྷན་ཅིག་པའི་འཁོར་རྣམས་ལ་འདི་སྐད་ཅེས་དྲིས་སོ། །གཞི་ཡི་དོན་ནི་ཀ་དག་ན། །མ་རིག་འཁྲུལ་པ་གྲུབ་མ་གྲུབ། །དཔའ་བོ་དཔའ་མོས་བཀའ་སྩལ་པ། །གཞི་ལ་མ་རིག་འཁྲུལ་པ་ནི། །ཀ་ནས་དག་སྟེ་གྲུབ་མ་མྱོང་། །དུང་ལ་སེར་པོ་མེད་བཞིན་དུ། །མིག་ནད་ཅན་བཞིན་སེར་པོར་སྣང་། །རྡོ་རྗེ་མཆེད་ཀྱིས་ཡང་ཞུས་པ། །འགྲོ་རྣམས་འབད་མེད་གྲོལ་བར་རིགས། །གཞི་ལ་འཁྲུལ་མེད་དག་པའི་ཕྱིར། །གློ་བུར་མིག་སེར་ཡིན་ཞེ་ན། །རྒྱུད་དག་ལ་ཡང་འཁྲུལ་འབྱུང་འགྱུར། །གཞི་ཡི་ངེས་ཚིག་མི་འཐད་དེ། །འཁོར་འདས་ཆོས་ནི་མི་འབྱུང་ཕྱིར། །མཚུངས་ལྡན་རྒྱུ་ཡང་མེད་པར་འགྱུར། །དུང་ལས་འཁྲུལ་གཞི་ཡོད་དམ་མེད། །ཡོད་ན་གཞི་ཡོད་འཁྲུལ་པར་འགྱུར། །གཞི་མེད་འཁྲུལ་པར་མི་སྲིད་དེ། །དུང་ལས་སྦྲུལ་དུ་འཁྲུལ་མི་སྲིད། །དཔའ་བོ་དཔའ་མོས་ཡང་གསུངས་པ། །འཁྲུལ་མེད་ཀ་དག་ཡིན་ཤེས་ན། །དེ་ལ་འཁྲུལ་པའི་ཡུལ་མེད་པས། །གསེར་ལ་གསེར་དུ་རྟོགས་པ་བཞིན། །རྡོ་རྗེ་མཆེད་ཀྱིས་ཡང་ཞུས་པ། །འཁོར་འདས་གཞི་ལ་ལྷུན་གྲུབ་ན། །ཕྱོགས་གཅིག་གྲུབ་བམ་ཕྱོགས་མེད་གྲུབ། །ཕྱོགས་གཅིག་གྲུབ་ན་གཉིས་མ་ཚང་། །མ་གྲུབ་གཞི་ཡི་ངེས་ཚིག་ཕྱེད། །ཕྱོགས་མེད་གྲུབ་པར་གྱུར་པ་ན། །ཆོས་ཅན་མ་མཐུན་ནང་གྲུབ་འགྱུར། །འདོད་ན་དབང་པོ་མངོན་སུམ་གསལ། །མི་གསལ་བསམས་ན་སྣང་ཞེ་ན། །དེ་ནི་ཕྱོགས་མེད་ཡིན་པར་འགྱུར། །དཔའ་ ― DNG013_Page_0526 ―
[མ་དཔེ་གཟིགས་ན་འདིར་གནོན།]
བོ་དཔའ་མོས་བཀའ་སྩལ་པ། །ཕྱོགས་མེད་ཀུན་ཏུ་རང་ཤར་གཞན། །གང་ལྟར་བལྟས་པ་དེར་སྣང་བས། །འཁྲུལ་མེད་ལྷུན་གྲུབ་གཞིར་རྟོགས་བྱ། །གཞི་དོན་མ་ནོར་ཐ་སྙད་མཚོན། །འཁོར་འདས་རང་སེམས་ཉིད་ཡིན་པས། །ཏིལ་གོང་བཞིན་དུ་ཡེ་གནས་པ། །གཉིས་སུ་བསྡུས་པ་མ་འདྲེས་ལ། །ཡོངས་སུ་རྫོགས་པ་ལྷུན་གྱིས་གྲུབ། །རྡོ་རྗེ་མཆེད་ཀྱིས་ཡང་ཞུས་པ། །མ་རིག་འཁྲུལ་པ་གྲུབ་མ་གྲུབ། །དཔའ་བོ་དཔའ་མོས་བཀའ་སྩལ་པ། །ཀུན་གྱི་དངོས་གཞིར་སྣང་བའི་གཞི། །ཡིད་བཞིན་ནོར་བུ་ལྟར་སྣང་བས། །གྲུབ་མ་གྲུབ་ཀྱི་འདམས་ཀ་བྲལ། །འཁོར་འདས་སྣང་བར་ཤར་བ་ནི། །དེ་ནི་འཁྲུལ་པས་དབྱེ་བས་ན། །བརྟག་གཞི་ཞེས་ཀྱང་དེ་ལ་བྱ། །རྡོ་རྗེ་མཆེད་ཀྱིས་ཡང་ཞུས་པ། །ཆོས་ཀྱིས་བསྡུས་པའི་མཆེད་ལྕམ་རྣམས། །གཞི་ཡི་དོན་དུ་གཅིག་པ་ལ། །ཀ་དག་ལྷུན་གྲུབ་ཅི་ཕྱིར་གཉིས། །དཔའ་བོ་དཔའ་མོས་བཀའ་སྩལ་པ། །ཆོས་ཀྱི་འདྲེས་པའི་རྡོ་རྗེ་མཆེད། །གནས་ལུགས་སྣང་ལུགས་རྣམ་པ་གཉིས། །གནས་ལུགས་དོན་ལ་དབྱེ་བ་མེད། །ལོག་པའི་རྒྱུ་རྐྱེན་ཤེས་རབ་བྲལ། །སྣང་ལུགས་འཁོར་འདས་གཉིས་སུ་སྣང་། །འཁོར་བའི་སྣང་བ་སེམས་ཉིད་ལ། །སངས་རྒྱས་དགོངས་པ་ལྷུན་གྱིས་གྲུབ། །འདས་པར་སྣང་བའི་སངས་རྒྱས་ལ། །མ་རིག་འཁྲུལ་པ་ཀ་ནས་དག །གནས་ལུགས་སྣང་ལུགས་ཐམས་ཅད་ཀུན། །མ་རྟོགས་རྟོགས་པར་མཚོན་ཕྱིར་ཕྱེ། །ཡང་དག་དོན་གྱི་གནས་ལུགས་ལ། །རྟོགས་དང་མ་རྟོགས་གྲུབ་པ་མེད། །ཅེས་གསུངས་སོ། །གླང་པོ་རབ་འབོག་གི་རྒྱུད་ལས། འཁོར་འདས་རྩོད་བྲལ་ཆེན་པོའི་གནས་ལུགས་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་འགྲོ་བའི་ཆེད་དུ་འདི་གསུངས་སོ། །བཀའ་དམན་འདུད་པའི་གདུལ་བྱ་རྣམས། །སྦྱངས་པས་ཆོས་ཀྱི་སྣོད་དུ་གྱུར། །དཔག་མེད་བསྐལ་པར་རྒྱུ་ལ་སྦྱངས། །སྔོན་ཚེ་ཐུབ་རྒྱུད་སྔགས་ལ་སྦྱངས། །ཚེ་འདིར་རྒྱུ་འབྲས་ཆོས་ལ་ ― DNG013_Page_0527 ―
[མ་དཔེ་གཟིགས་ན་འདིར་གནོན།]
སྦྱངས། །དེ་ནས་གསང་ཆེན་སྔགས་ལ་འཇུག །ངེས་པ་དོན་གྱི་གདུལ་བྱ་རྣམས། །རང་བཞིན་གྱིས་ནི་སྣོད་གྱུར་པ། །སྐྱེ་བོ་མ་ངེས་ས་དག་ནས། །གསང་ཆེན་སྔགས་ལ་རབ་ཏུ་འཇུག །ཁ་ཅིག་སྦྱངས་པའི་རིམ་གྱིས་པ། །དཔག་མེད་སྔོན་ནས་ཚེ་འདིར་སྦྱངས། །ཁ་ཅིག་དུས་མཐའི་ཅིག་ཆར་བ། །རྒྱུད་ལུང་མན་ངག་ཆོས་ལ་འཇུག །སྔོན་གྱི་ལས་འཕྲོ་ཡོད་པ་དང་། །འཕྲལ་དུ་སྐལ་བར་ལྡན་པ་དང་། །དད་པས་ཆོས་ལ་མོས་པ་དང་། །བརྩོན་འགྲུས་དང་དུ་ལེན་པ་དང་། །ཤེས་རབ་རྟོགས་པར་ལྡན་རྣམས་ལ། །ཡིན་པའི་ཐོག་ཏུ་མཚོན་ནས་བསྟན། །མཚོན་པའི་ཐོག་ནས་གོ་བ་དང་། །གོ་བའི་ཐོག་ནས་རྟོགས་པ་དང་། །རྟོགས་པའི་ཐོག་ནས་ཐོབ་པ་དང་། །ཐོབ་པའི་ཐོག་ནས་གྲོལ་འགྱུར་བས། །མ་ནོར་ངེས་པའི་གཏན་ལ་འབེབས། །དང་པོར་གཏན་ལ་འབེབས་དུས་སུ། །གཞལ་བྱ་འཁོར་འདས་གཉིས་ལ་འཇལ། །འཁོར་འདས་གཉིས་སུ་ཞེན་པ་ཡིས། །སྣང་བ་གཏན་ལ་དབབ་པར་བྱ། །དེ་ཚེ་གོ་ཕྱིའི་འཁོར་གྱིས་དྲིས། །འདས་པ་ལ་ནི་འཇལ་བ་ན། །དང་པོ་ལས་ཀྱི་སྤྱོད་ཡུལ་དུ། །འདས་པར་མ་གྱུར་གཞལ་མི་བཏུབ། །འཁོར་བ་ལ་ནི་གཞལ་བ་ལ། །འཁོར་བ་སྤྱི་ཡི་མཚན་ཉིད་ནི། །ད་དུང་མི་རྟོག་གཞལ་མི་བཏུབ། །དེ་བརྟགས་བསམ་བྱུང་ཤེས་རབ་འགྲོ། །ལས་ནི་དང་པོའི་གང་ཟག་གིས། །ཐོས་པའི་ཆོས་ནི་མ་བྱས་པར། །བསམ་པའི་ཤེས་རབ་མི་འོང་ངོ་། །འཁོར་བ་རང་གི་མཚན་ཉིད་ལ། །དེ་ལ་གཞལ་བྱར་བྱས་འཇལ་ན། །འཁོར་བའི་རང་མཚན་སྐད་ཅིག་མ། །སྐད་ཅིག་སྔ་མ་འདས་པས་མེད། །ཕྱི་མའི་མ་སྐྱེས་པ་ནི་མེད། །ད་ལྟའི་རིག་པ་སྐད་ཅིག་མ། །དེ་ལ་གཞལ་དུ་མི་བཏུབ་སྟེ། །མཛུབ་མོ་རང་གི་རྩེ་མོ་ལ། །མཛུབ་མོ་རང་གིས་རེག་མི་ནུས། །སྐྱེས་བུ་ཇི་ལྟར་རྩལ་ཆེ་ཡང་། །རང་ལ་རང་གིས་མཆོངས་མི་ནུས། །སྤུ་གྲིའི་སོ་ནི་རྣོ་གྱུར་ཀྱང་། །སོ་ཡིས་སོ་ཉིད་གཅད་དུ་མེད། །མིག་གིས་ཐམས་ཅད་མཐོང་གྱུར་ཀྱང་། །རང་ཉིད་རང་ལ་མཐོང་མི་སྲིད། །དེ་སྐད་མ་སྦྱངས་སེམས་དཔར་ ― DNG013_Page_0528 ―
[མ་དཔེ་གཟིགས་ན་འདིར་གནོན།]
དྲིས། །ལྷན་ཅིག་པ་ཡི་འཁོར་གྱིས་གསུངས། །དཔེར་ན་གཞལ་བྱ་རྫས་གཅིག་པ། །འཇལ་བྱེད་དྲེ་སྲང་ལྟ་བུ་ཡིན། །རྫས་མེད་དྲེ་སྲང་གཞལ་མི་བཏུབ། །སྲང་མེད་རྫས་ཀྱི་ཆེད་མི་ཤེས། །གཞལ་བྱ་རང་རིག་སྐད་ཅིག་མ། །འཇལ་བྱེད་གཏན་ཚིགས་དེ་ཉིད་གཏོང་། །གཞལ་བྱ་བྱས་ན་གཏན་ཚིགས་མེད། །གཏན་ཚིགས་བྱས་ན་གཞལ་བྱ་མེད། །ཁྱེད་ནི་དེ་ལྟར་འདོད་པ་ཡིན། །བདག་ནི་འདི་ལྟར་འདོད་པ་སྟེ། །ཞེན་པ་ཤེས་པའི་སྤྱི་ཡུལ་ཡིན། །རིག་པ་སྐད་ཅིག་གནས་འགྱུར་བ། །ཤེས་པ་རང་གི་མཚན་ཉིད་ཡིན། །དེ་ཕྱིར་ཞེན་པའི་སྤྱི་ཡུལ་ལ། །ཤེས་པ་རང་གི་མཚན་ཉིད་འཇལ། །ཡུལ་དང་སེམས་ནི་མ་འདྲེས་ཕྱིར། །ཞེན་སྣང་རིག་པ་འཇལ་སྐྱོན་མེད། །དང་པོ་ལས་ཀྱི་གང་ཟག་གིས། །འཁོར་འདས་གཉིས་ཞེན་སྣང་བ་ལ། །རང་རིག་རྟོགས་བྱེད་ཚད་མས་གཞལ། །ཞེན་སྣང་འཇལ་ལ་སྐྱོན་པ་མེད། །དེ་སྐད་བརྗོད་པས་མ་སྦྱངས་མཉེས། །སྲིད་གསུམ་འགྲོ་ལ་ཐུགས་རྗེ་ཡི། །བརྟགས་གཞི་གཏན་ལ་ངེས་པར་ཕབ། །ཅེས་གསུངས་སོ། །གླང་པོ་རབ་འབོག་གི་རྒྱུད་ལས། གཞལ་བྱའི་ལེའུ་སྟེ་བཅུ་གསུམ་པའོ།། །།དེ་ནས་སངས་རྒྱས་ཐམས་ཅད་ཀྱིས། །འགྲོ་བའི་དོན་དུ་བརྗོད་པ་འདི་དག་གསུངས་སོ། །སེམས་ཅན་ཀུན་གྱི་ཡིད་རིག་པ། །སངས་རྒྱས་རྣམས་ཀྱི་ཐུགས་ཀྱི་མཆོག །སྐྱེ་ཤི་མེད་པའི་གཡུང་དྲུང་སྐུ། །ཆོས་སྐུ་དྲི་མ་མེད་པ་ཡི། །རྒྱལ་བ་རྒྱ་མཚོ་འཁོར་རྣམས་ནི། །ཡེ་ཤེས་རྒྱ་མཚོའི་ཚོགས་རྣམས་ལ། །ཐམས་ཅད་ཆོས་ཀྱི་དབྱིངས་སུ་ཐིམ། །ཐིག་ལེ་ཆེན་པོར་ཡེ་ནས་གནས། །འཁོར་འདས་བདེ་བའི་ལོངས་སྤྱོད་ལ། །ཡེ་ཤེས་སྒྱུ་མར་རོལ་གྱུར་པ། །ཟད་མི་ཤེས་པའི་གཏེར་དུ་འགྱུར། །ལོངས་སྤྱོད་རྫོགས་སྐུ་རིགས་ལྔའི་སྐུ། །ས་བཅུ་ཐོབ་པའི་བྱང་ཆུབ་སེམས། །སྨིན་པ་རྒྱ་མཚོའི་འཁོར་རྣམས་ལ། །དགོངས་པ་བརྡའ་ཡིས་སྣང་འགྱུར་བ། །མེ་ལོང་བཞིན་དུ་བྱད་སྐྱོན་སེལ། །རབ་འབྱམས་སྟོང་གི་འཇིག་རྟེན་ན། ། ― DNG013_Page_0529 ―
[མ་དཔེ་གཟིགས་ན་འདིར་གནོན།]
རྡུལ་ཕྲན་འགྲོ་བ་ཐམས་ཅད་ལ། །ཐམས་ཅད་མཁྱེན་པ་སྤྲུལ་པའི་སྐུ། །ཉོན་མོངས་ཀུན་གྱི་ནང་དུ་གནས། །འགྲོ་བ་ལྷ་མིའི་བྱང་ཆུབ་སེམས། །མོས་པ་རྒྱ་མཚོའི་འཁོར་ཀུན་ལ། །རང་རང་སོ་སོའི་སྐད་དུ་གསུངས། །ཚིག་དབྱངས་མེད་པའི་སྐད་ཀྱིས་གོ། །མངོན་སུམ་སྣང་བ་དངོས་མེད་ཉིད། །དབྱེར་མེད་བྱང་ཆུབ་ཆེན་པོར་རྟོགས། །ཐམས་ཅད་དབྱེར་མེད་མཉམ་པའི་སྐུ། །མངོན་པར་བྱང་ཆུབ་སྐུ་ཉིད་ལ། །སྣང་བ་གང་ཡིན་རང་སྣང་ཉིད། །རིག་པ་རང་སྣང་འཁོར་རྣམས་ལ། །སྣང་བས་བསྟན་པར་གྲགས་པ་ནི། །སྣང་སྲིད་གླེགས་བམ་ཚོགས་སུ་སྣང་། །སྐྱེ་འཇིག་མེད་པས་འགྱུར་བ་མེད། །ནམ་མཁའ་ཉིད་དུ་རྣམ་པར་དག །རྡོ་རྗེ་རིག་པ་འཛིན་པའི་སྐུ། །རྟག་པ་ཆེན་པོའི་ངོ་བོ་ཉིད། །འབྱུང་བ་ལྔ་ཉིད་འགྱུར་མེད་རྟོགས། །དབྱེར་མེད་རྡོ་རྗེའི་འཁོར་རྣམས་ལ། །གྲགས་སྟོང་དབྱེར་མེད་སྣང་བ་ཡང་། །མ་སྐྱེས་འཇིག་བྲལ་གོ་བར་སྣང་། །ལྷག་པ་ཆེན་པོ་ཆོས་ཀྱི་སྐུ། །སྐྱེ་མེད་དོན་གྱི་གསུང་མཆོག་གིས། །རྒྱལ་བ་རྒྱ་མཚོའི་འཁོར་རྣམས་ཀུན། །ཆོས་དབྱིངས་སྐྱེ་མེད་ནམ་མཁར་རྟོགས། །ལོངས་སྤྱོད་རྫོགས་པ་རིགས་ལྔའི་སྐུ། །དགོངས་པ་བརྡ་ཡི་གསུང་སྣང་བས། །སྨིན་པ་རྒྱ་མཚོའི་འཁོར་རྣམས་ཀྱི། །ཤེས་བྱའི་སྒྲིབ་པ་གཏིང་དཔག་མེད། །མཛད་པ་མཐར་ཕྱིན་སྤྲུལ་པའི་སྐུས། །ཚངས་པའི་དབྱངས་ཀྱི་གསུང་སྙན་གྱིས། །མོས་པ་རྒྱ་མཚོའི་འཁོར་རྣམས་ལ། །སྒྲིབ་སྦྱངས་ས་དང་རྣམ་ཐར་ཐོབ། །སྣང་སྲིད་མངོན་པར་བྱང་ཆུབ་སྐུས། །རང་སྣང་གསུང་གིས་ཆོས་སྟོན་པ། །རིག་པ་རང་སྣང་འཁོར་རྣམས་ཀུན། །ཡུལ་ཀུན་རང་རིག་མངོན་བྱང་ཆུབ། །སྐྱེ་འཇིག་བྲལ་བ་རྡོ་རྗེའི་སྐུས། །གྲགས་སྟོང་དབྱེར་མེད་རྡོ་རྗེའི་གསུང་། །དབྱེར་མེད་རྡོ་རྗེའི་འཁོར་རྣམས་ལ། །ཀུན་རྫོབ་དོན་དམ་མི་ཕྱེད་གོ། །བཏགས་པའི་སྐུ་ལྔ་མ་ཡིན་པའི། །མཚན་ཉིད་སྐུ་ལྔའི་སྣང་བ་ལ། །བཏགས་པའི་གསུང་ལྔ་མ་ཡིན་པའི། །མཚན་ཉིད་གསུང་ལྔར་སྣང་བ་ཡིན། །བརྟགས་པའི་འཁོར་ལྔ་མ་ཡིན་པའི། །མཚན་ཉིད་འཁོར་ལྔར་སྣང་བ་ལ། །བཏགས་པའི་ཆོས་ལྔ་མ་ཡིན་པའི། །མཚན་ཉིད་བསྟན་པ་ ― DNG013_Page_0530 ―
[མ་དཔེ་གཟིགས་ན་འདིར་གནོན།]
རྣམ་པ་ལྔ། །གདོད་ནས་སྐྱེ་བ་མེད་པའི་དོན། །སྐྱེ་བ་མེད་པར་སྨྲ་བརྗོད་བྲལ། །སེམས་ཉིད་དབྱེར་མེད་རང་ཤེས་པས། །ཆོས་ལ་འཛིན་པའི་དྲི་མ་མེད། །རང་རང་སྐད་དུ་གོ་བ་ཡིས། །འཁོར་བ་མྱ་ངན་འདས་པར་གྲོལ། །སྣོད་བཅུད་བེམ་རིག་སྟོང་པ་ཉིད། །མངོན་སུམ་སྣང་བས་ཆོས་ཚུལ་སྟོན། །ཀུན་རྫོབ་དོན་དམ་དབྱེར་མེད་གནས། །སྣང་སྟོང་དབྱེར་མེད་རྡོ་རྗེར་གྲོལ། །སྔོན་བྱུང་སྐུ་ལྔའི་མཛད་པ་ཀུན། །རྗེས་འཇུག་དངོས་ལྔའི་གཏན་ཚིགས་ཡིན། །མ་རྟོགས་འགྲོ་བ་རྨོངས་པ་ལ། །སྐུ་ལྔར་ཐ་དད་སྣང་བ་ཡིན། །སྐུ་ལྔ་དོན་ལ་ཐ་དད་བྲལ། །ཟླ་བ་གཅིག་ལ་ཆུ་སྣོད་ལྔ། །ཡིད་བཞིན་ནོར་བུ་གཅིག་ཉིད་ལ། །མི་རིགས་ལྔ་པ་འདོད་ལྔ་འབྱུང་། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། དངོས་ལྔ་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་སངས་རྒྱས་ཐམས་ཅད་ཀྱི་རྗེ་བཙུན་ཆེན་པོས། འགྲོ་བ་སེམས་ཅན་མ་ལུས་པའི་ཆེད་དུ་འདི་གསུངས་སོ། །ལྷུན་གྱིས་གྲུབ་པའི་རིག་འཛིན་གྱིས། །ཆོས་སྐུའི་དགོངས་པ་རབ་སྟོན་པ། །དབང་པོ་མཆོག་གིས་གོ་བར་སྣང་། །རྫོགས་པ་ཆེན་པོར་རྫོགས་སངས་རྒྱས། །ཕྱག་རྒྱ་ཆེན་པོའི་རིག་འཛིན་གྱིས། །ལོངས་སྐུའི་སྟོན་པའི་ཆོས་ཐོས་པ། །གསང་སྔགས་རྒྱུད་དང་ལུང་དུ་སྣང་། །དགོངས་པ་བརྡ་ཡིས་བསྐྱེད་རྫོགས་རྟོགས། །ཚེ་ལ་དབང་བའི་རིག་འཛིན་གྱིས། །སྤྲུལ་པ་བརྡའ་ཡི་དགོངས་པ་རྟོགས། །མཚན་ཉིད་གསང་སྔགས་ཀྲི་ཡོག་སྣང་། །རྣམ་པར་སྨིན་པའི་རིག་འཛིན་གྱིས། །མངོན་པར་བྱང་ཆུབ་སྐུ་རྟོགས་པས། །འཁོར་བར་སྣང་བ་སངས་རྒྱས་ཉིད། །དབང་པོ་རབ་ཀྱི་སྤྱོད་ཡུལ་ཅན། །དབྱེར་མེད་རྡོ་རྗེའི་སྐུར་རྟོགས་པས། །འཁོར་འདས་སོ་སོའི་སྐྱེ་འཇིག་བྲལ། །དབང་པོ་བརྟན་པའི་སྤྱོད་ཡུལ་ཅན། །སར་ཆུད་པ་ཡི་རིག་འཛིན་དང་། །ས་ཐོབ་པ་ཡི་རིག་འཛིན་དང་། །སར་སྨིན་རིག་འཛིན་རྣམས་ཀྱིས་གོ། །སྐུ་ལྔས་བསྟན་པ་དེ་བཞིན་དུ། །ཚུལ་མཐུན་རིག་འཛིན་བསྟན་འགྱུར་བས། །རྗེས་སུ་འཇུག་པའི་སྐྱེས་བུ་རྣམས། །ཚུལ་ལྔས་གཏན་ ― DNG013_Page_0531 ―
[མ་དཔེ་གཟིགས་ན་འདིར་གནོན།]
ལ་ཕེབས་པར་འགྱུར། །སྟོན་པའི་བདག་ཉིད་སྐུ་ལྔ་ཉིད། །འཆད་པའི་སྐྱེས་བུ་རིག་འཛིན་ལྔས། །འཁོར་བར་སྣང་བའི་ལྷ་མི་དང་། །མཁའ་འགྲོའི་ཚོགས་ལ་རབ་བརྒྱུད་པས། །ལྷ་མིའི་འཇིག་རྟེན་ཐམས་ཅད་དུ། །ཆོས་ཀྱི་འཁོར་ལོ་རབ་བསྐོར་རྒྱས། །རྨད་བྱུང་ཆེ་བའི་མཛད་པ་སྟོན། །སྤང་ལེན་མེད་པའི་དོན་རྟོགས་ནས། །ཕྱག་རྒྱ་ཆེན་པོ་མཆོག་ཉིད་ཀྱི། །དངོས་གྲུབ་དམ་པ་ཐོབ་པར་འགྱུར། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། ཚུལ་ལྔའི་གཏན་ཚིགས་ཀྱིས་ངེས་པར་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་དེ་བཞིན་གཤེགས་པས་ཆེད་དུ་བརྗོད་པ་འདི་བརྗོད་དོ། །ཆོས་ཀྱི་འཁོར་ལོའི་ལྟེ་དབུས་ན། །སྐུ་ལྔའི་བདག་ཉིད་ཆོས་འཆད་བཞུགས། །སྟོན་པའི་བདག་ཉིད་རྣམ་པ་ལྔ། །འཆད་པའི་སྐྱེས་བུ་རྣམ་པ་ལྔ། །དམ་ཆོས་ལྔ་རྣམས་སོ་སོར་གོ། །དཔྱད་དུ་མེད་པས་གོ་བ་བཞི། །དཔྱད་དུ་ཡོད་པས་གོ་བ་གཅིག །རྣམ་པ་གཉིས་སུ་སྣང་འགྱུར་ཡང་། །སྡུད་པ་རྡོ་རྗེའི་སྙིང་པོ་ཡིས། །དོན་བཞིན་བསྡུས་པའི་ཡི་གེའི་རྒྱུད། །གླེགས་བམ་ཚིག་གི་ཚོགས་རྣམས་ནི། །ལམ་གྱི་ཡི་གེ་རྒྱུད་ཉིད་དང་། །སེམས་ལྔ་སྐྱེས་པའི་སྐྱེས་བུའི་ཐུགས། །ལམ་གྱི་ངོ་བོ་རྒྱུད་ཡིན་པས། །ཐམས་ཅད་མ་ལུས་རྟོགས་པར་བྱེད། །དཔྱད་དུ་མེད་པར་གོ་བ་ནི། །དབང་པོ་རྣོན་པོའི་སྤྱོད་ཡུལ་ཏེ། །སྣང་སྲིད་ཆོས་རྣམས་མ་ལུས་པ། །བྱང་ཆུབ་སྙིང་པོར་གཏན་ལ་འབེབས། །དཔྱོད་དུ་ཡོད་པར་གོ་བ་ནི། །དབང་པོ་རྟུལ་པོའི་སྤྱོད་ཡུལ་ཏེ། །དཔེ་དོན་རྟགས་དང་གཏན་ཚིགས་ཀྱིས། །ཡིད་ཆེས་ངེས་ཤེས་སྐྱེས་པར་སྟོན། །དཔྱོད་པ་ཞུགས་ན་རྟོག་པའི་གཞི། །རྟོག་པ་ཞུགས་ན་དམིགས་པའི་རྟེན། །དམིགས་པ་ཞུགས་ན་འཛིན་པའི་གཟུང་། །འཛིན་པས་ཟིན་ཕྱིར་གྲོལ་མི་འགྱུར། །དཔྱད་དུ་མེད་པར་གང་དཔྱད་པས། །སེམས་ཅན་མ་ལུས་ཐམས་ཅད་ཀུན། །ཡེ་ནས་བྱང་ཆུབ་སྙིང་པོར་གནས། །དེ་ཕྱིར་དཔྱད་པའི་བྱ་བྱེད་མེད། །སངས་རྒྱས་ཀྱིས་ཀྱང་རྙེད་པར་དཀའ། །ཚིག་དང་ཡི་གེས་མི་མཚོན་ཏེ། །རྒྱལ་ ― DNG013_Page_0532 ―
[མ་དཔེ་གཟིགས་ན་འདིར་གནོན།]
བའི་སྲས་པོ་ཅང་མི་གསུང་། །དཔྱད་དུ་ཡོད་པས་དཔྱད་ཡོད་པས། །ཕྱི་རོལ་སྣང་བའི་སྤྱོད་ཡུལ་བ། །དབང་པོ་རྣམ་ལྔས་དཔྱད་བྱས་ན། །དུག་གསུམ་སྐྱེ་བར་སྣང་བ་རྣམས། །མ་རྟོགས་ཁམས་གསུམ་འཁོར་བ་རྣམས། །མི་རྟོག་བདེ་སྟོང་ལམ་དུ་བྱས། །སྐུ་གསུམ་འབྲས་བུ་ཐོབ་འགྱུར་བ། །དཔྱད་དུ་ཡོད་པས་དཔྱད་པར་བྱ། །དཔྱད་དུ་མེད་པས་དཔྱད་མེད་པ། །རྣལ་འབྱོར་སེམས་ཀྱིས་སེམས་ལ་བལྟ། །སེམས་ལ་དངོས་མེད་བསྒོམ་པ་མེད། །དངོས་པོར་བསྒོམས་པས་བསྒོམ་པ་མིན། །དངོས་དང་དངོས་མིན་རྣམ་དཔྱད་ནས། །ཆོས་རྣམས་ཐམས་ཅད་སེམས་སུ་འདུས། །སེམས་ཉིད་ནམ་མཁའ་ལ་གནས་ཏེ། །ནམ་མཁའ་ཅིར་ཡང་མི་གནས་པས། །དེ་ཕྱིར་དཔྱད་པའི་བྱ་བྱེད་བྲལ། །བྱར་མེད་བསམ་བྲལ་བརྗོད་འདས་རྟོགས། །དཔྱད་དུ་ཡོད་པར་དངོས་ཞེན་པ། །མུ་སྟེགས་རྟག་པར་བལྟ་དང་མཚུངས། །དཔྱད་དུ་མེད་ལ་ཞེན་འཐས་པ། །མུ་སྟེགས་ཆད་པར་ལྟ་དང་མཚུངས། །མཐའ་གཉིས་གོལ་ས་དཔྱད་བྱའི་ཕྱིར། །མཁས་པས་ཕྱོགས་གཅིག་ཞེན་མི་བྱ། །རྟག་ཆད་ཕྱོགས་སུ་གང་ཞེན་པ། །དོན་གྱི་སྙིང་པོ་ཉིད་ལས་གོལ། །དཔྱད་དུ་ཡོད་པར་སྣང་བ་རྣམས། །ཕྱི་ཡུལ་རྣམ་པ་སྣ་ཚོགས་ལ། །ནང་གི་རིག་པ་ཞེན་པ་ཡིན། །དེ་ཉིད་དཔྱད་དུ་མེད་ཅེས་བྱ། །དྲན་པར་སྣང་བ་དཔྱད་ཡོད་ན། །དྲན་མེད་ཡིན་པས་དཔྱད་དུ་མེད། །དཔྱད་དུ་མེད་པར་སྣང་བ་རྣམས། །སེམས་ཀྱིས་སེམས་ལ་བལྟ་བ་ཡིན། །སེམས་ཉིད་སྐྱེ་བ་མེད་པར་ཤེས། །དཔྱད་དུ་ཡོད་མེད་གཉིས་མེད་པས། །དེ་ཉིད་བློ་ལས་འདས་པ་ནི། །ཟུང་འཇུག་བདེ་བ་ཆེན་པོར་གནས། །དབྱེར་མེད་དཔྱོད་ཡུལ་བྲལ་བར་རྟོགས། །ཡོད་མེད་རྟོག་པའི་བློ་མི་གནས། །སྣང་སྟོང་ངོ་མཉམ་དཔྱོད་ཡུལ་བྲལ། །འཛིན་མེད་གཟུང་བ་ག་ལ་སྲིད། །དུ་མ་རོ་གཅིག་ཀུན་ངོ་བོ། །རྣམ་པ་ཀུན་ལྡན་སྟོང་པར་གནས། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། གཏན་ཚིགས་ཀྱི་གཞི་དཔྱད་དུ་ཡོད་མེད་ཀྱི་ལེའུ་སྟེ་བཅུ་དྲུག་པའོ།། །། ― DNG013_Page_0533 ―
[མ་དཔེ་གཟིགས་ན་འདིར་གནོན།]
དེ་ནས་བཅོམ་ལྡན་འདས་ཀྱིས་བདུད་ཀྱི་སྟོབས་རབ་ཏུ་འཇོམས་པའི་ཏིང་ངེ་འཛིན་ལ་ཞུགས་ནས། པདྨ་ཆགས་མེད་ཀྱི་དོན་འདི་ཆེད་དུ་བརྗོད་དོ། །སྟོན་པའི་སྒྲོན་མ་རབ་འབར་བས། །ལྟ་ངན་མུ་སྟེགས་བདུད་ལས་རྒྱལ། །རྣལ་འབྱོར་སེམས་ཉིད་འོད་གསལ་བ། །ཇི་ལྟར་འདོད་པ་གཏན་ལ་འབེབས། །གཅིག་གིས་གཏན་ལ་དབབ་པ་ནི། །འཁོར་འདས་བྱང་ཆུབ་སེམས་སུ་གཅིག །ཀུན་གྱིས་སེམས་ཉིད་རྟོགས་པར་བྱ། །ཆོས་ཀྱི་རྩ་བ་ཤེས་པར་འགྱུར། །གཉིས་ཀྱིས་གཏན་ལ་འབེབས་འདོད་ན། །འཁོར་དང་མྱ་ངན་འདས་པའི་ཆོས། །མངོན་སུམ་རྗེས་དཔག་དག་གིས་རྟོགས། །འཁོར་བ་མངོན་སུམ་རྗེས་དཔག་འདས། །མངོན་སུམ་དུ་བ་ལ་བརྟེན་ནས། །རྗེས་དཔག་མེ་ཉིད་འདོད་གྱུར་པ། །མཚན་ཉིད་རྒྱུ་ལས་རྒོལ་བ་འཇོམས། །སྟོན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། །མངོན་སུམ་ལུང་ལ་རྗེས་དཔག་རྟོགས། །འབྲས་བུ་སྔགས་ཀྱིས་རྒོལ་བ་འཇོམས། །མཐོང་རྟེན་རྟགས་ཀྱིས་མ་མཐོང་རྟོགས། །གསུམ་གྱིས་ཆོས་རྣམས་རྟོགས་འདོད་པས། །བདེ་གཤེགས་བཀའ་ལུང་ཚད་མ་དང་། །བླ་མའི་མན་ངག་ཚད་མ་དང་། །རང་གི་རིག་པ་ཚད་མ་དང་། །ཡིད་ཆེས་དོན་རིག་རྟོགས་པ་འཆར། །བཞི་ཡིས་གང་ཞིག་གཏན་ལ་འབེབས། །བཀའ་ཡི་ལུང་ལས་སྣང་བ་དང་། །བསྟན་བྱའི་དོན་དང་མི་འགལ་ཞིང་། །རིག་པ་ལ་ནི་འཐད་པ་དང་། །གཏན་ཚིགས་རྣམས་ཀྱིས་བརྒྱན་པ་ནི། །སྡེ་སྣོད་ཆོས་རྣམས་གཏན་ལ་འབེབས། །ཐུན་མོང་མ་ཡིན་བཞི་བསྐོར་སྒྲས། །འབྲས་བུ་འགྲུབ་པར་བསྟན་པ་ནི། །ཅིར་ཡང་སྣང་དུ་བཏུབ་པ་དང་། །ཅིར་ཡང་སྣང་ཕྱིར་ཅིར་བསྒྲུབ་བཏུབ། །ཅིར་ཡང་བསྒྲུབ་པས་གང་ཡང་འགྲུབ། །ལྔ་ཡིས་ཆོས་རྣམས་གཏན་འབེབས་ན། །གཞི་ཉིད་ཆོས་ཅན་དག་ལ་གནས། །ཁས་བླངས་པ་ལ་དམ་བཅས་ནས། །གཏན་ཚིགས་རྣམས་ཀྱིས་གཏན་ལ་དབབ། །མཚོན་པའི་དཔེ་ཡིས་མཚོན་བྱས་ནས། །གྲུབ་ ― DNG013_Page_0534 ―
[མ་དཔེ་གཟིགས་ན་འདིར་གནོན།]
མཐའི་དོན་རྣམས་མཐར་ཕྱིན་ནོ། །དྲུག་གིས་འཁོར་འདས་གཏན་འབེབས་པ། །གཞི་ལས་ཐམས་ཅད་སྣང་བ་ཡིན། །རྒྱུ་ལས་ཐམས་ཅད་སྐྱེ་བ་ཡིན། །རྐྱེན་གྱིས་མ་ལུས་བསྐྱེད་པར་བྱེད། །ལས་དང་མཐུན་པར་སྲིད་པ་ཡིན། །བག་ཆགས་དག་ལ་སྤྱོད་པ་ཡིན། །བརྟགས་ན་མི་རྙེད་སྟོང་པར་ཐིམ། །ཀུན་ལ་དེ་ལྟར་འབྱོར་བར་བྱ། །གཞི་དོན་མ་རྟོགས་འཁོར་བར་སྣང་། །མ་རིག་པ་ཡི་རྒྱུ་ལས་སྐྱེས། །ལས་དང་ཉོན་མོངས་རྐྱེན་གྱིས་བསྐྱེད། །དུག་གསུམ་ཁམས་གསུམ་མཐུན་པར་སྣང་། །གཟུང་འཛིན་ལ་སྤྱོད་རྣམ་ཤེས་སྣང་། །བརྟགས་ན་མ་རྙེད་ཆོས་ཉིད་ཐིམ། །འཁོར་བ་མ་ལུས་གཏན་ལ་འབེབས། །ཁམས་གསུམ་སྟོང་གསུམ་སྲིད་གསུམ་གསལ། །གཞི་ཡི་དོན་རྟོགས་མྱ་ངན་འདས། །ཚོགས་གཉིས་རྒྱུ་ལས་སྐྱེ་བ་ཡིན། །བལྟ་བསྒོམ་སྤྱོད་པའི་རྐྱེན་གྱིས་བསྐྱེད། །སྐུ་དང་ཡེ་ཤེས་མཐུན་པར་སྣང་། །སྐུ་གསུང་ཐུགས་རྗེས་འགྲོ་དོན་སྤྱོད། །བརྟགས་ན་འབྲས་བུ་ཆོས་སྐུར་ཐིམ། །ཕྱོགས་བཅུ་དུས་གསུམ་སངས་རྒྱས་རྣམས། །ཐམས་ཅད་མ་ལུས་རྟོགས་པར་བྱ། །འཁོར་འདས་དབྱེར་མེད་གཞི་ལས་སྣང་། །སེམས་ཀྱི་རྒྱུ་ལས་ཐམས་ཅད་སྐྱེས། །རིག་དང་མ་རིག་རྐྱེན་གྱིས་བསྐྱེད། །དགེ་སྡིག་ཚོགས་གཉིས་མཐུན་པས་སྲིད། །འཁོར་འདས་བག་ཆགས་དོན་ལ་སྤྱོད། །བརྟགས་ན་ཆོས་ཉིད་ཆོས་སྐུར་ཐིམ། །ཐམས་ཅད་དབྱེར་མེད་གཅིག་ཏུ་སྡུད། །དེ་བཞིན་གཏན་འབེབས་གཏན་ཚིགས་ནི། །ཀུན་རྫོབ་སྣང་བ་འཁོར་བའི་ཆོས། །དོན་དམ་སྣང་བ་མྱ་ངན་འདས། །ཀུན་རྫོབ་དོན་དམ་དབྱེར་མེད་གཅིག །དབྱེར་མེད་ཙམ་འཛིན་སྤྱོད་ཡུལ་བྲལ། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། ཆོས་ཐམས་ཅད་གཏན་ལ་འབེབས་པའི་ལེའུ་སྟེ་བཅུ་བདུན་པའོ།། །།དེ་ནས་སངས་རྒྱས་ཐམས་ཅད་ཀྱི་བདག་ཉིད་ཆེན་པོས་བདག་ཉིད་ཆེན་པོ་རང་སྣང་བ་འདི་གསུངས་སོ། །ཡུལ་དང་ཐབས་དང་ ― DNG013_Page_0535 ―
[མ་དཔེ་གཟིགས་ན་འདིར་གནོན།]
འབྲས་བུ་དང་། །མཚན་གཞི་མཚན་ཉིད་མཚན་འབྲས་ཅན། །ཤེས་པའི་མཚན་ཉིད་ལྟ་བ་རྒྱུ། །འཇུག་པའི་མཚན་ཉིད་བསྒོམ་པ་རྐྱེན། །མངོན་འགྱུར་མཚན་ཉིད་འབྲས་བུར་བཟུང་། །བྱ་བྱེད་རྣལ་འབྱོར་རྒྱུ་ལམ་འབྲས། །ལྟ་བའི་མཚན་ཉིད་རབ་ཤེས་པ། །གསེར་བལྟ་གསེར་བསྟན་གསེར་བཞིན་དུ། །བདག་ཕྱིར་བྱ་བྱེད་མ་དམིགས་པས། །རྟོག་དཔྱོད་དམིགས་འཛིན་མི་འཚོལ་བར། །དེ་བརྗོད་ཉིད་ཀྱིས་དེ་ཉིད་མཐོང་། །སུས་ཀྱང་མ་བཅོས་བཅིང་མེད་དེ། །བཅིང་བར་བྱ་བ་ཡོད་མ་ཡིན། །བཅིང་མེད་རྣམ་པར་གྲོལ་མེད་པར། །གྲོལ་བར་མི་འདོད་བཅིང་དང་བྲལ། །དཔྱད་དུ་མེད་པར་རྟོག་པས་དཔྱད། །དཔྱད་པས་གོ་བར་བྱ་བ་ཡང་། །དོན་དང་མི་མཐུན་མཚོན་བྱ་ན། །ཆོས་ཀུན་མཐའ་ལས་འདས་པ་ལ། །མཐའ་རྣམས་གང་ཡང་དོར་མེད་པས། །འདི་ལྟར་འདིའོ་ཞེས་བསྟན་མེད། །རང་བཞིན་ངོ་བོ་བསྟན་པར་དཀའ། །འོན་ཀྱང་ཡིན་མིན་འཛིན་གྲོལ་ཕྱིར། །མདོར་ན་ཇི་ལྟར་བརྟགས་བསམ་བཞིན། །འགྱུར་བས་ཀུན་གྱི་ངོ་བོར་སྣང་། །དེ་མཚོན་ཅི་ཡང་ཡིན་པའི་ཕྱིར། །སེམས་ཆོས་ཅི་ཡང་མ་ཡིན་ནོ། །དེ་ཕྱིར་མ་ཡིན་ཀུན་ཡིན་པས། །ཅིར་ཡང་ཡིན་ནོ་ལྷུན་གྱིས་གྲུབ། །མཐའ་ཀུན་ཕྱོགས་སུ་མ་ཆད་ཕྱིར། །མཐའ་དང་བྲལ་ཕྱིར་མ་བྲལ་བའོ། །གང་ཡང་མ་སྤངས་མི་ལྡན་པས། །མ་བྲལ་ཕྱིར་ན་བྲལ་ཞེས་བྱ། །ངོ་བོ་ཕེབས་པས་རྒྱས་པར་འགྱུར། །ཕྱོགས་བཅུར་བཞུགས་པའི་སངས་རྒྱས་དང་། །དུས་བཞིར་གཤེགས་པའི་རྒྱལ་བ་རྣམས། །སེམས་གནས་སེམས་རྟོགས་སངས་རྒྱས་ཉིད། །དེ་ལས་གཞན་དུ་མི་བཙལ་ལོ། །ལམ་གྱི་མཚན་ཉིད་རབ་ཤེས་ནས། །ནམ་མཁའི་དབྱིངས་ཀྱི་ཉི་ཟླ་ལ། །རྡོ་རྗེ་སེམས་དཔའ་ཡབ་ཡུམ་བསྒོམ། །སངས་རྒྱས་མ་ལུས་བསྒོམ་པར་འགྱུར། །ཨོཾ་བཛྲ་སཏྭ་ཧཱུཾ། སེམས་ཅན་ལུས་ལ་རྩ་གནས་པ། །དཀྱིལ་འཁོར་བཞི་དང་སྲོག་ཤིང་གསུམ། །གཡོ་བ་རླུང་དང་བསྐྱོད་པའི་མེས། །ནམ་མཁའི་བ་བཞོས་བདུད་རྩི་འབེབས། ། ― DNG013_Page_0536 ―
[མ་དཔེ་གཟིགས་ན་འདིར་གནོན།]
པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །རྡོ་རྗེའི་བཀའ་ལས་འདའ་མ་བྱེད། །གཏུབ་པར་བྱ་བའི་ཏིང་འཛིན་ནོ། །གདུག་ཅིང་སྡང་སེམས་ལྡན་པ་ཡི། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །དེ་ཡི་མཐུ་དང་དཔུང་མ་བྱེད། །མཐུ་དང་རྫུ་འཕྲུལ་དཔུང་མ་བྱེད། །མཐུ་དང་རྫུ་འཕྲུལ་མེད་པར་བྱོས། །དབྱེ་བ་རྒྱུན་གྱི་ཏིང་འཛིན་ཡིན། །ཁྲོ་མོ་རྣམས་ཀྱི་དཀྱིལ་འཁོར་དུ། །རྡོ་རྗེ་ཐོབ་པར་བསྒོམ་བྱ་ཞིང་། །དངོས་པོར་གྱུར་པའི་གནས་ཆེན་ཀུན། །རྡུལ་ཕྲན་བཞིན་དུ་བརྡུང་བར་བྱ། །རྡོ་རྗེའི་ཚིག་ཏུ་བརྗོད་པ་ནི། །རྡུངས་ཤིག་རྡོ་རྗེའི་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་ཕུང་སྟེ་བརླག་པར་འགྱུར། །བརྡུང་བ་རྒྱུན་གྱི་ཏིང་འཛིན་ཡིན། །རྡོ་རྗེ་ཁྲོས་པས་འབར་བ་དང་། །རྡོ་རྗེ་ཟ་བྱེད་སྲིན་པོ་དང་། །རྡོ་རྗེ་ཁྲག་འཐུང་སྲིན་མོ་དང་། །དེ་དག་ལ་སོགས་ཞལ་གདངས་པར། །གཟུགས་ཕུང་བཤིག་ལ་བསྟབ་པར་བྱ། །རྡོ་རྗེའི་ཚིག་གིས་འདི་སྐད་བསྐུལ། །ནམ་མཁའི་ཁྲོ་བོ་ཞལ་གདངས་སུ། །ཐུགས་རྗེས་འགྲོ་ཀུན་ཡུད་ལ་བསྟབ། །ངས་བསྟབ་ཁྱོད་ཀྱིས་ཡུད་ལ་གསོལ། །རོལ་པས་དགྱེས་པའི་གད་རྒྱངས་སྒྲོགས། །རོལ་པའི་ལྕགས་ཀྱུ་འབར་བ་ཡིས། །གཉིས་མེད་ཞལ་དུ་རབ་བསྡུས་ལ། །ཡེ་ཤེས་ཁང་པའི་མེ་ཆེན་གྱིས། །རབ་ཟོས་ལས་ངན་མྱུར་དུ་བསྲེག །བསྟབ་པ་རྒྱུན་གྱི་ཏིང་འཛིན་ཡིན། །ནམ་མཁའ་རྡོ་རྗེའི་དཀྱིལ་འཁོར་དུ། །དབང་ཆེན་དཀྱིལ་འཁོར་བསྒོམ་པར་བྱ། །དེ་སྟེང་གསེར་གྱི་རི་རབ་བསྐྱེད། །དེ་སྟེང་རྡོ་རྗེ་རྒྱ་གྲམ་བསམ། །དེ་སྟེང་ལས་ཀྱི་དཀྱིལ་འཁོར་བསྒོམ། །སྐྱེ་འགྲོ་ཐམས་ཅད་གནས་པར་བསམ། །རྡོ་རྗེའི་ཚིག་གིས་བསྐུལ་བ་འདིའོ། །ཧཱུཾ་ལས་ཀྱི་རྡོ་རྗེ་འཁོར་དང་བཅས། །འཇིག་རྟེན་ཁམས་ནི་རབ་འབྱམས་ན། །ལོག་པར་བལྟ་བའི་སེམས་ཅན་རྣམས། །སྐད་ཅིག་ཡུད་ལ་མནན་ ― DNG013_Page_0537 ―
[མ་དཔེ་གཟིགས་ན་འདིར་གནོན།]
པར་ཤོག །མནན་པ་རྒྱུན་གྱི་ཏིང་འཛིན་ཡིན། །ལྷ་འམ་ཀླུ་འམ་གནོད་སྦྱིན་ནམ། །འབྱུང་པོའམ་མ་མོ་ཀླུ་ལ་སོགས། །ལྷ་འདྲེ་འདུ་བའི་གནས་དག་ཏུ། །བདག་ཉིད་ལ་སོགས་ལས་མཁན་རྣམས། །བསྐུལ་ཞིང་བཀུག་ལ་བསད་པར་བྱ། །ལས་མཁན་གྱིས་གསོད་ཏིང་འཛིན་ཡིན། །རྡོ་རྗེའི་ཚིག་གིས་འདི་སྐད་བསྐུལ། །བདག་ཉིད་ཆེན་མོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ཕྲ་མེན་ལས་མཁན་དུས་ལ་བབ། །ས་བདག་ཆེན་མོའི་དུས་ལ་བབ། །དབང་ཆེན་ལས་མཁན་དུས་ལ་བབ། །ཁྱོད་ཀྱི་ཐུགས་དམ་དུས་ལ་བབ། །མཐུ་རྩལ་འབྱུང་བའི་དུས་ལ་བབ། །སོ་སོར་བསྐུལ་བའི་ཏིང་འཛིན་ཡིན། །ལྷ་དང་ཀླུ་དང་བཙན་དག་དང་། །མ་མོ་འབྱུང་པོ་ལྷ་མོ་དང་། །ཡུལ་གྱི་ལྷ་འདྲེ་མཆོད་རྟེན་ལྷ། །དེ་ལ་གཏད་དེ་མི་འཆོར་བསྒོམ། །རྡོ་རྗེའི་ཚིག་གིས་འདི་སྐད་བསྐུལ། །ལྷ་དང་ཀླུ་དང་བཙན་ལ་སོགས། །མ་མོ་མཁའ་འགྲོ་ལས་མཁན་རྣམས། །ཡུལ་འདིར་གནས་པའི་ལྷ་འདྲེ་ཀུན། །མ་མོ་སྡེ་གདོན་ལྷ་འདྲེ་རྣམས། །དཀོན་མཆོག་དྲི་མེད་མཆོད་རྟེན་དང་། །གཙུག་ལག་ཁང་གི་སྲུང་མ་རྣམས། །ལས་ངན་ཉམས་པ་འདི་གཏད་ཀྱི། །བསྐལ་པའི་མཐར་ཡང་མ་བཏང་ཞིག །རུས་མིང་བཅུག་ལ་ཚུལ་བཞིན་གླན། །མདོག་ནི་མི་འདྲ་སོ་སོར་བྱ། །དཀར་བ་ལ་སྩོགས་བྱ་བ་ཡིན། །གཏད་པ་རྒྱུན་གྱི་ཏིང་འཛིན་ཡིན། །ཆོ་ལུང་གནས་པའི་བྱང་ཆུབ་སེམས། །ཞུ་དང་གནས་པ་ཉིད་བརྟགས་ལ། །བྱང་ཆུབ་སེམས་ཆུ་ཡུམ་གྱི་མཁའ། །བདེ་བར་གཤེགས་པའི་སྐུ་བསྐྱེད་ལ། །ཕྱི་ནང་གསང་བའི་དབང་ཡང་བསྐུར། །ལུང་བརྟགས་ལ་སོགས་བྱས་ནས་ནི། འཇིག་རྟེན་ཁམས་སུ་རབ་སྤྲོས་བཏོན། །སེམས་ཅན་དོན་ལ་བསྐུལ་ལ་གཏང་། །རྡོ་རྗེའི་ཚིག་གིས་བསྐུལ་བ་འདིའོ། །ཧཱུཾ་རྒྱལ་བའི་སྲས་པོ་གཉིས་མེད་གཙོ། །བདེ་ཆེན་བྱང་ཆུབ་སེམས་ལས་བྱུང་། །འཇིག་རྟེན་ཁམས་ནི་ཐམས་ཅད་ན། །ཉོན་མོངས་ལྔས་གཟིར་སེམས་ཅན་གྱི། །དོན་རྣམས་མ་ལུས་ཁྱོད་ཀྱིས་གྱིས། །ལས་ལ་འབྲས་བུ་ཡོད་ཅེས་བྱ། །གནས་ལུང་རྒྱུན་གྱི་ཏིང་འཛིན་ཡིན། །བདེ་གཤེགས་ཏིང་འཛིན་མཐའ་ཡས་པ། །ཏིང་འཛིན་རིམ་པ་ ― DNG013_Page_0538 ―
[མ་དཔེ་གཟིགས་ན་འདིར་གནོན།]
ཐོབ་པའང་གསུམ། །ལྔ་གསུམ་བཅོ་ལྔའི་བདག་ཉིད་ཅན། །བྱང་ཆུབ་སེམས་དཔའ་འགྲོ་དོན་མཛད། །རྟོག་བཅས་བརྒྱ་བཅུའི་འཁོར་ལོ་བསྐོར། །ཡིག་འབྲུ་གསུམ་གྱིས་བྱིན་གྱིས་བརླབས། །སྐུ་གསུང་ཐུགས་ཀྱི་དབང་རྣམས་རྫོགས། །མི་ཟད་རྒྱན་གྱི་འཁོར་ལོ་ཡིས། །སྐུ་གསུང་ཐུགས་ནི་དབྱེར་མེད་ལས། །འབྲས་བུ་ཆོས་རྣམས་ལྷུན་གྱིས་གྲུབ། །བལྟ་བ་རྟོགས་པས་གྲུབ་མཐའ་རྟོགས། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། དབང་པོ་རབ་ལ་རང་བཞིན་རྟོགས་པ་སྟེ་ལེའུ་བཅུ་དགུ་པའོ།། །།དེ་ནས་བཅོམ་ལྡན་འདས་ཀྱིས་སྣང་སྲིད་དཀྱིལ་འཁོར་ཆེན་པོར་གཏན་ལ་འབེབས་པ་འདི་འགྲོ་བའི་ཆེད་དུ་གསུངས་སོ། །དག་པ་གསུམ་དང་དག་པ་བཞིས། །སྣང་བ་མི་སྤང་འབྲས་བུར་བྱེད། །སྣོད་བཅུད་རྒྱུད་རྣམས་དག་རྟོགས་པས། །འབྱུང་བ་ཆེན་པོ་རྣམ་ལྔ་པོ། །དཀྱིལ་འཁོར་ཆོས་ཀྱི་དབྱིངས་སུ་དག །ཕུང་པོ་ལྔ་རུ་སྣང་བའི་བཅུད། །སངས་རྒྱས་རིགས་ལྔའི་དཀྱིལ་འཁོར་དག །ཤེས་པའི་རྒྱུད་ནི་རྣམ་ཤེས་རྣམས། །རང་བྱུང་སྲས་ཀྱི་དཀྱིལ་འཁོར་དག །སྣང་བ་ལྷ་ཡི་དཀྱིལ་འཁོར་རྟོགས། །རྒྱུ་འབྲས་ཀུན་རྫོབ་དོན་དམ་དག །འཁོར་རྒྱུ་ཉོན་མོངས་རྣམ་པ་ལྔ། །ཡེ་ཤེས་ཆེན་པོ་ལྔ་རུ་དག །འབྲས་བུ་སྨིན་པའི་ཕུང་པོ་ལྔ། །དམ་རྫས་རྒྱལ་བ་རིགས་ལྔར་དག །ཀུན་རྫོབ་སྣང་བའི་དངོས་པོ་རྣམས། །ཡེ་ཤེས་སྒྱུ་མའི་དཀྱིལ་འཁོར་དག །ཆུ་ཟླའི་སྣང་བ་ཇི་བཞིན་ནོ། །དོན་དམ་སྣང་བ་གཟུགས་ཀྱི་སྐུ། །ཐིག་ལེ་ཆེན་པོ་ཆོས་སྐུར་དག །མཉམ་པ་བཞི་ཡི་གཏན་ཚིགས་ནི། །མཉམ་པས་མཉམ་བྱེད་བདག་ཉིད་ཆེ། །རྒྱུ་ལས་སྐྱེས་ནས་མཐུན་པར་སྣང་། །བརྟགས་ན་དབེན་པ་ཀུན་རྫོབ་ཡིན། །དོན་དམ་སྤྲོས་པ་མཐའ་དག་བྲལ། །རྣམ་རྟོག་བློ་ཡི་སྤྱོད་ཡུལ་མིན། །སྣང་བ་ཐམས་ཅད་རྐྱེན་བཞིས་བསྡུས། །སྒྱུ་མ་ཙམ་དུ་སྣང་བར་མཉམ། །སྣང་ཞིང་བརྟགས་པའི་ཆོས་འདི་རྣམས། །མ་སྐྱེས་པར་ནི་ཀུན་མཉམ་མོ། །ལྷག་པ་ཀུན་རྫོབ་དོན་དམ་ ― DNG013_Page_0539 ―
[མ་དཔེ་གཟིགས་ན་འདིར་གནོན།]
ནི། །ཆོས་ཀྱི་དབྱིངས་ཀྱི་རྒྱུ་ལས་སྐྱེས། །ཐུགས་རྗེ་ཆགས་པའི་རྐྱེན་གྱིས་བསྐྱེད། །དོན་བྱེད་ནུས་པའི་ལྷ་སྐུར་སྣང་། །བཏགས་ན་ཆོས་ཀྱི་སྐུ་རུ་དབེན། །དཀོར་བདུན་ལྷུན་གྲུབ་སྨྲ་བརྗོད་འདས། །ཤེས་བསྒྲུབ་གཉིས་ཀའི་དོན་ཡང་ཡིན། །ཤེས་རབ་དམ་པའི་ཡུལ་ཡིན་པས། །རྟོག་གེ་པ་ཡི་སྤྱོད་ཡུལ་མིན། །དེ་རྟོགས་ཡོན་ཏན་ཟད་མེད་འགྱུར། །ཡེ་ཤེས་མཛོད་ཆེན་ཆོས་ཀྱི་དབྱིངས། །སྐུ་དང་ཡེ་ཤེས་བསམ་མི་ཁྱབ། །ནམ་མཁའི་མཐའ་ལ་ལོངས་སྤྱོད་མཛད། །རྟོགས་པ་གཞི་ཡི་གཏན་ཚིགས་ཀྱིས། །མི་ཟད་རྒྱན་གྱི་འཁོར་ལོར་བྱེད། །འཁོར་འདས་རྒྱུ་ཡི་བྱང་ཆུབ་སེམས། །དེ་བཙལ་ཡི་གེ་འབྲུ་གསུམ་ཤར། །བྱིན་བརླབས་ལུས་ངག་ཡིད་གསུམ་རྟོགས། །དེ་མཐུ་སྐུ་གསུམ་རྣམ་པར་སྣང་། །ཐམས་ཅད་མཉམ་ཉིད་ཆོས་ཀྱི་སྐུ། །བདེ་ཆེན་ཁ་སྦྱོར་ལོངས་སྤྱོད་སྐུ། །གར་དབང་ཅིར་སྣང་སྤྲུལ་པའི་སྐུ། །ཐུགས་ཀྱི་གསང་བ་བསམ་མི་ཁྱབ། །ཐམས་ཅད་ཐུགས་ནི་ཀུན་ཏུ་སྣང་། །སྐུ་གསུང་གསང་བ་ཐམས་ཅད་སྐུ། །གསུང་བསམ་མི་ཁྱབ་ཀུན་ཏུ་གྲགས། །བདེན་པ་དབྱེར་མེད་གཏན་ཚིགས་ཀྱིས། །བདེན་པ་དབྱེར་མེད་ཟུང་དུ་འཇུག །ཀུན་རྫོབ་འཁོར་བར་སྣང་གྱུར་པ། །དོན་དམ་མྱ་ངན་འདས་པ་ཉིད། །དབྱེར་མེད་ཟུང་དུ་འཇུག་བྱ་བ། །དོན་དམ་སྐྱེ་མེད་སྤྲོས་དང་བྲལ། །སྣང་བ་ངོ་བོ་ཉིད་རྒྱུར་ཤར། །ཀུན་རྫོབ་རིག་པ་སྒྱུ་མ་ཉིད། །རང་རྒྱུད་ཕྱོགས་གཅིག་གྲུབ་པ་མེད། །སྣང་བ་ཐམས་ཅད་གཟུགས་སྐུར་ཤར། །མཚན་བཅས་ཕྱག་རྒྱ་ཆེན་པོ་ཡིན། །སྟོང་ཉིད་ཐམས་ཅད་ཆོས་སྐུར་ཤར། །མཚན་ཉིད་ཕྱག་རྒྱ་ཆེན་པོ་ཡིན། །སྣང་སྟོང་ངོ་མཉམ་ཟུང་དུ་འཇུག །གཉིས་མེད་ཕྱག་རྒྱ་ཆེན་པོར་ཤར། །ཟུང་འཇུག་དབྱེར་མེད་སྤྱོད་ཡུལ་བྲལ། །ཡིད་ལ་བྱ་བ་ཀུན་བྲལ་བ། །དབྱེར་མེད་ཕྱག་རྒྱ་ཆེན་པོར་གནས། །ལྡེམ་དགོངས་མན་ངག་གཏན་ཚིགས་ཀྱིས། །སྐབས་ཀྱི་དོན་གཉིས་མཐོང་བར་བྱེད། །ལྡེམ་པོར་དགོངས་པ་རྣམ་པ་བཞི། །གཞུག་དང་མཚན་ཉིད་གཉེན་པོ་བསྒྱུར། །སྔགས་ལ་སྐྲག་པའི་ལོག་ཞེན་ལ། །དེ་ཉིད་སྒོ་ནས་ ― DNG013_Page_0540 ―
[མ་དཔེ་གཟིགས་ན་འདིར་གནོན།]
དེ་ཁྲིད་ནས། །གསང་སྔགས་སྒོ་ཡང་ཀུན་མཐུན་ཞེས། །བརྗོད་ནས་དོན་ལ་གཞུག་པར་བྱ། །ཀུན་བརྟགས་གཞན་དབང་ཡོངས་གྲུབ་སོགས། །མེད་འདོད་ཀུན་བརྟགས་ཡིད་འདོད་ལ། །གཞན་དབང་རྟག་འདོད་ཡོངས་གྲུབ་བསྟན། །དེ་སོགས་བསྟན་པས་དོན་ལ་བཟུང་། །ཡོན་ཏན་ཕྱོགས་ཀྱིས་དྲེགས་པ་དག །ཟིལ་གྱིས་མནན་ཏེ་དྲང་བ་ནི། །ཐེག་པ་གོང་འོག་མི་དང་ལྷ། །གཅིག་གི་གཉེན་པོ་གཅིག་བརྗོད་དྲང་། །སྔགས་ལ་མོས་ཀྱང་སྒྲ་བཞིན་སྤྱོད། །དེ་ཉིད་ཐབས་ཀྱིས་འདུལ་བའི་ཕྱིར། །བརྡའ་དང་གཅུས་ཚིག་སྣ་ཚོགས་ཀྱིས། །ཟབ་མོའི་དོན་ལ་གཞུག་པར་བྱ། །དགོངས་པར་བཤད་ལ་བསྡུ་ན་བཞི། །མཉམ་ཉིད་དུས་དོན་མཉམ་ལ་དགོངས། །བཟང་ངན་ཆེ་ཆུང་མཐོ་དམན་དང་། །བདེ་སྡུག་འཁོར་འདས་སྣང་སྟོང་དང་། །ཡོད་མེད་ལ་སྩོགས་ཞེན་གྲོལ་དགོངས། །མོས་དང་སེམས་བསྐྱེད་ལ་སྩོགས་ཀྱིས། །འབྲས་བུ་ཐོབ་པར་གསུངས་པ་ཡང་། །རྒྱུད་ནས་ཐོབ་དགོངས་སྒྱིད་ལུག་དོན། །ཆོས་ལ་ཆོག་ཤེས་སྣ་འགས་ཁེངས། །རྟོགས་ན་འདིས་ཆོག་ཟེར་རྣམས་ལ། །བསྐལ་པ་རྡུལ་སྙེད་སྦྱངས་པ་ཡིས། །འཇུག་ཅིང་འདིར་ཡང་བརྩོན་འབད་དགོས། །ཞེས་པས་ཞེན་བསལ་དོན་ལ་དགོངས། །བསམ་པ་རྒྱ་ཆུང་རྒྱ་བསྐྱེད་ཕྱིར། །གང་འདོད་དེ་ལ་སྐྱོན་བརྗོད་ནས། །ཟབ་མོའི་ས་ལམ་དོན་བསྟན་དགོངས། །ངེས་པར་གཉིས་ཉིད་གཅིག་ལ་བརྩི། ། བརྩམ། ཡང་། ཚིག་ལྡེམ་ཕུགས་བཞེད་དགོངས་པ་སྟེ། ། གུལ་ལྗོ་ཟན་ཁྲུང་ཡང་འདུག ། གྲུལ་ལྗོ་ཟན་ཁུང་དཔེ་ཀུན་ཁྱབ། །གསང་དོན་མཁས་པས་རྟོགས་པར་བྱ། །དངོས་པོའི་ལོ་རྒྱུས་གཏན་ཚིགས་ཀྱིས། །བདག་ཉིད་ཆེན་པོ་སྨོས་ཅི་དགོས། །ཡོངས་འདྲེལ་གཏན་འབེབས་རེ་དོགས་མེད། །སྣ་ཚོགས་ཀུན་དབང་བསྒྱུར་བར་འབེབས། །ཆོས་ཅན་དང་ནི་ཆོས་ཉིད་འདྲེལ། །དེ་བཞིན་སེམས་ཅན་སངས་རྒྱས་དང་། །ལུང་དང་རིགས་པ་དཔེ་དང་དོན། །སྣང་བ་དངོས་དང་ཡང་དག་སོགས། །ཐམས་ཅད་འདྲེལ་བར་གནས་པས་ན། །ཡོངས་སུ་འདྲེལ་བར་གཏན་ལ་འབེབས། །ཞི་གནས་ ― DNG013_Page_0541 ―
[མ་དཔེ་གཟིགས་ན་འདིར་གནོན།]
ཉམས་དྲོད་གཏན་ལ་འབེབས། །དེ་བཞིན་ལྷག་མཐོང་ཤེས་རབ་ཀྱིས། །ལུང་དང་རིགས་པས་རིག་པ་ཐོབ། །ཐོས་པ་མ་ཡེངས་པ་དང་ནི། །ལྟ་བས་ཆོས་ཉིད་གཏན་ལ་འབེབས། །ཆོས་ཉིད་ཉམས་དྲོད་དེ་བསྒོམ་པ། །དེ་སྤྱོད་དེ་འབྲས་ཐོབ་པར་འགྱུར། །དེ་དག་གཏན་འབེབས་གཏན་ཚིགས་ཀྱིས། །རང་གནས་སེམས་ཀྱི་ཆོས་ཉིད་འདི། །གང་ནས་ཀྱང་ནི་བཙལ་མི་དགོས། །དེ་ཉིད་གར་ཡང་མི་འགྱུར་ལ། །བསམ་བསྒྲུབ་མི་དགོས་རེ་དོགས་བྲལ། །སྣ་ཚོགས་དབང་བསྒྱུར་བརྟན་པར་བྱ། །རིག་པ་སྐྱེ་མེད་རྫས་མ་གྲུབ། །རྨི་ལམ་དངོས་མེད་སྒྱུ་མ་དང་། །རང་རྒྱུད་གཟུགས་མེད་ནམ་མཁའི་འཇའ། །གང་སྣང་མ་གྲུབ་སྨིག་རྒྱུ་ཉིད། །སྣང་བ་དངོས་མེད་ཆུ་ཟླ་དང་། །མི་མཐུན་གྲུབ་པ་མེ་ལོང་གཟུགས། །རྟག་པར་མ་གྲུབ་འགྱུར་བ་ཅན། །ཆད་པར་མ་གྲུབ་མེད་རྒྱུ་སྣང་། །ཡོད་པ་མི་བདེན་དངོས་པོས་སྟོང་། །མེད་པ་མི་བདེན་ནམ་མཁའི་སྤྲིན། །ཡོད་མེད་མི་བདེན་དྲི་ཟའི་གཟུགས། །མི་འགྱུར་གནས་ལ་ནམ་མཁའ་ཉིད། །དེ་སོགས་ཅིར་སྣང་གཏན་ཚོགས་པས། །འཁོར་བ་མྱ་ངན་འདས་པའི་ཆོས། །གཅིག་གི་གཏན་ཚིགས་གཅིག་གྱུར་པ། །གཏན་ཚིགས་མ་ཡིན་གཅིག་ཀྱང་མེད། །རབ་འབྱམས་ཀུན་ལ་དབང་བསྒྱུར་བ། །བདག་ཉིད་ཆེན་པོ་ཡིན་པར་ངེས། །རང་བཞིན་ལྷུན་གྲུབ་གཏན་ཚིགས་ནི། །ཏིལ་དང་ཏིལ་མར་ལྷུན་གྲུབ་པས། །ས་ལ་སྲ་ཞིང་ཆུ་ལ་གཤེར། །མེ་ལ་ཚ་ཞིང་རླུང་གིས་གཡོ། །གང་ཡང་རུང་བའི་ཆོས་ཅན་ལ། །ཆོས་ཉིད་ལྷུན་གྱིས་གྲུབ་པར་གནས། །སེམས་ལ་སངས་རྒྱས་ལྷུན་གྱིས་གྲུབ། །འདི་རྟོགས་སེམས་ཅན་སངས་རྒྱས་ཡིན། །སྒྲ་མཐུན་དོན་དཔག་གཏན་ཚིགས་ནི། །ཆོས་ཀུན་རང་དང་སྤྱིའི་འཕགས་པས། །མ་སྐྱེས་ཐམས་ཅད་མཁྱེན་པའི་དོན། །རྣམ་པ་ཀུན་ལྡན་སྟོང་པར་སྣང་། །དེ་ཕྱིར་སྐུ་གསུང་ཐུགས་སུ་སྣང་། །དངོས་ཀུན་གཅིག་དང་དུ་མ་བྲལ། །མཐའ་གསུམ་དང་ནི་བཞི་བྲལ་ལུགས། །ཁྱད་པར་ཅན་གྱིས་དེ་ཉིད་མཐོང་། །དེ་ཡང་མ་སྤངས་བྲལ་བར་བརྗོད། །རྨོངས་པའི་ ― DNG013_Page_0542 ―
[མ་དཔེ་གཟིགས་ན་འདིར་གནོན།]
ཕྱིར་ན་གཏི་མུག་ལ། །མནར་སེམས་པ་ནི་ཞེ་སྡང་ཆེ། །མངོན་པའི་ཁེངས་པས་ང་རྒྱལ་ལ། །ཀུན་ནས་གདུང་བས་འདོད་ཆགས་ཡིན། །གཞན་མི་ཤོང་བས་ཕྲག་དོག་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །གཏི་མུག་མི་རྟོག་ཞེ་སྡང་གསལ། །ང་རྒྱལ་ཆོས་ལ་སྲན་ཚུགས་ཤིང་། །འདོད་ཆགས་བདེ་བ་ཆེན་པོ་ཉིད། །ཕྲག་དོག་ལྟ་ངན་མི་ཤོང་བ། །དུག་ལྔ་ལམ་དུ་ཤེས་པར་བྱ། །གཉིད་ལོག་རྨི་ལམ་སངས་རྒྱས་འགྲུབ། །ལྟ་བའི་ང་རྒྱལ་ཏིང་འཛིན་བསྒོམ། །འདོད་ཆགས་གསང་དབང་རྩ་བ་ཉིད། །ལྟ་ངན་འཇོམས་པའི་ཕྲག་དོག་ལ། །གསང་སྔགས་སངས་རྒྱས་རིགས་ལྔས་འགྲུབ། །ཉོན་མོངས་མ་འདྲེས་ཡེ་ཤེས་ལྔ། །རང་བྱུང་ཡེ་ཤེས་གཅིག་ཏུ་རྫོགས། །ཀུན་ལ་དེ་ལྟར་འབྱོར་པར་རྟོགས། །རྣམ་པར་དབྱེ་བར་བྱ་བ་ནི། །འཁོར་བ་མྱ་ངན་འདས་པར་བྱེད། །གླིང་གྲངས་རྒྱས་པ་སྟོང་གསུམ་དང་། །གླིང་གཅིག་དབུ་ཞབས་ཁམས་གསུམ་དང་། །སྲིད་པ་གསུམ་དང་ཕོ་མོ་དང་། །མ་ནིང་སྐྱེ་དང་ན་དང་འཆི། །སྣོད་ནི་འཇིག་ཆགས་སྟོངས་དང་གནས། །བཅུད་ནི་སྐྱེ་རྒས་ན་དང་འཆི། །འདས་པ་དུས་གསུམ་སངས་རྒྱས་དང་། །སྐུ་གསུམ་ལ་སྩོགས་རིམ་པར་དབྱེ། །མཚོན་པར་བྱ་བའི་དཔེ་རྣམས་ནི། །ཐམས་ཅད་སྟོང་པ་ནམ་མཁའི་དཔེ། །དགོས་འདོད་འབྱུང་བ་ཡིད་བཞིན་ནོར། །གཏིང་དཔག་དཀའ་བ་རྒྱ་མཚོ་ཉིད། །ངོ་བོ་མི་འགྱུར་རིན་ཆེན་གསེར། །གསལ་ལ་མ་འདྲེས་ནམ་མཁའི་མཐའ། །འབྱུང་གཞི་མེད་པ་ནམ་མཁའི་སྤྲིན། །རྒྱུན་ཆད་མེད་པ་ནམ་མཁའི་ཆུ། །ཐམས་ཅད་དཔེས་མཚོན་གཏན་ལ་དབབ། །གཏན་ཚིགས་མང་པོར་གསུངས་པ་ཀུན། །འོན་ཀྱང་དེ་ལ་ཐ་དད་མེད། །ཀུན་ནས་གཏན་ལ་ཕེབས་པའི་དུས། །དེ་བཞིན་ཉིད་དུ་ཐེ་ཚོམ་མེད། །ལྟ་བར་བྱ་བའི་ངོ་བོ་ནི། །བལྟ་བ་བདེན་པ་དབྱེར་མེད་ལ། །རིག་པ་སྤྱོད་ཡུལ་བྲལ་བ་ཉིད། །དཀོར་བདུན་ངོ་བོ་ཉིད་རྒྱུར་གནས། །ཡེ་ཤེས་རྣམ་ལྔ་ཡེ་ཤེས་དབྱིངས། །ཡུལ་ ― DNG013_Page_0543 ―
[མ་དཔེ་གཟིགས་ན་འདིར་གནོན།]
མེད་རང་རིག་མངོན་སུམ་པ། །བདེན་པ་དབྱེར་མེད་དོན་མཐོང་བས། །རང་རིག་མངོན་སུམ་གསལ་བྱས་པས། །ཡུལ་མེད་རང་གསལ་ཉམས་རྙེད་པ། །མཐོང་ཞེས་བལྟ་བའི་ངེས་ཚིག་འགྲུབ། །དང་པོ་དོན་རྟོགས་མཐར་མི་གཏོང་། །རིན་ཆེན་ཆུ་སྲིན་ཁར་ཚུད་འདྲ། །རྟོགས་པའི་དོན་གོམས་མཐར་ཕྱིན་པས། །སངས་རྒྱས་དེ་ནས་འཁོར་མི་སྲིད། །ཅེས་གསུངས་སོ། །གླང་པོ་རབ་འབོག་གི་རྒྱུད་ལས། བློ་འབྲིང་གི་རྣལ་འབྱོར་བསྒྲུབ་པར་འདོད་པ་ལ་གཏན་ཚིགས་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་ཆེན་པོས་ཐེག་པ་ཐམས་ཅད་མ་འདྲེས་པ་ཡོངས་སུ་རྫོགས་པ་འདི་གསུངས་སོ། །ཤིན་ཏུ་རྣལ་འབྱོར་མཆོག་གི་མཆོག །འཕགས་པ་ལས་ཀྱང་འཕགས་པའི་དོན། །གསེར་གླིང་རིན་ཆེན་ལྟ་བུའི་མཆོག །འདོད་ལ་སྒྲིབ་བྱེད་ཆུ་སྦྲང་དང་། །ཆུ་སྲིན་ཉ་མིག་ལྟ་བུའི་དགྲ། །འཇིག་རྟེན་འདས་པའི་རྒྱུར་ཞུགས་པའི། །ཐེག་པ་ཆེ་ཆུང་རིམ་པ་དང་། །ཡོ་ག་བཞི་སྩོགས་གོལ་སྒྲིབ་རྣམས། །སོ་སོའི་ཁྱབ་པར་རྟོགས་ཆུད་ནས། །མི་གནས་མི་སྤང་ཐེག་པའི་མཆོག །ལྷུན་པོ་བཞིན་འཕགས་རྩ་བརྒྱད་ཉིད། །ཆེ་བ་རྟོགས་ཕྱིར་ཁྱད་པར་འབྱེད། །སྤྲུལ་པའི་གསུང་རབ་རྒྱུ་ཡི་དོན། །འདུལ་དབང་བློ་བཞིན་གྲགས་པ་དག །བསྡུ་བའང་ཆེ་ཆུང་གཉིས་ཀྱིས་སོ། །ཆུང་བསྡུས་ཉན་ཐོས་རང་རྒྱལ་གཉིས། །ཉན་ཐོས་བྱེ་བྲག་སྨྲ་བ་ནི། །རང་གི་ཤེས་རབ་ལྟ་བའི་དངོས། །སྤྱིར་ན་ཡང་དག་ལྟ་བ་ཉིད། །མི་རྟག་སྡུག་བསྔལ་སྟོང་བདག་མེད། །མི་རྟག་ལ་སྩོགས་དངོས་སུ་འཛིན། །ཀུན་རྫོབ་བྱེ་བྲག་འདོད་གཞུང་ཉིད། །སྣོད་ཀྱི་རྫས་རྣམས་དངོས་པོ་འདི། །རྡུལ་ཕྲན་སིལ་བུ་ཕན་ཚུན་པས། །མ་འདྲེས་ནེའུ་སིང་ལྟ་བུ་སྟེ། །མཐུ་འམ་སྟོབས་ཀྱིས་འདུས་པར་འདོད། །དོན་དམ་ཤེས་པ་སྐད་ཅིག་མ། །རེ་རེ་ཡོད་པར་འདོད་པའོ། །མདོ་སྡེ་ཀུན་རྫོབ་ཕྲ་རབ་རྣམས། །འདུས་པའི་རྣམ་པ་གཅིག་ཏུ་འདོད། །དོན་དམ་ཤེས་པ་མཐུན་པར་འདོད། །སྤྱོད་པ་རང་དོན་འབའ་ཞིག་པའོ། །རང་རྒྱལ་དོན་དམ་ ― DNG013_Page_0544 ―
[མ་དཔེ་གཟིགས་ན་འདིར་གནོན།]
ཉན་ཐོས་མཐུན། །ཀུན་རྫོབ་སྣང་བའི་ཁྱད་པར་ནི། །གཟུགས་ཀྱིས་བསྡུས་པའི་ཆོས་རྣམས་ཀུན། །རྟེན་འདྲེལ་རྒྱུ་རྐྱེན་དབང་གྱུར་པས། །རྨི་ལམ་ཚུལ་ཏེ་ལོགས་ན་མེད། །དེ་ནི་ཀུན་རྫོབ་ཁྱད་པར་འཕགས། །སྤྱོད་པ་ལུས་ཀྱི་རྫུ་འཕྲུལ་གྱིས། །གཞན་དོན་ཤས་འགའ་སྤྱོད་པའོ། །ཐེག་པ་ཆེན་པོ་དབུ་མ་པའི། །ཐེག་པ་ཕྱི་ནང་རྣམ་པ་གཉིས། །ཕྱི་པ་རྣམ་པར་རིག་པ་ལ། །ཀུན་ཀྱང་རང་རིག་ཡུལ་མེད་འདོད། །དེ་ཡང་རྣམ་བཅས་རྣམ་མེད་གཉིས། །རྣམ་བཅས་པ་ཡི་ལྟ་བ་ནི། །ཡུལ་ལྟར་སྣང་བ་འདི་དག་ཀུན། །རབ་རིབ་སྒྲིབ་མཐོང་རྨི་གཟུགས་ལྟར། །ཤེས་པ་འཁྲུལ་པ་གཟུགས་བརྙན་ཕྱིར། །དེ་ཡང་དེ་ཡི་ངོ་བོར་འདོད། །རྣམ་མེད་པ་ཡི་ལྟ་གཞུང་གིས། །རང་རིག་གཉིས་མེད་ཤེལ་ལྟར་དག །དེ་ཉིད་དམ་པར་ཡོད་པ་སྨྲ། །ནང་པའི་རྣལ་འབྱོར་དབུ་མ་ནི། །ཀུན་རྫོབ་སྒྱུ་མ་རྫུན་ཙམ་དུ། །ཡུལ་སེམས་གཉིས་མེད་ཡུལ་སྣང་སེམས། །ཀུན་རྫོབ་རྣམ་རིག་ཇི་ལྟ་བ། །དོན་དམ་མ་སྐྱེས་སྟོང་པར་བལྟ། །དེ་ཀུན་བྱང་ཆུབ་སྤྱོད་པའི་མཆོག །རྒྱ་ཆེར་གཞན་དོན་སྤྱོད་པར་བྱེད། །གཞན་ལ་དམིགས་པའི་མཚན་མོའི་མེ། །སྦས་པ་ལྟ་བུར་བདག་དོན་འབྱུང་། །ལོངས་སྤྱོད་རྫོགས་པའི་བཀའ་ལུང་རྒྱུད། །ཡོ་ག་ཕྱི་པའི་རིག་པ་གསུམ། །བྱ་བྱེད་རྒྱུད་དང་གཉིས་ཀའི་རྒྱུད། །རྣལ་འབྱོར་རྒྱུད་དང་རྣམ་པ་གསུམ། །གདུལ་བྱའི་ཤེས་རབ་དབང་པོས་ཕྱེ། །དེ་དག་བལྟ་སྤྱོད་ཁྱད་པར་འགྱུར། །བྱ་བྱེད་ཀྲི་ཡས་དོན་དམ་དུ། །ཀུན་ཀྱང་དག་པའི་ཆོས་ཉིད་ལ། །མཐའ་ཡི་དྲི་མ་ཡེ་ནས་མེད། །ཀུན་རྫོབ་རང་བཞིན་རིགས་གསུམ་སྐུ། །ཀུན་ཀྱང་དག་ཕྱིར་དྲུག་གསུམ་གསུམ། །ལྷ་ཡི་དཀྱིལ་འཁོར་ཡིན་པར་འདོད། །མ་གྲུབ་ཚུལ་གནས་འཇིག་རྟེན་ཆོས། །མཐུན་པར་ལྟ་ཕྱིར་རྗེ་ཁོལ་བལྟ། །དམ་ཚིག་ཆོ་ག་རྫོགས་བྱས་ནས། །གཤེགས་དང་མཆོད་བསྟོད་དྲུག་ལྡན་པའི། །བཟླས་པས་སྡིག་སྒྲིབ་དག་པའི་སེམས། །ཆུ་དྭངས་ལྟ་བུར་གྲུབ་ཤར་བ། །ལྷ་མཆོད་རྒྱུད་ཕྱིར་ལྷ་བཙལ་སྒྲ། །ཁྲུས་དང་གཙང་སྦྲའི་ ― DNG013_Page_0545 ―
[མ་དཔེ་གཟིགས་ན་འདིར་གནོན།]
མཆོད་པ་འབད། །གཉིས་ཀ་རྒྱུད་ཀྱི་འདོད་པ་ནི། །སྤྱོད་པ་བྱ་བའི་རྗེས་མཐུན་ཡང་། །ལྟ་བ་རྣལ་འབྱོར་རྗེས་འཇུག་ཕྱིར། །རིགས་དང་ལྟ་བས་ཁྱད་པར་འཕགས། །རྣལ་འབྱོར་པ་ཡི་འདོད་པ་ཉིད། །རང་རིག་དངོས་སྟོན་ཡང་སྟོང་མཚན་མ་གཉིས། །དབྱེར་མེད་དབྱིངས་དག་ཡེ་ཤེས་ལས། །བྱིན་བརླབ་རྡོ་རྗེ་དབྱིངས་ཀྱི་སྐུར། །ཤར་བལྟར་གྲོགས་པོའི་ཚུལ་དུ་མཆོད། །མ་གྲུབ་ཚུལ་གནས་འཇིག་རྟེན་དག །གྲོགས་ལ་བརྟེན་ནས་ནོར་ཚོལ་མཚུངས། །སྤྱོད་པས་ཏིང་འཛིན་གཙོར་བྱེད་པའོ། །ལྷུན་གྲུབ་བཀའ་ལུང་བསྐྱེད་རྫོགས་གསུམ། །ཐོག་མར་བསྟན་པའི་རྣལ་འབྱོར་ཆེ། །ལུས་ཀྱི་དངོས་པོ་གཉིས་བསྡུས་ནས། །རང་རིག་ཉིད་ཕྱིར་སྣང་བ་ཀུན། །ཡེ་ནས་ཡེ་ཤེས་སྐུར་གསལ་བ། །དཀྱིལ་འཁོར་གཉིས་དྲུག་ལ་སོགས་ཤར། །སྣང་བ་ཉིད་ན་རང་བཞིན་མེད། །དེས་ན་རང་བཞིན་སྐྱོན་དང་བྲལ། །སྣང་སྟོང་བྲལ་བའི་དེ་བཞིན་ཉིད། །ངང་ལས་རིག་པ་ལྷར་བསྐྱེད་པས། །ཐ་མ་རྟོག་ཚོགས་མ་སྤངས་དག །གསེར་འགྱུར་མུན་སྣང་ཇི་ལྟ་བའོ། །ཅིར་སྣང་རང་གི་རིག་པའི་ཕྱིར། །ལྷ་དང་བལྟ་བ་ཡོངས་ཀྱིས་མེད། །ཏིང་འཛིན་ཡེ་ཤེས་སྐུར་ཤར་བ། །སུས་ཀྱང་མ་བྱས་བྱེད་མེད་སྟེ། །ངོ་བོས་གཞན་ནས་འོང་བའང་མེད། །དེས་ན་བདག་ཉིད་ཆེན་པོར་བལྟ། །སྤྱོད་པ་བཟང་ངན་གཙང་སྨེ་སོགས། །གང་ལ་ཡང་ཆགས་སྡང་བླང་དོར་མེད། །བདེ་མྱོང་མི་འགོག་མི་འཛིན་ཕྱིར། །ཚོགས་གཉིས་རྒྱུན་དུ་རྫོགས་པར་བྱེད། །རྗེས་སུ་རྣལ་འབྱོར་འདོད་པ་ཉིད། །སྣང་སྲིད་ཟབ་མོའི་མཁའ་ཀློང་ན། །མ་སྐྱེས་དཀྱིལ་འཁོར་ཀུན་ལ་ཤར། །ཤར་བ་ཉིད་ན་ཤར་བ་མེད། །ཡབ་ཡུམ་སྲས་བཅས་བདེ་ཆེན་པོ། །ལྷུན་རྫོགས་ངང་ལས་སྐད་ཅིག་གིས། །སྙིང་པོ་དྲན་བརྗོད་སྐུར་ཤར་བ། །འདི་ལ་རིམ་པའི་རྩོལ་བ་མེད། །རྒྱ་མཚོར་ཉི་ཟླ་ཤར་བ་འདྲ། །དོན་གཉིས་མ་བཙལ་རྫོགས་པར་བྱེད། །སྤྱོད་པ་བླང་དོར་མེད་པར་སྤྱོད། །དེ་ལྟར་ནུས་ན་ཉམ་མི་ང་། །རྫོགས་པ་ཆེན་པོའི་རྣལ་འབྱོར་པ། །གཟའ་གཏད་མེད་པའི་ལྟ་མཆོག་ལ། །དེ་ཉིད་བ་ལ་བལྟ་བ་མེད། །གལ་ཏེ་འདོད་ན་དམིགས་ ― DNG013_Page_0546 ―
[མ་དཔེ་གཟིགས་ན་འདིར་གནོན།]
ལྟ་མོད། །ཐམས་ཅད་མཁྱེན་ན་ལྟ་བའི་མཆོག །ངོ་བོ་ཉིད་ནི་དམིགས་སུ་མེད། །ཅེས་གསུངས་སོ། །གླང་པོ་རབ་འབོག་གི་རྒྱུད་ལས། ཐེག་པ་ཐམས་ཅད་ཀྱི་ལྟ་སྤྱོད་ཡ་མ་བྲལ་བར་བསྟན་པ་སྟེ་ལེའུ་ཉི་ཤུ་རྩ་གཅིག་པའོ།། །།དེ་ནས་རྡོ་རྗེ་འཆང་གིས་དབང་པོ་ཐ་མའི་རྣལ་འབྱོར་པས་ལྷའི་སྐུས་རྟོགས་པར་བྱ་བ་འདི་གསུངས་སོ། །སྟོང་པ་ཉིད་དུ་གསལ་བསྒོམས་པས། །སྙིང་རྗེ་སྒྱུ་མས་ཀུན་ལ་ཁྱབ། །ཧཱུཾ་ལས་བྱུང་བ་རྡོ་རྗེ་སེམས། །མཐིང་ནག་རྡོ་རྗེ་དྲིལ་བུ་འཛིན། །རྣལ་འབྱོར་པ་ཡིས་རྟག་ཏུ་བསྒོམ། །སངས་རྒྱས་ཐམས་ཅད་བསྒོམ་པར་འགྱུར། །ཡུམ་ཡང་འདུ་འབྲལ་མེད་པར་འཁྲིལ། །རྟག་ཏུ་སྔགས་ལ་འབད་ནས་བཟླས། །ཨཱོཾ་བཛྲ་སཏྭ་དྷཱ་ཏྭཱི་ཤྭ་རཱི་ཧཱུཾ། སྐུ་གསུང་ཐུགས་རྗེ་ཧཱུཾ་ལས་སྐྱེས། །ཞལ་བརྒྱད་རབ་ཏུ་འཇིགས་པ་ནི། །སྔོ་དང་དཀར་དང་དམར་བ་དང་། །སེར་དང་ལྗང་དང་དུད་ཁ་དང་། །ཐལ་བའི་མདོག་དང་སྤྲིན་མདོག་བརྒྱད། །ཕྱག་ནི་བཅུ་དྲུག་གནས་པ་ཉིད། །གཡས་པ་རྡོ་རྗེ་དྲིལ་བུ་གཡོན། །གཡས་གཡོན་གོས་ཀྱི་གཡང་གཞི་ནི། །ཚངས་པའི་པགས་པ་བརྐྱང་ནས་འཛིན། །རྩེ་གསུམ་མདུང་ཐུང་དགྲ་སྟྭ་དང་། །རལ་གྲི་ཅང་ཏེའུ་གྲི་གུག་དང་། །ལྕགས་ཀྱུ་གཡས་ན་འཛིན་པ་ལ། །ཐོད་པ་ཁ་ཊྭཱཾ་མགོ་བོ་དང་། །ཞགས་པ་ཐོ་བ་སྡིགས་མཛུབ་གཡོན། །ཡུམ་འཁྲིལ་ཁ་ཊྭཱཾ་ཐོད་པ་བསྣམས། །ཞབས་བརྒྱད་ལྷ་མནན་དུར་ཁྲོད་ཆས། །སྐུ་ནི་སྔོ་ཞིང་དྲག་ལ་འཇིགས། །ཡུམ་ནི་བྱི་རུ་ལྟ་བུར་དམར། །ཤར་དུ་ཨཱོཾ་ལས་གསལ་བྱེད་མ། །བྱང་དུ་བ་ལས་སྟག་གདོང་མ། །ནུབ་ཏུ་ཛ་ལས་མཁའ་འགྲོ་མ། །ལྷོ་རུ་ཧེ་ལས་མ་མོ་ཉིད། །དམར་དང་སྔོ་བ་ལྗང་བ་ཤར། །ལྗང་གུ་སེར་དང་སྔོ་བ་ལྷོ། །སྔོ་སངས་དམར་དང་དཀར་བ་ནུབ། །དཀར་དང་ལྗང་གུ་སྔོ་བ་བྱང་། །དང་པོའི་ཕྱག་ན་མདའ་དང་གཞུ། །བར་ན་ཞགས་པ་ལྕགས་ཀྱུ་དང་། །ཐ་མ་ཐོད་པ་ཁ་ཊྭཱཾ་ག །མེ་ཡི་ཕྱོགས་སུ་ཤ་ཝ་རཱི། །འཁོར་འདི་རྣམས་འོག་གི་དག་སྦྱོར་དང་མཚན་དང་གོ་རིམ་མི་མཐུན་པར་དཔྱད། བདེན་བྲལ་ཕྱོགས་སུ་གསུས་འཕྱང་མ། །རླུང་གི་ཕྱོགས་སུ་དྲག་དྲན་ཡང་མཆོག་མ། །དབང་ལྡན་ཕྱོགས་ན་མངོན་འབྱུང་མ། །ཤར་ལྷོ་དམར་ལ་ལྷོ་ནུབ་སྔོ། །ནུབ་ ― DNG013_Page_0547 ―
[མ་དཔེ་གཟིགས་ན་འདིར་གནོན།]
བྱང་སྔོ་སངས་བྱང་ཤར་སེར། །དཀར་དང་སེར་བའི་ཞལ་དང་ནི། །སེར་དང་དམར་དང་དམར་དང་ལྗང་། །དམར་དང་དཀར་བའི་ཞལ་གསུམ་པ། །དང་པོ་ཐོད་པ་ཁ་ཊྭཱཾ་ག །བར་པ་གྲི་གུག་ཅང་ཏེའུ་དང་། །ཐ་མ་རྡོ་རྗེ་ལྕགས་ཀྱུ་ཡང་མདུང་ངོ་། །ཤར་སྒོར་བཾ་ལས་དམ་ཚིག་གམ། །སྔོ་དང་དཀར་དང་དམར་བའི་ཞལ། །ཕྱག་ན་ལྕགས་ཀྱུ་ཅང་ཏེའུ་དང་། །བར་མ་ཐོད་པ་ཁ་ཊྭཱཾ་ག །ཐ་མ་མགོ་དང་སྡིགས་མཛུབ་ཅན། །ལྷོ་སྒོར་ར་ལས་རོ་གཏུམ་མ། །དཀར་དང་སྔོ་དང་ལྗང་བ་དང་། །དང་པོ་ཞགས་པ་ཅང་ཏེའུ་ཉིད། །བར་གཉིས་ཐོད་པ་ཁ་ཊྭཱཾ་ག །ཐ་གཉིས་སྡིགས་མཛུབ་གྲི་གུག་མགོ། །ནུབ་སྒོར་སྭཱ་ལས་འབར་མ་མཆོག །དམར་དང་སྔོ་དང་ལྗང་གུ་སྟེ། །དང་པོ་ལྕགས་སྒྲོག་གྲི་གུག་དང་། །བར་གཉིས་ཐོད་པ་ཁ་ཊྭཱཾ་ག །ཐ་མ་མགོ་དང་སྡིགས་མཛུབ་རྣམས། །བྱང་སྒོར་ཧཱ་ལས་ཕྲེང་རྒྱལ་མ། །ལྗང་གུ་དཀར་སེར་དམར་བའི་མདོག །དྲིལ་བུ་གྲི་གུག་དང་པོ་གཉིས། །ཁ་ཊྭཱཾ་ཅང་ཏེའུ་བར་མ་གཉིས། །མགོ་དང་སྡིགས་མཛུབ་ཐ་མར་བསྣམས། །བཅུ་གསུམ་ལྷ་ཡི་དཀྱིལ་འཁོར་རྫོགས། །གསལ་ནས་སྤྱན་དྲང་བསྡིམ་པ་དང་། །མཆོད་པ་བདུད་རྩི་གཏོར་མ་དང་། །རཀྟ་དབུལ་ཞིང་བསྟོད་པ་བྱ། །གསང་སྔགས་ཡི་གེའི་ཕྲེང་བ་བཟླས། །རླུང་དང་སྔགས་དང་ཡིད་ཀྱིས་བརྡེག །ཨཱོཾ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ། དྷཱ་ཀི་ནི་ཛཱ་ལ་ཤཾ་བ་ར་ཧཱུཾ་ཕཊ་སྭཱ་ཧཱ། ཞལ་བརྒྱད་རྣམ་པར་ཐར་པ་བརྒྱད། །བཅུ་དྲུག་སྟོང་པ་བཅུ་དྲུག་ནི། །ཕྱོགས་བཞིར་སོ་སོར་ཡང་དག་རིགས། །མཚམས་ནི་མི་འཇིགས་རྣམ་པ་བཞི། །སྒོ་ཡི་ཚད་མེད་བཞི་དང་ལྡན། །དེ་ཡང་ཇི་ལྟ་བུ་ཞེ་ན། །གཟུགས་རྣམས་བལྟ་བའི་སྟོང་པ་དང་། །ནང་དང་ཕྱི་རོལ་གཟུགས་རྣམས་བལྟ། །སྡུག་དང་མི་སྡུག་བལྟ་བ་དང་། །ནམ་མཁའ་མཐའ་ཡས་སྐྱེ་མཆེད་བལྟ། །རྣམ་ཤེས་མཐའ་ཡས་བལྟ་བས་སྟོང་། །ཅི་ཡང་མེད་པའི་སྐྱེ་མཆེད་དང་། །འདུ་ཤེས་མེད་མིན་སྐྱེ་མཆེད་དང་། །འདུ་ཤེས་ཚོར་བ་འགོག་པར་བལྟ། །ཞལ་གྱིས་རྣམ་པར་ཐར་བརྒྱད་རྟོགས། །སྟོང་པ་བཅུ་དྲུག་མཚོན་པའི་ཕྱག །དང་པོ་ནང་གི་སྟོང་པ་ཉིད། ། ― DNG013_Page_0548 ―
[མ་དཔེ་གཟིགས་ན་འདིར་གནོན།]
གཉིས་པ་ཕྱི་ཡི་སྟོང་པ་ཉིད། །གསུམ་པ་ཕྱི་ནང་སྟོང་པ་ཉིད། །བཞི་པ་སྟོང་ཉིད་སྟོང་པ་ཉིད། །ལྔ་པ་ཆེན་པོ་སྟོང་པ་ཉིད། །དྲུག་པ་དོན་དམ་སྟོང་པ་ཉིད། །བདུན་པ་འདུས་བྱས་སྟོང་པ་ཉིད། །བརྒྱད་པ་འདུས་མ་བྱས་སྟོང་པ་ཉིད། །དགུ་པ་མཐའ་ལས་འདས་པ་སྟོང་པ་ཉིད། །བཅུ་པ་ཐོག་མ་ཐ་མ་མེད། །བཅུ་གཅིག་དོར་བ་མེད་པས་སྟོང་། །བཅུ་གཉིས་རང་བཞིན་སྟོང་པ་ཉིད། །བཅུ་གསུམ་ཆོས་རྣམས་སྟོང་པ་ཉིད། །བཅུ་བཞི་མཚན་ཉིད་སྟོང་པ་ཉིད། །བཅོ་ལྔ་མི་དམིགས་སྟོང་པ་ཉིད། །བཅུ་དྲུག་དངོས་པོ་མེད་སྟོང་པ། །བཅུ་བདུན་དབྱེར་མེད་ངོ་བོ་ཉིད། །ཡུམ་ནི་གཟུགས་མེད་ནམ་མཁའ་ཉིད། །ཆགས་པས་མདོག་དམར་ཁ་ཊྭཱཾ་ཐོད། །ཆོས་བརྒྱད་བསྡུས་པས་ཕྱག་མཚན་གཉིས། །སོ་སོ་ཡང་དག་ཕྱོགས་བཞི་ནི། །ཕྱག་བྱེད་མ་ཡི་མཁའ་འགྲོ་ནི། །དོན་ནི་སོ་སོར་ཡང་དག་རིག །སྟག་གདོང་མ་ཡི་མཁའ་འགྲོ་མ། །ཆོས་ནི་སོ་སོ་ཡང་དག་རིག །མཁའ་འགྲོ་རྡོ་རྗེ་དྲག་མོ་ནི། །ངེས་ཚིག་སོ་སོ་ཡང་དག་རིག །མཁའ་འགྲོ་མ་ནི་གསེར་མདོག་ཅན། །སྤོབས་པ་སོ་སོ་ཡང་དག་རིག །དཀྱིལ་འཁོར་སྐྱོང་བྱེད་ཕྱོགས་བཞིར་གནས། །མཚམས་ཀྱི་ལྷ་མོ་མི་འཇིགས་བཞི། །ཤར་ལྷོ་ལྷ་མོ་དངོས་འབྱུང་མ། །བཅོམ་ལྡན་འདས་ལ་འཇུག་མི་འཇིགས། །ལྷོ་ནུབ་དྲན་པ་མཆོག་མ་ཡིན། །ཆོས་རྣམས་ཉེ་བར་སྟོན་མི་འཇིགས། །ནུབ་བྱང་ན་ནི་གསུས་འཕྱང་མ། །མྱ་ངན་འདས་ལམ་འཇུག་མི་འཇིགས། །བྱང་ཤར་ཕྲེང་བ་རྣམ་རྒྱལ་མ། །ཟག་པ་མེད་ལ་ཡོངས་མི་འཇིགས། །སྒོ་བ་བཞི་ཡི་ལྷ་མོ་ནི། །རྣམ་པར་གཙིགས་མ་བྱམས་པ་ཤར། །རོལ་གཏུམ་མ་ནི་སྙིང་རྗེ་ལྷོ། །འབར་འབོག་མ་ནི་དགའ་བ་ནུབ། །རྣམ་པར་རྒྱལ་མཆོག་བཏང་སྙོམས་བྱང་། །ཀུན་གཞི་ཉོན་མོངས་ཡིད་གསུམ་ནི། །ཏིང་འཛིན་གསུམ་ལས་རྣམ་པར་སྐྱེས། །ཞལ་གསུམ་དཀར་དང་སྔོ་དང་ལྗང་། །རྣམ་ཐར་གསུམ་དང་ལྡན་པ་ལ། །སྟོང་ཉིད་མཚན་མེད་སྨོན་པ་མེད། །ཆོས་དང་ལོངས་སྤྱོད་སྤྲུལ་པའི་སྐུ། །ཕྱག་དྲུག་རྡོ་རྗེ་དྲིལ་བུ་དང་། །བར་གཉིས་ཐོད་པ་ཁ་ཊྭཱཾ་ག ། ― DNG013_Page_0549 ―
[མ་དཔེ་གཟིགས་ན་འདིར་གནོན།]
མགོ་བོ་དང་ནི་གྲི་གུག་རྣམས། །སྦྱིན་པ་ཚུལ་ཁྲིམས་བརྩོན་འགྲུས་དང་། །བཟོད་པ་བསམ་གཏན་ཤེས་རབ་ཡིན། །ཟླ་བའི་དཀྱིལ་འཁོར་ཡི་དྭགས་གདན། །སེམས་དཔའི་སྐྱིལ་མོ་ཀྲུང་གིས་བཞུགས། །སོར་བཞག་བྱས་ཤེས་རབ་སྟོང་པ་ཉིད་དང་ནི། །ཐབས་ནི་སྙིང་རྗེ་ཆེན་པོ་ཉིད། །ཡུམ་ནི་སྐུ་ལ་རྣམ་པར་འཁྲིལ། །དམར་མོ་ཐོད་པ་ཁ་ཊྭཱཾ་ག །ཡེ་ཤེས་སྤྱན་དྲང་བསྡིམ་མཆོད་ནས། །གསང་སྔགས་སྲོག་དང་ལྡན་པར་བཟླས། །ཡིད་ཀྱིས་གསལ་བའི་འཕྲོ་འདུས་སྦྱངས། །ཨཱོཾ་ཤྲཱི་ཧེ་རུ་ཀ་ཡ་བི་ག་མ་ཧེ་བྷྱིད་ད་རཛྫ་ཡ་དྷི་མ་ཧེ་ཏན་ནོ། བི་རེ་པྲ་ཛ་ཧ་ཡ་ཨ་ཧཱུཾ། སྟོང་ཕྲག་གསུམ་གྱིས་ཐུན་མོང་གི། །དངོས་གྲུབ་ཐམས་ཅད་འཐོབ་པར་བྱེད། །དུས་གསུམ་དོན་ནི་རྟག་ཏུ་སྨྲ། །ཞི་རྒྱས་དབང་དྲག་ལས་བཞི་འགྲུབ། །དུས་མིན་འཆི་ལས་ཐར་བར་འགྱུར། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། དབང་པོ་ཐ་མ་ལྷ་སྐུས་མཚོན་པ་སྟེ་ལེའུ་ཉི་ཤུ་རྩ་གཉིས་པའོ།། །།དེ་ནས་སངས་རྒྱས་རྡོ་རྗེ་འཆང་ཆེན་པོས་ནོར་བའི་དམིགས་བསལ་ནས་མ་ནོར་བའི་དོན་ཉམས་སུ་བླང་བ་འདི་གསུངས་སོ། །སྐྱེ་བོ་འཁོར་བ་ཐ་མལ་པ། །དུག་ལྔ་འབྱོལ་ཉོག་སྤྱོད་ཅིང་འཁོར། །ལྷ་དང་མི་ཡི་ཐེག་པ་ནི། །དགེ་བ་བཅུ་ལ་རྐྱང་འདེད་བྱེད། །ཉན་ཐོས་པ་ཡི་ཐེག་པ་ཡིས། །བདེན་པ་བཞི་ལ་སྤང་ལེན་བྱེད། །རང་སངས་རྒྱས་པའི་ཐེག་པ་ནི། །རྟེན་འདྲེལ་རྒྱུ་དང་འབྲས་བུར་འཛིན། །དབུ་མ་ཐེག་པ་ཆེན་པོ་ལ། །བདེན་པ་གཉིས་ལ་སྤང་ལེན་བྱེད། །ཀྲི་ཡཱ་དམ་ཚིག་ཡེ་ཤེས་ལྷ། །རྗེ་དང་ཁོལ་པོ་ལྟ་བུར་བལྟ། །ཆ་གཉིས་འཛིན་པའི་ཐེག་པ་ནི། །ལྟ་བ་སྤྱོད་པ་ཡ་ཆར་འགྱུར། །རྣལ་འབྱོར་ཕྱི་པ་ཐུབ་པའི་རྒྱུད། །ལྷུན་གྱིས་གྲུབ་པའི་དོན་མ་རྟོགས། །ཐེག་པའི་ཆོས་དང་འཁོར་བའི་ཆོས། །ཐམས་ཅད་གསང་སྔགས་ངོ་བོ་ཡིན། །ཆོས་རྣམས་ཅིར་ཡང་སྣང་ལུགས་སྣང་། །གསེར་ལ་དྲི་མ་བྲལ་མ་བྲལ། །ཐམས་ཅད་གསེར་དུ་གཅིག་པ་ལྟར། །ཀུན་ཀྱང་གསང་སྔགས་ངོ་བོར་གནས། །རྣལ་འབྱོར་སྐྱེས་བུ་ཆེན་པོ་ཡིས། །ལྟ་བ་དེ་ལྟར་རྟོགས་པར་བྱ། །ལམ་ནི་རིམ་པར་བགྲོད་པ་རྣམས། །ལྷ་མི་མཚན་ཉིད་ཐེག་པ་རྣམས། །གསང་ ― DNG013_Page_0550 ―
[མ་དཔེ་གཟིགས་ན་འདིར་གནོན།]
སྔགས་ལམ་གྱི་སྟེགས་བྱེད་པ། །ཕུལ་དང་དྲེ་དང་ཁལ་ལྟར་ནི། །ལྟ་བ་མ་ནོར་མ་བླངས་པས། །ཐམས་ཅད་སྔགས་ཀྱི་ལམ་སྟེགས་འགྲོ། །དེ་ཕྱིར་གསང་སྔགས་མཆོག་གི་ལམ། །ཁྱད་པར་འཕགས་པ་ཤེས་པར་བྱ། །ལྟ་བའི་གོལ་སྒྲིབ་གཅོད་པའི་ཕྱིར། །ཐེག་ཀུན་སྔགས་ཀྱི་ཆ་རྐྱེན་ཡིན། །ཆ་ཡོད་ངོ་ཤེས་ཟས་ཀྱི་དུག །དུག་ཡོད་སྤོངས་ལ་དུག་མེད་ཟ། །ལྟ་ངན་དྲི་མ་སྤངས་བྱས་ནས། །ལྟ་བ་བཟང་པོ་དང་དུ་ལེན། །ཐེག་པ་མ་ལུས་ཐམས་ཅད་ཀུན། །གསང་སྔགས་ཆེ་བ་འབྱིན་ཕྱིར་བསྟན། །གསང་བའི་ངོ་བོ་མཚོན་ཕྱིར་བཤད། །འགྲོ་བའི་ལམ་སྟེགས་བགྲོད་པར་དགོངས། །གོལ་སྒྲིབ་སྐྱོན་ཡོན་ཤེས་ཕྱིར་བཤད། །དེ་ཕྱིར་གསང་སྔགས་ཐུན་མོང་ཡིན། །ཐབས་དང་ཤེས་རབ་ཐེག་པའི་ལམ། །ཐབས་ལམ་དབང་གིས་བགྲོད་གྱུར་པ། །བླ་མའི་མན་ངག་གནད་དུ་བསྣུན། །སྒྲ་འདོགས་ཡོངས་གཅོད་བླ་མ་ཡིས། །བུམ་པས་རིག་པའི་དབང་ལྔ་བསྐུར། །ལུས་གནས་དབྱིབས་ཀྱི་རྩ་རྣམས་ཉིད། །བསྐྱེད་པའི་རིམ་པ་ལྷ་ཡི་སྐུ། །ལུས་ཀྱི་དྲི་མ་དག་པར་བྱེད། །ས་དྲུག་རྫོགས་ནས་སྤྲུལ་སྐུ་འཐོབ། །བླ་མ་རང་བྱུང་ཡེ་ཤེས་སྟོན། །གསང་བའི་དབང་ནི་བསྐུར་བ་ཡིས། །གཏུམ་མོའི་ལམ་དུ་འབར་འཛག་པས། །ངག་གི་དྲི་མ་དག་པར་བྱེད། །ས་བཞི་རྫོགས་ནས་ལོངས་སྐུ་འགྲུབ། །རྡོ་རྗེ་འཆང་སར་འགྲོ་བའོ། །བླ་མས་ལྷན་སྐྱེས་ཡེ་ཤེས་སྟོན། །ཤེས་རབ་ཡེ་ཤེས་དབང་བསྐུར་བས། །དགའ་བ་མཆོག་དགའ་དགའ་བྲལ་དང་། །ལྷན་ཅིག་སྐྱེས་པའི་དགའ་བ་ཡིས། །ཡིད་ཀྱི་དྲི་མ་དག་བྱས་ནས། །ས་ནི་ཕྱེད་དང་གཉིས་རྫོགས་པས། །རྣལ་འབྱོར་མིང་སྲིང་འབྲས་ཐོབ་པ། །ཆོས་ཀྱི་སྐུ་ལ་སྦྱོར་བར་བྱེད། །བླ་མས་ཆོས་རྣམས་རྣམ་དག་སྟོན། །ཁམས་གསུམ་འདུས་པའི་དྭངས་མ་རྣམས། །སྲོག་ཤིང་གསུམ་ལས་དྲངས་པ་ཡིས། །རྡོ་རྗེ་རྦ་རླབས་ལམ་སྦྱངས་ཏེ། །ལུས་ངག་ཡིད་གསུམ་སྒྲིབ་དག་པས། །སྙིང་པོའི་རླུང་རྣམས་རང་གྲོལ་ཅིང་། །ས་ཆེན་ངོ་བོ་ཉིད་སྐུ་ཐོབ། །བཅུ་བཞི་རྡོ་རྗེ་འཛིན་གནས་པ། །ཉོན་མོངས་ ― DNG013_Page_0551 ―
[མ་དཔེ་གཟིགས་ན་འདིར་གནོན།]
འཆིང་བའི་ལས་སྤྱད་པས། །སྐུ་བཞི་འཐོབ་པ་ཐབས་ཀྱི་ལམ། །དབང་པོ་དམན་པས་སྔགས་བསྒྲུབ་ཕྱིར། །རྒྱལ་བ་རྣམས་ཀྱིས་གསུངས་པ་ཡིན། །ཕྱི་རབས་སྔགས་འཆང་རྣལ་འབྱོར་པས། །ཉམས་སུ་བླངས་ན་སངས་རྒྱས་འགྲུབ། །རང་ལུས་གསང་སྔགས་རྒྱུད་དེ་རྟོགས། །ཤེས་རབ་ལམ་ནི་བལྟ་བ་རྟོགས། །རང་བཞིན་དཀྱིལ་འཁོར་འཇུག་པ་ཡིན། །དེ་ཕྱིར་ཐོས་བསམ་བསྒོམ་གསུམ་གྱིས། །ཤེས་རབ་སྤྱན་དང་ལྡན་པར་བྱ། །ཐབས་ལམ་གྲོལ་ལམ་ཐ་དད་ན། །ཐབས་དང་ཤེས་རབ་འདྲེལ་པ་མེད། །ཐབས་ཀྱི་ལམ་ལ་གཙོར་བྱེད་ལ། །གྲོལ་ལམ་ལྟ་བ་མེད་གྱུར་ན། །འཇིག་རྟེན་ཐབས་དང་ཁྱད་པར་མེད། །མ་ཧཱ་དེ་བའི་བདེ་བར་འགྱུར། །གྲོལ་ལམ་རྐྱང་པར་བསྒྲུབ་བྱེད་ན། །ཐབས་དང་བྲལ་ཞིང་དབུ་མར་གྱུར། །དབང་མ་ཐོབ་པར་འཇུག་འགྱུར་ཞིང་། །རང་གཞན་ཐབས་ལ་ངེས་ཤེས་མེད། །རྩ་སྔགས་ཐིག་ལེ་རླུང་དང་བྲལ། །ཐབས་ཀྱི་ལམ་དང་ཤེས་རབ་ལམ། །གང་རུང་གཅིག་ལ་ཡོངས་རྫོགས་འདོད། །ཟག་བཅས་ལམ་པའི་ཤེས་རྒྱུད་ལ། །ལམ་གཉིས་དུས་གཅིག་སྐྱེ་མི་སྲིད། །རྩེ་གཉིས་གཅིག་ཏུ་མཚོན་པ་འདྲ། །ངེས་པར་གཅིག་གམ་ཐ་དད་པ། །བློ་དམན་རྣམས་ལ་ཐབས་ལམ་ཉིད། །དབང་པོ་མཆོག་ལ་གྲོལ་བའི་ལམ། །དབྱིབས་དང་ཁ་དོག་ལྟ་བུ་ཉིད། །ཀུན་རྫོབ་མཚོན་པར་ཐ་དད་ཀྱང་། །ངེས་དོན་གཅིག་ཏུ་རྟོགས་པར་འགྱུར། །གྲོལ་བའི་ལམ་ནི་འབྲས་བུ་འདྲ། །ཐབས་ལ་མཚོན་བྱེད་རྒྱུ་རྐྱེན་མཚུངས། །ལྟ་བ་གཏན་ལ་འབེབས་པའི་ཕྱིར། །གྲོལ་ལམ་ཐོས་བསམ་བསྒོམ་པས་སྦྱངས། །ཡང་དག་ལྟ་བ་མི་གོལ་བས། །རང་ལུས་ཐབས་ཀྱི་གནད་དུ་བསྣུན། །རྩ་རྣམས་དབྱིབས་སུ་གཏན་ལ་དབབ། །ལུས་ཁམས་བདུད་རྩི་བདེ་བ་སྟེ། །གྲུབ་པ་སྔགས་ནི་བཟླས་པ་ཉིད། །སྙིང་པོ་རླུང་གི་འཕྲོ་འདུར་འགྱུར། །གྲོལ་ལམ་བལྟ་བ་ཅིག་ཆར་རྟོགས། །ཐབས་ལམ་དབང་གིས་རིམ་གྱིས་སྨིན། །དེ་ཕྱིར་གསང་སྔགས་ལམ་འདོད་པས། །ཐབས་ཀྱི་ལམ་དང་གྲོལ་བའི་ ― DNG013_Page_0552 ―
[མ་དཔེ་གཟིགས་ན་འདིར་གནོན།]
ལམ། །གསང་སྔགས་རྒྱུད་བཞིན་རྟོགས་པར་བྱ། །དེ་སྐད་སྟོན་པ་རིགས་ལྔས་གསུངས། །དད་ལྡན་བརྩོན་འགྲུས་རབ་འབད་ན། །ཀུན་བཟང་རྡོ་རྗེ་སེམས་དཔའ་འཐོབ། །ཅེས་གསུངས་སོ། །གླང་པོ་རབ་འབོག་གི་རྒྱུད་ལས། གསང་སྔགས་ཀྱི་ལམ་གྱི་རྩ་བ་མ་ནོར་བར་གཏན་ལ་ཕབ་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་རྡོ་རྗེ་འཆང་ཆེན་པོས་ལམ་གྱི་ཆ་རྐྱེན་ཡོངས་སུ་རྫོགས་པ་གཏན་ལ་ཕབ་པ་འདི་གསུངས་སོ། །ལྟ་བ་བདེན་པ་དབྱེར་མེད་པས། །རང་རིག་མངོན་སུམ་རྟོགས་པ་ཡིས། །ལྟ་བ་རང་གི་མཚན་ཉིད་མཐོང་། །དེ་ལ་ལམ་གྱི་རིམ་པ་མཐོང་། །དང་པོ་གསལ་བའི་སྤྱོད་ཡུལ་ལ། །གཟུགས་མཐོང་རྒྱང་ནས་མཐོང་གྱུར་ཀྱང་། །དྲུང་ནས་གསལ་བར་འགྱུར་བཞིན་རྟོགས། །དེ་ཕྱིར་རིམ་དང་ཅིག་ཅར་བལྟ། །ལམ་གྱི་སྤྱོད་ཡུལ་གཞི་གཅིག་ལ། །སོ་སོ་ཐ་དད་སྤྱོད་པ་ཡང་། །ཀུན་ཏུ་རྒྱུ་དང་ཁྱིམ་གནས་དང་། །གླང་ཆེན་སྟོབས་ཀྱི་ཆེ་ཆུང་ལྟར། །རང་བཞིན་ཏིང་འཛིན་མངོན་ཕྱུང་བའི། །སྒྲོལ་སྦྱོར་ལ་སོགས་རིམ་པར་སྤྱོད། །མཉམ་པར་གཞག་པའི་དོན་ཉིད་ལ། །རྗེས་ཀྱི་སྤྱོད་པ་དེ་བཞིན་སྤྱོད། །དཀྱིལ་འཁོར་ངོ་བོ་ཀུན་གཅིག་ཀྱང་། །ལམ་གྱི་བྱེད་ལུགས་མི་འདྲ་བས། །ཏིང་འཛིན་བསྒོམ་དང་གཟུགས་བརྙན་བྲི། །ཚད་ཀྱི་བྱེ་བྲག་ཆེ་ཆུང་སོགས། །གདུལ་བྱ་ལམ་དང་མཐུན་པ་རུ། །རྒྱལ་བས་གསུངས་བཞིན་རྟོགས་པར་བྱོས། །དབང་བསྐུར་རྒྱུ་ལམ་འབྲས་ཀུན་རྫོགས། །རྫས་ལ་བརྟེན་ནས་བསྐུར་བ་དང་། །ལྟ་བས་བསྐུར་དང་ཏིང་འཛིན་དབང་། །བླ་མ་སློབ་མའི་རིམ་དགོངས་ཤེས། །རྩ་བ་ཡན་ལག་དམ་ཚིག་རྣམས། །བསྲུང་མཚམས་བཅས་པའི་དམ་ཚིག་དང་། །དོན་ལ་མི་འདའ་གནས་པ་སྟེ། །དམ་ཚིག་ཁྱད་པར་རྟོགས་པར་བྱ། །ཟག་བཅས་ཟག་མེད་ལ་སོགས་ལམ། །ཞི་རྒྱས་དབང་དྲག་ལྷུན་གྲུབ་པའི། །ཕྲིན་ལས་ཀུན་གྱིས་སྤྱད་འགྱུར་ཡང་། །རོ་གཅིག་ནུས་མཐུ་ཁྱད་པར་ཆེ། །མ་བསྒྲུབས་བསྒྲུབ་ཆེན་བསྒྲུབ་དགོས་པ། །མངོན་སུམ་རྩོལ་བས་སོགས་པའི་རྫས། །ཏིང་འཛིན་ཡིད་ཀྱིས་སོགས་ ― DNG013_Page_0553 ―
[མ་དཔེ་གཟིགས་ན་འདིར་གནོན།]
པའི་རྫས། །ཏིང་འཛིན་ཡིད་ཀྱིས་དམིགས་པའི་རྫས། །རིམ་པས་གང་གཙོ་ཤེས་པས་བསྒྲུབ། །མྱ་ངན་འདས་པ་མཆོད་བྱེད་ན། །འཁོར་བ་མཆོད་པའི་རྫས་ཡིན་པས། །ཟག་བཅས་ཡོ་བྱད་སྔགས་རྒྱས་མཆོད། །ཟག་མེད་བལྟ་བའི་ཏིང་འཛིན་མཆོག །གསང་སྔགས་བཟླས་ཤིང་ཕྱག་རྒྱ་བཅའ། །སྔགས་ཀྱི་སྐྱོན་སྤང་སྒྲ་བརྟེན་བཟླས། །ཡིད་སྐྱོབ་རྡོ་རྗེའི་བཟླས་པས་འགྲོ། །ཕྱག་རྒྱ་བཞི་ལ་མོས་པས་བསླབ། །དངོས་སུ་ཞི་ཁྲོའི་རྒྱལ་ཚབ་བྱེད། །རྣལ་འབྱོར་རིམ་པས་རྟོགས་པར་འགྱུར། །ཀུན་ཀྱང་ཞི་ཁྲོའི་ཏིང་འཛིན་བསྒོམ། །ཟག་བཅས་མཚན་ཉིད་སོ་སོར་བསྒོམ། །ཟག་མེད་ཏིང་འཛིན་ཡོངས་རྫོགས་བསྒོམ། །མཚན་བཅས་མཚན་མེད་ཀུན་བསྒོམས་ཀྱང་། །རྩོལ་བ་ཡོད་མེད་ཁྱད་པར་ལས། །ལམ་གྱིས་བྱེ་བྲག་རྟོགས་པར་བྱ། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། ལམ་གྱི་ཆ་རྐྱེན་གྱི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་བཅོམ་ལྡན་འདས་རྡོ་རྗེ་འཆར་ཆེན་པོས་རྣལ་འབྱོར་པ་ཐམས་ཅད་ཀྱི་ལམ་འདི་དག་འགྲོ་བའི་ཆེད་དུ་བརྗོད་དོ། །གསང་སྔགས་ལམ་ནི་བགྲོད་འགྱུར་བ། །རིམ་སྐྱེས་པ་དང་ཅིག་ཆར་བ། །མོས་སློབ་དང་ནི་སྨིན་སློབ་དང་། །ཐར་ཆགས་པ་དང་ཐོད་རྒལ་བ། །ཟག་བཅས་ལམ་དང་ཟག་མེད་ལམ། །གང་ཞིག་རིམ་གྱིས་བགྲོད་གྱུར་པ། །དང་པོར་གཞི་ནས་བཟུང་བྱས་ནས། །ཐ་མར་འབྲས་བུའི་གནས་སུ་འགྲོ། །བར་གྱི་ལམ་རྣམས་རིམ་པས་སློབ། །རིམ་སྨིན་སྲིད་པ་མངལ་སྐྱེས་འདྲ། །ཅིག་ཅར་པ་ཡི་ལམ་བགྲོད་ན། །ལྟ་སྒོམ་དབྱེར་མེད་འབྲས་བུར་གཅིག །མཚོ་ལ་གཟའ་སྐར་ཤར་བ་ལྟར། །སྲིད་པ་བརྫུས་ཏེ་སྐྱེས་སྨིན་འདྲ། །མོས་སློབ་ལམ་ནི་བཟང་པོའི་དུས། །ཉ་སྟོང་ཚོགས་ཀྱི་དཀྱིལ་འཁོར་ལ། །མཚམས་ནས་རྫོགས་རིམ་བར་དུ་བསྒོམ། །སྲིད་པ་སྒོང་སྐྱེས་སྨིན་པ་འདྲ། །སྨིན་སློབ་ལམ་ནི་དང་པོ་རུ། །དེ་བཞིན་ཉིད་ལ་མཐར་ཕྱིན་བསྒོམ། །དེ་ནས་ཀུན་སྣང་རྒྱུ་དང་ནི། །ཚོམ་བུ་ཚོགས་སྒྲུབ་སྤྲོས་པ་དང་། །རིག་འཛིན་སངས་རྒྱས་སར་འགྲོ་བ། །སྔ་མ་སྨིན་ནས་ཕྱི་མའི་ལམ། །རང་སའི་དྲོད་ཚད་རྟགས་ལྡན་པ། །བཟོ་བོ་མཁས་པའི་ལྡེར་སོ་འདྲ། ། ― DNG013_Page_0554 ―
[མ་དཔེ་གཟིགས་ན་འདིར་གནོན།]
ཐར་ཆགས་པ་ཡི་ལམ་བསྒོམ་པ། །ཚོགས་ཀྱི་ལམ་ལ་རྣལ་འབྱོར་བཞི། །སྦྱོར་བའི་ལམ་ལ་བསྙེན་བསྒྲུབ་བཞི། །མཐོང་ལམ་རྣམ་སྨིན་ཚེ་དབང་དང་། །བསྒོམ་ལམ་ཕྱག་རྒྱའི་རྣལ་འབྱོར་དང་། །མཐར་ཕྱིན་ལྷུན་གྲུབ་རིག་འཛིན་ཡིན། །སྟོང་པ་ཆེན་པོའི་རྣལ་འབྱོར་ནི། །རྣམ་པ་ཀུན་ལྡན་སྟོང་པ་སྟེ། །དཔེ་ནི་ཡིད་བཞིན་ནོར་བུ་འདྲ། །སྙིང་རྗེ་ཆེན་པོའི་རྣལ་འབྱོར་ནི། །ཡོངས་ལ་ཁྱབ་པའི་སྒྱུ་མ་སྟེ། །དཔེ་ནི་ཉི་མའི་སྙིང་པོ་སྟེ། །ཕྱག་རྒྱ་ཆེན་པོའི་རྣལ་འབྱོར་ནི། །ཨ་ཉིད་ཞི་བ་ཚངས་པ་འདྲ། །ཧཱུཾ་ལས་ཁྲོ་བོ་སྲིན་ཕྲུག་ཚུལ། །དཔེ་ནི་ཆུ་ལས་ཉ་ལྡང་འདྲ། །སྤྲོས་པའི་རྣལ་འབྱོར་བསྒོམ་པ་ནི། །རང་གནས་རྩ་ལས་དཀྱིལ་འཁོར་སྤྲོས། །སྔགས་ཀྱི་ཡི་གེ་ཚོམ་བུར་སྤྲོས། །ཁམས་ཀྱི་བདུད་རྩི་ཞལ་ཕྱག་སྤྲོས། །སྙིང་པོ་རླུང་ལས་རྣམ་གྲངས་སྤྲོས། །བསྙེན་པ་ཞི་བའི་བསྙེན་པ་སྟེ། །ཉེ་བསྙེན་ཞི་བའི་སྒྲུབ་པར་གསུངས། །སྒྲུབ་པ་ཁྲོ་བོའི་བསྙེན་པ་ཉིད། །སྒྲུབ་ཆེན་ཁྲོ་བོའི་སྒྲུབ་པ་ཡིན། །རྣམ་པར་སྨིན་པའི་རིག་འཛིན་ནི། །ཡིད་ཀྱི་ཏིང་འཛིན་ལྷ་སྐུར་སྨིན། །ཁྱུང་ཕྲུག་སྒོ་ངའི་ནང་གནས་བཞིན། །བག་ཆགས་ལུས་ནང་ལྷ་ཡི་སྐུ། །ཚེ་ལ་དབང་པའི་རིག་འཛིན་ནི། །རང་གི་ཚེ་ལ་དབང་ཐོབ་པས། །འཁོར་བར་བཞུགས་སམ་སངས་རྒྱས་འགྲོ། །སྐྱེ་ཤི་རང་དབང་ཐོབ་པ་ཡིན། །བསྒོམ་ལམ་ཕྱག་རྒྱར་ཡི་དམ་ལྷ། །རིགས་ལྔ་གང་བསྒོམ་ཆ་ལུགས་འཛིན། །ས་བརྒྱད་ནོན་པའི་བྱང་ཆུབ་སེམས། །བསྒོམ་ལ་ཆེད་འཛིན་ཡོད་པར་བཞུགས། །མཐར་ལམ་ས་དགུ་ས་བཅུ་ལ། །སྐུ་ལྔ་ལྷུན་གྲུབ་ཆ་ལུགས་ཉིད། །རྒྱལ་ཚབ་མཛད་པས་སངས་རྒྱས་དང་། །མཉམ་པར་གཞག་པས་དགོངས་མཉམ་འགྱུར། །ཐོད་རྒལ་ལམ་ལ་སྦྱོར་བ་ནི། །བར་དུ་ས་ལམ་བོར་ནས་འགྲོ། །ཕྱག་རྒྱ་གཅིག་པའི་ས་ནས་ནི། །མཐོང་ལམ་མཐར་ཐུག་སྦྱོར་བ་དང་། །སྤྲོས་པར་རིག་འཛིན་མཐར་ཐུག་སྦྱོར། །ཚོགས་བསྒྲུབ་ཕྱག་རྒྱ་མཐར་ཐུག་སྦྱོར། །ཚེ་དབང་ལས་ནི་སྐུ་ལྔར་སྦྱོར། །ཟག་བཅས་ལམ་གྱི་ཐོད་རྒལ་གཉིས། །ཚེ་དབང་ཕྱག་རྒྱའི་རིག་འཛིན་ཡིན། ། ― DNG013_Page_0555 ―
[མ་དཔེ་གཟིགས་ན་འདིར་གནོན།]
དེ་བཞིན་ཉིད་དང་ཀུན་ཏུ་སྣང་། །བདེན་པ་ཕྱོགས་རེ་བསྒོམས་པས་ན། །ཐོད་རྒལ་བ་ལ་འོང་ས་མེད། །ཚོགས་བསྒྲུབ་རྣམ་སྨིན་རིག་འཛིན་དང་། །ལྷུན་གྱིས་གྲུབ་ལ་ཐོད་རྒལ་མེད། །འབྱུང་ལུགས་ངེས་པ་མེད་པ་སྟེ། །བར་དུ་ས་ལམ་ངེས་མེད་འདོར། །ཐོད་རྒལ་འབྱུང་བར་འགྱུར་བ་ནི། །ལྟ་བ་གཉིས་མེད་ཁ་ལོང་དང་། །རྟོགས་པ་བཙན་ཐབས་སྐྱེས་པ་དང་། །ལམ་ལ་དོར་བྱ་ཡོད་པ་དང་། །ས་ལ་སྦྱངས་པ་ཡོད་ན་འབྱུང་། །རིམ་སྦྱངས་ལམ་ལ་བར་ཆད་འབྱུང་། །ཐོད་རྒལ་ལམ་ལ་འགྲོ་བས་ན། །འདའ་ཀ་མ་ཡི་མན་ངག་བསྒོམ། །དེ་ཕྱིར་ཐོད་རྒལ་ཤིན་ཏུ་གཅེས། །ཟག་བཅས་ལམ་ནི་རྣལ་འབྱོར་བཞི། །ལུས་ངག་ཡིད་གསུམ་འབད་ནས་བསྒྲུབ། །ཡུལ་ཁམས་ཕུང་པོ་སྐྱེས་གནས་ཀྱིས། །འབྲས་བུ་བཟང་ལ་དམིགས་ནས་འགྲུབ། །ཟག་མེད་རིག་འཛིན་རྣམ་པ་གསུམ། །སྟོན་པ་སྐུ་གསུམ་ཞལ་གཟིགས་པས། །ཡུལ་ཁམས་ཕུང་པོ་སྐྱེ་གནས་དང་། །བསྒྲུབ་པ་ཟག་པ་མེད་ཤེས་བསྒྲུབ། །ལམ་གྱི་རྣམ་པ་གང་བསྒྲུབས་ཀྱང་། །ཤེས་པའི་རྒྱུ་ནི་བལྟ་བ་བས། །བལྟ་བས་གཏན་ལ་ཕབ་ནས་བསྒྲུབ། །གང་ཞིག་ལྟ་བས་མ་ཟིན་ན། །འདུས་བྱས་རྫས་ལ་ཟད་པ་ཡོད། །འདུས་མ་བྱས་ཀྱི་ལྟ་བ་ཡིས། །འཁོར་བ་མྱ་ངན་འདས་པ་ཤེས། །འཁོར་འདས་གཉིས་མེད་རྟོགས་གྱུར་པ། །ད་ལྟ་ཉིད་ནས་འགྲུབ་པ་ཡིན། །སངས་རྒྱས་ས་ལ་ཐེ་ཚོམ་མེད། །རང་སེམས་སངས་རྒྱས་མ་ཤེས་ན། །ལམ་གྱི་རིམ་པ་གང་བགྲོད་ཀྱང་། །མངོན་པར་བྱང་ཆུབ་ག་ལ་སྲིད། །སེམས་ཉིད་སངས་རྒྱས་ཡིན་ཤེས་ན། །ཐེག་པ་མ་ལུས་ཐམས་ཅད་ཀུན། །མ་སྦྱངས་རྒྱལ་བའི་དགོངས་པར་ཤེས། །ཀུན་དུ་འོད་ཀྱི་ས་ནོན་ནས། །པདྨ་ཅན་གྱི་ས་ལ་ཕྱིན། །ཡི་གེ་འཁོར་ལོ་ཚོགས་ཆེན་འགྲུབ། །ཐེག་པ་གསུམ་གྱི་ངེས་འབྱུང་ལས། །ཐེག་པ་གཅིག་གི་ནང་དུ་འཇུག །ཐེག་པ་བཞི་ལས་ངེས་པར་འབྱུང་། །རྨད་བྱུང་ཐེག་གཅིག་ནང་དུ་གནས། །ཐེག་པ་ཐམས་ཅད་བགྲོད་པས་ན། །མཐར་ཐུག་ཐེག་པའི་ཐུག་ས་ཡིན། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། ལམ་ ― DNG013_Page_0556 ―
[མ་དཔེ་གཟིགས་ན་འདིར་གནོན།]
གྱི་རིམ་པ་ལྟ་བས་བསྟན་པ་སྟེ་ལེའུ་ཉི་ཤུ་རྩ་ལྔ་པའོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་གསང་བའི་ལམ་ཡོངས་སུ་རྫོགས་པ་འདི་གསུངས་སོ། །ཆོས་དབྱིངས་འགྱུར་བ་མེད་པས་ན། །དེ་བཞིན་ཉིད་དུ་བསྒོམ་པར་བྱ། །དོན་དམ་ལྡན་པ་སྤྲོས་དང་བྲལ། །མྱ་ངན་འདས་པའི་དགོངས་པ་བསྒོམ། །ཆོས་སྐུ་དྲི་མ་མེད་པས་ན། །འབྲས་བུ་བསམ་རྫོགས་བྲལ་བར་བསྒོམ། །ཀུན་ཏུ་འོད་ཀྱི་ས་གནས་པའི། །བྱང་ཆུབ་སེམས་དཔའི་དགོངས་པ་བསྒོམ། །ཀུན་གཞི་མཐའ་དང་བྲལ་བས་ན། །སྐྱེ་བ་མེད་པའི་རང་བཞིན་བསྒོམ། །ལམ་ལ་བར་ཆད་བྱུང་བས་ན། །འཁོར་འདས་སྟོང་པའི་ངང་ལས་འཕོ། །ཆོས་རྣམས་རང་བཞིན་འོད་གསལ་བས། །ཉི་མའི་དཀྱིལ་འཁོར་བཞིན་དུ་བསྒོམ། །ཀུན་རྫོབ་བདེན་པ་བརྫུན་པས་ན། །འཁོར་བའི་ཆོས་ལ་སྙིང་རྗེ་བསྒོམ། །ལོངས་སྐུ་ཡེ་ཤེས་སྒྱུ་མའི་སྐུ། །དངོས་པོ་གཉིས་ལ་ལོངས་སྤྱོད་བསྒོམ། །པདྨ་ཅན་གྱི་ས་ལ་གནས། །སྨིན་པ་རྒྱ་མཚོའི་དགོངས་པ་བསྒོམ། །ཉོན་མོངས་ཡིད་ཀྱིས་ཀུན་ལ་ཁྱབ། །འོད་ཕུང་དམར་སྨུག་འབར་བར་བསྒོམ། །ལམ་དུ་གློ་བུར་བར་ཆད་འབྱུང་། །ལོངས་སྤྱོད་རྫོགས་སྐུའི་ཞིང་དུ་འཕོ། །ཆོས་ཀུན་རྩ་བ་བྱང་ཆུབ་སེམས། །ཐམས་ཅད་འབྱུང་བའི་རྒྱུ་རུ་བསྒོམ། །བདེན་པ་གཉིས་སུ་དབྱེར་མེད་པས། །ཀུན་རྫོབ་དོན་དམ་ཟུང་འཇུག་བསྒོམ། །སྤྲུལ་སྐུ་ཅིར་ཡང་སྣང་བས་ན། །ཞི་ཁྲོ་ཕྲ་མོའི་སྐུ་གཉིས་བསྒོམ། །ཡི་གེ་འཁོར་ལོ་ཚོགས་ཆེན་ས། །ཞི་ཁྲོ་སྤྲུལ་པའི་འཕྲོ་བ་བསྒོམ། །ཡིད་ཀྱི་རྣམ་ཤེས་ཀུན་ཏུ་རྒྱུ། །བྱེད་པ་ཀུན་གྱི་རྩ་བར་བསྒོམ། །མ་འབྱོངས་ལམ་ལ་བར་ཆད་འབྱུང་། །ལྷ་ཡི་སྐུ་ཡི་ཐུགས་ཀར་འཕོ། །གསང་བའི་དཀྱིལ་འཁོར་མཁའ་ཡི་ཚད། །སོར་བཞི་པ་དང་མཛུབ་གང་བྱ། །གཟུགས་བརྙན་དཀྱིལ་འཁོར་ཁྲུ་གང་ངམ། །ལུས་གང་པ་ཡི་ཚད་དུ་བྱ། །ལུས་དོ་དང་ནི་ལུས་གསུམ་དང་། །དཔག་ཚད་རྒྱང་གྲགས་ནམ་མཁའ་མཉམ། །སྤྱི་མགྲིན་སྙིང་ག་ལྟེ་བའི་རྩ། །དཀྱིལ་འཁོར་ལ་གནས་ ― DNG013_Page_0557 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་འཕྲོ། །ཞི་བ་ཡམ་ཡུམ་གཉིས་བསྒོམས་ལ། །ཁུ་བ་ལས་ནི་འཁོར་རྣམས་འབྱུང་། །སྒེག་མོ་ཕྲེང་བ་གླུ་གར་བཞི། །ལྷ་ལྔའི་ཚོམ་བུ་བསྒོམ་པར་བྱ། །ཁྲོ་བོ་ཡབ་ཡུམ་བསྒོམས་བྱས་ནས། །ལན་ཅིག་སྦྱོར་བས་འཁོར་བརྒྱད་འབྱུང་། །ཕྱོགས་མཚམས་མཁའ་འགྲོས་བསྐོར་བྱས་པའི། །ལྷ་དགུའི་ཚོམ་བུ་བསྒོམ་པར་བྱ། །ཞལ་བརྒྱད་བཅུ་དྲུག་ཕྱག་ལྡན་པ། །ལྷ་གྲངས་བཅུ་གསུམ་ཚོམ་བུ་བསྒོམ། །རང་གི་ཡིག་འབྲུ་ལས་བྱུང་བས། །ས་བོན་འབྲུ་རེ་དག་ལས་བསྐྱེད། །ཞལ་གཅིག་པ་དང་ཕྱག་གཉིས་པ། །ཞལ་གསུམ་པ་དང་ཕྱག་དྲུག་པ། །ཞལ་བརྒྱད་བཅུ་དྲུག་ཕྱག་ལས་ནི། །བཅོ་བརྒྱད་ཉི་ཤུ་མང་པོར་བསྒོམ། །ལུས་ཀྱི་བདུད་རྩི་བདེ་བར་ལྡན། །རླུང་གི་བྱེད་པ་དུ་མ་ལས། །རྣམ་གྲངས་བསམ་ཡས་སྤྲོ་བར་བྱ། །ཞིང་བཅུ་བཀུག་ནས་བྲོད་བསྐྱེད་བསྙེན། །ངན་སོང་ལམ་སྦྱང་ཉེ་བ་སྟེ། །ཕུང་པོ་རྫས་མཆོད་སྒྲུབ་པ་ལ། །སེམས་ཉིད་གནས་པར་སྒྲུབ་ཆེན་པོ། །ཡུམ་བཙལ་ཆས་ཀྱིས་སྒེག་པས་བསྙེན། །རྡོ་རྗེ་པདྨ་སྙོམས་འཇུག་ཉེ། །བསྲུབས་ཤིང་གར་བྱེད་སྒྲུབ་པ་ལ། །ལྷན་ཅིག་སྐྱེས་དགའ་སྒྲུབ་ཆེན་པོ། །བྱང་ཆུབ་སེམས་བསྐྱེད་ཉེ་བ་ཉིད། །ཡབ་ཡུམ་བསྒོམ་པ་ཉེ་བ་ཉིད། །འཁོར་རྣམས་བསྐྱེད་པ་སྒྲུབ་པ་ཡིན། །སྤྱན་དྲང་བསྡིམ་མཆོད་བཟླས་སྒྲུབ་ཆེན། །རྣལ་འབྱོར་བཞི་བསྒོམ་བསྙེན་པ་ཉིད། །བསྙེན་སྒྲུབ་བཞི་པོ་ཉེ་བ་ལ། །རིག་འཛིན་ཐོབ་པ་སྒྲུབ་པ་སྟེ། །སངས་རྒྱས་སར་འགྲོ་སྒྲུབ་ཆེན་རྫོགས། །བསྙེན་པ་འོད་ཟེར་དཀར་པོར་སྤྲོ། །འགྲོ་བའི་སྒྲིབ་སྦྱང་འཕགས་པ་མཆོད། །ཉེ་བསྙེན་དཀར་པོར་སྤྲོས་བྱས་ནས། །དམར་པོ་ཚུར་ལ་བསྡུ་བར་བྱ། །སྒྲུབ་པ་མི་སྤྲོ་དམར་པོ་བསྡུ། །སྒྲུབ་ཆེན་དངོས་གྲུབ་ལེན་པར་བྱེད། །ཞི་བ་བསྙེན་པ་རྒྱས་པར་ཉེ། །དབང་ནི་སྒྲུབ་པ་སྒྲུབ་ཆེན་དྲག །དང་པོ་བསྙེན་པ་བྱ་བ་ཡང་། །རླུང་ཉིད་ཕྱིར་ལ་འགྲོ་བ་ལ། །ཨཱོཾ་ཞེས་བྱ་བའི་ཡི་གེ་ལ། །རླུང་ལྔ་འདོད་ཡོན་ལྷ་མོ་ལྔས། །སྣ་ཡི་དབུགས་ལས་བྱུང་ནས་ནི། །འགྲོ་བའི་སྒྲིབ་པ་སྦྱོང་བྱེད་ཅིང་། །སངས་རྒྱས་རྣམས་ལ་མཆོད་པ་འབུལ། །གཟུགས་ནི་རྣམ་པར་སྣང་མཛད་དེ། ། ― DNG013_Page_0558 ―
[མ་དཔེ་གཟིགས་ན་འདིར་གནོན།]
དྲི་ནི་རིན་ཆེན་འབྱུང་ལྡན་ལ། །རོ་ནི་སྣང་བ་མཐའ་ཡས་ཉིད། །སྒྲ་ནི་དོན་ཡོད་གྲུབ་པ་སྟེ། །རེག་ནི་རྡོ་རྗེ་སེམས་དཔར་མཆོད། །གཉིས་པ་ཉེ་བར་བསྙེན་པ་ཡང་། །ཧཱུཾ་ཞེས་བྱ་བའི་ཡི་གེ་ལ། །བྱོལ་སོང་རྣམ་སྣང་མཛད་ལ་འདུས། །ཡི་དྭགས་རིན་འབྱུང་སྐུ་ལ་འདུས། །མི་ནི་སྣང་བ་མཐའ་ཡས་འདུས། །ལྷ་དང་ལྷ་མིན་དོན་གྲུབ་ཉིད། །དམྱལ་བ་རྡོ་རྗེ་སེམས་དཔར་འདུས། །སྒྲིབ་སྦྱངས་དངོས་གྲུབ་ཡེ་ཤེས་ནི། །ཆུ་བོའི་རྒྱུན་ལྟར་སྣ་བུག་ནས། །ནང་དུ་འདུས་ནས་ཐིམ་པར་བྱ། །གསུམ་པ་བསྒྲུབ་པར་བྱ་བ་ནི། །ཨཱཿཞེས་བྱ་བའི་ཡི་གེ་ཉིད། །ཀུན་གཞི་སྐྱེ་མཆེད་གནས་གྱུར་པ། །ཆོས་སྐུའི་ངང་ནས་གཟུགས་སྐུ་འཆར། །སྐྱེ་མེད་མ་སྐྱེས་ཡི་གེ་ཨཱཿ། །རྣལ་འབྱོར་ཁོང་གནས་ཆོས་ཀྱི་སྐུ། །བཞི་པ་སྒྲུབ་པ་ཆེན་པོ་ནི། །གཟུགས་ཀྱི་ཕུང་པོ་ལས་བྱུང་བ། །བདག་ཉིད་སྣང་མཛད་འཁོར་ལོ་འཆང་། །ཛི་ན་ཛིཀ་ལས་སྲོག་འཛིན་རླུང་། །འགྱུར་མེད་མཐིང་གར་རང་ལུས་རྫོགས། །ཚོར་བའི་ཕུང་པོ་ལས་བྱུང་བ། །ས་རླུང་སེར་པོ་རིན་འབྱུང་ཉིད། །རཏྣ་དྷྲིཀ་ལས་ནོར་བུ་འཆང་། །ལྟེ་བ་སྤྲུལ་པའི་དཀྱིལ་འཁོར་གནས། །རྣམ་ཤེས་ཕུང་པོ་གནས་གྱུར་པ། །བཛྲ་དྷྲྀཀ་ལས་མི་བསྐྱོད་དཀར། །ཆུ་ཡི་རླུང་ལས་རྡོ་རྗེ་འཆང་། །སྙིང་ག་ཆོས་ཀྱི་དཀྱིལ་འཁོར་བཞུགས། །འདུ་ཤེས་ཕུང་པོ་ལས་བྱུང་བ། །ཨཱ་རོ་ལིཀ་ཞེས་བརྗོད་པའི་སྐུ། །རང་སྔགས་རླུང་ལས་སྐྱེས་པ་ནི། །སྣང་བ་མཐའ་ཡས་པདྨ་འཆང་། །དམར་པོ་མེ་ཡི་རླུང་ལས་བྱུང་། །ལོངས་སྤྱོད་དཀྱིལ་འཁོར་གནས་ན་བཞུགས། །འདུ་བྱེད་ཕུང་པོ་གནས་གྱུར་པ། །དོན་ཡོད་གྲུབ་པ་ལྗང་སེར་ནི། །པྲཛྙཱ་དྷྲྀཀ་ལས་རླུང་གི་རླུང་། །རལ་གྲི་རྒྱ་གྲམ་འཛིན་པ་སྟེ། །སྤྱི་བོ་བདེ་ཆེན་དཀྱིལ་འཁོར་ན། །ཞུགས་ནས་ཚངས་པའི་བུ་ག་བརྒྱུད། །དཀྱིལ་འཁོར་འབྱུང་ལྔ་ཡུམ་དུ་སྣང་། །ཞུགས་པའི་རླུང་ལྔ་ཡབ་ཏུ་སྣང་། །གཡས་ཀྱི་སྲོག་ཤིང་ཡུམ་དུ་སྣང་། །གཡོན་གྱི་སྲོག་ཤིང་ཡབ་ཏུ་སྣང་། །དེ་གཉིས་དབུས་ཀྱི་སྲོག་ཤིང་ཐིམ། །པདྨའི་སྣལ་མ་ཕྲ་མོ་ཡིས། ། ― DNG013_Page_0559 ―
[མ་དཔེ་གཟིགས་ན་འདིར་གནོན།]
སྲིད་པ་གསུམ་པོ་བཅིངས་གྱུར་པ། །ཏིལ་གྱི་སྒྲོན་མེས་མུན་སེལ་བ། །རྒྱ་སྐྱེགས་མེ་ཏོག་འདྲ་བ་ཡི། །སྙིང་རྗེ་ཆགས་པ་ཆེན་པོ་ཡིས། །འགྲོ་བ་རྣམས་ཀྱིས་དོན་མཛད་པ། །ལྷ་ནི་ཨ་དཀར་སྲོག་ཏུ་འདུས། །ལྷ་མ་ཡིན་གྱི་སུ་སེར་པོ། །མི་ཡི་ནྲྀ་ཡིག་སྔོན་པོ་དང་། །བྱོལ་སོང་དུ་ནི་དུད་ཀ་དང་། །ཡི་དྭགས་དྲེ་དམར་གནས་པ་དང་། །དམྱལ་བའི་ཡི་གེ་ཏྲི་ནག་པོ། །གཟུགས་ཁམས་བསམ་གཏན་ཨཱོཾ་དང་བཅས། །དེ་དག་གཟུགས་མེད་ཨཱཿལ་འདུས། །སྐུ་གསུང་ཐུགས་ཀྱི་འབྲུ་གསུམ་ཉིད། །ཟུང་འཇུག་ཧཱུཾ་གིས་དྲངས་ནས་ནི། །ཆུ་ཤིང་སྙིང་པོ་ལྟར་དྲང་བའི། །སྤྱི་གཙུག་ཚངས་པའི་གཙུག་ཏོར་དུ། །རྩ་ནི་དུང་གི་དབྱིབས་སུ་གྲུབ། །ཡི་གེ་ཧཱུཾ་དུ་རྣམ་པར་སྣང་། །བདུད་རྩི་དྭངས་མ་བྱང་ཆུབ་སེམས། །འགྲོས་བཞི་ཐིམ་པས་གསང་བའི་སྐུ། །ཕྱི་ཡི་ལུས་ནི་རིག་འཛིན་ཉིད། །ཚེ་ནི་ཉི་ཟླ་དག་དང་མཉམ། །ནང་གི་དགོངས་པ་སངས་རྒྱས་ཐུགས། །སྐུ་དང་གསུང་དང་ཐུགས་དང་ནི། །ལོངས་སྤྲུལ་ཆོས་ནི་གསང་བ་ཉིད། །མི་ཟད་རྒྱན་གྱི་འཁོར་ལོ་གནས། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། ལམ་མཆོག་ཡོངས་སུ་རྫོགས་པའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་འབྲས་བུ་མཐར་ཕྱིན་པ་འདི་འགྲོ་བའི་ཆེད་དུ་གསུངས་སོ། །རྣམ་པར་བརྗིད་པ་སྣང་བས་སྐུ། །སྨྲ་བརྗོད་འབྱུང་བར་སྨྲ་བས་གསུང་། །ཐམས་ཅད་མཁྱེན་པར་གསལ་བས་ཐུགས། །འདོད་དགུར་འབྱུང་བས་ཡོན་ཏན་ལ། །བྱ་བ་བྱེད་པས་ཕྲིན་ལས་སོ། །འདི་དག་མ་འདྲེས་ཡོངས་རྫོགས་བཞུགས། །སྤྲོས་དང་བྲལ་བས་ཆོས་ཀྱི་དབྱིངས། །གཟུང་འཛིན་བྲལ་བའི་རིག་པས་རྟོགས། །དབྱིངས་དང་ཡེ་ཤེས་གཉིས་མེད་པས། །སྐྱེ་ཤི་མེད་པའི་གཡུང་དྲུང་སྐུ། །ཆོས་སྐུ་དྲི་མ་མེད་པ་ཉིད། །སྐུ་རྣམས་ཀུན་གྱི་རྩ་བར་གནས། །ཆོས་སྐུའི་ངང་ལས་མ་གཡོས་བཞིན། །འཇིག་རྟེན་འཇིག་རྟེན་འདས་པ་ཡི། །བདེ་སྐྱིད་ལོངས་སྤྱོད་སྣ་ཚོགས་ལ། །མ་འགགས་སྐུ་ཉམས་ལྟར་བྱས་ཤིང་། །ཇི་ལྟར་འདོད་བཞིན་དབང་བསྒྱུར་བ། །ཟད་མི་ཤེས་ ― DNG013_Page_0560 ―
[མ་དཔེ་གཟིགས་ན་འདིར་གནོན།]
པའི་གཏེར་དུ་འགྱུར། །ཀུན་གྱི་བདེ་བ་སྤྱད་པས་ན། །ལོངས་སྤྱོད་རྫོགས་པའི་སྐུ་རུ་བཞུགས། །དབང་བསྒྱུར་ལོངས་སྤྱོད་ཙམ་ཉིད་ན། །སེམས་ཅན་ལྟ་བུར་ཆགས་ཞེན་མེད། །ཡེ་ཤེས་ལྔ་ཡི་རང་བཞིན་དུ། །མ་ཆགས་མ་གོས་རྟོགས་པ་ནི། །ཐམས་ཅད་དབྱེར་མེད་མཉམ་པའི་སྐུ། །མངོན་པར་བྱང་ཆུབ་སྐུ་རུ་བཞུགས། །མ་གཡོས་བཞིན་དུ་འགྲོ་རྣམས་ལ། །སྤྲུལ་པ་སྣ་ཚོགས་སྣང་བ་ནི། །འགྲོ་བ་ཇི་བཞིན་འདུལ་དོན་མཛད། །སྐྱེ་བས་འདུལ་ལ་སྐྱེ་བར་སྟོན། །ཤི་བས་འདུལ་ན་མྱ་ངན་འདས། །ཐམས་ཅད་མཁྱེན་པའི་ཡེ་ཤེས་སྐུ། །ཉོན་མོངས་ཀུན་གྱི་ཞིང་དུ་གནས། །སྤྲུལ་པ་ཆེན་པོའི་སྐུ་རུ་བཞུགས། །དོན་མཛད་པ་ཡི་དུས་ཉིད་ན། །སྐྱེ་ཤིའི་སྡུག་བསྔལ་མ་གོས་ཏེ། །རྡོ་རྗེ་ལྟར་གནས་འགྱུར་བ་མེད། །རྡོ་རྗེ་རིག་པ་འཛིན་པའི་སྐུ། །གཞན་འཇོམས་རང་ལ་གནོད་མེད་པས། །རྡོ་རྗེ་ལྟ་བུའི་སྐུ་རུ་བཞུགས། །ཆོས་སྐུ་གཅིག་གི་ངོ་བོ་ལས། །ཐུགས་རྗེའི་མཛད་ཚུལ་སྐུ་བཞིར་སྣང་། །སྐུ་གསུམ་སྐུ་བཞི་སྐུ་ལྔ་སོགས། །གདུལ་བྱ་དག་དང་མཐུན་པར་སྣང་། །ཡི་གེ་མེད་པ་ཆོས་སྐུའི་གསུང་། །དོན་གྱི་གསུང་སྟེ་སྐྱེ་བ་མེད། །སྒྲ་དང་མིང་ཚིག་ཀུན་ལས་འདས། །མ་གསུང་དོན་གྱི་སྐྱེ་མེད་གོ། །རིག་པའི་གསུང་ནི་ལོངས་སྐུའི་གསུང་། །དགོངས་པས་འཁོར་ལ་གོ་བར་བྱེད། །ལྗགས་ཀྱི་རྩེ་མོར་མ་ཕྱུང་ཡང་། །ཡི་གེ་མེད་པས་རིག་པའི་གསུང་། །ཚངས་པའི་དབྱངས་ནི་མངོན་བྱང་གསུང་། །དེ་ཉིད་མེད་པར་འགྲོ་ཀུན་གྱི། །གོ་ཞིང་ཡིད་དུ་འོང་བ་ནི། །བརྗོད་མེད་དེ་ཉིད་སྣ་ཚོགས་སྒྲ། །ཀུན་ལ་གྲགས་ཤིང་སོ་སོར་འཇལ། །ཡན་ལག་དབྱངས་ལྡན་སྤྲུལ་པའི་གསུང་། །གསུང་གི་སྤྲུལ་པས་འགྲོ་དོན་མཛད། །བསམ་གྱིས་མི་ཁྱབ་ཀུན་ཏུ་ཁྱབ། །སྒྲ་དང་མིང་ཚིག་སོ་སོར་གྲགས། །གནོད་པས་མི་ཚུགས་རྡོ་རྗེའི་གསུང་། །ཕར་ལ་འཇོམས་ཤིང་ཚུར་མི་གནོད། །བདེ་ལྡན་གསུང་གི་དོན་བྱུང་བས། །ཐམས་ཅད་པ་ཡི་ངང་དུ་གྱུར། །ངེས་པར་གསུང་མཆོག་གཅིག་ལས་མེད། །སྒྲ་དང་མིང་ཚིག་ཀུན་ ― DNG013_Page_0561 ―
[མ་དཔེ་གཟིགས་ན་འདིར་གནོན།]
ལས་འདས། །གདུལ་བྱ་རྣམས་ལ་ཐ་དད་སྣང་། །སྣ་ཚོགས་སྒྲ་རྣམས་གསལ་བར་འབྱུང་། །གཅིག་ཏུ་འདོད་ལ་གཅིག་ཏུ་སྣང་། །ཐ་དད་འདོད་གྱུར་སྣ་ཚོགས་སྣང་། །སངས་རྒྱས་གསུང་གཅིག་བསྒྲགས་པ་ལ། །གདུལ་བྱ་སོ་སོར་སྣ་ཚོགས་གོ། །ཆོས་སྐུ་རྣམ་པར་མི་རྟོག་ཐུགས། །ཡེ་ཤེས་ཀྱི་ནི་ཆོས་རྣམས་ཀུན། །མཐའ་ཡོད་མཐའ་མེད་རྟག་ཆད་དང་། །གཟུང་འཛིན་རྣམ་པར་མི་རྟོག་བཞུགས། །ལོངས་སྐུའི་ཐུགས་ཀྱི་སྣང་བ་ནི། །ཅིར་ཡང་ས་ལེར་མཁྱེན་པའི་ཐུགས། །ཐམས་ཅད་མཁྱེན་པའི་ཡེ་ཤེས་དེས། །འཁོར་དང་མྱ་ངན་འདས་པའི་ཆོས། །ཤེས་བྱའི་དཀྱིལ་འཁོར་མེ་ལོང་ལྟར། །རྒྱུ་འབྲས་སོ་སོར་ས་ལེར་མཁྱེན། །མངོན་བྱང་འགྲོ་བ་སྒྲོལ་བའི་ཐུགས། །འདོད་ཆགས་དྲེལ་བས་འགྲོ་བ་སྒྲོལ། །སྤྲུལ་པའི་ཐུགས་ཀྱི་དགོངས་པ་ནི། །མཉམ་པ་ཆེན་པོ་མཆོག་གི་ཐུགས། །འདོད་ཆགས་ཐམས་ཅད་བྲལ་བ་དང་། །འདོད་ཆགས་གནས་སུ་དག་པ་ཡིས། །དོན་ལ་མཉམ་པར་བཞག་པས་ནི། །སེམས་ཅན་ཀུན་དང་མཉམ་པར་མཁྱེན། །རྡོ་རྗེའི་ཐུགས་ནི་འགྱུར་མེད་པ། །འགྲོ་བ་སྒྲོལ་བའི་དུས་ཉིད་ན། །བསྒྲལ་བ་མེད་པར་ཤེས་པ་ནི། །ཐམས་ཅད་འཇོམས་པས་རྡོ་རྗེའི་ཐུགས། །ཐུགས་ལྔར་སྣང་བས་མ་འདྲེས་པ། །ནམ་མཁའི་འཇའ་ཚོན་བཞིན་དུ་གནས། །གཅིག་ཏུ་གྱུར་པས་ཡོངས་སུ་རྫོགས། །སྟོང་ཉིད་ནམ་མཁའི་དཀྱིལ་འཁོར་བཞུགས། །ཡོན་ཏན་ལྔ་ཉིད་ཞིང་ཁམས་ནི། །རང་སྣང་ཞིང་ཁམས་ཕྱོགས་མེད་སྣང་། །བརྡལ་ཁྱབ་ཆེན་པོས་ནམ་མཁར་ཁྱབ། །བདེ་བ་ཅན་ཉིད་འོག་མིན་ཞིང་། །མོས་པ་ཅན་ནི་རིགས་དྲུག་གནས། །རིག་པ་རང་སྣང་ཕྱོགས་བཅུ་ཀུན། །པདྨ་ཅན་ནི་ཡུམ་གྱི་མཁའ། །གཞལ་ཡས་ཁང་དུ་སྣང་བ་ནི། །རང་སྣང་གཞལ་ཡས་གཟུང་བའི་ཡུལ། །ཡོངས་རྫོགས་གཞལ་ཡས་ཕྱི་ནང་མེད། །འོག་མིན་མངོན་པར་དགའ་ལ་སོགས། །སྤྲུལ་སྐུའི་ཐ་དད་མ་ངེས་གནས། །རིག་པའི་གཞལ་ཡས་འོད་ཁང་རེ་ཡང་དེ། །སྐྱེ་གནས་གཞལ་ཡས་ཡུམ་གྱི་མཁའ། །རྒྱན་དུ་སྣང་བར་བྱུང་བ་ནི། །རང་སྣང་རྒྱན་ནི་ཀུན་མ་སྤངས། །དོན་རྒྱན་རིག་པ་རང་སྣང་དང་། ། ― DNG013_Page_0562 ―
[མ་དཔེ་གཟིགས་ན་འདིར་གནོན།]
རྟགས་ཀྱི་རྒྱན་ནི་མཚན་དཔེ་ལྡན། །ཁྲིམས་རྒྱན་སྟོད་གཡོགས་སྨད་དཀྲིས་དང་། །རང་བཞིན་ཆོས་རྣམས་མ་སྤངས་རྒྱན། །ལས་རྒྱན་ཁུ་བུ་ཁུ་བ་ཡང་ཡེ་ཤེས་སྐུ། །འོད་ཟེར་རྣམ་པ་སྣང་བ་ནི། །འོད་གསལ་སྒྲིབ་པ་མེད་པར་གསལ། །ཡེ་ཤེས་འོད་ཟེར་ཀུན་ཁྱབ་དོན། །རྟགས་འོད་རང་རང་ཁ་དོག་དྲུག །འགྲོ་འདུལ་དབུ་དང་ཕྱག་ཞབས་འབྱུང་། །རང་བཞིན་འོད་རིགས་ཐམས་ཅད་ཀུན། །བདེ་ཆོས་གསང་དབང་དཀར་དམར་འཕྲོ། །གདན་ཁྲི་རྣམས་སུ་སྣང་བ་ནི། །སྤྱི་གདན་འབྲས་བུའི་ཆོས་རྣམས་རྫོགས། །སེམས་ཅན་སེང་གེ་གླང་ལྟ་བུ། །ཁྲོ་བོའི་གདན་ནི་ཉི་མ་བྲག །ཐུབ་པའི་པད་མ་ཡུམ་གྱི་ཚུལ། །འབྲས་གདན་ཆོས་ཉིད་ཇི་བཞིན་རྟོགས། །གསང་གདན་ཉི་ཟླའི་ཐིག་ལེ་ཉིད། །ལུས་གདན་ཕུང་པོ་རྟོགས་ཚོགས་ལྷ། །རིགས་བསྡུས་ཡོན་ཏན་ཉི་ཤུ་ལྔ། །སྤྱིར་ན་གྲངས་ཉིད་བསམ་ཡས་འཕྲོ། །ཤས་ཆེར་ཆོས་སྐུ་ནམ་མཁའི་ཞིང་། །ལོངས་སྐུ་གཞལ་ཡས་ཁྱིམ་དུ་སྣང་། །མངོན་བྱང་རྒྱན་དུ་ཕུབ་པ་དང་། །སྤྲུལ་པ་འོད་ཟེར་དཔག་མེད་འགྱེད། །རྡོ་རྗེ་འགྱུར་མེད་གདན་གྱི་རྟགས། །མ་འདྲེས་ཡོངས་རྫོགས་བྱེ་བྲག་སྤྱི། །ཆེ་བས་མཛད་པའི་ཕྲིན་ལས་ལྔ། །ཞི་རྒྱས་དབང་དྲག་ལྷུན་གྱིས་གྲུབ། །ཆོས་སྐུའི་ཕྲིན་ལས་རྣམ་པ་ལྔ། །མཚན་མ་ཐམས་ཅད་ངང་གིས་ཞི། །དེ་ཉིད་ཤེས་བྱ་ཐམས་ཅད་རྒྱས། །འབྲས་བུའི་ཆོས་རྣམས་དབང་དུ་འདུས། །རྟོགས་པ་ངང་གིས་རླག་པར་བྱེད། །ཡེ་ནས་བཞི་ག་རང་གསལ་འགྲུབ། །ཡེ་ནས་གནས་པའི་ལས་བཞི་ཡིས། །ཆོས་ཀྱི་སྐུ་ཡི་ཕྲིན་ལས་རྫོགས། །ལོངས་སྐུའི་ཕྲིན་ལས་རྣམ་ལྔ་ནི། །རྣམ་སྣང་ཞི་ལ་མི་བསྐྱོད་དྲག །རིན་འབྱུང་རྒྱས་ལ་སྣང་མཐའ་དབང་། །དོན་གྲུབ་ལྷུན་གནས་དངོས་ལས་ལྔ། །མངོན་པར་བྱང་ཆུབ་ལས་ལྔ་ནི། །ཞི་བ་རྟོག་པ་དག་པ་དང་། །རྒྱས་པའི་ལས་ནི་བདེ་བ་རྒྱས། །དབང་ནི་ཡེ་ཤེས་རང་ཤར་བ། །དྲག་པོ་མཚན་མ་ཟིལ་གྱིས་གནོན། །ལྷུན་གྲུབ་རིག་པ་རང་ལ་ཤར། །དངོས་ཀྱི་ལས་ལྔས་བྱང་ཆུབ་རྟོགས། །སྤྲུལ་པ་ ― DNG013_Page_0563 ―
[མ་དཔེ་གཟིགས་ན་འདིར་གནོན།]
སྐུ་ཡི་ཕྲིན་ལས་ལྔ། །བྱམས་པ་ཞི་བ་སྙིང་རྗེ་རྒྱས། །དགའ་བ་དབང་སྟེ་བཏང་སྙོམས་དྲག །ལྷུན་གྲུབ་བསྡུ་བའི་དངོས་པོ་བཞི། །ཕན་འདོགས་པ་ཡི་ལས་ལྔ་ཡིན། །རྡོ་རྗེ་སྐུ་ཡི་ཕྲིན་ལས་ལྔ། །ཞི་བ་སྟོང་པ་རྒྱས་པ་གནས། །དབང་ནི་ཆགས་པ་དྲག་པོས་འཇིག །ལྷུན་གྲུབ་རིག་པ་རང་སྣང་བ། །འཇིག་ཆགས་སྟོངས་གནས་བསྐལ་པ་ལྔ། །སྐུ་ལྔ་ཕྲིན་ལས་མིང་ཙམ་མཐུན། །དོན་གྱི་སོ་སོར་གནས་པས་ན། །རིགས་མི་མཐུན་པ་རྣམས་སྤངས་ནས། །རིགས་མཐུན་ལས་ནི་རྟོགས་པར་བྱ། །འབྲས་བུ་ཉི་ཤུ་རྩ་ལྔ་པོ། །རྣལ་འབྱོར་ངང་ལ་གནས་པ་བཞིན། །འགྲོ་བ་ཀུན་ལ་གནས་པས་ན། །སྣང་སྲིད་གཞིར་བཞེངས་མངོན་སངས་རྒྱས། །ཉི་ཤུ་རྩ་ལྔའི་འབྲས་བུ་ཉིད། །ཉི་མའི་དཀྱིལ་འཁོར་ཇི་བཞིན་དུ། །གཅིག་གིས་གླིང་བཞིའི་བྱ་བ་བྱེད། །ཡུལ་ཁམས་རེ་ན་ཉི་མ་རེ། །ཐེག་འོག་རང་གི་སྐུ་གསུམ་འཐོབ། །འབྲས་ཐོབ་སྐུ་ལྔའི་ཞལ་བལྟ་དགོས། །ཐེག་ཆེན་གསང་བའི་དཀྱིལ་འཁོར་ཞུགས། །དེ་ཕྱིར་གོ་ཕྱེའི་འཁོར་ཞེས་བྱ། །ཐེག་པ་སོ་སོའི་སྐུ་གསུམ་ནི། །རང་རང་སྨིན་པ་ཐོབ་པ་ཡང་། །ཉན་ཐོས་རང་རྒྱལ་བྱང་ཆུབ་སེམས། །ཀྲི་ཡ་ཨུ་པ་ཡོ་ག་དང་། །མ་ཧཱ་ཨ་ནུ་ཨ་ཏི་ཉིད། །ཆོས་ལོངས་སྤྲུལ་པ་སོ་སོར་གནས། །ཉན་ཐོས་པ་ཡི་ཆོས་སྐུ་ནི། །ཞི་བ་མྱ་ངན་འདས་པའོ། །ལོངས་སྐུ་ཤཱཀ་ཐུབ་མཚན་དཔེར་ལྡན། །སྤྲུལ་སྐུ་བྱམས་པ་ཉན་ཐོས་སྤྲུལ། །རང་ཉིད་སངས་རྒྱས་སྐུ་གསུམ་ནི། །ཆོས་སྐུ་ཞི་བ་མྱ་ངན་འདས། །ལོངས་སྐུ་ཤཱཀ་ཐུབ་ཆོས་དབང་ཕྱུག །སྤྲུལ་པ་རྫུ་འཕྲུལ་ཡ་མ་ཟུང་། །བྱང་ཆུབ་སེམས་དཔའི་སྐུ་གསུམ་སྣང་། །ཆོས་སྐུ་དོན་དམ་ཀུན་ཏུ་འོད། །ལོངས་སྐུ་རྣམ་སྣང་ཡེ་ཤེས་འོད། །སྤྲུལ་སྐུ་ཤཱཀྱ་ཐུབ་པ་ཉིད། །གསུམ་ཉིད་གཙོར་སྟོན་སྐུ་གསུམ་ནི། །དག་པ་ཆོས་ཉིད་མངོན་བྱས་ཆོས། །ལོངས་སྐུ་རིགས་གསུམ་མགོན་པོར་སྣང་། །ཞིང་ཁམས་ཐ་དད་དོན་བྱེད་སྤྲུལ། །ཆ་གཉིས་འཛིན་པའི་ཆོས་སྐུ་ནི། །འོད་གསལ་མངོན་བྱས་རྡོ་རྗེ་འཆང་། །ལོངས་སྐུ་རིགས་བཞིའི་རྡོ་རྗེ་འཛིན། ། ― DNG013_Page_0564 ―
[མ་དཔེ་གཟིགས་ན་འདིར་གནོན།]
ཞིང་ཁམས་ཐ་དད་དོན་བྱེད་སྤྲུལ། །རྣལ་འབྱོར་སྐུ་གསུམ་ཆོས་སྐུ་ནི། །དབྱིངས་དག་སྟུག་པོ་བཀོད་པའི་ས། །ལོངས་སྐུ་རྡོར་དབྱིངས་རྣམ་སྣང་ཡུམ། །ཐ་དད་ཞིང་ཁམས་དོན་མཛད་སྤྲུལ། །རྣལ་འབྱོར་ཆེན་པོའི་སྐུ་གསུམ་ནི། །ཆོས་སྐུ་རང་བྱུང་འོད་གསལ་ཉིད། །ལོངས་སྐུ་རྒྱལ་དྲུག་ཡུམ་དང་འཁྲིལ། །སྤྲུལ་སྐུ་ཞི་ཁྲོ་ཐུབ་པ་དྲུག །རྗེས་སུ་རྣལ་འབྱོར་ཆོས་སྐུ་ནི། །ཡེ་ཤེས་དབྱིངས་འདྲེལ་བདེ་ཆེན་སྲས། །ལོངས་སྐུ་ཀུན་བཟང་ཡབ་དང་ཡུམ། །སྤྲུལ་པ་ཐུབ་དྲུག་ཁྱད་པར་ཁྲོ། །རྫོགས་པའི་རྣལ་འབྱོར་སྐུ་གསུམ་ནི། །ཡིད་ཉིད་སྨྲ་བསམ་འདས་པའི་ཆོས། །ལོངས་སྐུ་ལྷུན་གྲུབ་ཐུན་མོང་མིན། །དེ་ཁོ་ན་ཉིད་ཅིར་ཡང་སྤྲུལ། །འོག་མའི་སྐུ་གསུམ་ཐོབ་པ་ཡིས། །ད་གདོད་བློ་སེམས་འདིར་བསྐྱེད་པས། །གོང་མའི་ལམ་གྱི་སྟེགས་སུ་འགྱུར། །གོང་མས་འོག་སྤྱད་གོལ་བར་འགྱུར། །སྐུ་རྣམས་ལྷུན་གྲུབ་སྐུ་ལྔར་ཐིམ། །དེ་ལས་འདུ་འཕྲོ་སྣང་བ་ནི། །རྒྱ་མཚོར་ཆུ་བྲན་འབྱུང་འཇུག་འདྲ། །ཉི་ཤུ་རྩ་ལྔ་ཀུན་བཟང་དང་། །དབྱེ་བ་མེད་པར་གང་གྱུར་པ། །སངས་རྒྱས་སྤྱི་ཡི་གཟུགས་ཅན་ཡིན། །རྒྱུད་ཀུན་རྟོགས་པའི་རྩ་བར་ཤར། །སྐུ་ལྔ་ཀུན་བཟང་དབྱེར་མེད་པས། །རྒྱལ་བ་དྲུག་པ་ཞེས་ཀྱང་བྱ། །རིགས་ལྔ་ཀུན་བཟང་དབྱེར་མེད་པ། །རིགས་དྲུག་པ་ཡི་སྟོན་པ་ཉིད། །གྲོལ་དང་མ་གྲོལ་གཉིས་སུ་འདོད། །དེ་ནི་གཉིས་འཛིན་མཐར་ཐུག་པས། །ཡང་དག་རྫོགས་པའི་སངས་རྒྱས་ནི། །གཉིས་འཛིན་མཐའ་ལ་མི་གནས་པས། །ཐ་སྙད་ཙམ་དུ་གྲོལ་ཞེས་བརྗོད། །བརྗོད་པས་གཞི་དོན་སྐྱེ་མེད་རྟོགས། །རང་གནས་ཞེན་བྲལ་མངོན་བྱས་པ། །དེ་ལ་མིང་དུ་གྲོལ་ཞེས་བརྗོད། །ངོ་བོ་འདི་འདྲར་བསྟན་པར་དཀའ། །དོན་མ་གོ་བའི་འོག་མ་ལ། །ཚིག་ཕྱིར་བློ་འདྲེང་ཚིག་ལ་ཞེན། །གང་ཞིག་གནང་པར་ཁས་བླངས་ཡང་། །དེ་ལ་རྟོགས་པའི་ལྟ་བ་མེད། །ཚིག་ཕྱིར་འདྲེལ་ལ་དོན་མེད་པས། །ཚིག་གི་དོན་ཉིད་མཚོན་འགྱུར་ཡང་། །ཚིག་ལ་མི་གནས་དོན་ལ་རྟོག །དོན་རྟོགས་སངས་རྒྱས་དགོངས་པ་འགྲུབ། །ཚིག་ ― DNG013_Page_0565 ―
[མ་དཔེ་གཟིགས་ན་འདིར་གནོན།]
ཤེས་རྟོག་གེའི་སྤྱོད་ཡུལ་འཁྲུལ། །དོན་ལ་བརྡའ་ཤེད་མ་བྱེ་བའི། །བློ་དམན་བྱིས་པའི་ཆོས་རྣམས་ལ། །ཡང་དག་ལྟ་བ་གང་ལ་ཡོད། །དོན་རྣམས་མ་ནོར་རྟོགས་པ་ནི། །སེམས་བསྐྱེད་ལམ་དང་ལྡན་པ་ཡིན། །དགེ་བའི་ཆོས་ལ་ཞུགས་པ་ཡིན། །བལྟ་དགོངས་དོན་འཇུག་སྐལ་ལྡན་ཡིན། །དོན་རྟོགས་སྟོན་པའི་སློབ་དཔོན་ནི། །སྟོན་པ་རྡོ་རྗེ་འཆང་ཆེན་ཡིན། །སློབ་མས་དེ་ཐོབ་བྱང་ཆུབ་སེམས། །གང་ཞིག་དོན་གོ་གསང་སྔགས་ཆོས། །དེ་གསུང་གནས་དེ་འོག་མིན་ཉིད། །དེ་ལྟར་སྡུད་ཤེས་གསང་བདག་ཉིད། །ཅེས་གསུངས་སོ། །གླང་པོ་རབ་འབོག་གི་རྒྱུད་ལས། འབྲས་བུ་མཐར་ཕྱིན་པའི་རྒྱུད་ཀྱི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་དེ་བཞིན་གཤེགས་པའི་འཁོར་རྣམས་ཀྱིས་སྟོན་པ་དང་བསྟན་པ་ལ་བསྟོད་པ་འདིས་བསྟོད་དོ། །ཨེ་མའོ་ངོ་མཚར་ཡ་མཚན་གྱི། །རང་བཞིན་དཀྱིལ་འཁོར་རྣམ་གསུམ་གྱིས། །བསྟན་པ་གཞི་ཉིད་མངོན་སངས་རྒྱས། །གླང་ཆེན་རྩལ་གྱིས་གཅོད་འགྱུར་བ། །རབ་འབོག་མཚན་གྱིས་རྟོགས་པར་བྱེད། །རང་བཞིན་སྣང་བ་བཅིངས་གྲོལ་འབྲས། །གཞི་ཡི་གནས་ལུགས་ཡེ་སངས་རྒྱས། །མ་རིག་སྣང་ལུགས་ཆེན་པོ་ཡིས། །འཁྲུལ་པའི་འཁོར་བ་གཏན་ལ་འབེབས། །མྱ་ངན་འདས་པའི་དགོངས་པ་ཡིས། །སྐུ་གསུམ་སངས་རྒྱས་མཛད་པ་ཤར། །འཁོར་འདས་སྣང་བའི་དཀྱིལ་འཁོར་གྱིས། །སྣང་བ་མ་ལུས་རྟོགས་པར་འགྱུར། །ཐེག་པའི་ཁྱད་པར་རབ་ཕྱེ་བས། །གོང་འོག་དབྱེ་བས་རྟོགས་པར་བྱེད། །ཐུགས་རྗེ་ཆེན་པོའི་སྐྱེ་ཚུལ་གྱིས། །གདུལ་བྱ་ཡལ་བར་མི་འདོར་བྱེད། །འདུལ་ཚུལ་ཐེག་པའི་བྱུང་ཚུལ་གྱིས། །ཆོས་ཀྱི་འཁོར་ལོ་སྣང་བར་འགྱུར། །རྒྱན་བདུན་རྣམ་པར་ཕྱེ་བ་ཡིས། །གསང་སྔགས་རྒྱུད་ཀྱི་བཤད་པ་རྟོགས། །ལྷན་ཅིག་གོ་ཕྱེའི་དྲིས་ལན་གྱིས། །ལྷུན་གྲུབ་ཀ་དག་དོན་རྣམས་རྟོགས། །ཐེག་པའི་བལྟ་དགོངས་སོ་སོ་ཡིས། །འཁོར་འདས་རང་སྣང་རྩོལ་བ་བྲལ། །སྐལ་ལྡན་རང་བཞིན་སྦྱངས་པ་ཡིས། །གཞལ་ཡས་གཏན་ལ་ཕེབས་པར་ ― DNG013_Page_0566 ―
[མ་དཔེ་གཟིགས་ན་འདིར་གནོན།]
བྱེད། །སྐུ་ལྔ་དགོངས་པ་བསྟན་པ་ཡིས། །དངོས་ལྔས་གཏན་ཚིགས་གཞི་ཤེས་བྱེད། །རིགས་འཛིན་ཆོས་ཀྱི་བྱུང་ཚུལ་གྱིས། །ཚུལ་ལྔའི་སྣང་བ་འབྱུང་བར་འགྱུར། །སྐུ་ལྔའི་ཚིག་ལ་རྟོགས་པ་ཡིས། །དཔྱད་དུ་ཡོད་མེད་ཤེས་པར་བྱེད། །གཏན་ཚིགས་གྲངས་དྲུག་ཕྱེ་བ་ཡིས། །ཆོས་རྣམས་གཏན་ལ་ཕེབས་པར་འགྱུར། །རྒྱུ་རྐྱེན་འབྲས་བུ་བསྟན་པ་ཡིས། །ཤེས་འཇུག་མཐར་ཕྱིན་རྟོགས་པར་བྱེད། །ཞིང་ཁམས་ཡེ་ཤེས་རང་ཤར་བས། །རང་བྱུང་ཡེ་ཤེས་དབང་རབ་དོན། །ཚད་མ་སྒྲ་མཐུན་དབྱེ་བ་ཡིས། །གཏན་ཚིགས་ཐམས་ཅད་རྒྱས་པར་བཤད། །ཐེག་པའི་ལྟ་སྤྱོད་སོ་སོ་ཡིས། །ཆོས་ཀྱི་རང་གཞུང་སོ་སོར་སྤྱད། །རྣམ་གསུམ་ལྷ་ཡི་རིམ་པ་ཡིས། །ཐ་མ་ལྷ་སྐུས་གྲོལ་བར་འགྱུར། །ཐེག་པའི་ཁྱད་པར་ཤེས་བྱའི་ཕྱིར། །ལམ་སྟེགས་གོལ་སའི་ཆེ་བ་འབྱིན། །ཆ་རྐྱེན་བཅུ་ཡི་ཁྱད་པར་གྱིས། །ཟག་བཅས་ཟག་མེད་སོ་སོར་སྤྱོད། །ལམ་གྱི་རྣམ་གྲངས་དབྱེ་བ་ཡིས། །བསྒྲོད་ཚུལ་བྱེ་བྲག་ཤེས་པར་བྱེད། །ལམ་གྱི་བསྒྲོད་ཚུལ་བཤད་པས་ནི། །འབྲས་བུའི་དོན་ལ་གནས་པར་འགྱུར། །རང་བཞིན་འབྲས་བུ་རབ་བཤད་པས། །སྐུ་ལྔ་ལྷུན་གྲུབ་སྐུ་གསུམ་ཤེས། །དེ་བཞིན་ཉིད་དང་ཇི་བཞིན་པ། །སྟོང་པ་ཉིད་དང་གང་མ་གྲུབ། །སྨྲ་བསམ་འདས་དང་བརྗོད་དུ་མེད། །ཆོས་དབྱིངས་སྐྱེ་མེད་འཛིན་མེད་དང་། །བློ་འདས་སྤྲོས་བྲལ་དེ་ཁོ་ན། །མ་ནོར་མ་བཅོས་གཞན་མ་ཡིན། །དོན་དམ་ཀུན་རྫོབ་འཁྲུལ་སྣང་དང་། །དེ་བཞིན་གཤེགས་དང་བཅོམ་ལྡན་འདས། །མཉམ་ཉིད་དབྱེར་མེད་གཉིས་མེད་དང་། །སངས་རྒྱས་བྱང་ཆུབ་བདེ་ཆེན་དང་། །བཙལ་མེད་ལ་སོགས་ཐུན་མོང་མཚན། །འོག་མ་ཇི་བཞིན་སོར་བཞག་ལས། །འདིར་ནི་ངེས་བློ་བཞག་དཀའ་ཡང་། །བརྒྱད་ཀྱི་གྲོལ་བ་གཅིག་ཏུ་བབ། །སྒྲ་ནི་ཇི་བཞིན་ཇི་བཞིན་ཉིད། །ཐུན་མོང་ཁྱད་པར་དྲང་ངེས་དང་། །ལྡེམ་དགོངས་དེ་ལའང་བྱེ་བྲག་བརྒྱད། །ཚིག་རྣམས་བཞི་ལའང་མིང་འདོགས་ཕྱེ། །དེ་དག་སྟོན་པས་བཀའ་ ― DNG013_Page_0567 ―
[མ་དཔེ་གཟིགས་ན་འདིར་གནོན།]
སྩལ་པ། །རྒྱས་པས་མིག་ཕྱེ་དཀའ་བ་ཁྲོལ། །དེ་དག་ཇི་ལྟར་ཤེས་འགྱུར་བ། །གླང་པོ་རབ་འབོག་བཤད་པའི་རྒྱུད། །རབ་གསུང་ཁྱེད་ལ་ཕྱག་འཚལ་བསྟོད། །ཅེས་ནི་འཁོར་གྱིས་བརྗོད་གསན་ནས། །དེ་ནས་བདེ་གཤེགས་རྡོ་རྗེ་འཆང་། །དགོངས་པས་རབ་ཏུ་གསལ་བར་བྱ། །སྣང་ཕྱོགས་སྟོང་ཕྱོགས་གཉིས་མེད་འདྲེལ། །སྣང་ཕྱོགས་ཇི་བཞིན་བཤད་ཚུལ་ནི། །དེ་ལའང་གོང་འོག་ཁྱད་པར་ཡོད། །འཁྲུལ་སྣང་གློ་བུར་སྤང་དགག་སྦྱང་། །རིག་པ་སྒྱུ་མའི་རྩལ་རང་སྣང་། །སྟོང་ཕྱོགས་སྣང་དུ་རུང་མི་རུང་། །གཉིས་མེད་དོན་དམ་ལ་བཅིངས་དང་། །དེ་མི་འདོར་ལ་ཀུན་རྫོབ་ཀྱང་། །ངན་སྡང་བཟང་བརྩིས་འབྲས་བུའི་གྲངས། །གཞི་ནས་ལམ་གྱི་ཧྲིལ་མོའམ། །གང་གིས་འདོད་པའི་རྒྱབ་ལོག་ནི། །ཇི་བཞིན་མ་ཡིན་མི་སྤང་བའོ། །ཞེན་ཀྱང་དེ་ཀུན་ཐུན་མོང་པས། །འདིར་ཡང་མི་སྤང་ནམ་མཁའ་བཞིན། །ཁྱད་བཤད་ཚིག་གཅིག་ངོ་བོ་ལ། །དོན་ནི་དུ་མ་འབྱུང་བར་ཤེས། །མཚན་རྣམས་ཐུན་མོང་གསུངས་པ་ནི། །འོག་མ་དྲང་ཕྱིར་ངེས་ཚིག་འགྲུབ། །དེ་དོན་ཚིག་གཅིག་དོན་ལ་ཡང་། །བློ་དཔག་དཀའ་བར་ཁོང་དུ་ཆུད། །དགོངས་པ་བཞི་དང་ལྡེམ་པོ་བཞི། །བརྒྱད་ཀྱིས་གཏན་ལ་ཕབ་སྟེ་བཤད། །གླང་པོ་རབ་འབོག་བཤད་པའི་རྒྱུད། །མེ་ཤེལ་ཤིན་ཏུ་དག་གྱུར་ཅིང་། །ཉི་མ་སྤྲིན་དང་བྲལ་གྱུར་པས། །སྤྲ་བ་རླན་མེད་རེག་པས་ནི། །དེ་ལ་མེ་ནི་འབྱུང་བར་འགྱུར། །བླ་མ་ཆོས་ཀྱི་སྡོང་པོ་ཉིད། །རབ་འབྱམས་བཀའ་ཡི་ཉི་མ་ཤར། །སློབ་མ་བླ་མའི་ཐུགས་ལ་རེག །སངས་རྒྱས་འབྲས་བུ་འབྱུང་བར་འགྱུར། །ཐོས་བསམ་བསྒོམ་ལ་བརྩོན་བྱས་ནས། །བློ་ཉིད་སྦྱངས་པར་མ་གྱུར་ཀྱང་། །བླ་མའི་གདམས་ངག་སྟོབས་ཀྱིས་ནི། །ཐབས་ཀྱི་མན་ངག་འཆར་གྱུར་པས། །སྔོན་དུ་དབང་རྣམས་རྫོགས་བྱས་ལ། །རྩ་སྔགས་ཐིག་ལེ་རླུང་ལ་སྦྱངས། །དབང་པོ་ཤིན་ཏུ་དམན་པ་དང་། །ཤེས་རབ་ཆུང་བ་དད་བརྩོན་གྱིས། །འགྲུབ་འགྱུར་ཐབས་ཀྱི་ལམ་ལ་སྦྱངས། །གླང་པོ་རབ་འབོག་བཤད་པའི་རྒྱུད། །ཆུ་ཤེལ་དྲི་མ་མེད་པ་དང་། །ཟླ་བ་ ― DNG013_Page_0568 ―
[མ་དཔེ་གཟིགས་ན་འདིར་གནོན།]
སྤྲིན་པའི་ཚོགས་དང་བྲལ། །འཁར་གཞོང་དག་པའི་ནང་བཞག་ན། །ཆུ་ཡི་རྒྱུན་རྣམས་འབྱུང་བར་འགྱུར། །གླང་པོ་རྒྱུད་ལུང་ལྟ་བས་འགྱིངས། །བསྟན་པ་རྒྱ་མཚོ་ཆུ་ཡི་རྒྱུན། །སློབ་རྒྱུད་འཁར་གཞོང་ནང་དུ་འབབ། །ཐོས་པའི་ཤེས་རབ་སྒྲ་ལ་དམིགས། །རྣ་བའི་དབང་པོས་ཉན་པར་བྱ། །བསམ་པའི་ཤེས་རབ་སྒྲ་དོན་འདྲེས། །ལྕེ་ཡིས་ཕྱུང་ལ་ཡིད་ལ་བརྟགས། །སྒོམ་པའི་ཤེས་རབ་ཡིད་ལ་གནས། །དོན་སྤྱི་རང་གི་མཚན་ཉིད་རྟོགས། །གྲོལ་ལམ་རྒྱུད་ལ་ལྟ་བ་སྐྱེ། །རང་གི་ཤེས་པ་ཉམས་སུ་མྱོང་། །མཚོ་འགྲམ་པདྨའི་སྡོང་པོ་འབབ། །ནགས་ཀྱི་བུང་བས་པད་སྦྲང་ལེན། །རང་གི་ལུས་དང་བུ་རྣམས་གསོ། །ཆུ་ཡི་སྦལ་པ་པདྨ་ཡིས། །སྤུ་ཟུག་ཉི་མའི་བསིལ་གྲིབ་བསྙེག །སྐྱོན་དུ་བལྟས་ནས་འབྱར་མི་ནུས། །བླ་མ་པདྨའི་མེ་ཏོག་རྒྱས། །སྣོད་ལྡན་ཐག་རིང་གདམས་ངག་བཅུད། །བླངས་ནས་རང་བསྒོམ་འགྲོ་རྣམས་འདུལ། །ཆོས་ཀྱི་སྒྲོན་མེས་མུན་པ་སེལ། །སྣོད་ངན་སྦལ་པ་རྩར་གནས་པས། །ཡོན་ཏན་མི་ཤེས་སྐྱོན་རྣམས་མཐོང་། །གཤེ་སྐུར་སྒོས་སྤང་སྐུར་པ་འདེབས། །ཆོས་ཀྱི་བདུད་རྩི་ཐོབ་པར་འགྱུར། །ངན་སོང་གནས་སུ་གནས་པར་བྱེད། །ནམ་མཁའ་དབྱིངས་ཀྱི་དཀྱིལ་འཁོར་ན། །སྤྲིན་ནག་ཕུང་པོ་རབ་ཏུ་འཐིབས། །འབྲུག་གི་སྒྲ་ལས་ཐོག་སེར་འཁྲུགས། །ལོ་ཐོག་འཇོམས་ཤིང་ཡུལ་མཁར་བརླག །ཆར་གྱི་རྒྱུན་བབས་ས་གཞི་སྣུམ། །རྩི་བཅུད་འཁྲུངས་པས་གསོས་གྱུར་པས། །འགྲོ་རྣམས་བཟའ་བཏུང་ཕུན་སུམ་ཚོགས། །དགོངས་ལྡན་རྟོགས་པའི་སློབ་དཔོན་ལ། །ཡུལ་ཁམས་སློབ་མའི་སྤྲིན་འདུས་ནས། །བསྒོམ་བསྒྲུབ་གསང་སྔགས་སྒྲ་བསྒྲགས་པས། །ཕོ་ཉ་སྤྲུལ་པའི་ཐོག་སེར་གྱིས། །དངོས་གྲུབ་ལོ་ཐོག་འཕྲོག་པའི་བགེགས། །གནས་རྟེན་རང་ལུས་རྡུལ་དུ་བརླག །ཡུལ་ཁམས་བཀྲ་ཤིས་རང་རྒྱུད་སྣུམ། །ཐུན་མོང་མཆོག་གི་དངོས་གྲུབ་སྩོལ། །ཟག་མེད་སྐོམ་གྱིས་དམྱལ་ཚོགས་ཞི། །བདེ་ཆེན་ཟས་ཀྱིས་ཡི་དྭགས་བྲལ། །དངོས་གྲུབ་རང་གཞན་བདེ་ལ་བཀོད། །རྒྱ་མཚོ་ནས་འབབ་གངྒཱའི་ཆུ། །བུ་མོས་བླངས་ནས་མི་གཙང་འཁྲུད། །མེ་ལོང་བཞིན་ཤར་དྲི་མ་མེད། །བྱད་ཀྱི་བཀྲག་མདངས་འབར་གྱུར་པས། །ཀུན་གྱིས་སྲིད་སྤངས་དེ་ལ་འཁོར། །དེ་དང་མི་འབྲལ་འགྲོགས་པར་སྨོན། །སངས་རྒྱས་དགོངས་པའི་རྒྱ་མཚོ་ནས། །བླ་མས་དབང་གི་ཆུ་བོ་རྫོགས། །རིག་མ་བུ་མོ་མཚན་ལྡན་ལ། །མི་གཙང་འཁྲུ་བས་བུ་ལ་སྦྱིན། །སྣོད་ལྡན་བུ་ལ་བདེ་བ་རྒྱས། །ཐ་མལ་འདོད་ཆགས་དྲི་མ་དག །ཆགས་པ་ཉིད་ཀྱིས་གྲོལ་གྱུར་པ། །ཀུན་ཏུ་ལུས་ ― DNG013_Page_0569 ―
[མ་དཔེ་གཟིགས་ན་འདིར་གནོན།]
ནི་བུ་ཆུང་འདྲ། །ཚེ་ནི་ཉི་ཟླ་དག་དང་མཉམ། །མི་རྣམས་བུད་མེད་ཀུན་ཡིད་འོང་། །མ་དང་མཁའ་འགྲོའི་འཁོར་གྱིས་བསྐོར། །སྐུ་གསུམ་འབྲས་ཐོབ་མི་འབྲལ་ཞིང་། །མཁའ་སྤྱོད་གནས་སུ་འགྲོགས་པར་སྨོན། །བདེ་ཆེན་འདུ་འབྲལ་མེད་པ་ཡི། །ཀུན་བཟང་ཡབ་ཡུམ་སྲས་དང་བཅས། །དཀྱིལ་འཁོར་ཐམས་ཅད་འབྱིན་པར་བྱེད། །མཐོང་ཡུལ་ཀུན་ཏུ་བཟང་མོ་ཉིད། །ཡུམ་ལྔ་ཆོས་དབྱིངས་གཞལ་ཡས་ཁང་། །ཡིད་ནི་ཀུན་ཏུ་བཟང་པོར་གནས། །ཡབ་ལྔ་ཡེ་ཤེས་ཆེན་པོར་གནས། །དབྱིངས་དང་ཡེ་ཤེས་དབྱེར་མེད་པའི། །ཐབས་དང་ཤེས་རབ་འདྲེལ་པའི་རྒྱུད། །རྒྱུ་སྤུན་འདྲེས་པའི་ཐགས་བཏགས་པས། །ན་བཟས་གྲང་བ་སྐྱོབ་ཅིང་མཛེས། །ཐེག་ཆེན་དམ་ཆོས་བཅུད་ཟ་བ། །ལུས་ལ་དྲོད་འབར་ཕྱི་རོལ་བརྗིད། །སྡུག་བསྔལ་ནད་སེལ་སྨན་འདྲའི་རྒྱུད། །བཅུད་ལེན་མདངས་བཟང་ཚེ་སྲོག་འཛིན། །དམ་ཆོས་སྨན་གྱིས་གཅོང་ནད་སེལ། །ལུས་གཞོན་ཚེ་ཡི་དངོས་གྲུབ་བརྙེས། །རྒྱ་མཚོ་ཆེ་ལས་ཆུ་རྒྱུན་འབབ། །འགྲོ་བ་རྣམས་ཀྱི་གསོས་གྱུར་ནས། །སྐོམ་ནད་ཚད་པའི་གདུང་བ་བྲལ། །སླར་ཉིད་རྒྱ་མཚོ་ཉིད་དུ་ཐིམ། །ཆོས་དབྱིངས་རྒྱ་མཚོ་ཡེ་ཤེས་ཆུ། །འགྲོ་བའི་ལུས་ངག་ཡིད་བཀྲུས་ནས། །དུག་ལྔ་རྒྱལ་བ་རིགས་ལྔར་སྨིན། །དུག་གསུམ་སྐུ་གསུམ་མཐོང་འགྱུར་བ། །ཆོས་ཀྱི་དབྱིངས་ཀྱི་ངང་ན་བཞུགས། །གླང་པོ་རབ་འབོག་བཤད་པའི་རྒྱུད། །འགྲོ་བའི་དོན་དུ་ཁྱེད་རྣམས་ཟུང་། །དེ་སྐད་སྟོན་པས་གཏད་གྱུར་པས། །དེ་ནས་འཁོར་གྱི་ཚོགས་རྣམས་ཀྱིས། །མགྲིན་གཅིག་སྨྲས་པ་འདི་གསུངས་སོ། །ཆོས་ཀྱི་དབྱིངས་ཀྱི་ཕོ་བྲང་ན། །ཆོས་སྐུ་དྲི་མ་མེད་པ་བཞུགས། །ཕྱག་རྒྱ་ཆེན་པོའི་རིག་འཛིན་གྱིས། །རྒྱལ་ཚབ་སྟོན་པར་ཞལ་གྱིས་བཞེས། །དེ་ལ་འདུད་པའི་བྱང་སེམས་འཁོར། །ལོངས་སྐུའི་བསྟན་པ་རྒྱས་པར་འགྱུར། །འཛམ་གླིང་བྱེ་བ་ཕྲག་བརྒྱ་ན། །སྤྲུལ་སྐུ་ཐུབ་པ་དྲུག་རྣམས་བཞུགས། །ཚེ་ལ་དབང་ཐོབ་རིག་འཛིན་གྱིས། །རྒྱལ་ཚབ་སྟོན་པའི་རྒྱུད་བཟུང་ནས། །ཁམས་གསུམ་སེམས་ཅན་མ་ལུས་ལ། །སྤྲུལ་སྐུའི་བསྟན་པ་རྒྱས་པར་འགྱུར། །རྒྱས་མཛད་རྣམ་སྨིན་རིག་འཛིན་གྱིས། །ཆོས་ཀྱི་སྒྲོན་མ་འདི་དག་ལ། །སྡུད་པས་བསྡུས་བཞིན་རྒྱས་མཛད་པ། །མ་མོ་མཁའ་འགྲོས་བཀའ་སྲུང་བྱེད། །འཁོར་བ་སངས་རྒྱས་ས་ལ་འདྲེན། །རྒྱུད་མཆོག་གསུངས་ལ་རྗེས་ཡི་རང་། །ཞེས་གསུངས་སོ། །གླང་པོ་རབ་འབོག་གི་རྒྱུད་ལས། རྗེས་སུ་ཡི་རང་བ་སྟེ་ལེའུ་ཉེར་བརྒྱད་པའོ།། །།གླང་པོ་རབ་འབོག་བཤད་པའི་རྒྱུད་ཆེན་པོ་ཞེས་བྱ་བ་རྫོགས་སོ།། །།རྒྱ་གར་གྱི་པཎྜི་ཏ་བི་ཤྭ་མི་ཏྲ་དང་། ལོ་ཙཱ་བ་འཇིང་གསལ་འབར་གྱིས་བསྒྱུར་བའོ།། །། འཕགས་པ་ཐབས་ཀྱི་ཞགས་པ་པདྨོའི་ཕྲེང་ཞེས་བྱ་བ།― DNG013_Page_0570 ―
[མ་དཔེ་གཟིགས་ན་འདིར་གནོན།]
འཕགས་པ་ཐབས་ཀྱི་ཞགས་པ་པདྨོའི་ཕྲེང་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་གི་དོན་བསྡུས་པ། དེ་ནས་བཅོམ་ལྡན་འདས་དཔལ་ཀུན་རིག་རྣམ་པར་སྣང་མཛད་ལ་བཅོམ་ལྡན་འདས་དཔལ་རྡོ་རྗེ་སེམས་དཔས་རིག་པའི་བྱིན་བརླབས་ལས་བྱུང་བའི་མཆོད་པ་རྒྱ་ཡོངས་སུ་མ་ཆད་པའི་གཞལ་ཡས་ཁང་དང་། བླ་རེ་དང་། རྒྱལ་མཚན་དང་། བ་དན་དང་། གདུགས་དང་། སྒེག་མོ་ལ་སོགས་པ་ནང་གི་མཆོད་པ་བཞི་དང་། བདུག་སྤོས་ལ་སོགས་པའི་ཕྱིའི་མཆོད་པ་བཞིས་མཆོད་དེ། ལན་གསུམ་དུ་བསྐོར་བ་བྱས་ནས་སོ་སོ་མ་ཡིན་པའི་རིག་པའི་འདུད་པས་ཕྱག་འཚལ་ཏེ་སྤྱན་སྔར་འདུག་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཀྱིས་མཁྱེན་པའི་སངས་རྒྱས་བཅོམ་ལྡན་འདས་རྣམས་ཀྱི་སྤྱོད་ཡུལ་ཉན་ཐོས་དང་ཐུན་མོང་མ་ལགས་པ་ཐབས་གང་གིས་རྟོགས་པ་དེ་ཚེ་འདི་ཉིད་ལ་ཐམས་ཅད་མཁྱེན་པའི་གོ་འཕང་ཐོབ་པའི་དོན་དུ་བཤད་དུ་གསོལ། དེ་སྐད་ཅེས་གསོལ་པ་དང་། ཅང་མི་གསུང་བར་འཛུམ་པ་མཛད་དེ། འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་ཉོན་ཅིག །དོན་འདི་དང་ཕྱི་ནང་གི་ཆོས་ཐམས་ཅད་འདྲ་སྟེ་བདེན་པ་གཉིས་སུ་འདུས་སོ། །བདེན་པ་གཉིས་ལ་ཡང་ཚུལ་འདི་ལྟར་ཤེས་པར་བྱའོ། །བདེན་གཉིས་རྒྱུ་དང་འབྲས་བུའི་ཚུལ། །དེ་བཞིན་ཉིད་ལ་གནས་བཅས་ན། །ཕྱི་ནང་སྣོད་བཅུད་རྣམ་པར་དག །བྱེད་སྤྱོད་ཐམས་ཅད་ཚོགས་གཉིས་འགྱུར། །ཕ་རོལ་ཕྱིན་བཅུ་རྫོགས་པ་སྟེ། །ས་བཅུ་རིམ་གྱིས་བགྲོད་པ་ལ། །མཉམ་ཉིད་རིག་པའི་རྡོ་རྗེ་ཡིས། །ས་རྣམས་མཉམ་པ་ཉིད་དུ་སྦྱོར། །རྡོ་རྗེ་ལྟ་བུའི་ཡེ་ཤེས་ཀྱིས། །ཆོས་ཀུན་སྒྱུ་མར་རིག་པའི་ཕྱིར། །དངོས་དང་དངོས་མེད་བག་ཆགས་བསྲེགས། །ཡང་ན་ཡེ་ཤེས་མེ་ཞེས་བྱ། །རྒྱུ་དང་འབྲས་བུའི་རྣམ་སྨིན་ནི། །མེད་མིན་རྒྱུ་འབྲས་མཐུན་པས་འགྲུབ། །དེ་བཞིན་མཉམ་ཉིད་ཡེ་ཤེས་ཀྱིས། །རིག་པས་ཚོགས་སུ་འགྱུར་བས་སོ། །ལམ་གྱི་ནང་ན་ཉེ་ལམ་བདེ་རྫོགས་པ། །ཐབས་ཀྱི་ནང་ན་མ་ནོར་དམ་པ་སྟེ། ། ― DNG013_Page_0571 ―
[མ་དཔེ་གཟིགས་ན་འདིར་གནོན།]
བསྒྲུབས་ན་ཚེ་འདིས་སངས་རྒྱས་ཆེ་བ་ཡང་། །བླང་དོར་མེད་པའི་སྐུ་གསུམ་རྡོ་རྗེས་འཐོབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་བདེན་པ་གཉིས་བསྟན་པའི་ལེའུ་སྟེ་དང་པོའོ།། །།སེམས་དཔའ་ཆེན་པོ་དམ་ཚིག་འདི་དག་ནི་བདག་དང་གཞན་ལ་ཕན་པའི་ཕྱིར་ངས་བཤད་དོ། །གཏི་མུག་ཞེ་སྡང་ང་རྒྱལ་དང་། །འདོད་ཆགས་ཕྲག་དོག་ཆེན་པོ་ནི། །བསྲུང་བ་མེད་པའི་སྡོམ་པ་ཅན། །དེ་ནི་དམ་ཚིག་རྡོ་རྗེ་ཡིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དམ་ཚིག་བསྟན་པའི་ལེའུ་སྟེ་གཉིས་པའོ།། །།སེམས་དཔའ་ཆེན་པོ་དབང་འདི་དག་ནི། རང་རིག་པའི་རྩལ་གྱིས་འཐོབ་བོ། །ཐབས་དང་ཤེས་རབ་དབང་ཆེན་ཏེ། །རྡོ་རྗེ་དྲིལ་བུ་རིག་པས་འཛིན། །མྱ་ངན་འདས་དང་འཁོར་བ་ཡི། །ཆོས་ལ་འདོད་བཞིན་དབང་བྱེད་དོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ལེའུ་སྟེ་གསུམ་པའོ།། །།སེམས་དཔའ་ཆེན་པོ་མཆོད་པའི་མཆོག་ནི་འདི་ལྟར་རིག་པར་བྱའོ། །བདག་མཆོད་ཀུན་མཉེས་ཐམས་ཅད་འདྲངས། །ཀུན་ལ་ཕན་པའི་སྨན་ཡིན་ཏེ། །རྣལ་འབྱོར་བདག་ཉིད་ཆེན་པོ་ཡིས། །ཐམས་ཅད་བཟའ་ཞིང་བརྒྱན་པར་བྱ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་མཆོད་པའི་ལེའུ་སྟེ་བཞི་པའོ།། །།ཀུན་དུ་འོད་ཀྱི་ས་ལས་འདས། །པདྨའི་སྤྱན་དུ་གྱུར་པ་ན། །རིག་པའི་བྱིན་བརླབས་ཆེན་པོ་ལས། །རང་འབྱུང་དཀྱིལ་འདུ་འཕྲོ་ཡི་ཚུལ། །ཡི་གེ་འཁོར་ལོ་ཚོགས་ཆེན་ཏེ། །མཚན་དང་དཔེ་བྱད་ཀུན་ལས་གྲོལ། །རྔམ་ཞིང་གཏུམ་པའི་གཟུགས་ཅན་དང་། །མགྱོགས་མ་མགྱོགས་མའི་ཕོ་ཉར་ལྡན། །དེ་ནི་ཐིག་ལེ་རྡོ་རྗེ་ཡིན། །འདི་ཞེས་གང་ཟག་བདག་མེད་པར། །རྟོགས་པར་བྱ་ཕྱིར་ངས་བཤད་དེ། །མཁས་པས་དེ་ལ་འབྱོར་པར་གྱིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཏིང་ངེ་འཛིན་གྱི་དཀྱིལ་འཁོར་གྱི་ལེའུ་སྟེ་ལྔ་པའོ།། །།དེ་ན་སེམས་དཔའ་ཆེན་པོ་སྤྱོད་ཡུལ་ཐམས་ཅད་ནི་འདི་ལྟར་རིག་པར་བྱའོ། །ཆེན་པོ་ལྔ་ཡང་དེ་བཞིན་གཤེགས། །གཅིག་ལའང་ལྔ་ལྔར་རིག་པར་གྱིས། ། ― DNG013_Page_0572 ―
[མ་དཔེ་གཟིགས་ན་འདིར་གནོན།]
ཁམས་གསུམ་བདག་ཉིད་ཡིན་པ་སྟེ། །སྐུ་གསུམ་ཞེས་ཀྱང་དེ་ལ་བྱ། །ཡེ་ཤེས་ལྔ་དང་འགྲོ་བ་ལྔ། །མཉམ་པས་སོ་སོ་དབྱེར་མེད་དེ། །སྔགས་དང་ཕྱག་རྒྱ་དབང་བསྒྱུར་ན། །སྤྱོད་ཡུལ་ཀུན་དུ་མཎྜ་ལ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་གཟུགས་བརྙན་གྱི་དཀྱིལ་འཁོར་གྱི་ལེའུ་སྟེ་དྲུག་པའོ།། །།སེམས་དཔའ་ཆེན་པོ་ཞེས་རྡོ་རྗེ་སེམས་དཔའ་ཐོས་ནས་བཤད་དོ། །རྒྱལ་བའི་རྒྱལ་བ་རྣམས་ཀྱི་སྐུ། །སྣ་ཚོགས་ཅིར་ཡང་སྣང་མོད་ཀྱི། །ཀུན་དུ་རིན་ཆེན་ལྟ་བུ་སྟེ། །དོན་དང་ལས་ཡིན་བསྒོམས་པས་འགྲུབ། །དབུ་མིག་རྣ་བ་སྨྲ་ལྕེ་ལ། །ཨོཾ་ཞེས་བྱ་བ་ལྔ་བཞག་སྟེ། །གཙོ་བོ་ལྔ་དང་གཙོ་མོ་ལྔ། །སྦྱོར་བའི་ཚུལ་དུ་བསྒོམ་པར་བྱ། །ལག་པ་གཡས་པའི་སོར་མོ་ལ། །ཧཱུྃ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །ལག་པ་གཡོན་པའི་སོར་མོ་ལ། །ཏྲཱྃ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །རྐང་པ་གཡོན་པའི་སོར་མོ་ལ། །ཧྲཱྀཿཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །རྐང་པ་གཡས་པའི་སོར་མོ་ལ། །ཨཱཿཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ལྷའི་མཚན་ཉིད་དང་དཀྱིལ་འཁོར་དགོད་པའི་རིམ་པ་བསྟན་པའི་ལེའུ་སྟེ་བདུན་པའོ།། །།སེམས་དཔའ་ཆེན་པོ་ཉོན་ཅིག་ཅེས་རྡོ་རྗེ་སེམས་དཔའ་ལ་བོས་ནས་བཤད་དོ། །རྣལ་འབྱོར་རིག་འཛིན་མར་ལྡན་པས། །ལྔ་ཞིང་ལྔ་དང་འབྱོར་བ་ཡི། །ཚོམ་བུ་ལྔ་ཡི་ལྷ་བསྒོམས་ན། །ཐམས་ཅད་བདག་ཉིད་ཆེན་པོར་འགྱུར། །རིན་ཆེན་པདྨའི་དཀྱིལ་འཇམ་འདི། །འཛུམ་པའི་མདངས་ཀྱིས་འབུལ་ལགས་ཀྱིས། །དགྱེས་པའི་རྡོ་རྗེ་རབ་གསོར་ནས། །བྱང་ཆུབ་སེམས་སྤྲིན་དབབ་པར་གསོལ། །རྡོ་རྗེ་གསོར་པའི་དགའ་མཆོག་འདི། །འཛུམ་ཞིང་འཁྱིལ་པའི་གནས་སུ་གསོར། །མི་དམིགས་བདེ་དང་འཕྲོ་བ་ནི། །རྡོ་རྗེ་འཛིན་མར་ལྡན་ལས་བྱུང་། །རྣལ་འབྱོར་རིག་འཛིན་ ― DNG013_Page_0573 ―
[མ་དཔེ་གཟིགས་ན་འདིར་གནོན།]
མར་ལྡན་པས། །ན་བཟའ་དང་ནི་ཞལ་ཟས་རྣམས། །གྲུབ་པའི་རྫས་སུ་དབང་བསྐུར་ནས། །གསོལ་ན་དངོས་གྲུབ་མཆོག་ཏུ་འགྱུར། །རྣལ་འབྱོར་རིག་འཛིན་མར་ལྡན་པས། །གླུ་དང་ཚིག་གི་སྒྲ་རྣམས་ཡིན། །གསུང་གི་ངོ་བོར་བྱིན་བརླབས་ཏེ། །བསྒྲགས་ནས་དངོས་གྲུབ་མཆོག་ཏུ་འགྱུར། །རྣལ་འབྱོར་རིག་འཛིན་མར་ལྡན་པས། །བྲོ་དང་གར་གྱིས་བསྐྱོད་བྱས་ཏེ། །འོད་ཀྱི་འདུ་འཕྲོ་བྱིན་གྱིས་བརླབ། །དངོས་གྲུབ་མཆོག་ཀྱང་འཐོབ་པར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དངོས་གྲུབ་སྒྲུབ་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་དེ་དག་གི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །ཨོཾ་བཛྲ་བཻ་རོ་ཙ་ན་ཨོཾ། ཨོཾ་སཏྭ་བཛྲ་ཧཱུྃ། ཨོཾ་རཏྣ་བཛྲ་ཏྲཱྃ། ཨོཾ་དྷརྨ་བཛྲ་ཧྲཱྀཿ། ཨོཾ་ཀརྨ་བཛྲ་ཨཱཿ། ཨོཾ་བཛྲ་ཨཀྵོ་བྷྱཿཧཱུྃ། ཨོཾ་བཛྲ་སཏྭ་ཧཱུྃ། ཨོཾ་བཛྲ་རཱ་ཛ་ཧཱུྃ། ཨོཾ་བཛྲ་རཱ་ག་ཧཱུྃ། ཨོཾ་བཛྲ་སཱ་དྷཱུ་ཧཱུྃ། ཨོཾ་བཛྲ་རཏྣ་སཾ་བྷ་བ་ཏྲཱྃ། ཨོཾ་བཛྲ་རཏྣ་ཏྲཱྃ། ཨོཾ་བཛྲ་སཱུ་རྱ་ཏྲཱྃ། ཨོཾ་བཛྲ་དྷཱ་ཛ་ཏྲཱྃ། ཨོཾ་བཛྲ་ཧཱ་ས་ཏྲཱྃ། ཨོཾ་བཛྲ་ཨ་མི་ཏཱ་བྷ་ཧྲཱྀཿ། ཨོཾ་བཛྲ་ཏཱིཀྵྞ་ཧྲཱྀཿ། ཨོཾ་བཛྲ་ཙཀྲ་ཧྲཱྀཿ། ཨོཾ་བཛྲ་པཱ་ཤ་ཧྲཱྀཿ། ཨོཾ་བཛྲ་ཨ་མོ་གྷ་སིདྡྷི་ཧཱ། ཨོཾ་བཛྲ་ཀརྨ་ཧཱ། ཨོཾ་བཛྲ་རཀྵ་ཧཱ། ཨོཾ་བཛྲ་ཡཀྵ་ཧཱ།ཨོཾ་བཛྲ་མུཥྚི་ཧཱ། ཧོཿ། བཛྲེ་ཤྭ་ར་དྷཱ་ཏུ་ཨོཾ། ཨོཾ་བཛྲ་བུཌྜྷ་ལོ་ཙ་ན་ཧཱུྃ། ཨོཾ་བཛྲ་མཱ་མ་ཀཱི་ཏྲཾ། ཨོཾ་བཛྲ་པཎྜ་རཱ་བ་སི་ནཱི་ཧཱ། ཨོཾ་བཛྲ་ས་མ་ཡ་ཏཱ་རཱ་ཧཱ། ཨོཾ་བཛྲ་ལཱ་སྱཻ་ཧཱུྃ། ཨོཾ་བཛྲ་དྷཱུ་པེ་ཧཱུྃ། ཨོཾ་བཛྲ་ཨྃ་ཀུ་ཤ་ཧཱུྃ། ཨོཾ་བཛྲ་དེ་ཤྭ་རེ་བྷྱཿདེ་ཧཱུྃ། ཨོཾ་བཛྲ་མཱ་ལེ་ཏྲཱྃ། ཨོཾ་བཛྲ་པུཥ྇་ཏྲཱྃ། ཨོཾ་བཛྲ་པཱ་ཤ་ཏྲཱྃ། ཨོཾ་བཛྲ་རཏྣ་ར་ཏི་ཏྲཱྃ། ཨོཾ་བཛྲ་གཱི་ཏྱཻ་ཧྲཱྀཿ། ཨོཾ་བཛྲ་ཨཱ་ལོ་ཀེ་ཧྲཱྀཿ། ཨོཾ་བཛྲ་སྥོ་ཊ་ཧྲཱྀཿ། ཨོཾ་བཛྲ་ནྲྀ་ཏྱེ་ཧཱ། ཨོཾ་བཛྲ་གནྡྷེ་ཧཱ། ཨོཾ་བཛྲ་གྷཎྜ་ཧཱ། ཨོཾ་བཛྲ་ར་ཏི་ཧཱ། ཨོཾ་བཛྲ་མུཥྚི་ཧཱུྃ། ཨོཾ་བཛྲ་མུཥྚི་ཏྲཱྃ། ཨོཾ་བཛྲ་མུཥྚི་ཧྲཱྀཿ། ཨོཾ་བཛྲ་མུཥྚི་ཧཱ། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་སྔགས་ཀྱི་ལེའུ་སྟེ་དགུ་པའོ།། །།སེམས་དཔའ་ཆེན་པོ་ཉོན་ཅིག་ཅེས་རྡོ་རྗེ་སེམས་དཔའ་ལ་བོས་ནས་བཤད་དོ། །ལྷ་དང་ལྷ་མོའི་ངང་ཉིད་དུ། །ཡན་ལག་ལྔ་ལ་འབྱོར་པས་ན། །བསྐྱོད་པ་ཐམས་ཅད་ཕྱག་རྒྱ་ཡིན། །དེ་སྐད་དཔའ་བོས་བཀའ་སྩལ་ཏོ། །དེ་ལ་ཕྱག་རྒྱའི་མཚན་ཉིད་ནི། །ཐབས་དང་ཤེས་རབ་ངང་ཉིད་དུ། །ལག་གི་ ― DNG013_Page_0574 ―
[མ་དཔེ་གཟིགས་ན་འདིར་གནོན།]
འདུ་བྱེད་བསྒོམས་ནས་ནི། །ཐལ་མོ་དམ་སྦྱར་རྩེ་བསྣོལ་གཤིབས། །རྡོ་རྗེ་ཐལ་མོར་བཀའ་སྩལ་ཏོ། །སོར་མོ་ནང་དུ་བསྣོལ་ནས་བཀན། །གུང་མཛུབ་མཐེ་བོ་མཐེ་ཆུང་རྣམས། །སོ་སོར་རྩེ་སྤྲད་ཕྱིར་བཀྱེད་དེ། །སྲིན་ལག་གཤིབས་བསྒྲེང་དམ་ཚིག་རྒྱ། །རྐང་སོར་གཡས་ཀྱིས་གཡོན་པ་མནན། །ལག་མཐིལ་གཡས་ཀྱིས་གཡོན་པ་མནན། །མཐེ་བོ་རྩེ་སྤྲད་པང་དུ་བླང་། །རྣམ་པར་སྣང་མཛད་རྒྱ་ཆེན་ཡིན། །རྡོ་རྗེ་ཁུ་ཚུར་བཅངས་པ་ལས། །གཡས་ཀྱི་མཛུབ་མོ་གཡོན་གྱིས་བཟུང་། །ཚོགས་པས་གཅིག་ལ་གཅིག་བཟུང་བ། །འདི་ནི་སྦྱོར་བའི་རྒྱ་མཆོག་གོ། །མཐེ་བོ་གཉིས་དང་མཐེབ་ཆུང་གཉིས། །སོ་སོར་རྩེ་སྤྲད་ཟླུམ་པོ་སྟེ། །ལྷག་མ་འོད་འཕྲོ་རྟིང་ཕྱེ་བ། །མི་བསྐྱོད་པ་ཡི་ཕྱག་རྒྱ་ཡིན། །རྟིང་སྤྲད་གུང་མོ་རྩེ་སྦྱར་ཏེ། །མཛུབ་མོ་ཚིགས་བཅག་གུང་ལ་སྦྱར། །སྲིན་མཐེབ་རྩེ་སྤྲད་མཐེ་ཆུང་སྦ། །རིན་ཆེན་འབྱུང་བའི་ཕྱག་རྒྱ་ཡིན། །གུང་མཛུབ་སྲིན་ལག་རྩེ་སྤྲད་དེ། །མཐེ་ཆུང་ངོས་ལ་སྦྱར་བར་བྱ། །མཐེ་བོ་རྩེ་སྤྲད་ཟླུམ་པོ་སྟེ། །སྣང་བ་མཐའ་ཡས་ཕྱག་རྒྱ་ཡིན། །ཐལ་མོ་སྦྱར་ནས་སོ་སོར་བགྲད། །བསྐྱོད་ནས་འཁོར་ལོ་ལྟར་བྱས་ཏེ། །གློག་གི་ཕྲེང་བས་འཁོར་བར་བྱ། །དོན་ཡོད་གྲུབ་པའི་ཕྱག་རྒྱ་ཡིན། །ཕྱག་རྒྱའི་རྒྱལ་པོ་འདི་དག་ནི། །ཐུགས་ཀར་བཅིང་ཞིང་ཉིད་དུ་མོས། །འདུ་འཕྲོ་སྒྲོལ་ཞིང་མཁའ་ལ་དགྲོལ། །ལས་དང་ཐུན་མོང་ཉིད་དུ་བཤད། །རྡོ་རྗེ་དྲིལ་བུ་བཟུང་ནས་ནི། །ཐུགས་ཀར་རང་ནི་དཀུར་བརྟེན་ནས། །གཅུ་ཐབས་ཟུར་གྱིས་ལྟ་བ་ནི། །རྡོ་རྗེ་སེམས་དཔའི་རྒྱ་ཆེན་ཡིན། །ལག་པ་བསྣོལ་ནས་ཁུ་ཚུར་བཅང་། །གུང་མོ་གཉིས་ནི་བརྐྱང་བར་བྱ། །མཛུབ་མོ་ལྕགས་ཀྱུ་ལྟར་བྱས་པ། །རྡོ་རྗེ་རྒྱལ་པོ་རྒྱ་ཆེན་ཡིན། །ལག་པ་ཁུ་ཚུར་བཅངས་པ་ལས། །གཡོན་གྱི་མཐེབ་མཛུབ་རྩེ་སྤྲད་དེ། །གཡས་ཀྱི་གུང་མོ་བརྐྱང་ནས་གདེང་། །རྡོ་རྗེ་འདོད་པའི་རྒྱ་ཆེན་ཡིན། །ལག་པ་གཉིས་ཀྱི་སོར་མོ་རྣམས། །སོ་སོའི་གུང་མོ་ཚིགས་དང་པོར། །ངོས་བཞི་ནས་ནི་རྩེ་མོ་གཟུགས། །རྡོ་རྗེ་ལེགས་པའི་རྒྱ་ཆེན་ཡིན། །རྟིང་སྦྱར་གུང་མོའི་རྩེ་སྤྲད་དེ། །མཐེབ་མཛུབ་སྲིན་ལག་ཚིགས་བཅག་སྟེ། །དྲུག་ཆར་རྩེ་སྤྲད་ ― DNG013_Page_0575 ―
[མ་དཔེ་གཟིགས་ན་འདིར་གནོན།]
མཐེ་ཆུང་སྦས། །རྡོ་རྗེ་རིན་ཆེན་རྒྱ་ཆེན་ཡིན། །མཐེ་བོ་མཐེ་ཆུང་རྩེ་སྤྲད་ནས། །ལུ་གུ་རྒྱུད་དུ་སྦྲེལ་བར་བྱ། །ལྷག་མ་འོད་ལྟར་བྱས་ན་ནི། །རྡོ་རྗེ་ཉི་མའི་རྒྱ་ཆེན་ཡིན། །ལག་ངར་གཡོན་པ་བསྒྲེང་ནས་ནི། །རྡོ་རྗེ་ཁུ་ཚུར་བཅངས་པ་ལས། །གཡས་པ་གྲུ་མོར་གཟུང་བར་བྱ། །རྡོ་རྗེ་རྒྱལ་མཚན་རྒྱ་ཆེན་ཡིན། །གཡོན་གྱི་སྟེང་དུ་གཡས་བཞག་ནས། །སོར་མོའི་ཚིགས་བཅག་སྤྲད་བྱས་ཏེ། །ཁ་ཡི་ཐད་ཀར་གཟུང་བར་བྱ། །རྡོ་རྗེ་བཞད་པའི་རྒྱ་ཆེན་ཡིན། །གཡོན་གྱི་སོར་མོའི་རྩེ་རྣམས་ཡིན། །མ་ཕྲད་ཙམ་དུ་བསྡུས་པ་ལས། །གཡས་ཀྱིས་འབྱེད་པ་ལྟར་བྱས་པ། །རྡོ་རྗེ་ཆོས་ཀྱི་རྒྱ་ཆེན་ཡིན། །གཡས་ཀྱི་ལག་ངར་སྒྲེང་བ་ལ། །མཐེ་བོ་མཐེ་ཆུང་རྩེ་སྤྲད་དེ། །ལྷག་མ་གསུམ་ཡང་བསྒྲེང་བར་བྱ། །གཡོན་པའི་ཁུ་ཚུར་དཀུར་བརྟེན་པ། །རྡོ་རྗེ་རྣོན་པོའི་རྒྱ་ཆེན་ཡིན། །ལག་པ་རྒྱ་གྲམ་རྩེ་བསྣོལ་ནས། །མཐེ་བོ་གཉིས་ཀྱི་རྩེ་སྤྲད་དེ། །བསྐོར་བ་ལྟ་བུར་བྱས་པ་ནི། །རྡོ་རྗེ་འཁོར་ལོའི་རྒྱ་ཆེན་ཡིན། །སོར་མོ་ནང་དུ་བསྣོལ་བ་ལས། །གུང་མོ་རྩེ་སྤྲད་མཛུབ་སྦྱར་ཏེ། །མཐེ་བོས་གུང་མོ་མནན་པ་ནི། །རྡོ་རྗེ་སྨྲ་བའི་རྒྱ་ཆེན་ཡིན། །ལག་པའི་མཁྲིག་མ་བསྣོལ་བ་ལས། །གུང་མོ་གཉིས་ཀྱི་ཚིགས་དང་པོར། །ངོས་བཞིར་ས་ཡི་སོར་མོ་བརྟེན། །རྡོ་རྗེ་ལས་ཀྱི་ཕྱག་རྒྱ་ཡིན། །ལག་པ་གཉིས་ཀྱི་སོར་མོ་རྣམས། །ཕན་ཚུན་ཐགས་སུ་བཏགས་པ་ལས། །མཐེ་བོ་གཉིས་ནི་བསྒྲེང་བར་བྱ། །རྡོ་རྗེ་བསྲུང་བའི་ཕྱག་རྒྱ་ཡིན། །རྡོ་རྗེ་ཁུ་ཚུར་བཅངས་པ་ལས། །མཛུབ་མོ་གཉིས་ནི་བསྒྲེང་ནས་ཀྱང་། །ཁ་འགྲམ་གཉིས་སུ་གཟུང་བར་བྱ། །རྡོ་རྗེ་གནོད་སྦྱིན་རྒྱ་ཆེན་ཡིན། །རྡོ་རྗེ་ཁུ་ཚུར་བཅངས་པ་ལས། །བསྣོལ་ཏེ་ཁ་ནི་སྦྱར་ནས་ཀྱང་། །ཐུགས་ཀར་དམ་དུ་གཟུང་བར་བྱ། །རྡོ་རྗེ་ཁུ་ཚུར་རྒྱ་ཆེན་ཡིན། །རིགས་ཀྱི་ཕྱག་རྒྱ་བསྒོམ་ནས་ནི། །ལག་གི་འདུ་ཤེས་འདི་དག་གིས། །འདུ་འཕྲོ་མོས་པ་བསྐྱེད་ནས་ནི། །བཅིང་ཞིང་མཁའ་ལ་དགྲོལ་བར་བྱ། །མཐེ་བོ་མཐེ་ཆུང་ནང་དུ་སྤྲད། ། ― DNG013_Page_0576 ―
[མ་དཔེ་གཟིགས་ན་འདིར་གནོན།]
གུང་མོ་རྩེ་སྦྱར་བཞི་ཡང་བསྒྲེང་། །རྡོ་རྗེ་འཛིན་ལྟར་རྟིང་སྤྲད་པ། །རྡོ་རྗེ་འཛིན་པའི་ཕྱག་རྒྱ་ཡིན། །རྟིང་སྦྱར་མཐེབ་མཛུབ་རྩེ་སྦྱར་ཏེ། །མཛུབ་མོའི་མིག་ཏུ་མཐེ་ཆུང་དྲང་། །ལྷག་མ་རྩེ་གསུམ་ལྟར་བྱས་པ། །རྡོ་རྗེ་སྤྱན་གྱི་ཕྱག་རྒྱ་ཡིན། །ལག་ངར་གཡོན་པ་བསྒྲེང་ནས་ཀྱང་། །སོར་མོ་ཨུཏྤལ་ལྟར་བྱས་པ། །གཡས་ཀྱི་སོར་མོ་གཟུང་བར་བྱ། །རྡོ་རྗེ་སྒྲོལ་མའི་ཕྱག་རྒྱ་ཡིན། །རྐང་པ་གཉིས་ཀྱི་པུས་མོ་དང་། །ལག་པ་གཉིས་ཀྱི་གྲུ་མོ་རྣམས། །སྤྲད་ནས་ལག་པ་གདེངས་པ་ནི། །ཀུན་དུ་བཟང་མོའི་ཕྱག་རྒྱ་ཡིན། །རྡོ་རྗེ་ཁུ་ཚུར་དཀུར་བརྟེན་ནས། །ལྡན་པ་གཡས་སུ་བྱོ་བ་ལས། །ཆགས་པའི་མིག་གིས་ལྟ་བ་ནི། །རྡོ་རྗེ་སྒེག་མོའི་ཕྱག་རྒྱ་ཡིན། །གཡོན་པ་སྐོང་སྐོང་པོ་བྱས་ཏེ། །གཡས་པས་གྲུ་མོ་བཟུང་ནས་ཀྱང་། །བསྐོར་ཞིང་སོར་མོ་འཕྲོ་བ་ནི། །རྡོ་རྗེ་བདུག་པའི་ཕྱག་རྒྱ་ཡིན། །ལག་པ་གཉིས་ནི་རྒྱབ་སྦྱར་ནས། །རྡོ་རྗེ་ཁུ་ཚུར་བཅངས་པ་ལས། །མཐེ་ཆུང་སྦྲེལ་ནས་མཛུབ་མོ་བསྒྲེང་། །རྡོ་རྗེ་ལྕགས་ཀྱུ་མ་ཡི་རྒྱ། །མཐེ་ཆུང་ལུ་གུ་རྒྱུད་དུ་སྦྲེལ། །སོར་མོ་རྣམས་ནི་སོ་སོར་བསྒྲེང་། །ཐལ་མོ་བཀན་ཏེ་ལྟ་བ་ནི། །རྡོ་རྗེ་སྒྲོལ་མའི་ཕྱག་རྒྱ་ཡིན། །སྲིན་ལག་དང་ནི་མཐེ་བོ་གཉིས། །སོ་སོར་རྩེ་མོ་སྤྲད་པ་ལས། །འཕྲལ་བའི་ཐད་ཀར་དྲངས་པ་ཡི། །རྡོ་རྗེ་ཕྲེང་བའི་ཕྱག་རྒྱ་ཡིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཕྱག་རྒྱའི་ལེའུ་སྟེ་བཅུ་པའོ།། །།དེ་ནས་དཀྱིལ་འཁོར་གྱི་ལྷ་དང་ལྷ་མོ་རྣམས་ལ་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་བརྒྱད་དང་འཁོར་ཕལ་མོ་ཆེས་དབྱངས་མཐུན་པར་བསྟོད་པ། ཨོཾ་ཕྱོགས་བཅུའི་འཇིག་རྟེན་རབ་འབྱམ་ན། །རྒྱལ་བ་གང་བཞུགས་འཁོར་དང་བཅས། །བླ་མེད་ལྷ་དང་ལྷ་མོ་ཡི། །གྲུབ་པའི་བྱིན་བརླབས་བསམ་མི་ཁྱབ། །སེམས་དཔའ་བཅུ་དྲུག་རིགས་ཀྱི་གཙོ། །སེམས་མ་བཅུ་དྲུག་རིགས་ཀྱི་ཡུམ། །མཐུ་ ― DNG013_Page_0577 ―
[མ་དཔེ་གཟིགས་ན་འདིར་གནོན།]
ཆེན་ཁྲོ་བོ་ཁྲོ་མོ་དང་། །ཕོ་ཉར་འཇིག་རྟེན་སྐྱོང་བར་ལྡན། །ཨོཾ་སྔོན་གྱི་ཐུགས་དམ་ཆེན་པོ་ནི། །འཇིག་རྟེན་མ་ལུས་ཐམས་ཅད་ཀུན། །རྒྱལ་བའི་ཞིང་དུ་སྦྱོར་བས་ན། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་དཔའ་བོ་ཆེན་པོ་མཐུ་ལྡན་རྣམས། །ཐུགས་རྗེ་ཆེན་པོའི་བྱིན་བརླབས་ཀྱིས། །བདག་གི་ལྷག་པའི་བསམ་པ་རྣམས། །གྲུབ་པར་བྱིན་གྱིས་བརླབ་ཏུ་གསོལ། །ཨོཾ་ཁམས་གསུམ་ཞིང་དུ་སྦྱོར་ལ་ཕྱག་འཚལ་ལོ། །དམིགས་མེད་ཆོས་ཀྱི་སྐུ་ལ་ཕྱག་འཚལ་ལོ། །ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ། །ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོ། །ཞེས་བསྟོད་ནས་ཉིད་ཀྱི་ཐུགས་ཀར་ཞུགས་ཏེ། རོལ་པར་ཁྲོ་བོའི་ཏིང་ངེ་འཛིན་ལ་སྙོམས་པར་ཞུགས་ཏེ་ཁྲོ་བོའི་རྟོག་པ་བཤད་དོ། །དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ད་ལྟར་དང་མ་འོངས་པའི་དུས་ན། གཅེར་བུ་པ་དང་ཀུན་དུ་རྒྱུ་ལ་སོགས་པས་སོ་སོའི་རིག་སྔགས་ཀྱི་ལས་ཀྱིས་མ་ཧཱ་དེ་བ་ལ་སོགས་པ་འཇིག་རྟེན་གྱི་ལྷ་དང་། གནོད་སྦྱིན་མཐུ་བོ་ཆེ་དང་། ཕྲ་མེན་མ་ཐམས་ཅད་བསྐུལ་ནས་སེམས་ཅན་རྣམས་ཀྱི་སྲོག་གི་བར་ཆད་བགྱིད། འཚེ་བར་བགྱིད། ཤིན་ཏུ་སྡུག་བསྔལ་བར་བགྱིད། དེ་ལ་ཐབས་གང་གིས་བཟློག་པར་བགྱི། སྦྱོར་བ་གཅད་པར་བགྱི། བཀའ་སྩལ་པ། ལག་ན་རྡོ་རྗེ་ཉོན་ཅིག །འདི་ནི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་པོས་སྔོན་ཆད་བཤད་དེ། ལག་ན་རྡོ་རྗེ་ཁྱོད་ཉིད་ཀྱིས་བྱས་པའི་གསང་སྔགས་དང་། སྲིད་པ་ཟད་པར་བྱས་པའི་གསང་སྔགས་ཐམས་ཅད་ཀྱང་ཟློག་པར་བྱེད་དོ། །གནོན་པར་བྱེད་དོ། །སྦྱོར་བ་གཅོད་པར་བྱེད་པ་ཀུན་དུ་རྒྱུ་ལ་སོགས་པ་གཞན་ལྟ་ཅི་སྨོས། དེ་ནས་བཅོམ་ལྡན་འདས་ཀྱིས་རྡོ་རྗེ་མཚོན་ཆའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་དང་གསུང་དང་ཐུགས་རྡོ་རྗེ་ལས་གསང་སྔགས་ཟློག་ཅིང་གནོན་པ་དང་། སྦྱོར་བ་ ― DNG013_Page_0578 ―
[མ་དཔེ་གཟིགས་ན་འདིར་གནོན།]
གཅོད་པ་ཞེས་བྱ་བ་འདི་གསུངས་སོ། །ཨོཾ་བཛྲ་ཛྭ་ལ་བཛྲ་ཧཱུྃ།མནྟྲ་སུྃ་བྷ་ནི། ཨོཾ་བཛྲ་ཛྭ་ལ་ཧཱུྃ། ཨོཾ་ཧཱུྃ་ཏྲཱྃ་ཧཱུྃ་ཧྲཱྀཿ།་ཨཱ་། འདི་གསུངས་མ་ཐག་ཏུ་ཕྱོགས་བཅུ་ནས་མཚོན་ཆའི་ཆར་ཆེན་པོ་ཕབ་སྟེ་ལག་ན་རྡོ་རྗེ་ཉིད་ཀྱང་ཁས་སྦུབ་ཏུ་འགྱེལ་ནས་ཁྲག་སྐྱུག་པར་གྱུར་ཏོ། །ལྷ་དང་གནོད་སྦྱིན་ཐམས་ཅད་ཀྱང་བརྒྱལ་ཏེ་ལུས་དུམ་བུ་དུམ་བུར་ཆད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་དག་གི་སྦྱོར་བ་ཆད་པར་རིག་ནས་སླར་བསླང་སྟེ། ཨོཾ་བཛྲ་སཏྭ་རཱ་ཛ་ཛྷ། དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཁྱོད་ཀྱིས་ཀྱང་འདི་ལས་འདའ་བར་མ་བྱེད་ཅིག །ཁྱོད་ཀྱི་འཁོར་ཐམས་ཅད་ཀྱང་འདི་ལས་འདའ་བར་བྱེད་ན་ཐམས་ཅད་བརླག་པར་འགྱུར་རོ། །དེ་བཞིན་དུ་ལག་ན་རྡོ་རྗེ་ཁྱོད་ཀྱིས་ཀྱང་ལྷ་དང་གནོད་སྦྱིན་ཐམས་ཅད་ལ་བསྒོ་ཤིག །དེ་ནས་ལག་ན་རྡོ་རྗེས་གསོལ་པ། བཅོམ་ལྡན་འདས་འདི་ན་སྲིད་པ་གསུམ་ཐམས་ཅད་འདུལ་བར་བགྱིད་པ། མཐུ་བོ་ཆེ་ཐམས་ཅད་འདུལ་བར་བགྱི་བ། མཐུ་བོ་ཆེ་ཐམས་ཅད་ཀྱི་ང་རྒྱལ་གཅོག་པ་བདག་ལགས་ཏེ། ཇི་ལྟར་བཅོམ་ལྡན་འདས་ཤཱཀྱ་ཐུབ་པས་མཐུ་སྟོབས་དང་ལྡན་པའི་སླད་དུ་བདག་གི་མིང་ཡང་ལག་ན་རྡོ་རྗེ་ཞེས་བཏགས་ན་འདིར་རྡོ་རྗེ་སེམས་དཔའ་བཅོམ་ལྡན་འདས་ཀྱི་བྱིན་གྱིས་བརླབས་ཀྱིས་སྔགས་འདི་སྨྲས་པས་བདག་ཀྱང་ཁྲག་ཏུ་སྐྱུག་ཅིང་འགྱེལ་བར་གྱུར་ན་གཞན་ལྟ་ཅི་སྨོས། འདི་ནི་འདའ་བར་དཀའོ། །དེ་བཞིན་དུ་ལྷ་དང་གནོད་སྦྱིན་རྣམས་ལ་ཡང་བསྒོའོ། །དེ་ནས་བཅོམ་ལྡན་འདས་ཀྱིས་མ་འོངས་པའི་དུས་ན་གསང་སྔགས་འདི་སྒྲུབ་པའི་ཆོ་ག་བཤད་དེ། མྃ་ལས་ཉི་མའི་དཀྱིལ་འཁོར་དུ། །དཔལ་ཆེན་ཁྲག་འཐུང་སྤྱན་དྲང་ངོ་། །སྐུ་ནི་དུད་ཀ་ཆེན་པོ་ལ། །དབུ་སྐྲ་ཁམ་ནག་རལ་པ་ཅན། །དབུ་གསུམ་པ་ལ་ཕྱག་དྲུག་སྟེ། །དམར་དང་དུད་ཀ་གནག་པ་ཡིན། །གཡས་ཀྱི་གསུམ་ན་ཐོགས་པ་ནི། །སྡི་ ― DNG013_Page_0579 ―
[མ་དཔེ་གཟིགས་ན་འདིར་གནོན།]
རའི་དབྱུག་པ་ཆེན་པོ་དང་། །དུང་ཆེན་དམར་གྱིས་བཀང་བ་ལ། །རྡོ་རྗེས་དཀྲུག་ཅིང་འཐུང་བར་བརྟག །གཡོན་གྱི་གསུམ་ན་ཐོགས་པ་ནི། །སྡི་རའི་རྒྱུ་མའི་ཞགས་པ་དང་། །ཁྱུང་གི་ཁྲག་ཆེན་ཐོགས་པ་དང་། །སྡི་ར་ཕྲ་མོའི་གསུས་པ་ནས། །གློ་སྙིང་ནང་གྲོལ་འདྲེན་ཅིང་ཟ། །གཙུག་ཏུ་རྣམ་པར་སྣང་མཛད་ཉིད། །ཨོཾ་ཕྲག་གཡས་ལ་ཨཀྵ་བྷྱཿཧཱུྃ། །གཡོན་རཏྣ་སམྦྷ་བ་ཏྲཱྃ། །རྐང་གཡས་ཨ་མོ་གྷ་སིདྡྷི་ཨཱཿ། །གཡོན་ན་ཨ་མི་ཏཱ་བྷ་སྟེ། །ཧྲཱྀཿ། བྷཱུྃ་ལས་རྡོ་རྗེ་འཁོར་ལོ་ལ། །རྡོ་རྗེ་རྣམས་ནི་རིག་སྔགས་བརྟག །ཀཽ་རི་དང་ནི་ཙཽ་རི་དང་། །པྲ་མོ་ཧ་དང་བཻཏྟ་ལི། །གཞན་ཡང་བྱཱ་གྷྲྀ་མུ་ཁཱ་དང་། །སིངྷ་ལ་སོགས་མགྱོགས་མ་རྣམས། །སྡི་ར་ལ་ནི་འབྲི་ཚུགས་སུ། །བལྟ་ཞིང་རྟོད་པའི་ཚུལ་བཞིན་གནས། །ཧ་ཧ་དེ་ནས་སྐད་ཅིག་ལ། །རིག་སྔགས་ཉིད་དང་སྦོད་གཏོང་བཅས། །དགུག་པའི་ཕོ་ཉར་བརྟག་པར་བྱ། །རས་སམ་གྲོ་གའམ་རྩ་རྣམས་ལ། །ཁྲོ་བོའི་གཟུགས་སུ་བྲིས་པ་འམ། །ཡང་ན་སྐུད་པ་ནག་པོས་བཅིང་། །ཧ་ཧ་གད་མོ་ཆེན་པོ་དང་། །རྡོ་རྗེ་སྐུལ་བའི་གླུ་བླངས་ཏེ། །ཕོ་ཉ་རྣམས་ལ་མངག་པར་བྱ། །དེ་ནས་རིག་སྔགས་བཟུང་ནས་ཀྱང་། །རྩ་ཡི་གཟུགས་ལ་གནས་པ་དང་། །འཁོར་ལོ་ལ་སོགས་མཚོན་ཆ་ཡིས། །དེ་དག་ཕྱེ་མར་བརླག་པར་བྱ། །བཛྲ་ཙཀྲ་ཧཱུྃ། ཕྱེ་མར་དེ་དག་གཏུབས་ནས་ནི། །ཐོད་པ་གཞུ་དང་བཅས་པ་ཡིས། །ཧོམ་ཁུང་གྲུ་གསུམ་སྒོ་ཅན་དུ། །རྃ་ཞེས་བྱ་བའི་མེ་སྤར་ཏེ། །དྲང་སྲོང་འཁོར་བཅས་གཡབ་མོས་བོད། །དེ་ནས་རིག་སྔགས་བསྲེག་པར་བྱ། །དེ་ལྟར་ལྷ་དང་བདག་སྦྱར་ན། །རྣམ་ལྔའི་ཆས་དང་ལྡན་པར་བྱ། །མ་མོ་ཆེན་མོ་ཤ་ལ་སྤྱོན། །འབྱུང་པོའི་ཤ་ནི་ཟན་པས་ཞིམ། །འབྱུང་པོའི་ཁྲག་ནི་ཆང་བས་ཞིམ། །མ་མོ་ཆེན་མོ་ཁྲག་ལ་སྤྱོན། །གླུ་དང་གར་དང་གད་རྒྱངས་ཀྱིས། །སོ་སོར་མཆོད་དེ་བསྒྲུབ་པར་ ― DNG013_Page_0580 ―
[མ་དཔེ་གཟིགས་ན་འདིར་གནོན།]
བྱ། །ཟིན་པའི་སེམས་ཅན་གང་ཡང་རུང་། །དེ་དག་སྐུད་པ་ནག་པོས་བཅིང་། །དེ་ཡང་དུམ་བུར་བཅད་པར་བྱའོ། །དེ་ནས་མི་དེ་སྔ་མ་བཞིན། །ཚེ་གནས་བྱ་ཕྱིར་འབྲུ་ལྔ་ཡིས། །གནས་ལྔ་དག་ཏུ་རྣམ་བཀོད་དོ། །ཟིན་པའི་སེམས་ཅན་བསྲུང་བར་བྱ། །ཚ་ཞིང་རྩུབ་པའི་ཤིང་དང་ནི། །ཤ་དང་ཆང་དང་ཡོ་བྱད་རྣམས། །གནག་ཅིང་ཚ་བར་རྣམ་སྦྱར་ཏེ། །ལྷ་ཆེན་རྣམས་ལ་མཆོད་པར་བྱ། །དེ་ནས་ལས་རྣམས་གྲུབ་པ་དང་། །ཧ་ཧ་ལ་སོགས་གད་མོ་དང་། །གླུ་དང་རྡོ་རྗེ་དབྱུག་པ་ཡིས། །ལྷ་རྣམས་བདག་ལ་ཐིམ་པར་བྱ། །འདི་ནི་བདག་ཉིད་བསྲུང་བ་དང་། །ལས་རྣམས་ཐམས་ཅད་གྲུབ་པར་བྱེད། །ཤར་ཕྱོགས་ན་ཕྲ་མེན་མ་ཀཽ་རི་ཁ་དོག་སྔོན་མོ་ཕྱག་གཉིས་པ་སྟེ། གཡོན་བྷན་དྷ་ཙནྡན་དམར་གྱིས་བཀང་བ་ཐོགས་པ། གཡས་ན་ཞིང་ཆུང་ངུའི་དབྱུག་པ་ཐོགས་པ། ཨོཾ་བཛྲ་གཽ་རཱི་ཛཿཛཿཧཱུྃ་ཞེས་སྟོང་རྩ་བརྒྱད་བཟླས་ཏེ་བཅོལ་ན་སངས་རྒྱས་ཀྱང་དགུག་ནུས་ན་གཞན་ལྟ་ཅི་སྨོས། ཆེ་གེ་མོ་ཞིག་ཁུག་ཅིག་ཅེས་བཅོལ་ནས་གཏོར་མ་དང་ཙནྡན་དམར་ཆེན་ཨརྒྷ་ལ་ཨོཾ་རུ་ལུ་རུ་ལུ་ཧཱུྃ་བྷྱོ་ཞེས་བརྗོད་ཅིང་ཨརྒྷ་ལན་གསུམ་དུ་བསྒྲེང་ངོ་། །ལྷོ་ཕྱོགས་ན་ཙཽ་རི་ཁ་དོག་སེར་མོ་ཕྱག་ན་མདའ་གཞུ་འགེངས་པ། ཨོཾ་བཛྲ་ཙཽ་རཱི་ཧཱུྃ་ཛཿཞེས་སྟོང་རྩ་བརྒྱད་བཅོལ་ན་ཕྱག་ན་རྡོ་རྗེའི་མཐུ་ཡང་རྡུལ་ཙམ་ཡང་མེད་པར་རྐུ་ནུས་ན་གཞན་ལྟ་ཅི་སྨོས། ནུབ་ཕྱོགས་ན་པྲ་མོ་ཧ་དམར་མོ་ཕྱག་ན་ཆུ་སྲིན་གྱི་རྒྱལ་མཚན་ཐོགས་པ། ཨོཾ་བཛྲ་པྲ་མོ་ཧ་ཧཱུྃ་ཛཿཞེས་སྟོང་རྩ་བརྒྱད་བཟླས་ཏེ་བཅོལ་ན་ཕྱག་ན་རྡོ་རྗེ་ཡང་རང་གི་མཐུ་བཞག་ནས་དབང་དུ་འོང་ན་གཞན་ལྟ་ཅི་སྨོས། བྱང་ཕྱོགས་ན་བཻཏྟ་ལི་ཁ་དོག་ནག་མོ་ཕྱག་གཡོན་ཞིང་ཆུང་ངུ་འཛིན་ཅིང་ཟ་བ། གཡས་ན་རྡོ་རྗེ་འཕྱར་བ། ཨོཾ་བཛྲ་བཻཏྟ་ལི་ཧཱུྃ་ཛཿཞེས་སྟོང་རྩ་བརྒྱད་བཟླས་ཏེ་བཅོལ་ན་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་ ― DNG013_Page_0581 ―
[མ་དཔེ་གཟིགས་ན་འདིར་གནོན།]
ཀྱང་འགྲུབ་ན་འཇིག་རྟེན་གྱི་བསྒྲུབ་པ་ཕྲན་ཚེགས་ལྟ་ཅི་སྨོས། ཤར་ལྷོའི་མཚམས་ན་པུཀྐ་སི་ཁ་དོག་དམར་སེར་ཕྱག་གཉིས་ཞིང་ཆུང་ངུའི་བ་སུ་ཏ་འདྲེན་ཅིང་ཟ་བ། ཨོཾ་བཛྲ་པུཀྐ་སི་ཧཱུྃ་ཛཿཞེས་སྟོང་རྩ་བརྒྱད་བཟླས་ཏེ་བཅོལ་ན་ཕྱག་ན་རྡོ་རྗེ་ཡང་འཆིང་ཞིང་འདྲེན་པར་ནུས་ན་གཞན་བཅིང་ཞིང་ཟ་བ་ལྟ་ཅི་སྨོས། ལྷོ་ནུབ་ཀྱི་མཚམས་ན་གྷསྨ་རི་ཁ་དོག་ལྗང་གུ་ཕྱག་གཡོན་ན་བྷན་དྷ་ཙནྡན་དམར་པོས་བཀང་བ་རྡོ་རྗེས་དཀྲུག་ཅིང་གསོལ་བ། ཨོཾ་བཛྲ་གྷསྨ་རི་ཧཱུྃ་ཛཿཞེས་སྟོང་རྩ་བརྒྱད་བཟླས་ཏེ་བཅོལ་ན་ཕྱག་ན་རྡོ་རྗེ་ཡང་མྱོས་པར་ནུས་ན་གཞན་ལྟ་སྨོས་ཀྱང་ཅི་དགོས། ནུབ་བྱང་གི་མཚམས་ན་བཛྲ་ཀརྨ་ཁ་དོག་ལྗང་གུ་ཞིང་ཆུང་ངུ་ལག་པ་གཉིས་ཀྱིས་བཟུང་སྟེ་སྙིང་ག་ནས་ཟ་བ། ཨོཾ་བཛྲ་ཀརྨ་ཧཱུྃ་ཛཿཞེས་སྟོང་རྩ་བརྒྱད་བཟླས་ཏེ་བཅོལ་ན་ལས་གང་བྱ་བ་ཐམས་ཅད་འགྲུབ་བོ། །བྱང་ཤར་གྱི་མཚམས་ན་ཙཎྜ་ལི་ཁ་དོག་སེར་སྐྱ་ཕྱག་གཡས་ན་ཞིང་ཆུང་ངུའི་བྷནྡྷ་འཛིན་པ། གཡོན་གྱིས་ཞིང་དབྱུག་འཛིན་པ། ཨོཾ་བཛྲ་ཙཎྜ་ལི་ཧཱུྃ་ཛཿཞེས་སྟོང་རྩ་བརྒྱད་བཟླས་ཏེ་བཅོལ་ན་ཟ་མ་དང་མ་ནིང་ཡང་རྒྱུད་འཕེལ་བར་བྱེད་ན་དབང་པོ་ཚང་ཞིང་ཉམས་པ་མེད་པ་ལ་རྒྱུད་འཕེལ་ཞིང་ཚེ་དང་དབང་ཐང་འཕེལ་བར་བྱ་བ་ལྟ་ཅི་སྨོས་ཏེ། ཕྲ་མེན་མ་འདི་རྣམས་ཕྲིན་ལས་སྐུལ་བའི་ཚེ་ཨརྒྷ་དང་གཏོར་མ་དབུལ་བ་ནི་གོང་དུ་སྨོས་པ་བཞིན་དུ་བགྱིའོ། །ཁྲོས་ན་ཐམས་ཅད་ཕྱག་ན་ཏྲི་ཤཱུ་ལ་འབར་བ། གཡོན་རྔེའུ་ཆུང་བསྣམས་པ། གདན་མེ་སྨུག་ནག །སྐུའི་ཁ་དོག་ནག་མོ་ལ་ཁྲག་དང་ཞག་དང་ཐལ་བའི་ཐིག་ལེས་ཚོམ་བུར་བྱས་ཤིང་བ་སུ་ཏས་རྐེད་པ་བཅིངས་པ། གསེར་གྱི་པགས་པ་གོ་ཟུར་བགོས་པ་སྲོད་ཏ་ཨ་ཛ་ནས་ལུས་བརྒྱན་ཏེ་གཅེར་བུའི་ཚོགས་སྨུག་གནག་འབར་བ། གཡོན་རྔེའུ་ཆུང་བསྣམས་པ། གཡས་མེ་སྨུག་ཀུན་ཀ་ཁ་དོག་ནག་མོ་ལ་འཇིག་རྟེན་གྱི་ཁམས་བསྲེགས་ཤིང་། ཟད་པར་བྱས་ནས་སླར་དཔལ་ཆེན་པོའི་སྐུ་ལ་ཐིམ་པར་བྱའོ། །དེ་ནི་ཕྱི་རིམ་བཤད་པར་བྱའོ། །ཤར་ཕྱོགས་སུ་སིངྒ་མུ་ཁ་ཁ་ ― DNG013_Page_0582 ―
[མ་དཔེ་གཟིགས་ན་འདིར་གནོན།]
དོག་སེར་མོ་ཞིང་ཆུང་ཁ་ན་ཐོགས་པ། ལག་པ་གཡས་གཡོན་བསྣོལ་བ། སེང་གེའི་མགོ་ཅན། ལྷོ་ཕྱོགས་ན་བྱཱ་གྷྲི་མུ་ཁ་ཁ་དོག་དམར་མོ་ལག་པ་གཉིས་བསྣོལ་ཏེ་མདུན་ན་ཞིང་གནས་པ་ལ་ལྟ་བ། སྟག་གི་མགོ་ཅན་ནུབ་ཕྱོགས་སུ་སྲིན་གླ་མུ་ཁ་ཁ་དོག་ནག་མོ་ལག་པ་གཉིས་ཞིང་ཆུང་ངུ་འཛིན་ཅིང་ལྕེས་ལྡག་པ་ཝ་མགོ་ཅན། བྱང་ཕྱོགས་ན་ཤྭ་ན་མུ་ཁ་ཁ་དོག་མཐིང་ག་ཞིང་ལག་པ་གཉིས་ཀྱིས་ཁོང་དྲལ་ཏེ་ལྟ་བ་ཁྱི་མགོ་ཅན། ཤར་ལྷོའི་མཚམས་སུ་ཀྲྀ་ཌྷ་མུ་ཁ་ཁ་དོག་དམར་གནག་ཞིང་ཆུང་ངུའི་བ་སུ་ཏ་ཁ་ན་ཐོགས་པ། ལག་པ་གཡས་བྷན་དྷ་གཡོན་གྲི་ཐོགས་པ་བྱ་རྒོད་ཀྱི་མགོ་ཅན། ལྷོ་ནུབ་མཚམས་ན་ཀངྈ་མུ་ཁ་ཁ་དོག་དཀར་དམར་ཕྲག་པ་གཡོན་པ་ལ་ཞིང་ཁེལ་ཞིང་རྐང་པ་ནས་བཟུང་བ། གཡས་པ་མགོ་འཛིན་པ། བྱ་ཀངྒའི་མགོ་ཅན་མཆུ་རིང་ཐོར་ཏོ་གུག་ཟེ་བ་དམར་མོ། ནུབ་བྱང་མཚམས་ན་ཀཱ་ཀ་མུ་ཁ་ཁ་དོག་ནག་མོ། བྱ་རོག་གི་མགོ་ཅན་མཆུས་ཞིང་ཐོགས་པ། ལག་པ་གཡོན་པས་པདྨ་བྷན་དྷ་འཛིན་པ། བྱང་ཤར་མཚམས་སུ་ཨཱུ་ལཱུ་ཀ་མུ་ཁ་ཁ་དོག་སྣ་ཚོགས་ལག་པ་གཡོན་པ་དུང་ཆེན་ཁྲག་གིས་བཀང་བ་ལ་འཐུང་བ་ལ་གཡས་པ་རྡོ་རྗེ་ལྕགས་ཀྱུ་འཛིན་པ། འུག་པའི་མགོ་ཅན། ནང་རིམ་འུག་པའི་འཁོར་གྱིས་བསྐོར། དེའི་ཕྱི་རིམ་བྱ་རོག་གི་འཁོར་གྱིས་བསྐོར། དེའི་ཕྱི་རིམ་བྱ་ཀང་ཀ་མཆུ་རིངས་ཀྱི་འཁོར་གྱིས་བསྐོར། དེའི་ཕྱི་རིམ་བྱ་རྒོད་ཀྱི་འཁོར་གྱིས་བསྐོར། དེ་དག་ཐམས་ཅད་ཀྱང་ཞིང་མང་པོ་གསར་རྙིང་སྤུངས་པའི་སྟེང་ན་ཞིང་ལ་རྟོད་པའི་ཕྱིར་འཐབ་པའི་ཚུལ་སྟོན་པ་ཤ་སྟག་གོ། །དེ་དག་གི་སྙིང་པོ་འདི་རྣམས་སོ། །ཧཱུྃ་ཧ་ཧེ་ཕཊ་ཧཱུྃ། འདི་ཀུན་འབྲུ་རེ་རེ་ཡང་ལན་བཞི་བཞི་བརྗོད་དོ། །ཧཱུྃ་གིས་གཙོ་བོ་བསྐྱེད། ཧས་ནང་གི་ལྷ་མོ་བསྐྱེད། ཧེས་ཕྱིའི་ལྷ་མོ་བསྐྱེད། ཕཊ་ཀྱིས་ཐམས་ཅད་ཁྲོས་པར་བསྐུལ། ཧཱུྃ་གིས་ཐམས་ཅད་ཀྱི་ཡེ་ཤེས་ཀྱི་འོད་ཟེར་འབར་བས་ཕྱོགས་བཅུར་ཁྱབ་པར་བགྱིའོ། །ལྷ་མོ་བློ་ ― DNG013_Page_0583 ―
[མ་དཔེ་གཟིགས་ན་འདིར་གནོན།]
ལྡན་ཚོགས་ཀྱི་བདག །ཧེ་རུ་དཔལ་ལ་ཕྱག་འཚལ་ལོ། །སློབ་དཔོན་ལ་ནི་བརྙས་བྱེད་དང་། །རྣལ་འབྱོར་བར་དུ་གཅོད་པ་དང་། །དམ་ཚིག་གཉེན་པོ་དྲལ་བ་དང་། །རྡོ་རྗེ་སྤུན་ལ་འཁུ་བྱེད་རྣམས། །ཁྱེད་ཀྱིས་རྡུལ་དུ་བརླགས་ནས་ནི། །གནོད་སེམས་མ་ལུས་གཏན་ནས་ཕྱུང་། །དཔལ་ཆེན་པོ་སྟན་དང་ག་ནའི་གནས་སུ་ཚོགས་ཆེན་པོ་ལ་གཤེགས་པའི་ཚེ་སྐུ་གསུང་ཐུགས་ཀྱི་ཁྲོ་བོའི་གཟི་བྱིན་གྱིས་གདུག་པ་ཐམས་ཅད་གཏན་ནས་འབྱིན་ཅིང་ལོངས་སྤྱོད་ཆེན་པོ་འགྱིང་ཞིང་འགྱིང་བའི་གླུ་བླངས་ཏེ་ཐམས་ཅད་དགྱེས་པར་མཛད་པའི་དབྱངས་འདིས་དགྱེས་པར་མཛད་དོ། །རྡོ་རྗེ་པདྨོའི་ཕྱག་རྒྱ་དཔྲལ་བར་བཅིངས་ཏེ། ཕྱར་ནས་མཆོང་ཞིང་འཁོར་ཐམས་ཅད་གཅེར་བུར་བྱུང་ནས་སྐྲ་བཤིག་ཅིང་བརྒྱུགས་ཏེ། སྔགས་འདི་གསུངས་སོ། །ཨོཾ་ཨེ་ཨཱ་ར་ལི་ཧོཿཧྲིྃ་ཧྲིྃ་ཧྲིྃ་ཧྲིྃ། དེ་ནས་ཚོགས་སུ་གཤེགས་ནས་འཁོར་ཐམས་ཅད་ལ་སྤྱན་བགྲད་པས་གཟིགས་ཤིང་འཛུམ་པའི་བརྡ་ཧ་ཧ་སྃ་སྃ་སྒྲ་ཕྱུང་སྟེ། འཁོར་ཐམས་ཅད་ཀྱིས་མགྲིན་གཅིག་ཏུ་དབྱངས་འདིས་གཙོ་བོ་ལ་བསྟོད་དོ། །ཨེ་མའོ་ཆོས་ཀྱི་དོན་བྱུང་བ། །ཆོས་དོན་དག་པ་བདག་མེད་པ། །ནམ་མཁའ་དང་ནི་མཉམ་པའི་གནས། །རྡོ་རྗེ་རྒྱལ་ལ་ཕྱག་འཚལ་ལོ། །ཞེས་བསྟོད་པས་གཙོ་བོ་མཉེས་ནས་འཁོར་ཐམས་ཅད་ལ་གཟིགས་ཤིང་དམ་སྩལ་བའི་དབྱངས་འདི་གསུངས་སོ། །ཁ་ག་ལྱ་ཤ་ཏ་བ་ཀ །ཨ་ལ་ལ་ཧོཿ། མ་ཧཱ་པཉྩ་ཨ་མྲྀ་ཏ། ཁ་རྃ་ཡོ་གི་ནི། ཁ་རྃ་ཊཱ་ཀི་ནི། ཨ་ལ་ལ་ཧོཿ། བྷ་ག་བཱན་ཁ་ཁ་ཁ། ལྷ་མོ་རྣམས་རྔ་རྡུང་། དབྱངས་ལེན། རྒྱུད་གསུམ་གྱི་ཚིག །ཏེ་ཧྲླྀཾ་ཏེ་ཧྲླྀཾ ། ཏེ་ཧྲླྀཾ ། ཏེ་ཧྲླྀཾ ། ཏ་ཧྲླྀཾ་ཏ་ཧྲླྀཾ ། ཧྲླྀཾ་ཧྲླྀཾ་ཧྲླྀཾ ། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རིག་སྔགས་གཅོད་པའི་ལེའུ་སྟེ་བཅུ་གཅིག་པའོ།། །།སེམས་དཔའ་ཆེན་པོ་ཉོན་ཅིག །བསྐལ་པའི་མེ་ལྟར་འབར་བ་ཡི། །འོད་ཟེར་འདུ་འཕྲོའི་ཀློང་དཀྱིལ་ན། །ཁྲོ་བོ་ཆེན་པོ་རྣམས་བཞུགས་པ། །བརྐྱང་བསྐུམ་ཚུལ་གྱིས་གནས་པ་སྟེ། །དབུས་ཀྱི་ཁྲག་འཐུང་ཆེན་པོ་ནི། །དབུ་དགུ་ཕྱག་ཀྱང་བཅྭ་བརྒྱད་དེ། །གཤོག་པ་རྡོ་རྗེ་གཏམས་ ― DNG013_Page_0584 ―
[མ་དཔེ་གཟིགས་ན་འདིར་གནོན།]
པ་གདེངས། །ཞབས་ཀྱང་བརྒྱད་དུ་རྣམ་པར་བསྟན། །དེ་ཡི་དཀྱིལ་འཁོར་ཁྲོ་བོ་ནི། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེའི་བྲག་སྟེང་ན། །འཇིག་རྟེན་སྐྱོང་བས་འདུད་ཚུལ་ལོ། །དེ་ཡི་ཕོ་ཉ་བཀའ་ཉན་ནི། །རྡོ་རྗེ་ཕྲ་མེན་གཏུམ་བག་ཅན། །འཇིགས་པའི་གཟུགས་ཅན་མང་པོ་སྟེ། །དེ་དག་ཅིར་ཡང་འགྲུབ་པར་བྱེད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཁྲོ་བོའི་དཀྱིལ་འཁོར་ཐམས་ཅད་ཀྱི་ལེའུ་སྟེ་བཅུ་གཉིས་པའོ།། །།རྡོ་རྗེ་སྲིན་མོ་ཆེན་མོ་ནི། །འཇིགས་བྱེད་ཆེན་མོར་སྣང་བ་སྟེ། །ཕྱག་ཀྱང་སྲིན་མོ་ཆེན་པོ་ལྟར། །མཐུན་ཏེ་ཞབས་ཀྱང་དེ་དང་འདྲ། །དེ་ལྟ་བུ་ཡི་དཀྱིལ་འཁོར་དུ། །རིན་ཆེན་མེ་ཏོག་བོར་ནས་ནི། །ལྕགས་ལ་བབ་པའི་ལྷ་དེ་ནི། །གཉེར་ན་འགྲུབ་པར་ཐེ་ཚོམ་མེད། །དགེ་དང་མི་དགེའི་ཆོས་རྣམས་ལ། །ལྷག་པར་བསྟེན་པར་མི་བྱ་སྟེ། །མཉམ་ཉིད་རིག་པའི་ཀླུང་ཞུགས་ནས། །ཅི་ལ་ཐོགས་པ་མེད་པར་སྤྱོད། །རྡོ་རྗེ་དབྱུག་པ་བླངས་ནས་སུ། །གཡབ་མོ་ལྔ་ཡང་གཡབ་པར་བྱ། །དེ་ནས་དཀྱིལ་འཁོར་བཞུགས་པར་བརྟག །མཆོད་པ་ཆེན་པོ་དབུལ་བར་བྱ། །སེ་གོལ་གཏོགས་པ་ཙམ་གྱིས་ཀྱང་། །མགྱོགས་མས་ཕྱོགས་བཅུ་གར་ཡང་ཕྱིན། །དེ་ལ་ཞོན་ནས་འགྲོ་བྱེད་པ། །བྱ་རོག་མགོ་ཅན་ལ་སོགས་ཀུན། །སྦེད་བྱེད་མ་ཡིས་སྦས་པ་ནི། །མཐུ་ཆེན་ལྷ་སྲིན་གང་གིས་ཀྱང་། །དེ་ལ་མཐོང་བར་མི་ནུས་ན། །གཞན་གྱིས་མཐོང་བར་ག་ལ་ནུས། །སྐུལ་བྱེད་ལས་ནི་གཞན་འདེབས་ཡིན། །མགྱོགས་མའི་ལས་ནི་ཕྱིན་པར་འགྲོ། །གསོད་མའི་ལས་ནི་གྲུབ་པ་ཡིན། །སོ་སོར་མ་བསྒྲུབས་ཉིད་འགྲོ་མ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྡོ་རྗེ་སྲིན་མོའི་ལེའུ་སྟེ་བཅུ་གསུམ་པའོ།། །།ཨོཾ་བཛྲ་ཀྲོ་དྷ་ས་མ་ཡ་ཧཱུྃ། ཨོཾ་བཛྲ་ཀྲོ་དྷ་ས་མ་ཡ་ཕཊ། ཨོཾ་བཛྲ་ཀྲོ་དྷ་ས་མ་ཡ་སྟྭཾ། ཨེ་ཧྱེ་ཧི་བྷ་ག་བཱན་ཛཿཧཱུྃ་བྃ་ཧོཿ། རུ་ལུ་རུ་ལུ་རུ་ལུ་ཧཱུྃ། ཨོཾ་བཛྲ་ཀྲོ་དྷ་ཤྲཱི་ཧེ་རུ་ཀ་ཧཱུྃ། ཨ་ཨ་ཨ་ཧཱུྃ་ཕཊ། ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ། གརྫ་གརྫ་གརྫ་ཧཱུྃ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཧ་ན་ཧ་ན་ཧ་ ― DNG013_Page_0585 ―
[མ་དཔེ་གཟིགས་ན་འདིར་གནོན།]
ན་ཧཱུྃ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ། ད་ཧ་ད་ཧ་ད་ཧ་ཧཱུྃ་ཕཊ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ། པ་ཙ་པ་ཙ་པ་ཙ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨཱརྱཱ་ཙ་ལ་ཧཱུྃ། བནྡྷ་བནྡྷ་བནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུྃ། ཧུ་ལུ་ཧུ་ལུ་ཧུ་ལུ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ།ཏིཥྛ་ཏིཥྛ་ཏིཥྛ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ། ཙྪིནྡ་ཙྪིནྡ་ཙྪིནྡ་ཧཱུྃ་ཕཊ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུྃ། བྷིནྡ་བྷིནྡ་བྷིནྡ་ཧཱུྃ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། སྥོ་ཊ་སྥོ་ཊ་སྥོ་ཊ་ཧཱུྃ་ཕཊ། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཁྲོ་བོ་བཅུའི་རྩ་བའི་སྔགས་དང་ལས་ཀྱི་སྔགས་རིལ་འདུས་པའི་ལེའུ་སྟེ་ བཅུ་བཞི་པའོ།། །།ཨོཾ་བཛྲ་ཀྲོ་དྷི་ཧཱུྃ། ཧ་ལ་ཧ་ལ་ཧ་ལ་ཧ་ལ་ཧ་ཧཱུྃ། ཨོཾ་བཛྲ་ཀྲོ་དྷ་ཧཱུྃ། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ། མ་མ་མ་མ་མ་ཧཱུྃ། བྷྱོ་བྷྱོ་བྷྱོ་བྷྱོ་བྷྱོ་ཧཱུྃ། ཛཿཛཿཛཿཧཱུྃ་ཧཱུྃ་ཧཱུྃ། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྡོ་རྗེ་སྲིན་མོའི་སྔགས་ཀྱི་ལེའུ་སྟེ་བཅོ་ལྔ་པའོ།། །།མཉམ་པ་ཉིད་དུ་རྟོགས་བྱས་ནས། །བསྐུལ་ཞིང་གསིགས་པ་ཐམས་ཅད་ཀྱང་། །ཕྱག་རྒྱ་ཡིན་ཞེས་རྒྱལ་པོས་བཤད། །མདོ་ཙམ་དུ་ནི་འདི་ལྟར་བརྟག །ལག་པ་ཐལ་སྦྱར་གྱེན་དུ་བསྒྲེང་། །རྐང་པ་མཐིལ་སྦྱར་ཐུར་དུ་གཟུགས། །ཚིགས་ཆེན་བཞི་ཡང་གཅག་པར་བྱ། །མགོ་དང་མཚན་ཡང་སྙིང་པོར་བརྟག །རྡོ་རྗེ་རྩེ་གཅིག་རྩེ་དགུ་དང་། །བཅུ་གཅིག་ཏུ་ཡང་རྣམ་བརྟགས་ཏེ། །འདི་ནི་ཁྲག་འཐུང་ཆེན་པོ་ཡི། །ཕྱག་རྒྱ་ཡིན་པར་དཔའ་བོས་བཤད། །ལག་པ་ཐལ་སྦྱར་གྱེན་དུ་བསྒྲེང་། །རྐང་པ་ཕྲལ་ནས་བརྐྱང་བསྐུམ་ཞིང་། །གོམ་པའི་སྟབས་ཀྱིས་གར་བྱེད་པ། །འདི་ནི་ཧཱུྃ་གི་རྒྱ་ཆེན་ཡིན། །རྐང་པ་ཕྲལ་མཐིལ་ཐུར་དུ་གཟུགས། །ལག་པ་ཕྲལ་ནས་གར་བྱེད་ཅིང་། །སྟབས་སུ་མཆོད་པར་བྱེད་པ་ནི། །འདི་ནི་སྟོབས་ཆེན་ཕྱག་རྒྱ་ཡིན། །རྐང་པ་གཡོན་གྱིས་གཡས་ལ་འཁྱུད། །ལག་པ་གར་ཐབས་བསྐོར་ནས་ཀྱང་། །ཐལ་མོ་དྲག་ཏུ་བརྡབས་པ་ནི། །རྣམ་པར་རྒྱལ་བའི་ཕྱག་རྒྱ་ཡིན། །ལག་པ་གཡས་གཡོན་མཐེ་བོ་ཡིས། །མཐེའུ་ཆུང་སེན་མོའི་མཐིལ་དུ་གནོན། །གདངས་པའི་ཐབས་སུ་བསྒྲེང་བ་ནི། །དབྱུག་སྔོན་ཅན་གྱི་ཕྱག་རྒྱ་ཡིན། ། ― DNG013_Page_0586 ―
[མ་དཔེ་གཟིགས་ན་འདིར་གནོན།]
ལག་པ་གཡས་པའི་ཁུ་ཚུར་གྱིས། །རྡེག་པའི་ཐབས་སུ་གདེངས་པ་དང་། །གཡོན་པ་དཀུ་ལ་བརྟེན་པ་ནི། །གཤིན་རྗེ་འཇོམས་པའི་ཕྱག་རྒྱ་ཡིན། །ལག་པ་གཡས་པའི་ཐལ་མོ་ཡིས། །གདབ་པའི་ཐབས་སུ་གདེངས་པ་དང་། །གཡོན་གྱིས་འཛིན་པ་ལྟར་བྱས་པ། །མི་གཡོ་མགོན་གྱི་ཕྱག་རྒྱ་ཡིན། །ལག་པ་ཐལ་མོ་སྦྱར་ནས་ནི། །གུང་མོ་རྒྱབ་ཏུ་བསྣོལ་བར་བྱ། །མཐེ་བོ་གཉིས་ཀྱང་ཕྲལ་ཏེ་བསྒྲེང་། །སྤྱི་བོར་བཞག་པ་གྲེ་བའི་རྒྱ། །རྐང་པ་གཡས་པ་ཐུར་དུ་གཟུགས། །ལག་པ་གཡས་པ་གྱེན་དུ་བསྒྲེང་། །གཡོན་པའི་རྐང་པ་ལག་ཕྱར་བའི། །གཞན་གྱིས་མི་ཐུབ་ཕྱག་རྒྱ་ཡིན། །ལག་པ་གཡས་གཡོན་དཀུར་བརྟེན་ཏེ། །རྐང་པ་གཤིབས་ཏེ་མཆོངས་པ་ནི། །བདུད་རྩི་འཁྱིལ་པའི་ཕྱག་རྒྱ་ཞེས། །དཔའ་བོ་ཆེན་པོས་ཡང་དུ་བཤད། །ལག་པ་གཡས་གཡོན་བསྣོལ་བ་དང་། །རྐང་པ་བརྐྱང་བསྐུམ་བྱས་པ་ནི། །ཁམས་གསུམ་རྒྱལ་བའི་ཕྱག་རྒྱ་ཞེས། །མགོན་པོ་དཔའ་བོས་ཡང་དུ་བཤད། །ལག་པ་གཡས་གཡོན་སྤྲུགས་པ་དང་། །ལུས་ཀྱང་དྲག་ཏུ་གསིགས་པ་ནི། །རྡོ་རྗེ་ཕྲ་མེན་མ་རྣམས་ཀྱི། །ཕྱག་རྒྱ་ཡིན་པར་འདྲེན་པས་བཤད། །ཕྱག་རྒྱ་འདི་དག་བཅིངས་ནས་ནི། །སྟབས་ཆེན་དྲག་ཏུ་མཆོངས་བྱས་ན། །ཁམས་གསུམ་དག་ལས་མཆོངས་པར་འགྱུར། །གཞན་ཡང་གོ་འཕང་ཐམས་ཅད་ཀུན། །གྲུབ་པར་གྱུར་ཏེ་ཐེ་ཚོམ་མེད། །རིག་པའི་སྐྱེས་བུ་ཆེན་པོས་བཤད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཕྱག་རྒྱའི་ལེའུ་སྟེ་བཅུ་དྲུག་པའོ།། །།འཁོར་ལོ་ཆེན་པོའི་རྩིབས་བརྒྱད་པའི། །དཀྱིལ་དུ་ཁྲག་འཐུང་སྤྱན་དྲངས་ཏེ། །མདུན་དུ་ཧཱུྃ་ཡང་སྤྱན་དྲང་ངོ་། །རྒྱབ་ཏུ་སྟོབས་ཆེན་སྤྱན་དྲངས་ནས། །འཁོར་ལོ་རྩིབས་ཀྱི་སྟེང་དག་ཏུ། །བཅུ་པོ་རྣམས་ཀྱང་གོ་རིམས་བཞིན། །སོ་སོའི་གནས་སུ་སྤྱན་དྲངས་ཏེ། །དམར་གྱི་ཨརྒྷ་གསོལ་ནས་ནི། །མཆོད་ཡོན་གཞན་ཡང་དབུལ་བར་བྱ། །རྡོ་རྗེ་དབྱངས་ཀྱིས་བསྟོད་བྱས་ཏེ། །དེ་ནས་ལས་རྣམས་བསྒྲུབ་པར་བྱ། །ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་ ― DNG013_Page_0587 ―
[མ་དཔེ་གཟིགས་ན་འདིར་གནོན།]
འབྱམ་ཀུན། །ཁྲོས་པས་ཡུད་ཙམ་རླག་མཛད་དེ། །བརླག་པར་མ་གྱུར་གང་ཡང་མེད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ལས་ཀྱི་ལེའུ་སྟེ་བཅུ་བདུན་པའོ།། །།རྡོ་རྗེ་ཕྲ་མེན་སྦྱོར་བ་ཡིས། །ཡུད་ཙམ་གྱིས་ནི་དེ་བཀུག་ནས། །རྟོད་པའི་ཚུལ་དུ་རབ་བསྟབས་ན། །ལྷ་ཡང་རུང་སྟེ་བརླག་པར་འགྱུར། །འུག་པའི་མགོ་ཅན་ལ་སོགས་པའི། །ཕྲ་མེན་མ་རྣམས་སྤང་བྱས་ཏེ། །མིག་དང་རྣ་བ་སྣ་དང་ལྕེ། །དེ་ཡི་སེམས་འཕྲོགས་བསྒོམ་ཉམས་འགྱུར། །ཕྲ་མེན་རྣམས་ནི་སྦད་བྱས་ཏེ། །དེ་ཡི་སྒྲུབ་པའི་བར་གཅོད་ཅིང་། །གསང་སྟེ་འཁྲུག་པར་བསྒོམ་བྱས་ན། །སྒྲུབ་པ་ཉམས་ཤིང་འབྱེ་བར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དྲག་པོའི་ལས་ཀྱི་ལེའུ་སྟེ་བཅྭ་བརྒྱད་པའོ།། །།ཧོམ་ཁུང་ཟུར་གསུམ་གདེངས་པ་ལ། །རྡོ་རྗེ་མདའ་གཞུ་ལྡན་བྱས་ཏེ། །ཐོད་པ་དག་གིས་རྣམ་པར་བརྒྱན། །སྤྱན་དྲངས་བསྲེགས་ན་ལྷ་ཡང་འཆི། །ཕྲ་མེན་མངགས་ཏེ་བཀུག་ནས་ནི། །ཐབ་ཀུན་བསྲེགས་ན་མོད་ལ་འཆི། །བསུར་དང་བསྲེས་པའི་ཤ་རྣམས་ཀྱིས། །ལྷ་རྣམས་ཐམས་ཅད་མཆོད་པར་བྱ། །རྡོ་རྗེ་གླུ་ནི་བླངས་ནས་སུ། །འབྱུང་པོའི་ཤ་ནི་ཤིན་ཏུ་ཞིམ། །འབྱུང་པོའི་ཁྲག་ནི་ཤིན་ཏུ་ཞིམ། །འབྱུང་པོའི་རུས་པ་ཞིམ་པ་སྟེ། །གསོལ་ཏེ་ཐམས་ཅད་དགྱེས་པར་མཛོད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དྲག་པོ་ཧོམ་གྱི་ལེའུ་སྟེ་བཅུ་དགུ་པའོ།། །།ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ཁྲོ་བོ་ཁྲོ་མོ་རྣམས་བསྒོམས་ཏེ། །བཏབ་ན་ལྷ་ཡང་བརླག་པར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དྲག་པོའི་ཕུར་པའི་ལེའུ་སྟེ་ཉི་ཤུ་པའོ།། །།ལྕགས་ཕྱེ་དུག་དང་རྡོ་ཕྱེ་དང་། །ཁྲག་ལས་སྦྲུས་ཏེ་བསྲེས་པ་དང་། །མུད་གའི་ཚན་དང་སྦྱོར་བ་དག །སྦྱོར་བས་གཏོར་ན་དེ་བརླག་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དྲག་པོའི་གཏོར་མའི་ལེའུ་སྟེ་ཉི་ཤུ་གཅིག་པའོ།། །།ཁྲོ་མོའི་དཀྱིལ་འཁོར་གཏུན་ཁུང་དུ། །ཁྲོ་བོའི་ཐོ་བས་བརྡུངས་པ་ཡི། །རྡོ་རྗེ་གཏུན་ཕྲུགས་བསྒོམ་བྱས་ན། །ལྷ་ཡང་རུང་སྟེ་བརྡུངས་ ― DNG013_Page_0588 ―
[མ་དཔེ་གཟིགས་ན་འདིར་གནོན།]
པར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དྲག་པོའི་སྦྱོར་བའི་ལེའུ་སྟེ་ཉི་ཤུ་གཉིས་པའོ།། །།དྲག་པོའི་ལས་ཀྱིས་བསྒྲུབས་པའི་རྣམས། །འཁོར་བའི་ལམ་ལྔ་སྒོ་བཅད་ནས། །རྣམ་ཤེས་ཧཱུྃ་གིས་བསྡུས་གཏུམས་ཏེ། །འོག་མིན་བླ་མེད་གནས་མཆོག་ན། །གཙོ་བོ་ལྔ་དང་གཙོ་མོ་ལྔ། །སེམས་དཔའ་དང་ནི་སེམས་མ་དང་། །ཁྲོ་བོ་དང་ནི་ཁྲོ་མོ་རྣམས། །སྦྱོར་བའི་ལྷུམས་སུ་ཕཊ་ཀྱིས་འཕང་། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་གནས་བསྟབས་པའི་ལེའུ་སྟེ་ཉི་ཤུ་གསུམ་པའོ།། །།ཟླ་གམ་དཀྱིལ་འཁོར་རྩིབས་བརྒྱད་པ། །ཁྲོ་བོ་ཁྲོ་མོ་སྤྱན་དྲངས་ཏེ། །མཆོད་པ་གླུ་ལ་སོགས་པས་མཆོད། །དེ་ནས་ལས་རྣམས་བརྩམ་པར་བྱ། །ཆགས་པའི་རྡོ་རྗེ་འཁོར་བཅས་པ། །འཇིག་རྟེན་ཁམས་ནི་རབ་འབྱམ་ཀུན། །ཆགས་པས་ཡུད་ལ་དབང་མཛད་དེ། །དབང་དུ་མ་གྱུར་གང་ཡང་མེད། །རྡོ་རྗེ་ཕྲ་མེན་མངགས་ནས་སུ། །བཀུག་ནས་ཁྲོ་བོ་ཆེན་པོ་ཡིས། །ཆགས་པའི་ཚུལ་གྱིས་དེ་ལུས་ལས། །དཔའ་དང་གཟི་བརྗིད་བསྡུས་ནས་འགྲུབ། །ཕྲ་མེན་རྣམས་ནི་མངགས་ནས་སུ། །དེ་ཡི་མིག་རྣ་སྣ་དང་ལྕེ། །ལུས་ངག་སེམས་བསྒྱུར་རྣམས་བསྒོམས་ན། །ཀུན་ལ་མཛེས་ཤིང་དགའ་བར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ལས་བསྟན་པའི་ལེའུ་སྟེ་ཉི་ཤུ་བཞི་པའོ།། །།ཧོམ་ཁུང་ཟླ་གམ་གདེངས་པ་ལ། །རྡོ་རྗེ་ཞགས་པས་བརྒྱན་པར་བྱ། །དེ་ནས་ལྷ་རྣམས་སྤྱན་དྲངས་ཏེ། །མི་ཕན་རྣམ་རྟོག་བསྲེགས་ན་འགྲུབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ཧོམ་གྱི་ལེའུ་སྟེ་ཉི་ཤུ་ལྔ་པའོ།། །།ཟངས་སམ་ཁ་དོག་དམར་པོའི་ཤིང་། །མགོ་བོ་རྒྱ་མདུད་རྩེ་ཟླ་གམ། །མགོ་ལ་ཁྲོ་བོའི་འཁོར་བསྒོམས་ཏེ། །བཏབ་ན་ངེས་པར་དེ་དབང་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་ཕུར་པའི་ལས་བཤད་པའི་ལེའུ་སྟེ་ཉི་ཤུ་དྲུག་པའོ།། །།ཟངས་ཕྱེ་དང་ནི་བུ་རམ་དང་། །དམར་པོའི་འབྲས་ཅན་ལ་སོགས་པ། །སྦྱར་བས་གཏོར་མ་གཏང་བར་བྱ། །མཐོང་བས་ ― DNG013_Page_0589 ―
[མ་དཔེ་གཟིགས་ན་འདིར་གནོན།]
ངེས་པར་དེ་དབང་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་གཏོར་མའི་ལེའུ་སྟེ་ཉི་ཤུ་བདུན་པའོ།། །།ཁྲོ་མོ་རྣམས་ཀྱི་དཀྱིལ་འཁོར་དུ། །ཁྲོ་བོའི་དཀྱིལ་འཁོར་བསྒོམས་བྱས་ན། །ལྷ་ཡང་རུང་སྟེ་དབང་དུ་འགྱུར། །དེ་ནི་བདེ་བ་ཆེན་པོ་ཡིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་གི་སྦྱོར་བའི་ལེའུ་སྟེ་ཉི་ཤུ་བརྒྱད་པའོ།། །།གྲུ་བཞི་དཀྱིལ་འཁོར་རྩིབས་བརྒྱད་པར། །ལྷ་རྣམས་འཁོར་བཅས་སྤྱན་དྲངས་ཏེ། །མཆོད་པ་གླུ་ལ་སོགས་པས་མཆོད། །དེ་ནས་ལས་རྣམས་བརྩམ་པར་བྱ། །ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །དཔལ་དང་གཟི་བརྗིད་ཆེན་པོ་རྣམས། །ཡུད་ཙམ་གྱིས་ནི་རྒྱས་པར་མཛོད། །ཁྲོ་བོ་ཁྲོ་མོ་འཁོར་བཅས་དང་། །རྡོ་རྗེ་ཕྲ་མེན་འཁོར་བཅས་པས། །དཔལ་དང་གཟི་བརྗིད་འཕེལ་བསྒོམས་ན། །བདག་ཉིད་ཆེན་པོར་དེ་འགྱུར་རོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་ལས་ཀྱི་ལེའུ་སྟེ་ཉི་ཤུ་དགུ་པའོ།། །།ཧོམ་ཁུང་གྲུ་བཞི་གདེངས་པ་ལ། །རྡོ་རྗེ་འཁོར་ལོས་བརྒྱན་པར་བྱ། །དེ་ནས་ལྷ་རྣམས་སྤྱན་དྲངས་ཏེ། །བསྲེགས་པས་མཆོད་ཅིང་དཔལ་འཕེལ་བསྒོམ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་ཧོམ་གྱི་ལེའུ་སྟེ་སུམ་ཅུ་པའོ།། །།གསེར་རམ་སེར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་བཞི། །ལྷ་རྣམས་བསྒོམས་ཏེ་གདབ་པར་བྱ། །འདི་ནི་རྒྱས་པའི་ལས་ལ་ཤིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་ཕུར་པའི་ལེའུ་སྟེ་སུམ་ཅུ་གཅིག་པའོ།། །།གསེར་ཕྱེ་འབྲས་ཆན་སེར་པོ་རྣམས། །འོ་མ་སྦྲང་རྩི་གཏོར་མ་ནི། །རྒྱས་པར་འགྱུར་བའི་གཏོར་མ་སྟེ། །མཁས་པས་རྒྱས་པར་བསྒོམ་ཞིང་སྦྱིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་གཏོར་མའི་ལེའུ་སྟེ་སུམ་ཅུ་གཉིས་པའོ།། །།ལྷ་མོ་རྣམས་ཀྱི་དཀྱིལ་འཁོར་དུ། །ལྷ་ཡི་དཀྱིལ་འཁོར་རྫོགས་པར་བསྒོམ། །བྱང་ཆུབ་སེམས་ནི་འཕྲོ་ ― DNG013_Page_0590 ―
[མ་དཔེ་གཟིགས་ན་འདིར་གནོན།]
བསྒོམས་ན། །འདི་ནི་རྒྱས་པའི་ལས་འགྲུབ་བོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་རྒྱས་པའི་སྦྱོར་བའི་ལེའུ་སྟེ་སུམ་ཅུ་གསུམ་པའོ།། །།ཟླུམ་པོའི་དཀྱིལ་འཁོར་རྩིབས་བརྒྱད་པར། །ལྷ་རྣམས་འཁོར་བཅས་སྤྱན་དྲངས་ཏེ། །དཀར་པོའི་ཡོན་གྱིས་མཆོད་པ་བྱ། །དེ་ནས་ལས་རྣམས་བརྩམ་པར་བྱ། །གཏི་མུག་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །ཡུད་ཙམ་ཉིད་ལ་ཞི་མཛད་དེ། །ཞི་བར་གྲུབ་ལ་ཕྱག་འཚལ་ལོ། །ལྷ་རྣམས་འཁོར་བཅས་ཐམས་ཅད་ཀྱིས། །འཁྲུག་པ་ཐམས་ཅད་ཞི་མཛད་པར། །བསྒོམས་ན་ཐམས་ཅད་ཡུད་ཙམ་གྱིས། །ཞི་བར་འགྱུར་ཏེ་ཐེ་ཚོམ་མེད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་ལས་ཀྱི་ལེའུ་སྟེ་སུམ་ཅུ་བཞི་པའོ།། །།ཧོམ་ཁུང་ཟླུམ་པོ་གདེངས་པ་ལ། །རྡོ་རྗེ་པདྨོས་བརྒྱན་པར་བྱ། །ཕུར་པ་དཀར་པོ་དྲུག་བཏབ་སྟེ། །སྤྱན་དྲངས་རྡུལ་ཕྱེ་སོགས་པས་མཆོད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་ཧོམ་གྱི་ལེའུ་སྟེ་སུམ་ཅུ་ལྔ་པའོ།། །། ཕུར་པ་ཁ་དོག་དཀར་པོ་ལ། །མགོ་བོ་རྒྱ་མདུད་རྩེ་ཟླུམ་པོར། །ལྷ་རྣམས་བསྒོམས་ལ་གདབ་པར་བྱ། །འདི་ནི་ཞི་བའི་ལས་ལ་ཤིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་ཕུར་པའི་ལེའུ་སྟེ་སུམ་ཅུ་དྲུག་པའོ།། །།དངུལ་དང་འབྲས་ཆན་དཀར་པོ་རྣམས། །འོ་མར་སྦྱར་བའི་གཏོར་མ་ནི། །ཞི་བར་འགྱུར་བའི་གཏོར་མ་སྟེ། །མཁས་པས་ཞི་བར་བསྒོམས་ཤིང་གཏོར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་གཏོར་མའི་ལེའུ་སྟེ་སུམ་ཅུ་བདུན་པའོ།། །།ལྷ་མོ་རྣམས་ཀྱི་དཀྱིལ་འཁོར་དུ། །ལྷ་ཡི་གྲུབ་པ་བསྒོམ་པར་བྱ། །བྱིན་གྱིས་ཐམས་ཅད་ཞི་བསྒོམས་ན། །ལྷ་རྣམས་ཀུན་ཀྱང་ཞི་བར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཞི་བའི་སྤྱོད་པ་ལས་ཀྱི་ལེའུ་སྟེ་སུམ་ཅུ་བརྒྱད་པའོ།། །།མཚན་ཉིད་མེད་པའི་ཕྱག་རྒྱ་དང་། །དེ་ལས་དངོས་བྱུང་ཕྱག་རྒྱ་རྣམས། །ངེས་པ་མེད་པར་དཔའ་བོས་བཤད། །མཁས་པས་ཅི་དགར་བསྒྱུར་ན་འགྲུབ། ། ― DNG013_Page_0591 ―
[མ་དཔེ་གཟིགས་ན་འདིར་གནོན།]
འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ལས་བསྡུས་པའི་ལེའུ་སྟེ་སུམ་ཅུ་དགུ་པའོ།། །།དྲག་པོས་ཐམས་ཅད་འདུལ་བར་འགྱུར། །དབང་གིས་འབྱོར་པ་མཆོག་ཀྱང་འགྲུབ། །རྒྱས་པས་གཟི་བརྗིད་རྣམ་པར་འཕེལ། །ཞི་བས་བདེ་བའི་མཆོག་ཀྱང་འགྲུབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ལས་སྒྲུབ་པའི་ཕན་ཡོན་གྱི་ལེའུ་སྟེ་བཞི་བཅུ་པའོ།། །།དཀྱིལ་འཁོར་འདིའི་མཚན་ནི་དབང་ཆེན་བསྡུས་པའི་དཀྱིལ་འཁོར་ཏེ། དེ་ལ་དཀྱིལ་འཁོར་གྱི་གཞི་ཟླུམ་པོར་བྱ་བ་ནི་ཆོས་ཀྱི་དབྱིངས་སྤྲོས་པ་མེད་པའི་དོན་ནོ། །འཁོར་ལོ་རྩིབས་ཟུར་ཅན་དུ་བྱ་བ་གཞི་ཟླུམ་པོའི་ནང་ན་གནས་པ་ནི་ཆོས་ཀྱི་དབྱིངས་སྤྲོས་པ་མེད་བཞིན་དུ་བྱིན་གྱིས་བརླབས་ཀྱི་ལྷ་དང་། ལྷ་མོ་དང་།ཁྲོ་བོ་དང་། ཁྲོ་མོ་དང་། ཕོ་ཉ་ལ་སོགས་པ་ངང་ཉིད་ཀྱིས་འཕྲོ་བའི་དོན་ནོ། །རྣམ་པ་གཅིག་ཏུ་ཆོས་ཀྱི་དབྱིངས་རྣམ་པར་རྟོག་པ་མེད་བཞིན་དུ་ཐམས་ཅད་མཁྱེན་པའི་ཡེ་ཤེས་ཅི་ཡང་མཁྱེན་པ་ལྷུན་གྱིས་གྲུབ་པའི་དོན་ནོ། །མཐའ་གྲུ་བཞི་བྱ་བ་ནི། ཕྱོགས་བཅུའི་སྣོད་དང་བཅུད་ཀྱི་འཇིག་རྟེན་ཐམས་ཅད་ལ་དབང་བསྒྱུར་བས་བདེ་བ་ཆེན་པོ་རྒྱས་པའི་དོན། དཀྱིལ་ནས་ལྷ་མོ་ལྔ་ཕྱིར་ལྟ་བ། ལྷ་མོ་ནི་དབྱིངས་ཉིད་ཉེ་བའི་བྱིན་བརླབས་ཏེ། སེམས་དཔས་དབྱིངས་ཉིད་དང་ཉེ་བ་མཐོང་བའི་དོན་ནོ། །སེམས་དཔའ་ལྔ་ནང་དུ་ལྟ་བ་ནི་དབྱིངས་ཉིད་ཉེ་བ་ལ་ལྟ་བའི་དོན་ནོ། །སེམས་དཔའ་གཞན་ཕྱིར་ལྟ་བ་ནི། དབྱིངས་ཉིད་ཐམས་ཅད་དུ་ས་རྡོ་ལྟ་བུ་བེམས་པོ་མ་ཡིན་གྱི་མཁྱེན་པའི་ཡེ་ཤེས་དང་ལྡན་ཞིང་སེམས་དཔའ་ཉིད་དབྱིངས་ལས་མི་གཞན་པའི་ཐ་ཚིག་གོ། །སེམས་མ་གཞན་ནང་དུ་ལྟ་བ་ནི་མཁྱེན་པའི་ཡེ་ཤེས་དངོས་པོ་ལ་སོགས་པ་ཐམས་ཅད་དུ་རྣམ་པར་རྟོག་པ་མ་ཡིན་གྱི་དབྱིངས་ཉིད་དང་ལྡན་ཞིང་དབྱིངས་ཉིད་ཀྱང་མཁྱེན་པའི་ཡེ་ཤེས་ལས་མི་གཞན་པའི་ཐ་ཚིག་གོ། །རྣམ་གཅིག་ཏུ་སེམས་དཔའ་ཕྱིར་ལྟ་བ་ནི་སྣོད་དང་བཅུད་ཀྱི་འཇིག་རྟེན་ཐམས་ཅད་དབང་བསྒྱུར་བའི་དོན། སེམས་མ་ནང་དུ་ལྟ་བ་ནི་སྣོད་དང་བཅུད་ཀྱི་འཇིག་རྟེན་ཐམས་ཅད་དབང་དུ་འདུས་པའི་དོན། སེམས་དཔའ་དང་སེམས་མ་ཕྱི་ནང་ ― DNG013_Page_0592 ―
[མ་དཔེ་གཟིགས་ན་འདིར་གནོན།]
དུ་གཅིག་ལ་གཅིག་གཟིགས་པ་ནི་མཉེས་པར་བྱེད་པའི་ཐ་ཚིག་གོ། །ཁྲོ་བོ་དང་ཁྲོ་མོ་རིལ་ཕྱིར་ལྟ་བ་ནི་ཕྱིའི་དངོས་པོ་དང་རྒོལ་བ་ལ་སོགས་པ་འཇོམས་ཤིང་འདུལ་བའི་དོན། དེ་ལ་དབྱིངས་ནི་དཔེར་ན་ཉི་མའི་དཀྱིལ་འཁོར་ལྟ་བུའོ། །མཁྱེན་པའི་ཡེ་ཤེས་ནི་ཉི་མའི་འོད་སྣང་ཞིང་གསལ་བ་ལྟ་བུའོ། །དེའི་བྱིན་བརླབས་ནི་དྲོ་ཞིང་འཇམ་པ་ལྟ་བུའོ། །ཕྱིའི་དངོས་པོ་ལ་སོགས་པ་འཇོམས་ཤིང་འདུལ་བ་ནི་རྩི་ཤིང་བསྐམས་པ་དང་ཚིག་པ་ལྟ་བུ་སྟེ། ལྷ་མོ་དང་སེམས་མ་ནི་ཆོས་ཀྱི་དབྱིངས་རིག་པའི་དོན་སེམས་ལ་སྣང་བའོ། །ལྷ་དང་སེམས་དཔའ་ནི་དབྱིངས་ལ་སྣང་བའི་དོན་མཐོང་བའོ། །དབྱིངས་ཉིད་ལ་སྣང་བ་དང་མཐོང་བའི་བྱིན་བརླབས་ཀྱི་ངང་གིས་དངོས་པོ་དང་རྒོལ་བའི་རང་བཞིན་ལྷུན་གྱིས་འཇོམས་ཤིང་དབྱིངས་སུ་སྦྱོར་བར་འདུལ་བ་ནི། ཁྲོ་བོ་དང་ཁྲོ་མོ་ལས་རྣམ་བཞི་རང་བཞིན་དུ་མཛད་ཅིང་ཐུགས་རྗེས་འཇིག་རྟེན་སྐྱོང་བའི་དོན་ནོ། །འཇིག་རྟེན་སྐྱོང་བ་ལ་སོགས་པ་ནི་བྱིན་གྱིས་བརླབས་ལས་ཕོ་ཉ་ལྟར་གནས་པ་ཡིན། རྣམ་གཅིག་ཏུ་འཇིག་རྟེན་གྱི་ལྷ་མཐུ་བོ་ཆེ་འཁོར་དུ་འདུས་པར་བསྟན་པའི་དོན་ནོ། །བཀྲ་ཤིས་བརྒྱད་ནི་ཐམས་ཅད་ལ་དབང་བསྒྱུར་ཞིང་འཁོར་བ་ལ་སྤྱོད་ཀྱང་ཉོན་མོངས་པའི་འཆིང་བར་མི་འགྱུར་བ་དང་། མྱ་ངན་ལས་འདས་པ་ལ་སྤྱོད་ཀྱང་ཉན་ཐོས་ཀྱི་ཞི་བ་ཕྱོགས་གཅིག་པར་མི་འགྱུར་ཏེ། གང་གིས་ཀྱང་ཟིལ་གྱིས་མི་ནོན་པའི་ཕྱིར་བཀྲ་ཤིས་སོ། །དེ་ལ་དཔལ་བེའུ་ནི་མཁྱེན་པའི་ཡེ་ཤེས་དང་ལྡན་པའི་བཀྲ་ཤིས་སོ། །འཁོར་ལོ་ནི་ཐམས་ཅད་ལ་དབང་བསྒྱུར་བ་དང་། ཆོས་ཀྱི་འཁོར་ལོ་བསྐོར་བའི་བཀྲ་ཤིས་སོ། །རིན་པོ་ཆེ་ནི་ཟད་མི་ཤེས་པ་དང་ལྡན་པའི་བཀྲ་ཤིས་སོ། །པདྨོ་ནི་འཁོར་བས་མ་ཟིན་པའི་བཀྲ་ཤིས་སོ། །གདུགས་ནི་ཉོན་མོངས་པས་མ་གདུངས་པའི་བཀྲ་ཤིས་སོ། །བུམ་པ་ནི་བདུད་རྩི་མཆོག་དང་ལྡན་པའི་བཀྲ་ཤིས་སོ། །དུང་ནི་སྒོ་ཐམས་ཅད་སྤ་དགོང་བར་སྒྲ་སྒྲོགས་པའི་བཀྲ་ཤིས་སོ། །ཉ་ནི་ལམ་རྒྱུད་ལྔའི་སེམས་ཅན་གྱི་དོན་མཛད་ཀྱང་ཉམ་ང་བ་མེད་པའོ། །ཀློང་བཞི་ནི་རིགས་ལྔའི་བྱིན་བརླབས་ཡིན་པའམ། ལམ་རྒྱུད་ལྔའི་སེམས་ཅན་ལ་དེ་བཞིན་གཤེགས་པའི་རང་བཞིན་ཡོད་པར་ ― DNG013_Page_0593 ―
[མ་དཔེ་གཟིགས་ན་འདིར་གནོན།]
བསྟན་པའམ། ཐུགས་རྗེས་དེ་དག་གི་དོན་མཛད་པའི་ཐ་ཚིག་གོ། །རྣམ་གཅིག་ཏུ་ཐམས་ཅད་དབང་དུ་འདུས་པའི་དོན། དེ་ལ་གཙོ་མོ་འཁོར་ལྔ་ལྔ་དང་བཅས་པ་ནི་ཅི་ཡང་མི་མཛད་དོ། །སེམས་དཔའ་སེམས་མ་ཉི་ཤུ་ནི་ཀུན་ལ་བུ་གཅིག་བཞིན་ནོ། །དེ་ལྟར་བྱས་པའི་ཤུགས་ཀྱིས་ཁྲོ་བོ་དང་ཁྲོ་མོ་འཁོར་དང་བཅས་པ་ནི་ཕྱི་ནང་ཐམས་ཅད་ཀྱི་དངོས་པོ་ལ་རྔོན་པས་རི་དྭགས་མཐོང་བ་བཞིན་ནོ། །དེ་ལྟར་ཞེ་སྡང་གི་ཤུགས་ཀྱིས་ཐམས་ཅད་དབྱིངས་ཉིད་ལ་སྦྱར་རོ། །འབྱོར་ན་འཁོར་བའི་ཆོས་ལ་སྤྱོད་ཀྱང་ལོངས་སྤྱོད་ཆེན་པོ་སྟེ། ཉོན་མོངས་པའི་འཆིང་བར་མི་འགྱུར་བས་དེ་ལྟར་སྒྲུབ་པ་ནི་འདོད་ཆགས་སོ། །ཆོས་ཀྱི་དབྱིངས་ངང་གིས་གསང་བ་ཕྲག་དོག་གོ། །ཆོས་ཉིད་སྤྲོས་པ་མེད་པས་གཏི་མུག་གོ། །ཆོས་ཉིད་དེ་ལྟ་བུ་ཁམས་གསུམ་ལས་རྒྱལ་བས་ང་རྒྱལ་ལོ། །དེ་ལ་གཙོ་བོ་ནི་འཁོར་ལྔའི་བྱིན་བརླབས་ནི་ཐམས་ཅད་ལ་ཁྱབ་མོད་ཀྱི་ཉེ་བར་ནི་དབུ་དང་། མདུན་དང་། ཐོང་ཀ་ཡན་ཆད། རྒྱབ་མཇུག་ཡན་ཆད་དོ། །མི་འཁྲུགས་པའི་འཁོར་ལྔའི་བྱིན་བརླབས་ནི་ཕྱག་གཡས་པ་དང་རྩིབ་ལོགས་གཡས་སོ། །རིན་ཆེན་འབྱུང་ལྡན་འཁོར་ལྔའི་བྱིན་བརླབས་ནི་ཕྱག་གཡོན་དང་རྩིབ་ལོགས་གཡོན་ནོ། །འོད་དཔག་མེད་འཁོར་ལྔའི་བྱིན་བརླབས་ནི། ཞབས་གཡོན་ནས་རྐེད་པ་གཡོན་མན་ཆད་དོ། །དོན་ཡོད་གྲུབ་པ་འཁོར་ལྔའི་བྱིན་བརླབས་ནི་ཞབས་གཡས་རྐེད་པ་གཡོན་མན་ཆད་དོ། །ཁྲོ་བོ་དང་ཁྲོ་མོ་ཐམས་ཅད་ནི་རིགས་སོ་སོའི་བྱིན་བརླབས་བཞིན་ནོ། །དེ་ལྟར་འཁོར་ལྔ་པོ་གཅིག་ལ་ཡང་ལྔ་ལྔར་འགྱུར་ཏེ། སྲ་བའི་བྱ་བ་བྱེད་པ་ཐམས་ཅད་ནི་རྡོ་རྗེའི་རིགས་སོ། །དྲོ་བའི་བྱ་བ་བྱེད་པ་ཐམས་ཅད་ནི་རིན་པོ་ཆེའི་རིགས་སོ། །གཤེར་བའི་བྱ་བ་བྱེད་པ་ཐམས་ཅད་ནི་པདྨའི་རིགས་སོ། །བསྐྱོད་པའི་བྱ་བ་བྱེད་པ་ཐམས་ཅད་ནི་ལས་ཀྱི་རིགས་སོ། །དེ་རྣམས་ཆ་མཉམ་པ་ལས་སྤྱིར་གྲུབ་པ་ནི་དངོས་སུ་བཞུགས་པ། དེ་བཞིན་གཤེགས་པའི་རིགས་སོ། །ཐམས་ཅད་བདག་ཉིད་མའི་འཁོར་ལྔའི་བྱིན་བརླབས་ནི་དབུས་སུ་གྱུར་པ་ཐམས་ཅད་དོ། །སྲ་བའི་རང་བཞིན་མེད་པ་ནི་ཡངས་པའི་སྤྱན་འཁོར་ལྔའི་བྱིན་བརླབས་སོ། །དྲོ་བའི་རང་བཞིན་མེད་པ་ནི་མཱ་མ་ཀཱི་འཁོར་ལྔའི་བྱིན་བརླབས་སོ། །གཤེར་བའི་རང་བཞིན་མེད་པ་ ― DNG013_Page_0594 ―
[མ་དཔེ་གཟིགས་ན་འདིར་གནོན།]
ནི་གོས་དཀར་མོ་འཁོར་ལྔའི་བྱིན་བརླབས་སོ། །བསྐྱོད་པའི་རང་བཞིན་མེད་པ་ནི་སྒྲོལ་མའི་འཁོར་ལྔའི་བྱིན་བརླབས་སོ། །དོན་དུ་བྱ་བ་བྱེད་ནུས་པ་སེམས་དཔའོ། །དེ་བཞིན་དུ་རང་བཞིན་མེད་པ་ནི་སེམས་མའོ། །དེ་ལྟར་རིག་པ་ནི་ཁྲོ་བོ་དང་ཁྲོ་མོའོ། །དེ་ལ་བསྡུ་ཞིང་སྤྲོ་བ་ཡང་ཐམས་ཅད་དེ་ལྟར་བྱའོ། །ཕྱི་ནང་གི་ཆོས་ཐམས་ཅད་ལ་ཡང་དེ་ལྟར་བལྟའོ། །དེ་སྐད་ཅེས་དཔལ་རྣམ་པར་སྣང་མཛད་ཀྱིས་བཀའ་སྩལ་པ་ལ་རྡོ་རྗེ་གཞོན་ནུ་སྡེ་འབུམ་ཕྲག་དུ་མ་ཡི་རངས་ཏེ་འདི་སྐད་ཅེས་བསྟོད་དོ། །ཧཱུྃ། བསྐལ་པའི་མེ་ལྟར་འབར་བ་ཡི། །འོད་ཟེར་འདུ་འཕྲོ་ཀློང་དཀྱིལ་ན། །ཁྲོ་བོ་ཁྲོ་མོ་རྣམས་བཞུགས་པ། །སྐུ་ནི་ཅིར་ཡང་སྒྱུར་བའི་གཟུགས། །ཧཱུྃ། དབུ་སྐྲ་ཁམ་གནག་རལ་པ་ཅན། །གྱེན་དུ་འཁྱིལ་པ་སྲིད་རྩེར་འབར། །མི་མཉམ་ཁྲོ་གཉེར་སྡང་མིག་ནི། །ལོག་པར་ལྟ་བ་འདུལ་བའི་མཚན། །ཧཱུྃ། མཆེ་བ་ཟང་ཡག་གཙིགས་པས་ནི། །སྐྱེ་ཤི་རྩ་བ་གཅོད་པའི་ཚུལ། །སྐུ་གསུང་ཐུགས་ཀྱི་བྱིན་བརླབས་ནི། །ཕྱག་རྒྱ་སྣ་ཚོགས་ཅིར་ཡང་སྣང་། །ཧཱུྃ། ཐུགས་རྗེའི་བྱིན་བརླབས་སྤྲིན་ལྟར་འཁྲིགས། །བྱམས་པའི་འོད་ཟེར་གློག་བཞིན་འགྱུ། །རྔམ་པའི་སྒྲ་སྐད་འབྲུག་ལྟར་སྒྲོགས། །སྤྲུལ་པའི་ཐོག་ཐོག་ཆར་བཞིན་འབེབས། །ཧཱུྃ། སྔོན་གྱི་ཐུགས་དམ་ཆེན་པོ་ནི། །ཀླན་ཀ་ཆེན་པོ་བདུད་ལ་ཚོལ། །ཀྱལ་ཀ་ཆེན་པོ་བགེགས་ལ་མཛད། །དམ་ཚིག་ཅན་ལ་དངོས་གྲུབ་སྩོལ། །ཧཱུྃ། ཐུགས་རྗེ་ཆེན་པོའི་བྱིན་བརླབས་ཀྱིས། །བདག་ལ་བྱིན་གྱིས་རློབ་མཛད་ཅིང་། །བདག་གིས་ལྷག་པའི་བསམ་པ་རྣམས། །གྲུབ་པར་བྱིན་གྱིས་བརླབ་ཏུ་གསོལ། །འཁྱིལ་ཅིང་རྒྱན་ཡང་འཁྱིལ་པ་ལ། །སེམས་ཀྱི་ཆོས་པས་སྐུ་མི་མངའ། །སྒྲ་ལས་འདས་པའི་སྦྱོར་བ་སྟེ། །བསམ་དང་བྲལ་བའི་ཡེ་ཤེས་ལགས། །ཧཱུྃ། སྲིད་གསུམ་འཇོམས་པའི་ལྷ་ལ་ཕྱག་འཚལ་ལོ། །མཉམ་ཉིད་ངང་གིས་ཁྲོ་ལ་ཕྱག་འཚལ་ལོ། །ཁྲོས་པས་ལོངས་སྤྱོད་མཛད་ལ་ཕྱག་འཚལ་ལོ། །རྡོ་རྗེ་འདུ་འཕྲོ་ཁྲོ་ལ་ཕྱག་འཚལ་ལོ། །ཞེས་བསྟོད་དེ། ཉིད་ཀྱི་ཐུགས་ཀར་ཞུགས་ནས་མི་སྣང་བར་གྱུར་ཏོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་རྫོགས་སྷོ།། ། |
