 རྙིང་མ་རྒྱུད་འབུམ་པོད་བཅུ་བཞི་པ། ཕ༽སྡེ་དགེའི་ཤིང་པར་རྙིང་མ་རྒྱུད་འབུམ།རྩོམ་མཁན།Nitartha internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། དམ་ཚིག་ཐམས་ཅད་ཀྱི་ཉམས་ཆག་སྐོང་བའི་ལུང་། བཤགས་པ་ཐམས་ཅད་ཀྱི་རྒྱུད་དྲི་མ་མེད་པའི་རྒྱལ་པོ་ཞེས་བྱ་བ།― DNG014_Page_0001 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ས་མ་ཡ་སརྦ་བི་ཏི་ཨ་ནུ་སརྦ་ས་ནི་ཏནྟྲ་བི་མ་ལ་རཱ་ཛ་ནཱ་མ། བོད་སྐད་དུ། དམ་ཚིག་ཐམས་ཅད་ཀྱི་ཉམས་ཆག་སྐོང་བའི་ལུང་། བཤགས་པ་ཐམས་ཅད་ཀྱི་རྒྱུད་དྲི་མ་མེད་པའི་རྒྱལ་པོ་ཞེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རི་མ་ལ་ཡ་གནམ་ལྕགས་ཡོད་པའི་རྩེ་མོ། སེང་གེའི་ཟ་འགྲམ་ལྟ་བུར་གྱུར་པའི་གནས། དུས་གསུམ་གྱི་རྒྱལ་བ་རྣམས་ཀྱི་བྱིན་གྱིས་བརླབས་པའི་རིན་པོ་ཆེའི་ཁང་པ་རང་བྱུང་དུ་གྲུབ་པ་ན། བཅོམ་ལྡན་འདས་གསང་བའི་བདག་པོ་ཕྱག་ན་རྡོ་རྗེ། སྐུ་གསུམ་གྱི་སྟོན་པ་རྣམས་ཀྱི་གསུང་གི་ཚོགས་མ་ལུས་པར་སྡུད་ཅིང་། བྱང་ཆུབ་སེམས་དཔའ་དང་། འགྲོ་བ་རྣམས་ཀྱི་བླ་མ་ཆེན་པོར་གྱུར་པ་དེ་ལ། འཁོར་དུ་གྱུར་ ― DNG014_Page_0002 ―
[མ་དཔེ་གཟིགས་ན་འདིར་གནོན།]
པ་ཐེག་པ་ཆེན་པོའི་རིགས་ཅན་ནི་འདི་ལྟ་སྟེ། ལང་ཀའི་བདག་པོ་བློ་གྲོས་ཐབས་ལྡན་དང་། ཀླུའི་རྒྱལ་པོ་གཙུག་ན་རིན་ཆེན་བློ་གྲོས་རྒྱ་མཚོ་དང་། ཚངས་པ་གཙུག་ཕུད་འཛིན་བློ་གྲོས་མཐའ་ཡས་དང་། གནོད་སྦྱིན་སྐར་མདའ་གདོང་བློ་གྲོས་དད་སེལ་དང་། དྲི་མ་མེད་པར་གྲགས་པ་བློ་གྲོས་རབ་ཞི་ལ་སོགས་པས་བསྐོར་ཏེ་བཞུགས་སོ། །དེའི་ཚེ་རིག་འཛིན་གྱི་རྒྱལ་པོ་ཀུཉྫ་རས་སྟན་ལས་ལངས་ཏེ་ཕྱག་རྣལ་འབྱོར་གྱི་ལུགས་སུ་བྱས་ནས། འདི་སྐད་ཅེས་འཁོར་རྣམས་ཀྱིས་མགྲིན་གཅིག་ཏུ་གསོལ་ཏོ། །ཀྱེ་ཧོ་དཔལ་ལྡན་རྡོ་རྗེ་གསང་བའི་བདག །བྱ་སྤྱོད་རྣལ་འབྱོར་བླ་མེད་པའི། །རྒྱུད་ལ་གནས་པའི་རྣལ་འབྱོར་པའི། །གཞི་འཛིན་སྲུང་བ་སྲོག་འདྲ་ཡི། །ཉམས་ཆག་བསྐང་བཤགས་ཆོ་ག་རྣམས། །ཕྱི་རབས་ད་ལྟའི་དོན་དུ་གསུངས། །ཞེས་གསོལ་ཏོ། །དེ་ནས་གསང་བའི་བདག་པོ་དཔལ་ཕྱག་ན་རྡོ་རྗེས་འདི་སྐད་གསུངས་སོ། །ཀྱེ་ཧོ་དམ་པའི་རིགས་ཅན་རྣམས། །དམ་ཚིག་ས་གཞི་ལྟ་བུ་ ― DNG014_Page_0003 ―
[མ་དཔེ་གཟིགས་ན་འདིར་གནོན།]
ལ། །ཐམས་ཅད་འབྲས་བུ་ལོ་ཏོག་སྨིན། །གཞི་སྲུང་སོ་ནམ་ཐབས་འབད་པ། །ཁྱོད་ལ་བཤད་ཀྱིས་ལེགས་པར་ཉོན། །ཞེས་གསུངས་ནས། མི་ཟད་པ་རིན་པོ་ཆེའི་གོང་བུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །སྔོན་འདས་པའི་དུས་དྲན་པ་དཔག་ཏུ་མེད་པའི་སྔོན་རོལ་ནས། སྟོན་པ་ཆོས་ཀྱི་སྐུ་དང་། ལོངས་སྤྱོད་རྫོགས་པའི་སྐུ་དང་། རྡོ་རྗེ་ལྟ་བུའི་སྐུ་དང་། མངོན་པར་བྱང་ཆུབ་པའི་སྐུ་དང་། སྤྲུལ་པའི་སྐུ་དང་། སྐུ་ལྔའི་སངས་རྒྱས་རྣམས་དང་། སྐུ་བཞིའི་སངས་རྒྱས་ལ་སོགས་པ་རྣམས་ཀྱིས་རྒྱུད་དག་པའི་ཞིང་བྱང་ཆུབ་སེམས་དཔའ་རྣམས་ལ་གསུངས་པའི་རྒྱུད་སྡེ་མང་པོ་དང་། རྒྱུད་མ་དག་པ་ལ་སྣང་བའི་ཧེ་རུ་ཀ་རྣམས་ཀྱིས། རཱུ་ཏྲ་ལ་སོགས་པ་རྣམས་ཡང་དག་པའི་ས་ལ་ལུང་བསྟན་པའི་དུས་ན། འགྱོད་ཚངས་ཀྱི་སྨྲེ་སྔགས་བརྗོད་པ་དང་། དེའི་འཁོར་གྱི་རིག་འཛིན་ཕོ་མོ་མང་པོས་གསུངས་པའི་བཤགས་པ་རྣམས་གསང་བའི་དམ་ཚིག་སྐོང་བའི་ཆོ་གར་གསུངས་པ་དང་། སངས་རྒྱས་དང་། བྱང་ཆུབ་སེམས་དཔའ་དང་། རིག་འཛིན་དང་། རཱུ་ཏྲ་འཁོར་དང་བཅས་པའི་བཤགས་པ་རྣམས་ཀྱི་རྒྱུད་ཆེན་པོ་འདི་གསུངས་སོ། །གསུང་ངོ་། །གསུང་བར་འགྱུར་རོ། །ཞེས་གསུངས་སོ། །དེ་ནས་འཁོར་རྣམས་ཀྱིས་ཞུས་པ། དུས་གསུམ་གྱི་སངས་རྒྱས་དཔག་ཏུ་མེད་པས་གསུངས་པ་དང་། རཱུ་ཏྲ་ལ་སོགས་པ་དྲེགས་པ་ཅན་དཔག་ཏུ་མེད་པས་འགྱོད་བཤགས་ཕུལ་བ་དང་། རིག་འཛིན་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས་བཤགས་པའི་ཐབས་རྣམས་བཤད་པར་ཞུ། འགྲོ་བའི་དོན་དུ་གསུངས། མ་འོངས་པའི་སེམས་ཅན་དང་། རྣལ་འབྱོར་པ་རྣམས་ལ་ཕན་པའི་དོན་དུ་ཤོད། ཅེས་ཞུས་ ― DNG014_Page_0004 ―
[མ་དཔེ་གཟིགས་ན་འདིར་གནོན།]
སོ། །དེ་ནས་རྡོ་རྗེ་འཛིན་པ་ཆེན་པོས་རྣམ་པར་འབྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས། གསང་སྔགས་པ་རྣམས་ཀྱི་བཤགས་པའི་དོན་དབྱེ་བ་འདི་གསུངས་སོ། །ཀྱེ་ཧོ་ཡང་དག་པར་རྫོགས་པའི་སངས་རྒྱས་རྣམས་ཀྱི་ལམ་ལ་གནས་པའི་བླ་མ་དམ་པ་ནི་བཞི་ཞིག་ཡོད་དེ། དེ་ཡང་གང་ཞེ་ན། ཕྱི་སྒྲོ་འདོགས་ཡོངས་སུ་གཅོད་པར་བྱེད་པའི་བླ་མ་དམ་པ་དང་། ནང་རང་བྱུང་གི་ཡེ་ཤེས་སྟོན་པར་བྱེད་པའི་བླ་མ་དམ་པ་དང་། གསང་བ་ལྷན་ཅིག་སྐྱེས་པའི་ཡེ་ཤེས་སྟོན་པར་བྱེད་པའི་བླ་མ་དམ་པ་དང་། མཐར་ཐུག་དེ་ཁོ་ན་ཉིད་ཀྱི་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་སྟོན་པར་བྱེད་པའི་བླ་མ་དམ་པའོ། །དམ་པ་དེ་དག་གི་ལམ་ལ་གནས་པར་བྱ་བའང་རྣམ་པ་གསུམ་ཡོད་དེ། དེ་ཡང་གང་ཞེ་ན། གཞི་དངོས་པོ་གཤིས་ཀྱི་གནས་ལུགས་སྟོན་པར་བྱེད་པ་དང་། ལམ་ཉམས་སུ་ལེན་པའི་གདམས་ངག་སྟོན་པར་བྱེད་པ་དང་། འབྲས་བུ་མངོན་སུམ་དུ་གྱུར་པའི་དོན་སྟོན་པར་བྱེད་པའོ། །དམ་པ་དེའི་ལམ་རྣམ་པ་གསུམ་གང་ཡང་རུང་བ་མ་གཏོགས་པའི་བཤགས་པ་བྱ་བ་དང་། ཁྱད་པར་དུ་ཡང་མ་དག་པའི་སྣང་བ་དང་། ཉམས་ཀྱི་སྣང་བ་དང་། དག་པའི་སྣང་བ་རྣམས་མ་རྟོགས་པ་དང་། ཀུན་གཞི་རྒྱུའི་རྒྱུད་དང་། ལམ་ཐབས་ཀྱི་རྒྱུད་དང་། ཕྱག་རྒྱ་ཆེན་པོ་འབྲས་བུའི་རྒྱུད་མ་རྟོགས་པ་དང་། རྒྱུའི་རྣལ་འབྱོར་དང་། ལམ་གྱི་རྣལ་འབྱོར་དང་། འབྲས་བུའི་རྣལ་འབྱོར་མ་རྟོགས་པ་དང་། བདེ་བར་གཤེགས་པའི་བཀའ་ཡང་དག་པ་ལུང་གི་ཚད་མ་དང་། རྣལ་འབྱོར་གྱི་དབང་ཕྱུག་ཉམས་མྱོང་རྗེས་སུ་དྲན་པའི་ཚད་མ་དང་། བླ་མ་རྡོ་རྗེ་སློབ་དཔོན་སྙན་ཁུང་བརྒྱུད་ ― DNG014_Page_0005 ―
[མ་དཔེ་གཟིགས་ན་འདིར་གནོན།]
པ་མན་ངག་གི་ཚད་མ་དང་། དངོས་པོའི་མཐའ་རྟེན་ཅིང་འདྲེལ་བར་འབྱུང་བ་ལོ་རྒྱུས་ཀྱི་ཚད་མ་མ་རྟོགས་པ་དང་། དེ་དག་རྟོགས་པར་བྱ་བའི་ཕྱིར་འདི་དག་བཤད་དེ། དབང་གི་ཆུ་བོ་མ་ནུབ་པ་དང་། བྱིན་རླབས་ཀྱི་བརྒྱུད་པ་མ་ཉམས་པ་དང་། གདམས་ངག་གི་སརྒ་མ་ལོག་པ་དང་། མོས་གུས་ཀྱི་བསམ་པ་ཚིམས་པར་ནུས་པའི་ཕྱིར། ཕྱིའི་རྟེན་འདྲེལ་དང་། ནང་གི་རྟེན་འདྲེལ་དང་། གསང་བའི་རྟེན་འདྲེལ་དང་། མཐར་ཐུག་དེ་ཁོ་ན་ཉིད་ཀྱི་རྟེན་འདྲེལ་བསྒྲིགས་ནས། བདེ་བར་གཤེགས་པའི་བཀའ་ཚད་མ་དང་། བླ་མའི་མན་ངག་ཚད་མ་དང་། རང་གི་རིག་པ་ཚད་མས་གཏན་ལ་ཕབ་སྟེ། བལྟ་བའི་དུག་ཕྱུང་། བསྒོམ་པའི་བདུད་རྩི་བསྟེན། སྤྱོད་པ་ལ་དོར་ནས་གསང་སྔགས་གསང་བའི་ལམ་ལ་ཞུགས་པ་རྣམས་ལ། དམ་ཚིག་ཉམས་ཆག་བྱུང་བར་གྱུར་ན་ཐེག་པ་ལམ་ཞུགས་ཀྱི་བཤགས་པ་དང་། ན་རག་དོང་སྤྲུགས་ཀྱི་བཤགས་པ་དང་། བརྗོད་མེད་དང་། དམ་ཚིག་ཉི་ཤུ་རྩ་བརྒྱད་ཀྱི་བཤགས་པ་དང་། རྡོ་རྗེ་དཔལ་ཆེན་དང་། ཡེ་ཤེས་མཁའ་འགྲོ་དང་། ཞི་བ་སངས་རྒྱས་དང་། ཁྲོ་བོ་ཁྲག་འཐུང་དང་། རཱུ་ཏྲའི་སྨྲེ་བཤགས་དང་། རྒྱུད་ལུང་མན་ངག་གི་བཤགས་པ་དང་། བལྟ་བའི་ཀློང་བཤགས་དང་། དབང་བཞི་རྫོགས་པ་ཐབས་ལམ་གྱི་བཤགས་པ་དང་། འབྲས་བུའི་དོན་རྟོགས་སྐུ་གསུང་ཐུགས་སུ་བྱུང་བའི་བཤགས་པ་རྣམས་བཤད་པར་བྱའོ། །ཞེས་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། གླེང་གཞི་དང་གླེང་བསླང་བའི་ལེའུ་སྟེ་དང་པོའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས་ཐེག་པ་ལམ་ཞུགས་ཀྱི་བཤགས་པ་འདི་གསུངས་སོ། །ཨོཾ་དང་པོར་བདག་དང་ཁམས་གསུམ་སེམས་ཅན་རྣམས། །ཡུལ་ལ་ཆགས་པ་སྐྱེ་བར་མི་བགྱིད་དེ། །ཕ་དང་མ་ལ་བརྟེན་ནས་གཟུགས་སུ་སྣང་། །རང་དབང་མེད་པར་འཇིག་རྟེན་ ― DNG014_Page_0006 ―
[མ་དཔེ་གཟིགས་ན་འདིར་གནོན།]
གནས་འདི་མཐོང་། །མ་རིག་ཆུང་ཞིང་གཞོན་པའི་དུས་མཚམས་ན། །གཏི་མུག་དབང་གིས་དགེ་སྡིག་དོན་མ་རྟོགས། །འདོད་ཆགས་དབང་གིས་ཕ་རོལ་འཁོར་བར་འཁྱམས། །ཞེ་སྡང་དབང་གིས་སྡིག་པའི་ལས་རྣམས་བགྱིས། །ངན་སོང་གསུམ་དུ་འགྲོ་བའི་རྒྱུ་བསགས་ཏེ། །མནོ་བསམ་ཤེས་ནས་ཆོས་ལ་སྐྱབས་སུ་མཆི། །དང་བས་ཉ་སྟོང་དུས་དྲུག་སྒོར་ཞུགས་ཏེ། །ཉ་སྟོང་ཚེས་བརྒྱད་དུས་ཁྲིམས་མནོས་པ་ལས། །དེ་ལ་ཉམས་པའི་སྐྱོན་སེམས་མ་མཆིས་ཏེ། །ཉ་སྟོང་ཚུལ་བཞིན་སྲུང་བའི་དགེ་བསྙེན་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །སྦྱངས་པའི་ཡོན་ཏན་བཅུ་གཉིས་སྒོར་ཞུགས་ནས། །ཉན་ཐོས་སྡོམ་པ་ཚུལ་བཞིན་མནོས་པ་ལས། །རྩ་བ་བཞི་དང་ཡན་ལག་དྲུག་ལ་སོགས། །ཉིས་བརྒྱ་ལྔ་བཅུའི་ཁྲིམས་ལ་སྐྱོན་མ་མཆིས། །ཉན་ཐོས་འདུལ་ཁྲིམས་སྲུང་བའི་དགེ་སློང་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །རྟེན་འདྲེལ་བཅུ་གཉིས་བསྒྲུབ་པའི་སྒོར་ཞུགས་ཏེ། །རང་རྒྱལ་སྡོམ་པ་ཚུལ་བཞིན་མནོས་པ་ལས། །འཁོར་བ་རང་བཞིན་མེད་པར་མངོན་རྟོགས་ཤིང་། །སྣང་སྲིད་སྒྱུ་མ་ལྟ་བུར་ཤེས་པས་ན། །དེ་ལ་ཉམས་པར་བྱ་བའི་སྐྱོན་མ་མཆིས། །རང་རྒྱལ་སྡོམ་པ་སྲུང་བའི་དགེ་སློང་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །ཐེག་ཆེན་བྱང་ཆུབ་སེམས་ཀྱི་སྒོར་ཞུགས་ཏེ། །བྱང་ཆུབ་སེམས་དཔའི་སྡོམ་པ་མནོས་པ་ལས། །སྨོན་འཇུག་ཀུན་རྫོབ་དོན་དམ་བྱང་ཆུབ་སེམས། །སྡོམ་པ་ཉི་ཤུའི་ཚུལ་ཁྲིམས་སྐྱོན་མ་མཆིས། །དེ་ལ་ཉམས་པའི་སྐྱོན་ལྟ་མ་མཆིས་ན། །སྡོམ་བརྩོན་ཚུལ་བཞིན་སྲུང་བའི་དགེ་སློང་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །དག་པ་རྣམ་པ་གཉིས་ཀྱི་སྒོར་ཞུགས་ཏེ། །ཀྲི་ཡའི་དམ་ཚིག་ཚུལ་བཞིན་མནོས་པ་ལས། །དཀོན་མཆོག་གསུམ་དང་རྡོ་རྗེ་སློབ་དཔོན་དང་། །རྡོ་རྗེ་སྤུན་དང་རྡོ་རྗེ་ ― DNG014_Page_0007 ―
[མ་དཔེ་གཟིགས་ན་འདིར་གནོན།]
མིང་སྲིང་དང་། །དེ་བཞིན་རང་གི་སྔགས་དང་ཕྱག་རྒྱ་རྣམས། །དེ་ལ་ཉམས་པའི་སྐྱོན་ལྟ་མ་མཆིས་ན། །ཀྲི་ཡའི་དམ་ཚིག་སྲུང་བའི་རྣལ་འབྱོར་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །ཨུ་པ་ཡ་ཡི་དམ་ཚིག་སྒོར་ཞུགས་ནས། །ཕྱག་རྒྱ་སྔགས་དང་མན་ངག་སྒྲུབ་པ་ཡི། །བལྟ་སྤྱོད་ཀྲི་ཡོག་ཚུལ་སྲུང་རྣལ་འབྱོར་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །བལྟ་སྤྱོད་རྣམ་པ་གཉིས་ཀྱི་སྒོར་ཞུགས་ནས། །ཡོ་གའི་དམ་ཚིག་ཚུལ་བཞིན་མནོས་པ་ལས། །དཀོན་མཆོག་གསུམ་དང་དེ་འཁོར་བྱང་ཆུབ་སེམས། །རྡོ་རྗེ་བླ་མ་མཆེད་དང་ལྕམ་དྲལ་དང་། །དབང་ཐོབ་རྣལ་འབྱོར་གཞན་ལ་མི་སྨོད་ཅིང་། །རང་རྟགས་ཕྱག་རྒྱ་རྟག་ཏུ་སྲུང་བ་ལ། །དེ་ལ་ཉམས་པའི་སྐྱོན་ལྟ་མ་མཆིས་ན། །ཡོ་གའི་དམ་ཚིག་སྲུང་བའི་རྣལ་འབྱོར་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །ཐབས་དང་ཤེས་རབ་གཉིས་ཀྱི་སྒོར་ཞུགས་ནས། །མ་ཧཱ་ཡོ་གའི་དམ་ཚིག་མནོས་པ་ལས། །འཁོར་བ་དང་ནི་མྱ་ངན་འདས་པའི་ཆོས། །ཡབ་ལྔ་དང་ནི་ཡུམ་ལྔར་སྦྱོར་བས་ན། །རྒྱལ་བའི་དམ་ཚིག་མཆོག་ཏུ་གསུངས་པ་ལས། །མ་ཧཱ་ཡོ་ག་སྲུང་བའི་རྣལ་འབྱོར་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །དབྱིངས་དང་ཡེ་ཤེས་གཉིས་ཀྱི་སྒོར་ཞུགས་ནས། །ཨ་ནུ་ཡོ་གའི་དམ་ཚིག་མནོས་པ་ལས། །ཕྱི་ནང་སྣང་སྲིད་དུས་གསུམ་ཐམས་ཅད་ཀུན། །རང་རིག་ཡེ་ཤེས་དབྱིངས་ལས་མི་གཞན་ཏེ། །རྡོ་རྗེ་དྲིལ་བུ་ཕྱག་རྒྱ་འཆང་བྱེད་ཅིང་། །ཨ་ནུ་ཡོ་ག་སྲུང་བའི་རྣལ་འབྱོར་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་སྐྱེས་ནས། །ཁྱབ་གདལ་ཆེན་པོ་ཐེག་པའི་སྒོར་ཞུགས་ནས། །ཨ་ཏི་ཡོ་གའི་དམ་ཚིག་མནོས་པ་ལས། །མེད་པའི་དམ་ཚིག་དང་ནི་ཕྱལ་པ་དང་། །གཅིག་པུའི་དམ་ཚིག་དང་ནི་ལྷུན་གྱིས་རྫོགས། །གྲངས་དང་ཕྱོགས་ལས་ ― DNG014_Page_0008 ―
[མ་དཔེ་གཟིགས་ན་འདིར་གནོན།]
འདས་པའི་དམ་ཚིག་ལ། །རྒྱལ་བ་རྣམས་ཀྱིས་དམ་ཚིག་མཆོག་ཏུ་གསུངས། །བསྲུང་མཚམས་མེད་པས་མེད་པའི་དམ་ཚིག་ལ། །གཟུང་དང་འཛིན་པ་མེད་པས་ཕྱལ་པ་ཡིན། །ཐམས་ཅད་སེམས་སུ་འདུས་པས་གཅིག་པུ་ཉིད། །ལྷག་མ་མེད་པར་འདུས་པས་ལྷུན་གྱིས་རྫོགས། །དེ་ལ་ཉམས་པའི་སྐྱོན་ལྟ་མ་མཆིས་ན། །ཨ་ཏི་ཡོ་ག་སྲུང་བའི་རྣལ་འབྱོར་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །སྡེ་སྣོད་རྣམ་པ་གསུམ་གྱི་བསྲུང་བྱ་ནི། །ཚུལ་ཁྲིམས་རྣམ་པར་དག་པས་འདུལ་མཐར་ཕྱིན། །རང་དབང་མངོན་དུ་གྱུར་པས་མངོན་མཐར་ཕྱིན། །ཤེས་རབ་རྣམ་དག་མདོ་སྡེའི་མཐའ་རུ་ཕྱིན། །ཕྱི་ཡི་ལྷ་སྲིན་སྡེ་བརྒྱད་སྲུང་མ་རྣམས། །དམ་ཚིག་ཉམས་པར་གྱུར་ན་མཐོལ་ལོ་བཤགས། །ཀྲི་ཡོག་རྣམ་པ་གསུམ་གྱི་བསྲུང་བྱ་ནི། །དག་པ་རྣམ་གསུམ་ཀྲི་ཡ་མཐའ་རུ་ཕྱིན། །བལྟ་སྤྱོད་གཉིས་མེད་ཨུ་པ་ཡ་མཐར་ཕྱིན། །སུམ་ཅུ་ལྷ་ཡི་སྐུར་གསལ་རྣལ་འབྱོར་མཐའ། །དཔལ་མགོན་བདུན་ཅུ་ལ་སོགས་སྲུང་མ་རྣམས། །དམ་ཚིག་ཉམས་པར་གྱུར་ན་མཐོལ་ལོ་བཤགས། །ཡོ་ག་རྣམ་གསུམ་དམ་ཚིག་བསྲུང་བྱ་ནི། །རྩ་བ་ཡན་ལག་སྲུང་བ་རྣལ་འབྱོར་ཆེ། །སྒྲུབ་པ་ཁྱད་པར་དམ་ཚིག་ཨ་ནུའི་མཐའ། །ལྷག་པའི་དམ་ཚིག་རྣམ་བཞི་རྫོགས་ཆེན་པ། །ནང་དང་གསང་བའི་ལྷ་སྲིན་སྡེ་བརྒྱད་རྣམས། །དམ་ཚིག་ཉམས་པར་གྱུར་ན་མཐོལ་ལོ་བཤགས། །མཚན་ཉིད་སྡེ་སྣོད་གསུམ་དང་ཐེག་པ་གཉིས། །ཕྱི་པ་ཐུབ་པ་རྒྱུད་ལ་ཀྲི་ཡོག་གསུམ། །ནང་པ་ཐབས་ཀྱི་རྒྱུད་ལ་ཡོ་ག་གསུམ། །ཐེག་པ་རིམ་པ་དགུ་ཡི་དམ་ཚིག་རྣམས། །བལྟ་སྤྱོད་འདྲེལ་བར་སྤྱོད་པའི་རྣལ་འབྱོར་ལ། །མཁའ་འགྲོ་བཀའ་ཡི་ཆད་པ་ཅི་སྟེ་བཅང་། །དབང་ཕྱུག་ཐུགས་ཀྱི་སྤྲུལ་པ་ཅི་སྟེ་དགྱེ། །རྒྱུ་འབྲས་མ་སྤངས་དགེ་བ་དང་དུ་བླངས། །སྡིག་པ་མ་སྤྱད་རྣམ་པར་སྨིན་ལ་འཛེམ། །བཀའ་གཞུང་མ་བོར་རྒྱུད་ལུང་མན་ངག་འབྲངས། །ཡལ་བར་མ་དོར་གཞུང་བཞིན་དང་དུ་བླངས། །ལུས་ངག་ཡིད་གསུམ་བཏུད་ནས་གསང་སྔགས་ཆོས། །སྒོམ་སྒྲུབ་སྤྱོད་པའི་རྣལ་འབྱོར་དབང་ཕྱུག་ལ། ། ― DNG014_Page_0009 ―
[མ་དཔེ་གཟིགས་ན་འདིར་གནོན།]
དམ་ཚིག་ཉམས་ཆག་བྱུང་ན་བསྐང་གྱུར་ཅིག །རྩ་བ་ཡན་ལག་ཕམ་ལྟུང་ཉེས་བྱས་དང་། །སྦོམ་པོ་ཕྲ་མོ་ལ་སོགས་ཉེས་སྐྱོན་རྣམས། །སྐྱོན་དུ་གྱུར་པ་ཐམས་ཅད་ཚངས་པར་མཛོད། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཡེ་ཤེས་ལྷ་ལ་རྣམ་རྟོག་མི་མངའ་ཡང་། །དེ་འཁོར་བཀའ་ཡི་སྲུང་མ་དམ་ཚིག་ཅན། །ཐུགས་དང་འགལ་བར་གྱུར་ན་བཟོད་པར་གསོལ། །ཡུན་གྱི་སྒྲིབ་པ་མཆིས་ན་སྒྲིབ་པ་སྦྱོངས། །འཕྲལ་གྱི་རྐྱེན་གེགས་མཆིས་ན་རྐྱེན་གེགས་བཟློག །ཚངས་པ་མཆོག་གི་དངོས་གྲུབ་སྩལ་དུ་གསོལ། །ཞེས་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། ཐེག་པ་ལམ་ཞུགས་ཀྱི་བཤགས་པ་སྟེ་ལེའུ་གཉིས་པའོ།། །།དེ་ནས་གསང་བའི་བདག་པོ་ཆེན་པོས་སྔོན་གྱི་རྣམ་པར་སྨིན་པ་སྦྱངས་པ་ལྷའི་བུའི་རྣལ་འབྱོར་ལ། བཅོམ་ལྡན་འདས་དཔལ་ཀུན་ཏུ་བཟང་པོ་ཆེན་པོས་བཤད་པ་དང་། ཕྱོགས་བཅུ་ན་བཞུགས་པ་རྣམས་ཀྱིས་ཞུས་པ་ནི་འདི་ལྟ་སྟེ། དེ་ནས་ཕྱོགས་བཅུ་ནས་ལྷགས་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་དང་། རིག་འཛིན་ཕོ་མོ་བསམ་གྱིས་མི་ཁྱབ་པ་རྣམས་ཀྱིས་ལྷན་ཅིག་ཏུ་བརྐྱངས་ཕྱག་འཚལ་ཞིང་། བཅོམ་ལྡན་འདས་དཔལ་ཀུན་ཏུ་བཟང་པོ་དང་། ཆེ་མཆོག་ཧེ་རུ་ཀ་ལ་སོགས་པ་རིགས་ལྔའི་བདེ་བར་གཤེགས་པ་རྣམས་ལ་གསོལ་པ། བདག་ཅག་རྣམས་རང་བཞིན་སྒྱུ་འཕྲུལ་དྲ་བའི་དཀྱིལ་འཁོར་གྱི་བྱིན་གྱིས་བརླབས་ཀྱིས་རྣལ་འབྱོར་གྱི་གྲལ་དུ་འཁོད་དེ། གསང་བའི་ཐེག་པ་ཆེན་པོ་འདི་ལ་སྤྱོད་ཅིང་། བཅོམ་ལྡན་འདས་དཔལ་ཀུན་ཏུ་བཟང་པོ་དང་། ཆེ་མཆོག་ཧེ་རུ་ཀ་ལ་སོགས་པ་རྣམས་ཀྱི་ཞལ་མཐོང་ཞིང་། ཕྱག་རྒྱ་ཆེན་པོའི་རིག་འཛིན་གྱི་ས་ལ་ལྷུན་གྱིས་གྲུབ་པར་འཚལ་བ་རྣམས་ཉམས་པ་དང་། ཆག་པ་དང་། བག་ཆགས་ངན་པས་བསྒྲིབས་ཏེ་མཆིས་པ་ལ། ཉམས་ཆག་དང་རྟོག་སྒྲིབ་སྦྱང་བའི་ཐབས་གསོལ་ཞིང་ཞུ་ན་གནང་བའི་སྐབས་དབྱེ་བར་གསོལ་ཞེས་ཞུས་པ་དང་། དེ་ནས་དཔལ་ཀུན་ཏུ་བཟང་པོས་ཕྱོགས་བཅུ་ནས་ལྷགས་པའི་རིག་འཛིན་ཕོ་མོ་རྣམས་ལ་བཀའ་སྩལ་པ། འདི་ལྟ་བུའི་ ― DNG014_Page_0010 ―
[མ་དཔེ་གཟིགས་ན་འདིར་གནོན།]
བཀའ་གསང་བ་ལས་ཀྱང་ཤིན་ཏུ་ཆེས་གསང་བ། ཡང་གསང་ཐུགས་ཀྱི་མན་ངག་འདི་ལྟ་བུ་ནི། དུས་གསུམ་གྱི་སངས་རྒྱས་རྣམས་ཀྱི་གཤེགས་ཤུལ། རིག་འཛིན་ཕོ་མོ་རྣམས་ཀྱི་ལམ། རྣལ་འབྱོར་ཕོ་མོ་རྣམས་ཀྱིས་སྐུ་གསུང་ཐུགས་ཀྱི་དངོས་གྲུབ་སྒྲུབ་པའི་གནས་འདི་ལྟ་བུའི་བཀའ་ཟབ་མོ་འདི་ཐོས་པར་ཡང་དཀའ་ན། བསྒོམ་ཞིང་སྒྲུབ་པ་དང་། རྟོགས་པ་ལྟ་སྨོས་ཀྱང་ཅི་དགོས། འདི་ལྟ་བུའི་བཀའ་ཟབ་མོ་འདི་ནི་བསྐལ་པ་དཔག་ཏུ་མེད་པའི་སྔོན་རོལ་ནས་སྦྱངས་སྦྱངས་པའི་ལས་འཕྲོ་དང་། སྐལ་བར་ལྡན་པ་འགའ་དང་འགའི་སྤྱོད་ཡུལ་ཡིན་གྱི། གང་རུང་རུང་ཀུན་གྱི་ཐུན་མོང་ནི་མ་ཡིན་ནོ། །དེ་ལྟ་བུའི་སྒོར་ཞུགས་པའི་རྣལ་འབྱོར་པ་ལ་ཉམས་ཆག་དང་རྟོག་སྒྲིབ་སྦྱང་བའི་ཐབས་མེད་པ་ནི་མ་ཡིན་ཏེ། ཐབས་ནི་ཡོད་དོ། །ཉན་ཐོས་ཀྱི་ཐེག་པ་ལྟར་འདུལ་ཁྲིམས་ཉམས་པར་གྱུར་ན། རྫ་བེའུ་ཆག་པ་བཞིན་སླར་གསོ་བའི་ཐབས་མེད་པ་ནི་མ་ཡིན་གྱི། གསང་སྔགས་ཀྱི་བཀའ་གསེར་དང་འདྲ་བ་འདིའི་སྒོར་ཞུགས་པའི་རྣལ་འབྱོར་ཕོ་མོ་ཉམས་ཆག་བྱུང་བ་རྣམས་སྦྱང་བའི་ཐབས་ཡོད་དེ། ཐུགས་ཡང་དག་པའི་བཀའ་གསང་བ་འདིའི་ཉམས་ཆག་བྱུང་ན་གསེར་དངུལ་ཞོམ་པ་དང་འདྲ་སྟེ། སླར་གསོ་བའི་ཐབས་ནི་ཡོད་དོ། །དེའི་ཐབས་ནི་ཇི་ལྟ་བུ་ཞེ་ན། རྣལ་འབྱོར་གྱི་སྤྱི་ཁྲུས་ངན་སོང་དོང་སྤྲུགས་ཞེས་བྱ་བ་བཞུགས་སོ། །དེ་ནས་ཕྱོགས་བཅུ་ནས་ལྷགས་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨ་ལ་ལ་ཧོ། དཔལ་ཀུན་ཏུ་བཟང་པོ། ཨེ་མ་ཧོ་ངོ་མཚར་ཆེའོ། །ཞེས་ལུས་ཀྱི་ཡན་ལྔ་ས་ལ་བརྡབས་ཏེ། བརྐྱངས་ཕྱག་ལན་སྟོང་དུ་བཙལ་ནས་འདི་སྐད་ཅེས་གསོལ་ཏོ། །དཔལ་ཀུན་ཏུ་བཟང་པོ་རྣལ་འབྱོར་ཕོ་མོའི་ཉམས་ཆག་དག་པར་བྱེད་པའི་སྤྱི་ཁྲུས་ཞེས་བྱ་བ་འགྲོ་བ་ཡོངས་ལ་ཕན་འདོགས་པའི་མན་ངག་ངན་སོང་དོང་སྤྲུགས་ཞེས་བྱ་བ་བཀའ་གསང་བ་ལས་ཀྱང་ཤིན་ཏུ་ཆེས་གསང་བ་བདག་ཅག་རྣམས་ལ་བསྟན་དུ་གསོལ། ― DNG014_Page_0011 ―
[མ་དཔེ་གཟིགས་ན་འདིར་གནོན།]
ཞེས་གསོལ་པ་དང་། དེ་ནས་སྟོན་པ་ཀུན་ཏུ་བཟང་པོས་རྣལ་འབྱོར་པ་རྣམས་ལ་བཀའ་སྩལ་པ། བསྙེན་སྒྲུབ་རྣམ་པ་བཞིའི་སྒོར་ཞུགས་པའི་རྣལ་འབྱོར་ཕོ་མོ་རྣམས་ལ་སྤྱིར་དམ་ཚིག་གི་བསྲུང་མཚམས་བསམ་གྱིས་མི་ཁྱབ་པ་ཞིག་བཞུགས་ན། དེ་དག་ཀུན་ཀྱང་རྩ་བའི་དམ་ཚིག་གསུམ་དུ་འདུས་སོ། །དེ་ཡང་ལུས་ངག་ཡིད་གསུམ་དུ་འདུས་ཏེ། ལུས་ངག་ཡིད་གསུམ་གྱི་སྒོ་ནས་ཉམས་ཆག་བྱུང་བ་ནི། དེ་བཞིན་གཤེགས་པའི་སྐུ་གསུང་ཐུགས་ཀྱི་ཐུགས་རྗེའི་བྱིན་རླབས་ཀྱིས་སྦྱོང་བའི་ཐབས་ནི་བཞུགས་སོ། །ཡིད་ཀྱི་སྒོ་ནས་ཉམས་ཆག་བྱུང་ན། ཐུགས་ཀྱི་བལྟ་བས་བསྐང་སྟེ། རྣལ་འབྱོར་གྱི་གྲལ་འདིར་འཁོད་པ་རྣམས་ཀྱི་ཡིད་དམ་སེམས་ནི་དོན་དམ་པར་ཐུགས་ཡང་དག་པའི་ཡེ་ཤེས་ཉིད་ཡིན་ལ། ཡང་དག་པའི་ཡེ་ཤེས་ནི་རང་གི་ཀུན་གཞི་བྱང་ཆུབ་ཀྱི་སེམས་ཡིན་ཏེ། ཀུན་གཞི་མ་བཅོས་པ་ལ་ཡིད་རང་བྱུང་གི་ཡེ་ཤེས་བདེ་བ་ཆེན་པོར་ཤར་བ་ནི་བསྲུང་དུ་མེད་པའི་དམ་ཚིག་ཆེན་པོ་སྟེ། ཀུན་གཞི་དེ་ལྟར་ཡིན་ཕན་ཆད་ཀུན་གཞི་བག་ཆགས་དང་བཅས་པས་བསྐྱེད་པའི་ཕུང་པོ་དང་། དབང་པོ་དང་། རྣམ་པར་ཤེས་པར་བཅས་པ་ཡང་མ་བྱུང་མ་སྐྱེས་པ་ཡེ་ནས་རང་བྱུང་ཆེན་པོ་ཡིན་ཏེ། དེ་ལྟར་རྟོགས་ན་རྡོ་རྗེ་སློབ་དཔོན་དང་། མཆེད་དང་ལྕམ་དྲལ་ཡང་ཡེ་ནས་མ་བྱུང་མ་སྐྱེས་པ་ཡིན་ཏེ། སྐུའི་དམ་ཚིག་ཉམས་ཆག་སྐོངས་སོ། །དེ་ལྟར་ཕུང་པོ་དང་། དབང་པོ་དང་། རྣམ་པར་ཤེས་པ་ཡང་མ་བྱུང་མ་སྐྱེས་ཕན་ཆད་དེས་བརྗོད་པར་བྱ་བའི་བཟླས་བརྗོད་དང་། བསྙེན་སྒྲུབ་དང་། སྐུ་ཕྱག་རྒྱར་བསྒོམ་པར་བྱ་བ་ཡང་ཡེ་ནས་མ་བྱུང་མ་སྐྱེས་པ་སྟེ། གླེང་བརྗོད་དང་རྩོལ་བསྒྲུབ་ཀྱི་མཐའ་ལས་འདས་པས། གསུང་གི་དམ་ཚིག་ཉམས་ཆག་སྐོངས་སོ། །དེ་ལྟ་བུའི་ཡེ་ནས་མ་བྱུང་མ་སྐྱེས་པའི་དོན་དེ་ལྟ་བུ་འདི་ནི། ཀུན་གྱིས་མ་རྟོགས་ཤིང་རྟོགས་པར་དཀའ་བས། རང་བཞིན་གྱིས་གསང་བ་ཆེན་པོ་ཡིན་པས། ཐུགས་ཀྱི་དམ་ཚིག་ཉམས་ཆག་སྐོངས་སོ། །དེ་ལྟར་རྩ་བའི་ཉམས་ཆག་གསུམ་བསྐངས་ཕན་ཆད། ཡན་ལག་གི་དམ་ཚིག་ཐམས་ཅད་ཀྱང་ཡེ་ནས་མ་བྱུང་མ་སྐྱེས་པས། ཡན་ལག་གི་དམ་ཚིག་ཐམས་ ― DNG014_Page_0012 ―
[མ་དཔེ་གཟིགས་ན་འདིར་གནོན།]
ཅད་ཀྱི་ཉམས་ཆག་སྐོངས་སོ། །དེ་ལྟར་རྟོགས་པའི་རྣལ་འབྱོར་པ་རྣམས་ནི་མི་བསྲུང་བའི་བསྲུང་བ་ཆེན་པོ་སྟེ། དེའི་ཕྱིར་ན་ལུས་ངག་ཡིད་གསུམ་གྱི་སྒོ་ནས་ཉམས་ཆག་བྱུང་བ་རྣམས་སྐུ་གསུང་ཐུགས་ཀྱི་ཐུགས་རྗེས་སྐོངས་སོ། །དེ་སྐད་ཅེས་བཀའ་སྩལ་པ་དང་། དེ་ནས་ཕྱོགས་བཅུ་ནས་ལྷགས་པའི་རྣལ་འབྱོར་ཕོ་མོ་རྣམས་ཀྱིས་སྟོན་པ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་ངོ་མཚར་ཆེའོ། །སྟོན་པ་ཀུན་ཏུ་བཟང་པོ་བསྲུང་དུ་མེད་པའི་བསྲུང་བ་ཆེན་པོ་བཀའ་སྩལ་པ་ངོ་མཚར་ཆེའོ། །ཨ་ལ་ལ་ཧོ། ཞེས་ལུས་ཀྱི་ཡན་ལག་ལྔ་ས་ལ་བརྡེབ་ཅིང་བརྐྱངས་ཕྱག་བཙལ་ལོ། །དེ་ནས་ཡང་སྟོན་པ་ཀུན་ཏུ་བཟང་པོ་ལ་བཅོམ་ལྡན་འདས་རིགས་ལྔའི་སངས་རྒྱས་རྣམས་ཀྱིས་འདི་སྐད་ཅེས་གསོལ་ཏོ། །སྟོན་པ་ཀུན་ཏུ་བཟང་པོ་དེ་ལྟ་བུའི་ཡེ་ནས་མ་བྱུང་མ་སྐྱེས་པ་དེ། གདོད་མ་ནས་རང་ཤེས་རིག་པའི་རྒྱལ་པོ་རང་གིས་རང་གསལ་བར་ཤར་བ་རྟོགས་པ་རྣམས་ལ་བསྲུང་དུ་ཡང་མེད་ལ། ཉམས་ཆག་བསྐང་དུ་ཡང་མེད་ན། དེ་ལྟ་བུའི་དོན་ནི་མ་རྟོགས་པར། གསང་སྔགས་ཀྱི་སྒོར་ཞུགས་སོ་འཚལ་གྱི་རྣལ་འབྱོར་པ་དང་། རྣལ་འབྱོར་མ་ལ་ལས་གསང་སྔགས་དོན་གྱི་མན་ངག་ནི་མ་གོ་སྟེ། ལ་ལས་ནི་ཚོགས་ཀྱི་སྤྱང་ཀི་བྱེད། ལ་ལས་ནི་གཡོ་སྒྱུ་དང་གསོག་འཇོག་བྱེད། ལ་ལས་ནི་དེ་བཞིན་གཤེགས་པའི་བཀའ་ལ་རས་ཆོད་བྱེད་པ་རྣམས་ཀྱི་དོན་དུ་ཉམས་ཆག་བྱུང་ན་བསྐང་ཞིང་བཤགས་པའི་ཐབས་ནི་ཅི་མཆིས། དེ་དག་ལ་ཐུགས་རྗེས་གཟུང་བའི་ཐབས་ཤིག་བསྟན་དུ་གསོལ་ཞེས་ཞུས་པ་ལས། སྟོན་པ་ཀུན་ཏུ་བཟང་པོས་འདི་སྐད་ཅེས་བཀའ་སྩལ་ཏོ། །རྣལ་འབྱོར་པ་བལྟ་བ་དམན་ཞིང་ཤེས་རབ་ཞན་པ་རྣམས་ཀྱི་དོན་དུ་ཉམས་ཆག་བསྐང་ཞིང་བཤགས་པའི་ཐབས་ནི་བཞུགས་སོ། །དེའི་ཐབས་ནི་རྡོ་རྗེ་སློབ་དཔོན་དང་། ཡི་དམ་གྱི་ལྷ་དང་། སྒྱུ་འཕྲུལ་ཞི་ཁྲོ་རབ་འབྱམས་ཀྱི་དཀྱིལ་འཁོར་དང་། གྲུབ་པའི་ས་ལ་བཞུགས་པའི་རིག་འཛིན་ཕོ་མོ་རྣམས་མདུན་གྱི་ནམ་མཁའ་ལ་མངོན་སུམ་དུ་དམིགས་ཏེ། མཚན་ནས་བརྗོད་དེ་ལུས་ས་ལ་བརྡེབ་ཅིང་བརྐྱངས་ཕྱག་འཚལ་ན་འབྱང་བའི་ཐབས་ཡིན་ནོ། །དེ་ལྟ་བས་ན་ངའི་གསང་སྔགས་སྤྱད་ཉེས་པའི་དབང་གིས་ངན་ ― DNG014_Page_0013 ―
[མ་དཔེ་གཟིགས་ན་འདིར་གནོན།]
སོང་གསུམ་དུ་ལྟུང་བར་དོགས་པ་རྣམས་ཀྱི་ཆེད་དུ། འགྱོད་ཚངས་ཀྱི་བཤགས་པ་མདོ་ཙམ་ཞིག་བསྟན་གྱི་ཁྱེད་ཅག་རྣམས་ཀྱིས་ལུས་གཅེར་བུར་ཕྱུང་སྟེ། ཆས་རབ་ཏུ་གྱིས་ལ་ཡན་ལག་ལྔ་ས་ལ་བརྡེབ་ཅིང་བརྐྱངས་ཕྱག་འཚོལ་ཅིག །དེ་ནས་ཕྱོགས་བཅུ་ནས་ལྷགས་པའི་རྣལ་འབྱོར་ཕོ་མོ་རྣམས་ཀྱིས་ཆས་རབ་ཏུ་བྱས་ཏེ། སྟོན་པ་ཀུན་ཏུ་བཟང་པོ་ལྟར་མཉན་པ་དང་། དེ་ནས་སྟོན་པ་ཀུན་ཏུ་བཟང་པོས་བཀའ་སྩལ་པ། ཧོ་ཀློང་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི་དོན་དམ་པར་ཆོས་ཀྱི་དབྱིངས། ཡུམ་གྱི་མཁའ་བྷ་ག་ཡངས་པའི་ཀློང་། རང་བཞིན་གྱི་དཀྱིལ་འཁོར་རྣམ་པར་དག་པ་ན་བཞུགས་པའི་བདེ་བར་གཤེགས་པ་འཁོར་རྒྱལ་བ་རྒྱ་མཚོ་དང་བཅས་པ་རྣམས་ལ་ཕྱག་འཚལ་ལོ། །ཨ་ལ་ལ་ཧོ། ཀུན་གཞི་གསང་བ་དག་པའི་དབྱིངས་ནས་ཡིད་རང་བྱུང་གི་ཡེ་ཤེས་རང་ཤེས་རིག་གི་རྒྱལ་པོ་ཡིད་བྱེད་པ་པོ་དུས་གསུམ་གྱི་སངས་རྒྱས་ཐམས་ཅད་ཀྱི་ཡབ། ཆགས་མེད་སྐྱོན་དང་བྲལ་བས་གདན་པད་མ་ལ་བཞུགས་པ། སངས་རྒྱས་དང་སེམས་ཅན་མཉམ་པར་མཁྱེན་པས་ཕྱག་མཉམ་པའི་ཕྱག་རྒྱ་ཅན། དཀྱིལ་འཁོར་ཐམས་ཅད་ཀྱི་མངའ་བདག །བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཨ་ལ་ལ་ཧོ། འདི་ལྟར་སྣང་བའི་ཆོས་ཐམས་ཅད་དོན་དམ་པར་ཆོས་ཀྱི་དབྱིངས་སུ་སྡུད་མ་ཆོས་ཅན་མཚན་མའི་སྐྱོན་གྱིས་མ་གོས་པས་གདན་པདྨ་ལ་བཞུགས་པ། ཀུན་ལ་ཁྱབ་པར་གནས་པས་ཕྱག་མཉམ་པའི་ཕྱག་རྒྱ་ཅན། ཆོས་བྱ་བ་མོ་དཀྱིལ་འཁོར་ཐམས་ཅད་སྐྱེད་པའི་གཞི། ཡུམ་ཀུན་ཏུ་བཟང་མོ་ལ་ཕྱག་འཚལ་ལོ། །ཨ་ལ་ལ་ཧོ། ཆོས་རྣམས་རྣམ་དག་ཡེ་ནས་ལྷུན་གྲུབ་པས། །བྱ་བ་བྱེད་དང་ཡིད་ཆོས་རྣམ་པར་དག །ནམ་མཁའི་མཐའ་བཞིན་ཀུན་ལ་སྙོམས་མཛད་པ། །ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་རྣམ་པར་ཤེས་པའི་ཕུང་པོ་གནས་སུ་དག་པ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་བདག་ཉིད། མི་འཇིགས་པ་སེང་གེའི་ཁྲི་ཅན། སྟོང་པ་ཉིད་ཀྱི་ཡེ་ཤེས་ཀྱིས་སྐྱེ་ཤི་དང་འཕོ་འགྱུར་གྱི་རྟོག་པ་མི་མངའ་བས་ཕྱག་རྒྱ་ ― DNG014_Page_0014 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཅན། བཅོམ་ལྡན་འདས་དཔལ་རྡོ་རྗེ་མི་བསྐྱོད་པ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་གཟུགས་ཀྱི་ཕུང་པོ་གནས་སུ་དག་པ། དེ་བཞིན་གཤེགས་པ་ཐམས་ཅད་ཀྱི་སྐུའི་བདག་ཉིད། སྟོབས་གླང་པོ་ཆེའི་ཁྲི་ཅན། མེ་ལོང་ལྟ་བུའི་ཡེ་ཤེས་ཀྱིས་ཀུན་ལ་དབང་བསྒྱུར་བས་ཕྱག་རྒྱ་འཁོར་ལོ་ཅན། བཅོམ་ལྡན་འདས་དཔལ་རྣམ་པར་སྣང་མཛད་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ཚོར་བའི་ཕུང་པོ་གནས་སུ་དག་པ། དེ་བཞིན་གཤེགས་པ་ཐམས་ཅད་ཀྱི་ཡོན་ཏན་གྱི་བདག་ཉིད། ཤུགས་འཆང་རྟའི་ཁྲི་ཅན། མཉམ་པ་ཉིད་ཀྱི་ཡེ་ཤེས་ལས་མ་གཡོས་པར་ཆེ་བའི་ཡོན་ཏན་ཐམས་ཅད་འབྱུང་བས། ཕྱག་རྒྱ་རིན་པོ་ཆེ་འབར་བ་ཅན། བཅོམ་ལྡན་འདས་དཔལ་རིན་ཆེན་འབྱུང་ལྡན་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་འདུ་ཤེས་ཀྱི་ཕུང་པོ་གནས་སུ་དག་པ། དེ་བཞིན་གཤེགས་པ་ཐམས་ཅད་ཀྱི་གསུང་གི་བདག་ཉིད། མཛེས་བྱེད་རྨ་བྱའི་ཁྲི་ཅན། སོ་སོར་རྟོག་པའི་ཡེ་ཤེས་ཀྱིས་ཆོས་སྤྱི་དང་རང་གི་མཚན་ཉིད་གསལ་ལ་མ་ཆགས་པས་ཕྱག་རྒྱ་པདྨ་ཅན། བཅོམ་ལྡན་འདས་དཔལ་སྣང་བ་མཐའ་ཡས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་འདུ་བྱེད་ཀྱི་ཕུང་པོ་གནས་སུ་དག་པ། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་བདག་ཉིད། ཅང་བྱེད་ཤང་ཤང་ཏེའུའི་ཁྲི་ཅན། བྱ་བ་གྲུབ་པའི་ཡེ་ཤེས་ཀྱིས་ཕྲིན་ལས་མཐར་ཕྱིན་པས་ཕྱག་རྒྱ་རྡོ་རྗེ་རྒྱ་གྲམ་ཅན། བཅོམ་ལྡན་འདས་དཔལ་དོན་ཡོད་གྲུབ་པ་ལ་ཕྱག་འཚལ་ལོ། །ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་བཞིན་དུ་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེགས་ལ་ཕྱག་འཚལ་ལོ། །དོན་དམ་པར་འབྱུང་བ་ནམ་མཁའི་ངོ་བོ་གནས་སུ་དག་པ། ཡུམ་ཆེན་མོ་ཀུན་ཏུ་བཟང་མོ། དུས་གསུམ་གྱི་རྒྱལ་བ་ཐམས་ཅད་འབྱུང་བའི་གནས། ཡུམ་ཆེན་མོ་ནམ་མཁའི་དབྱིངས་ཕྱུག་མ་ལ་ཕྱག་འཚལ་ལོ། །དོན་དམ་པར་འབྱུང་བ་སའི་ངོ་བོ་གནས་སུ་དག་པ། ཡུམ་ཆེན་མོ་སངས་རྒྱས་ ― DNG014_Page_0015 ―
[མ་དཔེ་གཟིགས་ན་འདིར་གནོན།]
སྤྱན་མ། དུས་གསུམ་གྱི་རྒྱལ་བ་ཐམས་ཅད་སྐྱེད་པའི་གཞི། ཡུམ་ཆེན་མོ་རྡོ་རྗེ་དབྱིངས་ཕྱུག་མ་ལ་ཕྱག་འཚལ་ལོ། །དོན་དམ་པར་འབྱུང་བ་ཆུའི་ངོ་བོ་གནས་སུ་དག་པ། ཡུམ་ཆེན་མོ་མཱ་མ་ཀཱི། དུས་གསུམ་གྱི་རྒྱལ་བ་ཐམས་ཅད་ཀྱི་ཡོན་ཏན་གྱི་གཏེར་འཛིན་མ། ཡུམ་ཆེན་མོ་རིན་ཆེན་དབྱིངས་ཕྱུག་མ་ལ་ཕྱག་འཚལ་ལོ། །དོན་དམ་པར་འབྱུང་བ་མེའི་ངོ་བོ་གནས་སུ་དག་པ། ཡུམ་ཆེན་མོ་ན་བཟའ་དཀར་མོ། དུས་གསུམ་གྱི་རྒྱལ་བ་རྣམས་ཀྱི་གསུང་མཆོག་མ། ཡུམ་ཆེན་མོ་པདྨ་དབྱིངས་ཕྱུག་མ་ལ་ཕྱག་འཚལ་ལོ། །དོན་དམ་པར་འབྱུང་བ་རླུང་གི་ངོ་བོ་གནས་སུ་དག་པ། ཡུམ་ཆེན་མོ་དམ་ཚིག་སྒྲོལ་མ། འགྲོ་བ་རྣམས་འཕགས་པའི་ས་བཅུར་སྒྲོལ་མ། ཡུམ་ཆེན་མོ་ལས་ཀྱི་དབྱིངས་ཕྱུག་མ་ལ་ཕྱག་འཚལ་ལོ། །ངོ་མཚར་ཕོ་བྲང་བདེ་བར་གཤེགས་པའི་ཡུམ། །དུས་གསུམ་རྒྱལ་བ་ཐམས་ཅད་སྐྱེད་མཛད་མ། །རིགས་ཀྱི་ཡུམ་གྱུར་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་མིག་གི་རྣམ་པར་ཤེས་པ་གནས་སུ་དག་པ། བྱང་ཆུབ་སེམས་དཔའ་སའི་སྙིང་པོ། འགྲོ་བ་རྣམས་བླ་ན་མེད་པའི་གནས་སུ་སྐྱེད་པར་བྱེད་པས་ཕྱག་རྒྱ་རིན་པོ་ཆེའི་མྱུ་གུ་ཅན། ཤར་ཕྱོགས་ན་བཞུགས་པའི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་རྣ་བའི་རྣམ་པར་ཤེས་པ་གནས་སུ་དག་པ། བྱང་ཆུབ་སེམས་དཔའ་ནམ་མཁའི་སྙིང་པོ། ཉོན་མོངས་པའི་སྐྱེ་རྒྱུན་གཅོད་པས་ཕྱག་རྒྱ་རལ་གྲི་ཅན། ལྷོ་ཕྱོགས་ཀྱི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་སྣའི་རྣམ་པར་ཤེས་པ་གནས་སུ་དག་པ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག །ཉོན་མོངས་པའི་སྐྱོན་གྱིས་མ་གོས་པས་ཕྱག་རྒྱ་པདྨ་ཅན། ནུབ་ཕྱོགས་ཀྱི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལྕེའི་རྣམ་པར་ཤེས་པ་གནས་སུ་དག་པ། བྱང་ཆུབ་སེམས་དཔའ་ཕྱག་ན་རྡོ་རྗེ། ཉོན་མོངས་པ་ཐམས་ཅད་འཇོམས་པར་བྱེད་པས་ཕྱག་རྒྱ་རྡོ་རྗེ་ཅན། བྱང་ཕྱོགས་ཀྱི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་མིག་གི་དབང་པོ་གནས་སུ་དག་པ། བྱང་ཆུབ་སེམས་དཔའ་ ― DNG014_Page_0016 ―
[མ་དཔེ་གཟིགས་ན་འདིར་གནོན།]
བྱམས་པ། ཉོན་མོངས་པའི་གདུང་བ་ལས་རྣམ་པར་རྒྱལ་བས་ཕྱག་རྒྱ་ཀླུ་ཤིང་མགོ་ལྕོགས་ཅན། ཤར་ལྷོ་མཚམས་ཀྱི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་རྣ་བའི་དབང་པོ་གནས་སུ་དག་པ། བྱང་ཆུབ་སེམས་དཔའ་སྒྲིབ་པ་རྣམ་པར་སེལ་བ། ཉོན་མོངས་པ་ཆོས་ཉིད་དུ་མཁྱེན་པས་ཕྱག་རྒྱ་གླེགས་བམ་པོ་ཏི་ཅན། ལྷོ་ནུབ་མཚམས་ཀྱི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་སྣའི་དབང་པོ་གནས་སུ་དག་པ། བྱང་ཆུབ་སེམས་དཔའ་ཀུན་ཏུ་བཟང་པོ། ཉོན་མོངས་པ་གནས་སུ་དག་པ་ལས་དགོས་འདོད་རེ་བ་ཡིད་བཞིན་དུ་སྐོང་བས་ཕྱག་རྒྱ་རིན་པོ་ཆེའི་སྙེ་མ་ཅན། ནུབ་བྱང་མཚམས་ཀྱི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལྕེའི་དབང་པོ་གནས་སུ་དག་པ། བྱང་ཆུབ་སེམས་དཔའ་འཇམ་དཔལ། ཉོན་མོངས་པའི་ཟུག་རྔུ་མི་མངའ་བར་ཤིན་ཏུ་མཛེས་པས་ཕྱག་རྒྱ་མེ་ཏོག་ཨུཏྤལ་ཅན། བྱང་ཤར་མཚམས་ཀྱི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །རྣམ་ཤེས་དབང་པོ་དག་པས་སྐུ་གསུང་ཐུགས། །བདེ་བར་གཤེགས་པ་ཀུན་གྱི་སྲས་མཆོག་སྟེ། །སེམས་དཔའ་ཆེན་པོ་བརྒྱད་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་མིག་གི་ཡུལ་གཟུགས་སུ་སྣང་བ་གནས་སུ་དག་པ། བཛྲ་ལཱ་སྱ་སྟེ། དེ་བཞིན་གཤེགས་པ་རྣམས་ལ་མཆོད་པས་མཉེས་པར་བྱེད་པ་ལས་མི་འགྱུར་བས་ཕྱག་རྒྱ་རྡོ་རྗེ་ཁུ་ཚུར་ཅན། རྡོ་རྗེ་སྒེག་མོ་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་སྣའི་ཡུལ་དྲིར་སྣོམ་པ་གནས་སུ་དག་པ། བཛྲ་མཱ་ལེ་སྟེ། མཆོད་པ་རྒྱུན་མི་ཆད་པར་བྱེད་པས་ཕྱག་རྒྱ་རིན་པོ་ཆེའི་ཕྲེང་བ་ཅན། རྡོ་རྗེ་ཕྲེང་བ་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་རྣ་བའི་ཡུལ་སྒྲར་གྲག་པ་གནས་སུ་དག་པ། བཛྲ་གཱི་ཏི་སྟེ། སྒྲའི་མཆོད་པས་མཉེས་པར་བྱེད་པས་ཕྱག་རྒྱ་པི་ཝང་ཅན། རྡོ་རྗེ་སྒྲ་དབྱངས་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལྕེའི་ཡུལ་རོར་བྲོ་བ་གནས་སུ་དག་པ། བཛྲ་ནྲྀ་ཏྱེ་སྟེ། ཕྱག་རྒྱའི་མཆོད་པས་མཉེས་པར་བྱེད་ ― DNG014_Page_0017 ―
[མ་དཔེ་གཟིགས་ན་འདིར་གནོན།]
པས་ཕྱག་རྒྱ་གར་བསྒྱུར་ཅན། རྡོ་རྗེ་གར་བསྒྱུར་མ་ལ་ཕྱག་འཚལ་ལོ། །སྒེག་མོ་ཕྲེང་ཐོགས་རིན་ཆེན་གླུ་གར་ཅན། །ནམ་མཁའ་མཉམ་པའི་མཆོད་པས་རྒྱལ་བ་མཆོད། །བྱང་ཆུབ་ལྷ་མོའི་ཚོགས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་དུས་འདས་པ་ཞེས་བྱ་བ་གནས་སུ་དག་པ། བཛྲ་པུཥ྇་སྟེ། སྤྱན་གྱི་མཆོད་པས་མཉེས་པར་བྱེད་པས་ཕྱག་རྒྱ་མེ་ཏོག་ཅན། རྡོ་རྗེ་མེ་ཏོག་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་དུས་ད་ལྟ་བ་ཞེས་བྱ་བ་གནས་སུ་དག་པ། བཛྲ་དྷཱུ་པེ་སྟེ། ཤངས་ཀྱི་མཆོད་པས་མཉེས་པར་བྱེད་པས་ཕྱག་རྒྱ་བདུག་སྤོས་ཅན། རྡོ་རྗེ་སྤོས་མེ་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་དུས་མ་འོངས་པ་ཞེས་བྱ་བ་གནས་སུ་དག་པ། བཛྲ་ཨཱ་ལོ་ཀེ་སྟེ། སྐུའི་མཆོད་པས་མཉེས་པར་བྱེད་པས་ཕྱག་རྒྱ་མར་མེ་ཅན། རྡོ་རྗེ་མར་མེ་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་དུས་ཕྱིས་འབྱུང་བར་མ་ངེས་པ་ཞེས་བྱ་བ་གནས་སུ་དག་པ། བཛྲ་གནྡྷེ་སྟེ། ལྗགས་བྱུག་པའི་མཆོད་པས་མཉེས་པར་བྱེད་པས་ཕྱག་རྒྱ་བྱུག་པ་ཅན། རྡོ་རྗེ་དྲི་ཆབ་མ་ལ་ཕྱག་འཚལ་ལོ། །བདུག་པ་མེ་ཏོག་མར་མེ་དྲི་ཆབ་མ། །རྒྱལ་བ་རྒྱལ་མཚོ་རྣམས་ལ་མཆོད་འབུལ་མ། །མཆོད་པའི་ལྷ་མོ་རྣམས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལུས་ཀྱི་རེག་པ་གནས་སུ་དག་པ། ཁྲོ་བོ་ཆེན་པོ་གཤིན་རྗེའི་གཤེད་པོ་སྟེ། བྱམས་པ་ཆེན་པོས་འགྲོ་བའི་དོན་ཚར་གཅོད་པར་མཛད་པས་ཕྱག་རྒྱ་ནྲྀ་མགོ་གདེངས་པ་ཅན། ཤར་སྒོའི་བདག་པོ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལུས་ཀྱི་དབང་པོ་གནས་སུ་དག་པ། ཁྲོ་བོ་ཆེན་པོ་སྟོབས་པོ་ཆེ་སྟེ། སྙིང་རྗེ་ཆེན་པོས་འགྲོ་བའི་དོན་དུག་ལྔ་ཡེ་ཤེས་ལྔས་འཇོམས་པར་མཛད་པས་ཕྱག་རྒྱ་རྡོ་རྗེ་རྩེ་ལྔ་ཅན། ལྷོ་སྒོའི་བདག་པོ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལུས་ཀྱི་རེག་བྱ་གནས་སུ་དག་པ། ཁྲོ་བོ་ཆེན་པོ་རྟ་མགྲིན་ཏེ། དགའ་བ་ཆེན་པོས་འགྲོ་བའི་དོན་མཛད་པས་ཕྱག་རྒྱ་ཐོད་དབྱུག་སྦྲུལ་གྱིས་དཀྲིས་པ་ཅན། ནུབ་སྒོའི་བདག་པོ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལུས་ཀྱི་རེག་ཤེས་གནས་སུ་དག་པ། ཁྲོ་བོ་ཆེན་ ― DNG014_Page_0018 ―
[མ་དཔེ་གཟིགས་ན་འདིར་གནོན།]
པོ་བདུད་རྩི་འཁྱིལ་པ་སྟེ། བཏང་སྙོམས་ཆེན་པོས་འགྲོ་བའི་དོན་མཐར་ཕྱིན་པར་མཛད་པས་ཕྱག་རྒྱ་རྡོ་རྗེ་རྒྱ་གྲམ་ཅན། བྱང་སྒོའི་བདག་པོ་ལ་ཕྱག་འཚལ་ལོ། །དྲག་ཤུལ་ཐབས་ཀྱིས་འགྲོ་བ་འདུལ་མཛད་པ། །ཚད་མེད་བཞི་ལྡན་སྒོ་བཞི་ཐུབ་པར་སྲུང་། །ཏ་ཀྲྀཏ་སྒོ་བ་བཞི་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་རྟག་པར་བལྟ་བ་གནས་སུ་དག་པ། བཛྲ་ཨངྐུ་ཤ་སྟེ། འཁོར་བའི་ཉོན་མོངས་པ་ཐུགས་རྗེས་འཛིན་པར་བྱེད་པས་ཕྱག་རྒྱ་ལྕགས་ཀྱུ་ཅན། རྡོ་རྗེ་ལྕགས་ཀྱུ་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ཆད་པར་བལྟ་བ་གནས་སུ་དག་པ། བཛྲ་པཱ་ཤ་སྟེ། འཁོར་བའི་ཉོན་མོངས་པ་ཐུགས་རྗེས་འདྲེན་པར་བྱེད་པས་ཕྱག་རྒྱ་ཞགས་པ་ཅན། རྡོ་རྗེ་ཞགས་པ་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་བདག་ཏུ་བལྟ་བ་གནས་སུ་དག་པ། བཛྲ་སྥོ་ཊ་སྟེ། འཁོར་བའི་ཉོན་མོངས་པ་ཐུགས་རྗེས་མི་འཆོར་བར་མཛད་པས་ཕྱག་རྒྱ་ལྕགས་སྒྲོག་ཅན། རྡོ་རྗེ་ལྕགས་སྒྲོག་མ་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་མཚན་མར་བལྟ་བ་གནས་སུ་དག་པ། བཛྲ་གྷཎྜ་སྟེ། འཁོར་བའི་ཉོན་མོངས་པ་ཐུགས་རྗེས་ཐལ་བར་རློག་པར་མཛད་པས་ཕྱག་རྒྱ་དྲིལ་བུ་ཅན། རྡོ་རྗེ་དྲིལ་བུ་མ་ལ་ཕྱག་འཚལ་ལོ། །རྟག་ཆད་མཐར་ཕྱིན་གསང་བ་ཡུམ་གྱི་ངང་། །ལྕགས་ཀྱུ་ཞགས་པ་ལྕགས་སྒྲོག་དྲིལ་འཁྲོལ་མ། །སྒོ་མ་ཆེན་མོ་བཞི་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལྷའི་འཇིག་རྟེན་དུ་བལྟ་བ་གནས་སུ་དག་པ། ལྷའི་ཐུབ་པ་སྟེ། ཉོན་མོངས་པ་ང་རྒྱལ་གནས་སུ་དག་པར་མཛད་པས་ཕྱག་རྒྱ་པི་ཝང་ཅན། ལྷའི་བཅོམ་ལྡན་འདས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་ལྷ་མ་ཡིན་གྱི་འཇིག་རྟེན་དུ་བལྟ་བ་གནས་སུ་དག་པ། ལྷ་མ་ཡིན་གྱི་ཐུབ་པ་སྟེ། ཉོན་མོངས་པ་ཕྲག་དོག་གནས་སུ་དག་པར་མཛད་པས་ཕྱག་རྒྱ་གོ་ཆ་ཅན། ལྷ་མ་ཡིན་གྱི་བཅོམ་ལྡན་འདས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་མིའི་འཇིག་རྟེན་དུ་བལྟ་བ་གནས་སུ་དག་པ། མིའི་ཐུབ་པ་སྟེ། ཉོན་མོངས་པ་འདོད་ཆགས་གནས་སུ་དག་པར་མཛད་པས་ཕྱག་རྒྱ་གསེག་ཤང་པར་བུ་ཅན། མིའི་བཅོམ་ ― DNG014_Page_0019 ―
[མ་དཔེ་གཟིགས་ན་འདིར་གནོན།]
ལྡན་འདས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་བྱོལ་སོང་གི་འཇིག་རྟེན་དུ་བལྟ་བ་གནས་སུ་དག་པ། བྱོལ་སོང་གི་ཐུབ་པ་སྟེ། ཉོན་མོངས་པ་གཏི་མུག་གནས་སུ་དག་པར་མཛད་པས་ཕྱག་རྒྱ་གླེགས་བམ་པོ་ཏི་ཅན། བྱོལ་སོང་གི་བཅོམ་ལྡན་འདས་ལ་ཕྱག་འཚལ་ལོ། །དོན་དམ་པར་སེམས་ཅན་ཡི་དྭགས་ཀྱི་འཇིག་རྟེན་དུ་བལྟ་བ་གནས་སུ་དག་པ། ཡི་དྭགས་ཀྱི་ཐུབ་པ་སྟེ། ཉོན་མོངས་པ་སེར་སྣ་གནས་སུ་དག་པར་མཛད་པས་ཕྱག་རྒྱ་རིན་པོ་ཆེའི་སྒྲོམ་བུ་ཅན། ཡི་དྭགས་ཀྱི་བཅོམ་ལྡན་འདས་ལ་ཕྱག་འཚལ་ལོ། །དོན་དམ་པར་སེམས་ཅན་གྱི་དམྱལ་བའི་འཇིག་རྟེན་དུ་བལྟ་བ་གནས་སུ་དག་པ། དམྱལ་བའི་ཐུབ་པ་སྟེ། ཉོན་མོངས་པ་ཞེ་སྡང་གནས་སུ་དག་པར་མཛད་པས་ཕྱག་རྒྱ་མེ་ཆུ་ཅན། དམྱལ་བའི་བཅོམ་ལྡན་འདས་ལ་ཕྱག་འཚལ་ལོ། །སྟེང་འོག་ཕྱོགས་བཞི་འཇིག་རྟེན་འདུལ་བའི་མགོན། །ཉོན་མོངས་དྲུག་འཇོམས་རྒྱུད་དྲུག་དག་པར་སྦྱང་། །བཅོམ་ལྡན་ཐུབ་པ་དྲུག་ལ་ཕྱག་འཚལ་ལོ། །ཧོ་སྒྱུ་འཕྲུལ་རང་བཞིན་གྱི་དཀྱིལ་འཁོར་ཕྱོགས་བཅུ་ན་བཞུགས་པ་ཐམས་ཅད་ལ་ཕྱག་འཚལ་ལོ། །ཨ་ལ་ལ་ཧོ། རང་བཞིན་གྱི་དཀྱིལ་འཁོར་འདི་ལྟར་སྣང་བ་ཐམས་ཅད་ལ་ཡང་ཕྱག་འཚལ་ལོ། །ཨ་ལ་ལ་ཧོ། རང་བཞིན་ལྷུན་གྱིས་གྲུབ་པའི་དཀྱིལ་འཁོར་རྡུལ་གཅིག་གི་སྟེང་ན་རྡུལ་སྙེད་ཀྱི་དཀྱིལ་འཁོར་བསམ་གྱིས་མི་ཁྱབ་ཅིང་། བརྗོད་ཀྱིས་མི་ལོང་བའི་ལྷ་རྣམས་ལ་རྣལ་འབྱོར་པ་བདག་ཅག་གིས་ལུས་རྡུལ་སྙེད་དུ་སྤྲུལ་ནས་ལུས་ངག་ཡིད་གསུམ་ཤིན་ཏུ་གནོང་འགྱོད་དང་བཅས་པས་ཕྱག་འཚལ་ལོ། །ཨ་ལ་ལ་ཧོ། གལ་ཏེ་རྣལ་འབྱོར་པ་གང་ཞིག་གིས་དཀྱིལ་འཁོར་གྱི་ལྷ་དེ་རྣམས་ཀྱི་མཚན་རྣ་བར་ལན་ཅིག་ཐོས་པ་ཙམ་གྱིས་ཀྱང་དམྱལ་བ་ཆེན་པོར་མི་ལྟུང་ངོ་། །དེ་བས་ན་གུས་པས་ཕྱག་འཚལ་ལོ། །རང་བཞིན་སྒྱུ་འཕྲུལ་དཀྱིལ་འཁོར་ལ། །གང་ཞིག་གུས་པས་ཕྱག་འཚལ་ན། །ཉམས་ཆག་ཀུན་ཀྱང་འབྱང་བར་འགྱུར། །དམ་ཚིག་བསྐངས་ནས་དངོས་གྲུབ་འཐོབ། །དེ་སྐད་ཅེས་སྟོན་པ་ཀུན་ཏུ་བཟང་པོས་བཀའ་སྩལ་པ་དང་། ཕྱོགས་བཅུ་ནས་ལྷགས་པའི་རྣལ་འབྱོར་ཕོ་མོ་རྣམས་ཀྱིས། ― DNG014_Page_0020 ―
[མ་དཔེ་གཟིགས་ན་འདིར་གནོན།]
ཨ་ལ་ལ་ཧོ། ཞེས་བརྗོད་ཅིང་ལུས་ས་ལ་བརྡེབ་ཅིང་བརྐྱངས་ཕྱག་ལན་སྟོང་དུ་བཙལ་བས་རྣལ་འབྱོར་པ་རྣམས་ཀྱིས་ཉམས་ཆག་བསྐངས་ནས་ཕྱག་རྒྱ་ཆེན་པོའི་རིག་འཛིན་གྱི་ས་ལ་བསྙེན་པར་གྱུར་ཏོ། །རྣལ་འབྱོར་མ་རྣམས་ཀྱིས་ཀྱང་ཉམས་ཆག་བསྐངས་ནས། །སོར་ཆུད་པའི་རིག་འཛིན་གྱི་ས་ལ་ཁད་ཀྱིས་བསྙེན་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཀུན་ཏུ་བཟང་པོས་འདི་སྐད་ཅེས་བཀའ་སྩལ་ཏོ། །རྣལ་འབྱོར་གྱི་གྲལ་འདིར་འདུས་པའི་སྟོན་པ་རྡོ་རྗེ་སློབ་དཔོན་གྱི་བཀའ་དྲིན་གྱིས། བལྟ་སྤྱོད་དང་། དཀྱིལ་འཁོར་དང་། མར་མེ་གཅིག་ལ་བལྟ་བའི་རྡོ་རྗེ་སྤུན་གྲོགས་རྣམས་ཉོན་ཅིག །སྒྱུ་འཕྲུལ་ཁྲོ་བོའི་དཀྱིལ་འཁོར་ཞེས་བྱ་བ། ཐུགས་ཞི་བ་ཆེན་པོའི་ཆོས་ཉིད་ཀྱི་ངང་ལས་མ་གཡོས་པར་སྐུ་ཐུགས་རྗེ་རོལ་པ་ཆེན་པོ་ཁྲོ་བོའི་ཆ་ལུགས་ཅན། ཕྲིན་ལས་རྣམ་པ་བཞིས་འགྲོ་བའི་དོན་མཛད་པ་རྣམས་ལ་ཡང་ཕྱག་འཚལ་ཞིང་ཉམས་ཆག་སྐོངས་ཤིག །དེ་ནས་རྣལ་འབྱོར་པ་རྣམས་ཀྱིས་སྟོན་པ་ཀུན་ཏུ་བཟང་པོ་ལ་གསོལ་པ། རོལ་པ་ཆེན་པོ་ཁྲོ་བོའི་དཀྱིལ་འཁོར་དེའི་མཚན་རྣམས་བདག་ཅག་རྣམས་ལ་བསྟན་དུ་གསོལ། ཨ་ལ་ལ་ཧོ། ཞེས་གསོལ་ཏོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་མཚན་ནས་བརྗོད་དེ་བཀའ་སྩལ་པ། ཧོ་དགོངས་སུ་གསོལ། རང་རིག་པ་ཐབས་ཀྱི་རྒྱལ་པོ་ཁྲོ་བོ་ཐམས་ཅད་ཀྱི་རྗེ་བཙན་ཆེན་པོ། སངས་རྒྱས་ཐམས་ཅད་ཀྱི་སྤྱི་དཔལ། བཅོམ་ལྡན་འདས་བླ་ན་མེད་པའི་དཔལ་ཆེན་པོ། ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །རྡོ་རྗེ་ལྟ་བུའི་སྐུ་དུས་གསུམ་དུ་འགྱུར་བ་མི་མངའ་ཞིང་། ཞེ་སྡང་ཆེན་པོའི་ཐབས་ལ་མཁས་པས་དྲེགས་པ་ཕོ་མོའི་གདན་ལ་བཞུགས་པ། ཁྲོ་བོ་ཐམས་ཅད་ཀྱི་ཐུགས་ཀྱི་བདག་ཉིད། བཛྲ་ཧེ་རུ་ཀ་ལ་ཕྱག་འཚལ་ལོ། །ཆོས་ཉིད་སྟོང་པ་ཉིད་ཀྱི་དབྱིངས་ནས་སྐྱེ་བ་མེད་པའི་སྐུ་བརྙེས་པ་གཏི་མུག་ཆེན་པོའི་ཐབས་ལ་མཁས་པས་མ་ཧཱ་དེ་ཝའི་གདན་ལ་བཞུགས་པ། ཁྲོ་བོ་ཐམས་ཅད་ཀྱི་སྐུའི་བདག་ཉིད། བུཌྜྷ་ཧེ་རུ་ཀ་ལ་ཕྱག་འཚལ་ལོ། །ཆོས་ཉིད་བྱང་ཆུབ་སེམས་ཀྱིས་ལོངས་སྤྱོད་རྫོགས་པའི་སྐུ་བརྙེས་པ། ང་རྒྱལ་ཆེན་པོའི་ཐབས་ལ་མཁས་པས་གཤིན་རྗེའི་གདན་ལ་བཞུགས་པ། ― DNG014_Page_0021 ―
[མ་དཔེ་གཟིགས་ན་འདིར་གནོན།]
ཁྲོ་བོ་ཐམས་ཅད་ཀྱི་ཡོན་ཏན་གྱི་བདག་ཉིད། རཏྣ་ཧེ་རུ་ཀ་ལ་ཕྱག་འཚལ་ལོ། །ཆོས་ཉིད་ཆགས་པ་མེད་པའི་དབྱིངས་ནས་བྱང་ཆུབ་སེམས་དཔའི་སྐུ་བརྙེས་པ། འདོད་ཆགས་ཆེན་པོའི་ཐབས་ལ་མཁས་པས་ཀླུའི་གདན་ལ་བཞུགས་པ། ཁྲོ་བོ་ཐམས་ཅད་ཀྱི་གསུང་གི་བདག་ཉིད། པདྨ་ཧེ་རུ་ཀ་ལ་ཕྱག་འཚལ་ལོ། །ཕྲིན་ལས་གྲུབ་པའི་དབྱིངས་ནས་སྤྲུལ་པ་མཆོག་གི་སྐུ་བརྙེས་པ། ཕྲག་དོག་ཆེན་པོའི་ཐབས་ལ་མཁས་པས་གནོད་སྦྱིན་གྱི་གདན་ལ་བཞུགས་པ། ཁྲོ་བོ་ཐམས་ཅད་ཀྱི་ཕྲིན་ལས་ཀྱི་བདག་ཉིད། ཀརྨ་ཧེ་རུ་ཀ་ལ་ཕྱག་འཚལ་ལོ། །སྦྱོར་བའི་དབྱིངས་ནས་ཕྱིན་ཅི་ལོག་གི་ལྟ་བ་འཇོམས་པའི་སྐུ་བརྙེས་པ། ག་ཎའི་ཐབས་ལ་མཁས་པས་དྲང་སྲོང་གི་གདན་ལ་བཞུགས་པ། རཀྴ་ཧེ་རུ་ཀ་ལ་ཕྱག་འཚལ་ལོ། །དམ་ཚིག་གི་དབྱིངས་ནས་མྱོང་བྱེད་ཅི་རྟོག་པ་འཇོམས་པའི་སྐུ་བརྙེས་པ། ཉམས་པ་བསྐང་བའི་ཐབས་ལ་མཁས་པས་སྲིན་པོའི་གདན་ལ་བཞུགས་པ། ས་ནུ་ཧེ་རུ་ཀ་ལ་ཕྱག་འཚལ་ལོ། །གསང་བའི་དབྱིངས་ནས་སྐྱེ་གནས་ཀྱི་རྟོག་པ་འཇོམས་པའི་སྐུ་བརྙེས་པ། མཚན་མའི་ཐབས་ལ་མཁས་པས་རླུང་ལྷའི་གདན་ལ་བཞུགས་པ། གུ་ཧྱ་ཧེ་རུ་ཀ་ལ་ཕྱག་འཚལ་ལོ། །སྒྲོལ་བའི་དབྱིངས་ནས་རེག་བྱའི་རྟོག་པ་འཇོམས་པའི་སྐུ་བརྙེས་པ། ཏ་ནའི་ཐབས་ལ་མཁས་པས་བགེགས་ཀྱི་གདན་ལ་བཞུགས་པ། ཡཀྴ་ཧེ་རུ་ཀ་ལ་ཕྱག་འཚལ་ལོ། །འཇིག་རྟེན་འདས་པའི་དུས་ན་སྔོན་བྱུང་བ། །གདུག་པ་འདུལ་ཕྱིར་དུས་ལས་མི་འདའ་བའི། །ཧེ་རུ་ཀ་དཔལ་རྣམས་ལ་ཕྱག་འཚལ་ལོ། །རང་བཞིན་དག་པའི་དབྱིངས་ནས་ཡུམ་ཆེན་ཁྲོ་མོའི་སྐུ་བརྙེས་པ། སྐུ་དཔལ་དུ་འབར་བས་རྔམས་པའི་ཆ་ལུགས་ཅན། གསུང་དཔལ་དུ་འབར་བས་རྔམས་པའི་གདངས་སྐད་ཅན། ཐུགས་དཔལ་དུ་འབར་བས་ཐུགས་རྗེ་ཆེན་པོ་ཅན། དཔལ་འབར་ཁྲོས་པའི་རྒྱལ་མོ་ཆེ། ཁྲོ་མོ་ཆེན་མོ་གནམ་ཞལ་དབྱིངས་ཕྱུག་མ་ལ་ཕྱག་འཚལ་ལོ། །ཆོས་ཉིད་དབྱིངས་ཀྱི་ཕྱག་རྒྱ་ལས། རྣམ་པར་ཐར་པའི་སྐུ་བརྙེས་པ། ཐབས་དང་ཤེས་རབ་འདུ་འབྲལ་མེད་པར་འཁྲིལ་པས་ཆ་ལུགས་གཙོ་མོ་དང་མཐུན་པ། བཛྲ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ ― DNG014_Page_0022 ―
[མ་དཔེ་གཟིགས་ན་འདིར་གནོན།]
ལོ། །མཉམ་ཉིད་བླང་དོར་མེད་པའི་དབྱིངས་ནས་རོལ་པ་ཡེ་ཤེས་ཀྱི་སྐུ་བརྙེས་པ། ཐབས་དང་ཤེས་རབ་འདུ་འབྲལ་མེད་པར་འཁྲིལ་པས་ཆ་ལུགས་གཙོ་མོ་དང་མཐུན་པ། བུཌྜྷ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ལོ། །བྱམས་མགོན་ཆོས་ཉིད་ཀྱི་དབྱིངས་ནས་ཐུགས་རྗེ་ཡེ་ཤེས་ཀྱི་སྐུ་བརྙེས་པ། ཐབས་དང་ཤེས་རབ་འདུ་འབྲལ་མེད་པར་འཁྲིལ་པས་ཆ་ལུགས་གཙོ་མོ་དང་མཐུན་པ། རཏྣ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ལོ། །ཆོས་ཉིད་པདྨའི་དབྱིངས་ནས་སྐྱོན་བྲལ་པདྨའི་སྐུ་བརྙེས་པ། ཐབས་དང་ཤེས་རབ་འདུ་འབྲལ་མེད་པར་འཁྲིལ་པས་ཆ་ལུགས་གཙོ་མོ་དང་མཐུན་པ། པདྨ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ལོ། །ལས་རབ་རོལ་པའི་དབྱིངས་ནས། དོན་གྲུབ་མཆོག་གི་སྐུ་བརྙེས་པ། ཐབས་དང་ཤེས་རབ་འདུ་འབྲལ་མེད་པར་འཁྲིལ་བས་ཆ་ལུགས་གཙོ་མོ་དང་མཐུན་པ། ཀརྨ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ལོ། །དྲོད་ལས་སྐྱེས་པ་འཇོམས་པ་ལས་སྤྲུལ་པ་སྟེ། རཀྴ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ལོ། །མངལ་ལས་སྐྱེས་པ་འཇོམས་པ་ལས་སྤྲུལ་པ་སྟེ། ས་ནུ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ལོ། །བརྫུས་ནས་སྐྱེས་པ་འཇོམས་པ་ལས་སྤྲུལ་པ་སྟེ། གུ་ཧྱ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ལོ། །སྒོ་ང་ལས་སྐྱེས་པ་འཇོམས་པ་ལས་སྤྲུལ་པ་སྟེ། ཡཀྴ་ཀྲོ་དྷཱི་ཤྭ་རཱི་མ་ལ་ཕྱག་འཚལ་ལོ། །ཁྲོ་མོ་དབང་ཕྱུག་སྐུ་ལ་འཁྲིལ་མཛད་ཅིང་། །མཁའ་འགྲོ་མི་བཟད་འབར་བའི་སྤྲིན་འཕྲོ་མ། །གདུག་པ་འདུལ་མཛད་ཡུམ་ལ་ཕྱག་འཚལ་ལོ། །ཁྲོ་མོ་སྔོན་མོ་བམ་དབྱུག་འཛིན། །གཽ་རཱི་མ་ལ་ཕྱག་འཚལ་ལོ། །ཁྲོ་མོ་སེར་མོ་མདའ་གཞུ་འཛིན། །ཙཽ་རཱི་མ་ལ་ཕྱག་འཚལ་ལོ། །ཁྲོ་མོ་དམར་མོ་ཆུ་སྲིན་འཛིན། །པྲ་མོ་ཧཱ་ལ་ཕྱག་འཚལ་ལོ། །ཁྲོ་མོ་མཐིང་ནག་རྡོ་རྗེ་འཛིན། །བཻ་ཏཱ་ལཱི་ལ་ཕྱག་འཚལ་ལོ། །ཁྲོ་མོ་དམར་སེར་བྱིས་རྒྱུ་འདྲེན། །པུཀྐ་སཱི་ལ་ཕྱག་འཚལ་ལོ། །ཁྲོ་མོ་ལྗང་གུ་དུང་ཁྲག་འཐུང་། །གྷསྨ་རཱི་ལ་ཕྱག་འཚལ་ལོ། །ཁྲོ་མོ་ནག་མོ་བྱིས་སྙིང་ཟ། །སྨ་ཤ་ནཱི་ལ་ཕྱག་འཚལ་ལོ། །ཁྲོ་མོ་སེར་སྐྱ་མཆོག་ལུས་འདྲེལ། །ཙཎྜ་ལཱི་ལ་ཕྱག་འཚལ་ལོ། །བསྐལ་པ་མེ་ལྟར་འབར་བའི་ཀློང་དཀྱིལ་ནས། །ཡེ་ ― DNG014_Page_0023 ―
[མ་དཔེ་གཟིགས་ན་འདིར་གནོན།]
ཤེས་སྐུ་མཆོག་འཇིགས་བྱེད་གྱད་ཀྱིས་བཞུགས། །ཁྲོ་མོ་ཆེན་མོ་བརྒྱད་ལ་ཕྱག་འཚལ་ལོ། །སིང་ཧ་ཁ་རོ་བསྣོལ་སེར་སེང་། །སེང་གེའི་དབུ་ལ་ཕྱག་འཚལ་ལོ། །བྱཱ་གྷྲི་མནན་ལྟ་བསྣོལ་དམར་སྟག །སྟག་གི་དབུ་ལ་ཕྱག་འཚལ་ལོ། །སྲི་ལ་ནག་མོ་བྱི་ལྡག་ཝ། །ཝ་ཡི་དབུ་ལ་ཕྱག་འཚལ་ལོ། །ཤྭ་ན་འདྲལ་ལྟ་མཐིང་ག་སྤྱང་། །སྤྱང་མོའི་དབུ་ལ་ཕྱག་འཚལ་ལོ། །གྲྀ་ཌྷ་གྲི་དམར་རྒྱུ་འདྲེན་རྒོད། །བྱ་རྒོད་དབུ་ལ་ཕྱག་འཚལ་ལོ། །ཀངྈ་ཞིང་ཕྲག་སྨར་མགོ་རིང་། །དུར་བྱའི་དབུ་ལ་ཕྱག་འཚལ་ལོ། །ཀཱ་ཀ་ཁ་རོ་བན་གྲི་ནག །བྱ་རོག་དབུ་ལ་ཕྱག་འཚལ་ལོ། །ཨུ་ལཱུ་མཐིང་ག་རྡོ་རྒྱུ་འུག །འུག་པའི་དབུ་ལ་ཕྱག་འཚལ་ལོ། །ནམ་མཁའི་ལུས་ཅན་གར་ཡང་ཐོགས་མེད་ཅིང་། །འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེ། །ཕྲ་མེན་ཆེན་མོ་བརྒྱད་ལ་ཕྱག་འཚལ་ལོ། །སྒོ་མ་སྔོན་མོ་ལྕགས་ཀྱུ་འཛིན། །རྟ་གདོང་མ་ལ་ཕྱག་འཚལ་ལོ། །སྒོ་མ་ནག་མོ་ཞགས་པ་འཛིན། །ཕག་གདོང་མ་ལ་ཕྱག་འཚལ་ལོ། །སྒོ་མ་དམར་མོ་ལྕགས་སྒྲོག་འཛིན། །སེང་གདོང་མ་ལ་ཕྱག་འཚལ་ལོ། །སྒོ་མ་ལྗང་གུ་དྲིལ་བུ་འཛིན། །སྤྱང་གདོང་མ་ལ་ཕྱག་འཚལ་ལོ། །རྡོ་རྗེ་གདོང་མོ་ཕོ་ཉ་མགྱོགས་མ་བཞི། །ཤར་ལྷོ་ནུབ་བྱང་སྒོ་བཞི་ཐུབ་པར་བསྲུང་། །སྒོ་སྐྱོང་ཁྲོ་མོ་བཞི་ལ་ཕྱག་འཚལ་ལོ། །ཆོས་ཉིད་རྣམ་དག་ངང་ལས་ཅིར་ཡང་སྣང་། །སྣ་ཚོགས་ཅིར་ཡང་བསྒྱུར་བའི་སྐུ་མངའ་ཞིང་། །སྲིད་གསུམ་ཞིང་དུ་སྦྱོར་བས་གཡང་གཞི་གསོལ། །སྟོང་ཁམས་གནས་སྤོར་ཉི་ཟེར་ཞགས་པ་འཕེན། །སྤོར་བྱེད་ཉི་ཞགས་འཕེན་ལ་ཕྱག་འཚལ་ལོ། །རྣམ་རྟོག་ནད་རྣམས་རྟག་ཏུ་བསལ་བའི་ཕྱིར། །མི་འབྲལ་ཅིར་ཡང་བསྒྱུར་བའི་སྐུ་མངའ་ཞིང་། །ཉོན་མོངས་ལྔ་གཞོམ་ཐོད་ཁྲག་མདུང་ཐུང་འཕེན། །ཐུགས་རྗེ་ཐབས་མཁས་མི་རྣམས་གནས་སུ་སྤོར། །སྤོར་བྱེད་མདུང་ཐུང་འཕེན་ལ་ཕྱག་འཚལ་ལོ། །མ་རིག་སེམས་ཅན་དབྱིངས་སུ་གཟུད་པའི་ཕྱིར། །ཆོས་ཉིད་བདེ་བའི་སྐུ་ལས་གཡོས་པ་མེད། །སྟོང་ཁམས་དབང་སྡུད་དུང་ཁྲག་ཐུགས་ཀར་བསྐྱིལ། །བརྗིད་པའི་རོལ་པས་སྟོང་ཁམས་གནས་སུ་སྤོར། །སྤོར་བྱེད་དྲིལ་འཁྲོལ་ ― DNG014_Page_0024 ―
[མ་དཔེ་གཟིགས་ན་འདིར་གནོན།]
མ་ལ་ཕྱག་འཚལ་ལོ། །ཐུགས་རྗེ་བྱམས་པས་ཀུན་ལ་ཁྱབ་པ་ཡི། །མདོག་བཟང་དཀར་སེར་ཞི་རྒྱས་ལྡན་པའི་སྐུ། །འདོད་ལྔ་དབང་སྡུད་དུང་ཁྲག་ཐུགས་ཀར་འཛིན། །ལྷ་རྣམས་གནས་སྤོར་རྡོ་རྗེ་ཁྱུང་ཆེན་འཛིན། །སྤོར་བྱེད་ཁྱུང་ཐོགས་མ་ལ་ཕྱག་འཚལ་ལོ། །སྡུག་བསྔལ་མི་བཟད་ཡོངས་སུ་གཞིག་པའི་ཕྱིར། །མཐིང་ནག་ཆེན་མོ་རྔམས་པའི་སྐུ་མངའ་ཞིང་། །གཡུལ་ཆེན་རབ་བཟློག་རྡོ་རྗེ་སྐར་མདའ་འཕེན། །ལྷ་མིན་གནས་སྤོར་དུང་ཁྲག་ཞལ་དུ་གསོལ། །སྤོར་བྱེད་སྐར་མདའ་འཕེན་ལ་ཕྱག་འཚལ་ལོ། །ལོག་པར་བལྟ་བ་དབང་དུ་མཛད་པའི་ཕྱིར། །སྐུ་མདོག་དམར་ནག་དབང་དྲག་འཇོམས་པའི་ཞལ། །ཕྱི་ནང་སྒྲིབ་གཉིས་སྦྱངས་ནས་བདེ་བའི་ཕྱིར། །རྡོ་རྗེ་གློག་ཕྲེང་ཡི་དྭགས་གནས་སུ་སྤོར། །སྤོར་བྱེད་གློག་ཕྲེང་ཅན་ལ་ཕྱག་འཚལ་ལོ། །གཏི་མུག་རྨོངས་པ་དབང་དུ་མཛད་པའི་ཕྱིར། །དཀར་ནག་ཕྱེད་མ་ཞི་དྲག་ལྡན་པའི་སྐུ། །གཏི་མུག་སྟོངས་མཛད་ཐོད་ཁྲག་ཞལ་དུ་གསོལ། །བྱོལ་སོང་གནས་སུ་སྤོར་བས་བླཀྵ་རྡེབ། །སྤོར་བྱེད་བླཀྵ་རྡེབ་ལ་ཕྱག་འཚལ་ལོ། །སྡུག་བསྔལ་བརྒྱད་དང་བཅུ་དྲུག་སྦྱང་བའི་ཕྱིར། །སྐུ་མདོག་སེར་ནག་དྲག་པོ་རྒྱས་པའི་སྐུ། །དམྱལ་བ་སྟོངས་མཛད་ཐོད་ཁྲག་ཞལ་དུ་གསོལ། །དམྱལ་བ་གནས་སྤོར་རྡོ་རྗེ་རལ་གྲི་འཛིན། །སྤོར་བྱེད་རལ་གྲི་འཛིན་ལ་ཕྱག་འཚལ་ལོ། །དབྱིངས་དང་ཡེ་ཤེས་མཉམ་སྦྱོར་རོལ་པ་ལས། །འགྲོ་དོན་མཛད་པའི་ཐུབ་པ་ཆེན་པོ་རྣམས། །ལས་ངན་ཞི་བས་འདུལ་བར་མི་འགྱུར་བའི། །རྒྱུད་དྲུག་རྣམས་ལ་དབང་དྲག་རོལ་པར་མཛད། །སྤོར་བྱེད་བརྒྱད་དུ་མཚན་གསོལ་མི་བཟད་མ། །ཀུན་ཀྱང་འཇིགས་ཚུལ་ཆེ་ལ་སྙིང་རྗེར་ལྡན། །སྐམ་གཤེར་སྤེལ་བའི་གདན་ལ་བརྐྱང་བསྐུམ་བཞུགས། །ཐོད་ཁྲག་མཚོན་ཆ་འཛིན་ཅིང་གཡང་གཞི་གྱོན། །རལ་པ་དབྱིངས་འབར་བཤུག་གླུས་སྟོང་ཁམས་འགེངས། །ཧ་ཧའི་གད་འདེབས་རྒྱུད་དྲུག་སེམས་ཅན་སྐྱོང་། །རྒྱུད་དྲུག་འཁོར་བའི་སེམས་ཅན་ཅི་འདྲ་བ། །ལྷ་མཆོག་ཁྱེད་ཀྱི་སྤྱན་སྔར་ས་ལེ་བའི། །འགྲོ་བ་རིགས་དྲུག་སེམས་ཅན་ཀུན་སྦྱངས་ནས། ། ― DNG014_Page_0025 ―
[མ་དཔེ་གཟིགས་ན་འདིར་གནོན།]
ལྷ་མཆོག་ཁྱེད་ཀྱིས་དངོས་གྲུབ་སྩལ་དུ་གསོལ། །རྣལ་འབྱོར་དམར་ནག་ཏྲི་ཤཱུལ་འཛིན། །གཡག་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་སེར་རྩེ་ལྔ་འཛིན། །སྦྲུལ་མགོ་ཅན་ལ་ཕྱག་འཚལ་ལོ། །རྣལ་འབྱོར་སེར་ནག་དབྱུག་སྡིག་འཛིན། །གཟིག་མགོ་ཅན་ལ་ཕྱག་འཚལ་ལོ། །རྣལ་འབྱོར་དཀར་དམར་དུང་དམར་འཛིན། །སྲེ་མོའི་མགོ་ལ་ཕྱག་འཚལ་ལོ། །རྣལ་འབྱོར་སེར་མོ་འཁོར་ལོ་འཛིན། །ཕ་ཝང་མགོ་ལ་ཕྱག་འཚལ་ལོ། །རྣལ་འབྱོར་དམར་སྐྱ་བམ་དབྱུག་འཛིན། །དྲེད་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་མོ་རྒྱུ་ཞགས་འཛིན། །དོམ་མགོ་ཅན་ལ་ཕྱག་འཚལ་ལོ། །རྣལ་འབྱོར་སྔོན་མོ་བུམ་པ་འཛིན། །ཆུ་སྲིན་མགོ་ལ་ཕྱག་འཚལ་ལོ། །རྣལ་འབྱོར་སྔོ་སྐྱ་པུཎྜ་འཛིན། །སྡིག་པའི་མགོ་ལ་ཕྱག་འཚལ་ལོ། །རྣལ་འབྱོར་ནག་མོ་ཐོད་རློན་འཆང་། །ཁྲ་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་ནག་རྒྱུ་ཞགས་འཛིན། །ཝ་མགོ་ཅན་ལ་ཕྱག་འཚལ་ལོ། །རྣལ་འབྱོར་ནག་མོ་བམ་ཆེན་འཛིན། །སྟག་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་མོ་ཁོག་ཆེན་འཛིན། །རྒོད་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་ནག་རྡོ་དབྱུག་འཛིན། །རྟ་མགོ་ཅན་ལ་ཕྱག་འཚལ་ལོ། །རྣལ་འབྱོར་དཀར་དམར་བྷནྡྷ་འཛིན། །ཁྱུང་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་སེར་བྱིས་བམ་འཛིན། །ཁྱི་མགོ་ཅན་ལ་ཕྱག་འཚལ་ལོ། །རྣལ་འབྱོར་དཀར་དམར་པདྨ་འཛིན། །པུ་ཤུད་མགོ་ལ་ཕྱག་འཚལ་ལོ། །རྣལ་འབྱོར་དམར་སྐྱ་བྷནྡྷ་འཛིན། །ཤ་བའི་མགོ་ལ་ཕྱག་འཚལ་ལོ། །རྣལ་འབྱོར་ལྗང་ནག་རྔ་ཆུང་འཛིན། །སྤྱང་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་སེར་མེ་སྒྲོན་འཛིན། །སྐྱིན་མགོ་ཅན་ལ་ཕྱག་འཚལ་ལོ། །རྣལ་འབྱོར་ལྗང་སེར་མཆེ་བ་འཛིན། །ཕག་མགོ་ཅན་ལ་ཕྱག་འཚལ་ལོ། །རྣལ་འབྱོར་ལྗང་སྔོན་དུང་ཁྲག་འཛིན། །ཁྭ་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་ལྗང་བམ་ཆེན་འཛིན། །བ་ལང་མགོ་ལ་ཕྱག་འཚལ་ལོ། །རྣལ་འབྱོར་ལྗང་ནག་བདུད་རྩི་འཛིན། །སྦྲུལ་མགོ་ཅན་ལ་ཕྱག་འཚལ་ལོ། །རྣལ་ ― DNG014_Page_0026 ―
[མ་དཔེ་གཟིགས་ན་འདིར་གནོན།]
འབྱོར་ནག་མོ་ལྕགས་ཀྱུ་འཛིན། །ཁུ་བྱུག་མགོ་ལ་ཕྱག་འཚལ་ལོ། །རྣལ་འབྱོར་སྔོན་མོ་ཞགས་པ་འཛིན། །ར་མགོ་ཅན་ལ་ཕྱག་འཚལ་ལོ། །རྣལ་འབྱོར་དམར་མོ་ལྕགས་སྒྲོག་བསྡམས། །སེང་མགོ་ཅན་ལ་ཕྱག་འཚལ་ལོ། །རྣལ་འབྱོར་ལྗང་ནག་དྲིལ་བུ་འཛིན། །སྐྱ་ཀའི་མགོ་ལ་ཕྱག་འཚལ་ལོ། །དཔལ་གྱི་འཁོར་ཚོགས་བཛྲ་ཨ་ར་ལི། །མཁའ་ལ་ཤུགས་འགྲོ་མ་ཚོགས་དབང་ཕྱུག་མ། །རྣལ་འབྱོར་ཉི་ཤུ་བརྒྱད་ལ་ཕྱག་འཚལ་ལོ། །ཞེ་སྡང་ཚུལ་གྱིས་ཞེ་སྡང་འཇོམས་མཛད་པ། །རྡོ་རྗེ་གཞོན་ནུའི་སྐུ་ལ་ཕྱག་འཚལ་ལོ། །འདོད་ཆགས་ཚུལ་གྱིས་འདོད་ཆགས་འཇོམས་མཛད་པ། །འཁོར་ལོ་རྒྱས་འདེབས་ཡུམ་ལ་ཕྱག་འཚལ་ལོ། །འདོད་པའི་སྐྱོན་སྤངས་སྐྱེ་ལ་དབང་མཛད་པ། །ཁྲོ་ཆེན་ཧཱུཾ་ཀཱ་ར་ལ་ཕྱག་འཚལ་ལོ། །མ་བྱིན་ལེན་སྤངས་ཡོ་བྱད་དབང་མཛད་པ། །ཁྲོ་ཆེན་རྣམ་པར་རྒྱལ་ལ་ཕྱག་འཚལ་ལོ། །སྲོག་གཅོད་སྐྱོན་སྤངས་ཚེ་ལ་དབང་མཛད་པ། །ཁྲོ་ཆེན་གཤིན་རྗེའི་གཤེད་ལ་ཕྱག་འཚལ་ལོ། །ཕྲ་མའི་སྐྱོན་སྤངས་ཆོས་ལ་དབང་མཛད་པ། །ཁྲོ་ཆེན་རྟ་མཆོག་དཔལ་ལ་ཕྱག་འཚལ་ལོ། །ངག་རྩུབ་སྐྱོན་སྤངས་ལས་ལ་དབང་མཛད་པ། །ཁྲོ་ཆེན་བདུད་རྩི་འཁྱིལ་ལ་ཕྱག་འཚལ་ལོ། །ལོག་པར་བལྟ་སྤངས་ཡེ་ཤེས་དབང་མཛད་པ། །ཁྲོ་ཆེན་དབྱུག་སྔོན་ཅན་ལ་ཕྱག་འཚལ་ལོ། །རྫུན་གྱི་སྐྱོན་སྤངས་མོས་ལ་དབང་མཛད་པ། །ཁྲོ་ཆེན་མི་གཡོ་མགོན་ལ་ཕྱག་འཚལ་ལོ། །ངག་འཁྱལ་སྐྱོན་སྤངས་སེམས་ལ་དབང་མཛད་པ། །ཁྲོ་ཆེན་འདོད་པའི་རྒྱལ་ལ་ཕྱག་འཚལ་ལོ། །གནོད་སེམས་སྐྱོན་སྤངས་རྫུ་འཕྲུལ་དབང་མཛད་པ། །ཁྲོ་ཆེན་ཁམས་གསུམ་རྒྱལ་ལ་ཕྱག་འཚལ་ལོ། །བརྣབ་སེམས་སྐྱོན་སྤངས་སྨོན་ལམ་དབང་མཛད་པ། །ཁྲོ་ཆེན་སྟོབས་པོ་ཆེ་ལ་ཕྱག་འཚལ་ལོ། །ཡེ་ཤེས་ཕ་རོལ་ཕྱིན་མ་སྟེ། །སྒྲ་འབྱིན་མ་ལ་ཕྱག་འཚལ་ལོ། །ཤེས་རབ་ཕ་རོལ་ཕྱིན་མ་སྟེ། །རྡོ་རྗེ་སྙེམས་ལ་ཕྱག་འཚལ་ལོ། །ཚུལ་ཁྲིམས་ཕ་རོལ་ཕྱིན་མ་སྟེ། །རྡོ་རྗེ་སྡེར་ལ་ཕྱག་འཚལ་ལོ། །བསམ་གཏན་ཕ་རོལ་ཕྱིན་མ་སྟེ། །དུར་ཁྲོད་མ་ ― DNG014_Page_0027 ―
[མ་དཔེ་གཟིགས་ན་འདིར་གནོན།]
ལ་ཕྱག་འཚལ་ལོ། །ཐབས་ཀྱི་ཕ་རོལ་ཕྱིན་མ་སྟེ། །གཏུན་ཁུང་མ་ལ་ཕྱག་འཚལ་ལོ། །བརྩོན་འགྲུས་ཕ་རོལ་ཕྱིན་མ་སྟེ། །རབ་གཏུམ་མ་ལ་ཕྱག་འཚལ་ལོ། །སྦྱིན་པའི་ཕ་རོལ་ཕྱིན་མ་སྟེ། །མདའ་སྙེམས་མ་ལ་ཕྱག་འཚལ་ལོ། །སྨོན་ལམ་ཕ་རོལ་ཕྱིན་མ་སྟེ། །སྐྱོད་བྱེད་མ་ལ་ཕྱག་འཚལ་ལོ། །སྟོབས་ཀྱི་ཕ་རོལ་ཕྱིན་མ་སྟེ། །གསོད་བྱེད་མ་ལ་ཕྱག་འཚལ་ལོ། །བཟོད་པའི་ཕ་རོལ་ཕྱིན་མ་སྟེ། །སྐུལ་བྱེད་མ་ལ་ཕྱག་འཚལ་ལོ། །ཕྱོགས་བཅུ་དྲེགས་པ་བསྣོལ་བའི་གདན་སྟེང་ནས། །ཡེ་ཤེས་བསྐལ་པ་མེ་དཔུང་འབར་བའི་ཀློང་། །བདུད་འདུལ་ཡབ་ཡུམ་རྣམས་ལ་ཕྱག་འཚལ་ལོ། །དམིགས་མེད་ཆོས་ཀྱི་སྐུ་ལ་ཕྱག་འཚལ་ལོ། །ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ། །ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོ། །མི་འགྱུར་རྡོ་རྗེའི་སྐུ་ལ་ཕྱག་འཚལ་ལོ། །མངོན་པར་བྱང་ཆུབ་སྐུ་ལ་ཕྱག་འཚལ་ལོ། །དུས་གསུམ་རྒྱལ་བ་རྣམས་ཀྱིས་བསྒྲུབས་པ་ཡི། །ཚོགས་གཉིས་རྫོགས་ནས་ཡོན་ཏན་མཐར་ཕྱིན་པ། །སྐུ་དང་ཡེ་ཤེས་ཚོགས་ལ་ཕྱག་འཚལ་ལོ། །འབྱུང་བ་ལྔ་ལས་སྐུ་བཞེངས་མ། །རྟག་རྒྱལ་ལྔ་ལ་ཕྱག་འཚལ་ལོ། །རང་བཞིན་དབྱིངས་ལས་གྲུབ་པ་མོ། །དབྱིངས་ཕྱུག་ལྔ་ལ་ཕྱག་འཚལ་ལོ། །རྒྱུ་འབྲས་བྱང་ཆུབ་སེམས་ཀྱི་སྤྲུལ་པ་སྟེ། །མཁའ་འགྲོ་སུམ་ཅུ་གཉིས་ལ་ཕྱག་འཚལ་ལོ། །ག་ཎ་པ་ཏིའི་སྤྲུལ་པ་སྟེ། །ཀིང་ཀ་ར་ལ་ཕྱག་འཚལ་ལོ། །ལྷ་མོ་དཔལ་མོའི་སྤྲུལ་པ་སྟེ། །ཀིང་ཀ་རཱི་ལ་ཕྱག་འཚལ་ལོ། །འཇིག་རྟེན་ཁམས་ལ་དབང་མཛད་མ། །འཇིགས་བྱེད་དཔལ་འབར་རལ་པ་ཅན། །འདོད་པའི་རོ་ལ་ཆགས་པ་མོ། །མ་མོའི་ཚོགས་ལ་ཕྱག་འཚལ་ལོ། །ལེགས་ཉེས་ལྟང་འཛིན་དམ་ཚིག་རྗེས་གཅོད་ཅིང་། །བཀའ་བཞིན་རྗེས་སུ་སྒྲུབ་པའི་གྲོགས་མཛད་མ། །དམ་ཅན་རྒྱ་མཚོའི་ཚོགས་ལ་ཕྱག་འཚལ་ལོ། །སྟོན་པ་ཀུན་ཏུ་བཟང་པོ་ཡིས། །དེ་སྐད་ཅེས་ནི་བཀའ་སྩལ་པ། །གང་གིས་སྒྱུ་འཕྲུལ་ཁྲོ་བོ་ཡི། །དཀྱིལ་འཁོར་ལྷ་ལ་ཕྱག་འཚལ་ན། །ཉམས་ཆག་ཀུན་ཀྱང་དག་འགྱུར་ཏེ། །མཚམས་མེད་ལྔ་ཡི་སྡིག་ཀྱང་འབྱང་། ། ― DNG014_Page_0028 ―
[མ་དཔེ་གཟིགས་ན་འདིར་གནོན།]
ན་རག་གནས་ཀྱང་དོང་སྤྲུགས་ཏེ། །རིག་འཛིན་རྒྱལ་བའི་ཞིང་དུ་གྲགས། །ཞེས་བཀའ་སྩལ་པ་དང་། ཕྱོགས་བཅུ་ནས་ལྷགས་པའི་རྣལ་འབྱོར་ཕོ་མོ་རྣམས་ཀྱིས། ཨ་ལ་ལ་ཧོ། བཅོམ་ལྡན་འདས་ཀྱིས་རྣལ་འབྱོར་གྱི་སྤྱི་ཁྲུས་ཀྱི་ཆོས་བཤད་པ་ངོ་མཚར་ཆེའོ། །ཞེས་བརྗོད་དེ། ལུས་ས་ལ་བརྡེབ་ཅིང་བརྐྱངས་ཕྱག་ལན་སྟོང་དུ་བཙལ་ལོ། །དེ་ནས་དཀྱིལ་འཁོར་གྱི་ལྷ་དེ་རྣམས་ཀྱི་མཚན་རྣལ་འབྱོར་ཕོ་མོ་རྣམས་ཀྱིས་ཐོས་པ་ཙམ་གྱིས་རྩ་བ་དང་ཡན་ལག་གི་དམ་ཚིག་ཉམས་ཆག་ཐམས་ཅད་བསྐངས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་དང་། ཡོན་ཏན་དང་། ཕྲིན་ལས་བསམ་གྱིས་མི་ཁྱབ་པ་དང་ལྡན་པར་གྱུར་ཏེ། ཡི་གེ་འཁོར་ལོ་ཚོགས་ཆེན་གྱི་ས་ལ་ལྷུན་གྱིས་གྲུབ་པར་གྱུར་ཏོ། །དེ་ནས་དུས་དེར་དཔལ་རྡོ་རྗེ་སེམས་དཔའ་ཞེས་བྱ་བ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཐུགས་རྗེ་ཡེ་ཤེས་ཀྱི་བདག་ཉིད། སྐུ་མཚན་གྱི་མེ་ཏོག་ལ་དཔེ་བྱད་བཟང་པོའི་འབྲས་བུས་བརྒྱན་པ། སངས་རྒྱས་ཀྱི་ཆེ་བའི་ཡོན་ཏན་སྟོབས་དང་། མི་འཇིགས་པ་དང་། གཟུངས་དང་། ཏིང་ངེ་འཛིན་ལ་སོགས་པ་མངའ་བ། གཞན་ཡང་དབུ་ལ་རིགས་ལྔའི་སངས་རྒྱས་ཀྱིས་དབང་བསྐུར་བ། དར་དཀར་དང་། པ་ཏི་དང་། རིན་པོ་ཆེ་དང་རྒྱན་སྣ་ཚོགས་ཀྱིས་བརྒྱན་པ། གདན་ཡང་བྱང་ཆུབ་སེམས་དཔའ་བརྒྱད་གླང་པོ་ཆེར་སྤྲུལ་པ་བརྒྱད་ཀྱིས་རིན་པོ་ཆེའི་ཁྲི་བཏེགས་པའི་སྟེང་ན། པདྨ་དང་ཉི་ཟླ་བརྩེགས་པའི་སྟེང་ན་སེམས་དཔའི་སྐྱིལ་མོ་ཀྲུང་དུ་བཞུགས་པ། སྐུ་བལྟ་བས་ཆོག་མི་ཤེས་པ་སྟེ། ཤིན་ཏུ་ལྷམ་མེ། ལྷང་ངེ་། ལྷེན་ནེ། ནམ་མཁའི་འཇའ་ཚོན་ནམ། མེ་ལོང་ནང་གི་གཟུགས་བརྙན་ལྟར་སྣང་ལ་རང་བཞིན་མེད་པ་ཞིག །འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས། མངོན་སུམ་དུ་བྱོན་ཏེ་སྟོན་པ་ཀུན་ཏུ་བཟང་པོའི་སྤྱན་སྔར་འདུག་ནས་འདི་སྐད་ཅེས་གསོལ་ཏོ། །ཀྱེ་སྟོན་པ་ཀུན་ཏུ་བཟང་པོ་ཁྱེད་ཀྱིས་གསང་སྔགས་ཀྱི་སྒོར་ཞུགས་པ་ཐམས་ཅད་ཀྱི་ཉམས་ཆག་སོར་ཆུད་པར་བྱ་བའི་ཆེད་དུ། རྣལ་ ― DNG014_Page_0029 ―
[མ་དཔེ་གཟིགས་ན་འདིར་གནོན།]
འབྱོར་གྱི་སྤྱི་ཁྲུས་འགྱོད་ཚངས་ཀྱི་ཆོ་ག་བཤད་པ་འདི་ནི་རྒྱལ་བ་སངས་རྒྱས་ཐམས་ཅད་ཀྱི་ཡུམ། རྣལ་འབྱོར་པ་སྔར་འདས་པ་རྣམས་ཀྱི་ལམ་ཆེན་པོ། ད་ལྟར་གྱི་རྣལ་འབྱོར་པ་མ་རིག་པ་རྣམས་ཀྱི་མིག་འབྱེད་པ། མ་འོངས་པའི་རྣལ་འབྱོར་པ་རྣམས་ཀྱི་འདྲེན་ཤུལ་ཏེ། རྣལ་འབྱོར་སྤྱིའི་ལམ་ཆེན་པོ་འདི་ལྟ་བུ་བཀའ་སྩལ་པ། ཐུགས་རྗེ་ཆེ་ལ་ངོ་མཚར་ཆེ་ལགས་སོ། །དེ་བས་ན་བདག་གིས་ཀྱང་ཡི་གེ་བརྒྱ་པ་ཞེས་བྱ་བ། བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་ཡང་སྙིང་། ཉམས་ཆག་དང་རྟོག་སྒྲིབ་ཐམས་ཅད་སེལ་བར་བྱེད་པ་འདི་བརྗོད་ཀྱི་རྣལ་འབྱོར་པ་ཉམས་ཆག་དང་རྟོག་སྒྲིབ་ཅན། གསོག་འཇོག་དང་། བག་ཆགས་ངན་པ་ཅན་ཁྱེད་རྣམས་ཉོན་ཅིག །ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཾཿཀུ་རུ་ཧཱུཾ། ཧ་ཧ་ཧ་ཧ་ཧོཿ། བྷ་ག་ཝཱན་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ། བཛྲཱི་བྷ་ཝ། མ་ཧཱ་ས་མ་ཡ་སཏྭ་ཨ། འདི་དག་དུས་གཅིག་ལ་ལན་བརྒྱ་རྩ་བརྒྱད་བཟླས་ན། ཉམས་ཆག་ཐམས་ཅད་བསྐངས་ཏེ་ངན་སོང་གསུམ་དུ་ལྟུང་བ་ལས་ཐར་བར་འགྱུར་རོ། །རྣལ་འབྱོར་པ་གང་ཞིག་གིས་ཡི་དམ་དུ་བཅས་ནས་འདོན་ན། མི་དེ་ཚེ་འདི་ལ་ཡང་དུས་གསུམ་གྱི་སངས་རྒྱས་ཐམས་ཅད་ཀྱི་སྲས་ཀྱི་དམ་པར་དགོངས་ནས་སྲུང་སྐྱོབ་མཛད་ལ། ཚེ་འཕོས་ནས་ཀྱང་བདེ་བར་གཤེགས་པ་རྣམས་ཀྱི་སྲས་དམ་པ་ཉིད་དུ་གདོན་མི་ཟ་བར་འགྱུར་རོ། །དེ་སྐད་ཅེས་གསོལ་པ་དང་། ཕྱོགས་བཅུ་ནས་ལྷགས་པའི་རྣལ་འབྱོར་ཕོ་མོ་རྣམས་ཀྱིས། དཔལ་རྡོ་རྗེ་སེམས་དཔའ་ལ་བརྐྱངས་ཕྱག་ལན་སྟོང་དུ་བཙལ་ཞིང་འདི་སྐད་ཅེས་གསོལ་ཏོ། །བཅོམ་ལྡན་འདས་དཔལ་རྡོ་རྗེ་སེམས་དཔའ་བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་ཡང་སྙིང་། ཉམས་ཆག་དང་རྟོག་སྒྲིབ་ཐམས་ཅད་སྦྱོང་བར་བྱེད་པའི་ཡི་གེ་བརྒྱ་པ་བཀའ་སྩལ་པ་ངོ་མཚར་ཆེ་ལགས་སོ། །ཨ་ལ་ལ་ཧོ། དེ་ནས་དཔལ་ཀུན་ཏུ་བཟང་པོས། རྡོ་རྗེ་སེམས་དཔའ་ལ་འདི་སྐད་ཅེས་བཀའ་སྩལ་ཏོ། །རྡོ་རྗེ་སེམས་ ― DNG014_Page_0030 ―
[མ་དཔེ་གཟིགས་ན་འདིར་གནོན།]
དཔའ་ཁྱོད་ཀྱིས་གསང་སྔགས་ཀྱི་སྒོར་ཞུགས་པའི་རྣལ་འབྱོར་པ་རྣམས་ལ་ཕན་གདགས་ཤིང་། ཉམས་ཆག་དང་རྟོག་སྒྲིབ་ཐམས་ཅད་སྦྱོང་བར་བྱེད་པ་ཡི་གེ་བརྒྱ་པ་ཞེས་བྱ་བ་བཤགས་པ་ཐམས་ཅད་ཀྱི་རྒྱལ་པོ་བརྗོད་པ་ལེགས་སོ་ལེགས་སོ། །དེ་ནས་ཕྱོགས་བཅུ་ནས་ལྷགས་པའི་རྣལ་འབྱོར་ཕོ་མོ་རྣམས་ཀྱིས་ལུས་པུས་བཙུགས་སུ་བཅས་ཏེ། འགྱོད་ཚངས་སུ་སྨྲས་པ། ཧོ་དགོངས་སུ་གསོལ། བཅོམ་ལྡན་འདས་དཔལ་ཀུན་ཏུ་བཟང་པོ་དང་། རིགས་ལྔའི་བདེ་བར་གཤེགས་པ་ལ་སོགས་པ། སྒྱུ་འཕྲུལ་ཞི་ཁྲོའི་ལྷ་ཚོགས་རྣམས་ནི་ཐུགས་རྗེ་ཆེ་ལ་ཐབས་མཁས་པས་ཀུན་ལ་སྙོམས་པའི་ཡབ་ཡུམ་ལགས། སྔར་འདས་པའི་རིག་འཛིན་གྱི་ས་ལ་བཞུགས་པ་རྣམས་ནི་དགེ་བའི་བཤེས་གཉེན་ལགས་ན། བདག་ཅག་ལ་སོགས་པ་གསང་སྔགས་ཀྱི་སྒོར་ཞུགས་སོ་འཚལ་རྣམས་ཀྱིས། བདེ་བར་གཤེགས་པའི་མཛད་སྤྱོད་དམ་པ་ཀློང་དུ་མ་གྱུར་ཅིང་། དགོངས་སྤྱོད་དམ་པ་གདེངས་སུ་མ་ཆུད་པའི་དབང་གིས་བཀའ་གསང་བ་ཆེན་པོ་སྤྱད་ཉེས་པར་གྱུར་ཏེ། རྩ་བ་དང་ཡན་ལག་གི་དམ་ཚིག་ལས་འགོངས་ཤིང་འདས་པར་གྱུར་པས། ལ་ལས་ནི་དེ་བཞིན་གཤེགས་པའི་བཀའ་ངོ་བོ་ཉིད་ཀྱིས་མ་བཅོས་པ་ལ། གཟུ་ལུམས་དང་རས་གཅོད་བགྱིས། ལ་ལས་ནི་དམ་པ་སྟོན་པའི་རྡོ་རྗེ་སློབ་དཔོན་ལ་སྙིང་ནས་སྨད་པ་དང་། བཀའ་བརྐུ་བ་དང་། ཐུགས་དང་འགལ་བའི་ལས་མང་པོ་བགྱིས། ལ་ལས་ནི་དམ་ཚིག་གཅིག་པའི་རྡོ་རྗེ་སྤུན་གྲོགས་ལ། བལྟ་སྤྱོད་ལོག་པ་དང་། ངན་སེམས་དང་། འཕྱ་སེམས་དང་། རྐུ་འཕྲོག་དང་། བརྡེག་བཙོག་དང་། ངན་དུ་སྨྲ་བ་ལ་སོགས་པ་སྐུའི་དམ་ཚིག་ཉམས་པའི་ལས་བགྱིས། ལ་ལས་ནི་དང་པོ་རྡོ་རྗེ་སློབ་དཔོན་གྱིས་ལུང་ཕོག་སྟེ། བཀའ་དྲིན་མནོས་པ་ལས། ཡི་དམ་ལྷའི་ཏིང་འཛིན་མ་གསལ་ཞིང་། སྒོམ་སྒྲུབ་རྔོ་མ་ཐོགས་པ་དང་། འཛབ་དང་བཟླས་བརྗོད་རྒྱུན་ཆད་པ་དང་། བསྙེན་སྒྲུབ་ཟབ་མོ་དུས་ལས་ཡོལ་ཏེ། ལོ་ཟླ་འདས་པ་ལ་སོགས་པའི་ལས་བགྱིས། ལ་ལས་ནི་བཀའ་གསང་བ་ཟབ་མོའི་བལྟ་སྤྱོད་མངོན་དུ་ཕྱུང་ཞིང་། ― DNG014_Page_0031 ―
[མ་དཔེ་གཟིགས་ན་འདིར་གནོན།]
སྦས་པའི་གསང་བ་རྣམས་དང་། གསང་བར་འོས་པ་དང་། གསང་བར་གཉེར་གཏད་པ་རྣམས་གཞན་ལ་སྤེལ་བ་ལ་སོགས་པ་སྐུ་གསུང་ཐུགས་ཀྱི་དམ་ཚིག་ཉམས་པའི་དབང་གིས་ལུས་ངག་ཡིད་གསུམ་འཚིག་པའི་ལས་བགྱིས་པ་འདི་དག །ཕྱོགས་བཅུའི་སྒྱུ་འཕྲུལ་རང་བཞིན་གྱི་དཀྱིལ་འཁོར་དང་། གྲུབ་པའི་ས་ལ་བཞུགས་པའི་རིག་འཛིན་ཕོ་མོ་རྣམས་དང་། ཡེ་ཤེས་དང་ལས་ལས་གྲུབ་པའི་ལེགས་ཉེས་ཀྱི་བསྟང་འཛིན་ཅིང་། དམ་ཚིག་གི་རྗེས་གཅོད་པའི་དམ་ཅན་རྒྱ་མཚོ་རྣམས་ལ་མཆོད་པ་འདི་ལ་བརྟེན་ནས། འགྱོད་ཚངས་སུ་གསོལ་བའི་མདོ་ནི་སྐུའི་དམ་ཚིག་ལས་འདས་པའི་དབང་གིས། འཇིག་རྟེན་འདིར་ཡང་ལུས་ལ་མཛེ་ཤུ་ལ་སོགས་པའི་སྡུག་བསྔལ་འབྱུང་ཞིང་། ཚེ་འཕོས་ནས་ཀྱང་དམྱལ་བ་ཆེན་པོའི་ཡང་གཏིང་ཐར་པའི་དུས་མེད་པའི་གནས་སུ་ལུས་གཤག་གཏུབ་ལ་སོགས་པའི་སྡུག་བསྔལ་གྱི་རྒྱུ་འདི་ལྟ་བུ་བསགས་པ་རྣམས་མཐོལ་ཞིང་བཤགས་སོ། །གསུང་གི་དམ་ཚིག་ལས་འདས་པའི་དབང་གིས། འཇིག་རྟེན་འདི་དང་ཕྱི་མའི་ངག་དིག་ལྐུགས་ལ་སོགས་པ་ངག་གི་རྒྱུ་འདི་ལྟ་བུ་བསགས་པ་རྣམས་མཐོལ་ཞིང་བཤགས་སོ། །ཐུགས་ཀྱི་དམ་ཚིག་ལས་འདས་པའི་དབང་གིས། འཇིག་རྟེན་འདི་དང་ཕྱི་མའི་སེམས་སྨྱོ་འབོག་ལ་སོགས་པ་དང་། ངན་སོང་གི་རྒྱུ་བསགས་པ་རྣམས་མཐོལ་ཞིང་བཤགས་སོ། །ལ་ལས་ནི་དབང་མ་མནོས་པར་སློབ་དཔོན་གྱིས་བཟུང་ནས། བཀའ་ཟབ་མོ་ལ་དབང་ཟོས་ཏེ། བརྫབས་པ་དང་། ལ་ལས་ནི་གབ་པའི་མན་ངག་མ་རྟོགས་པར། སྦས་པའི་གསང་བ་ལ་མངོན་པར་འཆེལ་ཏེ། གསང་སྔགས་ཀྱི་སྤྱོད་པ་ཟབ་མོ་བབ་ཅོལ་དུ་སྤྱད་པས། ཁྲ་དང་སྤྱང་ཀི་ལྟ་བུའི་སྡིག་ལས་བགྱིས་ཏེ། དམྱལ་བ་མི་བཟད་པའི་ལས་བགྱིས་པ་རྣམས་མཐོལ་ཞིང་བཤགས་སོ། །ལ་ལས་ནི་ཡེ་ཤེས་ཀྱི་ལྷ་དང་། རྡོ་རྗེ་སློབ་དཔོན་གྱི་གསང་བའི་དམ་ཚིག་ཚུལ་བཞིན་དུ་མནོས་པ་ལས། གསོག་འཇོག་གིས་བཀའ་བསླུས་ཏེ། ཚོགས་ཀྱི་སྤྱང་ཀི་དང་། ཁྲལ་གྱི་གསོག་འཇོག་དང་། གྲོགས་ཟླ་ལ་ ― DNG014_Page_0032 ―
[མ་དཔེ་གཟིགས་ན་འདིར་གནོན།]
ཚོད་ཡོད་པ་དང་། རྔམ་ཆོས་ཀྱི་ཕུད་དང་འཕགས་པ་ལ་བསྔོས་པ་ལ་ཐུག་ཐུབ་བགྱིས། ལ་ལས་ནི་འཇིག་རྟེན་འདིའི་སྐད་ཅིག་ཡུད་ཙམ་ལས་མ་རྟོགས་པ། འཇིག་རྟེན་ཕྱི་མ་མ་འཚལ་ཏེ། གྲོགས་ཀྱི་ངོ་དགའ་དང་བཙན་ཐབས་དང་དྲེགས་ཆོས་ཀྱི་ལས་བགྱིས་ཏེ། གསང་སྔགས་ཀྱི་གཞུང་མ་བསྙེགས་པ་མཐོལ་ཞིང་བཤགས་སོ། །གཞན་ཡང་ཡན་ལག་གི་དམ་ཚིག་ཉི་ཤུ་རྩ་ལྔ་ལ་སྤྱད་པར་བྱ་བའི་དམ་ཚིག་ལྔ་ལས་འདས་ཏེ། ཏ་ན་ག་ཎ་གཉིས་དང་། མ་བྱིན་པར་ལེན་པ་དང་། བརྫུན་དུ་སྨྲ་བ་དང་། ངག་འཁྱལ་པ་རྣམས་ལས་གཞུང་མ་བསྙེགས་པ་མཐོལ་ཞིང་བཤགས་སོ། །མི་སྤང་བའི་དམ་ཚིག་ལྔ་ལས་འདས་ཏེ། འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། ཕྲག་དོག་རྣམས་ལས་གཞུང་མ་བསྙེགས་པ་མཐོལ་ཞིང་བཤགས་སོ། །དང་དུ་བླང་བའི་དམ་ཚིག་ལྔ་ལས་འདས་ཏེ། དྲི་ཆེན་དང་། དྲི་ཆུ་དང་། དམར་ཆེན་དང་། མཱཾ་ས་དང་། རྡོ་རྗེ་ཟིལ་པ་རྣམས་ལས་གཞུང་མ་བསྙེགས་པ་མཐོལ་ཞིང་བཤགས་སོ། །ཤེས་པར་བྱ་བའི་དམ་ཚིག་ལྔ་ལས་འདས་ཏེ། ཕུང་པོ་ལྔ་དང་། འབྱུང་བ་ལྔ་དང་། དབང་པོ་ལྔ་དང་། ཡུལ་ལྔ་དང་། ཁ་དོག་ལྔ་ལ་སོགས་པ་རྣམས། རིགས་ཀྱི་ཡབ་དང་། རིགས་ཀྱི་ཡུམ་དང་། སེམས་དཔའ་དང་། སེམས་མ་དང་། ཁྲོ་བོ་དང་། ཁྲོ་མོ་དང་། ལྷ་དང་ལྷ་མོའི་རང་བཞིན་དུ་མ་འཚལ་བ་མཐོལ་ཞིང་བཤགས་སོ། །བསྒྲུབ་པར་བྱ་བའི་དམ་ཚིག་ལྔ་ལས་འདས་ཏེ། དེ་བཞིན་གཤེགས་པའི་རིགས་དང་། རྡོ་རྗེའི་རིགས་དང་། རིན་པོ་ཆེའི་རིགས་དང་། པདྨའི་རིགས་དང་། ལས་ཀྱི་རིགས་ལ་སོགས་ཏེ། རིགས་ལྔའི་བདེ་བར་གཤེགས་པ་རྣམས་ཀྱི་སྐུ་གསུང་ཐུགས་ཀྱི་དངོས་གྲུབ་ཐོབ་པར་བགྱིད་རྒྱུ་ལས། འབད་རྩོལ་དང་བརྩོན་འགྲུས་ཆུང་བ་མཐོལ་ཞིང་བཤགས་སོ། །གཞན་ཡང་བསྒྲུབ་པ་ཁྱད་པར་གྱི་དམ་ཚིག་ཉི་ཤུ་དང་། སྤྱོད་པ་རྒྱུན་གྱི་དམ་ཚིག་བཞི་དང་། རང་བཞིན་བལྟ་བའི་དམ་ཚིག་བཞི་དང་། གལ་མདོ་ངེས་པའི་དམ་ཚིག་གསུམ་ལ་ ― DNG014_Page_0033 ―
[མ་དཔེ་གཟིགས་ན་འདིར་གནོན།]
སོགས་ཏེ་ནང་པ་ཐབས་ཀྱི་རྒྱུད་གཞུང་ལས་འབྱུང་བའི་དམ་ཚིག་རྣམས་ཀྱི་བསྲུང་མཚམས་མི་ཤེས་ཤིང་། གཞུང་དང་འགལ་བ་ཅི་བགྱིས་པ་ཐམས་ཅད་མཐོལ་ཞིང་བཤགས་སོ། །གཞན་ཡང་གསང་སྔགས་ཀྱི་རྒྱུད་ཀུན་གྱི་ལུང་ལས་འབྱུང་བའི་དམ་ཚིག་དང་། བྱང་ཆུབ་སེམས་དཔའི་སྡོམ་པ་དང་། ཉན་ཐོས་ཀྱི་འདུལ་ཁྲིམས་དང་། འཇིག་རྟེན་པའི་ཁྲིམས་མནའ་ལས་འགལ་བ་ཅི་བགྱིས་པ་མཐོལ་ཞིང་བཤགས་སོ། །གཞན་ཡང་བཀའ་ཟབ་མོ་ཁྱད་དུ་བསད་དེ། སྐྱེ་བོ་རང་ཐད་ཀྱི་དབང་གིས་ནོར་དང་གསུག་གི་དབང་དུ་བཏང་སྟེ། དཀོན་མཆོག་གསུམ་གྱི་སྐུ་དགྲའི་སྔགས་བཟློག་བྱས་པ་དང་། པྲ་ཏི་ཧ་ན་དུས་ཀྱི་མཆོད་པ་ཆེན་པོ་ལ་བསྔོས་པ་དང་། མ་ཧཱ་བོ་དྷི་ལ་སོགས་པ་དཀོན་མཆོག་གསུམ་གྱི་དཀོར་ལ་ཐུག་ཐུབ་བགྱིས་ནས་སྤྱད་པ་དང་། ཁྱད་པར་དུ་ཡང་ཚོགས་མཆོད་ཆེན་མོ་ལ་བསྔོས་པ་དང་། བསྒོམ་བསྒྲུབ་ཟབ་མོ་ལ་བསྔོས་པ་ལ་སོགས་པ། མཆོད་པའི་ཡོ་བྱད་ཐམས་ཅད་ལ་ཚོད་ཡོད་བགྱིས་ཏེ། དངོས་སུ་སྤྱད་པ་དང་། དབྲི་གཞོག་བགྱིས་ཏེ་ངན་སོང་གི་རྒྱུ་བསགས་པ་མཐོལ་ཞིང་བཤགས་སོ། །གཞན་ཡང་ཡན་ལག་གི་དམ་ཚིག་སྟོང་རྩ་བརྒྱད་ལས་འདས་ཏེ། ངན་སོང་འཁོར་བའི་རྒྱུ་བསགས་པ་ཐམས་ཅད་མཐོལ་ཞིང་བཤགས་སོ། །གཞན་ཡང་གསང་སྔགས་ཀྱི་སྒོར་ཞུགས་སོ་འཚལ་གྱིས། མ་རིག་པའི་དབང་གིས་དམ་ཚིག་ངོ་མ་འཚལ་ཏེ། དམ་ཚིག་ཉམས་པ་དང་། ལས་ངན་སྣ་ཚོགས་སྤྱད་པས། སྡུག་བསྔལ་སྣ་ཚོགས་ཀྱི་རྒྱུ་བསགས་པ་མཐོལ་ཞིང་བཤགས་སོ། །ཉ་སྟོང་དང་། དུས་དྲུག་དང་། དུས་བཞི་ལ་སོགས་པ་དུས་དམ་དུ་བཅས་པ་ལས་འདས་ཏེ། དུས་ལས་གཡེལ་བའི་ཉམས་ཆག་ཐམས་ཅད་མཐོལ་ཞིང་བཤགས་སོ། །གཞན་ཡང་ཆོས་སྤྱོད་བཅུའི་སྒོ་ནས། དགེ་བའི་ཕྱོགས་བགྱིས་པར་དམ་བཅས་པ་ལས་རྔོ་མ་ཐོགས་པ་དང་། སྡིག་པ་མི་དགེ་བའི་ལས་ཅི་མཆིས་པ་ཐམས་ཅད་མཐོལ་ཞིང་བཤགས་སོ། །སྒྱུ་འཕྲུལ་ཡེ་ཤེས་རང་སྣང་གི་ལྷ་ལ་རྟོག་པ་མི་མངའ་ཡང་། དེའི་ ― DNG014_Page_0034 ―
[མ་དཔེ་གཟིགས་ན་འདིར་གནོན།]
འཁོར་དུ་གཏོགས་པའི་ཡེ་ཤེས་དང་། ལས་ལས་གྲུབ་པའི་ལེགས་ཉེས་ཀྱི་བསྟང་འཛིན་ཅིང་དམ་ཚིག་གི་རྗེས་གཅོད་པའི་བསྟན་པ་གཉན་པོ་སྲུང་བ་དང་། ཆོས་སྐྱོང་བ་རྣམས་ཀྱི་ཐུགས་དང་འགལ་བ་ཅི་བགྱིས་པ་ཐམས་ཅད་མཐོལ་ཞིང་བཤགས་སོ། །གཞན་ཡང་ཕྱོགས་བཅུ་དུས་གསུམ་གྱི་རྣལ་འབྱོར་པ་མཆེད་དང་ལྕམ་དྲལ་རྣམས་ཀྱི་ཐུགས་དང་འགལ་བའི་ལས་ཅི་བགྱིས་པ་ཐམས་ཅད་མཐོལ་ཞིང་བཤགས་སོ། །དེ་ལྟར་མཐོལ་བཤགས་ཟབ་མོ་དང་། འགྱོད་ཚངས་དྲག་པོ་ཤིན་ཏུ་གནོང་འགྱོད་དང་བཅས་པ་བགྱིས་པས་རྩ་བ་དང་ཡན་ལག་གི་དམ་ཚིག་ཉམས་པ་སོར་ཆུད་དེ་ཉམས་ཆག་ཐམས་ཅད་སྐོངས་པར་གྱུར་ཅིག །བཀའ་ལ་རས་ཆོད་བྱེད་ཅིང་། སྦས་པའི་གསང་བ་ལ་མངོན་པར་འཆེལ་བ་དང་། ཏ་ན་བསྒྲལ་བ་གནས་སུ་མ་རྟོགས་པ་དང་། ག་ཎ་སྦྱོར་བ་བྱིན་གྱིས་མ་བརླབས་པ་ལ་སོགས་པ། གསང་སྔགས་སྤྱད་ཉེས་པའི་དབང་གིས་ངན་སོང་གི་རྒྱུ་བསགས་པ་ཐམས་ཅད་བྱང་ཞིང་དག་པར་གྱུར་ཅིག །བསྙེན་སྒྲུབ་ཟབ་མོ་དམ་དུ་བཅས་པ་ལས། རང་ཉམས་དང་ཚོད་ཡོད་དུ་གྱུར་ཏེ། མཆོད་པ་ལོ་ཟླར་འདས་པ་དང་། ཉ་སྟོང་དུས་ཚོད་ལས་འདས་པ་དང་། དགེ་བའི་ཕྱོགས་བགྱིད་པར་དམ་བཅས་པ་ལས་རྔོ་མ་ཐོགས་པས། ངན་སོང་གི་རྒྱུ་བསགས་པ་ཐམས་ཅད་བྱང་ཞིང་དག་པར་གྱུར་ཅིག །དུས་ཀྱི་མཆོད་པ་ཆེན་པོ་ལ་བསྔོས་པའི་ཡོ་བྱད་དང་། མ་ཧཱ་བོ་དྷི་མཆོད་རྟེན་ཆེན་པོའི་ཡོ་བྱད་དང་། བསྒོམ་བསྒྲུབ་ཟབ་མོའི་ཡོ་བྱད་དང་། གཞན་ཡང་ཕུད་ལ་གཞོགས་ཤིང་། ལྷག་ལ་ཕྲི་བ་དང་། ཁྲལ་ལ་ངན་པ་དང་། གསོག་འཇོག་གི་ལས་བགྱིས་པས། པྲེ་ཏ་ཀ་ཡི་དྭགས་ཀྱི་རྒྱུ་བསགས་པ་ཐམས་ཅད་བྱང་ཞིང་དག་པར་གྱུར་ཅིག །མ་རིག་པའི་དབང་གིས་སྦ་ལོ་དང་། ཚུལ་འཆོས་ཀྱིས་གསང་སྔགས་སྤྱད་ཉེས་པའི་བལྟ་སྤྱོད་ཟབ་མོ་གཞུང་མ་བསྲངས་པ་དང་། ཡང་དག་པ་ཡིན་ནམ་མ་ཡིན་སྙམ་ནས་སེམས་ལ་རྟོག་པ་བྱུང་བ་དང་། ཡིན་པར་ངོ་ཤེས་ཀྱང་སེམས་ལ་ ― DNG014_Page_0035 ―
[མ་དཔེ་གཟིགས་ན་འདིར་གནོན།]
སེལ་ཞུགས་ཏེ། ཤེས་བཞིན་དུ་མ་སྤྱད་པས། ཏིཪྻ་ཀ་བྱོལ་སོང་གི་རྒྱུ་བསགས་པ་ཐམས་ཅད་བྱང་ཞིང་དག་པར་གྱུར་ཅིག །ཆོས་ཉིད་དོན་གྱི་བལྟ་བ་ནི་མ་རྟོགས། ཁ་འབྱམས་ཚིག་གི་བལྟ་བ་ལ་གདེངས་སུ་བྱས་ན། དམ་ཚིག་ཉམས་པ་ཅན་དང་། དམ་འདྲེས་ཅན་དང་། དམ་མེད་པ་དང་། སྡིག་སྒྲིབ་ཅན་དང་། གསང་སྔགས་ཀྱི་སྣོད་དུ་མི་རུང་བ་རྣམས་ལ་ཆོས་བཤད་པ་དང་། བསྐང་བ་དང་། ཚོགས་འདྲེས་པ་དང་། ཚིག་ཏུ་འཛགས་ཤིང་སྤྱོད་ལམ་རྩིངས་པ་དང་། སྣོད་མེད་པ་ལ་གསང་སྔགས་སྤེལ་བ་ལ་སོགས་པ་འབག་འབོག་གི་ལས་བགྱིས་པས། ཕྱི་ནང་གི་དམ་ཅན་རྣམས་ཀྱི་ཐུགས་དང་འགལ་བས། འཇིག་རྟེན་འདིའི་རྐྱེན་དུ་གྱུར་ཏེ་ཚེ་ཐུང་ཞིང་ནད་མང་བ་དང་། ཕྱི་མའི་སྒྲིབ་པར་གྱུར་པ་ཐམས་ཅད་བྱང་ཞིང་དག་པར་གྱུར་ཅིག །གཞན་ཡང་བདག་ཅག་རྣལ་འབྱོར་པ་འདིར་འཚོགས་ཤིང་འདུས་པ་རྣམས་ཀྱིས། འགྱོད་ཚངས་འདི་ལ་བརྟེན་ནས། གསང་སྔགས་ཀྱི་སྒོར་ཞུགས་པ་མཐའ་དག་གི་ཉམས་ཆག་དང་། རྟོག་སྒྲིབ་ཐམས་ཅད་བྱང་ཞིང་དག་པར་གྱུར་ཅིག །དེ་ལྟ་བུའི་འགྱོད་ཚངས་རྣལ་འབྱོར་གྱི་སྤྱི་ཁྲུས་འདི་དང་། དེང་གི་རྒྱུ་མཆོག་ཏན་གཎ་གྱི་མཆོད་པ་ཟབ་མོ་འདི་ལ་རྟེན་བྱས་ཏེ། འགྱོད་ཚངས་ཕུལ་བས་ཚངས་པ་གནང་བར་གསོལ་ཏེ། སླན་ཆད་ཀྱང་མི་བགྱིད་པར་གྱུར་ཅིག །དེ་ལྟར་ཚངས་པར་གསོལ་བའི་བདེན་པའི་བྱིན་རླབས་ཀྱིས། བདག་ཅག་འདིར་འདུས་པའི་རྣལ་འབྱོར་པ་མཆེད་ལྕམ་དྲལ་རྣམས་དང་། གཞན་ཡང་གསང་སྔགས་ཀྱི་སྒོར་ཞུགས་སོ་འཚལ་ཐམས་ཅད་ཀྱི་སྒྲིབ་པ་བྱང་སྟེ། ཕྱག་རྒྱ་ཆེན་པོའི་རིག་འཛིན་གྱི་ས་ལ་ལྷུན་གྱིས་གྲུབ་པར་གྱུར་ཅིག །བདག་ཅག་གི་དུས་གསུམ་གྱི་རྡོ་རྗེ་སློབ་དཔོན་དང་། གཟུངས་མ་དང་། མཆེད་དང་། ལྕམ་དྲལ་དང་། ཕ་མ་དང་། དམ་རྫས་རྒྱུ་བསྒྲལ་ལོ་འཚལ་ལ་སོགས་པ་ཐམས་ཅད་ཀྱང་ཕྱིར་མི་ལྡོག་པའི་ས་ནོན་ཏེ་ཡེ་ཤེས་བླ་མའི་ས་ལ་ལྷུན་གྱིས་གྲུབ་པར་གྱུར་ཅིག །དེ་ལྟ་བུའི་བདེན་པས་ས་ཆེན་པོ་ལ་གནས་པའི་བྱང་ཆུབ་སེམས་དཔའ་རྣམས་ནི་ཤེས་ ― DNG014_Page_0036 ―
[མ་དཔེ་གཟིགས་ན་འདིར་གནོན།]
བྱའི་བག་ཆགས་ཕྲ་མོ་མན་ཆད། གཉེན་པོ་རྡོ་རྗེ་ལྟ་བུའི་ཡེ་ཤེས་ཆེན་པོས་སྦྱངས་ཏེ། ས་བཅུ་རིམ་གྱིས་བགྲོད་དེ་མཐར་ཕྱིན་ནས་བཅུ་གཅིག་ཀུན་དུ་འོད་ཀྱི་ས་འཐོབ་པར་གྱུར་ཅིག །རང་བྱང་ཆུབ་རྣམས་ནི་རྟེན་འདྲེལ་བཅུ་གཉིས་མཐར་ཕྱིན་པའི་འབྲས་བུ་བསེ་རུའམ་ནེ་ཙོ་ལྟ་བུ་འཐོབ་པར་གྱུར་ཅིག །ཉན་ཐོས་རྣམས་ནི་བདེན་པ་བཞི་མཐར་ཕྱིན་པའི་འབྲས་བུ་དགྲ་བཅོམ་པ་འཐོབ་པར་གྱུར་ཅིག །ཁམས་གསུམ་གྱི་སེམས་ཅན་ཐམས་ཅད་ཀྱང་ཆོས་དགེ་བ་བཅུ་སྤྱོད་པར་གྱུར་ཏེ་ལྷ་དང་མིའི་གོ་འཕང་འཐོབ་པར་གྱུར་ཅིག །ལྷ་དང་མི་རྣམས་ནི་ཆོས་སྤྱོད་བཅུའི་སྒོར་ཞུགས་ཏེ་དཀོན་མཆོག་གསུམ་གྱི་གདུང་འཛིན་ཅིང་ཐེག་པ་ཆེན་པོའི་སེམས་བསྐྱེད་ནས། གསང་སྔགས་རྡོ་རྗེ་ཐེག་པ་མ་ནོར་བར་སྟོན་པའི་དགེ་བའི་བཤེས་གཉེན་ཚད་མ་དང་རྟག་ཏུ་འགྲོགས་ཤིང་། དེས་བསྟན་པའི་དོན་མ་ནོར་བར་འགྲེལ་ཞིང་རྟོགས་ནས་རིག་འཛིན་རྣམ་གསུམ་མྱུར་དུ་འགྲུབ་པར་གྱུར་ཅིག །དེ་ལྟ་བུའི་འགྱོད་ཚངས་ལ་བརྟེན་ནས། བདག་ཅག་གི་མན་ངག་གི་དོན་སྟོན་པའི་རྡོ་རྗེ་སློབ་དཔོན་དང་། དགེ་བའི་བཤེས་གཉེན་རྣམས་ཀྱང་སྐུ་ཚེ་རིང་བ་དང་། འཁོར་དང་ལོངས་སྤྱོད་འཕེལ་བ་དང་། དགོངས་དཔྱོད་ཐམས་ཅད་ལྷུན་གྱིས་གྲུབ་སྟེ། བསྟན་པའི་སྒྲོན་མེ་མཛད་ལ་ཡུན་རིང་དུ་གནས་པར་གྱུར་ཅིག །བདག་ཅག་རྣལ་འབྱོར་པ་འདིར་འདུས་ཤིང་ཚོགས་པ་རྣམས་ནི། འཇིག་རྟེན་མཐོང་བའི་ཆོས་འདི་ལ། ཚེ་རིང་བ་དང་། ནད་མེད་པ་དང་། དཔལ་དང་གཟི་མདངས་དང་། འབྱོར་པ་ཕུན་སུམ་ཚོགས་པ་དང་ལྡན་ཏེ། བསམ་པ་ཐམས་ཅད་ཡིད་བཞིན་དུ་གྲུབ་པར་གྱུར་ཅིག །གསང་བའི་ཐེག་པ་ཆེན་པོ་འདི་ཡང་བཀའ་བཙན་ཞིང་བྱིན་ཆེ་སྟེ་དར་ཞིང་རྒྱས་པར་གྱུར་ཅིག །གསང་སྔགས་ཟབ་མོ་འདི་དར་བའི་ཡུལ་ཁམས་ལ་སོགས་ཏེ། རྒྱལ་ཁམས་ཐམས་ཅད་དུ་དུས་ཀྱི་འཁྲུག་པ་ཞི་བར་གྱུར་ཅིག །མཚོན་གྱི་བསྐལ་པ་ཉམས་པར་གྱུར་ཅིག །མི་ནད་དང་ཕྱུག་ནད་ཐམས་ཅད་རྒྱུན་ཆད་པར་གྱུར་ཅིག །ཆར་ཆུ་དུས་སུ་ཕེབས་ཏེ། ལོ་ ― DNG014_Page_0037 ―
[མ་དཔེ་གཟིགས་ན་འདིར་གནོན།]
ཕྱུགས་རྟག་ཏུ་ལེགས་པ་དང་། སེམས་ཅན་ཐམས་ཅད་བདེ་སྐྱིད་ཕུན་སུམ་ཚོགས་པ་དང་ལྡན་ཏེ་བླ་ན་མེད་པའི་བྱང་ཆུབ་འཐོབ་པར་གྱུར་ཅིག །དྲི་མེད་རྒྱལ་པོ་བཤགས་པའི་རྒྱུད་ལས། ཉམས་ཆག་དང་རྟོག་སྒྲིབ་སྦྱོང་བའི་བཤགས་པ་སྟེ་ལེའུ་གསུམ་པའོ།། །།དེ་ནས་དེ་བཞིན་གཤེགས་པ་རྣམས་ཀྱི་ཐུགས་རྗེ་དམ་ཚིག་ལ་གནས་པ་རྣམས་ཀྱིས་བརྗོད་མེད་ཀྱི་བཤགས་པ་འདི་གསུངས་སོ། །ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེས་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་ཤིང་བཞུགས་སུ་གསོལ། །བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེར་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེར་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་རབ་འབྱམས་མ་ལུས་ཀུན། །འདུ་འབྲལ་མེད་པའི་ངང་དུ་རོ་གཅིག་པས། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ། །ཆོས་རྣམས་རྣམ་དག་ཡེ་ནས་འོད་གསལ་ཞིང་། །རྣལ་འབྱོར་ཉིད་དབྱིངས་སྨྲ་བསམ་ལས་འདས་པ། །མཉམ་ཉིད་བྱང་ཆུབ་སེམས་ལ་རྟག་ཏུ་འདུད། །ཀུན་བཟང་རྫོགས་ཆེན་ཡེ་ནས་གདལ་བ་ལ། །ཕྱི་ནང་གསང་བ་བཀོད་པའི་དཀྱིལ་འཁོར་ནི། །སྣང་སྲིད་རྣམ་དག་ལྷ་དང་ལྷ་མོའི་དབྱིངས། །འབྱུང་དང་འབྱུང་འགྱུར་ཡབ་ཡུམ་ལྷུན་རྫོགས་རྣམས། །གསང་ཆེན་རབ་དགྱེས་གཟུངས་ཆེན་བདག་ཉིད་མ། །མཁའ་དབྱིངས་ཀློང་ཡངས་པདྨར་འཁྱིལ་པ་ནི། །གཉིས་མེད་ཐིག་ལེ་ཆེན་པོར་འོད་གསལ་བ། །མ་བཅོས་སྤྲོས་མེད་བྱང་ཆུབ་སྙིང་པོའི་སྐུ། །ཅིར་ཡང་སྣང་བ་བདེ་ཆེན་གཡུང་ ― DNG014_Page_0038 ―
[མ་དཔེ་གཟིགས་ན་འདིར་གནོན།]
དྲུང་ལྷ། །འདུ་འབྲལ་མེད་པ་གསང་བའི་དཀྱིལ་འཁོར་འདིར། །བདག་ཉིད་ཆེན་པོ་རིགས་ལྔ་ཡབ་ཡུམ་དང་། །བྱང་ཆུབ་ལྕམ་དྲལ་ཁྲོ་བོ་ཁྲོ་མོའི་ཚོགས། །རྡོ་རྗེ་ལྷ་མོ་ཚོགས་རྗེ་ཚོགས་ཀྱི་བདག །རིགས་ལྔ་དཔལ་ཆེན་ཁྲོ་རྒྱལ་ཡབ་ཡུམ་བཅུ། །གནས་དང་ཡུལ་གྱི་ཕྱག་རྒྱ་སྒོ་མ་བཞི། །ཡེ་ཤེས་སྤྲུལ་པའི་ལྷ་ཚོགས་མང་པོ་རྣམས། །མ་ལྟར་བྱམས་ཤིང་སྲིང་ལྟར་གདུང་ལ་སོགས། །ལེགས་ཉེས་བསྟང་འཛིན་དམ་ཚིག་རྗེས་གཅོད་པའི། །ཕྱི་ནང་མཁའ་འགྲོ་རྣལ་འབྱོར་མ་ཡི་ཚོགས། །དབང་གྱུར་རྡོ་རྗེ་དམ་ཅན་དགོངས་སུ་གསོལ། །ཐུགས་རྗེའི་གདུང་འཚོབ་རྣལ་འབྱོར་བདག་ཅག་གིས། །འགྲོ་བའི་དོན་དུ་བྱང་ཆུབ་སེམས་བསྐྱེད་དེ། །བླ་མེད་གོ་འཕང་བགྲོད་པར་བྱ་བའི་ཕྱིར། །བསྟན་པ་རྒྱ་མཚོ་སོ་སོའི་འདུལ་ཁྲིམས་དང་། །སྐུ་གསུང་ཐུགས་དང་མཉམ་སྦྱོར་སྡོམ་པའི་མཆོག །རྡོ་རྗེ་འདའ་དཀའ་དམ་ཚིག་གཏན་གྱི་གཉེར། །སྤྱི་དང་ཁྱད་པར་ལྷག་པའི་དམ་ཚིག་རྣམས། །སྔ་ཕྱིར་མནོས་ཤིང་གཉེར་དུ་སྨྲས་སོ་འཚལ། །ཡུན་དུ་མི་གཏོང་འདའ་བར་མི་བགྱིད་ལ། །དོན་ལས་གོལ་ཞིང་བཟློག་སེམས་མ་མཆིས་ཀྱང་། །གདོད་བྱ་ལོང་ཡོད་སྙམ་པའི་ལེ་ལོ་ཡིས། །ཀློང་དུ་མ་གྱུར་རྩལ་ཤུགས་ཆུང་བ་དང་། །ཤེས་བཞིན་མི་ལྡན་བག་མེད་དབང་གྱུར་ཏེ། །བསྒོམ་ལ་མི་བརྩོན་བསྙེན་སྒྲུབ་གཡེལ་ལ་སོགས། །ཚོར་དང་མ་ཚོར་མ་རིག་དབང་གིས་ནི། །སྟོན་པའི་བཀའ་དང་དམ་ལས་འགལ་གྱུར་ཏེ། །རྣལ་འབྱོར་གང་ཞིག་དམ་ཚིག་ཉམས་པ་དང་། །སྐད་ཅིག་ཙམ་ཡང་ཕྲད་པར་མི་བྱ་ཞེས། །བཀའ་ལས་བྱུང་ཡང་དེ་ལྟར་མ་ལྕོགས་ཏེ། །གསང་སྒོ་འཆོལ་བས་དབྱེ་བསལ་དཀའ་བ་ལ། །མངོན་ཤེས་ཆུང་བས་སྐྱོན་ཅན་མ་རྟོགས་ཏེ། །ཉམས་དང་ཚོགས་འདྲེས་ཉམས་པ་བསྐང་བ་དང་། །ཉམས་དང་སྣོད་མིན་རྣམས་ལ་ཆོས་བཤད་དང་། །ཉམས་ལ་མི་འཛེམ་ཉམས་པའི་སྐྱོན་ལ་སོགས། །ཉམས་དང་འགྲོགས་ཤིང་ཉམས་པ་དེ་དག་གི། །ཉམས་གྲིབ་སྐྱོན་གྱིས་གོས་པར་གྱུར་ཏོ་འཚལ། །ཚེ་འདིའི་རྐྱེན་དང་ཡུན་གྱི་སྒྲིབ་པ་ ― DNG014_Page_0039 ―
[མ་དཔེ་གཟིགས་ན་འདིར་གནོན།]
རྣམས། །རང་གནོང་འགྱོད་པའི་སེམས་ཀྱིས་མཐོལ་ལོ་བཤགས། །བྱམས་པའི་ཐུགས་རྗེས་བདག་ལ་དགོངས་ནས་ཀྱང་། །གཉིས་མེད་དབྱིངས་ལས་མི་འགྱུར་བདག་བཀོད་དེ། །མི་དམིགས་བཏང་སྙོམས་ངང་དུ་བཞུགས་ནས་ཀྱང་། །གཉིས་མེད་དོན་གྱི་ཚངས་པ་སྩལ་དུ་གསོལ། །དོན་དམ་གཉིས་མེད་སྤྲོས་དང་བྲལ་བ་ལ། །རྣམ་རྟོག་གང་ཡང་དམིགས་པར་མི་འགྱུར་ཏེ། །ཀུན་རྫོབ་སྒྱུ་མ་ཙམ་གྱིས་དབང་གིས་ན། །ནོངས་པ་མཆིས་རྣམས་རབ་གནོང་བཟོད་པར་གསོལ། །ཞེས་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། ཡེ་ཤེས་ལྷ་དང་འཁོན་གཙུགས་བཤགས་པ་སྟེ་ལེའུ་བཞི་པའོ།། །།དེ་ནས་རྒྱལ་བ་ཐམས་ཅད་ཀྱི་ཐུགས་རྗེའི་དམ་ཚིག་ལ་གནས་པའི་རིག་འཛིན་ཡབ་ཀྱི་ཚོགས་རྣམས་ཀྱིས་བཤགས་པའི་རྒྱལ་པོ་ཉི་ཤུ་རྩ་བརྒྱད་པ་འདི་གསུངས་སོ། །སྟོན་པ་རྡོ་རྗེ་སེམས་དཔས་གསུངས་པ་ཡི། །ལུང་དང་ཏན་ཏྲ་མང་པོ་མདོར་བསྡུས་ཤིང་། །གསང་སྔགས་མ་ཧཱ་ཡོ་གའི་སྒོར་ཞུགས་པའི། །མི་འདའ་རྡོ་རྗེ་དམ་ཚིག་གཏན་གྱི་གཉེར། །དམ་ལ་གནས་ཤིང་ཚུལ་བཞིན་བསྲུང་ངོ་ཞེས། །བཀའ་གསང་རྒྱུད་ལས་དེ་སྐད་འབྱུང་བཞིན་དུ། །མ་རིག་ལེ་ལོ་སྒྱིད་སྙོམ་རྐྱེན་དབང་གིས། །བཀའ་ལས་འདས་ཤིང་དམ་ལས་གཡེལ་གྱུར་པ། །རང་གནོང་འགྱོད་པའི་སེམས་ཀྱིས་མཐོལ་བཤགས་ན། །མི་དམིགས་བཏང་སྙོམས་ངང་དུ་བཟོད་པར་བཞེས། །རྩ་བ་སྐུ་གསུང་ཐུགས་ཀྱི་དམ་ཚིག་ལས། །སྲི་ཞུ་དད་པའི་རྩལ་ཤུགས་ཆུང་བ་ཡིས། །རྡོ་རྗེ་སློབ་དཔོན་ཐུགས་དང་འགལ་བ་དང་། །བརྩེ་གདུང་ཁྲེལ་འཛེམ་ཆུང་བའི་རང་ཤུགས་ཀྱིས། །མཆེད་དང་ལྕམ་དྲལ་ཐུགས་དང་འགལ་བ་དང་། །སྔགས་དང་ཕྱག་རྒྱ་ལེ་ལོས་རྒྱུན་བཅད་དེ། །གསུང་གི་དམ་ལས་འདས་པར་གྱུར་པ་དང་། །སྤྱི་གསང་བཞི་དང་བར་གསང་བརྒྱད་ལ་སོགས། །གསང་བར་འོས་དང་གསང་བར་གཉེར་གཏད་པ། །གསང་སྒོ་ཡལ་བར་བཏང་བ་ལ་སོགས་ཏེ། །རྩ་བའི་དམ་ལས་འགལ་བ་ཅི་མཆིས་པ། །རང་གནོང་འགྱོད་པའི་སེམས་ཀྱིས་མཐོལ་ ― DNG014_Page_0040 ―
[མ་དཔེ་གཟིགས་ན་འདིར་གནོན།]
བཤགས་ན། །མཁའ་ལྟར་ཁྱབ་པའི་ཐུགས་རྗེས་བདག་བཟུང་ནས། །ཉམས་པའི་སྐྱོན་རྣམས་བཤགས་ན་བྱང་བ་དང་། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །མི་སྤང་བ་ཡི་དམ་ཚིག་ལྔ་པོ་ལ། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་ལ་སོགས་ཉོན་མོངས་ལྔ་རྣམས་ནི། །གསང་སྔགས་བླ་ན་མེད་པའི་སྤྱོད་ཡུལ་ལས། །ཀུན་ཏུ་བཟང་པོ་རོལ་པ་ཆེ་བའི་རྒྱན། །རིགས་ལྔ་ཡེ་ཤེས་ལྔ་ཡི་རང་བཞིན་ལ། །ཡེ་ནས་ཡིན་པ་དེ་ལྟར་མ་རྟོགས་ཏེ། །ལོག་རྟོག་དབང་གིས་སྤངས་པ་བཟོད་པར་གསོལ། །དང་དུ་བླང་བའི་དམ་ཚིག་ལྔ་པོ་ལ། །མཱཾ་ས་བཤང་གཅི་ཁུ་བ་རཀྟ་རྣམས། །ཡེ་ནས་བདུད་རྩི་ལྔ་ཡི་རང་བཞིན་ལ། །དུས་གསུམ་སངས་རྒྱས་རྣམས་ཀྱིས་བསྒྲུབས་པའི་རྫས། །རྒྱལ་བ་རྒྱ་མཚོ་རྣམས་ཀྱི་གཤེགས་པའི་ཤུལ། །ཡེ་ནས་རྣམ་པར་དག་པའི་རང་བཞིན་ལ། །གཙང་སྨེ་རྣམ་རྟོག་བརྟུལ་ཞུགས་ཆུང་བ་ཡིས། །ཆོས་ཉིད་མཉམ་པའི་ངང་དུ་མ་རྟོགས་ཏེ། །དམ་རྫས་དང་དུ་མ་བླངས་བཟོད་པར་གསོལ། །སྤྱད་པར་བྱ་བའི་དམ་ཚིག་ལྔ་པོ་ལ། །སྐྱེ་ཤི་མེད་པར་རྟོགས་པའི་བལྟ་བ་དང་། །གནས་དང་དུས་དང་ཏིང་འཛིན་གསལ་བ་ཡིས། །ཁམས་གསུམ་མ་ལུས་གནས་ནས་བསྒྲལ་བ་དང་། །དུས་གསུམ་འདུ་འབྲལ་མེད་པའི་བལྟ་བ་དང་། །སྔགས་དང་ཕྱག་རྒྱ་ཏིང་འཛིན་གསལ་བ་ཡིས། །ཐབས་དང་ཤེས་རབ་མངོན་སྤྱོད་སྦྱོར་བ་དང་། །སེར་སྣ་འཇུར་གེགས་ཅན་གྱི་ཟས་དང་ནོར། །ཐབས་མཁས་འོད་ཟེར་ཚུལ་དུ་མ་བྱིན་བླང་། །སེམས་ཅན་དོན་དུ་འཕགས་པ་མཆོད་པ་དང་། །གསང་སྔགས་བལྟ་སྤྱོད་གཞན་གྱིས་མི་རིག་ཕྱིར། །གཏིང་དཔག་དཀའ་ཕྱིར་རྫུན་དུ་སྨྲ་བ་དང་། །ཞིང་བཅུ་ཞེ་བཅད་དྲག་ཤུལ་སྤྱོད་པའི་སྔགས། །བཀའ་དང་ལུང་ལས་དེ་ལྟར་འབྱུང་བཞིན་དུ། །སྤྱད་ཅིང་ཉམས་སུ་མ་བླངས་བཟོད་པར་གསོལ། །ཤེས་པར་བྱ་བའི་དམ་ཚིག་ལྔ་པོ་ལ། །ཕུང་པོ་ལྔ་དང་རྣམ་ཤེས་དབང་པོ་ལྔ། །འབྱུང་བ་ལྔ་དང་འདོད་པའི་ཡོན་ཏན་ལྔ། །ཁ་ ― DNG014_Page_0041 ―
[མ་དཔེ་གཟིགས་ན་འདིར་གནོན།]
དོག་ལྔ་དང་སྨན་ལྔ་ལ་སོགས་རྣམས། །རིགས་ལྔ་ཡེ་ཤེས་ལྔ་ཡི་རང་བཞིན་དང། །རིགས་ཀྱི་ཡུམ་ལྔར་ཤེས་པར་བྱའོ་ཞེས། །རྒྱལ་བའི་བཀའ་ལས་དེ་ལྟར་བྱུང་བཞིན་དུ། །ཤེས་རབ་ཞན་པས་དེ་ལྟར་མ་རྟོགས་ཏེ། །བཀའ་དང་གཞུང་ལས་འགལ་བ་བཟོད་པར་གསོལ། །བསྒྲུབ་པར་བྱ་བའི་དམ་ཚིག་ལྔ་པོ་ལ། །ཕྱི་ནང་སྣོད་བཅུད་སྣང་སྲིད་མ་ལུས་རྣམས། །ཡེ་ནས་སངས་རྒྱས་ལྔ་ཡི་རང་བཞིན་ལ། །བདག་གི་དབྱིངས་ལས་གཞན་ན་མི་བཞུགས་ཀྱང་། །གོ་རྟོགས་རིག་པའི་རྩལ་ཤུགས་ཆུང་བ་ཡིས། །རྟོགས་པ་ཀློང་དུ་མ་གྱུར་བཟོད་པར་བཞེས། །ཚོགས་ཀྱི་མཆོད་པ་ལོ་ཟླ་འདས་པ་དང་། །ཚོགས་ཀྱི་ཞལ་ཟས་འབྱོར་ཚོགས་ཆུང་བ་དང་། །རྡོ་རྗེ་སློབ་དཔོན་ཐུགས་དང་འགལ་བ་དང་། །དམ་སྐོངས་མཁའ་འགྲོའི་ཐུགས་དང་འགལ་བ་དང་། །བརྩེ་གདུང་ཁྲེལ་འཛེམ་ཆུང་བའི་རང་ཤུགས་ཀྱིས། །མཆེད་དང་ལྕམ་དྲལ་ཐུགས་དང་འགལ་བ་དང་། །ལུང་དང་བཀའ་ལས་འདས་པ་མཐོལ་ལོ་བཤགས། །ལྟ་བ་འཕངས་མ་ཆོད་པར་གྱུར་པ་དང་། །སྤྱོད་པ་ལ་མ་དོར་བར་གྱུར་པ་དང་། །དམ་ཚིག་ཉམས་པའི་ཆད་པ་མི་བཟོད་པས། །རྡོ་རྗེ་སྲིན་པོས་སྙིང་ཁྲག་འཐུང་བ་དང་། །ཚེ་ཐུང་ནད་མང་ནོར་ཡལ་དགྲས་འཇིགས་དང་། །མནར་མེད་དམྱལ་བ་ཤིན་ཏུ་སྐྱི་གཡའ་བར། །སྡུག་བསྔལ་མི་བཟོད་ཡུན་རིང་གནས་པ་རྣམས། །བདག་གིས་དམ་ཚིག་བཤགས་པ་བགྱིས་པ་ཡིས། །ཉམས་ཤིང་ཆག་པ་ཐམས་ཅད་སོར་ཆུད་དེ། །གོ་འཕང་ཆེན་པོའི་འབྲས་བུ་ཐོབ་པར་ཤོག །དུས་གསུམ་རྒྱལ་བས་བདག་ལ་བྱིན་གྱིས་རློབས། །དམ་སྐོངས་མཁའ་འགྲོ་མང་པོས་བདག་སྲུངས་ཤིང་། །གཉིས་མེད་གསང་བའི་དབྱིངས་ནས་འོད་ཤར་ཏེ། །མཁའ་ལྟར་དག་ཅིང་རྣམ་རྟོག་མི་མངའ་ཡང་། །སྔོན་གྱི་ཐུགས་རྗེའི་དབང་གིས་བདག་བཟུང་སྟེ། །ཡིད་བཞིན་སྐུ་མཆོག་བདག་ལ་བསྟན་པ་དང་། །རིག་འཛིན་དངོས་གྲུབ་དབྱིངས་ནས་བདག་ལ་སྩོལ། །ལྷ་དང་ལྷ་མིན་ཕྱོགས་བཅུའི་རྣལ་འབྱོར་རྣམས། །མི་འདའ་ ― DNG014_Page_0042 ―
[མ་དཔེ་གཟིགས་ན་འདིར་གནོན།]
རྡོ་རྗེ་དམ་ཚིག་གཏན་གྱི་གཉེར། །རྩ་བ་གསུམ་དང་ཡན་ལག་ཉི་ཤུ་ལྔ། །ཚོར་དང་མ་ཚོར་མ་རིག་དབང་གིས་ན། །ཉམས་པའི་སྐྱོན་གྱིས་གོས་པར་གྱུར་ཏོ་འཚལ། །བདག་གིས་དམ་ཚིག་གདུངས་པའི་བཤགས་པ་འདིས། །རྣལ་འབྱོར་དམ་ཚིག་ཉམས་པ་བསྐངས་གྱུར་ནས། །གོ་འཕང་ཆེན་པོའི་འབྲས་བུ་ཐོབ་པར་ཤོག །ཁམས་གསུམ་འཁོར་བའི་སེམས་ཅན་མ་ལུས་རྣམས། །མཉམ་ཉིད་རྡོ་རྗེའི་གྲལ་དུ་གནས་པར་ཤོག །མཁའ་འགྲོ་མ་ཡི་ཐུགས་རྗེས་བདག་བཟུང་ཞིང་། །ཉམས་པའི་སྐྱོན་རྣམས་གཏན་ནས་བྱང་བ་དང་། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །ཞེས་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། ཉམས་གྲིབ་བསྐང་བའི་བཤགས་པ་སྟེ་ལེའུ་ལྔ་པའོ།། །།དེ་ནས་བཅོམ་ལྡན་འདས་ཐམས་ཅད་ཀྱི་དམ་ཚིག་ལ་གནས་པའི་རིག་འཛིན་ཡུམ་གྱི་ཚོགས་རྣམས་ཀྱིས་བཤགས་པ་འདི་གསུངས་སོ། །ཡེ་ཤེས་ལྷ་དང་མཁའ་འགྲོ་དམ་ཚིག་ཅན། །ཕྱི་ནང་སྲུང་མ་མ་ལུས་དགོངས་སུ་གསོལ། །ཡུན་རིང་དུས་ནས་བསྙེན་ཅིང་བསྒྲུབས་པའི་ལྷ། །སྲུང་མ་དམ་ཅན་མ་ལུས་དགོངས་སུ་གསོལ། །རྡོ་རྗེ་སློབ་དཔོན་མཆེད་དང་ལྕམ་དྲལ་དང་། །རིག་འཛིན་སྒྲུབ་པོ་རྣམས་ཀྱང་དགོངས་སུ་གསོལ། །རྣལ་འབྱོར་དམ་ཚིག་བསྲུང་བར་ཞལ་འཆེས་པའི། །སྐུ་གསུམ་གདུང་འཚོབ་རྣམས་ཀྱང་དགོངས་སུ་གསོལ། །བཀོད་པའི་རྒྱལ་པོ་དམ་ཚིག་འབུམ་སྡེ་ལས། །ཡོ་ག་རྣམ་པ་བཞི་ཡི་དོན་ཆེད་དུ། །མཁྱེན་རབ་མཆོག་ཏུ་གྱུར་པའི་གསང་བདག་གིས། །ཉི་ཤུ་རྩ་བརྒྱད་མདོར་བསྡུས་གྲངས་བསྟན་པ། །རྟོགས་ནས་བསྲུང་ཞིང་བསྒྲུབ་པར་དམ་བཅས་པའི། །ཚུལ་ལམ་གཞུང་བཞིན་སྒྲུབ་རྔོ་མ་ཐོགས་པར། །མ་རིག་བདག་ཅག་ལུས་དང་ངག་སེམས་ཀྱིས། །བག་མེད་ཚུལ་གྱིས་དམ་ལས་འགལ་གྱུར་ཏེ། །རས་ཆོད་རང་གར་བསྲུང་མཚམས་འདས་པ་དང་། །མ་རྟོགས་མ་བསྲུངས་སྒྲུབ་པའི་རྩལ་ཆུང་བས། །རྩ་བ་ཡན་ ― DNG014_Page_0043 ―
[མ་དཔེ་གཟིགས་ན་འདིར་གནོན།]
ལག་བཅས་པའི་དམ་ཚིག་ལས། །ཉམས་ཆག་འགལ་འཁྲུལ་གྱུར་པ་མཐོལ་ལོ་བཤགས། །རྡོ་རྗེ་སློབ་དཔོན་མཆེད་དང་ལྕམ་དྲལ་ལ། །ལོག་བལྟ་ངན་སེམས་རྐུ་འཕྲོག་བརྡེག་ལ་སོགས། །ངན་དུ་སྨྲ་ཞིང་གནོད་པ་དངོས་སུ་བགྱིས། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །ཡི་དམ་ལྷ་ཡི་ཏིང་འཛིན་གཡེལ་གྱུར་ཅིང་། །ཕྱག་རྒྱ་རྣམ་བཞི་གཞུང་བཞིན་མ་གསལ་ཏེ། །སྔགས་དང་བཟླས་བརྗོད་སྙིང་པོ་བར་ཆོད་པས། །གསུང་གི་དམ་ཚིག་ཉམས་པ་མཐོལ་ལོ་བཤགས། །གསང་བཅུ་ལ་སོགས་མན་ངག་གཉེར་གཏད་པ། །དམ་ཚིག་ཉམས་དང་མ་འདྲེས་མེད་པ་ལ། །ཚིག་ཏུ་འཛགས་ཤིང་སྤྱོད་ལམ་རྩིངས་པ་ཡིས། །ཐུགས་ཀྱི་དམ་ཚིག་ཉམས་པ་མཐོལ་ཞིང་བཤགས། །སྤྱད་པར་བྱ་བའི་དམ་ཚིག་རྣམ་པ་ལྔ། །སྦྱོར་སྒྲོལ་མ་བྱིན་ལེན་དང་རྫུན་དུ་སྨྲ། །ཚིག་བརླང་ལ་སོགས་དམ་ཚིག་སྨད་ལྔ་ནི། །གཉིས་སུ་མེད་པའི་ངང་དུ་མཉམ་སྦྱར་ནས། །འགྲོ་བའི་དོན་དུ་གཞུང་བཞིན་སྤྱད་རྒྱུ་ལ། །བཀའ་དང་གཞུང་བཞིན་སྤྱད་པར་མ་གྱུར་ཏེ། །མ་རིག་ལོག་པར་སྤྱད་པའི་ཉེས་བྱས་ཀྱང་། །སྤྱད་པའི་དམ་ཚིག་ཉམས་པ་མཐོལ་ཞིང་བཤགས། །མི་སྤང་བ་ཡི་དམ་ཚིག་རྣམ་ལྔ་ནི། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་ལ་སོགས་ཉོན་མོངས་རྣམ་ལྔ་ནི། །ཡེ་ནས་རིགས་ལྔའི་རང་བཞིན་ཡིན་པའི་ཕྱིར། །རྟོགས་ནས་སྤང་དུ་མེད་པར་གནས་རྒྱུ་ལ། །དེ་བཞིན་མ་རྟོགས་ཉོན་མོངས་རང་དགར་སྤྱད། །མི་སྤང་དམ་ཚིག་ཉམས་པ་མཐོལ་ཞིང་བཤགས། །དང་དུ་བླང་བའི་དམ་ཚིག་ལྔ་པོ་ནི། །དྲི་ཆེན་དྲི་ཆུ་དམར་ཆེན་ཟིལ་པ་དང་། །ཤ་ཆེན་ལ་སོགས་དམ་རྫས་རྣམ་པ་ལྔ། །གྲུབ་པ་བཞི་དང་ཡིན་པ་གསུམ་ལ་སོགས། །སོ་སོའི་རྣམ་པར་རྟོག་པ་ཀུན་སྦྱོངས་ཤིང་། །དངོས་གྲུབ་སྒྲུབ་པར་བྱེད་པའི་ཐབས་ཆེན་པོ། །འཛིན་རྟོག་མེད་པར་དང་དུ་བླང་རྒྱུ་ལ། །གཉིས་མེད་བལྟ་བས་དང་དུ་མ་བླངས་ཏེ། །གཙང་སྨེར་བལྟས་ནས་ཚུལ་བཞིན་མ་བླངས་པས། །རྟེན་པའི་དམ་ཚིག་ཉམས་པ་མཐོལ་ཞིང་བཤགས། །ཤེས་ ― DNG014_Page_0044 ―
[མ་དཔེ་གཟིགས་ན་འདིར་གནོན།]
པར་བྱ་བའི་དམ་ཚིག་ལྔ་རྣམས་ལ། །ཕུང་པོ་ལྔ་དང་འབྱུང་བ་ཆེན་པོ་ལྔ། །ཁ་དོག་ལྔ་དང་ཡུལ་ལྔ་དབང་པོ་ལྔ། །རྣམ་ཤེས་ལྔ་དང་རིགས་ལྔ་ཡེ་ཤེས་ལྔ། །ཡབ་ལྔ་ཡུམ་ལྔར་སྦྱོར་ཞིང་ཤེས་པ་ཡིས། །རྟོག་པ་ཁྱད་པར་ཅན་དུ་བགྱིད་རྒྱུ་ལས། །རྨོངས་ཤིང་འཁྲུལ་པས་དེ་ལྟར་མ་རྟོགས་ཏེ། །ཉན་ཐོས་ལ་སོགས་ཐེག་པ་འོག་མ་ལས། །རྟོག་པ་ཁྱད་པར་ཅན་དུ་མ་གྱུར་ཏེ། །ཤེས་བྱའི་དམ་ཚིག་ཉམས་པ་མཐོལ་ཞིང་བཤགས། །བསྒྲུབ་པར་བྱ་བའི་དམ་ཚིག་རྣམ་ལྔ་ལ། །རྡོ་རྗེའི་རིགས་དང་དེ་བཞིན་གཤེགས་པའི་རིགས། །རིན་ཆེན་རིགས་དང་དེ་བཞིན་པདྨའི་རིགས། །ལས་ཀྱི་རིགས་ལ་སོགས་ཏེ་སངས་རྒྱས་ལྔ། །འདི་ནི་བསྒྲུབ་པར་བྱ་བའི་འབྲས་བུ་སྟེ། །སྒོམ་སྒྲུབ་ཏིང་འཛིན་ལེ་ལོ་མེད་པ་ཡིས། །སྒྲུབ་པའི་འབྲས་བུ་ཐོབ་པར་བགྱིད་རྒྱུ་ལ། །འབད་པའི་རྩལ་ཆུང་སྒོམ་སྒྲུབ་ཡུན་ཐུང་བས། །སྒྲུབ་པའི་འབྲས་བུ་ད་དུང་མ་ཐོབ་སྟེ། །བསྒྲུབ་བྱའི་དམ་ཚིག་ཉམས་པ་མཐོལ་ཞིང་བཤགས། །དེ་ལ་སོགས་ཏེ་དམ་ཚིག་ཆེན་པོ་ཡི། །གཞུང་དང་འགལ་བར་གྱུར་པས་ཉེས་བྱས་ཤིང་། །ཡེ་ཤེས་ལྷ་དང་མཁའ་འགྲོ་དམ་ཚིག་ཅན། །མ་སྲིང་རྒྱ་མཚོའི་ཐུགས་དང་ཅི་འགལ་བ། །ཤིན་ཏུ་གནོང་ཞིང་འགྱོད་པས་མཐོལ་ཞིང་བཤགས། །རྡོ་རྗེ་སློབ་དཔོན་མཆེད་དང་ལྕམ་དྲལ་དང་། །རྣལ་འབྱོར་དམ་ཅན་ཐུགས་དང་ཅི་འགལ་བ། །དམ་ལས་འགལ་གྱུར་འགྱོད་པས་མཐོལ་ཞིང་བཤགས། །བདག་གིས་རྩེ་གཅིག་ཟོལ་ཟོག་མེད་པ་ཡིས། །སྒྱུ་མེད་སེམས་ཀྱིས་བཤགས་སྦྱང་འདི་བརྗོད་པས། །བདག་ཉིད་ཉམས་ཆག་སྒྲིབ་པ་འདིར་བྱང་ནས། །ཚེ་འདི་ཉིད་ལ་རིག་འཛིན་ས་ཐོབ་སྟེ། །བྱིན་རླབས་རྩལ་འཕང་གཟི་བརྗིད་ནུས་མཐུ་དང་། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །ཞེས་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། དམ་ཚིག་ཉི་ཤུ་རྩ་བརྒྱད་པའི་བཤགས་པ་སྟེ་ལེའུ་དྲུག་པའོ།། །།དེ་ནས་སངས་རྒྱས་ཐམས་ཅད་ཀྱི་དམ་ཚིག་ལ་གནས་པའི་དཔལ་ཆེན་པོ་རྣམས་ ― DNG014_Page_0045 ―
[མ་དཔེ་གཟིགས་ན་འདིར་གནོན།]
ཀྱིས་བཤགས་པ་འདི་གསུངས་སོ། །བཅོམ་ལྡན་དཔལ་ཆེན་ཁྲོ་རྒྱལ་ཕྱག་བརྙན་ནི། །ཐབས་མཁས་ཐུགས་རྗེ་ཡེ་ཤེས་སྤྲུལ་པ་དང་། །རང་རྒྱུད་རྣལ་འབྱོར་དག་པའི་གྲུབ་པ་ཅན། །རྡོ་རྗེ་ལྕམ་དྲལ་མང་པོ་དགོངས་སུ་གསོལ། །ཀུན་ཏུ་བཟང་པོ་རྡོ་རྗེ་འཛིན་པ་ཡི། །སྙིང་ལ་གནས་པའི་དམ་ཚིག་བྱིན་བརླབས་པ། །ཐེག་ཆེན་ཁྱེད་ཀྱིས་དང་དུ་བཞེས་ནས་ཀྱང་། །ཞལ་འཆེས་གང་ལགས་རྗེས་སུ་དགོངས་པར་མཛོད། །བདག་གི་མིག་ལ་སོགས་ཏེ་དབང་པོ་ལྔ། །བེམས་པོའི་རང་བཞིན་རྣམ་ཤེས་མ་སྦྱངས་པས། །ཁྱེད་ཀྱི་སྐུ་གསུང་མི་མཐོང་མི་ཐོས་ཏེ། །མུན་པའི་ཚོགས་དང་འདྲ་བར་བཅིངས་མོད་ཀྱི། །འོན་ཀྱང་ཡིད་ཆེས་སེམས་འདི་རྩེ་གཅིག་གིས། །མངོན་སུམ་འདྲ་བར་རྟག་ཏུ་རྗེས་དྲན་ན། །དུས་གསུམ་ཀུན་ནས་མ་བསྒྲིབས་མཁྱེན་པ་ཡི། །རྡོ་རྗེ་ལྕམ་དྲལ་མང་པོ་བདག་ལ་དགོངས། །ཡེ་ཤེས་མངོན་ཤེས་ལྡན་ཞིང་ཐུགས་བརྩེ་བ། །མཐུ་རྩལ་རྨད་བྱུང་ཕན་པའི་དགོངས་པ་ཅན། །གཞན་གྱིས་མ་བཅོལ་ཉིད་ཀྱིས་ཞལ་འཆེས་པ། །བདེན་པར་གསུངས་པས་བདག་གི་གྲོགས་མཛོད་ཅིག །གང་དག་བྱང་ཆུབ་སེམས་དང་ལྡན་པ་དང་། །སྐུ་གསུང་ཐུགས་ཀྱི་རྣལ་འབྱོར་སྤྱོད་པ་ལ། །ཀུན་ནས་བསྲུང་ཞིང་རེ་བ་བསྐང་ངོ་ཞེས། །ཁྱེད་ཀྱི་ཐུགས་དམ་མི་འགྱུར་དེ་ལགས་ན། །བདག་ལ་བླ་མེད་བྱང་ཆུབ་སེམས་མཆིས་ཀྱིས། །སྐུ་གསུང་རྣལ་འབྱོར་བརྩོན་པར་བགྱིད་ལགས་ན། །རྡོ་རྗེ་དམ་ཅན་མ་ལུས་རྒྱ་མཚོ་ཡིས། །ཀུན་ནས་བསྲུང་ཞིང་རེ་བ་བསྐང་དུ་གསོལ། །ཐེག་ཆེན་རྣལ་འབྱོར་བསྐྱང་བར་ཞལ་འཆེས་པའི། །དུས་དང་ཚད་མཁྱེན་མཐུ་དང་ལྡན་བཞིན་དུ། །སྐྱེས་མཆོག་ཁྱེད་ཀྱང་བཏང་སྙོམས་མཛད་ན་ཀོ། །དང་པོའི་དམ་བཅས་འགལ་བར་མི་འགྱུར་རམ། །གང་གིས་གང་ལ་རང་གིས་དམ་བཅས་པ། །དེ་ཡིས་དེ་ཉིད་དོན་དུ་གཉེར་དགོངས་པ། །གཞན་གྱིས་བསྐུལ་ཞིང་གསོལ་གདབ་མི་འཚལ་ན། །ཉིད་ཀྱི་ཐུགས་དམ་འབྲས་བུ་མཆིས་པར་མཛོད། །བདག་གི་དམ་ཚིག་རྡོ་རྗེའི་མཆོག་གསུམ་པོ། །ཁྱེད་ཀྱི་ཐུགས་དམ་མཆོག་ཀྱང་ ― DNG014_Page_0046 ―
[མ་དཔེ་གཟིགས་ན་འདིར་གནོན།]
དེ་ལགས་པས། །རིགས་མི་མཐུན་ཀྱང་དམ་ཚིག་གིས་བསྡུས་ན། །ལྕམ་དྲལ་ཚུལ་དུ་ཉེ་ཞིང་གདུང་བར་མཛོད། །སྔོན་འདས་དུས་ན་བསྟན་པ་འཇིག་ལ་སོགས། །ཞེ་སྡང་གདུག་པའི་དགྲ་བགེགས་གར་བྱུང་ཡང་། །ཁྱེད་ཀྱི་ཐུགས་རྗེ་ལྷག་པར་དེར་ཕྱུང་ཞིང་། །དྲག་ཤུལ་ཐབས་ཀྱིས་འདུལ་བ་ཇི་བཞིན་དུ། །ད་ལྟ་དུས་ངན་བསྟན་པ་འཇིག་ལ་སོགས། །སྡིག་པའི་འབྲས་བུ་སྨིན་པར་ཁྱེད་མཁྱེན་གྱིས། །རྡོ་རྗེ་ལྕམ་དྲལ་མ་ལུས་རྒྱ་མཚོ་ཡིས། །སོ་སོའི་ཐུགས་དམ་ཆེན་པོ་དགོངས་མཛོད་ལ། །ཇི་ལྟར་འཚམ་པ་བཞིན་དུ་ཕྲིན་ལས་མཛོད། །དབང་ཕྱུག་ལ་སོགས་བྱེད་པོར་ཁས་འཆེས་ཀྱང་། །དེ་ཉིད་དངོས་པོ་ལྟ་བུར་བྱེད་མི་ནུས། །ཁྱེད་ནི་སྒྱུ་མའི་ཆོས་ལ་མངའ་བརྙེས་པས། །སྒྱུ་མའི་རང་བཞིན་ཅིར་ཡང་གྲུབ་པར་མཛོད། །མི་ནུས་མངོན་ཤེས་མཐུ་དང་མི་ལྡན་ཡང་། །དམ་ཚིག་ཆོས་ཕྱིར་སྲོག་ལུས་ཕོངས་པ་མེད། །ཁྱེད་ནི་ཐོགས་མེད་མཐུ་དང་ལྡན་བཞིན་དུ། །འགྲོ་བའི་མགོན་སྐྱབས་ཅི་ཕྱིར་བསྐུལ་ལས་བཤགས། །སྲིད་པ་ལས་ཀྱི་དུས་ལ་མ་བབ་ཅེས། །འགྲོ་བ་འདུལ་བའི་ཕྲིན་ལས་མི་མཛད་ཅིང་། །ཐམས་ཅད་ཀུན་ལ་ལས་ཀྱི་དབང་བཙན་ན། །ཐུགས་རྗེའི་བྱིན་རླབས་སུ་ལ་ཅི་ཞིག་བགྱི། །གང་ཞིག་ཆོས་མིན་འགལ་བར་སྤྱོད་པ་ཡང་། །འབད་པའི་འབྲས་བུ་མེད་པར་མི་འགྱུར་རམ། །ཤེས་རབ་སྙིང་རྗེ་ཐབས་དང་མི་འགལ་བའི། །རེ་བ་བསྐང་བ་ལྟ་ཞིག་སྨོས་ཅི་འཚལ། །འདའ་དཀའ་རྡོ་རྗེ་དམ་ཚིག་མཆོག་བསྲུང་བར། །གྲུབ་པ་ཁྱེད་དང་འདྲ་བ་མ་ལགས་ན། །ཆོས་སྲུང་འགྲོ་དོན་བདག་གིས་མི་ལྕོགས་པས། །བྱིན་རླབས་མཆོག་དང་ལྡན་པར་མཛད་དུ་གསོལ། །དམ་ཚིག་ཉམས་པ་ལ་སོགས་ཉེས་པ་རྣམས། །ཚེ་རབས་འདི་ལ་ཉམས་སུ་མྱོང་འགྱུར་བ། །ཆོས་དབྱིངས་འགྲོ་དོན་བདག་གིས་རྟོགས་པ་རུ། །ཆོས་ལ་དབང་བསྒྱུར་ཁྱེད་ཀྱིས་བཟློག་ཏུ་གསོལ། །ཐུགས་རྗེ་བརྩེ་ལྡན་རྡོ་རྗེ་ལྕམ་དྲལ་ལ། །འདི་སྐད་བསྐུལ་ཞིང་གསོལ་ལྟ་མི་འཚལ་ན། །ཞེ་སྡང་མཐའ་ཡི་སེམས་ ― DNG014_Page_0047 ―
[མ་དཔེ་གཟིགས་ན་འདིར་གནོན།]
ཀྱིས་མི་གསོལ་ཏེ། །འགྲོ་དོན་བྱང་ཆུབ་སེམས་ཀྱིས་སྨྲེ་ལགས་ན། །ཐུགས་དང་འགལ་བར་གྱུར་པ་བཟོད་པར་གསོལ། །འཕགས་པའི་བཀའ་ཆད་བདག་ལ་མི་གཏོང་ཞིང་། །ཐུགས་རྗེ་ཆེན་པོས་ཚངས་པ་སྩལ་དུ་གསོལ། །དྲི་མེད་རྒྱལ་པོ་བཤགས་པའི་རྒྱུད་ལས། རྡོ་རྗེ་དཔལ་ཆེན་གྱི་བཤགས་པ་སྟེ། ལེའུ་བདུན་པའོ།། །།དེ་ནས་བདེ་བར་གཤེགས་པ་ཐམས་ཅད་ཀྱིས། ཡེ་ཤེས་མཁའ་འགྲོ་ལ་སོགས་པ་མཁའ་འགྲོ་མའི་ཚོགས་ཀྱི་བཤགས་པ་འདི་གསུངས་སོ། །ཨོཾ་ཡེ་ཤེས་མཁའ་འགྲོ་དབང་ཕྱུག་ཁྲོ་རྒྱལ་གཙོ། །བདེ་ཆེན་གཉིས་མེད་ཡུམ་གྱི་དབྱིངས་སུ་སྦྱོར། །བདག་ཏུ་བལྟ་བའི་ང་རྒྱལ་འཇོམས་མཛད་པའི། །དཔང་གྱུར་རྡོ་རྗེ་དམ་ཅན་དགོངས་སུ་གསོལ། །ཏ་ནའི་གནས་མཆོག་སྒྲོལ་བ་གནས་མ་སྟོངས། །ག་ཎའི་གནས་མཆོག་སྦྱོར་བ་བྱིན་མ་བརླབས། །དཔལ་ཆེན་ཁྲོ་རྒྱལ་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །རྨད་དུ་བྱུང་བའི་མཆོད་པ་ཏན་གཎ་ནི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པ་ལྔ་ཡི་ཡོན་ཏན་བསམ་ཡས་ཀྱིས། །ཡེ་ཤེས་མཁའ་འགྲོའི་ཐུགས་དམ་བསྐང་གྱུར་ཅིག །དཔལ་ཆེན་ཁྲོ་རྒྱལ་ཡབ་ཡུམ་ཐུགས་རྗེ་ཡིས། །རྩེ་གཅིག་སྒྲུབ་པ་པོ་ཡི་གྲོགས་མཛོད་ལ། །བར་གཅོད་བྱེད་པའི་དགྲ་བགེགས་རྡུལ་དུ་རློག །གྲུབ་པའི་འབྲས་བུ་དུས་འདིར་སྩལ་དུ་གསོལ། །ཧཱུཾ་རྡོ་རྗེ་མཁའ་འགྲོ་དབང་ཕྱུག་གཽ་རཱི་བརྒྱད། །སིངྷ་ལ་སོགས་ཡུལ་གྱི་ཕྲ་མེན་བརྒྱད། །རྟ་གདོང་ལ་སོགས་འབར་མ་ཁྲོ་མོ་བཞི། །དཔང་གྱུར་རྡོ་རྗེ་དམ་ཅན་དགོངས་སུ་གསོལ། །ཨོཾ་བསྒོམ་བསྒྲུབ་དུས་ལས་གཡེལ་བར་གྱུར་པ་ཡིས། །སྒྲུབ་པའི་རྫས་མཆོག་བདུད་རྩི་ཨ་མྲྀ་ཏ། །དུས་དྲུག་མཆོད་པའི་ཚུལ་དུ་མ་སྦྱར་བ། །བཟོད་པར་གསོལ་ལོ་ཚངས་པ་སྩལ་དུ་གསོལ། །བྱང་ཆུབ་སེམས་དང་མཱཾ་ས་རཀྟ་དང་། །དྲི་ཆེན་དྲི་ཆུ་གོ་ཀུ་ད་ཧ་ན། །གཉིས་མེད་སྦྱར་བའི་སྨན་མཆོག་ཨ་མྲྀ་ཏས། །རྡོ་རྗེ་མཁའ་འགྲོའི་ཐུགས་ ― DNG014_Page_0048 ―
[མ་དཔེ་གཟིགས་ན་འདིར་གནོན།]
དམ་བསྐང་གྱུར་ཅིག །འབར་བའི་སྐུ་མཆོག་རྫོགས་པའི་དཀྱིལ་འཁོར་དུ། །བདུད་དང་སྲིན་པོ་མ་ལུས་འདུལ་བའི་ཕྱིར། །རྩེ་གཅིག་སྒྲུབ་པ་པོ་ལ་ཞལ་སྟོན་ལ། །བར་གཅོད་བྱེད་པའི་དགྲ་བགེགས་རྡུལ་དུ་རློག །ཨོཾ་ཤ་ཟ་མཁའ་འགྲོ་དབང་ཕྱུག་ཉི་ཤུ་བརྒྱད། །སྲིད་གསུམ་རྒྱལ་མོ་དུར་ཁྲོད་བརྒྱད་ཀྱི་ཡུམ། །གཙོ་མོ་མངོན་སྤྱོད་མ་བདུན་འཁོར་དང་བཅས། །དཔང་གྱུར་རྡོ་རྗེ་དམ་ཅན་དགོངས་སུ་གསོལ། །མཆོད་པ་ལོ་ཟླའི་དུས་ལས་འདས་པ་དང་། །རྫས་དང་ཕྱག་རྒྱ་དུས་འདིར་མ་རྫོགས་ཤིང་། །ཤ་ཁྲག་དམར་གྱི་དམ་ལས་གཡེལ་གྱུར་ཏེ། །ཤ་ཟ་མཁའ་འགྲོའི་ཐུགས་དང་ཅི་འགལ་བ། །བཟོད་པར་གསོལ་ལོ་ཚངས་པར་སྩལ་དུ་གསོལ། །དུར་ཁྲོད་རྫས་མཆོག་ཐལ་ཆེན་བ་སུ་ཏ། །ཤ་ཁྲག་དམར་གྱི་མཆོད་པ་རབ་སྦྱར་ཏེ། །བྷནྡྷའི་སྣོད་དུ་དམར་ཆེན་བསྐྱིལ་བ་འདིས། །ཤ་ཟ་མཁའ་འགྲོའི་ཐུགས་དམ་བསྐང་གྱུར་ཅིག །ཨོཾ་སྔོན་ཚེ་དཔལ་ཆེན་ཁྲོ་རྒྱལ་སྤྱན་སྔ་རུ། །སུས་ཀྱང་མ་བཅོལ་ཉིད་ཀྱིས་ཞལ་འཆེས་ཏེ། །རྩེ་གཅིག་སྒྲུབ་པ་པོ་ཡི་གྲོགས་མཛོད་ལ། །རྣལ་འབྱོར་དབང་ཕྱུག་ཆེན་པོའི་འཁོར་སྲུངས་ཤིག །ཨོཾ་ལས་ཀྱི་མཁའ་འགྲོ་ཕྱི་ཡི་རྣལ་འབྱོར་བཞི། །བདག་ཉིད་ཆེན་མོ་ལ་སོགས་མ་མོའི་ཚོགས། །ལྷ་དང་ལྷ་མིན་ཕྱོགས་བཅུའི་མཁའ་འགྲོ་མ། །དཔང་གྱུར་རྡོ་རྗེ་དམ་ཅན་དགོངས་སུ་གསོལ། །ལྟ་བ་མཐོས་པས་སྤྱོད་ལམ་རྩིངས་པ་དང་། །ཉ་སྟོང་གསོ་སྦྱོང་དུས་ལས་གཡེལ་གྱུར་ཅིང་། །གཉིད་ཆང་རྨོངས་པས་ཕྱི་མཆོད་མ་སྐོངས་པ། །བཟོད་པར་གསོལ་ལོ་ཚངས་པར་སྩལ་དུ་གསོལ། །དམ་ཚིག་ལྷག་མ་ཁ་ཆུའི་འོད་ཟེར་འཕྲོ། །ཀུན་ཏུ་བཟང་པོའི་མཆོད་སྤྲིན་ཨ་མྲྀ་ཏ། །ཤ་ཁྲག་བདུད་རྩིའི་མཆོད་པ་ཆེན་པོ་འདིས། །ལས་ཀྱི་མཁའ་འགྲོའི་ཐུགས་དམ་བསྐང་གྱུར་ཅིག །ཨོཾ་སྟོང་ཁམས་ཡོངས་སུ་འཆོལ་བར་གྱུར་མོད་ཀྱང་། །བདག་ནི་རྡོ་རྗེའི་དམ་ལས་མི་འདའ་ཞིང་། །དཔལ་ཆེན་བསྒོམ་བསྒྲུབ་ལས་ལ་བརྩོན་ལགས་ན། །སྐྱེས་ཆེན་ཁྱེད་ཀྱི་ཐུགས་དམ་མཉེས་གྱུར་ཅིག །དུར་ཁྲོད་ཀློང་དགུའི་མཁའ་འགྲོ་ ― DNG014_Page_0049 ―
[མ་དཔེ་གཟིགས་ན་འདིར་གནོན།]
རྣམ་བཞིའི་ཚོགས། །ཁམས་གསུམ་འཁོར་བའི་སྡུག་བསྔལ་ཅི་འདྲ་བ། །བྱམས་མགོན་ཁྱེད་ཀྱིས་ཐུགས་ལ་དེ་ལྟར་གསལ། །དམྱལ་ཚོགས་མེ་ལྟར་འབར་བ་ཞི་བར་མཛོད། །ཐུགས་རྗེའི་གདུང་འཚོབ་རིག་འཛིན་བདག་གིས་ནི། །དང་པོར་བྱང་ཆུབ་མཆོག་ཏུ་སེམས་བསྐྱེད་ནས། །འདའ་དཀའ་རྡོ་རྗེའི་དམ་ཚིག་མཆོག་གསུམ་པོ། །རྒྱལ་བའི་བཀའ་ལས་འདའ་བར་མི་བགྱིད་ལ། །གསང་སྔགས་འཆོལ་བར་གྱུར་གྱིས་གསལ་ཀ་མོད། །ཉམས་དང་ཚོགས་འདྲེས་གྱུར་པ་བསྐང་སོ་འཚལ། །བློ་སེམས་རྟུལ་བས་སྐྱོན་ཅན་མ་རྟོགས་ཏེ། །རང་གནོང་འགྱོད་པའི་སེམས་ཀྱིས་མཐོལ་བཤགས་ན། །གྲོགས་ངན་ཉམས་གྲིབ་སྐྱོན་གྱིས་མ་གོས་ཤིང་། །ཉམས་པ་རྣམས་ལ་ཆད་པ་སྒོར་བཅད་དེ། །འདི་ཕྱིའི་རྐྱེན་དང་སྒྲིབ་པར་མི་འགྱུར་བར། །ཕྲ་མེན་སྤྲུལ་ཚོགས་དབྱེ་བསལ་མཛད་དུ་གསོལ། །ཞེས་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། ཡེ་ཤེས་མཁའ་འགྲོའི་བཤགས་པའི་ལེའུ་སྟེ་བརྒྱད་པའོ།། །།དེ་ནས་ལོངས་སྤྱོད་ཆེན་པོའི་དམ་ཚིག་ལ་གནས་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས་ཆོས་ཉིད་ཞི་བའི་བཤགས་པ་འདི་གསུངས་སོ། །ཀུན་བཟང་ཡབ་ཡུམ་གསན་ཅིང་དགོངས་སུ་གསོལ། །ཡིད་དང་ཆོས་ནི་ཡེ་ནས་མངོན་སངས་རྒྱས། །ཀུན་བཟང་ཡབ་ཡུམ་དགོངས་སྤྱོད་དེ་འདྲ་ཡང་། །དེ་ལྟར་བདག་གིས་མ་རིག་མ་རྟོགས་ཏེ། །ཀུན་བཟང་ཡབ་ཡུམ་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །རྒྱལ་བ་རིགས་ལྔ་གསན་ཅིང་དགོངས་སུ་གསོལ། །ཕུང་པོ་ལྔ་ནི་ཡེ་ནས་མངོན་སངས་རྒྱས། །རྒྱལ་བ་རིགས་ལྔའི་དགོངས་སྤྱོད་དེ་འདྲ་ཡང་། །དེ་ལྟར་བདག་གིས་མ་རིག་མ་རྟོགས་ཏེ། །རྒྱལ་བ་རིགས་ལྔའི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །རིགས་ཀྱི་ཡུམ་རྣམས་གསན་ཅིང་དགོངས་སུ་གསོལ། །འབྱུང་བ་ལྔ་ནི་ཡེ་ནས་མངོན་སངས་རྒྱས། །རིགས་ཀྱི་ཡུམ་ལྔའི་དགོངས་སྤྱོད་དེ་འདྲ་ཡང་། ། ― DNG014_Page_0050 ―
[མ་དཔེ་གཟིགས་ན་འདིར་གནོན།]
དེ་ལྟར་བདག་གིས་མ་རིག་མ་རྟོགས་ཏེ། །རིགས་ཀྱི་ཡུམ་ལྔའི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །སེམས་དཔའ་བརྒྱད་རྣམས་གསན་ཅིང་དགོངས་སུ་གསོལ། །རྣམ་ཤེས་བརྒྱད་ནི་ཡེ་ནས་མངོན་སངས་རྒྱས། །སེམས་དཔའ་བརྒྱད་ཀྱི་དགོངས་སྤྱོད་དེ་འདྲ་ཡང་། །དེ་ལྟར་བདག་གིས་མ་རིག་མ་རྟོགས་ཏེ། །སེམས་དཔའ་བརྒྱད་ཀྱི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །སེམས་མ་བརྒྱད་རྣམས་གསན་ཅིང་དགོངས་སུ་གསོལ། །ཡུལ་བཞི་དུས་བཞི་ཡེ་ནས་མངོན་སངས་རྒྱས། །སེམས་མ་བརྒྱད་ཀྱི་དགོངས་སྤྱོད་དེ་འདྲ་ཡང་། །དེ་ལྟར་བདག་གིས་མ་རིག་མ་རྟོགས་ཏེ། །སེམས་མ་བརྒྱད་ཀྱི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །ཐུབ་པ་དྲུག་རྣམས་གསན་ཅིང་དགོངས་སུ་གསོལ། །ཉོན་མོངས་དྲུག་ནི་ཡེ་ནས་མངོན་སངས་རྒྱས། །ཐུབ་པ་དྲུག་གི་དགོངས་སྤྱོད་དེ་འདྲ་ཡང་། །དེ་ལྟར་བདག་གིས་མ་རིག་མ་རྟོགས་ཏེ། །ཐུབ་པ་དྲུག་གི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །སྒོ་བ་བཞི་རྣམས་གསན་ཅིང་དགོངས་སུ་གསོལ། །ཚད་མེད་བཞི་ནི་ཡེ་ནས་མངོན་སངས་རྒྱས། །སྒོ་བ་བཞི་ཡི་དགོངས་སྤྱོད་དེ་འདྲ་ཡང་། །དེ་ལྟར་བདག་གིས་མ་རིག་མ་རྟོགས་ཏེ། །སྒོ་བ་བཞི་ཡི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །སྒོ་མ་བཞི་རྣམས་གསན་ཅིང་དགོངས་སུ་གསོལ། །རྟག་ཆད་མུ་བཞི་ཡེ་ནས་མངོན་སངས་རྒྱས། །སྒོ་མ་བཞི་ཡི་དགོངས་སྤྱོད་དེ་འདྲ་ཡང་། །དེ་ལྟར་བདག་གིས་མ་རིག་མ་རྟོགས་ཏེ། །སྒོ་མ་བཞི་ཡི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །ཞེས་གསུངས་སོ། །དེ་ནས་རྣལ་འབྱོར་མའི་ཚོགས་རྣམས་ཀྱིས་ཞི་བའི་བཤགས་པ་འདི་གསུངས་སོ། །ཨོཾ་རང་རིག་ཡེ་ཤེས་བློ་དང་མི་ལྡན་པས། །བདག་གིས་ཕུང་པོ་ཁམས་དང་སྐྱེ་མཆེད་ ― DNG014_Page_0051 ―
[མ་དཔེ་གཟིགས་ན་འདིར་གནོན།]
རྣམས། །ཞི་བའི་དཀྱིལ་འཁོར་ལྷ་རུ་སྦྱོར་མ་འཚལ། །སངས་རྒྱས་བཞི་བཅུ་གཉིས་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །ཡིད་ཆོས་ཀུན་བཟང་ཡབ་ཡུམ་སྦྱོར་མ་འཚལ། །མ་རིག་རང་སེམས་བདག་ཏུ་བཟུང་བས་ནོངས། །ཀུན་བཟང་ཡབ་ཡུམ་སྐུ་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །ཕུང་པོ་ལྔ་པོ་རིགས་ལྔར་སྦྱོར་མ་འཚལ། །མ་རིག་རང་སེམས་བདག་ཏུ་བཟུང་བས་ནོངས། །རྒྱལ་བ་རིགས་ལྔའི་སྐུ་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །འབྱུང་བ་ལྔ་རྣམས་ཡུམ་ལྔར་སྦྱོར་མ་འཚལ། །མ་རིག་རང་སེམས་བདག་ཏུ་བཟུང་བས་ནོངས། །རིགས་ཀྱི་ཡུམ་ལྔའི་སྐུ་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །ཤེས་བཞི་དབང་བཞི་སེམས་དཔར་སྦྱོར་མ་འཚལ། །མ་རིག་རང་སེམས་བདག་ཏུ་བཟུང་བས་ནོངས། །བྱང་ཆུབ་སེམས་དཔའི་ཚོགས་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །ཡུལ་བཞི་དུས་བཞི་སེམས་མར་སྦྱོར་མ་འཚལ། །མ་རིག་རང་སེམས་བདག་ཏུ་བཟུང་བས་ནོངས། །བྱང་ཆུབ་སེམས་མའི་ཚོགས་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །ཉོན་མོངས་དྲུག་པོ་ཐུབ་པར་སྦྱོར་མ་འཚལ། །མ་རིག་རང་སེམས་བདག་ཏུ་བཟུང་བས་ནོངས། །ཐུབ་དྲུག་སྤྲུལ་པའི་སྐུ་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །རེག་སོགས་རྣམ་བཞི་སྒོ་བར་སྦྱོར་མ་འཚལ། །མ་རིག་རང་སེམས་བདག་ཏུ་བཟུང་བས་ནོངས། །སྒོ་སྐྱོང་ཁྲོ་བོ་བཞི་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །རྟག་ཆད་མུ་བཞི་སྒོ་མར་སྦྱོར་མ་འཚལ། །མ་རིག་རང་སེམས་བདག་ཏུ་བཟུང་བས་ནོངས། །སྒོ་སྐྱོང་ཁྲོ་མོ་བཞི་ལ་བཟོད་པར་གསོལ། །རང་རིག་ཡེ་ཤེས་བློ་དང་མི་ལྡན་པས། །མ་རིག་དབང་གིས་འཁྲུལ་པས་ནོངས་བགྱིས་པ། །ཉོན་མོངས་ལས་ཀྱིས་ཡི་དམ་ལྷ་སྤངས་ཏེ། །སླུ་བྱེད་དབང་གིས་སློབ་དཔོན་ ― DNG014_Page_0052 ―
[མ་དཔེ་གཟིགས་ན་འདིར་གནོན།]
སྙིང་ནས་སྨད། །ང་རྒྱལ་དྲེགས་པས་མཆེད་དང་ལྕམ་དྲལ་དཀྲུགས། །སྲབ་ལ་འཕྱར་བས་གསང་སྔགས་གཞན་ལ་སྤེལ། །སེར་སྣའི་དབང་གིས་མཆོད་པ་དུས་ལས་འདས། །གྲོགས་ངན་སྐྱོན་གྱིས་གསང་བའི་ཆོ་ག་ཆག །བརྟུལ་ཞུགས་ཆུང་བས་བགེགས་སྲིན་ཚར་མ་ཆོད། །རྔམ་ཞིང་ཐུག་ཐུབ་ལྷག་ཕུད་ཉམས་ལ་སོགས། །ཚེ་རབས་ཐོག་མ་མེད་པའི་དུས་མཐའ་ནས། །ཚེ་འདིའི་ལུས་བཟུང་ད་ལྟ་ཡན་ཆད་དུ། །སྡིག་པ་མི་དགེའི་ལས་རྣམས་ཅི་བགྱིས་པ། །དུས་རིག་དུས་མཁྱེན་ཁྱེད་ལ་བཟོད་པར་གསོལ། །འཕགས་པ་ལགས་པས་ཁྱེད་ཀྱིས་དང་དུ་བཞེས། །སེམས་ཅན་ལགས་པས་བདག་ནོངས་འཁྲུལ་པ་མཆིས། །སྒྱུ་མ་ལགས་པས་བཤགས་ན་གནང་བར་མཛོད། །ཐབས་ལ་མཁས་པས་ཚངས་པ་སྩལ་དུ་གསོལ། །ཞེས་གསུངས་སོ། །དེ་ནས་ཕྱོགས་བཅུ་ནས་ལྷགས་པའི་རྣལ་འབྱོར་གྱི་དབང་ཕྱུག་ཆེན་པོ་ཡབ་ཡུམ་ཐམས་ཅད་ཀྱིས་ཞི་བའི་ལྷ་ཚོགས་ལ་བཤགས་པ་འདི་གསུངས་སོ། །ཀུན་ཏུ་བཟང་པོ་ཐུགས་མཆོག་རིན་པོ་ཆེ། །ཁམས་གསུམ་དབང་དུ་སྡུད་པ་ཡབ་ལགས་ཤིང་། །དོན་དམ་དབྱིངས་སུ་སྡུད་པ་ཡུམ་ལགས་ཀྱི། །བདག་ལུས་སྒྱུ་མར་མ་རྟོགས་སྐུ་བསླུས་ཤིང་། །བདག་ཅག་ཉམས་ཆག་སེམས་ལ་འགྱོད་པ་སྐྱེས། །ཀུན་བཟང་ཡབ་ཡུམ་སྐུ་ལ་བཟོད་པར་གསོལ། །རིགས་ལྔ་སངས་རྒྱས་ཐུགས་མཆོག་རིན་པོ་ཆེ། །ཁམས་གསུམ་དབང་དུ་སྡུད་པ་ཡབ་ལགས་ཤིང་། །དོན་དམ་དབྱིངས་སུ་སྡུད་པ་ཡུམ་ལགས་ཀྱི། །བདག་ལུས་སྒྱུ་མར་མ་རྟོགས་སྐུ་བསླུས་ཤིང་། །བདག་ཅག་ཉམས་ཆག་སེམས་ལ་འགྱོད་པ་སྐྱེས། །རིགས་ལྔ་ཡབ་ཡུམ་སྐུ་ལ་བཟོད་པར་གསོལ། །སེམས་དཔའ་སེམས་མ་ཐུགས་མཆོག་རིན་པོ་ཆེ། །ཁམས་གསུམ་དབང་དུ་སྡུད་པ་ཡབ་ལགས་ཤིང་། །དོན་དམ་དབྱིངས་སུ་སྡུད་པ་ཡུམ་ལགས་ཀྱི། །བདག་ལུས་སྒྱུ་མར་མ་རྟོགས་སྐུ་བསླུས་ཤིང་། །བདག་ཅག་ཉམས་ཆག་སེམས་ལ་འགྱོད་པ་སྐྱེས། །སེམས་དཔའ་སེམས་མའི་སྐུ་ལ་བཟོད་པར་གསོལ། །སྤྲུལ་ ― DNG014_Page_0053 ―
[མ་དཔེ་གཟིགས་ན་འདིར་གནོན།]
སྐུ་ཐུབ་དྲུག་སྐུ་མཆོག་རིན་པོ་ཆེ། །བཅུད་ཀྱི་སེམས་ཅན་ཁམས་གསུམ་དབང་དུ་སྡུད། །སྣོད་ཀྱི་འཇིག་རྟེན་དོན་དམ་དབྱིངས་སུ་སྦྱོར། །བདག་ལུས་སྒྱུ་མར་མ་རྟོགས་སྐུ་བསླུས་ཤིང་། །བདག་ཅག་ཉམས་ཆག་སེམས་ལ་འགྱོད་པ་སྐྱེས། །སྤྲུལ་སྐུ་ཐུབ་པ་དྲུག་ལ་བཟོད་པར་གསོལ། །སྒོ་བ་སྒོ་མ་ཐུགས་མཆོག་རིན་པོ་ཆེ། །ཁམས་གསུམ་དབང་དུ་སྡུད་པ་ཡབ་ལགས་ཤིང་། །དོན་དམ་དབྱིངས་སུ་སྡུད་པ་ཡུམ་ལགས་ཀྱི། །བདག་ལུས་སྒྱུ་མར་མ་རྟོགས་སྐུ་བསླུས་ཤིང་། །བདག་ཅག་ཉམས་ཆག་སེམས་ལ་འགྱོད་པ་སྐྱེས། །སྒོ་བ་སྒོ་མ་རྣམས་ལ་བཟོད་པར་གསོལ། །ཞེས་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། ཆོས་ཉིད་ཞི་བའི་བཤགས་པ་སྟེ་ལེའུ་དགུ་པའོ།། །།དེ་ནས་ཡང་དག་པར་རྫོགས་པའི་སངས་རྒྱས་ཀྱི་དམ་ཚིག་ལ་གནས་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས། ཁྲོ་བོའི་དཀྱིལ་འཁོར་ལ་བཤགས་པ་འདི་འགྲོ་བའི་དོན་དུ་གསུངས་སོ། །ཨོཾ་དང་པོ་རང་བཞིན་མཉམ་པའི་དཀྱིལ་འཁོར་དུ། །གཟུང་འཛིན་གཉིས་ཀྱི་བདག་དང་མ་བྲལ་བས། །གཉིས་སུ་མེད་པའི་གནས་ལུགས་དོན་མ་རྟོགས། །གཉིས་མེད་ཆོས་ཀྱི་སྐུ་ལ་བཟོད་པར་གསོལ། །དོན་དམ་མི་འགག་གསལ་བའི་གོ་འབྱེད་པའི། །ཟླ་གསལ་དང་བའི་དབྱིངས་སུ་སྐུ་བཞེངས་ལ། །བྱང་ཆུབ་ཐིག་ལེའི་འོད་ཀྱིས་ཁྱབ་མཛད་པ། །ཀུན་སྣང་དང་བའི་སྐུ་ལ་བཟོད་པར་གསོལ། །དོན་དམ་སྐྱེ་བ་མེད་པའི་མཁའ་དབྱིངས་ལས། །འབྲས་བུ་ཡོན་ཏན་འབྱུང་བའི་སྐུར་སྣང་བ། །དབང་ཆེན་རིམ་གྱིས་བསྐྱེད་པའི་བཞུགས་གནས་རྟེན། །དབང་ཆེན་གཞལ་ཡས་གསལ་བར་མ་གྱུར་པ། །ཕོ་བྲང་འབར་བའི་ཀློང་དུ་བཟོད་པར་གསོལ། །བདེ་ཆེན་ཉིད་ལས་ཕྱག་རྒྱའི་སྐུར་སྣང་ཞིང་། །ཡེ་ཤེས་དྲུག་གི་ཕྱག་མཚན་རང་རང་བསྣམས། །ཇི་ལྟར་གསལ་བའི་ངང་དུ་མ་གྱུར་པ། །འཇིགས་བྱེད་ཧེ་རུ་ཀ་ལ་བཟོད་པར་གསོལ། །གཉིས་མེད་སྐུ་ལ་འཁྲིལ་པའི་གཟུངས་མཆོག་མ། །པདྨའི་དོན་ལ་ཆགས་པའི་མཁའ་དབྱིངས་སུ། །གཉིས་ ― DNG014_Page_0054 ―
[མ་དཔེ་གཟིགས་ན་འདིར་གནོན།]
མེད་བྱང་ཆུབ་སེམས་ཀྱི་འོད་སྤྲོ་བ། །ཀྲོ་དྷཱི་ཤྭ་རཱིའི་སྐུ་ལ་བཟོད་པར་གསོལ། །ཐུགས་ལས་སྐྱེས་པའི་ཡེ་ཤེས་ཁྲོ་མོ་རྣམས། །རྣམ་ཤེས་དུར་ཁྲོད་བརྒྱད་ཀྱི་མཁའ་འགྲོ་མ། །གཽ་རཱི་ལ་སོགས་ཐུགས་དང་ཅི་འགལ་བ། །གནས་ཀྱི་མ་བརྒྱད་སྐུ་ལ་བཟོད་པར་གསོལ། །ཐུགས་རྗེ་ཞི་བའི་ངང་ལས་མ་གཡོས་ཀྱང་། །ལོག་རྟོག་མཚན་མར་འཛིན་པ་ཞི་བའི་ཕྱིར། །མཆེ་གཤོག་རྔམ་པ་འབར་བའི་སྐུར་སྤྲུལ་པ། །སིང་ཧ་ལ་སོགས་ཐུགས་དང་ཅི་འགལ་བ། །ཡུལ་གྱི་ཕྲ་མེན་བརྒྱད་ལ་བཟོད་པར་གསོལ། །ཕོ་བྲང་རྒྱན་དང་ལྡན་པའི་དཀྱིལ་འཁོར་དུ། །འགུགས་དང་འཆིང་དང་སྡོམ་དགྱེས་སྒོ་མ་བཞི། །རྟ་གདོང་ལ་སོགས་ཐུགས་དང་ཅི་འགལ་བ། །སྒོ་བཞི་ཕྱག་རྒྱ་རྣམས་ལ་བཟོད་པར་གསོལ། །མངོན་སྤྱོད་ལས་ལས་གྲུབ་པའི་དབང་ཕྱུག་མ། །དགེ་དང་མི་དགེ་གཉིས་ཀྱི་དབང་མཛད་པའི། །མ་ཚོགས་དབང་ཕྱུག་ཐུགས་དང་ཅི་འགལ་བ། །མ་སྲིང་རྒྱ་མཚོ་རྣམས་ལ་བཟོད་པར་གསོལ། །རང་བཞིན་ལྷུན་གྱིས་གྲུབ་པའི་དཀྱིལ་འཁོར་དུ། །ཐུགས་རྗེ་མཉམ་པའི་ངང་ལས་མ་གཡོས་ཀྱང་། །ཕྲ་མོའི་ཏིང་འཛིན་གསལ་བར་མ་གྱུར་པས། །ཡོན་ཏན་འཛིན་པ་རྣམས་ལ་བཟོད་པར་གསོལ། །བདག་གིས་སྐྱེ་བ་ཐོག་མ་མ་མཆིས་ནས། །ད་ལྟའི་ལུས་འདི་བཟུང་བ་ཡན་ཆད་དུ། །མ་རིག་དབང་གིས་སྲིད་པའི་ཁམས་ཀུན་འཁོར། །ཇི་སྲིད་མི་ལུས་བླངས་ནས་གར་སྐྱེས་ཀྱང་། །མཚམས་མེད་ལྔ་དང་དེ་དང་ཉེ་བ་ལྔ། །སྡིག་པའི་ལས་སུ་གྱུར་པ་ཅི་མཆིས་པ། །དངོས་ཀྱིས་བགྱིས་དང་བགྱིད་དུ་སྩལ་བ་དང་། །དེ་ལ་རྗེས་སུ་ཡི་རང་བགྱིས་པ་རྣམས། །བྱང་ཆུབ་ཐུགས་རྗེས་བདག་ལ་དགོངས་ནས་ཀྱང་། །ཚངས་པར་མཛད་ནས་དངོས་གྲུབ་སྩལ་དུ་གསོལ། །ཞེས་གསུངས་སོ། །དེ་ནས་དམ་ཚིག་ལ་གནས་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས་འདི་གསུངས་སོ། །ཧཱུཾ་བསྐལ་པ་དུས་མཐའི་མེ་ལྟར་འབར་བའི་ཀློང་། །དུག་ལྔ་གནས་གྱུར་ཡེ་ཤེས་ཧེ་རུ་ཀ །དབྱིངས་ཀྱི་ཡུམ་ཆེན་ཁྲོ་མོ་ལྔ་དང་སྦྱོར། །གཽ་རཱི་ལ་སོགས་ནང་གི་མཁའ་འགྲོ་བཞི། ། ― DNG014_Page_0055 ―
[མ་དཔེ་གཟིགས་ན་འདིར་གནོན།]
བུཀྐ་ལ་སོགས་ཕྱི་ཡི་རྣལ་འབྱོར་མ། །སིངྷ་ལ་སོགས་ཟ་བྱེད་གདོང་ཅན་ཚོགས། །ཀྲི་ཏ་ལ་སོགས་མཚམས་ཀྱི་གཤོག་པ་ཅན། །འབར་བའི་བར་ཁྱམས་དབང་ཕྱུག་ཉི་ཤུ་བརྒྱད། །སྒོ་བཞི་འགུགས་འཆིང་སྡོམ་དགྱེས་སྒོ་མ་བཞི། །ཁྲག་འཐུང་ལྷ་ཚོགས་སྐུ་ཡང་མ་གསལ་ཞིང་། །སྙིང་པོ་གྲངས་ཉུངས་ཕྱག་རྒྱ་གནས་མ་སོན། །ཚོགས་དང་འབྱོར་པས་གནས་སུ་མ་བསྐངས་པ། །ཁྲོ་བོའི་ལྷ་ཚོགས་རྣམས་ལ་བཟོད་པར་གསོལ། །ཞེས་གསུངས་སོ། །དེ་ནས་ཡང་ཕྱོགས་བཅུའི་རྣལ་འབྱོར་གྱི་དབང་ཕྱུག་ཕོ་མོ་རྣམས་ཀྱིས། ཧེ་རུ་ཀའི་དཀྱིལ་འཁོར་ལ་བཤགས་པ་འདི་གསུངས་སོ། །ཨོཾ་དང་པོར་གསང་མཆོག་སྡོམ་པ་འདི་མནོས་ནས། །འདའ་དཀའ་ཁས་བླངས་དམ་ལས་གཡེལ་གྱུར་ཏེ། །ཁྲག་འཐུང་རིགས་ལྔའི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །ག་ཎའི་སྦྱོར་མཆོག་རྟོག་འཛིན་བར་ཆད་ཀྱིས། །ཡུམ་ཆེན་ཀྲོ་དྷཱིའི་ཐུགས་དང་ཅི་འགལ་བ། །ཁྲོ་མོ་དབྱིངས་ཕྱུག་ལྔ་ལ་བཟོད་པར་གསོལ། །རྫས་དང་ཕྱག་རྒྱ་མངོན་དུ་མ་གྱུར་ཏེ། །ཤ་ཟ་གཽ་རཱིའི་ཐུགས་དང་ཅི་འགལ་བ། །གནས་ཀྱི་མ་བརྒྱད་སྐུ་ལ་བཟོད་པར་གསོལ། །ཤ་ཁྲག་མཆོད་པ་གཞུང་བཞིན་མ་འཚོགས་ཏེ། །སིངྷ་ཕྲ་མེན་ཐུགས་དང་ཅི་འགལ་བ། །ཡུལ་གྱི་མཁའ་འགྲོའི་སྐུ་ལ་བཟོད་པར་གསོལ། །ཤར་ལྷོ་ནུབ་བྱང་སྒོ་བཞི་མ་ཕྱེད་དེ། །རྟ་གདོང་སྒོ་མའི་ཐུགས་དང་ཅི་འགལ་བ། །ཡེ་ཤེས་སྒོ་མ་བཞི་ལ་བཟོད་པར་གསོལ། །འདའ་དཀའ་ཁས་བླངས་འཁོར་དྲུག་མ་ཐུལ་ཏེ། །མ་བདུན་སྲིང་བཞིའི་ཐུགས་དང་ཅི་འགལ་བ། །མཁའ་འགྲོ་བཅུ་གཅིག་སྐུ་ལ་བཟོད་པར་གསོལ། །ལོངས་སྤྱོད་འབྱམས་ནས་ཚོགས་ཀྱི་ཕུད་ཉམས་ཏེ། །ཕུད་མྱུལ་དབང་ཕྱུག་ཐུགས་དང་ཅི་འགལ་བ། །དབང་མོ་ཉི་ཤུ་བརྒྱད་ལ་བཟོད་པར་གསོལ། །གནས་ལ་མ་བརྟེན་བྱ་བྱེད་འབྱུང་འཇུག་གིས། །ཏི་རའི་གནས་མྱུལ་ཐུགས་དང་ཅི་འགལ་བ། །གནས་མྱུལ་ཆེན་མོའི་སྐུ་ལ་བཟོད་པར་གསོལ། །སྐུ་མཉེས་ཕ་མའི་ཚུལ་དུ་མ་གྱུར་ཏེ། །རྡོ་རྗེ་སློབ་དཔོན་ཐུགས་དང་ཅི་འགལ་བ། ། ― DNG014_Page_0056 ―
[མ་དཔེ་གཟིགས་ན་འདིར་གནོན།]
རྡོ་རྗེ་རྒྱལ་པོའི་སྐུ་ལ་བཟོད་པར་གསོལ། །ཏིང་འཛིན་མ་སྙེམས་ཞི་ཁྲོ་མ་ཕྱེད་དེ། །རྡོ་རྗེ་རྒྱལ་ཐེབས་ཐུགས་དང་ཅི་འགལ་བ། །སྟོན་པ་སྒྲོན་མེའི་སྐུ་ལ་བཟོད་པར་གསོལ། །ལེ་ལོ་བྱས་པས་ཕྱག་རྒྱ་རྒྱུན་ཆད་དེ། །ཀརྨ་ལས་མཁན་ཐུགས་དང་ཅི་འགལ་བ། །ལས་ཀྱི་སློབ་དཔོན་སྐུ་ལ་བཟོད་པར་གསོལ། །སྦྱོར་བའི་ཚེ་ན་ཚད་ལ་མ་ཕེབས་ཏེ། །ཤེས་རབ་སྙེམས་མའི་ཐུགས་དང་ཅི་འགལ་བ། །གསང་ཡུམ་རིག་མའི་སྐུ་ལ་བཟོད་པར་གསོལ། །སྒྲོལ་བའི་ཚེ་ན་ཏིང་འཛིན་གནས་མ་སྟོབས། །སྐྱེས་བུ་གིང་ཆེན་ཐུགས་དང་ཅི་འགལ་བ། །སྒྲོལ་གིང་བདག་པོའི་སྐུ་ལ་བཟོད་པར་གསོལ། །སྤྲུལ་སྐུ་ཁྲོ་མོའི་ཐུགས་སུ་མ་གྱུར་ཏེ། །འགུགས་འདྲེན་ཕོ་ཉའི་ཐུགས་དང་ཅི་འགལ་བ། །མགྱོགས་བྱེད་ལས་མཛད་སྐུ་ལ་བཟོད་པར་གསོལ། །ལེ་ལོའི་དབང་གིས་བརྩེ་གདུང་རྒྱུན་ཆད་དེ། །བྱང་ཆུབ་མཆེད་ལྕམ་ཐུགས་དང་ཅི་འགལ་བ། །རྡོ་རྗེ་མིང་སྲིང་སྐུ་ལ་བཟོད་པར་གསོལ། །དྲེ་མོའི་ཕྱིར་ན་དམ་ཚིག་ཉམས་ལ་སོགས། །ཕྱི་ནང་རྗེས་གཅོད་ཐུགས་དང་ཅི་འགལ་བ། །དམ་ཚིག་བྱ་ར་བྱེད་ལ་བཟོད་པར་གསོལ། །ལོངས་སྤྱོད་གསོལ་ནས་ལྷག་མའི་ཕུད་ཉམས་ཏེ། །ཕྱི་འཁོར་བརྟན་མའི་ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ། །བཟོད་པར་མཛད་ནས་ཚངས་པའི་དངོས་གྲུབ་སྩོལ། །དྲི་མེད་རྒྱལ་པོ་བཤགས་པའི་རྒྱུད་ལས། ཁྲོ་བོའི་དཀྱིལ་འཁོར་ཁྲག་འཐུང་ལ་བཤགས་པ་སྟེ་ལེའུ་བཅུ་པའོ།། །།དེ་ནས་ཡང་དཔལ་ཆེན་པོ་ཧེ་རུ་ཀ་ལ་སོགས་པའི་དམ་ཚིག་ལ་གནས་པའི་གཙོ་འཁོར་རྣམས་ཀྱིས་བཤགས་པ་འདི་གསུངས་སོ། །ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམས། །དྲི་མེད་དུང་མདོག་མཆོག་ཏུ་གཟུགས་བཟང་བ། །རྣམ་དག་འོད་གསལ་ཟླ་འོད་དཀྱིལ་ན་མཛེས། །ཇི་ལྟར་མཁའ་ལ་ཉི་འོད་འབུམ་བརྡལ་ཞིང་། །དཔའ་བོ་འོད་ཟེར་སྟོང་འབར་ལྷམ་མེ་བ། །སྲིད་པ་གསུམ་གྱི་ས་མཁན་སྟོན་པར་གྲགས། །ཁམས་གསུམ་འགྲོ་བ་ཀུན་གྱི་གཉེན་གཅིག་པུ། །བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལ། །བདག་ནི་ཐོག་ ― DNG014_Page_0057 ―
[མ་དཔེ་གཟིགས་ན་འདིར་གནོན།]
མ་མེད་པའི་དུས་མཐའ་ནས། །ལམ་ལོག་ལམ་སྟོར་སྲིད་པའི་འཁོར་བར་འཁྱམས། །སྔོན་ཚེ་ལས་ལོག་སྡིག་པ་སྤྱོད་པས་ནོངས། །སྡིག་པའི་ལས་རྣམས་ཅི་བྱས་རང་གནོངས་འགྱོད། །དར་ཞིང་དྲགས་པའི་ལས་དབང་དེ་བཙན་པས། །འཁོར་བའི་སྡུག་བསྔལ་རྒྱ་མཚོར་བྱིང་གྱུར་ཏེ། །ཞེ་སྡང་འབར་བའི་མེས་ནི་རང་རྒྱུད་བསྲེགས། །གཏི་མུག་མུན་པ་འཐིབས་པས་ཤེས་རབ་ལྡོངས། །འདོད་ཆགས་རྒྱ་མཚོའི་འདམ་དུ་རྣམ་ཤེས་བྱིང་། །ང་རྒྱལ་དྲེགས་པའི་རི་བོས་ངན་འགྲོར་མནན། །ཕྲག་དོག་རླུང་དམར་འཚུབས་པས་འཁོར་བར་གཡེངས། །བདག་ཏུ་བལྟ་བའི་མདུད་པ་དམ་པོས་བཅིངས། །འདོད་པ་མེ་མདག་དོང་འདྲའི་འོབས་སུ་ལྷུང་། །སྡུག་བསྔལ་དྲག་པོ་མི་བཟད་ཆར་ལྟར་འབབ། །འདི་འདྲའི་སྡུག་བསྔལ་ཤིན་ཏུ་བཟོད་དཀའ་ཞིང་། །སྡིག་པའི་ལས་དབང་དྲག་པོ་མེ་འབར་བས། །རྣམ་ཤེས་དབང་པོའི་མྱུ་གུ་གདུངས་གྱུར་ཏེ། །ཕུང་པོ་སྒྱུ་མའི་ལུས་ཀྱིས་མི་བཟོད་ན། །བྱམས་མགོན་ཐུགས་རྗེ་ཅན་གྱིས་བཟོད་ལགས་སམ། །བདག་འདྲ་བླུན་རྨོངས་ལས་ངན་སྡིག་པོ་ཆེ། །ལས་ཀྱི་དབང་གིས་འདོད་ཁམས་རཱུ་ཏྲར་སྐྱེས། །སྐྱེས་པས་འགྱོད་དོ་ལས་ལ་ཡི་རེ་ཆད། །ཡི་ཆད་འགྱོད་ཀྱང་ལས་ལ་བཅོས་སུ་མེད། །ལས་ཀྱི་ཤུགས་ནི་ཆུ་བོའི་རྒྱུན་དང་འདྲ། །ལས་དབང་ཆུ་ཀླུང་འཕྲལ་དུ་ག་ལ་ལྡོག །རྣམ་སྨིན་ཐམས་ཅད་རང་གི་ལས་ལས་བྱུང་། །བཀའ་ལ་ཞུགས་ཀྱང་བཀའ་བཞིན་རྔོ་མ་ཐོགས། །ལུས་ངག་ཡིད་གསུམ་སྡིག་པའི་དབང་དུ་སོང་། །ལས་ཀྱི་རླུང་དམར་དྲག་པོ་དེས་བདས་པས། །བདག་ནི་དེ་སྔོན་བསྐལ་པ་གྲངས་མེད་དུ། །འཁོར་བའི་བཙོན་ར་མུན་པར་འཁྱམས་པ་ལ། །ཉེ་གནས་ཁྱེད་ཀྱི་ཐུགས་རྗེའི་བྱིན་རླབས་ཀྱིས། །ལས་དང་ཉོན་མོངས་སྒྲིབ་པའི་གནས་སྦྱངས་ནས། །མ་ལྟར་བྱམས་པའི་ཞབས་དྲུང་ད་ལྟ་འཁོད། །ཉི་ལྟར་འོད་འབར་ཟླ་ལྟར་མདངས་གསལ་བའི། །ཐུགས་རྗེའི་ཞལ་ཉིད་བལྟ་བས་མི་ངོམས་པ། །ཐོག་མ་མེད་ནས་མ་རིག་ལིང་ཏོག་གིས། །ལྡོངས་པའི་ཆུ་བུར་མིག་གིས་མ་མཐོང་ན། །འགྲོ་བའི་མགོན་ཁྱོད་དེ་སྔོན་གང་ན་བཞུགས། །ལས་ ― DNG014_Page_0058 ―
[མ་དཔེ་གཟིགས་ན་འདིར་གནོན།]
དབང་དྲག་པོ་རབ་ཏུ་མི་བཟད་པས། །ཤིན་ཏུ་སྐྲག་ཅིང་སྐྱི་གཡའ་རབ་འཇིགས་ནས། །དུང་དུང་གདུང་བའི་སྨྲེ་སྔགས་འདི་འདོན་ཅིང་། །ཉམ་ཐག་ཕོངས་པའི་ང་རོས་འབོད་ལགས་ན། །བྱམས་མགོན་ཐུགས་རྗེས་དུས་འདིར་མ་དགོངས་ན། །ནམ་ཞིག་འཆི་འཕོ་ལུས་སེམས་འབྲལ་བའི་ཚེ། །དགེ་བཤེས་གྲོགས་དང་བྲལ་ཏེ་གཤིན་རྗེས་ཁྲིད། །དེ་ཚེ་འཇིག་རྟེན་ཉེ་དུས་མི་སྟོངས་ཏེ། །ལས་ཀྱི་དབང་གིས་བདག་ཉིད་གཅིག་པུར་འཁྱམས། །དུས་དེར་བདག་ལ་མགོན་སྐྱབས་མ་མཆིས་ན། །གང་གིས་ཕྱི་བཤོལ་དུས་ལས་མ་བཞེས་པར། །ད་ལྟ་ཉིད་དུ་བརྟུན་ཏེ་མངོན་སྤྱོད་མཛོད། །ལས་ཀྱིས་མནར་བའི་སྐྱེ་བོ་བདག་འདྲ་བ། །ཐོག་མ་མེད་པའི་དུས་ནས་ལོག་བརྟགས་པས། །ཁམས་གསུམ་འཁོར་བའི་གནས་ལས་མ་ཐར་ཏེ། །བསྐལ་པ་གྲངས་མེད་སྐྱེ་བ་ཇི་སྙེད་དུ། །གདོས་བཅས་ལུས་བླངས་གྲངས་མེད་ཞིག་གྱུར་ཏེ། །ཤ་རུས་བསགས་ན་འཇིག་རྟེན་གཏོས་དང་མཉམ། །རྣག་ཁྲག་བསགས་ན་རྒྱ་མཚོ་ཆེན་པོ་ཙམ། །ལས་འཕྲོ་བསགས་ན་བསམ་འདས་བརྗོད་མི་ལང་། །ཁམས་གསུམ་བགྲངས་ཤིང་སྐྱེ་ཤིའི་ཁ་བརྒྱུད་ཀྱང་། །བྱས་པའི་ལས་རྣམས་དོན་མེད་ཆུད་རེ་ཟོས། །སྐྱེ་བ་གྲངས་མེད་ཇི་སྙེད་དེ་ཙམ་གྱི། །སྐྱེ་བ་གཅིག་གཅིག་ཁོ་ན་ཙམ་གྱི་ལས། །བླ་མེད་བྱང་ཆུབ་དོན་དུ་རབ་སྤྱད་ན། །དེ་ཙམ་བྱས་པའི་ལས་ལ་དོན་རབ་ཡོད། །དོན་གྱིས་ཡང་ཡེ་མྱ་ངན་འདས་ཟིན་ན། །ལས་ཀྱི་དབང་བཙན་ཉོན་མོངས་སྟོབས་ཆེ་བས། །ཤ་ཁྲག་འདུས་པའི་ལུས་བླངས་འཁོར་བར་འཁྱམས། །སྡུག་བསྔལ་བཟོད་དཀའ་སྲིད་པའི་བཙོན་རར་ཆུད། །མི་བཟད་དྲག་པོའི་སྡུག་བསྔལ་འདི་ལྟ་བུ། །ཉེས་བྱས་ཐམས་ཅད་རང་གི་ལས་ལས་བྱུང་། །སྡིག་པའི་ལས་རྣམས་བྱམས་མགོན་ཁྱེད་ལ་བཤགས། །ཐུགས་རྗེ་ཆེན་པོས་ལས་ངན་རྒྱུན་བཅད་དེ། །ཉོན་མོངས་ལས་ཀྱི་རླུང་འདི་བཟློག་ཏུ་གསོལ། །མ་རིག་ལོག་པའི་ལས་ཀྱི་དབང་བཙན་པས། །མི་ཤེས་མུན་པའི་ནང་དུ་གཏན་འཁྱམས་ན། །ཡེ་ཤེས་སྒྲོན་མེའི་ཟེར་གྱིས་མི་སྟོངས་སམ། །ཉེས་བྱས་ལས་ཀྱི་ ― DNG014_Page_0059 ―
[མ་དཔེ་གཟིགས་ན་འདིར་གནོན།]
རྣམ་སྨིན་མ་བཟོད་ན། །ཐུགས་རྗེ་ཆེན་པོས་ཕྲིན་ལས་མི་མཛད་དམ། །ཕྱིན་ཅི་ལོག་གི་གཡང་སར་ལྟུང་ལགས་ན། །ཐུགས་རྗེ་མྱུར་མགྱོགས་ཕྱག་གིས་མི་འཛིན་ནམ། །དུག་གསུམ་བཟོད་དཀའི་ནད་ཀྱིས་གདུངས་ལགས་ན། །ཐབས་མཁས་ཐུགས་རྗེའི་སྨན་གྱིས་མི་གསོ་འམ། །ལས་ཀྱི་རྣམ་སྨིན་སྡུག་བསྔལ་མེར་འབར་ན། །ཐུགས་རྗེ་བསིལ་བའི་ཆུ་རྒྱུན་མི་འབེབས་སམ། །སྡུག་བསྔལ་འཁོར་བའི་འདམ་དུ་བྱིང་གྱུར་ན། །ཐབས་མཁས་ཐུགས་རྗེའི་ལྕགས་ཀྱུས་མི་འདྲེན་ནམ། །ཁམས་གསུམ་འཁོར་བའི་གནས་སུ་སྦྱངས་སྦྱངས་ནས། །ནམ་ཞིག་རང་གིས་འབྲས་བུ་ཐོབ་པའི་ཚེ། །འཕགས་པའི་ཐུགས་རྗེས་ཅི་འཚལ་དོན་མ་མཆིས། །བདག་ཉིད་ལས་འཕྲོའི་དབང་བཙན་བཞག་ན་ལྟ། །ཐུགས་རྗེ་ཆེ་ཞེས་སུ་ལ་ཅི་ཞིག་བགྱི། །དཔའ་བོ་ཁྱོད་ལ་ཐུགས་རྗེའི་སྟོབས་མངའ་ཞིང་། །སྔོན་བྱུང་འདྲེལ་བའི་ལས་ཀྱི་འཕྲོ་བཙན་ན། །ཡལ་ཡོལ་བཏང་སྙོམས་ལེ་ལོ་མ་མཛད་པར། །སྙིང་ནས་ད་གཟིགས་ཐུགས་རྗེ་རྒྱལ་བའི་ལྷ། །ཞེས་དྲེགས་པ་ཅན་རྣམས་ཀྱིས་བཤགས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། རཱུ་ཏྲའི་སྨྲེ་བཤགས་སྟེ་ལེའུ་བཅུ་གཅིག་པའོ།། །།དེ་ནས་བཅོམ་ལྡན་འདས་ལོངས་སྤྱོད་ཀྱི་བདག་པོ་ཆེན་པོ་རྣམས་ཀྱིས། རྒྱུད་ལུང་མན་ངག་གི་བཤགས་པ་འདི་གསུངས་སོ། །ཆོས་ཉིད་དུས་གསུམ་སྤྲོས་པ་མེད་པ་ལ། །འཛིན་རྟོག་མེད་པའི་རང་རིག་ཡེ་ཤེས་ཀྱིས། །དབྱིངས་དང་ཡེ་ཤེས་གཉིས་སུ་མེད་པ་ལས། །ཡུལ་དང་དབང་པོ་གཉིས་སུ་མེད་པར་བཤགས། །ཡུམ་གྱི་བྷ་ག་དགྱེས་པའི་ཕོ་བྲང་དུ། །ཡབ་ཀྱི་རྡོ་རྗེ་གཉིས་མེད་བྱང་ཆུབ་སེམས། །ཐབས་དང་ཤེས་རབ་འདུ་འབྲལ་མེད་པ་ལ། །ཕྱི་ནང་སྣོད་བཅུད་གཉིས་སུ་མེད་པར་བཤགས། །ཏིང་འཛིན་རྣམ་གསུམ་བློ་ཡི་བདར་བཅད་ནས། །ཕུང་པོ་རྣམ་ཤེས་ཡུལ་དང་དབང་པོ་རྣམས། །ལྷ་དང་ལྷ་མོའི་དཀྱིལ་འཁོར་གསལ་བསྒོམས་ནས། །འགྲོ་དྲུག་སེམས་ཅན་རྒྱལ་བའི་དཀྱིལ་འཁོར་དུ། །གཉིས་སུ་མེད་པར་ལྷུན་གྱིས་གྲུབ་པར་མཛོད། །ཅེས་རྒྱུད་རྣལ་འབྱོར་ཆེན་པོ་ལྟར་བཤགས་སོ། ། ― DNG014_Page_0060 ―
[མ་དཔེ་གཟིགས་ན་འདིར་གནོན།]
དེ་ནས་ལུང་ལྟར་བཤགས་པ་འདི་གསུངས་སོ། །རྩ་སྲོག་ཙིཏྟ་ལུས་ངག་ཡིད་གསུམ་པོ། །གུ་ཧྱ་གསང་ཆེན་སྐུ་གསུང་ཐུགས་ཀྱི་མཛོད། །རྡོ་རྗེ་ཀློང་དགུ་དཔལ་ཆེན་ཧེ་རུ་ཀ །ཁམས་གསུམ་ས་དགུ་གཉིས་སུ་མེད་པར་བཤགས། །ཇི་ལྟར་སྣང་བ་ལྷ་ཡི་དཀྱིལ་འཁོར་དུ། །སྙིང་པོ་བརྗོད་པས་སྐུ་མཆོག་རྫོགས་པའི་ཚུལ། །དབྱེར་མེད་མཉམ་ཉིད་ངོ་བོ་ཉིད་ཀྱི་སྐུ། །ཐབས་ལ་མཁས་པས་གཉིས་སུ་མེད་པར་བཤགས། །ཕྱི་ནང་སྣོད་བཅུད་གཉིས་མེད་ཆོས་ཀྱི་སྐུ། །ང་དང་བདག་གི་ངོ་བོ་ཉིད་མཉམ་པས། །མཐོ་རིས་ངན་སོང་རྒྱུ་འབྲས་རྣམ་གཉིས་པོ། །གཉིས་མེད་བདེ་ཆེན་ཀློང་དུ་མཐར་ཕྱིན་ཤོག །ཅེས་ལུང་རྗེས་སུ་རྣལ་འབྱོར་ལྟར་བཤགས་སོ། །དེ་ནས་མན་ངག་ལྟར་བཤགས་པ་འདི་གསུངས་སོ། །ཇི་ལྟར་སྣང་བ་ཀུན་བཟང་བདེ་ཆེན་གནས། །ཡོད་མེད་རྟག་ཆད་མཚན་མའི་ཚིག་ལས་འདས། །འདི་ལྟར་མ་རྟོགས་བདག་ཉིད་གང་ཡིན་པ། །དེ་ཉིད་མ་སྤངས་རྟོགས་པའི་ཀློང་དུ་བཤགས། །དུས་གསུམ་འཕོ་འགྱུར་ཐ་ཚིག་བཏགས་པ་མེད། །རྩོལ་མེད་བསྒྲུབ་མེད་ནམ་མཁའི་ངང་དུ་གནས། །ཡང་ལ་ཁྱབ་པས་ཀུན་གྱིས་འདོད་དགུར་སྒྱུར། །ཕྱིན་ཅི་ལོག་རྟོག་བྱང་ཆུབ་ལམ་དུ་བཤགས། །རྟོགས་པའི་མན་ངག་དོན་དུ་མི་ལྡན་ན། །ཚིག་གིས་མཚོན་པས་བྱང་ཆུབ་མི་འཐོབ་སྟེ། །རང་སེམས་ཡེ་ནས་སངས་རྒྱས་ཡིན་ཤེས་པས། །རང་བྱུང་ཡེ་ཤེས་ཀློང་དུ་མཐར་ཕྱིན་ཤོག །དེ་ལྟར་བཤགས་ན་སྒྲིབ་པ་ཐམས་ཅད་དང་། །ཉོན་མོངས་ལས་ངན་མ་སྤངས་རང་དག་ནས། །འབྲས་བུ་ཡང་དག་སངས་རྒྱས་འཐོབ་པོ་ཞེས། །མན་ངག་རྫོགས་པའི་རྣལ་འབྱོར་ལྟར་བཤགས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། རྒྱུད་ལུང་མན་ངག་གི་བཤགས་པ་སྟེ་ལེའུ་བཅུ་གཉིས་པའོ།། །།དེ་ནས་བཅོམ་ལྡན་འདས་ཀྱིས་སངས་རྒྱས་ཐམས་ཅད་ཀྱི་དགོངས་པའི་ངང་ནས་བལྟ་བའི་ཀློང་བཤགས་འདི་གསུངས་སོ། །ཆོས་ཀྱི་དབྱིངས་ཉིད་སྤྲོས་པ་མེད་པ་ལ། །གཟུང་འཛིན་གཉིས་སུ་བལྟ་བ་ཡོངས་རེ་གོལ། །དངོས་པོ་མཚན་མར་འཛིན་པ་ཉོན་རེ་མོངས། །སྤྲོས་མེད་ ― DNG014_Page_0061 ―
[མ་དཔེ་གཟིགས་ན་འདིར་གནོན།]
བདེ་ཆེན་ཀློང་དུ་བཤགས་པར་བགྱི། །ཀུན་ཏུ་བཟང་པོ་བཟང་ངན་མེད་པ་ལ། །བཟང་ངན་གཉིས་སུ་བལྟ་བ་ཐང་རེ་ཆད། །གཙང་དང་སྨེ་བར་འཛིན་པ་ཉོན་རེ་མོངས། །བཟང་ངན་མེད་པའི་ཀློང་དུ་བཤགས་པར་བགྱི། །མཉམ་པ་ཉིད་ལ་ཆེ་ཆུང་མེད་པ་ལ། །སངས་རྒྱས་སེམས་ཅན་བལྟ་བ་ཡོངས་རེ་གོལ། །ཆེ་ཆུང་གཉིས་སུ་འཛིན་པ་ཉོན་རེ་མོངས། །མཉམ་ཉིད་བདེ་ཆེན་ཀློང་དུ་བཤགས་པར་བགྱི། །བྱང་ཆུབ་སེམས་ལ་སྐྱེ་ཤི་མེད་པ་ལ། །འདི་དང་ཕྱི་མར་བལྟ་བ་ཐང་རེ་ཆད། །སྐྱེ་ཤི་གཉིས་སུ་འཛིན་པ་ཉོན་རེ་མོངས། །འཆི་མེད་གཡུང་དྲུང་ཀློང་དུ་བཤགས་པར་བགྱི། །ཐིག་ལེ་ཆེན་པོ་གྲྭ་ཟུར་མེད་པ་ལ། །གཟུགས་དང་རྫས་སུ་བལྟ་བ་ཐང་རེ་ཆད། །གྲྭ་ཟུར་གཉིས་སུ་འཛིན་པ་ཉོན་རེ་མོངས། །ཀུན་ནས་ཟླུམ་པའི་ཐིག་ལེ་ཆེན་པོར་བཤགས། །དུས་གསུམ་འགྱུར་བ་མེད་པའི་ངང་ཉིད་ལ། །ཐོག་མ་ཐ་མར་བལྟ་བ་ཡོངས་རེ་གོལ། །འཕོ་འགྱུར་གཉིས་སུ་འཛིན་པ་ཉོན་རེ་མོངས། །འགྱུར་བ་མེད་པའི་ཐིག་ལེ་ཆེན་པོར་བཤགས། །རང་བྱུང་ཡེ་ཤེས་བཙལ་དུ་མེད་པ་ལ། །རྒྱུ་འབྲས་གཉིས་སུ་བལྟ་བ་ཐང་རེ་ཆད། །རྩོལ་བསྒྲུབ་གཉིས་སུ་འཛིན་པ་ཉོན་རེ་མོངས། །རྩོལ་བ་མེད་པའི་རང་བྱུང་ཀློང་དུ་བཤགས། །རིག་པའི་ཡེ་ཤེས་རྟག་ཆད་མེད་པ་ལ། །རྟག་ཆད་གཉིས་སུ་འཛིན་པ་སྙིང་རེ་རྗེ། །ཡོད་དང་མེད་པར་བལྟ་བ་ཉོན་རེ་མོངས། །རྟག་ཆད་མེད་པའི་ཡེ་ཤེས་ཀློང་དུ་བཤགས། །ཆོས་དབྱིངས་རྣམ་དག་མཐའ་དབུས་མེད་པ་ལ། །ཕྱོགས་རིས་མཐའ་དབུས་སྤྲོ་བསྡུ་ཐང་རེ་ཆད། །མཐའ་དབུས་གཉིས་སུ་འཛིན་པ་ཉོན་རེ་མོངས། །ཆོས་དབྱིངས་རྣམ་དག་མཐའ་དབུས་མེད་པར་བཤགས། །གཞལ་ཡས་ཁང་ལ་ཕྱི་ནང་མེད་པ་ལ། །ཕྱི་དང་ནང་དུ་བལྟ་བ་ཐང་རེ་ཆད། །ཡངས་དོག་གཉིས་སུ་འཛིན་པ་ཉོན་རེ་མོངས། །ཡངས་དོག་ཕྱི་ནང་མེད་པའི་ཀློང་དུ་བཤགས། །ཡུམ་གྱི་མཁའ་དབྱིངས་མཐོ་དམའ་མེད་པ་ལ། །སྟེང་འོག་གཉིས་སུ་བལྟ་བ་སྙིང་རེ་རྗེ། །མཐོ་དམའ་གཉིས་སུ་འཛིན་པ་ཉོན་རེ་མོངས། །བྷ་ག་ཡངས་དོག་མེད་པའི་ཀློང་དུ་བཤགས། །ཆོས་ཀྱི་སྐུ་ལ་དབྱེ་བ་མེད་པ་ལ། །ཡུལ་ ― DNG014_Page_0062 ―
[མ་དཔེ་གཟིགས་ན་འདིར་གནོན།]
དང་སེམས་སུ་བལྟ་བ་ཐང་རེ་ཆད། །སྣོད་བཅུད་གཉིས་སུ་འཛིན་པ་ཉོན་རེ་མོངས། །གཉིས་སུ་མེད་པའི་ཡེ་ཤེས་སྐུ་རུ་བཤགས། །རིག་པའི་ཡེ་ཤེས་ནང་ནས་མ་ཤར་བས། །མ་རིག་རྨོངས་པའི་བློ་འདི་སྙིང་རེ་རྗེ། །གཟུགས་མེད་ཆོས་ལ་དངོས་པོ་མཚན་མར་འཛིན། །ཡེ་ཤེས་རང་བཞིན་ཀློང་དུ་མཐོལ་ལོ་བཤགས། །སྐྱེ་བ་མེད་པའི་དོན་དེ་མ་རྟོགས་ན། །གང་ཟག་འཁྲུལ་པའི་བློ་འདི་ཡོངས་རེ་གོལ། །སྐྱེ་མེད་ཆོས་ལ་ང་དང་བདག་ཏུ་བཟུང་། །བདེ་ཆེན་སྐྱེ་མེད་ཀློང་དུ་མཐོལ་ལོ་བཤགས། །ཆོས་ཉིད་དོན་དེ་བློ་ལ་མ་གསལ་བས། །སྣང་སྲིད་སྒྱུ་མ་ཡིན་པར་མ་ཤེས་ཏེ། །ཟང་ཟིང་ནོར་ལ་ཆགས་པའི་སེམས་ནི་སྐྱེས། །ཆོས་ཉིད་སྐྱེ་མེད་ཆགས་པ་མེད་པར་བཤགས། །འཁོར་བ་རང་བཞིན་མེད་པར་མ་ཤེས་པས། །དངོས་པོ་མཚན་མའི་ཆོས་ལ་རྟག་པར་འཛིན། །མི་དགེའི་ལས་ཀྱིས་བདེ་བ་འཚོལ་བྱེད་པ། །བྱང་ཆུབ་སྐྱོན་བྲལ་ཀློང་དུ་མཐོལ་ལོ་བཤགས། །མཉམ་པའི་དོན་ཉིད་མཉམ་པར་མ་རྟོགས་པས། །གཉེན་བཤེས་འཁྲུལ་པའི་གྲོགས་ནི་རྟག་པར་འཛིན། །མི་ཤེས་སྐྱེ་བོའི་སེམས་འདི་ཡོངས་རེ་གོལ། །མཉམ་ཉིད་ཆོས་ཉིད་ཀློང་དུ་མཐོལ་ལོ་བཤགས། །ཆོས་ཉིད་བདེན་པའི་དོན་དང་མ་ཕྲད་ན། །བདེན་པའི་དོན་བོར་མི་དགེའི་ལས་ལ་བརྩོན། །སྟོན་པའི་བཀའ་བོར་མི་ཆོས་གཡེང་བས་བསླུས། །ཆོས་ཉིད་བདེ་ཆེན་ཀློང་དུ་མཐོལ་ལོ་བཤགས། །རིག་པའི་ཡེ་ཤེས་རང་སར་མ་གྲོལ་བས། །རང་རིག་དོན་བོར་གཡེང་བའི་ལས་ལ་བརྩོན། །འདི་འདྲའི་དོན་མེད་སེམས་ཅན་སྙིང་རེ་རྗེ། །དབྱེ་བསྲིང་མེད་པའི་ཀློང་དུ་བཤགས་པར་བགྱི། །ཡེ་ཤེས་ལྷ་ཚོགས་སྲུང་མ་དམ་ཅན་རྣམས། །དམ་ཚིག་གཞུང་བཞིན་སྒྲུབ་པའི་རྣལ་འབྱོར་ལ། །མ་རྟོགས་ལྟ་བའི་གོལ་སྒྲིབ་བྱུང་བ་ན། །རང་གནོང་འགྱོད་པའི་སེམས་ཀྱིས་མཐོལ་ལོ་བཤགས། །དྲི་མེད་རྒྱལ་པོ་བཤགས་པའི་རྒྱུད་ལས། གྲོལ་ལམ་ལྟ་བའི་བཤགས་པ་བསྟན་པའི་ལེའུ་སྟེ་བཅུ་གསུམ་པའོ།། །། ― DNG014_Page_0063 ―
[མ་དཔེ་གཟིགས་ན་འདིར་གནོན།]
དེ་ནས་བཅོམ་ལྡན་འདས་ཀྱིས་ལོངས་སྤྱོད་ཆེན་པོའི་དམ་ཚིག་ལ་གནས་པ་རྣམས་ལ། ཐབས་ལམ་དབང་གིས་ཡོངས་སུ་རྫོགས་པའི་བཤགས་པ་འདི་གསུངས་སོ། །ཨོཾ་བདག་ལུས་གཞལ་ཡས་ཁང་དུ་གནས་པའི་ནང་། །སྤྱི་མགྲིན་སྙིང་ག་ལྟེ་བ་གསང་གནས་སུ། །དུག་ལྔ་རྣམ་དག་རིགས་ལྔ་ཡབ་ཡུམ་སྐུ། །བསྐྱེད་རིམ་དབྱིངས་ཀྱི་ལམ་དུ་མ་ཤེས་བཤགས། །ལུས་སེམས་ཡེ་ནས་ཟུང་འཇུག་གནས་པ་ལ། །སྣང་ཕྱོགས་སྟོང་ཕྱོགས་ཟུང་འཇུག་མ་ཤེས་ཏེ། །མཉམ་བཞག་རྗེས་ཐོབ་ཉམས་ལེན་སྐྱོང་མ་ཤེས། །ངོ་བོ་ཉིད་གསུམ་བལྟ་བའི་ཀློང་དུ་བཤགས། །ཡེ་ནས་འཁོར་འདས་དབྱེར་མེད་ཡིན་པ་ལ། །སྣོད་བཅུད་གཞལ་ཡས་ཁང་དང་ལྷར་མ་ཤེས། །འབྱུང་བཞིའི་ཆོས་ལ་མངའ་དབང་མ་བརྙེས་པ། །གྲུབ་མཐའ་འཁོར་འདས་དབྱེར་མེད་ངང་དུ་བཤགས། །ཡེ་ནས་སྐྱེ་ཤི་མེད་པར་མ་ཤེས་པས། །མ་རྟོགས་འཆི་དུས་སྣང་བ་བསྒྱུར་བ་དང་། །འོད་ཀྱི་གོང་བུ་སྒྲ་ཡི་འཕོ་མ་ཤེས། །འདའ་ཁ་འཆི་བྲོད་ངང་དུ་བཤགས་པར་བགྱི། །ལུས་ཀྱི་རྩ་ཡི་གཙོ་བོ་ཕལ་པ་རྣམས། །ཡེ་ནས་སྤྲུལ་སྐུར་གནས་པ་མ་ཤེས་ཏེ། །དབྱིངས་ཀྱི་ལྷ་སྐུ་རང་གསལ་བསྒོམ་མ་ཤེས། །སྤྲུལ་སྐུའི་རང་བཞིན་ལྷུན་གྲུབ་འབྲས་བུར་བཤགས། །ལུས་རྩ་བུམ་པའི་དབང་དུ་མ་ཤེས་པས། །མ་ཧཱ་ཡོ་གའི་བསྐྱེད་རིམ་བསྒོམ་མ་ནུས། །བུམ་དབང་དམ་ཚིག་ཉམས་པ་མཐོལ་ལོ་བཤགས། །ཚངས་པར་གྱུར་ནས་བསྐྱེད་རིམ་དངོས་གྲུབ་སྩོལ། །ཞེས་ཕྱིའི་དབང་གི་བཤགས་པ་དེ་སྐད་གསུངས་སོ། །དེ་ནས་གསང་དབང་གི་བཤགས་པ་འདི་གསུངས་སོ། །ལུས་གནས་ཡི་གེ་ལོངས་སྐུར་གནས་པ་ལ། །འཁོར་ལོ་རྟེན་དང་མ་རྟེན་མན་ངག་གནད། །བདེ་བ་ཉམས་སུ་ལེན་པའི་ལམ་མ་བསྒོམས། །བདག་ལ་བྱིན་རླབས་ལམ་གྱི་ངང་དུ་བཤགས། །ཉོན་མོངས་དང་ནི་རྣམ་རྟོག་སྣྲེལ་ཞི་རྣམས། །གསལ་ཞིང་ཡངས་པའི་རང་བྱུང་ཡེ་ཤེས་གནས། །སྙིང་གར་རོ་རྐྱང་དབུ་མ་ཟུང་འཇུག་བདེ། །བལྟ་བ་རང་བྱུང་ཡེ་ཤེས་ཀློང་དུ་བཤགས། ། ― DNG014_Page_0064 ―
[མ་དཔེ་གཟིགས་ན་འདིར་གནོན།]
སྒྲ་དབྱངས་ཡེ་ནས་སྐད་དུ་གནས་པ་ལ། །འགྲོ་བ་རིགས་དྲུག་སོ་སོའི་རང་སྐད་དང་། །གསུང་རབ་ཡན་ལག་བཅུ་གཉིས་ཡིན་མ་ཤེས། །གྲུབ་མཐའ་མ་འདྲེས་ཡོངས་རྫོགས་ངང་དུ་བཤགས། །སེམས་ཀྱི་འོད་གསལ་ཡེ་ནས་འདུ་འབྲལ་མེད། །མ་བསྒོམས་རང་ཆས་ཡིན་པར་མ་ཤེས་པས། །འཆི་དུས་རང་གསལ་འབྱུང་བར་མ་འཚལ་བ། །འདའ་ཁའི་གདམས་ངག་འོད་གསལ་ངང་དུ་བཤགས། །ལུས་གནས་ཡི་གེ་ལོངས་སྐུར་གནས་པ་ལ། །ལམ་དུ་མ་ཤེས་བདེ་བ་མ་བསྒོམས་པས། །གཏུམ་མོའི་དྲོད་ཀྱི་འབྲས་བུ་མ་ཐོབ་པ། །འབྲས་བུ་ལོངས་སྤྱོད་རྫོགས་པའི་ངང་དུ་བཤགས། །གསང་བ་དབང་གི་གདམས་ངག་ཤེས་གྱུར་ཀྱང་། །རང་གི་བདེ་བ་ལམ་དུ་མ་ལོངས་ཏེ། །གཏུམ་མོའི་དྲོད་རྟགས་ལུས་ལ་མ་ཤར་བ། །གསང་དབང་དམ་ཚིག་ཉམས་པ་མཐོལ་ལོ་བཤགས། །ཞེས་ནང་གི་གསང་དབང་གི་བཤགས་པ་དེ་སྐད་གསུངས་སོ། །དེ་ནས་ཤེས་རབ་ཡེ་ཤེས་ཀྱི་དབང་གི་བཤགས་པ་འདི་གསུངས་སོ། །ལུས་ཁམས་བདུད་རྩི་རང་ལ་གནས་པ་ལ། །ཡུམ་བདག་འདོད་པའི་བྱིན་རླབས་མཉམ་པ་དང་། །སྦྱོར་བ་དངོས་གཞི་རྗེས་ཀྱི་བསྡུས་རྒྱས་རྣམས། །མ་བསྒོམས་འཁོར་ལོ་ཐབས་ཀྱི་ལམ་དུ་བཤགས། །བདེ་བ་ཡེ་ནས་རང་ལ་གནས་པ་ལ། །གོ་རིམ་གནས་དང་སྤང་བྱ་ངོ་བོ་ཡི། །བདེ་བ་རྣམ་བཞི་ཉམས་སུ་མ་ལོན་པ། །བདེ་བཞིར་བལྟ་བ་ལྷན་སྐྱེས་ངང་དུ་བཤགས། །བདེ་བ་རང་ལ་གནས་པར་མ་ཤེས་ཤིང་། །སྡུག་བསྔལ་རྐྱེན་གྱིས་བདེ་བ་མ་བསྒོམས་པས། །བདེ་སྟོང་རྒྱ་ཆུང་གྲུབ་མཐའ་མ་རྟོགས་པ། །ལྷན་ཅིག་སྐྱེས་པ་བདེ་བའི་ངང་དུ་བཤགས། །བདག་ཉིད་རྡོ་རྗེ་སེམས་དཔར་མ་ཤེས་པས། །འཆི་དུས་རང་ཉིད་དེར་སྣང་སྐུར་མ་གྲུབ། །འཁོར་ལོ་བཞི་ཡི་བདེ་བ་མ་འབྱོངས་པ། །འདའ་ཁ་རྡོ་རྗེ་སེམས་དཔའི་ངང་དུ་བཤགས། །ཡེ་ནས་བདུད་རྩི་ཐིག་ལེ་ཆེན་པོ་ནི། །ཆོས་སྐུ་དྲི་མ་མེད་པར་གནས་པ་ལས། །མ་ཤེས་མ་རྟོགས་བདུད་རྩི་མ་ ― DNG014_Page_0065 ―
[མ་དཔེ་གཟིགས་ན་འདིར་གནོན།]
སྦྱངས་པ། །འབྲས་བུ་ཆོས་ཀྱི་སྐུ་ཡི་ངང་དུ་བཤགས། །དྲི་ཆེན་དྲི་ཆུ་མཱཾ་ས་རཀྟ་ཟིལ། །འབྱུང་བ་བཞི་སྟེ་ཁམས་ཀྱི་བདུད་རྩི་དགུ། །བདེ་བ་མཆོག་བདེ་རྣམ་རྟོག་བྲལ་བདེ་བ། །ལྷན་སྐྱེས་ཡེ་ཤེས་དབང་གི་ངང་དུ་བཤགས། །ཞེས་གསང་བ་ཤེས་རབ་ཡེ་ཤེས་ཀྱི་དབང་གི་བཤགས་པ་དེ་ལྟར་གསུངས་སོ། །དེ་ནས་བདེ་བ་ཆེན་པོའི་དབང་གི་བཤགས་པ་འདི་གསུངས་སོ། །ཐབས་དང་ཤེས་རབ་གཉིས་ཀ་རང་གནས་ཀྱང་། །ཐབས་ཀྱི་རྒྱུད་དང་ཤེས་རབ་རྒྱུད་དག་དང་། །གཉིས་ཀའི་རྒྱུད་ལ་དག་པར་མ་སྦྱངས་པ། །རྡོ་རྗེའི་རྦ་རླབས་ལམ་གསུམ་ངང་དུ་བཤགས། །ལུས་ངག་སེམས་དང་ལུས་སེམས་གཉིས་ཀ་ལ། །ཕན་འདོགས་རང་ལ་གནས་པར་མ་ཤེས་པས། །རྒྱུ་མཐུན་རྣམ་སྨིན་སྐྱེས་བུ་བྱེད་པ་དང་། །དྲི་མ་མེད་པའི་ཡོན་ཏན་མ་ཤེས་པ། །བལྟ་བའི་ཆོས་རྣམས་རྣམ་དག་ངང་དུ་བཤགས། །བལྟ་བ་རང་གནས་ཉམས་སུ་མ་མྱོང་བས། །འཇིག་རྟེན་འདས་པའི་གྲུབ་མཐའི་རྟགས་མ་ཤར། །བདེ་སྟོང་རྒྱ་ཆེའི་གྲུབ་མཐའ་མ་རྟོགས་པ། །འཁོར་འདས་ཆོས་རྣམས་བདེ་སྟོང་གཅིག་ཏུ་བཤགས། །སྦྱངས་དང་གོམས་དང་ལས་ལ་སྦྱར་དུ་མེད། །མ་རྟོགས་དབང་གིས་སྦྱངས་གོམས་ལས་མ་སྦྱར། །སྲོག་རྩོལ་རླུང་ལ་གོམས་པར་མ་གྱུར་པ། །འདའ་ཁ་ཕྱག་རྒྱ་ཆེན་པོའི་ངང་དུ་བཤགས། །ཡེ་ཤེས་ཐམས་ཅད་ངོ་བོ་ཉིད་ཀྱི་སྐུ། །མ་སྦྱངས་གནས་ལུགས་དོན་དུ་མ་རྟོགས་པས། །ལམ་བསྟན་རྡོ་རྗེ་རྦ་རླབས་ལམ་མ་བསྒོམས། །འབྲས་བུ་ངོ་བོ་ཉིད་ཀྱི་སྐུ་རུ་བཤགས། །སྲོག་དང་རྩོལ་བ་ལྔ་ཡི་བདག་ཉིད་ལ། །རྩ་བ་ཕུང་པོ་རྣམ་ཤེས་ཡན་ལག་སོགས། །རླུང་བཅུ་སྲོག་ཤིང་གསུམ་དུ་མ་རྟོགས་པ། །བདེ་བ་ཆེན་པོའི་དབང་གི་ཀློང་དུ་བཤགས། །ཞེས་དེ་ཁོ་ན་ཉིད་བདེ་བ་ཆེན་པོའི་དབང་གི་བཤགས་པ་དེ་སྐད་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། ཐབས་ལམ་དབང་གི་བཤགས་པ་སྟེ་ལེའུ་བཅུ་བཞི་པའོ།། །།དེ་ནས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ ― DNG014_Page_0066 ―
[མ་དཔེ་གཟིགས་ན་འདིར་གནོན།]
རྣམས་ཀྱིས། འབྲས་བུ་རང་བཞིན་ཡོངས་སུ་དག་པའི་བཤགས་པ་འདི་གསུངས་སོ། །ཨོཾ་སྣང་སྟོང་ཟུང་འཇུག་སྤྲོས་བྲལ་ཆོས་ཀྱི་སྐུ། །ས་ཐོབ་ཡན་ཆད་ཐེག་ཆེན་ཕལ་རྣམས་ལ། །མཚན་དང་དཔེ་བྱད་སྣང་བ་ལོངས་སྐུ་དང་། །སྦྱོར་ལམ་མན་ཆད་ཀུན་ལ་སྣང་བ་ཡི། །མཛད་པ་ཐ་དད་སྟོན་པ་སྤྲུལ་པའི་སྐུ། །ཆོས་དང་གཟུགས་སྐུ་དབྱེར་མེད་རྡོ་རྗེའི་སྐུ། །ཡོན་ཏན་མ་བཙལ་ལྷུན་གྲུབ་མངོན་བྱང་སྐུ། །དེ་ལྟར་མ་རྟོགས་སྐུ་ལྔའི་ངང་དུ་བཤགས། །དོན་གསུང་ཆོས་རྣམས་སྐྱེ་མེད་ངང་དུ་གནས། །སྐྱེ་མེད་སྨྲ་བརྗོད་ཐམས་ཅད་གཞི་རུ་འགྱུར། །རྡོ་རྗེ་གྲག་སྟོང་དབྱེར་མེད་འདུས་མ་བྱས། །མངོན་བྱང་སྒྲ་སྐད་མཐའ་དག་ཐམས་ཅད་ནི། །རང་བྱུང་ཡེ་ཤེས་ངོ་བོ་ཉིད་དུ་གསལ། །ལོངས་སྐུའི་གསུང་ནི་རང་གི་ཡུལ་རྣམས་ལ། །བརྡ་ཡི་སྒོ་ནས་འཁོར་ལ་གོ་བརྡ་སྤྲོད། །སྤྲུལ་པའི་གསུང་ནི་ཡན་ལག་དྲུག་ཅུར་སྣང་། །གསུང་ལྔ་ཡེ་ནས་སྣང་ཚུལ་མ་རྟོགས་པ། །གསུང་ལྔ་ལྷུན་གྲུབ་ངང་དུ་མཐོལ་ལོ་བཤགས། །སྟོང་ཉིད་ཡེ་ཤེས་དངོས་པོ་མེད་པར་གསལ། །མེ་ལོང་ཡེ་ཤེས་རྟོག་པ་མེད་པར་ཤར། །མཉམ་ཉིད་ཡེ་ཤེས་བཟང་ངན་མེད་པར་གསལ། །སོར་རྟོག་སྤྱི་དང་རང་མཚན་མ་འདྲེས་གསལ། །བྱ་གྲུབ་བདག་གཞན་དོན་ལ་རྩོལ་མེད་གསལ། །གནས་ཚུལ་མ་རྟོགས་ཐུགས་ལྔའི་ངང་དུ་བཤགས། །རང་རིག་བྱང་ཆུབ་སེམས་ཉིད་ཞིང་ཁམས་ནི། །མནན་ན་ནེམ་ལ་བཏེག་ན་འཕར་ལ་སོགས། །རང་རིག་གཞལ་ཡས་ཁང་སྣང་ཕྱི་ནང་མེད། །རང་རིག་འོད་ཟེར་སྣང་སྟེ་བ་སྤུ་ཡི། །བུ་ག་རེ་ནས་འོད་ཟེར་དྲུག་ཅུ་འཕྲོ། །རིག་པ་རང་ཉིད་གདན་དུ་སྣང་བ་སྟེ། །འབྲས་བུའི་ཆོས་རྣམས་ཐུགས་སུ་ཆུད་པའི་རྟགས། །རང་རིག་ཉིད་ནི་རྒྱན་དུ་སྣང་བ་སྟེ། །འཁོར་འདས་མ་སྤངས་ལྷུན་གྱིས་གྲུབ་པ་ཡི། །ཡོན་ཏན་མ་རྟོགས་ཆོས་ཉིད་ངང་དུ་བཤགས། །ཉོན་མོངས་རྣམ་པར་རྟོག་པས་སེམས་ཁེངས་རྣམས། །སངས་རྒྱས་མཛད་པས་རྒྱུད་མཉན་ཞི་བར་མཛད། །རྨོངས་ ― DNG014_Page_0067 ―
[མ་དཔེ་གཟིགས་ན་འདིར་གནོན།]
ཞིང་དབུལ་དང་ཕོངས་པའི་གང་ཟག་རྣམས། །ཤེས་བྱ་ལོངས་སྤྱོད་མཐའ་ཡས་རྒྱས་པར་མཛད། །མི་ཕན་མི་དུལ་གྱོང་བའི་གང་ཟག་རྣམས། །དབང་གི་ལས་ཀྱིས་བསྡུ་ཞིང་འདུལ་བར་མཛད། །ཐུགས་རྗེ་ཐབས་ཀྱིས་མི་འདུལ་གདུག་པ་རྣམས། །མངོན་སྤྱོད་དྲག་པོས་ཚར་ནི་གཅོད་པར་མཛད། །དེ་ལྟར་མ་རྟོགས་རིགས་རྣམས་བདག་པོའི་ངང་། །ཕྱོགས་རིས་མེད་ཅིང་ལྷུན་གྱིས་གྲུབ་པར་མཛད། །གཅིག་དང་དུ་མའི་ངོ་བོ་ལས་གྲོལ་བ། །སྤང་ཐོབ་མེད་པར་རང་སྣང་དག་ཏུ་ཐོབ། །ལས་ཀྱི་རང་བཞིན་དངོས་བྱས་ཉེས་པ་ཟད། །གདུལ་བྱ་གཟིགས་པའི་སྐུ་གསུང་ཐུགས་ལ་བཤགས། །ཞེས་སྐུ་གསུང་ཐུགས་ཡོན་ཏན་ཕྲིན་ལས་ལྔའི་སྒོ་ནས་ཡང་དག་པར་བཤགས་པའོ། །དེ་ནས་དེ་བཞིན་གཤེགས་པ་ལོངས་སྤྱོད་ཀྱི་བདག་པོ་རྣམས་ཀྱིས་འདི་གསུངས་སོ། །རྩ་རྣམས་འགྲོས་ཐིམ་དབྱིབས་ཀྱི་ལམ་དག་པ། །ལུས་ཀྱི་སྒྲིབ་བྱང་བསྐྱེད་རིམ་སྤྲུལ་པའི་སྐུ། །ཡི་གེའི་འགྲོས་ཐིམ་སྔགས་ཀྱི་ལམ་དག་པ། །ངག་གི་སྒྲིབ་བྱང་རྫོགས་རིམ་ལོངས་སྤྱོད་སྐུ། །བདུད་རྩི་ཁམས་ཀྱི་དྭངས་མ་བཅུད་ཀྱི་ལམ། །སེམས་ཀྱི་སྒྲིབ་དག་དྭངས་མ་ཆོས་ཀྱི་སྐུ། །རླུང་གི་འགྲོས་ཐིམ་མི་ཤིགས་རྡོ་རྗེའི་རླུང་། །ལུས་ངག་ཡིད་དག་ངོ་བོ་ཉིད་ཀྱི་སྐུ། །དེ་ལྟར་གནས་པ་མ་རྟོགས་ཀློང་དུ་ནི། །སྐུ་བཞི་རླུང་ལ་ལྷུན་གྲུབ་ངང་དུ་བཤགས། །ཞེས་ཐབས་ཀྱི་འབྲས་བུའི་བཤགས་པ་གསུངས་སོ། །དྲི་མེད་རྒྱལ་པོ་བཤགས་པའི་རྒྱུད་ལས། འབྲས་བུའི་དོན་མ་རྟོགས་པ་བཤགས་པ་སྟེ་ལེའུ་བཅོ་ལྔ་པའོ།། །།དེ་ནས་གསང་བའི་བདག་པོས་ཡོངས་སུ་གཏད་པ་འདི་གསུངས་སོ། །ཨོཾ་སྐུ་གསུང་ཐུགས་ཀྱི་སྤྲུལ་པ་རིགས་གསུམ་མགོན། །དེ་ལ་གཏད་པས་ཁམས་གསུམ་སྒྲོན་མེ་ཡིན། །རིགས་ལྔ་འཁོར་གྱི་མཁའ་འགྲོ་སྡེ་བཞི་རྣམས། །དེ་ལ་གཏད་པས་གསང་སྔགས་སྲུང་མ་ཡིན། །སྔོན་སྦྱངས་གང་ཟག་ཆོས་ཀྱི་སྤྱན་ལྡན་རྣམས། །དེ་ལ་གཏད་པས་བསྟན་པ་དར་བ་ཡིན། །གསུངས་པའི་རྒྱུད་ཆེན་ལུང་དང་མཐུན་པར་གཏད། །དེ་ལྟར་མ་ ― DNG014_Page_0068 ―
[མ་དཔེ་གཟིགས་ན་འདིར་གནོན།]
བྱས་བཀའ་སྲུང་རྣམས་ལ་བཤགས། །ཞེས་གསུངས་སོ། །དེ་ནས་འཁོར་རྣམས་མཉེས་ནས་སྐུ་གསུང་ཐུགས་ལ་བཤགས་པ་འདི་གསུངས་སོ། །དུས་གསུམ་བདེ་གཤེགས་རྒྱལ་བ་འཁོར་དང་བཅས། །རྡོ་རྗེ་དམ་ཅན་མ་ལུས་དགོངས་སུ་གསོལ། །དང་པོར་བྱང་ཆུབ་མཆོག་ཏུ་སེམས་བསྐྱེད་དེ། །སྒྲུབ་པའི་རིག་འཛིན་བྱང་ཆུབ་གོ་འཕང་དུ། །སྐུ་གསུང་ཐུགས་ཀྱི་རྡོ་རྗེ་བསྒྲུབ་པའི་ཕྱིར། །ཡི་དམ་ལྷ་དང་རྡོ་རྗེ་སློབ་དཔོན་དང་། །གསང་བའི་དམ་ཚིག་གྲངས་སུ་མནོས་པ་ལས། །དམ་བཅས་བཀའ་ལས་འདའ་བར་མི་བགྱི་སྟེ། །ལས་དང་སྐལ་བས་དམྱལ་བར་སྐྱེ་བར་འགྱུར། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་ལ་སོགས་ཤོར་ནས་ནོངས་བགྱིས་པ། །རྡོ་རྗེ་སློབ་དཔོན་སྟོན་པའི་སྒྲོན་མེ་ལ། །སྙིང་ནས་སྨད་ཅིང་དམ་ཚིག་ཉམས་པ་དང་། །དམ་ཚིག་གཅིག་པའི་རྡོ་རྗེ་སྤུན་རྣམས་ལ། །ངན་སེམས་ལོག་པར་བལྟ་བ་ལ་སོགས་པ། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །ཡི་དམ་ལྷ་ཡི་ཕྱག་རྒྱ་མ་གསལ་ཞིང་། །སྔགས་ཀྱི་བསྙེན་པ་གྲངས་ལས་ཆད་པ་དང་། །དུས་དྲུག་ལས་ཀྱི་མཆོད་པ་ཁྱད་པར་དུ། །བསྙེན་སྒྲུབ་བསྐང་བའི་ཆོ་ག་མ་བགྱིས་ཏེ། །བཀའ་ལྟར་མ་ལྕོགས་གཞུང་བཞིན་རྔོ་མ་ཐོགས། །གསུང་གི་དམ་ཚིག་ཉམས་པ་མཐོལ་ལོ་བཤགས། །རྡོ་རྗེ་སློབ་དཔོན་བྱམས་པའི་བཀའ་དྲིན་གྱིས། །སྙན་ཁུང་བརྒྱུད་ནས་སེམས་ཀྱི་དཀྱིལ་དུ་བཞག །ཐུགས་ཀྱི་མན་ངག་བྱིན་པས་དམ་ཚིག་འདྲེས། །གསང་མཚམས་འདས་ནས་འཆོལ་བར་སྨྲས་ལ་སོགས། །ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས། །ཆོས་རྣམས་མཉམ་པ་ཉིད་དུ་མ་རྟོགས་ཏེ། །ཡན་ལག་དམ་ཚིག་ཉམས་པ་མཐོལ་ལོ་བཤགས། །ལེ་ལོ་སྙོམ་ལས་གཉིད་ཀྱི་དབང་གྱུར་ཏེ། །བསྙེན་སྒྲུབ་དམ་ཚིག་ཉམས་པ་མཐོལ་ལོ་བཤགས། །ལུས་ངག་ཡིད་ཀྱི་བསྲུང་བྱ་འདས་པ་ཡིས། །སྐུ་གསུང་ཐུགས་ཀྱི་དམ་ཚིག་ཉམས་པ་བཤགས། །ཞེས་གསུངས་ནས་རྗེས་སུ་ཡི་རང་ངོ་། །དེ་ནས་འཁོར་ཕལ་བ་རྣམས་ཀྱིས་འདི་སྐད་གསུངས་སོ། །རྗེ་བཙུན་བླ་མ་རྣམས་ཀྱི་སྤྱན་ ― DNG014_Page_0069 ―
[མ་དཔེ་གཟིགས་ན་འདིར་གནོན།]
ལམ་དུ། །ཡོ་བྱད་འབྱོར་ཚོགས་ཆུང་བ་མཐོལ་ལོ་བཤགས། །ཡི་དམ་ལྷ་ཚོགས་རྣམས་ཀྱི་སྤྱན་ལམ་དུ། །མངོན་རྟོགས་སྤོང་ལེན་བགྱིས་པ་མཐོལ་ལོ་བཤགས། །མཁའ་འགྲོ་སྡེ་བཞི་རྣམས་ཀྱི་སྤྱན་ལམ་དུ། །ཁས་བླངས་དམ་བཅའ་ཉམས་པ་མཐོལ་ལོ་བཤགས། །ཆོས་སྐྱོང་སྲུང་མ་རྣམས་ཀྱི་སྤྱན་ལམ་དུ། །གཏོར་མ་ལོ་ཟླར་འགྱངས་པ་མཐོལ་ལོ་བཤགས། །དུས་གསུམ་ཕ་མ་རྣམས་ཀྱི་སྤྱན་ལམ་དུ། །དྲིན་ལ་ལན་གྱིས་མ་ལོན་མཐོལ་ལོ་བཤགས། །མཆེད་དང་ལྕམ་དྲལ་རྣམས་ཀྱི་སྤྱན་ལམ་དུ། །དམ་ཚིག་བརྩེ་གདུང་ཆུང་བ་མཐོལ་ལོ་བཤགས། །འགྲོ་དྲུག་སེམས་ཅན་རྣམས་ཀྱི་སྤྱན་ལམ་དུ། །སྙིང་རྗེ་ཕན་སེམས་ཆུང་བ་མཐོལ་ལོ་བཤགས། །སོ་སོར་ཐར་པ་རྣམས་ཀྱི་སྡོམ་པ་དང་། །བྱང་ཆུབ་སེམས་དཔའ་རྣམས་ཀྱི་བསླབ་པ་དང་། །རིག་པ་འཛིན་པ་སྔགས་ཀྱི་དམ་ཚིག་སོགས། །ཉམས་པ་ཐམས་ཅད་མཐོལ་བཤགས་མི་འཆབ་པོ། །མི་སྦེད་སླན་ཆད་གཅོད་ཅིང་སྡོམ་པར་བགྱིད། །དུས་གསུམ་བྱས་བསགས་སྡིག་སྒྲིབ་མཐོལ་བཤགས་ན། །ཚངས་པར་མཛད་ནས་སྐུ་གསུང་ཐུགས་ལ་སོགས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཞེས་གསུངས་ནས་འཁོར་རྣམས་རྗེས་སུ་ཡི་རངས་པར་གྱུར་ཏོ། །དྲི་མེད་རྒྱལ་པོ་བཤགས་པའི་རྒྱུད་ལས། ཡོངས་སུ་གཏད་པའི་བཤགས་པ་དང་རྗེས་སུ་ཡི་རང་བ་སྟེ་ལེའུ་བཅུ་དྲུག་པའོ།། །། དམ་ཚིག་ཐམས་ཅད་ཀྱི་ཉམས་ཆག་སྐོང་བའི་ལུང་། བཤགས་པ་ཐམས་ཅད་ཀྱི་རྒྱུད་དྲི་མ་མེད་པའི་རྒྱལ་པོ་ཞེས་བྱ་བ་རྫོགས་སོ།། །། རྒྱ་གར་གྱི་མཁན་པོ་བི་མཱ་ལ་མི་ཏྲ་དང་། བོད་ཀྱི་ལོ་ཙཱ་བ་གཉགས་ཛྙཱ་ན་ཀུ་མ་རས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།དུས་ཕྱིས་ཡི་གེ་རྒྱུན་འཕྱུགས་པས་མ་དག་པ་རྣམས་སྔར་གྱི་དཔེ་ཁུངས་ཐུབ་དག་ལ་གཏུགས་ཤིང་གོང་མའི་གསུང་རྒྱུན་དང་། གཞུང་དོན་ལ་དཔྱད་དེ་རང་བཟོས་མ་བསླད་པ་དགེ་སློང་མཚོ་སྐྱེས་བཞད་པས་བརྡ་ཚིག་གཉིས་ཀ་དཔྱིས་ཕྱིན་པར་ཞུས་དག་པར་བགྱིས་ཏེ་ཡིད་གཏན་དུ་རུང་བའི་ཕྱི་མོར་བསྔགས་པ་དགེ་བར་བཀྲ་ཤིས་པར་གྱུར་ཅིག །སླར་ཡང་སྔར་ནས་ཁམས་དང་བོད་ཕྱོགས་ཡིག་རྒྱུན་སོ་སོར་གྱེས་པས་ཚིག་འབྲུ་འགའ་རེ་ཆད་ལྷག་རྣམས་ཞིབ་པར་བཅོས་ཏེ་ཡིད་བརྟན་དུ་རུང་བར་བགྱིས་པའོ།། །། རྡོ་རྗེ་གཟི་ལྡན་འབར་བའི་རྒྱུད།― DNG014_Page_0070 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཏེ་ཛ་སྟྲི་ན་ཛྭ་ལ་ཏནྟྲ། བོད་སྐད་དུ། རྡོ་རྗེ་གཟི་ལྡན་འབར་བའི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་བྱང་ཆུབ་ཀྱི་སེམས་རྡོ་རྗེ་ཡུམ་གྱི་བྷ་ག་ལ། འཁོར་བྱང་ཆུབ་སེམས་དཔའ་རྣམས་དང་། ཐབས་དང་ཤེས་རབ་གཉིས་སུ་མེད་པའི་དགྱེས་པ་ཆེན་པོ་ལ་དབྱེར་མེད་པར་བཞུགས་སོ། །དེ་ནས་འཇིག་རྟེན་གྱི་ཁམས་འདི་དག་ཐམས་ཅད་ན་བར་དུ་གཅོད་པའི་བསམ་སྦྱོར་ངན་པ་བསམ་གྱིས་མི་ཁྱབ་པ་བྱུང་སྟེ། གང་ཟག་གི་མི་ལ་ལོག་པར་སྤྱོད་པ་དང་། བདུད་དང་བགེགས་ལ་ལོག་པར་སྤྱོད་པ་ཕྱོགས་གཅིག་ཏུ་གྱུར་ཏེ། དེ་ལ་མི་ལ་ལོག་པར་སྤྱོད་པ་ནི། མི་དགེ་བ་བཅུ་དང་། མཚམས་མེད་པ་ལྔ་དང་། གྷུ་ཧྱ་མནྟྲའི་སྐུ་དག་བྱེད་པ་དང་། གང་ཟག་ཆོས་སྤྱོད་པ་ན་ཡང་། བཀའ་ལ་ཐུག་ཐུབ་ཏུ་སྤྱད་པས། བདེན་པ་མ་ཁྲོལ་བས། སྙིང་རྗེའི་ལམ་དང་མ་འདྲེལ་བས་ཞེ་སྡང་གིས་སྲོག་གཅོད་པ་ལ་མི་འཛེམ་སྟེ། ཆོས་ཉིད་དབྱིངས་དང་བྲལ་བས་འདོད་ཆགས་ཀྱིས་སྲོག་ལ་བཙོངས། བསམ་པ་མ་དག་པའི་གཏི་མུག་གིས་སེམས་ལ་བཙལ། ཕྲིན་ལས་མ་དག་པའི་བབ་ཅོལ་གྱིས་བསླུས། གསང་སྒོ་མེད་པའི་སྤྱོད་པས་བཀའ་ཉམས་ཏེ་འཆལ་བས། ཡིད་རྐུན་དང་ལོག་པའི་སྲིན་པོའམ་དམྱལ་བ་ཉིད་དུ་གྱུར་པས་ཕྱི་མའི་འབྲས་བུ་མེད་པའི་ཕྱིར་དུས་འདིར་ཅུང་ཟད་ཀྱི་བསམ་པ་མི་འགྲུབ་ཅིང་། ལོག་པའི་བདུད་དེ་དག་ཀྱང་དེའི་གྲོགས་བྱེད་པ་དང་། བགེགས་དང་བར་ཆོད་བྱེད་པའི་རིགས་ལས་ཀྱང་གཞི་བྱ་བར་བྱས་ནས་འབྱུང་པོ་ཕྱིར་ཤ་ཟན་དང་། འབྱུང་པོ་ཁྲག་འཐུང་མང་པོའི་ཚོགས་བརྒྱད་ཁྲི་བཞི་སྟོང་གི་ཚོགས་དང་བཅས་ནས། རྒྱབ་བརྟེན་དང་འཕྲལ་གྱི་དེད་དཔོན་དུ་འཇིག་རྟེན་གྱི་ང་རྒྱལ་དང་དྲེགས་པའི་བསོད་ནམས་སྤྱོད་པས་གྲུབ་པའི་དབང་ལྡན་བགེགས་ཀྱི་གཙོ་བོ་དང་། ཆུང་མ་དབང་ལྡན་དྲག་མོ་དང་བཅས་པ་བཟུང་ནས་བྱང་ཤར་ ― DNG014_Page_0071 ―
[མ་དཔེ་གཟིགས་ན་འདིར་གནོན།]
གྱི་མཚམས་ནས་སེམས་ཅན་ཐམས་ཅད་ཀྱི་བདུད་གཅོད་པ་དང་། ཚེ་དང་བསོད་ནམས་དང་སྲོག་ལ་བརྐུ་བ་དང་། རྣལ་འབྱོར་པ་ཆོས་གཞུང་བཞིན་དུ་སྤྱོད་པ་ལ་གནས་འཕྲོག་པ་དང་། དམ་སྲི་དང་། བར་ཆོད་དང་། བསམ་སྦྱོར་ངན་པ་བྱེད་པ་དང་། དེ་དག་ཀྱང་ཤིན་ཏུ་འདུལ་དཀའ་བ་མི་ཐུལ་ཏེ་གདུལ་དཀའ་བར་གནས་སོ། །དེ་བཞིན་དུ་ལྷ་གདོན་དང་དྲི་ཟའི་གདོན་གྱི་རིགས་བསམ་གྱིས་མི་ཁྱབ་པའི་རྒྱབ་བརྟེན་དང་། དཀར་པོའི་ཕྱོགས་ལ་དྲེགས་པས་སྤྱོད་པ་བསམ་གྱིས་མི་ཁྱབ་པའི་གདོན་གྱི་རིགས་མང་པོ་དང་། དེད་དཔོན་དུ་ཕྱོགས་སྐྱོང་བའི་བརྒྱ་བྱིན་དང་། ཆུང་མ་ཨིཊྛྜྜ་བཟུང་ནས་ཤར་ནས་གོང་མ་བཞིན་དུ་བར་གཅོད་བྱེད་དོ། །དེ་བཞིན་དུ་ཤར་ལྷོ་མཚམས་ནས་ཐབ་གདོན་དང་། མེ་ལས་གྱུར་པའི་གདོན་རིགས་མང་པོ་དང་། དེད་དཔོན་དུ་མཚན་མའི་སྦྱིན་སྲེག་གི་ལས་ལས་གྲུབ་པའི་མེའི་ལྷ་དྲང་སྲོང་དང་། ཆུང་མ་མེ་ལམ་འབར་བར་སྐྱབས་བཙལ་ནས་གོང་མ་བཞིན་ནོ། །ལྷོ་ཕྱོགས་ནས་མ་མོའི་གདོན་རིགས་དང་། གྲུལ་བུམ་གྱི་གདོན་བསམ་གྱིས་མི་ཁྱབ་པ། འཇིག་རྟེན་གྱི་བསོད་ནམས་དྲག་པོར་སྤྱད་པ་ལས་གྲུབ་པའི་གཤིན་རྗེ་ཡ་མ་ནི། ཆུང་མ་གཤིན་རྗེ་འཇོམས་མ་ལ་སྐྱབས་བཙལ་ཏེ། ལྷོ་ནས་གནོད་པ་བྱེད་པ་གོང་བཞིན་ནོ། །ལྷོ་ནུབ་ནས་སྲིན་པོའི་གདོན་བརྗེད་བྱེད་ཀྱི་གདོན་བསམ་གྱིས་མི་ཁྱབ་པ་བསོད་ནམས་མཚན་མར་སྤྱད་པ་ལས་གྲུབ་པའི་བདེན་བྲལ་དང་། ཆུང་མ་སྲིན་མོ་རྐུན་མོ་ལ་སྐྱབས་དང་དཔུང་བཙལ་ནས་གནོད་པ་གོང་མ་བཞིན་ནོ། །ནུབ་ནས་ཀླུ་གདོན་དང་ཆུ་གདོན་ལ་སོགས་རིགས་བསམ་གྱིས་མི་ཁྱབ་པ་བསོད་ནམས་དངོས་པོར་སྤྱད་པའི་ཆུ་ལྷ་ཝ་རུ་ན་དང་། ཆུང་མ་ཆུ་མོ་སྟག་རིས་ལ་སོགས་པ་ལ་སྐྱབས་བཙལ་ནས་ནུབ་ནས་གནོད་པ་བྱེད་པ་གོང་བཞིན་ནོ། །ནུབ་བྱང་གི་མཚམས་ནས་རླུང་གདོན་སྨྱོ་བྱེད་དང་། རིག་སྔགས་འཆང་གི་གདོན་བསམ་གྱིས་མི་ཁྱབ་པ་རླུང་ལྷ་བ་ཡ་བེ་དང་ཆུང་མ་རླུང་ལྷ་བ་དན་མོ་ལ་སྐྱབས་བཙལ་ནས་ནུབ་བྱང་ནས་གནོད་པ་བྱེད་པ་གོང་མ་ ― DNG014_Page_0072 ―
[མ་དཔེ་གཟིགས་ན་འདིར་གནོན།]
བཞིན་ནོ། །བྱང་ནས་གནོད་སྦྱིན་དང་མིའམ་ཅིའི་གདོན་ལ་སོགས་པ་གནོད་སྦྱིན་ཀུ་བེ་ར་དང་། ཆུང་མ་གནོད་སྦྱིན་སྒྲེ་མོ་ལ་སྐྱབས་བཙལ་ནས་བྱང་ནས་གནོད་པ་བྱེད་པ་གོང་མ་བཞིན་ནོ། །འོག་ནས་ས་བདག་དང་གཉན་དང་སྲིན་པོ་ཕོ་མོ་མང་པོ་ས་བདག་ཕག་ཆེན་པོ་དང་། ཆུང་མ་སའི་ལྷ་མོ་བརྟན་མ་ལ་སྐྱབས་བཙལ་ནས་འོག་ནས་གནོད་པ་བྱེད་པ་གོང་མ་བཞིན་ནོ། །སྟེང་གི་ཕྱོགས་ནས་གཟའ་སྐར་གྱི་གདོན་མང་པོ་དང་ཡ་བདུད་ཕོ་མོ་འཇིག་རྟེན་གྱི་བསོད་ནམས་ཕྱོགས་རིས་ལ་སྤྱད་པའི་ཉི་མ་དང་ཟླ་བ་དང་། ཆུང་མ་ཉི་མོ་དང་ཟླ་མོ་སྐྱབས་དང་རྒྱབ་བརྟེན་དང་རྗེ་བོར་བཟུང་ནས་སྟེང་གི་ཕྱོགས་ནས་སེམས་ཅན་ཐམས་ཅད་འཇོམས་ཤིང་འཚེ་བ་དང་གནོད་ཅིང་འཚེ་བ་དང་རྣལ་འབྱོར་པ་ཐམས་ཅད་ལ་ཉམས་ལེན་ཅིང་བར་དུ་གཅོད་པ་དང་། གནས་འཕྲོག་པ་དང་། བསམ་པ་མི་འགྲུབ་པར་བྱེད་ཅིང་འཁོད་པ་ལས། བྱང་ཆུབ་ཆེན་པོ་ངག་གི་དབང་ཕྱུག་གིས་བཅོམ་ལྡན་འདས་བྱང་ཆུབ་ཀྱི་སེམས་རྡོ་རྗེ་ལ་ལུས་ཞིང་གི་རྡུལ་སྙེད་དུ་སྤྲུལ་ནས། ཕྱི་ནང་གསང་བའི་མཆོད་པས་མཆོད་ནས་འདི་སྐད་གསོལ་ཏོ། །ཨེ་མ་ཧོ་བཅོམ་ལྡན་འདས། འཇིག་རྟེན་གྱི་ཁམས་འདི་དག་ན། བགེགས་དང་ཕྱོགས་སྐྱོང་བ་རྣམས་རྣལ་འབྱོར་པ་དང་སེམས་ཅན་རྣམས་ལ་མ་རུངས་པར་བགྱིད་ན། དེ་དག་གང་གིས་གདུལ་བའི་དུས་ལ་བབ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འདི་ནི་བསོད་ནམས་དྲེགས་ཤིང་ལོག་པར་སྤྱོད་པའི་མཐུ་བརྟས་པས། རབ་ཏུ་གདུལ་དཀའ་བ་ལས། གང་གིས་ཀྱང་མི་ཐུབ་པས་འདི་འདུལ་བའི་ཐབས་ནི། སྟོན་པ་ཞེ་སྡང་རྡོ་རྗེ་འཛིན་གྱི་ཐུགས་ལ་ཁྲོ་བོ་ཡབ་ཡུམ་བཅུ་མངགས་ཏེ། དེའི་མཐུ་དང་རྫུ་འཕྲུལ་གྱི་དཔུང་ནི་གང་གིས་ཀྱང་བསྐྱོད་དུ་མེད་དེ། འདི་རྣམས་སྔོན་བསྐལ་པ་གྲངས་མེད་པའི་དུས་བྱང་ཆུབ་སེམས་དཔའི་སྤྱད་པ་སྤྱོད་ཙ་ན། ཡུལ་གྱི་མིང་དུར་ཁྲོད་ཤིང་གཅིག་ན། ཡབ་བྲམ་ཟེ་ཀེའུ་ཤུ་དང་། ཡུམ་བྲམ་ཟེ་མོ་དབྱིངས་མ་གཉིས་ལ། སྲས་ ― DNG014_Page_0073 ―
[མ་དཔེ་གཟིགས་ན་འདིར་གནོན།]
བྲམ་ཟེ་བརྒྱད་མངའ་ནས། དེ་བརྒྱད་ལ་ཁྱིམ་ཐབས་དུས་གཅིག་ཏུ་བཙལ་ཏེ། ཆུང་མ་རེ་རེ་དང་བཅས་ནས་འཁོད་པ་ལས། དེ་རྣམས་རབ་ཏུ་ཕོངས་ཏེ། དེ་གཅན་གཟན་གདུག་པ་དང་། ཤ་ཟན་སྲིན་པོ་དང་། མི་མ་ཡིན་དང་། སྦྲུལ་གདུག་པ་ཅན་དང་། སྦྲང་བུ་མཆུ་རིང་དང་། ཏྲཻ་ལ་ཏ་ལ་སོགས་པའི་གནས་ན་ཉོན་མོངས་པ་ལས་དེ་རྣམས་ཀྱིས་བྱང་ཆུབ་མཆོག་ཏུ་སེམས་བསྐྱེད་ནས། ནམ་མཁའི་དཀྱིལ་མཛོད་ནས་བྱུང་བའི་ཡི་གེ་བཅུ་ཐམ་པར་སྨོན་ལམ་བཏབ་པ། བདག་ཅག་སྤད་སྨད་བཟའ་བྲན་བཅུ་པོ་འདི། ནམ་ཞིག་མངོན་པར་རྫོགས་པར་སངས་རྒྱས་པར་གྱུར་ཅིག །མངོན་པར་སངས་རྒྱས་པར་གྱུར་ནས་ཀྱང་། དེ་བཞིན་གཤེགས་པའི་བཞུགས་གནས་གཞལ་ཡས་ཁང་གི་ཕྱིའི་སྒོ་དང་ཕྱིའི་སྲུང་མར་གྱུར་ཅིག །རྣལ་འབྱོར་པ་ཐམས་ཅད་ཀྱི་སྟོངས་དང་གྲོགས་སུ་གྱུར་ཅིག །ཆོས་གཞུང་བཞིན་དུ་བྱེད་པ་དང་། རྣལ་འབྱོར་དགོངས་སྤྱོད་ལ་གནས་པ་རྣམས་ཀྱི་དཔལ་དུ་གྱུར་ཅིག །དེ་རྣམས་ལ་གནོད་ཅིང་བར་གཅོད་བྱེད་པ་རྣམས་ཀྱི་གཉེན་པོར་གྱུར་ཅིག །སེམས་ཅན་ན་ཞིང་ཚ་བ་རྣམས་དང་། སེམས་ཅན་སྡུག་ཅིང་ཉམས་ཐག་པ་རྣམས་ཀྱི་མགོན་དུ་གྱུར་ནས། བདུད་དང་བགེགས་རྣམས་འདུལ་ཞིང་ཚར་གཅོད་པར་གྱུར་ཅིག །རྣལ་འབྱོར་གང་ཞིག་གིས་གཞུང་བཞིན་མི་ཤེས་ན་ཡང་། གསང་བའི་དོན་ལ་མོས་པ་དང་། ཡི་རང་བས་བདག་ཅག་གི་སྙིང་པོ་བཟླས་པའམ། བསྐུལ་ཚིག་གིས་ཐ་ན་ཚིག་གཅིག་ཙམ་འཛིན་པས་ཀྱང་། དེའི་མཐུ་དང་གྲོགས་སུ་གྱུར་ནས་ཀྱང་། དེའི་སྟོངས་བྱེད་པར་གྱུར་ཅིག །སེམས་ཅན་གང་དག་དང་གནོད་པས་ཉེན་ཏེ། ཉམ་ཐག་ཅིང་ཕོངས་པས། བདག་གི་དོན་མ་ནོར་བར་ཤེས་པ་ལྟ་ཅི་སྨོས་ཀྱི། མཚན་ཙམ་བརྗོད་པས་ཀྱང་། གང་ལ་བྱ་བ་འགྲུབ་པར་གྱུར་ཅིག །རྣལ་འབྱོར་པ་ཤེས་རབ་ཞན་པ་ལ་ལས་མཆོད་པ་དང་ཡོ་བྱད་ཕུད་ལ་རློམ་པ་ལ། བདག་ཅག་གི་བཀའ་བདེན་པ་བདར་བ་ཙམ་གྱིས་དེངས་པར་གྱུར་ཅིག །རྣལ་འབྱོར་པའི་བཀའ་མི་ཉན་ཅིང་། དམ་ལས་ཟློག་པའི་ ― DNG014_Page_0074 ―
[མ་དཔེ་གཟིགས་ན་འདིར་གནོན།]
མ་མོ་དང་མཁའ་འགྲོ་མ་དང་སྲིན་མོ་ཤས་ཆེ་བ་བདག་ཅག་གི་ཟབ་ཅིང་རྒྱ་ཆེ་བ་འདི་ལྟ་ཅི་སྨོས་ཏེ་འཛིན་པའི་གྲོགས་སུ་ཡང་འཁུ་ལྡོག་མེད་པར་གྱུར་ཅིག །གང་སྡིག་པ་འབའ་ཞིག་ཅན་དམྱལ་བར་སྐྱེ་བར་ངེས་པ་དང་། ངན་པའི་ངང་ཚུལ་ཅན་ཐུགས་རྗེའི་དཔྱང་ཐག་ཆད་པ་རྣམས་བདག་ཅག་གི་འདུག་བཞིན་དུ་བསྒྲལ་ནས། བླ་ན་མེད་པའི་ལམ་ལ་འགོད་པར་གྱུར་ཅིག་ཅེས་སྨོན་ལམ་ཆེར་བཏབ་བོ། །བྲམ་ཟེ་ཀེའུ་ཤུས་བདག་ནམ་ཞིག་མངོན་པར་རྫོགས་པར་སངས་རྒྱས་པར་གྱུར་པ་ན། དེ་བཞིན་གཤེགས་པའི་བཞུགས་གནས་གཞལ་ཡས་ཁང་དང་། དེ་ལྟར་བསྒོམ་པའི་གཞལ་ཡས་ཁང་གི་སྟེང་ཕྱོགས་ནས་ཁྲོ་བོ་ཧཱུཾ་ཀཱ་རར་གྱུར་ཏེ། སྐུ་ལས་ཡེ་ཤེས་ཀྱི་འོད་ཟེར་ཉི་མ་འབུམ་ལས་ལྷག་པའི་གཟི་བརྗིད་དང་། ཆོས་ཉིད་ཀྱི་ཐབས་དང་ཤེས་རབ་ཟུང་དུ་འདྲེལ་ཏེ་སྟེང་གི་གདོན་བགེགས་འདུལ་ཞིང་ཚར་གཅོད་པ་དང་། བར་གཅོད་ནང་དུ་མི་ཐར་པ་དང་དངོས་གྲུབ་ཕྱིར་མི་འབྱུང་བར་བྱེད་པའི་ཁྲོ་བོ་ཆེན་པོར་གྱུར་ཅིག་ཅེས་སྨོན་ལམ་བཏབ་བོ། །བྲམ་ཟེ་མོ་དབྱིངས་མས་བདག་ཅག་གསང་སྔགས་རྡོ་རྗེ་ཐེག་པའི་སྒོར་ཞུགས་ནས་མངོན་པར་རྫོགས་པར་སངས་རྒྱས་པར་གྱུར་ཅིག །ནམ་ཞིག་དེ་ལྟར་གྱུར་ནས་ཀྱང་། དེ་བཞིན་གཤེགས་པའི་བཞུགས་གནས་གཞལ་ཡས་ཁང་དང་། རྣལ་འབྱོར་གྱི་གནས་ཁང་གི་འོག་ཕྱོགས་ནས་བདག་མོ་ལས་ཕོར་གྱུར་ཏེ། ཤེས་རབ་ཀྱི་ཁྲོ་བོའི་མཚན་གྱི་རྣམ་པ་མང་པོར་གྱུར་ཏེ། སྐུ་ལས་ཡེ་ཤེས་ཀྱི་འོད་ཟེར་འབུམ་གྱི་གཟི་དང་ལྡན་ཏེ། ཐབས་དང་ཤེས་རབ་དབྱེར་མེད་པས། འོག་གི་གདོན་བགེགས་འདུལ་བ་གོང་མ་བཞིན་དུ་གྱུར་ཅིག་ཅེས་སྨོན་ལམ་དེ་ལྟ་བུ་བཏབ་བོ། །དེ་བཞིན་དུ་སྲས་ཐུ་བོ་བྲམ་ཟེ་འདི་རྣམས་ཀྱི་མཚན་དོན་མ་ངེས་ཀྱང་སོར་བཞག་བྱས་ཀ་ཡས། ཤར་གྱི་ཁྲོ་བོ་གཟི་ལྡན་གྱི་སྐུར་བསྒྱུར་ནས། ཤར་གྱི་གདོན་བགེགས་འདུལ་བར་སྨོན་ལམ་བཏབ་པོ། །དེའི་ཆུང་མས་ཁྲོ་བོ་དེའི་ཡུམ་དུ་སྨོན་ལམ་བཏབ་པོ། །དེའི་འོག་མ་བྲམ་ཟེ་སི་ཧས། ལྷོའི་གདོན་འདུལ་བ་དང་། ཆུང་མས་དེའི་ཡུམ་དུ་སེམས་བསྐྱེད་པ་ ― DNG014_Page_0075 ―
[མ་དཔེ་གཟིགས་ན་འདིར་གནོན།]
ཡང་དེ་བཞིན་ནོ། །དེ་རུ་ར་ཏ་ནུབ། བྲམ་ཟེ་མེ་ཀ་རས་བྱང་། བྲམ་ཟེ་པུ་ཏྲས་ཤར་ལྷོ། བྲམ་ཟེ་རྒྱུན་ཤེས་ཀྱིས་ལྷོ་ནུབ། བྲམ་ཟེ་པྲཛྙཱས་ནུབ་བྱང་། དེ་བཞིན་དུ་ཐ་ཆུང་བྲམ་ཟེ་ལོ་ཀ་ཏས། བདག་ནམ་ཞིག་གསང་སྔགས་ཀྱི་སྒོ་ནས་མངོན་པར་སངས་རྒྱས་པར་གྱུར་ཅིག །སངས་རྒྱས་པར་གྱུར་ནས་ཀྱང་ཁྲོ་བོ་ཆེན་པོ་ཁམས་གསུམ་རྣམ་རྒྱལ་ཡེ་ཤེས་ཀྱི་འོད་ཟེར་ཉི་མ་འབུམ་གྱི་གཟི་བརྗིད་དང་ལྡན་པར་གྱུར་ཅིག །དེ་བཞིན་གཤེགས་པའི་བཞུགས་གནས་གཞལ་ཡས་ཁང་དང་། རྣལ་འབྱོར་པའི་གནས་ཁང་གི་བྱང་ཤར་མཚམས་གནོད་ཅིང་བར་གཅོད་བྱེད་པའི་གདོན་བགེགས་གཙོ་དང་གཡོག་དང་འཁོར་དང་བཅས་པ་འདུལ་ཞིང་ཚར་བཅད་ནས་བསྒྲལ་ཏེ་རྣམ་པར་ཤེས་པ་གནས་སྤར་ཏེ། གནས་ཀྱི་བྱང་ཤར་ནས་གདོན་བགེགས་ནང་དུ་མི་གཏོང་བ། དངོས་གྲུབ་ཕྱིར་མི་ཤོར་བར་བྱེད་པའི་ཁྲོ་བོའི་རྒྱལ་པོར་གྱུར་ཅིག་གི་སྨོན་ལམ་བཏབ་བོ། །དེ་རྣམས་ཀྱི་ཆུང་མས་ཁྲོ་བོ་རྣམས་ཀྱི་ཡུམ་དུ་སྨོན་ལམ་བཏབ་པ། ཐབས་དང་ཤེས་རབ་དབྱིངས་དང་ཡེ་ཤེས་གཉིས་སུ་མེད་པར་གྱུར་ཅིག་པར་སྨོན་ལམ་བཏབ་བོ། །དེ་ནས་བྲམ་ཟེ་ཁྱོ་དང་ཆུང་མ་དང་བཅས་པས་བདག་ཅག་གི་ཡུལ་དང་། གནས་དང་ནོར་དང་ལོངས་སྤྱོད་དང་། ལུས་དང་སྲོག་དང་ཚེ་དང་ཤ་ཁྲག་ལ་སོགས་པ་འདི་དག་ཐམས་ཅད་ཀྱང་། མི་དང་མི་མ་ཡིན་པ་དང་། ལྷ་དང་ལྷ་མ་ཡིན་ལ་སོགས་པའི་རིགས་བསམ་གྱིས་མི་ཁྱབ་པ་དང་། གོང་མ་དེ་དག་ལ་སོགས་པ་རྣམས་ལོངས་ཤིག་ཁྱེར་ཅིག །སོ་སོ་ཅི་ལྟར་འདོད་པ་བཞིན་དུ་ཟོ་འཆོ་འཐུང་ལོངས་སྤྱོད་ཅིག །ཞེས་སྨྲས་ནས་དེ་དག་ལ་བཀྱེའོ། །དེ་དག་གིས་ཀྱང་ཟོས་འཆོས་ཏེ། རྡུལ་ཙམ་ཡང་མེད་པར་བྱས་པའོ། །དེ་ནས་བྲམ་ཟེ་ཕོ་མོ་དེ་དག་གིས་ཀྱང་། རྣམ་པར་ཤེས་པའི་སེམས་ལྷའི་སྲས་སུ་བསྐྱེད་ནས། ལྷ་མ་ཡིན་གྱི་དཔུང་བཟློག་གོ། །ལྷའི་རྒྱལ་པོའི་སྲས་དེ་ལས་ཀྱང་གནས་འཕོས་ནས། འོད་ཀྱི་འོད་ཕུང་འཁྱིལ་པར་གྱུར་ནས། ― DNG014_Page_0076 ―
[མ་དཔེ་གཟིགས་ན་འདིར་གནོན།]
འོག་མིན་གྱི་གནས་རིགས་ལྔ་ཡབ་ཡུམ་སྦྱོར་བའི་མཚམས་སུ་ཞུགས་ནས། རིགས་ལྔས་ཐབས་དང་ཤེས་རབ་ཏུ་རོལ་པ་ལས། ཐུགས་ཀྱི་དཔལ་བེའུར་གྱུར་ནས་དབུའི་རྒྱན་དུ་བྱིན་ནས། རིན་པོ་ཆེ་བསྟར་ལ་བརྒྱུས་ནས། གསང་བའི་མཁའ་གཉིས་ལས་ལམ་དུ་ཕྱུང་སྟེ། གཉིས་སུ་མེད་པའི་སྲས་སུ་གྱུར་ཏེ། གཉིས་ནི་བྱང་ཆུབ་ཀྱི་སེམས་རྣམ་གཉིས་སུ་གྱུར། བརྒྱད་ནི་བྱང་ཆུབ་སེམས་དཔའ་བརྒྱད་དུ་གྱུར་ཏེ། ཕྱོགས་བཅུའི་འཕགས་པ་ཐམས་ཅད་ཀྱང་རེ་ངོམས་སྐྱེས་ནས། བསྔགས་པ་མཛད་ཅིང་དབང་བསྐུར་ནས་རྒྱལ་བའི་གདུང་རྒྱུད་འཛིན་པའི་སྲས་སུ་གྱུར་ཏེ། བྱིན་གྱིས་བརླབས་ཏེ་ཚད་མེད་པ་བཞིའི་སྒོ་ནས་འཁོར་བ་མ་སྟོངས་ཀྱི་བར་དུ་དོན་མཛད་པའི་ཚེ། བྱང་ཆུབ་སེམས་དཔའ་རྣམ་གཉིས་དང་། འཁོར་ཉེ་བའི་སྲས་པོ་བརྒྱད་དང་མཆོད་པའི་ལྷ་མོ་བརྒྱད་ལ་སོགས་པར་ཕྱུང་ནས། འགྲོ་བའི་དོན་མཛད་པའི་ཞི་བས་འདུལ་བའི་སྐལ་བ་དང་མི་ལྡན་པའི་བདུད་དང་སྲིན་པོ་དང་། དགྲ་དང་བགེགས་འདུལ་ཞིང་ཚར་གཅོད་པར་མཛད་ཙམ་ན། རིགས་ལྔ་ཡབ་ཡུམ་གཉིས་སུ་མེད་པའི་བྱང་ཆུབ་སེམས་ལས་རྡོ་རྗེ་འཛིན་པ་མཐུ་སྟོབས་ཀྱི་མངའ་བདག་ཞེ་སྡང་གི་སྐུར་གྱུར་ནས། ཉི་མའི་གདན་ལ་སོ་སོར་བཀོད་པའི་ཞི་ཁྲོ་ཕྱེད་མའི་ཐུགས་ཀ་ནས། ཁྲོ་བོ་བཅུ་ཕྱུང་། ཁྲོ་བོ་བཅུའི་སྐུ་མི་མངོན་ནམ་མཁའི་དབྱིངས་ན་བཞུགས་ནས་ཐུགས་གསང་བའི་མཁའ་ཉི་མའི་དཀྱིལ་འཁོར་དུ་བྱུང་ནས། ཡབ་ཡུམ་ཐབས་དང་ཤེས་རབ་ལས། འཇིག་རྟེན་གྱི་ཁམས་བསྲེག་སྦྱང་ཚུལ་བཞིན་དུ་མཛད། བདུད་དང་དགྲ་བགེགས་བཏུལ་ཞིང་ཚར་བཅད་ནས། མིང་ཡང་མི་གྲགས་པར་གྱུར་ནས། དེ་ནས་དངོས་པོའི་ཆོས་རྟག་པ་ཐེར་ཟུག་ཡིན་པའི་ཕྱིར་རིམ་གྱིས་བསྡུས་ནས་ཐུགས་ཀར་ཐིམ་སྟེ། ཐུགས་མི་གནས་པའི་དབྱིངས་སུ་བསྡུས་ཏེ་བཞུགས་པའི་སངས་རྒྱས་འདུལ་བའི་དུས་ལ་བབ་བོ་ཞེས་བཀའ་སྩལ་པས། བྱང་ཆུབ་སེམས་དཔའ་ངག་གི་དབང་ཕྱུག་གིས། སྟོན་ ― DNG014_Page_0077 ―
[མ་དཔེ་གཟིགས་ན་འདིར་གནོན།]
པ་བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་འདིའི་དུས་ལ་བབ་པོ་ཞེས་པ་དང་། དེ་ནས་རྒྱལ་བའི་བྱང་ཆུབ་སེམས་རྡོ་རྗེས་ཧཱུཾ་ཧཱུཾ་ཧཱུཾ་བཛྲ་དྷྲྀཀ་ཧཱུཾ་ཞེས་བསྐུལ་བས། ཆོས་ཉིད་ཀྱི་ངང་ལས་ཏིང་ངེ་འཛིན་རྣམ་གསུམ་གྱིས་རྒྱུད་སྦྱངས་པས། བཅོམ་ལྡན་འདས་ཞེ་སྡང་ཐམས་ཅད་འདུས་པའི་གཙོ་བོ་རྡོ་རྗེ་འཛིན། ཞལ་གསུམ་ཕྱག་དྲུག །ཞབས་སེམས་དཔའི་སྐྱིལ་མོ་ཀྲུང་དུ་བཞུགས་པ། ཕྱག་གཡས་རྡོ་རྗེ་དང་རིན་པོ་ཆེ་དང་འཁོར་ལོ་བསྣམས་པ། གཡོན་དྲིལ་བུ་དང་པདྨ་རལ་གྲི་བསྣམས་པ། གཡས་དཀར་གཡོན་དམར་དབུས་མཐིང་། སྐུ་ཞི་ཁྲོ་ཕྱེད་མ་ལས་ཡིད་ཙམ་ཁྲོ་བག་ཏུ་བཞུགས་པ། སྐུ་གསུང་ཐུགས་རྡོ་རྗེ་ལྟ་བུའི་བྱིན་གྱི་བརླབས་དང་ལྡན་པ། ཆེ་བའི་ཡོན་ཏན་ལ་སོགས་པའི་མགྲོན་མང་པོས་བརྒྱན་ཏེ། དང་པོ་རཾ་ཡཾ་ཁཾ་གིས་བསྲེགས་སྦྱངས་བྱས་ཏེ། ཉིད་ལ་ཉིད་ཀྱིས་འདི་སྐད་ཅེས་གསུངས་ཏེ། ཧཱུཾ་ཞེ་སྡང་རྡོ་རྗེ་ཁྲོ་རྒྱལ་གཙོ། །མགོན་པོ་སངས་རྒྱས་ཀུན་གྱི་དངོས། །ཐམས་ཅད་དབྱིངས་སུ་འདུལ་བའི་གཙོ། །རྒྱལ་བ་རྣམས་ཀྱི་སྲས་སུ་བསྔགས། །ཞབས་གཉིས་སེམས་དཔའི་སྐྱིལ་ཀྲུང་གིས། །འཇམ་པའི་སྟན་ལ་འདུག་ནས་ནི། །ཞེ་སྡང་རྡོ་རྗེའི་ཏིང་འཛིན་གྱིས། །གནས་རྣམས་བསྲུང་ཕྱིར་རྣམ་པར་བརྗིད། །ཅེས་བརྗོད་པས་དེའི་སྐུ་གཟི་བརྗིད་དང་ལྡན་པ་འཇིག་རྟེན་པའི་ཕྱོགས་སྐྱོང་དང་བདུད་དང་བགེགས་རྣམས་ཀྱིས་མཐོང་ནས། དེ་རྣམས་རི་དྭགས་རྫི་ཚོར་བ་བཞིན་དུ་རྦས་རོང་ངེ་གནས་སོ། །དེ་ནས་ཞེ་སྡང་འདུལ་བའི་ཁྲོ་བོས་ཐུགས་ཀ་ནས་ཉི་མའི་དཀྱིལ་འཁོར་གྱི་སྟེང་དུ་ཧཱུཾ་སྨུག་ནག་འབར་བ་གཅིག་ཙར་རེ་འཐོན་པ་ལས། ཤྲཱི་བཛྲ་ཧཱུཾ་ཀཱ་ར་ཧཱུཾ་ཞེས་བརྗོད་པས། ཁྲོ་བོ་ཧཱུཾ་ཀཱ་ར་མདོག་དམར་ནག་དབྱར་གྱི་སྤྲིན་དམར་འདྲ་བ། སྐྲ་ཁམ་པ་གྱེན་དུ་བརྫེས་པ། མིག་དམར་བ། ཁ་བགྲད་པ། མཆེ་བ་གཙིགས་པ། ཞལ་གསུམ་ཕྱག་དྲུག་པ། གཡས་དཀར་བ་གཡོན་སྔོ་བ་དབུས་དམར་བ། ཕྱག་གཡས་གཡོན་དང་པོ་གཉིས་ཧཱུཾ་གི་ཕྱག་རྒྱ་བཅིངས་པ་གཡས་རྡོ་རྗེ་རྩེ་དགུ་པ། གཡོན་ ― DNG014_Page_0078 ―
[མ་དཔེ་གཟིགས་ན་འདིར་གནོན།]
དྲིལ་བུ་གཡས་བར་མ་ལྕགས་ཀྱུ། ཐ་མ་རལ་གྲི། གཡོན་བར་མ་དགྲ་སྟྭ། ཐ་མ་ཞགས་པ་འཛིན་པ། ཞབས་གྱད་ཀྱི་དོར་སྟབས་ཅན། སྐུ་སྟོད་གླང་ཆེན་གྱི་ཀོ་རློན་དང་། མིའི་གཡང་གཞི་དང་། སྐུ་སྨད་སྟག་གི་པགས་པ་དང་པོ་ཏི་ཙི་ཏིའི་ཤམ་ཐབས་དང་། རྡོ་རྗེ་ཡེ་ཤེས་ཀྱི་གཤོག་པ་དང་། སྦྲུལ་དམར་བཀྲ་དང་། སེར་བཀྲ་དང་། སྔོ་བཀྲ་དང་། ལྗང་བཀྲ་དག་གིས་དབུ་རྒྱན་དང་སྙན་ཆ་མགུར་ཆུ་དང་སྐུ་ཆིངས་དང་། ཕྱག་ཞབས་ཀྱི་གདུ་བུ་བྱས་པ། ཐོད་པ་སྐམ་པོའི་ཕྲེང་བས་དབུ་བརྒྱན་པ། ཐོད་པ་རློན་པའི་ཕྲེང་བས་དོ་ཤལ་སེ་རལ་ཁར་བརྒྱན་པ། སྤྱན་བཟློག་པ་བྷྲི་ཀུ་ཊི་གཉེར་མ་གྱེན་དུ་བསྒྲེང་བ། སྙན་ལ་དུང་གི་ཁོང་སེང་ཅན། སྐུ་ཆེ་ལ་ཡན་ལག་རགས་པ། ཤིན་ཏུ་རྔམས་ལ་རབ་ཏུ་བརྗིད་པ་ཞིག་རྒྱལ་པོ་ཆེན་པོའི་བཀའ་བསྒོ་བ་བློན་པོས་བཀའ་ནོད་པའི་ཚུལ་དུ་དམའ་དྲེང་ངེ་། རྡོ་རྗེ་འཛིན་ཆེན་པོ་ཅི་བཀའ་སྩལ་ཞེས་གནས་པ་ལས། རྡོ་རྗེ་འཛིན་པས་ཕྱོགས་བཅུའི་ཁྲོ་བོ་བཅུ་རྣམས་སྔོན་གྱི་སྨོན་ལམ་གྱི་དབང་གིས་སེམས་ཅན་གྱི་དོན་ལ་བྱོན་པས། དེའི་གདན་ཤོམས་ཤིག་ཅེས་བཀའ་སྩལ་ནས། དེ་ནས་དབང་དང་གཟི་བྱིན་བསྐྱེད་པ་འདི་སྐད་ཅེས་བསྒོ་བའོ། །ཧཱུཾ། ཉི་མའི་དཀྱིལ་འཁོར་དབུས་གནས་པར། །ཁྲོ་བོ་ཆེན་པོ་ཧཱུཾ་ཀཱ་ར། །སྐུ་ཆེ་ཡན་ལག་རགས་པ་ནི། །དབྱར་གྱི་སྤྲིན་ཕུང་ལྟ་བུའོ། །བསྐལ་པའི་མེ་དཔུང་ཇི་བཞིན་དུ། །འོད་ཟེར་དང་ལྡན་རབ་ཏུ་འབར། །ཞལ་གསུམ་ཕྱག་ནི་དྲུག་པ་སྟེ། །དང་པོའི་ཕྱག་གཉིས་ཧཱུཾ་རྒྱ་བཅིངས། །གཡས་གཉིས་ལྕགས་ཀྱུ་རལ་གྲི་བསྣམས། །གཡོན་གཉིས་ཞགས་པ་དགྲ་སྟྭ་འཛིན། །གཡས་བརྐྱང་གཡོན་བསྐུམ་རབ་ཏུ་གནས། །སྨིན་མཚམས་ཁྲོ་གཉེར་དམར་བའི་སྤྱན། །ཞལ་གསུམ་མཆེ་བ་གཙིགས་ནས་ནི། །རྡོ་རྗེའི་འགྲོས་ཀྱིས་རྣམ་པར་བསྒྱུར། །ཧཱུཾ་དང་ཕཊ་ཀྱི་སྒྲ་སྒྲོགས་ཤིང་། །འདི་འདྲའི་གཟུགས་ནི་བསྐུལ་བྱས་ ― DNG014_Page_0079 ―
[མ་དཔེ་གཟིགས་ན་འདིར་གནོན།]
ན། །ང་ཡིས་དེ་ལ་བཀའ་སྩལ་ལོ། །ཨོཾ་སུམ་བྷ་ནི་སུམ་བྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་བཱན། བིདྱཱ་རཱ་ཛ་ཧཱུཾ་ཕཊ་ཞེས་གཟི་བྱིན་བསྐྱེད་ནས་དབང་རྟགས་ཐོ་བ་ལྕགས་ཀྱུ་གཏད་པ་དང་། ཧཱུཾ་ཀཱ་རས་ཐོ་བ་དང་ལྕགས་ཀྱུ་བླངས་ཏེ། རང་གི་སྙིང་ག་ན་ཉི་མའི་དཀྱིལ་འཁོར་གྱི་སྟེང་དུ་སྙིང་པོ་འདི་ཕྱུང་ངོ་། །ཧཱུཾ། དེ་ལས་ཊཱཀྐི་རཱ་ཛ་སུམ་བྷ་རཱ་ཛ་ཧཱུཾ་ཕཊ་ལས་ཁྲོ་བོ་ཊཱཀྐི་རཱ་ཛ་སྐུ་མདོག་སྔོ་ནག །གཡས་དཀར་གཡོན་དམར་དབུས་མཐིང་། ཕྱག་གཡས་གཡོན་དང་པོ་གཉིས་ཧཱུཾ་གི་ཕྱག་རྒྱ་བཅས་པ། ཕྱག་མཚན་མི་འཛིན་པ་གཞན་ཕྱག་མཚན་ཧཱུཾ་ཀཱ་ར་འདྲ་བ་གཅིག་ཐོན་ནས། དེའི་མདུན་དུ་ཇོ་བོ་ལ་བཀའ་ནོད་པ་འདྲ་བ་གཅིག་དབང་ཆེན་པོ་ཅི་བཀའ་སྩལ་ཞེས་སྔོ་དྲེང་ངེ་འདུག་པ་ལས། ཧཱུཾ་ཀཱ་རས་གོང་མ་བཞིན་དུ་བསྒོས་ནས། དབང་དང་གཟི་བྱིན་འདི་སྐད་ཅེས་བསྐྱེད་དེ། དཔའ་བོ་དྲག་ཤུལ་ཆེ་ལྡན་པའི། །ང་རྒྱལ་བསྙེམས་པའི་དྲག་ཤུལ་ཅན། །འོད་ཟེར་གཟི་ལྡན་འབར་བའི་འོད། །ཐོགས་མེད་ལས་རྣམས་ཀུན་སྤྱོད་ཅིང་། །སུམ་བྷ་ནི་ཡི་སྔགས་བརྗོད་པས། །ཧཱུཾ་ཀཱ་རས་ཐོ་བ་དང་ལྕགས་ཀྱུ་ཊཱཀྐི་རཱ་ཛ་ལ་གཏད་པ་དང་། ཊཱཀྐི་རཱ་ཛས་ཐོ་བ་དང་ལྕགས་ཀྱུ་བླངས་ནས། སྤྱན་འབར་བ་ཉི་ཟླའི་འོད་པས་འཚེར་བ། ཞལ་འབར་བའི་ང་རོས་དྲག་པོའི་སྔགས་བརྗོད་པ། སྐུ་འབར་བའི་ཆ་ལུགས་རི་རབ་ལྟར་བརྗིད་ཆེ་བ། བསྐལ་པའི་མེ་དང་ཉི་མ་འབུམ་གྱི་གཟི་དང་ལྡན་པས། ཞབས་འབར་བའི་ཆ་ལུགས་རྡོ་རྗེ་འགྲོས་ཀྱི་ཞབས་གར་བོར་བར་རྡོ་རྗེའི་ར་བ་དང་། བརྩིགས་པར་གྱུར་པ་དང་སྤྱན་འབར་བའི་གར་གློག་ལྟར་འགྱུ་བ། ཅིར་ཡང་བརྙེས་པའི་གཟུགས་དང་ཆས་ཏེ་གཤེགས་པས་བགེགས་དང་ཕྱོགས་སྐྱོང་ཐམས་ཅད་འདི་སྐད་ཅེས་འཁམས་ཏེ་ཚིག་སྨྲའོ། །ཨེ་མ་ལྷའམ་ཀླུའམ་འོན་ཏེ་སངས་རྒྱས་སམ་ཆོས་སམ་དགེ་འདུན་ནམ་ཐུགས་རྗེའི་བདག་པོ་ཅི་མཛད་པ་ལགས་ཞེས་ཊཱཀྐི་རཱ་ཛ་ཁྲོ་བོ་འཛུམ་གྱི་ཕྱག་རྒྱ་བཅས་ཏེ། ཧཱུཾ་ཧཱུཾ་ཞེས་བྱ་ ― DNG014_Page_0080 ―
[མ་དཔེ་གཟིགས་ན་འདིར་གནོན།]
བའི་སྒྲ་བརྗོད་ནས། ཆོམ་པོ་སྒོ་ལ་རྒོལ་བ་བཞིན་དུ་སུམ་བྷ་ནི་རྡོ་རྗེ་སྡེར་མོའི་སྔགས་བརྗོད་པས་ལྕགས་ཀྱུས་དབང་ལྡན་ཕོ་མོའི་སྙིང་ག་ནས་བཟུང་ནས་ཐོ་བས་འབྲོས་མི་ནུས་པར་ལྷན་ནེ་ལྷན་ནེ་བརྡུངས་པས་འཁོར་གྱི་བགེགས་ཐམས་ཅད་ཧད་སྐྲག་སྟེ། དུས་ཆེན་པོ་བྱུང་བ་ཡིན་ནོ་ཞེས་འཛེར་ཞིང་གཅེར་བུ་ལོ་འཕོས་པའི་ལྷ་རྒོད་དྲག་པོ་བཞིན་དུ་འདར་ཧད་དེ་གནས་པ་ལས། གྱད་ཆེན་པོས་སྡོང་རོ་མང་པོ་བསྒྱུར་བ་བཞིན་དུ། འཁོར་གྱི་བགེགས་མང་པོ་ཐམས་ཅད་འགྱེལ་ཏེ། གཡས་ནས་ཀྱང་ལིང་ལིང་གཡོན་ནས་ཀྱང་ལིང་ལིང་མང་པོ་སྤུངས་ཏེ། དཔེར་ན་རྒས་པའི་སྡོང་རོ་མང་པོ་སྤུངས་པ་བཞིན་དུའོ། །དེའི་སྟེང་དུ་བཤན་པས་ཁོག་པ་བརྩེགས་པ་བཞིན་དུ། བགེགས་ཀྱི་རོ་མང་པོ་སྤུངས་པའི་སྟེང་དུ། དབང་ལྡན་ཕོ་མོ་སྤྱི་བཅིངས་སུ་བྱས་ཏེ་ཕྱག་རྒྱ་ཆེན་པོ་བཞིས་མི་ཤོར་བར་དམ་དུ་བཅིངས་ཏེ། སྔོན་གྱི་དམ་ཚིག་རྗེས་སུ་དྲན། འགྱོད་གནོང་གི་སྨྲེ་སྔགས་འདོན། ཕྱིས་བཀའ་མི་བསླུ་བར་དམ་དང་དམོད་བཅས་ཤིང་གནས་སོ། །དེ་བཞིན་དུ་ཕྱོགས་བཞི་མཚམས་བརྒྱད་སྟེང་འོག་གི། ཕྱོགས་སྐྱོང་བཅུའི་འཁོར་གྱི་གདོན་ཐམས་ཅད་སྤུངས་པའི་སྟེང་དུ། ཕྱོགས་སྐྱོང་ཕོ་མོ་སྤྱི་བཅིངས་སུ་བསྒྱེལ་ནས། གོང་མ་དེ་ཁོ་ན་བཞིན་བཀོད་ནས། ཐོ་བ་ལྕགས་ཀྱུ་སླར་ཧཱུཾ་ཀཱ་ར་ལ་གཏད་ནས། འབྱུང་བ་ལྔ་ཡི་མཁའ་ཀློང་དག་པ་འདིར། །ལོག་པར་འཛིན་པའི་ཕྱོགས་སྐྱོང་བགེགས་འཁོར་འདུལ། །དྲེགས་པ་བཏུལ་ནས་རིམ་བཞིན་བཏིང་ལགས་པས། །འབར་བའི་སྐུ་ལས་དཀྱིལ་འཁོར་བསྐྱེད་དུ་གསོལ། །ཞེས་བརྗོད་ནས་ཧཱུཾ་ཀཱ་རའི་ཐུགས་ཀར་ཐིམ་མོ། །ཧཱུཾ་ཀཱ་རས་ཀྱང་ཐོ་བ་དང་ལྕགས་ཀྱུ་ཞེ་སྡང་རྡོ་རྗེ་ལ་ཕུལ་ཏེ། གང་ན་བཏིང་ལགས་སོ་ཞེ་སྡང་རྡོ་རྗེ་ཁྲོ་རྒྱལ་གཙོ། །ཞེ་སྡང་རྡོ་རྗེ་ཐུགས་ཀྱི་དཀྱིལ་འཁོར་ནས། །ཁྲོ་བོ་རྔམ་ཆེན་དྲག་པོ་སྤྲུལ་པའི་སྐུ། །ཤིན་ཏུ་མི་བཟད་འཇིགས་པའི་མཚོན་ཆ་ཅན། །འཇིགས་བྱེད་ཡུམ་རྣམས་མི་མངོན་སྦས་པ་ནི། ། ― DNG014_Page_0081 ―
[མ་དཔེ་གཟིགས་ན་འདིར་གནོན།]
གསང་བའི་དཀྱིལ་འཁོར་འོད་ཀྱི་དཀྱིལ་འཁོར་ནས། །གདན་གྱི་སྟེང་དུ་དྲི་མེད་འོད་གསལ་བའི། །ཉི་མའི་དཀྱིལ་འཁོར་གདན་ལ་བཞུགས་སུ་གསོལ། །ཞེས་བརྗོད་ནས། ཞེ་སྡང་རྡོ་རྗེའི་ཐུགས་ཀར་ཐིམ་མོ། །དེ་ནས་ཞེ་སྡང་རྡོ་རྗེས། ཐུགས་ཆོས་ཉིད་ལས་མ་གཡོས་པས། མི་ཕམ་ཁྲོ་གཉེར་རོ་ལངས་རལ་གཅིག་མ་ལ་སོགས་པའི་ཁྲོ་མོ་བཅུ་པོ་ཐམས་ཅད་རྒྱུ་མ་ནོར་བ་རྩ་བའི་སྙིང་པོ་ཡི་གེ་མ་བཅུར་ཕྱུང་། འཕྲོ་འདུ་རྣམ་པ་གསུམ་ལས་མ་སཱུརྱ་མཎྜ་ལ་ཞེས་པའི་སྔགས་ཀྱིས་བྱིན་གྱིས་བརླབས་པས། ཁྲོ་མོ་བཅུ་ཡང་ཉི་མའི་དཀྱིལ་འཁོར་བཅུ་ཐམ་པར་གྱུར་ཏེ། ཕྱོགས་བཞི་མཚམས་བཞི་བརྒྱད་དང་བླ་འོག་བཅུར་ཕྱོགས་སྐྱོང་བསྒྱེལ་བའི་སྟེང་དུ། རིན་པོ་ཆེ་གཅལ་དུ་སྤུངས་པའི་སྟེང་དུ། འཕྲུལ་གྱི་མེ་ལོང་ཕྱིས་པ་བཞག་པ་བཞིན་དུ་ལྷང་ངེ་ལྷན་ནེ་གནས་པས། མ་རིག་པའི་མུན་པ་ཐམས་ཅད་དུས་གཅིག་ཏུ་སྟོངས་ཏེ། ཡེ་ཤེས་གསལ་བའི་འོད་གསལ་ཕྱོགས་བཅུར་བརྡལ་ལོ། །དེ་ནས་ཞེ་སྡང་རྡོ་རྗེ་ཁྲོ་བོ་འདུས་པའི་ཐུགས་ཀ་ནས། སྨོན་ལམ་ལས་གྲུབ་པའི་ཁྲོ་བོ་རྣམས་ཧཱུཾ་བཅུར་སྤྲུལ་ནས། འདི་སྐད་ཅེས་བཀའ་སྩལ་ཏོ། །གཟུགས་ཆེན་འབར་བས་འཇིགས་བྱེད་པའི། །ཁྲོ་བོ་བཅུ་དག་ཕྱུང་ནས་ནི། །ཧཱུཾ་ལས་བསྐྱེད་པའི་ཉི་མའི་སྟེང་། །སྐུ་སྟོད་ཞལ་གསུམ་ཕྱག་ཀྱང་དྲུག །སྐུ་སྨད་ལྕགས་ཕུར་ཟུར་གསུམ་པ། །ཕྱོགས་བཅུའི་དཀྱིལ་འཁོར་ཕྱོགས་རྣམས་སུ། །རིམ་པ་བཞིན་དུ་ཀུན་ཏུ་གནས། །བགེགས་རྣམས་ཐམས་ཅད་བཤིག་པའི་ཕྱིར། །གནོད་མཛེས་བཀའ་སྩལ་ཕུར་པས་གདབ། །བརྗིད་པའི་ཚུལ་གྱིས་བསྒྱིངས་པ་སྟེ། །འབར་འཕྲོས་རལ་པ་གྱེན་དུ་བརྫེས། །མི་བཟད་འབར་བའི་འཇིགས་པར་གནས། །ཞེས་བརྗོད་ནས། ཧཱུཾ་བཅུ་ཐམ་པ་ལ་ཆོ་ག་གསུམ་གྱིས། ཨོཾ་ཡ་མཱནྟ་ཀྲྀཏ་བཛྲ་མ་ཧཱ་ཀྲོ་དྷ་ཧཱུཾ་ཕཊ་ཞེས་བསྐྱེད་པ་རྐྱེན་གྱིས་སྔགས་ཀྱིས་བསྐུལ་ནས། ཤར་ཕྱོགས་བརྒྱ་བྱིན་ཕོ་མོའི་སྟེང་དུ། ཁྲོ་བོ་གཤིན་རྗེའི་ ― DNG014_Page_0082 ―
[མ་དཔེ་གཟིགས་ན་འདིར་གནོན།]
གཤེད་པོ། སྟོད་ཁྲོ་བོ་ཞལ་གསུམ་ཕྱག་དྲུག་པ། སྨད་ལྕགས་ཀྱི་ཕུར་པ་ཟུར་གསུམ་པ། ངོས་གསུམ་ལ་ཐུགས་ཀྱི་ཧཱུཾ་གསུམ་དང་། ཟུར་གསུམ་ལ་དྲག་པོས་འཇོམས་པའི་ཕཊ་གསུམ་དང་ལྡན་པ། སྐུ་མདོག་དང་ཕྱག་མཚན་ཇི་ལྟར་མཛོད་ཀྱི་ཏནྟྲ་ལས་འབྱུང་བ་བཞིན་དུ་གྱུར་ཏོ། །ཨཱོཾ་པྲཛྙཱནྟ་ཀྲྀཏ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨཱོཾ་པདྨནྟ་ཀྲྀཏ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨཱོཾ་ཡ་མཱནྟ་ཀྲྀཏ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨཱོཾ་བིགྷྣཱནྟ་ཀྲྀཏ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨཱོཾ་ཨཱརྱ་ཨ་ཙ་ལ་བཛྲ་ཧཱུཾ་ཕཊ། ཨཱོཾ་ནཱི་ལ་དཎྜ་བཛྲ་ཧཱུཾ་ཕཊ། ཨཱོཾ་ཊཱཀྐི་རཱ་ཛ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨཱོཾ་མ་ཧཱ་བ་ལ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨཱོཾ་ཀ་མོ་ལ་ཀུཎྜ་ལི་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨཱོཾ་ཤྲཱི་བཛྲ་ཧཱུཾ་ཀཱ་ར་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཞེས་བསྐྱེད་པ་རྐྱེན་གྱི་སྔགས་ཀྱིས་བསྐུལ་ནས། ཤར་དུ་རྣམ་པར་རྒྱལ་བའམ་དཔལ་ལྡན་གཞན་གྱིས་མི་ཐུབ་པ། ལྷོར་གཤིན་རྗེའི་གཤེད་པོ། ནུབ་ཏུ་རྟ་མགྲིན། བྱང་དུ་བདུད་རྩི་འཁྱིལ་པ། ཤར་ལྷོར་དབྱུག་པ་སྔོན་པོ། ལྷོ་ནུབ་ཏུ་མི་གཡོ་མགོན་པོ། ནུབ་བྱང་དུ་འདོད་པའི་རྒྱལ་པོ། བྱང་ཤར་དུ་སྟོབས་པོ་ཆེ། འོག་ཏུ་ཁམས་གསུམ་རྣམ་པར་རྒྱལ་བའམ་པདྨ་འཁྱིལ་པ། སྟེང་གི་ཕྱོགས་སུ་ཧཱུཾ་ཀཱ་ར་སྟེ། ཁྲོ་བོ་ཆེན་པོ་བཅུ་པོ་འདི་དག་ཀྱང་། ཞལ་གསུམ་ཕྱག་དྲུག་པ། སྐུ་མདོག་དང་ཕྱག་མཚན་རྒྱན་དང་ཆ་ལུགས་ལ་སོགས་པ། ཇི་ལྟར་མཛོད་ལས་བྱུང་བ་བཞིན་འཐོན་ཏེ་ཕྱོགས་སྐྱོང་བཅུ་འཁོར་དང་བཅས་པའི་སྟེང་ན་སེང་གེ་རྣམ་པར་རོལ་པའི་ཚུལ་གྱིས་བཞུགས་པ་ལས། ཞེ་སྡང་རྒྱལ་པོས་ཡང་སྟེང་གི་ཕྱོགས་ནས་ཧཱུཾ་ཀཱ་ར་ལ་བཀའ་སྩལ་ནས། ཐོ་བ་དང་ལྕགས་ཀྱུ་གཏད་ནས་ཕྱོགས་བཅུའི་ཁྲོ་བོ་རྣམས་ལ་ཕུར་པ་ཐོབ་ཅིག་ཅེས་བསྒོའོ། །ཧཱུཾ་ཀཱ་རས་བདུད་རྩི་འཁྱིལ་པ་ལ་དེ་བཞིན་དུ་བསྒོས་ནས། བདུད་རྩི་འཁྱིལ་པས་དེ་བཞིན་དུ་ཐོ་བ་དང་ལྕགས་ཀྱུ་བླངས་ཏེ། བཀའི་ཚིག་འདི་སྐད་ཅེས་བརྗོད་དོ། ། ― DNG014_Page_0083 ―
[མ་དཔེ་གཟིགས་ན་འདིར་གནོན།]
ཧཱུཾ། ཁྲོ་བོའི་རྒྱལ་པོ་འདི་དག་གིས། །བགེགས་ཀུན་བཀུག་ནས་རྣམ་པར་འཇིག །བློ་ལྡན་རབ་ཏུ་འབྱོར་པ་ཡིས། །ཆོ་ག་བཞིན་དུ་ཕུར་ཀུན་བཏབ། །རྡོ་རྗེ་བདུད་རྩི་འཁྱིལ་པ་ཡིས། །རྡོ་རྗེ་ཕུར་བུ་ཉིད་གནས་པ། །ཨུཏྤལ་སྔོན་པོའི་མདོག་འདྲ་བ། །འབར་བའི་ཕྲེང་བ་འཁྲིགས་པའི་འོད། །ལྟེ་བ་མན་ཆད་ཆས་རྣམས་ནི། །ཕུར་རྩེ་ལྟ་བུར་རྣམ་པར་བསྒོམ། །རོ་སྟོད་ཁྲོ་བོ་ལྟ་བུ་ཉིད། །ཞལ་གསུམ་ཕྱག་ཀྱང་དྲུག་པ་སྟེ། །བགེགས་ཀྱི་ཚོགས་ལ་འོག་ཏུ་གཟུག །དེ་ཡི་སྔགས་ནི་བརྗོད་བྱ་སྟེ། །རྡོ་རྗེ་ཕུར་པ་དེས་བཏབ་ནས། །བགེགས་ལུས་གཞན་དུ་མི་གཡོ་བའོ། །ཨཱོཾ་གྷ་གྷ་གྷཱ་ཏ་ཡ་སརྦ་དུཥྚཾ་ཧཱུཾ་ཕཊ། ཀཱི་ལ་ཡ་ཀཱི་ལ་ཡ་སརྦ་བིགྷྣཱཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་ར་ཨཱ་ཛྙཱ་པ་ཡ་ཏི་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཞེས་བརྗོད་ནས། ཁྲོ་བོ་གཤིན་རྗེའི་གཤེད་ལྕགས་ཀྱུས་སྐེད་པ་ནས་བཟུང་ནས། ཐོར་ཚུགས་ཀྱི་སྟེང་དུ་ཐོ་བ་བརྒྱབ་པས་སྨད་ལྕགས་ཀྱི་ཕུར་པ་ཉི་མའི་སྟེང་དུ་ཐལ་བྱུང་ནས། བརྒྱ་བྱིན་ཕོ་མོ་དང་དྲི་ཟ་ལ་སོགས་པའི་བགེགས་ཐམས་ཅད་ཀྱི་སྙིང་ལ་ཟུག་པར་གྱུར་ཏོ། །དེ་བཞིན་དུ་ཕྱོགས་མཚམས་སྟེང་འོག་བཅུར་བཏབ་ནས་ཐོ་བ་དང་ལྕགས་ཀྱུ་ཞེ་སྡང་རྡོ་རྗེ་ལ་གཏད། སླར་ཡང་བྱང་གི་ཕྱོགས་སུ་གོང་བཞིན་དུ་འཁོད་པ་ལས། ཡང་ཞེ་སྡང་རྡོ་རྗེས་ཧཱུཾ་ཀཱ་ར་ལ་བཀའ་སྩལ་པ། སྟེང་གི་ཕྱོགས་སུ་ཧཱུཾ་ཞེས་བསྐྱེད་པས། ཧཱུཾ་ཀཱ་ར་སྟེང་གི་ཕྱོགས་ནས་བབས་ཏེ་ཐོ་བ་དང་ལྕགས་ཀྱུ་བླངས་ཏེ་བྱང་དུ་བདུད་རྩི་འཁྱིལ་པ་ལ་གོང་བཞིན་དུ་གཏད་ནས་སྟོན་པ་ལ་ཐོ་བ་དང་ལྕགས་ཀྱུ་སླར་ཕུལ་ཏེ། སྟེང་གི་ཕྱོགས་ན་གོང་དུ་བཏབ་པ་བཞིན་དུ་འཁོད་དོ། །དེ་ནས་ཞེ་སྡང་རྡོ་རྗེ་སེམས་དཔའི་སྐྱིལ་མོ་ཀྲུང་ལ་བཞུགས་ཏེ་རྡོ་རྗེ་ཐོ་བ་ཐོགས་ནས་འདི་སྐད་དོ། །རྡོ་རྗེ་ཐོ་བ་ཕྱག་བསྣམས་མཆོག །གནོད་མཛེས་རྒྱལ་པོ་རྣམ་པར་བསྒོམ། །ཧཱུཾ་བརྗིད་འབར་བའི་བལྟ་བ་ཡིན། །བགེགས་རྣམས་ཐམས་ཅད་ཕུར་པས་བཏབ། །བཛྲ་ཙཀྲ་ཛི་ན་ཏཱི་ཀྵྞ་ཀྲོ་ཌྷ་ཧ་ན་ཧཱུཾ་ཕཊ་ཞེས་བརྗོད་ནས། ཞབས་རྡོ་རྗེའི་འགྲོས་ཀྱིས་ཚམ་ ― DNG014_Page_0084 ―
[མ་དཔེ་གཟིགས་ན་འདིར་གནོན།]
རྔམས་མཛད་ནས། ཐུགས་ཀ་ནས་ཁྲོ་ཆུང་མང་པོ་མཚོན་ཆ་འབར་བ་སྐར་མདའ་འཁྲུགས་པ་བཞིན་དུ་བྱུང་བས་ཁྲོ་བཅུའི་བར་དང་གོ་མཚམས་དང་གོ་དམིགས་ཐམས་ཅད་ཁྲོ་ཆུང་ཞལ་གསུམ་ཕྱག་དྲུག་ཕྱག་ན་མཚོན་ཆ་མང་པོ་བསྣམས་པ། ཆེ་བ་དང་ཆུང་བ་གྲངས་བསམ་གྱིས་མི་ཁྱབ་པ། བར་མཚམས་དང་གོ་དམིགས་ཐམས་ཅད་བཀང་སྟེ། ཐ་ན་ཁབ་ཀྱི་རྩེ་མོ་ཙམ་ཡང་གཟུག་པའི་ས་མེད་པར་གྱུར་ཏེ། དེ་ཡང་ཁྲོ་བོ་གནོད་མཛེས་ཀྱི་ཤངས་འབར་བ་དང་། བ་སྤུའི་བུ་ག་ནས་རཾ་དམར་པོ་འབར་བའི་ཚ་ཚ་མགལ་བུ་དུམ་བུ་ཚིག་པ་ལྟར་བབས་ནས་འདི་སྐད་དོ། །ཕྱོགས་མཚམས་ཀུན་ཏུ་རྡོ་རྗེའི་མེ། །རྣམ་པར་འཕྲོ་བ་རབ་བསམས་ཏེ། །མ་རུངས་པ་དག་ཚིག་བྱས་ནས། །ཕྱོགས་བཅུར་རབ་ཏུ་འཕྲོ་བར་འགྱུར། །ཕྱོགས་མཚམས་ཕུར་པས་བཏབ་ནས་ནི། །སྟེང་འོག་ཡང་དག་བྱིན་གྱིས་བརླབས། །འབར་བའི་འཕྲོ་འདུ་འཁྲུགས་པ་ཡིས། །རྡུལ་ཆ་ཙམ་ཡང་མེད་པར་བསྲེག །ཛྭ་ལ་རཾ་ཛྭ་ལ་རཾ་ཞེས་བརྗོད་པས། ཁྲོ་བོ་ཐམས་ཅད་ཀྱི་སྐུ་ལས་མེ་དཔུང་ཆེན་པོ་དུས་ཐ་མའི་བསྐལ་པའི་མེ་འབར་བ་ལྟར་ཤིན་ཏུ་མཆེད་པས་ཁྱུང་གི་སྒོ་ངའི་སྦུབས་སུ་ཞུགས་པའམ། རྡོ་རྗེའི་གུར་ཐབས་སུ་ཕུབ་པ་ལས། མེ་རི་འདབ་འབྱོར་དུ་གྱུར་པས། སྲིད་པ་གསུམ་གྱི་དངོས་པོ་ཡང་དུས་གཅིག་ཏུ་ཚིག་ན་གཞན་བར་དུ་གཅོད་པའི་བགེགས་ལྟ་ཅི་སྨོས་ཀྱི་རབ་ཏུ་འབར་བའི་སྲེག་པའི་མེ་དཔུང་དུ་གྱུར་ཏོ། །དེ་ནས་ཞེ་སྡང་རྡོ་རྗེ་འཛིན་པས་ཉིད་ལ་ཉིད་དམ་པའི་ཚིག་འདི་སྐད་དོ། །ཕྱོགས་བཅུའི་སངས་རྒྱས་ཐམས་ཅད་ཀྱི། །སྐུ་ཡི་སྲས་སུ་བདག་བསྐྱེད་ནས། །གསུང་མཆོག་ཡིག་འབྲུར་དབང་བསྐུར་ཏེ། །ཐུགས་ཀྱི་དབྱིག་ཏུ་བདག་བསྐྱེད་པས། །རྣམ་རྟོག་བདུད་ནི་མིང་ཡང་མེད། །རྒྱལ་བའི་དཀྱིལ་འཁོར་ཆེན་པོ་འདིར། །དུས་གསུམ་རྒྱལ་བ་བཞུགས་པའི་གནས། །རྣལ་འབྱོར་དགོངས་པ་མཐར་ཕྱིན་པའོ། །ཞེས་རོལ་པ་བསྐྱེད་དོ། །དེ་ལྟར་བསྟན་པས་ཕྱི་ནང་གི་ཆོས་ཐམས་ཅད་དང་སེམས་ཅན་ ― DNG014_Page_0085 ―
[མ་དཔེ་གཟིགས་ན་འདིར་གནོན།]
ཐམས་ཅད་ཁྲོ་བོ་བཅུ་ཡིས་དོན་མ་མཛད་པ་དང་ཁྲོ་བོ་བཅུའི་རང་བཞིན་དུ་སངས་མ་རྒྱས་པ་གང་ཡང་མེད་དོ། །དེ་ནས་གདོན་གྱི་རིགས་བརྒྱད་ཁྲི་བཞི་སྟོང་དང་། སུམ་བརྒྱ་དྲུག་ཅུ་དང་། གདོན་ཆེན་པོ་བཅོ་བརྒྱད་དང་། ཕལ་པ་བཅུ་དང་། རིགས་ཆེན་པོ་བཞི་ལ་སོགས་པའི་གདོན་ཐམས་ཅད་དམ་ལ་ཐོགས་པ་ལས། ངག་གི་དབང་ཕྱུག་གིས་བཅོམ་ལྡན་འདས་ཞེ་སྡང་འཛིན་པ་ལ་བགེགས་འདི་རྣམས་མ་ཁྲོམ་པས། ཁྲོ་བོ་བཅུའི་དགོངས་པ་དང་མི་ལྡན་པས་རྣལ་འབྱོར་ལ་བར་དུ་གཅོད་པས་དེའི་དགྲ་བགེགས་ལ་ཐབས་ཅི་མངའ་བ་བསྟན་དུ་གསོལ་པ་ལ། ཞེ་སྡང་རྡོ་རྗེ་འཛིན་པས་བཀའ་སྩལ་པ། བགེགས་འདི་དག་ནི་རྣམ་པར་སྨིན་པའི་བགེགས་ཡིན་ཏེ་དེ་ནི་སོ་སོའི་ལས་མ་རྟོགས་པ་ཡིན། གསང་བའི་དགོངས་པ་ཆེན་པོ་འདིར་ནི་ལས་དང་རྣམ་པར་སྨིན་པ་ཡང་ག་ལ་འབྱུང་གི། ཐབས་ཆེན་བླ་ན་མེད་པའི་ལམ་རྙེད་པས་འཇིགས་ཤིང་འཛེམ་དགོས་མེད་པའི་ཕྱིར་དཔེར་ན་གངས་ཀྱི་སེང་ཕྲུག་སྐྱེས་པ་གཅན་གཟན་གྱིས་མི་འཇིགས་པ་བཞིན་ནོ། །གོང་མ་ལྟར་མ་གྲུབ་པས་ཀྱང་དོན་འདི་ལྟར་མ་གྱུར་ན་ཡང་མཚོན་ཆ་འབར་བའི་མཚམས་འདིས་ཀྱང་གང་ཡང་མི་ཆོད་པ་མེད་དེ་བདག་ཉིད་ཆེན་པོ་བརྗིད་པ་དང་ཆས་པས་འདི་སྐད་གསུངས་སོ། །ཧཱུཾ། ཡང་དག་གསང་བའི་དཀྱིལ་འཁོར་དུ། །སྤྱན་དྲངས་གཤེགས་སུ་གསོལ་བ་དང་། །རྣལ་འབྱོར་དམ་ཅན་སོ་སོར་གནས། །འདུས་པའི་འཁོར་ལས་མ་གཏོགས་པ། །ཀུན་ཀྱང་རེ་བ་བསྐངས་ཟིན་པས། །ད་ལྟ་ཉིད་དུ་སོ་སོར་དེངས། །གལ་ཏེ་བཀའ་ལས་འདས་གྱུར་ན། །རྡོ་རྗེ་འཆང་གི་རྒྱལ་ཁྲོས་པས། །མཁར་ལ་ཆར་བཞིན་ཕབ་པས་ནི། །བརྒྱད་ཁྲི་བཞི་སྟོང་གདོན་རྣམས་ཀུན། །ལུས་ཀྱང་དུམ་བུ་བརྒྱར་གས་ནས། །མགོ་ཡང་ཚལ་པ་ཚལ་པར་གཤོག །སྙིང་ཡང་ཆུ་སེར་ཕྱེ་མ་བཞིན། །ཞིག་པར་གྱུར་ཡང་གདོན་མི་ཟ། །སྐྱེ་བ་རྣམ་བཞི་ལྷན་ཅིག་ཀྱང་། །འགྲོ་རིས་དྲུག་པོ་སོ་སོར་སྒྲོལ། །མི་མ་ཡིན་ལ་སོགས་པ་ཡང་། །རང་རང་ ― DNG014_Page_0086 ―
[མ་དཔེ་གཟིགས་ན་འདིར་གནོན།]
གནས་སུ་བདེ་བར་དེངས། །དུས་གསུམ་རྒྱལ་བའི་བཀའ་ལས་མ་འདའ་ཞིག །ཞེས་སུམ་བྷ་ནིའི་སྔགས་བརྗོད་པས། བགེགས་ཐམས་ཅད་རས་བལ་རླུང་གིས་གཏོར་བ་བཞིན་དུ་གྱུར་ཏོ། །དེ་ནས་རྡོ་རྗེ་འཛིན་པས་འཇིགས་པའི་མཚོན་ཆ་རྣམ་པ་སྣ་ཚོགས་པ་ལས་ཐོ་བ་དང་ཚ་ཚ་དང་། མེ་རི་འབར་བའི་གུར་ཐབས་སུ་གྱུར་ནས་རླུང་ཙམ་ཡང་རྒྱུ་བའི་སྐབས་མེད་པས་འདི་སྐད་དོ། །ང་ཡི་དཀྱིལ་འཁོར་བརྟན་བྱའི་ཕྱིར། །ཁྲོ་རྒྱལ་བྱིན་གྱིས་རླབས་ལས་བྱུང་། །མཚོན་ཆ་རྣམ་པ་སྣ་ཚོགས་ཀྱིས། །དཀྱིལ་འཁོར་རིམ་པའི་ཚུལ་བཞིན་སྲུང་། །སྟེང་ཡང་རྡོ་རྗེའི་བླ་རེ་སྟེ། །རྡོ་རྗེའི་ཐོག་ཐོག་སེར་ལྟར་འགྲིལ། །འོག་ཀྱང་རྡོ་རྗེའི་ས་གཞི་སྟེ། །ས་གཞི་རྡོ་རྗེའི་གཅལ་དུ་བཀྲམ། །བར་སྣང་རྡོ་རྗེའི་སྤྲིན་ལྟར་གཏིབས། །རྡོ་རྗེའི་ཚ་ཚ་སྐར་ལྟར་འཁྲུགས། །ཕྱོགས་མཚམས་རྡོ་རྗེས་གཏམས་པ་ལས། །རྡོ་རྗེའི་བསྐལ་པའི་མེ་ཆེན་འབར། །རླུང་ཡང་རྒྱུ་བའི་སྐབས་མེད་པས། །རྡོ་རྗེའི་མཚམས་ལས་མ་འདའ་ཞིག །འདས་ན་ལྷ་ཡང་བརླག་འགྱུར་ན། །གདོན་བགེགས་འདས་པ་སྨོས་ཅི་དགོས། །ཨོཾ་བཛྲ་བཛྲ་ཧཱུཾ་ཕཊ། སྟེང་ཡང་འཁོར་ལོའི་བླ་རེ་སྟེ། །འཁོར་ལོའི་ཐོག་ཐོག་སེར་ལྟར་འགྲིལ། །འོག་ཀྱང་འཁོར་ལོའི་ས་གཞི་སྟེ། །ས་གཞི་འཁོར་ལོའི་གཅལ་དུ་བཀྲམ། །བར་སྣང་འཁོར་ལོའི་སྤྲིན་ཕུང་གཏིབས། །འཁོར་ལོའི་ཚ་ཚ་སྐར་ལྟར་འཁྲུག །ཕྱོགས་མཚམས་འཁོར་ལོས་གཏམས་པ་ལ། །འཁོར་ལོའི་བསྐལ་པའི་མེ་ཆེན་འབར། །རླུང་ཡང་རྒྱུ་བའི་སྐབས་མེད་ན། །འཁོར་ལོའི་མཚམས་ལས་མ་འདའ་ཞིག །འདས་ན་ལྷ་ཡང་བརླག་འགྱུར་ན། །གདོན་བགེགས་འདས་པ་སྨོས་ཅི་དགོས། །ཨོཾ་བཛྲ་ཙཀྲ་ཙཀྲ་ཧཱུཾ་ཕཊ། སྟེང་ཡང་རལ་གྲིའི་བླ་རེ་སྟེ། །རལ་གྲིའི་ཐོག་ཐོག་སེར་ལྟར་འགྲིལ། །འོག་ཀྱང་རལ་གྲིའི་ས་གཞི་སྟེ། །ས་གཞི་རལ་གྲིའི་གཅལ་དུ་བཀྲམ། །བར་སྣང་རལ་གྲིའི་སྤྲིན་ལྟར་གཏིབས། །རལ་གྲིའི་ཚ་ཚ་སྐར་ལྟར་འཁྲུགས། །ཕྱོགས་མཚམས་ ― DNG014_Page_0087 ―
[མ་དཔེ་གཟིགས་ན་འདིར་གནོན།]
རལ་གྲིས་གཏམས་པ་ལ། །རལ་གྲིའི་བསྐལ་པའི་མེ་ཆེན་འབར། །རླུང་ཡང་རྒྱུ་བའི་སྐབས་མེད་པས། །རལ་གྲིའི་མཚམས་ལས་མ་འདའ་ཞིག །འདས་ན་ལྷ་ཡང་བརླག་འགྱུར་ན། །གདོན་བགེགས་འདས་པ་སྨོས་ཅི་དགོས། །ཨོཾ་ཏཱི་ཀྵྞ་ཧཱུཾ་ཕཊ། སྟེང་ཡང་རྒྱ་གྲམ་བླ་རེ་སྟེ། །རྒྱ་གྲམ་ཐོག་ཐོག་སེར་ལྟར་འགྲིལ། །འོག་ཀྱང་རྒྱ་གྲམ་ས་གཞི་སྟེ། །ས་གཞི་རྒྱ་གྲམ་གཅལ་དུ་བཀྲམ། །བར་སྣང་རྒྱ་གྲམ་སྤྲིན་ཕུང་གཏིབས། །རྒྱ་གྲམ་ཚ་ཚ་སྐར་ལྟར་འཕྲོ། །ཕྱོགས་མཚམས་རྒྱ་གྲམ་གཏམས་པ་ལ། །རྒྱ་གྲམ་བསྐལ་པའི་མེ་ཆེན་འབར། །རླུང་ཡང་རྒྱུ་བའི་སྐབས་མེད་པས། །རྒྱ་གྲམ་མཚམས་ལས་མ་འདའ་ཞིག །འདས་ན་ལྷ་ཡང་བརླག་འགྱུར་ཏེ། །གདོན་བགེགས་འདས་པ་སྨོས་ཅི་དགོས། །ཨོཾ་ཛི་ན་བཛྲ་ཛི་ན་བཛྲ་ཧཱུཾ་ཕཊ། སྟེང་ཡང་དབྱུག་ཏོའི་བླ་རེ་ལ། །དབྱུག་ཏོའི་ཐོག་དང་སེར་ལྟར་འགྲིལ། །འོག་ཀྱང་དབྱུག་ཏོའི་ས་གཞི་ལ། །ས་གཞི་དབྱུག་ཏོའི་གཅལ་དུ་བཀྲམ། །བར་སྣང་དབྱུག་ཏོ་སྤྲིན་ལྟར་གཏིབས། །དབྱུག་ཏོའི་ཚྭ་ཚྭ་སྐར་ལྟར་འཁྲུགས། །ཕྱོགས་མཚམས་དབྱུག་ཏོས་གཏམས་པ་ལ། །དབྱུག་ཏོའི་བསྐལ་པའི་མེ་ཆེན་འབར། །རླུང་ཡང་རྒྱུ་བའི་སྐབས་མེད་ན། །དབྱུག་ཏོའི་མཚམས་ལས་མ་འདའ་ཞིག །འདས་ན་ལྷ་ཡང་བརླག་པར་འགྱུར། །གདོན་བགེགས་འདས་པ་སྨོས་ཅི་དགོས། །ཨོཾ་བཛྲ་མོ་ཏི་བཾ་ཧཱུཾ་ཕཊ། ཞེས་ཕུར་པ་དང་མཚོན་ཆའི་ཚོགས་གྲངས་མེད་པ་འཕྲོས་པས། བར་དུ་གཅོད་པའི་བདུད་དེ་དག་ཐམས་ཅད་ཨརྫ་ཀའི་དོག་བུ་ལ། ཏིལ་མར་གྱིས་བརྒྱབ་པ་བཞིན་དུ། མགོ་ཚལ་པ་བརྒྱར་གས་པར་གྱུར་ཏོ། །དེ་ནས་ཡང་རྡོ་རྗེ་འཛིན་པས་སྡང་བའི་དགྲ་བསྒྲལ་བ་དང་། ཐུགས་རྗེས་སེམས་ཅན་གསོ་བའི་ཕྱིར། ཁྲོ་བོ་རྡོ་རྗེ་གུ་ལང་གི་བསད་གསོ་འདི་སྐད་གསུངས་སོ། །ཡ་ཐ་ཚངས་པའི་གནས་བཞི་དང་། །སྲིད་པའི་རྩེ་ ― DNG014_Page_0088 ―
[མ་དཔེ་གཟིགས་ན་འདིར་གནོན།]
མོ་མན་ཆད་ནས། །མ་ཐ་དམྱལ་བའི་ས་གཞི་དང་། །རྡོ་རྗེ་གཏམས་པ་ཡན་ཆད་དུ། །འཁོར་ལོ་འབར་བ་ཀུན་བཏང་སྟེ། །ཕྱོགས་མཚམས་ཁོ་ར་འཁོར་ཡུག་ཏུ། །དཔག་ཚད་བརྒྱད་ཁྲི་བཞི་སྟོང་ནས། །ཉེ་རིང་མེད་པ་ཚུན་ཆད་དུ། །ལོག་པར་ལྟ་བའི་དགྲ་དང་བགེགས། །ཀུན་ཀྱང་གསོད་པར་བྱེད་པ་རུ། །རྡོ་རྗེ་འཁོར་ལོས་གཏུབས་ནས་ཀྱང་། །རྡུལ་ཕྲན་བཞིན་དུ་བརླག་པར་བྱའོ། །ཨོཾ་བཛྲ་ཙཀྲ་ཙཀྲ་ཧཱུཾ་ཕཊ། ཛྙཱ་ན་ཙཀྲ་ཧཱུཾ་ཕཊ། ཧ་ནཱ་ཙཀྲ་ཧཱུཾ་ཕཊ། ཏིཔྟ་ཙཀྲ་ཧཱུཾ་ཕཊ། པ་ཙ་ཙཀྲ་ཧཱུཾ་ཕཊ། ཞེས་གསུངས་པ་ཙམ་གྱིས། མགོ་ལུས་དུམ་བུ་ལྔ་ལྔར་གཏུབས། གཞོབ་སྒོག་རྡོག་པས་བརྫིས་པ་བཞིན་དུ་གྱུར། དེར་སྤྱན་མིག་གཡས་པ་ལྡོག་སྟེ། འདི་སྐད་གསུངས་སོ། །གཡས་ཀྱི་སྤྱན་ཟུར་ལྡོག་པ་ཡིས། །ཉི་མའི་དཀྱིལ་འཁོར་འབར་བ་ལས། །ཡེ་ཤེས་འོད་ཟེར་འབར་བ་ཡིས། །ཤིན་ཏུ་དྲག་ཅིང་རབ་གཏུམ་པས། །གུ་ལང་དབང་ཆེན་ཉེ་དབང་བཅས། །ཉི་ཟླ་གཤིན་རྗེ་ཚངས་པར་བཅས། །གདུག་པར་གྱུར་པའི་མཚན་མ་ཀུན། །ཐམས་ཅད་མ་ལུས་བསྲེག་པར་བྱའོ། །མ་སཱུརྱ་མཎྜ་ལ་ཧཱུཾ་གིས་དངོས་པོ་ཐམས་ཅད་བསྲེག་གོ། །དེ་ནས་ཀླུ་དང་སེམས་ཅན་སྔགས་ཟེར་གྱིས་ཕོག་ནས། འགྱོད་པ་སྐྱེས་པ་རྣམས་སླར་གསོ་བའི་ཕྱིར། གཡོན་པའི་སྤྱན་འབར་བ་ལས་བདུད་རྩི་བྱུང་སྟེ། འདི་སྐད་དོ། །གཡོན་པའི་སྤྱན་ཟུར་ལྡོག་པ་ཡིས། །ཟླ་བའི་དཀྱིལ་འཁོར་ཆེན་པོ་ལས། །བདུད་རྩི་བསིལ་བའི་ཆུ་བླུགས་པས། །དྲག་པོའི་སྔགས་ཀྱིས་སྐྲག་དངངས་པས། །རུལ་མྱགས་ཚིག་ནས་བརྒྱལ་བ་རྣམས། །གུ་ལང་དབང་ཆེན་ཉེ་དབང་དང་། །ཉི་ཟླ་གཤིན་རྗེ་ཚངས་བཅས་པ། །ཐལ་བར་གྱུར་པ་གསོ་བར་བྱའོ། །ཨ་ཙནྡྲ་མཎྜ་ལ་ཧཱུཾ་གིས་བདུད་རྩིའི་ཆུ་རྒྱུན་གྱིས་སླར་གསོས། དྲན་པ་རྙེད་པར་གྱུར་ནས། ཐུགས་རྗེའི་སྲས་སུ་བྱིན་གྱིས་བརླབས་ནས་བཞག་གོ། །དེ་ནས་ངག་ ― DNG014_Page_0089 ―
[མ་དཔེ་གཟིགས་ན་འདིར་གནོན།]
གི་དབང་ཕྱུག་གིས་ཐབས་མཁས་པའི་སྒོ་ནས། དེ་ཙམ་དུ་བས་པ་ལགས་སམ་ཞེས་གསོལ་པ་དང་། རྡོ་རྗེ་འཆང་ཆེན་པོས་བཀའ་སྩལ་པ། ཐབས་མཁས་པའི་སྒོ་བསམ་གྱིས་མི་ཁྱབ་པ་མང་ཡང་། རྒྱུད་འདི་ལས་ཆེར་མ་གསུངས་ཀྱང་འདི་དག་གི་ནང་དུ་མ་གཏོགས་པའི་གང་ཟག་ཆོས་སྤྱོད་པ་ཡིན་ན་ཡང་། མཁན་པོ་དང་རྡོ་རྗེ་སློབ་དཔོན་ལ་ཡང་བསླབས་པ་དང་གུས་པའི་ཚུལ་མ་བྱས་པར། གསང་སྔགས་ལ་རྒྱབ་ཉན་དང་རྐུན་བུ་དང་། ཆོས་ལ་ཐབས་དང་ཟོལ་དང་། གསོག་དང་སྒྱུས་འཚོ་བ་རྣམས་དང་། གལ་ཏེ་གསང་བའི་སྒོར་ཞུགས་ནས། གསང་བའི་དོན་བསྟན་ཅིང་ཕོགས་ནས། མན་ངག་བསྟན་པར་བྱས་ཀྱང་དེ་ཉིད་ལ་ཟུངས་སུ་དར་ཅིག་ཀྱང་མི་འཛིན་ཏེ། བརྒྱུད་ཅིང་མི་གཉན་པར་བྱས་ཏེ། ཀུན་ལ་སྤེལ་ཞིང་བསྒྲགས་དང་སྟོན་པ་དང་། མུ་སྟེགས་དང་། སྐྱེ་བོ་ཕལ་པ་ལ་སོགས་པས་གསང་སྔགས་བལྟ་ཞིང་ཉན་པ་ལས་སྤྱོད་པའི་དོན་དང་སྦྱར་ནས། ཉེས་པ་ཙམ་པོ་ཆེ་བ་དང་། རྐུ་འཕྲོག་དང་བརྙས་ཚད་ཐ་ན་ཡི་གེ་དང་། དམ་ཚིག་ལ་སོགས་པ་ལ་དཔྱ་བའི་སྒྲོ་རྣམ་པ་སྣ་ཚོགས་པར་འདོགས་པ་རྣམས་ནི་བསལ་ཞིང་སྤང་བར་ལུང་ལས་གསུངས་ཏེ། དེའི་ཕྱིར་ཆོས་སྐྱེ་བ་མེད་པ་ཡིན་ཀྱང་། གྲོང་དང་འདུ་འཛི་ལས་དཔག་ཚད་དང་རྒྱང་གྲགས་ཐག་རིང་བ་བཙལ་བ་དང་། དབེན་ཞིང་འགོལ་བའི་གནས་བཙལ་བ་དང་། ཐུགས་ཡེ་ཤེས་ལ་རྣམ་རྟོག་མེད་ཀྱང་ལོག་པ་ལུང་དུ་མ་བསྟན་པས། བཀྲ་ཤིས་པའི་གནས་གཞུང་ལས་འབྱུང་བ་བཞིན་དུ་བཙལ་བ་དང་། ཆོས་མཉན་པ་ལ་རིས་མེད་ན་ཡང་། བླུན་པོ་ཐོག་རྫིས་དང་བཀྲེས་ཕོངས་ཀྱི་ནང་ཚངས་འབྱུང་བས་ཐོ་དང་མཚམས་བཅད་པ་དང་དུས་དང་གནས་གསང་བ་དང་། དོན་ཟབ་མོ་ཀུན་གྱིས་ཐུན་མོང་མ་ཡིན་པས་གཞུང་དང་མཐུན་པ་དང་། རིགས་རྒྱུད་བཟང་བ་དང་སྣོད་དང་ལྡན་པའི་གྲོགས་བཙལ་བ་དང་། ནང་རྟགས་དང་མཚན་མ་མ་ཐོབ་ཀྱི་བར་མི་གཏང་བའི་ཕྱིར། དད་པ་དང་འབྱོར་པ་ཆེར་དཔག་པ་དང་། ― DNG014_Page_0090 ―
[མ་དཔེ་གཟིགས་ན་འདིར་གནོན།]
བར་ཆོད་དང་ཡེ་འདྲོག་གིས་མི་ཚུགས་པར་བྱ་བའི་ཕྱིར། སྐྱོན་དང་མི་མཐུན་པའི་འཚོ་བ་སྤངས་ཏེ། ཏིང་ངེ་འཛིན་ཁང་བཅད་དེ་ལེ་ལོ་མེད་པའི་བརྩོན་འགྲུས་ཀྱིས་ཐང་ཆོས་གསུངས་ཏེ་འདི་སྐད་དོ། །རྣལ་འབྱོར་གསང་བའི་དོན་མཆོག་འདི། །སྐལ་ལྡན་རྣམས་ལས་མ་གཏོགས་པར། །སྐལ་མེད་ཤེས་རབ་ཞན་པ་དང་། །སྣོད་ངན་ཐོས་ན་འཇིགས་ཤིང་སྐྲག །ངེས་པའི་དོན་ལས་གང་ལོག་པར། །ཉན་པ་ཡོད་ན་རྣ་བ་བཅད། །བལྟ་བ་འདུག་ན་མིག་ཕྱུང་སྟེ། །གདུག་པ་ཡོད་ན་བསྒྲལ་བར་བྱ། །སྤྱོད་པ་བརླང་པོ་བརྩམ་པར་བྱ། །རྡོ་རྗེ་འཛིན་པ་ཉིད་ཀྱིས་གསུངས་སོ། །ཨོཾ་ནཱ་ཤ་ཡ་མཱ་ར་ཡ་ཕཊ། ཏ་ཐ་ན་ཙིཏྟ་བཾ་རིལ་མཱ་ར་ཡ་ཛ། ཞེས་པས་བར་དུ་གཅོད་པ་སྒྲ་མ་གྲགས་པར་གྱུར་ཏོ། །ངག་གི་དབང་པོ་དེ་ལྟ་བུའི་གསང་བའི་དོན་འདི་ནི། ཐུན་མོང་མ་ཡིན་པའི་ཕྱིར། དང་པོ་སངས་རྒྱས་ཉིད་ཀྱི་བསྒྲུབ་པ་ལ། དེ་ནས་ལྷ་རྣམས་ཀྱི་བསྒྲུབ་པ་ལ་རིམ་གྱིས་སྤྱོད་ཡུལ་དུ་བཀའ་སྩལ་པ། མི་ཕལ་རིགས་སུ་སྣང་ན་ཡང་། མི་ཕལ་པ་དག་ལྷ་དང་འདྲ་བའི་སྤྱོད་ཡུལ་མ་ཡིན་པས། མཚམས་བཅད་ཅིང་། མ་འདྲེས་པ་གསལ་བར་བྱ་བ་ནི་གསང་སྔགས་ཀྱི་ཡང་སྙིང་ཡིན་པར་གསུངས་སོ། །ངག་གི་དབང་པོ་ཕྱོགས་བཅུའི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཡང་སྨོན་ལམ་གྱི་སངས་རྒྱས་དང་། སྨོན་ལམ་གྱི་བྱང་ཆུབ་སེམས་དཔའ་རྣམས་ཐུགས་རྗེ་ཆེའོ། །ཡེ་ཤེས་ཀྱི་ལྷའི་ནང་ནས་ཀྱང་བསྒྲུབ་ཐག་ཉེ་བའི་སྲས་བརྒྱད་དང་། ཡབ་ཡུམ་སེམས་དཔའ་རྣམ་གཉིས་ཀྱི་སྤྲུལ་པ་ཁྲོ་བོ་བཅུ་ཉེ་སྟེ། གང་ཞིག་ཁྲོ་བོ་བཅུའི་རུས་དང་། མིང་དང་། སྔགས་དང་། ཕྱག་རྒྱ་ཅི་སྨོས་ཀྱི། ཁྲོ་བོ་གཅིག་གི་རྗེས་སུ་གཞོལ་ན་ཡང་བཅུ་པོ་ཀུན་བསྒོམ་ཞིང་བསྒྲུབ་པ་དང་འདྲ་བར་དེའི་རེ་བ་སྐོང་བར་མཛད་དོ། །ཁྲོ་བོ་འདི་རྣམས་འཕགས་པ་ཐམས་ཅད་ཀྱི་ནང་ནས་ཐུགས་རྗེ་ཆེན་པོས་བསྟོད། སེམས་ཅན་ཐམས་ཅད་བུ་གཅིག་པ་དང་འདྲ་བར་ ― DNG014_Page_0091 ―
[མ་དཔེ་གཟིགས་ན་འདིར་གནོན།]
མཛད་ན་ཡང་། རྣལ་འབྱོར་པ་དམ་ཚིག་ལ་མི་གནས་པ་དང་། འདོད་པས་དུས་ཐམས་ཅད་དུ་བརྒྱལ་ཏེ་ཚོག་པའི་དུས་མེད་པ་དང་། སེར་སྣ་དང་ཆགས་པས་བཅིངས་པ་དང་། བཀའ་གཉན་པར་མི་སེམས་ཞིང་། བདག་ཉིད་ཆེ་ཞིང་བཙན་པ་དང་། ཐུགས་གསང་བ་གབ་པ་ལས། སྦས་པའི་དོན་མ་ཐོས་པ་དང་། རྟེན་དང་མོས་ཚད་དུ་བྱས་པའི་དབང་གིས་གང་ཡང་ཡིད་མ་ཆེས་ཏེ། འདི་དག་དོན་གྱི་ཐོག་ཏུ་མ་ཕེབས་པ། མཁས་ཤིང་རྟོགས་པའི་མན་ངག་ཅན་ལ། དད་པ་དང་དམ་ཚིག་ཏུ་འདྲེལ་པས། བརྩེ་བ་གུས་པའི་སེམས་ཀྱིས་སྒྱུ་མེད་པས་ཕངས་པ་མེད་པར་མི་འབུལ་བར། སྒྱུས་ལེན་ཅིང་ནན་ཏན་དང་ཟོལ་གྱིས་བླངས་ཏེ། བཀའ་གཞན་ནས་ཁུངས་ཕྱུང་སྟེ། དེ་ཉིད་སླར་སྨོད་ཅིང་ཆེ་བ་འབྱིན་པ་དང་། གསང་བའི་བཀའ་ངེས་པ་འདོད་པ་ཚོལ་བའི་དོན་དུ་འཚོང་བ་དང་། སོ་སོའི་དོན་ཀུན་ལ་འཇུག་པར་འདོད་ཅིང་། དེའི་ཚུལ་བཞིན་དུ་གང་ཡང་མི་བྱེད་པ་དང་། ཕལ་ཆེར་ཆོས་ལོག་པ་དང་། ཁོ་གཤོང་དང་སྡེབ་སྦྱོར་ལ་མོས་པ་དང་། རྩ་བ་དང་ཡན་ལག་གི་དམ་ཚིག་ལ་མི་གནས་ཤིང་། ཕྱི་ནང་གསང་བའི་དབང་ལུགས་བཞིན་མ་ནོས་པ་དང་། སྤྱོད་པ་གསང་བའི་དོན་འདི་དག་གསང་མཚམས་མེད་པར་སྟོན་པ་དང་། གསང་བ་ངེས་པའི་དོན་ལྟོས་པས་རྣམས་ཀྱང་ཉམས་པར་གྱུར་པ་རྣམས་ལ་ཇི་ལྟར་བསྒྲུབས་ཀྱང་དེའི་འབྲས་བུ་མི་འོང་སྟེ་སླར་དེ་ཉིད་འཆི་བའི་བདུད་ལ་སོགས་པའི་གེགས་སུ་འགྱུར་རོ། །དེ་ཅིའི་ཕྱིར་ཞེ་ན། དེ་དག་ཐུགས་རྗེ་དབྲི་བཀོལ་མི་མཛད་ཀྱང་། དཔེར་ན་ཟས་བཅུད་ཅན་སེམས་ཅན་རིད་པས་མི་འཇུ་སྟེ། འཆི་བའི་དུག་ཏུ་འགྱུར་བ་བཞིན། འཕགས་པའི་ཐུགས་རྗེ་ཆེན་པོ་དམ་ཚིག་ཉམས་པའི་བདུད་དུ་འབབ་སྟེ། གང་དེ་ཉིད་ཀྱིས་དེ་བཞིན་དུ་དམ་བཅའ་ཁས་འཆེས་ནས། དེ་ཉིད་ཀྱིས་དེ་བཞིན་དུ་མ་བྱས་པས་དེ་ཉིད་ཀྱི་བདུད་དུ་བྱུང་བ་ལ། ཉམས་པའི་འབྲས་བུ་རྡོ་རྗེ་བས་སྲ་བས། གཉེན་པོ་ཅིས་ཀྱང་བཅོས་པའི་ ― DNG014_Page_0092 ―
[མ་དཔེ་གཟིགས་ན་འདིར་གནོན།]
ཐབས་མེད་པའོ། །དེ་བས་ན་དམྱལ་བའི་སྡུག་བསྔལ་ལས་འཕགས་པའི་ཐུགས་རྗེས་མི་འགྱུར་བ་མེད་ན། དམ་ཚིག་ཉམས་པའི་དམྱལ་བ་ལས་འཕགས་པའི་ཐུགས་རྗེས་དེར་བརྡུག་གོ། །དེ་གང་ནོར་བ་ལ་འགྱོད་པས་ཕན་པ་ཡོད་ན་ཆོས་ནོར་བའི་ལས་སྨིན་པའི་འབྲས་བུ་ལ་འགྱོད་པས་ཕན་པ་མེད་དོ། །ཅི་ལ་ཡང་ཅུང་ཟད་ཙམ་སྡོད་ལོང་ཡོད་ཀྱང་རྡོ་རྗེ་དམྱལ་བའི་སྡུག་བསྔལ་ལ་སྐད་ཅིག་ཙམ་ཡང་བསྡད་ལོང་མེད་དོ། །དེའི་ཕྱིར་སྡིག་པ་ཐམས་ཅད་ཀྱི་ནང་ནས་སྲོག་གཅོད་པ་ཆེའོ། །དེ་ཡང་ཁམས་གསུམ་གྱི་སེམས་ཅན་ཐམས་ཅད་སྲོག་བཅད་པ་བས། མཚམས་མེད་པ་ལྔའི་ལས་བྱེད་པ་ཆེའོ། །མཚམས་མེད་པའི་ལས་བསྡོམས་པ་ལས། ཆོས་ལོག་པར་སྤྱོད་པ་སྡིག་ཆེའོ། །དེ་གང་ཞེ་ན། གོང་མ་དེ་ལྟར་སྤྱོད་པའོ། །དེ་བས་ན་རྣ་བས་ཐོས་པ་ལ་སྡིག་ཆེ་བ་ནི། གསང་སྔགས་ལ་རྒྱབ་ཉན་བྱེད་པ་དང་། རྐུན་བུ་བསྟེན་པ་དང་། འོག་འབྲུ་བྱེད་པའོ། །དེ་ཅིའི་ཕྱིར་ཞེ་ན། སློབ་དཔོན་ལས་བཀའ་མ་ཐོབ་ཅིང་། སངས་རྒྱས་ལ་ཐུག་ཐུབ་བྱས་པས། མིག་གིས་མཐོང་བ་ལ་སྡིག་འགོ་བ་ནི། སྔགས་ཀྱི་སྤྱོད་པ་བརླང་པོ་དང་། གསང་བར་སྤྱད་པ་བླང་བ་དང་། གསང་བར་སྤྱད་པའི་དཀྱིལ་འཁོར་ལ་མི་གཏོགས་པར་བལྟ་བའོ། །དྲི་དང་བྲོ་བ་ལ་སྣོམ་པ་ལ་སྡིག་ཆེ་བ་ནི། རྣལ་འབྱོར་གྱི་ཚོགས་ཀྱི་ལོངས་སྤྱོད་ལ་རློམ་པའོ། །བཀའ་བཅག་པ་སྡིག་ཆེ་བ། སློབ་དཔོན་གྱིས་བསྒོ་བ་མི་ཉན་པའོ། །ཁས་བླངས་པ་ལ་སྡིག་ཆེ་བ། གཡར་གྱིས་བླངས་པ་ལྟར་མ་བྱས་པའོ། །བསླུས་པ་ཡིན་པའི་ཕྱིར་དེ་དག་གིས་དོན་དུ་འདི་གསུངས་ཏེ། མཐའ་ཡས་སེམས་ཅན་ཐམས་ཅད་ཀུན། །རྒྱལ་སྲས་མ་ཡིན་གང་བྱེད་ཀྱང་། །མཉམ་པ་སངས་རྒྱས་སྲས་མེད་དེ། །ཅིའི་ཕྱིར་ཞེ་ན་མ་རྟོགས་པས། །རང་གིས་ལོག་པར་སྤྱོད་པས་སོ། །བདེ་གཤེགས་ཉེ་རིང་མི་མཛད་ཀྱང་། །འཕགས་པའི་བཀའ་ཆད་ ― DNG014_Page_0093 ―
[མ་དཔེ་གཟིགས་ན་འདིར་གནོན།]
བྱུང་བ་ཡང་། །གང་ཟག་ཉིད་ཀྱིས་རང་ཕུང་བསྒྲུབས། །ཐར་པའི་དུས་མེད་འཆིང་བའི་རྒྱུ། །དོན་ལ་ཉན་པར་མི་སེམས་པར། །ཕན་པར་འདོད་ནས་དོན་ལ་འཇུག །མ་རྟོགས་དབང་གིས་ལྷུང་གྱུར་པས། །ཡེ་ནས་མ་བཙལ་ཤིན་ཏུ་དགྱེས། །ཞེས་གསུངས་པས། དེའི་ཕྱིར་གསང་ཚིག་མི་ཐུབ་པ་དང་། གོལ་བ་སྡིག་ཏུ་འགྱུར་བའི་ཕྱིར། མཚམས་ཆོད་པར་བྱ་དགོས་པས་གཟི་ལྡན་འབར་བའི་རྒྱུད་འདི་ནི། ཞལ་ནས་གསུངས་པའི་རྒྱུད་ཐམས་ཅད་ཀྱི་ནང་ནས། ཡང་ཤིན་ཏུ་ཡང་ཐུགས་རྗེས་གཅེས་ལ་གལ་ཆེ་སྟེ། དཔེར་ན་ནད་ཚ་གྲང་ལ་མཁས་པའི་སྨན་པས། མི་དང་ནད་དུ་ཕྱེད་པ་བཞིན། བཀའ་དང་མི་མཐུན་པ་སྲོང་བར་བྱེད་དོ། །དཔེར་ན་འཁོར་ལོས་སྒྱུར་བའི་རྒྱལ་པོ་ནི། སངས་རྒྱས་ས་ལ་ཞུགས་ཀྱང་མི་ཆོས་གདམས་ངག་དང་ཕན་པའི་སྒོ་ནས། སེམས་ཅན་ལ་ངེས་པའི་སྟངས་གཅོད་པས་ཕན་འདོགས་པ་དང་འདྲ་བར་སྨོན་ལམ་གྱི་ཁྲོ་བོ་འདི་རྣམས་ཉིད་ཀྱིས་ཆེ་བའི་མཆོག་བརྙེས་ཀྱང་། སྔོན་གྱི་ཐུགས་དམ་གྱིས་སྐུ་ཡེ་ཤེས་ཀྱི་འོད་ཟེར་འབུམ་གྱི་གཟི་དང་ལྡན་པས་འཁོར་བ་མ་སྟོངས་ཀྱི་བར་དུ། གཞུང་དང་ལྡན་པས་བསྒྲུབ་ངེས་པ་རྣམས་ཀྱི་སྟོངས་དང་གྲོགས་མཛད། མི་ལྡན་ཞིང་གོལ་བ་རྣམས་ཀྱི་བར་གཅོད་དང་། ལོག་པར་སྤྱོད་པའི་ཉེས་པ་འགོག་པའི་ཕྱིར་བཙལ་བ་དང་། སྐྲོད་པ་དང་། བཅོས་པ་དང་། འཕྲོ་གཅོད་པ་དང་། ཕྱིར་མི་ལྷུང་བའི་དོན་དུ། ཐུགས་ཡེ་ཤེས་ཀྱི་གཟི་མདངས་ལྡན་པར་མཛད་པས། གཟི་ལྡན་འབར་བའི་རྒྱུད་ཅེས་འདི་ལ་བཏགས་སོ། །དེ་ལྟར་གསང་སྔགས་འདི་གསང་བ་ཐམས་ཅད་ཀྱི་ནང་ནས་གསང་བ་སྟེ། དེ་ཅིའི་ཕྱིར་ཞེ་ན། གསང་སྔགས་པར་ཁས་འཆེས་ནས་གསང་སྒོ་མི་སྡོམ་ན། གསང་བ་མེད་ན་སྔགས་པ་ཕུང་བར་འོང་སྟེ། སྡིག་ཀྱང་དེ་ལས་ཆེ་བ་མེད་ཅིང་། ཁྲོ་བོ་དང་ཁྲོ་མོ་དང་། ཕོ་ཉ་དང་ཕྱག་བརྙན་གྱི་བཀའ་ཆད་ཀྱི་གནས་སུ་འགྱུར་རོ། །གསང་བའི་དམ་ཚིག་ནོས་ནས་དམ་ཚིག་ཅན་ ― DNG014_Page_0094 ―
[མ་དཔེ་གཟིགས་ན་འདིར་གནོན།]
ཞེས་དམ་བཅས་ནས། བཀའ་དམ་པ་དང་། སྔགས་དམ་པ་དང་། གསང་བ་དམ་པ་དང་། དབང་དམ་པ་དང་། སྤྱོད་པ་དམ་པ་དང་། ཕྲིན་ལས་དམ་པ་དང་། དམ་ཚིག་དམ་པ་དང་། མན་ངག་དམ་པ་དང་། རྫས་དམ་པ་མེད་པར་ཞབས་རྡོལ་དུ་སྤྱད་ན། ངེས་ཚིག་ཆུ་ལ་སྐྱུར། གཏན་ཚིགས་རླུང་ལ་ཕྱར། ལུས་ངག་ཡིད་གསུམ་ཤིན་ཏུ་རུལ་ཚིག་ཉམས་ཏེ། མནར་མེད་པར་སྐྱེས་པ་ལ་ཁྲོ་བོ་འདི་དག་དམ་ཆེན་དང་ཐུགས་རྗེ་ཅན་དུ་འོང་སྟེ། སྡུག་ཀྱང་དེ་ལས་སྡུག་པ་མེད་ལ། སྙིང་ཡང་དེ་ལས་རྗེ་བ་མེད་དོ། །འདིར་ཡང་མ་མོ་དང་མཁའ་འགྲོ་སྒྲོལ་བའི་ཞིང་བཅུར་གྱུར་ནས། ཕྱི་མ་ལ་ཐར་པའི་དུས་མེད་པར་འགྱུར་བས། འཇིག་རྟེན་རྩལ་འཆང་རྣམས་ཀྱིས་དཔྱས་ཤིང་དབང་མི་བསྐུར་ཏེ། རྒྱལ་བ་རྣམས་ཀྱིས་ཀྱང་དེ་ལ་སྐབས་ཕྱེད་པར་མི་ནུས་ཏེ། ཤིན་ཏུ་སྡུག་བསྔལ་བ་མི་བཟོད་པ་མྱོང་ངོ་། །འདི་དག་གསང་ཞིང་སྤྱད་ལེགས་ན། བསྒྲུབ་པའི་འབྲས་བུ་ཇི་ལྟར་ཡང་འགྲུབ་བོ། །ངག་གི་དབང་པོ། དཔེར་ན་སྨན་པས་རྩ་དཔྱད་ཀྱིས་འདུ་བ་རྣམ་བཞི་ངོས་མ་ཟིན་པས། ཚ་གྲང་གི་སྨན་ལོག་པར་སྦྱར་ན། འཆི་བར་བྱེད་པར་འགྱུར་བ་བཞིན། གསང་སྔགས་འདི་སྤྱད་ཉེས་ན་མ་རུང་བར་འགྱུར་ཏེ། གསང་སྔགས་དར་དྲགས་ནས་སྤྱད་ཉེས་པའོ། །དེ་ཅིའི་ཕྱིར་ཞེ་ན། དར་བའི་དབང་གིས་བསྲུང་བའི་རིམ་པ་མེད་པར། བརྩེ་གདུང་ཆུང་ཞིང་ཞེ་འདོད་པའི་དབང་གིས་སྤྱོད་པས་ཉམས་སོ། །སྔགས་འདུ་བྱེད་ཀྱི་དམ་པས་ན་ཡང་ཉམས་སོ། །དེ་ཅིའི་ཕྱིར་ཞེ་ན། མི་ཤེས་པའི་དབང་གིས། ཁེ་གྲགས་དང་། སྒྲོ་སྐུར་དང་། བཞེད་པར་གྱུར་པས་ཉམས་སོ། །གསང་སྔགས་འཕྱར་ཞིང་ངོམ་པས་སྤྱད་ན་ཡང་ཉམས་སོ། །དེ་ཅིའི་ཕྱིར་ཞེ་ན། བཀའ་སྨོད་ཅིང་གདེང་མ་ཟིན་པས་དངོས་གྲུབ་ཡལ་བས་ཉམས་སོ། །གསང་སྔགས་སྤྱོད་པ་མི་གཟོབ་པར་སྤྱད་ན་ཡང་ཉམས་སོ། །དེ་ཅིའི་ཕྱིར་ཞེ་ན། འཕྱ་སླ་བ་དང་འཆལ་རྒད་དུ་གྱུར་པས་ཉམས་སོ། ། ― DNG014_Page_0095 ―
[མ་དཔེ་གཟིགས་ན་འདིར་གནོན།]
གསང་སྔགས་གསང་སྒོ་མེད་པར་སྤྱད་ན་དེ་བས་ཀྱང་ཉམས་ཏེ། ཡ་ག་དང་སྒྲོ་སྐུར་དང་། མཚང་ཚིག་ཏུ་གྱུར་པས་ཉམས་སོ། །སྔགས་ཤེས་རབ་བརྟུལ་ཞིང་མ་ཤེས་པས་སྤྱད་ན་ཉམས་སོ། །དེ་ཅིའི་ཕྱིར་ན་དོན་མ་ཁྲོལ་བར་ཐེ་ཚོམ་དང་རྟོག་པ་སྐྱེ་བའི་རྒྱུ་གྱུར་པས་ཉམས་སོ། །གསང་སྔགས་རྒྱུ་ལེ་ལོ་དང་སྒྱུ་སྙོམས་ཅན་གྱིས་སྤྱད་ན་ཡང་ཉམས་ཏེ། དེ་ཅིའི་ཕྱིར་ཞེ་ན། ལས་སུ་མ་རུངས་པས་སྒྲོ་སྐུར་འདེབས་ཤིང་རྫུན་པར་སྤྱོད་པས་ཉམས་སོ། །དེ་བས་ན་སྨན་པ་མཁས་པ་འདྲ་བའི། ས་ར་ས་དང་ཏྲ་དང་། པྲཛྙཱ་དང་ས་མ་ཡ་དང་། ཛྙཱ་ན་དང་། གྷུ་ཧྱ་དང་སིན་དུ་མ་དང་། དྷརྨ་ཏ་ལ་དང་ལྡན་པ་རྣམས་ཀྱིས་སྤྱོད་པ་གསུངས་སོ། །དེ་ཡང་འདི་སྐད་དོ། །གསང་བ་བས་ཀྱང་ཆེས་གསང་བ། །ཡང་གསང་ཐུགས་ཀྱི་དཀྱིལ་འཁོར་འདིར། །ཉན་ཅིང་བལྟ་ལ་མི་དབང་བའི། །བསྒྲལ་བའི་ཞིང་བཅུའི་སེམས་ཅན་ལ། །རྣལ་འབྱོར་བདུད་རྩིའི་དམ་ཆུ་འདིས། །ལུས་སེམས་རྒྱུད་ལ་ཕོག་པས་ཀྱང་། །ཐལ་བ་རྡུལ་བཞིན་བརླག་འགྱུར་ཞིང་། །བལྟ་བའི་རྡོ་རྗེ་དུག་ཆེན་པོ། །གཞན་ཡང་མི་བཟད་པ་ཡི་དུག །དུག་ཀྱང་དུག་སྟེ་སྨན་ཀྱང་སྨན། །རྟོགས་པ་རྣམས་ལ་སྨན་ཡིན་ཀྱང་། །མ་རྟོགས་པ་ལ་དུག་ཏུ་འགྱུར། །ཁུ་བ་ཁྲག་ཏུ་དམིགས་ནས་ཀྱང་། །རང་སེམས་དཔང་དུ་བཙུགས་ནས་ཀྱང་། །ཐ་ཚིག་གཉེན་པོ་སྲོག་བསྲུང་ཕྱིར། །གཞན་གྱི་དྲིན་ལ་མི་གནས་པར། །འཁོར་ལོ་རྡོ་རྗེ་གཏོར་བའོ། །ཨོཾ་བཛྲ་ཡ་ཐ་སརྦ་ཧཱུཾ་ཏ་ཐ་བྷྲི་ཐ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཞེས་སྨན་གྱི་སྒོ་ནས་མཚམས་བཅད་དོ། །དེ་ནས་རྣལ་འབྱོར་ཆེན་པོ་ཕྲིན་ལས་རྫོགས་མཛད་ནས། རྣལ་འབྱོར་ཚོགས་ལ་ལོངས་སྤྱོད་ཅིང་། མཆོད་པ་དག་པར་འདུལ་བ་ཡང་ཀུན་གྱི་ཐུན་མོང་མ་ཡིན་ཏེ། གནས་ཡིད་དུ་འོང་བར་ཚོགས་འདུས་པའི་གནས་རུང་བར། སློབ་དཔོན་དགོས་ཆེད་ཀྱི་ཐབས་ལྔ་དང་ལྡན་པས། མཆེད་ལྕམ་དྲན་པའི་སྣོད་དྲུག་ཡོད་པ་དང་། གཟུངས་མ་ཕ་རོལ་ཏུ་ཕྱིན་པའི་ཐབས་རྒྱུད་དང་ལྡན་པ་དང་། ― DNG014_Page_0096 ―
[མ་དཔེ་གཟིགས་ན་འདིར་གནོན།]
རྒྱལ་ཚབ་ཀར་མ་ཕྱི་ནང་ལ་བརྡ་མཇལ་བ་དང་། ཡོན་བདག་བསམ་པ་དག་པའི་སྟོབས་གསུམ་དང་ལྡན་པ་དང་། མཆོད་པ་བཤམས་སྦྱར་གཙང་སྦྲའི་ཚུལ་ཤིས་པས། གང་ཡང་མ་སྤངས་པའི་ལོངས་སྤྱོད་ཆེན་པོས་རྒྱལ་བ་མཆོད་པས་སྐང་སྐོང་དགྱེས་དགྱེས་ཤིང་དགོངས་པ་འཕེལ་དངོས་གྲུབ་ཐོབ་པའི་རྒྱུར་འགྱུར། གཞུང་འདི་ཡང་གར་སོང་སོང་བབ་ཅོལ་དུ་མ་ཡིན་ཏེ། རྡོ་རྗེ་སློབ་དཔོན་རིམ་གྱིས་སྣང་བའི་དབང་མ་ནོས་པ། ཆགས་ཤིང་འཇུངས་པས་དད་པ་ཆུང་བས། ང་རྒྱལ་དང་ཁེངས་པས་དམ་ལ་མི་གནས་པ། ཤེས་རྒྱ་དང་ཐོས་པ་ཆུང་བས་གཏན་ཚིགས་ཉུང་ཞིང་དོན་མ་ཁྲོལ་བ། ཅི་ལ་ཡང་ཡིད་མ་ཆེས་པས། རས་ཆོད་དང་སྨྱོན་ཐབས་བྱེད་པ། སེམས་ཀླུང་དུ་མ་ཕེབས་པས་ཕྱོགས་རིས་དང་རྟོག་པ་ཅན་མ་ཡིན་པ་དང་། གཟུངས་མ་ཐོབ་པས་གཡེམ་ཞིང་ངོ་ཚ་དང་བྲལ་བས། གསང་མེད་ཅིང་དཔྲལ་བ་འཐུག་པའི་འཕྱར་ཤམ་ལྟར་སོང་བ། རྒྱལ་ཐེབ་དང་ཀར་མས་བྱེད་པའི་བརྡ་ལ་ཤེད་མ་བྱེ་བ་དང་འདྲ་བ་དང་། མཆེད་ལ་མཁོན་བརྙས་དང་། ལྐོག་འཕྱས་དང་དད་པ་ཆུང་ཞིང་བརྩེ་གདུང་མེད་པ་དང་། མཆོད་པའི་རྒྱུ་མ་ཚོགས་པར་ཕུད་ཉམས་གྲངས་ཉུང་ཞིང་ཆེར་ཤོར་བ་དང་། མཆོད་པ་བྱིན་གྱིས་མ་རློབས་ཞིང་ཆད་དབང་དང་གཉིད་དབང་དུ་གཏང་བ་དང་། གནས་གྲོང་དབུས་དང་འདུ་འཛི་ཅན་དུ་མཆོད་ཅིང་བསྒྲུབས་ཀྱང་བསོད་ནམས་དང་གྲུབ་པ་ཐོབ་པར་མི་འགྱུར་ཏེ། སླར་བར་ཆད་དང་ལུས་ངག་ཡིད་གསུམ་གྱི་སྒྲིབ་པར་འགྱུར་བས། ཚེ་སྲོག་ལ་གནོད་པ་འདི་སྐད་དོ། །མ་དག་པ་ནི་མཚམས་བཅད་དོ། །ལས་ཀྱི་གཙོ་ནི་བསྐང་བཤགས་བྱ། །ཐད་ལྷོད་མེད་པས་བརྩོན་འགྲུས་འབྱིན། །རྣལ་འབྱོར་མཁའ་ལ་འགྲོ་བར་འགྱུར། །ང་ནི་རྡོ་རྗེ་འཛིན་པ་སྟེ། །སངས་རྒྱས་ཀུན་གྱི་མཐུ་དབང་བདག །ང་ཡི་བཀའ་ལས་འདའ་བྱེད་པ། །དེ་མ་ཐག་ཏུ་བརླག་པར་འགྱུར། །ལྷའམ་འོན་ཏེ་བདུད་ཀྱང་རུང་། །གནོད་པར་བྱེད་པ་གང་ཡིན་པ། ། ― DNG014_Page_0097 ―
[མ་དཔེ་གཟིགས་ན་འདིར་གནོན།]
རྡུལ་ཕྲན་བཞིན་དུ་བརླགས་ནས་ཀྱང་། །ཐེག་ཆེན་ལ་ཡང་དགོད་པར་བྱའོ། །ཨོཾ་བཛྲ་བནྡྷ་ཏྲ་ཐ་ཙམ་པ་ཧཱུཾ་ཕཊ། ཞེས་པས། ཚོགས་ཀྱི་བར་ཆད་རྡུལ་ཆ་ཙམ་ཡང་མེད་པར་གྱུར་ཏོ། །དེ་ནས་ཡང་གསུང་གི་དབང་ཕྱུག་གིས་གསོལ་པ། གསང་བའི་ཐེག་པ་མཐའ་མ་རྫོགས་པར་བྱེད་པའི་མཚམས་བཅད་མཚམས་འཚལ་ལམ་མི་འཚལ་ཞེས་གསོལ་པ་དང་། རྡོ་རྗེ་འཆང་ཆེན་པོས་བཀའ་སྩལ་པ། གང་ལ་ཡང་མི་རྟོག་མ་ཆགས་པ་ནི། ཅི་ལ་ཡང་མཚམས་བཅད་དུ་མེད་ན། དེ་ན་གནས་པ་ནི་ཉུང་གིས། དེ་ལྟ་བུ་དང་མི་ལྡན་པ་ཤ་སྟག་མང་བར་གནས་ཏེ། རྟོགས་པ་ཆུང་ཞིང་ཤེས་རབ་ཞན་པས་ཅི་སྤྱོད་ཅིང་བརྩམ་ཡང་། དང་པོར་མཚམས་བཅད་པ་དང་། བར་བར་རྫོགས་རྫོགས་ཀྱི་སྐབས་སུ། སྨོན་ལམ་གྱིས་སངས་རྒྱས་རྣམས་ཀྱི་རྩལ་བགོས་ཏེ། གདོད་ཅི་བྱ་བ་ལ་ཉེས་པ་མེད་ཅིང་མཐར་ཕྱིན་པར་གྱུར་ཏེ། དེ་ནི་དཔེར་ན་བཤན་ཐོག་དང་། སྐུ་འཚོ་བ་དང་ལྡན་པའི་རྒྱལ་པོ་ནི། ཅིས་ཀྱང་མི་འཇིགས་ཤིང་བག་ཚ་བ་མེད་ལ། དེ་དང་མི་ལྡན་པའི་རྒྱལ་པོ་ནི། སྐུ་ལ་བསྡོ་བས་དུས་ཐམས་ཅད་དུ་བག་ཚ་བ་བཞིན་དུ། ཁྲོ་བོ་འདི་དག་ནི་རྣལ་འབྱོར་དང་། སེམས་ཅན་གང་ཕོང་བའི་སྐྱབས་དང་དཔུང་མཛད་པས། ཇི་ལྟར་བཅོལ་བའི་དོན་མཛད་དེ། རྣལ་འབྱོར་པ་གཞུང་དང་མཐུན་ཞིང་ཀློང་དུ་གྱུར་པ་རྣམས་ནི། འདི་ལྟར་བསྐུལ་ཀྱང་མི་གཡེལ་ལ་མ་བསྐུལ་ཀྱང་དེ་ཉིད་ལ་འདྲིས་པས་བག་ཚ་བ་མེད་ལ། ཕལ་ཆེར་དང་དུ་མ་བླངས་ན་བར་ཆད་དུ་འགྱུར་བས་ནན་ཏན་དུ་བྱ་བའི་ཕྱིར་རོ། །དེ་བས་ན་འདི་སྐད་དོ། །བགེགས་ཞེས་བྱ་བ་གཞན་ན་མེད། །བགེགས་ནི་རང་གི་སེམས་ལས་བྱུང་། །རྣམ་རྟོག་མ་ཡིན་མཚན་མ་ནི། །རྒྱལ་བས་བལྟས་ཀྱང་མི་གཟིགས་སོ། །དངོས་གྲུབ་བར་ཆོད་གང་ཡིན་པ། །ནོར་བས་གཉིས་སུ་བཟུང་བས་ཏེ། །དོན་གྱིས་སུན་ནི་མ་ཕྱིན་པས། །བསོད་ནམས་ཕྲལ་བར་བྱེད་པ་ཡིན། །དེ་བས་འདི་རྣམས་སུན་དབྱུང་ཞིང་། །རང་བྱུང་དངོས་གྲུབ་བསྒྲུབ་པའི་ཕྱིར། །ལྷས་ ― DNG014_Page_0098 ―
[མ་དཔེ་གཟིགས་ན་འདིར་གནོན།]
ཀྱང་ལྷ་ཡི་གཤང་གཅི་ཟ། །མིས་ཀྱང་མ་རིག་དྲི་མ་སྦྱངས། །རྣམ་རྟོག་མེད་པའི་ཡེ་ཤེས་ཀྱིས། །དུག་ནི་བདུད་རྩིར་འགྱུར་བར་བཤད། །ཕལ་པས་སྤྱོད་པའི་རྫས་མིན་པས། །གསང་བས་སྤྱད་ལ་སྦ་བར་བྱ། །འདི་ནི་རྒྱལ་བ་ཐམས་ཅད་ཀྱི། །གསང་ཆེན་བསྒྲུབ་པའི་རྫས་ཡིན་པས། །ཇི་ལྟར་དམིགས་པ་བཞིན་དུ་འགྲུབ། །ལྷ་ལ་གཏོར་བས་ཐུགས་དམ་བསྐང་། །བགེགས་ལ་ཕོགས་པས་ཐལ་བར་རློག །མི་ལ་བབས་པས་དངོས་གྲུབ་འབེབས། །ཡ་མཚན་རྨད་དུ་བྱུང་བ་ཡི། །རྫས་འདིས་བར་ཆད་བརླག་པར་འགྱུར། །ཨོཾ་བཛྲ་ཨ་མྲྀ་ཏ་ས་མ་ཡ་ཧཱུཾ་ཕཊ། ཞེས་དངོས་གྲུབ་བསྒྲུབ་ལ་བར་དུ་གཅོད་པའི་མཚམས་བཅད་དོ། །ངག་གི་དབང་པོ། མཁས་པར་མ་སྦྱངས་པས་དངོས་གྲུབ་མི་འཐོབ་བོ། །སློབ་དཔོན་གྱི་བསྒོ་བ་མ་ཉན་པས་དངོས་གྲུབ་མི་འཐོབ་བོ། །ཟོལ་ཟོག་གིས་དངོས་གྲུབ་མི་འཐོབ་པོ། །གསང་འཆོལ་བས་དངོས་གྲུབ་མི་འཐོབ་བོ། །དབང་མ་ཐོབ་པས་དངོས་གྲུབ་མི་འཐོབ་བོ། །ཚེ་ཐུང་བར་འགྱུར་རོ། །དེ་དག་ཀྱང་ཅི་ཕྱིར་ཞེ་ན། སྣོད་དྲི་མ་ཅན་གྱི་རྫས་དང་འདྲ་སྟེ། ཅིར་ཡང་སྤྱད་དུ་མི་འདོད་པའི་ཕྱིར་རོ། །ངག་གི་དབང་པོ། དུས་ནམ་ཞིག་གི་ཚེ་གསང་བ་འདི་དག་གསང་མཚམས་མེད་པར་བལྟ་སྟེ། དར་བར་བྱེད་པའི་དུས་བྱུང་བའི་ཚེ། གསང་བའི་སྒོར་ཞུགས་ནས་གསང་བའི་དོན་བཞིན་མ་སྤྱད་པས་གསང་བའི་བསྒྲུབ་རྟགས་ཀྱི་འབྲས་བུ་མ་ཐོབ་ཙ་ན། དེ་ལ་རྒྱུད་ལུང་ནས་སྔགས་འདི་དག་ཚིག་གཅིག་ཙམ་དུ་སྟོན་པ་ལས། དེ་བཞིན་དུ་མ་གྲུབ་པས་བརྫུན་ཏོ་ཞེས་སྐུར་པ་བཏབ་ནས། རྒྱུའི་ཆོས་ལ་འཇུག་ཅིང་། སྔགས་ཀྱི་མཚང་འབྲུ་ཞིང་སྨོད་པར་འགྱུར་བས། དེའི་ཕྱིར་ཡང་གསང་ཞིང་མཚམས་བཅད་པའི་རྒྱུད་འདི་རབ་ཏུ་ཟུངས་སུ་བཟུང་ངོ་། །ངག་གི་དབང་པོ། དུས་ནམ་ཞིག་ཙ་ན། སྔགས་བརྡལ་བ་ཆེན་པོར་བྱུང་བས། ཏ་ན་ལ་སོགས་པའི་སྤྱོད་པ་དང་། ཕྲིན་ལས་ཐམས་ཅད་མ་གསང་བར་སྐྱེ་བོ་མི་ནག་ ― DNG014_Page_0099 ―
[མ་དཔེ་གཟིགས་ན་འདིར་གནོན།]
ཀུན་ལ་ཆ་ཡོད་པར་བྱས་པས། སྨན་ཆུས་མནའ་དགག་པ་བརྡུང་ཞིང་གཏག་པ་དང་། བསྒྲལ་ཞིང་དམོད་བྱད་ལ་སོགས་པ་བརྩམས། མི་ནག་ལ་སོགས་པ་རྣམས་ཀྱང་འདི་ལྟར་སྤྱོད་པ་དང་གནོད་པ་དང་ངེས་པ་འདི་སྤྱོད་པས། འདི་དག་གི་སྲོག་ལ་མ་ཕབ་ན། མཐའ་ཕུང་བར་འགྱུར་ཞེས་སེམས་ནས། རྣལ་འབྱོར་པ་སྲོག་དང་ཕྲལ་ནས། རྣལ་འབྱོར་པའི་སྐུ་དགྲ་འབྱུང་བས། དེའི་བར་ཆད་གདུལ་ཞིང་བསྒྲལ་བའོ། །དེའི་དོན་དུ་ཡང་ཁྲོ་བོ་བཅུ་པོ་འདི་མེད་དུ་མི་རུང་བས། འདིའི་དོན་ལ་རབ་ཏུ་བརྩོན་པར་བཟུང་ངོ་། །ངག་གི་དབང་པོ། དུས་གཞན་ཞིག་གི་ཚེ་ན། རྣལ་འབྱོར་གྱི་ཆོས་དབང་མ་ཐོབ་པར་ལ་ལས་བཤད། ལ་ལས་བསྟན། ལ་ལས་བསྟབས། བསྒྲུབ་པའི་མཐུ་རྩལ་དང་བྲལ་ཏེ། འཁོར་གྱི་དབང་ཕྱུག་ཐམས་ཅད་བྲོས་བྱེར་དུ་མ་བརྫབས་པས། མུ་སྟེགས་དང་ལོག་པའི་ཕྱོགས་མཐའ་དག་གིས་བསྟན་པ་ལ་དགྲ་དར་བར་བྱེད་དེ། རྒྱུ་འབྲས་ཀྱི་ཐེག་པ་ལ་སོགས་པ་མ་རུངས་པར་བྱེད་ཅིང་། སངས་རྒྱས་ཀྱི་བསྟན་པ་ནུབ་པར་གྱུར་པའི་ཚེ། ཁྲོ་བོ་བཅུ་པོ་འདིས་འདུལ་ཞིང་། ཐུགས་རྗེ་དང་ཐུགས་དམ་དུ་ལྡན་པས་ཐབས་མཁས་པའི་དབང་ཕྱུག་ཡིན་པས་ཁྱད་པར་གྱི་དམ་ཚིག་ཏུ་ཡང་བཀའ་འདི་གཟུང་ངོ་། །ངག་གི་དབང་པོ་དུས་ཡན་འགའི་ཚེ། སངས་རྒྱས་བཀའ་ལ་དམ་མི་སྲུང་བ་དང་། ལུས་དང་སྲོག་དང་ཚེ་དང་། ནོར་དང་ལོངས་སྤྱོད་ལ་བརྐུ་ཞིང་རློམ་པ་མང་བའི་ཕྱིར། རྣལ་འབྱོར་ཐབས་མེད་ཅིང་མི་མཁས་པས། མུ་སྟེགས་ལོག་ཆོས་ལ་སོགས་པ་སྤྱད་དེ། ཤ་ཟ་གཤིན་རྗེ་དང་། མ་མོ་དང་། བདུད་དང་། བྱད་སྟེམས་དང་། ཀླུ་མི་བསྲུན་པ་ལ་སོགས་པ་དང་། ཡི་དྭགས་འབྱུང་པོ་ལ་སོགས་པའི་དམ་རྫས་དང་། བསྐུལ་བ་དང་། རྦོད་གཏོང་གི་ལས་བྱས་པས། ལོ་ཉེས་དང་། སད་དང་། སེར་བ་དང་། བཙའ་དང་། མུ་གེ་དང་། མཛེ་དང་། འབྲུམ་བུ་དང་། ནད་ངན་པ་དང་། རིམས་སྣ་ཚོགས་དང་། སྨྱོ་འབོག་ལ་སོགས་ ― DNG014_Page_0100 ―
[མ་དཔེ་གཟིགས་ན་འདིར་གནོན།]
པ་འཕེལ་བས། བགེགས་དང་ར་ཏྲི་དང་། དགྲ་མི་ཏྲི་དར་བས་སྡུག་དུས་ངན་པ་ལ་བབ་པའི་ཚེ་ཐུགས་རྗེ་ཅན་གྱི་ལྷ་ཁྲོ་བོ་བཅུ་ལས་གཞན་མེད་པས། ལོག་པར་བལྟ་བ་འདུལ་བ་དང་། སེམས་ཅན་གྱི་སྡུག་བསྔལ་ཐམས་ཅད་ཞི་ཕྱིར་ཁྲོ་བོ་འདི་བཅུ་ཡི་དམ་དུ་བཅང་ཞིང་མཆོད་དོ། །ངག་གི་དབང་པོ། དུས་དང་ཕལ་པའི་གང་ཟག་རྣལ་འབྱོར་པ་ཡང་དག་པའི་དོན་མི་འཚོལ་བས། རས་ཆོད་དང་གཟུ་ལུམས་དང་། ཐོ་ཅོ་དང་སྨྱོ་ཐབས་ཀྱི་ལས་བྱས་ཏེ། ཤེས་མི་ཤེས་མེད་པར་སློབ་དཔོན་ནི་ཀུན་བྱེད། མཁས་མི་མཁས་མེད་པར་རིས་རིས་སུ་བཟུང་ནས་ཀུན་འཆང་བས་དབང་དང་དམ་ཚིག་དང་། ཕྲིན་ལས་དང་། གཏན་ཚིགས་ནི་སློབ་དཔོན་ལ་ཡང་མེད། ང་རྒྱལ་ཆེ་བ་དང་། ཁེ་དང་དྲེགས་པ་ནི་འཁོར་ཡན་ཆད་འཛིན་པས། མན་ངག་ཅན་གྱི་མཁས་པ་རྣམས་ཀྱང་ཐུགས་མ་མཉེས་པས། ཐུགས་ཀྱི་མན་ངག་བཀའི་ཐིགས་པ་གསང་བ་ངེས་པའི་དོན་ཟབ་མོ་སྦས་ཏེ། དམོད་པ་བཙུགས་སོ། །རྣལ་འབྱོར་པ་ཕལ་ཆེར་རས་ཆོད་ཅན་མགོ་རྨོངས་པར་བྱ་བའི་ཕྱིར། དཀྲུགས་འཆོལ་པས། གསང་བའི་དོན་དག་བོན་སྨྲང་ངམ་གཙུག་ལག་བཞིན་དུ་བརྗོད་པས། བཀའ་ལས་མ་བྱུང་བའི་ཆོས་ཡིན་པར་རྒྱས་བཏབ་པའི་ལས་རྩིང་ངོ་། །སྲོག་གཅོད་པ་ལ་སོགས་པ་མུ་སྟེགས་རྒྱང་འཕེན་བཞིན་དུ་སྤྱད་པས། འཕྲལ་གྱི་སྒོ་ཡོན་དང་། གང་ཟག་གི་བཀུར་སྡི་ཙམ་ལ་ཆགས་པས། བདག་དང་གཞན་གཉིས་ཀའི་འབྲས་བུ་ཆུས་ཁྱེར་ཏེ། འབྲས་བུ་ངན་སོང་གསུམ་དུ་སྐྱེ་ངེས་པའོ། །གང་ཟག་གདོན་གྱིས་བསླུས་པ་དང་འདྲ་བ་ལ་ཡང་། གོང་དུ་བསྟན་པའི་སྨོན་ལམ་གྱི་དབང་གིས། སྐྱབས་དང་དཔུང་མགོན་ཁྲོ་བོ་བཅུ་ཡིན་ངེས་པས། གཉེན་དུ་བླངས་ཏེ། རྒྱུད་འདི་ལྟར་ཤེས་པར་བྱ་ཞིང་ཡིད་ལ་གཟུང་ངོ་། །ངག་གི་དབང་པོ། རྣལ་འབྱོར་པས་ཆོས་ཟབ་མོའི་སྣོད་དང་མི་ལྡན་པའི་ཚེ། ཡིན་རུང་མིན་རུང་བཀའ་ལ་འདོགས་སོ། །དེའི་ཚེ་སྣོད་དང་ལྡན་པ་རྣམས་ནི་ཉུང་སྟེ། བཀའ་བཙན་པར་སེམས་ནས་དོན་གསང་ཞིང་གསངས་ནས་བསྒྲུབས་པས། གྲུབ་པ་ཐོབ་ས་སྲིད་པ་ཙམ་གནས་སོ། །སྣོད་མི་ལྡན་པར་ཕལ་ཆེར་གྱིས་སྤྱད་པས། དོན་གྱི་བདེན་པ་མ་རིག་པར་གསང་སྔགས་ལ་བརྟེན་ནས། ― DNG014_Page_0101 ―
[མ་དཔེ་གཟིགས་ན་འདིར་གནོན།]
འབྲས་བུ་བདེ་བ་འཚོལ་ཞེས་པ་ལས་གོལ་ཏེ། སྙིང་རྗེ་ཕར་མི་གཏང་བར་ཞེ་སྡང་ཕར་གཏང་། བྱམས་སེམས་ཕར་ལ་མི་བསྒོམ་པར་བཀུར་སྡི་ཚུར་འདོད། མཁས་པ་རང་གིས་མ་སྦྱངས་པར་དཔོན་པོར་ཕར་འཆོལ། སྦྱིན་པ་རང་གིས་མི་གཏང་བར་བཟའ་ཞིང་སྤྱད་པར་ཕར་དགའ་བས་བདེན་པའི་ཆོས་ལུགས་ནི་ཤོར། མི་བདེན་པའི་ང་རྒྱལ་ནི་ཆེ། གཉེན་པའི་དམ་ཚིག་ནི་མེད། མི་གཉན་པའི་རང་མཐོང་ནི་ཆེ། དོན་གྱི་མན་ངག་ནི་ནུབ། མི་དགོས་པའི་རྩིང་ཆོས་མ་སྤངས་པས། སྟོན་པའི་བཀའ་ནི་ནུབ། རྩ་བའི་དམ་ཚིག་ནི་གཏིང་ནས་ཉམས་ཏེ་འཕགས་པའི་ཞབས་འདྲེན། སངས་རྒྱས་ཀྱི་བཀའ་ནི་བསླུས་པར་འགྱུར་ཙ་ན། ཉེས་པ་ཅི་བྱས་ན་བརྗོད་མི་རུང་བའི་སྡུག་བསྔལ་མྱོང་བས། སྒྲོ་སྐུར་རང་གི་ཆོས་ལ་བཏབ། དཔེ་ངན་བྱེད་ལ་རུང་བ་ཡོད་པར་སྨོས། སྤྱི་དོན་ལས་མེད་ཀྱི་ཟེར་ཏེ་ངན་པར་བརྟག་ཅིང་བྱས་སྔོན་ནས་སྡོད། རྟག་ཏུ་རེ་བ་རླུང་གི་འཁོར་ལོས་དེད་ཙ་ན། ཉོན་མོངས་པའི་དགྲ་མེ་མ་མུར་གྱི་འོབས་སྟེང་ན། ཁྲས་ཉེན་པའི་བྱེའུ་མང་པོ་འཕུར་བ་ལ། ཐོག་དང་གློག་གི་རྒྱས་བསྐོར་ནས། ཁྲོ་ཆུ་ཁོལ་མའི་ཆུ་ཕབ་སྟེ། སྡུག་བསྔལ་ལོག་པའི་འབྲས་བུ་དུས་གཅིག་ཏུ་སྨིན་ཙ་ན་ཡང་། བསྐྱབ་པར་བྱ་བའི་ཐབས་དང་རྒྱབ་རྟེན་དང་དཔུང་གཉེན་དུ་སྨོན་ལམ་དུ་བཏབ་པའི་ཁྲོ་བོ་བཅུ་ལས། ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱིས་ཀྱང་སྐབས་དབྱེ་མི་ནུས་པས། རྒྱུད་འདི་དམ་ཚིག་ཉམས་པ་སྐོང་བར་གསུངས་པའོ། །ངག་གི་དབང་པོ། དུས་ལྔ་བརྒྱ་པའི་ཚེ་རྣལ་འབྱོར་པ་ཐོས་པ་ཆུང་ཞིང་། དད་པ་མེད་པས་སེམས་ཅན་གྱི་ཉོན་མོངས་པའི་ནད་ཀྱི་དབྱིངས་རྒྱ་མཚོ་ཙམ་གནས་པ་ལ། དེ་འདུལ་བའི་སེམས་ཅན་དེ་བཞིན་གཤེགས་པའི་བཀའ་བདུད་རྩིའི་རྒྱ་མཚོ་གསུངས་པ་བཞིན་དུ། ཆོས་ཉུང་བར་དགོས་པས། ཕྱི་ནང་གི་བཀའ་འདི་དག་གང་ཟག་གི་སྣོད་ཀྱི་རིམ་པ་དང་སྦྱར་ནས། འདྲེར་མི་གནང་བ་ནི་བརྡ་སྦྱོར་ཚང་མང་དུ་བྱ་བྱེད་ཀྱི་སྤྲེའུ་ཞུགས་པ་བཞིན་དུ་བསྲེས་བཅོས། གོང་འོག་གི་ཕྲིན་ལས་ཐམས་ཅད་ཕྱིས་མི་ཤེས་པའི་ཁྲབ་སྡེབས་པ་བཞིན་དུ་ལས་ཀྱི་གོང་འོག་ཐམས་ཅད་ཞལ་ལྕེ་བ་གཤག་བྱ་བ་བཞིན་རིངས་པར་འདེབས། མི་ཤེས་པའི་ལྟོར་བཅུག །སུ་ལ་ཡང་མི་སྟེར་བ་ཡིན་ནོ། །གསང་བ་ཡིན་ནོ། །གསང་ངོ་ཞེས་བྲིས་ ― DNG014_Page_0102 ―
[མ་དཔེ་གཟིགས་ན་འདིར་གནོན།]
ནས་ཀུན་ལ་སྟེར། ནང་ན་འདི་གཅེས་ཞེས་མཉམ་ཉིད་ཀྱི་ཆོས་ལ་ཁྱད་འདོར། གང་ཟག་གི་སྒྲིན་ཚིག་དང་གྲུབ་པ་མ་ཐོབ་པའི་རང་ཤེས་དང་མངོན་ཤེས་མེད་པའི་བཅོས་མང་བས། དེ་བཞིན་གཤེགས་པའི་བཀའ་ལ་ཐུག་ཐུང་སྤྱད་པའི་སྒྲིབ་པ་ཆེན་པོས་བཀའ་ཆད་ཀྱི་གནས་སུ་གྱུར་ནས། འཆི་འཕོ་བ་དང་ལྟུང་ངེ་བ་བྱེད་པོའི་ལྕེ་དང་ཁ་ཚིག་ལ་སྡུག་བསྔལ་མྱོང་བ་ཡང་། བཤགས་པ་དང་སྦྱོང་བ་དང་སྒྲོལ་བའི་སྨོན་ལམ་གྱིས། ཁྲོ་བོ་བཅུ་ལས་ཐུགས་རྗེ་ཆེ་བ་མེད་པས་ཕ་མ་ལྟར་རྒྱུད་འདི་གཟུང་ངོ་། །ངག་གི་དབང་པོ། རྣལ་འབྱོར་པ་ཆོས་ལ་མོས་ཤིང་རྗེས་སུ་འདྲེང་བ། བཀའ་བཞིན་དུ་བགྱིད་ཅིང་ལུས་དང་སྲོག་ལ་ཡང་མི་བལྟ་བར་རྡོ་རྗེ་ཐེག་པ་ལ་མོས། མཆོད་སྒྲུབ་བསྲུང་བ་ལས། ཤེས་རབ་ཀྱི་རྒྱུད་མེད་པས་གང་མ་འབྱོང་སྟེ། ལོང་བ་གྲོགས་ཤོར་བ་དང་འདྲ་བ་ལ་ཡང་བྱང་ཆུབ་སེམས་དཔའ་སྨོན་ལམ་གྱི་ཁྲོ་བོ་འདི་རྣམས་མ་བསྒོམས། སྤྱན་མ་དྲངས་མཆོད་པ་མ་བྱས་ཀྱང་བྱོན་གཤེགས་བྱིན་གྱིས་རློབས་དབང་བསྐུར་དངོས་གྲུབ་གསོལ་བར་མཛད་པས། མིག་གི་འབྲས་བུ་དང་འདྲ་བར་ཁྲོ་བོ་བཅུ་གཟུང་བར་བྱའོ། །ཞེས་བཀའ་སྩལ་པ་དང་། བྱང་ཆུབ་སེམས་དཔའ་ངག་གི་དབང་པོས་འདི་སྐད་ཅེས་གསོལ་ཏོ། །ཨེ་མ་དག་པ་ཤིན་ཏུ་ཐབས་མཁས་ལ་ཐུགས་རྗེ་ཆེ་བའི་རྒྱུད་འདི། སྟོན་པ་བྱང་ཆུབ་ཀྱི་སེམས་ཀྱི་རྡོ་རྗེ་དང་དེ་དང་མི་གཉིས་པའི་སྲས་ཞིང་ཁམས་ཐམས་ཅད་འདུལ་བའི་གཙོ་བོ་ལག་ན་རྡོ་རྗེས་བཀའ་སྩལ་པ་འདི། མ་རིག་པའི་སེམས་ཅན་རྣམས་ལ་ཉི་མ་འབུམ་གྱི་གཟི་དང་ལྡན་པ་རྣལ་འབྱོར་པ་མཐའ་ཡས་པའི་སེམས་ཅན་ཐམས་ཅད་ལ། བུ་གཅིག་པ་ལ་མ་བྱམས་པ་ལྟར་མཛད་པ་ཇི་ལྟར་རེ་བ་ལྟར་ཡིད་བཞིན་དུ་སྐོང་བ་ཐུགས་བྱང་ཆུབ་སེམས་དཔའི་ཆ་བྱད་དུ་ལྡན་པ། ནམ་འཁོར་བ་མ་སྟོངས་ཀྱི་བར་དུ་འགྲོ་བའི་དོན་མཛད་པས། སྐུ་ཁྲོ་བོའི་ཆ་ལུགས་སུ་བཞུགས་པས། ང་རྒྱལ་དྲེགས་པ་ཅན་དང་། གཏི་མུག་རང་ཤེས་ཅན་དང་། གོལ་ཞིང་ཆོས་སྤྱོད་པ་ལ་རྒོལ་ཞིང་གནོད་པ་རྣམས་ཚར་གཅོད་པར་མཛད་པའོ། །གཟི་ལྡན་འབར་བ་སྨོན་ལམ་གྱི་རྒྱུད་འདི་རྣལ་འབྱོར་པ་དང་སེམས་ཅན་ཐམས་ཅད་ཀྱི་དོན་དུ། སངས་རྒྱས་ཞིང་ཀུན་སྤྱོད་པར་གྱུར་ཅིག་པར་སྨོན་ལམ་བཏབ་བོ། །འཁོར་རྣལ་འབྱོར་གྱི་དབང་ཕྱུག་རྣམས་ཀྱང་དགའ་ནས་དོང་ངོ་། །ཁྲོ་བོ་བཅུའི་སྨོན་ལམ་གཟི་ལྡན་འབར་བའི་མཚམས་ཀྱི་རྒྱུད་རྫོགས་སོ།། །། བླ་མ་དགོངས་པ་འདུས་པ་ལས་དད་བརྩོན་དང་ལྡན་པའི་སྐྱེས་བུས་རྒྱུད་འཆང་བའི་ཐབས་དང་རྒྱུད་ཀྱི་ཆེ་བ་བསྟན་པ་བཞུགས།― DNG014_Page_0103 ―
[མ་དཔེ་གཟིགས་ན་འདིར་གནོན།]
བླ་མ་དགོངས་པ་འདུས་པ་ལས་དད་བརྩོན་དང་ལྡན་པའི་སྐྱེས་བུས་རྒྱུད་འཆང་བའི་ཐབས་དང་རྒྱུད་ཀྱི་ཆེ་བ་བསྟན་པ་བཞུགས། ན་མོ་གུ་རུ་དྷི་ཝ་ཌཱཀྐི་ནི་ཧཱུཾ། དད་པ་དམ་ཚིག་ལ་གནས་ཤིང་། བླ་མ་ཡི་དམ་མཁའ་འགྲོ་ལ་མོས་པ་ལམ་དུ་བྱེད་པའི་རྣལ་འབྱོར་ཕོ་མོ་གང་དག་གིས། རྒྱུད་འཆང་བར་འདོད་པས། དུས་ཁྱད་པར་ཅན་ཉ་སྟོང་བརྒྱད་གསུམ་དང་ཚེས་བཅུ་ལ་སོགས་པ་དང་། གཟའ་སྐར་བཟང་པོ་ལ་བབས་པའི་ཚེ། བཀྲ་ཤིས་ལ་བྱིན་ཆགས་ཤིང་ཡིད་དང་མཐུན་པའི་གནས་སུ་བླ་མ་ཡི་དམ་མཁའ་འགྲོའི་དཀྱིལ་འཁོར་བཞེངས་ཤིང་སྐུ་རྟེན་བཀྲམ། ཕྱི་ནང་གི་མཆོད་པ་དང་། སྨན་རག་གཏོར་གསུམ་ལ་སོགས་པ་མཆོད་པའི་ཡོ་བྱད་བཤམས་ཤིང་། བསྒྲུབ་མཆོད་ཅི་འགྲུབ་ལ་འབད། དེ་ནས་རང་ཉིད་བྲིས་མཁན་ལུས་ངག་ཡིད་གསུམ་རྒྱུད་དག་ཅིང་སེམས་བསྐྱེད་དང་ལྡན་པའི་ངང་ནས། རྩ་བའི་སྤྱི་རྒྱུད་པད་སྡོང་བརྩེགས་པ་རིན་ཆེན་སྣ་ཚོགས་པའམ། མ་གྲུབ་ན་ཚོན་རྩི་སྣ་ལྔས་བྲི། ― DNG014_Page_0104 ―
[མ་དཔེ་གཟིགས་ན་འདིར་གནོན།]
སྐུ་རྒྱུད་ཤེལ་གྱི་རི་བོ་དངུལ་ལམ་དུང་བཏུལ་བའི་ཁུ་བས་བྲི། གསུང་རྒྱུད་རིན་ཆེན་འབྲུག་སྒྲ་ཟངས་དང་མཚལ་བཏུལ་བའི་ཁུ་བས་བྲི། ཐུགས་རྒྱུད་ནམ་མཁའ་ཀློང་ཡངས་བཻ་ཌཱུརྻ་དང་མཐིང་བཏུལ་བའི་ཁུ་བས་བྲི། ཡོན་ཏན་གྱི་རྒྱུད་བསྟན་པའི་སྲོག་ཤིང་གསེར་སྦྱངས་པའི་ཁུ་བས་བྲི། ཕྲིན་ལས་ཀྱི་རྒྱུད་སྤུ་གྲི་རེག་གཅོད་སྐྱེས་དར་མ་གྲིར་ཤི་བའི་ཁྲག་དང་དུག་དང་རྒྱ་སྣག་གི་ཁུ་བས་བྲི། བླ་མའི་གསང་རྒྱུད་བཀའི་བང་མཛོད། ཡི་དམ་གསང་རྒྱུད་བཀའི་ཐ་རམ་དང་། མཁའ་འགྲོ་གསང་རྒྱུད་བཀའི་ལྡེ་མིག་གསུམ། བདུད་རྩི་ཨ་མྲྀ་ཏ་དང་། བྱང་སེམས་དཀར་དམར། སིན་དྷུ་ར། ཙན་དན། ག་པུར། གུར་གུམ། གི་ཝཾ། ལི་ཤི། རུ་རྟ། ཛཱ་ཏི་རྣམས་སྦྱར་ཞིང་། གཞན་ཡང་བྱིན་རླབས་ཀྱི་རྫས་རྣམས་མཚལ་དང་བསྲེས་ཤིང་བྲི། ཡི་གེ་དབུ་ཅན་ལྷག་ཆད་མེད་པར་བྲིས་ཏེ། ཐམས་ཅད་རང་གི་སོར་བཞི་པའི་ཚད་དུ་བྱས་ཏེ་གླེགས་བུ་མགོ་ཞབས་མ་དཀྲུགས་པར་ཕྱོགས་གཅིག་པ་ཅན་དུ་བྲིས་ཏེ། སོ་སོར་རིགས་མཐུན་གྱི་དར་ཁ་དོག་ཅན་གྱིས་གྲིལ་བ་ལ་མཆོད་པའི་རྫས་རིན་པོ་ཆེ་སྣ་ཚོགས། འབྲུ་སྣ་ཚོགས། སྨན་སྣ་ཚོགས། དར་ ― DNG014_Page_0105 ―
[མ་དཔེ་གཟིགས་ན་འདིར་གནོན།]
སྣ་ཚོགས་དང་བཅས་པ་རིན་པོ་ཆེའི་ཟ་མ་ཏོག་གམ་གའུར་བཅོལ་ནས། བླ་མ་ཡི་དམ་མཁའ་འགྲོའི་དཀྱིལ་འཁོར་གྱི་དབུས་སུ་ཁྲིའུའི་ཁར་བཞུགས་སུ་གསོལ། དེ་ནས་རང་ཉིད་དྲི་བཟང་པོའི་ཆུས་ཁ་ལག་གདོང་གསུམ་དག་པར་བཀྲུ། གོས་གསར་པ་དྲི་མ་མེད་པ་གོན་ཅིང་། བདེ་བའི་སྟན་ལ་གནས་པས་སྐྱབས་འགྲོ་སེམས་བསྐྱེད་ལ་སོགས་པ་སྔོན་དུ་འགྲོ་བའི་ཆོས་སྤྱོད་བྱ། ཡུལ་ཕྱོགས་ཀྱི་གཞི་བདག་དང་། འབྱུང་པོའི་ཚོགས་ལ་གཏོར་མ་བྱིན་ལ་བདེན་པའི་སྟོབས་བརྗོད། དེ་ནས་བླ་མ་ཡི་དམ་མཁའ་འགྲོའི་ས་མ་ཏི་དང་ལྡན་པས། གླེགས་བམ་གུ་གུལ་གྱི་དུད་པས་བདུག་ཅིང་། སྭ་བྷཱ་ཝས་སྟོང་པར་སྦྱངས་པའི་ངང་ལས། གླེགས་བམ་གྱི་བྲིས་གཞི་གཞལ་ཡས་ཁང་རྣམ་པར་དག་ཅིང་བཀོད་པ་དུ་མ་དང་ལྡན་པར་གསལ་བའི་ནང་དུ། ཡིག་འབྲུའི་ངོ་བོ་ཐམས་ཅད་ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་མཁའ་འགྲོ་འཁོར་དང་བཅས་པའི་རྣམ་པར་གསལ་ཞིང་། དེ་དག་ཐམས་ཅད་ཀྱང་། རང་རང་གི་རྒྱན་ཆ་ལུགས་རྣམ་འགྱུར་དང་བཅས་པས། རྒྱུད་དགུ་པོའི་ཚིག་འབྲུ་སང་སྐྲི་ཏའི་སྐད་དུ་ཏི་རི་རི་བཀླག་པར་བསམ་པ་ལ་ཡང་། ཆོས་གསུང་ཡིག་འབྲུའི་ཆར་སྒྲ་ཆི་ལི་ལི་བབས་པས་གླེགས་བམ་ལ་ཐིམ། གཞན་ཡང་བླ་མ་ཡི་དམ་མཁའ་འགྲོ་སངས་རྒྱས་བྱང་ཆུབ་སེམས་དཔའ་ལ་སོགས་པ་འཕགས་པའི་ཚོགས་བསམ་གྱིས་མི་ཁྱབ་པ་བྱོན་ནས་གླེགས་བམ་དུ་བསམས་པའི་སྐུ་ལ་ཐིམ་པར་དམིགས་ཏེ། གཞན་དུ་ལས་ཀྱི་པོ་ཏི་བྲིས་པའི་རྒྱུད་ཚིག་དགུ་པོ་རབ་བརྒྱ་རྩ་བརྒྱད། འབྲིང་ལྔ་བཅུ་རྩ་བཞི། ཐ་མ་ཉེར་བདུན་བཀླག་པའི་དུས། དང་པོ་ལ་རང་ཉིད་སྟོན་པ་སྣང་བ་མཐའ་ཡས་སུ་བསྐྱེད་དེ། པདྨའི་ལྗགས་ཀྱིས་བཀླག །དེས་འགྲེ་བར། གཉིས་པ་ལ་བདག་ཉིད་རྣམ་སྣང་། ལྗགས་འཁོར་ལོ། གསུམ་པ་ལ་བདག་ཉིད་འོད་དཔག་མེད། ལྗགས་པདྨ། བཞི་པ་ལ་བདག་ཉིད་རྡོ་རྗེ་སེམས་དཔའ། ལྗགས་རྡོ་རྗེ། ལྔ་པ་ལ་བདག་ཉིད་རིན་ཆེན་འབྱུང་ ― DNG014_Page_0106 ―
[མ་དཔེ་གཟིགས་ན་འདིར་གནོན།]
ལྡན། ལྗགས་རིན་པོ་ཆེ་འབར་བ། དྲུག་པ་ལ་བདག་ཉིད་དོན་ཡོད་གྲུབ་པ། ལྗགས་སྣ་ཚོགས་རྡོ་རྗེ། བདུན་པ་ལ་བདག་ཉིད་མཚོ་སྐྱེས་རྡོ་རྗེ། ལྗགས་གསེར་གྱི་རྡོ་རྗེ། བརྒྱད་པ་ལ་བདག་ཉིད་རྟ་མགྲིན་དབང་ཆེན། ལྗགས་དངུལ་གྱི་གྲི་གུག །དགུ་པ་ལ་བདག་ཉིད་ཡུམ་རྡོ་རྗེ་ཕག་མོ། ལྗགས་གནམ་ལྕགས་ཀྱི་རལ་གྲིར་བསམས་ལ་བཀླག །དེ་ཙམ་སྤྲོས་པ་ལ་མི་དགའ་ན། བདག་ཉིད་སྟོན་པ་སྣང་བ་མཐའ་ཡས། ལྗགས་པདྨ་དམར་པོ་འདབ་མ་ཅན་དུ་བསམས་ལ། ཧ་ཅང་ཐལ་བའི་རྣམ་པ་ཅན་གང་ཡང་མ་ཡིན་པར་བཀླག །བར་གྱི་ཐུན་མཚམས་རྣམས་སུ་གཏོར་མཆོད་དང་ཚོགས་ཀྱི་ཡོ་བྱད་ལ་སོགས་པ་འབུལ། རྣལ་འབྱོར་པའི་ལུས་ངག་ཡིད་གསུམ་དཀྱིལ་འཁོར་གསུམ་གྱི་ས་མ་ཏི་དང་མ་བྲལ་ཞིང་། སྐབས་སུ་དམ་ཚིག་དང་ལྡན་པའི་གྲོགས་དུ་ཡོད་པས་རྩ་བ་གསུམ་གྱི་བསྙེན་འཛབ་བརྗོད། དེ་ལྟར་འབད་པས་འཇའ་དང་འོད་དང་། ཟེར་དང་། དྲི་བཟང་གི་ངད་པ་དང་། ཆོས་ཀྱི་སྒྲ་དབྱངས་ལ་སོགས་པའི་སྒྲ་དང་། གླེགས་བམ་ལ་འོད་འབར་བ་ལ་སོགས་པའི་ལྟས་འབྱུང་བར་འགྱུར་རོ། །དེ་ནས་མཆེད་དང་ལྕམ་དྲལ་ལ་སོགས་པ་འདུས་པ་རྒྱ་མཚོ་ལ་ཟབ་མོ་ཚོགས་ཀྱི་འཁོར་ལོ་དང་ཡོན་འབུལ་ཅི་འགྲུབ་བྱས་ཤིང་། དུས་བཟང་པོའི་ཚེ་སྔ་དྲོ་དང་པོར་གླེགས་བམ་རང་གི་སྤྱི་བོར་བླངས་པ་ཙམ་གྱིས་ཕྱོགས་དུས་ཀྱི་བླ་མ་སངས་རྒྱས་བྱང་ཆུབ་སེམས་དཔའ། ཡི་དམ་ཞི་ཁྲོ་རབ་འབྱམས། དཔའ་བོ་མཁའ་འགྲོ་ལ་སོགས་པ་ཐམས་ཅད་རང་གི་སྤྱི་བོར་སྤུང་གིས་བྱོན་ནས་བྱིན་གྱིས་བརླབ། དབང་བསྐུར་མཛད་དེ་ཐམས་ཅད་རང་གི་སྙིང་གར་སིབ་ཀྱིས་ཐིམ་པར་བསམས་ལ། རྣམ་པར་མི་རྟོག་པའི་ངང་ལ་མཉམ་པར་གཞག་གླེགས་བམ་ནམ་དུ་ཡང་ཞལ་མ་ཕྱེ་བར་རང་གི་མཆན་ཁུང་གཡོན་དུ་དྲོད་དང་སྐད་ཅིག་ཀྱང་མ་བྲལ་བར་འཆང་ཞིང་དུས་དང་རྣམ་པ་ཐམས་ཅད་དུ་དད་པ་མོས་གུས་ཀྱི་ཤུགས་བསྐྱེད་ལ་ཅི་ལྟར་འདོད་པའི་དོན་འབྲས་ལ་གསོལ་བ་གདབ། དེ་ནས་བཀྲ་ཤིས་ཀྱི་ཚིགས་ ― DNG014_Page_0107 ―
[མ་དཔེ་གཟིགས་ན་འདིར་གནོན།]
སུ་བཅད་པ་བརྗོད། བླ་མ་ཡི་དམ་མཁའ་འགྲོ་ལ་གཏང་རག་གི་མཆོད་པ་རྒྱ་ཆེན་པོ་འབུལ། གཞན་ཡང་རྗེས་ཀྱི་བྱ་བ་སྤྱོད་པ་ཐམས་ཅད་སྤྱི་དང་མཐུན་ལ་གཞན་དང་ལྡན་གྱི་སྐྱེས་བུ་གང་དང་གང་དག་ལ་གདོགས་པར་འདོད་པས་ཀྱང་། ཚུལ་དེ་དག་ལ་རྡོ་རྗེ་སློབ་དཔོན་གྱིས་གང་གིས་འཆང་བ་དེ་ལ་གླེགས་བམ་གྱིས་དབང་བསྐུར་ནས་གདགས་པར་བྱའོ། །དེ་ལྟར་ཁྱད་པར་རྨད་དུ་བྱུང་བའི་རྒྱུད་འདི་དག་ཚར་གཅིག་ཙམ་བཞེངས་པའི་བསོད་ནམས་ཀྱིས་ཕུང་པོ་དཔག་ཏུ་མེད་དེ། བདེ་བར་གཤེགས་པའི་གསུང་རབ་མཐའ་དག་བྲིས་པའི་བསོད་ནམས་དང་མཉམ་པའོ། །རྒྱུད་ཀྱི་གླེགས་བམ་གང་གིས་མཐོང་བ་དང་རེག་པ་དང་། དེའི་ཚིག་འབྲུ་ཐོས་པ་ཐམས་ཅད་ནི་བསྐལ་པ་གྲངས་མེད་པར་བསགས་པའི་ལས་ཀྱི་སྒྲིབ་པ་ཟད་ནས་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །འཆང་ཞིང་ཀུན་ཆུབ་པར་བྱེད་པས་ནི། དེ་གནས་སྐབས་ཚེ་འདིར་ལྷ་དང་མི་དང་ལྷ་མིན་ཐམས་ཅད་ཀྱིས་མཆོད་པའི་གནས་སུ་འགྱུར་ཏེ། བཀུར་སྡི་ཕུ་དུད་དཔག་ཏུ་མེད་པ་བྱེད། མི་དང་མི་མ་ཡིན་གྱི་གནོད་པ་གང་དང་གང་གིས་ཀྱང་མི་ཚུགས་ཤིང་ལྷ་འདྲེ་ཐམས་ཅད་ཀྱིས་བསྲུང་བར་འགྱུར་རོ། །ཕྱི་ནང་གི་བར་ཆད་ཉེར་འཚེ་ཐམས་ཅད་བཟློག་པར་འགྱུར་རོ། །ཅི་ལྟར་འདོད་པའི་ཐུན་མོང་གི་དངོས་གྲུབ་ཐམས་ཅད་ཆར་བཞིན་འབབ་པར་འགྱུར་རོ། །བདུད་དང་བདུད་ཀྱི་རིགས་ཀྱིས་ཆོ་འཕྲུལ་གནོད་པར་བྱེད་པ་ཐམས་ཅད་ལས་རྣམ་པར་རྒྱལ་བར་འགྱུར་རོ། །འདུ་བ་རྣམ་བཞིའི་ནད་ཀྱིས་མི་གནོད་པར་འགྱུར་རོ། །བགེགས་དང་མ་རུངས་པ་ཐམས་ཅད་ཉེར་མ་ནུས་ཤིང་དབྱེ་བར་འགྱུར་རོ། །དཔའ་བོ་དང་མཁའ་འགྲོ་དམ་ཅན་ཆོས་སྐྱོང་སྲུང་མ་ཐམས་ཅད་ཀྱིས་བསྲུང་བར་འགྱུར་རོ། །མི་མཐུན་པའི་ཕྱོགས་ངན་པ་ཐམས་ཅད་བཟློག་པར་འགྱུར་བ་ལ་སོགས་པའི་ཡོན་ཏན་བསམ་གྱིས་མི་ཁྱབ་པ་ཐོབ་པར་འགྱུར་རོ། །ནམ་འཆི་བའི་ཚེ་ཡང་དུས་མ་ཡིན་པར་འཆི་བའི་འཇིགས་པ་མི་འབྱུང་ཞིང་། གནད་གཅོད་ཀྱི་སྡུག་བསྔལ་མེད་པར་དགའ་བདེ་སྤྲོ་ ― DNG014_Page_0108 ―
[མ་དཔེ་གཟིགས་ན་འདིར་གནོན།]
བའི་འདུན་པ་དང་བཅས་ཏེ་འཆི་ཞིང་བླ་མ་ཡི་དམ་མཁའ་འགྲོའི་སུན་མ་སྤྲིན་གྱི་ཕུང་པོ་གཏིབས་པ་ལྟར་གཏིབས་ནས་སྤོས་ཀྱི་དྲི། རོལ་མོའི་སྒྲ་སྙན་པའི་དབྱངས་དང་བཅས་པས་བསུས་ཏེ། བདེ་བ་ཅན་ལ་སོགས་པ་སངས་རྒྱས་ཀྱི་ཞིང་ཁམས་རྣམ་པར་དག་པ་རྣམས་སུ་སྐྱེས་ནས་མངོན་པར་བྱང་ཆུབ་པར་འགྱུར་རོ། །རབ་དབུགས་ཆད་པའི་དུས་དེར་སྒྲ་དང་འོད་དང་ཟེར་དང་། འཇའ་ཚོན་དང་མེ་ཏོག་གི་ཆར་ལ་སོགས་པའི་ལྟས་ཁྱད་པར་ཅན་དཔག་ཏུ་མེད་པ་འབྱུང་ཞིང་ཕུང་པོ་ལ་ཡང་སྐུ་གདུང་རིང་བསྲེལ་ལ་སོགས་པ་འབྱུང་སྟེ། དེ་དག་གང་གིས་མཐོང་བའི་འགྲོ་བ་ཐམས་ཅད་ཀྱང་ལས་ཀྱི་སྒྲིབ་པ་ཟད་ནས་རྣམ་པར་གྲོལ་བའི་ཡེ་ཤེས་གཟིགས་པའི་ཕུང་པོ་བརྙེས་པར་འགྱུར་རོ། །གང་གི་ལུས་ལ་རྒྱུད་ཀྱི་གླེགས་བམ་བཞུགས་པའི་གང་ཟག་དེས། འགྲོ་བ་གང་གི་ལུས་ལ་རེག་པའི་འགྲོ་བ་དེ་དག་ཀྱང་། ལུས་ཀྱི་སྒྲིབ་པ་བྱང་ཞིང་། ངན་སོང་གི་སྐྱེ་སྒོ་ཆོད་ནས་ཐར་པའི་ས་བོན་ཐེབས་པ་ཡིན་ནོ། །དེ་ལྟར་རྒྱུད་འདི་དག་མཐོང་ཐོས་དྲན་པ་ལ་སོགས་འདི་དང་གང་འདྲེལ་པར་གྱུར་པའི་འགྲོ་བ་རྣམས་བླ་མེད་བྱང་ཆུབ་ཀྱི་ལམ་སྣ་ཟིན་པའོ། །གཞན་ཡང་ཆེ་བའི་ཡོན་ཏན་རྡོ་རྗེའི་ལྗགས་ཀྱི་དབང་པོས་ཀྱང་བརྗོད་པས་མི་ལངས་པའོ། །དེ་ལྟ་བུའི་ཡོན་ཏན་གྱི་ཆེ་བ་དུ་མ་དང་ལྡན་པའི་ཕྱིར། དེ་ལྟར་བརྩོན་པར་བྱའོ། །ཐ་ན་རྒྱུད་དེ་དག་རྣམས་ཚར་རེ་བྲིས་ཏེ་རང་བཞིན་གྱིས་བཅངས་པས་ཀྱང་། ཡུལ་རིས་རྒྱལ་ཁམས་ཐམས་ཅད་བཀྲ་ཤིས་བདེ་ལེགས་ཀྱིས་ཁྱབ་ནས་དཔལ་ཕུན་སུམ་ཚོགས་པ་ལ་སྤྱོད་པར་འགྱུར་རོ། །དྷ་ཐིམ། རྒྱུད་ཀྱི་བཅངས་ཐབས་དང་ཆེ་བའི་ཡོན་ཏན་བརྗོད་པ། ད་ལྟ་མངའ་བདག་ཡབ་སྲས་དང་། མ་འོངས་རྗེས་འཇུག་རྣམས་ཀྱི་དོན་དུ། བདག་འདྲ་པདྨ་འབྱུང་གནས་ཀྱིས་བཀོད་པའོ། །སྐལ་ལྡན་ལས་ཅན་གསུང་གི་སྲས་དང་ཕྲད་པར་ཤོག །ས་མ་ཡ། རྒྱ་རྒྱ་རྒྱ། སྦས་རྒྱ། གཏད་རྒྱ། གཏེར་རྒྱ།། །། གུ་ཧྱ། དྷ་ཐིམ།། །། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ཞེས་བྱ་བ།― DNG014_Page_0109 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། གྷུ་རུ་དྷི་ཝ་ཌཱཀྐི་ནི་སརྦ་ཙིཏྟ་ཨ་མྲྀ་ཏཽ་གྷ་ཏནྟྲ་རཱ་ཛ་པདྨ་ཀུ་ཊ་ནཱ་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ཞེས་བྱ་བ། བཅོམ་ལྡན་འདས་དཔལ་རང་བྱུང་གི་ལྷ་བདེ་བ་ཆེན་པོ་གཟི་བརྗིད་མཐའ་ཡས་པ་ལ་ཕྱག་འཚལ་ལོ། །འདི་སྐད་བསྟན་པའི་དུས་གཅིག་ན། །དཀར་སེར་དམར་ལྗང་རབ་འཁྲུགས་ཤིང་། །ལེ་བརྒན་ཟླ་གམ་འབར་བའི་དབུས། །སྣ་ཚོགས་འོད་ཀྱི་ཚང་ཁང་དུ། །དུས་གསུམ་ས་ལེར་མཐོང་ནས་ནི། །སྐྱེ་རྒ་ན་འཆིའི་རྦ་ཀློང་འཁྲུགས། །མི་བཟོད་གཡོ་བས་རབ་བསྐུལ་ཞིང་། །ཐུགས་རྗེ་སྤྲོ་བསྡུ་འགྱེད་པའི་ཚེ། །ཡེ་ཐོག་དང་པོར་ལྷུན་གྱིས་གྲུབ། །སྣ་ཚོགས་ལས་ལ་དབང་སྒྱུར་བྱེད། །རྫུ་འཕྲུལ་དྲྭ་བ་ཕྱོགས་བཅུར་འགྱེད། །གསུམ་སྣང་དབྱེར་མེད་གཅིག་མང་པོས། །ཀུན་ལ་ཁྱབ་པའི་བྱང་ཆུབ་སེམས། །གཟུགས་སྒྲ་དྲི་རོ་རེག་བྱ་ཆོས། །ཡུལ་བཅས་རྒྱན་དང་ཆ་ལུགས་ལྡན། །རྡོ་རྗེ་པདྨའི་འཁོར་ཚོགས་ལ། །སྲིད་དང་སྒོ་ངའི་སྦུབས་འབྱེད་པ། །ལྔ་འཇོམས་དྲུག་རྫོགས་གསུམ་དང་ལྡན། །གཉིས་བསྡུས་དོན་འབྱུང་གཉིས་ལས་གྲོལ། །བཞི་རྫོགས་གཏན་ལ་དབབ་པར་བྱ། །རྡོ་རྗེ་ཆོས་ལ་སོགས་པ་ཡི། །རང་བྱུང་སྤྲུལ་པའི་འཁོར་རྣམས་ཀྱིས། །བཅོམ་ལྡན་འདས་ལ་འདི་སྐད་ཞུས། །ཀྱེ་ཀྱེ་སྟོན་པ་འོད་མི་འགྱུར། །གར་བསྒྲུབ་གནས་ཀྱི་མཚན་ཉིད་དང་། །གནས་དེར་གང་ཟག་ཇི་ལྟ་བུས། །ཉམས་སུ་ལེན་པའི་ཆོས་ནི་གང་། །ཆོས་དེ་བླ་མ་གང་ལ་ཞུ། །སྒྲུབ་རྫས་ཇི་ལྟ་བུ་ལ་བརྟེན། །བསྒྲུབ་པའི་གྲོགས་གང་དུས་ཚེས་ནམ། །དཀྱིལ་འཁོར་ལྷ་སྔགས་རྟགས་ཚད་དང་། །ཕྲིན་ལས་ཁ་བསྒྱུར་ཇི་ལྟ་བུ། །སྨིན་བྱེད་དབང་དང་དམ་ཚིག་དང་། །གྲོལ་བྱེད་གདམས་པ་ངོ་སྤྲོད་བཅས། །དེ་ཡི་བལྟ་བསྒོམ་ ― DNG014_Page_0110 ―
[མ་དཔེ་གཟིགས་ན་འདིར་གནོན།]
སྤྱོད་འབྲས་བུ། །ཆགས་ལམ་གསང་བའི་གདམས་པ་སྩོགས། །དེ་ལྟར་བསྐྱེད་རྫོགས་ཐམས་ཅད་ཀྱི། །མཐར་ཐུག་འབྲས་བུ་གྲུབ་མཐའ་དང་། །ས་ལམ་ཆོད་ཚུལ་ཇི་ལྟ་བུ། །ལྡན་འབྲས་དུས་སྐབས་བཀའ་སྩོལ་ཞིག །དེ་སྐད་འཁོར་གྱིས་ཞུས་པའི་ཚེ། །བཅོམ་ལྡན་དཔག་མེད་མཐའ་ཡས་ཀྱིས། །རང་ཤར་སྤྲུལ་པའི་འཁོར་རྣམས་ལ། །སྣ་ཚོགས་ཆོ་འཕྲུལ་འདི་གསུངས་སོ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། གླེང་གཞིའི་ལེའུ་སྟེ་དང་པོའོ།། །།གང་ཞོལ་ཆུ་བོ་ཆེན་པོའི་འགྲམ། །བྲན་ཁོལ་ལྷ་སྲིན་ཇག་རྐུན་དབེན། །བག་དྲོ་བྱིན་ཆགས་ཌཱཀྐི་རྒྱུ། །འདོད་ཡོན་ལོངས་སྤྱོད་གང་དགོས་ཚང་། །གནམ་ས་དཀར་ཟླུམ་ཞི་བ་ལ། །གྲུ་བཞི་སེར་པོ་རྒྱས་པ་ཉིད། །དམར་པོ་ཟླ་གམ་དབང་ལ་སྟེ། །ངམ་ནག་གྲུ་གསུམ་དྲག་པོའི་གནས། །གང་ལ་གང་འོས་ཡིད་དང་མཐུན། །སོ་སོའི་རྟེན་འདྲེལ་རྒྱུ་རྐྱེན་འཛོམ། །གཙེར་བ་འཚེར་བ་ཀུན་དང་བྲལ། །གཞན་དབང་མ་སོང་དབེན་པ་མཆོག །གཡེར་ཞིང་མཐོ་ལ་ནམ་མཁའ་ཡངས། །ཁོད་སྙོམས་དབྱིབས་འཇམ་གྲོང་རྒྱང་རིང་། །འཇིགས་ཤིང་སྐྱི་གཡའ་ལྷ་འདྲེ་འདུ། །འགོལ་ཞིང་གཙང་སར་རྫོགས་རིམ་བསྟེན། །སྤྱི་དང་བྱེ་བྲག་གང་ལ་ཡང་། །གནས་དང་ཡུལ་དང་ཉེ་བའི་གནས། །རྒྱལ་བས་ཞབས་བཅག་བཀྲ་ཤིས་པ། །ཡིད་དང་མཐུན་པ་མཆོག་ཏུ་གཅེས། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། བསྐྱེད་རྫོགས་ཀྱི་བསྒྲུབ་པ་དང་ཉམས་ལེན་གྱི་གནས་བསྟན་པའི་ལེའུ་སྟེ་གཉིས་པའོ།། །།འདི་ཉིད་ཉམས་སུ་ལེན་པའི་བུ། །དད་དང་བརྩོན་འགྲུས་གཏོང་ཕོད་ཆེ། །བློ་ཡངས་གསང་ཐུབ་རབ་ཏུ་བརྟན། །དམ་གཙང་གཞུང་བཟང་སྙིང་རུས་ཆེ། །ལུས་སྲོག་ཐེད་བོར་ཆགས་ཞེན་མེད། །ཚེ་འདི་མི་གཉེར་གཅིག་པུར་གནས། །བླ་མ་ལ་གུས་གྲོགས་ལ་བརྩེ། །ཆོས་ཕྱིར་སྲོག་འདོར་འཆི་ཆོས་བྱེད། །ཤེས་རབ་ཆེ་ཞིང་རིག་ ― DNG014_Page_0111 ―
[མ་དཔེ་གཟིགས་ན་འདིར་གནོན།]
པ་མྱུར། །ལྷོད་ཆགས་ཞི་དུལ་སྨྲ་སྒོ་ཉུང་། །ཆད་བཙན་མདོ་ཆེ་གཞན་ཕན་བསྒྲུབ། །རྫུན་དང་གཡོ་སྒྱུ་ཕྲ་མ་ཆུང་། །འདོད་ཡོན་སྲེད་བྲལ་རྟོག་པ་མེད། །སྙིང་རྗེ་ཆེ་ཞིང་སེམས་བསྐྱེད་ལྡན། །གཞན་དབང་མ་སོང་རང་དབང་ཐོབ། །འབྱོར་ལྡན་རིགས་རྒྱུད་བཟང་བ་འམ། །ཡང་ན་སྐྱིད་སྡུག་སྣ་ཚོགས་མྱངས། །ཚེ་འདིས་བྱ་བ་གང་ལ་ཡང་། །རེ་ལྟོས་བྲལ་ཞིང་ཁོ་ཐག་ཆོད། །འདི་མིན་གཞན་ལྟོས་བྲལ་བས་བསྒྲུབ། །ཐུགས་བཅུད་འདུས་པ་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། གང་གིས་བསྒྲུབ་པའི་གང་ཟག་བསྟན་པའི་ལེའུ་སྟེ་གསུམ་པའོ།། །།དང་དུ་མི་ལེན་སྤངས་པའི་ཆོས། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལ་སོགས་ཀྱིས། །དབང་གྱུར་རིགས་དྲུག་ངལ་བའི་རྒྱུ། །སྒྲུབ་བྱ་ཉམས་ལེན་གཅིག་དྲིལ་ཆོས། །དང་པོ་ཉན་རང་བྱང་ཆུབ་སེམས། །སྟེགས་བྱས་ས་ལམ་རིམ་གྱིས་བགྲོད། །ཐ་མའི་འཇུག་པ་དང་པོ་ཉིད། །ཀྲི་ཨུ་ཡོ་ག་ལྷ་དང་སྔགས། །བསྐྱེད་རིམ་རྟགས་རྫོགས་རང་དབང་ཐོབ། །གཞན་དོན་ཕྲིན་ལས་རྩོལ་བར་ལྡན། །འབྲིང་པོས་བརྟན་པ་ཐོབ་པར་བྱ། །རྫོགས་དང་རྫོགས་ཆེན་དེ་སེམས་པ། །གཉིས་མེད་རང་གྲོལ་འུབ་ཆུབ་དོན། །བཅིངས་གྲོལ་ལས་འདས་ཕྱོགས་ལྷུང་བྲལ། །གསུམ་ལྡན་ཡང་རབ་དོན་སྤྱོད་གཅིག །བསྐྱེད་རྫོགས་གཉིས་ལྡན་བླ་མེད་དོན། །གཞན་མེད་དབང་པོ་དགུ་ཡི་ཆོས། །འདི་ནི་རང་བྱུང་ལྷུན་རྫོགས་ཉིད། །ཐམས་ཅད་འདུས་པའི་ངོ་བོར་གྲུབ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། སྤང་བྱའི་ཆོས་དང་ཉམས་སུ་བླང་བྱ་བསྐྱེད་རྫོགས་ཀྱི་གདམས་པ་བསྟན་པའི་ལེའུ་སྟེ་བཞི་པའོ།། །།ཡིད་ཆེས་ཁུངས་བཙུན་བརྒྱུད་པར་ལྡན། །རིག་པའི་གནས་ལ་མ་རྨོངས་ཤིང་། །ཡིད་བཞིན་ནོར་འདྲ་དགོས་འདོད་སྟེར། །ལམ་ལོག་འཁྲུལ་དང་འཇིགས་ལས་སྐྱོབ། །སྤྲོ་བསྐྱེད་བློ་གཞོལ་ཆོས་ལ་བསྐུལ། །དེར་ཁྲིད་དེ་ཕྱིར་བྲི་ཀློག་སློབ། །རྐྱེན་བྱེད་ལུང་སྟོན་འདྲེན་པ་ཡིས། ། ― DNG014_Page_0112 ―
[མ་དཔེ་གཟིགས་ན་འདིར་གནོན།]
སློབ་དཔོན་ཕྱི་ཡི་བླ་མ་ཉིད། །བདེ་གཤེགས་བཀའ་ལུང་ལག་ལེན་སློབས། །བཀའ་བབས་སྒྲུབ་བརྒྱུད་རིག་པ་འཛིན། །སློབ་དཔོན་རྒྱུད་གཏད་དེ་རྗེས་བསྙེགས། །བརྒྱུད་པའི་བླ་མ་ནང་གིའོ། །མཁན་སློབ་སྡོམ་སྩོལ་སེམས་བསྐྱེད་ཕོག །སྨིན་བྱེད་དབང་བསྐུར་ཆོས་སྒོ་འབྱེད། །གྲོལ་ལམ་ཁྲིད་གདབ་རྒྱུད་བཤད་པ། །གསང་བ་རྩ་བའི་བླ་མའོ། །ཚེ་རབས་ལས་སྨོན་བླ་མ་ནི། །མཐོང་ཐོས་དྲན་པས་རབ་གདུང་ཞིང་། །དེས་བསྟན་གདམས་པ་རྒྱུད་ལ་ཕན། །དགོངས་ཤིང་འབྲལ་མེད་འགྲོགས་སེམས་འབྱུང་། །བལྟ་བསྒོམ་སྤྱོད་བྲལ་གདེང་དང་ལྡན། །སྙིང་རྗེ་བྱང་སེམས་གཞན་དོན་བསྒྲུབ། །ཕྱི་ནང་ཆོས་ལ་ལག་ལེན་མཁས། །གཞན་རྒྱུད་ཤེས་དང་དེར་ཁྲིད་བརྩོན། །བསྐྱེད་རྫོགས་བརྟན་ཐོབ་ལུང་བསྟན་ལྡན། །འབྱུང་ལ་སྤྲུལ་བསྒྱུར་བསད་གསོ་ནུས། །གང་ལ་གང་འདུལ་བྱེ་བྲག་ཤེས། །གར་འདུག་བཙལ་ལ་སྤྱི་བོས་བླང་། །དེ་ལྟ་བུ་ཡི་བླ་མ་རྣམས། །ལུས་ངག་ཡིད་གུས་བཀའ་བཞིན་བསྒྲུབ། །ལོག་སེམས་སྤང་ཞིང་མཉེས་པར་བྱ། །དེ་འབྲས་རང་བཞིན་ཡིད་སྨོན་འགྲུབ། །དེ་ལས་ལོག་པ་བླ་མའི་གཟུགས། །བདུད་ཀྱི་བྱིན་བརླབས་སྤྲུལ་བསྒྱུར་སྟོན། །རྣམ་ཐར་ཤིས་ཤིས་འདྲ་ན་ཡང་། །མཁས་པས་ལེགས་བརྟགས་མི་བསྟེན་འདོར། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། སྤང་བླང་གི་བླ་མའི་མཚན་ཉིད་བསྟན་པའི་ལེའུ་སྟེ་ལྔ་པའོ།། །།ཡང་དག་དོན་གཉེར་འདོད་པ་གང་། །སྣང་སྲིད་རྟེན་འདྲེལ་རྒྱུ་རྐྱེན་ལས། །འབྱུང་ཕྱིར་ཕྱི་ནང་གསང་བ་དང་། །གནས་སྐབས་ལ་སོགས་རྟེན་འདྲེལ་རྫས། །སྐུ་འབག་རྡོ་རྗེ་དྲིལ་བུ་དང་། །ཕྱག་རྒྱའི་ཕུ་དུང་བུམ་པ་བཟང་། །སྣ་ཚོགས་དར་གྱི་ཕོ་ལོང་སོགས། །སྐུ་ཡི་རྟེན་དུ་གང་དགོས་བཅང་། །རྐང་གླིང་ཐོད་ལྔ་ཅང་ཏེའུ། །ཞི་རྒྱས་དབང་དང་མངོན་སྤྱོད་སོགས། །གང་བསྒྲུབ་ལས་ཀྱི་ཕྲེང་བ་ནི། །དཀར་སེར་དམར་ནག་ལ་སོགས་གསུང་། ། ― DNG014_Page_0113 ―
[མ་དཔེ་གཟིགས་ན་འདིར་གནོན།]
ཁ་ཊྭཱཾ་བྷན་པོར་ཤེལ་མེ་ལོང་། །རཏྣའི་ཟ་མ་ཏོག་ལ་སོགས། །གང་འཐད་ཐུགས་རྟེན་རྫས་རྣམས་ཀྱང་། །ལུས་དང་གྲིབ་ལྟར་མི་འབྲལ་འགྲོགས། །ཞི་བ་ཏིལ་དང་སྨན་སྣ་ཚོགས། །རིན་ཆེན་དར་སོགས་རྒྱས་པ་ལ། །མཚལ་དང་སིནྡྷུ་ལེ་བརྒན་དབང་། །ཁྲག་མཚོན་དུག་ཕུར་དྲག་པོ་ལའོ། །གསང་བ་བྱང་སེམས་དཀར་དམར་དང་། །ཤ་ལྔ་དང་ནི་བདུད་རྩི་ལྔ། །དབང་པོ་སྨན་རག་གཏོར་མར་བཅས། །ཡིད་འོང་མཚན་ལྡན་མཆོག་ཏུའོ། །གནས་སྐབས་རྒྱུ་རྐྱེན་རྟེན་འདྲེལ་རྫས། །གང་ལ་གང་དགོས་ཐམས་ཅད་ཀྱང་། །མངོན་ཞེན་འཛིན་ཆགས་མེད་ཚུལ་གྱིས། །དོན་གཉིས་བསྒྲུབ་ཕྱིར་མཁས་པས་བཅངས། །དཀྱིལ་འཁོར་ལྷ་དང་མཆེད་ལྕམ་སོགས། །དགྱེས་བསྐང་ཕྱི་ནང་གསང་མཆོད་རྫས། །དགྲ་བཟློག་གོ་མཚོན་ནད་བཟློག་སྨན། །དེ་དག་རྣམས་ཀྱང་སྟ་གོན་བྱ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། སྒྲུབ་རྟེན་གྱི་རྫས་བསྟན་པའི་ལེའུ་སྟེ་དྲུག་པའོ།། །།ཐབས་གྲོགས་བློ་བརྟན་སྙིང་རུས་ཆེ། །གཞུང་བཟང་ཁྲེལ་ཆེ་གསང་ཚིག་ཐུབ། །དད་བརྩོན་ཤེས་རབ་སྙིང་རྗེ་ཆེ། །དམ་གཙང་ཤེས་མཐུན་ཅི་སྨྲ་ཉན། །གཡོ་སྒྱུ་སེར་སྣ་མངོན་ཞེན་ཆུང་། །གསང་སྔགས་ལ་མོས་སྐྲག་སེམས་མེད། །ཁོག་ཡངས་ཉོན་མོངས་ཤས་ཆུང་བའི། །གྲོགས་དང་ལྡན་ཅིང་བསྒྲུབ་པར་བྱ། །སྒྲུབ་རྟེན་ཤེས་རབ་གྲོགས་མཆོག་ནི། །ཡིད་འོང་བཞིན་མཛེས་སྔགས་ལ་དད། །ངག་ཉུང་གསང་ཐུབ་རྣལ་འབྱོར་གུས། །ལུས་མཉེན་འཁྲིལ་ལྡེམ་དྲི་བཟང་བྲོ། །ལུས་ཐུབ་དབྱངས་སྙན་བཀའ་མི་གཅོག །གཡོ་སྒྱུ་སེར་སྣ་རྟོག་པ་ཆུང་། །རྩ་བཟང་གསང་རུབ་ནུ་མ་མཁྲེགས། །བློ་ཡང་ཚིག་བརྟན་གཏོང་ཕོད་ཆེ། །དེ་ལས་ལོག་པའི་བྲན་ཁོལ་རིགས། །ནད་གཅོང་ཅན་དང་གཞན་དབང་སོང་། །རིགས་ངན་ཡུན་རིང་དུཿཁས་མནར། །གེགས་བྱེད་དངོས་གྲུབ་མི་འབྱུང་སྤང་། །འོན་ཀྱང་དངོས་གྲུབ་སྩོལ་ནུས་དང་། །མཐོང་བ་ཙམ་གྱིས་བདེ་བ་བསྐྱེད། །རྣལ་འབྱོར་ཡིད་དང་ ― DNG014_Page_0114 ―
[མ་དཔེ་གཟིགས་ན་འདིར་གནོན།]
མཐུན་གྱུར་ན། །སྒྲུབ་པའི་གྲོགས་གྱུར་གང་ཡང་ཤིས། །སྤང་འོས་མི་བསྟེན་འོས་པ་ནི། །ཐབས་དང་རྟེན་འདྲེལ་གང་འཐད་ཀྱིས། །དང་དུ་བླངས་ཤིང་རྒྱུད་སྨིན་བྱ། །ཚགས་ཚུད་བདེ་བའི་གྲོགས་སུ་བསྟེན། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། བསྒྲུབ་པའི་གྲོགས་བསྟན་པའི་ལེའུ་སྟེ་བདུན་པའོ།། །།ར་བ་བཞི་ཡི་ཡར་ངོ་དག །བཀྲ་ཤིས་བདེ་ལེགས་འབྱུང་བར་བྱེད། །ཉ་དང་གནམ་སྟོང་ཚེས་བརྒྱད་ཉིད། །ལྟས་བཟང་བཅས་ཏེ་བསྒྲུབ་པ་འཕེལ། །རྒྱུ་སྐར་རྒྱལ་སོགས་ཡིད་སྨོན་འགྲུབ། །གཟའ་དང་ཟླ་བ་ཡར་གྱི་ངོ་། །གཞན་ཕན་བརྩོན་སོགས་དགེ་བ་རྣམས། །ཆོ་ག་ཡིས་ནི་བྱ་བ་བརྩམ། །སྨིན་བྱེད་ཟླ་བའི་ཆ་ཉིད་དེ། །གྲོལ་བར་བྱེད་པ་ཉི་མའི་ཆ། །གཉིས་ཀའང་དུས་སྦྱོར་བཟང་པོ་དང་། །ཤིས་པའི་གཟའ་དང་སྐར་མ་ལའོ། །གཞན་ཡང་ཕྲིན་ལས་སོ་སོ་རྣམས། །གཅིག་ནས་སྟོང་གི་བར་དག་ཏུ། །བསྲེག་སོགས་ཁ་བསྒྱུར་བྱ་བ་ནི། །ཁྱོད་ཀྱི་འདོད་པ་གང་དགོས་བརྩོན། །བདུད་ཉི་དབུལ་དང་ཕུང་ཉི་ནག །དེ་བཞིན་དྲག་པོའི་གཟའ་སྐར་ལ། །བསྟན་པ་བསྲུང་དང་རཱུ་ཏྲ་བཏུལ། །མནན་བསྲེག་འཕང་དང་གཟིར་སོགས་ཤིས། །དེ་བཞིན་བཟང་དང་ངན་པ་དང་། །ཞི་རྒྱས་དབང་དྲག་བྱ་བ་ནི། །སོ་སོར་གང་དང་གང་དག་རྣམས། །གཟའ་སྐར་ཚེས་གྲངས་དུས་ཀྱང་དེ། །མདོར་ན་དང་པོར་ལེགས་བརྟགས་ཤིང་། །དབང་པོའི་བྱ་བ་ཤིས་པ་སྟེ། །ཡང་ན་རྟོག་མེད་གདེང་ལྡན་པས། །བྱ་བ་གང་ཡིན་ནམ་ཡང་རུང་། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། བསྒྲུབ་པ་དང་ལས་སྦྱོར་སོགས་ཀྱི་དུས་ཚེས་བསྟན་པའི་ལེའུ་སྟེ་བརྒྱད་པའོ།། །།ཕྱི་ནང་གསང་བ་གནས་སྐབས་ཀྱི། །དཀྱིལ་འཁོར་བྱ་བ་གང་ཡིན་ལ། །ཕྱི་སྣོད་སྒྱུ་ལུས་དག་བྱའི་ཕྱིར། །བྱང་ཆུབ་བསྒྲུབ་དོན་གཉེར་བས་འབད། །ཕོ་ ― DNG014_Page_0115 ―
[མ་དཔེ་གཟིགས་ན་འདིར་གནོན།]
བྲང་གླིང་དགུ་འདབ་བརྒྱད་མཛེས། །སྒོ་ཁང་རྟ་བབས་ཁྱུད་མོར་བཅས། །འཇའ་གུར་དུར་ཁྲོད་འབྱུང་བ་འཁྲུགས། །མཛེས་བབ་ལྷུན་ལྡན་བརྗིད་པར་དགོད། །འབྱོར་ཚོགས་རབ་འབྲིང་ཐ་མ་ཡིས། །རིན་ཆེན་འབྲུ་ཚོན་གང་འབྱོར་དང་། །གཞལ་ཡས་དར་ལྡི་ཙ་ཀ་ལི། །རས་བྲིས་སྟེགས་བུ་རྡུལ་ཚོན་བྲི། །སྒྱུ་མ་ལུས་ཀྱི་གྲོང་ཁྱེར་དང་། །རྩ་རླུང་ཁམས་ཀྱི་དཀྱིལ་འཁོར་དང་། །ས་ཆུ་མེ་རླུང་ལས་གྲུབ་རྒྱུ། །དངོས་སོགས་རབ་འབྲིང་ཐ་མ་ལའོ། །མ་བཅོས་ལྷུན་གྲུབ་དཀྱིལ་འཁོར་དང་། །ལྔ་གྲོལ་འོད་ལྔའི་དཀྱིལ་འཁོར་ཉིད། །ལུས་རྒྱུད་སྤྲོ་བསྡུའི་དཀྱིལ་འཁོར་བཅས། །རབ་འབྲིང་ཐ་མར་ཤེས་པར་བྱ། །རྒྱས་བསྡུས་བསྡུས་དང་དེ་ཉིད་བསྡུས། །ས་བརྟག་ས་འདུལ་ས་ཆོག་སོགས། །ཆག་ཆག་ཐིག་ཚོན་བྱིན་རླབས་རྣམས། །རབ་ཏུ་ཤིས་པའི་བྱ་བ་སྟེ། །མཁས་པས་ལྷ་ཡི་ང་རྒྱལ་གྱིས། །སྐད་ཅིག་གཅིག་རྫོགས་བབས་ལུགས་སོགས། །གང་བྱུང་གང་དགོས་གནས་ཉིད་དུ། །གདེང་ལྡན་དཀྱིལ་འཁོར་བྱ་བ་བསྒྲུབ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། དཀྱིལ་འཁོར་གྱི་བྱ་བ་བསྟན་པའི་ལེའུ་སྟེ་དགུ་པའོ།། །།བླ་མེད་བསྒྲུབ་དོན་གཉེར་འདོད་གང་། །བྱིན་རླབས་དངོས་གྲུབ་ཕྲིན་ལས་ཀྱི། །ལྷ་ཡི་རྣལ་འབྱོར་འདི་དག་ལ། །ནང་བཅུད་དག་ཕྱིར་གསལ་བར་བལྟ། །རབ་དང་འབྲིང་དང་ཐ་མའི་བློས། །མ་བཅོས་སྤྲོས་བྲལ་དེ་ཉིད་ལྷ། །རང་བྱུང་གསལ་འཚེར་ལྷུན་སྡུག་ལྷ། །ཐུགས་རྗེ་ཞལ་ཕྱག་གཟུགས་སྣང་ལྷ། །ཡབ་ཡུམ་ཐབས་ཤེས་ཞི་དང་ཁྲོ། །དཀར་སེར་དམར་ལྗང་སྨུག་དང་ནག །དེ་བཞིན་ཁ་དོག་སྣ་ཚོགས་པ། །ཆ་ལུགས་ཕྱག་མཚན་མ་ངེས་གསལ། །འོད་དང་འོད་ཟེར་སྣ་ཚོགས་རྒྱན། །སྲས་དང་སྤྲུལ་པ་ཡང་སྤྲུལ་ཚོགས། །མི་ཟད་གསལ་བར་སྐུ་གསུང་ཐུགས། །ཡོན་ཏན་ཕྲིན་ལས་ཕྱིར་སྣང་ལྷ། །གང་ཟག་བློ་ཡི་ཁྱད་པར་གྱི། །སོ་སོས་ཇི་ལྟར་འདོད་པའི་ལྷ། ། ― DNG014_Page_0116 ―
[མ་དཔེ་གཟིགས་ན་འདིར་གནོན།]
ཕྲིན་ལས་ཁ་བསྒྱུར་སྣ་ཚོགས་ཀྱང་། །ཡེ་ཤེས་ལྷ་གཅིག་ངེས་འགྲུབ་ན། །འཇིག་རྟེན་འདས་དང་མ་འདས་ཀྱི། །ལྷ་ཚོགས་གང་དང་གང་དག་ལ། །ཅི་འདོད་དངོས་གྲུབ་ཞུ་བ་འམ། །བསྐུལ་སོགས་ལས་རྣམས་ངེས་པར་འགྲུབ། །དེས་ན་གཅིག་དང་དུ་མའང་རུང་། །གསལ་སྟོང་འཛིན་མེད་ངང་ཉིད་ལས། །སྐུ་མདོག་ཕྱག་མཚན་རྒྱན་ཆ་ལུགས། །མཁས་པས་ཆགས་བྲལ་ལྡན་པར་བལྟ། །དེ་ཉིད་ལྡན་པའི་རྣལ་འབྱོར་གྱིས། །དུར་ཁྲོད་འདྲེ་ངན་བསྒྲུབ་གྱུར་ཀྱང་། །མཆོག་དང་ཐུན་མོང་འབྲས་བུ་གང་། །ཅི་འདོད་རང་བྱུང་ལྷུན་གྲུབ་འབྱུང་། །དེ་ཉིད་མ་རྟོགས་ཨ་འཐས་བློས། །ཡེ་ཤེས་སེམས་དཔའ་བསྒྲུབ་གྱུར་ཀྱང་། །གནས་སྐབས་ལྡན་འབྲས་ཕྲའུ་ལས། །ཡང་དག་འབྲས་བུ་སྲིད་མཐའ་ཙམ། །ཡང་ན་གཞན་དོན་བློ་ངེས་དང་། །དད་པ་དམ་ཚིག་ལྡན་པ་པོས། །མངོན་ཞེན་བྲལ་བར་བསྒྲུབ་གྱུར་ཀྱང་། །ཅི་འདོད་འབྱུང་བར་རྟེན་འདྲེལ་ལོ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། ལྷ་བསྐྱེད་ཅིང་བསྒྲུབ་པར་བསྟན་པའི་ལེའུ་སྟེ་བཅུ་པའོ།། །།ལྷ་བསྒྲུབ་སྔགས་ཀྱི་རྣམ་གྲངས་ལས། །སྨྲ་བརྗོད་ལས་འདས་དེ་ཉིད་སྔགས། །གསང་བ་སྐྱེ་མེད་རྡོ་རྗེའི་བཟླས། །ལྷུན་གྲུབ་འབྱུང་སྒྲ་ནང་གིའོ། །ཕྱི་ལྟར་རྩོལ་བཅས་ཚིག་འབྲུའི་སྔགས། །དྲིལ་དང་གཙོ་འཁོར་ཁ་བསྒྱུར་སོགས། །བྱེ་བྲག་སོ་སོར་སྨྲ་བ་ཡང་། །གསལ་དག་སྒྲ་ཟུར་མ་ཉམས་གཅེས། །ཨོཾ་ཨཱཿཧཱུཾ་ཧྲཱྀཿ། བཛྲ་གུ་རུ་པདྨ་སིདྡྷི་དྷི་ཝ་ཌཱཀྐི་ནི། བོ་དྷི་ཙིཏྟ། མ་ཧཱ་སུ་ཁ། བཛྲ་མ་ཧཱ་ཀྲོ་དྷ། ཤཱནྟི་ཀ །ཧྲཱྀཿམ་ཧ་རི་ནི་ས། ར་ཙ་ཧྲཱྀཿཡ། སརྦ་སིདྡྷི། ཀཱ་ཡ་ཝཱ་ཀ་ཙིཏྟ། ཛྙཱ་ན་སཏྭ། ཨ་མི་དེ་ཝ། མ་མ་ཙིཏྟ་སཾ་བྷ་ཝ་ཨ་དྷིཥྛ་ནཾ། མ་མ་ཨཱ་ཡུརྫྙཱ་ན། སིདྡྷི་ཕ་ལ་ཧཱུྃ་སྭཱ་ཧཱ། ཨོཾ་ཨཱཿཧཱུཾ་གུ་རུ་ཤྲཱི། པདྨ་བཛྲ་ཧྲཱྀཿ། དྷུ་མ་གྷ་ཡེ་ཌཱཀྐི་ནི་ན་མཿསྭཱ་ཧཱ། ཨོཾ་ཨཱཿཧཱུཾ། གུ་རུ་ཤྲཱི། བུཌྜྷ་ཐོད་ཕྲེང་རྩལ། བཻ་རོ་ཙ་ན་ཨོཾ། སརྦ་བུཌྜྷ་ ― DNG014_Page_0117 ―
[མ་དཔེ་གཟིགས་ན་འདིར་གནོན།]
ཌཱཀྐི་ནི་ཧཱུཾ། ཨོཾ་ཨཱཿཧཱུཾ། གུ་རུ་ཤྲཱི། ཨཀྵོ་བྷྱོ། བཛྲ་སུ་ཁ་དྷྭ་རི་ཧཱུཾ། ཨོཾ་ཨཱཿཧཱུཾ། གུ་རུ་ཤྲཱི། པདྨེ་བྷ་ཤ་ཧ། ཌཱཀྐི་ནི་ཀུ་རུ་ཀུལླེ་ཧྲཱྀཿསྭཱ་ཧཱ། ཨོཾ་ཨཱཿཧཱུཾ། གུ་རུ་ཤྲཱི། ཨཱ་ཙརྱ་མ་ཧཱ་བཛྲ་ཤཱན་ཏི་པདྨ་གྷ་རུ་ཏི་བྷྱོཿཌཱཀྐི་ནི་ཧཱུཾ། ཨོཾ་ཨཱཿཧཱུཾ། གུ་རུ་ཤྲཱི། བཛྲ་མ་ཧཱ་ཀྲོ་དྷ་ཨ་རྩིག་ནེ་རྩིག །མཱ་མ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨོཾ་ཨཱཿཧཱུཾ། གུ་རུ་ཤྲཱི། བུདྡྷཱ་ཀ་པཱ་ལི་དཔའ་བོ་ཧཱུཾ། བུདྡྷི་པྲ་ཌཱཀྐི་ནི་མཱ་མ་རུ་ལུ་ཧཱུཾ་སྭཱ་ཧཱ། ཨོཾ་ཨཱཿཧཱུཾ། གུ་རུ་ཤྲཱི། བཛྲ་མ་ཧཱ་ཀྲོ་ཏ་ཧྱ་གྲྀ་ཝ། མ་མ་ཨེ་ཀ་ཙ་ཏི་ཧཱུཾ། ཨོཾ་ཨཱཿཧཱུཾ། གུ་རུ་ཤྲཱི། བཛྲ་པཱ་ཎི་མ་ཧཱ་ཀྲོ་དྷ། མ་མ་སིདྡྷི་ཧཱུཾ། ཨོཾ་ཨཱཿཧཱུཾ། གུ་རུ་ཤྲཱི། ཡཀྵ་ས་མ་ཡ། ཧྲཱྀཿམ་ཧ་རི་ནི་ས། ར་ཙ་ཧྲཱྀཿཡ། མ་མ་ཡོ་གི་ནི། སརྦ་དུཥྚན་ཧཱུཾ་ཕཊ། ཤཱིནྟཾ་ཀུ་རུ་སྭཱ་ཧཱ། པུཥྚིཾ་ཀུ་རུ་སྭཱ་ཧཱ། ཝ་ཤཾ་ཀུ་རུ་སྭཱ་ཧཱ། ཤ་ཏྲུཾ་མཱ་ར་ཡ་ཕཊ། ཨོཾ་ཨཱཿཧཱུཾ། སརྦ་པཉྩ་ཨ་མྲྀ་ཏ་ཧཱུཾ་ཧྲཱྀཿཋ། ཨོཾ་ཨཱཿཧཱུཾ། མ་ཧཱ་རཀྟ། མཱུ་ལ་རཀྟ། ཛྭ་ལ་མཎྜ་ལ་ཧཱུཾ་ཧྲཱྀཿཋ། ཨོཾ་ཨཱཿཧཱུཾ། མ་ཧཱ་བ་ལིཾ་ཏ། ཏེ་ཛྭ་བ་ལིཾ་ཏ། བྷ་ལ་བྷ་ཏེ། གུ་ཧྱ་མ་ཧཱ་ཤྲཱི། ས་མ་ཡ་སྭཱ་ཧཱ། ཨོཾ་བཛྲ་ཨརྒྷཾ་ཨ། པུཥ྇་པུ། དྷཱུ་པེ་དྷཱུ། ཨཱ་ལོ་ཀེ་ཧྲཱྀཿ གྷན་དྷི་གྷན། ནཻ་ཝི་དྱ་ཨཱ། ཤཔྟ་ཧཱུཾ། ཨ་བྷི་ཥིཉྩ་མཾ། བྷྲཱུཾ་རཀྵ་ཧཱུཾ། དེ་ལ་སོགས་ཏེ་སྔགས་ཀྱི་རིགས། །བསྒྱུར་དང་བསྒྱུར་ཁའི་རྣམ་གྲངས་རྣམས། །རྒྱས་བསྡུས་རྣམ་པ་མ་ངེས་པར། །གང་བྱེད་སོ་སོའི་ཤམ་བུ་གདགས། །འབྲུ་འབུམ་གྲངས་ཀྱི་བསྙེན་པ་སྟེ། །དུས་ཀྱི་ཚད་ནི་ལོ་གསུམ་ལ། །ཚད་ནི་རྟགས་རྫོགས་བར་དུ་བཟླས། །དེ་ལ་ངེས་མེད་ཤེས་པར་བྱ། །རྒྱལ་པོའི་ཕོ་ཉ་ལྟ་བུ་དང་། །ཟླ་བ་སྐར་ཕྲེང་མགལ་མེའི་ཚུལ། །བུང་བ་ཚང་གྲོལ་ལྟ་བུ་སྟེ། །འཇབ་དགོངས་བཞི་དང་ལྡན་པར་ཤེས། །ཕྱི་ནང་ཆེ་ཆུང་གོ་རིམ་དང་། །རིང་ཐུང་མགྱོགས་བུལ་དྲག་དང་ཞན། །སྐྱོན་དྲུག་དོར་ཞིང་ཚུལ་ཤེས་པར། །དོན་འབྲས་མ་སྨིན་བར་དུ་འབད། །སྤྱིར་ནི་རྣམ་གྲངས་གོ་རིམ་དང་། །ཚུལ་ཅན་ཚུལ་མིན་སྤང་བླང་སོགས། །སྔགས་ཀྱི་བྱེད་ལས་གང་ཡིན་རྣམས། །སོ་སོར་བརྟགས་ཏེ་བྱ་བར་ཤིས། ། ― DNG014_Page_0118 ―
[མ་དཔེ་གཟིགས་ན་འདིར་གནོན།]
ཏིང་འཛིན་སྔགས་དང་བཟླས་བརྗོད་གསུམ། །གཅིག་མདངས་གཅིག་གིས་བསྐྱེད་པའི་ཕྱིར། །གསལ་དག་བརྗོད་པ་གཙང་བ་གཅེས། །དེ་འབྲས་ཡིད་འདོད་དངོས་གྲུབ་འབྱུང་། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། སྔགས་ཀྱི་རྣམ་གྲངས་བགྲང་ཚུལ་དང་བཅས་པ་བསྟན་པའི་ལེའུ་སྟེ་བཅུ་གཅིག་པའོ།། །།དྲོད་ཚད་རྟགས་དང་མཚན་མ་གཉིས། །མི་རྟོག་ཏིང་འཛིན་དེ་ཉིད་ཐོབ། །མངོན་ཞེན་ཀུན་རྫོབ་རྫུན་ཁུང་རྡིབ། །གདིང་རྙེད་སྣང་སྲིད་ཅིར་མི་སེམས། །དངོས་ཉམས་རྨི་ལམ་རབ་རིབ་ལ། །འཇའ་འོད་ཤེལ་དང་བུམ་གཏེར་རྙེད། །དྲི་བཟངས་རོལ་མོ་ཉི་ཟླ་ཤར། །མེ་ཏོག་ཁྲུས་རྒྱན་གོས་བཟང་གོན། །རྫིང་འདོར་གཞན་བཀུར་རི་མཐོན་འཛེགས། །སྣ་ཚོགས་འབུལ་སྐྱེལ་འབྲུ་ལྗོན་དང་། །བླ་ཁམས་འབྱུང་དར་སྟོབས་རྒྱས་ལྟས། །ཞལ་སྟོན་ཆོས་སྨྲ་སྔགས་ཉམས་སད། །ཁྱད་པར་ཐུན་མོང་དེ་སོགས་ཏེ། །དེ་ལས་ལོག་པ་ངན་པའི་རིགས། །ཞིབ་བརྟག་བྱེ་བྲག་ཤེས་བྱ་ཞིང་། །བཟང་ངན་བཏང་སྙོམས་ངང་ལ་བཞག །མདོར་ན་ལུས་ངག་ཡིད་བདེ་ཞིང་། །ཁམས་རྒྱས་རྟོགས་འབར་འདོད་པའི་དོན། །ཆོས་འགྲུབ་གནས་སྐབས་མཐར་ཐུག་གི། །བྱེད་འབྲས་འབྱུང་བ་མཚན་མའོ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། རྟགས་དང་མཚན་མ་བསྟན་པའི་ལེའུ་སྟེ་བཅུ་གཉིས་པའོ།། །།ལྷ་དང་བླ་མ་གྲུབ་ནས་ནི། །ཅི་འདོད་ཕྲིན་ལས་ཁ་བསྒྱུར་བརྩོན། །བྱིན་རླབས་འདོད་པས་བླ་མས་ནི། །དད་ཅིང་གདུང་བས་ལས་ལ་སྦྱང་། །དངོས་གྲུབ་འདོད་པས་ཡི་དམ་ལྷ། །ཕོ་མོ་ཞི་དྲག་གཞན་ཕན་བློས། །དྲིལ་དང་བྱེ་བྲག་སོ་སོ་སོགས། །ཡིད་གཉིས་མེད་པར་ལས་ལ་སྦྱར། །ཞི་རྒྱས་དབང་དང་མངོན་སྤྱོད་སོགས། །བར་ཆོད་སེལ་དང་བསྟན་པ་བསྲུང་། །མ་མོ་ཌཱཀྐི་ཆོས་སྐྱོང་གི། །ལས་སྦྱོར་དམ་ཚིག་ལྡན་པས་འབད། །གཞན་ ― DNG014_Page_0119 ―
[མ་དཔེ་གཟིགས་ན་འདིར་གནོན།]
ཡང་གནས་སྐབས་མཐར་ཐུག་གི། །ཕྲིན་ལས་ཁ་བསྒྱུར་ལས་ཕྲན་རྣམས། །དད་དང་བརྩོན་འགྲུས་དམ་ཚིག་ལྡན། །ཡིད་གཉིས་བྲལ་བའི་རྣལ་འབྱོར་པས། །འཇིག་རྟེན་འདས་དང་མ་འདས་ཀྱི། །ལྷ་དང་བླ་མ་ལ་སོགས་དང་། །འཁོར་དང་སྤྲུལ་པ་ཡང་སྤྲུལ་གྱི། །བསྒྲུབ་པ་གྲུབ་ནས་བརྩམ་པར་བྱ། །དེ་གྲུབ་མཉེས་པར་མ་བྱས་ཤིང་། །འདོད་པས་ལས་སྦྱོར་གང་བརྩམས་ཀྱང་། །འགྲུབ་པར་མི་འགྱུར་བར་ཆད་ནི། །མི་རུང་ལྟས་དང་བཅས་ཏེ་འབྱུང་། །དེ་ཕྱིར་ལྷ་དང་བླ་མ་ཉིད། །གྲུབ་ན་མཉེས་པར་བྱ་བ་དང་། །མ་མོ་ཌཱཀྐི་བྲན་ཁོལ་བཅས། །ཐུགས་དམ་བསྐངས་ནས་ལས་ལ་སྦྱར། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། ཕྲིན་ལས་ཁ་བསྒྱུར་དང་ལས་སྦྱོར་བསྟན་པའི་ལེའུ་སྟེ་བཅུ་གསུམ་པའོ།། །།ལྷ་དང་སྔགས་ཀྱི་དེ་ཉིད་དོན། །མ་རྨོངས་བསྟན་པ་ཐོབ་བྱ་སྟེ། །མཚན་ཉིད་ཀུན་ལྡན་བླ་མ་ཡིས། །རང་སྨིན་ལས་ནི་གཞན་སྨིན་བརྩོན། །དམ་ཚིག་ཀུན་ལྡན་དད་པའི་གཞི། །ཀུན་བསླང་སྐྱེས་བུ་དམ་པ་ཡིས། །ལུས་དང་ལོངས་སྤྱོད་ལ་སོགས་རྫས། །དངོས་འབྱོར་སྤྲུལ་ཅིང་མནྜལ་དབུལ། །དག་བྱེད་ཉིད་ནི་ཐོག་མ་ལ། །རིག་པ་ལྔ་ཡིས་ལྔ་ཉིད་བཤིག །གསང་བ་ཤེས་རབ་ཚིག་དོན་བསྐུར། །ཡན་ལག་མཐའ་རྗེས་ཡོངས་སུ་རྫོགས། །བྷྲཱུཾ་བི་ཤྭ་བི་ཤུདྡྷེ་ཀཱ་ཡ་ཨ་བྷི་ཥཱིཉྩ་མཱཾ། ཨོཾ་བུཌྜྷ་ཨ་བྷི་ཥིཉྩ་ཨོཾ། ཨོཾ་བཛྲ་ཨ་བྷི་ཥིཉྩ་ཧཱུཾ། ཨོཾ་རཏྣ་ཨ་བྷི་ཥིཉྩ་ཏྲཱཾ། ཨོཾ་པདྨ་ཨ་བྷི་ཥིཉྩ་ཧྲཱྀཿ། ཨོཾ་ཀརྨཱ་ཨ་བྷི་ཥཱཉྩི་ཨ། ཨོཾ་ཨཱཿཧཱུཾ་གུ་རུ་དྷི་ཝ་ཌཱཀྐི་ནི་སརྦ་ཀརྨཱ་ཨ་བྷི་ཥིཉྩ་ཨོཾ། ཨོཾ་སརྦ་ཏ་ཐ་ག་ཏ་གུ་ཧྱ་ཨ་བྷི་ཥིཉྩ་ཨཱཿ། ཨོཾ་ཌཱཀྐི་ནི་པྲཛྙཱ་སུ་ཁ་ཛྙཱ་ན་ཨ་བྷི་ཥིཉྩ་ཧཱུཾ། ཨོཾ་སརྦ་ཏ་ཐཱ་ག་ཏ་ཙ་ཏུར་ཨ་བྷི་ཥིཉྩ་ཧྲཱཾཿ། ཕྱི་ནང་གསང་བ་དེ་ཁོ་ན། །ལུས་ལ་རྫས་སྦྱིན་ཕྱི་རོལ་པ། །ཚིག་སྔགས་ནང་དབང་ཏིང་འཛིན་གསང་། །བརྡ་དོན་སྤྲད་པ་དེ་ཁོ་ན། །བསྐུར་ཐོབ་མ་བསྐུར་ཐོབ་པ་ཉིད། །བསྐུར་ནས་མ་ཐོབ་ལ་སོགས་པ། །དཔོན་སློབ་གཉིས་ཀྱི་སྤང་ ― DNG014_Page_0120 ―
[མ་དཔེ་གཟིགས་ན་འདིར་གནོན།]
བླང་རྣམས། །དབང་གི་བྱེ་བྲག་ཤེས་པར་བྱ། །གསང་སྔགས་རྩ་བ་དབང་ཉིད་དེ། །དེ་ཉིད་རྩ་བ་དམ་ཚིག་ལས། །འདའ་བར་མི་བྱ་བསྲུངས་མཚམས་རྣམས། །གཉིས་ཀས་ཤེས་ཕྱིར་དངོས་གྲུབ་འབྱུང་། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། དབང་བསྐུར་བསྟན་པའི་ལེའུ་སྟེ་བཅུ་བཞི་པའོ།། །།གསང་དང་སྔགས་ཀྱི་དེ་ཉིད་དོན། །བླ་ན་མེད་པ་ཁོ་ན་སྟེ། །དེ་ཡི་བླ་ན་མེད་པ་ནི། །དམ་ཚིག་ལ་གནས་མཆོག་ཏུ་བསྔགས། །ཕྲིན་ལས་ཡོན་ཏན་ཐུགས་གསུང་སྐུ། །བྱེ་བྲག་གནས་སྐབས་མཐར་ཐུག་གི། །ཡན་ལག་རྩ་བའི་དམ་ཚིག་དག །ཉི་ཤུ་ལྔ་དང་ལྔ་ཉིད་གཅེས། །སྐྱོན་ཡོན་སྤང་བླང་གཞིག་བྱས་ལ། །མ་ཉམས་བསྲུངས་ན་དོན་འབྲས་འགྲུབ། །ཉམས་ན་ཡུན་རིང་དུཿཁ་མྱང་། །དེ་ཕྱིར་དེ་དོན་ལེགས་ཤེས་བྱ། །རྡོ་རྗེ་ཐེག་པར་གྱུར་ཏོ་ཅོག །སྤྱི་དང་བྱེ་བྲག་གང་ལ་ཡང་། །བསྟན་པའི་རྩ་བ་དམ་ཚིག་ནི། །རྣམ་པ་མང་པོ་དེ་བཞིན་ནོ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། དམ་ཚིག་བསྟན་པའི་ལེའུ་སྟེ་བཅོ་ལྔ་པའོ།། །།གྲོལ་ལམ་ཡང་དག་གཅིག་ཉིད་ལ། །བདེན་པ་གཉིས་ཕྱིར་བསྐྱེད་དང་རྫོགས། །རབ་འབྲིང་ཐ་མའི་བློ་ཅན་གྱིས། །གཉིས་མེད་རྫོགས་དང་བསྐྱེད་པའོ། །འཁོར་འདས་སྤྱི་གཞི་ཡང་དག་དོན། །མ་བསྒྲིབས་རྗེན་པ་བསྐྱེད་པ་ལ། །ངོ་བོ་སྟོང་པ་རྫོགས་པ་སྟེ། །སྣ་ཚོགས་འཕྲོ་འདུ་གཉིས་སུ་མེད། །གཞི་རྫོགས་ལམ་སྣང་འབྲས་བུ་མཐོང་། །སྒོ་ཡུལ་ཡུལ་ཅན་གསུམ་འཛོམ་ན། །མངོན་སུམ་འཕེལ་ཞིང་ཚད་ལ་ཕེབ། །ཟད་ནས་གཉིས་འབྲས་དེ་ཉིད་ཐོབ། །ཉག་ཐག་གཅིག་ཆོག་ཡན་ལག་སྐམ། །ཀློང་འཕྱོ་སྒྲོགས་གྲོལ་བརྟན་པ་ཚུགས། །རྩལ་རྫོགས་མཛེས་པའི་རྒྱན་གྱིས་སྤྲས། །འོད་ཟེར་འཕྲོ་འདུ་ལས་ཀུན་བྱེད། །རྩད་ཆོད་ང་ཡང་སུ་འདོད་ཁྱེར། །སེང་གེ་རི་རྦབ་གླང་པོ་སྐྱོང་། །ཀུན་བྲལ་བཏང་སྙོམས་ཅིར་མི་བལྟ། ། ― DNG014_Page_0121 ―
[མ་དཔེ་གཟིགས་ན་འདིར་གནོན།]
ནམ་མཁའ་རི་བོ་རྒྱ་མཚོ་ཆེ། །མ་ནོར་གཅིག་ཆོག་བློ་བདེ་བའི། །ཅོད་པན་ཕོག་པ་དེ་ཉིད་སོགས། །བསྙེན་ཅིང་མཆོད་དེ་བཟླས་པ་འབད། །སྟ་གོན་དང་པོའི་བྱ་བའོ། །གཉིས་པར་དལ་དང་རྫས་བཀོད་དེ། །དམིགས་པ་གསལ་ཞིང་བསྒྲུབ་ལ་བརྩོན། །ཕྱི་ནང་གསང་རྟགས་རྫོགས་པ་དང་། །རྟེན་འཆང་རྟག་ཏུ་མ་ཡེངས་བལྟ། །དེ་ནས་གསུམ་པར་ལས་ལ་སྦྱར། །གང་འདོད་ཕྲིན་ལས་ཁ་བསྒྱུར་གདགས། །འདོད་དོན་འབྲས་བུ་ཡིད་ལ་བྱ། །དོན་གྲུབ་གལ་མ་མཆིས་ལ་བཞག །བསྐྱེད་རྫོགས་གཉིས་མེད་དབང་རབ་ལ། །རྫོགས་རིམ་གསུམ་པ་འབྲིང་པོ་ཉིད། །ཐ་མས་བསྐྱེད་རིམ་བཟླས་པ་འབད། །མཐར་ཐུག་བསྐྱེད་རྫོགས་ཡང་རྩེ་ཡིན། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། གྲོལ་ལམ་བསྐྱེད་རྫོགས་ཀྱི་གདམས་པ་བསྟན་པའི་ལེའུ་སྟེ་བཅུ་དྲུག་པའོ།། །།ཆགས་ཆེན་ལམ་དུ་ཞུགས་པ་ཡི། །བླ་མེད་བཅུད་ཀྱི་མཐར་ཐུག་འདི། །ས་ལམ་མྱུར་བགྲོད་སྐད་ཅིག་གིས། །སྨིན་གྲོལ་གནད་ཀྱི་ཡང་ཞུན་འདི། །དང་པོ་སྨིན་བྱེད་དལ་དུ་གཞུག །གཉིས་པར་ཆགས་ལམ་གསང་ཁྲིད་བསྒོམ། །གསུམ་པར་ཉམས་ལེན་གཅིག་ཐོག་གཟིར། །ངོ་སྤྲོད་སྣང་སྲིད་བདེ་བར་རོལ། །ལེ་ལོ་རྣམ་གཡེང་རང་སྤང་ཞིང་། །དབེན་པར་ཌཱཀྐིའི་དཀྱིལ་འཁོར་བཤམ། །མོས་གུས་གསོལ་བ་ཕུར་ཚུགས་གདབ། །གསང་བའི་དལ་ཞུགས་དབང་བསྐུར་བྱ། །དགའ་དང་མཆོག་དགའ་མཆོག་རབ་དགའ། །བདེ་སྟོང་མི་རྟོག་ཏིང་འཛིན་བཟུང་། །མ་ཡེངས་འབྲས་བུ་ཨར་ལ་གཏད། །འདི་ནི་ཉག་གཅིག་གཉིས་མེད་དོན། །བྷོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨ་བྷི་ཥིཉྩ་མཾ། སྒྱུ་ལུས་གཡོ་འགུལ་སྣ་ཚོགས་ཀྱིས། །ལས་ལ་དབང་འབྱོར་མཉེན་ལྕུག་བདེ། །ཕྱག་བསྐོར་གང་བསྒྱུར་སྤྱོད་ལམ་བྱ། །སྔོན་དུ་འགྲོ་བ་ཤིན་ཏུ་གཅེས། །རོ་དབྱུང་གསར་བཟུང་རྒྱུ་རྔུབ་ཅིང་། །གྱེན་མཐུར་མེ་སྲོག་ཀུན་ལ་ཁྱབ། །དབང་དང་འབྱོར་ཐོབ་ལས་སུ་རུང་། །བར་དུ་གནད་ལ་དབབ་པར་བྱ། ། ― DNG014_Page_0122 ―
[མ་དཔེ་གཟིགས་ན་འདིར་གནོན།]
དམིགས་པའི་མདའ་བསྣུན་འཕེན་བྱས་ཏེ། །དབབ་བསྐྱིལ་བཟློག་བཀྲམ་དབང་འབྱོར་ཐོབ། །རང་གཞན་སྦྱོར་བས་ལས་ལ་སྦྱར། །ཐ་མ་ཉིད་དེ་རིམ་པས་སོ། །མཐར་ཐུག་དོན་སྟོན་ཡེ་ཤེས་བསྐྱེད། །ངོ་སྤྲོད་རྒྱས་གདབ་ལ་སོགས་ཏེ། །ཡང་དག་བླ་མེད་འབྲས་བུའི་མཆོག །རང་གཞན་རྣལ་འབྱོར་རྒྱལ་པོས་བལྟ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། ཌཱཀྐིའི་ཆགས་ལམ་གསང་བ་བླ་མེད་ཀྱི་གདམས་པ་བསྟན་པའི་ལེའུ་སྟེ་བཅུ་བདུན་པའོ།། །།བསྐྱེད་རྫོགས་བརྟན་པ་ཐོབ་པ་ཡི། །འབྲས་བུ་བཅུད་དུ་སྨིན་ཚུལ་དག །གནས་སྐབས་མཐར་ཐུག་ཡང་དག་དོན། །ངོ་བོ་དབྱེར་མེད་གྲུབ་ཚུལ་ནི། །ཆད་རྟགས་ཡིད་གཉིས་ལས་གྲོལ་ཏེ། །འབྲས་བུ་སྐུ་གསུམ་བཅུད་དུ་སྨིན། །རང་གཞན་ཀུན་དོན་ལས་བྱེད་ཅིང་། །དོན་གཉིས་ཡང་དག་ཚད་དུ་ལྡང་། །ཕ་རོལ་རྒོལ་བ་སུན་འབྱིན་ནས། །སྣ་ཚོགས་ལས་ལ་དབང་འབྱོར་ཏེ། །ཡང་དག་ས་ལ་འགོད་པ་དང་། །ཡང་ན་དབྱིངས་སུ་གྲོལ་བར་བྱེད། །དབང་པོ་གསུམ་གྱི་ཁྱད་པར་ལས། །འདི་ཉིད་དང་ནི་བར་དོ་རུ། །གཅིག་གི་བརྒྱུད་དེ་ས་ཆོད་ནས། །ཡང་དག་བརྟན་པ་མི་གཡོ་འགྱུར། །རྡོས་བཅས་ཉིད་དང་བྲལ་བའི་ཚེ། །རྡུལ་བྲལ་མཁའ་དང་འོད་ཟེར་འཇའ། །ཡིག་འབྲུ་སྐུ་གདུང་རིང་བསྲེལ་སོགས། །སྐུ་གསུམ་ཐོབ་རྟགས་མང་འབྱུང་འགྱུར། །འབད་པ་དོན་ཡོད་གཅིག་ཆོག་ཉིད། །འདི་ནི་དུས་གསུམ་རྒྱལ་བའི་བཀའ། །ལ་ལས་རྣ་བའི་དབང་པོ་རུ། །ལན་ཅིག་ཐོས་ཀྱང་དོན་ཆེན་འགྲུབ། །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། བསྐྱེད་རྫོགས་ཀྱི་འབྲས་བུ་གྲུབ་ཚུལ་བསྟན་པའི་ལེའུ་སྟེ་བཅོ་བརྒྱད་པའོ།། །།འདི་ལ་དབང་སྤྱོད་རིག་པའི་བུ། །སྐྱེ་འཆི་མི་གོས་རྡོ་རྗེའི་སྐུ། །དྲི་མེད་མཚོ་དབུས་འདབ་བརྒྱད་ལས། །ལེགས་བྱུང་སྤྲུལ་སྐུ་པདྨ་འབྱུང་། །རྒྱལ་བ་རྣམས་ཀྱི་ཕྲིན་ལས་བདག ། ― DNG014_Page_0123 ―
[མ་དཔེ་གཟིགས་ན་འདིར་གནོན།]
སྣ་ཚོགས་སྤྱོད་པ་རླབས་པོ་ཆེས། །གདུལ་བྱའི་མོས་བློ་ཐ་དད་ལ། །རྣམ་པ་བཞི་ཡི་དོན་བྱེད་འགྱུར། །དེ་སྲས་སྤྲུལ་དང་ཡང་སྤྲུལ་དང་། །མ་འོངས་དོན་བྱེད་སྐྱེས་བུ་ནི། །ཆོ་འཕྲུལ་སྟོན་པ་ལ་ལ་ཞིག །འདི་ཉིད་མཚན་ཙམ་འཛིན་པ་འབྱུང་། །དེ་ནས་ཉི་མའི་ཟེར་ཐག་ལྟར། །སྣང་སྤྲུལ་ཁྱབ་བྱེད་གནས་སྐབས་འགར། །འཕྲོས་པའི་ཕྲེང་བའང་རེ་རེ་ཙམ། །མཐའ་ནས་མཐའ་རུ་འབྱུང་བར་འགྱུར། །ཚུལ་མིན་འཆོལ་བར་འབྱུང་སྲིད་ཀྱི། །ཚུལ་འདི་ནམ་ཡང་འཇིག་མི་མངའ། །ཅི་ཕྱིར་རྒྱལ་བའི་གདུང་འཛིན་པ། །གཡུང་དྲུང་ཉིད་དུ་བརྟན་པའོ། །བསྟན་པ་དམ་པ་འདི་དང་ནི། །དོན་བྱེད་དམ་པ་སྤྲུལ་པར་བཅས། །འདི་འཕྲད་སྲིད་པ་མ་ལུས་ཀུན། །མི་ནུབ་དར་རྒྱས་གཉིས་ལྡན་ཤོག །ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། མ་འོངས་ལུང་བསྟན་དང་སྨོན་ལམ་གྱི་ལེའུ་སྟེ་བཅུ་དགུ་པའོ།། །།འདི་ནི་བསྟན་པ་གང་བབ་ཀྱི། །རིན་ཆེན་བཞུས་པའི་ཁུ་བ་འམ། །ཡང་ན་གང་འཐད་སྨན་སོགས་ཀྱིས། །བྲིས་ཤིང་ལུས་ལ་བཅངས་པས་ཀྱང་། །ཚེ་འདིར་ལྷ་དང་མིས་མཆོད་ཅིང་། །བར་དུ་གཅོད་པའི་བདུད་ཚོགས་ཀྱང་། །ཞི་བའི་ལས་ལ་གནས་པ་དང་། །བཀུར་སྡིར་བཅས་ཏེ་བསྲུང་བར་འགྱུར། །ཚེ་འཕོས་ལྟས་བཟང་མཚན་མར་བཅས། །ནད་གདོན་དུཿཁ་ཉེར་ཞི་ཞིང་། །མཐའ་ཡས་བཀོད་སོགས་ཞིང་ཁམས་སུ། །བགྲོད་འགྱུར་ཐེ་ཚོམ་མེད་གྱུར་ན། །བསྒྲུབ་ཅིང་ཉམས་སུ་བླངས་པས་ནི། །བླ་མེད་འབྲས་བུ་མྱུར་ཐོབ་སྟེ། །རང་གཞན་དོན་གཉིས་འགྲུབ་པ་དང་། །འབྲས་བུ་ལྷུན་རྫོགས་སྨོས་ཅི་དགོས། །དེ་ཕྱིར་བསྟན་ལ་ཞུགས་རྣམས་ཀྱིས། །ཉམས་སུ་ལེན་དང་གཞན་ལ་སྟོན། །འབྲི་ཀློག་འཆང་ཞིང་གསོལ་བ་གདབ། །དེ་འབྲས་ནུས་པ་དཔག་པར་དཀའ། ། ) ཐུགས་བཅུད་འདུས་པའི་རྒྱུད་ཀྱི་རྒྱལ་པོ་པད་སྡོང་བརྩེགས་པ་ལས། ཆེ་བའི་ཡོན་ཏན་དང་བཅང་ཐབས་བསྟན་པའི་ལེའུ་སྟེ་ཉི་ཤུ་པའོ།། །། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་རྣམ་པར་བཀོད་པ་ཞེས་བྱ་བ།― DNG014_Page_0124 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། གྷུ་རུ་དྷི་ཝ་ཌཱཀྐི་ནི་སརྦ་ཀཱ་ཡ་ཏནྟྲ་ཨ་མ་ལ་པ་ར་ཏ་ནི་སྲི་ཥྚ་ན་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་རྣམ་པར་བཀོད་པ་ ― DNG014_Page_0125 ―
[མ་དཔེ་གཟིགས་ན་འདིར་གནོན།]
ཞེས་བྱ་བ། ཡེ་ཐོག་དང་པོའི་སངས་རྒྱས་བཅོམ་ལྡན་འདས་མགོན་པོ་འོད་དཔག་ཏུ་མེད་ཅིང་གཟི་བརྗིད་མཐའ་ཡས་པའི་དཔལ་ལ་ཕྱག་འཚལ་ལོ། །ཨེ་མ་ཧོ། ཡེ་ཀློང་ཆེན་པོའི་ཕོ་བྲང་དུ། །སྟོན་པ་དཔག་མེད་རྒྱལ་པོ་ལ། །གཟུགས་ཀྱི་རྡོ་རྗེ་ལ་སོགས་པའི། །སྟོབས་ལྡན་འདུས་པའི་འཁོར་རྣམས་ཀྱིས། །ཐབས་ཤེས་འདུས་ཤིང་ཚོགས་པའི་ཚེ། །སྣང་སྲིད་རོལ་པའི་འཁོར་རྣམས་ཀྱིས། །གནད་དོན་བསྐྱེད་པའི་དོན་ཞུས་པ། །ཨེ་མ་ཨེ་མ་བཅོམ་ལྡན་འདས། །ཕྱི་ནང་སྣང་སྲིད་རྟེན་འདྲེལ་ཀུན། །ཡེ་གདངས་ལྷ་ཡི་རོལ་པ་ལས། །མ་དག་པ་དང་དག་པ་དང་། །ཡེ་དག་ཆེན་པོ་དག་པའི་ཀློང་། །སྒྱུ་མ་ལྟ་བུའི་སྐུ་བསྒོམས་ན། །བླ་མ་ལྷ་དང་ཌཱཀྐི་དང་། །དེ་དང་དེ་སྤྲུལ་ཡང་སྤྲུལ་པ། །རྐང་གྲངས་མཚན་བཤད་སྩལ་དུ་གསོལ། །དེ་བཞིན་བྱིན་གྱིས་བརླབ་ཚུལ་དང་། །དཀར་སེར་དམར་སོགས་སྐུ་མདོག་དང་། །དེ་བཞིན་རྒྱན་དང་ཆ་ལུགས་དང་། །རྣམ་འགྱུར་མཛད་པ་ཕྲིན་ལས་དང་། །ཕྱག་མཚན་འཛིན་དང་དེ་ཚུལ་དང་། །དཔའ་བོ་ཡབ་ཀྱི་རྒྱུ་མཚན་དང་། །དཔའ་མོ་ཡུམ་གྱི་རྒྱུ་མཚན་དང་། །དེ་དག་འཁོར་གྱི་རྣམ་གྲངས་དང་། །འཁོར་བཅས་རྣམས་ཀྱི་སྤྲུལ་པ་དང་། །སྤྲུལ་པ་དེ་ལས་ཡང་སྤྲུལ་དང་། །དེ་དག་རྣམས་ཀྱི་རྟོགས་བརྗོད་དང་། །དེ་ལྟར་ལྷ་རྣམས་ཇི་ལྟར་བསྒྲུབ། །ལྷ་དེ་བསྒྲུབ་པའི་དགོས་པ་གང་། །བསྒྲུབ་པའི་འབྲས་བུ་ཡོན་ཏན་ཅི། །མ་བསྒྲུབས་ཉེས་པ་ཇི་ལྟར་འགྱུར། །ཕྱི་ལྟར་བསྒྲུབ་ན་ཇི་ལྟར་བསྒྲུབ། །ནང་ལྟར་བསྒྲུབ་ན་ཇི་ལྟར་བསྒྲུབ། །གསང་ལྟར་བསྒྲུབ་ན་ཇི་ལྟར་བསྒྲུབ། །དེ་བཞིན་དེ་ཉིད་ཇི་ལྟར་བསྒྲུབ། །ལྷ་མཆོད་ཐུགས་དམ་ཇི་ལྟར་བསྐང་། །བདག་ཉིད་ལྷ་རུ་ཇི་ལྟར་གསལ། །མདུན་དུ་བསྐྱེད་ཚུལ་ཇི་ལྟ་བུ། །དམ་ཚིག་སེམས་དཔའི་ངོ་བོ་གང་། །དེ་བཞིན་ཡེ་ཤེས་སེམས་དཔའ་གང་། །དེ་ཉིད་བསྲེས་ན་ཇི་ལྟར་བསྲེ། །དབང་བསྐུར་རྒྱས་འདེབས་ཇི་ལྟར་བྱ། །དེ་དག་རྣམས་ཀྱི་རྒྱུ་མཚན་གང་། །བདག་ཅག་འདུས་པའི་འཁོར་རྣམས་ལ། །དགོངས་པ་བཀྲོལ་ནས་སྩལ་ ― DNG014_Page_0126 ―
[མ་དཔེ་གཟིགས་ན་འདིར་གནོན།]
དུ་གསོལ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། གླེང་གཞིའི་དམིག་གི་ལེའུ་སྟེ་དང་པོའོ།། །།དེ་ལྟར་ཇི་བཞིན་ཞུས་པའི་དོན། །དཔག་མེད་རྒྱལ་པོས་བཀའ་སྩལ་པ། །ཀྱེ་ཧོ་འདུས་པའི་འཁོར་ཚོགས་རྣམས། །གཟུགས་ཀྱི་རྡོ་རྗེ་ལ་སོགས་ཉོན། །འགྱུར་མེད་ཡེ་ཤེས་རྡོ་རྗེའི་ཚིག །རྟོག་བྲལ་ཆེན་པོས་ཡིད་ལ་ཟུང་། །ཡེ་གདངས་ཆེན་པོའི་ཆོ་འཕྲུལ་ལས། །རོལ་པ་ཡེ་ཤེས་ལྷར་སྣང་བ། །རྐང་གྲངས་མཚན་བཤད་ཇི་ལྟར་ན། །ངེས་དོན་བཀའ་དེ་སྨོས་པར་བྱ། །འཇུག་པ་རྣམས་ནི་སྤྲོ་དོན་དུ། །རྩ་བ་སྨིན་དང་གྲོལ་བ་དང་། །མཆོག་དང་ཐུན་མོང་བསྒྲུབ་ཕྱིར་དང་། །སྣ་ཚོགས་ལས་ཀྱི་བྱེ་བྲག་རྣམས། །ངེས་པར་འདོད་ལ་གྲངས་མང་ཡང་། །རྣམ་པར་ངེས་པ་མེད་མོད་ཀྱང་། །གདུལ་བྱའི་དོན་དུ་ངེས་པ་ཅན། །རྐང་གྲངས་མཚན་གྱི་འཇུག་སྒོ་བསྟན། །བླ་མ་ཡི་དམ་ཌཱཀྐི་སྟེ། །ཀུན་དོན་ཡེ་ཤེས་རོལ་པ་ལས། །བརྡ་དང་རྟགས་ཀྱི་རིམ་པར་སྤྲོས། །ཕྱི་དང་ནང་དང་གསང་བ་སྟེ། །ཐ་མ་འབྲིང་དང་རབས་ཀྱི་བློ། །ངེས་པ་ཅན་དང་ངེས་པ་མེད། །རབ་ཏུ་མ་ངེས་དེ་བཞིན་ཉིད། །ངེས་པ་ཅན་གྱི་ལྷ་སྨོས་པ། །དཔག་ཏུ་མེད་པའི་གཞལ་ཡས་ཁང་། །མཚོན་བྱ་མཚོན་པར་བྱེད་པའི་སྐུ། །ལྷམ་མེར་ལྷང་ངེར་སྣང་བ་ཅན། །སྟེང་དང་འོག་ཏུ་རྣམ་པར་རྒྱལ། །ཕྱོགས་དང་མཚམས་དང་དབུས་དག་དང་། །ཕྱི་རུ་གསལ་དང་ནང་དུ་གསལ། །བར་རམ་ཡང་ནི་དེ་བཞིན་ཉིད། །རྣམ་པར་ངེས་པ་ཅན་དུ་སྟེ། །གསལ་འགྲིབ་མེད་པ་རྒྱལ་བའི་སྐུ། །དེ་བཞིན་ཆེ་ཆུང་མཚན་མ་བྲལ། །རྐང་གྲངས་གཅིག་དང་དུ་མ་སོགས། །མཚན་འཛིན་ནོར་བ་རྣམ་པར་སྤང་། །ངེས་པ་མེད་ལ་ལྷ་རང་ཉིད། །གུད་ན་མ་ཡིན་མཚན་མ་བྲལ། །བརྡ་དང་རྣམ་རོལ་གར་གྱིས་མཚོན། །ཡེ་ཤེས་སྒྱུ་མའི་ལྷར་སྣང་བ། །སྣང་ཙམ་ཉིད་ན་བརྗོད་མཐའ་ཡས། །དེ་ཕྱིར་རྐང་གྲངས་ཆོ་འཕྲུལ་ཏེ། །ཆོ་འཕྲུལ་ཉིད་ལ་ཆོ་འཕྲུལ་ལོ། །རབ་ཏུ་ངེས་པ་ ― DNG014_Page_0127 ―
[མ་དཔེ་གཟིགས་ན་འདིར་གནོན།]
མེད་པ་ལས། །དེ་བཞིན་ཉིད་ལ་དེ་བཞིན་སྐུ། །གཅིག་པ་ཉིད་ལ་དུ་མར་རོ། །དགག་དང་བསྒྲུབ་པ་མ་མཆིས་ཤིང་། །ཡེ་ཀློང་ཀུན་ཆུབ་ཕྱག་རྒྱར་མཚོན། །རབ་ཏུ་འཁྲུགས་པས་དུ་མར་གསལ། །ཀུན་ཏུ་གདལ་བ་གཅིག་ཏུ་འདུས། །འདི་དོན་འཕྲུལ་གྱི་ཡང་ཞུན་ནོ། །དེ་ལྟར་གསུམ་གྱི་མཐའ་བཅད་ཕྱིར། །ཀུན་གྱི་སྤྱི་ཕུད་བླ་མ་སྟེ། །ཆོ་འཕྲུལ་དུ་མ་ཡི་དམ་ལྷ། །ཀུན་དོན་རྨད་བྱུང་མཁའ་འགྲོ་ཉིད། །འཁྲུལ་པ་ངན་རྟོག་དགག་པ་ཡི། །ཐབས་ཀྱི་རྒྱལ་པོས་འདི་སྨྲས་པ། །དྲི་མེད་མཚོ་གླིང་གེ་སར་རྒྱས་པའི་སྟེང་། །མངལ་གྱི་མ་གོས་པདྨ་བཛྲ་རྩལ། །བདེ་བའི་རོ་འབྱིན་ལྷ་ལྕམ་མནྡ་ར། །ཐབས་ཤེས་བདེ་སྟོང་གར་གྱི་དབང་ཕྱུག་མཆོག །རྒྱལ་བ་ཡོངས་ཀྱི་ཐུགས་བཅུད་འདུས་པ་སྟེ། །དེ་ཡི་རྩལ་ལས་རྣམ་འཕྲུལ་དུ་མར་སྣང་། །འདུས་པའི་འཁོར་ཚོགས་ཡབ་ཡུམ་མཆེད་དེ་བརྒྱད། །ཞེ་སྡང་རྡོ་རྗེ་ང་རྒྱལ་རྡོ་རྗེ་དང་། །འདོད་ཆགས་རྡོ་རྗེ་ཕྲག་དོག་རྡོ་རྗེ་དང་། །གཏི་མུག་རྡོ་རྗེ་བདེ་བའི་རྡོ་རྗེ་དང་། །མཚོ་སྐྱེས་རྡོ་རྗེ་ཁྲག་འཐུང་རྡོ་རྗེ་སྟེ། །དཔའ་བོ་ཡབ་ཀྱི་དགྱེས་པ་སྐོང་བའི་ཡུམ། །སྐྱོད་བྱེད་མ་དང་གཤིན་རྗེ་འཇོམས་མ་དང་། །དེ་བཞིན་སྲེག་བྱེད་མ་དང་ཙནྟི་ཀ །རྨོངས་བྱེད་མ་དང་ལ་མ་མནྡ་ར། །གསོད་བྱེད་མ་སྟེ་ཐབས་ཤེས་ཡབ་ཡུམ་ཚུལ། །མཐའ་བྲལ་རོལ་པའི་ངང་དུ་རྣམ་པར་གནས། །བུཌྜྷ་ཐོད་ཕྲེང་རྩལ་དང་དེ་ཡི་ཡུམ། །བུཌྜྷ་ཌཱཀྐི་རྣམ་པར་རོལ་པ་སྟེ། །དེ་ཡི་ཆོ་འཕྲུལ་འགྱེད་པ་འཁོར་གྱི་ཚོགས། །བཛྲ་ཐོད་ཕྲེང་རཏྣ་ཐོད་ཕྲེང་རྩལ། །པདྨ་ཐོད་ཕྲེང་ཀརྨ་ཐོད་ཕྲེང་རྩལ། །རྡོ་རྗེ་མོས་པ་རྩལ་དང་མྱུ་གུ་རྩལ། །བཞད་པ་རྩལ་དང་གར་གྱི་དབང་ཕྱུག་སྟེ། །དེ་དག་རྣམས་ལ་གཉིས་མེད་འཁྲིལ་བའི་ཡུམ། །རྡོ་རྗེ་རིན་ཆེན་པདྨ་ལས་ཀྱི་རིགས། །བི་ཤྭ་སརྦ་དམ་ཚིག་འཇིག་རྟེན་གྱི། །མཁའ་འགྲོ་རྣམས་དང་གཉིས་མེད་མཉམ་རོལ་གནས། །མི་བསྐྱོད་རྡོ་རྗེ་བདེ་བའི་དབྱིངས་ཕྱུག་མ། །ཡབ་ཡུམ་གཉིས་ཀྱི་ཆོ་འཕྲུལ་སྤྲོས་པ་ལས། །པདྨ་འབྱུང་གནས་བློ་ལྡན་མཆོག་གི་སྲེད། །ཉི་མ་འོད་ཟེར་སེང་གེ་སྒྲ་སྒྲོག་དང་། ། ― DNG014_Page_0128 ―
[མ་དཔེ་གཟིགས་ན་འདིར་གནོན།]
པདྨ་སམ་བྷ་པདྨ་རྒྱལ་པོ་སྟེ། །ཤཱཀྱ་སེང་གེ་རྡོ་རྗེ་གྲོ་བོ་ལོད། །ཀུན་གྱི་དགྱེས་སྐོང་སྤྲུལ་པའི་ཡུམ་ཆེན་བརྒྱད། །ཡེ་ཤེས་རྗེ་མོ་བདེ་བའི་རྣལ་འབྱོར་མ། །བདག་མེད་ལྷ་མོ་རྡོ་རྗེ་ཕྲ་མེན་མ། །རྒྱ་མཚོ་གླིང་གནས་མཁའ་འགྲོ་ཞི་བ་འཚོ། །ཤཱཀྱ་དེ་མ་མཁའ་འགྲོ་བདུད་འདུལ་མ། །གདུལ་བྱའི་རེ་འདོད་བསྐང་ཞིང་ཉམས་དང་ལྡན། །པདྨ་དབང་ཆེན་རིག་བྱེད་ལྷ་མོར་བཅས། །བདེ་སྟོང་རོལ་པའི་ཆོ་འཕྲུལ་སྤྲུལ་པའི་འཁོར། །རྡོ་རྗེ་ཉི་མ་ཐོགས་མེད་རྒྱལ་པོ་དང་། །དབང་ཆེན་ཉི་མ་གསེར་གྱི་ཉི་མ་དང་། །རྡོ་རྗེ་ཁྲོ་བོ་རྡོ་རྗེ་ཧཱུྃ་མཛད་དང་། །རོ་ལངས་བདེ་བ་རྡོ་རྗེ་ཐོག་རྒོད་འབར། །ཡུམ་ཆེན་ལེགས་སྐྱེས་ཕྲ་མེན་དབྱིངས་ཕྱུག་མ། །སྲིད་པའི་རྒྱལ་མོ་ཉི་ཁྲོས་དབང་མོ་ཆེ། །གར་གྱི་དབང་ཕྱུག་ལས་ཀྱི་དབང་མོ་ཆེ། །སྲིད་པ་ཆགས་བྱེད་འབྱུང་བ་ལྔ་ཡི་བདག །བདེ་སྟོང་ཟག་མེད་རོ་ཡིས་ཚིམས་པར་བྱེད། །དཔའ་བོ་ཆེན་པོ་རིག་འཛིན་ཐོད་པ་རྩལ། །མཁའ་འགྲོ་ཉི་ཟླ་སྟོང་གི་ཐོད་ཕྲེང་ཅན། །ཡབ་ཡུམ་གཉིས་ཀྱི་ཆོ་འཕྲུལ་འཁོར་གྱི་ཚོགས། །ལྷུན་གྱིས་གྲུབ་དང་ཕྱག་རྒྱ་ཆེན་པོ་དང་། །ཚེ་ལ་དབང་དང་རྣམ་སྨིན་རིག་འཛིན་ཏེ། །དམ་ཚིག་དབང་དང་མན་ངག་ལུང་དང་ནི། །ཤེས་རབ་རྒྱུད་དང་ཉམས་ཆག་སྐོང་བ་སྟེ། །དེ་དག་རིག་འཛིན་བཞི་དང་སློབ་དཔོན་བཞི། །སྤྱན་གཅིག་མ་དང་རྣལ་འབྱོར་དགྱེས་སྡེ་མ། །དབང་གི་ལྷ་མོ་རྣལ་འབྱོར་རོ་ལངས་མ། །དམ་ཚིག་བདག་མོ་རྡོ་རྗེ་སྐུལ་བྱེད་མ། །སྐྱོད་བྱེད་ཚངས་མ་ཚེ་འཛིན་རྒྱལ་མོ་སྟེ། །དེ་ལྟར་ཡབ་ཡུམ་རྣམས་ཀུན་མཆོག་ལ་རོལ། །རྡོ་རྗེ་དྲག་པོ་ཁམས་གསུམ་སྲིད་པའི་བདག །ཡབ་ཡུམ་གཉིས་ཀྱི་ཆོ་འཕྲུལ་འབར་བ་ལས། །ཡ་མ་རཱ་ཛ་སྐོས་རྗེ་དྲང་དཀར་དང་། །སྲིན་མོ་གློག་ཕྲེང་ཡཀྴ་མེ་དབལ་དང་། །གཟའ་བདུད་སྤུ་གྲི་ཀླུ་བདུད་མགོ་དགུ་པ། །དབང་ཕྱུག་ཆེན་པོ་མ་ཧཱ་ཀཱ་ལཱའི་སྐུ། །ཟ་བྱེད་ནག་མོ་བདུད་མོ་རེ་མ་ཏི། །ཁྲག་མིག་མ་དང་མོན་མོ་མི་སྲུན་མ། །ལྕམ་གཅིག་མ་དང་ཐོག་གི་བུ་ཡུག་མ། །ཨུ་མ་དེ་བའི་ལྷ་མོ་དུང་སྐྱོང་མ། །བསྟན་པ་བསྲུང་ཚུལ་ ― DNG014_Page_0129 ―
[མ་དཔེ་གཟིགས་ན་འདིར་གནོན།]
ཡབ་ཡུམ་འཇིགས་པའི་སྐུ། །སངས་རྒྱས་དཔའ་བོ་ཐོད་པའི་དུམ་བུ་དང་། །སངས་རྒྱས་དཔའ་མོ་གཉིས་མེད་འཁྲིལ་བ་ལས། །སྤྲུལ་པའི་འཁོར་བརྒྱད་ཡབ་ཡུམ་བཅས་པ་ཡང་། །རྡོ་རྗེ་དཔའ་བོ་རིན་ཆེན་དཔའ་བོ་དང་། །པདྨ་དཔའ་བོ་ལས་ཀྱི་དཔའ་བོ་དང་། །འཛིན་གིང་འགུགས་བྱེད་སྒྲོལ་གིང་གསོད་བྱེད་དང་། །སྟོབས་གིང་ཟ་བྱེད་རྒྱུག་གིང་ལས་བྱེད་པ། །རྡོ་རྗེ་དཔའ་མོ་རིན་ཆེན་དཔའ་མོ་དང་། །པདྨ་དཔའ་མོ་ལས་ཀྱི་དཔའ་མོ་དང་། །རྡོ་རྗེ་གིང་མོ་རིན་ཆེན་གིང་མོ་དང་། །པདྨ་གིང་མོ་ལས་ཀྱི་གིང་མོ་སྟེ། །འཁྲིལ་ཞིང་སྦྱོར་བས་དཔལ་གྱི་བཀའ་ལུང་ཉན། །རྟ་མགྲིན་དབང་ཆེན་ཨེ་ཀ་ཙ་ཏི་གཉིས། །གཙོ་བོའི་ཚུལ་ལས་སྤྲུལ་པའི་འཁོར་བརྒྱད་པོ། །ཡེ་ཤེས་ཟིལ་གནོན་ལས་ཀྱི་ཁྲོ་བོ་དང་། །ཡེ་ཤེས་མ་མོ་ཟིལ་གནོན་ཁྱུང་ཟིལ་གནོན། །ཕོ་རྒྱུད་ཟིལ་གནོན་མོ་རྒྱུད་ཟིལ་གནོན་དང་། །ཀླུ་འདུལ་ཁྲོ་བོ་གནོད་སྦྱིན་འདུལ་བྱེད་དེ། །ཡུམ་ཆེན་མི་ཕམ་མ་དང་ཁྲོ་གཉེར་མ། །སྤྱན་གཅིག་མ་དང་རྡོ་རྗེ་རྩ་འཇིབས་མ། །རྡོ་རྗེ་ལས་བྱེད་གཤིན་རྗེ་ལས་བྱེད་མ། །ཀླུ་མོ་ལས་བྱེད་གནོད་སྦྱིན་ལས་བྱེད་མ། །ཡབ་ཡུམ་རྣམས་ཀྱང་བདེ་སྟོང་ཡེ་ཤེས་བསྐྱེད། །ལག་ན་རྡོ་རྗེ་གསང་བའི་དབྱིངས་ཕྱུག་མ། །ཡབ་ཡུམ་གཉིས་ལས་སྤྲུལ་པའི་ཁྲོ་བོ་ནི། །རྣམ་པར་རྒྱལ་བ་དང་ནི་གཤིན་རྗེ་གཤེད། །རྟ་མགྲིན་དབང་ཆེན་བདུད་རྩི་འཁྱིལ་པ་དང་། །དབྱིག་པ་སྔོན་པོ་དང་ནི་མི་གཡོ་མགོན། །འདོད་པའི་རྒྱལ་པོ་ཁམས་གསུམ་རྣམ་པར་རྒྱལ། །ཁྲོ་བོ་ཧཱུྃ་ཀ་ར་དང་སྟོབས་པོ་ཆེ། །རྡོ་རྗེ་མདའ་སྙེམས་དུར་ཁྲོད་བདག་མོ་དང་། །རྡོ་རྗེ་གཏུམ་མོ་རྡོ་རྗེ་རླུང་འབྱིན་མ། །རྡོ་རྗེ་སྡེར་མོ་རྡོ་རྗེ་གཏུན་ཁུང་མ། །རྡོ་རྗེ་སེམས་མ་རྡོ་རྗེ་སྐུལ་བྱེད་མ། །རྡོ་རྗེ་སྒྲ་འབྱིན་རྡོ་རྗེ་གསོད་བྱེད་མ། །ཡབ་ཡུམ་རྣམས་ཀྱང་རང་རང་ཕྲིན་ལས་བརྩོན། །ཀུན་ཀྱང་གཙོ་འཁོར་ཚུལ་དུ་རྣམ་པར་གནས། །མུན་པའི་སྨག་སེལ་གསལ་སྣང་ཡེ་ཤེས་སྟོན། །ཁྭ་གདོང་ཕག་གདོང་ཁྱི་གདོང་འུག་གདོང་མ། །བརྟན་བྱེད་ཕོ་ཉ་མཆེ་བ་འཇོམས་བྱེད་མ། །ཕྱོགས་དང་མཚམས་རྣམས་དཔལ་ ― DNG014_Page_0130 ―
[མ་དཔེ་གཟིགས་ན་འདིར་གནོན།]
གྱི་ལུང་བཞིན་ཉན། །དཔའ་བོ་ཐོད་དབྱུག་དཔའ་མོ་རབ་གཏུམ་མ། །དཔའ་བོ་ཀེང་རུས་དཔའ་མོ་གཏུམ་མིག་མ། །ཀེང་རུས་གཏུམ་པོ་དཔའ་མོ་འོད་ལྡན་མ། །དཔའ་མོ་མཆེ་གཙིགས་དཔའ་མོ་སྣ་ཆེན་མ། །སུ་ར་བྷེ་རི་དཔའ་མོ་བརྟན་མ་དང་། །འོད་དཔག་མེད་པ་དཔའ་མོ་མི་ཐུང་མ། །རྡོ་རྗེ་འོད་ལྡན་ལང་ཀའི་དབང་ཕྱུག་མ། །རྡོ་རྗེ་སྐུ་མཆོག་དཔའ་མོ་ཤིང་གྲིབ་མ། །རྡོ་རྗེ་གཞོན་ནུ་དཔའ་མོ་ས་སྲུང་མ། །རྡོ་རྗེ་རལ་པ་དཔའ་མོ་འོད་ཅན་མ། །རབ་ཏུ་དགའ་བ་དཔའ་མོ་རླུང་ཤུགས་མ། །དཔའ་བོ་ཧཱུྃ་མཛད་དཔའ་མོ་ཆང་འཐུང་མ། །རབ་ཏུ་བཟང་པོ་དཔའ་མོ་གཙུག་ཕུད་མ། །རྡོ་རྗེ་བཟང་པོ་དཔའ་མོ་རབ་བཟང་མ། །དཔའ་བོ་འཇིགས་བྱེད་དཔའ་མོ་རྟ་སྣ་མ། །སྤྱན་མི་བཟང་དང་དཔའ་མོ་ཁྭ་གདོང་མ། །སྟོབས་ཆེན་རྒྱལ་པོ་ཙཀྲའི་ཤུགས་འཆང་མ། །རིན་ཆེན་རྡོ་རྗེ་དཔའ་མོ་དུང་སྐྱེས་མ། །རྟ་མགྲིན་རྒྱལ་པོ་དཔའ་མོ་གླང་སྣ་མ། །ནམ་མཁའི་སྙིང་པོ་འཁོར་ལོའི་གོ་ཅ་མ། །དཔལ་ལྡན་ཧེ་རུ་ཀ་དཔལ་རབ་དཔའ་མ། །པདྨ་གར་དབང་དཔའ་མོ་སྟོབས་ཆེན་མ། །རྣམ་པར་སྣང་མཛད་དཔའ་མོ་འཁོར་བསྒྱུར་མ། །དཔའ་བོ་སེམས་དཔའ་དཔའ་མོ་བརྩོན་འགྲུས་མ། །དཔལ་གྱི་བཀའ་སྡོད་ལུང་གི་ཕོ་ཉར་བཅས། །སོ་སོ་རང་རང་ལས་ཀྱི་གཉེར་འཛིན་ཅིང་། །སྟོབས་ཤུགས་རྩལ་ལྡན་དྲོད་ཉུལ་བསྟན་པ་བསྲུང་། །དེ་སོགས་དྲང་དོན་དཔག་མེད་ཡེ་ཤེས་ལྷ། །རྟོག་པ་སྤུར་ལ་དྲང་ཕྱིར་རྣམ་པར་སྤྲོས། །དེ་ལྟར་ལྷ་ཡི་རྐང་གྲངས་སུ། །ཤེས་པར་གྱིས་ཤིག་འདུས་པའི་འཁོར། །ང་ཡིས་དྲང་པོར་བཤད་པ་ལ། །ཁྱེད་ཀྱིས་ངེས་པའི་དོན་དུ་ཟུང་། །སླད་དུ་ཟུང་འཇུག་ཆེན་པོར་སྦྱོར། །ལ་ཐག་དབྱེར་མེད་ཉིད་དུ་ཆོད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ལྷའི་རྐང་གྲངས་མཚན་བཤད་པའི་ལེའུ་སྟེ་གཉིས་པའོ།། །།ཡང་ནི་འདུས་པའི་འཁོར་རྣམས་ཉོན། །བྱིན་གྱིས་བརླབས་ལ་རྣམ་མང་ཡང་། །རྣམ་པ་ལྔ་རུ་འདུས་པ་སྟེ། །སྙིང་རྗེ་བྱང་ཆུབ་སེམས་ ― DNG014_Page_0131 ―
[མ་དཔེ་གཟིགས་ན་འདིར་གནོན།]
བསྒོམ་པས། །རང་གི་བསམ་རྒྱུད་བྱིན་གྱིས་བརླབ། །གར་སྡོད་ཨུ་རྒྱན་གནས་སུ་མོས། །ས་ཕྱོགས་ཐམས་ཅད་བྱིན་གྱིས་བརླབ། །ཁང་པ་གཞལ་ཡས་ཁང་དུ་དམིགས། །གནས་མལ་བྱིན་གྱིས་བརླབ་པར་བྱ། །གང་ཚོགས་ལྷ་ཡི་རྣམ་པར་བལྟ། །ཡེ་ཤེས་ལྷ་རུ་བྱིན་གྱིས་བརླབ། །བཟའ་བཏུང་བདུད་རྩིར་མོས་བྱས་ཏེ། །མཆོད་པའི་རྫས་སུ་བྱིན་གྱིས་བརླབ། །དེ་ལྟར་བྱིན་བརླབ་རྣམ་ལྔ་ལས། །སྤྲོས་པའི་ཡན་ལག་བསམ་མི་ཁྱབ། །དེ་ལྟར་བྱིན་བརླབ་ལྔ་ལྡན་པའི། །རྣལ་འབྱོར་སྤྱོད་པ་རྨད་དུ་བྱུང་། །འདི་དོན་ཡེ་ཤེས་རྨད་པོ་ཆེ། །མེད་པའི་དབྱིངས་ལས་དཔག་མེད་སྣང་། །སྣང་ཙམ་ཉིད་ལས་རྣམ་གྲོལ་བའི། །གདེང་ཐོབ་ལྷ་ཡི་རོལ་པར་འགྱུར། །ཕྱི་ནང་སྣང་སྲིད་དཀྱིལ་འཁོར་ཉིད། །གཞལ་ཡས་ཁང་དང་ལྷ་རྣམས་ཀུན། །སྤྲོས་ལ་དགའ་རྣམས་སྣ་ཁྲིད་ཕྱིར། །འཇུག་པའི་ཐབས་ལ་སྣང་བ་ཡིན། །སྣང་བ་སྤྲིན་རིས་འདྲ་བ་ལ། །མངོན་པར་ཞེན་ལ་ལྷ་མི་སྣང་། །ཡང་དག་གནད་ཀྱི་དོན་བསྟན་པ། །ས་མཚམས་སྦྱར་བས་ཤེས་པར་བྱ། །རྟོག་པས་སྦགས་པའི་ལྷ་རྣམས་ནི། །བྱིན་གྱིས་མ་བརླབས་རླངས་ལས་བྱུང་། །རླངས་པ་སེལ་བའི་ཉི་ཟེར་དུ། །ཡེ་ཤེས་རབ་ལྡན་རང་སྣང་ལྟོས། །ཨེ་མ་འདི་ནི་ཐབས་ཀྱི་གསང་། །མ་དག་འཁྲུལ་པའི་བློ་ཅན་ལ། །རྒྱུད་དོན་དགོངས་པ་ཡང་ཡང་གསང་། །འཁོར་ཡུག་དག་ལ་ལྷང་ངེར་སྣང་། །དེ་ནས་བྱིན་གྱིས་བརླབ་པ་ཡང་། །གནད་དུ་ཆེ་བས་ཤེས་པར་བྱ། །གང་གིས་གཏན་ལ་ཕེབས་ངེས་ཀྱང་། །སྙིང་གི་ཁུར་དུ་ཆེ་བ་ཡིན། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། བྱིན་གྱིས་བརླབ་པའི་གནད་བསྟན་པའི་ལེའུ་སྟེ་གསུམ་པའོ།། །།ཡང་ནི་འཁོར་ཚོགས་སེམས་དཔའ་ཉོན། །དཀར་སེར་དམར་ལྗང་ལ་སོགས་པའི། །ཁ་དོག་སྣ་ཚོགས་འབར་བ་ནི། །ཡེ་ཤེས་ལྷ་ལས་མངོན་སྣང་བའི། །གདུལ་བྱའི་མོས་བློ་ཐ་དད་ལས། །རབ་ ― DNG014_Page_0132 ―
[མ་དཔེ་གཟིགས་ན་འདིར་གནོན།]
ཏུ་དཀར་ཞིང་འཚེར་བ་དང་། །དེ་བཞིན་དམར་ལ་དྭངས་པ་དང་། །ནག་ལ་རྔམ་པའི་རང་བཞིན་ཅན། །སེར་གསལ་གསེར་གྱི་མདོག་འདྲ་བ། །ལ་ལར་མཐིང་ནག་འཇིགས་པའི་གཟུགས། །སྔོ་སྐྱ་དང་ནི་ཐལ་བའི་མདོག །ཡང་ནི་ཆར་སྤྲིན་མུན་རུམ་བཞིན། །དམར་སེར་གུར་གུམ་མདོག་ལྟར་འཚེར། །སྨུག་ནག་དང་ནི་རབ་ཏུ་ལྗང་། །དུད་པའི་མདོག་ལ་རྔམ་པར་སྣང་། །ལ་ལ་ཕྱེད་གཟུགས་རི་མོ་ཅན། །འཇའ་སྣ་ལྟ་བུར་ཁྲ་བོའི་མདོག །དེ་སོགས་ཁ་དོག་རྣམ་པ་ནི། །གཅིག་ཏུ་མ་ངེས་དུ་མར་སྣང་། །དེ་ཡི་དགོངས་དོན་གནད་རྣམས་ནི། །ཐུགས་རྗེ་ཆེ་ལྡན་རྣམས་ཀྱིས་ནི། །གདུལ་བྱའི་རེ་འདོད་བསྐང་དོན་དུ། །རྣམ་པ་སྣ་ཚོགས་བསྟན་པ་དང་། །ཡང་ནི་ཕྲིན་ལས་སྣ་ཚོགས་ཀྱིས། །སྒྱུར་བྱེད་རིམ་པར་སྤྲོས་པ་སྟེ། །དེ་ཕྱིར་གང་འདོད་བློ་ཡིས་བསྒྱུར། །འོན་ཀྱང་གཟུ་ལུམས་དགག་པའི་ཕྱིར། །ཕྱོགས་དང་དེ་བཞིན་ཕྱོགས་བྲལ་བ། །དཀར་སེར་དམར་ལྗང་མཐིང་གར་སྣང་། །འགྱུར་མེད་དག་པ་དེ་བཞིན་ཉིད། །བརྡ་དང་རྟགས་ཀྱི་རིམ་པར་ཡང་། །རབ་ཏུ་སྤྲོ་ཞིང་བསྟན་པའོ། །རྣམ་དག་གཟུགས་ཀྱི་སྐུ་རྣམས་ལ། །རྣམ་པར་ངེས་པའི་ཁ་དོག་ཅན། །སྤྲུལ་དང་ཡང་སྤྲུལ་དུ་མར་སྣང་། །མཛད་པའི་ཕྲིན་ལས་བསམ་མི་ཁྱབ། །ནམ་མཁས་ཁྱབ་པའི་གདུལ་བྱ་ལ། །འདུལ་བྱེད་ཐབས་ཀྱི་རྒྱལ་པོར་སྤྲོས། །གདུལ་བྱའི་སྣང་ཚུལ་དུ་མ་ལ། །འདུལ་བྱེད་བྱེ་བྲག་བསམ་མི་ཁྱབ། །ཐབས་མཁས་སྙིང་རྗེའི་ཆོ་འཕྲུལ་དུ། །ཁ་དོག་སྣ་ཚོགས་སྣང་བའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་སྐུ་མདོག་གི་རྣམ་པར་ངེས་བྱེད་བསྟན་པའི་ལེའུ་སྟེ་བཞི་པའོ།། །།ཀྱེ་ཧོ་འདུས་པའི་འཁོར་ཚོགས་ཉོན། །དེ་ལྟར་ཡེ་ཤེས་ལྷ་རྣམས་ཀྱི། །རྒྱན་དང་ཆ་ལུགས་ཇི་ལྟར་ན། །སྐུ་གསུམ་ཡེ་ཤེས་ལྔ་ལྡན་གྱི། །ལྷ་ཡི་ཆོ་འཕྲུལ་སྣ་ཚོགས་ལས། །རྒྱན་དང་ཆ་ལུགས་མ་ངེས་ཀྱང་། །གདུལ་བྱའི་བསམ་ཡིད་ཚིམ་སླད་དུ། །རོལ་པའི་ཆོ་འཕྲུལ་བསྟན་ ― DNG014_Page_0133 ―
[མ་དཔེ་གཟིགས་ན་འདིར་གནོན།]
པ་ནི། །ཞི་བའི་ཚུལ་དང་ཁྲོ་བོའི་ཚུལ། །དེ་བཞིན་ཞི་མ་ཁྲོ་ཡི་ཚུལ། །ཁྲོ་བོ་ལ་ཡང་རྣམ་པ་དགུ། །ཁྲོ་དང་རྔམ་དང་རབ་ཏུ་ཁྲོ། །འཇིགས་གཟུགས་བསྟན་ཁྲོ་ངང་གིས་ཁྲོ། །དམ་ཚིག་དབང་གིས་ཁྲོ་བ་དང་། །སྤྲུལ་པ་ལྟ་བུར་ཁྲོ་བ་དང་། །རྣམ་འགྱུར་ཤུགས་ཀྱིས་ཁྲོ་བ་སྟེ། །ཁྲོ་ཚུལ་ཡན་ལག་བཅས་པའོ། །རང་བཞིན་བབས་ཀྱིས་ཁྲོ་བ་དེ། །འཁོར་བ་བསྙིལ་ཕྱིར་ཁྲོས་ནས་ནི། །སྤྱོད་ལམ་གཏུམ་པོས་ལོག་བྱེད་རྣམས། །འཇོམས་ཤིང་བརླག་པར་བྱེད་པ་སྟེ། །བ་སྤུ་སྤུ་གྲིའི་སོ་ལྟར་གཟེངས། །ལག་ན་འཇོམས་བྱེད་མཚོན་ཆ་ཐོགས། །རབ་ཏུ་དྲག་རྩུབ་ངར་དང་ལྡན། །རྔམ་པའི་ཚུལ་གྱིས་ཁྲོ་བ་ནི། །འཇིགས་ཚུལ་བཅས་ནས་ཨམ་ཙིག་བསྟན། །མིག་བགྲད་མཆེ་བས་མ་མཆུ་བསྡམ། །ལག་ན་མཚོན་ཐོགས་བརྡེག་ཚུལ་སྟོན། །རབ་ཏུ་ཁྲོས་ལ་དུར་ཁྲོད་ཆས། །སྟོབས་ལྡན་གླང་ཆེན་ཀོ་རློན་དང་། །མི་ཡི་པགས་པ་ཁྲག་རིས་ཅན། །གཅན་གཟན་སྟག་གི་ཤུན་ལྤགས་རྣམས། །སྟོད་ཁེབས་སྨད་དཀྲིས་སྐེད་ལ་བཅིངས། །ཁྲག་ཞག་ཐལ་བའི་ཚོམ་བུས་བྱུགས། །ཐོད་ཕྲེང་སྦྲུལ་གྱི་ཆུན་པོས་བརྒྱན། །ཁ་གདངས་མཆེ་གཙིགས་མིག་གསུམ་བགྲད། །ལུས་ལ་བསྐལ་པའི་མེ་ཆེན་འབར། །ཧ་ཧ་ཧཱུྃ་ཧཱུྃ་ཕཊ་ཕཊ་སྒྲོགས། །ལག་ན་མཚོན་ཆའི་ཆར་པ་འབེབས། །སྐལ་མེད་ལ་སོགས་འཇོམས་པའོ། །འཇིགས་པའི་གཟུགས་བསྟན་ཁྲོ་བ་ནི། །སྐུ་ཆེ་ཡན་ལག་རགས་པ་ལ། །དཔའ་བརྗིད་ལྡན་ཞིང་འགྱིང་བ་ཅན། །མཐོང་བ་ཙམ་གྱིས་སྐྲག་པའོ། །ངང་གིས་ཁྲོ་བ་རྣམ་པ་གཉིས། །ཡེ་ཤེས་ལྷ་ཡི་ངང་ཁྲོ་དང་། །ལས་བྱེད་ཤན་པ་ལྟ་བུའོ། །ཡེ་ཤེས་ལྷ་ཡི་ངང་ཁྲོ་བ། །ཁྲོ་བོའི་ཆ་ལུགས་དུ་མར་བཅས། །དགོངས་དོན་གཡོ་བ་མེད་པའོ། །ལས་བྱེད་ཤན་པ་ལྟ་བུ་ནི། །ནམ་ཡང་བརྩེ་སེམས་བྲལ་བ་ལ། །ཡང་ནི་བརྣག་པའི་དམིགས་མེད་པར། །གང་བྱེད་དྲག་ཤུལ་ལྡན་པའོ། །དམ་ཚིག་དབང་གིས་ཁྲོ་བ་ནི། །གཤིས་ལ་ཁྲོ་བ་མེད་བཞིན་དུ། །ལོག་སྤྱོད་ ― DNG014_Page_0134 ―
[མ་དཔེ་གཟིགས་ན་འདིར་གནོན།]
སྒྲོལ་བར་དམ་བཅས་པ། །སྔོན་ཚེ་དཔལ་གྱི་སྤྱན་སྔ་རུ། །རཱུ་ཏྲ་བསྒྲལ་བར་ཁས་བླངས་ནས། །ཇི་བཞིན་དུ་ཡང་ཁྲོ་བ་ལ། །གནས་སྐབས་དུས་སྐབས་བསྟུན་ནས་སུ། །དེ་ལ་ཆ་ལུགས་ངེས་པ་མེད། །སྤྲུལ་པ་ལྟ་བུར་ཁྲོ་བ་ནི། །ཞི་བའི་ངང་ལས་ཁྲོ་སྐུར་སྣང་། །གང་ལ་ཅི་འདུལ་རྣམ་འགྱུར་ཅན། །རྣམ་པ་སྣ་ཚོགས་སྤྱོད་པའོ། །རྣམ་འགྱུར་ཤུགས་ཀྱིས་ཁྲོ་བ་ནི། །སྟངས་སྟབས་རྣམ་པ་མང་པོ་དང་། །རོལ་པའི་ཆ་ལུགས་དུ་མར་བཅས། །དྲག་པོའི་ཤུགས་ཀྱིས་རྩུབ་འཁྲུགས་སྟོན། །ཡེ་ཤེས་ལྷ་ཡང་སྐྲག་བྱེད་ན། །ཉམས་པ་རྣམས་ནི་ལྟ་ཅི་སྨོས། །ཐམས་ཅད་བརྒྱལ་ཞིང་རེངས་པར་བྱེད། །ཡེ་ནས་ཁྲོ་བར་བསྔགས་པའོ། །ཁྲོ་ཚུལ་ཡན་ལག་བཅས་པ་ནི། །གར་དགུའི་ཉམས་དང་ལྡན་པ་སྟེ། །མགོ་དང་ཡན་ལག་མང་པོ་ཡིས། །སོ་སོར་ལས་བྱེད་ཕྲིན་ལས་སྐྱོང་། །དེ་ལྟར་ཁྲོ་དགུ་གང་ལ་ཡང་། །ལུས་སྟོབས་ལྡན་ཞིང་ཡན་ལག་རགས། །སོ་དང་མཆེ་བ་རབ་ཏུ་རྣོ། །ཁ་གདངས་མིག་བགྲད་ཁྲོ་གཉེར་བསྡུས། །སྨིན་མ་ཨག་ཚོམ་མེ་ལྟར་འབར། །རྐང་ལག་སེན་མོ་ལྕགས་ཀྱུ་འགུགས། །སྐྲ་དང་བ་སྤུ་མཚོན་ཆར་གཟེངས། །དཔའ་རྟགས་དུར་ཁྲོད་ཆས་རྣམས་དང་། །དར་དང་རིན་ཆེན་དུ་མས་སྤྲས། །མེ་དཔུང་འབར་བའི་ཀློང་ནས་འགྱིང་། །ལུས་ལ་སྤྲུལ་པ་དུ་མ་འགྱེད། །ཞི་བ་ལ་ཡང་རྣམ་པ་ལྔ། །ཡེ་ནས་ཞི་དང་གནས་སྐབས་ཞི། །གདུལ་བྱའི་དོན་དུ་ཞི་བ་དང་། །རྣམ་འགྱུར་སྟབས་ཀྱིས་ཞི་བ་དང་། །མངོན་པར་འཕགས་པས་ཞི་བ་དང་། །དེ་ཡང་ཡེ་ནས་ཞི་བ་ནི། །གདོད་ནས་སྐྱེ་བ་མེད་པའི་ཀློང་། །ཐུགས་རྗེ་ཀུན་སྣང་ཉི་འོད་གདལ། །ཆགས་བྲལ་ཉོན་མོངས་ངང་གིས་འཇིལ། །རྒྱན་དང་ཆ་ལུགས་རྣམས་མ་ངེས། །རོལ་པའི་སྟབས་ཀྱིས་བཞུགས་པའོ། །དེ་བཞིན་གནས་སྐབས་ཞི་བ་ནི། །མཛེས་ཤིང་ཡིད་འོངས་རྒྱན་གྱིས་སྤྲས། །གཞོན་ཤ་ཆགས་ཤིང་བག་དང་ལྡན། །ཀུན་ལྡན་ཡེ་ཤེས་སྤྱན་རབ་མཛེས། །གདུལ་བྱའི་ ― DNG014_Page_0135 ―
[མ་དཔེ་གཟིགས་ན་འདིར་གནོན།]
དོན་དུ་ཞི་བ་ནི། །སྤྲུལ་པའི་འོད་ཟེར་ཕྱོགས་བཅུར་འགྱེད། །ཡེ་ཤེས་སྣང་བ་ལམ་མེར་སྟོན། །གང་ལ་གང་འདུལ་མཛད་པ་མཛད། །རྣམ་འགྱུར་སྟབས་ཀྱིས་ཞི་བ་ནི། །ཐམས་ཅད་ཡོངས་ལ་ཁྱབ་པར་བརྩེ། །ལོག་སྤྱོད་བྱམས་པའི་ཤུགས་ཀྱིས་འདུལ། །ཉེར་ཞི་ཀུན་དང་མཐུན་པ་སྟོན། །མངོན་པར་འཕགས་པའི་ཞི་བ་ནི། །ཚད་མེད་བཞི་ཡི་དཔྱང་ཐག་ཅན། །གདལ་བ་ཆེན་པོ་ཀུན་ལ་སྙོམས། །ཐང་ལྷོད་སྐྱོ་དུབ་མེད་པའོ། །ཀུན་ཀྱང་ཆ་ལུགས་རྒྱན་རྣམས་ནི། །འཇམ་མཉེན་དར་གྱི་ཅོད་པན་དང་། །སྟོད་གཡོགས་སྨད་དཀྲིས་འཇའ་སྣམ་རིས། །སྤྱི་གཙུག་མཐོན་ཀ་རིན་ཆེན་ཏོག །རྩེ་བྲན་པྲོག་ཞུ་པ་ཏྲ་ཅན། །མགུར་ཆུ་སྙན་ཡོད་འཁོར་ལོ་རིས། །ཕྱག་ཞབས་དཔུང་རྒྱན་གདུ་བུ་དཀྲིས། །སེ་མོ་དོ་དང་དོ་ཤལ་ཅན། །སྣ་ཚོགས་རིན་ཆེན་ཕྲ་རྣམས་ཀྱིས། །སྟོད་སྨད་སྐུ་ཡི་རྒྱན་དུ་བྱས། །གཞན་ཡང་རུས་པའི་ཕྲེང་བ་དང་། །སྣ་ཚོགས་དར་གྱི་ཕོ་ལོང་སྤྲས། །མཉེན་ལྕུག་ཞི་སྒེག་འཁྲིལ་ལྡེམ་ཅན། །བཞེངས་དང་བཞུགས་དང་སྟངས་སྟབས་ཀྱི། །སྐྱིལ་ཀྲུང་ལ་སོགས་རོལ་པར་གནས། །ཞི་མ་ཁྲོ་ཡི་རྣམ་པ་ནི། །གཅིག་ཏུ་མ་ངེས་སྣ་ཚོགས་ཚུལ། །འཛུམ་ལ་ངར་བའི་རྣམ་པ་ཅན། །ཁྲོ་ལ་ཞི་བའི་ཆོ་འཕྲུལ་དང་། །སྐུ་ནི་ཞི་ལ་རྣམ་འགྱུར་ཁྲོ། །རྣམ་འགྱུར་ཞི་ལ་ཆ་ལུགས་ཁྲོ། །ཆ་ལུགས་ཞི་ལ་སྟངས་སྟབས་ཁྲོ། །སྤྱན་དང་ཞལ་གྱི་རྣམ་འགྱུར་ཡང་། །གཅིག་ཞི་གཅིག་ཁྲོ་ཕྱེད་མའི་ཚུལ། །མཆེ་བ་སྦས་པའི་སོ་མདངས་ཅན། །བཞད་ན་སྤྱན་གྱི་རྣམ་འགྱུར་ཁྲོ། །འཛུམ་ཞིང་ཁྲོ་གཉེར་བསྡུས་པ་ཅན། །ཞི་ཞི་འདྲ་ལ་ཁྲོ་ཞིང་རྔམས། །རྔམ་རྔམ་འདྲ་ལ་རབ་ཏུ་ཞི། །གཡོ་བའི་རྣམ་པས་རོལ་པ་སྟེ། །ཀུན་ཀྱང་སྤྲུལ་དང་ཡང་སྤྲུལ་ལོ། །དེ་ལྟར་ཞི་དང་ཁྲོ་བོ་དང་། །ཕྱེད་མ་ལ་སོགས་གང་དང་གང་། །རྒྱན་དང་ཆ་ལུགས་དཔག་ཏུ་མེད། །ལ་ལ་གདུལ་བྱ་འདུལ་སླད་དུ། །ལ་ལ་རྣམ་རོལ་གར་གྱི་ཚུལ། །ལ་ལ་འཇུག་ཚུལ་ཐ་དད་སྟེ། །ལོངས་སྤྱོད་རྫོགས་དང་སྤྲུལ་པའི་སྐུ། །ངེས་དང་མ་ངེས་དེ་བཞིན་ནོ། ། ― DNG014_Page_0136 ―
[མ་དཔེ་གཟིགས་ན་འདིར་གནོན།]
བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་རྒྱན་དང་ཆ་ལུགས་བསྟན་པའི་ལེའུ་སྟེ་ལྔ་པའོ།། །།ཡང་འདུས་སེམས་དཔའི་འཁོར་ཚོགས་ཉོན། །གསལ་སྣང་ཡེ་ཤེས་ལྷ་རྣམས་ཀྱི། །རྣམ་འགྱུར་མཛད་པའི་ཕྲིན་ལས་ནི། །ཕྱི་ནང་གསང་བ་བསམ་མི་ཁྱབ། །དབྱིངས་དང་ཡེ་ཤེས་རྣམ་རོལ་པ། །ཀུན་རྫོབ་ཙམ་དུ་སྣ་ཚོགས་སྣང་། །དོན་དམ་རྣམ་ངེས་ཡོངས་ལ་འདྲེས། །ཞི་བར་མཛད་དང་རྒྱས་པར་མཛད། །དེ་བཞིན་དབང་དྲག་ཕྲིན་ལས་མཛད། །སྣ་ཚོགས་ལས་རྣམས་དབང་བསྒྱུར་མཛད། །གང་ཡང་དངོས་དང་དངོས་མིན་གྱི། །འཁོར་དང་སྤྲུལ་པས་གཞན་དོན་མཛད། །མོས་པ་རྣམས་ལ་མོས་སྣང་མཛད། །མ་མོས་པ་ལའང་དེ་དག་གི། །འདུལ་ཐབས་ཆོ་འཕྲུལ་དུ་མ་ཡིས། །ཞི་དང་དྲག་དང་ཕྱེད་མ་དང་། །བརྩེ་བའི་ཉམས་ཀྱིས་དཔའ་བརྟུལ་སྟོན། །སྣང་མཛད་རོལ་པ་ཡེ་ཤེས་སྐུ། །གཅིག་ལས་དུ་མར་འགྱེད་པ་དང་། །དེ་ལས་དེ་བཞིན་རིམ་གྱིས་སྤྲོས། །མང་པོ་གཅིག་ཏུ་དྲིལ་ནས་ནི། །ཅི་བཞིན་འགྲོ་དོན་ཐབས་ཀྱིས་བརྩོན། །ས་འོག་ས་བླ་ས་སྟེང་དང་། །དེ་དང་དེ་ལས་གཞན་པ་རྣམས། །རྣམ་པར་གཡོ་ཞིང་ལས་ལ་སྦྱར། །འཁྲུགས་མར་སྣ་ཚོགས་རོལ་པར་སྟོན། །དཔའ་དང་རོལ་པ་ཉམས་ཀྱིས་ཀྱང་། །སྐུ་དང་གསུང་དང་ཐུགས་དང་ཡང་། །མཉམ་རོལ་སྤྲུལ་པ་ཡང་དང་ཡང་། །རྣམ་འགྱུར་མཛད་པའི་ཕྲིན་ལས་ཀྱིས། །ལུས་ལ་སྐུ་དང་ངག་ལ་གསུང་། །དེ་བཞིན་སེམས་ལ་ཐུགས་ཀྱིའོ། །རྒྱན་གྱི་འཁོར་ལོ་རབ་བསྐོར་བས། །ཕྱི་ནང་གསང་བའི་ཚུལ་གྱིས་ནི། །བསྐལ་པ་གྲངས་འདས་གདུལ་བྱ་ལ། །རྫས་རྣམས་དུ་མས་འདུལ་ཐབས་སྟོན། །ཐབས་དང་ཤེས་རབ་རྣམ་གཉིས་ཀྱི། །རྩ་བ་ཡན་ལག་བཅས་པ་ཡི། །རྣམ་འགྱུར་དཔག་ཏུ་མེད་པ་ཡང་། །བརྡའ་དང་བཅས་པའི་ཕྲིན་ལས་རྣམས། །ཆར་གྱི་རྒྱུན་བཞིན་འབབ་པར་བྱེད། །དམིགས་པ་དང་བཅས་ ― DNG014_Page_0137 ―
[མ་དཔེ་གཟིགས་ན་འདིར་གནོན།]
དམིགས་པ་བྲལ། །ཕྱག་རྒྱ་དུ་མར་ཡང་ཡང་སྤྲོས། །ཀུན་ལ་ཆ་ཡིས་སྙོམས་པར་འགྱུར། །མདོར་ན་གང་ཡང་སྐུ་དང་བཅས། །དཀྱིལ་འཁོར་རིམ་པ་ལས་ཀྱི་ནི། །འཇུག་དང་འཕོ་བའི་རྣམ་འགྱུར་ལས། །སྣ་ཚོགས་ལས་ཀྱི་ཆོ་ག་འབྱུང་། །བཀྲེས་པ་ལ་སོགས་གདུང་བ་སེལ། །དུཿཁའི་གནས་ལས་དེ་བཟློག་ཅིང་། །མཐར་ཕྱིན་གྲོང་མཆོག་བགྲོད་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་རྣམ་འགྱུར་མཛད་པའི་ཕྲིན་ལས་བསྟན་པའི་ལེའུ་སྟེ་དྲུག་པའོ།། །།གཟུགས་ཀྱི་རྡོ་རྗེ་ལ་སོགས་པའི། །མ་ངེས་སེམས་དཔའི་འཁོར་རྣམས་ཉོན། །ཡེ་ཤེས་རོལ་པའི་ལྷ་རྣམས་ཀྱི། །ལོངས་སྤྱོད་རྒྱན་གྱི་ཕྱག་མཚན་དང་། །དེ་དག་ཚུལ་གྱི་རྣམ་འགྱུར་ནི། །གདུལ་བྱའི་རེ་འདོད་བསྐང་དོན་དུ། །རྣམ་པ་སྣ་ཚོགས་དང་ལྡན་པ། །བརྡའ་དང་རྟགས་ཀྱིས་ཀུན་སྤྱོད་དེ། །འཁོར་ལོ་རྡོ་རྗེ་རིན་པོ་ཆེ། །པདྨ་རྒྱ་གྲམ་རྣམ་པ་ལྔ། །བདེ་གཤེགས་མཚན་ཉིད་འཛིན་པའོ། །གྲི་གུག་རལ་གྲི་དགྲ་སྟྭ་དང་། །མདའ་གཞུ་ཟངས་གྲི་ཁ་ཊྭཱྃ་ག །མདུང་ཐུང་སྤུ་གྲི་རེག་ཆོད་དང་། །ཆུ་གྲི་དང་ནི་མཚོན་ཆ་ཡིས། །ཉོན་མོངས་ལ་སོགས་རྣམ་རྟོག་འཇོམས། །ཕུར་པ་ཐོ་བ་གཏུན་ཤིང་དང་། །ཐོད་དབྱུག་ཚོན་གྱི་གྲུ་གུ་དང་། །གནམ་ལྕགས་ཐོ་ལུམ་དུག་གི་གྲི། །མ་རུངས་བདུད་དང་རུ་དྲ་འདུལ། །རྒྱུ་མ་སྦྲུལ་དང་རྡོ་རྗེ་ཡི། །ཞགས་པས་དུག་གསུམ་འཆིང་བར་བྱེད། །བུམ་པ་ལྷུང་བཟེད་གཏེར་གྱི་སྒྲོམ། །པད་ཕོར་རིན་ཆེན་གཞོང་པ་དང་། །པདྨ་རཱ་གའི་གའུ་དང་། །བྷནྡྷ་སྐམ་རློན་སྣོད་ཆེན་པོ། །དངོས་གྲུབ་རྣམ་གཉིས་བཅུད་ཆར་འབེབས། །ཕྱག་མཚན་ཞིང་དབྱུག་ཐོང་གཤོལ་དང་། །བ་དན་ཞིང་གི་རྒྱལ་མཚན་དང་། །རྔ་ཡབ་བེ་ཅོན་ཁྲམ་ཤིང་སྟེ། །དཔའ་རྟགས་ཉོན་མོངས་གཡུལ་རྒྱལ་རྟགས། །རྔ་དང་གྷཎྜ་ཅང་ཏེའུ་དང་། །ཐོད་རྔས་ཆོས་གསུང་སྒྲ་སྒྲོགས་བྱེད། །པོ་ཏི་ཨུཏྤལ་རིན་ཆེན་ཕྲེང་། །སྨན་གྱི་སྡོང་ ― DNG014_Page_0138 ―
[མ་དཔེ་གཟིགས་ན་འདིར་གནོན།]
པོ་རིན་ཆེན་ཕྲེང་། །མེ་ལོང་ཡིད་བཞིན་རེ་འདོད་བསྐང་། །ཉི་ཟླ་རི་རབ་མེ་དཔུང་འབར། །ཆོས་འབྱུང་རླུང་དང་མེ་ཐབས་ཀྱིས། །སྲིད་གསུམ་གདར་ཤ་གཅོད་པར་བྱེད། །སྡིགས་པ་མི་རོ་ཁྲག་གི་ཕུར་པ་ཕོར། །ལྕགས་སྤྱང་རུས་སྦལ་ཐོག་སེར་ཙིཏྟ་དང་། །ལྕགས་ཀྱི་པར་བུ་ནེའུ་ལེའི་རྐྱལ་པ་སྟེ། །དྲེགས་པ་ལས་འཁོལ་མ་རུངས་འཇོམས་པའི་རྟགས། །མེ་ཏོག་བདུག་སྤོས་མར་མེ་དྲི། །ཞལ་ཟས་སྒྲ་དབྱངས་ལྷ་རྣམས་ཀྱི། །དགྱེས་པ་བསྐང་ཞིང་མཆོད་རྫས་རྟགས། །ལྕགས་ཀྱུ་ཞགས་པ་ལྕགས་སྒྲོག་དྲིལ། །འགུགས་དང་འཆིང་དང་སྡོམ་པ་དང་། །མ་རུངས་པ་རྣམས་མྱོས་པར་བྱེད། །དེ་ལས་གཞན་ཡང་ལོངས་སྤྱོད་ཀྱི། །མཛེས་བྱེད་ཕྱག་མཚན་དུ་མར་བཅས། །རང་སྣང་རྣམ་དག་ཆོས་ཀྱི་སྤྲིན། །ཐུགས་མཆོག་ཡེ་ཤེས་རྟགས་ཀྱི་རྒྱ། །རྒྱལ་བ་རྣམས་ཀྱི་གསང་མཛོད་འཛིན། །རྣམ་རོལ་ཆོ་འཕྲུལ་དཔག་མེད་པས། །སྐྱོ་དང་དུབ་མེད་ཀུན་ཏུ་སྤྱོད། །གང་དང་གང་ལ་སྤེལ་བྱེད་ཅིང་། །སྒྲིབ་མེད་ཡང་དག་ཀུན་ལ་སྦྱོར། །བརྟུལ་ཞུགས་སྤྱོད་པས་འགྲོ་དོན་མཛད། །ཨེ་མ་འདི་དག་རྨད་དུ་བྱུང་། །དགོངས་པ་ཡོངས་རྫོགས་དཀྱིལ་འཁོར་བཀྲ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་ཕྱག་མཚན་གྱི་རྣམ་པར་དབྱེ་བ་འཛིན་ཚུལ་བསྟན་པའི་ལེའུ་སྟེ་བདུན་པའོ།། །།སྤྲུལ་པའི་འཁོར་རྣམས་གུས་པར་ཉོན། །ཡེ་ཤེས་ལྷ་ཡི་དཀྱིལ་འཁོར་དུ། །དཔའ་བོ་ཡབ་ཀྱི་རྣམ་རོལ་ནི། །ཐབས་ཀྱི་ཡེ་ཤེས་ཚུལ་བསྟན་པ། །དོན་ལ་ཡབ་ཡུམ་རིས་མེད་ཀྱང་། །སྣང་ཚུལ་གདུལ་བྱ་འདུལ་དོན་དུ། །ཐབས་དང་ཤེས་རབ་འདུ་འཕྲོད་པས། །ཕན་ཚུན་ཕྱི་ནང་གཡས་དང་གཡོན། །གཉིས་སྦྱོར་ཉོན་མོངས་བྲལ་བ་སྟེ། །དག་པའི་སྐད་ཅིག་སོ་མ་ལ། །མ་དག་ལོ་འདབ་སྐྱེ་བ་ན། །གཡོ་མེད་དག་པའི་རང་སྣང་སྐུ། །འདི་ཀུན་ཐབས་ཀྱི་རྒྱལ་པོ་ཡིན། །ཉོན་མོངས་ ― DNG014_Page_0139 ―
[མ་དཔེ་གཟིགས་ན་འདིར་གནོན།]
ལ་སོགས་འཁོར་རྣམས་འཇིག །ཕུང་པོ་གང་ཡང་གཏོར་བའི་རླུང་། །འདི་ཀུན་རབ་མཆོག་ཡེ་ཤེས་ཡིན། །རྩལ་ཆེན་དཔའ་བོ་ཧེ་རུ་ཀ །ཡབ་ཀྱི་ཚུལ་དུ་རྣམ་པར་སྣང་། །བཟང་པོའི་སྤྲུལ་པ་རང་བྱུང་བ། །གསལ་ཙམ་མ་ཡིན་ཆེ་བར་གྲགས། །དཔལ་ཆེན་བརྟུལ་ཞུགས་ནས་སྟོབས་འཛིན། །གཡུལ་ལས་རྣམ་པར་རྒྱལ་བ་སྟེ། །ཀུན་ཀྱང་འཇོམས་པའི་དཔལ་དུ་ཤར། །དཔལ་ཆེན་བདེ་བའི་ཡེ་ཤེས་བསྐྱེད། །དཔའ་བོ་སྲིད་པའི་རྩེ་མོ་གནོན། །ཁྱོད་ཀྱི་སེན་མོའི་ཁྱོན་གྱིས་ཀྱང་། །ཉོན་མོངས་གཡུལ་ལས་རྒྱལ་བྱེད་དེ། །རྡོ་རྗེའི་ཆོ་འཕྲུལ་དུ་མ་ལས། །སྤྲུལ་དང་ཡང་སྤྲུལ་དེ་སྤྲུལ་ཞིང་། །འདོད་ཆགས་དགྲ་ལས་རྣམ་རྒྱལ་བ། །འདོད་ཆགས་དག་པའི་ཡེ་ཤེས་ཀྱི། །འདོད་ཆགས་མ་སྤངས་རང་བྱུང་ནས། །འདོད་པས་འདོད་པ་ཉིད་འགྲུབ་བྱེད། །དེས་ན་དཔའ་བོ་ཨེ་མ་མཚར། །ཡབ་ཀྱི་དཀྱིལ་འཁོར་ཉིད་ལ་རྫོགས། །བཟང་པོ་ཡང་ནི་དེ་ཡི་ཕ། །དབང་རབ་གཙོ་བོ་དེ་བཞིན་བྱེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷ་ལ་གདུལ་བྱའི་དོན་དུ་དཔའ་བོ་ཡབ་ཀྱི་སྣང་ཚུལ་བསྟན་པའི་ལེའུ་སྟེ་བརྒྱད་པའོ།། །།ཡང་ཉོན་འདུས་པའི་འཁོར་རྣམས་ཀུན། །ཡེ་ཤེས་ལྷ་ཡི་དཀྱིལ་འཁོར་དུ། །དཔའ་མོ་ཡུམ་གྱི་རྣམ་རོལ་ནི། །ཤེས་རབ་ཡེ་ཤེས་ཚུལ་བསྟན་པའི། །ཡང་དག་དོན་ལ་ཡབ་དང་ཡུམ། །ཕན་ཚུན་རྣམ་རིས་བྱས་མོད་ཀྱང་། །ཡུལ་གྱི་རྣམ་པར་ཕྱེས་ནས་ནི། །ཤེས་རབ་ཡེ་ཤེས་དག་པའི་སྐུ། །མཁའ་ཀློང་ཡངས་པའི་ངང་ཉིད་ལས། །སྒྱུ་མའི་རྩལ་སྣང་འཕྲོ་ཞིང་འདུ། །ཉིད་ལས་བྱུང་ཞིང་ཉིད་ལ་ཐིམ། །ཉིད་ལས་མ་གཡོས་བྱས་བྱུང་མེད། །དེ་ཕྱིར་ཡུམ་གྱི་རྣམ་འཕྲུལ་ལས། །འགྱེད་པའི་ཆོ་འཕྲུལ་སྣ་ཚོགས་ཀུན། །ཤར་ལྷོ་ནུབ་བྱང་ཕྱོགས་དང་ནི། །དེ་བཞིན་བྱང་ཤར་ལ་སོགས་མཚམས། །སྟེང་དང་འོག་སྟེ་ཕྱོགས་བཅུ་རུ། ། ― DNG014_Page_0140 ―
[མ་དཔེ་གཟིགས་ན་འདིར་གནོན།]
རྣམ་པར་འཕྲོས་པའི་རྒྱན་དང་བཅས། །འདས་དང་མ་འོངས་ད་ལྟར་ཡང་། །བྷ་ག་ཡངས་པའི་ཀློང་ལས་ནི། །བྱུང་དང་འབྱུང་གྱུར་གནས་པ་ཉིད། །དེ་ལས་གཞན་ཡང་དཔའ་བོ་ཡི། །རྒྱུད་བསྐུལ་ཐུགས་དམ་བསྐང་བ་སྟེ། །བདེ་སྟོང་རོལ་པའི་རྣམ་འགྱུར་ལས། །སྤྲུལ་དང་ཡང་སྤྲུལ་དེར་སྤྲུལ་ཞིང་། །ཕྱོགས་བཅུར་དཔག་ཏུ་མེད་འགྱེད་པའི། །རྒྱན་གྱི་རྣམ་རོལ་མང་པོ་ཡང་། །ཀུན་ཏུ་སྣང་ཞིང་ཡང་ལ་སྤྲོ། །དགའ་བཞི་ཡེ་ཤེས་སྤྲོས་དང་བྲལ། །འདོད་ཆགས་ལ་སོགས་དུག་རྣམས་ཀྱང་། །ཉིད་ཀྱི་ཀློང་ལས་རང་བྱུང་ཞིང་། །ཉིད་ཀྱི་དབྱིངས་ལས་རང་སར་ཐིམ། །དེ་ལྟར་ཡང་དག་དེ་ལས་གཞན། །གཡོ་བ་མེད་ལས་རྣམ་པར་གཡོ། །གཡོ་བའི་རླབས་ཀྱིས་ཡོངས་ལ་ཁྱབ། །ཡོངས་ལ་ཁྱབ་ཅིང་ཡོངས་ལ་གསལ། །གསལ་བ་ཐམས་ཅད་ས་ལེར་སྣང་། །དེ་ཡང་བཟང་མོའི་དགོངས་པར་རོ། །དེ་ལྟར་དཔའ་མོ་ཡུམ་ཉིད་ལས། །སྣང་བ་མ་འགགས་རྩལ་ཡེ་ཤེས། །འུབ་ཆུབ་ཆེན་པོར་འདུས་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་དཔའ་མོ་ཡུམ་གྱི་སྣང་ཚུལ་བསྟན་པའི་ལེའུ་སྟེ་དགུ་པའོ།། །།རྣམ་རོལ་སྤྲུལ་པའི་འཁོར་རྣམས་ཉོན། །ཡེ་ཤེས་དཀྱིལ་འཁོར་ལྷ་རྣམས་ཀྱི། །འཁོར་གྱི་རྣམ་གྲངས་ཡང་དག་བརྗོད། །སྐུ་དང་གསུང་དང་ཐུགས་དང་ཡང་། །ཡོན་ཏན་ཕྲིན་ལས་བྱུང་བ་ཡི། །འཁོར་དང་དེ་ཡི་ཡང་འཁོར་དང་། །དེ་ལས་གཞན་ཡང་སྤྲུལ་པའི་འཁོར། །འཇིག་རྟེན་པ་ལྟར་སྣང་བ་སྟེ། །གཅིག་བཅུ་བརྒྱ་སྟོང་ཁྲི་འབུམ་ནས། །གྲངས་ཀྱིས་མི་རྫོགས་མཐར་ཐུག་པར། །འཁོར་གྱི་རྣམ་གྲངས་དེ་སྙེད་དེ། །རིགས་དྲུག་སྐྱེ་འགྲོ་ལྷ་ཡི་འཁོར། །གདུལ་བྱ་སྐྱེ་བ་རྣམ་པ་བཞི། །རྒྱུད་ལྔ་ལམ་གྱི་འགྲོ་བ་རྣམས། །ཡེ་ཤེས་ལྷ་ལ་ཉེ་བར་འཁོར། །དེ་དང་དེ་ཡི་དཔལ་རྣམས་ནི། །དཀར་དང་ནག་པའི་ལས་ཀྱི་མཐར། །དེ་ཡང་འཁོར་དང་ལྷན་ཅིག་པས། ། ― DNG014_Page_0141 ―
[མ་དཔེ་གཟིགས་ན་འདིར་གནོན།]
བཀའ་ཉན་གུས་སྡོད་ཡིན་པ་སྟེ། །ཉིད་ཀྱི་ཆོ་འཕྲུལ་ལས་བྱུང་ཚེ། །འཁོར་དང་འདས་པ་གཉིས་ཀའོ། །གནས་སྐབས་ཡུལ་དོན་འཁོར་རྣམས་ནི། །འབར་བ་ཞབས་ཀྱི་གདན་ཁྲི་ལ། །ཉེ་བར་རེག་པའི་འཁོར་ཡིན་ཅིང་། །གཙོ་བོ་ཉིད་ལས་སྤྲུལ་པས་སོ། །གུད་ན་མ་ཡིན་ཀློང་རྡོལ་བས། །ལས་ཀྱི་གཉེར་ལེན་བྲན་གྱི་ཚུལ། །ཡང་དུ་ཡང་དུ་འདུ་འཕྲོ་སྟོན། །བྱེད་པ་དེ་བཞིན་ལས་ཀུན་བྱེད། །ཆེ་ལས་ཆུང་སྣང་གཙོ་བོའི་ཕྱེད། །དེ་ཕྱེད་ཕྱི་རོལ་རྣམས་ལ་སྟེ། །དེ་དང་རྗེས་མཐུན་ལས་ཀྱང་བསྒྲུབ། །རྣམ་པར་རོལ་ལ་རྣམ་མི་གནས། །རྣམ་རོལ་རྒྱན་གྱི་འཁོར་ལོ་བསྐོར། །ཞི་བའི་འཁོར་ལོ་བསྐོར་བ་དང་། །དེ་བཞིན་རྒྱས་དང་དབང་སོགས་དང་། །རིམ་ནས་རིམ་བཞིན་འཁོར་ལོ་རྣམས། །སྐྱོ་དང་དུབ་མེད་ཡང་ཡང་བསྐོར། །བར་མཚམས་མེད་པར་འབྱུང་བ་སྟེ། །དེ་དང་དེ་ལ་ཉེ་བར་གནས། །རྒྱུག་དང་འཕུར་དང་འཇོལ་བ་དང་། །ལག་གིས་འགྲོ་དང་ལྟོ་འགྲོའི་ཚུལ། །སྐད་ཅིག་ཉིད་ལ་སྲིད་པ་གསུམ། །ཡོངས་སུ་ཁྱབ་པའི་བྱ་བ་བྱེད། །དེ་བཞིན་རེ་རེ་ལ་ཡང་འཁོར། །གྲངས་དང་སྙེད་ཀྱི་བཀའ་ཉན་པ། །སྒོ་མཚམས་ལ་སོགས་རེ་རེ་ནི། །བརྡ་ཙམ་དུ་ནི་སྣང་བ་དང་། །དེ་ཕྱིར་མིང་དང་འཁོར་གྱི་གྲངས། །དེ་ཡི་བྱེད་པ་ལས་དང་བཅས། །དེ་ལ་སྤྲོས་ཤིང་དེ་ལས་སྡུད། །དེ་ཡི་རྣམ་གྲངས་ཤེས་པར་བྱ། །མདོར་ན་ཡེ་ཤེས་ལྷ་ཡི་འཁོར། །འཇིག་རྟེན་པ་དང་འཇིག་རྟེན་འདས། །སྤྲུལ་དང་ཡང་སྤྲུལ་བསམ་མི་ཁྱབ། །རང་རང་བློ་ཡི་སྤྱོད་ཡུལ་དུ། །གང་འཚམས་པར་ནི་ཤེས་པར་བྱའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་འཁོར་གྱི་རྣམ་གྲངས་བསྟན་པའི་ལེའུ་སྟེ་བཅུ་པའོ།། །།རང་བྱུང་སྤྲུལ་པའི་འཁོར་རྣམས་ཉོན། །དེ་ལྟར་ལྷ་ཚོགས་འཁོར་བཅས་ཀྱི། །སྤྲུལ་པ་ལ་ནི་རྣམ་པ་ལྔ། །དངོས་སུ་སྤྲུལ་དང་བརྫུས་ཏེ་སྤྲུལ། །ལོག་པར་སྤྲུལ་དང་ངང་གིས་སྤྲུལ། །རྣམ་པར་འགྱུར་བའི་སྤྲུལ་པའོ། །དངོས་སུ་སྤྲུལ་པ་དངོས་འདྲ་བའི། །གཅིག་ ― DNG014_Page_0142 ―
[མ་དཔེ་གཟིགས་ན་འདིར་གནོན།]
ལས་བརྒྱ་སྟོང་ཁྲི་འབུམ་སོགས། །མཚན་དང་བཅས་པ་དཔག་མེད་པ། །རྒྱན་དང་རོལ་པའི་རྣམ་འགྱུར་བཅས། །རྣམ་པ་གཅིག་ལ་ཀུན་ཏུ་སྣང་། །གདུལ་བྱ་རེ་རེའི་སྣང་ཚུལ་དུ། །ཚོམ་བུ་ཚོམ་བུ་ཚུལ་དུ་སྣང་། །བརྫུས་ཏེ་སྤྲུལ་ནི་དངོས་མ་ཡིན། །རིགས་ལ་རིག་བྱེད་མང་པོ་དག །དབུས་ལ་སོགས་པར་སྣང་བཞིན་དུ། །ཡོད་པ་མ་ཡིན་མེད་མ་ཡིན། །ཡོད་མེད་ལས་འདས་སྒྱུ་མའི་སྐུ། །སྣང་ལ་རང་བཞིན་མ་གྲུབ་པར། །ཐུགས་རྗེའི་ཞལ་ཕྱག་རྣམ་པར་གསལ། །ཆེ་ལ་རགས་དང་ཕྲ་ཞིང་ཞིབ། །རྒྱན་དང་ཆ་ལུགས་རྫོགས་པའོ། །ལོག་པར་སྤྲུལ་ནི་ཞི་བ་ལས། །ཁྲོ་བོ་གཏུམ་པོའི་ཚུལ་དུ་བྱུང་། །སྐུ་མདོག་ལ་སོགས་དཀར་པོ་དང་། །ནག་ལ་རྔམས་པར་སྟོན་པ་དང་། །མ་རུངས་དུར་ཁྲོད་ཆས་ཆེན་རྣམས། །དར་དང་རིན་ཆེན་རྒྱན་དང་བཅས། །ཁྲོ་ཞིང་གཏུམ་པར་གནས་པ་ལ། །ཞི་འཛུམ་ལྷམ་མེ་ལྷན་ནེར་སྟོན། །དེ་ལྟར་ཞི་ལས་ཁྲོ་བོ་དང་། །ཁྲོ་བོ་ལས་ནི་ཞི་བ་སྟེ། །ཡབ་ཉིད་ཡུམ་དུ་གྱུར་པ་དང་། །དེ་བཞིན་ཡུམ་ཉིད་ཡབ་ཏུ་འགྱུར། །འཁོར་རྣམས་གནས་འགྱུར་གཙོ་བོའི་ཚུལ། །གཙོ་བོ་གནས་འགྱུར་འཁོར་དུ་སྣང་། །དེ་སོགས་རིམ་པ་བསམ་མི་ཁྱབ། །ཐུགས་རྗེ་ངང་གིས་སྤྲུལ་པ་ནི། །གང་ཡིན་གཙོ་བོ་གཡོ་མེད་ཀྱི། །སྐུ་གསུང་ཐུགས་ལས་འོད་ཟེར་གྱི། །དཀར་དམར་མཐིང་གའི་རྣམ་པ་ཅན། །དངོས་དང་དངོས་མིན་འདྲ་བ་ཡི། །སྤྲུལ་པ་དཔག་མེད་བཀྱེས་ནས་ནི། །སྣང་སྲིད་འཇིག་རྟེན་ཐམས་ཅད་གང་། །སོ་སོར་ཕྲིན་ལས་སྣ་ཚོགས་བྱེད། །ཡང་ནི་སོ་སོའི་གནས་སུ་ཐིམ། །དེ་བཞིན་གཅིག་ལས་གཅིག་སྤྲུལ་ཞིང་། །མར་མེ་གཅིག་ལས་གཅིག་འཕེལ་བས། །ཐམས་ཅད་མར་མེས་གང་བ་དང་། །སྡོང་པོ་གཅིག་ལས་ཡལ་ག་འབུམ། །སོ་སོར་གྱེས་པ་ལྟ་བུར་སྤྲུལ། །དེ་ཡང་གདུལ་བྱའི་སྣང་ཚུལ་དེ། །ཟླ་བ་ལ་ནི་ཆུ་སྣོད་བཞིན། །གཅིག་ལས་མང་པོར་སྤྲུལ་སྣང་ངོ་། །རྣམ་པར་འགྱུར་བའི་སྤྲུལ་པ་ནི། །ཐུགས་རྗེ་ཞལ་ཕྱག་ཅན་གྱི་ལྷ། །སྤྲུལ་ནས་ ― DNG014_Page_0143 ―
[མ་དཔེ་གཟིགས་ན་འདིར་གནོན།]
འཁོར་ལོ་རྡོ་རྗེ་དང་། །རིན་ཆེན་པདྨ་རྒྱ་གྲམ་དང་། །རལ་གྲི་ཁ་ཊྭཱཾ་གྲི་གུག་དང་། །ཕུར་པ་དག་ཏུ་སྤྲུལ་པ་དང་། །ས་བོན་ཧཱུཾ་དང་ཧྲཱྀཿལ་སོགས། །ཡི་གེའི་རྣམ་པར་སྤྲུལ་པ་དང་། །དེ་བཞིན་ཕྱག་མཚན་ཡིག་འབྲུ་ལས། །ཐུགས་རྗེ་ཞལ་ཕྱག་འཛིན་པ་ཡི། །སྐུ་རུ་ངེས་པར་སྟོན་པ་དང་། །དེ་བཞིན་མེ་ཆུ་ལ་སོགས་པའི། །འབྱུང་བའི་རྣམ་པར་སྤྲུལ་པ་དང་། །རྒྱལ་བློན་བཙུན་མོའི་རྣམ་པ་འམ། །བྲན་ལ་སོགས་པ་སྤྲུལ་པ་སྟེ། །གདུལ་བྱ་གང་དང་གང་འདུལ་བ། །དེ་དང་དེ་ལ་དེར་སྤྲུལ་ནས། །འགྲོ་དོན་སྤྱོད་པའི་རྣམ་འཕྲུལ་ཅན། །སངས་རྒྱས་མཛད་པ་བསམ་མི་ཁྱབ། །སྤྲུལ་པ་ལ་ཡང་སྤྲུལ་པ་དང་། །དེར་སྤྲུལ་ལ་སོགས་བརྗོད་མཐའ་ཡས། །རྣམ་པར་འགྱུར་བའི་སྤྲུལ་པ་རྣམས། །དགོངས་པའི་ཀློང་ནས་རང་བྱུང་བའི། །གཅིག་དང་དུ་མའི་གྲངས་མཐའ་ཟད། །རྣམ་པར་མ་ངེས་ངེས་མེད་དོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷ་ཡི་གཙོ་འཁོར་གྱི་སྤྲུལ་པ་བསྟན་པའི་ལེའུ་སྟེ་བཅུ་གཅིག་པའོ།། །།ཐུགས་རྡོལ་སྤྲུལ་པའི་འཁོར་རྣམས་ཉོན། །སྤྲུལ་པ་དེ་ལས་ཡང་སྤྲུལ་ནི། །སྣང་སྲིད་ཕྱི་ནང་སྣོད་བཅུད་ཀྱི། །གང་སྟོང་སྐྱེ་འབྲི་མང་པོ་ལས། །ཆགས་འཇིག་གནས་དང་སྟོངས་ས་ཡི། །སྲིད་པའི་རྩེ་ནས་ན་རག་བར། །བྱེད་པ་དུ་མར་བཅས་པ་སྟེ། །ལུས་དང་ལུས་ཀྱི་རྣམ་འགྱུར་དང་། །ངག་དང་ངག་གི་རྣམ་འགྱུར་དང་། །སེམས་དང་སེམས་ཀྱི་རྣམ་འགྱུར་དང་། །དེ་ལས་སྤྲོས་པའི་བདེ་དང་སྡུག །རང་བབས་བཏང་སྙོམས་བཅས་པ་སྟེ། །རྣམ་པ་དུ་མར་སྣང་བ་ཀུན། །སྤྲུལ་པ་དེ་ཡི་ཡང་སྤྲུལ་ཉིད། །བདེ་གཤེགས་སྙིང་པོའི་ཆོ་འཕྲུལ་ཏེ། །རང་རང་སོ་སོས་བྱས་མིན་པར། །འདོད་འཚམས་ཉིད་ལས་རབ་སྦྱར་ནས། །སྐྱེ་དང་འགྲོ་འོང་ལྷ་དང་ལྷ། །ལྷ་རྣམས་ཉིད་ཀྱི་རྣམ་པར་འཕྲུལ། །དེ་བཞིན་བྱེད་དང་བྱེད་པ་པོ། །སྣ་ཚོགས་ལས་ཀྱི་བྱེ་བྲག་ཀྱང་། །དེ་ཡི་ཡང་སྤྲུལ་བྱེད་པ་ལས། །བྱེད་པ་ཆུ་ལས་ཆུ་རྡོལ་ལམ། །ནམ་མཁའི་ཆོ་འཕྲུལ་ཇི་བཞིན་ནོ། །སྲིད་ ― DNG014_Page_0144 ―
[མ་དཔེ་གཟིགས་ན་འདིར་གནོན།]
པ་འདི་དག་སྲིན་བྱ་ཡི། །ཁ་ཆུ་རང་ལོག་ཟད་མཐའ་མེད། །དཔེར་ན་བུད་མེད་སྦྲུམ་མ་ལ། །བུ་དང་བུ་མོ་དེ་ལ་ཡང་། །རིམ་བཞིན་འཕེལ་བའི་འཁྲུལ་འཁོར་ལྟར། །སྣང་སྲིད་འདི་དག་ཡང་སྤྲུལ་ཏེ། །སྤྲུལ་པའི་སྤྲུལ་པ་ཡིན་པར་བྱ། །ཡང་སྤྲུལ་དེ་སྤྲུལ་འཁོར་ལོ་བསྐོར། །དེས་ན་སྣང་སྲིད་རྒྱལ་བ་ཡི། །དཀྱིལ་འཁོར་ཉིད་དུ་ཤེས་པར་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷ་ཡི་ཡང་སྤྲུལ་བསྟན་པའི་ལེའུ་སྟེ་བཅུ་གཉིས་པའོ།། །།གཟུགས་ཀྱི་རྡོ་རྗེ་ལ་སོགས་པའི། །སྤྲུལ་པའི་འཁོར་རྣམས་གུས་པས་ཉོན། །ཡེ་ཤེས་ལྷ་ཡི་རྟོགས་བརྗོད་ནི། །སྤྲོས་ན་བརྗོད་ཀྱིས་མི་ལང་ཡང་། །ཡང་དག་དོན་རྟོགས་འདི་ལྟར་བརྗོད། །ཨེ་མ་ངོ་མཚར་ཆེན་པོའི་དཔལ། །ཡེ་ཤེས་ཁྲོ་བོ་བཞད་པ་ལས། །ཞི་བར་སྣང་ཞིང་སྲིད་པ་འདུལ། །མཉམ་པར་གནས་དང་མི་གནས་མེད། །དཀར་ལ་དྭངས་དང་སེར་གསལ་བ། །དམར་ལས་ལྗང་བའི་རང་བཞིན་སོགས། །ཁ་དོག་སྣ་ཚོགས་འབར་བའི་འོད། །སྐུ་ཡི་ཆ་ལས་འོད་ཀྱི་སྐུ། །སྐུ་དང་སྐུ་ཡི་རྣམ་པ་ཅན། །ཆགས་པ་མི་མངའ་བྲལ་མི་མངའ། །གསལ་དང་འགྲིབ་པ་ཡོང་མི་མངའ། །དེ་བཞིན་སྐྱེ་དང་འབྲི་མེད་པ། །ཡེ་ཤེས་ལུས་ཅན་དེ་བཞིན་གཤེགས། །རྡོ་རྗེའི་ཡེ་ཤེས་རྡོ་རྗེ་འཆང་། །གཟུགས་ཀྱི་རྡོ་རྗེ་སྲ་མཁྲེགས་པ། །འཇོམས་པར་བྱེད་ཅིང་འཇིག་པར་བྱེད། །སྲིད་པའི་གནས་རྣམས་སྐེམ་བྱེད་པའི། །ཉི་མ་འབུམ་གྱི་གཟི་བརྗིད་ཅན། །བསྐལ་པ་གྲངས་འདས་མུན་སེལ་བའི། །འོད་ཀྱི་སྙིང་པོ་ཕྱོགས་ཀུན་བརྡལ། །བསྙེལ་པ་མེད་ཅིང་དུབ་པ་མེད། །རྣམ་པར་སྲ་ཞིང་མཁྲེགས་པ་ཅན། །འཇམ་མཉེན་འོད་ཀྱི་གོང་བུར་གནས། །དཀར་སེར་དམར་ལྗང་རབ་ཏུ་མཁྲེགས། །རྒྱང་དང་དྲུང་ལས་ཁྱད་པར་བྲལ། །གཟི་བརྗིད་དཔག་ཏུ་མེད་བཞིན་དུ། །བལྟ་བར་བཟོད་ཅིང་གང་གིས་མཐོང་། །བཞིན་གྱི་པདྨའི་དཀྱིལ་འཁོར་བྱེ། །རྣམ་རོལ་བདེ་བའི་དཔལ་ལ་སྤྱོད། །ཧ་ཧ་དགྱེས་པའི་གད་མོ་ཆེར་སྒྲོག་ ― DNG014_Page_0145 ―
[མ་དཔེ་གཟིགས་ན་འདིར་གནོན།]
པ། །ཀུན་ཏུ་ཚངས་པའི་དབྱངས་ཀྱིས་ཁྱབ། །སྒྲ་ལས་ཆོས་ཀྱི་ཚིག་གིས་ཀྱང་། །སྨིན་པར་བྱེད་དང་དེ་གྲོལ་བའི། །སྐྲག་པ་མེད་ཅིང་ཞུམ་པ་མེད། །འབྲུ་ལས་དོན་ཉིད་རྣམ་པར་སྟོན། །བརྗོད་མཐའ་ཡས་ཀྱང་དོན་མཐུན་སྤྱོད། །ཡང་མཐའ་ཟད་པའི་སྐལ་དམན་པའི། །ཆོས་ཉིད་སྐད་ལས་རྣམ་ཀུན་འབྱུང་། །གདུལ་བྱ་འདུ་བ་རབ་སྣང་གྲགས། །རྣམ་རོལ་འདུ་བ་ངེས་པར་སེལ། །འབྲས་བུ་འབྱིན་ཅིང་རྣམ་རོལ་བ། །དེ་དག་དབྱངས་ཀྱི་གར་མཁན་ནོ། །ཧཱུཾ་ཧྲཱྀཿ། མཁའ་ཀློང་ཡངས་པའི་དཀྱིལ་འཁོར་དུ། །བརྩེ་བའི་ལྕགས་ཀྱུ་རྣོན་པོ་ཡིས། །སྲིད་པ་གསུམ་པོ་གདར་ཤ་གཅོད། །མཁྱེན་པའི་རལ་གྲི་འབར་བ་ཡི། །འོད་ཀྱིས་མ་རུངས་དྲ་བ་གཅོད། །སྲིད་པའི་གཅོད་སྙིང་དྲུངས་ནས་འབྱིན། །འགྱུར་མེད་གཡོ་འགུལ་བྲལ་བའོ། །ཡོངས་ཁྱབ་མཁའ་གསལ་བཅོམ་ལྡན་གྱིས། །མུ་མཐར་ཐུག་པ་སྟོངས་བྱེད་ཅིང་། །རི་བོ་ཐམས་ཅད་རྣམ་པར་འཇིག །ཁོད་མཉམ་ཆེན་པོ་ཏིང་འཛིན་གསལ། །སྐུ་གསུམ་ཞིང་རྣམས་ངེས་པར་སྣང་། །ཧོཿཧོཿམི་བཟད་རབ་འཁྲུགས་དཔལ་འབར་བ། །བ་སྤུའི་མཚོན་ཆ་རྣམ་པར་གཟེངས། །རལ་པ་མི་བཟད་མུན་ལྟར་འཁྲིགས། །ཁྲག་གི་རྒྱུན་འཛག་གདངས་པའི་ཞལ། །ཉི་མ་འབུམ་གཟིའི་སྤྱན་རྣམས་ཀྱིས། །བུད་ཤིང་མ་ལུས་བསྲེག་པར་བྱེད། །སོ་དང་སེན་མོ་སྤུ་གྲི་ཡིས། །གཟུགས་ཕུང་ཐམས་ཅད་ཕྱེ་མར་གཏུབ། །ས་འོག་གནས་ནས་སྟེང་གི་ཕྱོགས། །གཟིར་ཞིང་ཟིལ་གྱིས་གནོན་བྱེད་པའི། །རབ་ཏུ་འཁྲུག་པའི་ཡེ་ཤེས་ཀྱི། །གནམ་ལྕགས་རྡོ་རྗེ་འབར་བ་ལས། །སྤྲུལ་པ་མ་རུངས་རྣམ་པར་འཇོམས། །བསྐྲད་ཅིང་བརྡེག་པའི་རྣམ་པ་ཅན། །རིམ་པ་བདུན་ཡང་རབ་ཏུ་གཡོ། །སྟེང་གི་ཕྱོགས་རྣམས་འདར་ཞིང་འཕྲིགས། །བླ་འོག་ཚ་བའི་དབལ་གྱིས་བསྲེག །རྒྱུན་བབས་རྦ་ཀློང་འཁྲུགས་འདྲ་བའི། །ཆོ་འཕྲུལ་རབ་ཏུ་བསྟན་ནས་ཀྱང་། །མ་ལུས་གཡོ་བར་བྱེད་པའོ། །ནམ་མཁའ་ཁེངས་པའི་རྣམ་འགྱུར་ཅན། །གཟི་བརྗིད་དཔལ་འབར་འཆང་བར་བྱེད། །ཧ་ཧ་དྲག་ ― DNG014_Page_0146 ―
[མ་དཔེ་གཟིགས་ན་འདིར་གནོན།]
ཏུ་རྒོད་པའི་གད་རྒྱངས་ཀྱིས། །གཡོ་བར་བྱེད་པའི་རྫུ་འཕྲུལ་ཅན། །འབྲུག་སྟོང་ལྡིར་འདྲའི་ངར་བྱུང་ནས། །ཧེ་རུ་ཀ་དཔལ་དབྱངས་ཆེན་སྒྲོགས། །ངན་བྱེད་ཕྲ་མོ་རྣམ་པར་ཉམས། །ས་འོག་ས་སྟེང་ས་བླ་ཡི། །རྒྱུ་བྱེད་ཡི་དྭགས་མང་སྐྲག་བྱེད། །ངན་སོང་གནས་གསུམ་དྲུངས་ནས་འབྱིན། །རྣམ་རོལ་དཔའ་ཤུགས་རྩལ་འཆང་བའི། །ཁ་ནས་འོད་འབར་རྒྱ་མཚོ་སྐེམ། །དྲང་སྲོང་དམོད་པའི་རིགས་སྔགས་ཀྱང་། །སྐད་ཅིག་སེ་གོལ་གཏོགས་པས་བཟློག །རིམ་པ་བདུན་གྱི་ཁྲོ་བོ་ཡང་། །བསྙིལ་ངར་བྱེད་པའི་ང་རོ་ཅན། །ཧཱུཾ་ཧཱུཾ་བརྣག་ཅིང་གཟིར་བའི་རྣམ་པ་ཡིས། །འཕགས་པའི་ཚོགས་ཀྱང་གཡོ་བར་བྱེད། །དྲན་པ་རབ་ཏུ་འཕྲོ་བ་ཡི། །ཆོ་འཕྲུལ་དུ་མས་གང་ཁྱབ་པ། །ཉིད་ཀྱི་དཔལ་བེའུའི་དབྱིངས་སུ་སྡུད། །འཇོམས་པར་བྱེད་ཅིང་མོས་པར་བྱེད། །རྣམ་པར་རབ་ཏུ་གཟིར་བར་བྱེད། །རྒོལ་བ་ལོག་རྟོག་དྲུངས་ནས་འབྱིན། །ཉོན་མོངས་ཐ་རྒོད་གནས་ནས་བཟློག །སྐེམ་བྱེད་ལྕགས་ཀྱུ་ཆེན་པོ་ཡིས། །གནས་ངན་ངེས་པར་འདྲེན་པ་པོ། །ཧཱུཾ་མཛད་སྟོབས་ཆེན་ཨ་ལ་ལ། །ཞི་དང་ཁྲོ་དང་འཛུམ་པ་དང་། །ཡེ་ཤེས་ལྷ་དང་དེ་ཡི་འཁོར། །སྤྲུལ་དང་ཡང་སྤྲུལ་མཛད་པ་ཡི། །རྣམ་ཐར་མཐའ་ཡས་བརྗོད་ལས་འདས། །ཐུགས་ཆེན་ནམ་མཁའི་དཀྱིལ་འཁོར་བཞིན། །གསུང་འོད་འབར་བ་ཚངས་པའི་སྒྲ། །ལྷུན་པོ་སྐུ་ཆེན་གཟི་བརྗིད་འབར། །ཡེ་ཤེས་སྣང་བ་ལམ་མེར་གསལ། །བཀོད་པ་དུ་མར་ལྡན་པ་སྟེ། །ཨ་ལ་ལ་མཆོག་དགྱེས་པར་མཛོད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་རྟོགས་པ་བརྗོད་པའི་ལེའུ་སྟེ་བཅུ་གསུམ་པའོ།། །།སེམས་དཔའ་རང་བྱུང་འཁོར་རྣམས་ཉོན། །ཡེ་ཤེས་ལྷ་ཡི་བསྒྲུབ་ཚུལ་ནི། །རྣམ་པ་གཅིག་ཏུ་མ་ངེས་ཏེ། །རྫས་དང་དཀྱིལ་འཁོར་ལ་བརྟེན་ནས། །དམིགས་བཅས་ཉིད་དུ་བསྒྲུབ་པ་དང་། །གཡེང་བ་མེད་པའི་ཏིང་འཛིན་གྱིས། །འདུན་པ་བཟུང་སྟེ་བསྒྲུབ་པ་དང་། །སྙིང་པོ་སྲོག་གི་གནད་ནས་བསྐུལ། །དམ་ཚིག་དབང་གིས་བསྒྲུབ་པ་དང་། ། ― DNG014_Page_0147 ―
[མ་དཔེ་གཟིགས་ན་འདིར་གནོན།]
དད་ཅིང་གདུང་བའི་ངང་ཤུགས་ཀྱིས། །རང་དབང་མེད་པར་བསྒྲུབ་པ་དང་། །གཡེལ་བ་མེད་པའི་བརྩོན་འགྲུས་ཀྱིས། །ཐང་ལྷོད་མེད་པར་བསྒྲུབ་པ་དང་། །མཆོད་དང་བསྟོད་པའི་ལས་རིམ་གྱིས། །དགྱེས་པ་བསྐངས་ནས་བསྒྲུབ་པ་སྟེ། །དེ་ལྟར་བསྒྲུབ་ཚུལ་རྣམ་དྲུག་དང་། །དེ་ལས་གཞན་པའི་གྲངས་སྙེད་ཀྱིས། །བསྒྲུབ་ཚུལ་རིམ་པ་མང་བསྟན་པའི། །ཡེ་ཤེས་ལྷ་དང་ལྷན་ཅིག་བྱ། །དང་པོས་མ་དག་འཁྲུལ་ནོར་སྤང་། །གཉིས་པས་ཤེས་པ་དྲུངས་ནས་འདོན། །གསུམ་པས་གསལ་དག་སྒྲ་ཟུར་འབྱུང་། །བཞི་པས་ལོག་རྟོག་ཐེ་ཚོམ་སྤང་། །ལྔ་པས་ཉིན་མཚན་ཁ་སྦྱར་བསླབ། །དྲུག་པས་བདག་འཛིན་འཁྲི་བ་གཅད། །དང་པོས་ཡོ་བྱད་གཙོ་བོར་སྟོན། །གཉིས་པས་བསྐྱེད་ཆོག་གཙོ་བོར་སྟོན། །གསུམ་པས་རྟགས་ཚད་གཙོ་བོར་སྟོན། །བཞི་པས་ལྷག་བསམ་གཙོ་བོར་སྟོན། །ལྔ་པས་མཚམས་གཅོད་གཙོ་བོར་སྟོན། །དྲུག་པས་ལོངས་སྤྱོད་གཙོ་བོར་སྟོན། །དང་པོས་དུས་གནད་གཏན་ལ་དབབ། །གཉིས་པས་ཏིང་འཛིན་གཏན་ལ་དབབ། །གསུམ་པས་གྲངས་ཚད་གཏན་ལ་དབབ། །བཞི་པས་ཐག་ཆོད་གཏན་ལ་དབབ། །ལྔ་པས་བསྲུང་མཚམས་གཏན་ལ་དབབ། །དྲུག་པས་ཁྲིད་རིམ་གཏན་ལ་དབབ། །དེ་ལྟ་བུ་ཡི་ཚུལ་གྱིས་བསྒྲུབ། །རིམ་དང་ཅིག་ཆར་རྣམ་པ་ཡིས། །ཡེ་ཤེས་ལྷ་ཡི་བསྒྲུབ་པ་འབད། །ཐོག་མ་བར་དང་མཐར་དགེ་བ། །རང་ཉིད་སྒོ་གསུམ་བག་ཡོད་དང་། །ཡེ་ཤེས་ལྷ་ནི་སྒྲུབ་བྱེད་གང་། །རིང་པོར་མི་ཐོགས་འབྲས་བུ་འབྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷ་ཇི་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་བཅུ་བཞི་པའོ།། །།རང་བྱུང་སྤྲུལ་པའི་འཁོར་རྣམས་ཉོན། །ཡེ་ཤེས་ལྷ་བསྒྲུབ་དགོས་པ་ནི། །ལུས་སེམས་དྲི་མར་བཅས་པ་རྣམས། །དྲི་མེད་རྣམ་པར་དག་བྱས་ནས། །སྣང་སྲིད་རོ་མཉམ་ངང་ཉིད་དུ། །བདེ་ཆེན་ཡེ་ཤེས་དག་པ་ཡི། །སྣང་ཞིང་སྲིད་པའི་དཀྱིལ་འཁོར་རྣམས། །ཚོམ་བུ་གཅིག་ཏུ་གྲོལ་བ་དང་། །རང་རང་རྒྱ་མཚོའི་ ― DNG014_Page_0148 ―
[མ་དཔེ་གཟིགས་ན་འདིར་གནོན།]
གནས་ལས་སྒྲོལ། །དུཿཁ་རྣམས་ལས་རྣམ་པར་ཐར། །མཆོག་དོན་འབྲས་བུ་བརྙེས་བྱས་ནས། །སྐུ་གསུམ་ཉིད་དུ་ཡང་དག་ངེས། །ཐུན་མོང་དངོས་གྲུབ་སྣ་ཚོགས་ལའང་། །ཞི་བས་ཞི་བར་བྱེད་པ་དང་། །དེ་བཞིན་རྒྱས་པས་རྒྱས་པར་བྱེད། །དབང་གི་དབང་ཡུལ་དབང་དུ་སྟེ། །དྲག་པོས་དགྲ་བགེགས་རྣམས་གསོད་འགྱུར། །དེ་ལས་གཞན་ཡང་ལས་རྣམས་ཀུན། །འབྲས་བུ་མི་ཟད་ཤུགས་ལས་འབྱུང་། །དེ་ལས་འོག་ཏུ་རྣམ་པར་རྒྱལ། །ས་འོག་སྤྱོད་དང་དེ་བཞིན་དུ། །འོག་ནས་སྟེང་དུ་རྣམ་པར་སྤྱོད། །མཁའ་སྤྱོད་གདོན་མི་ཟ་བར་འགྲུབ། །རང་ལ་གཞན་དང་གཞན་ལ་རང་། །གཉིས་ཀ་ལྷན་ཅིག་ཉིད་འགྲུབ་བྱེད། །རིགས་དང་རིག་པ་འཛིན་པ་དང་། །གནས་དང་གནས་བཟང་ལ་སོགས་ཏེ། །སྐད་ཅིག་མ་བགྲོད་ལྷུན་གྱིས་གྲུབ། །ཅི་འདོད་ས་ལ་ཆིག་ཆོད་དུ། །ངེས་པའི་གདེང་དང་བཅས་པས་བགྲོད། །རྩ་བ་དང་ནི་ཡན་ལག་གི། །ཉིང་ལག་ལས་ཕྲན་བཅས་པ་ཡང་། །བསམ་འཕེལ་ཡང་དག་དོན་ལ་རེག །ཕ་རོལ་དམན་པར་གྱུར་རྣམས་ཀྱང་། །སྐད་ཅིག་ཏུ་ནི་བདག་ཉིད་དང་། །ལྷན་ཅིག་འབྲས་བུ་བརྙེས་པ་ཡིན། །ཡང་དག་བསམ་དོན་གང་ཡིན་རྣམས། །འདི་ཡིས་སྦྱོར་རོ་འདུས་པའི་འཁོར། །རྣམ་རོལ་ཡིད་གཉིས་བྲལ་བ་ཡི། །ངེས་པ་ཅན་དུའང་འདི་འགྱུར་རོ། །ཡ་ངའི་གནས་རྣམས་རྒྱབ་ཀྱིས་ཕྱོགས། །གནས་སྐབས་ཐུན་མོང་ལ་བརྟེན་ནས། །མཐར་ཐུག་མཆོག་ལ་ཡང་དག་རེག །ཤུགས་ཀྱིས་ཡང་དག་གང་ཡིན་ཡང་། །ཐོགས་པ་མེད་པར་ཟང་ཐལ་ལོ། །སྒྲོ་དང་སྐུར་པ་དང་བྲལ་ཞིང་། །ངོ་མཚར་བསྟོད་པའི་གནས་སུ་འགྱུར། །མཚན་དང་དཔེ་བྱད་འབར་བ་ཡི། །སྐུ་ཡི་ཡོན་ཏན་ཐམས་ཅད་ཀྱང་། །གཡེལ་བ་མེད་པར་མྱུར་དུ་མྱོང་། །དེ་བཞིན་གསུང་དང་ཐུགས་མཆོག་གི། །ཡོན་ཏན་མ་ལུས་འདིར་རྩོལ་བྱེད། །ཨེ་མ་འདི་ནི་བསམ་མཐའ་ཡས། །ལེགས་པ་སྤེལ་ནས་ཉེས་པར་སྣུབ། །བླ་མེད་ལ་སོགས་དོན་འབྲས་རྣམས། །རང་བབས་ལྷུན་གྱིས་གྲུབ་པའོ། །བླ་མ་ཡི་དམ་མཁའ་ ― DNG014_Page_0149 ―
[མ་དཔེ་གཟིགས་ན་འདིར་གནོན།]
འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་ཉེ་བར་བསྒྲུབ་པའི་དགོས་པ་བསྟན་པའི་ལེའུ་སྟེ་བཅོ་ལྔ་པའོ།། །།ཡང་འདུས་སེམས་པའི་འཁོར་རྣམས་ཉོན། །ལྷ་བསྒྲུབ་ཡོན་ཏན་འབྲས་བུ་ནི། །གང་གིས་བརྩོན་པའི་སྐྱེས་བུ་དེ། །ལུས་ཉིད་ལྷ་རུ་གྱུར་ནས་ཀྱང་། །ཐ་མལ་ལ་སོགས་མངོན་ཞེན་བྲལ། །གཟུགས་སྐུ་རྣམ་པ་གཉིས་གྱུར་པའི། །གཞན་དོན་མ་བརྩོན་ལྷུན་གྱིས་གྲུབ། །ངག་ཀྱང་ཡང་དག་སྔགས་ཀྱི་སྒྲ། །འཁྲུལ་པའི་གཏམ་ཟུངས་ཟད་ནས་ཀྱང་། །བླ་མེད་ཆོས་ཀྱི་སྒྲ་སྒྲོགས་ཤིང་། །མི་སྙན་བྲལ་ནས་ཀུན་ཏུ་ཡང་། །སྙན་ཅིང་དོན་མཐུན་ཡང་དག་ལྡན། །དགྲ་ཡི་དབང་པོ་ཆོས་ཀྱི་དབྱངས། །འདྲེལ་དང་བཅས་པ་རབ་སྒྲོགས་ཤིང་། །ཀུན་ཏུ་ཡང་དག་གོ་འབྱེད་པའོ། །དམྱལ་དང་ཡི་དྭགས་དུད་འགྲོ་དང་། །མི་དང་ལྷ་མིན་ལྟར་གྱུར་པའི། །སོ་སོའི་སྐད་དུ་འདི་ངེས་ནས། །ཆོས་ཀྱིས་རྣམ་པར་གྲོལ་བྱེད་པ། །འདི་ཉིད་ལས་ནི་ཡང་དག་འབྱུང་། །གནས་སྐབས་མཐར་ཐུག་དོན་འབྲས་བརྙེས། །ཡིད་ཀྱང་དེ་བཞིན་འཁྲུལ་སངས་ནས། །མཁྱེན་དང་བརྩེ་བའི་རང་བཞིན་གྱིས། །གཡོ་བ་མེད་པའི་འགྲོ་དོན་སྤྱོད། །གཅིག་ལ་ངེས་གཏད་མི་མངའ་ཞིང་། །མཁའ་ལྟར་ཡོངས་ལ་ཁྱབ་པ་ཡིས། །གང་དང་གང་ལ་དེ་དང་དེར། །དགོངས་པས་ཡོངས་ཁྱབ་སྨིན་པ་དང་། །གྲོལ་བ་ཉིད་དུ་ཡང་དག་ངེས། །བླ་མ་ལྷ་དང་མཁའ་འགྲོ་ཡི། །ནུས་པའི་སྟོབས་གང་འདིར་འདུས་བྱེད། །མདོར་ན་ལུས་ངག་ཡིད་གསུམ་པོ། །སྐུ་གསུམ་དཀྱིལ་འཁོར་ཉིད་གྱུར་པས། །སྐུ་གསུམ་ཞིང་དུ་སྦྱོར་བར་བྱེད། །སྐུ་གསུམ་ཡེ་ཤེས་ལྔ་ལྡན་པའི། །བགྲོད་པ་གཅིག་པའི་ལམ་ཆེན་ཞུགས། །ཕྱིར་མི་ལྡོག་པའི་ཡེ་ཤེས་བརྙེས། །དེ་སོགས་ཡོན་ཏན་འབྲས་བུའི་རིགས། །རབ་འབྲིང་ཐ་མའི་ཚུལ་དུ་སྟེ། །ཡང་མཐའ་ཉིད་ལས་གཞན་པ་ཡི། །རྩལ་ཆེན་འགྲུབ་པར་མི་འགྱུར་རོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་བསྒྲུབས་པས་གྲུབ་པའི་ཡོན་ཏན་ ― DNG014_Page_0150 ―
[མ་དཔེ་གཟིགས་ན་འདིར་གནོན།]
དང་འབྲས་བུ་བསྟན་པའི་ལེའུ་སྟེ་བཅུ་དྲུག་པའོ།། །།ཡང་འདུས་སྤྲུལ་པའི་འཁོར་རྣམས་ཉོན། །ལྷ་མ་བསྒྲུབས་པའི་ཉེས་པ་ནི། །མཆོག་དོན་ཡེ་ཤེས་ལྟ་ཅི་སྨོས། །གནས་སྐབས་ལམ་གྱི་འཆར་ཚུལ་ཡང་། །འདི་ཉིད་བྲལ་བར་འགྲུབ་མི་སྲིད། །ཐབས་དང་བྲལ་བའི་འདྲེ་བསྒོམ་ནི། །འདབ་གཤོག་ཆག་པའི་མཁའ་ལྡིང་བཞིན། །དམིགས་པའི་གནས་སུ་སྐྱོལ་མི་ནུས། །ཕྱི་ནང་སྣོད་བཅུད་ཕུང་པོ་ཀུན། །ཕུང་པོ་ཉིད་དུ་གྱུར་ནས་ཀྱང་། །འདོད་ཆགས་ལ་སོགས་ལས་ལ་སྤྱོད། །འཁྲུལ་ཞིང་འཁོར་ནས་འཁོར་བར་འཁོར། །འབྲས་བུ་ལྷ་མིའི་ཉེ་ལམ་ཙམ། །སྨོན་པའི་དབང་དུ་གྱུར་ནས་ཀྱང་། །དོན་གྱི་སྨོན་པ་མ་ཡིན་ནོ། །ལས་ཀྱི་རྟོག་སྒྲིབ་འཐས་པའི་མཐུས། །ཟུག་རྔུ་དང་བཅས་ཡང་ཡང་མྱོང་། །སྐྱེ་ཤི་ལ་སོགས་རྦ་རླབས་རྣམས། །དྲག་ཏུ་གཡོ་ཞིང་འཁོར་བར་འཁོར། །ལས་ཀྱི་ཁུང་ནས་དེ་མི་ཐོན། །ལྷ་དང་སྔགས་ཀྱིས་མ་ཟིན་པའི། །སྐྱེས་བུ་ཡང་དག་སྐྱེས་བུ་ནི། །ལས་ཀྱི་ཞགས་པས་དམ་བཅིངས་ནས། །ལས་ཀྱི་ཁ་བརྒྱུད་ཡང་དང་ཡང་། །འཁྲུལ་པའི་ལུ་གུ་རྒྱུད་དུ་འཁོར། །ཉེས་ལས་རྣམ་པར་གྲོལ་མིན་ཅིང་། །གདན་ལས་འཕགས་པར་མི་འགྱུར་རོ། །ལྷ་མེད་ཉེས་པ་བརྗོད་མཐའ་ཡས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་མ་བསྒྲུབས་པའི་ཉེས་པ་བསྟན་པའི་ལེའུ་སྟེ་བཅུ་བདུན་པའོ།། །། དབང་པོ་དྲན་འཛིན་འཁོར་རྣམས་ཉོན། །ཡེ་ཤེས་ལྷ་བསྒྲུབ་བརྩོན་པའི་བུ། །ཕྱི་ལྟར་བསྒྲུབ་པ་འདི་ལྟ་བུ། །གནས་ནི་རབ་འཇིགས་དུར་ཁྲོད་གླིང་། །དུས་ནི་ཡར་ཚེས་བཟང་པོའི་ཚེ། །ལུས་ངག་ཡིད་གསུམ་རྩོལ་ལྡན་པས། །དཀྱིལ་འཁོར་ལ་སོགས་རྫས་བཀྲམ་ཞིང་། །སྔོན་འགྲོ་དངོས་གཞི་རྗེས་དང་བཅས། །ལྷ་གསལ་སྔགས་དང་བཅས་ཏེ་བསྒྲུབ། །རྟགས་དང་མཚན་མས་གཏན་ལ་དབབ། །དད་གདུང་ངེས་ཤེས་བསྐྱེད་ནས་ནི། །རང་རྒྱུད་དུལ་ན་འགྲུབ་པ་སྟེ། །དངོས་གྲུབ་བླང་སོགས་ལའང་སྦྱང་། ། ― DNG014_Page_0151 ―
[མ་དཔེ་གཟིགས་ན་འདིར་གནོན།]
བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་ཕྱི་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་བཅོ་བརྒྱད་པའོ།། །།ཡོངས་འཛིན་སྤྲུལ་པའི་འཁོར་རྣམས་ཉོན། །ནང་ལྟར་ཡེ་ཤེས་ལྷ་བསྒྲུབ་ནི། །བདག་ལུས་ལྷ་ཡི་དཀྱིལ་འཁོར་གསལ། །གཡེང་བ་མེད་པའི་ཏིང་འཛིན་གསལ། །སྐྱེ་མེད་ཤུབ་བུའི་བཟླས་པ་འབད། །རང་སྣང་རྟོགས་པའི་གཏོར་མཆོད་འབུལ། །གསལ་སྣང་དག་པས་གཏན་ལ་དབབ། །སྣང་སྲིད་སྒྱུ་མར་ཤེས་པ་ན། །ཡེ་ཤེས་ལྷ་ཉིད་གྲུབ་པ་སྟེ། །ཏིང་འཛིན་འཕྲོ་འདུའི་ལས་སྦྱོར་བརྩམ། །གང་ལ་དམིགས་པ་གནས་སུ་སྦྱོར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་ནང་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་བཅུ་དགུ་པའོ།། །།འདུས་ཤིང་ཚོགས་པའི་འཁོར་རྣམས་ཉོན། །གསང་བ་ལྟར་དུ་ལྷ་བསྒྲུབ་པ། །ཐབས་ཀྱི་རིམ་པ་འདི་ལྟ་སྟེ། །ཡེ་གདངས་ཆེན་པོའི་དཀྱིལ་འཁོར་དུ། །རབ་གསལ་འོད་ཀྱི་ལྷ་བཀྲམ་ཞིང་། །སྐྱེ་མེད་རྡོ་རྗེའི་བཟླས་པ་བྱ། །ཆུ་བོ་རྒྱུན་གྱི་རྣལ་འབྱོར་ལ། །གཡོ་བ་མེད་པར་བསྒྲུབ་པ་ཡིས། །བདག་གིས་བདག་ཉིད་གཏན་ལ་ཕབ། །འཕོ་འགྱུར་མེད་ན་གྲུབ་པ་སྟེ། །གང་ཤར་རོལ་པའི་ལས་སྦྱོར་བྱ། །སྣང་སྲིད་གཞིར་བཞེངས་ཆེན་པོར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་གསང་བ་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་ཉི་ཤུ་པའོ།། །།སེམས་དཔའི་འཁོར་རྣམས་མ་ཡེངས་ཉོན། །དེ་བཞིན་ཉིད་ལྟར་ལྷ་བསྒྲུབ་པའི། །མན་ངག་ཐབས་ཀྱི་རྒྱལ་པོ་བསྟན། །རང་སྣང་དག་པའི་དཀྱིལ་འཁོར་དུ། །རྩོལ་བྲལ་ཆེན་པོའི་ལྷ་བཀོད་དེ། །འབྱུང་འཇུག་རླུང་གི་བཟླས་པ་འབད། །ཤུགས་འབྱུང་རང་བབས་བསྒྲུབ་པ་བརྩོན། །འཁྲུལ་པ་དག་ནས་ལྷ་འགྲུབ་པས། །བླང་དོར་བྲལ་བའི་ལས་སྦྱོར་བྱ། ། ― DNG014_Page_0152 ―
[མ་དཔེ་གཟིགས་ན་འདིར་གནོན།]
འཁོར་འདས་གཉིས་མེད་རོ་གཅིག་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་དེ་ཁོ་ན་ཉིད་ལྟར་བསྒྲུབ་པའི་ཚུལ་བསྟན་པའི་ལེའུ་སྟེ་ཉེར་གཅིག་པའོ།། །།དབང་པོ་སེམས་དཔའི་འཁོར་རྣམས་ཉོན། །ལྷ་མཆོད་ཐུགས་དམ་བསྐང་བ་ནི། །ཕྱི་ལྟར་ཐུན་མོང་རྫས་ཀྱིས་མཆོད། །ནང་ལྟར་དབང་པོ་རྣམ་ལྔས་མཆོད། །གསང་བ་རྟོག་ཚོགས་རིག་པས་མཆོད། །དེ་ཉིད་སྤྲོས་བྲལ་དགོངས་པས་མཆོད། །བདེ་སྟོང་རོ་མཉམ་དབྱིངས་སུ་བསྐང་། །སྣང་སྲིད་གཞིར་བཞེངས་ཆེན་པོའི་ཀློང་། །བླང་དོར་བྲལ་ན་ཐུགས་དམ་བསྐང་། །བསྐང་བྱ་སྐོང་བྱེད་བསྐང་བའི་ཡུལ། །མཉམ་ཉིད་རོལ་པ་ཆེན་པོར་བསྐང་། །དེ་ལྟར་ཐུགས་དམ་བསྐངས་པ་ཡིས། །འབྲས་བུ་མཆོག་དང་ཐུན་མོང་ཀུན། །ཡེ་ཤེས་ལྷ་དགྱེས་རྩོལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་མཆོད་ཅིང་ཐུགས་དམ་སྐོང་བའི་རིམ་པ་བསྟན་པའི་ལེའུ་སྟེ་ཉེར་གཉིས་པའོ།། །།རང་བྱུང་སྤྲུལ་པའི་འཁོར་རྣམས་ཀུན། །བདག་ཉིད་ལྷ་བསྒོམ་འདི་ལྟ་སྟེ། །གཞི་གནས་ཡེ་ཤེས་དབང་པོ་ཡི། །སྟེང་འོག་ཕྱོགས་བཅུར་མི་བལྟ་ཞིང་། །ནང་དུ་བཀུག་པས་ཨར་ལ་གཏད། །ཕུང་པོ་ཁམས་དང་སྐྱེ་མཆེད་ཀུན། །ཡེ་ཤེས་ལྷ་ཡི་རོལ་པ་སྟེ། །མ་སྐྱེས་རང་གསལ་ལམ་མེ་བ། །ཐུགས་རྗེ་ཞལ་ཕྱག་རྒྱན་དང་བཅས། །རང་བབས་ལྷུག་པར་བཞག་པ་ལ། །དད་པའི་དབང་པོ་གསལ་གདབ་པས། །སྣང་བ་ཡབ་ལ་སྟོང་པ་ཡུམ། །གཉིས་མེད་ཟུང་འཇུག་ཆེན་པོའི་དབྱིངས། །གསལ་འགྲིབ་འཕོ་འགྱུར་མེད་པར་བལྟ། །ངོ་བོ་བླ་མར་གནས་པ་ལ། །རང་བཞིན་ཡི་དམ་ལྷ་སྐུར་བཞེངས། །ཐུགས་རྗེ་འགག་མེད་མཁའ་འགྲོར་སྣང་། །བདག་ཉིད་ལས་མིན་ལྷ་མེད་པས། །ཡེ་གྲུབ་བབས་སུ་ལ་ཐག་བཅད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ ― DNG014_Page_0153 ―
[མ་དཔེ་གཟིགས་ན་འདིར་གནོན།]
ཤེལ་གྱི་རི་བོ་ལས། བདག་ཉིད་ཡེ་ཤེས་ཀྱི་ལྷར་གསལ་བའི་ཚུལ་བསྟན་པའི་ལེའུ་སྟེ་ཉེར་གསུམ་པའོ།། །།འདུས་པའི་འཁོར་ཚོགས་མ་ཡེངས་ཉོན། །མདུན་དུ་ཡེ་ཤེས་ལྷ་བསྐྱེད་ན། །ཕོ་བྲང་རིན་ཆེན་གཞལ་ཡས་ཁང་། །གྲུ་བཞི་སྒོ་བཞི་རྟ་བབས་བཅས། །ཚངས་ཁང་འོད་ཀྱི་དྲ་བས་སྦྲེལ། །སྒྲིབ་གཡོགས་མེད་པར་ཕྱི་ནང་གསལ། །རང་བཞིན་འོད་ལྔ་འཁྲིགས་པའི་དབུས། །ས་བོན་ཡིག་འབྲུ་ཕྱག་མཚན་ལ། །མངོན་པར་ལྷག་པའི་སྐུ་བསྒོམ་ཞིང་། །གཙོ་བོ་འཁོར་གྱི་སུམ་འགྱུར་ལ། །ཡང་འཁོར་དེ་ཡི་ཕྱེད་ཕྱེད་གསལ། །རྒྱན་དང་ཆ་ལུགས་རྣམ་པར་བཀྲ། །ངོ་བོ་བླ་མ་ཆོས་སྐུ་ལས། །རང་བཞིན་ཡི་དམ་ལོངས་སྤྱོད་རྫོགས། །ཐུགས་རྗེ་སྤྲུལ་སྐུ་མཁའ་འགྲོ་མ། །རྣམ་གྲངས་དམ་ཚིག་རྫོགས་པར་གསལ། །སྣང་ལ་རང་བཞིན་མ་གྲུབ་པའི། །འོད་དང་འོད་ཟེར་འཕྲོ་འདུར་བཅས། །རང་སྣང་དག་པས་གསལ་བར་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། མདུན་བསྐྱེད་ཡེ་ཤེས་ཀྱི་ལྷ་བསྒོམ་པའི་ཚུལ་བསྟན་པའི་ལེའུ་སྟེ་ཉེར་བཞི་པའོ།། །།རང་བྱུང་སེམས་དཔའི་འཁོར་རྣམས་ཉོན། །དམ་ཚིག་སེམས་དཔའི་ངོ་བོ་ནི། །མོས་བསྒྱུར་བློ་ཡིས་བསྐྱེད་པ་སྟེ། །རྐང་གྲངས་མཚན་དང་བཅས་པ་སྟེ། །གཙོ་བོ་ཉིད་དང་དེ་ཡི་ཡུམ། །འཁོར་དང་དེ་ཡི་ཡང་འཁོར་དང་། །སོ་སོར་ཚོམ་བུར་བཅས་ནས་ནི། །ཚོམ་བུ་དགུ་རུ་རྣམ་པར་ངེས། །སྤྱི་བོ་ལ་སོགས་གནས་རྣམས་སུ། །ཨཱོཾ་སོགས་ཡི་གེའི་འབྲུ་རྣམས་བཀྲམ། །སྔོན་གྱི་རྗེས་བཟུང་ཐ་ཚིག་ལྟར། །དམ་ཚིག་དབང་གིས་བསྐྱེད་རྣམས་སོ། །རང་ལས་བྱུང་ཞིང་རང་ཉིད་དང་། །དམ་ཚིག་གཅིག་ཏུ་གནས་པའི་ཕྱིར། །དམ་ཚིག་སེམས་དཔའ་ཞེས་བྱའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ལྷ་དམ་ཚིག་པ་བསྐྱེད་པར་བསྟན་པའི་ལེའུ་སྟེ་ཉེར་ལྔ་པའོ།། །།རང་ཤར་སྤྲུལ་པའི་འཁོར་རྣམས་ཉོན། །ཡེ་ཤེས་སེམས་དཔའ་ཞེས་བྱ་བ། ། ― DNG014_Page_0154 ―
[མ་དཔེ་གཟིགས་ན་འདིར་གནོན།]
གདོད་ནས་དག་པ་ཆོས་ཀྱི་སྐུ། །རང་བྱུང་རང་གསལ་ལོངས་སྤྱོད་རྫོགས། །ཤར་གྲོལ་སྤྲུལ་སྐུ་འགྲོ་བ་འདུལ། །རང་བབས་བྱིན་རླབས་བླ་མ་མཆོག །དངོས་གྲུབ་གཤིས་སྟེར་ཡི་དམ་ལྷ། །ཕྲིན་ལས་རྨད་བྱུང་མཁའ་འགྲོའི་ཚོགས། །སྣང་བའི་རང་བཞིན་ཡབ་ཀྱི་ཆ། །སྟོང་པའི་བདག་ཉིད་ཡུམ་མཆོག་སྟེ། །མཉམ་པར་གནས་པ་ཞི་བའི་སྐུ། །ཧུར་བྱུང་ཐོལ་སྐྱེས་ཁྲོ་སྐུར་བཞེངས། །རོལ་པའི་ཡེ་ཤེས་ཞི་མ་ཁྲོ། །དེ་དག་གདོད་ནས་ལྷུན་གྱིས་གྲུབ། །བྱས་བཅོས་བྱུང་བ་དེ་མ་ཡིན། །ཡེ་ནས་ཤེས་རིག་རྒྱལ་པོར་སྣང་། །དེ་ཕྱིར་ཡེ་ཤེས་སེམས་དཔའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ལྷ་ཡེ་ཤེས་སེམས་དཔའི་བཞུགས་ཚུལ་བསྟན་པའི་ལེའུ་སྟེ་ཉེར་དྲུག་པའོ།། །།རང་གྲོལ་འདུས་པའི་འཁོར་རྣམས་ཉོན། །དམ་ཚིག་པ་དང་ཡེ་ཤེས་པ། །ལྷ་གཉིས་དབྱེར་མེད་བསྲེ་བའི་ཚུལ། །ཆུ་ལ་ཆུ་བཞག་ཅི་བཞིན་དུ། །དེ་བཞིན་ཉིད་ལ་འོད་ཀྱི་ཚུལ། །ཕན་ཚུན་ཐ་དད་མ་ཡིན་པར། །དབྱེར་མེད་དུ་མ་རོ་གཅིག་ཉིད། །ཡིན་པར་ཤེས་ཤིང་ཡིན་ཚུལ་དུ། །རྣལ་འབྱོར་རྒྱལ་པོ་རྣམས་ཀྱིས་བལྟ། །བསྲེ་བྱ་སྲེ་བྱེད་མེད་པ་དང་། །གཞག་བྱ་འཇོག་བྱེད་མེད་པ་སྟེ། །འོན་ཀྱང་གནས་སྐབས་ཡུལ་དོན་དུ། །བསྐྱེད་པའི་དམ་ཚིག་སེམས་དཔའ་ལ། །དབྱིངས་ནས་ཡེ་ཤེས་སེམས་དཔའ་བཀུག །ཆུ་ལ་ཆུ་ཐིམ་ལྟ་བུར་བསྲེ། །དེ་བསྲེས་ངང་བསྒོམ་ལྷུག་པར་བཞག །འདི་ཀུན་ཐབས་ཀྱི་ཡན་ལག་སྟེ། །གདུལ་བྱ་འགྲོ་བ་འདྲེན་ཕྱིར་སྤྲོ། །ཀུན་ཀྱང་ཡང་དག་དགོངས་དོན་སྤྱོད། །ཆོ་གའི་ཡན་ལག་ཇི་བཞིན་པ། །སྤྲུལ་པ་རྣམས་ཀྱིས་སྤྲོ་བར་གྱིས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ལྷ་དམ་ཚིག་པ་དང་ཡེ་ཤེས་པ་བསྲེ་བའི་ཚུལ་བསྟན་པའི་ལེའུ་སྟེ་ཉེར་བདུན་པའོ།། །།གཟུགས་ཀྱི་རྡོ་རྗེ་ལ་སོགས་ཉོན། །དམ་ཚིག་ཡེ་ཤེས་སེམས་དཔའ་གཉིས། །དབང་སྐུར་རྒྱ་ཡིས་འདི་ལྟར་ ― DNG014_Page_0155 ―
[མ་དཔེ་གཟིགས་ན་འདིར་གནོན།]
གདབ། །རྣམ་སྣང་མི་བསྐྱོད་འོད་དཔག་མེད། །རིན་འབྱུང་དོན་ཡོད་གྲུབ་པ་སྟེ། །རིགས་རྣམས་ཀུན་གྱི་གཙོ་བོ་མཆོག །སངས་རྒྱས་མངའ་བདག་རིགས་ཀྱི་ལྷ། །ཇི་ལྟར་སྣང་བའི་རིགས་རྣམས་ལ། །རྒྱལ་ཐབས་སྤྱི་བླུག་རང་དབང་བསྐུར། །དག་པ་གསུམ་གྱིས་རྒྱས་བཏབ་པས། །འབྲས་བུ་སྐུ་ལྔ་ཡེ་ཤེས་ལྔ། །ཕུང་ཁམས་སྐྱེ་མཆེད་གནས་དག་ནས། །རང་རང་རིགས་ཀྱིས་དབུ་བརྒྱན་ནས། །རིགས་བདག་བདག་པོ་ཉིད་ཀྱིས་མཚན། །འོད་དཔག་མེད་སོགས་དེ་བཞིན་གཤེགས། །དབང་བསྐུར་རྒྱས་གདབ་མཚོན་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་དང་རོལ་པ་གཅིག་པའི་དབྱིངས་སུ་དབང་བསྐུར་རྒྱས་གདབ་ཚུལ་བསྟན་པའི་ལེའུ་སྟེ་ཉེར་བརྒྱད་པའོ།། །།རང་བྱུང་སྤྲུལ་པའི་འཁོར་རྣམས་ཉོན། །དེ་ལྟར་བསྟན་པའི་ལྷ་རྣམས་ཀྱི། །རྒྱུ་མཚན་རྣམ་གྲངས་དཔག་མེད་ཀྱང་། །གཅིག་ཏུ་དྲིལ་ནས་དོན་སྟོན་པ། །སྣོད་ཀྱི་འཇིག་རྟེན་ལ་སོགས་པ། །སྒྱུ་མའི་ལུས་ཉིད་གནས་དག་ཕྱིར། །བཞུགས་གནས་ཕོ་བྲང་གཞལ་ཡས་བསྟན། །བཅུད་ཀྱི་སེམས་ཅན་གནས་དག་ཅིང་། །སེམས་ཉིད་ལྷ་རུ་གནས་གྱུར་པས། །ཡེ་ཤེས་ལྷ་ཡི་རྣམ་པར་བསྟན། །གདུལ་བྱ་སྨིན་གྲོལ་ལམ་བགྲོད་ཕྱིར། །ཡེ་ཤེས་བླ་མའི་ངོ་བོར་བསྟན། །དགོས་འདོད་རེ་བ་བསྐང་བའི་ཕྱིར། །ཡི་དམ་ཞི་དང་ཁྲོ་བོར་བསྟན། །ཕྲིན་ལས་དམིགས་སུ་བསྒྱུར་བའི་ཕྱིར། །མཁའ་འགྲོ་རོལ་པ་ཆེན་པོར་བསྟན། །རྒྱུ་རྐྱེན་རྟེན་འདྲེལ་ཕུན་ཚོགས་ཕྱིར། །དེ་ལྟར་འཕྲོ་འདུ་སྣ་ཚོགས་བསྟན། །རྩ་རླུང་ཐིག་ལེའི་ངོ་བོ་ཡང་། །གཞལ་ཡས་ལྷ་དང་བཅས་པ་བསྟན། །ཕུང་པོ་ཁམས་དང་སྐྱེ་མཆེད་རྣམས། །རང་བྱུང་ཡེ་ཤེས་ལྷ་ཡི་ངང་། །ཡེ་ཤེས་རབ་རྫོགས་སྐུ་ལྔའི་ཞིང་། །སྤྲོས་བྲལ་ལྷུན་གྲུབ་ཕྱག་རྒྱའི་ཞིང་། །གཞི་སྣང་དག་པ་ཆོས་ཀྱི་དབྱིངས། །ལྷག་མེད་ཉིད་དུ་མྱ་ངན་འདས། །སྒྲ་དང་འོད་དུ་བཅས་ནས་ཀྱང་། །སྐུ་གསུམ་ཞིང་དུ་མངོན་དུ་འབྱུང་། །གདུལ་བྱ་རྣམས་ལ་ ― DNG014_Page_0156 ―
[མ་དཔེ་གཟིགས་ན་འདིར་གནོན།]
ལྷག་མར་བཅས། །སྐུ་གདུང་རིང་བསྲེལ་བཞག་ནས་ཀྱང་། །གཞན་ཕན་ཐབས་ཀྱིས་འགྲོ་བ་རྣམས། །རིམ་གྱིས་འདྲེན་པར་དེས་བྱེད་དོ། །ཡང་མཐའ་བར་དོ་ཉིད་དུ་ཡང་། །རང་སྣང་ཡེ་ཤེས་ལྷ་དང་ཕྲད། །རང་ངོ་ཤེས་ནས་རྣམ་པར་གྲོལ། །དེ་ཡང་རྒྱུ་འབྲས་དེ་ཡིས་ཡིན། །སྤྲུལ་པ་ལས་ཀྱང་སྤྲུལ་པའི་སྐུ། །སྐུ་དང་མཚན་དཔེས་རབ་སྤྲས་ཤིང་། །ལས་དག་ཞིང་ལ་རབ་སྣང་བས། །བྱང་ཆུབ་མངོན་དུ་དེ་འགྱུར་ཞིང་། །དེ་སོགས་དཔལ་དང་ཡང་དག་ལྡན། །སྤྱི་ཕུད་ཉིད་དུ་སྣང་བར་བྱེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ཀྱི་ལྷ་བསྒྲུབ་པའི་རྒྱུ་མཚན་གྱི་རིམ་པ་བསྟན་པའི་ལེའུ་སྟེ་ཉེར་དགུ་པའོ།། །།དེ་ལྟར་འཁོར་གྱིས་ཞུས་པའི་དོན། །དཔག་མེད་རྒྱལ་པོས་རབ་གསུངས་པས། །སེམས་དཔའ་གཟུགས་ཀྱི་རྡོ་རྗེ་དང་། །སྒྲ་ཡི་རྡོ་རྗེ་དྲི་རྡོ་རྗེ། །རོ་དང་རེག་བྱའི་རྡོ་རྗེ་དང་། །སེམས་དཔའ་ཆོས་ཀྱི་རྡོ་རྗེ་སོགས། །གདུལ་བྱར་གྱུར་པའི་འཁོར་རྣམས་ལ། །ཚིམས་པར་གྱུར་པའི་དོན་གསུངས་པས། །དགའ་ཞིང་མགུ་ནས་ཐལ་མོ་སྦྱར། །རངས་པའི་སེམས་ཀྱིས་སྤྱི་བོས་འདུད། །ལྷ་དང་མི་དང་ལྷ་མིན་དང་། །ཀླུ་དང་རིག་སྔགས་འཆང་ལ་སོགས། །འཇིག་རྟེན་པ་རྣམས་ཡི་རངས་ཤིང་། །བཅོམ་ལྡན་འདས་ལ་མངོན་པར་བསྟོད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། རྗེས་སུ་ཡི་རངས་ཤིང་མངོན་པར་བསྟོད་པའི་ལེའུ་སྟེ་སུམ་ཅུ་པའོ།། །། བདེ་བར་གཤེགས་པ་ཐམས་ཅད་ཀྱི་གསུང་གི་དབང་ཕྱུག་བཅོམ་ལྡན་འདས་འོད་དཔག་མེད་ཀྱི་སྤྲུལ་པ། རང་བྱུང་དུ་བབས་པའི་རྒྱུད་ཀྱི་རྒྱལ་པོ་ཤེལ་གྱི་རི་བོ་རྣམ་པར་བཀོད་པ་ཞེས་བྱ་བ་རྫོགས་སོ།། །། ས་མ་ཡ། རྒྱ་རྒྱ་རྒྱ། བདག་འདྲ་པདྨ་འབྱུང་གནས་ཀྱིས། སྒྲ་རང་འགྱུར་དུ་བཀོད་པའོ། །དྷ་ཐིམ། སྤྲུལ་སྐུ་སངས་རྒྱས་གླིང་པས་བླ་དཀར་དུང་གི་སྒོ་མོ་ནས་གདན་དྲངས་པའི་ཟབ་ཆོས་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག། །། བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ཞེས་བྱ་བ།― DNG014_Page_0157 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། གྷུ་རུ་དྷི་ཝ་ཌཱཀྐི་ནི་སརྦ་ཝཱ་ཀ་ཏནྟྲ་རཏྣ་ག ཡྲཱི་ཏ་ནཱ་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ཞེས་བྱ་བ། བཅོམ་ལྡན་འདས་ཆོས་གསུང་སྨྲ་བའི་དབང་པོ་གཟི་བརྗིད་རྒྱལ་པོ་མཐའ་ཡས་པའི་དཔལ་ལ་ཕྱག་འཚལ་ལོ། །རྣམ་པར་རྒྱན་བཀོད་མཛེས་པ་ཡི། །ཕོ་བྲང་གཞལ་ཡས་བརྩེགས་པ་ན། །མཛེས་བྱེད་རྨ་བྱའི་ཁྲི་སྟེང་དུ། །སྟོན་པ་དཔག་མེད་རྒྱལ་པོ་དང་། །དཔའ་མོ་བདེ་སྦྱོར་མཉམ་བཞུགས་ནས། །དགོངས་པ་ཆེན་པོ་བཞུགས་པའི་ཚེ། །ཉིད་ཀྱི་སྤྲུལ་པ་ལས་བྱུང་བའི། །བདེ་བར་རོལ་པའི་འཁོར་རྣམས་ཀྱིས། །སྙན་པའི་དབྱངས་ཀྱིས་འདི་སྐད་ཞུས། །ཨེ་མ་སྟོན་པ་བཅོམ་ལྡན་འདས། །མི་མཉམ་པ་དང་མཉམ་པ་དང་། །ཡང་དག་ལྗགས་ཀྱི་པདྨ་ལས། །མཉམ་དབྱངས་ཆེན་པོའི་དཔལ་མངའ་བའི། །གཡང་ས་ཆེན་པོ་གཅོད་མཛད་ཅིང་། །སྔགས་ཀྱི་སྤྲིན་ཆར་འབེབས་པ་པོ། །བརྩེ་བའི་ཐུགས་ཀྱིས་འདིར་དགོངས་ཤིག །ཡེ་ཤེས་དབྱིངས་ཀྱི་ལྷ་རྣམས་ཀུན། །ཉེ་བར་བསྒྲུབ་པར་བྱེད་པ་ལ། །སྙིང་པོ་སྔགས་ཀྱི་བཟླས་བརྗོད་རྣམས། །ངེས་པའི་དོན་དུ་སྩལ་དུ་གསོལ། །དེ་ཡང་སྔགས་ཀྱི་ངོ་བོ་དང་། །ངེས་ཚིག་དབྱེ་བ་རྣམ་གྲངས་དང་། །སྔགས་དངོས་བགྲང་ཚུལ་བསྙེན་པའི་ཚད། །དྲོད་རྟགས་དང་ནི་བཟླས་པའི་ཚེ། །དག་དང་མ་དག་སྐྱོན་ཡོན་དང་། །སྔགས་ཀྱི་བསྒྲུབ་ཚུལ་རིམ་པ་རྣམས། །ལྗགས་ཀྱི་དབང་པོ་བཀྲམ་ནས་ཀྱང་། །བདག་ཅག་ཡིད་ཀྱི་འདོད་པ་རྣམས། །དུས་འདིར་སྐོང་བར་མཛད་དུ་གསོལ། །ཨེ་མ་འདུས་པའི་འཁོར་རྣམས་ཉོན། །དད་དང་དམ་ཚིག་ལྡན་པ་ཡི། །མཆོག་དོན་བསྒྲུབ་འདོད་རྣལ་འབྱོར་པས། །ཡེ་ཤེས་ལྷ་དང་དབྱེར་མེད་དུ། །བསྲེ་བར་འདོད་ན་སྔགས་ལ་བརྩོན། །སྔགས་པས་སྔགས་ལ་མི་བརྩོན་པ། །སེམས་ཀྱི་རེ་བ་སྐོང་མི་འགྱུར། །གང་གིས་སྔགས་ལ་བརྩོན་བྱེད་ན། །སྔགས་ཀྱི་ངོ་བོ་ངོས་ ― DNG014_Page_0158 ―
[མ་དཔེ་གཟིགས་ན་འདིར་གནོན།]
ཟིན་གཅེས། །དེ་བཞིན་སྔགས་ཀྱི་ངེས་ཚིག་ཀྱང་། །གནད་དུ་ཆེ་བས་ཤེས་པ་གཅེས། །སྔགས་ཀྱི་དབྱེ་བ་མ་ཤེས་ན། །རང་གིས་རང་ཉིད་འཆིང་བར་འགྱུར། །རྣམ་གྲངས་མ་ཤེས་སྔགས་ཟློ་བ། །མུན་ནག་འཐོམ་འགྲོས་བྱེད་དང་མཚུངས། །སྔགས་དངོས་ངོ་ཡིས་མ་ཟིན་ན། །སོལ་བ་གསེར་དུ་བསྒྲུབ་དང་མཚུངས། །སྔགས་ཀྱི་བགྲང་ཚུལ་མ་ཤེས་ན། །མཚོན་མེད་གཡུལ་དུ་ཞུགས་དང་མཚུངས། །བསྙེན་ཚད་གཏན་ལ་མ་ཕེབས་ན། །ནད་ངོས་མ་ཟིན་སྨན་པ་འདྲ། །སྔགས་ཟློས་དྲོད་རྟགས་མ་ཤེས་ན། །ཚོད་མེད་མདའ་རྒྱང་འཕེན་པ་འདྲ། །སྔགས་ཀྱི་སྐྱོན་ཡོན་མ་ཤེས་ན། །དུག་དང་འདྲེས་པའི་ཁ་ཟས་འདྲ། །སྔགས་ཀྱི་བསྒྲུབ་ཚུལ་མ་ཤེས་ན། །ལོང་བས་ལོང་བ་ཁྲིད་བྱེད་འདྲ། །དེས་ན་དེ་དག་རིམ་པ་རྣམས། །ཤེས་པར་གྱུར་པའི་སྔགས་པ་ཡིས། །ལྷ་བསྒྲུབ་སྔགས་ལ་འབད་པ་ན། །སྟོབས་དང་ནུས་པ་བསམ་མི་ཁྱབ། །མཆོག་དང་ཐུན་མོང་ལ་སོགས་པའི། །ཇི་ལྟར་ཡིད་ལ་འདོད་པ་རྣམས། །འགྲུབ་འགྱུར་འདི་ལ་ཐེ་ཚོམ་མེད། །འཇིག་རྟེན་འདས་པའི་ལོངས་སྤྱོད་ཀུན། །སྔགས་ལ་བརྩོན་པས་འགྲུབ་གྱུར་ན། །འཇིག་རྟེན་ལོངས་སྤྱོད་སྨོས་ཅི་དགོས། །དེས་ན་སྣང་སྲིད་འཁོར་འདས་ཀྱི། །ཆོ་འཕྲུལ་ནུས་སྟོབས་སྔགས་ཀྱིས་བྱེད། །སྔགས་ཀྱི་ནུས་སྟོབས་བསམ་མཐའ་ཡས། །དེ་ཕྱིར་སྔགས་པས་སྔགས་ལ་བརྩོན། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། གླེང་གཞིའི་ལེའུ་སྟེ་དང་པོའོ།། །།རང་བྱུང་སྤྲུལ་པའི་འཁོར་རྣམས་ཉོན། །ཡེ་ཤེས་ལྷ་རྣམས་བསྒྲུབ་པ་ལ། །སྙིང་པོ་སྔགས་ཀྱི་ངོ་བོ་བསྟན། །ཡེངས་འཁྲུལ་མེད་པར་ཡིད་ཀྱིས་ཟུང་། །ཡེ་ཤེས་ལྷ་སྔགས་ངོ་བོ་དང་། །འཇིག་རྟེན་ལྷ་སྔགས་ངོ་བོ་སྟེ། །ཡེ་ཤེས་ལྷ་སྔགས་ལ་ཡང་གསུམ། །བླ་མ་ཡི་དམ་མཁའ་འགྲོ་སྟེ། །བླ་མ་བླ་ན་གཉན་པོའི་གཙོ། །སྤྱི་ཕུད་དཀོན་མཆོག་ ― DNG014_Page_0159 ―
[མ་དཔེ་གཟིགས་ན་འདིར་གནོན།]
རིན་ཆེན་པས། །ཡོངས་ཀྱི་ཐོག་མར་བྱུང་བས་གཅེས། །དེ་དག་སྔགས་ཀྱི་ངོ་བོ་ནི། །གདུང་བས་གསོལ་བ་བཏབ་པའི་དོན། །བརྗོད་པ་སྔགས་སུ་བྱུང་བ་སྟེ། །ངོ་བོ་གཡེལ་བ་མི་མངའ་བར། །རྗེས་སུ་འཛིན་པ་བྱེད་པའོ། །ཡི་དམ་ཞི་བ་ཁྲོ་བོ་དང་། །ཞི་མ་ཁྲོ་དང་རྣམ་པ་གསུམ། །ཞི་བ་གཡོ་མེད་ཏིང་འཛིན་ནི། །ཁྱབ་གདལ་ཆེན་པོ་ཀུན་ལ་སྤྲོ། །འདི་བསྒྲུབ་ཚངས་པའི་གནས་གཞིར་འགྱུར། །ངོ་བོ་འགྱུར་མེད་དགོངས་པའི་ཀློང་། །ཡེངས་འཁྲུལ་བྲལ་བར་བསྔགས་པའོ། །ཁྲོ་བོ་རྔམ་བྱེད་རབ་གཏུམ་པ། །རྡོ་རྗེ་འབར་བ་མ་རུངས་འཇོམས། །འདི་བསྒྲུབ་འབྱུང་པོ་ལ་སོགས་པ། །མ་རུངས་པ་རྣམས་སྐྲག་ཅིང་བྱེར། །ངོ་བོ་རྩུབ་ཁྲོ་གཏུམ་པ་སྟེ། །གནོད་བྱེད་དགྲ་བགེགས་གཉེན་པོར་བསྔགས། །ཞི་ཁྲོ་ལས་རྣམས་ཡོངས་ཀྱི་བདག །ཞི་བར་འདོད་པ་ཞི་བ་དང་། །དེ་བཞིན་ཁྲོ་བར་འདོད་ལ་ཁྲོ། །གང་ཡང་རྒྱས་པར་བྱེད་པ་དང་། །དབང་མཛད་དབང་གི་རྒྱལ་པོ་སྟེ། །དྲག་པོ་རབ་ཏུ་དྲག་པར་བྱེད། །ངོ་བོ་གང་ལའང་འཇུག་པ་སྟེ། །སྣ་ཚོགས་ལས་ལ་བསྔགས་པའོ། །དེ་ལྟར་ཞི་དང་ཁྲོ་ལ་སོགས། །ཡི་དམ་ལྷ་ཡི་ས་བོན་དང་། །སྙིང་པོ་སྔགས་སུ་འབྱུང་བའི་ཕྱིར། །སྔགས་ཀྱི་ངོ་བོ་ཡང་དག་བརྗོད། །མཁའ་འགྲོའི་སྔགས་ཀྱི་ངོ་བོ་ནི། །སྲོག་གནད་གནད་ནས་བསྐུལ་ནས་ཀྱང་། །ཕྲིན་ལས་དམིགས་སུ་བསྐུལ་བྱས་ཏེ། །བཀའ་ཉན་གུས་ཕྱིར་བསྔགས་པའོ། །ལས་བྱེད་ཕོ་ཉ་བྲན་གྱི་ཚུལ། །གང་དང་གང་ལ་འཇུག་བྱེད་པ། །དེ་དང་དེ་ཡི་ལས་ལ་བསྔགས། །དྲེགས་པ་གཏུམ་དང་དྲེགས་བྱེད་རྔམ། །གང་ཡང་མཁའ་འགྲོ་ཤུགས་ཀྱིས་འགྲོ། །སྲོག་ཡིག་གནད་ནས་བོས་པའི་ཚེ། །དབང་ཚིག་དབང་གིས་དབང་མེད་དུ། །དེ་ཕྱིར་དགུག་དང་འཁྲིལ་བ་དང་། །འདུ་འབྲལ་མེད་པར་འགྲོགས་པ་དང་། །བཀའ་ཉན་ལས་ལ་བསྔགས་པའོ། །འཇིག་རྟེན་ལྷ་སྔགས་ངོ་བོ་ལ། །ཕྱི་དང་ནང་དང་གསང་བ་གསུམ། །ཕྱི་ལྟར་སྣང་སྲིད་ལྷ་འདྲེ་རྣམས། །གནད་ནས་ ― DNG014_Page_0160 ―
[མ་དཔེ་གཟིགས་ན་འདིར་གནོན།]
བསྐུལ་ཞིང་ལས་ལ་རྦད། །དབང་མེད་བྲན་དུ་བཀོལ་བའི་ཕྱིར། །གནད་འབེབས་དག་ཏུ་བསྔགས་པའོ། །ནང་ལྟར་དྲེགས་པ་སྡེ་བརྒྱད་རྣམས། །དཔལ་གྱི་ཕོ་ཉ་ལས་མཁན་དུ། །གཉེར་གཏད་གང་དམིགས་གནས་སུ་རྒྱུག །དམ་ལ་གནས་ཕྱིར་སྲོག་ནས་འདྲེན། །དམ་ལ་གནས་ཕྱིར་བསྔགས་པའོ། །གསང་བ་རྣལ་འབྱོར་རང་ཉིད་དང་། །ལྷན་ཅིག་དག་ཏུ་སྐྱེས་ནས་ཀྱང་། །རྟག་ཏུ་འབྲལ་མེད་འགྲོགས་བྱེད་ཅིང་། །བསྲུང་དང་མགོན་སྐྱབས་བྱེད་པ་དང་། །གནོད་ཅིང་འཚེ་བར་བྱེད་པ་རྣམས། །བསྒྲལ་ཞིང་བཟློག་པའི་མཐུ་དཔུང་ཅན། །དེ་དག་གཡེལ་བར་མི་བྱེད་ཅིང་། །དམ་ལ་གནས་ནས་བཀའ་བཞིན་བསྒྲུབ། །གཉེར་གཏད་ལས་བྱེད་བྲན་དུ་འགྱུར། །འཛིན་པའི་ལྕགས་ཀྱུ་བྱ་བའི་ཕྱིར། །མིང་དང་སྲོག་ནས་འབོད་ཅིང་བསྒྲུབ། །གཟེར་དུ་གདབ་ཕྱིར་བསྔགས་པའོ། །མདོར་ན་སྔགས་ཀྱི་ངོ་བོ་ཤེས། །མིང་དང་སྲོག་ནས་དྲངས་བྱས་ཏེ། །དམ་ལ་གནས་པར་བྱེད་པ་དང་། །རང་རང་གཉེན་པོར་རབ་བསྔགས་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་ངོ་བོ་བསྟན་པའི་ལེའུ་སྟེ་གཉིས་པའོ།། །།གཟུགས་སྒྲ་ལ་སོགས་འདུས་པའི་འཁོར། །བླ་མ་ཡི་དམ་མཁའ་འགྲོ་ཡི། །སྔགས་ཀྱི་ངེས་ཚིག་བསྟན་གྱིས་ཉོན། །བླ་མའི་སྔགས་ཀྱི་ངེས་ཚིག་ནི། །ཐུགས་རྗེ་སྐུལ་བར་བྱེད་པའོ། །ཡི་དམ་སྔགས་ཀྱི་ངེས་ཚིག་ནི། །དངོས་གྲུབ་སྐུལ་བར་བྱེད་པའོ། །མཁའ་འགྲོའི་སྔགས་ཀྱི་ངེས་ཚིག་ནི། །ལས་ལ་བསྔགས་པ་བྱེད་པའོ། །གང་དང་གང་གི་སྲོག་སྔགས་རྣམས། །བསྙེན་ཅིང་བསྒྲུབ་པ་ཙམ་གྱིས་ནི། །དངོས་སུ་མཐོང་དང་ཆོ་འཕྲུལ་སྟོན། །རྟགས་དང་མཚན་མ་ངོས་བསྟན་ནས། །འདོད་པའི་དོན་གང་འགྲུབ་པས་ན། །བཟླས་པ་སྔགས་ཀྱི་ངེས་ཚིག་ཡིན། །མིང་དང་སྲོག་གི་ཡི་གེ་དང་། །མཐའ་བསྒྱུར་ལས་ཀྱི་ཡི་གེ་དང་། །ལོག་ ― DNG014_Page_0161 ―
[མ་དཔེ་གཟིགས་ན་འདིར་གནོན།]
གནོན་གནད་ཀྱི་ཡི་གེ་རྣམས། །བཟླས་དང་བྲིས་དང་བཅངས་ལ་སོགས། །གང་དང་གང་བྱས་དེ་དང་དེའི། །ལས་འགྲུབ་སྔགས་ཀྱི་ངེས་པའི་ཚིག །དོན་རབ་དབྱེ་བས་ཤེས་པར་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་ངེས་ཚིག་བསྟན་པའི་ལེའུ་སྟེ་གསུམ་པའོ།། །།སྤྲུལ་སྲས་འདུས་པའི་འཁོར་རྣམས་ཉོན། །བླ་མ་ཡི་དམ་མཁའ་འགྲོ་ཡི། །སྔགས་ཀྱི་དབྱེ་བ་བསྟན་པར་བྱ། །བླ་མའི་མཚན་ནས་འབོད་པ་དང་། །ཐུགས་སྲོག་གནད་ནས་བསྐུལ་བ་དང་། །དམ་ཚིག་གཉེན་པོ་བསྟེན་པ་དང་། །དགྱེས་པ་སྐོངས་པར་བྱེད་པའི་སྔགས། །བླ་མའི་མཚན་ནས་འབོད་པའི་སྔགས། །སྒྲ་དོན་སྔགས་ཀྱི་འགྱུར་དབུས་སུ། །སཾ་སྐྲི་ཏ་ཡི་སྐད་ལས་དྲངས། །གྷུ་རུ་མ་ཧཱ་བོ་དྷི་སོགས། །རང་རང་མཚན་སྤེལ་སྨོས་པ་འམ། །རང་རང་བོད་སྐད་ལ་སོགས་ཀྱིས། །གདུང་བས་འབོད་ཅིང་མཚན་ནས་དྲངས། །མོས་གུས་བསྐྱེད་དེ་གསོལ་བ་གདབ། །བྱིན་རླབས་སྨིན་གྲོལ་དོན་འབྲས་སྦྱིན། །རང་གཞན་བདེ་ལ་འགོད་པར་འགྱུར། །ཐུགས་སྲོག་གནད་ནས་བསྐུལ་སྔགས་ནི། །སྐུ་གསུང་ཐུགས་ཀྱི་སྲོག་ཡིན་ཏེ། །ཨོཾ་ཨཱཿཧཱུཾ་གི་སྒྲ་ལས་དྲངས། །ཡིད་ཀྱི་གསུང་བ་བསྐྱེད་བྱ་ཞིང་། །ངག་ནས་ཐུགས་དམ་བསྐུལ་བར་བྱ། །མ་ཡེངས་ཆུ་རྒྱུན་ལྟ་བུ་ཡིས། །གནད་ནས་བསྐུལ་བས་རྗེས་འཛིན་འགྱུར། །དམ་ཚིག་གཉན་པོ་བསྟན་པའི་སྔགས། །ས་མ་ཡ་ལས་དྲངས་ནས་ཀྱང་། །གྷུ་རུའི་སྐད་ཀྱིས་མཚམས་སྦྱར་ཏེ། །ཨཱོཾ་དང་སྭཱ་ཧཱའི་ཐེམས་སུ་གཞུག །དམ་ཚིག་གཉན་པོ་དགྱེས་དགོངས་ཤིང་། །དོན་འབྲས་མྱུར་དུ་སྩོལ་བར་འགྱུར། །དགྱེས་པ་སྐོངས་པར་བྱེད་པའི་སྔགས། །ཚིག་དོན་གང་གིས་འགྱུར་སྐད་ལས། །གདུང་ཞིང་སྙན་པའི་དབྱངས་ཀྱིས་བྱ། །བསྟོད་བསྔགས་ལ་སོགས་གང་རིགས་ཀྱིས། །བརྡ་དང་རྟགས་ཀྱི་སྒོ་ནས་ཀྱང་། །དེ་དག་གིས་ནི་རབ་དགྱེས་པས། །བདག་གི་འདོད་པའི་དོན་ ― DNG014_Page_0162 ―
[མ་དཔེ་གཟིགས་ན་འདིར་གནོན།]
འབྲས་འགྲུབ། །དེ་ཡང་ཧཱུཾ་ཧྲཱྀཿའི་གདངས་དང་ནི། །ཨེ་མ་ཧོཿལ་སོགས་པ་ཡི། །འདྲེན་དང་བཅས་པ་ཤེས་པ་ཡིན། །མདོར་ན་བླ་མའི་མཚན་སྨོས་པ། །བོད་ཀྱི་སྐད་དང་རྒྱ་གར་སྐད། །གནད་སྲོག་ཡི་གེ་འབྲུ་གསུམ་པའོ། །རྒྱས་གདབ་འདྲེན་དང་བཅས་པར་བརྗོད། །དད་དང་ལྡན་པ་སུས་བརྩོན་པས། །བླ་མའི་སྐུ་གསུང་ཐུགས་དང་ནི། །རང་གི་ལུས་ངག་ཡིད་གསུམ་པོ། །དབྱེར་མེད་གྱུར་ནས་ནུས་སྟོབས་མཉམ། །རང་གཞན་དོན་འབྲས་ཅི་འདོད་པ། །མྱུར་དུ་འགྲུབ་ཕྱིར་ཤེས་པ་གནད། །ཡི་དམ་སྔགས་ཀྱི་དབྱེ་བ་ཡང་། །སྤྱི་དང་བྱེ་བྲག་རྣམ་མང་ཞིང་། །སྤྱིར་ནི་སྲོག་སྔགས་མཚན་སྔགས་དང་། །དམ་ཚིག་སྔགས་དང་ལས་ཀྱི་སྔགས། །ལས་ལ་འཇུག་པའི་སྔགས་དང་ནི། །ངེས་མེད་དམོད་སྤེལ་སྨོན་ལམ་སྔགས། །སྲོག་སྔགས་རང་རང་ས་བོན་ལས། །སྒྱུར་བྱེད་ཡི་གེ་དབྱངས་གསལ་ཅན། །གནད་ལ་དབབ་པར་བྱེད་རྣམས་ཡིན། །དེ་ཡང་ཨཱོཾ་དང་ཧཱུཾ་ཕཊ་ཀྱིས། །ཐེམས་ལ་བཅུག་ནས་བགྲང་བའོ། །མཚན་སྔགས་དྷི་ཝ་ཞེས་པ་འམ། །ལྷ་ཡི་མཚོན་བྱེད་མཚོན་གྱི་གྲངས། །སཾ་སྐྲི་ཏ་ཡི་སྐད་ལས་དྲངས། །ཐོག་མཐའ་ཅན་གྱི་ཐེམས་ལ་གཞུག །དམ་ཚིག་སྔགས་ནི་མཚན་སྔགས་མཐར། །ས་མ་ཡ་ཡི་སྒྲ་ལས་དྲངས། །ལས་སྔགས་དེ་དག་རྣམས་ཀྱི་གཤམ། །ཤཱིནྟཾ་བུཥྚིཾ་ལ་སོགས་པའི། །སོ་སོར་གང་འདོད་ལས་སྔགས་གདགས། །ཡང་ཡང་ཨར་ལ་གཏད་པ་གནད། །ལས་ལ་འཇུག་པར་བྱེད་པ་ལ། །སྔགས་མཐར་བྷྱོ་དང་རྦད་སོགས་བཏགས། །ཧྲིང་ཧྲིང་དུང་དུང་གནད་ནས་བསྐུལ། །རྒྱུག་རྒྱུག་དྲེང་དྲེང་བཅས་པ་སྟེ། །མཐའ་ཅན་རྫོགས་པ་ལས་འཇུག་སྔགས། །མྱུར་དུ་འགྲུབ་པར་འགྱུར་བ་ཡིན། །ངེས་མེད་དམོད་མོ་སྤེལ་ཚིག་དང་། །སྨོན་ལམ་མཐའ་བསྒྱུར་བཅས་པའི་སྔགས། །འདི་དག་དམ་ཚིག་ཆ་ལ་གཏོགས། །ལས་མྱུར་བརྡ་ཡི་སྔགས་ཡིན་པས། །གང་འདོད་ ― DNG014_Page_0163 ―
[མ་དཔེ་གཟིགས་ན་འདིར་གནོན།]
གདགས་པ་གནད་ཡིན་ཅིང་། །གོ་རིམ་མ་ལོག་གཅེས་པ་ཡིན། །མདོར་ན་ཡིད་ལ་དམ་བྱེད་པ། །སྤང་བླང་མེད་པ་གནད་དང་ནི། །དམ་ཚིག་དག་ལས་མ་གཡོས་ན། །ཡི་དམ་མྱུར་འགྲུབ་བསམ་གཏན་འཕེལ། །བྱེ་བྲག་ཡི་དམ་ལྷ་ཡི་སྔགས། །གང་ལ་དམིགས་པའི་ལྷ་རྣམས་ཀྱི། །རྩ་སྔགས་སོ་སོར་ནོར་འཁྲུལ་མེད། །སྲོག་འདྲེན་དང་ནི་མཚན་སྔགས་ཏེ། །སྐྱེས་པའི་ས་བོན་ལ་སོགས་པའི། །གང་ཡིན་སོར་གཞག་དམ་དུ་བཅིང་། །མདོར་ན་སྤྱི་དྲིལ་རྩ་བ་དང་། །ཡན་ལག་བཅས་པ་འདི་ལྟར་ཏེ། །ཨོཾ་ཨཱཿཧཱུཾ་ཧྲཱྀཿབཛྲ་གྷུ་རུ་པདྨ་སིདྡྷི་དྷི་ཝ་ཌཱཀྐི་ནི། བོ་དྷི་ཙིཏྟ། མ་ཧཱ་སུ་ཁ། བཛྲ་མ་ཧཱ་ཀྲོ་དྷ། ཤཱིནྟཾ་ཀ །ཧྲཱྀཿམ་ཧཱ་རི་ནི་ས། ར་ཙ་ཧྲཱྀཿཡ། སརྦ་སིདྡྷི། ཀཱ་ཡ་ཝཱ་ཀ་ཙིཏྟ། ཛྙཱ་ན་སཏྭ། ཨ་མི་དེ་ཝ། མ་མ་ཙིཏྟ་སཾ་བྷ་ཝ་ཨ་དྷིཥྛ་ནཾ། མ་མ་ཨཱ་ཡུརྫྙཱ་ན། སིདྡྷི་ཕ་ལ་ཧཱུཾ་སྭཱ་ཧཱ། དཔེར་ན་དེ་འདྲའི་ཚུལ་གྱིས་ནི། །ལས་གྲུབ་སྤྱི་དྲིལ་ཡིན་པའི་ཕྱིར། །ཆུ་རྒྱུན་ལྟ་བུར་འབད་པའི་དོན། །ཡང་སྲས་སེམས་ཀྱི་གདེང་འཆའ་བ། །བདེ་ལེགས་ཡོན་ཏན་སྤེལ་བར་བྱེད། །རང་རང་སྙིང་པོའི་མཚན་དོན་བཅས། །ཐོག་མཐའ་དབུ་ཞབས་ཐེམས་ལ་གཞུག །དེ་ནི་ཡང་དག་གདམས་པའོ། །དེ་སོགས་བྱེ་བྲག་གང་ཡིན་པ། །མཁས་པས་ཤེས་པར་བྱེད་པ་གནད། །མཁའ་འགྲོ་རྣམས་ཀྱི་སྔགས་ལ་ནི། །སྲོག་ཡིག་ཧ་རི་ནི་ས་ལ། །ལས་སྔགས་མཱ་ར་ཡ་སོགས་ཀྱི། །ཤམ་བུར་བཅས་པ་ལས་ཀྱི་སྔགས། །ཌཱཀྐི་ནི་ཡི་སྒྲ་བཞིན་དུ། །མིང་དོན་གནད་ནས་སྐུལ་བྱེད་པ། །ཐེམས་དང་བཅས་པས་བརྩོན་པ་ནི། །ལས་ཀྱི་འབྲས་བུ་མཆིས་པར་བྱེད། །དམོད་མོར་བཅས་པའི་སྔགས་འབྱུང་བས། །དམ་ཚིག་འདྲེལ་པར་ལས་ལ་སྦྱར། །ཕྱི་རོལ་པ་དང་ནང་པ་ཡི། །ཁྱད་པར་མགོ་མཇུག་གཉིས་ལས་བྱུང་། །ང་རོ་དང་ནི་ཚེག་དྲག་ཅན། །ན་མཿཏདྱ་ཐཱ་ལས་དྲངས། །ས་བོན་སྲོག་ནས་འདྲེན་པ་ཡང་། །རྒྱན་དང་བཅས་པའི་ཡི་གེར་འབྱུང་། །དེ་སོགས་ནང་ ― DNG014_Page_0164 ―
[མ་དཔེ་གཟིགས་ན་འདིར་གནོན།]
པའི་སྔགས་ལ་སྟེ། །བྲམ་ཟེ་དང་ནི་དྲང་སྲོང་གི། །དམོད་སྔགས་ལས་ཡིན་ཐུན་མོང་བ། །ཐུན་མོང་ལ་འཇུག་གཞན་ལས་མིན། །ང་རོ་བྲལ་བའི་རྒྱན་ཡིག་དང་། །བསྡུས་པའི་ཡི་གེ་མ་དག་རྣམས། །ནོར་བ་ཡིན་གྱི་སྔགས་པ་མིན། །ལས་བྱེད་གནད་ལ་དབབ་པ་ཡི། །སྔགས་དཀྲུག་བཟློག་པ་ལ་སོགས་རྣམས། །བྱེ་བྲག་ཕྲ་མོའི་སྦྱོར་བ་བསྟན། །ལུགས་འབྱུང་ནང་ནས་ལུགས་བཟློག་བསྟན། །དེ་དག་རྣམས་ཀྱི་བྱེ་བྲག་ཀྱང་། །སྒྲ་དང་དབྱངས་གསལ་དོན་ལ་འབྱུང་། །མཁས་པས་འབྱིན་འཇུག་ཤེས་པར་བྱ། །མདོར་ན་སྤྱི་དང་བྱེ་བྲག་གི། །སྔགས་ཀྱི་དབྱེ་བ་བསམ་མི་ཁྱབ། །ཕལ་ཆེར་ལས་ཀྱི་བྱེད་པ་གཙོ། །ལས་གྲུབ་འབྲས་བུ་འབྱུང་བའི་ཕྱིར། །སྔགས་རྣམས་ཀློང་ཀྱང་ཡང་དག་སྟེ། །འབྲས་བུ་མི་འབྱིན་སྔགས་ནོར་བའི། །ཟབ་ཟབ་འདྲ་ཡང་མི་བརྗོད་སྤང་། །གནད་ཀྱིས་ཟིན་པའི་ཏིང་འཛིན་དང་། །ནོར་འཁྲུལ་མེད་ཅིང་སེལ་མ་ཞུགས། །སྔགས་དང་བཅས་ནས་ལྷ་བསྒྲུབ་པས། །དོན་འབྲས་བླ་མེད་མཆོག་ལ་རེག །བརྗོད་པ་རླུང་གི་འབྱུང་འཇུག་ཀུན། །ཨཱ་ལི་ཀཱ་ལིའི་སྔགས་ཀྱི་སྒྲ། །ཐ་མལ་ངག་གི་སྒྲ་དོན་དག །དེ་ལ་འདྲིས་པར་སུས་བྱས་པས། །ལོངས་སྤྱོད་སྐུ་རུ་རྣམ་པར་གྲོལ། །རླུང་གི་གནད་དང་མི་ལྡན་ཞིང་། །སྔགས་ནོར་སྒྲ་ཚིག་མ་དག་པ། །ལྷག་ཆད་སེལ་ཞུགས་ལོག་པར་ལྟུང་། །འབྲས་བུ་དུཿཁ་ཉིད་དུ་འགྱུར། །དེ་ཕྱིར་ལས་དང་ལས་ཀྱི་རིགས། །རྨད་བྱུང་སྐྲག་པ་མེད་པའི་དོན། །འཇིག་རྟེན་འདས་དང་མ་འདས་པའི། །ལས་རྣམས་སྔགས་ཀྱིས་འགྲུབ་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་དབྱེ་བ་བསྟན་པའི་ལེའུ་སྟེ་བཞི་པའོ།། །།རང་སྤྲུལ་རིག་པའི་འཁོར་རྣམས་ཉོན། །སྔགས་ཀྱི་རྣམ་གྲངས་མཐའ་ཡས་ཀྱང་། །བླ་མ་དང་ནི་ཡི་དམ་ལྷ། །མཁའ་འགྲོ་རྣམས་ཀྱི་སྔགས་ལ་འདུས། །དེ་དོན་སྔགས་ཀྱི་རྣམ་གྲངས་བརྗོད། ། ― DNG014_Page_0165 ―
[མ་དཔེ་གཟིགས་ན་འདིར་གནོན།]
བླ་མའི་སྔགས་ཀྱི་རྣམ་གྲངས་ལ། །ངེས་པ་ཅན་དང་ངེས་པ་མེད། །གྲངས་དང་ཡང་དག་དེ་བཞིན་ཏེ། །ངེས་ཅན་རང་རང་གཞུང་ལས་དྲངས། །རྒྱུད་དོན་གནད་དང་བཅས་པའོ། །ངེས་མེད་རང་རང་ཐབས་ཀྱི་བློས། །མཚན་ནས་གཞི་བླངས་བསྒྲུབ་ནས་ཀྱང་། །ཨོཾ་དང་ཧཱུཾ་སོགས་ཐེམས་བཅུག་པས། །རིགས་འདྲ་དབྱངས་གསལ་ལས་བསྒྱུར་ཞིང་། །དག་པར་བྱ་བའི་སྔགས་བྱུང་བའོ། །དྲང་དོན་སྔགས་ཀྱི་རྣམ་པ་ནི། །གང་ཟག་འདོད་ཅན་དོན་སླད་དུ། །འགྱུར་ཅན་སྨོན་ལམ་དག་པས་བྱ། །དད་པས་ཀུན་ནས་བསླང་རྣམས་སོ། །ཡང་དག་དེ་བཞིན་ཉིད་ཀྱི་སྔགས། །སྤྲོས་དང་བྲལ་བའི་རྣལ་འབྱོར་པས། །དེ་ཉིད་སྔགས་ཀྱི་གནད་ལྡན་ཞིང་། །རླུང་གི་ཡོན་ཏན་མཐར་ཕྱིན་ཏེ། །རོལ་པ་སྔགས་ལ་མཁས་པའོ། །སྭཱ་ཧཱ་ཨཱོཾ་སོགས་སྒྲ་མེད་ཀྱང་། །སྔགས་ཀྱི་ནུས་པ་དོན་འབྲས་གང་། །རྩོལ་མེད་ཤུགས་ལས་འབྱུང་བའོ། །ཡི་དམ་ལྷ་སྔགས་རྣམ་གྲངས་ལས། །སྤྱི་དྲིལ་དང་ནི་སོ་སོ་བ། །སྤྱི་དྲིལ་དྷི་ཝ་ལ་སོགས་དང་། །ས་མ་ཏི་ཡི་སྒྲ་ཡིས་བསྒྱུར། །གཅིག་འགྲུབ་རྒྱལ་བ་ཡོངས་འགྲུབ་པའི། །རྣམ་གྲངས་གཅིག་ལ་འདུས་པ་ཡིན། །སོ་སོར་བྱུང་བའི་ལྷ་སྔགས་ཀྱི། །རྣམ་གྲངས་དཔག་ཏུ་མེད་འབྱུང་བའི། །རྡོ་རྗེའི་རིགས་དང་རིན་ཆེན་རིགས། །པདྨའི་རིགས་དང་ལས་ཀྱི་རིགས། །དེ་བཞིན་གཤེགས་པའི་རིགས་རྣམས་དང་། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་རྨད་པོ་ཆེ་ཡི་རིགས། །རྡོ་རྗེ་ཅན་གྱི་སྔགས་བྱུང་བ། །རང་གནད་སྲོག་ཡིག་བཅས་པའོ། །གང་ཡང་དངོས་གྲུབ་འབྱིན་སོགས་ཀྱི། །སྔགས་ཐེམས་མཐའ་བསྒྱུར་མང་པོ་འབྱུང་། །གྲངས་སྙེད་ཡེ་ཤེས་ཀློང་འབྱུང་ཞིང་། །གཞི་འབྲས་ལམ་སྲོང་དུ་མའོ། །མཁའ་འགྲོའི་སྔགས་ཀྱི་རྣམ་གྲངས་ལ། །འབྱུང་བ་རྣམས་ཀྱི་སྒྲ་ལས་ཀྱང་། །ཌཱཀྐི་རང་གནད་སྲོག་སྔགས་འབྱུང་། །དུས་ཀྱི་སྦྱོར་བ་དང་བཅས་པའི། །ཐབས་དང་ཤེས་རབ་སྤྱོད་པའི་ཤུགས། །ཐམས་ཅད་ཌཱཀྐིའི་སྔགས་ཀྱི་གྲངས། །གནད་ཀྱི་ཟིན་པའི་སྔགས་པ་ཡིས། །མཁའ་འགྲོའི་སྲོག་གནད་རང་སྔགས་ ― DNG014_Page_0166 ―
[མ་དཔེ་གཟིགས་ན་འདིར་གནོན།]
རྣམས། །རང་བབས་ཉིད་ལས་རང་གྲགས་པས། །རླུང་གི་ཤུགས་དང་བཅས་པ་ཡིན། །དེ་ཕྱིར་སྔགས་ཀྱི་རྣམ་གྲངས་ནི། །སྒྲ་ཡི་རྣམ་པ་ཀུན་ལས་འབྱུང་། །རང་བྱུང་མ་འགགས་རྩལ་ཆེན་པས། །ལས་རྣམས་ཤུགས་ལས་འབྱུང་བ་ཡང་། །དེ་དང་དེ་ཡི་གནད་ཀྱིས་ཡིན། །དེ་དང་ལྡན་པར་སུས་བྱས་པས། །མཁའ་འགྲོ་མ་བསྒྲུབས་ལྷུན་གྱིས་གྲུབ། །མདོར་ན་བླ་མའི་སྔགས་ཀྱི་གྲངས། །དད་དང་མོས་གུས་ལྡན་པས་ཟིན། །ཡི་དམ་རྣམས་ཀྱི་སྔགས་གྲངས་ཀྱང་། །བརྩོན་འགྲུས་ལྡན་པས་ངེས་པར་ཟིན། །མཁའ་འགྲོའི་སྔགས་ཀྱི་རྣམ་གྲངས་ཀུན། །དམ་ཚིག་ལ་གནས་སྐྱེས་བུ་ཡིས། །ཟིན་འགྱུར་དེ་ལས་གཞན་དུ་མིན། །ཡན་ལག་རྣམ་གྲངས་ཕྲ་མོ་ཀུན། །དེ་དག་ཀློང་ལས་རང་བྱུང་འགྱུར། །ཚིག་མེད་རྣམ་གྲངས་མང་པོ་ཀུན། །སྔགས་ཀྱི་རྣམ་གྲངས་མ་ཡིན་པས། །གྲངས་སུ་གཏོགས་པར་མི་འགྱུར་རོ། །གནད་ལ་ཡང་དག་འབྱུང་བས་ན། །ས་བོན་སྲོག་ཡིག་རེ་རེས་ཀྱང་། །ཅི་འདོད་འབྲས་བུ་འབྱུང་བའི་ཕྱིར། །ཚིག་ལ་མི་ལྟོས་དོན་ལ་ལྟོས། །དོན་ལྡན་སྔགས་ཀྱི་རྣམ་གྲངས་ཀུན། །གཅིག་ལ་ཡང་དག་རྫོགས་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་རྣམ་གྲངས་བསྟན་པའི་ལེའུ་སྟེ་ལྔ་པའོ།། །།རང་ཤར་རིག་པའི་འཁོར་རྣམས་ཉོན། །སྔགས་རྣམས་དངོས་ཀྱི་རིམ་པ་ནི། །བླ་མ་ལྷ་དང་མཁའ་འགྲོ་སོགས། །གང་དང་གང་གི་སྔགས་བཟླ་བ། །ཐོག་མར་ཀུན་ལ་ཨོཾ་གྱི་འཇུག །དེ་བཞིན་ན་མར་འཇུག་པ་དང་། །ཏདྱ་ཐཱ་དང་ན་མོ་དང་། །དཀྲུག་དང་བཟློག་པ་ངེས་མེད་པར། །སྤྱི་གཞུང་རྣམས་ཀྱིས་གཏན་དབབ་པར། །སྔགས་བརྟེན་ཐ་མ་ཧཱུཾ་དང་ཕཊ། །གཉིས་ཀ་དང་ནི་སྭཱ་ཧཱ་དང་། །ཧྲིང་དང་བྷྱོ་དང་རྦད་ནན་དང་། །ཛཿལ་སོགས་པ་རྣམ་མང་གིས། །མཐའ་བརྟེན་བཅས་པའི་ཐེམས་བར་དུ། །གང་དང་གང་རིགས་གཏེམས་པ་ཡི། །སྔགས་རྣམས་དང་ནི་དམོད་མོ་དང་། །སྨོན་ལམ་ལ་ཉེ་བཅས་པ་ཀུན། །སྔགས་དངོས་ཡིན་པས་ཤེས་པར་ཟུང་། །གཞན་ཡང་ལས་ཀྱི་རྣམ་གྲངས་ནི། ། ― DNG014_Page_0167 ―
[མ་དཔེ་གཟིགས་ན་འདིར་གནོན།]
སྔགས་ལ་ངེས་མེད་བསམ་མི་ཁྱབ། །ཐོག་མཐའ་མེད་རྣམས་སྔགས་མིན་ཞིང་། །དྲང་སྲོང་རྣམས་དང་བྲམ་ཟེ་སོགས། །ལས་ཀྱི་དམོད་སྔགས་ཞེས་བྱར་གྲགས། །ཐུན་མོང་ལས་ཀྱི་སྒྲུབ་བྱེད་ལ། །སྔགས་ཀྱི་རིགས་བྱེད་མང་དུ་འབྱུང་། །ཡིག་འབྲུ་གཅིག་པའི་སྔགས་འབྱུང་བ། །དེ་དག་གང་བྱུང་སྐྱེ་མེད་སྔགས། །རང་གནད་སྲོག་གི་སྔགས་སུ་བཤད། །སྲོག་གི་ཡི་གེ་བསྒྲིག་པ་རྣམས། །ས་བོན་ལས་ལ་འཇུག་པའི་སྔགས། །ཚིག་ལ་མ་སྤྲོ་གནད་ལ་གཟིར། །རང་སྲོག་སྙིང་པོར་བགྲང་བའི་སྔགས། །དམ་ཚིག་ཡི་གེའི་སྔགས་ཡིན་ཅིང་། །མདའ་མདུང་ལ་སོགས་སོ་གཅིག་པས། །དྲག་བསྣུན་གང་ཡིན་རྣམ་པར་ཉམས། །རྡོ་གཅིག་གིས་ནི་བྱ་ཚོགས་སྐྲོད། །དེ་བཞིན་སྲོག་གནད་འབྲུ་སྔགས་ཀྱིས། །རྒྱལ་པོ་ལས་བྱེད་གཅིག་ཐུབ་ཡིན། །དོན་མེད་སྔགས་འབྲུ་གྲངས་མང་ཡང་། །སྔགས་མིན་སྔགས་ཀྱི་དོན་ལ་གོལ། །གསང་སྔགས་རིག་སྔགས་གཟུངས་སྔགས་སོགས། །སྔགས་རྣམས་གང་ལའང་གཏོགས་མིན་པའི། །སྔགས་ཀྱི་གསེབ་ནས་དབྱུང་བར་བྱ། །འཁྲུལ་མེད་མཚན་ནས་གྲངས་པ་ཡི། །སྔགས་རྣམས་མ་ནོར་གནད་ལ་གཟིར། །དོན་འབྲས་འགྲུབ་འགྱུར་ཡིད་གཉིས་མེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་དངོས་བསྟན་པའི་ལེའུ་སྟེ་དྲུག་པའོ།། །།ཡིད་ཀྱི་སེམས་དཔའ་ལ་སོགས་པའི། །རང་བྱུང་འདུས་པའི་འཁོར་རྣམས་ཉོན། །བཟླས་པ་སྔགས་ཀྱི་བགྲང་ཚུལ་ལ། །ཕྱི་དང་ནང་དང་གསང་བ་དང་། །དེ་ཉིད་དུ་ནི་བགྲང་ཚུལ་ཏེ། །དེ་ལ་སྤྱི་དང་བྱེ་བྲག་གཉིས། །སྤྱིར་ནི་ཕྱི་ལྟར་བགྲང་བའི་ཚུལ། །གསལ་ལ་དག་ཅིང་སྙན་པ་ཡིས། །མཆུ་སྦྱོར་སྡེབས་དང་བཅས་ནས་ནི། །ཕྲེང་བས་གྲངས་ཚད་གཏན་ལ་དབབ། །ནང་ལྟར་སྔགས་ཀྱི་བགྲང་ཚུལ་ནི། །རྡོ་རྗེ་ཤུབ་བུར་བཟླས་ནས་ཀྱང་། །དོན་མ་ནོར་བར་ལྕེ་སྟེང་བསྒྲིལ། །དྲོད་དང་མཚན་མས་གཏན་ལ་དབབ། །གསང་བ་ལྟར་དུ་བགྲང་ཚུལ་ནི། །རང་བྱུང་རླུང་གི་འགྲོ་འོང་དང་། །སྤྲད་པའི་བཟླས་པ་ཉེར་བརྩོན་ཏེ། །ཕྱི་རུ་བྱུང་དང་ནང་དུ་འཇུག །ཁོང་དུ་གནས་པ་རྣམ་གསུམ་གྱི། །རྒྱུན་ ― DNG014_Page_0168 ―
[མ་དཔེ་གཟིགས་ན་འདིར་གནོན།]
ཆད་མེད་པར་འཁོར་ལོའི་ཚུལ། །བར་མཚམས་མེད་པར་བསྐོར་བ་ཡིས། །རང་གནད་གཏན་ལ་དབབ་པར་བྱ། །དེ་ཉིད་སྔགས་ཀྱི་བགྲང་ཚུལ་ནི། །སྐྱེ་མེད་རྡོ་རྗེའི་བཟླས་པ་སྟེ། །རང་བྱུང་རིག་པའི་འཕྲོ་འདུ་ལས། །རང་བབས་གཤིས་ཀྱིས་གཏན་ལ་དབབ། །སྒྲ་གྲགས་སྔགས་ཀྱི་རོལ་པ་ལས། །ལྷུན་གྲུབ་རང་རྩལ་འབྲས་བུ་སྨིན། །རྩོལ་དང་བྲལ་བའི་བཟླས་པ་ཡིས། །རྩོལ་བྲལ་རང་བྱུང་ཡེ་ཤེས་བརྙེས། །བྱེ་བྲག་སྔགས་ཀྱི་བགྲང་ཚུལ་ནི། །བླ་མ་ལ་ནི་མོས་གུས་ཀྱི། །གདུང་བ་དྲག་ཏུ་བསྐྱེད་པ་ཡིས། །གསོལ་འདེབས་ང་རོ་འོ་དོད་འབོད། །ཡི་དམ་ལྷ་ཡི་ཏིང་འཛིན་ངར། །གསལ་དག་སྙིང་པོ་སྔགས་འཛབ་སྒྲོགས། །མཁའ་འགྲོ་ངར་བསྐྱེད་བརྟུལ་ཞུགས་དབྱུང་། །འབྲུག་སྟོང་ལྡིར་འདྲའི་དྲག་སྔགས་སྒྲོགས། །དེ་ནི་ཕྱི་ཡི་བགྲང་ཚུལ་ཏེ། །ཐུན་མོང་ལས་རྣམས་མྱུར་འགྲུབ་འགྱུར། །རང་དང་བླ་མ་དབྱེར་མེད་བསྲེ། །བརྗོད་ཚིག་གལ་མ་མཆིས་སུ་བསྐུར། །གསོལ་འདེབས་གདུང་ཤུགས་མཆི་མ་བཀླག །སྨྲ་སྒོ་བསྡམས་ཤིང་བརྗོད་པ་སྐྱུང་། །ཡི་དམ་ནང་གསལ་ལུས་ལ་བཀྲམ། །འགྲོ་འོང་རླུང་གི་འགྲོས་དང་བསྟུན། །སྲོག་སྔགས་སྒྲ་མེད་ཤུབ་བུར་བཟླས། །ལུས་གནད་གཡོ་མེད་གཏན་ལ་དབབ། །མཁའ་འགྲོ་སྣང་སྲིད་རོལ་པར་བལྟ། །སྨྲ་བརྗོད་ཐམས་ཅད་སྔགས་སུ་ཤེས། །ཕྲིན་ལས་འཕྲོ་འདུའི་དམིགས་པ་བསྒྱུར། །གང་ཤར་རང་ལུགས་གཤིས་ལ་དབབ། །དེ་ནི་ནང་གི་བགྲང་ཚུལ་ཏེ། །མཆོག་དང་ཐུན་མོང་ལས་མི་འགྱང་། །འཁྲུལ་ཕྱིར་ཡུལ་གྱི་སྤྲོས་པ་བཅད། །རང་སེམས་ཆོས་སྐུ་བླ་མར་བལྟ། །འབྱུང་འཇུག་གནས་གསུམ་རླུང་ལ་བསླབ། །ཐ་མལ་ངག་གི་སྒྲ་བརྗོད་སྤོང་། །ཕུང་ཁམས་སྐྱེ་མཆེད་ལྷར་ཤེས་པས། །བརྗོད་པ་སྔགས་ཀྱི་རང་སྒྲར་གྲོལ། །ཨཱོཾ་སོགས་ཡིག་འབྲུ་ཡིད་ལ་བཀྲམ། །དུས་ཀྱི་ས་མཚམས་བཅད་དུ་མེད། །བདག་ལུས་འབྱུང་བའི་གྲོང་ཁྱེར་ནི། །ཡེ་བྱུང་མཁའ་འགྲོའི་ཆོ་འཕྲུལ་ཉིད། །ཀུན་འབྱུང་ཀློང་ནས་རང་སྒྲ་སྔགས། །ངག་ཡིད་འཁྲུལ་པ་གཏན་ནས་ཟད། །དེ་ནི་གསང་བའི་བགྲང་ ― DNG014_Page_0169 ―
[མ་དཔེ་གཟིགས་ན་འདིར་གནོན།]
ཚུལ་ཏེ། །དེ་དག་གང་གི་བརྩོན་པ་ཡི། །སྐྱེས་བུ་ཐ་མལ་ལས་སད་ནས། །འབྲས་བུ་མཆོག་ལ་མྱུར་དུ་རེག །གཡོ་བ་མེད་པའི་ངང་ཉིད་ནས། །འཁྲུལ་པ་མེད་པའི་ཏིང་འཛིན་གསལ། །ཡེངས་པ་མེད་པའི་བཟླས་སྔགས་བསྒྲུབ། །གཏང་གཞག་མེད་པར་ནུས་པ་སྨིན། །ལུས་ཉིད་ལྷ་ལ་ངག་ཉིད་སྔགས། །ཡིད་ཆོས་འཕོ་འགྱུར་མེད་པར་གྲོལ། །བླ་མ་ཡི་དམ་མཁའ་འགྲོ་ཡི། །སྔགས་ཀྱི་བགྲང་ཚུལ་བླ་ན་མེད། །འབྲས་བུ་ཡེ་གྲུབ་གདེང་ཆེན་རྙེད། །བགྲང་ཚུལ་ཕྱི་ནང་གསང་གསུམ་དང་། །དེ་ཉིད་སྔགས་ཀྱི་བགྲང་ཚུལ་ལས། །གཡོ་མེད་དོན་ཆེན་འགྲུབ་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་བགྲང་ཚུལ་བསྟན་པའི་ལེའུ་སྟེ་བདུན་པའོ།། །།ཡང་སྤྲུལ་སེམས་དཔའི་འཁོར་ཚོགས་ཀུན། །ཡེ་ཤེས་ལྷ་སྔགས་བསྙེན་པའི་ཚད། །བསྟན་ཕྱིར་མ་ཡེངས་གུས་པར་ཉོན། །གཙོ་འཁོར་དང་ནི་སྤྲུལ་པ་དང་། །ཡང་སྤྲུལ་རྣམས་ཀྱི་བསྙེན་ཚད་ལ། །གྲངས་ཀྱི་ཚད་དང་དུས་ཀྱི་ཚད། །རྟགས་ཀྱི་ཚད་དང་རྣམ་པ་གསུམ། །གྲངས་ཚད་གང་ཡིན་གཙོ་བོ་ཡི། །སྙིང་པོ་དག་ལ་འབྲུ་འབུམ་སྟེ། །མིང་དོན་སྔགས་ལས་དེ་བཞིན་ལས། །ས་བོན་སྲོག་སྔགས་དེ་བཅུ་འགྱུར། །འཁོར་གྱི་བསྙེན་པ་འབྲུ་ཁྲི་སྟེ། །ལས་ཀྱི་སྔགས་ལ་དེ་ལས་འགྱུར། །གཉིས་དང་གསུམ་སོགས་ལས་དང་བསྟུན། །རང་གནད་འཁོར་གྱི་སྲོག་སྔགས་ལའང་། །ཁྲི་ལ་ལྔ་འགྱུར་བཟླས་པས་འགྲུབ། །འོན་ཀྱང་སྔགས་དང་རྣལ་འབྱོར་གྱི། །དགྲ་གྲོགས་ཁམས་དང་བསྟུན་པ་ཡི། །གྲོགས་ཕྲད་འབྲིང་ལ་ནང་ཕྲད་རབ། །དགྲ་དང་ཕྲད་ན་ཐ་མ་སྟེ། །དེ་ཡིས་འགྱུར་ཚུལ་མཁས་པས་དཔྱད། །རབ་ལ་རྐྱང་པ་འབྲིང་ཁུག་པ། །ཐ་མ་དག་ནི་སྤང་བ་འམ། །ཡང་ན་འདུན་པ་བསྒྱུར་བས་འགྲུབ། །ཕ་རོལ་དགྲ་ལ་རང་ཉིད་གྲོགས། །དེ་ནི་རབ་ཏུ་སྤང་བ་གཅེས། །རང་ཉིད་དགྲ་ལ་ཕ་རོལ་གྲོགས། །དེ་བྱུང་བསྟེན་པར་བཏུབ་ཙམ་ལ། །ཡང་དག་འབྲས་བུ་འགྱངས་པར་འགྱུར། །སྤྲུལ་པ་ལ་ནི་མ་ངེས་པས། །ཡང་སྤྲུལ་དེ་བས་ངེས་པ་མེད། ། ― DNG014_Page_0170 ―
[མ་དཔེ་གཟིགས་ན་འདིར་གནོན།]
ལ་ལ་གཙོ་བོ་ཉིད་དང་མཉམ། །ལ་ལ་བརྒྱ་སྟོང་འགྲུབ་པའང་སྲིད། །ཅི་ཕྱིར་སྤྲུལ་པ་ཡིན་ཕྱིར་རོ། །དུས་ཀྱི་བསྙེན་ཚད་བསྟན་པ་ནི། །རང་རང་ལས་ཀྱི་འཕེན་པ་དང་། །དུས་གནད་འཁོར་དང་ཡོ་བྱད་དང་། །གནས་ཀྱི་ཁྱད་པར་ལ་སོགས་དང་། །བརྩོན་འགྲུས་དང་ནི་དབང་པོའི་ཁྱད། །རབ་འབྲིང་ཐ་མའི་ཁྱད་པར་ལས། །ལ་ལ་བདུན་ཞག་ལ་སོགས་དང་། །དེ་བཞིན་ལ་ལ་ཟླ་བ་བདུན། །ལ་ལ་ལོ་བདུན་ལ་སོགས་དང་། །ཇི་སྐད་སྐལ་བ་དམན་པས་ཀྱང་། །དུང་ཕྱུར་དག་གི་དུས་ཚད་ལས། །ཉི་ཁྲི་དེ་བཞིན་མཚན་ཁྲི་ཡིས། །བཅུ་གཅིག་ལོ་ལ་འབྲས་བུ་འབྱུང་། །ལ་ལ་བདུན་ཕྲག་བདུན་འདས་ནས། །ཐུན་མོང་ལས་ཀྱི་བྱ་བ་འགྲུབ། །དེ་བཞིན་ཉིན་ཞག་ཕྲུགས་གཅིག་སྟེ། །སྐྱ་རེངས་ཁ་སྤྲོད་ལས་ལ་འཇུག །མདོར་ན་དུས་ཀྱི་ཚད་རྣམས་ལ། །འཕོ་འཇུག་གནས་སྟོངས་ཁྱད་པར་གྱིས། །ཕྱི་ནང་རྟེན་འདྲེལ་ཉིད་དང་བསྟུན། །ཕྱི་དུས་དང་ནི་ནང་གི་དུས། །རྩ་དང་རླུང་གི་ཁྱད་པར་ལས། །འཇུག་པའི་ཐིག་ལེ་གྲངས་སུ་བཅད། །དེ་ཤེས་པ་ཡིས་དུས་མི་འགྱང་། །གཙོ་བོས་མཆོག་དོན་སྟེར་བར་བྱེད། །དེ་ལ་དུས་གནད་བསྲིང་བར་བྱ། །འཁོར་གྱི་ཐུན་མོང་ལས་གྲུབ་པས། །དེ་ལ་དུས་ཚད་གྲངས་ཚད་སྦྱར། །ཡང་འཁོར་སྤྲུལ་དང་ཡང་སྤྲུལ་གྱི། །བསྙེན་པའི་དུས་ཚད་གཟུང་དུ་མེད། །དེ་ཡི་མཚན་ཉིད་མཁས་པས་བརྟག །རྟགས་ཀྱིས་བསྙེན་ཚད་བཟུང་བ་ནི། །རབ་ལ་དངོས་དང་འབྲིང་ལ་ཉམས། །ཐ་མ་རྨི་ལམ་དག་ལ་འབྱུང་། །མཆོག་ལ་ཆོས་ཀྱི་སྐུ་ཡི་རྟགས། །འབྲིང་ལ་ལོངས་སྤྱོད་རྫོགས་སྐུའི་རྟགས། །ཐ་མ་ལ་ནི་སྤྲུལ་སྐུའི་རྟགས། །རབ་ལ་མཆོག་རྟགས་འབྲིང་པོ་ལ། །ཐུན་མོང་ཡེ་ཤེས་གྲུབ་རྟགས་དང་། །ཐ་མ་ལ་ནི་ཐུན་མོང་གི། །ལས་ཀྱི་འབྲས་བུ་འབྱུང་བའི་རྟགས། །གོ་རིམ་མ་ལོག་རིམ་པར་འབྱུང་། །རྟེན་ཅན་རྟེན་ལ་རྟེན་མེད་རྟེན། །ཡང་དག་དོན་རྟེན་ལ་སོགས་པ། །རྟགས་ཀྱིས་བསྙེན་པ་ཚད་ཕེབ་འགྱུར། །ལྷག་དང་ཆད་དང་ནོར་བ་དང་། །འཁྲུལ་པར་འབྱུང་དང་གོ་ལོག་དང་། །ལོག་པའི་རྟགས་རྣམས་འབྱུང་བ་སྟེ། །ནུས་མེད་བརྡའ་ངན་དུ་མ་དང་། །རྣལ་ ― DNG014_Page_0171 ―
[མ་དཔེ་གཟིགས་ན་འདིར་གནོན།]
འབྱོར་ལུས་ངག་ཡིད་གསུམ་པོ། །ཉམས་ཤིང་རྒུད་པ་དུ་མ་འབྱུང་། །དེ་བྱུང་མཁས་པས་ལུགས་འབྱུང་དང་། །ལུགས་བཟློག་སྔགས་ཀྱི་འཁྲུལ་འཁོར་བཅས། །དྲག་པོའི་ལས་ལ་གཟུད་པར་བྱ། །སྐོང་དང་བཤགས་དང་གཏོར་མའི་ལས། །མེ་དང་མཆོད་སྦྱིན་ལས་ལ་འབད། །གྲངས་ཀྱི་ཚད་ལ་གྲངས་ཚད་བཟུང་། །དུས་ཀྱི་ཚད་ནི་དུས་གནད་དབབ། །རྟགས་ལ་རྟགས་རྣམས་ངོ་ཡིས་བཟུང་། །དེས་ནི་བསྙེན་པ་མཐར་ཕྱིན་ནས། །སྔགས་རྣམས་གཏན་ལ་ཕེབས་ནས་ཀྱང་། །ཡེ་ཤེས་ལྷ་དང་མཇལ་བར་འགྱུར། །དེ་བརྙེས་ལས་ཀྱི་འབྲས་བུ་འབྱུང་། །འཇིག་རྟེན་དྲེགས་པའི་ལྷ་འདྲེ་ནི། །ངང་གིས་བཀའ་ཉན་བྲན་དུ་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་ཚད་བསྟན་པའི་ལེའུ་སྟེ་བརྒྱད་པའོ།། །།རང་བྱུང་རིག་པའི་འཁོར་རྣམས་ཉོན། །བརྩོན་འགྲུས་ལྡན་པའི་སྔགས་པ་ཡིས། །ལྷ་སྔགས་ཚད་ལ་ཕེབས་པའི་རྟགས། །སྔགས་ཀྱི་དྲོད་རྟགས་འབྱུང་ཚུལ་ནི། །ལེགས་པར་བཤད་ཀྱིས་ཡིད་ལ་ཟུང་། །མཆོག་གི་རྟགས་དང་ཐུན་མོང་རྟགས། །ལས་ཀྱི་ཁ་བསྒྱུར་རན་པའི་རྟགས། །དེ་ལས་གཞན་པ་ལོག་མིན་རྟགས། །ངེས་མེད་ངེས་པ་ཅན་གྱི་རིགས། །དང་པོ་མཆོག་གི་དྲོད་རྟགས་ནི། །ལུས་དངོས་ལྷ་རུ་ཀྲོང་གིས་སོང་། །འཁྲུལ་པ་ཟད་ནས་ཡེ་ཤེས་བརྙེས། །རྣམ་པར་སྨིན་པའི་ལུས་དག་ནས། །འགྱུར་མེད་གཡུང་དྲུང་རྡོ་རྗེའི་སྐུ། །སྐྱེ་བ་མ་འཕོས་གྲུབ་པ་དང་། །རང་བསྒྱུར་སྒྲ་ཡི་མངོན་ཤེས་ཐོབ། །ཆོས་རྣམས་མ་བསླབས་ངང་གིས་ཤེས། །གཞན་གྱི་ཤེས་པ་སྒྱུར་བར་བྱེད། །སྐད་ཅིག་ལག་པ་བརྐྱང་བསྐུམ་ལ། །ཞིང་ཁམས་དཔག་མེད་ཉུལ་བ་དང་། །སྤྲུལ་པ་དུ་མ་འགྱེད་པར་ནུས། །བསྐྱེད་སྡུད་ཆོ་འཕྲུལ་དཔག་མེད་འགྱེད། །རང་ལ་རང་དབང་ཐོབ་པ་ཡིས། །རྒྱལ་བ་རྣམས་ཀྱི་དགོངས་པ་ལོན། །སྣང་སྲིད་ཆོས་ལ་རང་བྱན་ཚུད། །ཡེ་ཤེས་སྣང་བ་ལྷུག་པར་འཆར། །དེ་ ― DNG014_Page_0172 ―
[མ་དཔེ་གཟིགས་ན་འདིར་གནོན།]
སོགས་རྣམ་གྲངས་བརྗོད་ལས་འདས། །ཐུན་མོང་རྟགས་ལ་གྲངས་མང་ཡང་། །རྗེས་སུ་འཛིན་དང་དངོས་གྲུབ་སྟེར། །དངོས་གྲུབ་ཉེ་བར་ཐོབ་པའི་རྟགས། །རྣམ་པ་གསུམ་ལ་འདུས་པ་སྟེ། །ལྷ་ཡིས་རྗེས་སུ་འཛིན་པའི་རྟགས། །ཡེ་ཤེས་སྣང་བ་ལྷུག་པར་འཆར། །གང་དང་གང་གི་སྔགས་བཟླས་པས། །སྤྲོ་ཞིང་རིག་པ་དྭངས་པ་དང་། །རྟགས་དང་མཚན་མ་ཤུགས་ལས་འབྱུང་། །བག་དྲོ་ཉམས་དགའ་རིག་པ་འུར། །སྐྱོ་དུབ་མེད་པར་བསྒྲུབ་ལ་བརྩོན། །བྱིན་ཕེབ་རྫས་ལ་གཟི་བརྗིད་འབར། །དེ་བྱུང་རྗེས་སུ་འཛིན་པའི་རྟགས། །ཐང་ལྷོད་མེད་པར་བསྒྲུབ་ལ་འབད། །དངོས་གྲུབ་སྟེར་བའི་དྲོད་རྟགས་ནི། །དངོས་ཉམས་རྨི་ལམ་ལ་སོགས་དང་། །གཞན་གྱི་བརྡ་ལ་བརྒྱུད་ནས་ནི། །བཟའ་བཏུང་ལ་སོགས་སྟེར་བའི་ཚུལ། །རྒྱན་དང་ཆ་ལུགས་སྩལ་བར་འགྱུར། །དངོས་གྲུབ་ཉེ་བར་ཐོབ་རྟགས་ནི། །ཕྱི་ནང་གཞན་རྐྱེན་འཚོ་དོགས་མེད། །གཞན་གྱི་ཡིད་འོང་བཀུར་སྡི་དང་། །ཕུ་དུད་དུ་མ་བྱེད་པ་འབྱུང་། །བློ་བདེ་བག་ཕེབ་ཡིད་སྨོན་འགྲུབ། །ཕ་རོལ་བསྒོ་བའི་བཀའ་ལ་ཉན། །ངག་ལ་ནུས་པ་འབར་བ་དང་། །ལུས་སྟོབས་ཡང་རྩལ་རྫུ་འཕྲུལ་སྟོན། །ཕྱི་ནང་འབུ་སྲིན་སྲོག་ཆགས་མེད། །ཡིད་འོང་གཞོན་ཤ་ཆགས་པར་འགྱུར། །མདོར་ན་རྣལ་འབྱོར་ལུས་ངག་ཡིད། །གཏན་ལ་ཕེབས་ཤིང་ཡོན་ཏན་འབར། །བདེ་ལེགས་ཡོན་ཏན་དཔལ་དང་ལྡན། །ཐུན་མོང་ལས་རྣམས་གང་བརྩམ་འགྲུབ། །གཞན་གྱིས་སྨོན་ཅིང་ཡིད་དགའ་བྱེད། །ཆོ་རོལ་སྤྱོད་པ་གང་སྤྱད་ཀྱང་། །གནད་དུ་འགྲོ་ཞིང་གཞན་དོན་འབྱུང་། །རང་སྣང་ཆོས་དང་མཐུན་པར་འགྱུར། །འཇིག་རྟེན་ལོག་སྤྱོད་གཏན་ཚིགས་བྲལ། །འཁྲུལ་པའི་བག་ཆགས་མ་ལུས་སངས། །ཟས་ནོར་ལོངས་སྤྱོད་ལ་སོགས་པ། །མི་འདོད་བཞིན་དུ་དབང་མེད་འདུ། །ཉོན་མོངས་ལ་སོགས་འཇིགས་པ་བྲལ། །མདོར་ན་རང་དང་གཞན་གྱི་དོན། །རྩོལ་བ་མེད་པར་ཤུགས་ལས་འབྱུང་། །ལས་ཀྱི་ཁ་བསྒྱུར་རན་རྟགས་ནི། ། ― DNG014_Page_0173 ―
[མ་དཔེ་གཟིགས་ན་འདིར་གནོན།]
ཆུ་བོ་རྒྱས་དང་ལོ་ཏོག་སྨིན། །གཞན་གྱི་དེད་དཔོན་བྱེད་པ་དང་། །ཁྲོམ་ཆེན་འདུས་དང་དམག་དཔུང་གཡོ། །ཉི་མ་སྤྲིན་གྱིས་འཁྲུགས་པ་དང་། །གོ་བདར་བསོ་སྒྲ་འདེབས་པ་དང་། །མེ་ཆེན་མེ་འབར་དུད་པ་འཁྲིགས། །ཆར་སྤྲིན་འཁྲིགས་ཤིང་གློག་དམར་འབྱིན། །མེ་ཏོག་ཁ་འབུས་ལྡུམ་ར་གང་། །དཀྱིལ་འཁོར་རྒྱན་མེད་བཀྲག་འོད་འབར། །ཌཱཀྐིས་ལས་ལ་སྐུལ་མ་འདེབས། །དེ་ལྟར་རིམ་པ་གང་བྱུང་ཡང་། །ལས་ཀྱི་ཁ་བསྒྱུར་རན་པ་འམ། །སྔགས་ཀྱི་ཤམ་བུ་གདགས་རན་རྟགས། །དེ་ལས་གཞན་གྱི་ལོག་རྟགས་ནི། །བསྒྲུབ་ལ་བར་ཆད་བྱེད་པ་ཡི། །བདུད་ཀྱི་ཆོ་འཕྲུལ་དུ་མ་དང་། །མི་དང་མི་མིན་ལ་སོགས་པའི། །ཐོ་མཚམས་གླགས་ལྟ་སྣ་ཚོགས་བྱེད། །དངོས་ཉམས་རྨི་ལམ་ལ་སོགས་པ། །རྣལ་འབྱོར་ལུས་ངག་ཡིད་གསུམ་ལ། །མི་རུང་ལྟས་དང་ཆོ་འཕྲུལ་རྣམས། །མི་འདོད་བཞིན་དུ་འབྱུང་འགྱུར་ཞིང་། །བསྒྲུབ་གཡེལ་དམ་སེལ་ལ་སོགས་པའི། །མི་འདོད་ལོག་དགུ་དུ་མ་འབྱུང་། །དེ་སོགས་ངེས་མེད་ངེས་པ་ཅན། །རེ་རེ་ཙམ་ལ་ངེས་པ་མེད། །ཡང་ཡང་བསྟུད་ན་ངེས་པ་སྟེ། །རང་བབས་གནད་ཀྱི་ཟིན་པ་གཅེས། །ཅི་བདེར་འཇོག་པ་མན་ངག་ཡིན། །མདོར་ན་སྔགས་ལ་བརྩོན་པ་ཡིས། །གནས་སྐབས་མཐར་ཐུག་ལ་སོགས་ལ། །མཆོག་དང་ཐུན་མོང་འབྱུང་བ་ཡི། །དྲོད་རྟགས་དཔག་ཏུ་མེད་པ་འབྱུང་། །ཡང་ཡང་གཏན་ལ་ཕེབས་ནས་ནི། །རྟགས་རྣམས་གང་ཡང་མི་འབྱུང་བར། །དྭངས་སངས་ཆེན་པོ་ཉིད་དུ་འགྱུར། །རྟགས་མེད་རྟགས་ཀྱི་རྒྱལ་པོ་ཡིན། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་དྲོད་རྟགས་འབྱུང་ཚུལ་བསྟན་པའི་ལེའུ་སྟེ་དགུ་པའོ།། །།སེམས་དཔའ་ལ་སོགས་འཁོར་རྣམས་ཉོན། །སྔགས་བཟླས་དག་དང་མ་དག་པའི། །སྐྱོན་དང་ཡོན་ཏན་རྣམ་མང་ཡང་། །དང་པོ་མ་དག་སྐྱོན་ཅན་ནི། །བཟླས་པ་ཡུན་དུ་འབད་གྱུར་ཀྱང་། །ནུས་པ་མི་འབྱུང་ངལ་བའི་རྒྱུ། །སྒྲ་ནོར་སྒྲ་མ་དག་པ་དང་། །ཤེད་མེད་ཟུར་མ་ཐོན་པ་དང་། །ཧ་ཅང་རིང་དང་ཐུང་བ་དང་། །དྲགས་ཐལ་ཡང་ནི་ཞན་ཐལ་དང་། །དལ་ ― DNG014_Page_0174 ―
[མ་དཔེ་གཟིགས་ན་འདིར་གནོན།]
དྲེལ་མ་སྙོམས་ཡ་མ་ཟུང་། །ལ་ལ་ཤུབ་བུར་བཟླས་རྒྱུ་ལ། །སྐད་ངར་སྐྱེས་པའི་བཟླས་ནོར་དང་། །ལ་ལ་འཛབ་དབྱངས་ལྟ་བུ་ལ། །ཤུབ་བུའི་བཟླས་པ་བྱེད་པ་དང་། །དེ་སོགས་བྱེ་བྲག་མ་ཕྱེད་པར། །ནོར་ར་རེས་ཀྱི་བཟླ་ལུགས་ཀྱིས། །ཡོན་ཏན་མི་འཕེལ་སྐྱོན་གྱི་རྒྱུ། །གསང་སྔགས་ཐམས་ཅད་གསང་ཐབས་བཟླས། །རིག་སྔགས་ཀློག་པའི་ཚུལ་དུ་སྟེ། །གཟུངས་སྔགས་གང་ཡང་ལྡན་པ་ལ། །དེ་དག་གསུམ་ལ་དབྱེ་བའི་ཚུལ། །བཟླས་ཚུལ་ཡུན་གྱི་སྐབས་དང་བསྟུན། །གཞན་ཡང་བཟླས་ཚུལ་རིམ་པ་རྣམས། །ཡུལ་དང་ཡུལ་ཅན་ཁྱད་པར་དང་། །རིགས་འདྲ་རིགས་མིན་སྤང་དང་བླང་། །དེ་ཡི་རྒྱུ་མཚན་ཤེས་པར་བྱ། །སྔགས་ལ་དམ་སེལ་ཞུགས་པ་དང་། །ལྷག་པ་སྐྱོན་ཅན་སྐྱོན་མེད་གཉིས། །ཟློས་པ་གང་ཡང་སྐྱོན་མེད་དེ། །མ་ཟློས་ལྷག་པ་སྐྱོན་དུ་འགྱུར། །ཆད་ན་གང་ཡང་སྐྱོན་ཅན་ནོ། །དྲེ་མོ་དང་འདྲེས་བཟླས་པ་ལ། །ནུས་རྟགས་ཡུན་གྱིས་འགྱངས་པར་འགྱུར། །གཉིད་རྨུགས་འདྲེས་པའི་བཟླས་པ་ནི། །བགེགས་ཀྱི་བར་ཆད་འཇུག་པའི་རྒྱུ། །ལོག་འདོད་བསམ་པའི་བཟླས་པ་ནི། །བྱང་ཆུབ་ལམ་དུ་འགྲོ་མི་སྲིད། །ལམ་གྱི་འཆུགས་སོ་མེད་པ་ཡི། །བཟླས་པ་ཡིད་བཞིན་ནོར་བུ་ཡིན། །འདོད་འབྱུང་དབང་གི་རྒྱལ་པོ་སྟེ། །སྔགས་ཀྱི་རྣལ་འབྱོར་པས་ཤེས་བྱ། །ཡོན་ཏན་ལྡན་པའི་བཟླས་པ་ནི། །སྔགས་ལ་ནོར་འཁྲུལ་མེད་པ་དང་། །སྒྲ་ལ་ཆད་ལྷག་མེད་པ་དང་། །བཟླ་ལུགས་རང་རང་གཞུང་དང་མཐུན། །རིང་སར་རིང་དང་ཐུང་སར་ཐུང་། །དེ་བཞིན་དྲག་སར་དྲག་པ་དང་། །དེ་བཞིན་དལ་དང་དྲེལ་ལ་སོགས། །རིགས་དང་རིགས་མཐུན་འཕྲོད་པ་ཡིན། །བཟླས་ཚུལ་ཡོན་ཏན་མཐའ་ཡས་བསྐྱེད། །སོ་སོའི་རྟགས་དང་ནུས་པ་དང་། །ཅི་འདོད་དངོས་གྲུབ་འབྱུང་བར་འགྱུར། །སྤྱི་དང་བྱེ་བྲག་གང་ལ་ཡང་། །གསང་ནས་སྔགས་བཟླས་བསྒྲུབ་པ་ཡིས། །སྟོབས་འབྱིན་ཡང་དག་ལས་ལ་སྦྱོར། །མ་གསང་འཆལ་ཞིང་གང་གཡེལ་བ། །སྟོབས་མེད་ནུས་པ་མི་འབྱུང་ཕྱིར། ། ― DNG014_Page_0175 ―
[མ་དཔེ་གཟིགས་ན་འདིར་གནོན།]
དེ་དང་དེ་ཡི་བྱེ་བྲག་རྣམས། །མཁས་པས་ལེགས་པར་དཔྱད་དེ་འབད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་བཟླས་པ་དག་དང་མ་དག་པའི་སྐྱོན་ཡོན་བསྟན་པའི་ལེའུ་སྟེ་བཅུ་པའོ།། །།ཡང་དག་སྤྲུལ་པའི་འཁོར་རྣམས་ཉོན། །སྔགས་ཀྱི་བསྒྲུབ་ཚུལ་བཤད་པར་བྱ། །རླུང་དང་མེ་ཡི་སྡེ་ཚན་དང་། །ཆུ་དང་ས་ཡི་སྡེ་ཚན་དང་། །དེ་བཞིན་ནམ་མཁའི་སྡེ་ཚན་དང་། །བསྡོམ་དང་ཕྲལ་བའི་རྣམ་པ་ཅན། །རེ་རེ་ལ་ཡང་ལྔ་ལྔ་ལས། །ཕྲལ་བའི་སྡེ་ལ་རེ་རེའོ། །སྡོམ་ལ་རླུང་གི་སྡེ་ཚན་ལ། །ཀ་ནི་རླུང་གི་རླུང་ཡིག་གོ། །ཁ་ནི་རླུང་གི་མེ་ཡིག་སྟེ། །ག་ནི་རླུང་གི་ཆུ་ཡིག་སྟེ། །གྷ་ནི་རླུང་གི་ས་ཡིག་ཡིན། །ང་ནི་རླུང་གི་ནམ་མཁའ་ཡི། །ཡི་གེ་ཡིན་པར་ཤེས་པར་བྱ། །དེ་བཞིན་ཙ་ཚ་ཛ་ཛྷ་ཉ། །མེ་ཡི་རླུང་མེ་ཆུ་ས་མཁའ། །པ་ཕ་བ་བྷ་མ་དང་ལྔ། །ཆུ་ཡི་རླུང་མེ་ཆུ་ས་མཁའ། །ཏ་ཐ་ད་དྷ་ན་དང་ལྔ། །ས་ཡི་རླུང་མེ་ཆུ་ས་མཁའ། །ཊ་ཋ་ཌ་ཌྷ་ཎ་ལྔ་ཡང་། །ནམ་མཁའི་རླུང་མེ་ཆུ་ས་མཁའ། །ཕྲལ་བའི་སྡེ་ཚན་ཡི་གེ་ནི། །ཡ་ར་ལ་ཝ་རྣམ་པ་བཞི། །རླུང་མེ་ས་ཆུའི་ཡི་གེ་སྟེ། །ཤ་ནི་མེ་ཡི་ཡི་གེ་སྟེ། །ཥ་ནི་སྒྱུར་བྱེད་སྤྱི་ལ་སྙོམས། །ས་ནི་ས་ཡི་ཡི་གེ་ལ། །ཧ་དང་ཨ་ནི་ནམ་མཁའ་ཡི། །ཡི་གེ་ཡིན་པར་ཤེས་པར་བྱ། །ཀྵ་ནི་ནུས་པ་སྐྱེད་པ་ཡིས། །ཡི་གེ་ཡིན་པས་ཀུན་ལ་སྙོམས། །ཡ་སྟ་ཐམས་ཅད་ས་རུ་བསྡུ། །ཞབས་ཀྱུ་ཆུ་ལ་འགྲེང་བུ་མེ། །གུ་གུ་ནམ་མཁའི་ཁོང་དུ་བསྡུ། །ན་རོ་རླུང་ལ་ང་རོ་རྣམས། །ལྔ་ལྡན་ཡིན་པས་མཁའ་ཁྱབ་མཁའ། །མེ་ཆུ་གཉིས་པོ་དགྲ་གཤེད་ལ། །དེ་བཞིན་ས་རླུང་དགྲ་གཤེད་ཡིན། །མེ་རླུང་གཉིས་དང་ས་ཆུ་འཕྲོད། །ནམ་མཁའ་ཀུན་ཁྱབ་ཀུན་ལ་སྙོམས། །དེ་ལས་གཞན་ཡང་འབྱུང་བའི་སྡེ། །སྤྱི་མཐུན་དགྲ་གྲོགས་བསྐོར་བར་བྱ། །ནང་བསྡེབ་ནང་དང་ནང་འཕྲད་ནི། །སྲོག་ཡིག་ཡིན་པར་ཤེས་པར་བྱ། །ཁོང་ནས་བྱུང་དང་རྐན་ནས་བྱུང་། །སོ་དང་རྐན་དང་ལྕེ་རྩ་དང་། །མཉམ་པར་འབྱུང་དང་སྣ་ནས་འབྱུང་། །མཆུ་ནས་འབྱུང་དང་བཅས་སྦྱོར་དང་། །རིང་དང་ཐུང་དང་སྦོམ་པ་དང་། །ཕྲ་དང་ལྡིར་དང་ཡང་ལྕི་སྟེ། །སྟོང་པའི་ ― DNG014_Page_0176 ―
[མ་དཔེ་གཟིགས་ན་འདིར་གནོན།]
ཡི་གེ་ལ་སོགས་པ། །རླུང་མེ་ཆུ་ས་ནམ་མཁའ་རྣམས། །རྐྱང་དེད་དང་ནི་ཁུག་པ་དང་། །གཉིས་སྦྱོར་གསུམ་སྦྱོར་བཞི་སྦྱོར་དང་། །ལྔ་སྦྱོར་བསྡེབ་ཀྱི་རིམ་པ་རྣམས། །རང་རང་ཁམས་ཀྱི་རིགས་དང་ནི། །འབྱུང་བའི་ནང་མཐུན་བསྡེབ་པ་རྣམས། །མ་བུ་དང་ནི་དགྲ་གྲོགས་སྤྲད། །མ་དང་བུ་ཕྲད་བཟང་པོ་ལ། །དགྲ་དང་གྲོགས་ཕྲད་འབྲིང་པོ་སྟེ། །དགྲ་གཤེད་འདོམ་ན་ཐ་མ་སྟེ། །རིང་དུ་སྤངས་ནས་གནས་བསྒྱུར་བྱ། །ནང་ཕྲད་ཕལ་ཆེར་བཏང་སྙོམས་བྱེད། །དགྲ་གྲོགས་མ་བུའི་བསྡེབ་རྣམས་ནི། །རིགས་མི་མཐུན་དང་རིགས་མཐུན་དང་། །གཅིག་གྲོགས་གཅིག་གིས་བྱེད་པ་དང་། །གཅིག་དགྲ་གཅིག་གིས་བྱེད་པ་དང་། །གཅིག་རྐྱེན་གཅིག་གིས་བྱེད་པ་ཡི། །རྒྱུ་མཚན་ཐམས་ཅད་ཤེས་པར་བྱ། །འབྱུང་བསྡེབ་གནད་རྣམས་མ་འཆུགས་ཤིང་། །རང་རང་ཁམས་དང་བསྟུན་གྱུར་ན། །ནུས་སྟོབས་འབར་ནས་ལས་མྱུར་འགྲུབ། །དེ་ནས་དེ་ཡི་བསྡེབ་ལོག་ན། །སྔགས་ཀྱི་ནུས་པས་རང་གཤེད་བྱེད། །ཚེ་དང་སྲོག་ལ་གཟན་པ་དང་། །དབང་ཐང་ལོངས་སྤྱོད་འཇོམས་ལ་སོགས། །ཉེས་པ་དུ་མ་འབྱུང་བར་འགྱུར། །དེས་ན་སྔགས་ཀྱི་བསྒྲུབ་ཚུལ་རྣམས། །གོ་རིམ་མ་ལོག་ཤེས་པ་ཡིས། །ཨོཾ་དང་ན་མོ་ལ་སོགས་པའི། །ཐོག་མའི་ཡི་གེ་གནད་ཆེ་ཞིང་། །དེ་ནས་རིམ་བཞིན་དབུ་རྟེན་དང་། །གཞུང་གི་སྔགས་འབྲུ་བསྡེབ་དང་བསྟུན། །མཐའ་བརྟེན་དག་ལ་ངེས་པ་མེད། །སྭཱ་ཧཱ་ཧཱུཾ་ཕཊ་ལ་སོགས་པ། །གང་ཡང་ལས་ཀྱི་ཤུགས་ལྟར་སྦྱར། །དཀར་སེར་དམར་དང་ལྗང་གུ་དང་། །ཁ་དོག་སྡེབས་སུ་བསྟན་པ་ཡང་། །དཀར་པོ་ཆུ་ལ་དམར་པོ་མེ། །སེར་པོ་ས་ལ་ལྗང་གུ་རླུང་། །ནམ་མཁའ་དག་ནི་སྔོ་དང་མཐིང་། །དེ་བཞིན་མཆུ་སྦྱོར་སྔགས་དང་མཚུངས། །ཕྱོགས་དང་དབྱིབས་ཀྱི་རྣམ་པ་ཡང་། །ཤར་ལྷོ་ནུབ་བྱང་དབུས་དང་ལྔ། །རླུང་མེ་ཆུ་ས་ནམ་མཁའོ། །དེ་དང་དེ་ཡི་རིགས་མཐུན་རྣམས། ། ― DNG014_Page_0177 ―
[མ་དཔེ་གཟིགས་ན་འདིར་གནོན།]
ལྷ་དང་ལྷ་མོ་ལ་སོགས་དང་། །བསྡེབ་ཀྱི་ཡི་གེ་སྤྲད་ནས་ནི། །མཐུན་ཕྱོགས་བསྒྲུབ་ལ་མི་མཐུན་སྤང་། །དེས་མཚོན་མིང་གི་རྣམ་གྲངས་ཀྱང་། །ཡི་གེ་འབྱུང་བའི་དགྲ་གཤེད་བརྩི། །མཐུན་ཕྱོགས་གདགས་ལ་མི་མཐུན་དོར། །དག་དང་མ་དག་ཁྱད་པར་ལས། །ནུས་པ་འཕེལ་དང་མི་འཕེལ་གྱིས། །ཁྱད་པར་ཤིན་ཏུ་ཆེ་བའི་ཕྱིར། །མཁས་པས་མཚན་ཉིད་གཏན་ལ་དབབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་བསྒྲུབ་ཚུལ་བསྟན་པའི་ལེའུ་སྟེ་བཅུ་གཅིག་པའོ།། །།ཡང་འདུས་སེམས་དཔའི་འཁོར་ཚོགས་ཉོན། །ལྷ་དང་དེ་ཡི་བསྒྲུབ་སྔགས་དང་། །བརྩོན་པར་བྱེད་པའི་རྣལ་འབྱོར་རྣམས། །སྔགས་ཀྱི་དམ་ཚིག་ལྡན་པ་གཅེས། །སྔགས་ཀྱི་རླུང་གི་སྡེབ་སྦྱོར་དང་། །ལྕེ་དང་མགྲིན་པ་སྣ་དང་ནི། །སོ་དང་རྐན་མཆུ་རྣམས་ལས་འབྱུང་། །སྐྱེ་མེད་ཡི་གེ་ཁོང་ནས་ཏེ། །དེ་ལྟར་དེ་ཡི་དམ་ཚིག་ཏུ། །བཟའ་བཏུང་ཟས་དང་བརྗོད་པ་དག །སྐྱོན་གྱི་རྣམ་པ་གང་ཡང་སྤང་། །དེ་ཡང་རི་སྒོག་ཞག་ལྔ་ཉམས། །རླུང་གི་སྒོག་པས་ཞག་དགུ་ཉམས། །ལྕེ་ཡི་དབང་པོས་ཉེར་གཅིག་ཉམས། །སྒ་གཡེར་ཟྭ་ཐུག་ཁུ་བ་ཡིས། །ཞག་གསུམ་ཉམས་པར་འགྱུར་བ་ཡིན། །བྱིན་གྱིས་མ་བརླབས་ཤ་དང་ཆང་། །ཞག་ལྔའི་བར་དུ་ཉམས་པར་འགྱུར། །མདོར་ན་དྲི་ངན་དཀུ་བའི་རིགས། །བཟའ་དང་བཏུང་བ་གང་ཡིན་ཀྱང་། །ཞག་མང་སྔགས་ཀྱི་ནུས་པ་གསོད། །དེ་ཕྱིར་དེ་དག་སྤང་བར་བྱ། །རྫུན་དང་ཕྲ་མ་ལ་སོགས་པ། །ངག་གི་མི་དགེའི་ལས་རྣམས་ཀྱིས། །སྔགས་ཀྱི་ནུས་པ་གཏན་བརླག་གམ། །མཐར་ཡང་ཡུན་རིང་འགྱངས་པར་འགྱུར། །དེས་ན་དེ་དག་གང་ཡང་སྤང་། །བཟླས་བརྗོད་སྔགས་ལ་བརྩོན་པའི་ཚེ། །ཕུས་གདབ་འཇིག་རྟེན་དྲེ་མོ་ཡིས། །སྔགས་ཀྱི་ནུས་པ་ཉམས་པས་སྤང་། །དམིགས་པའི་ལས་སྔགས་མ་གཏོགས་པ། །མཆིལ་སྣབས་ཁ་ཆུ་ལ་སོགས་པ། །འགྲུལ་ལམ་ན་བོར་ནུས་པ་གསོད། ། ― DNG014_Page_0178 ―
[མ་དཔེ་གཟིགས་ན་འདིར་གནོན།]
ཡང་ན་ཁོང་དུ་བཏང་བ་འམ། །གཙང་མའི་གནས་སུ་དོར་བར་བྱ། །སྨྲ་བ་བཅད་དེ་སྔགས་ལ་བརྩོན། །ཁྱད་པར་དམ་ཚིག་ཉམས་པ་དང་། །དམེ་ཕོ་དམ་ལོག་ལ་སོགས་པའི། །མི་གཙང་རིགས་དང་ངག་མི་བསྲེ། །བསྲེས་ཤིང་སྔགས་བཟླས་ཉམས་པར་འགྱུར། །དེ་དང་དེ་ཡི་རིགས་རྣམས་དང་། །སྔགས་ལ་གཅེས་པའི་དམ་ཚིག་རྣམས། །གསང་བ་འོས་པ་གསང་བ་དང་། །དེ་བཞིན་གསང་བར་གཉེར་གཏད་དང་། །གསང་ཚིག་གང་ཡང་གསང་ཐུབ་གཅེས། །སྔགས་ཀྱི་ནུས་རྟགས་ཐོན་པ་ཡི། །རྟགས་དང་མཚན་མ་ཅི་བྱུང་ཡང་། །ཤིན་ཏུ་གསང་བར་བྱེད་པ་ནི། །དམ་ཚིག་ཡིན་ཕྱིར་ཐུབ་པར་བསྲུང་། །གཞན་ཡང་སྔགས་ལ་གཅེས་པ་ཡི། །སྤྱི་དང་བྱེ་བྲག་དམ་ཚིག་རྣམས། །གོ་རིམ་མ་ལོག་ཐུབ་པ་གཅེས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། སྔགས་ཀྱི་དམ་ཚིག་བསྟན་པའི་ལེའུ་སྟེ་བཅུ་གཉིས་པའོ།། །།བཅོམ་ལྡན་དཔག་མེད་རྒྱལ་པོ་ལ། །སེམས་དཔའ་རྣམས་ཀྱིས་གསོལ་བའི་དོན། །བརྩེ་བར་དགོངས་ནས་རབ་གསུངས་པ། །ཨེ་མ་ཨེ་མའོ་ངོ་མཚར་ཆེ། །དགའ་ཞིང་སྤྲོ་བས་མངོན་པར་བསྟོད། །ཡང་དག་སྔགས་ཀྱི་དོན་གང་ཡིན། །གཏན་ཚིགས་གོ་རིམ་གང་ལགས་པ། །བདག་སོགས་གདུལ་བྱར་གྱུར་པ་ཡི། །རང་རང་བློ་དང་གང་འཚམས་པའི། །ཡེ་ཤེས་ལྷ་དང་དེ་ཡི་འཁོར། །འཇིག་རྟེན་འདས་དང་མ་འདས་པའི། །སྲོག་གནད་རབ་ཏུ་བསྐུལ་བའི་དོན། །འབྲུ་དང་ཡི་གེ་ལ་སོགས་པའི། །གཡོ་བ་མེད་པར་རབ་སྣང་བ། །ལེགས་སོ་ལེགས་སོ་ལེགས་པར་གསུངས། །དགའ་ཞིང་སྤྲོ་བས་རྗེས་ཡི་རང་། །ལྷ་དང་མི་དང་ལྷ་མིན་དང་། །ཀླུ་དང་དྲི་ཟ་ལ་སོགས་པའི། །དགའ་ཞིང་སྤྲོ་བའི་གླུ་བླངས་ཏེ། །ཨ་ལ་བཅོམ་ལྡན་མངོན་པར་བསྟོད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་གསུང་རྒྱུད་རིན་ཆེན་འབྲུག་སྒྲ་ལས། རྗེས་སུ་ཡི་རང་ཞིང་མངོན་པར་བསྟོད་པའི་ལེའུ་སྟེ་བཅུ་གསུམ་པའོ།། །། དུས་ བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ཞེས་བྱ་བ།― DNG014_Page_0179 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། གྷུ་རུ་དྷི་ཝ་ཌཱཀྐི་ནི་སརྦ་ཙིཏྟ་ཏནྟྲ་ག་ག་ནཱ་པརྟྟ་བིསྟཱ་ར་ནཱ་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ཞེས་བྱ་བ། བཅོམ་ལྡན་འདས་ཐོག་མེད་ཀྱི་མགོན་པོ་འོད་མི་འགྱུར་བ། གཟི་བརྗིད་མཐའ་ཡས་པའི་དབང་ཕྱུག་གི་རྒྱལ་པོའི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཡོངས་སུ་རྫོགས་པའི་སྙིང་པོ་གཡོ་བ་མེད་པ་ལ་ཕྱག་འཚལ་ལོ། །ཞིང་ཁམས་རྣམ་པར་དག་པ་རྒྱན་བཀོད་པའི་ཕོ་བྲང་བརྩེགས་པ། སྟེང་འོག་ཕྱོགས་མཚམས་དབུས་ལ་སོགས་པ་ཕྱོགས་དང་བྲལ་ཞིང་། རྒྱ་ཡོངས་སུ་མ་ཆད་པ། གསལ་ལ་འོད་འབར་ཞིང་རྣམ་པ་རབ་ཏུ་བཀྲ་བ་རྒྱན་གྱི་ལྷུན་པོ་རབ་ཏུ་བརྗིད་པའི་ཞིང་། སྣང་ཡུལ་དུ་བཀྲ་བ་ལས་ཀྱང་། གཟུང་འཛིན་ངོས་བཟུང་དང་བྲལ་བའི་ཀློང་ཡངས་པ་ཆེན་པོར། གདོད་ནས་ཏིང་ངེ་འཛིན་རྣམ་པར་གཡོ་བ་མི་མངའ་ཞིང་། དུས་གསུམ་མཉམ་པ་ཉིད་དུ་བཞུགས་ནས། ཕྱོགས་བྲལ་གྱི་གདུལ་བྱ་ལ་གསལ་འགྲིབ་མེད་ཅིང་། མཉམ་པར་དགོངས་ནས། བཟོད་པར་དཀའ་ཞིང་ལྟོས་པ་མེད་པར་གཟིགས་ནས། མཉམ་པ་ཆེན་པོའི་མཛད་པ་བསྙེལ་བ་མེད་པར་མཛད་པའི་སྟོན་པ་བཅོམ་ལྡན་འདས་ཡངས་པ་ཆེན་པོ་མཐའ་ཡས་པའི་མགོན་ལ། བྱང་ཆུབ་སེམས་དཔའི་སྤྲུལ་པའི་འཁོར་རྣམ་པར་སྣང་མཛད་དང་། མི་བསྐྱོད་པ་དང་། རིན་ཆེན་འོད་མཛོད་དང་ ― DNG014_Page_0180 ―
[མ་དཔེ་གཟིགས་ན་འདིར་གནོན།]
འདོད་ཆགས་བྲལ་བ་དང་། དོན་རབ་འཛིན་པ་ལ་སོགས་པའི་རིགས་ལྔའི་སེམས་དཔའ་དང་། ཆོས་དབྱིངས་རྡོ་རྗེ་མ་དང་། གཟུགས་རྡོ་རྗེ་མ་དང་། སྒྲ་རྡོ་རྗེ་མ་དང་། དྲི་རྡོ་རྗེ་མ་དང་། རོ་རྡོ་རྗེ་མ་དང་། རེག་རྡོ་རྗེ་མ་སྟེ་རིགས་ཀྱི་སེམས་མ་ལ་སོགས་པ། སྤྲུལ་པ་རང་སྣང་གི་དཀྱིལ་འཁོར་གྱི་རོལ་པ་ལས་བྱུང་བའི་འཁོར་རྣམས་ཀྱིས། དུས་མི་མཉམ་པ་དང་མཉམ་པར་བྱུང་བ་རང་བྱུང་དགོངས་པ་ཀློང་གི་འོད་ཟེར་ཀུན་ཏུ་རྣམ་པར་བཀྲ་བའི་ཚེ། བཅོམ་ལྡན་འདས་ཀྱི་སྐུ་གསུང་ཐུགས་ཀྱི་དཀྱིལ་འཁོར་ལས་འོད་ཟེར་དཀར་པོ་དང་། འོད་ཟེར་དམར་པོ་དང་། འོད་ཟེར་མཐིང་ག་རབ་ཏུ་འཕྲོ་ཞིང་འཁོར་སེམས་དཔའ་དང་། སེམས་མ་རྣམས་ཀྱི་གནས་གསུམ་དུ་ཐིམ་པའི་ཚེ། སྤྲུལ་པ་རང་བྱུང་གི་འཁོར་རྣམས་རང་སྣང་གི་དཀྱིལ་འཁོར་ལས་ལངས་ཤིང་། གནས་ལུགས་ཀྱི་ཆེ་བ་རང་ལ་བསྟན་པའི་དོན་དམ་ནམ་མཁའ་ཀློང་ཡངས་ལྟ་བུའི་དགོངས་པ་གཏན་ལ་དབབ་པར་གསོལ་བས། དེ་ཉིད་དུ་ཉིད་ཀྱི་ཐུགས་ཡངས་པ་ཆེན་པོ་མཐའ་ཡས་པའི་དཀྱིལ་འཁོར་ནས། འོད་ཟེར་ཁ་དོག་སྣ་ཚོགས་པའི་འཕྲོ་འདུ་ཕྱོགས་ཐམས་ཅད་དུ་ཁྱབ་པར་མཛད་དེ་གསུངས་པ། ཨེ་མ་བསམ་བརྗོད་བྲལ་བའི་འཁོར། །སེམས་དཔའ་དང་ནི་སེམས་མ་ཉོན། །ང་ཡི་ཀློང་ལས་རབ་སྤྲོས་པ། །ང་ཡི་ཀློང་ལས་རང་ཤར་བ། །དཀྱིལ་འཁོར་ང་ཡི་དབྱིངས་ལས་གསལ། །འཕྲོ་འདུ་ང་ཡི་དབྱིངས་ལས་སྣང་། །རང་བྱུང་ང་ལ་ཐམས་ཅད་རྫོགས། །རྫོགས་པའི་ཡེ་ཤེས་དོན་རབ་བཟུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། གླེང་གཞིའི་ལེའུ་སྟེ་དང་པོའོ།། །།རང་སྣང་སྤྲུལ་པའི་འཁོར་རྣམས་ཉོན། །སྤྲོས་མེད་སྤྲོས་དང་བྲལ་བའི་དོན། །སྤྲོས་བྲལ་ཡེ་ཤེས་ཆེན་པོ་ནི། །སྤྲོས་པ་མེད་པའི་རྣལ་འབྱོར་པས། །སེམས་ཀྱི་སྤྲོས་པ་བཅད་དེ་བསྒོམ། །དེ་བསྒོམ་གནད་དུ་བསྣུན་པ་ལ། །ངོ་སྤྲོད་གཏན་ལ་དབབ་དོན་དུ། །མཚན་ ― DNG014_Page_0181 ―
[མ་དཔེ་གཟིགས་ན་འདིར་གནོན།]
ཉིད་ལྡན་པའི་བླ་མ་གཅེས། །དུས་གསུམ་སངས་རྒྱས་མ་ལུས་ཀྱང་། །མཚན་ཉིད་ལྡན་པའི་བླ་མ་ལ། །གུས་བཏུད་འབྲས་བུ་རྫོགས་སངས་རྒྱས། །དེ་ཕྱིར་མཚན་ཉིད་ཀུན་ལྡན་པའི། །བླ་མ་དེ་ཡི་སྐུ་ཡི་ཆ། །མཛེས་ཤིང་བག་དྲོ་ལྷུན་ཆགས་པ། །སྤྱོད་ལམ་གདུལ་བྱའི་ཡིད་དང་མཐུན། །གང་ལ་གང་འདུལ་ཐབས་ལ་མཁས། །གསུང་གི་ཆ་ཡང་འཇམ་ཞིང་སྙན། །འཇིག་རྟེན་འཆལ་གཏམ་དྲེ་མོ་ཉུང་། །ངེས་དོན་ཆོས་ཀྱི་གསུང་ཆར་འབེབས། །རྒྱལ་བ་རྣམས་ཀྱི་གསུང་དང་མཐུན། །དེ་བཞིན་ཐུགས་ཀྱང་མཁའ་ལྟར་དག །བལྟ་བསྒོམ་གཞི་འབྲས་དོན་དང་ལྡན། །རང་འདོད་བྲལ་ཞིང་གཞན་དོན་ལ། །བརྩེ་བས་སྐྱོ་དུབ་མེད་པར་བརྩོན། །མདོར་ན་མཛད་པའི་རྣམ་ཐར་རྣམས། །བླ་མེད་ཐེག་མཆོག་ཆོས་དང་མཐུན། །དེ་ལྟར་ལྡན་པའི་བླ་མ་བཙལ། །རྙེད་ནས་ལུས་ངག་ཡིད་གསུམ་གྱིས། །དགོངས་དང་མཉེས་པ་མཐའ་དག་བསྒྲུབ། །བཀུར་སྡི་ཡོན་གྱིས་དགྱེས་པར་བྱ། །ཐུགས་སུན་མི་དབྱུང་སྡོམ་ལ་གནས། །དེ་ཡི་རྗེས་འཇུག་བཀའ་སྲོལ་འཛིན། །དེ་ལྟར་བླ་མ་བསྟེན་པ་ཡི། །བདེ་ལེགས་བསམ་འཕེལ་ཡིད་སྨོན་འགྲུབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། མཚན་ཉིད་ལྡན་པའི་བླ་མ་བཙལ་ནས་བསྟེན་ཚུལ་བསྟན་པའི་ལེའུ་སྟེ་གཉིས་པའོ།། །།མཚན་ཉིད་ལྡན་པའི་བླ་མ་ལ། །ཕྱི་ནང་དོན་འཛོམ་ཆོས་ཡོད་ཀྱང་། །སྣོད་ལྡན་སློབ་མ་མ་འཛོམ་ན། །རྣམ་གྲོལ་འབྲས་བུ་མི་འབྱུང་ཕྱིར། །གདུལ་བྱ་སྣོད་ལྡན་སློབ་མ་གཅེས། །དེ་ཡང་དད་བརྩོན་ཤེས་རབ་ཆེ། །བློ་ཡངས་སེར་སྣ་འཛིན་ཆགས་ཆུང་། །ཆོས་སྤྱོད་བརྩོན་འགྲུས་སྐྱོ་དུབ་མེད། །བླ་མ་ལ་གུས་འགྲོ་ལ་བརྩེ། །དམ་ཚིག་ལ་གནས་གཡོ་སྒྱུ་མེད། །ཁྲེལ་འཛེམ་ངོ་ཚ་ཆད་གཞུང་བཙན། །འཇིག་རྟེན་ཆོས་ལ་ཡིད་མི་ ― DNG014_Page_0182 ―
[མ་དཔེ་གཟིགས་ན་འདིར་གནོན།]
འཇུག །འཁྲུལ་ཕྱིར་མི་འབྲང་ཉོན་མོངས་སྲབ། །ཡབ་ཡོབ་མི་བྱེད་འགྲན་སེམས་བྲལ། །དེ་སོགས་ཡོན་ཏན་དཔག་མེད་ཅིང་། །བླ་མ་མགོ་ཡི་ཐོད་བཞིན་ཁུར། །མཆེད་དང་གྲོགས་ལ་དག་སྣང་ཆེ། །གདམས་པ་ཁོང་གི་སྙིང་ལྟར་འཆང་། །དམ་ཚིག་མིག་འབྲས་ལྟ་བུར་བཙའ། །བསྒོ་བའི་བཀའ་ཉན་མཉེན་ལྕུག་ལྡན། །བརྩམ་པ་མཐར་དབྱུང་ཕྱི་ཐག་རིང་། །རང་ཉིད་ཕམ་ཁུར་གཞན་སེམས་འཛིན། །དེ་ལྟར་འཛིན་པའི་གང་ཟག་ནི། །སྐལ་ལྡན་བདེ་གཤེགས་ཐུགས་ཀྱི་སྲས། །སྣོད་ཀྱི་རབ་མཆོག་གདམས་པའི་ཆོས། །ལྷུག་པར་སྦྱིན་ཅིང་ཐབས་ཀྱིས་བསྐྱང་། །ཉམས་ལེན་སྲང་ལ་རིམ་གྱིས་གཅུར། །འབྲས་བུ་དོན་མཆོག་གཏན་ལ་ཕབ། །རྒྱལ་བ་རྣམས་ཀྱི་ངེས་ལུང་སྦྱིན། །ཡོན་ཏན་དེ་ལས་ལོག་པ་ཡི། །སྐྱོན་གྱི་རྣམ་པ་མང་ཚོགས་པའི། །དམ་མེད་སློབ་མ་རྒྱང་ཐག་བསྲིང་། །དེ་ལྟར་བླང་དང་དོར་བ་ཡིས། །སློབ་མའི་མཚན་ཉིད་ལེགས་པར་བརྟག །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། མཚན་ཉིད་ལྡན་པའི་སློབ་མ་བརྟག་ཅིང་སྤང་བླང་བསྟན་པའི་ལེའུ་སྟེ་གསུམ་པའོ།། །།མཚན་ཉིད་ལྡན་པའི་བླ་མ་ཡིས། །གནས་དུས་ཁྱད་པར་ཅན་འཛོམ་ཚེ། །སྣོད་ལྡན་རིགས་མཐུན་སློབ་མ་ལ། །སྤྲོས་བཅས་ཕྱི་ཡི་བུམ་དབང་བསྐུར། །ལུས་སྨིན་ལྷ་ཡི་ཕྱག་རྒྱས་གདབ། །ངག་སྨིན་སྔགས་ཀྱི་ཕྱག་རྒྱས་གདབ། །སེམས་སྨིན་ཆོས་ཀྱི་ཕྱག་རྒྱས་གདབ། །དཀྱིལ་འཁོར་ཡོ་བྱད་རྫས་ཚོགས་པ། །ལོངས་སྤྱོད་རྒྱན་གྱི་ཕྱག་རྒྱས་གདབ། །ཟབ་མོ་གྷ་ཎའི་ཡོ་བྱད་ཀྱིས། །ཡེ་ཤེས་ལྷ་ཡི་དགྱེས་པ་བསྐང་། །སྟངས་སྟབས་གར་གྱིས་མཉེས་པར་བྱ། །དཔའ་བོ་ཐབས་ཀྱི་བདེ་བ་དང་། །དཔའ་མོ་ཤེས་རབ་སྟོང་ཉིད་ཀྱིས། །གཉིས་མེད་རོལ་པའི་རྩལ་ལ་བསླབ། །སྤྲོས་པ་རྣམ་པ་སྣ་ཚོགས་ཀྱིས། །བྱ་བ་དུ་མ་ལ་ཞུགས་པའི། །སྤྲོས་པ་ཐབས་ ― DNG014_Page_0183 ―
[མ་དཔེ་གཟིགས་ན་འདིར་གནོན།]
ཀྱིས་བཅད་ནས་ནི། །སྤྲོས་དང་བྲལ་བའི་དཀྱིལ་འཁོར་གྱི། །ངང་དུ་རིམ་གྱིས་གཟུང་བར་བྱ། །དཔའ་བོ་ཡབ་དང་དཔའ་མོ་ཡུམ། །གཉིས་མེད་རྣམ་རོལ་སེམས་དཔའ་ཡིས། །ཡེ་ཤེས་མྱུར་དུ་ཕབ་པ་ན། །ཕབ་རྟགས་འདར་དང་འཁྲབ་པ་དང་། །ཡིད་རབ་གཡོ་ཞིང་འཕར་སོགས་འབྱུང་། །དེ་ལ་རབ་ཏུ་བརྟན་སེམས་བཟུང་། །སྤྲོས་བཅས་བུམ་པའི་ཕྱི་དབང་གིས། །འབད་པ་དང་བཅས་འབྲས་བུ་འབྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སྨིན་བྱེད་སྤྲོས་བཅས་བུམ་དབང་གི་ལེའུ་སྟེ་བཞི་པའོ།། །།ཡང་ནི་ཡང་དག་བཤད་བྱ་བ། །མཚན་ཉིད་ལྡན་པའི་བླ་མ་ཡིས། །སྣོད་ལྡན་སྐྱེས་བུ་ཉེར་གཅིག་ལ། །ཡོ་བྱད་དཀྱིལ་འཁོར་ལ་སོགས་པ། །དམ་རྫས་རྣམ་པ་མང་ཚོགས་པའི། །སྨིན་བྱེད་སྤྲོས་མེད་ནང་གི་དབང་། །ཡབ་ཡུམ་གསང་བའི་དཀྱིལ་འཁོར་ལ། །བརྟེན་ནས་རིམ་གྱིས་བསྐུར་བར་བྱ། །དེ་ཡང་ཕྱི་ནང་འཇུག་པ་དང་། །དམིགས་པའི་འཕྲོ་འདུ་དག་ལ་བསླབ། །སློབ་མས་དད་བདུན་བསྐྱེད་ནས་ཀྱང་། །བླ་མ་དགྱེས་པའི་མཎྜལ་ཕུལ། །གསོལ་བ་གདབ་ཅིང་གུས་པ་བསྐྱེད། །བླ་མ་ཡབ་དང་ཡུམ་བཅས་པའི། །ལྷ་ཡི་ང་རྒྱལ་ལྡན་པ་པོས། །གསང་བའི་ཡེ་ཤེས་བདུད་རྩིའི་རྒྱུན། །ཐབས་ཤེས་སློབ་མའི་ལྕེ་སྟེང་དབབ། །བརྡའ་དང་བཅས་པའི་ཡེ་ཤེས་བསྐྱེད། །བདེ་དང་སྟོང་པར་ངོ་སྤྲད་པས། །ལུས་ངག་ཡིད་གསུམ་རབ་སྨིན་ཅིང་། །ཁྱད་པར་ངག་ལ་ནུས་པ་འབར། །དཔལ་དང་གཟི་བརྗིད་རབ་འཕྲོ་ཞིང་། །དབང་དོན་དྲན་པས་དོན་འབྲས་འགྲུབ། །ཨེ་མ་ཟླ་གསང་ཐིག་ལེ་ཡིས། །བདེ་ཆེན་ཡེ་ཤེས་ཡང་དག་མཆོག །འབད་མེད་མྱུར་དུ་སྐྱེ་བར་འགྱུར། །དེ་སྐྱེས་སྤྲོས་མེད་ངང་ལ་གཞག །གཞག་བྱ་བཞག་བྱེད་མེད་བཞིན་དུ། །རྣམ་པར་རང་གྲོལ་ལྷུག་པར་འཆར། །དེ་ནི་སྤྲོས་མེད་ནང་གི་དབང་། །གདུལ་བྱ་དག་གྲོལ་ཡེ་ཤེས་བརྙེས། །བླ་མ་ཡི་དམ་ ― DNG014_Page_0184 ―
[མ་དཔེ་གཟིགས་ན་འདིར་གནོན།]
མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སྨིན་བྱེད་སྤྲོས་མེད་གསང་དབང་གི་ལེའུ་སྟེ་ལྔ་པའོ།། །།ཡང་ནི་མཚན་ལྡན་བླ་མ་ཡིས། །རྒྱུ་རྐྱེན་ནུས་སྟོབས་ལྡན་བྱས་ཏེ། །སྣོད་ལྡན་སྐྱེས་བུ་བདུན་དག་ལ། །གསང་བ་ཤེས་རབ་ཡེ་ཤེས་དབང་། །ཤེས་རབ་གཟུངས་མ་ལ་བརྟེན་ནས། །བསྐྱེད་རྫོགས་མཉམ་གྲོལ་ལྷུག་པར་བསྐུར། །དེ་ཡང་བླ་མ་ཧེ་རུ་ཀ །དཔའ་བོ་ཡུམ་དང་བཅས་པ་ལ། །རིན་ཆེན་དག་པའི་མཎྜལ་སོགས། །དགའ་སྟོན་དགྱེས་པའི་ཡོན་དབུལ་ཞིང་། །ཐལ་མོ་སྦྱར་ནས་གསོལ་བ་གདབ། །བླ་མས་བདེ་བའི་ཡེ་ཤེས་དབབ། །སློབ་མ་དད་ལྡན་སྐྱེས་མཆོག་གིས། །ལུས་ངག་ཡིད་གསུམ་འཁྲུལ་འཁོར་སྦྱང་། །ལུས་སྦྱང་ངག་ལ་ཕན་པ་དང་། །ངག་སྦྱང་སེམས་ལ་ཕན་བྱས་ནས། །དབབ་བསྐྱིལ་བཟློག་དང་དགྲམ་པ་ལ། །མཁས་ཤིང་གོམས་པས་དབང་ལུང་བླང་། །པདྨ་རྡོ་རྗེ་མཆུ་སྦྱོར་ནས། །ངོ་སྤྲོད་རྒྱ་ཡིས་ཐེབས་པར་བྱ། །དགའ་བཞིའི་ཡེ་ཤེས་ཉམས་ངོས་བཟུང་། །བདེ་སྟོང་ཟག་པ་མེད་པ་ཡི། །གནས་ལུགས་ངང་དུ་མཉམ་པར་གཞག །གཡོ་མེད་རིག་པའི་འཁྲུལ་འཁོར་བསྐོར། །གསང་དོན་བྷ་གའི་དཀྱིལ་འཁོར་དུ། །མཉམ་གནས་བདེ་བའི་ལྷ་མོ་ལ། །མཆོད་པ་འབུལ་ཞིང་དགྱེས་པ་བསྐང་། །བཅུད་འབྲས་བདེ་རོལ་དངོས་གྲུབ་བླངས། །རོ་མྱོང་བཅུད་ཀྱི་འཁོར་ལོ་བསྐོར། །བག་ཆགས་སེམས་ཀྱི་འཁྲུལ་པ་བཤིག །བདག་པོ་བསད་ནས་ལོངས་སྤྱོད་འཕྲོག །མ་རྣམས་ཆོས་ཀྱི་དབྱིངས་སུ་བསྐྱལ། །ཨེ་མ་ཤེས་རབ་ཡེ་ཤེས་ཀྱི། །དབང་དོན་ཐུགས་ཀྱི་ཕུར་དུ་འཆང་། །འབྲས་བུ་ནུས་པའི་གདེང་ལྡན་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སྨིན་བྱེད་རབ་ཏུ་སྤྲོས་མེད་ཤེས་རབ་ཡེ་ཤེས་ཀྱི་དབང་གི་ལེའུ་སྟེ་དྲུག་པའོ།། །།དེ་ཉིད་རབ་ ― DNG014_Page_0185 ―
[མ་དཔེ་གཟིགས་ན་འདིར་གནོན།]
ཏུ་སྤྲོས་མེད་ཀྱི། །ཚིག་དབང་སྣོད་ལྡན་སྐྱེས་བུ་ལ། །མཚན་ཉིད་ལྡན་པའི་བླ་མས་བསྐུར། །གཞི་རྫོགས་སེམས་ཀྱི་དཀྱིལ་འཁོར་དུ། །རང་བྱུང་རོལ་པའི་ལྷར་གསལ་ཞིང་། །མཐའ་བྲལ་དོན་ཐོབ་བླ་མ་ལ། །འབྱོར་ཚོགས་ལུས་དང་ལོངས་སྤྱོད་ཀྱི། །མནྜལ་ལྟོས་པ་མེད་པར་འབུལ། །གདུང་བའི་ཚིག་གིས་གསོལ་བ་གདབ། །བརྡ་དོན་ཚིག་དབང་ངོ་སྤྲོད་གདབ། །ཉམས་གསལ་ཡེ་ཤེས་འཁོར་ལོ་བསྐོར། །འཁོར་འདས་ཕྱམ་གདལ་ངང་ལ་གཞག །དོན་དམ་བྱང་ཆུབ་སེམས་དཀྱིལ་དུ། །མཚན་མ་བྲལ་བའི་དབང་མཆོག་གིས། །ལུས་ངག་ཡིད་གསུམ་སྨིན་ནས་ཀྱང་། །ཕྱི་ནང་སྣོད་བཅུད་བརྡ་དོན་སྤྲད། །སྣང་སྲིད་ཚོགས་ཀྱི་འཁོར་ལོ་བསྐོར། །བདག་གཞན་མཉམ་གསལ་དབྱིངས་ཀྱི་ངང་། །འབྲས་བུ་སྐུ་གསུམ་ཡེ་ཤེས་ལྔ། །ཞིང་དང་བཅས་པར་ལྷུན་གྱིས་རྫོགས། །དེ་ལྟར་བཞི་རྫོགས་དབང་བསྒྲུབ་པས། །དཔོན་སློབ་དགའ་བདེའི་གསལ་ཉམས་བསྐྱང་། །གཏང་རག་རྩེ་དགའ་གླུ་བྲོ་འཁྲབ། །བཀྲ་ཤིས་བསྔོ་སོགས་མཐའ་རྒྱས་ཀྱི། །རིམ་པས་ལས་རྗེས་དབྱིངས་སུ་བསྐྱལ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སྨིན་བྱེད་དེ་ཁོ་ན་ཉིད་ཀྱི་ཚིག་དབང་རིན་པོ་ཆེའི་ལེའུ་སྟེ་བདུན་པའོ།། །།དབང་རྣམས་ཐོབ་པའི་རྣལ་འབྱོར་པས། །གསང་ཆེན་དམ་ཚིག་རིམ་པ་རྣམས། །དང་དུ་བླང་ཞིང་ཚུལ་བཞིན་བསྲུང་། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་རྣམ་པ་ལྔ་ཉིད་ཀྱི། །རྩ་བ་ཡན་ལག་ཕྲ་མོར་བཅས། །ཕྱི་དང་ནང་དང་གསང་བ་དང་། །དེ་ཉིད་ལ་སོགས་གང་དང་གང་། །དུས་གསུམ་ལུས་ངག་ཡིད་གསུམ་གྱིས། །མཉམ་སྦྱོར་རྨད་དུ་བྱུང་བའི་ཀློང་། །སྤང་བླང་མཚན་ཉིད་ཤེས་བྱས་པས། །བླང་དོར་མེད་པར་རབ་ཚུལ་དང་། །སྤང་བླང་བཅས་པའི་འབྲིང་པོ་དང་། །བཤགས་དང་སྡོམ་བཅས་ཐ་མ་ཡིས། །སྒྲིབ་པ་མེད་པའི་དོན་སེམས་བྱ། །ཡུན་དང་སྐད་ཅིག་ལ་སོགས་པའི། །དུས་ཀྱི་ས་ ― DNG014_Page_0186 ―
[མ་དཔེ་གཟིགས་ན་འདིར་གནོན།]
མཚམས་གཅད་པ་དང་། །ས་མཚམས་གཅད་དུ་མེད་ཚུལ་གྱིས། །ཡང་ནས་ཡང་དུ་དྲན་ཤེས་བྱ། །གལ་ཏེ་ཉམས་པ་ལོ་ཚིགས་ཡོལ། །འགྱུར་དང་བཅས་པའི་ཆག་ཉམས་ལས། །དེ་འགྱུར་རང་ལོའི་གྲངས་ཚད་ཀྱིས། །རྫས་དང་བཅས་པའི་བཤགས་པས་བྱང་། །ལྟུང་བར་མི་འགྱུར་སོར་ཆུད་ནས། །དངོས་གྲུབ་ཡང་དག་བརྙེས་པ་ཡིན། །རང་ལོ་ངེས་པར་ཉམས་འདས་ན། །དེས་ནི་མ་བཤགས་ན་རག་སྤྱོད། །དེ་ཕྱིར་ལོ་ཟླ་ཞག་དུས་ཀྱིས། །ཉམས་འགྱུར་ས་མཚམས་མ་འདས་པར། །འགྱོད་དེ་གང་བཤགས་བདེ་ལེགས་འགྱུར། །མ་ཉམས་ཡོན་ཏན་རྩིས་ལས་འདས། །ཉམས་ཀྱང་བཤགས་པས་ཡོན་ཏན་འབྱུང་། །ཉམས་ཀྱང་བཤགས་པར་མ་བྱས་དང་། །བཤགས་ཀྱང་བླ་མས་མ་གནང་ན། །བླ་མ་ཉིད་དང་བཅས་པ་ནི། །རྡོ་རྗེ་དམྱལ་བའི་ཡང་གཏིང་དུ། །འཚོད་པའི་སྡུག་བསྔལ་རྩིས་ལས་འདས། །བཤགས་པར་བྱེད་དང་མ་ཉམས་བསྲུང་། །སྡོམ་པར་བྱེད་པའི་ཐབས་མཆོག་ནི། །དཔལ་དང་ལྡན་པའི་སྤྱོད་ཡུལ་ལོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། དམ་ཚིག་མ་ཉམས་པར་བྱེད་པ་དང་། ཉམས་ན་བཤགས་པར་བསྟན་པའི་ལེའུ་སྟེ་བརྒྱད་པའོ།། །།དགོངས་ཀློང་ཡང་དག་མཆོག་གི་དོན། །གྲོལ་བྱེད་རྨད་དུ་བྱུང་བ་ལས། །རང་སྣང་རྩལ་ཆེན་རྫོགས་འདོད་པས། །གཏན་ལ་དབབ་པའི་དང་པོ་ནི། །ཆོས་ཉིད་རོལ་པ་ངོས་བཟུང་བའི། །རྣལ་འབྱོར་རྒྱལ་པོ་རྣམས་ཀྱིས་བལྟ། །གདོད་ནས་ཡང་དག་ཆེན་པོ་ལ། །སྤང་བླང་གཏང་གཞག་མིང་མཐའ་བྲལ། །དེ་བཞིན་དངོས་འཛིན་བྱ་བྱེད་བྲལ། །རྒྱུ་རྐྱེན་ལས་འདས་ཕྱོགས་ལྷུང་བྲལ། །སྨྲ་བསམ་ལས་འདས་དེ་བཞིན་ཉིད། །ཡེ་ཀློང་ཀུན་བཟང་རབ་སྣང་ཞིང་། །བརྡ་དང་རྟགས་ཀྱིས་མཚོན་དུ་མེད། །གཞི་སྣང་རང་གསལ་འོད་ ― DNG014_Page_0187 ―
[མ་དཔེ་གཟིགས་ན་འདིར་གནོན།]
ཆེན་པོ། །སྤྲོས་དང་བྲལ་བའི་ངང་དུ་གདལ། །ཨེ་མ་གདོད་ནས་རྣམ་དག་པ། །སྨྲ་བརྗོད་བྲལ་བ་ཨ་ལ་ལ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། གདོད་མའི་དགོངས་པ་ངོས་བཟུང་བའི་ལེའུ་སྟེ་དགུ་པའོ།། །།སྤྱི་གཞི་ཆེན་པོ་ངོས་གཟུང་བ། །རྣམ་པ་དྲུག་དང་ཡང་དག་ལྡན། །འདི་ནི་འདོད་ཆེན་གཞི་ཉིད་དེ། །སྣ་ཚོགས་སྣང་ཞེན་འཚོལ་བར་རོལ། །འོན་ཀྱང་སྣ་ཚོགས་སྣང་བ་ཡི། །རི་མོ་དག་ལ་ངོས་བཟུང་ནས། །དུ་མ་ཉིད་དུ་གཞིར་མ་གྲུབ། །ཀུན་ཏུ་མཁྱེན་སྣང་རང་གསལ་ལ། །ཡུལ་དང་ཡུལ་ཅན་འདུ་འཕྲོད་པའི། །བརྡ་ལས་སྐད་དུ་གྲགས་པ་བཞིན། །ཟད་མཐའ་བྲལ་བའི་གཞི་མར་གྱུར། །བསྡུས་པས་མིག་སོགས་དབང་པོ་ལ། །དེ་ཡུལ་གཟུགས་སོགས་རྣམ་པ་དྲུག །དེ་ལས་སྤྲོས་པ་མང་བྱུང་འགྱུར། །རྣམ་པ་དུ་མར་རབ་གྲགས་པའི། །ནམ་མཁའི་མཐའ་འཚོལ་ཇི་བཞིན་ནོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། གཞི་སྣ་ཚོགས་སུ་སྨྲ་བ་སུན་དབྱུང་བར་བསྟན་པའི་ལེའུ་སྟེ་བཅུ་པའོ།། །།འཁོར་འདས་སྤྱི་གཞི་ངོས་འཛིན་པ། །རྟོགས་ན་གྲོལ་ཞེས་ལུང་མ་བསྟན། །མ་རྟོགས་འཁྲུལ་ཞེས་སྒྲོ་མ་བཏགས། །བཏང་སྙོམས་ལུང་མ་བསྟན་དུ་གནས། །དཔེར་ན་ཏིལ་ལ་མར་ཁྱབ་བཞིན། །ལོ་འདབ་མྱུ་གུ་གང་ཡང་མིན། །འབྲས་བུ་ཡིན་ཡང་རྒྱུར་ལྡོག་བཞིན། །བདེ་དང་སྡུག་བསྔལ་གང་ཡང་མིན། །རྐྱེན་གྱིས་མ་བསླད་ཅང་མི་སྤྲོ། །རྐྱེན་གྱིས་ནམ་བསྐུལ་ཕྲ་མོ་ལྡང་། །དེ་ལ་དེར་སྣང་འབྱུང་བ་སྟེ། །སྣ་ཚོགས་ལས་ཀྱི་འཁྲུལ་འཁོར་སྲིད། །དེ་སོགས་གང་དུའང་མ་ཡིན་ལ། །སྒྲོ་བཏགས་མིང་སོགས་མིན་ཤེས་པས། །ཁོང་གྱུར་ཡིད་སྤྲིས་སྒོང་རྒྱར་འཐུམ། །དེ་ནི་འཁོར་འདས་སྤྱི་གཞི་སྟེ། །རྟོགས་ཏེ་སངས་རྒྱས་གྱུར་པ་མེད། །མ་རྟོགས་འཁོར་བ་དེ་མ་འཁྱམས། །བཏང་སྙོམས་ཉིད་དུ་གནས་པ་ཉིད། །གཏི་མུག་ཆེན་པོའི་མུན་སྣང་ལ། ། ― DNG014_Page_0188 ―
[མ་དཔེ་གཟིགས་ན་འདིར་གནོན།]
མ་རིག་འཐིབས་པའི་དྲ་བས་གཡོགས། །ཡེ་ཤེས་སྒྲིབ་མུན་བག་ལ་ཞ། །སྤྱི་གཞི་མཉམ་པ་ཉིད་དུའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། འཁོར་འདས་གཉིས་ཀྱི་སྤྱི་གཞི་བསྟན་པའི་ལེའུ་སྟེ་བཅུ་གཅིག་པའོ།། །།ཡེ་ཐོག་དང་པོའི་སངས་རྒྱས་ནི། །གྲོལ་གཞི་འཕོ་དང་འགྱུར་མེད་པའི། །རང་བྱུང་རང་གྲོལ་དགོངས་པའི་ཀློང་། །རྣམ་དག་ཆོས་ཀྱི་དབྱིངས་ལས་གསལ། །འཕྲོ་འདུ་ཡེ་ཤེས་ཐུགས་རྗེ་ཡིས། །རྩལ་དང་ཆོ་འཕྲུལ་དུ་མ་འགྱེད། །རང་བྱུང་ཡེ་ཤེས་རང་གྲོལ་གྱི། །རང་རྩལ་འཕྲོ་འདུ་འོད་པོ་ཆེ། །ཀུན་ཁྱབ་ཆེན་པོ་གཏིང་མི་གཡོ། །མཛད་པ་མེད་པའི་འོད་ཟེར་གྱིས། །མཁའ་མཉམ་འགྲོ་ལ་མཁའ་ལྟར་ཁྱབ། །གདོད་ནས་རང་ཤེས་རིག་པའི་ཀློང་། །འདོད་ཆགས་ཞེ་སྡང་གཏི་མུག་སོགས། །ཉོན་མོངས་རང་འཇིལ་རང་རྩལ་རྫོགས། །དེ་བཞིན་དེ་ལ་ཡེ་ཤེས་ཀྱི། །རོལ་པ་རང་རྩལ་ཆོ་འཕྲུལ་ཡང་། །དེ་ཉིད་དེ་ལས་མ་གཡོས་པར། །རེ་རེ་ལ་ཡང་ལྔ་ལྔ་རུ། །འདྲེལ་པ་འོད་དང་བཅས་པར་སྣང་། །ཟང་དང་ཐལ་མར་ཆོས་ཀུན་ལ། །ཕྱོགས་དང་རིས་སུ་མ་ཆད་ཁྱབ། །ཐུགས་རྗེ་ཞལ་ཕྱག་བཅས་པ་ཡང་། །རྒྱན་དང་ཆ་ལུགས་མཚན་དཔེར་བཅས། །གདུལ་བྱ་རབ་སྣང་གདལ་བར་སྣང་། །འབྲིང་དང་ཐ་མར་བཅས་པ་སྟེ། །རེ་རེ་བཞིན་དུ་གསུམ་གསུམ་སྟེ། །དགུ་ལ་དགུར་སྣང་གཅིག་ལ་གཅིག །བརྒྱ་སོགས་དེ་བཞིན་རྩིས་འདས་ཀྱི། །མཐར་ཐུག་ཡུལ་དང་ཡུལ་ཅན་དང་། །རབ་གསལ་གང་དང་གང་འདུལ་སྣང་། །འཁྲུལ་བྱ་འཁྲུལ་བྱེད་ལས་འདས་ཤིང་། །གྲོལ་བྱ་གྲོལ་བྱེད་ལས་འདས་པའི། །འཁྲུལ་གྲོལ་རང་བབས་མིང་མཐའ་བྲལ། །ཀ་དག་ལྷུན་གྲུབ་རོལ་པར་བཞུགས། །ཡེ་ཐོག་བཟང་པོའི་གྲོལ་གཞི་སྟེ། །བྱ་བྱེད་བྱ་རྩོལ་ལས་འདས་སོ། །བླ་མ་ཡི་དམ་མཁའ་ ― DNG014_Page_0189 ―
[མ་དཔེ་གཟིགས་ན་འདིར་གནོན།]
འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། དག་པ་སངས་རྒྱས་ཀྱི་གྲོལ་གཞི་བསྟན་པའི་ལེའུ་སྟེ་བཅུ་གཉིས་པའོ།། །།མ་རྟོགས་སེམས་ཅན་འཁྲུལ་གཞི་ནི། །ང་མེད་པ་ལ་ང་རུ་བཟུང་། །ངར་འཛིན་ཏོལ་སྐྱེས་ལང་ལོང་ལས། །ང་ཡི་འཛིན་པ་ཞུགས་པ་སྟེ། །དཔེར་ན་སྤྲིན་མེད་ནམ་མཁའ་ལ། །ཐོལ་སྐྱེས་གློ་བུར་ལྷགས་པའི་སྤྲིན། །གཅིག་ལ་གཉིས་འཕེལ་ཆེར་རྒྱས་ནས། །ནམ་མཁའི་ཁམས་ཀུན་ཁྱབ་པར་བྱས། །དེ་ལས་ཆར་དང་ཚུབས་མའི་ཚོགས། །རྩིས་ལས་འདས་པ་བྱུང་བཞིན་དུ། །མིང་མེད་པ་ལ་མིང་བཏགས་འཁྲུལ། །གཅིག་ལས་གཉིས་ཀྱིས་མིང་གི་ཚོགས། །ཕུང་པོ་འདུས་ལས་གྲངས་དང་གཟུགས། །རྣམ་པ་དུ་མར་གཡོས་པ་ཡིས། །ང་དང་ཁྱོད་དང་ཕན་ཚུན་བཅས། །དེ་ལས་ཆེར་ལངས་སྲེད་པ་སོགས། །ཐུན་མོང་སྣ་ཚོགས་ལས་སུ་སྣང་། །དམིགས་པ་ཅན་དང་འཛིན་པའི་རྐྱེན། །འབྲས་བུ་སྣ་ཚོགས་རྒྱུ་རུ་འཁྲུལ། །ཡུལ་ཅན་བདག་པོར་འཛིན་པ་ཡིས། །རྐྱེན་ལས་སྣ་ཚོགས་མིང་བྱུང་འཁྲུལ། །དེ་ལ་དེ་དམིགས་སྣ་ཚོགས་བློ། །ཐོལ་སྐྱེས་དེ་ལ་དེར་འཛིན་ཞུགས། །དེ་མ་ཐག་ཏུ་བདག་རྐྱེན་གྱིས། །ཡུལ་དང་ཡུལ་ཅན་སྤྲུལ་པ་སྟེ། །ཕན་ཚུན་གཅིག་ལ་གཅིག་ལྟོས་པས། །རྔ་དང་དབྱུག་གུ་འཕྲད་པ་ལས། །སྒྲ་འབྱུང་མ་ཕྲད་མི་གྲག་སྟེ། །བདག་ཅེས་ཀུན་རྟོག་ཕྲ་མོ་ལས། །བདག་ཅེས་གཉིས་སུ་སྣང་ལས་འཁྲུལ། །དེ་ཡིས་དེ་བསྐྱེད་དེ་སོགས་འབྱུང་། །དེ་ནས་རིམ་ནས་རིམ་བཞིན་དུ། །ལྷ་མི་ལ་སོགས་འགྲོ་བ་དང་། །མངལ་དང་སྒོང་སྐྱེས་ལ་སོགས་པའི། །རྣམ་པ་སྣ་ཚོགས་སྐྱེས་ནས་འཁྲུལ། །ལས་ཀྱི་འཕེན་སྡུད་དཔག་མེད་སྤྱོད། །སྐྱེ་རྒ་ན་འཆིའི་རྦ་ཀློང་འཁྲུགས། །མ་རྟོགས་འཁྲུལ་པ་ལུ་གུ་རྒྱུད། །བག་ལ་ཉལ་གྱི་རླུང་ལངས་པས། །རབ་ཏུ་གཡོ་ཞིང་འཁྲུགས་པ་ཡིས། །བྱེར་སྡུག་ལས་ཀྱི་འཁྲུལ་འཁོར་ ― DNG014_Page_0190 ―
[མ་དཔེ་གཟིགས་ན་འདིར་གནོན།]
ལས། །ཟད་མེད་འཕེལ་མེད་འཁོར་བར་འཁོར། །སྤྱི་ཙམ་ལས་ནི་དེ་བཞིན་ཏེ། །སྒོས་བཙལ་ལས་ཀྱི་མཐའ་གཅོད་པའི། །སྲིད་པའི་སྒོ་ང་རྡོལ་བཞིན་དུ། །ལ་ལ་ཟད་དང་འཕེལ་འགྲིབ་སྟོན། །ལ་ལ་ཟད་པ་རང་ཟད་དེ། །རང་སྣང་རང་ངོ་ཤེས་ནས་ནི། །རྒྱུ་དང་རྐྱེན་གྱི་མཐའ་གཅོད་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། མ་རྟོགས་སེམས་ཅན་གྱི་འཁྲུལ་གཞི་བསྟན་པའི་ལེའུ་སྟེ་བཅུ་གསུམ་པའོ།། །།འཁྲུལ་པ་དེ་ལས་ཟློག་པའི་ཐབས། །དང་པོ་སྔོན་དུ་འགྲོ་བའི་ལས། །འཁོར་འདས་རུ་ཤན་ཕྱེ་བ་སྟེ། །ལུས་སྦྱང་སེམས་ལ་ཕན་པའི་ཕྱིར། །ལུས་ཀྱི་གནད་ལ་གོམས་བྱ་ཞིང་། །སྐུ་གསུམ་བདག་ཉིད་གནས་པ་ཡིས། །འདུག་སྟངས་རྣམ་པ་གསུམ་ལ་བསླབ། །ལུས་ཉིད་གྲོལ་བ་རྣམ་གྲོལ་ཕྱིར། །ཆོས་ཀྱི་སྐུ་ཡི་བཞུགས་སྟངས་སུ། །རྣམ་པ་གསུམ་དུ་ཤེས་པར་བྱ། །ཆོས་སྐུའི་ཆོས་སྐུ་རྣམ་རོལ་ལས། །གྱད་བཞི་ཨར་ལ་གཏད་ནས་ཀྱང་། །སེང་གེ་གྱད་ཀྱི་མཆོང་སྟབས་བསླབ། །ཆོས་སྐུའི་ལོངས་སྐུའི་སྟངས་སྟབས་ལ། །ཁྲོ་རྒྱལ་དཔལ་ཆེན་རྔམ་པའི་སྟངས། །རྐང་ལག་བགྲད་དེ་མཁའ་ལ་གཏད། །ཆོས་སྐུའི་སྤྲུལ་སྐུའི་འདུག་སྟངས་སུ། །སེང་གེ་འགྱིང་བག་བཅས་པའི་ཚུལ། །དེ་ལྟར་རྣམ་གསུམ་གང་བསླབ་ཀྱང་། །ཨ་འབྲས་སྨིན་ཕྲག་མཁའ་ལ་གཏད། །གཡོ་མེད་དལ་དྲེལ་མེད་པར་བཞག །དེ་བཞིན་ལོངས་སྐུའི་འདུག་སྟངས་སུ། །གླང་ཆེན་ཉལ་བ་ཆོས་ཀྱི་སྐུ། །སྟག་མོའི་ངར་སྟངས་ལོངས་སྤྱོད་རྫོགས། །ཁྱུང་ཆེན་མཁའ་ལྡིང་སྤྲུལ་པའི་སྐུ། །དེ་གསུམ་གང་ལ་རྩལ་སྦྱང་ཡང་། །ཨ་འབྲས་ཟུར་ལ་ཕབ་ཅིང་གཟིར། །སྤྲུལ་སྐུའི་བཞུགས་སྟངས་རྣམ་པ་གསུམ། །ཆོས་སྐུ་དྲང་སྲོང་ཙོག་པུ་ལ། །ལོངས་སྐུ་སྐྱིལ་ཀྲུང་མཉམ་པར་གནས། །སྤྲུལ་སྐུ་སྐྱིལ་ ― DNG014_Page_0191 ―
[མ་དཔེ་གཟིགས་ན་འདིར་གནོན།]
ཀྲུང་གྱེན་དུ་བཀྱེད། །ལག་པ་རྒྱབ་ཀྱི་ཀ་ཆེན་བཙུག །དེ་ལྟར་རྣམ་གསུམ་གང་བྱེད་ཀྱང་། །ཨ་འབྲས་སྣ་ཕྲག་མཐུར་དུ་ཕབ། །མདོར་ན་རྡོ་རྗེ་ལུས་ཀྱི་གནད། །རྩ་གཞི་རང་བབས་ཀློང་ནས་ཀྱང་། །གཡོ་མེད་གདན་ལ་གནས་པར་བྱ། །མིག་གི་ཨ་འབྲས་ལས་མེ་བཀོལ། །ལྡེབ་བཙུམ་མེད་པར་གནད་ལ་གཟིར། །ལུས་གཅུད་འཕུར་དང་མཉེ་བ་དང་། །སྐབས་སུ་སྦྱོང་བའི་ལས་ལ་བརྩོན། །མཉེན་ལྕུག་ལྡན་པའི་གནས་ལུགས་ཀྱིས། །གདར་ཤ་བཅད་ནས་གཏན་ལ་ཕེབས། །ཡོན་ཏན་ཏིང་འཛིན་འཕེལ་བའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ལུས་འཁོར་འདས་རུ་ཤན་དབྱེ་ཞིང་གཏན་ལ་དབབ་པར་བསྟན་པའི་ལེའུ་སྟེ་བཅུ་བཞི་པའོ།། །།སྔོན་དུ་འགྲོ་བའི་སྤྱོད་པ་ལས། །འཁོར་འདས་རུ་ཤན་ཕྱེད་པའི་ཐབས། །ངག་སྦྱང་སེམས་ལ་ཕན་པའི་ཕྱིར། །ངག་གི་གནད་ལ་གོམས་པར་བྱ། །རླུང་རོ་དྲག་པོའི་ཤུགས་ཕྱུང་བས། །མདའ་ལྟར་སྟེང་འོག་གཡས་གཡོན་དུ། །གསུམ་གསུམ་ངག་གིས་དབྱུང་བར་བྱ། །དེ་ནས་གཡོ་མེད་གནད་ལ་དབབ། །གསང་བའི་འཇམ་རླུང་ནར་གྱིས་དྲངས། །རྫོགས་ནས་ལྷོད་ཀྱིས་གློད་ལ་བཞག །རྫིང་གི་ཆུ་ལྟར་བསྐྱིལ་ནས་ཀྱང་། །དགང་ནས་ཅུང་ཟད་བཞག་པ་ལ། །ནུས་པ་རྫོགས་ནས་དལ་གྱིས་དབྱུང་། །དེ་ལྟར་འབྱིན་འཇུག་གནས་བྱེད་པ། །དྲག་ལ་ཡུན་ཐུང་མ་ཡིན་ཅིང་། །དལ་ལ་རྒྱུན་བསྲིང་ཚོད་དང་སྦྱར། །རང་བབས་གཤིས་ལ་དབབ་པ་གཅེས། །ཡང་ནི་འབྱིན་འཇུག་གང་ཚེ་ཡང་། །ཆེད་དུ་མ་ཡིན་རང་ལུགས་ཀྱིས། །གཏན་ལ་དབབ་པས་ལས་ལ་སྦྱར། །མེ་དང་ཆུ་དང་རླུང་དག་དང་། །ནམ་མཁའ་ས་ཡི་རླུང་རྣམས་ཀུན། །གང་དང་གང་ཚེ་སོ་སོ་ཡི། །དུས་དང་སྤྲད་དེ་གནད་ལ་གཟིར། །སྟེང་དང་འོག་དང་ཕྱོགས་མཚམས་དང་། །གཡས་གཡོན་རིང་ཐུང་མཉམ་པ་ཉིད། །གང་ལ་གང་དང་དེ་ལ་དེས། །ས་མཚམས་ ― DNG014_Page_0192 ―
[མ་དཔེ་གཟིགས་ན་འདིར་གནོན།]
རབ་ཏུ་ཤེས་པ་གཅེས། །ཆུ་དུས་མེ་དང་མེ་དུས་ཆུ། །རླུང་དུས་ས་དང་ས་དུས་རླུང་། །དེ་ནི་འཁྲུལ་པར་བྱེད་པ་འམ། །ཡང་ནི་གང་སྟོངས་ཁོད་མི་སྙོམས། །མ་སྙོམས་གང་ཡང་ལས་མི་རུང་། །འབྲས་བུ་ལོག་པར་འབྱུང་བ་ཡིན། །མེ་དུས་རླུང་དང་རླུང་དུས་ཆུ། །ས་དུས་ནམ་མཁའི་རླུང་ཤེས་པས། །ནམ་མཁའ་གོ་འབྱེད་ཀུན་ལའོ། །གཡས་གཡོན་འཕོ་དང་འཇུག་པའི་དུས། །ཕོ་མོ་མ་ནིང་སྦྱོར་བ་ཡི། །གྲངས་ལ་བསླབ་ཅིང་རྩལ་སྦྱང་བྱ། །འདི་ཡི་གནད་དང་མ་ལྡན་ན། །སྐྱོན་གྱི་ཕུང་པོ་བསགས་པར་འགྱུར། །དེས་ན་དེ་ལ་རིམ་གྱིས་བསླབ། །གོམས་ནས་རུ་ཤན་འབྱེད་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ངག་འཁོར་འདས་རུ་ཤན་དབྱེ་ཞིང་གཏན་ལ་དབབ་པ་བསྟན་པའི་ལེའུ་སྟེ་བཅོ་ལྔ་པའོ།། །།ཡང་ནི་སེམས་གནད་སྔོན་འགྲོའི་ལས། །འཁོར་འདས་རུ་ཤན་འབྱེད་པའི་ཐབས། །ལུས་དང་ངག་གི་གནད་ལྡན་པས། །དང་པོ་དྲན་བསམ་འཛིན་པ་སྤུར། །སྔར་བྱས་འདས་པའི་ཆོས་རྣམས་ཀྱི། །རྗེས་དཔྱོད་རྟོག་པ་དུ་མ་སྤྲོ། །ཕྱིར་འགྱུར་བྱེད་པ་དུ་མ་ཡི། །མནོ་བསམ་འཕྲོ་འདུ་དཔག་མེད་བྱ། །གང་ལ་གང་དང་དེ་ལ་དེའི། །རྩལ་སྣང་འཁྲུལ་པ་སྣ་ཚོགས་བྱེད། །ད་ལྟའི་བྱེད་པ་དུ་མ་ཡི། །བསམ་བློ་དྲན་ཞེས་མང་པོ་དང་། །ལྕགས་ཀྱུ་ལྟ་བུར་འགུགས་པ་དང་། །རལ་གྲི་ལྟ་བུར་རྣོ་བ་དང་། །ཕྲུག་ཤད་སོ་མངས་ལྟ་བུ་དང་། །གླང་ཆེན་ལྟ་བུར་འགྱིང་བ་དང་། །སྟག་མོ་ལྟ་བུར་ངར་བ་དང་། །སེང་གེ་ལྟ་བུར་རྩལ་བ་དང་། །ཁྱུང་ཕྲུག་ལྟ་བུར་ལྡིང་བ་སྟེ། །སྐྱི་སེར་ལྟ་བུར་འཕྱོ་ལ་སོགས། །སྣ་ཚོགས་རྣམ་པ་དུ་མ་ལ། །སྤྲོ་ཞིང་བསྡུས་པས་ཧ་ཤ་བཅད། །བར་དུ་སེམས་ཀྱི་སྤྲོས་པ་བཅད། །སྔར་འདས་ཟིན་པའི་རྗེས་མི་བཅད། །ཕྱིས་ ― DNG014_Page_0193 ―
[མ་དཔེ་གཟིགས་ན་འདིར་གནོན།]
འབྱུང་ཆ་མེད་གདོས་ཐག་བཅད། །ད་ལྟའི་དྲན་རིག་སོ་མ་ལ། །ཅེར་གྱིས་རང་གི་རང་ལ་གཟིར། །ཡིད་བསམ་དྲན་པ་པར་པུར་སོགས། །གློག་ལྟར་འཁྱུག་ཅིང་བྱ་ལྟར་ལྡིང་། །ཕྱི་ནང་སྣང་བའི་རི་མོ་ལ། །ཡོ་ལང་འགྱེད་པའི་ཤེས་རིག་འདི། །བྱུང་གནས་འགྲོ་བ་ལ་སོགས་དང་། །དབྱིབས་དང་ཁ་དོག་རྣམ་པ་ཅན། །ཡོད་མེད་ཡིན་མིན་ཐ་སྙད་དང་། །གཅིག་དང་དུ་མར་སྣང་བ་དང་། །སྐྱེ་འཆི་དགག་བསྒྲུབ་འདུག་མི་འདུག །ཕྱི་ནང་ལ་སོགས་གཏད་ཁུངས་གང་། །ཡིན་མིན་གྱུ་ལོག་མཐའ་བཅད་དེ། །གནས་ལུགས་ཁུང་དུ་སྤུར་བར་བྱ། །དེས་ནི་ཁོ་ཡི་མཚངས་རྡོལ་ཏེ། །གནས་ལུགས་ངང་ལ་ཡིན་ལུགས་ཀྱི། །ཡེ་གཞིའི་སྟེང་དུ་ཕེབས་པར་འགྱུར། །དེ་ལྟར་གཏན་ལ་ཕེབས་པའི་ངང་། །མ་བཅོས་སྤྲོས་བསླད་མི་བྱ་བར། །གང་ཤར་ངང་ལ་ཀློད་དེ་བཞག །བཅིང་དང་གྲོལ་བ་མེད་པར་གཞག །གཞག་བྱ་འཇོག་བྱེད་མེད་པ་དང་། །བྱ་རྩོལ་འཛིན་པ་མེད་པ་སྟེ། །ང་དང་ང་ཡིར་མེད་པ་དང་། །བདག་གཞན་རིས་སུ་མ་ཕྱེས་དང་། །བཟང་ངན་རྟོག་པས་མ་སྦགས་པར། །རང་བབས་གཤིས་ཀྱི་སྟེང་དུ་ཀློང་། །གནས་ལུགས་སེམས་ཀྱི་རུ་ཤན་ཕྱེད། །འཁོར་འདས་རྒྱབ་གྱེས་དོན་ཐོག་ཕེབས། །ཅོག་བཞག་རྒྱལ་པོའི་ངང་དུ་ཐིམ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཡིད་འཁོར་འདས་རུ་ཤན་དབྱེ་ཞིང་གཏན་ལ་ཕབ་པའི་ལེའུ་སྟེ་བཅུ་དྲུག་པའོ།། །།ལུས་ངག་ཡིད་གསུམ་གནད་གཟིར་ནས། །གཏན་ལ་ཕེབ་པའི་སྐྱེས་བུ་ལ། །གནས་ལུགས་ཡེ་གཞིའི་ངོ་བོ་བསྟན། །དཀར་དང་ནག་པོའི་ཆོས་མ་གྲུབ། །འཁོར་དང་འདས་པའི་རྐྱེན་ལས་འདས། །སྟེང་འོག་ལ་སོགས་ཕྱོགས་མཚམས་བྲལ། །དབྱིབས་དང་ཆེ་ཆུང་ལ་སོགས་པའི། །གཟུགས་ཀྱི་རྣམ་པ་ངོས་གཟུང་མེད། །གང་ནས་གང་དུ་སོང་བ་དང་། །གང་དང་གང་དུ་འོང་བ་དང་། །གང་དང་གང་དུ་ ― DNG014_Page_0194 ―
[མ་དཔེ་གཟིགས་ན་འདིར་གནོན།]
སྡོད་པ་དང་། །འགྲོ་དང་འདུག་པ་ལ་སོགས་ཏེ། །རྣམ་པ་འདི་དང་འདི་ལྟ་ཞེས། །བལྟར་མེད་མཚོན་དུ་མེད་པ་དང་། །མིང་དང་ཡི་གེའི་ཐ་སྙད་དང་། །བདག་དང་གཞན་ཞེས་བྱ་བ་དང་། །འཁོར་དང་འདས་པ་ཉིད་དང་ནི། །དེ་ཡི་རྒྱུ་རྐྱེན་ལོ་མ་དང་། །རྩ་བ་སྡོང་པོ་ཡལ་ག་སོགས། །གང་དུ་ཡང་ནི་མ་གྲུབ་པས། །བརྗོད་པ་ཀུན་ལས་འདས་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སེམས་གནས་ལུགས་ཀྱི་ངོ་བོ་གཏན་ལ་ཕེབ་པའི་ལེའུ་སྟེ་བཅུ་བདུན་པའོ།། །།ངོ་བོ་སྟོང་པའི་རང་མདངས་ལས། །རང་བཞིན་གསལ་སྣང་འོད་དུ་ཤར། །རྣམ་པ་བཀྲ་བ་རིག་བྱེད་གསལ། །སྣ་ཚོགས་སྣང་དང་སྣང་ཡུལ་དང་། །ཕྲ་དང་རགས་དང་འཕྲིགས་པ་དང་། །རྣམ་པ་དུ་མའི་གཟུགས་འཆར་ཞིང་། །རིང་དང་ཐུང་དང་མཉམ་པ་དང་། །ལྷམ་མེ་ལྷན་ནེ་ལྷང་ངེ་བ། །རེ་དང་དོགས་པ་མེད་པ་དང་། །ཕྱོགས་དང་རིས་སུ་མ་ཆད་ཅིང་། །ཡང་ནི་རྣམ་པར་སྣང་བ་ལ། །གཟུང་ཡུལ་མ་གྲུབ་ཀུན་ཏུ་གདལ། །མིག་དང་རྣ་བ་སྣ་དང་ལྕེ། །ལུས་དང་ཡིད་ཀྱི་ཡུལ་རྣམས་ཀྱི། །གསལ་ཆ་ཕྲ་དང་རགས་ལ་སོགས། །མ་འགགས་སོ་སོར་ས་ལེ་བ། །ལྷམ་མེ་ཧྲིག་གེ་ཝ་ལེར་སྣང་། །གཟུགས་ལ་རྣམ་པ་སྣ་ཚོགས་དང་། །དེ་བཞིན་སྒྲ་དང་དྲི་དང་རོ། །རེག་བྱ་ཆོས་ཏེ་གང་དང་གང་། །སྒྲིབ་གཡོགས་མེད་པར་རང་ཤར་ཞིང་། །མ་འདྲེས་སོ་སོར་སྣང་བ་ལ། །གཅིག་དང་དུ་མའི་གྲངས་མཐའ་ཟད། །དཔའ་བརྟུལ་བ་དང་སྟོབས་བསྐྱེད་དང་། །སྐད་ཅིག་སྲིད་རྩ་མཐར་ཐུག་པ། །མེ་ལོང་གཟུགས་བརྙན་ཆུ་ཟླ་བཞིན། །རང་གསལ་བཀྲག་མདངས་འོད་པོ་ཆེ། །བཞིན་གྱི་དཀྱིལ་འཁོར་རབ་རྒྱས་པ། །མ་བྱས་བྱས་པ་མེད་པར་སྣང་། །མ་བྲིས་བྲིས་པ་མེད་པར་བཀྲ། །མ་བཟོས་བཟོས་པ་མེད་པར་ལེགས། །མ་ཕྱིན་ཕྱིན་པ་ ― DNG014_Page_0195 ―
[མ་དཔེ་གཟིགས་ན་འདིར་གནོན།]
མེད་པར་སླེབ། །མ་བལྟས་བལྟས་པ་མེད་པར་མཐོང་། །མ་ཉན་ཉན་པ་མེད་པར་ཐོས། །མ་བསྣམ་མནམ་པ་མེད་པར་དཀུ། །མ་ཟོས་ཟོས་པ་མེད་པར་བྲོ། །མ་རེག་རེག་པ་མེད་པར་ཚོར། །མ་དྲན་དྲན་པ་མེད་པར་རིག །སྣང་སྲིད་བསམ་ཡུལ་མེད་པར་ཤར། །མ་བུ་ཆུ་དང་འོ་མ་འདྲེས། །རང་སྣང་དཀྱིལ་འཁོར་ཉིད་ལ་རྫོགས། །ཨེ་མ་ངོ་མཚར་སྣང་བའི་ཆོས། །རང་བཞིན་སྣང་སྟོང་ཆུ་ཟླ་བཞིན། །བྱས་བྱུང་མེད་པར་རང་སྣང་ངོ་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སེམས་ཀྱི་རང་བཞིན་གསལ་སྟོང་འཛིན་མེད་དུ་གཏན་ལ་དབབ་པའི་ལེའུ་སྟེ་བཅོ་བརྒྱད་པའོ།། །།ཐུགས་རྗེ་རྣམ་པར་འགག་མེད་པའི། །རང་གདངས་འོད་ཀྱི་དཀྱིལ་འཁོར་ལས། །འཆར་སྒོ་མ་འགགས་ཅིར་ཡང་ཤར། །ཤར་དང་གྲོལ་བ་དུ་མ་ཡང་། །རྒྱ་མཚོ་རྦ་རླབས་ཆུ་གཉེར་བཞིན། །རྩོལ་མེད་རང་ཤར་རང་གྲོལ་བ། །འཕྲོ་དང་འདུ་བའི་ཆོ་འཕྲུལ་ཅན། །ཕྲ་དང་རགས་པའི་གྱ་གྱུ་བ། །མཐོང་བ་མེད་ལ་རྒྱུག་ཅིང་སྤྱོད། །རིག་རིག་པོ་དང་རུར་རུར་པོ། །འཕྲོ་དང་འདུ་དང་གནས་པ་དང་། །སྣ་ཚོགས་རི་མོ་མ་བྲིས་ཀྱང་། །བྲིས་ལ་ཝལ་ཝལ་ཤར་བ་བཞིན། །ཡང་ནི་གཏང་གཞག་གཟུང་འཛིན་བྲལ། །འཕགས་པའི་ཐུགས་རྗེ་ཆེན་པོ་ཡང་། །དཀྱིལ་འཁོར་དེ་ལས་གཡོས་པ་མེད། །རིགས་དྲུག་འཁོར་བའི་རྟོག་ཚོགས་ཀྱང་། །དཀྱིལ་འཁོར་དེ་ལས་ལོགས་ན་མིན། །འདས་དང་མ་འོངས་ད་ལྟར་གྱི། །བྱ་བྱེད་བྱ་བ་དུ་མ་ཡང་། །སྣ་ཚོགས་ཤར་གྲོལ་སྤྲུལ་པའི་སྐུ། །མདོར་ན་འཕྲོ་འདུ་མང་པོ་དག །རྩོལ་མེད་རང་ཤར་དེ་བཞིན་གཤེགས། །འགག་པ་མེད་ལས་གང་ཡང་སྣང་། །དེ་ལྟར་གསལ་དང་སྟོང་པ་དང་། །རྣམ་པ་འགག་པ་མེད་པ་ཀུན། །ལོངས་སྤྱོད་རྫོགས་དང་ཆོས་ཀྱི་སྐུ། །སྤྲུལ་པའི་སྐུ་སྟེ་སྐུ་གསུམ་མོ། །རང་བྱུང་ཉིད་ཀྱི་དབྱིངས་ལས་སྣང་། །སྣང་ཞིང་དཀྱིལ་འཁོར་ཉིད་ལ་ཐིམ། །དེ་ ― DNG014_Page_0196 ―
[མ་དཔེ་གཟིགས་ན་འདིར་གནོན།]
ལས་དེ་ལྟར་གྲོལ་ཐག་བཅད། །ཡིན་མིན་ལ་སོགས་གང་ལ་ཡང་། །བྱ་རྩོལ་འཛིན་པ་མེད་པའི་ཀློང་། །རང་བབས་ལྷུག་པར་གློད་ལ་གཞག །རབ་འབྲིང་ཐ་མའི་གློད་ཚུལ་གྱིས། །སྐུ་གསུམ་ཡེ་ཤེས་མངོན་དུ་ཤར། །འགག་པ་མེད་པར་རྩལ་ཆེན་གྱིས། །རབ་འབྱམས་གདལ་ཁྱབ་མཁའ་ལྟར་གནས། །ངོ་བོ་རང་བཞིན་ཐུགས་རྗེ་རྣམས། །འཕོ་འགྱུར་མེད་པར་ཀ་ནས་དག །ཀ་དག་ཆེན་པོའི་ཡེ་ཀློང་ལས། །གང་ཤར་རོལ་པའི་རྩལ་འཕྲོས་པས། །འོད་ཀྱི་གདུལ་བྱ་རྣམས་ལ་སྣང་། །གང་ལ་གང་དང་དེ་ལ་དེས། །སོ་སོར་རེ་དང་འདོད་པ་བསྐང་། །བསྐལ་པ་དུ་མའི་སངས་རྒྱས་ཀྱི། །རྣམ་ཐར་མཛད་པའི་ཕྲིན་ལས་ཀུན། །སྐད་ཅིག་དེ་ཡི་ཀློང་དུ་རྫོགས། །རྩོལ་བ་མེད་པར་དེར་སངས་རྒྱས། །བྱས་མེད་འགྲོ་དོན་ལྷུན་གྱིས་གྲུབ། །ཨེ་མ་ངོ་མཚར་ཐུགས་རྗེའི་དཔལ། །སྣང་སྲིད་འཁོར་འདས་ཆོས་རྣམས་ཀུན། །སྐད་ཅིག་དེ་ལ་ཁྲེགས་ཆོད་ནས། །བཏང་སྙོམས་ཕྱལ་པ་མེད་པར་གྲོལ། །བྱ་རྩོལ་འཛིན་མེད་རྒྱ་ཡན་ཆོས། །འདི་ནི་ཀུན་གྱི་ཡང་རྩེ་སྟེ། །སེང་ཕྲུག་སྙིང་གི་རྩལ་ཆེན་རྫོགས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སེམས་ཀྱི་རྩལ་མ་འགགས་པར་ཐུགས་རྗེའི་འཆར་ཚུལ་དང་། གནས་ལུགས་ཀྱི་སྟེང་ནས་ཡིན་ལུགས་ངོ་སྤྲད་དེ། སེམས་ཀྱི་བཞག་ཐབས་ཀྱི་གནད་བསྟན་པའི་ལེའུ་སྟེ་བཅུ་དགུ་པའོ།། །།གནས་ལུགས་གཞི་ཐོག་ཕེབ་ནས་ཀྱང་། །མ་བུ་འདྲེས་པའི་རྣལ་འབྱོར་ཀུན། །ཡིད་དཔྱོད་འཛིན་པའི་ཁུངས་འབྱིན་པ། །མངོན་སུམ་རང་གནད་གཏན་ལ་དབབ། །ཡེ་ཤེས་རང་སྣང་མངོན་སུམ་གཟིར། །གཞི་གནས་མཆོང་གུར་སྨུག་པོའི་དབུས། །མཚན་དང་དཔེ་བྱད་དཔལ་འབར་ཞིང་། །གསལ་དག་སྒྲིབ་གཡོགས་མེད་པའི་སྐུ། །འཁོར་དང་གཙོ་བོ་ལ་སོགས་པའི། །མུ་ཁྱུད་རྣམ་རིག་རབ་ཏུ་འབར། །ནང་གསལ་ཡེ་ཤེས་ ― DNG014_Page_0197 ―
[མ་དཔེ་གཟིགས་ན་འདིར་གནོན།]
རིག་པའི་ལྷ། །ལྷམ་མེ་ལྷན་ནེ་ལྷང་ངེ་བ། །མཚན་དང་དཔེ་བྱད་རྫོགས་པ་དེ། །སྣང་བ་དག་པ་རྩ་ཡི་ལམ། །ཤེལ་སྦུག་རྐྱེན་དང་བྲལ་བ་ལས། །ཟང་མར་ཐལ་ནས་ཆུ་ཡི་སྒོ། །གཟུགས་སྣང་ཡུལ་ཅན་བྷྲྀ་གུ་ཏ། །མ་བསྒྲིབས་ཧུ་རེ་དང་གསལ་བ། །ཏིལ་མར་དོན་ཅིང་དབྱིངས་ཀྱི་ཡུལ། །རྐྱེན་བྲལ་ནམ་མཁའ་དག་པའི་ཀློང་། །མཁའ་དབྱིངས་ངང་ལས་འཆར་བ་སྟེ། །འཁོར་དང་སྤྲུལ་པ་ཡང་སྤྲུལ་པ། །འོད་དང་འོད་ཁྱིམ་ཟེར་དང་བཅས། །འཁོར་ལོ་ཉ་མིག་ཟེར་ཐག་རིས། །དྲ་བ་དྲ་བ་ཕྱེད་པ་དང་། །མིག་མང་རིས་ལས་ཟབ་གུར་བཞིན། །མདའ་མདུང་མཚོན་ཆའི་རྣམ་པར་གཟེངས། །དེ་དག་རྣམས་ཀྱི་དཀྱིལ་འཁོར་དབུས། །རྨ་བྱའི་མདོངས་འདྲ་འོད་ལྔ་འཁྲིགས། །ཁྱད་པར་མངོན་སུམ་ཡེ་ཤེས་ཀྱི། །ཏི་ལ་ཉག་གཅིག་ཡེ་ཤེས་དོན། །སྣུམ་ལ་འདྲིལ་ཞིང་ཕྲ་ལ་གྲིམ། །གསལ་འཚེར་ལྷུན་སྡུག་འོད་པོ་ཆེ། །ལུ་གུ་རྒྱུད་ཀྱི་འཁོར་དང་བཅས། །མུ་ཏིག་ཆུན་འཕྱང་ལྟ་བུར་གསལ། །གཡོ་དང་འགུལ་དང་འཕྲིགས་པར་བཅས། །མངོན་སུམ་ཡང་དག་ངེས་པའི་དོན། །ཡིད་དཔྱོད་ཚིག་གི་མཐའ་ལས་འདས། །དཔལ་དང་ཡངས་པའི་དཀྱིལ་འཁོར་ཅན། །སངས་རྒྱས་ཀུན་གྱི་ཡེ་ཤེས་སྐུ། །སྒྲིབ་བྲལ་རྗེན་པར་ལྷང་ངེར་སྣང་། །ཞིང་ཁམས་ཡངས་པར་ཚོམ་བུའི་ཚུལ། །ཡིད་གཉིས་འདུན་པ་བྲལ་བ་ཡང་། །འཁོར་འདས་རྒྱབ་གྱེས་ཡང་དག་སྣང་། །རྫོགས་པའི་སངས་རྒྱས་ཀུན་གྱི་གསང་། །གསང་ཆེན་འོད་དུ་དེ་འབར་རོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཆོས་ཉིད་ཡེ་ཤེས་མངོན་སུམ་གྱི་སྣང་བ་ངོས་འཛིན་པའི་ལེའུ་སྟེ་ཉི་ཤུ་པའོ།། །།མངོན་སུམ་རིག་པའི་སྐུ་མཐོང་ནས། །སྐུ་གསུམ་འདུག་སྟངས་དགུ་ལྡན་ཞིང་། །སེམས་རིག་གཏན་ལ་དབབ་བྱས་ཏེ། །སྣང་བའི་ཐིག་ལེ་གཡོ་མེད་དེ། །གསལ་སྣང་མིག་གི་བཙོན་བཟུང་ནས། །མདུང་ཚུགས་འབེན་ལ་མ་ ― DNG014_Page_0198 ―
[མ་དཔེ་གཟིགས་ན་འདིར་གནོན།]
ཡེངས་གཏད། །ཐོག་མར་ཡད་ཡུད་ལང་ལོང་འཆར། །བར་དུ་དེ་དག་དལ་གྱིས་ཕེབ། །ཐ་མ་གཡོ་མེད་བཙན་ས་ཟིན། །ཆེར་འཕེལ་གོང་ནས་གོང་བཞིན་དུ། །ལྔ་ལྔ་འམ་ནི་དགུ་ལ་སོགས། །ཚོམ་བུ་ལྟ་བུར་ཆེར་སྣང་ཞིང་། །ཡུལ་ཁམས་ཡུལ་གྲུ་ཁྱབ་པ་དང་། །ཡི་གེའི་ཚོགས་དང་ཕྱག་མཚན་དང་། །ཕྱེད་སྐུ་དང་ནི་སྐུ་རྐྱང་གི། །རྣམ་པ་དུ་མར་འཆར་བ་སྟེ། །རིམ་བཞིན་སྐུ་རྐྱང་ཡབ་དང་ཡུམ། །ལོངས་སྤྱོད་རྫོགས་པའི་ཆ་ལུགས་ལས། །འཁོར་དང་སྤྲུལ་པར་བཅས་ཏེ་སྣང་། །དབུ་བརྩེགས་ཕྱག་མང་རྣམ་པ་ཅན། །ཆེ་ལ་རགས་ཤིང་ཕྲ་ལ་ཞིབ། །འོད་སྐུ་འཇའ་དང་ཟེར་ཐག་བཅས། །རིམ་གྱི་རིམ་གྱིས་འཕེལ་བར་འགྱུར། །དཀར་སེར་དམར་ལྗང་མཐིང་གའི་མདོག །ཁ་དོག་སྣ་ཚོགས་སྣམ་བུར་འབྱུང་། །དཔེར་ན་ཟླ་བ་ཡར་འཕེལ་ལྟར། །འཕེལ་བར་འགྱུར་དང་བཅས་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཉམས་ཀྱི་མཐོང་སྣང་གོང་དུ་འཕེལ་བའི་ཚུལ་བསྟན་པའི་ལེའུ་སྟེ་ཉེར་གཅིག་པའོ།། །། གོང་ནས་གོང་དུ་འཕེལ་བ་ཡི། །ཉམས་ཀྱི་སྣང་བ་རྫོགས་ནས་ནི། །གང་ལ་ཞེན་དང་དངོས་བྲལ་བས། །འཛིན་པ་མེད་པའི་རང་སྣང་དུ། །དེ་དག་ཆེ་ཆུང་སྐྱེ་འབྲི་མེད། །ཚད་ལ་ཕེབས་ནས་གཡོ་འགུལ་བྲལ། །རྣལ་འབྱོར་ལུས་ངག་ཡིད་རྣམས་ནི། །སྨྲ་བརྗོད་བྲལ་བ་ཉིད་དུ་འགྱུར། །དཔལ་ལྡན་དཀྱིལ་འཁོར་ལྷུན་གྱིས་གྲུབ། །ཡེ་ཤེས་རང་སྣང་འཁྲུལ་པ་དག །སྣང་སྲིད་བྱ་རྩོལ་འཛིན་པ་བྲལ། །ཉིན་དང་མཚན་མོའི་སྣང་མཐའ་ཟད། །ཟས་སྐོམ་གོས་ཀྱི་ཞེན་པ་དང་། །ཉོན་མོངས་ཆགས་སྲེད་ངང་གིས་ཞི། །ཟླ་བ་ཉ་རྒྱས་ལྟ་བུ་སྟེ། །དེ་ནས་དགུང་ལ་ཤུལ་མི་མཚོན། །ཏིང་འཛིན་རྩལ་རྫོགས་མངོན་ཤེས་འཆར། །ཕྱི་དང་ནང་མེད་མཉམ་པར་གདལ། །ཚོགས་དྲུག་ཆོ་འཕྲུལ་ཉལ་གྱིས་ཞི། །ཚོགས་དྲུག་རང་གྲོལ་གཏན་ལ་ཕེབ། །རིག་པ་ ― DNG014_Page_0199 ―
[མ་དཔེ་གཟིགས་ན་འདིར་གནོན།]
ཡང་དག་ཚད་ལ་ཕེབ། །འཕེལ་འགྲིབ་མེད་པར་དཀྱིལ་འཁོར་རྫོགས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རིག་པ་ཡེ་ཤེས་ཀྱི་དཀྱིལ་འཁོར་ཚད་ལ་ཕེབས་པར་བསྟན་པའི་ལེའུ་སྟེ་ཉེར་གཉིས་པའོ།། །།དབྱིངས་ཀྱི་དཀྱིལ་འཁོར་རབ་རྫོགས་ནས། །ཕྱི་དང་ནང་མེད་ཀུན་ཏུ་ཡང་། །གདལ་བ་ཆེན་པོའི་ཀློང་དུ་ཐིམ། །ཡེ་གཞིའི་སྟེང་དུ་རྩལ་ཆེན་རྫོགས། །ཆོས་ཟད་བློ་ཟད་འཁྲུལ་པ་ཟད། །ཟད་པའི་དཀྱིལ་འཁོར་མཐའ་ཡས་ནས། །ཡོད་པ་མ་ཡིན་མེད་མ་ཡིན། །གཉིས་སྣང་ཀུན་གྱི་མཐའ་ལས་འདས། །ཡོད་ཅེས་ཀུན་རྫོབ་མ་ཡིན་ལ། །མེད་ཅེས་ཕྱང་དུ་དེ་མ་ཆད། །གང་ཡང་མཐའ་ལས་འདས་པའོ། །སྒྲོ་བཏགས་ཞེན་ཆོས་ཕྲ་མོ་ཙམ། །གཏན་དུ་ཡོད་པ་མ་ཡིན་ཅིང་། །སྣང་སྲིད་འཁོར་འདས་ཆོས་རྣམས་ཀུན། །ཉིད་ཀྱི་ཀློང་དུ་ཡངས་པར་ཐིམ། །རྩལ་ཆེན་ཡ་ང་མེད་པར་རྫོགས། །དཔའ་ཤུགས་ཆེན་པོའི་དཀྱིལ་འཁོར་ཟད། །ཟད་ཅིང་སྟོང་པའང་མ་ཡིན་ཏེ། །མིང་གི་རྣམ་གྲངས་ལས་འདས་ནས། །བརྗོད་བྱ་རྗོད་བྱེད་བརྗོད་པ་ལས། །འདས་པའི་ངང་དུ་ཐིམ་པའོ། །རེ་རེའི་སྣང་ཚུལ་མ་ཡིན་པར། །གཏིང་རྫོགས་ཡངས་པའི་ཀློང་དུ་དག །ཕྱི་ཡི་ཡུལ་སྣང་འཁྲུལ་ཟད་པར། །ནང་གི་ཡེ་ཤེས་ཡོངས་སུ་རྫོགས། །ཡེ་ཤེས་དང་ནི་ཉོན་མོངས་ཀྱང་། །དབྱེ་བ་མེད་པར་མཉམ་པ་ནི། །ཆོས་ཉིད་ཡངས་པའི་ངང་དུ་ཟད། །དཔའ་བར་འགྲོ་དང་རྡོ་རྗེ་འཛིན། །མི་གཡོ་གཏིང་གསལ་དངོས་འཛིན་བྲལ། །ཐ་སྙད་དྲི་མ་ཟད་ནས་ཀྱང་། །བྱས་མེད་བྱས་པ་ཀུན་ལས་འདས། །ཕུང་པོ་ཀུན་ཀྱང་དུས་གཅིག་ཞིག །གསང་ཆེན་བསྐལ་པའི་དཀྱིལ་འཁོར་ཞིག །ཡངས་ཤིང་གསལ་ལ་རྙོག་པ་མེད། །ཨེ་མ་སྒྲིབ་གཡོགས་དང་བྲལ་བའི། །མཁས་པའི་ཚིག་དང་རྫུན་ཚིག་དང་། །ཡ་ང་བག་ཚ་རེ་དང་དོགས། །མཐའ་དབུས་ལ་སོགས་འགྲོ་ལྡོག་རྣམས། །དུས་འདིར་ཟུང་ཟད་ཡེ་ཀློང་གྲོལ། །ཀུན་ ― DNG014_Page_0200 ―
[མ་དཔེ་གཟིགས་ན་འདིར་གནོན།]
ཆུབ་རྒྱུ་ཡི་ཧེ་རུ་ཡང་། །དུས་འདིར་སྣང་ཙམ་མ་ཡིན་ལ། །སྒྲོ་བཏགས་ཉིད་ལས་འདས་པའོ། །ཟང་མ་དང་ནི་ཐལ་བ་ཉིད། །བླ་མ་ལྷ་དང་ཌཱཀྐི་ཡ། །དཀྱིལ་འཁོར་ཉིད་ཀྱང་ཟང་ཐལ་བར། །སྣང་བ་རྫོགས་ནས་ཡེ་ཤེས་ཀྱི། །ཐུགས་རྗེ་ཞལ་ཕྱག་སྐུར་ཤར་བས། །ཡེ་ཤེས་སྣང་བའི་ཆ་མ་འགགས། །འཛིན་ཆ་ཐམས་ཅད་ཟད་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཆོས་ཉིད་ཟད་སྣང་གི་དཀྱིལ་འཁོར་རྫོགས་ནས། འཛིན་ཆ་ཐམས་ཅད་ཀྱི་མཐའ་རྫོགས་པར་བསྟན་པའི་ལེའུ་སྟེ་ཉེར་གསུམ་པའོ།། །།ཟག་པ་ཟད་པ་ཞེས་བྱ་བར། །དང་པོ་འཛིན་ཆ་མཐའ་ཡས་ཀྱང་། །རྩལ་གྱི་དཀྱིལ་འཁོར་རྫོགས་པའི་ཚེ། །བག་ཆགས་བཅས་པའི་འཛིན་ཆ་ནི། །ཕྲ་མོ་ཙམ་ཡང་མི་སྣང་བར། །དཀྱིལ་འཁོར་དབྱིངས་སུ་ཐིམ་ནས་ནི། །འཛིན་དང་འཛིན་པ་ཟད་པ་ལས། །ཆོས་ཉིད་ཟད་པ་ཞེས་བྱ་སྟེ། །དེ་ལྟར་འཛིན་པ་རང་ཟད་ནས། །བདག་ཏུ་རྟོག་དང་གཞན་དུ་རྟོག །ཕྱི་ནང་གང་དང་བདག་གཞན་སོགས། །ཕན་ཚུན་དབྱེ་བ་མེད་ཀློང་དུ། །གཞི་སྣང་ཡེ་ཤེས་ཞེས་བྱ་བ། །གསལ་ལ་དག་ཅིང་རྙོག་མ་མེད། །རབ་རིབ་བག་ཆགས་གཏན་ཟད་པའི། །ཡེ་ཤེས་འོད་གསལ་ལམ་མེ་བ། །འཁོར་འདས་ཡོངས་གྲོལ་གདལ་བ་ལས། །དཀྱིལ་འཁོར་དུ་མའི་འཆར་སྒོ་ཅན། །ཡེ་ནས་རབ་ཏུ་ཤེས་པའི་ཕྱིར། །གཞི་སྣང་ཡེ་ཤེས་རྣམ་པར་དག །ཀུན་འདུས་སེམས་དཔའི་རྒྱལ་པོ་སྟེ། །ཡེ་ཤེས་རྣམས་ཀྱི་རྩ་བ་ཟུག །འདི་ལས་འཕྲོ་དང་འདུ་མེད་ཀྱང་། །གསལ་བ་འོད་ཀྱི་དཀྱིལ་འཁོར་བཀྲ། །དེ་ལས་འདུ་དང་འཕྲོ་བ་ཡིས། །ཡེ་ཤེས་དབྱེ་བ་དུ་མར་འཕྲོ། །གདུལ་བྱ་དུ་མའི་སྤྱོད་ཡུལ་དུ། །ཡེ་ཤེས་དུ་མའི་དཀྱིལ་འཁོར་ཡང་། །སྐུ་དང་འོད་དུ་བཅས་པར་རོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ ― DNG014_Page_0201 ―
[མ་དཔེ་གཟིགས་ན་འདིར་གནོན།]
ནམ་མཁའ་ཀློང་ཡངས་ལས། གཞི་སྣང་གི་ཡེ་ཤེས་བསྟན་པའི་ལེའུ་སྟེ་ཉེར་བཞི་པའོ།། །།གཞི་སྣང་ཡེ་ཤེས་ཆེན་པོ་ལས། །ཆོས་ཀྱི་དབྱིངས་ཀྱི་ཡེ་ཤེས་ཞེས། །མཐའ་དབུས་མེད་པར་མཉམ་གདལ་ཞིང་། །སྣང་སྲིད་འཁོར་འདས་དཀྱིལ་འཁོར་རྣམས། །སྒྲིབ་གཡོགས་བྲལ་བ་ལམ་མེ་བ། །སྤྱི་ཟླུམ་ཡེ་ཤེས་རབ་འབྱམས་སུ། །རང་རྫོགས་ས་ལེར་ཤེས་པ་སྟེ། །དབྱིངས་ལས་རབ་སྣང་ཐུགས་རྗེ་ཡི། །རྩལ་འཕྲོ་ཟེར་གྱིས་གདུལ་བྱ་ཡི། །རེ་དང་འདོད་པ་བསྐང་བའོ། །དེ་ལ་ཆོས་དབྱིངས་ཡེ་ཤེས་ཉིད། །སྤྱི་ཟླུམ་མཐའ་དབུས་མེད་པའོ། །གཏི་མུག་མི་ཤེས་མུན་པ་སངས། །ཤེས་བྱའི་དཀྱིལ་འཁོར་མ་ལུས་རྒྱས། །གདོད་ནས་རྣམ་དག་སྤྲོས་བྲལ་ཞིང་། །སྤྲོས་དང་ཡང་དག་དེ་བཞིན་ཉིད། །ཆོས་དབྱིངས་རབ་འབྱམས་ཡེ་ཤེས་སོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཆོས་ཀྱི་དབྱིངས་ཀྱི་ཡེ་ཤེས་བསྟན་པའི་ལེའུ་སྟེ་ཉེར་ལྔ་པའོ།། །།མེ་ལོང་ལྟ་བུའི་ཡེ་ཤེས་ཀྱང་། །འཆར་སྒོ་རྣམ་པ་དུ་མ་ཡི། །རོལ་པ་མ་འགགས་ས་ལེ་བ། །རབ་རིབ་མུན་པ་རབ་སངས་ནས། །སྣང་ངོར་གསལ་ཙམ་མ་ཡིན་པར། །གཏིང་གསལ་ཡེ་ཤེས་ཆེན་པོའི་དོན། །ཐམས་ཅད་རང་ལ་རང་བཞིན་སྣང་། །གསལ་ལ་མ་འདྲེས་སོ་སོར་སྣང་། །འཕྲོ་དང་འདུ་དང་རླབས་གཡོ་བ། །ཕྱོགས་དང་རིས་ཆད་མ་ཡིན་ཅིང་། །འཁོར་མོ་ཡུག་ལ་གསལ་བ་སྟེ། །སྣང་ལ་རང་བཞིན་མ་གྲུབ་གསལ། །གསལ་ལ་འཛིན་པ་མེད་པར་ཁྱབ། །བདག་དང་བདག་རྐྱེན་ཡུལ་འདས་པར། །སྒོ་རྣམས་གང་ཡང་མ་འགགས་ཤིང་། །ལྷུག་པ་ཉིད་དུ་སྣང་བ་ལས། །མེ་ལོང་ལྟ་བུའི་ཡེ་ཤེས་ཏེ། །བསྒྲིབ་བྱ་སྒྲིབ་བྱེད་བསྒྲིབ་པ་ལས། །འདས་ཤིང་རང་སྣང་དཀྱིལ་འཁོར་རྫོགས། །ཡུལ་དང་ཡུལ་ཅན་གཉིས་མཉམ་པར། །གསལ་ལ་མ་འདྲེས་ཤར་བའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། མེ་ལོང་ལྟ་བུའི་ཡེ་ཤེས་བསྟན་པའི་ལེའུ་སྟེ་ཉེར་དྲུག་པའོ།། །།མཉམ་པ་ཉིད་ ― DNG014_Page_0202 ―
[མ་དཔེ་གཟིགས་ན་འདིར་གནོན།]
ཀྱི་ཡེ་ཤེས་ནི། །འཁོར་བ་གཏིང་མཐའ་མེད་པ་དང་། །འདས་པ་དཀར་པོའི་ཆོས་རྣམས་ཀུན། །ཕན་ཚུན་ཕྱོགས་སུ་མ་ཆད་པར། །རིས་མེད་མཉམ་ཉིད་ཆེན་པོར་གནས། །གཏིང་གསལ་ཆེན་པོའི་གདངས་ལས་ཀྱང་། །སྣ་ཚོགས་བཀྲ་བའི་འཕྲོ་འདུ་ཡང་། །མཉམ་ཉིད་སྤང་དང་བླང་མེད་པར། །ཡེ་ཤེས་གཅིག་པའི་ཀློང་དུ་གྲོལ། །མཉམ་དང་མི་མཉམ་རིས་མེད་ལ། །མཉམ་པ་ཉིད་ཅེས་བྱ་བ་སྟེ། །དེ་དག་ཡེ་ནས་ཤེས་པ་ལ། །མཉམ་པ་ཉིད་ཀྱི་ཡེ་ཤེས་ཞེས། །མིང་དུ་བཏགས་པར་ཟད་པ་སྟེ། །དོན་ལ་ཡངས་དང་དོགས་མེད་ཅིང་། །ཕྱོགས་དང་རིས་དང་ང་ཁྱོད་མེད། །བཟང་དང་ངན་པ་ལ་སོགས་ཏེ། །མདོར་ན་གཉིས་སྣང་ལས་འདས་པས། །གཏིང་གསལ་ཡེ་ནས་དག་པའི་ཀློང་། །མཉམ་པ་ཉིད་ཀྱི་ཡེ་ཤེས་སོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། མཉམ་པ་ཉིད་ཀྱི་ཡེ་ཤེས་བསྟན་པའི་ལེའུ་སྟེ་ཉེར་བདུན་པའོ།། །།སོ་སོར་རྟོགས་པའི་ཡེ་ཤེས་ནི། །དབྱིངས་གསལ་ཆེན་པོའི་རོལ་པ་ལས། །རྩལ་གྱི་འཕྲོ་འདུ་འགྱེད་པ་དང་། །དེ་དང་དེ་ཡི་ཆོ་འཕྲུལ་ལས། །རྣམ་པ་དུ་མར་སྣང་བ་ཀུན། །མ་འདྲེས་འདྲེས་པ་མེད་བཞིན་དུ། །གསལ་འགྲིབ་མེད་པར་སོ་སོར་སྣང་། །རང་ལས་རང་ཉིད་འོད་ཤར་བས། །ཆགས་པ་མེད་ཅིང་བྲལ་མེད་པར། །འོད་སྣང་ལས་ཀྱང་འོད་ཀྱི་མདངས། །གཡོས་པ་མེད་པར་བཀྲ་ལམ་མེར། །ཡེ་གདངས་ཉིད་དུ་རབ་ཤེས་པས། །རྣམ་པར་རིག་བཀྲ་འདུ་དང་འཕྲོ། །ཕྲ་ཞིང་གྲིམ་དང་ཡང་ཞིང་གཡོ། །སོ་སོ་ཉིད་ལས་སོ་སོར་སྣང་། །སྲིད་བྲལ་གཞིར་སྣང་འཕྲོ་འདུ་ཡིས། །ཡེ་ཤེས་དག་པས་རྟོགས་དང་གྲོལ། །རྣམ་པར་རིག་བྱེད་མ་འགགས་པར། །སོ་སོ་རྟོག་པའི་ཡེ་ཤེས་ཉིད། །རང་བྱུང་དབྱིངས་ལས་རང་ཤར་བའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སོ་སོར་རྟོགས་པའི་ཡེ་ཤེས་བསྟན་པའི་ལེའུ་སྟེ་ཉེར་བརྒྱད་པའོ།། །།བྱ་བ་གྲུབ་པའི་ཡེ་ཤེས་ནི། །ཕྲིན་ལས་ལས་ཀྱང་ཕྲིན་ལས་ཀྱི། ། ― DNG014_Page_0203 ―
[མ་དཔེ་གཟིགས་ན་འདིར་གནོན།]
འདུ་འཕྲོ་རང་སྣང་རྩལ་པོ་ཆེ། །སྤྲུལ་དང་ཡང་སྤྲུལ་ཀུན་ནས་སྤྲུལ། །གདུལ་བྱ་གདུལ་བ་འདུལ་བྱེད་ཀྱིས། །དཀྱིལ་འཁོར་སྣ་ཚོགས་རང་སྣང་ཞིང་། །འབྲས་བུ་ཡང་དག་དེ་བཞིན་ཉིད། །རྩོལ་བྲལ་ཆེན་པོར་ལྷུན་གྱིས་གྲུབ། །བྱས་པ་མེད་ཀྱང་རང་གཤིས་ལས། །རང་བྱུང་འདུས་མ་བྱས་སུ་སྣང་། །དེ་བས་བྱ་བྱེད་རྩོལ་བྲལ་བས། །བྱ་བ་བྱེད་ཅིང་བྱེད་པ་བྱ། །ཡང་དག་ཆེན་པོ་གྲུབ་པས་ནི། །དེ་ནི་ཡང་དག་ཡེ་གདངས་སུ། །ཤེས་དང་རྣམ་རིག་རྣམ་པར་བཀྲ། །བྱ་བ་གྲུབ་པའི་ཡེ་ཤེས་ཉིད། །གྲངས་མཐའ་ལས་ཀྱང་རྣམ་ཟད་པ། །བདག་རྟོག་མ་ཡིན་གཞན་མ་ཡིན། །བདག་གཞན་རིས་ལ་ཡོད་མ་ཡིན། །ཡང་དག་ཡང་གྲོལ་ལས་རྣམས་ཟད། །དེ་ལས་བྱ་བ་གྲུབ་པ་སྟེ། །ཡེ་ཤེས་ཉིད་ནི་སྒྲིབ་པ་བྲལ། །ཀུན་ནས་ཡང་ཡང་བསྐྱར་གཞི་མེད། །རྒྱན་དང་བཅས་པའི་རོལ་པ་སྟེ། །འདི་ཀུན་གཏང་གཞག་མེད་པ་ཡིན། །བྱ་བ་མེད་ལ་བྱུང་བ་མེད། །བྱས་པ་མེད་པས་བསྐྱར་གཞི་མེད། །དེ་ཕྱིར་འཁྲུལ་པ་རང་དག་པས། །ཡེ་ཤེས་རྣམ་པར་གྲོལ་བའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། བྱ་བ་གྲུབ་པའི་ཡེ་ཤེས་བསྟན་པའི་ལེའུ་སྟེ་ཉེར་དགུ་པའོ།། །།ཡང་དག་ཡེ་ཤེས་བདེན་མ་མཐོང་། །བར་མ་དོ་རུ་འཁྱམས་པ་ལ། །བར་དོ་གནད་ཀྱི་དོན་བསྟན་པ། །བར་མ་དོ་ཡི་དབྱེ་བ་དང་། །ས་མཚམས་གནས་ལུགས་སྣང་ལུགས་ཏེ། །སྐྱེ་གནས་བར་དོ་འཆི་ཁ་ཡི། །བར་དོ་དང་ནི་ཆོས་ཉིད་ཀྱི། །བར་དོ་སྲིད་པའི་བར་དོ་སྟེ། །དེ་ལྟར་དབྱེ་བ་རྣམ་པ་བཞི། །དེ་ལ་བར་དོའི་ས་མཚམས་ནི། །མ་ལ་སྐྱེས་ནས་འཆི་ཁ་ཡི། །ནད་ཀྱིས་བཏབ་པ་ཚུན་ཆད་དུ། །སྐྱེ་གནས་བར་དོ་ཞེས་བྱ་སྟེ། །ཕྱི་ནས་འབྱུང་བཞི་རིམ་གྱིས་ཐིམ། །ནང་དབུགས་ཆད་པ་ཚུན་ཆད་དུ། །འཆི་ཁ་མ་ཡི་བར་དོ་ཡིན། །དེ་ནས་ནང་གི་དབུགས་ཆད་ནས། །ལྷུན་གྲུབ་སྣང་བ་ཚུན་ཆད་དུ། །ཆོས་ཉིད་བར་དོའི་ས་མཚམས་ཡིན། །དེ་ནས་མངལ་དུ་ཚུད་པ་ཚུན། །སྲིད་པ་བར་དོའི་ས་མཚམས་ཡིན། ། ― DNG014_Page_0204 ―
[མ་དཔེ་གཟིགས་ན་འདིར་གནོན།]
དེ་ནས་བར་དོའི་གནས་ལུགས་ནི། །རྡོས་བཅས་ཤ་ཁྲག་ལུས་གྲུབ་པས། །ཡེ་ཤེས་སྣང་བ་འགག་པ་སྟེ། །ཕུང་པོ་ཁམས་དང་སྐྱེ་མཆེད་དང་། །རྟོག་ཚོགས་འཕྲོ་འདུ་དུ་མ་སྟེ། །ཡུལ་དང་ཡུལ་ཅན་འཐབ་པ་ནི། །སྐྱེ་གནས་བར་དོའི་གནས་ལུགས་སོ། །རླུང་མཁྲིས་བད་ཀན་འདུས་པ་སོགས། །འཆི་རྐྱེན་ནད་ཀྱིས་འབྱུང་བ་རྣམས། །རབ་ཏུ་འཁྲུགས་ཤིང་ལུས་ངག་ཡིད། །སྡུག་བསྔལ་ཚོར་བ་དཔག་མེད་མྱོང་། །འཆི་ཁ་བར་དོའི་གནས་ལུགས་ཡིན། །བདག་དང་བདག་གིར་འཛིན་པ་ཡི། །ཕུང་པོ་ལུས་ཀྱི་རྟེན་བོར་ནས། །རང་ལས་རང་དབང་དུས་དེར་ཐོབ། །སྐད་ཅིག་ཆོས་ཉིད་བདེན་དོན་མཐོང་། །ཆོས་ཉིད་བར་དོར་ལོངས་སྤྱོད་པས། །ཆོས་ཉིད་བར་དོའི་གནས་ལུགས་ཡིན། །སྔོན་གྱི་བག་ཆགས་ལས་དབང་གིས། །གཟུགས་གཅིག་ཡོད་སྙམ་སྲིད་པའི་ལུས། །དབང་པོ་ཚང་ཞིང་ཐོགས་པ་མེད། །ཡུལ་རྣམས་ཀུན་ལ་ཐོགས་མེད་རྒྱུག །རྣམ་ཤེས་བྱ་སྒྲོ་རླུང་བསྐྱོད་བཞིན། །དྲི་ཟ་ཡད་ཡུད་བན་མ་བུན། །སྲིད་པ་བར་དོའི་གནས་ལུགས་སོ། །གནས་ལུགས་དེ་ལས་སྣང་ལུགས་ནི། །སྐྱེ་གནས་བར་དོའི་སྣང་ལུགས་སུ། །རང་བཞིན་བབས་ཀྱི་གནས་པ་ལས། །ཕུང་པོ་ཁམས་དང་སྐྱེ་མཆེད་དང་། །ཉོན་མོངས་ལ་སོགས་རྣམ་པ་ཀུན། །ཡུལ་ལས་སྣང་ཞེན་ཀུན་ཏུ་སྤྱོད། །འཆི་ཁ་བར་དོའི་སྣང་ལུགས་ཀྱང་། །ཤེས་པ་རྩེ་གཅིག་མི་གནས་པས། །སྨིག་རྒྱུ་གཡོ་ལྟར་བན་བུན་དང་། །ལང་ལོང་ཟང་ཟིང་དུ་མར་སྣང་། །རབ་ཏུ་གཡོ་ཞིང་འཕྲིགས་པ་འོང་། །ཆོས་ཉིད་བར་དོའི་སྣང་ལུགས་སུ། །རང་སྣང་ཆོས་ཉིད་རོལ་པའི་ཀློང་། །རང་རྩལ་མ་འགགས་སྣ་ཚོགས་ཏེ། །ཁ་དོག་སྣ་ཚོགས་འབར་བའི་འོད། །སྐུ་དང་ཡེ་ཤེས་ཐིག་ལེ་དང་། །ཟེར་དང་ཆོས་ཉིད་རང་སྒྲ་སྟེ། །འུར་ཏིང་སིང་ཁྲོལ་དཔག་ཏུ་མེད། །འབྱེད་དང་ཕྱེད་པ་རང་གྲོལ་ཉིད། །རང་ཤར་གྲོལ་ནས་བདེན་པ་མཐོང་། །སྲིད་པ་བར་དོའི་སྣང་ལུགས་ལ། །རྨི་ལམ་ཉིད་ཀྱི་སྣང་བ་ལྟར། །ཡད་ཡུད་ཕྱད་ཕྱོད་སྣ་ཚོགས་པ། །ཡིད་ ― DNG014_Page_0205 ―
[མ་དཔེ་གཟིགས་ན་འདིར་གནོན།]
ཡུལ་བདེན་སྣང་འཆར་བ་སྟེ། །རིགས་དྲུག་གང་དང་གང་སྐྱེ་བར། །དེ་དང་དེ་ཡི་སྣང་བ་འཆར། །སོ་སོར་དམིགས་ཡུལ་རང་རང་གི། །ལས་ཀྱི་འཕེན་སྡུད་སྣང་བའོ། །དེ་ལྟར་བར་མ་དོ་རུ་ཡང་། །རབ་འབྲིང་ཐ་མ་ཡང་མཐའ་ཡི། །སྐྱེས་བུ་རྩལ་སྦྱང་ལམ་སྣ་བཟུང་། །སྐྱེ་གནས་ཉིད་ནས་བྱེ་བྲག་དབྱེ། །ངེས་པར་འཁྲུལ་པའི་སྣང་བ་དག །ཡེ་ཤེས་རང་རྩལ་ངོ་ཡིས་བཟུང་། །རབ་ལ་ཤར་གྲོལ་འབྲིང་པོ་གློད། །ཐ་མ་རང་གི་རང་ས་བཟུང་། །ཡང་མཐའ་སྨོན་ལམ་རྩལ་ཆེན་སྦྱང་། །འཕར་དང་བགྲོད་ལ་བཟུང་བས་ཀྱང་། །གཡོ་བ་མེད་པའི་ཏིང་འཛིན་གྱིས། །གང་ལ་གོམས་པ་དེ་འགྲུབ་འགྱུར། །འབྲས་བུ་ངེས་པའི་གདེང་ཆེན་ནི། །སྐད་ཅིག་ཉིད་ལ་ཟིན་པ་གཅེས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། བར་དོ་བསྟན་པའི་ལེའུ་སྟེ་སུམ་ཅུ་པའོ།། །།ཉམས་སུ་ལེན་པའི་གནད་བསྟན་པ། །རྒྱུ་དང་རྐྱེན་ལས་གྱུར་པ་ཡི། །ལས་ཀྱི་སྒྲིབ་པ་སྦྱོང་བ་སྟེ། །ལུས་ཀྱིས་ལུས་ཉིད་ཨར་ལ་གཏད། །ངག་གིས་ངག་ཉིད་བཙོན་དུ་བཟུང་། །སེམས་ཀྱིས་སེམས་ཉིད་གཏན་ལ་ཕབ། །སྤྱི་འདུས་སྒོ་གསུམ་གཏན་ལ་དབབ། །ངེས་ཤེས་ཆེན་པོའི་ཏིང་འཛིན་གྱིས། །འདུན་པ་བླ་མ་འབྲལ་མེད་བསྟེན། །བློ་སྣ་བསྟུང་ཞིང་མི་རྟག་བསྒོམ། །གཞན་དོན་བློ་བསྐྱེད་རང་འཁྲིས་བཅད། །འདོད་ཡོན་ཞེན་པའི་འཆིང་བ་གཅོད། །བག་ཆགས་མངོན་ཞེན་གཡེང་ལ་བོར། །གནས་ལུགས་ཡེ་ཤེས་དྲན་བསམ་བཟུང་། །གང་ཤར་བློ་བྲལ་ངང་ལ་གཞག །འཁོར་གསུམ་གང་ཤར་རྒྱས་བཏབ་པས། །ཡེ་ཀློང་ཉིད་དུ་མངོན་སངས་རྒྱ། །འབྲས་བུ་རང་བབས་ལྷུན་གྱིས་གྲུབ། །མ་བཅོས་ཡངས་པ་ཆེན་པོའི་དོན། །ས་ཆེན་རབ་ཏུ་གནོན་པ་ཡིན། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཉམས་ལེན་གྱི་གནད་བསྟན་པའི་ལེའུ་སྟེ་སོ་གཅིག་པའོ།། །།ཚེ་རབས་ལས་ཀྱི་འབྲས་བུ་ལས། །ནག་པོ་ཟད་པའི་སྦྱངས་སྟོབས་ཀྱིས། །རང་གྲོལ་ཕྱག་རྒྱ་ཆེན་པོ་བསྟན། །གནས་ ― DNG014_Page_0206 ―
[མ་དཔེ་གཟིགས་ན་འདིར་གནོན།]
ལུགས་གཞི་ཡི་ཕྱག་ཆེན་ནི། །ངོ་བོ་མི་གཡོ་འགྱུར་བ་མེད། །རོལ་པ་མ་འགགས་སྣ་ཚོགས་ཀུན། །ཆུ་ཟླ་མེ་ལོང་གཟུགས་བརྙན་ལྟར། །བྱ་རྩོལ་འཛིན་པ་མེད་པར་འཆར། །ཡེ་ནས་རབ་རིབ་མེད་པའི་ཀློང་། །ཀུན་གསལ་གདལ་ཁྱབ་འོད་པོ་ཆེ། །སེམས་ཅན་ཀུན་ལ་ཐུན་མོང་སྣང་། །ཁྱད་པར་དལ་འབྱོར་ལྡན་པ་ཡི། །ལུས་ཅན་ཀུན་ལ་རྩལ་དུ་ཞུགས། །གཡོ་མེད་གཏིང་གསལ་ཆེན་པོ་སྟེ། །ནམ་མཁའ་རྒྱ་མཚོ་རི་རྒྱལ་ཚུལ། །ཐོགས་དང་གོས་པ་མེད་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། གཞི་གནས་ལུགས་ཀྱི་ཕྱག་རྒྱ་ཆེན་པོ་བསྟན་པའི་ལེའུ་སྟེ་སོ་གཉིས་པའོ།། །།བགྲོད་བྱེད་ལམ་གྱི་ཕྱག་རྒྱ་ཆེ། །གང་ཤར་རྣམ་པ་སྣ་ཚོགས་ཀུན། །ཆུ་ལ་རི་མོ་བྲིས་པ་དང་། །མཁའ་ལ་བྱ་ཚོགས་འགྲོ་བའི་རྗེས། །མཚོ་ལ་ཁ་བ་བབས་པ་ལྟར། །གང་ཤར་ལམ་གྱི་རོལ་པ་རྣམས། །གང་ཤར་རང་གྲོལ་ཕྱག་རྒྱ་ཆེ། །སྣང་ཡུལ་མ་འགགས་གཟུང་ཡུལ་བྲལ། །ངང་ལས་ངང་ཉིད་ཐིམ་པ་སྟེ། །ངང་ཤར་རོལ་པའི་གནད་ཐེབས་པས། །ལམ་གྱི་འཆར་ཚུལ་མ་འགགས་པའི། །མ་མ་ཆེན་མོར་གནས་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ལམ་ཕྱག་རྒྱ་ཆེན་པོ་ཤར་གྲོལ་གྱི་གནད་བསྟན་པའི་ལེའུ་སྟེ་སོ་གསུམ་པའོ།། །།འབྲས་བུ་རང་སངས་རྒྱས་པའི་སྐུ། །ཕྱག་རྒྱ་ཆེན་པོ་ཡངས་པའི་ཀློང་། །གཞི་ལས་རྣམ་པར་མ་གཡོས་པར། །རང་བབ་གཤིས་ལ་འགྱུར་མེད་ཆོས། །ལུས་ངག་ཡིད་ཀྱི་རྣམ་རོལ་ཀུན། །མཁའ་ལ་སྤྲིན་ཚོགས་དེངས་པ་ལྟར། །འབད་རྩོལ་མེད་པར་རང་ས་ཟིན། །གཡོ་འགུལ་མེད་པར་གཏན་ལ་ཕེབ། །རེ་དོགས་མེད་པས་ལམ་རྩལ་རྫོགས། །རྒྱུ་རྐྱེན་ལས་འདས་ཕྱག་རྒྱ་ཆེ། །འབྲས་བུ་ཕྱག་རྒྱ་ཆེན་པོ་སྟེ། །མ་བཅོས་རང་བབ་ལྷུན་གྱིས་གྲུབ། །དཔེ་བྲལ་ནམ་མཁའི་དཀྱིལ་འཁོར་བཞིན། །གཏིང་རྫོགས་ཆེན་པོར་རབ་ ― DNG014_Page_0207 ―
[མ་དཔེ་གཟིགས་ན་འདིར་གནོན།]
མཉམ་བཟང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། འབྲས་བུ་ཕྱག་རྒྱ་ཆེན་པོ་བསྟན་པའི་ལེའུ་སྟེ་སོ་བཞི་པའོ།། །།དེ་ལྟར་གཞི་ལམ་འབྲས་བུ་ཡི། །ཕྱག་རྒྱ་ཆེ་ལ་མངའ་བརྙེས་པས། །ཉམས་ལེན་ལམ་གྱི་བོགས་དབྱུང་བ། །ལུས་ངག་ཡིད་གསུམ་མཉམ་གནས་པས། །གཡོ་མེད་བསམ་གཏན་ངང་ལ་གཞག །ཚོགས་དྲུག་ཡུལ་ལ་ཡིད་མི་སྤྲོ། །གང་ཤར་མཉམ་པ་ཉིད་གནས་པ། །དམིགས་པ་རྩེ་གཅིག་མི་གཏད་པར། །ཕྱམ་གདལ་རོ་གཅིག་དོན་ལ་གཞག །དེ་ལ་སྤྱོད་ལམ་ཅི་བདེར་སྤྱོད། །ཕྱི་ནང་ཡུལ་དང་ཡུལ་ཅན་ཀུན། །སྤང་བླང་དགག་བསྒྲུབ་མེད་པའི་ངང་། །འགྱུ་བ་དྭངས་སངས་ཉིད་གནས་པས། །སྤྲོ་བསྡུའི་སྤྲོས་པ་རང་ཆོད་དེ། །རེ་དོགས་བླང་དོར་ལས་འདས་འགྱུར། །ཉོན་མོངས་ལ་སོགས་རང་སར་དེངས། །ཡེ་ཤེས་ངང་གནས་ལྷུན་གྱིས་གྲུབ། །གསལ་འགྲིབ་མེད་པའི་ཉམས་ལས་ཀྱང་། །སྣ་ཚོགས་ཤར་གྲོལ་རྟོགས་པ་འཆར། །བལྟ་བའི་གདེང་ཆེན་རྙེད་པ་འབྱུང་། །བསྒོམ་པ་གཤིས་ལུགས་རང་བབ་འཆར། །སྤྱོད་པ་འབད་རྩོལ་ལས་འདས་འབྱུང་། །འབྲས་བུ་རེ་དོགས་འཛིན་པ་བྲལ། །དེ་ཀུན་ལམ་གྱི་རྩལ་སྦྱོང་སྟེ། །བདག་དོན་རྟོགས་པའི་ཡེ་ཤེས་ཀྱིས། །ངང་བསྒོམ་གདལ་བ་ལྷུག་པར་འཆར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ལམ་ཉམས་ལེན་བོགས་དབྱུང་བ་བསྟན་པའི་ལེའུ་སྟེ་སོ་ལྔ་པའོ།། །།ཉམས་ལེན་ལམ་གྱི་རྩལ་འབྱོངས་ནས། །ཅིར་སྣང་གྲོགས་སུ་ཤར་ནས་ཀྱང་། །འབྲས་བུ་བཙན་ས་ཟིན་པ་ནི། །སྣང་སྲིད་འཁོར་འདས་ཆོས་རྣམས་ཀུན། །དུ་མ་རོ་གཅིག་མཉམ་གནས་པས། །ཡངས་པ་ཆེན་པོའི་གནས་ལུགས་ལ། །རང་བབ་གཤིས་ལ་གཡོ་མེད་བཞག །རྣམ་མཁྱེན་རྫོགས་པའི་སངས་རྒྱས་དང་། །སྲིད་པ་ཡང་མཐའི་སེམས་ཅན་ཀུན། །མཉམ་ཉིད་གཅིག་པའི་ངང་དུ་སྟེ། །དེ་བཞིན་ ― DNG014_Page_0208 ―
[མ་དཔེ་གཟིགས་ན་འདིར་གནོན།]
གདེང་ལྡན་རྣལ་འབྱོར་པས། །ཡར་ལ་རེ་དང་མར་ལ་དོགས། །རེ་དོགས་མེད་པའི་ཏིང་འཛིན་གྱིས། །སྣང་སྲིད་ཐམས་ཅད་རྒྱ་ཡིས་གདབ། །གཏད་པ་མེད་པའི་ངང་ལ་གཞག །གསལ་འགྲིབ་མེད་པའི་ངང་ལ་གཞག །རང་ཡན་ཡིན་པའི་ངང་ལ་གཞག །རང་ས་ཟིན་པའི་ངང་ལ་གཞག །བཅོས་བསླད་མེད་པའི་ངང་ལ་གཞག །བླང་དང་དོར་བ་མེད་པར་གཞག །དེ་ལྟར་དེ་ཡི་གནས་ལུགས་ལ། །ཡེ་ཤེས་ངང་བསྒོམ་ཆེན་པོ་ཞེས། །འབྲས་བུ་བཙན་ས་ཟིན་པ་སྟེ། །རྣམ་ཀུན་ཡེ་ཤེས་མཆོག་གི་དོན། །ལམ་འགག་སྒྲོལ་ནས་དམིགས་སུ་སྐྱོལ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། འབྲས་བུ་ཡེ་གཞིའི་སྟེང་དུ་བཙན་ས་ཟིན་པའི་ལེའུ་སྟེ་སོ་དྲུག་པའོ།། །།གཞི་ལམ་འབྲས་བུའི་དོན་ལྡན་ཞིང་། །ཕྱིར་མི་ལྡོག་པའི་གདེང་ཆེན་གྱིས། །ཕྲིན་ལས་གཞན་དོན་འབྱུང་བྱེད་པའི། །ངང་ལས་ཐུགས་རྗེའི་རླབས་གཡོ་ཞིང་། །ལུས་ལ་ལུས་ཏེ་རྡོ་རྗེ་ཡི། །རྩལ་ཆེན་ཕ་ལམ་གཡོས་པ་ལྟར། །ཆོ་འཕྲུལ་སྣ་ཚོགས་འགྱེད་པ་དང་། །ཡ་མ་ཟུང་རྣམས་སྟོན་པའོ། །འགག་མེད་གསུང་གི་རྩལ་འཕྲོས་པས། །སྒྲ་ལ་དབང་འབྱོར་ཚངས་པའི་དབྱངས། །གདུལ་བྱ་དཔག་ཏུ་མེད་རྣམས་ཀྱི། །སོ་སོའི་སྐད་དུ་རྣམ་པར་སྒྲོགས། །ཆོས་རྣམས་ཀུན་གྱི་དེ་བཞིན་ཉིད། །གདལ་བས་དོན་རྟོགས་སྨིན་གྲོལ་བྱེད། །འགྱུར་མེད་རོལ་པ་ཡེ་ཤེས་ཐུགས། །སྣ་ཚོགས་འགྲོ་བའི་ལམ་རྒྱུད་དུ། །རེ་རེ་ལ་ནི་རེ་རེར་སྣང་། །ཐམས་ཅད་མཁྱེན་ལྔ་ཤུགས་ལས་འབྱུང་། །འགྲོ་འདུལ་རྩལ་སྣང་དཔག་ཏུ་མེད། །རྩོལ་བྲལ་ཆེན་པོའི་འགྲོ་དོན་གྱིས། །ངན་སོང་དོང་སྤྲུག་ཆེན་པོར་རོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། དོན་ཐོབ་ཐེ་ཚོམ་མེད་པའི་དགོངས་པ་དེས་འགྲོ་དོན་ཤུགས་འབྱུང་དུ་མཛད་པར་བསྟན་པའི་ལེའུ་སྟེ་སོ་བདུན་པའོ།། །།སྤྱོད་པ་སྤྱོད་ནས་དོན་འབྱུང་བ། །ཡང་དག་དོན་ནི་ཡང་དག་བཤད། །གང་གིས་ཉམས་སུ་ ― DNG014_Page_0209 ―
[མ་དཔེ་གཟིགས་ན་འདིར་གནོན།]
ལེན་པ་ཡི། །སྐྱེས་བུ་དད་བརྩོན་སྙིང་རྗེར་ལྡན། །ཕོངས་མེད་བདག་ལུས་ཐེད་ལ་བོར། །རེ་ལྟོས་ཉམ་ང་བག་ཚ་མེད། །འཇིག་རྟེན་ཆོས་ལ་མཐུན་མི་འཇུག །སྣང་བའི་ཆོས་ལ་ཞེན་མི་ཆགས། །ལེགས་ཉེས་རྩིས་གདབ་བྲལ་བ་ཡི། །ཡང་དག་ངེས་པའི་ཆོས་ལ་འཇུག །སྣང་ཞེན་འཁྲི་བ་རྦད་ཀྱིས་བཅད། །གང་ལའང་ཉམ་ང་མེད་པར་བྱ། །སྤོབས་པའི་གཟེངས་ཆེན་བསྟོད་པ་གནད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཉམས་སུ་ལེན་པའི་གང་ཟག་བསྟན་པའི་ལེའུ་སྟེ་སོ་བརྒྱད་པའོ།། །།ཡང་དག་བླང་དོར་མེད་པ་ཡི། །ཆོས་མཆོག་ཉམས་ལེན་བརྩོན་པའི་གནས། །རབ་ལ་དབེན་ཞིང་ཉམས་དགའ་བའི། །འབྲིང་ལ་གཉན་ཞིང་རྩུབ་པ་སྟེ། །ཐ་མར་རང་མཐུན་སྟབས་དང་བསྟུན། །ཡ་མ་ཟུང་གི་གནས་རྣམས་སུ། །ཉམས་ལེན་དྲོད་དང་མི་ལྡན་སྤང་། །འཇིག་རྟེན་སྐྱེ་བོས་བགྲོད་པའི་ས། །ཡིད་གཉིས་འཇུག་པས་མི་བསྟེན་སྤང་། །དམ་ཉམས་གནས་མལ་མི་གཙང་ས། །བསྒྲུབ་ལ་བར་ཆད་འཇུག་པས་སྤང་། །མདོར་ན་སྐྱོན་ཡོན་ལེགས་བརྟགས་ཏེ། །དང་པོ་ལེགས་པའི་གནས་མཆོག་བཙལ། །དེ་ནས་རང་ལ་རང་ཤེས་ནས། །ཡ་ང་ལ་སོགས་འཇིགས་པ་སྤང་། །དེ་ནས་བརྟན་པ་ཐོབ་པ་ཡིས། །ངེས་མེད་གནས་ཀྱི་བདམ་རིས་སྤང་། །ཚོང་དུས་ལ་སོགས་གཡེང་བའི་ས། །མ་རུངས་ལྷ་འདྲེ་མི་གསུམ་ཀུན། །འགྱུ་སྲང་འདུ་ས་ཆེན་པོ་བསྟེན། །དེས་ནི་ཡང་དག་དོན་ཆེན་འགྲུབ། །ངེས་པ་རྙེད་ནས་གདེང་ཆེན་ཐོབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཉམས་ལེན་གྱི་གནས་བསྟན་པའི་ལེའུ་སྟེ་སོ་དགུ་པའོ།། །།ཚུལ་ལྡན་ལེགས་པའི་སྐྱེས་མཆོག་དེ། །དམིགས་པའི་གནས་དེར་སླེབས་པ་དང་། །རིག་པ་རྟེན་དང་ཕྲལ་ནས་ཀྱང་། །སེམས་ཉིད་ཆོས་ཀྱི་དབྱིངས་སུ་འཕང་། །མཁའ་ལྟར་ཁྱབ་པའི་ངང་ལ་གཞག །གཅེས་འཛིན་ལུས་ཀྱི་གདུང་བ་བཅད། །ས་རྡོ་ལྟ་བུར་ལིངས་ཀྱིས་དོར། །སྣང་ ― DNG014_Page_0210 ―
[མ་དཔེ་གཟིགས་ན་འདིར་གནོན།]
སྲིད་འཁོར་འདས་ཆོས་རྣམས་ཀུན། །གྱི་ན་ཙམ་དུ་བུན་གྱིས་བསྐྱུར། །གཏད་མེད་རིག་པ་དབྱིངས་སུ་སྤུར། །ཕྱི་ནང་སྣང་ཞེན་འཁྲི་བ་བཅད། །ཡུལ་མེད་དམིགས་གཏད་བྲལ་བར་བཞག །རྒ་ནད་འཆི་སོགས་འདུན་པ་བཤིག །རང་བབ་ངང་དུ་བསྐྱུར་ལ་བཏང་། །ཅོག་བཞག་ཆེན་པོར་ལ་ཐག་བཅད། །མདོར་ན་གདལ་བ་ཆེན་པོའི་ངང་། །མཐའ་བྲལ་ཡོངས་གྲོལ་གནད་ལ་གཟིར། །བླང་དོར་ལ་སོགས་བློ་ལས་བསྐྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རིག་པ་རྟེན་དང་ཕྲལ་ནས་བལྟ་བའི་ལ་ཐག་གཅད་པར་བསྟན་པའི་ལེའུ་སྟེ་བཞི་བཅུ་པའོ།། །།ལ་ཐག་ཆོད་པའི་དུས་ཉིད་ན། །མི་གཙང་རྫས་ཀྱི་ཕུང་པོ་སྟེ། །བདག་ལུས་འབྱུང་བའི་གྲོང་ཁྱེར་བཤིག །ཡེ་ཤེས་ལྷ་རྣམས་དབྱིངས་སུ་སྤར། །དག་པ་བདུད་རྩིར་དམིགས་པས་བསྒྱུར། །ཐུགས་རྗེ་རྩལ་གྱི་དགོངས་པ་ཡིས། །ལྷས་འདོད་ལྷ་ལ་མཆོད་བྱས་ཤིང་། །འདྲེས་འདོད་འདྲེ་ལ་ལྟོས་མེད་སྦྱིན། །ལན་ཆགས་རིགས་དྲུག་སེམས་ཅན་ལ། །ཕམ་རྒྱལ་རྩོད་འཐེན་མེད་སེམས་ཀྱིས། །ཡ་ང་ཁུ་འཕྲིགས་སྤངས་ལ་སྦྱིན། །རེ་དང་ལྟོས་པ་མེད་པ་ཡིས། །གང་ལ་སྦྱིན་དང་གང་གིས་སྦྱིན། །གང་ལྟར་སྦྱིན་པའི་ཚུལ་རྣམས་ཀྱི། །འདུ་འཕྲོ་ཆོས་ཉིད་བདེན་པའི་མཐུའི། །དཔུང་དང་བཅས་པའི་བྱིན་རླབས་ཀྱིས། །ཀུན་ཀྱང་བདེན་འབྲས་མཆོག་ལ་རེག །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། བདག་རྟོག་འཁྲུལ་པའི་གཅེས་འཛིན་བཤིག་ནས་ལྷ་འདྲེའི་འཁྲུལ་ཆ་བཅད་པའི་ལེའུ་སྟེ་ཞེ་གཅིག་པའོ།། །།དེ་ལྟར་དེ་ལ་རབ་བརྩོན་པ། །བདུད་དང་བདུད་ཀྱི་རིས་ཀྱི་ལྷ། །མི་དང་འདྲེ་རུ་སྣང་ཡང་རུང་། །ཆོ་འཕྲུལ་རྣམ་འཕྲུལ་དུ་མ་ཡིས། །སྐབས་ཚོལ་གླགས་ལྟ་བྱེད་པ་ན། །དེ་དང་དེ་ལ་དམིགས་པ་གཏད། །བདག་དང་ཕན་ཚུན་དབྱེར་མེད་བསྲེ། །བྱམས་སེམས་སྙིང་རྗེའི་རྩལ་གྱིས་བཟུང་། །བདེན་མཐོང་ཡང་དག་ཆོས་ལ་ ― DNG014_Page_0211 ―
[མ་དཔེ་གཟིགས་ན་འདིར་གནོན།]
གཟུད། །སླར་ཡང་དམིགས་པ་སྤྲུལ་བསྒྱུར་གྱིས། །གང་ལ་གང་དགོས་ཅི་འདོད་ཀྱི། །རེ་ལྟོས་མེད་པའི་སྦྱིན་པ་གཏང་། །བདག་གཞན་རེ་དོགས་ཉེ་རིང་གི། །བླང་དོར་འཛིན་པའི་རྟོད་ཕུར་ཕྱུང་། །གང་དང་གང་དུ་འདྲེལ་བཅས་པས། །རྣམ་དག་རྒྱལ་བའི་ཞིང་དུ་བསྐྱལ། །རྣམ་གྲོལ་ལེགས་པའི་ལམ་ལ་སྦྱོར། །བྱང་ཆུབ་ཆོས་ཀྱི་ས་བོན་གདབ། །ལས་འབྲས་དཀར་པོའི་བག་ཆགས་བཞག །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། བདུད་ངོས་བཟུང་ཞིང་གཉེན་པོ་བྱམས་སྙིང་རྗེས་ཐོག་བརྫིས་བཏང་བའི་ལེའུ་སྟེ་ཞེ་གཉིས་པའོ།། །།གདོད་ནས་རྣམ་དག་ཡེ་ཤེས་མཆོག །གཏང་གཞག་བྲལ་བའི་གདེང་ཐོབ་ནས། །ཡུལ་ཕྱིར་བལྟས་པས་ཡ་ང་མིན། །བློ་བྲལ་རང་གྲོལ་དབྱིངས་ཉིད་ལས། །སྙེམས་མེད་ཡེ་གྲོལ་གཅིག་ཐག་ཆོད། །དགོངས་ཀློང་མཁའ་ལྟར་དག་པའི་ངང་། །གཞི་རྩ་བྲལ་བའི་ཅོག་བཞག་པ། །ཅིར་སྣང་རང་སར་གྲོལ་བ་ཡིས། །སྣང་སྲིད་འཁོར་འདས་གཏན་ལ་ཕབ། །ལྷ་མེད་འདྲེ་མེད་རང་ཐག་ཆོད། །སྙེམས་བྲལ་ཆོས་ཀྱི་དབྱིངས་སུ་ཐིམ། །མ་ལ་བུ་བཞག་ཇི་བཞིན་དུ། །བཟང་ངན་དུ་མ་རོ་གཅིག་གོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སྣང་སྲིད་འཁོར་འདས་ཐམས་ཅད་རང་ཉིད་ཀྱི་སྟེང་དུ་ལ་ཐག་གཅད་དེ་འཁོར་འདས་གཏན་ལ་དབབ་པའི་ལེའུ་སྟེ་ཞེ་གསུམ་པའོ།། །།གནས་སྐབས་སྤྱད་པ་སྤྱོད་པའི་བུས། །བཅོས་པ་མེད་པར་སྤྱད་པའི་ཐབས། །རང་འཁྲིས་ཐག་པ་རྦད་ཀྱིས་བཅད། །གང་ཤར་ཡུལ་ལ་ལྟོས་པ་བྲལ། །ལུས་སྤྱོད་རང་ལུགས་གཏན་ལ་དབབ། །བཅོས་མེད་གཞི་ཐོག་རང་ཤར་བས། །གནས་སྐབས་ཡུལ་གྱི་བྱ་བ་ལས། །འབད་དང་རྩོལ་བ་མེད་ཚུལ་གྱིས། །ཤུགས་ལ་སྤྱོད་པ་གནད་ཡིན་ཅིང་། །ངག་གི་དྲེ་མོ་ཟུངས་ཟད་པས། །འཁྲུལ་པ་ཡུལ་ཕྱིར་མི་སྤྲོ་བར། །སྨྲ་བརྗོད་གཏང་གཞག་མེད་པའི་ངང་། །རང་བབ་མལ་དུ་ ― DNG014_Page_0212 ―
[མ་དཔེ་གཟིགས་ན་འདིར་གནོན།]
ཙན་ནེ་བ། །ཀ་ཀུ་ཤབ་ཤུབ་མེད་པར་གཞག །ངག་སྤྱོད་བླ་མེད་ཡང་དག་དོན། །བཀླག་དང་སྡེབས་སུ་བསྒྲིག་པར་བྱ། །ཡིད་དཔྱོད་ཉོན་མོངས་རང་གར་མིན། །རབ་འབྲིང་ཐ་མའི་བློ་ཅན་གྱིས། །རང་གྲོལ་གཉེན་པོ་འབད་མེད་དང་། །འབད་བཅས་ཀྱིས་ནི་ལམ་དུ་འཁྱོར། །གང་ལ་ཡ་ང་འཁུ་འཕྲིགས་མེད། །སྤྱོད་པ་བབས་མལ་ཉིད་དུ་སྤྱོད། །སྤང་བླང་དགག་བསྒྲུབ་མེད་པར་གཞག །རྣམ་གྲོལ་ཐབས་དང་ལྡན་སྤྱད་པས། །ཡང་དག་ལམ་དུ་འཇུག་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཚུལ་ཆོས་འཛིན་པ་ཕྲལ་ནས་སྤྱོད་པ་རང་བབ་ཏུ་བསྐྱང་བར་བསྟན་པའི་ལེའུ་སྟེ་ཞེ་བཞི་པའོ།། །།ཡང་དག་དོན་གྱི་ལྟ་བ་དང་། །གནས་ལུགས་བབས་ཀྱི་ངང་བསྒོམ་དང་། །བྱ་རྩོལ་བྲལ་བའི་སྤྱོད་པ་དང་། །གཞི་ཐོག་ཕེབས་པའི་འབྲས་བུ་སྟེ། །གང་དང་གང་ལ་བསྔགས་པ་ལ། །སྙེམས་ཀྱི་འདུན་པ་འདུག་མི་འདུག །མི་འདུག་ཐག་ཆོད་སྙེམས་བྲལ་ཏེ། །སྙེམས་བདུད་མ་ཆོད་ལམ་ལ་འཁྱམ། །རང་སྙེམས་རང་ལ་སྐད་ཅིག་གཅད། །གཅད་ཚུལ་གང་ཤར་རྟོག་ཚོགས་ཀུན། །བཅིང་གྲོལ་མེད་པའི་ལྷུག་པ་ལས། །ལྷག་མ་མེད་པར་ལ་ཐག་གཅད། །ལྷག་མར་བཅས་པའི་དམིགས་པ་ཡིས། །སྙེམས་དང་བཅས་ཏེ་ཡིད་གཉིས་འགྱུར། །འདུན་པ་གང་ལ་གང་གཏད་པ། །དེ་དང་དེ་ལ་དེར་དམིགས་མེད། །ཡངས་དང་དོག་པ་མེད་པར་ཡང་། །མི་བཟོ་བཟོ་བ་མེད་པར་བཞག །བཟོས་པའི་ཆོས་ཀྱང་ཡིད་གཉིས་རྒྱུ། །རེ་དང་དོགས་པར་དེ་འགྱུར་རོ། །འཁོར་དང་འདས་པ་གང་ལ་ཡང་། །རེ་ལྟོས་སྙམ་སྙེམས་མེད་པར་གཞག །ལྟོས་པ་ཅན་དེ་རེ་བའི་རྒྱུ། །དེ་ལ་ཤུགས་ཀྱིས་དོགས་པ་འབྱུང་། །རེ་དོགས་ལྟོས་པ་ཅན་གྱིས་ནི། །ལྟ་བསྒོམ་སྤྱོད་འབྲས་འཇུར་བུས་བཅིངས། །འཇུར་བུའི་མདུད་པ་རང་གྲོལ་ནས། །གཉིས་འཛིན་གྲོངས་འདས་གྲངས་མཐའ་ཟད། །མིང་དང་མིང་ཚོགས་ཕུང་པོ་ཞིག །གཉིས་ ― DNG014_Page_0213 ―
[མ་དཔེ་གཟིགས་ན་འདིར་གནོན།]
འཛིན་ལ་འདས་ཆེན་པོའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། གཉིས་འཛིན་བླང་དོར་གྱི་སྙེམས་ཐག་གཅད་ནས་གནས་ལུགས་ཡང་དག་གི་གདེང་ཆེན་བཅའ་བའི་ལེའུ་སྟེ་ཞེ་ལྔ་པའོ།། །།འབྲས་བུ་ཡང་དག་མཆོག་གི་ལམ། །བགྲོད་པར་འདོད་པའི་ཐོག་མ་ཉིད། །ལུས་གནད་རྩ་བའི་དྲ་བ་བརྟག །རྒྱུ་དང་རྐྱེན་ལས་བྱུང་བ་སྟེ། །འདུས་ཚོགས་སྲིད་པའི་རྩ་བ་ལས། །བག་ཆགས་ལས་ཀྱི་འདུ་འཕྲོད་ཀྱིས། །ལུས་གཅིག་བླངས་པ་ལས་ཀྱི་ལུས། །རྣམ་སྨིན་ཤ་ཁྲག་ཕུང་པོ་ལ། །གནས་ལུགས་ཡང་དག་དོན་བཞུགས་པས། །མ་དག་ལས་ཀྱི་རྒྱུ་རླུང་གིས། །འཕྲོ་འདུ་བྱ་བྱེད་དུ་མ་སྤྱོད། །དེས་ཀྱང་འཁྲུལ་འཁོར་ཉིད་དུ་འཁོར། །དེ་དག་འཁྲུལ་འཁོར་བཤིག་པའི་ཐབས། །བྱང་ཆུབ་རྒྱུན་རླུང་དག་པའི་གཞི། །འཕྲོ་འདུས་རྡོ་རྗེའི་ལུས་བསྒྲུབ་པ། །མི་འགྱུར་གཡུང་དྲུང་རྡོ་རྗེའི་སྐུ། །ཐབས་དང་ཤེས་རབ་ལས་བྱུང་བའི། །ཡེ་ཤེས་རྩལ་ལས་བྱུང་བ་ཡིས། །སྤྲུལ་དང་ཡང་སྤྲུལ་གཞིར་སྣང་ཞིང་། །ཤ་ཁྲག་ལ་སོགས་དུ་མའོ། །དེ་ལས་ལམ་སྣང་ཡེ་ཤེས་ཀྱི། །གྲོང་ཁྱེར་རྩ་ཡི་དྲ་མིག་སྟེ། །སྡོང་པོ་དང་ནི་ཡལ་ག་ལས། །གྱེས་ཤིང་མཚོན་པ་མང་དུ་སྟེ། །འཁོར་ལོ་ལྔ་ལ་སོགས་པ་ཡི། །སྟོང་ཕྲག་བདུན་ཅུ་རྩ་གཉིས་ཀྱང་། །ཐད་ཀ་ཐད་ཀའི་ཁྱིམ་དུ་གནས། །སོ་སོར་གང་དང་གང་གི་རྟེན། །སྤྱི་བོ་དང་ནི་རྐང་པའི་མཐར། །རྣམ་པར་བཀྲམ་ནས་དོན་ཀུན་བྱེད། །གྲངས་ཅན་དང་ནི་གྲངས་མེད་པ། །སྟོབས་དང་སྟོབས་མིན་ཁྱད་པར་རོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རྡོ་རྗེའི་ལུས་གཞི་རྟེན་དུ་གྱུར་པ་ལས། ལམ་རྩལ་རྩའི་འཆར་ཚུལ་བསྟན་པའི་ལེའུ་སྟེ་ཞེ་དྲུག་པའོ།། །། གནས་པ་རྩ་ལ་རྒྱུ་བ་ཡི། །རླུང་གི་ཆགས་ཚུལ་རིམ་པ་ལས། །རྒྱུ་དང་རྣམ་པར་རྒྱུ་བ་དང་། །ཕྲ་རགས་ལ་སོགས་རྣམ་མང་ཡང་། །ཉི་ཁྲི་ཆིག་སྟོང་དྲུག་བརྒྱ་ལས། ། ― DNG014_Page_0214 ―
[མ་དཔེ་གཟིགས་ན་འདིར་གནོན།]
རྩ་བ་ཡན་ལག་གཉིས་ལ་འདུས། །རྩ་བ་ལྔ་དང་ཡན་ལག་ལྔ། །སོ་སོར་ལས་ཀུན་རྣམ་པར་བྱེད། །ནམ་མཁའ་རླུང་མེ་ཆུ་དང་ས། །སྟོབས་ཀྱི་རྣམ་པར་རྩལ་བྱེད་པ། །གྱེན་མཐུར་མེ་མཉམ་སྲོག་དང་ནི། །ཁྱབ་བྱེད་ལས་ཀྱི་རླུང་དང་བཅས། །འཕྲོ་འདུ་རྣམ་པར་བཀྲ་བ་ལས། །ལས་ཀུན་བྱེད་ཅིང་འཕེན་དང་སྡུད། །བྱེར་ཟུག་སྒང་གཤོངས་སྣ་ཚོགས་ལས། །ཕྱི་དང་ནང་ལས་ཀུན་ཏུ་རྒྱུ། །བཟང་ངན་ལས་ཀྱི་འཕྲོ་འདུ་ཀུན། །རྦ་རླབས་ལྟ་བུར་རབ་ཏུ་འཁྲུགས། །བྱེད་པ་བྱས་ཤིང་ལས་ཀྱིས་ལས། །ལས་ལ་རྣམ་པར་སྤེལ་བ་དང་། །སྡུད་པ་དང་ཡང་འཁྲུགས་མར་ནི། །ཐོག་མ་བར་དང་མཐའ་རིམ་བཞིན། །གཡོ་བ་ཅན་དང་གཡོ་བ་མེད། །རབ་ཏུ་བརྟན་པས་ལས་ཀུན་བྱེད། །ལས་དང་ལས་མ་ཡིན་པ་དང་། །ལས་ལས་རྣམ་པར་འཕྲོས་པ་དང་། །བྱང་ཆུབ་ལམ་གྱི་རྩལ་ཉིད་ཀྱང་། །དེ་དང་དེ་ལས་རྣམ་པར་འབྱུང་། །ཕྲ་མོ་ལ་སོགས་ཐུན་མོང་གི། །སྦྱོར་བ་དཔག་ཏུ་མེད་པ་ཡང་། །དེ་ཡི་རྣམ་གྲངས་ཐབས་ལས་འབྱུང་། །དེ་དག་མཁས་པས་ཤེས་པར་བྱ། །ཀུན་རྫོབ་དང་ནི་དོན་དམ་གྱི། །ནོར་གྱི་སྙིང་པོ་སྤེལ་དང་སྡུད། །དེ་དང་དེ་ཡི་ཤུགས་ལས་འབྱུང་། །གཡས་དང་གཡོན་དུ་འཕོ་བ་དང་། །མཉམ་པར་རབ་ཏུ་གནས་པ་ལས། །དེ་ཡི་ཡན་ལག་ཡབ་དང་ཡུམ། །གཉིས་མེད་མཉམ་པར་གནས་པ་རྣམས། །དུས་ལས་མ་གཡོས་ལས་ལ་སྦྱར། །སྐྱེ་འཆི་རྒས་རྒུད་ན་སོགས་ཀྱིས། །སྐྱེ་དང་སྡུད་པའང་དེ་དང་དེའི། །བྱེད་པ་ཕྲ་རགས་ལས་བྱུང་བས། །བཙོན་དུ་འཛིན་དང་རྩལ་སྦྱོང་དང་། །དུས་ལ་བབས་ཚེ་ལས་སྦྱོར་གྱི། །འབྱིན་འཇུག་བསྐྱེལ་བའི་ལས་ལ་གཟབ། །མཁའ་ལ་འཕུར་དང་མེ་ཡི་ལས། །ཆུ་དང་བྲག་ལ་ཐོགས་མེད་སོགས། །སྣ་ཚོགས་རྫུ་འཕྲུལ་ཐུན་མོང་དང་། །མངོན་སུམ་གནད་ལ་མཁས་བྱེད་དང་། །ཉི་ཟླ་བཙོན་དུ་བཟུང་བ་ཡི། །འཁྲུལ་འཁོར་ལ་སོགས་གང་དང་གང་། ། ― DNG014_Page_0215 ―
[མ་དཔེ་གཟིགས་ན་འདིར་གནོན།]
དེ་དང་དེ་སོགས་ལས་རྣམས་ཀུན། །སྟོབས་ཆེན་དེ་ཡི་རྩལ་ལས་འབྱུང་། །དེ་དང་དེ་ཚུལ་བརྩོན་པས་འབད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རླུང་གི་རྒྱུ་བ་དང་བྱེད་པ་བསྟན་པའི་ལེའུ་སྟེ་ཞེ་བདུན་པའོ།། །།ཡང་དག་རྣམ་པར་ངེས་པ་དང་། །མ་ངེས་པ་སྟེ་དུ་མ་ཡིས། །ཐིག་ལེ་གང་དང་སྟོང་པ་དང་། །རྒྱུ་དང་རྣམ་པར་རྒྱུ་བ་དང་། །རང་བབས་གཤིས་ལ་གནས་པ་དང་། །འཕེལ་དང་མི་འཕེལ་ལ་སོགས་ཀྱང་། །རྣམ་པར་རིག་བྱེད་འཕྲོ་འདུ་ལས། །ཕྲ་རགས་བྱེད་པ་སྣ་ཚོགས་སོ། །བཅུ་དྲུག་གྲངས་ལས་བྱེད་ཅན་དུ། །དྲུག་ལས་རྒྱུ་དང་འབྲས་བུ་ཉིད། །བྱེད་པའི་རྐྱེན་ལས་སྣང་བར་འགྱུར། །གཡོ་བ་མེད་པ་བརྒྱད་ཉིད་ཀྱིས། །རྣམ་པར་རིག་བྱེད་འཕྲོ་དང་འདུ། །ཡེ་ཤེས་ཉིད་དང་སྤྲུལ་པ་དང་། །ཡང་སྤྲུལ་འཕྲོ་འདུ་ཡང་ཡང་སྟོན། །མ་དག་དུག་ལྔ་དང་ཡང་གཞན། །ལས་ཀྱི་འཁྲུལ་འཁོར་སྣ་ཚོགས་བསྐྱེད། །དག་དང་མ་དག་ཁྱད་པར་ལས། །འཁྲུལ་འཁོར་ཞིག་དང་མ་ཞིག་གི། །ཁྱད་པར་ལ་སོགས་མང་པོ་དང་། །བདེ་དང་སྡུག་བསྔལ་བཏང་སྙོམས་བྱེད། །རྣམ་པར་གྲོལ་དང་མ་གྲོལ་དང་། །རྗེས་དང་རྗེས་དཔག་དག་གིས་ཤེས། །ཡེ་ཤེས་རྒྱུ་བ་དོན་དམ་དང་། །ལས་ཀྱི་རྒྱུ་བ་ཀུན་རྫོབ་ལ། །ཐིག་ལེ་རྣམ་གཉིས་གཅིག་ལ་གཅིག །མདུང་ཁྱིམ་ལྟ་བུར་བརྟེན་ནས་གནས། །རྒྱུ་ལས་ཡེ་ཤེས་སྐྱེ་བ་དང་། །ཡེ་ཤེས་རྩལ་ལས་རྒྱུ་འབྱུང་བས། །བྱེད་པ་རྐྱེན་གྱི་འཕྲོ་འདུ་ལས། །སངས་རྒྱས་ཉིད་དང་སེམས་ཅན་དང་། །དེ་ལས་རྣམ་པར་གྱེས་པ་ཡི། །རྣམ་གྲངས་དཔག་ཏུ་མེད་པའི་ཕྱིར། །སྤེལ་དང་བསྒྱུར་དང་ལས་ལ་སྦྱར། །མཁས་པས་གནད་དང་ལྡན་པ་ཡིས། །ངེས་པར་ལེ་ལོ་མེད་པར་བརྩམ། །མཆོག་དང་དེ་བཞིན་ཐུན་མོང་སོགས། །གང་འདོད་འབྲས་བུ་ངེས་པར་འབྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཀུན་རྫོབ་རྒྱུའི་ ― DNG014_Page_0216 ―
[མ་དཔེ་གཟིགས་ན་འདིར་གནོན།]
ཐིག་ལེ་དང་དོན་དམ་ཡེ་ཤེས་ཀྱི་ཐིག་ལེ་བསྟན་པའི་ལེའུ་སྟེ་ཞེ་བརྒྱད་པའོ།། །།རྩ་ནི་ཁྱིམ་དང་འདྲ་བ་ལ། །རླུང་ནི་བདག་པོ་ལྟ་བུ་ཡིས། །ནོར་དང་འདྲ་བའི་ཐིག་ལེ་ཉིད། །རྩལ་སྦྱང་ཉམས་སུ་ལེན་པའི་གནད། །ལུས་ངག་ཡིད་གསུམ་གཏན་ལ་དབབ། །ཕེབ་ནས་རིམ་བཞིན་ལས་ལ་སྦྱར། །བདག་དང་དེ་བཞིན་གཞན་ཞིག་གི། །མཚན་ཉིད་རྣམ་པར་ལྡན་པར་སྦྱོར། །འབྱོངས་ནས་ཀུན་རྫོབ་དོན་དམ་ཉིད། །གཉིས་མཉམ་ཉིད་དུ་གཏན་ལ་དབབ། །དེ་ལྟར་གཏན་ལ་སུས་ཕེབས་པ། །མཆོག་དང་ཐུན་མོང་ལས་ཀུན་འབྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རྩ་རླུང་ཐིག་ལེ་ཉམས་སུ་བླང་ནས་གཏན་ལ་དབབ་པའི་ལེའུ་སྟེ་ཞེ་དགུ་པའོ།། །།རྩ་ཉིད་གཏན་ལ་དབབ་པ་ལ། །ལུས་ཀྱི་རྩལ་སྦྱང་རབ་ཏུ་གཅེས། །ཏིལ་མར་བྱུགས་དང་འཕུར་བ་ཡི། །དང་པོ་སྨན་དང་དྲི་སྦྱར་བས། །ལུས་ཀྱི་མགོ་མཇུག་དག་པར་སྦྱང་། །དེ་ནས་མཉེ་དང་བསུབ་པ་དང་། །སྤྲུག་དང་བསྐོར་དང་གཡུག་པ་དང་། །རྒྱུག་དང་མཆོངས་དང་མཉེད་པ་སྟེ། །གཅན་གཟན་ཚུལ་དང་མཁའ་ལྡིང་དང་། །རྟ་དང་ལུག་དང་ཆུ་སྲིན་སོགས། །རྣམ་འགྱུར་སྤྲུག་པའི་ལས་ལ་ཡང་། །རྣམ་པར་རོལ་ལ་སོགས་པ་ཡི། །རྩལ་སྦྱོང་འཁྲུལ་འཁོར་དཔག་མེད་བསླབ། །ཡང་རྩལ་དང་ནི་ལུས་ཟུངས་ཀྱི། །ཤེད་སྐྱེད་པ་ཡི་སྦྱོར་བ་ལ། །རབ་ཏུ་ཉིན་མཚན་མེད་པར་འབད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ལུས་རྩལ་སྦྱོང་བའི་འཁྲུལ་འཁོར་བསྟེན་པའི་ལེའུ་སྟེ་ལྔ་བཅུ་པའོ།། །།ངག་གི་རྩལ་སྦྱོང་རླུང་ལ་བསླབ། །རོ་རྣམས་མདའ་ལྟར་འཕང་བས་སྦྱང་། །གསར་པ་གཞུ་ལྟར་བཀུག་པས་བཟུང་། །རྫིང་ལྟར་མེ་ཡིས་གནས་སུ་བསྐྱིལ། །དལ་ལ་ཕབ་ཅིང་དྲག་ཏུ་གཅུན། །སྟོད་དང་སྨད་དང་བར་དག་དང་། །ཡན་ལག་རྣམས་ལ་རིམ་བཞིན་དགྲམ། །ངལ་དང་དུབ་དང་གཡོ་བ་དང་། །རབ་ཏུ་འཁྲུགས་པ་མེད་པར་བྱ། །གལ་ཏེ་ ― DNG014_Page_0217 ―
[མ་དཔེ་གཟིགས་ན་འདིར་གནོན།]
ནས་ནི་སོར་བཞག་པ། །སླར་ཡང་བུམ་ལྟོའི་ལས་བྱེད་འགྱུར། །ཀུན་ལ་དེ་ལྟར་མ་ཡིན་གྱིས། །སྐྱེས་བུ་གང་དང་གང་དག་གི། །རྒྱུད་དང་སོ་སོར་གང་རིགས་བསྟུན། །དར་དང་མ་དར་སྙོམས་པ་དང་། །བཟང་དང་ངན་དང་ཚོད་ཅན་ཏེ། །གང་དང་གང་རིགས་མཁས་པས་བསླབ། །དྲག་ཞན་ལ་སོགས་འགྲེས་ཀྱིས་ཤེས། །བརྩོན་འགྲུས་དང་ནི་དབང་པོ་ཡི། །བྱེད་པ་སྟོབས་ཀྱི་ཁྱད་པར་ཡང་། །རིགས་དང་མི་རིགས་དེ་བཞིན་དཔྱད། །རླུང་གིས་གང་དང་སྟོངས་པ་ཡི། །ལུས་རྩལ་སྟོང་རའི་དམིགས་པ་གཏད། །གཡོ་བར་གྱུར་ནས་ཕབ་ལ་བཞག །གཞན་གྱི་སྦྱོར་བས་ཚད་ལ་ཕབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ངག་རྩལ་སྦྱོང་བ་རླུང་ལ་བསླབ་པའི་ལེའུ་སྟེ་ང་གཅིག་པའོ།། །།ཉམས་པ་མེད་པའི་ཁམས་རྣམས་ལ། །ཟག་པ་མེད་པའི་རྩལ་ལ་བསླབ། །དང་པོ་འཕེལ་བའི་སྦྱོར་བ་དང་། །དེ་ནས་དེ་དག་དབབ་པ་དང་། །བསྐྱིལ་དང་བཟློག་དང་དགྲམ་པ་དང་། །ཐ་མ་ལས་ལ་སྦྱར་བ་ཡི། །གོ་རིམ་ཡང་དག་རྩལ་ཆེན་སྦྱང་། །ཏིང་འཛིན་དང་ནི་འཁྲུལ་འཁོར་དང་། །ཀུན་ལ་རླུང་གི་སྦྱོར་བ་དང་། །ལ་ལར་རྫས་ཀྱི་སྦྱོར་བ་བསྔགས། །གང་དང་གང་ཡང་དེ་དང་དེའི། །རྩོལ་བ་རབ་འབྲིང་ཐ་སོགས་སྦྱར། །ངན་དང་བཟང་དང་འབྲིང་པོ་ལས། །བྱེད་པ་གནད་ཀྱི་མན་ངག་མཆོག །ཉམས་པ་མེད་པའི་རྩལ་སྦྱོང་གིས། །ལས་ལ་ཇི་ལྟར་སྦྱོར་ནའང་། །ངེས་པར་མཆོག་ལ་གནས་པར་འགྱུར། །ཉམས་པར་གྱུར་པའི་རྩོལ་བ་ཡིས། །ཉམས་པ་ཆེན་པོར་གྱུར་ནས་ནི། །མཆོག་དང་ཡང་དག་མི་ལྡན་ནས། །ཐུན་མོང་རྣམས་ཀྱང་དེ་བཞིན་ནོ། །སྨན་མར་ལ་སོགས་སྦྱོར་བ་དང་། །ལུས་ངག་གནད་ལས་འབྱུང་བས་ཤེས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། ཁམས་བྱང་ཆུབ་ཀྱི་སེམས་རྩལ་སྦྱོང་བསྟན་པའི་ལེའུ་སྟེ་ང་གཉིས་པའོ།། །།ལུས་ཀྱི་འཁྲུལ་འཁོར་ལ་བརྟེན་ནས། །རྩ་རྣམས་དག་པར་བྱེད་པ་དང་། །ངག་གི་ ― DNG014_Page_0218 ―
[མ་དཔེ་གཟིགས་ན་འདིར་གནོན།]
རླུང་སྦྱོར་ལ་བརྟེན་ནས། །རླུང་རྣམས་དག་པར་བྱེད་པ་དང་། །ཡིད་ཀྱི་ཐིག་ལེ་ལ་བརྟེན་ནས། །ཁམས་རྣམས་དག་པར་བྱེད་པ་སྟེ། །དེ་དག་སྡེབས་དང་བཅས་པ་ཡིས། །ལུས་ངག་ཡིད་གསུམ་ལྷན་ཅིག་པས། །བསྐྱེད་དང་རྫོགས་དང་རྫོགས་པ་ཆེ། །ལྷན་ཅིག་ཉམས་སུ་བླང་བར་བྱ། །དང་པོ་རྩལ་ལ་སུ་གོམས་པར། །ཀུན་ཀྱང་ཟུང་དུ་ཆུད་པ་ཡིན། །ཟུང་འཇུག་དབུ་མ་ཉིད་དག་པས། །རྩ་དག་སྤྲུལ་པའི་སྐུ་ཉིད་དང་། །རླུང་དག་དེ་བཞིན་ལོངས་སྤྱོད་སྐུ། །ཐིག་ལེ་དག་པ་ཆོས་སྐུ་སྟེ། །སྐུ་གསུམ་ཟུང་འཇུག་ཆེན་པོ་ཡིས། །ལུས་ངག་ཡིད་གསུམ་གནས་དག་ནས། །རྡོ་རྗེ་གསུམ་གྱི་བདག་ཉིད་ཅན། །འབྲལ་བ་མེད་པའི་ཡེ་ཤེས་བརྙེས། །གཞི་བྲལ་གཅིག་ཏུ་དྲིལ་བ་ལ། །ལམ་རྟགས་ཡོན་ཏན་ཞར་ལ་སྟེ། །དཔེར་ན་ལྗོན་ཤིང་རྒྱས་པ་ལ། །ཡལ་འདབ་ཤུན་ལྤགས་མི་འདོད་ཀྱང་། །ཞར་ལ་བྱུང་དང་མཚུངས་པ་སྟེ། །ས་ལམ་མ་བགྲོད་ཡེ་བགྲོད་དུ། །ཐབས་འདིས་འགྱུར་རོ་རྣལ་འབྱོར་པ། །རྩ་དག་རླུང་དག་ཐིག་ལེ་དག །ཡེ་ཤེས་རོལ་པ་ངང་གིས་འཆར། །རྒྱུ་དང་རྐྱེན་ལས་གྱུར་པ་དང་། །བལྟ་དང་བསྒོམ་སྤྱོད་འབྲས་བུའི་གནད། །གཅིག་ལས་མ་ལུས་ཡོངས་སུ་རྫོགས། །འདི་ཕྱི་བར་གྱི་གནས་ལུགས་ཀྱང་། །ངེས་དོན་བཅུད་དུ་ཡང་དག་འགྱུར། །རྩ་ལས་ཡང་དག་རླུང་ལྡན་པས། །ཐིག་ལེའི་ལས་རྣམས་འགྲུབ་པ་སྟེ། །གཅིག་དྲིལ་རྩལ་གྱི་ཡེ་ཤེས་ལྔ། །ཉོན་མོངས་ལྔར་བཅས་དབྱེར་མེད་པར། །གནས་དང་ལྡན་པ་འདིས་འགྱུར་རོ། །གཡོ་དང་འགྱུ་སྟེ་བདེ་སྟོང་གི། །ཟག་མེད་ཡོན་ཏན་རབ་སྣང་ངོ་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡོངས་ལས། རྩ་རླུང་ཐིག་ལེ་དབྱེར་མེད་དུ་དྲིལ་ནས་གཏན་ལ་དབབ་ཅིང་ཉམས་སུ་ལེན་པར་བསྟན་པའི་ལེའུ་སྟེ་ང་གསུམ་པའོ།། །།ཉམས་ལེན་གནད་ཀྱི་ཐོག་མ་ཉིད། །རང་གིས་ལུས་རྩལ་ལེགས་སྦྱངས་པས། །གོམས་ཤིང་འདྲིས་ནས་བརྟན་པ་དང་། །རིགས་དང་ལྡན་པའི་མི་མོ་ལ། ། ― DNG014_Page_0219 ―
[མ་དཔེ་གཟིགས་ན་འདིར་གནོན།]
བརྟེན་ནས་སྦྱང་བར་བྱེད་པ་ཡང་། །ལུས་ངག་ཡིད་གསུམ་སྐྱོན་མེད་ཅིང་། །ཡོན་ཏན་མང་པོ་རབ་ཚང་ཞིང་། །དར་ལ་བབས་ནས་སྐྱོན་མ་ཞུགས། །བདེ་བའི་ཡོན་ཏན་སྦྱིན་ནུས་པ། །རྣལ་འབྱོར་རང་རང་ཡིད་མཐུན་ལ། །སྨིན་དང་གྲོལ་བའི་སྒོར་ཞུགས་ཤིང་། །དལ་གྱིས་ཐབས་ཀྱི་ལམ་ལ་སྦྱང་། །དང་པོར་གཡོ་བའི་རྩལ་སྦྱང་དང་། །བར་དུ་འཕེལ་བའི་འཁྲུལ་འཁོར་དང་། །ཐ་མ་ལས་ལ་སྦྱར་བ་ཡིས། །མཁས་པས་ཡང་དང་ཡང་གཅུན་ལ། །བཅུད་དང་དྭངས་མ་ཡང་དག་བླང་། །དགའ་བ་བཞི་ཡི་ཡེ་ཤེས་ལས། །ལེགས་པར་རིམ་གྱིས་གཏན་ལ་དབབ། །དྭངས་མ་དང་ནི་སྙིགས་མ་རྣམས། །སྐྱོན་སེལ་ཡོན་ཏན་བཅས་པས་བླང་། །སྙིགས་མའི་སྙིགས་མ་ཡང་ཡང་དོར། །དྭངས་མའི་དྭངས་མ་དབྱིངས་སུ་བསྐྱལ། །བདེ་དང་སྡུག་བསྔལ་རྣམ་པ་གཉིས། །གཉིས་མེད་གཅིག་ཏུ་གྱུར་ནས་ཀྱང་། །མཉམ་ཉིད་གདལ་བ་ཆེན་པོར་གནས། །དེ་ལྟར་དང་པོར་རང་ལུས་དང་། །དེ་ནས་རིམ་པར་གཞན་ལུས་ལ། །བརྟེན་ནས་ལམ་གྱི་རྩལ་སྦྱང་ཞིང་། །གཉིས་མེད་དབྱིངས་སུ་བསྲེ་བར་བྱ། །དེ་དང་ཡང་དག་ངེས་ལྡན་པའི། །སྣ་ཚོགས་ལས་ཀྱི་རིམ་པ་ཡང་། །མངོན་ཤེས་ལ་སོགས་ལས་ལ་སྦྱར། །གཏན་ལ་ཕེབ་ནས་གཞན་དོན་སྤྱད། །འབྲས་བུ་སྐུ་གསུམ་ངང་དུ་བསྐྱལ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རང་ལུས་དང་གཞན་ལུས་ལ་བརྟེན་ནས་ཉམས་ལེན་གྱི་རྩལ་སྦྱང་བ་བསྟན་པའི་ལེའུ་སྟེ་ང་བཞི་པའོ།། །།ཉམས་ལེན་གནད་ལ་གཟིར་བ་ལ། །མྱོང་བ་རྣམ་པ་གསུམ་འབྱུང་སྟེ། །དང་པོ་བདེ་བའི་ཡེ་ཤེས་འཆར། །ལུས་མེད་ཡོད་དུ་མི་ཚོར་དང་། །ལུས་ལ་མཚོན་ཆའི་ཆར་བབས་ཀྱང་། །བདེ་བའི་ཡེ་ཤེས་འཕེལ་གྲོགས་བྱེད། །ཟུག་རྔུ་མེད་པའི་ཡོན་ཏན་གྱི། །རྣམ་པ་དཔག་མེད་ལུས་ལ་འབྱུང་། །ངག་ལ་བདེ་བ་འབར་བ་ནི། །རླུང་ལ་རང་དབང་འབྱོར་ཐོབ་པས། །རིང་དང་ཐུང་དང་གར་གཏད་དུ། །ངེས་པར་ལམ་དུ་འགྲོ་བ་དང་། །ནུས་པའི་ ― DNG014_Page_0220 ―
[མ་དཔེ་གཟིགས་ན་འདིར་གནོན།]
སྟོབས་འབར་གྲེ་ལྕེ་བདེ། །སྙན་མཐུན་རང་གཞན་ཀུན་དགའ་བྱེད། །ཡིད་བདེ་ཟུག་རྔུ་ཀུན་དང་བྲལ། །དགའ་བ་བཞི་དང་ཡེ་ཤེས་ལྔ། །ཉམས་ཀྱི་རྩལ་ཆེན་འབར་བར་འགྱུར། །དེ་ལྟར་ལུས་ངག་ཡིད་གསུམ་དང་། །དེ་དང་དེ་ཡི་རོལ་པ་ལས། །བདེ་བ་ཟག་བཅས་ཟག་པ་མེད། །ཟུང་དུ་འཇུག་པ་ལ་སོགས་པའི། །འབྲས་བུ་རྣམ་པར་གྲོལ་འགྱུར་ཏེ། །མཚན་དང་དཔེ་བྱད་རྒྱན་དུ་བྱས། །ཕྱི་ནང་གསང་བའི་བརྡ་དོན་འཕྲོད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། བདེ་ཉམས་འཆར་བར་བསྟན་པའི་ལེའུ་སྟེ་ང་ལྔ་པའོ།། །།དེ་ནས་མྱོང་བ་གཉིས་པ་ལ། །ཕྱི་ནང་གཞན་སོགས་གསལ་བ་ཡིས། །ཉམས་ལེན་གནད་ཀྱི་ངོས་ཟིན་འགྱུར། །ཕྱི་རུ་གསལ་དང་ནང་དུ་གསལ། །དེ་ལས་གཞན་པར་གསལ་བ་སྟེ། །མངོན་སུམ་པ་དང་ཉམས་སྣང་དང་། །རང་བབ་འོད་དུ་གསལ་བ་སོགས། །དབང་པོའི་སྤྱོད་ཡུལ་གང་ལ་ཡང་། །ཉེ་རིང་མེད་པར་གསལ་ལ་སོགས། །རྣམ་པར་བཀྲ་ལ་རིག་བྱེད་གསལ། །ཕྱོགས་དང་རིས་སུ་མ་ཆད་པ། །མཉམ་པ་ཉིད་དུ་རང་བབ་གསལ། །དགག་དང་བསྒྲུབ་པ་མེད་པར་ནི། །ས་ལེ་ཧྲིག་གེ་ལྷམ་མེ་བ། །ལྷ་ཡང་ཞལ་ཕྱག་སྐུ་མདོག་བཅས། །རྒྱན་དང་ཆ་ལུགས་གསལ་བ་དང་། །འོད་ཟེར་རབ་ཏུ་འཕྲོ་བ་ཡང་། །རང་སྣང་ཟེར་དང་བཅས་པ་ལས། །ཕྱིས་འབྱུང་བ་དང་ཡང་དག་གསལ། །གཟུང་དང་འཛིན་པ་མེད་པར་གསལ། །གཡོ་འཁྲུལ་ཡངས་དོག་མེད་པར་གསལ། །རང་གཞན་དབྱེར་མེད་འདྲེས་པར་གསལ། །སངས་རྒྱས་སེམས་ཅན་མེད་པར་གསལ། །རབ་མཉམ་ཡངས་པ་ཆེན་པོ་ལ། །དགག་དང་བསྒྲུབ་པ་མེད་པར་ཡང་། །རང་སྣང་དག་པ་ཉིད་གསལ་བས། །སྒྲིབ་གཡོགས་མུན་སངས་ཨེ་མ་ཧོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། གསལ་ཉམས་འཆར་བར་བསྟན་པའི་ལེའུ་སྟེ་ང་དྲུག་པའོ།། །།གསུམ་པ་གནས་ལུགས་མ་ཐོག་ཏུ། །སྟོང་ཉམས་ཞེན་པ་མེད་འཆར་བ། །བདེ་དང་གསལ་བ་གཡོ་མེད་པར། །མི་རྟོག་སྟོང་པའི་ཡེ་ཤེས་ཀྱིས། །མཉམ་ཉིད་ངང་ལ་གནས་པར་འགྱུར། །རགས་དང་ཕྲ་བའི་རང་བཞིན་ ― DNG014_Page_0221 ―
[མ་དཔེ་གཟིགས་ན་འདིར་གནོན།]
ཅན། །ངང་དུ་གནས་པ་ངང་གིས་འཕྲོ། །འདུ་འཕྲོའི་རོལ་པ་སྣ་ཚོགས་ཀྱང་། །གཞག་པ་མེད་པར་མཉམ་གནས་པ། །ནམ་མཁའི་ཆོ་འཕྲུལ་དུ་མ་ཡང་། །བྱས་པ་མེད་པར་རང་ཤར་ཞིང་། །རང་ཡལ་རང་སར་དེངས་པ་ལྟར། །གཞི་ལས་སྣང་བའི་དངོས་པོ་ཀུན། །བདེ་བའི་ཆོ་འཕྲུལ་དུ་མ་དང་། །དེ་བཞིན་ཆོ་འཕྲུལ་ལང་ལོང་ཡང་། །གཞི་ཉིད་ངང་དུ་རང་དྭངས་པས། །འབད་རྩོལ་བྲལ་བའི་རང་སྟོང་སྟེ། །དངོས་དང་དངོས་མིན་མཐའ་བྲལ་བའི། །ཡེ་ཤེས་རང་གྲོལ་རང་ཤར་ཉིད། །དངོས་ལ་དེ་བཞིན་ཉིད་སྣང་བ། །འཁྲུལ་པ་དག་པའི་འདུ་འཕྲོ་ལས། །གཟུང་འཛིན་བཅས་པ་མ་ཡིན་ནོ། །ཡེ་སྟོང་དག་པའི་ཀློང་རྡོལ་ནས། །ཉག་གཅིག་དེ་ཀུན་གཤིས་ལ་ཤར། །ཤར་བ་དེ་ཉིད་རང་བབ་གྲོལ། །དེ་ལྟར་བདེ་གསལ་སྟོང་པའི་ངང་། །མི་རྟོག་ཡེ་ཤེས་བླ་མ་ཡིན། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། སྟོང་པ་ཉིད་ཡེ་དག་གདལ་ཁྱབ་ཏུ་བསྟན་པའི་ལེའུ་སྟེ་ང་བདུན་པའོ།། །།བདེ་སྟོང་ཟག་པ་མེད་པ་ཡི། །ཡེ་ཤེས་རང་ས་ཟིན་པའི་གནད། །གཤིས་ལ་གཡོ་བ་མེད་བཞིན་དུ། །བཅས་བཅོས་བཟོ་མེད་ལྷུག་པའི་ཀློང་། །རང་གསལ་ཉིད་དུ་གནས་པར་གཞག །བདག་རྐྱེན་དང་ནི་གཞན་རྐྱེན་དང་། །དེ་བཞིན་འདུ་འཕྲོ་དུ་མ་རྣམས། །གཅིག་ལ་གཅིག་བརྟེན་ཡིན་པའི་ཕྱིར། །དེ་དག་རང་བབ་བཅོས་མེད་པར། །རང་རང་གནས་ལས་གཡོ་མེད་དུ། །དལ་ལ་ཕབ་ནས་གཞག་པ་ཡིས། །དང་པོར་གཡོ་དང་བར་དུ་གནས། །ཐ་མ་བརྟན་པ་ཐོབ་ནས་ཀྱང་། །འབྲས་བུ་རྒྱུ་ཡི་ཡེ་ཤེས་ལས། །རྩལ་སྣང་དཔག་ཏུ་མེད་ཤར་བས། །སྙིང་པོ་ཆོས་སྐུ་མཉམ་པ་ཉིད། །ལོངས་སྐུ་གསལ་དག་རྐྱེན་དང་བྲལ། །སྤྲུལ་སྐུ་རོལ་པ་འགག་མེད་ལས། །ཡང་སྤྲུལ་ཆོ་འཕྲུལ་བཅས་པ་སྣང་། །སྐུ་གསུམ་ཡེ་ཤེས་ལྔ་ཉིད་ལས། །མྱ་ངན་འདས་དང་མྱ་ངན་འདའ། །ཀུན་ནས་མྱ་ངན་འདས་པ་བ། །རྫོགས་པའི་འབྲས་བུ་ཡང་དག་གོ། །གནས་སྐབས་ཡུལ་གྱི་འབྲས་བུ་ཡང་། །ཚེ་ལ་དབང་འབྱོར་འཐོབ་པ་དང་། །ལོངས་སྤྱོད་ཉིད་ལ་དབང་འབྱོར་པ། །ཐུན་མོང་གང་དང་གང་དག་རྣམས། །རྩོལ་མེད་རང་བྱུང་ལྷུག་པར་རོ། །འདོད་དང་འདོད་ཆགས་རྣམ་བྲལ་ ― DNG014_Page_0222 ―
[མ་དཔེ་གཟིགས་ན་འདིར་གནོན།]
ཡང་། །འདོད་ཆགས་ཉིད་ལས་མ་གཡོས་པར། །འདོད་ཆགས་རང་སར་དེ་གྲོལ་ཞིང་། །ཆགས་པས་ཆགས་པ་དབང་དུ་སྟེ། །ཆགས་པས་སེམས་ཅན་རང་གྲོལ་འགྱུར། །དེ་བས་འདོད་ལ་ཆགས་བྲལ་བ། །རང་བབས་ཆགས་པ་མེད་པར་འཆང་། །ཆགས་པའི་འབྲས་བུ་བདེ་གསལ་ནས། །མི་རྟོག་ཡེ་ཤེས་ཏིང་འཛིན་སྐྱེ། །དེ་ནས་ཀུན་ནས་ཀུན་བཟང་བ། །ཡབ་ཡུམ་ལ་སོགས་དཀྱིལ་འཁོར་གྱི། །གཞི་སྣང་ཉིད་དུ་མངོན་འབྲས་འགྲུབ། །ཨེ་མ་དོན་དམ་ཀུན་རྫོབ་ཀྱི། །དབྱེ་བསལ་མཚན་འཛིན་ཕྲ་རགས་དང་། །འཁོར་བའི་ཡོ་ལང་དུ་མ་དང་། །དེ་བཞིན་མྱ་ངན་འདས་པ་ཡི། །ཐུགས་རྗེའི་ཆོ་འཕྲུལ་མ་ལུས་པ། །ཐམས་ཅད་ཐམས་ཅད་དབྱིངས་སུ་ནུབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། འཁོར་འདས་ཐམས་ཅད་བདེ་སྟོང་ཟག་མེད་ཀྱི་དབྱིངས་སུ་བསྐྱལ་ནས་འབྲས་བུ་སྐུ་གསུམ་ཡེ་ཤེས་ལྔར་རྫོགས་པར་བསྟན་པའི་ལེའུ་སྟེ་ང་བརྒྱད་པའོ།། །།ཡང་དག་བླ་མེད་བྱང་ཆུབ་དོན། །སྐུ་གསུམ་ཡེ་ཤེས་བླ་མ་ཡི། །འབྲས་བུ་བསྒྲུབ་པར་བླ་མེད་པའི། །ལམ་གྱི་འགལ་རྐྱེན་བར་ཆད་རིགས། །བདུད་དང་བདུད་ཀྱི་རིགས་རྣམས་ཀྱི། །ཆོ་འཕྲུལ་དུ་མ་བཟློག་པའི་ཐབས། །རྣལ་འབྱོར་རྒྱལ་པོས་འདི་ལྟར་བལྟ། །གཞི་ལས་གཡོས་པ་མེད་པའི་ངང་། །ལུས་ངག་ཡིད་ལ་ཇི་ལྟར་གྱི། །ཟང་ཟིང་རྣམ་པ་ཅི་བྱུང་ཡང་། །ཅི་མི་སྙམ་པ་རྡོ་རྗེའི་ཐུགས། །རྩལ་ཆེན་གནམ་ལྕགས་བུ་ཡུག་ལས། །ཕྲ་རྡུལ་རབ་ཏུ་གཏོར་ཤེས་པས། །ཇི་མི་སྙམ་པའི་གདེང་གིས་བཅད། །ཡངས་དང་དོག་དང་ཕྲ་རགས་སོགས། །ལོ་མ་སྤྲུལ་པའི་འཁོར་ལོས་བཅད། །སྤྲུལ་པ་ལས་ཀྱང་སྤྲུལ་པ་ཡི། །ཆོ་འཕྲུལ་དེ་ཡང་ང་ཡིས་བཅད། །ཡོད་ལས་མེད་དང་མེད་ལས་བྱུང་། །དེ་དག་བདག་རྟོག་བཤིག་ལས་གྲོལ། །མཉམ་ཡངས་ཆེན་པོར་ངང་བཞག་པས། །ཀུན་ཀྱང་ཆུ་ལ་ཆུ་ཐིམ་ལྟར། །དེ་ཡོད་མ་ཡིན་དེ་མེད་མིན། །ཡོད་མེད་བླང་དོར་ལས་འདས་པས། །ཆོ་འཕྲུལ་བཟློག་པའི་དཔའ་བོ་ཡིན། །ཡ་ང་གཡང་ས་གཅོད་པ་ཡིན། །འཁུ་འཕྲིགས་ཞེན་པ་བཟློག་པ་ཡིན། །གེགས་སེལ་གནད་ཀྱི་མཐར་ཐུག་ཡིན། །དེ་ལས་གཞན་ཡང་ལམ་གྱི་ཆ། །རྩལ་གྱི་སྦྱོར་བ་དུ་མ་དང་། །རྫས་ཀྱི་རྣམ་གྲངས་ཕྲ་མོ་རྣམས། །རང་རང་གནད་ཐོག་མཁས་པས་དབབ། །དཔའ་བོ་གཡུལ་ལ་ཆས་པ་ ― DNG014_Page_0223 ―
[མ་དཔེ་གཟིགས་ན་འདིར་གནོན།]
ལ། །གོ་མཚོན་ལྟ་བུའི་མན་ངག་གོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། བྱང་ཆུབ་ལམ་གྱི་གེགས་སེལ་བའི་ལེའུ་སྟེ་ང་དགུ་པའོ།། །།ཨེ་མ་ཨེ་མ་བཅོམ་ལྡན་འདས། །བཅོམ་ལྡན་དཔག་མེད་རྒྱལ་པོ་ཀྱེ། །མ་རྟོགས་ལོག་པར་རྟོག་པ་ཡི། །སྐྱེ་འགྲོ་མ་ལུས་འདུལ་དོན་དུ། །ཡང་དག་མཐར་ཐུག་ཐེག་པའི་ཆོས། །གདུལ་བྱ་གང་དང་གང་འཚམས་པ། །སོ་སོར་བལྟ་བསྒོམ་སྤྱོད་འབྲས་བཅས། །གཞི་སྣང་ཡེ་ཤེས་ཆེན་པོའི་གནད། །གདོད་ནས་དག་པའི་ཡང་སྙིང་མཆོག །དྲི་མེད་ལམ་མཆོག་བགྲོད་པའི་ཐབས། །གཡོ་བ་མེད་པའི་ངང་ཉིད་ལས། །སྐུ་ལས་འོད་བྱུང་ཕྱོགས་བཅུར་བཀྱེས། །གསུང་ལས་ཆོས་ཀྱི་འབྲུག་སྒྲ་སྒྲོགས། །ཐུགས་རྗེ་བརྩེ་བ་ཆེན་པོ་ཡིས། །བདག་ཅག་འདུས་པའི་འཁོར་རྣམས་ལ། །ལྷང་ངེར་རྩལ་བས་རྗེས་ཡི་རང་། །བདག་ཅག་སྤྲུལ་པའི་འཁོར་དང་ཡང་། །ཡང་འཁོར་གདུལ་བྱའི་ཞིང་གྱུར་པ། །ལྷ་དང་ཀླུ་དང་གནོད་སྦྱིན་དང་། །མི་དང་དྲི་ཟ་གྲུལ་བུམ་སོགས། །རྗེས་སུ་ཡི་རང་མངོན་པར་བསྟོད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཐུགས་རྒྱུད་ནམ་མཁའ་ཀློང་ཡངས་ལས། རྗེས་སུ་ཡི་རང་ཞིང་མངོན་པར་བསྟོད་པའི་ལེའུ་སྟེ་དྲུག་ཅུ་པའོ།། །།ཐུགས་ཀྱི་བཅུད་དྲི་མ་མེད་པའི་རྒྱུད་ཀྱི་རྒྱལ་པོ་ནམ་མཁའ་ཀློང་ཡངས་ཞེས་བྱ་བ། བདག་འདྲ་པདྨ་འབྱུང་གནས་ཀྱིས་བསྒྱུར་བ་རྫོགས་སོ། །རྟ་ནག་དྲེགས་པ་སྡེ་བརྒྱད་ཚོགས་ཀྱིས་བཀའི་བྱ་ར་མཛོད། གཏེར་རྐུན་བཀའ་ལ་རས་ཆོད་གཟུ་ལུམས་བྱེད་པ་བྱུང་ན་དབང་པོ་སྣུབས། ས་མ་ཡ། རྒྱ་རྒྱ་རྒྱ། དྷ་ཐིམ། བདག་འདྲ་སངས་རྒྱས་རྡོ་རྗེས་མེ་མོ་ཡོས་ཀྱི་ལོ་དགུན་ཟླ་ཐ་ཆུང་གླང་ཟླའི་ཚེས་བརྒྱད་ཡོས་ཀྱི་ཉི་མ་འབྲུག་གི་དུས་སུ་བླ་དཀར་དུང་གི་སྒོ་མོ་ཀླུ་བཙན་གྱི་གནས་སྒོ་ནས་གདན་དྲངས་པའོ། །རྫས་སྣོད་ནི་ཀླུས་ཕུལ་བའི་རྡོ་རྗེའི་འདག་པ་ལས་བྱས་ཤིང་། ལྷའི་གོས་ཀྱིས་སྤུན་བསྲེས་ཤིང་། མཐིང་རྩིས་བྱུག་པའི་གའུ་སྟེ། འདི་ལུས་ལ་བཅངས་པ་ཙམ་གྱིས་མི་མ་ཡིན་པ་རྣམས་ཀྱིས་མི་མཐོང་བའི་སྒྲིབ་ཤིང་དུ་འགྱུར་བས། ལྷ་སྲས་ཉིད་ཀྱི་ལུས་ལ་བཅང་བར་བྱ་ཞིང་། རྒྱུད་ཀྱི་ཤོག་དྲིལ་ལུང་བསྟན་དཀར་ཆག་ཐེམ་བྱང་། གསེར་གྱི་རྡོ་རྗེ་ནོར་བུ་རིན་ཆེན་རྣམས། རྩ་བ་རྒྱུད་འཛིན་གྱི་བུའི་ལག་ཏུ་འགྲེམ་པར་བྱས་སམ། མཆོག་གི་རྣམ་འབྱོར་པ་གང་རུང་གི་ལག་ཏུ་གཏད་དེ། བསྟན་པའི་བཙས་སུ་མ་འཕྱུགས་པར་ཆོངས་ཤིག །དེ་དག་གལ་ཏེ་ཡ་བྲལ་ཞིང་འཐོར་ན་བྱིན་རླབས་ཀྱི་རྒྱུད་ཟམ་འཆད་པར་འགྱུར་རོ།། །། ས་མ་ཡ། དྷ་ཐིམ།། །། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ཞེས་བྱ་བ།― DNG014_Page_0224 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། གྷུ་རུ་དྷི་ཝ་ཌཱཀྐི་ནི་སརྦ་གུ་ཎ་ཏནྟྲ་ཤཱ་ས་ན་ཡཥྚི་ནཱ་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ཞེས་བྱ་བ། དཀྱིལ་འཁོར་ཐམས་ཅད་ཀྱི་མངའ་བདག་བཅོམ་ལྡན་འདས་དཔལ་ཧེ་རུ་ཀ་གཟི་བརྗིད་མཐའ་ཡས་པའི་དབང་ཕྱུག་གསུང་གི་པདྨ་ལ་ཕྱག་འཚལ་ལོ། །བདེ་གཤེགས་རྒྱལ་བ་ཐམས་ཅད་ཀྱི། །སྐུ་དང་གསུང་དང་ཐུགས་རྡོ་རྗེ། །མི་འགྱུར་སྤྲུལ་པའི་འཁོར་ཚོགས་ཀྱིས། །རབ་ཏུ་བསྐོར་བའི་དཀྱིལ་འཁོར་གཙོ། །དཔག་མེད་རྒྱལ་པོ་སྣང་མཐའ་ཡས། །སྟོན་པ་གཟི་བརྗིད་དཔལ་འབར་བ། །གཙོ་འཁོར་མཉམ་པར་བཞུགས་པའི་དུས། །ཡང་དག་རྣམ་པར་བཀྲ་བ་ཡི། །ཕོ་བྲང་ལྷུན་པོར་བརྩེགས་པའི་གནས། །རབ་བཟང་བརྩེགས་པའི་ཁང་བཟངས་སུ། །གདུལ་བྱ་རྣམ་པ་དུ་མ་ལ། །འདུལ་བྱེད་ཐབས་ཀྱི་ཡན་ལག་མཆོག །སྣ་ཚོགས་ལས་ཀྱི་ཡན་ལག་ཏུ། །ཐུན་མོང་གང་དང་གང་དགོས་རྣམས། །ལྗགས་ཀྱི་དབང་པོ་ལ་བཀྲམ་ནས། །བརྩེ་བར་དགོངས་ནས་གསུང་དུ་གསོལ། །དེ་ལྟར་གདུང་བས་ཞུས་པ་ཡི། །སྟོན་པས་དགོངས་ནས་བཀའ་སྩལ་པ། །ཞི་དང་རྒྱས་པ་ལ་སོགས་པའི། །སྣ་ཚོགས་ཐུན་མོང་ལས་ཀྱི་རིགས། །ཕྲ་མོའི་སྦྱོར་བ་རིམ་གྱིས་གསུངས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གླེང་གཞིའི་ལེའུ་སྟེ་དང་པོའོ།། །།བླ་མེད་བྱང་ཆུབ་བསྒྲུབ་པ་ལ། །ལམ་གྱི་མཐུན་རྐྱེན་བསྒྲུབ་བྱའི་ཕྱིར། །ཐུན་མོང་ཐབས་ཀྱི་ལས་རྣམས་ཀུན། །སྟོབས་དང་ལྡན་པའི་སྐྱེས་བུས་བརྩམ། །འབྲས་བུ་སྐུ་གསུམ་བྱེད་པའི་ལམ། །མཐུན་རྐྱེན་ཐབས་ཀྱི་ཡན་ལག་ཏུ། །སྣ་ཚོགས་ལས་ཀྱི་སྦྱོར་བ་བརྩམ། །དེ་དོན་འགྲུབ་གང་འབྲས་བུ་གསུམ། །གདོན་མི་ཟ་བར་སྨིན་པར་འགྱུར། །དེ་ལྟར་ལས་ཀྱི་དང་པོ་ནི། །བྱིན་རླབས་དངོས་གྲུབ་ཕྲིན་ལས་རྣམས། །འབྱུང་ཕྱིར་རྩ་བའི་བསྒྲུབ་པ་བྱ། །དད་པ་མོས་གུས་ཤུགས་ཕྱུང་ལ། ། ― DNG014_Page_0225 ―
[མ་དཔེ་གཟིགས་ན་འདིར་གནོན།]
བླ་མ་རྒྱན་དང་ཆ་ལུགས་ཅན། །སྐུ་གསུམ་ངོ་བོ་མཚན་དཔེས་སྤྲས། །གནས་ལྔ་ལ་སོགས་ཡན་ལག་མཐིལ། །རྩེ་གཅིག་མ་ཡེངས་མདུང་ཚུགས་བསྒོམ། །བདག་ལུས་སྒྱུ་མའི་གྲོང་ཁྱེར་འདི། །ཡི་དམ་ཞི་དང་ཁྲོ་བོའི་ཚུལ། །གང་འདོད་དཔའ་བརྗིད་ལྡན་པར་བསྐྱེད། །རྩ་གནས་བ་སྤུའི་གྲོང་ཁྱེར་དུ། །རིགས་ཀྱི་དཔའ་བོ་མཁའ་འགྲོའི་ཚོགས། །གྲངས་མེད་རྩིས་ལས་འདས་པ་ཡང་། །རང་རང་རྒྱན་དང་ཆ་ལུགས་བཅས། །རིགས་ཀྱི་མདོག་ཅན་ཕྱག་མཚན་འཛིན། །སྤྲུལ་དང་ཡང་སྤྲུལ་བཅས་པ་ཡང་། །གཞན་ཡང་རང་ཉིད་དད་པའི་ལྷ། །སྤྲུལ་པ་ལ་སོགས་དཔག་མེད་རྣམས། །སྣང་ལ་རང་བཞིན་མ་གྲུབ་པར། །གསལ་ལ་སྒྲིབ་གཡོགས་མེད་པར་བསྐྱེད། །ཨོཾ་ཨཱཿཧཱུཾ་ཧྲཱྀཿ། བཛྲ་གྷུ་རུ་དྷི་ཝ་ཌཱཀྐི་ནི་སརྦ་སིདྡྷི་ཕ་ལ་ཧཱུཾ་ཨ། སྒྲ་ཟུར་མ་ཉམས་དག་པར་བཟླས། །མི་སྐྱོའི་བར་དུ་ཕྱི་ལྟར་ཏེ། །སྙན་པའི་དབྱངས་ཀྱིས་འཛབ་ཏུ་སྒྲོགས། །དེ་ནས་ངལ་དུབ་སྐྱོ་བའི་ཚེ། །ནང་ལྟར་གསང་སྔགས་ཤུབ་བུར་བཟླས། །དམིགས་པའི་འཁྲུལ་འཁོར་རབ་ཏུ་འབད། །དེ་དག་ཀློང་དུ་གྱུར་པ་དང་། །གསང་བ་སྐྱེ་མེད་རྡོ་རྗེ་ཡི། །བཟླས་པ་རླུང་གི་འཁོར་ལོ་བསྐོར། །བླ་མ་ཡི་དམ་མཁའ་འགྲོ་ལ། །དངོས་གྲུབ་བླང་བའི་དམིགས་པ་ཡང་། །དུས་གསུམ་ལ་སོགས་སྐབས་སུ་བྱ། །དེས་ནི་ཕྱི་ནང་གསང་བའི་རྟགས། །རབ་འབྲིང་ཐ་མ་རིམ་པ་བཞིན། །དངོས་ཉམས་རྨི་ལམ་ཉིད་དུ་སྟེ། །རབ་འབྲིང་ཐ་མ་འདི་ལྟར་འབྱུང་། །སྐུ་སྟོན་གསུང་སྒྲོགས་རྣམས་འགྱུར་སྟོན། །དེ་ལ་སྤྲུལ་པ་དུ་མའོ། །དེ་དུས་རང་སེམས་རང་བབ་ཀློད། །དགག་བསྒྲུབ་ལ་སོགས་ཡིད་གཉིས་སྤང་། །འདི་ནི་དོན་ཆེན་དམ་པ་སྟེ། །ཕྱི་ནང་གསང་བའི་མཆོད་གཏོར་འབུལ། །རྫས་དང་དམིགས་པ་ལ་སོགས་པའི། །ཐབས་ཀྱི་ཡན་ལག་མང་པོ་ཡང་། །རིག་འཛིན་མཁས་པས་རླུང་སེམས་ལ། །དབང་འབྱོར་ཐོབ་པ་རྣམས་ཀྱིས་བྱ། །དེ་ནས་ཞི་རྒྱས་དབང་དྲག་སོགས། །ལས་དང་ལས་ཀྱི་སྦྱོར་བ་རྣམས། །རང་འདོད་བྲལ་ཞིང་སྐྱོ་དུབ་མེད། །སྙིང་རྗེ་བྱང་ཆུབ་སེམས་ལྡན་པས། །རང་དབང་ཐོབ་ནས་རིམ་གྱིས་བརྩམ། ། ― DNG014_Page_0226 ―
[མ་དཔེ་གཟིགས་ན་འདིར་གནོན།]
དཔའ་ཤུགས་རང་དང་ལྡན་པར་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྩ་བའི་བསྒྲུབ་པ་བསྟན་པའི་ལེའུ་སྟེ་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རིན་ཆེན་ཚེ་ནི་སྲིང་བའི་ཐབས། །ཐོ་རངས་མི་ཚིག་མ་འདྲེས་དུས། །བདག་ཉིད་སྣང་བ་མཐའ་ཡས་སྐུ། །དམར་གསལ་མདངས་ལྡན་མཉམ་གཞག་མཛེས། །ཚེ་བུམ་བཅུད་ལྡན་རྒྱན་གྱིས་སྤྲས། །ལོངས་སྐུའི་ཆ་ལུགས་ལྡན་པས་བསྣམས། །དུས་གསུམ་རྒྱལ་བ་བཀུག་ནས་ནི། །བདག་ཉིད་ཚེ་བུམ་བཅས་ལ་བསྡིམ། །ཨོཾ་བཛྲ་ཛྙཱ་ན་ཨཱ་ཡུ་ཥེ་ཚེ་བྷྲཱུཾ་སྭཱ་ཧཱ། དེ་ལྟར་བརྒྱ་སྟོང་ལ་སོགས་བཟླས། །རིན་ཆེན་ཚེ་ཡི་དངོས་གྲུབ་བླང་། །ཕམ་གདལ་དམིགས་མེད་ངང་ལ་བཞག །ཚེ་འཕེལ་དངོས་གྲུབ་འབྱུང་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཚེ་སྲིང་བའི་ལེའུ་སྟེ་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །བསོད་ནམས་རྒྱས་པར་བྱེད་པའི་ཐབས། །ཟླ་རྒྱས་བཅོ་ལྔའི་དུས་ཀྱི་ཚེ། །བཞི་མཉམ་དར་སེར་དྲི་མེད་ལ། །བདག་ལུས་རིན་ཆེན་གསེར་གྱིས་བྲིས། །ཡང་སྙིང་རྩ་བའི་སྔགས་ཀྱི་མཐར། །པུཎྱ་ཛྙཱ་ན་པུཥྚིཾ་ཀུ་རུ་ཨོཾ་སྭཱ་ཧཱ། ཁྲི་འབུམ་ལ་སོགས་ཅི་འགྲུབ་བཟླས། །སྣ་ཚོགས་དར་དང་རིན་ཆེན་བཅས། །མི་ཡིས་མ་མཐོང་ལུས་ལ་འཆང་། །བསོད་ནམས་མངའ་ཐང་རབ་རྒྱས་ནས། །འགྲོ་བའི་ཁ་ལོ་ཡིད་བཞིན་བསྒྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བསོད་ནམས་རྒྱས་པར་བྱེད་པའི་ཐབས་བསྟན་པའི་ལེའུ་སྟེ་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་ ― DNG014_Page_0227 ―
[མ་དཔེ་གཟིགས་ན་འདིར་གནོན།]
གཏན་ལ་ཕེབ་བྱས་ཏེ། །ལོངས་སྤྱོད་འཕེལ་བར་བྱེད་པའི་ཐབས། །སྐར་མ་རྒྱལ་ལ་བརྡུངས་པ་ཡི། །གསེར་གྱི་བྱང་བུ་མིག་དགུ་པ། །གཡུ་ཡི་ཕྲ་ཅན་དར་དམར་དྲིལ། །མི་ལག་མི་འགྲིམ་ལུས་ལ་འཆང་། །བདེ་གཤེགས་རིགས་ལྔ་ལ་སོགས་པའི། །བླ་མ་ཡི་དམ་མཁའ་འགྲོ་རྣམས། །ཡང་ཡང་བཀུག་ནས་བྱང་བུར་བསྡིམ། །རྩ་སྔགས་བ་སུའི་གཤམ་ཅན་བཟླས། །དཔལ་འབྱོར་ལོངས་སྤྱོད་འཕེལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལོངས་སྤྱོད་འཕེལ་བའི་ཐབས་བསྟན་པའི་ལེའུ་སྟེ་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །འགྲོ་བ་འདུ་བར་བྱེད་པའི་ཐབས། །ཟངས་ཀྱི་བྱང་བུ་སོར་བཞི་ལ། །མཚལ་གྱིས་སྣང་བ་མཐའ་ཡས་སྐུ། །ལོངས་སྤྱོད་རྫོགས་པའི་ཆ་ལུགས་བྲི། །ཞྭ་འམ་ཐོད་ཀྱི་ནང་དུ་གཞུག །སྣང་བ་དབང་སྡུད་སྔགས་བཟླས་པས། །དགའ་མགུ་ལྡན་པས་འགྲོ་བ་འདུ། །བསམ་འདུན་ཆོས་ལ་གནས་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འགྲོ་བ་དབང་དུ་བསྡུ་བའི་ཐབས་བསྟན་པའི་ལེའུ་སྟེ་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དཔལ་དང་གཟི་བརྗིད་རྒྱས་པའི་ཐབས། །ཐབས་ཤེས་བྱང་སེམས་དཀར་དམར་ལ། །རིན་ཆེན་མཚལ་གྱིས་ཁ་ཚར་བཏགས། །སྨན་མཆོག་རྒྱལ་པོ་གསེར་མདོག་ཅན། །སྦྱོར་བ་བསྲེས་པའི་རིལ་བུ་ནི། །རི་དྭགས་བྲ་བའི་རིལ་མ་ཙམ། །བརྒྱ་དང་རྩ་བརྒྱད་བྱས་པ་ལ། །རྩ་སྔགས་འབུམ་གྱིས་ངར་བླུད་པས། །ནང་མ་བརྒྱ་དང་རྩ་བརྒྱད་དུ། །མི་ལག་མ་བརྒྱུད་ལྟོ་སྟོང་གཏང་། །དཀྱིལ་འཁོར་ལྷ་གསལ་དཔའ་ཤུགས་བསྐྱེད། །དཔལ་དང་གཟི་བརྗིད་རྒྱས་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དཔལ་དང་གཟི་བརྗིད་རྒྱས་པའི་ ― DNG014_Page_0228 ―
[མ་དཔེ་གཟིགས་ན་འདིར་གནོན།]
ཐབས་ཀྱི་ལེའུ་སྟེ་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཆོས་ཀྱི་སྙན་གྲགས་ཐོབ་པའི་ཐབས། །རང་ལུས་གསེར་གྱི་མཆོད་རྟེན་བསྒོམ། །ངག་ནི་ཨཱ་ལི་ཀཱ་ལིར་བསྒོམ། །སྐྱེ་མེད་སེམས་ཀྱི་གནས་ལུགས་ནི། །སྨྲ་བསམ་བརྗོད་བྲལ་ངང་ལ་བཞག །ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཁྲི་འབུམ་བར་དུ་ངག་བཅད་བཟླས། །ཆོས་ཀྱི་སྙན་གྲགས་འཐོབ་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཆོས་ཀྱི་སྙན་གྲགས་ཐོབ་པའི་ཐབས་ཀྱི་ལེའུ་སྟེ་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །འགྲོ་བ་བྱམས་པར་བྱེད་པའི་ཐབས། །ཉེ་རིང་མེད་པའི་སེམས་ཅན་ལ། །བྱམས་དང་སྙིང་རྗེ་ལ་སོགས་པ། །ཚད་མེད་བཞི་བསྒོམ་སྐྱབས་འོག་གཞུག །རང་ཉིད་མཚོ་སྐྱེས་རྡོ་རྗེར་བསྒོམ། །སྙིང་པོ་སྔགས་ཀྱི་འཛབ་དབྱངས་བཟླས། །རང་སེམས་གཡོ་མེད་རི་རྒྱལ་ལྟར། །གཡོ་འགུལ་མེད་པའི་ངང་ལ་གཞག །འདོད་ཞེན་ལ་སོགས་དངོས་འཛིན་སྤང་། །འབྱོར་ཚོགས་ལོངས་སྤྱོད་ཚོགས་སུ་གཏད། །རློམ་སེམས་ཞེ་འདོད་རེ་དོགས་དོར། །འགྲོ་བ་ཐ་དག་བྱམས་ཤིང་འདུ། །ཡིད་འོང་བཀུར་སྡི་བྱེད་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འགྲོ་བ་ཐམས་ཅད་ཀྱི་བྱམས་པར་བྱེད་པའི་ཐབས་ཀྱི་ལེའུ་སྟེ་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མཐུ་རྩལ་ཆེ་བར་བྱེད་པའི་ཐབས། །རང་ཉིད་སྟོབས་ཀྱི་རྒྱལ་པོར་བསྒོམ། །རྩ་སྔགས་མ་ཧཱ་པ་ལའི་གཤམ། །མང་དུ་བཟླས་ཤིང་ལུས་རྩལ་ ― DNG014_Page_0229 ―
[མ་དཔེ་གཟིགས་ན་འདིར་གནོན།]
སྦྱང་། །གླང་ཆེན་རྐང་དམར་ལུས་ལ་བྱུགས། །རྟག་ཏུ་མེ་དང་ཉི་མ་སྤང་། །ལུས་ལ་གཅན་གཟན་ཤུན་ལྤགས་གོན། །ལུས་སྟོབས་རབ་ཏུ་རྒྱས་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྟོབས་དང་མཐུ་རྩལ་ཆེར་འཕེལ་བར་བྱེད་པའི་ཐབས་བསྟན་པའི་ལེའུ་སྟེ་བཅུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ནད་གདོན་སྡིག་སྒྲིབ་ལ་སོགས་པ། །མི་མཐུན་ཕྱོགས་རྣམས་ཞི་བའི་ཐབས། །ཞི་བའི་སྦྱིན་སྲེག་བརྩམ་པར་བྱ། །གླང་མ་བལ་དཀར་ལ་སོགས་པ། །ཞི་བའི་ཤིང་རྣམས་ཟླུམ་པོར་བརྩིག །བདག་ཉིད་ལྷ་ཡི་ང་རྒྱལ་གྱིས། །མེ་སྦར་ཐབ་ཏུ་མེ་ལྷ་དང་། །མོས་པའི་ལྷ་བསྐྱེད་དཀར་པོར་གསལ། །ཏིལ་སོགས་འབྲུ་སྣ་མང་པོ་དང་། །དཀར་གསུམ་དག་གི་བསྲེག་རྫས་དབུལ། །རྩ་སྔགས་ཞི་བའི་ཤམ་བུ་ཅན། །མང་དུ་བཟླས་ལ་ཅི་འདོད་ཀྱི། །ཞི་བའི་ཕྲིན་ལས་གཞོལ་བར་བྱ། །ཅི་འབྱོར་མཆོད་གཏོར་ལ་སོགས་ཀྱིས། །ལྷ་རྣམས་དགྱེས་ཤིང་ཚིམ་པར་བསྐང་། །མི་མཐུན་ཕྱོགས་རྣམས་ཞི་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཞི་བའི་སྦྱིན་སྲེག་གི་ལེའུ་སྟེ་བཅུ་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཚེ་དཔལ་ལོངས་སྤྱོད་ལ་སོགས་པ། །ཡོན་ཏན་རྒྱས་པར་བྱེད་པའི་ཐབས། །རྒྱས་པའི་སྦྱིན་སྲེག་དག་ལ་འབད། །འབྲས་བུ་ཅན་གྱི་ཤིང་རྣམས་ལ། །དེ་ལ་བསྲེག་ཐབས་གྲུ་བཞི་བརྩིག །རང་ཉིད་རྒྱས་པའི་ལྷ་བསྐྱེད་དེ། །མེ་ཐབ་མེ་ལྷ་སོགས་པ་ཡི། །མོས་པའི་ལྷ་རྣམས་སེར་པོར་བསྐྱེད། །གསེར་སོགས་རིན་ཆེན་ལ་སོགས་པ། །ལོངས་སྤྱོད་འབྱོར་པའི་རྫས་རྣམས་དབུལ། །རྩ་སྔགས་རྒྱས་པའི་ཤམ་བུ་ཅན། །མང་བཟླས་འདོད་དོན་གསོལ་བ་གདབ། །རྒྱས་པའི་ཕྲིན་ལས་གཞོལ་བར་བྱ། །གཞན་ཡང་མཆོད་བསྟོད་གང་འགྲུབ་ཀྱི། ། ― DNG014_Page_0230 ―
[མ་དཔེ་གཟིགས་ན་འདིར་གནོན།]
ལས་ལ་འབད་དེ་ཐུགས་དམ་བསྐང་། །དེས་ནི་རྒྱས་པའི་ལས་རྣམས་འགྲུབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྒྱས་པའི་སྦྱིན་སྲེག་གི་ལེའུ་སྟེ་བཅུ་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ལྷ་འདྲེ་མི་གསུམ་ལ་སོགས་པ། །སྣང་སྲིད་དབང་དུ་སྡུད་པའི་ཐབས། །འདི་ལྟར་དབང་གི་སྦྱིན་སྲེག་བྱ། །ཙནྡན་མཛོ་མོ་ཤིང་སོགས་ཀྱིས། །དབང་དལ་ཟླ་གམ་དག་ཏུ་བརྩིག །རང་ཉིད་དབང་གི་ང་རྒྱལ་གྱིས། །ཐབ་ཏུ་ལྷ་རྣམས་དམར་པོར་བསྐྱེད། །མེ་ཏོག་དམར་པོ་སྣ་ཚོགས་དང་། །མངར་གསུམ་ལ་སོགས་བཟའ་བཏུང་དབུལ། །རྩ་སྔགས་དབང་གི་ཤམ་བུ་ཅན། །ཅི་འགྲུབ་བཟླས་ཤིང་འགུགས་པ་ཡི། །གང་འདོད་དམིགས་པ་དྲག་ཏུ་གཟིར། །དབང་དུ་སྡུད་པའི་ཕྲིན་ལས་གཞོལ། །དབང་རྫས་དབང་གི་མཆོད་སོགས་རྣམས། །གང་འོས་དབུལ་བའི་ལས་རྣམས་བྱ། །གང་དམིགས་དབང་དུ་འདུ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དབང་གི་སྦྱིན་སྲེག་གི་ལེའུ་སྟེ་བཅུ་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གནོད་བྱེད་དགྲ་བགེགས་བསྒྲལ་བའི་ལས། །དྲག་པོའི་ལས་ཀྱི་སྦྱིན་སྲེག་ནི། །བརྣག་ཅིང་གཏུམ་པའི་འདུན་པས་བྱ། །གང་ལ་དམིགས་པའི་རཱུ་པ་བྲི། །སྟེང་དུ་སེང་ལྡེང་ལ་སོགས་པའི། །དྲག་པོའི་ཤིང་གིས་གྲུ་གསུམ་བརྩིག །མེ་སྤར་ཁྲོ་བོའི་ང་རྒྱལ་གྱིས། །ཐབ་ཏུ་དྲག་པོའི་ལྷ་རྣམས་ཀུན། །ལྗང་གུ་ལ་སོགས་མཐིང་ནག་བསྐྱེད། །དམིགས་བྱའི་རཱུ་པ་ཟག་རྫས་དང་། །དུག་ཁྲག་ཤ་ཆང་ལ་སོགས་དབུལ། །རྩ་སྔགས་དྲག་པོའི་ཤམ་ཅན་བཟླས། །བསྒྲལ་ཞིང་གཟིར་བའི་ལས་རྣམས་བྱ། །བསད་ཅིང་བརླག་པའི་ཕྲིན་ལས་གཞོལ། །དམིགས་བྱ་གང་ཡིན་ཐུལ་བར་འགྱུར། །གང་ཡང་ལས་ཀྱི་ཁ་སྐོང་རྣམས། །རིག་རྩལ་ ― DNG014_Page_0231 ―
[མ་དཔེ་གཟིགས་ན་འདིར་གནོན།]
ལྡན་པས་འོས་པར་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དྲག་པོའི་སྦྱིན་སྲེག་གི་ལེའུ་སྟེ་བཅུ་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སྦྱིན་སྲེག་རྣམས་ཀྱི་བྱ་བ་ལ། །ཞི་བ་ལ་ནི་བྱང་སེམས་ཀྱིས། །མི་མཐུན་པའི་ཕྱོགས་ངན་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ཞེས་པས་ཞི་བར་བྱེད་པའི་སྔགས། །རྫས་དང་བཅས་པས་བརྒྱ་རྩ་བཟླས། །རྒྱས་པ་ལ་ནི་གཟེངས་བསྟོད་དེ། །ཚེ་དཔལ་ལོངས་སྤྱོད་བསམ་འདུན་ཐམས་ཅད་པུཥྚིཾ་ཀུ་རུ་སྭཱ་ཧཱ། ཞེས་པ་རྒྱས་པར་བྱེད་པའི་སྔགས། །རྫས་བཅས་བརྒྱ་རྩ་འབུལ་དང་བཅས། །དབང་ལ་ཆགས་པའི་འདུན་པ་དང་། །འགུགས་པའི་དམིགས་པས་གཟིར་ནས་ཀྱང་། །སྣང་སྲིད་ལྷ་འདྲེ་མི་གསུམ་ཟས་ནོར་ལོངས་སྤྱོད་ཐམས་ཅད་བ་ཤཾ་ཀུ་རུ་ཧྲིང་ཧྲིང་སྭཱ་ཧཱ། ཞེས་པས་བརྒྱ་རྩ་བཟླས་ནས་ཀྱང་། །རེ་རེ་བཞིན་དུ་བསྲེག་རྫས་འབུལ། །དྲག་པོ་ལ་ནི་ང་རྒྱལ་བསྐྱེད། །དྲག་ཅིང་རྩུབ་པའི་ཤུགས་ལྡན་པའི། །གནོད་བྱེད་དགྲ་བགེགས་ཐམས་ཅད་མཱ་ར་ཡ་ཕཊ། ཅེས་པས་གང་དམིགས་མིང་ནས་བརྗོད། །ཐལ་མོ་བརྡབ་དང་དམོད་བཅོལ་བྱ། །དམིགས་པ་དྲག་ཏུ་གཟིར་བ་ཡིས། །གང་དང་གང་གི་ལས་རྣམས་འགྲུབ། །དེ་སོགས་གང་ལ་གང་རིགས་ཀྱི། །བྱ་བ་རིག་འཛིན་སྤྲུལ་པས་བརྩམ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལས་བཞིའི་སྦྱིན་སྲེག་གི་ཁ་སྐོང་གི་ལེའུ་སྟེ་བཅོ་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རང་གཞན་བསྲུང་བར་བྱེད་པ་ལ། །རང་ཉིད་འོས་པའི་ལྷར་གསལ་བའི། །སྤྱི་བོ་ལ་སོགས་གནས་རྣམས་སུ། །ཧཱུཾ་ཀར་རྣམ་རྒྱལ་དབྱུག་སྔོན་ཅན། །གཤིན་རྗེ་མི་གཡོ་རྟ་མགྲིན་དབང་། །འདོད་རྒྱལ་བདུད་རྩི་ཁམས་གསུམ་རྒྱལ། །སྟོབས་པོ་ཆེ་སྟེ་ཁྲོ་བོ་བཅུ། །རབ་ཏུ་ཁྲོས་པའི་ཆས་ ― DNG014_Page_0232 ―
[མ་དཔེ་གཟིགས་ན་འདིར་གནོན།]
ལྡན་བསྐྱེད། །གཞན་སྲུང་གང་ཡིན་སྙིང་གར་བཀོད། །རྒྱས་གདབ་ཧཱུཾ་བཅུ་ངར་དང་ལྡན། །རྩ་སྔགས་ཤམ་བུར་བཟླས་པར་བྱ། །སྐབས་སུ་རང་སྲོག་སྙིང་པོའི་མཐར། །མ་མ་རཀྵ་གདགས་པར་བྱ། །རྡོ་རྗེ་མེ་རི་པད་མ་དང་། །སྣ་ཚོགས་ལས་ཀྱི་མཚོན་ཆ་ཡི། །གུར་ཁང་རབ་ཏུ་བསྐོར་བར་བྱ། །གནོད་བྱེད་གང་གིས་མི་ཚུགས་བསྲུང་། །སྲ་བརྟན་རྡོ་རྗེ་ཕ་ལམ་མོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲུང་བའི་ལེའུ་སྟེ་བཅུ་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཕ་རོལ་མི་དང་མི་མིན་གྱི། །བྱད་ཟོར་རིགས་སྔགས་བཟློག་པའི་ཐབས། །གནམ་ལྕགས་འབར་བ་ལས་གྲུབ་པའི། །འཁོར་ལོ་རྩིབས་སྟོང་འབར་བའི་དབུས། །བདག་ཉིད་དབང་ཆེན་འབར་བར་བསྐྱེད། །ཡོངས་དྲིལ་རྩ་བའི་སྔགས་ཀྱི་མཐར། །གནོད་བྱེད་བྱད་མ་སརྦ་མཱ་ར་ཡ་བཟློག་བྱེར། ཡེ་ཀེ་ཙིཏྟ་མཱ་ར་ཡ་བྷྱོ་བྷྱོ། རྦད་རྦད་བྱད་མ་རང་གཤེད་རང་ལ་ཕོབ། བྱད་མ་རང་བྱད་རང་ལ་བཟློག །ནྲྀ་མཱ་ར་ཡ་བྱད་མ་ཛ་ཛ། ཞེས་པ་དྲག་ལ་མྱུར་བཟླས་པས། །གནམ་ལྕགས་འཁོར་ལོ་གཡོན་ཕྱོགས་སུ། །དྲག་ཏུ་འཁོར་བས་བྱད་མ་རྣམས། །ལྷ་སྲུང་བཅས་པ་ཕྱེ་མར་གཏོར། །རྡུལ་ཕྲན་ཙམ་ཡང་མེད་པར་བསམ། །དགོངས་ཀྱི་ཉི་མ་ཟེར་དང་སྤྲད། །དེས་ནི་བྱད་ཟོར་རིག་སྔགས་བཟློག །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བཟློག་པའི་ལེའུ་སྟེ་བཅུ་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སྡང་བའི་དགྲ་དང་གནོད་པའི་བགེགས། །མྱུར་དུ་གསད་པར་བྱེད་པའི་ལས། །བརྟུལ་ཞུགས་ལྡན་པས་བརྩམ་པར་བྱ། །རོ་རས་དུག་ཤོག་ལ་སོགས་ལ། །དམིགས་བྱའི་རཱུ་པ་དུག་ཁྲག་གིས། །སྐྱེ་མཆེད་དོད་པར་བྲིས་པ་ལ། །ནྲྀ་ལས་གང་དམིགས་ ― DNG014_Page_0233 ―
[མ་དཔེ་གཟིགས་ན་འདིར་གནོན།]
དགྲ་བོ་བསྐྱེད། །ཏྲི་ལས་གང་དམིགས་འདྲེ་བསྐྱེད་ཅིང་། །དམིགས་པས་གནོད་བྱེད་བཀུག་ལ་བསྡིམ། །དུག་ཁྲག་ལྕགས་ཕྱེ་ཏིལ་ནག་གི། །ཐུན་གྱིས་བྲབ་ཅིང་དྲག་སྔགས་བརྗོད། །རང་ཉིད་དབང་ཆེན་འབར་བར་བསྐྱེད། །ཨོཾ་ཧ་ཡ་གྷྲཱི་ཝ་ཧཱུཾ་ཕཊ། དགྲ་བགེགས་གནོད་བྱེད་མཱ་ར་ཡ། སྲོག་དུང་ཚལ་པ་རྦད། ནྲྀ་ཏྲི་ཙིཏྟ་མཱ་ར་ཡ་མྱོག་རྦད་ཛ་ཛ། སྲོག་ལ་ཨ་མུ་ཀ་ཧུར་ཐུམ་མཱ་ར་ཡ་རྦད་ཕཊ་ཛ། ཞེས་པ་དྲག་མྱུར་བཟླས་པ་ཡིས། །དབང་ཆེན་འབར་བའི་ཐུགས་ཀ་ནས། །སྤྲུལ་པ་དཔག་མེད་འཕྲོས་པ་ཡིས། །མཚོན་ཐོགས་དགྲ་གཏུབ་བརླག་པར་བསམ། །ཐུལ་རྟགས་ལས་གྲུབ་ལིང་རོ་བསྲེག །དགྲ་བགེགས་གང་ལ་བྱ་བ་ཐུལ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གསོད་པའི་ལས་ཀྱི་ལེའུ་སྟེ་བཅོ་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གནོད་བྱེད་དགྲ་བགེགས་གནན་པའི་ཐབས། །མཛེ་ཕོ་རབས་ཆད་ཐོད་པ་རུ། །དམིགས་བྱའི་གཟུགས་བྲི་མིང་བཅས་གཞུག །རྣམ་པར་ཤེས་པ་བཀུག་ལ་བསྡིམ། །ལྕགས་སྒྲོག་འབར་བས་བྱད་དུ་གཞུག །དྲག་པོའི་རྫས་ཀྱི་ཐུན་བརྡེག་ཅིང་། །གནོད་བྱེད་ཆེ་གེ་མོ་ཀཱ་ཡ་ཝཱ་ཀ་ཙིཏྟ་མཱ་ར་ཡ། སྟྭཾ་བྷ་ཡ། ནཱ་ཤ་ཡ། བྷན་དྷ་ཡ། ནན་ནན། ཨོཾ་ལཾ་ཧཱུཾ་ལཾ་མཱ་ར་ཡ་ཕཊ། ཅེས་པས་དྲག་ཏུ་བཟླས་ནས་ཀྱང་། །རོ་རས་ནག་པོས་དྲིལ་བར་བྱ། །ཚོན་སྐུད་སྣ་ལྔས་བྱད་དུ་གཞུག །མཆོད་རྟེན་རྙིང་པའི་རྨང་དུ་མནན། །གཡོ་བ་མེད་པར་ནོན་པར་འགྱུར། །དུས་གཟའ་དྲག་པོའི་ཐེབས་དང་སྤྲད། །བསྐལ་པའི་བར་དུ་ལྡང་མི་སྲིད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མནན་པའི་ལེའུ་སྟེ་བཅུ་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གནོད་བྱེད་སྐྲོད་པར་བྱེད་པའི་ཐབས། །རང་ཉིད་དབང་ཆེན་ ― DNG014_Page_0234 ―
[མ་དཔེ་གཟིགས་ན་འདིར་གནོན།]
འབར་བ་ཡིས། །ང་རྒྱལ་ལྡན་པའི་མདུན་ཉིད་དུ། །ཡཾ་ལས་རླུང་གི་དཀྱིལ་འཁོར་སྟེང་། །དམིགས་བྱ་གང་ཡིན་སྤྱི་གཟིར་བསྐྱེད། །དེ་ལ་རྣམ་ཤེས་བཀུག་ལ་བསྡིམ། །གནོད་བྱེད་ཆེ་གེ་མོ་ཡ་མེ་སྨུག་ག་ཏ་ཡཾ་ཡཾ་ཡཾ་ཕཊ་བྷྱོ་ཕཊ་བྷྱོ། ཞེས་པ་དྲག་ཏུ་བཟླས་པ་ཡིས། །རླུང་གི་དཀྱིལ་འཁོར་རབ་གཡོས་པས། །དམིགས་བྱ་རང་དབང་མེད་པར་བསྐྱོད། །འཇིག་རྟེན་གཞན་དུ་བྱེར་བར་དམིགས། །དེ་ལྟར་ལས་སྦྱོར་ལན་གསུམ་གྱིས། །གང་ལ་བྱས་པ་ཡུལ་གཞན་དུ། །དབང་མེད་ལས་ཀྱིས་བསྐྱོད་པར་བྱེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བསྐྲད་པའི་ལས་ཀྱི་ལེའུ་སྟེ་ཉི་ཤུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གང་ཞིག་དབང་དུ་བྱེད་པའི་ལས། །སྐྱེ་འགྲོ་ཕོ་རྣམས་འགུགས་པའི་ཐབས། །བདག་ཉིད་ལྷ་ཡི་ང་རྒྱལ་གྱིས། །དམིགས་བྱའི་གཟུགས་བྱས་མིང་རུས་བཅས། །རང་གི་མལ་འོག་དོང་དུ་གཞུག །ཟངས་ཕྱེ་རྨ་བྱའི་ཁྲག་གིས་བྲབ། །རྣམ་པར་ཤེས་པ་དགུག་བསྡིམ་ཞིང་། །ཆེ་གེ་མོ་ནྲྀ་ཨཾ་ཀུ་ཤ་ཝ་ཤྱཾ་ཧྲིང་ཧྲིང་། ཞེས་པ་རྩ་སྔགས་ཤམ་བུར་གདགས། །ཞག་གསུམ་དྲོས་བཞིར་ལིངྒ་བཏོན། །སིནྡྟུ་ར་དང་རྒྱ་སྐྱེགས་དང་། །མྱོས་བྱེད་རང་གི་དྲི་ཆུའི་ནང་། །སྦངས་པའི་ཁུ་བ་གང་དམིགས་ཀྱི། །ལུས་ལ་གཏོར་རམ་ཁོང་དུ་བཏང་། །གང་ཐེབ་སྐྱེས་པ་དབང་དུ་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྐྱེས་པ་འགུགས་པའི་ལེའུ་སྟེ་ཉེར་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སྐྱེ་འགྲོ་མོ་རྣམས་འགུགས་པའི་ཐབས། །བདག་ཉིད་དབང་ཆེན་འབར་བར་བསྐྱེད། །མདུན་དུ་དམིགས་བྱའི་རཱུ་པ་ནི། །བག་ཟན་དག་ལ་བཟོས་པའི་ནང་། །གང་དམིགས་མིང་རུས་བྲིས་ལ་གཞུག །ཟངས་ ― DNG014_Page_0235 ―
[མ་དཔེ་གཟིགས་ན་འདིར་གནོན།]
གཞོང་ནང་གཞུག་དགུག་བསྡིམ་བྱ། །ཆེ་གེ་མོ་ནྲྀ་ཨཾ་ཀུ་ཤ་སརྦ་ཧྲིང་ཧྲིང་། དུང་དུང་བུད་མེད་ཀྱི་ཡིད་ཀྱི་རྣམ་པར་ཤེས་པ་ཝ་ཤྱཾ་ཀུ་རུ་ཧཱུཾ། ཞེས་པ་ཞག་གསུམ་བཟླས་པའི་ཚེ། །དྷ་དུ་ར་དང་ཡུངས་ཀར་དང་། །གོང་མོའི་ཁྲག་གིས་ཐུན་བྲབ་ཅིང་། །རུས་པ་རང་གི་དྲི་ཆུས་སྦངས། །ཞིག་ནས་དམིགས་བྱའི་འགྲིམ་ལས་གནན། །རང་དབང་མེད་པར་ཁུག་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བུད་མེད་འགུགས་པའི་ལེའུ་སྟེ་ཉེར་གཉིས་པའོ།། །།དད་བརྩོན་ལྡན་པའི་རྣམ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གང་ཞིག་འབྱུང་པོ་འགུགས་པའི་ཐབས། །དུག་ཤོག་དག་ལ་གང་དམིགས་ཀྱི། །འབྱུང་པོའི་གཟུགས་བྲིས་བྱད་དུ་གཞུག །ཕོ་ནི་གཅན་གཟན་ཐོད་པར་གཞུག །མོ་ནི་རཱུ་རུས་པ་ཡང་པའི་ནང་དུ་གཞུག །བདག་ཉིད་ཁྲོ་བོའི་ང་རྒྱལ་གྱིས། །དམིགས་བྱ་དགུག་བསྡིམ་ཡང་ཡང་བྱ། །གནོད་བྱེད་ཆེ་གེ་མོ་ཏྲི་ཨཾ་ཀུ་ཤ་ཛཿ། ཛཿཧཱུཾ་བཾ་ཧོཿ། དེ་ལྟར་རྩ་སྔགས་ཤམ་བུ་ཅན། །བཟླས་ཤིང་དུག་ཁྲག་ཐུན་གྱིས་བྲབ། །འབྱུང་པོ་ཡི་དྭགས་ཕྲ་མོ་རྣམས། །རང་དབང་མེད་པར་ཁུགས་ནས་ནི། །ཅི་བཅོལ་ལས་བྱེད་ཐུལ་བར་འགྱུར། །ལིང་ག་ལྷ་རྟེན་འོག་ཏུ་སྦ། །ལས་གྲུབ་རང་གནས་བསྐྱོད་པ་ཡིས། །གནོད་ན་དྲག་པོའི་ལས་ལ་སྦྱོར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འབྱུང་པོ་འགུགས་པའི་ལེའུ་སྟེ་ཉེར་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ནོར་རྣམས་འགུགས་པར་བྱེད་པའི་ཐབས། །རང་ཉིད་ལྷ་ཡི་ང་རྒྱལ་གྱིས། །ཟངས་སོགས་རིན་ཆེན་ཟ་མ་ཏོག །ནང་དུ་འབྲུ་སྣ་རིན་ཆེན་དང་། །སྨན་སྣ་དར་ཟབ་ལ་སོགས་པ། །ལོངས་སྤྱོད་རྫས་དང་ནོར་གྱི་མིང་། །རྩ་སྔགས་གཤམ་ཅན་མཚལ་གྱིས་བྲི། །སྣ་ཚོགས་གཞུག་ཅིང་མདུན་དུ་བཞག །འཇིག་རྟེན་ཁམས་ཀྱི་གནོད་ ― DNG014_Page_0236 ―
[མ་དཔེ་གཟིགས་ན་འདིར་གནོན།]
སྦྱིན་དང་། །ནོར་བདག་མང་པོ་བཀུག་ལ་བསྡིམ། །རྩ་བའི་སྔགས་ཤམ་འདི་དག་བཏབ། །སརྦ་བྷ་སུ་སིདྡྷི་བ་ཤཾ་ཀུ་རུ་མ་མ་ཧྲིང་ཧྲིང་། ཞེས་པ་ཞག་གསུམ་བཟླས་པ་ཡིས། །འཇིག་རྟེན་ཁམས་ཀྱི་ཟས་ནོར་རྣམས། །ནོར་བདག་རྣམས་ཀྱིས་བཀུག་ནས་ཀྱང་། །བདག་ལ་འབུལ་ཞིང་དངོས་གྲུབ་འཕེལ། །ཟ་མ་ཏོག་ནི་རྒྱུན་དུ་འཆངས། །ལས་ཀྱི་འབྲས་བུ་མཆིས་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ནོར་འགུགས་པའི་ལེའུ་སྟེ་ཉེར་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །བཟའ་བཏུང་འགུགས་པར་བྱེད་པའི་ཐབས། །བདག་ཉིད་ལྷ་ཡི་ང་རྒྱལ་གྱིས། །མཚན་ལྡན་བྷནྡྷའི་སྣོད་ནང་དུ། །ཆང་དང་ཨ་མྲྀ་ཏ་སྦྱར་བའི། །ནང་དུ་ཌཱཀྐི་སྡེ་ལྔ་བསྐྱེད། །སྤྲོ་བསྡུའི་དམིགས་པས་བཟའ་བཏུང་བཀུག །ཌཱཀྐི་མཆོད་ཅིང་དངོས་གྲུབ་བླང་། །ཞག་གསུམ་བར་དུ་སྔགས་འདི་བཟླས། །རྩ་བའི་སྔགས་དང་བཅས་པ་ཡི། །སརྦ་པི་པ་ཏི་སིདྡྷི་སིདྡྷི་མ་ཧཱ་སིདྡྷི་དུང་དུང་སྭཱ་ཧཱ། ལྷ་དང་ལྷ་མོ་ཚོགས་ཀྱིས་མཆོད། །ཌཱཀྐི་བདུད་རྩི་དེ་ལ་བསྡིམ། །དངོས་གྲུབ་ཆེན་པོའི་རྫས་སུ་དམིགས། །བདུད་རྩི་རང་ཉིད་རྫོགས་པར་བཏུང་། །དེས་ནི་བཟའ་བཏུང་འདུ་བར་འགྱུར། །གང་བྱུང་ལོངས་སྤྱོད་ཚོགས་སུ་འགྱེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བཟའ་བཏུང་འགུགས་པའི་ལེའུ་སྟེ་ཉེར་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གོས་རྣམས་འགྲུབ་པར་བྱེད་པའི་ཐབས། །རང་ཉིད་མོས་པའི་ལྷར་གསལ་ཞིང་། །དཀར་སེར་དམར་ལྗང་དར་གྱི་རིགས། །སྣ་ཚོགས་རས་སྣམ་ལ་སོགས་ཀྱི། །ཅོད་པན་ངོས་ལ་ཡི་གེ་བྷྲཱུཾ། །རིན་ཆེན་གསེར་རམ་མཚལ་གྱིས་བྲི། །རྒོད་སྒྲོ་ཅན་གྱི་མདའ་ལ་བཏགས། །ལས་བྱེད་དཀྱིལ་འཁོར་ ― DNG014_Page_0237 ―
[མ་དཔེ་གཟིགས་ན་འདིར་གནོན།]
མཐའ་མར་གཟུག །བླ་མ་ཡི་དམ་མཁའ་འགྲོ་མཆོད། །རྩ་སྔགས་བཟླས་ཤིང་དངོས་གྲུབ་ཞུ། །དེ་དག་མཛོད་ཀྱི་ཡང་ཕུག་སྦ། །རྒྱུན་དུ་འདོད་གསོལ་སྨོན་ལམ་གདབ། །དར་ཟབ་སྣམ་རས་ལ་སོགས་པ། །གོས་རྣམས་ཤུགས་ཀྱིས་འདུ་བར་འགྱུར། །རང་འདོད་འཁྲི་བཅད་ཞེན་པ་བསྐྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གོས་འགུགས་པའི་ལེའུ་སྟེ་ཉེར་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གཞན་ཡང་གང་དང་གང་དག་གི། །འདོད་ཡོན་དམིགས་བྱ་འགུགས་པའི་ཐབས། །བདག་ཉིད་ལྷ་ཡི་ངར་ལྡན་པས། །གང་འདོད་རྫས་ཀྱི་གཟུགས་དང་ནི། །མིང་དང་བཅས་པ་གསེར་གྱིས་བྲི། །དར་དམར་ཁུང་དུ་དྲིལ་བྱས་ཏེ། །འདོད་པའི་ལྷ་མོ་དེ་ལ་བསྡིམ། །རྩ་སྔགས་ཧ་རི་ནི་སའི་མཐར། །ཆེ་གེ་མོ་ཝ་ཤཾ་ཀུ་རུ་ཧྲིང་སྭཱ་ཧཱ། མང་བཟླས་མཆན་ཁུང་གཡོན་དུ་བཅངས། །མིང་བྱང་ཙནྡན་དམར་པོ་ཡི། །བྱང་བུ་དག་ལ་བྲི་བ་སྟེ། །དབང་སྡུད་སྤེལ་ཚིག་དག་ཀྱང་བཀོད། །བྱང་བུའི་ཚད་ནི་སོར་བཞིའོ། །དེས་ནི་གང་དམིགས་དངོས་སུ་འདུ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྫས་འགུགས་པའི་ལེའུ་སྟེ་ཉེར་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཡིད་འོང་བུ་མོ་འགུགས་པའི་ཐབས། །བདག་ཉིད་དབང་ཆེན་ང་རྒྱལ་གྱིས། །དྲི་མེད་དར་དམར་མཐོ་སྐོར་ལ། །ཁྱེའུའི་བྱང་སེམས་དཀར་པོ་དང་། །རྒྱ་མཚལ་དང་ནི་དྷ་དུ་རས། །གང་དགུག་གཟུགས་དང་མིང་བྱང་བྲི། །ནྲྀ་དང་བཅས་པའི་ལས་སྔགས་བརྗོད། །ཧ་ལོ་ཁུག་ཆོས་གླང་པོའི་སྣ། །མེ་ཏོག་གསུམ་གྱི་ཁུ་བས་བྱུག །རྩ་བའི་སྔགས་ཀྱི་མཐའ་བསྒྱུར་དུ། །ཆེ་གེ་མོ་ནིག་ནལ་ནིག་ནལ་པྲ་མོ་ཐུན་པྲ་མོ་ཐུན། ཧྃ་ཤང་བྲམ་ཁུག་དུང་ནྲྀ་སྭཱ་ཧཱ། ཞེས་པ་ཞག་གཅིག་བཟླས་ནས་ནི། །དབང་ཤེས་གོས་ཀྱི་ ― DNG014_Page_0238 ―
[མ་དཔེ་གཟིགས་ན་འདིར་གནོན།]
སྦྱར་བ་ཡིས། །གང་འདོད་ཡིད་འོང་བུ་མོ་འདུ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བུ་མོ་འགུགས་པའི་ལེའུ་སྟེ་ཉེར་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཟས་ནོར་ལོངས་སྤྱོད་སྲིས་སྨེའི་ཐབས། །ཕྱུག་པོའི་རང་ཐག་ལྟེ་ཕྱེ་དང་། །བཙད་པོའི་རུས་ཕྱེ་སྐམ་པོ་དག །བསྲེ་བའི་ཚ་ཚ་བཞེངས་པ་གཉིས། །དར་སྣས་གྲིལ་ལ་མ་སྒྱེད་འོག །རྫ་ཡི་ག་འུར་བཅུག་ལ་སྦ། །རྟེན་འདྲེལ་དེ་ཡི་སྦྱོར་བ་ལ། །བརྟེན་ནས་སྲིས་སྨེ་འཕེལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིས་འཕེལ་བར་བྱེད་པའི་ལེའུ་སྟེ་ཉེར་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ལྷ་རྣམས་ཀུན་གྱིས་བཀུར་བའི་ཐབས། །ཟངས་སོགས་རིན་ཆེན་བྱང་བུ་ལ། །ལྷ་རྣམས་ཀུན་གྱི་གཟུགས་བྲིས་ཏེ། །དངོས་བསྐྱེད་སྤྱན་འདྲེན་བཀུག་བསྡིམ་བྱ། །རྩ་སྔགས་བཟླས་ཤིང་དར་སྣས་གྲིལ། །རང་གི་དམིགས་རྟེན་ཞབས་སུ་སྦ། །ཅུང་ཟད་གནད་ལ་དབབ་པར་བྱ། །དེས་ནི་ལྷ་རྣམས་ཀུན་གྱིས་བཀུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལྷ་རྣམས་ཀུན་གྱིས་བཀུར་བར་བྱེད་པའི་ལེའུ་སྟེ་སུམ་ཅུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མི་རྣམས་ཀུན་གྱིས་བཀུར་བའི་ཐབས། །ཏཱ་ལའི་ལོ་མ་ལ་སོགས་པ། །གཙང་མའི་ཤིང་གི་ལོ་མ་ལ། །སྐྱེས་པ་གྲིར་ཤིའི་སྙིང་ཁྲག་གིས། །ཡི་གེ་ནྲྀ་གཅིག་བྲིས་པའི་མཐར། །ཡོངས་འདུས་རྩ་བའི་སྔགས་ཀྱིས་བསྐོར། །གཞན་ཡང་ཡི་དམ་ལྷ་སྔགས་དང་། །མཚལ་གྱི་ཨཱ་ལི་ཀཱ་ལི་བྲི། །དེ་དག་དར་སྣས་གྲིལ་བྱས་ཏེ། །ས་སྣ་ ― DNG014_Page_0239 ―
[མ་དཔེ་གཟིགས་ན་འདིར་གནོན།]
དགུ་ཡི་ཚ་ཚ་དང་། །ལྷན་ཅིག་ལྷ་རྟེན་ཞབས་སུ་སྦ། །རྣལ་འབྱོར་མི་རྣམས་ཡོངས་ཀྱིས་བཀུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མི་ཐམས་ཅད་ཀྱིས་བཀུར་བར་བྱེད་པའི་ཐབས་ཀྱི་ལེའུ་སྟེ་སོ་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མི་མ་ཡིན་གྱིས་བཀུར་བའི་ཐབས། །བདག་ཉིད་ལྷ་ཡི་ང་རྒྱལ་གྱིས། །སྤྲེའུ་དར་མའི་ཐོད་པ་རུ། །ཕ་བོང་ལོང་བུའི་ལོགས་དྲུག་ལ། །མཚལ་གྱིས་ཡི་གེ་ཏྲི་བྲིས་གཞུག །ལྷ་འདྲེ་མང་པོའི་མིང་བྱང་ཡང་། །གསེར་དང་མཚལ་གྱིས་བྲིས་པ་རྣམས། །ཟ་འོག་ཁུག་མའི་ནང་དུ་གཞུག །རྩ་སྔགས་བཟླས་ཤིང་བཀུག་བསྡིམ་བྱ། །རང་ཉིད་གང་དུ་གནས་པ་ཡི། །ཡི་དམ་ལྷ་རྟེན་འོག་ཏུ་སྦ། །རྟག་ཏུ་མི་མ་ཡིན་གྱིས་བཀུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མི་མ་ཡིན་ཐམས་ཅད་ཀྱིས་བཀུར་བར་བྱེད་པའི་ཐབས་ཀྱི་ལེའུ་སྟེ་སོ་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །བློ་དང་ཤེས་རབ་འཕེལ་བའི་ཐབས། །ག་བུར་ཙནྡན་དཀར་པོ་དང་། །སྨན་མཆོག་རྒྱལ་པོ་ཨ་རུ་ར། །གསེར་མདོག་རྨ་མེད་གཅིག་དང་ནི། །ལི་ཤི་ཛཱ་ཏི་ཨ་ག་རུ། །ཅུ་གང་གུར་གུམ་ཀ་ར་སྦྱར། །རིལ་བུ་ཉེར་གཅིག་བྱས་པ་རྣམས། །དྲི་མེད་དར་དཀར་ཁུང་དུ་གྲིལ། །པྲཛྙཱ་བ་ར་དྷ་ཧྲཱྀཿ། མ་ཨ་ནུ་བྷར་ཡིན་ནམ་ནུ་ཏར་ཨཱདྨ་ནཾ། སརྦ་པྲཛྙཱ་སིདྡྷི་སྭཱ་ཧཱ། ཞེས་པ་རྩ་སྔགས་ཤམ་བུ་ཅན། །འབུམ་ཕྲག་བཟླས་པའི་རིལ་བུ་དེ། །རང་ལུས་དྲོད་དང་མ་བྲལ་འཆང་། །བསྒྲུབ་ཚེ་ཤ་ཆང་སྒོག་སོགས་སྤང་། །ཟླ་བ་ཡར་འཕེལ་དུས་དང་སྤྲད། །བློ་དང་ཤེས་རབ་འཕེལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བློ་དང་ཤེས་རབ་འཕེལ་བར་བྱེད་པའི་ལེའུ་སྟེ་སོ་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། ། ― DNG014_Page_0240 ―
[མ་དཔེ་གཟིགས་ན་འདིར་གནོན།]
བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གྲེ་ལྕེ་བདེ་བར་བྱེད་པའི་ཐབས། །བདག་ཉིད་ལྷ་ཡི་ང་རྒྱལ་བལྟ། །ལྕེ་ནི་པད་དཀར་འདབ་བརྒྱད་གསལ། །དེ་སྟེང་ཤེལ་གྱི་རལ་གྲི་གཅིག །སོར་བཞི་འོད་ཟེར་བཅས་པར་བསྒོམ། །ངག་ཏུ་ཧྲཱྀ་བཾ་ཨེ་བརྗོད་པས། །རལ་གྲིའི་འོད་ཀྱིས་ལྕེ་ལ་དཀྲིས། །ལྕེ་ཞུ་རལ་གྲི་པད་དཀར་རྣམས། །དབྱེར་མེད་གཅིག་ཏུ་གྱུར་ནས་ཀྱང་། །དམིགས་བྲལ་ཡེ་ཤེས་ངང་ལ་གཞག །ཉེར་གཅིག་ལས་ཀྱི་སྦྱོར་བ་ཡིས། །གྲེ་ལྕེ་རབ་ཏུ་བདེ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གྲེ་ལྕེ་བདེ་བར་བྱེད་པའི་ཐབས་ཀྱི་ལེའུ་སྟེ་སོ་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མིག་སོགས་དབང་པོ་གསལ་བའི་ཐབས། །རང་ཉིད་ཡི་དམ་གསལ་བ་ཡི། །མིག་ནི་གཡས་དང་གཡོན་པ་ལ། །ཡི་གེ་བྷྲི་ཀྵ་དཀར་དམར་བསྒོམ། །རྣ་བ་གཡས་དང་གཡོན་པ་ལ། །ཡི་གེ་ཥྚི་ཧླཱིཾ་སྔོ་ལྗང་བསྒོམ། །སྣ་བུག་གཡས་དང་གཡོན་གཉིས་ལ། །ཧཾ་བཾ་དམར་དང་སེར་པོར་བསྒོམ། །ཁ་ལ་ཡི་གེ་དྷཱིཿདཀར་བསྒོམ། །མཛོད་སྤུ་ཡི་གེ་ཧཱིཿལྗང་བསྒོམ། །སྙིང་གར་ཡི་གེ་ཧཱུཾ་མཐིང་བསྒོམ། །གསལ་གདབ་རང་རང་གནས་སུ་བསྡིམ། །ཉ་སྟོང་བརྒྱད་གསུམ་དག་ལ་བརྩམ། །ལན་རེ་བརྒྱ་དང་རྩ་བརྒྱད་དམིགས། །དེ་ལྟར་ལས་ཀྱི་སྦྱོར་བ་ཡིས། །དབང་པོ་ཐམས་ཅད་གསལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དབང་པོ་གསལ་བར་བྱེད་པའི་ཐབས་ཀྱི་ལེའུ་སྟེ་སོ་ལྔ་པའོ།། །། དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མངོན་པར་ཤེས་པ་འཆར་བའི་ཐབས། །བདག་ཉིད་མོས་པའི་ལྷར་གསལ་བའི། །ཙིཏྟ་པདྨ་འདབ་བརྒྱད་ཀྱི། །སྙིང་གར་ཨཱ་ལི་ ― DNG014_Page_0241 ―
[མ་དཔེ་གཟིགས་ན་འདིར་གནོན།]
དཀར་པོ་དང་། །ཀཱ་ལིའི་ཕྲེང་བ་དམར་པོ་གསལ། །ཨཱ་ལི་གཡས་ལ་ཀཱ་ལི་གཡོན། །རབ་ཏུ་འཁོར་བའི་འོད་ཟེར་ནི། །དཀར་དམར་དཔག་ཏུ་མེད་འཕྲོས་པས། །བདག་གི་མ་རིག་མུན་བསལ་ཞིང་། །མངོན་ཤེས་ཐོགས་པ་མེད་འཆར་ཞིང་། །དུས་གསུམ་ས་ལེར་ཤེས་པར་དམིགས། །ནངས་པར་སྐྱ་རེངས་ཤར་བ་ནས། །དགོང་མོ་སྐར་མ་ཙག་ཙིག་བར། །རྟག་ཏུ་འབད་དེ་མངོན་ཤེས་འཆར། །ཐུན་པར་ཡེ་ཤེས་སེམས་དཔའ་ཡི། །ལས་སྦྱོར་དམ་པ་མངོན་ཤེས་འགྲུབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མངོན་པར་ཤེས་པ་འཆར་བར་བྱེད་པའི་ལེའུ་སྟེ་སོ་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གཡུལ་ལས་རྒྱལ་བར་བྱེད་པའི་ཐབས། །བདག་ཉིད་ལྷ་ཡི་ང་རྒྱལ་བསྐྱེད། །ཡན་ལག་མཐིལ་བཞིར་རྒྱལ་ཆེན་བཞི། །ཡུལ་འཁོར་སྲུང་དང་འཕགས་སྐྱེས་པོ། །མིག་མི་བཟང་དང་རྣམ་ཐོས་སྲས། །རང་རང་བྲན་དང་བཅས་པ་བསྐྱེད། །སྐྲ་དང་བ་སྤུ་མཚོན་ཆར་གསལ། །གཡུལ་ལས་རྣམ་པར་རྒྱལ་བ་ཡི། །སྦྱོར་བ་དམིགས་པའི་འཕྲོ་འདུ་བྱ། །རྩ་སྔགས་སྟོབས་ཀྱི་དབང་པོས་བརྗོད། །ཁམས་དང་བསྟུན་པའི་རུ་དར་ཕྱར། །རིགས་དང་མཐུན་པའི་བདུད་རྩི་གཏོར། །གཡུལ་ལས་རབ་ཏུ་རྒྱལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གཡུལ་ལས་རྒྱལ་བར་བྱེད་པའི་ལེའུ་སྟེ་སོ་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རྩོད་པ་ལས་ནི་རྒྱལ་བའི་ཐབས། །བདག་ཉིད་རྨ་བྱའི་རྒྱལ་པོར་བསྒོམ། །ཕ་རོལ་ཧ་ལ་འབར་བར་བསྒོམ། །རང་གི་ལྕེ་ནི་ཁབ་ལེན་རྡོ། །ཕ་རོལ་ལྕེ་ནི་ལྕགས་ཕྱེར་བསྒོམ། །མ་ཡེངས་དམིགས་པས་བརྩོན་པར་བྱ། །བདག་ཉིད་རྨ་བྱས་དུག་ཟོས་པས། །བཀྲག་དང་གཟི་མདངས་རབ་ཏུ་རྒྱས། །ཁབ་ལེན་རྡོ་ཡི་ ― DNG014_Page_0242 ―
[མ་དཔེ་གཟིགས་ན་འདིར་གནོན།]
ལྕགས་བླངས་པས། །སྟོབས་དང་ནུས་པ་རབ་ཏུ་རྒྱས། །རྔམ་པའི་ཤུགས་ཀྱིས་གང་རྩོད་པ། །རང་ཉིད་རབ་ཏུ་རྒྱལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྩོད་པ་ལས་རྒྱལ་བར་བྱེད་པའི་ལེའུ་སྟེ་སོ་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཚོང་ལས་རྒྱལ་བར་བྱེད་པའི་ཐབས། །བདག་ཉིད་ཡི་དམ་ལྷར་བསྐྱེད་པའི། །སྤྱི་བོ་ལ་སོགས་གནས་ལྔ་རུ། །ནོར་བུ་དབང་གི་རྒྱལ་པོ་སྟེ། །དཀར་དམར་མཐིང་སེར་ལྗང་བའི་མདོག །འོད་དང་གཟི་བརྗིད་འབར་བར་གསལ། །ཕ་རོལ་རྫས་ཀྱི་དངོས་པོ་རྣམས། །སྣ་ཚོགས་ནོར་བུ་མཆིང་བུ་ལྟར། །སྦུ་བར་བྱེད་པའི་ལས་སྦྱོར་ཚེ། །བདག་གི་ནོར་བུའི་འོད་ཟེར་གྱིས། །ཕ་རོལ་རང་དབང་མེད་པར་བཀུག །རང་རང་ནོར་བུ་ལྔ་ལ་བསྡིམ། །རྔམ་པའི་སྦྱོར་བ་ཤེས་པར་བྱ། །གང་བྱས་ཚོང་ལས་རྒྱལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཚོང་ལས་རྒྱལ་བར་བྱེད་པའི་ལེའུ་སྟེ་སོ་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རྒྱན་ལས་རྒྱལ་བར་བྱེད་པའི་ཐབས། །བདག་ཉིད་ལྷ་ཡི་ང་རྒྱལ་གྱིས། །ལག་པ་གཡས་པས་ཐབས་ཆེན་ལྕགས། །གཡོན་པ་ཤེས་རབ་ཟངས་སུ་གསལ། །ཐབས་དང་ཤེས་རབ་ལས་སྦྱོར་གྱིས། །གང་ཡིན་རྒྱན་གྱི་ཆོ་ལོ་རྩེ། །གསལ་སྟོང་བདག་གཞན་དམིགས་པ་ཡིས། །སྣང་དང་མི་སྣང་ཉི་ཟླ་ཡི། །སྦྱོར་བ་བརྩམས་པས་བདག་ཉིད་རྒྱལ། །བདག་ཉིད་མི་གཡོ་རབ་བརྟན་ཅིང་། །ཕ་རོལ་གཡོ་བའི་སྦྱོར་བས་ཀྱང་། །གང་ཡིན་དེ་ལས་རྒྱལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྒྱན་ལས་རྣམ་པར་རྒྱལ་བར་བྱེད་པའི་ལེའུ་སྟེ་བཞི་བཅུ་པའོ།། །།དད་བརྩོན་ལྡན་ ― DNG014_Page_0243 ―
[མ་དཔེ་གཟིགས་ན་འདིར་གནོན།]
པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སྒྱུ་རྩལ་འགྲན་ལས་རྒྱལ་བའི་ཐབས། །བདག་ཉིད་དཔག་ཆེན་མདའ་གཞུར་དམིགས། །ཕ་རོལ་གཏད་པའི་འབེན་དུ་དམིགས། །ཡེ་ཤེས་ལྷ་ཡི་ལས་སྦྱོར་གྱི། །དམིགས་པ་གནད་ལ་གཟིར་བའི་ཚེ། །གང་དམིགས་དེ་ལ་ཕོག་ནས་ཀྱང་། །ཕྱེ་མ་རྡུལ་དུ་སོང་བར་བསམ། །མ་ཡེངས་དམིགས་པའི་རྩལ་བསྐྱེད་ཅིང་། །ཞུམ་པ་མེད་པར་འགྲན་པ་ཡི། །གང་འདྲེན་དེ་ལས་བདག་ཉིད་རྒྱལ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྒྱུ་རྩལ་ལས་རྒྱལ་བར་བྱེད་པའི་ལེའུ་སྟེ་ཞེ་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དཔུང་ལས་རྒྱལ་བར་བྱེད་པའི་ཐབས། །རང་ཉིད་རི་རབ་ལྷུན་པོར་བསྒོམ། །ཕ་རོལ་རི་ཕྲན་ཕྲ་མོར་གསལ། །རི་རབ་ཆེན་པོའི་མངའ་འོག་ཏུ། །རི་ཕྲན་ལྷག་པའི་དབང་མེད་ཅིང་། །སྟོབས་ཀྱིས་ཟིལ་གྱིས་མནན་དམིགས་ཤིང་། །བདག་ཉིད་དཔའ་ཤུགས་ང་རྒྱལ་བསྐྱེད། །དཔུང་འཇོམས་ལས་ཀྱི་སྦྱོར་བ་བྱ། །དེས་ནི་དཔུང་ལས་རྒྱལ་འགྱུར་ཏེ། །བདག་ཉིད་བཅུ་ཕྲག་དཔུང་གིས་ཀྱང་། །ཕ་རོལ་འབུམ་ཕྲག་དཔུང་ཚོགས་འཇོམས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དཔུང་ལས་རྒྱལ་བར་བྱེད་པའི་ལེའུ་སྟེ་ཞེ་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དོན་འགྲུབ་རྣམ་པར་རྒྱལ་བའི་ཐབས། །བདག་ཉིད་ཡི་དམ་ལྷར་གསལ་བའི། །གཡས་སུ་སེང་གེ་འགྱིང་བ་དང་། །གཡོན་དུ་སྟག་མོ་ངར་བ་དང་། །མདུན་དུ་གླང་ཆེན་སྟོབས་ལྡན་འགྲོ། །རྒྱབ་ཏུ་ཁྲོ་རྒྱལ་དམག་དཔུང་འགྱེད། །ཀླད་ན་མཁའ་ལྡིང་རྒྱལ་པོ་ལྡིང་། །དེ་ལྟར་རབ་ཏུ་གསལ་བསྒོམ་ཞིང་། །ཉམ་ང་མེད་པའི་ ― DNG014_Page_0244 ―
[མ་དཔེ་གཟིགས་ན་འདིར་གནོན།]
ཤུགས་ཀྱིས་འགྲོ། །གང་ཡིན་ལས་དོན་མྱུར་འགྲུབ་བསམ། །དོན་གང་ཐོགས་པ་མེད་པར་འགྲུབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དོན་འགྲུབ་པར་བྱེད་པའི་ལེའུ་སྟེ་ཞེ་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རིག་སྔགས་ཀུན་ལས་རྒྱལ་བའི་ཐབས། །བདག་ཉིད་དམིགས་མེད་མཁའ་ལྟར་བལྟ། །ཕ་རོལ་བདག་ལ་བྱད་བྱེད་པའི། །རིག་སྔགས་སྦྱོར་བ་གང་ཡིན་རྣམས། །མུན་པ་ཤིན་ཏུ་གནག་པར་དམིགས། །རང་གི་བསྒྲུབས་པའི་ལྷ་རྣམས་ནི། །ཉི་མའི་དཀྱིལ་འཁོར་རབ་རྒྱས་ནས། །མཁའ་ལ་ཤར་བའི་འོད་ཟེར་གྱིས། །མུན་པ་ཐམས་ཅད་རབ་བཅོམ་ནས། །ཉི་འོད་སྣང་བ་རྒྱས་དམིགས་དང་། །རྩ་སྔགས་བཟླས་སོགས་ལུས་ངག་ཡིད། །བྱང་ཆུབ་ལམ་གྱི་ཆོས་ལ་འབད། །ཉིན་རེ་ལན་རེའི་སྦྱོར་བ་ཡིས། །རིག་སྔགས་བྱེ་བའི་ཚོགས་ཀྱིས་ཀྱང་། །བདག་ལ་སྡིགས་པར་མི་འགྱུར་རོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རིག་སྔགས་ལས་རྒྱལ་བར་བྱེད་པའི་ཐབས་བསྟན་པའི་ལེའུ་སྟེ་ཞེ་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །བློ་གྲོས་རྣམ་པར་རྒྱལ་བའི་ཐབས། །བདག་ཉིད་ཡི་དམ་ལྷར་གསལ་བའི། །སྙིང་གར་སྨྲ་བའི་སེང་གེ་བསྐྱེད། །མིག་གཡས་ཟླ་བའི་དཀྱིལ་འཁོར་ལ། །གཡོན་པ་ཉི་མའི་དཀྱིལ་འཁོར་བསྐྱེད། །དེ་ལྟར་གསལ་བའི་ངང་ལྡན་པས། །གཡོ་བ་མེད་པའི་ཏིང་འཛིན་གྱིས། །གང་ཡིན་ལས་དང་བྱ་བ་རྣམས། །ཟིལ་གྱིས་མནན་ནས་བརྩམ་པར་བྱ། །གཞན་སྣང་མི་བསྟུན་ཡ་མ་བརླ། །སྣང་སྲིད་བདེན་པར་མེད་པར་བཞག །བློ་གྲོས་རྣམ་པར་འཕེལ་ནས་ཀྱང་། །བསམ་འདུན་གང་སྤྱོད་ཆོས་དང་མཐུན། །བྱང་ཆུབ་ལམ་ལ་ཚུད་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ ― DNG014_Page_0245 ―
[མ་དཔེ་གཟིགས་ན་འདིར་གནོན།]
ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བློ་གྲོས་འཕེལ་བར་བྱེད་པའི་ལེའུ་སྟེ་ཞེ་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །བདག་ཉིད་ཆུས་སྲིད་རྒྱལ་བའི་ཐབས། །ཡི་དམ་ལྷ་དམིགས་སྙིང་ག་རུ། །རྣམ་ཐོས་སེང་གེ་ཞོན་པའི་བུ། །སེང་གེ་ཞོན་པའི་འཇོལ་བེར་ཅན། །ལག་ན་རྒྱལ་མཚན་ནེའུ་ལེ་འཛིན། །སྣ་ཚོགས་རིན་ཆེན་རྒྱན་གྱིས་སྤྲས། །རང་འདྲ་གནོད་སྦྱིན་འབུམ་སྡེས་བསྐོར། །ལས་བྱེད་ཕོ་ཉ་སྐར་ལྟར་འཁྲུགས། །ཀུན་ཀྱང་བདག་གི་ཆུས་སྲིད་སྐྱོངས། །དཔལ་དང་དབང་ཕྱུག་སྤེལ་བསམ་ཞིང་། །རྩ་སྔགས་འཛབ་ཀྱི་འབྲུག་སྒྲ་སྒྲོགས། །སྐབས་སུ་དམིགས་པ་ཡང་ཡང་གསལ། །ཆུས་སྲིད་རིམ་གྱིས་རྒྱས་ནས་ཀྱང་། །གང་བསམ་ཐུན་མོང་ལས་འབྲས་འགྲུབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཆུས་སྲིད་རྒྱལ་བར་བྱེད་པའི་ལེའུ་སྟེ་ཞེ་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མི་ཁ་སྨྲ་མཆུ་བཟློག་པའི་ཐབས། །བདག་ཉིད་ལྷ་ཡི་ང་རྒྱལ་གྱིས། །ས་སྣ་དགུ་ལ་བཟོས་པ་ཡི། །མཆོད་རྟེན་ནག་པོ་ཁྲུ་གང་ལ། །བང་རིམ་དགུ་པའི་ཁོང་གསེང་དུ། །ཙནྡན་བྱང་བུ་མཐོ་གང་ལ། །མི་ཁ་བཟློག་པའི་དམོད་མོ་དང་། །པར་ཤ་ཡ་ད་དྲེད་ཐུན་བྷྱོ། ཤ་ཤ་ར་ལི་ཏེ་པ་ཤུ་ཙི་མི་ཁ་སྨྲ་མཆུ་སརྦ་བྷྱོ་བྷྱོ་བཟློག་བཟློག །ཅེས་པ་བྲིས་པ་གཞུག་པར་བྱ། །གཞན་ཡང་དུག་ཁྲག་བལ་ཚོན་དང་། །སྔོ་ངད་སྒ་གཡེར་ལ་སོགས་པ། །སྣ་ཚོགས་མི་ཁའི་རྫས་ཀྱིས་བཀང་། །དེ་ལ་དར་རས་ནག་པོ་ཡི། །ཅོད་པན་གཟུགས་ལ་ཁྲམ་རིས་བྲིས། །དུས་གཉན་སྒོ་ཁང་སྟེང་དུ་བཞག །ཡང་ན་རང་གི་ཁང་པ་ཡི། །བྱང་ཤར་མཚམས་ཀྱི་ཟུར་དུ་བཞག །མི་ཁ་ཐམས་ཅད་བཟློག་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མི་ཁ་སྨྲ་མཆུ་བཟློག་པར་བྱེད་པའི་ལེའུ་སྟེ་ཞེ་བདུན་པའོ།། །། ― DNG014_Page_0246 ―
[མ་དཔེ་གཟིགས་ན་འདིར་གནོན།]
དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཉམས་གྲིབ་མི་གཙང་བསྲུང་བའི་ཐབས། །སྲད་བུ་ནག་པོ་སུམ་བསྒྲིལ་ལ། །མདུད་པ་ཉེར་གཅིག་བྱས་ནས་ནི། །རྩ་སྔགས་ཤམ་དུ་འདི་སྐད་གདགས། །ཀྲོ་ཏི་ཀཱ་ལི་སརྦ་པཱ་པཾ། མཾ་དུ་ས་མ་ཡཱ། བི་ན་སེ་ཤུདྡྷེ་ཤུདྡྷེ་མ་ཧཱ་ཤུདྡྷེ་ཕཊ་སྭཱ་ཧཱ། ཞེས་པ་བརྒྱ་ཕྲག་བཟླས་ནས་ཀྱང་། །གུ་གུལ་དུད་པས་སྲད་བུ་བདུག །གང་གི་ལུས་ལ་བཏགས་དེ་ལ། །གྲིབ་དང་མི་གཙང་འཇིགས་པ་མེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཉམས་གྲིབ་བསྲུང་བར་བྱེད་པའི་ལེའུ་སྟེ་ཞེ་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །འབྱུང་པོའི་སུན་མ་བཟློག་པའི་ཐབས། །བདག་ཉིད་ལྷ་ཡི་ང་རྒྱལ་གྱིས། །རཏྣའི་རྡོ་རྗེ་རྩེ་ལྔ་ལ། །སྣ་ཚོགས་དར་གྱི་ཅོད་པན་གདགས། །ས་མནྟ་ཡི་སྲུང་སྔགས་ལས། །བརྒྱ་རྩ་བཟླས་ཤིང་རྡོ་རྗེ་གསོར། །གང་གནོད་ཕྱོགས་སུ་གདེངས་ཤིང་གཟིར། །རྡོ་རྗེ་ཁྲོ་རྒྱལ་འབར་བར་བསྐྱེད། །ཅོད་པན་མེ་རི་འབར་བ་ལས། །ཡང་སྤྲུལ་མེ་དང་མཚོན་ཆའི་ཆར། །གནམ་ལྕགས་ཐོག་ལྟར་རབ་འབར་ཞིང་། །གནོད་བྱེད་འབྱུང་པོའི་སུན་མ་རྣམས། །རང་རང་གནས་སུ་བཟློག་བསམ་ཞིང་། །བསྲུང་བའི་གོ་ཆ་བརྟན་པར་དམིགས། །དེས་ནི་ཕྱིན་ཆད་གནོད་མི་འགྱུར། །རྡོ་རྗེ་རང་ཉིད་གར་གནས་ཀྱི། །དབེན་པའི་ཕྱོགས་སུ་དམ་པར་སྦ། །སྐབས་སུ་དམིགས་པ་དྲག་སྔགས་དང་། །རྡོ་རྗེ་བཅས་པས་གཟིར་བར་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འབྱུང་པོའི་སུན་མ་བཟློག་པར་བྱེད་པའི་ལེའུ་སྟེ་ཞེ་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ནད་རིམས་ ― DNG014_Page_0247 ―
[མ་དཔེ་གཟིགས་ན་འདིར་གནོན།]
ཀུན་གྱིས་མི་ཚུགས་ཐབས། །གླ་རྩི་བོང་ང་ཆུ་དག་དང་། །མུ་ཟི་ལྡོང་རོས་ཤིང་ཀུན་དང་། །རྟ་བོན་དྲི་ཆེན་བྱ་རྒོད་ཚིལ། །དེ་ལྟར་དགུ་ཡི་རིལ་བུ་དང་། །པྲ་མ་དྷ་ཧ་ར། ཀ་ར་ཤིཥྚ་ཀྵཾ་ནི། ཨ་ལི་ཀྵྱ་གྷ་གྷ་ས་མ་ཏྲི་ས་མ་ཏྲི་བྷྱཿཕཊ། དེ་ལྟར་རྩ་སྔགས་ཤམ་ཅན་ལ། །སྟོང་བཟླས་བསྲུང་བྱའི་མགུལ་དུ་བཏགས། །རྫས་ཀྱི་ཁུ་བས་སྔགས་ཀྱང་བྲི། །རིལ་བུ་སྲན་མའི་ཚད་དང་སྦྱར། །དེ་དག་ལུས་ལ་སུས་འཆངས་པ། །རིམས་ནད་འགོ་བའི་ནད་ལས་སྐྱོབ། །ཉམས་ན་ཡང་ཡང་གསོ་བར་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རིམས་ནད་ཀྱིས་མི་ཚུགས་པར་བྱེད་པའི་ལེའུ་སྟེ་ལྔ་བཅུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །འབྱུང་པོ་དག་གིས་མི་ཚུགས་ཐབས། །སྟག་མ་བེ་དཀར་འོམ་བུ་དང་། །སྐྱེར་པ་ཚེར་ནག་སེང་ལྡིང་དང་། །ཤུག་པ་བལ་དཀར་སོལ་ནག་སྟེ། །དེ་ལྟར་ཤིང་དགུ་སོར་བཞི་ལ། །རྩ་སྔགས་སྟོང་གིས་རབ་གནས་བྱ། །དར་ཚོན་སྣ་ལྔས་མི་མངོན་དཀྲི། །མི་ལག་མ་བརྒྱུད་བསྲུང་བྱ་ཡི། །ལུས་ལ་ཇི་སྲིད་གནས་ཀྱི་བར། །འབྱུང་པོས་མི་མངོན་སྒྲིབ་ཤིང་སྟེ། །བསྲུང་བའི་མཆོག་ཏུ་གྱུར་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འབྱུང་པོས་མི་ཚུགས་ཤིང་སྒྲིབ་པར་བྱེད་པའི་ལེའུ་སྟེ་ང་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མཚོན་གྱི་གནོད་པས་མི་ཚུགས་ཐབས། །གྲི་ལྕགས་རལ་གྲི་ཚོན་གང་ལ། །གྲི་ཁྲག་ཆུ་ཡི་ངར་བླུད་ལ། །དར་དམར་དག་གིས་མི་མངོན་གྲིལ། །རྩ་སྔགས་དང་ནི་བསྲུང་བའི་སྔགས། །པ་ར་བ་རི་ཐེད། ཡུམ་ཡུམ་ཡུམ་ཐེད། ཁྲོ་ཙེ་ཐེད། རྣོར་ཆུམ། མ་མ་ད་ཡུར་རཀྵྱཾ། ཀ་ལ་སྭཱ་ཧཱ། སྟོང་ཕྲག་བཟླས་ཤིང་ལག་མ་བརྒྱུད། །གང་ལ་བསྲུང་བར་འདོད་པ་ཡི། །ལུས་ལ་བཏགས་ཤིང་རབ་གནས་བྱ། །ཇི་སྲིད་རྫས་ ― DNG014_Page_0248 ―
[མ་དཔེ་གཟིགས་ན་འདིར་གནོན།]
དང་མ་བྲལ་བར། །དེ་སྲིད་མཚོན་གྱིས་མི་ཚུགས་བསྲུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མཚོན་གྱི་གནོད་པ་སྲུང་བར་བྱེད་པའི་ལེའུ་སྟེ་ང་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མཐུ་རྩལ་ཆེ་བར་བྱེད་པའི་ཐབས། །བདག་ཉིད་ལྷ་ཡི་ང་རྒྱལ་གྱིས། །ཡ་སོ་ཁྲོ་བོ་བཅུ་རུ་བསྒོམ། །མ་སོ་ཁྲོ་མོ་བཅུ་རུ་བསྒོམ། །ལྕེ་ནི་གདུག་པའི་མཚོན་ཆར་བསྒོམ། །བ་སྤུ་གསེར་གྱི་རྡོ་རྗེ་ཕྱེད། །ཕྱི་འབུར་རབ་ཏུ་གཏམས་པ་ཡིས། །གོ་ཞུ་ལུགས་སུ་གོན་བཞིན་བསྒོམ། །རྩ་གནས་ལུས་ཀྱི་དྲ་མིག་རྣམས། །ལྕགས་ཞུན་དག་གིས་རབ་གང་ནས། །རྐང་རུབ་ལྕགས་སྡོང་ལྟ་བུར་བསྒོམ། །ཁྲོ་ཆུ་འབར་བ་ཧ་ལ་ལ། །མ་ཧཱ་ཁྲོ་ཆུ་ཧ་ལ་བྷྲཱུཾ། །མ་མ་ཀཱ་ཡ་རཀྵ་ཕ་ལ་ཧཱུཾ་སྭཱ་ཧཱ། ཞེས་པ་རྩ་བའི་སྔགས་དང་བཅས། །ཞག་བདུན་སྨྲ་བ་བཅད་ལ་བཟླས། །ལུས་ལ་ལྕགས་ཕྱེ་ཨ་རུ་ར། །ཆང་དང་སྦྱར་ལ་ཡང་ཡང་བྱུག །ལྕགས་སྲོག་གྲུབ་ནས་སྟོབས་ཀྱི་དཔལ། །མཐུ་རྩལ་རབ་ཏུ་རྒྱས་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མཐུ་རྩལ་ཆེ་བར་བྱེད་པའི་ལེའུ་སྟེ་ང་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དུག་གིས་མི་ཚུགས་བསྲུང་བའི་ཐབས། །དུག་གིས་ངེས་པར་ཤི་བ་ཡི། །རུས་པ་དང་ནི་གསེར་གྱི་མདོག །སྨན་མཆོག་སྐྱོན་དང་བྲལ་བ་གཅིག །ཆ་མཉམ་བཏུལ་བའི་ཕྱེ་མ་ལ། །དུག་སྦང་ཁུ་བས་རིལ་བུ་སྦྱར། །མེ་དང་ཉི་མ་མ་མཐོང་བསྐམ། །ཧ་ལ་ཀཱ་ལ་ཕོས་ཕོས། ཀ་མ་ཙི་ཏྲི་ཧ་ལ་ཕོས། སརྦ་ཧ་ལ་ཀ་མ་ར་ཙི་དུན་ཕཊ་སྭཱ་ཧཱ། དེ་དག་རྩ་སྔགས་གཤམ་ལ་གདགས། །སྟོན་ཟླ་དར་དམར་ཁུད་དུ་གཏུམ། །གང་བསྲུང་མགྲིན་པའི་གནས་སུ་གདགས། །ལོ་རེ་བཞིན་དུ་སྔགས་རྣམས་བསྐྱར། །དུག་རིགས་ཐམས་ཅད་བསྲུང་བ་སྟེ། །ཡོད་རློམ་ཆེད་དུ་དུག་ ― DNG014_Page_0249 ―
[མ་དཔེ་གཟིགས་ན་འདིར་གནོན།]
མི་བཟའ། །དེས་ནི་དམ་ཚིག་ཉམས་པའོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དུག་གིས་མི་ཚུགས་ཤིང་སྲུང་བར་བྱེད་པའི་ལེའུ་སྟེ་ང་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གཏད་དང་ཁྲམ་གྱིས་མི་ཚུགས་ཐབས། །མིང་རུས་མི་གཅིག་མི་དགུ་ཡི། །སྐྲ་སེན་མཛེ་ཕོའི་ཐོད་རུས་རྣམས། །རོ་རས་ནག་པོའི་ཁུག་མར་གྲིལ། །ལྕགས་བྱང་མིག་དགུའི་ཐེམས་སུ་ཞུགས། །རང་གི་མལ་འོག་དོང་དུ་མནན། །བདག་ཉིད་ལྷ་ཡི་ང་རྒྱལ་བསྐྱེད། །ཕ་རོལ་གཞན་ལ་སྲུང་བྱེད་ཀྱང་། །ཁྱད་པར་རྩ་སྔགས་བགྲངས་སུ་གཞུག །དེས་ནི་གཏད་དང་ཁྲམ་ལས་ཐར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གཏད་ཁྲམ་གྱིས་མི་ཚུགས་པར་བྱེད་པའི་སྲུང་བའི་ལེའུ་སྟེ་ང་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གཟའ་སྐར་ངན་པ་སྐྱོབ་པའི་ཐབས། །དུར་རྡོ་མཚལ་གྱི་ཁྲམ་རིས་ཅན། །ཚོན་སྐུད་སྣ་ལྔས་རྒྱ་གྲམ་བཅིང་། །གཟའ་སྐར་ངན་པའི་འཇིགས་པ་ལས། །སྲུངས་སོགས་སྤེལ་ཚིག་གང་འདོད་ཀྱང་། །བྲིས་ནས་དེ་དང་ལྷན་ཅིག་དྲིལ། །དེ་ལྟར་བརྒྱད་བྱས་ཕྱོགས་མཚམས་སུ། །རང་ཉིད་གར་གནས་ས་རུ་སྦ། །གཟའ་སྐར་ངན་པའི་འཇིགས་པ་ཀུན། །སྔོན་ཆད་བྱུང་བ་གྲོལ་གྱུར་ཞིང་། །ཕྱིན་ཆད་གནོད་པ་མི་བྱེད་བསྲུང་། །ལོ་རེ་བཞིན་དུ་ལན་རེ་བསྐྱར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གཟའ་སྐར་ངན་པ་ལས་སྐྱོབ་པར་བྱེད་པའི་ལེའུ་སྟེ་ང་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དོན་གཉེར་ཕྱོགས་ངན་སྲུང་བའི་ཐབས། །སྐྱེར་བའི་བྱང་བུ་མཐོ་གང་ལ། །མཚལ་གྱིས་བྷྱོ་ཕཊ་ཉེར་གཅིག་བྲིས། །ངོས་གཅིག་དག་ ― DNG014_Page_0250 ―
[མ་དཔེ་གཟིགས་ན་འདིར་གནོན།]
ལ་སྟག་སེང་གཟུགས། །སྐྱེ་མཆེད་དོད་པ་མཁས་པས་བྲི། །འདོམ་གང་དབྱིག་པའི་རྩེ་ལ་བཏག །གར་འགྲོའི་ཕྱོགས་སུ་གོམ་དགུ་ཁྱེར། །དེ་ནས་བྱང་བུ་སྐེ་ལ་གདགས། །ཕྱོགས་ངན་ཉེས་པས་གོས་མི་སྲིད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཕྱོགས་ངན་སྲུང་བར་བྱེད་པའི་ལེའུ་སྟེ་ང་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དུས་མིན་འཆི་བ་བཟློག་པའི་ཐབས། །ཁམ་སའི་རང་གཟུགས་ལུས་ཚད་བཟོ། །དེ་ལ་རང་གི་གོས་བཀོན་ཞིང་། །ལུས་ཀྱི་དྲི་མ་ཕྱི་ལ་བྱུགས། །མིང་འདྲ་མཁན་འདྲའི་སྟོན་མོ་བཏང་། །ཞག་གཅིག་རང་དང་ལྷན་ཅིག་ཉལ། །དེ་ནས་རང་ཉིད་མུན་པར་གབ། །ལུས་ལ་ཐལ་ཆེན་རོ་སོལ་བྱུག །ཡི་དམ་ལྷ་ཡི་ཏིང་འཛིན་བསྒོམ། །རཱུ་པ་གྲུ་གསུམ་དེང་དུ་བདུར། །སྟེང་ནས་ས་སྣ་མང་པོས་བྱིབས། །གཟའ་དང་སྐར་མ་བཟང་ལ་གཏད། །ཤི་བདུར་ལུགས་དང་མཐུན་པར་བྱ། །དེས་ནི་དུས་མིན་འཆི་བ་བཟློག །ཚེ་ཚད་གནས་སུ་སྐྱོལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དུས་མ་ཡིན་པར་འཆི་བ་བཟློག་པར་བྱེད་པའི་ལེའུ་སྟེ་ང་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གག་ལྷོག་གཉན་མཛེས་མི་ཚུགས་ཐབས། །གང་བསྲུང་ལྕགས་ཀྱི་ཕག་རྒོད་ནི། །འཇིགས་པ་རི་རྒྱུད་ཙམ་ཞིག་བསྒོམ། །ཕག་རྒོད་སོ་དང་ཤ་ཚིལ་དང་། །ཉ་སྦལ་སྡིག་པའི་ཤ་བསྲེས་ལ། །རྩ་སྔགས་ཁྲོ་ཆུའི་སྔགས་བཟླས་པས། །ངར་བླུད་བསྲུང་བྱའི་ལུས་ལ་བྱུག །གཉན་དང་མཛེ་ལྷོག་ལ་སོགས་པ། །ས་བདག་ཁྲོས་པའི་གནོད་པ་བསྲུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གག་ལྷོག་གཉན་མཛེ་ལ་སོགས་སྲུང་བར་བྱེད་པའི་ལེའུ་སྟེ་ང་དགུ་པའོ།། །། ― DNG014_Page_0251 ―
[མ་དཔེ་གཟིགས་ན་འདིར་གནོན།]
དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཆར་པ་དབབ་པར་བྱེད་པའི་ཐབས། །སྦལ་གསོབ་གྲི་ཐལ་དག་གིས་བརྒྱང་། །ཀླུ་རྫས་མང་པོ་བཏབ་པ་ཡི། །ཆུར་སྦངས་སྟེང་ནས་རྫ་ཡིས་བཀབ། །ཀླུ་རྣམས་བཀུག་ཅིང་རྫས་ལ་བསྡིམ། །ཕྱི་རོལ་ཀླུ་ལ་མཆོད་གསོལ་བྱ། །ཆར་པ་དབབ་པའི་ཕྲིན་ལས་གཞོལ། །བྷ་རི་ཤ་ཡ་པ་ཏ་ལི་ཧཱུཾ་ཧཱུཾ། ནཱ་ག་ར་ཙ་ཙིཏྟ་ཕྲོམ་ཕྲོམ་དུ་ཕུ་རྦད་ཡ་ནཱ་ག་ར་ཙ་བྷ་རི་ཤ་ཡ་སརྦ་སིདྡྷི་སྭཱ་ཧཱ། སྟོང་ཕྲག་ཐེམ་ནས་ཆར་པ་འབྱུང་། །རྩ་བའི་སྔགས་དང་སྦྲེལ་ལ་བཟླས། །དེ་བར་ཤ་ཆང་སྒོག་པ་སྤང་། །ལས་གྲུབ་བཅས་བཤིག་གནས་སུ་བསྐྱོད། །དྲག་ཆར་མྱུར་དུ་འབབ་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཆར་དབབ་པར་བྱེད་པའི་ལེའུ་སྟེ་དྲུག་ཅུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཆར་པ་གཅོད་པར་བྱེད་པའི་ཐབས། །སེང་ལྡེང་ཕུར་པ་སོར་བཞི་ལ། །གྲི་ཁྲག་དུག་གི་ཁུ་བ་ཡིས། །ཙཀྲ་བྷ་རི་ཤ་ནཱ་ག་དུ་ཙིཏྟ་རྦད་རམ། ས་མ་ཡ་རྦད་སྭཱ་ཧཱ། རྩ་སྔགས་གཤམ་ཅན་ཚར་གསུམ་བྲི། །ལ་ཆ་ཐང་ཚིལ་ནང་དུ་གཏུམ། །ཆུ་མིག་གཉན་པོའི་གཏིང་དུ་སྦ། །མ་བཏོན་བར་དུ་ཆར་པ་ཆད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཆར་པ་གཅོད་པར་བྱེད་པའི་ལེའུ་སྟེ་རེ་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སྦུད་སྣ་བཟློག་པར་བྱེད་པའི་ཐབས། །ཁྱི་འབྲུག་གླང་ལུག་རུས་པ་དང་། །རིན་ཆེན་སྣ་ལྔ་བསྲེས་པའི་ས། །ཚ་ཚ་ཉི་ཤུ་རྩ་གཅིག་བཞེངས། །རབ་གནས་གཟུངས་སྔགས་ནང་སྙིང་བཅས། །སྦུད་སྣ་འོང་བའི་ཐད་དུ་བཀྲམ། །སྟོབས་ཆེན་ཁྲོ་བོའི་ང་རྒྱལ་བསྐྱེད། །ཤྭ་སྦུད་སྦུད་སྣ་བཟློག་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ ― DNG014_Page_0252 ―
[མ་དཔེ་གཟིགས་ན་འདིར་གནོན།]
ལས། སྦུད་སྣ་བཟློག་པར་བྱེད་པའི་ལེའུ་སྟེ་རེ་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སྐྱི་འདང་སེར་བ་བཟློག་པའི་ཐབས། །སེང་ལྡེང་ཕུར་པ་ཁྲུ་གང་ལ། །དར་ནག་རོ་རས་ཅོད་པན་བཏག །ཕུར་པའི་ལོགས་ལ་ཁྲོ་བཅུའི་སྔགས། །ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། ཨོཾ་བཛྲ་ཀྲོ་དྷ་བྷི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ཨོཾ་བཛྲ་ཀྲོ་དྷ་ཡ་མཱན་ཏ་ཀ་ཧཱུཾ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། ཨོཾ་བཛྲ་ཀྲོ་དྷ་ཧ་ཡ་གྷྲཱི་ཝ་ཧཱུཾ། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། དག་པར་བྲིས་ཏེ་གུ་གུལ་དང་། །དུག་ཁྲག་ཁུ་བས་བྱུགས་བྱས་ཏེ། །ཁྲོ་བཅུའི་སྔགས་ཀྱིས་རྣོ་ངར་བླུད། །ཁྲོ་བོ་སྤྱན་དྲང་ཕུར་པར་བསྡིམ། །བདག་ཉིད་ལྷ་ཡི་ང་རྒྱལ་གྱིས། །སེར་བ་དབབ་དུས་ཕུར་པ་གཟིར། །སྔགས་བཟླས་སྟངས་སྟབས་སྡིགས་མཛུབ་བསྟན། །སྐྱི་འདང་སེར་བ་བཟློག་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སེར་བ་གཅོད་པར་བྱེད་པའི་ལེའུ་སྟེ་རེ་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ནོར་ཕྱུགས་གོད་ཁ་སྲུང་བའི་ཐབས། །རང་ཉིད་ལྷ་ཡི་ང་རྒྱལ་གྱིས། །གཅན་གཟན་དར་མའི་ཐོད་པ་རུ། །ནད་གདོན་བགེགས་ཀྱི་རཱུ་པ་ལ། །ཚོན་སྐུད་སྣ་ལྔས་བྱད་དུ་གཞུག །རོ་རས་ཡུགས་སའི་དོར་རྟས་གྲིལ། །དགུག་གཞུག་བྱས་ལ་བཅུག་ནས་ཀྱང་། །འབྲུ་ནག་ལ་སོགས་ཐུན་རྫས་ཀྱིས། །ཐོད་པ་དེ་དག་ཁེངས་པར་བྱ། །དམོད་བཅོལ་དྲག་སྔགས་གང་འོས་བཟླས། །རྒྱ་སྲང་ལམ་གསུམ་བཞི་མདོར་མནན། །རོག་ཡམ་རྡོ་རྗེ་རྒྱ་གྲམ་དང་། །འབྱུང་བ་མེ་ཆུས་མནན་ལ་བཞག །གོད་སྲི་ཟ་ལམ་དགྲ་ལ་གཏད། །ཟོར་དང་ཐུན་གྱི་ལས་རྣམས་བྱ། །དེས་ནི་གོད་ཁ་འབྱུང་མི་སྲིད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ ― DNG014_Page_0253 ―
[མ་དཔེ་གཟིགས་ན་འདིར་གནོན།]
ལས། གོད་ཁ་སྲུང་བའི་ལེའུ་སྟེ་རེ་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཆོམ་རྐུན་འཆིང་བར་བྱེད་པའི་ཐབས། །བདག་ཉིད་ལྷ་ཡི་ང་རྒྱལ་གྱིས། །དུག་ཤོག་རོ་རས་མཐོ་གང་ལ། །ཆོམ་རྐུན་དགྲ་ཡི་གཟུགས་བྲིས་ནས། །ཞིང་ལྤགས་ཁུག་མའི་ནང་དུ་གཏུམ། །གནོད་བྱེད་སརྦ་ཤ་ཏྲུཾ་བྷནྡྷ་ཡ་བྷནྡྷ་ཡ། སརྦ་ཤ་ཏྲུཾ་ལོ་ཀ་བྷནྡྷ་ཡ། མ་ར་ཎ། ད་ཧ་ད་ཧ། པ་ཙ་པ་ཙ། སྟྲཾ་བྷ་ཡ། ནཱ་ཤ་ཡ་བྷནྡྷ་ཡ་ཕཊ། ཅེས་པ་རྩ་སྔགས་གཤམ་ལ་གདགས། །བརྒྱ་ཕྲག་ལ་སོགས་ཅི་འགྲུབ་བཟླས། །ཞིང་ལྤགས་གང་བསྲུང་གཙོ་ལ་གདགས། །དེ་ལ་གང་འཁྲི་ཐམས་ཅད་བསྲུང་། །ཆོམ་རྐུན་དག་གིས་གནོད་མི་བྱེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཆོམ་རྐུན་འཆིང་བར་བྱེད་པའི་ལེའུ་སྟེ་རེ་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གཅན་གཟན་གདུག་པའི་ཁ་འཆིང་ལ། །དུག་ཤོག་དག་ལ་གཅན་གཟན་གཟུགས། །ལྕགས་སྒྲོག་དག་གིས་བྱད་གཞུག་ཅིང་། །ཁ་གདོང་རྡོ་རྗེ་རྒྱ་གྲམ་བྲི། །ལྟོ་བར་ཙཀྲ་རྩིབས་བརྒྱད་བསྐོར། །དུ་ན་ས་ཁཾ་ཨ་མུ་ཀ་ཕཊ། རྩིབས་བརྒྱད་དག་ལ་འབྲུ་བརྒྱད་བཀོད། །ལྟོ་བར་གཅན་གཟན་གང་ཡིན་གྱི། །མིང་མཐར་མཱ་ར་ཡ་ཆིངས་བྲི། །མཐའ་མ་དྲག་པོའི་སྔགས་ཀྱིས་བསྐོར། །གནོད་བྱེད་ཙཀྵུ་མུ་ཁཾ་བྷན་དྷ་ཡ། ཙཀྲ་ཝར་ཏི་གཅན་གཟན་ཆེ་གེ་མོ་མཱ་ར་ཡ། དུ་ན་ས་ཁཾ་ཨ་མུ་ཀ་ཕཊ། གཅན་གཟན་གདུག་པའི་ཁ་སྡོམས། ལུས་རེངས། སེམས་མྱོས། ) དབང་པོ་མཱ་ར་ཡ་ཆིངས་ཤིག །དེ་ལྟར་དམོད་པའི་དྲག་སྔགས་རྣམས། །བྲིས་པ་ངག་ཏུ་བརྒྱ་ཕྲག་བཟླས། །དེ་ནི་ཞ་ཉེའི་ཆུ་ཡིས་བྱུག །རང་གཤེད་རང་རང་རིགས་འདྲ་བའི། །མཆེ་བ་ཅན་གྱི་ཐོད་པར་གཞུག །གཅན་གཟན་རྒྱུ་བའི་སྲང་ལ་མནན། །དེས་ནི་གཅན་གཟན་གདུག་པ་འཆིང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་ ― DNG014_Page_0254 ―
[མ་དཔེ་གཟིགས་ན་འདིར་གནོན།]
བསྟན་པའི་སྲོག་ཤིང་ལས། གཅན་གཟན་གདུག་པའི་ཁ་འཆིང་བར་བྱེད་པའི་ལེའུ་སྟེ་རེ་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དུག་སྦྲུལ་ཁྱི་སྨྱོན་ལ་སོགས་པ། །སོ་དུག་ཅན་རྣམས་སྲུང་བའི་ཐབས། །གླ་རྩི་བོང་ང་ནག་པོ་དང་། །རིན་ཆེན་གསེར་དངུལ་གཡའ་དང་ནི། །བྱི་ཚེར་ལ་ཆ་ཕྱེ་མ་རྣམས། །དྲི་ཆེན་དག་དང་ལྷན་ཅིག་བཏུལ། །ཧ་ལ་བཱི་རྩེ་མླཱ་མླཱ། ཤྭ་ན་ཧཾ་བ་ན་ཀ་བ་ཙི་ཧ་ལ་མ་ར་ཎ་ཕཊ། དེ་ལྟར་རྩ་སྔགས་བཅས་པ་ལ། །གཞན་ཚིག་མ་འདྲེས་སྟོང་ཕྲག་བཟླས། །ཐུམ་པོ་བྱས་ཏེ་ལུས་ལ་བཏག །དེས་ནི་སོ་དུག་ཐམས་ཅད་བསྲུངས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སོ་དུག་ཐམས་ཅད་སྲུང་བར་བྱེད་པའི་ལེའུ་སྟེ་རེ་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རྨོངས་པོ་སྲིད་དང་འཕྲད་པའི་ཐབས། །མི་རྟ་བོང་བུའི་ས་བོན་དང་། །གཡག་ལུག་ར་གསུམ་ཐུག་པོ་ཡི། །འབྲས་བུ་བཏུལ་བའི་ཕྱེ་མ་རྣམས། །ཙནྡན་དཀར་དམར་ག་པུར་དང་། །ཛ་ཏི་ཨ་རུ་ར་རྣམས་བཏུལ། །སྦྲང་སྨྱོན་དག་གིས་རིལ་བུ་བསྒྲིལ། །རི་དྭགས་གླ་བའི་རིལ་མ་ཙམ། །པུ་ཏྲ་སིདྡྷི་ཀུ་རུ་བྷ་ས་བྷ་ས་མ་རི་ཏེད་ཕོབ་ཕོབ། རྩ་སྔགས་བཅས་པ་འབུམ་བཟླས་ཤིང་། །ལྟོ་སྟོང་གར་ཆང་དག་གིས་ཕུལ། །ཕོ་མོ་གང་ལ་བཏང་གྱུར་ན། །སྲིད་དང་ལྡན་པར་གདོན་མི་ཟ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིད་འཕེལ་བར་བྱེད་པའི་ལེའུ་སྟེ་རེ་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སྲིད་འཕེལ་ཕོ་རུ་བསྒྱུར་བའི་ཐབས། །གདུག་པ་སྦྲུལ་ ― DNG014_Page_0255 ―
[མ་དཔེ་གཟིགས་ན་འདིར་གནོན།]
གྱི་པགས་པ་ལ། །སྐྱེས་པའི་ས་བོན་མཚལ་བསྲེས་པས། །ཧ་ཁྲ་མ་པུ་ཏྲ་བི་ཛ་ཧྲིང་། གཟབ་ཏུ་བྲིས་ཏེ་དར་དཀར་གྲིལ། །བུད་མེད་སྦྲུམ་མའི་ལུས་ལ་བཏག །སྐར་མ་རྒྱལ་དང་སྤྲད་པ་གཅེས། །དེས་ནི་སྲིད་རྣམས་ཕོ་རུ་འབྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིད་ཕོ་རུ་བསྒྱུར་བའི་ལེའུ་སྟེ་རེ་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རྟ་ཕྱུགས་ལ་སོགས་སྲིད་འཕེལ་བར། །སྲེ་མོའི་པགས་པ་གསོབ་བཤུས་ནས། །གང་གི་སྲིད་འཕེལ་འདོད་པ་ཡི། །སྤུ་ལ་སྲད་བུ་བྱས་ནས་ཀྱང་། །དར་ཚོན་སྣ་ལྔས་དེ་དག་གྲིལ། །གསེར་དངུལ་ལ་སོགས་རིན་ཆེན་དང་། །འབྲུ་སྣ་རྣམས་ཀྱིས་གང་བ་བྱས། །ཕྱུགས་ལྷས་ལ་སོགས་ར་བ་ཡི། །རྟ་ཕྱུགས་དྲེས་ཀྱི་སྟེང་དུ་གདགས། །དེས་ནི་རྟ་ཕྱུགས་སྲིད་འཕེལ་ནས། །ཕྱུག་པོ་གཡང་ཆེན་དག་ཏུ་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྟ་ཕྱུགས་ལ་སོགས་ནོར་གྱི་སྲིད་འཕེལ་བར་བྱེད་པའི་ལེའུ་སྟེ་བདུན་ཅུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མི་དང་རྟ་ཕྱུགས་ལ་སོགས་པའི། །སྲིད་རྣམས་སྲུང་བར་བྱེད་པའི་ཐབས། །ཟངས་དང་ཞ་ཉེ་དུང་གི་ཤོ། །མཚལ་བྱུག་དམར་པོ་དར་དཀར་གྲིལ། ཤོ་ཤཾ་ཧཾ་ཛྙེ་པ་ར་ཕཊ་དུ་རྦད་རྦད་པྲ་མ་ནི་པུ་ཏྲ་དྷ་རི་རཀྵྱཾ་རཀྵྱཾ་དུ་སྭཱ་ཧཱ། རྩ་སྔགས་བཅས་པས་བརྒྱ་རྩ་བཟླས། །སྲིད་དང་ལྡན་པའི་ལུས་ལ་གདགས། །སྲིད་ལ་གེགས་མེད་མཐར་ཕྱིན་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིད་སྲུང་བར་བྱེད་པའི་ལེའུ་སྟེ་དོན་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། ། ― DNG014_Page_0256 ―
[མ་དཔེ་གཟིགས་ན་འདིར་གནོན།]
བསྙེན་བསྒྲུབ་གཏན་ལ་ཕེབ་བྱས་ཏེ། །ཕ་རོལ་གདུག་བྱེད་ངག་གནོན་ཐབས། །ཞ་ཉེའི་བྱང་བུ་མིག་དགུ་ལ། །ཁ་སྦྱོར་བར་དུ་དམིགས་བྱ་ཡི། །རཱུ་པ་ལྕེ་བརྐྱང་བྲང་ཁེབས་སྟེང་། །མཚལ་གྱིས་རྡོ་རྗེ་རྒྱ་གྲམ་བཀོད། །ཡན་ལག་བྱད་དུ་བཅུག་པ་ཅན། །བྲིས་ཏེ་ཟག་པའི་རྫས་དང་བཅས། །བྱང་བུར་གཏེམས་ནས་ཚོན་སྐུད་གྲིལ། །བདག་ཉིད་ལྷ་ཡི་ང་རྒྱལ་བསྐྱེད། །དམིགས་བྱའི་རྣམ་ཤེས་བཀུག་ལ་བསྡིམ། །གང་འཐད་རྭ་ཅོའི་ནང་དུ་གཞུག །ཁོ་ཡི་འགྲིམ་ལམ་ས་རུ་མནན། །སྨྲ་མི་ཤེས་ཏེ་ལྐུགས་པ་འམ། །ཁ་ལྕེ་དིག་པར་གདོན་མི་ཟ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ངག་གནོན་པར་བྱེད་པའི་ལེའུ་སྟེ་དོན་གཉིས་པའོ།། །། དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ངག་མནན་འགྲོལ་བར་བྱེད་པའི་ཐབས། །ཙནྡན་དཀར་པོའི་བྱང་བུ་ལ། །མཚལ་དང་ག་པུར་བསིལ་བའི་ཆུ། །རང་རང་ཡི་དམ་ལྷ་སྔགས་དང་། །བྷ་ག་ཝ་ཏི་ཨ་པ་རི་མི་ཏ། ཝཱ་ཀ་ས་མ་ཡ་བྷཱུཾ་པྲ་ཝེ་ཤ་ཡ་ཕཊ། ཅེས་པ་ཚར་གཅིག་བྲིས་པ་ལ། །རང་སྔགས་སྟོང་གི་རབ་གནས་བྱ། །ནང་མ་ཉེར་གཅིག་དེ་ལ་ལྡག །ངག་མནན་དེ་ལས་གྲོལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ངག་མནན་འགྲོལ་བར་བྱེད་པའི་ལེའུ་སྟེ་དོན་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ལྟས་ངན་ཆོ་འཕྲུལ་གཏོང་བའི་ཐབས། །བྱ་རོག་འུག་པ་ཝ་སྤྲེའུ་ཤ །སྲེ་མོའི་སླུད་བུར་གཞུག་པར་བྱ། །ཡུགས་སའི་སྐྲ་ཡི་སྲད་བུ་གདགས། །གླད་ལ་བསྐོར་ཞིང་ས་ལ་བརྡབ། །དམིགས་བྱའི་མིང་བྱང་ནང་དུ་གཞུག །ཨ་ཧཾ་གུལ་གུལ་མྱག་མྱག །པྲ་མོ་ནི་པྲ་མོ་ཐུན། པྲ་མོ་ཏྲ་མ་ནི་ཧཾ་ཧཾ། ཨ་ཡ་མ་དུ་རུ་ཙ་ཤ་ན་ ― DNG014_Page_0257 ―
[མ་དཔེ་གཟིགས་ན་འདིར་གནོན།]
ས་མ་ཡ། ཀུ་ཆོ་ཆོ། དྲེང་དྲེང་། རྒྱུག་རྒྱུག །པ་ར་ལིང་ཕཊ་བྷྱོ། ཞག་བདུན་མུན་པའི་གླིང་དུ་བསྒྲུབ། །གང་དམིགས་དགྲ་ཡི་མིང་སྤེལ་ཡང་། །ཧཾ་དང་ཨ་ཡི་བར་དུ་གཞུག །ལྷ་སྲིན་སྡེ་བརྒྱད་ཚོགས་རྣམས་ཀྱིས། །ཆོ་འཕྲུལ་སྣ་ཚོགས་སྟོན་པར་འགྱུར། །དང་པོ་རང་ལ་འབྱུང་བ་སྟེ། །དེ་བྱུང་དགྲ་ལ་དམིགས་པ་རྦད། །སྐུལ་བྱེད་ལས་ཀྱི་གཏོར་མ་བཏང་། །ཕ་རོལ་ཁུ་འཕྲིག་སློང་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལྟས་ངན་ཆོ་འཕྲུལ་འབྱེད་པའི་ལེའུ་སྟེ་དོན་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ལྟས་ངན་ཆོ་འཕྲུལ་བཟློག་པའི་ཐབས། །ཐོད་པ་མཚན་ངན་དག་གི་ནང་། །བྲ་སྲན་འབྲུ་ནག་དག་གིས་བཀང་། །སྐྱེར་པ་ཚེར་ནག་སེང་ལྡེང་གི། །ཕུར་པ་མཐོ་རེ་བྱས་པ་ལ། །ས་མ་ཡ་ཡེ་ཀེ་ཙིཏྟ་རྦད་བྷྱོ། ཨ་ར་ལི་ཡེ་ཀེ་ཙིཏྟ་ས་མ་ཡ། དུ་རུ་ཀ་ཤ་ཕ་མ་སྲི་ཏོད་བ་ཝེ་ཟློག་བྱེར་ཟློག་བྱེར། དུག་ཁྲག་དམིགས་བྱ་མང་དུ་བྲི། །དེ་དག་དེ་ཡི་ནང་དུ་བཅུག །སྟེང་ན་རོ་རས་ལྡིང་གུར་ཕུབ། །རང་གཞན་གང་ཡིན་ཁང་ཕུག་སྦ། །ལྟས་ངན་ཆོ་འཕྲུལ་གང་ཡང་བཟློག །སྡིགས་པར་མི་འགྱུར་ཕར་ལ་སྡིགས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལྟས་ངན་ཆོ་འཕྲུལ་བཟློག་པའི་ལེའུ་སྟེ་དོན་ལྔ་པའོ།། །། དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མཐུན་གཉིས་མི་མཐུན་འབྱེད་པའི་ཐབས། །རྟ་རྨིག་གཡག་གི་རྭ་ཅོ་ལ། །གང་བྱེད་སོ་སོའི་མིང་རུས་བྲི། །བྱ་རོག་འུག་པའི་པགས་པས་གཏུམ། །དམིགས་བྱའི་ཟག་རྫས་གང་རྙེད་བྱུགས། །སོ་སོའི་ལྷ་རྟེན་འོག་ཏུ་མནན། །མྱུར་དུ་སོ་སོར་འབྲལ་བར་འགྱུར། །ལས་གྲུབ་རྫས་བཏོན་བཤིག་པར་བྱ། །ཇི་ལྟར་མཐུན་ཡང་འབྲལ་ ― DNG014_Page_0258 ―
[མ་དཔེ་གཟིགས་ན་འདིར་གནོན།]
བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དབྱེ་བ་འབྱེད་པའི་ལེའུ་སྟེ་དོན་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དབྱེ་བ་མཐུན་པར་བྱེད་པའི་ཐབས། །རྒྱུན་འབབ་ཆུ་སྣ་དགུ་བླངས་ལ། །བ་ར་འབྲི་ཡི་འོ་མ་དང་། །ཙནྡན་ག་པུར་ལ་སོགས་པ། །དྲི་བཟངས་སྣ་ཚོགས་བཏབ་པ་ལ། །ལྷ་སྔགས་གང་ཡིན་འབུམ་བཟླས་པའི། །ཆུ་དེ་གང་གང་མི་མཐུན་པ། །རྐང་ལག་གདོང་སོགས་ལུས་རྣམས་བཀྲུ། །དྲི་ཁུས་སྦྲུས་པའི་རང་རང་གཟུགས། །དུག་ཤིང་མེ་ལ་བསྲེགས་ནས་ཀྱང་། །དེ་ལ་རང་རང་ལུས་པོ་བཤུར། །ལན་གསུམ་བསྐྱར་བར་གྱུར་པ་ནི། །ཇི་ལྟར་འཐབ་བྱེད་རྩོད་པ་ཡང་། །མཐུན་ཅིང་ཉེས་པ་གྲོལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དབྱེ་བར་མཐུན་པར་བྱེད་པའི་ལེའུ་སྟེ་དོན་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གནོད་བྱེད་ཁྲམ་ལ་འདེབས་པའི་ཐབས། །དྲག་པོའི་ཤིང་ལ་བྱས་པ་ཡིས། །ཁྲམ་ཤིང་སོར་བཞི་ཁྲུ་གང་པ། །དུག་ཁྲག་དག་གིས་ཁྱབ་པར་བྱུགས། །ལོགས་ལ་སྟག་རེ་གླང་ཁྲག་དང་། །རོ་སོལ་བསྲེས་པའི་སྣག་ཚ་ཡིས། །གནོད་བྱེད་དགྲ་བགེགས་ཆེ་གེ་མོ། །ལྷ་ཡི་ཁྲམ་ལ་ད་ཐོབ་ཅིག །དེ་སོགས་སྡེ་བརྒྱད་ཁྲམ་ཡིག་བཀོད། །རོ་རས་ནག་པོས་གྲིལ་བྱས་ལ། །སྡེ་བརྒྱད་འགྱུ་སྲང་གནས་སུ་མནན། །དམིགས་བྱ་སྡེ་བརྒྱད་ཁྲམ་ལ་འདེབས། །མི་འདོད་སྣ་ཚོགས་དེ་ལ་འབྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དགྲ་བོ་ཁྲམ་ལ་འདེབས་པར་བྱེད་པའི་ལེའུ་སྟེ་དོན་བརྒྱད་པའོ།། །། ― DNG014_Page_0259 ―
[མ་དཔེ་གཟིགས་ན་འདིར་གནོན།]
དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཁྲམ་ལ་ཐེབས་པ་ཕྱི་བའི་ཐབས། །རང་ལུས་གཟུངས་སྔགས་ཆུ་ཡིས་བཀྲུ། །གུ་གུལ་དྲི་ཆེན་དུད་པས་བདུག །ཚ་ཚ་གཉིས་པའི་ས་འདག་གིས། །མགོ་ལུས་མེད་པར་ཁྱབ་པར་བྱུག །གཅེར་བུ་ཕྱོགས་བཅུར་འོ་དོད་འབོད། །སླར་ཡང་དུར་ཐལ་ལུས་ལ་བྱུག །དུད་འགྲོ་མང་པོའི་སྐད་འདོན་ཞིང་། །བདག་ཉིད་ཆེ་གེ་མོ་ལྷ་ཡི་ཁྲམ་ལ་ཐེབས་པ་ཕྱིས། །དེའི་འགྲེས་ཡོངས་ཀྱི་ཁྲམ་ཕྱིས་བརྗོད། །དེ་ནས་རང་གི་དྲི་ཆུ་ཡིས། །ལུས་བཀྲུ་གུ་གུལ་དུད་པས་བདུག །གང་གིས་ཁྲམ་ལ་བཏབ་གྱུར་ཀྱང་། །ལན་གསུམ་དག་གིས་གྲོལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཁྲམ་ཁ་ཕྱི་བར་བྱེད་པའི་ལེའུ་སྟེ་དོན་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གནོད་བྱེད་བྱད་དུ་གཞུག་པའི་ཐབས། །ཤི་སྐྲའི་སྲད་བུ་འདོམ་གང་བས། །དམིགས་བྱའི་ལུས་ཚད་རཱུ་པ་བཀྱིག །རཱུ་པ་འབྲུ་ནག་སོགས་ལ་བྱ། །དེ་ཡི་སྙིང་གར་མིང་བྱང་གཞུག །བདག་ཉིད་ལྷ་ཡི་ང་རྒྱལ་གྱིས། །དམིགས་བྱའི་རྣམ་ཤེས་བཀུག་ལ་བསྡིམ། །དུས་གཉན་དྲག་པོ་ནམ་ཕྱེད་དུས། །རྒྱ་སྲང་ལམ་གྱི་གཞི་མདོར་མནན། །ལྷ་འདྲེའི་མིང་འབོད་དམོད་བཅོལ་བྱ། །སྟེང་དུ་དཔལ་གྱི་རྟ་བྲོ་བརྡུང་། །དམིགས་བྱ་རེངས་དང་འཁུམས་ནས་ཀྱང་། །ལུས་ངག་ཡིད་གསུམ་ཉམས་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གནོད་བྱེད་བྱད་དུ་གཞུག་པའི་ལེའུ་སྟེ་བརྒྱད་ཅུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། ། ― DNG014_Page_0260 ―
[མ་དཔེ་གཟིགས་ན་འདིར་གནོན།]
གང་དག་བྱད་ལས་གྲོལ་བའི་ཐབས། །བདག་ཉིད་ལྷ་ཡི་ང་རྒྱལ་གྱིས། །བསྲུང་བྱ་གང་ཡིན་མདུན་དུ་བཞག །དང་པོ་བྱད་ཐག་སྔོ་དམར་གྱིས། །མགོ་སོགས་ཡན་ལག་བཀྱིག་ཚུལ་བྱ། །མདུན་དུ་དུག་ཤིང་ཧོམ་མེ་སྤར། །རལ་གྲིའི་སོ་ལ་རྩ་སྔགས་མཐར། །ཧྲི་ཧྲི་མ་མ་པ་ཤ་པྲ་ཡོ་ག་ན་མཿཧྲི་དྷི་སརྦ་པཱ་པཾ་ཡཀྵ་ཀྲོ་དྷ་ཧ་ལ་ཧ་ལ་ཧཱུཾ་ཕཊ། ཅེས་པ་བརྒྱ་ཕྲག་བཟླས་པ་ཡིས། །རལ་གྲིའི་བྱད་ཐག་ཐམས་ཅད་བཅད། །དུག་ཤིང་མེ་ལ་བསྲེག་པར་བྱ། །ལྷ་སྔགས་བཟླས་པའི་ཆུ་དག་གིས། །བསྲུང་བྱའི་ཁ་ལག་གདོང་སོགས་བཀྲུ། །གུ་གུལ་དཀར་པོའི་དུད་པས་བདུག །བྱིན་བརླབས་ཅན་གྱི་ལྷ་རྟེན་ལ། །ཕྱག་དང་སྐོར་བ་བྱེད་དུ་གཞུག །བྱད་དུ་བཅུག་ལས་གྲོལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བྱད་དུ་བཅུག་པ་ལས་གྲོལ་བར་བྱེད་པའི་ལེའུ་སྟེ་གྱ་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གང་དག་རྨུགས་པར་བྱེད་པའི་ཐབས། །གང་ལ་བྱེད་པའི་མིང་རུས་བྲི། །བྱ་ནག་སྒོང་སྐོག་ནང་དུ་གཞུག །དམིགས་བྱའི་རྣམ་ཤེས་བཀུག་ལ་བསྡིམ། །བོང་བུའི་སྦངས་དང་ས་ནག་བསྲེ། །གནག་ལྕེའི་གའུ་བྱས་པར་གཞུག །ཁྲི་ལམ་ཆེན་པོའི་འོག་ཏུ་མནན། །དམིགས་བྱ་རྨུགས་ཤིང་འཐོམ་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དགྲ་བོ་རྨུགས་པར་བྱེད་པའི་ལེའུ་སྟེ་གྱ་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རྨུགས་ཤིང་འཐིབ་ལས་གྲོལ་བའི་ཐབས། །རང་གི་དབང་པོའི་རྫས་རྣམས་དང་། །ས་སྦྱིན་བསྲེས་པའི་རཱུ་པ་ནི། །མཐོ་གང་སྐྱེ་མཆེད་དོད་པར་བཟོ། ། ― DNG014_Page_0261 ―
[མ་དཔེ་གཟིགས་ན་འདིར་གནོན།]
དེ་ལ་མི་གཙང་རྫས་ཀྱིས་བྱུགས། །མིང་རུས་མི་གཅིག་དགུ་དག་གི། །དྲི་ཆེན་དྲི་ཆུ་ལ་སོགས་པ། །བ་ར་འབྲི་ཡི་འོ་མ་དང་། །ཆུ་སྣ་མི་གཅིག་དགུ་བསྲེས་ལ། །དྲི་བཟང་ཁ་ཚར་བཏབ་པས་བཀྲུ། །ཏིལ་དང་ཉུང་དཀར་དུད་པས་བདུག །མཐར་ནི་རཱུ་པ་ཆུ་ཡིས་བཤིག །དེ་དག་ཕྱོགས་མཚམས་ཀུན་ཏུ་དོར། །རྨུགས་ཤིང་འཐིབ་ལས་གྲོལ་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྨུགས་འཐིབ་ལས་གྲོལ་བར་བྱེད་པའི་ལེའུ་སྟེ་གྱ་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གང་དག་རེངས་པར་བྱེད་པའི་ཐབས། །གཡག་ལུག་རྭ་དང་གཙོད་དང་ནི། །རྒྱ་དང་གླང་བུ་ཤ་བ་དང་། །གཉན་དང་དགོ་བའི་རྭ་ཅོ་དགུ། །བརྡར་བའི་ཕྱེ་ལ་ཁམ་ས་བསྲེ། །དམིགས་བྱའི་རཱུ་པ་བརྒྱད་པ་ཅན། །མཐོ་གང་སྐྱེ་མཆེད་དོད་པ་ལ། །ཤིང་རིགས་མི་མཐུན་དགུ་དག་གིས། །རྩང་ཐུར་བྱས་ཏེ་ལུས་ལ་བཙུག །ཤི་སྐྲའི་སྐུད་པས་རྒྱ་གྲམ་བཅིངས། །རི་བོ་ཆེན་པོའི་རྩེ་ལ་བསྐྱལ། །གཡའ་སྒྲོམ་བྱས་པའི་ནང་དུ་གཞུག །དམིགས་བྱ་ཡན་ལག་རེངས་པར་འགྱུར། །ལུས་ཀྱང་གཡོ་འགུལ་མི་ཤེས་འབྱུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དགྲ་བོ་རེངས་པར་བྱེད་པའི་ལེའུ་སྟེ་གྱ་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རེངས་པ་གྲོལ་བར་བྱེད་པའི་ཐབས། །དམིགས་བྱ་དོང་བྲུས་ནང་དུ་གཞུག །སྟེང་ན་ཁ་ལེབ་བྱས་པའི་མཐར། །མིང་རུས་མི་གཅིག་མི་དགུ་ཡིས། །བྲོ་བརྡུང་ཤིང་སྣའི་དུད་པ་བཏང་། །དེ་ནས་བཏོན་ལ་གཟུངས་ཆུས་བཀྲུ། །རས་དཀར་དག་གིས་ལུས་ལ་ཕྱི། །དུག་དུང་ཡིན་ནམ་གི་ཁུ་བ་དཀར་པོ་ཡིས། །ལུས་ ― DNG014_Page_0262 ―
[མ་དཔེ་གཟིགས་ན་འདིར་གནོན།]
ལ་ཨཱ་ལི་ཀཱ་ལི་བཀོད། །དེ་ལྟར་ལན་གསུམ་བྱས་པས་གྲོལ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རེངས་པའི་སྦྱོར་བ་འགྲོལ་བར་བྱེད་པའི་ལེའུ་སྟེ་གྱ་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མིག་ནད་སེལ་བར་བྱེད་པའི་ཐབས། །ནང་པར་མི་ཚིག་མ་འདྲེས་པར། །རང་གི་དྲི་ཆུ་དྲོད་མོ་ཡིས། །མིག་བཀྲུ་བསྐམས་ནས་ལག་པས་མཉེ། །སོ་ལ་ཆགས་པའི་དྲི་མ་ཡིས། །ལག་གཡོན་སྲིན་ལག་དག་གིས་བྱུག །བསྟུད་དེ་ནང་མ་ཉེར་གཅིག་བྱ། །མིག་སྐྱོན་རབ་རིབ་མི་འབྱུང་ཞིང་། །སྐྱོན་མེད་ཡོན་ཏན་ལྡན་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མིག་གི་དབང་པོ་གསལ་བར་བྱེད་པའི་ལེའུ་སྟེ་གྱ་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མགུལ་ནད་ཞི་བར་བྱེད་པའི་ཐབས། །ཡུང་བ་ཆུ་དག་དཀར་པོ་དང་། །རུ་རྟ་ཙནྡན་དཀར་པོ་རྣམས། །བདུད་རྩི་དབང་པོའི་ལག་དང་སྦྱར། །རིལ་བུ་སྲན་མ་འབྲིང་ཙམ་བྱ། །རྩ་སྔགས་ཐ་མར་གདགས་པའི་སྔགས། །ཡ་མ་ས་དུ་མུ་ཁཾ། བྷ་ར་བྷེ་ཡ་ཕཊ། ཅེས་པ་སྟོང་ཕྲག་བཟླས་པ་དེ། །ཐོ་རངས་དུས་སུ་རེ་རེ་བསྟན། །ཞག་རེ་ལོ་རེའི་མགུལ་ནད་བསྲུང་། །སྔོན་ཆད་བྱུང་ཡང་ཕན་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མགུལ་ནད་ཞི་བར་བྱེད་པའི་ལེའུ་སྟེ་གྱ་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སོ་ནད་ཞི་བར་བྱེད་པའི་ཐབས། །ཤིང་ཀུན་སྟར་ཞུན་ལུག་མིག་པ། །གནའ་ ― DNG014_Page_0263 ―
[མ་དཔེ་གཟིགས་ན་འདིར་གནོན།]
བའི་ཀླད་པ་སྐམ་པོ་དང་། །གླ་རྩི་བོང་ནག་ཨ་རུ་ར། །མུ་ཟི་ནག་དང་མེ་རུ་ཙེ། །སྔགས་པའི་དྲི་ཆེན་ཆ་མཉམ་ནས། །གུ་གུལ་དྲི་ཆུར་སྦངས་པ་ཡི། །ཁུ་བ་འདམ་ཐག་རིལ་བུ་དྲིལ། །སྲན་ཚད་རུལ་སུམ་མེད་པར་བསྐམ། །སོ་ནད་རབ་ཏུ་གཟིར་བའི་དུས། །ཁོང་དུ་གསུམ་བཏང་གཅིག་གིས་བདུག །ལན་གསུམ་བསྐྱར་བས་སོ་ནད་རིགས། །གང་ཡིན་ཐམས་ཅད་འཇོམས་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སོ་ནད་ཞི་བར་བྱེད་པའི་ལེའུ་སྟེ་གྱ་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ལྷ་གདོན་གནོད་པ་སྲུང་བའི་ཐབས། །དར་དཀར་དྲི་མ་མེད་པའི་ཁུད། །རིན་ཆེན་ཟུར་མང་ཤེལ་གྲིལ་ནས། །རྩ་བའི་སྔགས་ཀྱིས་རབ་གནས་བྱ། །བླ་མ་ཡི་དམ་མཁའ་འགྲོ་དང་། །དམ་ཅན་ཆོས་སྐྱོང་བཀུག་ལ་བསྡིམ། །གསོལ་མཆོད་བཀུར་སྡི་རྒྱ་ཆེན་བྱ། །མི་ལག་མི་བརྒྱུད་ལུས་ལ་འཆང་། །ལྷ་གདོན་གནོད་པ་དག་ལས་སྐྱོབ། །དར་དཀར་དག་ལ་མཚལ་ཡིག་ཏུ། །རྩ་སྔགས་ཨཱ་ལི་ཀཱ་ལི་དང་། །མོས་པའི་ལྷ་རྣམས་མཚན་སྔགས་དང་། །རང་རང་གང་འདོད་དགོད་པར་བྱ། །ཡེ་ཤེས་ལྷ་ཡིས་སྐྱོབ་པ་དང་། །འཇིག་རྟེན་ལྷ་རྣམས་བྲན་དུ་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལྷ་གདོན་གྱི་གནོད་པ་སྲུང་བར་བྱེད་པའི་ལེའུ་སྟེ་གྱ་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཀླུ་ཡི་གནོད་པ་སྲུང་བའི་ཐབས། །ཝ་དང་གྲུམ་པ་ཕག་གི་སྣ། །ཁྱི་དང་སྤྱང་ཀི་སྟག་གི་བྲུན། །ཤ་བ་གཡག་དང་གཙོད་ཀྱི་རྭ། །ལྕགས་དང་གསེར་དངུལ་རྣམ་པ་གསུམ། །ཆ་མཉམ་སོ་སོར་དར་གྱིས་གྲིལ། །ལྷན་ ― DNG014_Page_0264 ―
[མ་དཔེ་གཟིགས་ན་འདིར་གནོན།]
ཅིག་ལྕགས་ཀྱི་པར་བུར་བཅུག །རྩ་བའི་སྔགས་དང་ཁྲོ་བཅུའི་སྔགས། །བརྒྱ་སྟོང་ལ་སོགས་མང་བཟླས་ལ། །པར་བུ་ལུས་དང་གྲིབ་ལྟར་འཆང་། །ས་བདག་ཀླུ་ཡི་གནོད་པ་སྐྱོབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཀླུ་ཡི་གནོད་པ་སྲུང་བར་བྱེད་པའི་ལེའུ་སྟེ་དགུ་བཅུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གནོད་སྦྱིན་གནོད་པ་སྲུང་བའི་ཐབས། །བྱི་ལ་ནག་པོའི་ཐོད་པ་རུ། །གནོད་སྦྱིན་རྣམས་ཀྱི་སྲོག་སྔགས་དང་། །དར་ཟབ་རིན་ཆེན་སྣ་ཚོགས་གཞུག །གནོད་སྦྱིན་བཀུག་བསྡིམ་ཡང་ཡང་བྱ། །དེ་ཉིད་དར་དཀར་དག་གིས་གཏུམས། །རང་ཉིད་གང་དུ་གནས་པའི་སར། །བྱང་དུ་སྦས་པས་གནོད་སྦྱིན་གྱི། །གནོད་པ་རྣམས་ལས་སྐྱོབ་པར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གནོད་སྦྱིན་གྱི་གནོད་པ་ལས་སྐྱོབ་པར་བྱེད་པའི་ལེའུ་སྟེ་གོ་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དྲི་ཟའི་གནོད་པ་སྲུང་བའི་ཐབས། །ཙནྡན་ཕྱེ་མའི་འདེ་གུ་ལ། །སྨན་སྣ་དྲི་བཟང་གང་འཚོགས་བསྲེ། །རིལ་བུ་ཕྲེང་བ་ལུས་ལ་འཆང་། །མི་རྟ་ཁྱི་ཡི་བཤུལ་ཆེན་དང་། །གླ་རྩི་བསྲེས་པའི་འདེ་གུ་ཡིས། །རྐང་པའི་མཐིལ་ལ་སྐབས་སུ་བྱུགས། །དྲི་ཟའི་གནོད་པ་བསྲུང་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དྲི་ཟའི་གནོད་པ་ལས་སྲུང་བར་བྱེད་པའི་ལེའུ་སྟེ་གོ་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མཁའ་ ― DNG014_Page_0265 ―
[མ་དཔེ་གཟིགས་ན་འདིར་གནོན།]
འགྲོའི་གནོད་པ་སྲུང་བའི་ཐབས། །གྲོང་པའི་ཆོས་ཀྱིས་མ་གོས་ཤིང་། །ཡིད་འོང་བུ་མོས་བཀལ་བ་ཡིས། །སྲད་བུ་སུམ་བསྒྲིལ་སྣ་ལྔ་ལ། །མདུད་པ་ལྔ་ལྔ་བྱས་ནས་ནི། །སོ་སོའི་རིགས་ཀྱི་ཌཱཀྐི་བསྐྱེད། །མཚན་སྔགས་རཀྵའི་གཤམ་ཅན་ལ། །རྩ་བའི་སྔགས་བཅས་བརྒྱ་ཕྲག་གདབ། །མི་ལག་མ་བརྒྱུད་བསྲུང་བྱ་ཡི། །ལུས་ལ་སྲུང་བྱེད་སྲད་བུ་གདགས། །ཡེ་ཤེས་ཌཱཀྐིས་བསྲུངས་ནས་ནི། །འཇིག་རྟེན་མཁའ་འགྲོས་གནོད་མི་བྱེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མཁའ་འགྲོ་མ་ཡི་གནོད་པ་སྲུང་བར་བྱེད་པའི་ལེའུ་སྟེ་གོ་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །དྲང་སྲོང་གནོད་པ་སྲུང་བའི་ཐབས། །ཛ་ལ་བྷ་རའི་སོ་དང་ནི། །ཁྱི་སོ་དར་ནག་ཁུད་དུ་གྲིལ། །ཧ་ཏྲི་རུ་ཏྲ་ཁ་དྷ་ས་མ་ཡཱ་སྲོག་དུང་དུང་། ཉི་མ་ས་ཏི་གཟའ་ཁ་ཌ་རུ་ཏྲ་ཙིཏྟ་ཧྲིང་ཧྲིང་། རྩ་བའི་སྔགས་དང་སྦྲེལ་ཏེ་བཟླས། །བརྒྱ་ཕྲག་གྲུབ་ནས་ལུས་ལ་གདགས། །གང་གིས་བཅང་བའི་མི་དེ་ལ། །དྲང་སྲོང་གཟའ་ཡི་གནོད་པ་བསྲུང་། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དྲང་སྲོང་གི་གནོད་པ་སྲུང་བར་བྱེད་པའི་ལེའུ་སྟེ་གོ་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །སྲིན་པོའི་གནོད་པ་སྲུང་བའི་ཐབས། །དུག་ཤོག་དག་ལ་ར་ཁྲག་གིས། །སྲིན་པོའི་གཟུགས་བྲིས་ཡན་ལག་སྡོམ། །ཀྵ་ཏྲི་ནི་ར་ཏི་ས་མ་ཡཱ་སྲོག་དུང་དུང་ཙིཏྟ་རྦད་མྱོག་ཏྲག་རཀྴ་ཡ་དམ་ལ་མ་འདའ་སྭཱ་ཧཱ། སྲིན་པོ་གནད་ལ་དབབ་པའི་སྔགས། །རྩ་བའི་སྔགས་ཤམ་བཏགས་ལ་བྲི། །ཕྱི་དང་ནང་བཅས་གང་བར་བྱ། །ར་ཡི་པགས་པས་གྲིལ་ནས་ནི། །གང་གི་ལུས་ལ་བཏགས་དེ་ལ། །སྲིན་པོའི་གནོད་ ― DNG014_Page_0266 ―
[མ་དཔེ་གཟིགས་ན་འདིར་གནོན།]
པ་འབྱུང་མི་སྲིད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིན་པོའི་གནོད་པ་སྲུང་བར་བྱེད་པའི་ལེའུ་སྟེ་གོ་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །མ་མོའི་གནོད་པ་སྲུང་བའི་ཐབས། །གྲི་ཐལ་རོ་རས་ཁུག་མར་བླུག །མ་མ་རུ་ལུ་བྷྱོ། རོ་རུ་ཙ་པ་ལ་ཨ་ཤུག་མེ་ཧཱུཾ་བྷྱོ། ས་མ་ཡ་རཀྵྱཾ་སྭཱ་ཧཱ། རྩ་སྔགས་བཅས་པ་བརྒྱ་རྩ་བཟླས། །ཏིལ་དང་ཉུང་དཀར་བཅས་པ་ཡི། །ཐུམ་པོ་ལུས་ལ་སུས་འཆང་བ། །དེ་ལ་མ་མོའི་གནོད་པ་མེད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མ་མོའི་གནོད་པ་སྲུང་བར་བྱེད་པའི་ལེའུ་སྟེ་གོ་དྲུག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཤི་འདྲེའི་གནོད་པ་སྲུང་བའི་ཐབས། །ཞིང་ལྤགས་ཁུག་མར་དུར་ཁྲོད་ཀྱི། །ས་རྡོ་བཏུལ་བའི་ཕྱེ་མ་ལ། །གུ་གུལ་ཉུང་དཀར་ཏིལ་ནག་བསྲེ། །ཆང་གིས་སྦྲུས་པའི་རིལ་བུ་བྱ། །སྔགས་པའི་དྲི་ཆེན་དཔུང་བསྐྱེད་ཡིན། །རིལ་བུ་སྲན་མ་རློན་པ་ཙམ། །རྩ་བའི་སྔགས་ཀྱིས་བྱིན་བརླབ་བྱ། །གང་དག་བསྲུང་བ་བྱ་བ་ཡིས། །ལུས་ལ་རིལ་བུ་བཏག་པས་ནི། །ཤི་འདྲེའི་གནོད་པ་བསྲུང་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཤི་འདྲེའི་གནོད་པ་སྲུང་བར་བྱེད་པའི་ལེའུ་སྟེ་གོ་བདུན་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གསོན་འདྲེ་སྲུང་བར་བྱེད་པའི་ཐབས། །བདག་ཉིད་ལྷ་ཡི་ང་རྒྱལ་གྱིས། །བཙན་དུག་ཤིང་ཀུན་གུ་གུལ་དང་། །ཆུ་དག་སྤྲུ་ནག་རྩ་བ་དང་། །མུ་ཟི་ནག་པོ་ ― DNG014_Page_0267 ―
[མ་དཔེ་གཟིགས་ན་འདིར་གནོན།]
སྤྱང་ཀིའི་བྲུན། །ཁྱི་ནག་བྲུན་དང་རྐྱང་གི་སྦངས། །སྡིག་པ་ནག་པོའི་ཤ་རྣམས་བཏུལ། །དྲི་ཆེན་དྲི་ཆུས་ངར་བླུད་ལ། །ནམ་གནོད་དུས་དེར་དུད་པ་བཏང་། །གསོན་འདྲེའི་གནོད་པ་བཟློག་པར་འགྱུར། །རིལ་བུ་བྱས་ནས་བཅངས་པ་ན། །གསོན་འདྲེས་མི་ཚུགས་བསྲུང་བར་འགྱུར། །རྩ་བའི་སྔགས་ཀྱིས་རབ་གནས་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གསོན་འདྲེའི་གནོད་པ་སྲུང་བར་བྱེད་པའི་ལེའུ་སྟེ་གོ་བརྒྱད་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རྒྱལ་པོའི་གནོད་པ་སྲུང་བའི་ཐབས། །ཆོས་འཁོར་རྙིང་པའི་ས་དག་དང་། །ཚུལ་ཁྲིམས་ལྡན་པའི་དགེ་སློང་དང་། །དམ་ཚིག་མ་ཉམས་སྔགས་པ་ཡི། །དྲི་ཆེན་དྲི་ཆུ་སྦྱར་བ་ཡི། །རིལ་བུ་རི་བོང་རིལ་མ་ཙམ། །མི་ཤ་གུ་གུལ་སྤྲེའུ་ཤ་རྣམས། །ཐུམ་པོ་བསྲུང་བྱའི་ལུས་ལ་གདགས། །ར་ཙ་ཏྲི་ལིང་ཧུར་ཐུམ་མྱག་ཙིཏྟ་ས་མ་ཡ་མྱོག་མྱོག་ར་ཙ་བཾ་རི་ལི་ལི་མཱ་ར་ཡ་རྦད། ཅེས་པ་རྩ་སྔགས་དྲིལ་བ་ལ། །སྟོང་ཕྲག་བཟླས་པས་རྫས་ངར་བླུད། །རྒྱལ་པོའི་གནོད་པ་བསྲུང་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྒྱལ་འགོང་གི་གནོད་པ་སྲུང་བར་བྱེད་པའི་ལེའུ་སྟེ་གོ་དགུ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཐེའུ་རང་གནོད་པ་སྲུང་བའི་ཐབས། །བྱི་བ་སྲེ་མོའི་ཀླད་པ་དང་། །ཕ་བོང་ལོང་བུ་བཏུལ་བ་རྣམས། །སྦང་སྐམ་ཕྱེ་དང་བསྲེས་ནས་ནི། །བྲ་བའི་བླུད་བུ་ནང་དུ་བླུག །ནམ་དགོས་དུས་སུ་དུད་པ་བཏང་། །ཏྲིའུ་ཤ་དྷ་ར་ཤ་བིང་བིང་། ཏྲིའུ་ཤ་ཤ་ས་མ་ཡ་སྲོག་དུང་དུང་ཏྲི་ལིང་རྦད་སྭཱ་ཧཱ། ཞེས་པ་རྩ་སྔགས་གཤམ་ལ་གདགས། ། ― DNG014_Page_0268 ―
[མ་དཔེ་གཟིགས་ན་འདིར་གནོན།]
མང་དུ་བཟླས་ཤིང་རྫས་ངར་བླུད། །ཐེའུ་རང་གནོད་པས་ཚུགས་མི་སྲིད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཐེའུ་རང་གི་གནོད་པ་སྲུང་བའི་ལེའུ་སྟེ་བརྒྱ་ཐམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །བཙན་གྱི་གནོད་པ་སྲུང་བའི་ཐབས། །ཤི་སྐྲའི་སྲད་བུ་ཁྲུ་གང་ལ། །མདུད་པ་ཉི་ཤུ་རྩ་གཅིག་བྱ། །མི་རྟ་ཁྱི་གསུམ་ཁྲག་གིས་བྱུགས། །གང་གི་ལུས་ལ་བཅང་དེ་ལ། །བཙན་གྱི་གནོད་པ་བསྲུང་བར་འགྱུར། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བཙན་གྱི་གནོད་པ་སྲུང་བར་བྱེད་པའི་ལེའུ་སྟེ་བརྒྱ་དང་གཅིག་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གྲི་བོའི་གནོད་པ་སྲུང་བའི་ཐབས། །གྲི་ལྕགས་བཏུལ་བའི་ཕྱེ་མ་ལ། །མགར་གྱི་ས་མལ་ཏིལ་ཉུང་དཀར། །དུད་པ་གང་དུ་འཐུལ་བ་དེར། །གྲི་བོ་གང་ཡང་ཉེར་མི་ནུས། །ལུས་ལ་བཏགས་ཀྱང་དེ་བཞིན་ནོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གྲི་བོའི་གནོད་པ་སྲུང་བར་བྱེད་པའི་ལེའུ་སྟེ་བརྒྱ་དང་གཉིས་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གཤིན་རྗེའི་གནོད་པ་སྲུང་བའི་ཐབས། །ཟངས་ལྕགས་བྱང་བུ་མིག་དགུ་ལ། །ཤན་པ་ནག་པོའི་ཁྲག་གིས་བྱུགས། །དར་སྣ་ལྔ་ཡི་ཁུད་དུ་གྲིལ། །ཀཱ་ལ་རཱུ་པ་ཡ་མཱནྟ་ཀ་ས་མ་ཡ་རཀྵྱཾ་དུ་སྭཱ་ཧཱ། རྩ་བའི་སྔགས་དང་བཅས་པ་ལ། །བརྒྱ་ཕྲག་བཟླས་ཤིང་རབ་གནས་བྱ། །བསྲུང་བྱའི་ལུས་ལ་བྱང་བུ་གདགས། །གཤིན་རྗེའི་གནོད་པ་བསྲུང་བར་འགྱུར། །བླ་མ་ཡི་དམ་མཁའ་འགྲོ་ཐམས་ ― DNG014_Page_0269 ―
[མ་དཔེ་གཟིགས་ན་འདིར་གནོན།]
ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གཤིན་རྗེའི་གནོད་པ་སྲུང་བར་བྱེད་པའི་ལེའུ་སྟེ་བརྒྱ་དང་གསུམ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །གྲིབ་གནོན་གནོད་པ་སྲུང་བའི་ཐབས། །གཅན་གཟན་སྟག་གི་ཐོད་རུས་ལ། །ཧཱུཾ་ཡ་ཏི་ཀྴྱེ་བྷ་རུ་ཏི་ཕཊ་རྦད་བྷྱོ། ཞེས་པ་མཚལ་ལམ་དངུལ་གྱིས་བྲི། །རོ་རས་ནག་པོས་གྲིལ་བ་དེ། །གང་གི་ལུས་ལ་བཏགས་པ་ལ། །གྲིབ་གནོན་འབྱུང་པོའི་གནོད་པ་སྐྱོབ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གྲིབ་གནོན་གྱི་གནོད་པ་སྲུང་བར་བྱེད་པའི་ལེའུ་སྟེ་བརྒྱ་དང་བཞི་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །རྨི་ལམ་ངན་པ་བཟློག་པའི་ཐབས། །རྨི་ལམ་ངན་པ་གང་རྨིས་ཀྱང་། །སད་མ་ཐག་ཏུ་ཧར་གྱིས་ལངས། །གནོད་བྱེད་གཙོར་བྱས་སེམས་ཅན་ལ། །བྱམས་དང་སྙིང་རྗེ་རྒྱ་ཆེན་བསྐྱེད། །སྐྱབས་གནས་དཀོན་མཆོག་རིན་ཆེན་ལ། །དད་པས་སྐྱབས་འགྲོ་གསོལ་བ་གདབ། །སྣང་སྲིད་འཁོར་འདས་ཆོས་རྣམས་ཀུན། །བདེན་མེད་རྨི་ལམ་སྒྱུ་མར་བལྟ། །གང་ཡང་གཟའ་གཏད་མེད་པར་གཞག །ཕཊ་གདབ་བསམ་སེམས་མེད་པར་ཉལ། །རྨི་ལམ་ཇི་ལྟར་ངན་གྱུར་ཀྱང་། །སྡིགས་པར་མི་འགྱུར་སངས་པར་དག །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྨི་ལམ་ངན་པ་བཟློག་པའི་ཐབས་ཀྱི་ལེའུ་སྟེ་བརྒྱ་དང་ལྔ་པའོ།། །།དད་བརྩོན་ལྡན་པའི་རྣལ་འབྱོར་པས། །བླ་མ་ཡི་དམ་མཁའ་འགྲོ་ཡི། །རྩ་བ་དང་ནི་ཡན་ལག་གི། །བསྙེན་བསྒྲུབ་གཏན་ལ་ཕེབ་བྱས་ཏེ། །ཅི་བསམ་ཡིད་བཞིན་འགྲུབ་པའི་ཐབས། །ནང་པར་ཐོ་རངས་རླུང་རོ་དབྱུང་། །གསར་བ་བཟུང་ལ་མཉམ་པར་གཞག །མཉམ་ ― DNG014_Page_0270 ―
[མ་དཔེ་གཟིགས་ན་འདིར་གནོན།]
གཞག་ངང་ལས་རང་རིག་བྷྲཱུཾ། །འོད་དང་གཟི་བརྗིད་ལྡན་པ་ལ། །རང་གི་སྙིང་གི་ངོ་བོ་དེ། །དགོས་འདོད་ཐམས་ཅད་འབྱུང་བ་ཡི། །ཡིད་བཞིན་ནོར་བུ་རིན་པོ་ཆེ། །ཁ་དོག་སྣ་ཚོགས་འབར་བའི་འོད། །བཀྲག་མདངས་གཟི་བརྗིད་ལྡན་པར་དམིགས། །དེ་ལ་བླ་མ་ཡི་དམ་དང་། །མཁའ་འགྲོ་ཆོས་སྐྱོང་སྤྱན་དྲངས་བསྡིམ། །དེ་ལྟར་མ་ཟིན་བར་དུ་བསྒོམ། །དེ་ལ་མ་ཡེངས་ཟིན་པ་དང་། །འོད་ཀྱིས་སྣང་སྲིད་ཐམས་ཅད་ཁྱབ། །བདག་དོན་བསམ་འགྲུབ་རེ་བསྐངས་ནས། །ལོངས་སྤྱོད་ཆོས་དང་མཐུན་ནས་ཀྱང་། །བདག་གཞན་དོན་འབྲས་གང་བསམས་པ། །རྩོལ་མེད་ལྷུན་གྱིས་གྲུབ་བསམས་ནས། །སྤྲོས་བྲལ་ཆེན་པོའི་ངང་ལ་གཞག །དེ་ལྟར་ནང་རེ་བཞིན་བསྒོམས་པས། །དེ་ཉིད་ཇི་ལྟར་བསམས་པའི་དོན། །འགྲུབ་པར་གྱུར་ན་གདོན་མི་ཟ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བསམ་དོན་འགྲུབ་པར་བྱེད་པའི་ལེའུ་སྟེ་བརྒྱ་དང་དྲུག་པའོ།། །། རྒྱུད་འདི་འཆང་བར་བྱེད་པའི་ཐབས། །དུས་སྐར་ཚེས་གྲངས་བཟང་པོ་ལ། །མཐིང་ཤོག་རང་སོར་བཞི་པའི་ཚད། །གྲུ་བཞི་མཉམ་ཉིད་གླེགས་བམ་ལ། །རྒྱུད་ཚིག་རིན་ཆེན་གསེར་རམ་དངུལ། །རཏྣ་བཏུལ་བའི་ཁུ་བས་བྲི། །གང་ཡང་ལྷག་དང་ཆད་མེད་པས། །བྲིས་པ་རང་གི་མདུན་བཞག་སྟེ། །དམ་ཚིག་ཡི་གེའི་འབྲུ་རྣམས་ལ། །ཡེ་ཤེས་ཡིག་འབྲུ་དགུག་ལ་བསྡིམ། །གཞན་ཡང་ཡེ་ཤེས་ལྷ་ཡི་ཚོགས། །སངས་རྒྱས་བྱང་ཆུབ་སེམས་དཔའ་དང་། །བླ་མ་ཡི་དམ་མཁའ་འགྲོ་རྣམས། །མོས་པས་སྤྱན་དྲང་བཀུག་ལ་བསྡིམ། །ཕྱག་འཚལ་མཆོད་དང་བསྟོད་པ་བྱ། །ཅི་འདོད་ཡིད་སྨོན་གསོལ་བ་གདབ། །དེ་ནས་སྣ་ཚོགས་དར་གྱིས་གྲིལ། །དྲི་བཟང་སྨན་དང་ལྷན་ཅིག་ཏུ། །རཏྣའི་ཟ་མ་ཏོག་ཏུ་གཞུག །འབྲལ་མེད་ལུས་དང་གྲིབ་མ་བཞིན། །རང་གི་མཆན་ཁུང་གཡོན་དུ་འཆང་། །ཉོན་མོངས་རྟོག་ཚོགས་རབ་ཞི་ནས། །ཡེ་ཤེས་སྣང་བ་ངང་གིས་འཆར། །གནས་སྐབས་རྐྱེན་དང་བར་ཆོད་སེལ། །མཐར་ཐུག་མཆོག་གི་དངོས་གྲུབ་འབྱུང་། །ཞོར་ལ་ཐུན་མོང་དངོས་གྲུབ་ཀྱང་། །རྩོལ་མེད་ཆར་གྱི་རྒྱུན་ ― DNG014_Page_0271 ―
[མ་དཔེ་གཟིགས་ན་འདིར་གནོན།]
བཞིན་འབབ། །ཉེས་པ་ཀུན་ལས་གྲོལ་ནས་ཀྱང་། །བདེ་ལེགས་ཡོན་ཏན་དཔལ་དང་ལྡན། །འདི་དག་ལུས་ལ་གནས་པ་ཡི། །རྣལ་འབྱོར་ལུས་རྒྱ་བྲལ་བའི་ཚེ། །འཇའ་འོད་སྐུ་གདུང་རིང་བསྲེལ་འབྱུང་། །ས་གཡོས་མེ་ཏོག་ཆར་འབབ་ཅིང་། །སྒྲ་དང་བཅས་ཏེ་རྟགས་བཟང་འབྱུང་། །གང་དག་ཡེ་ཤེས་རྒྱུད་དྲུག་པོ། །གང་གིས་བཅང་དང་ཀློག་པ་དང་། །འབྲི་དང་ཀུན་ཏུ་སུས་ཆུད་པ། །ཚེ་འདིར་བདེ་ལེགས་དཔལ་ལ་སྐྱོབ། །ཚུལ་ཁྲིམས་འཆལ་དང་དམ་ཚིག་ཉམས། །སྡོམ་པ་གསུམ་ལ་འགལ་བ་རྣམས། །སོར་ཆུད་ཉེས་པས་མི་གོས་ཤིང་། །བསྐལ་པ་གྲངས་མེད་སྡིག་པ་འདག །ཚེ་འཕོས་རིག་འཛིན་རྒྱལ་བའི་ཞིང་། །སྐད་ཅིག་ཉིད་ལ་བགྲོད་པར་འགྱུར། །དེ་དོན་ཡང་དག་ཉིད་ལ་གནས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྒྱུད་འཆང་བའི་ཐབས་དང་ཆེ་བའི་ཡོན་ཏན་བསྟན་པའི་ལེའུ་སྟེ་བརྒྱ་དང་བདུན་པའོ།། །།ཨེ་མ་དཔག་མེད་བཅོམ་ལྡན་གྱིས། །སྐུ་གསུང་ཐུགས་ལས་མངོན་བྱུང་བ། །བླ་མེད་བྱང་ཆུབ་སྒྲུབ་པའི་ལམ། །མཐུན་རྐྱེན་བསྒྲུབ་ཅིང་འགལ་རྐྱེན་བཟློག །ཐུན་མོང་ལས་ཚོགས་ཡིད་བཞིན་ནོར། །གདུལ་བྱ་འདུལ་བ་ཐབས་ཀྱི་སྒོ། །བདག་ཅག་འདུས་པའི་འཁོར་རྣམས་ལ། །ལེགས་གསུངས་ལེགས་གསུངས་ལེགས་པར་གསུངས། །བདག་དང་ཡང་སྤྲུལ་སྤྲུལ་པའི་འཁོར། །ཉིད་ཀྱི་སྟོབས་ལས་མངོན་བྱུང་བ། །ལྷ་དང་མི་དང་ལྷ་མ་ཡིན། །ཀླུ་དང་རིག་སྔགས་འཆང་ལ་སོགས། །དྲི་ཟར་བཅས་རྣམས་ཡི་རངས་ནས། །བཅོམ་ལྡན་གསུངས་ལ་མངོན་པར་བསྟོད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྗེས་སུ་ཡི་རངས་ཤིང་མངོན་པར་བསྟོད་པའི་ལེའུ་སྟེ་བརྒྱ་དང་བརྒྱད་པའོ།། །། ཡོན་ཏན་ཁྱད་པར་རྨད་དུ་བྱུང་བའི་རྒྱུད་བསྟན་པའི་སྲོག་ཤིང་ཞེས་བྱ་བ། བདག་འདྲ་པདྨ་འབྱུང་གནས་ཀྱིས་བསྒྱུར་བ་རྫོགས་སོ། །རྟ་ནག་དྲེགས་པ་སྡེ་བརྒྱད་ཚོགས་ཀྱིས་བཀའི་བྱ་ར་མཛོད། །ས་མ་ཡ། རྒྱ་རྒྱ་རྒྱ། དྷ་ཐིམ། སྤྲུལ་པའི་སྐུ་མཆོག་སངས་རྒྱས་གླིང་པས། བླ་དཀར་དུང་གི་སྒོ་མོ་ནས་བཏོན་པའོ།། །། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ཅེས་བྱ་བ།― DNG014_Page_0272 ―
[མ་དཔེ་གཟིགས་ན་འདིར་གནོན།]
བླ་མ་དགོངས་པ་འདུས་པ་ལས་བླ་མ་ཡི་དམ་མཁའ་འགྲོ་ཐམས་ཅད་ཀྱི་དྲག་སྔགས་ཕྲིན་ལས་ཀྱི་རྒྱུད་སྤུ་གྲི་རེག་ཆོད་བཞུགས་སོ། །རྒྱ་གར་སྐད་དུ། གྷུ་རུ་དྷི་ཝ་ཌཱཀྐི་ནི། སརྦ་ཀརྨ་ཏནྟྲ་ཀྵུ་ར་ཤ་ཙྪེ་ད་ན་ནཱ་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ཅེས་བྱ་བ། བཅོམ་ལྡན་འདས་དཔལ་ཆེན་རྔམ་པ་དྲག་པོ་གཏུམ་རྔམ་རབ་ཏུ་ཁྲོས་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་རྒྱལ་པོ་ལ་ཕྱག་འཚལ་ལོ། །སྣང་སྲིད་རབ་ཏུ་གཡོས་ནས་ནི། །འབྱུང་བ་མེ་རླུང་འཁྲུགས་པའི་ཀློང་། །བདུད་དང་རཱུ་ཏྲ་རབ་བསྒྲལ་ནས། །ཤ་ཁྲག་རྒྱ་མཚོར་འཁྱིལ་པའི་དབུས། །དྲག་སྔགས་མཚོན་ཆའི་གུར་ཁང་དུ། །དྲེགས་པ་ཁྱོ་ཤུག་བསྣོལ་བའི་སྟེང་། །བཅོམ་ལྡན་སྣང་བ་མཐའ་ཡས་སྐུ། །གཟི་བརྗིད་རབ་འབར་སྐུར་བཞེངས་ནས། །སྟོབས་ཀྱི་དཔའ་ཤུགས་རབ་བསྐྱེད་དེ། །སྐུ་གསུང་ཐུགས་ལས་འོད་ཀྱི་ཟེར། །ཚ་ཚས་སྣང་སྲིད་སྟོང་ཁམས་གང་། །མ་རུངས་པ་རྣམས་ཚར་གཅོད་ཅིང་། །སྤྲུལ་པ་དཔག་མེད་འགྱེད་པའི་ཚེ། །འཁོར་གྱི་གཙོ་མཆོག་དབང་ཆེན་རྒྱལ། །ཧ་ཡ་གྷྲཱི་ཝ་དགྲ་བགེགས་གཤེད། །རབ་ཏུ་ཁྲོས་པའི་སྟོབས་ཤུགས་ཅན། །སྐུ་ལ་དུར་ཁྲོད་ཆས་ཀྱིས་བརྒྱན། །སྤྱི་གཙུག་དབང་སྐད་རྟ་མཆོག་འཚེར། །སྤྲུལ་དང་ཡང་སྤྲུལ་དཔག་མེད་འགྱེད། །གསུང་གིས་རྔམ་པའི་ང་རོ་སྒྲོགས། །ཧཱུཾ་ཕཊ་སྒྲ་ཡིས་སྟོང་གསུམ་གཡོ། །ཧ་ཧའི་གད་མོ་ཆེར་འབྱིན་ཅིང་། །དགྱེས་པའི་གདངས་སྐད་འབྱུང་པོ་སྐྲག །སྒྲོལ་འགྱུར་མེད་པའི་ཐུགས་ཀློང་ནས། །ངང་གིས་ཡེ་ཤེས་རྩལ་འབྱིན་ཡང་། །མ་རུངས་པ་ལ་དུག་ཆར་འབེབས། །བརྩེ་བས་འགྲོ་ལ་རབ་དགོངས་ནས། །རྫུ་འཕྲུལ་ཤུགས་ཀྱིས་དྲག་པོར་སྤྲུལ། །འདུས་པའི་འཁོར་གྱི་གཙོ་མཆོག་གིས། །ཉིད་ཀྱི་རྫུ་འཕྲུལ་རྩལ་བཤིག་ནས། །བཅོམ་ལྡན་འདས་ལ་འདི་སྐད་གསོལ། །ཧྲཱྀཿའབར་བའི་ཀློང་ནས་སྐུར་བཞེངས་པ། །ཡང་དག་དོན་ལྡན་བཅོམ་ལྡན་འདས། །སྤྲུལ་པ་ཕྱོགས་བཅུར་འགྱེད་པ་པོ། །བརྩེ་བས་བདག་ལ་དེང་འདིར་དགོངས། །གདུལ་བྱ་རེངས་པར་གྱུར་ནས་ནི། །མ་དག་ལོག་ ― DNG014_Page_0273 ―
[མ་དཔེ་གཟིགས་ན་འདིར་གནོན།]
པའི་ལམ་ཞུགས་པའི། །ལུས་ངག་ཡིད་སྤྱོད་མ་རུངས་པ། །སྡང་ཞིང་གནོད་གདུག་རྩལ་ཕྱུང་ནས། །ཡོངས་ལ་འཚེ་བར་བྱེད་པ་རྣམས། །དེ་དག་འདུལ་བར་བྱེད་པའི་ཐབས། །དྲག་པོའི་ཤུགས་ཀྱིས་སྩལ་དུ་གསོལ། །བྱམས་པར་གྱུར་པའི་ཐུགས་མངའ་ཞིང་། །ཞི་བའི་ངང་ལས་མ་གཡོས་ཀྱང་། །ཐབས་ཀྱིས་གདུག་པ་འདུལ་སླད་དུ། །རབ་ཏུ་ཁྲོས་པའི་ཤུགས་ཕྱུང་ནས། །དྲག་རྦད་ལས་རྣམས་སྩལ་དུ་གསོལ། །ཞེས་སོགས་མྱུར་དུ་ཞུས་པའི་ཚེ། །བཅོམ་ལྡན་རྔམ་པའི་སྟངས་སྟབས་ཀྱིས། །ཕྱོགས་བཅུར་གཟིགས་ཤིང་གཟི་བརྗིད་བཀྱེས། །སྣང་སྲིད་མ་ལུས་རབ་ཏུ་གཡོས། །མ་རུངས་ཆོ་འཕྲུལ་བཀྱེས་ནས་ནི། །ལྗགས་ཟོར་རྔམ་པས་བཀའ་སྩལ་པ། །ཉོན་ཅིག་སྤྲུལ་པ་དབང་ཆེན་དཔལ། །གདུལ་བྱ་མ་རུངས་འདུལ་བའི་ལས། །ཐབས་ཀྱི་རྒྱལ་པོར་ངས་བཤད་ཀྱི། །ཐོག་མར་བརྣག་པའི་འདུན་པས་ཉོན། །བར་ཏུ་རབ་ཏུ་ཁྲོས་པས་ཉོན། །ཐ་མར་དྲག་ཤུལ་སྤྱོད་པས་ཉོན། །སྔོན་འགྲོ་དངོས་གཞི་རྗེས་རིམ་བཞིན། །གཏན་ལ་གང་ཕེབས་བརྣག་པར་བྱོས། །ལོག་པའི་ལམ་ཞུགས་གདུལ་བྱ་རྣམས། །ཐབས་ཀྱིས་འདུལ་བར་བྱ་བ་དང་། །བདུད་དང་རཱུ་ཏྲ་ལ་སོགས་པ། །ལམ་གྱི་འགལ་རྐྱེན་བྱེད་པའི་བགེགས། །དགྲ་སོགས་འཇོམས་པའི་ལས་རྣམས་ཀྱང་། །དྲག་ཤུལ་ལྡན་པས་ཡང་དག་བརྩམ། །འབར་ཞིང་རབ་ཏུ་རྔམ་པ་ཡིས། །ལེགས་བརྗོད་ལས་དང་ལས་ཀྱི་རིགས། །རབ་ཏུ་གསལ་དོན་ཡང་དག་བརྗོད། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ལས། གླེང་གཞིའི་ལེའུ་སྟེ་དང་པོའོ།། །།དགྲ་བགེགས་ལོག་འདྲེན་འཇོམས་པའི་ལས། །སྔོན་དུ་འགྲོ་བའི་རིམ་པ་རྣམས། །བཅོམ་ལྡན་འདས་ཀྱིས་བཀའ་སྩལ་པ། །གནས་དང་དུས་དང་གང་ཟག་དང་། །དམིགས་བྱ་གང་ཡིན་ངོས་བཟུང་དང་། །དམིགས་བྱའི་རཱུ་པ་བྱ་བ་དང་། །ཐུན་རྫས་དང་ནི་བཅས་ཀ་སྟེ། །དྲག་སྔགས་བསྒྲུབ་པར་བྱེད་པའི་གནས། །སྤྱི་དང་བྱེ་བྲག་ཁྱད་པར་གསུམ། །སྤྱིར་ནི་རབ་འཇིགས་དུར་ཁྲོད་གནས། །ངམ་ནག་སྐྱི་གཡའ་ཧོམ་ཁུང་འདྲ། །ཆུ་རོང་བྲག་འདབས་འདྲེ་སྲིན་འཁྲུགས། །བྱ་གཅན་ ― DNG014_Page_0274 ―
[མ་དཔེ་གཟིགས་ན་འདིར་གནོན།]
རྔམ་པ་མ་རུངས་རྒྱུ། །གནམ་ས་གྲུ་གསུམ་ངམ་ནག་ཅིང་། །དུག་དང་དུག་ཤིང་མང་པོ་སྐྱེས། །སྟེང་ནས་ལྷུང་ལ་ཁད་འདྲ་དང་། །འོག་ནས་གྱེན་དུ་གཟེངས་པ་འདྲ། །ས་རྡོ་རི་བྲག་ཁྲོས་འདྲའི་གནས། །བྱེ་བྲག་གནས་ནི་བསམ་མི་ཁྱབ། །ཡེ་ཤེས་ལྷ་ཡི་དྲག་སྔགས་གནས། །སྐྱེ་བོའི་ཁྲོད་དུ་མ་ཡིན་ཞིང་། །རབ་ཏུ་དབེན་ལ་བག་ཕེབས་པ། །བས་མཐའ་ཡངས་པའི་ས་ཕྱོགས་སོ། །འཇིག་རྟེན་པ་ཡི་དྲག་སྔགས་གནས། །དུར་ཁྲོད་ལ་སོགས་འདྲེ་སྲིན་རྒྱུ། །རབ་གནས་མ་བྱས་ས་ཕྱོགས་ཏེ། །ངང་གིས་འཇིགས་པའི་གནས་སུ་བསྒྲུབ། །གཞན་ཡང་བྱེ་བྲག་སོ་སོའི་གནས། །གང་ལ་གང་རིགས་གནས་སུའོ། །ཁྱད་པར་དྲག་སྔགས་བསྒྲུབ་པའི་གནས། །རབ་ནི་ས་དོང་མུན་པ་སྟེ། །རིམ་པ་བདུན་གྱི་ས་འོག་ན། །ལས་ཀྱི་གཤིན་རྗེ་གནས་པའི་ཕྱིར། །སྟོངས་གྲོགས་མཐུ་དཔུང་བྱེད་པའོ། །འབྲིང་ནི་ས་ཁེབས་བྲག་ཕུག་སྟོང་། །ངམ་ནག་མུན་པ་རབ་ཏུ་འཁྲིགས། །དྲེགས་པ་སྡེ་བརྒྱད་གནས་པ་སྟེ། །བྱང་ཕྱོགས་ཁ་བལྟའི་ཕུག་པ་ཤིས། །ལས་རྣམས་མྱུར་དུ་འགྲུབ་པར་འགྱུར། །སྐུ་གསུང་ཐུགས་རྟེན་མི་བཞུག་གནས། །ཡང་ན་རབ་ཏུ་གནས་ཞིག་ཅིང་། །འབྱུང་པོས་བདག་བྱས་གཙུག་ལག་ཁང་། །མདོར་ན་འཇིག་རྟེན་དྲེགས་པའི་ཚོགས། །རྒྱུ་ཞིང་གནས་པའི་སར་བསྒྲུབས་པས། །གཅིག་རྒྱབ་གཅིག་གིས་བྱས་པ་ཡི། །གང་དང་གང་གིས་ལས་བྱས་པའི། །དེ་དང་དེ་དག་མྱུར་དུ་འགྲུབ། །ཐོགས་པ་མེད་པའི་མཐུ་ཐོབ་འགྱུར། །དེ་བཞིན་དྲག་སྔགས་བསྒྲུབ་པའི་དུས། །དུས་གཟའ་དྲག་པོ་རྒྱུ་བ་སྟེ། །ཕུང་གསུམ་བདུད་ཀྱི་ཉི་མ་དང་། །དྲེགས་པ་སྟོབས་ལྡན་རྒྱུ་བའི་དུས། །གཟའ་དང་སྐར་མ་རྩུབ་ལ་སོགས། །གང་དང་གང་གི་རིགས་རྣམས་ལ། །དེ་དང་དེ་ཡི་རིགས་བསྟུན་ནས། །ནམ་ཕྱེད་སྲོད་དང་མུན་པ་འཁྲིགས། །དུས་དེར་དྲག་པོའི་བསྙེན་བསྒྲུབ་དང་། །ལས་ལ་སྦྱར་བ་རབ་ཏུ་ཤིས། །ཟླ་བ་མར་གྱི་ངོ་དག་ལ། །ལས་མཐའ་མནན་བསྲེག་ཟོར་ལས་བྱ། །ཡང་ནི་སྔགས་པའི་རྒྱུད་འཁྲུགས་ནས། །རྔམ་ཞིང་ངར་དང་ལྡན་པའི་དུས། །སྐད་ཅིག་ཉིད་དེར་ལས་སྦྱོར་བརྩམ། །གནམ་ལྕགས་ཐོག་ ― DNG014_Page_0275 ―
[མ་དཔེ་གཟིགས་ན་འདིར་གནོན།]
དང་མཚུངས་པ་སྟེ། །ལས་གང་ཐོགས་པ་མེད་པར་འགྲུབ། །རབ་ཏུ་གཡོ་བའི་དུས་དང་ནི། །ཕྱི་ནང་འབྱུང་བ་འཁྲུགས་པ་དང་། །ཉི་ཟླ་སྒྲ་གཅན་འཛོམ་པའི་ཚེ། །མངོན་སྤྱོད་དྲག་པོའི་ལས་ལ་འཇུག །དེས་ནི་ལས་རྣམས་མྱུར་འགྲུབ་འགྱུར། །མངོན་སྤྱོད་བསྒྲུབ་པའི་གང་ཟག་ནི། །སེམས་རྒྱུད་རབ་ཏུ་གཏུམ་པ་ལས། །བློ་སྟོབས་ཆེ་ཞིང་ཞུམ་པ་མེད། །ལུས་རྔམ་ཁྲོ་བོ་ཁྲོས་པ་འདྲ། །མིག་རྩ་དམར་ལ་སྐྲ་ལོ་གཟིང་། །སྤྱོད་ལམ་ཐུག་ཐུབ་རབ་ཏུ་ཆེ། །ངག་ཉུང་བཟླས་བརྗོད་སྔགས་ལ་བརྩོན། །ཤ་ཁྲག་དམར་ལ་རབ་ཏུ་དད། །དྲག་པོའི་ལས་ལ་རབ་ཏུ་བརྩོན། །རྒྱུད་རྩུབ་ཁྲོ་གཏུམ་རབ་ཏུ་ཆེ། །ཞེ་ནག་འཛིན་ཤེས་གཏོང་མི་ཤེས། །བསྟན་ལ་བརྩི་ཞིང་སྤྱི་སེམས་ཆེ། །བྱ་བ་གང་ཡང་མཐར་འབྱུང་བྱེད། །བརྩོན་འགྲུས་ལྡན་ཞིང་སྙིང་རུས་ཅན། །གར་ཡང་ཐོགས་མེད་འཇུག་པ་ཡི། །གང་ཟག་དེ་འདྲས་བསྒྲུབ་པ་ན། །ལྷུན་འགྲུབ་དགྲ་བགེགས་ཐུལ་བར་འགྱུར། །དེ་ལས་ལོག་པའི་གང་ཟག་རིགས། །འཇམ་ལ་ཞི་དུལ་ལྡན་པ་ཡི། །བློ་སྣ་ཐུང་བའི་རིགས་ཅན་གྱིས། །བསྒྲུབས་ཀྱང་འགྲུབ་པར་མི་འགྱུར་རོ། །དམིགས་བྱ་ངོས་བཟུང་རྣམ་པ་གཉིས། །དགྲ་དང་བགེགས་ཏེ་དགྲ་བོ་ནི། །སྤྱི་དང་བྱེ་བྲག་རྣམ་པ་གཉིས། །སྤྱིར་ནི་སངས་རྒྱས་བསྟན་པ་ལ། །གནག་པའི་སེམས་འཆང་གདུག་རྩུབ་ཅན། །དགེ་འདུན་སྤྱི་དགྲ་བྱེད་པ་དང་། །དཀོན་མཆོག་སྡེ་བའི་ནོར་རྣམས་འཇོམས། །དཀོར་ཆ་འཇོམས་ཤིང་དབེན་གནས་བཤིག །བྱང་ཆུབ་སེམས་དཔའི་ཐུགས་དཀྲུག་ཅིང་། །བསམ་གཏན་བསྒོམ་པའི་གེགས་བྱེད་པ། །བླ་མ་དམ་པའི་སྐུ་ལ་བསྡོས། །སེམས་ཅན་ཡོངས་ལ་འཚེ་བ་བྱེད། །རྟག་ཏུ་སྡིག་པའི་ལས་ལ་སྤྱོད། །དགེ་འདུན་དབྱེན་བྱེད་གནག་སེམས་བྱེད། །དཀོན་མཆོག་གསུམ་ལ་རྒྱབ་ཀྱིས་ཕྱོགས། །མདོར་ན་སངས་རྒྱས་བསྟན་པ་ཡི། །སྤྱི་དགྲ་བྱེད་ཅིང་འགྲོ་ལ་འཚེ། །དམིགས་བྱ་དེ་འདྲ་བསྒྲལ་བའི་ཡུལ། །བྱེ་བྲག་རང་ཉིད་མ་ཉེས་པར། །དོ་བསྡོ་ཕོད་བཙུག་བརྙས་པ་འཆང་། །རྐུན་སྣ་གཏད་ཅིང་ཇག་འདྲལ་བྱེད། །བརྡུང་བཙོག་འཕྲོག་བཅོམ་རྩུབ་འཁྲུག་སྟོན། །ལན་ཉེས་མེད་པར་ཞེ་གཅོད་ཅིང་། །སྐུ་ལ་བསྡོ་ ― DNG014_Page_0276 ―
[མ་དཔེ་གཟིགས་ན་འདིར་གནོན།]
ཞིང་རིགས་ལ་བསྙེགས། །གནག་པའི་མཐིལ་འཆའ་ཟ་ལམ་གཅོད། །མདོར་ན་རང་ལ་སྡང་བྱེད་ཅིང་། །ལུས་ངག་ཡིད་སོགས་དུ་མ་ཡིས། །གནོད་ཅིང་སྡང་བར་གང་བྱེད་པའི། །རྣལ་འབྱོར་སྒོས་དགྲ་ཡིན་པའི་ཕྱིར། །དེ་དག་མྱུར་དུ་བསྒྲལ་བའི་ཡུལ། །རང་གིས་མ་ཉེས་གཞན་གྱིས་བཙུག །དེ་དག་བསྒྲལ་བའི་ཡུལ་ཡིན་ནོ། །བགེགས་ནི་ལས་ཀྱིས་མནར་བ་ཡི། །ལུས་སེམས་མ་རུངས་འབྱུང་པོའི་རིགས། །ངང་གིས་གཞན་ལ་གནོད་གྱུར་ཅིང་། །དཀར་པོ་དགེ་བའི་བར་ཆད་བྱེད། །ཚེ་ལ་རྐུ་ཞིང་སྲོག་ལ་འཇབ། །ཁ་རྗེ་དབང་ཐང་དག་ལ་གནོད། །མཐོ་རིས་ཐར་པའི་གེགས་བྱེད་ཅིང་། །འཁོར་བ་ངན་སོང་རྒྱུ་སོགས་པའི། །བདུད་དང་བདུད་ཀྱི་རིས་ཀྱི་ལྷ། །སྐབས་ཚོལ་གླགས་ལྟ་ལུས་སྲོག་འཇོམས། །བསྒྲུབ་ལ་བར་ཆད་སྣ་ཚོགས་བྱེད། །འདྲེ་བདུད་འབྱུང་པོ་གང་དང་གང་། །དགེ་བའི་ལས་དང་བསམ་པ་ལ། །བར་ཆད་བྱེད་པ་གང་ཡིན་པ། །མི་མིན་དེ་དག་བསྒྲལ་བའི་ཡུལ། །དེ་ལྟར་དམིགས་བྱ་ངོས་ཟིན་ནས། །དགྲ་བགེགས་རཱུ་པ་བྱ་བ་ནི། །འབུར་དུ་དོད་དང་རིས་སུ་བྲིས། །མིང་བྱང་དག་ལ་གདགས་པའོ། །དང་པོ་འབུར་དུ་བཏོད་པ་ནི། །སོ་སོའི་ཟག་རྫས་རྗེས་ས་དང་། །དུར་ཁྲོད་དག་གི་ས་དང་ནི། །ཕུང་ཤུལ་འདྲེ་གནས་དག་གི་ས། །དུག་ཁྲག་རོ་སོལ་དུར་ཐལ་དང་། །དམེ་པོ་རབས་ཆད་མཛེ་པོ་ཡི། །བསྡད་ཤུལ་འགྲིམ་ལམ་ཁང་ས་སྟེ། །མདོར་ན་ཤིན་ཏུ་བཀྲ་མི་ཤིས། །ངན་པ་ལས་བྱུང་རྫས་རྣམས་ལས། །ཁམ་ས་གནག་ལྕི་བག་ཕྱེ་དང་། །འབྲུ་ནག་ཕྱེ་དང་དུར་ཐལ་དང་། །རང་རང་ལས་ཀྱི་ས་སྣ་སོགས། །གང་དང་གང་ལས་བྱུང་བ་ཡི། །རཱུ་པ་ཆེ་ཚད་ལུས་དང་མཉམ། །འབྲིང་པོ་དམིགས་བྱའི་ཁྲུ་གང་སྟེ། །ཐ་མ་དེ་ཡི་མཐོ་གང་ཚད། །གཟུགས་དང་དབང་པོ་སྐྱེ་མཆེད་དོད། །རིད་ལ་ཉམ་ཐག་སྟོབས་དང་བྲལ། །ཡི་མུག་ངུ་བའི་རྣམ་འགྱུར་ཅན། །ཡན་ལག་རེངས་སམ་འཁུམས་པའི་གཟུགས། །ཤ་ཤོར་རུས་པའི་མཁྲིག་མ་ཞིག །བགེགས་ལ་ཡི་དྭགས་རྣམ་པ་ཅན། །གསུས་པ་ཆེ་ལ་ཡན་ལག་རིང་། །མཇིང་པ་ཕྲ་ཞིང་མགོ་བོ་རྒྱས། །མིག་ནི་ ― DNG014_Page_0277 ―
[མ་དཔེ་གཟིགས་ན་འདིར་གནོན།]
གྱེན་ལ་ཨ་འབྲས་ལོག །ཁ་བགྲད་ལྕེ་བརྐྱངས་མ་ནེ་འཕྱང་། །ཕོ་མོ་གང་ཡིན་དབང་པོ་དོད། །གང་ཡང་ལུས་ཀྱི་ཆ་ཚང་བར། །འོས་པའི་ཚོན་གྱིས་མདོག་བསྒྱུར་ཞིང་། །རྣམ་ཤེས་ཆགས་པའི་གཏའ་ཡིན་པས། །གཟུགས་དང་སྐྱེ་མཆེད་དོད་པར་བྱ། །རིས་སུ་བྲིས་པའི་ལིངྒ་ནི། །གཞི་མ་རོ་རས་དུག་ཤོག་དང་། །ལ་ལ་ཞིང་ལྤགས་དག་ལ་སྟེ། །གང་ཡིན་ཆེ་ཚད་མདའ་གང་ལ། །འབྲིང་པོ་ཁྲུ་གང་ཐ་མ་ཡང་། །མཐོ་གང་སོར་བཞི་དག་ལ་བྲི། །སྣག་ཚ་ཕལ་ཆེར་དུག་ཁྲག་སྟེ། །རང་རང་གང་རིགས་རྫས་ཀྱིས་བྲི། །དེ་ཡང་སྐྱེ་མཆེད་དོད་པ་ལ། །དབང་པོ་ཚང་ཞིང་ཡན་ལག་རྫོགས། །ཁ་མིག་བགྲད་ཅིང་སྐྲ་ལོ་གཟིང་། །རྐང་ལག་ལྕགས་སྒྲོག་བྱད་དུ་གཞུག །རང་ལ་རང་གཤེད་བྱེད་པའི་ཚུལ། །དེ་ལྟར་བྲིས་དང་ལ་ལ་ནི། །དམིགས་བྱའི་འདྲ་འབག་གཟུགས་སུ་བཀོད། །དེ་དང་དེ་ལྟར་བྱེ་བྲག་རྣམས། །རྣམ་རིག་ཤེས་རབ་ཅན་དག་གིས། །གང་ལ་གང་འོས་བཀོད་པར་བྱ། །དེ་ལྟར་བྲིས་པའི་སྙིང་ག་རུ། །དགྲ་ལ་ནྲྀ་དང་བགེགས་ལ་ཏྲི། །ཐ་མར་རང་རང་མིང་རུས་དང་། །ཛཿཧཱུཾ་བཾ་ཧོཿ། མ་ར་ཡ་ཁུག་ཛ། ཡིག་མགོ་ནང་དུ་བསྟན་པ་བྲི། །དཔྲལ་བར་རུས་བྲི་ཁ་ལ་ནི། །དུང་དུང་ཛ་ཛ་བྲི་བར་བྱ། །བརླ་ལ་བླ་དྭགས་བྲི་བར་བྱ། །བྱིན་པ་གཉིས་ལ་ནྲྀ་ཏྲི་བྲི། །འདོམས་ལ་ཕཊ་དང་རྐང་ཞབས་ཡཾ། །ཡན་ལག་ཛཿཧཱུཾ་བཾ་ཧོཿབཀོད། །སྤྱི་བོར་མཱ་ར་ཡ་ནན་བྲི། །གཡས་སུ་ཕ་རྒྱུད་རྩད་ཆོད་དང་། །གཡོན་དུ་མ་རྒྱུད་མངལ་ནས་སྐོམས། །མདུན་ནམ་ལྟོ་བར་སྲིད་པ་དཀྲུག །ཅེས་སོགས་དམོད་མོ་གང་ཤེས་བྲི། །ཐ་མར་ལས་སྔགས་གང་འོས་བཀོད། །དེའི་མཐར་ཛཿདང་ཁྲམ་རིས་དང་། །སྦལ་སྦྲུལ་སྡིག་པ་འཛིངས་པས་བསྐོར། །ཐར་ལམ་བྲོས་ཁུང་མེད་པའི་ཚུལ། །འབྱུང་བ་འཁྲུགས་པའི་ཀློང་དུ་ཚུད། །གཞི་མ་ས་སྟེང་མེད་པ་ཅན། །རབ་ཏུ་གཏམས་པ་བྲི་བར་བྱ། །དེ་ལས་གཞན་ཡང་རང་རང་གིས། །ལས་མཐའ་དང་ནི་བསྟུན་ཏེ་བྲི། །དེ་ལྟར་བྲིས་པའི་རཱུ་པ་ལ། །རང་རང་ཟག་པའི་རྫས་ཀྱིས་བྱུགས། །སྔགས་རྣམས་མི་བཀླག་རང་བབ་བཞག །མངའ་ཐང་ཉམས་པར་བྱ་བའི་ཕྱིར། །མགོ་རྟིང་བཟློག་ནས་ལྟེབ་པ་ ― DNG014_Page_0278 ―
[མ་དཔེ་གཟིགས་ན་འདིར་གནོན།]
དང་། །བཞག་པའི་ལུགས་ཀྱང་དེ་བཞིན་བྱ། །དུག་ཁྲག་ལ་སོགས་རྫས་ངན་ཡང་། །གང་རིགས་ལས་ཀྱི་མཐའ་དང་བསྟུན། །མདོར་ན་བརྣག་པར་བྱེད་པ་ཡི། །དགྲ་བགེགས་རཱུ་པའི་ལིངྒ་ནི། །རང་གཟུགས་སྐྱེ་མཆེད་དོད་པ་ལ། །རབ་ཏུ་ཉམས་པའི་ཚུལ་ཅན་བྱ། །ཐུན་རྫས་སྐམ་རློན་རྣམ་པ་གཉིས། །སྐམ་ཐུན་རྫས་ངན་སྣ་ཚོགས་དང་། །ཀེ་ཙེ་ཤང་ཙེ་ཉུང་དཀར་དང་། །ཏིལ་དང་འབྲུ་ནག་སྣ་ཚོགས་དང་། །ཞ་ཉེ་ཟངས་ལྕགས་ཁྲོ་ཕྱེ་དང་། །རྩུབ་པའི་རྡོ་ཕྱེ་དཀར་ནག་དང་། །དུག་རིགས་སྣ་ཚོགས་འབྲས་བུ་དང་། །དུར་ཁྲོད་ལས་བྱུང་རྫས་རྣམས་དང་། །རང་རང་གཤེད་རྫས་སྣ་ཚོགས་སོ། །རློན་ཐུན་ཁྲག་ལ་གཞི་བླངས་པའི། །སྣ་ཚོགས་དུག་གི་ཁུ་བ་དང་། །ཡུགས་སའི་མངལ་ཁྲག་མཛོ་དྲེལ་ཆུ། །མཛོ་ཕོའི་ཁྲག་རྣམས་གང་རྙེད་དང་། །མཚོ་ལྐུགས་ཆུ་མིག་ལྐུགས་པའི་ཆུ། །རབས་ཆད་ཕོ་མོའི་མཆིལ་སྣབས་དང་། །ལྐུགས་པའི་དྲི་ཆེན་དྲི་ཆུ་དང་། །དེ་སོགས་རྫས་ངན་སྣ་ཚོགས་པ། །ཕྱེ་མ་རིལ་བུ་སྦངས་པ་ལ། །དྲི་ངན་རབ་ཏུ་བཀུ་བ་ཅན། །ཤིན་ཏུ་གདུག་པར་བྱས་པའོ། །དེ་ནས་བཅའ་གའི་རིམ་པ་ནི། །ཤིན་ཏུ་ནག་པའི་གནས་ཁང་དུ། །བྱང་དུ་ཁ་བལྟས་བྲུབ་དོང་བཅས། །དུར་ཁྲོད་ལ་སོགས་ས་རྫས་ཀྱིས། །སྟེགས་བུ་མདའ་གང་གྲུ་བཞི་འམ། །འདོམ་གང་གྲུ་བཞི་ལ་སོགས་པའི། །རིགས་དང་རིགས་ལས་བྱུང་བ་བྱ། །དཔངས་སུ་ཁྲུ་གང་བྱས་པ་ལ། །དབུས་སུ་བྲུབ་དོང་གྲུ་གསུམ་བྱ། །ཡངས་དོག་ཐོད་པ་ཁ་སྦྱོར་ཤོང་། །དེ་ལས་གཞན་ཡང་གང་རིགས་བྱ། །ཕྱི་ནང་མེད་པར་དུག་ཁྲག་དང་། །དུར་ཐལ་རོ་སོལ་དག་གིས་བྱུགས། །རྫས་ངན་རྣམ་པ་དུ་མ་ཡིས། །དཀྱིལ་འཁོར་བྲུབ་དང་ཁྱབ་པར་བྱུགས། །ཁ་བད་བང་རིམ་ལྕགས་རི་སོགས། །ཐ་མ་དྲག་པོའི་རྩང་གིས་བསྐོར། །རིགས་དང་རིགས་མཐུན་ལྡན་པ་པོ། །མཁས་པས་གང་ལ་གང་རིགས་བྱ། །མདོར་ན་འཇིགས་ལ་རྔམ་པ་ཅན། །ལས་ཀྱི་གཤིན་རྗེའི་ཕོ་བྲང་ལྟར། །ཞིང་ལྤགས་མི་མགོའི་དྲ་ཕྱེད་དང་། །རྒྱུ་མའི་ལྡ་ལྡི་རོ་རས་ཀྱི། །འཕན་གདུགས་ལ་སོགས་དུར་ཁྲོད་ཀྱི། །ཕོ་བྲང་རབ་ ― DNG014_Page_0279 ―
[མ་དཔེ་གཟིགས་ན་འདིར་གནོན།]
ཏུ་འཇིགས་པར་བྱ། །དེ་ལས་གཞན་ཡང་བཅས་ཀྱི་རིགས། །གང་ལ་གང་དང་དེ་ལ་དེའི། །བྱེ་བྲག་རྣམ་པ་མང་པོ་དག །མཁས་པ་རྣམས་ཀྱིས་དཔྱད་དེ་བྱ། །ཁྲོ་རྒྱལ་གཏུམ་པོའི་ཕོ་བྲང་ལས། །དྲེགས་པ་སྡེ་བརྒྱད་འདུ་བའི་གནས། །འདྲེ་སྲིན་འབྱུང་པོ་འཚོགས་པའི་ས། །དྲག་པོ་ལས་ཀྱི་ཧོམ་ཡིན་པས། །འཇིགས་ལ་ཡ་ངའི་ཚུལ་ཅན་བྱ། །དེ་ལྟར་བྱས་པའི་ཧོམ་ཁུང་དུ། །དགྲ་བགེགས་དམིགས་བྱའི་རཱུ་པ་གཞུག །ཐོད་པ་ཁ་སྦྱོར་ལ་སོགས་པའི། །ལིང་སྣོད་རྫས་ངན་གང་རིགས་ཀྱི། །ནང་དུ་གཞུག་པར་བྱེད་པའོ། །མིང་བྱང་དག་ལ་འདི་ལྟར་གདབ། །དྲག་པོ་དག་ནི་དུག་རིགས་ཀྱི། །ཤིང་ལས་བྱས་པའི་བྱང་བུ་ལ། །དུག་ཁྲག་རྫས་ངན་སྣ་ཚོགས་ཀྱིས། །དགྲ་བོའི་མིང་རུས་མཁན་གསུམ་བཀོད། །སྒོ་ཁྱི་ཡུལ་འབྲོག་ས་ཞིང་དང་། །བང་མཁར་མི་ནོར་འཁོར་བཅས་ཀྱི། །ནོར་འཁྲུལ་མེད་པའི་མིང་བཀོད་དེ། །བྲུབ་དོང་ཕྱི་ནང་བར་ཁྱམས་སུ། །རྣམ་པ་མང་དུ་བྱས་ལ་བཀོད། །གཟུགས་དང་བཀྲམ་པ་གང་རིགས་བྱ། །དེ་ནས་སྣང་སྲིད་ལྷ་འདྲེ་ལ། །གཏོར་མ་གསེར་སྐྱེམས་བཏང་ནས་ཀྱང་། །བཀའ་བསྒོ་བདེན་སྟོབས་དྲག་ཏུ་བརྗོད། །ཡེ་ཤེས་ལྷ་ལ་མཁྱེན་གསོལ་བྱ། །འཇིག་རྟེན་ལྷ་ལ་ཉེས་པ་བསྒྲག །རང་གིས་མ་ཉེས་བདེན་པ་བརྗོད། །ཁོ་ཡིས་ཉེས་པ་ཕྲ་མ་གཞུག །རང་ཉིད་ལྷ་ཡི་ང་རྒྱལ་བསྐྱེད། །བལྟ་བ་གནད་དུ་ཚུད་པ་དང་། །ཡེ་ཤེས་ལྷ་ཡི་སྔགས་ཚད་བགྲང་། །རང་རང་གཉེན་པོ་སྟོབས་ཀྱི་ལྷ། །གང་ལ་གང་རིགས་ལྡན་པ་གཅེས། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ལས། སྔོན་དུ་འགྲོ་བའི་ལས་རིམ་བསྟན་པའི་ལེའུ་སྟེ་གཉིས་པའོ།། །།བཅོམ་ལྡན་དཔག་མེད་ཧེ་རུ་ཀས། །དབང་ཆེན་འབར་བ་ལ་སོགས་པའི། །དྲག་པོ་འདུས་པའི་འཁོར་རྣམས་ལ། །དྲག་སྔགས་དངོས་གཞིའི་ལས་གསུངས་པ། །བསྙེན་དང་སྒྲུབ་པ་ལས་སྦྱོར་ཏེ། །བསྙེན་པ་ལ་ཡང་རྣམ་པ་གཉིས། །ཡེ་ཤེས་ལྷ་ཡི་བསྙེན་པ་དང་། །འཇིག་རྟེན་དྲེགས་པའི་བསྙེན་པའོ། །ཡེ་ཤེས་ལྷ་ཡི་བསྙེན་པ་ལ། །དཀྱིལ་འཁོར་རྣམ་པ་གསུམ་ལྡན་པའི། །གྲངས་རྟགས་དུས་ཚད་གཏན་ ― DNG014_Page_0280 ―
[མ་དཔེ་གཟིགས་ན་འདིར་གནོན།]
ལ་དབབ། །འཇིག་རྟེན་དྲེགས་པའི་བསྙེན་པ་ལ། །བདག་ཉིད་ལྷ་ཡི་ང་རྒྱལ་གྱིས། །གནད་ལ་དབབ་པའི་ཚུལ་གྱིས་ནི། །ལྷ་སྲིན་དྲེགས་པ་གང་ཡིན་པ། །སྲོག་སྔགས་གཡེལ་མེད་མྱུར་དུ་འབད། །མངོན་སུམ་རྟགས་ཀྱིས་གཏན་ལ་དབབ། །རྣལ་འབྱོར་གཡོ་མེད་ངང་དུ་བཞག །དེ་སོགས་བསྙེན་པའི་རིམ་པ་རྣམས། །གོང་གནོན་ཡིན་པས་ཚོགས་སུ་གཞུག །དེ་ནས་སྒྲུབ་པ་བྱེད་པ་ནི། །དང་པོ་འབོད་པའི་བསྒྲུབ་པ་དང་། །བར་དུ་རྦད་པའི་བསྒྲུབ་པ་དང་། །ཐ་མར་བསད་པའི་ལས་རིམ་སྟེ། །སྤྱི་དྲིལ་རྣམས་ལ་ངེས་པ་མེད། །མན་ངག་རང་རང་གཞུང་དུ་བྱ། །དང་པོ་འབོད་པ་རྣམ་པ་གཉིས། །ཏིང་འཛིན་སྔགས་དང་རྫས་བཅས་ལ། །བརྟེན་ནས་ཡེ་ཤེས་ལྷ་འབོད་བསྒྲུབ། །གྲུབ་ནས་གང་འདོད་ཕྲིན་ལས་སྦྱར། །དམིགས་རྟེན་རྫས་དང་དཀྱིལ་འཁོར་དང་། །སྐོང་རྫས་གཏོར་ཚོགས་རང་རང་གི། །དགྱེས་པའི་རྫས་དང་དམིགས་པ་དང་། །དྲག་པོའི་སྔགས་ཀྱི་རིམ་པ་ལ། །བརྟེན་ནས་འཇིག་རྟེན་ལྷ་འདྲེ་འབོད། །བདག་བསྐྱེད་ཡེ་ཤེས་ལྷ་གསལ་གདབ། །ཆེ་བའི་ང་རྒྱལ་དྲག་ཏུ་བསྐྱེད། །འཇིག་རྟེན་ལྷ་འདྲེ་མདུན་དུ་དམིགས། །བྲན་དང་བཀའ་ཉན་ཚུལ་དུ་བྱ། །མདོར་ན་རྗེ་དང་འབངས་ཀྱི་ཚུལ། །དེ་ལྟར་བུ་ཡི་ཚུལ་དུ་འབོད། །རྦད་དང་བསད་པའི་བསྒྲུབ་པ་ནི། །ཟུང་འཇུག་ཡིན་པས་འདི་ལྟ་སྟེ། །དམིགས་བྱ་བསྐྱེད་དང་དགུག་པ་དང་། །ལྷ་དབྱེ་སྲོག་དང་ཕྲལ་བ་དང་། །གཟུགས་ལ་དབབ་དང་བྱད་དུ་གཞུག །ཐུན་གྱིས་བྲབ་དང་སྲོག་འཕྲོག་ལས། །གཟུགས་ཕུང་ལྷ་ལ་དབུལ་བ་དང་། །རྣམ་ཤེས་སྤར་དང་ཚེ་ལུང་དང་། །ཁྲུས་ལུང་དག་གིས་ལས་ལ་སྦྱར། །དང་པོ་དམིགས་བྱ་བསྐྱེད་པ་ནི། །བདག་ཉིད་ལྷ་ཡི་ང་རྒྱལ་གྱིས། །མདུན་དུ་ལས་ཀྱི་གཤིན་རྗེ་ཡི། །ཕོ་བྲང་དྲག་ཤུལ་འཇིགས་པའི་གནས། །གཏི་མུག་མུན་པ་ནག་པོའི་ནང་། །ཞེ་སྡང་རླུང་ནག་འཚུབ་པའི་དཀྱིལ། །འདོད་ཆགས་མེ་དཔུང་འབར་བའི་དབུས། །ལས་ཀྱི་བཤན་པ་རྒྱུ་བའི་ས། །ཁྲོ་རྒྱལ་དམག་དཔུང་འདུས་པ་དེར། །དམིགས་རྟེན་རཱུ་པ་དེ་ཉིད་ཀྱི། །དགྲ་བགེགས་གང་ཡིན་ས་བོན་ལས། །མངོན་སུམ་ལམ་ ― DNG014_Page_0281 ―
[མ་དཔེ་གཟིགས་ན་འདིར་གནོན།]
མེར་སྣང་བའི་གཟུགས། །ཤིན་ཏུ་རིད་ལ་ཉམ་ཐག་པ། །ལག་པ་མྱ་ངན་ཕྱག་རྒྱ་བཅའ། །སྐྲ་གཟིང་མིག་ནས་མཆི་མ་འབབ། །སོ་གཙིགས་ལྕེ་བརྐྱངས་མ་ནེ་འཕྱང་། །ཡི་མུག་ཚུལ་དུ་གནས་པ་འམ། །ཡང་ན་དགྲ་བགེགས་གང་ཡིན་ཀྱང་། །རང་གཟུགས་རྣམ་འགྱུར་ཆ་ལུགས་ཅན། །ཤིན་ཏུ་རྒུད་པའི་རྣམ་པར་གསལ། །དེ་ལྟར་བརྟེན་ལ་བསྐྱེད་ནས་ཀྱང་། །རྣམ་ཤེས་རྟེན་ལ་དགུག་པ་ནི། །རང་ཉིད་དབང་ཆེན་འབར་བ་འམ། །མོས་པའི་ཁྲོ་བོར་བསྐྱེད་བྱ་སྟེ། །ཆེ་བའི་ང་རྒྱལ་ལྡན་པའི་ངང་། །ཐུགས་ཀ་ལ་སོགས་གནས་རྣམས་ནས། །ཕོ་ཉ་སྤྲུལ་པའི་ལས་མཁན་ནི། །ལྕགས་ཀྱུ་ཞགས་པ་ལྕགས་སྒྲོག་དྲིལ། །དཔག་ཏུ་མེད་པའི་སྤྲོ་བསྡུ་ཡིས། །དགྲ་བོ་ཟས་ལ་ཡེངས་པ་འམ། །གཉིད་ཀྱིས་ནོན་པའི་དུས་སུ་དགུག །ལག་པ་ལྕགས་ཀྱུའི་ཕྱག་རྒྱ་བཅའ། །དཀོན་མཆོག་བདེན་པའི་སྟོབས་བརྗོད་དེ། །དམིགས་བྱ་དགྲ་བོ་གང་ཡིན་གྱི། །རྣམ་ཤེས་ཡི་གེ་ནྲྀ་ཡི་ཚུལ། །རང་དབང་མེད་པར་བཀུག་ནས་ཀྱང་། །དམིགས་རྟེན་རཱུ་པ་དག་ལ་བསྡིམ། །གཞན་ཡང་དབང་པོ་གཟུགས་ཕུང་བཅས། །དྲག་ཏུ་བཀུག་ལ་གཟུགས་ལ་བསྡིམ། །ལུས་འདར་ངག་དངངས་སེམས་མྱོས་ནས། །མངོན་སུམ་མདུན་དུ་ཁུགས་པར་བསམ། །བགེགས་ཀྱི་ས་བོན་ཏྲི་ལས་བསྐྱེད། །དགུག་གཞུག་སྔར་དང་འདྲ་བ་ལས། །ཁྱད་པར་ནམ་ཕྱེད་ཉིན་ཕྱེད་དགུག །རྣམ་ཤེས་ཏྲི་ཡི་རྣམ་པ་ཅན། །དམིགས་རྟེན་རང་གཟུགས་དག་ལ་བསྡིམ། །གཞན་ཡང་དགྲ་བགེགས་འགུགས་པ་ཡི། །སྦྱོར་བའི་རྣམ་གྲངས་དཔག་མེད་བྱ། །ལྷ་དབྱེ་གྲོགས་དང་ཕྲལ་བ་ནི། །རྫས་ངན་དུད་པས་རཱུ་པ་བདུག །དབྱེ་བའི་ཕྱག་རྒྱ་དམོད་མོ་དང་། །སྔགས་རྣམས་བརྗོད་ཅིང་དམིགས་པ་གཏད། །ཕོ་ལྷ་དགྲ་ལྷ་མ་ལྷ་དང་། །ཞང་ལྷ་སྲོག་ལྷ་ལེའུའི་ལྷ། །ཡུལ་གྱི་རྩེ་ལྷ་ལ་སོགས་པའི། །མགོན་སྐྱབས་དཔུང་གྲོགས་བྱེད་པ་ཡི། །རྒྱབ་བརྟེན་དག་དང་ཕྲལ་བར་བྱ། །གྲོགས་མེད་རྟེན་དང་བྲལ་ནས་ཀྱང་། །མགོན་སྐྱབས་དཔུང་རོགས་མེད་པར་བསམ། །དེ་ནས་གཟུགས་ལ་དབབ་པ་ནི། །ལུས་ལ་ལུས་དང་ངག་ལ་ངག །རྣམ་པར་ ― DNG014_Page_0282 ―
[མ་དཔེ་གཟིགས་ན་འདིར་གནོན།]
ཤེས་པ་རྟེན་ལ་བསྡིམ། །དེ་ཡང་བྱེ་མ་ཚན་མོ་ལ། །མར་ཐིམ་ལྟ་བུར་གྱུར་ནས་ཀྱང་། །ལུས་ངག་ཡིད་གསུམ་གཅིག་ཏུ་འདྲེས། །དེ་ཡང་ལུས་ངག་ཡིད་གསུམ་པོ། །རྣམ་པར་ཉམས་ནས་རབ་ཏུ་མྱོས། །བཀྲག་དང་གཟི་མདངས་ཡལ་ནས་ནི། །སྔོ་ལ་ཧམ་པ་ཐལ་བའི་མདོག །དབང་པོའི་སྟོབས་བཅུད་ཉམས་པར་དམིགས། །དེ་ནས་བྱད་དུ་བཅུག་པ་ནི། །དབང་པོ་ཡན་ལག་བྱད་དུ་གཞུག །རྣམ་ཤེས་གྲུ་གུ་ལྟ་བུར་བསྒྲིལ། །ཕྱག་རྒྱས་ཡན་ལག་བཀྱིག་པ་དང་། །འཁྱོག་འགུལ་མེད་པར་བསྡམ་པའི་ཚུལ། །ཚོན་སྐུད་སྣ་ལྔ་ལ་སོགས་པ། །བྱད་ཐག་རྣམས་ཀྱིས་རཱུ་པ་དེ། །འགུལ་དབང་མེད་པའི་ཚུལ་གྱིས་ནི། །རྒྱ་གྲམ་སྐོར་བུ་རིས་སུ་བསྡམ། །སྟོབས་དང་གཟི་མདངས་ཉམས་ནས་ནི། །མཁའ་ལྡིང་གདོས་ཀྱིས་ནོན་པ་ལྟར། །གཡོ་འགུལ་མེད་པར་གྱུར་བསམ་མོ། །དེ་ནས་ཐུན་གྱིས་བྲབ་བྱ་སྟེ། །སྐམ་ཐུན་རློན་ཐུན་གང་ཡིན་ཀྱང་། །བསད་སྔགས་ལས་ཀྱིས་ངར་བླུད་དེ། །ཐུན་རྣམས་སྤྲུལ་པ་ལས་ཀྱི་མཚོན། །གནམ་ལྕགས་འབར་བའི་ཐོག་ཆེན་དང་། །དུག་དང་ནད་ཀྱི་སྐྱི་འདང་ཆར། །རྣོ་ངར་ལྡན་པའི་མཚོན་ཆར་དམིགས། །རིག་པའི་ངར་བསྐྱེད་ཏིང་འཛིན་གསལ། །ལས་སྔགས་དྲག་པོ་འབྲུག་ལྟར་བཟླས། །ཐུན་ཆར་དྲག་པོ་ཐོག་ལྟར་དབབ། །ཏིང་འཛིན་མྱུར་མགྱོགས་གློག་ལྟར་བསྐུལ། །དམོད་མོ་ངན་པ་མདའ་ལྟར་འཕེན། །བརྣག་སེམས་ཞེ་སྡང་མུན་ལྟར་གཏིབས། །སྲོག་གི་ཤན་པ་རྦབ་ལྟར་བསྒྲིལ། །དུས་གསུམ་དུས་དྲུག་ཐུན་ལམ་དྲངས། །དེ་ནས་ཕོ་ཉའི་དམག་དྲངས་ལ། །སྲོག་འཕྲོག་བསད་པའི་ལས་ལ་འཇུག །ཕོ་ཉ་རྦད་ཅིང་ཕྲིན་ལས་བསྐུལ། །ལས་ཀྱི་ཤན་པ་མ་རུངས་པ། །སྤྲུལ་པ་ཡང་སྤྲུལ་བཅས་རྣམས་ཀྱིས། །དམིགས་བྱ་དགྲ་བགེགས་གང་ཡིན་པ། །སྲོག་བཅད་དབུགས་བགག་ལུས་པོ་གཏུབས། །ཤ་ཟོས་ཁྲག་འཐུང་རུས་པ་བཅོམ། །ལྷག་རོལ་ཙམ་ཡང་མེད་པར་བསམ། །རུལ་མྱགས་ཐལ་བ་རྡུལ་དུ་བརླག །བསད་པ་ལས་ཀྱི་སྤུ་གྲིའི་ངར། །རབ་ཏུ་འབར་བའི་ལས་བྱས་བསམ། །དེ་ལྟར་རྣམ་ཤེས་རྟེན་དང་ཕྲལ། །སྲོག་དང་བྲལ་ ― DNG014_Page_0283 ―
[མ་དཔེ་གཟིགས་ན་འདིར་གནོན།]
བའི་གཟུགས་ཕུང་དེ། །ཡེ་ཤེས་ལས་ལས་གྲུབ་པ་ཡི། །ལྷ་དང་སྲུང་མ་ཐམས་ཅད་ཀྱི། །ཞལ་དུ་དབུལ་ཞིང་བསྟབ་པར་བྱ། །འདོད་ཆགས་ཁྲག་ལ་ཧུབ་ཀྱིས་བཏབ། །ཞེ་སྡང་རུས་ལ་ཆེམ་གྱིས་བཟས། །གཏི་མུག་ཤ་ལ་ཧབ་ཀྱིས་རྔམ། །དུག་གསུམ་ཤ་ཁྲག་རུས་པའི་ཚོགས། །ལྷ་དང་སྲུང་མའི་ཞལ་དུ་བསྟབ། །རྡུལ་ཆ་ཕྲ་མོ་ཙམ་ཞིག་ཀྱང་། །མ་ལུས་ཞལ་དུ་ཐིམ་པར་དམིགས། །དེ་ལྟར་གཟུགས་ཕུང་ལྷ་ལ་འབུལ། །ལས་ཀྱི་ལྷག་མ་བསྡུ་བར་བྱ། །དེ་ནས་རྣམ་ཤེས་སྤར་བ་ནི། །བདག་ཉིད་ལྷ་ཡི་ཐུགས་ཀ་ནས། །ཡེ་ཤེས་སེམས་དཔའ་ཚོན་གང་པ། །རྒྱངས་ཀྱིས་ཐོན་ནས་དམིགས་བྱ་ཡི། །རྣམ་པར་ཤེས་པའི་ངོ་བོ་ནི། །ཁབ་ལེན་རྡོ་ཡིས་ལྕགས་བླང་བཞིན། །ཡེ་ཤེས་སེམས་དཔའི་ཐུགས་ཀར་ཐིམ། །ཡེ་ཤེས་སེམས་དཔའ་རང་ཉིད་ཀྱི། །ཐུགས་ཀར་ཐིམ་ནས་གཉིས་མེད་ཀྱི། །རང་ཉིད་ཆོས་ཀྱི་དབྱིངས་སུ་གཤེགས། །ཡང་ན་ཡེ་ཤེས་སེམས་དཔའ་དེ། །དཔག་ཆེན་གནམ་མདའ་འཕང་བ་བཞིན། །ཆོས་ཀྱི་དབྱིངས་སུ་གཤེགས་པར་དམིགས། །ཚེ་ལུང་བདག་གི་ཐུགས་ཀ་ནས། །ཡི་གེ་ཨ་དཀར་འཕྲོས་པ་ཡིས། །ཁོ་ཡི་ཚེ་སྲོག་བཀུག་ནས་ཀྱང་། །རང་གི་སྙིང་གར་བསྡིམ་པ་ཡིས། །རང་གི་ཚེ་སྲོག་བསྣོན་པར་དམིགས། །ཁྲུས་ལུང་རང་གི་གནས་གསུམ་ནས། །ཡི་གེ་འབྲུ་གསུམ་འཕྲོས་པ་ལས། །ཡེ་ཤེས་བདུད་རྩིའི་ཆུ་རྒྱུན་བབས། །དམིགས་བྱའི་ལུས་ངག་ཡིད་ལ་ཕོག །དེ་ཡི་ཉོན་མོངས་སྡིག་སྒྲིབ་རྣམས། །རྣམ་པར་བྱང་སྟེ་སྒྲིབ་བྲལ་ནས། །ཡེ་ཤེས་ཆེན་པོར་གྱུར་པར་དམིགས། །དེ་ལྟར་གནས་སྤར་ཚེ་ལུང་ཁྲུས། །སྒྲིབ་སྦྱང་ལས་སྦྱོར་གང་བྱེད་ཀྱང་། །ཡེ་ཤེས་ལྷ་ཡི་ང་རྒྱལ་བསྐྱེད། །སྙིང་རྗེ་བྱང་སེམས་རྒྱུད་ལ་བྱ། །ཡེ་ཤེས་དག་པའི་དགོངས་པས་སྤར། །སྒྲིབ་པ་དག་ནས་ལས་རྣམས་འགྲུབ། །བྱང་ཆུབ་ལམ་གྱི་གྲོགས་སུ་འགྱུར། །དེ་ལྟར་མངོན་སྤྱོད་དངོས་ཀྱི་ལས། །སྟོབས་ཆེན་རྒྱལ་པོས་བརྩམ་པ་ན། །གནོད་བྱེད་དགྲ་བགེགས་བརླག་པར་འགྱུར། །ཡང་དག་ལས་ཀྱི་མཐར་ཐུག་སྟེ། །གདུལ་བྱ་ལོག་སྲེད་གྱུར་པ་རྣམས། ། ― DNG014_Page_0284 ―
[མ་དཔེ་གཟིགས་ན་འདིར་གནོན།]
བསྒྲལ་ནས་འདྲེན་པའི་ཐབས་མཆོག་གོ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ལས། དངོས་གཞིའི་ལས་རིམ་བསྟན་པའི་ལེའུ་སྟེ་གསུམ་པའོ།། །།གཟི་བརྗིད་མཐའ་ཡས་བཅོམ་ལྡན་འདས། །སྟོན་པ་དབང་མཆོག་རྒྱལ་པོ་ལ། །འདུས་པའི་འཁོར་གྱི་གཙོར་གྱུར་པ། །དབང་ཆེན་འབར་བས་ཡང་ཞུས་པ། །དྲག་པོའི་ལས་ཀྱི་མཐའ་སྡུད་རྣམས། །གདུལ་བྱའི་འཁོར་ལ་སྩལ་དུ་གསོལ། །ཞེས་པ་སྟོབས་ཀྱིས་ཞུས་པ་ཡིས། །སྟོན་པ་གཟི་བརྗིད་དཔལ་འབར་བས། །དྲག་པོའི་ལས་རྗེས་བཀའ་སྩལ་པ། །མ་ཡེངས་འདུས་པའི་འཁོར་རྣམས་ཉོན། །གནོད་བྱེད་དགྲ་བགེགས་བསྒྲལ་ལ་སོགས། །དྲག་སྔགས་ལས་ཀྱི་རྗེས་རྣམས་ནི། །རང་ཉིད་མ་ཉེས་དཔང་གཟུག་དང་། །ཁོ་ཡི་ཉེས་པ་བསྒྲག་པ་དང་། །བཞེས་དྲངས་ཟ་ལམ་གཏད་པ་དང་། །ཕྲིན་བརྫང་མནན་བསྲེག་འཕེན་པའོ། །རང་ཉིད་མ་ཉེས་དཔང་གཟུག་པ། །ཡེ་ཤེས་ལྷ་དང་སྲུང་མ་དང་། །སྣང་སྲིད་ལྷ་འདྲེ་རྣམས་དང་ནི། །ཡུལ་ལྷ་གཞི་བདག་ལ་སོགས་ལ། །གཏོར་མ་གསེར་སྐྱེམས་གསོལ་མཆོད་བྱ། །བདག་ཉིད་ལྷ་ཡི་ང་རྒྱལ་བསྐྱེད། །ཧོ་ཕྱོགས་བཅུའི་རྒྱལ་བ་སྲས་བཅས་དང་། །བླ་མ་ཡི་དམ་མཁའ་འགྲོའི་ཚོགས། །དམ་ཅན་ཆོས་སྐྱོང་སྲུང་མ་དང་། །ཡེ་ཤེས་དབྱིངས་ཀྱི་ལྷ་ཚོགས་རྣམས། །བདག་ལ་གསན་ཅིང་དགོངས་སུ་གསོལ། །ལྷ་ཀླུ་གནོད་སྦྱིན་ལ་སོགས་པའི། །སྣང་ཞིང་སྲིད་པའི་ལྷ་འདྲེ་རྣམས། །འཇིག་རྟེན་ལས་ལས་གྲུབ་པ་ཡི། །སྤྲུལ་པ་ཡང་སྤྲུལ་བཅས་པ་སྟེ། །འཇིག་རྟེན་སྲུང་མ་འཁོར་བཅས་རྣམས། །བདག་ལ་གསན་ཅིང་དགོངས་སུ་གསོལ། །ཕྱོགས་མཚམས་སྟེང་འོག་ལ་གནས་པའི། །ཡུལ་གྱི་ས་བདག་གཞི་བདག་དང་། །རྩི་ཤིང་ནགས་ཚལ་རི་བྲག་ལ། །གནས་ཤིང་རྟེན་བཅས་མི་མ་ཡིན། །སྣང་སྲིད་ལྷ་འདྲེ་མ་ལུས་རྣམས། །བདག་ལ་གསན་ཅིང་དགོངས་སུ་གསོལ། །རྒྱལ་པོ་བློན་པོ་བཙུན་མོ་སྟེ། །མགོ་ནག་སྟོང་སྡེ་སྲིད་པའི་བདག །ཕོ་མོ་འགྲོ་ ― DNG014_Page_0285 ―
[མ་དཔེ་གཟིགས་ན་འདིར་གནོན།]
བ་མ་ལུས་པ། །བདག་ལ་གསན་ཅིང་དགོངས་སུ་གསོལ། །ལེགས་ཉེས་གཉིས་ཀྱི་སྟངས་གཅོད་ཅིང་། །བཟང་ངན་གཉིས་ཀྱི་ཤན་འབྱེད་པའི། །མཁྱེན་ལྡན་རྣམས་ཀྱིས་གཟུ་དཔང་མཛོད། །བདག་ནི་མ་ཉེས་གཡོ་མེད་དེ། །ཐོག་མ་མེད་ནས་ད་ལྟའི་བར། །བླ་མེད་བྱང་ཆུབ་ཆོས་སྤྱོད་པས། །འདིར་ཡང་ཐེག་མཆོག་ཆོས་དང་མཇལ། །སྐྱེས་ནས་ད་ལྟའི་བར་དག་ཏུ། །མི་དགེ་སྤངས་ནས་དགེ་བ་སྤྱད། །ལུས་ངག་ཡིད་གསུམ་ཆོས་ལ་སྤྱོད། །ལས་ཀྱི་རྒྱུ་འབྲས་ཁྱད་མ་བསད། །དཀོན་མཆོག་གསུམ་པོ་ཐོད་བཞིན་ཁུར། །དམ་ཅན་ཆོས་སྐྱོང་རྟག་ཏུ་མཆོད། །སྣང་སྲིད་ལྷ་འདྲེའི་ཡི་མ་བཅད། །རིགས་དྲུག་ཕ་མ་སུན་མ་ཕྱུང་། །ཚེ་གཅིག་བྱང་ཆུབ་བསྒྲུབས་ལགས་ཀྱང་། །ལས་ཀྱི་དཀར་ནག་བདེན་པ་རྣམས། །བདེན་རྫུན་དབྱེ་བ་ཁྱེད་རྣམས་ཀྱིས། །བདེན་རྫུན་ཤན་འབྱེད་མཛད་དུ་གསོལ། །བདག་ལ་ཉེས་པ་ཅུང་ཟད་མེད། །དེ་ཕྱིར་དེང་འདིར་གཟུ་དཔང་མཛོད། །བདེན་པ་ཅན་ལ་མཐུ་དཔུང་སྐྱེད། །མི་བདེན་པ་ལ་བཀའ་ཆད་ཕོབ། །ཅེས་སོགས་གང་དང་གང་རིགས་པའི། །མ་ཉེས་དཔང་གཟུག་གང་ཤེས་བརྗོད། །དེ་ནས་ཁོ་ཡི་ཉེས་པ་བསྒྲག །གནོད་བྱེད་དགྲ་བགེགས་ཆེ་གེ་མོ། །ཡར་གྱི་ལྷ་ལ་དོ་བརྡོས་ཤིང་། །མར་གྱི་འདྲེ་ལ་བརྙས་པ་བཙུག །བར་གྱི་གྲོགས་ལ་འགྲན་སེམས་བཅས། །སངས་རྒྱས་བསྟན་པའི་སྤྱི་དགྲ་བྱས། །དཀོན་མཆོག་གསུམ་གྱི་དབུ་འཕང་སྨད། །བླ་མ་དམ་པའི་སྐུ་ལ་བརྡོས། །གསང་སྔགས་གཉན་གྱི་དམ་ཚིག་བཀྲལ། །ཆོས་འཁོར་གཙུག་ལག་དཀོར་ནོར་བཅོམ། །འགྲོ་བ་ཡོངས་ལ་གནོད་པ་བསྐྱལ། །སྡིག་པ་མི་དགེ་སྣ་ཚོགས་སྤྱད། །ལས་འབྲས་དཀར་པོ་ཁྱད་དུ་བསད། །བསྟན་པ་ཡོངས་ཀྱི་རིགས་ལ་བསྙེག །རྣལ་འབྱོར་སྔགས་འཆང་བདག་ཅག་ལ། །དོ་བརྡོས་ཕོད་བཙུག་གནོད་པ་བསྐྱལ། །དཀོན་མཆོག་སྐྱབས་གནས་མི་བདེན་ཟེར། །འདི་ཡིས་ལས་ངན་སྣ་ཚོགས་སྤྱད། །འདི་ལ་བསྒྲལ་བའི་ཞིང་བཅུ་ཚང་། །ཉེས་པ་ཅན་གྱི་ཆེ་གེ་འདིས། །རང་གིས་ལས་བྱས་རང་ལ་སྨིན། །འདི་ ― DNG014_Page_0286 ―
[མ་དཔེ་གཟིགས་ན་འདིར་གནོན།]
ལ་བཀའ་ཆད་དབབ་ཏུ་གསོལ། །ཞེས་སོགས་ཉེས་པ་དུ་མ་བསྒྲག །དགྲ་དང་བགེགས་གཉིས་སོ་སོ་ཡི། །ཉེས་པ་བསྒྲག་ཚུལ་ཤེས་པར་བྱ། །དེ་ནས་བཞེས་དྲངས་གཏོར་མ་བསྐྱལ། །ཟོར་ལ་སོགས་པ་གང་དང་གང་། །འོས་པའི་ལས་སྦྱར་སྐབས་རྣམས་སུ། །འདི་ལྟར་དམོད་བཅོལ་ལས་རྣམས་བྱ། །ཧོ་དགྲ་བོ་དམ་ཉམས་བསྒྲལ་བའི་ཞིང་བཅུར་གྱུར་པའི་ཆེ་གེ་མོ་འདི་ལ་བསད་པ་དང་བསྒྲལ་བའི་ལས་ཚང་བས། ཆེ་གེ་མོ་འདི་ལས་ཀྱི་རླུང་དམར་གྱིས་རྒྱབ་ནས་བསྐྱོད་དུ་ཆུག་ཅིག །གཏི་མུག་འཇིགས་པའི་མུན་ནག་གིས་མདུན་ནས་གཏིབ་ཅིག །འདོད་ཆགས་རྔམ་པའི་མེ་དཔུང་གི་ཚ་བའི་དབལ་གྱིས་གཞོབ་ཏུ་སྲེག་ཅིག །ཞེ་སྡང་དྲག་པོའི་རི་རྒྱལ་ལྷུན་པོའི་འོག་ཏུ་ནོན་ཅིག །ཕྲག་དོག་རྔམ་པའི་ཆུ་སྲིན་གདུག་པ་ཅན་གྱི་གྲེ་བར་སྡིམ་ཞིག །ང་རྒྱལ་རྩུབ་འགྱུར་གྱི་འཁོར་ལོ་སྟོབས་ཆེན་གྱི་རྩིབས་ལ་སྐྱོན་ཅིག །ཤན་འབྱེད་ལས་ཀྱི་གཤིན་རྗེས་ཁྲམ་ལ་ཐོབ་ཅིག །ཕོ་ཉ་ལས་བྱེད་འཇིགས་པའི་ཤ་ཟན་གྱི་ཁར་ཆུག་ཅིག །ཉོན་མོངས་ལས་ཀྱི་རྒྱ་མཚོ་གཏིང་མེད་ཀྱི་གཏིང་དུ་སྐྱུར་ཅིག །མི་བཟད་འབར་བའི་བྱད་ཐག་ལྕགས་སྒྲོག་གིས་བྱད་དུ་ཆུག་ཅིག །ཁྲོ་རྒྱལ་འབར་བའི་ཕྱག་མཚན་ལས་ཀྱི་མཚོན་ཆའི་ཆར་ཕོབ་ཅིག །ལན་ཆགས་ལས་ཀྱི་གཟུགས་ཕུང་འབྱུང་པོ་འདྲེ་སྲིན་འཚོགས་པའི་བཙོན་དོང་དུ་སྐྱུར་ཅིག །ལྷན་ཅིག་སྐྱེས་པའི་ལྷ་བདུད་དུ་ཕོབ་ཅིག །མཉམ་པོར་འོང་བའི་བདུད་ཀྱིས་བསྐོས་ལ་ཐོབ་ཅིག །གནམ་གྱི་འཇུ་ཐག་དཀར་པོ་གྱེན་དུ་ཆོད་ཅིག །རྟེན་པ་སའི་རྟོད་ཕུར་དྲུངས་ནས་ཕྱུང་ཞིག །ཆེ་གེ་མོ་འདི་ཡར་གྱི་ཆེ་གསུམ་དང་ཕྲོལ་ཅིག །མར་གྱི་ཆུང་གསུམ་དང་ཕྲོལ་ཅིག །དཀོན་པའི་ཚེ་སྲོག་སྟུང་ཞིག །ལྟ་བའི་མིག་དང་ཕྲོལ་ཅིག །བསམ་པའི་སྙིང་དང་ཕྲོལ་ཅིག །རྒྱབ་བརྟེན་དཔུང་རོགས་དང་ཕྲོལ་ཅིག །འགོ་བའི་ལྷ་དང་ཕྲོལ་ཅིག །སྐྱོབས་པའི་དཔོན་དང་ཕྲོལ་ཅིག །བསྟེན་པའི་རྗེ་དང་ཕྲོལ་ཅིག །གནས་པའི་ཡུལ་དང་ཕྲོལ་ཅིག །མཛའ་བའི་གྲོགས་དང་ཕྲོལ་ཅིག །བསགས་པའི་ནོར་དང་ཕྲོལ་ཅིག །ཕུང་གསུམ་བདུད་དང་སྤྲོད་ཅིག །གཉའ་ནོན་ ― DNG014_Page_0287 ―
[མ་དཔེ་གཟིགས་ན་འདིར་གནོན།]
བྱུར་དང་སྤྲོད་ཅིག །སྡང་བའི་དགྲ་དང་སྤྲོད་ཅིག །གནོད་པའི་བགེགས་དང་སྤྲོད་ཅིག །འདུ་བའི་ནད་དང་སྤྲོད་ཅིག །འཆི་བའི་རྐྱེན་དང་སྤྲོད་ཅིག །ཕོ་བདུད་མོ་ལ་ཕོབ་ཅིག །མོ་བདུད་ཕོ་ལ་ཕོབ་ཅིག །རྒྱབ་ཀྱི་གོས་དང་ཕྲོལ་ཅིག །ཁའི་ཟས་དང་ཕྲོལ་ཅིག །སྦོའི་ཆུང་མ་དང་ཕྲོལ་ཅིག །མཆན་གྱི་བུ་དང་ཕྲོལ་ཅིག །ལག་གི་ནོར་དང་ཕྲོལ་ཅིག །བླ་མཆོད་བདུད་དུ་ཕོབ་ཅིག །ཉེ་བ་དགྲ་རུ་སློང་ཞིག །ལྷ་གཤེད་བདུད་དུ་ཕོབ་ཅིག །ཕོ་རྒྱུད་རྩད་ནས་ཆོད་ཅིག །མོ་རྒྱུད་མངལ་ནས་སྐོམས་ཤིག །ཆུང་རྒྱུད་དྲུངས་ནས་ཕྱུང་ཞིག །ཡར་གྱི་ཆེ་གསུམ་ལ་བབ་ན་སེང་ཆེན་གྱི་ཁོག་པ་འབུས་གཡེང་བ་བཞིན་དུ་ཐོང་ཞིག །མར་གྱི་ཆུང་གསུམ་ལ་བབ་ན་ལྕུག་ཕྲན་ཟོར་བས་བརྔས་པ་བཞིན་དུ་ཐོང་ཞིག །ཕ་སྤུན་ནང་ཚན་ལ་བབ་ན་ལུག་ཁྱུ་ལ་འཕར་སྤྱང་བརྒྱབ་པ་བཞིན་དུ་ཐོང་ཞིག །ཕ་ཁུ་རྒན་རིམ་ལ་བབ་ན་སྡོང་རྒན་རྩ་བ་ནས་འགྱེལ་བ་བཞིན་དུ་ཐོང་ཞིག །གཞོན་ནུ་དར་མ་ལ་བབ་ན་སྒོ་ང་བྲག་ལ་བརྒྱབ་པ་བཞིན་དུ་ཐོང་ཞིག །མོ་བཙུན་མཛངས་མ་ལ་བབ་ན་མེ་ཏོག་སད་ཀྱིས་ཁྱེར་བ་བཞིན་དུ་ཐོང་ཞིག །ཟས་ནོར་ལོངས་སྤྱོད་ལ་བབ་ན་མེ་རྡུལ་རླུང་གིས་བསྐྱོད་པ་ལྟར་ཐོང་ཞིག །གཡོ་བའི་ལུས་ལ་བབ་ན་དྲག་ཆེན་ལ་ཐོག་ཕོག་པ་ལྟར་ཐོང་ཞིག །སྨྲ་བའི་ལྕེ་ལ་བབ་ན་བུང་བ་ཐེབ་ཀྱིས་མནན་པ་ལྟར་ཐོང་ཞིག །བསམ་པའི་སྙིང་ལ་བབ་ན་སྨྱོ་འབོག་ཅན་བརྒྱལ་ནད་ཀྱིས་ཐེབས་པ་ལྟར་ཐོང་ཞིག །བྱ་བའི་ལས་ལ་བབ་ན་ཤོག་སྐྱ་རླུང་གིས་བསྐྱོད་པ་ལྟར་ཐོང་ཞིག །སྟོད་ལ་ཚ་བའི་ནད་ཀྱིས་གཟིར་ཞིག །སྨད་ལ་གྲང་བའི་ནད་ཀྱིས་གདུངས་ཤིག །བར་དུ་འདུས་པའི་ནད་ཀྱིས་དཀྲུག་ཅིག །ཀླད་ཁྲག་ཞོ་ལྟར་དཀྲུག་ཅིག །ལུས་སེམས་བལ་ལྟར་གཡེང་ཞིག །གཞོགས་གཡས་པ་སྐམ་དུ་ཆུག་ཅིག །གཡོན་པ་རུལ་དུ་ཆུག་ཅིག །ཆུ་དང་གྲམ་ཐང་སྐྱ་མོའི་བར་དུ་ཡ་ཐོད་ཉི་མ་འདེ་རུ་ཆུག་ཅིག །མ་ཐོད་བྱེ་མ་འགམ་དུ་ཆུག་ཅིག །ཆེ་གེ་མོ་འདི་ལ་མི་རུང་བའི་ལྟས་ངན་ཆོ་འཕྲུལ་སྣ་ཚོགས་ཐོང་ཞིག །ལུས་སྲོག་དབང་ཐང་དང་བཅས་པ་ལྷག་མ་མེད་པར་མྱུར་དུ་ ― DNG014_Page_0288 ―
[མ་དཔེ་གཟིགས་ན་འདིར་གནོན།]
བཞེས་ཤིག །མི་ཚེ་རིང་པོ་ལ་དུས་མ་འདེབས་པར་བཞེས་ཤིག །བར་སྣང་སྟོང་པ་ལ་ཚད་མ་འཛུགས་པར་བཞེས་ཤིག །སྐྱེ་རྒ་ན་འཆི་ལ་ཁུངས་མ་འབྱིན་པར་བཞེས་ཤིག །ཅེས་པ་ལ་སོགས་བཞེས་དྲངས་ཤིང་། །དམོད་མོ་སྣ་ཚོགས་རིགས་མཐུན་བརྗོད། །དེ་ནས་ཟ་ལམ་གཏད་པ་ནི། །དམིགས་བྱའི་རཱུ་པ་ཁྲག་རིས་ཅན། །སྲུང་མའི་གཏོར་མ་བཅས་པ་འབུལ། །ཕྲིན་ལས་མྱུར་མགྱོགས་དྲག་ཏུ་བསྐུལ། །དུལ་མོ་བརྟུལ་ཞིང་ལས་ལ་རྦད། །དེ་ནས་དྲག་ཏུ་འདི་སྐད་བརྗོད། །ཧོ། ཡེ་ཤེས་ངང་ལས་ལས་གྲུབ་པའི་སྲུང་རང་རང་གི་སྲུང་མའི་མིང་ནས་བརྗོད་དོ། །མ་ཐུགས་དམ་ཅན་ཁྱེད་རྣམས་ལ། དགྲ་བོ་ཆེ་གེ་མོ་འདིའི་ལུས་སྲོག་དབང་ཐང་ཆུས་སྲིད་དང་བཅས་པ་ཟས་སྐལ་དུ་གཏད་པ་ཡིན་པས། འདིའི་ཤ་ཟོ། ཁྲག་འཐུང་། སྲོག་ཆོད། དབུགས་ལོངས། ལས་ཀྱི་མཐའ་བསྡུས་ལ། ལོ་དང་ཟླ་བར་མ་བཞག །ཞག་དང་ཟ་མར་མ་ཤོར་བར་མྱུར་དུ་སྒྲོལ་ཅིག །ཆེ་གེ་མོ་འདིའི་ལུས་སྲོག་ལ་སྟེང་ལྷའི་ཟ་ལམ་གཏོད་ཅིག །འོག་ཀླུའི་ཟ་ལམ་གཏོད་ཅིག །དྲང་སྲོང་གཟའི་ཟ་ལམ་གཏོད་ཅིག །ཅེས་སོགས་སྲུང་མ་མང་པོ་དང་། །སྣང་སྲིད་ལྷ་འདྲེ་མང་པོ་ཡི། །མིང་ནས་བོས་ཏེ་ཟ་ལམ་གཏད། །རིགས་དང་རིགས་མཐུན་བདུད་དུ་དབབ། །དེ་བཞིན་རང་གཤེད་རང་དབབ་ཀྱི། །ཟ་ལམ་གཏད་པའི་རིམ་པ་རྣམས། །ལས་མཐུན་སྤྲད་པའི་དྲག་སྔགས་བརྗོད། །དྲང་སྲོང་རྣམས་ཀྱི་དམོད་པ་འདོར། །བགེགས་ཆེན་དག་ཀྱང་གཤེད་དུ་དབབ། །ལས་ཀྱི་རིམ་པ་དྲག་མྱུར་འབད། །དེ་ནས་ནང་རྟགས་ཆོ་འཕྲུལ་དང་། །རྩུབ་འགྱུར་སྣ་ཚོགས་འབྱུང་བ་དང་། །སྲུང་མ་ཐམས་ཅད་དྲག་ཏུ་རྦད། །ཕྲིན་ལས་བསྐུལ་ཞིང་གཉེར་གཏད་བྱ། །དགྲ་ལ་འཁུ་འཕྲིག་སློང་བ་ཡི། །ལྟས་ངན་ཕྲིན་བསྐྱེལ་གཏང་བར་བྱ། །སྣ་སེལ་ལས་ཀྱི་གཏོར་མ་བཏང་། །དམ་ཅན་ཆོས་སྐྱོང་ལ་སོགས་པ། །སྲུང་མ་གནད་ལ་དབབ་བྱ་ཞིང་། །ཁོ་ལ་ཆོ་འཕྲུལ་འབྱུང་ཚུལ་རྣམས། །དུག་ཤོག་རོ་རས་ནག་པོ་ལ། །ཕྲིན་རྫོང་ཡི་གེ་བྲིས་ནས་ཀྱང་། །གཤེད་དང་སྤྲད་ལ་གནས་སུ་བསྐྱལ། །གང་ལ་གང་རིགས་གནད་དང་བསྟུན། །འབྱུང་བ་འཁྲུགས་པའི་ ― DNG014_Page_0289 ―
[མ་དཔེ་གཟིགས་ན་འདིར་གནོན།]
ལས་སྦྱོར་རྣམས། །བསྐྲད་དང་དབྱེ་དང་གཟིར་ལ་སོགས། །ལས་མཐའ་མངོན་སྤྱོད་དྲག་ཏུ་གཟིར། །རྣམ་པར་ཉམས་པར་བྱེད་པའི་ལས། །དྲག་ཤུལ་འཇིགས་པའི་སྦྱོར་བ་བརྩམ། །ལས་རྗེས་དགྲ་བགེགས་ལིང་རོ་རྣམས། །མཛེ་ཕོ་རབས་ཆད་ནག་པོ་དང་། །ཀློ་མོན་མཐའ་མིའི་ཐོད་པ་དང་། །གཅན་གཟན་དར་མའི་ཐོད་པ་སྟེ། །གང་ལ་གང་རིགས་ནང་དུ་བྲུབ། །ཐུན་དང་ཐལ་འདམ་ནག་པོས་བཅད། །རོ་ཆིང་རོ་རས་ཡུགས་ས་ཡི། །དོར་མས་གྲིལ་ནས་ཚོན་སྐུད་ཀྱིས། །བྱད་དུ་གཞུག་སོགས་དམ་པར་བྱ། །དུས་གཟའ་ཕུང་གསུམ་དག་དང་སྤྲད། །ལ་གཉན་ལུང་གཉན་ཆུ་མདོ་དང་། །ཁྲིམས་ལམ་བཞི་མདོ་ལ་སོགས་པའི། །ལྷ་འདྲེ་མ་རུངས་གནས་པའི་ས། །ཆུ་བྲག་གཙུག་ལག་མཆོད་རྟེན་ཞབས། །གར་འོས་ས་རུ་གནན་གཏད་བྱ། །སྟེང་ནས་འབྱུང་བ་མེ་ཆུ་དང་། །རོ་གཡམ་རང་ཐག་ཆག་པོ་ལ། །རི་རབ་རྡོ་རྗེ་རྒྱ་གྲམ་བྲི། །མནན་གཟིར་དམོད་བཅོལ་བཅས་པས་མནན། །མནན་པ་ལས་ཀྱི་མཐའ་སྡུད་ཀྱི། །ལས་སྦྱོར་གནད་ལ་དབབ་པར་བྱ། །དགྲ་དཔུང་མནན་དང་བགེགས་དཔུང་བཤིག །སྨྱོ་བྱེད་ལས་ཀྱི་སྦྱོར་བ་བྱ། །ཡང་ནི་ལས་རྗེས་བསྲེག་པ་སྟེ། །ཕུང་གསུམ་བདུད་ཀྱི་ཉི་མ་ལ། །དྲག་པོའི་ཤིང་གིས་ཧོམ་ཁུང་བརྩེག །དུག་ཁྲག་ཏིལ་ནག་འབྲུ་ནག་སོགས། །ཐུན་རྫས་རྣམ་པ་སྣ་ཚོགས་དང་། །དམིགས་བྱའི་རཱུ་པ་གཏོར་མ་དང་། །ཤ་ཁྲག་ལ་སོགས་བསྲེག་རྫས་བཅས། །མཚོན་གྱིས་གཏུབས་ལ་རིམ་བཞིན་འབུལ། །མེ་སྦར་ལྷ་བསྐྱེད་ལས་རྣམས་བྱ། །མེ་ནང་དྲག་པོའི་སྲུང་མ་དང་། །ཕོ་ཉ་ལས་མཁན་རྔམས་པ་བསྐྱེད། །ཁ་གདངས་ནང་དུ་དམིགས་ཏེ་ཕུལ། །རང་རང་ལས་སྦྱོར་སྔགས་དང་བཅས། །དམོད་པའི་ཚིག་གིས་དྲག་མྱུར་བསྲེག །བར་མཚམས་ལེ་ལོ་མ་ཞུགས་ཤིང་། །ཏིང་འཛིན་ཐང་ལྷོད་མེད་པར་བྱ། །དམིགས་བྱ་ལྷག་མེད་བཞེས་ཤིང་བསྲེག །རོ་མ་ཐལ་སོལ་རླུང་ལ་འཕྱར། །ཡང་ན་ཁྲིམས་ལམ་དོང་དུ་མནན། །འཕེན་པ་ཟོར་གྱི་ལས་རྣམས་ནི། །དྲག་སྔགས་ལས་ཀྱི་གཏོར་མ་དེ། །སྡེ་བརྒྱད་དྲེགས་པ་འགྱུ་དུས་དང་། །ཕྱོགས་སྤྲད་དམིགས་ ― DNG014_Page_0290 ―
[མ་དཔེ་གཟིགས་ན་འདིར་གནོན།]
པའི་ངར་དང་བཅས། །དུག་ཁྲག་མཚོན་ཆའི་ཆར་ཕབ་ནས། །དམིགས་བྱ་དགྲ་དང་བགེགས་ཀྱི་སྟེང་། །གནམ་ལྕགས་སྐྱི་འདང་འབབ་པ་ལྟར། །རྡུལ་ཕྲན་ལྟ་བུར་བརླག་དམིགས་ཏེ། །ལས་ཀྱི་སྔགས་དང་དམོད་མོའི་ཚིག །ཟོར་གྱི་ལས་སུ་བརྡེག་པར་བྱ། །རྣལ་འབྱོར་ཁྲོ་བོའི་ང་རྒྱལ་གྱིས། །ལུས་ཀྱིས་དཔའ་ཤུགས་གཟི་བརྗིད་བསྐྱེད། །ངག་ཏུ་ཟོར་ལས་དམོད་པ་གྱེར། །ཡིད་ཀྱིས་ཞེ་སྡང་བརྣག་སེམས་བཅས། །རྣམ་འགྱུར་ཚོམ་རྔམས་འཇིགས་གཟུགས་བསྟན། །དུལ་མོ་བརྟུལ་ཞིང་ཐལ་མོ་བརྡབ། །མཆི་མ་ཕྱུང་ཞིང་འོ་དོད་འབོད། །དམོད་བཅོལ་ལས་ཀྱི་སྤུ་གྲི་གདགས། །ངར་ཆེན་བསྐྱེད་པའི་རོལ་མོ་བསྒྲག །མི་རུང་ཆོ་འཕྲུལ་འགྱེད་པའི་ཕྱིར། །རོ་མགོ་བསྒྲིལ་ཞིང་རོ་ལག་གཡབ། །ཞིང་ལྤགས་དག་ཀྱང་དྲག་ཏུ་བརྡབ། །འབྱུང་བ་མེ་ཆུ་ལ་སོགས་གཏོར། །དེ་ལྟར་དྲག་པོའི་ལས་ཀྱི་མཐའ། །རྦད་བསྐུལ་མནན་བསྲེག་འཕེན་པ་སོགས། །གང་དང་གང་དག་ལས་སྦྱོར་རྣམས། །གནས་སྐབས་ཚུལ་དང་ཚུལ་མིན་པར། །བྱེ་བྲག་རིམ་པ་ཕྱེས་ལ་བརྩམ། །ལས་བྱས་གནད་དུ་སོང་བ་དང་། །མ་སོང་རང་ལ་ལོག་པ་དང་། །མ་ལོག་ཉེས་མེད་གཞན་ལ་འབྱམས། །དེ་དང་དེ་ཡི་ལ་ཉེ་བརྟག །བཟློག་པ་བྱད་མ་གནད་ལ་དབབ། །རྡུགས་པ་དག་ལ་ཡང་ཡང་བསྐྱར། །འབྱམས་ལ་དམིགས་བསྒྱུར་གསལ་ཤིང་བཙུག །རང་དང་ཕ་རོལ་དམིགས་བྱ་ཡི། །ལྷ་དང་སྲུང་མ་ཁམས་རིགས་བསྟུན། །འགྱངས་ན་ལས་ཀྱི་སྤོག་ཆོག་བྱ། །མཐུན་ལ་བཟུར་ཞིང་མི་མཐུན་སྤྲད། །གཞན་ཡང་དུས་དང་གནས་སྐབས་དང་། །ཡུལ་དང་ཡུལ་ཅན་གང་ཡིན་པ། །རིགས་དང་མི་རིགས་ཤེས་པར་བྱ། །བླ་མ་ཡི་དམ་མཁའ་འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ལས། རྗེས་ཀྱི་ལས་རིམ་བསྟན་པའི་ལེའུ་སྟེ་བཞི་པའོ།། །།གསུང་གི་དབང་ཕྱུག་དཔལ་འབར་བ། །སྟོན་པ་དཔག་མེད་རྒྱལ་པོ་ཡིས། །དེ་སྐད་འདུས་པའི་འཁོར་རྣམས་ལ། །མངོན་སྤྱོད་དྲག་སྔགས་ལས་རྣམས་ཀུན། །ཐོག་མ་བར་དང་མཐའ་རིམ་བཞིན། །བསྟན་པའི་དོན་དུ་ལེགས་ ― DNG014_Page_0291 ―
[མ་དཔེ་གཟིགས་ན་འདིར་གནོན།]
པར་གསུངས། །དེ་ནས་དབང་ཆེན་འབར་བ་སོགས། །དྲག་པོ་ལས་ཀྱི་འཁོར་རྣམས་ཀྱིས། །རང་རང་དཔའ་བའི་རྩལ་ཕྱུང་ཞིང་། །སྤྲུལ་པ་རང་གཟུགས་བཅས་པ་བསྟན། །གདངས་སྐད་སྙན་པའི་ཤུགས་དག་གིས། །མགྲིན་གཅིག་ཏུ་ནི་མངོན་པར་བསྟོད། །ཧྲཱྀཿ། དུས་གསུམ་སངས་རྒྱས་ཐམས་ཅད་ཀྱི། །གསུང་གི་དབང་ཕྱུག་མཐའ་ཡས་སྐུ། །འོད་དང་གཟི་བརྗིད་དཔལ་འབར་ཞིང་། །མཐུ་དང་རྫུ་འཕྲུལ་སྟོབས་མངའ་བ། །ཡངས་པའི་དཀྱིལ་འཁོར་རྒྱས་པའི་སྤྱན། །ལེ་བརྒན་ལྗགས་ཀྱི་དབང་པོ་ལ། །ཚངས་པའི་དབྱངས་ཀྱི་འབྲུ་བཀོད་དེ། །གདུལ་བྱ་དག་དང་མ་དག་པ། །གཉིས་མཉམ་ཆེན་པོའི་ངང་དུ་བསྡིམ། །བརྗོད་པའི་ཚིག་ལ་འབྲས་བུའི་དོན། །རྨད་དུ་བྱུང་བ་ཨེ་མ་ཧོ། །ཁྱོད་སྐུ་སྣང་བའི་གཟི་བརྗིད་ཀྱིས། །རབ་ཏུ་རྒྱས་ཤིང་གཡོས་པ་ལས། །འགྲོ་བའི་མ་རིག་མུན་སེལ་བ། །སྣང་བའི་ཡེ་ཤེས་སྒྲོན་མེ་སྦར། །ངོ་མཚར་འདི་དག་དཔལ་དུ་ཆེ། །གང་ལ་གང་འདུལ་ཕྲིན་ལས་ཀྱིས། །དེ་དང་དེར་སྟོན་རྣམ་པར་མཛད། །དཔག་ཏུ་མེད་པའི་སྤྲུལ་པ་ཡིས། །སྣང་སྲིད་འཁོར་འདས་ཡོངས་ལ་ཁྱབ། །དཔལ་འབར་ཆེན་པོའི་སྐུ་ལ་བསྟོད། །ཨེ་མ་ཁྱོད་གསུང་སྙན་པ་ཡིས། །སྒྲ་དབྱངས་ཕྱོགས་རྣམས་ཡོངས་ལ་ཁྱབ། །འདུལ་བྱ་རྣམ་པ་དུ་མ་ལ། །རང་རང་སྐད་ཀྱིས་གསུང་རྡོལ་བས། །དོན་ལ་མ་གཡོས་སྒྲ་ཚིག་གསུང་། །ལོག་པའི་ལམ་དུ་གང་འཁྱམས་པ། །ལེགས་པའི་ལམ་ལ་ཡང་དག་བཀོད། །དབྱངས་ཀྱི་སྤྲུལ་པ་ཡང་སྤྲུལ་ལས། །དོན་དང་བཅས་པའི་སྒྲ་ཚིག་གིས། །འདོད་འབྱུང་ཡིད་བཞིན་ཆར་ཆེན་ཕབ། །མ་དག་ལོག་སྤྱོད་གནས་སུ་བསྒྱུར། །ཡང་དག་མཛད་པ་མཐར་ཕྱིན་མཛད། །འགག་པ་མེད་པའི་གསུང་ལས་ཀྱང་། །རྒྱུན་ཆད་མེད་པའི་ཆོས་ཆར་གྱིས། །ཉོན་མོངས་མེ་ཡིས་གདུངས་པ་ལ། །ཡེ་ཤེས་བསིལ་བའི་སྤྲུལ་པ་བསྟན། །འབྲུག་སྟོང་ལྡིར་འདྲའི་ང་རོ་ཡིས། །མུ་སྟེགས་ལྟ་ངན་ཕམ་པར་མཛད། །སྟོན་པ་དབང་ཕྱུག་གསུང་ལ་བསྟོད། །ཨེ་མ་ཁྱོད་ཐུགས་ཡངས་པའི་ཀློང་། །མཁའ་ལྟར་དག་པའི་བཅོམ་ལྡན་འདས། །ཉི་མ་སྤྲིན་བྲལ་འབུམ་ ― DNG014_Page_0292 ―
[མ་དཔེ་གཟིགས་ན་འདིར་གནོན།]
གྱི་གཟི། །ཐུགས་རྗེ་བརྩེ་བའི་འོད་ཟེར་གྱི། །དྲ་བས་ཉེ་རིང་མེད་པར་གསལ། །བརྩེ་ཆེན་ཡེ་ཤེས་རྣམ་དག་པ། །གཅིག་དང་དུ་མ་དང་བྲལ་བས། །གྲངས་ལས་འདས་པའི་སྣང་བ་འགྱེད། །འདི་དག་རྒྱལ་དང་རྒྱལ་རྣམས་ཀྱིས། །ཁ་ལོ་བསྒྱུར་མཛད་མངོན་འཕགས་པ། །བསམ་གྱིས་མི་ཁྱབ་གདུལ་བྱ་ཡི། །བསམ་པ་ཉིད་ཀྱི་དགོངས་པ་ལས། །དཀྱིལ་འཁོར་རྒྱས་པའི་འཕྲོ་འདུ་ཤར། །བརྩེ་དང་མི་བརྩེ་གཉིས་བྲལ་ཞིང་། །དེ་བཞིན་མཁྱེན་དང་མི་མཁྱེན་པའི། །ཕྱོགས་སུ་མ་ལྷུང་རིས་མ་ཆད། །ཟུང་དུ་མ་འདྲེལ་ཡ་མ་ཆད། །ཁོད་མཉམ་ཡངས་པའི་ཕོ་བྲང་དུ། །ཐུགས་ཀྱི་སྣང་བ་རྣམ་པར་སྣང་། །རྣམ་པར་བཀྲ་ཞིང་རྣམ་པར་འཕྲོ། །དོན་རྣམས་ཀུན་དང་ཡང་དག་པ། །འཁོར་འདས་གཉིས་མེད་གཅིག་ཏུ་གདལ། །ཐུག་པ་མེད་པའི་དཀྱིལ་འཁོར་ནས། །ཟག་པ་མེད་པའི་འོད་ཟེར་གྱིས། །མཐའ་མེད་འགྲོ་བ་རེ་རེ་ཞིང་། །སྣང་བའི་དཀྱིལ་འཁོར་རྫོགས་མཛད་དེ། །ཡང་དག་འཁོར་ལོ་དེ་སྙེད་ཀྱང་། །དུས་མཐའ་མེད་པར་རབ་ཏུ་བསྐོར། །དེ་དག་ཁྱེད་ཀྱི་ཐུགས་མཐའ་ཡས། །སྐུ་མཐའ་ཡས་དང་གསུང་མཐའ་ཡས། །ཡོན་ཏན་ཕྲིན་ལས་མཐའ་ཡས་དཔལ། །གཡོ་མེད་དགོངས་ཀློང་མཐའ་ཡས་པའི། །ཐུགས་རྗེ་ཡེ་ཤེས་ཁྱོད་ལ་བསྟོད། །ཨེ་མ་ཧོ། དཔལ་དང་ལྡན་པའི་བཅོམ་ལྡན་འདས། །ཁྱོད་ཀྱི་སྐུ་གསུང་ཐུགས་དཀྱིལ་ནས། །ཤར་ཞིང་སྤྲུལ་པའི་ཡི་གེ་དག །ཚིག་དོན་གསལ་བར་མངོན་ཕྱུང་བ། །བདག་སོགས་གདུལ་བྱ་གྲོལ་བའི་མགོན། །ཐོགས་མེད་རྒྱལ་པོས་བཀའ་སྩལ་པ། །སྙིང་དང་སྤྱི་བོར་ཡང་དག་འཆང་། །ངོ་མཚར་ཐོད་དུ་འདི་ཁུར་རོ། །བཀོད་པ་མཐའ་ཡས་གསུང་ཚིག་ལ། །འདི་ཀུན་མངོན་པར་སྤྱོད་པའི་རྩལ། །མ་རིག་གཉིད་ལས་སློང་བའི་སྒྲ། །བདག་འཛིན་ཞེན་པ་གཅོད་པའི་གྲི། །ཉོན་མོངས་གཅོང་ནད་འབྱིན་པའི་སྨན། །འཁོར་བའི་རྒྱ་མཚོ་སྒྲོལ་བའི་གྲུ། །ཐར་པའི་ས་ཆེན་བགྲོད་པའི་སྐས། །དགྲ་བགེགས་ལོག་འདྲེན་འདུལ་བའི་མཐུ། །ཉེས་པ་ཀུན་ལས་རྣམ་གྲོལ་བ། །རྫུ་འཕྲུལ་ཡེ་ཤེས་རྩལ་མཆོག་སྟེ། །མཆོག་དང་ཐུན་མོང་ བླ་མའི་གསང་རྒྱུད་བཀའི་བང་མཛོད་ཅེས་བྱ་བ།― DNG014_Page_0293 ―
[མ་དཔེ་གཟིགས་ན་འདིར་གནོན།]
ཨུ་རྒྱན་གསང་བ་བརྡའི་སྐད་དུ། བོད་སྐད་དུ། བླ་མའི་གསང་རྒྱུད་བཀའི་བང་མཛོད་ཅེས་བྱ་བ། བྱིན་རླབས་ཐམས་ཅད་འདུས་པའི་བཅོམ་ལྡན་འདས་བླ་མ་སྐུ་གསུམ་གྱི་བདག་ཉིད་དཔལ་ཧེ་རུ་ཀ་བདེ་བ་ཆེན་པོ་ལ་ཕྱག་འཚལ་ལོ། །ཀུན་འདུས་རིག་པ་ཆོས་ཀྱི་སྐུ། །ཡོངས་ཁྱབ་གསལ་བ་ལོངས་སྤྱོད་རྫོགས། ། ― DNG014_Page_0294 ―
[མ་དཔེ་གཟིགས་ན་འདིར་གནོན།]
སྤྲུལ་བསྒྱུར་སྟོན་མཛད་སྤྲུལ་པའི་སྐུ། །ཡང་དག་ངེས་དོན་རྫོགས་པའི་དཔལ། །རང་སྣང་རྣམ་དག་ཡེ་གྲོལ་བ། །བསྐྱར་གཞི་བྲལ་བའི་སེམས་ཉིད་དེ། །སངས་རྒྱས་མ་ཡིན་སེམས་ཅན་མིན། །བཅིང་གྲོལ་ཀུན་ལ་འདས་པ་སྟེ། །གཏན་ལ་ཕབ་ནས་ཡང་དག་རྟོགས། །གུད་དུ་མ་ཡིན་རང་རྩལ་རྫོགས། །བདག་ལུས་རྩ་ཡི་རི་བོ་ལ། །བསྐྱོད་པ་རླུང་གིས་རབ་གཡོས་ཤིང་། །ཁོད་སྙོམས་ཡེ་ཤེས་ཐིག་ལེ་འཕྲོ། །རང་བབ་གཤིས་ལས་མ་གཡོས་ངང་། །ཉམ་ང་མེད་པའི་ཏིང་འཛིན་གྱིས། །དམ་ཚིག་ཡེ་ཤེས་གཉིས་མཉམ་བསྲེ། །སྨིན་པར་བྱེད་དང་གྲོལ་བྱེད་དང་། །བདེ་སྟོང་ཡང་དག་སྐད་ཅིག་རྫོགས། །འཁྲུལ་པ་གཞི་ལ་ཡོངས་རྫོགས་པས། །ཡེ་ཤེས་བླ་མའི་ས་ཆེན་ཉིད། །རྩོལ་མེད་སྐད་ཅིག་ཉིད་ལ་གནོན། །དེ་སྐད་ང་ཡི་རང་རིག་ལ། །སྤྲུལ་པའི་འཁོར་ལ་ཡང་དང་ཡང་། །སྒྲིབ་པ་མེད་པའི་ཚིག་གིས་བཤད། །རྒྱས་པའི་དོན་དང་བསྡུས་པའི་དོན། །རྣམ་པར་རབ་ཏུ་འཕྲོས་རྣམས་ལ། །འདི་ཀུན་རང་བྱུང་གཞི་ཚིག་གོ། །བླ་མའི་གསང་རྒྱུད་བཀའི་བང་མཛོད་ལས། གླེང་གཞིའི་ལེའུ་སྟེ་དང་པོའོ།། །།འདིར་བདག་སྤྲུལ་པའི་འཁོར་རྣམས་ལ། །བྱིན་རླབས་ཡོངས་སུ་འདུས་པ་ཡི། །དབང་དོན་ཡང་དག་བཤད་ཀྱིས་ཉོན། །དབང་གིས་སྨིན་པར་མ་བྱས་ན། །གྲོལ་བར་བྱེད་པའི་ཟབ་ལམ་ཆད། །ཆོ་གའི་རྒྱལ་པོས་དབང་བསྐུར་ཏེ། །འདི་ལྟར་སྨིན་གྲོལ་ས་ལ་གནས། །དེ་ཕྱིར་དབང་འདི་སུས་བསྐུར་བ། །མཚན་ཉིད་ཀུན་ལྡན་བླ་མས་བསྐུར། །རང་རིག་རྟོགས་པའི་གདེང་ལ་གནས། །ཞེན་པའི་རོ་ལ་མངོན་མ་ཆགས། །གཞན་དོན་ཐུགས་རྗེའི་རྩལ་དང་ལྡན། །བསྐྱེད་རྫོགས་བརྟན་པ་ཐོབ་པས་བསྐུར། །དེ་བཞིན་གང་ལ་བསྐུར་བའི་ཡུལ། །གསང་སྔགས་བརྡ་ཡི་སྣོད་རུང་བ། །བློ་ཡངས་དད་བརྩོན་དམ་ཚིག་གནས། །བླ་མས་ཇི་ལྟར་བཀའ་སྩལ་པ། །ལུས་ངག་ཡིད་རྩོལ་ལྡན་པས་བསྒྲུབ། །འཇིག་རྟེན་ཆོས་ལ་ཡིད་མི་འཇུག །གཏོང་ཕོད་ཆེ་ཞིང་མཆེད་ལ་བརྩི། །ཡིད་གཉིས་ཐེ་ཚོམ་བྲལ་ལ་བསྐུར། །ཉ་སྟོང་ཚེས་བརྒྱད་གཟའ་སྐར་བཟང་། །ཕྱི་ནང་མཐུན་རྐྱེན་འཛོམ་ ― DNG014_Page_0295 ―
[མ་དཔེ་གཟིགས་ན་འདིར་གནོན།]
པའི་དུས། །བླ་མ་དང་ནི་སློབ་མ་གཉིས། །གཅིག་ཡུལ་གཅིག་ལ་འདྲེས་དུས་དེར། །སྨིན་བྱེད་དབང་གི་དུས་མཆོག་གོ། །ས་གཙང་རབ་དབེན་མཁའ་འགྲོ་འདུ། །ཡིད་འོང་བྱིན་ཆགས་འཚེ་དོགས་བྲལ། །ལྷ་འདྲེ་མི་གསུམ་ཡོངས་ཀྱིས་བསྔགས། །མཐུན་རྐྱེན་འཛོམ་པའི་གནས་མཆོག་ཏུ། །རྩལ་དང་ལྡན་པའི་བླ་མ་ཡིས། །དཀྱིལ་འཁོར་གསུམ་ལ་གནས་པའི་ངང་། །ལེགས་པར་ས་ཡི་ཆོ་ག་བརྩམ། །འབྱུང་པོ་འདུལ་ཞིང་བྱིན་ཆེན་དབབ། །དེ་ནས་དཀྱིལ་འཁོར་ལས་ལ་བརྩོན། །གཏོར་མཆོད་ལ་སོགས་ཕྱི་ནང་དང་། །གསང་བའི་རྫས་དང་དབང་བསྐུར་རྫས། །གོ་རིམ་མ་ལོག་ལེགས་པར་བཤམ། །ཐོག་མར་དགེ་བ་སྔོན་འགྲོའི་ལས། །རྣལ་འབྱོར་ལུས་དང་ངག་ཡིད་གསུམ། །རང་ངོས་བཟུང་བས་གཏན་ལ་ཕབ། །གསང་སྔགས་སྤྱོད་པ་ངེས་འབྱུང་སྤྱད། །དེ་ནས་བདག་བསྐྱེད་མདུན་བསྐྱེད་ལ། །དམ་ཚིག་ཡེ་ཤེས་བསྲེ་བསྣན་ཞིང་། །བཟླས་པའི་རྐང་གྲངས་རྫོགས་པར་འབད། །མཆོད་པ་སྨན་རག་གཏོར་སོགས་འབུལ། །བར་དུ་དགེ་བའི་དངོས་གཞི་ནི། །བདག་ཉིད་འཇུག་པའི་དབང་བླང་ཞིང་། །སློབ་མ་སྟ་གོན་ལ་གནས་པས། །དཀྱིལ་འཁོར་འཇུག་པའི་ཆོ་ག་འབད། །དེ་ནས་བུམ་པར་བཅུད་དབབ་པ། །སྤྲོ་བསྡུའི་དམིགས་པ་མ་ཡེངས་བྱ། །ལུས་ངག་ཡིད་བདེ་བསམ་གཏན་པས། །རྟགས་དང་མཚན་མ་གཏན་ལ་ཕབ། །དང་པོ་བུམ་པ་སྦྱིན་བྱས་ཏེ། །རིག་པའི་དབང་ལྔས་སྒྲིབ་པ་སྦྱང་། །ལུས་ཉིད་ལྷ་རུ་སྨིན་བྱས་ནས། །རྣམ་གྲོལ་འབྲས་བུ་ཡེ་ཤེས་དབབ། །དེ་ནས་གསང་བའི་དཀྱིལ་འཁོར་བསྟན། །གསང་མཚན་རྡོ་རྗེའི་མིང་ནས་འཇུག །མཚན་ཉིད་ལྡན་པའི་ཕོ་མོ་ནི། །བདུན་ལས་མི་མང་དོན་མཐུན་གཏད། །གསང་དབང་མཆོག་ནི་བསྐུར་བ་སྟེ། །ཡབ་ཡུམ་རྡོ་རྗེ་པདྨ་ལས། །ལེགས་འབྱུང་དངོས་གྲུབ་མཆོག་དོན་ནི། །ལྕེ་ཡི་དབང་པོས་བླང་བར་བྱ། །རྡོ་རྗེ་འབར་བའི་དམ་ཚིག་ནི། །བཀའ་ལ་མི་འདའ་ཐུབ་པར་བསྲུང་། །ངག་གི་དབང་པོ་སྨིན་བྱས་ནས། །ལོངས་སྤྱོད་ཡེ་ཤེས་མཆོག་ལ་རེག །གསུམ་པ་ཤེས་རབ་ཡེ་ཤེས་ཀྱི། །བདེ་སྟོང་སྨིན་བྱེད་དབང་བསྐུར་བས། །ཐབས་དང་ཤེས་རབ་སྦྱོར་བ་ཡི། ། ― DNG014_Page_0296 ―
[མ་དཔེ་གཟིགས་ན་འདིར་གནོན།]
བཅུད་ཀྱི་སྙིང་པོ་དོན་གྱི་མཆོག །སྐལ་བར་ལྡན་པའི་སྐྱེས་བུ་གང་། །དགའ་བ་བཞི་ཡི་ཡེ་ཤེས་ཀྱིས། །བདེ་སྟོང་ཟག་མེད་ཏིང་འཛིན་འཕེལ། །ལམ་སྣང་འབྲས་བུ་སྐད་ཅིག་རྫོགས། །ཉོན་མོངས་རྣམ་གྲོལ་སྣང་བ་ཡིས། །མངོན་སུམ་རང་རྩལ་དཀྱིལ་འཁོར་རྫོགས། །སྐུ་དང་གསུང་དང་ཐུགས་དང་ཡང་། །ཡོན་ཏན་ཕྲིན་ལས་རྩལ་ཆེན་གྱིས། །རྩ་བ་ཡན་ལག་བཅས་པ་ཡི། །དམ་ཚིག་ཉིད་ལ་གནས་པར་བྱ། །འདི་དོན་མཆོག་གི་ས་ལ་རེག །བཞི་པ་སྣང་སྲིད་གཞི་བཞེངས་ཀྱི། །དོན་དབང་ཚིག་གིས་བརྡ་སྤྲོད་པས། །ལུས་ངག་ཡིད་གསུམ་གཏན་ལ་དབབ། །འཁོར་འདས་ཆོས་རྣམས་མ་ལུས་པ། །རང་སྣང་དཀྱིལ་འཁོར་རང་ལ་རྫོགས། །སྤྲོས་བྲལ་ཆེན་པོ་དེ་བཞིན་གཤེགས། །རྒྱལ་ཚབ་དམ་པར་དབང་བསྐུར་བས། །གཞི་རྫོགས་སེམས་ཀྱི་དཀྱིལ་འཁོར་ལ། །བྱས་དང་བྱུང་བ་མེད་པ་དང་། །སྣང་དང་མི་སྣང་མེད་པ་དང་། །ཐམས་ཅད་གདལ་ཁྱབ་ལྷུན་འབྱམ་མོ། །དེ་ལྟར་སྐུ་གསུམ་ཡེ་ཤེས་ལྔ། །གཞི་བྲལ་ལྷན་ཅིག་སྣང་བ་སྟེ། །སྐལ་བར་ལྡན་པའི་ལུས་ངག་ཡིད། །རབ་ཏུ་སྨིན་ཅིང་ཡེ་ཤེས་ཕེབ། །བླ་མ་ལྷར་བཅས་དགྱེས་པ་ཡི། །མཆོད་གསོལ་མེ་ཏོག་མནྜལ་འབུལ། །རིན་ཆེན་དབང་གི་མཐའ་རྟེན་དུ། །འཁོར་ལོ་རྡོ་རྗེ་རིན་ཆེན་དང་། །པདྨ་རྒྱ་གྲམ་ལ་སོགས་སྦྱིན། །རང་གཞན་སྨིན་པའི་ལས་ལ་བརྩོན། །རྡོ་རྗེ་རྒྱལ་པོར་མངའ་དབང་བསྐུར། །གྲངས་འདས་བཀའ་ཡི་ཆོས་ཀྱི་སྒོ། །དེ་ལྟར་སྨིན་པར་བྱས་ནས་ཕྱེ། །འདི་ཀུན་གསང་བའི་དེ་དོན་ཏེ། །དམ་ཚིག་ཆེན་པོའི་དོན་ལ་སྤྱོད། །རང་སྲོག་མིག་གི་འབྲས་བུ་ལྟར། །རབ་ཏུ་གཅེས་པས་དམ་པར་བསྲུང་། །འདི་ལྟར་རྒྱལ་བའི་གདུང་རྒྱུད་འཛིན། །སྐད་ཅིག་རིག་འཛིན་ས་ལ་རེག །ཐ་མར་དགེ་བ་རྗེས་ཆོག་ནི། །རྫོགས་པའི་ཡེ་ཤེས་རང་སྣང་བ། །ཡེ་ཤེས་ལྷ་གཤེགས་དམ་ཚིག་བསྡུ། །སྤྲོས་བྲལ་ཆེན་པོའི་ངང་ཉིད་ནས། །རྡོ་རྗེའི་གླུ་བླངས་བདེ་ཉམས་སྐྱོང་། །དགའ་སྟོན་གཏང་རག་རིམ་གྲོ་འབད། །རྡོ་རྗེ་སློབ་དཔོན་དགྱེས་མཆོད་བསྐང་། །དལ་བསྡུ་དགེ་བའི་ཤིས་པ་བརྗོད། །ཡང་དག་སྙིང་པོ་དབྱིངས་སུ་བསྔོ། །བླ་མའི་གསང་རྒྱུད་ ― DNG014_Page_0297 ―
[མ་དཔེ་གཟིགས་ན་འདིར་གནོན།]
བཀའི་བང་མཛོད་ལས། སྨིན་བྱེད་དབང་བསྐུར་བར་བསྟན་པའི་ལེའུ་སྟེ་གཉིས་པའོ།། །།བླ་མེད་ཡང་དག་སྟོན་པ་ཡིས། །ཉིད་ཀྱིས་སྤྲུལ་པའི་འཁོར་རྣམས་ལ། །ལུས་ངག་ཡིད་གསུམ་གྲོལ་བྱེད་པའི། །བསྐྱེད་རིམ་ལྷ་ཡི་གནད་གསུངས་པ། །ཉོན་ཅིག་སྣང་ཅན་རིག་པའི་འཁོར། །སྣང་བ་འཁྲིད་པའི་སྣ་ཐག་ཏུ། །འཁོར་བ་རུ་ལོག་བྱེད་པའི་ཐབས། །ཡེ་ཤེས་ལྷ་ལ་རིག་པ་གཏད། །ལྷུན་གྲུབ་རང་གསལ་འོད་ཀྱི་སྐུ། །སྣང་སྟོང་སྒྱུ་མའི་རང་གཟུགས་ཅན། །ལོངས་སྤྱོད་རྫོགས་དང་སྤྲུལ་པའི་སྐུ། །ཆོས་སྐུ་རོལ་པའི་རྩལ་ལས་སྣང་། །ཤར་ལྷོ་ནུབ་བྱང་སྟེང་འོག་ཕྱོགས། །དེ་བཞིན་མཚམས་ལ་སོགས་པ་དང་། །འདས་དང་མ་འོངས་ད་ལྟར་དང་། །དུས་གསུམ་དུས་མེད་དུས་ཀྱི་དབྱིངས། །ཕྱི་རོལ་འབྱུང་བ་འདུས་པའི་མཁར། །རྣམ་པར་སྣང་བའི་གཟུགས་བརྙན་རྣམས། །རང་སྣང་རྣམ་དག་གཞལ་ཡས་ཁང་། །སེམས་ཅན་སྐྱེ་འགྲོར་གྱུར་པ་ཡང་། །འབྱུང་བའི་དྭངས་མ་འདུས་པ་ཡིས། །ཕུང་པོ་ལ་ནི་གཟུགས་ཅན་དང་། །ལས་ཀྱི་དབང་བཙན་དཀར་ནག་ཆོས། །གཟུགས་མེད་ཡིད་ཀྱི་ལུས་ལ་སོགས། །བག་ཆགས་རང་སྣང་བཅས་པ་སྟེ། །དག་པ་རྩལ་གྱི་ཡེ་ཤེས་ལྷ། །མ་དག་སྣ་ཚོགས་ལས་སྤྱོད་པའི། །འགྲོ་བ་དྲུག་སོགས་ཡུལ་ཅན་བཟུང་། །འཛིན་པའི་རྟོད་ཕུར་མ་ཞིག་པར། །བག་ཆགས་སྣ་ཚོགས་འཁྲུལ་པའི་ལུས། །ཡིད་ཀྱི་དབང་པོའི་སྤྱོད་ཡུལ་ལ། །ནང་དུ་འབྱུང་བའི་རང་རྩལ་ལས། །བདག་ལུས་སྒྱུ་མའི་གྲོང་མཁར་དུ། །རྣམ་པར་སྣང་བའི་གདོས་པ་ཅན། །རྣམ་པ་དུ་མའི་གཟུགས་སུ་ཆགས། །རྩ་དང་རླུང་དང་ཁམས་དང་ཡང་། །རྣམ་པར་རྒྱུ་དང་མི་རྒྱུ་བ། །འདས་དང་མ་འོངས་ད་ལྟར་གྱི། །ལས་འབྲས་བྱས་བྱུང་བྱེད་པའི་མཐུས། །དཀར་དང་ནག་དང་འཆོལ་པར་ཡང་། །ལས་ཀྱི་འཕྲོ་འདུ་བྱེད་པ་སྟེ། །རང་སྣང་རྣམ་པར་དག་ཤེས་ན། །ཡེ་ཤེས་ལྷ་ཡི་གཞལ་ཡས་སུ། །ངོ་བོ་སྟོང་པ་ཆོས་ཀྱི་སྐུ། །རང་བཞིན་རང་གསལ་ལོངས་སྤྱོད་རྫོགས། །ཐུགས་རྗེའི་རྩལ་སྣང་འཕྲོ་འདུ་བ། །རང་བྱུང་སྤྲུལ་པའི་སྐུར་གྲོལ་བས། །འཁྲུལ་སྣང་རང་དག་ལྷ་ཡི་སྐུ། །དཀར་སེར་དམར་ལྗང་ལ་སོགས་པ། །སྐུ་ ― DNG014_Page_0298 ―
[མ་དཔེ་གཟིགས་ན་འདིར་གནོན།]
མདོག་སྣ་ཚོགས་འོད་དང་བཅས། །ཟེར་གྱིས་འགྲོ་བ་འདུལ་བའོ། །ཡོངས་ཁྱབ་ཆེན་པོའི་ལྷར་གྲུབ་སྟེ། །དེ་ལྟར་མ་རྟོགས་འཁྲུལ་པའི་བློ། །གཟུང་འཛིན་རང་སྣང་འཁྲུལ་ཕྱིར་བརྒྱུད། །དེ་དག་འཁྲུལ་འཁོར་བཤིག་བྱའི་ཕྱིར། །དང་པོ་དེ་བཞིན་ཉིད་ཀྱི་ངང་། །ཀུན་ཏུ་སྣང་བའི་ཏིང་འཛིན་ལས། །རྒྱུ་ཡི་ཡི་གེ་རྣམ་པར་སྤྲོས། །དེ་ལས་བདག་ཉིད་དམ་ཚིག་པ། །མོས་བསྐྱེད་སྐུ་མདོག་ཕྱག་མཚན་བཅས། །ཆེ་དང་ཆུང་དང་རང་འཚམས་པར། །ཡིད་ཀྱིས་རྣམ་པར་སྤྲུལ་ཞིང་བསྐྱེད། །གདོད་ནས་དག་པ་ཡེ་ཤེས་སེམས། །བཀུག་བསྡིམ་རྣམ་པར་རོལ་པས་སྤྱད། །འཕྲོ་དང་འདུ་བའི་རང་བཞིན་གྱིས། །གཏད་གཞག་མེད་པར་རྣམ་པར་གནས། །ཡང་དག་ལྷ་ཚོགས་དེ་བཞིན་གཤེགས། །རིམ་དང་སྐད་ཅིག་དྲན་རྫོགས་སུ། །ཐ་མ་རབ་ཀྱི་བློ་ཡིས་གསལ། །རང་སྔགས་མཚན་བཅས་སྙིང་པོ་དང་། །མཚན་མ་མེད་པའི་རང་སྔགས་ཀྱིས། །གནད་ལ་དབབ་པའི་མཆུ་སྦྱོར་དང་། །འབྱིན་འཇུག་གནས་པའི་འགྲོ་འོང་གིས། །རང་སྣང་གཙོ་འཁོར་བཙོན་དུ་བཟུང་། །དབྱེར་མེད་གཅིག་ཏུ་གཏན་ལ་དབབ། །ནུས་པའི་རྩལ་ཆེན་སྦར་བར་བྱ། །གནམ་ས་རི་རབ་གཡོ་བར་བྱ། །རྒྱ་མཚོ་ཧུབ་ཀྱིས་གདབ་པ་དང་། །ཉི་ཟླ་ཆ་ལང་ལྟ་བུར་བརྡབ། །འབྱུང་བའི་དཀྱིལ་འཁོར་ཐམས་ཅད་ཀྱང་། །ཕྱི་ནང་གསང་བ་རིམ་གྱིས་དཀྲུག །ཕྱི་ནང་སྣང་སྲིད་དབང་དུ་བྱས། །འཇིག་རྟེན་འདས་དང་མ་འདས་པའི། །ལྷ་རྣམས་རང་དབང་བྲན་དུ་བྱ། །བདག་དབང་ཁོ་ཡིས་མ་ཡིན་ཞིང་། །ཁོ་ཉིད་བདག་གི་དབང་དུ་སྟེ། །ཆོ་འཕྲུལ་གར་གྱིས་གཏན་ལ་ཕབ། །དེ་ལྟར་བསྐྱེད་པའི་ཡེ་ཤེས་ཀྱི། །རང་སྣང་གནད་ལ་ཕབ་ནས་ཀྱང་། །འཁྲིད་པའི་སྣ་ཐག་ལ་བརྟེན་ནས། །འཁྲུལ་པའི་གཡུལ་ངོ་རིམ་གྱིས་བཟློག །བག་ཆགས་རི་བོ་ཐབས་ཀྱིས་བསྒྱེལ། །ཕྲིན་ལས་དམིགས་སུ་ངང་གིས་བསྒྱུར། །སྣ་ཚོགས་ལས་ལ་དབང་བྱེད་པ། །བདག་ཉིད་ལྷ་ཡི་ཤུགས་ལྡན་པས། །གང་ཡང་ཐོགས་པ་མེད་འགྲུབ་འགྱུར། །གང་ལ་གང་འདུལ་ཐབས་ལྡན་པས། །དེ་ལ་དེར་སྟོན་ལས་ལ་སྦྱར། །རང་གཞན་རྣམ་དག་ཞིང་ལ་སྤྱོད། །ཨེ་མ་འདི་ནི་གསང་ཆེན་གྱི། །གསང་བའི་ཡང་གསང་ ― DNG014_Page_0299 ―
[མ་དཔེ་གཟིགས་ན་འདིར་གནོན།]
རྨད་པོ་ཆེ། །གདུལ་བྱ་མོས་བློའི་ཡུལ་དུ་སྣང་། །བླ་མའི་གསང་རྒྱུད་བཀའི་བང་མཛོད་ལས། གྲོལ་ལམ་བསྐྱེད་རིམ་གྱི་ལེའུ་སྟེ་གསུམ་པའོ།། །།ཡང་ནི་སྟོན་མཆོག་རྒྱལ་པོ་ཡིས། །རང་བྱུང་སྤྲུལ་པའི་འཁོར་རྣམས་ལ། །གྲོལ་བྱེད་རྫོགས་རིམ་འདི་གསུངས་པ། །ཉོན་ཅིག་རང་བྱུང་རང་རྩལ་འཁོར། །སྣང་ཞིང་སྲིད་དང་དེ་ལས་གཞན། །དངོས་དང་དངོས་མིན་གཉིས་སྣང་ཆོས། །གཟུགས་དང་མིང་གི་མཐའ་ཅན་ཀུན། །ལ་འདས་ཆེན་པོའི་དབྱིངས་སུ་ཐིམ། །འདི་ཀུན་བལྟ་བའི་རྒྱལ་པོ་ཡིན། །གདོད་ནས་དག་པའི་གདིང་ཆེན་བཅའ། །བཅོས་བསླད་མེད་པར་གཏན་ལ་དབབ། །བཅིང་གྲོལ་མེད་པའི་གནས་ལུགས་ལ། །བཅོས་བསླད་མེད་པར་རང་གཞག་ནས། །གཡོ་འགུལ་མེད་པར་གཏན་ལ་ཕབ། །བླང་དོར་མེད་པའི་ངང་ཉིད་ལ། །རང་བབ་ལྷུག་པར་བཞག་པ་ཡིས། །ཡེངས་འཁྲུལ་རྐྱེན་དང་བྲལ་བའི་དོན། །འཁོར་ཡུག་བར་མཚམས་མེད་པར་འཆར། །སྣང་སྲིད་རོལ་པ་རང་གྲོལ་ཐོབ། །འདི་ཀུན་བསྒོམ་པའི་རྒྱལ་པོ་ཡིན། །རང་རྩལ་རིག་པའི་ཆོ་འཕྲུལ་ཀུན། །རང་ཤར་རང་ལ་གྲོལ་བའི་གནད། །གཡོ་འགུལ་འཕོ་འགྱུར་མེད་པར་གཞག །རང་ལུགས་བབ་ལ་རྩལ་ཆེན་འབར། །བཟང་དང་ངན་དང་དཀར་ནག་ཆོས། །གང་ཡང་བླང་དང་དོར་མེད་པར། །རང་སྣང་རང་གྲོལ་ཆེན་པོར་བཞག །མཉམ་པ་ཉིད་ལས་མཉམ་སྣང་བ། །བྱེད་པ་མེད་ལས་ཐམས་ཅད་བྱས། །གང་ཡང་དགག་དང་བསྒྲུབ་མེད་པར། །བབ་ལ་སྤྱོད་པའི་རྣམ་འགྱུར་ཅན། །འདི་ཀུན་སྤྱོད་པའི་རྒྱལ་པོ་ཡིན། །ཀུན་གསལ་ཀུན་ཏུ་སྣང་བའི་ཆོས། །བཅོས་བསླད་མེད་པར་རང་གཤིས་སུ། །འགྱུར་བ་མེད་པར་ངང་དུ་ཕྱམ། །ལུས་ངག་ཡིད་ལ་རྣམ་རོལ་པ། །སྐུ་གསུམ་བསླབ་པ་ཉིད་ལ་གནས། །ཕྲ་མོའི་ལས་ཀུན་རྣམ་པར་སྣང་། །རང་བྱུང་གཞི་ལས་གཡོས་མེད་པར། །ལམ་གྱི་རྩལ་ཆེན་རབ་རྫོགས་པར། །ཕྱི་ནང་འཁྲུལ་པའི་བློ་ཟད་དེ། །རང་བྱུང་བཅུད་དུ་རབ་སྨིན་པས། །འབྲས་བུ་རྩོལ་མེད་གཞི་ལ་ཕེབས། །འདི་ཀུན་འབྲས་བུའི་རྒྱལ་པོ་ཡིན། །རེ་དོགས་མེད་པའི་རྩལ་ཆེན་གྱིས། །མཐའ་བྲལ་དབྱིངས་ལ་ཀུན་སྤྱོད་སྐྱོང་། །བྱ་བ་བྱས་ཤིང་བྱེད་པ་བྱས། །བྱ་རྩོལ་ ― DNG014_Page_0300 ―
[མ་དཔེ་གཟིགས་ན་འདིར་གནོན།]
སྣང་བའི་ཆོས་ལ་འདས། །སྣང་སྲིད་འཁོར་འདས་མ་ལུས་པ། །སྐད་ཅིག་རང་བྱུང་དབྱིངས་སུ་རྫོགས། །དེ་ལས་སྣང་སྟོང་ཡེ་ཤེས་ཀྱི། །རྩལ་ཆེན་འབར་བ་སྣ་ཚོགས་ཀྱི། །ཉིད་ལས་རང་བྱུང་སྣང་བ་སྟེ། །འཁོར་དང་འདས་པའི་སྤྱི་མེས་ཡིན། །དེ་ལས་རྣམ་པར་རོལ་པ་ཡིས། །གཞི་སྣང་ཡེ་ཤེས་གཡོས་མ་གཡོས། །བྱད་དང་མེ་ལོང་རྟེན་འདྲེལ་ཡིན། །རྒྱུ་དང་རྐྱེན་ལས་མ་གཡོས་པའོ། །གཡོ་བ་མེད་ལས་གཡོས་པ་དང་། །མེད་ལས་ང་ཡིར་འཛིན་སྣང་བ། །ལུགས་འབྱུང་དང་ནི་ལུགས་བཟློག་སྟེ། །མདུང་ཁྱིམ་བར་སྣང་འཇའ་རིས་བཞིན། །ཆོ་འཕྲུལ་རྣམ་པར་དེ་འཕྲུལ་པས། །ལ་ལ་འཁོར་ལོའི་རྩིབས་ལ་བསྐྱོན། །མ་རིག་ལ་སོགས་འཐིབས་པོས་ནོན། །ལ་ལ་ཡེ་ཤེས་རང་རྩལ་རྫོགས། །མཁྱེན་དང་བརྩེ་བའི་བདག་ཉིད་ཅན། །ལ་ལ་གཞི་ལས་གཡོས་མེད་པར། །བཟང་དང་ངན་སོགས་རྩལ་མ་འཕྲོས། །བག་ལ་ཉལ་དུ་གནས་པའོ། །དེ་དང་དེ་ཡི་གནས་དཔྱད་དེ། །སྐྱེ་འབྲི་ལ་སོགས་ཡང་དག་ཤེས། །དགོངས་དང་ཡང་དག་དགོངས་པ་དང་། །གཉེན་དང་ལྡེམ་དང་དྲང་པོ་དང་། །དགོངས་པའི་ཆོ་འཕྲུལ་ཡང་དག་ལས། །འདུ་དང་འཕྲོ་བའི་ཆོས་རྣམས་ཀྱི། །གཏང་གཞག་མེད་ལ་དེ་བཞིན་སྤྱོད། །བླ་མའི་གསང་རྒྱུད་བཀའི་བང་མཛོད་ལས། གྲོལ་ལམ་རྫོགས་རིམ་གྱི་ལེའུ་སྟེ་བཞི་པའོ།། །།ཡང་གསང་ཟུང་འཇུག་སྟོན་པ་ཡིས། །ཟུང་དུ་འཇུག་པའི་ཆོས་རྣམས་ཀུན། །ཟུང་དུ་འཇུག་པའི་འཁོར་རྣམས་ལ། །ཟུང་དུ་འཇུག་ཕྱིར་ཡང་དག་བསྟན། །འཁོར་དང་འདས་པའི་ཆོས་རྣམས་ཀུན། །སྤྱི་དང་བྱེ་བྲག་ཁྱད་པར་ཡང་། །ཟུང་དུ་འཇུག་པ་ཆེན་པོ་སྟེ། །སྣང་བ་མ་འགགས་བསྐྱེད་པ་དང་། །སྟོང་པ་མཐའ་བྲལ་རྫོགས་པ་ཡང་། །གཉིས་མེད་ཆེན་པོར་ཟུང་དུ་འཇུག །མ་བྱས་རང་བྱུང་ཆོས་རྣམས་དང་། །རྩོལ་བྱས་བྱུང་བའི་ཆོས་རྣམས་ཀྱང་། །འགག་མེད་ཟུང་དུ་འཇུག་པའོ། །རྒྱུ་ལས་བྱུང་བའི་ཆོས་རྣམས་དང་། །རྐྱེན་གྱིས་བསྒྱུར་བའི་ཆོས་རྣམས་ཀྱང་། །གཉིས་མེད་ཟུར་དུ་འཇུག་པ་སྟེ། །མདོར་ན་གཉིས་དང་གཉིས་ཆོས་ཀུན། །གཉིས་མེད་སྤྲོས་བྲལ་ཟུང་འཇུག་ཆོས། ། ― DNG014_Page_0301 ―
[མ་དཔེ་གཟིགས་ན་འདིར་གནོན།]
དེ་ཕྱིར་བདེ་དང་སྟོང་པའི་ཆོས། །ཟག་མེད་ཀློང་དུ་ཟུང་ཆུད་པས། །ཐབས་ཀྱི་དཔའ་བོ་སྟོབས་ལྡན་དང་། །ཤེས་རབ་དཔའ་མོ་སྟོབས་བྲལ་བ། །ལྷན་ཅིག་གནས་པའི་ཆོ་འཕྲུལ་གྱིས། །སྣང་སྟོང་ཡེ་ཤེས་ཉིད་སྣང་བ། །འཁྲུལ་འཁོར་བ་ཡི་རྣམ་འཕྲུལ་གྱིས། །འཁོར་འདས་ཡོངས་གྲུབ་ཡེ་རྫོགས་དཔལ། །རྣལ་འབྱོར་རྒྱལ་པོ་རྣམས་ཀྱིས་བལྟ། །ཁྱིམ་གྱི་དཀྱིལ་འཁོར་ཆེན་པོ་ལ། །ཡིད་བཞིན་ནོར་མཆོག་རབ་སྣང་བ། །རྒྱུ་བྱེད་བདག་པོའི་ཆོ་འཕྲུལ་དང་། །འགྲོ་དང་འོང་དང་གནས་པའི་སྟོབས། །ཉི་མ་ཟླ་བ་སྒྲ་གཅན་འཛིན། །གླིང་བུའི་སྒྲ་ལས་དྲངས་ནས་ནི། །སྟེང་དང་འོག་ཏུ་རྣམ་པར་བཅིང་། །འཕྲོ་བ་དགག་ཅིང་གནས་པ་སྤྱོད། །རྣམ་པར་རྒྱུ་དང་རྒྱུ་བ་ནི། །དགག་དང་མི་དགག་བླང་དོར་མེད། །དེ་དག་ཡིད་ཀྱི་སྐྱེས་བུས་བསད། །ཉི་མ་དག་ཏུ་ཡང་དག་ལྡན། །ཟླ་བ་དག་ཏུ་ཡང་དག་སྣང་། །ཟླ་བ་དབྱིངས་སུ་བསྐྱོད་དེ་བཅིང་། །ཉི་མ་འོག་ཏུ་གནས་པ་སྦར། །འབར་དང་འཛག་པའི་ཆོ་འཕྲུལ་ཀུན། །སྲོག་གི་གནས་སུ་ཡང་དག་སྦ། །ཀུན་ལམ་རྩལ་གྱི་འཕྲོ་བ་ནི། །བསྐྱེད་པའི་ཆ་དང་ཡང་དག་ལྡན། །འདུ་བར་བྱེད་པ་རྫོགས་པའི་དོན། །མཉམ་གནས་ཟུང་དུ་འཇུག་པ་སྟེ། །གཞི་ལས་འཕགས་ཤིང་ལམ་དུ་གནས། །འབྲས་བུ་དབྱིངས་སུ་ཕྱིན་པ་ཡི། །ཟིལ་ཟེར་བས་ཀྱང་པ་ཆར་གྱི་རྒྱུན་འབབས་པས། །དབང་དང་དབང་ཡུལ་ཡོངས་ལ་ཁྱབ། །དབང་ལ་ཁྱབ་པས་རྣམ་པར་གསལ། །དབང་ཡུལ་ལ་ཁྱབ་ཆོ་འཕྲུལ་སྣང་། །དེ་ཀུན་སྒྱུ་མའི་ཞིང་ཁམས་ཏེ། །དག་པ་གསུམ་གྱི་རྩལ་འཕར་བས། །མ་དག་ཆོ་འཕྲུལ་ཐབས་ཀྱིས་གནོན། །རང་ལས་ཤར་བའི་རང་རྩལ་གྱིས། །རང་བྱུང་ཆེན་པོའི་དཀྱིལ་འཁོར་བཀྲ། །རྒྱུ་ལས་བྱུང་བའི་དངོས་པོ་ནི། །ཡེ་ཤེས་རོལ་པའི་རྩལ་ཆེན་འབར། །འོད་ཀྱིས་སྣང་མུན་མ་ལུས་པ། །བསལ་ནས་རྣམ་པར་རབ་ཏུ་བཀྲ། །མཐའ་ཡས་གདལ་བའི་རྩལ་ལས་ཀྱང་། །གླང་ཆེན་སྟོབས་ལ་སེང་གེའི་རྩལ། །ཉ་ལྟར་འཕྱོ་དང་གློག་ལྟར་འཁྱུག །གནམ་ལྕགས་ཐོག་ཆེན་འབར་བའི་ཤུགས། །ལོ་བརྒྱད་བྱིས་པའི་ངང་ཚུལ་ཅན། །ཕྱི་ནང་གསང་བའི་དེ་ཉིད་ཤེས། །སྲིད་པ་ཐ་མའི་ལུས་གྱུར་པས། །ཐུན་མོང་མཐོང་ ཡི་དམ་གྱི་གསང་རྒྱུད་བཀའི་ཐ་རམ་ཞེས་བྱ་བ།― DNG014_Page_0302 ―
[མ་དཔེ་གཟིགས་ན་འདིར་གནོན།]
བོད་སྐད་དུ། ཡི་དམ་གྱི་གསང་རྒྱུད་བཀའི་ཐ་རམ་ཞེས་བྱ་བ། བཅོམ་ལྡན་འདས་དཔལ་ཞི་བ་དང་། ཁྲོ་བོ་དང་། རྔམ་པ་དང་། ཡབ་དང་། ཡུམ་དང་། སྲས་དང་། འཁོར་དང་། སྤྲུལ་པ་དང་། ཡང་སྤྲུལ་དུ་བཅས་པ་ལ་ཕྱག་འཚལ་ལོ། །དཀར་སེར་དམར་ལྗང་འཁྲིགས་པའི་ཀློང་། །དཔལ་ཆེན་རྔམ་པའི་དཀྱིལ་འཁོར་ནས། །ཞི་བའི་ངང་ལས་ཁྲོ་སྐུར་བཞེངས། །རྣམ་འགྱུར་ཆ་ལུགས་སྤྲུལ་པ་ཅན། །བཞད་པའི་ང་རོས་ ― DNG014_Page_0303 ―
[མ་དཔེ་གཟིགས་ན་འདིར་གནོན།]
སྟོང་ཁམས་གང་། །བརྩེ་བའི་ཐུགས་རྗེ་ཆེར་འགྱེད་པ། །དཔལ་ཆེན་སྟོབས་ཀྱི་རྒྱལ་པོ་ཡིས། །ཉིད་ཀྱི་སྐུ་ཡི་དཀྱིལ་འཁོར་ནས། །རང་བྱུང་སྤྲུལ་པའི་འཁོར་ཤར་ཅིང་། །མདུན་དུ་རྣམ་པར་བཀོད་པ་ལས། །གསང་ཆེན་ཐ་རམ་འདི་གསུངས་པ། །ཨ་ལ་ལ་ཧོ། སྣང་སྲིད་འཁོར་འདས་སྤྱི་དཔལ་གཙོ། །སྤྱི་གཙུག་དབྱིངས་ཀྱི་དཀྱིལ་འཁོར་དུ། །རབ་ཏུ་གསལ་བའི་འོད་ཤར་བ། །གཅིག་ཏུ་བཟླུམ་དང་དུམ་བུར་འཐོར། །ཟླུམ་པོ་ཉིད་ཀྱི་ཀློང་དུ་ཐིམ། །དེ་ཀུན་རང་རྩལ་རྫོགས་པའི་མགོན། །དུམ་བུར་འཐོར་བ་ཀུན་ཏུ་ཁྱབ། །ནམ་མཁའི་ཁམས་ཀུན་རབ་སྣང་བྱས། །མི་མངོན་དབྱིངས་ནས་རྣམ་པར་སྣང་། །མེ་ལས་མེ་དང་ཆུ་ལས་ཆུ། །རླུང་ལས་རླུང་དང་ས་ལས་ས། །ནམ་མཁའ་གཡོ་མེད་ཡོངས་ལ་ཁྱབ། །ཁྱབ་བདག་རང་བཞིན་དཀྱིལ་འཁོར་ཅན། །རལ་པའི་ཅོད་པན་རབ་གཟེངས་པས། །ས་འོག་ས་སྟེང་ས་བླར་ཁྱབ། །སྤྲུག་ཅིང་རྣམ་པར་སྤྲུགས་པས་ཀྱང་། །འགྲོ་བའི་ལོ་ཏོག་སྨིན་མཛད་དེ། །སྤྱི་ཕུད་དང་པོར་གྱུར་པའོ། །ཡི་དམ་གསང་རྒྱུད་བཀའི་ཐ་རམ་ལས། སྤྱི་གཙུག་རྣམ་པར་བལྟ་བའི་ལེའུ་ཞེས་བྱ་བ་སྟེ་དང་པོའོ།། །། ཨ་ལ་ལ་ཧོ། སྣང་སྲིད་འཁོར་འདས་སྤྱི་དཔལ་གཙོ། །མགྲིན་སྣང་གསུང་གི་དཀྱིལ་འཁོར་དུ། །སྒྲ་ཡི་བཀོད་པ་རབ་སྣང་བ། །སྨྲ་བའི་དབྱངས་དང་ཡང་དག་ལྡན། །ལྷ་དང་ལྷ་མིན་མི་དང་ནི། །དུད་འགྲོ་ཡི་དྭགས་དམྱལ་བའི་མཐར། །ཉིད་ཀྱི་གསུང་གི་དབང་པོ་ཡིས། །ཁྱབ་ཅིང་སོ་སོའི་མཐུན་སྣང་དུ། །སྐད་དང་སྒྲ་དོན་བཅས་པ་མཛད། །ས་དང་རྡོ་དང་ཤིང་བུ་དང་། །མེ་ཆུ་རླུང་ལ་སོགས་པ་ཡི། །སྐད་དང་སྒྲ་ལས་མངོན་པའི་ཚིག །གསུང་དང་བཅས་ཏེ་ཡང་དག་སྣང་། །པདྨའི་ལྗགས་དང་དུང་གི་ཚེམས། །བུམ་པའི་དཀྱིལ་དུ་དྲིལ་བ་ཡང་། །རྣམ་པར་བཀྲ་བའི་ལེ་བརྒན་ལས། །མ་འདྲེས་སྙིང་པོའི་ཚིག་ཏུ་གསལ། །དེ་ཀུན་ཡང་དག་གསང་བའི་མགོན། །མང་པོ་གཅིག་ཏུ་དྲིལ་བ་དང་། །གཅིག་ལས་རྣམ་པ་དུ་མ་སྤྲོས། །རིགས་དྲུག་འགྲོ་བའི་སྣང་བ་ཡང་། །སོ་སོ་པ་ལ་སོ་སོ་ཡི། །ལུས་ངག་ཡིད་རྒྱུད་སྨིན་པ་དང་། །ཡང་དག་དེ་བཞིན་ཉིད་བསྟན་ཏེ། །རྣམ་གྲོལ་ཡེ་ཤེས་བདེ་ཆེན་བསྟན། །རང་ ― DNG014_Page_0304 ―
[མ་དཔེ་གཟིགས་ན་འདིར་གནོན།]
ལ་རང་སྣང་ཉིད་བརྡལ་བས། །ལྷ་མི་ལ་སོགས་འགྲོ་བ་ཡི། །རང་སྣང་སྣང་བའི་དལ་རྒྱས་ནས། །རྣམ་པར་བལྟ་དང་རྣམ་པར་སྨྲ། །བསགས་པ་ཐམས་ཅད་ཟད་པ་སྟེ། །དེ་ནས་བསག་པ་མི་མངའ་ལ། །བསགས་འབྲས་མྱུར་དུ་འཇིག་པའོ། །སྙིང་པོ་སྔགས་སྤྱོད་གསང་བསྟན་པ། །གསང་ཞིང་རྣམ་པར་གསང་བ་ཡི། །གསང་བའི་སྙིང་པོ་མཆོག་ལ་རེག །ཀུན་རྫོབ་མཐའ་ཡང་དེ་བཞིན་སྟོང་། །དེ་ཡང་ལྗགས་ཀྱི་དབང་པོ་ཡི། །ལོངས་སྤྱོད་མགྲིན་པའི་དཀྱིལ་འཁོར་ལས། །གསང་སྔགས་དཀྱིལ་འཁོར་རབ་འཁྲུགས་པས། །སྟོབས་ཀྱི་ནུས་པ་རྣམ་པར་སྨིན། །བཀྲོལ་བ་མེད་ཀྱང་རང་གྲོལ་དང་། །བཅིང་བ་མེད་ཀྱང་ཞིག་པའོ། །རབ་ཏུ་འཁྲུགས་པར་གྱུར་རྣམས་ཀྱང་། །འཁྲུགས་པ་མེད་ལ་དེ་བཞིན་གཤེགས། །ས་ལམ་བཀོད་པ་དུས་གཅིག་རྫོགས། །སྤྱི་ཕུད་གཉིས་པར་གྱུར་པའོ། །ཡི་དམ་གསང་རྒྱུད་བཀའི་ཐ་རམ་ལས། མགྲིན་པ་རྣམ་པར་བལྟ་བའི་ལེའུ་སྟེ་གཉིས་པའོ།། །།ཨ་ལ་ལ་ཧོ། སྣང་སྲིད་འཁོར་འདས་སྤྱི་དཔལ་གཙོ། །གསང་གཏེར་ཐུགས་ཀྱི་དཀྱིལ་འཁོར་དུ། །མཁྱེན་བརྩེའི་བཀོད་པ་རབ་སྣང་བ། །འགྱུར་མེད་ཐ་རམ་ཉག་གཅིག་དོན། །རྒྱན་གྱི་བཀོད་པ་དུ་མ་དང་། །ཆོ་འཕྲུལ་རྣམ་པ་སྣ་ཚོགས་དང་། །རབ་ཏུ་འཁྲུགས་པའི་སེམས་དཔའ་དང་། །རྣམ་པར་བརྩེ་བའི་སེམས་མ་དང་། །གཉིས་མེད་རོལ་པའི་ཡེ་ཤེས་ཏེ། །ནམ་མཁའ་ཡངས་པའི་དཀྱིལ་འཁོར་དུ། །རྣམ་པ་སྣ་ཚོགས་རབ་འཆར་བ། །རང་བྱུང་རང་ལ་རྣམ་པར་ཐིམ། །སྤྲུལ་དང་བསྒྱུར་དང་སྟབས་པ་དང་། །རྣམ་པར་རབ་ཏུ་འཁྲུགས་པ་ཡང་། །ཉིད་ལས་མ་གཡོས་ཉིད་ཀྱི་རྩལ། །འདི་བདག་ཡངས་པའི་དཔའ་ཤུགས་གསལ། །འཕྲོ་དང་འདུ་དང་འཁྱིལ་པ་དང་། །དགག་པ་དང་ནི་སྩལ་བ་དང་། །རྣམ་པར་རབ་ཏུ་གཡོ་བ་ཅན། །གཏི་མུག་ལས་ཀྱང་གཏི་མུག་དང་། །ཞེ་སྡང་ལས་ཀྱང་ཞེ་སྡང་ཉིད། །ང་རྒྱལ་ལས་ཀྱང་ང་རྒྱལ་བ། །འདོད་ཆགས་ཉིད་ཀྱང་འདོད་ཆགས་པ། །ཕྲག་དོག་ཉིད་ཀྱང་དབང་བྱེད་པ། །ལས་ཀྱི་ལས་ཏེ་ལས་ཀྱིས་ལས། །ལྕགས་ཀྱིས་ལྕགས་རྣམས་གཅོད་པ་དང་། །དེ་བཞིན་ ― DNG014_Page_0305 ―
[མ་དཔེ་གཟིགས་ན་འདིར་གནོན།]
ཤིང་གིས་ཤིང་བསྲེག་པ། །རྡོ་ཡིས་རྡོ་གཅོག་རང་རང་མཐུས། །རང་རྩལ་རང་གི་ནུས་པ་འཇིག །བདག་གིས་བདག་པོ་ཉིད་འཇོམས་བྱེད། །བདག་གིས་བདག་ཉིད་ཡང་དག་བསྟོད། །བྱས་པ་ཡིས་ནི་བྱས་པ་འཇིག །སེམས་ཀྱི་སེམས་སུན་སེམས་ཀྱིས་འབྱིན། །ལས་ཀྱིས་ལས་ནི་འཇོམས་པའོ། །ལས་ཀྱིས་ལས་ཀྱང་སོག་པ་སྟེ། །རིགས་མཐུན་ནང་གིས་རིགས་མཐུན་འཇོམས། །དཔའ་ཤུགས་བསྐྱེད་པ་དེ་བཞིན་ལྟར། །རྒྱལ་བའི་ཐུགས་ལ་ཐུགས་རྗེ་ཡི། །རོལ་པ་རྣམ་པར་རོལ་སྤྲོས་པས། །གདུལ་བྱ་གདུལ་བྱ་དག་གིས་འདུལ། །ཡེ་ཤེས་རྒྱས་པའི་དཀྱིལ་འཁོར་ནི། །ཡེ་ཤེས་རྒྱས་པ་ཉིད་ཀྱིས་མཐོང་། །རང་བྱུང་དག་པ་རང་བྱུང་གིས། །ཡང་དག་མཐོང་ནས་ཡང་དག་སྟོན། །དེ་མཐོང་རྒྱུན་མར་མཐོང་བས་མཐོང་། །རིག་པས་རིག་པ་རྟོགས་པས་རྟོགས། །དཀར་པོས་དཀར་པོ་ཉིད་བྱེད་ལ། །ནག་པོས་ནག་པོ་ཉིད་བྱེད་དོ། །ང་ལས་ང་བྱུང་ང་ཡིས་ཤེས། །ང་ལས་ང་བྱུང་ང་ཡིས་བསྒྲིབས། །ང་ལས་ང་བྱུང་ང་ཡིས་བསལ། །ཐམས་ཅད་ང་ཡི་དཀྱིལ་འཁོར་དུ། །འདུ་དང་འཕྲོ་བར་བྱེད་ཤེས་པས། །ཤེས་དང་ཤེས་པ་ཉིད་ཤེས་བྱས། །མཁྱེན་པས་ཡང་དག་མཁྱེན་པ་ལ། །རྩལ་གྱིས་རྩལ་ཡང་འབྱིན་པར་བྱེད། །ཇི་ལྟར་ནམ་མཁའི་དཀྱིལ་འཁོར་དུ། །ནམ་མཁའ་ཉིད་དུ་རབ་སྣང་བ། །རབ་རིབ་རབ་རིབ་ཉིད་ལ་སྟེ། །རབ་རིབ་རབ་རིབ་ཉིད་ཀྱིས་སོ། །དེ་ལྟར་རྣམ་པར་བཀོད་པའི་དཔལ། །སྤྱི་ཕུད་གསུམ་པར་གྱུར་པའོ། །ཡི་དམ་གསང་རྒྱུད་བཀའི་ཐ་རམ་ལས། ཐུགས་ཀ་རྣམ་པར་བལྟ་བའི་ལེའུ་སྟེ་གསུམ་པའོ།། །།ཨ་ལ་ལ་ཧོ། སྣང་སྲིད་འཁོར་འདས་སྤྱི་དཔལ་གཙོ། །སྲིད་པའི་བདག་པོ་ཉིད་བདག་དཔལ། །སྲིད་ལས་སྲིད་པའི་ལུགས་འབྱུང་བ། །བདག་གིས་སྲིད་པ་འདིར་སྟོན་བྱེད། །ལས་ཀྱིས་འཕེན་པའི་ལས་རྣམས་ཀུན། །ལས་ཀྱིས་འཆིང་བའི་དྲ་བ་གཅོད། །མ་དག་པ་དང་དག་པ་དང་། །ཤིན་ཏུ་དག་དང་ཡང་དག་དག །དག་པ་གསུམ་གྱི་དག་པ་ཡིས། །ལས་ཀྱི་སྒྲིབ་པ་རྣམ་པར་བཅིང་། །བཅིངས་པ་རྣམ་པར་གྲོལ་བ་ཡི། །ཡེ་ཤེས་གཟིགས་པའི་ཕུང་པོ་ཡིས། །རྣམ་པར་ངེས་པ་རྙེད་པར་ ― DNG014_Page_0306 ―
[མ་དཔེ་གཟིགས་ན་འདིར་གནོན།]
འགྱུར། །ཕུང་པོ་ཁམས་དང་སྐྱེ་མཆེད་དང་། །བསགས་པའི་ལས་ཀུན་ཡང་དག་པས། །སྲིད་པའི་མཚོ་ལས་རྣམ་པར་གྲོལ། །བདག་དང་བདག་གིར་འཛིན་པ་དང་། །བདག་གི་སྣང་བ་རབ་རྒྱས་པས། །དེ་ཀུན་བདག་ལས་གྲོལ་བ་ཡང་། །སྲིད་པའི་འཆིང་ལས་གྲོལ་བ་སྟེ། །བདག་དབང་རྐྱེན་གྱིས་རྣམ་བསྐྱོད་པས། །སྲིད་པ་ཉིང་འཁྲུལ་འཁོར་ལོ་ནི། །ཡང་ནས་ཡང་དུ་ཡང་བསྐོར་བས། །དེ་དག་ཐག་པ་གཅོད་པ་ཡང་། །སྲིད་པའི་འཆིང་ལས་གྲོལ་བ་སྟེ། །འདམ་ལས་སྐྱེས་པའི་པདྨ་ནི། །འདམ་གྱི་སྐྱོན་གྱིས་མ་གོས་པ། །འདམ་མེད་པདྨ་མི་འབྱུང་ཡང་། །པདྨ་ཉིད་ལས་པདྨ་ཡི། །ས་བོན་འདམ་གྱིས་བསྐྱེད་ནས་བྱུང་། །འཁོར་བར་གནས་པའི་མི་གང་དག །འཁོར་བའི་འཇིགས་པ་གྲོལ་བྱེད་པ། །འཁོར་བར་ཉིད་དུ་རང་གནས་པས། །འཁོར་སྐྱོན་མ་གོས་དེ་དག་ཀྱང་། །སྲིད་པའི་དྲ་བ་ཆོད་ལས་སོ། །དེ་ལྟར་སྲིད་པའི་དྲ་བ་དག །གཅོད་པར་བྱེད་པའི་ས་མཁན་ནི། །དངོས་ཅན་གསལ་བའི་རང་འོད་ཀྱིས། །རང་སྣང་འོད་དུ་རབ་འབར་བ། །རང་རིག་རང་བྱུང་ཆེན་པོའི་རྩལ། །འགྲོ་འདུལ་ཐབས་ཀྱི་རྒྱལ་པོ་ཡིས། །སྣ་ཚོགས་རྩལ་གྱིས་སྣང་བར་བྱེད། །རོལ་པའི་ཆོ་འཕྲུལ་འབར་བ་ལས། །ཐབས་ཀྱི་ཆོ་འཕྲུལ་རབ་སྣང་བ། །མཛད་པའི་རྣམ་སྤྲུལ་རྩལ་ཤར་ཞིང་། །ཡེ་ཤེས་སྣང་བ་རབ་རྒྱས་བྱེད། །བདག་རྟོག་འཆིང་བའི་སྲིད་པ་དང་། །གཞན་འཛིན་དབང་ཡུལ་སྲིད་པས་བཅིངས། །གཟུང་དང་འཛིན་པ་རབ་སྤངས་ནས། །སྲིད་པའི་དྲ་བ་ཀུན་ལས་གྲོལ། །ཡར་དང་མར་དུ་ཟང་ཐལ་བས། །དེ་དག་སྲིད་ལས་རྣམ་གྲོལ་བ། །མར་དུ་ཐལ་བ་རབ་འགགས་ནས། །སྣང་བྱེད་རབ་ཏུ་ཐལ་བར་འགྱུར། །བར་དུ་རྣམ་པར་ལྡིང་བྱེད་ཀྱང་། །སྲིད་ལས་རྣམ་གྲོལ་ལྡིང་ལས་གྲོལ། །དེ་དང་དེ་སོགས་དཀར་ནག་ཆོས། །སྲིད་ལས་གྲོལ་དང་མ་གྲོལ་དབང་། །ལས་ཀྱི་འཆིང་བ་དག་མ་དག །འཆིང་བ་དག་པས་སྲིད་ལས་གྲོལ། །འཆིང་བ་མ་དག་སྲིད་པར་འཁོར། །དེས་ན་སྲིད་པའི་འཁོར་ལོ་ནི། །བཤིག་པའི་རྟེན་འདྲེལ་ཟབ་མོ་ནི། །ཐབས་ཀྱི་སྦྱོར་བ་རྣམས་ལས་འབྱུང་། །ཐབས་ནི་ཐབས་ལྡན་ཆེན་པོས་གསུངས། །དེ་ལ་ཡང་དག་བརྟེན་ནས་བྱས། །བླ་མ་ ― DNG014_Page_0307 ―
[མ་དཔེ་གཟིགས་ན་འདིར་གནོན།]
དང་ནི་འདྲེལ་པ་ཡིས། །ཡེ་ཤེས་རྩལ་ལས་འབྱུང་བར་འགྱུར། །དེ་ནི་དཔལ་དང་ལྡན་པར་འགྱུར། །སྤྱི་ཕུད་བཞི་པར་གྱུར་པའོ། །ཡི་དམ་གསང་རྒྱུད་བཀའི་ཐ་རམ་ལས། སྲིད་པའི་འཁོར་ལོ་རྣམ་པར་བལྟ་བའི་ལེའུ་སྟེ་བཞི་པའོ།། །།ཨ་ལ་ལ་ཧོ། སྣང་སྲིད་འཁོར་འདས་སྤྱི་དཔལ་གཙོ། །གསང་བ་མཆོག་ལས་ལེགས་བྱུང་ཞིང་། །གསང་ལས་ཡང་དག་གསང་བར་ལྡན། །གསང་བའི་དཀྱིལ་འཁོར་ལས་བྱུང་ཞིང་། །འཁོར་བ་རྣམས་ཀྱང་གསང་བ་ལས། །བྱུང་ཞིང་འཁོར་བའི་འཁོར་བར་འཁོར། །དེ་བཞིན་མྱ་ངན་འདས་པ་ཡང་། །གསང་བའི་དཀྱིལ་འཁོར་ལས་བྱུང་ཞིང་། །མྱ་ངན་འདས་དང་མྱ་ངན་འདའ། །གསང་བའི་འཁྲུལ་འཁོར་འཇིག་འཛིན་ཀྱང་པ་ཅན། །གསང་བའི་གནས་ལ་རྣམ་པར་གནས། །བདེ་བའི་ཡེ་ཤེས་གང་བསྐྱེད་པ། །གསང་ཆེན་སྒོ་ཡི་རྣམ་རོལ་ལས། །འབྱུང་ལྡོག་གནས་པ་རྣམ་པར་བྱེད། །སྟེང་དང་འོག་དང་བར་དག་དང་། །སྡོང་པོ་གསུམ་དང་ཡལ་ག་དང་། །འཁོར་ལོ་ལྔ་ལ་སོགས་པ་ཡི། །སྟོང་ཕྲག་བདུན་ཅུ་རྩ་གཉིས་ཀྱང་། །བཀྲ་ཤིས་གང་བའི་རྫུ་འཕྲུལ་གྱིས། །རྣམ་པར་གཡོ་དང་མི་གཡོ་བའི། །ཏིང་འཛིན་ཡང་དག་འཕེལ་འགྱུར་ཞིང་། །དེ་ལ་རྣམ་པར་རྒྱུ་བ་ཡི། །རྩ་བ་ལྔ་དང་ཡན་ལག་རྣམས། །རྣམ་པར་གྱེས་པའི་རྣམ་གྲངས་སུ། །ཉི་ཁྲི་ཆིག་སྟོང་དྲུག་བརྒྱ་དག །ལས་དག་བྱང་ཆུབ་ཉིད་གྱུར་ནས། །ཡང་དག་ཡེ་ཤེས་ཟླ་འོད་བཟང་། །ཟླ་བ་རྣམ་པར་དཀར་བར་འཕེལ། །ཉི་མའི་སྟོབས་ཀྱང་རབ་འབར་བས། །འབར་འཛག་སྟོབས་མཉམ་སྦྱོར་བ་ཡིས། །རྣམ་གྲོལ་འབྲས་བུ་མཆོག་ལ་རེག །གཡས་གཡོན་སྟེང་འོག་རྣམ་བཅིངས་པས། །གང་གི་ཐིགས་པས་རྒྱ་མཚོ་དཀྲུག །རླངས་པའི་འོད་ཟེར་སྟོང་ཁམས་ཁེངས། །འཛག་པ་མེད་པས་འཛག་པ་འཕེལ། །འོག་ནས་བཅིངས་ཏེ་སྟེང་དུ་བསྐྱོད། །སྒྲ་གཅན་དག་གིས་མཉམ་གནས་པ། །ཡོངས་ཁྱབ་ངོས་བཟུང་བྲལ་བ་ཡི། །མཆོག་དོན་རྣམ་པར་བསྒྱིངས་བལྟས་པས། །ཡང་དག་མཆོག་ལ་ཡང་དག་པར། །གནས་པའི་སྟོབས་ཀྱང་དེ་ལས་འབྱུང་། །མདོར་ན་གནས་དང་སྤྱོད་པ་དང་། །འགྲོ་དང་འོང་དང་འདུག་པ་དང་། །ཁྱིམ་དང་བདག་པོ་ནོར་བྱས་པར། །རོ་མཉམ་གཅིག་དང་ཁད་མཉམ་པས། །གསང་བའི་གནས་ལས་ལེགས་ མཁའ་འགྲོའི་གསང་རྒྱུད་བཀའི་ལྡེ་མིག་ཅེས་བྱ་བ།― DNG014_Page_0308 ―
[མ་དཔེ་གཟིགས་ན་འདིར་གནོན།]
ཨུ་རྒྱལ་གསང་བ་བརྡའི་སྐད་དུ། བོད་སྐད་དུ། མཁའ་འགྲོའི་གསང་རྒྱུད་བཀའི་ལྡེ་མིག་ཅེས་བྱ་བ། ཆོས་སྐུ་སྐྱེ་བ་མེད་པའི་དབྱིངས་ལས། ལོངས་སྐུ་གསལ་དག་རྣམ་པར་བཀྲ་བའི་གཟི་བརྗིད་ཀྱི། སྤྲུལ་སྐུ་འགྲོ་འདུལ་ཐབས་ཀྱི་རྒྱལ་མོ། བཅོམ་ལྡན་འདས་བདེ་བའི་དབང་མོ་ཆེ་དཔལ་འབར་བརྩེ་བའི་སྒྲ་དབྱངས་མ་ལ་ཕྱག་འཚལ་ལོ། །བཅོམ་ལྡན་བདེ་བའི་དབང་མོ་ཆེའི། །བྷ་ག་ཡངས་པའི་དཀྱིལ་འཁོར་ནས། །རྣམ་པར་རོལ་པའི་རྩལ་འགྱེད་མ། །སྤྲུལ་དང་ཡང་སྤྲུལ་དཔག་མེད་ཀྱིས། །ས་དང་བར་སྣང་གཡོ་བྱེད་མ། །སྐུ་གསུང་ཐུགས་ལས་རང་བྱུང་བའི། །སྣ་ཚོགས་མཁའ་འགྲོ་འཁོར་དང་བཅས། །ཀུན་ཀྱང་རབ་ ― DNG014_Page_0309 ―
[མ་དཔེ་གཟིགས་ན་འདིར་གནོན།]
འཇིགས་དུར་ཁྲོད་ཆས། །དར་དང་རིན་ཆེན་རུས་པས་སྤྲས། །ལག་ན་གྲི་ཐོད་ཁ་ཊྭཱཾ་འཛིན། །སྐུ་ཡི་རིགས་དང་གསུང་གི་རིགས། །ཐུགས་ཀྱི་རིགས་དང་ཡོན་ཏན་རིགས། །ཕྲིན་ལས་རིགས་དང་རྣམ་ལྔ་ལྔ། །རྡོ་རྗེའི་རིགས་དང་རིན་ཆེན་རིགས། །པདྨའི་རིགས་དང་ལས་ཀྱི་རིགས། །དེ་བཞིན་རིགས་དང་རྣམ་པ་ལྔ། །དཀར་སེར་དམར་ལྗང་མཐིང་ག་སྟེ། །ཡེ་ཤེས་ལས་ལས་གྲུབ་པ་ཡི། །འཁོར་དང་ཡང་འཁོར་བཅས་རྣམས་ཀྱང་། །སྣ་ཚོགས་ལས་བྱེད་ཆོ་འཕྲུལ་འགྱེད། །རྣམ་འགྱུར་གར་གྱི་རོལ་པ་ཅན། །སྟངས་སྟབས་གཅིག་ཏུ་མ་ངེས་ཤིང་། །གདུལ་བྱའི་དོན་དུ་ངེས་མེད་སྟོན། །དགོངས་པའང་གཅིག་ཏུ་མ་ངེས་པར། །གང་ལ་གང་འདུལ་ཐབས་ལྡན་པས། །འགྲོ་འདུལ་ཐུགས་རྗེས་ཡོངས་ལ་ཁྱབ། །དེ་ལྟར་གཙོ་འཁོར་བཅས་པ་རྣམས། །དུར་ཁྲོད་རབ་འཇིགས་ཀློང་ཡངས་སུ། །ལྷན་ཅིག་རྣམ་པར་རོལ་པའི་ཚེ། །གཙོ་མོའི་སྐུ་ལས་སྤྲུལ་པའི་འཁོར། །དཀར་མོ་རིགས་ཀྱི་ཌཱཀྐི་མས། །ཡེ་ཤེས་བསྐྱེད་པའི་ཚུལ་ཞུས་པས། །བཅོམ་ལྡན་འདས་མས་བཀའ་སྩལ་པ། །རྡོ་རྗེ་ལུས་ཀྱི་ལྡེ་མིག་བསྟན། །གཙོ་མོའི་གསུང་ལས་སྤྲུལ་པའི་འཁོར། །དམར་མོ་རིགས་ཀྱི་ཌཱཀྐི་མས། །བཟླས་པས་སྔགས་ཀྱི་ཚུལ་ཞུས་པས། །བཅོམ་ལྡན་འདས་མས་བཀའ་སྩལ་པ། །གསུང་དབྱངས་ངག་གི་ལྡེ་མིག་གསུངས། །གཙོ་མོའི་ཐུགས་ལས་སྤྲུལ་པའི་འཁོར། །སྔོན་མོ་རིགས་ཀྱི་ཌཱཀྐི་མས། །གནས་ལུགས་དགོངས་པའི་དོན་ཞུས་པས། །བཅོམ་ལྡན་འདས་མས་བཀའ་སྩལ་པ། །ཐུགས་མཛོད་གནས་ལུགས་ལྡེ་མིག་གསུངས། །གཙོ་མོའི་ཡོན་ཏན་སྤྲུལ་པའི་འཁོར། །སེར་མོ་རིགས་ཀྱི་ཌཱཀྐི་མས། །བསྙེན་དང་བསྒྲུབ་པའི་གནད་ཞུས་པས། །བཅོམ་ལྡན་འདས་མས་བཀའ་སྩལ་པ། །བསྙེན་བསྒྲུབ་ལས་ཀྱི་ལྡེ་མིག་གསུངས། །གཙོ་མོའི་ཕྲིན་ལས་སྤྲུལ་པའི་འཁོར། །ལྗང་ནག་རིགས་ཀྱི་ཌཱཀྐི་མས། །སྣ་ཚོགས་ཕྲིན་ལས་དོན་ཞུས་པས། །བཅོམ་ལྡན་འདས་མས་བཀའ་སྩལ་པ། །སྣ་ཚོགས་ལས་བསྒྱུར་ལྡེ་མིག་གསུངས། །ཉིད་ཀྱི་སྤྲུལ་པའི་འཁོར་གྱི་ཚོགས། །ཡེ་ཤེས་ལས་ལས་གྲུབ་འདུས་ནས། །མགྲིན་གཅིག་དབྱངས་ཀྱིས་ཞུས་པ་ནི། །ཆོ་འཕྲུལ་རྟགས་ཀྱི་བྱུང་ཚུལ་ཞུས། །བཅོམ་ལྡན་ ― DNG014_Page_0310 ―
[མ་དཔེ་གཟིགས་ན་འདིར་གནོན།]
འདས་མས་བཀའ་སྩལ་པ། །རྟགས་དང་ཆོ་འཕྲུལ་ལྡེ་མིག་གསུངས། །མཁའ་འགྲོ་གསང་རྒྱུད་བཀའི་ལྡེ་མིག་ལས། གླེང་གཞིའི་ལེའུ་སྟེ་དང་པོའོ།། །།བཅོམ་ལྡན་འདས་མས་བཀའ་སྩལ་པ། །སྐུ་ལས་སྤྲུལ་པའི་མཁའ་འགྲོ་ཉོན། །རང་ཅག་གཙོ་འཁོར་བསྐྱེད་འདོད་ན། །རང་འདོད་བྲལ་བའི་བརྩེ་སེམས་ཀྱིས། །གནས་བཟང་དུར་ཁྲོད་རབ་འཇིགས་བསྒོམ། །རང་སྣང་རྩལ་གྱི་ཆོ་འཕྲུལ་ལས། །ཡེ་ཤེས་ཆེན་པོའི་མེ་རླུང་གིས། །བདག་ལུས་འབྱུང་བའི་གྲོང་ཁྱེར་བཤིག །སྐད་ཅིག་ཡེངས་མེད་དམིགས་པ་ཡིས། །ཧྲཱྀཿདང་མ་ལས་གཙོ་མོ་ནི། །དམར་ནག་ཞལ་གཅིག་ཕྱག་གཉིས་མ། །ཞལ་གཅིག་ཁྲོ་ཞལ་འཇིགས་རྔམས་ཅན། །ཞལ་གཅིག་རྟོག་མེད་ཕྱག་གི་གདོང་། །རབ་ཏུ་ཁྲོས་པའི་གད་རྒྱངས་སྒྲོགས། །ཕྱག་གཡས་གྲི་གུག་ནམ་མཁར་ཕྱར། །གཡོན་པས་ཐོད་ཁྲག་ཐུགས་ཀར་བསྐྱིལ། །བརྐྱངས་བསྐུམས་རོ་ཡི་གདན་ལ་འགྱིང་། །རྣམ་འགྱུར་གར་གྱི་རོལ་པ་ཅན། །དུར་ཁྲོད་རིན་ཆེན་རུས་པ་དང་། །སྣ་ཚོགས་དར་གྱི་ཅོད་པན་སྤྲས། །ནུ་མ་འབུར་ཞིང་བྷ་ག་རྒྱས། །ལང་ཚོ་དར་ལ་བབ་པའི་ཚུལ། །རལ་པ་ནག་པོ་གྱེན་མཐུར་ལས། །དྲིལ་བུ་གཡེར་ཁའི་སྒྲ་དབྱངས་འཁྲོལ། །དཔའ་བོ་ཡབ་ཀྱི་ཚུལ་ཅན་དུ། །མཆན་ཁུང་གྲུ་མོར་ཁ་ཊྭཱཾ་ག །གཙོ་མོ་ཆེན་མོ་དཔལ་འབར་མ། །རང་འོད་འཁྲིགས་པའི་དབུས་ན་བཞུགས། །དེ་ཡི་ཕྱོགས་བཞིར་བསྐྱེད་པའི་འཁོར། །ཤར་དུ་རྡོ་རྗེ་རིགས་ཀྱི་འཁོར། །ཡི་གེ་ཧ་ལས་བྱུང་བ་ཡི། །སྔོན་མོའི་མདོག་ཅན་མཁའ་འགྲོ་མ། །རྡོ་རྗེ་གྲི་གུག་ཐོད་པ་འཛིན། །ལྷོ་ཕྱོགས་རིན་ཆེན་རིགས་ཀྱི་འཁོར། །ཡི་གེ་རི་ལས་བྱུང་བ་ཡི། །སེར་མོའི་མདོག་ཅན་མཁའ་འགྲོ་མ། །རིན་ཆེན་གྲི་གུག་ཐོད་པ་འཛིན། །ནུབ་ཕྱོགས་པདྨ་རིགས་ཀྱི་འཁོར། །ཡི་གེ་ནི་ལས་བྱུང་བ་ཡི། །དམར་མོའི་མདོག་ཅན་མཁའ་འགྲོ་མ། །པདྨ་གྲི་གུག་ཐོད་ཁྲག་འཛིན། །བྱང་ཕྱོགས་ལས་ཀྱི་རིགས་ཀྱི་འཁོར། །ཡི་གེ་ས་ལས་བྱུང་བ་ཡི། །ལྗང་གུའི་མདོག་ཅན་མཁའ་འགྲོ་མ། །རྒྱ་གྲམ་གྲི་གུག་ཐོད་པ་འཛིན། །ཀུན་ཀྱང་རྣམ་འགྱུར་གར་སྟབས་ཅན། །ཁྲོས་པའི་ཚུལ་ལ་དུར་ཁྲོས་ཆས། །རང་རང་ཐབས་ཀྱི་དཔའ་བོ་དང་། །མཉམ་རོལ་ཁ་ཊྭཱཾ་ ― DNG014_Page_0311 ―
[མ་དཔེ་གཟིགས་ན་འདིར་གནོན།]
མཆན་ཁུང་འཁྱུད། །སོ་སོ་རང་རང་རིགས་ཀྱི་འཁོར། །འཇིག་རྟེན་འདས་དང་མ་འདས་པའི། །མཁའ་འགྲོ་དཔའ་བོ་མང་པོས་བསྐོར། །ཀུན་ཀྱང་ཆ་ལུགས་རྣམ་འགྱུར་ཀུན། །གཅིག་ཏུ་མ་ངེས་སྣ་ཚོགས་སྟོན། །སྒྲུབ་པ་པོ་ཡི་གྲོགས་མཛད་ཅིང་། །དམ་ཚིག་ཅན་གྱི་བསྟན་པ་བསྲུང་། །ཉམས་པ་ཅན་ལ་ཆད་པ་གཅོད། །རང་འོད་འཁྲིགས་པའི་ཀློང་དཀྱིལ་ན། །དེ་ལྟར་གཙོ་འཁོར་བསྐྱེད་པ་སྟེ། །གདུལ་བྱའི་སྣང་ཚུལ་ཐ་དད་པས། །ལུས་གྲུབ་རྩ་གྲུབ་ལྷན་ཅིག་པས། །གཞལ་ཡས་མ་བསྐྱེད་ངང་གིས་གསལ། །རྩ་གྲུབ་དེ་ལ་ཐིག་ལེས་ཁྱབ། །སྣ་ཚོགས་རིགས་ཀྱི་མཁའ་འགྲོ་མ། །མ་བསྐྱེད་རང་བཞིན་ལྷུན་གྱིས་གྲུབ། །དེ་ལྟར་རྩ་དང་ཐིག་ལེའི་བདག །བྱང་ཆུབ་སེམས་ཀྱི་རྒྱུན་རླུང་གིས། །བསྐྱེད་བྱ་སྐྱེད་བྱེད་སྐྱེད་མཁན་རྣམས། །རྩོལ་བྲལ་རང་བྱུང་རྣམ་པར་དག །དེས་ན་དམ་ཚིག་ཡེ་ཤེས་ཀྱང་། །གཉིས་མེད་ལྷན་ཅིག་སྐྱེས་པའི་ཕྱིར། །གཉིས་མེད་གཉིས་སུ་མེད་པར་རོལ། །འོན་ཀྱང་རིག་རྩལ་ཆོ་འཕྲུལ་ལས། །ཆུ་ལ་ཆུ་བཞག་རྣམ་པ་ཅན། །དགུག་བསྡིམ་དམིགས་པའི་བྱེ་བྲག་ཀྱང་། །གང་འོས་རྣམ་འགྱུར་སྣ་ཚོགས་སྤྲོ། །དེ་ལྟར་དམ་ཚིག་ཡེ་ཤེས་བསྐྱེད། །མཁའ་འགྲོ་གསང་རྒྱུད་བཀའི་ལྡེ་མིག་ལས། མཁའ་འགྲོའི་གཙོ་འཁོར་བསྐྱེད་པའི་ཚུལ་བསྟན་པའི་ལེའུ་སྟེ་གཉིས་པའོ།། །།བཅོམ་ལྡན་འདས་མས་བཀའ་སྩལ་པ། །གསུང་ལས་སྤྲུལ་པའི་མཁའ་འགྲོ་ཉོན། །མཁའ་འགྲོ་གཙོ་དང་འཁོར་རྣམས་ཀྱི། །བཟླས་པ་སྔགས་ཀྱི་ཚུལ་ལུགས་ནི། །རྩ་བ་ཡན་ལག་རྣམ་པ་གཉིས། །རྩ་བ་གཙོ་མོའི་བཟླས་པ་སྟེ། །ཨཱོཾ་བཛྲ་བྷ་ར་ཧཱི། ཌཱ་ཀི་ནི་ཧྲཱྀཿསྭཱ་ཧཱ། ཕྱི་ནང་གསང་བར་རབ་གྲགས་པའི། །འཛབ་དང་ཤུབ་བུའི་བཟླས་པ་དང་། །སྐྱེ་མེད་རྡོ་རྗེའི་བཟླས་པ་སྟེ། །རབ་འབྲིང་ཐ་མའི་བློ་ཅན་གྱིས། །འབྱིན་འཇུག་གནས་པ་རླུང་གི་གྲངས། །རང་བྱུང་རྩོལ་བྲལ་བསྙེན་པ་ཡིས། །ཡེ་ཤེས་མཁའ་འགྲོ་ངང་གིས་འགྲུབ། །རྩོལ་བཅས་འབད་པ་ཉིད་དག་གིས། །འཇིག་རྟེན་འཁྲུལ་གཏམ་སྤངས་ནས་ནི། །དད་བརྩོན་དམ་ཚིག་ལྡན་པ་ཡིས། །ཡང་དག་རྩ་བའི་བསྙེན་པ་ནི། །གྲངས་དང་དུས་དང་རྟགས་རྣམས་ནི། །ཡང་དག་གསུངས་ལ་འབད་ ― DNG014_Page_0312 ―
[མ་དཔེ་གཟིགས་ན་འདིར་གནོན།]
པར་བྱ། །ཕྱི་ནང་རླུང་གི་སྦྱོར་བ་དང་། །རང་བབས་གནས་ལུགས་འཁྲུལ་འཁོར་གྱིས། །དམིགས་པ་སྙིང་གའི་འཁོར་ལོ་བསྐོར། །ས་བོན་དག་ལ་རབ་བསྐོར་བས། །དགའ་བ་འཁྱིལ་པ་ཡེ་ཤེས་བསྐྱེད། །སྤྱི་བོ་ལ་སོགས་གནས་ལྔ་རུ། །སྔགས་ཀྱི་ཡེ་ཤེས་སེམས་དཔའ་དབབ། །བདེ་སྟོང་ངང་དུ་མཉམ་པར་གཞག །སྤངས་རྟོགས་ཡེ་ཤེས་གྲུབ་པ་སྟེ། །དྲིལ་དང་བསྒྲག་དང་གཏོར་བ་དང་། །གནད་ལ་ངེས་པར་དབབ་པ་ཡིས། །བཅོམ་ལྡན་འདས་མ་ཉིད་དང་ནི། །རྣལ་འབྱོར་དབྱེར་མེད་གཅིག་གྱུར་པས། །འཕྲོ་འདུས་འཁོར་རྣམས་དམ་ལ་བཏགས། །དམིགས་པའི་གནད་ཀྱིས་རབ་ཏུ་གཟིར། །ཡན་ལག་འཁོར་གྱི་བསྙེན་པ་སྟེ། །སྲོག་གི་ཡི་གེ་ཉིད་བསྟན་པ། །རྡོ་རྗེ་རིན་ཆེན་པདྨ་ལས། །རིམ་བཞིན་ཧ་རི་ནི་ས་སྟེ། །ཨ་ཡིས་ཡང་དག་དབུ་བརྙེས་ཤིང་། །ཧཱུཾ་གིས་སྡུད་ཅིང་ཕཊ་ཀྱིས་གཏོར། །སྡུད་པས་སྙིང་གི་དཀྱིལ་དུ་སྟེ། །གཏོར་བ་རྩ་གནས་ལུས་ལའོ། །ཨ་ཧ་རི་ནི་ས་ཧཱུཾ་ཕཊ། འདི་བདུན་ཡང་དྲིལ་སྲོག་གི་སྔགས། །གནད་འབེབས་ཡེ་ཤེས་དབབ་དང་བཅས། །ཨཱ་བེ་ཤ་ཡ་ཧྲཱིཾ་ཧྲཱིཾ་གདགས། །སྲོག་ཡིག་དམ་དུ་བཅངས་པའོ། །རང་རང་མཚན་སྔགས་བསྟན་པ་ནི། །ཨཱོཾ་བཛྲ་ཌཱ་ཀི་ནཱི་ཧཱུཾ་ཕཊ། ཨཱོཾ་རཏྣ་ཌཱ་ཀི་ནཱི་ཧཱུཾ་ཕཊ། ཨཱོཾ་པདྨ་ཌཱ་ཀི་ནཱི་ཧཱུཾ་ཕཊ། ཨཱོཾ་ཀརྨ་ཌཱ་ཀི་ནཱི་ཧཱུཾ་ཕཊ། དེ་ལྟར་རིགས་བཞི་དག་ལ་ནི། །རིགས་བསྡུས་པ་ཡི་གཙོ་མཆོག་ཏུ། །ཨཱོཾ་བུཌྜྷ་ཌཱ་ཀི་ནཱི་ཧཱུཾ་ཕཊ། ཀུན་ཁྱབ་ཡེ་ཤེས་གདལ་ཁྱབ་པོ། །དེ་ལྟར་སྲོག་ཡིག་མཚན་སྔགས་ཏེ། །གཙོ་འཁོར་རབ་ཏུ་དྲིལ་ནས་ནི། །གནད་ལ་གཟིར་བའི་སྔགས་བསྟན་པ། །ཨོཾ་བཛྲ་བྷ་ར་ཧཱི། ཧྲཱྀཿམ་ཌཱ་ཀི་ནཱི་ཧ་རི་ནི་ས། སརྦ་སིདྡྷི་ཕ་ལ་ཧཱུཾ་ཨ། དེ་ལྟར་རྩ་སྲོག་ཡང་དག་ལྡན། །དངོས་གྲུབ་བཅས་པ་དེ་ཉིད་ཀྱི། །ལས་ཀྱི་འབྲས་བུ་མཆིས་པར་འགྱུར། །གཙོ་འཁོར་གནད་ལ་ཕེབས་པ་ཡིས། །སོ་སོའི་སྦྱོར་བ་ཉིད་དང་ནི། །རླུང་གི་གནད་ལ་ཡང་དག་དབབ། །སྲོག་གི་གནད་དུ་ཡང་ཡང་བསྐུལ། །རླུང་གི་རྟ་ལ་རབ་བསྐྱོན་པས། །གང་ལ་གང་འདུལ་ཐབས་ཀྱི་ཆ། །ཤཱནྟིཾ་པ་ཤཾ་པུཥྚིཾ་དང་། །མཱ་ར་ཡ་ཡི་ལས་མཐའ་སྦྱར། །དེ་ལས་སྤྲོས་པའི་ཡན་ལག་ཏུ། །དར་དང་ལྡན་པས་གང་དང་གང་། །སོ་སོར་གཏན་ལ་དབབ་པས་འབད། །རྩོལ་བཅས་རྩོལ་བྲལ་ཉིད་དག་དང་། །སྟོབས་ ― DNG014_Page_0313 ―
[མ་དཔེ་གཟིགས་ན་འདིར་གནོན།]
དང་ལྡན་པས་ཤེས་པར་བྱ། །གཞན་ཡང་གསུང་ལས་རབ་གྲགས་པ། །བསྟོད་དང་གནད་ནས་བསྐུལ་བའི་ལས། །སོ་སོར་རྫས་དང་བཅས་པས་ཀྱང་། །གང་ལ་གང་རིགས་ཤེས་པར་བྱ། །མཁའ་འགྲོ་གསང་རྒྱུད་བཀའི་ལྡེ་མིག་ལས། བཟླས་པ་སྔགས་ཀྱི་རིམ་པ་བསྟན་པའི་ལེའུ་སྟེ་གསུམ་པའོ།། །།བཅོམ་ལྡན་འདས་མས་བཀའ་སྩལ་པ། །ཐུགས་ལས་སྤྲུལ་པའི་མཁའ་འགྲོ་ཉོན། །ཡང་དག་དོན་གྱི་གནས་ལུགས་ནི། །གུད་ན་ཡོད་པ་མ་ཡིན་ཅིང་། །རང་གསལ་རང་བྱུང་བདེ་ཆེན་ཆོས། །གདོད་ནས་རྣམ་དག་ཡེ་ཤེས་ཉིད། །སྤྲོས་བྲལ་ཆོས་ཀྱི་སྐུར་བཞུགས་པས། །རང་བྱུང་ཉིད་ལས་དེ་མ་འདས། །གསལ་ལ་དག་ཅིང་རྙོག་པ་མེད། །མེ་ལོང་ཆུ་ཟླའི་རྣམ་པ་ཅན། །མཛེས་ཤིང་ཡིད་འོང་མཚན་དཔེར་ལྡན། །སྣང་སྟོང་ལོངས་སྤྱོད་རྫོགས་སྐུར་བཞུགས། །དེ་ཡང་རང་ལས་གུད་དུ་མིན། །ཐུགས་རྗེས་འགྲོ་འདུལ་རྩལ་པོ་ཆེ། །ཡངས་པ་ཆེ་ལ་ལོངས་སྤྱོད་ཅིང་། །ཅིར་ཡང་སྤྲུལ་པའི་རྣམ་འགྱུར་ཅན། །འཕྲོ་དང་འདུ་དང་དཔའ་ཤུགས་ཅན། །གནས་དང་ལོངས་སྤྱོད་ཡང་རྩལ་ཅན། །གདུལ་བྱ་འདུལ་བའི་ཐབས་སྟོབས་ཅན། །སྣ་ཚོགས་སྤྲུལ་པའི་སྐུར་བཞུགས་པ། །དེ་ལྟར་སྐུ་གསུམ་རང་བྱུང་དང་། །དེ་ལས་རྣམ་པར་རབ་འཕྲོས་པས། །ཡང་དག་གནས་ལུགས་རྫུ་འཕྲུལ་མཆོག །བསམ་གྱིས་མི་ཁྱབ་ཡང་དག་ལྡན། །རྣམ་པར་རིག་བཀྲ་ཤེས་པར་བྱ། །མཁའ་འགྲོ་གསང་རྒྱུད་བཀའི་ལྡེ་མིག་ལས། ཡང་དག་དོན་གྱི་གནས་ལུགས་བསྟན་པའི་ལེའུ་སྟེ་བཞི་པའོ།། །།བཅོམ་ལྡན་འདས་མས་བཀའ་སྩལ་པ། །ཡོན་ཏན་སྤྲུལ་པའི་མཁའ་འགྲོ་ཉོན། །བསྙེན་པ་དང་ནི་སྒྲུབ་པའི་དོན། །དང་པོ་བསྙེན་པའི་ལས་ལ་འཇུག །ལུས་ནི་སྣ་ཚོགས་མཁའ་འགྲོ་ཡི། །སྟངས་སྟབས་རྣམ་འགྱུར་དག་ལ་བསླབ། །འཁྲུལ་འཁོར་གནད་ལ་རབ་ཏུ་གཟིར། །ངག་ནི་ལོག་གཏམ་སྨྲ་བ་བཅད། །རླུང་གི་རྩོལ་བ་དང་ལྡན་པས། །བཟླས་པ་སྔགས་ཀྱི་གནད་ལ་གཟིར། །ཡིད་ནི་མི་འགྱུར་དང་ལྡན་པས། །སྔགས་ཀྱི་འཁྲུལ་འཁོར་ལ་སོགས་པ། །ལྷ་དང་བཅས་པའི་ཏིང་འཛིན་གཟིར། །དེ་ལྟར་ལུས་ངག་ཡིད་གསུམ་པོ། །ཡེངས་མེད་ལྷ་ཡི་སྲང་ལ་གཅུར། །སྐུ་གསུང་ཐུགས་ཀྱི་དཀྱིལ་འཁོར་དུ། ། ― DNG014_Page_0314 ―
[མ་དཔེ་གཟིགས་ན་འདིར་གནོན།]
གཡོ་བ་མེད་པའི་གནད་ལ་གཟིར། །ལུས་ངག་ཡིད་གསུམ་གཏན་ཐུབ་པས། །ཡེ་ཤེས་བྱིན་ཆེན་ཕེབ་པ་དང་། །རྟགས་དང་ཆོ་འཕྲུལ་སྣ་ཚོགས་འབྱུང་། །དེ་ནས་སྒྲུབ་པའི་ལས་ལ་འཇུག །གཟའ་སྐར་དུས་ཚོད་ཤིས་པ་ལ། །ཡིད་འོང་གནས་སུ་དཀྱིལ་འཁོར་བྲི། །ཕྱི་ནང་གསང་སོགས་རྫས་རྣམས་དང་། །མཆོད་གཏོར་ཐུགས་དམ་སྐོང་རྫས་རྣམས། །བཀོད་པ་ཕུན་སུམ་ཚོགས་པར་བཤམ། །མཚམས་ཀྱི་རིམ་པ་དམ་པར་བཅད། །དགྱེས་པར་བྱེད་པ་མཆོད་པའི་རྫས། །འདུ་བར་བྱིན་པ་བརྟེན་པའི་རྫས། །ལས་ལ་རྒྱུག་པ་མངག་པའི་རྫས། །སྣ་ཚོགས་རྫས་ཀྱི་བྱེ་བྲག་རྣམས། །དུར་ཁྲོད་རྫས་ལ་གཞི་བླངས་པས། །བག་གྲོ་བྱིན་ཆགས་བརྗིད་པར་བཀྲམ། །དེ་ལྟར་རྟེན་རྣམས་རྫོགས་པ་དང་། །རང་ཉིད་སྒོ་གསུམ་མཉམ་གནས་པས། །སྒྲུབ་པའི་ལས་ལ་འཇུག་པར་བྱ། །བདག་བསྐྱེད་མདུན་དུ་བསྐྱེད་པ་ཡི། །ལྷ་ཡི་ཏིང་འཛིན་གསལ་བར་བསྒོམ། །དེ་ནས་བཟླས་པའི་ལས་ལ་འཇུག །སྨྲ་བ་བཅད་དེ་ཡེངས་མེད་འབད། །ཐུན་པར་དམིགས་པའི་འཁྲུལ་འཁོར་བསྐོར། །མཆོད་དང་གཏོར་མ་བསྟོད་པ་བྱ། །ཡེ་ཤེས་དབབ་ཅིང་ཕྲིན་ལས་གཞོལ། །དེ་ལྟར་རྟགས་རྫོགས་བར་དུ་སྟེ། །དུས་ལ་མ་གཡེལ་བསྒྲུབ་པར་བྱ། །ཕྱི་ནང་གསང་རྟགས་རྫོགས་ནས་ཀྱང་། །བསྒྲུབས་རྗེས་ལས་ཀྱི་མཐའ་སྡུད་དང་། །དམིགས་སུ་བསྐྱུར་བའི་རིམ་པ་རྣམས། །རང་རང་གནས་སྐབས་སྐབས་དང་བསྟུན། །བསྒྲུབ་པའི་སྙིང་པོ་ལོན་པར་བྱ། །མཁའ་འགྲོ་གསང་རྒྱུད་བཀའི་ལྡེ་མིག་ལས། བསྙེན་དང་སྒྲུབ་པའི་ལས་བསྟན་པའི་ལེའུ་སྟེ་ལྔ་པའོ།། །། བཅོམ་ལྡན་འདས་མས་བཀའ་སྩལ་པ། །ཕྲིན་ལས་སྤྲུལ་པའི་མཁའ་འགྲོ་ཉོན། །ཕྲིན་ལས་མཁའ་འགྲོ་ཁ་བསྒྱུར་སྣ་ཚོགས་ནི། །བསྙེན་དང་བསྒྲུབ་ལ་བརྟན་ཐོབ་ནས། །གང་དང་གང་གིས་ཞི་བའི་ལས། །བདག་ཉིད་རྡོ་རྗེ་མཁའ་འགྲོ་ཡི། །ང་རྒྱལ་ལྡན་པས་སྣ་ཚོགས་བརྩམ། །དེ་བཞིན་རྒྱས་པའི་ལས་རྣམས་ཀྱང་། །བདག་ཉིད་རིན་ཆེན་མཁའ་འགྲོ་ཡི། །ང་རྒྱལ་ལྡན་པས་སྣ་ཚོགས་བརྩམ། །དབང་བྱེད་དབང་གི་ལས་རྣམས་ཀྱང་། ། ― DNG014_Page_0315 ―
[མ་དཔེ་གཟིགས་ན་འདིར་གནོན།]
བདག་ཉིད་པདྨ་མཁའ་འགྲོ་ཡི། །ང་རྒྱལ་ལྡན་པས་སྣ་ཚོགས་བརྩམ། །དྲག་པོ་མངོན་སྤྱོད་ལས་རྣམས་ཀྱང་། །བདག་ཉིད་ལས་ཀྱི་མཁའ་འགྲོ་ཡི། །ང་རྒྱལ་ལྡན་པས་སྣ་ཚོགས་བརྩམ། །དེ་ལས་གཞན་པའི་སྣ་ཚོགས་ཀྱང་། །བདག་ཉིད་སངས་རྒྱས་མཁའ་འགྲོ་ཡི། །ང་རྒྱལ་ལྡན་པས་བརྩམ་པར་བྱ། །གཞན་ཕན་བསམ་པའི་ལས་སྦྱོར་གྱི། །བརྩམ་པ་མཐར་ཕྱིན་རང་དོན་ཀུན། །ཤུགས་འབྱུང་འགག་པ་མེད་པར་འགྲུབ། །རང་འདོད་ཁེངས་པའི་ལས་སྦྱོར་ནི། །ཚེ་ལོ་དགུ་ཁྲི་དགུ་འབུམ་བར། །འབད་ཀྱང་ངལ་བ་དོན་མེད་ཡིན། །སྒྲིབ་པ་མེད་པའི་བསམ་གཏན་གྱིས། །གང་དང་གང་གི་ལས་བསྒྲུབས་ཀྱང་། །དངོས་དང་སྤྲུལ་པ་ཡང་སྤྲུལ་གྱི། །དངོས་སམ་སྤྲུལ་པའི་ཚུལ་ཅན་གྱིས། །ལས་གང་མྱུར་དུ་འགྲུབ་པར་འགྱུར། །ཕོ་ཉ་ལས་ཀྱི་སྔགས་པ་ཡིས། །སྔགས་ལ་བརྟེན་པ་ཐོབ་ནས་ཀྱང་། །ལེགས་ཕྱོགས་དཀར་བའི་འདུན་པ་ཡིས། །ལེགས་བརྩོན་དོན་གྲུབ་རྒྱལ་པོའོ། །མཁའ་འགྲོ་གསང་རྒྱུད་བཀའི་ལྡེ་མིག་ལས། ལས་ཁ་བསྒྱུར་གྱི་རིམ་པ་བསྟན་པའི་ལེའུ་སྟེ་དྲུག་པའོ།། །།བཅོམ་ལྡན་འདས་མས་བཀའ་སྩལ་པ། །འཇིག་རྟེན་འདས་དང་མ་འདས་པའི། །མཁའ་འགྲོ་སྤྲུལ་པའི་འཁོར་རྣམས་ཉོན། །ཌཱཀྐི་བསྙེན་ཅིང་བསྒྲུབ་པ་ཡི། །རྟགས་དང་མཚན་མའི་རིམ་པ་ནི། །ཕྱི་དང་ནང་གི་རྟེན་འདྲེལ་དུ། །རྣམ་པ་བསམ་གྱིས་མི་ཁྱབ་འཆར། །རབ་ལ་དངོས་དང་འབྲིང་ལ་ཉམས། །ཐ་མ་རྨི་ལམ་དག་ལ་འཆར། །སྐུ་བཞི་ཡེ་ཤེས་ལྔ་སྤྲུལ་དང་། །ཡང་སྤྲུལ་གྲངས་ལས་འདས་པ་སྟེ། །སྐུ་དང་གསུང་དང་ཐུགས་ཐོབ་རྟགས། །སོ་སོའི་རིགས་དང་རིགས་འདྲ་བ། །མཁའ་དག་ཤེལ་དང་བུམ་གཏེར་དང་། །རིན་ཆེན་འབྲུ་ཡི་ཕུང་པོ་འམ། །ཆར་དུ་བབ་སོགས་དཔག་མེད་དང་། །བཟའ་བཏུང་ལ་སོགས་ལོངས་སྤྱོད་རྫས། །སྦྱིན་དང་འབུལ་སྟེར་བཀུར་སྡི་བྱེད། །མ་སྲིང་མཛའ་མོ་བུད་མེད་རིགས། །རྒྱན་མཛེས་གོས་བཟང་གུས་ཤིང་འདུད། །གྲོགས་དང་བརྩེ་དགའ་རྗེས་སུ་འབྲང་། །དགའ་བའི་རྣམ་འགྱུར་དཔག་མེད་སྟོན། །རིག་པ་དྭངས་ཤིང་བདེ་སྟོང་འབར། །བདེ་ལེགས་ཡོན་ཏན་འཕེལ་བ་ཡི། །རྣམ་འགྱུར་བརྡའ་ ― DNG014_Page_0316 ―
[མ་དཔེ་གཟིགས་ན་འདིར་གནོན།]
རྟགས་དཔག་མེད་འབྱུང་། །སྒྲ་འོད་ཟེར་དང་མཛེས་པའི་གཟུགས། །རིགས་དང་རིགས་འདྲ་དཔག་མེད་འབྱུང་། །གཞན་ཡང་ཆོ་འཕྲུལ་རྣམ་པ་ནི། །ཕྱི་ནང་འབྱུང་བའི་ཉེར་ལེན་དང་། །ལས་དང་ལས་རྣམས་འཐབ་པ་དང་། །རྩ་རླུང་ཐིག་ལེའི་གང་སྟོང་དང་། །དེ་དག་འཁྲུལ་པའི་ཆོ་འཕྲུལ་ལས། །ལུས་ངག་ཡིད་ཀྱི་དཀྱིལ་འཁོར་དུ། །བསམ་གྱིས་མི་ཁྱབ་འབྱུང་བ་སྟེ། །རང་རང་བློ་ཡིས་ལེགས་པར་དཔྱད། །བཟང་ལ་རྣམ་པར་མི་སྤྲོ་ཞིང་། །ངན་ལ་སྐྲགས་པ་བསྐྱེད་མི་བྱེད། །གང་དང་གང་གི་རྟགས་དང་ནི། །ཆོ་འཕྲུལ་རྣམ་པ་གང་ལ་ཡང་། །ཆེད་མེད་གལ་མ་མཆིས་སུ་གཞག །རྣམ་པར་འཆོལ་བའི་རིགས་རྣམས་དང་། །ངེས་པ་ཅན་དང་ངེས་པ་མེད། །དེ་སོགས་གང་དང་གང་ལ་ཡང་། །བསམ་གྱིས་མི་ཁྱབ་བརྟག་དཀའ་བས། །རྣལ་འབྱོར་ལུས་ངག་ཡིད་ཉམས་གཙོ། །ལུས་ངག་ཡིད་གསུམ་དབང་འབྱོར་བས། །སྣང་སྲིད་གཏན་ལ་ཕེབས་པ་སྟེ། །འབྲས་བུ་སྐུ་གསུམ་ཡེ་ཤེས་ལྔ། །བཟང་མོའི་ཀློང་དུ་སྨིན་ཅིང་གྲོལ། །བསྐྱར་མེད་འཁྲུལ་འཁོར་ལ་ཐག་བཅད། །འཕོ་འགྱུར་མེད་པར་གཏན་ལ་ཕེབས། །མཁའ་འགྲོ་གསང་རྒྱུད་བཀའི་ལྡེ་མིག་ལས། རྟགས་དང་ཆོ་འཕྲུལ་བསྟན་པའི་ལེའུ་སྟེ་བདུན་པའོ།། །།དེ་ནས་ཉིད་ལས་སྤྲུལ་པའི་འཁོར། །དཀར་མོ་སྐུ་དང་དམར་མོ་གསུང་། །སྔོན་མོ་ཐུགས་ཀྱི་རིགས་རྣམས་དང་། །སེར་མོ་ཡོན་ཏན་རིགས་དང་ནི། །ལྗང་གུ་ཕྲིན་ལས་རིགས་རྣམས་ཏེ། །ཡེ་ཤེས་དབྱིངས་ཀྱི་མཁའ་འགྲོའི་ཚོགས། །དངོས་དང་སྤྲུལ་པ་ཡང་སྤྲུལ་འཁོར། །ལས་ལས་གྲུབ་པའི་མཁའ་འགྲོ་མ། །དངོས་དང་སྤྲུལ་པ་ཡང་སྤྲུལ་ཏེ། །འཁོར་གྱི་མཁའ་འགྲོ་མཐའ་ཡས་རྣམས། །དགའ་ཞིང་སྤྲོ་བའི་རྣམ་འགྱུར་གྱིས། །ལུས་ཀྱིས་གར་སྟབས་སྣ་ཚོགས་བསྟན། །ངག་གིས་བསྟོད་བསྔགས་གླུ་དབྱངས་སྒྲོགས། །ཡིད་ཀྱིས་བསམ་གཏན་རང་བཞིན་སྤྲུལ། །བཅོམ་ལྡན་འདས་མའི་སྐུ་གསུང་ཐུགས། །ཡོན་ཏན་ཕྲིན་ལས་བཅས་པ་ལ། །རྣམ་འགྱུར་དུ་མས་མངོན་པར་བསྟོད། །ལྷ་དང་བཅས་པའི་འཇིག་རྟེན་ཀུན། །གཡོ་དང་འགུལ་དང་བརྡེག་པ་དང་། །འོད་ཀྱི་དྲ་བས་ཁེངས་པ་དང་། །ལྷ་དང་མི་ སངས་རྒྱས་ཐམས་ཅད་ཀྱི་སྲས་གཅིག་པོ་གསང་བ་གཅོད་པ་ས་བོན་གྱི་རྒྱུད་ཅེས་བྱ་བ།― DNG014_Page_0317 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བུཌྜྷ་སརྦ་པུ་ཏྲ་ཨེ་ཀ །གྷུ་ཧྱ་རྒྱ་སྐད་དཔེར་སོར་བཞག་བྱས་པུ་རི་ས་མ་ཏནྟྲ་ནཱ་མ། བོད་སྐད་དུ། སངས་རྒྱས་ཐམས་ཅད་ཀྱི་སྲས་གཅིག་པོ། གསང་བ་གཅོད་པ་ས་བོན་གྱི་རྒྱུད་ཅེས་བྱ་བ། དྲན་པ་ཀུན་གྱི་ཐོག་མ་ཡི། །དངོས་མཛད་སངས་རྒྱས་ཐོག་མ་ལ། །དང་པོ་ཉིད་དུ་ཕྱག་འཚལ་ལོ། །འདི་སྐད་བདག་ལ་སོགས་པ་ཡི། །སངས་རྒྱས་བྱེ་བ་དུང་ཕྱུར་གྱི། །དགོངས་པ་ཉིད་དང་གྲངས་མེད་པར། །ཐུགས་ཀྱི་སྙིང་པོ་ཇི་ལྟ་བར། །གསུང་ཞིང་བསྟན་པའི་དུས་གཅིག་ན། །མྱ་ངན་འདས་པའི་ཐོག་མར་ནི། །འདི་ནི་ཉག་གཅིག་རྣལ་མ་ཡི། །དོན་གྱི་ས་བོན་རྣམས་སུ་ནི། །ངེས་པའི་སྙིང་པོ་ཉིད་དུ་ཡང་། །གསུངས་སོ་བསྟན་ཏོ་བཤད་པ་ཡིན། །བསྟན་པའི་གསུང་ནི་རྒྱ་མཚོ་ཀུན། །ལ་ལ་གནས་སྐབས་ཡུལ་དོན་དུ། །ལ་ལ་མ་འོངས་འཇུག་དོན་ཡིན། །ལ་ལ་འདུལ་དོན་ཐ་དད་ཉིད། །སྙིང་གི་སྙིང་པོ་ཚིག་འགའ་ལས། །ཀུན་གྱིས་གྲུབ་པ་མ་ཡིན་ནོ། །བསྟན་པ་འཕེལ་བྱེད་ས་བོན་དུ། །འདི་ཀུན་བཞག་ཅིང་བྱིན་བརླབས་ལས། །རང་བྱུང་ཉིད་དུ་ཐུགས་ལས་རྡོལ། ། ― DNG014_Page_0318 ―
[མ་དཔེ་གཟིགས་ན་འདིར་གནོན།]
དེ་ཕྱིར་སངས་རྒྱས་ཐམས་ཅད་ཀྱི། །ཐུགས་ཀྱི་སྲས་ནི་གཅིག་པར་ཡང་། །རང་བྱུང་ཆེན་པོའི་འཕེལ་དང་བཅས། །འབྱུང་བའི་སྒྲ་དང་བྲལ་བར་བྱུང་། །འདི་ནི་བསྟན་པ་གང་བྱུང་དུ། །འོད་དང་བཅས་ཏེ་འབྱུང་བ་ཡིན། །གང་ལ་བབ་པར་གྱུར་པའི་མི། །བསྟན་པ་ཀུན་གྱི་བདག་པོར་འགྱུར། །འདི་ལ་ལྡེམ་པོར་བསྟན་པ་མེད། །སུས་ཀྱང་བཤད་ཅིང་ཉན་མེད་པར། །རང་བྱུང་དགོངས་པ་ཀློང་རྡོལ་དུ། །ཉི་མ་སྤྲིན་ལས་ཐོན་པ་བཞིན། །སུས་ཀྱང་མ་བསྒྲིབས་རང་བྱུང་ངོ་། །འདི་ལ་འབྱུང་བཞིའི་གནོད་མེད་པས། །ནམ་མཁའ་དག་ལ་འཕར་བར་སྣང་། །སངས་རྒྱས་འབྲས་བུ་སུས་ཐོབ་པ། །འདི་ཉིད་དེ་ལ་སྣང་བ་ཡིན། །འདི་མ་མཐོང་བའི་སངས་རྒྱས་ནི། །གཅིག་ཀྱང་འབྱུང་བ་སྔ་ཕྱིར་མེད། །དེ་ཕྱིར་བསྟན་པ་རྣམས་ཀྱི་བཙས། །སངས་རྒྱས་ཀུན་གྱི་སྲས་གཅིག་པོ། །མྱང་འདས་འཐོབ་པའི་སྣ་ཐག་ཡིན། །དགོངས་པ་རང་ཐོག་འབེབས་པ་ཡི། །གནད་ཀྱི་ཚིག་ཏུ་འདི་ཉིད་བྱུང་། །འཇིག་རྟེན་ཁམས་ནི་གང་དུ་ཡང་། །སངས་རྒྱས་ཉིད་ནི་སུས་ཐོབ་པ། །དེ་ཚེ་འདི་ནི་ལན་གསུམ་དུ། །ནམ་མཁའ་དག་ལ་འཕར་བ་དང་། །རང་འོད་ལྔ་པོ་འདི་ལས་འབྱུང་། །འདི་འཛིན་རྣལ་འབྱོར་སྐལ་ཆེ་བས། །ལན་གསུམ་འདི་ཡི་ཚིག་ཀུན་ཀྱང་། །ལྷག་དང་ཆད་པ་མེད་པར་ནི། །རྡོ་རྗེའི་ལྕེ་ཡིས་སུས་བརྗོད་པ། །འདི་ཡང་དེ་དང་མཉམ་པར་ཡང་། །འགྱུར་བ་འདི་ལ་ཐེ་ཚོམ་མེད། །དེ་ཕྱིར་བསྟན་པའི་རྒྱུད་རྣམས་ཀུན། །ཐམས་ཅད་དུས་གཅིག་བསྒོམས་ཤེས་ཀྱང་། །འདི་མི་སྣང་བར་གྲོལ་བ་མེད། །འདི་ནི་ས་བོན་རང་འཕེལ་བས། །བསྟན་པའི་བདག་པོ་གང་སངས་རྒྱས། །འདི་ཉིད་ས་བོན་མེད་པར་ནི། །བསྟན་པའི་གསུང་ནི་ཚིག་ཙམ་ཡང་། །ལྕེ་ཡི་དབང་པོས་བརྗོད་མི་ནུས། །དེ་ཚིག་འདི་ལ་མ་བརྟེན་པར། །རྡུལ་ཆ་ཙམ་ཡང་འབྱུང་བ་མིན། །བསྟན་པ་གཅིག་གི་སྙིགས་མ་ལ། །བྱིན་རླབས་ཚིག་ནི་འདི་ཀུན་ཀྱང་། །གང་ལ་སྣང་བའི་མི་དེས་ཀྱང་། །མ་མཐོང་རྒྱུད་དང་བསྟན་བཅོས་ནི། །ལྕེ་ཡི་དབང་པོས་བརྗོད་པས་ནུས། །སེམས་ཅན་ཀུན་ ― DNG014_Page_0319 ―
[མ་དཔེ་གཟིགས་ན་འདིར་གནོན།]
གྱི་བསམ་པ་དང་། །སངས་རྒྱས་ཀུན་གྱི་དགོངས་པ་དང་། །ཅི་ལྟར་མཐུན་པའི་ཆོས་ཀུན་ནི། །འདི་ཡིས་སྟོན་པར་ནུས་པ་ཡིན། །སངས་རྒྱས་ཀུན་གྱི་ཐུགས་དང་གཅིག །རྡོ་རྗེ་འཛིན་པའི་དགོངས་པ་དང་། །དབྱེར་མི་ཕྱེད་པར་འདིས་འགྱུར་རོ། །དེ་ཕྱིར་བསྟན་པའི་མེ་རོ་ཡིན། །རང་བྱུང་ཚིག་གི་རྒྱལ་པོ་འདི། །སོ་སོའི་སེམས་ཅན་སྐྱེ་གཟུགས་ལ། །སོ་སོའི་བརྡ་སྐད་ཇི་ལྟ་བར། །འདི་ཉིད་དེ་ལྟར་སྣང་བ་ཡིན། །དེ་ཕྱིར་རང་བྱུང་ཡི་གེར་ནི། །ཐོག་མ་བབ་ཀྱིས་གྲུབ་ནས་བྱུང་། །རང་བྱུང་བཅོམ་ལྡན་འདས་ལ་ཡང་། །འདི་ལྟར་རྫོགས་པའི་ལུགས་སུ་སྣང་། །ཆོས་ཀྱི་སྡེ་སྣོད་ཉིད་དུ་ནི། །འདི་ཚིག་ཡེ་ནས་རང་ཤར་བས། །ཐོག་མ་དྲན་པའི་གཞིར་གྱུར་ཏེ། །དྲན་པ་ཐམས་ཅད་མ་སྟོངས་པར། །ཚིག་འདི་ཀུན་ཀྱང་སྣང་བ་ཡིན། །དྲན་ཟད་ཚིག་འདི་ཟད་པར་ནི། །རྡོ་རྗེ་ཞེས་ནི་ཚིག་འདི་ཀུན། །འབྱུང་བའི་རྐྱེན་དང་བྲལ་བས་ན། །རྡོ་རྗེ་ཀུན་འབྱུང་གསང་སྔགས་ཡིན། །ཐབས་ལམ་དུ་མས་མཚོན་པའི་ཕྱིར། །རང་ཐབས་བསྒོམ་པ་འདི་ལས་བྱུང་། །སྙིང་པོ་རང་འདུལ་བསྟན་པའི་བཅུད། །གཞི་ཉིད་ཀྱི་ནི་བབ་ཡིན་ནོ། །ཆོས་ཀུན་མཉམ་པའི་ནན་ཏན་ཚིག །རང་གནད་དུ་ནི་འདི་ཀུན་ཤར། །འདི་ལ་ནུས་པ་གཅིག་ཉིད་མེད། །བསྒོམ་དང་བསྒྲུབ་པའི་རྩ་བར་ཡང་། །འདི་སྔགས་འཁྲུལ་པའི་ཚིག་མ་ཡིན། །མ་འཁྲུལ་སྔོན་ཐོག་ཉིད་ཀྱི་གཞི། །འདི་ལས་འཕྲོས་པ་སྤྲོས་པའི་རྒྱུད། །རྒྱུ་ལས་འབྲས་བུ་རང་བྱུང་བཞིན། །འདི་ཉིད་ལས་ནི་ཚིག་ཀུན་ཀྱང་། །དྲན་བསམ་བྲལ་བའི་ངང་ཉིད་ལས། །བྱས་པ་མེད་པར་བྱུང་བ་ཡིན། །འོད་ཟེར་འཛིན་པའི་སྐྱེས་བུ་ལ། །འདི་ནི་སྣང་བར་འགྱུར་བའོ། །དེ་ལས་འཕེལ་ནས་གྲངས་འགའ་འབྱུང་། །གསང་བའི་བདེན་པ་གཅིག་པ་ཉིད། །གྲངས་མེད་རྡོ་རྗེ་འཆང་རྣམས་ཀྱི། །ཐུགས་རྡོལ་ཉག་གཅིག་དགོངས་དོན་གཅིག །འཛིན་མེད་ཡངས་པའི་རྟོད་ཕུར་ཡིན། །ཐོད་བརྒལ་ཐེག་པ་ཀུན་གྱི་གནད། །རང་ས་འབྱེད་པའི་ལྡེ་མིག་མཆོག །འདི་ནི་བདེ་བའི་ས་བོན་འཛིན། །སངས་རྒྱས་རྣམས་ཀྱི་ཤེས་རབ་ཡིན། ། ― DNG014_Page_0320 ―
[མ་དཔེ་གཟིགས་ན་འདིར་གནོན།]
མཁའ་མཉམ་དག་པའི་གནད་གཟེར་འདིས། །བསྟན་པ་ཀུན་གྱི་རྩ་བ་འཛིན། །འདི་ཡི་གྲངས་སྣ་བཟུང་བས་ནི། །ལྷ་མིན་གཡུལ་རྣམས་རང་ལོག་ཏུ། །འདི་ཚིག་བཟུང་བ་ཙམ་གྱིས་འགྱུར། །ཁམས་གསུམ་གཡུལ་ཀུན་འདིས་བཟློག་གོ། །རིགས་དྲུག་རྣམས་ཀྱི་འབྲོས་ཁུང་འགེབ། །མྱ་ངན་འདས་པའི་གྲོང་ཁྱེར་དུ། །འཇུག་པར་བྱེད་པའི་འཁོར་ལོ་ཡིན། །སྲིད་པས་བཅིངས་པ་རྣམས་ལ་ནི། །འདི་ཡིས་གྲོལ་བར་བྱེད་པའོ། །དམ་པའི་སྙིང་པོ་གདུང་རྒྱུད་དུ། །རང་བཞིན་དུ་ནི་བབ་ལས་བྱུང་། །འདིས་ནི་བླ་མའི་སྐུ་མི་སྤང་། །སྙིང་ལ་ཉི་མའི་འོད་བརྡལ་བས། །ཕྱོགས་བཅུར་ཁྱབ་པའི་མུན་པ་ནི། །འདི་ཡིས་རང་སངས་ཉིད་དུ་འགྲོ། །ལྷག་པར་གནས་པའི་ཡེ་ཤེས་ནི། །འདི་ཡིས་མཆོག་ཏུ་སྟོན་པར་བྱེད། །དཀོན་པའི་མཆོག་རྣམས་སྐྱེད་པའི་ཡུམ། །སེམས་དལ་བསམ་གཏན་ངང་གིས་འགྲུབ། །ཆོས་སྐུའི་སྣང་བ་དུས་གཅིག་ཏུ། །སྟོན་པར་བྱེད་པའི་སྒྲོན་མའོ། །ཕྱིན་ཅི་ལོག་ལས་ཡང་དག་ཏུ། །དག་པར་བྱེད་པའི་ཆུ་རྒྱུན་ཡིན། །ཐེག་པ་ཀུན་གྱི་མཐར་ཐུག་ཏུ། །སྐྱེལ་པར་བྱེད་པའི་ཤིང་རྟའོ། །ཐོས་བསམ་བསྒོམ་པའི་རྒྱང་ཤིང་དུ། །འཇུག་པར་བྱེད་པའི་དངོས་པོ་ཡིན། །སྡེ་སྣོད་ཐམས་ཅད་འཛིན་པ་ཡི། །མཉེན་ལྕུག་ལྡན་པའི་ལྕགས་ཀྱུའོ། །རྣལ་འབྱོར་དག་པའི་དཀྱིལ་འཁོར་ཏེ། །ལམ་དུ་འཇུག་པའི་ས་མཁན་ཡིན། །མངལ་རྣམས་ཁུང་སྒོ་འགེག་པར་བྱེད། །ཐར་པའི་སྐས་ནི་རང་འཛུག་ཡིན། །རྣམ་དག་འོད་ཀྱི་མཐོངས་འབྱེད་པ། །ཆོས་རྣམས་ཀྱི་ནི་རེ་གནས་པ། །བདུད་དང་མུ་སྟེགས་མགོ་ནོན་ཡིན། །ཤེས་རབ་རྨུགས་པའི་གསལ་འདེབས་སོ། །སྨོན་འཇུག་ཀུན་གྱི་སྲོག་ཤིང་ཡིན། །ལྷ་དང་སྔགས་ཀྱི་མདོ་མདུད་དོ། །དཀྱིལ་འཁོར་རྣམས་ཀྱི་བསྐྱེད་ཤིང་ངོ་། །བལྟ་བསྒོམ་ལོག་པའི་དག་བྱེད་ཁྲུས། །མན་ངག་སྙིང་པོ་རྫོགས་པའི་ས། །རྡོ་རྗེ་ཐེག་པའི་གྲངས་རྫོགས་ནས། །འདི་ནི་ཐིག་ལེ་ཉག་གཅིག་གོ། །འགྲོ་རྣམས་ལམ་ལ་འཛུད་པའོ། ། ― DNG014_Page_0321 ―
[མ་དཔེ་གཟིགས་ན་འདིར་གནོན།]
ཐེག་པའི་རྒྱལ་པོ་ཡོངས་རྫོགས་ཀྱི། །ཡོན་ཏན་བྱུང་ཚུལ་རང་བྱུང་ངོ་། །ལེའུ་དང་པོའོ།། །།ཨེ་མ་ཧོ། གསང་མཛོད་རང་བཞིན་ཚིག་འདི་ཡང་། །རང་བྱུང་ཡེ་དག་ཆེན་པོར་ནི། །སྤེལ་ཚིག་གསང་བ་འདི་ལྟར་སྣང་། །ཡེ་ཐོག་དང་པོའི་སངས་རྒྱས་ནི། །དང་པོ་མངོན་འཕགས་དྲན་པ་མགོན། །ཕྱག་རྒྱ་རང་དྲན་འཁོར་ལོ་ནི། །གཞི་ལས་འཕགས་པའི་ཁྱད་པར་ཚིག །སྤྱི་ཕུད་སྔོན་གྱི་ཐོག་མར་གྱུར། །འདི་དུས་ཁྲག་ཁྲིག་བདུན་ཅུ་ཡི། །ཕྱག་རྒྱ་འདི་ནི་དམ་པའོ། །སྙིང་པོས་བརྒྱན་པའི་བསྐལ་པ་ལ། །སྡེ་སྣོད་དང་པོའི་སངས་རྒྱས་མགོན། །མངའ་མཛད་ཕྱག་རྒྱ་འཁོར་ལོ་ལ། །འཁོར་ནི་འཛིན་པ་བྱེ་བ་ལྔའི། །ཕྱག་རྒྱ་འདི་ནི་དམ་པའོ། །སྤྱི་མིས་དང་པོ་ཕ་རོལ་མགོན། །དཀྱིལ་འཁོར་སྙིང་པོ་རབ་སྤྲོས་པས། །བསྐལ་པ་གསེར་གྱི་ཡི་གེ་ལ། །ས་ཡ་དྲུག་གི་ཕྱག་རྒྱར་བཟུང་། །སྔོན་ཐོག་དང་པོ་འཕགས་པ་མགོན། །ཕྱག་རྒྱ་དང་པོ་ཉིད་སྣང་བས། །བསྐལ་པ་འོད་ཟེར་འགྱེད་པ་ལ། །བདུན་འབུམ་གྱི་ནི་འབྲས་བུའོ། །འཇིག་རྟེན་དྲ་བ་མགོན་པོ་ཡི། །སྤྲོས་བྲལ་ཕྱག་རྒྱ་འདི་སྤྲོས་ཏེ། །བསྐལ་པ་མེ་ཏོག་མཛེས་པ་ལ། །བསྟན་པའི་འབྲས་བུ་ཕྱལ་ཡས་ལས། །ཕྱག་རྒྱ་འདི་ནི་དམ་པའོ། །སྙིང་པོ་སྟོང་གི་སྤྱི་ཕུད་མགོན། །སྙིང་པོ་དམ་པའི་འཁོར་ལོ་ལས། །བསྐལ་པ་རྩོད་པའི་སྙིང་པོ་ལ། །གྲངས་མེད་བཞི་ཡི་སྙིང་པོའོ། །འོད་ལྡན་དང་པོ་སེམས་ཅན་མགོན། །སྤྲོས་མེད་སྙིང་པོ་རང་སྒྲ་ལས། །བསྐལ་པ་སྣང་བའི་སྒྲོན་མ་ལ། །བན་བུན་སྟོང་གི་ཕྱག་རྒྱར་བཟུང་། །མཛེས་པའི་དང་པོ་འགྲོ་བའི་མགོན། །ཡང་དག་སྙིང་པོ་རྣམ་སྤྲོས་ཏེ། །བསྐལ་པ་རགས་པའི་ཡན་ལག་ལ། །ཉར་ཉེར་བརྒྱ་ཡི་གྲངས་ཀྱིས་ནི། །ཕྱག་རྒྱ་འདི་ནི་དམ་པའོ། །ཐུགས་བརྩེའི་སྙིང་པོ་ཉན་ཐོས་མགོན། །ཕྱག་རྒྱ་ཡང་དག་ལམ་སྤྲོས་ཏེ། །བསྐལ་པ་དུང་གི་སྒྲ་དག་ལ། །བྲང་ཕྲེང་བཅུ་ཡི་དམ་པར་རོ། །མི་ཕམ་ཟང་མ་སྒྲ་བྲལ་མགོན། །ཡང་དག་ངེས་པའི་རྒྱུད་ལས་ནི། །བསྐལ་པ་དྲ་བའི་འོད་ཟེར་ལས། ། ― DNG014_Page_0322 ―
[མ་དཔེ་གཟིགས་ན་འདིར་གནོན།]
དུང་ཕྱུར་བདུན་གྱི་ལམ་རྒྱལ་བཟུང་། །སྙིང་པོ་སེམས་རྣལ་བདུད་རྩི་མགོན། །ངེས་པའི་ས་བོན་རབ་བསྒྲགས་པས། །བསྐལ་པ་ཚངས་པའི་དབྱངས་ཅན་ལ། །འབུར་རྡུལ་བདུན་གྱི་ངེས་པར་བཟུང་། །རང་བཞིན་དྲག་པོ་ལྡང་གདེང་ཡང་འཛིན་མགོན། །ཕྱག་རྒྱ་འཁོར་ལོ་གདན་སྤྲོས་ཏེ། །བསྐལ་པ་སྨྲ་བའི་གཞི་དག་ལ། །ཕྱལ་ཕྱོལ་དགུ་ཡིས་དམ་པར་བཟུང་། །གསང་བའི་ཕྱག་རྒྱ་ལྷ་མིན་མགོན། །ཡང་གསང་འཁོར་ལོ་རྣམ་སྤྲོས་ཏེ། །བསྐལ་པའི་བུམ་པ་རེག་ལྡན་ལ། །ཡལ་ཡོལ་དྲུག་ཅུའི་སྙིང་པོའོ། །རིམ་པ་ལྔ་པ་གཙུག་ཕུད་མགོན། །བླ་མེད་སྙིང་པོ་ཡང་སྤྲོས་པས། །བསྐལ་པ་ཡང་གསལ་རབ་འབྱམས་ལ། །ཁྲག་ཁྲིག་བྱེ་བ་དགུ་བརྒྱ་ཡི། །བླ་ན་མེད་པའི་གསང་བའོ། །འཇིག་རྟེན་ཐོག་མ་ཤེས་རབ་མགོན། །བདེ་ཆེན་སྙིང་པོ་ཡང་སྤྲོས་ཏེ། །བསྐལ་པ་བཀོད་པ་ཆེན་པོ་ལ། །འབུམ་ཕྲག་དྲུག་ཅུ་རྩ་བཞི་ཡི། །ལྷ་ཡི་ལྷར་ནི་འདི་ཉིད་དོ། །འཆང་བ་རྣམས་ཀྱི་ཐོག་མ་མགོན། །ངེས་པའི་འབྲས་བུ་འདི་སྤྲོས་ཏེ། །བསྐལ་པ་རིན་ཆེན་སྤུངས་པ་ལ། །ས་ཡ་དགུ་བཅུའི་མགོན་པོ་ཡི། །རྒྱས་པར་བསྔགས་ཏེ་དམ་པར་རོ། །ཡང་རྗེས་འབྱུང་བ་མེ་འོད་མགོན། །དངོས་པོར་བསྒྱུར་བའི་ཕྱག་རྒྱ་ནི། །སྙིང་པོ་ཉིད་དུ་སྤྲོས་པ་ལས། །བསྐལ་པ་རབ་ཏུ་གཡོ་མེད་ལ། །རབ་མཐའ་བཅུ་ཡི་མགོན་པོ་ཡི། །སྙིང་པོ་སྙིང་གི་དྭངས་མར་རོ། །ཆགས་མེད་རྡུལ་བྲལ་དྲི་མེད་མགོན། །གསང་ཆེན་ངེས་པ་ཉིད་དུ་སྟེ། །བསྐལ་པ་གཡོ་སྒྱུ་བྲལ་བ་ལ། །བྱེ་བ་དགུ་ཁྲིའི་གྲངས་མགོན་གྱི། །འདུ་བའི་ཕྱག་རྒྱ་ཉིད་དུའོ། །དྲན་པ་དྲི་མེད་བསམ་གཏན་མགོན། །དྲི་མེད་ངེས་པའི་གསང་ཚིག་སྤྲོས། །བསྐལ་པ་མཐའ་ལྡན་སེང་གེ་ལ། །ཉལ་ཉིལ་སུམ་ཅུའི་རྒྱལ་བ་ཡིས། །འདི་ནི་བདེན་ཚིག་དམ་པར་རོ། །དམ་པའི་སྐྱེས་བུ་ཆོས་ཀྱི་མགོན། །སངས་རྒྱས་ཤེས་རབ་ས་བོན་སྤྲོས། །བསྐལ་པ་གདུང་བ་སེལ་བ་ལ། །སང་སེང་དགུ་ཁྲིའི་གདུང་འཕེལ་བས། །དམ་པའི་ ― DNG014_Page_0323 ―
[མ་དཔེ་གཟིགས་ན་འདིར་གནོན།]
ཕྱག་ནི་ཡང་དམ་དུའོ། །སྤྱི་ཕུད་སྟོང་གི་ཡེ་ཐོག་མགོན། །སྔགས་ཀྱི་རྩ་བ་འདི་སྔགས་པས། །བསྐལ་པ་དུང་གི་སྙིང་པོ་ལ། །ཁ་གཡེལ་སྟོང་གི་གདུང་འཕེལ་བས། །གསང་ཆེན་དམ་པར་རབ་བཟུང་བའོ། །སངས་རྒྱས་དྲ་བ་མགོན་པོ་ཡི། །ཕྱག་རྒྱ་ཉིད་དུ་གདུང་བཟུང་བས། །བསྐལ་པ་བྱེ་བའི་སྙིང་པོ་ལ། །ཉག་ཐག་དགུ་ཁྲིའི་གདུང་འཛིན་པས། །འདི་ཉིད་སྙིང་པོའི་དོན་དུའོ། །ཡང་དག་གསང་བ་པདྨ་མགོན། །སྙིང་གི་སྙིང་པོ་དཀྱིལ་བཟུང་བྱས། །བསྐལ་པ་ཡོངས་སུ་བརྩེ་བ་ལ། །དང་དིང་སྟོང་གི་ཡང་འཕེལ་བས། །འདི་ནི་སྙིང་པོ་ཡང་དག་སྤྲོས། །སེམས་ཅན་སྙིང་བརྩེ་མེ་ཏོག་མགོན། །དྲན་གཞི་དང་པོ་རབ་བཟུང་བས། །བསྐལ་པ་ཡོད་པ་རབ་མཆོག་ལ། །རྡུལ་མེད་དགུ་ཡི་གསང་འཛིན་པས། །གསང་ཆེན་སྟོང་གི་དམ་པར་རོ། །བསྐལ་པ་དྲ་བ་ཉི་འོད་མགོན། །དམ་པའི་སྙིང་པོར་ངེས་བབས་པས། །བསྐལ་པ་གླང་པོ་ཡོངས་རྫོགས་ལ། །རང་རྡུལ་ཉིད་ཀྱི་རྗེས་འཛིན་པས། །སྟོང་ཉིད་གསལ་བའི་མིག་ཏུ་སྤྲོས། །ཡོངས་རྫོགས་འཁོར་ལོ་རིགས་ཀྱི་མགོན། །སེམས་ཀྱི་དངོས་པོ་དམ་པར་བཟུང་། །བསྐལ་པ་བླ་ན་མེད་པ་ལ། །ཁྲག་ཁྲིག་དྲུག་ཅུའི་ཡང་འཕེལ་བས། །གསང་ཆེན་འཁོར་ལོ་ཉིད་དུའོ། །དྲི་མེད་དག་པ་ཆོས་ཀྱི་མགོན། །ཡང་གསང་ངེས་པའི་ལུང་འདི་སྤྲོས། །བསྐལ་པ་གཅོད་པ་རང་གྲོལ་ལ། །ཉལ་ཉིལ་ཉིད་ཀྱི་འཕེལ་གདུང་གི། །རིམ་པས་མངོན་པར་རབ་སྤྲོས་པའོ། །ཡང་གསང་དང་པོ་ཐོག་མ་མགོན། །རྡོ་རྗེ་ཡང་དག་གསལ་ཐུབ་པས། །བསྐལ་པ་ཁྱུང་ཆེན་གཤོག་རྫོགས་ལ། །འབུམ་ཕྲག་ལྔ་ཡི་གདུང་འཕེལ་བས། །ཕྱག་རྒྱ་རང་རྫོགས་ཉིད་དུའོ། །སྣང་མཛད་དང་པོ་མར་མེ་མགོན། །བླ་མེད་རྡོ་རྗེ་སྙིང་པོ་སྤྲོས། །བསྐལ་པ་མདའ་ཡི་ཡོངས་བཟུང་ལ། །རྔ་ཡབ་གསུམ་གྱི་གདུང་འཕེལ་བས། །རིགས་ལྡན་རྣམས་ཀྱི་ཕྱག་ཏུ་བཟུང་། །ཡིད་ཤེས་དང་པོ་གནས་གསུམ་མགོན། ། ― DNG014_Page_0324 ―
[མ་དཔེ་གཟིགས་ན་འདིར་གནོན།]
སྙིང་ཐིག་རྩ་བའི་དྭངས་མར་སྤྲོས། །བསྐལ་པ་རེག་པའི་སྟོབས་ཅན་ལ། །ཁ་གཡེལ་དྲུག་གི་གདུང་འཕེལ་བས། །གོང་འཕེལ་ཕྱག་རྒྱ་དམ་པར་སྤྲོས། །དཔའ་བོ་འཇིགས་སངས་དྭངས་པའི་མགོན། །དྲི་མ་མེད་པའི་སྙིང་དུ་བབས། །བསྐལ་པ་དྲན་བསམ་བྲལ་བ་ལ། །ཡལ་ཡོལ་སྟོང་གི་གདུང་འཕེལ་བས། །འདི་ཀུན་སྐྱོན་དང་བྲལ་བར་རོ། །དྲག་པོ་ཆགས་བྲལ་བདེ་བའི་མགོན། །ཆགས་མེད་རང་རིག་ཕྱག་རྒྱར་སྤྲོས། །བསྐལ་པ་མྱ་ངན་བྲལ་བ་ལ། །དུང་ཕྱུར་གསུམ་གྱི་གདུང་འཕེལ་བས། །མེད་པ་རྣམས་ཀྱི་དང་པོར་རོ། །ཆོས་སྐུ་དངོས་དག་དྲི་མེད་མགོན། །དམ་པ་གསུང་གི་སྙིང་པོར་སྤྲོས། །བསྐལ་པ་ཟིལ་གྱིས་གནོན་པ་ལ། །ས་ཡ་ཉིད་ཀྱི་གདུང་འཕེལ་བས། །འདི་ཀུན་ཡང་དག་ཉིད་དུའོ། །ཡང་སངས་རྒྱས་པ་སྒྱུ་མ་མགོན། །ཚིག་བྲལ་བདེ་བའི་སྙིང་པོ་སྤྲོས། །བསྐལ་པ་ཆོས་ཀྱི་འཁོར་ལོ་ལ། །བྱེ་བ་དགུ་ཡི་གདུང་འཕེལ་བས། །ངེས་པའི་ལམ་གྱི་ཐོག་མར་རོ། །སྟོང་པ་ཉིད་ནི་དགེ་ལྡན་མགོན། །གསང་བའི་ཡང་གསང་ཆེན་པོར་སྤྲོས། །བསྐལ་པ་པདྨ་བརྩེགས་པ་ལ། །ཁ་གཡེལ་ལྔ་ཡི་གདུང་འཕེལ་བས། །སྣང་བ་རྣམས་ཀྱི་ཐོག་མར་རོ། །སྐྱེས་བུ་བྱེད་པ་འོད་ཟེར་མགོན། །འབྲས་བུ་རྫོགས་པའི་རིམ་པར་སྤྲོས། །བསྐལ་པ་ངང་པའི་དབྱངས་ཅན་ལ། །རྡུལ་མཐའ་བཞི་ཡི་གདུང་འཕེལ་བས། །འདི་ཀུན་མངོན་པར་རང་འཐད་དོ། །ཤེས་རབ་མི་རྙེད་སྒྱུ་འཕྲུལ་མགོན། །སེམས་ཉིད་ཐོག་མའི་དཀྱིལ་འཁོར་སྤྲོས། །བསྐལ་པ་ལྷ་ཡི་ཕྱག་སོར་ལ། །ཉལ་ཉིལ་བདུན་གྱི་གདུང་འཕེལ་བས། །སྙིང་པོ་རང་དག་གནད་དུའོ། །བདེ་བ་དམ་པ་དངོས་གྲུབ་མགོན། །གསང་ཆེན་སྙིང་པོ་དམ་པར་སྤྲོས། །བསྐལ་པ་ཡན་ལག་མེད་པ་ལ། །སང་སེང་དྲུག་གི་གདུང་འཕེལ་བས། །འདི་ཀུན་ཡང་དག་དམ་པར་རོ། །དངོས་པོ་ཡང་ནང་ཡང་དག་སྟོང་པའི་མགོན། །སྐྱོབ་པ་དམ་པའི་ཕྱག་རྒྱ་སྤྲོས། །བསྐལ་པ་གྲངས་མཐའ་ལོག་པ་ལ། །སྟོང་ ― DNG014_Page_0325 ―
[མ་དཔེ་གཟིགས་ན་འདིར་གནོན།]
ཕྲག་དགུ་ཡི་གདུང་འཛིན་པས། །རྫོགས་པའི་སངས་རྒྱས་ཉིད་དུའོ། །ཆོས་ཀྱི་གྲགས་པ་གཉིས་མེད་མགོན། །ཡང་གསང་རང་བྱུང་ཚིག་འདི་སྤྲོས། །བསྐལ་པ་ཡོངས་སུ་གྲོལ་བྱེད་ལ། །ཉལ་ཉིལ་གསུམ་གྱི་གདུང་འཕེལ་བས། །མཉམ་པ་རང་གནས་ཉིད་དུའོ། །ཡེ་ནས་གསང་བ་དྲི་མེད་མགོན། །བྱིན་རླབས་རང་བྱུང་ཡི་གེ་སྤྲོས། །བསྐལ་པ་སེང་གེ་རྩལ་སྤྲུགས་ལ། །ཁྲག་ཁྲིག་བདུན་གྱི་གདུང་འཕེལ་བས། །འདི་ཀུན་དམ་པའི་ཐུགས་དཀྱིལ་དུའོ། །མི་ཕམ་དང་པོ་སངས་རྒྱས་མགོན། །གསང་བ་ཐུགས་ཀྱི་བུ་གཅིག་པར། །བསྐལ་པ་དགའ་བས་མྱོས་པ་ལ། །དུང་ཕྱུར་ཕྱེད་དང་དགུ་གདུང་གི། །འདི་ཉིད་དམིགས་མེད་རང་དམ་མོ། །དྲན་སྤངས་མངོན་འཕགས་རང་བཞིན་མགོན། །འབྱུང་བའི་སྒྲ་དང་བྲལ་བར་སྤྲོས། །བསྐལ་པ་འདུ་བ་ཆེན་པོ་ལ། །ཁ་གཡེལ་ལྔ་ཡི་གདུང་འཕེལ་བས། །འདི་ཚིག་རང་བྱུང་གསལ་བར་རོ། །བར་མའི་དང་པོ་སྐྱེ་མེད་མགོན། །འདི་ནི་ཕྱག་རྒྱ་རང་སྟོབས་ཏེ། །བསྐལ་པ་ཁུ་བྱུག་རང་བྱུང་ལ། །ཐར་ཐེར་གསུམ་གྱི་རྟགས་ཤར་བས། །འདི་ཚིག་རབ་ཏུ་བསྔགས་པའོ། །འཇིག་རྟེན་གྲངས་བསྐལ་ཨུཏྤལ་མགོན། །གསང་ཆེན་རབ་རྒྱས་ཕྱག་རྒྱ་སྤྲོས། །བསྐལ་པ་རབ་ཏུ་མཐོང་བ་ལ། །འབུམ་ཕྲག་དགུ་ཡི་གདུང་འཕེལ་བས། །འདི་ཀུན་སྙིང་གི་དཀྱིལ་དུ་ཕེབ། །འདས་པའི་དང་པོ་དྲ་བ་མགོན། །སྙིང་པོ་གསང་བ་ཡང་དག་སྤྲོས། །བསྐལ་པ་བུད་མེད་རང་འདུལ་ལ། །ཕྱལ་ཕྱོལ་དགུ་ཡི་རྒྱལ་བ་ཡི། །འདི་ཚིག་རང་རིག་དམ་པར་རོ། །གཉིས་འདས་དང་པོ་ཞིང་ཁམས་མགོན། །རྡོ་རྗེ་ཆེན་པོའི་གསང་ཚིག་སྤྲོས། །བསྐལ་པ་རང་སྒྲ་ཟད་པ་ལ། །ས་ཡ་གཉིས་ཀྱི་གདུང་འཕེལ་བས། །འདི་ཚིག་གཟིགས་དང་རབ་མཁྱེན་བཟུང་། །དྲུག་མཐའ་ཐོག་མ་གཉིས་པ་མགོན། །འདུལ་ཚིག་སྙིང་པོ་བླ་མ་སྤྲོས། །བསྐལ་པ་དགེ་ལྡན་ཆེན་པོ་ལ། །འབུམ་ཕྲག་ལྔ་ཡི་གདུང་འཕེལ་བས། །སྙིང་པོ་རྣམས་ཀྱི་ཡང་སྙིང་དུ། །མཛད་པ་བཞི་ཐོག་ཐོད་རྒལ་མགོན། །བླ་ན་མེད་པའི་ངེས་ ― DNG014_Page_0326 ―
[མ་དཔེ་གཟིགས་ན་འདིར་གནོན།]
ལུང་སྤྲོས། །བསྐལ་པ་སེང་བྲམ་ཟེ་ཡང་གེ་བསྒྱིངས་པ་ལ། །ཁྲི་ཕྲག་དགུ་ཡི་གདུང་འཕེལ་བས། །འདི་ཀུན་གསང་བའི་ཚིག་ཏུའོ། །མཐའ་བྲལ་ཡོངས་རྫོགས་སྐྱོན་བྲལ་མགོན། །བྲལ་གསང་ཚིག་འདི་ཕྱག་རྒྱ་སྤྲོས། །བསྐལ་པ་སྐྱེད་པར་བྱེད་པ་ལ། །སྟོང་ཕྲག་དགུ་ཡི་གདུང་འཕེལ་བས། །མེད་ཚིག་རྫོགས་པར་ཡང་དག་བཟུང་། །ཡེ་རྫོགས་དང་པོ་སྒྱུ་མ་མགོན། །ཡང་གསང་འབར་བ་འོད་ཟེར་སྤྲོས། །བསྐལ་པ་རབ་ཏུ་འཕགས་པ་ལ། །ཁྲག་ཁྲིག་གཉིས་ཀྱི་གདུང་འཕེལ་བས། །འདི་ནི་ངེས་པའི་གསང་ཆེན་པོ། །དྲི་མ་དངོས་བྲལ་བདེ་བའི་མགོན། །འདི་ཉིད་ལམ་རྒྱལ་དམ་པར་སྤྲོས། །བསྐལ་པ་གཡང་ས་ཆེན་པོ་ལ། །ཁྲི་ཕྲག་བདུན་གྱི་གདུང་འཕེལ་བས། །འདི་ཚིག་རིམ་པ་དང་པོར་སྤྲོས། །འདུས་པ་རྣམས་ཀྱི་ཐོག་མ་མགོན། །ངེས་པའི་གསང་ཆེན་རབ་བསྔགས་ཏེ། །བསྐལ་པ་གསེར་འོད་དམ་པ་ལ། །ཡང་འཕེལ་དགུ་ཁྲིའི་མགོན་པོ་ཡིས། །འདི་ཀུན་གསང་ཆེན་སྙིང་དུ་བབ། །ཡང་འབྱེད་སྟོང་གི་དང་པོ་མགོན། །གསང་བའི་སྙིང་པོ་ཡང་གསང་སྤྲོས། །བསྐལ་པ་ལེ་ལོ་ཡེ་དག་ལ། །ཐེར་ཟུག་དགུ་ཡི་གདུང་འཕེལ་བས། །འདི་ཡང་སྙིང་ཐིག་གསང་བར་ཕབ། །གསང་བ་ཀུན་གྱི་སྔོན་ཐོག་མགོན། །ཕྱག་རྒྱ་སྙིང་གི་དཀྱིལ་དུ་སྤྲོས། །བསྐལ་པ་དྲི་མེད་སྙིང་ཡང་བཟང་པོ་ལ། །ཉར་ཉེར་ལྔ་དགུ་ཡང་ཡི་གདུང་འཕེལ་བས། །འདི་ཚིག་བླ་མེད་སྙིང་ལ་ཕབ། །སྟོན་པའི་དང་པོ་ནམ་མཁའ་མགོན། །ཡང་བསྡུས་རང་བྱུང་ཚིག་འདི་སྤྲོས། །བསྐལ་པ་མཐར་ཆགས་ཆེན་པོ་ལ། །ཉལ་ཉིལ་དྲུག་གི་གདུང་འཕེལ་བས། །འདི་ཉིད་བསམ་གཏན་འཁོར་ལོ་བཟུང་། །སྟོང་པའི་ཡང་མཛད་དམ་པ་མགོན། །འདི་ཀུན་གཡོ་མེད་རང་བྱུང་ཚིག །རྫོགས་པ་དངོས་དག་བསྐལ་པ་ལ། །འབུམ་ཕྲག་དགུ་ཡི་ཡང་གདུང་གིས། །འདི་ཀུན་ངེས་པའི་འབྲས་བུར་སྤྲོས། །དང་བ་གསང་འཛིན་དངོས་གྲུབ་མགོན། །འདི་ཡང་མཛད་ཆེན་དག་པར་སྤྲོས། །བསྐལ་པ་གྲངས་བརྡལ་གསང་ཆེན་ལ། །ཁ་གཡེལ་གསུམ་གྱི་གདུང་འཕེལ་བས། །འདི་ཀུན་ཡང་དག་ལམ་ཉེར་བཟུང་། །དྲི་མེད་རང་ཟད་འབྱུང་བྲལ་མགོན། །དཀྱིལ་འཁོར་ ― DNG014_Page_0327 ―
[མ་དཔེ་གཟིགས་ན་འདིར་གནོན།]
ཀུན་དག་རྩ་བ་སྤྲོས། །བསྐལ་པ་མོ་མཚན་རྒྱུན་གཅོད་ལ། །ཐར་ཐེར་བརྒྱ་ཡི་གདུང་འཕེལ་བས། །གསང་བའི་ཡང་ཞུན་ཐེག་པར་བཟུང་། །མོས་ཆེན་རྣམས་ཀྱི་དང་པོ་མགོན། །སྙིང་པོ་མིག་དག་ཕྱག་རྒྱ་སྤྲོས། །བསྐལ་པ་འཁོར་བའི་མུན་སེལ་ལ། །འབུམ་ཕྲག་ལྔ་ཡི་ཡང་གདུང་གིས། །འདི་ཉིད་སྤྲོས་ཏེ་དམ་དུའོ། །སེམས་རིག་ཀུན་གྱི་སྤྱི་ཕུད་མགོན། །ང་མེད་སྔོན་དུ་ཕྱག་རྒྱ་སྤྲོས། །བསྐལ་པ་རྔ་མོ་སྟོང་ལྡན་ལ། །བྱེ་བ་དགུ་ཡི་གདུང་འཕེལ་བས། །ངེས་ཤེས་ཀུན་གྱི་ཐོག་མར་བཟུང་། །བསླབ་གནས་ཀུན་གྱི་དང་ཐོག་མགོན། །ཕྱག་རྒྱ་མིག་ལྡན་སྟོང་དུ་སྤྲོས། །བསྐལ་པ་སྒྱུ་མ་སྣང་མཛད་ལ། །ཡལ་ཡོལ་གསུམ་གྱི་ཡང་གདུང་གིས། །འདི་ཚིག་གོང་མའི་གོང་མས་བཟུང་། །རིམ་པ་སྔོན་གྱི་སྐྱེད་བྱེད་མགོན། །བབ་བྱུང་མེད་སྣང་ཕྱག་རྒྱ་སྤྲོས། །བསྐལ་པ་སྙིང་རྗེ་ཀུན་འདུས་ལ། །སང་སེང་ལྔ་ཡི་གདུང་འཕེལ་བས། །སྙིང་པོ་གསང་བ་ཆེན་པོར་བཟུང་། །འཇིགས་པ་ཀུན་བྲལ་སེང་གེ་མགོན། །སངས་རྒྱས་སྲས་ནི་གཅིག་པ་སྤྲོས། །བསྐལ་པ་བཟང་པོ་རབ་གང་ལ། །སྟོང་ཕྲག་བདུན་གྱི་གདུང་འཕེལ་བས། །འབྱུང་བའི་རང་སྒྲ་བྲལ་བར་བཟུང་། །རྫོགས་པའི་ཡང་ཐོག་ཐ་མ་མགོན། །དོན་དགོངས་ཉག་གཅིག་རྣལ་དུ་བཟུང་། །བསྐལ་པ་རྩོད་ལྡན་ཆེན་པོ་ལ། །བརྒྱ་ཕྲག་དགུ་ཡི་གདུང་འཕེལ་བས། །འདི་ཚིག་གཅོད་དང་བྲལ་བར་བཟུང་། །དྲན་པ་ཟད་པ་ཡེ་ཤེས་མགོན། །སྙིང་པོ་རང་ཚིག་གཅིག་པར་གོ། །བསྐལ་པ་རྩོད་དང་ལྡན་པ་ལ། །བཅུ་ཕྲག་དགུ་ཡི་གདུང་འཛིན་པས། །ངེས་པའི་ཕྱག་རྒྱ་དམ་པར་བཟུང་། །དེ་ལྟར་བརྗོད་ཀྱིས་མི་ལངས་པའི། །སངས་རྒྱས་རྣམས་ཀྱི་བྱིན་རླབས་ལས། །རང་བྱུང་ཆེན་པོའི་ཡི་གེར་ནི། །གནས་པའི་ཀ་དག་ཆེན་པོ་ཡི། །བབ་ལས་འདི་ཀུན་རང་བྱུང་ཤར། །བྱིན་བརླབས་རིམ་པ་འདི་ཀུན་ཀྱང་། །ཐོག་མ་བབ་ལས་རང་བསྟན་ནོ། །ལེའུ་གཉིས་པའོ།། །།ཨེ་མ། རང་བྱུང་ཆེན་པོའི་ཚིག་ལས་ཀྱང་། །འདི་ལྟར་ཁྱད་པར་བྱུང་ཚིག་ནི། །བབ་ལས་བྱུང་ཞིང་ཤར་བ་ལས། །རང་གསལ་ཆོས་རྣམས་རང་བྱུང་ཚིག །ཕྱིས་ནི་ ― DNG014_Page_0328 ―
[མ་དཔེ་གཟིགས་ན་འདིར་གནོན།]
འདི་ལྟར་ཡང་དག་གོ། །རྒྱུད་དང་དེ་ཡི་རང་འགྲེལ་ལོ། །ལྷ་སྔགས་ལ་སོགས་ཕྱག་རྒྱ་བཅུ། །དེ་ལས་འདི་ཚིག་ཕྲག་གཡས་སུ། །སྣང་བ་ཡིན་ནོ་དོན་ལ་སེམས། །སྣང་མཛད་དོན་ཀུན་རང་རྫོགས་ཏེ། །ཚིག་ཀུན་བདག་པོར་རང་བྱུང་བས། །དགོངས་པ་ཉིད་ནི་དང་པོ་ལས། །ཚིག་རྩོམ་མཁས་པ་འདི་ལས་ནི། །གྲངས་ལས་འདས་རྣམས་འབྱུང་བ་ཡིན། །བདག་འཛིན་བདག་མེད་སྔོན་ཐོག་ལས། །མཐར་འཛིན་འདོད་པ་དགག་པའི་ཕྱིར། །མངོན་སུམ་རྗེས་སུ་དཔག་པ་ཡིས། །གཏན་ཚིགས་ཆ་འཛིན་ཚིག་ཀུན་འབྱུང་། །ཡིད་དཔྱོད་བློ་ཞེན་དགག་པའི་ཕྱིར། །ཀུན་རྫོབ་དོན་དམ་གྲངས་ཕྱེ་སོགས། །ཚིག་ནི་འདི་ཀུན་བྱིན་རླབས་ལས། །འདི་ལྟར་རྩོམ་པའི་དཔའ་བོ་མཁས། །སེམས་ནི་མཐར་ཞེན་བློ་དགག་ཕྱིར། །ཕུང་པོ་གྲངས་དང་ཁམས་སོགས་དང་། །བསྟོད་དང་ཡོད་མེད་ཆོས་དང་ནི། །ཆོས་མིན་ཅི་ལྟར་བརྩི་བ་ཡི། །ཚིག་ཀུན་འདི་ལ་རབ་བརྩོན་ཐོབ། །འཇིག་རྟེན་མཐུན་འཇུག་དྲང་བའི་ཕྱིར། །སྒྲ་དང་རིག་པ་དུ་མ་ཡང་། །འདི་ཡི་རང་བྱུང་ཚིག་ལས་ཤར། །ཕྱིར་འགྱུར་ཐེག་པའི་རང་གྲངས་ཀྱིས། །དབང་པོའི་འཇུག་སྒོ་གསལ་བའི་ཕྱིར། །རིམ་པའི་འཇུག་སྲེལ་བཅུ་གཅིག་ནི། །འདི་ཡི་ཡོན་ཏན་བབ་ལས་སྣང་། །རང་འོད་ཅི་ལྟར་ཡོད་པའི་ཚིག །འདི་ལས་སྤྲོས་སོ་ཉེ་བར་བསྡུས། །གྲགས་དང་མ་གྲགས་ཚིག་བཅུད་ནི། །འདི་ལས་ཡང་གསང་ཆེན་པོར་ཡང་། །གྱུར་ཏེ་སྣང་བ་གྱུར་པ་ཡིན། །ལྷ་མིས་ཅི་ལྟར་འདོད་པའི་ཚིག །སྒོ་དྲུག་ཐོབ་འདོད་རང་བཀོད་ཚིག །སྔགས་ལུང་སེམས་དཔའི་ལུང་རབ་སྣང་། །འདི་ལས་གསང་ཆེན་གནད་དུ་གྲགས། །དེ་བཞིན་སྐྱེ་འཇིག་བསྟན་ཆོས་དང་། །ཡོད་དང་མེད་སྨྲ་བདེ་གྲངས་སྤྲོས། །མཐའ་གཉིས་རབ་འབྱེད་ཡོད་སྣང་ཕྱིར། །དྲན་སེམས་ཉིད་ཀྱི་སྡེ་གྲངས་ནི། །འདི་ཀུན་ལས་བྱུང་སེམས་ཀྱི་ལུང་། །འཇུག་པ་ཆེན་པོའི་ཤིང་རྟ་ཡང་། །སྣང་བའི་མཛད་འཕྲོས་ཁ་ལོ་ནི། །འདི་ཚིག་དམ་པའི་འཁོར་ལོའོ། །གྲགས་པའི་སྔགས་དང་དེ་སྤེལ་ཚིག །རིམ་པ་མདོ་སྡེ་རང་གྲགས་ཚིག །བཀོད་པ་རྣམས་ཀྱི་ཐོག་མར་ནི། །འདི་ ― DNG014_Page_0329 ―
[མ་དཔེ་གཟིགས་ན་འདིར་གནོན།]
ལས་འཕྲོས་སོ་ཕན་སེམས་ལྡན། །ལུང་རྒྱས་ཐེག་པ་ཀུན་དངོས་སོ། །གཞི་རྩ་རྩལ་གྱི་ནན་ཏན་ཚིག །འདི་ཀུན་རྒྱན་གྱི་རྒྱལ་པོ་ལས། །ཁ་ལོ་སྒྱུར་བའི་དཔའ་བོ་ཡིན། །བྱེད་པའི་ལས་རྒྱས་དཀྱིལ་འཁོར་འཇུག །དཔེ་མེད་པ་ཡི་སྒྲ་ཡི་གཟེར། །གྲངས་མཐའ་འགེག་བྱེད་སེང་ཕྲུག་གོ། །བཅོས་པའི་ཡང་ཆ་དེ་འཕེལ་བཟུང་། །དཔའ་བར་འགྲོ་བའི་ལས་རྒྱས་སོ། །མཐོ་དམན་སྙོམས་པའི་དགེ་འབྲས་ལུང་། །དཔེ་བྲལ་རྣམས་ཀྱི་དང་པོའོ། །དེ་ལྟར་སྤྲོས་ཚིག་དུ་མ་ཡི། །འཁོར་ལོ་འཛིན་པའི་སྤྲུལ་པའོ། །མཁའ་གསལ་མཁའ་དག་ཀློང་ཆེན་གྱི། །སྤྲོས་པ་རྣམས་ཀྱི་ཡང་སྤྲོས་ལས། །སྐྱེ་སྒོ་རབ་ཏུ་སྤངས་པ་ཡི། །བླ་མེད་འདྲེན་པའི་དང་པོར་བྱུང་། །བདེ་བས་བདེ་བ་འབྱེད་པ་ཡི། །རིགས་མཐུན་ཀུན་གྱི་གསང་ཆེན་ཡིན། །རིགས་ལ་གནས་ཤིང་རིགས་འབྱེད་པའི། །གཙོ་བོ་གཙོ་བོས་བླངས་པའོ། །ཀ་དང་རྟོགས་དང་རབ་ཏུ་དགོངས། །རིམ་པར་རྒྱས་དང་དེ་རྗེས་ནི། །འདི་ལས་རབ་ཏུ་འཕེལ་བ་ཡིན། །རབ་ཏུ་རྟོགས་ཕྱིར་དཀྱིལ་འཁོར་གྱི། །དམ་པ་རྣམས་ནི་འདི་ལས་སྤྲུལ། །ཐམས་ཅད་ལས་ཀྱི་མཐའ་རྒྱས་ཀྱང་། །འདི་ལས་རབ་ཏུ་ཡང་འཕེལ་ལོ། །འདི་ཚིག་བྱིན་རླབས་བརྒྱུད་པ་ཡང་། །རབ་ཏུ་འཕེལ་ཕྱིར་འབྱུང་བའོ། །ལེའུ་གསུམ་པའོ།། །།ཨེ་མ་ཧོ། འདི་ལྟར་ཡང་གསང་དོན་ཉིད་ལ། །འཇུག་པར་འདོད་པའི་སྐལ་བ་རབ། །སྔོན་དུ་ལུས་ངག་ཡིད་རྣམས་ཀྱི། །མངོན་པར་ཞེན་པ་བཟློག་པའི་ཕྱིར། །སྔོན་དུ་སྤྱོད་པ་བརྩམ་པར་བྱ། །ལུས་ནི་རྒྱུག་དང་ཉལ་བ་དང་། །ལངས་དང་ཡན་ལག་བསྐྱོད་པ་དང་། །བསྐོར་བ་དང་ནི་ཕྱག་བྱ་དང་། །ཡན་ལག་བསྐོར་དང་མགོ་བསྒྲིལ་དང་། །ཇི་ལྟར་དྲན་པའི་ལས་རྣམས་དང་། །གར་དང་ཕྱག་རྒྱ་བསྒྱུར་བ་དང་། །ཇི་ལྟར་དམིགས་པའི་ལས་རྣམས་བྱ། །འདི་ལྟར་སུ་ཡིས་བྱས་པའི་མི། །ལུས་ཀྱི་མངོན་ཞེན་རང་བཅད་ནས། །ལུས་ཀུན་རུ་ཤན་ཕྱེད་པར་ནི། །འདི་ཡིས་འགྱུར་རོ་སྤྲུལ་པའི་སྐུ། །དེ་འདས་ངག་གི་སྤྱོད་པ་བརྩམ། །སྔགས་དང་ཁ་ཏོན་ཆོས་ཀྱི་སྒྲ། །ཡོད་དང་མེད་དང་སྣང་བ་དང་། །ཡིད་དཔྱོད་ཚིག་ནི་ ― DNG014_Page_0330 ―
[མ་དཔེ་གཟིགས་ན་འདིར་གནོན།]
སྣ་ཚོགས་བརྗོད། །བྱོལ་སོང་སྣ་ཚོགས་བརྡའ་སྐད་དང་། །སྐད་ཀྱི་རྣམ་པ་སྣ་ཚོགས་པ། །འདི་ལྟར་སུ་ཡིས་བྱས་པའི་མི། །ངག་གི་མངོན་ཞེན་རང་ཆོད་ནས། །འཁོར་འདས་རུ་ཤན་འདིས་ཕྱེད་དོ། །དེ་འདས་ཉིད་ཀྱི་འོག་ཏུ་ཡང་། །སེམས་ཀྱི་སྤྱོད་པ་བརྩམ་པར་བྱ། །དགའ་དང་མི་དགའ་བདེ་སྡུག་དང་། །རྟག་དང་མི་རྟག་ལ་སོགས་པ། །བལྟ་བསྒོམ་སྤྱོད་པའི་བསམ་པ་དང་། །ཆོས་དང་ཆོས་མིན་ལ་སོགས་དང་། །འདོད་ཆགས་ཞེ་སྡང་གཏི་མུག་དང་། །དགེ་དང་མི་དགེ་ལ་སོགས་པའི། །བསམ་སྤྱོད་རྣམ་པ་སྣ་ཚོགས་བྱ། །འདི་ལྟར་སུ་ཡིས་བྱས་པའི་མི། །སེམས་ཀྱི་མངོན་ཞེན་རང་ཆོད་ནས། །འཁོར་འདས་རུ་ཤན་ཕྱེད་པའོ། །དེ་ལྟར་སྔོན་དུ་འགྲོ་བྱས་ནས། །མངོན་སུམ་དོན་ལ་བལྟ་བའི་ཕྱིར། །ལུས་དང་ངག་ཡིད་རབ་ཏུ་གཅུན། །ལུས་ནི་སེང་གེ་ལྟ་བུ་དང་། །དྲང་སྲོང་དང་ནི་གླང་ཆེན་ཚུལ། །འདི་ལས་གཡོ་བར་མ་བྱས་ན། །སངས་རྒྱས་སུམ་སྟོང་ཉིད་དང་ཡང་། །སྐལ་བ་དག་ནི་མཉམ་པ་ཡིན། །ངག་ནི་ཇི་ལྟར་ལྐུགས་པ་བཞིན། །སུ་དང་བརྡ་ཙམ་ཉིད་མི་བྱ། །འདི་ལྟར་སུ་ཡིས་བྱས་པའི་མི། །སེམས་ཀྱི་འཕྲོ་འདུ་རང་ཆོད་དོ། །འདི་ལྟར་ལུས་ངག་སུས་གཅུན་པ། །ཆོས་ཀྱི་དབྱིངས་ཀྱི་སྣང་བ་ལ། །འདི་ཡིས་གོམས་པར་འགྱུར་བ་ཡིན། །དེ་ལྟར་ལུས་ལ་སོགས་པ་ཡི། །གནད་ཀུན་རབ་ཏུ་གཟིར་བ་ཡིས། །རིག་པ་ཉིད་དང་མངོན་སུམ་དུ། །བླ་མའི་ལུང་ལས་ཤེས་པ་ཡིན། །དབྱིངས་དང་རིག་པའི་ལྟ་སྟངས་ནི། །སྒྲིབ་བྱེད་བྲལ་བའི་ནམ་མཁར་བལྟ། །དབྱིངས་ཀྱི་ནང་དུ་ལུ་གུ་རྒྱུད། །རྣམ་པར་བཞག་ཅིང་འབྲལ་མི་བྱ། །འདི་ལྟར་སུ་ཡིས་མཐོང་བའི་མི། །ཐོག་མའི་ཀུན་ཏུ་བཟང་པོ་དང་། །སྐལ་བ་ཉིད་ནི་མཉམ་པའོ། །དེ་ནས་ཐིག་ལེ་མཐོང་བ་ཡིན། །དེ་གཏད་སྣང་བ་གོང་འཕེལ་བས། །རང་ངོ་མཐོང་ལས་འདི་ལྟར་རོ། །ཡར་མཚམས་ལས་ནི་སོར་བཞི་ལས། །བྲལ་བའི་སྐྱེས་བུ་སྐལ་བཟང་བ། །འཁོར་བར་འཇུག་པ་ག་ལ་སྲིད། །གྲུ་ཆད་རྣམ་པར་གང་སྣང་བ། །སྤྲུལ་པའི་ཡོན་ཏན་འདི་ཡིས་འགྲུབ། །མཐོང་བའི་ ― DNG014_Page_0331 ―
[མ་དཔེ་གཟིགས་ན་འདིར་གནོན།]
ཡུལ་ཙམ་གང་སྣང་བ། །ཚོམ་བུ་ལ་ནི་དེ་བཞིན་ནོ། །ཕྱིར་སྣང་འགག་པ་གང་ཡིན་པ། །སྐད་ཅིག་མ་ནི་བཅུ་དྲུག་ལ། །འདི་ཡང་དེ་ལྟར་འགྱུར་བའོ། །མ་སྨིན་ལ་སོགས་ཐིག་ལེ་དང་། །དེ་བཞིན་སྐུ་ལ་ཐུག་གི་བར། །དྲུག་དང་བཅུ་དང་ལྔ་གསུམ་ལ། །གདོན་མི་ཟ་སྟེ་ལོངས་སྐུར་རོ། །ནང་ལུས་ཟད་པའི་སར་ཕྱིན་ཚེ། །སོར་མོ་ལ་སོགས་དེ་བཞིན་སྣང་། །འདི་གཏད་འབྱུང་བ་རང་དེངས་སོ། །སྐྱེ་དང་འཇུག་པའི་ཁྱད་པར་གྱིས། །ཆོས་ཀུན་ཟད་པའི་རང་ས་ལ། །ཅི་ཡང་འཛིན་པ་མེད་པར་ནི། །གནས་པ་ཡིན་ནོ་སྤྲུལ་པའི་སྐུ། །འདི་ནི་འཇུག་པའི་ཤུགས་ཀྱིས་དབང་། །སྐྱེ་བའི་རང་དབང་སུས་ཐོབ་པ། །དེ་ཡང་དེ་ལ་གཏད་ནས་ནི། །ཡང་དུས་འདི་ལྟར་བྱས་པ་ན། །སྣང་བའི་རང་སྒྲ་སིལ་སྐད་དེ། །སྔོན་དུ་ལོག་སྟེ་འཁྲུལ་པར་སྣང་། །འདིས་ནི་སེམས་ཅན་དོན་ཀུན་བྱེད། །རིག་པ་མཉམ་པར་གཅིག་པའི་ཕྱིར། །སྟོང་ཕྲག་གསུམ་རྣམས་སེམས་ཅན་གྱི། །འཕོ་བ་ཆེན་པོ་འདིས་འགྲུབ་པོ། །དེ་བཞིན་རིམ་དང་ཅིག་ཅར་གྱིས། །ལུས་ནི་འདི་ཡིས་འགྲུབ་པ་ཡིན། །དེ་ཀུན་ལུས་ཟད་ཚད་ལས་གྲོལ། །འདི་ཀུན་འབྲས་བུ་ངེས་པའོ། །ལམ་མཆོག་དཀྱིལ་འཁོར་ཆེན་པོ་འགྲུབ། །འདི་ལྟར་ཐབས་ལས་ཡང་དག་བྱུང་། །སངས་རྒྱས་འགྲུབ་པར་འདོད་པའི་མིས། །འདི་ཐབས་ལྡན་ན་དེ་བཞིན་ནོ། །གཞན་སྤྱོད་སྙེམས་བྱེད་ཉིད་ཡིན་པས། །དངོས་པོ་མཐོང་བ་མ་ཡིན་ན། །དེ་ཕྱིར་འདི་ཀུན་དཀོན་པའི་ཚིག །རྟག་ཏུ་རིན་ཆེན་གཏེར་འདི་ལྟོས། །འདི་ལྟར་ཟད་པ་ལ་སྤྱོད་ན། །འདིས་ནི་སངས་རྒྱས་སྟོང་ཕྲག་གསུམ། །འདི་ཡིས་ལེགས་པར་ཞལ་མཐོང་ཡིན། །འདི་ཚིག་གསང་བ་ཉིད་ལས་བྱུང་། །སྐྱེས་བུ་རྣམས་ཀྱིས་འདི་ལྟར་བྱ། །གསང་ཆེན་ཡང་གསང་དམ་པའོ། །ལེའུ་བཞི་པའོ།། །།ཨེ་མ་ཧོ། འདི་ལྟར་འདོད་འབྱུང་སྐྱེས་བུ་གང་། །ཐབས་ཀྱི་ཡན་ལག་འདི་ལྟ་བུ། །རྣམ་པ་སྣ་ཚོགས་ཉིད་ལ་ནི། །འདི་ལྟར་དེ་ཡི་སྔོན་དུ་སྦྱངས། །སེམས་ཀྱི་རིམ་པ་ཅི་སྦྱངས་པ། །འདིས་ནི་མི་རྟག་སེམས་ལ་འབྱོར། །ཇི་ལྟར་སྒྲ་ཡི་ ― DNG014_Page_0332 ―
[མ་དཔེ་གཟིགས་ན་འདིར་གནོན།]
རྣལ་འབྱོར་པས། །ས་ཆུ་མེ་རླུང་འབྱུང་བ་བཞིའི། །སྒྲ་དོན་རྣམས་ལ་གོམས་པ་ཡིས། །རིགས་དྲུག་རྣམས་ཀྱི་རང་སྐད་ཀྱི། །མངོན་ཤེས་འཆར་བ་འདིས་འགྲུབ་བོ། །ཞག་རིམ་དུས་ནི་རྣམ་དྲུག་གི། །འདི་ཡི་སྐད་ཀུན་རང་དུས་ཤེས། །འགྲུས་པ་མེད་པར་སུས་ཤེས་པ། །མ་འོངས་ད་ལྟར་འདུས་པ་ཡི། །སེམས་རྒྱུད་ཇི་ལྟར་ཤེས་པར་འགྱུར། །གཞན་གྱི་དོན་བྱེད་སྤྲུལ་པ་པོས། །འདི་ལ་སྔོན་དུ་མ་སྦྱངས་ན། །སྤྲུལ་པའི་ས་བོན་འཇོག་པར་ནི། །ནུས་པ་ཉིད་ནི་མི་འཐོབ་བོ། །དེས་ན་འབྱུང་བའི་སྒྲ་ལ་བསླབ། །བྱ་བྱེད་ཞེན་པ་བཟློག་པའི་ཕྱིར། །ལག་ནི་བྱ་བྱེད་སྣ་ཚོགས་བྱ། །དེ་བཞིན་འདུས་བྱས་རྣམ་པ་ནི། །དབང་པོའི་མངོན་ཞེན་བཟློག་པ་སྟེ། །ཡུལ་རྣམས་གོམས་པའི་གནད་ཀྱིས་སྦྱངས། །འདི་ལྟར་གཉིད་དང་རྨི་ལམ་གྱི། །དུས་བཞི་འབྱུང་བའི་གནད་ཀྱིས་དབྱེ། །ཚད་ནི་གནད་ལ་ཕེབ་པས་བཟུང་། །ཐིག་ལེ་ཕྱི་ནང་བསླབ་བྱའི་ཕྱིར། །གང་ཟག་རྣམ་པ་གཉིས་དོན་བྱ། །བཅོས་མ་འདུས་བྱས་བསྒོམ་པ་ཡིས། །དང་པོ་སེམས་གཡེང་ཞེན་པ་དགག །འབྲས་བུ་ཅིག་ཆར་མ་ཡིན་པས། །སྣང་བ་རིམ་གྱིས་གོམས་པར་བྱ། །མིག་སྨན་ལ་སོགས་སྒོ་ལྔ་ཡི། །སྨན་གྱི་རིམ་པ་སྦྱར་བར་བྱ། །འདི་ཀུན་གསང་བའི་ཐབས་ཡིན་ནོ། །ལམ་གྱི་རྟགས་ནི་ལུས་ལས་ནི། །མངོན་པར་ཕྱི་རོལ་སྣང་གྱུར་པའི། །སྨན་ཉིད་ཀྱང་ནི་དེ་བཞིན་ནོ། །འདི་ཀུན་འཇིག་རྟེན་དྲང་དོན་དུ། །སྐལ་བ་ཅན་གྱི་སྤྱོད་ཡུལ་ལོ། །འདི་ཡི་ཐབས་ནི་སྣ་ཚོགས་པར། །གཞན་གྱི་འདོད་ཡོན་མཐའ་དགག་ཕྱིར། །རབ་ཏུ་གསང་བར་བྱུང་བའོ། །ལེའུ་ལྔ་པའོ།། །། ཁམས་ལ་བསླབ་པའི་ཐབས་ཡོད་པས། །དྲན་རྫོགས་ཕྱག་རྒྱའི་ངང་དུ་སྦྱོར། །དབང་པོའི་ཞེན་པ་བཟློག་པའི་ཕྱིར། །ཀརྨཱ་རགྴ་གྷི་ཧི་ཏི། །ཕུང་པོའི་ཞེན་པ་བཟློག་པའི་ཕྱིར། །བྷེ་ག་ར་ན་སོ་གད་གིང་། །ཡུལ་ཀུན་ཞེན་པ་བཟློག་པའི་ཕྱིར། །བུ་ཀཱ་རི་ལ་བྷི་དྷུ་ཏྲི། །སེམས་ཀྱི་དངོས་པོ་སྤུར་བའི་ཕྱིར། །རི་པ་ཀ་ལ་ས་མི་ཁྱེ། །བྱུང་ཚོར་གནས་སུ་གཅད་པའི་ཕྱིར། །མ་ཏང་ ― DNG014_Page_0333 ―
[མ་དཔེ་གཟིགས་ན་འདིར་གནོན།]
ཕ་ཕེར་རས་རྨི་ཏི། །འདུས་འཚོགས་སྣང་བ་ངོས་གཟུང་ཕྱིར། །ཁ་ཊ་རེ་ཀ་ས་རྨིག་རླུང་། །རིག་པ་བཙོན་རར་གཞུག་པའི་ཕྱིར། །ཨ་ཀེ་ར་ན་བྷེ་ཙག་ཤ །འཁྲུལ་པའི་རང་རྒྱུད་ཁུངས་གཅད་ཕྱིར། །ཡ་རི་མུ་ཌ་ས་གྷུ་ལི། །རིགས་དྲུག་རིམ་གྱིས་བསྒྲལ་བའི་ཕྱིར། །ཡ་སིང་ར་རླུང་པ་ལ་ཡ། །འཁོར་བ་དོང་ནས་འདོན་པའི་ཕྱིར། །མཱ་མ་ཀོ་ལིང་ས་མ་ཏ། །ཆོས་ཅན་ཐུར་དུ་གཞུག་པའི་ཕྱིར། །གྷ་རིང་ཡཾ་པ་རི་མཾ་ཏི། །རོལ་པའི་བྱུང་ཁུངས་སྤུར་བའི་ཕྱིར། །བུ་ག་སིངྷ་ཕ་གྷ་ལ། །ཞེན་པའི་ཕྲེང་ཐག་གཅད་པའི་ཕྱིར། །ར་མི་ས་པཱི་ཁེ་ཏ་པ། །ལུག་རྒྱུད་ཨར་ལ་གཏད་པའི་ཕྱིར། །བེ་ཁུ་མ་ལ་བ་ཏཾ་ཀི། །ལྷ་ཡི་ཕྱག་རྒྱ་བལྟ་བའི་ཕྱིར། །ས་མ་ཉི་ཝ་དྷི་ར་ཡ། །བལྟ་བསྒོམ་ལོག་པ་དག་བྱའི་ཕྱིར། །བཛྲ་སཏྭ་ཏྲེ་ཏོ་མཱེ། །ས་ལམ་དུས་གཅིག་གཅད་པའི་ཕྱིར། །གྷེ་བ་སུ་གྷར་རྣ་མཱ་ཡཱེ། །ཡིད་དཔྱོད་བལྟ་བ་ཁུངས་གཅད་ཕྱིར། །དྷརྨཱ་པ་ཏི་ས་གྷུ་ཡཱི། །སྐུ་གསུམ་ལམ་དུ་བསླང་བའི་ཕྱིར། །ར་སྨི་ས་མ་ཁ་རྒད་ཚེ། །སྣང་བ་དངོས་སུ་བླང་བའི་ཕྱིར། །རུ་པ་ས་མི་མི་ཏ་ལཾ། །སྒྲ་ཡི་ཞེན་པ་མཐའ་གཅད་ཕྱིར། །ང་ཏིག་པ་ཡང་ཀ་ལ་ས། །བསམ་གཏན་ཆེན་པོའི་ས་ནོན་ཕྱིར། །ག་ཚ་པ་ལ་ས་ཨི་ཏཾ། །ཕྲིན་ལས་མཐའ་རུ་དབྱུང་བའི་ཕྱིར། །ཀརྨ་ཨེ་ཀ་ཨ་ནུ་ས། །སངས་རྒྱས་མངོན་ཞེན་བཟློག་པའི་ཕྱིར། །སང་ཀྲི་མ་མ་ཀརྨ་ཏ། །སངས་རྒྱས་རྣམས་ཀྱི་གནས་བཙལ་ཕྱིར། །ང་ལགྐེ་པ་ཀི་ལི་ས། །འདི་ཀུན་རང་བྱུང་ཚིག་ཏུའོ། །ལེའུ་དྲུག་པའོ།། །། ཨེ་མ་ཧོ། བཅོམ་པ་དང་ནི་ལྡན་པ་དང་། །འདས་པ་ཡང་དག་ལམ་ཡིན་ནོ། །འདི་ཚིག་ལམ་མིན་གདམས་པ་ཡིན། །བསྟན་ཅིང་བཤད་མེད་བརྗོད་མ་ཡིན། །གདམས་པ་མ་ཡིན་བྱིན་རླབས་ཡིན། །བྲིས་ཤིང་བཀོད་མེད་རང་བྱུང་ཡིན། །གནས་དང་དུས་མེད་སྔོན་ཐོག་ཡིན། །ཆོས་མིན་སྙིང་པོ་ཐུགས་གསང་ཡིན། །སུས་ཀྱང་ཉན་མེད་ངང་ཤར་ཡིན། །ཐོས་པ་མེད་ཅིང་སྒྲ་གྲགས་ཡིན། །བྱས་པས་འདི་ཀུན་མ་ཡིན་ཚིག །འདི་ཡོད་འགྲོ་བ་སངས་རྒྱས་ཡིན། །ཕ་རོལ་མཐོང་བའི་གསང་ཆེན་ལས། །སེམས་ཡོད་མ་ཡིན་སྤྲུལ་པ་ ― DNG014_Page_0334 ―
[མ་དཔེ་གཟིགས་ན་འདིར་གནོན།]
ཡིན། །འཁོར་བའི་སྤྱི་མདུད་དགྲོལ་བའོ། །ཤེས་བྱ་མ་ཡིན་ལམ་སྣ་ཐག །སྟོང་པ་མ་ཡིན་མངོན་སུམ་ཡུལ། །ཡོད་མེད་མ་ཡིན་ཐབས་གསང་བ། །ལྷ་མེད་འདི་ལ་སྔགས་ཡོད་མིན། །ཕ་རོལ་ཕྱིན་པ་དྲུག་གི་གཞི། །བསྙེན་གནས་ལ་སོགས་འདི་ཚུལ་ལོ། །དེ་བཞིན་དུ་ཡང་བྱེ་བྲག་སྨྲ། །དོན་དམ་ཀུན་རྫོབ་གཟུགས་ཀྱིས་སོ། །གཟུགས་ཀྱི་རྩ་བ་འདི་ཉིད་དང་། །ལྷའི་རྣལ་འབྱོར་འདི་སྔགས་ཡིན། །ལུང་ཆེན་རྣམས་ཀྱི་དམ་པ་འདི། །ཆོས་རྣམས་རོ་གཅིག་འདྲེས་པའི་རྟེན། །སྐུ་གསུང་ཐུགས་ཀྱི་དབྱེ་བ་ཡིས། །བླ་མེད་འཁོར་ལོ་བསྐོར་བའི་གནས། །དབང་པོ་རྣམས་ཀྱི་དམིགས་གཏད་ཡིན། །ཤེས་རབ་རྣམས་ཀྱིས་རྟོགས་པའི་གནས། །སྐུ་གསུམ་ལམ་དུ་སློང་བའི་རྟེན། །ཐིག་ལེ་མངོན་དུ་འབྱིན་པའི་མིག །ཐར་པའི་སྐས་ཀུན་སློང་བར་བྱེད། །ལམ་དུ་འཇུག་པའི་ས་མཁན་ཡིན། །སྐལ་ལྡན་འཛིན་པའི་ལྕགས་ཀྱུར་སྣང་། །ཆོས་སྐུ་རང་འཇོག་གནས་ལུགས་ཡིན། །སངས་རྒྱས་ཀུན་གྱིས་ཕྱག་བྱེད་གནས། །ཡུལ་སྣང་གཅོད་པའི་རལ་གྲིར་སྣང་། །གྲོལ་བ་རྣམས་ནི་འདི་ཉིད་ལ། །རྣམ་པར་བརྟེན་ནས་གྲོལ་བའོ། །ལེའུ་དྲུག་པའོ།། །། སངས་རྒྱས་ཐམས་ཅད་ཀྱི་སྲས་གཅིག་པོ། བསྟན་པ་ཐམས་ཅད་ཀྱི་བཙས་སུ་རང་བྱུང་བ། རང་བྱུང་གི་ཡི་གེ་ཆེན་པོར་བསྐལ་པ་ཀུན་གྱི་ཐོག་མར་རང་བྱུང་བ། བྱིན་རླབས་ལས་རང་བཀོད་པ། སྤྲུལ་སྐུའི་ས་བོན་འཕེལ་བར་བྱེད་པ། རབ་ཏུ་དཀོན་པའི་ཚིག་རྫོགས་སོ།། །། ས་མ་ཡ། གྷུ་ཧྱ། ཧྲླཱྀཾ ། རྒྱ་རྒྱ་རྒྱ། སྦས་རྒྱ། གཏད་རྒྱ། གཏེར་རྒྱ། ཁ་ཐམ། དྷ་ཐིམ། སྤྲུལ་སྐུ་སངས་རྒྱས་གླིང་པས་པུ་རི་ཕུག་མོ་ཆེ་ནས་གདན་དྲངས་པའོ།། །། བཅོམ་ལྡན་འདས་བདེ་བར་གཤེགས་པ་ཐམས་ཅད་འདུས་པ་ཞེས་བྱ་བའི་རྩ་བའི་རྒྱུད་ཀྱི་རྒྱལ་པོ་ཆེན་པོ།― DNG014_Page_0335 ―
[མ་དཔེ་གཟིགས་ན་འདིར་གནོན།]
བཀའ་བརྒྱད་བདེ་གཤེགས་འདུས་པ་ལས། རྩ་བའི་རྒྱུད་ཀྱི་རྒྱལ་པོ་བཞུགས། རྒྱ་གར་སྐད་དུ། བྷ་ག་བཱ་ན་སུ་ག་ཏ་སརྦ་ས་མུ་དཱ་ཡ་ཏནྟྲ་མ་ཧཱ་རཱ་ཛ་ནཱ་མ། བོད་སྐད་དུ། བཅོམ་ལྡན་འདས་བདེ་བར་གཤེགས་པ་ཐམས་ཅད་འདུས་པ་ཞེས་བྱ་བའི་རྩ་བའི་རྒྱུད་ཀྱི་རྒྱལ་པོ་ཆེན་པོ། བཅོམ་ལྡན་འདས་དཀྱིལ་འཁོར་ཐམས་ཅད་ཀྱི་མངའ་བདག་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་གྱི་གནས་ཆོས་ཀྱི་དབྱིངས་ཀྱི་ཕོ་བྲང་། སྐུ་གསུང་ཐུགས་གསང་བ་མཆོག་གི་གནས། ཡེ་ནས་རྣམ་པར་དག་པའི་རྒྱན་གྱིས་བརྒྱན་པ། དཔེ་དང་ཚད་ལས་འདས་པའི་ས། ཕྱི་ནང་མེད་པར་ཕྱོགས་བཅུར་འཁྲིགས་པ། རྣམ་པར་དག་པས་བཀླུབས་པ། ཐོག་མ་དང་ཐ་མ་མེད་པ་ཡེ་ནས་རང་བྱུང་གི་གནས་ན། བཅོམ་ལྡན་འདས་དཔལ་ཀུན་ཏུ་བཟང་པོ། ཆོས་ཀྱི་སྐུ་སྐྱེ་བ་མེད་པ་སྤྲོས་པ་དང་བྲལ་བ། དོན་དམ་པ་མ་བཅོས་པའི་ཐིག་ལེ་ཆེན་པོའི་ངང་ལ་མནལ་ཏེ་བཞུགས་སོ། །དེ་ནས་དབྱིངས་ཀྱི་ཡུམ་ཀུན་ཏུ་ ― DNG014_Page_0336 ―
[མ་དཔེ་གཟིགས་ན་འདིར་གནོན།]
བཟང་མོ་ཤེས་རབ་ཀྱི་ངང་ལས་བཞེངས་ཏེ། བཅོམ་ལྡན་འདས་གསང་བ་མཆོག་གི་བདག་པོ། དགོངས་པ་ཆོས་ཀྱི་དབྱིངས་ན་བཞུགས་པ་ལ། གླུ་འདིས་བསྐུལ་ལོ། །ཨེ་མ་ཧོ། སྟོང་ཉིད་རྣམ་པར་དག་པའི་ཀློང་ཡངས་ནས། །སྙོམས་པའི་ཐུགས་རྗེ་འབྱུང་བར་མི་དམིགས་ཀྱང་། །ཤེས་རབ་དོན་དམ་ཆོས་སྐུ་དག་པ་ལས། །མ་འགགས་ཐབས་ཀྱི་སྙིང་རྗེ་ནམ་མཁའ་སྟོན། །ཧོཿཞེས་བསྐུལ་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ཆོས་ཐམས་ཅད་དེ་བཞིན་ཉིད་མཉམ་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པ་དང་། ཡུམ་ཀུན་ཏུ་བཟང་མོས་གླུ་འདིས་བསྐུལ་ཏོ། །ཨེ་མ་ཧོ། མ་ལྟར་བྱམས་པའི་སྙིང་རྗེ་ཆེན་པོ་ནི། །མཁའ་ལྟར་གོ་ཡངས་འབྱེད་ཅིང་ཀུན་ལ་ཁྱབ། །རིག་པའི་སྙིང་རྗེ་ནམ་མཁའི་དབྱིངས་རུམ་ནས། །ལོངས་སྤྱོད་རྫོགས་པའི་སྐུ་མཆོག་བསྟན་དུ་གསོལ། །ཧོཿཞེས་བསྐུལ་ཏོ། །དེ་ནས་བཅོམ་ལྡན་འདས་གསང་བ་གསུམ་གྱི་བདག་པོ་དེས། ཆོས་ཐམས་ཅད་ཐུགས་རྗེས་ཀུན་ལ་ཁྱབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཡང་། ཡུམ་ཀུན་ཏུ་ ― DNG014_Page_0337 ―
[མ་དཔེ་གཟིགས་ན་འདིར་གནོན།]
བཟང་མོས་གླུ་འདིས་བསྐུལ་ཏོ། །ཨེ་མ་ཧོ། ཡེ་ཤེས་སྐུ་མཆོག་ཉི་མ་ལྟ་བུ་ལས། །སྤྲུལ་པའི་ཆོ་འཕྲུལ་རྡོ་རྗེའི་གར་མཛད་ཅིང་། །བརྗིད་པའི་སྐུ་མཆོག་རྡོ་རྗེ་འབར་བ་ལས། །ཐུགས་རྗེ་རོལ་པའི་སྐུ་མཆོག་བསྟན་དུ་གསོལ། །ཧོཿཞེས་བསྐུལ་ལོ། །དེ་ནས་བཅོམ་ལྡན་འདས་གསང་བ་གསུམ་གྱི་བདག་པོ་དེས། ཆོས་ཀྱི་སྐུ་སྐྱེ་བ་མེད་པ་ལས། ལོངས་སྤྱོད་རྫོགས་པའི་སྐུ། མཚན་དང་དཔེ་བྱད་ཀྱིས་བརྒྱན་པ། སྤྲུལ་པའི་སྐུ་དཀྱིལ་འཁོར་ཐམས་ཅད་ཀྱི་བདག་པོར་སྐུ་བཞེངས་པ་དང་། ཡུམ་ཀུན་ཏུ་བཟང་མོ་ལ་སླར་གླུ་འདིས་བསྐུལ་ཏོ། །ཨེ་མ་ཧོ་ང་ནི་རང་བྱུང་བའི། །རིགས་ཀྱི་རིགས་ཏེ་རིགས་ཀྱིས་གཙོ། །དཀྱིལ་འཁོར་ཀུན་གྱི་བྱེད་པ་པོ། །སངས་རྒྱས་ཀུན་གྱི་བདག་ཉིད་ཡིན། །ཞེས་གསུངས་སོ། །དེ་ནས་ཡུམ་ཀུན་ཏུ་བཟང་མོས་གླུ་འདིས་བསྐུལ་ཏོ། །ཨེ་མ་ཧོ། བདེ་མཆོག་བདེ་བ་ཡིས། །བྱང་ཆུབ་སེམས་ནི་རབ་སྤྲོས་པས། །ཐུགས་བསྐུལ་རྒྱུད་དབྱངས་དབྱིངས་སུ་ཐིམ། །བྱང་ཆུབ་སེམས་ཀྱི་ཐིག་ལེ་གསལ། །ཧོཿ། ཞེས་བསྐུལ་བ་དང་། ཡབ་ཀྱིས་བསྐུལ་བ། ཨེ་མ་ཧོ་སངས་རྒྱས་ཐམས་ཅད་ཀྱི། །ཡི་གེ་གསུང་གི་ཕྱག་རྒྱའི་ཚོགས། །སྤྲོས་པས་གསུང་བསྐུལ་རང་རྒྱུད་དང་། །བསྡུས་པས་ཆོས་ཀྱི་ཕྱག་རྒྱའི་དོན། །ཞེས་བསྐུལ་པས། ཡུམ་གྱིས་བསྐུལ་བ། ཨེ་མ་ཧོ། བདེ་གཤེགས་ཀུན་གྱི་ཐུགས་ཀྱི་ཐུགས། །རྟོགས་པར་དཀའ་བའི་སྙིང་པོའི་དོན། །བདེ་གཤེགས་རྣམས་ཀྱི་ཐུགས་རྒྱུད་བསྐུལ། །འགྲོ་བ་ཀུན་གྱི་ཤེས་པ་འགྲོལ། །ཐུགས་ཀྱི་ཕྱག་རྒྱར་བསྟན་པའོ། །ཞེས་བསྐུལ་ནས། ཡབ་ཡུམ་གཉིས་སུ་མེད་པའི་མཁའ་ནས། བདེ་བར་གཤེགས་པའི་འཁོར་རྒྱལ་བ་རྒྱ་མཚོ་གཞལ་ཡས་ཁང་དང་བཅས་པ་སྤྲུལ་ཏོ། །དེ་ཡང་བདེ་བར་གཤེགས་པ་ཐམས་ཅད་ཀྱི་གནས་ཕོ་བྲང་ལྷུན་གྱིས་གྲུབ་པ། རྒྱུ་བསོད་ནམས་དང་འབྲས་བུ་ཡེ་ཤེས་ཀྱི་ཚོགས་རྫོགས་ཤིང་། ཐུགས་རྗེ་ཆེན་པོས་ཐམས་ཅད་ལ་ཁྱབ་པས་མཐའ་དང་དབུས་མེད་པ་ཀུན་ཏུ་རྒྱས་ཤིང་། ― DNG014_Page_0338 ―
[མ་དཔེ་གཟིགས་ན་འདིར་གནོན།]
རྒྱ་ཡོངས་སུ་མ་ཆད་པ། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། འདུས་མ་བྱས་པའི་ཕྱིར་ཡེ་ཤེས་ཀྱི་སྒོ་བཞི་དང་ལྡན་པ། རྣམ་པར་ཐར་པ་བརྒྱད་ཀྱི་ཀ་བ་དང་བཅས་པ། གཅིག་དང་དུ་མ་དང་བྲལ་ཞིང་སྤྲོས་པ་མེད་པས་དཀྱིལ་འཁོར་ཟླུམ་པོ། ཆོས་ཀྱི་འཁོར་ལོ་འགྲོ་བ་ཡོངས་ལ་བསྐོར་བའི་ཕྱིར། ཀུན་གྱི་ཕོ་བྲང་ཡེ་ཤེས་ཀྱི་འཁོར་ལོར་གནས་པ། ཡོན་ཏན་གྱི་ཚོགས་མ་ལུས་པ་རྒྱས་ཤིང་། ཐུགས་རྗེའི་རླབས་དང་ལྡན་པས། ཡེ་ཤེས་ཀྱི་དཀྱིལ་འཁོར་ལས། འོད་ཟེར་སྣ་ཚོགས་འཕྲོ་བ། ཡེ་ཤེས་ཆེན་པོ་མཉམ་པ་ཉིད་ལས་མི་འདའ་བས་ཏཱ་ལའི་ལྗོན་ཤིང་དང་། སེམས་ཅན་གྱི་རེ་བ་ཡིད་བཞིན་དུ་སྐོང་བས། དཔག་བསམ་ཤིང་གིས་བརྒྱན་པ། ཐམས་ཅད་ལ་དབང་བསྒྱུར་བའི་ཕྱིར། ལྷ་ཆེན་པོ་རྣམས་ཀྱིས་བསྐོར་བ། མི་ཤིགས་ཤིང་མི་འགྱུར་བས་རྡོ་རྗེའི་ར་བ་དང་། ཉོན་མོངས་པ་བསྲེག་པའི་མེ་རི་འབར་བའི་ར་བས་ཡོངས་སུ་བསྐོར་བ་སྤྲུལ་ཏོ། །དེ་ལྟ་བུའི་ཡེ་ཤེས་ལྔ་དང་སྐུ་གསུང་ཐུགས་ཀྱི་ཡོན་ཏན་བསམ་གྱིས་མི་ཁྱབ་པའི་གཞལ་ཡས་ཁང་དེར། ལྷ་ཐམས་ཅད་ཀྱི་གནས་སུ། རང་བཞིན་གྱི་ཡེ་ནས་འོད་གསལ་བའི་ཉི་ཟླའི་གདན་དང་། མ་ཆགས་པདྨའི་གདན། ས་བོན་གྱི་ཚུལ་གྱིས་འཕྲོས་པར་གྱུར་ཏོ། །ཁྱད་པར་དུ་མི་འཇིགས་པ་བཞིས་བདུད་བཞི་འཇོམས་པའི་རྟགས་སུ། དབུས་སུ་སེང་གེའི་ཁྲི་དང་། སྟོབས་བཅུ་དང་ལྡན་ཞིང་མི་དགེ་བ་བཅུ་འདུལ་བའི་རྟགས་སུ། ཤར་དུ་གླང་པོ་ཆེའི་ཁྲི་དང་། རྫུ་འཕྲུལ་གྱི་རྐང་པ་བཞིས་འགྲོ་བ་འདུལ་བའི་རྟགས་སུ། ལྷོར་རྟའི་ཁྲི་དང་། དབང་བཅུ་མཐར་ཕྱིན་པས་རྒྱལ་བའི་རྟགས་སུ། ནུབ་ཏུ་རྨ་བྱའི་ཁྲི་དང་། ཕྲིན་ལས་རྣམ་བཞིས་འགྲོ་བ་འདུལ་བའི་རྟགས་སུ། བྱང་དུ་ཤང་ཤང་གི་ཁྲི་དག་སྤྲུལ་ཞིང་བཀོད་དོ། །དེར་བདེ་བར་གཤེགས་པ་རིགས་ལྔ། བྱང་ཆུབ་སེམས་དཔའི་ཚོགས་དང་བཅས་པ་སྤྲུལ་ཏེ། ཆོས་ཐམས་ཅད་བདག་མེད་པ་དང་། བྱང་ཆུབ་ཀྱི་སེམས་དག་པའི་ཕྱིར། དེ་བཞིན་གཤེགས་ ― DNG014_Page_0339 ―
[མ་དཔེ་གཟིགས་ན་འདིར་གནོན།]
པའི་རིགས་སྐུ་མདོག་དཀར་པོ། དེ་བཞིན་ཉིད་ལ་ཅིས་ཀྱང་བསྒྱུར་དུ་མེད་པས། རྡོ་རྗེ་རིགས་སྐུ་མདོག་མཐིང་ག །ཡོན་ཏན་གྱི་གཏེར་ཟད་མི་ཤེས་ཤིང་། ཐམས་ཅད་འབྱུང་གནས་ཡིན་པས། རིན་པོ་ཆེའི་རིགས་སྐུ་མདོག་གསེར་ལྟ་བུ། ཆོས་ཉིད་ཆགས་པ་དང་། ཆགས་པར་བྱ་བ་མེད་པས། པདྨའི་རིགས་སྐུ་མདོག་དམར་པོ། ཕྲིན་ལས་ཐམས་ཅད་ཡོངས་སུ་རྫོགས་པར་བྱ་བའི་ཕྱིར། ལས་ཀྱི་རིགས་སྐུ་མདོག་ལྗང་གུར་གནས་པའོ། །དེ་བཞིན་གཤེགས་པ་དེ་དག་ཀྱང་། སྲིད་པའི་འཁོར་ལོ་རྒྱུན་གཅོད་པས། དེ་བཞིན་གཤེགས་པའི་རིགས་ཀྱི་ཕྱག་ན་ཡེ་ཤེས་ཀྱི་འཁོར་ལོ། ཅིས་ཀྱང་མི་ཤིགས་ཤིང་མི་འགྱུར་བས། རྡོ་རྗེའི་རིགས་ཀྱི་ཕྱག་ན་རྡོ་རྗེ། དགོས་འདོད་ཀྱི་རེ་བ་སྐོང་བའི་རིན་པོ་ཆེའི་རིགས་ཕྱག་ན་རིན་པོ་ཆེ་དང་། འཁོར་བའི་སྐྱོན་གྱིས་མ་གོས་པའི་པདྨའི་རིགས་ཀྱི་ཕྱག་ན་པདྨ། མཐའ་བཞི་གནོན་པས་ལས་ཀྱི་རིགས་ཀྱིས་ཕྱག་ན་རྡོ་རྗེ་རྒྱ་གྲམ་བསྣམས་ནས། མཉམ་པ་ཉིད་ཀྱི་སྐྱིལ་ཀྲུང་དང་། རྡོ་རྗེའི་སྐྱིལ་ཀྲུང་དང་། རིན་པོ་ཆེའི་སྐྱིལ་ཀྲུང་དང་། པདྨའི་སྐྱིལ་ཀྲུང་དང་། ལས་ཀྱི་རིགས་ཀྱིས་སྐྱིལ་ཀྲུང་གིས་བཞུགས་པ། སོ་སོ་རང་རང་གི་གདན་གྱི་སྟེང་དུ་སྤྲུལ་ཏོ། །འཁོར་གྱི་བྱང་ཆུབ་སེམས་དཔའ་དང་སེམས་མ་རྣམས་ནི། ཆོས་ཐམས་ཅད་མཉམ་པ་ཉིད་དུ་སྦྱོར་བས། སེམས་དཔའི་སྐྱིལ་ཀྲུང་དུ་བཞུགས་ནས། རང་རང་གི་རིགས་ཀྱི་སྐུ་མདོག་དང་ཕྱག་མཚན་དང་རྟགས་རྣམས་སོ་སོར་འཛིན་པར་སྤྲུལ་ཏོ། །དེ་དག་ཐམས་ཅད་ཀྱང་། སྐུ་མཉེན་པ་དང་། ལྕུག་པ་དང་། འཁྲིལ་བ་དང་། ལྡེམ་པ་དང་། གཞོན་ཚུལ་ཅན་དང་། གསལ་བ་དང་། འཚེར་བ་དང་། ལྷུན་སྡུག་པ་དང་། བརྗིད་ཆགས་པ་དང་། གཞན་ཡང་ཐུན་མོང་གི་རྒྱན། དབུ་རྒྱན། རིན་པོ་ཆེའི་ཕྲེང་བ་དང་། མེ་ཏོག་གི་ཕྲེང་བ་དང་། སྙན་ཆ་དང་། མགུར་ཆུ་དང་། དོ་ཤལ་དང་། སེ་མོ་དོ་དང་། ཕྱག་གདུབ་དང་། ཞབས་གདུབ་དང་། དར་གྱི་ཅོད་པན་དང་། ཆོས་གོས་དང་། སྟོད་གཡོགས་ ― DNG014_Page_0340 ―
[མ་དཔེ་གཟིགས་ན་འདིར་གནོན།]
དང་། སྨད་གཡོགས་དང་། སྨད་དཀྲིས་དང་། མཛད་པ་དར་གྱི་གསང་གོས་དང་བཅས་ཏེ། འོད་ཀྱི་དཀྱིལ་འཁོར་ཁ་དོག་སྣ་ཚོགས་ལས། སྣ་ཚོགས་སུ་འཕྲོ་བ་ལྟ་བུས་བརྒྱན་ནས་ཕྱོགས་སུ་འཁོད་དོ། །དེ་ལྟར་བདེ་བར་གཤེགས་པ་རྡོ་རྗེའི་རིགས་དང་། རིན་པོ་ཆེའི་རིགས་དང་། པདྨའི་རིགས་དང་། ལས་ཀྱི་རིགས་དང་། དེ་བཞིན་གཤེགས་པའི་རིགས་ལྔ། སོ་སོའི་བཙུན་མོ་དང་། འཁོར་གྱི་སེམས་དཔའ་དང་། སེམས་མ་དང་། སོ་སོའི་འཁོར་ཚོགས་ཏིལ་གྱི་གང་བུ་བཞིན་དུ་བསམ་གྱིས་མི་ཁྱབ་པ་ཡུམ་ཀུན་ཏུ་བཟང་མོའི་མཁའ་ནས། རང་རང་གི་དཀྱིལ་འཁོར་དགུ་རྒྱན་དང་བཅས་པ་ཐོན་ཏེ། ཡེ་ཤེས་རང་གནས་ཀྱི་ལྷ་ཚོགས། སྣང་ལ་རང་བཞིན་མེད་པ། ལྷམ་མེ་ལྷན་ནེ་ལྷང་ངེར་གསལ་བར་གྱུར་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་བཅོམ་ལྡན་གསང་བདག་ཆེ། །རིགས་ཀྱི་རིགས་ཏེ་རིགས་ཀྱི་གཙོ། །དཀྱིལ་འཁོར་ཀུན་གྱི་བྱེད་པ་པོ། །བདེ་བར་གཤེགས་པ་ཀུན་འདུས་པའི། །ཞི་བ་དམ་པ་རིགས་བརྒྱ་ཡི། །སྒྲུབ་ཐབས་བདག་ལ་བཤད་དུ་གསོལ། །ཞེས་གསོལ་པ་དང་། བཅོམ་ལྡན་འདས་དཔལ་ཀུན་ཏུ་བཟང་པོས་བཀའ་སྩལ་པ། ཉོན་ཅིག་ཁྱབ་བདག་རྡོ་རྗེ་སེམས། །འདུ་འཛི་སྤངས་པའི་རྣལ་འབྱོར་པས། །དམ་པ་རིགས་བརྒྱ་བསྒྲུབ་འདོད་པས། །བཀྲ་ཤིས་ཡིད་འོང་དབེན་པའི་གནས། །ཤར་རི་དམའ་ལ་ལྷོ་རི་གཞོལ། །ནུབ་རི་མཐོ་ལ་བྱང་རི་སྐྱོབ། །མདུན་ན་མེ་ཏོག་སྣམ་བུ་ཡོད། །བྱ་རྒྱལ་ཁུ་བྱུག་སྒྲ་ཡང་གྲགས། །རྩི་ཤིང་མེ་ཏོག་ཡལ་ག་སྐྱེ། །དྲི་ཞིམ་སྤོས་ཀྱི་ངད་ལྡན་པ། །འདོད་པའི་ལོངས་སྤྱོད་བསྒྲུབ་པའི་གནས། །དེར་ནི་ཞི་བ་རིགས་བརྒྱ་བསྒྲུབ་པར་བྱ། །དཀྱིལ་འཁོར་སྟེགས་བུ་གྲུ་བཞི་ལ། ། ― DNG014_Page_0341 ―
[མ་དཔེ་གཟིགས་ན་འདིར་གནོན།]
དྲི་སྣ་ལྔ་ཡི་ཆག་ཆག་གདབ། །ཚོན་སྐུད་སྣ་ལྔའི་སྲད་བུ་ཡིས། །ཐིག་ནི་བཅུ་དྲུག་དག་ཏུ་གདབ། །དེ་ལས་དཀྱིལ་འཁོར་ཆེན་པོ་དགུ། །འཁོར་ལོ་རྩིབས་བརྒྱད་གྲུ་ཆད་དང་། །བར་ཁྱམས་སྒོ་བཞི་ལྡན་པ་ལ། །ཕྱི་རིམ་བར་ཁྱམས་སྒོ་བཞི་དང་། །རྟ་བབས་རྒྱན་དང་འཁོར་ཡུག་ལྡན། །ཚོན་སྣ་ལྔ་ཡིས་ལེགས་པར་བྲི། །དེ་ལ་ཕྱག་མཚན་ཡིག་འབྲུ་འམ། །ཡང་ན་སྐུ་ཡི་གཟུགས་བརྙན་དགོད། །ཐོག་མར་བྱང་ཆུབ་སེམས་བསྐྱེད་དེ། །ཡན་ལག་བདུན་གྱི་ཚོགས་བསགས་ཏེ། །ཏིང་འཛིན་རྣམ་གསུམ་རིམ་བསྒོམས་ཤིང་། །རྒྱུ་ཡི་ཏིང་འཛིན་འབྲས་བུ་ལས། །དེ་ཉིད་བྱང་ཆུབ་སེམས་སུ་གྱུར། །འབྱུང་ལྔ་ཡུམ་ལྔའི་དཀྱིལ་འཁོར་དག །བྱང་ཆུབ་སེམས་ལས་རིམ་བཞིན་བསྐྱེད། །ཕྱག་རྒྱའི་དཀྱིལ་འཁོར་ལྡན་པ་ཡང་། །བདེ་གཤེགས་ལྷ་ཚོགས་བཅུ་ཕྲག་བཅུ། །ཕྱག་རྒྱ་ཐིག་ལེ་ལྡན་པར་བསྒོམ། །རང་སེམས་ཡི་གེ་ཨ་དཀར་ཉིད། །ཉི་ཟླ་པདྨའི་གདན་ལ་ལྷུང་། །སྤྲོ་བསྡུ་ལས་ནི་འཁོར་ལོར་གྱུར། །དེ་ཡི་འཕྲོ་འདུའི་རང་བཞིན་ལས། །དཀྱིལ་འཁོར་ཀུན་གྱི་གཙོ་བོ་ལ། །རྣམ་པར་སྣང་མཛད་ཀུན་བཟང་ཡུམ། །རིགས་རྣམས་ཀུན་གྱི་བདག་པོར་བརྟག །མི་བསྐྱོད་པ་དང་སངས་རྒྱས་སྤྱན། །རིན་ཆེན་འབྱུང་ལྡན་གོས་དཀར་མོ། །དེ་བཞིན་སྣང་མཐའ་མཱ་མ་ཀཱི། །འདོད་པའི་དོན་གྲུབ་དམ་ཚིག་སྒྲོལ། །རང་གི་རིགས་ཀྱི་ཆ་བཟུང་སྟེ། །འདུད་པའི་ཚུལ་གྱིས་འཁོར་དུ་བསྐྱེད། །ཆོ་ག་ཡོངས་རྫོགས་དེ་ནས་ནི། །ཀུན་བཟང་རྡོ་རྗེ་དབྱིངས་ཕྱུག་མ། །འཇམ་དཔལ་དང་ནི་རིན་ཆེན་དབྱིངས། །སྤྱན་རས་གཟིགས་དབང་པདྨའི་དབྱིངས། །རྡོ་རྗེ་འཆང་དང་ལས་དབྱིངས་མ། །ཤར་ལྷོ་ནུབ་བྱང་གོ་རིམ་བཞིན། །དཀྱིལ་འཁོར་གཙོ་བོར་བསྐྱེད་བྱས་ཏེ། །རྡོ་རྗེ་རིན་ཆེན་པདྨ་དང་། །སྣ་ཚོགས་རྡོ་རྗེའི་གཟུགས་འཛིན་པའོ། །ས་སྙིང་རྡོ་རྗེ་སེམས་མ་དང་། །མཁའ་སྙིང་རིན་ཆེན་སེམས་མར་བཅས། །བྱམས་པ་པདྨའི་སེམས་མར་བཅས། །སྒྲིབ་སེལ་ལས་ཀྱི་སེམས་མ་ནི། །རིན་ཆེན་ ― DNG014_Page_0342 ―
[མ་དཔེ་གཟིགས་ན་འདིར་གནོན།]
སྙེ་མ་ཟ་མ་ཏོག །ཀླུ་ཤིང་པུ་ཏི་མཚན་མར་འཛིན། །ཤར་ལྷོ་ལ་སྩོགས་མཚམས་རྣམས་ཀྱི། །དཀྱིལ་འཁོར་གྱིས་ནི་གཙོ་བོར་བརྟག །ཁྱད་པར་སོ་སོའི་འཁོར་རྣམས་ཀུན། །ཤར་ནས་བཟུང་སྟེ་གོང་བཞིན་བསྐྱེད། །རྡོ་རྗེ་སེམས་དཔའ་རྡོ་རྗེ་འཛིན། །ལྷ་མོ་སྒེག་པ་མོ་དག་དང་། །རྡོ་རྗེ་རྒྱལ་པོ་ལྕགས་ཀྱུ་འཛིན། །དེ་བཞིན་བདུག་པ་མོ་དག་དང་། །རྡོ་རྗེ་ཆགས་པ་མདའ་དང་གཞུ། །འཛིན་ཅིང་དེ་བཞིན་ལྕགས་ཀྱུ་མ། །རྡོ་རྗེ་ལེགས་པ་རྡོ་རྗེ་དག །འཛིན་མཛད་རྡོ་རྗེ་མེ་སྒྲོན་མ། །ཤར་གྱི་དཀྱིལ་འཁོར་འཁོར་ལོ་ལ། །ཀུན་ཏུ་བཟང་པོའི་འཁོར་དུ་བསྐྱེད། །རྡོ་རྗེ་རིན་ཆེན་རིན་ཆེན་འཛིན། །དེ་བཞིན་དུ་ནི་ཕྲེང་བ་མོ། །རྡོ་རྗེ་གཟི་བརྗིད་ཉི་མའི་འོད། །འཛིན་པར་མཛད་དང་མེ་ཏོག་མ། །རྡོ་རྗེ་རྒྱལ་མཚན་ཞགས་པ་མ། །རྡོ་རྗེ་བཞད་པ་སོ་ཕྲེང་འཛིན། །བདེ་མ་རླུང་གཡབ་འཛིན་པ་ནི། །ལྷོ་ཕྱོགས་འཇམ་དཔལ་དཀྱིལ་འཁོར་ལའོ། །རྡོ་རྗེ་ཆོས་ནི་པདྨ་འཛིན། །དབྱངས་མཁན་པི་ཝང་འཛིན་མ་དང་། །རྡོ་རྗེ་རྣོན་པོ་གཅོད་པའི་གྲི། །འཛིན་མཛད་རྡོ་རྗེ་མར་མེ་མ། །རྡོ་རྗེ་སྨྲ་བ་ལྕེ་འཛིན་ཅིང་། །རྡོ་རྗེ་ལྕགས་སྒྲོག་ཐོགས་མ་དང་། །དེ་བཞིན་རྡོ་རྗེ་འཁོར་ལོ་ནི། །འཁོར་ལོ་འཛིན་དང་གསལ་བཀྲ་མ། །རྨ་བྱ་འཛིན་པ་ནུབ་ཕྱོགས་ཀྱི། །སྤྱན་རས་གཟིགས་དབང་འཁོར་དུའོ། །རྡོ་རྗེ་ལས་ནི་རྒྱ་གྲམ་འཛིན། །དེ་བཞིན་རྡོ་རྗེ་གར་བསྒྱུར་མ། །རྡོ་རྗེ་སྲུང་བ་གོ་ཆ་འཛིན། །ཕྱུག་པ་སྤོས་ཀྱི་ཆུ་འཛིན་མ། །རྡོ་རྗེ་གནོད་སྦྱིན་ཞེས་བྱ་བ། །མཆེ་བ་འཛིན་ཅིང་དྲིལ་འཁྲོལ་མ། །རྡོ་རྗེ་ཁུ་ཚུར་འཛིན་མ་དང་། །འབེབས་མ་བུམ་པའི་ཆུ་འཛིན་རྣམས། །བྱང་གི་དཀྱིལ་འཁོར་འཁོར་ལོ་ལ། །ཕྱག་ན་རྡོ་རྗེའི་འཁོར་དུའོ། །རྡོ་རྗེ་རྒྱལ་མཚན་ཆུ་སྲིན་འཛིན། །བདེ་བ་རྒྱས་འདེབས་ཁ་ཊྭཱཾ་ག །དབང་ཕྱུག་རྒྱལ་པོ་ལྕགས་ཀྱུ་འཛིན། །བདེ་བ་ཟ་བྱེད་མདའ་དང་གཞུ། །བཀོད་པའི་རྒྱན་ནི་མེ་ཏོག་འཛིན། །བདེ་བ་རྨོངས་བྱེད་ཕྱག་རྒྱ་བསྣོལ། །རིན་ཆེན་འོད་འཕྲོ་རིན་ཆེན་དང་། །བདེ་བ་ཚེ་འཕེལ་དྲིལ་འཁྲོལ་མ། །ཤར་ལྷོ་མཚམས་ཀྱི་ ― DNG014_Page_0343 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་དུ། །ས་ཡི་སྙིང་པོའི་འཁོར་དུ་བསྐྱེད། །སྣང་བའི་འོད་ནི་རྡོ་རྗེ་འཛིན། །ཁྲུས་ཀྱི་ལྷ་མོ་བུམ་པ་འཛིན། །ཕྱག་རྒྱའི་རྒྱལ་པོ་མདའ་གཞུ་ཉིད། །འཛིན་མཛད་རྒྱལ་མཚན་ལྷ་མོ་དང་། །སྤོས་ཀྱི་གླང་པོ་ཟ་མ་ཏོག །འཛིན་མཛད་བླ་དྲེའི་ལྷ་མོ་དང་། །སྤོབས་བརྩེགས་ཀུན་འདྲེན་ལྕགས་ཀྱུ་ནི། །འཛིན་དང་གདུགས་ཀྱི་ལྷ་མོ་རྣམས། །ལྷོ་ནུབ་མཚམས་ཀྱི་དཀྱིལ་འཁོར་དུ། །ནམ་མཁའི་སྙིང་པོའི་འཁོར་དུའོ། །པདྨའི་རྒྱལ་པོ་པདྨ་འཛིན། །ལྷ་མོ་པདྨ་དཔལ་བེའུ་སྟེ། །པདྨ་དམ་པ་ཁ་ཕྱེ་བའོ། །ལྷ་མོ་འཇིགས་བྱེད་འཁོར་ལོ་འཛིན། །རྡོ་རྗེ་མི་གཡོ་པོ་ཏི་འཛིན། །སྐྱོན་བྲལ་ཕྱག་ན་པདྨའོ། །ཐོགས་མེད་རྒྱལ་པོ་ལྕགས་ཀྱུ་དག །འཛིན་མཛད་རྣམ་རྒྱལ་ལྷ་མོ་ནི། །རྒྱལ་མཚན་ཐོགས་པ་ནུབ་བྱང་གི། །བྱམས་པའི་འཁོར་དུ་བསྐྱེད་པར་བྱ། །རིན་ཆེན་དབང་སྡུད་རིན་པོ་ཆེ། །ལྷ་མོ་སྐྱབས་ཅན་གདུགས་འཛིན་ཅིང་། །གྲུབ་པའི་ལས་ཀྱི་རྒྱ་གྲམ་གྱིས། །རིན་ཆེན་འཛིན་ཅིང་ལྷ་མོ་ནི། །དྲི་མེད་མ་ཡི་བུམ་པ་འཛིན། །དགའ་སྟོན་མེ་ལོང་རྒྱ་གྲམ་འཛིན། །ལྷ་མོ་སྒྲ་སྒྲོགས་དུང་འབུད་པའོ། །མི་གཡོའི་མཐའ་ནི་བསམ་གཏན་མཛད། །ལྷ་མོ་ཐོགས་མེད་གསེར་ཉ་འཛིན། །བྱང་ཤར་མཚམས་ཀྱི་དཀྱིལ་འཁོར་དུ། །སྒྲིབ་པ་རྣམ་སེལ་འཁོར་དུ་བསྐྱེད། །སེམས་དཔའི་དཀྱིལ་འཁོར་འདི་དག་ཀུན། །གཙོ་བོ་རིགས་ཀྱི་མདོག་ཡིན་ཏེ། །དཀྱིལ་འཁོར་བྱེ་བྲག་རེ་རེ་ལ། །རིགས་ཀྱི་སྐུ་མདོག་སོ་སོར་བསྒོམ། །དཀྱིལ་འཁོར་ཕྱི་ཡི་བར་ཁྱམས་ལ། །ཤར་སྟོད་ལྷ་ཡི་ཐུབ་པ་ནི། །དཀར་པོ་པི་ཝང་འཛིན་པ་བསྐྱེད། །ཤར་སྨད་ལྷ་མིན་ཐུབ་པ་ནི། །སྔོན་པོ་ཕྱག་ན་གོ་མཚོན་བསྣམས། །ལྷོ་ཕྱོགས་མི་ཡི་ཐུབ་པ་ནི། །སེར་པོ་གསེག་ཤང་པར་བུ་འཛིན། །ནུབ་སྟོད་བྱོལ་སོང་ཐུབ་པ་ནི། །ནག་པོ་པོ་ཏི་འཛིན་པར་བྱེད། །ནུབ་སྨད་ཡི་དྭགས་ཐུབ་པ་ནི། །དམར་པོ་རིན་ཆེན་སྒྲོམ་བུ་འཛིན། །བྱང་དུ་དམྱལ་བའི་ཐུབ་པ་ནི། །ལྗང་གུ་མེ་དང་ཆུ་བསྣམ་པའོ། །ཤར་སྒོར་རྡོ་རྗེ་ལྕགས་ཀྱུ་མ། །ལྷོ་སྒོར་རྡོ་རྗེ་ཞགས་པ་མ། །ནུབ་སྒོར་ ― DNG014_Page_0344 ―
[མ་དཔེ་གཟིགས་ན་འདིར་གནོན།]
རྡོ་རྗེ་ལྕགས་སྒྲོག་མ། །བྱང་དུ་རྡོ་རྗེ་དྲིལ་འཁྲོལ་མ། །རིགས་ཀྱི་མདོག་དང་ལྡན་པ་ནི། །སོ་སོའི་གནས་སུ་བསྐྱེད་པར་བྱ། །དེ་ལྟར་བདེ་གཤེགས་ཐམས་ཅད་ཀྱི། །སྐུ་བསྐྱེད་དེ་ནས་སྤྱན་དྲངས་ལ། །བཞུགས་སུ་གསོལ་ཏེ་ཕྱག་ཀྱང་འཚལ། །ཕྱི་ནང་མཆོད་པ་ཅི་འབྱོར་དབུལ། །བསྟོད་དེ་གསོལ་བ་གདབ་ནས་ནི། །སྔགས་ཀྱི་བཟླས་པའི་འཕྲོ་འདུ་བྱ། །ཨཱོཾ་ཨཱ་ལི་ཀཱ་ལི་ཛྙཱ་ན་པཉྩ་སཏྭ་ཀྲོ་ཏ་མུ་ན་ཡེ་སྭཱ་ཧཱ། ཐོག་མཐའ་ཨཱོཾ་དང་ཕཊ་བཞག་ནས། །བར་ན་ཡིག་འབྲུ་བཅུ་བཞི་གནས། །དམ་པ་རིགས་བརྒྱ་འདུས་པའི་སྔགས། །ཐམས་ཅད་འགྲུབ་པར་བྱེད་པ་ཡིན། །སྐུ་གསུང་ཐུགས་ཀྱི་དངོས་གྲུབ་འཐོབ། །ཕྱོགས་བཅུ་དུས་གསུམ་བདེ་གཤེགས་རྣམས། །ངེས་དོན་དམ་པ་རིགས་བརྒྱར་འདུས། །བདེ་གཤེགས་ཀུན་གྱི་དངོས་གྲུབ་འཐོབ། །ཅེས་གསུངས་སོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། དམ་པ་རིགས་བརྒྱར་སྒྲུབ་པའི་ཐབས་བསྟན་པའི་ལེའུ་སྟེ་གཉིས་པའོ།། །།དེ་ནས་དཔལ་རྡོ་རྗེ་སེམས་དཔས་ཡང་ཞུས་པ། ཀྱེ་མ་གསང་བདག་ཀུན་ཏུ་བཟང་། །གདུལ་བྱ་འདོད་ཆགས་ཅན་དག་ལ། །བདེ་གཤེགས་སངས་རྒྱས་བཞི་བཅུ་གཉིས། །ཡེ་ཤེས་བསྐྱེད་པའི་སྒྲུབ་ཐབས་གང་། །བཅོམ་ལྡན་འདས་ཀྱིས་བཀའ་སྩལ་པ། །ཞི་བ་སངས་རྒྱས་བཞི་བཅུ་གཉིས། །རྣལ་འབྱོར་སྐལ་ལྡན་བསྒྲུབ་འདོད་ན། །དབེན་ཞིང་དགོན་པའི་གནས་དག་ཏུ། །དཀྱིལ་འཁོར་འཁོར་ལོ་རྩིབས་བཞི་ལ། །རིན་ཆེན་ཀ་བ་བརྒྱད་ཀྱིས་མཛེས། །ལྷག་པའི་ཡེ་ཤེས་གློ་འབུར་ཅན། །ཁྱམས་དང་སྒོ་ཁྱུད་རྣམ་པར་མཛེས། །དབུས་སུ་ཕོ་བྲང་ཟླུམ་པོ་ལ། །ཆུ་ཤེལ་དག་ལ་ཧཱུཾ་གནས་པ། །དམིགས་པའི་རྟེན་དུ་མཁས་པས་བཞག །རས་བལ་སྟན་ལ་འདུག་ནས་ནི། །ཤར་གྱི་ཕྱོགས་སུ་ཁ་བལྟས་ཏེ། །ཡུལ་གསུམ་གསལ་བར་གྱུར་པ་དང་། །རིན་ཆེན་འབར་བའི་གཞལ་ཡས་ཁང་། །ཕྱི་ནང་མེད་པར་ཀུན་ཏུ་གསལ། །སེང་གེ་གླང་ཆེན་རྟ་དང་ཁྱུང་། །ནམ་ ― DNG014_Page_0345 ―
[མ་དཔེ་གཟིགས་ན་འདིར་གནོན།]
མཁའ་ལྡིང་གི་ཁྲི་སྟེང་ན། །ཉི་ཟླ་པདྨ་རིན་པོ་ཆེར། །རྣམ་སྣང་རྡོ་རྗེ་སེམས་དཔའ་དང་། །རིན་ཆེན་འབྱུང་ལྡན་སྣང་མཐའ་ཡས། །དོན་ཡོད་གྲུབ་པ་རིགས་མཆོག་ལྔ། །ཀུན་བཟང་ཡབ་ཡུམ་འདོད་ལས་ཆགས། །སེམས་དཔའ་སེམས་མ་མཆོད་ཚུལ་ཅན། །ས་སྙིང་ནམ་མཁའི་སྙིང་པོ་དང་། །སྤྱན་རས་གཟིགས་དབང་ཀུན་ཏུ་བཟང་། །དུང་ལྟར་དཀར་བ་དེ་དག་ཀྱང་། །རིན་ཆེན་མྱུ་གུ་རལ་གྲི་དང་། །པདྨ་རིན་ཆེན་སྙེ་མ་འཛིན། །ཕྱག་ན་རྡོ་རྗེ་དྲིལ་འཛིན་ལྗང་། །བྱམས་པ་དམར་སྐྱ་གྷུ་དྷིའོ། །སྒྲིབ་སེལ་མདོག་སྔོན་པོ་ཏི་འཛིན། །འཇམ་དཔལ་དཀར་ལྗང་ཨུཏྤ་ལ། །ལཱ་སྱེ་སྔོན་མོ་མེ་ལོང་འཛིན། །མཱ་ལེ་སེར་མོ་རིན་ཆེན་ཕྲེང་། །པི་ཝང་རྒྱུད་འདྲེན་གཱིརྟི་དམར། །ནིརྟི་ལྗང་གུ་ཅོད་པན་འཆང་། །མེ་ཏོག་མ་དང་བདུག་པ་མོ། །མར་མེ་དག་བྱེད་དྲི་ཆབ་མ། །གཉིས་མེད་དབྱིངས་ཀྱི་ངང་དུ་འཁྲིལ། །ཐུབ་དྲུག་ཏ་ཀྲྀཏ་སྒོ་བ་བརྒྱད། །ཐོད་དབྱུག་རྣམ་རྒྱལ་གཤིན་རྗེ་གཤེད། །སྟོབས་ཆེན་རྡོ་རྗེ་རྩེ་གསུམ་མོ། །རྟ་མགྲིན་ཐོད་སྦྲུལ་པདྨ་འཆང་། །སྣ་ཚོགས་རྡོ་རྗེ་བདུད་རྩི་འཁྱིལ། །རོ་ལངས་མི་ཕམ་རལ་གཅིག་མ། །ཁྲོ་གཉེར་མ་སྟེ་ཡུམ་འདི་དག །ལྕགས་ཀྱུ་ཞགས་པ་ལྕགས་སྒྲོག་དྲིལ། །རིམ་བཞིན་ཐོགས་པ་ཕྱོགས་ཀྱི་མདོག །འོད་ཟེར་འབར་བའི་ཚོགས་ཆེན་པོ། །འབར་བའི་ཕྲེང་བས་འཁྲིགས་པའི་འོད། །ཞི་བའི་ཚུལ་དགུ་བསྟན་པ་ཡིས། །ཆགས་པ་ཅན་ལ་དངོས་གྲུབ་སྟེར། །ཨཱོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨ། ཐོག་མཐའ་ཨོཾ་དང་ཨཱཿབཞག་ནས། །བར་ན་བཅུ་གཉིས་གྲངས་མཛེས་པ། །བཞི་བཅུ་རྩ་གཉིས་སྙིང་པོ་ཡིན། །དེ་ནས་སྟོང་ཉིད་ཡིན་ཤེས་ནི། །རང་གི་སེམས་སུ་རྣམ་པར་བརྟག །རྟག་པའི་སྤྱོད་ལམ་ལ་ཞེན་པ། །སྣང་ལ་མ་ཞེན་སྒྱུ་མར་གནས། །དག་པའི་ཡུལ་དུ་ལོངས་སྤྱོད་བྱེད། །རང་གི་སེམས་ལས་བྱུང་བར་རྫོགས། །རྣལ་འབྱོར་ཡོ་བྱད་རྣམ་གཉིས་སོ། །རང་ལས་བྱུང་ཞིང་རང་ལས་སྤྱོད། །དེས་ན་རྣལ་འབྱོར་དབང་ཕྱུག་ཆེ། །གསང་བའི་དགྲ་གསུམ་སོད་པ་དང་། །འཇིགས་པའི་བདུད་བཞི་ཆོམ་གྱུར་ ― DNG014_Page_0346 ―
[མ་དཔེ་གཟིགས་ན་འདིར་གནོན།]
ནས། །འགྲོ་དྲུག་གཡང་ས་ཆོད་པ་ཡི། །ཚད་དང་ལྡན་པར་གྱུར་པ་ན། །སངས་རྒྱས་བཞི་བཅུ་རྩ་གཉིས་བརྟག །བདེ་གཤེགས་ཀུན་གྱི་ངོ་བོ་སྟེ། །རང་ལས་བྱུང་ཞིང་རང་ལས་གྲོལ། །ཞེས་གསུངས་སོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། ཞི་བ་བཞི་བཅུ་རྩ་གཉིས་སྒྲུབ་པའི་ཐབས་ཀྱི་ལེའུ་སྟེ་གསུམ་པའོ།། །།རྡོ་རྗེ་སེམས་དཔས་ཡང་ཞུས་པ། །ཨེ་མ་སྤྱི་དཔལ་ཀུན་ཏུ་བཟང་། །དེ་ཉིད་རིགས་ལྔ་སྒྲུབ་པའི་ཐབས། །ཉོན་མོངས་རྣམས་ཀྱིས་གཉེན་པོ་ཆེ། །ལེགས་པ་ཉིད་དུ་བཤད་དུ་གསོལ། །སྤྱི་དཔལ་ཆེན་པོས་བཀའ་སྩལ་པ། །དེ་ཉིད་རིགས་ལྔ་བསྒྲུབ་འདོད་པས། །ཡིད་འོང་དབེན་པའི་ས་ཕྱོགས་སུ། །མཎྜལ་བྱི་དོར་གནས་ནས་སུ། །བདུད་རྩི་རྣམ་ལྔས་ཆག་ཆག་གདབ། །དཔའ་བོ་འབྲུ་ལྔའི་དམིགས་རྟེན་དགོད། །ཡུལ་གསུམ་གསལ་བར་གྱུར་པ་དང་། །དཀྱིལ་འཁོར་འཁོར་ལོ་རྩིབས་བཞི་ལ། །གྲུ་ཆད་སྒོ་བཞི་རྒྱན་གྱིས་མཛེས། །ཕྱི་ནང་མེད་པར་ཀུན་ཏུ་གསལ། །སེང་གེ་གླང་རྟ་རྨ་བྱ་ཁྱུང་། །ཉི་ཟླ་པདྨའི་གདན་སྟེངས་སུ། །དབུས་སུ་རྣམ་པར་སྣང་མཛད་དེ། །ཤར་དུ་རྡོ་རྗེ་སེམས་དཔའ་ལ། །ལྷོ་རུ་རིན་ཆེན་འབྱུང་ལྡན་ཡིན། །ནུབ་ཏུ་སྣང་བ་མཐའ་ཡས་སོ། །བྱང་དུ་དོན་ཡོད་གྲུབ་པ་སྟེ། །རང་རང་རིགས་ཀྱི་ཁ་དོག་ལ། །འཁོར་ལོ་དེ་བཞིན་རྡོ་རྗེ་དང་། །རིན་པོ་ཆེ་དང་པདྨ་དང་། །རལ་གྲི་གཡས་ནི་རིམ་བཞིན་འཛིན། །གཡོན་པ་ཀུན་ནི་དྲིལ་བུ་བསྣམས། །ཡུམ་རྣམས་ཡབ་དང་གཉིས་མེད་འཁྲིལ། །དེ་ལྟར་བརྟན་པ་ཐོབ་པ་དང་། །གསང་བའི་སྙིང་པོ་ལྔ་ཡིས་སྦྱངས། །ཨོཾ་ཧཱུཾ་ཏྲཱཾ་ཧྲཱྀཿཨ། ཨོཾ་ཧཱུཾ་སྭཱ་ཨཱཿཧཱ། ཡང་བྱུང་། ཕྱོགས་བཅུའི་སངས་རྒྱས་ཐམས་ཅད་ནི། །དོན་མཚོན་རྒྱལ་བ་རིགས་ལྔར་འདུས། །རིགས་ལྔ་དཔའ་བོ་འབྲུ་ལྔར་འདུས། །འབྲུ་ལྔ་ཡི་གེ་ཨར་འདུས་ཤིང་། །དེ་ཉིད་སྐྱེ་མེད་ཀློང་དུ་ཐིམ། །བདེ་གཤེགས་དགོངས་བཅུད་ངེས་དོན་འདིས། །སྐུ་ལྔ་ཡེ་ཤེས་རྣམ་ལྔ་ཡིས། །དངོས་གྲུབ་དམ་པ་འཐོབ་པར་འགྱུར། ། ― DNG014_Page_0347 ―
[མ་དཔེ་གཟིགས་ན་འདིར་གནོན།]
ཞེས་གསུངས་སོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། དེ་ཁོ་ན་ཉིད་རིགས་ལྔ་སྒྲུབ་པའི་ལེའུ་སྟེ་བཞི་པའོ།། །།རྡོ་རྗེ་སེམས་དཔས་ཡང་ཞུས་པ། །སྤྱི་དཔལ་ཆེན་པོ་ཀུན་ཏུ་བཟང་། །བདེ་བར་གཤེགས་པ་ཀུན་འདུས་པའི། །གསང་ཆེན་རིགས་གཅིག་སྒྲུབ་པའི་ཐབས། །ལེགས་པ་ཉིད་དུ་བཤད་དུ་གསོལ། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་རྡོ་རྗེ་སེམས་དཔའ་ཆེ། །གསང་ཆེན་རིགས་གཅིག་བསྒྲུབ་འདོད་པས། །ཕུན་སུམ་ཚོགས་པའི་གནས་དག་ཏུ། །དཀྱིལ་འཁོར་བྱི་དོར་བྱས་ནས་ནི། །དྲི་ཞིམ་སྤོས་ཀྱིས་ཆག་ཆག་གདབ། །མཐིང་ག་ཧཱུཾ་ཡིག་དམིགས་པའི་རྟེན། །ཡུལ་གསུམ་གསལ་བར་གྱུར་པ་དང་། །བདག་ཉིད་རྡོ་རྗེ་སེམས་དཔའ་ནི། །སྐུ་མདོག་དཀར་པོ་ཤེལ་ལྟར་དྭངས། །གཡས་པས་རྡོ་རྗེ་ཐུགས་ཀར་འཛིན། །གཡོན་པས་དྲིལ་བུ་དཀུ་ལ་བརྟེན། །ཉི་ཟླ་པདྨའི་གདན་ལ་བཞུགས། །རྒྱན་དང་ཆ་ལུགས་ལྡན་པར་བསྒོམ། །དེ་ཡི་སྤྱི་བོ་མགྲིན་པ་དང་། །སྙིང་ག་གནས་ནི་གསུམ་པོ་རུ། །འཁོར་ལོ་པདྨ་རྡོ་རྗེའི་སྟེང་། །ཨཱོཾ་དང་ཨཱཿདང་ཧཱུཾ་དག་གིས། །ཡིག་འབྲུ་གསུམ་གྱི་འཕྲོ་འདུ་ཡིས། །བདེ་གཤེགས་སྐུ་གསུང་ཐུགས་བསྐུལ་ཞིང་། །ཁམས་གསུམ་སེམས་ཅན་ཐམས་ཅད་ཀྱི། །སྒྲིབ་པ་རྣམ་གསུམ་སྦྱང་ཕྱིར་བཟླས། །ཕྱོགས་བཅུའི་སངས་རྒྱས་དེ་བཞིན་གཤེགས། །རིགས་བརྒྱ་རིགས་ལྔ་ཇི་སྙེད་རྣམས། །གསང་ཆེན་རིགས་གཅིག་འདི་ལ་འདུས། །སྙིང་པོ་ཡི་གེ་འབྲུ་གསུམ་གྱིས། །སྐུ་གསུང་ཐུགས་ཀྱི་དངོས་གྲུབ་འཐོབ། །ཟླ་གཅིག་ཟླ་དྲུག་བཅུ་གཉིས་ཀྱིས། །ལྷུན་གྱིས་གྲུབ་པའི་ས་ལ་སྦྱོར། །གདེང་ཆེན་ཐོབ་པ་ཟླ་བ་གཅིག །བརྟན་པ་ཐོབ་པ་ཟླ་བ་དྲུག །སྟོབས་སུ་གྱུར་པ་བཅུ་གཉིས་ཡིན། །མཐུན་པར་ཀུན་ལ་སྤྱོད་ལ་འཇུག །དངོས་གྲུབ་འཐོབ་པར་གདོན་མི་ཟ། །ཞེས་གསུངས་སོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། གསང་ཆེན་རིགས་གཅིག་སྒྲུབ་པའི་ཐབས་ཀྱི་ལེའུ་སྟེ་ལྔ་པའོ།། །།རྡོ་ ― DNG014_Page_0348 ―
[མ་དཔེ་གཟིགས་ན་འདིར་གནོན།]
རྗེ་སེམས་དཔས་ཡང་ཞུས་པ། །ཨེ་མ་སྤྱི་དཔལ་ཀུན་ཏུ་བཟང་། །རིགས་ལྔའི་བྱེ་བྲག་དེ་དག་རྣམས། །རྣམ་པར་ཕྱེ་སྟེ་བསྒྲུབ་པ་གང་། །ཕྱི་མའི་དོན་དུ་རིམ་བཞིན་གསུངས། །ཀུན་ཏུ་བཟང་པོས་བཀའ་སྩལ་པ། །ཉོན་ཅིག་རྡོ་རྗེ་སེམས་དཔའ་ཆེ། །རྣམ་པར་སྣང་མཛད་དེ་བཞིན་གཤེགས། །དེ་བཞིན་རིགས་མཆོག་བསྒྲུབ་འདོད་པས། །ཧཱུཾ་ཆེན་གསེར་གྱི་མདོག་འདྲ་བ། །དེ་བཞིན་རིགས་ཀྱི་ས་བོན་ཏེ། །སྣ་ཡི་རྩེ་ལ་གཏད་པར་བྱ། །དམིགས་པ་ཡུལ་གསུམ་གསལ་བ་དང་། །མཁས་པས་རྣམ་པར་སྣང་མཛད་ཉིད། །སྐུ་མདོག་དཀར་པོ་འོད་ཟེར་འབར། །གསལ་འཚེར་ལྷུན་སྡུག་གཟི་བྱིན་འབར། །ཕྱག་ན་གསེར་གྱི་འཁོར་ལོ་བསྣམས། །གླང་སེང་ཡིན་ནམ་ཆེན་བསྣོལ་བའི་གདན་ལ་བཞུགས། །དེ་ལྟར་གསལ་ཞིང་བརྟན་པ་དེས། །གསང་བའི་དགྲ་གསུམ་སོད་པ་དང་། །འཇིག་པའི་བདུད་བཞི་ཆོམ་མ་ཆོམ། །འགྲོ་དྲུག་གཡང་ས་ཆོད་མ་ཆོད། །ཚད་དང་ལྡན་ནམ་མཁས་པས་བརྟགས། །ཚད་དང་ལྡན་པར་གྱུར་པ་ན། །རྣམ་པར་སྣང་མཛད་ཉིད་དུ་བརྟག །ཅེས་གསུངས་སོ། །དེ་བཞིན་རིགས་མཆོག་བསྒྲུབ་པའོ། །རྡོ་རྗེ་སེམས་དཔའ་དེ་བཞིན་གཤེགས། །རྡོ་རྗེའི་རིགས་མཆོག་བསྒྲུབ་འདོད་པས། །ཚོན་གང་ཧཱུཾ་ཡིག་ཤེལ་གྱི་མདོག །རྡོ་རྗེ་རིགས་ཀྱི་ས་བོན་ཏེ། །སྣ་ཡི་རྩེ་ལ་གཏད་པར་བྱ། །དེ་ལ་དམིགས་པ་གསལ་བརྟན་ནས། །ཡུལ་གསུམ་གསལ་བར་གྱུར་པ་དང་། །མཁས་པས་རྡོ་རྗེ་སེམས་དཔའ་ཉིད། །སྐུ་མདོག་མཐིང་ག་འོད་ཆེན་འབར། །གཡས་གཡོན་རྡོ་རྗེ་དྲིལ་བུ་བསྣམས། །གླང་ཆེན་བསྣོལ་བའི་གདན་ལ་བཞུགས། །དེ་ལྟར་གསལ་ཞིང་བརྟན་པ་དེས། །ཚད་དང་ལྡན་པར་གྱུར་པ་ན། །མཁས་པས་རྡོ་རྗེ་སེམས་དཔར་བརྟག །ཅེས་གསུངས་སོ། །རྡོ་རྗེ་རིགས་མཆོག་བསྒྲུབ་པའོ། །རིན་ཆེན་རིགས་མཆོག་དེ་བཞིན་གཤེགས། །རིན་ཆེན་འབྱུང་ལྡན་བསྒྲུབ་འདོད་པས། །ཧཱུཾ་ཆེན་བཙོ་མ་གསེར་གྱི་མདོག །རིན་ཆེན་རིགས་ཀྱི་ས་བོན་ཏེ། །སྣ་ཡི་རྩེ་ལ་གཏད་ ― DNG014_Page_0349 ―
[མ་དཔེ་གཟིགས་ན་འདིར་གནོན།]
པར་བྱ། །དེ་ལ་དམིགས་པ་གསལ་བརྟན་ནས། །ཡུལ་གསུམ་གསལ་བར་གྱུར་པ་དང་། །མཁས་པས་རིན་ཆེན་འབྱུང་ལྡན་ཉིད། །སྐུ་མདོག་སེར་པོ་འོད་ཟེར་འབར། །ཕྱག་གཉིས་རིན་ཆེན་དྲིལ་བུ་འཛིན། །ཤུགས་འཆང་རྟ་ཡི་ཁྲི་ལ་བཞུགས། །དེ་ལྟར་གསལ་ཞིང་བརྟན་པ་དེས། །ཚད་དང་ལྡན་པར་གྱུར་པ་ན། །རིན་ཆེན་འབྱུང་ལྡན་ཉིད་དུ་བརྟག །ཅེས་གསུངས་སོ། །རིན་ཆེན་རིགས་མཆོག་འགྲུབ་པའོ། །པདྨ་རིགས་མཆོག་དེ་བཞིན་གཤེགས། །སྣང་བ་མཐའ་ཡས་བསྒྲུབ་འདོད་པས། །དམར་པོ་ཧཱུཾ་གི་ངོ་བོ་ལས། །པདྨ་རིགས་ཀྱི་ས་བོན་ཏེ། །སྣ་ཡི་རྩེ་ལ་གཏད་པར་བྱ། །དེ་ལ་དམིགས་པ་རབ་བརྟན་ནས། །ཡུལ་གསུམ་གསལ་བར་གྱུར་པ་དང་། །མཁས་པས་སྣང་བ་མཐའ་ཡས་ཉིད། །སྐུ་མདོག་དམར་ལ་འོད་ཟེར་འབར། །ཕྱག་གཉིས་པདྨ་དྲིལ་བུ་བསྣམས། །རྨ་བྱ་བསྣོལ་བའི་གདན་ལ་བཞུགས། །དེ་ལྟར་གསལ་ཞིང་བརྟན་པ་དེས། །ཚད་དང་ལྡན་པར་གྱུར་པ་ན། །སྣང་བ་མཐའ་ཡས་ཉིད་དུ་བརྟག །ཅེས་གསུངས་སོ། །པདྨ་རིགས་མཆོག་བསྒྲུབ་པའོ། །ལས་ཀྱི་རིགས་མཆོག་དེ་བཞིན་གཤེགས། །དོན་ཡོད་གྲུབ་པ་བསྒྲུབ་འདོད་པས། །ལྗང་གུ་ཧཱུཾ་གི་ས་བོན་ལས། །ལས་ཀྱི་རིགས་ཀྱི་ས་བོན་ཏེ། །སྣ་ཡི་རྩེ་ལ་གཏད་པར་བྱ། །དེ་ལ་དམིགས་པ་རབ་བརྟན་ནས། །ཡུལ་གསུམ་གསལ་བར་གྱུར་པ་དང་། །མཁས་པས་དོན་ཡོད་གྲུབ་པ་ཉིད། །སྐུ་མདོག་ལྗང་གུ་འབར་བ་ལ། །གཡས་པས་རྒྱ་གྲམ་གཡོན་དྲིལ་བུ། །གསར་འཚེར་ལྷུན་སྡུག་གཟི་བྱིན་འབར། །མཁའ་ལྡིང་ཤང་ཤང་ཁྲི་སྟེང་ན། །ཉི་ཟླ་པདྨའི་གདན་ལ་བཞུགས། །དེ་ལྟར་གསལ་ཞིང་བརྟན་པ་དེས། །ཚད་དང་ལྡན་པར་གྱུར་པ་ན། །དོན་ཡོད་གྲུབ་པ་ཉིད་དུ་བརྟག །ཅེས་གསུངས་སོ། །ལས་ཀྱི་རིགས་མཆོག་བསྒྲུབ་པའོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། ཞི་བ་ཕྱག་རྒྱ་རྐྱང་བར་བསྒྲུབ་པའི་ལེའུ་སྟེ་དྲུག་པའོ།། །། ཞི་བའི་སྐབས་ཏེ་དང་པོའོ།། །།དེ་ནས་དཔལ་ཀུན་ཏུ་བཟང་པོ་དེ། ཆོས་ཐམས་ ― DNG014_Page_0350 ―
[མ་དཔེ་གཟིགས་ན་འདིར་གནོན།]
ཅད་སྟོང་པ་ཆེན་པོ། སྐུ་གསུང་ཐུགས་མི་དམིགས་པ་མཉམ་པ་ཉིད་ཀྱི་ངང་ལ་བཞུགས་པ་ལ། ཡུམ་ཀུན་ཏུ་བཟང་མོ་སྐད་ཅིག་གིས། གསང་བའི་ཡུམ་ཁྲོ་མོ་གནམ་ཞལ་མར་གྱུར་ནས། གསང་བའི་གླུ་འདི་བླངས་ཏེ་བསྐུལ་ཏོ། །ཧོ་ཡོད་མེད་སྟོང་པ་ཤིན་ཏུ་རྣལ་འབྱོར་མཐུས། །ཆོས་ཀྱི་དབྱིངས་ལས་དམ་ཚིག་ཉེ་བར་བཞེངས། །ཡེ་ཤེས་རྒྱ་མཚོ་རྣམ་པར་གྲོལ་བའི་ཀློང་། །མི་གནས་མི་དམིགས་ཆོས་ཀྱི་དབྱིངས་ནས་བཞེངས། །ཞེས་བསྐུལ་བས། དཔལ་ཀུན་ཏུ་བཟང་པོ་སྟོང་པ་ཉིད་ཀྱི་ངང་ལས། ཆེ་མཆོག་ཧེ་རུ་ཀའི་སྐུ་མངོན་པར་ཕྱུང་ནས། གསང་བའི་ཡུམ་གནམ་ཞལ་མ་ལ་གཟིགས་ཏེ། རོལ་པའི་ཆོས་སྣ་ཚོགས་མཛད་དོ། །དེ་ནས་ཡུམ་གྱི་རོལ་པ་ཆེན་པོའི་གླུ་འདིས་གསོལ་བ་བཏབ་བོ། །ཚོགས་ཆེན་གཉིས་རྫོགས་དོན་དམ་དབྱིངས་ཀྱི་ལྷ། །ལོངས་སྤྱོད་རྫོགས་མཛད་རོལ་པ་ཆེན་པོ་ཡིས། །ཆེ་མཆོག་ཧེ་རུ་ཀ་བཟང་དཔལ་ཆེན་ཁྱོད། །ཐབས་ཀྱི་རོལ་པས་བདེ་ཆེན་དབྱིངས་ནས་བཞེངས། །ཞེས་བསྐུལ་བས། ཆོ་འཕྲུལ་ཆེན་པོའི་རྣམ་པས་ཀུན་ལ་ཁྱབ་པར་མཛད་དོ། །དེ་ནས་ཡང་། ཡུམ་གྱིས་ཡབ་ལ་ཆོ་འཕྲུལ་འབྱུང་བའི་གླུ་འདིས་གསོལ་བ་བཏབ་བོ། །ཧོ་ཡེ་ཤེས་སྒྱུ་མ་རྣམ་པར་རོལ་པའི་སྐུ། །ཐབས་དང་ཤེས་རབ་ཆེ་ལ་མངའ་བརྙེས་པའི། །ཐུགས་རྗེའི་སྤྲུལ་པ་མང་པོ་འབྱུང་བའི་གནས། །བདེ་གཤེགས་བདེ་བར་གཤེགས་མཛད་སྐུ་བཞེངས་ཤིག །ཅེས་བསྐུལ་བས། དཔལ་ཆེན་པོ་འཇིགས་བྱེད་འབར་བའི་སྐུར་བཞེངས་སོ། །དེ་ནས་ཡུམ་ཀུན་ཏུ་བཟང་མོ་འཁོར་དང་བཅས་པ་དེ་དག་ཐམས་ཅད་ཀྱིས་མགྲིན་གཅིག་ཏུ་གླུ་འདིས་བསྐུལ་ཏེ་གསོལ་བ་བཏབ་བོ། །ཨེ་མ་ཧོ་ཡིད་བཞིན་སྐུ་མཆོག་ཉི་མ་ལྟ་བུ་ལས། །བྱམས་པའི་བྱིན་རླབས་ཆེ་མཆོག་གར་མཛོད་ཅིག །གཟི་བྱིན་སྤྲིན་ཕུང་རོལ་པས་བསྒྱིངས་པའི་སྐུ། །ཐོགས་མེད་ཆེ་མཆོག་རོལ་པའི་ཆོ་འཕྲུལ་སྟོན། །ཨེ་མ་ཧོ་ཡིད་བཞིན་གསུང་མཆོག་ཉི་མ་ལྟ་བུ་ལས། །བསྙེན་པའི་བྱིན་རླབས་ཆེ་མཆོག་བརྗོད་མཛོད་ཅིག །ཡན་ལག་ ― DNG014_Page_0351 ―
[མ་དཔེ་གཟིགས་ན་འདིར་གནོན།]
རྒྱ་མཚོ་མི་འཛད་བཀོད་པའི་གསུངས། །སེང་གེའི་སྒྲ་ཡིས་གསང་སྔགས་རྒྱ་མཚོ་སྟོན། །ཨེ་མ་ཧོ་ཡེ་ཤེས་སྙིང་པོ་ཉི་མ་ལྟ་བུ་ལས། །ཡེ་ཤེས་བྱིན་རླབས་ཆེ་མཆོག་དེ་མཛོད་ཅིག །ཐིག་ལེ་སྤྲོས་བྲལ་རྣམ་པར་མི་རྟོག་ཐུགས། །རྣམ་གྲོལ་དེ་ཉིད་ངེས་པའི་ཆོ་འཕྲུལ་སྟོན། །མི་ཤེས་བླུན་རྨོངས་འདམ་བྱིངས་འཁོར་བ་རྣམས། །སྡུག་བསྔལ་རྒྱ་མཚོར་བཅིངས་པ་ཐབས་ཀྱིས་ཁྲོལ། །མ་རིག་མུན་པས་ལྡོངས་པ་དོན་གྱིས་ཕྱེ། །འཁོར་བའི་རྒྱ་མཚོ་རོལ་པའི་རླུང་གིས་སྒྲོལ། །ནད་དང་མཐུན་པའི་སྨན་བཏང་ཇི་བཞིན་དུ། །གདུལ་བྱའི་དོན་དུ་སྐུ་བཞེངས་འགྲོ་བ་སྒྲོལ། །ཞེས་བསྐུལ་ལོ། །དེ་ནས་འཇིགས་བྱེད་ཆེན་པོ་དཔལ་ཆེན་ཧེ་རུ་ཀས། ཆོས་ཉིད་གདལ་བ་ཆེན་པོའི་ངང་། ཀུན་གཞི་ཡེ་ནས་འདས་པའི་དབྱིངས་ཉིད་ལས། སྐྱེ་བའི་ཆོ་འཕྲུལ་དུ་ཡེ་ཤེས་ལྔའི་རང་བཞིན། ཡུམ་གྱི་མཁའ་ཀློང་རྣམ་པར་དག་པ་འབྱུང་བ་རྣམ་པ་ལྔ་བརྩེགས་པ་ནི། ཨེ་ཡཾ་ར་སུཾ་ཀེཾ་རཾ། ཀུན་སྟོང་ནམ་མཁའི་རང་བཞིན་ཡི་གེ་ཨེ་ཡིས་མཚན་པ་དང་། འཇིག་རྟེན་འདེགས་བྱེད་རླུང་གི་དཀྱིལ་འཁོར་ཡཾ་གིས་མཚན་པ་དང་། ཐམས་ཅད་སྐྱེད་བྱེད་ཁྲག་གི་རྒྱ་མཚོར་ཡིས་མཚན་པ་ལ་འདོད་ཁམས་གནས་རིས་ཉི་ཤུ་རྫོགས་པར་གསལ། འདེགས་བྱེད་བརྟན་པའི་ཞིང་ཆེན་གྱི་ས་གཞི་སུཾ་གྱིས་མཚན་པ་ལ་གཟུགས་ཁམས་གནས་རིས་བཅུ་བདུན་རྫོགས་པར་གསལ་བ། འབྱུང་བ་དྲོད་སྙོམས་བསྐལ་པའི་མེ་རི་རཾ་གྱིས་མཚན་པ་དང་། འཇིག་རྟེན་རྟེན་བྱེད་ཀྱི་རི་རབ་ཀེཾ་གྱིས་མཚན་པ་ལ། གཟུགས་མེད་སྐྱེ་མཆེད་མུ་བཞི་རྫོགས་པར་གསལ་བ། ཀེང་རུས་རི་རབ་ཆེན་པོའི་ཁ་བདལ། རིན་པོ་ཆེ་མུ་ཏིག་འབར་བ་བཀྲམ་པ་ལ། ཉན་ཐོས་ཀྱི་ཐེག་པ་ཡོངས་སུ་རྫོགས་པ། རིན་པོ་ཆེ་ཨ་སྨ་གར་བྷ་འཁྲིགས་པ་ལ། རང་སངས་རྒྱས་ཀྱི་ཐེག་པ་ཡོངས་སུ་རྫོགས་པ། ནོར་བུ་རིན་པོ་ཆེ་འབར་བའི་བྲག་གཏམས་པ་ལ། བྱང་ཆུབ་སེམས་དཔའི་ཐེག་པ་ཡོངས་སུ་རྫོགས་པ། དེ་ལྟ་བུའི་སྟེང་ན་ཡེ་ཤེས་ལྔ་དང་ལྡན་པ་བྷནྡྷ་འབར་བའི་གཞལ་ཡས་ཁང་། མཐའ་དབུས་ ― DNG014_Page_0352 ―
[མ་དཔེ་གཟིགས་ན་འདིར་གནོན།]
མེད་པར་ཀུན་ཏུ་ཁྱབ་པ། ཏཱ་ལའི་སྐྱེད་ཤིང་དང་གསེར་གྱི་ཅོང་ཅོང་འཁྲོལ་བ། དཀྱིལ་འཁོར་ཆེན་པོ་ཐེག་པ་ཡོངས་སུ་རྫོགས་པ་དགུ་དང་ལྡན་པ། བརྗོད་པར་དཀའ་བའི་དུར་ཁྲོད་ཆེན་པོ། རཀྟའི་རྦ་ཀློང་འཁྱིལ་པ། རུས་པའི་ཕུང་པོ་འཁྲོལ་བ། ཁྲག་ཞག་གི་ཞམ་ཆུ་འབབ་པ། བྷནྡྷ་གསར་རྙིང་བརྩེགས་པ། ལྷ་ཆེན་པོ་ཚངས་པའི་ཀ་གདུང་། ལྷ་བྲན་གྱི་དྲལ་གྲབ། ཞིང་གི་རྐང་རྩིབ་ཀྱི་དྲལ་བུ། ཞིང་ལྤགས་ཀྱི་ཐོག་ཕུབ་པ། ཞིང་ཆེན་རློན་པའི་འཕན་གདུགས། རྒྱུ་མའི་ལྡ་ལྡིས་བརྒྱན་པ། དྲ་བ་དང་དྲ་བ་ཕྱེད་པ་དང་། རྟ་བབས་ཆེན་པོ་བཞི་པ། དུར་ཁྲོད་ཀྱི་མེ་རི་དམར་ནག་དང་། རྡོ་རྗེའི་ར་བས་བསྐོར་བ་ལ། སྔགས་ཀྱི་ཐེག་པ་ཡོངས་སུ་རྫོགས་པ། དབུས་ཀྱི་ཕོ་བྲང་རྡོ་རྗེའི་བྲག་ཆེན་གཏམས་པ་ལ། པདྨ་དམར་པོ་འདབ་མ་སྟོང་དུ་ལྡན་པ་ལ། རྣལ་འབྱོར་གསུམ་གྱི་ཐེག་པ་ཡོངས་སུ་རྫོགས་པ། དེ་ལྟར་མ་ཆགས་པདྨ་འབར་བའི་ཁར། ཐབས་དང་ཤེས་རབ་ཉི་ཟླའི་སྟེང་དུ། ལྷ་བརྒྱད་ཀླུ་བརྒྱད་བསྣོལ་བའི་གདན་ལ། བྱོལ་སོང་གཙོ་བོ་བརྒྱད་ཀྱི་ཁྲི་བཤམས་པ་ནི། དཔའ་གཏུམ་ཆེན་པོ་སྟག་གི་ཁྲི་དང་། འཇིགས་བྱེད་ཆེན་པོ་སེང་གེའི་ཁྲི་དང་། གདུག་པ་ཆེན་པོ་གཟིག་གི་ཁྲི་དང་། གཏུམ་པ་ཆེན་པོ་དོམ་གྱི་ཁྲི་དང་། སྟོབས་ཀྱི་རྒྱལ་པོ་གླང་པོ་ཆེའི་ཁྲི་དང་། བརྗིད་པའི་རྒྱལ་པོ་མ་ཧེའི་ཁྲི་དང་། འཇིགས་པར་བྱེད་པ་ཆུ་སྲིན་གྱི་ཁྲི་དང་། ཞེ་སྡང་གི་རྒྱལ་པོ་སྦྲུལ་གྱི་ཁྲི་སྟེ། ཁྱད་པར་ངོ་མཚར་རྨད་དུ་བྱུང་བའི་བྱོལ་སོང་ཆེན་པོ་བརྒྱད་ཀྱི་ཁྲི་སྟེངས་སུ། སྲིད་པའི་འཁོར་ལོ་ལོག་པའི་ལམ་གྱི་དྲ་བ་གཅོད་པའི་འཁོར་ལོའི་གདན་ལ། ཆོས་ཀྱི་སྐུ་ལས་ལོངས་སྤྱོད་རྫོགས་པའི་སྐུ་དཔལ་ཆེ་མཆོག་ཧེ་རུ་ཀ་ཞེས་བྱ་བ། དབུ་ཉི་ཤུ་རྩ་གཅིག་དུས་གསུམ་གྱི་སངས་རྒྱས་ཀྱི་ས་རྣམས་ཡོངས་སུ་གནོན་པ། ཕྱག་བཞི་བཅུ་རྩ་གཉིས་ཀྱི་གཡས་དང་གཡོན་ཞི་བའི་ལྷ་བཞི་བཅུ་རྩ་གཉིས། ཡབ་ཡུམ་ཐབས་དང་ཤེས་རབ་ཀྱི་ཚུལ་དུ་བསྣམས་པས། སངས་རྒྱས་ཐམས་ཅད་ཀྱི་ཡང་རྗེ་བོར་གྱུར་པ། རྒྱ་བྱི་ ― DNG014_Page_0353 ―
[མ་དཔེ་གཟིགས་ན་འདིར་གནོན།]
ཆེན་པོ་ལྕགས་ཀྱི་ཆས་དང་། བསེ་ཁྲབ་དབང་གི་ཆས་དང་། གཅན་གཟན་གཟིག་གི་ཆས་དང་། སྤྲུལ་པ་རྡོ་རྗེའི་ཆས་དང་། གདུག་པ་སྦྲུལ་གྱི་ཆས་དང་། དཔའ་བོ་སྟག་གི་ཆས་དང་། གཟི་མདངས་ཞིང་ལྤགས་ཀྱི་ཆས་དང་། དམར་གསལ་ཁྲག་གི་ཆས་དང་། རྩལ་ཆེན་སེང་གེའི་ཆས་དང་། གཏུམ་པ་དོམ་གྱི་ཆས་ཏེ། དཔལ་གྱི་ཆས་བཅུས་བརྒྱན་པའི་སྐུར་ཡོངས་སུ་བཞེངས་སོ། །དེ་ལྟར་འཇིགས་བྱེད་ཆེན་པོའི་སྐུ་དང་གཞལ་ཡས་ཁང་ལ་ཆོས་ཐམས་ཅད་ཡོངས་སུ་རྫོགས་པ་ལ་ཡུམ་དང་འཁོར་རྣམས་ཀྱིས་འདི་སྐད་ཅེས་བསྟོད་དོ། །ཨེ་མ་ཧོ། ཆོས་ཀུན་སྐུ་ལ་ཡོངས་རྫོགས་ཆོས་ཀྱི་སྐུ། །སྤྲིན་མེད་མཁའ་ལ་སྐར་ཚོགས་བརྒྱན་པའི་སྐུ། །རྫོགས་པ་ཆེན་པོའི་ཆེ་མཆོག་ཧེ་རུ་ཀ །རྡོ་རྗེ་ཕྱག་འཚལ་ཧེ་རུ་ཀ་དཔལ་ལའོ། །ཞེས་བསྟོད་པས། ཡབ་ཆེ་མཆོག་གིས་ཡུམ་ཁྲོ་མོ་གནམ་ཞལ་མ་ལ་དགྱེས་པ་ཆེན་པོའི་མདངས་ཀྱིས་གཟིགས་ཏེ། ཡུམ་གྱིས་སྐུ་ལ་དགྱེས་པའི་མཆོད་པ་ཕུལ་བས། ཡུམ་གྱི་མཁའ་ལས་བྱང་ཆུབ་ཀྱི་སེམས་ཀྱི་འོད་ཟེར་ལས། སྤྲུལ་པའི་ཁྲོ་བོ་བསམ་གྱིས་མི་ཁྱབ་པ་ཕྱོགས་བཅུ་ཐམས་ཅད་དུ་འཕྲོས་པས། འཇིག་རྟེན་གྱི་དྲེགས་པ་ཅན་ལྷ་ཆེན་པོ་ཉི་ཤུ་རྩ་གཅིག་ལས་སྩོགས་པ་ཐམས་ཅད་བསྒྲལ་ཏེ། བཏུལ་ཞིང་ཚར་བཅད་ནས། སླར་ཕྱོགས་མཚམས་བརྒྱད་དུ་འདུས་པ་ལས། ཤར་དུ་ཐུགས་ལས་སྤྲུལ་པ་བཛྲ་ཧེ་རུ་ཀ་ཞེས་བྱ་བ་དང་། ལྷོར་སྐུ་ལས་སྤྲུལ་པའི་གཤིན་རྗེ་གཤེད་པོ་ཞེས་བྱ་བ་དང་། ནུབ་ཏུ་གསུང་གི་སྤྲུལ་པ་དཔལ་རྟ་མགྲིན་དང་། བྱང་དུ་ཕྲིན་ལས་ཀྱི་སྤྲུལ་པ་རྡོ་རྗེ་གཞོན་ནུ་དང་། ཤར་ལྷོར་བརྗིད་པའི་སྟོབས་ཅན་བླ་མེད་ཧེ་རུ་ཀ་དང་། ནུབ་བྱང་དུ་འཇིགས་པའི་སྟོབས་ཅན་དྲེགས་པ་ཀུན་འདུལ་བ་དང་། བྱང་ཤར་དུ་གྱད་ཀྱི་སྟོབས་ཆེན་གྱི་སྤྲུལ་པ་སྟོབས་ལྡན་ནག་པོ་དང་། ལྷོ་ནུབ་རིགས་འཛིན་རྡོ་རྗེ་ཆོས་ལས་སྩོགས། སོ་སོའི་འཁོར་ཚོགས་ཡུམ་དང་བཅས་པ་འདུས་ཏེ། ཁམས་གསུམ་སྲིད་གསུམ་ཐམས་ཅད་འཇིགས་པར་བྱེད་པ་ཁྲོ་བོའི་ཚོགས་ཕོ་བྲང་དགུ་དང་བཅས་པ། ཡབ་ཡུམ་གྱི་མཁའ་ལས་སྤྲུལ་ཏེ་ ― DNG014_Page_0354 ―
[མ་དཔེ་གཟིགས་ན་འདིར་གནོན།]
གསལ་བར་གྱུར་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། ཁྲོ་བོ་མངོན་བྱུང་གི་དཀྱིལ་འཁོར་སྤྲུལ་པའི་ལེའུ་སྟེ་བདུན་པའོ།། །།དེ་ནས་རིགས་བཞིའི་ཧེ་རུ་ཀས། དཔལ་ཆེན་པོ་ལ་ཕྱག་དང་བསྐོར་བ་བྱས་ཏེ་ཞུས་པ། ཨེ་མ་སྤྱི་དཔལ་ཧེ་རུ་ཀ །སངས་རྒྱས་ཀུན་གྱི་ཡང་རྗེ་བོ། །ཤིན་ཏུ་ཁྲོ་ཞིང་གཏུམ་པ་ཡི། །གདུག་བྱེད་ལོག་ལྟ་ཅན་རྣམས་ལ། །ཞི་བས་ཕན་པར་མི་འགྱུར་ཏེ། །སངས་རྒྱས་ཐུགས་རྗེ་ཁྲོས་པ་ཡིས། །འཁོར་བའི་གནས་ངན་ཇི་ལྟར་འདུལ། །དཔལ་ཆེན་ཡབ་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །ཆེ་མཆོག་ཡབ་ཀྱིས་བཀའ་སྩལ་པ། །ཉོན་ཅིག་རིགས་བཞིའི་ཧེ་རུ་ཀ །དྲེགས་པས་ཁེངས་པའི་རཱུ་ཏྲ་རྣམས། །ཞི་བས་ཐུལ་བར་མ་གྱུར་ནས། །སངས་རྒྱས་ཐུགས་རྗེ་ཁྲོས་པ་ནི། །ཐམས་ཅད་འཇིགས་པའི་མཆོག་ཡིན་ཏེ། །འཇིགས་བྱེད་ཆེན་པོའི་དཀྱིལ་འཁོར་དུ། །བཀའ་བཞིན་དུ་ནི་བསྒྲུབ་པར་བྱ། །གང་ཞིག་ཁྲོ་བོ་བསྒྲུབ་པའི་གནས། །དུར་ཁྲོད་ཆེན་པོ་རབ་འཇིགས་པ། །གནམ་ས་གྲུ་གསུམ་བར་གནས་པ། །རི་ནི་སོག་པོ་ཁྲོས་པ་འདྲ། །ཤིང་དང་གཅན་གཟན་རྒྱུ་བའི་གནས། །རབ་ཏུ་འཇིགས་པའི་གནས་དེ་རུ། །དུར་ཁྲོད་ས་ལ་མཎྜལ་བྱ། །བདུད་རྩི་ལྔ་ཡིས་ཆག་ཆག་གདབ། །བ་སུ་ཏ་ཡི་སྐུད་པ་ཡིས། །ཐིག་ནི་བཅུ་དྲུག་དག་ཏུ་གདབ། །དེ་ལས་དཀྱིལ་འཁོར་ཆེན་པོ་དགུ། །ཀུན་ཀྱང་འཁོར་ལོ་རྩིབས་བཞི་ལ། །གྲུ་ཆད་བར་ཁྱམས་སྒོ་བཞིར་ལྡན། །དེ་དག་ཕྱི་ཁྱམས་སྒོ་རྣམས་དང་། །སྒོ་རྒྱན་ལྕགས་རི་ལྡན་པ་ནི། །ཚོན་སྣ་ལྔ་ཡིས་ལེགས་པར་བྲི། །དུར་ཁྲོད་རྒྱན་དང་མཆོད་པའི་ཚོགས། །དཀྱིལ་འཁོར་རྒྱན་རྣམས་ལེགས་པར་དགོད། །དུལ་ཚོན་དཀྱིལ་འཁོར་དེ་དག་ཀྱང་། །སོ་སོའི་ལྷ་ཚོགས་ལྡན་པར་བསྒོམ། །ཁྱད་པར་བྱོལ་སོང་ཁྲི་སྟེངས་སུ། །ཡེ་ཤེས་སེམས་དཔའ་བབ་གྱུར་ཏེ། །སྤྲོ་བསྡུ་ཆོ་ག་གསུམ་སྦྱོར་བས། །བདག་ཉིད་ཆེ་མཆོག་ཧེ་རུ་ཀ །སྐུ་མདོག་སྨུག་ནག་འབར་བ་ལ། །འཇིགས་པའི་དབུ་ ― DNG014_Page_0355 ―
[མ་དཔེ་གཟིགས་ན་འདིར་གནོན།]
ནི་ཉི་ཤུ་གཅིག །བདེ་གཤེགས་ཞི་བ་བཞི་བཅུ་གཉིས། །ཕྱག་ཏུ་བསྣམས་ནས་ཞབས་བརྒྱད་བགྲད། །དུར་ཁྲོད་འཇིགས་པའི་ཆས་ཀྱིས་བརྒྱན། །རྔོམ་བརྗིད་སྐུར་བསྐྱེད་མཉེས་པའི་ཡུམ། །ཁྲོ་མོ་གནམ་ཞལ་དབྱིངས་ཕྱུག་མ། །དབུ་དགུ་ཕྱག་ཀྱང་བཅོ་བརྒྱད་དེ། །སྟོང་པ་བཅོ་བརྒྱད་དབྱིངས་དང་སྦྱོར། །གཡས་པ་ཐབས་མཆོག་གཙོ་ལ་འཁྱུད། །གཡོན་པ་དུང་ཁྲག་སྟོབ་བྱེད་པའི། །ཡབ་ཡུམ་གཉིས་མེད་སྦྱོར་བྱས་ཏེ། །མཁའ་ལས་ཁྲོ་བོ་འཆོལ་བར་སྤྲོ། །སླར་ཡང་ཁྲོ་བོའི་སྤྲིན་བསྡུས་ནས། །ཕྱོགས་བཞི་མཚམས་བཞིར་འདུས་པ་ལས། །སོ་སོའི་དཀྱིལ་འཁོར་གཙོ་བོར་བསྐྱེད། །རང་རང་རིགས་ཀྱི་འཁོར་རྣམས་ཀུན། །གསལ་ཞིང་མ་འདྲེས་རྫོགས་པར་དགོད། །དབུས་ཀྱི་དཀྱིལ་འཁོར་ཆེན་པོ་རུ། །གཙོ་བོ་ཆེ་མཆོག་ཡབ་ཡུམ་ལ། །ཆེ་མཆོག་རིགས་བཞི་ཡབ་ཡུམ་དང་། །དྲེགས་པ་འདུལ་བྱེད་ཁྲོ་བོ་བཅུ། །ཏ་ཀྲྀཏ་སྒོ་བ་བཞི་དང་བཅས། །ཤར་གྱི་དཀྱིལ་འཁོར་ཆེན་པོ་རུ། །བཛྲ་ཧེ་རུ་ཡབ་ཡུམ་ལ། །རིགས་བཞི་ཁྲག་འཐུང་ཡབ་ཡུམ་དང་། །ཀཽ་རི་མ་བརྒྱད་ཕྲ་མེན་མ། །གདོང་མོ་སྒོ་མ་བཞི་དང་བཅས། །ལྷོ་ཡི་དཀྱིལ་འཁོར་ཆེན་པོ་རུ། །གཤིན་རྗེ་གཤེད་པོ་ཡབ་ཡུམ་ལ། །གཤིན་རྗེ་གཤེད་བཞི་ཡབ་ཡུམ་དང་། །ཕྱོགས་སྐྱོང་གཤིན་རྗེ་ཕོ་མོ་དང་། །གཤིན་རྗེའི་སྒོ་བ་བཞི་དང་བཅས། །ནུབ་ཀྱི་ཕྱོགས་ཀྱི་དཀྱིལ་འཁོར་དུ། །གཙོ་བོ་རྟ་མགྲིན་ཡབ་ཡུམ་ལ། །བཀའ་ཉན་ཕྲ་མེན་སྤྲུལ་པ་དང་། །ཟིལ་གནོན་ཁྲོ་བརྒྱད་ཡབ་ཡུམ་དང་། །པདྨའི་སྒོ་བ་བཞི་དང་བཅས། །བྱང་གི་དཀྱིལ་འཁོར་ཆེན་པོ་རུ། །རྡོ་རྗེ་གཞོན་ནུ་ཡབ་ཡུམ་ལ། །སྲས་མཆོག་རིགས་ཀྱི་ཕུར་པ་བཞི། །ཁྲོ་བོ་བཅུ་དང་དེ་ཡི་ཡུམ། །ཟ་བྱེད་བཅུ་དང་གསོད་བྱེད་དེ། །ཕུར་པའི་སྒོ་བ་བཞི་དང་བཅས། །ཤར་ལྷོ་མཚམས་ཀྱི་དཀྱིལ་འཁོར་དུ། །བླ་མེད་ཧེ་རུ་ཡབ་ཡུམ་ལ། །རྟག་པའི་རྒྱལ་མོ་རྣམ་པ་ལྔ། །ཡེ་ཤེས་ལས་ཀྱི་རྗེ་མོ་དང་། །སྲིད་པའི་སྨན་མོར་བཅས་པ་དང་། །ནུབ་བྱང་དཀྱིལ་འཁོར་ ― DNG014_Page_0356 ―
[མ་དཔེ་གཟིགས་ན་འདིར་གནོན།]
ཆེན་པོ་རུ། །དྲེགས་པ་ཀུན་འདུལ་ཡབ་ཡུམ་ལ། །དྲེགས་པའི་ཚོགས་ཀྱིས་བསྐོར་བ་དང་། །བྱང་ཤར་མཚམས་ཀྱི་དཀྱིལ་འཁོར་དུ། །དཔལ་ཆེན་སྟོབས་ལྡན་ཡབ་ཡུམ་ལ། །སྔགས་བདག་འཁོར་གྱིས་བསྐོར་བར་བྱེད། །ལྷོ་ནུབ་མཚམས་ཀྱི་དཀྱིལ་འཁོར་དུ། །རིག་འཛིན་ཕྱག་ན་རྡོ་རྗེ་ལ། །སྒྲུབ་པའི་རིག་འཛིན་བརྒྱད་དང་བཅས། །དཀྱིལ་འཁོར་ཕྱི་ཡི་ཁྱམས་ལ་ནི། །དབང་མོ་ཉི་ཤུ་རྩ་བརྒྱད་དང་། །ཕྱི་ཡི་ལྕགས་རི་དུར་ཁྲོད་ལ། །མཁའ་འགྲོ་སུམ་ཅུ་རྩ་གཉིས་དང་། །གིང་ཆེན་བཅོ་བརྒྱད་ལང་ཀ་དང་། །མ་བདུན་སྲིང་བཞི་འབར་མ་བརྒྱད། །ས་བདག་མོ་ནི་སུམ་ཅུ་གཉིས། །ཕོ་ཉ་དྲུག་ཅུ་རྩ་བཞི་དང་། །འབུམ་ཕྲག་ཡངས་པའི་མཁའ་འགྲོ་དང་། །དཔལ་གྱི་བཀའ་ཉན་ཐམས་ཅད་དགོད། །དེ་ལྟར་ཏིང་འཛིན་ལྷ་ཡི་ཚོགས། །སྐུ་བསྐྱེད་སྤྱན་དྲང་བཞུགས་སུ་གསོལ། །གུས་པའི་སྒོ་ནས་ཕྱག་བཙལ་ཏེ། །མཆོད་ཅིང་བསྟོད་ལ་ཕྲིན་ལས་བཅོལ། །ཚོགས་དང་ལྷག་མའི་མཆོད་པས་མཆོད། །སྔགས་ཀྱི་བཟླས་པ་འཕྲོ་འདུ་བྱ། །བཛྲ་ཙན་དྷ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཐོག་མཐའ་ཨཱོཾ་དང་ཕཊ་བཞག་ནས། །བར་ན་གྲོང་ཁྱེར་བཅུ་བདུན་གནས། །ཁྲོ་བོ་སྤྱི་ཡི་སྙིང་པོ་ཡིན། །སྔགས་ཀྱི་དངོས་གྲུབ་འཐོབ་པར་བྱེད། །ཅེས་གསུངས་སོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། ཁྲོ་བོ་འཇིགས་བྱེད་ཆེན་པོའི་དཀྱིལ་འཁོར་ཡང་དག་པར་སྤྲོས་པའི་ལེའུ་སྟེ་བརྒྱད་པའོ།། །།དེ་ནས་དཀྱིལ་འཁོར་དེ་དག་གི། །བསྒྲུབ་པ་བསྡུས་པ་ཡང་དག་བཤད། །དབེན་ཞིང་དགོན་པའི་གནས་དེ་རུ། །བསྒྲུབ་པའི་དཀྱིལ་འཁོར་ཞལ་ཕྱེས་ལ། །སྔོན་དུ་འགྲོ་བའི་ལས་རྣམས་བྱ། །དེ་ནས་བསྐྱེད་པའི་དོན་ལ་འཇུག །དང་པོ་དེ་བཞིན་ཉིད་ཀྱི་དབྱིངས། །གཉིས་པ་ཀུན་ཏུ་སྣང་བའི་ངང་། །རྒྱུ་ཡི་ཏིང་འཛིན་རིམ་པ་ལས། །འབྱུང་བ་ལྔ་ཡི་དཀྱིལ་འཁོར་བརྩེག །དེ་སྟེང་བྷྲཱུཾ་ལས་གཞལ་ཡས་ཁང་། །རིགས་རྣམས་སོ་སོའི་དཀྱིལ་འཁོར་ཀུན། །ཀུན་ཀྱང་འཁོར་ ― DNG014_Page_0357 ―
[མ་དཔེ་གཟིགས་ན་འདིར་གནོན།]
ལོ་རྩིབས་བརྒྱད་བཅས། །ཕྱི་རོལ་ཁྱམས་ཆེན་གཅིག་ཉིད་ལ། །སྒོ་བཞི་རྒྱན་དང་དུར་ཁྲོད་དང་། །རྡོ་རྗེའི་ར་བ་མེ་འོད་ཀྱི། །རིམ་པ་དག་གིས་ཡོངས་སུ་བསྐོར། །དེ་ནས་གདན་གྱི་དབྱེ་བ་ནི། །དྲེགས་པ་འགྲོ་དྲུག་བྱོལ་སོང་སྟེ། །དཀྱིལ་འཁོར་དེ་ཡི་དབུས་སུ་གདིང་། །རྒྱུ་ཡི་ཡེ་ཤེས་སེམས་དཔའ་ལས། །ཆོ་ག་གསུམ་གྱི་སྦྱོར་བ་ཡིས། །ཆེ་མཆོག་ཧེ་རུའི་སྐུ་བསྐྱེད་བྱ། །དབུ་དགུ་ཕྱག་ནི་བཅོ་བརྒྱད་པ། །ཞབས་ཀྱང་རྣམ་པ་བརྒྱད་དུ་བགྲད། །རྩ་བའི་ཞལ་གསུམ་མཐིང་ནག་རྔམས། །ལྷག་མ་སྣ་ཚོགས་པ་ཡི་མདོག །རྡོ་རྗེ་ཁ་ཊྭཱཾ་རྔེའུ་ཆུང་དང་། །འཁོར་ལོ་རིན་ཆེན་པདྨ་ཆེ། །རལ་གྲི་དགྲ་སྟྭ་ཞགས་པ་ནི། །གཡས་པའི་ཕྱག་ཏུ་རིམ་ཤེས་བྱ། །བྷན་དམར་ཞིང་དབྱུག་ཐོང་གཤོལ་དང་། །ཉི་མ་ཟླ་བ་རི་རབ་དང་། །ཆུ་མེ་རླུང་གི་དཀྱིལ་འཁོར་རྣམས། །དེ་བཞིན་གཡོན་པའི་ཕྱག་ནའོ། །གནམ་ཞལ་ཤེས་རབ་དགྱེས་པར་འཁྲིལ། །དུར་ཁྲོད་ཆས་ཀྱིས་སྐུ་བརྒྱན་ཅིང་། །འབར་བའི་གར་དགུར་ལྡན་པར་བསྐྱེད། །ཡབ་ཡུམ་གཉིས་མེད་བྱིན་རླབས་ལས། །མཁའ་ལས་ཁྲོ་བོ་འཆོལ་བར་སྤྲོ། །སླར་འདུས་དཀྱིལ་འཁོར་བརྒྱད་པ་དགོད། །གཙོ་བོ་རྣམས་ཀྱི་སྐུར་བརྟག་བྱ། །བྱང་ཆུབ་སེམས་ཀྱི་འོད་ཟེར་དང་། །སོ་སོའི་སྔགས་ཀྱི་ཕྲེང་བ་ལས། །དཀྱིལ་འཁོར་ལྷ་ཚོགས་སྤྲོ་བར་བྱ། །གཙོ་བོ་ཆེ་མཆོག་ཡབ་ཡུམ་ལ། །དྲེགས་པ་ཕྱོགས་སྐྱོང་འདུལ་བྱེད་བཅུ། །བཛྲ་ཧེ་རུ་ཡབ་ཡུམ་ལ། །ཀཽ་རི་ཕྲ་མེན་བརྒྱད་རྣམས་སྤྲོ། །འཇམ་དཔལ་གཤིན་རྗེ་ཡབ་ཡུམ་ལ། །ཕྱོགས་སྐྱོང་བཅུ་གཉིས་ཡུམ་དང་བཅས། །པདྨ་དབང་ཆེན་ཡབ་ཡུམ་ལ། །ཟིལ་གནོན་ཁྲོ་བོ་ཡབ་ཡུམ་བརྒྱད། །རྡོ་རྗེ་གཞོན་ནུ་ཡབ་ཡུམ་ལ། །འཇིགས་བྱེད་ཁྲོ་བོ་ཁྲོ་མོར་བཅས། །བླ་མེད་ཧེ་རུ་ཡབ་ཡུམ་ལ། །ཡེ་ཤེས་རྗེ་མོ་བཅུ་བཞིའོ། །དྲེགས་པ་ཀུན་འདུལ་ཡབ་ཡུམ་ལ། །དྲེགས་པ་དབང་ཆེན་སྡེ་བརྒྱད་བཅས། །སྟོབས་ལྡན་ནག་པོ་ཡབ་ཡུམ་ལ། །དྲག་པོ་སྡེ་བརྒྱད་འཁོར་གྱིས་བསྐོར། །དྲུག་པ་རྡོ་རྗེ་འཛིན་པ་ལ། །གྲུབ་པའི་རིག་འཛིན་རྣམ་པ་བརྒྱད། །ཕྱི་ཁྱམས་དབང་ཕྱུག་ཉི་ཤུ་བརྒྱད། ། ― DNG014_Page_0358 ―
[མ་དཔེ་གཟིགས་ན་འདིར་གནོན།]
ཕྱི་ཡི་ལྕགས་རི་འཁོར་ཡུག་ལ། །མཁའ་འགྲོ་གིང་དང་ལང་ཀ་དང་། །མ་སྲིང་འབར་མ་ཕོ་ཉ་དང་། །མཁའ་འགྲོ་འབུམ་ཕྲག་ཡངས་པ་དང་། །རང་བཞིན་དཔལ་གྱི་བཀའ་སྡོད་པའོ། །དེ་ལྟར་ངོ་བོ་གསལ་བསྐྱེད་ནས། །སྐུ་དང་གསུང་ཐུགས་བྱིན་བརླབས་ཤིང་། །ཡེ་ཤེས་ལྔ་ཡི་དབང་བསྐུར་ལ། །རང་བཞིན་གནས་ནས་སྤྱན་དྲངས་ཏེ། །མཆོད་བསྟོད་ཕྲིན་ལས་བཅོལ་བར་བྱ། །ཡང་ན་ཆོས་ཉིད་དེ་བཞིན་ཉིད། །མ་བཅོས་རང་གསལ་ངང་ལ་བཞག །ཡང་དག་པ་ཡི་ལམ་འདི་ལ། །གང་དག་འཇུག་དང་མོས་པ་དེ། །ལྷུན་གྱིས་གྲུབ་པའི་ལས་ལ་སྦྱོར། །ཚེ་གཅིག་ཉིད་ལ་ཐེ་ཚོམ་མེད། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། སྒྲུབ་པ་ཡང་དག་པར་བསྡུས་པའི་ལེའུ་སྟེ་དགུ་པའོ།། །། དེ་ནས་ཡང་དག་དེ་ཉིད་དོན། །ཤིན་ཏུ་བསྡུས་ཏེ་བཤད་པར་བྱ། །ཕུན་སུམ་ཚོགས་པའི་གནས་དེ་རུ། །འདུ་འཛི་སྤངས་པའི་རྣལ་འབྱོར་པས། །སྔོན་དུ་འགྲོ་བའི་ལས་བྱས་ནས། །ཏིང་ངེ་འཛིན་གྱི་བྱེ་བྲག་དང་། །འབྱུང་བ་ཡུམ་ལྔའི་དཀྱིལ་འཁོར་དང་། །ཀེང་རུས་རི་རབ་རྩེ་བརྒྱད་པར། །དུར་ཁྲོད་འབར་བའི་གཞལ་ཡས་ཁང་། །ཚོམ་བུ་དགུ་ཡི་དཀྱིལ་འཁོར་བསྒོམ། །དྲེགས་པ་ཉི་ཟླ་པདྨའི་གདན། །ཀུན་ལ་ཁྱབ་པར་ཤེས་པར་བྱ། །གདན་སྟེངས་རྒྱུ་ཡི་བྱིན་རླབས་ལས། །བདག་ཉིད་ཆེ་མཆོག་ཧེ་རུ་ཀ །མཐིང་ནག་དབུ་གསུམ་ཕྱག་དྲུག་པ། །ཞབས་བཞི་གྱད་ཀྱི་དོར་སྟབས་བགྲད། །དབུས་ཀྱི་ཞལ་ནི་སྐུ་དང་མཚུངས། །གཡས་དང་གཡོན་པ་དཀར་དང་དམར། །རྡོ་རྗེ་དེ་བཞིན་ཀ་པཱ་ལའི། །བྱེ་བྲག་རྣམ་པ་གསུམ་གསུམ་ཉིད། །ཕྱག་དྲུག་གིས་ནི་འཛིན་པར་མཛད། །དུར་ཁྲོད་ཆས་ཀྱིས་ལུས་ལ་བརྒྱན། །གཉིས་མེད་ཡུམ་དང་ལྷན་ཅིག་སྦྱོར། །བསྐལ་པའི་མེ་དཔུང་ཀློང་ན་བཞུགས། །འབར་བའི་ཆ་ལུགས་འཇིགས་པར་བསྒོམ། །ཡབ་དང་ཡུམ་གྱི་ཐུགས་ཀ་ནས། །ཕྱོགས་བཞི་མཚམས་བཞིའི་དཀྱིལ་འཁོར་དུ། །མཐིང་ནག་ཧཱུཾ་གི་འཕྲོ་འདུ་ལས། །ཤར་དུ་བཛྲ་ཧེ་རུ་ཀ ། ― DNG014_Page_0359 ―
[མ་དཔེ་གཟིགས་ན་འདིར་གནོན།]
གཤིན་རྗེ་གཤེད་ནི་དེ་བཞིན་ལྷོ། །ནུབ་ཏུ་རྟ་མགྲིན་རྒྱལ་པོ་སྟེ། །བྱང་དུ་རྡོ་རྗེ་གཞོན་ནུའོ། །ཤར་ལྷོར་བླ་མེད་ཧེ་རུ་ཀ །ནུབ་བྱང་དྲེགས་པ་ཀུན་འདུལ་བ། །སྟོབས་ལྡན་ནག་པོ་བྱང་ཤར་དུ། །ལྷོ་ནུབ་རིག་འཛིན་གྲུབ་པ་ཡིན། །རྩ་བའི་དཀྱིལ་འཁོར་རྩིབས་བཞི་ལ། །ཆེ་མཆོག་རིགས་བཞི་ཡབ་ཡུམ་དང་། །རིགས་བཞིའི་ཁྲག་འཐུང་ཆེན་པོ་བཞི། །གཤེད་བཞི་སྦྱོར་བའི་ཡུམ་དང་བཅས། །ལས་ཀྱི་སྲས་མཆོག་བཀའ་ཉན་དང་། །དེ་བཞིན་རིགས་བཞིའི་སྲས་མཆོག་དང་། །དབྱིངས་ཀྱི་ཡུམ་དང་རིགས་འཛིན་བཞི། །དྲེགས་པའི་སྡེ་དཔོན་བཞི་བཞི་དག །མེ་ལོང་ནང་གི་གཟུགས་བཞིན་དུ། །སྣང་ལ་མ་ངེས་སོ་སོར་བརྟག །གང་ཞིག་དེ་ལྟར་གོམས་པ་དང་། །ཕྲིན་ལས་རྒྱ་མཚོ་ཡོངས་ལ་སྦྱར། །མཚམས་མེད་སྤྱོད་པའི་སྐྱེ་བོས་ཀྱང་། །བསྒྲུབས་ན་འགྲུབ་པར་གདོན་མི་ཟ། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། བསྒྲུབ་པ་ཤིན་ཏུ་བསྡུས་པའི་ལེའུ་སྟེ་བཅུ་པའོ།། །། ཁྲོ་བོ་སྤྱིར་བསྒྲུབ་པའི་སྐབས་ཏེ་གཉིས་པའོ།། །།དེ་ནས་ཡང་རིགས་བཞིའི་ཧེ་རུ་ཀས་ཞུས་པ། ཨེ་མ་སྤྱི་དཔལ་ཧེ་རུ་ཀ །ཕྱོགས་བཅུའི་བདེ་གཤེགས་ཐམས་ཅད་ཀྱི། །ཡོན་ཏན་འདུས་པའི་སྒྲུབ་པའི་ཐབས། །དཔའ་བོ་ཆེན་པོས་བཤད་དུ་གསོལ། །དེ་སྐད་གསོལ་བ་བཏབ་ནས་ཀྱང་། །དཔལ་ཆེན་ཡབ་ཀྱིས་བཀའ་སྩལ་པ། །ཆེ་མཆོག་ཡོན་ཏན་བསྒྲུབ་འདོད་པས། །དུར་ཁྲོད་དབེན་པའི་གནས་ཆེན་དུ། །དཀྱིལ་འཁོར་བྱི་དོར་བྱས་ནས་ཀྱང་། །བདུད་རྩི་ལྔ་ཡིས་ཆག་ཆག་གདབ། །ཁྲག་ཆེན་ཐལ་ཆེན་བསྲེས་པ་ཡིས། །མཐིང་ནག་ཧཱུཾ་ཡིག་མཁས་པས་བྲི། །དེ་ཉིད་དམིགས་པའི་རྟེན་དུ་གཞག །ཡུལ་གསུམ་གསལ་བར་གྱུར་པ་དང་། །དུར་ཁྲོད་ཆེན་པོའི་གཞལ་ཡས་ཁང་། །འབྱུང་བ་རྣམ་པ་ལྔ་བརྩེགས་ཤིང་། །ཀེང་རུས་ཆེན་པོའི་རི་རབ་སྟེང་། །འཇིགས་པའི་དུར་ཁྲོད་དཀྱིལ་འཁོར་ནི། །རྩིབས་བཞི་གྲུ་ཆད་ཁྱམས་དང་བཅས། །སྒོ་བཞི་གྲུ་ཆད་རྒྱན་ལྡན་ལ། །ཕྱི་ནང་མེད་པར་གསལ་བའི་ནང་། ། ― DNG014_Page_0360 ―
[མ་དཔེ་གཟིགས་ན་འདིར་གནོན།]
ལྷ་བརྒྱད་ཀླུ་བརྒྱད་བསྣོལ་བ་དང་། །བྱོལ་སོང་གཙོ་བོ་བརྒྱད་ཀྱི་སྟེང་། །ཧཱུཾ་ལས་ཆེ་མཆོག་ཧེ་རུ་ཀ །ཁྲོ་མོ་གནམ་ཞལ་ཡུམ་དང་བཅས། །ཡོན་ཏན་འདུས་པའི་སྐུ་ཡིན་ཏེ། །འཁོར་ལོའི་དབུས་སུ་བསྐྱེད་པར་བྱ། །བཅོམ་ལྡན་རཀྴ་ཧེ་རུ་ཀ །སྨུག་ནག་དཀར་དང་དམར་བའི་ཞལ། །འཁོར་ལོ་དེ་བཞིན་པདྨ་དང་། །ཏི་རའི་རྒྱུ་ཞགས་འདབ་ཆགས་ཁྱུང་། །བ་སུ་འདྲེན་ཅིང་ཡུམ་དང་བཅས། །ཤར་གྱི་རྩིབས་ལ་མཁས་པས་བསྐྱེད། །དཔལ་ཆེན་གྷུ་ཧྱ་ཧེ་རུ་ཀ །སེར་ནག་མཐིང་དང་དམར་བའི་ཞལ། །རིན་ཆེན་ཐོད་ཁྲག་དགྲ་སྟྭ་དང་། །རྒྱུ་ཞགས་སྟོང་གི་འཇིག་རྟེན་རྣམས། །བཟུང་ནས་ཡུམ་དང་སྦྱོར་བར་མཛད། །ལྷོ་ཡི་རྩིབས་ལ་བསྐྱེད་པར་བྱེད། །བཅོམ་ལྡན་བྷི་ཤྭ་ཧེ་རུ་ཀ །དབུ་གསུམ་དམར་ནག་མཐིང་ག་དཀར། །པདྨ་བྷན་དམར་འཇིག་རྟེན་དང་། །དགྲ་སྟྭ་དང་ནི་གཤོལ་བསྣམས་ནས། །ཤེས་རབ་ཡུམ་དང་བཅས་པ་ནི། །འབད་པས་ནུབ་ཀྱི་རྩིབས་ལ་བསྐྱེད། །བཅོམ་ལྡན་ཡཀྴ་ཧེ་རུ་ཀ །ལྗང་ནག་དཀར་དང་དམར་བའི་ཞལ། །སྣ་ཚོགས་རྡོ་རྗེ་ཐོད་ཁྲག་བཅས། །རལ་གྲི་ཞགས་པ་དགྲ་སྟྭ་དང་། །ཐོང་གཤོལ་ཐོགས་ནས་ཡུམ་དང་སྦྱོར། །བྱང་གི་རྩིབས་ལ་བསྐྱེད་པར་བྱ། །ཕྱི་རིམ་ལྷ་ཡི་སྣམ་བུ་ལ། །ཕྱོགས་སྐྱོང་འདུལ་བའི་ཁྲོ་བོ་བཅུ། །འཁོར་ལོ་ཏྲི་ཤཱུལ་བསྣམས་པ་ཡི། །དཀར་པོའི་མདོག་ཅན་ཤར་དུའོ། །དགྲ་སྟྭ་ཐོད་དབྱུག་ཐོགས་པ་ཡི། །མཐིང་ནག་འཇིགས་པ་ལྷོ་རུ་བསྐྱེད། །དམར་པོ་སྤུ་གྲི་ཞགས་པ་ཅན། །དེ་བཞིན་ནུབ་ཀྱི་ཕྱོགས་སུའོ། །རྡོ་རྗེ་རྒྱ་གྲམ་དྲིལ་བུ་འཛིན། །ལྗང་གུ་བྱང་དུ་བསྐྱེད་པར་བྱ། །མེ་དབལ་དབྱུག་ཏོ་བསྣམས་པ་ཡི། །དམར་པོ་ཤར་ལྷོའི་མཚམས་ལའོ། །རལ་གྲི་ཞགས་ལྡན་ནག་པོ་ཆེ། །ལྷོ་དང་ནུབ་ཀྱི་མཚམས་སུ་སྟེ། །དམར་སྐྱ་བྷནྡྷ་རྔ་ཡབ་བསྣམས། །ནུབ་བྱང་དག་གི་མཚམས་སུའོ། །དགྲ་སྟྭ་དང་ནི་རྩེ་གསུམ་འཛིན། །མཐིང་ག་བྱང་ཤར་མཚམས་སུ་བསྐྱེད། །སྔོ་སྐྱ་མདའ་གཞུ་འགེངས་པ་དང་། །དུད་ ― DNG014_Page_0361 ―
[མ་དཔེ་གཟིགས་ན་འདིར་གནོན།]
ཁ་ཐོ་བ་ཞགས་པ་བསྣམས། །སྟེང་དང་འོག་ཏུ་བསྐྱེད་བྱ་སྟེ། །རང་གི་ཕྲིན་ལས་མཚན་དང་ལྡན། །ལྕགས་ཀྱུ་ཞགས་པ་ལྕགས་སྒྲོག་དྲིལ། །རིམ་བཞིན་ཐོགས་པའི་ཏ་ཀྲྀཏ་བཞི། །འབར་གསལ་རྔམས་པ་བསྐྱེད་བྱས་ལ། །གསང་སྔགས་འདི་ཡང་བཟླས་པར་བྱ། །ཨཱོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། ཐོག་མཐར་ཨཱོཾ་དང་ཕཊ་བཞག་ནས། །བར་ན་གྲོང་ཁྱེར་བཅུ་གནས་པ། །ཆེ་མཆོག་འཁོར་བཅས་སྙིང་པོ་ཡིན། །སྐུ་གསལ་འོད་ཟེར་འཕྲོ་འདུ་བྱ། །དེ་ཉིད་སེམས་ཉིད་ཡིན་ཤེས་ནས། །ལོགས་ནས་ཆེ་མཆོག་བསྒྲུབ་ཏུ་མེད། །དད་ལྡན་འབད་པའི་སྒྲུབ་པ་པོས། །ཡོན་ཏན་རིག་འཛིན་འཐོབ་པར་འགྱུར། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། ཆེ་མཆོག་ཡོན་ཏན་སྒྲུབ་པའི་ལེའུ་སྟེ་བཅུ་གཅིག་པའོ།། །།དེ་ནས་འཁོར་གྱི་ནང་ནས་བཛྲ་ཧེ་རུ་ཀ་བཞེངས་ཏེ་འདི་སྐད་ཅེས་ཞུས་སོ། །ཨེ་མ་སྤྱི་དཔལ་ཧེ་རུ་ཀ །ཐུགས་ཀྱི་སྒྲུབ་པ་བཤད་དུ་གསོལ། །དཔལ་ཆེན་ཡབ་ཀྱིས་བཀའ་སྩལ་པ། །ཡང་དག་ཐུགས་ཀྱི་སྒྲུབ་པ་པོས། །དུར་ཁྲོད་ཆེན་པོ་རབ་འཇིགས་པ། །དབེན་པའི་གནས་སུ་འདུག་ནས་ནི། །དཀྱིལ་འཁོར་བྱི་དོར་བྱས་པ་ལ། །ཁྲག་ཆེན་དག་གིས་ཆག་ཆག་གདབ། །རོ་རས་དག་ལ་ཧཱུཾ་གནས་པ། །དམིགས་པའི་རྟེན་དུ་མཁས་པས་བཞག །ཡུལ་གསུམ་གསལ་བར་གྱུར་པ་དང་། །དུར་ཁྲོད་ཆེན་པོ་རབ་འཇིགས་པ། །ཁྲག་གི་རྒྱ་མཚོ་འཇིགས་པའི་དཀྱིལ། །ཀེང་རུས་ཆེན་པོའི་རི་རབ་ཀྱི། །སྟེང་ན་འབར་བའི་ཀློང་དཀྱིལ་ན། །ཡེ་ཤེས་ཆེན་པོའི་གཞལ་ཡས་ཁང་། །ཕྱི་དང་ནང་མེད་ཀུན་ཏུ་གསལ། །འབར་བའི་འཁོར་ལོ་རྩིབས་བཞི་པ། །གྲུ་ཆད་ཁྱམས་དང་སྒོ་བཞིར་ལྡན། །ཐོད་སྦྲུལ་སྣ་ཚོགས་ཉི་ཟླས་མཛེས། །འབར་བའི་ཁྲོ་བོ་མང་པོ་འཁྲུགས། །ཁྱུ་མཆོག་མ་ཧེ་སྟག་དང་གཟིག །གཏུམ་པའི་དོམ་གྱིས་སྦར་བས་ནི། །དབང་ཕྱུག་ལྷ་ཆེན་ལས་སྩོགས་བཟུང་། །ཉི་ཟླ་པདྨ་ཞིང་གི་གདན། །རིམ་གྱིས་གསལ་བར་བསྐྱེད་སྟེངས་སུ། །ཧཱུཾ་ལས་བཛྲ་ཧེ་རུ་ཀ །མཐིང་ནག་དཀར་དང་དམར་བའི་ཞལ། །ཞབས་བཞི་ ― DNG014_Page_0362 ―
[མ་དཔེ་གཟིགས་ན་འདིར་གནོན།]
བརྐྱངས་བསྐུམས་རབ་ཏུ་བགྲད། །རྡོ་རྗེ་ཁ་ཊྭཱཾ་རྔེའུ་ཆུང་གཡས། །ཏི་རའི་དབྱུག་པ་ཐོད་ཁྲག་དང་། །རྒྱུ་མའི་ཞགས་པ་གཡོན་ན་བསྣམས། །ཀྲོ་ཏཱི་ཤྭ་རི་དགྱེས་པར་འཁྲིལ། །དེ་བཞིན་གཤེགས་པ་ཐམས་ཅད་ཀྱི། །ཐུགས་ཀྱི་རང་བཞིན་འདུས་པ་ཡིས། །དཀྱིལ་འཁོར་གཙོ་བོར་བསྐྱེད་པར་བྱ། །བཅོམ་ལྡན་བུཌྜྷ་ཧེ་རུ་ཀ །སྨུག་ནག་མཐིང་ག་དམར་བའི་ཞལ། །ཏི་རའི་དབྱུག་པ་རྡོ་རྗེ་ཁྱུང་། །རྒྱུ་ཞགས་བྷན་དམར་བ་སུ་འཛིན། །བུཌྜྷ་ཀྲོ་ཏཱི་ཤྭ་རིར་བཅས། །ཤར་གྱི་རྩིབས་ལ་བསྐྱེད་པར་བྱ། །བཅོམ་ལྡན་རཏྣ་ཧེ་རུ་ཀ །སེར་ནག་མཐིང་ག་དམར་བའི་ཞལ། །རིན་ཆེན་བྱིས་དབྱུག་དགྲ་སྟྭ་གཡས། །རི་རབ་ཐོད་ཁྲག་ཐོང་གཤོལ་བསྣམས། །རཏྣ་ཀྲོ་ཏཱི་ཤྭ་རིར་བཅས། །ལྷོ་ཡི་ཕྱོགས་སུ་མཁས་པས་བསྐྱེད། །བཅོམ་ལྡན་པདྨ་ཧེ་རུ་ཀ །དམར་ནག་མཐིང་ག་དཀར་བའི་ཞལ། །པདྨ་བེ་ཅོན་དགྲ་སྟྭ་དང་། །རི་རབ་སྟོང་གི་འཇིག་རྟེན་དག །འཛིན་པར་མཛད་ཅིང་ཡུམ་དང་ལྡན། །ནུབ་ཀྱི་རྩིབས་ལ་བསྐྱེད་པར་བྱ། །བཅོམ་ལྡན་ཀརྨ་ཧེ་རུ་ཀ །ལྗང་ནག་དཀར་དང་དམར་བའི་ཞལ། །སྣ་ཚོགས་རྡོ་རྗེ་རལ་གྲི་དང་། །དགྲ་སྟྭ་ལ་སོགས་དེ་བཞིན་དུ། །བཟུང་ནས་ཀརྨ་ཀྲོ་ཏཱིར་བཅས། །མོས་ལས་བྱང་གི་ཕྱོགས་སུའོ། །དཀྱིལ་འཁོར་ལྷ་ཡི་སྣམ་བུ་ལ། །ཀཽ་སེང་ཕྲ་མེན་འདི་དག་དགོད། །གཽ་རཱི་བྷན་དམར་བྱིས་དབྱུག་སྔོ། །ཙཽ་རཱི་མདའ་གཞུ་འགེངས་མ་སེར། །པྲ་མོ་ཆུ་སྲིན་རྒྱལ་མཚན་འཕྱར། །བེ་ཏཱ་བྱི་ཟ་རྡོ་འཕྱར་ནག །བུཀྐ་དམར་སེར་བྱིས་རྒྱུ་འདྲེན། །གྷསྨ་དུང་དམར་ཁྲག་འཐུང་ལྗང་། །སྨ་ཤ་མཐིང་ནག་བྱི་སྙིང་ཟ། །ཙན་དྷ་སེར་སྐྱ་བྱིས་ལུས་འདྲེལ། །སེང་ཧ་སེར་མོ་ཞིང་ཟ་སེར། །བྱཱ་གྷྲཱི་དམར་མོ་ལག་བསྣོལ་སྟག །སྲི་ལ་ནག་མོ་བྱིས་ལྡག་ཝ། །ཤྭ་ན་མཐིང་ག་ཤ་འདྲད་སྤྱང་། །གྲྀ་ཌྷ་དམར་མོ་དུང་གྲི་རྒོད། །ཀང་ཀ་དམར་སྨུག་ཞིང་ཁུར་དུར། །ཀཱ་ཀ་ནག་མོ་བྷན་གྲི་བྱ། །ཨུ་ལཱུ་མཐིང་ག་ལྕགས་ཀྱུ་འུག །རྟ་གདོང་དཀར་མོ་ལྕགས་ཀྱུ་འདྲེན། །ཕག་གདོང་སྔོན་མོ་མཆེ་ཞགས་བསྡམ། ། ― DNG014_Page_0363 ―
[མ་དཔེ་གཟིགས་ན་འདིར་གནོན།]
སྤྲེལ་གདོང་དམར་མོ་ལྕགས་སྒྲོག་བསྡམ། །ཐལ་བྱེད་ལྗང་གུ་དྲིལ་འཁྲོལ་སྤྱང་། །འབར་འཕྲོ་གསལ་བས་ཐམས་ཅད་འཕྲོས། །དགྲ་བགེགས་འདུལ་བའི་གཉེན་པོར་བརྟག །གསང་བའི་སྙིང་པོ་འདི་ཡང་བཟླས། །ཨཱོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། ཐོག་མཐའ་ཨཱོཾ་དང་ཕཊ་བཞག་ནས། །བར་ན་འབྲུ་བདུན་གྲོང་གནས་པ། །ཁྲག་འཐུང་ལྷ་རྒྱུད་སྲོག་སྙིང་ཡིན། །ཞེ་སྡང་ཅན་གྱི་སྣོད་དག་གི། །འབར་བ་གཏུམ་ཁྲོ་རྔམས་པའི་གཟུགས། །དྲག་ཤུལ་ཅན་གྱིས་སྤྱད་པའི་ཕྱིར། །དགྲ་བགེགས་འདུལ་ཕྱིར་བསྒྲུབ་པར་བྱ། །ཐུགས་ཀྱི་རིག་འཛིན་ཐོབ་པར་འགྱུར། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། ཡང་དག་ཐུགས་ཀྱི་བསྒྲུབ་པའི་ལེའུ་སྟེ་བཅུ་གཉིས་པའོ།། །།དེ་ནས་འཇམ་དཔལ་གཤིན་རྗེ་གཤེད་པོས་འདི་སྐད་ཅེས་ཞུས་སོ། །ཨེ་མ་སྤྱི་དཔལ་ཀུན་ཏུ་བཟང་། །སྐུ་ཡི་སྒྲུབ་ཐབས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །དཔལ་ཆེན་ཡབ་ཀྱིས་བཀའ་སྩལ་པ། །འཇམ་དཔལ་སྐུ་ཡི་སྒྲུབ་པ་ལ། །དུར་ཁྲོད་ཆེན་པོའི་ས་ཕྱོགས་སུ། །དཀྱིལ་འཁོར་བྱི་དོར་བྱས་པ་ལ། །བདུད་རྩི་ལྔ་ཡིས་ཆག་ཆག་གདབ། །ཁྲག་ཆེན་གོ་རོ་ཙ་ན་ཡིས། །མཐིང་ནག་ཧཱུཾ་ཡིག་མཁས་པས་བྲི། །དམིགས་པའི་སྟེང་དུ་གཞག་པར་བྱ། །ཡུལ་གསུམ་གསལ་བར་གྱུར་པ་དང་། །དུར་ཁྲོད་ཆེན་པོ་རབ་འཇིགས་པ། །ཁྲག་གི་རྒྱ་མཚོ་འཇིགས་པའི་དཀྱིལ། །ཀེང་རུས་ཆེན་པོའི་རི་རབ་ཀྱི། །སྟེང་ན་དུར་ཁྲོད་གཞལ་ཡས་ཁང་། །རྩིབས་བཞི་གྲུ་ཆད་ཁྱམས་དང་བཅས། །སྒོ་བཞི་ལྕགས་རིར་བཅས་པ་ནི། །ཕྱི་དང་ནང་མེད་ཆོས་ཀྱི་དབྱིངས། །མ་ཧེ་ཆུ་གླང་ཞིང་གི་གདན། །སྟེང་དུ་འཇམ་དཔལ་གཤིན་རྗེ་གཤེད། །དུས་གསུམ་བདེ་གཤེགས་ཐམས་ཅད་ཀྱི། །སྐུ་ཡི་སྤྲུལ་པ་ཧཱུཾ་ལས་བསྐྱེད། །དབུ་གསུམ་ཕྱག་དྲུག་ཞབས་བཞིར་བགྲད། །གཡས་དཀར་གཡོན་དམར་དབུས་སེར་ཞལ། །རྡོ་རྗེ་རལ་གྲི་དགྲ་སྟྭ་གཡས། །སྡིགས་མཛུབ་མདུང་ཐུང་བྷན་དམར་གཡོན། །དུར་ཁྲོད་ཆས་བརྒྱད་སྐུ་ལ་བརྒྱན། ། ― DNG014_Page_0364 ―
[མ་དཔེ་གཟིགས་ན་འདིར་གནོན།]
བེ་ཏཱ་ནག་མོ་སྐུ་ལ་འཁྲིལ། །དགྲ་སྟྭ་ཕྱར་ནས་ཐོད་ཁྲག་སྟོབ། །སྒྲོལ་ཡུམ་ཨེ་ཀ་ཛ་ཊཱི་མ། །བཻ་ཌཱུར་མདོག་སྔོན་གསལ་ལ་འཚེར། །ཏྲི་ཤཱུལ་གཡང་གཞི་གཡས་ན་འཕྱར། །ཐོད་རློན་ཙིཏྟ་གཡོན་ན་སྟོབ། །འཇིགས་བྱེད་ཡབ་ཡུམ་འདི་དག་ཀྱང་། །དཀྱིལ་འཁོར་གཙོ་བོར་བརྟག་པར་བྱ། །ཡ་མ་རཱ་ཛ་གཤིན་རྗེ་གཤེད། །ཞལ་གསུམ་དཀར་དམར་མཐིང་གི་མདོག །འཁོར་ལོ་ཏྲི་ཤཱུལ་ལྕགས་ཀྱུ་དང་། །ཁ་ཊྭཱཾ་དགྲ་སྟྭ་རྒྱུ་ཞགས་ཐོགས། །གཡུ་ཡི་རལ་གཅིག་སྐུ་ལ་འཁྲིལ། །སྒྲོལ་བའི་ཡུམ་མཆོག་རེ་མ་ཏི། །མདོག་ནག་རལ་གྲི་ནེ་ལེ་འཛིན། །ཤར་གྱི་རྩིབས་ལ་བསྐྱེད་པར་བྱ། །མྱོས་བྱེད་འབར་བ་གཤིན་རྗེ་གཤེད། །ཞལ་གསུམ་དཀར་སྔོ་སེར་ནག་ཞལ། །བེ་ཅོན་རལ་གྲི་དགྲ་སྟྭ་དང་། །བྷན་དམར་འཁོར་ལོ་ལྕགས་ཀྱུ་བསྣམས། །གཏུམ་མོ་སེར་ནག་གཡོན་དུ་འཁྲིལ། །སྒྲོལ་ཡུམ་ཁྲག་གི་བདག་མོ་ནི། །སྤུ་གྲི་ཙིཏྟ་ཞགས་འཛིན་ནག །ལྷོ་ཡི་རྩིབས་ལ་བསྐྱེད་པར་བྱ། །གཤིན་རྗེའི་གཤེད་པོ་མ་རུ་རྩེ། །ཞལ་གསུམ་དཀར་སྔོ་དམར་བ་ཅན། །བེ་ཅོན་དབྱུག་ཏོ་ཁ་ཊྭཱཾ་དང་། །ཐོད་ཁྲག་འཁོར་ལོ་རྒྱུ་ཞགས་འཛིན། །ལྷ་མོ་འོད་ཟེར་སྐུ་ལ་འཁྲིལ། །སྒྲོལ་ཡུམ་གླིང་བཞི་གཙུག་འབྱམས་མ། །མི་སྙིང་ཐོད་ཁྲག་ཐོགས་པ་ནི། །ནུབ་ཀྱི་རྩིབས་ལ་བསྐྱེད་པར་བྱ། །རལ་པ་ཚར་དགུ་གཤིན་རྗེ་གཤེད། །དཀར་དང་དམར་དང་དབུས་མཐིང་ཞལ། །བེ་ཅོན་གཏུན་ཤིང་རྒྱ་གྲམ་དང་། །ཐོད་ཁྲག་རྒྱུ་ཞགས་འཁོར་ལོ་བསྣམས། །སྦྱོར་བའི་ཡུམ་དང་གཉིས་སུ་མེད། །ལྗང་ནག་སྒྲོལ་བྱེད་མགོ་འཕྱང་མ། །དགྲ་སྟྭ་ཐོད་ཁྲག་ཐོགས་པ་སྟེ། །མཁས་པས་བྱང་གི་རྩིབས་ལ་བསྐྱེད། །དེ་ནས་ཕྱི་ཡི་སྣམ་བུ་ལ། །ཕྱོགས་སྐྱོང་གཤིན་རྗེ་བཅུ་གཉིས་པོ། །གཤིན་རྗེ་ནག་འཇོམས་མཐིང་ནག་ཞལ། །ནག་མོ་རལ་གཅིག་གཡོན་ནས་འཁྲིལ། །གཤིན་རྗེ་ཕྱ་སངས་དཀར་སེར་མདོག །ཚེ་བུམ་རྡོ་རྗེ་ཐོང་གཤོལ་འཛིན། །ཤེལ་གྱི་གདོང་དགུ་དགྱེས་པར་འཁྲིལ། །དེ་བཞིན་ཀོང་ཙེ་བྲག་འཇོམས་ནི། །རྡོ་རྗེ་བྲག་ནག་མེའི་འཁོར་ལོ། ། ― DNG014_Page_0365 ―
[མ་དཔེ་གཟིགས་ན་འདིར་གནོན།]
ཤེལ་མིག་ཁྲོ་མོ་ཡུམ་དང་སྦྱོར། །ཨ་བ་གླང་མགོ་སྨུག་ཅིང་ནག །ཁ་ཊྭཱཾ་ག་དང་ལྕགས་ཀྱུ་དག །བཟུང་ནས་དཀར་སྐྱ་མཆེ་གཙིགས་ལྡན། །སྔོ་ནག་འཇིགས་བྱེད་ཡ་བ་ཏི། །རལ་གྲི་ལྕགས་ཀྱུ་ཐོགས་ནས་ནི། །དྲེད་ཀྱི་ཨབ་ཤམ་མ་དང་འཁྲིལ། །གཤིན་རྗེ་མིག་དམར་སྨུག་ནག་མདོག །རལ་གྲི་ཏི་རའི་དབྱུག་པ་འཆང་། །ཁྲག་གི་རལ་གཅིག་སྐུ་ལ་འཁྲིལ། །དམིགས་པ་དུད་ཁ་ཞེས་བྱ་བ། །ཐོད་ཕྲེང་ལྕགས་སྒྲོག་དམར་པོ་སྡོམས། །པུས་འགྲོ་ནག་མོ་ཡུམ་དང་བཅས། །གཤིན་རྗེ་ཏེལ་པ་སྔོ་ནག་མདོག །སྤུ་གྲི་བྷནྡྷ་ཁྲག་དཀར་དག །འཛིན་ཅིང་སྤྱན་གསུམ་ཡུམ་ལ་སྦྱོར། །བདུད་འཇོམས་གཤིན་རྗེ་སྨུག་ཅིང་ནག །རྡུང་བྱེད་ཐོ་བ་བྷན་དྷར་བཅས། །སྨུག་ནག་རལ་གཅིག་དགྱེས་པར་འཁྲིལ། །ཆོས་ཀྱི་རྒྱལ་པོ་དཀར་སེར་མདོག །རྡོ་རྗེ་རྩེ་གསུམ་ཁྲམ་ཤིང་འཆང་། །རྡོ་རྗེ་རལ་གཅིག་མ་དང་སྦྱོར། །གཤིན་རྗེ་འབར་བ་དམར་པོ་ཆེ། །རྩིས་བྱང་གཏུན་ཤིང་ལག་ན་ཐོགས། །སྐུ་ལ་མ་མོ་མགོ་དགུ་འཁྲིལ། །ཐོད་དབྱུག་ཅེས་བྱ་གཤིན་རྗེའི་མཚན། །མཐིང་ནག་དབྱུག་པ་ཤོ་རྡེའུ། །བཟུང་ནས་ཕག་མགོ་མ་དང་སྦྱོར། །གཤིན་རྗེའི་གཤེད་གྱུར་འདི་དག་ཀྱང་། །ཞབས་གཉིས་གྱད་ཀྱི་དོར་སྟབས་ཀྱིས། །རང་གི་གནས་སུ་ལེགས་བཞུགས་པར། །ཁྲོ་ཆེན་གཙོ་བོས་དགོད་པར་བྱ། །དེ་བཞིན་དཀྱིལ་འཁོར་སྒོ་རྣམས་སུ། །དཀར་ཞིང་འཚེར་བ་བྱ་རྒོད་མགོ། །རྡོ་རྗེ་ལྕགས་ཀྱུ་འཛིན་པ་དང་། །མཐིང་ནག་འབར་བ་སྟག་གི་མགོ། །དབྱུག་པ་ཞགས་པ་ཐོགས་པ་དང་། །ལེ་བརྒན་འབར་བ་ཀང་ཀའི་མགོ། །མེ་ཡི་པདྨ་ལྕགས་སྒྲོག་བཅས། །སྤྱང་ཀིའི་མགོ་ཅན་ལྗང་ཞིང་ནག །རྒྱ་གྲམ་ཤེལ་གྱི་གྲི་གུག་འཛིན། །ཤར་ནས་བཟུང་སྟེ་བཀོད་ནས་ཀྱང་། །འབར་གསལ་སྐུ་ཡི་འཕྲོ་འདུ་བྱ། །གསང་སྔགས་སྙིང་པོ་འདི་ཡང་བཟླས། །ཨཱོཾ་ཨ་ཀྲོ་ཏེ་ཀ་ཡ་མཱན་ཏ་ཀ་ཧ་ན་མ་ཐ་བྷཉྫ་ཧཱུྃ་ཕཊ། ཐོག་མཐར་ཨཱོཾ་དང་ཕཊ་བཞག་ནས། །བར་ན་བཅོ་ལྔའི་གྲོང་མཛེས་པ། །གཤིན་རྗེའི་ལྷ་ ― DNG014_Page_0366 ―
[མ་དཔེ་གཟིགས་ན་འདིར་གནོན།]
རྒྱུད་སྲོག་སྙིང་ཡིན། །སྐུར་གསལ་འོད་ཟེར་འཕྲོ་འདུ་བྱ། །ཏིང་འཛིན་གྱད་དུ་གྱུར་པ་དང་། །གཤིན་རྗེ་གཤེད་ཀྱི་ལྷ་རྣམས་ཀུན། །མཁས་པས་རང་གི་སེམས་སུ་བརྟགས། །སྐུ་ཡི་རིག་འཛིན་འཐོབ་པར་འགྱུར། །བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། འཇམ་དཔལ་སྐུའི་སྒྲུབ་ཐབས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་དཔལ་རྟ་མགྲིན་གྱིས་འདི་སྐད་ཅེས་གསོལ་ཏོ། །ཨེ་མ་སྤྱི་དཔལ་ཁྲོ་བོའི་རྗེ། །པདྨ་གསུང་གི་སྒྲུབ་ཐབས་གང་། །སྤྱི་དཔལ་ཡབ་ཀྱིས་བཀའ་སྩལ་པ། །པདྨ་གསུང་གི་སྒྲུབ་པ་པོས། །རི་བོ་འདུས་པའི་ས་ཕྱོགས་སུ། །དཀྱིལ་འཁོར་བྱི་དོར་བྱས་པ་ལ། །ཁྲག་ཆེན་མཚལ་གྱིས་ཧཱུཾ་ཡིག་བྲི། །དམིགས་པའི་རྟེན་དུ་མཁས་པས་གཞག །ཡུལ་གསུམ་གསལ་བར་གྱུར་པ་དང་། །དུར་ཁྲོད་འབར་བའི་གཞལ་ཡས་ཁང་། །ལྷ་ཆེན་བརྒྱད་ཀྱི་ཀ་བ་ལ། །གཟའ་ཆེན་བརྒྱད་ཀྱི་གདུང་མ་དྲེས། །རྒྱུ་སྐར་རྣམས་ཀྱི་ཐོག་གིས་ཕུབ། །སྦྲུལ་ནག་ཀླུ་ཡི་བླ་དྲེ་དང་། །ཕྱི་ནང་མེད་པའི་གཞལ་ཡས་ཁང་། །ཀླུ་ཆེན་བརྒྱད་ཀྱི་ཁྲི་སྟེངས་སུ། །པདྨ་དབང་གི་རྒྱལ་པོ་ནི། །སྐུ་མདོག་བསྐལ་པའི་མེ་ལྟར་འབར། །གཡས་དཀར་གཡོན་སྔོ་དབུས་དམར་ཞལ། །རྡོ་རྗེ་ཁ་ཊྭཱཾ་སྦྲུལ་ཞགས་གཡས། །དྲིལ་བུ་བྷན་དམར་ལྕགས་སྒྲོག་དག །གཡོན་ན་བསྣམས་ཏེ་རྟ་མགོར་བཅས། །ཞབས་བཞི་གདུག་པའི་ཀླུ་རྣམས་གནོན། །ཡུམ་ཆེན་ཨེ་ཀ་ཛ་ཊཱི་མ། །དམར་ནག་སྤྱན་གསུམ་སྡང་མིག་བགྲད། །ཕྱག་གཡས་ཁ་ཊྭཱཾ་ཡབ་ལ་འཁྱུད། །གཡོན་པ་ཐོད་ཁྲག་གཙོ་ལ་སྟོབ། །བདེ་བར་གཤེགས་པ་ཀུན་གྱི་གསུང་། །ཡང་དག་བསྡུས་པའི་སྐུར་བསྐྱེད་བྱ། །རྡོ་རྗེ་པདྨ་གར་གྱི་དབང་། །བྱི་ལ་དང་ནི་པུ་ཤུད་མགོ། །སྐུ་མདོག་བསྐལ་པའི་མེ་ལྟར་འབར། །ལྕགས་ཀྱུ་ཕུར་བུ་ལག་ཆར་འཛིན། །ཤར་ནས་བཟུང་སྟེ་རིམ་བཞིན་དུ། །འཁོར་ལོའི་རྩིབས་ལ་བརྟག་པར་བྱ། ། ― DNG014_Page_0367 ―
[མ་དཔེ་གཟིགས་ན་འདིར་གནོན།]
ལྷོ་ཡི་དཀྱིལ་འཁོར་ཕྱི་ཁྱམས་ལ། །ཡེ་ཤེས་ཞི་བ་ཟིལ་གནོན་པའི། །ཁྲོ་བོ་ཕྱག་ན་རྡོ་རྗེ་དང་། །འཁོར་ལོ་དེ་བཞིན་རིན་ཆེན་གཡས། །པདྨ་རལ་གྲི་དྲིལ་བུ་གཡོན། །དེ་བཞིན་ལས་ཀྱི་ཁྲོ་བོ་དག །ཟིལ་གནོན་པདྨ་སྤུ་གྲི་དང་། །དབྱུག་ཏོ་ཁ་ཊྭཱཾ་དགྲ་སྟྭ་དང་། །སྣ་ཚོགས་རྡོ་རྗེ་འཛིན་པའོ། །ཡེ་ཤེས་མ་མོ་ཐམས་ཅད་ཀུན། །ཟིལ་གནོན་ཁྲོ་བོ་ཆེན་པོ་ནི། །སྡིགས་མཛུབ་ལྕགས་ཀྱུ་སྦྲུལ་ཞགས་གཡས། །ལྕགས་སྒྲོག་ཁ་ཊྭཱཾ་རྔེའུ་ཆུང་གཡོན། །ཡེ་ཤེས་ཁྱུང་ཆེན་ཟིལ་གནོན་ཁྲོ། །རྡོ་རྗེ་ས་དང་མེ་ཁྱུང་གཡས། །ནམ་མཁའ་ཆུ་རླུང་བྱ་ཁྱུང་གཡོན། །ཕོ་རྒྱུད་ཟིལ་གནོན་ཁྲོ་རྒྱལ་གཙོ། །རྡོ་རྗེ་ཐོད་སྐམ་རྒྱུ་ཞགས་དང་། །དུང་ཁྲག་ཐོད་པ་རློན་པ་དང་། །ཞིང་གི་དབྱུག་པ་འཛིན་པའོ། །སྲིད་པའི་མོ་རྒྱུད་ཐམས་ཅད་ཀུན། །ཟིལ་གནོན་རྡོ་རྗེ་རལ་གྲི་མདའ། །ཞགས་པ་དེ་བཞིན་སྡིགས་མཛུབ་དང་། །གཞུ་རྣམས་ཕྱག་ན་གོ་རིམ་བཞིན། །འཇིག་རྟེན་སྲིད་པའི་ཀླུ་རིགས་བཞི། །ཟིལ་གྱིས་གནོན་པའི་ཁྲོ་བོ་ནི། །ཕྱག་ན་དཀར་སེར་དམར་བའི་སྦྲུལ། །དེ་བཞིན་ཁྲ་སྔོ་ནག་པོ་འཆང་། །གཟའ་ཆེན་བརྒྱད་པོ་ཟིལ་གནོན་པའི། །ཁྲོ་རྒྱལ་རྩ་བའི་ཕྱག་ཉིད་ན། །རྡོ་རྗེ་རལ་གྲི་ཞགས་པ་དང་། །དུང་ཁྲག་དབྱུག་པ་ཁྱུང་བསྣམས་པའོ། །ཟིལ་གནོན་ཁྲོ་བོ་འདི་དག་ཀུན། །གཡས་དཀར་གཡོན་ལྗང་དབུས་དམར་ཞལ། །སྐུ་ནི་བསྐལ་པ་མེ་ཡི་འོད། །དབུ་གཙུག་རྟ་མགོ་ལྗང་གུ་ཡི། །སྐད་ཀྱིས་གདུག་པ་སོ་སོར་འདུལ། །ཞབས་བཞི་བརྐྱང་བསྐུམ་གདུལ་བྱ་ཀུན། །མ་ལུས་ཟིལ་གྱིས་གནོན་པར་བྱེད། །རང་རང་ཡུམ་དང་མཉམ་པར་སྦྱོར། །དཀར་དང་སེར་དང་དེ་བཞིན་དམར། །ལྗང་གུའི་མདོག་ཅན་འཇིགས་པའི་གཟུགས། །ལྕགས་ཀྱུ་ཞགས་པ་ལྕགས་སྒྲོག་དྲིལ། །རིམ་བཞིན་ཐོགས་པའི་སྒོ་བར་བཅས། །འབར་གསལ་རྔམས་པ་ལྷན་ནེར་བསྒོམ། །གསང་བའི་སྙིང་པོ་འདི་ཡང་བཟླ། །ཨཱོཾ་བཛྲ་མ་ཧཱ་ཀྲོ་ཏ་ཧ་ཡ་གྷྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཐོག་མཐའ་ཨཱོཾ་དང་ཕཊ་བཞག་ནས། །བར་ན་བཅུ་བཞིའི་གྲོང་མཛེས་པ། །པདྨའི་ལྷ་རྒྱུད་སྙིང་པོ་ཡིན། ། ― DNG014_Page_0368 ―
[མ་དཔེ་གཟིགས་ན་འདིར་གནོན།]
དབང་གི་ཐུགས་དམ་རྒྱུད་བསྐུལ་ཞིང་། །ཁྲག་འཐུང་ལྷ་ཚོགས་དགྱེས་པ་དང་། །རྣལ་འབྱོར་ཉམས་ཆག་སྡིག་སྒྲིབ་སྦྱོང་། །ཡེ་ཤེས་ལྷ་དང་གཉིས་སུ་མེད། །གསུང་གི་རིག་འཛིན་ཐོབ་པར་འགྱུར། །བདེ་བར་གཤེགས་པ་ཐམས་ཅད་འདུས་པ་རྩ་བའི་རྒྱུད་ལས། པདྨ་གསུང་གི་སྒྲུབ་ཐབས་ཀྱི་ལེའུ་སྟེ་བཅུ་བཞི་པའོ།། །།དེ་ནས་དཔལ་རྡོ་རྗེ་གཞོན་ནུས་འདི་སྐད་ཅེས་གསོལ་ཏོ། །ཨེ་མ་སྤྱི་དཔལ་ཁྲོ་བོའི་རྗེ། །ཕྲིན་ལས་སྒྲུབ་ཐབས་བཤད་ཏུ་གསོལ། །དཔལ་ཆེན་ཡབ་ཀྱིས་བཀའ་སྩལ་པ། །ཕུར་པ་ཕྲིན་ལས་བསྒྲུབ་འདོད་པས། །གནམ་ས་གྲུ་གསུམ་བར་གནས་པ། །དཀྱིལ་འཁོར་བྱི་དོར་བྱས་ནས་ནི། །བདུད་རྩི་ལྔ་ཡིས་ཆག་ཆག་གདབ། །མཐིང་ནག་ཧཱུཾ་ཡིག་མཁས་པས་བྲི། །ཡུལ་གསུམ་གསལ་བར་གྱུར་པ་དང་། །དུར་ཁྲོད་ཆེན་པོའི་གཞལ་ཡས་ཁང་། །རྩིབས་བཞི་སྒོ་བཞི་ཁྱམས་དང་ལྡན། །དེ་ནང་དྲེགས་པ་ཁྱོ་ཤུག་དང་། །ཕྱོགས་སྐྱོང་ཉི་ཟླའི་གདན་སྟེངས་སུ། །ཧཱུཾ་ལས་རྡོ་རྗེ་གཞོན་ནུ་ནི། །གཡས་དཀར་གཡོན་དམར་དབུས་མཐིང་ཞལ། །སྐུ་མདོག་བཻ་ཌཱུརྱ་ཡི་མདོག །རྩེ་དགུ་རྩེ་ལྔའི་རྡོ་རྗེ་ཆེ། །ཕྱག་གཡས་དེ་བཞིན་གཡོན་པ་ན། །ཁ་ཊྭཱཾ་ག་དང་མེ་དཔུང་བསྣམས། །མཐའ་གཉིས་རི་རབ་ཕུར་པ་འདྲིལ། །ཞབས་བཞི་གྱད་ཀྱི་དོར་ཐབས་བགྲད། །དུར་ཁྲོད་ཆས་ཀྱིས་སྐུ་བརྒྱན་ནས། །ཁ་ཊྭཱཾ་ཐོད་པ་ཁྲག་གིས་བཀང་། །ཕྱག་ཏུ་བཟུང་ནས་དགྱེས་པའི་ཡུམ། །རྒྱས་འདེབས་མ་དང་ལྷན་ཅིག་ཉིད། །ཕྲིན་ལས་འདུས་པའི་སྐུར་བསྒོམ་བྱ། །གཙོ་བོ་ཡབ་ཡུམ་བྱིན་རླབས་ལས། །འཁོར་ལོའི་ལྷ་ཚོགས་བསྐྱེད་བྱ་བ། །ཤར་དུ་བུཌྜྷ་ཀཱི་ལ་ཡ། །ཞལ་གསུམ་དཀར་དམར་མཐིང་གའི་མདོག །རྡོ་རྗེ་དགྲ་སྟྭ་རྒྱུ་ཞགས་དང་། །རལ་གྲི་ཐོགས་པ་ཟླུམ་ཞིང་སྒེག །ལྷོ་ཕྱོགས་རཏྣ་ཀཱི་ལ་ཡ། །དཀར་དང་དེ་བཞིན་དམར་སེར་ཞལ། །བིང་དང་དགྲ་སྟྭ་རལ་གྲི་དང་། །བེ་ཅོན་བསྣམས་ཏེ་གྲུ་བཞིའི་གཟུགས། ། ― DNG014_Page_0369 ―
[མ་དཔེ་གཟིགས་ན་འདིར་གནོན།]
ནུབ་ཏུ་པདྨ་ཀཱི་ལ་ཡ། །ཞལ་གསུམ་དཀར་སེར་དམར་བའི་གཟུགས། །རལ་གྲི་མདུང་ཐུང་མདའ་དང་གཞུ། །མཚན་མར་འཛིན་པ་དབང་གི་གཟུགས། །བྱང་ཕྱོགས་ཀརྨ་ཀཱི་ལའི་ཞལ། །དཀར་དམར་ལྗང་གུའི་མདོག་ཅན་ཏེ། །མདུང་དང་གྲི་གུག་ལྕགས་ཀྱུ་དང་། །རལ་གྲི་ཐོགས་པ་དྲག་པོའི་སྐུ། །འཇིགས་བྱེད་ཆེན་པོ་འདི་དག་ཀུན། །མཐའ་གཉིས་རི་རབ་ཕུར་པ་འདྲིལ། །རྡོ་རྗེའི་གཤོག་པས་ནམ་མཁའ་ཁེངས། །གྲུ་གསུམ་ཨེ་ཡི་གདན་ལ་བཞུགས། །ཕྱི་ཡི་ཁྱམས་ལ་བསྐྱེད་བྱ་བ། །འཇིགས་པའི་ཁྲོ་བཅུ་ཡུམ་དང་ལྡན། །ཀུན་ཀྱང་ཞལ་གསུམ་ཕྱག་དྲུག་པ། །ཚངས་ལ་སྩོགས་པ་ཞབས་བཞིས་མནན། །རྩ་བའི་ཕྱག་གིས་རྡོ་རྗེ་དང་། །ཐོད་ཁྲག་དཀྲུག་ཅིང་མཐའ་གཉིས་ཀྱིས། །རི་རབ་ཕུར་བུ་འདྲིལ་མཛད་ཅིང་། །རྡོ་རྗེའི་གཤོག་པས་ནམ་མཁའ་ཁྱབ། །ཧཱུཾ་མཛད་སྔོ་སྐྱ་སེར་དམར་ཞལ། །མདའ་གཞུ་འགེངས་ཤིང་སྒྲ་འབྱིན་ཡུམ། །བེ་ཅོན་ཐོགས་དང་སྤྲུལ་པ་ཡི། །ཕྲ་མེན་ཕག་དང་རྨིག་པུའི་མགོ། །རྣམ་རྒྱལ་དཀར་པོ་སྔོ་ལྗང་ཞལ། །རྡོ་རྗེ་དུང་ཁྲག་སྙེམས་མ་ནི། །རལ་གྲི་འཛིན་ཅིང་སྤྲུལ་པ་ཡི། །ཕྲ་མེན་སྟག་དང་བྱ་རྒོད་མགོ། །དབྱུག་སྔོན་དཀར་དང་དམར་བའི་ཞལ། །མེ་དབལ་དབྱུག་ཏོ་འཛིན་མཛད་ཅིང་། །རྡོ་རྗེ་སྡེར་མོ་ལྕགས་ཀྱུའོ། །སྤྲུལ་པ་གཡག་དང་བྱ་རོག་མགོ། །གཤིན་རྗེ་སྔོ་སྐྱ་ལྗང་སྔོན་མདོག །ཐོད་པའི་དབྱུག་པ་དགྲ་སྟྭ་ཐོགས། །དུར་ཁྲོད་བདག་མོ་ཐོད་དབྱུག་འཆང་། །སྤྲུལ་པ་ཤ་བ་འུག་པའི་མགོ། །ལྗང་སྔོན་སྨུག་ནག་མི་གཡོ་མགོན། །རལ་གྲི་དང་ནི་ཞགས་པ་འཛིན། །རྡོ་རྗེ་གཏུན་ཁུང་ཐོ་བ་འཛིན། །སྤྲུལ་པ་གཟིག་དང་ཁྭ་ཏའི་མགོ། །རྟ་མགྲིན་དཀར་དམར་སྔོ་བའི་ཞལ། །སྤུ་གྲི་ཞགས་པ་འཛིན་མཛད་ཅིང་། །རྡོ་རྗེ་གཏུམ་མོ་སྤུ་གྲི་ཐོགས། །སྤྲུལ་པ་བྱི་ལ་པུ་ཤུད་མགོ། །འདོད་རྒྱལ་དམར་སེར་ལྗང་གུའི་མདོག །བ་དན་རྔ་ཡབ་འཆང་དང་ཡུམ། །རྡོ་རྗེ་མདའ་སྙེམས་ཐོ་བ་འཛིན། །སྤྲུལ་པ་སྤྱང་དང་ཁྲ་ཡི་མགོ། །བདུད་རྩི་ ― DNG014_Page_0370 ―
[མ་དཔེ་གཟིགས་ན་འདིར་གནོན།]
འཁྱིལ་པ་ལྗང་དཀར་དམར། །རྡོ་རྗེ་རྒྱ་གྲམ་དྲིལ་བུ་བསྣམས། །རྡོ་རྗེ་རླུང་འབྱིན་དགྲ་སྟྭ་ཐོགས། །སྤྲུལ་པ་སེང་གེ་ཕ་ཝང་མགོ། །དཀར་དམར་ནག་པའི་ཞལ་མདོག་ཅན། །ཁམས་གསུམ་རྣམ་རྒྱལ་རྡོ་རྗེ་སྦྲུལ། །རྡོ་རྗེ་གསོད་བྱེད་ཡུམ་གྲི་གུག །ཕྲ་མེན་དོམ་དང་སྲེ་མོའི་མགོ། །སྟོབས་ཆེན་དུད་ཁ་གནག་དང་ལྗང་། །ཐོ་བ་ཞགས་པ་ཕྱག་ན་སྟེ། །རྡོ་རྗེ་སྐུལ་བྱེད་རྩེ་གསུམ་འཛིན། །སྤྲུལ་པ་དྲེད་དང་བྱི་ལའི་མགོ། །ལྕགས་ཀྱུ་འཛིན་དཀར་པུ་ཤུད་མགོ། །ཞགས་འཛིན་གསེར་མདོག་སྐྱ་ཀའི་གདོང་། །སྲིན་བྱའི་གདོང་དམར་ལྕགས་སྒྲོག་ཐོགས། །དྲིལ་འཁྲོལ་ལྗང་གུ་ཁྲ་གདོང་སྟེ། །མ་ལུས་གསལ་བར་སྐུ་བསྐྱེད་ལ། །གསང་སྔགས་སྙིང་པོ་འདི་ཡང་བཟླ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ། ཐོག་མཐའ་ཨཱོཾ་དང་ཕཊ་བཞག་ནས། །བར་ན་བཅུ་གཉིས་གྲོང་མཛེས་པ། །ཕུར་པའི་ལྷ་རྒྱུད་སྙིང་པོ་ཡིན། །སྤྲོ་བསྡུས་ཕུར་པའི་འཕྲོ་འདུ་བྱ། །ཕྲིན་ལས་རྣམ་བཞི་ལས་ལ་སྦྱར། །དགྲ་བགེགས་གདུག་པ་ཚར་བཅད་ནས། །ཕྲིན་ལས་རིག་འཛིན་ཐོབ་པར་འགྱུར། །བདེ་བར་གཤེགས་པ་ཐམས་ཅད་འདུས་པ་རྩ་བའི་རྒྱུད་ལས། ཕུར་པ་ཕྲིན་ལས་སྒྲུབ་པའི་ལེའུ་སྟེ་བཅོ་ལྔ་པའོ།། །།དེ་ནས་བླ་མེད་ཧེ་རུ་ཀས་འདི་སྐད་ཅེས་གསོལ་ཏོ། །ཨེ་མ་སྤྱི་དཔལ་ཁྲོ་བོའི་རྗེ། །མ་མོ་རྦོད་གཏོང་སྒྲུབ་པའི་ཐབས། །ཕྲིན་ལས་ལས་ལ་བསྐུལ་བའི་ཕྱིར། །རིམ་བཞིན་བདག་ལ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །དཔལ་ཆེན་ཡབ་ཀྱིས་བཀའ་སྩལ་པ། །མ་མོ་རྦོད་གཏོང་བསྒྲུབ་འདོད་པས། །དུར་ཁྲོད་ཆེན་པོའི་ས་ཕྱོགས་སུ། །དཀྱིལ་འཁོར་བྱི་དོར་བྱས་ནས་ནི། །ཁྲག་ཆེན་དག་གིས་ཆག་ཆག་གདབ། །ཐལ་ཆེན་གྱིས་ནི་ཧཱུཾ་བྲིས་ལ། །དམིགས་པའི་རྟེན་དུ་མཁས་པས་གཞག །ཡུལ་གསུམ་གསལ་བར་གྱུར་པ་དང་། །དུར་ཁྲོད་འབར་བའི་གཞལ་ཡས་ཁང་། །གྲུ་ཆད་ཁྱམས་དང་སྒོ་བཞིར་བཅས། །ཞིང་ཆེན་བླ་རེས་བརྒྱན་ ― DNG014_Page_0371 ―
[མ་དཔེ་གཟིགས་ན་འདིར་གནོན།]
པའོ། །ཞིང་ཆེན་ཞིང་ཆུང་གདན་སྟེངས་སུ། །བདག་ཉིད་ཆེ་མཆོག་ཧེ་རུ་ཀ །སྐུ་ནི་མཐིང་ནག་འཇིགས་ཚུལ་ཅན། །གཡས་དཀར་གཡོན་དམར་དབུས་མཐིང་ཞལ། །རྡོ་རྗེ་སྦྲུལ་ཁྱུང་སྦྲུལ་ཞགས་གཡས། །བྷནྡྷ་ཞིང་གཡས་གའུ་གཡོན། །དུར་ཁྲོད་འཇིགས་པའི་ཆས་ཀྱིས་བརྒྱན། །སྲིད་པའི་མ་མོ་ཞབས་བཞིས་གཟིར། །ཡུམ་ཆེན་ཀུན་ཏུ་བཟང་མོ་ནི། །བཞི་ཟུར་ཞབས་བརྒྱད་ཕྱོགས་མཚམས་གནོན། །མཁའ་བཞི་བདེ་ཀློང་གཅིག་ཏུ་འཁྲིལ། །དབུ་གཅིག་ཞལ་ལྔ་སྲིད་པ་གསལ། །ཕ་རོལ་ཕྱིན་དྲུག་ཕྱག་རྒྱ་ཡིས། །རྡོ་རྗེ་དྲིལ་བུ་དྲིལ་ཞགས་དང་། །བྷནྡྷ་བདུད་རྩི་གཡང་གཞི་བསྣམས། །སྣ་ཚོགས་འགྱུར་བའི་སྐུ་མདོག་ལ། །གཉིས་མེད་བདེ་བས་ཡབ་དང་སྦྱོར། །མཁས་པས་ཆོ་ག་ཇི་བཞིན་དུ། །དཀྱིལ་འཁོར་གཙོ་བོར་བསྐྱེད་པར་བྱ། །རྟག་པའི་རྒྱལ་མོ་རྣམ་པ་ལྔ། །དབུ་གསུམ་ཕྱག་དྲུག་ཞབས་བཞི་བགྲད། །ཕྱག་དྲུག་གཡས་ཀྱི་དང་པོ་ན། །རིགས་ཀྱི་མཚན་མ་སོ་སོར་འཛིན། །དེ་བཞིན་གཡོན་ན་ཐོད་པའོ། །རྣམ་སྣང་གསལ་དང་འོད་གསལ་འབར། །སྙན་གསལ་འབར་དང་ཡང་གསལ་གཡོས། །བཀྲ་གསལ་འབར་ཞེས་བྱ་བ་ནི། །མིང་གི་མཐའ་དང་ཡང་དག་ལྡན། །ཤར་གྱི་མཁའ་འགྲོ་སེང་གདོང་མ། །སྐུ་མདོག་དཀར་མོ་ཤེལ་ལྟར་དག །དགྲ་སྟྭ་དང་ནི་གཏུན་ཤིང་བརྡེག །སེང་གེ་མཆོག་ཆེན་ཐ་མས་སྙོད། །ལྷོ་ཡི་མཁའ་འགྲོ་བན་གླང་གདོང་། །སྐུ་མདོག་སྔོན་མོ་འབར་བ་ལ། །མེ་དབལ་དབྱུག་པའི་ཐོ་བ་དང་། །ཐ་མ་སྟག་མོ་ཞིང་ཆུང་སྙོད། །ནུབ་ཀྱི་མཁའ་འགྲོ་པུད་ཀའི་ཕུད་ཀ་ཡང་གདོང་། །སྐུ་མདོག་དམར་མོ་མཛེས་ཚུལ་ཅན། །ཞགས་པ་དང་ནི་ཏྲི་ཤཱུ་ལ། །ཅེ་སྤྱང་དང་ནི་ཞིང་ཆུང་སྙོད། །བྱང་གི་མཁའ་འགྲོ་རྡོ་རྗེའི་མཆུ། །སྐུ་མདོག་ལྗང་གུ་འོད་དུ་འབར། །དབྱུག་ཏོ་རྡོ་རྗེ་རྒྱུ་ཕྲེང་འཛིན། །སྤྱང་མོའི་ཁ་རུ་ཞིང་ཆུང་སྙོད། །ནམ་མཁའི་མཁའ་འགྲོ་རྡོ་རྗེའི་མཆུ། །སྐུ་མདོག་བཙོ་མའི་གསེར་ལྟར་གདོང་། །འཁོར་ལོ་དང་ནི་བྷནྡྷ་འབར། །རྒྱལ་མཚན་དང་ནི་ ― DNG014_Page_0372 ―
[མ་དཔེ་གཟིགས་ན་འདིར་གནོན།]
སྤུ་གྲི་འཛིན། །ཐ་མ་འུག་པ་ཞིང་ཆུང་སྙོད། །སྲིད་པའི་བདེ་འགྲོ་ཁམས་གསུམ་ཡུམ། །སྐུ་མདོག་མཐིང་ག་འབར་བ་ལ། །དབུ་གསུམ་ཕྱག་དྲུག་ཞབས་བཞི་བགྲད། །འཁོར་ལོ་རིན་ཆེན་གཡང་གཞི་བརྡེབ། །ཐོད་ཁྲག་ཚེ་བུམ་ལྕགས་ཀྱུ་ཐོགས། །དཀར་མོ་ཉི་ཟླའི་ཐོད་ཕྲེང་ཅན། །ཟངས་ལྕགས་དཀར་ནག་ཞགས་པ་འཕེན། །རྡོ་རྗེ་ཉི་མ་མདོག་དཀར་ཞིང་། །ཕྱག་ན་ཤེལ་གྱི་སྤུ་གྲི་ཐོགས། །རྡོ་རྗེ་ཁྲག་འཐུང་ཞེས་བྱ་བ། །སྔོན་མོ་ཐོད་པ་ཁྲག་ཅན་འཛིན། །རྡོ་རྗེ་བདུད་རྩི་དམར་མོ་ནི། །ལག་ན་བདུད་རྩིའི་བུམ་པ་འཛིན། །ལྗང་ནག་རྡོ་རྗེ་སྲིད་གསུམ་མ། །ལག་ན་ཞིང་ལྤགས་རྒྱལ་མཚན་ཐོགས། །དཀར་མོ་སྲིད་པའི་རྒྱན་བྱེད་མ། །ལག་ན་སྲིད་པའི་ཞགས་པ་ཐོགས། །སྔོན་མོ་དབྱིངས་ཕྱུག་རྒྱལ་མོ་ནི། །ལག་ན་ཞིང་གི་དབྱུག་པའོ། །དམར་མོ་བདག་ཉིད་ཆེན་མོ་ནི། །ལག་ན་ཞིང་གི་རྒྱུ་ཞགས་འཛིན། །སེར་མོ་ཆེན་མོ་གཅིག་པུ་མ། །ལག་ན་མི་ཡི་གཡང་བཞི་བརྡེབ། །དཀར་མོ་ཆེན་མོ་མིག་གཅིག་མ། །ལག་ན་བྷནྡྷ་ཟླུམ་པོ་ཐོགས། །མཐིང་ནག་ཆེན་མོ་མཆེ་བ་ཅན། །ལག་ན་བྷནྡྷ་སུལ་མང་བསྣམས། །དམར་མོ་དབང་གི་རྒྱལ་མོ་ནི། །ལག་ན་བྷནྡྷ་ལྕང་ལོ་ཅན། །སེར་མོ་ཆེན་མོ་ལས་མཁན་མ། །ལག་ན་བྷནྡྷ་རྒྱ་གྲམ་ཐོགས། །སྲིད་པའི་མ་མོ་ཆགས་བྱེད་མ། །མཐིང་ནག་མི་སྙིང་རློན་པ་ཐོགས། །ཏིང་འཛིན་དེ་བཞིན་ཆ་སྙོམས་མ། །དམར་མོ་ཐོད་པ་ཁྲག་གིས་བཀང་། །འདོད་པའི་ཁམས་ཀྱི་དབང་ཕྱུག་མ། །མདོག་སྔོན་བདུད་ཀྱི་ཁྲམ་བམ་ཐོགས། །ཨེ་ཀ་ཛ་ཊཱི་རལ་གཅིག་མ། །དཀར་མོ་ཁ་ཊྲཱ་ག་མི་རོ། །གླིང་བཞི་ཀུན་གྱི་སྤྱི་ཕུད་ནི། །དཀར་མོ་ལྕགས་ཀྱུ་འོད་ཕྲེང་ཅན། །རིན་ཆེན་སྲིད་འདེགས་མདོག་སྔོན་མོ། །ལག་ན་གཡུ་ཡི་གའུ་འོ། །པདྨ་གར་དབང་ལེ་བརྒན་མདོག །ཐོད་པ་ཁྲག་བཀང་ཐུགས་ཀར་འཛིན། །དེ་བཞིན་རྡོ་རྗེ་གར་དབང་ཕྱུག །སེར་མོ་མེ་ཡི་དཀྱིལ་འཁོར་ཅན། །ཧར་ཏིང་དཀར་མོ་ཆེན་མོ་ནི། །ལག་ན་མེ་ཡི་དཀྱིལ་འཁོར་ཐོགས། །དུན་ཏིང་ནག་མོ་ཁྲོ་མོའི་གཟུགས། །ལག་ ― DNG014_Page_0373 ―
[མ་དཔེ་གཟིགས་ན་འདིར་གནོན།]
ན་ས་ཡི་དཀྱིལ་འཁོར་འཛིན། །དངོས་པོའི་ཆ་བྱད་དམར་མོ་ལ། །ལག་ན་ཆུ་ཡི་དཀྱིལ་འཁོར་ཐོགས། །གྲུབ་ཏིང་སེར་མོ་གསེར་གྱི་མདོག །ལག་ན་རླུང་གི་དཀྱིལ་འཁོར་འཛིན། །བདག་ཉིད་ཆེན་མོ་གཅིག་པུ་མ། །དབྱིངས་ཕྱུག་རྒྱན་གྱི་རྒྱལ་མོ་ནི། །ཞིང་གི་རྒྱུ་ཞགས་གཡང་གཞི་བརྡེབ། །སྲད་བུའི་ཞགས་པ་ཐོད་པ་འཛིན། །སྒམ་པ་མོ་དང་ཕོར་ཐོགས་མ། །གཡང་གཞི་མོ་དང་ཟ་བ་དང་། །གསོད་བྱེད་མ་དང་ཟ་བ་མོ། །དེ་བཞིན་དྲི་མ་སྣོམ་བྱེད་མ། །སྲིན་མོ་ཆེན་མོ་འདི་དག་ཀྱང་། །དཀར་སྔོ་དམར་དང་སེར་བའི་གཟུགས། །ཐོད་པ་སྣ་ཚོགས་འཛིན་མའོ། །ཤར་གྱི་དཀར་མོ་མཆེ་གཙིགས་མ། །ལག་ན་བྷནྡྷ་དཀར་པོ་ཐོགས། །ལྷོ་ཡི་ནག་མོ་ཁ་འབྱམས་མ། །ལག་ན་བྷནྡྷ་སྔོན་པོ་ཐོགས། །ནུབ་ཀྱི་དམར་མོ་མཆུ་འཇིབ་མ། །ལག་ན་བྷནྡྷ་དམར་པོ་ཐོགས། །བྱང་གི་སེར་མོ་རྐང་ལྡག་མ། །ལག་ན་བྷནྡྷ་སེར་མོ་ཐོགས། །གླིང་བཞི་མགྱོགས་མ་ལྷ་ཡི་སྲིང་། །དཀར་མོ་རྡོ་རྗེ་རྩེ་གསུམ་ཐོགས། །མཁའ་ལ་ཁྱུང་ལྡིང་གཤིན་རྗེའི་སྲིང་། །སྔོན་མོ་མི་ཐོད་དབྱུག་པ་ཐོགས། །དམར་མོ་གཡག་ཐོད་ཀླུ་ཡི་སྲིང་། །དམར་མོ་སྦྲུལ་ནག་ཞགས་པ་ཐོགས། །ནག་མོ་སྡེར་ཐོགས་གནོད་སྦྱིན་སྲིང་། །སེར་མོ་ནེའུ་ལེའི་རྐྱལ་པ་ཐོགས། །མཁའ་འགྲོའི་ཚོགས་བཅས་གསལ་བསྐྱེད་ལ། །གསང་སྔགས་སྙིང་པོ་འདི་ཡང་བཟླ། །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་ཏཱི་ཤྭ་རཱི་སྟྭཾ། མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། ཨོཾ་དང་ཕཊ་ཀྱི་ཐོག་མཐའ་བརྟེན། །བར་ན་ཉེར་བརྒྱད་གྲོང་གནས་པ། །མ་མོ་འཁོར་བཅས་སྲོག་སྙིང་ཡིན། །མ་མོ་རྣམས་ཀྱི་ཞལ་དུ་ཡང་། །བདུད་རྩི་བླུགས་ལ་ལས་ལ་དགྱེ། །རྦོད་གཏོང་ལས་རྣམས་འགྲུབ་པར་འགྱུར། །ཞེས་གསུངས་སོ། །བདེ་བར་གཤེགས་པ་ཐམས་ཅད་འདུས་པ་རྩ་བའི་རྒྱུད་ལས། མ་མོ་རྦོད་གཏོང་སྒྲུབ་པའི་ལེའུ་སྟེ་བཅུ་དྲུག་པའོ།། །།དེ་ནས་དཔལ་དྲེགས་པ་ཀུན་འདུལ་གྱིས་འདི་སྐད་ཅེས་གསོལ་ཏོ། །ཨེ་མ་དཔལ་ཆེན་ཐབས་ལ་མཁས། །འཇིག་རྟེན་མཆོད་བསྟོད་ ― DNG014_Page_0374 ―
[མ་དཔེ་གཟིགས་ན་འདིར་གནོན།]
སྒྲུབ་པའི་ཐབས། །མ་རུངས་གདུག་པ་འདུལ་བའི་ཕྱིར། །དཔའ་བོ་ཆེན་པོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །དཔལ་ཆེན་ཡབ་ཀྱིས་བཀའ་སྩལ་པ། །འཇིག་རྟེན་མཆོད་བསྟོད་བསྒྲུབ་འདོད་པས། །གདུབ་རྩུབ་ལྷ་འདྲེ་གནས་པའི་སར། །དཀྱིལ་འཁོར་བྱི་དོར་བྱས་ནས་ནི། །ཁྲག་སྣ་ཚོགས་པས་ཆག་ཆག་གདབ། །སྣ་ཚོགས་ཁྲག་གིས་ཨེ་དབྱིབས་བྲི། །དམིགས་པའི་རྟེན་དུ་མཁས་པས་གཞག །ཡུལ་གསུམ་གསལ་བར་གྱུར་པ་དང་། །དུར་ཁྲོད་འབར་བའི་གཞལ་ཡས་ཁང་། །འཁོར་ལོ་རྩིབས་བཞི་བར་ཁྱམས་དང་། །སྒོ་བཞིར་བཅས་པ་གསལ་བ་ལ། །གདུག་པའི་གཅན་གཟན་འདབ་ཆགས་འཁོར། །ཤིན་ཏུ་འཇིགས་པ་བསྐྱེད་ནས་ནི། །དཔལ་ཆེན་དྲེགས་པ་ཀུན་འདུལ་ནི། །དབུ་གསུམ་ཕྱག་ཀྱང་དྲུག་པ་སྟེ། །ཁམ་ནག་སྨུག་ནག་མཐིང་ནག་ཞལ། །དང་པོ་རྡོ་རྗེ་དུང་ཁྲག་དང་། །ལྷ་བརྒྱད་དེ་བཞིན་ཀླུ་བརྒྱད་ཀྱི། །མགོ་བོ་དེ་བཞིན་ཕྱག་གཉིས་པའི། །འོག་མ་དག་གིས་འཛིན་པའོ། །དྲེགས་པའི་སྙིང་ག་ཞབས་ཀྱིས་བརྫིས། །ཡུམ་ཆེན་ཁམས་གསུམ་སྤྱི་འདུལ་མ། །རྡོ་རྗེ་དུང་ཁྲག་ཐོགས་པ་ནི། །དྲེགས་པ་འདུལ་བའི་གཉེན་པོར་བསྒོམ། །མ་རུངས་འདུལ་བྱེད་དེ་ཡི་འཁོར། །དྲེགས་པའི་སྡེ་རྣམས་བསྐྱེད་པར་བྱ། །མཐིང་ནག་མ་ཧཱ་དེ་བ་ནི། །གྲི་གུག་དང་ནི་ཙིཏྟ་འཛིན། །རྩེ་གསུམ་ཐོད་པ་ཁྲག་བཅས་པའི། །ཨུ་མ་དེ་བའི་ཡུམ་དང་བཅས། །གཤིན་རྗེ་ནག་པོ་སྲོག་གི་བདག །བེ་ཅོན་ཐོད་པའི་དབྱུག་པ་འཆང་། །གསོད་བྱེད་ནག་མོའི་ལག་པ་ན། །སྲིད་པའི་འཁོར་ལོ་བསྐོར་བ་དང་། །མཐིང་ནག་བདུད་རྣམས་ཀུན་གྱི་བདག །ཁྲམ་ཤིང་དང་ནི་ཏེ་རའོ། །བདུད་མོ་ནག་མོ་རེ་མ་ཏི། །ཁྲམ་བམ་དང་ནི་ནད་རྐྱལ་ཐོགས། །ནག་པོ་གློག་ཕྲེང་སྲིན་གྱི་གཙོ། །ཐོག་དང་སྲིད་པ་འཁྲུགས་པའི་འོད། །འཛིན་དང་སྲིན་མོ་ཁྲག་མིག་མ། །དམར་ནག་ཁྲག་ཕུར་ཐོད་པ་འཆང་། །གནོད་སྦྱིན་མེ་དབལ་མཐིང་ནག་སྐུ། །རིན་པོ་ཆེ་དང་མཚོན་འཛིན་ ― DNG014_Page_0375 ―
[མ་དཔེ་གཟིགས་ན་འདིར་གནོན།]
པ། །མ་མོ་ནག་མོ་དེ་ཡི་ཡུམ། །སྤུ་གྲི་སྤྱང་མོ་ཕྱག་གཉིས་ནའོ། །གཟའ་བདུད་ཆེན་པོ་རཱ་ཧུ་ལ། །དུད་ཁ་མདའ་གཞུ་སྦྲུལ་ཞགས་བསྣམས། །གནམ་སྨན་ཐོག་གི་བུ་ཡུག་མ། །དམར་སྐྱ་ཐོགས་དང་སེར་བ་འབེབས། །ཀླུ་བདུད་ནག་པོ་མགོ་དགུ་པོ། །དུད་ཁ་སྦྲུལ་ཞགས་ནད་རྐྱལ་ཐོགས། །ཀླུ་མོ་ནག་མོ་ཞེས་བྱ་བ། །མོ་གཟུགས་ཀླུ་བདུད་ཆ་ལུགས་ཅན། །སྲིད་པའི་ལྷ་རྣམས་ཀུན་གྱི་གཙོ། །དཀར་པོ་དར་མདུང་ཤེལ་གྱི་གྲི། །གནམ་གྱི་ལྷ་ཆེན་སྐྱེས་བུའི་བདག །དཀར་པོ་ལྷན་ལྡན་ཡང་དཀར་རལ་གྲི་འཛིན། །སྐུ་མདོག་དཀར་པོ་སྤྱི་ཡི་བདུད། །དར་མདུང་རལ་གྲི་ཕྱག་ཆར་འཆང་། །མ་མོ་སྲིད་པའི་རྒྱལ་མོ་ནི། །མེ་ལོང་ཙཀྲ་འཛིན་པ་དཀར། །སྔགས་སྲུང་ཨེ་ཀ་ཛ་ཊཱི་མ། །མཐིང་ནག་གཡུ་སྤྱང་ཙིཏྟ་འཛིན། །དཔལ་ལྡན་ནག་མོ་མགྱོགས་བྱེད་མ། །ཚོན་དྲུ་དང་ནི་ནད་རྐྱལ་ཐོགས། །དམར་ནག་རྡོ་རྗེ་བདུད་འདུལ་ནི། །ཁྲག་དང་ཉུང་དཀར་ཐུན་འབེབས་པའོ། །སྲོག་ཟན་དམར་པོ་བཙན་གྱི་རྗེ། །བསེ་མདུང་མདའ་དང་གཞུ་ཡི་མཚོན། །སྲིད་པའི་བཙན་འགོང་དམར་པོ་ནི། །ཤང་ལང་ཟངས་ཀྱི་ཞགས་པ་བསྣམས། །མུ་སྟེགས་ཀ་ལ་ནག་པོ་ནི། །རྩེ་གསུམ་ཐོད་པ་ཁྲག་ཅན་འཛིན། །མཐིང་ནག་བགེགས་ཀྱི་རྒྱལ་པོ་ནི། །ཁ་ཊྭཱཾ་ཐོད་པ་ལག་ཏུ་འཆང་། །དམུ་བདུད་ཡོངས་ཀྱི་རྗེ་བོ་ནི། །མཐིང་ནག་ཤང་ལང་མདའ་དང་གཞུ། །ཚངས་པ་ལྷ་རྣམས་ཀུན་གྱི་གཙོ། །སྤུ་གྲི་ཉི་མའི་ཟེར་ཐོགས་པའོ། །ཕོ་རྒྱུད་རྒྱལ་པོ་ཡོངས་ཀྱི་བདག །མདོག་དཀར་ཞགས་པ་སྤུ་གྲི་འཛིན། །གསང་བ་སྐུ་ལྷའི་གཙོ་བོ་དཀར། །རྡོ་རྗེ་དང་ནི་རུ་མཚོན་འཆང་། །མགོན་པོ་མ་ཧཱ་ཀཱ་ལ་ནི། །མཐིང་ནག་བེང་དང་གྲི་གུག་ཐོགས། །དྲེགས་པའི་དེད་དཔོན་སུམ་ཅུ་པོ། །སྣ་ཚོགས་གོས་གོན་རེ་རེ་འང་། །འབུམ་ཕྲག་གཉིས་གཉིས་འཁོར་དང་བཅས། །སྤྲུལ་པ་ཡང་སྤྲུལ་བསམ་མི་ཁྱབ། །གསལ་འཚེར་འབར་བའི་སྐུར་བསྒོམས་ཏེ། །སྙིང་པོ་འདི་ཡང་བཟླས་པར་བྱ། །ཨཱོཾ་བཛྲ་ཙཎྜ་སརྦ་དུཥྚཾ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ ― DNG014_Page_0376 ―
[མ་དཔེ་གཟིགས་ན་འདིར་གནོན།]
ནས། །བར་ན་གྲོང་ཁྱེར་བརྒྱད་གནས་པ། །འཇིག་རྟེན་མཆོད་བསྟོད་བསྒྲུབ་པའི་སྔགས། །དྲེགས་པ་ཅན་གྱི་སྡེ་བརྒྱད་ཀྱི། །བསྟན་པ་བསྲུང་ཞིང་སྐུ་དགྲ་འདུལ། །འགྲས་པའི་དགྲ་རྣམས་སྒྲོལ་བར་འགྱུར། །བདེ་བར་གཤེགས་པ་ཐམས་ཅད་འདུས་པ་རྩ་བའི་རྒྱུད་ལས། འཇིག་རྟེན་མཆོད་བསྟོད་སྒྲུབ་པའི་ལེའུ་སྟེ་བཅུ་བདུན་པའོ།། །།དེ་ནས་སྟོབས་ལྡན་ནག་པོས་འདི་སྐད་ཅེས་གསོལ་ཏོ། །ཨེ་མ་དཔལ་ཆེན་ཐབས་ལ་མཁས། །དམོད་པ་དྲག་སྔགས་སྒྲུབ་པའི་ཐབས། །གདུག་པ་མ་ལུས་བསྒྲལ་བའི་ཕྱིར། །དཔའ་བོ་ཆེན་པོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །དཔལ་ཆེན་ཧེ་རུས་བཀའ་སྩལ་པ། །དམོད་པ་དྲག་སྔགས་བསྒྲུབ་འདོད་པས། །སྲོག་ཆགས་བསད་པའི་རི་ཤུང་འདྲའི་རི་ཡང་འདྲའི་ས། །དམར་པོ་ཁྲག་གི་མདོག་འདྲའི་ངོས། །དཀྱིལ་འཁོར་གྲུ་གསུམ་འབར་བ་ལ། །སྲིན་པོ་ཁྲོས་པའི་གཟུགས་བྲིས་ལ། །དམིགས་པའི་རྟེན་དུ་མཁས་པས་གཞག །ཡུལ་གསུམ་གསལ་བར་གྱུར་པ་དང་། །ཤིན་ཏུ་འཇིགས་པའི་དཀྱིལ་འཁོར་ནི། །ཙ་ཀྲ་རྩིབས་དང་སྒོ་བཞིར་བཅས། །རབ་ཏུ་གསལ་བའི་དབུས་ཉིད་དུ། །བདུད་བགེགས་ཉི་ཟླ་པདྨའི་ཁར། །ལྷ་མཆོག་སྟོབས་ལྡན་ནག་པོ་ནི། །དབུ་གསུམ་ཕྱག་དྲུག་ཞབས་བཞིར་བགྲད། །སྐུ་མདོག་མཐིང་ནག་འཇིགས་པའི་ཞལ། །ཕྱག་ན་རྡོ་རྗེ་དུང་ཁྲག་དང་། །ལྷ་བརྒྱད་ཀླུ་བརྒྱད་ཙིཏྟ་བསྣམས། །ཞབས་གཉིས་དྲེགས་པ་ཕོ་མོ་གཟིར། །འབྱུང་བ་ལྔ་ཡི་བདག་མོ་ནི། །མཁའ་འདེགས་ས་གཞི་གནོན་པའི་ཕྱག །ཞལ་ནས་འབྱུང་བ་ལྔ་འཆར་མ། །ཡུམ་དང་གཉིས་མེད་སྦྱོར་བྱེད་པའི། །དྲག་སྔགས་གཙོ་བོ་བསྐྱེད་པར་བྱ། །དྲག་སྔགས་སྡེ་དཔོན་བཅོ་བརྒྱད་པོ། །རང་གི་སྔགས་ལས་བསྐྱེད་བྱ་སྟེ། །འཆི་བདག་གཤིན་རྗེ་ནག་པོ་ནི། །ཐོད་པ་གྲི་གུག་འཛིན་མཛད་ཅིང་། །ཐོད་པ་གྲི་གུག་འཛིན་ཡུམ་ལྡན། །བདུད་ནག་མེ་འབར་ཞེས་བྱ་བ། །ཁྲམ་ཤིང་བདུད་ཞགས་ཐོགས་པ་དང་། །ཁྲམ་ཤིང་ཐོད་རློན་འཛིན་པ་ཡི། ། ― DNG014_Page_0377 ―
[མ་དཔེ་གཟིགས་ན་འདིར་གནོན།]
ཡུམ་དང་སྲིན་པོ་གསོད་བྱེད་ནི། །རལ་གྲི་ཐོད་འཆང་དེ་ཡི་ཡུམ། །གྲི་གུག་མི་མགོ་ཐོགས་པའོ། །གནོད་སྦྱིན་གང་བ་བཟང་པོ་ནི། །མདོག་སྔོན་རལ་གྲི་དར་ནག་འཕྱར། །དར་ནག་ཞིང་ལྤགས་འཛིན་པའི་ཡུམ། །མ་ཧཱ་དེ་ཝ་སྐུ་མདོག་དཀར། །བ་དན་ཤེལ་གྲི་འཛིན་པ་དང་། །ཐར་པ་ནག་པོ་ཞེས་བྱ་བ། །མཆོད་གཏོར་ཐུན་གྱི་གཏོར་མ་འཆང་། །མཐིང་ནག་བཙན་པོ་ཞེས་བྱ་བ། །དར་ནག་དང་ནི་ཞིང་ལྤགས་ཐོགས། །མུ་སྟེགས་ནག་པོ་ཞེས་བྱ་བ། །ཁ་ཊྭཱཾ་ག་དང་ཏྲི་ཤཱུལ་འཛིན། །དུ་བ་མཇུག་རིང་གཟའ་ཡི་གཙོ། །ནག་པོ་ཁྲམ་ཤིང་དགྲ་སྟྭ་འཆང་། །རྒྱལ་པོ་ཧར་མཛེས་ཞེས་བྱ་བ། །མདོག་དཀར་ཤེལ་གྲི་དར་དཀར་འཛིན། །མདོག་སེར་འགོང་པོ་ཡོངས་ཀྱི་གཙོ། །སྤྲུལ་པའི་ལག་པ་འགྱེད་པ་དང་། །མདོག་དཀར་རྡོ་རྗེ་མཛེས་པ་ནི། །དཀར་དང་དམར་བའི་རུ་མཚོན་ཐོགས། །འཇིག་རྟེན་བཙན་གྱི་རྒྱལ་པོ་ནི། །བཙན་གྱི་མདུང་དང་གྲི་འཛིན་པའོ། །ཀླུ་རྒྱལ་སོག་མ་མེད་ཅེས་པ། །དམར་པོ་བུམ་པ་རུས་སྦལ་ལྡན། །དྲེགས་པ་དམོད་པའི་མཚོན་ཆ་ཅན། །སྲིན་པོའི་གཟུགས་ཅན་མཚོན་ཆ་ཐོགས། །ཁ་ནས་དམོད་པའི་དྲགས་སྔགས་ཟློས། །གང་ལ་དམིགས་པའི་སྲོག་ལུས་གཅོད། །དེ་ལྟ་བུ་ནི་གསལ་བ་དང་། །སྙིང་པོ་འདི་ཡང་བཟླས་པར་བྱའོ། །ཨཱོཾ་བཛྲ་སརྦ་དུཥྠཾ་ཧཱུཾ་ཕཊ། །ཐོག་མཐར་ཨཱོཾ་དང་ཕཊ་བཞག་ནས། །བར་ན་གྲོང་ཁྱེར་དྲུག་གནས་པ། །དམོད་པ་དྲག་སྔགས་སྙིང་པོ་ཡིན། །དེ་ནས་དྲག་སྔགས་གང་འདོད་བསྒྲུབ། །གདོན་མི་ཟ་བར་གྲུབ་འགྱུར་ཏེ། །རྡོ་རྗེའི་བྲག་ཀྱང་ཚལ་པར་འགས། །ཞེས་གསུངས་སོ། །བདེ་བར་གཤེགས་པ་ཐམས་ཅད་འདུས་པ་རྩ་བའི་རྒྱུད་ལས། དམོད་པ་དྲག་སྔགས་བསྒྲུབ་པའི་ལེའུ་སྟེ་བཅོ་བརྒྱད་པའོ།། །། དེ་ནས་དཔལ་ཆེན་པོ་ཏིང་ངེ་འཛིན་ལས་བཞེངས་པ་དང་། དེར་སྤྲུལ་ཞིང་འདུས་པའི་འཁོར། ཁྲོ་བོ་དང་། ཁྲོ་མོ་རྣམས་དང་། གྲུབ་པའི་རིག་འཛིན་གྱི་ཚོགས་ལྷུན་གྱིས་གྲུབ་པ་དང་། ཕྱག་རྒྱ་ཆེན་པོ་དང་། ཚེ་ བཅོམ་ལྡན་འདས་བདེ་བར་གཤེགས་པ་ཐམས་ཅད་འདུས་པ་ཕྱི་མའི་རྒྱུད་ཅེས་བྱ་བ།― DNG014_Page_0378 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བྷ་ག་ཝཱན་སརྦ་སུ་ག་ཏ་ས་མུ་དཱ་ཡོཏྟ་ར་ཏནྟྲ་ནཱ་མ། བོད་སྐད་དུ། བཅོམ་ལྡན་འདས་བདེ་བར་གཤེགས་པ་ཐམས་ཅད་འདུས་པ་ཕྱི་མའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་ཆོས་ཀྱི་དབྱིངས་ཀྱི་ཕོ་བྲང་། དུར་ཁྲོད་ཆེན་པོ་འབར་བའི་གཞལ་ཡས་ཁང་། ཕྱི་ནང་རྒྱ་ཁྱོན་ཚད་མེད་པའི་རྒྱན་གྱིས་བརྒྱན་པའི་ནང་ན། བཅོམ་ལྡན་འདས་དཔལ་ཀུན་བཟང་ཧེ་རུ་ཀ་ལ། འཁོར་ཁྲོ་བོ་དང་ཁྲོ་མོ་དང་། རིག་འཛིན་ཕོ་མོ་བསམ་གྱིས་མི་ཁྱབ་པ་དང་། འཇིག་རྟེན་གྱི་དྲེགས་པ་ཕོ་མོ་རྣམས་དང་ཐབས་ཅིག་ཏུ་བཞུགས་སོ། །དེའི་ཚེ་འཁོར་འདུས་པ་ཆེན་པོའི་ནང་ནས་རིག་འཛིན་ཕོ་མོ་རྣམས་ཀྱིས་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་སྤྱི་དཔལ་རྗེ། །སློབ་དཔོན་སློབ་མའི་མཚན་ཉིད་དང་། །སྨིན་པར་བྱེད་པའི་ལམ་དང་ནི། །ཕྱག་རྒྱ་སྒྲུབ་པའི་ཐབས་ལ་སོགས། །རྩ་བའི་རྒྱུད་དུ་མ་གསུངས་པ། །ཕྱི་མ་ཡི་ནི་རྒྱུད་ ― DNG014_Page_0379 ―
[མ་དཔེ་གཟིགས་ན་འདིར་གནོན།]
ཆེན་འདིར། །སེམས་ཅན་རྣམས་ལ་སྨན་པའི་ཕྱིར། །གཙོ་བོས་རིམ་བཞིན་བཤད་དུ་གསོལ། །ཨ་ལ་ལ་ཧོ། ཞེས་ཕྱག་དང་བསྐོར་བ་བྱས་ཏེ་ཞུས་སོ། །ངེས་པར་འབྱུང་བ་ཕྱི་མའི་རྒྱུད་ལས་ཞུས་པའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀས་འཁོར་རྣམས་ལ་འདི་སྐད་ཅེས་བཀའ་སྩལ་ཏོ། །ཀྱེ་མ་འདུས་པའི་འཁོར་རྣམས་ཉོན། །གསང་སྔགས་སྒོ་ནི་སློབ་དཔོན་ཏེ། །སློབ་དཔོན་མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་ནས། །ཉན་པ་ལ་སོགས་བརྩམ་པ་རྣམས། །འབྲས་བུ་མེད་ཅིང་བརླག་པར་འགྱུར། །བདེ་གཤེགས་རྗེས་འབྲངས་སློབ་དཔོན་ཏེ། །དེ་ཡི་མཚན་ཉིད་བཤད་པར་བྱ། །ཕྱི་ནང་གསང་བའི་དབང་ཐོབ་ཅིང་། །སྔགས་རྣམས་མ་འདྲེས་སོ་སོར་མཁྱེན། །ཤེས་རབ་ཆེ་ཞིང་བརྩོན་འགྲུས་ཆེ། །ཕྱི་ནང་རྒྱུད་ཤེས་ཆོ་ག་སྐོང་། །ཐབས་ཀྱི་སྤྱོད་པ་སྣ་ཚོགས་ལ། །གང་དང་གང་ལ་མ་རྨོངས་ཤེས། །ལས་ཀྱི་བྱེ་བྲག་ཐམས་ཅད་ལ། །ལྷག་ཆད་མེད་པ་ཐམས་མཁས་ཤེས། །གསང་བ་མཆོག་གི་ཐབས་རྣམས་སྦེད། །ཆེ་མཆོག་ཧེ་རུའི་སློབ་དཔོན་ཡིན། །སྐུ་གསུང་ཐུགས་ཀྱི་དམ་ཚིག་རྣམས། །ཤིན་ཏུ་འདུས་པ་ཆེན་པོ་སྟེ། །འདི་ལས་འདའ་བར་མི་བྱེད་པ། །ཡན་ལག་དམ་ཚིག་མཆོག་ཏུ་ལེན། །སྤྱོད་པའི་བྱེ་བྲག་ཐབས་ཡིན་པས། །མི་སྤོང་མི་འདོར་འབད་བསྲུང་བ། །མདོག་དཀར་གཟུགས་དག་སྟོབས་དང་ལྡན། །ག་པུར་དྲི་ལྡན་རི་མོ་འཆང་། །རྟག་པར་སེམས་ཅན་དོན་ལ་དགའ། །སེམས་ཅན་སྒྲོལ་བའི་ཐབས་ལ་མཁས། །སྐད་གདངས་དུང་སྒྲ་ཡོད་པ་ནི། །ཁྲག་འཐུང་ཧེ་རུའི་སློབ་དཔོན་ཡིན། །ཕྱི་ནང་ཆོས་ལ་མ་རྨོངས་མཁྱེན། །ཁྱད་པར་ཤེས་རབ་ཕུན་སུམ་ཚོགས། །རིག་པའི་གནས་མཆོག་མ་འགགས་ཤེས། །ཆོས་སྤྱོད་བཅུ་རྣམས་ལྷག་པར་བརྩོན། །སློབ་དཔོན་འཁུར་ཞིང་མཆེད་ལ་གདུང་། །སེམས་ཅན་ཅི་དགའི་སྤྱོད་པ་བྱེད། །ཐབས་ཀྱི་བྱེ་བྲག་རྣམས་ལ་མཁས། །གཅིག་གམ་ཐམས་ཅད་ ― DNG014_Page_0380 ―
[མ་དཔེ་གཟིགས་ན་འདིར་གནོན།]
མཚན་ཉིད་འཛིན། །དོན་མཐོང་དགའ་བ་མཐའ་དག་ཡོད། །གཤིན་རྗེ་གཤེད་པོའི་སློབ་དཔོན་ཡིན། །ལམ་གྱི་ཐབས་རྣམས་ཁྱད་པར་སྟོན། །རྟག་པར་བཟླས་ཤིང་འཕྲོ་འདུ་དགའ། །སྙིང་པོ་སྔགས་ལ་དད་མོས་ཆེ། །བློ་གསལ་རིག་པ་ཁྱད་པར་ཡོད། །སྤྱོད་ལམ་རྣམ་བཞིའི་སེང་གེར་སྤྱོད། །གླུ་གར་རོལ་མོ་རྣམས་ལ་དགའ། །མཆོད་པའི་བྱེ་བྲག་ཐབས་མཆོག་མཁས། །ལུང་བསྟན་བཀའ་བཞིན་བྱེད་ཅིང་གཟོ། །སྤུན་ལ་གདུང་ཞིང་སེམས་ཅན་འདུད། །པདྨ་དབང་ཆེན་སློབ་དཔོན་ཡིན། །ཕྱི་ནང་རྣམ་རྟོག་མི་སྐྱེ་ཞིང་། །རྒྱུད་དང་མདོ་སྡེ་དག་ལ་མཁས། །ཐབས་མཁས་ཏིང་འཛིན་དྲོད་ཚད་བརྩོན། །སྡེ་སྣོད་གསུམ་ལ་མ་རྨོངས་དང་། །རྟོག་བཅས་ཐེ་ཚོམ་མ་ལུས་སེལ། །གསང་བ་སྦས་པའི་ཐབས་རྣམས་མཁྱེན། །དད་པ་རྣམས་ལ་སྐྱོ་དུབ་མེད། །གསང་བའི་སྡེ་སྣོད་དྲུག་རྣམས་ཀུན། །རྟོག་བཅས་སྣོད་ངན་རྣམས་ལ་སྦེད། །གསང་བའི་ཆོས་རྣམས་སེམས་ལ་འཆང་། །འབད་པའི་སྟོབས་ཀྱིས་མན་ངག་འཚོལ། །རྩ་བར་བཅས་པ་བསྲུང་བྱེད་པ། །རྡོ་རྗེ་ཕུར་པའི་སློབ་དཔོན་ཡིན། །ཐོས་བརྩོན་ཡོན་ཏན་ཀུན་གྱིས་བརྒྱན། །མདོ་སྡེ་འདུལ་བ་མངོན་པ་གསུམ། །དེ་ཡི་ཐབས་ཀྱིས་འདུལ་ཐབས་རྣམས། །དེ་ཡི་སྤྱོད་པ་མ་འགགས་མཁྱེན། །བྱམས་དང་སྙིང་རྗེས་གང་འདུལ་བ། །རྗེས་སུ་མཐུན་པའི་ཐབས་མཆོག་གིས། །ཇི་ལྟ་ཇི་ལྟར་འདུལ་མཛད་པ། །ཐབས་མཁས་དད་ལྡན་ཏིང་འཛིན་གསལ། །གཉིས་མེད་བློ་ལྡན་བརྟུལ་ཞུགས་ཆེ། །མངོན་རྫོགས་རྒྱལ་པོའི་སློབ་དཔོན་ཡིན། །ལྟ་སྤྱོད་ཏིང་འཛིན་བརྩོན་འགྲུས་ཆེ། །ཐབས་མཁས་མན་ངག་ཟབ་མོ་འཆང་། །མཁའ་འགྲོ་ཆོས་སྐྱོང་བྲན་ལྟར་ཆགས། །འཇིག་རྟེན་མཆོད་བསྟོད་སློབ་དཔོན་ཡིན། །ཡི་དམ་ལྷ་ཡི་བསྙེན་པ་རྫོགས། །སྔགས་ཀྱི་སྦྱོར་བ་དག་ལ་མཁས། །དྲག་པོ་སྔགས་ཀྱི་རྩལ་ཐོབ་པ། །དམོད་པ་དྲག་སྔགས་སློབ་དཔོན་ཡིན། །དེ་ནས་སློབ་མའི་མཚན་ཉིད་བཤད། །དཔའ་ཞིང་སྙིང་སྟོབས་ཤིན་ཏུ་ཆེ། །ཕྱི་ནང་འདུས་ ― DNG014_Page_0381 ―
[མ་དཔེ་གཟིགས་ན་འདིར་གནོན།]
པའི་ཆོས་ལ་མཁས། །ལྷུན་སྡུག་ཕྲིན་ལས་དག་ལ་དགའ། །དགོངས་པ་ཉམས་ལོན་མུ་སྟེགས་བཟློག །ལྟ་ལོག་སུན་འབྱིན་ཡང་དག་དགོད། །བདེ་བའི་ལམ་སྟོན་ཐབས་ལ་མཁས། །བཟོ་མཁས་རིག་གསལ་བླ་མ་བསྟེན། །འཛིན་པ་མཁས་ཤིང་བརྗེད་མེད་པ། །ཨུཏྤལ་ཞེས་བྱའི་གང་ཟག་དེ། །ཆེ་མཆོག་ཧེ་རུའི་སློབ་མར་བཟུང་། །རྩ་བ་དང་ནི་ཡན་ལག་གི། །དམ་ཚིག་མ་ཉམས་ཐུབ་པར་བསྲུངས། །ཤེས་རབ་ཆེ་ཞིང་དད་པས་དཔའ། །སྟོན་པའི་བཀའ་ལུང་དག་ལ་གནས། །སློབ་དཔོན་འཁུར་ཞིང་སྤུན་ལ་གདུང་། །ཉོན་མོངས་སྦྱོངས་ཤིང་སྙིང་རྗེ་ཆེ། །སྤྱོད་གཟོབ་ལུས་ལ་ག་བུར་དྲི། །ཙནྡན་ཞེས་བྱའི་གང་ཟག་དེ། །ཁྲག་འཐུང་རོལ་པའི་སློབ་མར་གཟུང་། །ཐབས་དང་སྟོབས་ཀྱི་རྩལ་འཆང་ཞིང་། །རིན་ཆེན་སྣ་ཚོགས་སྦྱིན་པར་གཏོང་། །སྤྱོད་ཡངས་བྱུང་ལམ་ལྷུན་སྡུག་ངག་སྙན་བདེ། །ཇི་ལྟ་ཇི་ལྟའི་སྤྱོད་པ་ཡིས། །དེ་ལྟ་དེ་ལྟའི་སློབ་དཔོན་འཁུར། །བླ་མ་ཤེས་རབ་དགོས་འདོད་སྐོང་། །ང་བདག་སྐྱོན་སྤངས་དད་བརྩོན་ཆེ། །དམ་ཚིག་ལྡན་ཞིང་ཤེས་རབ་ལྡན། །རྒྱུད་ཐོས་ལེགས་པར་སྟོན་པ་ནི། །གཤིན་རྗེ་གཤེད་པོའི་སློབ་མ་ཡིན། །དགེ་བཅུ་རྟག་སྤྱོད་མི་དགེ་སྤངས། །བདེ་འཇམ་ཁྲོ་བའི་སེམས་མི་འབྱུང་། །གླུ་གར་རོལ་མོ་སྣ་ཚོགས་སྟོན། །མདོག་མཛེས་ཙནྡན་དྲི་བཟངས་དང་། །སྟོད་སྨད་ཕྱེད་ཅིང་སྐེད་པ་ཕྲ། །ཡན་ལག་བདེ་འཇམ་འབར་འབུར་མེད། །སྐྲ་མཐོ་སེན་མོ་ཟངས་འདྲ་དམར། །སྦྱོར་བའི་ཡན་ལག་ཐབས་ལ་མཁས། །དད་ལྡན་བརྩོན་འགྲུས་སྙིང་རྗེ་ཆེ། །པདྨ་ཞེས་བྱའི་གང་ཟག་དེ། །པདྨ་དབང་ཆེན་སློབ་མར་བཟུང་། །གོང་གི་ཡོན་ཏན་ཐམས་ཅད་རྫོགས། །རྒྱལ་པོ་སྡེ་བཅས་ཀུན་གྱིས་བསྟོད། །མུ་སྟེགས་སྡེ་བས་བསྔགས་པ་བརྗོད། །སྡེ་པ་བཞི་ཡིས་སྤྱི་བོར་ཁུར། །རྡོ་རྗེ་ཕུར་པའི་སློབ་མ་ཡིན། །དཀྱིལ་འཁོར་མཐའ་དག་ལས་ལ་མཁས། །གསང་བསྒྲད་ཀྱང་དྲུག་གབ་སྦས་མན་ངག་ཐུབ། །སློབ་དཔོན་འཁུར་ཞིང་སྤྱོད་པ་ཡངས། །མངོན་རྫོགས་མ་མོའི་སློབ་མར་བཟུང་། །ཁོང་གདུག་ཞེ་གནག་ཞེ་སྡང་ཆེ། ། ― DNG014_Page_0382 ―
[མ་དཔེ་གཟིགས་ན་འདིར་གནོན།]
ཤ་ཁྲག་དམར་ལ་ལོངས་སྤྱོད་བྱེད། །ལུས་དང་སྲོག་ལ་མི་བལྟ་བསྒྲུབ། །འཇིག་རྟེན་མཐུ་ཡི་སློབ་མར་བཟུང་། །གཡོ་སྒྱུ་ཆུང་ཞིང་ཡིད་ཆེས་ཆེ། །སྡོད་ལ་བརྩོན་ཞིང་བསྒྲུབ་བསྲན་ཆེ། །ཁོང་གདུག་ཡིད་ཆེས་སྔགས་ལ་བརྩོན། །དྲག་སྔགས་དམོད་པའི་སློབ་མ་ཡིན། །ཞེས་གསུངས་སོ། །ངེས་པར་འབྱུང་བ་ཕྱི་མའི་རྒྱུད་ལས། སློབ་དཔོན་དང་སློབ་མའི་མཚན་ཉིད་བསྟན་པའི་ལེའུ་སྟེ་གཉིས་པའོ།། །། གང་ཟག་གི་མཚན་ཉིད་ཀྱི་སྐབས་ཏེ་དང་པོའོ།། །།དེ་ནས་གཞན་ཡང་བཤད་བྱ་བ། །ཉོན་ཅིག་རིག་འཛིན་ཕོ་མོ་རྣམས། །རྡོ་རྗེ་དབྱིངས་ཀྱི་དབང་འདོད་པས། །བྱང་རི་སྐྱོབ་ཅིང་ལྷོ་རི་གཞོལ། །ཤར་གྱི་རི་དམའ་ནུབ་རི་མཐོ། །རི་བྲག་དམར་པོས་མཐའ་མ་བསྐོར། །མདུན་ན་མེ་ཏོག་སྣམ་བུ་ཡོད། །བྱ་རྒྱལ་སྐད་ནི་སྒྲོག་པའི་གནས། །དེར་ནི་ཏིང་འཛིན་བསྒོམ་པར་བྱ། །བཞི་བཅུ་རྩ་གཉིས་རིམ་བཞིན་དུ། །ལྷ་གསལ་འཕྲོ་འདུའི་ཚོགས་བྱས་ལ། །སོ་སོའི་སྙིང་པོ་བགྲངས་ནས་ནི། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་རྣམས་སུ་དབང་བསྐུར་བྱ། །ཆེ་མཆོག་ཡོན་ཏན་དབང་བསྐུར་བ། །དུར་ཁྲོད་ཆེན་པོ་རབ་དབེན་པར། །མཎྜལ་བྱི་དོར་བྱས་ནས་ནི། །བདུད་རྩི་ལྔ་ཡིས་ཆག་ཆག་གདབ། །མཚན་ལྡན་བདུད་རྩི་ལྔ་སྦྱར་ནས། །ཆེ་མཆོག་ལྷ་ཚོགས་གསལ་བྱས་ལ། །སྐུ་གསུང་ཐུགས་དང་ཡེ་ཤེས་ལྔ། །ཡོན་ཏན་ཕྲིན་ལས་དབང་བསྐུར་བྱའོ། །ཡང་དག་ཐུགས་ཀྱི་དབང་བསྐུར་བ། །དུར་ཁྲོད་ཆེན་པོ་རབ་དབེན་པ། །ཤྭ་ན་ཁྲམ་སྤྱང་རྒྱུག་པའི་སར། །བྱ་གཅན་ཤ་ཟ་མང་པོ་འཁོར། །མི་རོ་མང་པོ་མཁར་དུ་བརྩིགས། །ཤིན་ཏུ་ཡ་ངའི་གནས་སུ་ནི། །ལྔ་བཅུ་རྩ་བརྒྱད་ལྷ་ཚོགས་རྣམས། །ཁྲོ་གཏུམ་གདུག་པའི་སྤྲིན་ཚོགས་ཀྱི། །གནས་ནས་རབ་ཏུ་གསལ་བར་བསམ། །སོ་སོའི་སྙིང་པོ་བགྲངས་ནས་ནི། །སྐུ་གསུང་ཐུགས་སུ་བྱིན་བརླབས་ནས། །ཡོན་ཏན་ཕྲིན་ལས་དབང་བསྐུར་རོ། །འཇམ་དཔལ་སྐུ་ཡི་དབང་བསྐུར་བ། །དུར་ཁྲོད་ཆེན་པོའི་ས་ཕྱོགས་སུ། །མཎྜལ་བྱི་དོར་བྱས་པ་ལ། །བདུད་རྩི་ལྔ་ ― DNG014_Page_0383 ―
[མ་དཔེ་གཟིགས་ན་འདིར་གནོན།]
ཡིས་ཆག་ཆག་གདབ། །ཁྲག་ཆེན་གོ་རོ་ཙ་ན་ཡིས། །སྟེང་དུ་མནན་ལ་བྱུགས་པར་བྱ། །གཤིན་རྗེའི་ལྷ་ཚོགས་གསལ་བྱས་ཏེ། །འབར་གསལ་རྔམ་པའི་ཧཱུཾ་གི་ཚོགས། །སོ་སོའི་སྙིང་པོ་བཟླས་ནས་ནི། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྔ་རུ་དབང་བསྐུར་བྱ། །པདྨ་གསུང་གི་དབང་བསྐུར་བ། །ནུབ་ཏུ་ཁ་བལྟས་ཟླ་གམ་དབྱིབས། །མེ་ཏོག་སྣམ་བུ་ཡོད་པའི་སར། །དཀྱིལ་འཁོར་བྱི་དོར་བྱས་ནས་ནི། །ཁྲག་ཆེན་དག་གིས་ཆག་ཆག་གདབ། །དབང་གི་ལྷ་ཚོགས་གསལ་བྱས་ནས། །དམར་པོ་ཧྲཱྀཿཡི་ཚོགས་བསམས་ནས། །སོ་སོའི་སྙིང་པོ་བཟླས་ནས་ནི། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྔ་རུ་དབང་བསྐུར་རོ། །ཕྲིན་ལས་ཕུར་པའི་དབང་བསྐུར་ནི། །གནམ་ས་གྲུ་གསུམ་དབུས་གནས་པར། །ཅེ་སྤྱང་བསད་ཤུལ་འདྲ་བ་རུ། །མི་རོ་གསར་རྙིང་ཡོད་པའི་སར། །འབར་འཕྲོ་གསལ་བའི་ཏིང་འཛིན་གྱིས། །ཕྲིན་ལས་ལྷ་ཚོགས་གསལ་བྱས་ནས། །འབར་བ་རྔམ་པའི་ཚོགས་ཆེན་ལས། །སོ་སོའི་སྙིང་པོ་བཟླས་ནས་ནི། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྔ་རུ་དབང་བསྐུར་བྱ། །མ་མོ་རྦོད་གཏོང་དབང་བསྐུར་བ། །དུར་ཁྲོད་ཆུ་གླིང་རྐང་གཅིག་པ། །མ་ཚོགས་དབང་ཕྱུགས་འདུ་བའི་སར། །ཤ་ཆེན་ཁྲག་ལས་བྱས་པ་ཡི། །དམར་པོ་སྙིང་གི་མཆོད་ཚོགས་བཤམས། །རྐང་ཆེན་གླིང་བུ་འབུད་པ་དང་། །བྷནྡྷའི་ཆ་ལང་བརྡབ་པ་དང་། །ཚིལ་ཆེན་དུད་པ་ཆེན་པོ་གཏང་། །གང་བསྒྲུབ་ཡི་དམ་བྱེད་པ་ལ། །སྲོག་གི་སྙིང་པོ་བགྲངས་ནས་ནི། །བཀའ་མི་འདའ་བར་དབང་བསྐུར་བྱ། །འཇིག་རྟེན་མཆོད་བསྟོད་དབང་བསྐུར་བ། །སྲོག་ཆགས་བསད་པའི་ཤུལ་འདྲ་བ། །དམར་པོ་ཁྲག་གི་མདོག་འདྲའི་སར། །མཎྜལ་གྲུ་གསུམ་འབར་བ་ལ། །སྲིན་པོ་ཁྲོས་པའི་གཟུགས་བྱས་ཏེ། །དེ་སྟེང་སློབ་མ་གཞག་པར་བྱ། །མཁས་པས་དེ་ལྟར་དབང་བསྐུར་ནས། །རག་ཤ་རག་ཤ་མ་ལཾ་རག་ཤ་ཧྲིཾ་ཁ་རག་ཤ་ཧྲིཾ། འཇིག་རྟེན་རང་རྒྱུད་དྲེགས་པ་ཅན། །བྲན་བཞིན་འཁོལ་བར་དབང་བསྐུར་རོ། །དྲག་སྔགས་དམོད་པའི་དབང་བསྐུར་བ། ། ― DNG014_Page_0384 ―
[མ་དཔེ་གཟིགས་ན་འདིར་གནོན།]
བྲག་རི་སྦྲུལ་ནག་འགྲེང་བའི་སར། །ཆུ་གསུམ་འདུས་པའི་སུམ་མདོ་ལ། །དྲེད་པོ་དྲེད་མོ་ལངས་པ་འདྲ། །རྐང་གཅིག་གནོད་སྦྱིན་གནས་པའི་སར། །དཀྱིལ་འཁོར་བྱི་དོར་བྱས་པ་ལ། །སྦྲུལ་ནག་ཁྲག་གིས་ཆག་ཆག་གདབ། །ཆེ་མཆོག་ཧེ་རུར་བདག་བསྒོམས་ལ། །དྲག་པོའི་གསང་སྔགས་བཟླས་ཤིང་བསྐུར། །སྤྱི་ཡི་དབང་བསྐུར་སྔགས་ནི་འདིའོ། །ཨོཾ་ན་མཿསརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱཿན་མཿསརྦ་ཏ་ཐཱ་ག་ཏ་བཱ་ག་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ་ན་མཿསརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཏྲཱཾ་ན་མཿསརྦ་ཏ་ཐཱ་ག་ཏ་ཨ་ནུ་རཱ་ག་ཎ་སྭ་བྷཱ་ཝ་ཨཱདྨ་ཀོ྅ཧཱུཾ། ཧྲཱྀཿན་མཿསརྦ་ཏ་ཐཱ་ག་ཏ་ཀརྨ་བཛྲ་སྭ་བྷཱ་ཝ་ཨཱདྨ་ཀོ྅ཧཱུཾ། སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྔ་ཡི་དབང་བསྐུར་རོ། །ཞེས་གསུངས་སོ། །ངེས་པར་འབྱུང་བ་ཕྱི་མའི་རྒྱུད་ལས། དབང་སྐུར་བའི་ལེའུ་སྟེ་གསུམ་པའོ།། །། དབང་གི་སྐབས་ཏེ་གཉིས་པའོ།། །།དེ་ནས་གཞན་ཡང་བཤད་བྱ་བ། །ཉོན་ཅིག་འདུས་པའི་ཚོགས་ཆེན་རྣམས། །དངོས་ལ་གནས་ཤིང་ཚོར་མེད་པ། །མ་རིག་རྨོངས་པའི་གཏི་མུག་དེ། །སྤངས་པས་འབྲས་བུ་འབྱུང་མི་འགྱུར། །སྤྱད་པས་ཆོས་ཉིད་དོན་གསལ་འགྱུར། །མ་རིག་པ་ཡི་གཏི་མུག་དེ། །སྤངས་པས་བདེན་པའི་ཚིག་མི་རྙེད། །སྤྱད་པས་འོད་གསལ་ཆོས་ཀྱི་དབྱིངས། །ཡེ་ཤེས་ཆེན་པོར་གནས་པར་འགྱུར། །ཆེ་མཆོག་ཡོན་ཏན་བསྒྲུབ་པར་བྱ། །དེ་ཡི་དོན་ནི་སྤྱད་བྱ་བ། །ཨཱོཾ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། གསང་སྔགས་ཡི་གེ་དགུ་པ་ནི། །ཆེ་མཆོག་ཧེ་རུའི་སྙིང་པོ་སྟེ། །གསལ་བའི་དཀྱིལ་འཁོར་རབ་རྫོགས་པ། །རང་བཞིན་གྲུབ་པའི་བྱིན་དབབ་ཕྱིར། །གསང་སྔགས་ཟབ་མོ་རབ་སྤྱོད་པས། །དབྱིངས་ནས་དཀྱིལ་འཁོར་སྤྱན་དྲངས་མཆོད། །རང་རང་གནས་སུ་བདེར་བཞུགས་པ། །དབང་བསྐུར་བྱིན་དབབ་ཐམས་ཅད་རྫོགས། །ཡང་དག་དཔའ་བོའི་སྐུ་ལྷུན་གྲུབ། །ཡེ་ཤེས་ལྔ་ལྡན་སངས་རྒྱས་སྐུ། །སྐུ་གསུང་ཐུགས་ཀྱི་བདག་ཉིད་ཅན། །བདེ་བར་གཤེགས་པའི་རང་བཞིན་ནོ། །སངས་རྒྱས་ ― DNG014_Page_0385 ―
[མ་དཔེ་གཟིགས་ན་འདིར་གནོན།]
ལྔ་ཡི་རབ་ཏུ་འཁྲིགས། །དེ་ཡིས་བསམ་གཏན་ཐམས་ཅད་རྫོགས། །ཆེ་མཆོག་ཧེ་རུའི་ཕྱག་རྒྱར་བཤད། །ཅེས་གསུངས་སོ། །ངེས་པར་འབྱུང་བ་ཕྱི་མའི་རྒྱུད་ལས། ཆེ་མཆོག་ཕྱག་རྒྱའི་ལེའུ་སྟེ་བཞི་པའོ།། །། དེ་ནས་གཞན་ཡང་བཤད་བྱ་བ། །ཉོན་ཅིག་འདུས་པའི་ཚོགས་ཆེན་རྣམས། །ཞེ་ནས་སྡང་བའི་ངན་སེམས་དེ། །སྤངས་པས་འབྲས་བུ་འབྱུང་མི་འགྱུར། །སྤྱད་པས་ཆོས་དབྱིངས་ཡེ་ཤེས་ཐོབ། །ཡང་དག་ཐུགས་ཀྱི་བསྒྲུབ་པ་བྱ། །དེ་ཡི་དོན་ནི་བཤད་པར་བྱ། །རྩ་བ་བརྒྱད་ནི་སྙིང་པོའི་མཆོག །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། བདེ་གཤེགས་གཞལ་ཡས་བསོད་ནམས་རྫོགས། །དེ་ཡི་རྗེས་འགྲོ་སྣང་བ་དག །སྣང་བ་དག་པའི་ཡེ་ཤེས་ཏེ། །རུ་ལུ་འཕྲོ་འདུ་སྦྱོར་བས་སོ། །འཁོར་བ་རྣམ་གྲོལ་བྱང་ཆུབ་སེམས། །འདི་ལྟར་སྣང་བའི་ཆོས་ཉིད་ནི། །ངོ་བོ་ཉིད་ཀྱིས་མ་སྐྱེས་པ། །གཟུགས་དང་སྒྲ་ལ་སོགས་པ་ཡི། །རབ་ཏུ་བདག་གསལ་དངོས་མེད་བསྒོམ། །ཆོས་དབྱིངས་མེ་ལོང་ཡེ་ཤེས་ཏེ། །དེ་ལ་སེམས་བརྟན་གསལ་གྱུར་ནི། །ཡང་དག་ཐུགས་ཀྱི་ཕྱག་རྒྱ་ཡིན། །ཞེས་གསུངས་སོ། །ངེས་པར་འབྱུང་བ་ཕྱི་མའི་རྒྱུད་ལས། ཡང་དག་ཐུགས་ཀྱི་ཕྱག་རྒྱའི་ལེའུ་སྟེ་ལྔ་པའོ།། །། དེ་ནས་གཞན་ཡང་བཤད་བྱ་བ། །ཉོན་ཅིག་འདུས་པའི་ཚོགས་ཆེན་རྣམས། །ཡོངས་སུ་ཁེངས་པའི་ང་རྒྱལ་དེ། །ང་འོ་ང་ཡི་སེམས་འཆར་ཞིང་། །དེ་ཡིས་ལོག་པའི་ལམ་གནས་ཤིང་། །སྤངས་པས་མུ་སྟེགས་ལམ་དུ་འགྲོ། །སྤྱད་པས་ཆོས་ཉིད་ཆེན་པོ་ཡིན། །རྟོག་མེད་བདེ་བའི་ལམ་གནས་ཤིང་། །ཡེ་ཤེས་ཆེན་པོར་དེ་གནས་འགྱུར། །འཇམ་དཔལ་གཤིན་རྗེ་བསྒྲུབ་པར་བྱ། །ཨཱོཾ་ཨ་ཀྲོ་ཏེ་ཀ་ཧཱུཾ་ཕཊ། སྙིང་པོ་ཨ་ཀྲོ་འབྲུ་བདུན་ནི། །གཤིན་རྗེ་གཤེད་པོའི་སྙིང་པོ་སྟེ། །རྟོག་མེད་བདེ་བའི་ལམ་གནས་ཤིང་། །ཡེ་ཤེས་ཆེན་པོར་དེ་གནས་འགྱུར། །བྱང་ཆུབ་སེམས་ཉིད་དམ་པ་སྟེ། །ཡང་དག་རིན་ཆེན་འབར་བ་ཡིན། །ཡོན་ཏན་སྙིང་པོ་དམ་པ་ལོན། །གཤིན་རྗེ་གཤེད་པོའི་རྒྱ་རུ་བསྟན། །ཞེས་གསུངས་སོ། །ངེས་པར་འབྱུང་བ་ཕྱི་མའི་རྒྱུད་ ― DNG014_Page_0386 ―
[མ་དཔེ་གཟིགས་ན་འདིར་གནོན།]
ལས། གཤིན་རྗེ་གཤེད་ཀྱི་ཕྱག་རྒྱའི་ལེའུ་སྟེ་དྲུག་པའོ།། །། དེ་ནས་གཞན་ཡང་བཤད་བྱ་བ། །ཉོན་ཅིག་འདུས་པའི་ཚོགས་ཆེན་རྣམས། །འདོད་ལ་ཆགས་པའི་རང་བཞིན་གྱིས། །དེ་ཡིས་འབྲས་བུ་རླག་པར་བྱེད། །སྤངས་པས་དོན་རྣམས་རྙེད་པ་མེད། །རབ་ཏུ་བཅིངས་ནས་གནས་ངན་ལེན། །ཡོངས་སུ་དག་པའི་འདོད་ཆགས་དེ། །སྤྱད་པས་འབྲས་བུ་ཆེན་པོ་ཐོབ། །སོ་སོར་རྟོག་པའི་ཡེ་ཤེས་གསལ། །པདྨ་དབང་ཆེན་བསྒྲུབ་པ་གྱིས། །ཨོཾ་ཧ་ཡ་གྲཱི་བ་ཧཱུཾ་ཕཊ། ཡི་གེ་བདུན་པ་དབང་ཆེན་སྔགས། །ཟླ་བའི་དཀྱིལ་འཁོར་སྔགས་བཅས་པ། །འཕྲོ་འདུས་གྱུར་པའི་དམ་ཚིག་ནི། །ལེ་བརྒན་ལྟ་བུར་གྱུར་པ་སྟེ། །འཁོར་བའི་བག་ཆགས་རྟོག་བཅས་དང་། །གནས་ངན་ལེན་པ་ཐམས་ཅད་ཀུན། །གདོད་ནས་སངས་རྒྱས་ཉིད་གནས་པས། །དག་དང་མ་དག་གཉིས་མེད་དེ། །དེ་ཡི་རང་བཞིན་སངས་རྒྱས་སོ། །བདེན་པའི་སྙིང་པོ་རང་བཞིན་པས། །ཁྱབ་པའི་ཡེ་ཤེས་ཆེན་པོ་དེས། །ལྷ་ཡི་གནས་སུ་བསྒོམ་པར་བྱ། །པདྨའི་ཕྱག་རྒྱར་བཤད་པ་ཡིན། །ཞེས་གསུངས་སོ། །ངེས་པར་འབྱུང་བ་ཕྱི་མའི་རྒྱུད་ལས། པདྨ་གསུང་གི་ཕྱག་རྒྱའི་ལེའུ་སྟེ་བདུན་པའོ།། །། དེ་ནས་གཞན་ཡང་བཤད་པར་བྱ། །ཉོན་ཅིག་འདུས་པའི་ཚོགས་ཆེན་རྣམས། །ལོག་པའི་སེམས་ཅན་ཕྲག་དོག་ཆེ། །སྤངས་པས་འབྲས་བུ་འབྱུང་མི་འགྱུར། །སྤྱད་པས་ཆོས་ཉིད་དོན་གསལ་འགྱུར། །ནན་ཏན་ཡེ་ཤེས་ཆེན་པོ་འགྲུབ། །ཕུར་པ་ཕྲིན་ལས་བསྒྲུབ་པར་བྱ། །དེ་ཡི་དོན་ནི་བཤད་བྱ་བ། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཀཱི་ལ་ཡ་ནི་འབྲུ་དགུ་པ། །རྡོ་རྗེ་ཕུར་པའི་སྙིང་པོ་ཡིན། །དོན་དམ་སྙིང་པོ་ཡོངས་སུ་གྲུབ་པའི་ཚེ། །བཟླས་དང་མ་བཟླས་ཚིག་གི་ཐ་སྙད་ཡིན། །ཡེ་ནས་བཟླས་པ་རང་བྱུང་ཆེན་པོ་ཡིན། །ངོ་བོ་ཉིད་ཀྱི་སྔགས་ཀྱི་རང་བཞིན་ནོ། །དེ་འདྲ་བཟླས་པ་དོན་གྱི་སྙིང་པོ་ཡིན། །མ་བཅོས་རང་བྱུང་སྙིང་པོ་སྔགས་ཚིག་སྟེ། །ཟབ་མོ་བཟླས་པ་ཡིན་ཞེས་རྒྱ་རུ་བསྟན། །དེ་ཡིས་བརྟན་བྱས་དམ་ ― DNG014_Page_0387 ―
[མ་དཔེ་གཟིགས་ན་འདིར་གནོན།]
པའི་བྱང་ཆུབ་སེམས། །ཡེ་ཤེས་ལྔ་གསལ་དོན་དམ་དབྱིངས་ནས་སྤྱོད། །རྟེན་འདྲེལ་ལུས་ནི་བྱིན་རླབས་ཉོན་མོངས་བསྲེག །ཕྲ་མོའི་ཏིང་འཛིན་ཡི་དམ་དངོས་སུ་གསལ། །བཟླས་པ་མཐར་ཕྱིར་འབྲས་བུ་ཆེན་པོ་ཡིན། །རང་གི་བཟླས་པ་ཡིན་ཞེས་རྒྱ་རུ་བསྟན། །རྣལ་འབྱོར་དམ་པ་རྣམས་ཀྱིས་འདི་བཟླས་ན། །གང་གིས་བཟླས་ཀྱང་སྙིང་པོ་ལེན་པར་བྱེད། །སྔགས་ཀྱི་སྙིང་པོ་མ་ལུས་ཐམས་ཅད་ཀུན། །ཡེ་ནས་སྣང་དང་མི་སྣང་མེད། །རྟག་དང་ཆད་དང་ཡོད་མེད་དང་། །བརྗོད་དང་སྨྲ་བསམ་ཡུལ་ལས་འདས། །རང་བཞིན་གནས་པའི་སྙིང་པོ་དེ། །ཡེ་ཤེས་མཆོག་ཏུ་གྱུར་པ་ལས། །རང་གི་རང་བཞིན་དེ་བཞིན་དེ། །བདེན་པའི་སྙིང་པོ་རང་བཞིན་པས། །ཡང་དག་དོན་དུ་མཁས་པས་བརྟག །ཕྲིན་ལས་ཕུར་པའི་ཕྱག་རྒྱར་བསྟན། །ཞེས་གསུངས་སོ། །ངེས་པར་འབྱུང་བ་ཕྱི་མའི་རྒྱུད་ལས། ཕྲིན་ལས་ཕུར་པའི་ཕྱག་རྒྱའི་ལེའུ་སྟེ་བརྒྱད་པའོ།། །། དེ་ནས་གཞན་ཡང་བཤད་བྱ་བ། །ཉོན་ཅིག་འདུས་པའི་ཚོགས་ཆེན་རྣམས། །མ་མོའི་དོན་ལ་མོས་པ་ཡིས། །བླ་མེད་ཧེ་རུ་བསྒྲུབ་པར་བྱ། །ཨོཾ་མ་ཧཱ་ཀྲོ་དྷ་ཧཱུཾ་ཕཊ། གསང་སྔགས་ཡི་གེ་འབྲུ་བདུན་པ། །བླ་མེད་ཧེ་རུའི་གསང་སྔགས་ཡིན། །མཁའ་དབྱིངས་དག་པའི་རང་བཞིན་ནི། །བརྟན་པའི་དོན་རྣམས་དག་པ་སྟེ། །དག་པ་ཉིད་ན་དག་པ་མེད། །མི་ཤིགས་པ་ཡི་ངོ་བོ་ལ། །དྭངས་མའི་ས་བོན་ལས་བྱུང་བ། །བརྟན་པའི་རང་བཞིན་འོད་འབར་བས། །གསལ་བའི་འོད་དང་བཅས་པ་སྟེ། །ཡང་དག་དོན་ཆེན་ཟབ་མོའི་མཆོག །གསལ་བ་ཉིད་ན་གསལ་བ་མེད། །རྫོགས་པའི་སངས་རྒྱས་ཐམས་ཅད་ཀྱི། །མངོན་རྫོགས་རྒྱལ་པོའི་ཕྱག་རྒྱར་བསྟན། །ཞེས་གསུངས་སོ། །ངེས་པར་འབྱུང་བ་ཕྱི་མའི་རྒྱུད་ལས། མ་མོ་རྦོད་གཏོང་གི་ཕྱག་རྒྱའི་ལེའུ་སྟེ་དགུ་པའོ།། །། དེ་ནས་གཞན་ཡང་བཤད་བྱ་བ། །ཉོན་ཅིག་འདུས་པའི་ཚོགས་ཆེན་རྣམས། །རྣལ་འབྱོར་བསྟན་པ་སྲུང་བྱེད་ན། །དྲེགས་པ་ཀུན་འདུལ་བསྒྲུབ་པར་བྱ། །ཨོཾ་བཛྲ་ཙཎྜ་སརྦ་དུཥྚཱན་ཧཱུཾ་ཕཊ། ཡི་གེ་བཅུ་པའི་གསང་ བདེ་གཤེགས་འདུས་པའི་སྔགས་རྒྱུད་ཕྱི་མའི་ཕྱི་མ་ཞེས་བྱ་བ།― DNG014_Page_0388 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། སུ་ག་ཏ་ས་མུ་དཱ་ཡ་མནྟྲ་ཏནྟྲ་ཨུཏྟ་རོཏྟ་ར་ནཱ་མ། བོད་སྐད་དུ། བདེ་གཤེགས་འདུས་པའི་སྔགས་རྒྱུད། ཕྱི་མའི་ཕྱི་མ་ཞེས་བྱ་བའོ། །བཅོམ་ལྡན་འདས་དཔལ་ཀུན་ཏུ་ ― DNG014_Page_0389 ―
[མ་དཔེ་གཟིགས་ན་འདིར་གནོན།]
བཟང་པོ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན། བཅོམ་ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀ་ལ། འཁོར་ཁྲོ་བོ་དང་ཁྲོ་མོ་དང་། རིག་འཛིན་རྣམས་ཀྱིས་བསྐོར་ཏེ་བཞུགས་པ་ལས། དེའི་ཚེ་རྡོ་རྗེ་ཆོས་ལ་སོགས་པའི་རིག་འཛིན་རྣམས་ཀྱིས་བསྐོར་བ་ལན་སྟོང་བྱས་ཏེ། འདི་སྐད་ཞུས་སོ། །ཨེ་མ་སྤྱི་དཔལ་ཆེན་པོ་ལགས། །མ་འོངས་རྣལ་འབྱོར་སྒྲུབ་པ་པོས། །སྔགས་ཀྱི་དངོས་གྲུབ་ཐོབ་བྱའི་ཕྱིར། །སྔགས་ཀྱི་དེ་ཉིད་བཤད་པར་ཞུ། །ཞེས་གསོལ་པ་དང་། བཅོམ་ལྡན་འདས་སྤྱི་དཔལ་ཆེན་པོས་བཀའ་སྩལ་པ། མ་འོངས་རྣལ་འབྱོར་དོན་ཆེད་དུ། །སྔགས་ཀྱི་དོན་རྣམས་ཞུ་བ་ལེགས། །དོན་གྲུབ་དངོས་གྲུབ་འཐོབ་པ་ནི། །སྔགས་ཀྱི་བཟླས་པས་འགྲུབ་པ་ཡིན། །དེ་ཡང་སྒྲུབ་ཐབས་རྣམ་པ་བརྒྱད། །ཆེ་མཆོག་ཡོན་ཏན་བསྒྲུབ་པ་དང་། །ཡང་དག་ཐུགས་ཀྱི་བསྒྲུབ་པ་དང་། །འཇམ་དཔལ་སྐུ་ཡི་བསྒྲུབ་པ་དང་། །པདྨ་གསུང་གི་བསྒྲུབ་པ་དང་། །ཕུར་པ་ཕྲིན་ལས་བསྒྲུབ་པ་དང་། །མ་མོ་རྦོད་གཏོང་བསྒྲུབ་པ་དང་། །འཇིག་རྟེན་མཆོད་བསྟོད་བསྒྲུབ་པ་དང་། །དམོད་པ་དྲག་སྔགས་བསྒྲུབ་པ་དང་བརྒྱད། །འདི་རྣམས་བསྒྲུབ་པ་བཀའ་བརྒྱད་ཡིན། །ཨཱོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། གསང་སྔགས་ཡི་གེ་བཅུ་གཉིས་པ། །ཆེ་མཆོག་ཡོན་ཏན་སྙིང་པོ་ཡིན། །ཨཱོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། གསང་སྔགས་ཡི་གེ་འབྲུ་དགུ་པ། །ཡང་དག་ཐུགས་ཀྱི་སྙིང་པོ་ཡིན། །ཨཱོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། གསང་སྔགས་ཡི་གེ་བཅུ་བདུན་པ། །འཇམ་དཔལ་སྐུ་ཡི་སྙིང་པོ་ཡིན། །ཨོཾ་པདྨཱནྟ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཕཊ། གསང་སྔགས་ཡིག་འབྲུ་བཅུ་བཞི་པ། །པདྨ་གསུང་གི་སྙིང་པོ་ཡིན། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། གསང་སྔགས་ཡིག་འབྲུ་བཅུ་བཞི་པ། །ཕུར་པ་ཕྲིན་ལས་སྙིང་པོ་ཡིན། །ཨཱོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རཱི་སྟྭཾ། མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། གསང་སྔགས་ཡི་གེ་སུམ་ ― DNG014_Page_0390 ―
[མ་དཔེ་གཟིགས་ན་འདིར་གནོན།]
ཅུ་པ། །མ་མོ་རྦོད་གཏོང་སྙིང་པོར་བཤད། །ཨཱོཾ་བཛྲ་ཙཎྜ་སརྦ་དུཥྚན་ཧཱུཾ་ཕཊ། གསང་སྔགས་ཡི་གེ་བཅུ་པ་ནི། །འཇིག་རྟེན་མཆོད་བསྟོད་སྙིང་པོར་བཤད། །ཨཱོཾ་བཛྲ་སརྦ་དུཥྚཱན་ཧཱུཾ་ཕཊ། གསང་སྔགས་ཡི་གེ་བརྒྱད་པ་ནི། །དམོད་པ་དྲག་སྔགས་སྙིང་པོར་བཤད། །བཀའ་ཡི་གསང་རྒྱུད་ཐམས་ཅད་རྣམས། །བསྡུས་པས་བསྒྲུབ་པ་བརྒྱད་དུ་འདུས། །སྔགས་ཀྱི་གཏན་ཚིགས་ཚད་མ་འདི། །ཐབས་ཀྱི་རྒྱལ་པོར་གནས་པའོ། །འདི་དང་ལྡན་པའི་རྣལ་འབྱོར་གང་། །སྔགས་ཀྱི་དངོས་གྲུབ་རང་ལ་ཤར། །ཡིད་བཞིན་ནོར་བུ་མ་བཙལ་རྙེད། །བྱ་བའི་ལས་ལ་ཐེ་ཚོམ་མེད། །འདི་དང་མི་ལྡན་རྣལ་འབྱོར་གང་། །ཕྱོགས་འགའ་ཙམ་ལ་བརྟེན་པ་རྣམས། །སྔགས་ཀྱི་དེ་ཉིད་མ་རྟོགས་པར། །བྱ་བའི་ལས་རྣམས་ཀུན་ལ་རྨོངས། །ཞེས་གསུངས་སོ། །སྔགས་ཀྱི་དེ་ཁོ་ན་ཉིད་བསྟན་པའི་ལེའུ་སྟེ་དང་པོའོ།། །།དེ་ནས་རིག་འཛིན་རྣམས་ཀྱིས་ཞུས་པ། སྤྱི་དཔལ་ཆེན་པོ་ཐབས་ལ་མཁས། །ཐབས་དང་ཤེས་རབ་ཡི་གེ་ལས། །སྔགས་ཀྱི་ན་ཡ་བརྩི་བ་འམ། །ཡི་གེ་བཏུ་བ་ཇི་ལྟར་ལགས། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་ཚོགས་ཆེན་རྣམས། །སྐྱེ་བ་མེད་པའི་རང་བཞིན་ལས། །སྐྱེ་བའི་ཆོ་འཕྲུལ་བསྟན་པ་ནི། །ཐབས་དང་ཤེས་རབ་ཡི་གེ་སྟེ། །ཐབས་ནི་རྡོ་རྗེའི་རང་བཞིན་ལ། །ཤེས་རབ་པདྨའི་རང་བཞིན་ནོ། །ཐབས་དང་ཤེས་རབ་གཉིས་མེད་ལས། །སྔགས་ཀྱི་སྒྲ་ནི་སྣ་ཚོགས་འབྱུང་། །དེ་ཡི་རྣམ་པ་འདི་ལྟར་བཤད། །ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵཿ། སྒྲའི་གནས་བརྒྱད་ནས་བྱུང་བ་འདི་རྣམས་ནི། ཐབས་རྡོ་རྗེའི་ཡི་གེ་ཡིན་ཏེ། སྡེ་ཚན་བརྒྱད་པའོ། །ཨ་ཨཱ། ཨི་ཨཱིཾ། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཱཻ། ཨོ་། ཨཾ་ཨ། སྡེ་ཚན་བརྒྱད་དང་སྦྱར་བ་ཡིས། །དབྱངས་ཀྱི་ཡི་གེ་བཅུ་དྲུག་པོ་འདི་རྣམས་ནི། ཤེས་རབ་པདྨའི་ཡི་གེའོ། །གཉིས་སུ་མེད་པའི་ ― DNG014_Page_0391 ―
[མ་དཔེ་གཟིགས་ན་འདིར་གནོན།]
རང་བཞིན་ལས། །ཡི་གེ་བཏུ་བ་འདི་ལྟར་བཤད། །ཐམས་ཅད་ཀུན་གྱི་དང་པོ་ལ། །དབྱངས་ཡིག་གཉིས་པས་འོག་ཏུ་བརྒྱན། །དབྱངས་ཡིག་བཅུ་གསུམ་སྟེང་དུ་བརྒྱན། །དེ་ལ་དབྱངས་ཡིག་བཅོ་ལྔ་པས། །སྟེང་དུ་ཐིག་ལེས་མཛེས་པར་བརྒྱན། །འདི་ནི་ཡེ་ཤེས་ལྔ་རྫོགས་ཡིན། །སྔགས་རྣམས་ཀུན་གྱི་མགོ་ལ་བཞག །ཨཱོཾ། པ་ཚན་གསུམ་པ་གཞག་པར་བྱ། །དེ་དང་ཙ་ཚན་གསུམ་པར་ལྡན། །ཡ་ཚན་གསུམ་པས་འོག་ཏུ་བརྒྱན། །ཀ་ཚན་དང་པོ་གཞག་པར་བྱ། །ཡ་ཚན་གསུམ་པས་འོག་ཏུ་སྤྲས། །དེ་ལ་དབྱངས་ཡིག་བཅུ་གསུམ་བརྒྱན། །ཏ་ཚན་ཡི་གེ་དང་པོ་བཞག །པ་ཚན་ཡི་གེ་ལྔ་པ་བཞག །ཤ་ཚན་ཡི་གེ་བཞི་པ་བཞག །ཤ་ཚན་ཡི་གེ་དང་པོ་བཞག །ཡ་ཚན་གསུམ་པས་འོག་ཏུ་སྤྲས། །དེ་ལ་དབྱངས་ཡིག་བཞི་པས་བརྒྱན། །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་བཅུ་གཅིག་བརྒྱན། །ཡ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཀ་ཚན་ཡི་གེ་དང་པོ་བཞག །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །སྟེང་དུ་ཐིག་ལེས་མཛེས་པར་བརྒྱན། །པ་ཚན་ཡི་གེ་གཉིས་པ་བཞག །དེ་སྟེང་ཊ་ཚན་དང་པོར་ལྡན། །རིན་པོ་ཆེ་ཡི་ཕྲ་ཡིས་བཅད། །ཨཱོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། གསང་སྔགས་ཡིག་འབྲུ་བཅུ་གཉིས་པ། །ཆེ་མཆོག་ཡོན་ཏན་སྙིང་པོ་དེ། །གཙོ་འཁོར་བཅས་པའི་སྔགས་སུ་བཤད། །ཡེ་ཤེས་ལྔ་རྫོགས་དབུ་རུ་བཞག །ཡ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཡ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཡ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཡ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །སྟེང་དུ་ཐིག་ལེས་མཛེས་པར་བྱས། །པ་ཚན་ཡི་གེ་གསུམ་པ་བཞག །དེ་འོག་ཤ་ཚན་བཞི་པས་སྤྲས། །དེ་ལ་ཡ་ཚན་དང་པོས་སྤྲས། །དེ་ལ་དབྱངས་ཡིག་བཅུ་གསུམ་བརྒྱན། །ཤ་ཚན་ཡི་གེ་བཞི་པ་བཞག ། ― DNG014_Page_0392 ―
[མ་དཔེ་གཟིགས་ན་འདིར་གནོན།]
དེ་ལ་དབྱངས་ཡིག་དྲུག་པས་བརྒྱན། །སྟེང་དུ་ཐིག་ལེས་མཛེས་པར་བརྒྱན། །པ་ཚན་ཡི་གེ་གཉིས་པ་བཞག །དེ་དང་ཊ་ཚན་དང་པོར་ལྡན། །རིན་པོ་ཆེ་ཡི་ཕྲ་ཡིས་སྤྲས། །ཨཱོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། ཨོཾ་དང་ཕཊ་ཀྱི་ཐོག་མཐའ་བརྟེན། །གསང་སྔགས་ཡི་གེ་འབྲུ་བདུན་པ། །ཡང་དག་ཐུགས་ཀྱི་སྙིང་པོ་སྟེ། །གཙོ་འཁོར་བཅས་པའི་སྔགས་སུ་བཤད། །ཡེ་ཤེས་ལྔ་རྫོགས་དབུ་རུ་བཞག །ཐམས་ཅད་ཀུན་གྱི་དང་པོ་བཞག །ཀ་ཚན་ཡི་གེ་དང་པོ་བཞག །ཡ་ཚན་གསུམ་པ་འོག་ཏུ་སྤྲས། །དེ་ལ་དབྱངས་ཡིག་བཅུ་གསུམ་བརྒྱན། །ཏ་ཚན་ཡི་གེ་དང་པོ་བཞག །དེ་ལ་དབྱངས་ཡིག་བཅུ་གཅིག་བརྒྱན། །ཀ་ཚན་ཡི་གེ་དང་པོ་བཞག །ཡ་ཚན་ཡི་གེ་དང་པོ་བཞག །པ་ཚན་ཡི་གེ་ལྔ་པ་བཞག །དེ་ལ་དབྱངས་ཡིག་གཉིས་པས་བརྒྱན། །ཏ་ཚན་ཡི་གེ་ལྔ་པར་ལྡན། །ཏ་ཚན་ཡི་གེ་དང་པོ་བཞག །ཀ་ཚན་ཡི་གེ་དང་པོ་བཞག །ཤ་ཚན་ཡི་གེ་བཞི་པ་བཞག །ཏ་ཚན་ཡི་གེ་ལྔ་པ་བཞག །པ་ཚན་ཡི་གེ་ལྔ་པ་བཞག །ཏ་ཚན་ཡི་གེ་གཉིས་པ་བཞག །པ་ཚན་ཡི་གེ་གསུམ་པ་བཞག །དེ་དང་ཙ་ཚན་ལྔ་པར་བཞག །ཙ་ཚན་ཡི་གེ་གསུམ་པ་བཞག །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །སྟེང་དུ་ཐིག་ལེས་མཛེས་པར་བྱ། །པ་ཚན་ཡི་གེ་གཉིས་པ་བཞག །དེ་དང་ཊ་ཚན་དང་པོར་ལྡན། །རིན་པོ་ཆེ་ཡི་ཕྲ་ཡིས་བཅད། །ཨཱོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། གསང་སྔགས་ཡི་གེ་བཅུ་བདུན་པ། །འཇམ་དཔལ་སྐུ་ཡི་སྙིང་པོ་སྟེ། །གཙོ་འཁོར་བཅས་པའི་སྔགས་སུ་བསྟན། །ཡེ་ཤེས་ལྔ་རྫོགས་དབུ་རུ་བཞག །པ་ཚན་ཡི་གེ་དང་པོ་བཞག །དེ་དང་ཏ་ཚན་གསུམ་པར་ལྡན། །པ་ཚན་ཡི་གེ་ལྔ་པ་བཞག །དེ་ལ་དབྱངས་ཡིག་གཉིས་པས་བརྒྱན། །དེ་དང་ཏ་ཚན་ལྔ་པར་ལྡན། །ཏ་ཚན་ཡི་གེ་དང་པོ་བཞག །ཀ་ཚན་ཡི་གེ་དང་པོ་བཞག །དེ་ལ་དབྱངས་ཡིག་བདུན་པས་བརྒྱན། །དེ་དང་ཏ་ཚན་དང་པོར་ལྡན། །པ་ཚན་ཡི་ ― DNG014_Page_0393 ―
[མ་དཔེ་གཟིགས་ན་འདིར་གནོན།]
གེ་གསུམ་པ་བཞག །དེ་དང་ཙ་ཚན་གསུམ་པར་ལྡན། །ཡ་ཚན་གསུམ་པས་འོག་ཏུ་སྤྲས། །ཀ་ཚན་ཡི་གེ་དང་པོ་བཞག །ཡ་ཚན་གསུམ་པས་འོག་ཏུ་སྤྲས། །དེ་ལ་དབྱངས་ཡིག་བཅུ་གསུམ་བརྒྱན། །ཏ་ཚན་ཡི་གེ་དང་པོ་བཞག །ཤ་ཚན་ཡི་གེ་བཞི་པ་བཞག །ཡ་ཚན་ཡི་གེ་དང་པོ་བཞག །ཀ་ཚན་ཡི་གེ་གསུམ་པ་བཞག །ཡ་ཚན་གསུམ་པ་འོག་ཏུ་སྤྲས། །དེ་ལ་དབྱངས་ཡིག་བཞི་པས་བརྒྱན། །པ་ཚན་ཡི་གེ་གསུམ་པ་བཞག །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །སྟེང་དུ་ཐིག་ལེས་མཛེས་པར་བརྒྱན། །པ་ཚན་ཡི་གེ་གཉིས་པ་བཞག །དེ་དང་ཊ་ཚན་དང་པོར་ལྡན། །རིན་པོ་ཆེ་ཡི་ཕྲ་ཡིས་བཅད། །ཨཱོཾ་པདྨཱ་ཏ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཕཊ། གསང་སྔགས་ཡི་གེ་བཅུ་བཞི་པ། །པདྨ་དབང་ཆེན་སྙིང་པོ་སྟེ། །འཁོར་དང་བཅས་པའི་སྔགས་སུ་བཤད། །ཡེ་ཤེས་ལྔ་རྫོགས་དབུ་རུ་བཞག །དེ་ནས་པ་ཚན་གསུམ་པ་བཞག །དེ་དང་ཙ་ཚན་གསུམ་པ་བཞག །ཡ་ཚན་གསུམ་པས་འོག་ཏུ་བརྒྱན། །ཀ་ཚན་ཡི་གེ་དང་པོ་བཞག །དེ་ལ་དབྱངས་ཡིག་བཞི་པས་བརྒྱན། །ཡ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་གསུམ་པས་བརྒྱན། །ཀ་ཚན་ཡི་གེ་དང་པོ་བཞག །དེ་ལ་དབྱངས་ཡིག་བཞི་པས་བརྒྱན། །ཡ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་གསུམ་པས་བརྒྱན། །ཡ་ཚན་ཡི་གེ་དང་པོ་བཞག །ཤ་ཚན་ཡི་གེ་གསུམ་པ་བཞག །ཡ་ཚན་ཡི་གེ་གསུམ་པ་བཞག །དེ་འོག་པ་ཚན་གསུམ་པས་སྤྲས། །པ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་གསུམ་པས་བརྒྱན། །དེ་དང་ཀ་ཚན་བཞི་པ་དང་། །ཏ་ཚན་ཡི་གེ་ལྔ་གཉིས་ལྡན། །དབྱངས་ཀྱི་ཡི་གེ་གཉིས་པས་བརྒྱན། །སྟེང་དུ་ཐིག་ལེས་མཛེས་པར་བྱས། །པ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་བཅོ་ལྔས་བརྒྱན། །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །སྟེང་དུ་ཐིག་ལེས་མཛེས་པར་བརྒྱན། །པ་ཚན་ ― DNG014_Page_0394 ―
[མ་དཔེ་གཟིགས་ན་འདིར་གནོན།]
ཡི་གེ་གཉིས་པས་བརྒྱན། །དེ་དང་ཊ་ཚན་དང་པོར་ལྡན། །རིན་པོ་ཆེ་ཡི་ཕྲ་ཡིས་བཅད། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། གསང་སྔགས་ཡི་གེ་བཅུ་བཞི་པ། །ཕུར་པ་ཕྲིན་ལས་སྙིང་པོ་སྟེ། །གཙོ་འཁོར་བཅས་པའི་སྔགས་སུ་བཤད། །ཡེ་ཤེས་ལྔ་རྫོགས་དབུ་རུ་བཞག །ཀ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཤ་ཚན་ཡི་གེ་བཞི་པ་བཞག །ཡ་ཚན་ཡི་གེ་དང་པོར་ལྡན། །ཙ་ཚན་ཡི་གེ་གསུམ་པ་བཞག །ཙ་ཚན་ཡི་གེ་ལྔ་པར་ལྡན། །དེ་ལ་དབྱངས་ཡིག་གཉིས་པས་བརྒྱན། །ཏ་ཚན་ཡི་གེ་ལྔ་པར་བཞག །ཤ་ཚན་ཡི་གེ་དང་པོ་བཞག །དེ་ལ་ཡ་ཚན་གསུམ་པས་སྤྲས། །དེ་ལ་དབྱངས་ཡིག་བཞི་པས་བརྒྱན། །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་བཅུ་གཅིག་བརྒྱན། །ཡ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཀ་ཚན་ཡི་གེ་དང་པོ་བཞག །ཀ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཤ་ཚན་ཡི་གེ་བཞི་པ་བཞག །ཡ་ཚན་ཡི་གེ་དང་པོར་ལྡན། །ཙ་ཚན་ཡི་གེ་གསུམ་པ་བཞག །ཙ་ཚན་ཡི་གེ་ལྔ་པ་བཞག །དེ་ལ་དབྱངས་ཡིག་གཉིས་པས་བརྒྱན། །ཏ་ཚན་ཡི་གེ་ལྔ་པ་བཞག །ཀ་ཚན་ཡི་གེ་དང་པོ་བཞག །ཡ་ཚན་ཡི་གེ་གསུམ་པས་སྤྲས། །དེ་ལ་དབྱངས་ཡིག་བཅུ་གསུམ་བརྒྱན། །ཏ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་བཞི་པས་བརྒྱན། །ཤ་ཚན་ཡི་གེ་དང་པོ་བཞག །ཡ་ཚན་ཡི་གེ་གཉིས་པར་ལྡན། །ཡ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་བཞི་པས་མཛེས། །ཤ་ཚན་ཡི་གེ་གསུམ་པ་བཞག །དེ་ལ་ཏ་ཚན་དང་པོས་སྤྲས། །ཡ་ཚན་ཡི་གེ་གཉིས་པར་ལྡན། །སྟེང་དུ་དབྱངས་ཡིག་བཅོ་ལྔས་མཛེས། །པ་ཚན་ཡི་གེ་ལྔ་གཉིས་བཞག །ཡ་ཚན་ཡི་གེ་དང་པོ་བཞག །དེ་ལ་དབྱངས་ཡིག་བཅུ་གསུམ་མཛེས། །ཀ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་གསུམ་པས་མཛེས། །ཏ་ཚན་ཡི་ ― DNG014_Page_0395 ―
[མ་དཔེ་གཟིགས་ན་འདིར་གནོན།]
གེ་ལྔ་པ་བཞག །དེ་ལ་དབྱངས་ཡིག་བཞི་པས་མཛེས། །ཡ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཡ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཡ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཡ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །སྟེང་དུ་ཐིག་ལེས་མཛེས་པར་བྱ། །པ་ཚན་ཡི་གེ་བཞི་པ་བཞག །ཡ་ཚན་ཡི་གེ་དང་པོར་ལྡན། །དེ་ལ་དབྱངས་ཡིག་བཅུ་གསུམ་སྤྲས། །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །སྟེང་དུ་ཐིག་ལེས་མཛེས་པར་བྱ། །པ་ཚན་ཡི་གེ་གཉིས་པ་བཞག །དེ་ལ་ཊ་ཚན་དང་པོར་ལྡན། །རིན་པོ་ཆེ་ཡི་ཕྲ་ཡིས་བཅད། །ཨཱོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རཱི་སྟྭཾ། མ་མ་ཡོ་གི་ནཱི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། གསང་སྔགས་ཡི་གེ་སུམ་ཅུ་པ། །མ་མོ་རྦོད་གཏོང་སྙིང་པོ་ཡིན། །འཁོར་དང་བཅས་པའི་སྔགས་སུ་བཤད། །ཡེ་ཤེས་ལྔ་རྫོགས་དབུ་རུ་བཞག །པ་ཚན་ཡི་གེ་གསུམ་པ་བཞག །དེ་དང་ཙ་ཚན་གསུམ་པར་ལྡན། །དེ་འོག་ཡ་ཚན་གསུམ་པས་སྤྲས། །ཙ་ཚན་ཡི་གེ་དང་པོ་བཞག །དེ་དང་ཊ་ཚན་ལྔ་པར་ལྡན། །ཊ་ཚན་ཡི་གེ་གསུམ་པ་བཞག །དེ་འོག་ཤ་ཚན་གསུམ་པས་སྤྲས། །ཡ་ཚན་ཡི་གེ་གསུམ་པ་བཞག །དེ་འོག་པ་ཚན་གསུམ་པས་སྤྲས། །ཏ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཤ་ཚན་ཡི་གེ་གསུམ་པ་བཞག །དེ་འོག་ཊ་ཚན་དང་པོས་སྤྲས། །དེ་ལ་དབྱངས་ཡིག་གཉིས་པས་བརྒྱན། །དེ་དང་ཏ་ཚན་ལྔ་པར་ལྡན། །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །དེ་སྟེང་ཐིག་ལེས་མཛེས་པར་བྱ། །པ་ཚན་ཡི་གེ་གཉིས་པ་བཞག །དེ་དང་ཊ་ཚན་དང་པོར་ལྡན། །རིན་པོ་ཆེ་ཡི་ཕྲ་ཡིས་བཅད། །ཨཱོཾ་བཛྲ་ཙཎྜ་སརྦ་དུཥྚཱཾ་ཧཱུཾ་ཕཊ། གསང་སྔགས་ཡི་གེ་བཅུ་པ་ནི། །འཇིག་རྟེན་མཆོད་ ― DNG014_Page_0396 ―
[མ་དཔེ་གཟིགས་ན་འདིར་གནོན།]
བསྟོད་སྙིང་པོ་དེ། །འཁོར་དང་བཅས་པའི་སྔགས་སུ་བསྟན། །ཡེ་ཤེས་ལྔ་རྫོགས་དབུ་རུ་བཞག །པ་ཚན་ཡི་གེ་གསུམ་པ་བཞག །དེ་དང་ཙ་ཚན་གསུམ་པར་ལྡན། །དེ་འོག་ཡ་ཚན་གསུམ་པས་སྤྲས། །ཤ་ཆེན་ཡི་གེ་གསུམ་པ་བཞག །ཡ་ཚན་ཡི་གེ་གསུམ་པ་བཞག །དེ་འོག་པ་ཚན་གསུམ་པས་སྤྲས། །ཏ་ཚན་ཡི་གེ་གསུམ་པ་བཞག །དེ་ལ་དབྱངས་ཡིག་ལྔ་པས་བརྒྱན། །ཤ་ཚན་ཡི་གེ་གསུམ་པ་བཞག །དེ་འོག་ཊ་ཚན་དང་པོ་བཞག །དེ་ལ་དབྱངས་ཡིག་གཉིས་པར་ལྡན། །དེ་དང་ཏ་ཚན་ལྔ་པར་ལྡན། །ཤ་ཚན་ཡི་གེ་བཞི་པ་བཞག །དེ་ལ་དབྱངས་ཡིག་དྲུག་པས་བརྒྱན། །དེ་སྟེང་ཐིག་ལེས་མཛེས་པར་བརྒྱན། །པ་ཚན་ཡི་གེ་གསུམ་པ་བཞག །དེ་དང་ཊ་ཚན་དང་པོར་ལྡན། །རིན་པོ་ཆེ་ཡི་ཕྲ་ཡིས་བཅད། །ཨཱོཾ་བཛྲ་སརྦ་དུཥྚཱཾ་ཧཱུཾ་ཕཊ། གསང་སྔགས་ཡི་གེ་བརྒྱད་པ་ནི། །དམོད་པ་དྲག་སྔགས་སྙིང་པོ་སྟེ། །འཁོར་དང་བཅས་པའི་སྔགས་སུ་བསྟན། །ཞེས་གསུངས་སོ། །སྔགས་ཀྱི་ཡི་གེ་བཏུ་བའི་ལེའུ་སྟེ་གཉིས་པའོ།། །། སྤྱི་སྔགས་ཀྱི་སྐབས་ཏེ་དང་པོའོ།། །། དེ་ནས་རིག་འཛིན་རྣམས་ཀྱིས་གསོལ་པ། སྤྱི་དཔལ་ཆེན་པོ་ཀུན་ཏུ་བཟང་། །སྤྱི་སྔགས་བཏུ་བ་དེ་ལགས་ན། །སོ་སོའི་སྔགས་ཀྱི་ཕྲེང་བ་རྣམས། །དཔའ་བོ་ཆེན་པོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །དཔའ་བོ་ཆེན་པོས་བཀའ་སྩལ་པ། །ཉོན་ཅིག་འདུས་པའི་ཚོགས་ཆེན་རྣམས། །སོ་སོའི་སྙིང་པོ་བཤད་ཀྱིས་ཉོན། །རྡོ་རྗེ་དབྱིངས་ཀྱི་ལྷ་ཚོགས་ཀྱི། །སྔགས་ཀྱི་རིམ་པ་འདི་རྣམས་སོ། །ཨོཾ་བུཌྜྷ་བཻ་རོ་ཙ་ན་ཨོཾ། ཨོཾ་བཛྲ་དེ་ཤ་ཏི་ཤ་ཡ་ར་ཏི་ཨོཾ། ཨོཾ་བཛྲ་ཨཀྵོ་བྷྱ་ཧཱུཾ། ཨོཾ་བཛྲ་བུཌྜྷ་ལོ་ཙ་ན་ཧཱུཾ། ཨོཾ་རཏྣ་སམྦྷ་བ་ཏྲཱཾ། ཨོཾ་བཛྲ་བནྡྷ་ར་ལི་ནི་ཏྲཱཾ། ཨོཾ་བཛྲ་ཨ་མི་ཏཱ་བྷ་ཧྲཱྀཿ། ཨོཾ་བཛྲ་མཱ་མ་ཀཱི་ཧྲཱྀཿ། ཨོཾ་བཛྲ་ཨ་མོ་གྷ་སིཌྜྷ་ཨ། ཨོཾ་བཛྲ་ས་མ་ཡ་ཏཱ་རཱ་ཧཱ། ཨོཾ་བཛྲ་ས་མནྟ་བྷ་དྲ་ཧཱུཾ། ཨོཾ་བཛྲ་དྷ་ར་ཧཱུཾ་། ཨོཾ་བཛྲ་སཏྭ་ཧཱུཾ། ཨོཾ་བཛྲ་ ― DNG014_Page_0397 ―
[མ་དཔེ་གཟིགས་ན་འདིར་གནོན།]
རཱ་ཛ་ཧཱུཾ། ཨོཾ་བཛྲ་རཱ་ག་ཧཱུཾ། ཨོཾ་བཛྲ་སཱ་དྷཱུ་ཧཱུཾ། ཨོཾ་བཛྲ་ལཱ་སྱཻ་ཧཱུཾ། ཨོཾ་བཛྲ་དྷཱུ་པེ་ཧཱུཾ། ཨོཾ་བཛྲ་ཨཾ་ཀུ་ཤ་ཧཱུཾ། ཨོཾ་བཛྲ་དཱི་པཾ་ཤྭ་ར་ཏི་ཧཱུཾ། ཨོཾ་མཉྫུ་ཤྲཱི་ཀུ་མཱ་ར་མུ་ལ་ཏྲཱཾ། ཨོཾ་རཏྣ་དྷ་ར་ཧཱུཾ། ཨོཾ་བཛྲ་རཏྣ་ཧཱུཾ། ཨོཾ་བཛྲ་སཱུརྱ་ཏྲཱཾ། ཨོཾ་བཛྲ་ཀེ་ཏུ་ཧྲཱྀཿ། ཨོཾ་བཛྲ་ཧ་ས་ཧ། ཨོཾ་བཛྲ་མཱ་ལེ་ཧཱུཾ། ཨོཾ་བཛྲ་པུཥ྇་ཏྲཱཾ། ཨོཾ་བཛྲ་པཱ་ཤ་ཧྲཱྀཿ། ཨོཾ་བཛྲ་སུ་ཁ་ཧཱ། ཨོཾ་སརྦ་ཏ་ཐཱ་ག་ཏཱ་ཨ་བ་ལོ་ཀི་ཏེ་ཀཱ་རུ་ཎ་མ་ཧཱ་རཱ་ཛ་ཧྲཱྀཿ། ཨོཾ་པདྨ་དྷ་ར་ཧྲཱྀཿ། ཨོཾ་བཛྲ་དྷརྨཱ་ཧཱུཾ། ཨོཾ་བཛྲ་ཏིཀྵྞ་ཏྲཱཾ། ཨོཾ་བཛྲ་བྷཱ་ཥཱ་ཧྲཱྀཿ། ཨོཾ་བཛྲ་ཙཀྲ་ཧཱ། ཨོཾ་བཛྲ་གཱིརྟཱི་ཧཱུཾ། ཨོཾ་བཛྲ་ཨཱ་ལོ་ཀེ་ཏྲཱཾ། ཨོཾ་བཛྲ་སྥོ་ཊ་ཧྲཱྀཿ། ཨོཾ་བཛྲ་རཱ་ག་ར་ཏི་ཧཱ། ཨོཾ་བཛྲ་པཱ་ཎི་ས་མནྟ་ཧཱུཾ། ཨོཾ་བཛྲ་ཀརྨ་དྷ་ར་ཧཱུཾ། ཨོཾ་བཛྲ་ཀརྨ་ཧཱུཾ། ཨོཾ་བཛྲ་རཀྵ་ཏྲཱཾ། ཨོཾ་བཛྲ་ཡཀྵ་ཧྲཱྀཿ། ཨོཾ་བཛྲ་སནྡྷི་ཧཱ། ཨོཾ་བཛྲ་ནྲྀ་ཏྱེ་ཧཱུཾ། ཨོཾ་བཛྲ་གནྡྷེ་ཏྲཱཾ། ཨོཾ་བཛྲ་གྷཎྜ་ཧྲཱྀཿ། ཨོཾ་བཛྲ་ཨཱ་བེ་ཤ་ཧཱ། ཨོཾ་ཀྵྀ་ཏི་གརྦྷ་རཏྣ་ཨོཾ། བཛྲ་ཨོཾ་ནཱིརྟི་ཧཱུཾ། ཨོཾ་དྷརྨ་ཀེ་ཏུ་ཧཱུཾ། ཨོཾ་ཀེ་ཏྭཱི་ཤྭ་ར་རཱ་ཛ་ཏྲཱཾ། ཨོཾ་པདྨ་ལ་པདྨ་དྷ་ར་ཧྲཱྀཿ། ཨོཾ་རཏྣ་པྲ་བྷཱ་ཧཱ། ཨོཾ་བཛྲ་ཁ་ཊྭཱཾ་ག་པྲ་ལ་ཡ་ཧཱུཾ། ཨོཾ་བཛྲ་ཨ་མོ་གྷ་ཤ་ར་ཡ་ཏཱཾ། ཨོཾ་བཛྲ་རཱ་ག་ས་མ་ཡ་ཧྲཱྀཿ། ཨོཾ་བཛྲ་གྷཎྜ་ཛ་ལ་ཡ་ཧཱ། ཨོཾ་ཨཱ་ཀཱ་ཤ་གརྦྷ་སྭཱ་ཧཱ། ཨོཾ་རཏྣ་ནི་ཏྲེ་ཏྲཱཾ། ཨོཾ་ཨཱ་ལོ་ཀ་ཨ་གྲ་པྲ་བརྟ་ཧཱུཾ། ཨོཾ་མུ་དྲ་རཱ་ཛ་པྲ་བྷ་ཏ་ཏྲཱཾ། ཨོཾ་པྲ་ཏི་བྷཱ་ན་རཱ་ཛ་ནེ་ཧྲཱྀཿ། ཨོཾ་པྲ་ཏི་བྷཱ་ན་ཀུ་ཊ་ཡེ་ཧཱ། ཨོཾ་བཛྲ་ཨཱ་བ་ཧཱུཾ། ཨོཾ་བཛྲ་ཀེ་ཏུ་ཏྲཱཾ། ཨོཾ་བཛྲ་བི་ཏཱ་ན་ཧྲཱྀཿ། ཨོཾ་ཚཏྟྲ་ཧཱ། ཨོཾ་ཧྲཱྀ་མ་ཧཱ་མཻ་ཏྲི་ཧཱུཾ། ཨོཾ་པདྨ་ནི་ཏི་ཨོཾ། ཨོཾ་ཀ་མ་ལ་རཱ་ཛ་མ་ཧཱ་རཱ་ཛ་ཧཱུཾ། ཨོཾ་པདྨ་མ་ལ་པདྨ་དྷ་ར་ཏྲཱཾ། ཨོཾ་བཛྲ་ཨཀྵོ་བྷྱ་ཧྲཱྀཿ། ཨོཾ་ཨ་མོ་གྷ་རཱ་ཛ་ཡ་ཧཱཿ། ཨོཾ་བི་མ་ལེ་ཀརྨ་མཉྫུ་ཥ་ཡ་ཧཱུཾ། ཨོཾ་ཛ་ལི་མི་ལི་ཧུ་ལུ་བ་ཏྲེ་བ་ཏུ་ས་བ་ཏྲེ་ཏྲཱཾ། ཨོཾ་ཏ་ཀ་རུ་ན་ཛྭ་ལ་པུ་ཙ་པདྨེ་ཧྲཱྀཿ། ཨོཾ་ཏྲ་ས་ནི་བི་ཏྲ་ས་ནི་བི་ཏྲ་ས་ནི་ཧ། ཨོཾ་སརྦ་ནི་བ་ར་ཎ་བི་ཤོ་དྷ་ཡ་བ་རེ་ཨོཾ། ཨོཾ་ཀརྨ་ནི་ཏེ་ཧཱུཾ། ཨོཾ་རཏྱཱུ་ཤྭ་ར་རཏྣ་དྷ་ར་ཧཱུཾ། ཨོཾ་ཀརྨ་སིདྡྷི་རཏྣ་དྷ་རཱ་ཡ་ཏྲཱཾ། ཨོཾ་ཨཱ་ར་ཏི་ཤཱ་སྟཱ་དྷ་ར་ཡ་ཧྲཱྀཿ། ཨོཾ་ཨ་ཙ་ལ་ཨཀྵོ་བྷྱ་དྷ་ར་ཡ་ཧཱ། ཨོཾ་ཛ་ཡ་ཛ་ཡེ་བ་ཏེ་སརྦ་ཤ་ནི་ཧཱུཾ། ཨོཾ་ཛྭ་ལ་པྲ་ ― DNG014_Page_0398 ―
[མ་དཔེ་གཟིགས་ན་འདིར་གནོན།]
ཛྭ་ལ་ད་ཧ་པ་ཙ་ཏྲཱཾ། ཨོཾ་གནྡྷེ་ཙུ་རུ་མ་ཧཱ་བ་ཤ་ར་ཨ་ཏི་ཏེ་ཧྲཱྀཿ། ཨོཾ་ཧ་ཀ་ཧུ་རུ་ན་པྲ་ཀ་རི་ཧཱ། ཨོཾ་མུ་ནི་ཀྲིཾ་སྭཱ་ཧཱ། ཨོཾ་མུ་ནེ་ཧཱུཾ་ཏྲུཾ་སྭཱ་ཧཱ། ཨོཾ་མུ་ནེ་སྲུཾ་སྭཱ་ཧཱ། ཨོཾ་མུ་ནེ་བྲཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཨོཾ་བཛྲ་ཨཾ་ཀུ་ཤ་ཛཿ། ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་གྷཎྜ་ཧོཿ། དམ་པ་རིགས་བརྒྱའི་སྔགས་སོ། །ཧཱུཾ་ཧཱུཾ་ཧཱུཾ་བཛྲ་ཙིཏྟ་ཨཱོཾ། ཨ་ཨ་ཨ་བཛྲཱི་བྷ་དྲཱ་ས་མནྟ་ཨོཾ། ཨོཾ་ཛི་ན་ཛིཀ །ཧཱུཾ་བཛྲ་ཌྷྲྀཀ །སྭཱ་རཏྣ་ཌྷྲྀཀ །ཨཱཾ་ཨཱ་རོ་ལིཀ །ཧཱ་པྲཛྙཱ་ཌྷྲྀཀ །ལཱཾ་དྭེ་ཥ་ར་ཏི། མཱུཾ་དྷཱ་ཏྭཱི་ཤྭ་རཱི། མཱཾ་མོ་ཧ་ར་ཏི། རཱ་ག་ར་ཏི། ་བཛྲ་ར་ཏི། ཀྵིཾ་ཧི་རཱ་ཛཱ་ཡ། ཏྲཱྃ་ཨཱ་གརྦྷཱ་ཡ། ཧྲཱྀཿཔདྨ་པཱ་ད་མ། ཛི་ཀུ་རུ་པཱ་ཎ། མཻ་ཏྲི་དྷ་ར་ཎི་སྭཱ་ཧཱ། ་ནིསྶ་རཾ་བྷཱ་ཡ་སྭཱ་ཧཱ། ཧཱུཾ་སྭ་རཱ་ཛཱ་ཡ་སྭཱ་ཧཱ། མུཾ་ཤྲཱི་ཨཱཾ་རཱ་གཱ་ཡ་སྭཱ་ཧཱ། ཧཱུཾ་ལཱ་སྱེ་ས་མ་ཡ་སྟྭཾ། ཏྲཾ་མཱ་ལེ་ས་མ་ཡ་ཧོ། ཧྲཱིཾ་གིརྟི་རཱ་གོ་྅ཧཾ། ཨཾ་ནཱིརྟི་རཱ་ག་ཡཱ་མི། ཛཿདྷཱུ་པེ་བྲ་ཝེ་ཤ །ཧཱུཾ་པུཥ྇་ཨཱ་བེ་ཤ །བཾ་དཱི་པ་སུ་གི་རཱི། ཧོཿགནྡྷེ་ཙིཏྟ། ཨོཾ་མུ་ནེ་ཀྲིཾ་སྭཱ་ཧཱ། ཨོཾ་མུ་ནེ་ཧཱུཾ་ཧཱུཾ་སྭཱ་ཧཱ། ཨོཾ་མུ་ནེ་སྲུཾ་སྭཱ་ཧཱ། ཨོཾ་མུ་ནེ་པྲཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཨོཾ་ཡ་མཱནྟ་ཀྲྀཏ་ཕཊ། ཨོཾ་པྲཛྙཱནྟ་ཀྲྀཏ་ཕཊ། ཨོཾ་པདྨནྟ་ཀྲྀཏ་ཕཊ། ཨོཾ་བིགྷྣཱཾ་ཏ་ཀྲྀཏ་ཕཊ། ཨོཾ་མ་ཧཱ་བཛྲ་དྷ་རོ་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་མ་ཧཱ་རཏྣ་དྷ་རོ་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་མ་ཧཱ་པདྨ་དྷ་རོ་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་མ་ཧཱ་ཀརྨ་དྷ་རོ་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། རྡོ་རྗེ་དབྱིངས་ཀྱི་ལྷ་ཚོགས་ཀྱི་ལེའུ་སྟེ་གསུམ་པའོ།། །། ཆེ་མཆོག་ཡོན་ཏན་གྱི་ལྷ་ཚོགས་ཀྱི་སྔགས་བསྟན་པ། ཨོཾ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨོཾ་མ་ཧཱ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་ཤྲཱི་མ་ཧཱ་རཀྴ་ཧེ་རུ་ཀ་ཧཱུཾ་ཕཊ། ཨོཾ་ཤྲཱི་མ་ཧཱ་གུ་ཧྱ་ཧེ་རུ་ཀ་ཧཱུཾ་ཕཊ། ཨོཾ་ཤྲཱི་མ་ཧཱ་བི་ཤྭ་ཧེ་རུ་ཀ་ཧཱུཾ་ཕཊ། ཨོཾ་ཤྲཱི་མ་ཧཱ་ཡཀྴ་ཧེ་རུ་ཀ་ཧཱུཾ་ཕཊ། ཨོཾ་རཀྴ་ཀྲོ་དྷཱི་ཤྭཱ་རཱི་ཧཱུཾ་ཕཊ། ཨོཾ་གུ་ཧྱ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་བི་ཤྭ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་ཡཀྴ་ ― DNG014_Page_0399 ―
[མ་དཔེ་གཟིགས་ན་འདིར་གནོན།]
ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་མ་ཧཱ་ཀྲོ་དྷ་གརྫ་གརྫ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཧ་ན་ཧ་ན་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ད་ཧ་ད་ཧ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་པ་ཙ་པ་ཙ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་བནྡྷ་བནྡྷ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཧུ་ལུ་ཧུ་ལུ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཏིཥྛ་ཏིཥྛ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཙྪིནྡ་ཙྪིནྡ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་བྷིནྡ་བྷིནྡ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་སྥོ་ཊ་སྥོ་ཊ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཡ་མཱནྟ་ཀྲྀཏ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་པྲཛྙཱནྟ་ཀྲྀཏ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་པདྨཱནྟ་ཀྲྀཏ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་བིགྷྣཱཾནྟ་ཀྲྀཏ་ཧཱུཾ་ཕཊ། ཆེ་མཆོག་ཡོན་ཏན་གྱི་སྔགས་ཀྱི་ལེའུ་སྟེ་བཞི་པའོ།། །། ཡང་དག་ཐུགས་ཀྱི་ལྷ་ཚོགས་ཀྱི་སྔགས་བསྟན་པ། ཨོཾ་བཛྲ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་བུཌྜྷ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་རཏྣ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་པདྨ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་ཀརྨ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་བུད་དྷ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་རཏྣ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་པདྨ་ཀྲོ་དྷི་ཤྭ་རཱི་ཧཱུཾ་ཕཊ། ཨོཾ་ཀརྨཱ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་བཛྲ་གོ་རཱི་ཧ། ཨོཾ་བཛྲ་ཙཽ་རཱི་ཧ། ཨོཾ་བཛྲ་པྲ་མོ་ཧེ་ཧ། ཨོཾ་བཛྲ་བེ་ཏཱ་ལཱི་ཧ། ཨོཾ་བཛྲ་པུཀྐ་སཱི་ཧ། ཨོཾ་བཛྲ་གྷསྨ་རཱི་ཧ། ཨོཾ་བཛྲ་སྨ་ཤ་ནཱི་ཧ། ཨོཾ་བཛྲ་ཙཎྜ་ལཱི་ཧ། ཨོཾ་བཛྲ་སེངྷ་མུ་ཁཱི་ཧེ། ཨོཾ་བཛྲ་བྱཱ་གྷྲི་མུ་ཁཱི་ཧེ། ཨོཾ་བཛྲ་སྲིཾ་ག་ལ་མུ་ཁཱི་ཧེ། ཨོཾ་བཛྲ་ཤྭ་ན་མུ་ཁཱི་ཧེ། ཨོཾ་བཛྲ་གྲྀཌྜྷ་མུ་ཁཱི་ཧེ། ཨོཾ་བཛྲ་ཀཾ་ཀ་མུ་ཁཱི་ཧེ། ཨོཾ་བཛྲ་ཀཱ་ཀ་མུ་ཁཱི་ཧེ། ཨོཾ་བཛྲ་ཨུ་ལཱུ་ཀ་མུ་ཁཱི་ཧེ། ཨོཾ་བཛྲ་ཨཱརྻ་ཏེ་ཛ་ཏང་ཛཿ། ཨོཾ་བཛྲ་ཨ་མོ་ཀ་ཧཱུཾ། ཨོཾ་བཛྲ་ལོ་ཀ་བི། ཨོཾ་བཛྲ་བྷསྨི་པ་ལ་ཡ་ཏུ་ཧོཿ། ཡང་དག་ཐུགས་ཀྱི་སྔགས་ཀྱི་ལེའུ་སྟེ་ལྔ་པའོ།། །། འཇམ་དཔལ་སྐུའི་ལྷ་ཚོགས་ཀྱི་སྔགས་བསྟན་པ། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧཱུཾ་ཕཊ། ཨོཾ་བེ་ཏཱ་ལི་རཀྴ་མ་ན་ཧཱུཾ་བྷྱོ་ཧཱུཾ། ཨོཾ་ཨེ་ཀ་ཛ་ཏཱི་ཏྲག་རཀྴ་ཁ་མུན་ཏྲ་སྙིང་ཁ་རག་མ་རུ་ལུ་རུ་ལུ་བྷྱོ། འདི་མན་སྔགས་སོར་བཞག ། ཨོཾ་ཡ་མ་རཱ་ཛ་པྲེ་ཏ་ཐོ་ལ་ཡང་ཧཱུཾ་ཕཊ། ཨོཾ་ཡ་མ་རཱ་ཛ་པྲེ་ཏ་བྱི་ཏྲི་ཏི་བི་མ་ར་ཏ་ཀ་ཧཱུཾ་ཕཊ། ཨོཾ་ཡ་མ་རཱ་ཛ་པྲེ་ཏ་ཛྭ་ལ་ཧཱུཾ་ཕཊ། ཨོཾ་ཡ་མ་རཱ་ཛ་ཀ་ལ་ཀྵེ་པྲེ་ཏོད་ཀྵེ་ཏྲ་ཧཱུཾ་ཕཊ། ཨོཾ་རག་མོ་རག་མོ་སྙིང་རྩ་ལ་ཤ་མ་བྷྱོ། ཨོཾ་རག་མོ་རག་མོ་ཁྲག་ལ་མུ་ཤ་མ་བྷྱོ། ཨོཾ་རག་མོ་རག་མོ་ཏིང་ལཾ་མ་བྷྱོ། ཨོཾ་རག་མོ་རག་མོ་ཏིང་ཏིང་ཀ་ལ་མ་བྷྱོ། ཨོཾ་ཧེ་མ་དྷི་བཱི་ཧཱུཾ། ― DNG014_Page_0400 ―
[མ་དཔེ་གཟིགས་ན་འདིར་གནོན།]
ཨོཾ་ཡ་མ་དྷི་བཱི་ཧཱུཾ། ཨོཾ་ནཱ་ག་དྷི་བཱི་ཧཱུཾ། ཨོཾ་ཁ་ར་ག་དེ་བཱི་ཧཱུཾ། ཨོཾ་བཛྲ་ཡ་མ་རཀྴ་ཀྲོ་དྷ་ཧཱུཾ་ཕཊ། ཨོཾ་ཡ་མ་ཧྲཱྀཿཤྟྲཱིཿཧཱུཾ་ཕཊ། ཨོཾ་ཡ་མ་མ་ཧཱ་བ་ཏ་ཧཱུཾ་ཕཊ། ཨོཾ་ཡ་མ་ཧྲི་ཀུ་རུ་ཧཱུཾ་ཕཊ། ཨོཾ་ཡ་མ་པ་ཏི་ཧཱུཾ་ཕཊ། ཨོཾ་ཡ་མ་ཨཱརྱ་དྷ་ར་ཧཱུཾ་ཕཊ། ཨོཾ་ཡ་མ་རག་ཤ་ཧཱུཾ་ཕཊ། ཨོཾ་ཡ་མ་སརྦ་ས་ཏ་ཧཱུཾ་ཕཊ། ཨོཾ་ཡ་མ་ཨ་མྲྀ་ཏ་ལཾ་ཧཱུཾ་ཕཊ། ཨཱོཾ་ཡ་མ་དྷརྨ་རཱ་ཛ་ཧཱུཾ་ཕཊ། ཨོཾ་ཡ་མ་དེ་བཛྲ་ལ་རཾ་ཧཱུཾ་ཕཊ། ཨོཾ་ཡ་མ་ཧྲཱྀཿཥྚྲཱྀཿབཾ་ཧཱུཾ་ཕཊ། ཨོཾ་མ་མ་རག་མོ་རུ་ལུ་བྷྱོ། ཨོཾ་རག་མོ་རཀྴ་རུ་ལུ་བྷྱོ། ཨོཾ་མ་མ་ཡག་མོ་རུ་ལུ་བྷྱོ། ཨོཾ་མ་མ་རཀྴ་ཧྲཱྀཿཤྟྲཱིཿསྙིང་རུ་ལུ་བྷྱོ། ཨོཾ་མ་མ་རཀྴ་མ་ཏི་རུ་ལུ་བྷྱོ། ཨོཾ་རག་མོ་ཏ་ན་རུ་ལུ་བྷྱོ། ཨོཾ་མ་མ་ནཱ་ག་རུ་ལུ་བྷྱོ། ཨོཾ་མ་མ་བ་ཡ་དེ་བ་རུ་ལུ་བྷྱོ། ཨོཾ་ཡག་མོ་ཡག་མོ་རུ་ལུ་བྷྱོ། ཨོཾ་མ་མ་བཛྲ་ཨེ་ཀ་རུ་ལུ་བྷྱོ། ཨོཾ་མ་མ་རག་མོ་རུ་ལུ་བྷྱོ། ཨོཾ་ཀཱ་ལཱི་རག་མོ་རུ་ལུ་བྷྱོ། ཨོཾ་ཡ་མ་ཨཾ་ཀུ་ཤ་ཛཿ། ཨོཾ་ཡ་མ་པཱ་ཤ་ཧཱུཾ། ཨོཾ་ཡ་མ་སྥོ་ཊ་བཾ། ཨོཾ་ཡ་མ་གྷཎྜ་ཧོཿ། འཇམ་དཔལ་སྐུའི་ལྷ་ཚོགས་ཀྱི་སྔགས་ཀྱི་ལེའུ་སྟེ་དྲུག་པའོ།། །། པདྨ་གསུང་གི་ལྷ་ཚོགས་ཀྱི་སྔགས་བསྟན་པ། ཨོཾ་བཛྲ་མ་ཧཱ་ཀྲོ་དྷ་ཧ་ཡ་གྲཱི་བ་ཧུ་ལུ་ཧུ་ལུ་ཧཱུཾ་ཕཊ། ཨོཾ་ཨེ་ཀ་ཛ་ཊཱི་གུ་ཧྱ་སིདྡྷི་ས་མ་ཡ་བྷྱོ་ཛ། ཨོཾ་བཛྲ་ཀྲོ་ཏ་པ་ཙ་ལ་མུ་ཁ་ཧཱུཾ་ཛ། ཨོཾ་བཛྲ་པཀྵ་ཏི་མུ་ཁ་ཧཱུཾ་ཛ། ཨོཾ་པདྨ་ཀྲོ་དྷ་ཧ་ན་ཧ་ན་ཧཱུཾ་ཕཊ། ཨོཾ་པདྨ་ཀྲོ་དྷ་ད་ཧ་ད་ཧ་ཧཱུཾ་ཕཊ། ཨོཾ་པདྨ་ཀྲོ་དྷ་པ་ཙ་པ་ཙ་ཧཱུཾ་ཕཊ། ཨོཾ་པདྨ་ཀྲོ་དྷ་བྷིནྡ་བྷིནྡ་ཧཱུཾ་ཕཊ། ཨོཾ་པདྨ་ཀྲོ་དྷ་བནྡྷ་བནྡྷ་ཧཱུཾ་ཕཊ། ཨོཾ་པདྨ་ཀྲོ་དྷ་ཙྪིནྡ་ཙྪིནྡ་ཧཱུཾ་ཕཊ། ཨོཾ་པདྨ་ཀྲོ་དྷ་གརྫྫ་གརྫྫ་ཧཱུཾ་ཕཊ། ཨོཾ་པདྨ་ཀྲོ་དྷ་སྥོ་ཊ་སྥོ་ཊ་ཧཱུཾ་ཕཊ། ཨོཾ་གུ་ཧྱ་ཀྲོ་དྷཱི་ཧཱུཾ། ཨོཾ་ཛྙཱ་ན་ཀྲོ་དྷཱི་ཧཱུཾ། ཨོཾ་རཀྵ་ཀྲོ་དྷཱི་ཧཱུཾ། ཨོཾ་ཙིཏྟ་ཀྲོ་དྷཱི་ཧཱུཾ། ཨོཾ་བཛྲ་ཀྲོ་དྷཱི་ཧཱུཾ། ཨོཾ་ཡ་མ་ཀྲོ་དྷཱི་ཧཱུཾ། ཨོཾ་ནཱ་ག་ཀྲོ་དྷཱི་ཧཱུཾ། ཨོཾ་ཡཀྵ་ཀྲོ་དྷཱི་ཧཱུཾ། ཨོཾ་བཛྲ་ཨཾ་ཀུ་ཤ་ཛཿ། ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་གྷཎྜ་ཧོཿ། པདྨ་གསུང་གི་ལྷ་ཚོགས་ཀྱི་ལེའུ་སྟེ་བདུན་པའོ།། །། ཕུར་པ་ཕྲིན་ལས་ཀྱི་ལྷ་ཚོགས་ཀྱི་སྔགས་བསྟན་པ། ཨོཾ་བཛྲ་ཀཱི་ལི་ཀཱི་ལ་ཡ་ཤྲཱི་ཀུ་མཱ་ར་ ― DNG014_Page_0401 ―
[མ་དཔེ་གཟིགས་ན་འདིར་གནོན།]
ཧཱུཾ་ཕཊ། ཨོཾ་དཱིཔྟ་ཏ་ཙཀྲ་རུ་ལུ་རུ་ལུ་བྷྱོ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཨོཾ་རཏྣ་ཀཱི་ལི་ཀཱི་ལ་ཡ་ཧཱུཾ་ཕཊ། ཨོཾ་པདྨ་ཀཱི་ལི་ཀཱི་ལ་ཡ་ཧཱུཾ་ཕཊ། ཨོཾ་ཀརྨ་ཀཱི་ལི་ཀཱི་ལ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ་ཕཊ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་མ་ཧ་བ་ལ་ཧཱུཾ་ཕཊ། ཨོཾ་བཛྲ་ཀྲོ་དྷཱི་ར་བ་ཡ་ཏི་ཧཱུཾ། ཨོཾ་བཛྲ་ཀྲོ་དྷཱི་ལཱ་སེ་ཀི་ཧཱུཾ། ཨོཾ་བཛྲ་ཀྲོ་དྷཱི་ཏ་ན་པ་ཏི་ཧཱུཾ། ཨོཾ་བཛྲ་ཀྲོ་དྷཱི་ཤྨ་ཤ་ན་པ་ཧཱུཾ། ཨོཾ་བཛྲ་ཀྲོ་དྷཱི་མུ་ས་ལ་ཏི་ཧཱུཾ། ཨོཾ་བཛྲ་ཀྲོ་དྷཱི་ཙཎྜ་ལཱི་ཧཱུཾ། ཨོཾ་བཛྲ་ཀྲོ་དྷཱི་ས་བྱ་ཏི་ཧཱུཾ། ཨོཾ་བཛྲ་ཀྲོ་དྷཱི་ས་བྱ་མི་ཏ་ཧཱུཾ། ཨོཾ་བཛྲ་ཀྲོ་དྷཱི་མཱ་ར་ཎ་ཧཱུཾ། ཨོཾ་བཛྲ་ཀྲོ་དྷཱི་ཙུནྡ་ཡ་ཏི་ཧཱུཾ། ཨི་ཥུ་པ་ཡང་ཨོཾ་བཛྲ་སཱུ་ཀ་ར་མུ་ཁ་ཧཱུཾ། ཨོཾ་བཛྲ་བྱཱ་གྷྲ་མུ་ཁ་ཧཱུཾ། དྷ་ཏཱ་ཡང་ཨོཾ་བཛྲ་ཙ་མ་ར་མུ་ཁ་ཧཱུཾ། ཨོཾ་བཛྲ་ཧ་རི་ཎ་མུ་ཁ་ཧཱུཾ། ཨོཾ་བཛྲ་དི་པཱི་མུ་ཁ་ཧཱུཾ། ཨོཾ་བཛྲ་པི་ཌཱ་ལ་མུ་ཁ་ཧཱུཾ། ཨོཾ་བཛྲ་ཤྭ་ན་མུ་ཁ་ཧཱུཾ། ཨོཾ་བཛྲ་སིངྷ་མུ་ཁ་ཧཱུཾ། ཨོཾ་བཛྲ་ཏ་རཀྵུ་མུ་ཁ་ཧཱུཾ། ཨོཾ་བཛྲ་རཾཀྵ་མུ་ཁ་ཧཱུཾ། ཨོཾ་བཛྲ་ཨུ་པི་ཀ་མུ་ཁཱི་ཧཱུཾ། ཨོཾ་བཛྲ་གྲྀཛྼ་མུ་ཁཱི་ཧཱུཾ། ཨོཾ་བཛྲ་ཀཱ་ཀ་མུ་ཁཱི་ཧཱུཾ། ཨོཾ་བཛྲ་ཨུ་ལཱུ་མུ་ཁཱི་ཧཱུཾ། ཨོཾ་བཛྲ་བཱ་ཡ་ས་མུ་ཁཱི་ཧཱུཾ། ཨོཾ་བཛྲ་པ་ཀ་ཏི་མུ་ཁཱི་ཧཱུཾ། ཨོཾ་བཛྲ་པ་ཏྲཱི་མུ་ཁཱི་ཧཱུཾ། ཨོཾ་བཛྲ་ཏི་ཏཱི་ལ་མུ་ཁཱི་ཧཱུཾ། ཨོཾ་བཛྲ་ན་ཀུ་ལ་མུ་ཁཱི་ཧཱུཾ། ཨོཾ་བཛྲ་མཱུ་ཥི་ཀ་མུ་ཁཱི་ཧཱུཾ། ཨོཾ་བཛྲ་ཡཀྵྀ་ཎི་ཧཱུཾ། ཨོཾ་བཛྲ་བྷཻ་ར་བེ་ཧཱུཾ། ཨོཾ་བཛྲ་བ་ཡ་ཏ་ཡང་ཨ་མྲྀ་ཏ་ཧཱུཾ། ཨོཾ་བཛྲ་མཱ་ར་ཎཱི་ཧཱུཾ། ཕུར་པ་ཕྲིན་ལས་ཀྱི་སྔགས་ཀྱི་ལེའུ་སྟེ་བརྒྱད་པའོ།། །། མ་མོ་རྦོད་གཏོང་གི་སྔགས་བསྟན་པ། ཨོཾ་ཧཱུཾ་བཛྲ་ཤྲཱི་ཧེ་རུ་ཀ་ཧཱུཾ་ཨ་ཨ། ཨོཾ་ཉིད་བཞི་མུ་ཁ་ལེ་ཀྲོ་དྷཱི་ཤྭ་རཱི་བྷ་ག་པདྨརྱ་བདེ་ཀློང་འདུས་འདུས་ན་སྙིང་ཛ་ཤ་ཡུ་ཏི་ནི་ཧཱུཾ་བྷྱོ། གྲི་པ་མུ་ཧཱུཾ་ཧ། ཛྭ་ལ་རཾ་བ་ཧ། བྷི་ཤ་སན་ཏི་ཧ། བྷི་ཡང་ཡང་ཏེ་ཧ། མ་ཧཱ་ལཾ་ཏེ་ཧ། ཨོཾ་བཛྲ་ཀྲོ་དྷཱི་ཤྭ་རཱི་བྷ་ག་པདྨརྱ་ཧཱུཾ་ཧཱུཾ། ཨོཾ་བཛྲ་ཤཱིནྟཾ་པདྨ་ཀ་རུ་ཏིང་བྷྱོ། ཨོཾ་མུ་ཏྲི་ནི་བྷྱོ། ཨོཾ་ཤནྟྲི་ནི་བྷྱོ། བྷ་ག་དུན་ཏྲི་ནི་བྷྱོ། ཁ་མུན་དན་ཏྲི་ ― DNG014_Page_0402 ―
[མ་དཔེ་གཟིགས་ན་འདིར་གནོན།]
ནི་བྷྱོ། ཨོཾ་བཛྲ་སཱུརྻ་བི་ཏོ་ཨ་ཏོ་ཡེ། ཨོཾ་བཛྲ་པདྨ་བི་ཏོ་ཨ་ཏོ་ཡེ། ཨོཾ་བཛྲ་ཁ་རག་བི་ཏོ་ཨ་ཏོ་ཡེ། ཨོཾ་བཛྲ་སྲིང་འགྲོ་བི་ཏོ་ཨ་ཏོ་ཡེ། ཨོཾ་བཛྲ་ཨ་ཀེཾ་ཨ་ཀེཾ་བྷྱོ། ཨོཾ་བཛྲ་ཏ་ཀེཾ་ཏ་ཀེཾ་བྷྱོ། ཨོཾ་བཛྲ་ནཱི་ལ་ནཱི་ལ་བྷྱོ། ཨོཾ་བཛྲ་ལནྡྷ་ལནྡྷ་བྷྱོ། ཨོཾ་བཛྲ་ཛ་ཏྲཾ་མུ་རཾ་ཤྭ། བཛྲ་ཁ་རག་སྙིང་རག་མ་བྷྱོ། ཏྲག་རཀྴ་ཏྲག་རཀྴ་བྷྱོ། ཏྲག་རཀྴ་ཁ་མུན་ཏྲ་བཾ་ཁ་མན་ཏྲག་རཀྴ་བྷྱོ། པྲ་ཀ་ར་ཏིཥྛ་བྷྱོ། པྲ་གི་བཾ་གི་ཤ་བྷྱོ། བྷྱོ་ཧཱུཾ་ཀ་རོ་ཀ །བ་རོད་དྷ་རོད། ནི་ལ་ཆུ་མི་ཧཾ། ཁ་ཊྭཱཾ་ག །ད་ལ་ཙ་ལ། པདྨ་ཙནྡྷ། ཡ་གུར་རག་ཏོ། དིང་སཾ་དིང་སཾ། ཨེ་ཨཱ་རལླི། པུ་བྱི་རུ་ལུ་རུ་ལུ་བྷྱོ། ཏྲག་རག་ཤ །ཏྲག་རག་ཤ་བྷྱོ། ཨ་ཏིང་བྷྱོ། བྱི་ཏིང་བྷྱོ། སུ་ཏིང་བྷྱོ། མུ་ཏིང་བྷྱོ། བཛྲ་ཤནྟིཾ་བྷྱོ། དུནྟིཾ་བྷྱོ། ཧར་ཏིཾ་བྷྱོ། གྲུབ་ཏིཾ་བྷྱོ། ཏི་ཡཾ་བྷྱོ། ཨ་བརྟ་ལ་བྷྱོ། དྷ་ལ་དུ་ན་བྷྱོ། དི་ལ་མ་མ་ཡས་བྷྱོ། མ་ནུ་རཀྑ་སཱི་བྷྱོ། བྲ་ཧྨ་ཎཱི་བྷྱོ། རོའུ་ཏྲཱི་བྷྱོ། ཀོའུ་མཱ་རཱི་བྷྱོ། བིཥྞ་བཻ་བྷྱོ། ཨིནྡྲ་ཎཱི་བྷྱོ། པིངྒ་ལཱི་བྷྱོ། ཨ་མྲྀ་ཏཱ་བྷྱོ། སོའུ་མྱ་བྷྱོ། དཎྜ་དཾ་བྷྱོ། རཀྴ་སཱི་བྷྱོ། བྷཀྵ་སཱི་བྷྱོ། ར་ཏི་བཛྲ་བྷྱོ། རུ་དྷི་ར་མ་ཏྟཱི་བྷྱོ། ཨེ་ཀ་ཙ་རི་ཎཱི་བྷྱོ། མ་ནོ་ཧ་རཾ་བྷྱོ། སིདྡྷི་ཀ་བྷྱོ། བ་ཡ་ཌྼྀ་བྷྱོ། མ་ཧཱ་མཱ་ར་ཎ་བྷྱོ། བཛྲ་ཨགྣི་བྷྱོ། ཝ་ར་ཧཱི་བྷྱོ། མུཎྜཱི་བྷྱོ། སུ་ཏ་ནི་བྷྱོ། བ་རུ་ཎཱི་བྷྱོ། མ་ཧཱ་ཀ་ལཱི་བྷྱོ། ཙ་ཀ་ལཱི་བྷྱོ། ཀུམྦྷ་ཀརྞ་བྷྱོ། ལིཾ་བོ་ད་ར་བྷྱོ། མ་མོ་རྦོད་གཏོང་སྔགས་ཀྱི་ལེའུ་སྟེ་དགུ་པའོ།། །། འཇིག་རྟེན་མཆོད་བསྟོད་ཀྱི་སྔགས་བསྟན་པ། ཨོཾ་བཛྲ་ཙཎྜ་སརྦ་དུཥྚཾ་ཧཱུཾ་ཕཊ། མ་ཧཱ་དེ་བ་ཨེ་ཛཿབྷྱོ། ཨུ་མ་དེ་བཱི་ཨེ་ཛཿབྷྱོ། ཡ་མ་ཡ་ཛཿབྷྱོ། མ་མ་དནྟི་ཡ་ཛཿབྷྱོ། ཡ་མ་རུ་ལུ་མ་ཛཿབྷྱོ། ཨེ་ཀ་ཛ་ཊཱི་ཏྲག་ཛཿབྷྱོ། དུ་ཕྲག་དུ་ཛཿབྷྱོ། དུན་ཏིཾ་དུ་ཛཿབྷྱོ། ར་ཙ་ཙ་ཛཿབྷྱོ། གིཾ་ཀ་ར་ཏྲི་ཛཿབྷྱོ། བཛྲ་སཱ་དྷུ་ཏྲི་ཛཿབྷྱོ། རཱ་ཧུ་ལ་ཏྲི་ཛཿབྷྱོ། རཀྴ་ར་ཛཿབྷྱོ། རག་མོ་ར་ཛཿབྷྱོ། ཡཀྵ་དཀྵ་ཛཿབྷྱོ། ཡག་མོ་ཀྵ་ཛཿབྷྱོ། མ་ཧཱ་ཀཱ་ལ་ཤྲཱི་ཛཿབྷྱོ། རཱུ་ཏྲ་ནྲྀ་ཛཿབྷྱོ། མུན་མུན་པ་ཛཿབྷྱོ། ཏིརྠི་ཀ་ཐ་ཛཿབྷྱོ། ― DNG014_Page_0403 ―
[མ་དཔེ་གཟིགས་ན་འདིར་གནོན།]
དེ་བ་ཨ་ཛཿབྷྱོ། ཨ་སེ་ལ་ཨ་ཛཿབྷྱོ། ཏིག་སྣ་འདྲེ་རུཾ་ཙཾ་ཛཿབྷྱོ། ཨ་བྷི་ཤུ་ཀྵུ་ཛཿབྷྱོ། ཏྲི་པ་ཤ་ལི་ཏྲི་ཛཿབྷྱོ། ཧཾ་ཤཾ་ཏྲི་ཛཿ་བྷྱོ། བི་ནཱ་ཡ་ཀ་ཨུ་ཛཿབྷྱོ། སྔགས་འདི་ལྷ་གྲངས་དང་མ་འགྲིགས་པས་ལྷག་གམ། དྷཱ་ཀི་ནི་མཾ་ཛཿབྷྱོ། ནཱ་ག་ཕུ་ཛཿབྷྱོ། ནཱ་ག་ཀྲོ་དྷཱི་ཤྭ་རཱི་ཕུ་ཛཿབྷྱོ། འཇིག་རྟེན་མཆོད་བསྟོད་སྔགས་ཀྱི་ལེའུ་སྟེ་བཅུ་པའོ།། །། དམོད་པ་དྲག་སྔགས་ཀྱི་སྔགས་བསྟན་པ། ཨོཾ་བཛྲ་སརྦ་དུཥྚཱཾ་ཧཱུཾ་ཕཊ། ཡ་མ་ཡ་ཙིཏྟ་ཧྲཱིཾ་ཧྲཱིཾ་ཛཿཛཿ། མ་མ་རུ་ལུ་མ་ཙིཏྟ་ཧྲཱིཾ་ཧྲཱིཾ་ཛཿཛཿ། ཏིརྠི་ཀ་ཐ་ཙིཏྟ་ཧྲཱིཾ་ཧྲཱིཾ་ཛཿཛཿ། དུ་ཕྲག་དུ་ཙིཏྟ་ཧྲཱིཾ་ཧྲཱིཾ་ཛཿཛཿ། དུན་ཏིཾ་དུ་ཙིཏྟ་ཧྲཱིཾ་ཧྲཱིཾ་ཛཿཛཿ། དེ་བ་ཨ་ཙིཏྟ་ཧྲཱིཾ་ཧྲཱིཾ་ཛཿཛཿ། རཱུ་ཏྲ་ནྲི་ཙིཏྟ་ཧྲཱིཾ་ཧྲཱིཾ་ཛཿཛཿ། རཀྴ་ར་ཙིཏྟ་ཧྲཱིཾ་ཧྲཱིཾ་ཛཿཛཿ། རག་མོ་ར་ཙིཏྟ་ཧྲཱིཾ་ཧྲཱིཾ་ཛཿཛཿ། ཡཀྵ་ཀྵ་ཙིཏྟ་ཧྲཱིཾ་ཧྲཱིཾ་ཛཿཛཿ། ཡག་མོ་ཀྵ་ཙིཏྟ་ཧྲཱིཾ་ཧྲཱིཾ་ཛཿཛཿ། རཱ་ཛ་ཙ་ཙིཏྟ་ཧྲཱིཾ་ཧྲཱིཾ་ཛཿཛཿ། ཡཾ་ཏྲི་ཤུ་ཙིཏྟ་ཧྲཱིཾ་ཧྲཱིཾ་ཛཿཛཿ། མུན་མུན་པ་ཙིཏྟ་ཧྲཱིཾ་ཧྲཱིཾ་ཛཿཛཿ། བཛྲ་སཱ་དྷུ་ཏྲི་ཙིཏྟ་ཧྲཱིཾ་ཧྲཱིཾ་ཛཿཛཿ། ཧཾ་ཤཾ་ཏྲི་ཙིཏྟ་ཧྲཱིཾ་ཧྲཱིཾ་ཛཿཛཿ། རཱ་ཧུ་ལ་པ་ཙིཏྟ་ཧྲཱིཾ་ཧྲཱིཾ་ཛཿཛཿ། ནཱ་ག་ཕུ་ཙིཏྟ་ཧྲཱིཾ་ཧྲཱིཾ་ཛཿཛཿ། དམོད་པ་དྲག་སྔགས་ཀྱི་སྔགས་བསྟན་པའི་ལེའུ་སྟེ་བཅུ་གཅིག་པའོ།། །།བསྒྲུབ་པ་བཀའ་བརྒྱད་ཀྱི་སྔགས་ཀྱི་བྱེ་བྲག་གི་ཕྲེང་བ་བསྟན་པའི་སྐབས་ཏེ་གཉིས་པའོ།། །།དེ་ནས་རིག་འཛིན་རྣམས་ཀྱིས་ཞུས་པ། ཨེ་མ་སྤྱི་དཔལ་ཆེན་པོ་ལགས། །སྔགས་ཀྱི་བཤད་པ་དགོས་པ་རྣམས། །དེ་དོན་རྒྱས་པར་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས། །བར་ན་བཅུ་གཅིག་གྲོང་མཛེས་པ། །ཆེ་མཆོག་ཡོན་ཏན་སྲོག་སྔགས་ཡིན། །ཨོཾ་ནི་ཡེ་ཤེས་རྣམ་པ་ལྔ། །བཛྲ་རྡོ་རྗེ། ཀྲོ་དྷ་ཁྲོ་བོ། མ་ཧཱ་ཆེན་པོ། ཤྲཱི་དཔལ། ཧེ་ནི་དགྱེས་པ། རུ་དབང་དྲག །ཀ་ཕྲིན་ལས། ཧཱུཾ་ནི་ཡེ་ཤེས་ཁྲོ་བོ་ལ། ཕཊ་ནི་རྣམ་རྟོག་གཅོད་པའོ། །དེ་ནི་དོན་ཆོས་ཉིད་དང་སྦྱར་ཏེ་བཤད་པའོ། །ཨོཾ་ནི་ཡེ་ཤེས་རྣམ་པ་ལྔ་ཡི་སྙིང་པོའོ། །བཛྲ་མི་འགྱུར་བའི་རྡོ་རྗེ། ཀྲོ་དྷ་ཁྲོ་བོ། མ་ཧཱ་ཤྲཱི་ཧེ་རུ་ཀ་ཡབ་ཆེ་མཆོག་ཡུམ་གནམ་ ― DNG014_Page_0404 ―
[མ་དཔེ་གཟིགས་ན་འདིར་གནོན།]
ཞལ། ཧཱུཾ་བསྡུས་ཕཊ་གཏོར་བའོ། །དེ་ནི་ཡབ་ཡུམ་གཉིས་ཀྱི་སྙིང་པོར་བསྟན་པའོ། །ཨོཾ་བཛྲ་ཞི་བ་རྡོ་རྗེ་དབྱིངས་ཀྱི་ལྷ་ཚོགས་ཕྱག་མཚན་གྱི་སྔགས། ཀྲོ་དྷ་མཐར་བྱེད་ཁྲོ་བོའི་སྔགས། མ་ཧཱ་ཤྲཱི་ཆེ་མཆོག་ཡབ་ཡུམ་གྱི་སྔགས། ཧེ་རུ་ཀ་རིགས་བཞི་ཡབ་ཡུམ་གྱི་སྔགས། ཧཱུཾ་དྲེག་པ་འདུལ་བའི་ཁྲོ་བོ་བཅུའི་སྔགས། ཕཊ་སྒོ་བ་བཞི་ཡི་སྔགས་སོ། །དེ་ནི་ལྷ་ཚོགས་རྣམས་ཀྱི་སྙིང་པོར་བསྟན་པའོ། །རྣལ་འབྱོར་དབང་ཆེན་ཐོབ་འདོད་པས། །མ་ལ་ཡ་ཡི་ས་ཕྱོགས་སུ། །ཏིང་འཛིན་བརྟན་པོ་ཐོབ་གྱུར་ནས། །ཁྲག་འཐུང་འཕོས་པའི་ལྷ་རྒྱུད་གསལ། །དེ་ལྟར་ཡིག་འབྲུ་བཅུ་གསུམ་མོ། །ཆེ་མཆོག་ཡོན་ཏན་ལྷ་ཚོགས་ཀྱི། །སྲོག་དང་སྲོག་གི་སྙིང་པོར་བསྟན། །དེ་ལྟར་སྲོག་ཐོབ་སྙིང་པོ་རྫོགས། །ཐུན་མོང་དངོས་གྲུབ་གང་འདོད་འགྲུབ། །དེ་ལྟར་སྤྱད་ཅིང་གནས་པ་ནི། །རང་གི་སེམས་ཉིད་དེར་འཕྲུལ་བས། །སེམས་ཀྱི་མཚན་ཉིད་གདོད་ནས་དག །རྒྱུ་དང་རྐྱེན་ལས་རག་མ་ལུས། །སེམས་ཀྱི་ཆོ་འཕྲུལ་ཐམས་ཅད་ཀྱང་། །ཡེ་ནས་ལྷུན་གྱིས་གྲུབ་པས་ན། །དཔེར་ན་མཚལ་དང་ཁུ་བ་འདྲ། །མཚལ་དམར་ཁུ་བ་དམར་བ་བཞིན། །ཐུན་མོང་དངོས་གྲུབ་ཐོབ་ནས་ནི། །མཆོག་གི་དངོས་གྲུབ་ཆེན་པོ་འཐོབ། །ཚེ་གཅིག་སངས་རྒྱས་ས་ལ་སྦྱོར། །ཞེས་གསུངས་སོ། །ཆེ་མཆོག་ཡོན་ཏན་གྱི་སྔགས་ཀྱི་དགོངས་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་བཤད་བྱ་བ། །ཡང་དག་ཐུགས་ཀྱི་འཛབ་དགོངས་ལ། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས། །བར་ན་ཡིག་འབྲུ་བདུན་གནས་པ། །ཁྲག་འཐུང་ལྷ་རྒྱུད་སྲོག་སྙིང་ཡིན། །ཨོཾ་ནི་ཡེ་ཤེས་རྣམ་པ་ལྔ། །རུ་ནི་ཆགས་པ་ཆེན་པོའོ། །ལུ་ནི་ཀུན་བཟང་ཡུམ་གྱི་མཁའ། །རུ་ནི་ཉོན་མོངས་དབང་སྡུད་པ། །ལུ་ནི་སྲིད་གསུམ་དབང་དུ་སྡུད་པའོ། །ཧཱུཾ་ནི་དགྱེས་པ་ཆེན་པོའོ། །སྤྲུལ་པ་མང་པོ་འགྱེད་པའོ། །བྷྱོ་ནི་ཆོས་ཀྱི་དབྱིངས་འཇིག་རྟེན་གནས་འགྱུར་བའི་ཡི་གེ་ཡིན་པའོ། ། ― DNG014_Page_0405 ―
[མ་དཔེ་གཟིགས་ན་འདིར་གནོན།]
ཧཱུཾ་ཐ་མ་ཡོན་ཏན་རིན་པོ་ཆེ་ནོར་བུ་རིན་པོ་ཆེ། ཕཊ་ནི་ཆོས་ཀྱི་དབྱིངས་བདེ་བ་ཆེན་པོར་བསྐུལ་བའོ། །དེ་ནི་སྔགས་ཀྱི་དོན་དང་སྦྱར་ཏེ་བསྟན་པའོ། །ཁྲག་འཐུང་དྲུག་ཅུ་རྩ་བརྒྱད་སྙིང་པོར་བསྟན་པ་ནི། །ཨོཾ་ནི་ཁྲག་འཐུང་ཡབ་ཡུམ་བཅུའི་སྙིང་པོའོ། །རུ་ལུ་གོང་མ་གཽ་རཱི་བརྒྱད། །རུ་ལུ་འོག་མ་ཕྲ་མེན་བརྒྱད། །ཧཱུཾ་ནི་འཇིགས་བྱེད་ཁྲོ་བོ་བཅུ། །བྷྱོ་ནི་དབང་ཕྱུག་མ་ཉི་ཤུ་བརྒྱད། ཧཱུཾ་སྒོ་བ་བཞི། ཕཊ་སྤྲོ་བའོ། །ཁྲག་འཐུང་ལྔ་བཅུ་རྩ་བརྒྱད་ཀྱི་སྙིང་པོར་སྟོན་པ་ནི། ཨོཾ་ཁྲག་འཐུང་ཡབ་ཡུམ་བཅུ། རུ་ལུ་གོང་མ་གཽ་རཱི་བརྒྱད། །རུ་ལུ་འོག་མ་ཕྲ་མེན་བརྒྱད། ཧཱུཾ་སྒོ་བ་བཞི། བྷྱོ་དབང་ཕྱུག་མ་ཉི་ཤུ་རྩ་བརྒྱད། ཧཱུཾ་ཐ་མས་དབང་དུ་སྡུད་པ། ཕཊ་ཀྱིས་ལས་བྱེད་པའོ། །ཡང་དག་དོན་གྱི་ལྷ་དགུར་སྟོན་པ་ནི། །ཨོཾ་དཔལ་ཆེན་ཡབ་ཀྱི་སྲོག་ཏུ་གནས། །རུ་ལུ་གོང་མ་ཡུམ་གྱི་སྲོག་ཏུ་གནས། །རུ་ལུ་འོག་མ་གཽ་རཱི་མ་བརྒྱད་ཀྱི་སྲོག་ཏུ་གནས། ཧཱུཾ་དང་པོས་ལྷ་དགུ་པོ་དེ་དབང་དུ་སྡུད་པའོ། །བྷྱོ་ནི་ལས་ལ་སྐུལ་བར་བྱེད་པའོ། །ཧཱུཾ་ཐ་མས་མཁའ་འགྲོ་མ་ཐམས་ཅད་དབང་དུ་སྡུད་པར་བྱེད་པའོ། །ཕཊ་ནི་སྣང་སྲིད་ཐམས་ཅད་རང་དབང་མེད་པར་དབང་དུ་སྡུད་པར་བྱེད་པའོ། །དཔལ་ཆེན་པོ་ཡབ་ཡུམ་གྱི་སྙིང་པོར་སྟོན་པ་ནི། ཨོཾ་ནི་དཔལ་ཆེན་པོའི་སྙིང་པོའོ། །རུ་ལུ་གཉིས་ཡུམ་གྱི་སྙིང་པོའོ། །ཧཱུཾ་ཐུགས་དམ་གྱི་རྒྱུད་སྐུལ་བ། བྷྱོ་ལས་ལ་འགྱེད་པ། ཧཱུཾ་དྲག་ཏུ་སྐུལ་བ། ཕཊ་གདུག་པ་སྒྲོལ་བ། འཇིག་རྟེན་པའི་སྲོག་གི་སྙིང་པོར་བསྟན་པ་ནི། ཨོཾ་གཙོ་བོ་བཛྲ་ཧེ་རུ་ཀ །སྐུ་མཆོག་དམར་པོའི་ངོ་བོར་གནས། །རུ་ལུ་གཽ་རཱི་མ་མོ་བརྒྱད་པོ་ཡང་། །སྲིན་མོ་བརྒྱད་ཀྱི་ངོ་བོར་གནས། །རུ་ལུ་སིང་ཧའི་ཕྲ་མེན་བརྒྱད་པོ་ཡང་། །སྲིན་མོ་བརྒྱད་ཀྱི་ངོ་བོར་གནས། །ཧཱུཾ་ཁྲོ་བོ་ཆེན་པོ་བཅུ་པོ་ཡང་། །གིང་ཆེན་བཅོ་བརྒྱད་ཀྱི་ངོ་བོར་གནས། །ཧཱུཾ་རྟ་གདོང་སྒོ་བ་བཞི་པོ་ཡང་། །བསེ་མོ་བཞི་ཡི་ངོ་བོར་གནས། །བྷྱོ་དབང་ཕྱུག་ཉི་ཤུ་རྩ་བརྒྱད་ཀྱང་། །སྲིན་མོ་ཉི་ཤུ་རྩ་བརྒྱད་ཀྱི་ངོ་བོར་གནས། །ཕཊ་ ― DNG014_Page_0406 ―
[མ་དཔེ་གཟིགས་ན་འདིར་གནོན།]
འཇིག་རྟེན་དྲེགས་པ་ལས་ལ་འགྱེད། །འབྲུ་བརྒྱད་སྔགས་ཀྱི་འཕྲོ་འདུ་ཡི། །འཇིག་རྟེན་དྲེགས་པ་གནད་ནས་བསྐུལ། །འབྲུ་དགུ་སྔགས་ཀྱི་འཕྲོ་འདུ་ལ། །འོད་དང་སྒྲ་དང་གཟུགས་ཀྱང་སྟོན། །གནད་ནས་བསྐུལ་ཅིང་ལས་ལ་སྦྱར། །ཐམས་ཅད་སེམས་ཀྱི་ཆོ་འཕྲུལ་ཏེ། །བསྡུས་པས་ཧཱུཾ་གི་ངོ་བོར་གནས། །རབ་ཏུ་དབེན་པའི་དུར་ཁྲོད་གནས། །ཧཱུཾ་ལས་བཛྲ་ཧེ་རུ་ཀ །ཡབ་ཡུམ་གཉིས་སུ་མེད་པར་གྱུར། །རུ་ལུ་སྔགས་ཀྱི་འཕྲོ་འདུ་ཡིས། །བདེ་གཤེགས་ཐུགས་དམ་རྒྱུད་བསྐུལ་ནས། །སྐུ་གསུང་ཐུགས་ཀྱི་དངོས་གྲུབ་བསྡུ། །དངོས་གྲུབ་རང་དབང་བྱ་བ་དང་། །འགྲོ་བའི་དོན་རྣམས་བྱ་བ་དང་། །ཕྲིན་ལས་ཐམས་ཅད་འགྲུབ་པར་འགྱུར། །ཞེས་གསུངས་སོ། །ཡང་དག་ཐུགས་ཀྱི་སྔགས་ཀྱི་འཛབ་དགོངས་བསྟན་པའི་ལེའུ་སྟེ་བཅུ་གསུམ་པའོ།། །།འཇམ་དཔལ་སྐུ་ཡི་འཛབ་དགོངས་ལ། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས། །བར་ན་ཡིག་འབྲུ་བཅོ་ལྔ་གནས། །གཤིན་རྗེའི་ལྷ་རྒྱུད་སྲོག་སྙིང་ཡིན། །ཨོཾ་ཡེ་ཤེས་རྣམ་པ་ལྔ་དང་ལྡན་པ། ཨ་སྐྱེ་བ་མེད་པ། ཀྲོ་སྐྱེ་བ་མེད་པ་ལས་སྐྱེ་བའི་ཆོ་འཕྲུལ་བྱུང་བ། ཏེ་རིག་པའི་ཡེ་ཤེས་ཀྱི་གཏི་མུག་དག་པ། ཀ་ཀརྨ་ལས་ཀྱི་རྒྱལ་པོ། ཡ་ཡན་པ་ཆེན་པོ། མན་ངན་སོང་གནོན་པ། ཏ་བདེ་བ་དག་པ། ཀ་ཐུགས་རྗེ་ཆེན་པོ། ཧ་དགྱེས་པ་ཆེན་པོ། ན་ངན་སོང་སྟོང་པ། མ་ཀུན་གྱི་གཞི། ཐ་ཐུགས་དམ་བསྐུལ་བ། བྷཉ་ཐུགས་རྗེས་སྒྲོལ་བ། ཛ་ཐུགས་རྗེས་འགུགས་པ། ཧཱུཾ་ཐམས་ཅད་སྡུད་པ། ཕཊ་ཐུགས་རྗེས་རྣམ་རྟོག་ཐམས་ཅད་གཅོད་པའོ། །དོན་ཆོས་ཉིད་དང་སྦྱར་ཏེ་བཤད་པའོ། །ཨོཾ་ཡེ་ཤེས་རྣམ་པ་ལྔ་དང་ལྡན་པ་སྟེ། ཡ་མཱནྟ་ཀའི་སྙིང་པོའོ། །ཨ་ཡུམ་བི་ཏཱ་ལཱིའི་སྙིང་པོའོ། །ཀྲོ་ཨེ་ཀ་ཙ་ཏིའི་སྙིང་པོའོ། །ཏེ་རལ་པ་ཚར་དགུའི་སྙིང་པོའོ། །ཀ་ཡ་མ་ར་ཙའི་སྙིང་པོའོ། །ཡ་མྱོས་བྱེད་འབར་བའི་སྙིང་པོའོ། །མན་ཨཱརྱ་མེ་རུའི་སྙིང་པོ། ― DNG014_Page_0407 ―
[མ་དཔེ་གཟིགས་ན་འདིར་གནོན།]
ཏ་ཀོང་རྩེ་བྲག་འཇོམས་ཀྱི་སྙིང་པོ། ཀ་བན་གླང་མགོ་ཅན་གྱི་སྙིང་པོ། ཧ་ཡ་བ་ཏིའི་སྙིང་པོ། ན་རྨིག་པའི་སྙིང་པོ། མ་ལྷ་མཆོག་དུད་ཁའི་སྙིང་པོ། ཐ་ཨ་བ་གླང་མགོའི་སྙིང་པོ། བྷཉ་མིག་དམར་གྱི་སྙིང་པོ། ཛ་ཆོས་ཀྱི་རྒྱལ་པོའི་སྙིང་པོ། ཧཱུཾ་བདུད་འཇོམས་ཀྱི་སྙིང་པོ། ཕཊ་རྟེལ་པའི་སྙིང་པོ། ལྷ་བཅུ་བདུན་གྱི་སྙིང་པོར་བསྟན་པའོ། །ཨོཾ་ཡེ་ཤེས་ལྔ་དང་ལྡན་པས་སྔགས་ཀྱི་མགོ་འདྲེན་པའི། ཨ་ཀྲོ་ཏེ་ཀ་གཙོ་བོ་ཡབ་ཡུམ་གསུམ་གྱི་སྙིང་པོའོ། །ཡ་མཱནྟ་ཀ་གཤེད་བཞིའི་སྙིང་པོའོ། །ཧ་ན་མ་ཐ་གཤེད་བཞིའི་ཡུམ་གྱི་སྙིང་པོའོ། །བྷཉྫ་ཧཱུཾ་ནི་ཕྱོགས་སྐྱོང་ཡབ་ཡུམ་བཅུ་གཉིས་ཀྱི་སྙིང་པོའོ། །ཕཊ་སྒོ་བ་བཞིའི་སྙིང་པོ། ལྷ་རྒྱུད་དང་སྦྱར་ཏེ་བསྟན་པའོ། །ཨོཾ་ཨ་ཀྲོ་ཏེ་ཀ་གཤིན་རྗེ་གཤེད་པོའི་སྙིང་པོ། ཡ་མཱནྟ་ཀ་གཤེད་བཞིའི་སྙིང་པོ། ཧ་ན་མ་ཐ་བྷཉྫ་ཧཱུཾ་ཕཊ། མཐར་བྱེད་བརྒྱད་ཀྱི་སྙིང་པོ། ཡ་མཱནྟ་ཏ་ཀ་གཤེད་མཐར་བྱེད་དང་བཅས་པའི་སྙིང་པོར་བསྟན་པའོ། །ཨོཾ་ཡེ་ཤེས་ལྔ་དང་ལྡན་པས་སྔགས་ཀྱི་མགོ་འདྲེན་པའོ། །ཨ་ཀྲོ་ཏེ་ཀ་གདུག་པ་ཐམས་ཅད་འདུལ་བའོ། །ཡ་མཱནྟ་ཀ་གནོད་པར་བྱེད་པའི་མགོ་ཆོམ། ཧ་ན་མ་ཐ་རྒྱོབ་སོད། བྷཉྫ་ཧཱུཾ་ཕཊ། བྷཉ་ཀྱིས་ཆིངས། ཛས་ཁུག །ཧཱུཾ་གིས་སྡུས། ཕཊ་ཀྱིས་གཏོར། གདུག་པ་འདུལ་བའི་སྔགས་སུ་བསྟན་པའོ། །ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་གཙོ་བོའི་སྙིང་པོ། ཧ་ན་མ་ཐ་བྷཉྫ་ཡུམ་ཨེ་ཀ་ཛ་ཊཱིའི་སྙིང་པོ། ཧཱུཾ་སྡུས་ཤིག །ཕཊ་གཏོར་ཅིག །ཡབ་ཡུམ་གཉིས་ཀྱི་སྙིང་པོར་བསྟན་པའོ། །དུར་ཁྲོད་ཆེན་པོའི་ས་ཕྱོགས་སུ། །ཏིང་འཛིན་བརྟན་པར་གྱུར་པ་ན། །འཇིག་རྟེན་ལྷ་ཚོགས་གསལ་བྱས་ནས། །ཡིག་འབྲུ་བཅུ་བདུན་འབུམ་དུ་གདོན། །མ་གཤིན་འབུམ་སྡེའི་སྲོག་ཉིད་ཀྱང་། །རང་དབང་མེད་པར་འཐོབ་པར་འགྱུར། །ཐམས་ཅད་གཤིན་རྗེའི་དཀྱིལ་འཁོར་ཆེ། །གཤིན་རྗེ་གཤིན་རྗེ་མ་རིག་པ། །གཤིན་རྗེ་མ་སྤངས་རང་ས་གྲོལ། །འཇམ་དཔལ་སྐུའི་འཛབ་དགོངས་བསྟན་པའི་ལེའུ་སྟེ་བཅུ་བཞི་པའོ།། །།པདྨ་གསུང་གི་འཛབ་ ― DNG014_Page_0408 ―
[མ་དཔེ་གཟིགས་ན་འདིར་གནོན།]
དགོངས་ལ། །ཨོཾ་པདྨཱནྟ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས། །བར་ན་བཅུ་བཞིས་གྲོང་མཛེས་པ། །པདྨ་དབང་ཆེན་ལྷ་རྒྱུད་སྙིང་པོ་ཡིན། །ཨོཾ་ཡེ་ཤེས་ལྔ་དང་ལྡན་པ། པད་མི་འགྱུར་བའི་རིག་མཱན་བྱམས་པ་ཆེན་པོ། ཏ་བདེ་བ་ཆེན་པོ། ཀྲྀཏ་དགའ་བ་ཆེན་པོ། བཛྲ་བཏང་སྙོམས་ཆེན་པོ། ཀྲོ་མི་འགྱུར་བའི་རྡོ་རྗེ། དྷ་བདག་ཉིད་ཆེན་པོ། ཧ་བདག་གི་སྐུ། ཡ་འདྲེན་པ་ཆེན་པོ། གྲཱྀ་གཅོད་པ་ཆེན་པོ། པ་དག་པའི་སྐུ། ཧཱུཾ་སྡུད་པ་ཆེན་པོ། ཕཊ་གཅོད་པ་ཆེན་པོ། དེ་ནི་དོན་དམ་ཆོས་ཉིད་དང་སྦྱར་ཏེ་བཤད་པའོ། །ཨོཾ་ཡེ་ཤེས་རྣམ་པ་ལྔ། པད་མཱནྟ་ཀྲྀཏ་པདྨ་དབང་ཆེན་གྱི་སྙིང་པོ། བཛྲ་ཀྲོ་དྷ་ཟིལ་གནོན་གྱི་ཁྲོ་བོ་བརྒྱད་ཀྱི་སྙིང་པོ། ཧ་ཡ་གྲི་བ་ཡུམ་རྣམས་ཀྱི་སྙིང་པོ། ཧཱུཾ་བཀའ་ཉན་ལས་བྱེད་ཀྱི་སྙིང་པོ། ཕཊ་སྒོ་བ་བཞིའི་སྙིང་པོ། པདྨ་དབང་ཆེན་ལྷ་རྒྱུད་དང་སྦྱར་བའོ། །ཨོཾ་ཡེ་ཤེས་ལྔ་པདྨཱ་ན་པདྨའི་རིགས། ཏ་ཀྲྀཏ་རྟ་མགྲིན། བཛྲ་རྡོ་རྗེ། ཀྲོ་དྷ་ཁྲོ་བོ། ཧ་ཡ་གྲཱི་བ་རྟ་མགྲིན། ཧཱུཾ་གཏུམས་སོད། ཕཊ་གསོད་སྔགས། ལྷ་འདྲེའི་དམག་དཔུང་གཞོམ་པར་བསྟན་པའོ། །ཨོཾ་ཡེ་ཤེས་ལྔས་འཁོལ་བ། པད་མཱནྟ་ཀྲྀཏ་པདྨ་དབང་ཆེན། ཧ་ཡ་གྲཱི་བ་གསུང་རྟ་སྐད་དང་ལྡན་པ། ཧཱུཾ་སྡེ་བརྒྱད་ལས་ལ་གཟུད་ཅིང་དབང་དུ་སྡུད་པ། ཕཊ་ལས་ལ་སྐུལ་བའོ། །དམ་ཅན་ཇི་བཞིན་སྐུལ་བ་དང་སྦྱར་བའོ། །ཨོཾ་ཡེ་ཤེས་རྣམ་པ་ལྔས་སྲེག་པ། པདྨཱནྟ་ཀྲྀཏ་པདྨ་དབང་ཆེན། བཛྲ་ཀྲོ་དྷ་རྡོ་རྗེ་ཁྲོ་བོ། ཧ་ཡ་གྲཱི་བ་རྟ་མགྲིན། ཧཱུཾ་སྟོབས་ཀྱིས་ཀླུ་གདོན་ཐུལ། ཕཊ་སོད། ནཱ་ག་ཀླུ་འདུལ་བའི་དོན་དུ་བཟླས་པའོ། །དེ་ལྟར་གཉེན་པོའི་དོན་སྟོན་པ། །དཔལ་གྱི་རྟ་སྐད་ཐེངས་གསུམ་དང་། །མ་མོའི་འགྱིང་སྐད་ཐེངས་གསུམ་དང་། །རྣལ་འབྱོར་བརྡའ་སྐད་ཐེངས་གསུམ་གྱིས། །དང་པོས་སྣང་སྲིད་ཐམས་ཅད་ཀུན། །རྟ་མགྲིན་དབང་གི་ལྷ་རུ་བྱུང་། །གཉིས་པས་སྣང་སྲིད་ཤ་ཁྲག་གྱུར། །གསུམ་པས་མ་སྲིང་དབྱིངས་ནས་བསྐུལ། ། ― DNG014_Page_0409 ―
[མ་དཔེ་གཟིགས་ན་འདིར་གནོན།]
བསྟན་པའི་མཁར་སྤེའུ་རྩིག་པའོ། །འདི་ལྟ་བུ་ཡི་དོན་རྟོགས་ན། །ཤིན་ཏུ་འཇིགས་པའི་དུར་ཁྲོད་དུ། །དབང་ཆེན་རྟ་ཡི་ང་རྒྱལ་གྱིས། །གང་དག་གནས་པར་བྱེད་པ་དེས། །རྟ་མགྲིན་དབང་གི་སྦྱོར་བ་ཡིས། །ལྷ་སྲིན་ལས་ལ་འདི་ཡིས་འཁོལ། །ལྷ་འདྲེའི་དམག་དཔུང་འདི་ཡིས་འཇོམས། །ས་བདག་ཀླུ་རྣམས་འདི་ཡིས་ཐུལ། །དྲག་སྔགས་བསྙེན་པ་འདི་ཡིས་སྐྱོལ། །གསུང་གི་དངོས་གྲུབ་འདི་ཡིས་འཐོབ། །དབང་མཆོག་སྐུ་ཡང་འདི་ཡིས་མཐོང་། །གསང་སྔགས་ཟབ་མོའི་མན་ངག་འདི། །སྐལ་མེད་རྨོངས་པའི་གང་ཟག་དག །ཀུན་ལ་བསྟན་པར་མ་གསུངས་སོ། །པདྨ་གསུང་གི་སྔགས་ཀྱི་དགོངས་པའི་ལེའུ་སྟེ་བཅོ་ལྔ་པའོ།། །།ཕུར་པ་ཕྲིན་ལས་འཛབ་དགོངས་ལ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུཾ་ཕཊ། ཐོག་མཐའ་ཨཱོཾ་དང་ཕཊ་བཞག་ནས། །བར་ན་བཅུ་བཞིའི་གྲོང་མཛེས་པ། །ཕུར་པ་ལྷ་རྒྱུད་སྙིང་པོ་ཡིན། །ཨོཾ་ནི་གཞི་རྩ་བ་ཐམས་ཅད་ཀྱི་མཆོག །དེ་བཞིན་གཤེགས་པ་རྣམས་ཀྱི་གདུང་འཚོབ་པ་མྱ་ངན་ལས་འདས་པའི་ཐུགས། བྱང་ཆུབ་ཀྱི་སེམས་སོ། །བཛྲ་ནི་དབྱིངས་གཏིང་མཐའ་མེད་པ་ནས་སྐྱེ་འགྲོ་གཟུགས་སུ་སྣང་བ་ཐམས་ཅད་ཕུར་པུའི་སྐུ་གསུང་ཐུགས་ཀྱི་ཕྱག་རྒྱར་གྱུར་ནས། མི་གནས་པར་མྱ་ངན་འདས་པའི་བྱང་ཆུབ་སེམས་སོ། །ཀཱི་ལི་ཀཱི་ལ་ཡ་ནི། དེ་ལྟར་སྐུ་གསུང་ཐུགས་ཀྱི་འོད་ཟེར་གྱིས་བསྒྲལ་ནས། ཆགས་པ་མེད་པར་མྱ་ངན་འདས་པའི་བྱང་ཆུབ་སྟེ། ཆོས་ཉིད་ཆགས་པ་མེད་པའི་བྱང་ཆུབ་ཀྱི་སེམས་ཀྱིས་མཐོ་རིས་དང་ངན་སོང་ལས་མི་སྟོང་པས་ཟིན་པ་ལས་མི་འདའ་བའི་བྱང་ཆུབ་སེམས་སོ། །སརྦ་ནི་ཡུམ་གྱི་དབྱིངས་ལས་སྐྱེ་འགྲོ་གཟུགས་སུ་སྣང་བ་ཐམས་ཅད་ལྷག་པའི་བྱང་ཆུབ་སེམས་ལས་མི་གནས་པས། ཤེས་རབ་ཡང་དག་པའི་བྱང་ཆུབ་ཀྱི་སེམས་སོ། །བིགྷྣཱཾ་ནི་ཡབ་ཀྱི་མཁའི་བྱང་ཆུབ་ཀྱི་སེམས་ལས་བསྐྱེད་པའི་རྒྱུ་ཐབས་བྱང་ཆུབ་ཀྱི་སེམས་སོ། །བཾ་ནི་དེ་ལྟར་ཐབས་ཤེས་རབ་གཉིས་སུ་མེད་པའི་མྱ་ངན་ལས་འདས་པའི་ཆོས་ཉིད་བྱང་ཆུབ་སེམས་སོ། ། ― DNG014_Page_0410 ―
[མ་དཔེ་གཟིགས་ན་འདིར་གནོན།]
ཧཱུཾ་ནི་རྒྱུད་ལྔ་གནས་སུ་དག་ནས། འབྲས་བུ་སྐུ་ལྔར་ལྷུན་གྱིས་གྲུབ་པས། མཐར་ཐུག་ཆོས་ཉིད་ཀྱི་བྱང་ཆུབ་སེམས་སོ། །ཕཊ་ནི་དེ་ལྟར་འབྲས་བུ་ལྷུན་གྱིས་གྲུབ་པའི་ཕྲིན་ལས་ཏེ། མ་བཙལ་རྫོགས་པ་མྱ་ངན་ལས་འདས་པའི་བྱང་ཆུབ་སེམས་སོ། །ཕུར་པ་རྩེ་གཅིག་པ་དེའི་དོན་ཕྱི་མོ་ནས་རང་བཞིན་གྱིས་གནས་པ་ཞེས་བྱའོ། །ལྷ་ཚོགས་སྔགས་སུ་བསྟན་པ་ནི། །ཨཱོཾ་ནི་དཔལ་ཆེན་ཡབ་ཡིན་ཏེ། །བཛྲ་ཞེས་པ་ཡུམ་ཡིན་ནོ། །ཀཱི་ནི་ཡེ་ཤེས་ཁྲོ་བོ་ལ། །ལི་ནི་དབྱིངས་ཀྱི་ཁྲོ་མོ་ཡིན། །ཀཱི་ནི་ཐབས་ཀྱི་མཆེ་བ་ཅན། །ལཱ་ནི་ཤེས་རབ་གཤོག་པ་ཅན། །ཡ་ནི་སྲས་མཆོག་ཁྲོ་བོ་ཡིན། །སརྦ་ཐམས་ཅད་སྡུད་པའོ། །བིགྷ་ནི་དགྲ་དང་སྒྲིབ་པ་ཡིན། །ནཱན་ནི་བགེགས་རྣམས་འཆིང་བ་ཡིན། །བཾ་ནི་དབང་དུ་སྡུད་པ་སྟེ། །ཧཱུཾ་ནི་ཕྱག་བརྙན་སྒོ་མ་བཞི། །ཕཊ་ནི་སྒྲོལ་བའི་ཕྲིན་ལས་རྫོགས། །དཀྱིལ་འཁོར་གསུམ་དུ་བསྟན་པ་ནི། །དང་པོ་ཨོཾ་དང་བཛྲ་ནི། །བདག་ཉིད་རྩ་བའི་དཀྱིལ་འཁོར་རོ། །ཀཱི་ལི་ཀཱི་ལའི་ཡི་གེ་བཞི། །ཕྱོགས་བཅུ་ཁྲོ་བོའི་དཀྱིལ་འཁོར་རོ། །ཡ་ནི་རྫས་ཀྱི་དཀྱིལ་འཁོར་རོ། །སརྦ་ཐམས་ཅད་མ་ལུས་པ། །བིགྷྣཱཾ་བགེགས་ཞེས་བྱ་བ་སྟེ། །བཾ་གྱིས་ཆིངས་ལ་ཧཱུཾ་གིས་བསྡུས། །ཕཊ་ཀྱིས་མི་གནས་སྲེག་པར་བྱེད། །བཅུ་གཅིག་འདུས་པའི་སྔགས་སུ་བསྟན། །ཨོཾ་ནི་ཡེ་ཤེས་རྣམ་པ་ལྔ། །བཛྲ་ཡེ་ཤེས་རྡོ་རྗེ་ཡིན། །ཀཱི་ལི་ཀཱི་ལ་ཡ་དང་ལྔ། །རང་བཞིན་དག་པའི་ཕུར་པའོ། །སརྦ་བིགྷྣཱཾ་ཐམས་ཅད་བགེགས། །བཾ་གྱིས་ནོན་ལ་ཧཱུཾ་གིས་བསྡུས། །ཕཊ་གྱིས་མི་གནས་སྲེག་པར་བྱེད། །ཉམས་དགའ་བ་ཡི་གནས་དག་ཏུ། །མཐིང་ནག་ཧཱུཾ་ལས་སྐུ་བསྐྱེད་པ། །རྡོ་རྗེ་གཞོན་ནུའི་ང་རྒྱལ་གྱིས། །རྣལ་འབྱོར་རིག་པས་རྟག་བཟླས་ན། །གསང་སྔགས་བྱིན་རླབས་དངོས་གྲུབ་དང་། །ལོག་འདྲེན་སྒྲོལ་བའི་སངས་རྒྱས་མཐུ། །འཐོབ་པར་འགྱུར་བར་ཐེ་ཚོམ་མེད། །ཅེས་གསུངས་སོ། །ཕུར་པ་ཕྲིན་ལས་ཀྱི་སྔགས་ཀྱི་དགོངས་པའི་ལེའུ་བཅུ་དྲུག་པའོ།། །།མ་མོ་རྦོད་གཏོང་ ― DNG014_Page_0411 ―
[མ་དཔེ་གཟིགས་ན་འདིར་གནོན།]
འཛབ་དགོངས་ལ། །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ །གུ་ཧྱ་ཛྙཱ་ན་ཀྲོ་དྷཱི་ཤྭ་རྭི་སྟྭཾ། མ་མ་ཡོ་གི་ནི་རུ་ལུ་རུ་ལུ་བྷྱོ་ཧཱུཾ་ཕཊ། ཐོག་མཐའ་ཨཱོཾ་དང་ཕཊ་བཞག་ནས། །བར་ན་གྲོང་ཁྱེར་ཉི་ཤུ་བརྒྱད། །སྲིད་པ་མ་མོའི་སྲོག་སྙིང་ཡིན། །དབེན་པ་ཆེན་པོའི་ས་ཕྱོགས་སུ། །བདག་ཉིད་བླ་མེད་ཧེ་རུ་ཀའི། །ང་རྒྱལ་བརྟན་པོར་བཟུང་བྱས་ནས། །འཇིག་རྟེན་འདས་དང་མ་འདས་པའི། །མ་མོ་མཁའ་འགྲོ་ཐམས་ཅད་ཀུན། །རང་དབང་མེད་པར་ལས་ལ་གཟུད། །གང་དང་གང་ལ་དམིགས་པ་ཡི། །ལས་རྣམས་དེ་དག་ཐམས་ཅད་ཀུན། །སྐད་ཅིག་ཙམ་གྱིས་འགྲུབ་པར་འགྱུར། །ཨོཾ་ཡེ་ཤེས་ལྔ། གུ་ཧྱ་ཡབ། ཛྙཱ་ན་ཡེ་ཤེས། ཤྲཱི་དཔལ། ཧེ་དགྱེས་པ། རུ་དབང་སྡུད། ཀ་ཕྲིན་ལས། གུ་ཧྱ་ཡུམ་གྱི་མཁའ། ཛྙཱ་ན་ཡུམ་གྱི་ཡེ་ཤེས། ཀྲོ་དྷཱི་ཡུམ། ཤྭ་རཱི་དབྱིངས། སྟྭཾ་དབྱིངས་སུ་ཐིམ་པ། མ་ཆོས་ཀྱི་དབྱིངས། མ་རིག་པའི་ཡེ་ཤེས། ཡོ་གི་ནཱི་རྣལ་འབྱོར་པ། རུ་ལུ་མཁའ། རུ་ལུ་དབྱིངས། བྷྱོ་ལས། ཧཱུཾ་སྡུས། ཕཊ་གཅོད་པའོ། །སྔགས་ཀྱི་དོན་ཆོས་ཉིད་དུ་བཤད་པའོ། །ཨོཾ་ཡེ་ཤེས་ལྔ། གུ་ཧྱ་ཛྙཱ་ན་ཤྲཱི་ཧེ་རུ་ཀ་ཡབ་ཀྱི་སྙིང་པོ། གུ་ཧྱ་ཛྙཱ་ན་ཀྲོ་དྷཱི་ཤྭ་རཱི་དབྱིངས་ཀྱི་ཡུམ་དྲུག་གི་སྙིང་པོ། མ་མ་ཡོ་གི་ནཱི་རང་བཞིན་རྣལ་འབྱོར་མ་རྗེ་མོ་བཅུ་བཞིའི་སྙིང་པོའོ། །རུ་ལུ་རུ་ལུ་སྨན་མོ་སུམ་ཅུའི་སྙིང་པོ། བྷྱོ་དབང་ཕྱུག་མ་ཉི་ཤུ་རྩ་བརྒྱད་ཀྱི་སྙིང་པོའོ། །ཧཱུཾ་དབང་དུ་སྡུད་པ། ཕཊ་ལས་ལ་འགྱེད་པའོ། །མ་ཆེན་བདུན་ཅུ་རྩ་ལྔའི་སྙིང་པོར་བསྟན་པའོ། །ཨཱོཾ་ཡེ་ཤེས་ལྔ་འདུས་པ། གུ་ཧྱ་ཛྙཱ་ན་ཡེ་ཤེས་གསང་བའི་ཐུགས། ཤྲཱི་ཧེ་རུ་ཀ་དཔལ་ཆེན་པོ། གུ་ཧྱ་ཛྙཱ་ན་གསང་བའི་ཡུམ། ཀྲོ་དྷཱི་ཤྭ་རཱི་ཡུམ་གྱི་ཚོགས། སྟྭཾ་ནི་ཐམས་ཅད་དབང་དུ་སྡུད། མ་མ་ཡོ་གི་ནཱི་མ་མོ་དབང་དུ་སྡུད་ཅིང་འཁོལ། རུ་ལུ་རུ་ལུ་མ་མོ་མཁའ་འགྲོ་ལས་ལ་འཛུད་པ། ཧཱུཾ་གིས་དབང་དུ་སྡུད། བྷྱོ་ཡིས་ལས་ལ་འཁོལ། ཕཊ་ཀྱིས་ཐམས་ཅད་སྒྲོལ་བར་བྱེད། མཁའ་འགྲོ་མའི་སྔགས་སུ་བསྟན་པའོ། །ཨོཾ་གུ་ཡ་ཛྙཱ་ན་ཤྲཱི་ཧེ་རུ་ཀ་གུ་ཡ་ཛྙཱ་ན་ཀྲོ་ཏི་ཤྭ་རཱི་སྟྭཾ། ཡེ་ཤེས་ཀྱི་མཁའ་འགྲོ་མའི་སྙིང་པོའོ། ། ― DNG014_Page_0412 ―
[མ་དཔེ་གཟིགས་ན་འདིར་གནོན།]
མ་མ་ཡོ་གི་ནཱི་རང་བཞིན་གྱི་རྣལ་འབྱོར་མའི་སྙིང་པོའོ། །རུ་ལུ་རུ་ལུ་བྷྱོ་ནི་ལས་ཀྱི་མཁའ་འགྲོ་མའི་སྙིང་པོའོ། །ཧཱུཾ་དབང་དུ་སྡུས། ཕཊ་ལས་ལ་བསྐུལ་བའོ། །མཁའ་འགྲོ་རྣམ་བཞིའི་སྙིང་པོར་བསྟན་པའོ། །མ་མོ་རྦོད་གཏོང་གི་ལྷ་ཚོགས་ཀྱི་སྔགས་ཀྱི་དགོངས་པའི་ལེའུ་སྟེ་བཅུ་བདུན་པའོ།། །།འཇིག་རྟེན་མཆོད་བསྟོད་ཀྱི་འཛབ་དགོངས་ལ། ཨོཾ་བཛྲ་ཙཎྜ་སརྦ་དུཥྚཱཾ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས། །བར་ན་འབྲུ་བརྒྱད་གྲོང་གནས་པ། །དྲེགས་པ་འདུས་པའི་སྙིང་པོ་ཡིན། །ཨོཾ་ཡེ་ཤེས་ལྔ། བཛྲ་རྡོ་རྗེ། ཙཎྜ་གཏུམ་པོ། སརྦ་ཐམས་ཅད། དུཥྠཾ་སྟོབས་ཆེ་བ། ཧཱུཾ་དབང་དུ་སྡུས། ཕཊ་ཀྱིས་ལས་ལ་འཛུད་པའོ། །སྔགས་ཀྱི་སྒྲ་དོན་བསྟན་པའོ། །ཨོཾ་བཛྲ་ཙཎྜ་དྲེགས་པ་ཀུན་འདུལ་གྱི་སྙིང་པོ། སརྦ་དུཥྚཱཾ་དྲེགས་པ་ཅན་སུམ་ཅུའི་སྟོབས། ཧཱུཾ་ཡུམ་ཁམས་གསུམ་སྤྱི་འདུལ་མ། ཡབ་ཡུམ་གྱི་བར་དུ་དྲེགས་པ་ཅན་བཅུག་པ་སྟོབས་དབང་དུ་སྡུད་པའོ། །ཕཊ་ཀྱིས་སྟོབས་འཕྲོག་པའོ། །དྲེགས་པ་དབང་དུ་སྡུད་པའི་ཚུལ་དུ་བཟླས་པའོ། །ཨོཾ་ཡེ་ཤེས་ལྔ་དང་ལྡན་པ། བཛྲ་རྡོ་རྗེ། ཙཎྜ་གཏུམ་པོ། སརྦ་ཐམས་ཅད། དུཥྚཱཾ་གནོན་པ། ཧཱུཾ་དབང་དུ་སྡུད་པ། ཕཊ་ཀྱིས་གཅོད་པའོ། །དྲག་སྔགས་སུ་བསྟན་པའོ། །དབེན་པ་ཆེན་པོའི་ས་ཕྱོགས་སུ། །རྣལ་འབྱོར་སྟོབས་དང་ལྡན་པ་ཡིས། །དྲེགས་པ་དབང་དུ་བསྡུ་འདོད་ན། །བདག་ཉིད་ཁྲོ་ཆེན་སྐུར་བསྒོམས་ལ། །འཇིག་རྟེན་དྲེགས་པ་གནད་ལ་བོར། །དབང་དུ་བསྡུས་ཏེ་དམ་སྩལ་ལ། །ཕྲིན་ལས་རྒྱ་མཚོ་ཀུན་ལ་སྦྱར། །ཞེས་གསུངས་སོ། །འཇིག་རྟེན་མཆོད་བསྟོད་ཀྱི་སྔགས་ཀྱི་དགོངས་པ་བསྟན་པའི་ལེའུ་སྟེ་བཅོ་བརྒྱད་པའོ།། །། དམོད་པ་དྲག་སྔགས་འཛབ་དགོངས་ལ། ཨོཾ་བཛྲ་སརྦ་དུཥྚཱཾ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས། །བར་ན་གྲོང་ཁྱེར་དྲུག་གནས་པ། །དྲེགས་པ་གཟིར་བའི་སྙིང་པོ་ཡིན། །ཨོཾ་ཡེ་ཤེས་ལྔ། བཛྲ་རྡོ་རྗེ། སརྦ་ཐམས་ཅད། དུཥྚཱཾ་གནོན་པ། ཧཱུཾ་སྡུད་པ། ཕཊ་གཅོད་པའོ། ། མ་ཚང་ཁ་བསྐང་བའི་རྒྱུད།― DNG014_Page_0413 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྣམ་པར་དག་པའི་བདག་ཉིད་ཆེན་པོ་འགྱུར་བ་མེད་པ་རྡོ་རྗེའི་རང་བཞིན་ཅན། དུས་གསུམ་གྱི་འདོད་པ་མ་ལུས་པ་ཐམས་ཅད་བསྒྲུབ་པར་ནུས་པ། ཡིད་བཞིན་གྱི་ནོར་བུ་རིན་པོ་ཆེའི་གཏེར་མི་ཟད་པའི་དབྱིངས་ལྟ་བུ། སྲིད་པ་དང་ཞི་བའི་ཆོས་མ་ལུས་པ་སྐད་ཅིག་ཙམ་ལ་ཐུགས་སུ་ཆུད་པ། ཡེ་ཤེས་ཀྱི་ཐིག་ལེ་ཆེན་པོ་སྣ་ཚོགས་སུ་རྣམ་པར་འཕྲུལ་པའི་ངོ་བོ་ ― DNG014_Page_0414 ―
[མ་དཔེ་གཟིགས་ན་འདིར་གནོན།]
ཉིད་རྣམ་པར་སྣང་བ་སྟེ། འོག་མིན་གྱི་གནས་ཐུན་མོང་མ་ཡིན་པའི་ནམ་མཁའི་ཁམས་ཀྱི་གཏོས་ཆེན་པོ་རྡོ་རྗེ་བཙུན་མོའི་བྷ་ག་ཡངས་པའི་དབྱིངས། རང་བཞིན་ལྷུན་གྱིས་གྲུབ་པའི་གནས་མཆོག་ཆེན་པོ་ཡོན་ཏན་ཆེན་པོ་བསམ་གྱིས་མི་ཁྱབ་པའི་ཕོ་བྲང་། ཡེ་ཤེས་ཀྱི་གཞལ་མེད་ཁང་ཁ་དོག་དང་དབྱིབས་དང་། འདོད་པའི་ཡོན་ཏན་རྒྱ་ཆེན་པོས་མཛེས་ཤིང་། རྣམ་པར་བཀྲ་བར་བྱས་པ། དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱི་འབྱུང་གནས་སུ་གྱུར་པ་དེ་ན་བཞུགས་ཏེ། དེའི་ཚེ་འཁོར་འདུས་པར་གྱུར་པ་ནི། དེ་བཞིན་གཤེགས་པ་རྣམ་པར་སྣང་མཛད་ཆེན་པོ་དང་། དེ་བཞིན་གཤེགས་པ་རྡོ་རྗེ་སེམས་དཔའ་ཆེན་པོ་དང་། དེ་བཞིན་གཤེགས་པ་རིན་པོ་ཆེའི་འབྱུང་གནས་ཆེན་པོ་དང་། དེ་བཞིན་གཤེགས་པ་སྣང་བ་མཐའ་ཡས་ཆེན་པོ་དང་། དེ་བཞིན་གཤེགས་པ་གདོན་མི་ཟ་བར་གྲུབ་པ་ཆེན་པོ་དང་། དེ་དག་གི་ཡུམ་ཆེན་མོ་ཀུན་ཏུ་བཟང་མོ་དང་། སངས་རྒྱས་ཀྱི་མིག་ཅན་མ་དང་། རྡོ་རྗེ་དབྱིངས་མ་དང་། བཟོད་པ་ཆེན་མོ་དང་། དམ་ཚིག་གི་ལྷ་མོ་དང་། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང་། འཇམ་དཔལ་དང་། སྤྱན་རས་གཟིགས་དབང་ཕྱུག་དང་། ལག་ན་རྡོ་རྗེ་དང་། སའི་སྙིང་པོ་དང་། ནམ་མཁའི་སྙིང་པོ་དང་། བྱམས་པ་དང་། སྒྲིབ་པ་རྣམ་པར་སེལ་བ་དང་། བྱང་ཆུབ་སེམས་མ་རྡོ་རྗེ་དབྱིངས་ཕྱུག་མ་དང་། རིན་པོ་ཆེའི་དབྱིངས་ཕྱུག་མ་དང་། པདྨའི་དབྱིངས་ཕྱུག་མ་དང་། ལས་ཀྱི་དབྱིངས་ཕྱུག་མ་དང་། རྡོ་རྗེ་སེམས་མ་དང་། རིན་པོ་ཆེའི་སེམས་མ་དང་། པདྨའི་སེམས་མ་དང་། ལས་ཀྱི་སེམས་མ་དང་། དེ་དག་གི་ཡང་འཁོར་གྱི་དམ་པར་གྱུར་པ། བྱང་ཆུབ་སེམས་དཔའ་རྡོ་རྗེ་སེམས་དཔའ་དང་། རྡོ་རྗེ་རྒྱལ་པོ་དང་། རྡོ་རྗེ་ཆགས་པ་དང་། རྡོ་རྗེ་མཛེས་པ་དང་། རྡོ་རྗེ་གཟི་བརྗིད་དང་། རྡོ་རྗེ་རིན་ཆེན་དང་། རྡོ་རྗེ་རྒྱལ་མཚན་དང་། རྡོ་རྗེ་བཞད་པ་དང་། རྡོ་རྗེ་ཆོས་དང་། རྡོ་རྗེ་རྣོན་པོ་དང་། རྡོ་རྗེ་སྨྲ་བ་དང་། ― DNG014_Page_0415 ―
[མ་དཔེ་གཟིགས་ན་འདིར་གནོན།]
རྡོ་རྗེ་འཁོར་ལོ་དང་། རྡོ་རྗེ་ལས་དང་། རྡོ་རྗེ་བསྲུང་བ་དང་། རྡོ་རྗེ་གནོད་སྦྱིན་དང་། རྡོ་རྗེ་ཁུ་ཚུར་དང་། རྡོ་རྗེ་རྒྱལ་མཚན་དང་། དབང་ཕྱུག་རྒྱལ་པོ་དང་། བཀོད་པའི་རྒྱན་དང་། རིན་ཆེན་འོད་འཕྲོ་དང་། སྣང་བའི་འོད་དང་། ཕྱག་རྒྱའི་རྒྱལ་པོ་དང་། སྤོས་ཀྱི་གླང་པོ་དང་། སྤོབས་པ་བརྩེགས་པ་དང་། པདྨའི་རྒྱལ་པོ་དང་། པདྨ་དམ་པ་དང་། རྡོ་རྗེ་མི་གཡོ་བ་དང་། ཐོགས་མེད་རྒྱལ་པོ་དང་། རིན་པོ་ཆེའི་དབང་སྡུད་དང་། གྲུབ་པའི་ལས་དང་། དགའ་བར་སྟོན་པ་དང་། མི་གཡོ་བའི་མཐའ་དང་། དེ་དག་གི་བྱང་ཆུབ་སེམས་མ་སྒེག་པ་མོ་དང་། བདུག་པ་མ་དང་། ལྕགས་ཀྱུ་མ་དང་། མེ་འོད་མ་དང་། ཕྲེང་བ་མ་དང་། མེ་ཏོག་མ་དང་། ཞགས་པ་མ་དང་། རླུང་གཡབ་མ་དང་། དབྱངས་མཁན་མ་དང་། མར་མེ་མ་དང་། ལྕགས་སྒྲོག་མ་དང་། གསལ་བཀྲ་མ་དང་། གར་སྒྱུར་མ་དང་། ཆུ་འཛིན་མ་དང་། དྲིལ་འཁྲོལ་མ་དང་། འབེབས་བྱེད་མ་དང་། བདེ་བ་རྒྱས་འདེབས་མ་དང་། བདེ་བ་ཟ་བྱེད་མ་དང་། བདེ་བ་རྨོངས་བྱེད་མ་དང་། བདེ་བ་ཚེ་འཕེལ་མ་དང་། ཁྲུས་ཀྱི་ལྷ་མོ་དང་། རྒྱལ་མཚན་གྱི་ལྷ་མོ་དང་། བླ་རེའི་ལྷ་མོ་དང་། གཟུགས་ཀྱི་ལྷ་མོ་དང་། ལྷ་མོ་དཔལ་བེའུ་མ་དང་། འཇིགས་བྱེད་མ་དང་། སྐྱོན་བྲལ་མ་དང་། མདངས་ཅན་མ་དང་། སྐྱབས་ཅན་མ་དང་། དྲི་མེད་མ་དང་། སྒྲ་སྒྲོགས་མ་དང་། ཐོགས་མེད་མ་དང་། གཞན་ཡང་ལྷའི་བྱང་ཆུབ་སེམས་དཔའ་དང་། མིའི་བྱང་ཆུབ་སེམས་དཔའ་དང་། ལྷ་མ་ཡིན་གྱི་བྱང་ཆུབ་སེམས་དཔའ་དང་། ཡི་དྭགས་ཀྱི་བྱང་ཆུབ་སེམས་དཔའ་དང་། བྱོལ་སོང་གི་བྱང་ཆུབ་སེམས་དཔའ་དང་། དམྱལ་བའི་བྱང་ཆུབ་སེམས་དཔའ་དང་། གཞན་ཡང་རྡོ་རྗེ་ལྕགས་ཀྱུ་ཅན་དང་། རྡོ་རྗེ་ཞགས་པ་ཅན་དང་། རྡོ་རྗེ་ལྕགས་སྒྲོག་ཅན་དང་། རྡོ་རྗེ་དྲིལ་བུ་ཅན་དང་། དེ་དག་ལ་སོགས་པ་ཕྱོགས་བཅུའི་ནམ་མཁའི་ཁམས་མ་ལུས་པ་ཁྱབ་པའི་ཞིང་ཁམས་ཀྱི་བཀོད་པ་དང་། གཞལ་ཡས་ཁང་གི་འཁོར་ལོ་ལ་སྣང་བ་དང་། ཡབ་དང་ཡུམ་གྱི་རྣམ་པ་གཉིས་སུ་མེད་པ་དང་། ཐབས་ཀྱི་རང་བཞིན་དུ་སྣང་ ― DNG014_Page_0416 ―
[མ་དཔེ་གཟིགས་ན་འདིར་གནོན།]
བ་དང་། ཤེས་རབ་ཀྱི་ངོ་བོར་བཞུགས་པ་དང་། དེ་བཞིན་དུ་དེ་དག་སོ་སོའི་རང་བཞིན་དང་། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་དང་། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། གཟུགས་དང་། སྒྲ་དང་། དྲི་དང་། རོ་དང་། རེག་དང་། ཆོས་དང་། མིག་གི་རྣམ་པར་ཤེས་པ་དང་། རྣ་བའི་རྣམ་པར་ཤེས་པ་དང་། སྣའི་རྣམ་པར་ཤེས་པ་དང་། ལྕེའི་རྣམ་པར་ཤེས་པ་དང་། ལུས་ཀྱི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པ་དང་། སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་དང་། ཟད་པར་གྱི་ཁམས་དང་། མ་ལུས་པར་སྣང་བའི་ཁམས་ལ་སོགས་པ་རྣམ་པར་དག་པའི་རང་བཞིན་དུ་གནས་པ། དཔག་ཏུ་མེད་པ། གྲངས་མེད་པ། བསམ་གྱིས་མི་ཁྱབ་པ། གཞལ་དུ་མེད་པ། བརྗོད་དུ་མེད་པ། དངོས་པོའི་རྡུལ་ཕྲ་རབ་ཀྱི་ཚད་དུ་གྱུར་པ་རྣམས་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་དེས་རབ་ཏུ་འདུས་པའི་འཁོར་གྱི་ཚོགས་ཆེན་པོ་དེ་དག་དང་། གཞན་ཡང་འཇིག་རྟེན་ལས་འདས་པའི་ཆོས་ཐམས་ཅད་ཀྱི་རང་བཞིན་རྣམ་པར་དག་པ་དང་། དྲི་མ་དང་བཅས་པ་དང་། སེམས་དང་སེམས་ལས་བྱུང་བ་དང་། སྟོང་པ་ཉིད་དང་། ཤིན་ཏུ་སྟོང་པ་ཉིད་དང་། མ་རིག་པ་དང་། སྟོང་པ་ཉིད་ཆེན་པོ་དང་། རྒྱུའི་ཚོགས་དང་། གཞིའི་ཁྱད་པར་དང་། ལམ་གྱི་རང་བཞིན་དང་། ཐབས་དང་ཤེས་རབ་ཀྱི་བྱེད་པ་དང་། མཐོང་བ་དང་། གོམས་པ་དང་། སྤྱད་པ་དང་། ཐོབ་པ་དང་། སྙོམས་པར་འཇུག་པ་དང་། འགོག་པ་དང་། བགྲོད་པ་དང་། སྤངས་པ་དང་། སྦྱངས་པ་དང་། བསྒྱུར་བ་དང་། ཤེས་པ་དང་། མངོན་དུ་གྱུར་པ་དང་། དབང་དུ་གྱུར་པ་དང་། སོ་སོར་རིག་པ་དང་། རྟོགས་པར་བྱ་བ་དང་། ཀློང་དུ་གྱུར་པ་དང་། བསྐྱོད་པ་དང་། འཇིག་པ་དང་། འགྱུར་བ་དང་། མི་གཡོ་བ་དང་། བརྟན་པ་དང་། ཕྱོགས་དང་། དུས་དང་། ― DNG014_Page_0417 ―
[མ་དཔེ་གཟིགས་ན་འདིར་གནོན།]
ཁམས་དང་། རིགས་དང་། བྱེད་པ་དང་། ལས་དང་། བསམ་པ་དང་། སྐྱེ་གནས་དང་། འཆི་འཕོ་བ་དང་། ལེན་པ་དང་། འདོད་པའི་སྲིད་པ་དང་། གཟུགས་ཀྱི་སྲིད་པ་དང་། ཡིད་ཀྱི་སྲིད་པ་དང་། ཐ་མལ་པ་དང་། ལོག་པ་དང་། ཕྱོགས་ཙམ་ཉིད་དང་། ཉེ་བ་དང་། ཡང་དག་པ་དང་། མཐར་ཐུག་པ་དང་། མཆོག་ཏུ་སྣང་བ་དང་། མངོན་དུ་གྱུར་པ་དང་། ཐུན་མོང་དུ་སྣང་བ་ལ་སོགས་པ་ཡུལ་དང་། སྣང་བ་དང་། དངོས་པོ་དང་། སྲིད་པ་དང་། ཞི་བ་དང་། མྱ་ངན་ལས་འདས་པའི་ཆོས་ཐམས་ཅད་ལ་རག་མ་ལུས་ཤིང་ཡང་དག་པར་གཟིགས་པས་རྣམ་པར་གཟིགས་པར་མཛད་དོ། །དེ་ནས་ཡུམ་ཆེན་མོ་ཀུན་ཏུ་བཟང་མོ་ལ་སོགས་པ་ཇི་སྙེད་དུ་འདུས་པའི་འཁོར་རྣམས་ཀྱིས་འདི་ཉིད་ཀྱི་དོན་དང་ལྡན་པའི་ཆོས་རྣམས་རང་གི་ངོ་བོ་སྟོང་པར་མཐོང་བ་ནི། དཔེར་ན་ནམ་མཁའི་མཚན་ཉིད་ནི། གཞན་གྱིས་བརྟག་པར་དཀའ་ཞིང་གཞལ་བར་མི་ནུས་པ་བཞིན་དུ་མཐོང་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨོཾ་ཆོས་དབྱིངས་དོན་དམ་སྤྲོས་བྲལ་རང་བཞིན་ལས། །གཟུགས་དང་མཚན་མའི་འཛིན་པ་མི་མངའ་ཡང་། །སྟོང་པའི་ཤེས་རབ་མ་འགགས་སྤྲོས་བྲལ་བའི། །ཆོས་སྐུ་ལྷུན་གྲུབ་མཉམ་ཉིད་བཞེངས་སུ་གསོལ། །ཨཱཿགདོད་ནས་དག་པའི་ཡེ་ཤེས་ཚོགས་ལས་གྲུབ། །བསམ་གྱིས་མི་ཁྱབ་མཚན་དང་དཔེ་བྱད་ལྡན། །ལོངས་སྤྱོད་རྫོགས་པའི་སྐུ་མཆོག་བསྟན་དུ་གསོལ། །ཧཱུཾ་རྣམ་པར་དག་པའི་སྨོན་ལམ་མཐུས་གྲུབ་ཅིང་། །བྱམས་དང་སྙིང་རྗེའི་ཐུགས་ཀྱང་རབ་བསྐྱེད་པའི། །སྣ་ཚོགས་རིགས་ཀྱི་རང་གི་མཆོག་གྱུར་ཡུལ། །སྤྲུལ་པ་སྐུ་ཡི་རིགས་ཀུན་དབྱུང་དུ་གསོལ། །ཧྲཱྀཿམ་འགགས་སྐྱེ་མེད་ངོ་བོ་སྟོང་ཉིད་སྒྲ། །ཡན་ལག་དྲུག་ཅུ་གསུང་དབྱངས་དཔག་མེད་པས། །བསྟན་པ་རྒྱ་མཚོ་སོ་སོའི་བྱེ་བྲག་ཏུ། །ཀུན་གྱི་ལམ་གྱུར་སྡེ་སྣོད་དེ་གསུངས་ཤིག །ཧཱ་མི་འགྱུར་ཐུགས་ཀྱི་དགོངས་པ་དཔག་མེད་ལས། །གནོད་སྡིག་ཞི་དང་འདོད་པའི་དོན་རྒྱས་དང་། །ཕལ་པ་དབང་སྒྱུར་གདུག་བྱེད་ཚར་གཅོད་པའི། །ཀུན་གྱི་ ― DNG014_Page_0418 ―
[མ་དཔེ་གཟིགས་ན་འདིར་གནོན།]
དོན་སྤྱོད་ཕྲིན་ལས་དེ་མཛོད་ཅིག །ཅེས་བསྐུལ་བས། དེ་མ་ཐག་ཏུ་བཅོམ་ལྡན་འདས་ཉིད་ཀྱིས་སྐུ་གསུང་ཐུགས་ཀྱི་གནས་ཐམས་ཅད་ནས་འོད་ཟེར་གྱི་དྲ་བ་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཞེས་བྱ་བའི་ཏིང་ངེ་འཛིན་དང་ལྡན་པའི་འོད་ཟེར་གྱི་དྲ་བ་ཆེན་པོ་བཀྱེ་སྟེ། ནམ་མཁའི་ཁམས་མ་ལུས་པ་ཐམས་ཅད་སྣང་བར་མཛད་པ་དང་། འཁོར་འདུས་པ་དེ་དག་གིས་ཀྱང་ཕྱོགས་བཅུའི་སངས་རྒྱས་ཀྱི་ཞིང་། ནམ་མཁའི་ཁམས་ཐམས་ཅད་ཏིལ་གྱི་གང་བུ་བཞིན་དུ་གང་བར་བཞུགས་ནས། ལྷམ་མེ་ལྷང་ངེ་ལྷན་ནེ་བ་མཐོང་བར་གྱུར་ཏོ། །དེ་ལྟར་འདུག་པའི་ཁྱད་པར་དུ་ཡང་། ཡང་དག་པར་རྫོགས་པའི་སངས་རྒྱས་གངས་ཆེན་མཚོ་རྣམ་པར་སྣང་མཛད་ཀྱི་སངས་རྒྱས་ཀྱི་ཞིང་སྟུག་པོ་བཀོད་པའི་གནས་ནས། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི། སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་། སངས་རྒྱས་དེ་དག་གི་འཁོར་གྱི་ཐོག་མར་འདུག་པར་མཐོང་བར་གྱུར་ཏོ། །དེ་བཞིན་དུ་ཤར་གྱི་ཕྱོགས་ཀྱི་ནམ་མཁའི་ཁམས་ན་ཡང་དག་པར་རྫོགས་པའི་སངས་རྒྱས་མི་འཁྲུགས་པ་བཀོད་པའི་སངས་རྒྱས་ཀྱི་ཞིང་མངོན་པར་དགའ་བའི་གནས་ན། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི། སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་། སངས་རྒྱས་དེ་དག་གི་འཁོར་གྱི་ཐོག་མར་འདུག་པར་མཐོང་བར་གྱུར་ཏོ། །དེ་བཞིན་དུ་ལྷོ་ཕྱོགས་ཀྱི་ནམ་མཁའི་ཁམས་ན་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་གནས་ཀྱི་སངས་རྒྱས་ཀྱི་ཞིང་རིན་ཆེན་ཡོད་པའི་གནས་ན། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་སངས་རྒྱས་དེ་དག་གི་འཁོར་གྱི་ཐོག་མར་འདུག་པ་མཐོང་བར་གྱུར་ཏོ། །དེ་བཞིན་དུ་ནུབ་ཀྱི་ཕྱོགས་ཀྱི་ནམ་མཁའི་ཁམས་ན། ཡང་དག་པར་རྫོགས་པའི་སངས་རྒྱས་སྣང་བ་མཐའ་ཡས་ཀྱི་སངས་རྒྱས་ཀྱི་ཞིང་བདེ་བ་ཅན་གྱི་གནས་ན་ཡང་དག་པར་རྫོགས་པའི་སངས་རྒྱས་དེ་ཉིད་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ ― DNG014_Page_0419 ―
[མ་དཔེ་གཟིགས་ན་འདིར་གནོན།]
ཁམས་ཐམས་ཅད་ན་ཡང་། སངས་རྒྱས་དེ་དག་གི་ཡང་འཁོར་གྱི་ཐོག་མར་འདུག་པར་མཐོང་བར་གྱུར་ཏོ། །དེ་བཞིན་དུ་བྱང་ཕྱོགས་ཀྱི་ནམ་མཁའི་ཁམས་ན་ཡང་དག་པར་རྫོགས་པའི་སངས་རྒྱས་གདོན་མི་ཟ་བར་གྲུབ་པའི་སངས་རྒྱས་ཀྱི་ཞིང་པདྨ་བརྩེགས་པའི་གནས་ན། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་སངས་རྒྱས་དེ་དག་གི་འཁོར་གྱི་ཐོག་མར་འདུག་པ་མཐོང་བར་གྱུར་ཏོ། །དེ་བཞིན་དུ་འོག་གི་ཕྱོགས་ཀྱི་ནམ་མཁའི་ཁམས་ཀྱི་ཡང་དག་པར་རྫོགས་པའི་སངས་རྒྱས་པདྨོ་དམ་པའི་དཔལ་གྱི་སངས་རྒྱས་ཀྱི་ཞིང་པདྨོ་ཅན་གྱི་གནས་ན། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་། སངས་རྒྱས་དེ་དག་གི་འཁོར་གྱི་ཐོག་མར་འདུག་པ་མཐོང་བར་གྱུར་ཏོ། །དེ་བཞིན་དུ་སྟེང་གི་ཕྱོགས་ཀྱི་ནམ་མཁའི་ཁམས་ན་ཡང་དག་པར་རྫོགས་པའི་སངས་རྒྱས་དགའ་བའི་དཔལ་གྱི་སངས་རྒྱས་ཀྱི་ཞིང་རྡུལ་དང་བྲལ་བའི་གནས་ན། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས་ཐམས་ཅད་ན་ཡང་། སངས་རྒྱས་དེ་དག་འཁོར་གྱི་ཐོག་མར་འདུག་པ་མཐོང་བར་གྱུར་ཏོ། །དེ་ལ་སོགས་པ་ཕྱོགས་བཅུའི་ནམ་མཁའི་ཁམས་ཀྱི་མཐས་གཏུགས་ཤིང་འབྱམས་ཀླས་པ་ཐམས་ཅད་ཀྱི་སངས་རྒྱས་ཀྱི་ཞིང་རྡུལ་ཕྲ་རབ་སྙེད་ཀྱི་སངས་རྒྱས་དེ་དག་གི་སྐུ་གསུང་ཐུགས་ཀྱི་རྣམ་པར་འཕྲུལ་པ་ལས་བྱུང་བའི་འཇིག་རྟེན་གྱི་ཁམས་ཐམས་ཅད་ན་ཡང་། སངས་རྒྱས་དེ་དག་གི་འཁོར་གྱི་ཐོག་མར་རང་ཉིད་འདུག་པ་མཐོང་བར་གྱུར་ཏོ། །སངས་རྒྱས་ཀྱི་ཞིང་དེ་དག་ཐམས་ཅད་ན་འཚོ་ཞིང་གཞེས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་སོ་སོ་ནས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའི་ཚོགས་ཐམས་ཅད་རང་གི་འཁོར་གྱི་དཀྱིལ་འཁོར་དུ་བཀོད་པར་གཟིགས་སོ། །འཇིག་རྟེན་གྱི་ཁམས་དེ་དག་ཐམས་ཅད་ཀྱི་སེམས་ཅན་གྱི་ཁམས་བསམ་གྱིས་མི་ཁྱབ་པ་རྣམས་ཀྱི་ཉོན་མོངས་པ་ ― DNG014_Page_0420 ―
[མ་དཔེ་གཟིགས་ན་འདིར་གནོན།]
དང་ཁམས་དང་བག་ལ་ཉལ་གྱི་ཁྱད་པར་གཏི་མུག་གི་དབང་དུ་གྱུར་པ་དང་། ཞེ་སྡང་གི་དབང་དུ་གྱུར་པ་དང་། ང་རྒྱལ་གྱི་དབང་དུ་གྱུར་པ་དང་། འདོད་ཆགས་ཀྱི་དབང་དུ་གྱུར་པ་དང་། ཕྲག་དོག་གི་དབང་དུ་གྱུར་པ་དང་། སེར་སྣའི་དབང་དུ་གྱུར་པ་དང་། ཁྲོ་བའི་དབང་དུ་གྱུར་པ་ལ་སོགས་པ་རྣམས་ཀྱི་དོན་བསྒྲུབ་པའི་ཕྱིར། གདུལ་བར་བྱ་བའི་འཁོར་ཁ་ཅིག་ལ་ནི་དེ་བཞིན་གཤེགས་པའི་རིགས་སུ་བཞུགས་པར་མཛད་དོ། །དེ་བཞིན་དུ་ཁ་ཅིག་ལ་ནི་རྡོ་རྗེའི་རིགས་དང་། ཁ་ཅིག་ལ་ནི་རིན་པོ་ཆེའི་རིགས་དང་། ཁ་ཅིག་ལ་ནི་པདྨའི་རིགས་དང་། ཁ་ཅིག་ལ་ནི་ཕྲིན་ལས་ཀྱི་རིགས་དང་། ཁ་ཅིག་ལ་ནི་སྦྱིན་པ་ཆེན་པོའི་རིགས་དང་། ཁ་ཅིག་ལ་ནི་ཁྲོ་བོ་ཆེན་པོའི་རིགས་ལ་སོགས་པ་རྣམས་ཀྱི་སྐུ་གསུང་ཐུགས་རྡོ་རྗེ་ལས་བྱུང་བའི་འཁོར་གྱི་དཀྱིལ་འཁོར་དང་བཅས་པའི་རྣམ་པར་འཕྲུལ་པ་བསམ་གྱིས་མི་ཁྱབ་པར་རབ་ཏུ་བསྟན་ཏོ། །དེ་ནས་ཕྱོགས་བཅུའི་དཀྱིལ་འཁོར་གྱི་རྣམ་པར་སྣང་བའི་གཞལ་མེད་ཁང་ན་རང་བཞིན་སངས་རྒྱས་ཀྱི་ཞིང་གི་བཀོད་པ་དེ་དག་སོ་སོའི་གཙོ་བོ་ཆེན་པོ་རྣམས་ལ་སོ་སོའི་འཁོར་རྣམས་ཀྱིས་རང་གི་བསྟན་པའི་སྡེ་སྣོད་གསུང་དབྱངས་མི་ཟད་པའི་ཡན་ལག་བསམ་གྱིས་མི་ཁྱབ་པ་རྣམས་ཞུ་ཞིང་འགྲོ་བ་སེམས་ལ་སྣང་བར་གྱུར་ཏོ། །དེ་དག་ཐམས་ཅད་ཀྱི་ཡང་གཙོ་བོ་སངས་རྒྱས་ཐམས་ཅད་ཀྱི་ཡབ་རྗེ་བོ། ཀུན་ཏུ་བཟང་པོ་ཉིད་ལ་ཞུ་ཞིང་འདྲི་བ་སེམས་ལ་སྣང་བར་གྱུར་ནས། ཐམས་ཅད་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ། །ཨེ་མ་དཔལ་ཆེན་ཀུན་བཟང་མཆོག །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་ཕྲིན་ལས་དང་། །ཡོན་ཏན་དཔག་མེད་ཇི་སྙེད་པ། །མ་ལུས་ཁྱོད་ཀྱི་ཐུགས་ལ་གནས། །བློ་ལྡན་རྣམས་ཀྱིས་བསྒྲུབ་བྱ་བ། །ཉིད་ཀྱི་སྔོན་དུ་རྩ་བ་དང་། །ཕྱི་མ་ཕྱི་མ་རབ་འབྱེད་པའི། །རྒྱུད་རྣམས་སུ་ནི་ལེགས་བཤད་ལས། །མ་ཚང་བ་རྣམས་ཁ་བསྐངས་ཤིང་། །ཐེ་ཚོམ་སོམ་ཉི་གཅད་པའི་ཕྱིར། །མ་ལུས་རྫོགས་པའི་ཚུལ་གྱིས་ནི། །ཇི་ལྟར་རིགས་པའི་ཡན་ལག་རྣམས། །ཐུགས་ ― DNG014_Page_0421 ―
[མ་དཔེ་གཟིགས་ན་འདིར་གནོན།]
རྗེ་ཆེན་པོས་བསྟན་དུ་གསོལ། །ཞེས་གསོལ་ཏོ། །ཕྱོགས་བཅུའི་སངས་རྒྱས་ཐམས་ཅད་ཀྱིས་ཐུགས་ཞི་བ་ཆེན་པོ་ལས་ཕྱུང་བ་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ལ་སོགས་པ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དང་། རིག་པ་འཛིན་པའི་སྐྱེས་བུ་ཆེན་པོ་རྣམས་ཀྱིས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་དང་། སྐུ་དང་གསུང་དང་ཐུགས་ཀྱི་གསང་བ་མ་ལུས་པ་བསྟན་པ་དང་། རིགས་དང་དངོས་པོ་ཐམས་ཅད་ཀྱི་དམ་ཚིག་ཇི་ལྟ་བ་བཞིན་དུ་མཐོང་ཞིང་ཐོས་ལ་རབ་ཏུ་རྟོགས་ཏེ། མངོན་སུམ་དུ་གྱུར་བཞིན་དུ་ཕྱི་མའི་དུས་ཀྱི་རིག་པ་འཛིན་པའི་སྐྱེས་བུ་རྣམས་ཀྱི་དོན་དུ་དགོངས་པར་མཛད་ནས། བཅོམ་ལྡན་འདས་ལ་སླར་གསོལ་པ། ཀྱེ་མ་ཀུན་ཏུ་བཟང་པོ་ཡི། །སྐུ་དང་གསུང་དང་ཐུགས་ངེས་པ། །རང་བཞིན་གསང་བའི་མཚན་ཉིད་ནི། །རྡོ་རྗེ་གསུམ་ལས་འགྱུར་མེད་ཀྱང་། །མ་ལུས་སེམས་ཅན་ཁམས་སྣང་བ། །དུས་གསུམ་རྡོ་རྗེ་སངས་རྒྱས་གསུམ། །ཐུགས་ཀྱི་དབང་ཕྱུག་ནས་གྱུར་པ། །ཀུན་ཏུ་བཟང་པོ་རྫུ་འཕྲུལ་ཆེ། །འདི་ནི་ཤིན་ཏུ་ངོ་མཚར་ཆེ། །བསམ་པའི་ཡུལ་ལས་རབ་འདས་ཏེ། །མ་ལུས་འཁོར་བའི་ཆུ་བོའི་རྒྱུན། །མྱ་ངན་འདས་པར་བར་ཆད་མེད། །ཤིན་ཏུ་རྙེད་པ་དཀའ་བ་ཉིད། །མངོན་སུམ་མྱུར་དུ་སྒྲུབ་བྱེད་པ། །བདེ་བར་གཤེགས་པ་ཀུན་འདུས་རྒྱུད། །བསྟན་པའི་མཆོག་གྱུར་གང་བཤད་དེ། །རྟོགས་ཤིང་མཐོང་བར་དཀའ་བའི་དོན། །མཉན་པར་འདོད་ན་ཕན་དོན་དུ། །མགོན་མཛད་ཁྱོད་ལ་གསོལ་བ་ན། །བདེ་བར་གཤེགས་ཤེས་གང་ལ་བྱ། །ཐམས་ཅད་འདུས་པ་ཇི་ལྟར་གཞག །རྒྱུད་ཅེས་བྱ་བ་ཇི་ལྟ་བུ། །དེ་ལ་དབྱེ་བ་ཇི་ལྟར་བཤད། །རང་གི་ངོ་བོ་ཇི་ལྟར་ལགས། །ཞི་བར་གནས་པ་ཅི་ཡི་ཕྱིར། །བཅོམ་ལྡན་ཞེས་ནི་གང་ལ་བརྗོད། །རིགས་བརྒྱ་དབྱེ་བ་ཅི་ཡི་ཕྱིར། །དམ་པར་བརྗོད་པ་ཅི་ཞིག་ལགས། །བསྡུ་བའི་རིམ་པ་ཇི་ཡན་ལག་ཡང་ཙམ་ཞིག །བདག་ ― DNG014_Page_0422 ―
[མ་དཔེ་གཟིགས་ན་འདིར་གནོན།]
ཅག་དེ་དོན་ཉན་འཚལ་ན། །བཅོམ་ལྡན་འདས་ཀྱིས་བཤད་དུ་གསོལ། །དེ་ནས་སྟོན་པ་ཀུན་ཏུ་བཟང་། །འཁོར་རྣམས་བསྐུལ་བའི་དོན་གསན་ནས། །སྐུ་གསུང་ཐུགས་ཀྱི་རྡོ་རྗེ་ལས། །ངེས་པར་ཕྱུང་སྟེ་བཀའ་སྩལ་པ། །ཉོན་ཅིག་འདུས་པའི་འཁོར་གྱི་ཚོགས། །གང་གིས་སྤང་བྱ་མ་ལུས་སྤང་། །ཐོབ་པར་བྱ་བ་མཐའ་དག་བརྙེས། །མི་འགྱུར་སྐུ་གསུང་ཐུགས་རྫོགས་པ། །བདེ་བ་ཆེན་པོ་ཞེས་བྱ་སྟེ། །དེ་ཡུལ་འབྲས་བུར་གཤེགས་པའོ། །ཐུན་མོང་བ་དང་ཁྱད་པར་གྱི། །མྱུར་ཞིང་འཇུག་པའི་བདེ་བ་ནི། །དཀའ་སྤྱད་སྡུག་བསྔལ་མི་གནས་པ། །འདིས་འགྲོ་ལམ་གྱིས་གཤེགས་པའོ། །སེམས་ཅན་བདེ་གཤེགས་རྒྱུ་དང་བཅས། །རང་བཞིན་རྣམ་པར་དག་པའི་སེམས། །གནས་སྐབས་གློ་བུར་དྲི་མ་ཅན། །གཞི་ཉིད་བདེ་བ་འདིར་གཤེགས་པས། །བདེ་བར་གཤེགས་ཤེས་བརྗོད་པ་ཡིན། །རྣམ་པ་བཅུ་བརྩེགས་གནས་པ་གསུམ། །ཇི་སྙེད་པ་ཡི་བདེ་བར་གཤེགས། །ཐམས་ཅད་མ་ལུས་ཡུལ་དེ་ལ། །འདུས་པའི་ཚོགས་པ་ཡིན་པར་བཤད། །གཞི་དང་ལམ་དང་འབྲས་བུ་རྣམས། །རྒྱུ་དང་ཐབས་དང་མཐར་ཐུག་ཏུ། །འདྲེལ་བའི་དོན་དང་ལྡན་པས་རྒྱུད། །རང་བཞིན་ཐབས་ལམ་འབྲས་བུ་ཡིས། །རྒྱུད་གསུམ་དུ་ནི་བྱེ་བྲག་དབྱེ། །མ་བཅོས་མ་བསྒྱུར་མ་བསླད་ཅིང་། །སྐྱེ་འགག་རྟག་ཆད་འགྲོ་འོང་དང་། །ཡོད་མེད་མཐའ་དང་བྲལ་བ་ཡིས། །དབྱེར་མེད་ཟུང་འཇུག་རང་ངོ་ཙམ། །གདུལ་བྱ་འདོད་ཆགས་ཅན་དོན་དུ། །མཛེས་བྱ་ཡོན་ཏན་ལྡན་པ་ཡིས། །ཚུལ་དགུས་ཕྱི་རོལ་དྲང་བའི་ཕྱིར། །སྐུ་གསུང་ཐུགས་ནི་ཞི་བར་གནས། །ཕྱི་ནང་གསང་བའི་བདུད་བཅོམ་ཞིང་། །ཡོན་ཏན་ཕུན་སུམ་ཚོགས་ལྡན་པས། །རང་གཞན་གཉིས་མེད་དོན་རྫོགས་ལ། །བཅོམ་ལྡན་ཞེས་སུ་བརྗོད་པ་ཡིན། །ཉོན་མོངས་ཁམས་དང་ཕུང་པོ་དང་། །དབང་པོ་ཡུལ་དང་བཅས་པ་ཡིས། །རང་གི་རིགས་དང་དབྱེ་བ་མཆོག །ལེགས་སྦྱར་རིགས་བརྒྱར་འགྱུར་བའོ། །སྒྲུབ་བྱེད་ལུས་ངག་ཡིད་གསུམ་ནི། །མི་དགེ་རྩ་བ་ཡན་ལག་བཅས། །བསྒྲུབ་ ― DNG014_Page_0423 ―
[མ་དཔེ་གཟིགས་ན་འདིར་གནོན།]
བྱ་ལམ་གྱི་ཁྱད་པར་དུ། །མཐར་ཐུག་སྡོམ་བྱེད་དམ་པའོ། །དེ་དག་ཉེ་བར་བསྡུ་བ་ནི། །བསྙེན་བསྒྲུབ་ལས་ཀྱི་ཁྱད་པར་ཏེ། །རྒྱས་བསྡུས་རབ་ཏུ་བསྡུས་པ་ཡང་དང་ད་གཉིས་ཀྱང་། །དེ་དག་དེ་ཉིད་འདྲེལ་པའོ། །དེ་ནས་འཁོར་གྱིས་ཡང་ཞུས་པ། །ཀྱེ་མ་ཀུན་ཏུ་བཟང་པོ་ཆེ། །དཀྱིལ་འཁོར་ཞེས་ནི་གང་ལ་བྱ། །བསྐྱེད་པའི་རིམ་པ་ཅི་ཞིག་ལགས། །དེ་བཞིན་རྫོགས་རིམ་ཇི་ལྟར་གདགས། །རྣལ་འབྱོར་ཞེས་ནི་ཅི་ལ་བགྱི། །ཐབས་ཞེས་བྱ་བ་ཇི་ལྟ་བུ། །ཤེས་རབ་ཀྱང་ནི་གང་ཞིག་ལགས། །དོན་དམ་ཀུན་རྫོབ་ཇི་ལྟ་བུ། །དབྱེར་མེད་དུ་ནི་འདོད་པ་གང་། །དེ་ཁོ་ན་ཉིད་ཇི་ལྟར་མཐོང་། །གསང་བ་རང་ནི་ཅི་ཞིག་གནས། །བཅོམ་ལྡན་འདས་ཀྱིས་བཀའ་སྩལ་པ། །ཆོས་དབྱིངས་དོན་གྱི་སྙིང་པོ་དཀྱིལ། །རིག་པའི་ཡེ་ཤེས་སྣ་ཚོགས་འཁོར། །རང་བཞིན་གཟུགས་བརྙན་ཏིང་ངེ་འཛིན། །བརྡ་དང་ཐ་སྙད་བསམ་མི་ཁྱབ། །བསྒྲུབ་བྱ་སྦྱང་བའི་གཞི་ཉིད་ནི། །སྐྱེ་གནས་བཞི་ལས་སྲིད་པས་ན། །ཚུལ་མཐུན་བསྐྱེད་པའི་རིམ་པ་བཞིས། །བློ་རིམ་རྟོགས་པ་བསྐྱེད་རིམ་མོ། །དེ་ཉིད་སྲིད་པ་བར་དོའོ། །ཤེས་རྫོགས་ཚུལ་གྱིས་སྟོན་པ་རྣམས། །མངོན་པར་སངས་རྒྱས་ཚུལ་བཞིན་དུ། །སྒྲུབ་བྱེད་དེ་ནི་རིམ་པར་འགྱུར། །རྟེན་གྱུར་ཐ་མལ་ཤེས་པའི་རྒྱུད། །མ་བཅོས་རང་བཞིན་རྣལ་མ་ལ། །ཐབས་དང་ཤེས་རབ་མཉམ་པར་སྦྱོར། །འདི་ནི་རྣལ་འབྱོར་མཆོག་གི་རྒྱུད། །འབད་རྩོལ་དམིགས་པ་མཚན་མར་བཅས། །མཚོན་དུ་ཡོད་པ་ཙམ་ཉིད་ཐབས། །དུས་གསུམ་མི་དམིགས་དེ་ཉིད་ཀྱང་། །བརྡ་ཐབས་བྱིན་གྱིས་བརླབ་པ་དང་། །གནད་དུ་མཚོན་པས་གང་རྟོགས་པ། །མ་མཐོང་ཤེས་པ་ཤེས་རབ་ཡིན། །བློ་དང་བློ་མིན་ཁྱད་པར་གྱིས། །དོན་དམ་ཀུན་རྫོབ་ཞེས་སུ་བསྟན། །རང་བཞིན་ཚོགས་པ་རྒྱུ་འབྲས་ཀྱིས། །ཆུ་དང་འོ་མ་དུ་བ་མེ། །རྟ་དང་སྐྱེས་བུ་ཇི་བཞིན་དུ། །ཐ་དད་གཅིག་པ་དབྱེར་མེད་དེ། །དཀྱིལ་འཁོར་ལྷ་དང་སྔགས་ལ་སོགས། །སྣང་དང་སྟོང་པ་ཐ་དད་མེད། །ཐམས་ཅད་རང་གི་ངོ་བོས་སྟོང་། །གསལ་བཅས་དེ་ཉིད་ཁོ་ནའོ། །གསང་བ་ ― DNG014_Page_0424 ―
[མ་དཔེ་གཟིགས་ན་འདིར་གནོན།]
ཞེས་བྱ་སྐུ་དང་གསུང་། །ཐུགས་ཀྱི་གསང་བ་མཐར་ཐུག་པ། །སྦས་པ་དང་ནི་དགོངས་པ་དང་། །སྒྲ་ཙམ་མིན་དང་ངེས་པའོ། །དེ་ནས་འཁོར་གྱིས་ཡང་ཞུས་པ། །ཀྱེ་མ་སྟོན་པ་ཀུན་ཏུ་བཟང་། །ལྷ་ཞེས་བྱ་བ་ཅི་ཞིག་ལགས། །དེ་བཞིན་སྔགས་ཀྱི་དོན་ཆེན་ཅི། །སྙིང་པོ་ཞེས་པ་ཇི་ལྟ་བུ། །ཏིང་འཛིན་ཞེས་པ་ཅི་ཕྱིར་གདགས། །གཞལ་མེད་ཁང་ཞེས་གང་ལ་བྱ། །མཆོད་པས་ཀྱང་ནི་ཅི་ཞིག་བྱ། །ཕྱག་རྒྱའི་མཚན་ཉིད་ཇི་ལྟ་བུ། །ཡེ་ཤེས་ཀྱང་ནི་གང་ཞིག་ལགས། །དབང་བསྐུར་ཞེས་པ་ཅི་ཕྱིར་བརྗོད། །ཕྲིན་ལས་བཤད་པའི་དོན་ཆེད་ཅི། །བཅོམ་ལྡན་འདས་ཀྱིས་བཀའ་སྩལ་པ། །མཐར་ཐུག་པ་དང་གནས་སྐབས་སུ། །ཕན་བྱེད་ནུས་པ་ལྷ་ཡིན་ནོ། །གང་ལས་ཤེས་དང་གང་ལས་སྐྱོབ། །ཤེས་ཤིང་སྐྱོབ་པ་སྔགས་ཀྱི་དོན། །ཡོན་ཏན་མཐར་ཐུག་གང་སྟོན་པ། །ཐབས་ཆེན་བཤད་པ་སྙིང་པོར་འགྱུར། །སྒྲིབ་མེད་ཡེ་ཤེས་མྱུར་དུ་རྫོགས། །ཏིང་ངེ་འཛིན་ཞེས་བྱ་བ་ཡིན། །རྒྱ་ཁྱོན་ཡོན་ཏན་ཚད་མེད་པས། །གཞལ་མེད་ཁང་པར་དེ་འགྱུར་རོ། །བསྒྲུབ་བྱ་སྒྲུབ་བྱེད་གང་མཉེས་པ། །དེ་ནི་ཀུན་གྱི་མཆོད་པ་ཡིན། །ཕྱི་ནང་གསང་བའི་ཆོས་རྣམས་ལ། །དེ་ཉིད་རྒྱས་བཏབ་ཕྱག་རྒྱའོ། །རྟོག་མེད་བདེ་དང་གསལ་བས་ཁྱབ། །གང་ལ་གནས་པ་ཡེ་ཤེས་ཡིན། །ལུས་ངག་ཡིད་ལ་ཉོན་མོངས་པའི། །དྲི་མ་འཁྲུད་བྱེད་དབང་དུ་བརྗོད། །ཞི་འཕེལ་ཆགས་དང་ཁྲོ་བོ་ཡིས། །བསམ་པ་གནས་འགྱུར་ཕྲིན་ལས་སོ། །དེ་ནས་འཁོར་གྱིས་ཡང་ཞུས་པ། །བྱང་ཆུབ་སེམས་ཆེན་ཇི་ལྟར་ལགས། །རིག་པ་འཛིན་པའི་སྐྱེས་བུ་ཅི། །སངས་རྒྱས་ཞེས་པ་གང་ཞིག་ལགས། །དེ་དོན་བལྟ་བ་ཇི་ལྟ་བུ། །བསྒོམ་པར་བྱ་བ་ཅི་ཞིག་ལགས། །སྤྱོད་པ་སྤྱད་པ་ཇི་ཙམ་ཞིག །དམ་ཚིག་ནོད་པ་གང་ལ་བྱ། །བསྙེན་པ་ཞེས་པའི་དགོས་པ་ཅི། །སྒྲུབ་པ་ཡིས་ནི་ཅི་ཞིག་འགྲུབ། །རྒྱས་གདབ་ཀུན་ནི་ཇི་ལྟར་འཚལ། །བཅོམ་ལྡན་འདས་ཀྱིས་བཀའ་སྩལ་པ། །མ་སྐྱེས་མ་འགགས་ཞི་བར་གནས། །ངོ་བོ་དངོས་མིན་གཏེར་ ― DNG014_Page_0425 ―
[མ་དཔེ་གཟིགས་ན་འདིར་གནོན།]
ཆེན་མཆོག །སྙིང་རྗེ་སྟོང་པ་དབྱེར་མི་ཕྱེད། །འདི་ནི་བྱང་ཆུབ་སེམས་ཆེན་ཡིན། །ལུས་ངག་ཡིད་གསུམ་ངང་གིས་དྲིལ། །མི་ཕྱེད་དོན་གྱི་རྡོ་རྗེ་དེ། །ཆོས་ཀུན་རིག་པའི་རྗེས་སུ་གནས། །དེ་ནི་འཛིན་བྱེད་སྐྱེས་བུར་འགྱུར། །ཇི་སྙེད་དོན་བྱ་བྲ་ཡང་བྱ་ཀུན་སྤངས་ནས། །བླང་བྱ་མ་ལུས་རབ་ཏུ་བརྙེས། །མ་རིག་ཐིབ་པོ་རབ་སད་ཅིང་། །དགོངས་པས་ཤེས་བྱ་རབ་ཏུ་རྒྱས། །དེ་ལ་ཚུལ་བཞིན་མ་ནོར་མཐོང་། །ཡང་དག་དོན་རྟོགས་བལྟ་བའོ། །ཕྱི་རོལ་དོན་གྱི་རྟོག་པ་ལེགས། །ཉོན་མོངས་ཕྲ་བ་ཙམ་གྱིས་ཀྱང་། །མི་བརྫི་གོམས་སྟོབས་སྐྱེད་བྱེད་པ། །མཐོང་བ་ཉིད་ལ་བསྒོམ་པའོ། །དང་པོའི་ལས་དང་བསྒོམ་པ་དང་། །བརྟུལ་ཞུགས་འཆང་དང་མཉམ་གཞག་དང་། །རང་གི་སེམས་ལ་གང་སྤྱོད་པ། །མི་སྤྱད་མ་མཐོང་དེ་སྤྱོད་ཡིན། །རིན་ཆེན་ས་གཞི་བཟང་ལྟ་བུ། །སྐྱོན་མེད་གཞན་བསྐྱེད་ནུས་པར་ལྡན། །ཉེས་པའི་རྩ་བ་ངེས་པར་སྤོང་། །མི་འགལ་སྟོན་པ་དམ་ཚིག་གོ། །སངས་རྒྱས་ཀུན་གྱི་ཐབས་ཆེན་གསང་། །བརྩམ་ཞིང་ཕན་འདོགས་མ་རུངས་འདུལ། །བསོད་ནམས་ཚོགས་དང་བསྐྱེད་རིམ་འདྲེལ། །བསྒྲུབ་བྱ་ཉེར་གྱུར་བསྙེན་པ་སྟེ། །མཆོག་གྱུར་པ་དང་ཐུན་མོང་ལས། །དཀྱིལ་འཁོར་གསུམ་འཕྲོས་ཆེར་བསྒྲུབ་པའོ། །རྒྱུ་དང་འབྲས་བུ་ཕན་ཚུན་དུ། །སྐུ་གསུང་ཐུགས་ཀྱི་རྡོ་རྗེ་ཡིས། །ཐ་དད་གཅིག་ཏུ་གང་བསྡུས་ནས། །གཅིག་གིས་གཅིག་གསལ་རྒྱས་འདེབས་སོ། །དེ་ནས་འཁོར་གྱིས་ཡང་ཞུས་པ། །འདོད་ཆགས་ཞེ་སྡང་གཏི་མུག་ཅི། །སྙིང་རྗེ་ཞེས་པ་གང་ཞིག་ལགས། །སེམས་ཅན་དོན་དུ་ཇི་ལྟར་སྤྱད། །རིག་པའི་བརྟུལ་ཞུགས་ཇི་ལྟར་སྤྱད། །ཟུང་དུ་འཇུག་པའི་སྤྱོད་པ་གང་། །བདག་ཉིད་ཇི་ལྟར་བྱིན་གྱིས་བརླབ། །བཟླས་པའི་རྣལ་འབྱོར་ཇི་ལྟ་བུ། །དངོས་གྲུབ་ཞེས་ནི་གང་ལ་བྱ། །ཚེ་འདིའི་འགྲུབ་ཚུལ་ཇི་ལྟར་འབྱུང་། །བར་མ་དོར་ནི་སུ་ཞིག་གྲོལ། །སྐྱེ་བར་བརྒྱུད་ལ་ཐོགས་པ་གང་། །བཅོམ་ལྡན་འདས་ཀྱིས་བཀའ་སྩལ་པ། །འདོད་ཆགས་སོ་སོར་རྟོག་པ་སྟེ། །ཞེ་སྡང་གསལ་བའི་ཡེ་ཤེས་ཏེ། །གཏི་མུག་ཆོས་དབྱིངས་སྣང་བའོ། །ཉོན་མོངས་ ― DNG014_Page_0426 ―
[མ་དཔེ་གཟིགས་ན་འདིར་གནོན།]
ཡེ་ཤེས་དེ་བཞིན་ནོ། །སེམས་ཅན་ཆོས་དང་དམིགས་མེད་ཀྱིས། །སྙིང་རྗེ་གསུམ་ལས་ཡོངས་མི་འདའ། །སྦྱོར་བ་གོམས་པ་བརྟན་བྱས་ནས། །གསད་གསོ་སྦྱིན་དང་སྙན་པ་དང་། །བཞི་ཡིས་རྣམ་བསྡུ་ཁམས་གསུམ་གྱི། །བདག་ཏུ་སྐད་ཅིག་ཙམ་གྱིས་འགྱུར། །དེ་ནི་སངས་རྒྱས་ཐམས་ཅད་ཀྱི། །རིག་པའི་བརྟུལ་ཞུགས་བླ་ན་མེད། །གང་ལ་བསྔགས་པའི་འཁོར་བ་དང་། །མི་འབྲལ་མི་སྤང་དམ་ཚིག་ཡིན། །དོན་དམ་ཀུན་རྫོབ་ཐབས་ཤེས་རབ། །སྣང་ཞིང་སྟོང་པ་འཁོར་བ་དང་། །མྱ་ངན་འདས་ལ་སོགས་པའི་ཆོས། །ཐམས་ཅད་དབྱེར་མེད་ཟུང་འཇུག་གོ། །རང་གིས་རང་རིག་ཡེ་ཤེས་དེ། །རིག་མཐོང་རྟོགས་པས་རང་བྱིན་བརླབ། །འགོག་པའི་རྡོ་རྗེ་དབུགས་དབྱུང་རྔུབ། །འཇུག་གནས་ལྡང་བ་ཁྱད་པར་གྱིས། །འབྲུ་གསུམ་རང་གི་ངོ་བོར་གནས། །ཀུན་རྫོབ་པ་ལ་བཟླས་པ་ཡིན། །མངོན་ཤེས་དྲུག་སོགས་ཐུན་མོང་སྟེ། །བྱང་ཆུབ་རྡོ་རྗེ་མཆོག་ཡིན་ནོ། །སྨིན་དང་གྲོལ་བས་མཐུ་སྟོབས་རྫོགས། །མངོན་དུ་གྱུར་པས་ཚེ་འདིར་བསྒྲུབ། །ལེ་ལོ་དང་བཅས་བར་མ་དོ། །ཤིན་ཏུ་སོ་སོས་སྐྱེ་བ་བགྲང་། །དེ་ནས་འཁོར་གྱིས་ཡང་ཞུས་པ། །དེ་དག་བསྒྲུབ་པའི་ཐབས་གང་ལགས། །དེ་ཡི་དངོས་ཉིད་ཇི་ལྟ་བུ། །སོ་སོ་འདོར་བའི་རྟོགས་པ་གང་། །བསམ་གཏན་ཞེས་པ་ཇི་ལྟ་བུ། །རླུང་གི་རྣལ་འབྱོར་ཇི་ལྟར་ལགས། །དེ་ཉིད་འཛིན་པ་གང་ལ་གནས། །རྗེས་སུ་དྲན་པའི་ཡན་ལག་གང་། །ཏིང་ངེ་འཛིན་དུ་གང་ཞིག་བཤད། །བཅོམ་ལྡན་འདས་ཀྱིས་བཀའ་སྩལ་པ། །རབ་ཏུ་བསྙེན་པའི་ཆོ་ག་དང་། །ཉེ་བར་བསྒྲུབ་དང་དེ་བཞིན་ཚེ། །ཕྲིན་ལས་སྤྱོད་པས་ཐབས་སུ་འགྱུར། །བྱང་ཆུབ་སེམས་གཞི་སྟོང་པ་དང་། །ས་བོན་ཚུལ་དུ་ངེས་འབྱུང་ཞིང་། །གཟུགས་རྟགས་ཡི་གེ་མཚན་མར་བཅས། །ཐབས་དངོས་ཐུན་མོང་ཉིད་དུ་འགྱུར། །མཆོག་ཏུ་གྱུར་པ་འདི་ལྟ་སྟེ། །ཕྱི་ནང་དབང་པོ་ཡུལ་གྲུབ་པ། །རང་གནས་ཤེས་པས་སོ་སོར་འདོར། །སྙོམས་འཇུག་ཐམས་ཅད་བྱིན་གྱིས་རློབས། །རྟོག་སྤྱོད་དགའ་ ― DNG014_Page_0427 ―
[མ་དཔེ་གཟིགས་ན་འདིར་གནོན།]
བདེ་རྩེ་གཅིག་ཉིད། །གསང་བྱུང་ཡང་བཅུ་རབ་སྦྱོར་སྤྲོ་དང་བསྡུ། །རང་ཤེས་རིག་ཅིང་དེ་ཟད་པས། །དངོས་གཞི་མངོན་ཤེས་ལྔ་ལ་དབང་། །ཡེ་ཤེས་ལྔ་ཡི་རང་བཞིན་རླུང་། །འབྱུང་བ་ལྔ་དང་ཚུལ་འདྲར་སྣང་། །གང་བུ་སྣོམ་བྱེད་རྩེ་ལ་བཞག །རང་གཞན་བྱང་ཆུབ་སེམས་དཔར་སྣང་། །རང་གི་སྙིང་པོ་གནས་སུ་བསམ། །དབང་པོར་ལམ་བསྲུངས་ཟླུམ་པོར་བཀོད། །གཟུང་བྱ་དྲི་མ་དང་བྲལ་བས། །དེ་ཉིད་ཡེ་ཤེས་སེམས་དཔར་གསལ། །མི་འགྱུར་བྱང་ཆུབ་སེམས་བསྒོམས་པས། །མཚན་མ་ལྔ་བསྟན་སྲོག་གི་ལམ། །ནམ་མཁའི་ཁམས་ལ་སོ་སོར་བསྟན། །འོད་ཀྱི་དཀྱིལ་འཁོར་སྣང་བ་ཡིན། །ཐབས་དང་ཤེས་རབ་དབྱེར་མེད་པའི། །དངོས་བསྡུ་གཟུགས་ཀྱི་ནང་དུ་བསམ། །སྐད་ཅིག་མ་ཡི་ཡེ་ཤེས་གསལ། །སྒྲིབ་པ་མ་ལུས་སེལ་བར་བྱེད། །དེ་ནས་འཁོར་གྱིས་ཡང་ཞུས་པ། །རང་རིག་བྱང་ཆུབ་སེམས་ནི་གང་། །དེ་ཡི་རྒྱུ་ནི་ཇི་ལྟ་བུ། །གང་ཞིག་གིས་ནི་རྐྱེན་དུ་འགྱུར། །འབྲས་བུ་འདོད་པ་ཇི་ལྟར་འགྲུབ། །འབྱུང་བའི་དུས་ནི་ཇི་ཙམ་ན། །ཚུལ་ནི་ཇི་ལྟར་འབྱུང་བར་འགྱུར། །ངེས་པར་འགྲུབ་པར་བྱེད་པ་གང་། །ཉེ་བར་མཚོན་པའི་དཔེ་གང་ཡིན། །དགོས་པ་ཡང་ནི་ཅི་ཞིག་ལགས། །མཚན་ཉིད་མཚོན་ཚུལ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །གཞི་དང་ངོ་བོ་མཚན་ཉིད་རྣམས། །མ་ལུས་ལྷུན་གྱིས་གྲུབ་བདག་ཉིད། །མཐའ་བྲལ་མ་སྤངས་མ་ཐོབ་པ། །སྒྲོ་སྐུར་དང་བྲལ་བྱང་ཆུབ་སེམས། །ལྷན་ཅིག་སྐྱེས་དང་བདག་ཏུ་བལྟ། །ཀུན་ཏུ་བརྟགས་པའི་ཆོ་འཕྲུལ་གྱིས། །ཉོན་མོངས་ཉེར་ལེན་མཚུངས་པར་ལྡན། །བག་ཉལ་ཀུན་ལྡང་རྒྱུ་ཡིན་ནོ། །ལྷན་ཅིག་བྱེད་རྐྱེན་བསོད་ནམས་དང་། །དེ་མ་ཡིན་དང་མི་གཡོའི་ལས། །ལེགས་ཉེས་ཕྲ་རགས་མང་ཉུང་གིས། །མྱ་ངན་འདས་དང་འཁོར་བར་སྦྱར། །འབྲས་བུ་ལུས་དང་ལོངས་སྤྱོད་དང་། །ཆོས་དང་འཕེན་པའི་སྐལ་བ་ཡིས། །ཇི་ལྟར་བསམས་དང་སྨོན་ལམ་དང་། །འཇུག་པའི་ལས་ཀྱི་ཁྱད་པར་བྱེད། །དུས་ནི་དུས་གསུམ་ཐམས་ཅད་དུ། །འཁྲུལ་དང་མ་འཁྲུལ་གནས་དེ་ཉིད། །འདོད་དང་མི་ ― DNG014_Page_0428 ―
[མ་དཔེ་གཟིགས་ན་འདིར་གནོན།]
འདོད་ལ་སོགས་པའི། །གནས་སྐབས་སོ་སོར་འབྱུང་བའོ། །ཚུལ་ནི་ཡང་དག་ལོག་པ་དང་། །ངེས་དང་མ་ངེས་སྣང་མི་སྣང་། །སྣ་ཚོགས་ཀྱིས་ནི་བྲལ་བ་དང་། །ཐོབ་པའི་བདེ་སྡུག་ཐ་དད་མྱོང་། །མ་བཅོས་རྒྱུན་གྱི་སྐད་ཅིག་མ། །གཅིག་གིས་དུས་གསུམ་དུས་མེད་པར། །རྟོགས་དང་མ་རྟོགས་ཕྱོགས་གཅིག་གིས། །ཀུན་ལ་ཁྱབ་པ་ངེས་པར་འགྲུབ། །རྩ་མེ་འཁོར་ལོ་ལ་སོགས་བཞིན། །རིན་ཆེན་རྒྱུར་བྱེད་སྟོང་སྒྲ་དང་། །གསལ་དྲི་མ་གཡོས་སྣ་ཚོགས་ལུས། །མཚོན་པ་དཔེ་ཡི་ཉེ་ཕྱོགས་ཡིན། །རང་གི་ངོ་བོ་ཐོག་མ་ཡིན། །རྣམ་པར་རྟོག་བྲལ་རྣལ་འབྱོར་ཏེ། །རྟེན་སོགས་རྒྱུ་འབྲས་འགོག་པ་ལ། །ལོག་པ་དགག་པའི་གོལ་བའོ། །གཅིག་དང་དུ་མར་འཛིན་པ་དང་། །མཐའ་བརྒྱད་བྲལ་བའི་བདག་ཉིད་ཅན། །བརྡ་ཐབས་བྱིན་རླབས་གཏན་ཚིགས་ཀྱིས། །ཉམས་སུ་མྱོང་བས་མཚན་ཉིད་ཤེས། །དེ་ནས་འཁོར་གྱིས་ཡང་ཞུས་པ། །རྒྱུད་རྣམས་ཀྱི་ནི་སྟོན་པ་གང་། །དེ་དག་གནས་ཀྱང་ཅི་འདྲ་ཞིག །དེ་བཞིན་ཐུགས་ཀྱི་ཁྱད་པར་གང་། །འཁོར་གྱི་མཚན་ཉིད་ཇི་ལྟ་བུ། །དུས་ནི་ཇི་ཙམ་ཞིག་ན་འབྱུང་། །རིག་པའི་རྗེས་འཛིན་ཇི་ལྟ་བུ། །གླེང་སློང་ཞེས་བྱ་གང་ཞིག་ལགས། །དོན་དུ་གཉེར་བ་གང་ལ་བྱ། །དེ་དག་བྱེ་བྲག་དབྱེ་བ་གང་། །ལམ་གྱི་ཡན་ལག་གང་གིས་བསྡུ། །བཅོམ་ལྡན་འདས་ཀྱིས་བཀའ་སྩལ་པ། །ཀུན་ཏུ་བཟང་པོ་དོན་གྱི་མཆོག །སྐྱོན་མེད་ཐམས་ཅད་འདུས་པ་ཡིན། །ལྔ་དྲུག་གཅིག་གཉིས་གསུམ་བཞིས་བསྡུས། །གདུལ་བྱའི་རིགས་ལ་སྣ་ཚོགས་སྣང་། །གསང་བའི་བྷ་ག་ནམ་མཁའི་ཁམས། །མཐའ་བྲལ་བསམ་མི་ཁྱབ་ལ་བཞུགས། །སྐལ་ཡོད་སྐྱེས་བུའི་རིགས་ཀུན་ལ། །ངེས་དང་མ་ངེས་ལྔ་དང་ལྡན། །ཐུགས་ཀྱི་ཁྱད་པར་བྱེ་བྲག་མེད། །མ་བསྟན་མ་གསུངས་པར་གནས་ཀྱང་། །ཐ་དད་སྐུ་དང་གསུང་གི་ཚོགས། །བདག་ལ་ཉེ་བར་སྟོན་པར་མཐོང་། །ཉན་པ་པོ་ནི་དུས་གསུམ་གྱི། །སངས་རྒྱས་བྱང་ཆུབ་སེམས་དཔའ་དང་། ། ― DNG014_Page_0429 ―
[མ་དཔེ་གཟིགས་ན་འདིར་གནོན།]
ཉན་ཐོས་རང་རྒྱལ་ལྷ་ལ་སོགས། །རིམ་བཞིན་རང་ལ་བསྟན་པ་འཁོར། །དུས་དང་བྲལ་བའི་དུས་གསུམ་ཉིད། །དུས་བཞི་མཉམ་པ་ཉིད་དུ་སྦྱོར། །རྫོགས་གཉིས་གསུམ་དང་རྩོད་པ་ལ། །གང་རིགས་ཐ་དད་སོ་སོར་འབྱུང་། །ཇི་ལྟར་མོས་པ་དེ་ཡིས་འདུལ། །དེ་ནས་རིག་པ་འཛིན་པ་དག །ཕྱི་ནང་གསང་བའི་ཚུལ་གྱིས་ཏེ། །ཉན་ཐོས་བྱང་ཆུབ་སེམས་དཔའ་དང་། །བརྟུལ་ཞུགས་འཛིན་པའི་ཚུལ་གྱིས་ཏེ། །ཅིག་ཆར་རིམ་དང་ཐོད་རྒལ་དང་། །དམན་དང་མཆོག་དང་བར་མ་དང་། །རྒྱུ་དང་ལམ་དང་འབྲས་བུའི་ཚུལ། །ལས་དང་མོས་པ་སྤྱོད་པ་དང་། །ལམ་གྱི་ས་ཡིས་ཡོན་ཏན་བསྡུས། །དང་པོ་པ་དང་ཀུན་ཏུ་སྤྱོད། །བརྟུལ་ཞུགས་དང་ནི་མཉམ་གཞག་གིས། །རིག་པ་འཛིན་པའི་སྤྱོད་པ་བསྡུས། །མཐར་ཐུག་པ་ནི་ཐུན་མོང་ཡིན། །རྒྱུད་ཀུན་གྱི་ནི་གླེང་བསླང་བ། །ཨེ་བཾ་མ་ཡཱ་ཤྲུ་ཏ་བྷ་ག་བཱ་ན་ཀཱ་ཡ་བཱ་ཀ་ཙིཏྟ་སཾ་མུ་དི་ཏ། བཛྲ་མ་ན་ཏ་ཡང་བ་ན་ཏ། འདི་ཉིད་ཀྱི་ནི་སྒྲས་བརྗོད་པའི། །ཡོན་ཏན་མ་ལུས་གླེང་གཞིའོ། །དེ་ཡིས་གླེང་བསླང་ཉིད་དུ་འགྱུར། །གཞི་དང་ལམ་དང་འབྲས་བུ་དག །འདི་ཡི་དོན་དུ་གཉེར་བྱ་ཡིན། །ཤེས་བྱ་གཤིས་དང་ལམ་གང་ཟག །ཐོབ་བྱ་འབྲས་བུ་དག་གིས་དབྱེ། །བསོད་ནམས་དང་ནི་ཡེ་ཤེས་ཀྱི། །ཚོགས་དང་སྨིན་དང་གྲོལ་བ་དང་། །བསྐྱེད་དང་རྫོགས་དང་ཤིན་ཏུ་རྫོགས། །རྣལ་འབྱོར་གསུམ་གྱིས་རབ་ཕྱེ་བའི། །ལམ་གྱི་ཡན་ལག་རབ་ཏུ་བསྡུས། །མ་འོངས་པ་ཡི་དུས་དག་ཏུ། །བྱང་ཆུབ་སེམས་དཔའ་ཚུལ་ཆེན་པོ། །དཔའ་བོ་སྐྱེས་མཆོག་འཇིག་རྟེན་མགོན། །བསམ་སྦྱོར་ཕུན་སུམ་ཚོགས་པ་ཡིས། །དུས་གསུམ་སངས་རྒྱས་ཡབ་ཀྱི་གདུང་། །ལེགས་འཛིན་བསམ་གྱིས་མི་ཁྱབ་པ། །ཇི་ལྟར་འབྱུང་བ་གསུངས་པ་ཡིས། །ཐེ་ཚོམ་མེད་པར་དོན་བསྒྲུབ་འགྱུར། །ཞེས་བཀའ་སྩལ་པས། ཕྱོགས་བཅུ་དང་དུས་གསུམ་གྱི་དེ་བཞིན་གཤེགས་པ་དང་། བྱང་ཆུབ་སེམས་དཔའ་མ་ལུས་པ་ཐུགས་ཀྱི་དགོངས་པ་གཅིག་ཏུ་བསྡུས་པས། ཁམས་ ― DNG014_Page_0430 ―
[མ་དཔེ་གཟིགས་ན་འདིར་གནོན།]
གསུམ་དང་འགྲོ་བ་རིགས་དྲུག་ཏུ་སྣང་བའི་སེམས་ཅན་གྱི་ཁམས་དཔག་ཏུ་མེད་པའི་དོན་བསྒྲུབ་ཅིང་མ་གྲོལ་བ་རྣམས་གྲོལ་བ་དང་། མ་བསྒྲལ་བ་རྣམས་བསྒྲལ་བ་དང་། དབུགས་མ་ཕྱིན་པ་རྣམས་དབུགས་དབྱུང་བ་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་འདའ་བའི་ཕྱིར་བརྩོན་པར་སྤྱོད་ཅིང་གནས་པར་བཞུགས་སོ། །ཕྱོགས་བཅུའི་སངས་རྒྱས་ཐམས་ཅད་ཀྱི་བསྟན་པའི་ཚུལ་ཉེ་བར་སྤྱད་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དེ་ཉིད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་གསང་བ་འདི་དག་ཉིད་ཀྱི་སྐུ་གསུང་ཐུགས་ཀྱི་རྡོ་རྗེ་ལས་ཕྱུང་ངོ་། །ཨོཾ་ཧཱུཾ་ཏྲཱཾ་ཧྲཱྀཿཧཱ། ཨོཾ་ཧཱུཾ་ཨོཾ་ཛི་ན་ཛིཀ །ཧཱུཾ་བཛྲ་དྷྲྀཀ །སྭཱ་རཏྣ་དྷྲྀཀ །ཨཾ་ཨཱ་རོ་ལིཀ །ཧཱ་པྲཛྙཱ་དྷྲིཀ །མུཾ་ལཱཾ་མཱཾ་པཱཾ་ཏཱཾ། ཨཾ་ཧཱུཾ་མཱུཾ་དྷྲ་ཏྭཱི་ཤྭ་རཱི། ལཱཾ་དྭེ་ཥ་ར་ཏི། མཱཾ་མོ་ཧ་ར་ཏི། པཱཾ་རཱ་ག་ར་ཏི། ཏཱཾ་བཛྲ་ར་ཏི། ཨོཾ་བཻ་རོ་ཙ་ཎ་ཧཱུཾ། ཨོཾ་བཛྲ་ཨ་ཀྵོ་བྷྱ་ཧཱུཾ། ཨོཾ་རཏྣ་སཾ་བྷ་ཝ་ཏྲཱཾ་ཧཱུཾ། ཨོཾ་ཨ་མི་ཏ་བྷཱ་ཧྲཱྀཿཧཱུཾ། ཨོཾ་ཨ་མོ་གྷ་སིདྡྷི་ཧཱ། ཨོཾ་ས་མནྟ་བྷ་དྲ་ཧཱུཾ། ཨོཾ་བུཌྜྷ་ལོ་ཙ་ན་ཧཱུཾ། ཨོཾ་པཎྜ་ར་པ་ས་ན་ཧཱུཾ། ཨོཾ་མཱ་མ་ཀཱི་དྷརྨ་ཧཱུཾ། ཨོཾ་ས་མ་ཡ་ཏཱ་རཱ་ཧཱུཾ། ཨེ་མ་སངས་རྒྱས་ཀུན་གྱི་བདག །མ་བཅོས་རང་གི་ངོ་བོ་ཉིད། །བསམ་གྱིས་མི་ཁྱབ་ཡེ་ཤེས་ཚོགས། །གཏི་མུག་རྣམ་དག་རྒྱལ་པོ་ཆེ། །ཨོཾ། ཨེ་མ་རང་བྱུང་བདེ་ཆེན་ཐུགས་ཀྱི་མཆོག །བདུད་ལས་རྒྱལ་བའི་འབྱུང་གནས་ཏེ། །ཞེ་སྡང་མི་འགྱུར་ལོངས་སྤྱོད་ལྡན། །ཧཱུཾ། ཨེ་མ་ཡོན་ཏན་རིན་ཆེན་དམ་པའི་གཏེར། །ཡིད་བཞིན་འབྱུང་བ་ཟད་མི་ཤེས། །རེ་སྐོང་ནམ་མཁའི་ཏིང་འཛིན་མཛོད། །ང་རྒྱལ་རང་གནས་ཆེ་བའི་མཆོག །ཏྲཱཾ། ཨེ་མ་རྣམ་དག་གསུང་ནི་མཐའ་ལས་འདས། །དྲི་མེད་ནམ་མཁའ་ལྟ་བུར་གྲགས། །སྐྱོན་བྲལ་ཆོས་ཀྱི་ཡི་གེར་སྣང་། །འདོད་ཆགས་སྐྱོན་བྲལ་བླ་ན་མེད། །ཧྲཱྀཿ། ཨེ་མ་དམ་ཚིག་དོན་རྣམས་ཀུན་སྒྲུབ་པའི། །ཉོན་མོངས་སྲིད་འཇོམས་མཐར་འབྱིན་པ། །ཕྲིན་ལས་ཆེན་པོ་རྫོགས་མཛད་པའི། །ཕྲག་དོག་ལས་ཀྱི་རྩོལ་བ་ ― DNG014_Page_0431 ―
[མ་དཔེ་གཟིགས་ན་འདིར་གནོན།]
བྲལ། །ཧཱ། ཞེས་ཆེད་དུ་བརྗོད་པས་ཆེད་དུ་བརྗོད་པ་མཛད་ནས། དཀྱིལ་འཁོར་གྱི་གཙོ་བོ་དམ་པར་དབང་བསྐུར་རོ། །དེ་ནས་རིགས་སོ་སོའི་དཀྱིལ་འཁོར་གྱི་འཁོར་ལོ་རྣམས་ཀྱང་རང་རང་གི་སྙིང་པོ་དེ་ཁོ་ན་ཉིད་ཀྱིས་ཕྱུང་བ་ནི། ཨོཾ་བཛྲ་ས་མནྟ་བྷ་དྲ་ཧཱུཾ། ཀུན་ཏུ་བཟང་པོའི་སྙིང་པོའོ། །ཨོཾ་བཛྲ་དྷ་ཏྭཱི་ཤྭ་རཱི་ཧཱུཾ། རྡོ་རྗེ་དབྱིངས་ཕྱུག་མའི་སྙིང་པོའོ། །ཨོཾ་བཛྲ་སཏྭ་ཧཱུཾ། རྡོ་རྗེ་སེམས་དཔའི་སྙིང་པོའོ། །ཨོཾ་བཛྲ་རཱ་ཛ་ཧཱུཾ། རྡོ་རྗེ་རྒྱལ་པོའི་སྙིང་པོའོ། །ཨོཾ་བཛྲ་རཱ་ག་ར་ཏི་ཧཱུཾ། རྡོ་རྗེ་ཆགས་པའི་སྙིང་པོའོ། །ཨོཾ་བཛྲ་སཱ་དྷུ་ཧཱུཾ། རྡོ་རྗེ་ལེགས་པའི་སྙིང་པོའོ། །ཨོཾ་བཛྲ་ལཱ་སྱེ་ཧཱུཾ། རྡོ་རྗེ་སྒེག་མོའི་སྙིང་པོའོ། །ཨོཾ་བཛྲ་དྷཱུ་པེ་ཧཱུཾ། རྡོ་རྗེ་བདུག་པ་མའི་སྙིང་པོའོ། །ཨོཾ་བཛྲ་ཨཾ་ཀུ་ཤ་ཛཿཧཱུཾ། རྡོ་རྗེ་འགུགས་མའི་སྙིང་པོའོ། །ཨོཾ་བཛྲ་དཱི་པ་ཤ་ར་ཏི་ཧཱུཾ། རྡོ་རྗེ་མེ་སྒྲོན་སྙིང་པོའོ། །ཨོཾ་མཉྫུ་ཤྲཱི་ཀུ་མཱ་ར་མུ་ལ་ཏྲཱཾ་ཧཱུཾ། འཇམ་དཔལ་གཞོན་ནུའི་སྙིང་པོའོ། །ཨོཾ་རཏྣ་དྷ་རཱ་ཧཱུཾ། རྡོ་རྗེ་དབྱིངས་ཕྱུག་མའི་སྙིང་པོའོ། །ཨོཾ་བཛྲ་རཏྣ་ཧཱུཾ་ཧཱུཾ། རྡོ་རྗེ་རིན་ཆེན་གྱི་སྙིང་པོའོ། །ཨོཾ་བཛྲ་སཱུརྻ་ཏྲཱཾ་ཧཱུཾ། རྡོ་རྗེ་གཟི་བརྗིད་ཀྱི་སྙིང་པོའོ། །ཨོཾ་བཛྲ་ཀེ་ཏུ་ཧྲཱྀཿཧཱུཾ། རྡོ་རྗེ་རྒྱལ་མཚན་གྱི་སྙིང་པོའོ། །ཨོཾ་བཛྲ་ཧཱ་ས་ཧཱ་ཧཱུཾ། རྡོ་རྗེ་བཞད་པའི་སྙིང་པོའོ། །ཨོཾ་མཱ་ལེ་ཧཱུཾ་ཧཱུཾ། རྡོ་རྗེ་ཕྲེང་བ་མའི་སྙིང་པོའོ། །ཨོཾ་བཛྲ་པུཥ྇་ཏྲཱཾ་ཧཱུཾ། རྡོ་རྗེ་མེ་ཏོག་མའི་སྙིང་པོའོ། །ཨོཾ་བཛྲ་པཱ་ཤ་ཧྲཱྀཿཧཱུཾ། རྡོ་རྗེ་ཞགས་པ་མའི་སྙིང་པོའོ། །ཨོཾ་བཛྲ་སུ་ཁ་ཧཱ་ཧཱུཾ། རྡོ་རྗེ་བདེ་བ་མའི་སྙིང་པོའོ། །ཨོཾ་ལོ་ཀེ་ཤྭ་རཱ་ཡ་ཧཱུཾ། སྤྱན་རས་གཟིགས་ཀྱི་སྙིང་པོའོ། །ཨོཾ་པདྨ་བྷ་རཱ་ཧཱུཾ། པདྨ་དབྱིངས་ཕྱུག་མའི་སྙིང་པོའོ། །ཨོཾ་བཛྲ་དྷརྨ་ཧཱུཾ་ཧཱུཾ། རྡོ་རྗེ་ཆོས་ཀྱི་སྙིང་པོའོ། །ཨོཾ་བཛྲ་ཏཱིཀྵྞ་ཏྲཱཾ་ཧཱུཾ། རྡོ་རྗེ་རྣོན་པོའི་སྙིང་པོའོ། །ཨོཾ་བཛྲ་བ་ཤ་ཧྲཱྀཿཧཱུཾ། རྡོ་རྗེ་སྨྲ་བའི་སྙིང་པོའོ། །ཨོཾ་བཛྲ་ཙཀྲ་ཧཱ་ཧཱུཾ། རྡོ་རྗེ་འཁོར་ལོའི་སྙིང་པོའོ། །ཨོཾ་བཛྲ་གཱི་ཏི་ཧཱུཾ་ཧཱུཾ། རྡོ་རྗེ་དབྱངས་མཁན་མའི་སྙིང་པོའོ། །ཨོཾ་བཛྲ་ཨཱ་ལོ་ཀེ་ཏྲཱཾ་ཧཱུཾ། རྡོ་རྗེ་མར་མེ་མའི་སྙིང་པོའོ། །ཨོཾ་བཛྲ་སྥོ་ཊ་ཧྲཱྀཿཧཱུཾ། རྡོ་རྗེ་ལྕགས་སྒྲོག་མའི་སྙིང་པོའོ། །ཨོཾ་རཱ་ག་ར་ཏི་ཧྲཱྀཿཧཱུཾ། རྡོ་རྗེ་ ― DNG014_Page_0432 ―
[མ་དཔེ་གཟིགས་ན་འདིར་གནོན།]
གསལ་སྒྲོན་མའི་སྙིང་པོའོ། །ཨོཾ་བཛྲ་པཱ་ཎི་ས་མནྟ་ཧཱུཾ། ལག་ན་རྡོ་རྗེའི་སྙིང་པོའོ། །ཨོཾ་བཛྲ་ཀརྨ་དྷ་རཱ་ཧཱུཾ། རྡོ་རྗེ་དབྱིངས་ཕྱུག་མའི་སྙིང་པོའོ། །ཨོཾ་བཛྲ་ཀརྨ་ཧཱུཾ་ཧཱུཾ། རྡོ་རྗེ་ལས་ཀྱི་སྙིང་པོའོ། །ཨོཾ་བཛྲ་རཀྵ་ཏྲཱཾ་ཧཱུཾ། རྡོ་རྗེ་སྲུང་བའི་སྙིང་པོའོ། །ཨོཾ་བཛྲ་ཡཀྵ་ཧྲཱྀཿཧཱུཾ། རྡོ་རྗེ་གནོད་སྦྱིན་གྱི་སྙིང་པོའོ། །ཨོཾ་བཛྲ་སནྟི་ཧཱ་ཧཱུཾ། རྡོ་རྗེ་ཁུ་ཚུར་གྱི་སྙིང་པོའོ། །ཨོཾ་བཛྲ་ནཱིརྟི་ཧཱུཾ་ཧཱུཾ། རྡོ་རྗེ་གར་སྒྱུར་མའི་སྙིང་པོའོ། །ཨོཾ་བཛྲ་གནྡྷ་ཏྲཱཾ་ཧཱུཾ། རྡོ་རྗེ་བྱུག་པ་མའི་སྙིང་པོའོ། །ཨོཾ་བཛྲ་གྷཎྜ་ཧྲཱྀཿཧཱུཾ། རྡོ་རྗེ་དྲིལ་བུ་མའི་སྙིང་པོའོ། །ཨོཾ་བཛྲ་ཨཱ་བེ་ཤ་ཡ་ཧཱ་ཧཱུཾ། རྡོ་རྗེ་འབེབས་མའི་སྙིང་པོའོ། །ཨོཾ་བཛྲ་ཀྵྀ་ཏི་གརྦྷཱ་ཡ་ཧཱུཾ། སའི་སྙིང་པོའི་སྙིང་པོའོ། །ཨོཾ་བཛྲ་སུ་ཁ་ནིརྟི་ཧཱུཾ། བདེ་བ་རྒྱས་འདེབས་མའི་སྙིང་པོའོ། །ཨོཾ་དྷརྨ་ཀེ་ཏུ་ཧཱུཾ་ཧཱུཾ། ཆོས་ཀྱི་རྒྱལ་མཚན་གྱི་སྙིང་པོའོ། །ཨོཾ་རཱ་ཛེ་ཤྭ་རཱ་ཡ་ཏྲཱཾ། དབང་ཕྱུག་རྒྱལ་པོའི་སྙིང་པོའོ། །ཨོཾ་པདྨ་མཎྡ་ལ་ཧྲཱྀཿཧཱུཾ། བཀོད་པ་རྒྱན་གྱི་དམ་པའི་སྙིང་པོའོ། །ཨོཾ་རཏྣ་རསྨི་ཧ་ཧཱུཾ། རིན་ཆེན་འོད་འཕྲོའི་སྙིང་པོའོ། །ཨོཾ་བཛྲ་ས་ཏྭཱི་ཧཱུཾ། རྡོ་རྗེ་སེམས་མའི་སྙིང་པོའོ། །ཨོཾ་རཏྣ་ས་ཏྭཱི་ཧཱུཾ། རིན་ཆེན་སེམས་མའི་སྙིང་པོའོ། །ཨོཾ་དྷརྨ་ས་ཏྭཱི་ཧཱུཾ། ཆོས་ཀྱི་སེམས་མའི་སྙིང་པོའོ། །ཨོཾ་ཀརྨ་ས་ཏྭཱི་ཧཱུཾ། ལས་ཀྱི་སེམས་མའི་སྙིང་པོའོ། །ཨོཾ་བཛྲ་ཁ་གརྦྷ་ཧྲྀ་ད་ཡ་ཧཱུཾ། ནམ་མཁའི་སྙིང་པོའི་སྙིང་པོའོ། །ཨོཾ་ཨ་མོ་གྷ་ཤྭ་རཱ་ཡ་ཧཱུཾ། བདེ་བ་ཟ་བྱེད་སྙིང་པོའོ། །ཨོཾ་ཨཱ་ལོ་ཀ་པྲ་བྷཱ་ཧཱུཾ། སྣང་བ་མཆོག་གི་སྙིང་པོའོ། །ཨོཾ་མུ་དྲ་རཱ་ཛཱ་ཏྲཱཾ་ཧཱུཾ། ཕྱག་རྒྱའི་རྒྱལ་པོའི་སྙིང་པོའོ། །ཨོཾ་པྲ་ཏི་བྷཱ་ན་རཱ་ཛ་ཧྲཱྀཿཧཱུཾ། སྤོབས་པའི་རྒྱལ་པོའི་སྙིང་པོའོ། །ཨོཾ་པྲ་ཏི་བྷཱ་ན་ཀུ་ཊ་ཡེ་ཧཱ་ཧཱུཾ། སྤོབས་པ་བརྩེགས་པའི་སྙིང་པོའོ། །ཨོཾ་དེ་བཱི་ཤོ་དྷ་ནི་ཧཱུཾ་ཧཱུཾ། ཁྲུས་ཀྱི་ལྷ་མོའི་སྙིང་པོའོ། །ཨོཾ་དེ་བཱི་ཀེ་ཏུ་ཏྲཱཾ་ཧཱུཾ། རྒྱལ་མཚན་ལྷ་མོའི་སྙིང་པོའོ། །ཨོཾ་དེ་བཱི་བི་ཏཱ་ན་ཧྲཱྀཿཧཱུཾ། བླ་རེའི་ལྷ་མོའི་སྙིང་པོའོ། །ཨོཾ་དེ་བཱི་ཚ་ཏྟྲ་ཧཱ་ཧཱུཾ། གདུགས་ཀྱི་ལྷ་མོའི་སྙིང་པོའོ། །ཨོཾ་མ་ཧཱ་མཻ་ཏྲི་ས་མ་ཡེ་ཧཱུཾ། ། ― DNG014_Page_0433 ―
[མ་དཔེ་གཟིགས་ན་འདིར་གནོན།]
བྱམས་པ་ཆེན་པོའི་སྙིང་པོའོ། །ཨོཾ་མུ་ཀ་ར་ག་ས་མ་ཧྲཱྀཿཧཱུཾ། བདེ་བ་རྨོངས་བྱེད་མའི་སྙིང་པོའོ། །ཨོཾ་པདྨ་རཱ་ཛ་ཡ་ཧཱུཾ་ཧཱུཾ། པདྨའི་རྒྱལ་པོའི་སྙིང་པོའོ། །ཨོཾ་པདྨོ་ཏྟ་མ་ས་ཀ་ལ་ཏྲཱཾ་ཧཱུཾ། པདྨ་དམ་པའི་སྙིང་པོའོ། །ཨོཾ་བཛྲ་ཨ་ཙ་ལ་ཧྲཱྀཿཧཱུཾ། རྡོ་རྗེ་མི་གཡོ་བའི་སྙིང་པོའོ། །ཨོཾ་ཨ་མོ་གྷ་རཱ་ཛ་ཧཱ་ཧཱུཾ། ཐོགས་མེད་རྒྱལ་པོའི་སྙིང་པོའོ། །ཨོཾ་དེ་བཱི་པདྨ་བཱན་ཧཱུཾ་ཧཱུཾ། ལྷ་མོ་པདྨ་ཅན་གྱི་སྙིང་པོའོ། །ཨོཾ་དེ་བཱི་བྷཻ་ར་བཱ་ཏྲཱཾ་ཧཱུཾ། ལྷ་མོ་འཇིགས་བྱེད་མའི་སྙིང་པོའོ། །ཨོཾ་དེ་བཱི་ཨ་དོ་ཥཱ་ཧྲཱྀཿཧཱུཾ། ལྷ་མོ་སྐྱོན་བྲལ་མའི་སྙིང་པོའོ། །ཨོཾ་དེ་བཱི་བི་ཛ་ཡཱ་ཧཱ་ཧཱུཾ། ལྷ་མོ་རྣམ་རྒྱལ་མའི་སྙིང་པོའོ། །ཨོཾ་སརྦ་པ་རི་ཤོ་དྷཱ་ཡ་ཧཱུཾ། སྒྲིབ་པ་རྣམ་པར་སེལ་བའི་སྙིང་པོའོ། །ཨོཾ་བཛྲ་གནྡྷེ་ཛ་ལ་ཡ་ཧཱུཾ། བདེ་བ་ཚེ་འཕེལ་མའི་སྙིང་པོའོ། །ཨོཾ་རཏྱཱུ་ཤྭ་ར་ཧཱུཾ་ཧཱུཾ། རིན་ཆེན་དབང་ཕྱུག་གི་སྙིང་པོའོ། །ཨོཾ་ཀརྨ་སིདྡྷི་ཏྲཱཾ་ཧཱུཾ། གྲུབ་པའི་ལས་ཀྱི་སྙིང་པོའོ། །ཨོཾ་ཨཱ་ར་ཏ་ཤཱ་སྟཱ་ཧྲཱྀཿཧཱུཾ། དགའ་བར་སྟོན་པའི་སྙིང་པོའོ། །ཨོཾ་ཨ་ཙ་ལ་ཨཀྵོ་བྷྱ་ཧཱ་ཧཱུཾ། མི་གཡོ་བའི་མཐའི་སྙིང་པོའོ། །ཨོཾ་ཛ་ཡ་བ་ཏེ་སརྦ་ཤེ་ནེ་ཧཱུཾ་ཧཱུཾ། ལྷ་མོ་སྐྱབས་ཅན་མའི་སྙིང་པོའོ། །ཨོཾ་དེ་བི་པྲ་ཙ་ལ་བི་མ་ལེ་ཏྲཱཾ་ཧཱུཾ། ལྷ་མོ་དྲི་མེད་མའི་སྙིང་པོའོ། །ཨོཾ་པ་ཤ་པ་ཏ་ཙི་ཏ་སི་ཧྲཱྀཿཧཱུཾ། ལྷ་མོ་ལྕགས་སྒྲོག་མའི་སྙིང་པོའོ། །ཨོཾ་དེ་བི་ཀ་རུ་ན་པྲ་ཀ་རི་ཧཱ་ཧཱུཾ། ལྷ་མོ་ཐོགས་མེད་མའི་སྙིང་པོའོ། །ཨོཾ་དེ་བ་མུ་ནི་ཧཱུཾ། ལྷའི་ཐུབ་པའི་སྙིང་པོའོ། །ཨོཾ་ནི་ཎ་མུ་ནི་ཏྲཱཾ་ཧཱུཾ། ལྷ་མིན་ཐུབ་པའི་སྙིང་པོའོ། །ཨོཾ་ནྲྀ་ཡེ་མུ་ནི་ཏྲཱཾ་ཧཱུཾ། མིའི་ཐུབ་པའི་སྙིང་པོའོ། །ཨོཾ་ཏིརྻ་མུ་ནི་ཀྵཾ་ཧཱུཾ། དུད་འགྲོའི་ཐུབ་པའི་སྙིང་པོའོ། །ཨོཾ་པྲེ་ཏ་མུ་ནི་ཕྲེཾ་ཧཱུཾ། ཡི་དྭགས་ཐུབ་པའི་སྙིང་པོའོ། །ཨོཾ་ན་ར་ཀ་མུ་ནེ་སྲུཾ་སྭཱ་ཧཱ། དམྱལ་བའི་ཐུབ་པའི་སྙིང་པོའོ། །ཨོཾ་བཛྲ་ཨཾ་ཀུ་ཤ་ཛཿ། ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་གྷཎྜ་ཧོཿ། སྒོ་སྲུང་བཞིའི་སྙིང་པོའོ། །དང་པོ་རྒྱུ་ཡི་སྙིང་པོ་སྟེ། །གསུམ་སོགས་བསྐྱེད་པའི་སྙིང་པོའོ། །མ་ལུས་རྫོགས་པ་བཟླས་པའི་སྔགས། །འདི་བཤད་ཞི་བའི་ལྷ་རྣམས་ཀྱི། ། ― DNG014_Page_0434 ―
[མ་དཔེ་གཟིགས་ན་འདིར་གནོན།]
སྙིང་པོའི་ཁ་སྐོང་ཉིད་དུ་བཤད། །དེ་ནས་རྡོ་རྗེ་འཛིན་པ་ཡིས། །དེ་ཡི་ང་རྒྱལ་ལྡན་པ་ཡིས། །དཀྱིལ་འཁོར་ས་ཡི་དབུས་གནས་ཏེ། །བཞུགས་པའི་འདུག་སྟངས་བསྟན་བྱ་བ། །རྐང་གཡས་བརླ་དང་བྱིན་པའི་དབུས། །གཡོན་པ་ལེགས་པར་བཞག་ནས་ཀྱང་། །དེ་ཉིད་སྟེང་དུ་གཡས་བཞག་པ། །དང་པོ་རྡོ་རྗེའི་སྐྱིལ་ཀྲུང་ཡིན། །གཡོན་གྱིས་གཡས་པའི་བྱིན་པར་མནན། །པུས་མོ་གཉིས་ནི་སར་ཕབ་པ། །ཞི་བའི་ཚུལ་དང་ལྡན་པའི་སྐུ། །གཉིས་པ་པདྨའི་བཞུགས་སྟབས་ཡིན། །རྐང་པ་གཡས་པས་གཡོན་པ་ཡི། །བརླ་ཡི་སྟེང་དུ་ཅུང་ཟད་མནན། །དེ་ཉིད་གཡོན་པའི་འོག་ཏུ་གཞག །གསུམ་པ་སེམས་དཔའི་སྐྱིལ་ཀྲུང་ཡིན། །གཡོན་པ་ཡིས་ནི་སྐྱིལ་ཀྲུང་ཕྱེད། །ལེགས་བཅས་དེ་ཡི་དྲུང་ཉིད་དུ། །རྐང་པ་གཡས་པ་དྲང་པོར་བཞག །དཔའ་བོའི་བཞུགས་སྟབས་བཞི་པའོ། །གདན་སྟེང་རྐང་པ་གཉིས་ཀ་ཡིས། །ཐུར་དུ་དྲང་པོར་བསྲང་བར་བྱ། །མཉམ་ཞིང་བརྟན་པར་བཞག་པ་ནི། །ལྔ་པ་བཟང་པོའི་བཞུགས་སྟངས་སོ། །མཐོ་གང་ཙམ་གྱིས་རྐང་པ་གཉིས། །བར་བཞག་སྟན་ལ་འདུག་ནས་ནི། །ཙོག་པུར་བར་བཞག་བཞུགས་པ་ནི། །ཙོག་པུའི་འདུག་སྟངས་ཉིད་དྲུག་པ། །རྐང་གཡས་སེམས་དཔའི་སྐྱིལ་ཀྲུང་ཕྱེད། །བརྟན་ཅིང་གཡོན་པ་སྒེག་བཅས་ཀྱང་། །བདུན་པ་རོལ་པའི་བཞུགས་སྟངས་སོ། །དེ་དག་དབུས་དང་ཕྱོགས་བཞིར་བསྟན། །དང་པོས་རིགས་ཀྱི་ཕྱག་རྒྱ་བསྟན། །གཉིས་པ་ཡིས་ནི་ལྷ་མོ་སྟེ། །གསུམ་པས་སེམས་དཔའ་རྣམས་ཀྱིའོ། །བཞི་པ་རྡོ་རྗེ་ཁྲོ་བོ་རྣམས། །ལྔ་པས་ཕྱི་རོལ་སེམས་དཔའ་སྟེ། །དྲུག་པས་བྲན་དང་ཕོ་ཉའོ། །བདུན་པས་འཇིག་རྟེན་སྐྱོང་རྣམས་སོ། །དེ་དག་ཕྱག་རྒྱ་སོ་སོར་བསྟན། །དེ་ནས་ཕྱི་རོལ་བསྐོར་བྱ་བ། །གོམ་སྟབས་རྣམ་པ་བདུན་ཡིན་ཏེ། །དང་པོ་དབུས་སུ་རྐང་མཐེབ་དང་། །རྟིང་པ་མཉམ་པོར་ཅིག་ལ་བཅར། །རང་གི་ཐད་ཀར་ལེགས་བཞག་པ། །མཐུན་ ― DNG014_Page_0435 ―
[མ་དཔེ་གཟིགས་ན་འདིར་གནོན།]
པའི་སྟབས་སུ་ང་ཡིས་བཤད། །དེ་ནས་ཤར་དུ་གཤེགས་ནས་ནི། །གཡས་པའི་བརླ་དང་པུས་མོ་བསྲང་། །གཡོན་གྱི་བྱིན་པ་བརླར་བཅར་ནས། །བར་མཐོ་ལྔ་བཞག་གཡས་བརྐྱང་ཡིན། །ལྷོར་ནི་གཡོན་བརྐྱང་དེ་ལས་བཟློག །ཐད་ཀར་བཞག་ནས་གཡས་གཡོན་བར། །རྐང་མཐིལ་ལྔ་ཡི་ཚད་བཞག་པ། །དེ་དག་ལྷོ་ནུབ་ཏུ་ཡང་སྦྱར། །ནུབ་ཏུ་ཟླུམ་པོ་པུས་མོ་གཉིས། །སོ་སོའི་གནས་སུ་ལག་གཉིས་བཞག །ཆུ་བྱའི་གཤོག་པ་ལྟར་གནས་པ། །ནུབ་དང་ནུབ་བྱང་གཉིས་ཀར་སྦྱར། །བྱང་གི་ཕྱོགས་སུ་ས་གའི་སྟབས། །སོར་མོ་རྣམས་ནི་ཕྱིར་བསྟན་ཞིང་། །པུས་མོའི་ལྷ་ང་ཐད་ཀར་བརྒྱང་། །རྐང་མཐིལ་ཉི་ཤུ་རྩ་དྲུག་ཁྱོན། །གཡོན་པའི་བརླར་ནི་རྐང་མཐིལ་གཏད། །རྐང་གཅིག་ཡིན་ཏེ་བྱང་ཤར་མཚམས། །གཡོན་པའི་སོར་མོ་གཡས་ཀྱིས་མནན། །རུས་སྦལ་སྟབས་ཀྱིས་ཤར་ལྷོར་བརྩམ། །དེ་དང་སྦྱར་ལ་ལག་པའི་གར། །དང་པོ་ལ་ནི་ལྔ་ཡིན་ཏེ། །རྡོ་རྗེའི་གར་སྟབས་བསྲུང་བའི་ཚུལ། །སྟེང་འོག་གཉིས་སུ་ལན་གསུམ་གསུམ། །རྡོ་རྗེ་གསོར་བ་དེ་ཡི་གར། །ལག་གཉིས་རོ་བཟུང་ཟ་བའི་ཚུལ། །ཕྱོགས་བལྟ་རྡོ་རྗེ་རོ་ལངས་སྟབས། །རྡོ་རྗེའི་སྟབས་སམ་གཏུན་ཤིང་གིས། །བགེགས་བརྡུང་ལྟར་བྱེད་གཏུན་ཤིང་སྟབས། །གཡོན་པའི་ཁུ་ཚུར་སྙིང་གར་བསྟན། །གཡས་པས་རྡོ་རྗེ་བ་དན་ཕྱར། །དཔུང་མགོར་བཞག་པ་བ་དན་སྟབས། །གཉིས་པའི་དུས་སུ་བསྟན་བྱ་དགུ། །གཡོན་པ་དཀུར་བརྟེན་གཡས་པ་ཡིས། །རྡོ་རྗེ་འཕེན་ཚུལ་དེ་ཡི་སྟབས། །ཁ་ཡི་སྟེང་འོག་ལག་གཉིས་གདེངས། །གཉིས་བཅས་འཇིགས་པ་ལྟར་བྱེད་པ། །རྡོ་རྗེ་འཇིགས་སུ་རུང་བའི་སྟབས། །གཡོན་པ་རྩེ་གསུམ་སྙིང་གར་བཞག །གཡས་པ་ཁུ་ཚུར་དབྱིག་པ་ལྟར། །འདེགས་བྱེད་རྩེ་གསུམ་སར་འཇོག་པ། །སྟོབས་ཆེན་འདེགས་པའི་གར་སྟབས་སོ། །རྡོ་རྗེ་ཁུ་ཚུར་གཉིས་བཀན་ཏེ། །ཁར་བཞག་ཧ་ཧ་ཡི་གེ་བཞིས། །དགོད་ཚུལ་རྡོ་རྗེ་གད་མོའི་སྟབས། །གཡོན་པའི་ཁུ་ཚུར་མཛུབ་ ― DNG014_Page_0436 ―
[མ་དཔེ་གཟིགས་ན་འདིར་གནོན།]
མོ་བསྒྲེང་། །གཡས་པས་རྡོ་བ་འཕེན་ཚུལ་ནི། །རྡོ་རྗེ་རྡོ་ཡི་གར་ཐབས་སོ། །དེ་ལས་མཁྲིག་མ་གཉིས་མདུད་པ། །རྡོ་རྗེ་ཞགས་པའི་ཐབས་ཡིན་ནོ། །གཡོན་པ་དཀུར་བརྟེན་གཡས་པ་ཡི། །ཁུ་ཚུར་མཐེ་བོང་ནང་ནས་བཏོན། །བསྒྲེང་བ་རྡོ་རྗེ་བེ་ཅོན་ཐབས། །དེ་ཉིད་ལས་ནི་གཡས་པ་ཡིས། །མདུང་རྩེ་གཅིག་པའི་ཚུལ་བྱེད་པ། །རྡོ་རྗེ་རྩེ་གཅིག་གར་ཐབས་སོ། །དེ་ལས་རྡོ་རྗེ་གདུབ་བུ་འདེགས། །བགེགས་གསོད་ཚུལ་དུ་བྱེད་པ་ནི། །རྡོ་རྗེ་གདུབ་བུའི་ཐབས་སུ་བཤད། །གསུམ་པ་གཡོན་བརྐྱང་དུས་ནི་བཅུ། །རང་གི་ཁ་ནི་འོག་ཕྱོགས་བལྟས། །གདངས་ཤིང་ལག་གཉིས་མཁྲིག་མར་མདུད། །ཁ་ཡི་དྲུང་བཞག་སེང་གེའི་སྟབས། །དེ་ཉིད་ལས་ནི་ཕྱོགས་ཀུན་བལྟ། །ལྕེ་འགྱུར་སེང་གེའི་གླལ་བ་ཡིན། །གཡོན་གྱིས་རྡོ་རྗེ་ཕུར་པུ་བཟུང་། །བགེགས་ཀྱི་སྟེང་བཞག་གཡས་པ་ཡིས། །རྡོ་རྗེ་ཁུ་ཚུར་ཐོ་བ་ཡིས། །བརྡུང་ཚུལ་རྡོ་རྗེ་ཐོ་བའི་སྟབས། །རྡོ་རྗེ་སྒེག་མོའི་གར་དང་ལྡན། །མགོ་ནི་གཡོན་གྱི་ཕྱོགས་འདུད་ཅིང་། །བསྐོར་བ་བུད་མེད་སྒྱུ་འཕྲུལ་སྟབས། །རྡོ་རྗེ་བསྡམས་པས་སྙིང་ག་ནས། །འདྲ་བྱེད་རྡོ་རྗེ་དྲལ་བའོ། །ཁུ་ཚུར་མཐེའུ་ཆུང་གཉིས་བསྒྲེང་བཟློག །ཁ་འགྲམ་གཉིས་བཞག་མཆེ་བའི་ཚུལ། །རྡོ་རྗེ་མཆེ་བའི་སྟབས་སུ་བཤད། །གཡོན་པའི་ཁུ་ཚུར་ཤུགས་ཀྱི་ཚུལ། །གཡས་ཀྱི་དཔུང་མགོར་རལ་གྲི་འདེགས། །རྡོ་རྗེ་རལ་གྲིའི་ཐབས་ཡིན་ནོ། །གཡོན་མཛུབ་མོ་དང་གཡས་པ་ཡི། །མཛུབ་མོ་གཉིས་མདུད་གཡས་མཛུབ་མོ། །ལྕགས་ཀྱུ་ལྟར་བྱས་ལྕགས་ཀྱུའི་སྟབས། །ཁུ་ཚུར་གཉིས་ཀྱིས་གཡས་ཕྱོགས་སུ། །འདེགས་ཚུལ་རྡོ་རྗེ་མདུང་ཐུང་ཐབས། །གཡོན་པ་དཀུར་བརྟེན་གཡས་པ་ཡི། །ཁུ་ཚུར་ཐག་མདུང་བསྐོར་བའི་ཚུལ། །ལན་གསུམ་ཐག་མདུང་འཕེན་ཐབས་སོ། །བཞི་པ་ཟླུམ་པོའི་གར་ཐབས་ནི། །དགུ་སྟེ་ལག་པ་གཡོན་བརྐྱང་བ། །དེ་དྲུང་གཡས་པའི་མཐེ་ཆུང་བསྐུམ། །བ་དན་ ― DNG014_Page_0437 ―
[མ་དཔེ་གཟིགས་ན་འདིར་གནོན།]
ཚུལ་བྱས་རྡོ་རྗེའི་གར། །ཕྱོགས་བཞིར་ས་གནོན་ལ་སོགས་པའི། །སོ་སོའི་ཕྱག་རྒྱས་གསལ་བྱས་པ། །སྒོ་བཞི་བྱིན་གྱིས་རླབས་པའི་ཐབས། །གཡོན་པ་དཀུར་བརྟེན་གཡས་སྡིགས་མཛུབ། །བསྒྲེང་བ་རྡོ་རྗེ་འཁྱིལ་པའི་ཐབས། །གཡས་པ་རྡོ་རྗེ་སྙིང་གར་འཛིན། །གཡོན་གྱི་དྲིལ་བུ་རྣ་བར་དཀྲོལ། །རྡོ་རྗེ་སྒྲ་ཡི་ཐབས་སུ་བཤད། །སྙིང་ཁར་རྡོ་རྗེ་ཁུ་ཚུར་གཉིས། །མཐེའུ་ཆུང་མཛུབ་མོ་རྡོ་རྗེ་མདུད། །འཁོར་ལོ་བསྐོར་བ་དེ་ཉིད་ཐབས། །སྙིང་གར་པདྨ་ཁ་འབྱེད་ཚུལ། །པདྨ་ཁ་ཕྱེའི་སྟབས་ཡིན་ནོ། །གཡོན་གྱིས་གཞུ་འཛིན་གཞུ་ཡི་ཚུལ། །མདའ་འགེངས་ཚུལ་ནི་གཡས་པ་ཡིས། །རྣ་བའི་དྲུང་འགེངས་མདའ་གཟུང་ཐབས། །དེ་ཉིད་འཕེན་ཚུལ་བྱེད་པ་ནི། །རྡོ་རྗེ་མདའ་འཕེན་ཐབས་ཡིན་ནོ། །རྐང་གཅིག་དང་པོར་བཤད་དེ་བཞིན། །གཡས་དང་གཡོན་སོགས་ལན་གཉིས་བསྐོར། །བདུན་པ་རུས་སྦལ་གར་སྟབས་ནི། །གཡོན་པ་དཀུར་བརྟེན་གཡས་པ་ཡི། །རྡོ་རྗེ་སྙིང་གར་གཏོད་དེ་འཇོག །དེ་དག་ལེགས་སྤྱད་ཕྱོགས་ཀུན་བསྐོར། །ས་གཞི་བསྲུང་བའི་ལས་ཡིན་ནོ། །དེ་ནས་བདག་ཉིད་བསྲུང་བྱ་བ། །དཀྱིལ་འཁོར་གཙོ་བོའི་ངང་ཉིད་ལས། །ཕྱི་དང་ནང་གི་ཁྲུས་བྱས་ཏེ། །ཆོས་རྣམས་སྟོང་པ་ཉིད་དུ་བསམ། །བདག་མེད་དོན་ལ་མོས་པར་བྱ། །མགྲིན་པ་ཧྲཱྀཿལས་པད་འདབ་བརྒྱད། །མདུན་གྱི་འདབ་མ་ལྕེ་ཡིན་ཏེ། །དེ་ཉིད་ཧཱུཾ་ལས་རྡོ་རྗེ་ནི། །རྩེ་ལྔ་དཀར་པོར་བསམ་བྱས་ལ། །བཛྲ་ཛི་ཧྭ་ཞེས་པས་བསྟན། །ལག་གཉིས་མཐིལ་དུ་ཨ་ལས་ནི། །ཟླ་བའི་དཀྱིལ་འཁོར་རེ་རེ་བསྒོམ། །དེ་སྟེང་ཧཱུཾ་ལས་རྡོ་རྗེ་ནི། །རྩེ་ལྔ་སོར་མོ་རྣམས་སུ་བསམ། །ཧ་སྟ་བཛྲས་བརྟན་པར་བྱས། །རང་གི་སྙིང་གར་ཉི་མ་ལ། །ཡི་གེ་ཧཱུཾ་གྱུར་རྡོ་རྗེ་ནི། །སྔོན་པོ་རྩེ་ལྔ་ཧཱུཾ་གིས་མཚན། །དེ་ལས་འོད་འཕྲོས་ཁྲོ་ཚོགས་བྱུང་། །བགེགས་རྣམས་ཚར་བཅད་ཚུར་འདུས་པས། །རང་ལ་ཐིམ་པས་ཁྲོ་བོའི་སྐུ། །རྡོ་རྗེ་འཛིན་པར་གྲགས་པར་གྱུར། །མཐིང་ག་ཞལ་གཅིག་ཕྱག་གཉིས་པ། །ཕྱག་གཡས་རྡོ་རྗེ་རྩེ་ལྔ་འཛིན། །གཡོན་ ― DNG014_Page_0438 ―
[མ་དཔེ་གཟིགས་ན་འདིར་གནོན།]
པ་སྡིགས་མཛུབ་མེ་འབར་བཅས། །དཔལ་འབར་མོ་དང་བཅས་པ་བསྒོམ། །ཆེད་བརྗོད་བསྟོད་པས་བརྟན་པར་བྱ། །ང་རྒྱལ་ལྡན་པས་སོར་མོ་རྣམས། །ཕན་ཚུན་བསྣོལ་ཏེ་རྡོ་རྗེ་བསྡམས། །ཨོཾ་གྲྀ་ཧྞ་བཛྲ་ས་མ་ཡ་ཧཱུཾ་བཾ། དེ་ཡིས་རབ་ཏུ་བརྟན་པར་བྱ། །དེ་ཉིད་མགོ་ཡི་ཕྱོགས་ལྔར་བཞག །ཨོཾ་བཛྲ་ཛྭ་ལ་ཨ་ན་ལཱརྐ་ཧཱུཾ་ཨ་བྷི་ཥིཉྩ་མཾ། དེ་ཡིས་རིགས་བདག་དབང་བསྐུར་བླང་། །རྡོ་རྗེ་ལག་པ་གཡས་གཡོན་གྱིས་འཁྱུད་ཡང་། །མཐེབ་མཛུབ་གཉིས་ལ་ཨོཾ་ཧཱུཾ་བསམ། །བཙུན་མདུད་ཀ་ནན་བཅིངས་པ་ནི། །རྡོ་རྗེ་ཁུ་ཚུར་མཁྲིག་མར་བསྣོལ། །སྙིང་ག་མགྲིན་པ་ལྟག་པ་དང་། །སྤྱི་གཙུག་རྒྱབ་དང་ལྟེ་བ་དང་། །དཔྲལ་བ་ལ་སོགས་གནས་དགུར་ནི། །རྡོ་རྗེའི་མདུད་པ་དམ་བཅས་ནས། །ལྷག་མ་ལུས་ལ་དྲ་བར་བཅིང་། །དེ་ནས་ལག་གཡོན་སྡིགས་མཛུབ་བསྒྲེང་། །གཡས་པས་རྡོ་རྗེ་གསོར་བྱ་ཞིང་། །ཨོཾ་བཛྲ་ཛྭ་ལ་ཨ་ན་ལཱརྐ་ཧཱུཾ། ཞེས་བརྗོད་བགེགས་ལ་རྡོ་རྗེ་བསྣུན། །སོར་མོ་ཕན་ཚུན་བསྣོལ་བ་དེ། །ནང་དུ་འབར་བ་ལྟ་བུར་བསྒྲེང་། །ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུཾ་ཕཊ། ཞེས་པས་བགེགས་རྣམས་བསྲེགས་པར་བསམ། །རྡོ་རྗེ་སྤྱན་གྱི་ང་རྒྱལ་གྱིས། །སོར་མོ་བསྣོལ་བསྡམས་ས་ལ་བཞག །ཨོཾ་བཛྲ་ནེ་ཏྲི་བནྡྷ་སརྦ་བཾགྷྣཱཾ། འོད་ཀྱི་ཞགས་པས་བགེགས་རྣམས་བཅིང་། །བདག་ཉིད་རབ་ཏུ་བསྲུང་བར་བསམ། །དེ་ནས་ཕྱོགས་ཀུན་བསྲུང་བ་ནི། །རྡོ་རྗེ་ཅན་གྱི་ང་རྒྱལ་གྱིས། །སྔར་བཞིན་ཕྱག་རྒྱ་ས་ལ་བཞག །ཨོཾ་བཛྲ་དྲྀ་ཌྷོ་མེ་བྷ་བ་རཀྵ་ཧཱུཾ། འོག་ཕྱོགས་བགེགས་ཀུན་བཅིང་བར་བསམ། །རྡོ་རྗེ་ཁུ་ཚུར་མེ་ལྟར་བསྐོར། །ལྕགས་ཀྱུ་ལྟ་བུ་སྤྱི་བོར་བཞག །ཨོཾ་བཛྲ་ཧུ་ལུ་ཧུ་ལུ་ཧཱུཾ་ཕཊ། འཇིགས་བྱེད་ཀྱིས་ནི་སྟེང་ཕྱོགས་བཅིང་། །རྡོ་རྗེ་གནོད་སྦྱིན་ང་རྒྱལ་གྱིས། །ཁུ་ཚུར་མཐེ་བོང་གཉིས་བརྐྱང་ལ། །འཛུབ་མོ་མཆེ་བ་ལྟར་བྱས་ཏེ། །ཨོཾ་བཛྲ་ཡཀྵ་ཧཱུཾ། ཞེས་པས་སྟེང་ཕྱོགས་མནན་ཏེ་བཅིང་། །རྡོ་རྗེ་གཙུག་ཏོར་ང་རྒྱལ་གྱིས། །ཁུ་ཚུར་གཉིས་བཅིངས་མཐེའུ་ ― DNG014_Page_0439 ―
[མ་དཔེ་གཟིགས་ན་འདིར་གནོན།]
ཆུང་སྦྲེལ། །མཛུབ་མོ་རྩེ་སྤྲད་སྤྱི་བོར་བཟློག །ཨོཾ་བྷྲཱུཾ་བཛྲ་བྷནྡྷ་བཾ། རྡོ་རྗེ་ཞགས་པའི་ང་རྒྱལ་གྱིས། །ཁུ་ཚུར་མཁྲིག་མར་མདུད་ཅིང་བསྐོར། །ཨོཾ་བཛྲ་པཱ་ཤ་ཧྲཱྀཿ། དེ་ཉིད་མཚུངས་པས་ཤར་ཕྱོགས་བཅིང་། །རྡོ་རྗེ་བ་དན་ང་རྒྱལ་གྱིས། །མཐེ་བོ་བསྣོལ་ཏེ་མཛུབ་མོ་བསྒྲེང་། །མཐེ་ཆུང་བ་དན་ལྟར་བྱས་ནས། །ཨོཾ་བཛྲ་པ་ཏང་ཀི་པ་ཏཾ་ཀི་ནི་རི་ཊ། དེ་ཡིས་ནུབ་ཕྱོགས་བགེགས་བཅིང་ངོ་། །རྡོ་རྗེ་དུས་མཚམས་ང་རྒྱལ་གྱིས། །རྡོ་རྗེ་གནོད་སྦྱིན་ཞལ་ངོ་བསྟན། །ཨོཾ་ཧྲཱྀཿབཛྲ་ཀཱ་ལི་རུ་ཊ་མ་ཊ། བྱང་ཕྱོགས་བགེགས་ཀུན་དེ་ཡིས་བཅིང་། །རྡོ་རྗེ་རྩེ་མོའི་ང་རྒྱལ་གྱིས། །ཁུ་ཚུར་རི་བོ་འདེགས་ལྟར་བྱ། །ཨོཾ་བཛྲ་ཤི་ཁ་རེ་རུ་ཊ་མ་ཊ། ལྷོ་ཡི་ཕྱོགས་སུ་བགེགས་བཅིང་ངོ་། །རྡོ་རྗེ་ལས་ཀྱི་ང་རྒྱལ་གྱིས། །ཁུ་ཚུར་གཉིས་བཅིངས་མཁྲིག་མ་བསྣོལ། །མཐེའུ་ཆུང་སྦྲེལ་ཏེ་མཛུབ་མོ་བསྒྲེང་། །ཨོཾ་ཧཱུཾ་བཛྲ་ཀརྨ། རྡོ་རྗེ་ར་བས་བསྐོར་བར་བསམ། །རྡོ་རྗེ་སོར་མོ་བསྡམ་བྱས་ནས། །ཨོཾ་དྲུཾ་བཛྲ་བྷནྡྷ་བཾ། ཕྱི་རོལ་རྡོ་རྗེའི་དྲ་མིག་བསམ། །རྡོ་རྗེ་ལས་ཀྱི་ང་རྒྱལ་གྱིས། །དེ་ཉིད་ཀྱི་ནི་ཕྱག་རྒྱ་དང་། །ཨོཾ་བཛྲ་བྷཉྫ་སུམྦྷ་ནི་ཧཱུཾ། དེ་ཡིས་རྡོ་རྗེ་རྒྱ་གྲམ་བསྐོར། །ལུས་ངག་ཡིད་ཀྱི་བྱ་བ་རྣམས། །མ་ལུས་རྫོགས་པར་ལྡན་བྱས་ནས། །སྲུང་བའི་ཡན་ལག་རིམ་བཞིན་འགྲུབ། །དེ་ནས་མཁའ་ལ་འཁོར་ལོ་བསམ། །མཆོད་པའི་ལྷ་རྣམས་རང་ལས་སྤྲུལ། །ཡན་ལག་བཅུ་ཡིས་ཀུན་མཉེས་བྱ། །རྟེན་ཡུལ་དེ་དག་རང་ལ་བསྡུ། །རྣམ་སྨིན་ཕུང་པོ་འོད་ཀྱིས་སྦྱང་། །བསོད་ནམས་མཐར་ཐུག་དེ་ལ་དམིགས། །དེ་ནས་ཡེ་ཤེས་ཚོགས་བསྒོམ་ཕྱིར། །མངོན་པར་བྱང་ཆུབ་རྣམ་པ་ལྔ། །ཡེ་ཤེས་ལྔ་དང་སྦྱར་ཏེ་བསྒོམ། །རྗེས་ལ་རྟེན་ལ་གཞལ་མེད་ཁང་། །འབྱུང་བའི་གཞི་དང་བཅས་ལ་བསྒོམ། །དེ་ནས་སོ་སོའི་རིགས་ཀྱི་གདན། །གང་ལྟར་བསྔགས་པ་དེ་བཞིན་བསམ། །དེ་ལ་ལྷ་རྣམས་རྒྱུ་དང་རྐྱེན། །ཐབས་དང་ཡན་ལག་དག་གིས་དབྱུང་། །གསུམ་གསུམ་ཐབས་གསུམ་དགུ་ཡང་བཞི་དང་གསུམ་དང་རྒྱུ། །ཀུན་རྫོགས་ཆོ་ག་ཡན་ལག་ཡིན། ། ― DNG014_Page_0440 ―
[མ་དཔེ་གཟིགས་ན་འདིར་གནོན།]
དེ་ལ་གསལ་བརྟན་དམིགས་པ་བྱ། །ཡེ་ཤེས་ལྷ་རྣམས་དེ་བཞིན་དགུག །བར་སྣང་ཁམས་དང་གཞལ་ཡས་ཁང་། །ཆོས་བདུན་དྲུག་གིས་དེ་མཉེས་བྱ། །དེ་ནས་མ་ལུས་བསླབ་བྱ་བླང་། །སྡོམ་པ་དང་ནི་དམ་ཚིག་གཟུང་། །མཆོད་བསྟོད་བཤགས་དང་ཕྲིན་ལས་བཅོལ། །བཟོད་པའི་ཡུལ་དང་ཉེས་པ་བཤགས། །དུས་རྣམས་ཀུན་ཏུ་མཉེས་པར་བྱ། །དེ་ནས་རང་གི་གནས་སུ་གཤེགས། །བཀྲ་ཤིས་སྨོན་ལམ་ཆེན་པོ་གདབ། །དེ་ཡི་དགེ་བ་མཐར་ཐུག་བསྔོ། །དེ་ནས་བསམ་གྱིས་མི་ཁྱབ་པའི། །བྱང་ཆུབ་སེམས་དཔའི་རྗེས་སུ་བསླབ། །ཕྲིན་ལས་བཞི་ལ་དུས་སྦྱར་དམིགས། །ཕྱི་ནང་གསང་དང་མ་ངེས་པའི། །སྲིད་པ་ཞི་བ་ཆོས་ཉིད་སྣང་། །མ་ལུས་ཁམས་དང་རིགས་དང་བློ། །བསམ་པ་ཉོན་མོངས་ཡང་དག་བརྗོད། །རྣམ་ཤེས་ཡུལ་དང་བཅས་པ་དང་། །ཕུང་པོ་རྣམ་གྲོལ་རིགས་ཀྱི་སྐུ། །ལས་དང་ཁ་དོག་ཡེ་ཤེས་གཟུགས། །ཕྲིན་ལས་གདུལ་བྱའི་ཁྱད་པར་ལས། །ཇི་ལྟར་རིགས་པའི་ཚུལ་དག་གིས། །བླ་མེད་ལམ་ལ་ཡང་དག་གནས། །རྒྱུ་འབྲས་ལྔ་དང་དྲུག་ལ་སྦྱར། །ཞེས་བཤད་རིགས་བརྒྱར་བསྡུས་པའོ། །ཡན་ལག་བཤད་པའི་ཁ་སྐོང་ཡིན། །ཞི་བ་ཆེན་པོའི་ཡན་ལག་གི། །ཁྱད་པར་བཤད་པའི་ལེའུའོ། །དེ་ནས་བཅོམ་ལྡན་རྡོ་རྗེ་འཛིན། །གང་དུ་འདོད་ཆགས་རྣམ་དག་པའི། །སྐྱེས་བུ་གདུལ་བའི་དོན་གྱི་ཕྱིར། །ཞི་བའི་ལམ་གྱི་རྣལ་འབྱོར་དག །རིམ་པ་བཞིན་ཏུ་བཀའ་སྩལ་པ། །ཐོག་མར་འཇིག་རྟེན་ཐུན་མོང་སྟེ། །རྗེས་སུ་ཐེག་པ་ལ་ཞུགས་བྱ། །དེ་ཉིད་ལས་ཀྱང་ཁྱད་པར་དུ། །བསམ་པ་ཆེ་ལ་རབ་ཏུ་སྦྱར། །དེ་བཞིན་དུ་ནི་རབ་ཏུ་དཔག །སྔོན་དུ་སོང་བཅས་རྣལ་འབྱོར་བཞིས། །བསྐྱེད་པའི་རིམ་པ་དེ་མཐར་དབྱུང་། །བརྟན་ཅིང་གནས་པ་དང་པོ་ལས། །དེ་ཉིད་ཤེས་པར་བྱ་བའི་ཡུལ། །ལུས་ལ་བརྟེན་པའི་ཕུང་པོ་དང་། །ཁམས་དང་སྐྱེ་མཆེད་འབྱུང་བ་རྣམས། །རིགས་བརྒྱ་ལྔ་དང་བཞི་བཅུ་གཉིས། །གསུམ་དང་གཅིག་ཏུ་བསྡུ་བ་དག ། ― DNG014_Page_0441 ―
[མ་དཔེ་གཟིགས་ན་འདིར་གནོན།]
ཡོངས་སུ་ཤེས་པས་གསུང་གྲུབ་པ། །དེ་ནི་རྡོ་རྗེའི་བཟླས་པར་འགྱུར། །དེ་ཡིས་སེམས་ཀྱི་ཏིང་ངེ་འཛིན། །མཐར་ཐུག་དང་ནི་རྨི་ལམ་དང་། །སྒྱུ་མ་ལྟ་བུའི་ལམ་ལ་སློབ། །དེ་ཡིས་དབང་བསྐུར་ཡོངས་རྫོགས་ནས། །རང་བཞིན་འོད་གསལ་སྣང་བར་བྱེད། །ཡོན་ཏན་སྲིད་དང་ཞི་ལ་སོགས། །གཉིས་སུ་སྣང་བ་དབྱེར་མེད་པའི། །ཟུང་དུ་འཇུག་པ་རྟོགས་པར་འགྱུར། །མི་སློབ་ལམ་ནི་རབ་ཏུ་རྫོགས། །དེ་ལྟར་དམིགས་མིང་ཡང་བཤད་ལམ་གྱི་རྣམ། །ཡན་ལག་ཕྱོགས་གཅིག་ཙམ་ཉིད་ལས། །ཕུན་སུམ་ཚོགས་པ་མ་ཡིན་ནོ། །དེ་ཉིད་རིམ་པར་བསྟན་པ་ལས། །ཁམས་ཀྱི་མངོན་བསྐྱེད་ཕུང་པོ་ཡང་། །ཤ་རྒྱུས་རྩ་དང་པགས་པ་དང་། །སྐྲ་དང་དྲི་མ་ལྷ་རུས་རྐང་། །ཁུ་བ་རྔུལ་དང་ཁྲག་ཆུ་སེར། །རྣག་ཞག་ངར་སྣབས་བཤང་དང་གཅི། །མཆིལ་མ་ཀླད་པ་རྐང་མར་དང་། །གཉེ་རྒྱུ་མཁལ་ལོང་མཁྲིས་ལྒང་པ། །གློ་སྙིང་མཆེར་པ་ཕོ་བ་དང་། །བད་ཀན་སྲིན་བུ་ཕྱི་དང་ནང་། །སྐྲ་དང་བ་སྤུ་སེན་མོ་དང་། །མགོ་དང་ཡན་ལག་ཉིང་ལག་སོགས། །སྣང་བའི་ཕུང་པོ་ཁམས་སྐྱེ་མཆེད། །ལྷན་ཅིག་གནས་པ་ཕུང་པོ་ཡིན། །ཕྲད་པར་ཤེས་དང་བལྟ་བ་དང་། །མ་རིག་བག་ཆགས་སྲེད་ལེན་རྒྱུན། །ཉོན་མོངས་ཚོགས་ནི་བསགས་ལས་བྱུང་། །རྩ་བའི་ལྔ་ཕུང་འདི་དག་ནི། །གཙོ་བོ་སངས་རྒྱས་ལྔར་ཤེས་བྱ། །སྐྱེ་མཆེད་སེམས་དཔའ་ཆེན་པོའི་ཚོགས། །ས་ཆུ་མེ་རླུང་སྟོང་པ་ཉིད། །སྤྱན་མ་གོས་དཀར་སྒྲོལ་མཁའ་དབྱིངས། །ལྔ་དང་གཅིག་དང་གསུམ་གྱིས་བསྡུས། །ཁྱད་པར་རིགས་བརྒྱར་དབྱེ་བ་ཡང་། །གཟུགས་ཉིད་རྣམ་པར་སྣང་མཛད་ལས། །བྱེ་བྲག་རིང་ཐུང་ཕྲ་སྦོམ་སོགས། །ཕྱི་ནང་གཉིས་སྣང་ལ་སོགས་པ། །དེ་ཉིད་གཙོ་བོའི་རང་བཞིན་ནོ། །བདག་གཞན་གཉིས་སོགས་རྣམ་རིན་འབྱུང་། །ཁ་དོག་སྣ་ཚོགས་མཐའ་ཡས་ཏེ། །འོད་སྣང་ནུས་པ་དོན་གྲུབ་ཡིན། །རིག་བཅས་རིག་མེད་མི་བསྐྱོད་པའོ། །ཚོར་ཕུང་རིན་ཆེན་འབྱུང་གཟུགས་ལས། །འདུས་མཁྲིས་ལས་ཚོར་མི་བསྐྱོད་པ། ། ― DNG014_Page_0442 ―
[མ་དཔེ་གཟིགས་ན་འདིར་གནོན།]
བད་ཀན་རླུང་སོགས་རིན་ཆེན་འབྱུང་། །མཐའ་ཡས་ཀྱི་ནི་བདེ་བར་ཚོར། །སྡུག་བསྔལ་ཚོར་བ་དོན་གྲུབ་ཡིན། །བཏང་སྙོམས་རྣམ་པར་སྣང་མཛད་དོ། །འདུ་ཤེས་ཕུང་པོ་མཐའ་ཡས་གཙོ། །མི་བསྐྱོད་རྐང་གཉིས་པར་འདུ་ཤེས། །བཞི་པ་རིན་ཆེན་འབྱུང་བའོ། །རྣམ་མེད་འོད་དཔག་མེད་པ་ཡིན། །མང་པོར་སྣང་བ་དོན་གྲུབ་སྟེ། །གཡོ་མེད་རྒྱུ་བྲལ་རྣམ་སྣང་མཛད། །དེ་བཞིན་འདུ་བྱེད་དོན་གྲུབ་གཟུགས། །ཁྱད་པར་རྣམ་སྣང་ལུས་འདུ་བྱེད། །ངག་གི་སྣང་བ་འོད་དཔག་མེད། །ཡིད་ནི་མི་བསྐྱོད་པ་ཡི་གཟུགས། །ཁམས་ཀྱི་འདུ་བྱེད་རིན་འབྱུང་སྟེ། །ཐར་པ་དོན་ཡོད་གྲུབ་པའོ། །རྣམ་ཤེས་མི་བསྐྱོད་པ་ཡིན་ཏེ། །མིག་དང་རྣ་བ་སྣ་དང་ལྕེ། །ལུས་ཀྱི་རྣམ་པར་ཤེས་ཚོགས་ཀུན། །སྣང་མཛད་རིན་ཆེན་འོད་དཔག་མེད། །དོན་ཡོད་མི་བསྐྱོད་རང་གི་གཟུགས། །འདི་དག་གཙོ་འཁོར་ཡབ་ཀྱི་དངོས། །དང་པོ་སུམ་ཅུ་ཉིད་དུ་འགྱུར། །ཁམས་ཀྱི་དབྱེ་བར་སྣང་བ་ཡང་། །ལྕི་ཞིང་སྲ་བས་རྟེན་བྱེད་ས། །བུཌྜྷ་ལོ་ཙ་ཉིད་ཡིན་ནོ། །བརླན་དང་གཤེར་བས་རབ་ཏུ་སྡུད། །ཆུ་ཡི་ཁམས་ནི་མཱ་མ་ཀཱི། །ཚ་དྲོ་སྨིན་ཞིང་སྐེམ་བྱེད་པ། །མེ་ནི་གོས་དཀར་མོ་ཡི་ཁམས། །བསྐྱོད་འདེགས་རྔུབ་དང་འབྱུང་བ་དག །ཡང་དང་གཡོ་བྱེད་སྒྲོལ་མའི་ཁམས། །གོ་འབྱེད་ཡངས་པའི་ཡོན་ཏན་ནི། །སྟོང་ཉིད་མཁའ་དབྱིངས་ཀུན་ཏུ་བཟང་། །རུས་པ་སྐྲ་དང་བཤང་བ་དང་། །སྙིང་དང་མཆིན་པ་རྣམ་སྣང་མཛད། །སྤུ་དང་སེན་མོ་རྣག་རིན་འབྱུང་། །སོ་དང་ལྤགས་ཤ་འོད་དཔག་མེད། །རྒྱུས་པ་རྩིབ་རུས་དོན་ཡོད་གྲུབ། །དྲི་མ་རྒྱུ་མཁྲིས་མི་བསྐྱོད་པ། །ནང་གི་ཁམས་ལྔའི་དབྱེ་བ་ནི། །རི་རབ་རྣམ་སྣང་མཛད་བྱིན་རླབས། །ཤར་ལྷོ་ནུབ་བྱང་གླིང་བཞི་ཡང་། །རིམ་བཞིན་རིགས་ཀྱི་བྱིན་རླབས་ཡིན། །དེ་དག་ཕྱི་ཡི་ས་ཁམས་སོ། །ཆུ་ཁམས་མཱ་མ་ཀཱི་ཡི་གཟུགས། །བད་ཀན་མཆི་མ་རྣམ་སྣང་མཛད། །གཅིན་རྔུལ་ཁྲག་དང་ཁ་ཆུ་དག །གོ་ ― DNG014_Page_0443 ―
[མ་དཔེ་གཟིགས་ན་འདིར་གནོན།]
རིམ་བྱིན་གྱིས་རླབས་པའི་རིགས། །ཕྱི་རོལ་རྒྱ་མཚོ་རྣམ་སྣང་མཛད། །འབབ་ཆུ་ཆུ་བོ་བཀོད་མ་དང་། །ལྟེང་ཀ་རྣམས་ཀྱིས་རིགས་བཞིར་འགྱུར། །གོས་དཀར་མོ་ཉིད་མེ་ཁམས་ལ། །མགོ་བོ་མེ་དྲོད་རྣམ་སྣང་མཛད། །སྙིང་ག་ལྟེ་བ་ཡན་ལག་དང་། །ལྟོ་བའི་མེ་རྣམས་སོ་སོར་རིས། །རྡོ་ལས་བྱུང་བའི་གཙོ་བོ་སྟེ། །རྒྱུན་བཞག་མེ་ཤེལ་གཙུབ་ཤིང་དང་། །ནགས་ཀྱི་མེ་ཡིས་ཕྱི་ཡི་རིགས། །རླུང་ཁམས་སྒྲོལ་མའི་ཁམས་རང་བཞིན། །ཁྱབ་བྱེད་རླུང་ནི་གཙོ་བོས་བསྡུས། །སྲོག་འཛིན་མཐུར་འབྱིན་རྒྱུ་བ་དང་། །མེ་མཉམ་རིམ་པའི་བྱིན་རླབས་གནས། །སྟེང་འོག་དབུས་རླུང་གཙོ་བོ་སྟེ། །ཕྱོགས་བཞི་རང་གི་རིགས་ཕྱི་རོལ། །ཀུན་བཟང་མཁའ་དབྱིངས་ཕྱི་ནང་གི། །སྟོང་པ་ལྔ་དང་ཕྱོགས་ལྔར་ཤེས། །སྐྱེ་མཆེད་སེམས་དཔར་སྦྱར་བ་ཡང་། །མིག་གི་སྐྱེ་མཆེད་སའི་སྙིང་པོ། །དེ་ལ་རིགས་ཀྱི་ལྔར་ཕྱེ་བ། །སྙིང་པོ་དག་ནི་མི་བསྐྱོད་མཐིང་། །སེར་ནག་རིན་འབྱུང་མེའི་རང་བཞིན། །འབྲས་དཀར་ཆུ་ནི་འོད་དཔག་མེད། །གཡོ་འགྱུར་རླུང་ནི་དོན་གྲུབ་པོ། །གཟུགས་སྣང་འཛིན་བྱེད་རྣམ་སྣང་ལ། །རང་བྱིན་རླབས་པའི་སྐྱེ་མཆེད་ལྔ། །རྣ་བ་ཕྱག་ན་རྡོ་རྗེ་སྟེ། །ཕྲ་རགས་གཟུགས་ནི་མི་བསྐྱོད་པ། །གཙོར་གྱུར་རང་བཞིན་རྣམ་སྣང་མཛད། །བུ་ག་མཐའ་ཡས་འོད་དཔག་མེད། །གཡོ་བྱེད་རྩ་ནི་དོན་ཡོད་གྲུབ། །སྒྲ་རྣམས་འཛིན་བྱེད་རིན་འབྱུང་ངོ་། །སྣ་ཡི་སྐྱེ་མཆེད་ནམ་མཁའི་སྙིང་། །ཕྲ་གཟུགས་རང་བཞིན་ནང་དབུས་དང་། །སྣ་བུག་དྲི་འབྱེད་རིམ་བཞིན་དུ། །མི་བསྐྱོད་རྣམ་སྣང་རིན་འབྱུང་དང་། །དོན་གྲུབ་མཐའ་ཡས་རང་བྱིན་རླབས། །ལྕེ་ཡི་སྐྱེ་མཆེད་འཇིག་རྟེན་དབང་། །གཟུགས་དང་རང་བཞིན་རྩ་བ་དང་། །རྩེ་ཡང་གཙོ་མོ་རོ་ཡི་ཁྱད་འཛིན་རྣམས། །ཤར་དབུས་ལྷོ་ནུབ་བྱང་གི་གཙོ། །སྒྲིབ་པ་རྣམ་སེལ་ལུས་སྐྱེ་མཆེད། །ངོ་བོ་རུས་པ་ཤ་དང་ལྤགས། །རེག་སྣང་ལྔ་ནི་སྣང་མཛད་དེ། །ལྷོ་ནུབ་བྱང་ཤར་རིམ་པ་དག །ཡིད་ཀྱི་སྐྱེ་མཆེད་འཇམ་ ― DNG014_Page_0444 ―
[མ་དཔེ་གཟིགས་ན་འདིར་གནོན།]
དཔལ་ཏེ། །ལུས་ལ་བརྟེན་པའི་རྣམ་ཤེས་ཚོགས། །ཀུན་གྱི་བདག་དང་ཡུལ་དུ་གྱུར། །ཕྱི་དང་ནང་དང་སྦྱར་བ་ནི། །དབང་པོ་ཡུལ་དང་སྐྱེ་མཆེད་རྣམས། །བྱང་ཆུབ་སེམས་དཔའི་དཀྱིལ་འཁོར་ཆེ། །གཟུགས་སྒྲ་དྲི་རོ་རེག་ཡུལ་རྣམས། །ལྔ་དང་བཅུ་ནི་རླུང་རང་བཞིན། །སྲོག་སེལ་གྱེན་རྒྱུ་མཉམ་ཁྱབ་བྱེད། །ལྷ་རྣམས་ཡང་དག་ངེས་པར་རྒྱུ། །རྩ་བ་དང་ནི་ཡན་ལག་ཚུལ། །དང་པོ་ཕུང་པོ་ལ་བརྟེན་སྤྱོད། །གཉིས་པ་རྣམས་ནི་དབང་པོར་གནས། །ཕྱི་དང་ནང་གི་ལས་ཀུན་བསྒྲུབ། །རྩ་བ་གསུམ་ནི་རྟེན་བཅས་ཤིང་། །ཀུན་གྱི་རྣམ་ཤེས་མ་ལུས་གནས། །སྲོག་འཛིན་ཚུལ་དུ་རྟག་པར་རྒྱུ། །དང་པོ་སྲོག་གི་རླུང་ཞེས་བྱ། །བཤང་གཅི་ཁུ་བ་ཁྲག་འོག་རླུང་། །ཐུར་དུ་འདྲེན་སེལ་དེ་ཉིད་དོ། །དབང་པོའི་སྒོ་དང་ཡན་ལག་གིས། །མྱོང་རེག་ལ་སོགས་མཉམ་གནས་ཏེ། །ཟ་འཐུང་སྨྲ་སོགས་སྟོད་དུ་འབྱིན། །འགྲོ་ཞིང་སྡོད་བསྐྱོད་གྱེན་རྒྱུར་གྲགས། །ཁྱབ་འཛིན་འགྲོ་ལྡོག་ཚོགས་ཀུན་གནས། །དེ་ལ་ཁྱབ་བྱེད་རླུང་དུ་བཤད། །ཤར་སོགས་དབུས་གཙོ་རང་བཞིན་གནས། །སྙིང་འདོམས་ལྐོག་མ་ལྟེ་བ་དང་། །ཚིགས་རྣམས་ལ་ནི་རབ་ཏུ་བརྟེན། །ཡན་ལག་རྣམ་པ་ལྔ་ཉིད་ཀྱང་། །ལྡང་རྒྱུ་མིག་གི་སྐྱེ་མཆེད་ལ། །སྣང་བ་སྒྲིབ་བྲལ་ཡིད་ཡུལ་མཐོང་། །རོལ་དང་འགྱིང་བག་སྒེག་ཉམས་བཅས། །རྗེས་སུ་ཆགས་དང་མངོན་ལོངས་སྤྱོད། །སྡུག་དང་མི་སྡུག་བཏང་སྙོམས་གཟུགས། །ཕྱི་ནང་བྱེད་པའི་ལས་ཀུན་བསྒྲུབ། །དབུས་ཤར་ནས་བརྩམས་རིམ་བཞིན་གཙོ། །རྣ་རྒྱུ་སྒྲ་སྟེ་རྣ་བའི་ཡུལ། །འུར་འུར་མགོ་དང་སྒྲ་འབྱིན་དང་། །རྟག་པར་རྒྱུན་སྒྲ་གླུ་དང་ངུ་། །ཡི་གེ་བརྗོད་པ་གནས་ཀྱི་རྒྱུ། །ཆུ་ཤིང་ལག་དང་རོལ་མོ་སོགས། །ཕྲིན་ལས་བཞི་ཡི་བརྗོད་སྒྲ་དག །གཙོ་འགྱུར་རིམ་པ་སྔར་བཞིན་ནོ། །སྣ་ཡི་སྐྱེ་མཆེད་ཡང་དག་རྒྱུ། །མ་ལུས་དྲི་དང་ཡན་ལག་དྲི། །ཀུན་འཛིན་ནང་གི་བྲོ་ཟས་དྲི། །ཁྱད་པར་ ― DNG014_Page_0445 ―
[མ་དཔེ་གཟིགས་ན་འདིར་གནོན།]
དྲི་དག་མི་བསྐྱོད་པ། །གཞན་དག་དབུས་ལྷོ་ནུབ་བྱང་རིམ། །ལྕེ་ཡི་རྣམ་ཤེས་རབ་ཏུ་རྒྱུ། །མངར་ཁ་བསྐ་དང་ལན་ཚྭ་ཚ་རིམ་གྱི། །དངོས་རྒྱུ་ལུས་ཀྱི་ཡོན་ཏན་ཏེ། །བསྟན་ནས་འཁྱུད་དང་སྒོ་རེག་དང་། །རྔུབ་དང་གཉིས་རབ་སྦྱོར་བ་ཡིས། །གནས་རྣམས་གསུམ་དང་དབུ་མའི་གནས། །དབུས་ལྷོ་ནུབ་བྱང་ཤར་སོགས་ཀྱིས། །གོ་རིམ་གྱིས་ནི་ཡུལ་ལྔ་ཡིན། །ཡེ་ཤེས་ལྔ་ཡིས་རབ་ཕྱེ་བ། །རྟེན་གསུམ་དག་ཅིང་གྲོལ་བ་ལ། །རྣམ་རྟོག་བག་ཆགས་མ་ལུས་སྦྱངས། །ཆོས་དབྱིངས་རྣམ་དག་ཡེ་ཤེས་སོ། །དངོས་པོ་མ་ལུས་གཟུགས་བརྙན་བཞིན། །ཅིག་ཆར་སྣང་ཤེས་མེ་ལོང་འདྲ། །ཁམས་གསུམ་བསམ་པ་སྣོད་བཅུད་ཚོགས། །སེམས་རྟོགས་ངང་དུ་མཉམ་དེ་ཉིད། །དུས་གསུམ་ཕྱི་ནང་ཆོས་ཀྱི་དངོས། །ཇི་བཞིན་མ་འདྲེས་རྟོགས་པ་དེ། །རང་བཞིན་སྒོ་གསུམ་ལས་རྫོགས་སྤྱོད། །མ་ལུས་གྲུབ་པའི་ཡེ་ཤེས་ཏེ། །རང་གི་རིགས་ལས་བྱུང་བ་ཡི། །དེ་བས་ཕུང་པོ་སྐྱེ་མཆེད་ཁམས། །གཙོ་བོས་བྱིན་བརླབ་སོ་སོའི་རིགས། །ཡུམ་དང་སེམས་དཔའ་ལྷ་མོ་དང་། །སེམས་མ་ཐུབ་པ་སྒོ་སྲུང་སྟེ། །དམ་པའི་རིགས་ནི་རྣམ་བརྒྱ་སྟེ། །ཕུང་པོ་སྐྱེ་མཆེད་ཡུལ་དང་བཅས། །ཁམས་ལྔ་འབྱུང་བཞི་རྣམ་དག་པ། །རྒྱལ་བ་བཞི་བཅུ་རྩ་གཉིས་ཡིན། །ཕུང་པོ་དེ་ཉིད་རིགས་ལྔ་སྟེ། །ལུས་ངག་ཡིད་ནི་སྐུ་གསུང་ཐུགས། །རྡོ་རྗེ་གསུམ་ནི་རྡོ་རྗེ་འཆང་། །གསང་བ་ཆེན་པོའི་རིགས་གཅིག་གོ། །རྩ་བའི་ཉོན་མོངས་རྣམ་ལྔ་ལ། །ཁྱད་པར་ཤས་ཆེ་གཉེན་པོ་ནི། །རྣམ་དག་ཕྱག་རྒྱའི་ཚིག་བསྒྲུབ་སྟེ། །ཞི་བ་བསྒྲུབ་མཆོག་ཁ་བསྐང་ཡིན།། །།དེ་ནས་སྟོན་པ་རྡོ་རྗེ་འཛིན། །ཇི་ལྟར་རྣལ་འབྱོར་ལུས་ཀྱི་ལྷ། །ངེས་པའི་སྣང་བ་ཐོབ་གྱུར་ནས། །ཕུང་པོ་ཁམས་དང་སྐྱེ་མཆེད་དང་། །འབྱུང་བཞི་རྣམ་ཤེས་ཡུལ་དང་བཅས། །དངོས་གྲུབ་ཀུན་གྱི་ཐུན་མོང་དུ། །ལྷ་དང་སྟོང་པ་རྣལ་འབྱོར་གསུམ། །རགས་པ་ལས་ནི་ཕྲར་གྱུར་པ། །ངག་གི་སྒྲ་དང་རྡོ་རྗེ་ཡིས། །བཟླས་པའི་ ― DNG014_Page_0446 ―
[མ་དཔེ་གཟིགས་ན་འདིར་གནོན།]
སྔགས་ཀྱི་དེ་ཁོ་ན། །སྲོག་འགྱུར་ཀུན་གྱི་དངོས་གྲུབ་བཤད། །ཕུང་པོ་ང་བདག་རང་བཞིན་ཅན། །འོད་ལྔའི་འཕྲོ་འདུ་དཔག་མེད་ལས། །ཤིན་ཏུ་ཕྲ་བའི་རྣལ་འབྱོར་བསྒོམ། །རི་རབ་རྩེ་ཡི་དམིགས་པ་ལྟ། །སྐུ་གསུང་ཐུགས་ཀྱི་ཡི་གེ་གསུམ། །འོང་དང་འདུག་དང་འགྲོ་བ་ལ། །མགྲིན་པ་སྙིང་ག་ལྟེ་གསང་གནས། །སྟེང་དུ་འགྲོ་ལ་སོགས་པ་དག །དབུགས་ལས་རིག་པ་ཉི་ཤུ་ལྔ། །བསྡུས་པའི་གཟུགས་བརྙན་སྟེང་སྒོ་ལས། །ལྔ་དང་བཅུ་སོགས་ཕྱི་དང་ནང་། །བྱང་ཆུབ་སེམས་རྒྱུ་མཁའ་ལ་གནས། །འགྲོ་རྣམས་ཀུན་གྱི་རྣམ་ཤེས་རྟེན། །རྩ་བ་ཡན་ལག་ལྔ་དང་བཅུ། །ཡུལ་གསུམ་གཡས་གཡོན་དབུས་ལ་གནས། །ལས་བཞི་ལ་སོགས་གསུམ་གྱིས་སྤྱོད། །འཇིག་རྟེན་འཇིག་རྟེན་འདས་སྣང་བ། །མ་ལུས་དབུགས་སྤྲོ་རྣམ་ཤེས་ཀྱི། །རྩ་བ་ཉིད་ཀྱིས་བྱིན་གྱིས་བརླབས། །ནམ་མཁའ་དང་མཉམ་ས་བོན་ཏེ། །ཁ་དོག་ཏིང་ངེ་འཛིན་ལ་སོགས། །སྤངས་པའི་དངོས་གྲུབ་དམ་པ་སྟེ། །སངས་རྒྱས་བྱང་ཆུབ་སེམས་དཔའི་ཚུལ། །འོད་ལྡན་གཞལ་མེད་ཁང་དུ་བཞུགས། །སྣ་ཚོགས་ཕྲིན་ལས་སྤྱོད་པ་ནི། །དོན་ཆེན་བྱེད་དང་སྟེང་འོག་འགྲོ། །བཏང་སྙོམས་གནས་དང་ཁྱབ་པར་བྱེད། །འགྲོ་དང་རྣམ་འགྲོ་ཡང་དག་འགྲོ། །རབ་འགྲོ་ངེས་འགྲོ་ཁྱད་པར་གྱིས། །ལྟ་ཉན་སྣོམ་མྱང་རེག་དང་བསམ། །རང་གཞན་ལོངས་སྤྱོད་བསམ་མི་ཁྱབ། །གཞལ་མེད་ཁང་པར་གནས་པའི་ལྷ། །རྟེན་བྱེད་པདྨ་འདབ་བརྒྱད་དབུས། །མི་བསྐྱོད་པ་ཡི་རང་བཞིན་བཞུགས། །འོག་སྒོ་པདྨ་བཞི་དབུས་ན། །གསང་གནས་རིན་ཆེན་འབྱུང་ལྡན་ཏེ། །སྟེང་འགྲོ་བཅུ་གཉིས་པ་ཡི་སར། །འོད་དཔག་མེད་པའི་ངོ་བོ་ཉིད། །དོན་གྲུབ་དྲུག་ཅུ་རྩ་བཞི་དབུས། །སྙོམས་མཛད་མེ་ཡི་རང་བཞིན་ནོ། །ཁྱབ་གནས་ཕྱི་རོལ་ཡན་ལག་བརྟེན། །རྣམ་སྣང་མཛད་པ་དེ་བཞིན་ནོ། །འགྲོ་བ་ཞེས་བྱ་གཟུགས་ལ་སྤྱོད། །རྣམ་འགྲོ་སྒྲ་ ― DNG014_Page_0447 ―
[མ་དཔེ་གཟིགས་ན་འདིར་གནོན།]
ཡིན་ཡང་དག་འགྲོ། །དྲི་སྤྱོད་རབ་འགྲོ་རོ་མྱང་ཞིང་། །ངེས་འགྲོ་དག་སྟེ་དེ་དག་ནི། །ཉི་ཟླ་རོལ་མོ་ལ་སོགས་པའི། །གནས་ནས་གཤེགས་ཏེ་རང་ལོངས་སྤྱོད། །ལྷ་དང་ལྷ་མོ་འོད་ཟེར་བཅས། །འབྱུང་བ་ཡེ་ཤེས་ལྔ་བདག་གིས། །བསྐུལ་ཏེ་བཟླས་པ་གསུམ་དུ་བྱེད། །གཞལ་མེད་ཁང་གི་སྟེང་སྒོ་ལ། །རླུང་མེ་ས་དང་ཆུ་རང་བཞིན། །རང་རང་གི་ནི་འགྲོ་བྱེད་བཞི། །གཡས་ནས་དྲོད་བཅས་སྟེང་འོག་དམར། །པདྨ་རིགས་ཀྱི་བཟླས་པ་ཡིན། །གཡོན་ན་སྙོམས་བྱེད་དབུགས་དང་བཅས། །འོད་ཟེར་ལྗང་གུ་ལས་རིགས་ཟློས། །ཐུན་མོང་འོག་འགྲོ་ས་ཡི་གཞི། །རིན་ཆེན་རིགས་ཀྱི་འོད་ཟེར་ཟློས། །རིན་ཆེན་ཤེལ་བག་དཀར་པོའི་འོད། །མི་བསྐྱོད་རང་བཞིན་བཟླས་པ་ཡིན། །ཁྱབ་ཆེན་ཀུན་འགྲོ་རྟེན་པ་དང་། །རྟེན་བཅས་ཀུན་ཏུ་སྣང་མཛད་ཟློས། །དཀྱིལ་འཁོར་ཀུན་ཏུ་སྡུད་པའི་དུས། །དོན་གཉིས་མཐར་ཕྱིན་གནས་པར་བྱ། །འགྲོ་བའི་བཞོན་པ་དེ་ཉིད་ཤེས། །སྔགས་ཞེས་བྱ་བ་གཉིས་པ་སྟེ། །ཇི་ལྟར་སངས་རྒྱས་ཀུན་གྱི་གསུང་། །ཡི་གེ་སྒྲ་ཡི་བརྗོད་པ་དག །ལྔ་བཅུའི་ཡན་ལག་ཀུན་རྣམས་ཀྱང་། །རྩ་བ་མ་སྐྱེས་གཅིག་ཡིན་ཏེ། །མ་བཅོས་པ་ལས་གསུམ་དུ་འགྱུར། །ཐ་མལ་པ་ལ་འགྲོ་འོང་ནས། །དང་པོའི་ལས་ལ་ཡང་དག་གཟུགས། །གཞི་ཡིས་སེམས་ཅན་ཁམས་བསྐྱེད་ཅིང་། །ལམ་རྫོགས་དྲིལ་ལ་ཕྱི་ནང་འགྲོ། །རང་བཞིན་གྲུབ་པའི་བཟླ་བ་གསུམ། །ཉོན་མོངས་ཀུན་སྦྱང་ཕྲིན་ལས་སྤྱོད། །ཨོཾ་ཨཱཿཧཱུཾ། དུས་གསུམ་ཐམས་ཅད་འདི་ལ་གསལ། །གནས་དང་རབ་ཏུ་བྱེད་པ་ལ། །དང་པོའི་ཐུན་ལ་ལྔ་ཡིན་ཏེ། །གཉིས་པ་ཉི་ཤུ་རྩ་ལྔར་བཟླས། །གསུམ་ལ་བརྒྱ་གཉིས་ཉི་ཤུ་ལྟར། །བཞི་པ་ལ་ནི་དགུ་བརྒྱ་སྟེ། །ལྔ་པ་ཉི་ཁྲི་ཆིག་སྟོང་དང་། །དྲུག་བརྒྱ་ཞག་གཅིག་དག་ལ་བཟླས། །འདི་ནི་ཤིན་ཏུ་ཕྲ་བའི་ལམ། །བཞོན་པར་བཅས་ཏེ་ཕྲིན་ལས་འགྲུབ། །གསུང་ཚིག་མ་ལུས་འདི་ཡིས་ཟློས། །ངག་ ― DNG014_Page_0448 ―
[མ་དཔེ་གཟིགས་ན་འདིར་གནོན།]
གི་རྣལ་འབྱོར་རྫོགས་འདོད་པའི། །ལམ་གྱི་ཁ་སྐོང་བཤད་པའོ།། །།དེ་ནས་བཅོམ་ལྡན་རྡོ་རྗེ་འཛིན། །དུས་གསུམ་སངས་རྒྱས་ཐམས་ཅད་ཀྱི། །ཡོན་ཏན་མཆོག་ལ་རབ་དགོངས་ཤིང་། །དམ་ཚིག་རྫས་ཀྱི་བསྒྲུབ་པ་བཤད། །རིགས་ལྔའི་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྩ་བརྒྱད་ཡན་ལག་སྟོང་དང་བཅས། །ཕྱི་ནང་གསང་བའི་དེ་ཉིད་ལས། །རང་བཞིན་སྤྱད་དང་བསྒྲུབས་ལས་བྱུང་། །ཕན་དང་ནུས་མཐུ་དཔག་མེད་ཀྱང་། །ཐ་མལ་རྣམ་རྟོག་དབང་གྱུར་ཏེ། །དངོས་སུ་སྤྱད་པར་མ་ནུས་པ། །དྲི་དང་ཁ་དོག་རོ་བསྒྱུར་ཕྱིར། །རྩ་བ་ལྔ་ལས་ཡན་ལག་གོ། །ཆ་མཐུན་རྒྱལ་བློན་འཁོར་རྣམས་ཀྱིས། །དབྱེ་བ་བསྡུ་བ་རབ་སྦྱར་ཏེ། །ཁྲོལ་བུ་ཕྱེ་མ་གོང་བུ་ལ། །ང་ཡི་དཀྱིལ་འཁོར་སྦྱར་བ་ཡིས། །བྱིན་གྱིས་བརླབས་ཏེ་རྟགས་ཕྱུང་བ། །བསྒྲུབས་པའི་ལོངས་སྤྱོད་ཡོན་ཏན་ཡིན། །རང་བཞིན་གནས་པའི་ཡོན་ཏན་ལ། །ལོངས་སྤྱོད་སྒོ་ནས་བསྒྲུབ་པ་ནི། །སྤྱི་དང་བྱེ་བྲག་སོ་སོ་སྟེ། །དང་པོ་རྟེན་གྱི་གང་ཟག་ནི། །ང་ཡིས་རབ་བསྟན་མཚན་ཉིད་ལྡན། །ཁྱད་པར་བླ་མ་མཉེས་བྱས་ཤིང་། །དབང་རྫོགས་ཐོབ་ཅིང་དམ་ཚིག་ལྡན། །ལྷ་དང་མཁའ་འགྲོ་ཉེར་གནས་པ། །སྒྲུབ་འབྱོར་ལུས་སྲོག་གཏོང་ཕོད་ཅིང་། །བརྟུལ་ཞུགས་བརྩོན་འགྲུས་ལྡན་པས་བརྩམ། །འབྱུང་བཞིའི་ནུས་པ་རྒྱས་ཤིང་འཕེལ། །སྟོན་ཟླ་གསུམ་ནི་དུས་ཀྱི་མཆོག །དཀའ་ཐུབ་བརྟུལ་ཞུགས་འཛིན་པ་དང་། །གྲུབ་པ་མཆོག་བརྙེས་རྣམ་སྣང་རྒྱུ། །རང་དང་བླ་མ་ཁ་བསྐང་བ། །དོན་གྲུབ་བྱང་ཆུབ་སེམས་ཀྱི་རྒྱུ། །མ་དང་སྲིང་མོ་བུ་མོ་དང་། །མཚན་ཉིད་ཀུན་ལྡན་སྣང་མཐའ་ཡས། །གནས་བདུན་པ་དང་བུ་ཆུང་དང་། །མཚན་ཉིད་ཀུན་ལྡན་རིན་འབྱུང་ཡིན། །སངས་རྒྱས་ཡབ་ཡུམ་རང་ཉིད་དང་། །གཞོན་ནུ་ལོ་བརྒྱད་མ་ཆད་རྣམས། །མི་བསྐྱོད་བསྒྲུབ་པའི་རྒྱུ་ཡིན་ནོ། །གྲོགས་ནི་མངར་གསུམ་ཚ་བ་གསུམ། ། ― DNG014_Page_0449 ―
[མ་དཔེ་གཟིགས་ན་འདིར་གནོན།]
བཟང་དྲུག་འབྲས་བུ་གསུམ་དང་ནི། །ཡུང་བ་སྤང་རྩི་སེ་རྒོད་ཤུན། །ཀ་ར་ག་པུར་ཁྱིའུ་རོ་ཚན། །ཁྱི་གུ་དཀར་མིག་མ་བྱེའི་ཤ །སོ་རྟོག་བོང་ང་སྐྱེར་བར་ཤུན། །བསེ་རུ་བྲག་ཞུན་པར་པ་ཏ། །སེར་ཐིག་སྲོ་ལོ་ཨུཏྤལ་སྔོན། །དེ་དག་སྦྱར་ཞིང་བསྒྲུབས་སྤྱད་ན། །རིམས་ནད་དུག་ནད་ཁྲག་ནད་སེལ། །བདུད་རྩི་ཅོང་ཞི་བྲག་ཞུན་དང་། །བ་ལུའི་ལོ་མ་ཚ་བ་གསུམ། །སེ་འབྲུ་གཅན་གཟན་ཤ་སྦྱར་ཏེ། །བསྒྲུབས་ཤིང་སྤྱད་ན་མཆིན་ནད་སེལ། །བདུད་རྩི་ཅོང་ཞི་སྡིག་སྲིན་དང་། །སེ་འབྲུ་སུག་སྨེལ་ཚ་རིགས་རྣམས། །སྦྱར་བསྒྲུབས་མཁལ་མའི་ནད་ཀུན་སེལ། །བདུད་རྩི་བཟང་དྲུག་ཤུ་དག་དཀར། །སེང་ལྡེང་ཁཎྜ་ཐང་ཆུ་དང་། །ག་པུར་ཀ་ར་ཅོང་མུ་ཟི། །བསེ་རུ་རྒྱ་རུ་གནག་རྒོད་འབྲས། །ཐ་ཀར་རྡོ་རྗེ་བོང་བུའི་ཤ །སྦྱར་ཏེ་བསྒྲུབས་པས་མཛེ་ནད་སེལ། །མཚེ་འབྲས་ཟོ་ཤ་སྦྱར་ཤ་སྤོས། །སྦྱར་ཞིང་བཀྲུས་ན་ཁ་སྤུ་དང་། །སྨིན་མ་སྐྱེ་བར་བྱེད་པ་ཡིན། །བོང་འབྲས་བོང་ནག་སྤང་བཙིར་ཁུ། །ཁྱི་ནག་ཕག་ནག་བྲུན་མུ་ཟི། །ཀར་སི་ལ་སྨན་ཐང་ཆུ་རྣམས། །ཆུ་གྲང་གིས་སྦྱངས་བཀྲུས་ཤིང་སྤྱད། །འབྲུམ་བུའི་ནད་རྣམས་ཐུབ་ཅིང་སེལ། །བདུད་རྩི་དང་ནི་ཚ་བ་གསུམ། །གནག་རྒོད་མཁྲིས་པ་བྱ་རྒོད་ཚིལ། །མར་རྙིང་དང་སྦྱར་ཞག་དགུར་བསྒྲུབ། །རིལ་བུ་བྱས་ཏེ་རྟག་ཏུ་བསྟེན། །གྲང་བས་མི་ཚུགས་གོས་སུ་འགྱུར། །བདུད་རྩི་བྱ་ངང་སྒོང་རྩི་དང་། །མུ་ཟི་གླ་རྩི་དྲོད་གསུམ་ཚ། །མར་རྙིང་དང་སྦྱར་ཞག་གསུམ་བསྒྲུབ། །རྟགས་ཕྱིན་རྐང་ལ་བྱུགས་པ་ན། །ས་ཆུ་གྲང་ལྷགས་ཀྱིས་མི་ཚུགས། །བདུད་རྩི་གསེར་སྲང་དྲུག་ཅུ་བཞི། །མར་སྲང་དེ་དང་མཉམ་པར་སྦྱར། །རུ་རྟ་བཅུ་དྲུག་སྲང་དང་མཉམ། །བཟང་དྲུག་སྲང་བརྒྱད་འབྲས་གསུམ་མཉམ། །ཟླ་བ་བཅུ་བསྒྲུབ་ལོངས་སྤྱད་ན། །རྐང་མགྱོགས་དངོས་གྲུབ་རྙེད་པར་འགྱུར། །བདུད་རྩི་དུག་སྦྱར་བྱང་བའི་ཤར། །རོ་ཐལ་ཟངས་ལྕགས་རྡོ་ཕྱེ་དང་། །ཝ་སྤྱང་མཛེ་ཁྲག་ཤ་རུས་རྣམས། །ཤང་ཚེ་སྐྱེ་ཚེ་ ― DNG014_Page_0450 ―
[མ་དཔེ་གཟིགས་ན་འདིར་གནོན།]
ཡུངས་ཀར་ནག །རྒྱ་གྲམ་ལམ་དང་ཆུ་འགྲམ་ས། །གངས་དང་རི་མཐོ་མཆོད་རྟེན་ས། །རྡོ་ལྕགས་རིན་ཆེན་སྣ་ལྔའི་ཕྱེ། །ལྡོང་རོས་གླ་རྩི་ཤ་ཚིལ་ཆེན། །རྟ་བོང་མུ་ཟི་ཚེར་མའི་ཤིང་། །ཟི་ར་གུ་གུལ་དཀར་ནག་དང་། །གཡི་སྤྱང་ཕག་དང་བོང་བུའི་བྲུན། །གཞན་ཡང་ཐུན་རྫས་དྲག་པོའི་རྫས། །སེར་བ་ཁུ་འཕང་གངས་ཆུ་དང་། །དྲག་པོའི་སྣོད་དུ་ཞག་གསུམ་བསྒྲུབ། །ཁྱབ་འཇུག་དང་སྡེབས་ལོངས་སྤྱོད་ན། །ཐོག་སེར་དྲག་པོ་འབབ་པར་འགྱུར། །དེ་ལ་སོགས་པ་ལས་ཀྱི་ཚོགས། །གསོ་སྤྱད་བཅོས་མ་གང་བསྔགས་པ། །རྩ་བ་ཡན་ལག་ཚུལ་དུ་སྤྱད། །བསྒྲུབས་པ་མ་ཡིན་རང་བཞིན་གྱིས། །ནུས་པ་དཔག་མེད་སྟོན་བྱ་བ། །རྒྱལ་པོ་ལྟ་བུར་བསྒྲུབ་པ་ནི། །དྲི་ཆེན་ཆུ་རྒྱུན་བཟང་ས་དང་། །སྦལ་ཏེ་མཐེབ་ཚིགས་ཙམ་དུ་སྐམ། །རིན་པོ་ཆེའི་སྣོད་ངང་པ་ཡི། །སྒོ་ངའི་དབྱིབས་འདྲ་སྦུ་གུ་ཅན། །སྟེང་དུ་བཙོ་བའི་སྣོད་ཡིན་ནོ། །བཅུད་བཅས་གང་བ་འོག་གི་སྣོད། །སྟེང་བཙོ་བར་བསྡམས་ཁ་བཅད་པའི། །བཟང་སྐྱོབས་བཟང་དྲུག་ངན་སྐྱོབས་དུག །ཚ་འབྲས་དྲུག་ནི་ལོངས་སྤྱོད་སྐྱོབས། །སྦྱོར་བ་མཐར་ཕྱིན་ཁྱད་པར་དུ། །གླ་རྩི་མུ་ཟི་ཤིང་ཀུན་ཚལ། །སྒ་ཚ་ཏི་ཙ་སེང་ཕྲོམ་དང་། །མགྲོན་ཐལ་ཚིལ་ཆེན་ཡུངས་ཀར་དང་། །བདུད་རྩི་སྦྱར་ཏེ་ཞག་བདུན་དུ། །བསྟེན་ན་ཀླུ་གདུག་གདོན་ལས་ཐར། །ཅོང་ཞི་གུ་གུལ་ཤུ་དག་གནག །པི་ལིང་ཐར་ནུས་གག་ལྷོག་སེལ། །ཀ་ར་སྦྲང་རྩི་སླེ་ཏྲེས་དང་། །ཤིང་མངར་གླ་རྩི་ཤུ་དག་ཀར། །སྦྱར་བསྟེན་གློ་ནད་རྙིང་པ་སེལ། །ཡུངས་ཀར་སྒོག་སྐྱ་མི་རུས་རྙིང་། །ཞག་བཞིར་བསྟེན་ན་འབྲུམ་ནག་སེལ། །ཙན་དན་ཨ་རུ་ཨ་པར་གསུམ། །སྦྱར་བ་ཞག་བཞིས་མིག་ནད་སེལ། །སྦྲང་རྒོད་མཁྲིས་པ་སྦྱར་བསྐུས་ན། །ཟ་གུ་ཐོར་པའི་ནད་ཀུན་སེལ། །སེ་རྒོད་མེ་ཏོག་ཡུངས་ཀར་དང་། །སྦྱར་བས་དུག་ནད་སེལ་ཞིང་སྲུང་། །ལོ་ཉུང་ཁ་སེར་བཙོང་སྒོག་ ― DNG014_Page_0451 ―
[མ་དཔེ་གཟིགས་ན་འདིར་གནོན།]
སྐྱ། །སྦྱར་བས་སྦྱར་དུག་སེལ་བར་བྱེད། །རྒྱ་ཚིལ་བྱི་བའི་ཀླད་པ་དང་། །འབྲས་བུ་གསུམ་དང་བཟང་པོ་དྲུག །རྩ་བ་ལྔ་བསྐོལ་བཅུད་རྣམས་ལ། །དྲི་རོ་ཁ་དོག་ནུས་པ་དང་། །ཞུ་བའི་རྗེས་སོགས་ལེགས་པར་བཙིར། །ཐབས་ནི་སྲུལ་དང་གདུལ་བ་དང་། །དབྱེ་དང་དབྱུང་དང་བཙོ་བ་དང་། །བཙིར་དང་སྐམ་དང་བསྣུར་བ་ཡིས། །ཕྱེ་མ་རིལ་བུ་ལྡེ་གུ་དང་། །ཟན་དང་ཚོད་མ་ཐུག་པ་དང་། །ཆང་དང་མར་ཁུ་སྨན་མར་དང་། །འགམ་ཕྱེ་ཟན་དྲོན་འོ་མ་མར། །དེ་དག་ལས་གྱུར་རྒྱལ་པོ་དང་། །བློན་པོ་བྲམ་ཟེ་དམངས་རིགས་དང་། །རིགས་ངན་གདོལ་བ་བུ་ཆུང་དང་། །སྨྱོན་པ་ལྟ་བུའི་གནས་སྐབས་ཀྱིས། །ཐ་དད་བསྒྲུབ་པ་གང་ཟག་གི། །བློ་དང་དབང་པོ་བསམ་པ་ཡིས། །རབ་ཏུ་ཕྱེ་བའི་ཁྱད་པར་གྱིས། །སྣ་ཚོགས་བསྒྲུབ་པའི་ཐབས་སུ་འགྱུར། །བྱེ་བྲག་སོ་སོའི་བསྒྲུབ་པ་ནི། །རྣམ་པར་སྣང་མཛད་རང་གི་རྒྱུ། །ཁྱད་པར་གཙོ་བོའི་སྒྲུབ་ཐབས་ནི། །སྔོན་དུ་འགྲོ་བའི་ཚོགས་རྫོགས་ནས། །མར་དང་འོ་མ་མཉམ་བླུགས་ཏེ། །ཁམས་དང་ལོངས་སྤྱོད་མཐུན་པ་ལ། །ཀུན་སྦྱོར་རྫས་དང་ཏིང་ངེ་འཛིན། །སྔགས་དང་བཅས་པས་བསྒྲུབ་པར་བྱ། །ཚ་བ་གསུམ་དང་འབྲས་བུ་གསུམ། །དཀར་གསུམ་མངར་གསུམ་ཡན་ལག་བཅས། །སྣོད་བཟང་བཅས་ཏེ་ལོངས་སྤྱོད་བྱ། །ཕྱེ་མ་བཅུད་ཀྱིས་ལེན་སྒྲུབ་ཡིན། །ཤ་བཟང་གསར་དང་བདུད་རྩི་གཉིས། །བཅའ་ལྒ་བུང་བུ་རི་ཡིས་བརྒྱན། །ཟླ་བ་གཅིག་ཏུ་སྲུལ་ཞིང་བསྒྲུབ། །ཤ་ལྟར་ལོངས་སྤྱོད་བསྟེན་ཅིང་སྤྱད། །ཁྱད་པར་གདུལ་ཞིང་བསྒྲུབ་པ་ནི། །ཚ་བ་གསུམ་དང་འབྲས་བུ་གསུམ། །མར་དང་ཕྱེ་བཟང་གདབ་ཅིང་བཙོ། །བཤོས་གཙང་ལྟ་བུར་བསྒྲུབ་ཅིང་སྤྱད། །སྣ་ཚོགས་འོ་མས་སྦྱར་བ་ནི། །དེ་ཉིད་གྲུབ་པའི་ལོངས་སྤྱོད་ཡིན། །མངར་གསུམ་གྱིས་སེལ་དེ་ཉིད་དོ། །ནས་བྲུས་དང་བཅས་མཐུན་པར་བསྒྲུབ། །བདུད་རྩི་སྐམ་ལེགས་ཞིང་ཕབས་དང་། །བཅས་པ་ཞག་གསུམ་མནན་ཅིང་བསྒྲུབ། ། ― DNG014_Page_0452 ―
[མ་དཔེ་གཟིགས་ན་འདིར་གནོན།]
ཆང་བཞིན་དུ་ནི་ལོངས་སྤྱད་བཏུང་། །ཚ་འབྲས་ཅོང་ཞི་མར་རྙིང་དང་། །བྲག་ཞུན་དང་སྦྱར་སྨན་མར་སྒྲུབ། །མངར་དང་འོ་མར་ཚ་འབྲས་རྣམས། །སྦྱར་བ་འགམ་ཕྱེར་བསྒྲུབ་པ་ཡིན། །གཞན་ཡང་རིལ་བུ་ཕྱེ་མ་དང་། །སྨན་མར་ཁཎྜ་ལྡེ་གུ་དང་། །གོང་བུ་བཅུད་ལེན་ལ་སོགས་པ། །དྲི་རོ་ནུས་པའི་སྐྱོབས་བསྡུས་པ། །འུ་སུ་སྒོག་སྐྱ་མར་རྣམས་ཏེ། །དང་པོ་གཉིས་པ་མངར་གསུམ་ཡིན། །ནུས་པ་ཚ་གསུམ་རྩ་བ་ལྔ། །སྤྱིར་སྤྱད་རྩ་བརྒྱད་ཡན་ལག་སྟོང་། །དཀྱིལ་འཁོར་སྦྱོར་བའི་ཁྱད་པར་གྱིས། །བསྒྲུབས་པའི་ཁྱད་པར་འབྲས་བུ་ནི། །གཙང་སྨེ་དང་བྲལ་ལོངས་སྤྱོད་ནུས། །ཐུན་མོང་འདུ་ཞིང་ཁྱད་པར་རྫོགས། །རྩ་བ་ཆེན་པོའི་སྒྲུབ་པ་ཡིན། །རྡོ་རྗེ་རིགས་ཀྱི་སྒྲུབ་ཐབས་ནི། །རྩ་བ་རྒྱུ་ཡི་ཁྱད་པར་ལས། །མི་རྟ་ཁྱི་དང་བྱ་ལ་སོགས། །སྲོག་ཆགས་ཆེ་ཕྲ་གང་རུང་བའི། །བྱང་ཆུབ་སེམས་ཀྱི་རྩ་བ་དང་། །གཤེགས་ལམ་བཞུགས་གནས་འབྲས་བུ་དང་། །ཆུ་བ་ཚིལ་དང་རྐང་མར་དང་། །ཐལ་ཀར་རྡོ་རྗེ་མཚན་མ་དང་། །ཅོང་ཞི་བྲག་ཞུན་ལ་སོགས་རྣམས། །མཚན་ལྡན་སྣོད་སྦྱར་ལེགས་པར་བསྒྲུབ། །རྩ་བ་ཅོང་ཞི་ཅུ་གང་ཡིན། །རིན་ཆེན་རིགས་སུ་བསྒྲུབ་པ་ནི། །སྔགས་པའི་རྒྱུ་ལྡན་མང་ཉུང་རན། །ཆུ་ཚོད་ཀྱིས་ནི་ལེགས་པར་བཙོ། །རྡུལ་དང་ཕྲལ་ཏེ་ལེགས་པར་བཙག །སྲང་བཅུ་འོ་མ་མར་དྲེ་གསུམ། །མར་བླུག་ཆུ་ཚོད་བཟུང་ཞིང་གདུ། །བཅད་ཚོད་ཟིན་པར་བསྒྲུབ་པར་བྱ། །ཐོ་རངས་དུས་སུ་ལོངས་སྤྱོད་བཟའ། །གློ་བུར་དག་ཏུ་བཟའ་བ་ནི། །སྐྱེས་པ་བུད་མེད་མཚན་དང་ལྡན། །དར་གཞོན་ཤ་ཚིལ་ལེགས་པར་དབྱེ། །མ་རུལ་བ་དེ་ཆུ་སེར་དབྱུང་། །ཁམ་པའི་ནང་བཅུག་མེར་བསྲེག་བཙོ། །ཡང་ན་ནས་སྲན་ཙམ་བརྡུངས་ལ། །གྲོད་པའི་ནང་དུ་ཁུ་བ་གདུ། །ཤ་བཟང་ཤིང་ཀུན་ཁྱད་པར་བླང་། །བ་གླང་གླང་ཆེན་རྟ་དང་ཁྱི། །ཡན་ལག་དག་ཏུ་གྱུར་པའོ། །པདྨའི་རིགས་སུ་སྒྲུབ་པ་ནི། །རང་དང་བླ་མའི་ ― DNG014_Page_0453 ―
[མ་དཔེ་གཟིགས་ན་འདིར་གནོན།]
ཕྱག་རྒྱའི་རྫས། །ཁྱད་པར་གཞོན་ནུ་སྐྱོན་མེད་ཀྱི། །པདྨའི་རཀྟ་ཚོགས་ཚད་དེ། །ཡན་ལག་ཨ་ཤྭ་གནྡྷ་དང་། །འབྲི་མོག་ཉེ་ཤིང་ར་མོ་ཤག །ཙན་དན་དམར་པོ་བཙོད་རྒྱ་སྐྱེགས། །སྟར་བུ་ཤིང་ཏོག་སེར་ལེ་བརྒན། །རྒུན་འབྲུམ་ཤིང་མངར་མེ་ཏོག་མངར། །ཚོགས་ཚད་མཚལ་དང་དམར་པོའི་རིགས། །རིགས་དང་མཐུན་པར་ཉེ་བར་བསྒྲུབ། །ཁྱད་པར་སྐུ་གསུམ་བསྒྲུབ་པ་བླང་། །ཙན་དན་དང་ནི་ལི་ཤིའོ། །གློ་བུར་ཤངས་ཀྱི་བུ་གར་བསྒྲུབ། །ལས་ཀྱི་རིགས་ཀྱི་བསྒྲུབ་པ་ནི། །བར་མ་སྣོད་གཞན་གྲང་དུ་གཞུག །བདུད་རྩི་བསིངས་པའི་ཆུ་དང་བསྲེ། །བཟང་དྲུག་གླ་རྩི་ཨ་རུ་ར། །ཞིབ་བཏགས་ཁ་ཚར་བཏབ་ལ་བསྒྲུབ། །ཡང་ནི་དྲི་ཆུ་བསྒྲུབ་པའི་ཐབས། །རྫ་ཡི་དོང་བུ་ཆ་གཉིས་བྱ། །བར་དུ་གཟེར་གྱི་ཐེམ་བུ་གཞུག །དོ་ནོང་ནང་པར་བརྗེ་ཞིང་བཏུང་། །དང་པོ་ཡིས་ནི་ཁྲུས་བྱ་ཞིང་། །བར་གྱི་བདུད་རྩི་སྤྱད་ཅིང་སྒྲུབ། །ཐ་མའི་རྫས་དེ་ཕྱི་རུ་བོར། །འབྲས་བུ་གསུམ་ནི་བཅུད་ཀྱིས་ལེན། །འདི་དག་ཁྱད་པར་དམ་ཚིག་ནི། །ཚ་སྔོ་ཤ་རུལ་སྒོག་བཙོང་དང་། །ཆང་ཉེས་སྲེད་པ་ཉི་མ་མེ། །བསྒྲུབ་པ་འཇིགས་པའི་རྫས་ཀུན་སྤང་། །ཡོན་ཏན་དང་པོས་ལུས་རྫོགས་ཤིང་། །གསུམ་པ་མཛེ་དང་རླུང་ཐུབ་སྟེ། །གཉིས་པས་སེམས་གསལ་འབྲུམ་བུ་ཐུབ། །བཞི་པས་བཀྲག་བཟང་རྒྱུ་གཟེར་ཐུབ། །ལྔ་པས་ས་བདག་བད་ཀན་ཏེ། །ཕྱི་ནང་གསང་བ་གསུམ་གྱིས་ནི། །ཉེ་བར་རྒྱུན་ཏུ་སྒྲུབ་བྱེད་ན། །བདུད་རྩི་རྣམ་ལྔ་ཚ་བ་གསུམ། །མར་རྙིང་དང་སྦྱར་ཟླ་དྲུག་བསྒྲུབ། །ཚ་གྲང་ནད་ཀྱི་གཉེན་པོ་རྣམས། །སྐྱོབས་དང་གྲོགས་ཀྱིས་ལེགས་སྦྱར་བ། །ཡུན་དུ་བསྒྲུབ་པ་ཕྱི་བཤད་དེ། །ཕོ་ཤའམ་ནི་མུ་ཟི་དང་། །ཚུལ་བཞིན་ལེགས་སྦྱར་ནང་དུ་བསྒྲུབ། །ཕྱག་རྒྱའི་གྲོགས་དང་བཅས་པ་ནི། །གསང་བ་ཆེན་པོའི་བསྒྲུབ་པ་ཡིན། །ཀུན་ལ་ཆོས་གསང་དམ་ཚིག་སྟེ། །དངོས་གྲུབ་མཆོག་ཐོབ་འབྲས་བུ་ཡིན། །ལས་ཚོགས་སོ་སོར་སྒྲུབ་པ་ནི། །བདུད་རྩི་དྲི་ཆེན་ ― DNG014_Page_0454 ―
[མ་དཔེ་གཟིགས་ན་འདིར་གནོན།]
རྒྱུ་བཟང་དང་། །ཙན་དན་ཀ་ར་འབྲས་བུ་གསུམ། །ཡུངས་ཀར་སྐྱེར་པའི་བར་ཤུན་དང་། །སྦྱར་བ་ལེགས་བསྒྲུབས་ལོངས་སྤྱད་ན། །སྦྱར་དུག་རླུང་ནད་ཐམས་ཅད་སེལ། །དོམ་མཁྲིས་ཚ་བ་གསུམ་གྱིས་བསྒྲུབས། །མགུལ་ནད་གག་པ་ལ་སོགས་སེལ། །བདུད་རྩི་དཀར་དམར་ཚིལ་ཆེན་དང་། །གླ་རྩི་བཟང་དྲུག་ཆ་མཉམ་བསྒྲུབས། །ཞག་བདུན་གྱིས་ནི་རྟགས་ཕྱུང་སྟེ། །ལོངས་སྤྱད་མཛེ་ནད་ཐམས་ཅད་འཇོམས། །རྩ་བའི་བདུད་རྩི་ཕུལ་གང་གདུལ། །བདུད་རྩི་སྲང་གཉིས་མར་སྲང་གཅིག །ཨ་རུ་ཆུས་སྦངས་འོ་མར་སྦྱར། །གྲིབ་སྐམ་བྱས་ཏེ་བཟང་དྲུག་དང་། །ཙན་དན་དཀར་དམར་ཚ་བ་གསུམ། །འབྲས་གསུམ་ཅོང་ཞི་བུ་རམ་སྦང་། །བལ་བུ་ཤུག་པའི་ཁཎྜར་བཅས། །ཚད་ལྡན་བསྒྲུབས་ཏེ་ལོངས་སྤྱད་ན། །འདུ་བ་བཞི་སེལ་ལོངས་སྤྱོད་རྒྱས། །བདུད་རྩི་འབྲས་གསུམ་བ་ལེ་ཀ །བཟང་དྲུག་ཏིག་ཏ་བ་ཤ་ཀ །ཙན་དན་དཀར་དམར་གླ་རྩི་དང་། །སྦྲང་རྩི་ཅོང་ཞི་སྐྱེར་ཁཎྜ། །སྦྱར་བསྒྲུབས་ལོངས་སྤྱད་མཁྲིས་ནད་སེལ། །བདུད་རྩི་ཚིལ་ཆེན་འབྲས་བུ་གསུམ། །མར་དང་བུ་རམ་སྦྱར་བསྒྲུབས་ན། །སྙིང་རླུང་མགོ་འཁོར་ལ་སོགས་སེལ། །བདུད་རྩི་མཁྲིས་པ་ཚོགས་ཚད་དང་། །སྟག་ཀྱང་སྙག་སྦྱར་ཤ་དུག་སེལ་བར་བྱེད། །ཁྱི་མིག་ཁུ་དང་ཉུང་ས་བོན། །བྲག་ཞུན་མར་ཁུ་སྦྱར་བ་ཡིས། །མེ་དུག་སེལ་ཞིང་སྲུང་བར་བྱེད། །ག་པུར་ཡུངས་ཀར་ཕོ་བྱ་ཚན། །ལུག་གཞོན་སྨད་ཤ་གདུས་པ་ཡིས། །དུག་ནད་སེལ་ཞིང་སྲུང་བར་བྱེད། །མར་ཁུ་རྟ་དཀར་ཁྲག་སྦྱར་བས། །སྟོད་ན་ཤ་མཛེར་ནད་ལས་ཐར། །གུ་གུལ་ནག་པོ་མུ་ཟི་དང་། །ཏི་ཚ་སྦྱར་བས་འབྲས་ནད་སེལ། །སེ་འབྲུ་ཤུ་དག་གུ་གུལ་གནག །སྦྱར་བས་ཕོ་ལྷོག་སེལ་བར་བྱེད། །ཁྱི་ལུད་གུ་གུལ་ནག་པོ་དང་། །མར་ཁུ་སྦྱར་བྱུག་ཤ་རོ་སེལ། །ཕག་ཚིལ་གུར་གུམ་སྦྱར་བྱུགས་པས། །ཤ་འཕར་སེལ་ཏེ་གླ་རྩི་དང་། །མུ་ཟི་གུ་གུལ་སྦྱར་བ་ཡིས། །ཕོལ་མིག་རུས་ནད་སེལ་བར་ ― DNG014_Page_0455 ―
[མ་དཔེ་གཟིགས་ན་འདིར་གནོན།]
བྱེད། །ཚ་བ་གསུམ་སྦྱར་གྲང་ནད་སེལ། །མཁྲིས་པ་དྲི་ཆུས་ཚ་བ་སེལ། །སྐྱེར་ཤུན་གླ་རྩི་ཡུང་བ་དང་། །གུ་གུལ་ཤུ་དག་བོང་ང་ནག །སྤྲུ་མ་རུ་རྟ་མུ་ཟི་ཡིས། །ལྷོག་པའི་རིགས་ཀུན་བསྲུངས་ཤིང་སེལ། །དེ་དག་ནད་ཞི་བྱེད་པ་སྟེ། །གདོན་ཞི་བྱེད་པའི་ལས་ཀུན་ནི། །མི་རྟ་ཁྱི་ཡི་ཤ་དང་ཁྲག །ལྷམ་རྙིང་ཚིལ་ཆེན་རྟའི་མཆིན་པ། །ར་ཁྲག་དང་བཅས་རྒྱལ་གདོན་ཞི། །བྱ་ཤ་ནལ་བུའི་ཀླད་པ་དང་། །དྲེའུའི་ཁྲག་སྦྱར་མ་མོ་ཞི། །བཙན་དུག་བ་ལང་བཙན་ཞི་བྱེད། །སྤྲེལ་ཤ་ཁྱི་ལུད་རྒྱལ་ཕྲན་ནོ། །ནག་པོ་བརྒྱད་སྦྱར་ཀླུ་ཞི་བྱེད། །གདོན་གཞན་བདུད་རྩི་ཉིད་ཀྱིས་ཞི། །རྒྱས་པའི་ལས་སུ་བྱ་བ་ནི། །བདུད་རྩི་མར་ཁུ་རྟག་བསྟེན་ན། །འཛམ་གླིང་བྱེ་བ་ཕྲག་བརྒྱ་ཡི། །ལོངས་སྤྱོད་ཀུན་ལ་དབང་བྱེད་འགྱུར། །མུ་ཟི་ཅོང་ཞི་ར་མོ་ཤ །སྦྱར་ན་ཚེ་ཡི་དངོས་གྲུབ་འབྱུང་། །བ་མར་འོ་མ་མུ་ཟིར་སྦྱར། །རྒས་པའི་མཚན་མ་ཐམས་ཅད་སེལ། །དབང་གི་ལས་སུ་སྒྲུབ་པ་ཡང་། །ར་དཀར་འོ་མ་སིནྡྷུ་ར། །པདྨ་རཀྟ་སྦྱར་བྱས་ན། །མོ་རིགས་ཐམས་ཅད་དབང་དུ་བྱེད། །ཅོང་ཞི་བྱང་ཆུབ་སེམས་སྦྱར་ན། །ཕོ་རིགས་ཐམས་ཅད་དབང་དུ་འགྱུར། །ལྟོང་ཁུ་དྲི་མ་མར་ནག་གསུམ། །སྦྱར་བསྟེན་ཡུལ་ཁམས་དབང་དུ་བྱེད། །སྒྲོལ་ཕྱིར་མནན་དང་བསྐྲད་དང་དབབ། །བྱུགས་དང་ཟོས་པས་དྲག་པོ་འགྲུབ། །རྦོད་གཏོང་གནོད་པ་མ་ལུས་བཟློག །ཕྲིན་ལས་རྣམ་བཞིའི་ལས་ཚོགས་ཡིན། །གཞན་ཡང་ལོག་གནོན་བསྒྲུབ་པ་ནི། །གྲང་འབྱམ་བྱུང་ན་རྒྱ་ཐལ་དང་། །བཙོད་དང་སྒོག་སྐྱ་པི་པི་ལིང་། །ཆང་དང་སྦྱར་ཏེ་བསྟེན་པས་ཐུབ། །འབྲས་ཟན་ཚ་བ་གསུམ་ཡང་རུང་། །ནས་ཚིག་ཟན་ནམ་ཆང་ཡང་རུང་། །མ་ཞུའི་སྒྲེགས་ངན་བྱུང་བ་ན། །ཚ་སྣ་གསུམ་གྱི་སྦྱོར་བ་བྱ། །མ་ཞུ་ན་ནི་སྒོག་སྐྱ་འམ། །དྲི་ཆུའི་ཐད་དུ་གཏང་བར་བྱ། །བདུད་རྩི་ཆེན་པོ་མ་ཞུ་ན། །དྲི་ཆུ་བར་དང་ཚ་སྦྱར་བཏང་། །རླུང་སྐྱེས་མར་རམ་ཚོ་ཁུ་བཏང་། །མཁྲིས་པ་སྐྱེ་ན་ཀ་ར་སྟེ། །བད་ཀན་ལ་ནི་རུ་རྟ་སྟེ། །གྲང་བ་ལ་ནི་ཚ་བ་གསུམ། ། ― DNG014_Page_0456 ―
[མ་དཔེ་གཟིགས་ན་འདིར་གནོན།]
ཚ་བ་སྐྱེས་ན་ཅུ་གང་ངམ། །གུར་གུམ་གཏང་བར་བྱ་བ་ཡིན། །དྲི་ཆེན་ལ་ནི་དྲི་ཆུ་སྟེ། །དེ་མ་ཞུ་ན་སྣབས་ཡིན་ཏེ། །ཐིག་ལེ་དཀར་དམར་དེ་ཉིད་དོ། །མཁྲིས་པར་ལྷུང་བའི་རྟགས་བྱུང་ན། །ཏིག་ཏ་བ་ལེ་བ་ཤ་ཀ །བདུད་རྩི་ཅོང་ཞི་སྦྱར་བར་བྱ། །བད་ཀན་ཨ་རུ་ར་ཡི་ཐང་། །རླུང་ལ་འབྲས་གསུམ་ཚིལ་ཆེན་ནོ། །ཚ་གྲང་ལ་སོགས་དེ་བཞིན་སྦྱར། །སྐྱུགས་བྲོ་གཉིད་མེད་འཕྱོས་པ་ལ། །ཆུ་ཕུལ་བདུན་ལ་མར་ཕུལ་ཕྱེད། །འོ་མ་ཕུལ་གང་མཉམ་དུ་གདུ། །རླུང་སྐྱེས་སྐྲངས་ལ་སོགས་པ་སེལ། །འབྲུ་གསུམ་གྱིས་ནི་ཀུན་བྱིན་བརླབ། །སྲིན་ལོག་དང་པོ་བྱུང་བ་ལ། །སྒོག་སྐྱའི་ཆུ་སྐོལ་གཏང་བར་བྱ། །སྐྱུག་ལོག་འོ་མ་ལུད་མར་བཏང་། །གསོ་ན་ཙམ་པ་བག་ཙམ་སྟེ། །སྲོག་རྩའི་སྲིན་ལྗང་མགོ་ཁྲ་ཡིས། །བདུད་རྩི་བསྒྲུབ་ལ་རང་ཤུགས་ཐོན། །མཆིན་སྡོམ་སྡིག་པ་འབུ་ཤུན་དང་། །མི་ཚིལ་ར་ཚིལ་ཕག་ཚིལ་དང་། །བཟང་དྲུག་ཚ་སྣ་ཚོགས་ཚད་ལ། །རིལ་བུ་རིལ་མ་ཙམ་བཞི་གཏང་། །དེ་དུས་འགྱེལ་ན་འཆི་འགྱུར་ཏེ། །སྨན་པ་མཁས་པས་གཏར་ཁ་བྱ། །སྨན་གྱིས་གཏར་བས་ཁྲག་དབྱུང་སྟེ། །དེ་ཐོན་ཚེ་ཚད་ཉི་ཟླ་འདྲ། །དེ་ནས་བསྒྲུབ་པ་བྱ་བ་ནི། །དང་པོ་བདག་གི་ལུས་སྦྱང་ཕྱིར། །སྔོན་འགྲོ་ནད་དང་ཟས་བརྡ་སྟེ། །ཨ་རུ་ར་ནི་ཆ་བཞི་ལ། །བ་རུ་སྐྱུ་རུ་ཕྱེད་ཕྱེད་དོ། །བཟང་དྲུག་ག་པུར་ཙན་དན་སོགས། །རྩ་བའི་བདུད་རྩི་དང་སྦྱར་ཏེ། །རླུང་ལ་བུ་རམ་དང་སྦྱར་ཏེ། །ཁྲག་མཁྲིས་ཆེ་ན་ཀ་རའོ། །གྲང་བ་ཚོ་ཁུ་རམ་ཉེ་བ། །དེ་དག་རིལ་བུའི་སྦྱོར་བའོ། །བདུད་རྩི་ཕྱེ་མ་ཟོ་མར་སྦྱར། །འོལ་གོམ་ཕྱེ་མའི་བསྒྲུབ་པའོ། །བདུད་རྩི་དྲོན་མོ་ཤ་ཆེན་སྦྱར། །མནན་ཞིང་སྒྲུབ་པ་ཤར་བསྒྲུབ་པའོ། །ཉུང་ཁུ་ཤུ་ལ་རམ་ཉེ་དང་། །ལྕ་བའི་ཁཎྜ་བདུད་རྩིར་སྦྱར། །གསུམ་མམ་ལྔ་རུ་ལྡེ་གུར་བསྒྲུབ། །འོ་མ་དང་སྦྱར་བསྐོལ་བ་ནི། །འོ་ཐུག་བདུད་རྩིར་བསྒྲུབ་པ་ཡིན། །རཀྟ་བཟང་པོ་རྣམས་དང་སྦྱར། །དེ་ཉིད་བསྒྲུབ་པ་ཆེན་པོར་འགྱུར། །ཕྱེ་བཟང་དང་སྦྱར་བསྐོལ་ ― DNG014_Page_0457 ―
[མ་དཔེ་གཟིགས་ན་འདིར་གནོན།]
ཞིང་བཙོ། །ཟན་དྲོན་ཆེན་པོར་བསྒྲུབ་ཅིང་སྤྱད། །དེ་ལ་ཕབས་བཟང་གདབ་ཅིང་བསྒྲུབ། །མ་བབས་མ་ལངས་བར་དུ་སྟེ། །རྟགས་བཟང་བྱུང་ན་ཆུ་བཟང་སྦྱར། །དེ་ནི་བཏུང་བའི་མཆོག་ཏུ་འགྱུར། །ར་མགོ་ལྟ་བུའི་ཆུ་བསིངས་ན། །གྲང་བའི་ནད་རྣམས་མ་ལུས་སེལ། །སྐམ་ཉུང་ཁཎྜ་ཨ་རུ་ར། །གསེར་མདོག་རྣམ་པར་རྒྱལ་བ་དང་། །རེའུ་རལ་ཁྱེའུའི་ཚན་དང་སྦྱར། །དུག་རྣམས་མ་ལུས་འཇོམས་པའི་མཆོག །བརྒྱ་བྱིན་ལག་ནི་འོ་མར་སྦྱར། །བཞིན་ཤ་ཁ་དོག་མདངས་ལྡན་འགྱུར། །མུ་ཟི་སྒོག་སྐྱ་ཅོང་ཞིར་སྦྱར། །བད་མཁྲིས་སེལ་ཞིང་གཞོན་ནུར་འགྱུར། །ཤུ་དག་ཀར་སྦྱར་དེ་བསྒྲུབས་ན། །གཟུགས་མདོག་ལ་སོགས་ལྡན་པར་འགྱུར། །བྲག་ཞུན་དང་སྦྱར་མཆིན་ནད་སེལ། །དུག་འཇོམས་སྟོབས་དང་ལྡན་པར་འགྱུར། །ཉེ་ཤིང་དང་སྐྱར་རྐང་མགྱོགས་འགྲུབ། །ར་མོ་ཤགས་ཀྱིས་མཁའ་ལ་འགྲོ། །ལྕམ་པ་སྦྱར་བསྒྲུབས་མཁལ་ནད་སེལ། །ཨ་ཤྭ་ཨན་དྷ་འོ་མར་སྦྱར། །བཅུད་ལེན་བསྒྲུབ་པ་ཆེན་པོ་ཡིན། །གཟེ་མ་བདུད་རྩིའི་ཆང་གིས་ནི། །གྲང་རླུང་མཐའ་དག་སེལ་བར་བྱེད། །ཛཱ་ཏི་བུ་རམ་བོང་ང་དང་། །ཚ་བ་གསུམ་དང་མར་ཁུས་བསྒྲུབས། །ཟས་དང་མ་འདྲེས་ལོངས་སྤྱད་ན། །གློ་སྙིང་ལ་སོགས་སྟོད་ནད་སེལ། །གསེར་གྱི་མེ་ཏོག་མཁྲིས་ནད་སེལ། །བཟང་དྲུག་ཕྱིར་བསྒྲུབས་ཁྲག་ནད་དོ། །གསེར་མདོག་གིས་ནི་དུག་རིགས་འཇོམས། །ལུག་མིག་གིས་ནི་ས་རྣམས་མཐོང་། །བསྐོར་བཟློག་ཆེན་པོས་མཛེ་ནད་འཇོམས། །དེ་དག་དང་པོའི་ལས་ཅན་ཏེ། །མདོག་ནི་དཀར་གསུམ་མཐུན་པ་སྟེ། །མངར་གསུམ་གྱིས་ནི་རོ་དང་ལྡན། །ག་པུར་གླ་རྩི་དྲི་ཡིན་ནོ། །ཇི་ལྟར་རིགས་པས་བསྒྲུབ་པ་ཡི། །གོམས་དང་བཅོས་པའི་བསྒྲུབ་སྒྲུག་པ་པོས་ཀྱང་པས་སོ། །བདུད་རྩི་རྣམ་ལྔ་མྱུར་དུ་བསྒྲུབ། །སྤྱིར་འགྲོ་ཡོན་ཏན་བསྟན་པ་ནི། །དཔག་མེད་བསམ་གྱིས་མི་ཁྱབ་སྟེ། །ཟླ་དྲུག་སྦྱོར་བས་མཛེ་ནད་གསོ། །བཅུ་གཉིས་གཟུངས་ཐོབ་ཐོས་པ་འཛིན། །ལོ་གཉིས་བསྒྲུབས་པས་མཐུ་རྩལ་ལྡན། །ནོར་རྫས་ ― DNG014_Page_0458 ―
[མ་དཔེ་གཟིགས་ན་འདིར་གནོན།]
དབང་འགྱུར་ལོ་གསུམ་གྱིས་ཚིག་གཅིག་ཆད་དམ། །གཞི་ཡི་མཛེ་དང་རིམས་ནད་འཇོམས། །ལྷ་དང་ལྷ་མིན་དབང་དུ་སྡུད། །ལྔ་ཡིས་སེངྒེ་གླང་ཆེན་དང་། །རྨ་བྱ་མཁའ་ལྡིང་དག་དང་མཚུངས། །ཚེ་རིང་ནད་མེད་རིགས་རྒྱུད་འཕེལ། །དྲུག་གིས་ས་གསུམ་ནོར་རྣམས་ཐོབ། །སྤྱན་ལྔ་སྐུ་ལྔ་ཡེ་ཤེས་འགྲུབ། །བསླབ་བྱ་ཀུན་ལ་རིང་གྱུར་སྐོང་། །མཚམས་མེད་ལ་སོགས་སྡིག་སྒྲིབ་སེལ། །བརྒྱད་ཀྱིས་བསད་གསོའི་རྫུ་འཕྲུལ་འགྲུབ། །དགུ་ཡིས་རིག་འཛིན་ཕྱིར་མི་ལྡོག །བཅུ་ཡིས་ས་བཅུ་ཡོངས་སུ་རྫོགས། །བཅུ་གསུམ་གྱིས་ནི་ས་བཅུ་གསུམ། །མཆོག་གི་འབྲས་བུ་ཡོངས་སུ་རྫོགས། །ཁྱད་པར་བདུད་རྩི་དྲི་ཆེན་གྲུབ། །རྣམ་སྣང་ཆོས་དབྱིངས་ཡེ་ཤེས་བརྙེས། །བྱང་ཆུབ་སེམས་ཀྱིས་རྡོ་རྗེ་སེམས། །མེ་ལོང་ལྟ་བུའི་ཡེ་ཤེས་འགྱུར། །རཀྟ་སྣང་བ་མཐའ་ཡས་དང་། །སོ་སོར་རྟོག་པའི་ཡེ་ཤེས་སོ། །དྲི་ཆུ་དོན་ཡོད་གྲུབ་སྐུ་དང་། །བྱ་བ་གྲུབ་པའི་ཡེ་ཤེས་སོ། །མཱཾ་ས་རིན་ཆེན་འབྱུང་ལྡན་དང་། །མཉམ་པ་ཉིད་ཀྱི་ཡེ་ཤེས་སོ། །གཞན་ཡང་བྱེ་བྲག་མར་ཁུ་དང་། །སྦྱར་བའི་ཡོན་ཏན་དཔག་ཏུ་མེད། །ཕྱི་ནང་གསང་གསུམ་སྦྱོར་བ་འང་། །ཡོན་ཏན་བསམ་གྱིས་མི་ཁྱབ་པོ། །རྒྱལ་བློན་དམངས་ལྟར་བསྒྲུབ་པ་ཡང་། །ཡོན་ཏན་ཆེན་པོ་རྫོགས་པ་ཡིན། །བྱེ་བྲག་སོ་སོའི་བསྒྲུབ་པས་ཀྱང་། །ལུང་སྟོན་ལ་སོགས་ཡོན་ཏན་འཆར། །བསྲུང་བྱ་རྒྱུད་ལ་གདམས་པ་ལ། །ཐེ་ཚོམ་ཡིད་གཉིས་མ་མོས་དང་། །ཟས་ངན་བསྟེན་དང་འབྲུ་མར་བྱུག །མེ་དང་ཉི་མ་སྤྱད་ཉེས་དང་། །དམ་ཚིག་སྨོད་མི་ལྡན་པ་ཡི། །གྲོགས་ངན་བསྟེན་པ་སྤང་བར་བྱ། །རང་ལ་རྟགས་མེད་གཞན་ལ་སྟོན། །ཚུལ་བཞིན་མ་བསྒྲུབས་ལོངས་སྤྱོད་པ། །ཕྲ་མོའི་རྣལ་འབྱོར་བསྒྲུབ་པ་དང་། །ལས་ཀྱི་ཚོགས་སུ་སྦྱར་བ་རྣམས། །མ་འོངས་སྐྱེས་བུ་རྣམས་ཀྱིས་བརྟག །ཡོན་ཏན་བདུད་རྩི་བསྒྲུབ་པ་ལས། །ཁྱད་པར་ཁ་སྐོང་བཤད་པ་ཡིན།། །།དེ་ནས་བཅོམ་ལྡན་ཧེ་རུ་ཀ །རྣལ་འབྱོར་གསུམ་ ― DNG014_Page_0459 ―
[མ་དཔེ་གཟིགས་ན་འདིར་གནོན།]
དང་རབ་ལྡན་པའི། །རིམ་པ་གཉིས་ཀྱིས་བསྡུས་པའི་ལམ། །འབྲས་བུར་བཅས་པ་རབ་བཤད་པ། །ཕུན་སུམ་ཚོགས་པའི་གནས་དག་ཏུ། །ལམ་གྱི་ལྷ་ཡི་རྣལ་འབྱོར་གྱིས། །ཕྱི་ནང་སྲུང་བ་རིམ་བཞིན་བརྩམ། །འབྱོར་ལྡན་ཡོ་བྱད་བྱིན་གྱིས་བརླབ། །བསོད་ནམས་ཚོགས་ཆེན་བསག་བྱའི་ཕྱིར། །ཕུང་པོ་ཁམས་དང་སྐྱེ་མཆེད་ལ། །རང་རིག་ལྷ་ཡི་བདག་པོ་དགོད། །ཕྱག་རྒྱའི་ཚོགས་ཀྱིས་རྒྱས་བཏབ་སྟེ། །མཉེས་པ་མཐའ་དག་རབ་སྦྱངས་ནས། །ལྷན་ཅིག་སྐྱེས་པའི་ཡེ་ཤེས་དེ། །དབབ་ཅིང་བསྟན་པའི་འཕྲོ་འདུ་བྱ། །དེ་ནས་བཟླས་པའི་རྣལ་འབྱོར་གྱིས། །སྐུ་གསུང་ཐུགས་ཀྱི་སྒྲུབ་ཐབས་ལ། །དཀྱིལ་འཁོར་གསུམ་གྱི་ང་རྒྱལ་གྱིས། །རྟོག་པ་མཐའ་དག་བསལ་བར་བྱ། །དེ་ཉིད་བསལ་བའི་ཚད་ལྡན་ཞིང་། །སྐད་ཅིག་ཙམ་གྱིས་དོན་བྱེད་ནུས། །གསལ་འཕྲོ་འབར་བའི་ཉམས་ལྡན་ཞིང་། །དངོས་གྲུབ་མཚན་མ་བརྟག་པར་བྱ། །མཐོང་དང་ཐོས་དང་སྣང་བ་དང་། །ཤེས་བྱའི་ཡུལ་དུ་གྱུར་པར་དམིགས། །འཇིག་རྟེན་ཆོས་ཀྱི་རྟོག་པ་བཟློག །ཐུན་མོང་དུ་ནི་བསྙེན་པར་འགྱུར། །རིམ་པ་ཆེན་པོར་བསྒྲུབ་པ་ཡང་། །ཞི་བར་གནས་དང་དྲག་ཤུལ་སྤྱོད། །མོས་པ་དག་དང་འདུན་པར་སྦྱར། །སྤྲོ་དང་བསྡུ་བ་དེ་བཞིན་ནོ། །བདག་ཉིད་གཅིག་པ་ནས་བརྩམས་ནས། །ཐབས་དང་ཤེས་རབ་རང་བཞིན་དང་། །རིགས་ལྔ་དང་ནི་བཅུ་དང་བཞིས་གཉིས་ཀྱང་། །ཉི་ཤུ་དང་ནི་དེ་རྗེས་དྲུག །སུམ་ཅུ་བཞི་བཅུ་ལྔ་བཅུ་དང་། །དྲུག་ཅུ་བརྒྱད་དང་དེ་བཞིན་དུ། །རིམ་པ་སོ་སོར་ཕྱེ་བ་དག །དཔའ་བོ་འཁོར་ལོ་ཚོམ་བུར་གནས། །གྲངས་ངེས་པ་དང་བསམ་མི་ཁྱབ། །བསྡུས་པ་དང་ནི་རྒྱས་པ་ལ། །འཕྲོ་འདུ་རིམ་པ་བཞིན་དུ་བསླབ། །ཞལ་ཕྱག་རྣམས་ཀྱི་རྣམ་པ་ཡང་། །གཅིག་དང་གཉིས་དང་གསུམ་དང་དྲུག །དགུ་དང་བཅོ་བརྒྱད་ཉི་ཤུ་གཅིག །བཞི་བཅུ་རྩ་གཉིས་ལ་སོགས་པའི། །རྩ་བ་ཡན་ལག་ཚུལ་དག་གིས། །རིགས་ལྔ་རྩ་བའི་ཚུལ་དུ་དགོད། །ཤིན་ཏུ་གོམས་པའི་རྣལ་འབྱོར་གྱིས། །ཕྱོགས་བཅུ་ནམ་མཁའི་གཞལ་མེད་ཁང་། །སྟོང་གསུམ་འཇིག་ ― DNG014_Page_0460 ―
[མ་དཔེ་གཟིགས་ན་འདིར་གནོན།]
རྟེན་ཁམས་ཀྱི་ཚོགས། །མ་ལུས་སྣང་བ་དེ་ཡིས་བརྒྱན། །འགྲོ་རྒྱུད་དྲུག་དང་ལྔ་དག་དང་། །ཁམས་གསུམ་ཁྱབ་པར་ཇི་སྙེད་པ། །བདེ་བར་གཤེགས་པའི་དཀྱིལ་འཁོར་འདུས། །དངོས་དང་བློ་ཡི་ཡུལ་དུ་བསླབ། །སྔ་མ་དག་གིས་རིམ་བསྟན་ནས། །ཕྱི་མ་དེ་བཞིན་སློབ་པ་ནི། །རིམ་གྱིས་གནས་པའི་བསྒྲུབ་ཆེན་པོ། །བཅོ་བརྒྱད་དང་ནི་བཞི་བཅུ་གཉིས། །ལྔ་བཅུ་དྲུག་ཅུ་རྩ་བརྒྱད་ཀྱི། །སོ་སོར་ཡང་ནི་བདག་གི་ལུས། །ཕུང་པོ་ལྔ་ནི་ཕྱི་དང་ནང་། །རྣམ་ཤེས་བརྒྱད་ནི་ཡུལ་དང་བཅས། །འབྱུང་བཞི་འདུ་ཤེས་བཅུས་བསྡུས་པའི། །དེ་དག་ངོ་བོ་སོ་སོར་བསྒོམ། །ཕྱི་རོལ་དབང་པོའི་ཡུལ་དང་བཅས། །འབྱུང་བ་ཆེན་པོ་ལྔ་ཡི་བདག །རྣམ་ཤེས་སྐྱེ་མཆེད་ཡན་ལག་དང་། །ཉིང་ལག་ཤ་དང་ཁྲག་ལ་སོགས། །དོན་སྙིང་སྣོད་བཅས་རང་གི་དངོས། །དེ་དག་ཚུལ་ལས་མི་འདའ་བའི། །རབ་ཏུ་སྤྲོས་པ་གྲངས་མེད་མཐའ། །སློབ་པ་ལུས་ཀྱི་རིམ་པ་སྟེ། །དེ་དང་རྗེས་མཐུན་སྒྲ་དང་སྐད། །རྟོག་པ་སྨྲ་བརྗོད་དེ་བསྒྲུབ་པ། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། །བཛྲ་ཧེ་རུ་ཀ་ཞེས་ནས། །གྷནྡྷེ་ཧོ་ཡི་བར་དག་ཏུ། །སྔོན་འགྲོ་འཇུག་དང་བཅས་ཏེ་སྦྱར། །ལྷ་དང་མཐུན་པའི་ཞག་གྲངས་སུ། །སྐུ་གསུང་ཐུགས་ཀྱི་དཀྱིལ་འཁོར་བསྒོམ། །གླུ་གར་ཕྱག་རྒྱ་ཤེས་རབ་དང་། །ཐབས་སུ་སྦྱོར་བ་བྱང་ཆུབ་སེམས། །ལུས་ངག་ཡིད་ཀྱི་བརྡ་ལ་སོགས། །ལོངས་སྤྱོད་ཀུན་ལྡན་མཆོད་པར་བྱ། །བསྙེན་པ་སྔོན་སོང་བསྒྲུབ་པ་བཞི། །རྣལ་འབྱོར་རྗེས་སུ་རྣལ་འབྱོར་དང་། །རྣལ་འབྱོར་ཆེ་དང་རྫོགས་པ་ཡི། །རྣལ་འབྱོར་དག་གི་ཚུལ་བཞིན་བྱ། །དང་པོར་བརྟགས་པའི་གནས་དག་ཏུ། །ལུས་ཀྱི་ཆ་མཉམ་གཅིག་གམ་གཉིས། །ཕྱི་ནང་ནུས་དང་སྦྱར་ལ་གཟུགས། །ཚུལ་དུ་ངེས་པ་བཞིན་དུ་བྲི། །སྐུ་གསུང་ཐུགས་ཀྱི་མཚན་མ་དགོད། །ཡོ་བྱད་གསུམ་དུ་ཆ་བགོས་ཏེ། །མཆོད་སྦྱིན་བསྔོ་བའི་ཡུལ་དང་སྦྱར། །འཇིགས་བྱེད་ཕོ་བྲང་དཀྱིལ་འཁོར་བསྐྱེད། །ཕྱོགས་སྐྱོང་དྲེགས་པའི་གཙོ་ཆེན་རྣམས། །ཡབ་ཡུམ་ཉི་ཤུས་གདན་དུ་གཟིར། །བར་དུ་གཅོད་པ་དེ་བཞིན་ ― DNG014_Page_0461 ―
[མ་དཔེ་གཟིགས་ན་འདིར་གནོན།]
བསལ། །ཐུན་མོང་མཆོག་གི་བསྲུང་བ་བརྩམ། །ཕྱི་དང་ནང་དུ་འཛིན་པ་བཟློག །རཱུ་ཏྲ་ཆེན་པོ་ཚུལ་བཞིན་མནན། །དབབ་དང་བཅའ་དང་བཤགས་པ་དག །ང་ཡིས་སྔར་བཤད་བཞིན་དུ་བརྩམ། །འཁོར་ལོ་ཁྱམས་དང་སྒོ་རྣམས་ལ། །རིགས་བཞི་ཡུམ་དང་བཅས་པ་དང་། །མ་སྲིང་བཅུ་དྲུག་ཕོ་ཉ་བཞི། །འཇིགས་བྱེད་དཀྱིལ་འཁོར་དེ་ལུས་ལ། །སྐུ་གསུང་ཐུགས་ཀྱི་ལྷ་རྣམས་བསྒོམ། །འཁོར་ལོ་རྡོ་རྗེ་རིན་པོ་ཆེ། །པདྨ་རལ་གྲི་དྲིལ་བུ་ཡིས། །ཡབ་ཡུམ་གནས་སུ་རྒྱས་གདབ་ཅིང་། །ཚོགས་པ་གསུམ་གྱིས་གང་བསྔགས་པ། །རིགས་ལྔ་ལ་ནི་ཉི་ཤུ་ལྔ། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་རྫོགས་ཚུལ་ཇི་བཞིན་པར། །བསྐྱེད་དང་དགུག་གཞུག་རིམ་པས་བསྟན། །བཟླས་བརྗོད་འཕྲོ་འདུའི་བསྙེན་པ་ཡིས། །དེ་བཞིན་བསྒྲུབ་པ་དག་ལ་ཡང་། །བསྐུལ་དང་བསྡུ་བ་དག་ལ་ཡང་། །སྨྲ་བའི་སྐྱོན་བཅུ་བྲལ་བ་ཡིས། །འབར་འཕྲོ་གསལ་འབར་ནུས་ཤེས་བྱ། །གཟུགས་སྒྲ་དྲི་རོ་རེག་དང་འོད། །སོ་སོའི་ཡུལ་ལ་དེ་ཉིད་བསྡིམ། །དངོས་གྲུབ་དང་ནི་བར་ཆད་བརྟག །དེ་ཉིད་བཟློག་པའི་སྦྱོར་བ་བརྩམ། །འབྱུང་ཆེན་བཞི་ཡི་ལས་ལ་སྦྱར། །ཐབས་དང་ཐུགས་རྗེ་ལས་བྱུང་བའི། །བྱིན་རླབས་ཀྱིས་ནི་ཡུལ་རྣམས་ཀུན། །ཆོས་ཉིད་ཞི་བའི་ཏིང་ངེ་འཛིན། །གཉིས་མེད་ཐབས་ཀྱིས་མ་ལུས་བསྒྲལ། །དབྱིངས་དང་ཡེ་ཤེས་འདུ་འབྲལ་མེད། །སྒྱུ་མའི་ཚུལ་དུ་གཞན་ལ་སྣང་། །བྱས་དང་གྲུབ་པ་གང་ཡང་མེད། །མ་བཅོས་སེམས་ཀྱི་རང་བཞིན་ལ། །བྱ་དང་བྱེད་པ་ཀུན་དང་བྲལ། །བདག་ཉིད་དོན་རྟོགས་དེ་བསྒྲལ་བྱ། །མཚན་མའི་རྟོག་པ་མ་ལུས་ཀུན། །ཕྱིར་གྱུར་སྣང་བ་ཀུན་ལས་བཟློག །བསྒོམ་བཟླས་བསྒྱུར་བའི་གོམས་སྟོབས་ཀྱིས། །བརྩེ་བ་དང་བཅས་གཞན་གྱི་དོན། །རྣལ་འབྱོར་ཙམ་དུ་དེ་བཤད་དོ། །དད་པ་དབང་དང་འདྲེལ་པ་ཡིས། །ལམ་གྱི་རྩ་བ་དེ་ཉིད་ལས། །གསང་བ་ཆེན་པོའི་དབང་བཞིན་དུ། །རྗེས་སུ་བསྟན་པའི་རྣལ་འབྱོར་བདག །བྱིན་གྱིས་རླབས་ཀྱི་ཁྱད་པར་ནི། །ཕྱི་ནང་ཡོན་ཏན་མཚན་ཉིད་ ― DNG014_Page_0462 ―
[མ་དཔེ་གཟིགས་ན་འདིར་གནོན།]
རྫོགས། །རང་བྱིན་བརླབ་པའི་ནུས་པ་ཅན། །སྣོད་བཅུད་ཆས་གོས་ཏིང་འཛིན་ལྡན། །མོས་པའི་འདུན་པ་ཆེར་གཡོས་པ། །དེ་ཉིད་དབང་ཕྱུག་རྫོགས་གྱུར་ནས། །ང་རྒྱལ་གསུམ་དང་བཅས་པ་ཡིས། །རྡོ་རྗེ་པདྨ་མཉམ་སྦྱོར་བའི། །བྱང་ཆུབ་སེམས་ཀྱི་ཡོན་ཏན་སྤྲོས། །རྒྱལ་བའི་དཀྱིལ་འཁོར་མ་ལུས་ལ། །མཉེས་པ་མཆོག་གི་མཆོད་པ་སྦྱར། །ཚུལ་མཐུན་ལུས་ཀྱི་དཀྱིལ་འཁོར་ལ། །གནས་དང་བཅས་པའི་དགའ་བ་བཞི། །འཁོར་ལོ་དང་བཅས་གསལ་བྱས་ཏེ། །སྦྱངས་ཤིང་བགྲོད་པའི་ས་དང་ལམ། །སྐུ་དང་ཡེ་ཤེས་འབྲས་བུར་བཅས། །རྟགས་རྣམས་སྲོག་དང་རྟེན་གྱིས་སྦྱར། །ལྔ་དང་བཅུ་སོགས་ཉི་ཤུ་ལྔ། །བརྒྱ་ཕྲག་གཉིས་དང་ལྔར་དེ་བཞིན། །ཉི་ཁྲི་ཆིག་སྟོང་དྲུག་བརྒྱའི་བར། །འགྲོ་ལྡོག་ལྡོག་ཅིང་གསལ་བ་རྣམས། །དབུ་མ་གསུམ་དུ་ངེས་པར་འདུ། །རང་བཞིན་ཡོན་ཏན་གསུམ་གྱིས་བརྒྱན། །འདམ་སྐྱེས་གཉིས་འབྲུང་ཡང་འབྱུང་སྒྲ་སྟོབས་ལྡན། །དཔེ་ཡི་ཆོས་མཐུན་སྐྱེ་བར་འགྱུར། །བསྡམ་བྱ་སྡོམ་པར་བྱེད་པ་ཡི། །ལྷན་ཅིག་སྐྱེས་པའི་ཡེ་ཤེས་དེ། །དཔེ་དོན་རྟགས་ཀྱིས་སྦྱར་བྱས་ནས། །བདེ་དང་གསལ་དང་མི་རྟོག་པ། །ཐབས་དང་ཤེས་རབ་གཉིས་སུ་མེད། །ས་ཆེན་ཉི་ཤུ་རྩ་གཅིག་གི། །ཡོན་ཏན་དག་དང་ལྡན་པར་གཞུག །རྣམ་ཤེས་ཚོགས་དང་ཡུལ་རྣམས་ཀུན། །འོད་གསལ་ངང་དུ་སྙོམས་འཇུག་ཅིང་། །ཕྱི་སྲོག་དབུ་མར་གཞུག་པ་ལ། །གནས་པ་ཆེ་ཆུང་བརྒྱད་ཀྱིས་མཚོན། །ཡོན་ཏན་གསུམ་ཉིད་ཤས་ཆེ་ཆུང་། །ཆ་མཉམ་སྐྱེ་བའི་མཚན་ཉིད་དབྱེ། །ཐ་དད་དམ་ཚིག་ཚོགས་པར་སྦྱར། །རྣམ་པར་མི་རྟོག་ཅི་ནུས་བསླབ། །བཟློག་གཟུང་བཅས་པ་སྔོན་དུ་སྦྱར། །བླ་མ་སློབ་མ་མཚུངས་ལྡན་པས། །ཡོན་ཏན་མཚན་མ་དེ་ཉིད་ནི། །སྣོད་དང་ལྡན་ལ་སྦྱིན་པར་བྱ། །རྗེས་སུ་སློབ་མ་དེ་ཉིད་ཀྱང་། །ཡུམ་དང་ལྡན་པའི་སྦྱོར་བ་ཡིས། །ལུས་ཀྱི་འཁོར་ལོ་བྱིན་དབང་ཅིང་། །ཆགས་དང་རྗེས་ཆགས་ཡུལ་རྣམས་ལ། །དཔའ་མོའི་དཀྱིལ་ ― DNG014_Page_0463 ―
[མ་དཔེ་གཟིགས་ན་འདིར་གནོན།]
འཁོར་ངེས་པར་བརྟག །དགའ་དང་སྐྱེ་དགའ་མཆོག་ཏུ་དགའ། །བྲལ་བ་དང་ནི་སྐད་ཅིག་བཞི། །རྣམ་པར་བསྐྱོད་སོགས་དེ་དག་ལ། །ཆོས་དང་ལོངས་སྤྱོད་སྤྲུལ་པ་དང་། །བདེ་ཆེན་ཟག་མེད་དམ་པ་བཞི། །འཁོར་ལོ་བཞི་ལ་རིམ་བཞིན་དབབ། །དབབ་དང་བསྐྱིལ་དང་གཟུང་དང་བཟློག །སྐུ་གསུང་ཐུགས་ཀྱི་སྦྱོར་བ་བརྩམ། །མ་ལུས་ཐབས་དང་ཤེས་རབ་དང་། །མཉམ་པ་ཉིད་དུ་རབ་ཏུ་སྦྱོར། །ཕུང་པོ་དེ་བཞིན་གཤེགས་པ་ལྔ། །འབྱུང་བ་ལྔ་ནི་ཡུམ་ལྔར་སྦྱོར། །རྣམ་ཤེས་ཚོགས་བརྒྱད་མ་མོ་སྟེ། །ཡུལ་བརྒྱད་ཕྲ་མེན་བརྒྱད་དུ་སྦྱོར། །རྟག་ཆད་མུ་བཞི་ཁྲོ་མོ་བཞི། །འདུ་ཤེས་བཅུ་ནི་ཁྲོ་བཅུར་སྦྱོར། །བདེ་འགྲོའི་ཡོན་ཏན་མ་ལུས་མཐོང་། །དབྱིངས་དང་ཡེ་ཤེས་གཉིས་མེད་ལམ། །རྣལ་འབྱོར་རིག་པའི་ངང་དུ་སྦྱོར། །མཉམ་པ་ཉིད་དུ་བསྒོམ་ཞིང་གསལ། །གོམས་པ་མཐར་ཕྱིན་བར་ཆད་མེད། །གསང་བ་ཐབས་དང་ཤེས་རབ་དབང་། །སྔོན་འགྲོ་ཤེས་རྗེས་ཚུལ་དུ་འདྲེལ། །བསྐྱེད་རིམ་བསྒོམ་དང་མཚན་རྫོགས་དང་། །ཐ་དད་མེད་པའི་མཉམ་སྦྱོར་དང་། །རང་རིག་ངེས་པ་དག་གིས་ནི། །དབང་བཞིའི་ལམ་དུ་ངེས་པ་ལ། །སྨིན་པར་བྱེད་པའི་གཞི་ཡིན་ཏེ། །རྗེས་སུ་སྤྱོད་པ་མཐའ་དག་གིས། །ལམ་སྦྱང་རྫོགས་པའི་རྣལ་འབྱོར་ལ། །ལུས་ཀྱི་ཁོག་པ་གཞལ་ཡས་ཁང་། །དོན་སྙིང་རིགས་ལྔ་ཡབ་ཡུམ་སྟེ། །སྣོད་དྲུག་ཤ་ཁྲག་དྲོད་དབུགས་དང་། །དབང་པོ་མིག་སོགས་རྣམ་ཤེས་རླུང་། །རྩ་དང་བཅས་པ་མ་ལུས་དང་། །སྒལ་ཚིགས་ཡན་ལག་ཉིང་ལག་ནི། །ལྷུ་ཚིགས་དུམ་བུ་མ་ལུས་རྣམས། །གཙོ་དང་འཁོར་གྱི་ཚུལ་དུ་མཐོང་། །བདག་ཅི་འདྲ་བར་དེ་བཞིན་གཞན། །སྒྱུ་མ་རྨི་ལམ་བཞིན་དུ་མཉམ། །ལུས་ངག་ཡིད་ཀྱིས་དབེན་གྱུར་པའི། །སྒྱུ་མའི་སྐུ་དེ་བསམ་གཏན་གྱི། །བྱེ་བྲག་སྤྱོད་པ་དང་བཅས་པས། །འོད་གསལ་སྟོང་ཉིད་ལ་གནས་ཏེ། །རང་གཞན་མངོན་སུམ་གྱུར་པ་ལ། །རྟོག་པ་ཆེ་འབྲིང་ཐ་མའི་དུས། །སྣང་བ་རགས་དང་བར་མ་དང་། །ཐིམ་ ― DNG014_Page_0464 ―
[མ་དཔེ་གཟིགས་ན་འདིར་གནོན།]
པའི་རིམ་གྱིས་ཕྲ་བ་དག །སྐྱེ་འགྱུར་ཡང་ན་མི་སྐྱེ་སྲིད། །ལུས་སེམས་སྣང་བ་གཞལ་མེད་ཁང་། །རྟེན་དང་བརྟེན་པར་བཅས་པ་སྟེ། །འདུ་བྱེད་མ་ལུས་ཕྱག་རྒྱར་གསལ། །སྨྲ་བརྗོད་དབྱངས་དང་དྲུག་ཡིན་ཏེ། །དྲན་དང་རྟོག་པ་གང་སྣང་ཉིད། །མཉམ་ཉིད་མྱ་ངན་འདས་དགོངས་ཏེ། །ཐེག་པ་སྤྱི་གཅོད་རབ་ཏུ་བརྗོད། །ཡེ་ཤེས་རང་ལ་སྣང་བ་ནི། །འོག་གསལ་དོན་གྱི་མཆོག་ཡིན་ཏེ། །སྐུ་དང་ཡེ་ཤེས་འདུ་འབྲལ་མེད། །རང་གཞན་དོན་གྱི་རྩོལ་བ་སྤངས། །འཁོར་བར་རྟོག་དང་མྱ་ངན་འདས། །དབྱེར་མེད་ཟུང་དུ་འཇུག་པ་ལ། །ཧེ་རུ་ཀ་དཔལ་ཞེས་སུ་བརྗོད། །སྲིད་ཞི་ཆགས་བྲལ་མྱ་ངན་འདས། །དཔལ་འབར་ཀྲོ་དྷཱི་ཤྭ་རཱི་མ། །རྩ་བ་ཡན་ལག་དེ་བཞིན་ནོ། །སྔོན་དུ་གནས་པ་བཞི་ཡིན་ཏེ། །ཁྱད་པར་བསྟན་ལྡན་ཡང་པ་ལམ་ཡིན་ནོ། །སྤྱོད་པ་དང་ལྡན་ལམ་ཞེས་བྱ། །བསགས་ཐོབ་རྟེན་གྱུར་དེ་ཉིད་སྐུ། །མ་ལུས་མ་ནོར་གསལ་བ་ནི། །དེ་ཡི་ཡེ་ཤེས་ཆེན་པོ་ཡིན། །སྨོན་ལམ་ཐུགས་རྗེའི་སྟོབས་སད་པ། །ཕྲིན་ལས་མཛད་པའི་ཚུལ་ཡིན་ནོ། །རང་བཞིན་གྱིས་ནི་ཡང་དག་དེ། །ས་ལམ་ཚུལ་དུ་གྲུབ་པ་སྟེ། །འབྲས་བུ་ཆོས་སྐུ་གཅིག་པུ་ཉིད། །གཟུགས་སྐུ་སངས་རྒྱས་བདེ་ཆེན་འདུས། །ཡོན་ཏན་རྣལ་འབྱོར་ཟབ་མོ་ནི། །སྐུ་གསུམ་ངང་དུ་རྟོགས་པ་ཡིན། །གཞི་ནི་མཁའ་འགྲོ་སྒྱུ་མ་སྟེ། །བདེ་མཆོག་བདེ་བར་གྱུར་པའོ། །རྣལ་འབྱོར་སྤྱོད་པར་རུང་རྣམས་ཀྱིས། །ཐེ་ཚོམ་མེད་པར་སྤྱད་པ་ལས། །བྱིས་པ་སོ་སོའི་སྐྱེ་བོ་དང་། །ཐེག་པ་དམན་ལ་གཞོལ་རྣམས་ཀྱིས། །མཐོང་ཐོས་འཇིགས་ཤིང་སྐྲག་པར་འགྱུར། །དེ་བས་མྱུར་དུ་བགྲོད་པའི་ལམ། །འདི་ཚེ་སངས་རྒྱས་བསྒྲུབ་བྱ་བ། །སྐུ་གསུམ་ས་ལ་གོམས་པར་སྦྱང་། །མ་ནོར་ཐུགས་ཀྱི་བསྒྲུབ་པ་ལ། །རིམ་གཉིས་དབང་བཞིས་བསྡུས་པའི་ལམ། །འབྲས་བུ་དང་བཅས་མཐར་ཐུག་ཚུལ། །ཁ་སྐོང་དག་ཏུ་བཤད་པ་ཡིན།། །།དེ་ནས་རྡོ་རྗེ་འཛིན་པ་པོ། །རིན་ཆེན་དབྱིངས་ཀྱི་རྒྱལ་པོ་དེ། །རང་གི་རིགས་ ― DNG014_Page_0465 ―
[མ་དཔེ་གཟིགས་ན་འདིར་གནོན།]
ཀྱི་དབང་ཕྱུག་པོ། །འཁོར་ལོ་བཞི་ལས་ཐ་མའི་ལས། །འཁྲུལ་ཞིང་འཁོར་བ་རབ་ཏུ་གཅོད། །ཡབ་ཡུམ་ཕྱི་ནང་གསང་བ་གསུམ། །ཚུལ་བཅུ་དང་ནི་འོད་ཟེར་བཀྱེ། །རུ་བཞི་རྡོ་རྗེ་རྒྱ་གྲམ་ཚུལ། །གནད་སྐབས་འབྲུ་དེད་བསྣུར་འགྲོས་སོ། །དང་པོ་ཕོ་མོ་རྣམ་གཉིས་བཞི། །ཡ་མ་རཱ་ཛ་ས་དོ་མེ་ཡ། མོ་ཡི་མོ་གཡོན་ས་འོག་ནང་། །མོ་ཡི་ཕོ་གཡས་གནམ་སྟེང་ཕྱི། །ཕོ་ཡི་གཉིས་ལས་ཕོ་ཡི་མོ། །ཡ་མ་རཱ་ཛ་ས་ཀྵེ་ཡ། གཡོན་ལ་འོག་ནང་རྣམ་གྲངས་སོ། །ཕོ་ཡི་ཕོ་གཡས་གནམ་སྟེ་ཕྱི། །ཞི་རྒྱས་གཡོན་ལ་དབང་དྲག་གཡས། །ཕོ་མོ་སོ་སོར་བསྐོར་བར་བྱ། །འཁྲུལ་ལུགས་བཞི་ལ་ཕོ་མོ་བཞི། །དོན་གྱིས་ཚང་བ་དེ་ཉིད་དོ། །ཕྱི་ནང་གསང་བ་གཉིས་ཡིན་ཏེ། །བསྙེན་བསྒྲུབ་ལས་སྦྱོར་དབྱེ་བ་དང་། །ཕྱི་ནང་གསང་བའི་བདག་ཉིད་དོ། །དང་པོ་སྤྱི་དང་ཁྱད་པར་ལས། །སྤྱིར་སྦྱར་ཕྱི་གསུམ་བསྙེན་པ་སྟེ། །རྒྱ་མཚོ་བཞིར་ཕྱེ་བཟླས་པ་དང་། །སུམ་ཅུ་རྩ་གཉིས་དག་ཏུ་དྲིལ། །བརྒྱད་བསྐོར་གཡས་སུ་བསྐོར་ནས་སུ། །གཡས་བསྐོར་གནས་སུ་བཟློག་སྟེ་དྲང་། །དེ་ཉིད་རྟགས་དང་དུས་གྲངས་སུ། །དམ་བཅས་པ་ནི་བསྙེན་པའོ། །དེ་ཡི་རྟགས་ཕྱིན་བསྒྲུབ་པ་སྟེ། །དངོས་གྲུབ་ཤ་དང་བདུད་རྩིའི་རྫས། །མ་ལུས་ལོངས་སྤྱོད་ལྡན་པ་དང་། །གཟུགས་བརྙན་ལ་ནི་སྐུ་གཟུགས་བཀོད། །གསང་བ་ནང་གི་གསང་བ་གསུམ། །ཁྲི་ཕྲག་རེ་རེས་དངོས་གྲུབ་བླངས། །ཐེ་ཚོམ་སོམ་ཉི་མེད་པར་སྤྱད། །གཉིས་པ་ཁྱད་པར་ལས་སྦྱར་བ། །དཀྱིལ་འཁོར་དབུས་སུ་ཨེ་གྲུ་གསུམ། །སུམ་བརྩེགས་བྲིས་ཏེ་སྟེང་ཟུར་ལ། །སྒྱེད་པུ་གསུམ་ལ་གའུ་བཞག །འཁོར་ལོ་ལེགས་བྲིས་ནག་པོར་སྦ། །ཕྱི་ནང་གསང་བའི་ཉི་མ་བཞིར། །སོ་སོ་རང་གི་ལས་ལ་སྦྱར། །ཁྱད་པར་བསྙེན་བསྒྲུབ་བརྒྱད་ཚན་ཡིན་ནམ་ལས་སྦྱོར་ལ། །འབྲུ་བརྒྱད་གཡོན་བསྐོར་བསྙེན་པ་སྟེ། །བཞི་སྙིང་གཅིག་དྲིལ་བསྙེན་བསྒྲུབ་ཡིན། །གཡས་བསྐོར་བསྙེན་པའི་ལས་སྦྱོར་རོ། །བསྙེན་བསྒྲུབ་གསུམ་སྦྱར་སྤྱིར་སྦྱར་ ― DNG014_Page_0466 ―
[མ་དཔེ་གཟིགས་ན་འདིར་གནོན།]
ཉིད། །ནང་གི་བསྒྲུབ་པ་བཅུ་བདུན་པ། །བསྒྲུབ་པའི་བསྙེན་པ་དག་ཏུ་འགྱུར། །དང་པོ་ཨ་ཀྲོ་ཏེ་ཀའོ། །ཡ་མ་མེ་ད་ཀྵེ་བཅུ་བདུན། །བསྒྲུབ་པའི་ཡང་ནི་བསྒྲུབ་པ་ཡིན། །ཡ་མ་ཀྵེ་ད་བཅུ་བདུན་པ། །གཡས་བསྐོར་བསྒྲུབ་པའི་ལས་སྦྱོར་རོ། །ལས་རིམ་ཀུན་ལ་དེ་བཞིན་སྦྱར། །ལས་སྦྱོར་ཉིད་ལ་དབྱེ་བ་ནི། །འབྲུ་དེད་བདུན་ལ་གཡོན་བསྐོར་བས། །ལས་ལ་སྦྱོར་བའི་བསྙེན་པའོ། །དེ་ཉིད་གཡས་བསྐོར་ལས་བསྒྲུབ་པའི། །དམ་ཚིག་རལ་གཅིག་ཕྱག་མཚན་ནི། །ལས་ཀྱི་ལས་སུ་བཤད་པ་ཡིན། །འཁྲུལ་ཚུལ་བཅུ་ཡི་བྱེ་བྲག་ནི། །བཞི་སྙིང་དྲིལ་དང་སོ་སོར་ཕྱེ། །དང་པོ་རྩ་བ་དྲིལ་བ་དང་། །ལས་ཀྱི་ཁ་སྐོང་དྲིལ་བ་ལས། །རྩ་བ་བཞི་སྙིང་གཅིག་དྲིལ་བ། །ཐོག་མ་བརྒྱད་གཅིག་དྲིལ་བ་ནི། །ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ར་ཡ་ཀྵེ་ཡ། ཡཀྵེ་ཡཙྪ་ནི་རཱ་མ་ཡ། ཞེས་པས་རྩ་བ་བརྒྱད་ལས་ནི། །སུམ་ཅུ་རྩ་གཉིས་དྲིལ་བ་ཡིན། །བདུན་བཞི་གཅིག་ཏུ་དྲིལ་བ་ནི། །ཡ་མ་རཱ་ཛ་ས་དོ་མེ། །ཡ་མེ་དོ་རུ་ཎ་ཡོ་ད། །ཡ་ད་ཡོ་ནི་ར་ཡ་ཀྵེ། །ཡ་ཀྵེ་ཡཙྪ་ནི་རཱ་མ། །ཉི་ཤུ་རྩ་བརྒྱད་གཅིག་ཏུ་དྲིལ། །དྲུག་བཞི་གཅིག་ཏུ་དྲིལ་བ་ནི། །ཡ་མ་རཱ་ཛ་ས་དོ། ཡ་མེ་དོ་རུ་ཎ་ཡོ། ཡ་ཏ་ཡོ་ནི་ར་ཡ། ཀྵེ་ཡ་ཙ་ནི་རཱ་མ། ཉི་ཤུ་རྩ་བཞི་གཅིག་ཏུ་དྲིལ། །ལྔ་བཞི་གཅིག་ཏུ་དྲིལ་བ་ནི། །ཡ་མ་མེ་ད་ཀྵེ། རཱ་ཛ་ས་དོ། རུ་ཎ་ཡོ་ནི། ར་ཡཙྪ་ནི། ལྔ་བཞི་བཅུ་བདུན་དག་ཏུ་དྲིལ། །ལས་ཀྱི་ཁ་སྐོང་དྲིལ་བ་ནི། །ཡ་མ་རཱ་ཛ་ས་དོ་མེ་ཡ། ཧྲཱྀཿ། ཤྲཱི་ཨ་མུ་ཀཾ་བྷྲ་མ་ཡ། རྩ་བ་དམ་ཚིག་ཡང་སྙིང་དང་། །ལས་སྔགས་བཞི་སྙིང་གཅིག་ཏུ་དྲིལ། །སོ་སོར་དབྱེ་བ་དྲུག་ཡིན་ཏེ། །ཡ་མ་རཱ་ཛ་ས་དོ་མེ་ཡ། ཡ་མ་རཱ་ཛ་ས་དོ་མེ། ཡ་མ་རཱ་ཛ་ས་དོ། ཡ་མ་རཱ་ཛ་ས། ཡ་མ་རཱ་ཛ། ཡ་མ་རཱ། བརྒྱད་བདུན་དྲུག་ལྔ་བཞི་གསུམ་དུ། །བཟླས་པ་བྱེ་བྲག་དྲུག་ཡིན་ནོ། །དང་པོ་ཇི་བཞིན་གཞན་དེ་བཞིན། །གཡོན་བཞིན་དུ་ནི་གཡས་བཟློག་བཟླས། ། ― DNG014_Page_0467 ―
[མ་དཔེ་གཟིགས་ན་འདིར་གནོན།]
འཁྲུལ་པ་བཅུ་ལ་ས་ཟིན་དགུ། །ཡི་གེ་ཟད་པ་གཅིག་སྟེ་བཅུ། །བདུན་བསྐོར་གཡས་གཡོན་རུ་བཞི་སྟེ། །བདུན་བསྐོར་ཡ་ནས་མེ་ཡི་བར། །ཡ་ཡི་བཟླས་ལུགས་རྫོགས་དེ་བཞིན། །གཅིག་ལས་བདུན་དུ་འགྱུར་བ་ལས། །ཉི་མ་དང་པོ་བཞི་བཅུ་དགུ། །བཟླས་པས་དང་པོའི་ཡི་གེ་ཟད། །གཉིས་པ་ལ་སོགས་དེ་བཞིན་སྦྱར། །རུ་བཞི་ཟད་པའི་ཕོ་བྲང་དབུས། །ཡ་ཉིད་ལྔ་འགྱུར་དག་ཏུ་བཟླས། །མ་མེ་ད་ཀྵེ། བཞི་བཞིར་འགྱུར་བས་སྤྱིར་བཅུ་དགུ། །དེ་ཡིས་དབུས་ཀྱི་ལྔ་ཟད་ཅིང་། །ཕྱི་རིམ་ཉི་མ་གཉིས་པ་སྟེ། །མན་ཆད་གསུམ་ལ་བཞི་བཞི་སྟེ། །ཉི་མ་གསུམ་ལ་བཅུ་གཉིས་ཏེ། །དབུས་མཐའ་ཟད་པའི་རུ་བཞིའོ། །རུ་གཅིག་ཉིད་ལ་བཅུ་དྲུག་ཏུ། །བཟླས་པས་བཞི་པོ་བཞིར་འགྱུར་ཏེ། །དེ་ལས་ལྟོས་པའི་རུ་བཞི་ཡིན། །ཉི་མ་གཉིས་པའི་ཡི་གེ་རེས། །བཅུ་དྲུག་སོགས་པའི་དྲུག་ཅུ་བཞིར། །འགྱུར་བས་གཉིས་པའི་ཡི་གེ་ཟད། །གསུམ་པ་བཞི་པ་དེ་བཞིན་སྦྱར། །ལས་སྐབས་གཉིས་ཞེས་བྱ་བ་ནི། །གནམ་ཐུས་དང་ནི་བསྣུར་འགྲོས་ཏེ། །དང་པོ་སྔར་བཤད་གཉིས་པ་ནི། །རུས་སྦལ་ལྟ་བུར་བསྣུར་འགྲོས་ཏེ། །ཡ་མ་མེ་ད་ཀྵེ། རཱ་ཛ་ས་དོ། རུ་ན་ཡོ་ནི། རཱ་ཡ་ཙ་ནི། གཅིག་རྗེས་གཅིག་གིས་གནོན་ལ་བརྟག །འོད་ཟེར་སྣང་བ་རྣམ་བརྒྱད་ནི། །རྩ་བ་ཉི་མ་ཤར་ལྟ་བུ། །ཨ་ཀྲོ་བཅུ་བདུན་འཁྲུལ་ལྔར་ཁྱབ། །བྱ་རྒོད་གཟན་ལ་འཇུམས་ལྟ་བུ། །ཡ་མ་ཡེ་ད་བཅུ་བདུན་པ། །གཟས་པའི་ཡུལ་ལ་སྐར་མདའ་བཞིན། །ཁྲི་མུན་ཆུད་པའི་བཙོན་བཞིན་དུ། །དྲིལ་བ་མི་གསལ་ཀུན་ལ་ཁྱབ། །ལྕགས་སྒྲོག་བཅུག་པ་སེམས་གཞུངས་བཞིན། །བཅུ་དྲུག་ཀུན་དང་འདྲེལ་ཞིང་འཇུག །སྐྱེས་བུ་གོ་མཚོན་བསྟར་བ་བཞིན། །སེམས་དཔའ་དེ་ནི་གཞན་ལ་སྐོར་སྐོང་ཡང་། །ལྕགས་གཟེར་མི་འཆོར་གཟེར་བཞིན་དུ། །ཨ་མུ་ཀ་སོགས་དགུ་ཚོ་ཡིས། །དབང་ཐང་བླ་ཚེ་འཛིན་པར་བྱེད། །ལྷ་དབང་གིས་བརྡེག་ཐོག་བཞིན་དུ། །དམིགས་པ་ཐོགས་མེད་མྱུར་བྱེད་པ། །ལྕེ་རྩེ་ཀ་པ་ཡ་ཡིས་བརྡེག །སྤུ་གྲིས་རྩོལ་མེད་ ― DNG014_Page_0468 ―
[མ་དཔེ་གཟིགས་ན་འདིར་གནོན།]
གཉིས་བྱེད་ལྟར། །སོ་སོའི་སྔགས་ཀྱིས་མ་ལུས་གཅོད། །འོད་ཟེར་བརྒྱད་ཀྱི་ཆོ་འཕྲུལ་ཡིན། །འབྲུ་དེད་གཡས་གཡོན་ཉིན་མཚན་དུ། །བཟླས་པས་བསྙེན་བསྒྲུབ་རྟགས་ཕྱིན་ནས། །ཐོགས་མེད་ལས་ལ་སྦྱར་བར་བྱེད། །སྔགས་འཁྲུལ་མཚོ་བསྡེབ་བསྟན་པ་ཡང་། །གཞི་དང་དངོས་པོ་ཐབས་འབྲས་བུ། །དང་པོ་ཡབ་ཡུམ་ཕྱི་ནང་གསང་། །འོད་ཟེར་བརྒྱད་དང་བཟླས་ལུགས་བཅུ། །རུ་བཞི་རྡོ་རྗེ་རྒྱ་གྲམ་སྟེ། །ལྔ་ལྔ་དག་ནི་བཞི་ལྔའོ། །དངོས་གཞི་མོ་ཡི་མོར་བསྡེབ་དང་། །མོ་ཡི་ཕོ་བསྡེབ་ཕོ་ཡི་མོ། །ཕོ་ཡི་ཕོར་བསྡེབ་དང་པོ་སྟེ། །གཉིས་པ་ཕྱི་ནང་གསང་བ་གསུམ། །རེ་རེའང་དེ་བཞིན་གསུམ་གསུམ་སྟེ། །རྣམ་གྲངས་སོ་སོར་བསྡེབ་པར་བྱ། །སུམ་ཅུ་རྩ་གཉིས་ཉི་ཤུ་བརྒྱད། །བརྒྱད་གསུམ་བཅུ་བདུན་བརྒྱད་བདུན་དྲུག །ལྔ་བཞི་གསུམ་སྟེ་བཟླས་ལུགས་བཅུ། །གསུམ་པའི་སྔགས་མཚོ་བསྡེབ་པའོ། །ཉི་མ་བྱ་རྒོད་བཙོན་སྐྱེས་བུ། །ལྕགས་གསེར་ཐོག་དང་སྤུ་གྲིའི་སོ། །འོད་ཀྱི་དཔེ་བརྒྱད་རང་མཚོར་བསྡེབ། །ལྔ་ཚན་བཞི་དང་བཞི་ཚན་བཞིས། །རྡོ་རྗེ་རྒྱ་གྲམ་རུ་བཞིའི་བསྡེབ། །ཐབས་ནི་མོ་ཡི་ཕོ་ཉིད་དང་། །མོ་ཡི་མོ་ལ་སུམ་ཅུ་གཉིས། །གཡོན་བསྐོར་ཡི་གེ་ལོག་མ་ལོག །ཁྱད་པར་ཕྱེ་སྟེ་མཚོ་བསྡེབ་བྱ། །ཕོ་ཡི་ཕོ་དང་ཕོ་ཡི་མོ། །གཡས་སུ་བསྐོར་བ་སྔར་བཞིན་ནོ། །ཕྱི་ཡི་ཕྱི་བརྒྱད་ཕྱི་ཡི་ནང་། །སུམ་ཅུ་རྩ་གཉིས་ཕྱི་གསང་ལ། །ལེགས་པར་བརྟགས་ཏེ་སྔགས་མཚོ་བསྡེབ། །ནང་ཕྱི་ཡི་གེ་དགོད་ཕྱུང་བ། །ནང་གི་ནང་ནི་གཡོན་བཅུ་བདུན། །ནང་གི་གསང་བ་བཅུ་བདུན་གཡས། །ཡི་གེ་དང་ནི་སྔགས་ཚིག་བཟློག །ནང་གི་གསུམ་ནི་སྔགས་ཚིག་བསྡེབ། །གསང་གསུམ་ཕྱི་གསལ་ཡི་གེ་དང་། །སྔགས་ཚིག་རྣལ་མ་དག་ཏུ་སྟེ། །གསང་ནང་ཡི་གེ་བཟློག་པ་ལ། །ཚིག་ནི་རྣལ་མ་གཡས་སུ་བསྐོར། །གསང་བཞི་སྙིང་ལས་ཁ་བསྐང་ནས། །གསུམ་དྲིལ་གསང་བའི་མཚོ་བསྡེབ་ཐབས། །ཡི་གེ་སུམ་ཅུ་རྩ་གཉིས་པ། །ཡ་མ་ ― DNG014_Page_0469 ―
[མ་དཔེ་གཟིགས་ན་འདིར་གནོན།]
རཱ་ཛ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི། ར་ཡ་ཀྵེ་ཡ། ཡ་ཀྵེ་ཡཙྪ་ནི་རཱ་མ་ཡ། ཡི་གེ་ཉི་ཤུ་རྩ་བརྒྱད་ལ། ཡ་མ་རཱ་ཛ་ས་དོ་མེ། ཡ་མེ་དོ་རུ་ཎ་ཡོ་ད། ཡ་ད་ཡོ་ནི་ར་ཡ་ཀྵེ། ཡ་ཀྵེ་ཡཙྪ་ནི་རཱ་མ། ཡི་གེ་ཉི་ཤུ་རྩ་བཞི་པ། །ཡ་མ་རཱ་ཛ་ས་དོ། ཡ་མེ་དོ་རུ་ཎ་ཡོ། ཡ་ད་ཡོ་ནི་ར་ཡ། ཀྵེ་ཡཙྪ་ནི་རཱ་མ། ཡི་གེ་བཅུ་བདུན་པ་འདིའོ། །ཡ་མ་མེ་ཏ་ཀྵེ། རཱ་ཛ་ས་དོ། རུ་ཎ་ཡོ་ནི། ར་ཡཙྪ་ནི། ཡི་གེ་བརྒྱད་པ་འདི་ཉིད་དོ། །ཡ་མ་རཱ་ཛ་ས་དོ་མེ་ཡ། བདུན་དྲུག་ལྔ་བཞི་གསུམ་རིམ་བཞིན། །ཡ་མ་རཱ་ཛ་ས་དོ་མེ། ཡ་མ་རཱ་ཛ་ས་དོ། ཡ་མ་མེ་ད་ཀྵེ། རཱ་ཛ་ས་དོ། ཡ་མ་རཱ། བཟླས་ལུགས་བཅུ་བསྡེབ་དང་པོ་བཞིན། །ཉི་མ་གསུམ་པ་ལ་སོགས་སྦྱར། །གཡོན་པ་བཞིན་དུ་གཡས་དེ་བཞིན། །གཡོན་པ་ཚིག་བཟློག་འབྲུ་མ་བཟློག །འབྲུ་བཟློག་ཚིག་ནི་རྣལ་མ་སྟེ། །གཡས་པ་ལ་ཡང་དེ་བཞིན་སྦྱར། །བཟླས་ལུགས་བཅུ་ཡི་མཚོ་བསྡེབ་དངོས། །ཨོཾ་ཨ་ཀྲོ་ཏེ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཡ་མ་མེ་ཏ་ཀྵེ། རཱ་ཛ་ས་དོ། རུ་ཎ་ཡོ་ནི། ར་ཡ་ཙ་ནི། ཨོཾ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུཾ་ཕཊ་ཕཊ་ས་མ་ཡ། ཉི་མ་དང་པོ་ནས་བཞིའི་བར། །རྩ་བ་བཞི་སྙིང་དྲིལ་བའོ། །རྀ་རཱྀ་ལྀ་ལཱྀ། ཡ་མ་ར་ནིཙྪ་ཡ་ཀྵེ། གཉིས་པ་མན་ཆད་གཡས་བསྐོར་སྦྱར། །བདུན་པ་བཞི་སྙིང་གཅིག་དྲིལ་བས། །ཉི་ཤུ་རྩ་བརྒྱད་དེ་ཉིད་དོ། །ཨ་མུ་ཀ་ཀ་པ་ཡེ། རྩ་བའི་དམ་ཚིག་ཡང་སྙིང་ངོ་། །འོད་ཟེར་བརྒྱད་ཀྱི་མཚོ་བསྡེབ་ཡིན། །ཡ་མ་མེ་ད་ཀྵེ། ཡ་མེ་ད་ཀྵེ་མ། ཡ་མ་ཀྵེ་ད་མེ། ཡ་ད་ཀྵེ་མ་མེ། རཱ་ཛ་ས་དོ། དོ་རུ་ཎ་ཡོ། ཡོ་ནི་ར་ཡ། ཡཙྪ་ནི་རཱ། རུ་བཞི་རྡོ་རྗེའི་མཚོ་བསྡེབ་བོ། །དེ་ལྟར་བསྡེབ་པའི་འབྲས་བུ་གསུམ། །དང་པོ་བསྙེན་བསྒྲུབ་གསུམ་བསྡེབ་པ། །མོ་ཡི་མོ་ནི་བསྙེན་པ་སྟེ། །མོ་ཡི་ཕོ་དང་ཕོ་ཡི་མོ། །བསྒྲུབ་པ་ཡིན་ཏེ་ཕོ་ཡི་ཕོ། །ལས་ལ་སྦྱར་བའི་མཚོ་བསྡེབ་ཡིན། །ཕྱི་ཡི་ཕྱི་དང་ནང་གི་ཕྱི། །གསང་བའི་ཕྱི་རྣམས་བསྙེན་པའོ། །ནང་ ― DNG014_Page_0470 ―
[མ་དཔེ་གཟིགས་ན་འདིར་གནོན།]
གསུམ་བསྒྲུབ་པ་གསང་གསུམ་ལས། །འོད་ཟེར་བརྒྱད་ཀྱི་ལས་སྦྱར་བ། །ཉི་མ་བྱ་རྒོད་བཙོན་ནི་བསྙེན། །སྐྱེས་བུ་གོ་མཚོན་གཡོན་བསྐོར་བསྒྲུབ། །གོ་མཚོན་གཡས་བསྐོར་བཙོན་ལྕགས་གཟེར། །གསེར་ཐོག་སྤུ་གྲི་བཞི་དྲིལ་བས། །བཞི་སྙིང་གཅིག་ཏུ་དྲིལ་བའི་ལས། །དེ་ལ་བཞི་ནི་བསྙེན་པ་སྟེ། །བརྒྱད་ནས་གསུམ་གྱི་བར་དུ་ཕྱེ། །གཡོན་དུ་བསྐོར་བས་བསྒྲུབ་པའོ། །བརྒྱད་ནས་གསུམ་ཕྱེ་གཡས་བསྐོར་བ། །ཐམས་ཅད་ལས་ལ་སྦྱར་བའོ། །དབུས་སུ་ཉི་ཤུ་བསྐོར་བསྙེན་ཏེ། །ཐ་མ་བཅུ་དྲུག་བསྐོར་བསྒྲུབ་པའོ། །ལྔ་བཞི་གཡས་སུ་ཚང་བར་བསྐོར། །ལས་ལ་སྦྱར་བ་ཡིན་དེ་ལྟར། །མཚོ་བསྡེབ་འབྲས་བུ་དང་པོའོ། །གཉིས་པ་ཕྲིན་ལས་བཞི་བསྡེབ་ལ། །མོ་ཡི་མོ་ནི་ཞི་བ་སྟེ། །མོ་ཡི་ཕོ་རྒྱས་ཕོའི་མོ་དབང་། །ཕོ་ཡི་ཕོ་ནི་དྲག་པོའོ། །ཕྱི་ཡི་ཕྱི་ནང་གཉིས་ཞི་བ། །ཕྱི་གསང་ནང་ཕྱི་གཉིས་རྒྱས་ཏེ། །ནང་གི་ལྷག་མ་གཉིས་དབང་ཡིན། །གསང་བ་གསུམ་ནི་དྲག་པོའོ། །བཞི་སྙིང་གཅིག་དྲིལ་ཞི་བ་སྟེ། །བརྒྱད་ནས་བདུན་པ་གཡས་བསྐོར་རྒྱས། །བརྒྱད་ནས་གསུམ་དུ་ཕྱེ་བ་དབང་། །དེ་དག་གཡོན་བསྐོར་དྲག་པོའོ། །ཕྲིན་ལས་སོ་སོའི་ཁ་སྐོང་སྦྱར། །རྩ་བ་ཉི་མ་ཙནྡྲ་ཞི། །བྱ་རྒོད་འཇུམས་འདྲ་རྒྱས་པ་སྟེ། །སྤུ་གྲི་སོ་གྲིལ་ལྟ་བུ་དབང་། །ལྷག་མ་རྣམས་ནི་དྲག་པོའོ། །ལྔ་བསྐོར་བཞི་ནི་ཞི་བ་སྟེ། །གཉིས་པ་བཅུ་དྲུག་རྒྱས་པའོ། །གསུམ་པ་བཅུ་དྲུག་དབང་ཡིན་ཏེ། །བཞི་པ་བཅུ་དྲུག་དྲག་པོའོ། །དེ་ལྟར་འཁྲུལ་ལྔ་ཕྲིན་ལས་བཞི། །མཚོ་བསྡེབ་འབྲས་བུ་གཉིས་པ་ཡིན། །གསུམ་པ་སྐུ་གསུང་ཐུགས་བསྡེབ་པ། །མོ་ཡི་ཕོ་མོ་གཉིས་ནི་སྐུ། །ཕོ་ཡི་མོ་གསུང་ཕོའི་ཕོ་ཐུགས། །བཞི་སྙིང་གཅིག་ཏུ་དྲིལ་བ་སྐུ། །བརྒྱད་ནས་གསུམ་དུ་གཡོན་རྣམས་གསུང་། །དེ་ཉིད་གཡས་བསྐོར་ཐམས་ཅད་ཐུགས། །ཉི་མ་བྱ་རྒོད་གཟན་འཇུམས་སྐུ། །ལྕགས་སྒྲོག་ཁྲི་མུན་གཉིས་ནི་གསུང་། །ལྷག་མ་རྣམས་ནི་ཐུགས་ཡིན་ནོ། །འཁྲུལ་ལྔ་སྐུ་གསུང་ཐུགས་གསུམ་དུ། ། ― DNG014_Page_0471 ―
[མ་དཔེ་གཟིགས་ན་འདིར་གནོན།]
མཚོ་བསྡེབ་འབྲས་བུ་གསུམ་པའོ། །གཞན་ཡང་བསྙེན་པ་ཞི་བ་དང་། །སྐུ་གསུང་རྣམས་ནི་ཡུལ་དུ་བཤད། །བསྒྲུབ་པ་དང་ནི་རྒྱས་པ་དང་། །དབང་དང་གསུང་ནི་ཐབས་ཞེས་བྱ། །ལས་ལ་སྦྱར་དང་དྲག་པོ་དང་། །ཐུགས་ནི་འབྲས་བུར་བསྡུས་པ་ཡིན། །དེ་ལྟར་འཁྲུལ་འཁོར་མཚོ་བསྡེབ་ལ། །ངོ་བོ་ཀུན་གཞི་བག་ཆགས་དང་། །བཅས་པ་རྣམ་དག་གཤིན་རྗེ་གཤེད། །དབྱིངས་དང་ཡེ་ཤེས་གཉིས་མེད་པའི། །ཆོས་ཀྱི་སྐུ་ཡི་དངོས་ཡིན་མོད། །སྲོག་དབུགས་མདངས་འཕྲོག་ངེས་པའི་ཚིག །དེ་ཉིད་ཀྱང་ནི་གཅོད་པ་སྟེ། །འཁོར་བས་གཅོད་ཅིང་འཁྲུལ་པས་འཁོར། །གསང་སྔགས་བཅུ་བདུན་པ་ཡིན་ཏེ། །ཨ་ཀྲོ་ཏེ་ཀ་ཧྲཱྀཿཥྚྲཱྀའོ། །རོ་ལངས་མཐའ་སྡུད་དང་བཅས་པའི། །འཁྲུལ་དང་འཁོར་བ་རྣམ་གཉིས་ལས། །དང་པོ་ཕྱི་ནང་གསང་གསུམ་དང་། །རུ་བཞི་དག་ཏུ་འཁྲུལ་པའོ། །ཕྱི་ནང་གསང་གསུམ་དངོས་ཡིག་བདུན། །རྣམ་པ་གཅིག་པོ་བཅུ་བདུན་ལས། །བཅུ་གསུམ་གཉིས་དང་ཉི་ཤུ་བརྒྱད། །བཅུ་གཉིས་གཉིས་དང་བཅུ་བདུན་ནོ། །བཞི་པོ་གཉིས་དང་བདུན་ཡིན་ཏེ། །གསུམ་གཉིས་ལྔ་དང་བཞི་གསུམ་ལས། །ཡ་མ་ཡ་མེ་ཡ་ད་ཡ་ཀྵེ། ཞེས་པས་ཕྱོགས་ཀྱི་དབུ་གཟུང་ནས། །གཡོན་བསྐོར་བཟླས་པ་སུམ་ཅུ་གཉིས། །དེ་ནི་གཡོན་དུ་འཁྲུལ་པའོ། །ཡ་ཀྵེ་ཡ་ད་ཡ་མེ་ཡ། །གཡས་བསྐོར་སོ་གཉིས་གཡས་འཁྲུལ་ལོ། །ཡ་ནས་མེ་དང་ཡ་ནས་ཀྵེ། །ཡ་ནས་ཀྵེ་དང་ཡ་ནས་མེ། །དེ་ལྟར་བདུན་བསྐོར་དྲིལ་བ་ནི། །གནམ་ཐུས་བཞི་སྙིང་གཅིག་དྲིལ་བ། །ཉི་ཤུ་རྩ་བརྒྱད་དག་ཏུ་འཁྲུལ། །ཡ་ནས་ཡོ་དང་ཡ་ནས་དོ། །ཡ་ནས་ཡོ་དང་ཡ་ནས་ར། །དྲུག་དྲུག་དྲུག་བསྐོར་དྲིལ་བ་ནི། །ལས་ཁ་བསྐང་སྟེ་ཉེར་བཞིར་འཁྲུལ། །ཡ་ནས་ཀྵེ་ར་དོ་རུ་དྲུག་བཟླས་པ། །ལས་ཁ་བསྐང་བའི་དྲུག་འཁྲུལ་ཡིན། །ཡ་ནས་ཀྵེ་ར་དོ་རུ་ནི་རཱ་ནི། །དེ་ཡིས་མགོ་འཇུག་ལྔ་དང་བཞིར། །བསྐོར་བ་ཆིག་དྲིལ་བཅུ་བདུན་འཁྲུལ། །ཡ་ནས་ཡ་ཡི་བར་དུ་བརྒྱད། །ཉི་མ་དང་པོ་བཟླས་པས་འཁྲུལ། །ཡ་ ― DNG014_Page_0472 ―
[མ་དཔེ་གཟིགས་ན་འདིར་གནོན།]
ནས་མེ་ཡི་བར་དུ་བདུན། །གནམ་ཐུས་ཡིན་ཏེ་བདུན་དུ་འཁྲུལ། །ཡ་ནས་དོ་རུ་དྲུག་བཟླས་པ། །ལས་ཁ་བསྐང་བའི་དྲུག་འཁྲུལ་ཡིན། །ཡ་ནས་ཀྵེ་རུ་ལྔ་འཁྲུལ་པ། །བཟླས་པ་དབུས་ཀྱི་ལྟེ་བར་འཁྲུལ། །ཡ་ནས་ཛ་རུ་བཞི་བཟླས་པ། །གཉིས་པ་ཡིན་ཏེ་བཞིར་འཁྲུལ་པའོ། །ཡ་མ་རཱ་ནི་ཤར་ཕྱོགས་ཀྱི། །ལས་སྡེབས་བཟླས་པ་གསུམ་དུ་འཁྲུལ། །དེ་ལྟར་གཡོན་གྱི་བསྙེན་བསྒྲུབ་ནས། །གཡས་ཀྱིས་གསད་ཅིང་རྣམ་ཤེས་དབྲལ། །བཟློག་པ་གཡས་བསྐོར་གཡོན་རྗེས་དཔག །གཡས་སུ་བསྐོར་ཅིང་འཁྲུལ་པ་ཡིན། །བཅའ་གཞི་འཁོར་ལོ་སྟེགས་བུ་གཉིས། །གཞི་དང་གནག་སྨུག་བསྐོར་ཐབས་དང་། །བསྙེན་བསྒྲུབ་གསང་སྔགས་ཚང་བར་དགོད། །དུར་ཁྲོད་རོ་རས་ལེགས་པར་བཏུལ། །སྣག་ཚ་དུག་སྣ་ཚོགས་པ་དང་། །མི་ཁྱི་ར་གསུམ་གྲིར་ཤི་བའི། །ཁྲག་དང་བསྲེས་པས་བྲིས་པ་རྒྱུ། །ལྕགས་དང་མི་རྐང་མི་བསད་མདའ། །དེ་ནི་རྨྱུ་གུའི་རྒྱུ་ཡིན་ནོ། །འཁོར་ལོ་རིམ་པ་བཞི་དང་ལྡན། །ཐིག་བཞི་བཏབ་པས་རེ་མིག་དགུ། །ཕྱི་རིམ་བཅུ་གཉིས་བཅུ་དྲུག་ལ། །སུམ་ཅུ་གཉིས་དང་ལྡན་པར་བྱ། །དབུས་སུ་ཡ་མ་མེ་ད་ཀྵེ། །ཤར་དུ་རཱ་ཛ་ས་དོ། ལྷོ་རུ་རུ་ཎ་ཡོ་ནི། ནུབ་ཏུ་ཡོ་ནི་ར། བྱང་དུ་རཱ་ཡཙྪ་ནི། གདུག་པའི་ཡི་གེ་བཅུ་མནན་དགོད། །ཕྱི་རིམ་དབྱངས་ཡིག་བཅུ་དྲུག་དགོད། །དེ་ཡི་ཕྱི་རིམ་ཐོད་ཕྲེང་དང་། །ཕཊ་ཀྱིས་བསྐོར་ཏེ་གཡོན་ཡིན་ནོ། །དེ་བཞིན་ཡི་གེའི་བཟླས་ལུགས་བཟློག །བསྐོར་ཕྲེང་ཐམས་ཅད་གཡས་སུའོ། །འཁོར་ལོ་གཉིས་བྲིས་ཁ་སྦྱར་ཏེ། །སྟེང་ལ་མནན་པའི་འཁོར་ལོ་བྲིས། །འོག་ལ་བསྲེག་པའི་འཁོར་ལོའོ། །གཙོ་བོའི་སྐུར་གསལ་ལྗགས་རྡོ་རྗེ། །རྩེ་ལྔ་རྭ་གདེངས་ཁོང་སེང་ཅན། །ནང་ནས་སྔགས་དབལ་མེ་འདྲ་བས། །གའུའི་འཁོར་ལོ་ལ་གཞུག་བྱ། །ཡང་ན་ལྕགས་སྡིག་མེ་སྟག་བཞིན། །འཕྲོས་ནས་གའུའི་དམིགས་ལ་བསྡིམ། །ཤ་ཟོས་ཁྲག་འཐུང་རུས་པ་འཆོས། །ལས་བསྒྲུབ་ ― DNG014_Page_0473 ―
[མ་དཔེ་གཟིགས་ན་འདིར་གནོན།]
དུར་ཁྲོད་ཤ་རུས་ཉབ། །ཏིང་འཛིན་དམིགས་པ་གནད་ལ་བརྡེག །འཁྲུལ་ལུགས་གོང་མའི་འཁོར་ལོའོ། །རུ་བཞིའི་འཁྲུལ་འཁོར་ལྟ་བ་ལ། །ལྔ་སྟེ་ཕྱི་རིམ་བཅུ་གཉིས་ལ། །ཡི་གེ་བཅུ་གཉིས་ཟད་པར་བཟླས། །བཞི་བསྐོར་བཅུ་དྲུག་དག་ཏུ་ཤེས། །དང་པོ་དབུས་སུ་འཁྲུལ་ཞིང་བསྐོར། །ཡ་ནས་ཀྵེ་དང་ཡ་ནས་མ། །ཡ་ནས་མེ་དང་ཡ་ནས་ད། །དང་པོའི་ཉི་མ་བསྙེན་པས་སོ། །ར་ཙ་ས་དོ། དོ་རུ་ཎ་ཡོ། ཡོ་ནི་ར་ཡ་བཅུ་གཉིས་པའོ། །ཉི་མ་གསུམ་པ་བཞི་པའོ། །འཁྲུལ་འཁོར་སྔ་མ་བཞིན་དུ་སྦྱར། །ཡ་མ་ཀྵེ་ད་མེ། དབུས་ཀྱི་གཡས་སུ་འཁྲུལ་པ་ཡིན། །རཱ་ནིཙྪ་ཡ། ཡ་ར་ནི་ཡོ། ཡོ་ཎ་རུ་དོ། དོ་ས་ཙ་ར། གཡས་བསད་ཉི་མ་གཉིས་པའོ། །ཕྱི་རིམ་ཉི་མ་གསུམ་ལས་མེད། །ཡི་གེ་ཟད་པའི་བཞི་ཚོ་བཞི། །དེ་ལ་ལྟོས་ནས་རུ་བཞིར་བཤད། །དེ་ནི་འཁོར་ལོ་བཅས་པ་ཡི། །དེ་ནས་དཀྱིལ་འཁོར་བཅའ་གཞི་ནི། །གནས་ནི་དུར་ཁྲོད་སྐྱི་གཡའ་དང་། །ཤན་དམར་རི་དང་ཆུ་གླིང་དང་། །རྐང་གཅིག་བྲག་ནག་རི་བོ་དང་། །དེ་ལ་སོགས་པ་དྲག་པོར་བསྒྲུབ། །རོ་དང་རོ་ཟས་རོ་གོས་སོགས། །སྟག་གཟིག་གཡི་སྤྱང་ལུད་སྡེ་དང་། །ཅེ་སྤྱང་སྦྲང་པུ་ཏྲེ་ལ་སོགས། །དེ་དག་གནས་སར་དཀྱིལ་འཁོར་བཅའ། །ས་ནི་ཕུང་ཤུལ་དག་ནས་བླང་། །གྲུ་གསུམ་རྡོ་རྗེ་ཟླ་ཁམ་ལ། །འཁོར་ལོ་རྩིབས་བརྒྱད་དག་གིས་བསྐོར། །སྒོ་བཞི་མུ་ཁྱུད་བཞི་དང་ལྡན། །གྲུ་གསུམ་རྩེ་ལ་རྡོ་རྗེ་བྲི། །དགྲ་བགེགས་མིང་རུས་ཆ་རེ་གཟུག །ཟླ་ཁམ་བཅའ་ལུགས་གསུམ་གྱི་རྟེན། །འཁོར་ལོའི་རྩིབས་ལ་གཤེད་ཆེན་དགོད། །རྩིབས་བརྒྱད་ཕྱོགས་སུ་གཤིན་རྗེའོ། །ཕྱག་མཚན་བེ་ཅོན་ལ་སོགས་དགོད། །སྒོ་བཞི་ལ་སོགས་གནས་རྣམས་སུ། །ཅི་རིགས་པར་ནི་ལྷ་རྣམས་དགོད། །ལས་ཀྱི་ཁ་ཚར་བསྟན་པ་ནི། །ཨ་ཀྲོ་བཅུ་བདུན་སྐུ་ཡི་སྔགས། །ཧྲཱྀཿཤྟྲཱིཿབཅུ་བཞི་ཐུགས་ཀྱི་སྔགས། །ཀཱ་ལ་བརྒྱད་ནི་གསུང་གི་སྔགས། །ས་མ་བཅུ་ནི་ཡོན་ཏན་ནོ། ། ― DNG014_Page_0474 ―
[མ་དཔེ་གཟིགས་ན་འདིར་གནོན།]
ཕྲིན་ལས་གཡོན་གྱི་བཞི་སྙིང་དང་། །རྩ་བ་ཕྱི་ནང་གསང་བ་གསུམ། །འོད་ཟེར་བརྒྱད་དང་རུ་བཞིའོ། །ཕྱི་ནང་གསང་བ་བཅུར་འགྲོས་དང་ཡང་གནས་གསུམ་དང་། །གནམ་ཐུས་འབྲུ་དེད་གཉིས་ཀ་ལ། །གཡོན་གྱི་ལས་ཀྱི་དུས་སུ་ནི། །ཨ་མོ་ཀ་བྷ་མ་རཀྟ་མུ་ར་ཙ་མཱ་ར་ཡ། ཞེས་པ་གཡུ་སྤྱང་གདགས་པར་བྱ། །གཡས་པས་ད་པལ་ཀ་བ་ཡེ། །གདགས་བྱ་ཕྱི་མ་གཡོན་གྱིས་འདྲེན། །ཕྱི་ནང་གསང་གསུམ་འོད་ཟེར་བརྒྱད། །རུ་བཞི་རྣམས་ནི་རང་གཞུང་སྟེ། །འབྲུ་དེད་གཡོན་བསྐོར་རུ་ཁུགས་ཆུང་། །གཡས་བསྐོར་འབྲུ་དེད་རུ་ཁུགས་ཆེ། །གནམ་གཅིག་འདུ་ཆུ་རུ་རུ་གཡས་བཞིར་དེད། །གཡས་སུ་ཉེར་བརྒྱད་ཆེན་པོ་ཆེ། །ལས་ཀྱི་ཁ་སྐོང་རོ་ལངས་སྔགས། །ཨོཾ་དུར་ས་མ་ར་ཙ་ནི། རྩ་བའི་དམ་ཚིག་ཡང་སྙིང་སྔགས། །སྔར་བཞིན་དུ་ནི་སྐྲད་པར་བྱ། །ཨོཾ་དུར་ས་ཀྵེ་ཡ་ར་ནི། ཨོཾ་དུར་ས་ཡོ་ན་རུ། ཨོཾ་དུར་ས་མེ་དོ་ས་ཛ། སྔགས་མཇུག་རྣམས་ནི་སྔར་བཞིན་སྦྱར། །ཨར་གཏད་ཐབས་ཀྱི་སྒོ་བཞི་ནི། །ཡ་མ་ར། ཡ་མེ་དོ། ཡ་ད་ཡོ། ཡ་ཀྵེ་ཡ། མཐའ་སྡུད་སྔར་བཤད་བཞིན་དུའོ། །ཡ་མ་རཱ་ཛ་ས་དོ་མེ། མེ་དོ་རུ་ཎ་ཡོ་ད། ད་ཡོ་ནི་རཱ་ཡ་ཀྵེ། ཀྵེ་ཡཙྪ་ནི་རཱ་མ། མཇུག་གསུམ་སྔར་བཞིན་སྦྱར་བར་བྱ། །ངན་སྔགས་མཚོ་བསྡེབ་བདུན་བསྟན་པ། །དང་པོ་གཟིར་བའི་ལས་བྱ་སྟེ། །ཡུངས་ཀར་ལྕགས་ཕྱེས་བྲབ་ཅིང་འདིས། །ཨོཾ་ཨ་ཀྲོ་དྷི་ཀ་ཡ་མཱནྟ་ཀ་ཧྲཱྀ་ཤྲཱི་མཉྫུ་ཀཱ་ལ་རཱུ་པ། ཨ་མུ་ཀཾ་དགྲ་བགེགས་ཧྲཱྀཿཤྟྲཱིཿཀ་པ་ཡེ། ཏྲྀ་ནི་ཨ་ཏེ་ཨ་ཏེ། ཁྲི་འམ་འབུམ་གྱིས་ཁུགས་ཆེན་བཟླས། །དེ་ཡང་ཆུངས་ན། ཨོཾ་ཨ་ཀྲོ་དྷི་ཀ་ཡ་མཱནྟ་ཀ་ཤྲཱི་མཉྫུ། ཀཱ་ལ་རཱུ་པ་དགྲ་བགེགས་ཧྲཱྀཿཤྟྲཱིཿཨ་མུ་ཀ་ཀྲི་ན་ཨུ་ནེ་ཨུ་ནེ་ཨུ་ནེ། ཨུ་ཨུ་ཨུ། སིཾ་ད་ཡེ་བྱ་ཙ་ཡེ། དུ་རུ་ཡེ། ཙི་ཏྲ་ཡ། ཧ་ལ་ཡེ། མྱགས་ཐུམ་རིལ་རྦད། སྟོང་ངམ་ཁྲི་བཟླས་གཟིར་བར་བྱ། །དབྱེ་བ་གསུམ་ནི་ལྷ་ལྔ་སྟེ། །འཚོ་བྱེད་མགོན་བྱེད་སྐྱོབ་པར་བྱེད། །གྲོགས་བྱེད་སྲུང་བར་བྱེད་པ་ཡི། །ཡུལ་ལྷ་ཕོ་ལྷ་དགྲ་ལྷ་དང་། །མ་ ― DNG014_Page_0475 ―
[མ་དཔེ་གཟིགས་ན་འདིར་གནོན།]
ཡི་ལྷ་དང་སྲོག་གི་ལྷ། །གཡག་དཀར་ཡུལ་ལྷའི་རྟགས་ཡིན་ཏེ། །ཡུགས་སའི་ཞབས་མ་བསྲེགས་ལ་སྐྲད། །ཕེ་ཏི་ཤ་ཡ་ཕཊ་ཞེས་པ། །ཧྲཱྀཿཤྟྲཱིཿབཅུ་པ་དེ་ལ་གདགས། །ཞང་བློན་བྱུང་ན་ཕོ་ལྷ་སྟེ། །གླང་རོག་རྭ་བསྲེག་སྔར་བཞིན་དབྱེ། །ཁྲ་སྤྱང་དགྲ་ལྷའི་རྟགས་ཡིན་ཏེ། །ཚིལ་ཆེན་ཁྱི་ལུད་བསྲེག་པས་དབྱེ། །བུད་མེད་རི་དྭགས་མོ་ལྷ་སྨན། །ར་དང་ཏིལ་ནག་རྟ་བོན་པོ། །བསྲེགས་ཏེ་མོ་ལྷ་དང་དབྱེ་བཟླས། །ཏིང་འཛིན་མི་གསལ་སྲོག་ལྷས་བགེགས། །ཏིལ་ནག་གུ་གུལ་སྦྱར་བས་བདུག །སྔར་གྱི་སྔགས་ཀྱི་གང་ཡིན་པ། །ཕྱེ་ཞིག་ཅེས་བཏགས་སོ་སོར་དབྱེ། །རིགས་ཀྱི་གཉེན་དང་དབྱེ་བ་ནི། །ཡ་མ་མེ་ད་ཀྵེ། རཱ་ཛ་ས་དོ། རུ་ཎ་ཡོ་ནི། ར་ཡཙྪ་ནི། ཕ་ཁུ་ཕུ་དང་ནུ་ལ་སོགས། །ཕོ་ཏི་ཤ་ཡང་ཆེ་གེ་མོ་ཕྱེ་ཕཊ། རུས་གཉན་དང་ནི་དབྱེ་བའོ། །ཡ་མ་ཀྵེ་ད་མེ་ཞེས་པ། །གཡས་བཟློག་མ་དང་སྲུ་མོ་དབྱེ། །དགུག་པ་ཉི་མ་དང་པོ་ལ། །ཡ་མ་རཱ་ཛ་ས་དོ་མེ་ཡ། ནྲྀ་ཨཱ་ཀཪྵ་ཡ་ཧཱུཾ་ཛ། གཉིས་པ་ལ་ཡ་མེ་དོ་རུ་ཎ་ཡོ་ད་ཡ། ཨཱ་ཡུརྫྙཱ་ན་ཨཱ་ཀཪྵ་ཡ་ཧཱུཾ་ཛ། གསུམ་པ་ལ། ཡ་ད་ཡོ་ནི་ར་ཡ་ཀྵེ་ཡ། ཏི་ཡ་ནྲྀ་ཨཱ་ཀཪྵ་ཡ་ཧཱུཾ་ཛ། བཞི་པ་ལ། ཡ་ཀྵེ་ཡཙྪ་ནི། རཱ་མ་ཡ། རཱུ་པ་སྐནྡྷ་ཧཱུཾ་ཛ། ཞེས་པས་རིམ་བཞིན་དགུག་པར་བྱ། །བླ་རྟགས་ཉམས་སུ་བླང་བ་ནི། །ཤ་བའི་བླ་དང་ལུག་དང་གཉན། །ཕག་གི་བླ་དང་བྱི་ལ་དང་། །གཡག་དང་བ་གླང་རྟ་དང་གླ། །ར་ཡི་བླ་ཞེས་རབ་ཏུ་གྲགས། །སྲོད་ལ་ཤ་བ་ནམ་ཕྱེད་གཉིས། །ཐོ་རང་ཉི་མ་ཕྱེད་ལ་སྟེ། །གཉིས་ནི་སྲོད་དང་རྟ་ནི་གུང་། །ར་ནི་ཉི་མ་ནུབ་ཀར་རྒྱུ། །དེ་ནས་བླ་སྔགས་བསྟན་པ་ནི། །ཡ་མ་རཱ་ཛ་ས་དོ་མེ། བཛྲ་ཀཱི་ལི་ཀཱི་ལ་ཤ་ཏྲི་ཤ་ཏྲི། བ་ཏ་ཀཱི་ལ་ཡ། མཱ་ར་ཡ་ཧཱུཾ་ཕཊ། ཡ་མེ་དོ་རུ། ཎ་ཡོ་ད། བཛྲ་ཀཱི་ལ་ཡ། མུ་རུ་ཀཱི་ལ་ཡ། མཱ་ར་ཡ་ཧཱུཾ་ཕཊ། ཡ་ད་ཡོ་ནི། ར་ཡ་ཀྵེ། བཛྲ་ཀཱི་ལ་ཡ། ཀུ་རུ་ཀུ་རུ། ཀཱི་ལི་ཀཱི་ལ་ཡ། མཱ་ར་ཡ་ཧཱུཾ་ཕཊ། ཡ་ཀྵེ་ཡཙྪ་ནི་མཱ་ར་ཡ། ཨོཾ་ཀཱི་ལི་ཀཱི་ལ་ཡ། ཐུམ་མཱ་ར་ཡ་ཐཱ། ཀཱི་ལི་ཀཱི་ལ་མ་ར་ཎི་ཧཱུཾ་ཕཊ། ཨོཾ་ཧྲཱྀཿཤྟྲཱིཿབི་ཀྲི་ཏཱ་ན་ན་བཛྲ་ཀཱི་ལི་ཀཱི་ལ་ཡ། རུཾ་རུ་རུཾ་རུ། ཀཱི་ལི་ཀཱི་ལ་ཡ་ ― DNG014_Page_0476 ―
[མ་དཔེ་གཟིགས་ན་འདིར་གནོན།]
མཱ་ར་ཡ་ཧཱུཾ་ཕཊ། ཨོཾ་ཧྲཱྀཿཤྟྲཱིཿབི་ཀྲི་ཏཱ་ན་ན་ཧཱུཾ་ཕཊ། བཛྲ་ཀཱི་ལི་ཀཱི་ལ་ཡ་མཱ་ར་བ་ར་ཤུ། ཏ་ན་ཏ་ན། པ་ར་པ་ཏ་ཡ། ཀཱི་ལི་ཀཱི་ལ་ཡ། མ་ར་ཎི་ཧཱུཾ་ཕཊ། ཨོཾ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུཾ་ཕཊ། བཛྲ་ཀཱི་ལི་ཀཱི་ལ་ཡ། རོ་ཏི་རོ་ཏི་ཤོ་པ་ར་ཡ། ཀཱི་ལི་ཀཱི་ལ་ཡ། མཱ་ར་ཡ་ཕཊ། བླ་རྣམས་གཟུགས་ལ་ཕྱིར་བྲབ་པ། །ཨོཾ་བཛྲ་ཀཱི་ལི་ཀཱི་ལ་ཡ། ཤྲེ་ཏྲ་ཀུ་ཀུང་ལ་ཡང་ཧཱུཾ་ཕཊ། ཏྲི་བཛྲ་མཱ་ར་ཡ་ཧཱུཾ་ཕཊ། དེ་རྣམས་ཀུན་ལ་རེ་རེ་ལ། །བདུན་བདུན་བཟླས་ཤིང་དུས་བཞིར་གདབ། །དེ་ནས་ཐུན་གྱིས་བརྡེག་པ་ནི། །བྱང་ནས་ལྷོར་བལྟས་ས་གསུམ་ལ། །ལིངྒའམ་ནི་འཁོར་ལོར་བརྡེག །བྱང་གི། ཡ་མ་རཱ་ནི་ཙ་ཡ་ཀྵེ་ཡ། ཨ་མུ་ཀ་ཆེ་གེ་མོའི་སྙིང་བམ་རིལ་རྦད་ཡ། ནུབ་ཀྱི་ཡ་ཀྵེ་ཡར་མི་ཡོ་ད་ཡ། ཨ་མུ་ཀ་ཆེ་གེ་མོ་ཤ་ཏྲུཾ་ས་པ་མུ་ཏོ་རྦད་ཡ། ལྷོའི་ཡ་ད་ཡོ་ཎ། རུ་དོ་མེ་ཡ། ཨ་མུ་ཀ་ཆེ་གེ་མཱོ་ར་ཡ། ཁྲག་ཏུ་རྦད་ཡ། ཤར་གྱི་ཡ་མ་དོ་ས་ཛ་རཱ་མ་ཡ། ཨ་མུ་ཀ་ཆེ་གེ་མོ་མོ་ཧ་ཡ་ཁྲག་ཏུ་རྦད་ཡ། ཐུན་བརྡེག་པའི་སྔགས་ཡིན་ནོ། །དེ་ནས་ཕུར་པས་གདབ་པ་ནི། །གཙོ་བོ་གཤེད་ཀྱི་སྐུར་བསྒོམས་ལ། །ཨོཾ་ནྲྀ་མཱ་ར་ཡ། མཱ་ར་དུ། ཡ་མ་སྙིང་། ཡ་མ་ཁྲག་ཚལ་པ་བཾ་རིལ། དུཾ་བུ་དུཾ་བུ། དགྲ་བགེགས་མཱ་ར་ཡ་ཛ། ཨོཾ་ནྲྀ་མཱ་ར་ཡ་ནྀ། བྷི་བྷི་ག་ཡ་ན་ཡང་ན་ཡ་ཏ་ཀི་ར་ཙ། བེ་ཏཱ་ལི། ཀྲོ་དྷཱི་ཤྭ་རཱི། སྙིང་ཁྲག་ཆོད། རྩ་ལ་འཇིབ། ཁྲག་ལ་རྔུབས། ཀཱི་ལི་ཀཱི་ལ་ཡ། བཾ་རིལ་རྦད། ཡ་མ་རཱ་ཛ་ས་དོ་མེ། སྙིང་ལ་མེ་དུན་བྷྱོ། ཡ་མ་དོ་རུ་ཎ། ཡོ་ད་སྙིང་ལ་མེ་དུན་བྷྱོ། ཀཱི་ལི་ཀཱི་ལ་ཡ་རྦད་ཡ། ཡ་ད་ཡོ་ནི་ར་ཡ་ཀྵེ་ཡ་སྙིང་ལ་དུན་བྷྱོ། ཀཱི་ལི་ཀཱི་ལ་ཡ་རྦད་ཡ། ཡ་ཀྵེ་ཡཙྪ་ནི་རཱ་མ་ཡ་སྙིང་ལ་དུན་བྷྱོ། ཀཱི་ལི་ཀཱི་ལ་ཡ་རྦད་ཡ། སྔགས་དང་ཕུར་པའི་ཐུན་གྱིས་བརྡེག །ཁྱད་པར་ལས་ཀྱི་འཁྲུགས་བསྡེབ་ནི། །སྡེ་བརྒྱད་སྤྱི་བསྒྲུབ་ཡང་སྙིང་བགྲང་། །རྟགས་བྱུང་གསུམ་མམ་ལྔ་ནས་ནི། །གང་བྱེད་བགྲང་སྟེ་བཟློག་པའོ། །དང་པོ་རྩ་བའི་ཡི་གེ་གསུམ། །དེ་ནས་རྩ་བའི་སྐུར་བསྐྱེད་དེ། །དེ་ཡང་མནན་ན་ལྔ་པ་བཟླས་མཚན་སྔགས་སྔོན་དུ་ཡང་། །དེ་ནས་རྩ་བའི་སྙིང་པོ་སྟེ། །ཀུན་གྱི་ཐུན་མོང་མཐུན་པར་ ― DNG014_Page_0477 ―
[མ་དཔེ་གཟིགས་ན་འདིར་གནོན།]
བསྒྲུབ། །དབང་དུ་བསྡུ་ཞིང་དམ་ཚིག་བསྟན། །ཕྲིན་ལས་བཅོལ་ནས་དགུག་བྱ་སྟེ། །བླ་དང་རང་གི་སྙིང་པོ་བཟླས། །ཁུགས་ནས་གང་ཡིན་ལས་ལ་སྦྱར། །སྔགས་འཁྲུགས་སྡེབས་ཀྱི་ལས་བྱ་བ། །རྩ་བ་བསྐྱེད་རྒྱུད་དགོད་པར་བྱ། །སྲོག་གི་སྙིང་པོ་དྲང་པ་སྟེ། །མཆོད་པ་རྩ་བའི་སྙིང་པོའོ། །དབང་དུ་བྱ་བ་དབྱངས་ཡི་གེ། །དམིགས་པ་ཉེ་བའི་སྙིང་པོའོ། །མི་འདའ་བ་ནི་དམ་ཚིག་སྟེ། །ལས་གང་བསྒྲུབ་པ་དེ་ཉིད་དོ། །སྔགས་ཀྱི་འཁྲུལ་ནི་རྩ་བ་དང་། །དམ་ཚིག་ལས་སྦྱར་སྙིང་པོ་དང་། །ཡང་སྙིང་རྣམས་ནི་མགོ་བོར་བགྲང་། །མཇུག་ལ་གདབ་པ་ཀུན་ལ་བརྡེག །གྲངས་མང་ཉུང་ནི་རྟགས་མཚན་དང་། །དམ་ཚིག་སྔགས་དང་དབྱངས་ཡིག་སྔགས། །རྩ་སྔགས་མགོ་མཇུག་ཁྱབ་པར་གདབ། །འཁྲུལ་འཁོར་སྔགས་ཀྱིས་འཁྲུལ་པ་ནི། །སྤྱི་དང་སོ་སོ་གང་བསྒྲུབས་ཀྱང་། །ཕྱི་ནང་གསུམ་དུ་སྐུ་གསུང་ཐུགས། །ཉིན་པར་ཡ་ཡཾ་ཡང་ཨ་ཧྲི་ཡིས་དྲང་། །མཚན་མོ་མ་ཨ་ཨེ་ཧི་ཡང་ཧྲི་ཡིས་དྲང་། །དེ་ཡང་མཚན་རྟགས་བཟང་ངན་སྦྱར། །ཉེ་བར་མ་གྱུར་སྒྲིབ་སྦྱང་བཤགས། །བསྐང་དང་བཟླས་པ་དྲག་ཏུ་བྱ། །བྱ་ནག་བྱུང་ན་ཚུར་ལོག་རྟགས། །མྱུར་དུ་བཟློག་པའི་སྙིང་པོ་བཟླས། །ཆོ་འཕྲུལ་ཆེ་ན་གཉེན་པོ་གཏང་། །དེ་ཡང་ལས་ལ་མི་འགྲོ་ན། །དབང་དུ་བསྡུ་ཞིང་རེ་རེ་བགྲང་། །གྲུབ་རྟགས་བྱུང་ན་དམ་ཚིག་དང་། །དབང་དང་ཡང་སྙིང་སུམ་སྦྲེལ་བཟླས། །ཉན་པར་གྱུར་ན་ཕྱག་རྒྱ་བསྟན། །དམ་ཚིག་བསྲེ་ཞིང་ཕྲིན་ལས་བཅོལ། །རཀྟ་བསྟབས་ལ་སྲོག་སྙིང་ཕྲོག །ལྡོག་མེད་འགྱུར་ནས་བསད་གསོ་དང་། །དགེ་སྡིག་ལས་ཀྱི་དབང་བསྐུར་ཏེ། །དེ་ནས་གང་བཅོལ་ཕྲིན་ལས་འགྲུབ། །ལས་སྔགས་བཟླས་ཤིང་ཁྲོས་པས་སྒྲོལ། །སྤྱིར་བསྟན་ཕན་གནོད་གང་བྱེད་ཀྱང་། །རྩ་བ་དམ་ཚིག་ཡང་སྙིང་ལས། །བཞི་སྙིང་དྲིལ་བ་ལ་སོགས་པའི། །གང་དམིགས་དེ་ལས་འཕྲལ་རྟགས་འབྱུང་། །མཇུག་ཏུ་ལས་སྦྱོར་མཐའ་བསྡུ་བ། །གོང་འོག་གང་འོས་བླང་ཞིང་སྤྱད། །དམ་ཚིག་སྤྱི་དང་བྱེ་བྲག་དང་། །གཞི་དང་གཉེན་གཞི་ལ་སོགས་པ། ། ― DNG014_Page_0478 ―
[མ་དཔེ་གཟིགས་ན་འདིར་གནོན།]
སྤྱི་གསུམ་དགུ་དྲུག་ཚང་བར་སྤྱད། །གདོང་མོ་བཞི་ཡང་སྟོང་པའི་གཞི་ལ་སོགས་པ་ལ། །ལས་མཐའ་སུམ་ཅུ་ཚང་བ་དང་། །དགུག་དང་དབྱེ་དང་བསྐྲད་པ་དང་། །དགར་དང་གཏོང་དང་རྨོངས་པ་དང་། །སྨྱོ་འབྲོས་ལ་སོགས་ལས་ཚར་སྤྱད། །མོན་མོ་ཤེལ་མིག་མ་ཡི་སྔགས། །ཆོ་འཕྲུལ་ཐུན་ཟོར་ལས་ལ་བསྔགས། །བསད་པའི་ལས་དགུ་ཉི་ཤུ་གཉིས། །བཅུ་བདུན་གསུམ་སོགས་གང་བྱེད་ཀྱང་། །དང་པོ་རྩ་བས་སྐུ་བསྐྱེད་བྱ། །སྐུ་རྫོགས་བསྒྲུབ་གཞུང་སོ་སོ་དང་། །གསུམ་མམ་ལྔ་རུ་བསྙེན་པ་གཟུག །ལས་གྲུབ་རྟགས་བྱུང་ལས་བཞི་སྤྱད། །དམ་ཚིག་རྩ་བ་ལས་སོ་སོ། །ཡང་སྙིང་ལས་སྔགས་དྲིལ་ལ་བཟླས། །ཡ་ནི་གཤིན་རྗེ་མ་མ་མོ། །ར་ནི་སྲིན་པོ་ཀྵེ་གནོད་སྦྱིན། །ནི་ནི་དྲང་སྲོང་ས་ས་བདག །ཏྲི་ནི་ཐེ་འགོང་ཨོཾ་ཡེ་ཤེས། །ཨོཾ་ཧཱུཾ་ཕཊ་གསུམ་ལྷུན་གྱིས་གྲུབ། །ཡ་དང་རྦད་ནི་གསད་པ་ཡིན། །ཛཿའགུགས་མཱ་ར་ཡ་གསད་པ། །མེ་འབྱེད་ར་གློག་སའི་བསྒྲུབ་པ། །སྭཱ་ཧཱ་མཆོད་པ་ཞི་རྒྱས་ཏེ། །ཨ་ཨི་ཨུ་འགུགས་དབང་དུ་སྡུད། །ཨེ་བསྐྱེད་ཨོཾ་རྒྱས་ཨོ་ཁྱབ་ཞིང་། །ཡ་ཨ་ཧྲིཿ། མ་ཨི་ཏི། ཨོཾ་བཱ་གཱི་ཤྭ་རི་མུཾ། ཨ་ནྲྀ་སུ་ཏྲི་པྲེ་དུ། རྣམ་པར་ཤེས་པ་རླུང་འདྲ་བའི། །ལྕགས་ཀྱུའི་རྣམ་པས་བཀུག་ནས་ཀྱང་། །སྲིན་བུ་མེ་ཁྱེར་འདྲར་བཅུག་སྟེ། །མྱུར་བུལ་མ་གསལ་འབྱམས་པ་དང་། །དོན་དང་འདྲེས་དང་ལྷག་ཆད་དང་། །སྣ་ཚོགས་གཡེང་བའི་སྐྱོན་སྤངས་ཏེ། །བསྒྲུབ་པར་བྱ་བ་ཐབས་ཡིན་ནོ། །འཁྲུལ་འཁོར་ལྡེ་མིག་ཁ་སྐོང་ཡིན།། །།དེ་ནས་རྒྱལ་པོ་རྡོ་རྗེ་འཛིན། །དབང་གི་རྒྱལ་པོའི་སྐུར་གྱུར་ནས། །སྐྱེ་བོ་འདོད་ཆགས་ཅན་དོན་དུ། །གསུང་གི་བསྒྲུབ་པ་རབ་བསྟན་པ། །དབང་གི་རྒྱལ་པོ་རྣམ་པ་གཉིས། །འཁོར་བ་པ་དང་མྱ་ངན་འདས། །དོན་དམ་ཀུན་རྫོབ་སྣང་བ་ལ། །གནས་ལུགས་གཤིས་ཀྱི་རང་བཞིན་དང་། །གདུལ་བྱ་ཐབས་ཀྱི་སྣང་བའོ། །ཐོག་མ་ཆོས་རྣམས་མ་ལུས་ཀུན། །ཡང་དག་བདེན་པ་དེ་བཞིན་ཉིད། །མ་ནོར་མ་བཅོས་མ་བཙལ་བ། ། ― DNG014_Page_0479 ―
[མ་དཔེ་གཟིགས་ན་འདིར་གནོན།]
མ་སྐྱེས་མ་འགགས་མ་དམིགས་པའི། །སྙིང་པོ་བྱང་ཆུབ་སེམས་ཀྱི་ངང་། །འཁོར་བའི་སྐྱོན་གྱིས་མ་གོས་ཤིང་། །ཡོན་ཏན་གྱིས་ཀྱང་མ་རེག་པ། །རྣལ་མ་རང་བྱུང་མཚན་ཉིད་བྲལ། །བརྗོད་མེད་བསམ་འདས་ཆོས་ཀྱི་སྐུ། །བྱང་ཆུབ་ཆེན་པོ་དེ་ཉིད་དེ། །བསྒྲུབ་ཏུ་མེད་དེ་མཐོང་དུ་ཡོད། །བཙལ་དུ་མེད་དེ་རྟོགས་སུ་ཡོད། །བསྒྲུབ་ཏུ་མེད་དེ་སྣང་དུ་ཡོད། །གནས་ལུགས་དོན་གྱི་རྟ་མགྲིན་ཡིན། །ཐབས་ལ་ཕྱི་ནང་གསང་བ་གསུམ། །སྒྲུབ་བྱེད་གང་ཟག་བློ་ལྡན་ཡིན། །ཤེས་རབ་དམན་པ་རྣམས་ཀྱིས་ནི། །བླ་མ་བཀུར་ཞིང་དབང་བླངས་ཏེ། །གསང་བ་ཆེན་པོའི་སྣོད་རུང་བྱ། །ཤེས་རབ་སྒྲོན་མའི་དོན་གྱིས་བསྟན། །གཞི་ལམ་འབྲས་བུར་ཡིད་ཆེས་བྱ། །ཀུན་རྫོབ་ཙམ་དུ་སྣང་བ་ནི། །དྲི་མེད་སེམས་ནི་གཙང་མའི་རྒྱུ། །བལྟ་བ་ཏིང་འཛིན་དེ་ཡི་རྐྱེན། །མནྟྲ་མུནྟྲ་མ་ཧཱ་མུ་དྲ་ཡིན་ནམ འབྲས་བུ་བསྟན། །གནས་ནི་དབེན་གནས་བས་མཐའ་སོགས། །ནུབ་ཏུ་ཕྱོགས་པའི་ཉམས་དགའ་ཞིང་། །དམར་གསལ་ཟླ་བ་ཁམ་པ་འདྲ། །མེ་ཏོག་དམར་པོས་བརྒྱན་ཅིང་སྤྲས། །དབང་དང་ལྡན་པའི་རྟགས་ཐོབ་ཅིང་། །ཡོན་ཏན་ཕུན་ཚོགས་གནས་དེ་རུ། །བརྟག་དང་བསླད་དང་སྦྱང་བ་དང་། །གཟུང་དང་བདག་གིར་བྱ་བ་ཡིས། །ས་ཡི་ཆོ་ག་བྱིན་བརླབ་བྱ། །ས་ཡི་བདག་པོ་མཉེས་བྱས་ནས། །བར་ཆད་བགེགས་བསལ་ཕྱི་མཚམས་བཅད། །བསོད་ནམས་ཚོགས་བསགས་ལས་ལ་འབད། །ཞི་བའི་ལས་ཀྱིས་བཤགས་སྦྱང་བྱ། །ཕྱི་ནང་གསང་བའི་རྫས་བསགས་ཏེ། །བྱིན་གྱིས་བརླབ་པ་རྒྱ་ཆེར་བྱ། །བསྙེན་པའི་མཆོད་པའི་ལས་གཞི་ལ། །ཙན་དན་དམར་དང་རཀྟ་དང་། །དབང་ལ་ཤིས་པས་བྱུག་ཅིང་བརྒྱན། །ནུབ་ཏུ་ཁ་བལྟས་གོས་དམར་བགོ། །ཏིང་འཛིན་ཤེས་རབ་དང་བཅས་པས། །རྒྱུད་དག་ཕྱི་ནང་གསང་གསུམ་ལྡན། །ཚད་མེད་བཞི་ལྡན་བསྒོམ་པ་ནི། །གདོད་ནས་གྲུབ་དང་རྟོགས་པ་གཉིས། །དང་པོ་གཞིར་གནས་རྟོགས་པ་བསྒྲུབ། །རང་བྱུང་ཡེ་ཤེས་ཉི་མ་དེ། །རྣམ་རྟོག་སྤྲིན་བསྒྲིབས་ཉོན་མོངས་ཆར། །དུག་ཆུར་བབ་པའི་རྒྱ་མཚོ་ལས། །བག་ཆགས་གཞིར་བཅས་ལས་རྣམས་ ― DNG014_Page_0480 ―
[མ་དཔེ་གཟིགས་ན་འདིར་གནོན།]
ཀྱིས། །མྱུ་གུ་རྒྱས་ཏེ་ཕུང་པོ་ལྔ། །འབྲས་བུར་སྨིན་པ་བཟློག་པའི་ཕྱིར། །ཏིང་འཛིན་མ་ནོར་དེ་བཞིན་ཉིད། །སེམས་འོད་ཡེ་ཤེས་རླུང་གི་མཐུས། །སྤྲིན་སྦྱངས་མཁའ་ལ་ཉི་མ་ཤར། །སེམས་རྟོག་ཡེ་ཤེས་ཆོས་སྐུར་སྣང་། །བདེ་ཆེན་ལྷུན་གྲུབ་ཀུན་ཏུ་འོད། །སྟོང་ཉིད་ཡེ་ཤེས་གོ་ཆ་ཡིས། །སྙིང་རྗེ་ཀུན་སྣང་ཏིང་ངེ་འཛིན། །སེམས་ཅན་སྡུག་བསྔལ་རྒྱ་མཚོ་དེ། །ཡེ་ཤེས་ཉི་འོད་འབར་བས་བསྐམ། །ཐམས་ཅད་སྙིང་པོར་ཡོངས་བསྒྲལ་ཏེ། །ལས་དང་ཉོན་མོངས་དྲི་མ་རྣམས། །ཐུགས་རྗེ་ཆུ་བོའི་རྒྱུན་གྱིས་བཅུས། །ཆགས་མེད་པདྨ་ཅན་གྱི་ས། །ལོངས་སྤྱོད་རྫོགས་སྐུ་འགག་པ་མེད། །གསལ་བྱེད་ཡེ་ཤེས་གོ་ཆ་རྫོགས། །དེ་ཉིད་རང་ལ་རང་སེམས་དངོས། །བསྐྱེད་རྒྱུ་ཡི་གེ་དམར་གསལ་ཧྲཱྀཿ། །ཐོང་གཤོལ་གྱིས་ནི་ཞིང་ལ་རློག །འོད་ཟེར་འཕྲོ་འདུའི་རླུང་གིས་ནི། །བག་ཆགས་རྣམ་རྟོག་མ་ལུས་གཏོར། །རྒྱུ་ཡིག་འཁོར་ལོ་ཚོགས་ཆེན་ལ། །ཐུགས་རྗེ་སྣ་ཚོགས་སྤྲུལ་པའི་སྐུ། །བྱེ་བྲག་རྟོགས་པའི་གོ་ཆ་བགོས། །དེ་ལས་ཐུགས་ཀྱི་ཕྱག་རྒྱ་འཕྲོས། །འབར་བའི་མེ་ཡིས་ཉོན་མོངས་བསྲེག །འཕྲོ་འདུ་བྱིན་རླབས་ཤར་བ་ཡིས། །མངོན་པར་བྱང་ཆུབ་བླ་མའི་ས། །མཉམ་པ་ཉིད་ཀྱི་གོ་ཆ་བགོས། །ཕྱག་མཚན་འཕྲོ་འདུ་རྡོ་རྗེའི་སྐུ། །ཕུང་པོ་རྡོས་པའི་སྒྲིབ་བཅོམ་ནས། །སྐུ་ཡི་ཕྱག་རྒྱ་ཡོངས་རྫོགས་གསལ། །ས་ནོན་རྡོ་རྗེའི་སྐུ་ཐོབ་པས། །ནན་ཏན་ཡེ་ཤེས་གོ་ཆ་བགོས། །དེ་དག་ཐབས་དང་ཤེས་རབ་ལས། །གཙོ་བོ་ཡབ་ཡུམ་སྐུར་སྣང་བ། །རྒྱལ་ཐབས་སྤྱི་བླུགས་རང་རིག་རྩལ། །མ་འགགས་སྦྱངས་པ་ཐོབ་བྱས་ལ། །འབྲུ་གསུམ་གྱིས་ནི་དུག་གསུམ་སྦྱང་། །དེ་ལས་གནས་པའི་སྐུ་གསུང་ཐུགས། །འོད་སྤུང་གིས་ནི་ལས་གཉིས་བསྒྲུབ། །སྦྱངས་ཤིང་མཉེས་པ་དེ་བསྒྲུབས་ནས། །སྐུ་ནི་གཟི་བརྗིད་སྤྲིན་ཕུང་རོལ། །གསུང་གི་ཡན་ལག་འབྲུག་སྟོང་ལྡིར། །ཐུགས་ནི་སྤྲོས་བྲལ་ལྷུན་གྱིས་གྲུབ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧཾ། འབྲུ་ལྔ་འཕྲོ་འདུའི་འོད་ཀྱིས་ནི། །རྒྱུད་ ― DNG014_Page_0481 ―
[མ་དཔེ་གཟིགས་ན་འདིར་གནོན།]
སྦྱང་མཉེས་པའི་ལས་ཀྱིས་ནི། །རིགས་ལྔ་སངས་རྒྱས་ཡེ་ཤེས་ལྔ། །རང་བཞིན་གྲུབ་པའི་དབང་བསྐུར་བྱ། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་ཨཱ་དཪྴ་ཛྙཱ་ན། པྲ་ཏྱ་བེཀྵ་ཎ་ཛྙཱ་ན། ས་མནྟཱ་ཛྙཱ་ན། ཀྲྀ་ཏྱཱ་ནུཥྛཱ་ན་ཛྙཱ་ན། བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་སྤྲུལ་པའི་དཀྱིལ་འཁོར་དབྱུང་། །བྱིན་གྱིས་བརླབ་ཅིང་བརྡ་ཡིས་བསྐུལ། །བྱང་ཆུབ་སེམས་ཀྱི་འོད་ཟེར་སྤྲོས། །གཉིས་མེད་དགྱེས་པའི་སྦྱོར་བ་ལས། །བྷྲཱུཾ་འཕྲོས་པ་ལས་གཞལ་མེད་ཁང་། །ཕོ་བྲང་ཟླ་ཁམ་དབང་གི་དབྱིབས། །འཁོར་ལོ་ཁྱམས་དང་སྒོ་བཞིར་བཅས། །སོ་སོའི་གནས་སུ་གདན་དང་ལྡན། །ཡབ་ཡུམ་རིགས་ཀྱི་དབང་ཆེན་བཞི། །ཁྲོ་བོ་ཁྲོ་མོ་སྒོ་སྲུང་བཅས། །རང་སྔགས་ལྡན་པས་གསལ་བར་བལྟ། །བཀའ་སྡོད་ཕོ་ཉར་བཅས་ཏེ་དམིགས། །དམ་ཚིག་རྟེན་ལ་ཡེ་ཤེས་ཚོགས། །སྤྱན་དྲང་གཉིས་མེད་བཞུགས་ཤིང་མཆོད། །བསྟོད་དང་བཤགས་སྦྱང་ཕྲིན་ལས་བཅོལ། །བྱེར་ཞུད་ལེ་ལོ་རབ་སྤངས་པས། །ཡི་དམ་བཅས་པའི་བསྙེན་རྫོགས་ནས། །སྒྲུབ་པའི་དཀྱིལ་འཁོར་གཟུགས་བརྙན་བྲི། །མཆོད་པ་བསྟར་ཏེ་བསྒྲུབ་པ་བརྩམ། །མཆོག་དང་ཐུན་མོང་རྟགས་ཐོན་ནས། །ཕྲིན་ལས་གང་འདོད་དེ་དང་སྦྱར། །ལས་ཀྱི་ལྷག་ཆད་མ་ལུས་བསྐང་། །མང་ཉུང་རྒྱུན་དང་དུས་ཚིགས་སུ། །དགོངས་ཉམས་སྤྱོད་ལམ་བསྟན་པར་སྦྱར། །སྣང་སེམས་དབང་གི་སྣང་བ་འབྱུང་། །དེ་ནི་ཕྱི་ལྟར་བསྒྲུབ་པའོ། །ནང་སྒྲུབ་ཤེས་རབ་ཏིང་འཛིན་ལྡན། །བདག་ཉིད་དབང་གི་རྒྱལ་པོའི་སྐུ། །དངོས་སུ་གསལ་རྫོགས་ངོ་བོ་ཡིས། །འཇིག་རྟེན་ལྷ་སྲིན་དྲེགས་པ་ཅན། །རྩོལ་མེད་རང་དབང་ཉིད་དུ་བསྡུ། །གཟུགས་སྣང་བ་དང་སྒྲ་གྲག་པ། །དྲན་རེག་དབང་གི་སྐུ་གསུང་ཐུགས། །ཡོན་ཏན་རྫོགས་ཏེ་དགོས་འདོད་འབྱུང་། །འགྲོ་དོན་ཕྲིན་ལས་བསམ་ཡས་པ། །བསམ་པ་དང་ནི་སྨོན་པས་རྫོགས། །གསུང་མཆོག་ནང་དུ་བསྒྲུབ་པའོ། །གསང་སྒྲུབ་དམིགས་པའི་ལོངས་སྤྱོད་ཀྱིས། །ཡོན་ཏན་མ་ལུས་རང་ལ་རྫོགས། །ལོངས་སྤྱོད་རྫོགས་པའི་སྣང་བའོ། ། ― DNG014_Page_0482 ―
[མ་དཔེ་གཟིགས་ན་འདིར་གནོན།]
ཤེས་རབ་ཆེན་པོས་ཐག་བཅད་པའི། །འདུས་མ་བྱས་ཏེ་ལྷུན་གྱིས་གྲུབ། །མཁྱེན་པ་ཐུགས་རྗེ་དང་བཅས་པ། །ཆོས་སྐུ་ཉིད་དུ་འགྲུབ་པ་སྟེ། །དོན་དམ་ཀུན་རྫོབ་སྣང་བ་ཡིས། །གཞན་དོན་མཐར་ཕྱིན་སྤྲུལ་པའི་སྐུ། །ཏིང་ངེ་འཛིན་དང་ཤེས་རབ་ཀྱིས། །བསྐྱེད་རྫོགས་གསུམ་གྱི་ས་ལ་སྦྱང་། །རྩོལ་མེད་ལྷུན་གྲུབ་གཞན་དོན་སྤྱད། །འབྲས་བུ་གཞན་ནས་མི་བཙལ་ཏེ། །རང་ལ་གནས་པ་དེ་ཉིད་ཡིན། །གཞན་སྣང་རྣམ་འཕྲུལ་ཡན་ལག་སྟེ། །རང་སེམས་དབང་གི་རྒྱལ་པོ་ལ། །བཅོས་ཤིང་བསྒྲུབ་ཏུ་ག་ལ་ཡོད། །ལས་དང་ཉོན་མོངས་བག་ཆགས་འདམ། །སྐྱོན་གྱིས་མ་གོས་པདྨའི་རིགས། །བསྙེན་བསྒྲུབ་ཡན་ལག་ནུས་པའི་སྔགས། །གཙོ་བོར་བརྗོད་པས་གསུང་བསྒྲུབ་ཡིན། །རང་རིག་སེམས་ཀྱི་རྒྱལ་པོ་དེ། །རང་དབང་ལྷུན་གྲུབ་དབང་གི་རྒྱལ། །དེ་དག་གསང་བར་བསྟན་པའོ། །ཨོཾ་པདྨཱན་ཏ་ཀྲྀཏ་ཧ་ཡ་གྲཱི་བ་ཨེ་ཀ་ཛ་ཏི་ས་མ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཨཱ་ར་ལི་ཛ། ཕྱི་ནང་གསང་བའི་ཁྱད་པར་ལས། །གདུལ་བྱ་ཐབས་ཀྱི་རིམ་པ་ལས། །གསོ་བསད་ཕྲིན་ལས་དམིགས་དང་སྦྱར། །བལྟ་བ་དོན་གྱིས་ཐག་བཅད་ཅིང་། །ཏིང་ངེ་འཛིན་གྱིས་དབང་བསྒྱུར་ནས། །ཕྲིན་ལས་ཡན་ལག་གཙོར་མི་བསྒྲུབ། །རྟོག་པའི་ངོ་བོ་སེམས་ཉིད་དུ། །སྣང་བ་ཐམས་ཅད་དབྱེར་མེད་ན། །ཐུན་མོང་དངོས་གྲུབ་དམ་པ་ཡིན། །དབང་གི་དཀྱིལ་འཁོར་རང་ལ་སྣང་། །རིག་པའི་རྒྱལ་པོ་རང་དབང་ཐོབ། །རང་རིག་བདེ་བར་གནས་པ་ནི། །དབང་གི་བསྒྲུབ་པའི་མཐར་ཐུག་སྟེ། །མཆོག་གི་དངོས་གྲུབ་རྩ་བ་ཡིན། །བལྟ་བ་ཏིང་འཛིན་བསྒོམ་ལྡན་ནས། །སྤྱོད་པས་ལ་དོར་རྟ་སྐད་གསུམ། །ཁམས་གསུམ་དབང་དུ་བསྡུ་བ་དང་། །དམ་ཚིག་རྗེས་སུ་བསྐུལ་བ་དང་། །དྲག་པོའི་ལས་འཇུག་དང་པོ་ཡིན། །རང་རྒྱུད་ཆེ་བའི་རྔམ་སྐད་དང་། །བྱིན་རླབས་རྫས་ལེན་བརྡ་སྐད་དང་། །ཕྲིན་ལས་བསྒྲུབ་པའི་གྱིང་སྐད་གསུམ། །ལུས་ངག་ཡིད་ཀྱི་བརྡ་གསུམ་སྟེ། །སེ་གོལ་དང་ནི་ཐལ་མོའི་བརྡ། །སྤྱུགས་པ་དང་ནི་ངུ་འབོད་བརྡ། །ལྷ་ ― DNG014_Page_0483 ―
[མ་དཔེ་གཟིགས་ན་འདིར་གནོན།]
དང་བསྒོམ་པའི་བརྡ་རྣམས་ཀྱིས། །སྤྱོད་པའི་རྟོག་པ་བསྡུས་པ་སྟེ། །གསུང་གི་བསྒྲུབ་པ་དཔག་མེད་ཀྱང་། །ངག་གི་བརྡ་ལས་བྱུང་བ་སྟེ། །ངག་གི་ལུས་ལ་རབ་ཏུ་བརྟེན། །བསྐྱེད་པའི་རིམ་པ་བསྙེན་པར་བཅས། །སྐུ་དང་གསུང་དུ་དྲིལ་ཏེ་བསྒྲུབ། །དགོངས་པའི་རྟ་སྐད་ཐེངས་གསུམ་ལས། །སྤྱོད་པ་བསྙེན་བསྒྲུབ་གསུམ་སྦྱར་ཏེ། །རྫོགས་པའི་རིམ་པ་དཔེ་ཡི་ཆོས། །འགྲོས་དགུ་དང་ནི་སྐད་བཅུ་གསུམ། །དོན་རྟགས་མཚོན་པ་དང་སྦྱར་བ། །སྐུ་གསུང་ཐུགས་སུ་དྲིལ་ཏེ་བསྒྲུབ། །གསང་སྔགས་བསྙེན་བསྒྲུབ་རབ་རྫོགས་ནས། །དམ་ཚིག་ཅན་རྣམས་བསྐུལ་བ་དང་། །དྲེགས་པའི་དམག་དཔུང་གཞོམ་པ་དང་། །གདུག་པའི་ཚོགས་རྣམས་གདུལ་བ་དང་། །བསྐྱེད་རྫོགས་གསུམ་དང་དགོངས་པ་བཞི། །རྩ་བ་ཡན་ལག་གསུང་ལ་བསྡུས། །དབང་མཆོག་སྒྲུབ་པའི་ཁ་སྐོང་བཤད།། །།དེ་ནས་བཅོམ་ལྡན་རྡོ་རྗེ་འཛིན། །སངས་རྒྱས་ཀུན་གྱི་ཕྲིན་ལས་བདག །རབ་ཏུ་སྒྲུབ་བྱེད་བླ་ན་མེད། །བློ་དང་ལྡན་ལ་ངེས་པར་བསྟན། །འཁོར་བའི་ས་ལ་སྙིང་བརྩེར་བསྐྱེད། །མྱ་ངན་འདས་ལ་དགོད་པ་དམིགས། །དགེ་བའི་འབྲས་བུ་རྫོགས་པར་སྤྱད། །བར་དུ་གཅོད་པའི་འབྱུང་པོ་བསལ། །དམ་ཚིག་ལྡན་ལ་ཕྲིན་ལས་བཅོལ། །གནས་ཀྱི་དམ་པ་ངེས་པར་གཟུང་། །གཟུགས་བརྙན་རྟེན་གྱི་ཕོ་བྲང་བརྩིག །བྲི་དང་བསྒོམ་པ་མཆོག་ཏུ་སྦྱར། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་དམིགས་པའི་རྟེན་ལ་དགོད། །དངོས་གྲུབ་གཉིས་ཀྱི་དམིགས་པ་བྱ། །རིམ་པ་གཉིས་ཀྱི་གཞི་བཅའ་ཞིང་། །བསྙེན་པ་གསུམ་གྱིས་མཐར་ཕྱུང་སྟེ། །དམ་ཚིག་ལྷ་དང་གཉིས་མེད་བསྒྲུབ། །མཚན་མ་གསུམ་གྱིས་གཏན་ལ་དབབ། །དུས་ལ་བབ་ན་ཕྲིན་ལས་སྦྱར། །བཀའ་སྡོད་ཕོ་ཉ་བྲན་ལ་སོགས། །སྤྲོ་ཞིང་གཟུགས་ལ་བརྟན་པར་དབབ། །གབ་སྦས་ཀྱིས་ནི་གསལ་བ་གསུམ། །མཐོང་བར་བྱས་ནས་གནས་བདུན་གདབ། །ཡབ་ཡུམ་སྲས་ཀྱི་སྔགས་རྣམས་དང་། །ཕྲིན་ལས་སྔགས་ཀྱིས་དབབ་པར་བྱ། །གཟེར་དང་མནན་ ― DNG014_Page_0484 ―
[མ་དཔེ་གཟིགས་ན་འདིར་གནོན།]
པའི་ཚུལ་དུ་སྤྱད། །དོན་དུ་མ་གྱུར་བསྐང་བཤགས་བྱ། །སྤོགས་པ་ཆོ་ག་བདུན་གྱིས་བྱ། །ལས་ཀྱི་ལྷག་ཆད་མ་ལུས་བསྐང་། །སྡིག་པ་སྦྱང་ཞིང་གནས་ནས་སྤར། །རྟགས་ཀྱིས་སྤྲོ་བར་གྱུར་པ་ན། །དམིགས་པ་གསུམ་ནི་མཚོན་གྱིས་བསྒྲལ། །ཞལ་ཟས་བསྟབ་ཅིང་མཚོན་གྱིས་གཏུབ། །གནན་པའི་ཕྲིན་ལས་མ་ནོར་སྤྱད། །བཀའ་སྡོད་ཕོ་ཉ་མཉེས་བྱའི་ཕྱིར། །གཏོར་མ་རིམ་པ་བཞིན་དུ་དབུལ། །ཇི་ལྟར་འདོད་པའི་དངོས་གྲུབ་བླང་། །དཀྱིལ་འཁོར་བསྡུས་ཏེ་སྤྱོད་ལམ་བསྒོམ། །བསྲུང་ཞིང་རྟོག་པ་གཞོམ་པའི་ཕྱིར། །གོ་ཆ་བགོ་ཞིང་གནས་སུ་བཏབ། །མདོ་སྡེ་བཀླག་ཅིང་མཆོད་རྟེན་བཞེངས། །སྙིང་རྗེར་ལྡན་པས་རབ་ཏུ་གསང་། །བརྣག་པ་ཁོ་ན་ཉིད་དུ་བྱ། །གཞན་ཡང་ཐུགས་ཀྱི་གསང་ཆེན་འདི། །གནོད་ཅིང་གདུག་པ་མྱུར་བསྒྲལ་ཕྱིར། །གཞུང་དང་མཐུན་པའི་གནས་དག་ཏུ། །མཚན་ཉིད་ལྡན་པའི་སྒྲུབ་པ་པོས། །ཚད་མེད་རྣམ་པ་བཞི་ལྡན་པས། །བར་ཆད་མེད་པར་བསྒྲུབ་པའི་ཕྱིར། །ཟངས་ལྕགས་ཚེར་མ་ཅན་གྱི་ཤིང་། །དབང་དང་མངོན་སྤྱོད་གཉིས་ཀྱི་རྒྱུ། །སོར་བརྒྱད་དང་ནི་བཅུ་གཉིས་ཚད། །མགོ་དང་སྐྱེད་པ་བཅུ་དྲུག་དངོས། །ཟུར་གསུམ་ཆུ་སྲིན་ཁ་ནས་དབྱུང་། །ཡབ་ཡུམ་སྲས་ཀྱི་གྲངས་དང་མཉམ། །བྱིན་གྱིས་བརླབ་པ་ཚུལ་བཞིན་བྱ། །དམིགས་པ་མི་བརྗེད་གཟུངས་དང་སྦྲག །རྟགས་དང་ལྡན་པའི་བསྙེན་པ་བྱ། །དཀྱིལ་འཁོར་ཟླ་གམ་གྲུ་གསུམ་བཅས། །འཁོར་ལོ་རྩིབས་བརྒྱད་སྒོ་ཁྱམས་མཛེས། །སྒྲུབ་རྫས་ཡན་ལག་མ་ལུས་དགོད། །དབང་བྱིན་བརླབ་ཀྱིས་གཟི་བྱིན་བསྐྱེད། །རང་གི་གནས་སུ་བཞུགས་སུ་གསོལ། །ཉེ་བར་བྱེད་པའི་བསྙེན་པ་དབུལ། །སྟོང་ཉིད་སྙིང་རྗེའི་སྙིང་པོ་ཧཱུཾ། །སེམས་ཀྱི་དཀྱིལ་འཁོར་འབྱུང་བ་ལྔ། །ཕྱི་ནང་གསང་བར་རང་སྔགས་འཕྲོ། །རྟེན་གྱུར་གདན་དང་བཅས་པ་ལ། །འབར་བའི་སྐུ་མཆོག་གཙོ་དང་འཁོར། །དོན་དམ་ཀུན་རྫོབ་ཚུལ་དུ་བྱུང་། །ཞེ་སྡང་རྡོ་རྗེ་གཞོན་ནུའི་སྐུ། །སྤྲུལ་པ་བྱེ་བ་འབུམ་དང་བཅས། ། ― DNG014_Page_0485 ―
[མ་དཔེ་གཟིགས་ན་འདིར་གནོན།]
རང་སྔགས་ཕྱག་མཚན་དང་བཅས་པ། །བྲན་དང་བཀའ་ཉན་ཕོ་ཉའི་ཚོགས། །སྤྲུལ་པ་དང་བཅས་ཕྲིན་ལས་མཛད། །གནོད་ཅིང་འགལ་བ་མྱུར་དུ་སྒྲོལ། །དམིགས་པ་དྲག་པོའི་ཕོ་བྲང་དུ། །འགུགས་འདྲེན་སྡོམ་སྒྲོལ་ཕོ་ཉ་ཡིས། །ཏིང་འཛིན་གསལ་བས་གནས་སུ་དབབ། །ཁྲོས་པའི་ཕྲིན་ལས་ཐམས་ཅད་བརྩམ། །གཟུགས་ཕུང་ལྷག་མ་ཕོ་ཉས་རོལ། །རྡུལ་ཕྲན་ཙམ་ཡང་མ་ལུས་བསམ། །དེ་ལ་རང་དང་དམིགས་པ་ཡི། །ལུས་ངག་ཡིད་གསུམ་གསལ་ལྡན་པས། །དྲག་ཤུལ་དཔག་མེད་སྤྱད་གྱུར་ན། །རྡོ་རྗེའི་བྲག་ཀྱང་འཇོམས་པར་འགྱུར། །རིགས་ལྡན་ཕུང་པོ་སྨོས་ཅི་དགོས། །ལས་མཇུག་འཕང་བསྲེག་གནན་པས་བསྡུ།། །།དེ་ནས་རྡོ་རྗེ་འཛིན་རྒྱལ་པོ། །མངོན་རྫོགས་ཡབ་ཀྱིས་དབང་བསྒྱུར་ཏེ། །འབྱུང་བ་ལྔ་ཡི་བདག་ཉིད་ལས། །བརྟེན་པ་རྟེན་དང་བཅས་པར་བསྐྱེད། །བདག་ཉིད་ཐིག་ལེར་མཉམ་སྦྱར་ནས། །རྣམ་པ་གསུམ་གྱི་ཏིང་འཛིན་བསྒོམ། །དམིགས་མེད་བསམ་འདས་རྣམ་པར་དག །མ་སྐྱེས་ཆོས་ཀྱི་དབྱིངས་སུ་སྣང་། །སྙིང་རྗེ་ནམ་མཁའི་ངོ་བོ་ལས། །བླང་དོར་མེད་པར་ཀུན་ཏུ་སྣང་། །མེད་པའི་ངང་ལ་མངོན་གསལ་བའི། །དབྱིངས་ལས་ཤར་བའི་ཡི་གེ་ཧཱུཾ། །བདག་གི་དབུགས་ལས་གྱུར་པ་ཡི། །འོག་ཕྱོགས་རླུང་གི་ས་བོན་བརྟེན། །བདག་གི་བྲག་ལས་གྱུར་པ་ཡི། །དེ་སྟེང་ཆུ་ཡི་ས་བོན་བརྟན། །བདག་གི་ཤ་ལས་གྱུར་པ་ཡི། །དེ་སྟེང་ས་ཡི་སྙིང་པོ་ཡིན། །བདག་གི་དྲོད་ལས་གྱུར་པ་ཡི། །མེ་ཡི་ས་བོན་ཕྱོགས་ཀུན་ཁྱབ། །བདག་གི་སེམས་ཀྱི་ངོ་བོ་ལས། །ནམ་མཁའི་དབྱིངས་ཀྱི་དཀྱིལ་འཁོར་བསྒོམ། །དབྱིངས་ལས་འབྱུང་ལྔ་རྒྱུ་ཡིས་བསྐྱེད། །མཁའ་ལ་རླུང་བརྟེན་འབྱུང་བ་ལྔ། །བདག་ཉིད་དུ་ནི་གསལ་བ་ལས། །ས་བོན་ལས་ནི་དཀྱིལ་འཁོར་བསྒོམ། །བྷྲཱུཾ་ལས་ཐོད་རློན་གཞལ་ཡས་ཁང་། །ཀ་ཞུ་ཐོད་སྐམ་ཀ་གདན་བྱས། །ལྷ་རྣམས་གདུང་དྲེས་ཀླུ་རྣམས་ཕྱམ། །གཟའ་རྣམས་ཁ་བད་རྒྱུ་སྐར་དྲལ། །ཀླུ་རྒྱལ་རིགས་བཞི་སྦྲུལ་ནག་བརྒྱན། །འཁོར་ལོ་ས་བོན་གྱིས་སྦྱངས་ནས། །རྩིབས་བརྒྱད་པ་རུ་རབ་ཏུ་ ― DNG014_Page_0486 ―
[མ་དཔེ་གཟིགས་ན་འདིར་གནོན།]
གསལ། །པདྨའི་ས་བོན་འོད་ཀྱིས་སྦྱང་། །འདབ་བརྒྱད་པ་རུ་དེ་ཉིད་སྣང་། །འོད་ཀྱིས་མཐའ་དབུས་རབ་ཏུ་གསལ། །གདན་གྱི་ས་བོན་གྱིས་སྦྱངས་ནས། །བརྣག་པའི་དྲི་ཟ་གྲུལ་བུམ་དང་། །ཀླུ་དང་གནོད་སྦྱིན་ལ་སོགས་པ། །བྱི་ཆིངས་བསྣོལ་བའི་གདན་སྟེངས་སུ། །དེ་སྟངས་ཕོ་མོ་བཅུ་བཞི་བསྒྱེལ། །དཀྱིལ་དུ་རྒྱ་མཚོ་ཐོད་ཕྲེང་གཉིས། །ཤར་དང་ནུབ་ཏུ་མགོ་བསྣོལ་བའོ། །རྡོ་རྗེ་ཁྲོས་དང་དགེ་རྗེ་མོ། །ཤར་གྱི་ཕྱོགས་སུ་བསྣོལ་ཏེ་གདིང་། །རིན་ཆེན་ཁྲོས་དང་རལ་གཅིག་མ། །ལྷོ་ཡི་ཕྱོགས་སུ་བསྣོལ་ཏེ་བཞག །པདྨ་ཁྲོས་དང་དམར་མོ་གཉིས། །ནུབ་ཀྱི་ཕྱོགས་སུ་མགོ་བསྣོལ་བའོ། །རྣམ་འཕྲུལ་སེར་མོ་ལས་མཁན་གཉིས། །བྱང་གི་ཕྱོགས་སུ་བསྣོལ་བའོ། །རྒྱན་གྱི་རྒྱལ་མོ་མེ་ཡི་ཕྱོགས། །དབྱིངས་ཕྱུག་མ་ནི་བདེན་བྲལ་ཕྱོགས། །བདག་ཉིད་མ་ནི་རླུང་ལྷའི་ཕྱོགས། །གཅིག་པུ་མ་ནི་དབང་ལྡན་ཕྱོགས། །རིམ་གྲོ་བསྐྱེད་ཅིང་འཁོར་རྣམས་མནན། །བྷ་ག་བཅུ་བཞིའི་གདན་སྟེང་ན། །བདག་ཉིད་བྱང་ཆུབ་ཐིག་ལེ་ལས། །སྙིང་པོ་ཡེ་ཤེས་མངོན་དུ་ཤར། །བྱེད་པ་པོ་ནི་ཀུན་ཏུ་བཟང་། །རྣམ་པར་ཐར་པའི་དབུ་ལྡན་ཞིང་། །ཡེ་ཤེས་དྲུག་གི་ཕྱག་རྒྱ་ཅན། །མཚན་དང་དཔེ་བྱད་ཡང་དག་ལྡན། །རྫུ་འཕྲུལ་བཞི་ཡི་ཞབས་ཀྱིས་བཞུགས། །བདག་གི་གཟུགས་ཀྱི་ངོ་བོ་ལས། །རྣལ་འབྱོར་ཉིད་བཞི་བདེ་མཆོག་མ། །བྱ་བ་མོ་ནི་ཆོས་ཀྱི་དབྱིངས། །ཆོས་ཉིད་རྟག་པ་ཐུགས་ཀྱི་དཀྱིལ། །འོད་ཟེར་ལྔ་པོ་རྩེ་ནས་འཕྲོ། །འབྱུང་བ་ལྔ་ཡི་ཞལ་མངའ་ཞིང་། །ཡེ་ཤེས་དྲུག་གི་ཕྱག་རྒྱ་ཅན། །ཕྱོགས་མཚམས་གནོན་པའི་ཞབས་བརྒྱད་ཀྱིས། །མ་བགྲོད་པར་ནི་སྲིད་པར་ཁྱབ། །དུས་བཞི་འཆར་བའི་བྷ་ག་ལ། །སྐྱེ་འགག་མེད་པའི་ཀློང་དུ་ཐིམ། །སྲིད་པ་གསུམ་གྱིས་སྐུ་བརྒྱན་ཅིང་། །སྤྱི་དཔལ་མཆོག་ལ་འདི་སྐད་གསུངས། །ཧཱུཾ་ཡེ་ཤེས་སྙིང་པོ་བླ་ན་མེད། །བླ་མེད་ཁྲག་འཐུང་དཔལ་གྱི་དཔལ། །འཇིགས་བྱེད་གསང་བའི་རྡོ་རྗེ་ནི། །མཁའ་ཀློང་ཀུན་གྱི་གཏེར་གྱི་དབྱིབས། །མཁའ་ཀློང་བདེ་བའི་ ― DNG014_Page_0487 ―
[མ་དཔེ་གཟིགས་ན་འདིར་གནོན།]
ལམ་མཆོག་ནི། །སྐྱེ་འགྲོ་ཀུན་གྱི་ཐར་པའི་ལམ། །སངས་རྒྱས་ཀུན་གྱི་ཐུགས་དམ་སྐོང་། །བཅོམ་ལྡན་བདེ་བའི་ལོངས་སྤྱོད་འདི། །འཛུམ་མདངས་བཅས་པས་དབུལ་ལགས་ཀྱིས། །དགྱེས་པའི་རྡོ་རྗེ་གསོར་ནས་ཀྱང་། །རེ་སྐོང་བདུད་རྩིའི་ཆར་ཆེན་ཕོབ། །མཉམ་གཞག་ཡེ་ཤེས་པདྨའི་དབྱིངས། །འབྱུང་གནས་སྐྱེ་འགྲོ་བདེ་བར་དབབ། །རིན་ཆེན་དཀྱིལ་འཇམ་ཀློང་ཡངས་སུ། །སྤྱི་དཔལ་རྡོ་རྗེ་གསང་བའི་བདག །རེ་སྐོང་བདུད་རྩིའི་ཆར་ཆེན་ཕོབ། །ཧཱུཾ་བྷ་ག་པདྨའི་དཀྱིལ་འཁོར་འདིར། །འདབ་བརྒྱད་པདྨའི་དཀྱིལ་འཁོར་ལྡན། །ཕྱི་ལྕགས་ནང་བསྟན་སྒོ་བར་བཅས། །རིན་ཆེན་དཀྱིལ་འཇམ་གདན་བཏིངས་ནས། །བླ་མེད་རྫུ་འཕྲུལ་ལྡེ་མིག་གིས། །ལྕགས་ཁྲོལ་ལྕགས་ཕྱེ་གདན་ལ་བཞུགས། །རིན་ཆེན་བརྩེགས་པའི་གའུ་རུ། །བླ་མེད་ཁྲག་འཐུང་སྐུ་བསིལ་ནས། །སྲིད་གསུམ་འགྲོ་བའི་བག་ཆགས་བཀྲུས། །ཧཱུཾ་མི་དམིགས་པ་ལ་དམིགས་པ་ཆེ། །མ་ཆགས་པ་ལ་བདེ་བ་ཆེ། །ཐར་པ་བདེ་བའི་བྷ་གའི་དབྱིངས། །བླང་དོར་མེད་པའི་ཀློང་ཡངས་སུ། །སྲིད་པའི་བག་ཆགས་བཀྲུ་བའི་ཕྱིར། །སྤྱི་དཔལ་བླ་ན་མེད་པ་ཡི། །གསང་བའི་དོན་ལྡན་ལྡེ་མིག་གིས། །རྣམ་པར་ཐར་པའི་སྒོ་ཕྱེ་སྟེ། །ཡེ་ཤེས་ཆུ་བོས་ཁྲུས་ཆེན་མཛོད། །ཨོཾ་ཐབས་ལས་བྱུང་བ་དབྱིངས་ཀྱི་ལམ། །དབྱིངས་ལས་ཐབས་ཆེན་བླ་ན་མེད། །དབྱིངས་དང་ཡེ་ཤེས་སྦྱོར་བ་ལས། །བདུད་རྩི་ཆེན་པོའི་ཆར་ཆེན་སྤྲོ། །ཕྱོགས་བཅུའི་རྒྱལ་བ་མཉེས་པར་མཆོད། །རྣལ་འབྱོར་མཁའ་འགྲོའི་ཚོགས་སུ་སྤྲོ། །འགྲོ་དྲུག་སྒྲིབ་སྦྱོང་ཕྱག་རྒྱ་ཆེ། །མུ་སྟེགས་བདུད་འདུལ་ཟ་བྱེད་ཆེ། །དབང་པོ་གསལ་བྱེད་ཡེ་ཤེས་སྒྲོན། །འདོད་ཆགས་བྱང་ཆུབ་སེམས་སུ་སྤྲོ། །བྱང་ཆུབ་སེམས་ཀྱི་ཐིག་ལེ་ལས། །མ་བཀག་ལྷུན་གྱིས་རྫོགས་པས་ན། །ཐམས་ཅད་ཐིག་ལེ་ཉིད་ཀྱི་ངང་། །གཉིས་མེད་སྦྱོར་བའི་ཐིག་ལེ་ཆེ། །གྷི་ས་མུ་ཧཱུཾ་ཧ། ཛ་ལ་རཾ་པ་ཧ། བྷི་ཤ་སནྟི་ཧ། མ་ཧཱ་ལཾ་ཏེ་ཧ། ཨོཾ་བཛྲ་ཀྲོ་དྷཱི་ཤྭ་རཱི་བྷ་ག་པདྨ་རྱ་ ― DNG014_Page_0488 ―
[མ་དཔེ་གཟིགས་ན་འདིར་གནོན།]
ཧཱུཾ་ཧཱུཾ། ཨོཾ་བཛྲ་ཤཱིནྟཾ་པདྨ་ཀ་རུ་ཏིང་བྷྱོ། ཨོཾ་མུ་ཏྲི་ནི་བྷྱོ། ཨོཾ་ཤནྟྲི་ནི་བྷྱོ། བྷ་ག་དུན་ཏྲི་ནི་བྷྱོ། ཁ་མུན་དན་ཏྲི་ནི་བྷྱོ། ཨོཾ་བཛྲ་སཱུརྱ་བི་ཏོ་ཨ་ཏོ་ཡེ། ཨོཾ་བཛྲ་པདྨ་བྷི་ཏོ་ཡེ། ཨོཾ་བཛྲ་ཁ་ར་ག་བྷི་ཏོ་ཨ་ཏོ་ཡེ། ཨོཾ་བཛྲ་སྲིང་འགྲོ་བི་ཏོ་ཨ་ཏོ་ཡེ། ཨོཾ་བཛྲ་ཨ་ཀེཾ་ཨ་ཀེཾ་བྷྱོ། ཨོཾ་བཛྲ་ཏ་ཀེཾ་ཏ་ཀེཾ་བྷྱོ། ཨོཾ་བཛྲ་ནི་ལ་ནི་ལ་བྷྱོ། ཨོཾ་བཛྲ་ལནྟ་ལནྟ་བྷྱོ། ཨོཾ་བཛྲ་ཛ་ཏྲཾ་མུ་རང་ཤ །བཛྲ་ཁ་རག་སྙིང་ཁ་རག་མ་བྷྱོ། ཏྲག་རགྴ་ཏྲག་རགྴ་བྷྱོ། ཏྲག་རགྴ་ཁ་མུནྟྲ་སཾ་ཁ་མུནྟྲ་བ་རཀྴ་བྷྱོ། པྲ་ག་ར་ཏིཥྛ་བྷྱོ། པྲ་གི་བེང་གི་ཤཾ་བྷྱོ། བྷྱོ་ཧཱུཾ་ཀ་རི་ཀ །བ་རོད་ད་རོད། ནི་ལ་ཆུ་མི་ཧ། ཁ་ཊྭཱཾ་ག །ད་ལ་ཙ་ལ། པདྨ་ཙནྡྷ། མ་གུ་ར་ག་ཏོ། ཏིང་སཾ་ཏིང་སཾ་བྷྱོ། ཨེ་ཨཱ་ར་ལི། བུ་བྱི་རུ་ལུ་རུ་ལུ་བྷྱོ། ཏྲག་རཀྴ་ཏྲག་རཀྴ་བྷྱོ། ཨ་ཏིང་བྷྱོ། བྱི་ཏིང་བྷྱོ། སུ་ཏིང་བྷྱོ། མུན་ཏིང་བྷྱོ། ཤཱནྟིང་བྷྱོ། དུནྟིཾ་བྷྱོ། ཧར་ཏིང་བྷྱོ། གྲུབ་ཏིང་བྷྱོ། ཏེ་བཾ་བྷྱོ། ཨ་པ་ར་དྷ་ལ་བྷྱོ། དྷ་ལ་དུ་ན་བྷྱོ། དྷི་ན་མ་མ་ཡ་བྷྱོ། ཉི་ཤུ་རྩ་བརྒྱད་གཞན་དང་སྦྱར། །གཉིས་མེད་སྦྱོར་བའི་ཐིག་ལེ་ཆེ། །བྱང་ཆུབ་སེམས་ཀྱི་འོད་ཟེར་ལས། །འབྱུང་བ་ལྔ་ཡི་འཕྲོ་འདུ་བྱུང་། །བདག་གི་ས་ཡི་ངོ་བོ་ལས། །ས་བོན་ལས་ནི་སྐུ་བསྐྱེད་པ། །མཁའ་འགྲོ་བསྟན་མ་སེམས་མའི་མཆོག །མི་འཇིགས་པ་ཡི་དབུ་གསུམ་གྱིས། །དུག་གསུམ་དབྱིངས་སུ་སྒོ་འབྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །དྭངས་མའི་སྦྱིན་པ་རྟག་ཏུ་གཏང་། །མཚོན་དུ་མེད་པའི་སྐུ་མདོག་ལ། །དཀར་ལ་དང་བའི་ན་བཟའ་གསོལ། །རྫུ་འཕྲུལ་བཞི་ཡི་ཞབས་དག་གིས། །ས་བདག་གདན་ལ་བརྐྱང་བསྐུམ་བཞུགས། །བདག་གི་རླུང་ལས་གྱུར་པ་ཡིས། །ས་བོན་ལས་ནི་སྐུར་བསྐྱེད་པ། །མཁའ་འགྲོ་ཡང་གསལ་སེམས་མའི་མཆོག །ཐོགས་པ་མེད་པའི་དབུ་གསུམ་གྱིས། །ཁམས་གསུམ་ཐིག་ལེར་སྒོ་འབྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །སྦྱིན་པ་ཆེན་པོ་རྟག་ཏུ་གཏང་། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་ལྗང་གུ་བཻ་ཌཱུརྱ། ། ― DNG014_Page_0489 ―
[མ་དཔེ་གཟིགས་ན་འདིར་གནོན།]
ཞབས་བཞི་བརྐྱང་བསྐུམ་གནོད་སྦྱིན་གནོན། །བདག་གི་ཆུ་ལས་སྐུ་བསྐྱེད་པ། །མཁའ་འགྲོ་མཉེན་གསལ་སེམས་མའི་མཆོག །དབུ་གསུམ་དུག་གསུམ་དབྱིངས་སུ་འདུལ། །ཕ་རོལ་ཕྱིན་དྲུག་ཕྱག་རྒྱ་འགྱེད། །དམར་མོ་དབང་གི་ན་བཟས་བརྒྱན། །ཞབས་བཞི་བརྐྱང་བསྐུམ་ཆུ་བདག་གནོན། །བདག་གི་མེ་ལས་སྐུ་བསྐྱེད་པ། །མཁའ་འགྲོ་འོད་གསལ་སེམས་མའི་མཆོག །སྟོབས་ལྡན་དབུ་གསུམ་སྲིད་གསུམ་སྦྱང་། །ཕྱག་དྲུག་དྭངས་མའི་ལོངས་སྤྱོད་འགྱེད། །རིན་ཆེན་སྔོན་མོའི་ན་བཟས་བརྒྱན། །ཞབས་བཞི་བརྐྱང་བསྐུམ་གཤིན་རྗེ་གནོན། །བདག་གི་བཀྲག་ལས་སྐུ་བསྐྱེད་པ། །མཁའ་འགྲོ་བཀྲག་གསལ་སེམས་མའི་མཆོག །རྡོ་རྗེའི་དབུ་གསུམ་སྐྱེ་འགྲོ་སྒྲོལ། །ཕྱག་དྲུག་སྐུ་མདོག་སྣ་ཚོགས་ལ། །བཙོ་མ་གསེར་གྱི་ན་བཟའ་གསོལ། །ཞབས་བཞི་བརྒྱ་བྱིན་གདན་ལ་བཞུགས། །བདག་གི་གསང་བའི་ཐིག་ལེ་ལས། །ཧཱུཾ་དང་མཱུཾ་ལས་སྐུ་བསྐྱེད་པ། །གཙོ་བོའི་གདན་དུ་འཁོར་རྣམས་གསལ། །སྙིང་རྩ་དབུ་མའི་ཆོ་འཕྲུལ་ཡིན། །གཡས་གཡོན་གསེར་ཉི་འོད་ཆེན་ལས། །བདེ་འགྲོ་ཉི་ཟླ་ཐོད་ཕྲེང་གཉིས། །སྙིང་རྩ་ཕྱོགས་བཞིའི་དྭངས་མ་ལས། །གསང་བ་སྦས་པའི་མ་མོ་བཞི། །ནང་གི་རྩ་བཞི་ཁ་དོག་བཞི། །ཁྲོས་མ་བཞི་དང་དགེས་སྡེ་བཞི། །ལྟེ་བ་ཕོ་བའི་རྩ་ལས་ནི། །སྲིད་པ་ཆགས་བྱེད་ཆ་སྙོམས་བསྐྱེད། །རྒྱུངས་པ་སྣོད་ཀྱི་རྩ་དྲུག་ལས། །ཨེ་ཀ་ཛ་ཊི་སྤུན་དྲུག་བསྐྱེད། །སྲོག་རྩ་ཟངས་ཀྱི་སྦུ་གུ་ལས། །རེ་མ་ཏི་ནི་མཆེད་གསུམ་བྱུང་། །བཤང་ཁ་རླུང་འདོམས་རྩ་གཉིས་ལས། །ནམ་མཁའི་རྒྱལ་དང་སྤྱི་འགྲོ་མ། །མགྲིན་པ་དབང་པོའི་རྩ་བདུན་ལས། །ལས་ཀྱི་སྲིན་མོ་བདུན་དུ་བསྐྱེད། །ལག་པ་གཡས་གཡོན་སྟོད་རྩ་བཞི། །སྲིང་མོ་བཞི་རུ་བསྐྱེད་པའོ། །སྨད་རྩ་ལ་ནི་དམག་གི་རྒྱལ། །རྒྱུངས་པ་སྨད་ཀྱི་རྩ་ལས་ནི། །དབང་མོ་ཉི་ཤུ་རྩ་བརྒྱད་པོ། །རང་གི་གནས་ལ་བསྐྱེད་པར་བྱ། །བྱེད་པ་པོ་དང་བྱ་བ་མོ། ། ― DNG014_Page_0490 ―
[མ་དཔེ་གཟིགས་ན་འདིར་གནོན།]
སྲིད་པའི་སྔོན་དུ་བྱུང་བ་ཡིན། །འབྱུང་བ་ལྔ་ཡི་རྒྱལ་མོ་ལྔ། །སངས་རྒྱས་ཉིད་བས་ཤིན་ཏུ་བགྲེས། །སྐྱིད་པའི་རྗེ་མོ་བཅུ་བཞི་ནི། །ཕ་དང་མ་མེད་སྤུན་བཅུ་གསུམ། །མ་མོ་མཁའ་འགྲོ་ལྔ་བཅུ་ལྔ། །བྱང་ཆུབ་སེམས་ཀྱི་ཐིག་ལེ་ལས། །རོལ་པའི་ཁྱད་པར་ཅིར་ཡང་སྣང་། །བདག་ཉིད་ཆེ་བ་རབ་ཏུ་བསྒོམ། །ཡེ་ཤེས་ཐིག་ལེ་ཆེན་པོ་དང་། །གསང་ཆེན་བདེ་བའི་ལམ་མཆོག་དང་། །མན་ངག་རྫོགས་པའི་དཀྱིལ་འཁོར་གྱིས། །དབྱིངས་ཀྱི་ཡུམ་ཆེན་དྲུག་པོ་ནི། །ཆགས་པའི་གདན་དུ་གདིང་བར་བྱ། །འོད་ཆེན་ཁ་དོག་སྣ་ཚོགས་ཀྱིས། །སྲིད་པ་བདེ་འགྲོ་ཆེན་མོ་དང་། །ཉི་ཟླ་ཐོད་ཕྲེང་གདན་དུ་གདིང་། །ཁྲོས་པའི་དབང་ཆེན་མ་མོ་བཞི། །ཆགས་པའི་གདན་དུ་གདིང་བར་བྱ། །སྲིད་པའི་དྭངས་མ་བརྒྱད་པོ་ལས། །སྦས་པའི་མ་མོ་བཞི་པོ་དང་། །ཐུགས་ཀྱི་དགེས་སྡེ་མ་བཞི་རྣམས། །མངོན་སུམ་གདན་དུ་གདིང་བར་བྱ། །བདེ་ཆེན་གསང་བའི་དཀྱིལ་འཁོར་གྱིས། །སྲིད་པ་ཆགས་བྱེད་ཆ་སྙོམས་མནན། །སྲིད་པ་རང་ལུགས་གཉུག་མ་ཡིས། །ཨེ་ཀ་ཛ་ཏི་སྤུན་དྲུག་མནན། །ཆགས་པའི་དབང་ཆེན་དམར་མོ་ཡིས། །འདོད་ཁམས་གཙོ་མོ་སྤུན་གཉིས་མནན། །སྲིན་མོ་སྤྱི་ཡི་མདོར་བསྡུས་ཀྱིས། །ནམ་མཁའི་རྒྱལ་མོ་སྤུན་གཉིས་མནན། །དབང་མོ་སྤྱི་ཡི་མདོག་གསལ་གྱིས། །འཇིག་རྟེན་སྲིན་མོ་བདུན་རྣམས་མནན། །གཡས་གཡོན་ཐབས་དང་ཤེས་རབ་ཀྱིས། །དམག་གི་རྒྱལ་མོ་སྤུན་བཞི་མནན། །སྲིད་པ་འཇུག་བྱེད་ཕྲ་མོ་ཡིས། །དབང་མོ་ཉི་ཤུ་རྩ་བརྒྱད་མནན། །རྩ་དང་ལུས་ལ་གནས་པ་དེ། །ཤི་ས་བསྟན་ཕྱིར་གདན་དུ་བཏིང་། །ལྕགས་ཀྱུའི་ཕྱག་རྒྱས་སྙིང་ནས་དྲངས། །དྲག་པོའི་སྔགས་ཀྱིས་གནན་པར་བྱ། །ཧཱུཾ་མུ་ཁ་ལེ་ཧ་ཧ་ཧེ་ཧེ་ཧཱུཾ་ཕཊ་ནན། ཀྲོ་དྷཱི་ཤྭ་རཱི་བྷ་ག་ཤནྟྲི་ནན། སཱུརྱ་པདྨ་ཁ་རག་སྲིང་འགྲོ་ནན། མུ་ཏྲི་ཤནྟྲི་དནྟྲི་དུནྟྲི་ནན། ཏ་ཀེཾ་ཏ་ཀེཾ་ནི་ལ་ཏནྟྲ་ནན། མ་མ་ཧཱུཾ་བྷྱོ་ནན། མ་མ་དུཥྚཱན། པདྨ་རཀྟ། པྲ་བེ་ཤ་ནན། ― DNG014_Page_0491 ―
[མ་དཔེ་གཟིགས་ན་འདིར་གནོན།]
ནན་ཕཊ། མངོན་རྫོགས་རྒྱལ་པོའི་རྩ་གནས་ལ། །ཆ་མཐུན་མ་མོ་རྣམས་བསྡུས་ཏེ། །ཙི་ཏ་ནན། ཏྲ་ཏ་ཕཊ། ཞེས་པའི་དྲག་སྔགས་བརྗོད་པ་ཡིས། །ཆེ་མཆོག་ལྕགས་ཀྱི་ཧེ་རུ་ཀའི། །རལ་གྲི་རྩ་ལམ་ནང་དུ་ཞུགས། །རྩ་སུལ་གནས་པའི་མ་མོ་ཡི། །སྙིང་གཤགས་ཁྲག་ཆེན་མངོན་རྫོགས་ཀྱི། །ལྗགས་ཀྱི་སྟེང་དུ་ཕུལ་བ་ཡིས། །མངོན་རྫོགས་མདངས་དང་ལྡན་པར་གྱུར། །མ་མོ་རྣམས་ནི་མྱོས་ཤིང་འཐིབས། །བདག་གི་སྙིང་ཁྲག་ཞལ་དུ་རྔུབ། །ལྕེ་སྟེང་བཞག་པ་ཕྱི་རོལ་ཡིན། །ཆེ་བའི་ང་རྒྱལ་འདི་སྐད་བསྐྱེད། །ཧཱུཾ་ང་ནི་ཁྲག་འཐུང་ཀུན་གྱི་རྗེ། །ང་ནི་མ་མོ་ཀུན་གྱི་ཡབ། །ང་ནི་སྲིད་གསུམ་སྙིང་རྗེའི་མཆོག །ང་ནི་མཁའ་འགྲོ་ཀུན་གྱི་གཙོ། །ཐམས་ཅད་ཀུན་གྱི་སྙིང་ཁྲག་བདག །ཁྱེད་ཀྱི་སྙིང་ཁྲག་ང་ལ་ཡོད། །ང་ཡི་དབང་དུ་གྱུར་པར་གྱིས། །ཛ་ཧཱུཾ་ཏི་བཾ་མ་མ་བྷྱོ་མ་མ་བྷྱོ། རུ་ལུ་རུ་ལུ་རག་མོ་བྷྱོ། གདན་གྱི་སྐུ་རྣམས་བསྒྱེལ་ནས་ནི། །བདུད་རྩི་ཆེན་པོ་ཁར་བླུགས་ཏེ། །ཨོཾ་བཛྲ་ཨ་མྲྀ་ཏ་ཙིཏྟ་ཧཱུཾ། དེ་ནས་གདན་ལས་བསླང་བྱས་ཏེ། །སྒྲུབ་པའི་ལས་རྣམས་བྱེད་པར་བསྒོམ། །རང་ལུས་རྩ་ཡི་དཀྱིལ་འཁོར་ལ། །མ་མོ་ལས་ཀྱི་ཤི་ས་བསྟན། །དེ་ནས་མ་མོ་ཐམས་ཅད་ཀུན། །འཇིག་རྟེན་སྣང་བའི་ལུགས་བཤད་པ། །ནམ་མཁའ་སྟོང་པའི་ཡི་གེ་ལས། །མཐིང་ནག་གྲུ་གསུམ་ཡི་གེ་ཨེ། །ལྗང་ནག་འབར་བའི་ས་བོན་ལས། །རྡོ་རྗེ་རྒྱ་གྲམ་དཀྱིལ་འཁོར་བསྐྱེད། །ཆགས་པ་དབང་གི་ས་བོན་ལས། །རྦ་ཀློང་འཁྲུགས་པའི་དཀྱིལ་འཁོར་བསྐྱེད། །ཐུགས་རྗེ་འབར་བའི་ས་བོན་ལས། །སྲེག་བྱེད་འབར་བའི་དཀྱིལ་འཁོར་བསྐྱེད། །སྙོམས་མཛད་བྱམས་པའི་ས་བོན་ལས། །རབ་འབྱམས་བརྡལ་བའི་གཞི་རུ་ཆགས། །ཞེ་སྡང་རོལ་པའི་ས་བོན་ལས། །རི་རབ་བརྩེགས་པའི་དཀྱིལ་འཁོར་སྣང་། །ཡོན་ཏན་འབར་བའི་ས་བོན་ལས། །ཁོང་སེང་སྲོག་གི་ལྗོན་ཤིང་བསྐྱེད། །ཨེ་ཝཾ་མ་ཡའི་ས་བོན་ལས། །གླིང་བཞི་གླིང་ཕྲན་རིམ་པ་བཞིན། ། ― DNG014_Page_0492 ―
[མ་དཔེ་གཟིགས་ན་འདིར་གནོན།]
ཡོན་ཏན་གསེར་གྱི་རི་བདུན་དང་། །སྙིང་རྗེ་རོལ་པའི་མཚོ་བདུན་ལྡན། །སྤྲུལ་པ་ལས་ཀྱི་མཁའ་འགྲོ་མ། །རི་རབ་དེ་ལ་བསྐོར་ཏེ་གནས། །ཉི་ཟླ་གཟའ་དང་སྐར་མ་རྣམས། །རི་རབ་དེ་ལ་བསྐོར་ཞིང་རྒྱུ། །རི་རབ་གཡུ་ཡི་བུམ་རྩེ་ལ། །འཁོར་འདས་ཆོས་དབྱིངས་རྒྱལ་མོ་སྟེ། །ཚངས་པ་ཀུན་སྒྲོལ་ཙིཏྟ་བརྒྱད། །ཡུམ་གྱི་ཞབས་བརྒྱད་བགྲད་པས་བརྫིས། །དཔག་བསམ་ཤིང་དང་བད་ཤིང་ལ། །ཨ་འབྲས་སྐྱོང་གི་སྒོ་ལྔ་པ། །ཤིང་ལོ་པདྨ་ལྔ་ལྔ་གནས། །ཡུམ་ལྔ་སྐུ་ཡི་ཕྱེད་ནུབ་བཞུགས། །རི་རྩེ་བུམ་པའི་ཤིང་མཚམས་ན། །བརྒྱ་བྱིན་རྐང་པ་གཡས་གཡོན་ལས། །གསེར་གདུགས་ཉི་ཟླའི་ཕྲེང་བས་བསྐོར། །དེ་སྟེང་རྒྱ་མཚོ་ཐོད་ཕྲེང་བཞུགས། །རི་རབ་བུམ་པའི་ལྕོག་བཞི་ལ། །བྷྲིཾ་གི་རི་ཏིའི་ཕོ་མཚན་ཏེ། །སྒོ་གནས་བཞི་ཡི་ཆོ་འཕྲུལ་ལས། །ཁྲོས་པའི་དབང་ཆེན་བུ་མོ་བཞི། །བརྐྱང་བསྐུམ་ཟུར་གྱི་སྟབས་ཀྱིས་བཞུགས། །རི་རབ་ལྕོག་བཞིའི་ཕྱི་རོལ་ན། །ཁྱབ་འཇུག་འཁོར་ལོའི་ལྟེ་བ་ལ། །བདུད་རྩིའི་ཆུ་མིག་བཞི་སྐྱེས་པར། །རྒྱལ་ཆེན་བཞི་དང་དགེས་སྡེ་བཞི། །ཁྲུས་བྱེད་ཕྱེད་ནུབ་ཙམ་དུ་བཞུགས། །རི་རབ་བུམ་པའི་གྲུ་བཞི་ན། །སྟོབས་བཟང་སེར་སྐྱའི་སྙིང་ག་ན། །སྦས་པའི་མ་ཆེན་བཞི་པོ་ནི། །གན་རྐྱལ་གནས་ཏེ་བདུད་རྩི་སྐུ། །རྗེ་མོ་འཇིག་རྟེན་སྣང་ལུགས་ཡིན། །དཔག་བསམ་ཤིང་གི་སྐེད་པ་ལ། །ཕྱ་མཁན་ཕོ་བར་ཆགས་བྱེད་དང་། །ཆ་སྙོམས་གཉིས་ནི་ལྟོ་སྦྱོར་གནས། །དཔག་བསམ་ཤིང་གི་རྩ་བ་ན། །ཀ་ལ་ཡཀྴའི་ཨོག་མཚམས་ན། །ནམ་མཁའི་རྒྱལ་མོ་སྤྱན་གཉིས་བཞེངས། །དཔག་བསམ་ཤིང་གི་རྩེ་མོ་ལ། །ཚངས་པ་དཀར་པོའི་ལག་པ་ལ། །ཛ་ཏི་སྤུན་གཉིས་མཉམ་བཞག་སྡོད། །རི་རབ་རྨང་གི་འགྲམ་བཞི་ལ། །ས་བདག་ཕག་གི་ལྟེ་བ་ན། །གྲུ་འདེགས་བཞི་ནི་གྱད་ཀྱི་ཚུལ། །རི་བདུན་རོལ་མཚོ་བར་པ་ལ། །ཕུང་བྱེད་ཀླུ་བདུན་ནོར་བུའི་གནས། །སྲིན་ ― DNG014_Page_0493 ―
[མ་དཔེ་གཟིགས་ན་འདིར་གནོན།]
མོ་བདུན་ནི་ལྡིང་ཐབས་འཕྱོ། །པདྨ་ཤིང་གི་སུམ་ཆ་ན། །མགོ་མེད་སྙིང་ལ་བགེགས་ཀྱི་རིགས། །སྟོང་ཕྲག་བརྒྱད་ཅུའི་ཆོ་འཕྲུལ་འགྱེད། །འདོད་པ་ཁམས་ཀྱི་གཙོ་མོ་གསུམ། །དེ་སྟེང་བརྐྱང་བསྐུམ་བརྗིད་པའི་ཚུལ། །ཕྱི་རིམ་བང་རིམ་བཞི་པོ་ལ། །རྒྱལ་ཆེན་བཞི་ཡི་སྤྱི་བོ་ན། །པདྨ་བརྒྱད་ལ་སྲིང་བཞི་དང་། །དམག་དཔོན་མོ་བཞི་འགྱིང་བའི་ཚུལ། །དཔག་བསམ་ཤིང་གི་རྩ་བ་ན། །ཀེང་རུས་ཁྲོས་པའི་གདན་སྟེང་ན། །རི་བྲག་གྲུ་གསུམ་འབར་བ་ལ། །བཀའ་སྡོད་ཉི་ཤུ་རྩ་བརྒྱད་གནས། །མདོར་ན་རི་རབ་རྒྱ་མཚོ་དང་། །གླིང་བཞི་ལྷ་ཡི་གནས་གཞན་རྣམས། །མ་ལུས་སྲིད་པའི་མ་མོ་ཡི། །རྒྱུ་དང་ལམ་དང་འབྲས་བུར་སྣང་། །འཇིག་རྟེན་སྣང་བའི་ཚུལ་ཡིན་ནོ། །དེ་ནས་གསང་བ་གབ་པའི་གཏེར། །བདག་ཉིད་ཆེ་མཆོག་ལུས་གནས་པའི། །རྐང་པ་རླུང་སོགས་འཁོར་ལོ་བདུན། །ལུས་ཀྱི་ལྗོན་ཤིང་རིམ་པ་ལ། །ཡུམ་དྲུག་རྗེ་མོ་དམན་མོ་དང་། །ཡེ་ཤེས་སྦས་པའི་མ་མོ་སོགས། །བརྒྱད་ཅུ་རྩ་གསུམ་རྩ་ལ་རྫོགས། །གཞུང་ལམ་སྲོག་རྩ་བསྒྲིལ་མ་ལ། །རང་བཞིན་དཀྱིལ་འཁོར་རྩ་འགྱུ་བས། །བཤང་ཁ་རླུང་དང་འདོམས་སུ་མེ། །གཞུ་དང་དྲག་པོའི་ཚུལ་དུ་གནས། །རྒྱལ་མོ་སྤུན་གཉིས་གཡས་གཡོན་རྩ། །ལྟེ་བའི་གཞི་རྩ་ཁ་སྤྲོད་ལ། །སྲིད་པ་ཆགས་བྱེད་རྒྱལ་མོ་གནས། །ཕོ་བ་དྭངས་སྙིགས་འབྱེད་རྩ་ལ། །ཐིག་ལེ་དང་བཅས་ནང་དུ་བསྐོར། །ཟས་འཇུ་བས་ནི་ཆ་སྙོམས་མ། །ལམ་རྒྱུད་ལྔ་ཡི་བག་ཆགས་ནི། །སྦྱོང་བྱེད་སྙིང་གི་འཁོར་ལོ་ལ། །རང་གི་ས་བོན་ཕྲིན་ལས་བཞི། །ཀུན་གཞི་ཡིད་སྒོ་ཉོན་མོངས་ལྔ། །ཨ་སོགས་སྦྱངས་པའི་ཡོན་ཏན་བདུན། །དབང་པོ་བཞི་པོ་མི་དབང་བཞི། །རྣམ་ཤེས་སྦས་པའི་མ་མོ་བཞི། །མ་བུ་སྦྱོར་བའི་ཚུལ་དུ་གནས། །སྙིང་གར་འཁོར་འདས་བསྐྱེད་པའི་གཞི། །འབྱུང་བ་ལྔ་ཡི་མཁའ་འགྲོ་མ། །རྟག་པའི་རྒྱལ་མོ་ལྔ་ཡི་རྩ། །འོད་ཟེར་རྩེ་ལ་རང་བཞིན་གནས། །མར་རྩེའི་རྩ་ལ་མུ་ཁ་ལེ། །གསེར་མདུང་ཉི་ ― DNG014_Page_0494 ―
[མ་དཔེ་གཟིགས་ན་འདིར་གནོན།]
མའི་འོད་ཆེན་གཉིས། །ཕྲ་མེན་མ་དང་ཐོད་ཕྲེང་གནས། །ནང་གི་འོད་ལ་དགྱེས་སྡེ་བཞི། །མགྲིན་པ་ལོངས་སྤྱོད་ཆ་སྙོམས་མ། །ཡན་ལག་བདུན་གྱི་ཁ་སྤྲོད་དབུས། །སྲིན་མོ་བདུན་ནི་བཟའ་བཏུང་སྤྱོད། །རང་བཞིན་བཅུ་དྲུག་ཁ་སྤྲོད་ལ། །མིག་དང་རྣ་བ་སྣ་དང་ལྕེ། །ཟ་བྱེད་མ་མོ་ཡུལ་ལོངས་སྤྱོད། །བདེ་ཆེན་འཁོར་ལོ་བྱང་ཆུབ་སེམས། །ཚངས་པའི་གདུང་བཞི་རྒྱ་གྲམ་བྲིས། །རྩ་འདབ་སོ་གཉིས་ཁ་སྤྲོད་གནས། །སྲིན་མོའི་ཡང་པོའི་གཉེན་པོ་སྦས་མ་བདུན། །སྲོག་རྩ་རྒྱུ་བྱེད་སྐེད་པ་ལ། །སྙིང་རྗེ་པདྨ་གར་དབང་གཉིས། །འདོད་ཁམས་གཙོ་གསུམ་འདུད་པའི་ཚུལ། །བྱང་ཆུབ་སེམས་ལམ་རྩ་སྟོད་ལ། །ཛ་ཏི་སྤུན་དྲུག་གནོན་པའི་ཚུལ། །རྩ་སྨད་མཁའ་འགྲོ་ཉི་ཤུ་བརྒྱད། །ཡན་ལག་བཞི་ལ་སྲིང་མོ་བཞི། །སྨད་ལ་དམག་གི་རྒྱལ་མོ་བཞི། །གསང་བཞི་ཚུལ་གཉིས་མཁའ་འགྲོའི་ཚོགས། །ཆོས་ཀྱི་མཁའ་འགྲོ་སྣ་ཚོགས་པའོ། །སྙིང་ནང་འོད་ཀྱི་དཀྱིལ་འཁོར་ལ། །རྩ་བ་མི་ཤིགས་རྡོ་རྗེའི་དབྱིབས། །བྱེ་བྲག་ལྔ་ཡི་འོད་འབར་བ། །ཐོགས་མེད་རྩ་བ་འབྱུང་ལྔའི་གཙོ། །ཀུན་བཟང་ལས་ནི་རྒྱལ་མོ་ལྔ། །རིག་པ་ལས་ནི་དྭངས་མ་ལྔ། །ཀུན་གཞི་སེམས་རྩ་སྒོ་ལྔའི་རྩ། །གཞི་རྩ་འཛིན་པའི་རྩ་ཡིན་ཏེ། །དུག་ལྔ་མེ་ལྕེ་ལྔ་ཡི་རྩེ། །མ་རིག་པ་ཡི་རྩ་བ་ལས། །འགྲོ་རིས་ས་བོན་ལྔ་ཡི་རྩེ། །རིག་པ་མ་འགགས་རྩ་བ་ལས། །ཡེ་ཤེས་ཆེན་པོའི་རྩེ་མོ་ལྔ། །མངོན་རྫོགས་ཡབ་ཀྱི་རྩ་བ་ལས། །རིགས་ལྔའི་བདེ་ཆེན་རྩེ་མོར་གསལ། །འབྱུང་བ་ལྔ་ནི་སྲིད་པའི་བསྐོས། །རྒྱལ་མོ་ལྔ་ནི་སྤྲུལ་པར་ཤར། །གསང་བའི་གཏེར་དུ་དྭངས་མ་ལྔ། །ཡོན་ཏན་སྒོ་ལྔའི་རྣམ་ཤེས་ཡིན། །འཁོར་བ་སྐྱེད་པ་ཉོན་མོངས་ལྔ། །འབྲས་བུ་འགྲོ་བ་དྲུག་ཏུ་སྣང་། །འདུལ་བྱེད་གཉེན་པོ་ཡེ་ཤེས་ལྔ། །འབྲས་བུ་ལོངས་སྤྱོད་རྫོགས་པའི་སྐུ། །སྙིང་རྩ་གཅིག་ལ་འདབ་མ་ལྔ། །དེ་ཡི་རྩེ་མོ་བརྒྱད་དུ་སྦྱོར། །ཉི་ཟླ་ཁ་སྦྱོར་ཞལ་གྱི་དཀྱིལ། །ཧཱུཾ་ ― DNG014_Page_0495 ―
[མ་དཔེ་གཟིགས་ན་འདིར་གནོན།]
མཱུཾ་བཅུད་ཀྱི་ཐིག་ལེ་གནས། །ཡུམ་དྲུག་རྗེ་མོ་བཅུ་བཞིའི་གནས། །རང་བཞིན་ཐིག་ལེ་འོད་གསལ་བ། །ཡེ་ཤེས་ཡེ་ནས་ཁྱབ་པར་གནས། །དྭངས་མ་ལྔ་ལས་རྒྱལ་མོ་ལྔ། །ཁ་དོག་ལྔ་ལ་ཉི་ཐོད་ཕྲེང་། །གསེར་ཉི་ཕྲ་མེན་རྒྱ་མཚོ་སྟེ། །ཤེས་རབ་སྙིང་རྗེའི་བདག་ཉིད་ཅན། །རྣམ་ཤེས་བཞི་ལ་མ་བཞི་སྦས། །ཁྲོས་པའི་བུ་མོ་འོད་རིམ་ལ། །ཆོས་ཀྱི་འཁོར་ལོ་ཉི་ཤུ་ལའོ། །སྟེང་འོག་དཀར་དམར་ཐབས་ཤེས་རབ། །རྟ་མགྲིན་དབང་གི་སྒོ་བསྲུང་ས་བཞི་ཡང་ཞིང་། །འབྱུང་བ་ལྔ་ཞིག་འོད་དུ་ཞུ། །མ་མོ་ལྔ་བཅུས་གསང་དབང་བསྐུར། །རྣམ་ཤེས་ལྔ་ལ་ཡེ་ཤེས་ལྔ། །དུག་ལྔའི་རྩ་བ་དབང་གིས་བཅད། །འགྲོ་བ་ལྔ་ཡི་བག་ཆགས་སྦྱངས། །གསལ་བའི་ཡེ་ཤེས་ཁ་དོག་ལྡན། །ཕོ་བྲང་རིགས་ལྔའི་དཀྱིལ་འཁོར་རྫོགས། །དབུ་ལ་འདུས་པའི་ཡབ་ཡུམ་རྫོགས། །མདུན་རྒྱབ་གསེར་གྱི་ཉི་མ་ལ། །ཕྲ་མེན་མ་དང་ཐོད་ཕྲེང་ཉིད། །འཇོམས་བྱེད་བག་ཆགས་གནས་སྦྱངས་པ། །སྦས་མ་བཞི་དང་ཁྲོས་མ་བཞི། །འོད་ཕྲེང་དགེས་སྡེ་མ་བཞིའི་ངང་། །མཁའ་འགྲོ་ཉི་ཤུའི་དཀྱིལ་འཁོར་ལ། །ཧཱུཾ་སྲས་དྲུག་གིས་ལོངས་སྤྱོད་མཛད། །དབང་གི་རྒྱལ་པོས་སྒོ་བསྲུང་ཞིང་། །རྒྱུ་གཅིག་དབྱིངས་ནས་ཕྱུང་ནས་ནི། །འོད་ཟེར་སྔགས་ཀྱི་ཕྲེང་བ་ཡིས། །སྙིང་ཕུགས་ཞལ་ནས་སྔགས་ཀྱི་འོད། །བཞུ་བཏུལ་གྱིས་ནི་ཐིག་ལེར་གྱུར། །སྲོག་སྙིང་རྟེན་ཡང་དེ་ལ་བསྡུ། །རླུང་དང་རྃ་གྱི་སྒྲ་ཕྱུང་ནས། །ཐིག་ལེ་སྐྱེ་མེད་དབྱིངས་སུ་ཐིམ། །བདག་ཉིད་ལ་བཟླའི་དོན་དུ་བྱ། །འདི་ནི་ཐུགས་ཀྱི་དམ་ཚིག་སྟེ། །ཡོན་ཏན་གབ་པའི་གཏེར་དུ་བཤད། །བཤད་ལུགས་འདི་ལྡན་རྣལ་འབྱོར་ནི། །མ་མོ་ཐུགས་ཀྱི་དངོས་གྲུབ་ཐོབ། །དེས་ན་སྙིང་གི་ལུང་ཞེས་བྱ། །དེ་ཉིད་ལས་ནི་རྣལ་འབྱོར་པ། །རྣམ་པར་གྲོལ་བའི་ལུགས་བཤད་པ། །ཆོས་ཉིད་ཡེ་ཤེས་རང་བྱུང་དང་། །ཡོན་ཏན་བཞི་བསྡུས་གྲུབ་པའི་རྩ། །འཁོར་ལོ་བདུན་དང་རྩ་བའི་སྲོག །རྩ་བརྒྱད་སྟོང་དང་འཁོར་ལོ་བརྒྱད། །ཉེས་རྣོ་ལ་ཡང་པོ་གཉིས་དང་རྫོགས་པའི་ལུང་། །རིམ་གྱིས་བཤད་དང་བྱེ་ ― DNG014_Page_0496 ―
[མ་དཔེ་གཟིགས་ན་འདིར་གནོན།]
བྲག་དབྱེ། །བལྟ་བསྒོམ་སྤྱོད་འབྲས་འཁོར་འདས་ཀྱི། །ས་བོན་སོ་སོའི་གནས་སུ་བྱུང་། །འཁོར་འདས་ས་བོན་ཧཱུཾ་རིང་སྤྲོ། །རྩ་ཐིག་བཞི་ལྡན་དཀྱིལ་འཁོར་ན། །ཐིག་ལེ་སྐྱེ་འཆིའི་སྡུག་བསྔལ་སྤོང་། །ཤྲཱི་མ་ཧཱ་སུ་ཁ་བཛྲ་བོ་དྷི་ཧཱུཾ་ཧོ། འབྲུ་གཅིག་གཏང་ལྟ་ཡང་སྤྱོད་རྣམ་བཞི་ལ། །སྐུ་གསུང་ཐུགས་སུ་ཐག་ཆོད་དེ། །ཆགས་སྡང་ང་རྒྱལ་ཕྲག་དོག་གི། །གནས་བསྒྱུར་བསྒོམ་བསྒྲུབ་རྣམ་པ་ལས། །གཏི་མུག་ཆེན་པོ་ཡང་དག་ཉིད། །སྐུ་ལྔ་མངོན་ཤར་གསུང་ལྔར་གྲགས། །ཐུགས་ལྔ་ཡོན་ཏན་ཕྲིན་ལས་ལྔ། །རང་གཞན་ལྷུན་གྱིས་གྲུབ་པར་སྣང་། །རང་གནས་གཉིས་མེད་ཡེ་ཤེས་དང་། །མངོན་རྫོགས་རྒྱལ་པོ་ཆེ་བའི་མཆོག །དཔལ་འབར་ཡུམ་དང་གཉིས་སུ་མེད། །སྣང་སྟོང་གཉིས་མེད་ཡེ་ཤེས་ལ། །ཆོས་ཀྱི་འཁོར་ལོ་འབྲུ་བཅུ་པོ། །སྣ་ཚོགས་རིག་པའི་ཆོ་འཕྲུལ་རྟེན། །གསང་བའི་གདུང་བཞི་དགེས་སྡེ་བཞི། །འཁོར་ལོ་ནང་གི་རྩ་བཞི་པོ། །རང་རིག་ཡེ་ཤེས་རྒྱལ་པོ་ལ། །སེམས་ཅན་ཆེན་པོ་ལྔ་ཡི་ཁྲི། །སྤྲུལ་པའི་ཆོ་འཕྲུལ་ཀུན་གྱིས་མཆོད། །དཔའ་གདེང་གསང་རྫོགས་བཅུ་བཅུ་བཞི། །མི་གནས་བདེ་བའི་དཀྱིལ་འཁོར་ལྡན། །འདབ་བརྒྱད་དབུས་ན་རྩེ་ལྔ་པ། །རྒྱ་གྲམ་ཕྲ་བཀོད་ས་བོན་ལས། །འབྲུ་བཅུ་དོན་གྱི་ཕྲེང་བར་ལྡན། །གནས་འཛིན་ལ་ཕབ་འོད་འཕྲོ་འདུས། །འབུར་བཞི་མཛེས་པས་ཐུགས་རྒྱུད་བསྐུལ། །གཙོ་ཆེན་དེ་ལ་གུ་ཧྱ་བཟུང་། །ལམ་དུ་བདེ་བ་རྒྱས་པར་བྱ། །འོད་ཟེར་འཇིག་རྟེན་ཁམས་སུ་སྤྲོ། །ཡུལ་གཉིས་མ་གྲུབ་སྟོང་པར་གསལ། །འོད་ཀྱི་འཁོར་ལོ་གནས་བཞི་ལ། །འདབ་བཞིའི་ལྟེ་བ་རྡོ་རྗེར་བཅས། །ཡབ་ཡུམ་མཚོན་པའི་སྙིང་པོས་བསྐོར། །འོད་ཟེར་གཉིས་ཀྱིས་བརྒྱུད་བསྐུལ་བས། །འཁོར་བའི་ས་བོན་སོ་སོར་སྦྱང་། །འདུས་པས་སྣ་ཚོགས་གཅིག་ཏུ་གྱུར། །རླུང་དང་ལྷན་ཅིག་ཕྱི་རོལ་འཕྲོས། །རང་ལུས་འཛིན་པའི་སྣང་བ་སྦྱངས། །སྣང་ལ་རང་བཞིན་མ་གྲུབ་པའི། །དབྱིངས་ཀྱི་ ― DNG014_Page_0497 ―
[མ་དཔེ་གཟིགས་ན་འདིར་གནོན།]
ཡུམ་ཆེན་བཅོ་ལྔ་པོ། །ཐུགས་འོད་བཙོ་མའི་གསེར་ལ་བསྡུ། །རླུང་ནི་སྐྱེ་མེད་ཨ་ལ་བསྡུ། །དྭངས་མའི་མཁའ་འགྲོ་མ་རྣམས་ཀུན། །རིག་པའི་རྩལ་གྱི་ཐིག་ལེར་བཞུ། །སྨིན་བྱེད་སྟོབས་ཀྱི་མ་ལ་བསྡུ། །རྩ་བའི་མཁའ་འགྲོ་ལྔ་བཅུ་དྲུག །བསྡུ་ཐབས་ལེ་བརྒན་འབར་བར་བཞུ། །སྟོབས་ཀྱིས་འཛིན་པའི་ཏི་ལ་བསྡུ། །ཧཱུཾ་ཆེན་འབར་བས་རི་རབ་བསྲེགས། །ཉི་ཟླའི་དཀྱིལ་འཁོར་ཉིད་དུ་གསལ། །མ་མོ་རྫོགས་པ་གསུམ་ལྡན་པས། །རྟེན་གྱི་གང་ཟག་རང་རྒྱུད་འགྲོལ། །རྣལ་འབྱོར་ཐུགས་སུ་གབ་པ་གྲོལ། །རྣལ་འབྱོར་གྲོལ་ལུགས་ཞེས་སུ་བཤད། །བདག་ཉིད་ཆེ་མཆོག་ཧེ་རུ་ཀ །ཁྲོ་མོ་བཞི་བཅུར་བཅས་པ་ཡི། །དྲག་པོའི་སྔགས་སུ་བཤད་པ་ནི། །ཁྲུ་བརྒྱད་པ་ཡི་དཀྱིལ་འཁོར་དུ། །ཨ་ཡི་འཕྲོ་འདུས་སྟོང་པར་སྦྱང་། །རྡོ་རྗེ་ཕུར་བུས་བསྲུང་བར་བྱ། །བྱང་ཆུབ་སེམས་ཀྱིས་ཆག་ཆག་གདབ། །བ་སུ་ཏ་ཡིས་ཐིག་གདབ་ཅིང་། །ཧ་ལྔས་སྦྱངས་པའི་ཚོན་གྱིས་བྲི། །དབུས་སུ་ཐིག་བཞིའི་ལེ་ཚེ་ལྔ། །ཕྱི་རོལ་འཁོར་ལོ་རྩིབས་ཆེན་བཞི། །རྩིབས་རེའི་སྟེང་དུ་རྩིབས་བརྒྱད་པ། །རིན་པོ་ཆེ་ཡི་ཕུར་པ་རྣམས། །རང་རིགས་འཁོར་ལོའི་རྩིབས་ལ་དགོད། །ཕྱི་རོལ་དྲག་པོ་སྔགས་ཀྱི་རྫས། །ཇི་ལྟར་བསྔགས་པ་བཞིན་དུ་དགོད། །དེ་ནས་སྟོང་པའི་ངང་ཉིད་ལས། །སྙིང་རྗེ་སྤྲུལ་པའི་ཡེ་ཤེས་ཤར། །རྒྱལ་བའི་ཐུགས་ཀྱི་སྙིང་པོར་གྱུར། །ཨེ་གཟུགས་ཡེ་ཤེས་ཆེན་པོ་སྟེ། །ཡཾ་དབྱིབས་ཤེས་རབ་བདག་ཉིད་ཅན། །བཾ་ཀློང་སྙིང་རྗེའི་ངོ་བོ་སྟེ། །རཾ་འབར་བརྩོན་འགྲུས་ཉིད་དུ་ལྡན། །ལཾ་ནི་བསམ་གཏན་བརྡལ་བའི་ས། །ཀེཾ་ནི་ཞེ་སྡང་འཇོམས་མཛད་བརྩེགས། །བྷྲཱུཾ་ལས་སྣ་ཚོགས་གཞལ་ཡས་ཁང་། །ཨོཾ་ནི་གཅོད་པ་ཆེན་པོ་ལས། །པ་ལས་ཆགས་པ་མེད་པ་འབྱུང་། །ཨ་ནི་གསལ་བའི་བདག་ཉིད་རྒྱུ། །མེ་ནི་སྲེག་པའི་བདག་ཉིད་རྒྱུ། །རུ་ནི་འཇོམས་པའི་ཡུལ་དུ་བསྡོགས་སྟོན་ཡང་། །ཧཱུཾ་དང་མཱུཾ་ལས་ཡབ་ཡུམ་གྱུར། །ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་ཧཱུཾ་ཕཊ། ཀྲོ་དྷཱི་ཤྭ་རཱི་ས་མ་ཡ་ཧཱུཾ་ཛ། རྣམ་ཐར་དབུ་ལྡན་སྟོང་པའི་ཕྱག །རྫུ་འཕྲུལ་ཞབས་དང་ཐབས་ཀྱི་གཤོག །དུར་ཁྲོད་བརྒྱད་དུ་ལྡན་པར་བསྐྱེད། །ཡབ་ ― DNG014_Page_0498 ―
[མ་དཔེ་གཟིགས་ན་འདིར་གནོན།]
ཡུམ་གསང་གནས་བྱིན་བརླབས་ནས། །མཁའ་ལ་གསང་བའི་ཡུམ་བཞི་བསྐྱེད། །ལེ་ཚེ་བཞི་ལ་གསང་བའི་ཡུམ། །འདི་སྐོར་སྔགས་རྣམས་མ་ཕྱི་སོར་བཞག །བ་ར་མ་ཎ་ཕཊ། དཀར་མོ་ཉི་མའི་གའུ་ཅན། །ཤར་གྱི་ལེ་ཚེ་དག་ལའོ། །རཏྣ་སྥ་ར་ཎ་ཕཊ། སེར་མོ་རིན་ཆེན་འོད་འབར་ལྷོ། །པདྨ་གར་བྷ་ཡ་ཕཊ། དམར་མོ་པདྨའི་བཅུད་འཛིན་ནུབ། །ག་བི་ཏྲ་ཐ་ཕཊ། ལྗང་གུ་རྡོ་རྗེ་རྒྱ་གྲམ་བྱང་། །ཤར་གྱི་འཁོར་ལོ་རྩིབས་བརྒྱད་ལ། །སྤྱི་དཔལ་བཅུ་ཡི་ཁྲོ་བོ་སྟེ། །བཛྲ་གར་བྷ་ཀཱི་ལ་ཡ་ཕཊ། དཀར་པོ་ལི་ཡི་རྒྱལ་པོར་ཤར། །རཏྣ་གར་བྷ་ཀཱི་ལ་ཡ་ཕཊ། འཇིགས་བྱེད་རིན་ཆེན་འཛིན་པ་ལྷོ། །པདྨ་གར་བྷ་ཀཱི་ལ་ཡ་ཕཊ། གར་དབང་དམར་པོ་པད་འཛིན་ནུབ། །ཀརྨ་གར་བྷ་ཀཱི་ལ་ཡ་ཕཊ། གར་མཛད་ལྗང་གུ་རྒྱ་གྲམ་བྱང་། །མོ་ཏྲི་ཡང་མོ་ཏྲྀ་ཀཱི་ལ་ཡ་ཕཊ། སྲོག་འོད་སེར་སྐྱ་མེ་འོད་ཅན། །ཀ་རུ་གར་བྷ་ཀཱི་ལ་ཡ་ཕཊ། སྲིན་པོ་འཇོམས་བྱེད་མཆེ་འཛིན་དམར། །ལོ་ཀ་ཀཱི་ལ་ཡ་ཕཊ། སྐྱོབ་བྱེད་རྒྱལ་སྔོན་བ་དན་ཅན། །བྷ་དུ་ཀཱི་ལ་ཡ་ཕཊ། འཇིགས་སྐྱབས་ལྗང་སྐྱ་ཐོད་དབྱུག་འཛིན། །ཀརྨ་ཀཱི་ལ་ཡ་ཕཊ། རིམ་བཞིན་མཚམས་ཀྱི་རྩིབས་ལའོ། །གསོད་བྱེད་མཐིང་ག་ཞིང་དབྱུག་འཛིན། །ཡཀྵ་ཀཱི་ལ་ཡ་ཧཱུཾ་ཕཊ། དུར་འཇིགས་མཐིང་ག་སྤུ་གྲི་ཐོགས། །སརྦ་དུཥྚཱཾ་ཕཊ། གཉིས་ཆར་དབུས་ཀྱི་ལྟེ་བ་ལའོ། །འཇིགས་བྱེད་དཀར་པོ་ཉི་མའི་འོད། །ས་ཤྲི་ཕཊ། ཤར་གྱི་སྒོ་ཡི་ཕྱོགས་སུའོ། །སྔོན་མོ་ཆུ་ཡི་འཁོར་ལོ་ཅན། །ཀ་ཧེ་ཕཊ། ཆུ་ཡི་དཀྱིལ་འཁོར་ལྷོ་ཡི་སྒོར། །དམར་ནག་མེ་འཁོར་ནུབ་ཏུའོ། །ལྗན་ཤ་ཕཊ། འབར་བ་དུད་ཁ་རྒྱ་གྲམ་ཅན། །བྱང་གི་སྒོ་ལ་བསྒོམ་པར་བྱའོ། །དེ་ནས་གཞན་ཡང་བསྐྱེད་བྱ་བ། །གསེར་ཕུར་ཡུམ་གྱི་མཁའ་ནས་གདོན། །རཀྵ་ཀཱི་ལ་ཡ་ཕཊ། དམར་ནག་སྦྲུལ་འཛིན་གནོད་མཛེས་རྒྱལ། །ལྷོ་ཡི་འཁོར་ལོའི་དབུས་སུའོ། །བི་ཛ་ཡ་བི་ཤ་ཀཱི་ལ་ཡ་ཧཱུཾ་ཕཊ། སྣང་བྱེད་དཀར་པོ་འཁོར་ལོ་ཅན། །ཤར་གྱི་འཁོར་ལོའི་རྩིབས་ལའོ། །བི་ཤྭ་གུ་ཎ་ཀཱི་ལ་ཡ་ཧཱུཾ་ཕཊ། ཡོན་ཏན་སྙིང་པོ་ཁྲོ་བོ་ཆེ། །སེར་པོ་རིན་ཆེན་འཛིན་པ་ལྷོ། །ཏེ་ཤ་ཀཱི་ལ་ཡ་ཕཊ། དམར་པོ་གཟི་ལྡན་འབར་བ་ནི། །ཟངས་ཀྱི་བིང་ཆེན་ནུབ་ཕྱོགས་རྩིབས། །ཀེ་ཤ་ཀཱི་ལ་ཡ་ཕཊ། ལྷུན་གྲུབ་སྣང་བྱེད་ལྗང་ནག་མཆོག ། ― DNG014_Page_0499 ―
[མ་དཔེ་གཟིགས་ན་འདིར་གནོན།]
ཐོད་ཕྲེང་འཛིན་པ་བྱང་གི་རྩིབས། །བི་ཤ་ཀཱི་ལ་ཡ་ཕཊ། མེ་འཁོར་དམར་པོ་ཁ་ཊྭཱཾ་འཛིན། །བེ་ཤ་ཀཱི་ལ་ཡ་ཕཊ། ཟ་བྱེད་བརྟུལ་ཞུགས་རལ་གྲི་ཅན། །ཧི་ཤ་ཀཱི་ལ་ཡ་ཕཊ། སྐྱོད་བྱེད་རླུང་གི་བ་དན་ཅན། །སྔོ་སངས་རླུང་རྐྱལ་སྦྲུལ་ཞགས་ཐོགས། །དུ་ཤེ་ཀཱི་ལ་ཡ་ཕཊ། གཟི་འབར་ལྗང་སྐྱ་གྲི་གུག་ཅན། །འདི་དག་རིམ་བཞིན་རྩིབས་མཆན་ལའོ། །ཀ་ཤ་ཕཊ། རྟ་མགོ་ལྕགས་ཀྱུ་དཀར་པོ་ཤར། །བག་ཤ་ཕཊ། ཕག་མགོ་ཞགས་པ་སྔོན་པོ་ལྷོ། །རུང་ཧི་ཕཊ། དྲེད་མགོ་ལྕགས་སྒྲོག་དམར་པོ་ནུབ། །རཀ་ཀྲི་ཕཊ། སྤྱང་མགོ་ལྗང་གུ་དྲིལ་བུ་བྱང་། །རིམ་བཞིན་སྒོ་བཞིར་བསམ་པར་བྱ། །ནུབ་ཀྱི་འཁོར་ལོ་ལ་བསྐྱེད་པ། །ཧཱུཾ་ཀཱ་ར་ཀཱི་ལ་ཡ་ཧཱུཾ་ཕཊ། ཧཱུཾ་བདེ་ཆེན་དཀར་སེར་ཐོད་འཛིན་དབུས། །བི་ཛ་ཡ་ཕཊ། རྣམ་རྒྱལ་དཀར་པོ་ནི་ལེ་ཅན། །ནཱི་ལ་དཎྜ་ཕཊ། དབྱུག་པ་སྔོན་པོ་བེ་ཅོན་ཅན། །ཡ་མཱནྟ་ཀྲྀཏ་ཕཊ། གཤིན་རྗེ་གཤེད་སེར་ཞགས་པ་ཅན། །ཨ་ཙ་ལ་ནཱ་ཐ་ཕཊ། མི་གཡོ་དམར་སེར་རལ་གྲི་ཅན། །ཧ་ཡ་གྲཱི་བ་ཕཊ། རྟ་མགྲིན་དམར་པོ་ཐོད་སྦྲུལ་ཅན། །ནུབ་ཀྱི་འཁོར་ལོ་རིམ་བཞིན་བསམ། །ཕྱོགས་བཞི་ཡིན་ཏེ་མཚམས་བཞི་རུ། །ཨ་བ་ར་ཛི་ཏ་ཏིཥྛ་ཕཊ། འདོད་རྒྱལ་ལྗང་གུ་དབྱུག་ཐོ་ཅན། །ཨ་མྲི་ཏ་ཕཊ། བདུད་རྩི་འཁྱིལ་ལྗང་རྒྱ་གྲམ་ཅན། །ཏྲཻ་ལོཀྱ་ཕཊ། ཁམས་གསུམ་ལྗང་སྐྱ་སྡིགས་མཛུབ་ཅན། །མ་ཧཱ་བ་ལ་ཕཊ། སྟོབས་ཆེན་དུད་ཁ་གཏུན་ཤིང་འཛིན། །དེ་དག་བསྒོམ་ཞིང་སྒོ་བཞི་རུ། །འཇིགས་བྱེད་ཁྲོ་བོ་བཞི་བསྐྱེད་པ། །ཛ་ལ་ཕཊ། དཀར་པོ་ཁྲ་མགོ་སྡེར་མོ་ཐོགས། །ཀེ་རུ་ར་ཕཊ། སྐྱ་ཀའི་མགོ་ཅན་སྦྲུལ་འཛིན་སྔོ། །རིག་ཤ་ཕཊ། བྱ་རོག་མགོ་ཅན་དུང་དམར་འཛིན། །པཀྵ་ཏི་ཕཊ། པུ་ཤུད་མགོ་ཅན་ལྗང་གྲི་གུག །ཕྱོགས་བཞིའི་སྒོ་བཞིར་རིམ་པར་བསམ། །བྱང་གི་ཕྱོགས་ཀྱི་འཁོར་ལོ་ལ། །ཕྲིན་ལས་རྫོགས་པའི་ཁྲོ་བཅུ་བསྐྱེད། །ལྕགས་ཕུར་ལ་རྟེན་མཁའ་ལ་གདོན། །བཛྲ་ཏ་ཀྲྀཏ་ཀཱི་ལ་ཡ་ཕཊ། བྷི་ནུ་ཐལ་ཁ་ཏི་ར་འཛིན། །ཁ་ཐུན་རཀྴ་ཀཱི་ལ་ཡ་ཕཊ། སྟོབས་བཟང་སྔོ་ནག་གྲི་གུག་འཛིན། །ཧེ་མ་ར་ཏི་ཀཱི་ལ་ཡ་ཕཊ། གཟི་ལྡན་དཀར་པོ་འཁོར་ལོ་འཛིན། །རུ་པི་སུ་ཏྲ་ཀཱི་ ― DNG014_Page_0500 ―
[མ་དཔེ་གཟིགས་ན་འདིར་གནོན།]
ལ་ཡ་ཕཊ། འཇིག་རྟེན་འོད་སྔོ་མེ་དཔུང་ཅན། །རགྴ་སེ་ཏྲཾ་ཀཱི་ལ་ཡ་ཕཊ། སྟོང་གསུམ་ཁྱབ་བྱེད་དམར་ཐོད་ཁྲག །ཧེ་ཧེ་ཁ་རག་ཀཱི་ལ་ཡ་ཕཊ། ཧཱུཾ་སྒྲ་དུད་ཁ་རོ་དབྱུག་འཛིན། །ད་དུར་ཕྲ་ཏི་ཀཱི་ལ་ཡ་ཕཊ། ཤུགས་སྒྲོལ་ལྗང་ནག་ཁྲུང་ཁྲུང་འཛིན། །ཧཱུཾ་བཾ་སུ་ཀཱི་ལ་ཡ་ཕཊ། སྐར་མདའ་གདོང་སེར་བྱ་ཁྲ་འཛིན། །གར་བྷ་ཀཱི་ལ་ཡ་ཕཊ། གློག་སྲིན་སྣ་ཚོགས་མདོག་འཇའ་ཐོགས། །རག་ཤ་ཀྲོ་དྷ་ཀཱི་ལ་ཡ་ཕཊ། མདངས་འཕྲོག་སྔོ་སངས་རླུང་གཡབ་ཐོགས། །རག་ཤ་ཕཊ། འཇིགས་བྱེད་དྲི་ཟ་དཀར་སྟོང་གསུམ། །གརྦྷེ་ཕཊ། སྟོང་གསུམ་གྲགས་གནག་ལྕགས་མདུང་ཐོགས། །རུ་སེ་ཕཊ། ཁྲག་གི་མཚོ་སྐེམས་དམར་ལྕགས་སྒྲོག །ཀི་ཏ་ར་ཏ་ཕཊ། ཁྲག་ལག་ལྗང་ནག་ཁྲམ་ཤིང་ཐོགས། །དབུས་དང་ཕྱོགས་མཚམས་སྒོ་བཞིར་བསམ། །དེ་ལ་ནམ་མཁའི་འཁོར་ལོ་དབབ། །འབྲུ་བརྒྱད་སྔགས་ཀྱིས་དབང་བྱིན་བརླབ། །མཆོད་པ་གསུམ་སྟོབ་མཉེས་པའོ། །ཨོཾ་ཤྲཱི་ཧེ་རུ་ཀ་ཀྲོ་དྷཱི་ཤྭ་རཱི་ས་མ་ཡ། བཛྲ་ཀཱི་ལ་ཡ་ཧཱུཾ་ཕཊ། ཡབ་ཡུམ་བསྙེན་པས་གསང་བ་ཡི། །མ་མོ་བཞི་བསྐུལ་ཡུམ་བཞི་ཡིས། །འཁོར་ལོ་བཅུ་ཚན་སུམ་ཅུ་གཉིས། །དེ་ཡི་ཁྲག་འཐུང་ལྷ་རྣམས་བསྐུལ། །སོ་སོའི་འཕྲོ་འདུས་འགྲོ་དོན་མཛད། །ཁྲི་ཕྲག་གཉིས་དང་སྟོང་ཕྲག་བཞི། །འབུམ་ཕྲག་བཞི་ཡིས་སོ་སོར་བཟླས། །བསྙེན་རྫོགས་བསྒྲུབ་པའི་ལས་ཆེན་ནི། །ཤར་ཕྱོགས་འཁོར་ལོའི་ལྟེ་བ་ལ། །ལིངྒ་ནུབ་ཏུ་ཁ་མགོ་བརྟོན་ཡང་བལྟས་ལ། །ཚོན་སྐུད་གསུམ་གྱིས་བཏགས་ནས་ཀྱང་། །མིང་རུས་སྙིང་དང་དཔྲལ་བར་བྲིས། །རྟེན་བཟང་ཀུན་ལ་བཀའ་བསྒོ་ཞིང་། །གསལ་བ་གསུམ་དང་ལྡན་བྱས་ཏེ། །འབྱུང་བའི་སྙིང་པོ་གསུམ་གྱིས་སྦྱང་། །ཡན་ལག་ཉིང་ལག་ཕུར་པས་བརྡེག །རལ་གྲིས་གཏུབས་ཏེ་ཤར་དུ་བསྲེག །ཙཀྲ་རྩིབས་བཅུར་ལྡན་པ་ལ། །སྡེ་ཚན་བཅུ་ཡི་འཁོར་ལོ་བསྐོར། །གཅོད་བྱེད་འཕེན་བྱེད་སྔགས་ཀྱིས་བརྒྱན། །ཁྱི་ཡི་གྲོད་པར་ལིངྒ་གཞུག །ཚོན་སྣ་ལྔ་ཡིས་བཅིངས་ཤིང་གདགས། །ཡུངས་ཀར་རྒྱལ་པོས་བརྡེག་ཅིང་བྲབ། །ཨོཾ་ཤྲཱི་ཧེ་རུ་ཀ་ད་ལ་དུ་ན་རྦད། ― DNG014_Page_0501 ―
[མ་དཔེ་གཟིགས་ན་འདིར་གནོན།]
ཁ་འདར་ལི་རྦད། མྱོགས་མུགས་རྦད་ཕཊ། གྲོད་པ་འཕར་འགུལ་རྟགས་བྱུང་ནས། །ཀི་ཀང་དྲག་པོ་རྒྱུ་དུས་འཕང་། །སྔགས་གསུམ་གྱིས་ནི་རྟེན་གསུམ་བཤིག །ལྷོ་ཡི་ཙཀྲ་རྒྱས་པའི་ལས། །འབྲུབ་ཁུང་རྒྱས་པའི་དབྱིབས་ལྡན་ལ། །ལིངྒའི་ཡན་ལག་ཧཱུཾ་ལྔ་དགོད། །དཔྲལ་བར་ཕཊ་དང་སྙིང་ག་རུ། །མཱ་ར་ཡ་བཀོད་གསལ་གྲུབ་བརྟན། །ཨ་ཡི་འོད་ཀྱིས་ཡོན་ཏན་བསྡུ། །ཕྱོགས་བཅུར་ཁྲོ་བོ་བཅུ་ཡིས་དབབ། །སྒོ་བཞིར་སེང་ལྡེང་ཕུར་པ་ཡི། །མཚོན་གྱིས་བཏབ་སྟེ་ལྷོ་རུ་བསྲེག །སྡེ་ཚན་བཞི་ཡི་འཁོར་ལོ་བསྐོར། །གཅོད་ཁང་འཕང་ཡང་སྔགས་ཀྱི་ཕྲེང་བས་བསྐོར། །ནཻ་ལེའི་རྐྱལ་པར་ལིངྒ་གཞུག །དུག་ལྕགས་ཟངས་ཀྱི་ཐུན་གྱིས་བྲབ། །ཨོཾ་ཤྲཱི་ཧེ་རུ་ཀ་དུར་པ་ལ་ཧཱུཾ་རྦད། རགྴ་ཛ་དུར་བྷྱོ། ཀི་ལ་ཐུན་ཏྲྀ་སྡྱ་སྲོག་ལ་མཱ་ར་ཡ་རྦད། རྟགས་བྱུང་ཉི་མའི་ཟེར་ལ་འཕང་། །ནུབ་ཀྱི་འཁོར་ལོའི་ལྟེ་བ་ལ། །གསང་ཆེན་ཁྲོ་བོ་ཟངས་ཕུར་ཏེ། །ནུབ་ཕྱོགས་པདྨ་ཟླ་ཁམ་དུ། །ཡན་ལག་ལྔ་ལ་ཧཱུཾ་ཕཊ་བསྐོར། །ཤེས་རབ་སྙིང་རྗེས་ཕྱོགས་བཅུར་དབབ། །རྣམ་ཤེས་ཧཱུཾ་གིས་ཨ་རུ་བསྡུ། །ནུབ་ཏུ་དབང་གི་སྦྱིན་བསྲེག་བྱ། །གདེང་ཆེན་ཁྲོ་བཅུ་སོ་སོའི་སྔགས། །གཅོད་དང་ཕབ་པའི་སྔགས་ཀྱིས་བརྒྱན། །ར་སྙིང་ནང་དུ་ལྕགས་ཕྱེས་བྲབ། །ཨོཾ་ཤྲཱི་ཧེ་རུ་ཀ་སྲོག་ལ་ཐུམ་ལིང་། ཁ་ཐུམ་སྲོག་ལ་བསྡུས་བསྡུས། ཁྲག་ལ་ཐིམ་མཱ་ར་ཡ་རྦད། རྟགས་ཕྱུང་སྐྱ་རེངས་ཟེར་ལ་འཕང་། །བྱང་གི་འཁོར་ལོའི་ལྟེ་བ་ལ། །ལྕགས་ཕུར་རྫོགས་ཆེན་ཁྲོ་བོ་བསྐྱེད། །བྱང་གི་ཕོ་བྲང་གྲུ་གསུམ་གྱི། །རྒྱ་གྲམ་བསྣོལ་མར་ལིངྒ་གཞུག །ལུས་ཀྱི་ཕྱོགས་བཅུར་ཁྱབ་པར་གདབ། །སྒོ་བཞིའི་ཕུར་པ་ཡན་ལག་ལའོ། །ཧཱུཾ་གི་ཧས་བསྡུས་མཁའ་ལ་དབབ། །འཕང་གཏུབ་བསྲེག་པ་སྔར་བཞིན་བྱ། །ཡོན་ཏན་སྔགས་བརྒྱན་ཚོམ་བུ་བཅུར། །ཙཀྲ་སརྦ་ཧཱུཾ་ཕཊ་གདབ། །བྱ་རོག་སྣོད་དུ་སྦལ་ཁྲའི་གཟུགས། །ནང་དུ་དམིགས་བསལ་སྐྱེ་ཚེས་བྲབ། །ཨོཾ་ཤྲཱི་ཧེ་རུ་ཀ་མུ་ལ་ཏང་ཁམ་སྙིང་ལ་རྦད། བ་བྷ་ད་རོ་ད་ཚེ་ལ་རྦད། ནཱ་ག་བྷུ་བ་རུས་པ་དུར་ལིང་རྦད། རྟགས་བྱུང་ནམ་གྱི་ཕྱེད་ལ་སྦ། །འདི་ནི་དྲག་པོའི་སྔགས་ལུགས་ཏེ། །མ་མོ་ལས་ཀྱི་ཁ་སྐོང་ཡིན། །གཞན་ཡང་དབང་དྲག་ལས་སྤྱོད་ན། །གྲུ་གསུམ་ ― DNG014_Page_0502 ―
[མ་དཔེ་གཟིགས་ན་འདིར་གནོན།]
ཟླ་ཁམ་གསུམ་དང་བཅས། །ཕྱི་ཁྱམས་རྒྱས་པ་མཛུབ་གང་སྟེ། །མེ་འོད་ཐོད་པའི་ཕྲེང་བས་བརྒྱན། །བྷནྡྷའི་ནང་དུ་མུ་ཀས་བཀང་། །ཕུར་པ་རྫས་ཀྱི་གཙོ་བོ་བཞག །ཆགས་བྱེད་ཆགས་སྙོམས་གཉིས་ལ་བྲི། །བདུན་ལ་མ་བདུན་བྷྱོ་བདུན་བྲི། །ལྷ་གྲངས་ལྡན་པ་དེ་རུ་དགོད། །བྱིན་གྱིས་བརླབ་པའི་ལྷ་བསྒོམ་པ། །དབྱིངས་ཀྱི་ཡུམ་དྲུག་མགོ་བོ་ལ། །རྣལ་འབྱོར་བཅུ་བཞིའི་ངོས་ལའོ། །བུམ་པར་བླ་མེད་ཧེ་རུ་སྟེ། །ལྟེ་བར་ཆགས་འཇིག་སྤུན་གཉིས་སོ། །སྐྱེ་ལ་ཛ་ཏི་མ་མོ་དྲུག །ལྟེ་བའི་དཀྱིལ་ལ་རེ་ཏི་གསུམ། །དབལ་ལོགས་གསུམ་ལ་དགེས་སྡེ་མ། །བཞི་དང་སྲིང་བཞི་བསྒོམ་པར་བྱ། །ཟུར་གསུམ་ལ་ནི་དབང་མོ་སྟེ། །རྩེ་མོར་མ་བདུན་ལ་སོགས་བསམ། །བདག་ཉིད་ཕྲ་མེན་རྒྱ་མཚོ་མ། །དབུ་གཅིག་ཞལ་ལྔ་མཁའ་འགྲོ་ལྔར། །བསྒོམ་པ་མཆེ་བ་གཙིགས་ཤིང་བཞད། །སྤྲུལ་པ་བསྡིམ་ལ་མཆོད་ཅིང་བསྙེན། །མ་མོ་བདུན་གྱི་རྟེན་ལ་དབབ། །དཀར་ནག་མཚམས་སུ་ལ་ཤན་དབྱེ། །སེམས་ལ་བསྡུས་ཏེ་རྩ་སྔགས་ལ། །བཛྲ་བོ་དྷི་ཛ་ལ་བྷ་ག་ལ་རུ་ན་ཧོ་ཏྲ་ཀཱི་ལ་ཡ་བཛྲ་ཧུ་དུན་མ་ར་ཎ་ཕཊ། ཕུར་པས་གདབ་སྟེ་མཁའ་ལ་དབབ། །གཏིང་དཔག་མེད་པའི་གནས་སུ་བསྡིམ། །བྷ་ཡ་ཙིཏྟ་སྟྭཾ། ལཾ་ལཾ་ས་མ་ཡ་ཧོ། འདི་ཡིས་དོན་ལྡན་དྲག་ཤུལ་སྤྱོད། །ཤིན་ཏུ་བསྐངས་ཏེ་བཤད་པའོ།། །།དེ་ནས་རྡོ་རྗེ་འཛིན་རྒྱལ་པོ། །ཡང་དག་རྫོགས་པའི་སངས་རྒྱས་ཉིད། །སྐུ་གསུམ་བདེ་ཆེན་ངང་ཉིད་ལས། །འཇིགས་བྱེད་འབར་བའི་གཟུགས་སུ་བསྟན། །འཇིག་རྟེན་དྲེགས་པ་འདུལ་བའི་ཕྱིར། །སྟོང་ཕྲག་བརྒྱད་ཅུའི་རྒྱུད་ཀྱི་སྡེ། །ཁྱད་པར་སྤྲུལ་པའི་སྡེ་བརྒྱད་ལ། །ལྷ་ཀླུ་མ་མོ་གཤིན་རྗེ་བཙན། །བདུད་དང་རྒྱལ་པོ་གནོད་སྦྱིན་གཟའ། །དབྱེ་དང་སྤྲོ་དང་བསྡུ་བ་ལ། །དང་པོ་སྟོང་ཕྲག་བརྒྱད་ཅུའོ། །དེ་ལས་སུམ་བརྒྱ་དྲུག་ཅུ་སྟེ། །ཐ་མ་བརྒྱད་ཀྱི་སྡེ་ཡིན་ཏེ། །དབྱེ་བ་ཕྱི་ནང་གསང་བ་ལ། །ཡང་གསང་གཏེར་དང་དྲག་པོ་སྔགས། །སྦས་པ་དང་ནི་ལས་བྱེད་དང་། །བཏགས་ཆགས་དང་ནི་བརྒྱད་ཡིན་ཏེ། །ལྷ་དང་ལྷ་མིན་དྲི་ཟ་དང་། །མཁའ་ལྡིང་ལྟོ་འཕྱེ་མིའམ་ཅི། །ཀླུ་དང་ལུས་སུལ་པོ་རྣམས་ནི། །ཕྱི་ལྟར་བཏགས་ཤིང་ཆགས་པ་ཡིན། །རྒྱལ་པོ་བདུད་དང་གཤིན་ ― DNG014_Page_0503 ―
[མ་དཔེ་གཟིགས་ན་འདིར་གནོན།]
རྗེ་ཀླུ། །གནོད་སྦྱིན་སྲིན་པོ་མ་མོ་བཙན། །དེ་བཞིན་ནང་དུ་བཏགས་ཤིང་ཆགས། །མ་སངས་གིང་དང་དགྲ་ལྷ་དང་། །རྨུ་བདུད་མུ་སྟེགས་མཁའ་འགྲོ་དང་། །འགོང་པོ་ཐེ་བྲང་ཞེས་བྱ་བ། །གསང་བར་བཏགས་ཤིང་ཆགས་པ་ཡིན། །ནང་གི་རྣམ་ཤེས་ཀུན་གཞི་དང་། །ཡིད་དང་ཡིད་ཀྱི་རྣམ་ཤེས་ལས། །དབང་པོ་ལྔ་ཡི་དྭངས་མར་བཅས། །གསང་བའི་ལམ་ལ་རྒྱུ་བ་དག །ཡང་གསང་གཏེར་དུ་སྦས་པའོ། །ཁྱད་པར་སྦས་པ་ཞེས་བྱ་བ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་སེར་སྣ་དང་། །ཁྲོ་དང་གནོད་པའི་སེམས་རྣམས་ནི། །ཀུན་གྱིས་མི་མཐོང་རབ་ཏུ་སྦས། །དྲག་རྩལ་ལྷ་དང་འཇུར་མེད་བདུད། །གཤིན་རྗེ་གཤོར་དང་རྒྱལ་པོ་དྲེགས། །གནོད་སྦྱིན་ཤན་པ་སྲོག་གཅོད་སྲིན། །གདུག་པ་ཀླུ་དང་གླེན་པ་གཟའ། །རང་རང་དྲག་པོའི་སྔགས་སུ་འགྱུར། །ལས་ཀྱི་ཁྱད་པར་བྱེད་པ་ནི། །སྨྱོ་འབོག་བརྒྱལ་ནད་སྙིང་རླུང་དང་། །མཛེ་ཤུ་རིམས་ནད་ཡམས་ནད་དང་། །ཕོ་ལོག་གླང་ཐབས་གཟེར་བ་དང་། །མཚོན་འཁྲུག་དུག་དང་རྩོད་པ་དང་། །གྲི་དང་གནམ་བབ་རང་གཤེད་དང་། །དེ་ལ་སོགས་པའི་དྲག་ཤུལ་སྤྱོད། །རང་གི་ལས་ཀྱི་ཁྱད་པར་ཀུན། །མྱུར་དུ་སྤྱོད་པ་ཞེས་བྱའོ། །དཔའ་བ་དང་ནི་མི་སྡུག་དང་། །ཕྲིན་སྐྱེལ་སྙིང་འབྱིན་རྒྱལ་པོའི་ལས། །དྲེགས་ཆེན་སྤྱི་དང་དཔུང་བསྡེབས་ཏེ། །གློ་བུར་སྲོག་འབེབས་བདུད་ཀྱི་ལས། །ལས་ཀྱི་འཁྲུལ་འཁོར་དམིགས་བསལ་ནས། །ཀླད་འཁོར་མྱོས་བྱེད་གཤིན་རྗེའི་ལས། །ཐོག་དང་སེར་བ་སྐྱིན་ཐང་ལས། །རི་རབ་བསྙིལ་ནུས་གཟའ་ཡི་ལས། །རྒྱ་མཚོའི་དབྱིངས་ནས་ཀློང་བརྟོལ་ནས། །མཛེ་ནད་གག་གཏོང་ཀླུ་ཡི་ལས། །གྲིར་འཐིབས་རྨ་ཁྲག་བཙན་གྱི་ལས། །ཟ་འདྲད་ཟ་འདུད་འཛིན་བྱེད་ཅིང་། །རྨོངས་ཤིང་རྒུད་བྱེད་གནོད་སྦྱིན་ལས། །གློ་བུར་སྲོག་གཅོད་དྲག་ཤུལ་ནི། །སྲིན་པོའི་ལས་སུ་བསྔགས་པ་ཡིན། །རིམས་ནད་ཡམས་ནད་གཟེར་ནད་དང་། །ཁྲག་འཁྲུགས་རྨོད་པ་མ་མོའི་ལས། །དེ་དག་གནོད་པའི་ལས་ཡིན་ཏེ། །ཕན་བྱེད་དེ་ལས་ ― DNG014_Page_0504 ―
[མ་དཔེ་གཟིགས་ན་འདིར་གནོན།]
བཟློག་པར་འགྱུར། །བཏགས་ཤིང་ཆགས་པས་དབྱེ་བ་ནི། །ལྷ་ལས་དགྲ་ལྷ་རྒྱལ་པོ་གིང་། །བདུད་ལས་རྨུ་བདུད་མུ་སྟེགས་དང་། །རཱུ་ཏྲ་རྣམས་སུ་བཏགས་ཤིང་ཆགས། །མ་མོ་ལས་ནི་མཁའ་འགྲོ་དང་། །ལྷ་མོ་སྲིན་མོ་མོན་མོ་དང་། །བལ་མོ་ཀླུ་མོར་བཏགས་ཤིང་ཆགས། །བཙན་ལས་ཡབ་རྗེ་ཡམ་ཤུད་དང་། །གེ་གོད་ཟེ་དྲད་རྣམས་སུ་བཏགས། །གཟའ་ལ་རོག་ཏི་ཁྱབ་འཇུག་དང་། །བྱི་ཏྲི་པ་ཏྲ་ལ་སོགས་བརྒྱད། །གནོད་སྦྱིན་ལས་ནི་མོན་པ་དང་། །འགོང་པོ་ཡ་བདུད་ཐེ་འགོང་རྣམས། །སྲིན་པོ་ལས་ནི་དྲག་བྱེད་ཀུན། །གཤིན་རྗེ་ལས་ནི་ཡི་དྭགས་ཚོགས། །ཤིན་ཏུ་བཏགས་ཤིང་ཆགས་པ་སྟེ། །རྣམ་གྲངས་བསྡུས་པས་ཕྱེ་བའོ། །རྒྱས་པར་ཕྱེ་བ་འདི་ལྟར་བཤད། །ལྷ་ལས་དྲེགས་པའི་ལྷ་ཆེན་བརྒྱད། །ཀླུ་ལས་གདུག་པའི་ཀླུ་ཆེན་བརྒྱད། །གཟའ་ལས་གཟའ་བརྒྱད་དེ་བཞིན་ཏེ། །གཤིན་རྗེ་ལས་ཀྱང་ཕྱོགས་བསྲུང་དང་། །མ་མོ་ལས་ཀྱང་མ་བདུན་དང་། །སྲིད་པའི་གཙོ་དང་བརྒྱད་ཡིན་ནོ། །གནོད་སྦྱིན་ནོར་འཛིན་སྡེ་དཔོན་བརྒྱད། །སྲིན་པོ་བརྒྱད་ཡབ་སྲིན་པོ་ཡིན། །བདུད་ལས་རྗེ་བདུན་གཙོ་དང་བརྒྱད། །འདི་དག་རང་རིགས་ཡོན་ཏན་དང་། །རྒྱུད་མཐའ་རྡོ་རྗེ་འཛིན་གྱིས་ནི། །ཐ་དད་སོ་སོར་བཤད་དེ་བཞིན། །གདུལ་བྱའི་རིགས་དང་འདུལ་བྱེད་ཀྱི། །སྟོན་པའང་དེ་བཞིན་ཤེས་པར་བྱོས། །འདི་དག་ནང་གི་བསྐྱེད་ཚུལ་ཡང་། །མ་མོ་ཀུན་གཞིའི་རྣམ་ཤེས་ལས། །གཤིན་རྗེ་ཡིད་ཀྱི་རྣམ་ཤེས་ཏེ། །བདུད་ནི་ཉོན་མོངས་ཅན་གྱི་ཡིད། །མིག་གི་རྣམ་ཤེས་ལྷ་ཡིན་ནོ། །རྣ་བའི་རྣམ་ཤེས་སྲིན་པོར་སྣང་། །སྣ་ཡི་རྣམ་ཤེས་བདུད་དུ་སྟེ། །ལྕེ་ཡི་རྣམ་ཤེས་གནོད་སྦྱིན་ཡིན། །ལུས་ཀྱི་རྣམ་ཤེས་བཙན་དང་གཟའ། །དྲན་རྟོག་གཟུགས་སྒྲ་དྲི་རོ་རེག །བྱེད་པའི་ལས་རྣམས་དེ་ཡི་འཁོར། །ཕན་གནོད་ནུས་པ་ལྷ་ཡིན་ཏེ། །མི་གཏོང་འབེབས་པ་བདུད་ཅེས་བྱ། །གཤིན་རྗེ་ཡི་དྭགས་གཤིན་གྱི་རྗེ། །གདུག་ཅིང་བླུན་པས་ཀླུ་ཞེས་བྱ། །གནད་དུ་ཕོག་ཅིང་མི་འཆོར་བས། །གཟའ་ཞེས་བྱ་ ― DNG014_Page_0505 ―
[མ་དཔེ་གཟིགས་ན་འདིར་གནོན།]
བར་གྲགས་པ་ཡིན། །རྟེན་བསྐྱེད་གཞིར་གྱུར་མ་མོ་སྟེ། །གནོད་པ་སྟེར་བྱེད་གནོད་སྦྱིན་ནོ། །ཡན་ལག་ཕྱོགས་སུ་དབྱེ་བ་ཡང་། །གདུག་རྩུབ་ཆེ་བས་ལྷ་མ་ཡིན། །གང་དུའང་འབྱུང་བས་འབྱུང་པོ་སྟེ། །ལྷ་མིན་ཀུན་སྤྲུལ་མི་འམ་ཅི། །ཡིད་ཀྱིས་དྲི་སྣོམ་དྲི་ཟ་དང་། །སྟོབས་ལྡན་ཁྲོ་གཏུམ་སྲིན་པོ་ཡིན། །མཁའ་ལ་སྤྱོད་པས་མཁའ་འགྲོ་སྟེ། །ཟས་ཡིད་བཏགས་པས་ཡི་དྭགས་ཡིན། །ཀུན་གྱིས་བཀུར་བས་རྒྱལ་པོ་ཡིན། །གཞན་གྱིས་བསྟོད་པས་བཙན་ཡིན་ནོ། །ལྟ་སྤྱོད་ལོག་པ་མུ་སྟེགས་ཡིན། །དགྲ་ལས་རྒྱལ་གྱུར་དགྲ་ལྷ་སྟེ། །བཅོས་པར་མི་ནུས་རྨུ་ཞེས་བྱ། །མཐུ་སྟོབས་རྨད་བྱུང་མ་སངས་ཏེ། །གཏུམ་ཞིང་ལྟོགས་བྱེད་འགོང་པོ་ཡིན། །ངན་གཡོའི་རྒྱུ་ལྡན་ཐེ་བྲང་ངོ་། །གཞན་ཡང་རྣམ་གྲངས་བསམ་མི་ཁྱབ། །གཞན་ཡང་སྤྲུལ་པ་ཡང་སྤྲུལ་དང་། །སུམ་སྤྲུལ་ལ་སོགས་བསམ་མི་ཁྱབ། །གཙོ་འཁོར་བཀའ་ཉན་ལས་བྱེད་ཀྱི། །སྡེ་བརྒྱད་དག་ཏུ་དབྱེ་བར་བྱ། །གནས་དང་རྟེན་པའི་ཁྱད་པར་ཡང་། །གཡའ་རི་གངས་རི་ཁང་པ་བརྩེགས། །ཁང་བཟངས་ཉམས་དགར་ལྷ་བསྒྲུབ་སྟེ། །རི་བྲག་བྲག་ནག་རབ་ཏུ་ཁྲོས། །བྱང་ཕྱོགས་མངོན་པར་བདུད་བསྒྲུབ་པོ། །རྒྱ་མཚོ་མཚོ་དང་རྫིང་དང་ནི། །ནེ་སེང་རྒྱས་པར་ཀླུ་བསྒྲུབ་གནས། །བུམ་བརྩེགས་བྲག་ནག་ཕྱོགས་མ་ངེས། །ལྷོ་གཞོལ་མཁར་ཆེན་གཤིན་རྗེ་བསྒྲུབ། །རི་འདུས་རྩེ་དང་ཆུ་འདུས་མདོ། །ལུང་པ་ཆེ་ཟར་ཡང་འཕྲ་གཟའ་བསྒྲུབ་གནས། །ནགས་ཆེན་དུར་ཁྲོད་མ་མོ་སྟེ། །གླིང་རྒྱས་རི་ལྗོངས་གནོད་སྦྱིན་གནས། །གཙུག་ལག་ཁང་ཆེན་གསར་དང་རྙིང་། །ལྷ་ཡི་ཁྱད་པར་ཕྱོགས་གཞན་བསྒྲུབ། །རི་ཐང་མཚམས་དང་ཁང་མཐོ་རྩེར། །ཕྱོགས་མཐུན་བྱེ་བྲག་སྔར་བཤད་བཞིན། །བྲག་དམར་ཁྲོས་རྩར་བཙན་རྣམས་བསྒྲུབ། །དེ་དག་ལ་སོགས་གནས་གཞན་ཡང་། །རྣལ་འབྱོར་རིག་པས་ལེགས་པར་བརྟག །སྣང་ཡུལ་ཕྱི་ཡིས་སྒྲུབ་པའི་རྫས། །རྟ་དྲེའུ་ར་ལུག་བྱ་དང་ཁྱི། །བྱ་རྒོད་རྒྱལ་མཚན་མཚམས་གང་ཡང་གཅན་གཟན་གཟུགས། །ཤིང་བཟངས་ལོ་འབྲས་ ― DNG014_Page_0506 ―
[མ་དཔེ་གཟིགས་ན་འདིར་གནོན།]
ལྡན་པ་རྣམས། །ལྷ་ཡི་རྒྱལ་པོ་བྱེ་བྲག་མཉེས། །ཙ་ར་ཁྱི་དང་འདབ་ཆགས་རྟ། །ནག་པོའི་ཆས་ཞུགས་བདུད་མཉེས་འགྱུར། །ཤེལ་སྨུག་གྲོ་མོ་སྨན་སྣ་ཚོགས། །དཀར་མངར་བྲོ་བཅུད་ཀླུ་ཡིན་ཏེ། །སྲོག་ཆགས་མོ་རིགས་ནག་ཆགས་དང་། །བ་དན་ཕེག་རྡོབ་དུང་དང་རྔ། །གདུགས་དང་རྒྱལ་མཚན་ཕྲེང་བ་དག །མ་མོ་ཡུམ་རྣམས་མཉེས་པའི་རྫས། །རིག་བཅས་མདའ་མདུང་བ་དན་དམར། །རྒྱལ་མཚན་བཞོན་པ་རི་བཙན་རྟེན། །ཐོད་མཁར་ཁྲམ་ཤིང་བ་ལང་སྣ། །དུར་ཁྲོད་དཀྱིལ་འཁོར་གཤིན་རྗེ་ལ། །ར་ནག་མིག་དམར་ཤ་ཁྲག་སྣ། །སྦྲུལ་ལྤགས་མདའ་གཞུ་གཟའ་རྣམས་ཀྱིའོ། །རིན་ཆེན་གའུ་གཞོན་པ་སྔོ། །དཀོར་ཆ་སྣ་ཚོགས་གནོད་སྦྱིན་རྟེན། །མཚོན་ཆ་ཤ་ཁྲག་སོ་མ་དང་། །དུར་ཁྲོད་ལོངས་སྤྱོད་སྲིན་པོ་དངོས། །འདབ་ཆགས་རུ་མཚོན་རྟ་དམར་དང་། །མཚོན་ཆ་དྲག་པོ་རི་བཙན་རྟེན། །དེ་ལ་སོགས་པ་དྲེགས་པ་ཅན། །སྤྱི་དང་ཁྱད་པར་བྱེ་བྲག་གིས། །གང་ལ་ཤིས་ཤིང་བསྔགས་པ་དག །བརྟུལ་ཞུགས་ཅན་གྱིས་བརྟེན་པར་བྱ། །རིན་ཆེན་འབྲུ་སྣ་བཅུད་ཀྱིས་ལྷ། །སོ་བ་ཁྲེ་འབྲས་འབྲུ་ནག་བདུད། །ཀླུ་ནི་རྩི་བཅུད་སྨན་གྱིས་རྟེན། །གནོད་སྦྱིན་རིན་ཆེན་ཆུ་གཙང་སྟེ། །གཟའ་ནི་ཤ་ཁྲག་རྙིང་པས་རྟེན། །དེ་ཉིད་སྣ་ཚོགས་མོ་རིགས་ཏེ། །སྲིན་པོའང་དེ་ཉིད་སོ་མས་སོ། །རི་ཡང་གྲི་བཙན་བྱ་གཅན་གྱིས་རོལ་ཤ །གཤིན་རྗེ་ཀེང་རུས་ཆུ་གླང་ཤ །འདི་དག་མཆོད་པའི་རྫས་སུ་བསྔགས། །བསྒྲུབ་པའི་ཐབས་ཀྱི་ཁྱད་པར་ལས། །དམིགས་པའི་གནས་དང་མཐུན་པའི་རྫས། །སོ་སོས་མཆོད་ཅིང་བསྟེན་པར་སྦྱར། །འཇིག་རྟེན་པ་དང་ཚུལ་མཐུན་པས། །འཇིག་རྟེན་མཆོད་རྟེན་ཞེས་སུ་བཤད།། །།དྲག་པོའི་སྔགས་ཀྱི་བསྒྲུབ་པ་ཡང་། །ཕྱི་ནང་གསང་བ་གནད་དང་བཅས། །གཙོ་ཆེན་སྐུ་གསུང་ཐུགས་རྡོ་རྗེ། །བྱང་ཆུབ་སེམས་ཀྱིས་བསྒྲུབ་བྱ་བ། །ཐུན་མོང་ཁྱད་པར་བསྒྲུབ་པའི་ཕྱིར། །རང་སྔགས་མིང་དང་སྨོས་པར་བཅས། ། ― DNG014_Page_0507 ―
[མ་དཔེ་གཟིགས་ན་འདིར་གནོན།]
བསྡུ་དང་སྤྲོ་ཞིང་ལས་ལ་སྦྱར། །རྣམ་པ་སྦྱོར་བ་རྟགས་རྣམས་ཀྱིས། །མངོན་དུ་ཕྱུང་བ་དེ་ཉིད་དང་། །སྒྲོགས་ཤིང་དབབ་པ་རྟེན་སྦྱོར་བའི། །བརྟུལ་ཞུགས་ཏིང་ངེ་འཛིན་དག་ནི། །སྟོབས་དང་མི་འཇིགས་རིག་པ་ཡིས། །དོན་ཀུན་བསྒྲུབ་པ་དེ་ཤེས་བྱ། །འཇིག་རྟེན་འཇིག་རྟེན་འདས་པའི་རིགས། །གང་ལ་གང་གིས་དེ་ངོ་བོ། །གཉིས་མེད་རིག་པ་འཛིན་པའི་ཐུགས། །རྣམ་འཕྲུལ་ངེས་པའི་བློ་སྟོབས་ནི། །འཁོར་བ་དང་ནི་མྱ་ངན་འདས། །དབྱེར་མེད་དགོངས་པའི་ཁྱད་པར་ཆེ། །བསྲུང་བྱ་སྡོམ་པའི་བྱེ་བྲག་ཀྱང་། །དྲེགས་ཆེན་ལྷ་ཡི་བྱེ་བྲག་ལ། །རྟེན་དུ་རུང་བ་མི་བརྙས་ཤིང་། །ལུས་ཀྱི་ལོངས་སྤྱོད་གཞོམ་མི་བྱ། །རྒྱུ་དང་མི་རྒྱུའི་ནག་པོའི་ཕྱོགས། །མི་བསྐྲད་མི་བརླག་བདུད་ལ་བསྡམ། །གཤིན་རྗེའི་རིགས་འཁྱལ་ལ་མི་བརྙས། །ཀླུ་ལྔ་ཤ་ཁྲག་སྒོག་བཙོང་བསྲུང་། །མཁོན་ཡུགས་མི་གཙང་མོ་རྒྱུད་འཁྲུགས། །ཕྲ་མེན་རྫས་ནག་གནོད་སྦྱིན་ཏེ། །བྱམས་སེམས་ཕན་སྤངས་སྲིན་པོ་ལའོ། །གདུག་བྱེད་མི་བརྙས་བཙན་ལའོ། །ཆོ་འཕྲུལ་ནུས་པ་མི་བཟློག་གཟའ། །འཇིག་རྟེན་གནས་པ་དྲག་པོའི་སྔགས། །དམོད་པའི་ཚུལ་དུ་སྔགས་ཟློས་ན། །ཤིན་ཏུ་དགོས་པར་བསྟན་པ་ཡང་། །བླ་སྙིང་གཏེར་དང་གདབ་ཕུར་དང་། །བཅིང་དང་བསྲེག་དང་མནན་དང་སྦ། །གནས་དུས་ཐེབས་དང་ལྡོག་པ་དང་། །བསྲུང་མཚམས་དྲོད་ཚད་རྟགས་རིགས་རྣམས། །གཙོ་ཆེན་བསྡུས་པའི་ལས་ཡིན་ནོ། །ལྷ་བདུད་སྲིན་པོ་གནོད་སྦྱིན་དང་། །རྒྱལ་པོ་གཤིན་རྗེ་མོ་རིགས་ཏེ། །གཟའ་ཀླུ་ལ་སོགས་སྡེ་བརྒྱད་ཚོགས། །ཉི་རྡོ་ཁྲོ་ཆུ་གྲི་ལྕགས་དང་། །ནོར་བུ་ཕ་ཝང་ལོང་བུའི་རྡོ། །མུ་མེན་གཡུ་སྦྲམ་བླ་སྙིང་རྡོ། །ཤེལ་མཁར་ཆུ་ཤིང་ཕུར་པ་དང་། །གྲི་ལྕགས་གསེར་གྱི་ཐུར་མ་དང་། །གྲི་མཚོན་བྱི་ཐུར་རྐང་ཐུར་དང་། །ཟངས་ཐུར་ལ་སོགས་སྙིང་ཐུར་ཡིན། །ཚེར་མ་ཅན་དང་ཆུ་ཤིང་དང་། །སེང་ལྡེང་ལྕགས་དང་མཆོག་ཕུར་དང་། །དུག་ཤིང་བསེ་དང་གྲི་ལྕགས་ཟངས། །མཐུན་པས་ ― DNG014_Page_0508 ―
[མ་དཔེ་གཟིགས་ན་འདིར་གནོན།]
རབ་ཕྱེ་སྙིང་ཕུར་བྱ། །མི་དང་དུད་འགྲོ་ཕྲ་མེན་དང་། །རིན་ཆེན་ཕྲ་མེན་རང་སྣོད་བཅས། །ཟངས་ལྕགས་གྲི་ཡི་ཐོད་པ་དང་། །སྟག་གཟིག་བྱི་ལ་ནི་ལེ་དང་། །ཧུ་ལུ་རང་གྲུབ་སྣོད་རྣམས་ནི། །སོ་སོའི་བཅིང་སྡོམ་བླ་སྣོད་ཡིན། །མཛེས་པའི་གཞི་ལ་རང་སྔགས་བྲི། །ཐུར་མ་རྡོ་དང་བཅས་ལ་དྲིལ། །མཐུན་པའི་རྫས་དང་སྣོད་དུ་སྩལ། །སྙིང་ཕུར་རྣམས་ལ་འབྲུ་གསུམ་དགོད། །སོ་སོར་རིགས་པའི་སྲད་བུས་བསྡམ། །སྒྲུབ་པ་པོ་ཡི་ལུས་ལ་གདགས། །སྡེ་བརྒྱད་གནད་ཀྱི་རྩ་བ་ཡིན། །དབེན་གནས་གཙུག་ལག་ཁང་རྙིང་འོག །ངམ་གྲོག་ཕུག་དང་ཕུག་སྟོང་དང་། །བྲག་ནག་བྲག་དམར་ཁྲོས་པ་དང་། །གངས་རིའི་མཚམས་དང་ཤིང་གཅིག་དྲུང་། །རི་ཡི་རྫོང་དང་འདུས་རྩེ་དང་། །མཚེའུ་ལུ་མ་ལྕག་ལྕིག་དང་། །ལུང་པའི་མདོ་དང་ཆུ་མིག་ནག །དུར་ཁྲོད་ས་ཡི་སྲུབས་ཆེན་དང་། །མི་ཤིས་གདུག་པའི་གནས་རྣམས་སུ། །སོ་སོའི་ལས་གཉེར་གཏད་པར་བྱ། །དུས་བཞིའི་ཟླ་བ་དང་པོ་དང་། །དེ་ཡི་ཚེས་གྲངས་བརྒྱད་གསུམ་ལ། །སྐྱ་རེངས་ཉི་མ་འཆར་ཀ་ལ། །ལྷ་དང་རྒྱལ་པོས་ལས་བྱེད་འགྱུར། །ཀླུ་ནི་བདུན་གསུམ་ནམ་ལངས་ནས། །ནུབ་དང་གཉིས་ཀྱི་ཟེར་ལའོ། །མ་མོ་གཉིས་གསུམ་ཉིན་མཚན་གུང་། །བཙན་ནི་འབྲིང་བཞིའི་དྲུག་གསུམ་ལ། །ནང་ནུབ་ཉི་མ་དམར་ཐག་ལའོ། །གནོད་སྦྱིན་དགུ་གསུམ་སྲོད་དང་འཇིང་། །གསུམ་བཞི་ཉི་ཤུ་དགུ་ལའོ། །སྲོད་ཀྱི་འཇིང་ནི་བདུད་ཀྱི་དུས། །གཤིན་རྗེ་བཅུ་གསུམ་ཉི་ཤུ་ལྔ། །དེ་དག་ལ་སོགས་འགྲོ་ཞིང་རྒྱུ། །སྡེ་བརྒྱད་དྲེགས་པའི་ལས་རྣམས་ཀུན། །ཕྱི་ནང་གསང་བའི་དབང་ཐོ་ཅིང་། །སྤྱི་དང་ཁྱད་པར་སྡོམ་པའི་མཆོག །མཚུངས་ལྡན་ཡེ་ཤེས་པ་རྣམས་གྲུབ། །དུས་གྲངས་མཚན་མའི་བསྙེན་པ་རྫོགས། །རྡོ་རྗེ་འཛིན་པའི་མན་ངག་ལྡན། །ཕྱི་ནང་གསང་བའི་དམ་རྫས་ཚོགས། །བསྲུང་སྡོམ་མ་ཉམས་ཚད་དང་ལྡན། །བརྩོན་ ― DNG014_Page_0509 ―
[མ་དཔེ་གཟིགས་ན་འདིར་གནོན།]
འགྲུས་ཕུན་སུམ་ཚོགས་ལྡན་པས། །འདི་དག་འགྲུབ་ཅིང་ཐེབས་པའི་རྒྱུ། །དེ་ནས་བཟློག་ཚུལ་དེ་ཉིད་དོ། །དམ་བཅའ་ཁས་བླངས་དུས་ལས་འདས། །སྡོམ་རིམ་བསླབ་པའི་ཚུལ་མི་ལྡན། །བསྒྲུབ་བྱ་སྒྲུབ་བྱེད་ཐེ་ཚོམ་བཅས། །ཡོན་ཏན་མ་རྫོགས་ལས་ལ་འཇུག །དམིགས་དང་སྦྱོར་བ་གོ་རིམ་ནོར། །ངན་སེམས་གདུག་པའི་བསམ་པ་སྐྱེས། །ཕ་རོལ་སྒྲོལ་བ་དྲག་པོ་རྣམས། །བཟློག་རྒྱུ་རྐྱེན་དང་བཅས་པར་འགྱུར། །དམིགས་པའི་མཚན་མ་མ་རྫོགས་དང་། །རྟེན་མེད་ཏིང་འཛིན་མ་གསལ་དང་། །རང་རིག་ཕུར་པ་མ་བས་པ། །མཚན་མ་གཅིག་ལ་གཞན་སྡོམ་ཡང་བཞི་ལ་གཞན་དོན་རྣམས། །འབྱམས་ཏེ་དོན་མེད་སྐྱོན་དུ་འགྱུར། །ཕྱི་ནང་གསང་བའི་དབང་རྫོགས་ཤིང་། །བསྙེན་བསྒྲུབ་ཏིང་འཛིན་ནུས་པ་ལྡན། །ལྷག་སེམས་བཟང་ཞིང་ལས་འཇུག་བརྟུལ། །དམག་དཔུང་ཆེ་ཞིང་དམིགས་པ་དྲག །གཙང་ཞིང་བརྟུལ་ཞུགས་ཆེ་བས་ཐེབས། །གང་གིས་གང་ལ་དམིགས་པ་ཡི། །སྐུ་གསུང་ཐུགས་ཀྱི་མཚན་མ་མཐོང་། །ཀུན་གྱིས་བསྟོད་ཅིང་དབང་བསྐུར་དང་། །ཕྱག་དང་བསྙེན་བཀུར་གུས་པ་བྱེད། །སྤྲོ་ཞིང་རློམ་པའི་དཔའ་གདེང་ལྡན། །འདི་ནི་ཕྲིན་ལས་ནུས་པའི་རྟགས། །མཁན་པོ་སློབ་དཔོན་རྒྱལ་པོ་དང་། །རྗེ་དཔོན་ལ་སོགས་གོང་མར་བྱུང་། །ཉེ་ཡང་དབང་དུ་མ་འདུས་རྟགས། །སྤུན་གྲོགས་ཕ་ཚན་མཉམ་གཉིས་དག །མཉེས་ན་ལས་བྱེད་རུང་བའི་རྟགས། །བྲན་འབངས་ཁོལ་གཡོག་བུ་ཚར་བྱུང་། །བསྐོལ་ཞིང་རྦད་པས་ཆོག་པའི་རྟགས། །གང་ཡང་རུང་སྟེ་བཀའ་ཉན་ཅིང་། །ལས་བྱེད་ཚུལ་དུ་བྱུང་བ་ནི། །རྦད་པའི་ལས་སྦྱོར་བྱ་བ་ཡིན། །དམག་འདྲེན་སྒྱོགས་འཆའ་ལས་ལ་འཛུད། །དར་འཕྱར་དུང་འབུད་རོལ་མོ་ཆས། །དབུ་ཆེ་དག་གིས་གྲོགས་བྱེད་ན། །རྦད་པ་ལས་ལ་ཚུད་པའི་རྟགས། །གསོད་ཅིང་ལིང་ཇག་འགྱེད་པ་དང་། །ཤིང་གཅོད་བྲག་གཤོག་མཁར་བསྒྱེལ་དང་། །མེས་བསྲེག་ཆུས་ ― DNG014_Page_0510 ―
[མ་དཔེ་གཟིགས་ན་འདིར་གནོན།]
འཁྲུངས་ས་གནོན་དང་། །རླུང་གིས་ཁྱེར་དང་རང་བཞིན་ཞིག །གསད་པའི་ལས་ཀྱི་དོན་འགྲུབ་རྟགས། །ཤ་ཟ་ཁྲག་འཐུང་སྟོན་མོ་ཟ། །བཤད་དང་ལོངས་སྤྱོད་བྱེད་ལ་སོགས། །དོན་གྲུབ་གསད་ལས་ཟིན་པའི་རྟགས། །རྟོག་པ་ཐུགས་རྗེས་བསྒྲལ་བ་དང་། །ཞེ་སྡང་ནུས་པས་བསྒྲལ་བ་དང་། །མན་ངག་ཐབས་ཀྱིས་བསྒྲལ་བ་ལས། །བྱེ་བྲག་ཐུན་མོང་ཁྱད་པར་དག །སོ་སོའི་མཐུན་ཚོགས་མན་ངག་བཞིན། །བསྙེན་བསྒྲུབ་རྦད་གསད་ལས་སྦྱོར་ལ། །སྦྱོར་དངོས་རྗེས་ཀྱི་བྱ་བ་དག །ཐོག་མ་བར་དང་ཐ་མའི་བར། །རྩ་བ་དང་ནི་ཡན་ལག་གི། །འདྲེལ་ཞིང་ཚང་ལ་བརྩོན་པས་སྤྱད། །ལས་མཇུག་མནན་ཞིང་གཏད་པ་ལས། །བསྙེན་བསྒྲུབ་གནས་ལུགས་སྐྱེ་གནས་དང་། །ལས་ཁུང་རང་གནས་གནད་འགྲོལ་དང་། །སྤྱི་དང་ཕྱི་ཡི་སྐྱ་གཅོད་བྱ། །ཚད་དང་ཁུགས་དང་བསྡིམ་དང་སྤྱད། །ཀུན་ལ་མན་ངག་རིག་ལྡན་བྱ། །གཉེན་པོ་དངོས་གཞི་བསྒྲུབ་པ་དང་། །དྲིལ་དང་དབྱེ་དང་གནས་སྐྲོད་དང་། །དྲིལ་དང་འཕང་བ་རྒུད་པ་དང་། །འཐིབས་དང་གཟེར་དང་མཐའ་ལ་གཏད། །གཞུག་དང་བསྐྱིལ་དང་རྗེས་གཅད་པས། །དབབ་པ་གནས་སུ་བརྡེག་པར་བྱ། །ཆོས་ཉིད་བདེན་པའི་བལྟ་བ་དང་། །ཏིང་འཛིན་དམིགས་གསལ་བསྒོམ་པ་དང་། །དཔའ་བོ་བརྟུལ་ཞུགས་སྤྱོད་པ་དང་། །རབ་གནད་སྔགས་ཀྱི་དྲག་ཤུལ་དང་། །འཐད་རིགས་བདེན་པའི་ཚིག་སྟོབས་དང་། །རང་གཤེད་ཐབས་ཀྱི་ཡོན་ཏན་དང་། །བསོད་ནམས་ཚོགས་ཀྱི་དཔུང་བསྐྱེད་དང་། །གཉེན་པོ་སྟོབས་ལ་སོགས་པས་བཟློག །བསྲུང་བར་བྱ་བའང་དེ་བཞིན་ནོ། །ལུས་གནས་དང་ནི་བདག་པོ་གཉེར། །དུས་རྫས་ཐབས་དང་རྗེས་གཅད་དང་། །བསྲུང་དང་ནུས་པ་རྫོགས་པས་མནན། །ཐབས་ཤིང་རྫས་དང་སྔགས་དུས་ལྷ། །ཏིང་འཛིན་ལྡན་པས་བསྲེག་པར་བྱ། །བཤམ་དང་བསྒྲུབ་དང་བཤེ་བ་དང་། །ཕྱོགས་དུས་མ་ནོར་ལས་ཕྱེ་བས། །དཔང་གཟུགས་མཁྱེན་གསོལ་ལྡན་པས་ ― DNG014_Page_0511 ―
[མ་དཔེ་གཟིགས་ན་འདིར་གནོན།]
འཕང་། །གཞི་གནས་སྔོ་བའི་གསར་ཞིང་བསྒྲུབ། །བསྙེན་པ་བསྐྱར་དང་དྲག་སྔགས་དཀྲུག །རྫས་ཀྱིས་བདུག་དང་ཤི་ས་བསྟན། །ཉམས་པ་གསོ་ཞིང་བསྐང་བ་དང་། །ངག་བཀྲོལ་ལྷ་ཕྱེ་བསྙེན་བསྒྲུབ་དང་། །ལས་སྦྱོར་ལན་གསུམ་བསྐྱར་བས་སྦོགས། །མདོར་ན་མ་གྲུབ་བར་དུ་ནི། །བརྣག་ཅིང་བསྒྲུབ་པ་མན་ངག་གནད། །རང་བཞིན་འཁོར་འདས་ཆོས་རྣམས་ཀུན། །རང་གཞན་སྣང་བ་རྟོག་པ་སྟེ། །སྡེ་བརྒྱད་ལ་སོགས་ལྷ་དང་སྲིན། །མ་ལུས་རང་གི་སེམས་སྣང་བས། །གཞན་ནས་གྲུབ་པ་ཡོད་མ་མྱོང་། །སེམས་ཀྱང་རྟོག་པ་ཙམ་ཉིད་ལས། །དབྱིབས་དང་ཁ་དོག་དངོས་པོ་དང་། །མཚན་མའི་རྩ་བ་ཡོངས་མ་གྲུབ། །རང་གི་ངོ་བོ་ཉིད་ཀྱིས་སྟོང་། །དེ་ཉིད་ཀྱང་ནི་དེས་སྟོང་སྟེ། །མི་སྟོང་ཅུང་ཟད་ཡོད་མ་ཡིན། །སྟོང་པ་ཆེན་པོ་ཆོས་ཀྱི་སྐུ། །སྤྲོས་པའི་མཐའ་འཛིན་རྒྱུ་ནས་སྤང་། །སངས་རྒྱས་རྣམས་ཀྱི་ཐུགས་སྙིང་པོ། །འདི་ཉིད་ངང་ལ་གང་གནས་པ། །འཇིག་རྟེན་དྲེགས་པ་དབང་དུ་བསྒྱུར། །རྩ་བ་འདི་ཡིན་ཡན་ལག་གཞན། །ཀུན་གྱིས་འདི་ལ་བལྟ་བྱ་ཞིང་། །བསྒོམ་དང་རབ་ཏུ་སྤྱད་པར་བྱ། །གཙོ་བོར་སངས་རྒྱས་བསྟན་ལ་དམིགས། །རང་སེམས་དཔའ་དང་གདེང་ལྡན་པས། །ཏིང་ངེ་འཛིན་གྱི་གྲོགས་སུ་སྤྱད། །དམ་ཚིག་སྡོམ་པ་བསྲུང་སྦྱོར་བ། །མཆོག་དང་ཐུན་མོང་དངོས་གྲུབ་གཞི། །ཏིང་འཛིན་འཕྲོ་འདུ་གསལ་བ་ཡིས། །མངོན་སུམ་འདོད་པ་བཞིན་དུ་སྒྲུབ། །མན་ངག་ཐེ་ཚོམ་སྤྱད་པ་ཡིས། །འཇིག་རྟེན་རྟོག་པ་ངན་པ་ལྡོག །ལུས་སེམས་བདེ་བ་འཁོར་གཡོག་པས། །རང་བཞིན་རྟེན་འདྲེལ་རྫས་ཀྱིས་འགྲུབ། །བཅོལ་བསྐུལ་དམ་བདར་རྦད་པའི་གྲོགས། །བླ་སྲོག་གིས་ནི་དབང་མེད་འགྲོ། །བླ་རྟགས་ཀྱིས་ནི་དུས་མི་འགྱུར། །བསྒྲུབ་འཕེལ་དབེན་གནས་ཡོ་བྱད་ཡིན། །ཡོན་ཏན་ཡིན་ཏེ་སྐྱོན་རྣམས་ཀྱང་། །བསྙེན་བསྒྲུབ་ཚུལ་མཐར་མ་ཕྱིན་ ― DNG014_Page_0512 ―
[མ་དཔེ་གཟིགས་ན་འདིར་གནོན།]
པས། །དྲེགས་པ་རང་ལ་ལྡོག་པར་འགྱུར། །གསང་སྦྱོར་མི་ནུས་དུས་ལས་གཡེལ། །རྟེན་རྫས་མེད་ལ་རྟེན་མི་འདུ། །ཕ་རོལ་མཚན་རྟགས་མ་ཤེས་པས། །དུས་མིན་ཕྱལ་པར་འགྱུར་བ་ཡིན། །གནད་ལ་མ་ཕེབས་ལས་མི་བྱེད། །དཀའ་བ་མ་སྤྱད་ཐེ་ཚོམ་སྐྱེས། །གཞན་ལ་བསྒྲགས་པས་འཁོར་ལ་གནོད། །བསྲུང་སྡོམ་མི་ལྡན་དོན་མེད་སྤྱོད། །བསམ་ངན་གདུག་པས་ངན་འགྲོར་འཁྲིད། །ཉོན་མོངས་ཞེ་སྡང་དྲག་པོ་ཡིས། །གཉེན་པོས་མ་བསྒྱུར་རཱུ་ཏྲར་སྐྱེས། །ལས་རིམ་འཆོལ་པས་རང་ལ་ལྡོག །རྐྱང་པ་ཡ་བྲལ་སྒྲུབ་པ་ཡིས། །གནོད་པ་བསྐྱེད་ཅིང་ལས་མི་འགྲུབ། །མཁས་པར་མ་སྦྱངས་དམུས་ལོང་འགྲོ། །སྔགས་བསྡེབ་མེད་པས་ཡིད་སྤྱོད་དེ། །སྔར་མྱོང་མེད་ན་ཐེ་ཚོམ་ཡིན། །དེ་བས་གྲུབ་རྟགས་ལྡོག་རྟགས་དང་། །རང་གནོད་གཞན་གནོད་རྟགས་རྣམས་ཀུན། །མ་ནོར་མ་འཁྲུལ་གཏན་ལ་དབབ། །རླུང་འཚུབ་ཆུ་ཆེན་གཤིན་རྗེ་རྦད། །མི་དང་དུད་འགྲོ་ནག་པོའི་ཚོགས། །ལས་ཀྱི་རཱུ་ཏྲ་བྱུང་དང་འགྲོ། །མོ་ཚོགས་མ་མོའི་རྟགས་ཡིན་ཏེ། །ཐོག་སེར་ཆོ་འཕྲུལ་གནོད་སྦྱིན་ནོ། །མགོ་ཏུག་མི་མང་གནོད་སྦྱིན་ཏེ། །མཚོ་རྫིང་ཉ་སྦྲུལ་སྦལ་ལྕོང་ཀླུ། །བྱ་ཁྱི་ནག་ཚོགས་བདུད་འགོང་ཚོགས། །ཕོ་རིགས་དམག་དཔོན་སྲོག་བདག་གྱིང་། །གཙུག་ལག་ཁང་རྙིང་སྡེ་དང་བཅས། །རྒྱལ་པོ་དང་ནི་དཀོར་བདག་རྟགས། །མི་རྟ་ཞུབ་གོན་དར་འཕྱར་བ། །ལྷ་བཙན་བྱུང་ཞིང་འགྲོ་བའི་རྟགས། །མཚོན་ཆ་སྒྱོགས་དང་འུར་རྡོ་སོགས། །ལས་ཀྱི་སྲིན་པོ་མོན་པའི་རྟགས། །རི་དྭགས་གཅན་གཟན་ལས་གཤིན་རྗེ། །ཀུན་ཚོགས་པ་ནི་ཀུན་གྱི་རྟགས། །མཇུག་ཡང་མཁས་པས་དབྱེ་བསལ་རྦད་སོགས་བྱ། །ངན་པའི་རྟགས་བྱུང་རང་རང་ ― DNG014_Page_0513 ―
[མ་དཔེ་གཟིགས་ན་འདིར་གནོན།]
གི། །གཉེན་པོའི་སྟོབས་ཀྱིས་མྱུར་དུ་གཞིལ། །གཤིན་རྗེ་གཤེད་ཀྱི་འཁྲུལ་འཁོར་སྤྱད། །མ་མོས་ཐུན་ཟོར་ལས་ཀུན་སྤྱད། །གཟའ་ལྕམ་མ་སངས་ཆུ་རོམ་འབབ། །ཀླུ་ལ་ལས་འཇུག་གཏད་པར་བྱ། །གནོད་སྦྱིན་གྱིས་ནི་ཡོ་བྱད་སྤེལ། །ལྷ་ཡི་འཁོར་གྱིས་རྩལ་དྲག་སྟེ། །རྒྱལ་པོས་གློ་བུར་སྨྱོ་འབོག་གཏོང་། །གིང་ཞེས་བྱ་བ་མྱུར་མགྱོགས་ཏེ། །དགྲ་ལྷར་བཅས་པས་ཆོ་འཕྲུལ་གཏོང་། །གཤིན་རྗེ་མོན་པས་བླ་སྲོག་བརྐུ། །གིང་ཕྲན་བསྟོད་གནོད་ཀྱང་པས་རྫས་མི་འབྱོར། །དེ་དག་ལ་སོགས་ལྷ་སྲིན་གྱི། །བྱེ་བྲག་བསམ་གྱིས་མི་ཁྱབ་པས། །ལས་གཉེར་ལྷ་ཚོགས་སོ་སོར་བསྒྲུབ། །རང་གི་རིགས་དང་ལས་ཀྱི་གཉེར། །མ་ཤིས་གློ་བུར་སྦྱར་མི་བྱ། །དངོས་གྲུབ་ཀུན་འབྱུང་ལོག་པར་འགྱུར། །དེ་བས་རྡོ་རྗེ་འཛིན་གྱི་བཀའ། །མ་ནོར་མ་འཁྲུལ་ལེགས་སྤྱད་དེ། །བརྩོན་འགྲུས་དྲག་པོས་བསྒྲུབ་པར་བྱ། །ཕྱི་ལྟར་འཇིག་རྟེན་དྲེགས་པ་ཅན། །ནང་དུ་སེམས་ཀྱི་ཆོ་འཕྲུལ་ཡིན། །གསང་སྤྱོད་ཆོས་སྐུའི་ཡོན་ཏན་གྱིས། །ཕྲིན་ལས་སྣ་ཚོགས་གྲུབ་པའོ། །སྣང་བའི་འཛིན་པ་བདེ་གཤེགས་སྐུ། །སྒྲ་ཡི་རྣམ་རྟོག་དེ་ཡི་གསུང་། །དྲན་རིག་ཡིད་ནི་དམ་པའི་ཐུགས། །ཐ་དད་དབྱེ་བ་ཡོད་མ་ཡིན། །ཞེས་པའི་ཚིག་གིས་བསྙད་པ་ནི། །འཇིག་རྟེན་གནས་པའི་དྲེགས་པ་ཅན། །སྒྲུབ་པ་ཁ་སྐོང་ཚུལ་བཀོད་པའོ། །དེ་བས་མ་འོངས་ཕྱི་མའི་དུས། །ལྔ་བརྒྱ་པ་ཡི་སྙིགས་མ་ལ། །བསྟན་པ་མདོ་སྡེ་སྤྱོད་པའི་དུས། །ཨུ་རྒྱན་ཡུལ་དུ་སྐྱེས་པའི་སྲས། །ལག་ན་རྡོ་རྗེ་འབྱུང་གནས་ནི། །ཚིག་དང་ཡི་གེར་སྟོན་བྱེད་ཅིང་། །བྱིན་གྱིས་རླབས་ཀྱིས་སྤྱོད་བྱེད་དེ། །དེ་ནས་རིམ་པའི་ཚུལ་ལྡན་པས། །དགེ་སློང་རྡོ་རྗེ་འཛིན་པ་ཆེ། །ཤཱཀྱ་སེང་གེ་ཞེས་བྱ་བས། །མ་ ― DNG014_Page_0514 ―
[མ་དཔེ་གཟིགས་ན་འདིར་གནོན།]
ལུས་ཁོང་དུ་ཆུད་བྱས་ཏེ། །ཤམ་བྷ་ལ་ཡི་ཡུལ་དག་ཏུ། །རང་བྱུང་གཙུག་ལག་ཁང་ཆེན་དུ། །འཇམ་དཔལ་འཁོར་དང་བཅས་ལ་སྟོན། །དེ་དག་རང་རིག་སོ་སོ་ཡིས། །མོས་པའི་རྣམ་གྲངས་སྤྱོད་པ་ཡིས། །འབྲས་བུ་ཐུན་མོང་མཆོག་ཏུ་འཛིན། །སྤྱི་འདུས་རྒྱལ་པོ་རྒྱུད་ཀྱི་མཆོག །ལུང་དང་རྩ་བ་ཡན་ལག་བཅས། །འཇམ་དབྱངས་སྐྱེས་མཐའི་རིག་པ་འཛིན། །བྱང་ཆུབ་སེམས་དཔའ་གཞན་དོན་སྤྱོད། །ས་ལམ་རིམ་པ་རྫོགས་ལ་སྣང་། །དེ་ནས་སྤྲུལ་པ་བྱེ་བྲག་བརྒྱ། །འཛམ་བུ་གླིང་རྣམས་བྱེ་བྲག་བརྒྱར། །ལས་དང་བསམ་པ་བྱེད་པ་དང་། །ཁམས་དང་རིགས་མཐུན་ཁོ་ན་སྟེ། །ཚུལ་གཅིག་དག་གི་སྦྱོར་བ་ཡིས། །ཡན་ལག་བྱིན་གྱིས་བརླབ་པ་དག །མཐུན་འཇུག་ཐབས་ཀྱིས་འགྲོ་དོན་སྤྱོད། །བརྒྱུད་པའི་དབང་དང་དྲོད་དག་གིས། །འདི་དོན་རྟོགས་ཤིང་སྤྱོད་པ་ཡིན། །དེ་ཡི་དུས་ན་རིག་པ་འཛིན། །སྐྱེས་བུ་ཆེན་པོའི་གཟུགས་ཅན་རྣམས། །ཕྱི་རོལ་པ་ཡི་ཆོས་མཐུན་པ། །རྟོག་གེ་ངན་པའི་ཚིག་སྨྲ་བས། །འདི་ལ་ཕྱིར་རྒོལ་རྩོད་བྱེད་དེ། །ང་ལ་ལྷ་སྦྱིན་རྒོལ་དང་མཚུངས། །གླགས་རྙེད་གྱུར་པ་མ་ཡིན་ནོ། །མོས་སྤྱོད་དོན་གྱི་དབང་དག་གིས། །རྣམ་པར་རྟོག་པ་གཉིས་སྣང་ལ། །ཐ་སྙད་ཡི་གེ་སོ་སོར་སྟོན། །དོན་མཐར་ཐུག་ལ་སྐྱོན་དང་བྲལ། །ཁ་ཅིག་རྣམ་རྟོག་ངན་པས་བསླུས། །ལོག་པའི་སྣང་བས་བསྙད་གྱུར་ཀྱང་། །ཉེས་པའི་ལམ་ལ་དབང་བའི་དུས། །དངངས་ཤིང་གནོང་འགྱོད་ཡིད་དག་གིས། །སེམས་དང་ལྡན་པས་འཇུག་བྱེད་པ། །དཀའ་ཐུབ་མཐར་ཕྱིན་ལ་སོགས་འབྱུང་། །དེ་ལྟ་བས་ན་རྒྱུད་ཆེན་འདི། །དུས་གསུམ་སངས་རྒྱས་ཀྱིས་བཤད་པས། །བསམ་ བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལྡེ་མིག་གི་རྒྱུད་ཅེས་བྱ་བ།― DNG014_Page_0515 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བྷ་ག་བཱན་སརྦ་སུ་ག་ཏ་ས་མུ་དཱ་ཡེ་ཏནྟྲ་པྲ་བྷེ་ད་ཀུཉྩི་ཀ་ཏནྟྲ་ན་མ། བོད་སྐད་དུ། བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལྡེ་མིག་གི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ― DNG014_Page_0516 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་དཔལ་ཀུན་ཏུ་བཟང་པོ་དང་ཡུམ་ཀུན་ཏུ་བཟང་མོ་བདེ་བར་གཤེགས་པའི་འཁོར་དཔག་ཏུ་མེད་པ་དང་བཅས་པ། རང་བཞིན་ལྷུན་གྱིས་གྲུབ་པ་འོག་མིན་གྱི་གནས་ན་མཐའ་དང་དབུས་མེད་ཅིང་གཞི་ཚད་ལས་འདས་པ། རྒྱ་དང་ཕྱོགས་ཡོངས་སུ་མ་ཆད་པ་ཡེ་ཤེས་ཀྱི་རིན་པོ་ཆེ་འབར་བའི་གཞལ་ཡས་ཁང་ཡོན་ཏན་དཔག་ཏུ་མེད་པས་རྒྱས་པར་གྱུར་པའི་ཕོ་བྲང་ཆེན་པོ་རྣམ་པར་དག་པ་ན། བདེ་བར་གཤེགས་པ་ཏིལ་གྱི་གང་བུ་བཞིན་དུ་བཞུགས་པ་རབ་ཏུ་གསལ་བའི་ཚོགས་ཆེན་པོ་འདུས་པ་ལ། བཅོམ་ལྡན་འདས་དཔལ་ཀུན་ཏུ་བཟང་པོས་ཆོས་ཐམས་ཅད་ཀྱི་རང་བཞིན་མཉམ་པ་ཉིད་སྤྲོས་པ་དང་བྲལ་བ་ལྷུན་གྱིས་གྲུབ་པའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །ཆོས་ཀུན་སྐྱེ་བ་མེད་པ་ལ། །མཉམ་པ་ཉིད་ཀྱི་ངང་གནས་ཀྱང་། །ཀུན་རྫོབ་སྒྱུ་མའི་ཚུལ་གྱིས་ནི། །མ་སྐྱེས་པ་ལས་མ་འགག་མཐོང་། །རྡོ་རྗེ་ལྟ་བུའི་ཏིང་འཛིན་གྱིས། །ཐམས་ཅད་བྱང་ཆུབ་སེམས་སུ་གཅིག །སྣང་བ་ཐ་དད་སྣ་ཚོགས་ཏེ། །གཅིག་དང་དུ་མ་བརྗོད་ལས་འདས། །ཀྱེ་ཀྱེ། བྱང་ཆུབ་སེམས་ཀྱི་རང་བཞིན་ནི། །ངོ་བོ་གཅིག་ལས་ཐ་དད་སྣང་། །དཔེ་དོན་མཉམ་ཉིད་ལྷུན་གྱིས་གྲུབ། །ནམ་མཁའ་བཞིན་དུ་བརྟག་དཀའ་ཞིང་། །ཅི་ཡང་མེད་ལས་ཅིར་ཡང་སྣང་། །འཁོར་བ་ཉིད་ཀྱང་མྱ་ངན་འདས། །མ་རིག་པ་ཡང་ཡང་དག་ལམ། །རྣམ་པར་རྟོག་པའང་ཆོས་ཀྱི་སྐུ། །སྐྱེ་བ་མེད་པ་གཞི་ཡིན་ཏེ། །མ་འགགས་སྣང་བ་ལམ་ཡིན་ནོ། །ལྷུན་གྱིས་གྲུབ་པ་འབྲས་བུ་སྟེ། །སྐྱེ་ཞིང་འཕོ་བའི་གནས་མེད་དོ། །རྡོ་རྗེ་ལྟ་བུའི་དགོངས་པ་ལ། །བྱིན་རླབས་ཐུགས་རྗེ་ཆེན་པོ་ཡིས། ། ― DNG014_Page_0517 ―
[མ་དཔེ་གཟིགས་ན་འདིར་གནོན།]
སྟོང་གསུམ་རྒྱལ་བའི་སྐུས་ཁྱབ་ཀྱང་། །བྱང་ཆུབ་སེམས་ལ་གཡོ་བ་མེད། །མཁའ་དང་འཇའ་ཚོན་ཇི་བཞིན་ནོ། །འཁོར་བའི་བདེ་སྡུག་རྒྱུ་འབྲས་དང་། །བདེ་གཤེགས་སྐུ་དང་ཡེ་ཤེས་ཚོགས། །བྱང་ཆུབ་སེམས་ཀྱི་ངོ་བོར་གཅིག །བྱང་ཆུབ་སེམས་ལ་སྐྱེ་ཤི་མེད། །ཆོས་ཀྱི་སྐུ་ལ་འདུ་འབྲལ་མེད། །འཁོར་འདས་ཆོས་ལ་བཟང་ངན་མེད། །མཉམ་པ་ཉིད་ལ་རྒྱུ་འབྲས་མེད། །སེམས་ཉིད་རྩལ་ལ་འགག་པ་མེད། །གཟུང་འཛིན་འཁྲུལ་པའི་སྣང་བ་ལས། །བལྟར་མེད་བསྒོམ་ཞིང་དཔྱད་པ་མེད། །བསྲུང་མེད་ཐོབ་མེད་ལྷུན་གྱིས་གྲུབ། །མ་ནོར་མ་བཅོས་ཆོས་ཉིད་ལ། །རང་བཞིན་སྐྱེ་མེད་ཆོས་ཀྱི་དབྱིངས། །མི་འགྱུར་ལྷུན་གྲུབ་བྱང་ཆུབ་སེམས། །རྒྱུ་དང་འབྲས་བུ་མ་འགགས་ཆོས། །རྒྱ་མཚོར་ཆུ་བྲན་འདུ་བ་ལྟར། །འཁོར་འདས་འུབ་ཆུབ་ཀུན་ཏུ་འདུས། །བཅུད་མཆོག་སྙིང་པོ་རྡོ་རྗེའི་དོན། །བསམ་མེད་བརྗོད་མེད་བསྟན་དུ་མེད། །ངེས་པ་འདི་ཉིད་མ་རྟོགས་ན། །རྟོག་པ་སྣ་ཚོགས་འཆིང་བའི་རྒྱུ། །ང་ནི་རང་བྱུང་བཅོམ་ལྡན་འདས། །འོག་མིན་ཆོས་དབྱིངས་གནས་མཆོག་ན། །དག་པ་ཉིད་ལ་དག་པ་སྟོན། །མཉམ་ཉིད་ཀློང་ནས་གསལ་བར་ཉོན། །ཀྱེ་ཀྱེ། དག་པ་དྲི་མ་མེད་པའི་ཆོས། །བླ་མེད་བྱང་ཆུབ་སྒྲུབ་པའི་ཐབས། །འཁོར་བའི་རྣམ་རྟོག་གཞོམ་པ་དང་། །ཐུགས་རྗེས་འགྲོ་བ་དྲང་བའི་ཕྱིར། །གཉིས་མེད་དགེས་པའི་ཚུལ་དུ་མཛོད། །ཅེས་བསྐུལ་ཞིང་གླུ་བླངས་པས། ཡུམ་ཀུན་ཏུ་བཟང་མོས་བསྐུལ་པ། ཀྱེ་ཀྱེ། བདེ་བར་གཤེགས་པ་ཀུན་གྱི་གཙོ། །མཉམ་པ་ཆེན་པོའི་ངང་ཉིད་ལས། །གང་གིས་འདུལ་བ་དེ་བསྟན་ཕྱིར། །གཙོ་བོ་མཆོག་ལ་གཉིས་མེད་བྱ། །ཞེས་བསྐུལ་ཏོ། །དེ་ནས་ཡབ་ཀྱིས་བསྐུལ་པ། ཀྱེ་ཧོ། དགེས་པ་ཆེན་པོ་གསང་བའི་ཐུགས། །མཉམ་པ་ཉིད་ལས་མཉམ་པར་བཞེངས། །བདེ་བར་གཤེགས་པའི་ཐུགས་ཀྱི་སྲས། །ཁྱབ་པའི་དོན་དུ་མངོན་པར་དབྱུང་། །ཞེས་བསྐུལ་ཏོ། །དེ་ནས་ཡང་ཡུམ་གྱིས་བསྐུལ་པ། ཀྱེ་ཀྱེ། འགྲོ་བའི་དེད་དཔོན་གཉེན་གཅིག་པོ། །མ་རིག་མུན་པ་འཇོམས་པའི་བདག །གཉིས་མེད་བདེ་བའི་ ― DNG014_Page_0518 ―
[མ་དཔེ་གཟིགས་ན་འདིར་གནོན།]
དབྱིངས་དཀྱིལ་དུ། །བདེ་བ་ཆེན་པོ་དབབ་ཏུ་གསོལ། །ཞེས་བསྐུལ་ཏོ། །དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་ཀྱི་མཉམ་པ་ཉིད་ཀྱི་རང་བཞིན་རྡོ་རྗེ་ཆགས་པའི་རྒྱལ་པོ་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་ནས་དབྱིངས་ཀྱི་ཡུམ་ཆེན་མོ་ལ་རབ་ཏུ་བསྐུལ་པ། ཀྱེ་ཧོ། སྐྱེ་མེད་མཁའ་དབྱིངས་དག་པའི་ཡུམ། །བདེ་ཆེན་དབྱིངས་ཀྱི་བདག་ཉིད་མ། །ཐུགས་རྗེའི་གདུལ་བྱ་བསྟན་པའི་ཕྱིར། །གསང་བའི་བདེ་ཆེན་སྐྱེད་མཛོད་ཅིག །ཅེས་བསྐུལ་ཏོ། །དེ་ནས་ཡང་ཡུམ་གྱིས་བསྐུལ་པ། ཧོ། འགྲོ་བ་འདུལ་བའི་དེད་དཔོན་གཙོ། །དགེས་པའི་རྡོ་རྗེ་དཔའ་བོ་ཡིས། །བྱང་ཆུབ་སེམས་རྒྱུན་བདེ་བ་ཡི། །སྤྲིན་ཚོགས་ཆར་ཆེན་དབབ་ཏུ་གསོལ། །ཞེས་བསྐུལ་པས། ཡབ་ཀྱིས་ས་མ་ཡ་ཧོ། ཞེས་བསྐུལ་པས། ཡུམ་གྱིས་ས་མ་ཡ་སྟཾ། ཞེས་བསྐུལ་ཏོ། །ཡབ་ཀྱིས་ར་ཧོ྅ཧཾ། ཞེས་བསྐུལ་པས། ཡུམ་གྱིས་རཱ་ག་ཡཱ་མི། ཞེས་བསྐུལ་ཏེ། རོལ་པ་ཆེན་པོ་མཛད་པ་ལས། ཨོཾ་སརྦ་ཏ་ཐཱ་ག་ཏཱ་ཡ་ཨ་ནུ་རཱ་ག་ཎ་བཛྲ་སྭཱ་བྷཱ་བ་ཨཱདྨ་ཀོ྅ཧཾ་ཛཿཧཱུཾ་བཾ་ཧོཿ། ཨོཾ་ཧཱུཾ་ཏྲཱཾ་ཧྲཱྀཿཧ། ཞེས་བྱ་བས་བདེ་བར་གཤེགས་པའི་རིགས་དཔག་ཏུ་མེད་པ་ཞིང་ཁམས་ཀྱི་བཀོད་པ་ཆེན་པོ་དང་། དཀྱིལ་འཁོར་གྱི་འཁོར་ལོ་རབ་ཏུ་རྫོགས་པ་དང་། ཞི་བ་དང་ཁྲོ་བོའི་རྣམ་པ་དང་། ཡབ་དང་ཡུམ་གྱི་རང་བཞིན་དུ་སྣང་བ་དང་། སྐུ་སོ་སོའི་རྒྱན་གཅིག་པར་སྣང་བ་དང་། སྤྲུལ་པ་དང་ལས་སྒྲུབ་པའི་ཚོགས་ཀྱི་འཁོར་དང་བཅས་པ་དཔག་ཏུ་མེད་པ་རབ་ཏུ་སྣང་བར་གྱུར་ཏོ། །སྙིང་པོ་དེ་ཁོ་ན་ཉིད་ལས། རོལ་པ་ཆེན་པོའི་གླེང་གཞིའི་ལེའུ་སྟེ་དང་པོའོ།། །།དེ་ནས་ཕྱོགས་བཅུའི་དེ་བཞིན་གཤེགས་པ་ཞི་བའི་ཆ་ལུགས་ཀྱི་བདག་ཉིད་ཅན་རྣམས་ཀྱིས་མགྲིན་གཅིག་ཏུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་ཀྱེ། བདེ་བར་གཤེགས་པ་ཆོས་ཀྱི་སྐུ། །མ་འོངས་ཕྱི་མའི་དུས་ཀྱི་ཚེ། །གདུལ་བྱ་འདོད་ཆགས་ཅན་དོན་དུ། །རིགས་ཀྱི་བདག་པོ་ཞི་བའི་ཚོགས། །ཀུན་ནས་རབ་ཏུ་བསྒྲུབ་པའི་ཐབས། །ཆོ་ག་ཡན་ལག་ཡོངས་ ― DNG014_Page_0519 ―
[མ་དཔེ་གཟིགས་ན་འདིར་གནོན།]
རྫོགས་པ། །དམན་དང་བར་མ་མཆོག་རབ་དོན། །རྒྱས་བསྡུས་ཤིན་ཏུ་རབ་ཏུ་བསྡུས། །རྟོག་པའི་དྲ་བ་གཞོམ་པའི་ཕྱིར། །མ་ལུས་གསལ་བར་བསྟན་དུ་གསོལ། །ཞེས་གསོལ་པ་དང་། བཅོམ་ལྡན་འདས་ཀྱིས་ཉིད་ཀྱི་ཞལ་འཛུམ་པ་ཆེན་པོ་མཛད་པའི་འོད་ཟེར་གྱི་དྲ་བ་ཆེན་པོ་དཔག་ཏུ་མེད་པས་འཇིག་རྟེན་གྱི་ཁམས་མ་ལུས་པ་ཁྱབ་པར་མཛད་ནས། ནམ་མཁའ་དང་མཉམ་པའི་འཁོར་གྱི་དཀྱིལ་འཁོར་གྱི་ཚོགས་ལ་འདི་སྐད་ཅེས་བཀའ་སྩལ་ཏོ། །ཀྱེ་མ་འདུས་པའི་འཁོར་རྣམས་ཉོན། །ཕྱོགས་བཅུའི་རྒྱལ་བ་དེ་བཞིན་གཤེགས། །མ་ལུས་བསྡུས་པའི་སྐུ་གསུང་ཐུགས། །དམ་པ་རིགས་བརྒྱའི་ངང་ཉིད་དེ། །དེ་ཉིད་བསྙེན་ཅིང་བསྒྲུབ་པ་ནི། །ཕུན་སུམ་ཚོགས་པའི་བཅུད་ལྡན་པས། །མ་ཉམས་སྣོད་དང་ལྡན་ལ་བསྟན། །རི་བོ་དབེན་པའི་གནས་མཆོག་ཏུ། །འདུ་འཛི་སྤངས་པའི་རྣལ་འབྱོར་པས། །ཕུན་སུམ་ཚོགས་པ་ལྔ་ལྡན་ནས། །ས་ཡི་ཆོ་ག་རྒྱས་པ་སྟེ། །བརྟག་སྤྱད་བསླང་ཞིང་མཁྱེན་པར་གསོལ། །ཕྱི་ནང་གནས་དང་སྦྱར་བའི་ཁྱོན། །ཆག་ཆག་སྐྱང་ནུལ་ལེགས་བྱས་ཏེ། །ཁྲོ་བོའི་སྟངས་སྟབས་མཚམས་ཀྱིས་བསྐོར། །བཀའ་བསྒོ་བསྐྲད་དང་བསྲུང་བར་བྱ། །མཚན་ཉིད་ལྡན་པའི་གྲོགས་དང་བཅས། །བྱིན་གྱིས་བརླབས་པའི་སྲད་བུ་ཡིས། །དཀྱིལ་འཁོར་ཕོ་བྲང་ཐིག་གདབ་པ། །རྡོ་རྗེ་ཁུ་ཚུར་བྱིན་བརླབས་ནས། །སློབ་དཔོན་ཤར་བལྟས་སློབ་མ་ཡིས། །ནུབ་ཏུ་བལྟས་ཏེ་གདབ་པར་བྱ། །ཕོ་བྲང་རྫོགས་པའི་དཀྱིལ་འཁོར་དགུ། །རྡོ་རྗེའི་ས་དང་གདུང་གིས་བཅད། །སྤྱི་དང་བྱེ་བྲག་ཕྱི་དང་ནང་། །ཕྱོགས་དང་མཚམས་ཀྱི་ཕྱེད་ཀྱིས་དབྱེ། །བར་ཁྱམས་སྒོ་དང་རྟ་བབས་བཅས། །འདོད་པའི་ཡོན་ཏན་ལྷ་མོའི་གནས། །རིན་པོ་ཆེ་ཡི་བརྩིག་པ་དང་། །ཀ་བ་རྡོ་རྗེ་ཟླ་ཕྱེད་དང་། །པདྨ་དྲ་བ་མདའ་ཡབ་བཅས། །འཁོར་ལོ་རི་དྭགས་གདུགས་ཀྱིས་མཛེས། །རྡོ་རྗེའི་ར་བ་མེ་འོད་འབར། །གཞན་ཡང་རྒྱན་རྟགས་སྣ་ཚོགས་པ། །རིན་པོ་ཆེ་འམ་འབྲུ་སྣ་ཡིས། །ཕྱི་ནང་ཀུན་ཏུ་ལེགས་པར་བྲི། །ཕོ་བྲང་དགུ་ཡི་དབུས་ཉིད་དུ། །འཁོར་ལོ་རྩིབས་ ― DNG014_Page_0520 ―
[མ་དཔེ་གཟིགས་ན་འདིར་གནོན།]
བརྒྱད་ཀུན་ཏུ་ལྡན། །དེ་ཉིད་གྲུ་ཆད་ཁྱམས་དང་བཅས། །བདེ་གཤེགས་རྡོ་རྗེ་རིན་པོ་ཆེ། །པདྨ་ལས་ཀྱི་རིགས་རྣམས་ཀྱི། །དབུས་ནས་ཤར་ལྷོ་ནུབ་བྱང་སོགས། །དཀར་མཐིང་སེར་དམར་ལྗང་གུ་ཡི། །རིམ་བཞིན་ཁ་དོག་ལྡན་པའོ། །ཕྱི་རོལ་ཕན་ཆོད་གདབ་པ་དང་། །སྣང་བྱེད་དྲ་བ་འཕྱང་བས་བརྒྱན། །སྐུ་གསུང་ཐུགས་ཀྱི་མཚན་མ་དགོད། །མཉེས་པའི་ཡོ་བྱད་སྣ་ཚོགས་བསྟར། །ཆོ་འཕྲུལ་བཞི་དང་ཏིང་འཛིན་གསུམ། །མངོན་པར་བྱང་ཆུབ་རྣམ་པ་ལྔ། །ཆོ་ག་གསུམ་དང་ཡན་ལག་བཞི། །དཀྱིལ་འཁོར་བསྒྲུབ་པ་ཁོ་ནའོ། །སྙིང་རྗེའི་ཡུལ་ལ་དམིགས་པ་དང་། །བྱམས་པ་དགའ་བ་བཏང་སྙོམས་ཀྱིས། །ཆོ་འཕྲུལ་བསྐྱེད་དེ་མ་ལུས་སྦྱང་། །སྟོང་ཞིང་བདག་མེད་དེ་བཞིན་ཉིད། །ཀུན་ཏུ་སྣང་བའི་སྙིང་རྗེ་གསུམ། །མེད་པ་ལས་ནི་ཡོད་པའི་རྒྱུ། །ཕྱི་ནང་དངོས་པོ་ཀུན་སྦྱངས་ཏེ། །ཡེ་ཤེས་ས་ལ་གནས་པ་ལས། །གཟུང་འཛིན་མཚན་མ་ཀུན་བྲལ་ཞིང་། །རང་བཞིན་ཆོས་ཉིད་ངང་གིས་གསལ། །སྟོང་ཉིད་ངང་གནས་ཆོས་ཀྱི་དབྱིངས། །མེ་ལོང་ལ་ནི་གཟུགས་བརྙན་བཞིན། །ཡུལ་དངོས་རིགས་ཀུན་གསལ་བར་སྣང་། །ཆོས་རྣམས་སྟོང་པ་རབ་སྦྱོར་ཞིང་། །བདག་གཞན་མཚུངས་པ་མཉམ་པ་ཉིད། །མ་སྐྱེས་རང་བཞིན་མེད་པ་ཡི། །དམིགས་མེད་ཆོས་ལ་སོ་སོར་བརྟག །སེམས་བསྐྱེད་པ་དང་སྨོན་ལམ་གྱིས། །ནུས་པ་མཐར་ཐུག་ནན་ཏན་བསྐྱེད། །ཇི་ལྟར་བཤད་པའི་དཀྱིལ་འཁོར་དབུས། །པདྨ་ཉི་མ་ཟླ་བའི་སྟེང་། །ལྷ་རྣམས་སོ་སོའི་ཡི་གེ་ཉིད། །རང་གི་ཁ་དོག་མཐུན་པ་ལས། །འོད་ཟེར་སྣ་ཚོགས་རབ་སྤྲོས་པས། །སེམས་ཅན་ཁམས་ཀུན་ཐབས་ཀྱིས་སྦྱངས། །སླར་འདུས་དམིགས་པ་དག་མཛད་དེ། །ཡི་གེ་སྙིང་པོ་ཕྱག་མཚན་ཐུགས། །དེ་ལས་ཡན་ལག་བཞི་སྦྱར་བས། །རང་གི་ལུས་ཀུན་ཡོངས་རྫོགས་ཏེ། །འཁོར་ལོ་དབུས་ཀྱི་གདན་སྟེང་དུ། །གཙོ་ཆེན་རྣམ་པར་སྣང་མཛད་དང་། །ཡུམ་ཆེན་ཆོས་དབྱིངས་ཀུན་བཟང་མོ། །ཕྱོགས་མཚམས་འཁོར་ལོའི་རྩིབས་རྣམས་ལ། །མི་བསྐྱོད་པ་དང་རིན་འབྱུང་ལྡན། །སྣང་བ་ ― DNG014_Page_0521 ―
[མ་དཔེ་གཟིགས་ན་འདིར་གནོན།]
མཐའ་ཡས་དོན་ཡོད་གྲུབ། །སྤྱན་མ་གོས་དཀར་མཱ་མ་ཀཱི། །དམ་ཚིག་སྒྲོལ་མ་རྣམས་ཀྱིས་བསྐོར། །ཤར་ཕྱོགས་དཀྱིལ་འཁོར་དབུས་ཉིད་དུ། །སེམས་དཔའ་ཀུན་ཏུ་བཟང་པོ་དང་། །ཡུམ་ཆེན་རྡོ་རྗེ་དབྱིངས་ཕྱུག་མ། །དེ་བཞིན་འཁོར་ལོའི་རྩིབས་དག་ལ། །རྡོ་རྗེ་སེམས་དཔའ་རྒྱལ་པོ་དང་། །ཆགས་པ་དང་ནི་ལེགས་པ་དག །སྒེག་པ་མ་དང་བདུག་པ་མ། །ལྕགས་ཀྱུ་མ་དང་མེ་སྒྲོན་མ། །ཕྱོགས་དང་མཚམས་ལ་རིམ་བཞིན་དགོད། །ལྷོ་ཕྱོགས་དབུས་སུ་འཇམ་དཔལ་དང་། །རིན་ཆེན་དབྱིངས་ཕྱུག་ཡུམ་དང་བཅས། །རྡོ་རྗེ་རིན་ཆེན་གཟི་བརྗིད་དང་། །རྒྱལ་མཚན་དང་ནི་བཞད་པ་སྟེ། །ཕྲེང་བ་མ་དང་བདུག་པ་མ། །ཞགས་པ་མ་དང་བདེ་བ་མ། །ཡབ་ཡུམ་ཕྱོགས་མཚམས་རྩིབས་ལའོ། །ནུབ་དབུས་སྤྱན་རས་གཟིགས་དབང་ལ། །ཡུམ་ཆེན་པདྨའི་དབྱིངས་ཕྱུག་མ། །རྡོ་རྗེ་ཆོས་དང་རྣོན་པོ་དང་། །སྨྲ་བ་དང་ནི་འཁོར་ལོ་སྟེ། །དབྱངས་མཁན་མ་དང་མར་མེ་མ། །ལྕགས་སྒྲོག་མ་དང་གསལ་བཀྲ་མ། །ཕྱོགས་མཚམས་ལ་ནི་རིམ་བཞིན་དགོད། །བྱང་ཕྱོགས་དབུས་སུ་རྡོ་རྗེ་འཛིན། །ལས་ཀྱི་དབྱིངས་ཕྱུག་ཡུམ་བཅས་ལ། །རྡོ་རྗེ་ལས་དང་སྲུང་བ་དང་། །རྡོ་རྗེ་གནོད་སྦྱིན་ཁུ་ཚུར་དང་། །གར་སྒྱུར་མ་དང་བྱུག་པ་མ། །དྲིལ་བུ་མ་དང་འབེབས་པ་མ། །ཕྱོགས་མཚམས་རིམ་བཞིན་བསྐོར་ཞིང་དགོད། །ཤར་ལྷོ་མཚམས་ཀྱི་དཀྱིལ་འཁོར་དབུས། །སེམས་དཔའ་ས་ཡི་སྙིང་པོ་ཉིད། །ཡུམ་ཆེན་རྡོ་རྗེ་སེམས་མར་བཅས། །ཕྱོགས་མཚམས་རྩིབས་ལ་དགོད་པ་ནི། །སེམས་དཔའ་ཆོས་ཀྱི་རྒྱལ་མཚན་དང་། །དབང་ཕྱུག་རྒྱལ་པོ་བཀོད་པའི་རྒྱན། །རིན་ཆེན་འོད་འཕྲོ་ཕྱོགས་བཞིར་དགོད། །བདེ་བ་རྒྱས་འདེབས་རྨོངས་བྱེད་དང་། །ཚེ་འཕེལ་མ་དང་ཟ་བྱེད་མ། །གསང་བའི་ཡུམ་བཞི་མཚམས་ལ་དགོད། །ལྷོ་ནུབ་འཁོར་ལོའི་དབུས་དག་ཏུ། །གཙོ་བོ་ནམ་མཁའི་སྙིང་པོ་ལ། །ཡུམ་ཆེན་རིན་ཆེན་སེམས་མ་སྟེ། །ཕྱག་རྒྱའི་རྒྱལ་པོ་སྣང་བའི་མཆོག །སྤོབས་པའི་རྒྱལ་པོ་སྤོབས་པ་བརྩེགས། །ཡུམ་ཆེན་ཁྲུས་ཀྱི་ལྷ་མོ་དང་། །རྒྱལ་མཚན་བླ་རེ་གདུགས་ལྷ་མོ། །སེམས་དཔའ་སེམས་མ་བརྒྱད་ ― DNG014_Page_0522 ―
[མ་དཔེ་གཟིགས་ན་འདིར་གནོན།]
ཀྱིས་བསྐོར། །ནུབ་བྱང་དབུས་སུ་བྱམས་པ་དང་། །ཡུམ་ཆེན་པདྨའི་སེམས་མ་ལ། །པདྨའི་རྒྱལ་པོ་དམ་པ་དང་། །རྡོ་རྗེ་མི་གཡོ་ཐོགས་མེད་དང་། །པདྨ་ཅན་དང་འཛིན་བྱེད་མ། །སྐྱོན་བྲལ་རྣམ་རྒྱལ་མ་ཡིས་བསྐོར། །བྱང་ཤར་དཀྱིལ་འཁོར་དབུས་དག་ཏུ། །གཙོ་བོ་སྒྲིབ་པ་རྣམ་སེལ་དང་། །ཡུམ་ཆེན་ལས་ཀྱི་སེམས་མ་ལ། །རིན་ཆེན་དབང་ཕྱུག་ཐུབ་པའི་ལས། །དགའ་བར་སྟོན་དང་མི་གཡོའི་མཐའ། །ལྷ་མོ་སྐྱབས་ཅན་དྲི་མེད་མ། །སྒྲ་གཅན་མ་དང་ཐོགས་མེད་མ། །ཐབས་ལྡན་སེམས་དཔའ་སེམས་མས་བསྐོར། །ཕྱི་རོལ་ཁྱམས་ཀྱི་ཆ་དག་ལ། །ལྷ་དང་ལྷ་མིན་མི་རྣམས་དང་། །བྱོལ་སོང་ཡི་དྭགས་དམྱལ་བ་ཡི། །ཐུབ་པ་ཆེན་པོ་དྲུག་བཞུགས་བྱ། །ཕྱི་ནང་ཕྱོགས་ཀྱི་སྒོ་བཞི་རུ། །ལྕགས་ཀྱུ་ཞགས་པ་ལྕགས་སྒྲོག་མ། །དྲིལ་བུ་མ་རྣམས་རིམ་བཞིན་བསྒོམས། །དེ་དག་ཀུན་གྱི་ཕྱག་མཚན་དང་། །སྐུ་མདོག་རྒྱན་རྟགས་མ་ལུས་པ། །ང་ཡིས་སྔོན་དུ་བཤད་པ་བཞིན། །སོ་སོའི་མིང་གིས་བསྐྱེད་པར་བྱ། །གསལ་འཚེར་ལྷུན་སྡུག་གཟི་བརྗིད་འབར། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །མཚན་དང་དཔེ་བྱད་མ་ལུས་རྫོགས། །མཉམ་ལ་མ་འདྲེས་འཇའ་ཚོན་འདྲ། །གསལ་ལ་མི་རྟོག་མེ་ལོང་གི། །གཟུགས་བརྙན་བཞིན་དུ་བསྒོམ་པར་བྱ། །རིགས་ཀྱི་བདག་པོ་སོ་སོ་ཡི། །སྐུ་གསུང་ཐུགས་ཀྱིས་བྱིན་བརླབ་ཅིང་། །ཡེ་ཤེས་ལྔ་ཡི་དབང་བསྐུར་བྱ། །ཨོཾ་ཨཱཿཧཱུཾ། གནས་གསུམ་སོ་སོར་བསྒོམ་བྱ་བ། །དཀར་དམར་མཐིང་གའི་མདོག་ལྡན་པ། །འཁོར་ལོ་རྡོ་རྗེ་རྒྱ་གྲམ་ལ། །ཁྱད་པར་ལྡན་པ་བསྒོམ་པར་བྱ། །ཨོཾ་ཧཱུཾ་ཏྲཱཾ་ཧྲཱྀཿཧཱ། ཉི་མའི་དཀྱིལ་འཁོར་ལ་གནས་པའི། །རིགས་ཀྱི་གཙོ་བོས་དབུ་བརྒྱན་ཅིང་། །ཡེ་ཤེས་སེམས་དཔའ་རང་ལྟ་བུ། །ཚོན་གང་སོ་སོའི་སྙིང་ལ་གནས། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་མ་ཧཱ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་མ་ཧཱ་ཨཱ་དཪྴ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་མ་ཧཱ་པྲ་ཏྱ་བེ་ཀྵ་ཎ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་བྷཱ་བ་ ― DNG014_Page_0523 ―
[མ་དཔེ་གཟིགས་ན་འདིར་གནོན།]
ཨཱདྨ་ཀོ྅ཧཾ། ཨོཾ་མ་ཧཱ་ཀྲྀ་ཏྱཱ་ནུཥྛཱ་ཎ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་པཱུ་ཛ་པྲ་བརྟྟ་ཡ་བཛྲ་སྭ་བྷཱ་བ་ཨཱདྨ་ཀོ྅ཧཾ། ཕུང་པོ་ཁམས་དང་སྐྱེ་མཆེད་དང་། །ཡུལ་དངོས་སྣང་བ་མ་ལུས་ཚོགས། །དམ་ཚིག་སེམས་དཔའི་ལྷར་བསྒོམས་ནས། །ཡེ་ཤེས་དཀྱིལ་འཁོར་དགུག་པ་ནི། །གཙོ་ཆེན་ཐུགས་ཀའི་ཡི་གེ་ལས། །འོད་ཟེར་ལྕགས་ཀྱུའི་རྣམ་པ་ཅན། །འོག་མིན་གནས་སུ་སྤྲོས་པ་ལས། །ཆོས་དབྱིངས་དཀྱིལ་འཁོར་ཐུགས་རྒྱུད་བསྐུལ། །ནམ་མཁའི་དབུས་ཀྱི་མདུན་བཞག་ནས། །མཆོད་བསྟོད་མཉེས་པས་ཚོགས་བསགས་ཏེ། །གསོལ་གདབ་བཤགས་དང་བསྔོ་བ་ཡིས། །བདག་ཉིད་རུང་བའི་སྣོད་དུ་བྱ། །སླར་ཡང་འོད་ཀྱི་ཆོ་འཕྲུལ་གྱིས། །རང་གི་ལུས་སུ་གཟུད་པར་བྱ། །གསལ་བ་འོད་ལྡན་གཉིས་མེད་རྫོགས། །སླར་ཡང་མཉེས་པར་བྱ་བ་ནི། །ཐུགས་ལས་སྤྲུལ་པའི་གསང་ཡུམ་བཞིས། །གཞལ་ཡས་ཁང་གི་སྒོ་བཞི་ནས། །གནས་གསུམ་མཉེས་པའི་ཕྱག་གིས་མཆོད། །འདོད་ཡོན་ལྷ་མོ་སྣ་ཚོགས་ཀྱིས། །ཕྱི་ནང་གསང་བའི་མཆོད་པ་ཡིས། །མཆོད་ཅིང་ཡོངས་སུ་རྫོགས་པར་བསྟོད། །བཟླས་པའི་སྤྲོ་བསྡུ་བྱ་བ་ནི། །ཕྱི་ནང་གཙོ་བོ་དགུ་རྣམས་ཀྱི། །རང་གི་ཡེ་ཤེས་སེམས་དཔའ་ཡི། །སྙིང་དབུས་སོ་སོའི་སྲོག་རྟེན་ལ། །ཡི་གེའི་ཕྲེང་སྔགས་འོད་འབར་འཕྲོས། །ནམ་མཁའི་ཁམས་ཀུན་ཁྱབ་བྱས་ཏེ། །བདེ་བར་གཤེགས་ཀུན་མཉེས་མཛད་ནས། །སྐུ་གསུང་ཐུགས་ཀྱི་དངོས་གྲུབ་བསྡུས། །སེམས་ཅན་ཁམས་ཀྱི་རྒྱུད་སྦྱངས་ཤིང་། །ཐམས་ཅད་རང་རིག་ལྷར་གྱུར་ནས། །ཆོས་སྐུ་ཐིག་ལེ་གཅིག་ཏུ་བསྒོམ། །ཡང་ན་དམ་པ་བསྡུས་པའི་སྔགས། །ཨོཾ་ཛྙཱ་ན་པཉྩ་སཏྭ་ཀྲོ་དྷ་མུ་ན་ཡེ་སྭཱ་ཧཱ། གནས་གསུམ་ཡི་གེ་གསུམ་དག་ལས། །རང་གི་མདོག་ལྡན་འོད་འཕྲོས་པས། །མ་ལུས་རྒྱུ་གསུམ་དག་བྱས་ཏེ། །འབྲས་བུ་གསུམ་ལ་སྦྱར་བར་བྱ། །དེ་ཉིད་འོད་ཟེར་འཕྲོ་འདུ་ཡིས། །བདག་གཞན་དོན་གྱི་བཟླས་པ་རྣམས། །བརྟན་པའི་རྟགས་དང་ལྡན་པ་ཡི། །དངོས་གྲུབ་གང་འདོད་ཚད་དང་སྦྱར། ། ― DNG014_Page_0524 ―
[མ་དཔེ་གཟིགས་ན་འདིར་གནོན།]
ཏིང་འཛིན་ཐུན་གྱི་མཚམས་དག་ལ། །བསྟོད་ཅིང་བཤགས་དང་མཆོད་སྦྱིན་བྱ། །གྲུབ་པའི་ཚད་ལྡན་འདོད་པ་སྨོས། །ཡེ་ཤེས་དཀྱིལ་འཁོར་དབྱིངས་སུ་གཤེགས། །དམ་ཚིག་ཚོགས་ནི་སྒོ་བཞི་དང་། །ཕྱོགས་མཚམས་བྱང་གི་ངོས་ནས་བརྩམས། །རིམ་གྱིས་དབུས་ཀྱི་གཙོ་ལ་བསྡུ། །དེ་ཉིད་ཡེ་ཤེས་སེམས་དཔའ་ལ། །དེ་ཡང་ཐིག་ལེ་གཅིག་ལའོ། །དེ་ནི་མཚན་མའི་སྤྲོས་དང་བྲལ། །དེ་ལས་སླར་ཡང་ལྷ་རྣམས་ཀྱི། །ང་རྒྱལ་ལྡན་པས་སྤྱོད་ལམ་བྱ། །གལ་ཏེ་བདེ་བའི་གནས་འདོད་ན། །དཔག་མེད་བློ་ལྡན་སྐྱེས་བུ་ཡིས། །ལུས་གནད་རླུང་དང་བཅས་པ་ཡི། །རྣམ་ཤེས་དང་ནི་བྱང་ཆུབ་སེམས། །ཡེ་ཤེས་ཐིག་ལེར་རབ་སྦྱོར་བ། །དུས་བཞི་གཅིག་ཏུ་མངོན་མཐོང་བའི། །བློ་ཅན་དེ་ཡིས་ཀུན་ཏུ་བཟང་། །ང་དང་གཉིས་མེད་མྱུར་དུ་འགྲུབ། །རྩ་བའི་དཀྱིལ་འཁོར་ཆེན་པོ་ལ་རབ་ཏུ་གཟུང་བའི་སྦྱོར་བའོ།། །།དེ་ནས་རབ་ཏུ་སྦྱོར་བ་ཡིས། །མ་འོངས་དུས་ན་བསྒྲུབ་པ་ཡིས། །རྡོ་རྗེ་སློབ་དཔོན་ཐབས་ལྡན་གྱིས། །རྡོ་རྗེ་སློབ་མ་ཉེར་བཟུང་ནས། །རིམ་པའི་དབང་བསྐུར་བྱེད་འདོད་ན། །བཀྲ་ཤིས་དབེན་པའི་གནས་དག་ཏུ། །དུས་ཚོད་གཟའ་སྐར་ཤིས་པ་ལ། །འདུས་བྱས་དགེ་བས་ཚོགས་བསགས་ཏེ། །ཕྱི་ནང་སྲུང་བ་ཡོངས་རྫོགས་ནས། །ལྷག་གནས་སྟ་གོན་བྱ་བ་ནི། །ས་ཡི་ཆོ་གས་ཡོངས་སྦྱངས་ཤིང་། །ལེགས་པར་བསྟར་བའི་སྟེགས་བུའི་སྟེང་། །ལྷ་རྣམས་སོ་སོའི་བཞུགས་གནས་སར། །དྲི་བཟངས་ཐིག་ལེ་མཛེས་པའི་སྟེང་། །མེ་ཏོག་ཚོམ་བུ་དགོད་པར་བྱ། །རང་རང་སྙིང་པོ་དབབ་བྱས་པའི། །འཁོར་ལོའི་གཙོ་འཁོར་ཚུལ་བཞིན་བསམ། །ཡན་ལག་བདུན་གྱིས་ཚོགས་བསགས་ཤིང་། །བྱིན་བརླབ་དངོས་གྲུབ་འདོད་གསོལ་བྱ། །གཙོ་ཆེན་དབུས་དང་ཕྱོགས་མཚམས་ཀྱི། །མཚན་ཉིད་ལྡན་པའི་བུམ་པ་རྣམས། །རྟེན་འདྲེལ་རྒྱན་དང་རྫས་སྦྱར་ཏེ། །རང་གི་གནས་སུ་ལེགས་བཀོད་པ། །འཁོར་ལོའི་བདག་རྣམས་ནང་དུ་བསྐྱེད། །སྔར་བཞིན་མཉེས་སྦྱང་གསོལ་བར་བྱ། །གཞན་ཡང་ཕྱི་ནང་གསང་བ་ཡི། །རྗེས་ ― DNG014_Page_0525 ―
[མ་དཔེ་གཟིགས་ན་འདིར་གནོན།]
གནང་སྩལ་བའི་རྫས་རྣམས་དང་། །བསངས་ཤིང་བཀྲུས་ཏེ་སྟ་གོན་བྱ། །རྡོ་རྗེ་སློབ་མའི་ཚོགས་དག་ཀྱང་། །ཁྲུས་བྱས་རྒྱན་གདགས་དྲིས་བྱུགས་ཏེ། །སངས་རྒྱས་དང་ནི་སྲས་ཚུལ་གྱིས། །ཐུན་མོང་བ་དང་ཁྱད་པར་གྱི། །ཡུལ་གྱི་མཆོག་ལ་སྐྱབས་སུ་འགྲོ། །དོན་དམ་ཀུན་རྫོབ་སྨོན་འཇུག་གི། །བྱང་ཆུབ་སེམས་ནི་རབ་ཏུ་བསྐྱེད། །སྡིག་པ་སྦྱངས་ཤིང་ཚོགས་ཆེན་བསགས། །ཀུ་ཤ་བྲིམ་ཞིང་སོ་ཤིང་དོར། །སྲུང་བའི་སྦྱོར་བ་འབད་པར་བྱ། །འདི་ནི་ལྷག་གནས་སྦྱོར་བའོ། །ནངས་པར་སྐྱ་རེངས་ཤར་བའི་དུས། །སྟ་གོན་ལྷ་རྣམས་མཁའ་ལ་བཞུགས། །ཚོགས་བསགས་དགེ་བ་ཅུང་ཟད་བྱ། །སླར་ཉིད་རྡུལ་ཚོན་ཕོ་བྲང་བཞེངས། །མཆོད་ཅིང་སྒྲུབ་པའི་རྒྱན་དང་རྫས། །ལེགས་པར་བསགས་ཏེ་དགོད་པར་བྱ། །དེ་ནས་ཇི་ལྟར་འབྱུང་བ་ཡི། །ལྷ་རྣམས་རང་གི་ཆོ་གས་བསྐྱེད། །ཡེ་ཤེས་དཀྱིལ་འཁོར་སྤྱན་དྲང་བསྡིམ། །མཆོད་བསྟོད་བཟླས་པས་མཉེས་པར་བྱ། །དེ་ནས་སློབ་མ་འཇུག་པ་ནི། །ཁྲུས་བྱས་ཕྱག་བཙལ་སེམས་བསྐྱེད་དེ། །རིན་ཆེན་མཛེས་པའི་མེ་ཏོག་ཐོགས། །ཕྱི་རོལ་གནས་ནས་གསོལ་བ་གདབ། །རྡོ་རྗེ་སློབ་དཔོན་སངས་རྒྱས་དེས། །བར་ཆད་དྲིས་ཏེ་གནང་བ་སྦྱིན། །དཀྱིལ་འཁོར་བདག་པོར་མཁྱེན་པར་གསོལ། །སློབ་མ་ཡིས་ནི་མེ་ཏོག་དོར། །གདོང་གཡོགས་བཀྲོལ་ཏེ་ཕོ་བྲང་བསྟན། །དམ་ཚིག་རྫས་དང་བྲོ་ཚིག་གིས། །མི་འདའ་ཕྱག་རྒྱ་མཆོག་གིས་སོ། །བསམ་པ་བརྟན་པོར་བཟུང་བ་དང་། །ལྷ་རྣམས་མཉེས་པར་བྱ་བ་དང་། །དངོས་གྲུབ་མཚན་མ་མ་ཐོབ་པར། །རབ་འབྲིང་ཐ་མའི་རྩལ་གྱིས་སྒྲུབ། །རྟགས་དང་མཚན་མ་མཐོང་གྱུར་ནས། །ཕྱི་ནང་གསང་བ་ཡོངས་རྫོགས་པའི། །དབང་མཆོག་དམ་པ་བསྐུར་བ་ནི། །ཚུལ་བཞིན་སྦྱངས་པ་སློབ་མའི་ཚོགས། །མཛེས་པའི་སྟན་ལ་འདུག་ནས་ནི། །མཐར་ཐུག་མཐོང་བར་གསོལ་བ་གདབ། །རྡོ་རྗེ་སློབ་དཔོན་མཆོག་དེ་ཡིས། །བྱང་ཆུབ་སེམས་ཀྱི་ང་རྒྱལ་གྱིས། །རྣམ་རྒྱལ་རྩ་བའི་བུམ་པ་རྣམས། །རྣམ་པ་ཆུ་ལ་ངོ་བོ་ལྷས། །ལུས་ཀུན་ཁྱབ་པར་བསྡིམ་བྱས་ཏེ། །ནང་གི་བསམ་པ་བརྟན་པོ་དང་། །སྔགས་ཚིག་སྒྲ་ཡི་ ― DNG014_Page_0526 ―
[མ་དཔེ་གཟིགས་ན་འདིར་གནོན།]
བདེན་པ་བརྗོད། །གཟུགས་བརྙན་ལ་བརྟེན་དེ་བཞིན་ཏེ། །རིན་ཆེན་དཔུང་བདུན་བཀྲ་ཤིས་བརྒྱད། །ཚུལ་ལྡན་དེ་ཡིས་ཕྱི་དབང་བསྐུར། །ཆོས་ཉིད་གཟུགས་བརྙན་མེ་ལོང་དང་། །ཆོས་ཀྱི་འཁོར་ལོ་བསྐོར་བ་དང་། །ཆོས་དུང་རྡོ་རྗེ་རྒྱ་གྲམ་དང་། །ཅོད་པན་ཕྱག་རྒྱ་མིང་གི་དབང་། །ལས་དང་ཆོས་དང་གཟུངས་སྔགས་རྣམས། །ནང་གི་དབང་དུ་བསྐུར་བར་བྱ། །ཐབས་དང་ཤེས་རབ་མཆོག་གི་རྒྱུད། །རྒྱུ་དང་འབྲས་བུ་རབ་སྦྱོར་བ། །གཉིས་མེད་མཉམ་པའི་བདེ་ཆེན་ཏེ། །ངེས་པར་བསྟན་པ་གསང་བའི་དབང་། །དེ་དག་རྫོགས་ནས་སྨོན་ལམ་གདབ། །སློབ་མ་བླ་མ་ལྷ་རྣམས་ཀྱིས། །རིམ་བཞིན་བཤགས་བྱང་མེ་ཏོག་དབུལ། །གཏང་རག་ཚུལ་བཞིན་རྒྱས་པར་མཆོད། །བཀྲ་ཤིས་བརྗོད་ཅིང་བསྡུ་གཤེགས་བརྩམ། །རྟག་ཏུ་སྤྱོད་ལམ་དམ་ཚིག་གཟུང་། །འདི་ནི་ཀུན་བཟང་རྡོ་རྗེ་འཛིན། །གོ་འཕང་སྦྱོར་བའི་ལས་ཡིན་ནོ། །རྡོ་རྗེ་སློབ་མ་ཉེ་བར་གཟུང་བའི་ལས་རབ་ཏུ་སྦྱོར་བའོ།། །།དེ་ནས་རབ་ཏུ་བཤད་པ་ནི། །བདེ་གཤེགས་སྐུ་གསུང་ཐུགས་ཀྱི་རྟེན། །གཟུགས་བརྙན་ཙམ་ལ་ཡེ་ཤེས་ལྷ། །རབ་ཏུ་གནས་པར་བྱ་བ་ནི། །རྒྱས་བསྡུས་ཤིན་ཏུ་བསྡུས་པ་ལས། །རྒྱས་པར་སྦྱོར་ལ་ཞུ་བ་པོས། །ལན་གསུམ་བར་དུ་གསོལ་བ་གདབ། །རི་བོ་རྩི་ཤིང་སྐྱེ་བའི་དབུས། །བཀྲ་ཤིས་ཡིད་འོང་གནས་མཆོག་ཏུ། །ཇི་ལྟར་བཤད་པ་བཞི་ཡི་ལས། །མ་ལུས་རྫོགས་པར་བྱས་ནས་ནི། །གང་ལ་བྱ་བའི་རྟེན་ལ་སོགས། །ལྷག་པར་གནས་པ་རིམ་བཞིན་བྱ། །ཁྱད་པར་བགེགས་བསྐྲད་བསྲུང་བ་དང་། །བདུག་དང་བཅིང་དང་བསྲེག་པར་བྱ། །རྡོ་རྗེ་སློབ་དཔོན་སྒྲུབ་པ་པོས། །ཁྲུས་བྱས་གོས་བགོས་བརྒྱན་བྱས་ཏེ། །བཀའ་བསྒོ་སྲུང་བ་ཡོངས་རྫོགས་བྱ། །སེམས་བསྐྱེད་ཚོགས་བསགས་དགེ་བ་སྦྱར། །ཚུལ་བཞིན་བསྒྲུབས་ལ་བྱིན་བརླབས་དབབ། །མཆོད་སྦྱིན་རྒྱ་ཆེར་སྦྱར་ནས་ཀྱང་། །དབང་དང་མཁྱེན་པར་གསོལ་བ་གདབ། །མཚན་མའི་བསྙེན་པ་རྟགས་དབྱུང་བྱ། །དེ་ནས་དཀྱིལ་འཁོར་ཤར་ཕྱོགས་སུ། །རྣམ་ལྔའི་སྟེགས་བུ་ལེགས་བཤམས་ལ། །གྲུབ་པའི་རྟེན་དེ་བཞུགས་སུ་གསོལ། །ཉེ་རེག་ ― DNG014_Page_0527 ―
[མ་དཔེ་གཟིགས་ན་འདིར་གནོན།]
འཐོར་འཐུང་བྱས་ནས་ནི། །སྔགས་ཀྱི་སྦྱོར་བས་བར་ཆད་བསྐྲད། །འབྲས་ཟན་ཆང་བུས་དྲི་མ་ཕྱི། །མེ་ཆུ་རླུང་གིས་བསྲེག་གཏོར་བཀྲུ། །བ་བྱུང་རྫས་ལྔ་ཡིས་ཀྱང་བཀྲུ། །ཏིལ་མར་འབྲུ་མར་བཟང་པོས་བྱུགས། །དར་རམ་རས་སེར་གྱིས་བྱིབས་ལ། །དབང་སྟེགས་གནས་པའི་སྟེང་དུ་བཞུགས། །ཙན་དན་གུར་གུམ་ཛཱ་ཏི་དང་། །གླ་རྩི་ཨ་ག་རུ་ཡིས་བྱུགས། །དམ་ཚིག་པ་ནི་གང་ཡིན་བསྐྱེད། །དེ་ཡི་ཡེ་ཤེས་སྤྱན་དྲངས་ཏེ། །བཞུགས་ཤིང་བསྡིམས་ལ་ཕྱག་བཙལ་ཞིང་། །དེ་ཉིད་མཆོད་བསྟོད་བཟླས་པར་བྱ། །དེ་ནས་རྡོ་རྗེ་འཛིན་པ་ཡིས། །བུམ་པས་དངོས་སུ་དབང་བསྐུར་བྱ། །བཀྲ་ཤིས་བརྗོད་ཅིང་རོལ་མོ་བསྒྲག །བྱིན་བརླབ་དབུ་རྒྱན་ཅོད་པན་སྦྱིན། །ཡི་གེ་གཉིས་ཀྱི་གོ་ཆ་བགོ། །སླར་ཡང་མཆོད་བསྟོད་བཟླས་པ་བྱ། །དེ་ནས་ལྷ་རྣམས་སྙན་གསན་དབབ། །རྟེན་ཉིད་ན་བཟས་གཡོགས་ཏེ་བཞུགས། །ཡོན་བདག་གམ་ནི་སློབ་མ་ལ། །དབང་བསྐུར་ཕྱིར་ནི་བདག་འཇུག་བྱ། །དེ་ནས་སློབ་མ་གཞུག་བྱས་ལ། །དབང་བསྐུར་མ་ལུས་རྫོགས་པར་བྱ། །སླར་ཡང་ལྷ་ཚོགས་བརྟན་བཞུགས་ལ། །ང་རྒྱལ་ལྡན་པས་ཀུ་ཤའི་སྟེང་། །ཆོས་ཉིད་ཐབས་ཀྱིས་ཉལ་བར་བྱ། །དེ་ནི་ལྷག་གནས་ཆེན་པོའོ། །དེ་ནས་སྐྱ་རེངས་ཤར་དུས་སུ། །བྱིན་རླབས་ལྡན་པས་ཁྲུས་བྱས་ཏེ། །མཆོད་སྦྱིན་སྔོན་སོང་བུམ་པ་བསྙེན། །སྟེགས་བུ་ལ་ནི་དྲི་བཟངས་སྦྱར། །ལྷ་རྣམས་མཆོད་བསྟོད་རྫོགས་པར་བྱ། །དེ་ནས་རྟེན་དེ་ཞལ་བཤུས་ལ། །བཀྲུ་སྦྱང་ཕྱི་བ་སྔར་བཞིན་བྱ། །སྟོང་པར་སྦྱང་ཞིང་ལྷ་བསྐྱེད་དེ། །ཡེ་ཤེས་དབབ་ཅིང་བསྲེ་བསྣན་བྱ། །གནས་གསུམ་འབྲུ་གསུམ་གསལ་བར་དགོད། །གོང་བཞིན་དབང་རིམ་རྫོགས་པར་བྱ། །རྟེན་འདྲེལ་སྔགས་ཀྱིས་བརྟན་པར་བྱ། །སྔགས་དང་ཕྱག་རྒྱ་སེ་གོལ་གྱིས། །སྐུར་གྱུར་གདུལ་བྱའི་ངོ་གང་ལ། །གང་གིས་འདུལ་བ་དེར་བསམ་ཞིང་། །སྤྱན་དང་ཤངས་དང་ཞལ་དབྱེ་ཞིང་། །ཚེམས་འབྲུད་དབུ་སྐྲ་བཤད་དང་གཞར། །ན་བཟའ་རྒྱན་དང་རོལ་མོ་དབུལ། །ལོངས་སྤྱོད་རྫོགས་དང་སྤྲུལ་སྐུར་དབྱེ། །ཡོན་བདག་མདུན་དུ་བཀུག་ནས་ནི། །རྟེན་དེ་མཆོད་པའི་རྗེས་གནས་ ― DNG014_Page_0528 ―
[མ་དཔེ་གཟིགས་ན་འདིར་གནོན།]
སྦྱིན། །གདན་ཁྲིའི་སྟེང་དུ་དྲང་པོར་བཞུགས། །མེ་ཏོག་ལ་སོགས་མཆོད་པའི་ཚོགས། །ཅི་འབྱོར་པ་ཡིས་རྒྱས་པར་མཆོད། །སྦྱིན་བསྲེག་གིས་ཀྱང་ཚོགས་བསག་བྱ། །དེ་རྗེས་དཀྱིལ་འཁོར་བདག་པོར་བྱ། །དེ་ནས་མཆོད་པ་མཎྜལ་དང་། །གཏོར་མ་རྒྱ་ཆེན་ཕུལ་བྱས་ལ། །ཆོས་ཀྱི་སྲུང་མར་བཀའ་བསྒོ་བྱ། །བཀྲ་ཤིས་གླུ་གར་རོལ་མོའི་སྒྲ། །གལ་ཏེ་གླེགས་བམ་ཡིན་པ་ན། །སྦྱངས་ཤིང་བཀྲུ་བ་གཟུགས་བརྙན་སྦྱར། །དུས་གསུམ་སངས་རྒྱས་ཐམས་ཅད་ཀྱི། །ཀུན་རྫོབ་དོན་དམ་སྟོན་པ་ཡི། །ངེས་པའི་གསུང་དུ་བསྒོམ་པར་བྱ། །དེ་ལས་གང་ཡིན་ལྷར་བསྐྱེད་དེ། །སྤྱན་དབྱེ་སྐུ་རགས་ན་བཟའ་དབུལ། །རྒྱས་གདབ་སྐུ་གསུང་ཐུགས་ཀྱི་མིང་། །རྟེན་འདྲེལ་བཅས་པ་བྲི་བར་བྱ། །སྔར་བཤད་རབ་གནས་ལ་སོགས་བྱ། །གཙུག་ལག་ཁང་པ་ཡིན་ན་ནི། །ལྷ་རྣམས་སོ་སོའི་སྔགས་ཀྱི་ནི། །རང་གི་ཡེ་ཤེས་བསྐྱེད་པར་བྱ། །སྤྱན་དབྱེ་ལ་སོགས་སྔར་བཞིན་ནོ། །མཆོད་རྟེན་སྐུ་གཟུགས་ཡིན་ན་ནི། །བཀྲུ་སྦྱང་བསྐྲད་པ་བྱས་ནས་ནི། །རྡུལ་བྲལ་སྐུ་གསུམ་རྫོགས་པར་བསམ། །མཉེས་པའི་བྱ་བ་སྔར་བཞིན་ནོ། །གལ་ཏེ་བསྡུས་པར་བྱ་བ་ནི། །གང་ལ་བྱ་བའི་རྟེན་དེ་ཉིད། །ཆོ་ག་གསུམ་གྱིས་སྦྱང་བྱ་སྟེ། །རང་གི་ཡེ་ཤེས་ངོ་བོར་བསམ། །ཡོ་བྱད་མཆོད་པ་མ་ལུས་བསྟབ། །ཡང་དག་རྟེན་དུ་ངེས་པར་བཟུང་། །ཤིན་ཏུ་བསྡུས་པ་སྐད་ཅིག་གིས། །ཆོས་ཀྱི་སྐུ་ཡི་ངོ་བོར་བསམ། །ཕྱི་ནང་སྣང་སྲིད་མ་ལུས་ཀུན། །ཆོས་དབྱིངས་སྐུ་ལས་མ་གཡོས་ན། །དག་པའི་རྟེན་ལ་སྨོས་ཅི་དགོས། །ཐམས་ཅད་མཆོད་པའི་གནས་ཡིན་ཏེ། །དམན་པའི་བློ་ལ་སྣང་བ་མིན། །དེ་བས་བློ་ལྡན་ཐབས་ཆེན་གྱིས། །རྡུལ་གཅིག་སྟེང་ན་རྡུལ་སྙེད་ཀྱི། །སངས་རྒྱས་མ་ལུས་བསྙེན་ཅིང་བཀུར། །གནས་པའི་ཆེ་བ་མཆོག་ཡིན་ནོ། །རྟེན་མཆོག་ཏུ་བྱ་བའི་ལས་རབ་ཏུ་སྦྱོར་བའོ།། །།དེ་ནས་རབ་ཏུ་བཤད་བྱ་བ། །ཚེ་འདས་ཕུང་པོའི་རྣམ་སྨིན་དེ། །འབྱུང་བའི་མེ་ལ་བསྲེག་པའི་ཕྱིར། །དང་པོ་ཆས་སུ་གཞུག་པ་ནི། །དང་པོ་བགེགས་བསྐྲད་སྔགས་ཀྱིས་གདབ། །དྲི་ཞིམ་སྨན་གྱིས་ ― DNG014_Page_0529 ―
[མ་དཔེ་གཟིགས་ན་འདིར་གནོན།]
བྱུགས་ཤིང་བཀྲུ། །བདུད་རྩིས་བྱུགས་པའི་རས་ཀྱིས་དཀྲི། །སྔགས་དགོད་ཕྱག་རྒྱའི་མཚན་མ་གདབ། །གནས་ལྔར་ས་བོན་དྲུག་དགོད་ཅིང་། །ཕྱི་རོལ་ལྷ་ཡི་ཕྱག་མཚན་དགོད། །མར་མེ་ལྷ་གྲངས་མཉམ་པར་གཟུག །ཞི་བའི་སྟེགས་བུའི་སྟེང་དུ་བཞག །ཕོ་བྲང་དཀྱིལ་འཁོར་བཞེངས་གསོལ་བའི། །སྟེང་དུ་མཛེས་པའི་ཁྲི་ལ་བཞག །ཁང་བུ་སུམ་ཐོག་གྲུ་བཞིར་བྱ། །ཐ་མ་ཞི་བའི་ཤིང་གིས་བརྗིད། །སྟེང་དུ་ཕྱག་རྒྱའི་དཀྱིལ་འཁོར་དགོད། །ཕྱོགས་བཞིར་གཟུངས་ཐག་བཏགས་ཏེ་གཟུང་། །རྡོ་རྗེ་སློབ་དཔོན་ལས་བདག་གིས། །དཀྱིལ་འཁོར་བསྙེན་པ་གཞུང་བསྲངས་ལ། །ཕུང་པོའི་རྣམ་ཤེས་གནས་ནས་དགུག །ལས་བདག་འཇུག་པ་ཚུལ་བཞིན་བྱ། །ཕན་པའི་དབང་དང་ནུས་པ་དང་། །ནང་དབང་བཅུ་གཅིག་ཕྱི་དབང་བཅུ། །སྒྲུབ་དབང་བཅུ་གསུམ་གསང་དབང་གཉིས། །སུམ་ཅུ་རྩ་དྲུག་བསྐུར་བར་བྱ། །ཡང་ན་བཀའ་རྟགས་ཕྱག་རྒྱ་དང་། །རྒྱུད་འཛིན་ཕྱག་རྒྱ་ཤེས་རབ་གཟུང་། །བཀྲ་ཤིས་རྫས་དང་རིན་ཆེན་བདུན། །ཁྱད་པར་གདན་དང་མཛེས་པའི་རྒྱན། །རྡོ་རྗེ་མིང་དང་འཁོར་ལོས་སྒྱུར། །དབང་བཅུ་རིམ་པས་བསྐུར་བར་བྱ། །དོན་ལྡན་ལུས་དེ་རོལ་མོས་བསུ། །བསྲེག་ཁང་ནང་ཞུགས་ཡོལ་བས་དྲེ། །ཕྱི་རོལ་མཆོད་རྫས་རྒྱས་པར་བཤམས། །ཏིལ་འབྲས་གྲོ་དང་ཡུངས་ཀར་དང་། །འོ་མ་ཞོ་དང་མར་དང་བཅུད། །ཡམ་ཤིང་རྫས་དང་དགང་བླུགས་གཟར། །བདག་ཉིད་ལས་ཀྱི་ལྷར་བསྒོམས་ལ། །ཕུང་པོ་མེ་ལྷར་བསྒོམས་པ་ཡིས། །ཐུགས་ཀར་ལྷ་ཡི་དཀྱིལ་འཁོར་བསྒོམ། །ཡེ་ཤེས་མེ་ལྷ་སྤྱན་དྲངས་ཏེ། །མཆོད་རྫས་བསྲེག་རྫས་རིམ་བཞིན་དབུལ། །བསྟོད་ཅིང་ཕྲིན་ལས་གསོལ་བ་གདབ། །དེ་ནས་ལྷ་རྣམས་སྤྱན་དྲང་བསྡིམ། །མཉེས་བྱས་མཆོད་རྫས་བདུད་རྩིར་བསམ། །ཕུང་པོ་སྡིག་སྒྲིབ་སྦྱང་ཕྱིར་དབུལ། །ལྷ་རྣམས་སོ་སོའི་སྙིང་པོ་ལ། །ཆེ་གེའི་སརྦ་དུརྒ་ཏི་ཤཱིནྟཾ་ཀུ་རུ་སྭཱ་ཧཱ། ཞེས་བཏགས་བདུན་ལས་མི་ཉུང་བཟླས། །བསྲེག་རྫས་རྣམས་ཀྱང་དེ་བཞིན་ནོ། །བསྟོད་ཚིག་སྔགས་ཀྱིས་ལྷ་རྒྱུད་བསྐུལ། །ལྷག་མས་མེ་ལྷའི་གཏང་རག་བྱ། །སྡིག་སྒྲིབ་མ་ལུས་སྦྱངས་པར་བསམ། །བཟོད་པར་ ― DNG014_Page_0530 ―
[མ་དཔེ་གཟིགས་ན་འདིར་གནོན།]
གསོལ་ལ་ཡེ་ཤེས་གཤེགས། །དམ་ཚིག་རང་གི་གནས་སུ་བསྡུ། །རྣམ་ཤེས་ལྷར་བྱས་དབྱིངས་སུ་བསྡིམ། །ཐལ་ཆེན་སྐུ་གདུང་འབར་བར་སྦྱངས། །ཐབས་འདིས་རང་བཞིན་དོན་ཆེན་རྫོགས། །ཀུན་བཟང་ང་དང་འདྲ་བར་འགྱུར། །ཕུང་པོའི་ལུས་རབ་ཏུ་སྦྱོང་བའི་སྦྱོར་བའོ།། །།གཞན་ཡང་རབ་ཏུ་བཤད་པ་ནི། །གལ་ཏེ་ཕུང་པོར་མི་ལྡན་ན། །མིང་བྱང་ལ་རྟེན་སྦྱང་བ་ནི། །གྲོ་ག་ཤིང་ཤུན་རས་དག་ལ། །གཟུགས་མཛེས་མིང་རུས་ལྡན་པ་བྲི། །འཕན་གདུགས་བཅས་ཏེ་རྟེན་ལ་གདགས། །དཀྱིལ་འཁོར་ལྷོ་ཕྱོགས་སྟེགས་བུར་བཞག །ལྷ་རྣམས་མཆོད་བསྟོད་རྫོགས་པ་དང་། །བདག་པོའི་ཏིང་འཛིན་གསལ་བ་ཡིས། །མཆོད་སྦྱིན་རྒྱ་ཆེན་བྱས་ནས་སུ། །བར་ཆོད་བགེགས་ལ་བཀའ་བསྒོ་ཞིང་། །བདེན་པ་ཆེན་པོ་བརྗོད་པར་བྱ། །བར་དོ་རིགས་དྲུག་གར་གནས་ཀྱང་། །རྣམ་ཤེས་འོད་ཟེར་ལྕགས་ཀྱུས་དགུག །གཟུགས་ལ་བསྡིམ་སྟེ་གསོན་བཞིན་བསམ། །ལུས་ངག་ཡིད་ཀྱི་བར་ཆད་བགེགས། །གཤིན་རྗེ་གཤེད་དང་རྟ་མགྲིན་དང་། །རྣམ་པར་རྒྱལ་བའི་ཏིང་འཛིན་གྱིས། །ཡུངས་ཀར་སྔགས་ཏེ་ཚར་གཅད་བྱ། །འཇམ་དཔལ་རྣོན་པོས་རྟོག་པ་གཅད། །ངན་སོང་ཀུན་འདྲེན་གྱིས་ནི་དྲང་། །སྟོབས་པོ་རྡོ་རྗེ་གནོད་སྦྱིན་ནོ། །དྲག་པོའི་ནུས་པས་མཚན་མ་གཞོམ། །སྒྲིབ་པ་རྣམ་པར་སེལ་བས་བཀྲུ། །ཡེ་ཤེས་མེ་ཡིས་བསྲེག་པར་བྱ། །ལན་ཆགས་སྦྱིན་པས་དེ་ཉིད་དབྲལ། །དུག་གསུམ་སྦྱང་བའི་ཁྲུས་ཆབ་གསོལ། །ངན་སོང་གསུམ་དང་བདེ་འགྲོ་གསུམ། །རིགས་དྲུག་གཡང་སའི་མཚན་མ་བཅད། །དེ་ནས་དཀྱིལ་འཁོར་ནང་དུ་གཞུག །སྐྱབས་འགྲོ་སེམས་བསྐྱེད་ཚོགས་བསག་ཅིང་། །མེ་ཏོག་ཕུལ་ཏེ་ལྷ་ངོ་བསྟན། །བུམ་པའི་དབང་བསྐུར་རྫོགས་པར་བྱ། །ལམ་སྦྱང་ཆོས་བཤད་ནོར་རྫས་བསྟབ། །བསྔོ་བ་སྨོན་ལམ་རྒྱས་པར་བྱ། །ལམ་བསྟན་རྒྱལ་བའི་སྲས་སུ་བྱ། །དེ་ནས་བསྲེག་སྦྱང་རྫོགས་ཚུལ་གྱིས། །ཐལ་བ་ཆོས་སྐུའི་རྟེན་དུ་བསྒྱུར། །གནས་པ་དམ་པས་མཆོག་ཏུ་བྱ། །གོ་འཕང་ཆེན་པོར་ ― DNG014_Page_0531 ―
[མ་དཔེ་གཟིགས་ན་འདིར་གནོན།]
གདོན་མི་ཟ། །དབྱེར་མེད་ཀུན་ཏུ་བཟང་པོ་ཡིན། །ཞེས་བཀའ་སྩལ་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ལས་རབ་ཏུ་གྲུབ་པར་བྱེད་པའི་སྦྱོར་བ་ལྔ་བསྟན་པའི་ལེའུ་སྟེ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དཀྱིལ་འཁོར་གྱི་ཚོགས་མཉེས་པར་བྱ་བ་དང་། དམ་ཚིག་ཅན་དང་། གནོད་སྦྱིན་གྱི་ཚོགས་དང་། འགྲོ་བ་ཕལ་པ་དང་། རིགས་སྐྱོང་བ་དག་དགའ་ཞིང་མགུ་བ་དང་། གཟུགས་བརྙན་གྱི་སྦྱོར་བས་ཚོགས་རབ་ཏུ་འཕེལ་བར་བྱེད་པ་ནི་འདི་དག་བཀའ་སྩལ་ཏོ། །བདེ་བར་གཤེགས་པ་ཀུན་འདུས་པའི། །སྒྲུབ་པ་ཆེན་པོ་བྱེད་པ་འམ། །ཡང་ན་བར་ཆད་བསལ་བའི་ཕྱིར། །མཆོད་མགྲོན་ཆེན་པོ་དགྱེ་བ་ནི། །གནས་ཁང་གཙང་མ་དྲིས་བྱུགས་ལ། །སྣོད་གཙང་མཛེས་པ་དུ་མ་རུ། །ཆུ་གསུམ་མེ་ཏོག་བདུག་སྤོས་དང་། །མར་མེ་དྲི་ཆབ་ཞལ་ཟས་དང་། །རོལ་མོ་སྒྲ་དང་འདོད་ཡོན་ལྔ། །བླ་རེ་གདུགས་དང་རྒྱལ་མཚན་འཕན། །མཆོད་པའི་དངོས་པོར་རབ་བསྟར་ནས། །སྐུ་གསུང་ཐུགས་ཀྱི་རྟེན་བཀོད་དེ། །ཁྲུས་བྱས་གོས་བཟང་བགོས་ནས་ནི། །རྣམ་པར་མི་རྟོག་ངང་ཉིད་ལས། །དཀྱིལ་འཁོར་བདག་པོའི་ང་རྒྱལ་གྱིས། །དྲི་ཆབ་ནང་དུ་ཧཱུཾ་ལས་ནི། །ཁྲོ་བོ་ལས་རྣམས་རྒྱལ་བྱེད་པ། །མཐིང་ནག་རལ་གྲི་ཞགས་པ་ཐོགས། །མཆོད་རྫས་བགེགས་ཀུན་བསྐྲད་ཅིང་གཞོམ། །ཨོཾ་སྭ་བྷཱ་བ་ཤུཌྜྷཿསརྦ་དྷརྨཱཿསྭ་བྷཱ་བ་ཤུདྷོ྅ཧཾ། ཨོཾ་བཛྲ་ཡཀྵ་ཧཱུཾ། སྦྱངས་ཤིང་བསང་བ་ཉིད་དུ་བྱ། །ཨོཾ་ཨཱཿཧཱུཾ། བཛྲ་པུཥ྇་ཧཱུཾ། བཛྲ་དྷཱུ་པེ་ཧཱུཾ། བཛྲ་ཨཱ་ལོ་ཀེ་ཧཱུཾ། བཛྲ་གནྡྷེ་ཧཱུཾ། བཛྲ་ནེ་བི་ཏེ་ཧཱུཾ། བཛྲ་ཨཱ་ཧ་ར་ཧཱུཾ། བཛྲ་ཤཔྟ་ཧཱུཾ། ལྷ་རྫས་དམ་པར་བྱིན་གྱིས་བརླབ། །ནམ་མཁའི་དབུས་སུ་དཀྱིལ་འཁོར་བསྒོམ། །རང་བཞིན་གནས་ནས་སྙན་གསན་དབབ། །སྙིང་གའི་འོད་ཀྱིས་སྤྱན་དྲངས་ཏེ། །ཟླ་བ་ཆུ་སྐྱེས་གདན་ལ་བཞུགས། །གཉིས་མེད་དབབ་པ་མཆོག་ཡིན་ནོ། །ཞལ་བསིལ་ཞབས་བསིལ་བརྡ་སྦྱོར་བའི། །ཡོན་ཆབ་ཕུལ་ཏེ་འདུད་ཕྱག་འཚལ། །དེ་ནས་མེ་ཏོག་དབུ་ལ་དབུལ། །བདུག་སྤོས་ཤངས་ལ་མར་མེ་སྤྱན། །དྲི་ཆབ་ཐུགས་ ― DNG014_Page_0532 ―
[མ་དཔེ་གཟིགས་ན་འདིར་གནོན།]
ཀར་དབུལ་བྱ་ཞིང་། །བཤོས་གཙང་ཞལ་ལ་སྒྲ་ནི་སྙན། །རིམ་པའི་རྫས་ཀྱིས་མཆོད་པའོ། །འདོད་ཡོན་ལྔ་དང་རིན་ཆེན་བདུན། །ལྷ་མོ་བརྒྱད་སོགས་ལེགས་པ་རྣམས། །ཀུན་བཟང་བློ་ཡིས་སྤྲུལ་ཏེ་མཆོད། །ཕྱོགས་བཅུའི་འཇིག་རྟེན་ཁམས་ཀུན་གྱིས། །སྤོས་སྨན་རིན་ཆེན་དཔག་བསམ་ཤིང་། །མེ་ཏོག་ཤིང་ཏོག་འབྲུ་བཅུད་རྩི། །ཆུ་གཙང་སྒྲ་སྙན་གཟུགས་མཛེས་པ། །མཆོད་འོས་དངོས་པོ་མ་ལུས་ཀུན། །བདག་མེད་བློ་ཡིས་བླངས་ཏེ་མཆོད། །གནས་གསུམ་སྦྱོར་བའི་ཚོགས་མཆོད་ཀྱིས། །འཕགས་པའི་ཚོགས་མཉེས་བདག་ཉིད་ལ། །ལས་སྦྱངས་དངོས་གྲུབ་གསལ་བར་བསམ། །དྲིན་ལན་བསབ་ཕྱིར་དེ་དག་ལ། །ཆ་ལུགས་དོན་རྟགས་མཐུན་པས་བསྟོད། །སྡིག་པ་བཤགས་ཏེ་ཡི་རང་དབུལ། །འགྲོ་དོན་མཛད་ཕྱིར་བཞུགས་གསོལ་གདབ། །སྐྱབས་སོང་སེམས་བསྐྱེད་ལམ་བསྟན་ཅིང་། །ཡོངས་སུ་བསྔོ་དང་སྨོན་ལམ་གདབ། །འདོད་པའི་དོན་གསོལ་ཕྲིན་ལས་བཅོལ། །མ་དག་བཤགས་ཏེ་བཟོད་པར་གསོལ། །བཀྲ་ཤིས་སྨོན་ལམ་ཚིག་བརྗོད་ཅིང་། །ཡེ་ཤེས་གཤེགས་ཏེ་དམ་ཚིག་བསྡུ། །བསོད་ནམས་ཚོགས་ཀྱི་མཆོག་ཡིན་ནོ། །གཞན་ཡང་མཆོད་སྦྱིན་སྟོབས་ལྡན་ནི། །ལེགས་པར་བསྟར་བའི་གནས་དེ་རུ། །གཤོས་གཙང་འབྲས་དང་ཁུར་བ་དང་། །ཞོ་དང་འོ་མ་མར་ཐུད་ཕྲུམ། །གཙང་མར་སྦྱར་བ་གསུམ་དུ་བགོས། །སྦྱང་སྤེལ་རང་མོས་འཐོབ་བྱེད་པའི། །བཤད་པའི་སྔགས་ཀྱིས་བྱིན་གྱིས་བརླབ། །ཨོཾ་ཨཱཿཧཱུཾ་བྷྲཱུཾཿ། ཀུན་བཟང་རྡོ་རྗེ་སེམས་དཔའ་འམ། །ཞེ་སྡང་རྡོ་རྗེའི་ཏིང་འཛིན་གྱིས། །བསྐྲད་ཅིང་དབང་དུ་བསྡུ་བར་བྱ། །དང་པོ་ཕྱི་ཡི་མཆོད་མགྲོན་ནི། །མགོན་མཛད་བདུན་ཅུ་རྩ་གཉིས་ཏེ། །ཚངས་པ་བརྒྱ་བྱིན་རྒྱལ་ཆེན་བཞི། །དྲེགས་པ་བཅུ་དང་ལྷ་ཆེན་བརྒྱད། །ཀླུ་བརྒྱད་གཟའ་བརྒྱད་གནོད་སྦྱིན་བརྒྱད། །རྒྱུ་སྐར་ཚོགས་དང་བཅས་པ་ཡི། །བདེ་བར་གཤེགས་པའི་ཆོས་སྲུང་ཚོགས། །བསྐྱེད་ཅིང་རང་གི་གནས་ནས་དགུག །ཨོཾཿཨཿཔྲེཿཏཿཡཿཀྵཿཨཿཔཿ ཀྲོ་ཏཱ། ཡཀྵ་ཨ་ས་བྱུང་། ར་ཤ་ནན་ས་ཡག་བི་ན་ཡང་ཨིཿཨཿཡཿབཿཡགཿགཿབིཿནཿ ― DNG014_Page_0533 ―
[མ་དཔེ་གཟིགས་ན་འདིར་གནོན།]
དེ་དེ་དེ་དེ་དེ་དེ་དེ་དེ། ཕུཿཕུཿཕུཿ ཕུཿཕུཿཕུཿཕུཿཕུཿ། ར་ར་ར་ར་ར་ར་ར་རཿ། ཡ་ཡ་ཡ་ཡ་ཡ་ཡ་ཡ་ཡཿ། ཛ་བ་རི་ཤཿ། རང་གི་མིང་དང་ཕྱག་རྒྱ་ཡིས། །དམ་ཚིག་པ་ལ་ངེས་པར་དབབ། །སྤོས་དང་མེ་ཏོག་མར་མེ་དྲི། །ཞལ་ཟས་སྟོབས་དང་ལྡན་པ་ནི། །རང་གི་མིང་དང་སྦྲེལ་ཏེ་མཆོད། །ཚུལ་ལྡན་ཚིག་གིས་རབ་ཏུ་བསྟོད། །དམ་ལས་མི་འདའ་དངོས་གྲུབ་གསོལ། །ལས་ཀུན་བྱེད་པའི་ཚིག་བརྗོད་བྱ། །ཆ་གཉིས་པ་ནི་བསྔོ་བའི་ཡུལ། །རྒྱུད་ལྔ་རིགས་དྲུག་སྤྱི་ཡིན་ཏེ། །འོད་ཟེར་ལྕགས་ཀྱུའི་ཕྱག་རྒྱས་དགུག །ཨ་ནྲྀ་སུ་ཏྲི་པྲེ་དུ་བཛྲ་ཨཱ་གཙྪ་ཧཱུཾ་ཛཿ། མདུན་གནས་འཁོར་གྱི་ཚུལ་བསམས་ཏེ། །རྣམ་སྣང་མཛད་པས་བསྲུངས་ཤིང་བརྗོད། །རང་གི་འདོད་ཡོན་ཚོགས་སྦྱིན་ཅིང་། །ཆོས་དང་ཟང་ཟིང་ཚིམས་པར་བསྔོ། །ཐ་མ་ཉིད་ནི་ཤ་འཁོན་དང་། །ལན་ཆགས་ཚུལ་དུ་བྱིན་བརླབས་ཏེ། །ལྷ་ཀླུ་གནོད་སྦྱིན་དྲི་ཟ་དང་། །གནོད་སྦྱིན་སྲིན་པོ་མི་འམ་ཅི། །ལྟོ་འཕྱེ་གྲུལ་བུམ་ཡི་དྭགས་དང་། །སྲུལ་པོ་ཤ་ཟ་ལུས་སྲུལ་པོ། །སྐེམ་བྱེད་སྨྱོ་བྱེད་བརྗེད་བྱེད་དང་། །ནམ་གྲུ་ས་ཡི་བདག་ལ་སོགས། །སྟོང་ཕྲག་བརྒྱད་ཅུའི་བགེགས་རིགས་ཚོགས། །རྟ་མགྲིན་ཅན་གྱི་ཏིང་འཛིན་གྱིས། །མ་ལུས་དགུག་ཅིང་དབང་དུ་བསྡུས། །བི་ནཱ་ཡ་ཀ་མ་ཧཱ་མ་ཙ་བི་ཏན་ཏ་ཨཾ་ཀུ་ཤ་ཛཿ། ལན་ཆགས་ནོར་སྦྱིན་ཚུལ་དུ་བསྔོ། །བཀའ་བསྒོ་ཆོས་བཤད་བདེན་པ་བདར། །དྲག་པོའི་ཚིག་གིས་སྤྱོ་ཞིང་བསྡིགས། །རང་གི་གནས་སུ་གཟིར་ཅིང་འཕང་། །བྱང་ཆུབ་སེམས་སྐྱེས་མ་གྱུར་པར། །ཐར་མེད་མནར་བའི་ཐ་ཚིག་བརྗོད། །སླར་ཡང་གོ་བགོ་བསྲུང་བར་བྱ། །ཀུན་བཟང་མགོན་པོ་རྒྱལ་མཆོག་སྟེ། །ཉེས་པའི་ལན་དུ་ལེགས་པར་མཛད། །འདི་ནི་དོན་གྲུབ་ཚོགས་ཆེན་རྫོགས། །གཞན་ཡང་མཆོད་སྦྱིན་བྱ་བ་ནི། །དད་ལྡན་ཀུན་བཟང་རིགས་ཅན་གྱིས། །རིན་ཆེན་སྣོད་མཛེས་ཆུ་ཡིས་དགང་། །སྨན་ལྔ་སྤོས་ལྔ་རིན་ཆེན་ལྔ་ཛི་བི་ཏཱནྟ་ཀ་ར་མིན་ནམ ། །སྙིང་པོ་འབྲུ་དང་མེ་ཏོག་སྩལ། །རྡོ་རྗེ་སེམས་དཔའི་ཏིང་འཛིན་གྱིས། །གོ་བགོས་བསྲུང་ཞིང་བར་ཆད་བསལ། །དག་བྱེད་བདུན་གྱིས་རྒྱུད་སྦྱངས་ཏེ། །ཚད་མེད་བཞི་ཡིས་གཞན་དོན་འབད། །མངོན་པར་བྱང་ ― DNG014_Page_0534 ―
[མ་དཔེ་གཟིགས་ན་འདིར་གནོན།]
ཆུབ་ཏིང་འཛིན་གྱིས། །གཞལ་མེད་ཁང་པ་མངོན་གསལ་བྱ། །ཆོ་ག་གསུམ་དང་ཡན་ལག་བཞི། །རང་གཞན་དམ་ཚིག་བདག་པོ་བསྐྱེད། །སྲི་ཞུ་ཅན་རྣམས་གནས་ནས་དབབ། །ཡོན་ཏན་ལྷ་ཚོགས་ཕྱི་བཞིན་འབྲང་། །བར་སྣང་དང་ནི་མདུན་གྱི་སར། །པདྨ་ཟླ་བའི་གདན་ལ་བཞུགས། །ལས་བདག་ལྷ་ཡིས་ཕྱག་འཚལ་འདུད། །མཆོད་སྦྱིན་བརྟགས་པའི་ལས་ཆེན་དྲུག །ཨོཾ་སྭ་བྷཱ་ཝ་བི་ཤུཌྜྷཿསརྦ་དྷརྨཿསྭ་བྷཱ་བ་བི་ཤུདྡྷོ྅ཧཾ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཏརྔྷེ་ཨུཏྒ་ཏེ་སྥ་ར་ན་ཨི་མཾ་ག་ག་ན་ཁཾ་སྭཱ་ཧཱ། ཨོཾ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཨོཾ་ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུཾ། ཨོཾ་ཛྙཱ་ན་ཨ་བ་ལོ་ཀི་ཏེ་ན་མཿས་མནྟ་སྥ་ར་ཎ་རསྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲྀ་ད་ཡ་ཛྭ་ལཱ་ནི་སྭཱ་ཧཱ། ན་མཿས་མནྟ་བུཌྜྷ་ནན་གྲ་ཧེ་ཤྭ་རི་པྲ་བྷཉྫ་ཏི་མ་ཧཱ་ས་མ་ཡ་སྭཱ་ཧཱ། སྦྱང་ཞིང་སྤེལ་ཏེ་མོས་པར་བསྒྱུར། །སྤྱོད་པར་དབང་བསྒྱུར་ཐོབ་པར་བྱ། །ཕྲིན་ལས་བཅོལ་ཞིང་དབང་བསྡུས་ལ། །ཚུལ་བཞིན་བསྔོ་བ་རྒྱས་པར་བྱ། །བཤགས་སྦྱང་ལས་སྦྱར་བདེན་པ་བརྗོད། །ཆོས་ཀྱི་སྦྱིན་པ་བསྔོས་ནས་ནི། །འཕགས་པ་རྣམས་ནི་དབྱིངས་སུ་གཤེགས། །གཞན་རྣམས་རང་རང་གནས་སུ་བསྐྲད། །སྐྱེ་མེད་དོན་གྱིས་རྒྱས་གདབ་ཅིང་། །སྤྱོད་ལམ་ཀུན་བཟང་ངང་གིས་སྤྱད། །མཚན་མ་རྫས་ཀྱི་མཆོད་སྦྱིན་ཡིན། །སྐད་ཅིག་ཙམ་གྱིས་མཉེས་བྱེད་པའི། །བློ་སྟོབས་ལྡན་པའི་མཆོད་སྦྱིན་དང་། །ཕྱི་ནང་སྣོད་བཅུད་མ་ལུས་པ། །བྱང་ཆུབ་སེམས་ཀྱིས་ཡོངས་སུ་ཁྱབ། །དེ་ཉིད་མ་སྐྱེས་དག་པའི་ངང་། །ཆོས་དབྱིངས་ཟབ་མོས་རྒྱས་བཏབ་པ། །རྩེ་གཅིག་ཁྱབ་པ་ཉིད་ཡིན་ནོ། །གཞན་ཡང་ཆོས་སྐུའི་གཟུགས་བརྙན་གྱི། །རྟེན་གྱུར་བསོད་ནམས་ཚོགས་བསྐྱེད་པ། །ཆོས་དབྱིངས་མཉམ་ཉིད་གནས་མཆོག་ཏུ། །དེ་བཞིན་ཉིད་ཀྱི་གཞི་ཉིད་ལ། །ཡེ་ཤེས་ལྔ་ཡི་ཁྲི་འཕང་བརྩིག །ཡང་དག་མཐའ་ཡི་བུམ་པ་བསྐྱིལ། །སྟོང་ཉིད་སྙིང་པོའི་སྲོག་ཤིང་བཙུག །བཅུ་གསུམ་ས་ཡི་འཁོར་ལོ་འབར། །ཐམས་ཅད་མཁྱེན་པའི་གདུགས་ཀྱིས་བཀབ། །ཆོས་སྐུ་ ― DNG014_Page_0535 ―
[མ་དཔེ་གཟིགས་ན་འདིར་གནོན།]
འགྱུར་མེད་རིན་པོ་ཆེ། །མི་རྟོག་གཟུགས་སྐུའི་དར་འཕན་འཕྱར། །རྣམ་དག་སྐྱོན་བྲལ་ན་བཟའ་བགོས། །ཆོས་ཉིད་དོན་གྱི་སྐུ་གདུང་ཡིན། །དེ་ཡི་དོན་རྟགས་འབྱུང་བ་ནི། །རྟགས་མཚན་སྐུ་གདུང་བཞེང་འདོད་ན། །རྡོ་རྗེ་ལས་ཀྱི་ཏིང་འཛིན་གྱིས། །ས་བརྟག་བྱིན་བརླབ་བསྲུང་ཞིང་བསྐོར། །བདུད་རྩི་འཁྱིལ་པས་སྦྱང་བ་དང་། །བརྡུང་དང་བསྐྲད་པའི་བར་དུ་བྱ། །རྡོ་རྗེ་གནོད་སྦྱིན་ཆུ་ཡིས་སྦྲུ། །ཏིང་འཛིན་ཆེན་པོས་འབི་འབི་བྱ། །ཐམས་ཅད་སྙིང་པོའི་ཏིལ་མར་བསྐུ། །གཟུགས་སྐུ་འབྱུང་བའི་བརྐོས་ཕོར་དུ། །འབི་འབི་ཆོས་སྐུའི་རྣམ་པར་གསལ། །སོར་མོ་རིགས་ལྔའི་ངང་གིས་དབྱུང་། །སྐུ་གསུམ་ཚོགས་པའི་གཟུགས་བརྙན་བསམ། །སྟོབས་བཅུ་ལྡན་པའི་རི་རབ་ནི། །བྱང་ཆུབ་ཆོས་ཀྱི་ས་ལ་བཞུགས། །མི་འཇིགས་བཞི་ཡི་བང་རིམ་ལ། །སོ་སོར་རིག་པའི་བུམ་པས་མཛེས། །རྣམ་པར་ཐར་པའི་སྒོ་བཏོད་ཅིང་། །ཚད་མེད་བཞི་ཡི་དྲེ་བཞག་ནས། །ཐབས་དང་ཤེས་རབ་སྐར་ཁུང་བཏོད། །སྲོག་ཤིང་སྟོང་པ་བཅོ་བརྒྱད་དེ། །འཁོར་ལོ་ཕ་རོལ་ཕྱིན་པ་བཅུ། །མཁྱེན་པའི་ཐུགས་རྗེ་ཆར་ཁེབས་གདུགས། །རིན་ཆེན་ཏོག་ནི་སྐུ་གསུམ་རྫོགས། །དྲིལ་བུ་གསུང་དབྱངས་དྲུག་ཅུའོ། །དར་དཔྱང་རིན་ཆེན་མ་འདྲེས་ཆོས། །བསྲུང་མེད་གསུམ་གྱི་རྒྱལ་མཚན་བཙུག །ན་བཟའ་བསྙེལ་མེད་ཆོས་ཉིད་དུ། །བྱིན་གྱིས་བརླབས་ཤིང་བསམ་པར་བྱ། །རང་བཞིན་ཆོས་སྐུ་སྤྱན་དྲངས་ཏེ། །གཟུགས་བརྙན་དག་ལ་བསྡིམ་ཞིང་དབབ། །ཁྲུས་གསོལ་གདན་དབུལ་གུས་ཕྱག་འཚལ། །རྫས་དང་ཏིང་འཛིན་བློས་སྤྲུལ་དང་། །འདོད་ཡོན་བདག་བཟུང་མེད་པས་མཆོད། །དོན་རྟགས་ཚིག་གིས་རབ་ཏུ་བསྟོད། །དབང་བསྐུར་མངའ་གསོལ་མེ་ཏོག་དོར། །ཇི་སྲིད་འཁོར་བ་མ་སྟོངས་བར། །འཕགས་པའི་ཚོགས་ཀུན་དེ་ལ་དབབ། །ཁྱད་པར་ལས་ཀྱི་བྱེ་བྲག་ནི། །ལྷ་རྣམས་བསྒྲུབ་དང་སྡིག་པ་བཤགས། །ཤི་བའི་དོན་ལ་སྐྱེ་བ་དང་། །བགེགས་བསལ་བ་དང་བསོད་ནམས་སྤེལ། །རྦོད་གཏོང་བཟློག་ཅིང་ནད་གདུག་བཅད། །ཁྲིམས་ཉམས་གསོ་དང་དམ་ཚིག་བསྐང་། །བྱང་ཆུབ་བར་ཆད་བསལ་ཕྱིར་ ― DNG014_Page_0536 ―
[མ་དཔེ་གཟིགས་ན་འདིར་གནོན།]
དང་། །ལྷག་པའི་ལྷ་དང་སྔགས་ཀྱིས་བྱ། །འདོད་པ་སོ་སོའི་དོན་གསོལ་ཞིང་། །སྨོན་ལམ་གདབ་ཅིང་དགེ་བ་བསྔོ། །བསྐོར་ཞིང་འདུད་པས་བརྟན་པར་བྱ། །འབྱུང་བས་མི་གནོད་གནས་སུ་བཞུགས། །ཚོགས་གཉིས་རྫོགས་ནས་སྐུ་གཉིས་འགྲུབ། །གཞན་ཡང་ཚོགས་ཆེན་བཤད་པ་ནི། །བཀྲ་ཤིས་དབེན་པའི་གནས་དག་ཏུ། །ཏིང་འཛིན་ལྡན་པས་བཀའ་བསྒོ་ཞིང་། །མཆོད་སྦྱིན་རྒྱས་པར་བཏང་བྱས་ནས། །བྱིན་གྱིས་བརླབ་ཅིང་སྦྱང་བ་དང་། །བསྲུང་བའི་འཁོར་ལོ་རབ་ཏུ་སྦྱར། །སྟེགས་བུ་ལེགས་སར་བསྟར་བའི་སྟེང་། །ཁྲུ་གང་ཁྲུ་ཕྱེད་ཟླུམ་པོར་བསྐོར། །སོར་བཞི་ཕྱིར་དོར་དབུས་སུ་ནི། །རྡོ་རྗེ་སོར་བརྒྱད་ཚད་ཙམ་བྲི། །ཕྱི་རོལ་མེ་རི་འོད་ཀྱིས་བརྒྱན། །བུད་ཤིང་དཀར་པོ་འོ་མ་ཅན། །དྲི་ཞིམ་ཁྲུ་གང་ཚད་དུ་བརྩིག །རྩེ་མོ་ལོ་འདབ་འབྲས་བཅས་ལ། །མཆོད་སྦྱིན་ཡམ་ཤིང་བྱ་བ་ཡིན། །འབྲས་ཆེན་ཏིལ་སོགས་འབྲུ་སྣ་ཚོགས། །ཀུ་ཤ་སྤོས་ཆུ་གཡས་སུ་བཞག །མཆོད་རྫས་ཕལ་པ་གཡོན་དུའོ། །དགང་བླུགས་དམ་ཚིག་མདུན་བཞག་ནས། །གོས་དཀར་རྒྱན་བགོས་ཀུ་ཤའི་སྟེང་། །རྡོ་རྗེ་འཛིན་པའི་ང་རྒྱལ་གྱིས། །སེམས་དཔའི་སྐྱིལ་ཀྲུང་ཚུལ་གྱིས་འདུག །འཁོར་ཡུག་དྲི་ཞིམ་ཆུ་ཡིས་གཏོར། །དག་བྱེད་རྩེ་མོ་ཕྱིར་བསྟན་བསྐོར། །ཆོ་ག་ལྔའམ་གསུམ་དག་གིས། །ལྷ་ཡི་རྣལ་འབྱོར་གསལ་བྱ་སྟེ། །སྙིང་པོ་ཧཱུཾ་གི་འཕྲོ་འདུ་ཡིས། །དགང་བླུགས་རྡོ་རྗེ་དྲིལ་བུར་བྱ། །བུམ་པ་སྦྱངས་ཏེ་དཀྱིལ་འཁོར་བསྐྱེད། །ཀུ་ཤ་བདུད་རྩི་འཁྱིལ་པས་བསང་། །གཙུབ་ཤིང་མེའམ་བྲམ་ཟེའི་མེ། །རླུང་གཡོབ་ཀྱིས་སྦར་མེ་ཡི་ལྷ། །རཾ་ལས་མདོག་དཀར་དྲང་སྲོང་ཚུལ། །ཚངས་པའི་སྐུད་པས་རབ་ཏུ་བརྒྱན། །ཕྱག་གཡས་དབྱུག་པ་བགྲང་ཕྲེང་འཛིན། །གཡོན་ན་གུནྡྷེ་སྐྱབས་སྦྱིན་མཛད། །རང་དང་མཚུངས་པའི་ཡེ་ཤེས་དགུག །བགེགས་བསྐྲད་བསྡིམས་ཏེ་མཆོད་རྫས་དབུལ། །དཀར་གསུམ་མངར་གསུམ་ཏིལ་དང་ནས། །ཡམ་ཤིང་འོ་མ་འབྲས་ཆན་རྣམས། །རིམ་བཞིན་ཕུལ་ཏེ་བཤགས་སྦྱང་བྱ། །བསྟོད་དེ་འདོད་པའི་ཕྲིན་ལས་བཅོལ། །མེ་ལྷའི་ཐུགས་ཀར་ ― DNG014_Page_0537 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་གྱི། །ལྷ་རྣམས་ཕོ་བྲང་གསལ་བྱས་ཏེ། །ཡེ་ཤེས་ཕབ་ལ་མཆོད་རྫས་དབུལ། །ལྷ་རྣམས་སོ་སོའི་སྔགས་ཕྲེང་ལ། །མཆོད་བསྲེག་རྫས་ཀྱི་སྔགས་བཏགས་དབུལ། །བདུན་ནམ་ཉི་ཤུ་རྩ་གཅིག་གམ། །བརྒྱ་རྩ་བརྒྱད་ཀྱི་བར་དུའོ། །དགང་བླུགས་ཀྱིས་ནི་མཐོལ་བཤགས་ཏེ། །བསྟོད་ཅིང་གསོལ་གདབ་ཕྲིན་ལས་བཅོལ། །དཀྱིལ་འཁོར་བསྡུས་ཏེ་མེ་ལྷ་གསོ། །མཆོད་རྫས་བསྲེག་རྫས་སྔར་བཞིན་བསྐྱར། །བཤགས་གསོལ་བཅོལ་བ་དེ་བཞིན་ནོ། །ཡེ་ཤེས་གཤེགས་ཏེ་དམ་ཚིག་བསྡུ། །སྨོན་ལམ་བསྔོ་སྟེ་བཀྲ་ཤིས་བརྗོད། །ནད་གདོན་བར་ཆད་ཞི་བ་དང་། །མཐར་ཐུག་སྡིག་སྒྲིབས་སེལ་བའོ། །ཕྱི་མའི་དུས་ཀྱི་སྒྲུབ་པ་ཡིས། །རྣལ་འབྱོར་གནས་པའི་ཚེ་བསྲིང་བ། །ཕུན་ཚོགས་དབེན་པའི་གནས་དག་ཏུ། །ཕོ་བྲང་ལེགས་པར་གནས་བྱས་ལ། །རིན་ཆེན་བུམ་པ་མཛེས་པ་རུ། །བཀྲུ་ཞིང་བྲབ་བདུག་རྒྱན་གྱིས་བརྒྱན། །ནང་དུ་བདུད་རྩིའི་བཅུད་ཀྱིས་དགང་། །ཚེ་བཤོས་མཛེས་པ་སྟེང་བཞག་སྟེ། །རྡོ་རྗེ་རྒྱ་གྲམ་རྒྱ་ཡིས་གདབ། །སེམས་དཔའི་ཏིང་འཛིན་སྐད་ཅིག་གིས། །བྷྲཱུཾ་ལས་བུམ་པ་གཞལ་མེད་ཁང་། །ནང་དུ་སྔར་བཤད་ལྷ་རྣམས་བསྐྱེད། །གཙོ་བོའི་ཐུགས་ཀར་ཚེ་དཔག་མེད། །དམར་པོ་ཚེ་བུམ་འཛིན་པ་བསྐྱེད། །ཐུགས་ཀར་རྡོ་རྗེ་ཉི་ཟླ་སྦྱར། །བླ་གནས་ཡི་གེ་ནྲྀ་དང་བཅས། །བསྒོམ་པ་དམ་ཚིག་མཆོག་ཡིན་ནོ། །ཆོས་དབྱིངས་གཉིས་མེད་དེ་བཞིན་ནོ། །འོད་ཟེར་ལྕགས་ཀྱུའི་རྣམ་པ་ཡིས། །འཆི་བདག་བདུད་དང་གཤིན་རྗེ་ཡི། །ལག་ནས་བླ་ཚེ་སྟོབས་ཀྱིས་དགུག །དཔག་མེད་ཐུགས་ཀའི་ག་བུར་སྦ། །དེ་ཉིད་གནས་ནས་ཧཱུཾ་བརྒྱུད་ནས། །གཟུངས་ཐག་རྡོ་རྗེའི་ཁོང་སྦུག་ནས། །མཉེས་བྱེད་འོད་འཕྲོས་ཀུན་ཏུ་ཁྱབ། །སྣོད་བཅུད་ཚེ་དབང་བཀྲག་མདངས་བསྡུ། །གནས་དབུས་སུ་ནི་མ་ལུས་བསྡིམ། །ཚེ་དབང་སྔགས་ཀྱི་འཕྲོ་འདུ་ཡིས། །ལྷ་རྣམས་ཉི་ཟླའི་བར་དུ་གཞུག །སྙིང་པོ་ལྔ་པོ་འོད་དུ་ཐིམ། །གནས་ལྔར་ཡིག་འབྲུ་འོད་དུ་བཞུ། །སློབ་མའི་ལུས་ལ་བསྡིམ་ཞིང་དབབ། །ཚེ་དབང་མཐུ་སྟོབས་རྒྱས་པར་བསམ། ། ― DNG014_Page_0538 ―
[མ་དཔེ་གཟིགས་ན་འདིར་གནོན།]
གནས་པའི་ས་བོན་འོད་དུ་ཞུ། །སྐྱེ་མེད་སྙིང་པོར་གྱུར་པ་ལས། །མི་འགྱུར་ཆོས་དབྱིངས་ཆེན་པོར་བསྒོམ། །རྡོ་རྗེ་ལས་ཀྱི་སློབ་དཔོན་གྱིས། །རྟགས་བྱུང་བདག་པོའི་ཕྱག་ཏུ་དྲངས། །དེ་ཡིས་སློབ་མའི་ཚོགས་ཆེན་ལ། །བདེན་པའི་ཚིག་བརྗོད་དབང་བསྐུར་བྱ། །འཆི་མེད་གཟི་བརྗིད་བརྟན་པར་བསྒོམ། །གཡས་གཡོན་བསྐོར་ཏེ་སྨོན་ལམ་དང་། །བཀྲ་ཤིས་བདེན་པ་བརྗོད་པར་བྱ། །འདི་ཡིས་ཡུན་གནས་སྒྲུབ་པའོ། །འདི་དག་མ་ལུས་ཐམས་ཅད་ཀུན། །ཀུན་བཟང་ང་ཡི་ངང་གིས་བསྒྲུབ། །ཅེས་བཀའ་སྩལ་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ལས་ཕྲ་མོ་རྣམ་པར་དབྱེ་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་བདེ་བར་གཤེགས་པ་ཐམས་ཅད་ཀྱི་ཕྲིན་ལས་རབ་ཏུ་སྒྲུབ་པར་བྱེད་པའི་སྙིང་པོ་ཡང་དག་པར་གསང་བ་སྒྲའི་ཚོགས་སྐུ་གསུང་ཐུགས་གསང་བ་ཆེན་པོ་ལས་རབ་ཏུ་ཕྱུང་ངོ་། །ཨོཾ་སྔགས་སོར་བཞག་ཡ་ཀ་སྨིན་པྲ་བེ་ཤ །བ་མནྟེ་བ་ནཱ་ག་ཡཀྵ་རཱཀྵ་ས་བྷུ་ཏ་ཡ། ཙ་ཏི་པྲ་ཏི་སིན་དུན་དུ་ཡ་ཡ་ན། མུ་ཏན་པ་ས་ཡ་མི་ཧཱུཾ་ཕཊ་སྭཱ་ཧཱ། བཀའ་རབ་ཏུ་བསྒོ་བའི་སྔགས་སོ། །ཨོཾ་མ་ཧཱ་པྲ་ཏི་ས་ཡ་བྷེ་བྷེ་རྣ་པེ་ས་མ་ཡ་སྟྭཾ། མཁྱེན་པར་གསོལ་བའི་སྔགས་སོ། །ཨོཾ་མ་ཧཱ་ཨཱ་ར་ལི་ཧཱུཾ་ཛ། དབབ་པའོ། །ཨོཾ་བཛྲ་ཡཀྵ་ཀྲོ་དྷ་བི་ཤྭ་ཙཀྲ་ནན། བསྡིམ་པའོ། །ཨོཾ་བི་ཤྭ་མ་རུ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སཏྭ་སྭ་བྷཱ་བ་ཨཱདྨ་ཀོ྅ཧཾ། ཨོཾ་བཛྲ་ས་མ་ཡ་སུ་ཀྲ་མ་ཏི་ཧཱུཾ། དབྱེ་བའི་སྔགས་སོ། །ན་མཿསརྦ་ཏ་ཐཱ་ག་ཏེ་བྷྱོ་སརྦ་ཏ་ཐཱ་ག་ཏ་བཛྲ་ས་ན་ཛཱ་ལཱ་ནི། ཀྵོ་པ་ག་ནཾ་ག་ན་ཀ་ར་སྭཱ་ཧཱ། དྲ་བའི་སྔགས་སོ། །ན་མཿསརྦ་ཏ་ཐཱ་ག་ཏེ་བྷྱོ་བཛྲ་ཀཱི་ལི་ཀཱི་ལ་ཡ་ཨཱ་ཀཪྵ་ཡ་སྭཱ་ཧཱ། རྡོ་རྗེ་ཕུར་པའི་ཕྱག་རྒྱའི་སྔགས་སོ། །ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿ། བཛྲ་པྲ་ཀ་ར་ཎ་ཏ་ཐཱ་ག་ཏཱ་ནཱཾ། ཀུ་རུ་ཀུ་རུ་ཙཎྜ་སྭཱ་ཧཱ། རྒྱ་གྲམ་གྱི་སྔགས་སོ། །ཨོཾ་བཛྲ་ཀཱི་ལི་ཀཱི་ལ་ཡ་པདྨ་ཨཱ་ལོ་ཀ་སརྦ་ནན་མ་ར་ཤ་དུ་རུ་དུ་རུ་ཨོཾ། ཕུར་པའི་སྔགས་སོ། །ཨོཾ་ཀོ་ཀ་ལ་ཤ་བཛྲ་དུ་ན་དུ་རུ་ད་ར་སྭཱ་ཧཱ། མདའི་སྔགས་སོ། །ཨོཾ་བཛྲ་ཏིཀྵྞཱ་ཤཀྟི་ཧ་ས་སྭཱ་ཧཱ། ― DNG014_Page_0539 ―
[མ་དཔེ་གཟིགས་ན་འདིར་གནོན།]
རལ་གྲིའི་སྔགས་སོ། །ཨོཾ་ཤ་ན་བི་དྲུ་ཨ་མོ་ཀ་ཀཱ་ལ་ཤ་པུ་པ་ལ་ཤ་ས་ཏ་ཧཱུཾ། བུམ་པ་རྣམ་པར་རྒྱལ་བའི་སྔགས་སོ། །ཨོཾ་བཛྲ་བྷནྦྷ་དུ་ན་ཏཏ་ཙི་ཏི་ན་ཧཱུཾ། སྐུད་པའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཨེ་ཧྱེ་ཧི་བྷ་ག་ཝན་དྲྀ་ཤྱ་ཛ་ཨཱ་ར་ལི་ཧོ། བོད་པའི་སྔགས་སོ། །ཨོཾ་སརྦ་ཏ་ཐཱ་ག་ཏ་པདྨ་བྷ་ཏྲ་ཏ་ས་མ་ཡ་སྟྭཾ། བཞུགས་པའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཨཱཏྨཱ་ནཱཾ་ནི་ཏ་ཡཱརྱ་མི་པུ་རུ་ཤ་ཡ་ཧོ། འདུད་པའི་སྔགས་སོ། །ན་མཿས་མནྟ་བུདྡྷཱ་ནཱཾ་ག་ག་ན་ས་མ་ཡ་སྭཱ་ཧཱ། མཆོད་ཡོན་གྱིའོ། །ཨོཾ་བཛྲ་གནྡྷེ་བི་ཤུདྡྷོ་གཏོད་བྷ་བ་སྭཱ་ཧཱ། དག་པའིའོ། །ཨོཾ་བཛྲ་པུཥ྇་སུ་མེ་མ་ཧཱ་མེ་ཏྲི་བུད་ཀ་ཏེ་སྭཱ་ཧཱ། མེ་ཏོག་གིའོ། །ཨོཾ་བཛྲ་དྷཱུ་བེ་དྷཱུ་དྷརྨ་དྷཱ་ཏུ་ཨ་ནུ་ག་ཏེ་སྭཱ་ཧཱ། བདུག་སྤོས་ཀྱིའོ། །ཨོཾ་བཛྲ་ཨ་རྩི་ཏེ་པ་རི་ན་ག་ག་ན་ཨ་ཏི་རི་ཡེ་སྭཱ་ཧཱ། སྣང་བའིའོ། །ཨོཾ་སརྦ་ཀེ་དུ་ཤི་ཀོ་ཏ་ཐཱ་ག་ཏ་སྭ་བྷཱ་བ་སརྦ་ཀ་ཏི་ཡ་སྭཱ་ཧཱ། བཟའ་བའིའོ། །ཨོཾ་སརྦ་ཏ་ཐཱ་ག་ཏ་ཨ་ཤུ་ཏེ་ཤཔྟཱ་ཡ་སྭཱ་ཧཱ། སྒྲའིའོ། །ན་མཿས་མནྟ་བུདྡྷཱ་ནཱན། ཨོཾ་ཨི་བྷི་སྨ་སྥ་ར་ན་ཧི་མཾ་ག་ག་ན་ཁཾ། དྷརྨ་ཏད་ཐ་ཨཱ་ཀར་ཤ་ཡ་ས་མནྟ་ཡ། ན་མཿསརྦ་ཏ་ཐཱ་ག་ཏ་བ་རི་ཤད་མཾ་ཏ་ལེ། ན་མ་པྲ་ཏི་སུ་མ་ཛྙཱ་ན་བྷ་ཡེ། སརྦ་ཏ་ཐཱ་ག་ཏེ་བྷ་སེཾ། དྷརྨ་ཏད་ཐ་ཨ་སྡི་ཏ་ན་བྷ་སེཾ་ཙ་སྭཱ་ཧཱ། མཆོད་པ་ཆེན་པོ་རབ་ཏུ་སྒྲུབ་པའི་སྙིང་པོ་རྣམས་སོ། །ཨོཾ་ཨ་དྷི་ཏིཥྛ་ཛྙཱ་ན་ས་མ་ཡ་ཧཱུཾ། དམ་ཚིག་གི་སྔགས་སོ། །ཨོཾ་ཨ་ས་མེ་ཏྲི་ས་མེ་མ་ཧཱ་ས་མེ། མེ་ཏོག་གཏོར་བའོ། །ཨོཾ་པྲ་ཏི་གྲྀ་ཧྞ་ཧཱུཾ་པྲ་ཏིཙྪ་ཧོཿ། ས་མ་ཡ་སྟྭཾ། བརྟག་པའི་སྔགས་སོ། །ཨོཾ་བཛྲ་ཙཀྵུ་པྲ་བེ་ཤ་ཕཊ། མིག་དབྱེ་བའི་སྔགས་སོ། །ཨོཾ་ཨ་ཧཱུཾ་སིད་ཏི་ཏ་ཡ་མཾ། བལྟ་བའི་སྔགས་སོ། །ཨོཾ་བཛྲ་བཛྲོད་གྷ་ཊཱ་ཡ། ས་མ་ཡ་པྲ་བེ་ཤ་ཡ་ཤཱི་གྷྲཾ། སྨ་ར་ས་མ་ཡ་ཧཱུཾ། སྒོ་དབྱེ་བ་སྟེ་ཤར་གྱིའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་སྟ་ན་ཨཱཏྨཱ་ནཱཾ། ནིརྻཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སྭ་མཾ། ཕྱག་བཙལ་བ་ཤར་གྱིའོ། །ཨོཾ་བཛྲ་ཨཱ་བེ་ཤ་ཡ་ཨ་ཨ། དམ་ཚིག་སྦྱིན་པ་ཤར་གྱིའོ། །ཨོཾ་བཛྲ་ཀ་ལ་ཤ་ཨ་བྷི་ཥཱིཉྩ་ཧཱུཾ། བཀྲུ་བའི་ཤར་གྱིའོ། །ཨོཾ་རཏྣ་པ་ཏོཧྙ་ཊཱ་ཡ་ས་མ་ཡ་པྲ་བེ་ཤ་ཤཱི་གྷྲཾ། སྨ་ར་ས་མ་ཡ་ཧཱུཾ་ཕཊ། ལྷོའིའོ། །ཨོཾ་སརྦ་ཏ་ཐཱ་ག་ཏ་རཏྣ་ཨ་བྷི་ཥེ་ཀ་ཏ་ཨཱཏྨཱ་ནཱཾ་ནིརྻཱ་ཏ་ཡཱ་མི། ― DNG014_Page_0540 ―
[མ་དཔེ་གཟིགས་ན་འདིར་གནོན།]
སརྦ་ཏ་ཐཱ་ག་ཏ་བྲ་ཛ་རཏྣ་ཨ་བྷི་ཥཱིཉྩ་མཾ། ཕྱག་གི་ལྷོའིའོ། །ཨོཾ་རཏྣ་ཨཱ་བེ་ཤ་ཡ་ས་མ་ཡ་ཨ། དམ་ཚིག་སྦྱིན་པ་ལྷོའིའོ། །ཨོཾ་རཏྣ་ཀ་ལ་ཤ་ཨ་བྷི་ཥཱིཉྩ་ཏྲཱཾ། བཀྲུ་བ་ལྷོའིའོ། །ཨོཾ་པདྨ་ཀ་ཏོཧྙ་ཊཱ་ཡ་ས་མ་ཡ་པྲ་བེ་ཤ་ཤཱི་གྷྲཾ། སྨ་ར་ས་མ་ཡ་ཧཱུཾ། ནུབ་ཀྱིའོ། །ཨོཾ་སརྦ་ཏ་ཐཱ་ག་ཏ་བཛྲ་དྷརྨ་པྲ་བརྟྟ་ཡ་ཨཱཏྨཱ་ནཱཾ་ནཱིརྻཱ་ཏ་ཡཱ་མི་སརྦ་ཏ་ཐཱ་ག་ཏ་བཛྲ་དྷརྨ་པྲ་བརྟྟ་ཡཱ་ནཱཾ། ཕྱག་གིའོ། །ཨཱོཾཿཔདྨ་ད་མ་ཨཱ་བེ་ཤ་ཡ་ས་མ་ཡ་ཨཱཿ། དམ་ཚིག་གིའོ། །ཨོཾ་པདྨ་ཀ་ལ་ཤ་ཨ་བྷི་ཥཱིཉྩ་ཧྲཱྀཿ། བཀྲུ་བའོ། །ཨོཾ་ཀརྨ་བ་ཏོཧྙ་ཊཱ་ཡ་ས་མ་ཡ་པྲ་བེ་ཤ །ཤཱི་གྷྲཾ་སྨ་ར་ས་མ་ཡ་ཧཱུཾ། སྒོ་དབྱེ་བའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་ཀརྨ་ཎི་ཨཱཏྨཱ་ནཱཾ་ནིརྻཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་ཀརྨ་ཀུ་རུ་མཾ། ཕྱག་གིའོ། །ཨོཾ་ཀརྨ་ཨཱ་བེ་ཤ་ཡ་ས་མ་ཡ་ཨ། དམ་ཚིག་གིའོ། །ཨོཾ་ཀརྨ་ཀ་ལ་ཤ་ཨ་བྷི་ཥཱིཉྩ་ཨ། བཀྲུ་བ་བྱང་གིའོ། །ཨོཾ་ན་མ་སརྦ་ཏ་ཐཱ་ག་ཏ་བུཌྜྷ་བ་ཏོཧྙ་ཊཱ་ཡ་ས་མ་ཡ་པྲ་བེ་ཤ་ཤཱི་གྷྲཾ། སྨ་ར་ས་མ་ཡ་ཧཱུཾ་ཕཊ། དབུས་ཀྱིའོ། །ཨོཾ་སརྦ་ཏ་ཐཱ་ག་ཏ་བུཌྜྷ་ཀཱ་ཡ་བཱ་ཀ་ཙིཏྟ་པྲ་ཎ་མེ་ནཾ་བནྡ་ནཾ་ཀ་རོ་མི། ཕྱག་གིའོ། །ཨོཾ་སྭ་བྷཱ་བ་བུཌྜྷ་ཨཱ་བེ་ཤ་ཡ་ཨ་ཨ། དམ་ཚིག་གིའོ། །ཨོཾ་བུཌྜྷ་ཀ་ལ་ཤ་ཨ་བྷི་ཥཱིཉྩ་མཾ། བཀྲུ་བའོ། །ཨོཾ་བཛྲ་ཀ་པོ་ཏ་མཱ་ལེ་ཧཱུཾ། སྟེགས་བུའིའོ། །ཨོཾ་ཨཱཾ་ཧཱུཾ་ཏྲཱཾ་ཧཱཾ་སྭ་བྷཱ་བ་ཤུཌྜྷཿསརྦ་དྷ་རྨཱ་ཤུཌྜྷཿསྭ་བྷཱ་བ་ཨུ་ཤུ་པ་ཀིར་སི་ཏི་ཧཱུཾ། བུམ་པ་བསྐྱེད་པའིའོ། །ཨོཾ་ཙ་ཏུརྨ་ཧཱ་མུ་ཏྲ་ཀ་ལ་ཤ་སིདྡྷཾ་མུ་མེ་སྡི་ཏི། ཕྱི་སྦྱང་བའོ། །ཨོཾ་ཀ་ལ་ཤ་སརྦ་བུཌྜྷ་གུ་ཎ་སིདྡྷི་ཧཱུཾ། ནང་སྦྱང་བའོ། །ཨོཾ་ཛྙཱ་ན་ར་སྨི་མ་ཧཱ་ཀ་རུ་ཎི། པ་ར་ཤ་སིདྡྷི་ཧཱུཾ། ཆུའི་སྔགས་སོ། །ཨོཾ་རཏྣ་པཉྩ་སིདྡྷི་ཧཱུཾ། རིན་པོ་ཆེའིའོ། །ཨོཾ་པཉྩ་བྷཻ་ཥ་ཛྱཱ་ཡ། སྨན་གྱིའོ། །ཨོཾ་དྷཱུ་བ་པཉྩ་སིདྡྷི་ཀུ་རུ་ཧཱུཾ། སྤོས་ཀྱིའོ། །ཨོཾ་གརྦྷ་པཉྩ་སིདྡྷི་ཀུ་རུ་ཧཱུཾ། སྙིང་པོ་ལྔ་སྦྱིན་པའོ། །པཉྩ་དྷཱ་ནྱཾ་ས་མ་ཡ་སིདྡྷི་ཧཱུཾ། འབྲུའིའོ། །ཨོཾ་ཨཱཿཧཱུཾ་མུ་ཁ་ལ་བིད་ཤ་སྭ་ཧཱ། རྒྱན་གྱིའོ། །ཨོཾ་ཀ་ཝ་བྲྀཀྵ་སྲིག་ཤ་ཧཱུཾ། ཁ་རྒྱན་གྱིའོ། །ཨོཾ་པཉྩཱ་ལི་ཀ་ཧཱུཾ། མགུལ་བཅིངས་པའོ། །ཨོཾ་ཨཱ་ཡུ་དྷཱ་རོ་སཱུ་ཏྲ་ཀ་པ་ཤི་ས་ཏ་ཀ་རུ་ཧཱུཾ། གཟུངས་ཐག་གིའོ། །ཨོཾ་ཤྲི་བཻ་རོ་ཙ་ན་བཛྲ་སཏྭ་རཏྣ་སཾ་བྷ་བ་ཨ་མི་དྷི་བ་ཨ་མོ་གྷ་སིདྡྷི་ཨཱ་ཡུ་ཥེ་རཱ་ཛ་ཧཱུཾ། ཡུངས་ཀར་ ― DNG014_Page_0541 ―
[མ་དཔེ་གཟིགས་ན་འདིར་གནོན།]
གྱིས་དབང་བསྐུར་བའོ། །ཨོཾ་བོ་དྷི་ཙིཏྟ་ཧཱུཾ། འོ་མ་བཙལ་བའོ། །ཨོཾ་མ་ཧཱ་པྲཛྙཱ་པཱ་ར་མི་ཏ་ཨ་དྷི་ཥྛ་ན་ཧཱུཾ། ཨོཾ་ཛྙཱ་ན་ཀ་ལ་ཤ་བཛྲ་སིདྡྷི་སིདྡྷི་པདྨ་བཛྲཱ་ཡ། བྱིན་གྱིས་བརླབས་པ་དང་བཞུགས་པའིའོ། །ཨོཾ་བུཌྜྷ་བཛྲ་རཏྣ་པདྨ་ཀརྨ་ཨ་བྷི་ཥཱིཉྩ་ཨོཾ་ཧཱུཾ་ཏྲཱཾ་ཧྲཱྀཿཧ། མུ་དྲ་ཧྲིཾ། ཕྱག་རྒྱ་སྦྱིན་པའོ། །ཨོཾ་ཤུ་པ་རི་ཀ་རི་སིདྡྷི་ཧཱུཾ། ཀ་ལ་ཤ་མ་ཏ་མུ་དྲ་སརྦ་གུ་ཎ་སིདྡྷི་ཧཱུཾ། རིལ་བ་སྦྱིན་པའོ། །ཨོཾ་མ་པ་ནེ་ཀ་ན་བི་ཤུདྡྷེ་ཧཱུཾ། ཆུ་སྦྱིན་པའོ། །ཨོཾ་པཉྩ་ནཾ་པ་སིདྡྷི་ཧཱུཾ། འབྲུ་སྦྱིན་པའོ། །ཨོཾ་ཨ་མྲྀ་ཏ་པཉྩ་ར་སྨི་མ་ཧཱ་ཀུ་རུ་ཧཱུཾ། སྨན་སྦྱིན་པའོ། །ཨོཾ་དྷཱུ་པ་པཉྩ་ཨ་པ་དེ་ཤ་མ་ཧ་སིདྡྷི་ཧཱུཾ། སྤོས་སྦྱིན་པའོ། །ཨོཾ་སརྦ་པཉྩ་རཏྣ་སིདྡྷི་ཧཱུཾ། རིན་པོ་ཆེ་སྦྱིན་པའོ། །ཨོཾ་པཉྩ་གརྦྷ་སིདྡྷི་ཧཱུཾ། སྙིང་པོ་སྦྱིན་པའོ། །ཨོཾ་ཀཾ་པ་ཤྲི་ཤ་སུ་མེ་པ་ཏ་ཧཱུཾ། གུ་ན་ཧཱུཾ། ཁ་རྒྱན་སྦྱིན་པའོ། །ཨོཾ་ད་ན་སྨི་ཏི་ལ་ཀ་ཤི་ཀ་སི་ཀ་ཧཱུཾ། མགུལ་ཆིངས་སྦྱིན་པའོ། །ཨོཾ་ཤུ་པ་ཡ་ས་རི་སུ་པ་ཀ་ཤ་ས་མི་ཏ་ཀུ་རུ་ཧཱུཾ། གཟུངས་ཐག་སྦྱིན་པའོ། །ཨོཾ་མ་ཧཱ་ཨཱ་དཪྴ་ཛྙཱ་ན་བཛྲ་ཨ་བྷི་ཥཱིཉྩ་ཨ། མེ་ལོང་སྦྱིན་པའོ། །ཨོཾ་ཛྙཱ་ན་ཙཀྲ་ཨ་བྷི་ཥཱིཉྩ་ཨ། འཁོར་ལོ་སྦྱིན་པའོ། །ཨོཾ་མ་ཧཱ་སུ་ར་ཏ་མ་ཀུ་ཏ་ཨ་བྷི་ཥཱིཉྩ་མཾ། དུང་སྦྱིན་པའོ། །ཨོཾ་བཛྲ་རཀྵ་ཏི་ཏ་བཾ་ཧཱུཾ། རྒྱ་གྲམ་སྦྱིན་པའོ། །ཨོཾ་བུཌྜྷ་ཧཱུཾ་བཛྲ་ཏྲཱཾ་རཏྣ་ཧྲཱྀཿཔདྨ་ཧཱ་ཀརྨ་ཨ་བྷི་ཥཱིཉྩ་མཾ། དབུ་རྒྱན་སྦྱིན་པའོ། །ཨོཾ་སརྦ་བུཌྜྷ་ཀ་ལ་ཨ་བྷི་ཥཱིཉྩ་མཾ། བུམ་པ་སྦྱིན་པའོ། །ཨོཾ་རཏྣ་མཱ་ལ་ཨ་བྷི་ཥཱིཉྩ་ཏྲཱཾ། ཕྲེང་བ་སྦྱིན་པའོ། །ཨོཾ་བཛྲ་ཨ་ལཾ་བ་ནེ་ཨ་བྷི་ཥཱིཉྩ་ཨ། ཅོད་པན་སྦྱིན་པའོ། །ཨོཾ་བུཌྜྷ་བཛྲ་རཏྣ་པདྨ་ཀརྨ་མ་ཧཱ་མུ་དྲ་ཨ་བྷི་ཥཱིཉྩ་ཨ། ཕྱག་རྒྱ་ལྔ་སྦྱིན་པའོ། །ཨོཾ་ནཱ་མ་པུ་ཏྲ་ཨ་བྷི་ཥཱིཉྩ་ཨ། མིང་སྦྱིན་པའོ། །ཨོཾ་སརྦ་པཉྩ་བིདྱཱ་དྷ་ར་མནྟྲ་ཨ་བྷི་ཥཱིཉྩ་ཡ། གཟུངས་སྔགས་སྦྱིན་པའོ། །ཨོཾ་སརྦ་ཏ་ཐཱ་ག་ཏ་གུ་ཡ་ས་མ་ཡ་ཨ་བྷི་ཥཱིཉྩ་ཨ། གསང་བ་སྦྱིན་པའོ། །ཨོཾ་སརྦ་ཏ་ཐཱ་ག་ཏ་མ་ཧཱ་པྲཛྙཱ་ས་མ་ཡ་ཨ་བྷི་ཥཱིཉྩ་མཾ། ཐབས་དང་ཤེས་རབ་སྦྱིན་པའོ། །རབ་ཏུ་དབང་བསྐུར་བའི་སྔགས་སོ། །ན་མོ་བཛྲ་ཀྲོ་དྷ་ཡ་མ་ཧཱ་དཾཥྚྲོཏྐ་ཊ་བྷཻ་ར་བཱ་ཡ། ཨ་སི་མུ་ས་ལ་པ་ར་ཤུ་པཱ་ཤ་ཧ་སྟཱ་ཡ། ཨོཾ་ཨ་མྲྀ་ཏ་ཀུཎྜ་ལི་ཁ་ཁ་ཁཱ་ཧི་ཁཱ་ཧི་ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། ― DNG014_Page_0542 ―
[མ་དཔེ་གཟིགས་ན་འདིར་གནོན།]
པ་ཙ་པ་ཙ། གརྫ་གརྫ། བི་སྥོ་ཊ་ཡ། བི་སྦོ་ཊ་ཡ། སརྦ་བིགྷྣཱན་བི་ནཱ་ཡ་ཀཱ་ན། མ་ཧཱ་ག་ཎ་པ་ཏི་ཛི་བི་ཏཱནྟ་ཀ་རཱ་ཡ་སྭཱ་ཧཱ། བསྐྲད་པའོ། །ཨོཾ་སརྦ་ས་མནྟ་ད་ན་བཛྲ་སྭཱ་ཧཱ། ཕྱི་བའོ། །ཨོཾ་སརྦ་ཏ་ཐཱ་ག་ཏ་པུ་ཕྲ་ར་ན་སུ་སྡི་སྟ་རེ་སྭཱ་ཧཱ། བཀྲུ་བའོ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤྭ་དྷ་ན་སྭཱ་ཧཱ། བྱུག་པའོ། །ཨོཾ་རཛྷོ་ཨ་བ་ཧ་རི་ནི་ཧཱུཾ། བདར་བའོ། །ཨོཾ་ཨཱཿཧཱུཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡ་སྟྭཾ། དབང་བསྐུར་བའོ། །ཨོཾ་ཙཀྵུ་མཎྜ་ལ་བི་ཤོ་དྷ་ནཱ་ཡ་སྭཱ་ཧཱ། མིག་དབྱེ་བའོ། །ཨོཾ་དིབ་བྱ་ཀརྣཱ་ཡ་ནེ་ད་ཀ་ལོ་ཀི་ཏི་པ་སང་ཏ་ཧྲི། རྣ་བ་དབྱེ་བའོ། །ཨོཾ་དིབ་བྱ་ག་ནཱ་སཱ་སརྦ་ལཾ་བོ་དཾ་ར་ཧྲི་ཧྲི། སྣ་དབྱེ་བའོ། །ཨོཾ་དིབ་བྱ་མུ་ཁཱ་ཡ་གནྡྷ་སྭཱ་ཧཱ། ཁ་དབྱེ་བའོ། །ཨོཾ་སརྦ་བོ་ཀི་ཤ་ས་དྷ་ར་ནི་ཏྲི། སོ་ཤིང་སྦྱིན་པའོ། །ཨོཾ་སརྦ་ཤོ་ད་ན་ཁ་ཚེ་ད་ཧཱུཾ། ཨོཾ་ཀརྨ་ནི་ཧ་ར་ནི་ཧཱུཾ། སྐྲ་དྲེག་པ་དང་བཤད་པའོ། །ཨོཾ་རཏྣ་ཨ་ལཾ་ཀཱར་ཧཱུཾ། རྒྱན་གདགས་པའོ། །ཨོཾ་དིབ་པ་བྲ་པུ་ཡེ་སྭཱ་ཧཱ། ན་བཟའ་སྦྱིན་པའོ། །ཨོཾ་བ་སུ་ཙ་ག་པ་རི་ཀ་རེ་སྭཱ་ཧཱ། རྒྱན་དབུལ་བའོ། །ཨོཾ་རཏྣ་མཎྜ་ལ་ཨུ་པ་ཧཱུཾ། གནས་དབུལ་པའོ། །ཨོཾ་ཨེ་མ་ཡེ་ག་ག་ན་ས་པ་རི་ཀ་ར་ཡེ་སྭཱ་ཧཱ། ཨོཾ་བཛྲ་སི་ཏ་པ་སེ་ཡེ་སྭཱ་ཧཱ། བསིལ་བའོ། །ཨོཾ་ཨཱཿཧཱུཾ་ཨ་མྲྀ་ཏ་ཀུཎྜ་ལི་སརྦ་བིག་ཤ་ཧ་ན་ཧཱུཾ་ཕཊ། བསང་བའོ། །ཨོཾ་ཨ་ཀ་ནེ་ཏེ་བྷ་ག་ཡ་སྭཱ་ཧཱ། བསྐྱེད་པའིའོ། །ཨཱ་གཙྪ། བོད་པའོ། །ཨོཾ་ཨགྣ་ཡེ་དྷཱུ་པེ་པུཥྦེ་ཨཱ་ལོ་ཀེ་གནྡྷེ་ཨི་མཾ་གྲྀ་ཧྣ་པཱུ་ཛ་ཨ་ལ་ལ་ཧོ། དབུལ་བའི་སྔགས་སོ། །ཨོཾ་སརྦ་པཱ་པཾ་ད་ཧ་ན་བཛྲཱ་ཡ་ཧཱུཾ། ཏིལ་དབུལ་བའོ། །ཨོཾ་བི་མ་ལ་ཡེ་སྭཱ་ཧཱ། མར་གྱིའོ། །ཨོཾ་སརྦ་པཱ་པ་མཾ་བྷནྡྷ་ལ་སྭཱ་ཧཱ། ཆན་གྱིའོ། །ཨོཾ་ཨཱ་ཡུ་ཥེ་སྭཱ་ཧཱ། དཱུར་བའོ། །ཨོཾ་ཡེ་མ་ཡེ་གཱ་ག་ལ་པཱ་རི་ཀ་རི་ཡེ་སྭཱ་ཧཱ། འབྲུའིའོ། །ཨོཾ་བེ་ནེ་ཏ་སྟ་བཛྲ་སྭཱ་ཧཱ། ཡམ་ཤིང་གིའོ། །ཨོཾ་ཨ་ཧ་ར་སུ་ས་སྤེ་མ་ཧཱ་ད་རེ་བེ་ཤ་ཤནྟིཾ་ཀུ་རུ་སྭཱ་ཧཱ། མ་ལུས་པའི་སྔགས་སོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ལས་ཆེན་པོ་རབ་ཏུ་བསྒྲུབ་པའི་སྙིང་པོའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཀྱིས་བདེ་བར་གཤེགས་པའི་འཁོར་འདུས་པ་ཐམས་ཅད་དགེས་པ་ཆེན་པོའི་དོན་རབ་ཏུ་དབབ་པའི་རྣམ་པར་དག་པའི་ཆ་ལུགས་ཀྱི་ ― DNG014_Page_0543 ―
[མ་དཔེ་གཟིགས་ན་འདིར་གནོན།]
བཀོད་པ་རྒྱ་ཆེན་པོ་དང་རང་གི་གནས་དང་ཡོངས་སུ་མཐུན་པའི་ཚུལ་གྱིས་ཡོངས་སུ་བསྟོད་པ་འདི་བཀའ་སྩལ་ཏོ། །ཧཱུཾ་རིགས་ལྔ་སྐུ་ལྔ་ཡེ་ཤེས་ལྔ། །གཙོ་ཆེན་རིགས་ཀུན་བདག་པོ་སྟེ། །རྣམ་སྣང་མཛད་པ་སྐུ་མདོག་དཀར། །བྱང་ཆུབ་ཕྱག་རྒྱས་འཁོར་ལོ་འཛིན། །རྡོ་རྗེ་མི་བསྐྱོད་སྐུ་མདོག་མཐིང་། །ས་གནོན་ཕྱག་རྒྱས་རྡོ་རྗེ་འཛིན། །རིན་ཆེན་འབྱུང་ལྡན་སྐུ་མདོག་སེར། །མཆོད་སྦྱིན་རིན་ཆེན་འབར་བ་བསྣམས། །སྣང་བ་མཐའ་ཡས་སྐུ་མདོག་དམར། །ཏིང་འཛིན་མཉམ་གཞག་པདྨ་བསྣམས། །དོན་ཡོད་གྲུབ་པ་སྐུ་མདོག་ལྗང་། །སྐྱབས་སྦྱིན་རྡོ་རྗེ་རྒྱ་གྲམ་བསྣམས། །ཞབས་གཉིས་མཉམ་པའི་སྐྱིལ་ཀྲུང་བཞུགས། །གཉིས་མེད་རིགས་ཀྱི་ཡུམ་རྣམས་ནི། །ཀུན་བཟང་སྤྱན་མ་གོས་དཀར་མོ། །མཱ་མ་ཀཱི་དང་སྒྲོལ་མ་སྟེ། །སོ་སོའི་ཡབ་ཀྱི་ཚུལ་བསྟན་ཞིང་། །གཙོ་ལ་འདུད་པའི་ཚུལ་དུ་བཞུགས། །ཡབ་ཡུམ་བཅས་ལ་ཕྱག་འཚལ་བསྟོད། །ཤར་ཕྱོགས་དཀྱིལ་འཁོར་ཆེན་པོ་ན། །བཅོམ་ལྡན་ཀུན་ཏུ་བཟང་པོ་དང་། །ཡུམ་ཆེན་རྡོ་རྗེ་དབྱིངས་ཕྱུག་མ། །མདོག་དཀར་རྡོ་རྗེ་རྩེ་ལྔ་བསྣམས། །རྡོ་རྗེ་སེམས་དཔའ་སྐུ་མདོག་དཀར། །ཕྱག་ན་རྡོ་རྗེ་རྩེ་ལྔ་འཛིན། །རྒྱལ་པོ་མདོག་སེར་ལྕགས་ཀྱུ་འཛིན། །ཆགས་པ་མདའ་གཞུ་འགེངས་མཛད་དམར། །ལེགས་པ་ལྗང་གུ་རྒྱ་གྲམ་བསྣམས། །སྒེག་མོ་དཀར་མོ་རྡོ་རྗེ་འཛིན། །བདུག་པ་མདོག་སེར་སྤྲིན་འཕྲོ་མ། །རྡོ་རྗེ་ལྕགས་ཀྱུ་མདོག་ནི་དམར། །རྡོ་རྗེ་མེ་སྒྲོན་མདོག་ལྗང་གསལ། །ལྷོ་ཕྱོགས་དཀྱིལ་འཁོར་ཆེན་པོ་ནི། །བཅོམ་ལྡན་འཇམ་དཔལ་གཞོན་ནུ་དང་། །ཡུམ་ཆེན་རིན་ཆེན་དབྱིངས་ཕྱུག་མ། །མདོག་སེར་རིན་ཆེན་རལ་གྲི་འཛིན། །རྡོ་རྗེ་རིན་ཆེན་འཛིན་མཛད་སེར། །གཟི་བརྗིད་མདོག་སེར་ཉི་མ་འཛིན། །རྡོ་རྗེ་རྒྱལ་མཚན་འཛིན་པ་དམར། །བཞད་པ་མདོག་ལྗང་སོ་ཕྲེང་འཛིན། །རྡོ་རྗེ་ཕྲེང་བ་འཛིན་མ་དཀར། །རྡོ་རྗེ་མེ་ཏོག་འཛིན་མ་སེར། །རྡོ་རྗེ་ཞགས་པ་འཆིང་མཛད་དམར། །རྡོ་རྗེ་འབེབས་མ་བསིལ་མཛད་ལྗང་། །ནུབ་ཕྱོགས་དཀྱིལ་འཁོར་ཆེན་པོ་ན། །བཅོམ་ལྡན་སྤྱན་རས་ ― DNG014_Page_0544 ―
[མ་དཔེ་གཟིགས་ན་འདིར་གནོན།]
གཟིགས་དབང་དང་། །ཡུམ་ཆེན་པདྨ་དབྱིངས་ཕྱུག་མ། །མདོག་དམར་པདྨ་དམར་པོ་བསྣམས། །རྡོ་རྗེ་ཆོས་དཀར་པདྨ་འཛིན། །རྣོན་པོ་མདོག་སེར་རལ་གྲི་འཛིན། །སྨྲ་བ་ལྕེ་འཛིན་སྐུ་མདོག་དམར། །རྡོ་རྗེ་འཁོར་ལོ་འཛིན་པ་ལྗང་། །རྡོ་རྗེ་དབྱངས་དཀར་པི་ཝང་འཛིན། །རྡོ་རྗེ་མར་མེ་འཛིན་མ་སེར། །རྡོ་རྗེ་ལྕགས་སྒྲོག་འཛིན་མ་དམར། །གསལ་བཀྲ་ལྗང་གུ་རྨ་བྱ་འཛིན། །བྱང་ཕྱོགས་དཀྱིལ་འཁོར་ཆེན་པོ་ན། །བཅོམ་ལྡན་ཕྱག་ན་རྡོ་རྗེ་དང་། །ཡུམ་ཆེན་ལས་ཀྱི་དབྱིངས་ཕྱུག་མ། །མདོག་ལྗང་རྡོ་རྗེ་དྲིལ་བུ་བསྣམས། །རྡོ་རྗེ་ལས་དཀར་རྒྱ་གྲམ་བསྣམས། །སྲུང་བ་སེར་པོ་གོ་ཆ་བསྣམས། །གནོད་སྦྱིན་དམར་པོ་མཆེ་བ་བསྣམས། །རྡོ་རྗེ་ཁུ་ཚུར་འཛིན་མཛད་ལྗང་། །རྡོ་རྗེ་གར་བསྒྱུར་སྐུ་མདོག་དཀར། །བྱུག་པ་དྲི་ཆབ་འཐོར་མ་སེར། །རྡོ་རྗེ་དགྱེས་མཛད་དྲིལ་འཁྲོལ་དམར། །རྡོ་རྗེ་འབེབས་མཛད་ཆུ་རྒྱུན་བསིལ། །ཤར་ལྷོ་མཚམས་ཀྱི་དཀྱིལ་འཁོར་ན། །བཅོམ་ལྡན་ས་ཡི་སྙིང་པོ་དང་། །ཡུམ་ཆེན་རྡོ་རྗེ་སེམས་མ་ནི། །མདོག་དཀར་རིན་ཆེན་སྙེ་མ་བསྣམས། །རྡོ་རྗེ་རྒྱལ་མཚན་སྐུ་མདོག་དཀར། །ཆུ་སྲིན་གསེར་མདོག་ཕྱག་ན་བསྣམས། །དབང་ཕྱུག་རྒྱལ་པོ་སེར་ལྕགས་ཀྱུ། །བཀོད་པའི་རྒྱན་དམར་མེ་ཏོག་བསྣམས། །རིན་ཆེན་འོད་འཕྲོ་ལྗང་རིན་ཆེན། །བདེ་བ་རྒྱས་འདེབས་ཁ་ཊྭཱཾ་དཀར། །ཟ་བྱེད་མ་སེར་མདའ་གཞུ་འགེངས། །རྨོངས་བྱེད་དམར་མོ་ཕྱག་རྒྱ་བསྣོལ། །ཚེ་འཕེལ་མ་ལྗང་དྲིལ་བུ་འཛིན། །ལྷོ་ནུབ་མཚམས་ཀྱི་དཀྱིལ་འཁོར་ན། །བཅོམ་ལྡན་ནམ་མཁའི་སྙིང་པོ་དང་། །ཡུམ་ཆེན་རིན་ཆེན་དབྱིངས་ཕྱུག་མ། །མདོག་སེར་རིན་ཆེན་ཟ་མ་ཏོག །སྣང་བའི་མཆོག་དཀར་རྡོ་རྗེ་བསྣམས། །ཕྱག་རྒྱ་རྒྱལ་སེར་མདའ་གཞུ་འཛིན། །སྤོས་ཀྱི་གླང་པོ་འོད་ཕུང་དབང་། །སྤོབས་པ་བརྩེགས་ལྗང་ལྕགས་ཀྱུ་བསྣམས། །ཁྲུས་མ་དཀར་མོ་བུམ་པ་འཛིན། །རྒྱལ་མཚན་འཛིན་མ་སྐུ་མདོག་སེར། །བླ་རེ་འཛིན་མཛད་ལྷ་མོ་དམར། །གདུགས་འཛིན་མ་ནི་མདོག་ལྗང་སྔོ། །ནུབ་བྱང་མཚམས་ཀྱི་དཀྱིལ་འཁོར་ན། །བཅོམ་ ― DNG014_Page_0545 ―
[མ་དཔེ་གཟིགས་ན་འདིར་གནོན།]
ལྡན་བྱམས་པ་ཆེན་པོ་དང་། །ཡུམ་ཆེན་པདྨའི་སེམས་མ་ནི། །མདོག་དམར་ཀླུ་ཤིང་པདྨ་བསྣམས། །པདྨ་འཛིན་མཛད་རྒྱལ་པོ་དཀར། །པདྨ་དམ་པ་འཛིན་མ་སེར། །རྡོ་རྗེ་མི་གཡོ་དམར་པོ་ཏི། །ཐོགས་མེད་རྒྱལ་ལྗང་ལྕགས་ཀྱུ་འཛིན། །ལྷ་མོ་པདྨ་དཔལ་བེའུ་དཀར། །འཇིགས་བྱེད་མ་སེར་འཁོར་ལོ་བསྣམས། །སྐྱོན་བྲལ་དམར་པོ་པདྨ་བསྣམས། །རྣམ་རྒྱལ་མ་ལྗང་རྒྱལ་མཚན་བསྣམས། །བྱང་ཤར་མཚམས་ཀྱི་དཀྱིལ་འཁོར་དུ། །བཅོམ་ལྡན་སྒྲིབ་པ་རྣམ་སེལ་དང་། །ཡུམ་ཆེན་ལས་ཀྱི་སེམས་མ་ནི། །མདོག་ལྗང་ཕྱག་ན་པོ་ཏི་བསྣམས། །རིན་ཆེན་དབང་སྡུད་རིན་ཆེན་དཀར། །གྲུབ་པའི་ལས་སེར་རྒྱ་གྲམ་བསྣམས། །དགའ་བར་སྟོན་དམར་མེ་ལོང་བསྣམས། །མི་གཡོ་མཐའ་ལྗང་བསམ་གཏན་མཛད། །ལྷ་མོ་སྐྱབས་ཅན་གདུགས་འཛིན་དཀར། །ལྷ་མོ་དྲི་མེད་བུམ་བསྣམས་སེར། །སྒྲ་སྒྲོགས་དམར་མོ་འབུད་དུང་བསྣམས། །ཐོགས་མེད་མ་ལྗང་གསེར་ཉ་བསྣམས། །ཀུན་ཀྱང་སེམས་དཔའི་ཞབས་ཀྱིས་བཞུགས། །ཡབ་ཡུམ་གཉིས་མེད་འདུད་པའི་ཚུལ། །གསལ་འཚེར་ལྷུན་སྡུག་གཟི་བརྗིད་འབར། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །ཤར་ཕྱོགས་ཁྱམས་ན་གནས་བཞུགས་པ། །བརྒྱ་བྱིན་མདོག་དཀར་པི་ཝང་བསྣམས། །ཐགས་བཟང་རིས་སྔོ་གོ་ཆ་བསྣམས། །ལྷོ་ཕྱོགས་ཁྱམས་ཀྱི་ལོགས་དག་ན། །ཤཱཀ་ཐུབ་གསིལ་བྱེད་འཛིན་གསེར་མདོག །ནུབ་ཕྱོགས་ཁྱམས་ཀྱི་ལོགས་དག་ན། །ཤཱཀྱ་སེང་མཐིང་པོ་ཏི་བསྣམས། །ནམ་མཁའི་མཛོད་དམར་རིན་ཆེན་སྒྲོམ། །བྱང་ཕྱོགས་ཁྱམས་ཀྱི་ལོགས་དག་ན། །ཆོས་རྒྱལ་མཐིང་ནག་མེ་ཆུ་བསྣམས། །དཀྱིལ་འཁོར་ཕྱི་ཡི་སྒོ་བཞི་ན། །ཤར་སྒོར་རྡོ་རྗེ་ལྕགས་ཀྱུ་དཀར། །ལྷོ་སྒོར་རྡོ་རྗེ་ཞགས་པ་སེར། །ནུབ་སྒོར་རྡོ་རྗེ་ལྕགས་སྒྲོག་དམར། །བྱང་སྒོར་རྡོ་རྗེ་དྲིལ་འཁྲོལ་ལྗང་། །ཅུང་ཟད་ཁྲོ་བའི་ཚུལ་གྱིས་བཞུགས། །དུས་གསུམ་སངས་རྒྱས་ཀུན་གྱི་བདག །གཙོ་ཆེན་ཡབ་ལ་ཕྱག་འཚལ་བསྟོད། །དབྱིངས་དང་ཡེ་ཤེས་འདུ་འབྲལ་མེད། །རིགས་ཀྱི་ཡུམ་ལ་ཕྱག་འཚལ་བསྟོད། །ཐབས་ ― DNG014_Page_0546 ―
[མ་དཔེ་གཟིགས་ན་འདིར་གནོན།]
མཁས་ཐུགས་རྗེས་འགྲོ་དོན་མཛད། །སེམས་དཔའི་གཙོ་ལ་ཕྱག་འཚལ་བསྟོད། །ཡེ་ཤེས་སྒྱུ་མའི་ཚུལ་འཆང་མ། །སེམས་མའི་གཙོ་ལ་ཕྱག་འཚལ་བསྟོད། །མ་ལུས་དོན་མཛད་རྒྱལ་བ་ཆེ། །སེམས་དཔའི་ཚོགས་ལ་ཕྱག་འཚལ་བསྟོད། །གཉིས་མེད་ཕྱག་རྒྱ་འདུད་ཚུལ་ཅན། །སེམས་མའི་ཚོགས་ལ་ཕྱག་འཚལ་བསྟོད། །འགྲོ་དྲུག་སོ་སོའི་དོན་རྫོགས་མཛད། །ཐུབ་པ་དྲུག་ལ་ཕྱག་འཚལ་བསྟོད། །ཕྱག་རྒྱས་ཕྲིན་ལས་རྫོགས་མཛད་པའི། །སྒོ་སྐྱོང་བཞི་ལ་ཕྱག་འཚལ་བསྟོད། །ཕྱོགས་བཅུ་སོ་སོའི་བགེགས་རིགས་འདུལ། །ཆོས་སྲུང་ཚོགས་ལ་ཕྱག་འཚལ་བསྟོད། །བསྟོད་པའི་རྒྱལ་པོ་འདི་དག་གིས། །ལྷ་རྣམས་ལ་ནི་གང་བསྟོད་པས། །བསོད་ནམས་ཡེ་ཤེས་ཚོགས་རྫོགས་ཏེ། །ཀུན་བཟང་ཉིད་དང་མཚུངས་པར་འགྱུར། །ཞེས་བཀའ་སྩལ་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། སྐུའི་ཕྱག་རྒྱ་རབ་ཏུ་གྲུབ་པ་བསྟོད་པའི་ལེའུ་སྟེ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱིས་བདེ་བར་གཤེགས་པ་རྣམས་ཀྱི་ཐུགས་རྗེ་རྒྱ་ཆེན་པོ་རབ་ཏུ་གྲུབ་པ་གཞན་གྱི་དོན་དཔག་ཏུ་མེད་པ་སྦྱོར་བའི་རིག་སྔགས་འདི་དག་བཀའ་སྩལ་ཏོ། །ཨོཾ་སྭ་བྷཱ་བ་སརྦ་དྷརྨཱཿབི་ཤུདྡྷེ་སྭཱ་ཧཱ། ཞེས་བྱ་བ་ནི་ཐམས་ཅད་དུ་དག་པའི་སྔགས་སོ། །ཨོཾ་བ་ར་བི་དན་ཁཌྒ་ཙྪིནྡ་ཙྪིནྡ་ཧཱུཾ་ཕཊ། དང་པོ་རྒྱུད་ཀྱི་སྒོ་གཅད་པའོ། །ཨོཾ་སརྦ་དུ་ཁཿསརྦ་རཀྵེ་ཤ་ཧཱུཾ་ཕཊ། གཉིས་པ་གཅད་པའོ། །ཨོཾ་མ་ཐ་མ་ཐ་སརྦ་ཏིརྻ་ཀ་ག་ཏེ་ཧེ་ཏུཾ་ཧཱུཾ་ཕཊ། གསུམ་པ་གཅད་པའོ། །ཨོཾ་པ་ཙ་པ་ཙ་སརྦ་པྲེ་ཏ་ཀ་ག་ཏེ་ཧེ་ཏུཾ་ཧཱུཾ་ཕཊ། བཞི་པ་གཅོད་པའོ། །ཨོཾ་ད་ཧ་ད་ཧ་སརྦ་ན་རཀ་ག་ཏེ་ཧེ་ཏུཾ་ཧཱུཾ་ཕཊ། ལྔ་པ་གཅད་པའོ། །ཨི་དྷ་མ་ཏེ་ཁ་ཐམ། བཛྲ་ས་མ་ཡ་ན་རག་ཀ་ན། མ་ར་ཧྲྀ་ད་ཡ། ནམ་པ་ཏི་ནན། ས་མ་རཀྵ་སིཌྜྷ་བི་ཏི་ཨ་མྲྀ་ཏ་ཧེ་ཧོ། གཞུག་ཅིང་བསྒྲག་པའོ། །ཨོཾ་བྷ་བ་ཡ་ཨགྣ་ཡེ་ཨཱ་གཙྪ་ཡ་ཨཱ་གཙྪ་ཡ་དྲྀ་ཤྱ་ཧོ། ས་མ་ཡ་སྟྭཾ། དགུག་ཅིང་བཞུགས་པའོ། །ཨོཾ་བྷ་བ་ཨགྣེ་ཡེ་མཱ་མ་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། མ་མཱ་སརྦ་ཀརྨ་ཨཱ་བ་ར་ཎ་བི་ཤུདྡྷེ་ཤཱནྟིཾ་ཀུ་རུ་སྭཱ་ཧཱ། མཆོད་ཅིང་སྦྱིན་པའོ། །ཨོཾ་བྲཧྨ་ཎེ་སཱུརྱ་ཙནྡྲ་ཨ་དྷི་པ་ཏ་ཡེ་ཧཱུཾ་ཛཿ། ― DNG014_Page_0547 ―
[མ་དཔེ་གཟིགས་ན་འདིར་གནོན།]
ཨོཾ་བཻ་ཤྲ་མ་ཎཱ་ཡ་མ་ཧཱ་རཱ་ཛ་ཨ་དྷི་པ་ཏ་ཡེ་ཧཱུཾ་ཛཿ། ཨོཾ་དྷྲྀ་ཏྲ་རཥྚཱ་ཡ་མ་ཧཱ་རཱ་ཛ་ཨ་དྷི་པ་ཏྲ་ཡེ་ཧཱུཾ་ཛཿ། ཨོཾ་བི་རཱུ་ཊཱུ་ཀཱ་ཡ་སུཾ་བནྡི། མ་ཧཱ་རཱ་ཛ་ཨ་དྷི་བ་ཏ་ཡེ་ཧཱུཾ་ཛཿ། ཨོཾ་བི་རཱུ་པཀྵཱ་ནཱ་ག་མ་ཧཱ་རཱ་ཛ་ཨ་དྷི་པ་ཏ་ཡེ་ཧཱུཾ་ཛ། ཨོཾ་ཨིནྡྲ་ཡ། ཨགྣ་ཡེ། ཡ་མཱ་ཡ། ནཻ་ཪྲྀ་ཏཱ་ཡ། བ་ཡ་བེ། བ་རུ་ཎཱ་ཡ། ཀུ་བེ་རཱ་ཡ། ཨཱིཾ་ཤ་ནཱ་ཡ། བིཥྞ་བེ། སཱུརྱ་ཙནྡྲཱ་ཡ། ཨཱ་གཙྪ་ཧཱུཾ་ཛ། མ་ཧཱ་དེ་བ་ཨཥྚཱ་བྷྱཿཧཱུཾ་ཛ། ཕུ་ནཱ་ག་ཨཥྚཱ་བྷྱཿཧཱུཾ་ཛ། གྲ་ཧ་ཨཥྚཱ་བྷྱཿཧཱུཾ་ཛ། ཡཀྵ་མ་ཧཱ་སེ་ན་པ་ཏ་ཡེ་ཧཱུཾ་ཛ། བཛྲ་ཧ་པ་རི་ཨ་ཏ་ཡ་ཧཱུཾ་ཛ། ཨ་དྷི་པ་ཏ་ཡེ་ཧཱུཾ་ཛ། ཨཱ་གཙྪ་ཡ་ཨཱ་གཙྪ་ཡ་ཧཱུཾ་ཛ། བོད་པའི་སྔགས་སོ། །ཨོཾ་བྲཧྨ་ཎེ། སཱུརྱ་ཡ། ཙནྡྲཱ་ཡ། ཨིནྡྲཱ་ཡ། ཨགྣ་ཡེ། ཡ་མཱ་ཡ། རཀྵཱ་ཡ། བ་རུ་ཎཱ་ཡ། བཱ་ཡ་བེ། ཀུ་བེ་རཱ་ཡ། ཨཱིཾ་ཤ་ནཱ་ཡ། བིཥྞ་བེ། དེ་བཱ་ཡ། ནཱ་ག་ཡ། གྲ་ཧཱ་ཡེ། ཡཀྵཱ་ཡ། ཨི་དཾ་གྲྀ་ཧྞ། དྷཱུ་པེ། པུཥ྇། ཨཱ་ལོ་ཀེ། གནྡྷེ། ནི་བི་དྱེ་པཱུ་ཛ་ཡ་སྭཱ་ཧཱ། མཆོད་པ་དང་རབ་ཏུ་སྦྱིན་པའི་སྔགས་སོ། །ཨོཾ་ཏི་སྟན་བཛྲ་སད་ཏ་ཧཱུཾ། བསྐྱེད་པའི་སྔགས་སོ། །ཨོཾ་ན་མཿས་མནྟ་བུདྡྷཱ་ནཱཾ་ཧཱུཾ་ཧཱུཾ། གཙུག་ཏོར་གྱི་སྔགས་སོ། །ནམཿས་མནྟ་བུདྡྷཱ་ནཱཾ་ག་ག་པ་ར་ཡཀྵ་ན་ཀ་རུ་ན་མ་ཧཱ་ཏ་ཐཱ་ག་ཏ་བཛྲ་ཙཀྵུ་ཀྲུ་སྭཱ་ཧཱ། ཡེ་ཤེས་སྤྱན་གྱི་སྔགས་སོ། །ན་མཿས་མནྟ་བཛྲཱ་ཎཱཾ་བཛྲ་ཀ་པ་ཙ་རཀྵ་ཧཱུཾ། རྡོ་རྗེ་གོ་ཆའི་སྔགས་སོ། །ན་མཿསརྦ་ཏ་ཐཱ་ག་ཏེ་བྷྱོ་སརྦ་ཏད་ཁཾ་རཀྵ་མ་ཧཱ་བ་ལེ། སརྦ་ཏ་ཐཱ་ག་ཏ་པུད་ན་ནིར་ཛ་ཏེ་ཧཱུཾ་ཧཱུཾ་ཏྲ་ཐཱ་ཏྲ་ཐཱ་ཨ་པྲ་ཏི་ཧ་ཏེ་སྭཱ་ཧཱ། བསྲུང་བའོ། །ཨོཾ་ཨཱ་བཛྲ་ཨཾ་ཀུ་ཤ་ནྲྀ་ཏྲུཾ་ཨཱ་གཙྪ་ཧཱུཾ་ཛ། མིང་བྱང་ལ་དགུག་པའི་སྔགས་སོ། །ཨོཾ་བཛྲ་མ་ཧཱ་ཀྲོ་དྷ་ཡ་མ་རཱ་ཛ་པ་ཙ་པ་ཙ་ཧཱུཾ་ཕཊ། ལུས་ལ་བསྐྲད་པའོ། །ཨོཾ་བཛྲ་མ་ཧཱ་ཀྲོ་དྷ་ཧ་ཡ་གྲཱི་བ་ཧུ་ལུ་ཧུ་ལུ་ཧཱུཾ་ཕཊ། ངག་ལ་བསྐྲད་པའོ། །ཨོཾ་བཛྲ་མ་ཧཱ་ཀྲོ་དྷ་བི་ཛ་ཡ་ཧ་ན་ཧ་ན་ཧཱུཾ་ཕཊ། ཡིད་ལ་བསྐྲད་པའོ། །ཨོཾ་བཛྲ་མ་ཧཱ་ཀྲོ་དྷ་ཨ་མྲྀ་ཏ་ཀུཎྜ་ལི་ཙྪིནྡ་ཙྪིནྡ་ཧཱུཾ་ཕཊ། ཐམས་ཅད་དུ་བསྐྲད་པའོ། །ཨོཾ་མ་ཧཱ་སརྦ་དུརྦ་ཏི་བི་ཤོ་དྷ་ནི་ར་ཛ་ཡ་ཛ། དྲང་པའིའོ། །ཨོཾ་མ་ཧཱ་མཉྫུ་ཤྲི་སརྦ་ཁངྒ་ཏི། ཤག་ཏི་ཏི་ཀྵྞ་ཛ་པ་ཡ་ཕཊ། སྒྲིབ་པ་གཅད་པའི་སྔགས་སོ། །ཨོཾ་སརྦ་ཀརྨ་ཨ་བ་ར་ཎ་བི་ཤོ་དྷ་ཡ་སརྦ་དུར་ག་ཏི་བི་ཤོ་དྷ་ཡ་ཛྭ་ལ་ཛྭ་ལ་ཀ་ཏ་ཀ་ཏ་ཧ་ན་ཧ་ན་ས་ ― DNG014_Page_0548 ―
[མ་དཔེ་གཟིགས་ན་འདིར་གནོན།]
ར་ས་ར་པྲ་ས་ར་པྲ་ས་ར་ཧ་ར་ཧ་ར་སྥོ་ཊ་སྥོ་ཊ་པྲེ་ཏ་པྲེ་ཏ་མ་ཐ་མ་ཐ་ཏྲ་ཐ་ཏྲ་ཐ་ཚིནྡྷ་ཚིནྡྷ་ད་ཧ་ད་ཧ་པ་ཙ་པ་ཙ་མ་ཐ་མ་ཐ་ཨ་ནི་ནི་རྐི་ཏེ་ཨ་བ་ར་ཧཱུཾ་ཧཱུཾ་ཕཊ་ཕཊ། བྲབ་པའི་སྔགས་སོ། །ཨོཾ་བཛྲ་མ་ཧཱ་ཡཀྵ་སརྦ་པཱ་པཾ་པཱ་པཾ་ཁ་ཁ་ཁཱ་ཧི་ཁཱ་ཧི། བསྟབ་པའི་སྔགས་སོ། །ན་མོ་བྷ་ག་བ་ཏེ་ཨ་དྷི་པ་ཏེ་སརྦ་པཱ་པཾ་བི་ཤུཌྜྷ་ཡེ་པྲ་ས་ད་ཀ་ཀ་ར་ནི་སྭཱ་ཧཱ། བཀྲུ་བའི་སྔགས་སོ། །ཨོཾ་སརྦ་པཱ་པཾ་ཀ་ད་ཧ་ན་བཛྲ་ཡཀྵ་ཛྭ་ལ་རཾ་རཾ། བསྲེག་པའི་སྔགས་སོ། །ཨོཾ་ན་མོ་བྷ་ག་བཱ་ཏེ་སརྦ་དུརྒ་ཏི་པ་རི་ཤོ་དྷ་ནི་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་ས་མྱཀ་སཾ་བུདྡྷཱ་ཡ། ཏདྱ་ཐཱ། ཨོཾ་ཤོ་དྷ་ནི་ཤོ་དྷ་ནི། སརྦ་པཱ་པཾ་བི་ཤོ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨ་ཨཱ་བ་ར་ནི་བི་ཤོ་དྷ་ནི་སྭཱ་ཧཱ། སྦྱང་བའི་སྔགས་སོ། །ཨོཾ་ན་མཿཏྲཻ་ཡ་དྷྭི་ཀཱ་ནཱཾ་སརྦ་ཏ་ཐཱ་ག་ཏ་ཧྲྀ་ད་ཡ་གརྦྷེ་ཛྭ་ལ་ཛྭ་ལ་དྷརྨ་དྷཱ་ཏུ་གརྦྷེ་སནྡྷ་ར་མ་མ་ཨཱ་ཡུསྶཾ་ཤོ་དྷ་ཡ་མ་མ་སརྦ་པཱ་པཾ། སརྦ་ཏ་ཐཱ་ག་ཏ་སམ་ནྡོཥྞི་ཥ་བི་མ་ལེ་བི་ཤུདྡྷེ་སྭཱ་ཧཱ། མཆོད་རྟེན་བྱ་བའི་སྔགས་སོ། །ཨོཾ་བཛྲ་རཏྣ་སརྦ་ཛྙཱ་ན་ཧཱུཾ་ཕཊ། ས་བྱིན་གྱིས་བརླབ་པའི་སྔགས་སོ། །ཨོཾ་བཛྲ་ཀཱི་ལི་ཀཱི་ལཱ་ཡ་སརྦ་དུཥྚཱཾ་ཧཱུཾ་ཕཊ། ཕུར་པ་གདབ་པའི་སྔགས་སོ། །ཨོཾ་བཛྲ་སཱུ་ཏྲ་ཧ་ཕཊ། ཐིག་གདབ་པའི་སྔགས་སོ། །ཨོཾ་ཨ་མྲྀ་ཏ་པྲ་ཏི་ཧ་ཏ་ཧ་ན་ཧ་ན་ཧཱུཾ་ཕཊ། ཡུངས་ཀར་གཏོར་བའི་སྔགས་སོ། །ཨོཾ་བཛྲ་ཁ་ན་ཁ་ན་ཧཱུཾ་ཕཊ། ས་རྐོ་བའི་སྔགས་སོ། །ཨོཾ་བཛྲ་ཨ་མྲྀ་ཏ་མཱ་མ་ཀི་བི་ཤུདྡྷེ་སྭཱ་ཧཱ། ཆུ་གདབ་པའི་སྔགས་སོ། །ཨོཾ་བཛྲ་ཨཱ་ཡུ་ཥེ་ཨཱ་བེ་ཤ་ཡ་སྭཱ་ཧཱ། བརྫི་བའི་སྔགས་སོ། །ཨོཾ་བཛྲ་ཛྙཱ་ན་མུངྒ་རཱ་ཨཱ་ཀོ་ཊ་ཡ་ཨཱ་ཀོ་ཊ་ཡ་ཧཱུཾ་ཕཊ། བརྡུང་བའི་སྔགས་སོ། །ཨོཾ་བཛྲ་ཛྙཱ་ན་བོ་དྷི་ཙིཏྟ་རཏྣ་པཉྩ་སིཌྜྷ་ཡེ་སྭཱ་ཧཱ། བྱིན་གྱིས་བརླབ་པའི་སྔགས་སོ། །ཨོཾ་བཛྲ་བིམྦ་སཱ་ར་དྷརྨ་ཀཱ་ཡ་སྭཱ་ཧཱ། འབི་འབིའི་སྔགས་སོ། །ཨོཾ་མ་ཧཱ་དྷརྨ་དྷཱ་ཏུ་ཛྭ་ལ་གརྦྷེ་སྭཱ་ཧཱ། ཕྱག་རྒྱ་གཞུག་པའི་སྔགས་སོ། །ཨོཾ་བཛྲ་ཨཱ་ཡུ་ཥེ་ཛྙཱ་ན་བོ་དྷི་ཙིཏྟ་ཨ་ཨ། གདབ་པའི་སྔགས་སོ། །ཨོཾ་དྷརྨ་དྷཱ་ཏུ་ནིཪྨ་སཾ་བྷོ་ག་ཀཱ་ཡ་དྷརྨ་སྭཱ་ཧཱ། དབྱུང་བའི་སྔགས་སོ། །ཨོཾ་སུ་པྲ་ཏིཥྛ་བཛྲེ་སྭཱ་ཧཱ། བཞུགས་པའི་སྔགས་སོ། །ཨོཾ་ཛྙཱ་ན་ཙཀྲ་བཛྲ་པྲ་མརྡ་ནི་སྭཱ་ཧཱ། འཁོར་ལོའི་སྔགས་སོ། །ཨོཾ་མ་ཧཱ་ཨ་ར་ཛེ་ ― DNG014_Page_0549 ―
[མ་དཔེ་གཟིགས་ན་འདིར་གནོན།]
བི་ར་ཛེ་སྭཱ་ཧཱ། ན་བཟའ་གསོལ་བའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཧྲྀ་ད་ཡ་མ་ཎི་ཤ་ཏ་དཱིཔྟི་སྭཱ་ཧཱ། དྷརྨ་ཏཱ་ཏུ་གརྦྷེ་ཧྲྀ་ད་ཡ་སྭཱ་ཧཱ། གནས་པའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཛྙཱ་ན་པཉྩ་ཀྲོ་དྷ་སཏྭ་མུ་ན་ཡེ་སྭཱ་ཧཱ། ད་དུ་པ་ར་ཏ་བི་རུ་མ་ཧཱ་མཎྜལ་ག་ཎ་དེ་བ་ཙཀྲ། བཛྲ་ཀ་ནི་ཀི་སྭཱ་ཧཱ། དཀྱིལ་འཁོར་གྱི་སྔགས་སོ། །ཨོཾ་ཤོ་དྷ་ནི་ཤོ་དྷ་ནི་སརྦ་པཱ་པཾ་བི་ཤོ་དྷ་ནི་སརྦ་ཏ་ཐཱ་ག་ཏ་ཨ་པ་ནཱ་ཡ་སྭཱ་ཧཱ། ལས་སྦྱང་བའི་སྔགས་སོ། །ཨོཾ་ཨ་མྲྀ་ཏ་སརྦ་བིད་བཛྲ་ཏིརྻ་ཀ་པྲེ་ཏ་ཀ་ན་ར་ཀ་ག་ཏི་པ་ར་ན་ཏྲ་ཐ་ཧཱུཾ་ཕཊ། ཤི་བ་ལ་ཕན་པར་བྱ་བའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཛྙཱ་ན་ཨ་བ་ལོ་ཀི་ཏེ། ས་མནྟ་སྥ་ར་ན་རསྨི་བྷ་བ་མ་ཧཱ་མ་ཎི་དུ་རུ་དུ་རུ་ཧྲྀ་ད་ཡ་ཛ་ལཱ་ནི་ཧཱུཾ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་ར་མི་ཏ་ཨཱ་ཡུ་བྷྲཱུཾ་ཛྙཱ་ན་སཾ་བྷ་རོ་པ་ཙི་ཏེ་སྭཱ་ཧཱ། སྐྱེ་བ་ལ་ཕན་པའི་སྔགས་སོ། །ཨོཾ་ན་མཿསརྦ་བུདྡྷཱ་ནཱན་ཨ་མི་དེ་བ་ལཾ་ལཾ་ལཾ་སརྦ་ཨ་བ་ར་ཎ་བི་ཤོ་དྷ་ནེ་སརྦ་ཡཾ་པཱ་པཾ་བི་མ་ལ་ཨཱ་ཡུཌྜྷ་ར་པུ་ཎྱེ་པུ་ཎྱེ་མ་ཧཱ་པུཥྚིཾ་ཀུ་རུ་སྭཱ་ཧཱ། སྒྲིབ་པ་གཅད་པའི་སྔགས་སོ། །ན་མོ་བཛྲ་པཱ་ཎ་ཡེ་མ་ཧཱ་ཡཀྵ་སེ་ན་པ་ཏ་ཡེ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧ་ན་ད་ཧ་པ་ཙ་བི་དྷྭནྶ་ཡ། ཛ་ཊཱི་ལམྦོ་དང་ཨུ་ཙུཥྨ་ཀྲོ་དྷ་ཧཱུཾ་ཕཊ། བགེགས་གཅད་པའི་སྔགས་སོ། །ཨོཾ་སུམྦྷ་ནི་སུམྦྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ། བྷ་ག་བཱན་བིདྱཱ་རཱ་ཛཱ་ཡ་ཧཱུཾ་ཕཊ། སྦོད་གདོན་གཅད་པའི་སྔགས་སོ། །ཨོཾ་ཀ་ཀྱི་ཀ་ཀྱི་དུ་རུ་དུ་རུ་ཧཱུཾ་པ་ཕ་ར་ཛ། ཁེ་རྒྱས་ཁེ་རྒྱས་ཙས་མེ་ན་མཾ་ཚེ། ནད་བྷི་ས་ནན། དྷ་རེ་བཛྲ་ཀ་རུད་ཏ་ཡ་སྭཱ་ཧཱ། མཛེ་ནད་གཅད་པའི་སྔགས་སོ། །ཨོཾ་ཙ་དུ་ཨརྱ་སད་ཏྭ་དུ་ཁ་བ་ཧ་སད་ཏ་ཨོཾ་ས་མུད་ནེ་དྷརྨ་ཀ་མ་ཀ །ཐཱ་ཀྵས་ནད་ཨརྱ་ཨོཾ་ན་རོ་ཏ་ནི་རུད་དན་དེ་ཨ་སྨིག་སརྦ་ཀྵེ་ཤི་སིདྡྷི་སྭཱ་ཧཱ། ཨོཾ་རྒ་མནྟི་ཨ་ཏི་ན་ནི་ཏི་རི་མི་ཏི་སྭཱ་ཧཱ། སྡོམ་པ་གསོ་བའི་སྔགས་སོ། །ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦ་སིདྡྷིམྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟི་ཤྲེ་ཡཱཾ་ཀུ་རུ་ཧཱུཾ། ཧ་ཧ་ཧ་ཧ་ཧོ། བྷ་ག་ཝཱན། སརྦ་ཏ་ཐཱ་ག་ཏ་བཛྲ་མཱ་མེ་མུཉྩ་བཛྲཱི་བྷ་བ་མ་ཧཱ་ས་མ་ཡ་སཏྭ་ཨ། དམ་ཚིག་གསོ་བའི་སྔགས་སོ། །ཨོཾ་བུཌྜྷ་བཻ་རོ་ཙ་ན། ཧཱུཾ་བཛྲ་ཨ་ཀྵོ་ ― DNG014_Page_0550 ―
[མ་དཔེ་གཟིགས་ན་འདིར་གནོན།]
བྷྱ། ཏྲཱཾ་རཏྣ་སི་བྷ་བ། ཧྲཱྀཿཔདྨ་ཨ་མི་དེ་བ། ཨ་ཀརྨ་ཨ་མོ་གྷ་སིདྡྷི། བཱ་གཱི་ཤྭ་ར་ཡ། ལོ་ཀེ་ཤྭ་ར། བཛྲ་ཤརྱ་ས་མ་ཡ་དྷརྨ་ཀཱ་ཡ་ནིཪྨ་ཎ་ཀཱ་ཡ་སམྦྷོ་ག་ཀཱ་ཡ་མཎྜ་ལ་ས་མ་ཡ་ཧཱུཾ། གཞུག་པའི་སྔགས་སོ། །དམ་པའི་རིགས་མཆོག་བརྒྱ་དག་ཀུན། །སྐུ་ཡི་ཕྱག་རྒྱ་ཆེན་པོ་ཉིད། །སྣང་ལ་རང་བཞིན་ཡོངས་མ་གྲུབ། །གསུང་ཉིད་སྒྲ་ཡི་དམ་ཚིག་ཡིན། །ཡོངས་སུ་གྲགས་པ་དེ་ཉིད་སྟོང་། །རྡོ་རྗེ་ཐུགས་ཀྱི་དཀྱིལ་འཁོར་དེ། །ཡོད་མེད་སྤྲོས་དང་བྲལ་བའོ། །འདི་ལ་གང་ཞིག་ངེས་གནས་པ། །བདེ་གཤེགས་ཀུན་ཏུ་བཟང་པོ་ཡིན། །ཞེས་བཀའ་སྩལ་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ཉེ་བའི་ལས་ཀྱི་རིག་པ་ཆེན་པོ་སྤྲུལ་པར་བྱིན་གྱིས་བརླབ་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཀྱིས་སྐུ་དང་གསུང་དང་ཐུགས་ཀྱི་རྡོ་རྗེ་མི་འགྱུར་བ་ཆེན་པོ་ཡང་དག་པར་སྤྲོ་བ་ལས་ཉེ་བར་འདུ་བའི་སྦྱོར་བ་ཆེན་པོ་འདི་ཉིད་ཀྱི་གསང་བ་ལས་ཕྱུང་ངོ་། །ཀྱེ་ཀྱེ་འདུས་པའི་ཚོགས་ཆེན་ཀུན། །ཀུན་ཏུ་བཟང་པོ་ཀུན་གྱི་བདག །ང་དང་རང་བཞིན་བདག་ཉིད་ནི། །མ་རྟོགས་པ་དང་ལོག་པར་རྟོག །ཕྱོགས་ཙམ་དང་ནི་རབ་ཏུ་རྟོགས། །དོན་ལ་དགོངས་དང་དགོངས་མིན་དང་། །ཇི་བཞིན་སྒྲ་དང་མ་ཡིན་ཉིད། །ངེས་པ་ཉིད་དང་དྲང་བ་ཙམ། །སྦས་ཚིག་སྤྱི་ཡི་ཡི་གེ་ལས། །བདག་པོའི་སྙིང་ལ་ངེས་གནས་པ། །བླུན་པོ་གཞན་ལ་སྙིང་བརྩེ་དང་། །གོ་བ་བཟང་ལ་རབ་བསྟན་ཏེ། །ལྷག་པར་སྤྱོད་པ་ཉིད་ལ་གདམས། །དེ་ཡིས་དབེན་པའི་གནས་ཉིད་དུ། །ཏིང་ངེ་འཛིན་གྱི་ཡོ་བྱད་བསྟེན། །ཚངས་པར་སྤྱོད་པའི་གནས་བཞི་དང་། །གཞན་དོན་སེམས་ལ་བརྟན་བྱས་ཏེ། །མཐིང་ནག་ཧཱུཾ་གི་འབར་འཕྲོ་ལས། །དག་པའི་ཚོགས་རྟེན་རབ་ཏུ་བལྟ། །དེ་ལ་མཉེས་སྤྱད་ཡི་རང་དང་། །ཕན་པའི་དོན་གསོལ་བྱ་བ་ཡིས། །ནང་དུ་རུང་བ་ཉིད་ཡིན་ནོ། །བར་ཆོད་བགེགས་ཀུན་གཞོམ་པའི་ཕྱིར། །སྙིང་པོ་བཞི་ལས་སྐྱེས་པ་ཡི། །རྡོ་རྗེའི་ས་གཞིར་བསམ་པར་བྱ། །རྣམ་རྟོག་འདུ་ཤེས་སྦད་བྱས་ནས། །བགེགས་ཀྱི་གནོད་པ་ངང་གིས་བསྲུང་། །དང་པོ་བྱང་ཆུབ་སེམས་ ― DNG014_Page_0551 ―
[མ་དཔེ་གཟིགས་ན་འདིར་གནོན།]
ངེས་པ། །སྟོང་ཉིད་སྐྱེ་འགག་མེད་གསལ་ནས། །སྙིང་རྗེའི་ཡུལ་གྱི་ས་བོན་མཐོང་། །འཕེལ་འགྲིབ་མེད་གསལ་སྤྲོ་བསྡུ་བ། །དངོས་གྲུབ་བརྟན་འབྱུང་ཡེ་ཤེས་རྒྱུ། །མཐའ་བྲལ་ནམ་མཁའི་ཆོས་འབྱུང་ལ། །གཡོ་སྦྱང་བསྲེག་ཅིང་བརྟེན་བྱེད་རྣམས། །རིམ་འབྱུང་སོ་སོའི་ནུས་པར་ལྡན། །རིན་ཆེན་རི་རབ་གཞལ་མེད་ཁང་། །མཚན་ཉིད་ཀུན་ལྡན་ཁྱད་པར་དུ། །འཁོར་ལོ་རྩིབས་བཞི་བརྒྱད་ཀྱིས་མཛེས། །རྩལ་སྟོབས་ཤུགས་མཛེས་རིགས་ལྡན་པ། །འདེགས་བྱེད་སྟེང་དུ་དྲོད་བསིལ་འོད། །འཇམ་མདངས་ལྡན་པས་གསུམ་དབྱུང་སྟེ། །རྩལ་ཆེན་སྟེང་དུ་མེད་པའི་རྒྱུ། །རྡོ་རྗེ་ཆུ་སྐྱེས་མིང་གིས་མཚན། །གཟུགས་སྐུ་འཇིག་རྟེན་ཁམས་སུ་སྤྲོ། །གཞན་དོན་མཛད་པ་རྫོགས་སླར་ཐིམ། །ཕྱག་རྒྱ་ཡོངས་གྱུར་བྱེད་པའི་ཡིད། །ཞལ་གཅིག་ཕྱག་གཉིས་བརྒྱན་དཀར་འོད། །ལྔ་བདག་ཅོད་པན་དོན་མཛད་བཅས། །བྱ་བའི་ཆོས་བདག་སྒེག་ལྡན་མ། །ཨིནྡྲ་ནཱི་ལའི་མདོག་འཛིན་ཅིང་། །ཐབས་དང་ཤེས་རབ་བརྡ་མཛད་ཅིང་། །རྡོ་རྗེ་དྲིལ་བུ་ཐུགས་ཀར་འཛིན། །པདྨ་ཉི་མ་འོད་ཕྲེང་ལྡན། །འདུད་པའི་ཚུལ་དུ་བསམས་ནས་ནི། །གཉིས་མེད་སྦྱོར་བས་ཀུན་འདུས་ནས། །ཡབ་ལ་ཀུན་ཐིམ་གསང་གནས་ཕྱུང་། །ཡུམ་གྱི་མཁའ་དབྱིངས་འཕྲོ་འདུ་ལས། །དཀྱིལ་འཁོར་རབ་རྫོགས་རྗེས་ཆགས་ཀྱིས། །ཡུལ་རྣམས་ཀུན་བསྡུས་ཕྱི་རོལ་དགོད། །འཇུག་པར་གསོལ་ཏེ་འོད་ཀྱིས་སྦྱང་། །སེམས་ཅན་དོན་གྱུར་བྱིན་བརླབ་ཀྱིས། །རང་ཉིད་ཡེ་ཤེས་ངོ་མཚར་བརྗོད། །ཨེ་མ་ཕུང་པོ་རྡོ་རྗེའི་འོད། །འབྱུང་བའི་ནུས་པ་དང་བཅས་པ། །སངས་རྒྱས་ཡབ་ཡུབ་རྣམས་སུ་སྣང་། །ཁམས་དང་སྐྱེ་མཆེད་སེམས་དཔའ་སྟེ། །བྱུང་མཐོང་བཅིངས་གྲོལ་རིག་མ་རིག །གསང་ཆེན་སྐྱོན་བྲལ་ཉིད་ཡིན་ནོ། །དེ་བསྟན་ཡུམ་གྱིས་འདི་བརྗོད་དོ། །ཨེ་མ་ཆོས་ཀུན་གདོད་ནས་དབེན། །སྙིགས་མ་ལྔ་ཡང་བདེ་ལྡན་ཏེ། །གཞན་ནས་བཙལ་དུ་ཡོད་མིན་ཏེ། །རང་གི་སྙིང་པོ་རང་ལ་ཉེ། །དེ་ནས་རྒྱལ་པོ་གནས་སུ་དགོད། །སྦྱོང་བྱེད་ཡི་གེ་ཡབ་ལ་ཐིམ། །བདེ་འབྱུང་ ― DNG014_Page_0552 ―
[མ་དཔེ་གཟིགས་ན་འདིར་གནོན།]
ཡུམ་ལ་གཉིས་སུ་མེད། །སྙོམས་ཞུགས་འབྲུ་ཚོགས་རབ་ཏུ་འཕྲོས། །བྱང་ཆུབ་ལྔ་དང་བསམ་པ་ལྔ། །རྟོགས་པ་བཞི་ཡིས་མངོན་དུ་བསྐྱེད། །གཙོ་བདག་ཆེན་པོ་མཐིང་གའི་འོད། །ཞལ་གཅིག་ཕྱག་གཉིས་ཕྱོགས་ཀུན་སྣང་། །ཕྱག་གཡས་རྡོ་རྗེ་ཐུགས་ཀར་བརྟེན། །གཡོན་པ་དྲིལ་བུས་ཡུམ་ལ་བཟུང་། །བཙུན་མོ་སྣང་བའི་དབྱིངས་ཕྱུག་མ། །མཐུན་པའི་ཚུལ་དགུས་རབ་ཏུ་འཁྲིལ། །སྣ་ཚོགས་རིགས་ཀྱིས་དབུ་རྒྱན་ཅིང་། །གཡོན་པ་དྲིལ་བུ་ཐུགས་ཀར་བརྟེན། །གཡས་པ་ཉི་མའི་འོད་ཀྱིས་འཁྲིལ། །ཕུང་པོའི་རྣམ་ཤེས་ལྷ་རུ་བསྒོམ། །སྐུ་མཆོག་བདེ་ཆེན་གནས་སུ་བསྒོམ། །ལོངས་སྤྱོད་གནས་སུ་ཨཱཿཡིན་ནོ། །སྙིང་ག་ལྟེ་བ་གསང་བ་རུ། །ཧཱུཾ་དང་སྭཱ་ཧཱ་རིམ་བཞིན་དགོད། །མཐོང་ཐོས་ཚོར་དང་མྱོང་བ་ལ། །ཀྵྀ་ཏྲཾ་ཧྲཱྀ་ཛིཾ་རིམ་བཞིན་བསམ། །མཻ་ཧཱུཾ་དང་མུཾ་རྣམས་ནི། །དེ་དག་ཕྱི་རོལ་ཡུལ་ལ་དགོད། །ཡི་གེ་སྐུ་ཡི་དཀྱིལ་འཁོར་ལས། །གཉིས་མེད་སེམས་དཔའི་ཐུགས་ཀ་ནས། །འོད་འཕྲོས་སྐུ་གསུང་ཐུགས་བསྡུས་ནས། །མདུན་གནས་དེ་ལ་གསོལ་བ་ནི། །ཨོཾ་འབར་བའི་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་བྱུང་ལྡན། །འདི་ཉིད་ཀུན་དང་མཉམ་སྦྱོར་བ། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧཾ། སྐུ་གསུང་ཐུགས་ཀྱི་ང་རྒྱལ་བསྐྱེད། །ཡུམ་གྱི་སྐུ་ཡི་དཀྱིལ་འཁོར་དགོད། །འདོད་ཡོན་ལྔ་དང་མཱུཾ་བསྒོམས་ཏེ། །སྤྱི་བོ་མགྲིན་པར་ལཾ་དང་མཱུཾ། །ལྷག་མར་མུཾ་བྱཾ་ཏཱཾ་མཾ་བསམ། །མཐོང་ཐོས་ཚོར་མྱོང་ཧཱུཾ་ཏྲཱཾ་ཧྲཱྀཿཨ། །ཕྱི་རོལ་ཛཿཧཱུཾ་བཾ་ཧོཿདགོད། །བྱིན་གྱིས་བརླབས་པའི་གནས་ལྔ་རུ། །འབྲུ་ལྔ་བསྒོམས་ཏེ་སྐུ་རྫོགས་ནས། །དཀྱིལ་འཁོར་སྤྲུལ་ཕྱིར་འབྱིན་པའི་གནས། །འབྲུ་གསུམ་རྡོ་རྗེ་པདྨར་བསྐྱེད། །ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་བཛྲ་སྭ་བྷཱ་བ་ཨཱདྨ་ཀོ྅ཧཾ། ཡུམ་གྱི་བདེ་ཆེན་ཐུགས་དཀྱིལ་དུ། །བྱིན་བརླབས་ཐབས་སོགས་ཡི་གེ་ལས། །ས་བོན་མཚན་མའི་སྐུ་རྫོགས་ནས། །སུམ་ཅུ་རྩ་བརྒྱད་མིང་གིས་དབྱུང་། །རང་གི་ཆ་ལུགས་ཡོངས་རྫོགས་པ། །གསལ་འཚེར་ལྷུན་སྡུག་གཟི་བྱིན་འབར། །སྣ་ཚོགས་འོད་ཀྱི་ ― DNG014_Page_0553 ―
[མ་དཔེ་གཟིགས་ན་འདིར་གནོན།]
ཕྲེང་བས་འཁྲིགས། །ཀུན་ཏུ་ཁྱབ་ཅིང་ལྷུན་གྱིས་གྲུབ། །མ་རིག་སྤྲིན་གྱིས་བསྒྲིབས་པའི་ཕྱིར། །སྐལ་ངན་གྱི་ཡང་གཟུགས་བསྟན་པ། །བཅུ་གཉིས་མཛད་པའི་ཆོ་འཕྲུལ་གྱིས། །འགྲོ་བ་སོ་སོའི་ཕྱོགས་འདུལ་བ། །རྒྱན་ལྡན་རྫོགས་པར་གསལ་བར་ལྡན། །ཐུགས་ཀྱི་ས་བོན་འོད་ཕྲེང་ལས། །ཕྱོགས་བཅུའི་དཀྱིལ་འཁོར་སྤྱན་དྲངས་ཏེ། །རང་གི་མདུན་དུ་མངོན་པར་བསམ། །ཨེ་ཧྱེ་ཧི་བྷ་ག་བཱན་མ་ཧཱ་ཀཱ་རུ་ཎི་ཀ་དྲྀ་ཤྱ་ཧོ་ས་མ་ཡ་སྟྭཾ། ཛཿཧཱུཾ་བཾ་ཧོཿ། ཡེ་ཤེས་རྒྱལ་པོ་སྐུ་གསུང་ཐུགས། །འབར་བའི་བྱིན་རླབས་རྨད་དུ་བྱུང་། །དེ་ཉིད་ཀྱིས་ནི་མཉམ་བཞུགས་པའི། །ཕྱག་རྒྱ་ཆེན་པོར་བདག་སྦྱོར་ཅིག །བཛྲ་ས་མ་ཡ་ཧཱུཾ། ཛཿཧཱུཾ་བཾ་ཧོཿ། རང་ཤར་དབྱེར་མེད་དཀྱིལ་འཁོར་ལ། །འཇུག་པའི་མཚན་ཉིད་མཉམ་སྦྱོར་བ། །ཕྱོགས་དུས་ཀུན་ནས་གཤེགས་པ་ཡི། །བསྙེན་པ་རབ་རྫོགས་དམ་ཚིག་མཆོག །ཡེ་ཤེས་དཀྱིལ་འཁོར་མཉམ་སྦྱོར་བྱ། །སྒྱུ་མ་ལྟ་བུའི་ཀུན་ལ་བརྡལ། །མཆོད་ཕྱིར་དབྱིངས་དང་མཉམ་སྦྱོར་ཞིང་། །དེ་ཡི་ཕྱག་རྒྱ་ཆེན་པོར་བསྒོམ། །བདག་གི་སྙིང་གའི་ས་བོན་ལས། །འོད་འཕྲོས་ཕྱོགས་བཅུའི་སངས་རྒྱས་ཀྱི། །མཆོད་པའི་ཚོགས་བསྡུས་ཐུགས་ཀར་ཐིམ། །གསང་བར་ཕྱུང་སྟེ་མཁའ་དབྱིངས་ནས། །འོད་ལས་མཆོད་པའི་ལྷ་མོ་འཕྲོས། །དེ་ཡི་བདེ་གཤེགས་དཀྱིལ་འཁོར་ལ། །དགེས་པའི་གླུ་དབྱངས་སྙན་པས་བསྟོད། །རྒྱལ་བས་གཞན་དོན་རྫོགས་མཛད་དེ། །སླར་བསྡུས་ཐུགས་ཀར་གསང་བར་བསྒོམ། །བདེ་ཆེན་སྟངས་དཔྱལ་གསུམ་མམ་ལྔ། །དགེས་ལྡན་རབ་ཞུགས་ཡིད་འདོད་མཉམ། །ཆོ་ག་ལྔ་རྫོགས་ཡོ་བྱད་ལྔ། །སྔགས་ཀྱི་ཡན་ལག་ལྔ་རྫོགས་ཤིང་། །མ་ཉམས་འཇུག་པར་རབ་བརྩོན་ན། །ཟླ་གསུམ་དྲུག་གམ་བཅུ་གཉིས་ཀྱིས། །དབང་བསྒྱུར་རིགས་ཀྱི་དམ་པ་འགྲུབ། །དུས་གྲངས་མཚན་མ་མ་ཐོབ་པར། །རབ་ཏུ་བསྙེན་པ་རྫོགས་པར་བྱ། །ཞིང་དག་ལོངས་སྤྱོད་རྫོགས་པ་ཡི། །འབྲས་བུ་མཆོག་ཏུ་འདི་འགྱུར་རོ། །ཞེས་བཀའ་སྩལ་ཏོ། །རྩ་བ་ལས་ཡང་དག་པར་བསྐྱེད་པའི་སྦྱོར་བའོ།། །།དེ་ནས་ལས་ཀྱི་སྙིང་པོ་ཉེ་བར་བྱེད་པ་རྣམས་བཀའ་སྩལ་ཏོ། ། ― DNG014_Page_0554 ―
[མ་དཔེ་གཟིགས་ན་འདིར་གནོན།]
ཨོཾ་ཧཱུཾ་ཏྲཱཾ་ཧྲཱྀཿཧ། ཨོཾ་ཨཱཿཧཱུཾ། བྷྲུཾ་བི་ཤྭ་བི་ཤུདྡྷེ་ཧཱུཾ། གཞི་བཟུང་བའོ། །ཨོཾ་སུམྦྷ་ནི་སུམྦྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ། བྷ་ག་བཱན་བིདྱཱ་རཱ་ཛཱ་ཡ་ཧཱུཾ་ཕཊ། ཨོཾ་བི་ཛ་ཡ་མ་ཧཱ་ཀྲོ་དྷ་ཧ་ན་ཧ་ན་ཧཱུཾ། ཨོཾ་ནཱི་ལ་དཎྜ་མ་ཧཱ་ཀྲོ་དྷ་ད་ཧ་ད་ཧ་ཧཱུཾ། ཨོཾ་ཡ་མཱནྟ་ཀ་མ་ཧཱ་ཀྲོ་དྷ་པ་ཙ་པ་ཙ་ཧཱུཾ། ཨོཾ་ཨཱརྱ་ཨ་ཙ་ལ་མ་ཧཱ་ཀྲོ་དྷ་བནྡྷ་བནྡྷ་ཧཱུཾ། ཨོཾ་པདྨནྟ་ཀྲྀཏ་མ་ཧཱ་ཀྲོ་དྷ་ཧུ་ལུ་ཧུ་ལུ་ཧཱུཾ། ཨོཾ་མ་ཧཱ་ཀྲོ་དྷ་ཊཀྐི་རཱ་ཛཱ་ཏིཥྛ་ཏིཥྛ་ཧཱུཾ། ཨོཾ་ཨ་མྲྀ་ཏ་མ་ཧཱ་ཀྲོ་དྷ་ཙྪིནྡྷ་ཙྪིནྡྷ་ཧཱུཾ། ཨོཾ་བིགྷ་ནཱན་ཏ་ཀྲྀཏ་མ་ཧཱ་ཀྲོ་དྷ་བྷིནྡྷ་བྷིནྡྷ་ཧཱུཾ། ཨོཾ་མ་ཧཱ་ཀྲོ་དྷ་ཧཱུཾ་ཀ་ར་གརྫ་གརྫ་ཧཱུཾ། ཨོཾ་མ་ཧཱ་ཀྲོ་དྷ་མ་ཧཱ་བ་ལ་སྥོ་ཊ་སྥོ་ཊ་ཧཱུཾ། བསྲུང་བའི་སྔགས་སོ། །ཨོཾ་ཛྙཱ་ན་ཛྭ་ལ་ཛྭ་ལ་བཛྲ་བཛྲ་ཧཱུཾ་ཕཊ། དབབ་པའི་སྔགས་སོ། །ཨོཾ་ཛྙཱ་ན་ཙཀྲ་ཛྭ་ལ་ཛྭ་ལ་ཧཱུཾ། བརྡེག་པའི་སྔགས་སོ། །ཨོཾ་བཛྲ་མུད་ག་ར་ཧཱུཾ་ཨཱ་ཀོ་ཊ་ཨཱ་ཀོ་ཊ་ཡ་ཧཱུཾ། བརྡུང་བའི་སྔགས་སོ། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཕཊ་ཕཊ། བརྡབ་པའི་སྔགས་སོ། །ཨོཾ་བཛྲ་ཏིཀྵྞ་ཤཀྟི་ཧ་ལ་ཧ་ལ་ཧཱུཾ་ཕཊ། གཅད་པའི་སྔགས་སོ། །ཨོཾ་བཛྲ་རཾ་པ་རཾ་ཛྭ་ལ་ཛྭ་ལ་ཧཱུཾ་ཕཊ། བསྲེག་པའི་སྔགས་སོ། །ཨོཾ་མ་ཧཱ་ཤཱུ་ནྱ་ཏ་ཛྙཱ་ན་ཧཱུཾ། ཨོཾ་མ་ཧཱ་ཀཱ་རུ་ཎ་ཧཱུཾ། ཨོཾ་མ་ཧཱ་སུ་ཁ་ཧཱུཾ། རིམ་པའི་སྔགས་སོ། །ཨོཾ་བོ་དྷི་ཙིཏྟ་སྥ་ར་ཎ་ཧཱུཾ་ཕཊ། ཨོཾ་བོ་དྷི་ཙིཏྟ་སཾ་ཧ་ར་ཎ་ཧཱུཾ། སྤྲོ་བསྡུའི་སྔགས་སོ། །ཨེ་ཨཱ་ཀ་ཤ་མཎྜ་ལ། ཡཾ་ཀརྨ་རཀྵ་ཧཾ། བཾ་མ་མ་ཀྴ་ནི་རི་མཎྜ་ལ། སུཾ་ཏྲུཾ་མེ་ཧཱུཾ། ལཾ་ཏི་ཤ་མཎྜ་ལ། རཾ་ཛྙཱ་ན་ཛྭ་ལ་མཎྜ་ལ། བྷྲཱུཾ་རཏྣ་ཏྲེ་ལོཀྱ་བི་ཤུདྡྷེ་ཧཱུཾ། བསྐྱེད་པའི་སྔགས་སོ། །སཾ་ཧཾ་མཾ་ཁཾ་གཾ། མ་སཱུརྱ་མཎྜ་ལ། ཨ་ཙཎྜ་མཎྜ་ལ། པཾ་པདྨ་མཎྜ་ལ་ཧཱུཾ། རཾ་རཏྣ་མཎྜ་ལ་ཧཱུཾ། གདིང་བའི་སྔགས་སོ། །ཨོཾ་བཛྲ་ཙིཏྟ་ཨཱ་བེ་ཤ་ཨ་ཨ། ཨ་ནུད་པཾ་སཏ་ཏ། ན་མོ་ཧ་ར་ཏི། བཛྲ་ཏི་ཙིཏྟ་པྲ་བརྟ་སྥ་ར་ཎ་ཧཱུཾ་ཕཊ། སཾ་ཧ་ར་ཎ་ཧཱུཾ། བཞག་པའི་སྔགས་སོ། །ཨོཾ་མུཾ་དྷཱ་ཏྭཱི་ཤྭ་རི། ཛི་ན་ཛིཀ་པདྨ་མཎྜ་ལ་ཨེ། ཏིཥྛ་བཛྲ་ཧཱུཾ། ཙིཏྟ་སིདྡྷི་སྥ་ར་ཎ་ཕཊ། ས་མ་ཡ་སྟྭཾ། རཱ་གོ྅ཧཾ། རཱ་ག་ཡཱ་མི། ཛཿཧཱུཾ་བཾ་ཧོཿ། ཙི་ཏྲྀ་ཨེ་པྲ་མཎྜ་ལ་ཧཱུཾ་སྤ་ར་ཎ་ཕཊ། སཾ་ཧ་ར་ཎ་ཧཱུཾ། དབབ་པའི་སྔགས་སོ། ། ― DNG014_Page_0555 ―
[མ་དཔེ་གཟིགས་ན་འདིར་གནོན།]
ཨོཾ་ལཾ། ཧཱུྃ་མཱུྃ། སྭ་མཱཾ། ཨཱཾ། པཱཾ། ཧཱ། ཏཱཾ། ཀྵིཾ། ཧཱུཾ། ཏྲེ་ཏྲཾ། ཧྲི་ཧྲཱིཾ། ཛིཾ་ཨཾ། མཻ་ཛཿ། ་ཧཱུཾ། ཧཱུཾ་བཾ། མུཾ་ཧོཿ། ཧཱུཾ་ཨ། ཛཿཧཱུཾ་བཾ་ཧོཿ། ཀྲིཾ་ཏྲུཾ་སྲུཾ་ཀྵཾ་བྲཾ་ཡེ། མིང་གི་སྙིང་པོ་དང་བཅས་ཏེ་དབྱུང་བའི་སྔགས་སོ། །ཨོཾ་སརྦ་ཏ་ཐཱ་ག་ཏ་ཤཱནྟིཾ་མ་ཧཱ་ཀཱ་རུ་ཎི་ཀ་ཨེ་ཧྱེ་ཧི་བྷ་ག་བཱན་ཨེ་ཨ་ས་མོ་དྲྀ་ཤྱ་ཧོ། བོད་པའི་སྔགས་སོ། །ཨོཾ་སརྦ་ཏ་ཐཱ་ག་ཏ་བཛྲ་པདྨ་ས་མ་པྲ་བེ་ཤ་ཡ་ཨཱ་བེ་ཤ་ཡ། ས་མ་ཡ་སྟྭཾ། དབབ་པའི་སྔགས་སོ། །ཨོཾ་ན་མོ་རཏྣ་ཏྲ་ཡཱ་ཡ། ན་མོ་བྷ་ག་བ་ཏེ་བྷྱོ་བཛྲ་སྭ་ར་པྲ་མརྡ་ནི། ཏ་ཐཱ་ག་ཏེ་བྷྱཿ། ཨརྷ་ཏེ་བྷྱཿ། སམྱཀྶཾ་བུདྡྷེ་བྷྱཿ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲ་མ་ཧཱ་ཏེ་ཛ་བཛྲེ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མནྡྲོ་པ་སཾ་ཀྲ་མ་ཎ་བཛྲེ། ཨོཾ་བཛྲ་སརྦ་ཀརྨ་ཨཱ་བ་ར་ཎ་བི་ཤོ་དྷ་ན་བཛྲེ་སྭཱ་ཧཱ། མཆོད་པའི་སྔགས་སོ། །ཨོཾ་ཨཱཿབཛྲ་སུརྱ་ཏོ་བི་བི་ཤ་མ་ཧཱ་རཏྣ་ག་ཎ་ཙཀྲ་བཱུ་ཛ་མེ་གྟ་པྲ་ཏཱིཙྪ་བ་ལེནྟྲ། མ་ཧཱ་མཎྜ་ལ་སུ་ཁ་ཧོ། པཱུ་ཛ་ཁ་ཁ་ཁཱ་ཧི་ཁྭ་ཧི། བསྟབ་པའི་སྔགས་སོ། །ལས་སྣ་ཚོགས་པའི་རིག་པའི་སྔགས་སོ། །རབ་ཏུ་སྣང་བ་དབྱུང་བའི་ཁྱད་པར་རོ།། །།དེ་ནས་དེ་བཞིན་གཤེགས་པ་རྣམས་ཀྱི་སྐུ་དང་ཐུགས་ཀྱི་གསང་བ་ཆེན་པོ་ལ་གསུང་གི་སྒྲ་མཉེས་པའི་བརྗོད་པ་རྣམ་པ་ལྔ་སྤྲོ་བར་མཛད་དེ། ཆོས་ཉིད་ཀྱི་སྙིང་པོ་རང་གིས་རྟོགས་པའི་དོན་ལས་སྒྲ་བརྙན་ལྟ་བུར་གྲགས་པ་ནི། ཨེ་མ། མ་སྐྱེས་དབྱིངས་ལས་སྐྱེ་བའི་ཆོ་འཕྲུལ་ནི། །དུག་ལྔ་རྣམ་དག་སྐུ་ལྔ་རིགས་ལྔར་གསལ། །ཕྱོགས་བཅུ་དུས་གསུམ་རྒྱལ་བ་ཀུན་གྱི་གཙོ། །ཆོས་སྐུ་ཁྱད་པར་ཡེ་ཤེས་ལྔ་ཡི་ངང་། །རྣམ་པར་སྣང་མཛད་མདོག་དཀར་འཁོར་ལོ་བསྐོར། །མི་བསྐྱོད་མཐིང་ག་རྡོ་རྗེ་ས་གནོན་མཛད། །རིན་ཆེན་འབྱུང་ལྡན་སེར་པོ་རིན་ཆེན་དབྱིགས། །སྣང་བ་མཐའ་ཡས་མདོག་དམར་ཏིང་འཛིན་མཉམ། །དོན་ཡོད་གྲུབ་པ་ལྗང་གུ་རྒྱ་གྲམ་འབར། །གོ་འབྱེད་ཀུན་ཏུ་བཟང་མོ་དྲིལ་བུ་བསྣམས། །བརྟན་མཛད་སངས་རྒྱས་སྤྱན་མ་ཐོར་ཚུགས་བསྣམས། །བསྲེག་མཛད་གོས་དཀར་མ་ནི་རིན་ཆེན་འབར། །སྦྱོང་བྱེད་མཱ་མ་ཀཱི་ནི་པདྨ་བསྣམས། །བསྐྱེད་མཛད་དམ་ཚིག་སྒྲོལ་མ་རྒྱ་གྲམ་བསྣམས། །སོ་སོའི་རིགས་མཆོག་ཡབ་ཀྱི་ཚུལ་འཛིན་མ། །ཐབས་ཀྱི་སྐུ་ལས་ཤེས་རབ་བསྐྱེད་པའི་ཡུམ། །གསང་ ― DNG014_Page_0556 ―
[མ་དཔེ་གཟིགས་ན་འདིར་གནོན།]
མཆོག་མཁའ་དབྱིངས་རྣམ་དག་བདེ་འབྱུང་གནས། །བདེ་གཤེགས་སྲས་ཚོགས་མ་ལུས་ཡུམ་གྱུར་མ། །འགྲོ་དོན་མཛད་ཕྱིར་ཐུགས་རྗེའི་སྐུ་སྤྲུལ་མ། །རིགས་ལྔ་ཡབ་ཡུམ་ཚོགས་ལ་ཕྱག་འཚལ་བསྟོད། །དུས་གསུམ་རྒྱལ་བ་ཀུན་གྱི་ཐུགས་ཀྱི་སྲས། །ས་ལམ་ཡོན་ཏན་མ་ལུས་རབ་རྫོགས་ཤིང་། །འགྲོ་ཀུན་བླ་མེད་གནས་སུ་བགྲོད་མཛད་ཕྱིར། །ས་བཅུ་རྒྱལ་ཚབ་གནས་བཞུགས་སེམས་དཔའི་གཙོ། །ས་སྙིང་དཀར་པོ་རིན་ཆེན་མྱུ་གུ་བསྣམས། །ནམ་མཁའི་སྙིང་པོ་མདོག་སེར་རལ་གྲི་བསྣམས། །སྤྱན་རས་གཟིགས་དབང་དམར་པོ་པདྨ་བསྣམས། །ཕྱག་ན་རྡོ་རྗེ་ལྗང་གུ་དྲིལ་བུ་བསྣམས། །ཀུན་བཟང་མདོག་དཀར་རིན་ཆེན་སྙེ་མ་བསྣམས། །བྱམས་པ་དམར་སེར་ཀླུ་ཤིང་གུནྡྷེ་བསྣམས། །སྒྲིབ་པ་རྣམ་སེལ་སྔོན་པོ་པོ་ཏི་བསྣམས། །འཇམ་དཔལ་གཞོན་ནུ་དམར་སེར་ཨུཏྤལ་བསྣམས། །ཚོགས་བརྒྱད་དག་པ་རྣམ་ཐར་བརྒྱད་རྫོགས་དང་། །སེམས་དཔའ་བརྒྱད་ཀྱི་སྐུ་ལ་ཕྱག་འཚལ་བསྟོད། །རྒྱལ་བའི་སྐུ་གཟུགས་མཆོད་པས་མཉེས་མཛད་མ། །འདོད་ཡོན་ཚོགས་ཀྱིས་མ་ལུས་ཐུགས་དམ་སྐོང་། །ཉོན་མོངས་སྤངས་པས་ཡེ་ཤེས་རབ་རྒྱས་ཤིང་། །སེམས་དཔའི་སྐུ་གསུང་ཐུགས་རྒྱུད་བསྐུལ་མཛད་པའི། །ལཱ་སྱེ་དཀར་མོ་མེ་ལོང་རྒྱ་གྲམ་བསྣམས། །མཱ་ལེ་སེར་མོ་རིན་ཆེན་ཕྲེང་བ་བསྣམས། །གིར་ཏི་དམར་མོ་པི་ཝང་རྒྱུད་མང་བསྣམས། །ནིརྟི་ལྗང་གུ་གར་གྱི་ཕྱག་རྒྱ་བསྒྱུར། །དྷཱུ་པེ་དཀར་མོ་སྤོས་ཀྱི་སྤྲིན་འཕྲོ་མ། །པུཥ྇་སེར་མོ་མེ་ཏོག་པདྨ་འཐོར། །གསལ་བའི་མདངས་ལྡན་དམར་མོ་མར་མེ་བསྣམས། །གནྡྷེ་ལྗང་གུ་བྱུག་པས་མཉེས་མཛད་མ། །ཡུལ་བརྒྱད་རྣམ་དག་ས་བརྒྱད་རབ་རྫོགས་པའི། །སེམས་མ་བརྒྱད་ཀྱི་སྐུ་ལ་ཕྱག་འཚལ་བསྟོད། །རིགས་དྲུག་འཇིག་རྟེན་ཁམས་ཀྱི་དོན་མཛད་ཕྱིར། །མཐུན་འཇུག་ཐབས་ཀྱི་སྤྱོད་པ་རབ་ཏུ་སྟོན། །བཅུ་གཉིས་མཛད་པའི་ཚུལ་གྱིས་གདུལ་བྱ་སྦྱོང་། །མངོན་ཤེས་བྱིན་རླབས་ཆོ་འཕྲུལ་སྣ་ཚོགས་སྟོན། །ལྷ་ཡི་ཐུབ་པ་མདོག་དཀར་པི་ཝང་འདྲེན། །ལྷ་མིན་ཐུབ་པ་སྔོན་པོ་གོ་ཆ་བསྣམས། །མི་ཡི་ཐུབ་ ― DNG014_Page_0557 ―
[མ་དཔེ་གཟིགས་ན་འདིར་གནོན།]
པ་སེར་པོ་གསེག་ཤང་འཛིན། །བྱོལ་སོང་ཐུབ་པ་མཐིང་ག་པོ་ཏི་བསྣམས། །ཡི་དྭགས་ཐུབ་པ་དམར་པོ་སྒྲོམ་བུ་བསྣམས། །དམྱལ་བའི་ཐུབ་པ་ནག་པོ་མེ་ཆུ་བསྣམས། །ཐུགས་རྗེ་ཆེན་པོས་འགྲོ་དྲུག་སོ་སོར་འདྲེན། །བཅོམ་ལྡན་ཐུབ་དྲུག་སྐུ་ལ་ཕྱག་འཚལ་བསྟོད། །བདེ་གཤེགས་སྐུ་གསུང་ཐུགས་ལས་སྤྲུལ་པའི་སྐུ། །དུས་བཞི་རྣམ་དག་ཕྲིན་ལས་ཡེ་ཤེས་བཞི། །རབ་ཏུ་རྫོགས་མཛད་དྲག་ཤུལ་ཁྲོ་བོའི་སྐུ། །གཙོ་ཆེན་ལས་མཛད་ཐུགས་རྗེས་གདུག་པ་འདུལ། །རྣམ་པར་རྒྱལ་བ་དཀར་པོ་བེ་ཅོན་བསྣམས། །རོ་ལངས་མ་ནི་མདོག་དཀར་ལྕགས་ཀྱུ་བསྣམས། །གཤིན་རྗེ་གཤེད་པོ་མཐིང་ནག་ཐོད་དབྱུག་བསྣམས། །མི་ཕམ་མ་ནི་མདོག་སྔོན་ཞགས་པ་བསྣམས། །རྟ་མགྲིན་དམར་པོ་ཐོད་སྦྲུལ་པདྨ་བསྣམས། །རལ་གཅིག་མ་ནི་མདོག་དམར་ལྕགས་སྒྲོག་བསྣམས། །བདུད་རྩི་འཁྱིལ་པ་ལྗང་གུ་རྒྱ་གྲམ་བསྣམས། །ཁྲོ་གཉེར་མ་ནི་མདོག་ལྗང་དྲིལ་བུ་བསྣམས། །ཁྲོ་ཚུལ་སྤྱན་གསུམ་ཞབས་གཉིས་དོར་ཐབས་བགྲད། །ཁྲོ་རྒྱལ་ཡབ་ཡུམ་སྐུ་ལ་ཕྱག་འཚལ་བསྟོད། །དབྱིངས་ཀུན་རང་བཞིན་རྣམ་པར་དག་པ་ལ། །ཐུགས་རྗེའི་དབང་གིས་འདུལ་བྱེད་སྐུར་བསྟན་པ། །རྡོ་རྗེ་དབྱིངས་ཀྱི་ལྷ་ཚོགས་བཞི་བཅུ་གཉིས། །ཐབས་དང་ཤེས་རབ་སྦྱོར་ལ་ཕྱག་འཚལ་བསྟོད། །ཅེས་ཕྱོགས་བཅུ་ཐམས་ཅད་དུ་ཆོས་ཉིད་ཀྱི་སྒྲས་ཁྱབ་པར་མཛད་དེ། རང་བཞིན་གྱི་དཀྱིལ་འཁོར་སྒྱུ་མ་ལྟ་བུའི་གཟུགས་ཀྱིས་ཐམས་ཅད་ལ་སྣང་བར་གྱུར་ཏོ། །བདེ་བར་གཤེགས་པ་ཐམས་ཅད་ཀྱི་རྒྱུད་རབ་ཏུ་འབྱེད་པ་ལས། དཀྱིལ་འཁོར་བསྡུས་པའི་སྒོ་ནས་བསྒྲུབ་པའི་ལེའུ་སྟེ་བདུན་པའོ།། །།དེ་ནས་རབ་ཏུ་བཤད་པ་ནི། །སྐུ་ལྔ་ལྷུན་རྫོགས་ཡེ་ཤེས་ཀྱི། །ཐིག་ལེ་སྣང་བའི་རིམ་པ་ནི། །བསམ་གྱིས་མི་ཁྱབ་མཐའ་ཡས་མཆོག །ཕྱོགས་བཅུ་དུས་གསུམ་རྫོགས་པའི་ཞིང་། །བསམ་ཡས་རྣམ་དག་གཞལ་ཡས་ཁང་། །དཀྱིལ་འཁོར་རྒྱན་དང་རོལ་མོའི་ཚོགས། །མ་ལུས་མཐོང་ཐོས་ཉེ་བསྙེན་དང་། །རྒྱ་ཆེར་གསུངས་པའི་དོན་འབྱུང་བ། །ཡེ་ ― DNG014_Page_0558 ―
[མ་དཔེ་གཟིགས་ན་འདིར་གནོན།]
ཤེས་མཐུན་པར་སྣང་བའོ། །གཅིག་དང་དུ་མར་བྲལ་བ་ཡི། །མཐའ་དང་དབུས་མེད་དེ་བཞིན་ཉིད། །སངས་རྒྱས་སྤྱན་གྱིས་མ་གཟིགས་ཏེ། །རང་བྱུང་ཡེ་ཤེས་སྣང་མེད་སྣང་། །ལོག་པར་རྟོག་པའི་རྒྱུད་དག་ཅིང་། །ཡེ་ཤེས་དབྱིངས་ལས་མི་གཞན་པའི། །ཐུགས་རྗེ་ཆེན་པོས་མི་གཏོང་བའི། །འགྲོ་དྲུག་སོ་སོའི་ལུས་སུ་སྣང་། །དེ་ལྟར་རང་ལུས་དཔལ་ལྡན་པའི། །དཀྱིལ་འཁོར་གསང་བ་བསྒྲུབ་པར་བྱ། །ལུས་དང་ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་ལུས་ཀྱིས་བསྒོམ། །ལུས་ཀྱི་དཀྱིལ་འཁོར་ལས་བྱུང་བ། །སེམས་དང་ལུས་ཀྱི་དཀྱིལ་འཁོར་མཆོག །གསང་བའི་ཐིག་ལེ་ལུས་ཀྱི་དབྱིངས། །འབྱུང་བའི་ཤེས་རབ་རིགས་ཀྱི་ཡུམ། །ཐབས་ཆེན་གསང་རིགས་དེ་བཞིན་ཏེ། །བྱང་ཆུབ་སེམས་ནི་རྡོ་རྗེའི་ཚོགས། །ཡུལ་སྣང་ཀུན་བཟང་དཀྱིལ་འཁོར་ལ། །བདག་ཉིད་ལྷག་པའི་ཡིག་འབྲུ་ལས། །ཐུགས་རྗེ་ཡེ་ཤེས་སྒྱུ་མར་སྣང་། །སྙིང་པོ་ཐིག་ལེ་མཉམ་སྦྱོར་བའི། །བདེ་བའི་ཡེ་ཤེས་རོལ་མོ་ཡིས། །ཡེ་ཤེས་དབྱིངས་ལ་མཆོད་པ་འབུལ། །ཟག་པ་མེད་པའི་བསོད་ནམས་ཀྱིས། །ཡེ་ཤེས་སྒྱུ་མ་རང་སྣང་བ། །རོལ་མོའི་དཀྱིལ་འཁོར་མཐའ་ཡས་མཆོག །གསང་བའི་ཐིག་ལེ་དེ་ཉིད་དབྱིངས། །འདི་ནི་སངས་རྒྱས་ཀུན་གྱི་དངོས། །ཕྱོགས་བཞི་དུས་བཞི་མངོན་རྫོགས་པའི། །སྐུ་གསུང་ཡོན་ཏན་ཕྲིན་ལས་ཐུགས། །མ་ལུས་བདག་གི་ཞལ་མཐོང་བའི། །དབང་བསྒྱུར་མཆོག་ནི་འདི་ཡིན་ནོ། །འབྱུང་བ་ཕུང་པོ་སངས་རྒྱས་ལྔ། །རྣམ་ཤེས་བརྒྱད་དང་དེ་ཡི་ཡུལ། །སེམས་དཔའ་སེམས་མ་བརྒྱད་ཡིན་ནོ། །འགྱུར་བ་བཞི་ནི་སྒོ་མ་བཞི། །རྩ་བའི་ཉོན་མོངས་ཐུབ་པ་དྲུག །ལུས་ལས་བྱུང་བའི་འཁོར་ལོ་ཉིད། །རྫོགས་པའི་དཀྱིལ་འཁོར་ལྷུན་གྱིས་གྲུབ། །མ་ལུས་མཉམ་སྦྱོར་ཐུགས་རྗེ་འབྱུང་། །ཕྱོགས་དུས་ཀུན་ཏུ་འདུས་པའི་མགོན། །སྒྱུ་མའི་ལུས་ཀྱི་སྦྱོར་བ་ཡིས། །འབད་རྩོལ་ཕྲལ་བའི་ལུས་ལ་སྤྱོད། །ཡེ་ཤེས་རྫོགས་པའི་ལུས་འདི་ལ། །ཐོས་བསམ་བསྒོམ་པའི་སྦྱོར་བ་ཡིས། །རང་ལས་བྱང་ཞིང་ལྷུན་གྱིས་གྲུབ། །གནས་སྤྱོད་འཕྲོ་དང་ ― DNG014_Page_0559 ―
[མ་དཔེ་གཟིགས་ན་འདིར་གནོན།]
རྩོལ་བ་གསུམ། །གསང་བའི་ཡེ་ཤེས་བསྐྱེད་པའི་གནས། །མཁའ་དཀྱིལ་ཐོག་མ་དབྱིངས་ཉི་ཟླ། །ཡེ་ཤེས་བདག་པོ་ཡབ་ཡུམ་བསྒོམ། །འདི་ནི་སངས་རྒྱས་ཐམས་ཅད་ཀྱིས། །འདའ་བར་མི་མཛད་དམ་ཚིག་མཆོག །ནང་དུ་རྫོགས་པའི་རིམ་པའོ།། །།རབ་ཏུ་གསང་བའི་དེ་ཉིད་དོན། །ལུས་ཀྱི་དེ་ཉིད་རླུང་གི་གནས། །སེམས་ཀྱི་དེ་ཉིད་མ་བཅོས་པ། །ཐབས་དང་ཤེས་རབ་རྫོགས་སངས་རྒྱས། །དྲི་མེད་དྭངས་པ་ཆོས་ཀྱི་སྐུ། །མ་བཙལ་གཏན་ལ་དབབ་པར་བྱ། །སེམས་ཀྱི་གནས་ལུགས་དེ་ཉིད་ནི། །མ་བཅོས་དུས་ན་ངོས་བཟུང་བ། །ཁ་སྦྱོར་སྙོམས་འཇུག་རྨི་ལམ་བྲལ། །ཡིད་མེད་ལུས་དང་བཏུང་བས་མྱོས། །ཡུལ་རྟོག་མ་ཞུགས་སྣ་ཚོགས་ཏེ། །རང་གི་དེ་ཉིད་མཚོན་མེད་ཤེས། །སྐྱོད་བྱེད་རྒྱུ་བས་ཚོད་བཟུང་ཞིང་། །མི་མཐུན་གཉེན་པོས་རྟགས་དང་སྦྱར། །དངོས་གྲུབ་ཁོ་ན་ཉིད་དུ་འགྱུར། །དེ་བས་དེ་ཡི་སྒྲུབ་པ་པོ། །ཕྲིན་ལས་དངོས་གྲུབ་གནང་བ་ནི། །ལྷ་ཀླུ་གནོད་སྦྱིན་སྲིན་པོ་དང་། །མཁའ་ལྡིང་ལྟོ་འཕྱེ་མི་འམ་ཅི། །དྲི་ཟ་སྲིན་པོ་ཤ་ཟ་དང་། །འབྱུང་པོ་སྲུལ་པོ་ལུས་སྲུལ་པོ། །སྐེམ་བྱེད་སྨྱོ་བྱེད་བརྗེད་བྱེད་དང་། །གཤིན་རྗེ་མཁའ་འགྲོ་ལ་སོགས་པའི། །སྟོང་ཕྲག་བརྒྱད་ཅུའི་བགེགས་ཚོགས་དང་། །རླུང་དང་མཁྲིས་པ་བད་ཀན་དང་། །འདུས་པ་རྣམས་ནི་ཡན་ལག་བཅས། །བཞི་བརྒྱ་རྩ་བཞིའི་རྣམ་གྲངས་ནད། །ལྷན་ཅིག་སྐྱེས་དང་གློ་བུར་བ། །འབྱུང་བའི་ལུས་ཀྱི་མཐུན་འཕྲོད་དང་། །རྟེན་ཅིང་འདྲེལ་འབྱུང་རྟགས་དང་ལྟས། །གང་གིས་གནོད་ཅིང་འཚེ་བའི་ཕྱོགས། །སྡང་ཞིང་གདུག་དང་འཚེ་བ་དང་། །དྲག་ཤུལ་སྤྱོད་དང་སྦྱོར་སྔགས་དང་། །རང་ལ་གནོད་དང་གཞན་ལ་ཕྱོགས། །རང་གི་དེ་ཉིད་ཡོངས་ཤེས་པས། །ཉོན་མོངས་རྩ་བ་ཡན་ལག་བཅས། །གཟུང་དང་འཛིན་པ་མ་ལུས་པ། །ཞི་བར་གནས་པ་ཉིད་ཀྱིས་ནི། །སངས་རྒྱས་ཡེ་ཤེས་ལྷག་པར་མཐོང་། །གནས་ཤིང་གོམས་པ་བརྟག་གྱུར་པ། །འདི་ནི་ཞི་བའི་དངོས་གྲུབ་པོ། །གནས་པའི་ཚེ་དང་གྲུབ་པ་ཡི། །ལས་ལ་དབང་ཐོབ་དངོས་གྲུབ་ནི། །རྫས་དང་ལོངས་སྤྱོད་དཔུང་དང་འཁོར། ། ― DNG014_Page_0560 ―
[མ་དཔེ་གཟིགས་ན་འདིར་གནོན།]
འབྱོར་བའི་དཔལ་དང་སྙན་པར་གྲགས། །གཟུགས་བཟང་དབང་ཕྱུག་ལྡན་པ་དང་། །སྟོབས་དང་བརྩོན་འགྲུས་རབ་རྒྱས་ཤིང་། །བལྟ་དང་མཐོང་དང་གཡོ་བ་དང་། །ཡོད་མེད་གཤིས་ལ་དམིགས་པ་དང་། །བགྲོད་དང་འགྲོ་བ་སྦྱོང་བ་རྣམས། །ཆུ་དང་འོ་མ་དུ་བ་མེ། །རྟ་དང་སྐྱེས་བུ་ཇི་ལྟ་བ། །རང་བཞིན་རྒྱུ་འབྲས་ཚོགས་པ་ཀུན། །གཅིག་ཉིད་ཡེ་ཤེས་ཉིད་ཡིན་ཡང་། །འཁོར་བ་དང་ནི་མྱ་ངན་འདས། །རྣམ་པ་དང་ནི་ངོ་བོ་དང་། །མཐར་ཐུག་པ་དང་གནས་སྐབས་ཀྱི། །རྒྱུ་འབྲས་ཚོགས་པ་ཐ་དད་སྣང་། །སྣང་བ་དང་ནི་མཐོང་བ་དང་། །སེམས་དང་སེམས་སུ་འཛིན་པ་དང་། །སྟོང་དང་སྟོང་པར་བྱེད་པ་དག །རང་གི་ངང་དུ་རྒྱས་པ་ནི། །དངོས་གྲུབ་གཅིག་ཏུ་འགྱུར་བའོ། །འཇིག་རྟེན་ཆོས་ཕྱིར་གཟུགས་ཅན་དང་། །གཟུགས་མེད་ཁམས་ཀྱིས་བསྡུས་པ་དང་། །ལུས་དང་ལོངས་སྤྱོད་བརྟན་པ་ཀུན། །ཕ་མ་མཁན་པོ་སློབ་དཔོན་དང་། །རྒྱལ་པོ་རྗེ་བོའི་ཚུལ་དག་གིས། །རང་གི་ཡུལ་དུ་བྱ་བ་དང་། །ཉོན་མོངས་པ་དང་ཉེ་བ་ཡི། །ཉོན་མོངས་ཉི་ཤུ་ལ་སོགས་དང་། །དགེ་བ་ངེས་འགྱུར་ཀུན་འགྲོ་དང་། །སྣང་བའི་རང་བཞིན་བཅུ་ཕྲག་བརྒྱད། །ཡུལ་དང་ཡུལ་ཅན་མ་ལུས་པ། །རང་རིག་རྒྱལ་པོས་དབང་བསྒྱུར་བའི། །ཕྲིན་ལས་དངོས་གྲུབ་ཉིད་ཡིན་ནོ། །རྒྱུད་ལྔ་ལམ་གྱི་སྣང་བ་དང་། །རིགས་དྲུག་འཁོར་བའི་གཡང་ས་དང་། །བར་ཆད་བདུད་བཞིའི་ནུས་པ་དང་། །བགེགས་དང་འབྱུང་པོ་ཉོན་མོངས་དགྲ། །ལས་དང་ལས་ཀྱི་འབྲི་བསྐྱེད་ཀྱི། །རྣམ་པར་སྨིན་པ་བར་མའི་ཆོས། །ཡང་དག་རྒྱུ་དང་རྐྱེན་དང་དམིགས། །ཉེར་ལེན་ལྷན་ཅིག་བྱེད་པའི་རྒྱུ། །དྲག་པོའི་བརྟུལ་ཞུགས་འཆང་བ་ཡིས། །མངོན་དུ་སྤྱད་པའི་ཡེ་ཤེས་ཀྱིས། །མ་རྩོལ་མ་བྱུང་མ་བསམས་པར། །ཡོངས་སུ་སྣང་བ་འབྱུང་མི་འབྱུང་། །སྐད་ཅིག་ཙམ་གྱི་རྒྱུ་ཚུལ་གྱིས། །མ་ལུས་ལྡོག་པར་ནུས་པ་ནི། །ཕྲིན་ལས་དྲག་པོའི་དངོས་གྲུབ་པོ། །རྒྱུ་དང་རང་བཞིན་གཞི་དང་ལམ། །གྱད་ཀྱི་ལུས་གནས་ནོར་བུ་བཞིན། །མཐོང་རྟོགས་མངོན་དུ་སྤྱོད་པ་ནི། །འབྲས་བུའི་ཕྲིན་ལས་དངོས་གྲུབ་པོ། །འདི་ལས་ཕྲ་མོའི་ཏིང་འཛིན་ནི། ། ― DNG014_Page_0561 ―
[མ་དཔེ་གཟིགས་ན་འདིར་གནོན།]
ཡེ་ཤེས་བསྐྱེད་པ་སྔོན་སོང་ནས། །རིག་བཅས་རིག་མེད་སྐུར་གནས་དང་། །འཕེན་པའི་ལྔ་ཕུང་ལ་བརྟེན་པའི། །རིག་བྲལ་མྱུར་དང་རིག་པས་དྲང་། །གཟུང་བ་ཆེ་ལས་བརྟན་པ་ཡིས། །མཆོད་སྦྱིན་གནང་བ་སྩལ་བ་དང་། །རྟེན་བསྒྲུབ་པ་དང་སྤེལ་བ་དང་། །ལུས་སྦྱོང་བ་དང་སེམས་བསྒྱུར་དང་། །གཏན་འཕོ་ཉིད་དང་སྒྱུ་མའི་ལུས། །དག་པའི་མཁའ་དང་དུ་བ་དང་། །སྲིན་བུའི་ཚུལ་དང་སྒྲོན་མེ་ཆེ། །སྨིག་རྒྱུ་འོད་ལྔ་པ་ཡི་ཚུལ། །འགྱུ་བྱེད་རིམ་པའི་རྣལ་འབྱོར་གྱིས། །རྨི་ལམ་བར་མ་དོར་སྦྱང་ཞིང་། །སྔ་མའི་རྟེན་ལས་གནས་བསྒྱུར་ཏེ། །འཕོ་བ་དང་ནི་འཇུག་པ་དང་། །ལྡོག་པ་དང་ནི་གཡོ་བ་དང་། །གནས་གྱུར་པ་དང་ཚིག་འདའ་བའི། །དམ་པར་བཤད་པ་ལ་སོགས་པ། །ལས་ཀྱི་ཁྱད་པར་བསམ་མི་ཁྱབ། །ཉེ་བར་སྤྱོད་པ་ཐམས་ཅད་འགྲུབ། །གནས་གསུམ་དག་པའི་ལས་ཀྱིས་ནི། །དོན་དུ་མ་གྱུར་གང་ཡང་མེད། །ཐམས་ཅད་ང་ཡི་སྐུ་གསུང་ཐུགས། །ལོངས་སྤྱོད་མི་འཛད་ཀུན་ཏུ་བཟང་། །རྩ་བ་ཡན་ལག་གནས་སུ་འགྱུར། །ཀུན་རྫོབ་ཙམ་དང་དོན་དམ་ཉིད། །བྱང་ཆུབ་སེམས་ལས་རབ་བྱུང་བའི། །ཚོགས་གཉིས་རྫོགས་ལ་བདག་མེད་གནས། །ཏིང་ངེ་འཛིན་དང་མངོན་ཤེས་ཀྱི། །ས་བཅུའི་སྤྱོད་པ་རླབས་པོ་ཆེ། །མཐར་ཕྱིན་རྩེ་མོ་གསུམ་ལ་སོགས། །བསྐལ་པ་ཆེན་པོ་གྲངས་མེད་དག །སྐད་ཅིག་སྣང་བར་བྱིན་བརླབས་ཏེ། །ཀུན་ཏུ་བཟང་པོ་ང་ཉིད་སྤྱོད། །འདི་ལ་གཉིས་སུ་ག་ལ་རྟོགས། །གལ་ཏེ་ཞི་བར་མི་ནུས་ན། །རྟོག་པའི་རྩ་བ་ཉོན་མོངས་ཏེ། །གཏི་མུག་བདེ་གཤེགས་སྤྱི་ཡིས་སྦྱང་། །ཞེ་སྡང་རྡོ་རྗེའི་རིགས་ཀྱིས་སོ། །རིན་ཆེན་རིགས་ཀྱིས་ང་རྒྱལ་ཏེ། །འདོད་ཆགས་པདྨའི་རིགས་ཀྱིས་སོ། །ལས་ཀྱི་རིགས་ཀྱིས་ཕྲག་དོག་སྦྱང་། །སྟོང་པའི་སེམས་ནི་ཀུན་བཟང་མ། །ཤ་ནི་སངས་རྒྱས་སྤྱན་མ་སྟེ། །དྲོད་ནི་གོས་དཀར་མ་ཡིས་སོ། །མཱ་མ་ཀཱི་ཡིས་ཁྲག་སྦྱངས་ཏེ། །རླུང་ནི་དམ་ཚིག་སྒྲོལ་མས་སོ། །ས་ཡི་སྙིང་པོས་མིག་དབང་པོ། །ནམ་མཁའི་སྙིང་པོས་རྣ་བ་སྟེ། །སྣ་ནི་སྤྱན་རས་གཟིགས་ཀྱིས་སོ། །ལྕེ་ནི་ཕྱག་ན་རྡོ་རྗེས་སོ། །ཕྱི་རོལ་མཐོང་བྱ་བྱམས་པས་སྦྱང་། ། ― DNG014_Page_0562 ―
[མ་དཔེ་གཟིགས་ན་འདིར་གནོན།]
ཐོས་འགྱུར་ཀུན་ཏུ་བཟང་པོས་ཏེ། །ཚོར་བ་སྒྲིབ་པ་རྣམ་སེལ་ལོ། །མྱོང་བ་འཇམ་དཔལ་རྣོན་པོས་སྦྱོང་། །གཟུགས་སྣང་སྒེག་པ་མོ་ཡིས་སྦྱང་། །གྲགས་ཚད་གླུ་དབྱངས་ལེན་མས་ཏེ། །སྣོམ་པ་ཀུན་ནི་དག་བྱེད་མ། །བྲོ་བའི་རོ་ནི་ཚིམས་བྱེད་མ། །འཇམ་རྩུབ་རེག་པ་མྱོང་བྱེད་མ། །འདོད་པ་རང་གི་ངང་གིས་སྦྱང་། །རྣམ་པར་རྒྱལ་བས་ཞི་བར་བྱ། །གཤིན་རྗེ་གཤེད་ཀྱིས་རབ་རྒྱས་ཤིང་། །ཧ་ཡ་གྲཱི་བས་དབང་དུ་བསྡུ། །བདུད་རྩི་འཁྱིལ་པས་མངོན་དུ་སྤྱོད། །ཡུམ་རྣམས་ཀྱིས་ནི་དགུག་པ་དང་། །བཅིང་བསྡམ་དབབ་པར་བྱ་བ་ཡིན། །རིགས་དྲུག་སྡུག་བསྔལ་སོ་སོ་རུ། །བརྒྱ་བྱིན་སྤྲུལ་པས་ལྷ་རྣམས་སྦྱང་། །ཐགས་བཟང་རིས་དང་སྣང་བྱེད་ཀྱིས། །མཛད་པའི་སྤྲུལ་པས་ལྷ་མིན་སྦྱང་། །མི་རྣམས་ཤཱཀྱ་ཐུབ་པས་སོ། །ཤཱཀྱ་སེང་གེས་བྱོལ་སོང་སྟེ། །ནམ་མཁའ་མཛོད་ཀྱིས་ཡི་དྭགས་ཏེ། །ཆོས་རྒྱལ་སྤྲུལ་པས་དམྱལ་བ་སྦྱང་། །ལུས་ངག་ཡིད་ནི་སྐུ་གསུང་ཐུགས། །བྱ་བ་མ་ལུས་ཐམས་ཅད་ཀུན། །བལྟམས་དང་གཞོན་ནུའི་རོལ་པ་དང་། །ངེས་འབྱུང་དཀའ་སྤྱོད་རྫོགས་མཛད་ཅིང་། །བྱང་ཆུབ་པ་དང་ཆོས་གསུངས་ཤིང་། །གཤེགས་ཚུལ་མཛད་དང་སྐུ་གདུང་བསྟན། །ཞིང་གནས་བསམ་པ་ཁ་ཅིག་ཏུ། །སྐྱབས་སུ་འགྲོ་ཞིང་སེམས་བསྐྱེད་དང་། །སྡོམ་པ་ཀུན་ལ་ཡོངས་གནས་དང་། །དབང་བསྐུར་འཇུག་པའི་ཚུལ་དག་གིས། །གཏན་གནས་སྤོང་དང་སྦྱོང་མཛད་ཅིང་། །གནས་བསྒྱུར་རང་བཞིན་ཤེས་པ་ཡིས། །བླང་དོར་བྱེ་བྲག་མི་གནས་ལ། །གདོད་ནས་འགྱུར་མེད་ཤེས་པ་ཡིས། །རྩོལ་མེད་དབྱིངས་སུ་གནས་པ་ཡང་། །ལས་ཀྱི་ཁྱད་པར་སོ་སོ་ཡིས། །གྲུབ་པའི་མཚན་རྟགས་དམ་པའོ། །ཞེས་བཀའ་སྩལ་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ནང་དང་གསང་བའི་ཕྲིན་ལས་དངོས་གྲུབ་ཆེན་པོ་སོ་སོར་སྒྲུབ་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་རིགས་ཆེན་པོ་ལྔའི་བདག་པོ་འབྱུང་བའི་ཕུང་པོ་ཉོན་མོངས་པ་སྐུ་དང་ཡེ་ ― DNG014_Page_0563 ―
[མ་དཔེ་གཟིགས་ན་འདིར་གནོན།]
ཤེས་རྣམ་པར་དག་པའི་ངང་དུ་གྲུབ་པར་བྱེད་པའི། གསང་བ་ཆེན་པོའི་དོན་ཉིད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ལས་རབ་ཏུ་བྱུང་བ་འདི་དག་བཀའ་སྩལ་ཏོ། །རྣལ་འབྱོར་ལས་ལ་ཉེ་བ་ཡིས། །ཕུན་སུམ་ཚོགས་པའི་གནས་དག་ཏུ། །སྟོང་ཞིང་བདག་མེད་ཀུན་གཞི་ཡི། །རྣམ་ཤེས་རིག་པ་བྱང་ཆུབ་སེམས། །རྡོ་རྗེ་གསུམ་དུ་དབྱེར་མེད་གནས། །སེམས་ཉིད་སྐྱེ་མེད་ཡི་གེ་ལས། །འཕྲོ་འདུའི་ལས་ཀྱི་སྦྱོར་བ་ཡིས། །ཡུམ་ལྔའི་མཁའ་དབྱིངས་འབྱུང་བ་ལྔ། །ཕྱི་ནང་ཐུན་མོང་ཁྱད་པར་ཡིན། །འདོད་ཡོན་འབྱུང་བའི་གཞལ་མེད་ཁང་། །སེང་གེ་གླང་ཆེན་རྟ་དང་ནི། །རྨ་བྱ་ནམ་མཁའ་ལྡིང་གི་གདན། །རྒྱན་ལྡན་རྫོགས་པ་བཞེངས་སུ་གསོལ། །གཟུགས་བརྙན་ཏིང་འཛིན་སྦྱོར་བ་ཡི། །མངོན་སུམ་སྣང་བ་བསྒོམ་པ་ནི། །ཨོཾ་ཧཱུཾ་ཏྲཱཾ་ཧྲཱྀཿཧཱ། འཁོར་ལོ་བཞི་ལྡན་ཕོ་བྲང་དུ། །ཁ་དོག་ལྔ་ལྡན་མཛེས་པར་བསམ། །སྤྲོ་བསྡུ་ཡོངས་སུ་རྫོགས་པ་ལས། །འཁོར་ལོ་རྡོ་རྗེ་རིན་པོ་ཆེ། །པདྨ་རྒྱ་གྲམ་རྣམས་སུ་གྱུར། །དེ་ཉིད་སླར་ཡང་གྱུར་པ་ལས། །རིགས་ལྔ་རང་གི་ཡུམ་དང་བཅས། །ཞི་བ་ཆེན་པོའི་ཚུལ་དགུར་ལྡན། །ཡེ་ཤེས་དམ་ཚིག་ངང་གིས་བཞུགས། །འཁོར་ལོ་ལྔ་ཡི་བདག་ཉིད་ཅན། །གཟུགས་བརྙན་རྡུལ་ཚོན་དེ་འདྲ་བར། །རང་བཞིན་གནས་ནས་རབ་བསྐུལ་ཏེ། །རིན་ཆེན་ཁང་པར་གཉིས་མེད་གནས། །འདོད་ཡོན་སྤྲུལ་པའི་གཟུགས་བརྙན་གྱིས། །གྲངས་མེད་རྡུལ་མཉམ་ལུས་ཀྱིས་འདུད། །རྫས་ཀྱིས་མཉེས་པ་འདི་ཡིས་བྱ། །རིགས་མཆོག་སོ་སོའི་རྫས་ཀྱིས་མཆོད། །སྐུ་ལྔ་འདུས་པའི་དངོས་གྲུབ་བླང་། །རང་གི་མིང་གི་སྒྲ་ཚོགས་ཀྱིས། །ས་བོན་ལས་ནི་སྐུ་རྫོགས་པ། །གྲངས་མེད་བརྗོད་ལས་འདས་པ་ཡི། །ཡོ་གའི་གསུང་གི་འཁོར་ལོ་ཡིས། །དབང་བའི་ཞིང་ཀུན་བཞེས་མཛད་དེ། །དངོས་གྲུབ་མ་ལུས་དབྱིག་བསྡུས་ཤིང་། །སེམས་ཅན་ཁམས་ཀྱི་རྒྱུད་སྦྱངས་ནས། །རང་གི་རིགས་ཀྱི་སྐུ་གསུང་ཐུགས། །ཡོན་ཏན་ཕྲིན་ལས་རྫོགས་པར་མཛད། །དེ་ལ་སྐུ་ཡི་ཆ་ལུགས་དང་། །དོན་རྟོགས་རྣམ་དག་སྒོ་ནས་ནི། །ཡོན་ཏན་ཚོགས་ཀྱིས་ ― DNG014_Page_0564 ―
[མ་དཔེ་གཟིགས་ན་འདིར་གནོན།]
བསྟོད་པར་བྱ། །རྡུལ་ཚོན་ཏིང་ངེ་འཛིན་ལ་བསྡུ། །ཏིང་འཛིན་རང་གི་སེམས་ལ་བསྡུ། །སྤྱོད་ལམ་ཀུན་ཏུ་ང་རྒྱལ་བྱ། །འདི་ནི་ཕྱི་ཡི་རྡུལ་ཚོན་ལ། །བརྟེན་ནས་དཀྱིལ་འཁོར་བསྒྲུབ་པའོ། །ཕུང་པོའི་དཀྱིལ་འཁོར་བསྒྲུབ་པ་ནི། །རང་ལུས་དགོན་པའི་གནས་དག་ཏུ། །གཟུགས་ཕུང་དེ་བཞིན་གཤེགས་པའི་རིགས། །རྣམ་པར་ཤེས་པ་རྡོ་རྗེའི་རིགས། །ཚོར་བའི་ཕུང་པོ་རིན་པོ་ཆེ། །འདུ་ཤེས་ཕུང་པོ་པདྨའི་རིགས། །འདུ་བྱེད་ལས་ཀྱི་རིགས་ཡིན་ནོ། །ས་ཤ་དེ་བཞིན་རིགས་ཀྱི་ཡུམ། །ནམ་མཁའ་རུས་པ་རྡོ་རྗེའི་རིགས། །དྲོད་མེ་རིན་ཆེན་རིགས་ཀྱི་ཡུམ། །ཁྲག་ཆུ་པདྨའི་རིགས་ཡིན་ནོ། །རླུང་དབུགས་ལས་ཀྱི་རིགས་ཀྱི་ཡུམ། །མིག་དང་རྣ་བ་སྣ་ལྕེ་ལུས། །གློ་སྙིང་མཁལ་མ་མཆིན་མཆེར་དང་། །རྒྱུ་བྱེད་རྩ་དང་ཡན་ལག་བཅས། །སྣོད་ལྔ་རྐང་ལག་ཉིང་ལག་ཀུན། །རིགས་ལྔ་ཉིད་དུ་ཡེ་ནས་གནས། །དྲན་པ་ཙམ་གྱིས་དབྱིངས་ལས་བསྐུལ། །གནས་ཚུལ་ཤེས་པས་གཞུག་ཅིང་བསྡམ། །གཉིས་མེད་མཐོང་བས་མཉེས་ཕྱག་འཚལ། །རང་ལ་རང་གནས་རྫས་ཀྱིས་མཆོད། །སྤྱི་གཙུག་མགྲིན་པ་སྙིང་ག་དང་། །ལྟེ་བ་གསང་བ་གནས་ལྔ་རུ། །རྩིབས་འཆང་ཆུ་སྐྱེས་རྒྱ་གྲམ་དང་། །གསལ་འབར་ཆོས་འབྱུང་སྔགས་རྣམས་ལ། །དྲུག་ཅུ་རྩ་བཞིར་འབྱེད་བྱེད་ཀྱིས། །འཁོར་ལོ་རྫོགས་པའི་རིམ་པ་ཡིས། །ཁ་དོག་ལྔ་ལྡན་ཡིག་འབྲུ་འཕྲོས། །རྣམ་ཤེས་བཞོན་པ་ལྔ་ཉིད་ཀྱི། །རྩ་བ་ཡན་ལག་བཅུ་སྦྱར་ཞིང་། །གནས་སྐབས་ལྔ་འགྱུར་བཟླས་པའི་མཆོག །ལྷུན་གྲུབ་ལྔ་ལྡན་དོན་གྱིས་བསྟོད། །གནས་བསྒྱུར་གྲུབ་པའི་དངོས་གྲུབ་བླང་། །ཕྱི་ནང་སྣོད་བཅུད་མ་ལུས་ཀུན། །འདི་ལས་མི་འདའ་འགྱུར་མེད་པའི། །དོན་ཆེན་གཅིག་གིས་དཀྱིལ་འཁོར་བསྡུ། །ཕུང་པོའི་དཀྱིལ་འཁོར་བསྒྲུབ་པའོ། །ང་དང་སངས་རྒྱས་ཐམས་ཅད་ཀྱིས། །བསྟན་པའི་ཆོས་ཀྱི་ཕུང་པོ་དག །བརྒྱད་ཁྲི་བཞི་སྟོང་གསུངས་པ་ནི། །དེ་ཉིད་ཉོན་མོངས་གཉེན་པོར་བཤད། །རྩ་བ་གཏི་མུག་ཞེ་སྡང་དང་། །ང་རྒྱལ་འདོད་ཆགས་ཕྲག་དོག་སྟེ། །ཡན་ལག་སྒོ་ལྔའི་རྣམ་ཤེས་དང་། ། ― DNG014_Page_0565 ―
[མ་དཔེ་གཟིགས་ན་འདིར་གནོན།]
ཁམས་དང་སྐྱེ་མཆེད་མ་ལུས་ཀུན། །རྣམ་དག་རིགས་ལྔ་གསང་རྒྱུད་ནི། །རང་ལ་ང་རྒྱལ་རློམ་པ་དང་། །ཆགས་ཤིང་ཞེན་པས་དུག་ཏུ་འགྱུར། །གཞན་ལ་ཞེ་སྡང་ཁོང་ཁྲོར་བཅས། །ཕྲག་དོག་འཚེ་ཞིང་གནོད་པའི་དུག །གཏི་མུག་མ་རིག་བླུན་རྨོངས་ཀྱིས། །ཀུན་ལ་གནོད་པའི་དུག་ཡིན་ཡང་། །སྐྱེད་པའི་རྒྱུ་དང་གནས་པའི་གཞི། །འཇིགས་པའི་རྐྱེན་དང་འགྲོ་བའི་ས། །དཀྱིལ་འཁོར་གྱི་ནི་འཁོར་ལོར་གནས། །ཕྱི་དང་ནང་དང་གཉིས་ཀ་དང་། །སྟོང་དང་སྟོང་པ་ཆེན་པོ་ཡིས། །དཀྱིལ་འཁོར་བདག་པོ་སོ་སོའི་རིགས། །རྒྱུ་རྐྱེན་གནས་གཞི་མེད་བཞིན་དུ། །རང་ཉིད་དྲན་པས་བསྐུལ་བར་བྱ། །མཐོང་དང་གོམས་པས་དྲངས་ཤིང་དབབ། །མ་ཆགས་སྤྱོད་པས་མཉེས་པར་བྱ། །མི་སྨད་པ་ནི་བསྟོད་པ་ཉིད། །སྐྱེ་འགྱོད་ཡེངས་མེད་བཟླས་པའོ། །ཐེ་ཚོམ་སོམ་ཉི་ཡིད་གཉིས་དག །འདི་ལ་གང་བྲལ་དངོས་གྲུབ་ཐོབ། །དུག་ལྔ་རིན་ཆེན་ལྔར་བསྒྲུབ་པའི། །དུག་ལྔའི་རང་བཞིན་དེ་ཉིད་ནི། །ཡེ་ཤེས་ལྔ་རྣམས་ཁོ་ན་སྟེ། །ཞེ་སྡང་གསལ་བའི་ཡེ་ཤེས་ཏེ། །དཔེར་ན་གཡའ་དང་དྲི་མའི་ཚོགས། །བྲལ་བྱས་མེ་ལོང་དཀྱིལ་འཁོར་ལ། །དབྱིབས་དང་ཁ་དོག་མཚན་མའི་དངོས། །མ་འདྲེས་ཐ་དད་སྣང་བ་ཉིད། །མ་གྲུབ་བཞིན་དུ་གསལ་བ་ལྟར། །རྣམ་རྟོག་གློ་བུར་དྲི་མ་དང་། །བྲལ་བའི་སེམས་ཉིད་དཀྱིལ་འཁོར་ལ། །ཕྱི་ནང་སྣོད་བཅུད་རྣམ་པར་བརྟག །ཕུང་པོ་ཁམས་དང་སྐྱེ་མཆེད་ཚོགས། །བདེ་བ་སྡུག་བསྔལ་བསམ་མི་ཁྱབ། །གཟུགས་བརྙན་སྒྲ་བརྙན་ཚུལ་བཞིན་དུ། །མ་འགགས་སོ་སོར་སྣང་བའི་རྒྱུས། །ཡུལ་ལ་དམིགས་པའི་སྙིང་རྗེ་སྐྱེ། །དེ་ལས་ང་རྒྱལ་མཉམ་པ་ཡི། །ཡེ་ཤེས་སྐྱེ་བ་འདི་ལྟ་སྟེ། །འཁོར་བ་དང་ནི་མྱ་ངན་འདས། །ཉོན་མོངས་པ་དང་རབ་ཏུ་བྱུང་། །ཀུན་རྫོབ་དོན་དམ་ཁྱད་པར་གྱིས། །ཆོས་རྣམས་སྟོང་པར་མཉམ་ཁྱེར་བས། །གང་ཟག་བདག་ཏུ་འཛིན་མེད་ཅིང་། །ཡུལ་ཀུན་དེ་ཡི་ཚུལ་འདྲ་བར། །ཆོས་སུ་བདག་འཛིན་བྲལ་བ་ཡིས། །དེ་ལ་དམྱིགས་པའི་སྙིང་རྗེ་འབྱུང་། །འདོད་ཆགས་དུག་ལས་རྟོག་ ― DNG014_Page_0566 ―
[མ་དཔེ་གཟིགས་ན་འདིར་གནོན།]
པ་ཡི། །ཡེ་ཤེས་སྐྱེ་བར་བསྒྲུབ་པ་ནི། །ཆོས་ཀུན་གདོད་ནས་མ་སྐྱེས་ཤིང་། །རང་བཞིན་མེད་པའི་དོན་བསྒོམས་ནས། །གཟུང་བའི་ཡུལ་དང་འཛིན་པའི་སེམས། །མི་དམིགས་སྟོང་པ་ཉིད་ཀྱི་ཡུལ། །སྤྲོས་པའི་མཐའ་སོགས་བྲལ་བར་བསམ། །དམིགས་མེད་སྙིང་རྗེ་ངང་གིས་འབྱུང་། །གཏི་མུག་ལས་ནི་ཆོས་དབྱིངས་ཀྱི། །ཡེ་ཤེས་བསྒྲུབ་པ་སྙིང་རྗེའི་རྗེས། །གཟུང་འཛིན་ཡན་ལག་ཀུན་བྲལ་བ། །རང་བཞིན་ངོ་བོ་ཉིད་ཀྱི་བདག །དངོས་པོ་དང་བྲལ་འོད་གསལ་བ། །མཉམ་བཞག་སྟོང་པ་ཉིད་གནས་ན། །ཇི་ལྟ་བ་ཡི་ཡེ་ཤེས་སོ། །ཕྲག་དོག་དུག་ལས་ནན་ཏན་གྱི། །བྱ་བ་གྲུབ་པའི་ཡེ་ཤེས་ནི། །ཀུན་རྫོབ་སྙིང་རྗེའི་དོན་རྫོགས་པས། །སེམས་བསྐྱེད་པ་དང་སྨོན་ལམ་གྱིས། །གཞན་དོན་འབྱུང་བའི་ཁྱད་པར་ནི། །ཇི་ལྟར་རིགས་པའི་སྤྲུལ་པ་ནི། །རང་གི་ཚུལ་འདྲ་གཞན་དོན་དུ། །དོན་དམ་མྱ་ངན་འདས་དབྱིངས་ནས། །ཀུན་རྫོབ་རྣམ་འཕྲུལ་འཇིག་རྟེན་དུ། །མཐུན་འཇུག་སྣ་ཚོགས་དག་ཏུ་སྟོན། །རྣམ་པར་རྟོག་པའི་ཡེ་ཤེས་ཀྱི། །རྒྱུ་དང་ངོ་བོ་རང་བཞིན་ཏེ། །འདི་ལ་གྲོལ་དང་ཤེས་པ་དང་། །ངང་གིས་གནས་ལས་མཆོག་ཏུ་འགྱུར། །དུག་ལྔ་ཁོ་ན་ཡེ་ཤེས་ལྔ། །བཞི་དང་གསུམ་དང་གཅིག་གང་གཉིས། །གཏི་མུག་ཁོ་ན་གཅིག་ཡིན་ནོ། །འདི་ལ་གནས་པས་དེ་བསྒྲུབ་པོ། །ཡེ་ཤེས་ལྔ་ལས་ཡོངས་རྫོགས་པའི། །སྐུ་ལྔ་ལྷུན་གྲུབ་བསྒྲུབ་པ་ནི། །གཟུགས་ཀྱི་ཕུང་པོ་གཏི་མུག་བཅས། །སྣང་མཛད་ལོངས་སྤྱོད་རྫོགས་པའི་སྐུ། །རྣམ་ཤེས་ཕུང་པོ་ཞེ་སྡང་བཅས། །རྡོ་རྗེ་སེམས་དཔའ་ཆོས་ཀྱི་སྐུ། །ཚོར་བ་ང་རྒྱལ་བཅས་པ་ནི། །རིན་ཆེན་འབྱུང་ལྡན་སྤྲུལ་པའི་སྐུ། །འདུ་ཤེས་འདོད་ཆགས་ཕུང་པོར་བཅས། །མཐའ་ཡས་མངོན་པར་བྱང་ཆུབ་སྐུ། །འདུ་བྱེད་ཕྲག་དོག་ཕུང་པོར་བཅས། །དོན་གྲུབ་མི་འགྱུར་རྡོ་རྗེའི་སྐུ། །མཚན་བཟང་དཔེ་བྱད་ལྡན་པ་དང་། །དབྱིངས་ལས་གཡོ་བ་མེད་པ་དང་། །སྣ་ཚོགས་དོན་དུ་འབྱུང་བ་དང་། །གཅིག་ལས་གཅིག་འབྱུང་གཅིག་པ་དང་། །མ་བཙལ་འགྱུར་མེད་ལྷུན་གྲུབ་ནི། །ཡོངས་རྫོགས་སྐུ་ལྔ་དངོས་ཡིན་ནོ། །དེ་དག་ཀུན་གྱི་ ― DNG014_Page_0567 ―
[མ་དཔེ་གཟིགས་ན་འདིར་གནོན།]
བྱ་བ་དང་། །ཉེ་བར་བསྒྲུབ་པ་འདི་ཡིན་ནོ། །ཨོཾ་མ་ཧཱ་བོ་དྷི་ཙིཏྟ་སཏྭ་ཧཱུཾ། ཛྙཱ་ན་དྷཱ་ཏུ་ཨ། མ་ཧཱ་ཀ་རུ་ཛ། དྷརྨ་དྷཱ་ཏུ་ཨ། ཨེ་ཡཾ་བཾ་སུཾ་ལཾ་རཾ་བྷྲཱུྃ། ལཾ་ཧཾ་མཾ་ཨཾ་ཁཾ་མ་ཨ་པཾ། ཨོཾ་ཧཱུཾ་སྭཱ་ཨཱཾཿཧཱ། ས་ཡ་བཾ། གཞི་དང་གནས་དང་བརྟན་པ་དང་། །རྟེན་དང་གདིང་བའི་རྒྱུ་ཡིན་ནོ། །བདག་པོ་རང་གི་མིང་མཚན་ཏེ། །ཡུམ་དང་བཅས་པ་འདི་ལས་འབྱུང་། །མཱུཾ་ལཱཾ་མཱཾ་པཱཾ་ཏཱཾ་ཛཿཧཱུཾ་བཾ་ཧོཿ། ས་མ་ཡ་ཧཱུཾ། སརྦ་ཏ་ཐཱ་ག་ཏ་པཉྩ་བྷྱོ་ན་མཿ། ཨ་ཏི་པུ་ཧོ། སརྦ་པཉྩ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། སརྦ་ཏ་ཐཱ་ག་ཏ་ཀཱ་ཡ་བཱ་ག་ཙིཏྟ་མ་ཧཱ་སིདྡྷི་སིདྡྷི་ཧཱུཾ། སྤྱན་དང་བསྡིམ་ཞིང་མཉེས་པ་དང་། །འབྲས་བུ་འགྲུབ་པར་བྱ་བའོ། །རྡུལ་ཚོན་ཁ་དོག་ལྔ་པ་དང་། །འབྱུང་བ་ལུས་ཀྱི་ཕུང་པོ་དང་། །ཉོན་མོངས་ལྔ་དང་ཡེ་ཤེས་ལྔ། །རྫོགས་པའི་སྐུ་ལྔར་བསྒྲུབ་པ་ཡིས། །སངས་རྒྱས་འདུས་པ་ལྔར་བསྒྲུབ་བྱ། །འདི་ནི་ལྔ་ཕུང་རྟོག་པར་བཅས། །རིགས་དྲུག་རྒྱུད་ལྔ་ཤེས་པ་སྟེ། །ང་ཉིད་ཕྲིན་ལས་ཀུན་ཏུ་བཟང་། །ཞེས་བཀའ་སྩལ་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། རབ་ཏུ་བསྡུས་པའི་རིགས་ཀྱི་རྩ་བའི་བདག་ཉིད་ཆེན་པོ་ཚུལ་ལྔར་སྒྲུབ་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཀྱིས་བདེ་བར་གཤེགས་པའི་རིགས་སོ་སོའི་བདག་ཉིད་རབ་ཏུ་སྒྲུབ་པའི་ཕྱག་རྒྱ་ཉེ་བར་བསྟན་པ། ཁྱད་པར་གྱི་གཞི་དང་རང་བཞིན་དང་། ཐབས་ལས་བྱུང་བའི་འབྲས་བུ་ཆེན་པོ་ཐ་དད་དུ་སྣང་བར་བྱེད་པ་ཉིད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་གསང་བ་ཆེན་པོ་ལས་རབ་ཏུ་ཕྱུང་སྟེ་བཀའ་སྩལ་ཏོ། །མ་འོངས་འབྱུང་བའི་དུས་དག་ཏུ། །སྐྱེས་བུ་གཏི་མུག་ཞེ་སྡང་དང་། །ང་རྒྱལ་འདོད་ཆགས་ཕྲག་དོག་རྣམས། །སོ་སོའི་ཡན་ལག་བཅས་འཆང་བས། །རང་གི་རིགས་མཐུན་གཉེན་པོ་ནི། །བདེ་གཤེགས་རྡོ་རྗེ་རིན་པོ་ཆེ། །པདྨ་ལས་ཀྱི་རིགས་ཀྱི་སྐུ། །ཐ་དད་སོ་སོར་བསྒྲུབ་པ་ནི། །ཁྱད་པར་གཏི་མུག་ཅན་དག་གིས། །མ་རིག་རྨོངས་པའི་རྩ་བ་སྟེ། །ཤེལ་མདོག་ཨོཾ་དུ་གསལ་བར་བསྒོམ། །ཚོར་བའི་སྒོ་ནས་སྤྲོ་ཞིང་བསྡུ། །རྣམ་པར་ཤེས་པའི་རྟེན་རྣམས་ཀུན། །ས་བོན་རྡུལ་ཕྲ་གཅིག་ཏུ་བསྒོམ། །གཟུགས་སྒྲ་ཁ་དོག་བཅས་པ་ཀུན། །སྒོ་ ― DNG014_Page_0568 ―
[མ་དཔེ་གཟིགས་ན་འདིར་གནོན།]
གསུམ་ཡུལ་དུ་གསལ་བ་དང་། །རྣམ་པར་སྣང་མཛད་སྐུ་གཉིས་བརྟན། །དཀར་མཛེས་གསལ་བ་འཁོར་ལོ་ཅན། །ཕྲ་མོར་བསྒོམ་དང་རིལ་པོར་བསྒོམ། །བརྟན་དང་གཡོ་བ་རྣམ་རྒྱུ་བ། །རིག་པ་ཆེན་པོ་སྐྱེས་བུའི་གཟུགས། །བདག་ཉིད་གསལ་བར་གྱུར་པ་དང་། །ཕྱི་ནང་གསང་བའི་དགྲ་གསུམ་དང་། །བར་དུ་གཅོད་པའི་བདུད་བཞི་དང་། །རིགས་དྲུག་ལྟུང་བའི་གཡང་ས་རྣམས། །ཚེ་འདི་ཉིད་ལ་ཆོམས་ཤིང་ཆོད། །འབྱུང་བའི་རྒྱུ་ཡིས་མི་བསྐྱོད་ཅིང་། །ཉོན་མོངས་རྐྱེན་གྱིས་མི་བརྫི་ལ། །རང་རིག་དབྱིངས་ལས་མི་གཡོ་བར། །དག་པའི་སེམས་ལ་དབང་བསྒྱུར་ན། །འདི་ནི་དེ་ཡི་ཚད་ཡིན་ནོ། །གཞན་ཡང་ཞེ་སྡང་ཁོང་ཁྲོར་བཅས། །ང་རྒྱལ་རློམ་སེམས་ལྡན་པ་དང་། །ཞེན་ཅིང་གདུང་བའི་འདོད་ཆགས་དང་། །ཕྲག་དོག་སྲེད་ལེན་གཡོ་དང་སྒྱུའི། །རྩ་བ་དཀར་སེར་དམར་དང་ལྗང་། །ཧཱུཾ་སྭཱ་ཧྲཱྀཿཧཱ་འོད་གསལ་བ། །སྤྲོ་བསྡུས་སོ་སོར་གསལ་བ་དང་། །རྡོ་རྗེ་སེམས་དང་རིན་ཆེན་འབྱུང་། །མཐའ་ཡས་དོན་ཡོད་གྲུབ་པ་རྣམས། །རང་གི་སྐུ་མདོག་ཕྱག་མཚན་བཅས། །སོ་སོར་སྔར་བཞིན་གསལ་བར་བལྟས། །གྲུབ་པའི་ཚད་ཀྱིས་རབ་ཏུ་བརྟེན། །གལ་ཏེ་ངག་གིས་བསྒྲུབ་འདོད་ན། །དུས་གསུམ་འབྱུང་བའི་བདེ་གཤེགས་ཚོགས། །མ་ལུས་སྐུ་གསུང་ཐུགས་བསྡུས་པའི། །གསང་བའི་སྙིང་པོ་འདི་ཉིད་ནི། །ཨོཾ་ཨཱཿཧཱུཾ་ཞེས་བྱ་བ་སྟེ། །སྒྲ་དང་ཤུབ་བུ་རྡོ་རྗེའི་བཟླས། །གསུམ་གྱིས་འཇུག་གནས་ལྡང་བའོ། །རྒྱུ་དང་རྩ་བ་ཡན་ལག་བཅས། །འདི་ལ་རྣམ་ཤེས་རབ་ཞོན་ནས། །སྒོ་ལྔ་དབང་པོའི་ལམ་ལས་བྱུང་། །གཟུགས་སོགས་ཡུལ་ལ་དམིགས་ཤིང་ཆགས། །ཀུན་རྫོབ་ཙམ་དུ་བརྟག་བཟོད་དེ། །དོན་དམ་རང་གི་གཤིས་ཡིན་ཞིང་། །གནས་ལུགས་གདོད་ནས་སྣང་མ་མྱོང་། །དེ་བས་ཉོན་མོངས་ལྔ་ཡི་དུག །ཀུན་ཏུ་ཁྱབ་པའི་གཞི་ཉིད་ལ། །ས་བོན་ཚུལ་དུ་བཏབ་པ་ལས། །རྣམ་ཤེས་ཡན་ལག་ཆུ་ལུད་རྐྱེན། །འདོད་ཡོན་དྲོད་གཤེར་ནུས་པས་སྨིན། །རྒྱུད་ལྔའི་འབྲས་བུར་གྱུར་པ་ལས། །རིགས་ལྔ་སོ་སོའི་ཡེ་ཤེས་ཀྱི། །མཚོན་གྱིས་མྱུ་གུ་མྱུར་དུ་བཅད། །ལོ་འདབ་འབྲས་བུ་བསྐྱེད་མི་ ― DNG014_Page_0569 ―
[མ་དཔེ་གཟིགས་ན་འདིར་གནོན།]
ནུས། །ས་བོན་གཞི་ཡི་བག་ལ་སྐམ། །དེ་ནི་གདོད་ནས་རང་གི་ངང་། །འདི་ལ་བཅོས་སུ་ཅི་ཞིག་ཡོད། །གལ་ཏེ་རིགས་ཀྱི་རྒྱུ་འབྲས་ལྔ། །གཅིག་ཏུ་བསྡུས་ཏེ་སྦྱང་བ་ནི། །ཕུན་སུམ་ཚོགས་པའི་གནས་དག་ཏུ། །ཐེ་ཚོམ་བྲལ་བའི་རྣལ་འབྱོར་གྱིས། །ས་གཞི་ལེགས་པར་བརྒྱན་ནས་སུ། །ཕྱི་ནང་བདུད་རྩིའི་དྲི་ཡིས་བགོ། །ཏིང་འཛིན་འཕེལ་བའི་ཡོ་བྱད་རྟེན། །གཟུགས་སྒྲ་ཆོས་ཀུན་འབྲུ་གསུམ་ལས། །ཀུན་བཟང་རྡོ་རྗེ་སེམས་དཔར་བསམ། །ལག་པའི་འདུ་བྱེད་ཕྱག་མཚན་འཛིན། །ཉི་ཟླ་པདྨའི་ལུས་བདེའི་རྒྱུ། །རྒྱན་གྱི་མཚན་དང་དཔེ་བྱད་དང་། །དབང་པོ་ལྔ་ཡི་ལོངས་སྤྱོད་ཚོགས། །མ་ལུས་པ་ནི་མཆོད་པའི་རྫས། །རླུང་རྒྱུ་སྨྲ་བརྗོད་བཟླས་པ་སྟེ། །སྙན་པའི་ཚིག་ཐོས་བསྟོད་པ་ཡིན། །སྤྱོད་ལམ་ཀུན་ནི་ཕྲིན་ལས་སོ། །སྟོབས་ལྡན་རྒྱུ་མཐུན་འཇིགས་པ་ཡིས། །རྐྱེན་གྱིས་མི་བརྫི་བརྟན་པའོ། །ཚད་དང་རྟགས་སུ་ངེས་པར་གཟུང་། །སྨོན་ལམ་སེམས་བཟང་བརྟན་པའི་ཕྱིར། །གཞན་དོན་ཕྲིན་ལས་སྤེལ་བ་ནི། །ཇི་སྙེད་པ་དང་ཇི་ལྟ་བའི། །ཆོས་ཀུན་འབྲུ་གསུམ་ངང་ཉིད་དུ། །མ་ལུས་འདུས་པའི་སྐུ་གསུང་ཐུགས། །གཏན་ལ་དབབ་པའི་གནད་བསྡུས་ལ། །རབ་འབྲིང་ཐ་མའི་བློ་ཡི་ཆོས། །ཟབ་དང་རྒྱ་ཆེ་གནད་འདིར་འདུས། །ཁམས་གསུམ་སྐྱེ་འགྲོ་གནས་གསུམ་དང་། །མཐོང་བྱ་བསྒོམ་བྱ་དག་པ་གསུམ། །སྨོན་ལམ་ཡེ་ཤེས་བགྲོད་པའི་ས། །གནས་གསུམ་སྤྱོད་པ་འབྲས་བུ་དང་། །བསྲུང་བྱ་དགག་བྱ་དཀྱིལ་འཁོར་གསུམ། །ཏིང་འཛིན་རིགས་དང་མ་ལུས་སྐུ། །གསུང་དང་ཐུགས་ཀྱི་མཐར་ཐུག་གསུམ། །བདེ་དང་རིག་པ་སྣང་བ་ཡིན། །དབྱེར་མེད་གསལ་བའི་སྟོང་པ་དང་། །ཐབས་དང་ཤེས་རབ་དབྱིངས་ཡེ་ཤེས། །དོན་དམ་ཀུན་རྫོབ་མ་བཅོས་པའི། །དབྱེར་མེད་གསལ་བར་རང་གི་ངང་། །ལུས་གནས་རྩ་དང་དེར་བརྟེན་པའི། །དངོས་མེད་རྒྱུ་དང་ཟླུམ་པོའི་དངོས། །ཡོན་ཏན་ཕྲིན་ལས་མཉེས་བྱེད་དང་། །བསོད་ནམས་མཐར་ཐུག་མཆོད་སྦྱིན་ལས། །དངོས་གྲུབ་སྔགས་དང་ཕྱག་རྒྱའི་ཚོགས། །སྒྲུབ་བྱེད་བསྙེན་པ་བྱིན་རླབས་བཅས། །མཐུ་དབང་དམ་ཚིག་ཆོ་ག་དང་། །སྐྱོབ་བྱེད་ ― DNG014_Page_0570 ―
[མ་དཔེ་གཟིགས་ན་འདིར་གནོན།]
ཡུལ་དང་དམ་པའི་སེམས། །གཏན་འཕོ་རིག་པ་འཛིན་པའི་ས། །དགྲ་གསུམ་བདུད་བཞི་དྲོད་ཚད་རྟགས། །མཚན་མར་བཅས་པའི་གནད་ཡིན་ནོ། །འབྲུ་གསུམ་རྒྱུ་བ་དང་བཅས་པ། །རྡོ་རྗེ་སེམས་དཔའི་སྐུ་གསུང་ཐུགས། །རང་བཞིན་ཉིད་དུ་ཡེ་ནས་གནས། །འཁོར་འདས་མ་ལུས་ཀུན་གྱི་སྲོག །གཅིག་ཏུ་གནས་པ་ཁོ་ན་སྟེ། །སྒོ་གསུམ་འདི་ལ་གང་གནས་པ། །རབ་ཏུ་ལྕི་བའི་སྡིག་པ་དང་། །གནས་ངན་ལེན་གྱི་རྒྱུ་བསགས་སྦྱང་། །སོ་སོ་ཐར་པའི་རིགས་བདུན་དང་། །སྨོན་འཇུག་བསླབ་པ་ཉི་ཤུར་བཅས། །ཀུན་བཟང་ཚོགས་ཀྱིས་རབ་བཤད་པའི། །ཕྱི་ནང་གསང་བའི་ཁྱད་པར་དང་། །གཞི་དང་ཡན་ལག་བསླབ་བྱ་ལས། །གང་འདས་སོར་འཇུག་ཁྱད་པར་སྟོབས། །ངན་འགྲོའི་སྲིད་ལས་རབ་ཏུ་ཟློག །གཤིས་ངན་དང་ནི་དུས་མིན་དང་། །འཆི་དང་འཇིགས་པ་བརྒྱད་ལས་སྐྱོབ། །དཔལ་འབྱོར་ཕུན་སུམ་ཚོགས་འགྲུབ་ཅིང་། །མྱུར་དུ་མཐར་ཐུག་སར་གནས་བྱེད། །བྲིས་བཏགས་མཐོང་དང་བཟླས་པ་ཡི། །ཡོན་ཏན་ཚད་གཟུང་ཡོད་མ་ཡིན། །མཆོད་སྦྱིན་མཉེས་ཤིང་ཚིམ་པ་དང་། །ལོངས་སྤྱོད་པར་ཐོབ་འདི་ཡིས་འགྲུབ། །འཇིག་རྟེན་པ་དང་འདས་པ་ཡི། །ལྷ་རྣམས་བསྙེན་ཅིང་བསྲུང་བཟློག་ནུས། །ད་ལྟར་དང་ནི་མ་འོངས་པའི། །མི་འདོད་སྡུག་བསྔལ་ཕྱོགས་སྤང་ཞིང་། །བདེ་འདོད་ཐར་པ་མ་ལུས་འགྲུབ། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་བདག་ཉིད་ཅན། །ཐ་དད་བློ་རིགས་སྣང་ངོ་ལ། །དགེ་སྦྱོང་དང་ནི་གཞོན་ནུའི་གཟུགས། །བྱང་ཆུབ་སེམས་དཔའ་རྫོགས་ལོངས་སྤྱོད། །ཞི་བའི་ཚུལ་དགུ་ལྡན་པ་དང་། །ཀུན་ཏུ་བཟང་པོ་རྡོ་རྗེ་འཛིན། །ཁྲོ་ཚུལ་འཆང་བའི་རིགས་ཀུན་གྱི། །བདག་ཉིད་ཐབས་དང་ཤེས་རབ་དང་། །སྙིང་རྗེ་དང་ནི་སྟོང་པར་ལྡན། །མི་འགྱུར་མི་ཤིགས་སྲ་བ་པོ། །བློ་དང་ལྡན་པ་མཐུ་ལྡན་ཞིང་། །བཞོན་པ་ཆ་ལ་རབ་བརྟེན་ནས། །གོ་ཆ་བགོས་ཏེ་བདུད་འདུལ་བ། །གཞན་དོན་སྤྲོ་ཞིང་ཐེ་ཚོམ་མེད། །རྡོ་རྗེ་སེམས་དཔའ་ཆེན་པོ་ཡིན། །འདི་ནི་མཐོང་བས་ཁ་ཅིག་སྤོང་། །ཁ་ཅིག་བསམ་པས་སྤང་བར་བྱེད། །སྔོན་དུ་སྲིད་པའི་དོན་ལ་བསམ། །མ་ནོར་མ་ ― DNG014_Page_0571 ―
[མ་དཔེ་གཟིགས་ན་འདིར་གནོན།]
བཅོས་མི་འགྱུར་བ། །མ་རྟོགས་ཀུན་ལ་སྙིང་རྗེ་བསམ། །རང་གིས་བྱེད་པ་པོ་འདི་ཉིད། །མཐིང་ག་ཧཱུཾ་ལས་སྤྲོ་དང་བསྡུ། །མཉེས་སྦྱང་ལས་ཀྱི་རྡོ་རྗེར་གྱུར། །འབར་གསལ་འོད་དུ་གནས་པ་ལས། །བསྐྱེད་པ་རྡོ་རྗེ་འཆང་གི་སྐུ། །ཞལ་གཅིག་ཕྱག་གཉིས་རང་གི་མདོག །ཐབས་དང་ཤེས་རབ་བརྡ་མཛད་ཅིང་། །པདྨ་དང་ནི་ཉི་ཟླ་གནོན། །ཚུལ་དགུ་འཆང་ཞིང་མཚན་དཔེར་ལྡན། །ཡང་ན་ཁྲོ་ཚུལ་གར་དགུར་ལྡན། །ཞེ་སྡང་ཅན་དང་འདོད་ཆགས་ཅན། །རང་གི་རིགས་ཀྱིས་སོ་སོར་སྦྱང་། །སྣང་དང་གྲག་པའི་རྟོག་པ་ཀུན། །མ་ལུས་སྐུ་གསུང་ཐུགས་སུ་བརྡལ། །ངོ་ཤེས་ཕྲད་དང་བྲལ་བ་ཡིས། །རང་རྒྱུད་དངོས་པོའི་ཞེན་པ་གཅད། །མ་རིག་སེམས་དང་སེམས་ལས་བྱུང་། །སྟོང་དང་ཆེར་སྟོང་རབ་ཏུ་སྟོང་། །སྣང་ཞིང་རབ་སྣང་སྣང་ལ་སོགས། །གཉིས་མེད་གཅིག་མེད་གཅིག་ཀྱང་མེད། །དུས་རྣམས་ཀུན་ཏུ་འདི་ལ་བསླབ། །རྡུལ་རྙེད་སངས་རྒྱས་ལྔ་དང་གཅིག །བདག་ཉིད་ངང་དང་རང་བཞིན་ནོ། །སྤྱོད་ལམ་དུས་བཞིར་ཆོས་ཀྱི་སྐུས། །མཉམ་པར་སྤྱོད་པ་དེ་ཡི་མཆོག །སྣང་བ་སྐུ་ལྔ་ཡོངས་རྫོགས་ཤིང་། །འབྱུང་འཇུག་གནས་པ་གསུམ་གྱི་གསུང་། །བདེ་འོད་མི་རྟོག་སྣང་བའི་ཐུགས། །འདོད་ཡོན་རོལ་པ་ངང་གིས་མཆོད། །དམ་པའི་ཡིད་ཀྱིས་རྒྱུན་དུ་བསྒྲུབ། །འདི་དག་སོ་སོའི་ཕྲིན་ལས་ནི། །གསལ་བ་གསུམ་དང་འོད་འབྱུང་བའི། །གནས་དང་སྤྲོ་གནས་དེ་ཡི་ཐབས། །ཡོན་ཏན་གནས་དང་དགོས་པའི་དོན། །དྲོད་ཚད་རྟགས་གསུམ་ལྡན་པ་ཡིས། །རང་དང་ཕ་རོལ་སྒྲིབ་པ་སྦྱོང་། །མེ་རླུང་འཁོར་ལོའི་གཟུགས་དང་སྒྲས། །འཁོར་བཅས་ལས་ལ་སྦྱར་བའོ། །ཡུལ་གསུམ་འཕྲོ་འདུ་ཚ་བ་ཡིས། །བར་ཆད་བགེགས་ཀུན་དཔུང་ཚོགས་གཞོམ། །ཟླ་དྲུག་སྦྱོར་བ་དྲག་པོ་ཡིས། །རྩ་བ་ཡན་ལག་ཉམས་པ་བསྐང་། །གནས་གཞུག་དབབ་དང་ཐིམ་པ་ཡིས། །འབྲུ་གསུམ་སྐུ་གསུང་ཐུགས་དབང་བསྐུར། །དམ་པའི་གནས་གསུམ་སྤྲོ་བསྡུ་ནི། །རྟེན་འགྱུར་ལུས་ཀྱི་བསྐོར་བ་དང་། །རང་དང་ཕ་རོལ་ཉེས་ཚོགས་བསྐང་། །བཀྲུ་སྦྱང་ལས་དང་འབྱུང་བའི་ནད། །མདོག་སྦྱོང་འགྲོ་ལྡོག་བདེ་དྲོད་བསྐྱེད། །སྲིད་པར་དབང་བསྒྱུར་འཕོ་བ་དང་། །སྤར་ ― DNG014_Page_0572 ―
[མ་དཔེ་གཟིགས་ན་འདིར་གནོན།]
ཞིང་བསྒྱུར་བས་ཡུལ་གཞན་བརྟེན། །ཐུགས་རྗེ་གསུམ་དང་རྟོགས་པར་ལྡན། །ཚོགས་མཆོད་མཆོད་སྦྱིན་སྟོབས་ལྡན་གྱིས། །མཐོ་དམན་ཡུལ་ལ་ཁྱད་པར་དམིགས། །འབབ་པའི་རྒྱུན་ལ་བརྟེན་པ་ཡིས། །ལུས་གནས་བར་དུ་རྐྱེན་བསལ་ཅིང་། །མཐར་ཐུག་ཏུ་ནི་དོན་རྫོགས་བྱེད། །ཕྲིན་ལས་ལམ་དུ་བསྒྲུབ་པའོ། །མཐའ་དང་དབྱིངས་ནས་ལྷུན་གྲུབ་པ། །འབྲུ་གསུམ་རྒྱལ་བའི་དཀྱིལ་འཁོར་ཡིན། །སྐྱེ་འགྲོ་ཐམས་ཅད་རིགས་ཀྱི་བདག །སྐུ་གསུང་ཐུགས་ཀྱི་ལྷ་ཉིད་སྣང་། །ཕྱི་ནང་གསང་བ་དེ་ཉིད་ཀྱི། །དག་པ་གསུམ་ལྡན་མཆོད་པའི་རྒྱུ། །སྤྲོ་བསྡུ་འབྲུ་གསུམ་ཞི་དང་རྒྱས། །དབང་དང་དྲག་པོའི་ཕྲིན་ལས་སྤྱོད། །རྒྱུ་གསུམ་འབྲས་བུ་གསུམ་སྦྱར་བ། །གནས་གསལ་དག་པ་བསྙེན་པའོ། །ཆོ་ག་གསུམ་གྱིས་དངོས་གྲུབ་སྡུད། །དུས་གསུམ་གཟུགས་སྒྲ་བསམ་པ་ནི། །དོན་གཅིག་གསལ་བ་ཚད་ཉིད་ཡིན། །གསུང་དབྱངས་དྲུག་ཅུ་ཡན་ལག་སྦྱར། །བྲག་ཆ་སྒྲ་བརྙན་འདི་ཉིད་ཤེས། །རྒྱལ་བ་རྣམས་ཀྱི་སྐུ་གསུང་ཐུགས། །ཡོན་ཏན་ཡེ་ཤེས་ལྡན་པས་བསྟོད། །ཕྱི་ནང་སྣོད་བཅུད་བེམ་དང་རིག །སྐྱེ་མེད་ཆོས་དབྱིངས་ཕྱག་རྒྱར་བསྡུ། །གསང་ཚུལ་ཤེས་པ་དགུ་ཡིན་ནོ། །འབྲུ་གསུམ་ལས་ནི་རྒྱུ་དང་གཞི། །སྐྱེ་གནས་བཞི་རྣམས་སོ་སོའི་ཚུལ། །བཅུ་གཉིས་མཛད་པའི་རིམ་པ་ཡིས། །གཞན་རྒྱུད་དག་ལ་སྣང་བྱེད་པ། །འབྲུ་གསུམ་བསྐྱེད་ཅིང་རྫོགས་པ་ཡིས། །གནས་གསུམ་གདན་དང་བདག་པོར་བཅས། །ཉི་མ་ཟླ་བའི་ཕྲིན་ལས་ཀྱིས། །རང་རྒྱུད་ལས་ལ་སྦྱོར་བ་ཡིན། །རྫོགས་ཤིང་བསྐྱེད་པའི་འབྲུ་གསུམ་སྟེ། །དེ་ནི་ཟུང་དུ་འཇུག་པ་ལས། །རབ་ཏུ་སྦྱངས་ཏེ་རྣལ་འབྱོར་མཆོག །རྫོགས་དང་རྫོགས་པ་ཆེན་པོར་གནས། །རབ་ཏུ་འདྲེལ་བའི་བསྒྲུབ་པའོ། །ལྔ་དང་གཅིག་དང་དྲུག་དང་གསུམ། །ཐུན་མོང་འཇུག་པའི་ཁྱད་པར་གྱིས། །བླ་མེད་གསང་བ་ཆེན་བཤད་ཅིང་། །བདེ་བར་གཤེགས་པ་ཀུན་བཟང་འགྱུར། །ཞེས་བཀའ་སྩལ་ནས། བཅོམ་ལྡན་འདས་ཉིད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་དེ་ཁོ་ན་ཉིད་ཀྱི་ངང་ལ་མཉམ་པར་བཞུགས་ཏེ། དབྱིངས་ཀྱི་ཡུམ་ཆེན་མོ་ཉིད་དང་། སྐུ་གསུང་ཐུགས་བདེ་བ་ཆེན་ ― DNG014_Page_0573 ―
[མ་དཔེ་གཟིགས་ན་འདིར་གནོན།]
པོའི་ངང་དུ་འདུ་འབྲལ་མེད་པར་རོལ་པའི་ཆོ་འཕྲུལ་ཆེན་པོ་དང་བཅས་ཏེ་སྙོམས་པར་ཞུགས་པར་གྱུར་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པར་བྱེད་པ་ལས་རིགས་ཀྱི་སྙིང་པོ་དེ་ཁོ་ན་ཉིད་མངོན་པར་བྱང་ཆུབ་པ་ངེས་པར་འབྱུང་བ་བསྟན་པའི་ལེའུ་སྟེ་བཅུ་པའོ།། །། བདེ་བར་གཤེགས་པ་ཞི་བའི་ཚོགས་རབ་ཏུ་བསྡུས་པའི་དཀྱིལ་འཁོར་ཆེན་པོ་ལྔའི་ལས་རབ་ཏུ་སྦྱོར་བ་བསྟན་པའི་སྐབས་དང་པོ་རྫོགས་སོ།། །།བདེར་གཤེགས་འདུས་པའི་རྒྱུད་རབ་ཏུ་འབྱེད་པའི་ལྡེ་མིག་ལས་ཁྲོ་བོའི་སྐབས། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་དཔལ་ཀུན་ཏུ་བཟང་པོ་དེ་ངོ་མཚར་ཆེན་པོ་རྨད་དུ་བྱུང་བའི་དབང་དུ་ཞི་བ་ཆེན་པོའི་དེ་ཉིད་རྒྱས་པར་བསྟན་ནས། ཡང་དེ་བཞིན་གཤེགས་པ་ཐམས་ཅད་ཀྱི་སྐུའི་བདག་ཉིད་དཔལ་རྡོ་རྗེ་ཧེ་རུ་ཀ །འཇིགས་བྱེད་ཆེན་པོ་ཁྲོ་བོ་ཆེན་པོ་རབ་ཏུ་ཁྲོ་བའི་སྐུ་འབར་བའི་རྒྱལ་པོ་བསྟན་ཏེ། ཕྱོགས་བཅུའི་ནམ་མཁའི་ཁམས་མཐའ་དང་དབུས་མེད་པ། ཆོས་ཀྱི་དབྱིངས་ཀྱི་མཐས་གཏུགས་པ། དུར་ཁྲོད་ཆེན་པོ་འབར་བའི་ཀློང་དུ་གནས་པ། གཟི་མདངས་དང་ལྡན་པའི་ནམ་མཁའ་མཐིང་ནག་ཡོངས་སུ་དག་པའི་ཀློང་ན་རླུང་གི་དཀྱིལ་འཁོར་རྒྱ་ཆེན་པོ་སྟོབས་དང་ལྡན་ཅིང་ཁ་དོག་མཛེས་པའི་ཤུགས་དེས་ཁྲག་གི་རྒྱ་མཚོ་རྦ་ཀློང་རབ་ཏུ་འཁྲུགས་པ་དམར་བའི་མདངས་དང་ལྡན་པ་སྟེ་རབ་ཏུ་སྤར་བའི་སྟེང་ན། མ་ཏྲང་ཆེན་པོའི་ཕུང་པོ་རབ་ཏུ་བཀྲམ་པས་ཕྱོགས་བཅུ་མ་ལུས་པར་བསྙམས་པ། རུས་པའི་ཕུང་པོ་རབ་ཏུ་གཏམས་པའི་རི་རབ་བརྩེགས་པའི་དངོས་པོ་བང་རིམ་བཞིས་མཛེས་པར་སྣང་བའི་སྟེང་ན། དྲག་པོ་དང་གཏུམ་པོ་ལ་སོགས་པའི་གཞལ་ཡས་ཁང་གི་རྣམ་པ་ཡན་ལག་དང་ཉིང་ལག་གི་གཙོ་བོ་དག་གིས་ལེགས་པར་བརྩིགས་པའི་རིམ་པ་ཆེན་པོ་གསུམ་གྱི་རྨང་དང་བརྩིགས་པ་བད་རྐོས་དང་བཅས་པ། གནམ་ལྕགས་འབར་བའི་གཟེར་གྱིས་བརྟན་པར་བྱས་པ། ཉ་ཆེན་པོ་དང་ཆུ་སྲིན་དང་སྦྲུལ་དང་རུས་སྦལ་དག་གིས་བརྒྱན་པ། ཉི་མ་དང་། ཟླ་བ་དང་། གཟའ་དང་། སྐར་མའི་ཚོགས་དང་བཅས་པས་རབ་ཏུ་སྤྲས་པ། བླ་རེ་དང་ཆུན་འཕྱང་དང་། ཟླ་བ་ཕྱེད་པ་དང་། དོ་ཤལ་གྱི་རྣམ་པ་དང་། ལྡ་ལྡི་དང་། ཕྲེང་བ་དང་། ཟ་ར་ཚགས་དང་། ― DNG014_Page_0574 ―
[མ་དཔེ་གཟིགས་ན་འདིར་གནོན།]
ཡོལ་བ་དང་ལྡན་པའི་རྒྱན་དང་། རིན་པོ་ཆེ་དང་མེ་དང་ཉི་མ་ལ་སོགས་པ་ཆགས་པའི་མདངས་ཀྱི་འོད་འཕྲོ་བ། འབྲུག་དང་གློག་དང་སྤྲིན་དང་ཁུ་རླངས་དང་། ན་བུན་དང་། ཁ་ཆར་དང་། སེར་བ་དང་། རབ་ཏུ་ཚ་ཞིང་གྲང་བའི་རླུང་འཁྲུགས་པ་དག་གི་སྒྲ་ཆེན་པོ་སྒྲོགས་པ་དང་། ལྷ་ཆེན་པོ་དང་ཀླུ་ཆེན་པོ་དང་ཡི་དྭགས་ཆེན་པོ་དང་གནོད་སྦྱིན་ཆེན་པོ་དང་ནམ་མཁའ་ལྡིང་ཆེན་པོའི་ཚོགས་དང་། བ་གླང་ཆེན་པོ་དང་། བྱོལ་སོང་གཏུམ་པོ་དང་། ཏི་ར་ཆེན་པོ་དང་། ཉི་མ་དང་ཟླ་བ་དང་། ཆུའི་སྙིང་པོ་དག་པ་ཆེན་པོ་དང་། ཁྲག་དང་བཅས་པའི་པགས་པ་དག་གི་གདན་བཏིང་བ། ཡོན་ཏན་ཆེན་པོ་སྣང་བའི་བྱང་ཆུབ་ཀྱི་སེམས་དཀར་པོ་དང་དམར་པོའི་འོད་ཀྱི་མདངས་ལས་གཟུགས་དང་སྒྲ་དང་དྲི་དང་རོ་བྲོ་བ་དང་རེག་པ་སྣ་ཚོགས་ཀྱི་ཡོ་བྱད་ཀྱིས་མཉེས་པའི་མཆོད་པ་རབ་ཏུ་སྦྱོར་བའི་གནས་དེ་ལྟ་བུ་འཕྲུལ་པར་མཛད་ནས། ཉིད་ཀྱི་སྐུ་ལས་དབྱིངས་ཀྱི་དབང་ཕྱུག་གི་ཡུམ་ཆེན་མོ་དཔལ་འབར་ཁྲོ་མོ་ཆེན་མོ་མངོན་པར་ཕྱུང་ཞིང་སྤྲུལ་ནས་གཉིས་སུ་མེད་པའི་སྐུ་གསུང་ཐུགས་མཉམ་པར་སྦྱོར་བ་ལས། འཁོར་སྤྲུལ་པའི་ཚོགས་སྣང་བ་ནི་འདི་ལྟ་སྟེ། ཞེ་སྡང་རྡོ་རྗེ་གར་དབང་ཧེ་རུ་ཀ །ང་རྒྱལ་རིན་ཆེན་གཤིན་རྗེ་གཤེད། །འདོད་ཆགས་པདྨ་དབང་སྡུད་མཆོག །ཕྲིན་ལས་ཕྲག་དོག་རྡོ་རྗེར་འདུད། །བག་ཆགས་མངོན་བྱུང་ཧེ་རུ་ཀ །སེར་སྣ་འདུལ་བྱེད་དྲེགས་པའི་གཙོ། །ཕྲ་མ་མཐུ་ཆེན་སྟོབས་ཀྱི་བདག །སྐྱེ་མཆེད་རྣམ་དག་རང་བཞིན་ཆོས། །གཙོ་བདག་དྲེགས་པ་ཆེན་པོ་བརྒྱད། །རང་གི་རིགས་ཀྱི་ཡུམ་དང་བཅས། །སྤྲུལ་པ་དཔལ་གྱི་འཕྲོ་འདུ་ལས། །སྲས་འཁོར་སྤྲུལ་པ་རྣམ་བྱུང་བ། །རིགས་ཀྱི་ཁྲོ་བོ་ཁྲོ་མོ་དང་། །ཕྱོགས་བཞི་དང་ནི་མཚམས་བཞི་རུ། །གནས་བཅས་རིགས་དང་རང་རང་འཁོར། །སྒོ་བཞིར་ཕྲིན་ལས་བྱེད་པ་དང་། །བཀའ་སྡོད་ཕོ་ཉར་བཅས་པ་དག །རང་གི་སྟན་དང་བཀོད་པ་དང་། །ཁ་དོག་ལག་ཆ་རྒྱན་དང་ཚུལ། །རྣམ་འཕྲུལ་དང་ནི་ཆོ་འཕྲུལ་དང་། །ཀུན་བརྗོད་པ་དང་རྗེས་སུ་བསྟན། །ཡོངས་སུ་བསྟན་པ་དག་དང་བཅས། །རྡོ་རྗེ་རྒྱལ་མཚན་རིན་ཆེན་དང་། །ཆགས་ཆེན་ལས་བྱེད་སྣ་ཚོགས་དང་། །རྟགས་མཚན་དུས་མཚམས་མཐུན་འཇུག་དང་། །མིང་སྲིང་རིགས་འཆང་ལུས་རྣལ་འབྱོར། ། ― DNG014_Page_0575 ―
[མ་དཔེ་གཟིགས་ན་འདིར་གནོན།]
ངག་ཡིད་ལས་ཐབས་ཡུམ་དང་འཁོར། །མཁའ་འགྲོ་ཤུགས་འགྲོ་ཕྲ་མེན་མ། །འབར་མ་གནོད་སྦྱིན་སྲིན་མོ་ཆེ། །སླས་དང་བྱི་མོ་བྲན་མོ་དང་། །མངག་གཞུག་རིགས་དང་བཅས་པ་དང་། །ཆོ་འཕྲུལ་ཆེན་པོ་ཀུན་བསྟན་པ། །དབང་ཕྱུག་དང་ནི་གྲོལ་སྦྱིན་དང་། །རྣམ་གྲོལ་ཐམས་ཅད་འགྲུབ་པ་དང་། །ནམ་མཁའི་དབང་མོ་རྣལ་འབྱོར་མ། །དབང་སྡུད་མ་དང་རྣམ་པར་གདུང་། །གསང་གྲོགས་མ་དང་སྒྲོལ་མའོ། །རྡོ་རྗེ་ནོར་བུ་པདྨ་དང་། །དམ་ཚིག་སྙིང་པོ་སངས་རྒྱས་ཆེ། །བཀོད་ཆེན་དབང་ཕྱུག་ཡིད་བཞིན་གཏེར། །ཆགས་བཞི་རྒྱན་ལྡན་བསམ་མི་ཁྱབ། །བྱམས་དང་སྙིང་རྗེ་དགའ་བ་དང་། །བཏང་སྙོམས་བདེ་བའི་དབང་ཕྱུག་མ། །འཇོམས་བྱེད་དགའ་དང་ཁྱབ་དབང་ཕྱུག །གནོད་སྦྱིན་སྲིན་པོ་ལྷ་མ་ཡིན། །ལྷ་ཚོགས་ཁྲག་འཐུང་ཧེ་རུ་ཀ །ཐབས་དང་ཤེས་རབ་ལོངས་སྤྱོད་བདག །རྒྱལ་བྱེད་རོལ་བྱེད་ཟ་བྱེད་དང་། །དྲན་བྱེད་སྙོམས་བྱེད་རྣལ་འབྱོར་མ། །རིགས་ཀྱི་ཆོ་འཕྲུལ་གསང་བའི་འཁོར། །མེ་འདའ་ཚད་མེད་རོལ་པ་དང་། །འཇིགས་བྱེད་འཇོམས་བྱེད་ཟ་བྱེད་དང་། །གསང་བ་མ་དང་དགའ་མ་དང་། །གུས་པ་མ་དང་གཡོ་མེད་དང་། །གསོད་བྱེད་འདུལ་བྱེད་དྲེགས་པ་དང་། །མྱ་ངན་འདས་དང་འཁོར་བ་དང་། །ཞི་དང་ཁྲོ་དང་དཔའ་དང་སྒེག །འཇིགས་དང་གཤེ་དང་སྙིང་རྗེ་དང་། །དགོད་དང་རྔམ་དང་བཞད་པ་ཆེ། །མ་ལུས་སྣང་བར་གྱུར་པའི་ཚེ། །ཀུན་ཏུ་བཟང་པོ་ཧེ་རུ་ཀ །དབྱིངས་བདག་ཀྲོ་དྷཱི་ཤྭ་རཱི་མ། །མཉམ་ཉིད་དམིགས་མེད་སྐུ་གསུང་ཐུགས། །བཞེངས་བཞུགས་འཇུག་ལྡོག་རྣམ་པར་འདས། །གཡོ་མེད་རྣམ་རོལ་མཛད་པའི་དུས། །རྡོ་རྗེ་ཀུན་བཟང་ཀྲོ་དྷཱི་ཤྭ་རཱི་མས། །རྣམ་དག་དབྱིངས་ཀྱི་དོན་གྱིས་རབ་བསྐུལ་པ། །ཨེ་མ་ཧོ། ཡེ་ཤེས་ནམ་མཁའ་རྒྱ་མཚོ་རྣམ་གྲོལ་ཀློང་། །མི་གནས་མི་དམིགས་ཆོས་སྐུ་ཧེ་རུ་ཀ །བསམ་འདས་རྣལ་འབྱོར་བྱང་ཆུབ་སེམས་ཀྱི་རྗེ། །མ་གཡོས་དགོངས་པ་རྣམ་དག་དབྱིངས་ནས་བཞེངས། །ཞེས་པས་རབ་བསྐུལ་དོན་ལ་དགོངས་མཛད་དེ། །མ་ལུས་ཆོས་ཀུན་སྟོང་ཉིད་དབྱིངས་ལས་ཤར། །རྡོ་རྗེ་མངོན་གྱུར་ནམ་མཁའ་དྲི་མ་མེད། །ཉི་ཟླའི་སྤྱན་གྱི་འོད་ཀྱིས་གཟིགས་མཛད་དེ། །ཞལ་འཛུམ་ལྗགས་ ― DNG014_Page_0576 ―
[མ་དཔེ་གཟིགས་ན་འདིར་གནོན།]
ཀྱི་རྣམ་འཕྲུལ་བཀོད་པ་ལས། །བྱང་ཆུབ་སེམས་ཀྱི་སྤྲིན་ཚོགས་མངོན་པར་འཁྲིགས། །རོལ་པའི་གློག་འཁྱུག་འདིར་བྱོན་སྒྲ་སྒྲོགས་ཤིང་། །ཐུགས་རྗེའི་ཆར་འབེབས་ཡེ་ཤེས་མྱུ་གུ་སྐྱེད། །གླུ་གར་སྙན་མཆོག་རོལ་པའི་རྒྱན་གཡོ་ཞིང་། །རོལ་པའི་སྤྱོད་ཆེན་སྦྱོར་མཉེས་བསྡིམ་པ་དང་། །དགོད་དང་སྟེག་དང་འཁྱུད་དང་གཏོང་བ་དང་། །སྤྲོ་དང་བདེ་འཇོ་ཐབས་ཀྱི་རིག་པ་དང་། །ཟ་འཐུང་མྱང་འཆའ་ལྡག་དང་འཐུང་བ་དང་། །དགའ་ཆེན་ཁྱབ་འཇུག་རོལ་པ་དེར་སྣང་མཛད། །དབང་སྒྱུར་ཡུམ་ཆེན་འཛུམ་བག་རྣམ་འདུད་ཅིང་། །དགྱེས་ཆགས་སྐུ་གསུང་ཐུགས་ལྡན་མཆོག་གིས་བསྐུལ། །ཨེ་མ་ཧོ། རྡོ་རྗེ་ཆེ་མཆོག་དཔལ་ལྡན་གར་གྱི་བདག །སྐལ་བཟང་ལོངས་སྤྱོད་རྫོགས་སྐུ་རོལ་པའི་གཙོ། །ཚོགས་གཉིས་མངའ་བདག་ཐབས་ལྡན་རྒྱལ་པོ་ཆེ། །ཐུགས་དམ་དབྱིངས་ནས་རོལ་པའི་བདེ་ཆེན་བཞེངས། །དེ་བརྗོད་བསྐུལ་པ་ཡབ་ཀྱི་ཐུགས་ཆུད་དེ། །བདེ་ཆེན་ངང་ལས་ཆོ་འཕྲུལ་སྐུར་བཞེངས་ནས། །རྣམ་འགྱིང་བརྗིད་པ་གར་གྱི་ཕྱག་རྒྱ་ཆེ། །བཞད་པ་སྣ་ཚོགས་བརྐྱངས་བསྐུམས་འགྱུར་བག་དང་། །བརྡ་དང་སྤྲུལ་པ་ནམ་མཁའ་ཁྱབ་མཛད་དེ། །ཐམས་ཅད་མཚན་མ་རྣམ་པ་ཡོད་མེད་དང་། །ཐུགས་ཀྱི་རང་བཞིན་རྡོ་རྗེ་ཧེ་རུ་ཀ །སྤྲུལ་པའི་བདག་ཉིད་ཚུལ་བརྒྱད་རང་གི་གཙོ། །རབ་སྣང་ཧེ་རུ་ཀ་སོགས་ཡུམ་དང་བཅས། །སྲས་འཁོར་ཕྲིན་ལས་སྤྲུལ་པ་སྣང་བ་ལ། །གྱུར་མངོན་ཡུམ་གྱི་ཐུགས་དམ་བསྐུལ་བ་ནི། །ཨེ་མ་ཧོ། བདེ་བར་གཤེགས་པ་རྒྱལ་བ་རྒྱ་མཚོ་ཆེ། །ཐུགས་རྗེའི་མངའ་བདག་སྤྲུལ་སྐུ་འབྱུང་གནས་གཙོ། །ཡེ་ཤེས་སྒྱུ་མས་རྣམ་རོལ་ཕྲིན་ལས་མཆོག །ཐབས་དང་ཤེས་རབ་དཔལ་གྱི་སྦྱོར་བ་སྟོན། །ཡུམ་ཆེན་གསུང་གིས་རབ་བརྗོད་བསྐུལ་བ་ལས། །དེ་ཉིད་མཁྱེན་ལྡན་ཐུགས་ཀྱིས་རབ་དགོངས་ཏེ། །རྡོ་རྗེའི་རོལ་པ་དེ་ཉིད་སྣང་བའོ། །ཏིང་ངེ་འཛིན་ལ་སྙོམས་མཛད་ཅང་མི་གསུང་། །དེ་ལ་འདུས་པའི་འཁོར་གྱིས་ངོ་མཚར་མཛད། །ཐམས་ཅད་མ་ལུས་རབ་འདུས་མགྲིན་གཅིག་ཏུ། །ཡིད་གདུང་གླུ་ཡིས་བསྐུལ་ཞིང་གསོལ་བ་ནི། །ཨེ་མ་ཧོ། ནམ་མཁའ་ལྟ་བུའི་གཏེར་འབྱིན་སྐུ་ཡི་མཆོག །རྡོ་རྗེ་གར་མཛད་ ― DNG014_Page_0577 ―
[མ་དཔེ་གཟིགས་ན་འདིར་གནོན།]
ཆོ་འཕྲུལ་ཁྱབ་པ་ཆེ། །བསྒྱིངས་ལེགས་བཀོད་པ་མཐའ་ཡས་རོལ་པའི་གཙོ། །ཆོ་འཕྲུལ་ཐོགས་མེད་འབྱུང་བ་དེ་སྟོན་ཅིག །ཨེ་མ་ཧོ། དབྱངས་ཀྱི་ཡན་ལག་རྒྱ་མཚོ་མཐའ་ཡས་ལ། །སྒྲ་སྙན་བྲག་ཆ་མ་འགགས་སྙིང་པོའི་གསུང་། །མི་འཇིགས་སྒྲ་ལྡན་གསང་བ་ཆེན་པོའི་བརྡ། །སྙན་གྲགས་དབང་ཕྱུག་ལེགས་སྨྲ་དེ་གསུངས་ཤིག །ཨེ་མ་ཧོ། སྤྲོས་བྲལ་རྣམ་པར་མི་རྟོག་བདེ་ཆེན་ཐུགས། །དེ་ཉིད་ཁོ་ན་རྣམ་གྲོལ་ཡེ་ཤེས་ཆེ། །མི་གཡོ་རྡོ་རྗེ་ངེས་ཆེན་མཚོན་པའི་ལུང་། །སྙིང་པོ་ཆོས་ཉིད་དོན་གསལ་དེ་ཕྱུང་ཞིག །ཨ་ལ་ལ། མ་རིག་འཁོར་བའི་རྒྱ་མཚོའི་འདམ་བྱིང་བ། །མི་ཤེས་རྨོངས་པའི་སྲིད་པའི་དྲ་བས་བཅིང་། །དམན་པའི་འགྲོ་བ་མ་ལུས་བསྒྲལ་སླད་དུ། །མི་འགྱུར་ཐབས་ཀྱི་གྲུ་ཆེན་དེ་སྐྱོད་ཅིག །གཉེན་པོ་གསང་སྦྱོར་སྐུ་གསུང་ཐུགས་ཀྱི་བདག །སྒྲུབ་དང་སྒྲུབ་ཆེན་བསྙེན་དང་ཉེ་བར་བསྙེན། །ལས་དང་ལས་ཆེན་སྐོང་དང་ཉེ་བར་སྐོང་། །མི་འགྱུར་གཟེར་དང་རྣལ་འབྱོར་ཡན་ལག་དང་། །གཅད་དང་བརླབ་དང་བསྐྱེད་དང་བསྡིམ་པ་དང་། །མཆོད་བསྟོད་བསྐུལ་དང་བརྗོད་དང་སྦྱོང་བ་དང་། །མཐོང་དང་གོམས་དང་སྤྱད་པར་བྱ་བ་དག །སྦྱངས་ཤིང་ཐོབ་བྱ་གཉེན་པོ་སྤང་བྱ་དགེ། །མི་དགེ་གནོད་པ་འཇུག་ལྡོག་སྤང་དང་བླང་། །བྱ་བ་མིན་པ་བྱ་བ་ལས་ཀྱི་དངོས། །རབ་འབྲིང་ཐ་མ་བློ་དང་དབང་པོ་ཡི། །ཁྱད་པར་གང་ཡིན་ཡུལ་གྱིས་ཕྱེ་བ་དག །ཇི་ལྟར་རིམ་བཞིན་གསང་རྫོགས་དེ་སྟོན་ཅིག །ས་མ་ཡ་ཨ་ལ་ལ་ཧོ་ཞེས་བསྐུལ་ཏོ། །དེ་ནས་བཅོམ་ལྡན་འདས་དཔལ་ཆེན་ཧེ་རུ་ཀ་དཔལ་རྗེ་ཉིད་ཀྱིས་སྤྲུལ་ཞིང་འདུས་པའི་འཁོར་ལ་གཟིགས། ཞལ་གྱི་སྒོ་ནས་ལྗགས་ཀྱི་དབང་པོ་ཕྱུང་། །ཚངས་པའི་གསུང་གིས་ནམ་མཁའ་ཁྱབ་མཛད་དེ། །སྐུ་ཡི་བཀོད་པ་དུ་མར་སྣང་བ་ཀུན། །མ་ལུས་དོན་གྱི་མཆོག་ལ་ལེགས་གནས་ཤིང་། །བྱང་ཆུབ་སེམས་ཀྱི་ཐུགས་རྗེ་དཔག་མེད་བསྐྱེད། །སངས་རྒྱས་རྗེ་བཙན་རིག་འཛིན་ཐབས་ཀྱི་ཡབ། །བྱང་ཆུབ་ཆེན་པོ་རྣལ་འབྱོར་རིགས་པའི་འཁོར། །ཁྲོ་མོ་དབང་ཕྱུག་སྐུ་ཡི་མཉམ་སྦྱོར་མ། །ཆེ་བའི་ཡོན་ཏན་མཆོག་གི་གཙོར་གྱུར་པ། །ཐུགས་ཀྱི་རྡོ་རྗེ་ཡང་དག་ངེས་པའི་མཆོག །སྐུ་ཡི་སྐུ་མཆོག་གཤིན་རྗེ་ཀུན་གྱི་གཤེད། །གསུང་གི་ ― DNG014_Page_0578 ―
[མ་དཔེ་གཟིགས་ན་འདིར་གནོན།]
གཙོ་ཆེན་དབང་གི་མ་ཆགས་ཆོས། །ཕྲིན་ལས་སྣ་ཚོགས་རྡོ་རྗེ་ཡན་ལག་མཆོག །མངོན་རྫོགས་དཔའ་བོ་བྱང་ཆུབ་ཧེ་རུ་ཀ །དམ་ཚིག་བདག་པོ་འཇིགས་བྱེད་དྲེགས་པ་འདུལ། །སྟོབས་ཆེན་རྡོ་རྗེ་འཛིན་རྒྱལ་མཐུ་མངའ་ཞིང་། །རྒྱུད་ཆེན་བདག་པོ་རྒྱལ་བའི་དབང་ཕྱུག་ཆེ། །གཙོ་བོ་དགུ་ཡིས་གཙོ་བྱས་འཁོར་གྱི་ཚོགས། །ཁྱད་ཕྱོགས་མི་མཐུན་རྣམ་པ་ལས་ཀྱི་གཙོ། །ངོ་བོ་རིགས་དང་ཕྲིན་ལས་རྣམ་དག་དང་། །ཇི་ལྟར་བཤད་པ་དེ་ལྟར་འདིར་བཤད་བྱ། །ཞེས་བཀའ་སྩལ་ཏེ། བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ཁྲོ་བོ་མངོན་བྱུང་གི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཧེ་རུ་ཀ་དེ་བཞིན་གཤེགས་པ་དེ་ཉིད་དཔལ་ཆེན་པོ་གཡུལ་ལས་རྣམ་པར་རྒྱལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བཀའ་སྩལ་པ། ཀྱེ་མ་རྡོ་རྗེ་མ་ལུས་པ། །འཛིན་པ་ཆེན་པོར་སྣང་བའི་འཁོར། །ཁྲོ་བོ་ཁྲོ་མོ་དབང་ཕྱུག་དང་། །སྲས་དང་ལྕམ་དྲལ་མིང་སྲིང་ཚོགས། །བྲན་དང་བཀའ་སྡོད་ཕོ་ཉར་བཅས། །མ་ལུས་སྤྲུལ་པ་འདིར་ཉོན་ཅིག །རྒྱལ་བ་རྣམས་ཀྱིས་ཅང་མ་གསུངས། །དེ་ཉིད་ཀྱིས་ནི་རྒྱ་ཆེར་བཤད། །དེ་དག་སྒྲ་དང་ཚིག་མིན་པར། །དོན་གྱི་དམ་པར་མཉན་པར་བྱོས། །མ་སྐྱེས་སྙིང་པོ་ཆོས་ཀྱི་དོན། །སྤྲོས་མེད་ཚིག་ཏུ་བརྗོད་མ་ཡིན། །དོན་དགོངས་གཟུགས་བརྙན་ལྟར་གསལ་ཞིང་། །སྐྱེ་མེད་ཚིག་གིས་བརྡས་མཚོན་པ། །མི་དམིགས་པ་ཡི་ཆོ་འཕྲུལ་ཏེ། །རྒྱལ་བའི་ཐུགས་གསང་སྙིང་པོའི་དོན། །མཉམ་ཉིད་བྱང་ཆུབ་ཐེག་པ་ཆེ། །དུས་གསུམ་ཀུན་ཏུ་འབྱུང་ཞིང་བཤད། །གསང་སྔགས་སྤྱོད་པའི་རྣལ་འབྱོར་དོན། །ཆེན་པོར་ཤེས་པར་བྱ་བ་ནི། །རྨི་ལམ་སྒྱུ་མ་སྨིག་རྒྱུ་དང་། །གཟུགས་བརྙན་སྤྲུལ་པ་དྲི་ཟའི་གྲོང་། །བྲག་ཆ་ཆུ་ཟླ་མིག་ཡོར་དང་། །ཆུ་བུར་ལྟ་བུའི་ཚུལ་བཅུ་ནི། །གསང་བ་བསྒྲུབ་དང་སྤྱོད་པ་དང་། །གནས་དྲུག་སྒྲ་ལ་སོགས་པ་དག །བལྟ་བ་ཏིང་ངེ་འཛིན་ཆོ་འཕྲུལ། །སྣ་ཚོགས་སྣང་བ་དེ་བརྟག་གོ། །སྒྱུ་མའི་སྐྱེས་བུའི་སྦྱོར་བ་ལས། །ཡིད་འཕྲོག་པ་ཡི་གཟུགས་བརྙན་ནི། །གང་སྣང་དེ་ནི་རང་བཞིན་མེད། །གསང་ ― DNG014_Page_0579 ―
[མ་དཔེ་གཟིགས་ན་འདིར་གནོན།]
བ་ཆེན་པོ་དེ་བཞིན་ནོ། །ཆུང་ངུའི་རླུང་དང་དྲོད་སྦྱོར་བས། །ནུས་པས་རྟོག་ཅིང་རི་དྭགས་གདུང་། །དེ་བཞིན་མཚན་མའི་ཐ་སྙད་མིང་། །མི་དམིགས་གསང་སྔགས་ཞེས་སུ་བརྗོད། །རྨི་ལམ་སྣང་བ་ཡུད་ཙམ་ལ། །བདེ་སྡུག་བསྐལ་པར་མྱོང་བ་ཡང་། །དེ་བཞིན་སྤྱོད་པའི་ཁྱད་པར་ལས། །ཅིར་སྣང་ངོ་བོ་ཤེས་པས་སྟོང་། །མེ་ལོང་ལ་སོགས་གཟུགས་བརྙན་དག །མ་གྲུབ་བཞིན་དུ་སྣང་དེ་བཞིན། །རྫས་སྔགས་ཏིང་འཛིན་ལས་རྣམས་ཀྱིས། །གང་ཐོབ་གྲུབ་པ་དམིགས་མ་ཡིན། །དྲི་ཟའི་གཟུགས་ལུས་གྲོང་ཁྱེར་སྣང་། །དེ་བཞིན་གཞལ་ཡས་ཁང་ལ་སོགས། །གནས་འགྱུར་ཀུན་གྱི་དངོས་པོ་དེ། །འདུ་བ་བྲལ་བ་དེ་འདྲའོ། །བཟླས་ཚིག་སྒྲ་ནི་བྲག་ཆ་སྟེ། །རྐྱེན་ཙམ་ཞིག་ནི་མི་འདོར་བའོ། །ཟླ་བ་ཆུ་ལ་སྣང་བ་ཡང་། །ཕྱག་རྒྱའི་དེ་བཞིན་རྣམ་རྟོག་བྲལ། །ཏིང་འཛིན་མིག་ཡོར་གཟུགས་ལྟ་བུར། །སྣ་ཚོགས་འགྱུར་བ་དེ་ཡིན་ནོ། །སྣང་ཡང་རང་བཞིན་མེད་བལྟ་བ། །མགལ་མེའི་འཁོར་ལོ་ལྟ་བུར་འཁོར། །སྣ་ཚོགས་ཆོ་འཕྲུལ་རྒྱུན་དུ་འབྱུང་། །མཚན་མ་མཚན་བཅས་མེད་གཅིག་པ། །རྟོག་ཚོགས་ཆོས་ཀྱི་དབྱིངས་སུ་འགྱུར། །ཐབས་དང་ཤེས་རབ་སྙོམས་པར་འཇུག །སྤྲོས་བྲལ་མ་བྱུང་མ་སྐྱེས་པ། །གཡོ་མེད་རླབས་ཀྱི་ཆོ་འཕྲུལ་ཅན། །རྣལ་འབྱོར་ཆེན་པོ་ཞེས་སུ་བརྗོད། །གང་གིས་དེ་རྟོགས་གཅིག་པུ་ཉིད། །སངས་རྒྱས་ཀུན་གྱི་བདེ་བ་ཆེ། །དབྱེར་མེད་བདག་ཉིད་ཀློང་དུ་འདུས། །ཡེ་ནས་མ་བྱུང་ལྷུན་གྱིས་གྲུབ། །གདལ་བ་ཀུན་ཁྱབ་ཆོས་ཉིད་དེ། །ཐིག་ལེ་སྙིང་པོ་གཅིག་ཏུ་འདུས། །དེ་ཡི་རྗེས་སུ་རྣལ་འབྱོར་རོ། །སྣང་བ་སྣ་ཚོགས་ཐབས་ཀྱི་མཆོག །བསམ་བྲལ་སྤྲོས་མེད་བྱང་ཆུབ་སེམས། །ཐོག་མར་ཟབ་མོ་གང་མཐོང་བ། །དེ་ནི་ཡང་དག་ལམ་ཆེན་དེ། །རྫོགས་པའི་རྣལ་འབྱོར་ཆེན་པོ་ཡིན། །རྣལ་འབྱོར་གསུམ་གྱིས་གང་སྦྱོར་བ། །ཆེན་པོ་རྗེས་སུ་ཡོངས་རྫོགས་པ། །དེ་ནི་རབ་འབྲིང་ཐ་མ་ཡི། །ལམ་གྱིས་ཕྱེ་བའི་གང་ཟག་གོ། །སྐྱེ་བོ་འདོད་ཆགས་ལྡན་པ་ལ། །སྔོན་དུ་ང་ཡིས་བརྗོད་པ་བཞིན། །ཞི་བ་ཆེན་པོའི་ཐབས་ཀྱིས་སྦྱང་། །དེ་ཉིད་གྲུབ་པའི་མཐའ་འཇུག་གོ། ། ― DNG014_Page_0580 ―
[མ་དཔེ་གཟིགས་ན་འདིར་གནོན།]
ཞེ་སྡང་ཅན་གྱིས་རང་གི་ཡིད། །ཁྲོ་དང་ཁོན་དུ་འཛིན་ཆེན་པོ། །སྐུ་གསུང་ཐུགས་ཀྱི་མཐུ་དང་སྟོབས། །རྟོག་པ་དྲག་ཤུལ་ཆེར་སྤྱོད་ཅིང་། །མ་ངེས་ཕྱོགས་ཀྱི་དབང་གྱུར་པ། །སྣ་ཚོགས་བསྟན་པ་དེ་བཞིན་དུ། །ཁྲོ་བོ་དེ་བཞིན་གཤེགས་པས་སྦྱང་། །བློ་ཞན་རྣམས་ཀྱིས་དེ་མི་རྟོག །བྱིས་པ་རྣམས་ལ་སྔར་མ་བསྟན། །ཚིག་གིས་སྒྲ་བརྗོད་བསམ་མི་ཁྱབ། །ཆོས་ཉིད་ནམ་མཁའ་ལྟ་བུ་སྟེ། །མིང་དུ་བརྗོད་པས་ཤེས་མི་འགྱུར། །རྣམ་པར་བརྟགས་པས་དེ་མི་རྟོག །སེམས་དང་སེམས་ཅན་འཁོར་བ་དང་། །ལམ་དང་གྲུ་དང་བཞོན་པ་ཡིས། །བྱང་ཆུབ་སེམས་དཔའ་བླ་ན་མེད། །ཤེས་རབ་ཏིང་འཛིན་གནས་དག་གིས། །ཕྲ་ཞིང་ཟབ་པས་གཏིང་དཔག་དཀའ། །སངས་རྒྱས་རང་སངས་རྒྱས་དང་ཆོས། །དང་པོར་འཁོར་འཇུག་སེམས་ཅན་ཏེ། །སྒྲོལ་ཞིང་བསྐྱོད་པ་བདེ་བ་ཆེ། །དྲན་མཁས་གསལ་བར་གནས་དེར་ཕྱིན། །ཟླ་བྲལ་རྨད་བྱུང་རབ་ཏུའང་འཕགས། །གཏིང་རྫོགས་གབ་པ་ཕྲ་ཞིང་འཁྱུག །སེམས་ཅན་མཐར་ཕྱིན་སངས་རྒྱས་ཏེ། །དེ་བཞིན་གཤེགས་པ་ཡབ་ཡུམ་སྲས། །བདག་གདུང་སྲོག་ནོར་བྲན་དང་ནི། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་བསམ་གྱིས་མི་ཁྱབ་པ། །རྒྱུ་དང་རྐྱེན་དང་འབྲས་བུ་ཞེས། །ཐབས་དང་ཤེས་རབ་བྱང་ཆུབ་ཆེ། །དབང་བྱེད་མ་ནོར་འདའ་བར་དཀའ། །མི་ཟད་སྙིང་རྗེ་གཟི་བརྗིད་དང་། །སྣ་ཚོགས་ཐམས་ཅད་འབྱུང་བ་དང་། །མཛད་པའི་ཚོགས་ནི་ལམ་ཡིན་ཏེ། །འདོད་པའི་འཚོ་བ་ལོངས་སྤྱོད་ཆེ། །ཆོ་འཕྲུལ་ཕྱག་རྒྱ་བསྙེན་པ་གཉིས། །བསྒྲུབ་གཉིས་ཚོགས་གཉིས་རྫོགས་པ་ལ། །ཡུལ་གྱི་འདོད་པ་དམིགས་པ་དང་། །རོལ་ཞིང་བསྒྲུབ་པ་འབྲས་བུར་སྦྱར། །སྨིན་ཅིང་དོན་གྲུབ་ཀུན་ལས་ལོག །རང་བཞིན་བྱེད་པ་སྣ་ཚོགས་འབྱུང་། །མཚན་མ་བསྟན་པ་རྣམ་པར་འདུད། །རབ་འབྱེད་འདོད་པ་ལྷག་འདོད་སྦྱོར། །ལྷུན་གྲུབ་པ་ཡིས་ཤེས་པ་སྟེ། །རྒྱུ་དང་རྐྱེན་དང་འབྲས་བུ་ཞེས། །འདོད་པའི་འབྲས་བུ་འཁྲུལ་པའི་གཞི། །མཚན་མ་ཡུལ་དང་སེམས་ལས་བྱུང་། །རྟོག་པ་དུས་གསུམ་དངོས་པོ་ཡིན། །དོན་ཉིད་ཕྱོགས་བཞི་ལོག་པའོ། །དམུན་དང་གདུགས་དང་བསྐྱེད་པ་དང་། །གདུང་དང་ཀུན་འཁྲུགས་ ― DNG014_Page_0581 ―
[མ་དཔེ་གཟིགས་ན་འདིར་གནོན།]
ཉོན་མོངས་ལྔ། །རྒྱུ་འདུས་དེ་རྐྱེན་མཚན་མ་དང་། །ལས་དང་རྣམ་རིག་ཕུང་པོ་ལྔ། །མཐོང་ཐོས་ཚོར་དང་མྱོང་རེག་པ། །ཡུལ་ལ་སྤྱོད་པའི་དབང་པོ་ལྔ། །ས་ཆུ་མེ་རླུང་ནམ་མཁའ་དང་། །དུས་ཀྱི་སྐད་ཅིག་རྒྱུ་དྲུག་གིས། །ས་བོན་རྩ་བ་མྱུ་གུ་དང་། །སྡོང་དུམ་ཡལ་ག་ཡན་ལག་དང་། །འདབ་མ་མེ་ཏོག་འབྲས་བུ་སྨིན། །རྙིང་དང་སྐམ་པ་རྐྱེན་བཅུ་གཉིས། །གཟུགས་མཐོང་སྒྲ་ཐོས་དྲི་ཚོར་ཞིང་། །རོ་མྱོང་རེག་བྱེད་ཆོས་ཤེས་པ། །སྐྱེ་བའི་སྐྱེ་མཆེད་བཅུ་གཉིས་སོ། །མཐོང་སྣང་མ་ནོར་ཐོས་དང་གྲག །གསལ་ཚོར་སྣོམས་དང་ཚིམས་པ་དང་། །རོ་མྱོང་བྲོ་དང་བྱེད་པར་འོས། །ཤེས་དང་ཤེས་བྱ་རྟོག་པ་དག །རང་བཞིན་ཆོས་ཉིད་བཅོ་བརྒྱད་དེ། །སྤྱོད་ཆོས་མཚན་ཉིད་བཅུ་གཅིག་ནི། །འདུ་ཤེས་བསྒྱུར་དང་དབང་དུ་བྱེད། །རྣམ་གཡོ་དེ་བྱེ་ཡང་སྒྲོ་འདོགས་འགལ་བ་དང་། །རྩུབ་འཆལ་ཆགས་དང་གནོད་པར་སེམས། །ལོག་བལྟ་གཟུང་འཛིན་སྤྱོད་པ་ཡིས། །འབྲས་བུ་རྫོགས་དང་རིམ་པ་དང་། །གློ་བུར་གནས་བསྒྱུར་ལྔ་ཡིན་ནོ། །དཀའ་ཐུབ་སྙོམས་འཇུག་སྤྱོད་པ་དང་། །གདུང་ཞིང་སྤང་བ་ལམ་ལྔའོ། །བཟོད་གདུང་ཉམས་འདོད་རྩོད་ཆགས་ཀྱིས། །གནས་པ་དྲུག་ཏུ་གྱུར་པ་ཡིན། །དུས་དང་རྒྱུ་དང་རང་བཞིན་གྱིས། །རང་གིས་མུ་བཟུང་བལྟ་བ་གསུམ། །ཤེས་པ་གཅིག་གིས་རྒྱུ་དང་ལམ། །ཀུན་རྫོབ་དོན་དམ་ཚུལ་གཉིས་པོ། །ཀུན་ཏུ་བརྟགས་དང་གཞན་གྱི་དབང་། །ཡོངས་སུ་གྲུབ་པ་རང་བཞིན་ཚུལ། །རིམ་འཇུག་རྐྱེན་སྦྱོར་མངོན་འབྱུང་དང་། །ཐམས་ཅད་རྫོགས་པ་ཐབས་ཆེན་བཞི། །རྒྱུ་ལམ་བཤད་བྱ་རྟོག་པ་དང་། །འབྲས་བུ་ལ་གནས་ཆོས་ལྔ་སྟེ། །མིག་མགོ་ཡང་དང་རྣ་བ་སྐྱེ་བ་དང་། །འཆི་འཕོ་དང་ནི་རྫུ་འཕྲུལ་ཏེ། །གཞན་བློ་ཤེས་པ་རིག་པའོ། །འཕོ་འཇུག་བལྟམ་དང་རབ་ཏུ་བརྩམ། །མཉམ་སྦྱོར་ངེས་འབྱུང་དཀའ་བ་སྤྱོད། །བྱང་ཆུབ་བདུད་བཏུལ་ཆོས་སྟོན་ཅིང་། །ཆོ་འཕྲུལ་འདའ་བྱེད་སྐུ་གདུང་གཏམས། །དབང་མཛད་ཆེན་པོ་བཅུ་གཉིས་སོ། །མི་གཡོ་ཆོས་སྣང་ལྟར་ཀྱང་རྫུ་འཕྲུལ་དང་། །ཀུན་རྫོབ་རྗེས་བསྟན་བསམ་གཏན་དང་། །བྱིན་རླབས་སྐྱེ་བ་ཆོས་ཉིད་སྟོབས། །ཡོན་ཏན་འབྲས་བུ་ཆོ་འཕྲུལ་གྱིས། །བཅུ་གཉིས་དག་ཏུ་བསྟན་པ་ཡིན། །ནང་ ― DNG014_Page_0582 ―
[མ་དཔེ་གཟིགས་ན་འདིར་གནོན།]
དང་ཕྱི་དང་ཕྱི་ནང་དང་། །སྟོང་པ་ཆེན་པོ་དོན་དམ་དང་། །འདུས་བྱས་འདུས་མ་བྱས་དང་མཐའ། །དེ་ལས་འདའ་དང་དུས་གསུམ་བྲལ། །བླང་དོར་མེད་དང་རང་བཞིན་སྟོང་། །ཆོས་ཀུན་རང་གི་མཚན་ཉིད་སྟོང་། །མི་དམིགས་དངོས་པོ་མེད་པ་དང་། །ངོ་བོ་ཉིད་དང་དངོས་མེད་པའི། །ངོ་བོ་ཉིད་ཀྱིས་སྟོང་པ་སྟེ། །ཡེ་ཤེས་སྟོང་པ་བཅོ་བརྒྱད་དོ། །མི་གོས་མི་ཉམས་མི་བསྒྲིབ་པ། །རྫོགས་དང་མ་གཡོས་མཉམ་པ་ཉིད། །གཉིས་མེད་རྣམ་དག་ཀུན་ལེགས་དང་། །མྱུར་དུ་རྫོགས་ཆུབ་རིག་པའི་སྟེ། །བཅུ་གཅིག་ས་ཡི་ཡོན་ཏན་ཡིན། །ངོ་བོ་ཉིད་དང་ཆོས་ཉིད་དང་། །ལོངས་སྤྱོད་རྫོགས་དང་སྤྲུལ་པ་དང་། །འབྱུང་བྱེད་ཚོགས་སྦྱོར་མཐོང་བསྒོམ་དང་། །མི་སློབ་མཐར་ཕྱིན་བར་ཆད་མེད། །འབྲས་བུ་ཡོངས་རྫོགས་མཁྱེན་པ་དང་། །ཁྱབ་དང་ཚོགས་འབྱུང་ཀུན་ཏུ་དབང་། །དགོས་འདོད་ཚང་བ་འབྲས་བུ་དྲུག །མ་ལུས་རྫོགས་པའི་བྱང་ཆུབ་ནི། །འབྲས་བུ་ཆེན་པོ་གཅིག་ཡིན་ནོ། །དེ་ལ་རྫོགས་པ་འབྲས་བུའི་ཆོས། །མ་ནོར་གཏན་ལ་ཕེབས་པ་དང་། །ཐེ་ཚོམ་མེད་ཅིང་སྒྲོ་སྐུར་བྲལ། །ཐབས་དང་ཤེས་རབ་ངེས་པའོ། །རླབས་ཆེན་ཁྱབ་པ་བརྗོད་ལས་འདས། །ལྡེམ་པོ་མཉམ་ཉིད་དུས་གཞན་དང་། །གཉེན་པོ་གྲངས་དང་གཞན་དོན་བསྐུར། །ཀུན་རྫོགས་ཆེ་བ་དེ་ཉིད་དང་། །བདག་ཉིད་མངོན་པར་འཕགས་ཕྱིར་རོ། །རིགས་དབང་འདྲེས་ཤིང་འདུས་པ་དང་། །མཉམ་སྦྱོར་ཚངས་པའི་ཚོགས་ཆེན་པོ། །རྣམ་དག་སྤྲུལ་པ་དྲག་ཤུལ་དང་། །དབྱངས་ལྡན་དགའ་མཛད་མཚན་མ་འཇོམས། །གསང་སྦྱོར་སྤྲོས་སྤྱོད་མཛེས་པར་ཤེས། །མཉམ་འགྱུར་མཐུན་བསྐྱོད་འཕོ་བའི་ཚུལ། །གཞན་དོན་འབྱུང་བའི་ཚུལ་བཅུ་གཉིས། །ཕྲིན་ལས་བདུད་རྩི་ཐིག་ལེ་དང་། །སྤྱོད་པའི་རྒྱུ་དང་རིག་པ་འཛིན། །ཐབས་དང་སྤྲུལ་པ་འབྱུང་བ་ཆེ། །རྫོགས་པ་ཉིད་དང་མངོན་པར་རྟོགས། །མི་ཟད་རྒྱུ་དང་ཀུན་ཏུ་སྣང་། །དེ་བཞིན་ཉིད་ཀྱིས་བཅུ་གཉིས་སོ། །ཆོས་ཉིད་ནན་ཏན་རྟོག་པ་དང་། །མཉམ་ཉིད་གསལ་དང་དོན་བྱེད་ན། །དོན་བྱེད་རང་གི་ངོ་བོ་དང་། །སྣང་མཛད་སྤྲུལ་པ་ཕྱག་རྒྱ་དང་། །ཀུན་འབྱུང་རྒྱུ་དང་སྟོང་པ་ཉིད། །བཅོ་བརྒྱད་ ― DNG014_Page_0583 ―
[མ་དཔེ་གཟིགས་ན་འདིར་གནོན།]
ཀྱིས་ནི་ཡེ་ཤེས་འབྱུང་། །ལྷུན་གྲུབ་ཡོངས་རྫོགས་རྩལ་སྦྱོང་དང་། །རིག་པ་འཛིན་དང་ལུང་ཆེན་ཐོབ། །མཚན་མའི་རྟགས་དང་སྤྱོད་པ་རྒྱུན། །གསང་སྒོ་རིགས་ཅན་བཀའ་བསྟོད་ལས། །སེམས་འདུན་བཅུ་གཅིག་རྣལ་འབྱོར་ཡིན། །འཁོར་བ་དང་ནི་མྱ་ངན་འདས། །བདེ་སྡུག་བྱེ་བྲག་མཉམ་མི་མཉམ། །གྲུབ་པ་ཆེན་པོ་བཞིར་འགྱུར་རོ། །ལས་དང་ཐུགས་རྗེ་སེམས་དང་ཆོས། །དབྱིངས་དང་ཡེ་ཤེས་ཐབས་ཤེས་རབ། །རྒྱུ་དང་འབྲས་བུ་སྦྱོར་བ་ལྔ། །བདེན་པ་མཐོང་དང་རྫུ་འཕྲུལ་ཐོབ། །དམིགས་པ་དག་དང་བདག་ཉིད་ཆེ། །གཉིས་མེད་མ་སྐྱེས་དངོས་གྲུབ་པོ། །གཞན་ཡང་ཁྱད་པར་བཅུ་གཅིག་དང་། །བསླབ་མཐུ་ཆེ་བ་ཉི་ཤུ་དང་། །མཐོང་དང་བསྒོམ་པའི་སྤང་བྱ་དང་། །སེམས་ལས་བྱུང་བ་བརྒྱད་ཅུ་དང་། །ལྔ་བཅུ་རྩ་གཉིས་གང་བཤད་དང་། །བདུད་བཞི་གཉིས་སྒྲིབ་གཡང་དྲུག་དང་། །མི་དགེ་མཚམས་མེད་ཡན་ལག་བཅས། །མ་ལུས་རྟོག་པ་བསམ་པ་ཀུན། །གཞི་ལམ་འབྲས་བུ་འདི་ཡིས་ལས། །བྱེད་པ་ཐམས་ཅད་བློ་ཡིན་ནོ། །བྱ་བ་རྣམས་ཀྱང་དེ་ཉིད་དེ། །བློ་དང་བྲལ་ན་ཅི་རིགས་སུ། །མངོན་པར་མཐོ་དང་ངེས་པར་ལེགས། །ཉན་ཐོས་རང་རྒྱལ་བྱང་ཆུབ་ལམ། །བླ་མེད་སྐུ་དང་ཡེ་ཤེས་ལྡན། །མ་ལུས་འདི་ལས་འབྱུང་བ་སྟེ། །དེ་བཞིན་ཁྱེད་ཀྱིས་ཤེས་པར་གྱིས། །གཞན་དུ་ང་ཡིས་བཤད་པ་མེད། །མ་བཤད་པ་ཉིད་ཡང་དག་བཤད། །སྐུ་དང་གསུང་དང་ཐུགས་གཅིག་ལས། །བྱེ་བ་དཔག་མེད་བསམ་མི་ཁྱབ། །གང་ལ་གང་དུ་གང་སྣང་ཡང་། །ང་ལས་གཞན་དུ་སྲིད་མ་ཡིན། །དེ་ཉིད་ཁོ་ནར་རྟོག་པ་གྱིས། །དེ་ལས་གཞན་དུ་སྐྱེས་བུའི་བློ། །ཆེ་དང་ཆུང་དང་ཤིན་དུ་ཆུང་། །མཆོག་དང་དམན་དང་ཤིན་དུ་དམན། །རབ་དང་ཐ་མ་བར་པ་ཡིས། །སྣ་ཚོགས་སྲིད་དང་མཐོང་བ་དང་། །ཐོས་དང་རིག་དང་མྱོང་དང་ཚོར། །སྤྲོ་དང་བསྐྱེད་དང་འགག་པ་ཡིས། །རྟོག་པ་ཇི་སྙེད་སྣང་བ་དག །བྱང་ཆུབ་སེམས་ཀྱི་དབང་སྒྱུར་ནས། །ཕྲིན་ལས་ནང་དང་ཕྱི་རོལ་དང་། །གཉིས་མེད་རང་དང་གཞན་ལ་ཁྱབ། །གང་གིས་སྤྱོད་པ་འདིར་བསྟན་གྱིས། །དེ་དག་ཁྱེད་ཀྱིས་ལེགས་པར་ཉོན། །ཞེས་བཀའ་སྩལ་ཏོ། །བདེ་ ― DNG014_Page_0584 ―
[མ་དཔེ་གཟིགས་ན་འདིར་གནོན།]
བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ཚུལ་གསུམ་ངེས་པར་བསྟན་པའི་ལེའུ་སྟེ་གཉིས་པའོ།། །།དེ་ནས་རབ་ཏུ་བཤད་བྱ་བ། །ཕྱི་མའི་དུས་ན་སྐྱེས་བུ་ཆེ། །མཁས་སྟོབས་གོམས་པ་ཆེ་བ་དང་། །ཕྱི་ནང་ཆོས་ལ་སྦྱངས་པ་དང་། །བསྟན་བྱ་ཆོས་སྐུ་མཐོང་བ་དང་། །ཡང་དག་སྙིང་པོའི་དོན་ཤེས་ཤིང་། །ཕྲིན་ལས་སྤྱོད་པ་ནུས་པ་ཡིས། །གནས་པ་ཤེས་པ་ཡོ་བྱད་དང་། །འཁོར་རྣམས་ཕུན་སུམ་ཚོགས་པ་ནི། །མ་ལུས་ཀུན་གྱི་ཐུན་མོང་ངོ་། །རྡོ་རྗེ་འཛིན་པས་བགྲོད་པ་དང་། །རིག་པ་འཛིན་པ་ཐོབ་པ་དང་། །ཤར་ལྷོ་ནུབ་བྱང་ཕྱོགས་བཞི་ཡི། །དབྱིངས་དང་རྫས་ཀྱི་མཚན་ཉིད་ལྡན། །བསམ་པ་དང་ནི་སྦྱོར་བ་དག །རང་གི་ཞི་བདེ་མི་དམིགས་ཤིང་། །མ་ལུས་ཀུན་གྱི་དོན་འདོད་པ། །ཕུན་སུམ་ཚོགས་པའི་ཤེས་པའོ། །ཡུམ་ནི་མཚན་ཉིད་ལྡན་པ་དང་། །ཕྱི་ནང་མི་འཁྲུགས་མཚན་ཉིད་སོགས། །སུམ་ཅུ་རྩ་གཉིས་ཡོན་ཏན་ལྡན། །འཁོར་ལོ་གསུམ་གྱིས་སྒྱུ་རྩལ་ཤེས། །གནས་བསྒྱུར་ཤེས་པ་ཡིད་བཞིན་ནོ། །འཚེ་བ་དང་ནི་མཆོད་སྦྱིན་ནོ། །ཤ་ལྔ་དང་ནི་བདུད་རྩི་ལྔ། །སྐྱེ་བ་བདུན་པའི་ཡོ་བྱད་དང་། །ནང་དང་བར་གཅོད་ཀུན་ཟློག་པ། །ཡོ་བྱད་ཕུན་ཚོགས་བསྒྲུབ་པའོ། །ཡུམ་དང་ལས་བྱེད་རྡུལ་ཕྱག་གསུམ། །བཀའ་བསྟོད་མཆོད་པ་སྟོབ་ལ་སོགས། །འཁོར་དུ་བསྟེན་པའི་དམ་པ་སྟེ། །བྱ་བ་ཕྱི་ནང་རིམ་པ་ལ། །བཀླག་དང་མཆོད་བསྟོད་སྦྱིན་པ་རྣམས། །རབ་ཏུ་རྒྱས་པར་བྱ་བའོ། །ང་ཡིས་ཐོག་མར་བཤད་པ་ཡི། །ས་དེར་སྟེང་འོག་བར་སྣང་དང་། །ཕྱོགས་ཀུན་ལེགས་པར་བརྟག་པ་སྟེ། །འཁོར་ལོ་པདྨ་རྒྱལ་མཚན་ཏེ། །དེ་དང་ལྡན་པ་ཕྱིའི་མཚན་ཉིད། །ཆུ་དང་མེ་ཏོག་བཅས་པ་དང་། །ས་རོ་གསེག་མ་གྱོ་མོ་དང་། །རུས་པ་སྣ་ཚོགས་སླར་ཉུང་དང་། །དུར་ཁྲོད་རྫས་དང་ལྡན་པར་བརྟག །སྣང་དང་མི་སྣང་མངོན་མི་མངོན། །ལེགས་བསླང་གནང་བ་ཐོབ་པ་དང་། །སྔགས་དང་ཕྱག་རྒྱ་ཏིང་ངེ་འཛིན། །མཉེས་པ་མཆོག་གིས་སྦྱང་བ་ཡིས། །ཕྱི་ནང་མཐུན་པའི་གཞལ་ཡས་ཁང་། །སྣང་ཆ་བྱིན་གྱིས་ ― DNG014_Page_0585 ―
[མ་དཔེ་གཟིགས་ན་འདིར་གནོན།]
བརླབ་ཅིང་བཟུང་། །ཚོགས་གསོག་བདུད་འདུལ་མཆོད་སྦྱིན་དང་། །སྡིག་པ་སྦྱོང་བའི་ལས་བྱ་ཞིང་། །བསོད་ནམས་བྱ་ཞིང་གཞན་དོན་བྱ། །ཚོགས་གསོག་པ་ལ་འབད་པ་དང་། །ཕྲིན་ལས་བཅོལ་ཞིང་རྩོད་པ་བཟློག །ཚོགས་ཆེན་འགྲོན་དང་ལན་ཆགས་འཇལ། །བསོད་ནམས་སྤེལ་དང་རྣམ་པ་བཞི། །ཧེ་རུ་ཀ་དང་མཐུ་སྟོབས་ཅན། །དབང་ཆེན་དབང་དང་ཐུགས་རྗེ་ཅན། །སོ་སོའི་ཏིང་ངེ་འཛིན་གྱིས་བཏང་། །ཕྱི་དང་ནང་གིས་བཀྲུ་བྱ་ཞིང་། །ཞི་དང་རྒྱས་དང་དབང་བསྡུ་བའི། །ཚར་བཅད་རྣམས་ཀྱིས་བསྲེག་པའི་བྱ། །སྨོན་ལམ་དང་ནི་བློ་བསྐྱེད་ནས། །ཕྱི་རོལ་ཕྱོགས་བཞི་སྐྱོང་བ་དང་། །འཇིག་རྟེན་རྣམས་ཀྱི་མགོན་པོ་ལ། །མཐུན་པའི་ས་ལ་བརྟེན་བཙུགས་ཏེ། །མཆོད་པ་དང་ནི་བསྟོད་པ་དང་། །བསྐུལ་ཞིང་བཅོལ་བ་དེ་བཞིན་བྱ། །མཚན་ངན་སྣོད་དུ་དམིགས་པའི་གཟུགས། །དམོད་པའི་ཚིག་དང་བཅས་ཏེ་བྲི། །གཏུམ་པོའི་རྫས་དང་བཅས་པ་སྟེ། །རང་རྒྱུད་བསམ་པ་ཅན་དེ་དགུག །རྡོ་བ་རླུང་སྟོབས་ཅན་གྱིས་གནན། །ཕྱི་རོལ་ཨེ་དབྱིབས་ཅན་དུ་གཞུག །ཧེ་རུ་ཀ་ཡི་ཏིང་འཛིན་གྱིས། །ཟ་བྱེད་རྔམ་སྟབས་ལྡན་པ་དང་། །སྤྲུལ་པ་ཁྲོ་བཅུ་རང་བསྐྱེད་དེ། །ཕྱོགས་བཅུའི་དྲེགས་པ་འཁོར་དང་བཅས། །བར་གཅོད་བྱེད་པ་ཕྲ་མོ་མནན། །སུམྦྷ་ནི་ཞེས་བྱ་འང་བརྗོད། །མ་རུངས་པ་ཡི་བྱང་བུ་ལ། །འདོད་པའི་རྒྱལ་པོའི་གཟུགས་བྲིས་ཏེ། །རང་བཞིན་གནས་ནས་དགུག་ཅིང་གཞུག །ཕྱི་རོལ་ཁབ་ཀྱི་སྒོར་བསྟན་ཏེ། །དེ་ཡིས་གནོད་པ་བཟློག་པར་བྱེད། །ནང་དུ་བསྐྲད་ཅིང་བསྡམ་པ་ལ། །ཆོས་ཀུན་སྟོང་པའི་ངང་ཉིད་ལས། །རང་སྣང་ཡེ་ཤེས་མཁའ་བཞིན་བསྒོམ། །ཉི་ཟླའི་སྟེང་དུ་ཡི་གེ་ཧཱུཾ། །སྤྲོ་དང་བསྡུ་བའི་ལས་བྱས་ཏེ། །བཛྲ་དྷྲྀཀ་ཅེས་བྱ་བ་ཡིས། །རྡོ་རྗེ་སེམས་དཔའ་གསལ་བྱས་ཏེ། །བཀའ་བསྒོ་བསྐྲད་དང་བཅིང་སོགས་བྱ། །རིགས་ཀྱི་ཁྲོ་བོ་དགུ་རྣམས་ཀྱི། །སྤྲུལ་པའི་ཚོགས་བཅས་གསལ་བ་དང་། །ཕྱག་མཚན་མཚོན་ཆ་རབ་ལྡན་པས། །ཀུན་ཏུ་བསྲུང་བའི་ལས་བྱའོ། །དེ་ནས་སྟེགས་བུ་གང་སྦྱར་ཏེ། །རྡོ་རྗེ་རྒྱལ་པོ་རབ་བཞེངས་ནས། །མཚན་ལྡན་སྣོད་དུ་དྲི་ཆབ་སྦྱར། ། ― DNG014_Page_0586 ―
[མ་དཔེ་གཟིགས་ན་འདིར་གནོན།]
རང་བྱུང་བདུད་རྩི་ཡེ་ཤེས་ལྔ། །བྱིན་གྱིས་བརླབས་ཏེ་ཆག་ཆག་གདབ། །གཙོ་ཆེན་ཡབ་ཡུམ་སོ་སོར་བཞེངས། །ཏི་རའི་རྒྱུས་པ་སུམ་བསྒྲིལ་གྱིས། །བྱང་ཆུབ་སེམས་ཆེན་དཀར་དམར་བསྒོམ། །ཤར་དང་ནུབ་ཀྱི་ཕྱོགས་ནས་འཐེན། །རྡོ་རྗེ་མཁའ་གསང་གནས་སུ་གསུང་། །དེ་ནས་བསྐུལ་ཞིང་ལེགས་གདབ་པ། །སྟེང་དུ་ཡེ་ཤེས་ཕོ་བྲང་བཞེང་། །ས་གཞི་ཆེ་ལ་གདབ་པ་ནི། །ཕྱོགས་བཞི་དང་ནི་མཚམས་བཞི་རུ། །ཐིག་གདབ་སྤྱི་རུ་བཤད་པའོ། །ཕོ་བྲང་ཆེན་པོའི་དཀྱིལ་འཁོར་དགུ། །གྲུ་བཞི་སྒོ་བཞིར་བཅས་པ་ལ། །འཁོར་ལོ་རྩིབས་བརྒྱད་བར་ཁྱམས་དང་། །མུ་ཁྱུད་གྲུ་ཆད་འདོད་འབྱུང་ལས། །ཆ་དགུ་རྫོགས་པའི་ཐིག་ཏུ་གདབ། །ཕྱི་རོལ་ཁྱམས་དང་སྒོ་བཞིར་བཅས། །དུར་ཁྲོད་འབར་བ་ར་བ་དང་། །འབྱུང་བ་ཆེན་པོ་གནས་པར་བྱ། །ཧེ་རུ་ཀ་རྣམས་དགོངས་སུ་གསོལ། །རིན་ཆེན་འབྲུ་དང་ས་དང་རྡོ། །རབ་འབྲིང་ཐ་མར་སྦྱར་བའི་རྒྱུ། །འདིར་ནི་དུར་ཁྲོད་ཐལ་ཆེན་ལས། །བྱང་སེམས་དཀར་དང་སྦྱར་བ་ཤར། །དྲི་ཆེན་གྱིས་སྦྱར་ལྷོ་རུ་སྟེ། །དམར་པོ་དང་སྦྱར་ནུབ་ཏུའོ། །དྲི་ཆུས་སྦྱར་བ་བྱང་དུ་སྟེ། །ཀུན་གྱིས་སྦྱར་བ་དབུས་སུའོ། །སྐུ་ལྔ་ཡེ་ཤེས་ལྔར་བྱིན་བརླབ། །ཨོཾ་ཧཱུཾ་ཏྲཱཾ་ཧྲཱྀཿཧཱ་ཡིས་ནི། །འོད་ཀྱི་འཕྲོ་འདུ་བྱ་བའོ། །ཕོ་བྲང་ལྟེ་བ་མཐིང་ནག་སྟེ། །གཅོད་བྱེད་རྩིབས་རྣམས་དཀར་སེར་དམར། །ལྗང་གུ་དག་ཏུ་བྲི་བྱ་ཞིང་། །ཁྱམས་དང་གྲུ་ཆད་སྒོ་རྣམས་ནི། །རང་གི་རིགས་ཀྱི་ཕྱོགས་ཀྱིས་དབྱེ། །ཐོད་ཕྲེང་གདུང་དང་མུ་ཁྱུད་དེ། །མཛེས་པའི་མཚན་མར་རབ་ཏུ་བྲི། །ཕྱི་རོལ་ཁང་པ་དེ་བཞིན་ཏེ། །རིགས་དང་མཚན་མའི་ཁ་དོག་དབྱེ། །དེ་ལྟར་གནས་པ་སྣང་བ་བཞིན། །མ་ནོར་ཚད་དང་རྫོགས་པར་བྲི། །དེ་དག་བྱིན་གྱིས་བརླབ་པ་ནི། །ཨེ་ཡཾ་ར་སཱུཾ་ཀེཾ་རཾ་བྷྲཱུཾ། །ཡི་གེ་ས་བོན་འཕྲོ་འདུ་ལས། །སྟོང་ཞིང་བསྐྱོད་དང་གཤེར་བ་དང་། །བརྟན་དང་བསྲེག་པ་བསྟོད་པ་ཡིས། །སྟོང་ཉིད་སྙིང་རྗེ་སྙིང་པོར་བཅས། །འཛིན་པ་གསུམ་ལས་རབ་རྒྱུ་བ། །ང་ཡི་གནས་ཆེན་འདི་ལྟར་བསྒོམ། །རིགས་ཀྱི་དཔལ་ཆེན་ཧེ་རུ་ཀ །རང་གི་འཁོར་དང་བཅས་པ་དག །འདི་རུ་ ― DNG014_Page_0587 ―
[མ་དཔེ་གཟིགས་ན་འདིར་གནོན།]
བྱིན་གྱིས་བརླབ་པར་བྱ། །དེ་ལ་རྒྱན་བཏགས་གསོལ་བ་ནི། །མཚན་ལྡན་ལྕང་ལོ་ཀ་པཱ་ལ། །གྲངས་དང་མཐུན་པ་ཕྱོགས་དགུའོ། །པགས་པ་ཆེན་པོའི་བླ་རེ་དྲེ། །རྒྱུ་མའི་དྲ་བ་དྲ་ཕྱེད་དོ། །དོན་སྙིང་རྣམས་ནི་འཕྱང་འཕྲུལ་ཏེ། །རཀྟ་ཞལ་བུ་སྐྱེམས་སུ་དྲངས། །ཕྱི་རོལ་བསྲུང་བའི་རྒྱན་རྣམས་ནི། །རལ་གྲི་ཕུར་པ་མདའ་དང་མདུང་། །ཕྱོགས་མཚམས་བ་སུ་ཏ་ཡིས་དྲེས། །རྡོ་རྗེ་རྒྱལ་པོ་རྒྱལ་ཐེབས་ཀྱིས། །ཡེ་ཤེས་དབྱིངས་ནས་དགོངས་སུ་གསོལ། །བདག་ཉིད་འཇུག་པའི་སྒོ་དབྱེ་ཞིང་། །གསང་བའི་མིང་ཕུལ་གསོལ་བ་གདབ། །གུས་པས་ཕྱག་བཙལ་མཆོད་རྫས་དབུལ། །ཉེ་བར་བསྙེན་ཞིང་བསྟོད་པ་བྱ། །ཕྱི་རོལ་བསྒྲུབ་པའི་གྲོགས་རྣམས་ཀུན། །སྔ་མ་ལས་ནི་ཕྱི་མ་བཞིན། །དམ་ཚིག་རྟོགས་པ་བསྲེ་བྱ་ཞིང་། །བྲབ་དང་བཅིང་དང་བདུག་པ་དང་། །བསྐྲད་དང་གཅད་པ་དག་ཏུ་བྱ། །སྐྱབས་སུ་སོང་ཞིང་སེམས་བསྐྱེད་དེ། །སྡིག་པ་མ་ལུས་བཤགས་བྱས་ནས། །རིམ་པས་གསོལ་བ་གདབ་བྱས་ཏེ། །གནང་བ་ཐོབ་ནས་མེ་ཏོག་དབུལ། །ལྷ་དང་འདྲེལ་པ་བརྟག་པར་བྱ། །དེ་ཡི་རྗེས་བསྲུང་དམ་ཚིག་བསྒྲག །མིག་ཕྱེ་ནས་ནི་དཀྱིལ་འཁོར་བསྟན། །སླར་ཡང་མཆོད་ཅིང་བསྟོད་བྱས་ཏེ། །སྒྲུབ་པ་པོ་རྣམས་གྲལ་བཤམས་ནས། །ཇི་ལྟར་རིགས་པའི་མངའ་གསོལ་ནས། །བཤགས་བྱ་གནང་བ་མ་ལུས་བྱས། །དེ་ནས་གཙོ་ཆེན་རྒྱལ་པོ་ལ། །དུར་ཁྲོད་ཆེན་པོའི་ཆས་བརྒྱད་གསོལ། །མ་ལུས་བྱིན་ལ་རྟགས་གདབ་ཅིང་། །དམ་ཚིག་བཅའ་བ་ཉི་ཤུ་བྱ། །བྱིན་བརླབ་དབབ་ཅིང་ཐུགས་དམ་བསྐང་། །རིགས་ཀྱི་དངོས་གྲུབ་ཚུལ་བཞིན་བླང་། །རྡོ་རྗེ་འཆང་གི་ལྷ་རྣམས་བསྙེན། །ལས་ཀྱི་རྒྱལ་པོས་ཚུལ་བཞིན་བསྒྲུབ། །ཀུན་སྦྱོར་གསུམ་དང་འབྱུང་བ་ལྔ། །བཀོད་པ་གཅིག་དང་མཛེས་པ་བཞི། །ཀུན་ཏུ་ཁྱབ་པར་རབ་བསྒོམ་སྟེ། །གཙོ་ཆེན་ཆོ་ག་གསུམ་དང་ལྔ། །ཡབ་ཡུམ་ཡོངས་སུ་རྫོགས་པ་བསྐྱེད། །སྔོན་དུ་བཤད་པ་དེ་བཞིན་ནོ། །གང་དག་རྗེས་སུ་བཤད་བྱ་བ། །དེ་ཉིད་ཀྱང་ནི་དུས་འདིར་བཤད། །གཙོ་ཆེན་དཀྱིལ་འཁོར་ཡབ་ཡུམ་བཅས། །བསྐུལ་དང་སྤྲོ་དང་བསྡུ་བ་དང་། ། ― DNG014_Page_0588 ―
[མ་དཔེ་གཟིགས་ན་འདིར་གནོན།]
དབབ་དང་བསྐྱིལ་དང་གཡོ་བ་དང་། །ངེས་པར་འབྱུང་བ་དག་གིས་ནི། །ཕྱོགས་བཞི་དང་ནི་མཚམས་བརྒྱད་དུ། །རྫོགས་པའི་དཀྱིལ་འཁོར་རབ་བྱུང་སྟེ། །ཕྱི་རོལ་ཏུ་ཡང་འཁོར་རྣམས་སྤྲུལ། །རང་བཞིན་གནས་ནས་དེ་ཉིད་དགུག །དེ་དག་གཉིས་སུ་མེད་པར་བྱ། །སླར་ཡང་ལས་ཀྱི་ལྷ་སྤྲུལ་ཏེ། །མཉེས་བྱ་ཀུན་གྱིས་མཉེས་པར་བྱ། །དེ་ནས་མ་ལུས་འཁོར་བཅས་ཀུན། །སྐུ་གསུང་ཐུགས་སུ་གསལ་གདབ་སྟེ། །སླར་ཡང་སྲོག་གི་དཀྱིལ་འཁོར་ལ། །ཆུ་ཤེལ་དཀྱིལ་འཁོར་གཟུགས་ཚད་ཙམ། །དེ་ཉིད་ལ་ནི་རང་གི་དངོས། །བྱང་ཆུབ་སེམས་དཔའ་ཚུལ་འཛིན་ཅིང་། །དེ་ཉིད་ཀྱང་ནི་པདྨའི་སྟེང་། །རིན་པོ་ཆེ་ཡི་ཚུལ་དུ་གནས། །ཉི་མའི་སྟེང་དུ་ས་བོན་ཉིད། །རང་གི་མིང་ཚིག་སྙིང་པོ་བཀོད། །མཐིང་གའི་འོད་ཟེར་འཕྲོ་བར་བསྒོམ། །མྱོང་བྱེད་པདྨ་འདབ་བརྒྱད་ལ། །རྡོ་རྗེ་དཀར་པོ་རྩེ་གསུམ་ལ། །ཀུན་གྱི་གསུང་འབྱུང་ས་བོན་ཏེ། །རང་སྔགས་དམར་པོ་འོད་བཅས་བསྒོམ། །ཚངས་པའི་གནས་སུ་རྩིབས་བརྒྱད་པའི། །འཁོར་ལོ་ཉི་མའི་དཀྱིལ་འཁོར་ལ། །སྐུ་ཡི་ས་བོན་རང་སྔགས་བཅས། །འོད་ཟེར་དཀར་པོའི་འཕྲོ་འདུ་བསྒོམ། །དེ་ཉིད་བརྟན་བྱེད་ཚིག་གིས་གསལ། །འཕྲོ་འདུ་ཡེ་ཤེས་རང་གི་རྒྱ། །ཕྱི་རོལ་ཕྱོགས་མཚམས་ཐམས་ཅད་དུ། །འཕགས་པའི་ཚོགས་ཀུན་མཉེས་པར་བྱ། །ཚུར་འདུས་རྣམ་རྟོག་བག་ཆགས་སྦྱང་། །གཟུགས་དང་སྒྲ་དང་འོད་དང་བཅས། །ཕྲ་མོའི་ཏིང་འཛིན་རིག་པ་ཉིད། །རང་གི་ཡིད་ལ་གསལ་བ་ཡིས། །གནས་གསུམ་རྣམ་པར་དག་པ་སྦྱང་། །དེ་ནི་དང་པོའི་བྱ་བའོ། །དེ་ཡི་འོག་ཏུ་བསྒོམ་བྱ་བ། །སྔར་བཤད་ལས་སུ་རུང་བ་ན། །དམ་ཚིག་ཡེ་ཤེས་གཉིས་མེད་པའི། །ཚོགས་ཀྱི་དུས་གཅིག་བསྙེན་པ་ལ། །ཀུན་གྱི་ཡེ་ཤེས་ངོ་བོར་གྱུར། །གཉིས་མེད་བརྟན་པར་གནས་པ་སྟེ། །མ་ལུས་ཉེ་བར་གྱུར་པའོ། །ཐ་མའི་དུས་སུ་གནས་བསྒྱུར་ཏེ། །རྫས་དང་ལྷ་དང་ཆོ་འཕྲུལ་དེ། །དཀྱིལ་འཁོར་ཀུན་ཏུ་ཐོ་རངས་དུས། །བསྒྲུབ་ཆེན་རྣམས་ཀྱིས་རྒྱན་རྟགས་གསོལ། །འཕྲོ་ ― DNG014_Page_0589 ―
[མ་དཔེ་གཟིགས་ན་འདིར་གནོན།]
འདུའི་འོད་ཀྱིས་ཕྱི་དང་ནང་། །སྣོད་བཅུད་མ་ལུས་ཐམས་ཅད་ཀྱི། །ཡོན་ཏན་བཅུད་ལྡན་མ་ལུས་པ། །ཐམས་ཅད་མ་ལུས་གནས་འདི་རུ། །མཁའ་གསང་དངོས་གྲུབ་ཆེན་པོར་བསྡུ། །དེ་དག་ཀུན་གྱི་དུས་ཆེན་དུ། །བཟླས་པའི་སྐྱོན་བཞི་སྤང་བ་ནི། །ལྷ་དང་དཀྱིལ་འཁོར་མཆོད་པ་དང་། །དབྱངས་དང་དངོས་གྲུབ་ཕྲིན་ལས་ཀྱིས། །ཆོས་ཉིད་སྙིང་པོ་ཤེས་པ་བརྒྱད། །གནས་སྦྱོང་དུས་སུ་བསམ་པའོ། །ཉེ་དང་སྤྲོ་དང་ཐིམ་པ་གསུམ། །བར་པའི་དུས་སུ་བསྒོམ་པར་བྱ། །བསྒྱུར་བ་གསུམ་བཞི་བཙལ་བ་བཅུ། །གར་སྦྱངས་ཡན་ལག་དགུ་དང་བཅས། །དེ་ནི་ཐ་མའི་དུས་སུ་སྤྱད། །རྡོ་རྗེ་དྲིལ་བུ་ཉུང་དཀར་དང་། །མར་མེ་མཱཾ་ས་ཕྱག་མཚན་དང་། །དཔལ་རྫས་འཁོར་ལོ་དབང་མཆོག་དང་། །ཟས་བཅུད་ཆེ་གལ་འཇམ་དེས་དང་། །ཟླ་རྒྱས་ཕྲོམ་དང་འཕར་བ་དང་། །དཔའ་བོ་རྣམས་ཀྱི་དངོས་གྲུབ་སྦྱིན། །ལྷ་དང་སློབ་དཔོན་སྒྲུབ་པའི་གྲོགས། །རིམ་བཞིན་ཕན་ཚུན་བཤགས་སྦྱང་བྱ། །བཀྲ་ཤིས་དང་ནི་སྨོན་ལམ་གྱིས། །གླུ་དབྱངས་མཆོད་བསྟོད་ལྷག་ཆད་བསྐང་། །གཏེར་སྦས་གཟིར་དང་གནན་པར་བྱ། །བསྡུ་དང་བར་ཆད་བསྲུང་བ་དང་། །ཆོས་ཉིད་མི་དམིགས་བློ་བརྟན་ཏེ། །ཡུལ་མཆོག་དམ་པ་དེ་མཉེས་བྱ། །འདི་བྱས་དུས་ཀྱི་བསྙེན་པ་སྟེ། །སྒྲུབ་པ་ཆེན་པོ་གཅིག་ཡིན་པས། །ཀུན་ཏུ་བཟང་པོ་ཧེ་རུ་ཀ །ཉིད་ཀྱི་སྐུ་གསུང་ཐུགས་སུ་འགྲུབ། །བསྙེན་པ་ཆེན་པོའི་སྦྱོར་བ་ཡིན། །འདི་དག་ཀུན་གྱི་ཐུན་མོང་བསྲུང་། །མཚམས་ཀྱི་དཀྱིལ་འཁོར་བསྒོམ་པ་ནི། །ཕྱི་བཤད་འབྱུང་བ་ཆེན་པོ་ལྔ། །ནང་དུ་དྲག་པོའི་མཚོན་ཆ་ལྔ། །གསང་བར་རིགས་ཀྱི་ཁྲོ་བོ་ལྔ། །དེ་ཉིད་ཡེ་ཤེས་རྣམ་ལྔའོ། །དེ་ལས་ཚིག་ཏུ་བརྗོད་བྱ་བ། །ཧཱུཾ་ནམ་མཁའི་དབྱིངས་ཀྱི་དཀྱིལ་འཁོར་ནས། །སེམས་ཀྱི་རང་བཞིན་ཆོས་ཀྱི་སྐུ། །སྤྲོས་མེད་རྣམ་དག་དངོས་དང་བྲལ། །གདལ་བ་ཆེན་པོའི་ཡེ་ཤེས་ཀྱིས། །ཕྱོགས་བཅུ་མ་ལུས་ཀུན་ཏུ་ཁྱབ། །སྣོད་བཅུད་སྣང་བ་དཔག་ཏུ་མེད། །ཐམས་ཅད་རང་གི་ངོ་བོས་སྟོང་། །འདི་ལས་མ་ལྟོས་ཆོས་གཞན་མེད། །རང་གི་སེམས་ཉིད་སྣང་ཆ་ལས། །གཞན་སྣང་འཁྲུལ་པ་ཙམ་ཉིད་ལས། །གཉིས་སུ་འཛིན་པའི་རྟོག་པ་དེ། ། ― DNG014_Page_0590 ―
[མ་དཔེ་གཟིགས་ན་འདིར་གནོན།]
གཉིས་མེད་ངང་དུ་མཚམས་གཅད་བྱའོ། །ཨེ་ཛྙཱ་ན་མཎྜ་ལ་ཤཱུ་ནྱ་ཏཱ་མ་ཧཱ་ར་སྔགས་རྣམས་སོར་བཞག་ཧཱུཾ། ཡཾ་རྡོ་རྗེ་རྒྱ་གྲམ་འབར་བ་ནི། །དབུགས་ཀྱི་རང་བཞིན་སྟོབས་དང་ལྡན། །ཐམས་ཅད་གཡོ་ཞིང་མ་ལུས་འདེགས། །དངོས་པོ་འཐོར་ཞིང་མཚན་མ་འཇོམས། །ཐོགས་མེད་ཤུགས་ཀྱི་ཕྲིན་ལས་མཛད། །ཕྱོགས་བཅུ་དུས་གསུམ་ཐམས་ཅད་དུ། །རིག་པའི་རྣམ་པར་རྟོག་པ་དང་། །མ་རིག་པ་ཡི་སྒྲིབ་པའི་ཚོགས། །ཐམས་ཅད་གཏོར་ཞིང་མ་ལུས་སྦྱང་། །བླང་དོར་ཡོད་མེད་དགག་བསྒྲུབ་དང་། །སྤང་བླང་རྟོག་པ་ཇི་སྙེད་ཀུན། །རང་གི་སེམས་ཀྱིས་མཚམས་གཅད་བྱའོ། །ཡཾ་མ་ཧཱ་ཀརྨཱ་སྥ་ར་ཎ་སྭ་བྷཱ་རུ་ཏྲ་ཧཱུཾ། བཾ་རྒྱ་མཚོ་ཆེན་པོའི་རྒྱུན་འབབ་པ། །རང་གི་འབྱུང་བའི་དཀྱིལ་འཁོར་ཏེ། །ཆུ་ཡི་རང་བཞིན་གཙང་ཞིང་དྭངས། །ཡན་ལག་བརྒྱད་ལྡན་ཡོན་ཏན་རྫོགས། །བདེ་ཆེན་བྱང་ཆུབ་སེམས་ཀྱི་རྒྱུན། །བག་ཆགས་རྟོག་པའི་དྲི་མ་འཁྲུ། །གཟུང་འཛིན་ལས་ཀྱི་གནས་ངན་སྦྱོང་། །གཉིས་སྣང་འཁོར་བའི་རྒྱུན་ལམ་བསལ། །ཡེ་ཤེས་ཆེན་པོའི་རྦ་རླབས་ཀྱིས། །མ་རིག་མཚན་མའི་རྙོག་མ་གྲུང་། །དངོས་དང་དངོས་མིན་སྒྲིབ་པའི་ཚོགས། །མ་ལུས་སྦྱང་བའི་མཚམས་གཅད་བྱའོ། །བཾ་མ་ཧཱ་མཎྜ་ལ་མུ་ཏྲ་བྷེ་ས་མ་ཡེ་ཧཱུཾ། རཾ་འབར་བའི་རྒྱལ་པོ་མེ་ཡི་དཔུང་། །བདག་གི་དྲོད་ཀྱི་རང་བཞིན་ཏེ། །གསལ་ཞིང་བསྲེག་པའི་མཐུ་སྟོབས་ལྡན། །སྣོད་བཅུད་ཁམས་ཀྱི་རང་བཞིན་ཀུན། །ཕྱོགས་བཅུ་ཀུན་ཏུ་འབར་བ་ཡིས། །ཉོན་མོངས་རྣམ་རྟོག་བུད་ཤིང་བཅས། །མ་ལུས་སྲེག་བྱེད་ཚ་བ་ཡིས། །གནས་ངན་ལེན་གྱི་ཕུང་པོ་བསྲེག །ཡེ་ཤེས་མེ་དཔུང་འབར་བ་ནི། །བྱང་ཆུབ་སེམས་ཀྱི་འོད་ཟེར་འཕྲོ། །བསྐལ་པའི་མེ་ཆེན་ཁ་དོག་ལྔ། །མ་ལུས་བསྲེགས་ཏེ་མཚམས་གཅད་བྱའོ། །ཧཱུཾ་བཛྲ་སྥོ་ཊ་ཡ་ཛྭ་ལ་སྟམྦྷ་བ་ཏ་མ་ཧཱ་ཙརྱ་ཧཱུཾ། ལཾ་ཁམས་གསུམ་བརྟན་པའི་ས་གཞི་ནི། །བདག་ཉིད་ཤ་ལས་གྱུར་པ་སྟེ། །བརྟན་ཞིང་མི་གཡོ་རྣམ་པར་བརྗིད། །འཇིག་རྟེན་མཐུ་ཆེན་ཀུན་གྱིས་ཀྱང་། །གཞིག་ཅིང་སྨད་པར་མི་ནུས་ཏེ། །རྡོ་རྗེ་འབར་བ་ཆེར་འབར་བ། །དཔལ་ལྡན་སྟོང་གསུམ་སྲིད་པའི་གཞི། །ཕྱོགས་བཅུ་དུས་གསུམ་ཐམས་ཅད་ཀྱི། །རྒྱལ་བའི་བཞུགས་གནས་ཕོ་བྲང་སྟེ། ། ― DNG014_Page_0591 ―
[མ་དཔེ་གཟིགས་ན་འདིར་གནོན།]
གཞལ་མེད་ཁང་ཆེན་རབ་ཏུ་བརྟག །མི་འགྱུར་མི་ཤིགས་ཡོངས་སུ་བརྟག །བདག་ཉིད་ཆེན་པོའི་མཚམས་གཅད་བྱའོ། །བྷྲཱུཾ་མ་ཧཱ་ས་མ་ཡ་བུཌྜྷ་ལོ་ཙ་ན་ས་མ་ཨ་ལཾ་ཀ་ཧཱུཾ། ཡེ་ཤེས་འབྱུང་བ་ཆེན་པོ་ལྔ། །བསྲེག་དང་གཏོར་དང་བཀྲུ་བ་ཡིས། །ཅིས་ཀྱང་གཞིག་པར་མི་ནུས་པའི། །སྟོང་པ་ཆེན་པོའི་བདག་ཉིད་ཀྱིས། །ཇི་བཞིན་འདོད་པ་རབ་བསྒྲུབ་པའི། །མཚམས་ཀྱི་དཀྱིལ་འཁོར་ལྷུན་གྱིས་གྲུབ། །ཚིག་ཏུ་བརྗོད་པའི་དོན་བསམས་ཤིང་། །ཕྱི་ནང་གསང་བ་དེ་ཉིད་ཀྱི། །སྣོད་བཅུད་རྣམ་རྟོག་རབ་སྦྱང་བས། །བར་གཅོད་འདུལ་བའི་མཚམས་བཅད་དོ། །དེ་ནས་ནང་དུ་མཚོན་ཆ་ལྔ། །མི་བཟད་འབར་བའི་མཚམས་བཅད་པ། །ཧེ་རུ་ཀ་ཡི་ཐུགས་ཀ་ནས། །རྡོ་རྗེ་འཁོར་ལོ་ཐོ་བ་དང་། །རལ་གྲི་ཕུར་པའི་རང་བཞིན་དག །ཧཱུཾ་ཨོཾ་ཕཊ་ཨཱཾ་ཧཱ་ལས་འཕྲོས། །སྟེང་འོག་ཕྱོགས་བཞི་མཚམས་དང་བཅུ། །ཐམས་ཅད་མཚོན་ཆའི་རང་བཞིན་ཏེ། །འོག་ནས་ས་གཞི་གཏམས་པ་སྟེ། །སྟེང་ནས་སྤྲིན་འཁྲིགས་ཆར་དུ་འབེབས། །བར་སྣང་རླུང་བསྐྱེད་ཐོག་ལྟར་རྒྱུ། །ཕྱོགས་མཚམས་འདུ་འཕྲོ་མེ་ལྟར་འབར། །རྡོ་རྗེ་འབར་བ་གསོར་ཞིང་བརྡེག །འཁོར་ལོ་འབར་བ་བསྐོར་ཞིང་གཅོད། །ཐོ་བ་འབར་བ་འཕྱར་ཞིང་བརྡུང་། །རལ་གྲི་འབར་བས་གཅོད་ཅིང་གཏུབ། །ཕུར་པ་འབར་བས་འདེབས་ཤིང་འབིགས། །བར་གཅོད་བྱེད་པ་བགེགས་ཀྱི་ཚོགས། །མ་ལུས་རྡུལ་དུ་བརླག་པར་བྱ། །ཨོཾ་ཛྙཱ་ན་ཙཀྲ་ཛྭ་ལ་ཧཱུཾ། ཛྙཱ་ན་བཛྲ་ཛྭ་ལ་ཧཱུཾ། ཛྙཱ་ན་ཏཱིཀྵྞ་ཛྭ་ལ་ཧཱུཾ། ཛྙཱ་ན་ཤཀྟི་ཛྭ་ལ་ཧཱུཾ། ཛྙཱ་ན་ཀཱི་ལ་ཡ་ཛྭ་ལ་ཧཱུཾ། ནང་དུ་ཁྲོ་བོ་རིགས་ལྔ་ནི། །ཤིན་ཏུ་ཁྲོ་ཞིང་གཏུམ་པ་ནི། །ཞི་བས་འདུལ་བར་མི་ནུས་ཏེ། །ཐུགས་རྗེ་ཆེན་པོའི་ཐབས་མཆོག་གིས། །ཐུགས་མཆོག་ཞི་བའི་ངང་ཉིད་ལས། །སྐུ་ཡི་ཆ་ལུགས་ཁྲོ་བར་མཛད། །རྒྱུ་འབྲས་གནོད་པ་དེ་འདུལ་ཕྱིར། །རིགས་ཀྱི་ཁྲོ་ཆེན་འབར་བ་ལྔ། །དབུས་དང་ཕྱོགས་བཞི་དཀྱིལ་འཁོར་རྣམས། །སྟོང་གསུམ་འཇིག་རྟེན་ཁམས་ཀུན་གྱི། །དངོས་པོ་རྫས་དང་མཚན་མ་ཀུན། །སངས་རྒྱས་རྡོ་རྗེ་རིན་ཆེན་དང་། །པདྨ་ཕྲིན་ལས་ཁྲག་འཐུང་སྟེ། །ཐམས་ཅད་དཔལ་ཆེན་ཧེ་རུ་ཀ །ཁྲོ་བོའི་ཚོགས་ནི་ནམ་མཁའ་གང་། །ཁྲོ་མོའི་ཚོགས་ཀྱིས་ས་གཞི་ཁྱབ། །ཁྲོ་ཆུང་ཚོགས་ནི་སྐར་ལྟར་འཁྲུགས། །དམ་ཚིག་ཅན་ནི་དབྱིངས་ ― DNG014_Page_0592 ―
[མ་དཔེ་གཟིགས་ན་འདིར་གནོན།]
ནས་བཞེངས། །སངས་རྒྱས་ཁྲོ་བོས་གཏི་མུག་འདུལ། །རྡོ་རྗེ་ཁྲོ་བོས་ཞེ་སྡང་འཇོམས། །རིན་ཆེན་ཁྲོ་བོས་ང་རྒྱལ་འཇོམས། །པདྨའི་ཁྲོ་བོས་འདོད་ཆགས་འཇོམས། །ཕྲིན་ལས་ཁྲོ་བོས་ཕྲག་དོག་འཇོམས། །དྲི་ཟ་གཤིན་རྗེ་ཀླུ་རྣམས་དང་། །ཕྱོགས་མཚམས་གནས་པ་བགེགས་ཀྱི་ཚོགས། །འཇིག་རྟེན་ཕྱོགས་བཅུ་གཞན་དུ་བྱེར། །འདི་ནི་དཔལ་གྱི་ཕོ་བྲང་སྟེ། །བགེགས་ཞེས་བྱ་བའི་མིང་ཡང་མེད། །མཚམས་ཀྱི་དཀྱིལ་འཁོར་ལྷུན་གྱིས་གྲུབ། །ཨོཾ་སརྦ་ཏ་ཐཱ་ག་ཏ། མ་ཧཱ་བུཌྜྷ་བཛྲ་རཏྣ་པདྨ་ཀརྨ་མཎྜ་ལ་བི་ཛ་ཡ་པཉྩ་ཀྲོ་དྷ་ཧཱུཾ་ཕཊ། ཧཱུཾ་ཁྲོ་རྒྱལ་ཀུན་གྱི་ཡེ་ཤེས་ནི། །ཞེ་སྡང་ང་རྒྱལ་ཕྲག་དོག་དང་། །འདོད་ཆགས་གཏི་མུག་ངང་གིས་དག །གཏི་མུག་དཔལ་ཆེན་ཧེ་རུ་ཀ །ཆོས་དབྱིངས་ཡེ་ཤེས་ངང་དུ་གསལ། །ཀུན་ཏུ་མ་བཅོས་མཐའ་དང་བྲལ། །ཞེ་སྡང་དཔལ་ཆེན་ཧེ་རུ་ཀ །གཟུགས་བརྙན་ཡེ་ཤེས་ངང་དུ་གསལ། །མ་ནོར་མ་ལུས་མཁྱེན་པའི་ངང་། །ང་རྒྱལ་དཔལ་ཆེན་ཧེ་རུ་ཀ །མཉམ་ཉིད་ཡེ་ཤེས་ངང་དུ་གསལ། །གཉིས་སུ་འཛིན་པའི་བལྟ་བ་བྲལ། །འདོད་ཆགས་དཔལ་ཆེན་ཧེ་རུ་ཀ །རྟོག་པའི་ཡེ་ཤེས་ངང་དུ་གསལ། །ཆོས་ཀུན་འུབ་ཆུབ་ཁོང་དུ་ཆུད། །ཕྲག་དོག་དཔལ་ཆེན་ཧེ་རུ་ཀ །ཕྲིན་ལས་སྣ་ཚོགས་ངང་དུ་གསལ། །ཐམས་ཅད་མ་གྲུབ་གང་ཡང་མེད། །ཆོས་སྐུ་སྤྲོས་བྲལ་ཆེ་བའི་མཆོག །ལོངས་སྤྱོད་རྫོགས་སྐུ་ཧེ་རུ་ཀ །སྤྲུལ་སྐུ་ཁྲོ་བོ་ཁྲོ་མོའི་ཚོགས། །རང་བཞིན་མི་འགྱུར་རྡོ་རྗེའི་སྐུ། །ཕྲིན་ལས་མངོན་པར་བྱང་ཆུབ་སྐུ། །ཐམས་ཅད་སྐུ་དང་ཡེ་ཤེས་ལ། །བགེགས་སུ་རྟོག་པ་གང་ཡང་མེད། །བསྲུང་བར་བྱ་དང་སྲུང་བྱེད་མེད། །གཅད་དང་གཅོད་བྱེད་གང་ཡང་མེད། །བདག་དང་བདག་གིར་འཛིན་པ་མེད། །འདི་ལ་བསལ་དུ་ག་ལ་ཡོད། །རང་གི་སེམས་དང་གཞན་གྱི་སེམས། །ཐམས་ཅད་ཆོས་སྐུའི་ངང་དུ་ཤེས། །ཆོས་སྐུ་ཀུན་བཟང་ཧེ་རུ་ཀ །དཔལ་ཆེན་ཐུགས་ཀྱི་དཀྱིལ་འཁོར་ལས། །མཚམས་ཀྱི་དཀྱིལ་འཁོར་ལྷུན་གྱིས་གྲུབ། །ཨོཾ་སརྦ་ཏ་ཐཱ་ག་ཏ་ཛྙ་ན་ཀཱ་ཡ་པཉྩ་བོ་དྷི་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧཾ། སྲུང་བ་ཆེན་པོའི་སྦྱོར་བའོ། །དེ་ནས་བདེ་བར་ ― DNG014_Page_0593 ―
[མ་དཔེ་གཟིགས་ན་འདིར་གནོན།]
གཤེགས་རྣམས་ཀྱིས། །ཡོན་ཏན་མ་ལུས་རྫོགས་པ་ཡི། །བྱིན་གྱིས་བརླབས་པའི་བསྒྲུབ་པ་ཆེ། །འཆི་མེད་བདུད་རྩིའི་ལུང་བཤད་པ། །ཐོག་མར་འདི་ལ་རྩོམ་པ་ཡིས། །ང་ཡིས་སྔོན་དུ་རབ་བཤད་པའི། །མཚན་ཉིད་རབ་རྫོགས་སྐྱེས་བུ་དེ། །དཔའ་ཞིང་བརྟུལ་ཕོད་བློ་དང་ལྡན། །རིགས་བཟང་ཡོན་ཏན་རྒྱན་དང་ལྡན། །མ་ལུས་ཐོབ་པ་དེ་ཡིས་ནི། །ཐབས་དང་ཤེས་རབ་གྲོགས་བཟང་བཙལ། །ཇི་སྲིད་སྤང་བྱ་མ་ལུས་པས། །སངས་རྒྱས་དྲང་སྲོང་གྲུབ་པ་དང་། །རྡོ་རྗེ་ཕྲ་མེན་སྦྱོར་གནས་དང་། །དུར་ཁྲོད་ཆེན་པོ་མངོན་དུ་རྒྱུ། །དམ་ཚིག་ཅན་གྱི་གྲོགས་བྱེད་ཅིང་། །བཀྲ་ཤིས་རྫས་ཀྱིས་རབ་བརྒྱན་པ། །འབྱུང་ཆེན་དང་ནི་དྲེགས་ཆེན་དང་། །མི་དང་མི་མིན་དགྲ་མེད་ཅིང་། །ཕུན་སུམ་ཚོགས་པ་གཙང་མ་དེར། །ལེགས་པར་བརྟག་སྟེ་ངེས་བཟུང་ཞིང་། །ཀུན་ལ་གནང་བ་ཐོབ་པ་དང་། །ཐབས་ཀྱི་ཆོ་གས་ལེགས་པར་སྦྱང་། །ཡོ་བྱད་མཆོག་གིས་བསྙེན་བཀུར་ཞིང་། །ཐོག་མ་བར་དང་མཐར་རྫོགས་པའི། །མི་ཟད་གཏེར་དང་ལྡན་པར་བྱ། །སྔོན་འགྲོ་དཀྱིལ་འཁོར་གྲུ་གསུམ་ལ། །བདུད་རྩི་འཁྱིལ་པའི་ཕུར་པ་གདབ། །ཕྱོགས་བཅུ་ཀུན་ནས་བསྲུང་བྱ་ཞིང་། །ཞེ་སྡང་ཆེན་པོའི་ཏིང་ངེ་འཛིན། །རྡོ་རྗེ་ཁྲོ་བོའི་ལུས་ངག་གིས། །ཏིང་འཛིན་བྱིན་བརླབ་རབ་ཏུ་བསྐོར། །གཞལ་མེད་ཁང་པ་ལེགས་པར་བསྒོམ། །མཆོག་དང་དམན་དང་བར་མ་ཡིས། །ཡུལ་གསུམ་མཆོད་པས་ཀུན་མཉེས་ནས། །སྒོ་གསུམ་གྱི་ནི་ཉེས་པ་སྦྱང་། །རང་གི་རིགས་ཀྱི་ལྷར་བརྟགས་ནས། །ཕྱོགས་བཞིར་རྟེན་བཞི་མངའ་གསོལ་ཞིང་། །ཕྲིན་ལས་ཇི་ལྟར་བསྔགས་པ་གསོལ། །ནང་དུ་བྱ་བའི་རིམ་པ་དང་། །གསང་ཞིང་བྱ་བ་རྣམས་ཀྱིས་སྤྱད། །དུར་ཁྲོད་བདག་པོ་དེར་དགུག་ཅིང་། །གསད་དང་གནན་དང་བསྲུང་བར་བྱ། །དེ་ཉིད་གཞིར་གྱུར་ས་གཞིར་བྱ། །ལུས་ཀྱི་ཚད་ལྡན་མཉམ་པ་ལ། །ལུས་དྲི་མདོག་བཟང་རྣམས་ཀྱིས་བསྟར། །ཤེས་རབ་གྲོགས་ཀྱིས་རབ་འབད་དེ། །གནས་ལྔ་མཁའ་གསང་བྱིན་གྱིས་བརླབ། །དྲི་དང་རྒྱན་གྱིས་རབ་བགོས་ཏེ། །རྒྱུ་དང་ཁ་དོག་ཚུལ་ལྡན་པའི། །ཐིག་སྐུད་རྡོ་རྗེར་བྱིན་བརླབ་བརྗོད། །རྡོ་རྗེ་དང་ནི་པདྨ་ཆེ། །ཨོཾ་དང་ ― DNG014_Page_0594 ―
[མ་དཔེ་གཟིགས་ན་འདིར་གནོན།]
ཧཱུཾ་ཞེས་བྱ་བ་ཡིས། །ཨོཾ་ཧྲཱྀཿཨ་དང་ཕཊ་ཀྱིས་བརྒྱན། །འབྲུ་ལྔ་དང་ནི་བྱང་ཆུབ་སེམས། །ཨོཾ་ཨཱཿཧཱུཾ་གི་རང་བཞིན་གྱིས། །ཆོ་ག་གསུམ་དང་ལྡན་པས་གདབ། །མཁའ་དང་གསང་བའི་འཕྲོ་འདུ་ཡིས། །དཀྱིལ་འཁོར་དགུའམ་ལྔ་ལས་ནི། །བཅུ་དྲུག་ཆ་ཡིས་ཕྱེ་ཞིང་གསལ། །ཞི་དང་ཤིན་ཏུ་ཞི་དང་ཁྲོ། །རྣམ་གྲངས་ཀུན་ཏུ་ཁྱབ་པ་ཡི། །རིན་ཆེན་ཡེ་ཤེས་ཚོན་སྣ་ལྔས། །ངས་བཤད་བཞུགས་པའི་ཕོ་བྲང་བཞེངས། །བསྙེན་པར་གནང་བ་བཤད་བཞིན་དུ། །སྐུ་རྫོགས་ཕྱག་མཚན་སྙིང་པོ་ལ། །རང་གི་རིགས་ཀྱི་མཚན་མ་ཡིས། །རྫས་ཀྱི་ཁྱད་པར་མངོན་པར་དབྱུང་། །ཕྱི་ནང་གསང་བ་བུམ་པའི་རྫས། །ཁྱད་པར་འདི་ལ་བསྔགས་པ་ཡི། །ཡེ་ཤེས་ལྔ་ལྡན་དབུས་སུ་དགོད། །སྐུ་གསུམ་ལྷུན་གྲུབ་ཤར་དུ་སྟེ། །ཡིད་བཞིན་གཏེར་ལྡན་ལྷོ་རུའོ། །ཁམས་གསུམ་སྒྲོལ་མཛད་ནུབ་ཏུ་སྟེ། །ཆོ་འཕྲུལ་རྟགས་འབྱིན་བྱང་དུ་དགོད། །མི་ཤིགས་མཛོད་ལྡན་ཤར་ལྷོ་སྟེ། །སྲིད་གསུམ་ཡོངས་སྒྲོལ་ལྷོ་ནུབ་ཏུའོ། །དུག་གསུམ་གཏན་དཀྲུག་ནུབ་བྱང་དུའོ། །མཚན་མ་སྤྲོས་བྲལ་བྱང་ཤར་དུའོ། །སོ་སོའི་མིང་གི་མཚན་མ་དག །རིགས་ཀྱི་རྫས་མཆོག་རྣམ་པ་ལྔ། །རྩ་བ་དང་ནི་ཡན་ལག་བཅས། །རྫས་ཀྱི་རྣམ་པ་དེ་སྦྱར་བྱ། །ཁ་དོག་རིགས་དང་མཐུན་པས་བཅིང་། །དུར་ཁྲོད་སྲུང་བའི་རྫས་ཀྱིས་བསྐོར། །ཐུན་མོང་མཆོད་རྫས་རྒྱས་པར་བཤམ། །ཞི་བ་གྷ་ན་ཏ་ནའི་དུས། །ཕྱོགས་བཞི་དག་ན་རབ་བརྟན་པའི། །དུར་ཁྲོད་རྫས་དང་མར་མེ་དང་། །ཡུམ་དང་ཡབ་དང་རྒྱུ་མཆོག་སྔགས། །ང་ཡིས་སྔོན་བཤད་རིགས་བརྒྱ་དང་། །བརྒྱ་ཕྱེད་ལྔ་དང་གཅིག་ཉིད་ཀྱི། །གནས་མཆོག་གསུམ་དུ་འབྲུ་གསུམ་གྱིས། །རི་བོང་འཛིན་པའི་སྟེང་དུ་གསལ། །ཡེ་ཤེས་ལྔ་དང་སྐུ་མཆོག་དང་། །ཡབ་ཡུམ་ཐུན་མོང་དབུ་རྒྱན་གསལ། །དགུག་གཞུག་བསྡིམ་པ་ཚང་བྱས་ནས། །དམ་ཚིག་དབང་ཆེན་རྣམས་ཀྱིས་བསྔགས། །རྣམ་པར་རྟོག་པ་ཀུན་སྦྱང་སྟེ། །བསྙེན་པ་དམ་པས་ཉེ་བར་བྱ། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ། ར་སཱ་ཡ་ན་ཏ་ན་ཛ་ཡ། གུ་ཧྱ་སིདྡྷི་ཧཱུཾ་ཧྲཱྀཿཋ། སྨན་རྣམས་ཐམས་ཅད་བདུད་རྩི་ལྔ། ། ― DNG014_Page_0595 ―
[མ་དཔེ་གཟིགས་ན་འདིར་གནོན།]
བྱེ་བ་སྣ་ཚོགས་སྐུ་གསུང་ཐུགས། །གསང་བའི་དངོས་གྲུབ་ཉེ་བའོ། །སྨན་དང་དམ་ཚིག་ལྷ་རྣམས་ནི། །ཀུན་དང་རྒྱས་ལྡན་དམ་པས་སྦྱང་། །སྟེང་རྫོགས་མཆོད་བསྟོད་ཏིང་འཛིན་གསལ། །བསྐྲད་དང་བསྲུང་དང་བར་ཆད་བཟློག །རྟགས་རྫོགས་ཐོད་པ་ལྔར་དབྱེ་ཞིང་། །རིགས་ལྔའི་དམ་ཚིག་དབབ་པ་ནི། །རྫས་མཆོག་རྣམ་པ་ལྔ་དབྱེ་བ། །དབུས་སུ་སེམས་འདུ་རྩ་བ་བརྒྱད། །ག་པུར་ཅུ་གང་ཛཱ་ཏི་དང་། །གུར་གུམ་སུག་སྨེལ་ལི་ཤི་དང་། །ཀ་ཀོལ་ཐལ་ཀར་རྡོ་རྗེ་དང་། །ཤཱ་རཱི་རམ་དང་བཅས་ཏེ་དགོད། །ཤར་དུ་དྲི་ཆེན་ཨ་རུ་ར། །ཨ་ག་རུ་དང་ཛཱ་ཏི་དང་། །དུ་རུ་ཀ་ལ་སོགས་པ་དགོད། །ལྷོ་རུ་མཱཾ་ས་སྙིང་སྣ་ཚོགས། །ཞོ་ཤ་རྣམས་དང་ཙི་ཏྲ་ཀ །ཀ་ཀོ་ལ་ལི་སོགས་པར་དགོད། །ནུབ་ཏུ་པདྨ་རཀྟ་དང་། །ཙན་དན་ལི་ཤི་སྐྱུ་རུ་ར། །རྒུན་འབྲུམ་སྟར་བུ་ལ་སོགས་དགོད། །བྱང་དུ་དྲི་ཆུ་སྣ་ཚོགས་དང་། །གུར་གུམ་ཅེ་པོག་ལ་སོགས་ཏེ། །རྩ་བ་ལོ་མ་མེ་ཏོག་འབྲས། །ལུས་བཅུད་དབང་པོ་ཡན་ལག་དང་། །རྩ་ཁྲག་ཆུ་ལ་སོགས་པ་ཀུན། །ཤར་ལྷོ་ནུབ་བྱང་ཕྱོགས་དང་དབུས། །རང་གི་རིགས་དང་འཁོར་དུ་དགོད། །ཡཾ་རཾ་ལས་ནི་བསྐྱོད་དང་བསྲེག །དབུས་སུ་ཨ་མཾ་ཉི་ཟླ་ལ། །ཨོཾ་ཧཱུཾ་སྭཱ་ཨཱཾ་ཧཱ་ཞེས་པ། །དཀར་མཐིང་སེར་དམར་ལྗང་གུ་དབུས། །ཤར་ལྷོ་ནུབ་བྱང་རིམ་བཞིན་བསྐྱེད། །འོད་ལྡན་རྒྱུད་ལྔ་སྦྱོང་བྱེད་ཅིང་། །སྣོད་བཅུད་རབ་བསྡུས་མཚན་མ་ནི། །འཁོར་ལོ་རྡོ་རྗེ་རིན་པོ་ཆེ། །པདྨ་རལ་གྲིའི་འཕྲོ་འདུ་དང་། །སྐུ་ལྔ་ཡུམ་དང་བཅས་པ་ཡིས། །གསལ་བའི་སྣོད་དུ་བླངས་ནས་ཀྱང་། །རྡོ་རྗེ་པདྨའི་འཕྲོ་འདུ་དང་། །སོ་སོའི་རིགས་ཀྱི་སྙིང་པོ་དང་། །ཚོགས་ལྔ་ཡེ་ཤེས་ལྔ་དང་བཅས། །ཆང་ཆུ་འོ་མ་རིན་ཆེན་ཆུ། །མཚམས་བཞིན་སོ་སོའི་འདུལ་སྦྱོང་གིས། །རྟགས་དང་ལྡན་པར་གྱུར་པ་དང་། །གཉིས་མེད་གསང་ཆེན་རིགས་གཅིག་གི། །རྡོ་རྗེ་སེམས་དཔའ་ཉིད་དུ་བསྒོམ། །ཨོཾ་སརྦ་པཉྩ་ཨ་མྲྀ་ཏ། བཛྲ་ཙིཏྟ་ས་མ་ཧཱུཾ། ཞུ་བའི་ངོ་བོ་ཉིད་དུ་བྱ། །སྦྱོར་བའི་ནུས་རྟགས་རྫོགས་པ་དང་། །མཆོད་བསྟོད་དངོས་གྲུབ་བླང་ལ་སོགས། །ཤེས་རབ་ཀྱིས་ནི་ ― DNG014_Page_0596 ―
[མ་དཔེ་གཟིགས་ན་འདིར་གནོན།]
ཐབས་མཉེས་བྱ། །ཕོ་བྲང་མཆོག་ལ་རྫས་ཀུན་བསྡུས། །མཉམ་ཉིད་ཐུགས་ལ་བསྡིམ་ཞིང་སྦྱང་། །ཞིང་དང་རྒྱུ་ཡང་རབ་ཏུ་དགུག །གནས་ངན་སྦྱང་ཞིང་བྲོད་པ་བསྐྱེད། །ཡི་གེ་སྐུ་ལྔའི་འཕྲོ་འདུ་ལས། །ཕྲིན་ལས་གསུམ་གྱི་དོན་ཀུན་རྫོགས། །ལྷ་དང་དཀྱིལ་འཁོར་རྫས་རྣམས་ཀུན། །དུར་ཁྲོད་ཆེན་པོའི་གསང་བ་མཆོག །དཔལ་གྱི་ཁྲོ་རྟགས་ཆ་ལུགས་བསྐྱུར། །པགས་པ་གཡང་གཞི་མཆོག་སྟེང་དུ། །དྲི་མཆོག་བདུད་རྩི་ལྔ་ཡིས་བསྒོ། །དཀར་དམར་སེམས་ཀྱི་ཐིག་ལེ་བྲི། །རྡོ་རྗེ་གིང་ཆེན་ཆས་སུ་གཞུག །མཁའ་གསང་ཐབས་དང་ཤེས་རབ་ཀྱིས། །བྱིན་རླབས་བདུད་རྩི་འཁྱིལ་པ་ལས། །གཙོ་ཆེན་དང་ནི་འཁོར་གྱི་ཚོགས། །རང་གི་རིགས་དང་མཚུངས་པ་ཡིས། །ཡེ་ཤེས་བདུད་རྩི་དབབ་པར་བྱ། །སྦྱོང་བའི་བསྙེན་པས་བཞུ་ཞིང་བཏུལ། །མཚན་རྟགས་ལས་སུ་རུང་བ་དང་། །མཚན་མ་དབྱིངས་སུ་སྦྱང་བའི་ཕྱིར། །གཙོ་འཁོར་རིམ་བཞིན་ཕྱག་རྒྱས་དབབ། །བཏག་བཙག་སྦྱང་དང་སྤེལ་བ་ནི། །ཤར་ལྷོ་ནུབ་བྱང་ཕྱོགས་རིམ་བཞིན། །སྔགས་ཕྲེང་བཅས་པས་མཐར་ཕྱུང་སྟེ། །བདུག་ཅིང་བསྐྲད་དང་བསྲུང་བ་དང་། །གླུ་བྲོ་གར་དང་མཆོད་བསྟོད་བྱ། །ཁྲོ་བཅུའི་ང་རྒྱལ་སྟངས་སྟབས་ཀྱིས། །ཡོན་ཏན་བརྗོད་ཅིང་ཞི་བས་བསྐྲད། །ཡི་གེ་འབྲུ་ལྔས་བཞུ་དང་བཏུལ། །ཕྲིན་ལས་རྣམ་བཞིའི་སྲེག་སྦྱང་ལས། །རྫས་ཀྱི་ཕྲད་ཀྱིས་མཉེས་པར་བྱ། །མཚན་ལྡན་ཡུམ་དེ་བརྒྱན་བྱས་ནས། །བཟང་པོའི་སྣོད་དུ་རྒྱས་བཏབ་ནས། །རྡོ་རྗེ་རྒྱལ་པོ་ལྔ་ཡིས་བཟུང་། །སྟོང་པ་ཉིད་དང་སྙིང་རྗེ་དང་། །སེམས་གསུམ་དག་པའི་བྱིན་རླབས་དབབ། །ཕྱི་ནང་འབྱུང་བ་ཡོངས་རྫོགས་པས། །དུར་ཁྲོད་རྒྱན་རྫོགས་གཞལ་ཡས་ཁང་། །ཕོ་བྲང་ཆེན་པོ་དགུ་བསམས་ནས། །རང་གི་གདན་སྟེང་ས་བོན་གྱིས། །ང་ཉིད་ཆེ་མཆོག་ཧེ་རུ་ཀ །གནམ་ཞལ་དབྱིངས་ཕྱུག་མ་དང་སྦྱོར། །ཕྱོགས་ཀུན་ཏུ་ནི་དཀྱིལ་འཁོར་དབྱུང་། །ཕྱོགས་མཚམས་བརྒྱད་དུ་འཁོར་བཅས་དགོད། །བདུད་རྩི་འཁྱིལ་དང་པདྨར་འཁྱིལ། །དེ་ཡི་པདྨའི་འདབ་མ་ལ། །གསང་བ་རིགས་བཞི་ཡུམ་དང་བཅས། །སྟེང་འོག་ ― DNG014_Page_0597 ―
[མ་དཔེ་གཟིགས་ན་འདིར་གནོན།]
བུམ་དང་པདྨར་འཁྱིལ། །རླུང་དང་མེ་ཡི་སྦྱོར་བ་ལས། །གཞལ་མེད་ཁང་པ་བརྒྱད་དབུས་སུ། །གཙོ་ཆེན་བརྒྱད་ཀྱི་དབུ་གསུམ་བརྫིས། །དེ་སྟེང་བདག་ཉིད་ཧེ་རུ་ཀ །ཞབས་བཞི་ཡིས་ནི་རབ་ཏུ་མནན། །མཁའ་མཉམ་ཀློང་གི་ཞབས་བརྒྱད་ཀྱིས། །ཧེ་རུ་ཀ་བརྒྱད་དབུ་གཉིས་མནན། །དབུ་ཕྱེད་རྔུབ་པའི་བདག་ཉིད་ལས། །ཉི་ཤུ་རྩ་གཅིག་བཞི་བཅུ་གཉིས། །ཞབས་བརྒྱད་དབུ་བརྒྱད་རྣམས་སྦྱོར་བ། །རྫོགས་བྱེད་ཧེ་རུ་ཀ་ཉིད་ནི། །དབུ་མའི་ལྗགས་ལ་ས་ནུ་སྦྱོར། །ཐུགས་ཀར་ཉི་མའི་དཀྱིལ་འཁོར་ལ། །བུམ་པའི་དབུས་ལ་འབྲུ་དགུས་བསྐོར། །འདི་ནི་སྦྱོར་བའི་དཀྱིལ་འཁོར་བདུན། །རང་བཞིན་དཀྱིལ་འཁོར་བརྒྱད་དང་ལྡན། །ཧེ་རུ་ཀ་ཡི་ང་རྒྱལ་ལྡན། །ཡེ་ཤེས་དཀྱིལ་འཁོར་ཚོགས་དགུག་ཅིང་། །སླར་བསྡིམ་མཆོད་ཅིང་བསྟོད་བྱས་ནས། །བྱ་བ་ཆེན་པོ་དེར་འཇུག་པས། །བདག་ཉིད་དེར་སྦྱང་སྔགས་དང་བཅས། །ཏིང་འཛིན་མེ་དཔུང་རླུང་གིས་བསྐྱོད། །དོན་རྟོགས་དཔེ་དང་ལྡན་པ་ནི། །ཡེ་ཤེས་ཆེན་པོའི་བདུད་རྩི་སྟེ། །མུ་ཏིག་དཀར་པོ་དྲི་མེད་ལྡན། །དཀྱིལ་འཁོར་རིམ་བཞིན་བཞུ་ཞིང་བཏུལ། །མངའ་མཛད་བཅུ་གཉིས་དང་ལྡན་པའི། །འཕྲོ་འདུ་གསུམ་གྱིས་དོན་ཆེན་བསྒྲུབ། །དེ་འདྲའི་སྦྱོར་བ་དཔག་མེད་ཀྱིས། །རིམ་བཞིན་ཐབས་ཀྱི་ཡན་ལག་ལས། །བརྩོན་འགྲུས་སྟོབས་ཀྱིས་འབད་པ་ནི། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་རྣམས་ཀྱིས་གཙོར་བྱས་ནས། །འོད་དང་དུ་བ་སྒྲ་དང་དྲི། །གཟུགས་སྣང་འཕེལ་བ་རབ་ཏུ་སྟོན། །དེ་ལ་མཆོད་བསྟོད་རྒྱ་ཆེན་བྱ། །ཏིང་འཛིན་བསྐྱེད་ཅིང་བར་ཆད་བཟློག །སྔགས་པ་མཆོག་གིས་གཟུང་བར་བྱ། །འདོད་པ་རྫོགས་ནས་བསྐྱིལ་བར་བྱ། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱྀཿཋ། བརྒྱ་རྩ་བརྒྱད་ཀྱིས་ཏིང་འཛིན་བསྐྱར། །ཕོ་བྲང་ཆེན་པོར་དབབ་བྱ་ཞིང་། །ཨོཾ་ཨ་མྲྀ་ཏ་ས་མ་ཡ་བྲ་བེ་ཤ་ཡ་ཕེཾ་ཕེཾ་ཧཱུཾ་ཧྲཱྀཿཋ། བར་དུ་སྤོགས་ཤིང་ཏིང་འཛིན་གསལ། །དངོས་གྲུབ་གཉེར་ཞིང་གསོལ་བ་གདབ། །ཕོ་བྲང་དགུ་ཡི་སྟེང་གཞུག་ནས། །ལས་དང་མཐུན་པའི་དབང་རྫས་བསྐུར། །ཕྱོགས་བཅུར་གནས་ ― DNG014_Page_0598 ―
[མ་དཔེ་གཟིགས་ན་འདིར་གནོན།]
དང་ཉེ་བའི་ལྷ། །ལྷག་འགྱུར་བླ་མ་དུས་གསུམ་མཆོད། །དེ་བཞིན་བདག་གིས་དངོས་གྲུབ་བླང་། །རེ་དོགས་སྤང་སྟེ་ཕྱག་རྒྱ་སྤེལ། །དམིགས་མེད་གསུམ་གྱིས་དེ་ལ་སྦྱར། །ཨ་ཧོ་སུ་ཁ་དྷརྨཱ་ཀཱ་ཡ་ཨ་མྲྀ་ཏ་སིདྡྷི་ཧཱུཾ་ཧྲཱྀཿཋ། ཉི་མའི་རྡོ་རྗེ་ཧཱུཾ་ལྡན་བཅས། །རིན་ཆེན་དབང་པོའི་སྒོ་ལ་ཐིམ། །རིགས་ཀུན་སོ་སོར་གནང་བ་དང་། །རྡོ་རྗེ་སློབ་མས་མེ་ཏོག་གཏོར། །རིམ་པ་བཞིན་དུ་དབང་སྦྱིན་པ། །སྐུལ་ཚིག་དབྱངས་དང་སྔགས་རྫས་བཅས། །ཕྱི་ནང་གནང་བ་དེ་ཉིད་ཚུལ། །ཡུལ་གསུམ་མཉེས་ཕྱིར་གསུམ་དུའོ། །མཆོད་རྫས་ཆེན་པོ་བསྟར་བ་ཡང་། །བསྲེག་ཅིང་མཆོད་དེ་གཏོར་ཆེན་ལ། །འཕགས་པ་མཆོད་ཅིང་གདོད་ལོངས་སྤྱད། །རི་ལུ་ལྕགས་སམ་ཟ་མ་ཏོག །ཐོག་མའི་སྣོད་གཞུག་བསྙེན་ཅིང་བཀུར། །རྒྱལ་སྲས་བྱང་ཆུབ་སེམས་དཔར་འགྱུར། །ཉན་ཐོས་རང་སངས་རྒྱས་ལ་སོགས། །བསྐལ་པ་གྲངས་མེད་སྐད་ཅིག་གིས། །མཉམ་དང་ཆོས་ལྷག་ཡོན་ཏན་རྫོགས། །ཕྲིན་ལས་རྣམ་བཞི་ལེགས་བཤད་ཅིང་། །ཕྱི་ནང་ཀུན་མཉེས་གཏང་རག་གཏང་། །གནས་བསྲུང་ལྷ་གཞན་དེར་མི་བསྟོད། །ཀུན་གྱི་དོན་དུ་བསྔོ་བྱ་ཞིང་། །མཚན་མ་སྤྲོས་བྲལ་དངོས་ཡིན་ནོ། །བྱང་ཆུབ་སེམས་ཀྱི་ཡོན་ཏན་ཏེ། །མཉམ་ཉིད་རྟོགས་པ་ཁོ་ནས་འགྲུབ། །ཉོན་མོངས་དུག་རྣམས་སྨན་དུ་བསྒྱུར། །ཡེ་ཤེས་ལྔ་ཡི་ལོངས་སྤྱོད་ལ། །རྫས་ཀྱི་དུག་རྣམས་སྨོས་ཅི་དགོས། །དཔེ་དོན་བརྡ་དང་རྟགས་ཡིན་ནོ། །གདུལ་བྱའི་རིགས་ལ་ཁ་དོག་ལྔ། །བསྡུས་པ་ཡོན་ཏན་གསེར་ལྟ་བུ། །རྣམ་དག་དཔེ་མཚོན་དཀར་པོ་སྟེ། །ཆགས་ཆེན་དབང་ནི་དམར་པོར་སྣང་། །ཕྲིན་ལས་ཀུན་རྫོགས་ལྗང་གུའོ། །དོན་ལྡན་མི་འགྱུར་མཐིང་ནག་སྟེ། །མ་ལུས་ཀུན་རྫོགས་དྲི་ཡིན་ནོ། །ཐམས་ཅད་རོ་གཅིག་དེ་ཡི་རོ། །དངོས་པོའི་རྫས་སུ་སྣང་བའི་བཅུད། །རང་བཞིན་ཡོན་ཏན་ཆེ་ལྡན་ལས། །བསྒྲུབས་པའི་ནུས་པ་བསམ་མི་ཁྱབ། །མ་ལུས་རང་གི་ལུས་སུ་འདུས། །རྣམ་པར་རྟོག་པ་ཡེ་ཤེས་སྨན། །སངས་རྒྱས་གཞན་དུ་བཙལ་བ་མེད། །དོན་རྟགས་ཆོས་དང་སྨན་གྱིས་ནི། །དཔལ་གྱི་མཛད་པ་དེ་སྦྱང་ངོ་། །ཧཱུཾ་ཞི་ཁྲོ་རྒྱལ་བ་ཡེ་ཤེས་སྐུ། །འགྲོ་ལ་ཕན་ ― DNG014_Page_0599 ―
[མ་དཔེ་གཟིགས་ན་འདིར་གནོན།]
མཛད་ཐུགས་རྗེ་ཅན། །སྲིད་པ་གསུམ་གྱི་གཉེན་གཅིག་པོ། །ལྷ་ཡི་ལྷ་རྣམས་དགོངས་སུ་གསོལ། །བདེ་བར་གཤེགས་པ་ཀུན་འདུས་པ། །སྤྲུལ་པ་རྒྱ་མཚོའི་ཚོགས་དང་བཅས། །མ་ལུས་འདུས་པ་མཁྱེན་པར་གསོལ། །བདག་ནི་རྒྱལ་སྲིད་ལོངས་སྤྱོད་དང་། །རང་འདོད་ནན་ཆེར་མི་བསྒྲུབ་ཅིང་། །འགྲོ་གཞན་དོན་དུ་འབད་རྩོལ་ན། །ཀུན་གྱི་དཔལ་དུ་འགྱུར་བར་བྱ། །ཀུན་མཁྱེན་ཡེ་ཤེས་སྤྱན་ལྡན་པས། །བདག་གཞན་ཀུན་གྱི་ལྷག་བསམ་མཁྱེན། །སྤྱན་སྔར་བདག་གིས་དམ་བཅས་པ། །རྣལ་འབྱོར་བསླུ་བར་མི་བགྱིའོ། །ཁེ་དང་གྲགས་པ་འཇིག་རྟེན་ཆོས། །གཡོ་སྒྱུ་ངན་པའི་སེམས་སྤངས་ནས། །ཀུན་ཏུ་བཟང་པོ་བྱང་ཆུབ་སེམས། །དོན་དམ་ཀུན་རྫོབ་ཚུལ་བཟུང་ངོ་། །སེམས་ཅན་ཐམས་ཅད་བདུད་གྱུར་ཏེ། །བདག་ལ་གནོད་པ་རབ་སྦྱར་ཀྱང་། །ཤེས་རབ་སྙིང་རྗེ་འདྲེལ་མས་བསྐྱང་། །ཡི་དམ་ལྷ་དང་བླ་མ་དང་། །མཆོད་བཟུང་ཐེག་པ་ཆེར་གནས་པ། །སྲོག་གི་ཕྱིར་ཡང་མི་སྤང་བསྒྲུབ། །སྣང་སེམས་རྨི་ལམ་སྒྱུ་མ་ལ། །འཆི་བས་འཇིགས་པ་མ་མཆིས་ཏེ། །སྐྱེ་བོ་གཞན་གྱི་དོན་འགྱུར་ན། །བྱང་ཆུབ་སེམས་དཔའི་སྤྱོད་པ་ཡིས། །རང་དབང་དུ་ནི་སྐྱེ་བ་བླང་། །བདག་ནི་གཅིག་པུའི་ཞི་བདེ་ལ། །མྱུར་འགྲོའི་སྤྲོ་བ་མ་མཆིས་པས། །ཇི་སྲིད་འཁོར་བ་མ་སྟོངས་པར། །བསྐལ་པ་རྒྱ་མཚོར་མི་སྐྱོ་ཞིང་། །བྱང་ཆུབ་སེམས་ཀྱི་དཀའ་བ་སྤྱད། །ཤེས་རབ་ཐབས་ཀྱིས་དོན་མཛད་ཚེ། །འགྲོ་བ་ལས་ཀྱི་འདུལ་སྐལ་ལ། །སོ་སོའི་བློ་དང་སྐད་བཞིན་དུ། །ཇི་ལྟར་འཚམས་པ་དེ་བསྟན་ནོ། །རྣལ་འབྱོར་མཆོག་ལམ་ཞུགས་པ་ཡི། །སྐྱེས་ཆེན་རིག་པ་འཛིན་པ་རྣམས། །ནུས་པ་ཇི་སྙེད་ཤུགས་ཀྱིས་ནི། །བརྩོན་འགྲུས་འབད་པས་བསྙེན་བཀུར་རོ། །གསང་བ་ཐེག་པ་བླ་མེད་ལ། །རབ་སྡང་གདུག་པའི་ཚུལ་འཆང་བ། །ནུས་མཐུ་དྲག་རྩལ་ཅི་ཡོད་ཀྱིས། །མྱུར་དུ་སྒྲོལ་བར་བདག་འཚལ་ལོ། །དེ་ལྟའི་དུས་ཆེན་འདི་ཉིད་ནས། །ཐེག་ཆེན་བླ་མེད་ཐུག་གི་བར། །དཔལ་ཆེན་བདེ་བར་གཤེགས་རྣམས་ཀྱིས། །ཇི་ལྟར་དམ་བཅས་དེ་བཟུང་ངོ་། །ཞེས་བརྗོད་དོན་རྣམས་དམ་བཅར་བཟུང་། །དམ་ཚིག་ཆེན་པོའི་བསྒྲུབ་པའོ། །དེ་ནས་རབ་ཏུ་བཤད་པ་ནི། །ཀུན་ཏུ་བཟང་ ― DNG014_Page_0600 ―
[མ་དཔེ་གཟིགས་ན་འདིར་གནོན།]
པོ་ཀུན་གྱི་མཆོག །ཧེ་རུ་ཀ་དཔལ་བདེ་བ་ཆེ། །འདི་ལ་ངེས་པར་འདོད་པ་ཡིས། །ང་དང་སངས་རྒྱས་ཐམས་ཅད་ཀྱིས། །སྐྱེས་བུ་རྣམས་ཀྱི་དོན་བཤད་པ། །སྨིན་གྲོལ་ཐོབ་པ་མ་གཏོགས་པ། །ཚིག་གཅིག་ཙམ་ཡང་མ་བསྟན་ཏེ། །རང་གི་རྒྱུད་སྨིན་འདོད་པ་ཡི། །སྐལ་བཟང་མཆོག་ལྡན་དེ་ཡིས་ནི། །སྲོག་ལུས་བློ་དང་རྫས་རྣམས་ཀྱིས། །ཡུལ་མཆོག་མཉེས་བྱས་འདོད་པ་བླང་། །བུམ་པ་གསང་བ་གསང་ཆེན་དང་། །ཐེག་པ་ཀུན་འདུས་བལྟ་བ་འདི། །རིམ་པ་རྣམས་ཀྱི་དང་པོའོ། །ལས་དང་རིག་པའི་བརྟུལ་ཞུགས་དང་། །ས་བཅུ་ཀུན་སྤྱོད་མཉམ་བཞག་སྟེང། །མངོན་པར་གནས་པའི་རིམ་བཞིན་དུ། །ཕན་ནུས་ཆོ་ག་ལམ་གྱི་དང་། །རྒྱལ་ཐབས་སྤྱི་བླུགས་ཐབས་ཆེན་ཡིན། །དང་པོའི་ལས་ཅན་དེ་སྨིན་པ། །དུས་གསུམ་སངས་རྒྱས་ཐམས་ཅད་ཀྱི། །སྤྲུལ་པ་འཇིག་རྟེན་བལྟམས་གྱུར་ཚེ། །ལྷ་ཀླུའི་དབང་པོས་དངོས་དབང་བསྐུར། །དགེ་སྦྱོང་ཆེན་པོ་སངས་རྒྱས་ཆེ། །བདུད་བཞི་དགྲ་ལས་རྒྱལ་བྱས་ནས། །ས་བདག་ལྷ་མོས་ལེགས་བརྗོད་ནས། །བཀྲ་ཤིས་བུམ་པས་དེ་དབང་བསྐུར། །ཆོས་ཀྱི་འཁོར་ལོ་བསྐོར་མཛད་དགོངས། །འཇིག་རྟེན་སྐྱོང་བ་བཞི་དག་གིས། །སངས་རྒྱས་ཀུན་གྱིས་བླངས་པ་ཡི། །དག་པའི་སྣོད་ཕུལ་དེ་དབང་བསྐུར། །འཁོར་ལོས་སྒྱུར་རྒྱལ་དེས་བུ་སྐྱོང་། །སྤྱི་བོར་བུམ་པ་ཡིད་བཞིན་བཏེགས། །འཁོར་ལོ་ཡོ་བྱད་སྣ་བདུན་གྱིས། །མངོན་པར་བསྟོད་པས་དེ་དབང་བསྐུར། །དཀའ་ཐུབ་སྤྱོད་པ་གནས་གྱུར་ན། །ཁྱེད་ཀྱིས་བསམ་གཏན་འདི་ཡིས་ནི། །མཐར་ཐུག་དོན་ཆེན་མི་ཐོབ་པས། །རང་གི་འོད་གསལ་དེ་ཟུང་ལ། །རང་དགའི་གནས་སུ་ཁྱོད་སོང་ལ། །བྱང་ཆུབ་མཆོག་ལ་དེ་ལོངས་སྤྱོད། །ཚིག་རྫོགས་དམ་པས་དེ་དབང་བསྐུར། །ལོངས་སྤྱོད་རྫོགས་སྐུའི་རྒྱལ་རྣམས་ཀྱིས། །མཚན་ཉིད་ལྡན་པའི་ཤེས་རབ་མའི། །བཙུན་མོའི་འཁོར་གྱིས་རོལ་མཛད་པ། །རིག་མ་ཆེན་མོས་དེ་དབང་བསྐུར། །མངོན་བྱུང་དེ་ཉིད་མ་དོར་ནས། །ཟབ་ཅིང་གཏིང་དཔག་དཀའ་བ་དང་། །ཞི་བ་མྱ་ངན་འདས་པའི་མཆོག །སྤྲོས་མེད་མཐའ་ལ་ཡོངས་མ་ ― DNG014_Page_0601 ―
[མ་དཔེ་གཟིགས་ན་འདིར་གནོན།]
དམིགས། །འདུས་མ་བྱས་ཤིང་ལྷུན་གྱིས་གྲུབ། །བདུད་རྩི་སྐྱོན་བྲལ་མཆོག་ཐོབ་པ། །དེ་ནི་རབ་རྫོགས་དེ་དབང་བསྐུར། །རིམ་པ་བཞི་ཡིས་དེ་རྫོགས་ཏེ། །དེ་ནས་གང་དུ་སྤོག་མ་བྱས། །རང་དང་གཞན་གྱི་ཚུལ་སྣང་ལས། །སྐུ་དང་ཡེ་ཤེས་ཚོགས་བྱུང་བ། །དབང་བཞི་རྫོགས་པའི་ཕྲིན་ལས་ཡིན། །དུར་ཁྲོད་ཆུ་གླིང་རི་དང་ལྗོངས། །དུས་ནི་རྒྱས་དང་འབྱོར་ལྡན་པས། །ཕུན་སུམ་ཚོགས་པའི་གནས་ཉིད་དུ། །གསོལ་བ་གདབ་དང་ཆོས་འབྱུང་ཞིང་། །ཡོན་ཏན་རབ་རྫོགས་འཕེལ་དུས་དེར། །བྱང་ཆུབ་སེམས་ལྡན་རྒྱུད་སྦྱངས་ཤིང་། །སྐྱོན་སྤངས་ཡོན་ཏན་རྫོགས་པ་དང་། །ཡོན་ཏན་དེ་ཉིད་ཐོབ་འདོད་པའི། །སྐྱེས་བུ་བློ་ལྡན་སློབ་མ་ཡིས། །རིགས་བཟང་སེམས་ཀྱིས་རབ་བསྐུལ་བའི། །རྟེན་རྒྱུད་བསྟར་བའི་སྤྱན་སྔ་རུ། །བརྟག་དང་བསླང་དང་བྱིན་གྱིས་བརླབ། །སྦྱངས་ཤིང་བཟུང་བ་སྔོན་སོང་བའི། །དཀྱིལ་འཁོར་བུམ་པ་ལྷ་རྣམས་དང་། །སློབ་མ་སྟ་གོན་བྱ་བ་ལས། །རྗེས་སུ་བསྙེན་པ་ལེགས་བཤད་ནས། །བྱང་ཆུབ་སེམས་རྗེས་བཟུང་བ་ཡི། །ཐིག་བྲིས་ཚོན་ནི་རིན་ཆེན་འབྲུ། །རྡོ་སོགས་ཏིང་ངེ་འཛིན་གྱིས་བྲིས། །ཡེ་ཤེས་ཆེན་པོ་ཉེར་བསྙེན་ནས། །སླར་ཡང་བཞི་གཞི་ཡང་ཡི་ལམ་སྦྱང་སྟེ། །ཕོ་བྲང་སྒོ་རུ་མེ་ཏོག་སྦྱིན། །གསོལ་བ་གདབ་ཅིང་སྤྲོ་བསྐྱེད་ནས། །ཀུ་ཤས་དག་བྱས་སྙིང་པོ་བསྒོམ། །ནང་དུ་རྡོ་རྗེ་ཆེན་པོ་བཟུང་། །ཀུ་ཤ་སོ་ཤིང་སྲུང་སྐུད་སྦྱིན། །དེ་དག་མཚན་ཉིད་ལྟས་ཀྱང་བརྟག །ལས་ཀྱི་ཆུ་ཡིས་གཙང་སྦྲ་སྤྱོད། །ཆོ་གས་ཡོངས་སུ་སྨིན་པ་དང་། །ནང་དུ་འདོང་ལ་དམ་ཚིག་བསྒྲག །རྡོ་རྗེ་འཛིན་པའི་ཡེ་ཤེས་དབབ། །མེ་ཏོག་ཕྲེང་བ་ལྷ་ལ་དོར། །གང་གི་རིགས་སུ་འགྱུར་བ་བརྟག །གསོལ་བ་བཏབ་པས་མིག་ཕྱེ་ནས། །གཟུགས་བརྙན་གཙོ་འཁོར་ལེགས་པར་བསྟན། །དེ་ནས་སྔགས་པའི་ས་ལ་བཞག །མེ་ཏོག་ཕྲེང་བས་དབང་བསྐུར་བྱ། །ལྷ་དང་བུམ་པ་དབུ་རྒྱན་དང་། །རྡོ་རྗེ་དྲིལ་བུ་མིང་ལ་སོགས། །རིག་པ་ཆེན་པོའི་དབང་བསྐུར་རོ། །རྡོ་རྗེ་སློབ་དཔོན་གནང་བའི་དབང་། །སེང་གེ་པདྨའི་ཁྲི་སྟེང་དུ། །རྡོ་རྗེ་དྲིལ་བུ་བརྟུལ་ཞུགས་དང་། །ཕྱག་མཚན་དང་ནི་དམ་ཚིག་གསུམ། །དབུགས་དབང་ལུང་བསྟན་ཕྱིར་མི་ཟློག །ཕྱི་ལྟར་ ― DNG014_Page_0602 ―
[མ་དཔེ་གཟིགས་ན་འདིར་གནོན།]
བཤད་པའི་བུམ་དབང་ངོ་། །བུམ་པའི་བཅུད་མཆོག་བདུད་རྩི་ལྔ། །བཏུང་བའི་དམ་པ་བླུད་པ་ནི། །རང་རྫས་བུམ་པ་གསང་བའོ། །བདེ་ལྡན་ལུས་ཀྱི་བུམ་པ་ནི། །སྟོང་ཕྲག་བདུན་ཅུ་རྩ་གཉིས་ཀྱི། །ཆུ་ཡིས་ཡེ་ཤེས་སེམས་དག་པ། །ཤེས་རབ་དག་པའི་བུམ་པའོ། །ཕྱག་རྒྱ་ལུས་ཀྱི་བུམ་པ་ལས། །སེམས་ཀྱི་ཆུ་རྒྱུན་བབས་པ་ཡིས། །ཐབས་མཆོག་གསང་བ་དག་བྱེད་པ། །སྦས་པའི་བུམ་པ་བཞི་པ་སྟེ། །ཐུན་མོང་གསང་བ་ཁྱད་པར་དང་། །རབ་ཏུ་སྦས་པ་དེ་དག་གིས། །ལུས་སུ་འཛིན་པའི་ཕྱོགས་ཀུན་སྨིན། །ཐབས་དང་ཤེས་རབ་ངེས་པར་དབབ། །ལུས་ཀྱི་ཉེས་གསུམ་དྲི་མ་སྦྱང་། །སྒྲིབ་ཚུལ་ས་དང་ལམ་གྱིས་སྦྱང་། །བསོད་ནམས་ཡེ་ཤེས་ཚོགས་ཀྱི་ལམ། །དམ་ཚིག་ཡེ་ཤེས་སྦྱོར་བའི་ལམ། །གཟུགས་བརྙན་མཐོང་བ་དེ་ཉིད་ལམ། །ཀུན་ཏུ་གནས་བསྒྱུར་བསྒོམ་པའི་ལམ། །ངེས་པར་ཐོབ་པ་མི་སློབ་ལམ། །དང་པོ་ལས་ཀྱི་ས་ཡིན་ཏེ། །གཉིས་པ་མོས་པ་སྤྱོད་པའོ། །དང་པོ་རབ་ཏུ་དགའ་བ་ནས། །བཞི་པ་བརྒྱད་པའི་བར་དུ་འགྲོ། །ཕྱི་ཡི་བརྒྱུད་པ་བསྐྱེད་རིམ་དང་། །ཕྲིན་ལས་བཞི་དང་གྲུབ་ཆེན་བརྒྱད། །ཐུན་མོང་ཡན་ལག་ཐབས་ཆེན་དང་། །དང་པོའི་ལས་ཀྱི་སྤྱོད་པ་བསྟན། །གཉིས་པ་རྗེས་སྤྱོད་རྣལ་འབྱོར་ཏེ། །གསུམ་པ་ལ་ནི་བདེན་པ་གཉིས། །ཀུན་རྫོབ་སྤྱོད་གསུམ་མཐར་ཐུག་ལའོ། །ཀུན་ཏུ་སྒྲ་ནི་ཇི་ལྟར་དང་། །ལྡེམ་པོ་མ་ཡིན་དྲང་བ་དང་། །ཚིག་ཙམ་ཡན་ལག་ཚོགས་སྣ་ཚོགས་ཀུན་ཀྱང་ཀུན་བསྟན། །ཀུ་ཤ་ལ་སོགས་གཙང་སྦྲ་ཡིས། །ལྟས་དང་མེ་ཏོག་དོར་ལས་བརྟག །ལུས་ཀྱི་བརྡ་དང་ཕྱག་རྒྱ་བསྟན། །མགོ་ལ་དབུ་རྒྱན་ཅོད་པན་ཏེ། །དག་བྱེད་རྫས་ཀུན་ལུས་དང་སྤྱིའོ། །དམ་ཚིག་རྡོ་རྗེ་དྲིལ་དུ་དག །ལག་ཏུ་བསྐུར་ཏེ་ནུས་པ་དབྱུང་། །དུར་ཁྲོད་ཆས་རྣམས་ལུས་ཀུན་ལ། །ཕྱག་རྒྱ་ཕྱག་མཚན་ལག་ལའོ། །དབུགས་དབྱུང་ཡོན་ཏན་སྤྲོ་བ་བསྐྱེད། །སྒྲུབ་རྫས་ལུང་སྦྱིན་ཀུན་ཕྱིར་རོ། །དོན་དམ་ཕྱིར་མི་ཟློག་ལ་བསྟན། །རྒྱན་གྱི་ཁྱད་པར་རང་གི་གནས། །རིན་ཆེན་ཉེ་བའི་རིན་ཆེན་བརྒྱད། །བཀྲ་ཤིས་ཉེ་བའི་བཀྲ་ཤིས་ཀྱིས། །ཚུལ་མཐུན་མ་ལུས་རྫས་ཀུན་གྱིས། །སྔགས་ཚིག་སྨོན་ལམ་རྣམས་ཀྱིས་སྦྱིན། །ཚད་མེད་བཞི་ཡི་དགོངས་པ་དང་། །རང་གིས་ལྷག་པའི་ལྷ་རྣམས་བསྡིམ། །དག་པའི་ཡོན་ཏན་རྒྱུད་ལྔ་སྦྱོང་། །ཀུན་གྲུབ་ཡེ་ཤེས་ལྔ་རྗེས་འཛིན། །ཕྱག་རྒྱ་དམ་ཚིག་གྲུབ་པ་ལྔ། །སློབ་མ་རྗེས་ ― DNG014_Page_0603 ―
[མ་དཔེ་གཟིགས་ན་འདིར་གནོན།]
སུ་སྨིན་བྱས་ནས། །སྒོ་གསུམ་སྒྲིབ་པའི་དྲི་མ་འཁྲུ། །ཕྲིན་ལས་ནུས་ཤིང་འབྲས་བུ་ཐོབ། །དེ་ཉིད་སོར་ཆུད་བདུད་བཞི་འཇོམས། །རང་བཞིན་གནས་དང་བསགས་པ་དང་། །དོན་རབ་ས་དང་ལམ་གྱི་རྗེས། །སངས་རྒྱས་ས་ཡི་ཡོན་ཏན་ལྡན། །ཐུན་མོང་དང་ནི་མཐར་ཐུག་པའི། །དངོས་གྲུབ་ཀྱིས་ནི་བཟང་འཛིན་ལྷག །བདུད་འཇོམས་འཕྲོད་པའི་ཡོན་ཏན་ནོ། །ནུས་པ་སྒྲིབ་འཁྲུད་སྒྲིབ་སྦྱོང་དང་། །ལས་བྱེད་པ་དང་འབྲས་བུ་ཐོབ། །མངོན་དུ་ཕྱོགས་དང་བདུད་འཇོམས་པའོ། །ཕྲེང་བས་མ་དད་དྲི་མ་འཁྲུད། །མོས་པས་སྤྱོད་པའི་སྒྲིབ་སྦྱོང་ཞིང་། །འདོད་ལྷ་མཉེས་པ་ལམ་ཡིན་ཏེ། །འབྲས་བུ་མཐོང་བའི་ལམ་མ་ཕྱོགས། །ཡི་དམ་དངོས་གྲུབ་ཉེ་བ་ཡིན། །གཟུང་འཛིན་ཕུང་པོའི་བདུད་རྣམས་བཅོམ། །ཆུ་ནི་བློ་གཉིས་དྲི་མ་དང་། །དང་པོའི་ས་ལ་དྲི་མ་འཁྲུ། །ཞེ་སྡང་ང་རྒྱལ་གྲོགས་སུ་སྤྱོད། །ལམ་བསྒོམ་རིམ་གཉིས་དངོས་གྲུབ་ཡིན། །ཉོན་མོངས་རྟོག་པའི་བདུད་རྣམས་འཇོམས། །མིང་གདགས་རྡོ་རྗེ་དྲིལ་བུ་ཡིས། །ཕྱི་ནང་མཚན་མ་གནས་ངན་ལེན། །རང་བཞིན་གཡེང་བ་ལྔ་ཉིད་དང་། །གཉིས་བརྒྱད་བར་གྱི་དྲི་མ་སེལ། །འདོད་ཆགས་ཕྲག་དོག་རྣམ་དག་པའི། །རིགས་སུ་བྱེད་ཅིང་འབྲས་བུ་ནི། །མཐར་ཕྱིན་ས་ལ་མངོན་ཕྱོགས་ཤིང་། །ལྟར་སོགས་ཐུན་མོང་གྲུབ་པའོ། །འཆི་བདག་གནོད་པའི་བདུད་འཇོམས་བྱེད། །གསུམ་པས་གཡེང་བ་ཕྲ་མོ་དང་། །ས་བཅུ་ཐ་མ་ངེས་གསལ་བས། །ས་ལམ་གོང་མ་དེ་བསྟན་བྱེད། །བརྟུལ་ཞུགས་ཀྱིས་ནི་མེ་ཏོག་བརྟན། །ཆུ་དང་དབུ་རྒྱན་དམ་ཚིག་གིས། །བུམ་པར་བརྟན་པ་བཀའ་སྩལ་ཏོ། །ལུས་བརྟན་རྡོ་རྗེ་དྲིལ་བུས་བྱས། །བདག་པོའི་དབང་གིས་དབུགས་དབྱུང་ངོ་། །རྡོ་རྗེ་འཛིན་པའི་ས་ལ་ཕྱོགས། །འབྲས་བུ་དངོས་གྲུབ་བརྟན་པར་བྱེད། །ལྷ་དང་འདྲེལ་པའི་བདུད་འཇོམས་ནུས། །མེ་ཏོག་གིས་ནི་འབྲས་བུ་ཞི། །དབུ་རྒྱན་ཆུ་ཡིས་རྒྱུ་མཐུན་བྱེད། །རྣམ་སྨིན་རྡོ་རྗེ་དྲིལ་བུ་ཡིས། །མིང་གི་སྐྱེས་བུ་རབ་ཏུ་བྱེད། །འབྲས་བུ་དྲི་མེད་བརྟན་པ་བཞི། །ངས་བཤད་ཡོན་ཏན་མ་ལུས་པ། །འདི་ཡི་འབྲས་བུར་འགྱུར་བ་སྟེ། །རྒྱུ་དང་འབྲས་བུའི་རྟེན་འདྲེལ་གྱིས། །མཐར་ཐུག་ནུས་པ་འབྱིན་པ་སྟེ། །ང་ཡི་བསྟན་པ་དང་པོའོ། ། ― DNG014_Page_0604 ―
[མ་དཔེ་གཟིགས་ན་འདིར་གནོན།]
དེ་ནས་རིམ་པ་གཉིས་པ་ནི། །ང་དང་སངས་རྒྱས་ཐམས་ཅད་ཀྱི། །རིགས་ཀྱི་བདག་པོ་རྡོ་རྗེ་འཆང་། །གནས་མཆོག་དམ་པ་འདི་ཉིད་དུ། །འདོད་ཆགས་རྡོ་རྗེའི་ཏིང་འཛིན་གྱིས། །རིགས་ཀྱི་དཀྱིལ་འཁོར་རབ་བསྡུས་ཏེ། །ཧེ་རུ་ཀ་དཔལ་ཡབ་ཡུམ་གྱི། །གསང་བ་ཐུགས་ཀྱི་དཀྱིལ་འཁོར་དུ། །རྒྱལ་ཐབས་སྤྱི་བླུགས་དབང་བླང་བ། །བྱང་ཆུབ་སེམས་དཔའ་སེམས་དཔའ་ཆེ། །ཀུན་རྫོབ་ཀྱིས་ནི་དོན་དམ་མཆོག །རང་གི་རིགས་སུ་བསྒྲུབས་པ་ལས། །དབང་མཆོག་ཆེན་པོར་བསྐུར་བ་ནི། །ང་དང་ང་ཡི་སྲས་རྣམས་ཀྱིས། །རྒྱུད་ཆེན་དམ་པ་དེ་བཤད་དོ། །གནས་ནི་ཡབ་ཡུམ་གསང་བའི་མཁའ། །ཁྱད་པར་ལྷན་ཅིག་སྐྱེས་པ་དང་། །དུར་ཁྲོད་ཞིང་དང་སྔགས་ལས་སྐྱེས། །རང་གི་གནས་དང་རིགས་ངན་དང་། །མཚན་མ་ཅན་དང་སྟོབས་ཅན་དང་། །གར་མཁན་ཚོས་མ་གདོལ་པ་མོ། །གཡུང་མོ་མདའ་མཁན་མ་ལ་སོགས། །རྒྱུད་སྦྱང་ཡོན་ཏན་ཕུན་སུམ་ཚོགས། །ང་ཡིས་བསྔགས་པའི་མཚན་ཉིད་ལྡན། །འདི་ནི་གནས་ཀྱི་དམ་པའོ། །གང་གི་ཡོན་ཏན་དེ་རྫོགས་ནས། །པདྨའི་ཆུ་རྒྱུན་འབབ་པ་དང་། །ཧེ་རུ་ཀ་ལ་གསོལ་བཏབ་ནས། །གནང་བ་ཐོབ་པ་དུས་སུ་བརྟག །ཡབ་ཡུམ་གཉིས་མེད་གསུམ་བླང་ཡུལ། །བུམ་པའི་ཡོན་ཏན་རྫོགས་པ་དང་། །བཟླས་པའི་རྣལ་འབྱོར་བརྟུལ་ཞུགས་ཅན། །ལོངས་སྤྱོད་འདོད་པ་ལེན་པའོ། །ཐོག་མར་ལུས་ཀྱི་དཀྱིལ་འཁོར་བརྟག །རྒྱ་ནི་འདོམ་གང་དེ་ཉིད་དོ། །ལེགས་པར་འབབ་པ་སྒོ་བཞི་སྟེ། །སྣང་བ་ལྔ་ནི་ཁ་དོག་ཡིན། །དྷཱུ་ཏི་དབུ་མ་ཚངས་པའི་ཐིག །གཡས་གཡོན་གཉིས་ནི་རྡོ་རྗེའི་གདུང་། །ཀ་བ་རྐང་བརྒྱད་དེ་ཉིད་ནི། །ཡན་ལག་བཞི་ནི་རྟ་བབས་ཡིན། །རྩ་བའི་སྙིང་ནི་ཕོ་བྲང་སྒོ། །སྙིང་གཞན་སྣོད་བཞིར་བཅས་པ་ནི། །ཕོ་བྲང་ཆེན་པོ་བརྒྱད་ཡིན་ནོ། །ཤ་དང་རུས་པ་བརྩིག་པ་སྟེ། །ཁྲག་དང་ཆུ་སེར་ཞམ་ཆུ་ཡིན། །པགས་ཆེན་ཕྱི་ཡི་འཁོར་ཡུག་སྟེ། །བ་སྤུ་མེ་རི་འབར་བའོ། །དབང་པོ་ཡུལ་བཅས་གདན་དང་ཁྲི། །སྐྲ་དང་མིག་ནི་རྒྱལ་མཚན་མཐོང་། །ཕུང་པོ་ལྔ་ནི་གཙོ་ཆེན་ལྔ། །འབྱུང་བ་ལྔ་ནི་ཡུམ་ཆེན་ལྔ། །རྣམ་པར་ཤེས་བརྒྱད་ཡུལ་དང་བཅས། །རིགས་ ― DNG014_Page_0605 ―
[མ་དཔེ་གཟིགས་ན་འདིར་གནོན།]
ཀྱི་གཙོ་ཆེན་བརྒྱད་ཡིན་ནོ། །སེམས་དང་སེམས་ལས་བྱུང་བ་དང་། །སྣང་བ་དང་ནི་དེ་ལས་སྐྱེས། །རྟོག་པའི་རང་བཞིན་མ་ལུས་པ། །ཞི་དང་ཁྲོ་དང་རྣམ་པར་གནས། །ཐམས་ཅད་མ་ལུས་དེ་ཡི་འཁོར། །བཟའ་དང་བཏུང་བ་བདུད་རྩི་ལྔ། །མཉེས་པའི་མཆོད་པ་སྣ་ཚོགས་ཡིན། །ལུས་ལ་རྫོགས་པའི་དཀྱིལ་འཁོར་དེ། །གཞུང་ནས་གནས་པ་དེ་ཤེས་པ། །དེ་ལ་དམ་པ་དེ་མཆོད་དོ། །རྗེས་སུ་གནས་པའི་དཀྱིལ་འཁོར་ནི། །བྷ་ག་སོགས་པའི་གཞལ་ཡས་ཁང་། །དེ་ལ་བརྟག་བཟུང་སྦྱང་བ་དང་། །བྱིན་བརླབ་བརྒྱན་དང་བདུག་དང་བཀྲུ། །མཆོད་དང་མཉེས་པ་དགྱེས་པར་བྱ། །ཕྱི་རོལ་དུ་ནི་གདོང་བཀབ་ནས། །གསོལ་བ་གདབ་ཅིང་བསྐོར་ནས་སུ། །ཕྱག་བཙལ་མེ་ཏོག་དབུལ་བར་བྱ། །དམ་ཚིག་གི་ནི་རྫས་ཀྱིས་དབབ། །མིག་ཕྱེ་མཐོང་བརྟག་བསྟན་ཅིང་བརྟག །ནང་རོལ་དུ་ནི་གཙོ་ཆེན་དང་། །ཁམས་གསུམ་བདག་པོ་མཉམ་སྦྱོར་བས། །བཞི་དང་དུག་དང་འཁོར་ལོ་དག །རིམ་གྱིས་ཕབ་སྟེ་སྦྱིན་པར་བྱ། །དཀར་ཆུ་སྤོས་དང་རྒྱུན་དྲག་དང་། །ཚངས་སྒོར་འབར་དང་མིང་བྱིན་བརླབ། །སྒྲ་དང་བདེ་དང་བླང་བ་དང་། །རྣམ་པར་མི་རྟོག་ལོངས་སྤྱོད་དང་། །བདེ་ཐོབ་འོད་དང་གསལ་བ་སྟེ། །ཕྲེང་བ་ཆུ་དང་དབུ་རྒྱན་དང་། །རྡོ་རྗེ་དྲིལ་བུ་མིང་དང་ནི། །བརྟུལ་ཞུགས་ལུང་བསྟན་ཕྱིར་མི་ལྡོག །དབུགས་དབྱུང་གསང་བའི་དབང་ཡིན་ནོ། །ག་པུར་ཙནྡན་བདུད་རྩི་ལྔ། །དབབ་ཕྱིར་ཁྲོ་ཁྲི་ཡི་ཡང་བོའི་ཚུལ་དུ་བྱ། །སེམས་ཅན་དབབ་པ་དེ་ཡི་ཐབས། །པདྨ་གཙོ་རྩི་ཡིན་གསང་བ་ཡིས་ཡང་མིན་གསང་བའོ། །ནོད་པ་དེ་ནི་སྤྲུལ་པའི་གནས། །རྡོ་རྗེ་པདྨ་འདུས་པ་དག །སྐྱོན་ཡོན་གསུམ་གྱིས་སྐུ་གསུམ་མཆོད། །འགྲོ་བའི་སྒོར་དབབ་སྦ་ཞིང་གསང་། །དེ་ཉིད་རྣམ་པ་བཞི་ཡིན་ཏེ། །རང་བཞིན་ཆུ་འབབ་བུམ་པ་ལས། །རོ་མྱང་བ་ནི་གསང་བ་ཡིན། །རྟོག་མེད་ལམ་ཐོབ་གསུམ་པ་སྟེ། །གཉིས་མེད་ཡེ་ཤེས་བཞི་པ་ཡིན། །པདྨ་གཙོ་སྟེ་སྣང་བ་དག །ཕྱི་ནང་གསང་གནས་དག་གི་ལམ། །ཡུལ་གསུམ་རྒྱུ་ལ་དྲི་མ་མེད། །སྒོ་གཉིས་པ་ཡི་སྦྱོང་སྔགས་ཏེ། །དང་པོའི་ས་ལ་སློབ་པ་ཡོད། །དགོངས་དང་ངེས་དང་ཇི་ལྟར་མིན། །སྦས་དང་མ་ལུས་ལྡན་པ་དག །རྣལ་འབྱོར་ཆེན་པོའི་དོན་ཡིན་ནོ། །སྦས་ ― DNG014_Page_0606 ―
[མ་དཔེ་གཟིགས་ན་འདིར་གནོན།]
དང་སྦྱོར་དང་རིག་པ་དང་། །ཞི་དང་ཁྲོ་སོགས་བརྡ་རྣམས་བསྟན། །རྩ་བ་ཡན་ལག་བཅས་པ་དག །ལོངས་སྤྱོད་ཐམས་ཅད་རབ་ཏུ་བླངས། །ཇི་སྙེད་སངས་རྒྱས་ཐམས་ཅད་དང་། །གཙོ་བཟུང་ཐུགས་དམ་བསྐང་བ་ལས། །གཞལ་ཡས་ཁང་གི་དབུས་དག་ཏུ། །བདེ་བྱེད་ཡོ་ག་གསང་བའི་རྒྱུན། །རྡོ་རྗེ་པདྨ་རབ་བརྙེས་པ། །སེམས་མཚོན་མཉམ་འདྲེས་བདེ་བར་གསལ། །ཐིམ་སྦྱོར་བསམ་པ་བསམ་དགོངས་པ། །ངག་གི་ལས་སྒྲིབ་དེ་དག་ཀྱང་། །ཐབས་དང་ཤེས་རབ་སྟོབས་ཀྱིས་ནི། །བཅུ་གཉིས་པ་ནི་མངོན་དུ་བྱེད། །ཐབས་ཀྱི་ཕུང་པོའི་བདུད་འཇོམས་ཤིང་། །ཉོན་མོངས་བདུད་ནི་ཤེས་རབ་ཀྱིས། །གཉིས་སུ་མེད་པས་སྤྲོ་ཏ་སྟེ། །སྤྲོ་བ་ཡི་ནི་ལྷ་རྣམས་ཏེ། །འཇོམས་བྱེད་ནུས་པ་མཐར་ཐུག་གིས། །འབད་རྩོལ་དྲི་མེད་ཐབས་ཤེས་རབ། །རྒྱུ་མཐུན་ལེན་པ་ངོ་བོ་ཉིད། །རྣམ་པར་བསྙེན་པའི་རིམ་པ་སྟེ། །ཡུལ་གསུམ་མཉེས་ཚུལ་དུལ་བའི་ཚུལ། །ཕྱོགས་རྣམས་ཀུན་ཏུ་མཉེས་པ་སྟེ། །རིམ་པ་ཆེན་པོ་དེ་བསྟན་ནོ། །དེ་ནས་རིགས་ཀྱི་དཀྱིལ་འཁོར་ཏེ། །ངས་སྔོན་ཕལ་པའི་འཁོར་རྣམས་ལ། །ཁྱོད་ཀྱིས་སྲོག་ཆགས་བསད་པ་དང་། །མ་སྦྱིན་བླངས་ཤིང་མི་ཚངས་སྤྱད། །བརྫུན་ཚིག་སྨྲ་བར་བྱོས་ཞེས་བཤད། །དེ་ལ་ཁ་ཅིག་དངངས་པ་དང་། །སྐྲག་པར་གྱུར་པ་དེ་བཤད་དེ། །རྒྱས་པར་གྱུར་པ་ཀུན་བླངས་ནས། །རབ་ཏུ་སྦས་ཏེ་དགོངས་བཤད་པ། །རྣམ་པར་རྟོག་པའི་ཚོགས་དབེན་པ། །ལུས་ནི་རི་བོ་དགོན་པའི་གནས། །རང་བྱུང་སེམས་ནི་སྒྲུབ་པ་ཡིས། །མཚན་ཉིད་ལྡན་འབོལ་བདེ་བའི་སྟན། །སྙེད་པའི་བརྙེས་པའི་གསང་བ། ཡང་གནང་བ་དབང་ཐོབ་དུས། །ཡབ་ཡུམ་ཕྱི་ནང་བླ་མ་ཡིས། །གོང་གཉིས་རྫོགས་དང་གསང་ཚིག་ལ། །མོས་ཤིང་ཉེ་གྱུར་སློབ་མ་སྟེ། །རྟེན་བཟང་ཚེ་འཕེལ་འབྲམ་ཀྱང་ལ་སོགས་མིན། །འཁོར་ལོ་བཞི་ཡི་དཀྱིལ་འཁོར་དང་། །ཤེས་རབ་ཕྱག་རྒྱའི་དཀྱིལ་འཁོར་ཏེ། །བཟུང་དང་སྦྱངས་དང་བྱིན་གྱིས་བརླབས། །བྱིན་གྱིས་བརླབ་བྱ་གོང་དུ་བརྟག །ལྷ་དང་སྔགས་ཀྱི་ལུང་བསྟན་ནས། །ངས་བཤད་མཚན་ཉིད་ཀུན་ལྡན་པ། །བཅུ་དྲུག་ཉི་ཤུ་ལྔ་ཡི་བར། །ལྷན་ཅིག་ཞིང་དང་སྔགས་ལས་སྐྱེས། །མ་དང་སྲིང་མོ་བུ་མོ་སོགས། ། ― DNG014_Page_0607 ―
[མ་དཔེ་གཟིགས་ན་འདིར་གནོན།]
འདི་ལ་རྣམ་རྟོག་ཡོད་མ་ཡིན། །ལྷ་དང་དཀྱིལ་འཁོར་སྔོན་བཞིན་ཏེ། །གསང་བའི་འཁོར་ལོ་རྣམ་པ་བཞི། །གསལ་བའི་འདབ་མ་རང་གི་གནས། །རྩ་ལ་ཡི་གེའི་རྣམ་པ་ཅན། །སྔོན་དུ་བཤད་པ་རབ་བསྟན་ཏེ། །གཡས་གཡོན་དབུས་གསུམ་མཚན་ཉིད་བརྟག །རྒྱན་ལྡན་མཛེས་པའི་དཀྱིལ་འཁོར་དུ། །དྲིས་བསྒོས་མཆོད་ཚོགས་རྣམས་ཀྱིས་བརྒྱན། །མ་ལུས་ལྷག་པའི་ལྷ་རུ་བསྒོམ། །ཨོཾ་ཧཱུཾ་ཕཊ་དང་ཨཱཿཡིས་ནི། །རྡོ་རྗེ་པདྨ་བྱིན་གྱིས་བརླབ། །གནས་གཟུང་འཇུག་པར་གསོལ་གདབ་སྟེ། །བརྟུལ་ཞུགས་བླང་དང་དབབ་པར་བྱ། །དེ་ནས་དེ་ཡི་རིགས་ཀུན་ལ། །དགའ་ཤིང་གུས་པའི་སེམས་བསྐྱེད་དེ། །ཕྱག་བཙལ་ནས་ནི་མེ་ཏོག་གཏོར། །ཤེས་རབ་སངས་རྒྱས་མིག་ཕྱེ་སྟེ། །ལུས་ཀྱི་དཀྱིལ་འཁོར་མ་ལུས་བསྟན། །ཆགས་ཆེན་གླུ་གར་རོལ་མོའི་བརྡ། །མཚན་ཉིད་བཞི་སོགས་རྒྱུན་དབབ་དང་། །དང་པོའི་སྒོ་སྦྱར་རྡོ་རྗེ་དགོད། །བསྐྱོད་པའི་སྒྲ་ལྡན་ཧཾ་ཕཊ་འབོད། །སོ་སོར་གནས་བསྒྱུར་ངེས་པ་བསྐྱེད། །ལུས་ཀྱི་མི་མེ་ཏོག་ཡང་གཏོང་ངག་གིས་སྨྲས། །པདྨར་ཐུང་བྱེད་ཕྱིར་མི་ལྡོག །བུམ་པ་ཕྲེང་ཆུ་དབུ་རྒྱན་དང་། །རྡོ་རྗེ་དྲིལ་བུ་མིང་བརྟུལ་ཞུགས། །དམ་ཚིག་དབུགས་དབྱུང་ལུང་བསྟན་ནོ། །ཕྱི་རིམ་མཐོང་བའི་ཡེ་ཤེས་ཆེ། །ཤེས་རབ་བདེ་ཆེན་འཁོར་ལོས་སྲོག །དབབ་ཅིང་མྱང་བ་ནང་གི་སྟེ། །ཞུ་བདེ་སྐད་ཅིག་རྣམ་བཞི་ཡིས། །ཀུན་ཏུ་བདེ་ཐོབ་གནས་པའོ། །ཕྱི་རུ་བརྡ་སྤྲད་བུམ་པ་སྟེ། །པདྨ་རྡོ་རྗེ་ཕྲད་གསང་བ། །རབ་བདེ་གསུམ་པ་ཡེ་ཤེས་བཞི། །གནས་ཀྱི་སེམས་ཀྱི་བླང་བ་དེའོ། །བུད་མེད་སྒྱུ་མ་སེམས་ཀྱིས་བརྡས། །མཚན་ཉིད་རྣམ་པའི་ལུས་ཀྱིས་མྱང་། །ཤེས་རབ་སྐལ་བ་མེད་པས་ཀྱང་། །རླུང་སེམས་འགོག་པའི་ཐབས་ཀྱིས་ཀྱང་། །བདེ་ཆེན་སྐད་ཅིག་མཐར་ཐུག་མཚོན། །སེམས་སྦྱང་མཁྱེན་པའི་ཡེ་ཤེས་བསྒྱུར། །མ་ཆགས་པདྨ་ཅན་དུ་སླེབ། །སེམས་རིག་རང་བཞིན་འོད་གསལ་བརྟན། །རྩ་གཉིས་ཀྱིས་ནི་གཟུང་འཛིན་འགོག །གཅིག་གིས་ལས་རྣམས་ཀུན་ལས་བརྟག །འོད་ཟེར་འཕྲོ་དང་བསྐྱོད་དང་འབར། །འབབ་ཅིང་སྐྱེས་གང་བདེ་ཆེན་སྐུ། །དེ་ཉིད་རྩ་ལྔ་རླུང་བཅུ་ཡིས། །ལས་སུ་ཀུན་ ― DNG014_Page_0608 ―
[མ་དཔེ་གཟིགས་ན་འདིར་གནོན།]
བྱེད་སྤྲུལ་པའི་སྐུ། །སྟེང་འོག་སྒོ་དང་བར་རྣམས་སུ། །རླུང་དང་སྔགས་ཀྱི་དེ་ཉིད་ཀྱིས། །རབ་སྦྱར་འབྱུང་དང་རྔུབ་པ་དང་། །བཟླས་དང་རིག་དང་སྒྱུ་མའི་ཚུལ། །བདེ་དང་གསལ་དང་མི་རྟོག་ལས། །རྒྱུན་མི་འཆད་པའི་ཡེ་ཤེས་ཀྱིས། །འཁོར་དང་འདས་ཚུལ་དམ་ལུས་ཤིང་། །མ་ནོར་དེ་ཡིས་ཤེས་འབྲས་བུ། །ཕྱི་རོལ་སྨིག་རྒྱུ་དུ་བ་དང་། །སྲིན་བུ་གློག་དང་མར་མེ་དང་། །ནམ་མཁའ་ལྟ་བུ་རིམ་བཞིན་འབྱུང་། །བརྟན་རྫོགས་རིམ་པ་ལྔ་དག་གིས། །སྐད་ཅིག་དགའ་དང་བརྡ་བཅུ་གཉིས། །རང་རིག་བདུད་རྩི་ལྔ་སྤྱད་ཅིང་། །དེ་འདོད་ཡོན་ཏན་ལྔ་ཉིད་སྤྱད། །བདེ་སྤྱོད་ཆོ་འཕྲུལ་རྣམ་པ་བཞི། །སྤྱི་མགྲིན་སྙིང་ག་ལྟེ་བ་དང་། །གསང་སྦས་གནས་ཆེན་བཅུ་དྲུག་ལས། །ཡར་འཕེལ་མར་འགྲིབ་ཕྱེད་ཕྱེད་བཞི། །ཨ་སོགས་ཡི་གེ་བཅུ་དྲུག་དང་། །སུམ་ཅུ་རྩ་གཉིས་དྲུག་ཅུ་བཞི། །བརྒྱད་ཀྱི་ཕྱེད་དང་བཞི་ཉིད་ཀྱིས། །ཀ་ཙ་ཊ་ཏ་པ་ཡ་ཤ་ཀྵ། །ཨོཾ་ཨཱཿཧཱུཾ་དང་ཧཾ་གིས་ནི། །འཁོར་ལོ་དབུས་སུ་དེ་ཉིད་ཀྱིས། །ཐབས་དང་ཤེས་རབ་གཉིས་གཉིས་སྦྱོར། །ཏིང་འཛིན་ལྷ་དང་ལུས་དང་རྩ། །དབུགས་རླུང་བཅུ་དང་ཐིག་ལེ་ལྷ། །ཐ་མལ་སེམས་དང་བྱང་ཆུབ་སེམས། །དེ་ལ་དེ་བརྟེན་རིམ་པར་རྫོགས། །གནས་དང་འཕྲོ་དང་རབ་ཏུ་འཕྲོ། །ཐིམ་པ་སྐུ་ཡི་ནུས་པ་ནི། །དང་པོ་དང་ནི་བཅུ་གཅིག་པའི། །སྒྲིབ་འཇོམས་ཕྱག་རྒྱ་དེ་ཐོབ་ནུས། །བཅུ་གཉིས་པ་ཡི་རིག་པ་འཛིན། །སྤྱི་བོ་སྤྲུལ་པའི་བར་འཁོར་ལོས། །ཉོན་མོངས་ནས་བརྩམ་བདུད་བཞི་འཇོམས། །དམ་ཚིག་འཁོར་ལོ་པདྨའི་གནས། །རྡོ་རྗེ་བདེར་བསྐྱེད་བདེ་འབབ་པའི། །སྤྲུལ་པའི་ཆོས་སྤྱོད་བདེ་བ་ཆེ། །རྣམ་སྨིན་རྒྱུ་མཐུན་ཆོས་ཀྱི་སྐུ། །དྲི་མེད་སྐྱེས་བུ་སྣ་ཚོགས་བྱེད། །དེ་ཡི་རྗེས་སུ་རྣལ་འབྱོར་དེས། །འདི་ནི་ཤེས་རབ་ཡེ་ཤེས་ཀྱིས། །རིམ་པ་གསུམ་པར་འགྱུར་བ་ཡིན། །ངས་སྔོན་མཐར་ཐུག་བསྟན་པ་ལ། །བྱང་ཆུབ་སེམས་དཔའ་ཁྱེད་རྣམས་ཀྱིས། །ངག་གསལ་བ་ཡི་ཡེ་ཤེས་བགྲུབ། །རྣམ་པར་རྟོག་པ་དེར་གསལ་ན། །དེ་ལ་དེ་ནི་ཡོད་མ་ཡིན། །རང་གིས་རང་རིག་ཡེ་ཤེས་ཏེ། །ཐེག་པའི་བལྟ་བ་སྤྱི་འབྱམས་ ― DNG014_Page_0609 ―
[མ་དཔེ་གཟིགས་ན་འདིར་གནོན།]
བསྟན། །ཐུགས་མཆོག་འགྱུར་མེད་དེ་ལ་གནས། །དུས་གསུམ་དུས་མེད་དུས་ཀྱི་མཆོག །སེམས་ཉིད་གང་ཤེས་བླ་མར་མོས། །བསམ་གྱིས་མི་ཁྱབ་དེ་ཡི་སྲས། །གཉིས་མེད་ཡེ་ཤེས་དཀྱིལ་འཁོར་དེ། །རང་གིས་གསང་ཆོད་མི་རིག་སྟེ། །དེ་ཉིད་གང་མཐོང་མིག་ཕྱེད་པའི། །གོམས་སྟོབས་ལམ་ནུས་དཀྱིལ་འཁོར་མཆོག །ཀུན་ལ་དབང་བསྒྱུར་རང་རིག་པའི། །རྩལ་ཆེན་རྫོགས་པ་རང་དབང་མཆོག །བལྟ་བ་ཐེག་པ་སྤྱི་འབྱམས་ཀྱིས། །ཁོང་དུ་ཆུད་པའི་རྣམ་གྲངས་ཡིན། །དེ་ཉིད་གསང་བ་གཉིས་པ་སྟེ། །གསུམ་སོགས་བརྗོད་ལ་བསམ་མི་ཁྱབ། །མཉམ་ཉིད་ཡེ་ཤེས་ཆེན་པོ་སྟེ། །གཅིག་དང་དུ་མར་འཛིན་ལས་གྲོལ། །འོད་གསལ་གཞི་དང་ལམ་འབྲས་བུ། །སེམས་ཉིད་ཆོས་ཉིད་ངོ་བོ་ཉིད། །ཐབས་གསུམ་དང་ནི་ཤེས་རབ་གསུམ། །སྣང་བ་གསུམ་དང་སྟོང་པ་གསུམ། །མ་ལུས་ཟུང་དུ་འཇུག་པ་སྟེ། །དབྱེར་མེད་ཡི་གེ་འཁོར་ལོ་ཉིད། །རྫོགས་པ་ཆེན་པོའི་ས་ཞེས་བྱ། །བཅུ་གསུམ་དེ་ནི་བརྗོད་ལས་འདས། །དེ་ལ་བརྟན་བྱ་ཡོད་མིན་ཞིང་། །སྟོན་པར་བྱེད་པ་མེད་ཉིད་བསྟན། །སྣང་དང་སྟོང་པ་ཇི་སྙེད་བརྡ། །རྣམ་པར་རྟོག་པ་དེ་ཡི་རྫས། །དགོངས་པ་རང་རིག་དེ་ཡི་རྫས། །འགྲན་ཟླ་མེད་པ་དེ་ཡི་ནུས། །ཀུན་གྱི་མཆོག་གྱུར་འབྲས་བུ་ཡིན། །རིམ་པ་འདི་བཞི་ཚོགས་པ་ནི། །རྟེན་འགྱུར་གཅིག་གིས་ཤེས་གྱུར་གྱིས། །ཀུན་ལ་དབང་བསྒྱུར་ངེས་པའི་ཚིག །ཀུན་མཁྱེན་གོ་འཕང་རྟོགས་པའི་ཐབས། །ཇི་ལྟར་འབད་པ་སྒྲུབ་པ་སྟེ། །ཕྱོགས་ཀུན་མཉེས་བྱ་དམ་ཚིག་སྟེ། །མ་རྫོགས་པ་ཡིས་རྫོགས་བྱ་མིན། །རྫོགས་ལ་མ་རྫོགས་དེ་བཞིན་ནོ། །སྐུ་གསུང་ཐུགས་དང་ཁྱད་པར་དང་། །སྤྱི་དང་ཁྱད་པར་ཐུན་མོང་བཅས། །རྡོ་རྗེ་འཆང་བ་མི་སྨད་ཅིང་། །དེས་གསུང་འཐུན་པའི་བཀའ་མི་རྫབ། །དེར་རྟོགས་སྤུན་ལའང་ཁྲོ་བ་མིན། །ཀུན་ཏུ་བྱམས་པ་དོར་མི་བྱ། །བྱང་ཆུབ་སེམས་ཀྱང་རབ་ཏུ་གཟུང་། །གཞན་དོན་ཕྱོགས་ཀུན་སུན་མི་དབྱུང་། །གསང་བ་ཡུལ་མིན་དེར་མི་བརྗོད། །སྐུར་གྱུར་ལུས་ལ་མི་བརྙས་ཏེ། །ལེགས་བཤད་སོམ་ཉི་ག་ལ་བྱ། །བསྟན་ལ་རབ་སྡང་རྗེས་གཟུང་མིན། །ཐ་མལ་རྟོགས་པ་བསྐྱང་མི་བྱ། །ལྷག་ ― DNG014_Page_0610 ―
[མ་དཔེ་གཟིགས་ན་འདིར་གནོན།]
པར་མོས་པ་སུན་མི་དབྱུང་། །ཤེས་རབ་རྟེན་ལ་སྨོད་པ་སྤང་། །ངས་བཤད་གང་ཡིན་ཅུང་མི་འདའ། །གང་གིས་དེ་ལ་བཤད་བྱ་ཞིང་། །ཡང་དག་ས་ལ་སྦྱར་ལ་སོགས། །ང་ཡིས་ཐོག་མ་བར་ཐ་མར། །བཤད་པ་དེ་ལ་མ་འདའ་ཞིག །གལ་ཏེ་རྣམ་པར་ལྡོག་གྱུར་ན། །བརྗོད་པའི་ཚིག་འདིས་རབ་ཏུ་སྦྱངས། །ཨོཾ་བདེ་གཤེགས་ཀུན་འདུས་རྒྱལ་བ་ཞི་ཁྲོའི་ངང་། །ཆོས་སྐུ་སྤྲོས་བྲལ་བདེ་ཆེན་གདོད་ནས་དག །ལོངས་སྤྱོད་རྫོགས་སྐུ་བསམ་འདས་བརྗོད་མི་ལང་། །སྤྲུལ་སྐུ་འགྲོ་དོན་རྫོགས་མཛད་བདག་ལ་དགོངས། །ཨོཾ་ཀུན་ཏུ་བཟང་པོ་ཆེ་མཆོག་ཧེ་རུ་ཀ །འགྲོ་འདུལ་ཐབས་ཀྱི་གཙོ་བརྒྱད་འཁོར་དང་བཅས། །ཡོན་ཏན་སྐུ་གསུང་ཐུགས་དང་ཕྲིན་ལས་བདག །འདོད་འབྱུང་ཀུན་རྫོགས་ལྷ་ལ་ཕྱག་འཚལ་བསྟོད། །ཨོཾ་དཔལ་ལྡན་ཞི་ཁྲོ་དབང་ཕྱུག་གསང་བའི་ཚོགས། །ཕྱི་ནང་གསང་བ་དེ་ཉིད་མཆོད་པའི་ཚོགས། །སྐུ་གསུང་ཐུགས་མཉེས་ནམ་མཁའི་གཏེར་མཛོད་ཀྱིས། །བླ་མེད་མཆོད་སྤྲིན་མཆོག་སྦྱར་མཆོད་པར་བཞེས། །ཨོཾ་ཐོག་མེད་དུས་ནས་འཁོར་འདས་བདག་གཞན་ཚུལ། །གཉིས་མེད་བྱང་ཆུབ་སེམས་སུ་གཅིག་ཉིད་ཀྱང་། །ལས་ཀྱི་འཁྲུལ་པས་ཐ་དད་སོ་སོར་གནས། །གཉིས་འཛིན་ལོག་ལྟའི་ཡིད་ཀྱིས་ཐེ་ཚོམ་བྱུང་། །མ་རིག་བག་ལ་ཉལ་གྱི་རྣམ་རྟོག་གིས། །རྒྱལ་བའི་དགོངས་སྤྱོད་ཟབ་མོ་གཏིང་མ་ཕྱིན། །ཐབས་དང་ཤེས་རབ་ཡ་བྲལ་བླང་དོར་སྤྱོད། །ཆེ་མཆོག་གསང་བའི་དམ་ལས་འགལ་ཞིང་ཉམས། །འབྲས་བུའི་དོན་ཆེན་སྒྲིབ་པའི་རྒྱུར་གྱུར་པ། །གནོང་འགྱོད་ཞི་བའི་སེམས་བསྐྱེད་ལམ་སྦྱངས་ནས། །རྩ་བ་ཡན་ལག་སྐུ་གསུང་ཐུགས་ཀྱི་གསང་། །ཐུན་མོང་བྱེ་བྲག་ཁྱད་པར་བསམ་མི་ཁྱབ། །ཇི་ལྟར་གདམས་པའི་གཞུང་བཞིན་མ་རྟོགས་པ། །བདེ་གཤེགས་རྒྱལ་བ་ཞི་ཁྲོ་འཁོར་དང་བཅས། །ཐུགས་རྗེའི་མངའ་བདག་ཁྱེད་ལ་བཟོད་པར་གསོལ། །ཡེ་ཤེས་རྩལ་གྱིས་སངས་རྒྱས་ས་སྟོན་ཅིག །དུས་གསུམ་རྒྱུན་དུ་མི་འབྲལ་དགོངས་མཛོད་ཅིག །ཞེས་བརྗོད་ཚིག་གིས་མཉེས་ཤིང་སྦྱང་། །མཆོད་རྫས་ཆེན་པོ་དེ་བསྒྲུབ་བོ། །དེ་ནས་བྱིན་ ― DNG014_Page_0611 ―
[མ་དཔེ་གཟིགས་ན་འདིར་གནོན།]
གྱིས་བརླབ་བྱའི་ཕྱིར། །ཕུར་པའི་རྫས་ཀྱིས་སྒྲུབ་པ་ནི། །གཞན་གྱི་དོན་ལ་འབག་པ་དང་། །རང་གི་དངོས་པོ་མཆོག་འདོད་པས། །ཡི་གེ་ལྔ་ལས་ལེགས་བྱུང་བའི། །ས་གཞི་མཛེས་པར་འོད་ལྔར་ལྡན། །དུས་གསུམ་སངས་རྒྱས་བཞུགས་པའི་གནས། །ཀུན་ཤོངས་ཡངས་པ་ཐོག་མ་ནས། །དུས་གསུམ་སངས་རྒྱས་བཞུགས་པའི་གནས། །ཡོན་ཏན་ཚོགས་རྫོགས་རྣལ་འབྱོར་གྱིས། །ཐབས་དང་ཤེས་རབ་གཉིས་མེད་པའི། །དཀྱིལ་འཁོར་རྫོགས་ནས་བགེགས་རྣམས་བཟློག །ཁྲོ་བོའི་ཚུལ་དང་ལྡན་པས་བསྒྲུབ། །ཁ་དོག་ལྔ་ལྡན་སྲད་བུ་སྟེ། །རང་སྔགས་ཡི་གེ་ལྔ་བྱིན་གྱིས། །རྡོ་རྗེ་ཁུ་ཚུར་ལས་ཀྱིས་བྱ། །ཕོ་བྲང་དགུ་ཡི་རྒྱན་རྟགས་ཀྱིས། །མཁས་པས་བྱིན་བརླབ་སྣ་ཚོགས་འབྱུང་། །གནོད་པའི་སྦྱོར་བ་རྒྱུན་གཅོད་ཕྱིར། །འཇུག་པ་ལས་ཀྱི་སྒོ་གསུམ་བྱ། །དེ་ལ་རྫས་ཀྱི་དམ་པ་ནི། །ཕྲིན་ལས་ཆེན་པོ་རིགས་བཞི་ཡི། །ཕྱག་མཚན་གསེར་དངུལ་ཟངས་དང་ལྕགས། །ཤུག་པ་གསེར་ཤིང་ཙན་དན་དམར། །ཆུ་ཤིང་ཚེར་མ་ཅན་གྱིས་ནི། །རྒྱུ་ཡི་དོན་འགྲུབ་དེ་བཤད་པ། །གཙོ་ཆེན་དགུ་དང་རབ་སྦྱར་བའི། །ཁྲོས་པའི་ཞལ་དང་ཕྱག་མཚན་བཅས། །ཁྲུ་བཞི་པའམ་གསུམ་དུ་བྱ། །ལྷག་པའི་ལྷ་རྣམས་དེ་བཞིན་དུ། །ཁྲུ་གང་པ་དང་མཛུབ་གང་སོགས། །རིགས་དང་མཐུན་ཞིང་གྲངས་དང་མཉམ། །རྫས་ཀྱི་གཙོ་བོ་མཆོག་ཏུ་བྱ། །རང་གི་གནས་སུ་གཙོ་ལ་ཕྱོགས། །མཛེས་པའི་གནས་སུ་དགོད་པར་བྱ། །དོན་དམ་ཕུར་པ་དགུག་ཅིང་བསྡིམ། །ཕྱག་བཙལ་མངའ་གསོལ་མཆོད་ཅིང་བསྟོད། །ཧེ་རུ་ཀ་སོགས་འཁོར་དང་བཅས། །ངེས་པར་བྱིན་གྱིས་བརླབ་ཅིང་དབབ། །ཞི་དང་རྒྱས་དང་དགུག་པ་དང་། །དྲག་ཤུལ་སྤྱོད་པའི་གནས་དག་ཏུ། །ཀུན་རྫོབ་ལས་ཀྱི་ཕུར་པ་ཡང་། །གྲངས་དང་མཉམ་པ་དེ་བཞིན་དུ། །རང་གི་དབྱིབས་ལྡན་མདུན་དུ་དགོད། །སྔགས་པའི་རྫས་ཀྱང་རབ་ཏུ་བསྟར། །རྡོ་རྗེ་འཆང་ཆེན་དགུའམ་འཁོར། །རྡོ་རྗེ་ལས་བྱེད་གྲངས་དང་མཉམ། །སྔོན་བཤད་ཚུལ་དང་རབ་ལྡན་པས། །སྲིད་པའི་ཕུར་བུ་བསྒྲུབ་པའི་ཕྱིར། །དེ་ལ་དབང་དང་དངོས་གྲུབ་བླང་། །ཡེ་ཤེས་ཁྲོ་བོ་དེར་གཤེགས་ ― DNG014_Page_0612 ―
[མ་དཔེ་གཟིགས་ན་འདིར་གནོན།]
ནས། །རྟགས་དང་མཚན་མ་སྟོན་པར་བྱེད། །དེ་ལ་དངོས་གཞི་ཆེན་པོ་ཡིས། །བསྒྲུབ་པའི་ལྷ་རྣམས་རང་སྔགས་ལ། །ཀཱི་ལི་ཀཱི་ལ་ཡ་སརྦ་བི་བཾ་ཧཱུཾ་ཕཊ། ཅེས་སྔགས་སྔོན་དུ་བསྙེན་པར་བྱ། །གསེར་གྱི་བ་ཐག་གཟིང་བ་དང་། །མགལ་མེ་ཀླད་ལ་བསྐོར་བ་དང་། །ལྕགས་ཀྱི་ཚ་ཚ་གདབ་ལ་སོགས། །འོད་ཟེར་འཕྲོ་འདུའི་རྣམ་པར་འཕྲོ། །ཡེ་ནས་ལྷ་རྣམས་སྐུ་གསུང་ཐུགས། །གནས་གསུམ་དུ་ནི་རབ་ཏུ་བཀོད། །འདི་ནི་མ་འོངས་དུས་སུ་ཡང་། །བྷ་དྲ་ཙརྱ་སུ་ཁ་དང་། །བརྒྱ་བྱིན་བྱང་ཆུབ་རྒྱལ་པོ་ཡིས། །མ་ལུས་དོན་གསལ་བྱེད་པར་འགྱུར། །བསྒྲུབ་པ་ཆེར་སྤྱོད་དེ་ཡི་གནས། །ཕྲིན་ལས་བཞི་གང་གསང་སྔགས་བཟུང་། །རྫས་དང་ཏིང་ངེ་འཛིན་དང་སྔགས། །དམིགས་པ་དག་དང་དགོས་ཆེད་ཀྱིས། །ལས་ཀྱི་རིམ་པ་དེར་སྤྱད་དེ། །ཕྱོགས་བརྒྱད་གྲུ་གསུམ་སུམ་བརྩེག་གི། །ཁ་ཁྱེར་མི་བཟད་ཕུར་བུས་བསྐོར། །དྲག་པོའི་རྫས་རྣམས་ཀུན་ཀྱང་བཤམ། །བུམ་པའམ་ཡང་ན་བནྡའི་སྣོད། །ལྕང་ལོར་བཅས་པ་སྐམ་མམ་རློན། །གྲངས་དང་མཉམ་པ་དབུས་སུ་དགོད། །གཞན་ཡང་ཇི་ལྟར་བཤད་པ་ཡི། །རྫས་མཆོག་དམ་པ་སྣ་ཚོགས་དགོད། །ཧེ་རུ་ཀ་ཆེན་དགུ་རྣམས་ཀྱིས། །སོ་སོའི་འཁོར་གྱི་ཁང་བུ་རྣམས། །རྡོ་རྗེ་ཕུར་བུའི་འོད་ཀྱིས་མཛེས། །ཆོ་ག་སྣ་ཚོགས་བརྟན་པར་བྱ། །དེ་འདྲའི་ཏིང་ངེ་འཛིན་ལྡན་པས། །ནང་དུ་གཞུག་ཅིང་དྲང་བར་བྱ། །སྔོན་བཤད་དེ་བཞིན་ཚོགས་བསགས་ནས། །རིམ་པ་བཞིན་དུ་ཡང་དག་ལྡན། །བསྒྲུབ་པ་དེ་ཡི་ཏིང་འཛིན་ནི། །ནམ་མཁའི་ཁམས་ཀྱི་དབུས་གནས་སུ། །སྣོད་ཀྱི་འཇིག་རྟེན་གཞལ་ཡས་ཁང་། །བསམ་ཞིང་གནས་པ་དེ་གསལ་བྱ། །བཅུད་ཀྱི་སེམས་ཅན་ཐོག་མ་ནས། །ཁྲོ་བོ་ཁྲོ་མོའི་དཀྱིལ་འཁོར་དེ། །རང་ལ་སྔགས་པའི་ཕྱག་མཚན་དང་། །ལྷག་པར་ཕུར་པར་འཛིན་པར་བསམ། །གདོད་ནས་གནས་པ་དེ་ཤེས་བྱ། །དེ་དག་རབ་ཏུ་བསྡིམས་བྱས་ནས། །དཀྱིལ་འཁོར་གཙོ་བོ་འཁོར་དང་བཅས། །སྤྱི་དང་བྱེ་བྲག་སྔགས་རྣམས་ཀྱིས། །ཕུར་བུའི་མིང་གིས་སྤེལ་ཏེ་བསྒྲུབས། །རང་ལྷར་གྱུར་ ― DNG014_Page_0613 ―
[མ་དཔེ་གཟིགས་ན་འདིར་གནོན།]
པའི་རྟགས་བྱུང་ནས། །ཐམས་ཅད་སྤྱི་དྲིལ་བསྒྲུབ་པར་བྱ། །ལས་གྲུབ་ནུས་པར་གྱུར་པ་དང་། །སོ་སོའི་དམིགས་པ་མདུན་དུ་བྱ། །ལས་ཀྱི་ཕུར་པ་མངའ་གསོལ་ཏེ། །བྱེ་བྲག་དགུ་ཡི་ཏིང་འཛིན་གྱིས། །ཕུར་བུ་བསྐོར་བ་ཞེས་བྱ་སྟེ། །ཆེ་མཆོག་གཙོ་བོས་སྙིང་ལ་གདབ། །བཛྲ་ཧེ་རུས་མགྲིན་པ་སྟེ། །གཤིན་རྗེ་གཤེད་ཀྱིས་ཀླད་པ་ལ། །རྟ་མགྲིན་དབང་གིས་གསང་བ་སྟེ། །རྡོ་རྗེ་གཞོན་ནུས་འདུས་པའི་གནས། །མངོན་རྫོགས་རྒྱལ་པོས་ལག་གཡོན་ཏེ། །དྲེགས་འདུལ་གྱིས་ནི་རྐང་གཡས་ལ། །སྟོབས་ལྡན་ནག་པོ་ལག་པ་གཡས། །རྡོ་རྗེ་སེམས་དཔའ་རྐང་གཡོན་ལའོ། །འཁོར་རྣམས་ཀྱིས་ཀྱང་དེ་བཞིན་དུ། །རང་གིས་ཕྱོགས་བཅུར་བསྐོར་ཏེ་གདབ། །ལས་རྒྱུད་རྩད་ནས་བཅད་པ་དང་། །གསང་སྒོ་ཐིབས་ཀྱིས་མནན་པ་དང་། །དུག་ལྔ་སྤྱི་ནས་གཞོམ་པ་དང་། །འགྲོ་དང་སྟོབས་དང་དབྲལ་བ་དང་། །སྲིད་པའི་སྐྱེ་རྒྱུན་གཅད་པ་དང་། །ཕྲིན་ལས་ཆེན་པོ་བཞི་སྤྱད་ཕྱིར། །སོ་སོའི་གནས་སུ་གདབ་པར་བྱ། །རྩ་བར་སྙིང་རྩ་འདབ་མ་བཞི། །ཁ་དོག་སོ་སོར་བསྟན་པ་ལས། །ཡན་ལག་རྣམ་པ་བརྒྱད་དུ་གསལ། །གཡས་འདབ་ཆོས་ཉིད་རྩ་གསུམ་སྟེ། །སེར་པོ་ཟླ་ཁམ་སྟོང་པའི་དབྱིབས། །གཡོན་འདབ་རང་རྒྱུད་རྩ་གསུམ་སྟེ། །དམར་ནག་སྦྲུལ་བཞིན་འཁྱིལ་པའོ། །འོག་འདབ་ཡོན་ཏན་གཅིག་ཏུ་གནས། །སྨུག་ནག་རྒྱུ་མ་བཞིན་དུའོ། །སྟེང་དུ་ཡེ་ཤེས་གཅིག་གནས་པ། །མཐིང་ག་འཁོར་ལོ་ལྟ་བུ་སྟེ། །ཀུན་གཞི་རྣམ་རྟོག་ཉོན་མོངས་ཡིད། །ཡིད་དང་སྒོ་ལྔའི་རྣམ་ཤེས་གཉིས། །བརྒྱད་ཀྱི་དབུས་གནས་དང་མ་ནི། །མདོག་དཀར་རྟ་རྔ་བཞིན་དུ་བསྒྲིལ། །ཚེ་ཡི་དང་མ་བ་རྒྱ་འདྲ། །ཁྲག་གི་དང་མ་མཚལ་བྱི་མགོ། །དྲོད་ཀྱི་དང་མ་མེ་ལོང་གི། །ངད་དང་ཟིལ་པ་ལྟ་བུ་སྟེ། །རྣམ་ཤེས་དང་མ་འོད་ཀྱི་དཀྱིལ། །རང་ལྷར་གསལ་བའི་ཕྱག་མཚན་ཏེ། །རི་རབ་ཕུར་པ་རྡོ་རྗེས་བརྒྱན། །ཧཱུཾ་ཕཊ་ལྡན་པའི་ཕུར་གསུམ་ལ། །རྡོ་ཚན་ཆུ་འདུས་བཞིན་དུ་བསམ། །སྒྲུབ་པ་པོ་ཡི་ཐུགས་ཀར་ཐིམ། །ཞི་ཁྲོའི་ལྷ་རྣམས་སྐུ་གསུང་ཐུགས། །ཡོན་ཏན་ཕྲིན་ལས་རྦོད་གཏོང་དང་། ། ― DNG014_Page_0614 ―
[མ་དཔེ་གཟིགས་ན་འདིར་གནོན།]
མཆོད་བསྟོད་དྲག་ཤུལ་རིག་པ་འཛིན། །སོ་སོར་དུས་ལ་བབ་ཅེས་བརྗོད། །ཕོ་ཉ་བསྐུལ་ཞིང་རྦད་གསད་བྱ། །ལྕགས་དང་སེང་ལྡེང་བྱ་ཕུར་དང་། །སྐྱེར་པ་ཙན་དན་མཆོག་ཕུར་གྱིས། །གཏི་མུག་བསལ་ཞིང་འདོད་ཆགས་བསྐམ། །ཞེ་སྡང་གསད་ཅིང་ཕྲག་དོག་གདུལ། །ང་རྒྱལ་བསྙིལ་ཞིང་སྨད་པ་སྟེ། །ཐལ་འབྱིན་དགོངས་པ་བྱང་ཆུབ་སེམས། །རྟོགས་པ་དང་ནི་ཐུགས་རྗེ་ཡིས། །བདག་གཞན་མ་ལུས་བསྒྲལ་བར་བྱ། །འདི་ཡིས་གལ་ཏེ་རྟགས་མེད་ན། །སྔར་བཞིན་བསྙེན་བསྒྲུབ་སྤོགས་པར་བྱ། །དེ་ནས་རྟགས་དང་ལྡན་པ་དང་། །སྔར་བཞིན་ལས་ལ་སྦྱར་བར་བྱ། །བསྒྲུབས་པ་དེ་ཉིད་བྱིན་གྱིས་རླབས། །ནད་དང་གདོན་དང་བར་ཆད་ཕྱོགས། །རང་བཞིན་མ་ལུས་ཞི་བར་བྱེད། །ཚེ་དང་དབང་ཐང་ལོངས་སྤྱོད་ཚོགས། །རབ་ཏུ་འཕེལ་ཞིང་རྒྱས་པར་བྱེད། །ལོག་ལྟ་དགྲ་བགེགས་མི་མཐུན་ཕྱོགས། །མ་ལུས་དབང་དུ་སྡུད་པར་བྱེད། །དྲག་ཤུལ་ཅན་དང་གདུག་པའི་སེམས། །སྒྲོལ་ཞིང་མངོན་དུ་སྤྱོད་ལ་སོགས། །ཐམས་ཅད་འགྲུབ་པ་འབྲས་བུ་སྟེ། །བྱིན་རླབས་ཕུར་པའི་སྒྲུབ་པའོ། །དེ་ནས་ཚེ་ཡི་ལུང་སྒྲུབ་པ། །ཕུན་སུམ་ཚོགས་པའི་སྔོན་འགྲོ་དང་། །སྟེགས་བུའི་སྦྱོར་བ་དེ་ཉིད་ལ། །ཐོག་མའི་དཀྱིལ་འཁོར་ལིང་ཚེ་དགུ། །དབུས་སུ་འཁོར་ལོ་རྩིབས་བརྒྱད་དེ། །ཤར་དུ་རྡོ་རྗེ་རྩེ་བརྒྱད་དེ། །ལྷོ་རུ་རིན་ཆེན་ཟུར་བརྒྱད་བྲི། །ནུབ་ཏུ་པདྨ་འདབ་བརྒྱད་དེ། །བྱང་དུ་རལ་གྲི་ལྕེ་བརྒྱད་དོ། །མཚམས་བཞིར་ཐིག་ལེ་གླིང་བརྒྱད་དེ། །དབུས་རྣམས་ཟླ་གམ་ཁ་སྦྱོར་ཏེ། །མཚན་བཟང་ཀུན་རྫོགས་བུམ་པ་ནི། །ཕྱི་ནང་བལྟ་བ་རྫོགས་མཐུན་སྤྱད། །ཨོཾ་ཨཱཿཧཱུཾ་བཛྲ་ཨ་མྲྀ་ཏ་ཨཱ་ཡུརྫྙཱ་ན་བྷྲཱུཾ། ཞེས་པའི་སྔགས་རྣམས་བྲིས་པ་ནི། །སོ་སོའི་རིགས་ཀྱི་མདོག་དང་བསྟུན། །དཀྱིལ་འཁོར་རྣམས་ཀྱི་དབུས་སུའོ། །བྱང་ཆུབ་སེམས་དང་རྫུ་འཕྲུལ་ཆེ། །རྟགས་དང་ལྡན་པའི་འབྲང་རྒྱས་ཏེ། །གཙོ་བོ་རྣམས་ཀྱི་གྲངས་ལྡན་པ། །འབྲུ་བཅུད་ཞལ་ཟས་ཚོགས་ལས་བཤམ། །རིན་པོ་ཆེ་ཡི་རྒྱན་རྟགས་ཀྱིས། །ལེགས་པར་བརྒྱན་པ་བདུད་རྩི་ཡི། །བཅུད་དང་བཅས་པ་དེར་སྩལ་ནས། །དར་འཕན་ཟ་ ― DNG014_Page_0615 ―
[མ་དཔེ་གཟིགས་ན་འདིར་གནོན།]
ར་ཚགས་ཀྱིས་བརྒྱན། །ནས་འབྲས་འབྲུ་ཡིས་བརྒྱན་པར་བྱས། །འབྲུ་ལྔས་བྱིན་བརླབ་གཟུངས་ཐག་གདགས། །རིགས་ཆེན་ལྔ་ཡི་གཙོ་བོ་ཡིས། །སོ་སོའི་ཕྱག་ཏུ་བཞེས་ནས་ནི། །ཆེ་མཆོག་ཧེ་རུ་ཀ་ནས་ནི། །བཛྲ་ཧེ་རུ་རྡོ་རྗེ་མཆོག །རཏྣ་ཧེ་རུ་གཤིན་རྗེ་གཤེད། །པདྨ་ཧེ་རུ་རྟ་མགྲིན་དཔལ། །ཀརྨ་ཧེ་རུ་གཞོན་ནུ་མཆོག །རང་གི་རིགས་ཀྱི་གསང་སྔགས་ལ། །བཛྲ་ཨཱ་ཡུ་ཥེ་ཛྙཱ་ན་ཧཱུཾ་ཛཿ། ཞེས་བཏགས་བསྙེན་པ་འཛབ་ཏུ་བྱ། །དེ་ནས་མཚམས་བཞི་གཙོ་དང་སྔགས། །དེ་བཞིན་དུ་ནི་བྱ་བ་ཡིན། །རིགས་ཀྱི་ཐུགས་གསང་རིན་པོ་ཆེ། །ཟླ་ཁམ་གསལ་བའི་དཀྱིལ་འཁོར་དབུས། །ཨོཾ་ཧཱུཾ་ཏྲཱཾ་ཧྲཱྀཿཧཱཾ་རྣམས་ནི། །ཟླ་བ་ལ་ནི་འོད་བཅས་གནས། །འཁོར་འདས་ཀུན་གྱི་བྱང་ཆུབ་སེམས། །འཆི་མེད་ཚེ་ཡི་རང་བཞིན་ནི། །འགྱུར་མེད་རྡོ་རྗེའི་ལམ་ནས་བྱུང་། །ཤངས་ཀྱི་རླུང་སྒྲོམ་སྟེང་ནས་བཏེག །ལྷུན་གྱིས་གྲུབ་པའི་དཀྱིལ་འཁོར་ཏེ། །ཀུན་ཏུ་བཟང་པོ་ཚེ་དཔག་མེད། །ཧེ་རུ་ཀ་ཡི་སྐུ་གསུང་ཐུགས། །དུས་གསུམ་རྒྱལ་བ་ཡབ་དང་ཡུམ། །སྲས་དང་འཁོར་བཅས་རྡོ་རྗེའི་ཚེ། །རིན་ཆེན་སྲོག་ལས་ཉི་ཟླའི་འོད། །འཕྲོ་འདུ་ཕྲེང་བ་རབ་གསལ་བའི། །སྙིང་པོ་གསང་བའི་བསྙེན་པར་བགྲང་། །ཁྱད་པར་བདག་ཉིད་གསང་བ་ཡི། །དབུས་ཀྱི་གཙོ་བོའི་ཐུགས་ཀ་ནས། །དཀྱིལ་འཁོར་ཟླ་ཁམ་ག་འུའི་ནང་། །ཚོན་གང་ཡེ་ཤེས་སེམས་དཔའ་དེ། །སོ་སོའི་རིགས་བཞིའི་འཁོར་དང་བཅས། །ཡབ་ཡུམ་རྣམས་ཀྱི་ཐུགས་ཀར་འཕྲོས། །ཕན་ཚུན་འཕྲོ་བའི་འཁོར་ལོ་ཡིས། །འོག་མིན་གནས་ནས་ཡེ་ཤེས་ཀློང་། །རང་བཞིན་འོད་གསལ་ཐུགས་ཀྱི་དཀྱིལ། །བྱང་ཆུབ་སེམས་ཀྱི་འཆི་མེད་ཚེ། །གཉིས་སུ་མེད་པའི་འཕྲོ་འདུ་བྱ། །ཕྱོགས་བཅུ་དུས་གསུམ་འཇིག་རྟེན་ཁམས། །སྣོད་བཅུད་ཚེ་བརྟན་དཀྱིལ་འཁོར་ཡིན། །འགྱུར་མེད་སྐད་ཅིག་མི་འབྲལ་བ། །ལྷ་རྣམས་ཀུན་ལ་བསྟོད་ཅིང་བསྐུལ། །ཚེ་དབང་དངོས་གྲུབ་སྩོལ་ཅེས་བརྗོད། །སླར་ཡང་བསྙེན་པའི་ཏིང་འཛིན་སྤྲོ། །རྟགས་དང་ཡོན་ཏན་ཡོངས་རྫོགས་ནས། །འོད་ཕུང་སྒྲུབ་པའི་རྫས་ལ་བསྡིམ། །དེ་ནི་ཚེ་སྒྲུབ་བསྙེན་པའོ། །དེ་ནས་སྒྲུབ་པ་ཆེན་པོ་ནི། ། ― DNG014_Page_0616 ―
[མ་དཔེ་གཟིགས་ན་འདིར་གནོན།]
རབ་རྫོགས་ལྷར་གསལ་ལུས་ཀྱི་ཚེ། །ཡེ་ཤེས་སེམས་དཔའ་སྲོག་གི་ཚེ། །རིགས་ཀྱི་ལྷ་མོ་གཟུགས་ཀྱི་ཚེ། །འདོད་ཡོན་ལྔ་ལྡན་ལོངས་སྤྱོད་ཚེ། །སྲིད་པར་གནས་པ་ཡུན་གྱི་ཚེ། །བསམ་པ་ཚེ་སྲོག་དཔལ་གྱི་ལྷ། །བཀོད་པ་ཟས་ནོར་བཅུད་ཀྱི་ལྷ། །བཟླས་པ་རྒྱུན་ཆགས་ངག་གི་ལྷ། །ཧཱུཾ་ལས་རྡོ་རྗེ་སྲོག་དང་ལྡན། །ཨ་ལས་འགྱུར་མེད་ཚེ་དང་ལྡན། །བཾ་ལས་རྡོ་རྗེ་ལུ་གུ་རྒྱུད། །འདི་ནི་འཆིང་བའི་ལས་ཡིན་ནོ། །རྡོ་རྗེ་བསྡམ་པའི་ཕྱག་རྒྱ་ལས། །མཛུབ་མོ་ལྕགས་ཀྱུ་ལྟ་བུར་བྱ། །བསམ་གྱིས་མི་ཁྱབ་སྤྲོས་ཏེ་དགུག །རླུང་སྒོ་གཉིས་ནས་ཧཱུཾ་བསྐྱིལ་བས། །ཁྱད་པར་སྐྱེ་འགྲོ་མང་པོའི་ཚེ། །བྱང་ཆུབ་སེམས་ཀྱིས་དབང་བསྒྱུར་དག །སྐར་མདའ་བཞིན་དུ་བླངས་ནས་བསྣན། །སྐྱེ་འགྲོ་སྲོག་གིས་བསྡུས་པ་ལས། །བསྡིམས་ཏེ་དབང་བསྐུར་དོན་བྱས་པས། །རབ་ཏུ་སྤེལ་བའི་ཏིང་འཛིན་ནི། །ཀུན་གྱི་ཡུམ་གྱུར་ཕྱག་རྒྱ་ཡིས། །མ་ལུས་མཁའ་འགྲོ་དབང་ཕྱུག་མ། །ཐུགས་ཀར་སྐུ་མཆོག་ཚོན་གང་ལས། །གཟི་མདངས་བསྟར་བར་ཨཱ་ཡུཿབསྡིམ། །སྐུ་གསུང་ཐུགས་ཀྱི་སྔགས་འདི་དག །སོ་སོར་འབུམ་དུ་བཟླས་པར་བྱ། །ཨོཾ་བཛྲ་ཨཱ་ཡུ་ཥེ་ཛཿཨཱ་ཡུརྫྙཱ་ན་ཚེ་བྷྲཱུཾ། འདི་ནི་སྐུ་ཡི་སྙིང་པོའོ། །ཨོཾ་བཛྲ་ཨ་མྲྀ་ཏ་མ་ཧཱ་བྷ་དྲ་ཚེ་བྷྲཱུཾ། འདི་ནི་གསུང་གི་སྙིང་པོའོ། །ཨོཾ་བཛྲ་ཨཱ་ཡུ་ཥེ་མ་ཧཱ་པུཎྱེ་པུཎྱེ་ཨ་པ་རི་མི་ཏ་ཛྙཱ་ན་བྷྲཱུཾ། ཞེས་པ་ཐུགས་ཀྱི་སྙིང་པོའོ། །སྐུ་ཡི་ཚེ་ནི་ལུས་ལ་སྟེ། །ཕུང་པོ་ལྔ་ལ་རབ་ཏུ་ཐིམ། །གསུང་གི་ཚེ་ནི་ངག་ལ་སྟེ། །དྲི་མེད་དབྱིངས་ལས་རབ་ཏུ་ཐིམ། །ཐུགས་ཀྱི་ཚེ་ནི་ཡིད་ལ་སྟེ། །བྱང་ཆུབ་མཆོག་གི་སེམས་ལ་ཐིམ། །རིགས་ཀྱི་གསང་བའི་སྙིང་པོ་ལས། །ཨ་བྷི་ཥིཉྩ་ཨ་ཞེས་པས། །ཀུན་ཏུ་བསྡིམ་པར་བྱ་བའོ། །སྐལ་ལྡན་བསྙེན་པ་མཆོག་གི་ལུང་། །བདུད་རྩི་འཆི་མེད་སྨན་གྱི་ཚེ། །དབང་མཆོག་དམ་པ་རིགས་ཀྱི་ཚེ། །བྱིན་རླབས་ཕུར་པ་སྤྲུལ་པའི་ཚེ། །ཟླ་ཁམ་རྡོ་རྗེ་དབང་གི་ཚེ། །བསྒྲུབས་པའི་འབྲས་བུ་བླ་ན་མེད། །རིན་ཆེན་སྲོག་གི་གཞལ་ཡས་ཁང་། །ལེ་བརྒན་གསུང་གི་དཀྱིལ་འཁོར་དུ། །ཀུན་ཏུ་བཟང་པོས་རྒྱས་བཏབ་ནས། །ཧེ་རུ་ཀ་ཡི་རྩལ་བསྐྱེད་དེ། །གཤིན་རྗེ་གཤེད་ཀྱིས་བསྡུ་བར་བྱ། །རྟ་མགྲིན་དབང་གིས་བསྲུང་བ་སྟེ། །རྡོ་རྗེ་གཞོན་ནུས་དབབ་པར་བྱ། ། ― DNG014_Page_0617 ―
[མ་དཔེ་གཟིགས་ན་འདིར་གནོན།]
མངོན་རྫོགས་རྒྱལ་པོས་བཅིང་བྱ་ཞིང་། །དྲེགས་པ་འདུལ་བས་བསྐྲད་པ་སྟེ། །སྟོབས་ལྡན་གྱིས་ནི་རབ་ཏུ་དགུག །རྡོ་རྗེ་ཆོས་ཀྱིས་བསྡིམ་པ་ནི། །སོ་སོའི་རིགས་ཀྱི་ཕྲིན་ལས་ཡིན། །མ་ལུས་འཁོར་བཅས་ཚེ་ལ་བསྐུལ། །ཕྱག་མཚན་ཚེ་ཡི་བུམ་པ་བསྣམས། །བཀོད་པའི་རྫས་ལ་རབ་ཏུ་ཐིམ། །རིན་ཆེན་ཙིཏྟའི་དབྱིབས་ཀྱིས་བླང་། །ཕྱི་ནང་གསང་བའི་འབྱུང་བ་རྣམས། །རིམ་གྱིས་བསྡུ་བའི་སྦྱོར་བ་ཡིས། །དུས་བཞི་མཉམ་པའི་རྫས་ནུས་དགུག །ཀུན་གྱིས་སྩལ་བའི་རྡོ་རྗེ་ཚེ། །ཁམས་གསུམ་ཀུན་འདུས་གྲུབ་པའི་རྟགས། །ཕྱི་ནང་འབྱུང་བའི་བཅུད་ལེན་མ། །ལྷ་མོའི་ཚོགས་ཀྱི་དངོས་གྲུབ་གཏེར། །ལེགས་པར་གསོལ་བ་གདབ་གྱུར་ནས། །སྒྲུབ་པ་པོ་ལ་བསྡིམ་པ་ཡིས། །སྐྱེ་ཤི་མེད་པའི་དོན་གསལ་བྱེད། །རིག་པ་འཛིན་པ་འགྲུབ་པར་འགྱུར། །བྱིན་གྱིས་རློབ་པའི་སྒྲུབ་པ་ཆེ། །དུས་གསུམ་སངས་རྒྱས་ཀུན་གྱི་ལམ། །བདེ་བར་གཤེགས་པ་ཀུན་འདུས་རྒྱུད། །རྣལ་འབྱོར་གསུམ་གྱིས་རབ་བསྡུས་པ། །ཐོག་མ་མེད་ནས་ཐ་མའི་བར། །རྒྱུན་མི་འཆད་དུ་ངས་བཤད་དོ། །སྐལ་མེད་རྣམས་ནི་ལོག་པར་རྟོག །ཁ་ཅིག་འཇིག་ཚོགས་བལྟ་བ་འཛིན། །ཁ་ཅིག་བདག་མེད་ཕྱོགས་འགའ་ཙམ། །ཁ་ཅིག་རང་གི་སྣང་བ་འཛིན། །ཁ་ཅིག་ཀུན་རྫོབ་དོན་དམ་བལྟ། །ཁ་ཅིག་བདག་གཞན་བཟང་ངན་འབྱེད། །ཁ་ཅིག་ཐབས་ཀྱི་ཆ་ལ་སྤྱོད། །ཁ་ཅིག་རེས་འགའ་ཤེས་རབ་སྟོན། །འདི་ནི་ཐ་དད་མ་ཡིན་ཏེ། །ཐམས་ཅད་གཅིག་ལས་བྱུང་བ་སྟེ། །གཅིག་ཏུ་མ་ལུས་འདུས་པའོ། །མ་འོངས་དུས་སུ་རྒྱུད་འདི་ཉིད། །ཤིན་ཏུ་རྙེད་དཀར་གྱུར་ནས་ནི། །སྐལ་བར་ལྡན་པ་འགའ་ཞིག་ལས། །སྐལ་མེད་དག་གིས་རྩོད་པར་བྱེད། །དེ་ཉིད་དུས་སུ་འདི་རྙེད་པས། །རང་རྒྱུད་ཙམ་དུ་མི་བསྟེན་ཏེ། །རྩ་བ་ཡན་ལག་བཤད་པ་དང་། །ལུང་བཤད་སྒྲུབ་ཐབས་མཐའ་དག་གིས། །དོན་བཟང་ངེས་པར་གཏན་ལ་དབབ། །དེ་ལྟར་སྣོད་ལྡན་རིགས་ཀྱི་སྲས། །དད་བརྩོན་ལྡན་ལ་རིམ་བཞིན་བསྟན། །ཞེས་བཀའ་སྩལ་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། བྱིན་གྱིས་རླབས་པའི་བསྒྲུབ་པ་ཆེན་པོ་བསྟན་པའི་ལེའུ་སྟེ་གསུམ་པའོ།། །། ― DNG014_Page_0618 ―
[མ་དཔེ་གཟིགས་ན་འདིར་གནོན།]
དེ་ནས་རབ་ཏུ་ཕན་གདགས་པའི། །ལས་མཆོག་རབ་ཏུ་བཤད་པ་ནི། །རིགས་དང་ལྡན་པ་སྔར་བཤད་བཞིན། །རྟེན་འདྲེལ་རྣམ་པ་ལྔ་ཡིན་ཏེ། །རྫས་སུ་བསྒྲུབ་དང་ཐལ་ཆེན་དང་། །གནས་སྦྱང་བ་དང་བསྒྲལ་བ་དང་། །གཤེད་ཆེན་བགེགས་རྣམས་འདུལ་བ་སྟེ། །དང་པོ་སྲིད་པའི་བམ་ཆེན་ཡིན། །སྟོན་པ་འཁོར་དང་གནས་དང་དུས། །ཡོ་བྱད་ཇི་ལྟར་ངས་བཤད་བཞིན། །ཚུལ་དང་མཐུན་པའི་ལས་ཀྱིས་སྦྱང་། །སྣང་ཞིང་སྲིད་པ་དུར་ཁྲོད་ཀློང་། །ཐུགས་རྗེ་ཆེན་པོས་རིག་ཅིང་གཟིགས། །འཁོར་བའི་སྐྱབས་གླིང་ཆེན་པོ་ལས། །རིགས་དྲུག་འཁོར་བ་མ་ལུས་འདུལ། །རྒྱུད་དྲུག་འདུས་པའི་རྣམ་ཤེས་བསྲེག །དུག་གསུམ་མཚོན་གྱིས་བསད་པ་ནི། །རྟག་ཆད་མཐར་ཤིའི་རོ་གླིང་ནས། །གཏི་མུག་ཆེན་པོའི་རྒྱུ་བླང་སྟེ། །བྱང་ཆུབ་སེམས་སུ་གསལ་བའི་ཕྱིར། །རྒྱུ་མཆོག་ཆེན་པོ་བཙལ་བར་བྱ། །ཡེ་ཤེས་སྤྱན་དང་ཕྱག་རྒྱའི་ཚོགས། །རྡོ་རྗེའི་འགྲོས་དང་འབྱོན་ཚུལ་ཏེ། །དང་པོ་རིགས་བརྒྱུད་མཚན་དང་ལྡན། །སྐྱེ་བ་བདུན་པ་བརྟག་པར་བྱ། །ཁམས་གསུམ་དབང་དུ་བསྡུ་བ་དང་། །སྲིད་གསུམ་ཟིལ་གྱིས་མནན་པའི་ཕྱིར། །རྡོ་རྗེ་འགྲོས་ཀྱིས་བཙལ་བར་བྱ། །ཡིད་བཞིན་ནོར་བུ་གཏེར་འབྱེད་པ། །དགོས་འདོད་སྐོང་བ་ཕྱག་རྒྱའི་ཚོགས། །མཁའ་འགྲོའི་དམ་རྫས་ཡིན་པའི་ཕྱིར། །མ་མོའི་འབྱོན་ཚུལ་སྟབས་ཀྱིས་བཙལ། །ཕུང་པོ་གཤེད་དང་དབྲལ་བའི་ཕྱིར། །སེང་ལྡེང་ཕུར་པ་སོར་བརྒྱད་པ། །སྟོབས་ཆེན་ཁྲོ་བོའི་སྐུར་བསམས་ཏེ། །གསང་སྔགས་བརྒྱ་རྩ་བརྒྱད་དུ་བཟླས། །གསོན་དང་གཤིན་གྱི་བདུད་དང་བགེགས། །གཟུགས་དང་མཚན་མར་བཅས་པ་དེ། །ཕུར་བུས་བཏུབ་ཏེ་རོ་ཤུན་གྲིལ། །ཁུང་བུར་མནན་ནས་རོ་གཟིར་ལ། །དེ་ནས་རྡོ་རྗེའི་གར་གྱིས་བླང་། །རྡོ་རྗེའི་འགྲོས་ཀྱིས་ཁུར་ནས་ནི། །གནས་སུ་འོངས་ཏེ་ཕྱི་མཚམས་བཅད། །དེ་ནས་དམ་སྲི་གནན་པར་བྱ། །སྒོ་ནས་ཕྱི་རོལ་འདོམ་གང་དུ། །མཁའ་འགྲོའི་ཁུང་བུ་བྲུས་ནས་ནི། །དུར་ཁྲོད་གནས་ཀྱི་ཐོད་པ་ལ། །ནང་དུ་དམ་སྲིའི་སྙིང་པོ་བྲི། །དུར་ཁྲོད་རྐང་གི་ཕུར་བུས་གདབ། །ནང་དུ་སྟེགས་བུ་ཚུལ་བཞིན་བརྩིག །སྒྲུབ་རྫས་ ― DNG014_Page_0619 ―
[མ་དཔེ་གཟིགས་ན་འདིར་གནོན།]
མཆོད་བསྟོད་རྫོགས་པར་བྱ། །དེ་ལ་གཟིགས་སྟངས་རྣམ་པ་དྲུག །དངོས་གྲུབ་གཤིན་དང་སློབ་མ་དང་། །ལྷ་དང་རུ་དྲ་སྒྲུབ་པའི་རྫས། །དང་པོར་དངོས་གྲུབ་བལྟ་བ་ནི། །སྐྱེ་བ་བདུན་པ་ལྟ་བུ་སྟེ། །ཡིད་བཞིན་ནོར་བས་ཆེས་ལྷག་པས། །ཁྱད་པར་བསྒྲུབ་པ་མི་དགོས་ཏེ། །མཆོག་དང་ཐུན་མོང་རིམ་པས་འགྲུབ། །ཚེ་འདས་ཉིད་དུ་གཟིགས་པ་ནི། །དཔྱང་ཐག་ཆད་ནས་འཁྱམས་པ་དེ། །ཐུགས་རྗེ་ཆེན་པོས་གཟུང་ཕྱིར་རོ། །ཕུང་པོ་ཉིད་ལ་རྣམ་ཤེས་དགུག །གང་དག་འདི་ལ་གཞན་བརྟེན་དང་། །འདི་ཉིད་གཞན་ལ་བརྟེན་པ་རྣམས། །ཧེ་རུ་ཀ་ནི་དྲན་ཙམ་གྱིས། །ཐམས་ཅད་དྲེད་ཅིང་བརླག་པར་འགྱུར། །འགྲོ་དྲུག་རྒྱུད་ལྔའི་སྒྲིབ་པ་སྦྱང་། །བག་ཆགས་སྦྱང་ཕྱིར་བྲོ་བཞིས་གདུལ། །ཤར་དུ་ཞོས་འགྲོ་གནས་ཀྱི་བྲོ། །དྲི་ཆེན་སྟེང་དུ་བཞག་ཅིང་བརྡུང་། །ལྷོ་རུ་ཤ་ཆེན་དཀྱིལ་འཁོར་ལ། །ཁྲག་འཐུང་རོལ་པའི་བྲོ་བརྡུང་ངོ་། །ནུབ་ཏུ་རྟ་གདོང་ཞལ་གྱི་བྲོ། །པདྨ་རཀྟའི་སྟེང་དུའོ། །བྱང་དུ་དྲི་ཆུའི་མཎྜལ་སྟེང་། །གདུལ་སྦྱོར་རྟགས་ཀྱི་བྲོ་བརྡུང་ངོ་། །དེ་ལྟར་བྲོ་བཞིས་སྦྱངས་བྱས་ནས། །རང་གི་ལོངས་སྤྱོད་སྐལ་ཐོག་སྟེ། །སློབ་མའི་ངོ་བོར་བལྟ་བ་ནི། །བག་ཆགས་སྒྲིབ་པ་བཀྲུ་བའི་ཕྱིར། །སྨན་སྤོས་བདུད་རྩི་ཆབ་ཀྱིས་བཀྲུ། །མོས་བཅས་བརྩེ་གདུང་ཤེས་པ་ཡིས། །སེམས་བསྐྱེད་ཡོན་དབུལ་མེ་ཏོག་དོར། །གསོལ་བ་གདབ་སྟེ་དཀྱིལ་འཁོར་གཞུག །མིག་ཕྱེ་ལྷ་ངོ་བསྟན་པར་བྱ། །ཕྱག་བཙལ་ཡོན་དབུལ་དམ་ཚིག་བསྒྲག །བྱིན་གྱིས་བརླབས་ཏེ་སྣོད་སྦྱངས་ནས། །ཕན་དང་ནུས་དང་རིག་པ་དང་། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྔ་རུ་བྱིན་གྱིས་དབབ། །དེ་ནས་ལྷ་ཡི་ངོ་བོར་བལྟ། །དཀྱིལ་འཁོར་དབུས་སུ་ཁྲི་སྟེང་དུ། །སྐྱིལ་མོ་ཀྲུང་བཅས་ཤར་དུ་བལྟ། །དེ་ཉིད་ཕྱག་རྒྱའི་ཚོགས་ཆེན་བསྒོམ། །རྫས་ཀྱི་རྣམ་གྲངས་གཏམས་ནས་ཀྱང་། །རིགས་ཀྱི་ལྷ་རྣམས་རྣམ་པར་བཀོད། །གཞལ་ཡས་ཁང་དུ་བྱིན་གྱིས་བརླབ། །དྲན་པའི་ཐད་ཀར་བཀྲམ་ནས་ཀྱང་། །རང་གི་གནས་སུ་ཐིག་ལེ་དགོད། །མཐུན་པའི་རྫས་ཀྱིས་མངའ་གསོལ་བ། །རྡོ་རྗེ་རྒྱལ་པོ་ལས་མཁན་དང་། ། ― DNG014_Page_0620 ―
[མ་དཔེ་གཟིགས་ན་འདིར་གནོན།]
འཛིན་གིང་སྒྲོལ་གིང་རྡོ་རྗེ་བྱིན། །སྟོབས་པ་དང་ནི་རྐང་མགྱོགས་དང་། །ཇི་ལྟར་རིགས་པ་མངའ་གསོལ་ནས། །སྙུན་སྨྲས་དཔལ་གྱི་ཆས་རྣམས་གསོལ། །རྟགས་རྒྱན་གདབ་ཅིང་རྫས་གཞན་དགྲམ། །དངོས་གྲུབ་ཅི་འདོད་དམར་བྱང་བསྩལ། །ཆེ་མཆོག་རོལ་པའི་གཙོར་བསྐྱེད་ཅིང་། །རིགས་ཆེན་བརྒྱད་ཀྱི་དཀྱིལ་འཁོར་བསྡིམ། །ཐིག་ཆེན་གདབ་ནས་བསྐོས་ལ་གདབ། །ཆོ་གའི་ཡན་ལག་རྫོགས་བྱ་ཞིང་། །འཛབ་བཟླས་རྡོ་རྗེའི་བསྙེན་པ་བྱ། །བྱིན་ཕེབས་རྟགས་གསུམ་བྱུང་བ་ན། །དངོས་གྲུབ་བླང་ཞིང་དབང་རྫོགས་བསྐུར། །རུ་དྲའི་ངོ་བོར་གཟིགས་པ་ལ། །བདག་ཉིད་ལྷ་ཡི་དཀྱིལ་འཁོར་གསལ། །བསྐང་རྫས་ཇི་སྙེད་པ་དང་བཅས། །ཕུང་པོ་ཚོགས་སུ་ཕུལ་ནས་ནི། །བམ་ཆེན་སྦྲམ་པོས་བསྐང་བ་དང་། །ཕུང་པོ་རྡུལ་དུ་བཤིགས་ནས་ཀྱང་། །ཤ་ཁྲག་རུས་པས་བསྐང་བྱ་ཡང་། །བྱང་ཤར་མཚམས་སུ་བསྒྲལ་བྱ་སྟེ། །རུ་དྲ་བསྒྲལ་བའི་ཞིང་ཡིན་པས། །ཕོ་ཉ་དགུག་འདྲེན་བཏང་ནས་ཀྱང་། །དགྲ་བགེགས་རྣམ་ཤེས་དགུག་ཅིང་བསྡིམ། །ལྷ་དང་དབྲལ་ཕྱིར་རྫས་ཀྱིས་བདུག །འཇིག་རྟེན་དྲེགས་པའི་དམོད་པས་བྲབ། །སྲིད་གསུམ་ལྷ་འདྲེའི་དམག་དཔུང་དབབ། །ལུས་ལ་རིགས་དྲུག་ཡི་གེ་དགོད། །ངན་སོང་དགག་པའི་སྙིང་པོ་བཟླས། །སྦྱོང་བ་ལྔ་དང་གྲུབ་པ་ལྔ། །སྐོང་བ་ལྔ་ཡི་དགོངས་པ་བྱ། །བྱང་ཆུབ་ལམ་ལ་བགྲོད་པའི་ཕྱིར། །བ་སུ་ཏ་ནི་བྱིན་གྱིས་བརླབ། །རྡོ་རྗེ་ཐིག་གི་བཅུ་ཚལ་གདབ། །རིག་པ་འཛིན་པའི་སྐོས་ཀྱིས་གདབ། །ཕུང་པོ་གནས་ལྔ་བཀྲུ་བའི་ཕྱིར། །མཚོན་ཆ་ལྔ་ཡི་ཆར་ཡང་དབབ། །ཧེ་རུ་ཀ་ཡི་གནས་བཅུ་དང་། །དུར་ཁྲོད་གནས་བརྒྱད་རྫོགས་པའི་ཕྱིར། །རོ་ཡི་བཤའ་ཐབས་རྒྱབ་ནས་བཤའ། །དབང་ལྡན་གནས་པའི་ཕྱོགས་སུ་བསྒྲལ། །རྡོ་རྗེ་འབར་བའི་མཚོན་ཆེན་གྱིས། །དངོས་གྲུབ་ལོག་རྟོག་ཕྲལ་ནས་ཀྱང་། །རྡོ་རྗེ་སྦྱོར་ཕྱོགས་མ་ནོར་བར། །ཤེལ་ཕུར་གཉིས་ཀྱིས་རྩད་ནས་བཟུང་། །ངེས་པར་བརྟག་པའི་གཞི་མ་ལ། །ཅུང་ཞིག་སྟོང་དེ་སྟེང་འོག་བསྒྱུར། །བཞིན་ཕྱོགས་གར་བལྟ་ལེགས་ཉེས་བརྟག །དེ་ནས་རྫས་སུ་བལྟ་ ― DNG014_Page_0621 ―
[མ་དཔེ་གཟིགས་ན་འདིར་གནོན།]
བ་ནི། །ལྷ་དང་བདུད་རྩི་མཆོད་རྫས་དང་། །དངོས་གྲུབ་རྒྱན་དང་སྦྱིན་སྲེག་རྫས། །དེ་ལ་ལྷ་རུ་བལྟ་བ་ནི། །དོན་སྙིང་སྣོད་དང་དབང་པོ་དང་། །ཤ་ཁྲག་རུས་པ་པགས་པ་སྤུ། །ཡན་ལག་ཉིང་ལག་ཐོད་ཚལ་དང་། །སྒལ་ཚིགས་རྩིབ་མ་རོ་ལྤགས་དང་། །གནས་སྐབས་བཞི་ཡི་བྱང་ཆུབ་སེམས། །གནས་དགུ་འབྱིན་པའི་ལམ་གསུམ་ནི། །ཕོ་བྲང་དགུ་ཡི་ལྷ་རྣམས་སྣང་། །གཉིས་མེད་མཐུན་པའི་རྫས་སུ་བསྒོ། །བདུད་རྩི་བསྒྲུབ་པའི་རྫས་སུ་བྱ། །རྩ་བ་ཡན་ལག་བརྒྱད་ཡིན་ཏེ། །མངོན་པའི་ཕྱི་དང་གནས་པ་ནང་། །བཞི་བཅུའི་ཡན་ལག་ཚང་བར་བསྒོ། །དམ་རྫས་རློན་སྦྱོར་མཆོད་པའི་རྫས། །བཟའ་དང་བཏུང་དང་མྱང་དང་ལྡག །སྡོམ་དང་གཅུད་དང་བདུག་པར་བྱ། །དངོས་གྲུབ་རྫས་ཀྱང་དེ་ཉིད་དོ། །དུར་ཁྲོད་རྒྱན་དུ་བྱ་བ་ནི། །བནྡྷ་གླིང་བུ་མཆོག་ཕུར་དང་། །བླ་རེ་རྒྱལ་མཚན་བ་དན་གདུགས། །མར་མེ་ཁུ་བ་ཞག་ལ་སོགས། །ཕྲེང་བ་ཆེན་པོར་བྱ་བའོ། །སྦྱིན་སྲེག་ཧོམ་དུ་བྱ་བ་ནི། །དེ་ཉིད་བདུད་རྩིས་ཆག་ཆག་གདབ། །ཐིག་བཞི་གདབ་པའི་ལིང་ཚེ་དགུ། །འཁོར་ལོ་རྩིབས་བརྒྱད་ལྟེ་བ་ལ། །ཕྲིན་ལས་ཆེན་པོ་བཞི་དག་གི། །ཁ་དོག་དབྱིབས་དང་མཚན་མ་དག །སྤྱི་དང་བྱེ་བྲག་བསྔགས་པར་བྱ། །སླར་ཡང་མཚམས་བཅད་རིམ་པ་ལྔས། །བར་དུ་གཅོད་པའི་བདུད་རྣམས་བཟློག །སྣོད་བཟང་མཚན་གསོལ་བརྗོད་ཅིང་དགྲམ། །རྫས་རྣམས་སོ་སོར་བསྔོས་ནས་ཀྱང་། །ཕྱག་རྒྱ་གཞུག་པའི་གནས་རྣམས་སུ། །མ་ནོར་སོ་སོར་དགོད་པར་བྱ། །དཔལ་དང་ལྡན་པའི་སྣོད་དགུ་ལ། །རྨད་དུ་བྱུང་བ་དགུ་དགོད་དེ། །འབར་བ་ཆེན་པོ་གནས་རྣམས་སུ། །བརྗོད་པའི་ཚུལ་གྱིས་གསལ་བར་བསྒོམ། །ཕྱག་རྒྱ་གཞན་ཡང་ལེགས་པར་བཀོད། །བྷནྡྷ་སྙིང་ལ་སོགས་པ་ཀུན། །ཧེ་རུ་ཀ་ནས་རིམ་བཞིན་དུ། །སོ་སོའི་གནས་སུ་དགོད་པར་བྱ། །སྤྱན་དྲང་བརྟན་པ་ཉིད་དུ་བྱ། །མ་ལུས་མཆོད་པས་མཉེས་པ་དང་། །བསྲེག་པའི་རྫས་ཀྱིས་མཆོད་བྱ་ཞིང་། །ཡེ་ཤེས་ལྷ་དང་མེ་ལྷ་དང་། །སླར་ཡང་སྦྱོར་བའི་ཆོ་ག་དང་། །ཆད་པར་འགྱུར་བ་དེ་བཞིན་དུ། །རབ་ཏུ་རྫོགས་པར་བྱ་བའོ། །སྦྱིན་བསྲེག་ལྷ་རྒྱུད་ ― DNG014_Page_0622 ―
[མ་དཔེ་གཟིགས་ན་འདིར་གནོན།]
དག་པར་བྱ། །ཕྲིན་ལས་རྣམ་བཞི་གང་རིགས་བཤད། །མཁའ་འགྲོ་མཆོད་དང་གཟིར་མནན་དང་། །མི་ཟད་གཏེར་དུ་སྦ་ལ་སོགས། །ལས་ཀྱི་རྒྱལ་པོས་རིམ་བཞིན་སྤྱད། །འདི་ནི་དམ་ཚིག་ཆེན་པོ་སྟེ། །རྫས་མཆོག་བམ་གྱི་ལས་ཡིན་ནོ། །སྒྲུབ་པའི་སྦྱོར་བ་རབ་ཏུ་བྱ། །དེ་ལས་གཞན་པ་བསྲེག་པའི་ལས། །རྣལ་འབྱོར་ཆེན་པོ་བྱ་བ་ནི། །གཞུང་དང་མཐུན་པའི་གནས་དག་ཏུ། །ཡོ་བྱད་ཕུན་སུམ་ཚོགས་པར་བྱ། །ཕྱོགས་སྐྱོང་སྦྱིན་གཏོང་ལན་ཆགས་གཞལ། །བཀའ་བསྒོ་མཚམས་གཅད་སྔར་བཞིན་བྱ། །ཕོ་བྲང་དགུ་པ་བཞེངས་སུ་གསོལ། །གནས་དང་ཡོ་བྱད་བྱིན་གྱིས་བརླབ། །མཆོད་རྫས་སྣ་ཚོགས་ཚོགས་པར་བཤམ། །སྒྲུབ་པའི་རྫས་ནི་བུམ་པ་བཟང་། །རྒྱན་རྫས་མཚན་ཉིད་ལྡན་པ་དག །ལྷ་ཡི་གྲངས་དང་ལྡན་པ་དག །ལས་ཀྱི་ཆོ་ག་རྫོགས་པར་དགོད། །དེ་ནས་དམིགས་པ་གང་ཡིན་པའི། །མིང་གཟུགས་མཚན་མར་ལྡན་པ་ལ། །རྒྱན་དང་ཆ་ལུགས་མཛེས་པར་གདགས། །རྣམ་པར་ཤེས་པ་དགུག་བྱས་ནས། །རིགས་གཅིག་རིགས་ལྔ་རིགས་དགུ་ཡི། །ཏིང་ངེ་འཛིན་གྱི་དཀྱིལ་འཁོར་བཞེངས། །ཆོས་དབྱིངས་རང་བཞིན་དཀྱིལ་འཁོར་ཏེ། །སྤྱན་དྲངས་བཞུགས་ལ་མོས་ཕྱག་བཙལ། །མཆོད་བཤགས་ཕྲིན་ལས་བཅོལ་བ་ཡིས། །འོད་ཟེར་དྲ་བས་སྲིད་གསུམ་གྱི། །ཉོན་མོངས་དྲི་མ་མ་ལུས་བསལ། །རིན་ཆེན་ཤེལ་སྒོང་ལྟར་བསམས་ལ། །སྡུག་བསྔལ་རྣམས་ལ་སྐྱོ་བསྐྱེད་དེ། །ཐུགས་རྗེས་རིགས་དྲུག་གནས་ནས་དགུག །ཆུ་སྐྱེས་གཟུགས་གདག་བཞི་ལ་བརྟེན། །ཨ་ནྲྀ་སུ་ཏྲི་པྲེ་དུ་ཞེས། །དབུས་སུ་རིགས་ལྔའི་སྙིང་པོ་བྲི། །ལྔ་དང་རིགས་ལྔ་ལྕགས་ཀྱུ་ལ། །ཕྱི་རོལ་འདབ་མ་བཞི་པོ་ཡིས། །མཆོད་སྦྱིན་གྱིས་ནི་ལན་ཆགས་གཞལ། །གསང་སྔགས་དྲག་པོས་གཤེད་དང་དབྲལ། །བདུད་རྩི་དྲི་ཆུས་ཕྱི་ནང་བཀྲུ། །རིགས་དབང་ལྔ་ཡི་ཡུམ་ལ་བསྐུར། །ཡེ་ཤེས་ལྷ་དང་གཉིས་མེད་པར། །ངོ་བོ་སྟོང་པ་ཉིད་དུ་བྱ། །རིགས་དྲུག་གནས་ནས་བཏོན་ནས་ནི། །སླར་ཡང་དངོས་སུ་བྱས་ནས་ནི། །ཕོ་བྲང་ཆེན་པོའི་དྲུང་དུ་ཁྲིད། །སྒོ་བཞི་དབྱེ་བར་གསོལ་བ་གདབ། །གནང་ ― DNG014_Page_0623 ―
[མ་དཔེ་གཟིགས་ན་འདིར་གནོན།]
བ་ཐོབ་ནས་ཕྱག་བཙལ་ཞིང་། །ཡོན་ཕུལ་ནས་ནི་སྐྱབས་སུ་གསོལ། །ཡེ་ཤེས་ལྔ་དང་སྐུ་ལྔར་བྱ། །གཟུགས་སྐུ་དངོས་སུ་ཐོབ་བྱའི་ཕྱིར། །གོས་སམ་རས་སམ་ཤིང་ཤུན་ལ། །ཁྲོ་ཚོགས་སྙིང་པོ་མིང་སྤེལ་བཅས། །གནས་ཡུལ་དག་ཏུ་ལེགས་པར་དགོད། །སངས་རྒྱས་ཞི་ཁྲོའི་དཀྱིལ་འཁོར་རྣམས། །ཁྱོད་ཀྱི་སྟེང་དང་འོག་ཏུ་སྦྱིན། །ཐུགས་རྗེ་ཚད་མེད་བཞི་ལྡན་ནས། །ཁྲོ་བོ་འཇིགས་བྱེད་སྐུར་བསྟན་ནས། །གདུག་པ་ཅན་རྣམས་འདུལ་བར་འགྱུར། །སོ་སོའི་སྙིང་པོ་བརྗོད་ནས་ནི། །གནས་ཀུན་བྱིན་གྱིས་བརླབ་པར་བྱ། །ཉོན་མོངས་སྐྱོན་གྱིས་མ་གོས་ཕྱིར། །པདྨའི་གདན་ལ་བཞག་ནས་ནི། །སྔར་བཞིན་དཀྱིལ་འཁོར་བཞེངས་པར་བྱ། །དེ་ནས་སླར་ཡང་བྱིན་དབང་ཅིང་། །རྡོ་རྗེའི་དགོངས་པ་ལ་ཞུགས་ནས། །བསྙེན་པ་སྔགས་ཀྱི་འཕྲོ་འདུ་བྱ། །རྡོ་རྗེའི་ལས་ནི་རྫོགས་པར་སྤྱད། །མཆོད་ཅིང་བཤགས་ཏེ་བསྐང་ཞིང་བཅོས། །ཁྲག་འཐུང་བདུན་བརྒྱ་ཉི་ཤུ་ལ། །བསྟོད་བསྐུལ་གྱིས་ནི་དམིགས་པ་དགུག །བཀའ་སྡོད་ཕོ་ཉ་དམ་བདར་ཞིང་། །བསྐྲད་དང་བརྡེག་པས་བར་ཆད་བསལ། །སླར་ཡང་བཀྲུ་དང་བསྐུར་བ་དང་། །ཕུང་པོ་ཁམས་དང་ལྷར་སྦྱངས་ཏེ། །སྨོན་ལམ་བསྔོ་བ་ལ་སོགས་ཀྱིས། །འགྲོ་བའི་དོན་ལ་བསྐུལ་བར་བྱ། །དེ་ལྟར་ལྔ་འམ་བདུན་ལ་སོགས། །ཟླ་བ་ཕྱེད་དམ་ཅི་རིགས་ཀྱིས། །ལས་དང་ཉོན་མོངས་བག་ཆགས་སྦྱང་། །དེ་ནས་དངོས་གཞི་སྦྱིན་བསྲེག་བྱ། །ཕོ་བྲང་དགུ་ཡི་སྟེང་ཉིད་དུ། །ཀ་བ་བཞིའམ་བརྒྱད་ཀྱིས་བཏེགས། །རྣམ་བཞིའི་ལས་ཀྱི་ཧོམ་ཁུང་དུ། །བཞིའམ་བརྒྱད་ཀྱི་མེ་མར་སྤར། །འབྱུང་བ་ལྔ་ཡི་ཡམ་ཤིང་ལས། །མཆོད་སྦྱིན་དངོས་པོ་བསྲེག་སྦྱང་ཐིམ། །ནད་གདོན་རྣམ་རྟོག་ཞི་བ་དང་། །ཚེ་དབང་ལོངས་སྤྱོད་རྒྱས་པ་དང་། །ལོག་ལྟ་མི་མཐུན་དབང་བསྡུ་དང་། །དམིགས་པ་དྲག་པོས་བསྒྲལ་འདོད་རྣམས། །གང་ལ་བསྔགས་པ་དེར་སྤྱད་དེ། །ཟླུམ་པོ་གྲུ་བཞི་ཟླ་ཁམ་ཨེ། །རྡོ་རྗེ་རིན་ཆེན་པདྨ་དང་། །རལ་གྲི་དཀར་སེར་དམར་དང་ནག །འོ་མ་ཅན་དང་འབྲས་བུ་སྨིན། །ཁ་དོག་དམར་དང་ཚེར་མ་ཅན། །བྲམ་ཟེ་རྒྱལ་པོ་སྨད་འཚོང་མ། །སྨེ་ཤ་ ― DNG014_Page_0624 ―
[མ་དཔེ་གཟིགས་ན་འདིར་གནོན།]
ཅན་ལ་བླངས་པའི་མེ། །སྔ་དྲོ་ཉིན་གུང་དགོང་མོ་དང་། །སྲོད་ཀྱི་དུས་སུ་ཤར་ལྷོ་དང་། །ནུབ་དང་བྱང་ནས་རིམ་གྱིས་སྤར། །བསྲེག་རྫས་སུམ་ཅུ་རྩ་གཉིས་ནི། །བསངས་ཏེ་བྱིན་གྱིས་བརླབས་ལ་དབུལ། །ཡེ་ཤེས་ལྷ་དང་མེ་ལྷ་དང་། །ཐུན་མོང་ཐུགས་ཀྱི་དཀྱིལ་འཁོར་དང་། །སླར་ཡང་མེ་ལྷའི་ཆོ་ག་དག །དཀྱིལ་འཁོར་དགུ་ཡི་ལྷ་དང་སྦྱར། །ཤཱནྟིཾ་པུཥྚིཾ་བ་ཤཾ་དང་། །མཱ་ར་ཞེས་པས་མཐའ་བསྒྱུར་ཏེ། །ལྷ་དང་མེ་ལྷའི་སྙིང་པོས་སྦྱང་། །བསྐྱེད་དང་རྫོགས་དང་རྫོགས་པ་ཆེ། །གང་གིས་སྒོར་ཞུགས་དེ་བཞིན་སྦྱང་། །གསང་བའི་ཆོས་གསུམ་མ་མཐོང་ཞིང་། །ལྟ་བསྒོམ་སྤྱོད་ལ་མ་སྦྱངས་པ། །ཐ་མལ་པ་དང་མོས་པ་ཙམ། །རྣལ་འབྱོར་ཉིད་དུ་སྦྱར་བར་བྱའོ། །དེ་ལས་བཟློག་པ་རང་གི་ལྷའི། །ཞིང་ཁམས་རྣམ་པར་དག་པ་སྟེ། །ལྷ་དང་གཉིས་མེད་ལམ་བསྟན་གཤེགས། །ཁྱད་པར་བལྟ་བ་ཉམས་པ་དེ། །ཇི་ལྟར་མ་ནོར་ཧོམ་ཁུང་དུ། །ཇི་སྙེད་མ་ལུས་ཡམ་ཤིང་གིས། །གཉིས་མེད་ཡེ་ཤེས་མེ་སྤར་ཏེ། །མ་རིག་རྣམ་རྟོག་བསྲེགས་ཤིང་སྦྱངས། །རང་བྱུང་རྒྱུ་རྐྱེན་བྲལ་བའི་ཕྱིར། །བསོད་ནམས་ཚོགས་ལས་མི་ལྟོས་པས། །གདོད་ནས་སྙིང་པོ་བྱང་ཆུབ་པའི། །མི་རྟོག་ཏིང་འཛིན་རྒྱུན་དུ་བསྒོམ། །གལ་ཏེ་དེ་ལྟར་མིན་པ་ན། །སྐུ་གདུང་བགོས་ཏེ་ཚ་ཚར་གདབ། །སྔར་བཤད་ཆོ་གས་ཚོགས་ཆེན་བསག །བཟློག་པའི་བསྙེན་པ་དེ་དག་ནི། །རང་བཞིན་ལྷུན་གྱིས་གྲུབ་པ་སྟེ། །སྐྱེ་མེད་དབུ་མའི་སྙིང་པོར་གནས། །མ་ལུས་མཉེས་པར་བྱ་བ་བསྟན། །བསྲེག་དང་སྦྱང་བ་བཞི་ཡི་ལས། །ཕན་པའི་ཡན་ལག་ལས་ཀྱི་མཆོག །དེ་ཉིད་གཉིས་པའི་སྦྱོར་བའོ། །ཐོག་མ་ཉིད་ནས་སེམས་ཅན་ཁམས། །རྣམ་དག་དབྱིངས་ལས་མ་གཡོས་ཀྱང་། །བདག་འཛིན་འཁྲུལ་པས་འཁོར་བར་འཁྱམས། །དེ་ལ་རྒྱལ་བ་རྣམས་ཀྱིས་དགོངས། །ཀུན་བཟང་ང་ཉིད་ཧེ་རུ་ཀར། །མངོན་བྱུང་སྤྲུལ་པ་མཛད་པ་ཡིས། །ཡེ་ཤེས་བསམ་མི་ཁྱབ་པ་ལས། །བྱང་ཆུབ་ཆེན་པོའི་ལམ་འདི་བསྟན། །ཇི་ལྟར་བཤད་པའི་གནས་ཆེན་དུ། །ཕུན་སུམ་ཚོགས་པའི་ཡོན་ཏན་བསམ། །སྔོན་དུ་འགྲོ་བ་རྫོགས་བྱས་ཏེ། །དཀྱིལ་འཁོར་དགུ་པ་ཚུལ་བཞིན་བྱ། ། ― DNG014_Page_0625 ―
[མ་དཔེ་གཟིགས་ན་འདིར་གནོན།]
མཚན་མ་གསུམ་གྱིས་བརྒྱན་བྱས་ཏེ། །ནམ་ཞིག་འཚང་རྒྱའི་མིང་བསྟན་པས། །ལྷག་པའི་ལྷ་ཡི་གནས་རྒྱས་གདབ། །བཟང་མོར་བྱིན་བརླབ་བུམ་པ་བརྒྱན། །དབྱེ་བའི་རྫས་ལ་གཉིས་དང་གཅིག །རྡོ་རྗེ་ལས་ཀྱིས་བྱ་བ་བྱེད། །རྒྱན་བྲིས་རི་མོར་བྲི་བར་བྱ། །གསལ་རྫོགས་མཆོད་པས་བྱིན་ཕབ་ལ། །ཐུགས་རྗེས་དགུག་དྲལ་དམ་ཚིག་བསྡིམ། །མཆོད་འོས་བསྒྲུབ་པ་འཕགས་པའི་ཚོགས། །བཤད་པའི་ལུང་བཞིན་མཐར་ཕྱིན་བྱ། །བསྒོམ་སྦྱང་མཆོད་བསྟོད་བསྐུལ་བར་བྱ། །རྒྱུད་ལྔའི་ལམ་ནས་བཙལ་ཞིང་དྲང་། །སྲས་གྱུར་བཤགས་བྱས་ལམ་བསྟན་ཏེ། །ཐུགས་རྗེ་སེམས་དཔའ་གསལ་བར་གཟུད། །བལྟ་བ་ཆོས་ཉིད་མ་ནོར་བསྟན། །རབ་ཏུ་བསྔགས་པ་དེ་ཉིད་གསལ། །ཐུགས་ལས་སེམས་དཔའ་རབ་ཏུ་གསལ། །ཐབས་དང་ཤེས་རབ་སྦྱར་བ་ལས། །རྣམ་ཐར་གསུམ་གྱི་ཨེ་ཡིས་བསྒྲལ། །ཨ་ནུ་རཱ་ག་ཞེས་སུ་བརྗོད། །རང་བྱུང་མེ་ཡིས་གསལ་བྱས་ཏེ། །ཡབ་ཡུམ་འོག་མིན་གནས་སུ་འཕངས། །བྱང་ཆུབ་སེམས་ཀྱི་དབབ་པར་བྱ། །ཚོགས་དང་སྨོན་ལམ་འབྲས་བུ་བསྐུལ། །ལས་དང་བག་ཆགས་གཏན་སྦྱང་ཕྱིར། །ཏིང་འཛིན་འབར་བའི་ཡེ་ཤེས་ལྷ། །ཐུགས་རྗེ་ཚད་མེད་སྐུར་བཞུགས་ནས། །ཚོམ་བུ་དགུ་པ་རྒྱན་ལྡན་བྲི། །འཁོར་ལོ་རྩིབས་བརྒྱད་སྒྲིབ་པ་གཅོད། །གྲུ་གསུམ་འབར་བའི་གཞལ་ཡས་སུ། །རྫས་ཀྱི་དམ་པ་རྒྱན་དང་ལྡན། །དངོས་དང་ཡོ་བྱད་མཆོད་པར་དགྲམ། །སྟང་སྟབས་དང་ནི་ཚམ་རྔམས་བྱ། །གྲངས་མཉམ་བཀོད་པ་བསམ་མི་ཁྱབ། །རྫོགས་པ་བཞིན་དུ་བསྐྱེད་པར་བྱ། །གོང་བུ་གཅིག་ཏུ་དབུལ་བ་དང་། །སྣ་ཚོགས་མཐུན་པ་དགྲམ་པ་དང་། །རིམ་པའི་ཏིང་འཛིན་བསྐྱེད་པ་དང་། །སྔར་བཤད་དང་པོའི་འཇུག་ཚུལ་ཞིང་། །བཀྲུ་དང་སྦྱང་དང་སྨོན་ལམ་གདབ། །དུར་ཁྲོད་ཤིང་གི་མེ་སྦར་ཏེ། །ལས་ཀྱི་སྒྲིབ་པ་ཕྱིར་བསལ་ལ། །མཚམས་གཅད་བསྲེག་ཅིང་བསྡིམ་པར་བྱ། །ཅིག་ཅར་བ་དང་རིམ་གྱིས་པས། །སོ་སོའི་མཐུན་པའི་རྫས་ཀུན་བཏབ། །དེ་ཡི་སྨོན་ལམ་དེ་བཞིན་ནོ། །གྲལ་དུ་བོས་ཏེ་ཚོགས་མཆོད་དབུལ། །འཕར་ལམ་བསྐུལ་བས་མཐར་དབྱུང་ངོ་། །ཐ་མའི་རྫས་ཀྱི་ ― DNG014_Page_0626 ―
[མ་དཔེ་གཟིགས་ན་འདིར་གནོན།]
མཆོད་ཅིང་བསྐྱང་། །གཏང་རག་གཏང་ཞིང་གཏེར་དུ་སྦས། །ཚེ་སྦྱིན་བསྲུངས་ཏེ་བསོད་ནམས་སྤེལ། །ལུས་བསྲུང་གོ་བགོ་དཀྱིལ་འཁོར་བསྡུ། །ལས་ཀྱི་འབྲས་བུ་བསྔོ་བར་བྱ། །ས་གསུམ་བགྲོད་པའི་སྨོན་ལམ་གདབ། །གདུང་རྫས་རིང་བསྲེལ་ཚུལ་དུ་བསྡུ། །ནོར་བུ་རྒྱལ་མཚན་རྩེ་ལ་མཆོད། །ཚ་ཚ་སྐུ་བཞེངས་འགྲོ་དོན་བསྐུལ། །གཤིན་ཉིད་འགྲོ་དྲུག་སེམས་ཅན་དང་། །རྡོས་པ་དག་དང་སློབ་མ་དང་། །ལྷ་དང་དཀྱིལ་འཁོར་ཡམ་ཤིང་དང་། །བསྲེག་རྫས་ཉིད་དང་བདུད་རྩི་ལྔ། །སྟོང་པ་ཉིད་དང་རྒྱུ་རུ་ཤེས། །ཀུན་གཞིའི་རྣམ་ཤེས་བཅུད་ཕྱུང་ནས། །གདོས་བཅས་ཕུང་པོའི་སྙིགས་མ་ཅན། །དཀར་ནག་ལས་ཀྱི་ལྟང་འཛིན་ཅིང་། །དགེ་དང་མི་དགེ་དྲན་བྱས་པ། །བྱང་འགྱུར་ཏིང་ངེ་འཛིན་གྱིས་སུ། །བཀྲུ་སྦྱོང་སྤྲོ་དང་བྱིན་གྱིས་བརླབ། །ལམ་བསྟན་ཉིད་ཀྱི་རྒྱན་བྱ་བ། །རྡོ་རྗེ་རྒྱལ་པོ་ཉིད་ཀྱི་ལས། །གནས་སྦྱོར་མཆོད་པ་སྨོན་ལམ་གྱིས། །བླ་མས་སྐབས་སྦྱོར་བླ་མས་བྱའོ། །བཤགས་སྦྱང་བསྐང་བྱ་སོར་གཞུག་པ། །སློབ་མ་ཉིད་ཀྱིས་བྱ་བ་དེ། །ལས་ཀྱི་ཁྱད་པར་འདི་དག་ཉིད། །ཚེ་ལས་འདས་པ་ཤིན་ཏུ་གྱུར། །དེ་ཡི་དོན་དུ་ཧེ་རུ་ཀས། །ངེས་པའི་རབ་ཏུ་སྦྱོར་བའོ། །བླ་མེད་རྣལ་འབྱོར་ཐེག་པ་ལ། །རབ་ཞུགས་ཕྲིན་ལས་སྒྲོལ་བ་ནི། །ཤེས་རབ་ཏིང་འཛིན་ཐབས་ལྡན་པས། །སྐུ་གསུང་ཐུགས་ཀྱི་དངོས་གྲུབ་འགྲུབ། །ཏིང་འཛིན་ལས་སུ་རུང་བ་དང་། །ཤེས་རབ་ཕུན་སུམ་ཚོགས་པ་དང་། །ཐབས་མཁས་བློ་དང་ལྡན་པ་ཡིས། །རྟགས་དང་དྲོད་ཚད་ངོས་བཟུང་ཤེས། །རྣལ་འབྱོར་དབང་ཕྱུག་ཆེན་པོ་དེས། །ཞི་ཁྲོ་རྒྱུན་གྱི་ཏིང་འཛིན་བསྒོམ། །གང་ལ་དམིགས་པ་དེ་དྲངས་ཏེ། །མཆོད་པའི་ཚོགས་ཀྱིས་དེ་མཉེས་བྱ། །ཐུགས་རྗེ་ཆེན་པོས་དེ་ཉིད་བསྐུལ། །དེ་ཉིད་ཁྲོ་བོའི་ཏིང་འཛིན་བསྒོམ། །ཕྲིན་ལས་རྩེ་གཅིག་མཛད་པར་འགྱུར། །ཤེས་རབ་ཕྱག་རྒྱ་བཅིངས་ཏེ་བསྐུལ། །ཧཱུཾ་མི་གཡོ་ཕྱག་རྒྱ་ཆེན་པོའི་ངང་། །ཆོས་ཀྱི་སྐུ་ལས་བཞེངས་པ་ནི། །ཕྱག་རྒྱ་ཆེན་པོའི་གཉིས་མེད་པས། །དམ་ཚིག་ཆེན་པོའི་དུས་ལ་བབ། །ཨོ་ཀ་རེ་ཀ་རེ་ར་ཙ་ས་མ་ཡ་ཀརྨ་ས་མ་ཡ་ ― DNG014_Page_0627 ―
[མ་དཔེ་གཟིགས་ན་འདིར་གནོན།]
སྟྭཾ། ཐབས་ཀྱི་རྒྱལ་པོས་འདི་སྐད་དུ། །མུ་མཐའ་མི་འཛིན་མི་འགོག་པའི། །མཉམ་ཉིད་རྣལ་འབྱོར་ཐོད་རྒལ་དུ། །ཞི་ཁྲོ་གཏུམ་རྔམས་མདངས་དང་ལྡན། །སྣ་ཚོགས་བྱང་ཆུབ་སེམས་མི་གཡོ། །ཨ་ས་མ་ཙ་ལ་དྷརྨ་དྷཱརྟུ་སྭ་བྷཱ་བ་ཨཱདྨ་ཀོ྅ཧཾ། ཞི་བའི་ཏིང་ངེ་འཛིན་ལས་བཞེངས། །ལག་པ་གཡས་པ་སྟ་ཟུར་བསྟན། །ཕྱོགས་མཚམས་བླ་འོག་ཀུན་བལྟས་ནས། །སྐྱེ་ཤི་མཚན་ཉིད་འཇིག་རྟེན་གསུམ། །ཐར་པའི་རྒྱུ་ནི་ཅི་ཡང་མེད། །ངན་འགྲོ་གསུམ་གྱི་གཏིང་བརྒྱུད་ལ། །སྙིང་རྗེ་བསྐྱེད་ནས་འདི་སྐད་བརྗོད། །བྱམས་པ་ཚད་མེད་ཁྲོ་གཏུམ་སྣང་། །སྙིང་རྗེའི་བསོད་ནམས་མཐར་ཕྱིར་པ། །བསྒྲལ་བའི་མཚན་ཉིད་དགའ་བའི་མཆོག །བཏང་སྙོམས་ཡལ་བར་མི་འདོར་རོ། །ཨོཾ་མ་ཧཱ་ཀ་རུ་ཎི་ཀ་མ་ཧཱ་མེ་ཏྲི། སྭ་བྷཱ་བ་ཨཱདྨ་ཀོ྅ཧཾ། དེ་ནས་ལྷན་ཅིག་སྐྱེས་བགེགས་ལ། །ལན་ཆགས་དབྲལ་བའི་གཏོར་མ་གཏོང་། །ཕྱི་ནང་གསང་བའི་མཚམས་ཀྱིས་གཅད། །ཐབས་དང་ཤེས་རབ་གཉིས་ཀ་ཡིས། །འགྲོ་བ་བསྒྲལ་བའི་ཕྱོགས་སུ་བལྟ། །དུར་ཁྲོད་བདག་པོས་བསྡིག་པའི་ཕྱིར། །ཨོཾ་སརྦ་པཱ་པཾ་ཀརྨཱ་ཧེ་ཏ་པ་ས་ཏ་ཤ་མ་མ་ཏྲང་ག་རུ་དྲ་ཧཱུཾ་ཕཊ། ཨོཾ་སརྦ་པཱ་པཾ་ཀར་ཏེ་ཏི་བི་ཏོ་ཏི་ཁ་ཊྭཱཾ་ག་རུ་དྲ་ཧཱུཾ་ཕཊ། ཨོཾ་སརྦ་ཀ་ར་ཏེ་ཧ་པ་སི་ཏ་མ་ཧཱ་ཨ་ཀར་ཤ་རུ་དྲ་ཧཱུཾ་ཕཊ། ལྷོ་ཕྱོགས་སུ་ནི་ལན་རེས་མཆོད། །བ་ཡ་ཀེ་ཤྭ་ཙིཏྟ་ཧཱུཾ་ཕཊ། པྲཛྙཱ་ཀེ་ཤ་ཙིཏྟ་ཛྭ་ལ་ཧཱུཾ་ཕཊ། ལྡང་ཞིང་གསོར་བས་ལན་གསུམ་བརྗོད། །སྟ་ཟུར་གཡས་གཡོན་རེ་རེ་ཞིང་། །གཟིགས་འབྲུམས་ཚུལ་དུ་བལྟ་བར་བྱ། །ཨོཾ་པྲཛྙཱ་ཨུ་པ་ལ་ཧཱུཾ་ཀྲོ་དྷ་ཨེ་ཤ་ཧོ། གར་གྱིས་གོམ་གསུམ་སླར་བོར་ནས། །ཡུལ་རྣམས་ཀུན་ལ་རབ་གཟིགས་ནས། །ཡི་གེ་དག་གི་ཚོགས་སུ་སྣང་། །རབ་བསྐྱིལ་གར་གྱིས་སྲིད་པ་ཀུན། །བདུད་རྩིའི་མདོག་གཟིགས་མཆོད་ཅིང་བསྟབ། །ཁ་ཁ་མི་ཀ་ཏ་ཡས་ཨ་ལ་ལ་ཧོ། ཨོཾ་པཉྩ་ཨ་མྲྀ་ཏ་ཡོ་གི་ནི་ཁ་རཾ་ཁཱ་ཧི། རྡོ་རྗེ་ཞལ་དུ་བསྟབ་པ་ནི། །ཉོན་མོངས་འཁོར་བའི་སེམས་ཅན་འདི། །བསྒྲལ་བ་ཁོ་ནའི་ལས་སུ་རུང་། །བསྟབ་པོ་དཔལ་ཆེན་ཞལ་དུ་བསྟབ། །ཁྲོ་མོ་སྤྲུལ་དང་བཅས་ལ་སོགས། །ཡུལ་རྣམས་འདུལ་བའི་སྐལ་དུ་བཞེས། །ཏ་ན་ ― DNG014_Page_0628 ―
[མ་དཔེ་གཟིགས་ན་འདིར་གནོན།]
ཆེན་པོའི་ཞིང་དུ་སྦྱོར། །གིང་ཆེན་རྡོ་རྗེའི་ཕྱག་ཏུ་དབུལ། །ཡེ་ཤེས་རྒྱ་མཚོར་བཞེས་སུ་གསོལ། །དེ་ནས་ཁྲོ་བོའི་སྔགས་ཀུན་དང་། །ལྷ་མོ་ཀུཎྜ་ལཱིའི་སྔགས་ཀྱིས། །བར་དུ་གཅོད་པའི་བགེགས་བསལ་ནས། །དཀྱིལ་འཁོར་དུ་དྲང་འདི་སྐད་དུ། །ཐར་པའི་ལས་བྱེད་དཀྱིལ་འཁོར་འདིར། །དགའ་ཞིང་སྤྲོ་བས་འོང་བ་ལྟར། །སྐལ་བར་ལྡན་པའི་སེམས་ཅན་ཁྱོད། །ཤིན་ཏུ་བདེ་ཞིང་ལེགས་པར་འོངས། །བདེ་གཤེགས་ཐུགས་རྗེ་ཐབས་ལ་མཁས། །བློ་ངན་སེམས་ཅན་སྙིང་རྗེའི་ཡུལ། །གཉིས་མེད་ཐབས་ཀྱིས་བསྒྲལ་བར་བྱ། །ཐབས་དང་ཤེས་རབ་ཚོགས་པ་ཀུན། །གནས་པར་གྱུར་ནས་ལས་ཀྱི་རྗེ། །རྒྱལ་བ་རྒྱ་མཚོ་འཁོར་དང་བཅས། །སྐུ་གསུང་ཐུགས་དང་ལྡན་པ་རྣམས། །སྤྱན་འདྲེན་ཚུར་བྱོན་གཤེགས་སུ་གསོལ། །ཧ་ཧ་ཀི་ལི་ཀི་ལི་ཞེས། །བཞད་པའི་གད་མོས་སྟོང་གསུམ་ཁེངས། །བདེ་བདེ་མཆོག་བདེ་སྤྱོད་མཁའ་ཀློང་དུ། །ཡང་མཆོག་བདེ་གོས་དཀར་ཀློང་དུ། །སློབ་མའི་ཚུལ་ཅིག་གནང་བར་མཛོད། །འདོད་པས་རོལ་ཅིག་དགོངས་ཤིག་ཁཱ་ཧི། །སྦྱིན་ནོ་བསྐུལ་ལོ་གསོལ་ཅིག་རོལ། །ངོ་མཚར་མཆོག་ཏུ་བསྟབ་པོ་ཞེས། །ཟླ་སོགས་དམར་ཆེན་སྙིང་པོ་ལྔ། །མཱཾ་ས་རོ་མཆོག་ཆེར་འཕེལ་གསོལ། །རཀྟ་མེ་ཙ་རྒྱུད་ཆེན་གསོལ། །ཞི་བའི་སྒྲུབ་པ་བསྒྲུབ་འཚལ་གྱིས། །དྲི་མེད་གཟི་ལྡན་མཆོད་པ་འདི། །ཡེ་ཤེས་རྒྱ་མཚོ་རྣམས་ཀྱིས་བཞེས། །ཐབས་དང་ཤེས་རབ་ཚོགས་ཀུན་གྱིས། །རྒྱུ་དང་ཡུལ་ལས་དམིགས་ཚུལ་བལྟ། །གཡོན་པའི་སྡིགས་མཛུབ་དེར་གཏད་དེ། །ཡེ་ཤེས་མཁའ་ལྡིང་གཏེར་ཆེན་གྱིས། །འཁོར་བའི་བྱེའུ་ཕྲུག་བླང་བ་ནི། །བུ་ཕྲུག་མ་ཡིས་ཟས་སྟེར་བཞིན། །འདུས་པའི་ཚོགས་ཀུན་རབ་ཏུ་དགྱེས། །ཧ་བྷ་ཧ་ཕྲ་མོ་ཏྲི་སརྦ་དུ་པྲ་ཤ །སྟེགས་བུར་བཞག་སྟེ་འདི་སྐད་བརྗོད། །མི་རྟོག་ཡེ་ཤེས་དཀྱིལ་འཁོར་དེ། །ཟག་མེད་སེམས་ཀྱི་ཏིང་ངེ་འཛིན། །གཟུགས་བརྙན་རྣམ་པ་ལྟ་བུ་སྟེ། །འདུས་ཤིང་ཚོགས་པའི་དཀྱིལ་འཁོར་བསྟན། །ཐབས་ཀྱི་རྡོ་རྗེ་རྣམ་གྲངས་ནི། །ཆོས་ཀྱི་དབྱིངས་ལས་ཆོས་ཉིད་གནས། །རྡོ་རྗེ་དབྱིངས་ཀྱི་དཀྱིལ་འཁོར་འདིར། །སུ་དག་ ― DNG014_Page_0629 ―
[མ་དཔེ་གཟིགས་ན་འདིར་གནོན།]
ཕྱིན་པ་ཕྱིར་མི་ལྡོག །ཨོཾ་ཏ་ན་ཙིཏྟ་མོ་ཀྵ་ག་ཎ་མ་དྷ་ལ་པྲ་དུ་ཤ་ཧཱུཾ། ཕོ་ཉ་ཁྲོ་བོའི་ཚོགས་ཀུན་བསྐུལ། །ལམ་རྒྱུད་དགག་པའི་སྙིང་པོ་ལྔ། །འབྲུ་གསུམ་བཅས་པའི་ནུས་པ་བསམ། །རཾ་ལས་མེ་དཔུང་སྤྲོས་པ་ཡིས། །རྒྱུ་དང་ཕྱོགས་བཅུའི་སེམས་ཅན་གྱི། །རྟོག་པ་མ་ལུས་བསྲེག་པར་བསྒོམ། །སོ་སོའི་ཕྱག་རྒྱ་ཏིང་འཛིན་གྱིས། །རྒྱུད་ལྔ་དྲག་པོའི་སྔགས་ཀྱིས་གཞོམ། །སྤྲུལ་པ་སེམས་ཅན་རྒྱུ་ལས་བསྡུ། །བར་གཅོད་ཕོ་ཉ་སྤྲོས་དགུག་སྟེ། །སྒྱུ་ལུས་ཁྲོ་བཅུའི་སྙིང་པོ་དང་། །སྟངས་སྟབས་མཚོན་ཆ་སྔགས་དང་བཅས། །རྩེ་གཅིག་ཏིང་ངེ་འཛིན་གྱིས་སྦྱངས། །ང་ནི་དུས་གསུམ་བཞུགས་པ་ཡི། །སངས་རྒྱས་ཡིན་ཏེ་ཡེ་ཤེས་སྐུ། །ཡེ་ཤེས་རྣོ་དབལ་མཚོན་ཆ་ཡིས། །ལོག་རྟོག་འཁོར་བ་རྒྱུན་གཅད་དོ། །འཁོར་བའི་རྒྱ་མཚོ་མཐའ་རིང་ལས། །ཐུགས་རྗེ་ཆེན་པོའི་རོལ་པ་ཡིས། །ཁམས་གསུམ་གཅིག་ཅར་བསྒྲལ་བའི་ཕྱིར། །དུག་གསུམ་རྩད་ནས་གཅད་པར་བྱ། །མཉམ་ཉིད་དོན་ལ་ཁྱད་འབྱིན་དང་། །དམ་ཚིག་འཁུ་བྱེད་ཅན་ཉིད་བརླག །ལོག་རྟོག་འཁོར་བའི་རྒྱུན་གཅོད་པ། །གཤིན་རྗེའི་གསལ་ཤིང་མི་བཟད་པ། །གདུག་པར་གྱུར་པ་རྣམ་པར་འཇོམས། །གཤོག་པའི་རལ་གྲི་ཀརྟ་རི། །གདུག་པའི་འཁོར་ལོ་མི་བཟད་པ། །ཁོང་ནས་ཁྲོས་པའི་ཕུང་པོ་འཇོམས། །རྣོ་གདུག་དྲག་པོ་རྩེ་དགུ་ལ། །ཚེ་དང་ཕུང་པོ་བཅས་པ་འཇོམས། །བྷྱི་ད་ར་ཙ་ཧཱུཾ། ཨི་ཧ་ན་ར་ཙ་ཧཱུཾ། ཀི་མ་ལ་ཙཀྲ་པ་ཙ་ཧཱུཾ། དྷ་ར་ཙ་མ་མ་ཧཱ་ཀྲོ་དྷ་ཧཱུཾ། བཛྲ་ནི་ཀན་པ་ར་ཙ་ཀྲོ་རུ་ཧཱུཾ། སྡི་ར་ར་ཀ་མ་ར་ན་ཧཱུཾ། བཛྲ་ག་ན་ཙིཏྟ་ཧཱུཾ། ཀྲོ་དྷ་ར་ཙ་མ་ཏ་ཧེ་རུ་ཀ་མ་ཧཱ་ལོ་ཙ་ཧཱུཾ། གང་ལ་བྱ་བའི་དངོས་པོ་འདི། །གཤེད་བྱེད་ཐམས་ཅད་དབང་བར་བྱིན། །གསང་སྔགས་ཀྱིས་ནི་བྱིན་བརླབས་ཏེ། །རིག་སྔགས་ཀྱིས་ནི་རྫོགས་བྱས་ནས། །འདི་ལ་ལོངས་སྤྱོད་རྟག་ཏུ་སྦྱར། །འཆབ་པའི་ཕྱོགས་ནས་ཅི་བདེ་བར། །ཁྱོད་ཀྱིས་འདི་ལ་ལོངས་སྤྱོད་ཅིག །བདག་གིས་བཅོལ་བའི་ལས་རྣམས་ཀུན། །མ་ལུས་འགྲུབ་པར་བྱིན་གྱིས་རློབས། །ངན་འགྲོ་སྦྱོང་བྱེད་རབ་བརྟགས་ཏེ། །ཀ་ཏར་རལ་གྲི་གཏད་ནས་ ― DNG014_Page_0630 ―
[མ་དཔེ་གཟིགས་ན་འདིར་གནོན།]
ཀྱང་། །རྡོ་རྗེ་ཕོ་ཉ་ཀིང་ཀ་ར། །ཀ་ཏར་སྔོན་པོ་འདི་ལོངས་ལ། །ཨ་བྷི་ཥིཉྩ་གནས་སྐྱོད་དོ། །འཇམ་དཔལ་རྣོན་པོའི་ཞིང་དུ་བསྐྱོད། །འཁོར་ལོའི་རྩ་བ་དྲུང་ནས་ཕྱུང་། །ཙིཏྟ་བྷནྡྷའི་ནང་དུ་བསྩལ། །ཤེས་རབ་ཡུམ་གྱིས་འཕང་དུ་བཞག །རང་བཞིན་དཀྱིལ་འཁོར་བདེ་བའི་མཆོག །ཞི་བ་ལྷུན་གྱིས་གྲུབ་པར་སྦྱོར། །བུ་ཁྱོད་རྒྱལ་བའི་སྲས་ཡིན་ཏེ། །ང་ནི་ཤེས་རབ་ཕ་རོལ་ཕྱིན། །དུས་གསུམ་རྒྱལ་བའི་ཡུམ་ཡིན་པས། །མཁའ་དབྱིངས་བདེ་བའི་གནས་མཆོག་ན། །རྒྱལ་སྲས་བདེ་བའི་དེ་བཞིན་གཤེགས། །ཨོཾ་པྲ་ཏི་པུ་རུ་ཤ་ཛཿཧོ། ལྕགས་ཀྱུའི་ཕྱག་རྒྱས་དབྱིངས་སུ་དགུག །རིགས་ལྔ་ཐབས་ཀྱིས་བྱིན་བརླབས་ནས། །ལྷར་སྐྱེས་འོག་ཏུ་བསྐྱོད་བྱེད་བསམ། །འཆི་བ་མེད་པའི་སྲོག་གདོན་པའི། །རྡོ་རྗེ་སེམས་དཔའ་རླུང་ལྟ་བུ། །གང་དག་བསྒྲལ་ནས་རྡོ་རྗེའི་ཚེ། །དེ་ཉིད་སྲས་ཀྱི་དམ་པར་ནི། །རྡོ་རྗེ་སེམས་དཔར་ཁྱོད་ཉིད་བསྟབས། །ཐབས་ལ་མཁས་པས་སྤྱོད་པས་ལོངས། །སྲིད་པར་འཁོར་ལོ་རྟོག་པའི་ལམ། །འཁོར་བའི་རྒྱུན་གཅོད་མྱ་ངན་འདས། །ཆོས་ཀྱི་འཁོར་ལོ་བསྐོར་བའི་རྟགས། །འཁོར་ལོ་ཆེན་པོའི་གདན་ལ་བཞུགས། །ཨོཾ་བཛྲ་ཙཀྲ་ཧཱུཾ། མཉམ་ཉིད་རྡོ་རྗེ་དབྱིངས་ཕྱུག་གིས། །སྟོང་ཉིད་སེང་གེའི་སྒྲ་བསྒྲགས་པས། །བདུད་བཞི་རབ་ཏུ་བཅོམ་པའི་རྟགས། །འཇིགས་བྱེད་སེང་གེའི་ཁྲི་ལ་བཞུགས། །ཨོཾ་བཛྲ་སིངྷ་ཧཱུཾ། མྱ་ངན་མི་འདའ་ཐུགས་རྗེའི་ངང་། །ཉོན་མོངས་མ་སྤངས་གོས་པ་མེད། །བག་ཆགས་རང་བཞིན་མེད་པས་ན། །པདྨའི་གདན་ལ་བཞུགས་པར་གྱིས། །ཨོཾ་བཛྲ་པདྨེ་ཧཱུཾ། ཞི་བའི་མཐའ་ལ་མི་གནས་ཏེ། །འཇིག་རྟེན་ཀུན་དང་མཐུན་འཇུག་ཕྱིར། །ཐབས་དང་ཤེས་རབ་འདྲེལ་བའི་རྟགས། །ཉི་མ་ཟླ་བའི་གདན་ལ་བཞུགས། །ཨོཾ་སཱུརྱ་ཙནྡྲ་ཧཱུཾ། དགེ་དང་མི་དགེའི་ཆོས་རྣམས་ལ། །ལྷག་པར་བརྟེན་པར་མི་བྱ་སྟེ། །མཉམ་ཉིད་རིག་པའི་ཀླུང་ཞུགས་ནས། །ཅི་ལའང་ཐོགས་པ་མེད་པར་མཛད། །ཀུན་གྱིས་འོག་མིན་གནས་སུ་སྤར། །གྷཎྜའི་སྒྲ་ཡིས་བསྐུལ་བ་ཡིས། །དབྱིངས་སུ་ཐིམ་ནས་ཕྱག་རྒྱར་འབར། །འོད་ཟེར་འཕྲོ་བས་རབ་ ― DNG014_Page_0631 ―
[མ་དཔེ་གཟིགས་ན་འདིར་གནོན།]
ཏུ་བརྗིད། །མི་འཁོར་མི་ལྷུང་དོན་གྱི་ཕྱིར། །གཙུག་ཏུ་རྣམ་པར་རྒྱལ་བ་བསྒོམ། །རྡོ་རྗེ་རྒྱ་གྲམ་དབྱིངས་ཀྱིས་བཅད། །ཨེ་མ་དགའ་བདེ་བླ་ན་མེད། །ངན་སོང་གནས་རྣམས་ཧཱུཾ་གིས་སྟོངས། །དུས་གསུམ་སངས་རྒྱས་ཧཱུཾ་གིས་བསྐྱེད། །འཇིགས་བྱེད་ཆེན་པོ་ཧེ་རུ་ཀ །ཞེ་སྡང་ཁྲོ་ཚུལ་རྟོག་མི་མངའ། །ལོག་ལྟ་ཐབས་ཀྱིས་འདུལ་བར་བྱེད། །ཐུགས་རྗེའི་བྱིན་གྱི་རླབས་ཀྱིས་བསྒྲལ། །རིགས་ཀྱི་རྒྱལ་པོ་ལྔ་རྣམས་ལ། །གཟུགས་ཀྱི་ཕུང་པོ་འདི་འབུལ་གྱིས། །སེང་གེ་གླང་ཆེན་རྟ་མཆོག་དང་། །རྨ་བྱ་མཁའ་ལྡིང་ལྔར་གྱུར་ཏེ། །འཇིགས་བྱེད་བཀོད་ནས་གདན་མཆོག་འབུལ། །ཡེ་ཤེས་ལྔ་ལ་རོལ་ནས་ཀྱང་། །སྟོབས་དང་མི་འཇིགས་རིག་པ་དང་། །དབང་དང་རྫུ་འཕྲུལ་དངོས་གྲུབ་སྩོལ། །འབྱུང་བ་ཆེན་པོ་ལྔ་རྣམས་ནི། །རིགས་ཀྱི་ཡུམ་ཆེན་དཔའ་མོ་ལྔ། །གསང་མཆོག་དབྱིངས་སུ་འདི་འབུལ་ན། །གཉིས་མེད་ཆེན་པོར་རོལ་ནས་ཀྱང་། །མི་འགྱུར་གཟུངས་ཀྱི་དངོས་གྲུབ་སྩོལ། །འོག་མིན་ཕོ་བྲང་མཆོག་གི་གནས། །ཐབས་དང་ཤེས་རབ་ཡབ་དང་ཡུམ། །རང་བཞིན་ལྟ་བའི་དཀྱིལ་འཁོར་མཆོག །བདེ་གཤེགས་སྲས་པོ་ཁྱོད་ཡིན་གྱིས། །ལུས་སུ་འཇུག་པར་མ་བྱེད་ཅིག །འགྲོ་བ་སྒྱུ་མའི་རང་བཞིན་ཏེ། །འདི་ལ་མཐའ་ནི་དམིགས་སུ་མེད། །ཆོས་འདིར་གནས་ནས་མྱ་ངན་འདའ། །དེ་བས་རྣལ་འབྱོར་དབང་ཕྱུག་གིས། །དགོངས་པ་ཆེན་པོ་དང་ལྡན་པས། །དམིགས་པ་གང་ཡིན་འདི་ལ་འབད། །དེ་ནས་ཕུང་པོའི་ལྷག་མ་དག །ལེགས་བསྡུས་སྐུ་གསུམ་ས་ལ་བཞེངས། །ཐབས་ཆེན་དཔག་ཏུ་མེད་པ་དག །ང་དང་རྒྱལ་བ་རྣམས་ཀྱིས་བཤད། །དེ་དང་དེ་ལས་བརྗོད་པ་བཞིན། །མ་ལུས་ཆོ་གས་དག་བྱས་ཏེ། །རང་བཞིན་སྣང་བ་ཆོས་ཀྱི་སྐུ། །གཟུགས་སྐུ་སྤྲུལ་པ་ལོངས་སྤྱོད་རྫོགས། །འགྲོ་བའི་དོན་བྱེད་སྤྲུལ་པའི་སྐུ། །འདི་ལྟར་ཤེས་པ་རྟོགས་པ་ཡིས། །བདག་ཏུ་འཛིན་པ་དང་བསྒྲལ་ཞིང་། །གཞན་དུ་སྣང་ལ་ཐུགས་རྗེ་ཡིས། །བླ་མེད་ཕ་རོལ་བདེ་བསྒྲལ་བྱ། །དེ་ནི་མཐར་ཐུག་བསྒྲལ་བ་ཡིས། །ལས་ཀྱི་སྦྱོར་བ་སྤྱོད་པའོ། །འགྲོ་རྣམས་ ― DNG014_Page_0632 ―
[མ་དཔེ་གཟིགས་ན་འདིར་གནོན།]
འཁྲུལ་པའི་དབང་གྱུར་པས། །ལས་ཀྱི་འཕེན་པ་སྣ་ཚོགས་ཤར། །ཁྱད་པར་སྐྱེ་རྒ་ན་དང་འཆི། །དུས་དང་དུས་མིན་འབྱུང་བ་ལ། །དུས་མིན་འཆི་བ་རྣམ་བརྒྱད་དང་། །གཤིས་ངན་འགུམ་པ་བཅོ་ལྔ་སྲིད། །གློ་བུར་འབྱུང་བ་ཕྱི་ནང་ལས། །རྩ་བ་ཡན་ལག་སྣ་ཚོགས་ལས། །དུས་གསུམ་བདེ་བར་གཤེགས་པ་ཡིས། །ཐུགས་རྗེ་ཚད་མེད་བཞི་ལས་ནི། །གདུལ་བར་བྱ་བའི་སྲས་རྣམས་ཀྱིས། །སྟོན་པ་དུས་ལས་ཡོལ་བ་མེད། །སྐུ་གསུང་ཐུགས་ཀྱི་སྤྲུལ་པ་གསུམ། །རིགས་ཀྱི་ཐོག་མར་འབྱུང་བ་སྟེ། །མཉྫུ་ཤྲཱི་དང་ཀ་རུ་ནི། །ལོ་ཀེ་ཤྭ་ར་མ་ཧཱ་ནི། །པཱ་ཎི་བཛྲ་ཀར་ཏི་ནི། །སྤྲུལ་པ་དུ་མ་འབྱུང་ཞིང་མཛད། །དུས་གསུམ་འབྱུང་བ་དཔག་ཏུ་མེད། །ཁྱད་པར་དུ་ནི་མཚོན་ཆའོ། །གནོད་པ་རྐྱེན་དུ་གྱུར་པ་དང་། །རྭ་དང་མཆེ་བ་མེ་དང་ཆུ། །དུག་དང་ས་སྟེང་འབྱུང་བ་ལྔ། །གཤིས་ངན་ཡིན་ཏེ་གདུལ་བར་བྱ། །དེ་ཡང་ཧེ་རུ་ཀ་ཡི་རིགས། །རྡོ་རྗེ་འཛིན་པའི་ལས་ཅན་དེས། །སྔོན་དུ་བྱ་བ་རྗེས་བསྒྲུབ་ཅིང་། །བསྙེན་བསྒྲུབ་ཆེན་པོ་གཞིར་བཞག་ནས། །ཕན་གདགས་ལས་སུ་བྱ་བ་ནི། །དཀྱིལ་འཁོར་ཕྱི་རོལ་ཕྱོགས་མཚམས་བརྒྱད། །ཧོམ་ཁུང་མདའ་གང་གྲུ་གསུམ་བརྩིག །རང་རིགས་ཁ་དོག་ལྡན་པ་ལ། །ཤུག་པ་ཚེར་མ་ཅན་ལ་སོགས། །གདུག་པ་ཅན་གྱི་ཤིང་བརྩིགས་ཏེ། །དུག་དང་སྐྱེ་ཚེ་ཉུང་དཀར་སོགས། །ཡམ་ཤིང་ཐུན་གྱི་རྫས་སུ་བྱ། །སློབ་དཔོན་ཆ་ལུགས་གནས་པ་དགུ །གཙོ་དང་འཁོར་གྱི་ཚུལ་དུ་བྱ། །གདུལ་བྱ་ཤེས་པ་དགུ་འམ་དྲུག །བམ་ཆེན་བསྒྲུབ་པའི་དུས་བཞིན་བྱ། །མེ་ལྷའི་ཆོ་གས་མཉེས་བྱས་ནས། །ཁྱད་པར་མཚོན་གྲི་མེ་ཡིས་གདུལ། །ལག་ན་བདུད་རྩི་ཀུ་ཤ་དང་། །ཏིལ་མར་ལྕགས་རམ་རྡེའུ་ཕྲན། །ཁྱད་པར་གསང་བ་དེ་ཡི་རྫས། །རྭ་དང་ལྕགས་ཀྱིས་དུག་གྲི་གདུལ། །མེ་ནི་ཆུ་ལས་གདུལ་བ་སྟེ། །ཆུ་ནི་ས་ཡིས་གདུལ་བར་བྱ། །དུག་ལ་སྔགས་པའི་སྨན་གྱིས་བདུག །སྡིག་པ་མེ་དང་མཚོན་གྱིས་ཏེ། །རྦབ་དུ་ལྟུང་བ་དེ་ཡི་གྲི། །རྒོད་ཀྱི་པོག་ཐིལ་གདུལ་བར་བྱ། །དོམ་དང་དྲེད་ཀྱི་གཡང་གཞི་དང་། །སྨན་པ་དང་ནི་ ― DNG014_Page_0633 ―
[མ་དཔེ་གཟིགས་ན་འདིར་གནོན།]
གནས་རྣམས་དང་། །གཟུགས་དང་སྒྲ་དང་དྲི་ཡིས་གདུལ། །འདི་དག་མ་ལུས་ཕྱི་མའི་དུས། །མུ་ཏྲ་ཨ་ཀ་ར་ཡིས་ནི། །ཧེ་རུ་ཀ་བཞིན་བསལ་བར་བྱེད། །ཀུན་ཏུ་བཟང་པོ་ཐུགས་ཀྱི་རྗེ། །སྒྲོལ་བའི་རྒྱུ་དང་མཚུངས་པར་བཤད། །བསྒྲག་དང་སྒྲུབ་དང་མནན་པ་དང་། །གནས་ནས་དྲངས་པ་ལས་ཀུན་གྱིས། །བྱ་བ་མ་ལུས་ཀུན་བསྡུས་ཏེ། །ཐམས་ཅད་གདུལ་བའི་ལས་སུ་སྤྱད། །དང་པོར་ཤེས་པ་བསྒྲུབ་པའི་དུས། །བར་དུ་དྲངས་པ་གནས་ཀྱི་དུས། །ཐ་མར་བསྲེག་པ་སྦྱང་བའི་དུས། །དུས་ཤེས་ཀུན་རིག་འདི་ལ་སྔགས། །རྗེས་ཀྱི་བྱ་བ་ཚེ་དང་ཁྲུས། །དབང་དང་བྱིན་གྱིས་བརླབ་པ་དང་། །དངོས་གྲུབ་ཆོ་ག་རྣམས་ཀྱིས་ནི། །བྱང་ཆུབ་ཆེན་པོར་གནས་འགྱུར་ནས། །གསོན་གྱིས་བསྐང་བའི་ལས་སུ་བྱ། །དེ་ནས་ཡོན་གྱི་བདག་པོ་ཡིས། །རྡོ་རྗེ་འཆང་ལ་དྲིན་གསོལ་ཞིང་། །དེ་ལ་བསྐུར་དང་ལེགས་བཤད་བྱ། །གྲི་ཞེས་བྱ་བ་གསོད་པའི་གྲི། །དེ་ཡི་གནོད་པ་གདུལ་བའི་ལས། །མཐར་ཕྱིན་བསོད་ནམས་དཔག་ཏུ་མེད། །རང་གཞན་ཀུན་གྱི་དོན་རྫོགས་འགྱུར། །མདོར་ན་ཕན་པའི་ལས་འདི་དག །རྫས་སུ་བསྒྲུབ་དང་སྦྱིན་པར་བསྲེག །གནས་ནས་དྲངས་དང་རྒྱུ་དྲུག་བསྒྲལ། །ཤིན་ཏུ་གྱུར་པ་གདུལ་བའི་ལས། །ཚེ་འདས་གཤིན་ལས་ཕན་པའི་ལས། །རྣམ་པ་ལྔ་རུ་ངས་བསྟན་གྱིས། །ཨུ་རྒྱན་ཡུལ་གྱི་སྐྱེ་མཆོག་གིས། །རྡོ་རྗེ་ཆོས་ཀྱི་གསུང་བཞིན་སྒྲུབས། །ཤཾ་བྷ་ལ་ཡི་ཤཱཀྱའི་རིགས། །རཱ་ཛ་སྲི་ཀ་དེ་ཡིས་མཐོང་། །འགྲོ་བ་བརྒྱུད་ནས་ལོངས་སྤྱོད་རྩལ། །ཕྱོགས་བཞིར་བརྒྱུད་པ་དེ་བཞིན་ནོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ལས་རྣམས་ངེས་པར་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱིས་འཁོར་གྱི་དེ་བཞིན་གཤེགས་པ་རྣམས་དང་བྱང་ཆུབ་སེམས་དཔའ་རྣམས་དང་། ཁྲོ་བོ་དང་ཁྲོ་མོ་དང་། རིགས་དང་རིགས་ཀྱི་སྤྲུལ་པ་དང་བཅས་པ་རྣམས་ཀྱི་དོན་མཛད་པའི་ཕྱིར། ཉིད་ཀྱི་སྐུ་སྣ་ཚོགས་སུ་སྤྲུལ་པ་མཛད་དེ་འདི་སྐད་ཅེས་བཀའ་སྩལ་ཏོ། །མ་འོངས་དུས་ན་འབྱུང་བ་ཡི། །ཧེ་རུ་ཀ་ཡི་སྒྲུབ་པ་པོ། །རྣལ་འབྱོར་གསུམ་གྱི་ ― DNG014_Page_0634 ―
[མ་དཔེ་གཟིགས་ན་འདིར་གནོན།]
བདག་ཉིད་ཅན། །བློ་དང་དབང་པོ་བསམ་པའི་མཆོག །རབ་འབྲིང་ཐ་མའི་རྟེན་ཅན་གྱིས། །བདེ་བར་གཤེགས་པ་རྒྱ་མཚོ་ཆེ། །ཀུན་འདུས་ཚོམ་བུ་དགུ་ཡི་གཙོ། །འཁོར་ལོ་བཅས་པ་དེ་མངོན་ཕྱིར། །རྒྱས་པའི་སྦྱོར་བ་འདི་རྣམས་ཀྱིས། །ཇི་ལྟར་བཤད་པའི་གཙོ་དང་འཁོར། །རང་གི་སྐུ་མདོག་ཕྱག་མཚན་དང་། །ཕོ་བྲང་ཆེན་པོའི་བཞུགས་ཚུལ་དག །མངོན་དུ་འདོད་པ་དེ་ཉིད་ནི། །སྤྲོས་ལ་དགའ་བའི་གང་ཟག་གིས། །རྣལ་འབྱོར་ཆེན་པོའི་ཚུལ་དུ་བསྒྲུབ། །གལ་ཏེ་བསྡུས་ལ་དགའ་བ་ཡིས། །བློ་དང་དབང་པོ་འབྲིང་དག་གིས། །རང་གི་གཙོ་བོ་མཆོག་རྣམས་ལ། །རིགས་ཀྱི་གཙོ་བོ་བཞི་རྣམས་ནི། །ཡུམ་དང་གྲོགས་སུ་བཅས་པ་འམ། །རང་རིགས་གཅིག་པུའི་ཚུལ་དག་གིས། །སོ་སོའི་འཁོར་ལོ་ལ་གནས་པ། །ཕོ་བྲང་བསྡུས་པའི་ཁྱད་པར་གྱིས། །རྗེས་སུ་རྣལ་འབྱོར་ཚུལ་དུ་བསྒྲུབ། །དེ་ཉིད་ཀྱང་ནི་ཆེར་བསྡུས་ཤིང་། །ཤིན་ཏུ་བསྡུས་ལ་དགའ་བ་འམ། །བློ་དང་དབང་པོ་མཐར་གནས་པས། །འཁོར་ལོ་རྩིབས་བརྒྱད་ཕོ་བྲང་ལ། །གཙོ་བདག་ཆེན་པོ་ཧེ་རུ་ཀ །ཡུམ་དང་བཅས་པས་དགུ་བསྒོམ་སྟེ། །རང་གི་མཚོན་བྱེད་དང་ལྡན་པས། །རྫོགས་པའི་རྣལ་འབྱོར་བར་དུ་བསྒྲུབ། །རྟེན་མཆོག་དྲག་ཤུལ་ཆེར་སྤྱོད་ཅིང་། །གསང་བའི་དོན་དུ་སྤྱོད་འདོད་པས། །བསྲུང་དང་ཚོགས་བསག་བསྒྲུབ་པ་དང་། །ཕྲིན་ལས་ཡོངས་སུ་རྫོགས་པ་དག །སྔགས་ཀྱི་སྦྱོར་བ་ཡོངས་ཤེས་པས། །ཤིན་ཏུ་མྱུར་བ་དེ་བསྒྲུབ་པོ། །གང་ཟག་ཤིན་ཏུ་བརྩོན་ལྡན་པས། །རྒྱུན་ཏུ་མྱུར་བར་དེ་ཉིད་ཀྱིས། །ཁོ་ན་ཡང་དག་ཡི་དམ་དུ། །བར་ཆད་མེད་པར་བསྒྲུབ་པ་ནི། །རང་འདོད་ལྷ་ཡི་རྣལ་འབྱོར་གྱིས། །རྡོ་རྗེ་ལུས་ཀྱི་དཀྱིལ་འཁོར་བསྒོམ། །སྨིན་བྱེད་ལམ་གྱིས་རབ་སྦྱངས་ནས། །དེ་ཉིད་མཐོང་བའི་ངེས་པ་ཡིས། །རྣམ་པར་དག་པའི་མཐར་སོན་ནས། །ལྷ་གཞན་ལོགས་ནས་མི་འཚོལ་ཏེ། །ཙིཏྟ་གསང་ཆེན་ཕོ་བྲང་དབུས། །རྟེན་གཞན་བརྒྱད་ནི་དེ་ཡི་འཁོར། །སྒོ་བརྒྱད་ཕྱོགས་མཚམས་ཕོ་བྲང་ངོ་། །སེམས་ཀྱི་རྒྱལ་པོ་ཧེ་རུ་ཀ །ཆེ་བའི་མཆོག་སྟེ་དབུས་ན་གནས། ། ― DNG014_Page_0635 ―
[མ་དཔེ་གཟིགས་ན་འདིར་གནོན།]
སྒོ་ལྔ་དག་གི་རྣམ་ཤེས་དང་། །ཀུན་གཞི་ཉོན་མོངས་ཡིད་རྣམ་ཤེས། །རང་གི་རིགས་དང་ཕྱོགས་དག་གིས། །དཀྱིལ་འཁོར་བརྒྱད་ཀྱི་གཙོ་བོ་སྟེ། །སྣང་ཞིང་རྟོག་པ་མ་ལུས་པ། །དེ་ཡི་འཁོར་དུ་བཀོད་པའོ། །སྣོད་དྲུག་ལ་སོགས་དེ་ཡི་གནས། །བཟའ་བཏུང་ལ་སོགས་མཆོད་པ་སྟོབ། །མཉེས་པའི་སྤྱོད་ལམ་ཕྱག་བཙལ་བའོ། །དགའ་བའི་བསྟོད་པ་དེ་ཉིད་དེ། །ལུས་ཀྱི་ཕྱི་རོལ་ཤ་ཚིལ་པགས། །གཞལ་མེད་ཁང་གི་བརྩིག་པ་སྟེ། །ཀེང་རུས་སྒལ་ཚིགས་ཀ་གདུང་དང་། །ཐོད་རུས་རྒྱལ་མཚན་བ་དན་བཅས། །བ་སྤུ་མེ་རི་འབར་བ་སྟེ། །རྟེན་དང་བརྟེན་བཅས་དཀྱིལ་འཁོར་རོ། །རྟག་ཏུ་གནས་པ་རང་ལ་སྣང་། །འགྲོ་དང་འོང་བ་བྱོན་ཞིང་གཤེགས། །སྣང་བ་སྤྲུལ་པའི་སྐུ་ཡིན་ཏེ། །དེ་གསལ་ལོངས་སྤྱོད་རྫོགས་སྐུ་ཡིན། །བདེ་ཆེན་ཐོབ་པ་ཆོས་ཀྱི་སྐུ། །ཉེར་ཐོབ་ཐིམ་པ་བར་མ་དོར། །མངོན་པར་བྱང་ཆུབ་སྤྲུལ་པའི་སྐུ། །མཐར་ཐུག་འོད་གསལ་ཟུང་དུ་འཇུག །རབ་བརྟན་འགྱུར་མེད་རྡོ་རྗེའི་སྐུ། །དེ་ཉིད་ཤེས་ན་གནས་པ་ཡིན། །འདི་ནི་རྣལ་འབྱོར་ཡིད་མ་རྒྱུན། །ནར་མར་བསྒྲུབ་པའི་ཚུལ་ཡིན་ནོ། །འདི་དག་དང་པོར་ཧེ་རུ་ཀ །བརྗིད་པའི་དབུ་ནི་ཉི་ཤུ་གཅིག །མཛེས་པའི་ཕྱག་ནི་བཞི་བཅུ་གཉིས། །རྡོ་རྗེ་དབྱིངས་མཆོག་བཀོད་པའོ། །གཉིས་པའི་དུས་སུ་ང་ཡི་སྐུ། །དབུ་དགུ་ཕྱག་ནི་བཅོ་བརྒྱད་དེ། །མ་མོ་ཕྲ་མེན་བཅུ་དྲུག་གིས། །གཡས་དང་གཡོན་དུ་རྣམ་པར་མཛེས། །ཞལ་གསུམ་ཕྱག་དྲུག་བསྡུས་པ་སྟེ། །ཞབས་བརྒྱད་བཞི་དང་གཉིས་ཀྱིས་བསྟན། །སྔགས་སྤྱོད་པ་ལ་ཅི་རིགས་ཏེ། །རྒྱུན་དུ་བསྒྲུབ་པ་རྣལ་འབྱོར་པའི། །བློ་ཡི་རིམ་པ་དེ་བཞིན་ནོ། །དེ་ཡང་སེམས་ཀྱི་རྣལ་འབྱོར་པས། །ཕྲིན་ལས་བསྒྲུབ་པའི་ཡན་ལག་གིས། །བསྟོད་དང་བསྐུལ་བ་སྣ་ཚོགས་པ། །ལྷ་རྣམས་ཀུན་གྱི་ཕྱག་མཚན་དང་། །སྐུ་མདོག་དང་ནི་བཞུགས་ཚུལ་གྱིས། །གདན་ཁྲི་དག་གི་གནས་སྒོ་ནས། །ཇི་ལྟར་སྣང་བ་དེ་བསྐུལ་ཞིང་། །མིང་གི་རྣམ་གྲངས་སྨོས་པ་དང་། །ཕོ་བྲང་གནས་ཀྱི་མཚོན་པ་དག །ཆེ་འབྲིང་ཆུང་ངུ་རྣམས་ཀྱིས་བསྐུལ། །རྣམ་པར་དག་པའི་དོན་རྟོགས་ལ། །རྒྱས་དང་བསྡུས་པར་ ― DNG014_Page_0636 ―
[མ་དཔེ་གཟིགས་ན་འདིར་གནོན།]
བརྗོད་པ་ཡིས། །ཆེན་པོའི་སྐྱེ་བ་བརྗོད་པ་དང་། །བསྟོད་པ་མཆོག་གིས་མཉེས་བྱས་ནས། །ཉེས་པ་བཤགས་ཤིང་བསྐང་བ་ལ། །སྔོན་གྱི་རྒྱལ་བ་རྣམས་ཀྱིས་ནི། །ཐུགས་ཀྱི་རྡོ་རྗེ་སེམས་དཔས་བསྡུས། །སྤྲུལ་པ་བྲམ་ཟེ་མི་ཐོད་ཅན། །གང་གིས་གང་ལ་གང་གི་ཕྱིར། །གང་བསྟན་དེ་དག་དོན་གྱིས་ནི། །ལྷ་རྣམས་དཔང་བཙུགས་ཉེས་བཤགས་ལྟར། །འགྱོད་ཚངས་བརྗོད་པའི་བཤགས་པས་བསྐང་། །བདུད་རྩི་བཅུད་མཆོག་ཛ་གད་ཕུད། །གཙང་སྦྱོར་ཆེན་པོའི་མཆོད་པས་ཀྱང་། །ཞི་ཁྲོའི་དཀྱིལ་འཁོར་མ་ལུས་པ། །འཇིག་རྟེན་དྲེགས་པའི་ལྷ་དང་བཅས། །དུས་བཞི་དང་ནི་དྲུག་དག་ཏུ། །བསྐང་བ་ཡིས་ཀྱང་དེ་བརྙེས་བྱ། །སྲོག་ཆགས་རྣམ་ཤེས་བརྟེན་ལྡན་རྒྱུ། །བསྒྲལ་བའི་ཞིང་བཅུ་དེར་དམིགས་ནས། །ཕུང་པོ་བཞིར་གནས་མཆོད་པས་ཀྱང་། །དེ་དག་རབ་ཏུ་བསྐང་བར་བྱ། །སླར་ཡང་དེ་ཡི་རྫས་ལ་སོགས། །ཐིམ་པར་གྱུར་པ་དེ་ཡིས་ནི། །ཕུང་པོ་དོན་སྙིང་ཤ་ཁྲག་སྣོད། །རུས་པ་ལ་སོགས་ཚོགས་ཀྱིས་བསྐང་། །ཕྱི་ནང་རིན་ཆེན་ལས་བྱུང་བའི། །རྒྱུ་མཆོག་རིགས་ཀྱི་ཡོ་བྱད་ལ། །རི་རབ་གླིང་བདུན་གླིང་བཞི་དང་། །གླིང་ཕྲན་མུ་ཁྱུད་རྒྱ་མཚོ་ཆེ། །འདོད་སྤྱོད་ལྷ་དང་ཚངས་པར་བཅས། །སྟོང་དང་སྟོང་གཉིས་བར་མ་དང་། །སྟོང་གསུམ་གྱི་ནི་འཇིག་རྟེན་ཁམས། །སྤྱི་ཕུད་བྱེ་བ་ཕྲག་བརྒྱ་འམ། །མཛེས་པ་གཅིག་གི་ཚད་ཀྱིས་ནི། །རི་རབ་ཆེན་པོའི་ཡང་སྟེངས་སུ། །མཚམས་བཞི་དབུས་སུ་རྣམ་པར་རྒྱལ། །ཁང་བཟངས་རྣམ་པར་བཀྲ་བ་ནི། །རང་བཞིན་བཞི་ཡིས་རྣམ་པར་བརྒྱན། །ཚོགས་ཀྱི་བདག་པོ་ཧེ་རུ་ཀ །ཆེ་བའི་མཆོག་གི་ཕོ་བྲང་གནས། །མཚམས་བཞི་ལོག་ནི་རེ་རེ་ལའང་། །རང་གི་རིགས་ཀྱི་ཧེ་རུ་ཀ །ཡུམ་དང་ཁྲོ་ཚོགས་སྒོ་སྲུང་བཅས། །དེ་དག་འཁོར་གྱི་ཕོ་བྲང་ངོ་། །བང་རིམ་གཉིས་པའི་ཕྱོགས་བཞི་རུ། །སྐུ་གསུང་ཐུགས་དང་ཕྲིན་ལས་བཞིའི། །ཧེ་རུ་ཀ་བཞི་འཁོར་བཅས་ཀྱི། །གནས་ཡིན་དེ་ཡི་མཚམས་སུ་ནི། །རྦོད་གཏོང་མཆོད་བསྟོད་དྲག་སྔགས་དང་། །རིག་པ་འཛིན་པའི་ཧེ་རུ་ཀ །འཁོར་དང་བཅས་པའི་གནས་སུ་བྱ། །ཐ་མ་དེ་ལ་ལྷ་རྣམས་ཀྱི། ། ― DNG014_Page_0637 ―
[མ་དཔེ་གཟིགས་ན་འདིར་གནོན།]
ཆུང་མ་ཉི་ཤུ་རྩ་བརྒྱད་དང་། །མཁའ་འགྲོ་མ་དང་གིང་གི་ཚོགས། །མ་མོ་སྲིང་མོ་ཕོ་ཉ་དང་། །འབར་མ་དང་ནི་ས་བདག་མོ། །དེ་དག་ཀུན་གྱི་ཕོ་བྲང་སྟེ། །གླིང་བཞི་འགྲོ་བ་ཕལ་པའི་གནས། །དེ་དག་རང་གཟུགས་ཕོ་ཉ་དང་། །ལོངས་སྤྱོད་སེམས་ལྡན་འདབ་ཆགས་དང་། །རི་དྭགས་གཅན་གཟན་ཕྱུགས་རྣམས་དང་། །ས་ཆུ་བར་སྣང་གནས་རྣམས་ཀྱང་། །ཀུན་གྱིས་བསྐང་བའི་རྫས་སུ་བྱ། །ཕོ་མོ་བྱིས་པ་ཡུལ་འཁོར་དང་། །ལུས་སེམས་ངག་གི་མཐུན་གླུད་དང་། །ལོངས་སྤྱོད་ལྔ་ཡི་གླུད་དུ་འབུལ། །ཐ་མ་ཕྲིན་ལས་རྣམ་པ་བཞི། །གང་ལ་དམིགས་པ་དེ་སྦྱང་བྱ། །འདོད་ཡོན་མཐུན་པས་བསྐང་བ་ཡིན། །རྗེས་སུ་སྤྱད་པའི་ཕྲིན་ལས་ནི། །བསྲུང་དང་མནན་བསྲེག་བཟློག་པ་ཡི། །ལས་ཀྱི་གཟེར་བཞི་བསད་ཐུན་ལྔ། །འགྱུར་མེད་ཀུན་གྱི་ཐུན་མོང་སྟེ། །འཁོར་ལོ་ཐོད་པ་བསྲེག་རྫས་དང་། །གཏོར་མ་དང་ནི་ཐུན་རྫས་ཀྱིས། །སྤྱི་དང་བྱེ་བྲག་སོ་སོ་ཡིས། །ཇི་ལྟར་འདོད་པའི་ལས་ལ་སྦྱར། །འདི་དག་གིས་ནི་དོན་བསྒྲུབ་ཕྱིར། །སྔགས་བསྡུ་བ་དང་བཟླས་པ་དང་། །སྐྱོན་ཡོན་སྒྲ་དང་འཁྲུལ་དམིགས་དང་། །ཡན་ལག་ལྔ་ཡིས་ཀུན་ཤེས་བྱ། །བཟའ་དང་བཏུང་དང་བགོ་བ་དང་། །སྤྱོད་ལམ་ཡན་ལག་སྦྱོར་བའོ། །དུས་བཞི་ཐུན་བཞིའི་རྣལ་འབྱོར་ལྔ། །རྒྱུན་ཏུ་ལེགས་སྤྱད་ལམ་ཡིན་ནོ། །ཕྱིར་སྦྱང་ནང་གི་རྣལ་འབྱོར་གྱིས། །ཁྱད་པར་རྫོགས་པའི་རིམ་པ་ནི། །རྡོ་རྗེ་ལུས་ཀྱི་གནས་ལུགས་ལྔ། །གནས་པ་རྩ་དང་གཡོ་བ་རླུང་། །བཀོད་པ་བྱང་ཆུབ་སེམས་དང་ནི། །མི་ཤིགས་ཐིག་ལེ་རྣམ་ལྔ་དག །སྨིན་གྲོལ་ལམ་ལ་དེ་བཞིན་སྦྱར། །དེ་དག་འབྲས་བུ་ཐོབ་པ་ཡང་། །བྲལ་དང་སྦང་ཐོབ་མི་གནས་པའི། །སྐུ་གསུམ་ས་ལ་གོམས་པ་ལ། །ཡི་དམ་ལྷ་དང་བར་གཅོད་བདུད། །གསང་བའི་དགྲ་དང་རིགས་དྲུག་ལ། །ཕུང་པོ་ཉོན་མོངས་ལྔ་རྣམས་ལ། །དེ་ཉིད་གཟེར་གྱིས་མི་འབྱུང་ཞིང་། །དེ་ཡི་ངང་དུ་གསལ་ཞིང་བརྟན། །མ་ལུས་པ་དང་ཡེ་ཤེས་ཀྱི། །ཡོན་ཏན་ཕུན་སུམ་ཚོགས་པ་ཡིན། །བདེ་བར་གཤེགས་པའི་སྙིང་པོ་མཆོག །སྐུ་གསུང་ཐུགས་དང་ཡོན་ཏན་ ― DNG014_Page_0638 ―
[མ་དཔེ་གཟིགས་ན་འདིར་གནོན།]
དང་། །ཕྲིན་ལས་རྦོད་གཏོང་མཆོད་དང་རྟེན། །དྲག་སྔགས་རིག་འཛིན་སྒྲུབ་པ་ཡི། །ཐབས་འདི་དུས་གསུམ་ཐམས་ཅད་དུ། །རྒྱལ་བ་རྣམས་ཀྱིས་ལེགས་བཤད་པ། །མངའ་བདག་སངས་རྒྱས་གཙོ་ཆེན་གྱིས། །རྣལ་འབྱོར་གསུམ་གྱི་དོན་ཆེན་ཡིན། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ཕྲིན་ལས་ཀྱི་ཁ་བསྐང་བའི་ཐབས་མདོར་བསྡུས་ཏེ་བསྟན་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་ཧེ་རུ་ཀས། །གསང་མཆོག་རྣམ་པར་འཕྲུལ་པ་ཡི། །ཏིང་ངེ་འཛིན་གྱིས་དགོངས་མཛད་དེ། །འདི་སྐད་ཚིག་ཏུ་བཀའ་སྩལ་ཏོ། །ཨེ་མ་ནམ་མཁའ་ལྟ་བུའི་ཆོས། །མི་གནས་མི་རྟོག་བསམ་དང་བྲལ། །རྣམ་དག་སེམས་ཀྱི་དཀྱིལ་འཁོར་ཆེ། །ཆགས་མེད་ཡུལ་ལས་འདི་བརྗོད་དོ། །གཟུགས་བརྙན་སྙིང་རྗེ་བྱང་ཆུབ་སེམས། །ཉི་མའི་འོད་ལྟར་ཀུན་ལ་གསལ། །དེ་ཉིད་ཁོ་ན་ལས་གཞན་པའི། །འཁོར་བའི་ས་ནི་རྟོག་པའི་ཡུལ། །ཧཱུཾ་ཞེས་གྲགས་པའི་བྱང་ཆུབ་སེམས། །ཆོ་འཕྲུལ་ཆེན་པོ་འབྱུང་བའི་རྒྱུ། །གསལ་ཞིང་འབར་འཕྲོ་འོད་དང་བཅས། །མི་འགྱུར་རྡོ་རྗེ་སྐུ་ཡི་ཧཱུཾ། །ཨེ་ནི་ཀུན་གྱི་རང་བཞིན་ཏེ། །སྟོང་པ་མཆོག་གིས་དབྱིངས་ལས་བྱུང་། །མཐའ་དང་དབུས་མེད་ཀུན་ཏུ་ཁྱབ། །བསམ་འདས་གྲུ་གསུམ་མཐིང་ནག་ཨེ། །ཡཾ་ནི་གཡོ་བའི་ཆོ་འཕྲུལ་ལྡན། །སྟོབས་ཆེན་སྲ་མཁྲེགས་དབང་གི་རྒྱལ། །མི་འགྱུར་མི་ཤིགས་རྡོ་རྗེ་ལྡན། །ལྗང་ནག་ཁ་གདེངས་བསྐྱོད་པའི་ཡཾ། །ཁཾ་ནི་ཆུ་ཡི་དངོས་པོ་སྟེ། །གཤེར་རླན་ཐུགས་རྗེས་ཀུན་ལ་སྙོམས། །མཁའ་མཉམ་བྱིན་གྱིས་རླབས་ཆེན་གཡོ། །མ་ལུས་སྡུད་པའི་དམར་ཆེན་ཁཾ། །སུཾ། རྡོ་རྗེ་འབར་བའི་རང་བཞིན་ཀློང་། །མི་དམིགས་དག་པ་བརྗིད་པའི་སྟོབས། །ཀུན་ཤོངས་སྲ་བའི་བདག་ཉིད་ཀྱིས། །བཅུ་གསུམ་རྫོགས་པའི་སྨུག་ནག་སུཾ། །རཾ། གསལ་བྱེད་སྲེག་པའི་མཚན་ཉིད་ཅན། །འབར་བའི་སྟོབས་ཀྱིས་དངོས་པོ་འཇོམས། །འོད་ཆེན་ཆོ་འཕྲུལ་དྲེགས་པའི་བདག །འཕྲོ་འདུས་རིག་བྱེད་དམར་གསལ་རཾ། །ལཾ། ཕྱི་ནང་གསང་བའི་རིན་ ― DNG014_Page_0639 ―
[མ་དཔེ་གཟིགས་ན་འདིར་གནོན།]
པོ་ཆེ། །རྡོ་རྗེ་བརྩིགས་པའི་རི་རབ་འབར། །མཐའ་དབུས་ཕྱོགས་བཅུ་མཁའ་དང་མཉམ། །རིམ་པར་རྩེ་མོར་རབ་རྫོགས་ལཾ། །བྷྲཱུཾ། དཔལ་ལྡན་རྫོགས་པ་ཡུམ་གྱི་མཁའ། །ཞིང་ཁམས་ཆེན་པོ་བསམ་མི་ཁྱབ། །རྣམ་དག་ཚོགས་རྫོགས་གཞལ་ཡས་ཁང་། །བཀོད་པ་ཚད་མེད་འོད་ལྡན་བྷྲཱུཾ། །རབ་བརྟན་སྙིང་པོའི་ཚིག་འདིའོ། །ཨོཾ། ཆོས་རྣམས་སེམས་ལས་གུད་ན་མེད། །གདོད་ནས་མ་སྐྱེས་བརྗོད་ལས་འདས། །བླང་དོར་མེད་པའི་ངང་ཉིད་ལས། །མཉམ་པ་ཉིད་དུ་བསྒོམ་པར་བྱའོ། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨ། དེ་ཉིད་མ་རྟོགས་འཁྲུལ་པ་ལ། །མཁའ་ལྟར་མཁའ་ཉིད་སྙིང་རྗེ་ཆེ། །མ་ལུས་ཁྱབ་པའི་ཡེ་ཤེས་ཀྱིས། །ཀུན་ལ་སྣང་བ་དེ་བཞིན་བསྒོམ། །ཨོཾ་མ་ཧཱ་དྷརྨ་དྷཱ་ཏུ་སྭ་བྷཱ་ཝ་ཨཱདྨ་ཀོ྅ཧཾ། ཧཱུཾ། བྱང་ཆུབ་སེམས་ཀྱི་རང་བཞིན་ལས། །གདོད་གནས་དག་པ་གསལ་བའི་རྒྱུ། །མཐིང་ནག་འོད་ཀྱིས་ཕྱོགས་ཀུན་གསལ། །ཐམས་ཅད་མ་ལུས་རྣམས་འབྱུང་ཧཱུཾ། །ཨོཾ་མ་ཧཱ་བོ་དྷི་ཙིཏྟ་ཛྙཱ་ན་སཏྭ་མ་ཧཱ་ཀྲོ་དྷ་ཧཱུཾ། ཨེ། ཆོས་ཀུན་ཡེ་ནས་དག་པ་ལ། །མཐའ་དབུས་མེད་པའི་ནམ་མཁའ་ནི། །ཀུན་ཏུ་བཟང་པོའི་དབྱིངས་ཀྱི་ངང་། །སྟོང་ཉིད་སེམས་ཀྱི་རང་བཞིན་རྫོགས། །ཨེ་ཨཱ་ཀ་ཤ་མཎྜ་ལ་ཧཱུཾ། ཡཾ་ལས་བསྐལ་པའི་འཐོར་རླུང་ནི། །བག་ཆགས་སྡུག་བསྔལ་མ་ལུས་གཏོར། །དམ་ཚིག་སྒྲོལ་མ་དབྱིངས་ཀྱི་མཁའ། །སྐྱོད་བྱེད་དབུགས་ཀྱི་ནུས་པར་ལྡན། །ཡཾ་ཀརྨ་རཀྵ་སུ་བྷ་ཏྲ་མཎྜ་ལ་ཧཱུཾ། ཁཾ་ལས་ཁྲག་གི་རྒྱ་མཚོ་ནི། །འདོད་ཆགས་འཁོར་བ་ཀུན་སྦྱངས་ནས། །པདྨ་གསང་བ་དབྱིངས་ཀྱི་མཁའ། །ཆགས་གཞི་ཁྲག་གི་རང་བཞིན་གནས། །ཨོཾ་མ་ཧཱ་སུ་ཁ་རཀྟ་མཎྜ་ལ་ཧཱུཾ། སུཾ་ལས་གྲུ་གསུམ་བསྒྲལ་བའི་ས། །རྡོ་རྗེ་རྒྱ་གྲམ་མི་ཟད་གཏེར། །སངས་རྒྱས་སྤྱན་མ་དབྱིངས་ཀྱི་མཁའ། །གཏི་མུག་ཤ་ཡི་དཔུང་དུ་བསྒོམ། །ཨོཾ་མ་ཧཱ་བཾ་སྨིནྟ་མཎྜ་ལ་ཧཱུཾ། རཾ། འབར་བའི་སྟོབས་ཀྱིས་སྲིད་གསུམ་འཇོམས། །སྲེག་བྱེད་གསང་བའི་མཚན་ཉིད་ཅན། །འོད་འཕྲུལ་གོས་དཀར་གསང་བའི་མཁའ། །དྲོད་ཀྱི་འཕྲོ་འདུ་དམར་གསལ་འབར། །རཾ་ཛྙཱ་ན་ཛྭ་ལ་ཙནྡྷ་ལི་ཧཱུཾ། ཀེཾ། ཞེ་སྡང་མ་སྤངས་ཀུན་གྱིས་སྦྱངས། །དཀར་ཞིང་འཚེར་བ་བྱང་ཆུབ་སེམས། །ཡེ་ཤེས་གསང་བའི་དབྱིངས་ཀྱི་ཡུམ། །ལྷག་པར་སྣང་བ་རུས་པའི་གཞི། །ཨོཾ་མ་ཧཱ་ཀེཾ་ནི་རི་ཏི་ཛྭ་ཀུ་ཏ་ཤི་ཁ་མཎྜ་ལ་ཧཱུཾ། དེ་ནས་འདུས་པའི་འཁོར་རྣམས་ཀྱིས། །སྐུ་ཡི་དཀྱིལ་འཁོར་ཡོངས་སུ་ ― DNG014_Page_0640 ―
[མ་དཔེ་གཟིགས་ན་འདིར་གནོན།]
རྫོགས། །འཁོར་དང་མྱ་ངན་འདས་པའི་ཆོས། །གསང་བ་མཆོག་གི་བདག་པོ་ཡིས། །གདན་དང་གཙུག་ཏོར་མན་ཆད་དུ། །ལྷུན་གྲུབ་ཡོངས་སུ་རྫོགས་པར་མཐོང་། །འདོད་ཁམས་ཁྲག་གི་རྒྱ་མཚོར་རྫོགས། །གཟུགས་ཀྱི་ཁམས་ནི་ས་གཞི་སྟེ། །ཀེང་རུས་གཟུགས་མེད་ཁམས་སུའོ། །རི་རབ་ཁ་བད་ནོར་བུའི་འོད། །དམན་པའི་ཐེག་པ་གསུམ་རྫོགས་པའི། །རྡོ་རྗེ་བྲག་ཆེན་གཏམས་པ་ལ། །བྱ་སྤྱོད་རྣལ་འབྱོར་ལས་རྣམས་རྫོགས། །པདྨ་ལས་ནི་རྣལ་འབྱོར་གསུམ། །ཉི་མ་ཟླ་བའི་དཀྱིལ་འཁོར་ལ། །དབང་ཕྱུག་ཆེན་པོ་ཡབ་ཡུམ་བཅས། །ཉོན་མོངས་ཤེས་བྱའི་སྒྲིབ་སྦྱང་ཕྱིར། །དཔའ་གཏུམ་འཇིགས་བྱེད་གདུག་པ་ཅན། །གཏུམ་པོའི་སྟོབས་དང་བརྗིད་པ་དང་། །འཛིན་དང་ཞེ་སྡང་རབ་སྦྱོར་ལས། །སྟག་གཟིག་སེང་གེ་དོམ་དང་གླང་། །མེ་དང་ཆུ་སྲིན་སྦྲུལ་གྱི་ནི། །ལྷ་དང་ཀླུར་བཅས་རབ་ཏུ་སྤེལ། །དུར་ཁྲོད་ཆེན་པོ་བརྒྱད་ཀྱིས་བསྐོར། །ཧེ་རུ་ཀ་ཡི་གནས་བཅུར་ལྡན། །ཡོངས་སུ་རྫོགས་པའི་གཞལ་ཡས་ཁང་། །ཚིག་བརྗོད་འདི་ཡིས་གསལ་བར་བྱ། །ཧཱུཾ་ནམ་མཁའི་མཐའ་མཉམ་གཞལ་ཡས་ཁང་། །དཀྱིལ་འཁོར་ཆེན་པོའི་ཕོ་བྲང་དགུ། །ཐེག་པ་རིམ་དགུ་རྫོགས་པའི་རྟགས། །འཁོར་ལོ་རྩིབས་བརྒྱད་རྣམ་པར་མཛེས། །ཚོགས་བརྒྱད་གནས་སུ་དག་པའི་རྟགས། །ཆོས་སྐུ་སྤྲོས་མེད་ལྟེ་བ་ཟླུམ། །ཡེ་ཤེས་བཞི་ལྡན་གྲུ་ཆད་བཞི། །བར་ཁྱམས་དང་ནི་སྒོ་བཞིར་བཅས། །ཕྱི་རོལ་བསྐལ་པའི་མེ་རི་འབར། །རིན་ཆེན་སྣ་ལྔའི་འོད་ཟེར་འཕྲོ། །ནང་གི་ཐོད་པ་ཚར་གསུམ་བརྩིགས། །མཐུ་ཆེན་བདུད་ཀྱི་མགོ་བཅད་པའོ། །འཇིགས་བྱེད་ཁྲོ་བོའི་གཟེར་ཆེན་བཏབ། །ཀ་ཞུ་ཉི་མ་ཟླ་བས་བརྒྱན། །རྣམ་ཐར་བརྒྱད་ཀྱི་ཐེམ་སྐས་དྲེས། །ཕྱོགས་སྐྱོང་བཅུ་ནི་བླ་རེ་བཀླུབས། །ལྷ་ཆེན་དབང་ཕྱུག་རྒྱལ་མཚན་འཕྱར། །གདུག་པ་སྦྲུལ་གྱི་ཟ་ར་ཚགས། །སྦྲུལ་ཆེན་རིགས་ལྔའི་ཆུན་པོ་འཕུར། །གནམ་ལྕགས་གཟེར་ཆེན་བཏབ་པ་ལ། །བྷནྡ་འཇིགས་པའི་གཟེར་ཆེན་ལྡན། །ཞིང་ཆེན་གཡང་གཞི་བླ་རེས་ཕུག །ཞིང་ཆུང་པགས་པ་ཁྲ་ལ་ལ། །བ་སུ་ཏ་ཡི་ཞགས་ ― DNG014_Page_0641 ―
[མ་དཔེ་གཟིགས་ན་འདིར་གནོན།]
པས་སྦྲེལ། །དྲི་ཆེན་དྲི་ཆུའི་ཞམ་ཆུ་འབབ། །ཀང་ཀ་དུར་བྱ་འཕུར་ཞིང་ལྡིང་། །སེང་སྟག་དོམ་དྲེད་མཆོང་ཞིང་རྒྱུག །ཉི་ཟླ་གཟའ་སྐར་འཁྲུག་ཅིང་འཕེན། །ཡེ་ཤེས་ལྔ་ལྡན་འོད་ཟེར་འཕྲོ། །བདེ་བར་གཤེགས་པ་ཀུན་འདུས་པ། །ཞི་ཁྲོ་རྒྱལ་བའི་ཕོ་བྲང་མཆོག །བྷྲཱུཾ་བི་ཤྭ་བི་ཤུདྡྷེ་བྷནྡ་ག་ཏ་ཛྙཱ་ན་ཙཀྲ་མཎྜ་ལ་ཧཱུཾ། དེ་བ་མ་ཧཱ་ནཱ་ག་མ་ཧཱ་རུ་ཏྲ་ཏི་ར་བཾ། མ་སཱུརྱ་མཎྜ་ལ། ཨ་ཙནྡྲ་མཎྜ་ལ། པཾ་པདྨ་མཎྜ་ལ་ཧཱུཾ། ཧཱུཾ་སྥ་ར་ན་ཕཊ། སཾ་ཧ་ར་ན་ཧཱུཾ། གཞལ་ཡས་ཁང་ཆེན་འབར་བ་ལ། །ཀུན་ཏུ་བཟང་མོ་ཡུམ་གྱི་མཁའ། །གནས་དགུ་རྫོགས་པའི་ཕོ་བྲང་ལ། །དབུས་ཀྱི་གདན་སྟེང་ཡི་གེ་ཡི། །འཕྲོ་འདུ་འབར་བའི་འོད་ཟེར་གྱིས། །ཀུན་ཏུ་བཟང་པོ་ཧེ་རུ་ཀ །ཆེ་བའི་ཆེ་མཆོག་གྱུར་པ་ནི། །དབུ་ནི་ཉི་ཤུ་རྩ་གཅིག་ལ། །དུས་གསུམ་སངས་རྒྱས་རྫོགས་པར་གསལ། །ཞལ་ནི་གསང་བའི་དུར་ཁྲོད་དེ། །སྤྱན་འབར་ཧེ་རུ་ཀ་ཡི་ཚོགས། །བཞི་བཅུ་རྩ་གཉིས་ཕྱག་གིས་ནི། །སངས་རྒྱས་བཞི་བཅུ་རྩ་གཉིས་ཏེ། །རང་གི་རིགས་མཚན་ཡོངས་སུ་རྫོགས། །དུར་ཁྲོད་ཆེན་པོ་བརྒྱད་ཀྱིས་བརྒྱན། །ཞབས་བརྒྱད་དྲེགས་པའི་གདན་ལ་བཞུགས། །ཨོཾ་ཤྲཱི་མ་ཧཱ་ཧེ་རུ་ཀ་ཧཱུཾ་ཕཊ། བྷྱོ་ཧཱུཾ་ཀུན་ཏུ་བཟང་མོ་དབྱིངས་ཀྱི་ཡུམ། །ཀྲོ་དྷཱི་ཤྭ་རཱི་དབང་ཕྱུག་མ། །རྣམ་པར་ཐར་པའི་དབུ་དགུ་ལྡན། །སྟོང་པ་བཅོ་བརྒྱད་ཕྱག་རྣམས་ཀྱིས། །གཡས་པ་རྡོ་རྗེ་མ་མོ་བརྒྱད། །གཡོན་པ་དྲིལ་བུ་ཕྲ་མེན་བརྒྱད། །གཙོ་ཆེན་འབར་བའི་ཆ་ལུགས་འཛིན། །ཞབས་བཞི་མཉེས་སྦྱོར་སྐུ་ལ་འཁྲིལ། །ཨོཾ་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་བྷྱོ་ཧཱུཾ། ཡབ་ཡུམ་གཉིས་སུ་མེད་པ་ཡི། །མཁའ་གསང་བྱིན་རླབས་ཆོ་འཕྲུལ་ལས། །པཾ་མཾ་ཧཱུཾ་ཨཾ་ཨ་ཕཊ་ཅེས་པ་ཡིས། །ཉི་མའི་དཀྱིལ་འཁོར་ཧཱུཾ་རྡོ་རྗེ། །པདྨ་མ་ཆགས་ཟླ་བ་ཨཾ། །རྡོ་རྗེ་རིན་ཆེན་པདྨ་དང་། །ཉི་ཟླ་མཁའ་གསང་དབྱིངས་སུ་སྦྱོར། །ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱདྨ་ཀོ྅ཧཾ། ཧཱུཾ་བདེ་མཆོག་སྒྱུ་མའི་བརྡས་མཚོན་ཏེ། །པདྨ་རིན་ཆེན་ལྡན་བྱས་ནས། །དབྱིངས་ཀྱི་བདེ་ཆེན་འབྱུང་བ་ནི། །རང་བྱུང་ཡེ་ཤེས་འོད་ཟེར་འཕྲོ། །ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ ― DNG014_Page_0642 ―
[མ་དཔེ་གཟིགས་ན་འདིར་གནོན།]
ཨཱདྨ་ཀོ྅ཧཾ། བྷྱོ་ཁྲོ་མོ་འདོད་ཆགས་ཡེ་ཤེས་ཆེ། །ཧེ་ཧེ་དགྱེས་པའི་གཟི་མདངས་ཆེ། །རིན་ཆེན་པདྨ་རྒྱས་མཛད་དེ། །གཉིས་མེད་འཁྲིལ་པའི་སྦྱོར་བས་ཐིམ། །ཨོཾ་པདྨ་སརྦ་ཡོ་གི་ནཱི་པྲ་བེ་ཤ་ཕཊ། ཛཿཧཱུཾ་བཾ་ཧོཿ། བྷྱོ་གནམ་ཞལ་པདྨའི་གཞལ་ཡས་སུ། །བདེ་ཆེན་ཐུགས་ཀྱི་དཀྱིལ་འཁོར་སྤྲོས། །སངས་རྒྱས་སྤྲིན་ཚོགས་མ་ལུས་པ། །དགྱེས་མཉམ་མཆོག་གི་སྦྱོར་བས་བསྡིམ། །ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱདྨ་ཀོ྅ཧཾ། །ཨོཾ་དང་ལྡན་པའི་ཐིག་ལེ་ལས། །སྐུ་གསུང་ཐུགས་ཀྱི་རྡོ་རྗེ་བསྐྱོད། །ཧཱུཾ་གི་འཕྲོ་འདུས་མཁའ་ལ་ཕབ། །ཐབས་དང་ཤེས་རབ་བྱང་ཆུབ་སེམས། །ནམ་མཁའ་བཞིན་དུ་གསལ་དག་པས། །དྲི་མེད་ཉི་ཟླའི་འོད་བཞིན་གནས། །དྲག་ཤུལ་ཕཊ་ཀྱི་སྒྲ་བརྗོད་པས། །བྱང་ཆུབ་སེམས་ཀྱི་སྤྲིན་ཚོགས་ལས། །ཆོ་ག་གསུམ་གྱི་སྦྱོར་བ་ཡིས། །ཁྲོ་བོའི་དཀྱིལ་འཁོར་སྤྲིན་ཕུང་གཡོ། །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། སྟོང་གསུམ་ཕྱོགས་བཅུ་རྡུལ་སྙེད་ཀྱིས། །བཀང་ནས་གཙོ་བོའི་དཀྱིལ་འཁོར་སྤྲོ། །དེ་དག་སངས་རྒྱས་མཛད་པའི་ཕྱིར། །ཕྱོགས་བཅུའི་དྲེགས་པ་མ་ལུས་བསྒྲལ། །ཨོཾ་བཛྲ་ས་མ་ཡ་ཧཱུཾ། འཁོར་བ་བསྒྲལ་བའི་ཞིང་དེ་དག །ཡེ་ཤེས་འབར་བའི་ཚོགས་ཆེན་གྱིས། །རང་བཞིན་མེད་པར་བསྒྲལ་བས་ནི། །མཉམ་ཉིད་ཆོས་སྐུ་ཆེན་པོར་སྟོན། །ཨོཾ་མ་ཧཱ་ཤྲཱི་ཧེ་རུ་ཀ་མ་ཏྲཾ་ཀ་རུ་ཏྲ་པྲ་བེ་ཤ་ཕཊ། པྲ་བྷན་ཙཀྲ་ཧཱུཾ། དཀྱིལ་འཁོར་བརྒྱད་ཀྱི་ཕོ་བྲང་དང་། །དྲེགས་པ་རུ་དྲ་ཉི་ཟླ་དང་། །པདྨ་འབར་བའི་གདན་སྟེང་དུ། །ཧེ་རུ་ཀ་དང་གཤིན་རྗེ་གཤེད། །རྟ་མགྲིན་རྡོ་རྗེ་གཞོན་ནུ་དང་། །མངོན་རྫོགས་རྒྱལ་དང་དྲེགས་པ་འདུལ། །སྟོབས་ལྡན་མཆོག་དང་རིག་འཛིན་གཙོ། །རང་གི་རིགས་དང་ཡུམ་དང་བཅས། །སྔར་བཞིན་སྦྱོར་བའི་བྱིན་རླབས་ལས། །སྲས་འཁོར་སྤྲུལ་པའི་ཚོགས་བཅས་ཀུན། །རང་སྔགས་གསང་བའི་ཚིག་གིས་སྤྲོ། །ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ། ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ། དེ་ནས་སྐུ་རྫོགས་གསལ་བ་དང་། །བྱིན་གྱིས་བརླབས་ཤིང་དབང་བསྐུར་ནས། །དམ་ཚིག་པ་ལ་བརྟན་བཞག་སྟེ། །ཡེ་ཤེས་དཀྱིལ་འཁོར་དབབ་བ་ནི། །ཨོཾ་ཨ་ཧྲི་ཧ་ཧཱུཾ་ཛཿཧཱུཾ་བཾ་ཧོཿ། ― DNG014_Page_0643 ―
[མ་དཔེ་གཟིགས་ན་འདིར་གནོན།]
ཧཱུཾ་ཆོས་དབྱིངས་རྣམ་དག་གསལ་བའི་ཕོ་བྲང་ནས། །རྡོ་རྗེ་དབྱིངས་ཀྱི་ལྷ་ཚོགས་དབྱིངས་ནས་བཞེངས། །རིགས་ལྔ་ཡབ་ཡུམ་སེམས་དཔའ་ལྕམ་དྲལ་དང་། །མཐར་བྱེད་སྒོ་བ་སྤྲུལ་སྐུ་ཐུབ་པ་དྲུག །ལོངས་སྤྱོད་རྫོགས་པའི་ལྷ་རྣམས་གཤེགས་སུ་གསོལ། །ཞི་ཁྲོའི་ཚོགས་འདུས་དཔལ་ཆེན་ཧེ་རུ་ཀ །ཡོན་ཏན་ཚོགས་ཀྱི་དཀྱིལ་འཁོར་དབྱིངས་ནས་བཞེངས། །ཧེ་རུ་ཀ་དཔལ་ཡབ་ཡུམ་ཁྲོ་བོ་བཅུ། །ཏ་ཀྲྀཏ་སྒོ་བའི་ཚོགས་བཅས་གཤེགས་སུ་གསོལ། །ཡེ་ཤེས་ལྷུན་གྲུབ་དབྱིངས་ཀྱི་དཀྱིལ་འཁོར་ནས། །དཔལ་ཆེན་ཁྲག་འཐུང་ཡབ་ཡུམ་དབྱིངས་ནས་བཞེངས། །རིགས་ལྔ་ཁྲག་འཐུང་ཡབ་ཡུམ་མ་མོའི་ཚོགས། །སྒོ་བཞི་སྲུང་མའི་ཚོགས་བཅས་གཤེགས་སུ་གསོལ། །འཕགས་པའི་རྒྱལ་པོ་ཁྲོ་རྒྱལ་གཤིན་རྗེ་གཤེད། །ཆོས་སྐུ་བྱང་ཆུབ་སེམས་ཀྱི་དབྱིངས་ནས་བཞེངས། །གཤེད་ཆེན་རིགས་ལྔ་སྦྱོར་སྒྲོལ་ཡུམ་དང་བཅས། །ཕྱོགས་སྐྱོང་སྒོ་སྐྱོང་འཁོར་བཅས་གཤེགས་སུ་གསོལ། །དབང་གི་རྒྱལ་པོ་ཁྲོ་རྒྱལ་རྟ་མཆོག་དཔལ། །གསུང་མཆོག་ལྷ་ཚོགས་ཆོས་ཀྱི་དབྱིངས་ནས་བཞེངས། །ཁམས་གསུམ་དབང་སྡུད་ཡབ་ཡུམ་སྲས་འཁོར་བཅས། །ཕྲ་མེན་སྤྲུལ་པ་སྒོ་མ་གཤེགས་སུ་གསོལ། །མི་དམིགས་ཆོས་ཀྱི་དབྱིངས་ཀྱི་དཀྱིལ་འཁོར་ནས། །སྲིད་པའི་ཕུར་པ་བསྒྲུབ་ཕྱིར་དབྱིངས་ནས་བཞེངས། །དཔལ་ཆེན་ཁྲོ་བཅུ་ཡབ་ཡུམ་སྲས་མཆོག་རྫོགས། །དཔལ་འབྱུང་ཕྲ་ཐབས་ཕྲ་མེན་གཤེགས་སུ་གསོལ། །ཁམས་གསུམ་ཐམས་ཅད་ཡུམ་གྱི་བྷ་གའི་རྒྱན། །སྣང་སྲིད་འབྱུང་ལྔའི་བདག་མོ་སྐུ་བསྐྱོད་ཅིག །བླ་མེད་ཡབ་ཡུམ་དབྱིངས་ཀྱི་ཡུམ་ཆེན་དང་། །ཚོགས་བདག་སྨན་མོ་འཁོར་བཅས་གཤེགས་སུ་གསོལ། །ཆོས་སྐུ་ལྷུན་གྲུབ་དབྱིངས་ཀྱི་དཀྱིལ་འཁོར་ནས། །བདེ་གཤེགས་རིག་པ་འཛིན་པ་དབྱིངས་ནས་བཞེངས། །བྱང་ཆུབ་སེམས་མཆོག་གྲུབ་པའི་རིག་པ་འཛིན། །རིགས་བཞི་ཁྲོ་རྒྱལ་རིག་འཛིན་གཤེགས་སུ་གསོལ། །འཇིག་རྟེན་དྲེགས་པ་འདུལ་མཛད་ཁྲོ་བོ་ཆེ། །ཁམས་གསུམ་སྤྱི་འདུལ་ཡབ་ཡུམ་དབྱིངས་ནས་བཞེངས། །བདུད་དང་གཤིན་རྗེ་ལྷ་ ― DNG014_Page_0644 ―
[མ་དཔེ་གཟིགས་ན་འདིར་གནོན།]
ཀླུ་གནོད་སྦྱིན་གཙོ། །སྡེ་དཔོན་ཆེན་པོ་འཁོར་བཅས་གཤེགས་སུ་གསོལ། །མཐུ་སྟོབས་རྩལ་འཆང་དཔལ་ཆེན་འབྱུང་བདག་ཡུམ། །སྔགས་བདག་དྲེགས་པ་འདུལ་བྱེད་དབྱིངས་ནས་བཞེངས། །འཇིག་རྟེན་དྲག་སྔགས་སྤྱོད་པའི་ཚུལ་འཆང་བའི། །སྔགས་བདག་དྲེགས་པ་འཁོར་བཅས་གཤེགས་སུ་གསོལ། །བསྟན་པ་རྒྱ་མཚོ་སོ་སོའི་དཀྱིལ་འཁོར་ནས། །དམ་ཚིག་པ་ལས་བཞེངས་པའི་རྫུ་འཕྲུལ་ཅན། །དཔལ་གྱི་བཀའ་སྡོད་རིགས་ཀྱི་མཐུ་སྟོན་པའི། །ཕྲིན་ལས་བསྒྲུབ་པའི་སྲུང་མ་གཤེགས་སུ་གསོལ། །ཨོཾ་ཨ་ཐཱ་ག་ཏ་བྷི་རུ་དྷི་བ་ག་ཎ་ཨེ་ཨཱ་ར་ལི་ཧྲཱིཾ་ཧྲཱིཾ། དེ་ཡིས་ཡེ་ཤེས་ལྷ་རྣམས་ནི། །ནམ་མཁའི་དབྱིངས་ཀྱི་དཀྱིལ་འཁོར་དུ། །འོད་དང་རྣམ་འཕྲུལ་བྱིན་རླབས་བཅས། །སྤྲིན་ཚོགས་འབར་ཞིང་བཀོད་པ་ལས། །དམ་ཚིག་ཏུ་ནི་དབབ་པའི་ཕྱིར། །གཉིས་མེད་པ་ལ་ཐིམ་པར་བྱ། །ཧཱུཾ་སངས་རྒྱས་ཀུན་འདུས་ཆེ་མཆོག་ཧེ་རུ་ཀ །དཔལ་འབར་ཁྲོ་མོ་གནམ་ཞལ་དབྱིངས་ཕྱུག་མ། །སྲས་འཁོར་སྤྲུལ་པ་ལས་ཀྱི་ཕོ་ཉར་བཅས། །བྱོལ་སོང་གཙོ་བོ་ལྷ་ཀླུ་བསྣོལ་བ་དང་། །ཉི་ཟླ་པདྨ་བརྩེགས་པའི་གདན་སྟེང་དུ། །དམ་ཚིག་གཉིས་མེད་ངང་དུ་བཞུགས་སུ་གསོལ། །དབུས་མཐའ་མེད་པའི་ཆོས་དབྱིངས་ཕོ་བྲང་དུ། །བདེ་གཤེགས་རིགས་ལྔ་ཡབ་ཡུམ་སྲས་འཁོར་བཅས། །གཙོ་མཆོག་རྒྱལ་པོའི་ཕྱག་གི་དཀྱིལ་འཁོར་ལ། །ཉི་ཟླ་པདྨའི་གདན་ལ་བཞུགས་སུ་གསོལ། །ཕྱོགས་བཞི་མཚམས་བརྒྱད་འཁོར་ལོའི་ལྟེ་བ་ལ། །ཧེ་རུ་ཀ་དཔལ་རིགས་ཀྱི་གཙོ་ཆེན་བརྒྱད། །དཔལ་ཆེན་དབྱིངས་ཀྱི་ཡུམ་དང་མཉེས་མཛད་རྣམས། །རུ་དྲ་ཆུ་གླང་ཀླུ་དང་ལྷ་ཡི་གཙོ། །མཁའ་གསང་མ་ཏྲང་ཏི་ར་དར་འཕན་དང་། །ཉི་ཟླ་པདྨའི་གདན་ལ་བཞུགས་སུ་གསོལ། །གཙོ་ཆེན་སོ་སོའི་རིགས་ཀྱི་སྲས་མཆོག་དང་། །གཉིས་མེད་ཡུམ་ཆེན་ངང་དུ་སྦྱོར་མཛད་ཅིང་། །ཕྱོགས་རྣམས་འཁོར་ལོའི་རྩིབས་ཀྱི་ཕོ་བྲང་ལ། །རིགས་མཆོག་མཛེས་པའི་གདན་ལ་བཞུགས་སུ་གསོལ། །གནས་བརྒྱད་དཀྱིལ་འཁོར་ཕྱོགས་བཞིའི་བར་ཁྱམས་ལ། །མ་མོ་བཅུ་དྲུག་ཕྱོགས་སྐྱོང་བཅུ་གཉིས་ཡུམ། །ཁྲོ་བརྒྱད་ཁྲོ་བཅུ་ཡབ་ ― DNG014_Page_0645 ―
[མ་དཔེ་གཟིགས་ན་འདིར་གནོན།]
ཡུམ་ཕྲ་ཐབས་བཅས། །ཚོགས་ཀྱི་མ་མོ་ཕྱོགས་བཞི་དྲེགས་པ་ཅན། །རིགས་འཛིན་འཁོར་བཅས་སྔགས་བདག་ཡབ་ཡུམ་རྣམས། །ཏི་ར་མཆོག་ཕྲན་གདན་ལ་བཞུགས་སུ་གསོལ། །ཕྱི་ནང་དཀྱིལ་འཁོར་ཕྱོགས་ཀྱི་སྒོ་བཞི་ལ། །གདོང་མོ་གཤིན་རྗེ་ཕོ་ཉ་ཕྲ་མེན་མ། །སྲིང་བཞི་དྲེག་པ་ལས་ཀྱི་བཀའ་ཉན་བཞི། །ཕན་མཛད་སློབ་དཔོན་བཞི་རྣམས་སོ་སོ་ཡི། །ཕྱོགས་བཞིར་མཉམ་པའི་གདན་ལ་བཞུགས་སུ་གསོལ། །དབུས་དང་ཕྱོགས་མཚམས་ཕོ་བྲང་མུ་རན་ལ། །ཅེ་སྤྱང་མ་བརྒྱད་དབང་མོ་ཉི་ཤུ་བརྒྱད། །གིང་ཆེན་བཅོ་བརྒྱད་ཁྱི་སྤྱང་ཕོ་ཉའི་ཚོགས། །ཕུར་སྲུང་མོ་གིང་སྨན་མོ་ལྔ་བཅུ་བརྒྱད། །ལྷ་སྲིན་སྡེ་དང་མཁའ་འགྲོ་གིང་དང་བཅས། །རང་གི་གདན་བཅས་གནས་སུ་བཞུགས་སུ་གསོལ། །ཕྱི་རིམ་བར་ཁྱམས་ཕྱོགས་བཞིའི་གདན་སྟེང་དུ། །ལྷ་ཆེན་ཡུམ་དང་མཁའ་འགྲོ་གིང་གི་ཚོགས། །མ་བདུན་རྡོ་རྗེའི་ཕོ་ཉ་སྲིང་མོ་བཞི། །ས་བདག་མོ་དང་བཀའ་ཡི་བསྟན་སྲུང་རྣམས། །ཏི་ར་བམ་ཆེན་རང་གནས་གདན་ཁྲི་ལ། །ཕོ་ཉ་བཀའ་སྡོད་ཚུལ་དུ་བཞུགས་སུ་གསོལ། །ཨོཾ་ཨ་ཐཱ་ག་ཏ་བྷི་རུ་དེ་བ་ག་ཎ་སརྦ་མ་ཧཱ་ས་མ་ཡ་ཏིཥྛ། བཛྲ་མ་ར་ན་ཧཱུཾ། གཉིས་སུ་མེད་པར་མཐོང་གྱུར་ནས། །དེ་དག་སྐུ་གསུང་ཐུགས་མཉེས་ཕྱིར། །མཆོད་པ་ཆེན་པོ་བཅུ་གཉིས་ཏེ། །དམ་ཚིག་ལས་ཀྱི་ལྷ་ཡིས་སོ། །དེ་ནས་ལྷ་ཕྱག་བཙལ་བ་ནི། །ཧོ་བཅོམ་ལྡན་ཀུན་བཟང་རིགས་ལྔ་འདུས་པའི་གཙོ། །ཀུན་ཏུ་བཟང་མོ་རྒྱལ་བ་ཀུན་གྱི་ཡུམ། །སྲས་འཁོར་སྤྲུལ་པ་ཁྲོ་བོའི་ཚོགས་དང་བཅས། །ཞི་མཆོག་རྒྱལ་བའི་སྐུ་ལ་ཕྱག་འཚལ་ལོ། །བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ །གསང་ཆེན་མཉེས་མཛད་དབྱིངས་ཕྱུག་ཁྲོ་མོའི་རྒྱལ། །སྲས་མཆོག་ཡབ་ཡུམ་ཁྲོ་མོ་སྒོ་སྲུང་བཅས། །ཆེ་བའི་ཡོན་ཏན་རྒྱས་ལ་ཕྱག་འཚལ་ལོ། །རིགས་ལྔ་ཁྲག་འཐུང་ཡབ་ཡུམ་ཁྲོ་བོ་ཆེ། །གནས་ཡུལ་རྣམ་དག་མ་མོ་ཕྲ་མེན་བཅས། །ཕྲིན་ལས་རྣམ་བཞི་བདུད་འདུལ་ཁྲོ་བོ་བཞི། །ཐུགས་མཆོག་འགྱུར་མེད་ལྷ་ལ་ཕྱག་འཚལ་ལོ། །གཤིན་རྗེ་འདུལ་མཛད་སྐུ་ལྔ་སྦྱོར་སྒྲོལ་ཡུམ། །ཕྱོགས་སྐྱོང་ཁྲོ་བོ་ཡབ་ཡུམ་ཕྲ་མེན་བཞི། །ཚེ་དང་ ― DNG014_Page_0646 ―
[མ་དཔེ་གཟིགས་ན་འདིར་གནོན།]
སྲོག་ལ་དབང་མཛད་གཤིན་རྗེའི་ཚོགས། །སྐུ་ཡི་ཁྱད་པར་བསྟན་ལ་ཕྱག་འཚལ་ལོ། །དབང་གི་རྒྱལ་པོ་ཁྲོ་མོ་ཡུམ་དང་བཅས། །སྲས་མཆོག་སྤྲུལ་པ་ལྕམ་དྲལ་དྲེགས་པའི་ཚོགས། །མ་ལུས་ཟིལ་གནོན་ཁྲོ་རྒྱལ་གཉིས་མེད་ཡུམ། །ལས་ཀྱི་ཕོ་ཉ་སྤྲུལ་པའི་སྒོ་མ་བཞི། །གསུང་རྫོགས་དབང་གི་ལྷ་ལ་ཕྱག་འཚལ་ལོ། །ལས་ཀྱི་རྒྱལ་པོ་རིགས་ལྔ་གཙོ་མོ་ཡུམ། །ཁྲོ་བོ་ཁྲོ་མོ་ཕྲ་མེན་ལྕམ་དྲལ་ཚོགས། །སྲས་མཆོག་སྤྲུལ་པ་སྒོ་བཞིའི་ཁྲོ་མོ་དང་། །ཕྲིན་ལས་བསྒྲུབ་པའི་ཚོགས་ལ་ཕྱག་འཚལ་ལོ། །བླ་མེད་ཁྲག་འཐུང་ཉིད་བཞི་ཡུམ་ཆེན་མོ། །དབྱིངས་དང་ཡེ་ཤེས་ལས་ཀྱི་སྨན་མོར་བཅས། །སོ་སོའི་འདུལ་བྱེད་རིགས་ཀྱི་སྐུར་བསྟན་པ། །རྦོད་གཏོང་ལས་ཀྱི་བདག་ལ་ཕྱག་འཚལ་ལོ། །ཆོས་ཉིད་སྐྱེ་མེད་དགོངས་པ་ལྷུན་གྲུབ་ཅིང་། །མཁྱེན་རིག་ཡེ་ཤེས་ཐུགས་རྗེས་མཁའ་ལྟར་ཁྱབ། །འགྲོ་བའི་དོན་རྫོགས་གཉིས་མེད་རིག་པ་འཛིན། །རྒྱུད་ཀུན་བདག་པོ་མཆོག་ལ་ཕྱག་འཚལ་ལོ། །དྲེགས་པའི་ཚོགས་འདུལ་ཁྲོ་རྒྱལ་ཡབ་ཡུམ་གཙོ། །ཕྲིན་ལས་དབང་གིས་སངས་རྒྱས་བསྟན་པ་བསྲུང་། །འཇིག་རྟེན་ཕྲིན་ལས་སྒྲུབ་པའི་དྲེགས་པ་ཅན། །མཆོད་བསྟོད་ཕྲིན་ལས་སྒྲུབ་ལ་ཕྱག་འཚལ་ལོ། །སྟོབས་ལྡན་འཇིགས་བྱེད་གཉིས་མེད་ལྷ་པོ་ཡུམ། །དྲག་སྔགས་སྤྲུལ་པ་སྡེ་དཔོན་ལས་ཀྱི་ལྷ། །ཕྲིན་ལས་བཀའ་སྡོད་ཕྱག་བརྙན་གསང་བའི་བདག །གཙོ་འཁོར་དམོད་པས་བསྡིགས་ལ་ཕྱག་འཚལ་ལོ། །དུས་གསུམ་རྒྱལ་བ་རྣམས་ཀྱི་སྤྱན་ལམ་དུ། །རབ་སྤྲུལ་གཟུགས་བསྟན་གསུང་གི་གཉེར་བླངས་ཤིང་། །དམ་ཚིག་དབང་གིས་ཐུགས་ཀྱི་དགོངས་པ་བསྒྲུབ། །བཀའ་ཡི་བསྟན་སྲུང་རྣམས་ལ་ཕྱག་འཚལ་ལོ། །ཨ་ཐ་ག་ཏ་བྷི་རུ་དེ་བ་ག་ཎ་ན་མོ་བནྡ་ནཾ་ཀ་རོ་མི། དེ་ཡིས་རབ་ཏུ་མཉེས་བྱས་ནས། །མཐུན་པའི་ཕྱག་རྒྱས་མཆོད་པ་ནི། །མ་བཅོས་རྫོགས་པའི་ཆེ་མཆོག་ཧེ་རུ་ཀ །བཞི་བཅུ་རྩ་གཉིས་ཕྱག་གི་དཀྱིལ་འཁོར་ནི། །རྒྱལ་བ་ཡབ་རྣམས་ཕྱག་གཡས་ཐབས་ཀྱི་ངང་། །ཀུན་བཟང་མཐིང་ག་རྡོ་རྗེ་དྲིལ་བུ་བསྣམས། །སྣང་མཛད་ ― DNG014_Page_0647 ―
[མ་དཔེ་གཟིགས་ན་འདིར་གནོན།]
དཀར་པོ་ཆོས་ཀྱི་འཁོར་ལོ་བསྐོར། །མི་བསྐྱོད་མཐིང་ག་ས་གནོན་རྡོ་རྗེ་འཛིན། །རིན་འབྱུང་གསེར་མདོག་ནོར་བུ་མཆོད་སྦྱིན་མཛད། །མཐའ་ཡས་མདོག་དམར་ཏིང་འཛིན་པདྨའི་རྒྱ། །དོན་གྲུབ་ལྗང་གུ་རྒྱ་གྲམ་སྐྱབས་སྦྱིན་ཕྱག །ས་སྙིང་དཀར་པོ་རིན་ཆེན་མྱུ་གུ་བསྣམས། །ནམ་མཁའི་སྙིང་པོ་མཐིང་ག་རལ་གྲི་བསྣམས། །སྤྱན་རས་གཟིགས་དབང་དཀར་པོ་པདྨ་བསྣམས། །ཕྱག་ན་རྡོ་རྗེ་ལྗང་གུ་རྡོ་རྗེ་དྲིལ། །བྱམས་པ་དམར་སྐྱ་གར་གྱི་གུན་དྷི་བསྣམས། །ཀུན་བཟང་དཀར་པོ་རིན་ཆེན་མྱུ་གུ་བསྣམས། །སྒྲིབ་པ་རྣམ་སེལ་སྔོན་པོ་པོ་ཏི་འཛིན། །འཇམ་དཔལ་དཀར་ལྗང་མེ་ཏོག་ཨུཏྤལ་འཛིན། །གཤིན་རྗེ་གཤེད་པོ་མདོག་དཀར་ཐོད་དབྱུག་བསྣམས། །སྟོབས་ཆེན་སྔོན་པོ་རྡོ་རྗེ་རྩེ་གསུམ་བསྣམས། །རྟ་མགྲིན་དམར་པོ་ཐོད་སྦྲུལ་པདྨ་བསྣམས། །བདུད་རྩི་འཁྱིལ་པ་ལྗང་གུ་རྒྱ་གྲམ་བསྣམས། །ལྷ་ཡི་ཐུབ་པ་མདོག་དཀར་པི་ཝང་བསྣམས། །ལྷ་མིན་ཐུབ་པ་སྔོན་པོ་གོ་ཆ་བསྣམས། །མི་ཡི་ཐུབ་པ་གསེར་མདོག་གསེག་ཤང་བསྣམས། །སངས་རྒྱས་ཡུམ་རྣམས་ཕྱག་གཡོན་ཤེས་རབ་དང་། །བྱ་བའི་ཆོས་ནི་མཐིང་ཀ་མཉམ་གཞག་འཕྲོ། །ཀུན་ཏུ་བཟང་མོ་མདོག་དཀར་དྲིལ་བུ་འཁྲོལ། །སངས་རྒྱས་སྤྱན་མ་མཐིང་ནག་ཐོར་ཚུགས་བསྣམས། །གོས་དཀར་མ་ནི་མདོག་སེར་རིན་ཆེན་བསྣམས། །མཱ་མ་ཀཱི་ནི་དམར་གསལ་པདྨ་འཕྱར། །དམ་ཚིག་སྒྲོལ་མ་ལྗང་གུ་རྒྱ་གྲམ་བསྣམས། །ལཱ་སྱེ་དཀར་མོ་མེ་ལོང་སྒེག་པར་འཛིན། །མཱ་ལེ་སྔོན་མོ་རིན་ཆེན་ཕྲེང་བ་འཛིན། །གཱིར་ཏི་དམར་མོ་པི་ཝང་རྒྱུད་འདྲེན་མཛད། །ནིརྟི་ལྗང་གུ་གར་གྱི་ཅོད་པན་ཕྲེང་། །བདུག་པའི་སྤྲིན་འཕྲོ་དམར་སེར་སྤོས་ཁང་འཛིན། །དག་པའི་མདངས་ལྡན་སྔོན་མོ་པདྨ་འཕྲོ། །གསལ་བའི་འོད་ལྡན་དམར་མོ་མར་མེ་འཛིན། །དག་བྱེད་ལྗང་གུ་དུང་ཕོར་དྲི་ཆབ་འཐོར། །རོ་ལངས་དཀར་མོ་འགུགས་པའི་ལྕགས་ཀྱུ་བསྣམས། །མི་ཕམ་སྔོན་མོ་རྡོ་རྗེ་ཞགས་པ་བསྣམས། །རལ་གཅིག་དམར་མོ་རྡོ་རྗེ་ལྕགས་སྒྲོག་བསྣམས། །ཁྲོ་གཉེར་མ་ནི་ལྗང་གུ་དྲིལ་བུ་བསྣམས། །བྱོལ་སོང་ཐུབ་པ་སེར་པོ་པོ་ཏི་བསྣམས། །ཡི་དྭགས་ཐུབ་པ་དམར་པོ་རིན་ཆེན་སྒྲོམ། །དམྱལ་བའི་ཐུབ་པ་མཐིང་ག་མེ་ཆུ་ ― DNG014_Page_0648 ―
[མ་དཔེ་གཟིགས་ན་འདིར་གནོན།]
བསྣམས། །ཡབ་ཡུམ་གཉིས་མེད་ཐབས་དང་ཤེས་རབ་སྦྱོར། །ཞི་དུལ་ཕྱག་རྒྱའི་མཆོད་པར་བཞེས་སུ་གསོལ། །གཉིས་མེད་ཡུམ་ཆེན་གནམ་ཞལ་དབྱིངས་ཕྱུག་མ། །དབུ་དགུ་ཕྱག་ནི་བཅོ་བརྒྱད་སྟོང་པའི་དབྱིངས། །གཡས་གཡོན་དང་པོ་རྡོ་རྗེ་དྲིལ་བུ་བསྣམས། །གཡས་ཀྱི་འོག་མ་དབྱིངས་ཀྱི་མ་མོ་བརྒྱད། །གཡོན་གྱི་འོག་མ་ཡུལ་གྱི་ཕྲ་མེན་བརྒྱད། །རང་རིགས་རྟགས་ཀྱི་ཕྱག་རྒྱ་མཆོད་པར་བཞེས། །བཅོམ་ལྡན་ཆེ་མཆོག་རཀྴ་ཧེ་རུ་ཀ །སྨུག་ནག་དབུ་གསུམ་ཕྱག་དྲུག་དཀར་དམར་ཞལ། །གཡས་གཡོན་དང་པོ་འཁོར་ལོ་བྷན་དམར་བསྣམས། །བར་མ་གཉིས་ནི་ཏི་ར་རྒྱུ་ཞགས་འདྲེན། །ཐ་མ་གཉིས་ནི་ཁྱུང་ཆེན་བ་སུ་འདྲེན། །རཀྴ་ཀྲོ་དྷཱི་སྨུག་ནག་ཞལ་གཅིག་མ། །ཕྱག་གཉིས་ཡབ་འཁྱུད་འཁོར་ལོ་དུང་ཁྲག་སྟོབ། །ཆེ་མཆོག་གུ་ཧྱ་ཧེ་རུ་ཀ་དཔལ་རྗེ། །དབུ་གསུམ་སེར་ནག་མཐིང་དང་དམར་བའི་ཞལ། །ཕྱག་གཡས་རིན་ཆེན་རི་རབ་དགྲ་སྟྭ་འཕྱར། །གཡོན་པས་ཐོད་ཁྲག་སྟོང་གསུམ་རྒྱུ་ཞགས་སྡོམ། །གུ་ཧྱ་ཀྲོ་དྷཱི་རིན་ཆེན་དུང་དམར་སྟོབ། །བི་ཤྭ་ཧེ་རུ་དམར་ནག་དབུ་གསུམ་ནི། །དབུས་མ་དམར་ནག་གཡས་མཐིང་གཡོན་དམར་ཞལ། །ཕྱག་དྲུག་དང་པོ་པདྨ་བྷནྡ་འཕྱར། །བར་མ་གཉིས་ན་སྟོང་གི་འཇིག་རྟེན་བསྣམས། །ཐ་མ་གཉིས་ནི་དགྲ་སྟྭ་ཐོང་གཤོལ་འཛིན། །མ་ནུ་ཀྲོ་དྷཱི་པདྨ་དུང་ཁྲག་སྟོབ། །བཅོམ་ལྡན་དཔལ་ཆེན་ཡཀྵ་ཧེ་རུ་ཀ །དབུ་གསུམ་ལྗང་ནག་དཀར་དང་དམར་བའི་ཞལ། །ཕྱག་དྲུག་དང་པོ་རྒྱ་གྲམ་བྷནྡ་དཀྲུགས། །བར་མ་གཉིས་ན་རལ་གྲི་ཞགས་པ་བསྣམས། །ཐ་མ་གཉིས་ན་རྒྱུ་ཕྲེང་ཏི་ར་བསྣམས། །ཡཀྴ་ཀྲོ་དྷཱི་རྒྱ་གྲམ་ཐོད་ཁྲག་སྟོབ། །དྲི་ཟ་འདུལ་བྱེད་ཏྲི་ཤུལ་འཁོར་ལོ་དཀར། །མེ་ལྷ་འདུལ་བྱེད་མེ་དབལ་དབྱུག་ཐོ་དམར། །གཤིན་རྗེ་འདུལ་བྱེད་དགྲ་སྟྭ་ཐོད་དབྱུག་མཐིང་། །སྲིན་པོ་འདུལ་བྱེད་སྨུག་ནག་རལ་གྲི་ཞགས། །ཀླུ་རྣམས་འདུལ་བྱེད་པདྨ་སྤུ་གྲི་དམར། །རླུང་ལྷ་འདུལ་བྱེད་རྔ་ཡབ་བྷནྡྷ་བསྣམས། །གནོད་སྦྱིན་འདུལ་བྱེད་རྒྱ་གྲམ་དྲིལ་བུ་ལྗང་། །བགེགས་ཀུན་འདུལ་བྱེད་དགྲ་སྟྭ་རྩེ་གསུམ་མཐིང་། །ལྷ་རྣམས་ ― DNG014_Page_0649 ―
[མ་དཔེ་གཟིགས་ན་འདིར་གནོན།]
འདུལ་བྱེད་སྔོ་སྐྱ་མདའ་གཞུ་འགེངས། །ས་བདག་འདུལ་བྱེད་དུད་ཁ་ཐོད་པ་ཞགས། །ཡ་མཱནྟ་ཀྲྀཏ་དཀར་པོ་ལྕགས་ཀྱུ་བསྣམས། །པྲཛྙཱནྟ་ཀྲྀཏ་སེར་པོ་ཞགས་པ་བསྣམས། །པདྨཱནྟ་ཀྲྀཏ་དམར་པོ་ལྕགས་སྒྲོག་བསྣམས། །བིགྷྣཱཾ་ཏ་ཀྲྀཏ་ལྗང་གུ་རལ་གྲི་བསྣམས། །དུས་གསུམ་སངས་རྒྱས་ཡོན་ཏན་འདུས་པའི་ཚོགས། །རང་རིག་ཕྱག་རྒྱའི་མཆོད་པ་བཞེས་སུ་གསོལ། །ཤར་གྱི་ཕྱོགས་ནས་དཀྱིལ་འཁོར་གཙོ་བོའི་བདག །བཅོམ་ལྡན་ཁྲག་འཐུང་བཛྲ་ཧེ་རུ་ཀ །དབུ་གསུམ་མཐིང་ནག་དཀར་དང་དམར་བའི་ཞལ། །ཕྱག་དྲུག་རྡོ་རྗེ་ཁ་ཊྭཱཾ་རྔེའུ་ཆུང་གཡས། །ཏི་རའི་དབྱུག་པ་དུང་དམར་རྒྱུ་ཞགས་གཡོན། །ཀྲོ་དྷཱི་ཤྭ་རཱི་ཁ་ཊྭཱཾ་ཐོད་ཁྲག་སྟོབ། །བཅོམ་ལྡན་དཔལ་ཆེན་བུཌྜྷ་ཧེ་རུ་ཀ །དབུ་གསུམ་སྨུག་ནག་མཐིང་དང་དམར་བའི་ཞལ། །ཕྱག་དྲུག་རྡོ་རྗེ་ཁྱུང་ཆེན་ཏི་ར་གཡས། །རྒྱུ་ཞགས་བྷན་དམར་ཏི་ར་བ་སུ་གཡོན། །བུཌྜྷ་ཀྲོ་དྷཱི་ཐོད་ཁྲག་ཁ་ཊྭཱཾ་འཛིན། །བཅོམ་ལྡན་དཔལ་ཆེན་རཏྣ་ཧེ་རུ་ཀ །དབུ་གསུམ་སེར་ནག་མཐིང་ག་དམར་བའི་ཞལ། །ཕྱག་དྲུག་རིན་ཆེན་བྱིས་དབྱུག་དགྲ་སྟྭ་གཡས། །སྟོང་གི་འཇིག་རྟེན་བྷན་དམར་རྒྱུ་ཞགས་གཡོན། །རཏྣ་ཀྲོ་དྷཱི་རིན་ཆེན་དུང་དམར་སྟོབ། །བཅོམ་ལྡན་ཁྲག་འཐུང་པདྨ་ཧེ་རུ་ཀ །དབུ་གསུམ་དམར་ནག་མཐིང་ག་དཀར་བའི་ཞལ། །ཕྱག་དྲུག་པདྨ་བེ་ཅོན་དགྲ་སྟྭ་གཡས། །རི་རབ་བྷན་དམར་ཐོང་གཤོལ་གཡོན་ན་བསྣམས། །པདྨ་ཀྲོ་དྷཱི་པདྨ་ཐོད་ཁྲག་སྟོབ། །བཅོམ་ལྡན་ཁྲག་འཐུང་ཀརྨ་ཧེ་རུ་ཀ །དབུ་གསུམ་ལྗང་ནག་དཀར་དང་དམར་བའི་ཞལ། །ཕྱག་དྲུག་རྒྱ་གྲམ་རལ་གྲི་དགྲ་སྟྭ་གཡས། །སྟོང་གསུམ་འཇིག་རྟེན་བར་མ་ཐོང་གཤོལ་གཡོན། །ཀརྨ་ཀྲོ་དྷཱི་རྒྱ་གྲམ་ཐོད་ཁྲག་སྟོབ། །གཽ་རཱི་མཐིང་ག་བྷན་དམར་བྱིས་རྒྱུ་འདྲེན། །ཙཽ་རཱི་སེར་མོ་ཐབས་ཀྱི་མདའ་གཞུ་འགེངས། །པྲ་མོ་དམར་མོ་ཆུ་སྲིན་རྒྱལ་མཚན་འཕྱར། །བེ་ཏཱ་ནག་མོ་རོ་ཟ་རྡོ་རྗེ་འཕྱར། །པུཀྐ་དམར་སེང་བུས་པའི་བ་སུ་འདྲེན། །བྷསྨ་ལྗང་གུ་དུང་ཁྲག་དཀྲུག་ཅིང་འཐུང་། །སྨ་ཤ་མཐིང་ནག་བུས་པའི་སྙིང་འབྱིན་ཟ། །ཙཎྜ་སེར་སྐྱ་ཏི་ར་མགོ་ལུས་འབྲལ། །སིངྷ་སེར་མོ་ཞིང་ཟ་སེང་གེའི་མགོ། །བྱ་གྷྲི་དམར་མོ་སྟག་ ― DNG014_Page_0650 ―
[མ་དཔེ་གཟིགས་ན་འདིར་གནོན།]
མགོ་ལག་གཉིས་བསྣོལ། །སྲི་ལ་ནག་མོ་བྱིས་ལྡག་ཝ་ཡི་མགོ། །ཤྭ་ན་མཐིང་ག་ཤ་འདྲད་སྤྱང་ཀིའི་མགོ། །གྲྀ་དྷ་དམར་མོ་དུང་གྲི་བྱ་རྒོད་མགོ། །ཀང་ཀ་དམར་སྨུག་ཞིང་ཁུར་དུར་བྱའི་མགོ། །ཀཱ་ཀ་ནག་མོ་བྷན་གྲི་བྱ་རོག་མགོ། །ཨུ་ལུ་མཐིང་ནག་ལྕགས་ཀྱུ་འུག་པའི་མགོ། །རྟ་གདོང་དཀར་མོ་འགུགས་བྱེད་ལྕགས་ཀྱུ་འཛིན། །ཕག་གདོང་ནག་མོ་འཆིང་བྱེད་མཆེ་ཞགས་སྡོམ། །སྤྲེལ་གདོང་དམར་མོ་སྡོམ་བྱེད་ལྕགས་སྒྲོག་འཆིང་། །སྤྱང་གདོང་ལྗང་གུ་མཉེས་བྱེད་དྲིལ་བུ་འཁྲོལ། །ཐམས་ཅད་ཐུགས་འདུས་བདེ་ཆེན་ལྷ་ཡི་ཚོགས། །རང་རིག་ཕྱག་རྒྱའི་མཆོད་པ་བཞེས་སུ་གསོལ། །ལྷོ་ཕྱོགས་དཀྱིལ་འཁོར་ལྷ་རྣམས་འདུས་པའི་གཙོ། །བཅོམ་ལྡན་དཔལ་ཆེན་ཁྲོ་རྒྱལ་གཤིན་རྗེའི་གཤེད། །མཐིང་ནག་དབུ་གསུམ་ཕྱག་དྲུག་ཞབས་བཞི་བགྲད། །དབུ་གསུམ་གཡས་དཀར་གཡོན་དམར་དབུས་ནག་ཞལ། །ཕྱག་དྲུག་བེ་ཅོན་རལ་གྲི་དགྲ་སྟྭ་གཡས། །གཡོན་པ་སྡིགས་མཛུབ་མདུང་ཐུང་བྷན་དམར་འཛིན། །བེ་ཏཱ་ནག་མོ་དགྲ་སྟྭ་དུང་དམར་སྟོབ། །རལ་གཅིག་སྔོ་ནག་ཏྲི་ཤུལ་གཡང་གཞི་འཕྱར། །སྲས་མཆོག་ཡ་མ་རཱ་ཛ་གཤིན་རྗེའི་གཤེད། །དབུ་གསུམ་མཐིང་ནག་གཡས་དཀར་གཡོན་དམར་ཞལ། །ཕྱག་དྲུག་འཁོར་ལོ་རལ་གྲི་ལྕགས་ཀྱུ་གཡས། །ཁ་ཊྭཱཾ་དགྲ་སྟྭ་རྒྱུ་མའི་ཞགས་པ་གཡོན། །གཡུ་ཡི་རལ་གཅིག་ནག་མོ་དུང་དམར་སྟོབ། །ལྷ་མོ་དཔལ་འབར་རལ་གྲི་ནེའུ་ལེ་འཛིན། །སྲས་མཆོག་མྱོས་བྱེད་འབར་བ་གཤིན་རྗེའི་གཤེད། །དབུ་གསུམ་གཡས་སྔོ་གཡོན་དམར་དབུས་སེར་ནག །ཕྱག་དྲུག་བེ་ཅོན་རལ་གྲི་དགྲ་སྟྭ་གཡས། །གཡོན་པ་བྷན་དམར་འཁོར་ལོ་ལྕགས་ཀྱུ་བསྣམས། །གཏུམ་མོ་དུག་ཧྲུལ་སེར་ནག་བྷན་དམར་སྟོབ། །ཁྲག་གི་བདག་མོ་སྤུ་གྲི་ཙིཏྟ་འཛིན། །སྲས་མཆོག་གཤིན་རྗེ་གཤེད་པོ་མེ་རུ་ཙེ། །དབུ་གསུམ་གཡས་དཀར་གཡོན་སྔོ་དབུས་དམར་ཞལ། །ཕྱག་དྲུག་བེ་ཅོན་དབྱུག་ཏོ་ཁ་ཊྭཱཾ་གཡས། །བྷན་དམར་འཁོར་ལོ་རྒྱུ་མའི་ཞགས་པ་གཡོན། །ལྷ་མོ་འོད་ཟེར་དམར་མོ་དུང་དམར་སྟོབ། །གླིང་བཞི་གཙུག་འབྱམས་སྙིང་དང་བྷནྡ་ ― DNG014_Page_0651 ―
[མ་དཔེ་གཟིགས་ན་འདིར་གནོན།]
སྟོབ། །སྲས་མཆོག་རལ་པ་ཚར་དགུ་གཤིན་རྗེའི་གཤེད། །ལྗང་ནག་གཡས་དཀར་གཡོན་སྔོ་དབུས་ལྗང་ཞལ། །ཕྱག་དྲུག་བེ་ཅོན་གཏུན་ཤིང་དགྲ་སྟྭ་གཡས། །བྷན་དམར་རྒྱུ་ཞགས་འཁོར་ལོ་གཡོན་ན་བསྣམས། །བདུད་འདུལ་ནག་མོ་ཁྲམ་ཤིང་བྷནྡ་གཡོན། །སྲིན་མོ་མགོ་འཕྱང་དུང་ཁྲག་དགྲ་སྟྭ་འཕྱར། །ནག་འཇོམས་མཐིང་ནག་རྡོ་རྗེ་དགྲ་སྟྭ་བསྣམས། །ནག་མོ་རལ་གཅིག་ཡབ་འཁྱུད་དུང་དམར་སྟོབ། །ཕྱ་སངས་དཀར་པོ་བུམ་པ་རྡོ་རྗེ་གཤོལ། །ཤེལ་གྱི་གདོང་དགུ་ཡབ་འཁྱུད་ཟངས་གྲི་ཐོགས། །བྲག་འཇོམས་དཀར་སེར་བྲག་དང་འཁོར་ལོ་འཛིན། །ཤེལ་མིག་ཁྲོ་མོ་ལྕགས་ཀྱུ་དུང་དམར་སྟོབ། །གླང་མགོ་སྨུག་ནག་ཁ་ཊྭཱཾ་ལྕགས་ཀྱུ་བསྣམས། །དཀར་སྐྱ་མཆེ་གཙིགས་སྐར་མདའ་དུང་དམར་སྟོབ། །ཡབ་ཏི་སྔོ་ནག་རལ་གྲི་ལྕགས་ཀྱུ་འཛིན། །དྲེད་ཀྱི་ཨབ་ཤམ་ཁྲམ་ཤིང་བྷནྡྷ་ཐོགས། །མིག་དམར་སྨུག་ནག་རལ་གྲི་དབྱུག་པ་གཡས། །ཁྲག་གི་རལ་གཅིག་གཡས་གཡོན་དུང་དམར་སྟོབ། །སྨིག་པ་དུད་ཁ་ལྕགས་སྒྲོག་ཕྲེང་བ་བསྣམས། །ཀླུ་མོ་པུས་འགྲོ་གཙོ་ལ་དུང་དམར་སྟོབ། །ཏེལ་པ་སྔོ་ནག་སྤུ་གྲི་རཀྟ་འཛིན། །སྤྱན་གསུམ་མཆེ་གཙིགས་བྷནྡྷ་རཀྟ་སྟོབ། །བདུད་འཇོམས་སྨུག་ནག་ཐོ་བ་བྷན་དམར་བསྣམས། །སྨུག་ནག་རལ་གཅིག་ཡབ་ལ་དུང་ཁྲག་སྟོབ། །ཆོས་རྒྱལ་དཀར་སེར་རྡོ་རྗེ་ཁྲམ་ནག་འཛིན། །རྡོ་རྗེ་རལ་གཅིག་ཞགས་པ་དུང་དམར་སྟོབ། །འབར་བ་དམར་པོ་རྩིས་བྱང་གཏུན་ཤིང་འཛིན། །དམར་མོ་མགོ་དགུ་ཏྲི་ཤུལ་བྷན་དམར་སྟོབ། །ཐོད་དབྱུག་མཐིང་ནག་ཞིང་དབྱུག་ཤོ་རྡེའུ་བསྣམས། །ནག་མོ་ཕག་མགོ་ཞགས་པ་ཐོད་ཁྲག་སྟོབ། །དུང་གི་རྒོད་མགོ་རྡོ་རྗེ་ལྕགས་ཀྱུ་བསྣམས། །ནག་མོ་སྟག་མགོ་རིན་ཆེན་ཞགས་པ་འཛིན། །ཀང་ཀ་དམར་མོ་པདྨ་ལྕགས་སྒྲོག་འཛིན། །ལྗང་ནག་སྤྱང་མགོ་རྒྱ་གྲམ་དྲིལ་བུ་འཛིན། །བདེ་བར་གཤེགས་པ་སྐུ་མཆོག་འདུས་པའི་གཙོ། །རང་རིག་ཕྱག་རྒྱའི་མཆོད་པ་བཞེས་སུ་གསོལ། །ནུབ་ཕྱོགས་དཀྱིལ་འཁོར་ལྷ་རྣམས་འདུས་པའི་གཙོ། །བཅོམ་ལྡན་དཔལ་ཆེན་རྟ་མགྲིན་རྒྱལ་པོའི་སྐུ། །དམར་ནག་དབུ་གསུམ་ཕྱག་ ― DNG014_Page_0652 ―
[མ་དཔེ་གཟིགས་ན་འདིར་གནོན།]
དྲུག་ཞབས་བཞི་བགྲད། །དབུ་གསུམ་གཡས་དཀར་གཡོན་སྔོ་དབུས་དམར་ཞལ། །ཕྱག་དྲུག་རྡོ་རྗེ་ཁ་ཊྭཱཾ་སྦྲུལ་ཞགས་གཡས། །དྲིལ་བུ་བྷན་དམར་ལྕགས་སྒྲོག་གཡོན་ན་བསྣམས། །ཨེ་ཀ་ཛ་ཊཱི་ཁ་ཊྭཱཾ་དུང་ཁྲག་སྟོབ། །སྤྲུལ་པ་ཕྲ་མེན་ལས་ཀྱི་རྒྱལ་པོ་གཉིས། །ཞལ་གཅིག་ཕྱག་གཉིས་སྐུ་མདོག་དམར་ནག་འབར། །ཕྱག་གཉིས་སོ་སོར་རྡོ་རྗེ་ཐོད་ཁྲག་དང་། །རྡོ་རྗེ་རི་རབ་ཕུར་པ་འཛིན་ཞིང་འདྲིལ། །དཔལ་ཆེན་སྤྲུལ་པའི་ཟིལ་གནོན་ཁྲོ་བོ་བརྒྱད། །དམར་ནག་དབུ་གསུམ་ཕྱག་དྲུག་ཞབས་བཞི་བགྲད། །དབུ་གཙུག་རྟ་མགོ་རྟ་སྐད་ཐེངས་གསུམ་འབྱིན། །ཞི་བའི་ལྷ་རྣམས་ཟིལ་གནོན་རྟ་མགྲིན་ནི། །ཕྱག་དྲུག་འཁོར་ལོ་རྡོ་རྗེ་རིན་ཆེན་གཡས། །པདྨ་རལ་གྲི་དྲིལ་བུ་གཡོན་ན་བསྣམས། །བརྐྱང་བསྐུམ་ཞབས་ཀྱིས་ཞི་བ་རིགས་ལྔ་གནོན། །མི་ཕམ་ཁྲོ་མོ་སྐུ་ལ་དགྱེས་པར་འཁྲིལ། །ལས་ཀྱི་ཁྲོ་བོ་ཟིལ་གནོན་ཁྲོ་བཅུ་གནོན། །ཕྱག་དྲུག་པདྨ་དབྱུག་ཐོ་སྤུ་གྲི་གཡས། །ཁ་ཊྭཱཾ་དགྲ་སྟྭ་རྒྱ་གྲམ་གཡོན་ན་བསྣམས། །ཁྲོ་གཉེར་དམར་མོ་སྐུ་ལ་དགྱེས་པར་འཁྲིལ། །མ་མོ་ཟིལ་གནོན་དབྱིངས་ཀྱི་ཡུམ་དྲུག་གནོན། །ཕྱག་དྲུག་སྡིགས་མཛུབ་ལྕགས་ཀྱུ་འཕྲུལ་ཞགས་གཡས། །ལྕགས་སྒྲོག་རྔ་ཆུང་ཁ་ཊྭཱཾ་གཡོན་ན་བསྣམས། །རོ་ལངས་དམར་མོ་སྐུ་ལ་དགྱེས་པར་འཁྲིལ། །ཁྱུང་རྣམས་ཟིལ་གནོན་རིགས་ལྔ་ཁྱུང་ཆེན་བསྣམས། །ཕྱག་དྲུག་རྡོ་རྗེ་ས་དང་མེ་ཁྱུང་གཡས། །ནམ་མཁའ་ཆུ་རླུང་བྱ་ཁྱུང་གཡོན་ན་བསྣམས། །སྤྱན་གཅིག་དམར་མོ་སྐུ་ལ་དགྱེས་པར་འཁྲིལ། །ཕོ་རྒྱུད་ཟིལ་གནོན་དྲེགས་པའི་ལྷ་བརྒྱད་གནོན། །ཕྱག་དྲུག་རྡོ་རྗེ་ཐོད་ཁྲག་རྒྱུ་ཞགས་གཡས། །དུང་ཁྲག་ཐོད་རློན་ཞིང་དབྱུག་གཡོན་ན་བསྣམས། །རྡོ་རྗེ་ལས་བྱེད་དམར་མོ་སྐུ་ལ་འཁྲིལ། །མོ་རྒྱུད་ཟིལ་གནོན་མ་བདུན་སྲིང་བཞི་གནོན། །ཕྱག་དྲུག་རྡོ་རྗེ་རལ་གྲི་མདའ་ནི་གཡས། །ཞགས་པ་སྡིགས་མཛུབ་གཞུ་ནི་གཡོན་ན་བསྣམས། །གཤིན་རྗེ་ལས་བྱེད་དམར་མོ་སྐུ་ལ་འཁྲིལ། །ཀླུ་རྣམས་ཟིལ་གནོན་གདུག་པའི་སྦྲུལ་བརྒྱད་གནོན། །ཕྱག་དྲུག་སྦྲུལ་དཀར་སེར་དམར་གཡས་ན་བསྣམས། །སྦྲུལ་ཁྲ་སྦྲུལ་ལྗང་ནག་པོ་ ― DNG014_Page_0653 ―
[མ་དཔེ་གཟིགས་ན་འདིར་གནོན།]
གཡོན་ན་བསྣམས། །ཀླུ་མོ་ལས་བྱེད་དམར་མོ་སྐུ་ལ་འཁྲིལ། །གཟའ་རྣམས་ཟིལ་གནོན་ཉི་ཟླ་གཟའ་བརྒྱད་གནོན། །ཕྱག་དྲུག་རྡོ་རྗེ་ཞགས་པ་རལ་གྲི་གཡས། །དུང་ཁྲག་སེང་ལྡེང་དབྱུག་པ་ཁྱུང་ནག་གཡོན། །གནོད་སྦྱིན་ལས་བྱེད་དམར་མོ་སྐུ་ལ་འཁྲིལ། །ཡུམ་ཆེན་རྣམས་ནི་ཁ་ཊྭཱཾ་ཐོད་ཁྲག་སྟོབ། །སྒོ་བཞིའི་ཕོ་ཉ་དཀར་སེར་དམར་ལྗང་མདོག །ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་འཛིན། །དུས་གསུམ་བདེ་གཤེགས་གསུང་གི་དབང་ཕྱུག་ཚོགས། །རང་རིག་ཕྱག་རྒྱའི་མཆོད་པ་བཞེས་སུ་གསོལ། །བྱང་ཕྱོགས་དཀྱིལ་འཁོར་ལྷ་རྣམས་འདུས་པའི་གཙོ། །བཅོམ་ལྡན་དཔལ་ཆེན་རྡོ་རྗེ་གཞོན་ནུའི་སྐུ། །དབུ་གསུམ་ཕྱག་དྲུག་ཞབས་བཞི་སྐུ་མདོག་མཐིང་། །དབུ་གསུམ་གཡས་དཀར་གཡོན་དམར་དབུས་མཐིང་ཞལ། །གཡས་པ་རྡོ་རྗེ་རྩེ་དགུ་རྩེ་ལྔ་བསྣམས། །གཡོན་པ་ཁ་ཊྭཱཾ་མེ་དཔུང་འབར་བ་བསྣམས། །ཐ་མ་གཉིས་ནི་རི་རབ་ཕུར་པ་འདྲིལ། །འཁོར་ལོ་རྒྱས་འདེབས་ཁ་ཊྭཱཾ་ཐོད་ཁྲག་སྟོབ། །སངས་རྒྱས་སྲས་མཆོག་བུདྡྷཱ་ཀཱི་ལ་ཡ། །དབུ་གསུམ་གཡས་དཀར་གཡོན་སྔོ་དབུས་དཀར་ཞལ། །ཕྱག་དྲུག་དང་པོ་རྡོ་རྗེ་དགྲ་སྟྭ་བསྣམས། །བར་མ་གཉིས་ནི་རལ་གྲི་ཞགས་པ་འཛིན། །སྲས་མཆོག་རིན་ཆེན་རཏྣ་ཀཱི་ལ་ཡ། །དབུ་གསུམ་གཡས་དཀར་གཡོན་དམར་དབུས་སེར་ཞལ། །ཕྱག་དྲུག་དང་པོ་བེ་ཅོན་དགྲ་སྟྭ་བསྣམས། །བར་མ་གཉིས་ནི་རིན་ཆེན་རལ་གྲི་བསྣམས། །དབང་གི་སྲས་མཆོག་པདྨ་ཀཱི་ལ་ཡ། །དབུ་གསུམ་གཡས་དཀར་གཡོན་སེར་དབུས་དམར་ཞལ། །གཡས་གཡོན་དང་པོ་རལ་གྲི་མདུང་ཐུང་བསྣམས། །བར་མ་གཉིས་ནི་མདའ་གཞུ་འགེངས་ཤིང་འཕེན། །ཕྲིན་ལས་སྲས་མཆོག་ཀརྨ་ཀཱི་ལ་ཡ། །དབུ་གསུམ་གཡས་དཀར་གཡོན་དམར་དབུས་ལྗང་ཞལ། །གཡས་གཡོན་དང་པོ་མདུང་དང་གྲི་གུག་བསྣམས། །བར་མ་གཉིས་ན་ལྕགས་ཀྱུ་རལ་གྲི་འཛིན། །ཀུན་ཀྱང་ཐ་མ་རི་རབ་ཕུར་པ་འདྲིལ། །སྐུ་སྨད་གསེར་དངུལ་ཟངས་ལྕགས་ཕུར་པ་ནི། །གྲུ་གསུམ་འབར་བ་ཨེ་ཡི་གདན་ལ་བཞུགས། །ཧཱུཾ་ཆེན་སྔོ་སྐྱ་སེར་དང་དམར་བའི་ཞལ། ། ― DNG014_Page_0654 ―
[མ་དཔེ་གཟིགས་ན་འདིར་གནོན།]
གཡས་གཡོན་དང་པོ་རྡོ་རྗེ་དུང་ཁྲག་དཀྲུགས། །བར་མ་གཉིས་ནི་མདའ་གཞུ་འགེངས་ཤིང་འཕེན། །རྡོ་རྗེ་སྒྲ་འབྱིན་བེ་ཅོན་ཐོད་ཁྲག་སྟོབ། །ཡབ་ཡུམ་སྤྲུལ་པ་ཕག་དང་སྨྲིག་བུའི་མགོ། །རྣམ་རྒྱལ་དཀར་པོ་སྔོ་དང་ལྗང་སེར་ཞལ། །བར་མ་ཕྱག་གཉིས་འཁོར་ལོ་ཏྲི་ཤུལ་བསྣམས། །རྡོ་རྗེ་སྙེམས་མ་རལ་གྲི་བྷན་དམར་སྟོབ། །ཡབ་ཡུམ་སྤྲུལ་པ་སྟག་དང་བྱ་རྒོད་མགོ། །དབྱུག་པ་སྔོན་པོ་དཀར་དང་དམར་བའི་ཞལ། །བར་མའི་ཕྱག་གཉིས་མེ་དབལ་དབྱུག་པ་བསྣམས། །རྡོ་རྗེ་སྡེར་མོ་ལྕགས་ཀྱུ་བྷན་དམར་སྟོབ། །ཡབ་ཡུམ་སྤྲུལ་པ་གཡག་དང་བྱ་རོག་མགོ། །གཤིན་རྗེ་གཤེད་པོ་སྔོ་སྐྱ་ལྗང་སྔོན་ཞལ། །གཡས་གཡོན་བར་མ་ཐོད་དབྱུག་དགྲ་སྟྭ་བསྣམས། །དུར་ཁྲོད་བདག་མོ་ཐོད་དབྱུག་དུང་དམར་སྟོབ། །ཡབ་ཡུམ་སྤྲུལ་པ་ཤ་བ་འུག་པའི་མགོ། །མི་གཡོ་མགོན་ནི་ལྗང་སྔོན་སྨུག་ནག་ཞལ། །བར་པའི་ཕྱག་གཉིས་རལ་གྲི་ཞགས་པ་བསྣམས། །རྡོ་རྗེ་གཏུན་ཁུང་ཐོ་བ་དུང་ཁྲག་སྟོབ། །ཡབ་ཡུམ་སྤྲུལ་པ་གཟིག་དང་ཁྭ་ཏའི་མགོ། །རྟ་མགྲིན་དམར་པོ་དཀར་དང་སྔོ་བའི་ཞལ། །བར་མའི་ཕྱག་གཉིས་སྤུ་གྲི་ཞགས་པ་ཐོགས། །རྡོ་རྗེ་གཏུམ་མོ་སྤུ་གྲི་དུང་ཁྲག་སྟོབ། །ཡབ་ཡུམ་སྤྲུལ་པ་བྱི་ལ་བུ་ཤུད་མགོ། །འདོད་པའི་རྒྱལ་པོ་དམར་ནག་ལྗང་གུའི་ཞལ། །བར་མའི་ཕྱག་གཉིས་བྷནྡ་རྔ་ཡབ་བསྣམས། །རྡོ་རྗེ་མདའ་སྙེམས་ཐོ་བ་དུང་ཁྲག་སྟོབ། །ཡབ་ཡུམ་སྤྲུལ་པ་སྤྱང་ཀི་ཁྲ་ཡི་མགོ། །བདུད་རྩི་འཁྱིལ་པ་ལྗང་ནག་དཀར་དམར་ཞལ། །བར་མའི་ཕྱག་གཉིས་རྒྱ་གྲམ་དྲིལ་བུ་བསྣམས། །རྡོ་རྗེ་རླུང་འབྱིན་དགྲ་སྟྭ་དུང་ཁྲག་སྟོབ། །ཡབ་ཡུམ་སྤྲུལ་པ་སེང་གེ་ཕ་ཝང་མགོ། །ཁམས་གསུམ་རྣམ་རྒྱལ་མཐིང་དཀར་དམར་བའི་ཞལ། །བར་མའི་ཕྱག་གཉིས་རྡོ་རྗེ་སྦྲུལ་ཞགས་བསྣམས། །རྡོ་རྗེ་སྐུལ་བྱེད་གྲི་གུག་དུང་ཁྲག་སྟོབ། །ཡབ་ཡུམ་སྤྲུལ་པ་དམ་དང་སྲེ་མོའི་མགོ། །སྟོབས་ཆེན་དུད་ཁ་མཐིང་ནག་ལྗང་གུའི་ཞལ། །བར་མ་གཉིས་ན་ཐོ་བ་ཞགས་པ་བསྣམས། །རྡོ་རྗེ་སྐྱོད་བྱེད་རྩེ་གསུམ་ཐོད་ཁྲག་སྟོབ། །ཡབ་ཡུམ་སྤྲུལ་པ་དྲེད་དང་བྱི་བའི་མགོ། །ཁྲོ་བཅུ་རྣམས་ཀྱི་ཕྱག་ ― DNG014_Page_0655 ―
[མ་དཔེ་གཟིགས་ན་འདིར་གནོན།]
གཉིས་དང་པོ་ཡིས། །གཡས་པ་རྡོ་རྗེ་གཡོན་པ་དུང་ཁྲག་དཀྲུགས། །ཐ་མའི་ཕྱག་གཉིས་རི་རབ་ཕུར་པ་འདྲིལ། །ཐུགས་ཀྱི་སྲས་མཆོག་ཕྲ་མེན་ཁྲ་ཐབས་ཚོགས། །ཞལ་གཅིག་ཕྱག་གཉིས་རང་གི་མཚན་མ་དང་། །རྡོ་རྗེ་རི་རབ་ཕུར་པ་འདྲིལ་ཞིང་འདེབས། །སྒོ་བཞི་བསྲུང་མཛད་ཕྲ་མེན་སྒོ་མ་བཞི། །པུ་ཤུད་མགོ་ཅན་དཀར་མོ་ལྕགས་ཀྱུ་ཐོགས། །སྐྱེ་ཀའི་མགོ་ཅན་སེར་མོ་ཞགས་པ་འཛིན། །སྲིན་བྱའི་མགོ་ཅན་དམར་མོ་ལྕགས་སྒྲོག་འཛིན། །ཁྲ་ཡི་མགོ་ཅན་ལྗང་གུ་དྲིལ་བུ་འཛིན། །དུས་གསུམ་བདེ་གཤེགས་ཕྲིན་ལས་རྫོགས་མཛད་པ། །རང་རིག་ཕྱག་རྒྱའི་མཆོད་པ་བཞེས་སུ་གསོལ། །ཤར་ལྷོའི་དཀྱིལ་འཁོར་བདེ་བར་གཤེགས་པའི་གཙོ། །བཅོམ་ལྡན་མངོན་རྫོགས་བླ་མེད་ཧེ་རུ་ཀ །དབུ་གསུམ་གཡས་དཀར་གཡོན་སྔོ་དབུས་མཐིང་ཞལ། །ཕྱག་དྲུག་རྡོ་རྗེ་སྦྲུལ་ཁྱུང་སྦྲུལ་ཞགས་གཡས། །བྷནྡྷ་ཞིང་ལྤགས་གའུ་གཡོན་ན་བསྣམས། །ཀུན་ཏུ་བཟང་མོ་ཉིད་བཞི་མཁའ་བཞིའི་ཀློང་། །དབུ་གཅིག་ཞལ་ལྔ་ཕྱག་དྲུག་ཕྱག་མཚན་ནི། །རྡོ་རྗེ་དྲིལ་ཞགས་བདུད་རྩི་གཡས་ན་བསྣམས། །དྲིལ་བུ་བྷནྡྷ་གཡང་གཞི་གཡོན་ན་བསྣམས། །ཤར་ཕྱོགས་མཁའ་འགྲོ་སེང་གདོང་རྣམ་སྣང་གསལ། །ཕྱག་དྲུག་དང་པོ་རྡོ་རྗེ་བྷནྡྷར་ལྡན། །བར་མ་གཉིས་ཀྱིས་དགྲ་སྟྭ་གཏུན་ཤིང་བརྡེག །ཐ་མའི་ཕྱག་གིས་སེང་གེ་མཆོག་ཆེན་བསྙོད། །ལྷོ་ཡི་མཁའ་འགྲོ་འོད་གསལ་བ་ལང་གདོང་། །ཕྱག་དྲུག་དང་པོ་རིན་ཆེན་བྷནྡར་ལྡན། །བར་མ་གཉིས་ན་མེ་དབལ་དབྱུག་ཐོ་བསྣམས། །ཐ་མའི་ཕྱག་གིས་སྟག་མོ་ཞིང་ཕྲན་བསྙོད། །ནུབ་ཕྱོགས་མཁའ་འགྲོ་མཉེན་གསལ་སུད་ཀའི་གདོང་། །ཕྱག་དྲུག་དང་པོ་པདྨ་བྷནྡྷར་ལྡན། །བར་མ་གཉིས་ན་ཞགས་པ་ཏྲི་ཤུལ་བསྣམས། །ཐ་མའི་ཕྱག་གིས་ཅེ་སྤྱང་ཞིང་ཆུང་བསྙོད། །བྱང་ཕྱོགས་མཁའ་འགྲོ་ཁྱུང་གདོང་ཡང་གསལ་གཡོས། །ཕྱག་དྲུག་དང་པོ་རྒྱ་གྲམ་བྷནྡྷ་བསྣམས། །བར་མ་གཉིས་ན་དབྱུག་ཐོ་རྒྱུ་ཕྲེང་འཛིན། །ཐ་མའི་ཕྱག་གིས་སྤྱང་ཀི་ཞིང་ཆུང་བསྙོད། །ནམ་མཁའི་འཁའ་འགྲོ་བཀྲག་གསལ་རྡོ་རྗེའི་མཆུ། །ཕྱག་དྲུག་དང་པོ་འཁོར་ ― DNG014_Page_0656 ―
[མ་དཔེ་གཟིགས་ན་འདིར་གནོན།]
ལོ་བྷནྡར་ལྡན། །བར་མ་གཉིས་ན་རྒྱལ་མཚན་སྤུ་གྲི་འཛིན། །ཐ་མ་གཉིས་ཀྱི་འུག་པ་ཞིང་ཆུང་བསྙོད། །དབྱིངས་ཀྱི་ཡུམ་ཆེན་རྟག་པའི་རྒྱལ་མོ་ལྔ། །དབུ་གསུམ་ཞབས་བཞི་རང་རིགས་སྐུ་མདོག་གསལ། །སྲིད་པ་བདེ་འགྲོ་དབུ་གསུམ་སྐུ་མདོག་མཐིང་། །ཕྱག་དྲུག་དང་པོ་འཁོར་ལོ་རིན་པོ་ཆེ། །བར་མ་གཡང་གཞི་བྷནྡྷ་དམར་གྱིས་བཀང་། །ཐ་མ་གཉིས་ནི་ཚེ་བུམ་ལྕགས་ཀྱུ་འཛིན། །ཉི་ཟླ་ཐོད་ཕྲེང་མདོག་དཀར་འཇའ་འོད་གསལ། །ཕྱག་གཉིས་ཟངས་ལྕགས་སྙིང་ཕྲེང་ཞགས་པ་འཕེན། །ཉི་མ་ཁྲོས་མ་མདོག་དཀར་སྤུ་གྲི་འཛིན། །ཁྲག་འཐུང་ཁྲོས་མ་སྔོན་མོ་ཐོད་ཁྲག་འཛིན། །བདུད་རྩི་ཁྲོས་མ་དམར་མོ་བུམ་པ་བསྣམས། །བདེ་སྦྱོར་ཁྲོས་མ་ལྗང་ནག་ཏི་ར་འཕྱར། །སྲིད་པའི་རྒྱན་བྱེད་དཀར་མོ་སྐྲ་ཞགས་འཛིན། །སྔོན་མོ་དབྱིངས་ཕྱུག་ཞིང་གི་དབྱུག་པ་ཐོགས། །བདག་ཉིད་དམར་མོ་རྒྱུ་མའི་ཞགས་པ་འཕེན། །གཅིག་སྤྱོད་སེར་མོ་ཞིང་ལྤགས་གཡང་གཞི་བརྡེབས། །དཀར་མོ་མིག་གཅིག་བྷནྡྷ་ཟླུམ་པོ་ཐོགས། །ནག་མོ་མཆེ་གཙིགས་བྷནྡ་སེར་པོ་ཐོགས། །དམར་མོ་དབང་སྡུད་བྷནྡ་ལྕང་ལོ་འཕྱར། །སེར་མོ་ལས་མཁན་ཐོད་པ་རྒྱ་གྲམ་ཐོགས། །སྲིད་པ་ཆགས་བྱེད་མཐིང་ནག་མི་སྙིང་བསྣམས། །སྲིད་པ་ཆ་སྙོམས་དམར་མོ་ཐོད་ཁྲག་འཛིན། །འདོད་ཁམས་གཙོ་མོ་སྔོན་མོ་ཁྲམ་ཤིང་བསྣམས། །རལ་གཅིག་དམར་མོ་ཁ་ཊྭཱཾ་མི་རོ་འཛིན། །གླིང་བཞི་སྤྱི་ཕུད་དཀར་གསལ་ལྕགས་ཀྱུ་ཐོགས། །རིན་ཆེན་སྲིད་འདེགས་སྔོན་མོ་གའུ་འཛིན། །པདྨ་གར་དབང་ལེ་བརྒན་ཐོད་ཁྲག་ཐོགས། །རྡོ་རྗེ་གར་དབང་སེར་མོ་བྷནྡ་འཛིན། །ཧར་ཏིང་དཀར་མོ་མེ་ཡི་དཀྱིལ་འཁོར་ཐོགས། །དུན་ཏིང་ནག་མོ་ས་ཡི་དཀྱིལ་འཁོར་ཐོགས། །ཤཱནྟིང་དམར་མོ་ཆུ་ཡི་དཀྱིལ་འཁོར་ཐོགས། །གྲུབ་ཏིང་སེར་མོ་རླུང་གི་དཀྱིལ་འཁོར་ཐོགས། །སྲིན་མོ་སྐམ་མོ་དཀར་མོ་ཤེལ་ཕུར་ཐོགས། །སྲིན་མོ་ཕོར་ཐོགས་སྔོན་མོ་ཐོད་ཁྲག་འཛིན། །སྲིན་མོ་གཡང་གཞི་ཐོད་སྦྲམ་བྷནྡ་འཛིན། །སྲིན་མོ་ཟ་བ་དམར་མོ་ཞིང་ལྤགས་བརྡེབས། །སྲིན་མོ་གསོད་བྱེད་སེར་མོ་ ― DNG014_Page_0657 ―
[མ་དཔེ་གཟིགས་ན་འདིར་གནོན།]
ལྕགས་ཀྱུ་ཐོགས། །སྲིན་མོ་དམར་སེར་ཐོད་ཁྲག་ཞགས་པ་འཛིན། །སྲིན་མོ་སྣོམ་བྱེད་སྔོན་མོ་ལྕང་ལོ་འཕྱར། །དཀར་མོ་མཆེ་གཙིགས་ཐོད་པ་དཀར་པོ་ཐོགས། །ནག་མོ་ཁ་འབྱམས་བྷནྡ་སྔོན་མོ་ཐོགས། །དམར་མོ་མཆུ་འཇིབས་བྷནྡ་དམར་པོ་ཐོགས། །སེར་མོ་ལས་མཁན་བྷནྡ་སེར་པོ་འཛིན། །ལྷ་ཡི་སྲིང་མོ་དཀར་མོ་རྡོ་རྗེ་བསྣམས། །གཤིན་རྗེའི་སྲིང་མོ་སྔོན་མོ་ཐོད་དབྱུག་ཐོགས། །ཀླུ་ཡི་སྲིང་མོ་དམར་མོ་སྦྲུལ་ཞགས་ཐོགས། །གནོད་སྦྱིན་སྲིང་མོ་སེར་ནག་ནེའུ་ལེ་འཛིན། །བདེ་བར་གཤེགས་པ་རྦོད་གཏོང་འདུས་པའི་བདག །རང་རིག་ཕྱག་རྒྱའི་མཆོད་པ་བཞེས་སུ་གསོལ། །ནུབ་བྱང་དཀྱིལ་འཁོར་འཇིག་རྟེན་དྲེགས་པའི་གཙོ། །བཅོམ་ལྡན་དཔལ་ཆེན་དྲེགས་པ་ཀུན་འདུལ་ནི། །དབུ་གསུམ་ཕྱག་དྲུག་ཁམ་ནག་སྨུག་མཐིང་ཞལ། །དང་པོའི་ཕྱག་གཉིས་རྡོ་རྗེ་དུང་ཁྲག་དཀྲུགས། །གཡས་གཡོན་ཕྱག་བཞིས་ལྷ་བརྒྱད་ཀླུ་བརྒྱད་མགོ། །ཁམས་གསུམ་སྤྱི་འདུལ་ཕྱག་གཡས་རྡོ་རྗེ་འཁྱུད། །ཕྱག་གཡོན་དུང་ཁྲག་གཙོ་བོའི་ཞལ་དུ་སྟོབ། །ལྷ་ཆེན་མཐིང་ནག་གྲི་གུག་ཙིཏྟ་གཡོན། །བཙུན་མོ་ཨུ་མ་རྩེ་གསུམ་ཐོད་ཁྲག་བསྣམས། །སེང་གེ་གླང་ཆེན་གཤིབས་པའི་ཁྲི་ལ་བཞུགས། །ཡ་མ་རཱ་ཛ་མདོག་ནག་བེ་ཅོན་གཡས། །གཡོན་ན་ཐོད་དབྱུག་མ་ཧེ་ཆུ་གླང་བཅིབས། །སྒྲོལ་བྱེད་ནག་མོ་སྲིད་པའི་འཁོར་ལོ་བསྐོར། །བདུད་པོ་སྐོས་རྗེ་མཐིང་ནག་ཁྲམ་ཤིང་གཡས། །གཡོན་ན་དགྲ་སྟྭ་བདུད་རྟ་ནག་པོ་བཅིབས། །ནག་མོ་རེ་ཏཱི་ཁྲམ་ཤིང་ནད་རྐྱལ་བསྣམས། །དྲེལ་རྟ་དམར་མོ་རྐང་གསུམ་ཆིབས་སུ་བཅིབས། །ནག་པོ་གློག་ཕྲེང་གློག་གི་ཕྲེང་བ་འཛིན། །སྦལ་མགོ་ཁྲག་མིག་ཁྲག་ཕོར་ཞལ་དུ་འཛིན། །ཡབ་ཡུམ་གཉིས་མེད་འབྲུག་དང་རྔ་མོ་བཅིབས། །ཡཀྴ་མེ་དབལ་མཐིང་ནག་རིན་ཆེན་བསྣམས། །གཡོན་ན་མཚོན་ཐོགས་སྟག་སེང་རྔམ་པ་བཅིབས། །མོན་མོ་ནག་མོ་ཕྱག་གཡས་སྤུ་གྲི་བསྣམས། །གཡོན་ན་སྤྱང་ཀི་ལྕགས་ཀྱི་ཕག་མོ་བཅིབས། །སྲིད་པའི་རྒྱལ་མོ་མདོག་དཀར་འཁོར་ལོ་གཡས། །གཡོན་ན་མེ་ལོང་འབྲུག་མོ་སྒྲ་ཆེན་བཅིབས། །ཨེ་ཀ་ཙ་ཏཱི་སྨུག་མཐིང་ཙིཏྟ་གཡས། །གཡོན་ ― DNG014_Page_0658 ―
[མ་དཔེ་གཟིགས་ན་འདིར་གནོན།]
ན་གཡུ་སྤྱང་དྲེའུ་རྟ་ནག་པོ་བཅིབས། །ནག་མོ་མགྱོགས་བྱེད་གཡས་ན་མཚོན་དྲུབ་བསྣམས། །གཡོན་ན་ནད་རྐྱལ་སོ་བྱ་ནག་པོ་བཅིབས། །རྡོ་རྗེ་བདུད་འདུལ་མཐིང་ནག་ཁྲག་ཐུན་གཡས། །གཡོན་ན་མདུང་ཐུང་དྲེའུ་རྟ་ནག་པོ་བཅིབས། །སྲོག་ཟན་དམར་པོ་བསེ་མདུང་དམར་པོ་གཡས། །གཡོན་ན་མདའ་གཞུ་ཆིབས་སུ་རྟ་དམར་བཅིབས། །སྐྱེས་བུ་དམར་འབར་ཤང་ལང་གཡས་ན་བསྣམས། །གཡོན་ན་ཟངས་ཞགས་ཆིབས་སུ་རྟ་དམར་བཅིབས། །བགེགས་ཀྱི་རྒྱལ་པོ་མཐིང་ནག་ཁ་ཊྭཱཾ་གཡས། །གཡོན་ན་ཐོད་ཁྲག་ཆིབས་སུ་རྟ་ནག་བཅིབས། །ཀཱ་ལ་ནག་པོ་ཕྱག་གཡས་རྩེ་གསུམ་བསྣམས། །གཡོན་ན་ཐོད་ཁྲག་ཆིབས་སུ་རྩལ་ཆེན་བཅིབས། །དམུ་བདུད་ནག་པོ་གཡས་ན་ཤང་ལང་བསྣམས། །གཡོན་ན་མདའ་གཞུ་དམུ་རྟ་མཆོང་རྒོད་བཅིབས། །གང་བ་བཟང་པོ་དཀར་པོ་བ་དན་གཡས། །གཡོན་ན་ཤེལ་གྱི་གནམ་རུ་དཀར་པོ་བཅིབས། །སྤྱི་བདུད་རྒྱལ་པོ་མདོག་དཀར་རུ་མཚོན་གཡས། །གཡོན་ན་རལ་གྲི་རྡོ་རྟ་གྲོ་བོ་བཅིབས། །གནམ་ཐིལ་དཀར་པོ་གཡས་ན་དར་དཀར་བསྣམས། །གཡོན་ན་རལ་གྲི་ཆིབས་སུ་རྟ་དཀར་བཅིབས། །ཚངས་པ་དཀར་པོ་གཡས་ན་ཉི་ཟེར་བསྣམས། །གཡོན་པ་སྤུ་གྲི་སེང་གེ་དཀར་མོ་བཅིབས། །རྡོ་རྗེ་ཆུང་རྒྱལ་དཀར་པོ་བདུད་ཞགས་གཡས། །གཡོན་ན་སྤུ་གྲི་བ་གླང་སྣ་རིང་བཅིབས། །སྐྱེས་བུ་སྐུ་ལྷ་མདོག་དཀར་རྡོ་རྗེ་གཡས། །གཡོན་ན་རུ་མཚོན་ཙ་ར་ཁམ་པ་བཅིབས། །ལེགས་ལྡན་ནག་པོ་གྲི་གུག་གཡས་ན་བསྣམས། །གཡོན་ན་བེང་ཆེན་བདུད་རྟ་ནག་པོ་བཅིབས། །གཟའ་བདུད་རྒྱལ་པོ་མདོག་ནག་སྐུ་སྨད་སྦྲུལ། །ཕྱག་གཡས་མདའ་གཞུ་གཡོན་ན་སྦྲུལ་ཞགས་བསྣམས། །ཐོག་གི་བུ་ཡུག་དམར་སྐྱ་ཐོག་སེར་འཕེན། །ཡབ་ཡུམ་གཉིས་མེད་འབྲུག་ཆེན་ཡིད་མགྱོགས་བཅིབས། །ཀླུ་བདུད་ནག་པོ་སྦྲུལ་ཞགས་ནད་རྐྱལ་བསྣམས། །སྐུ་སྨད་སྦྲུལ་གྱི་ཆུ་སྲིན་སྔོན་པོ་བཅིབས། །ཡཀྴ་ནག་མོ་ནད་རྐྱལ་དུག་ཐུན་བསྣམས། །སྐུ་སྨད་སྦྲུལ་འཁྱིལ་རུས་སྦལ་ནག་པོ་མནན། །འཇིག་རྟེན་ལས་བྱེད་དྲེགས་པ་ཅན་གྱི་ ― DNG014_Page_0659 ―
[མ་དཔེ་གཟིགས་ན་འདིར་གནོན།]
ཚོགས། །རང་རིག་ཕྱག་རྒྱའི་མཆོད་པ་བཞེས་སུ་གསོལ། །བྱང་ཤར་དཀྱིལ་འཁོར་དྲག་སྔགས་ལྷ་ཡི་ཚོགས། །བཅོམ་ལྡན་དཔལ་ཆེན་སྟོབས་ལྡན་ནག་པོ་ནི། །དབུ་གསུམ་ཕྱག་དྲུག་མཐིང་ནག་དྲག་པོའི་ཞལ། །ཕྱག་དྲུག་དང་པོ་རྡོ་རྗེ་དུང་ཁྲག་དཀྲུགས། །འོག་མའི་ཕྱག་བཞིས་ལྷ་ཀླུ་ཙིཏྟ་བསྣམས། །འབྱུང་ལྔའི་བདག་མོ་ཞལ་གཅིག་སྐུ་མདོག་མཐིང་། །གཡས་གཡོན་ཕྱག་གིས་མཁའ་འདེགས་ས་གཞི་གནོན། །འཆི་བདག་མཐིང་ནག་ཐོད་པ་གྲི་གུག་བསྣམས། །བཙུན་མོ་ནག་མོ་གཙོ་ཆེན་ཡབ་ཀྱི་ཚུལ། །བདུད་མོ་ནག་མོ་ཁ་རླངས་ཏྲི་ཤུལ་གཡས། །ནག་མོ་ཁྲག་འཛག་ཁྲམ་བམ་ཐོད་རློན་བསྣམས། །གསོད་བྱེད་ནག་པོ་རལ་གྲི་ཐོད་ཁྲག་གཡོན། །སྲིང་མོ་ནག་མོ་གྲི་གུག་མི་མགོ་བསྣམས། །གནོད་སྦྱིན་སྔོ་ནག་རལ་གྲི་རུ་མཚོན་བསྣམས། །རལ་གཅིག་སྔོན་མོ་ཞིང་ལྤགས་དར་ནག་བསྣམས། །ལྷ་ཆེན་དཀར་པོ་བྷནྡྷ་ཤེལ་གྲི་བསྣམས། །ཐར་པ་ནག་པོ་མཆོད་གཏོར་ཐུན་གཏོར་བསྣམས། །རྗེ་བཙན་ནག་པོ་དར་ནག་ཞགས་པ་བསྣམས། །ཡཀྴ་ནག་པོ་ཁ་ཊྭཱཾ་གྲི་གུག་བསྣམས། །ཧར་མཛེས་དཀར་པོ་ཤེལ་གྲི་དར་དཀར་བསྣམས། །ཡམ་ཤུད་དམར་པོ་མདུང་དམར་རལ་གྲི་བསྣམས། །རྡོ་རྗེ་མཛེས་པ་དམར་པོ་རུ་མཚོན་འཕྱར། །ཕོ་ཉ་ལག་དགུ་མདོག་སེར་སྤྲུལ་པ་འགྱེད། །ཁྱབ་འཇུག་ནག་པོ་ཁྲམ་ཤིང་དགྲ་སྟྭ་བསྣམས། །གཞོན་ནུ་གཏུམ་པོ་བུམ་པ་རུས་སྦལ་འཛིན། །སྔགས་ཀྱི་བདག་པོ་དྲེགས་པ་བཅོ་བརྒྱད་རྣམས། །ཀུན་ཀྱང་ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དགྲ་དང་བགེགས་ཀྱི་སྙིང་ལ་གཟེར། །དམོད་པའི་མཚོན་འཆང་ལྷ་ཡི་ཚོགས་ཆེན་རྣམས། །རང་རིག་ཕྱག་རྒྱའི་མཆོད་པ་བཞེས་སུ་གསོལ། །ལྷོ་ནུབ་དཀྱིལ་འཁོར་རིག་པ་འཛིན་པའི་ཚོགས། །གྲུབ་པ་ཆེན་པོ་བརྒྱད་ལ་དབང་བསྒྱུར་ཞིང་། །མཐུན་འཇུག་ཐེག་པ་རབ་སྟོན་བྱང་ཆུབ་སེམས། །ཕྱག་རྒྱ་ཆེ་དང་ལྷུན་གྱིས་གྲུབ་པ་དང་། །རྣམ་པར་སྨིན་དང་ཚེ་ལ་དབང་བ་དང་། །མན་ངག་ལུང་སྟོན་ཤེས་རབ་རྒྱུད་སྤེལ་ཞིང་། །དམ་ཚིག་དབང་བསྐུར་ཉམས་པ་བསྐང་ ― DNG014_Page_0660 ―
[མ་དཔེ་གཟིགས་ན་འདིར་གནོན།]
མཛད་པའི། །རྒྱལ་ཚབ་རིག་འཛིན་བྱང་ཆུབ་སེམས་དཔའ་རྣམས། །རང་རིག་ཕྱག་རྒྱའི་མཆོད་པ་བཞེས་སུ་གསོལ། །འདི་དག་རང་གི་ཕྱག་རྒྱ་སྟེ། །དང་པོ་མཆོད་པ་ཆེན་པོ་ཡིས། །གཉིས་པ་རབ་ཏུ་བསྟོད་པ་སྟེ། །ཡོན་ཏན་རྟགས་བཅས་ཚིག་གིས་མཉེས། །གསུམ་པ་འདོད་པའི་ཡོན་ཏན་ཚོགས། །གཟུགས་སྒྲ་དྲི་རོ་རེག་ཆོས་སོ། །བཞི་པ་ཉོན་མོངས་ལྔ་ཉིད་དེ། །ལྔ་པ་སྒྲོལ་བ་སྐྱེ་འཆི་མེད། །དྲུག་པ་འབྲལ་མེད་སྦྱོར་བ་སྟེ། །བདུན་པ་དུག་གསུམ་ཕུང་པོས་མཆོད། །བརྒྱད་པ་དུག་ལྔ་སྨན་ཡིན་ཏེ། །དགུ་པ་རྨད་བྱུང་མཆོད་པ་ཆེ། །བཅུ་པ་དམ་ཚིག་བདུད་རྩིའོ། །བཅུ་གཅིག་པ་ནི་ཞལ་ཟས་ཚོགས། །བཅུ་གཉིས་གཙང་སྦྱོར་ལྷག་མ་སྟེ། །འདི་དག་གིས་ནི་ང་དང་བཅས། །དུས་གསུམ་རྒྱལ་བ་ཀུན་མཉེས་འགྱུར། །དེ་ཡིས་བསྒྲུབ་པར་བྱ་བ་དག །ཀུན་གྱི་མཐར་ཕྱིན་ཡོན་ཏན་ཚོགས། །མ་ལུས་སྐྱེད་བྱེད་འདི་ཡིན་ནོ། །ཀྱེ་མ་དཔལ་ལྡན་ཧེ་རུ་ཀ །དཔལ་ཆེན་ང་ཡི་དགོངས་ཆེན་པོ། །རིགས་བརྒྱད་དགུ་ཡིས་རབ་མཛེས་པའི། །རྟེན་འགྱུར་གཅིག་གིས་སྒྲུབ་པ་ལ། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་རྦོད་གཏོང་བསྒྲུབ་མཆོད་དང་། །དམོད་པ་དྲག་ཤུལ་བསྟན་བྱ་རྣམས། །ཞི་རྒྱུད་རིག་པ་འཛིན་དང་བཅས། །ཞི་དང་ཁྲོ་དང་ཐུན་མོང་བཅས། །ཕོ་ཉ་ལས་ཀྱི་བྱེད་པ་དག །ང་ཡིས་བཤད་པ་གང་ཡིན་པ། །མ་འོངས་དུས་ན་བརྩེ་ལྡན་པའི། །བྱང་ཆུབ་སེམས་དཔའ་གྲགས་ཆེན་པོ། །ཕྱི་དང་ནང་དང་སྦས་དང་གསང་། །ཐུན་མོང་ཁྱད་པར་བྱེ་བྲག་རྣམས། །གང་གིས་བསྔགས་པ་རྣམས་ལ་སྟོན། །ཞེས་བཀའ་སྩལ་ཏོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ལྷ་ངེས་པར་དབྱུང་ཞིང་སྒྲུབ་པའི་ལེའུ་སྟེ་དྲུག་པའོ།། །།དེ་ནས་ཧེ་རུ་ཀ་རིགས་ལྔ་ལ་སོགས་པའི་འཁོར་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་ཀུན་ཏུ་བཟང་པོ་ཁྱོད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་ཀྱི་ཁྱད་པར་དང་། རྦོད་གཏོང་དང་། ཕོ་ཉ་དང་དམོད་པ་ལ་སོགས་པ་ཁྲོ་ ― DNG014_Page_0661 ―
[མ་དཔེ་གཟིགས་ན་འདིར་གནོན།]
བོ་ཁྲོ་མོ་དྲག་ཤུལ་སྤྱོད་པའི་ལས། ངེས་པར་བཟུང་བ་འདི་དག་བསྟན་པ་དང་བཤད་པ་དང་བརྗོད་པའི་ཡུལ་ནི་གང་། དུས་ནི་ཇི་ཙམ་ཞིག་ན་ལགས། ཚུལ་ནི་ཇི་ལྟ་བུ། ཡོན་ཏན་ནི་ཅི་ཞིག་ཡོད་པ་ལགས། བདག་ཅག་གི་ཐེ་ཚོམ་གཅད་དུ་གསོལ། ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཀྱེ་མ་ཧེ་རུ་ཀ་ཡི་ཚོགས། །འཁོར་དང་བཅས་པ་ཀུན་ཉོན་ཅིག །ཕྱི་མའི་དུས་ན་ང་ཡི་སྐུ། །སྤྲུལ་པ་ཐུན་མོང་སྣང་བ་འདི། །ཆོས་སྐུ་མཉམ་པ་ཉིད་གྱུར་ཚེ། །ཐོས་པ་དང་ནི་རིག་པ་འཛིན། །སྐྱེས་བུ་རྣམས་ཀྱི་ཡིད་ལ་གནས། །རིན་ཆེན་དགུ་ཡི་སྤྲུལ་པའི་གཟུགས། །འཇམ་དབྱངས་ལྷ་དང་བཅས་པ་ཡིས། །ལེགས་བཀོད་ནམ་མཁའི་ཆོ་འཕྲུལ་སྟོན། །ཀུན་ཏུ་བཟང་པོས་ཉེར་སྣང་ཞིང་། །འཇིག་རྟེན་དྲེགས་པའི་ཚོགས་བཅས་ཀྱིས། །དཔལ་ལྡན་མཁའ་འགྲོའི་གནས་དག་ཏུ། །གསང་བའི་རྒྱ་ཡིས་བཏབ་བྱས་པ། །ལོ་ནི་བརྒྱ་དང་ཉི་ཤུ་ནས། །ཀུན་བཟང་དགོངས་པ་སྐོང་བྱེད་པ། །རིག་པ་འཛིན་པ་རྣམས་ལ་སྣང་། །ཡན་ལག་ཕྱོགས་བཅུར་རྒྱས་པར་བྱེད། །རྡོ་རྗེ་གསང་བའི་མྱུ་གུ་ཡིས། །ཁྱད་པར་བསམ་གྱིས་མི་ཁྱབ་པ། །གདུལ་བར་བྱ་བ་རྣམས་ལ་སྟོན། །མཐའ་འཁོབ་ཤམྦྷ་ལི་ཞེས་པར། །དེ་ཡི་གཙོར་གྱུར་འཇིག་རྟེན་མགོན། །ཤྭ་ར་བྷ་གི་ལྷ་ཡི་བུ། །རྣམ་སྤྲུལ་བཀོད་པ་མཆོད་དག་གིས། །བྱང་ཆུབ་སེམས་དཔའ་རིག་པ་འཛིན། །དབང་བསྒྱུར་ཡོངས་རྫོགས་དེར་འབྱུང་གིས། །ཁྱོད་རྣམས་བཤུམ་པར་མ་བྱེད་ཅིག །ཅེས་བཀའ་སྩལ་ནས། བཅོམ་ལྡན་འདས་ཧེ་རུ་ཀ་ཡུམ་དང་གཉིས་སུ་མེད་པ་སྐུའི་ཞིང་བཀོད་པ་དང་བཅས་པ་ཆོས་ཀྱི་དབྱིངས་སུ་ཐིམ་པར་གྱུར་ཏོ། །འཁོར་འཇིག་རྟེན་གྱི་དྲེགས་པ་ཅན་རྣམས་ཀྱང་བཅོམ་ལྡན་འདས་ཉིད་ཀྱི་གསུང་རྗེས་སུ་བསྒྲུབ་ཅིང་ཐུགས་ཞི་བ་ཆོས་ཀྱི་སྐུར་མཐོང་བར་གྱུར་ནས། བཅོམ་ལྡན་འདས་ལ་རྗེས་སུ་ཡི་རངས་ཤིང་མངོན་པར་བསྟོད་དོ། །བདེ་བར་གཤེགས་པ་ཐམས་ཅད་འདུས་པའི་རྒྱུད་རབ་ཏུ་འབྱེད་པ་ལས། ཕྱི་མ་ངེས་པར་འབྱུང་བ་བསྟན་པའི་ལེའུ་སྟེ་བདུན་པའོ།། །། ཁྲོ་བོ་ཆེན་པོ་མངོན་པར་རྫོགས་པར་སངས་རྒྱས་པའི་ཡིད་བཞིན་གྱི་ཡོན་ཏན་ཆེན་པོ་ དེ་བཞིན་གཤེགས་པ་ཞི་བ་ཐམས་ཅད་འདུས་པ་རྩ་བའི་རྒྱུད་ཆེན་པོ་ཞེས་བྱ་བ།― DNG014_Page_0662 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། སརྦ་ཏ་ཐཱ་ག་ཏ་ཤཱནྟ་ས་མཱ་ཛ་མཱུ་ལ་མ་ཧཱ་ཏནྟྲ་ནཱ་མ། བོད་སྐད་དུ། དེ་བཞིན་གཤེགས་པ་ཞི་བ་ཐམས་ཅད་འདུས་པ་རྩ་བའི་རྒྱུད་ཆེན་པོ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་ཡེ་ཤེས་རང་བྱུང་གི་རྒྱལ་པོ་དེ་ཉིད། གསང་བ་མ་བཅོས་པའི་ཐིག་ལེ་ཆེན་པོ་བསམ་གྱིས་མི་ཁྱབ་པའི་ངང་ལ་མནལ་ཏེ་བཞུགས་སོ། །དེ་ནས་དབྱིངས་ཀྱི་ཡུམ་ཀུན་ཏུ་བཟང་མོ་དེ་ཉིད། རྩ་བ་བྱང་ཆུབ་སེམས་ཀྱི་འགྲོ་བ་ཐམས་ཅད་ཐུགས་རྗེའི་ཆུས་བརླན་པར་མཛད་དེ། དཔལ་ཀུན་ཏུ་བཟང་པོ་ལ་ཐུགས་རྗེའི་རོལ་པ་ཚད་མེད་པ་ཞེས་བྱ་བའི་གླུས་བསྐུལ་ཏོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཆོས་ཉིད་མཉམ་པ་ཉིད་ཀྱི་ངང་ལ་མནལ་བ་ལ། བྱམས་པ་ཆེན་པོའི་ཐུགས་རྗེས་སད་པར་མཛད་དེ། ཡུལ་སེམས་ཅན་ལ་རབ་ཏུ་དམིགས་པ་དང་ལམ་ལ་དམིགས་པ་དང་། ཀུན་ཏུ་དམིགས་པ་མེད་པ་དང་། སྟོང་པ་ཆེན་པོ་ལས་རབ་ཏུ་སྐྱེས་པའི་རྩལ་མ་འགགས་པ་ལས། བྱང་ཆུབ་ཀྱི་སེམས་སྐྱེ་བ་མེད་པ། བརྗོད་པ་ཐམས་ཅད་ལས་འདས་པ་ཆོས་ཀྱི་འབྱུང་གནས་སུ་གྱུར་པའི་ཡི་གེ་ཨ་ཞེས་བྱ་བའི་རང་བཞིན་དུ་གྱུར་ནས། སྐྱེ་བ་མེད་པ་ལས་སྒྲ་འདི་བྱུང་ངོ་། །ཨེ་མ་ཧོ་ཆོས་ཉིད་གདལ་བའི་ཀློང་། །ཨེ་མ་ཧོ་སྙིང་རྗེ་རྒྱུན་ཆད་མེད། །ཨེ་མ་ཧོ་གསལ་བའི་ཡིག་འབྲུར་ཤར། །ཨེ་མ་ཧོ་ཡོན་ཏན་དཔག་ཏུ་མེད། །ཨེ་ཡཾ་བཾ་ལཾ་རཾ་བྷྲཱུཾ། འདི་ལྟར་སྣང་བའི་ཆོས་རྣམས་ཀུན། །ཡེ་ནས་མ་བཅོས་རྫོགས་སངས་རྒྱས། །སྣོད་བཅུད་རྣམ་རྟོག་གིས་བརྟག་ ― DNG014_Page_0663 ―
[མ་དཔེ་གཟིགས་ན་འདིར་གནོན།]
པ། །རྒྱལ་བའི་དཀྱིལ་འཁོར་ཕྱག་རྒྱ་ཆེ། །ནམ་མཁའ་རླུང་ཆུ་ས་དང་མེ། །གདོད་ནས་རྣམ་དག་ཡུམ་ལྔའི་མཁའ། །ངོ་མཚར་གཞལ་མེད་སྣ་ཚོགས་དང་། །དག་པའི་ཡེ་ཤེས་གཞལ་མེད་ཁང་། །གདན་ཁྲི་འོད་ཀྱི་སྣང་བ་རྣམས། །ཞི་བ་རོལ་པའི་གདན་མཆོག་སྟེ། །དག་པ་ཆེན་པོའི་འཇིག་རྟེན་ལས། །མ་དག་པ་ནི་ཡོད་མ་ཡིན། །མ་རིག་འཁྲུལ་པའི་བག་ཆགས་ལས། །མ་དག་པ་ཡི་ཁམས་སུ་སྣང་། །ཡུམ་ལྔའི་མཁའ་ཀློང་དག་པ་ལས། །ཡེ་ཤེས་འབྱུང་ཆེན་རྣམ་ལྔ་སྟེ། །ཡེ་ཤེས་ལྔ་ལས་གཞལ་ཡས་འོད། །རྟོག་པ་ཅན་གྱིས་ཤེས་པར་བྱ། །ཞེས་བྱ་བའི་སྒྲ་ཕྱུང་བ་དང་། སྣང་གྲགས་ཀྱི་དངོས་པོ་ཐམས་ཅད་དེ་བཞིན་གཤེགས་པའི་སྐུར་མ་བཅོས་པར་ལྷུན་གྱིས་གྲུབ་པར་བསྟན་པའི་ཕྱིར། འདི་ལྟར་སྣོད་དུ་སྣང་བ་ཐམས་ཅད་དེ་བཞིན་གཤེགས་པའི་ཞིང་ཁམས་སུ་བྱིན་གྱིས་བརླབས་སོ། །དེ་ཡང་འབྱུང་བ་རྣམ་པར་དག་པ་ནམ་མཁའ་ཡོངས་སུ་དྭངས་པ་ནི། ཆོས་ཀྱི་དབྱིངས་རྣམ་པར་དག་པ། ཆོས་ཀྱི་དབྱིངས་ཀྱི་དབང་ཕྱུག་མའི་མཁའ་ཀློང་། ཡེ་ཤེས་ཆེན་པོའི་ནམ་མཁར་ལྷུན་གྱིས་གྲུབ་པར་བསྟན་ཏོ། །དེ་བཞིན་དུ་རླུང་གི་དཀྱིལ་འཁོར་ནི་སྒྲོལ་མའི་མཁའ་ཀློང་རྣམ་པར་དག་པར་བསྟན་ཏོ། །ཆུའི་དཀྱིལ་འཁོར་ནི་མཱ་མ་ཀཱིའི་མཁའ་ཀློང་རྣམ་པར་དག་པའོ། །སའི་དཀྱིལ་འཁོར་ནི་སྤྱན་མའི་མཁའ་ཀློང་རྣམ་པར་དག་པའོ། །མེའི་དཀྱིལ་འཁོར་ནི་གོས་དཀར་མོའི་མཁའ་ཀློང་རྣམ་པར་དག་པའོ། །འདི་ལྟར་ནང་གི་གཞལ་མེད་ཁང་རྣམ་པར་དག་པ་གདན་དང་བཅས་པ་ནི། ཡུམ་ཐམས་ཅད་ཀྱི་མཁའ་ཀློང་རྣམ་པར་དག་པ་ཡེ་ཤེས་ལྔའི་རང་བཞིན་འདུས་པ་ནི། ལྷའི་གཞལ་ཡས་འཇིག་རྟེན་པའི་ཡོན་ཏན་ལས་འདས་པ་སྟེ། ཤར་ཕྱོགས་ནི་ཤེལ་གྱི་རང་བཞིན་ལས་གྲུབ་པ། ལྷོ་ཕྱོགས་ནི་གསེར་གྱི་རང་བཞིན་ལས་གྲུབ་པ། ནུབ་ཕྱོགས་ནི་པདྨ་རཱ་གའི་རང་བཞིན་ལས་གྲུབ་པ། བྱང་ཕྱོགས་ནི་ཨིནྡྲ་ནཱི་ལའི་རང་བཞིན་ལས་གྲུབ་པ། དབུས་ཀྱི་ཆ་ནི་རིན་པོ་ཆེ་སྣ་ཚོགས་ཀྱི་རང་བཞིན་ལས་གྲུབ་པའི་ཡེ་ཤེས་ཀྱི་ས་གཞི་ཡོངས་སུ་དག་པའོ། །དེའི་ ― DNG014_Page_0664 ―
[མ་དཔེ་གཟིགས་ན་འདིར་གནོན།]
བརྩིགས་པར་སྣང་བ་ཡང་ཡེ་ཤེས་ལྔའི་རང་བཞིན། ཐམས་ཅད་ཀྱི་རང་བཞིན་མུ་ཏིག་དང་། ཤེལ་དང་། གསེར་དང་། པདྨ་རཱ་ག་དང་། ཨིནྡྲ་ནཱི་ལའི་འོད་དུ་འཕྲོ་བ། འོད་ཟེར་གྱི་སྣང་བས་རབ་ཏུ་བརྩིགས་པའི་གཞལ་ཡས་ཁང་། རྡོ་རྗེའི་འཁོར་ལོས་སྤྲས་པ། གྲུ་ཆད་གློ་འབུར་དུ་བཅས་པ། ཁྱམས་དང་སྒོའི་གཡས་གཡོན་རྡོ་རྗེའི་ཀ་བས་བརྒྱན་པ། རིན་པོ་ཆེ་སྣ་ཚོགས་ཀྱིས་རྒྱན་གྱིས་སྤྲས་པ། དྲིལ་བུ་དང་ཟ་ར་ཚགས་དང་། རིན་པོ་ཆེ་ཕ་གུའི་བརྩིགས་པ། དར་གྱི་ལྡ་ལྡིས་བརྒྱན་པ། ཡིད་ལས་བྱུང་བའི་མཆོད་པ་ཆེན་པོ་དང་། རིག་པའི་ལྷ་མོ་རྣམས་ཀྱིས་མཆོད་པ་འབུལ་ཏེ། རྟ་བབས་ཀྱི་རྒྱན་ཆེན་པོ་བཞི་དང་བཅས་པ། ཡེ་ཤེས་ཀྱི་རང་བཞིན་ལས་གྲུབ་པ། རྡོ་རྗེའི་ཐོག་ཕུབ་པ། ཟག་པ་མེད་པའི་ཕིབ་ཆེན་པོས་གཏིབས་ཤིང་ཡིད་བཞིན་གྱི་ནོར་བུ་ཆེན་པོའི་ཏོག་འབར་བ་དང་བཅས་པར་བྱིན་གྱིས་བརླབས་སོ། །དེ་ནས་འཇིག་རྟེན་པའི་གདན་ཁྲིའི་རྟོག་པ་དང་བྲལ་བའི་ཕྱིར་ཕོ་བྲང་གི་དབུས་སུ་སཾ་ལས་སེང་གེའི་གདན་དང་། ཤར་དུ་ཧཾ་ལས་གླང་པོ་ཆེའི་གདན་དང་། ལྷོར་གྷཾ་ལས་རྟའི་གདན་དང་། ནུབ་ཏུ་མཾ་ལས་རྨ་བྱའི་གདན་དང་། བྱང་དུ་ཁཾ་ལས་ཤང་ཤང་གི་གདན་དང་། དེ་དག་གི་སྟེང་རྣམས་དང་། ཕྱོགས་དང་མཚམས་ཀྱི་དཀྱིལ་འཁོར་གྱི་སྣམ་བུ་དང་གྲྭ་རྣམས་སུ། སྐྱོན་རྣམ་པར་དག་པའི་རྟགས་སུ་པཾ་ལས་པདྨའི་གདན་དང་། ཉོན་མོངས་པའི་མུན་པ་སེལ་བའི་རྟགས་སུ་ཉི་མའི་དཀྱིལ་འཁོར་གྱི་གདན་དང་། ཐུགས་རྗེ་ཆེན་པོས་རྗེས་སུ་བསིལ་བར་མཛད་པའི་རྟགས་སུ་ཟླ་བའི་གདན་རྣམས་བཀོད་ཅིང་སྤྲུལ་ཏེ་བྱིན་གྱིས་བརླབས་སོ། །དེ་ནས་དབྱིངས་ཀྱི་ཡུམ་ཀུན་ཏུ་བཟང་མོས་འདི་སྐད་ཅེས་གསུངས་སོ། །ཆོས་དབྱིངས་རྣམ་དག་ཡེ་ནས་རྫོགས་པ་ལས། །འགྲོ་བའི་དོན་ཕྱིར་ཆོ་འཕྲུལ་སྐུར་བསྟན་པ། །འཇིག་རྟེན་སྣོད་ཀྱི་རྣམ་པར་རྟོག་པ་ཀུན། །ཡེ་ནས་དག་པའི་གཞལ་མེད་ཁང་ཆེན་ཏེ། །མ་བཅོས་ལྷུན་རྫོགས་ལྷ་རྣམས་བཞུགས་པའི་གནས། །རྣམ་དག་གདན་དང་བཅས་པ་ངང་གིས་གསལ། །ཆེ་བའི་ཆེ་ ― DNG014_Page_0665 ―
[མ་དཔེ་གཟིགས་ན་འདིར་གནོན།]
མཆོག་དཔལ་ཆེན་ཀུན་ཏུ་བཟང་། །གཉིས་མེད་རོལ་པ་ལྷ་ཡི་ཆོ་འཕྲུལ་སྟོན། །སྣང་སྲིད་ཆོས་ལ་སྐྱོན་མེད་གཞལ་ཡས་ཉིད། །རང་བྱུང་ཆེན་པོའི་ཞིང་ཁམས་དག་པ་འདིར། །བཅུད་ཀྱི་སེམས་ཅན་མཉམ་ཉིད་རྫོགས་པའི་སྐུ། །གཟུགས་སྐུ་ཞི་བའི་རོལ་པས་གང་བར་མཛད། །ཅེས་གསུངས་སོ། །ཞི་བ་འདུས་པ་རྩ་བའི་རྒྱུད་ལས། སྣོད་ཀྱི་འཇིག་རྟེན་རྣམ་པར་དག་པ་གཞལ་ཡས་ཁང་བསྟན་པའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཉིད་ཀྱིས་གཟུགས་བརྙན་གྱི་རོལ་པ་རྣམ་པར་དག་པ་མ་འགགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་དེ་མ་ཐག་ཏུ་སྙིང་རྗེ་ཆེན་པོ་སྐྱེ་བ་མེད་པ་ལས་བྱུང་བའི་ཡི་གེ་ཨ་དེ་ཉིད་ཀྱི་དཀྱིལ་འཁོར་གྱི་དབུས་སུ་སེང་གེའི་ཁྲི་གདན་དང་བཅས་པའི་སྟེང་དུ་བབས་པར་གྱུར་ཏོ། །དེའི་འོད་ཟེར་གྱི་རྣམ་པ་ལས་གཟུགས་ཀྱི་སྐུ་དཔག་ཏུ་མེད་པ་སྤྲོས་ཏེ། འཇིག་རྟེན་གྱི་ཁམས་གྲངས་མེད་པར་སོང་ནས། འགྲོ་བ་ཐམས་ཅད་དག་པའི་ས་ལ་བཀོད་སྟེ། དེ་ཡང་ཁ་ཅིག་ཏུ་ནི་ཆོས་ཀྱི་སྐུས་འགྲོ་བའི་དོན་མཛད་དོ། །ཁ་ཅིག་ཏུ་ནི་ལོངས་སྤྱོད་རྫོགས་པའི་སྐུས་འགྲོ་བའི་དོན་མཛད་དོ། །ཁ་ཅིག་ཏུ་ནི་སྤྲུལ་པའི་སྐུས་འགྲོ་བའི་དོན་མཛད་དོ། །ལ་ལར་ནི་བྱང་ཆུབ་སེམས་དཔའི་སྐུས་འགྲོ་བའི་དོན་མཛད་དོ། །དེ་བཞིན་དུ་ཁ་ཅིག་ཏུ་ནི་འཁོར་ལོས་སྒྱུར་བའི་རྒྱལ་པོ་དང་། ཁ་ཅིག་ཏུ་ནི་བྲམ་ཟེ་དང་། ཁ་ཅིག་ཏུ་ནི་ཁྱིམ་བདག་དང་། ཁ་ཅིག་ཏུ་ནི་ཚོང་དཔོན་དང་། ཁ་ཅིག་ཏུ་ནི་དམག་དཔོན་དང་། ཁ་ཅིག་ཏུ་ནི་སྐྱེས་པ་དང་། བུད་མེད་དང་སྡིག་ཏོ་ཅན་དང་། བྱོལ་སོང་ལ་སོགས་པའི་གཟུགས་ཀྱིས་གཤེགས་ནས། སེམས་ཅན་གྱི་ཁམས་མ་ལུས་པར་ཟད་པར་མཛད་ནས། དེ་བཞིན་གཤེགས་པ་རྣམས་ལ་སྐུ་གསུང་ཐུགས་ལ་མཉེས་པའི་མཆོད་པ་ཕུལ་ཏེ། སླར་རང་གི་ས་བོན་ཨ་ལ་འདུས་པས། རྡོ་རྗེ་ཆེན་པོ་རྩེ་ལྔ་པའི་བདག་ཉིད་དུ་གྱུར་ཏེ། སླར་ཡང་རྡོ་རྗེ་དེ་ཉིད་ལས་གཟུགས་ཀྱི་སྐུའི་འོད་ཟེར་གྱི་རང་བཞིན་ཅན་སྔ་མ་བཞིན་དུ་སྤྲོས་ཤིང་འདུས་པ་ལས། བཅོམ་ལྡན་འདས་དཔལ་ཀུན་ཏུ་བཟང་ ― DNG014_Page_0666 ―
[མ་དཔེ་གཟིགས་ན་འདིར་གནོན།]
པོ་རྡོ་རྗེ་སེམས་དཔའི་རང་བཞིན། ཕྱག་གཡས་ཀྱིས་རྡོ་རྗེ་རྩེ་ལྔ་པ་ཐུགས་ཀར་བཟུང་བ། གཡོན་པས་དྲིལ་བུ་དཀུ་ལ་བརྟེན་པ། མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་རབ་ཏུ་བརྒྱན་ཅིང་འོད་འདོམ་གང་བ་དང་བཅས་པ། ཕྱོགས་སྐྱོང་བ་བརྒྱད་ཀྱི་གཞལ་ཡས་ཁང་གི་ཕྱི་རོལ་དུ་དད་ཅིང་ལྷགས་ཏེ་བསྐོར་བས་མདུན་གྱིས་བལྟས་པ། ཏིང་ངེ་འཛིན་ཡེ་ཤེས་ཀྱི་བདེ་བ་དེའི་བདག་ཉིད་ལ་དམིགས་པ་དང་མ་བྲལ་བ། ཐུགས་རྗེ་བྱམས་པའི་སྟོབས་མཉེན་ཞིང་ལྕུགས་པ། གཞན་ཡང་སྐུའི་ཆ་ལུགས་ཚུལ་མཛེས་པ་དགུ་དང་བཅས་པར་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་རིགས་ཀྱི་ཕུང་པོ་ལྔ་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་ཐུགས་ཀའི་དབུས་ཀྱི་མདུན་ལས་ཧཱུཾ་མཐིང་ག་འོད་ཟེར་ཁ་དོག་སྣ་ཚོགས་པ་དང་བཅས་པ་ཕྱུང་སྟེ། ཧཱུཾ་མཐིང་ག་དེ་ལས་བཅོམ་ལྡན་འདས་ཉིད་ཀྱི་ཐུགས་ཀ་ནས་ཧཱུཾ་ཨོཾ་སྭཱ་ཧྲཱྀཿཧཱ་ཞེས་འོད་ཟེར་ཁ་དོག་སྣ་ཚོགས་དང་བཅས་པ་ཕྱུང་སྟེ། ཧཱུཾ་མཐིང་ག་དེ་ལས་བཅོམ་ལྡན་འདས། སོགས་ཀྱང་བྱུང་རྡོ་རྗེ་སེམས་དཔའ་སྐུ་མདོག་མཐིང་ག་རྡོ་རྗེ་དང་དྲིལ་བུ་འཛིན་པ་གྱུར་ནས། འཇིག་རྟེན་གྱི་ཁམས་ཐམས་ཅད་དུ་སོང་ནས་མཛད་པའི་ཕྲིན་ལས། སེམས་ཅན་གྱི་རྣམ་པར་ཤེས་པའི་ཕུང་པོ་དག་པར་མཛད་ནས་སླར་འདུས་ནས། དཔལ་ཀུན་ཏུ་བཟང་པོའི་མདུན་དུ་རང་ཉིད་ཇི་ལྟ་བའི་ཡུམ་དང་ལྷན་ཅིག་ཏུ་སེང་གེའི་ཁྲི་ལ་འཁོད་དོ། །དེ་ནས་དཔལ་ཀུན་ཏུ་བཟང་པོའི་དབུའི་གཙུག་ཏོར་ནས། ཨོཾ་དཀར་པོ་ལས་རྣམ་པར་སྣང་མཛད་སྐུ་མདོག་དཀར་པོ་འཁོར་ལོ་དང་དྲིལ་བུ་འཛིན་པ་ཕྱུང་ནས་འཇིག་རྟེན་གྱི་ཁམས་ཐམས་ཅད་དུ་སོང་ནས། སེམས་ཅན་གྱི་གཟུགས་ཀྱི་ཕུང་པོའི་རང་བཞིན་དག་པར་བྱས་ནས་ཚུར་བྱོན་ཏེ། ཤར་གྱི་འཁོར་ལོའི་རྩིབས་ལ་གླང་པོ་ཆེའི་ཁྲི་ལ་རང་ཉིད་ཇི་ལྟ་བའི་ལྷ་མོ་དང་ལྷན་ཅིག་ཏུ་འཁོད་དོ། །དེ་བཞིན་དུ་དབུའི་གཡས་ཕྱོགས་ནས་སྭཱ་ལས་རིན་ཆེན་འབྱུང་ལྡན་སྐུ་མདོག་སེར་པོ་རིན་པོ་ཆེ་དང་དྲིལ་བུ་འཛིན་པ་ཕྱུང་སྟེ་འཇིག་རྟེན་གྱི་ཁམས་ཐམས་ཅད་དུ་སོང་ནས་སེམས་ཅན་གྱི་ཚོར་བའི་ཕུང་པོ་སྦྱངས་ནས། ལྷོའི་འཁོར་ལོའི་རྩིབས་ལ་རྟའི་ཁྲི་སྟེང་དུ་རང་གི་ལྷ་མོ་དང་འཁོད་པར་གྱུར་ཏོ། །ལྟག་ ― DNG014_Page_0667 ―
[མ་དཔེ་གཟིགས་ན་འདིར་གནོན།]
པའི་ཕྱོགས་ནས་ཧྲཱྀཿདམར་པོ་ལས་སྣང་བ་མཐའ་ཡས་སྐུ་མདོག་དམར་པོ་པདྨ་དང་དྲིལ་བུ་བསྣམས་པ་འཇིག་རྟེན་གྱི་ཁམས་སུ་སོང་ནས། སེམས་ཅན་གྱི་འདུ་ཤེས་ཀྱི་ཕུང་པོ་དག་པར་མཛད་དེ། ནུབ་ཕྱོགས་ཀྱི་འཁོར་ལོའི་རྩིབས་སྟེང་དུ་རྨ་བྱའི་ཁྲི་ལ་རང་གི་ལྷ་མོ་དང་འཁོད་པར་གྱུར་ཏོ། །གཡོན་གྱི་ཕྱོགས་ནས་ཧཱ་ལྗང་གུ་ལས་དོན་ཡོད་གྲུབ་པ་སྐུ་མདོག་ལྗང་གུ་རལ་གྲི་དང་དྲིལ་བུ་འཛིན་པ་འཇིག་རྟེན་གྱི་ཁམས་སུ་སོང་ནས། སེམས་ཅན་གྱི་འདུ་བྱེད་ཀྱི་ཕུང་པོ་དག་པར་མཛད་དེ་ཚུར་བྱོན་ནས། བྱང་དུ་འཁོར་ལོའི་རྩིབས་ལ་མཁའ་ལྡིང་གི་ཁྲི་སྟེང་དུ་རང་ཉིད་ལྟ་བུའི་ལྷ་མོ་དང་ལྷན་ཅིག་ཏུ་འཁོད་པར་གྱུར་ཏོ། །དེ་ནས་དབྱིངས་ཀྱི་ཡུམ་ཀུན་ཏུ་བཟང་མོས་འདི་སྐད་ཅེས་གསུངས་སོ། །ཀུན་བཟང་ཡངས་པ་ཐུགས་ཀྱི་དཀྱིལ་འཁོར་དུ། །ཡེ་ཤེས་རོལ་པ་སྒྱུ་མའི་སྐུར་བསྟན་པ། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་མ་སྤངས་རྒྱལ་བའི་སྐུར་སྣང་བ། །གཟུགས་ཚོར་འདུ་ཤེས་འདུ་བྱེད་རྣམ་ཤེས་རྣམས། །རང་དག་རང་ཞི་མཉམ་པ་ཆེན་པོ་ལས། །ཐབས་དང་ཤེས་རབ་དབྱེར་མེད་ལྷུན་གྱིས་རྫོགས། །རྒྱལ་བ་རིགས་ལྔ་ཡབ་ཡུམ་གཉིས་སུ་མེད། །ཅེས་གསུངས་སོ། །ཞི་བ་འདུས་པ་རྩ་བའི་རྒྱུད་ལས་རིགས་ལྔ་རྩ་བའི་དཀྱིལ་འཁོར་བཀོད་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་ཐུགས་རྗེ་ཡེ་ཤེས་ཆེན་པོའི་སྟོབས་ཀྱི་རྣམ་པར་འཕྲུལ་པ་ཡུལ་དང་ཡུལ་དེའི་བདག་པོ་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་མ་ཐག་ཏུ། སྤྱན་དང་། ལྗགས་དང་། སྙན་དང་། ཤངས་དང་། སྐུ་དང་། ཐུགས་ཀྱི་འོད་ཀྱི་དཀྱིལ་འཁོར་ལས། བྱང་ཆུབ་སེམས་དཔའ་སའི་སྙིང་པོ་མདོག་དཀར་པོ་རིན་པོ་ཆེའི་མྱུ་གུ་འཛིན་པ་ཕྱུང་སྟེ། འཇིག་རྟེན་གྱི་ཁམས་ཐམས་ཅད་དུ་སོང་སྟེ། མིག་གི་རྣམ་པར་ཤེས་པ་དག་པར་སྦྱངས་ཏེ། ཚུར་བྱོན་ནས་སྟེང་གི་ཕྱོགས་སུ་འཁོད་དོ། །དེ་བཞིན་དུ་ནམ་མཁའི་སྙིང་པོ་མདོག་སེར་པོ་རལ་གྲི་བསྣམས་པ། བྱམས་པ་དམར་སེར་ཀླུ་ཤིང་གུན་དྷི་བསྣམས་པ། སྤྱན་རས་ ― DNG014_Page_0668 ―
[མ་དཔེ་གཟིགས་ན་འདིར་གནོན།]
གཟིགས་དབང་དམར་པོ་པདྨ་འཛིན་པ། ཕྱག་ན་རྡོ་རྗེ་ལྗང་གུ་དྲིལ་བུ་བསྣམས་པ། ཀུན་བཟང་དཀར་པོ་རིན་པོ་ཆེའི་སྙེ་མ་འཛིན་པ། སྒྲིབ་པ་རྣམ་སེལ་སེར་པོ་པོ་ཏི་བསྣམས་པ། འཇམ་དཔལ་གཞོན་ནུ་དམར་སེར་པོ་ཏི་དང་ཨུཏྤལ་འཛིན་པ་རྣམས་ཕྱུང་སྟེ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་སོང་ནས། སེམས་ཅན་གྱི་རྣ་བའི་རྣམ་པར་ཤེས་པ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པ་དག་པར་སྦྱངས་ཏེ། ཚུར་འདུས་ནས་ཤར་དང་། ལྷོ་དང་། ནུབ་དང་། བྱང་གི་ཕྱོགས་དང་། ཤར་ལྷོ་དང་། ལྷོ་ནུབ་དང་། ནུབ་བྱང་དང་། བྱང་ཤར་གྱི་ཕྱོགས་མཚམས་དག་ཏུ་ཟླ་བ་དང་པདྨའི་སྟེང་དུ་རང་རང་གི་ཡུམ། ལྷ་མོ་ལ་སྱེ་དཀར་མོ་རྒྱ་གྲམ་འཛིན་པ་དང་། མཱ་ལེ་སྔོན་མོ་རིན་པོ་ཆེའི་ཕྲེང་བ་འཛིན་པ་དང་། གཱིར་ཏི་དམར་མོ་པི་ཝང་གི་རྒྱུད་འདྲེན་པར་བྱེད་མ་དང་། ནཱིར་ཏི་ལྗང་གུ་གར་བསྒྱུར་མ་དང་། བདུག་པ་མ་དཀར་མོ་སྤོས་སྤྲིན་འཕྲོ་བ་དང་། མཛེས་མ་སེར་མོ་མེ་ཏོག་འཐོར་བ་དང་། གསལ་བྱེད་མ་དམར་མོ་མར་མེ་འཛིན་པ་དང་། དག་བྱེད་མ་ལྗང་གུ་བྱུག་པ་བྱེད་པ་སྟེ། དེ་དག་དང་ལྷན་ཅིག་ཏུ་འཁོད་དོ། །དེ་ནས་དཔལ་ཀུན་ཏུ་བཟང་པོས་བདུད་ཐམས་ཅད་མཐར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་མ་ཐག་ཏུ་ཉིད་ཀྱི་སྐུའི་མདུན་དང་རྒྱབ་དང་གཡས་གཡོན་གྱི་ཕྱོགས་ནས། ཛཿཧཱུཾ་བཾ་ཧོཿ། ཞེས་བྱ་བའི་ཡི་གེ་འོད་ཟེར་དང་བཅས་པ་ཕྱུང་བས་ཁྲོ་བོ་ཆེན་པོ་རྣམ་པར་རྒྱལ་བ་དང་། གཤིན་རྗེའི་གཤེད་ཅེས་བྱ་བ་དང་། རྟ་མགྲིན་དབང་ཕྱུག་ཅེས་བྱ་བ་དང་། བདུད་རྩི་ཐལ་སྦྱོར་ཞེས་བྱ་བ་རྣམས་སྐུ་མདོག་དཀར་པོ་དང་། མཐིང་ག་དང་། དམར་པོ་དང་། ལྗང་གུ་དག །ཕྱག་གི་བེ་ཅོན་ལྕགས་ཀྱུ་དང་ཐོད་དབྱུག་ཞགས་པ་དང་། པདྨ་ལྕགས་སྒྲོག་དང་། རྒྱ་གྲམ་དྲིལ་བུ་འཛིན་པ་དག་ཕྱུང་སྟེ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་སོང་ནས། སེམས་ཅན་གྱི་ཁམས་ཐམས་ཅད་ཀྱི་ཉོན་མོངས་པ་དང་། ཕུང་པོ་དང་། ལྷ་དང་། འཆི་བདག་གི་བདུད་ཀྱི་ཚོགས་ཐམས་ཅད་བཅོམ་ནས་སླར་བྱུང་བ་གཞལ་ཡས་ཁང་གི་སྒོ་བཞི། ཤར་གྱི་སྒོ་དང་། ― DNG014_Page_0669 ―
[མ་དཔེ་གཟིགས་ན་འདིར་གནོན།]
ལྷོ་དང་། ནུབ་དང་། བྱང་གི་ཕྱོགས་སུ་པདྨའི་སྟེང་དང་ཟླ་བའི་སྟེང་དུ་འཁོད་པར་གྱུར་ཏོ། །དེ་ནས་བཅོམ་ལྡན་འདས་ཀྱི་འགྲོ་བ་རྣམས་ཞི་བ་ཆེན་པོས་རབ་ཏུ་འདུལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་ནས། དེ་མ་ཐག་ཏུ་སྐུའི་སྟེང་འོག་གི་གནས་དང་ཕྱག་དང་། ཞབས་ཀྱི་མཐིལ་དག་ནས། སྤྲུལ་པའི་དགེ་སྦྱོང་ཆེན་པོ་དྲུག་བྱུང་ནས་སྤྲོ་བར་མཛད་པ་ནི། དཀར་པོ་པི་ཝང་འཛིན་པ་དང་། སྔོན་པོ་གོ་ཆ་འཛིན་པ་དང་། སེར་པོ་གསིལ་བྱེད་འཛིན་པ་དང་། མཐིང་ག་པོ་ཏི་འཛིན་པ་དང་། དམར་པོ་རིན་པོ་ཆེའི་སྒྲོམ་འཛིན་པ་དང་། ནག་པོ་མེ་དང་ཆུའི་རྣམ་པ་འཛིན་པ་དག །ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་སོང་ནས། རིགས་དྲུག་ཏུ་སྣང་བའི་འགྲོ་བ་རྣམས་རང་རང་གི་སྡུག་བསྔལ་གྱི་དངོས་པོ་ཐམས་ཅད་སྦྱངས་ནས། སླར་རང་གི་གནས་སུ་ཕྱོགས་དྲུག་གི་གདན་ལ་འཁོད་པར་གྱུར་ཏོ། །དེ་ནས་ཡུམ་ཀུན་ཏུ་བཟང་མོས་འདི་སྐད་ཅེས་གསུངས་སོ། །མཉམ་ཉིད་མི་གཡོ་མཁའ་ལྟར་དག་པའི་ཐུགས། །བསམ་འདས་གཉིས་མེད་ཐིག་ལེ་ཆེན་པོ་ལས། །རོལ་པའི་ཆོ་འཕྲུལ་འགྲོ་ལ་རབ་བསྟན་པ། །སྒྱུ་མའི་ཕྱག་རྒྱ་ཅི་ཡང་ས་ལེར་སྟོན། །མིག་དང་རྣ་བ་སྣ་དང་དེ་བཞིན་ལྕེ། །ཡིད་ཆོས་གཟུགས་སྒྲ་དྲི་རོ་རེག་དང་ཆོས། །དབང་པོ་ཚོགས་བརྒྱད་དངོས་ཡུལ་མ་ལུས་པ། །མ་སྤངས་རང་དག་ཡེ་ནས་ལྷུན་རྫོགས་པ། །རྒྱལ་ཚབ་སྲས་པོ་བྱང་ཆུབ་སེམས་དཔའི་སྐུ། །བདེ་གཤེགས་མཉེས་མཛད་མཆོད་སྤྲིན་ལྷ་མོར་བཅས། །ཡབ་ཡུམ་ཐབས་དང་ཤེས་རབ་སྙོམས་འཇུག་པས། །དགེས་མཛད་ཆགས་པས་ཡེ་ཤེས་གཉིས་སུ་མེད། །གཤིན་རྗེ་བགེགས་དང་དག་པའི་པདྨ་དང་། །ཤེས་རབ་ཆེན་པོས་མཐར་ཐུག་སར་ཕྱིན་པ། །ཁྲོ་ཆེན་རྒྱལ་པོ་ཡེ་ཤེས་སྒོ་བཞིར་གསལ། །འགུགས་འདྲེན་འཆིང་སྡོམ་རབ་ཏུ་དགྱེས་པར་མཛད། །ལྷ་དང་ལྷ་མིན་མི་དང་དུད་འགྲོ་དང་། །ཡི་དྭགས་དམྱལ་ཚོགས་འཇིག་རྟེན་མ་ལུས་པ། །ངེས་དོན་དབྱིངས་སུ་ཡེ་ནས་སངས་རྒྱས་ཀྱང་། །ཐུབ་མཆོག་སྤྲུལ་སྐུ་དགེ་སྦྱོང་བླ་ན་མེད། །ཅེས་གསུངས་སོ། །དེ་ལྟར་དཔལ་ཀུན་ཏུ་བཟང་པོས། ཞི་བ་ཆེན་པོའི་ ― DNG014_Page_0670 ―
[མ་དཔེ་གཟིགས་ན་འདིར་གནོན།]
རོལ་པས་གཟུགས་དང་སྒྲའི་ཆོས་ཐམས་ཅད་སྣོད་དང་བཅུད་ཡེ་ནས་རྣམ་པར་དག་པ། ཕྱོགས་བཅུ་ཀུན་ཏུ་རྒྱ་ཡོངས་སུ་མ་ཆད་པའི་དཀྱིལ་འཁོར་རྟེན་དང་བརྟེན་པར་བཅས་པ། དག་པའི་རང་བཞིན་དུ་བྱིན་གྱིས་བརླབས་པ་ཐམས་ཅད་རྩོལ་མེད་ལྷུན་གྱིས་གྲུབ་པའི་རང་བཞིན་དུ་སངས་རྒྱས་སོ། །ཞི་བ་འདུས་པ་རྩ་བའི་རྒྱུད་ལས། དཀྱིལ་འཁོར་གྱི་འཁོར་ལོ་ཡོངས་སུ་བཀོད་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་འཇུག་པ་རྡུལ་དང་བྲལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ། ཡུམ་ཀུན་ཏུ་བཟང་མོས་གླུའི་དབྱངས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་དེ་བཞིན་གཤེགས་ཀུན་གྱི། །ཡེ་ཤེས་གསལ་བ་དྲི་མེད་པ། །བྱང་ཆུབ་སེམས་ནི་རིན་པོ་ཆེ། །བླ་ན་མེད་པ་བཤད་དུ་གསོལ། །ཞེས་གསོལ་པ་དང་། བཅོམ་ལྡན་འདས་དཔལ་ཀུན་ཏུ་བཟང་པོས་ཆོས་ཐམས་ཅད་གཉིས་སུ་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་ཀྱི་སེམས་འདི་གསུངས་སོ། །ཨེ་མ་སེམས་ནི་ལུས་ཀྱི་རྩ་བ་སྟེ། །ལུས་ཀྱང་སེམས་ཀྱི་སྣང་བའོ། །སེམས་ཀྱང་ཚིག་ཏུ་མཚོན་པ་སྟེ། །ཚིག་ནི་སེམས་ཀྱི་ངོ་བོ་ཉིད། །ཨེ་མ་ཀུན་ཏུ་བཟང་པོ་ཉིད། །སྐུ་གསུང་ཐུགས་ཀྱི་རྡོ་རྗེ་ཅན། །ཞེས་བཀའ་སྩལ་ཏོ། །དེ་ནས་བཅོམ་ལྡན་འདས་རྡོ་རྗེ་མི་བསྐྱོད་པས་བྱང་ཆུབ་ཀྱི་སེམས་འདི་གསུངས་སོ། །ཨེ་མ་དངོས་པོ་འདི་དག་མ་སྐྱེས་ཏེ། །ཆོས་ཅན་མེད་ཅིང་ཆོས་ཉིད་མེད། །ནམ་མཁའ་བཞིན་དུ་དམིགས་མེད་པའི། །བྱང་ཆུབ་སེམས་འདི་བསྟན་པ་ཡིན། །ཞེས་གསུངས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་བྱང་ཆུབ་ཀྱི་སེམས་འདི་གསུངས་སོ། །ཨེ་མ་ཆོས་རྣམས་སྐྱེ་བ་མེད་པ་སྟེ། །ཡི་གེ་མེད་ཅིང་གནས་མེད་ལ། །རྟོག་པའི་དྲ་བ་རབ་སྤངས་པ། །བསྐྱེད་པར་བྱ་བའི་དོན་མཆོག་ཡིན། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་འབྱུང་ལྡན་གྱིས་བྱང་ཆུབ་ ― DNG014_Page_0671 ―
[མ་དཔེ་གཟིགས་ན་འདིར་གནོན།]
ཀྱི་སེམས་འདི་གསུངས་སོ། །ཨེ་མ་དངོས་པོ་འདི་དག་དངོས་མེད་དེ། །ཆོས་ཀྱི་མཚན་ཉིད་སྤང་བ་ཡིན། །བདག་མེད་ཆོས་ལས་ལེགས་བྱུང་བའི། །བྱང་ཆུབ་སེམས་ནི་བསྟན་པ་ཡིན། །ཞེས་གསུངས་སོ། །དེ་ནས་བཅོམ་ལྡན་འདས་ཚེ་དཔག་མེད་ཀྱིས་བྱང་ཆུབ་ཀྱི་སེམས་འདི་གསུངས་སོ། །ཨེ་མ་དངོས་པོ་སྐྱེ་བ་མེད་པ་ལས། །དངོས་པོ་མེད་ཅིང་བསྒོམ་དུ་མེད། །ནམ་མཁའ་གོ་འཕང་ཐོབ་ནས་སུ། །དེ་ལྟར་དངོས་རྣམས་རབ་ཏུ་བརྗོད། །ཅེས་གསུངས་སོ། །དེ་ནས་བཅོམ་ལྡན་འདས་དོན་ཡོད་གྲུབ་པས་བྱང་ཆུབ་ཀྱི་སེམས་འདི་གསུངས་སོ། །ཨེ་མ་ཆོས་རྣམས་རང་བཞིན་འོད་གསལ་བ། །གདོད་ནས་དག་ཅིང་རྙོག་པ་མེད། །སེམས་ཅན་མེད་ཅིང་སྲོག་ཀྱང་མེད། །སངས་རྒྱས་མེད་ཅིང་བྱང་ཆུབ་མེད། །ཅེས་གསུངས་སོ། །དེ་ནས་སའི་སྙིང་པོ་ལ་སོགས་པའི་བྱང་ཆུབ་སེམས་དཔའ་རྣམས་ཀྱིས་བྱང་ཆུབ་ཀྱི་སེམས་འདི་གསུངས་སོ། །ཨེ་མ་ཁམས་དང་རིགས་དང་རྣམ་པར་ཤེས། །དབང་པོ་ཡུལ་གྱི་སྣང་བ་ཀུན། །མ་བསྒྲིབས་སྣང་བ་མེད་པས་ན། །མྱ་ངན་འདས་པའི་ས་ལ་ཕྱིན། །ཞེས་གསུངས་སོ། །དེ་ནས་རིགས་དྲུག་འདུལ་བའི་སྤྲུལ་པ་དྲུག་གིས་བྱང་ཆུབ་ཀྱི་སེམས་འདི་གསུངས་སོ། །ཨེ་མ་གཡོ་ཞིང་རྩོད་དང་འགྱུར་བ་དང་། །འདོད་དང་རྨོངས་པ་སྡུག་བསྔལ་སྤྱོད། །འདི་དག་རང་གི་ངོ་བོས་སྟོང་། །བརྟག་ན་མྱོང་བ་ཅི་ཡང་མེད། །ཅེས་གསུངས་སོ། །དེ་ནས་ཁྲོ་བོ་ཆེན་པོ་བཞིས་བྱང་ཆུབ་ཀྱི་སེམས་འདི་གསུངས་སོ། །ཨེ་མ་འཇིག་ཚོགས་མཐར་འཛིན་བལྟ། །ལོག་འདྲེན་བདུད་ཀྱི་མིང་བཏགས་ཀྱང་། །ཡུལ་གསུམ་མཚན་མ་མ་དམིགས་པས། །གཅད་བྱ་གཅོད་བྱེད་ཡོངས་མ་གྲུབ། །ཅེས་གསུངས་སོ། །ཞི་བ་འདུས་པ་རྩ་བའི་རྒྱུད་ལས། བྱང་ཆུབ་སེམས་མཉམ་པ་ཉིད་རྡུལ་དང་བྲལ་བ་ཞེས་བྱ་བའི་ལེའུ་སྟེ་བཞི་པའོ།། །།དེ་ནས་དཔལ་ཀུན་ཏུ་བཟང་པོས་ཉིད་ཀྱི་རྣམ་པར་འཕྲུལ་པ་རྒྱ་ཆེན་པོ་རབ་ཏུ་བསྟན་པས། ཕྱོགས་བཅུ་ན་བཞུགས་པའི་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྒྱུད་བསྐུལ་ཏེ་རབ་ཏུ་གཡོ་བར་གྱུར་ནས་དེ་བཞིན་གཤེགས་པ་ཀུན་ཏུ་བཟང་པོ་གང་ན་བ་དེར་གཤེགས་ནས། དཀྱིལ་ ― DNG014_Page_0672 ―
[མ་དཔེ་གཟིགས་ན་འདིར་གནོན།]
འཁོར་ཆེན་པོ་མཐར་ཞུགས་པས་ནམ་མཁའི་ཁམས་ཏིལ་གྱི་གང་བུ་ས་བོན་གྱིས་གང་བ་བཞིན་དུ་གནས་པར་གྱུར་ཏོ། །དེ་ལྟར་གྱུར་མ་ཐག་ཏུ་བཅོམ་ལྡན་འདས་ཉིད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་རྣམ་པར་འཕྲུལ་པ་ལས། སྤོབས་པ་དང་འཛིན་པའི་བདག་ཉིད་ཅན་གྱི་ལག་ན་རྡོ་རྗེ་ཅན་ཞིག་ཕྱུང་ཞིང་མདུན་དུ་འཁོད་དོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་འཁོར་གྱི་དཀྱིལ་འཁོར་གྱི་ལག་ན་རྡོ་རྗེ་ལ་གཟིགས་ཏེ་ཞལ་འཛུམ་པར་མཛད་དོ། །འཛུམ་པ་དེ་མཛད་མ་ཐག་ཏུ་ལག་ན་རྡོ་རྗེ་དེ་ཉིད་སྟན་ལས་ལངས་ཏེ། རྡོ་རྗེ་གསོར་ཞིང་བཅོམ་ལྡན་འདས་ལ་བསྐོར་བ་ལན་གསུམ་མཛད་ནས། འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་དེ་བཞིན་གཤེགས་པ་རྣམས་རྒྱུ་མ་མཆིས་པར་འཛུམ་པ་མི་མཛད་ན། བཅོམ་ལྡན་འདས་ཀྱིས་དགོངས་པ་གང་གི་སླད་དུ་གཟིགས་པ་དང་འཛུམ་པར་མཛད། དེ་སྐད་ཅེས་གསོལ་པ་དང་། བཅོམ་ལྡན་འདས་དཔལ་ཀུན་ཏུ་བཟང་པོས་ཐུགས་རྗེ་ཆེན་པོས་རྗེས་སུ་གཟིགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་རྣམས་ལ་འདི་སྐད་ཅེས་བཀའ་སྩལ་ཏོ། །ཉོན་ཅིག་འདུས་པའི་འཁོར་ཚོགས་ཀུན། །རྡོ་རྗེ་སྙིང་པོ་ལ་སོགས་པའི། །ཐེ་ཚོམ་ཀུན་ནས་བསལ་བའི་ཕྱིར། །དེ་ནི་ངེས་པར་རབ་བཤད་བྱ། །ང་ནི་ཆེ་བའི་རྒྱལ་པོ་སྟེ། །འཆད་པ་པོ་འང་ང་ཉིད་ཡིན། །ཆོས་དང་སྲིད་དང་ཞི་བ་ཀུན། །ཐམས་ཅད་ང་ཡི་རང་བཞིན་ཡིན། །དེ་བཞིན་བཅིངས་དང་གྲོལ་བ་དང་། །དོན་དམ་ཀུན་རྫོབ་སྣང་དང་མཉམ། །གཟུགས་དང་སྒྲ་དང་མཐོང་དང་ཐོས། །མཐའ་དང་མཐའ་མིན་དབུས་ཀྱང་ང་། །ཡེ་ཤེས་ཐིག་ལེ་ང་ཡིན་ཏེ། །དཀྱིལ་འཁོར་འཁོར་ལོའང་ང་ཉིད་དོ། །ཇི་ལྟར་ང་ཡི་དཀྱིལ་འཁོར་ནི། །སྤྲུལ་དང་བསྒོམ་དང་བྲི་བ་དང་། །རིན་ཆེན་རྣམས་ཀྱིས་བརྩིག་ལ་སོགས། །དེ་ཉིད་དུ་ནི་འཇུག་པ་དང་། །དམ་ཚིག་ཚུལ་བཞིན་ནོད་པ་དང་། །ཏིང་འཛིན་བསྒྲུབ་ལ་བརྩོན་པ་དང་། །བསྐྱོད་པའི་བརྟུལ་ཞུགས་བླ་མེད་པས། །མཆོག་དང་ཐུན་མོང་ཕྲན་ཚེགས་ཀྱི། །དངོས་གྲུབ་ཆེན་པོ་སྒྲུབ་པ་དག །ཚེ་འདི་ཉིད་ལ་རྙེད་པ་ཡི། །སྐྱེ་བོ་སྣོད་དང་ལྡན་པའི་རིགས། །ཕྱི་མའི་དུས་ན་འབྱུང་འགྱུར་བ། །དེ་དག་མཐོང་ནས་རབ་དགའ་ ― DNG014_Page_0673 ―
[མ་དཔེ་གཟིགས་ན་འདིར་གནོན།]
སྟེ། །རྒོད་དང་བལྟ་དང་འཛུམ་པས་བཟུང་། །ང་ནི་སྙིང་རྗེའི་རང་བཞིན་པས། །སྐལ་བར་ལྡན་ལ་དངོས་གྲུབ་སྟེར། །དད་མོས་ལྡན་ལ་འབེབས་པར་བྱེད། །བརྩོན་པར་སྤྱོད་དང་ལྷན་ཅིག་གནས། །འདུས་པའི་ཚོགས་རྣམས་མ་ལུས་པ། །བློ་ཡི་ཐེ་ཚོམ་བསལ་གྱིས་ཉོན། །ཞེས་བཀའ་སྩལ་ཏོ། །དེ་ནས་དེ་བཞིན་གཤེགས་པ་དེ་དག་བྱང་ཆུབ་སེམས་དཔའ་དེ་དག་ཐམས་ཅད་དང་། གཞན་ཡང་འཁོར་འདུས་པ་དེ་དག་ཐམས་ཅད་ཆོས་ཀྱི་གསུང་བདུད་རྩི་ལྟ་བུ་ཉན་པར་འདོད་པ་དང་། བྱང་ཆུབ་སེམས་དཔའ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དཔལ་ཆེན་ཀུན་བཟང་རྡོ་རྗེ་འཆང་། །རིགས་ཀུན་བདག་པོ་རིགས་ཀྱི་གཙོ། །ཉིད་ཀྱི་དཀྱིལ་འཁོར་ཆེ་བའི་མཆོག །རྒྱུ་འབྲས་དབྱེར་མེད་ལྷུན་རྫོགས་པ། །སྤྲུལ་དང་བསམ་དང་བྲི་བ་དང་། །རིན་ཆེན་རྣམས་ལས་བརྩིག་པ་རུ། །གནས་ཀྱི་ཁྱད་པར་གང་དག་ཏུ། །འཇུག་པའི་གང་ཟག་འདི་ལྟ་བུས། །ཅི་འདྲ་བ་ཡི་ཚུལ་གྱིས་འཇུག །རྟེན་པ་བཞེངས་པ་ཇི་ལྟར་མཛད། །དེར་ནི་ཏིང་འཛིན་ཅི་ཞིག་གིས། །འཇུག་པའི་རིམ་པ་ཇི་ལྟར་འཚལ། །དམ་ཚིག་སྡོམ་པ་ཅི་ཞིག་སྦྱིན། །ནུས་པར་ལྡན་ཅིང་ཕན་པ་གང་། །དེ་ཡི་བསྙེན་བསྒྲུབ་ཅི་ལྟར་བགྱི། །དམིགས་ཤིང་བསྐྱེད་པ་གང་ཞིག་ལགས། །གསང་སྔགས་དེ་ཡི་བཟླའ་ཐབས་དང་། །རྫོགས་དང་རབ་རྫོགས་ཇི་ལྟ་བུ། །དེ་དང་མཐུན་པའི་སྤྱོད་པ་གང་། །དེ་དག་འབྲས་བུ་ཇི་ཙམ་ཞིག །མ་འོངས་སྐྱེས་བུ་འདུལ་དོན་དུ། །ཀུན་ཏུ་བཟང་པོས་བཀའ་སྩོལ་ཅིག །ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་སེམས་དཔའ་རྡོ་རྗེ་འཛིན། །སྒྲུབ་པ་པོ་ཕན་བྱ་བའི་ཕྱིར། །ཇི་ལྟར་ཁྱོད་ཀྱིས་སྤོབས་པ་བཞིན། །རིམ་པའི་ཚུལ་གྱིས་བཤད་པར་བྱ། །མ་རྟོགས་པ་དང་ལོག་པར་རྟོགས། །ཕྱོགས་རྟོགས་ཡང་དག་ཉིད་མ་རྟོགས། །འདུལ་བར་དགོངས་དང་གསང་བ་དང་། །རང་བཞིན་གསང་བའི་དོན་ཉིད་ནི། །སྒྲས་བཏགས་ཡིན་ནོ་མིང་ཚོགས་ལ། །བརྟེན་པའི་ཚིག་གིས་རབ་མཚོན་ཏེ། །ཁོང་ནས་གབ་སྦས་དོན་འབྱིན་ཐབས། །ཤེས་རབ་མིག་ལྡན་རྣམས་ཀྱིས་ཟུང་། །སྣོད་ལྡན་ངང་ཚུལ་བཟང་ལ་བསྟེན། ། ― DNG014_Page_0674 ―
[མ་དཔེ་གཟིགས་ན་འདིར་གནོན།]
རྒྱལ་སྲས་ཚུལ་དུ་གཞུག་པར་བྱ། །རང་བཞིན་སྤྲུལ་པ་ཏིང་འཛིན་དང་། །རས་བྲིས་རྡུལ་ཚོན་དེ་བཞིན་དུ། །ལྷུན་གྲུབ་རིག་འཛིན་ས་ལ་གནས། །རྟོག་པའི་གདེང་ཅན་དད་སེམས་ལྡན། །རིམ་པ་བཞིན་དུ་གཞུག་བྱ་སྟེ། །དེ་ལས་གཞན་དུ་དོན་མི་འགྱུར། །འདྲེན་བྱེད་བླ་མའི་མཚན་ཉིད་ནི། །ཡེ་ཤེས་ལྷ་ཡི་རྗེས་བཟུང་དང་། །བསྐྱེད་རིམ་ཏིང་འཛིན་དམིགས་པ་གསལ། །ལས་ཀྱི་ཆོ་ག་རྣམས་ལ་མཁས། །བསམ་པ་ཆེ་དང་ལྡན་པ་ཡིས། །དཀྱིལ་འཁོར་ཆེན་པོར་སློབ་མ་རྣམས། །རིམ་པ་ཇི་བཞིན་གཞུག་པར་བྱ། །ཡིད་འོང་གནས་སུ་ཕྱིན་ནས་ནི། །རྡུལ་ཚོན་དཀྱིལ་འཁོར་བཞེངས་པ་ལ། །ཐོག་མར་ས་ཕྱོགས་བརྟག་པར་བྱ། །སྣང་དང་སྣང་བར་མ་གྱུར་པའི། །མི་དང་མི་མིན་འབྱུང་པོའི་ཚོགས། །ཡུལ་དང་ས་ཡི་བདག་རྣམས་ལ། །ས་རིན་གཞལ་ཞིང་བསླང་བར་བྱ། །ཨོཾ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཏད་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཨོཾ་ཨཱཿཧཱུཾ་སརྦ་ནི་རི་ཏི་སྭཱ་ཧཱ། མ་ཧཱ་བ་ལིཾ་ཏ་ཁཱ་ཧི་ཁཱ་ཧི། ཨོཾ་ཨཱཿཧཱུཾ་སརྦ་བྷཱུ་ཏ་བུ་ག་བི་གྷྣཱཾ་མ་ཧཱ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མེ་ཏོག་ལ་སོགས་ཀྱིས་མཆོད་ཅིང་། །གཏོར་མ་རྒྱ་ཆེན་བྱིན་བརླབས་ནས། །བརྟན་མ་འབྱུང་པོ་བགེགས་ཀྱི་ཚོགས། །མ་ལུས་པ་ནི་མཉེས་པར་བྱ། །བདེན་པས་བྱིན་བརླབ་བཀྲ་ཤིས་བརྗོད། །དེ་རྗེས་ས་རྣམས་དག་བྱས་ཏེ། །ཤིང་སོགས་རྡོ་སོགས་བསལ་བྱ་སྟེ། །ཚད་ལྡན་སྟེགས་བུ་རབ་ཏུ་བསྟར། །སྙིང་ཉིད་སྙིང་པོས་བྱིན་གྱིས་བརླབ། །བ་ཡི་ལྔ་དང་བདུད་རྩི་ལྔ། །རབ་ཏུ་སྦྱར་བས་ཆག་ཆག་གདབ། །རྡོ་རྗེའི་སྲད་བུའི་ཐིག་གདབ་སྟེ། །དང་པོ་ནམ་མཁར་དགོངས་ཐིག་གདབ། །དེ་ནས་ས་ཐིག་རིམ་པ་བཞིན། །དགུ་དགུའི་བདག་ཉིད་བཅོ་བརྒྱད་དུ། །ཆ་ཡི་རྣམ་པ་ལེགས་པར་བགོ། །ཁྱད་པར་དཀྱིལ་འཁོར་ཐིག་གདབ་པ། །ཕྱི་དང་ནང་དུ་དབྱེ་བར་བྱ། །རྒྱས་དང་བསྡུས་དང་ཤིན་ཏུ་བསྡུས། །རང་གི་རིགས་ཀྱི་ཐིག་གདབ་པོ། །དེ་ནས་རིན་ཆེན་སྣ་ཚོགས་ལྔ། །བསྲེག་སྦྱང་བཀྲུས་པའི་སྙིང་པོ་ཡིས། །དག་པར་བྱས་ཏེ་སོ་སོར་ཡང་། །རིགས་ཀྱི་ས་བོན་བཀོད་པ་ལས། །སོ་སོའི་རིགས་སུ་བསྐྱེད་པར་བྱ། །ཡེ་ཤེས་བཀུག་སྟེ་གཉིས་མེད་མཆོག ། ― DNG014_Page_0675 ―
[མ་དཔེ་གཟིགས་ན་འདིར་གནོན།]
བསྟོད་ནས་རབ་ཏུ་དགྱེས་པར་བྱ། །སྔོན་པོ་སེར་དམར་ལྗང་གུ་ཉིད། །ཤར་ལྷོ་ནུབ་བྱང་རིགས་ཡིན་ཏེ། །དབུས་ནི་ཤེལ་གྱི་སྙིང་པོའོ། །དཀར་སྔོ་སེར་དམར་ལྗང་གུ་ཉིད། །བརྩིག་པ་ལྔ་ལ་གོ་རིམ་བཞིན། །ཀུན་གྱི་ཕྱིར་ནི་མཐིང་གའོ། །དྲ་བ་ཕྱེད་དང་ཕ་གུ་དང་། །དར་བུ་ཁད་དང་བར་ཁྱམས་རྣམས། །ལེགས་པ་ཉིད་དུ་བསྐོར་བར་བྱ། །ཀ་བ་བརྒྱད་དང་འཁོར་ལོ་བཅས། །ཕོ་བྲང་འཁོར་ལོ་དེ་བཞིན་ཏེ། །རྟ་བབས་དང་ནི་ཏྭ་ར་ན། །ཆོས་ཀྱི་འཁོར་ལོ་གདུགས་དང་བཅས། །ཕྱི་རོལ་རྡོ་རྗེ་མེ་འོད་འབར། །འཇིག་རྟེན་པ་ཡི་འཁོར་ཡུག་ནི། །ཀུན་ནས་རབ་ཏུ་བསྐོར་བ་བྲི། །སྐུ་གསུང་ཐུགས་ཀྱི་མཚན་མ་དགོད། །ལྡ་ལྡི་ཟ་ར་ཚགས་ཀྱིས་བརྒྱན། །མཚོན་ཆ་ཕུར་པ་རྣམས་ཀྱང་དགོད། །ཕྱོགས་མཚམས་ཀུན་དུ་ངས་བཤད་པའི། །རྒྱན་མཛེས་རིག་པ་རྣམས་ཀྱིས་བརྒྱན། །བླ་མའི་མན་ངག་ཐོབ་པ་ཡི། །བློ་དང་ལྡན་པར་ཉེ་བར་བསྟན། །ཞེས་བཀའ་སྩལ་ཏོ། །ཞི་བ་འདུས་པ་རྩ་བའི་རྒྱུད་ལས། གཟུགས་བརྙན་གྱི་དཀྱིལ་འཁོར་རབ་ཏུ་བཤད་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཀྱིས་འགྲོ་བ་ཐུགས་རྗེའི་འོད་ཟེར་གྱིས་ཡོངས་སུ་འཛིན་པའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །ཉོན་ཅིག་འདུས་པའི་འཁོར་ཚོགས་རྣམས། །རྡོ་རྗེ་དབྱིངས་ཀྱི་དཀྱིལ་འཁོར་དུ། །རྣམ་པར་དག་པའི་རིམ་པ་ཡིས། །སློབ་མ་གཞག་པའི་ཆོ་ག་བཤད། །འཇུག་པ་ཡི་ནི་སྔོན་རོལ་དུ། །རྫས་དང་བདག་པོ་སློབ་མ་རྣམས། །ཚུལ་བཞིན་དུ་ནི་སྟ་གོན་བྱ། །མཎྜལ་བྱི་དོར་བྱས་པ་ལ། །དྲིས་བྱུག་མཛེས་པའི་མཚན་མ་དགོད། །སྟོང་དང་སྙིང་རྗེ་རྒྱུ་སྨོས་ནས། །ཕྱི་ཡི་འབྱུང་བ་རིམ་བཞིན་བསྐྱེད། །གཞལ་ཡས་ཁང་པ་རྫོགས་པར་བསྒོམ། །གདན་སྟེང་དཀྱིལ་འཁོར་བདག་པོ་བསྐྱེད། །དབྱིངས་ནས་སྤྱན་དྲངས་དབྱེར་མེད་བསྡིམ། །མཆོད་པའི་ཚོགས་ཀྱིས་མཉེས་པར་བྱ། །བསྙེན་ཅིང་བསྟོད་དང་གསོལ་བ་གདབ། །དཀྱིལ་འཁོར་བ་དང་དཀྱིལ་འཁོར་བདག །གཞན་ཡང་ཕྱོགས་བཅུར་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་རྣམས། །བདག་ལ་དགོངས་པར་ ― DNG014_Page_0676 ―
[མ་དཔེ་གཟིགས་ན་འདིར་གནོན།]
མཛད་དུ་གསོལ། །ཁྱེད་རྣམས་ལ་ནི་མཆོད་པ་དང་། །སློབ་མ་ཀུན་ལ་ཕན་གདགས་ཕྱིར། །བདག་མིང་འདི་ཞེས་བྱ་བ་ཡིས། །སར་ནི་དཀྱིལ་འཁོར་བྲི་ལགས་ཀྱིས། །གནས་འདིར་སངས་རྒྱས་ཀུན་གཤེགས་ཏེ། །བྱིན་གྱིས་རློབ་ཅིང་དབང་བསྐུར་མཛོད། །དེ་ནས་རིན་ཆེན་ལས་བྱུང་བའི། །བུམ་པ་མཛེས་པ་དག་བྱས་ནས། །རིན་ཆེན་སྨན་འབྲུ་སྙིང་པོ་དྲི། །ཤིས་པའི་རྫས་བྲིས་ཆུ་ཡིས་དགང་། །ལྷ་ཡི་གྲངས་དང་མཉམ་པར་དགོད། །སོ་སོའི་ཡུམ་དང་ལྷ་བསྐྱེད་དེ། །གཉིས་མེད་སྤྱན་དྲང་འཛབ་བསྙེན་འབུལ། །དེ་དག་འོད་ཞུ་བདུད་རྩིར་བསྒྱུར། །རྒྱ་ཆེན་བུམ་པ་དགང་བར་བྱ། །དཀྱིལ་འཁོར་ཆེན་པོར་འཇུག་འདོད་པའི། །སློབ་མའི་ཚོགས་རྣམས་མདུན་དུ་གཞུག །པུས་བཙུགས་ཐལ་མོ་སྦྱར་བ་ཡིས། །བླ་མ་ཆེ་ལ་གསོལ་བ་གདབ། །དཔའ་བོ་ཐུགས་རྗེ་ཆེས་གཟིགས་ནས། །དང་པོ་སྐྱབས་མགོན་སྦྱིན་བྱ་ཞིང་། །དེ་ནས་སེམས་སྐྱེད་སྡོམ་པ་དབོག །དེ་ནས་ཐེག་མཆོག་གསང་སྔགས་སུ། །གཞུག་ཕྱིར་སེམས་རྒྱུད་སྦྱང་བར་བྱ། །དང་པོར་ཕྱག་བྱ་མཆོད་པ་དབུལ། །བཤགས་ཤིང་རྗེས་སུ་ཡི་རང་ཞིང་། །འབྲས་བུའི་ཐེག་པའི་སྐྱབས་གསུམ་བླང་། །དེ་ཉིད་ལས་ནི་སེམས་བསྐྱེད་བྱ། །དགེ་བ་འབྲས་བུའི་ཐེག་པར་བསྔོ། །རྡོ་རྗེས་ཡོལ་བའི་ནང་དུ་དྲང་། །དག་བྱེད་ཤིང་ལ་འབྲུ་གསུམ་གྱིས། །བྱིན་གྱིས་བརླབས་ཏེ་དོར་བྱས་ནས། །མཐོང་ལྟས་ཕྱོགས་ཀྱི་ཕྲིན་ལས་བརྟག །ཉེས་པར་གྱུར་ན་ཆོ་ག་བསྐྱར། །དེ་ནས་སྲུང་སྐུད་རང་གི་ཚད། །ལྷག་མོས་སྔགས་ཀྱིས་བྱིན་བརླབས་ཏེ། །ཕོ་མོ་གཡས་གཡོན་དཔུང་པར་བཅིང་། །དེ་ཡིས་བར་ཆད་བགེགས་རྣམས་འཇོམས། །དག་བྱེད་རྩྭ་ཡི་ཆུན་པོ་ནི། །བདུད་རྩི་དྲི་ཡི་སྔགས་བཟླས་པ། །མཐོང་ཕྱིར་སྔས་དང་གདན་དུ་སྦྱིན། །གནོད་པ་བཟློག་ཕྱིར་སྐྱོར་ཆུ་བླུད། །སྒྲ་བསྒྲག་རྒྱལ་མཚན་བ་དན་ཕྱར། །གངས་རི་ལ་སོགས་བསྟོད་གནས་ཕྱིན། །རྟེན་བཟང་མཐོང་ཞིང་སེམས་མ་ཞུམ། །སྤྲོ་དགའ་དང་བཅས་བཟང་ཞིང་དགེ། །གཞན་ཡང་ལུས་བཀྲུས་རྒྱུན་དབབ་དང་། །གྲུ་གཟིངས་ལ་སོགས་ལམ་བཟང་འགྲོ། །བཞོན་པ་བཟང་དང་བར་སྣང་འགྲོ། །འོད་ཆེན་མཐོང་དང་རིན་ཆེན་རྙེད། ། ― DNG014_Page_0677 ―
[མ་དཔེ་གཟིགས་ན་འདིར་གནོན།]
ལུང་སྟོན་ཆེ་བ་བརྗོད་པ་ནི། །དགེ་བའི་རྟགས་སུ་ངས་ལུང་བསྟན། །དེ་ལས་བཟློག་པའི་རྟགས་རྣམས་ཀུན། །ངན་པར་བཤད་དེ་གང་མཐོང་ཡང་། །ཚོགས་བསགས་དག་པའི་དོན་ལ་འང་། །བསྐྱར་ཞིང་བལྟ་བའི་ཆོ་ག་བྱ། །དེ་ལྟར་རབ་ཏུ་བརྟགས་ནས་ནི། །བླ་མ་དཔལ་ཆེན་ཉིད་ལ་བཤད། །དེ་སྟེང་དགེའོ་ཞེས་སྨྲ་ན། །རྨི་ལམ་ལ་བརྟེན་དངོས་གྲུབ་བླང་། །མི་དགེ་སྨྲ་ལ་སྦྱིན་བསྲེག་བྱ། །གསང་སྔགས་ཆོ་ག་རྣམས་ཀྱིས་བཟློག །འདི་ནི་སྟ་གོན་ཆོ་ག་སྟེ། །ཀུན་ཏུ་བཟང་པོ་ང་ཡིས་བཤད། །དེ་ལྟར་སློབ་མ་རྒྱུད་སྦྱངས་ནས། །དཀྱིལ་འཁོར་ཆེན་པོར་གཞུག་པའི་ཕྱིར། །བསོད་ནམས་ཚོགས་ནི་སྔོན་འགྲོ་བས། །ཏིང་འཛིན་རིམ་པ་རྫོགས་བྱས་ལ། །རྡུལ་ཚོན་དཀྱིལ་འཁོར་དམིགས་པས་བསྐྱེད། །ཡེ་ཤེས་སེམས་དཔའ་སྤྱན་དྲངས་ཤིང་། །གཉིས་མེད་བསྡིམ་ཞིང་མཆོད་པས་མཆོད། །བསྟོད་དེ་སོ་སོའི་སྔགས་བཟླས་ནས། །སློབ་མའི་མིག་ལ་བརྡའ་བྱས་ཏེ། །མཆོད་བསྟོད་གསོལ་བས་རྒྱུད་སྦྱངས་ནས། །སེམས་བསྐྱེད་རིགས་ཀྱི་སྡོམ་པ་གཟུང་། །དམ་ཚིག་བསྒྲགས་ཤིང་བྲོ་བོར་ལ། །ཡེ་ཤེས་སེམས་དཔའ་སྙིང་ལ་དབབ། །ཨོཾ་ཨཱཿཧཱུཾ་ཨ་ཝེ་ཤ་ཡ་ཨ་ཨ། དཀྱིལ་འཁོར་ཆེན་པོའི་སྒོ་བཞི་ནས། །ཕྱག་རྒྱ་དང་ནི་མཆོད་བསྟོད་བྱ། །དེ་ནས་མེ་ཏོག་ཕྲེང་བ་དག །དཀྱིལ་འཁོར་གྱི་ནི་དབུས་དག་ཏུ། །གཙོ་བོའི་སྤྱི་བོར་རབ་ཏུ་གཏོར། །དེ་ཉིད་བླངས་ཏེ་མགོ་ལ་བཅིངས། །གདོང་གཡོགས་བརྡ་ཕྱེ་དཀྱིལ་འཁོར་བསྟན། །ཞེས་བཀའ་སྩལ་ཏོ། །ཞི་བ་འདུས་པ་རྩ་བའི་རྒྱུད་ལས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོར་སློབ་མ་འཇུག་པའི་ཆོ་ག་བཤད་པའི་ལེའུ་སྟེ་བདུན་པའོ།། །།བཅོམ་ལྡན་འདས་རྡོ་རྗེ་དམ་ཚིག་ཆེན་པོའི་སྡོམ་པ་རབ་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །ཉོན་ཅིག་འདུས་པའི་འཁོར་ཚོགས་རྣམས། །དཀྱིལ་འཁོར་འདིར་ནི་གང་ཞུགས་པས། །སྲུངས་ཤིང་སྡོམ་པར་བྱ་བ་དག །སྤྱི་དང་ཁྱད་པར་ལྷག་པ་ཡི། །རྣམ་པར་དབྱེ་བས་བཟུང་བྱ་སྟེ། །སོ་སོར་ཐར་དང་བྱང་ཆུབ་ ― DNG014_Page_0678 ―
[མ་དཔེ་གཟིགས་ན་འདིར་གནོན།]
སེམས། །བྱ་སྤྱོད་རྣལ་འབྱོར་རྒྱུད་རྣམས་ལས། །བསྲུང་བར་བྱ་བ་གང་གསུངས་པ། །ཐུན་མོང་སྤྱི་ཡི་དམ་ཚིག་ཡིན། །ཁྱད་པར་བྱེ་བྲག་བསྲུང་བྱ་བ། །རྩ་བར་གྱུར་པ་བཞི་དག་དང་། །ཡན་ལག་ཉི་ཤུ་རྩ་ལྔ་སྟེ། །ཇི་ལྟར་སྨོན་དང་འཇུག་པ་ཡི། །བྱང་ཆུབ་སེམས་གསུམ་བསྒོམ་པ་ཡིས། །རྡོ་རྗེ་ཐུགས་ཀྱི་དམ་ཚིག་གོ། །རང་ཉིད་ཡི་དམ་ལྷ་ཚོགས་ཀྱི། །སྔགས་དང་ཕྱག་རྒྱ་རབ་འཛིན་པ། །དུས་ཀུན་ཏུ་ནི་རྒྱུན་མི་གཅོད། །རྡོ་རྗེ་གསུང་གི་དམ་ཚིག་ཡིན། །རྒྱུད་བཀྲོལ་དབང་བསྐུར་དེ་ཉིད་བསྟན། །བླ་མ་ཉིད་དང་ལྷན་ཅིག་འགྲོགས། །ལུས་ངག་ཡིད་ཀྱིས་བསྐུར་བ་ནི། །རྡོ་རྗེ་སྐུ་ཡི་དམ་ཚིག་གོ། །གཞན་ཡང་སྐུ་གསུང་ཐུགས་རྣམས་ཀྱི། །བྱེ་བྲག་ཕྱེ་བ་གསང་བའི་སྣོད། །བལྟ་ཟབ་སྤྱོད་པ་བསླབ་པ་དང་། །མིག་གཟུངས་རྟོགས་པ་གྲུབ་པའི་རྟགས། །དུས་རྣམས་ཀུན་ཏུ་གསང་བར་བྱ། །བསྒྲུབ་གནས་རྫས་དུས་གྲོགས་རྣམས་ནི། །ཁྱད་པར་དེ་ཉིད་དུས་སུ་གསང་། །གཞན་ཡང་སློབ་དཔོན་མཆེད་དང་ལྕམ། །གསང་བ་བསྒྲགས་དང་གནས་སྐབས་དང་། །དེ་ལྟར་འོས་པ་ཤིན་ཏུ་གསང་། །གསང་བར་བྱ་བ་འདི་རྣམས་ཀྱང་། །སྐུ་གསུང་ཐུགས་ཀྱི་དམ་ཚིག་གོ། །སྦྱོར་སྒྲོལ་མ་བྱིན་ལེན་པ་དང་། །རྫུན་དང་ངག་བརླང་བརྗོད་པ་རྣམས། །ཐབས་མཆོག་ངེས་པས་ཟིན་པ་ཡིས། །གནས་སྐབས་གསལ་བར་ཤེས་པར་བྱ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ཉོན་མོངས་ལྔ། །རང་བཞིན་ཤེས་པས་མི་སྤང་སྟེ། །རང་རིག་ཡེ་ཤེས་ཉིད་ཡིན་ནོ། །དྲི་ཆེན་དྲི་ཆུ་ཤ་ཆེན་པོ། །པདྨ་བྱང་ཆུབ་སེམས་ཀྱི་ཆུ། །བདུད་རྩི་དམ་ཚིག་རྫས་ཆེན་ལྔ། །རྡོ་རྗེ་འཛིན་པས་དག་པར་བླང་། །སངས་རྒྱས་རྡོ་རྗེ་སེམས་དཔའ་དང་། །རིན་ཆེན་འབྱུང་ལྡན་འོད་དཔག་མེད། །དོན་ཡོད་པ་དང་རྣམ་སྣང་མཛད། །ཡེ་ཤེས་ལྷ་ཡི་རང་བཞིན་ཏེ། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྔ་རུ་རབ་ཏུ་བསྒྲུབ། །ས་དང་ཆུ་དང་མེ་དང་རླུང་། །ནམ་མཁའི་ཁམས་གཟུགས་ཚོར་བ་དང་། །འདུ་ཤེས་འདུ་བྱེད་ཚོར་བ་དང་། །མིག་སོགས་འཛིན་དང་དེ་ཡུལ་ལྔ། །རྒྱལ་བ་ཡབ་ཡུམ་བྱང་ཆུབ་སེམས། །མཆོད་པའི་ལྷ་ཡི་ཚོགས་སུ་བསྒྲུབ། །གཞུང་དོན་ལྷག་པའི་ ― DNG014_Page_0679 ―
[མ་དཔེ་གཟིགས་ན་འདིར་གནོན།]
དམ་ཚིག་ནི། །རབ་ཏུ་ལྷག་པར་བསྲུང་བར་བྱ། །གཅན་གཟན་རྒྱལ་པོའི་ཁྲི་མི་བཤིག །ཟ་མ་ཏོག་ཏུ་དུག་མི་བླུག །རིན་ཆེན་ལྕུག་ཕྲན་མི་བསྲེག་ཅིང་། །ཞུན་ཁོལ་ལྟ་བུ་མི་བཏུང་སྟེ། །པདྨའི་ཟེའུ་འབྲུ་ཁ་མི་གསེད། །བུག་རྡོལ་སྣོད་དུ་བཅུད་མི་བླུག །དོན་དང་མི་ལྡན་རྫས་མི་སྟེར། །ཤེལ་སྒོང་འདམ་དུ་བསྣུར་མི་བྱ། །མ་དག་སྣོད་དུ་དག་པ་མིན། །ཡིད་བཞིན་ནོར་བུ་མི་བསྲེག་སྟེ། །ཁྱུང་ཆེན་གཤོག་པའི་ཡ་མི་དབྲལ། །གནམ་ལྕགས་ཨུར་མོའི་མཚོན་མི་གདབ། །གཅན་གཟན་གོད་པའི་ལྷག་མི་སྤྱད། །རྡོ་རྗེའི་བྲག་ཆེན་མི་བཤིག་ཅིང་། །ར་བ་དྲ་བའི་མཚམས་མི་དྲལ། །སྒྲོན་མ་རླུང་གིས་བསད་པ་མིན། །ཡེ་ཤེས་ཆུ་རྒྱུན་གཅད་པ་སྤང་། །བཀའ་རྟགས་ཕྱག་རྒྱ་མི་འཕྱི་ཞིང་། །རྡོ་རྗེ་ཕ་ལམ་མཁར་མི་བཟློག །གཙུག་གི་ནོར་བུ་སྨ་མི་དབབ། །འདི་དག་བསྲུང་བར་བྱ་བ་སྟེ། །ལྷག་པར་གཅེས་པའི་ཚིག་ཡིན་ནོ། །འདི་དག་ལེགས་པར་བསྡམ་འགྱུར་ན། །སྐྱེ་བ་འདིར་ཡང་ནད་མེད་ཅིང་། །ཚེ་དང་ལོངས་སྤྱོད་འཕེལ་བ་དང་། །གསང་སྔགས་ནུས་པ་མྱུར་འགྲུབ་ཅིང་། །དགོངས་པ་ཟབ་མོ་རྟོགས་པ་དང་། །གསང་བ་ཆེན་པོའི་སྣོད་དུ་འགྱུར། །འཇིག་རྟེན་འཇིག་རྟེན་འདས་པ་ཡི། །དངོས་གྲུབ་མ་ལུས་འགྲུབ་པ་སྟེ། །བདུད་ལས་རྒྱལ་ཞིང་མངོན་འཚང་རྒྱ། །དེ་བས་རབ་ཏུ་འབད་པས་བསྲུང་། །འདི་ནི་གཅེས་པར་གཟུང་བར་བྱ། །གལ་ཏེ་དམ་ཚིག་ལས་འདས་ན། །འཇིག་རྟེན་འདིར་ཡང་ཚེ་ཐུང་ཞིང་། །ནད་དང་སྡུག་བསྔལ་མང་བ་དང་། །འཁོར་དང་ལོངས་སྤྱོད་དང་འབྲལ་ཞིང་། །ཡིད་ལ་འདོད་པ་མི་འགྲུབ་སྟེ། །བརྩམ་པ་ཕྱིན་ཅི་ལོག་ཏུ་འགྱུར། །གལ་ཏེ་ཚེ་ཡི་དུས་བྱས་ནས། །མནར་མེད་ལ་སོགས་འཇིགས་རུང་བའི། །དམྱལ་བ་བཤད་པར་དེ་འགྱུར་ཞིང་། །བསྐལ་པ་བསམ་ཡས་སྡུག་བསྔལ་མྱོང་། །དེ་བས་རྣལ་འབྱོར་ཆེན་པོ་རྣམས། །འདི་ལ་མ་མྱོང་མི་བསམ་སྟེ། །ཉམས་པར་ངེས་པའི་རྟགས་མེད་ན། །རྡོ་རྗེ་དམྱལ་བ་ཞེས་བྱ་བ། །ངན་འགྲོ་མ་ལུས་ཆེས་ལྷག་པའི། །སྡུག་བསྔལ་ཚད་བཤད་མི་ལང་ཞིང་། །ཐར་ཞེས་བྱ་བ་སྲིད་མ་ཡིན། །དེ་ཕྱིར་ ― DNG014_Page_0680 ―
[མ་དཔེ་གཟིགས་ན་འདིར་གནོན།]
དད་བརྩོན་སྐྱེས་བུ་ཡིས། །བཟློག་པའི་གཉེན་པོ་མྱུར་དུ་བསྟེན། །དེ་ཡིས་ཡོན་ཏན་ཀུན་ལྡན་ནས། །རྡོ་རྗེ་འཆང་བ་ཉིད་དུ་འགྱུར། །ཞེས་བཀའ་སྩལ་ཏོ། །ཞི་བ་འདུས་པ་རྩ་བའི་རྒྱུད་ལས། དམ་ཚིག་དང་སྡོམ་པ་རབ་ཏུ་འབྱུང་བའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་འགྲོ་བ་ཐམས་ཅད་རྣམ་པར་རྒྱལ་བ་ཡོངས་སུ་སྨིན་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །ཉོན་ཅིག་གཞན་ཡང་རབ་བཤད་པ། །ཕྱག་རྒྱ་ཆེ་ལྡན་རྣལ་འབྱོར་པས། །བསྐྱེད་དང་རྫོགས་དང་ཆེན་པོ་ཡི། །ལམ་ལ་འཇུག་པར་འདོད་པ་ལ། །རིམ་པ་དབང་བསྐུར་སྦྱིན་པར་གསུངས། །རང་གི་དེ་ཉིད་དབབ་བྱས་ཤིང་། །བསྲུང་བྱ་ཁས་ལེན་ནུས་པ་ལ། །ཕྱི་ནང་གསང་བ་རྒྱལ་ཐབས་ཀྱིས། །དབང་བསྐུར་དམ་པ་བསྩལ་བྱ་བ། །ཕྲིན་ལས་འདོད་པའི་ཕྱོགས་དེ་རུ། །ཁྲི་སྟན་བཟང་པོ་བཤམས་པ་ལ། །རྡོ་རྗེ་སློབ་དཔོན་དེ་བཞུགས་ཏེ། །དབང་སྟེགས་བཟང་ལ་སློབ་མའོ། །དང་པོ་ཕྱི་ཡི་བུམ་པ་ཡི། །རྫས་ཀྱི་དབང་བསྐུར་བྱ་བ་ནི། །ཁ་རྒྱན་མགུལ་ཆིངས་གཟུངས་ཐག་དང་། །སྤོས་སྨན་འབྲུ་དང་རིན་པོ་ཆེ། །སྙིང་པོ་རྣམས་ཀྱི་རྫས་ཀྱི་དབང་། །བཀྲ་ཤིས་རྫས་དང་ཡོ་བྱད་བདུན། །དབུ་རྒྱན་སྙིང་པོ་ཕྱག་རྒྱ་དང་། །སྐུ་གསུང་ཐུགས་ནི་རྒྱན་གྱི་དབང་། །རྡོ་རྗེ་དྲིལ་བུ་མེ་ཏོག་དང་། །ཕྲེང་བ་གོ་ཆ་ཡོ་བྱད་དོ། །གདན་ཁྲི་གདུགས་དང་རྒྱལ་མཚན་དང་། །ཉན་ཅིང་འབྲི་དང་བཤད་པ་དང་། །སྒྲུབ་པ་བདག་པོའི་དབང་ཡིན་ཏེ། །བསྒྲུབ་བྱ་ཆུ་ཡི་རྣམ་པ་ཉིད། །ངོ་བོ་ལྷར་བསྒོམ་གསལ་བ་སྟེ། །གཙོ་ཆེན་རིགས་ལྔ་ཡུམ་དང་བཅས། །སེམས་དཔའ་བརྒྱད་དང་སེམས་མ་བརྒྱད། །སྤྲུལ་པ་དྲུག་དང་ཁྲོ་བོ་རྣམས། །ནང་དུ་དག་པའི་གནས་སྦྱར་ནས། །ཕུང་པོའི་དཀྱིལ་འཁོར་རྫོགས་པའི་དབང་། །ལྷ་རྒྱུད་བརྡའ་ཐབས་བྱིན་བརླབས་ཀྱིས། །འདི་ལས་མི་འདའ་ངོ་སྤྲོད་པ། །ལམ་དང་ཆོ་གའི་ཁྱད་པར་རོ། །འདོད་པའི་ཡོན་ཏན་ལོངས་སྤྱོད་དང་། །མཐོང་ཐོས་ཚོར་མྱོང་རེག་པ་དག །དེ་ཡི་རང་བཞིན་ལོངས་སྤྱོད་ཤེས། །རང་གི་གནས་སུ་གྲོལ་བ་དང་། །རིགས་ཀྱི་ ― DNG014_Page_0681 ―
[མ་དཔེ་གཟིགས་ན་འདིར་གནོན།]
ངོ་བོ་དམ་ཚིག་རྫས། །ཤ་ལྔ་དྲི་གསུམ་ཁུ་བ་གཉིས། །རང་གྲོལ་སྤང་བླང་མེད་པ་དང་། །བྱང་ཆུབ་སེམས་དཔའི་སྡོམ་པ་ཆེ། །སྤྱོད་པ་ནུས་པ་དབང་ཡིན་ནོ། །དབང་པོ་ལྔ་ཡི་མངོན་ཤེས་དང་། །མཚན་རྟགས་ཡེ་ཤེས་ལྔ་ཡི་དངོས། །དངོས་སུ་གྲུབ་པ་ནང་གི་དབང་། །འདི་དག་དབང་པོ་ཡུལ་དང་བཅས། །དམིགས་པ་རྫས་ཀྱི་གཟུགས་བརྙན་བསྟན། །ཆེ་བའི་ཡོན་ཏན་བསྟོད་ཚིག་སྒྲ། །རྣ་བར་བརྗོད་པ་ཐོས་པའོ། །མིང་ཚིག་རྟོག་པ་སྣ་དང་ལྕེ། །ཡིད་ཀྱིས་སྨོན་ཅིང་བསམ་པ་ལ། །གནང་ཞིང་ངེས་པ་ཐོབ་པ་ཡིས། །དངོས་པོར་འཛིན་པའི་དྲི་མ་བསལ། །ཕན་ནུས་བྱེད་པ་དབང་ཞེས་བྱ། །ནང་དུ་བསྟན་པ་ཉིད་ཡིན་ནོ། །ཐབས་དང་ཤེས་རབ་དབང་གི་དངོས། །དོན་དམ་ཀུན་རྫོབ་འཁོར་བ་དང་། །མྱ་ངན་འདས་སོགས་ལྟོས་པའི་ཆོས། །སོ་སོར་འཛིན་པ་དེ་བསལ་ལ། །གཉིས་མེད་ཡེ་ཤེས་རྟོགས་བྱའི་ཕྱིར། །རྡོ་རྗེ་ལུས་ཀྱི་ནུས་པའི་ཆོས། །ཚེ་གཅིག་སྦྱོར་བ་སྟོན་པ་དེ། །བློ་ཆུང་ཤེས་རབ་དམན་པ་དང་། །སྐལ་མེད་དོན་ལ་གསང་བས་ན། །ཕྱིར་བརྗོད་བུད་མེད་སྒྱུ་མའི་ལུས། །སུམ་ཅུ་རྩ་གཉིས་ཡོན་ཏན་ལྡན། །ཁྱད་པར་རླུང་གིས་བསྐྱོད་པའི་གནས། །གསུམ་དང་གསུམ་ཉིད་སྟེང་དང་འོག །རྩ་བར་གྱུར་པ་ཡན་ལག་རྣམས། །སྟོང་ཕྲག་བདུན་ཅུ་རྩ་གཉིས་ཀྱང་། །ལྷ་དང་བྱེད་པ་པོར་གནས་པའི། །བསྐྱེད་དང་རྫོགས་པ་རབ་སྦྱོར་བ། །རིམ་གྱིས་འཛིན་པའི་སྔོན་འགྲོ་དང་། །དངོས་སུ་གྲུབ་དང་སྙོམས་འཇུག་གིས། །བདེ་ཞིང་གསལ་བས་མི་རྟོག་པ། །རྣམ་པར་ཤེས་ཚོགས་རང་བཞིན་གྱིས། །འོད་གསལ་ངང་དུ་གནས་པ་དེ། །མཐོང་ཞེས་བརྗོད་མེད་ཡུལ་དང་བྲལ། །རང་ལས་གཞན་དུ་མ་ཡིན་པ། །ལྟོས་འགྲོའི་གཙུག་ནས་ནོར་བུ་དེ། །བླངས་ཏེ་མཆོད་ཅིང་ལོངས་སྤྱོད་ན། །ཕུན་སུམ་ཚོགས་པ་འགྲུབ་པར་འགྱུར། །དེ་ལྟར་བསྟན་པས་བྱང་ཆུབ་ཆེ། །བླ་ན་མེད་པ་རྫོགས་པའི་དབང་། །རང་རིག་ཐབས་ཀྱི་རྒྱལ་པོ་ཡིན། །ཤེས་རབ་སྐད་ཅིག་སྦྱོར་བ་ཡིས། །ཀུན་ལ་ཁྱད་པར་བསྐུར་བྱ་སྟེ། །ཨེ་མ་རང་བྱུང་བཅོམ་ལྡན་འདས། །ཀུན་ཏུ་བཟང་པོ་ཆོས་ཀྱི་དབྱིངས། ། ― DNG014_Page_0682 ―
[མ་དཔེ་གཟིགས་ན་འདིར་གནོན།]
མ་སྐྱེས་རྒྱུ་ལས་མ་འགགས་རྐྱེན། །བྱང་ཆུབ་སྙིང་པོ་བདེ་བ་ཆེ། །རང་གིས་རིག་ཅིང་རང་གིས་མཐོང་། །རྟོགས་ཤིང་ཐོབ་པ་འདི་ཁོ་ན། །གཞན་ན་ཡོད་ཅིང་ཚོལ་བ་མེད། །མ་བསྒྲུབས་དེ་ཉིད་སར་རྫོགས་པའོ། །དེ་ནི་འབྲས་བུ་རྫོགས་པའི་དབང་། །འདི་རུ་མ་རྫོགས་གང་ཡང་མེད། །ཐེ་ཚོམ་སོམ་ཉིས་འགྲུབ་པ་མིན། །སྐད་ཅིག་མ་ཡི་ཡུལ་ཡིན་ནོ། །མ་འོངས་དུས་ཀྱི་སྐྱེས་བུ་དག །མ་འཁྲུལ་མྱུར་དུ་རྫོགས་པའི་ལམ། །འདི་ལ་སྦྱོར་བ་གང་ཡིན་པ། །ཚེ་འདིར་བཟང་པོ་མཆོག་འགྲུབ་བྱེད། །ཅེས་གསུངས་སོ། །ཞི་བ་འདུས་པ་རྩ་བའི་རྒྱུད་ལས། ལམ་ཡོངས་སུ་ཉེ་བར་སྨིན་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཀྱིས་ལྷའི་ཕྱག་རྒྱ་ཆེན་པོ་མངོན་པར་རོལ་པ་ཡིད་ཀྱི་འཛིན་ཕུར་དབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །ཉོན་ཅིག་འདུས་པའི་ཚོགས་རྣམས་ཀུན། །འཇིག་རྟེན་རྟོག་བློས་བསྐྱིལ་བ་ཡི། །མ་རིག་མུན་པ་བསལ་བ་ཡིས། །ཐ་མལ་ལུས་ངག་ཡིད་གསུམ་པོ། །རྒྱལ་བའི་སྐུ་གསུང་ཐུགས་ཉིད་དུ། །རབ་ཏུ་མངོན་པར་རྟོགས་བྱའི་ཕྱིར། །གྲོལ་བྱེད་རིམ་པ་རབ་ཏུ་བཤད། །ང་ཡིས་སྔོན་བྱུང་སྤྲུལ་པ་ཡི། །རིམ་པ་ཆེན་པོ་དེ་བཟུང་ནས། །དབེན་པའི་གནས་སུ་མཁས་པ་ཡིས། །ཕྱག་རྒྱ་ཡོ་བྱད་བསམ་སྦྱོར་བས། །དུལ་བར་སྤྱོད་པའི་ཞི་གནས་དང་། །རང་རིག་རྣལ་འབྱོར་རབ་སྤངས་ཏེ། །བྱེད་པའི་རྒྱུ་ནི་མཐིང་ནག་ཧཱུཾ། །འཕྲོ་འདུ་རྟེན་གཞི་དག་པ་ཡིས། །མཆོད་བཤགས་ཡི་རང་གསོལ་བཏབ་པས། །དག་པའི་སྣོད་དུ་བྱ་བ་དགྲོལ། །བསྲུང་བྱ་སྟོང་ཉིད་སྙིང་པོ་ལས། །འབར་བའི་ས་གཞི་རབ་ཏུ་དབྱུང་། །ང་རྒྱལ་ཆེན་པོ་རབ་བསྐྱེད་དེ། །བར་དུ་གཅོད་པ་ངང་གིས་གདུལ། །ཨེ་མ་སངས་རྒྱས་ཆོས་ཀུན་གསང་། །མ་བྱུང་མ་སྐྱེས་རྣམ་དག་དབྱིངས། །ཆོས་བདག་མེད་པའི་སྟོང་པ་ལས། །མ་འགགས་པ་ཡི་ཐུགས་རྗེ་ཆེ། །དམིགས་པ་གཉིས་མེད་གཉིས་ཀྱིས་བསྒོམ། །དེ་ཡི་བརྡལ་བ་བྱུང་བ་ནི། །སྐྱེ་མེད་ས་བོན་སྤྱི་གཙུག་ཏུ། །གསལ་འཚེར་ལྡན་པའི་འོད་ཟེར་གྱིས། །གནས་གསུམ་ངེས་པར་སྦྱངས་བྱས་ནས། །ཕུང་པོ་གསལ་བ་ ― DNG014_Page_0683 ―
[མ་དཔེ་གཟིགས་ན་འདིར་གནོན།]
ཉིད་དུ་གྱུར། །འཕྲོ་འདུ་ལས་ཀྱི་སྦྱོར་བ་ཡིས། །ལས་ཀུན་མཛད་པའི་ཆོ་འཕྲུལ་གྱིས། །རྟོག་པའི་རླུང་དང་ཆུ་རྣམས་ཀུན། །མི་ཤིགས་པ་དང་བདུད་རྩིའི་རྒྱ། །བརྟན་བྱེད་ཡིད་བཞིན་འབྱུང་བ་ནི། །སྒྲོལ་མ་མཱ་མ་ཀཱི་དང་སྤྱན། །རང་གི་མཁའ་དབྱིངས་རྣམ་པར་དག །དེ་བཞིན་དྲོད་དང་གོས་དཀར་མོ། །ཀུན་བཟང་དབྱིངས་སུ་ཁྱབ་བྱེད་བསྒོམ། །ཨེ་ཀྲོ་དྷཱི་ཤྭ་རི་མ་དྷ་ལ་ཧཱུཾ། ཨེ་ཡཾ་ཀརྨ་ཨེ་དྷ་ཏྲཱ་རཱ་ཡཾ། བཾ་མ་མ་ཀཱི་བཾ། ལཾ་བུཌྜྷ་ཙཀྵུ་མཾ། རཾ་ས་ན་ཛ་ན་སི་ཏ་ཏ་རཾ། རིན་ཆེན་ལྔ་ཡི་རི་རབ་ནི། །བྷྲཱུཾ་གྱི་སྤྲོ་བསྡུ་ལས་བྱུང་བའོ། །བྷྲཱུཾ་བྷི་ཤ་བྷི་ཤུདྡྷེ་ཧཱུཾ། གཞལ་ཡས་ཁང་པ་གྲུ་བཞི་པ། །དབུས་ནས་འཁོར་ལོ་རྩིབས་བཞི་ལ། །མུ་ཁྱུད་གྲུ་ཆད་ཁྱམས་དང་བཅས། །སྒོ་བཞི་རྟ་བབས་རྒྱན་གྱིས་མཛེས། །ཨོཾ་སརྦ་ཙཀྲ་བཛྲ་ཧཱུཾ། དེ་དག་ཚིག་འདིས་བསྐུལ་བར་བྱ། །ཧཱུཾ་མཁའ་མཉམ་ཀློང་ཆེན་ཐིག་ལེའི་ངང་། །བྱར་མེད་ལྷུན་རྫོགས་ཉིད་ཀྱི་དབྱིངས། །བརྗོད་མེད་སྤྲོས་བྲལ་ཡུམ་གྱི་མཁའ། །སྨྲ་བསམ་ཡུལ་ལས་འདས་པའོ། །ཨོཾ་མ་ཧཱ་སུ་ཁ་ཧཱུཾ་ཧཱུཾ། མུ་མེད་བརྡལ་བའི་དབྱིངས་ཉིད་ལས། །སྣང་མེད་རིག་པའི་ངང་གིས་གསལ། །ཚོན་གང་འོད་ལས་ཐིག་ལེར་བསྐྱིལ། །ནམ་མཁའ་ལས་ནི་ནམ་མཁའ་བསྒོམ། །ཙིཏྟ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། སྐྱེ་ཤི་མེད་པའི་སེམས་ཉིད་འདི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ལ། །ཡི་གེ་མཆོག་ཏུ་བསྒོམ་པར་བྱ། །ཨ་ཀྵར་ཙིཏྟ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཧཱུཾ་རྒྱུ་ཡི་ཏིང་འཛིན་ཤེས་རབ་ལས། །ཧཱུཾ་དེ་ཉིད་བྱང་ཆུབ་སེམས་སུ་གྱུར། །འབྱུང་བ་ཡུམ་ལྔའི་དཀྱིལ་འཁོར་དག །བྱང་ཆུབ་སེམས་ལས་རིམ་བཞིན་བྱུང་། །ཨེ་ལས་ནམ་མཁའ་མཐའ་དབུས་མེད། །ཡཾ་ལས་རླུང་གི་དཀྱིལ་འཁོར་ཏེ། །བཾ་ལས་ཆུ་ཡི་རྦ་ཀློང་འཁྱིལ། །སུཾ་ལས་གསེར་གྱི་ས་གཞིར་ཆགས། །ལཾ་ལས་རིན་ཆེན་རི་རབ་སྟེ། །རཾ་ལས་མེ་འོད་རབ་ཏུ་འབར། །ཨེ་ཨ་བྷྲཱུཾ། བྷྲཱུཾ་ལས་རིན་ཆེན་གཞལ་ཡས་ཁང་། །ནམ་མཁའི་དབྱིངས་དང་རབ་མཉམ་པ། །ཚུལ་བཞིན་བྱིན་གྱིས་བརླབས་པ་ཡིས། །གཞལ་ཡས་གསལ་བར་གྱུར་པར་བསྒོམ། །སཾ་སིཾ་ཧ། ཧ་ཧ་སྡི། ཨཾ་ ― DNG014_Page_0684 ―
[མ་དཔེ་གཟིགས་ན་འདིར་གནོན།]
ཨ་ར་ག །མཾ་མ་ར་ད་ཉི། གྷཾ་གྷ་རུ་ཙ། ཡེ་ཤེས་འབར་བའི་གཞལ་ཡས་སུ། །སེང་གེ་གླང་ཆེན་རྟ་བྱ་ཁྱུང་། །མ་མ་སཱུརྱ། ཨ་ཨ་ཙནྡྲ། བཾ་པདྨ། རཾ་རཏྣ། ཉི་ཟླ་པདྨ་རིན་པོ་ཆེ། །གཙོ་དང་འཁོར་ལ་རིམ་བཞིན་གསལ། །བཛྲ་ཙིཏྟ་མོ་ཧ་ར་ཏེ་ཛ། ཧྲཱྀཿསྥ་ར་ཎ་ཕཊ། སཾ་ཧ་ར་ཎ་ཧཱུཾ། ཁམས་གསུམ་ཡེ་ཤེས་སྒྲོན་མ་ལས། །རིན་ཆེན་མཛོད་ནི་ཐིག་ལེས་བརྒྱན། །རྒྱལ་བའི་སྐུ་མཆོག་དོན་དམ་བདེ། །སྙིང་པོ་ཉི་མ་ཡིད་བཞིན་སྐུ། །ཨ་ཝེ་ཤ་ཡ་ཨ་ཨ། པྲ་བེ་ཤ་ཡ་ཧོ་ཧོ། རྡོ་རྗེ་པདྨ་ལྡན་བྱས་ནས། །མཁའ་དབྱིངས་ཉི་མའི་འོད་ལྟར་ཤར། །བྱང་ཆུབ་སེམས་མཆོག་མཛེས་པར་གསལ། །ཡིག་འབྲུ་མཚན་མ་རིམ་པར་བསྒོམ། །ཧཱུཾ་བཛྲ་དྷྲྀཀ་མཱུཾ་དྷཱ་ཏྭི་ཤྭ་རི། བྷྲཱུཾ་བྷི་ཤ་བྷི་ཤུདྡྷེ། ཧཱུཾ་ཏིཥྛ་བཛྲ། པདྨ་མ་དྷ་ལ་ཨཱཾ། སཱུརྱ་མ་དྷ་ལ་ཨོཾ། ས་མ་ཡ་ཧོཿ། ས་མ་ཡ་སྟྭཾ། ར་ཧོ་ཧཾ་རཱ་ག་ཡཱ་མི། ཛཿཧཱུཾ་བཾ་ཧོཿ། ཧྲཱྀཿཕཊ། ཨོཾ་ལཱཾ། སྭཱ་མཱཾ། ཨཱོཾ་བཱཾ། ཧཱ་ཏཱཾ། ཀྵྀ་ཧཱུཾ། ཏྲཱཾ་ཏྲཱཾ། ཧྲི་ཧྲི། ཛི་ཨཾཿ། མཻ་ཛཿ། ་ཧཱུཾ། ཧཱུཾ་བཾ། མཱུཾ་ཧོཿ། ཀྲི་ཏྲུཾ་སྲུཾ་པྲཾ་ཀྵཾ་ཡེ། ཧཱུྃ་ཧཱུྃ་ཧཱུྃ་ཧཱུྃ། ཛཿཧཱུཾ་བཾ་ཧོཿ། ཨོཾ་ཛི་ན་ཛྀཀ ལཱཾ་དྭེ་ཥ་ར་ཏི། སྭཱ་རཏྣ་དྷྲྀཀ །མཱཾཿམོ་ཧ་རི་ཏི། ཨཱཾཿཨཱ་རོ་ལྀཀ །པཱཾ་རཱ་ག་ར་ཏི། ཧཱ་པྲཛྙཱ་དྷྲྀཀ །བཛྲ་ར་ཏི། ཀྵིཾ་ཧི་རཱ་ཛ་ཡ། ཧཱུྃ་ལཱ་སྱེ། ཏྲཾ་ཨ་གརྦྷ་ཡ། ཏྲཾ་མཱ་ལེ། ཧྲཱྀཿཔདྨ་པཱ་ད་མ། ཧྲཱྀཿགཱིརྟི། ཛྷིཾ་ཀུ་རུ་པཱ་ཎ། ཨཾ་ནཱིརྟི་རཱ་ག་ཡཱ་མི། མི་ཏྲི་དྷ་ར་ཎི། ཛ་དྷཱུ་པེ། ་ནིསྶ་རཾ་བྷཱ་ཡ། ཧཱུྃ་པུཥ྇། ཧཱུྃ་སྭ་རཱ་ཛཱ་ཡ། བཾ་དཱི་པ། མཱུཾ་ཤྲཱི་ཨཱཾ་རཱ་ག་ཡ། ཧོ་གནྡྷེ། མུ་ནེ་ཕྱཱུ ། མུ་ནེ་ཧཱུྃ་ཏྲུཾ། མུ་ནེ་སྲུཾ། མུ་ནེ་པྲཾ། མུ་ནེ་ཀྵཾ། མུ་ནེ་ཡེ། ཨོཾ་ཡ་མཱནྟ་ཀྲྀཏ། པྲཛྙཱནྟ་ཀྲྀཏ། པདྨཱནྟ་ཀྲྀཏ། བིགྷྣཱནྟ་ཀྲྀཏ་ཧཱུྃ་ཕཊ། བཛྲ་ཨཾ་ཀུ་ཤ་ཛཿ། པཱ་ཤ་ཧཱུྃ། སྥོ་ཊ་བཾ། གྷཎྜ་ཧོཿ། ཧྲཱྀ་སྥ་ར་ན་ཕཊ། སཾ་ཧ་ར་ན་ཧཱུཾ། ཕྱག་རྒྱའི་དཀྱིལ་འཁོར་རྫོགས་པ་དང་། །དབང་བསྐུར་བྱིན་བརླབ་ཚུལ་བཞིན་བྱ། །ཕུང་པོ་ཁམས་དང་སྐྱེ་མཆེད་ཀུན། །ཡེ་ནས་རྒྱལ་བའི་དཀྱིལ་འཁོར་སྣང་། །བཛྲ་ས་མ་ཡ་ཛཿཧཱུྃ། དམིགས་མེད་མཁའ་ལྟར་དག་པའི་སྐུ། །ཡེ་ཤེས་དབྱིངས་ནས་གཤེགས་སུ་གསོལ། །རང་སྣང་དབྱེར་མེད་དཀྱིལ་འཁོར་ལྷ། །བདག་ལ་དགྱེས་ནས་ཐིམ་པར་བཞུགས། །དབྱིངས་ཀུན་རྣམ་པར་དག་པ་ལས། །སྤྲུལ་པའི་སྐུ་ལ་ཕྱག་འཚལ་ལོ། །ཕྱག་རྒྱ་རྒྱལ་བའི་ཚུལ་བཞུགས་ ― DNG014_Page_0685 ―
[མ་དཔེ་གཟིགས་ན་འདིར་གནོན།]
ཏེ། །མཉམ་པའི་ངང་དུ་རྟོགས་གྱུར་ན། །ཐམས་ཅད་བྱང་ཆུབ་མཆོག་གི་རྒྱ། །ཕྱག་རྒྱའི་སྐུ་ལས་འདའ་བ་མེད། །ཕྱོགས་བཅུའི་རྒྱལ་བ་མ་ལུས་ལ། །གར་དབྱངས་མཆོག་དང་དམ་ཚིག་རྫས། །ནམ་མཁའ་མཛོད་ཀྱི་ཏིང་ངེ་འཛིན། །རྫས་མཆོག་མི་ལས་འདས་པའི་ལྷ། །རྒྱལ་པོ་ཆེན་པོ་ལོངས་སྤྱོད་མཆོག །ཕྱག་རྒྱ་བཞི་དང་ཉོན་མོངས་ལྔ། །གཉིས་སུ་མེད་དང་འཆི་བ་མེད། །འདོད་པའི་ཡོན་ཏན་བདག་གི་མེད། །བསམ་སྦྱོར་དམིགས་པ་ལས་བྱུང་བའི། །ལོངས་སྤྱོད་འབྱོར་ཚོགས་ཇི་སྙེད་ཀུན། །མ་ལུས་མཉེས་པར་བྱ་ཕྱིར་དབུལ། །སྙན་པའི་ཚིག་དང་མཐུན་པའི་དོན། །ཆེ་བའི་ཡོན་ཏན་མཚོན་པའི་རྟགས། །སྙན་པའི་སྒྲ་དབྱངས་རྣམས་ཀྱིས་བསྟོད། །ངེས་པར་གསལ་བར་གྱུར་པ་དང་། །གསུང་དབྱངས་ངག་གི་འཕྲོ་འདུ་བྱ། །དེ་ལས་གཞན་པ་བྱ་འདོད་ན། །གཟུགས་བརྙན་དང་ནི་དབྱིངས་ཀྱི་བདག །གཙང་མའི་གཟུགས་བརྙན་གཉིས་པ་ལྟར། །གནས་སུ་གཤེགས་སམ་རིམ་གྱིས་བསྡུ། །གལ་ཏེ་བཅུ་དང་གཉིས་དང་གཅིག །བསྡུས་དང་ཤིན་ཏུ་བསྡུས་པ་ལས། །བསྐྱེད་པའི་རིམ་པ་དེ་བཞིན་བྱ། །ཞེས་གསུངས་སོ། །ཞི་བ་འདུས་པ་རྩ་བའི་རྒྱུད་ལས། བསྐྱེད་པའི་རིམ་པ་རབ་ཏུ་བསྡུས་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་གསུང་གི་འཁོར་ལོ་མ་འགགས་པ་རྣམ་པར་རོལ་པའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །སེམས་ཅན་དོན་ཀུན་སྒྲུབ་བྱེད་པ། །སྔགས་ཀྱི་རྒྱལ་པོ་གསང་བ་ཆེ། །རང་བཞིན་གདོད་ནས་ལྷུན་གྲུབ་པས། །དག་པའི་གསང་སྔགས་རབ་ཏུ་བཤད། །ཧཱུྃ་བཛྲ་ཙིཏྟ་ཧཱུཾ་ཧཱུཾ། ཨ་བཛྲ་ས་མནྟ་བྷ་དྲཱ་ཨ་ཨ། ཨོཾ་བཛྲ་བཻ་རོ་ཙ་ན་ཛི་ན་ཛྀཀ །ཨོཾ་བཛྲ་དྷྲིཀ་བཛྲ་སཏྭ་ཧཱུཾ། ཨོཾ་རཏྣ་དྷྲིཀ་རཏྣ་སམྦྷ་བ་ཏྲཱཾ། ཨོཾ་ཨཱ་རོ་ལྀཀ་ཨ་མི་ཏ་བྷཱ་ཧྲཱྀཿ། ཨོཾ་པྲཛྙཱ་དྷྲྀཀ་ཨ་མོ་གྷ་སིདྡྷི་ཨ། ཨོཾ་མཱུཾ་དྷཱ་ཏྭཱི་ཤྭ་རི་ཧཱུཾ། ཨོཾ་ལཱཾ་དྭེ་ཥ་ར་ཏི་ཧཱུྃ། ཨོཾ་མཱཾ་མོ་ཧ་ར་ཏི་ཧཱུཾ། ཨོཾ་པཱཾ་རཱ་ག་ར་ཏི་ཧཱུཾ། ཨོཾ་ཏཱཾ་བཛྲ་ར་ཏི་ཧཱུཾ། རྩ་བའི་རིགས་ཀྱི་སྙིང་པོའོ། །ཨོཾ་ཀྵིཾ་ཧི་རཱ་ཛ་ཧྲྀ་ད་ཡ་སྭཱ་ཧཱ། ཨོཾ་ཧྲཱཾ་ཨ་གརྦྷཱ་ཡ་སྭཱ་ཧཱ། ཨོཾ་ཧྲཱྀཿཙཀྵུ་པདྨ་པཱ་ད་ཡ་སྭཱ་ཧཱ། ཨོཾ་ཛིཾ་ཀུ་རུ་པཱ་ཎ་ཧྲཱྀཿསྭཱ་ཧཱ། ཨོཾ་མཻ་ཏྲི་ ― DNG014_Page_0686 ―
[མ་དཔེ་གཟིགས་ན་འདིར་གནོན།]
དྷ་ར་ཎི་སྭཱ་ཧཱ། ཨོཾ་ནིསྶ་རཾ་བྷཱ་ཡ་སྭཱ་ཧཱ། ཨོཾ་བྷ་དྲ་བྷ་དྲ་ས་མནྟ་སྭཱ་ཧཱ། ཨོཾ་མཉྫུ་ཤྲཱི་ཨཾ་རཱ་གཱ་ཡ་སྭཱ་ཧཱ། ཧཱུཾ་ལཱ་སྱེ་ས་མ་ཡ་སྟྭཾ། ཏྲཱཾ་མཱ་ལེ་ས་མ་ཡ་ཧོཿ། ཧྲཱྀཿགཱི་ཏི་རཱ་ཀོ྅ཧཾ། ཨ་ནིརྟི་རཱ་ག་ཡཱ་མི། ཛཿདྷཱུ་པེ་པྲ་བེ་ཤ་ཕཊ། ཧཱཾ་པུཥ྇་ཨཱ་བེ་ཤ་ཡ་ཨ་ཨ། བཾ་དཱི་པ་ཨ་ལོ་ཀེ་བ་སུ་ཀི་ནི་སྭཱ་ཧཱ། སུ་གི་རཱི་ཡང་ཧེ་གནྡྷེ་ཙིཏྟ་ཧོཿ། ཨོཾ་མུ་ནེ་ཀྲིཾ་སྭཱ་ཧཱ། ཨོཾ་མུ་ནེ་ཏྲུཾ་སྭཱ་ཧཱ། ཨོཾ་མུ་ནེ་སྲུཾ་སྭཱ་ཧཱ། ཨོཾ་མུ་ནེ་པྲཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཨོཾ་བི་ཛ་ཡ་ཧཱུཾ་ཕཊ། ཨོཾ་ཡ་མཱནྟ་ཀྲྀཏ་ཧཱུཾ་ཕཊ། ཨོཾ་པདྨཱནྟ་ཀྲྀཏ་ཧཱུཾ་ཕཊ། ཨོཾ་བིགྷྣཱཾ་ཏ་ཀྲྀཏ་ཧཱུཾ་ཕཊ། ཨོཾ་བཛྲ་མ་ཧཱ་ཀྲོ་དྷཱི་ཤྭ་རཱི་ཛཿ། ཨོ་རཏྣ་ཀྲོ་དྷཱི་ཤྭ་རཱི་ཧཱུཾ། ཨོཾ་པདྨ་ཀྲོ་དྷཱི་ཤྭ་རཱི་བཾ། ཨོཾ་ཀརྨ་ཀྲོ་དྷཱི་ཤྭ་རཱི་ཧོཿ། ཨེ་ཧྱེ་ཧི་བྷ་ག་ཝཱན་མ་ཧཱ་ཀཱ་རུ་ཎི་ཀ་མ་ཧཱ་བུཌྜྷ་པཉྩ་བོ་དྷི་སཏྭ་མ་ཧཱ་ཀྲོ་དྷ་མུ་ནེ་ས་མ་ཡ་སྟྭཾ། ཨཱ་གཙྪ་ཡ་ཛཿཧཱུཾ་བཾ་ཧོཿ། པདྨ་མཎྜ་ལ་ཧཱུཾ། ཨ་ཏི་པུ་ཧོཿ། པྲ་ཏཱིཙྪ་ཧོཿ། ཨོཾ་ཨཱཿཧཱུཾ་སུ་ར་ཏ་པི་པ་ཀ་མ་ལ་ཧ་ར་ཎ་པྲ་ཏཱིཙྪ་བ་ལིཾ་ཏ་པཱུ་ཛ་ཧཱུཾ་ཁ་ཁ་ཧཱུཾ། ས་མ་ཡ་ཤུཌྜྷཿསིདྡྷི་སིདྡྷི་ཧཱུཾ། རྡོ་རྗེ་དམ་ཚིག་ཆེན་པོ་ཡི། །གསང་སྔགས་ལས་ཀྱི་དེ་བཞིན་ཉིད། །མ་ལུས་ལས་ཀྱི་དངོས་གྲུབ་སྟེ། །ཡང་དག་རྫོགས་པའི་གསང་ཚིག་གོ། །བདག་ཉིད་དམ་ཚིག་རབ་གསལ་བའི། །སྙིང་པོ་ཚོན་གང་དེ་ཡི་དབུས། །གསལ་བའི་དཀྱིལ་འཁོར་ཕྲ་མོའི་འོད། །རྡོ་རྗེའི་ཡི་གེ་ཤིན་ཏུ་འཕྲོ། །ཨཱོཾ་བྷོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཿ། ཞེས་པས་བསྐོར་བར་བསམ་ལ་བཟླས། །དེ་ཉིད་ཡེ་ཤེས་འོད་ཟེར་ནི། །ཉི་མའི་དཀྱིལ་འཁོར་གསལ་བ་བཞིན། །ཕྱོགས་བཅུ་ནམ་མཁའི་མཐའ་ཁྱབ་སྤྲོས། །ཡུལ་གསུམ་སྒྲིབ་པ་མ་ལུས་བྱང་། །ཐམས་ཅད་ཡེ་ཤེས་སྤྱོད་ཡུལ་ཏེ། །རིག་པ་འཛིན་པ་རྣམས་ཀྱི་དོན། །ཉན་ཐོས་ཞི་འགོག་ས་ལས་བཀྲོལ། །མྱུར་འགྲོ་ཐབས་ཀྱི་དོན་ལ་བཙུད། །བྱང་ཆུབ་སེམས་དཔའ་ཆེན་པོ་རྣམས། །ཤེས་བྱ་བག་ལ་ཉལ་བ་ཡི། །སྒྲིབ་པ་མ་ལུས་རྡོ་རྗེ་ཡི། །ས་བཅུ་ཏིང་ངེ་འཛིན་གྱིས་སྦྱངས། །འཕགས་པའི་ཐུགས་དམ་དབྱིངས་ནས་བསྐུལ། །བདེ་གཤེགས་མཁའ་འགྲོ་ཚོགས་བཅས་ཀྱིས། །རིགས་ཀྱི་གཙོ་བདག་ཉིད་དུ་དགོངས། །འོད་ཟེར་བཅས་པ་སླར་འདུས་པས། །གནས་དབུས་ས་བོན་མཆོག་ལ་ཐིམ། །བརྟེན་པ་དེ་ཉིད་ལ་ཁྱབ་པས། །གནས་གསུམ་དེ་ཉིད་དག་པར་བསྒོམ། །ཕྱི་རོལ་བཟླས་པའི་སྦྱོར་བའོ། །ཡབ་ཡུམ་གསལ་བའི་སྐུར་ ― DNG014_Page_0687 ―
[མ་དཔེ་གཟིགས་ན་འདིར་གནོན།]
བསྒོམས་ཏེ། །མཁའ་གསང་བྱིན་བརླབས་སྦྱོར་བའི་ཚུལ། །བཟླས་པས་ཤེས་རབ་སེམས་དབུས་ནས། །དེ་ཉིད་ཐབས་ཀྱི་གནས་དེ་རུ། །མཐིང་ནག་ཡི་གེ་འབྲུ་ཚད་སྤྲོས། །དངོས་པོ་སྦྱངས་ཏེ་བཛྲའི་གཟུགས། །རྩེ་ལྔའི་དབུས་སུ་གསལ་བའི་དཀྱིལ། །ཨཱོཾ་ཞེས་བྱ་བ་དཀར་པོ་བསྒོམ། །ཐབས་ཀྱི་དབུས་ནས་ཤེས་རབ་གསང་། །མཁའ་ལ་ཏིལ་འབྲུ་ཙམ་དུ་སྤྲོས། །སྔར་བཞིན་མཛད་པའི་འོད་གསལ་ལས། །ཆུ་སྐྱེས་ངོས་བཞིའི་དབུས་དག་ཏུ། །སྐྱེ་མེད་བྱི་རུའི་མདོག་འདྲ་བསྒོམ། །དགུག་གཞུག་བཅིང་དང་དགེས་པས་བསྐོར། །རྡོ་རྗེ་ཅན་གྱི་ཕོ་བྲང་ནས། །དེ་ཡི་ལམ་ནས་ཤུ་ཀྲ་བྱུང་། །ཤེས་རབ་ཀློང་དུ་རབ་འཕྲོས་པས། །སེམས་མའི་སྦུབས་ནས་ཐབས་དཀྱིལ་ཐིམ། །འོད་ཞུ་ངག་གི་ལམ་དུ་ཞུགས། །རྩ་ཆེན་གཉིས་ནས་དེ་ལ་ཐིམ། །དགེས་པའི་དུས་གཅིག་བརྟེན་པར་བསྒོམ། །པདྨའི་ཁུ་བ་དམར་ལ་དྭངས། །རྒྱུ་བ་སྟོབས་བཅས་བསྒྲུབ་གནས་ཞུགས། །ཉི་ཤུ་བརྒྱད་ཀྱི་ལམ་ལ་བརྒྱུད། །སྐུ་ཡི་གསང་བའི་ལུང་ནས་ཕྱུང་། །མཁའ་ནས་འོད་དམར་བབས་པ་ལས། །རྡོ་རྗེའི་སྦུབས་ནས་རླུང་དང་བཅས། །སྟེང་དུ་དྲངས་པས་བདག་པོ་གྱུར། །ནཱ་སཱ་གཡས་ནས་གཡོན་དུ་ཐིམ། །ཤེས་རབ་དབྱིངས་མ་རབ་ཏུ་གྱུར། །སྒྲ་དང་བཅས་པའི་ཧཱུཾ་གིས་དྲངས། །ཆོས་མ་བྱང་ཆུབ་སེམས་ལྡན་པས། །རླུང་གནས་བརྒྱུད་པ་དེ་ལགས་ལ། །དཀར་དམར་འོད་འདྲེས་བདེ་བ་ཆེ། །རྣམ་པར་རྟོག་མེད་ལྷུན་གྱིས་གྲུབ། །འདི་ནི་ནང་ལ་དམིགས་པའོ། །སྐད་ཅིག་ཏིང་འཛིན་གསལ་བསྒོམ་པའི། །ལུས་ངག་ཡིད་ཀྱི་འཇུག་པ་དག །སྐུ་གསུང་ཐུགས་སུ་ཤེས་པ་ཡིས། །གཉིས་མེད་གསང་བ་ཤེས་པར་སྤྱོད། །རང་གི་ངང་གིས་གྲུབ་པ་ནི། །གསང་བ་རབ་ཏུ་སྦྱོར་བའོ། །འདི་ནི་སངས་རྒྱས་ཐམས་ཅད་ཀྱི། །གསུང་གི་སྒྲ་དབྱངས་རྫོགས་པ་སྟེ། །གསང་སྔགས་དགོངས་པའི་གཏིང་བྱུང་ནས། །རྣལ་འབྱོར་ངག་གི་ཆེ་བའོ། །ཞེས་བཀའ་སྩལ་ཏོ། །ཞི་བ་འདུས་པ་རྩ་བའི་རྒྱུད་ལས། གསང་བ་སྔགས་ཀྱི་དེ་ཁོ་ན་ཉིད་ཀྱི་རབ་ཏུ་སྦྱོར་བ་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ ― DNG014_Page_0688 ―
[མ་དཔེ་གཟིགས་ན་འདིར་གནོན།]
སེམས་རྣམ་པར་དག་པའི་རང་བཞིན་གྱི་འོད་གསལ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །ཀྱེ་མ་འདུས་པའི་ཚོགས་རྣམས་ཀུན། །གསང་སྔགས་རོལ་པའི་དཀྱིལ་འཁོར་འདིར། །ཕྲིན་ལས་མཛད་པ་སྣ་ཚོགས་པའི། །ལས་ཀྱི་བྱེ་བྲག་གསུངས་པ་ཡང་། །འཇིག་རྟེན་འདས་པའི་དངོས་གྲུབ་སྟེ། །མྱ་ངན་འདས་པ་རྟོགས་མི་འགྱུར། །དེ་བས་དེ་ཉིད་རྟོགས་བྱའི་ཕྱིར། །སངས་རྒྱས་ཀུན་གྱི་གསང་ཆེན་ལམ། །རྫོགས་དང་རྫོགས་པ་ཆེན་པོར་བཤད། །འཁོར་འདས་དུས་གསུམ་ཕྱོགས་བཅུ་ཡི། །རྫས་དང་དངོས་པོ་རྣམ་པ་དག །རྣམ་ཤེས་འབྱུང་བ་ཕུང་པོ་དང་། །ཡུལ་དང་སྐྱེ་མཆེད་བསམ་པ་སྟེ། །འདི་དག་རྫོགས་པའི་རང་བཞིན་པས། །ཕུང་པོ་ལྔ་ནི་ཡབ་ལྔར་རྫོགས། །འབྱུང་བ་ལྔ་ཉིད་ཡུམ་ལྔར་རྫོགས། །རྣམ་ཤེས་ཚོགས་བརྒྱད་སེམས་དཔའ་བརྒྱད། །ཡུལ་བརྒྱད་སེམས་མ་བརྒྱད་དུ་རྫོགས། །མུ་བཞི་སྒོ་བཞིར་གནས་པ་སྟེ། །རྩ་བའི་ཉོན་མོངས་ཐུབ་པ་དྲུག །ཡིད་ཀྱི་བྱེད་པ་ཀུན་ཏུ་བཟང་། །ཆོས་སུ་བྱ་བ་ཀུན་བཟང་མོ། །ཡེ་ནས་མཉམ་དུ་གནས་པ་ལ། །ཕྱི་ནས་བཙལ་ཞིང་བསྒྲུབ་ཏུ་མེད། །སྔར་བཞིན་དབྱིངས་སུ་གཤེགས་པས་ན། །དེ་བཞིན་གཤེགས་པ་ཞེས་བྱ་བ། །ངོ་བོ་ཉིད་ཀྱི་བདེ་བས་ན། །བདེ་བར་གཤེགས་ཏེ་རྫོགས་སངས་རྒྱས། །མ་སྤངས་པ་ཉིད་སྤངས་པ་སྟེ། །མ་ཐོབ་པས་ན་ཐོབ་པའི་མཆོག །གཏོང་བ་དང་ནི་མཐུ་དང་བློས། །ཐེག་པ་གཅིག་གི་མཐར་ཐུག་པར། །གོ་ཆ་སྦྱོར་བ་མཆོག་ལྡན་པས། །སེམས་དཔའ་ཆེན་པོའི་རང་བཞིན་ནོ། །དེ་ཡང་སྣང་བ་ངེས་མེད་པས། །སྒྱུ་མ་ལྟ་བུའི་ལུས་ཞེས་བྱ། །རང་བཞིན་ལམ་དང་འབྲས་བུ་དང་། །སེམས་ཉིད་ཆོས་ཉིད་དེ་ཉིད་ཀྱི། །ངོ་བོ་རྟོག་པའི་དྲི་མ་དང་། །ལས་ཀྱི་རྙོག་མ་བྲལ་བ་དག །འོད་གསལ་སྣང་བར་གྱུར་པའོ། །དབྱིངས་དང་ཡེ་ཤེས་ཐབས་ཤེས་རབ། །སྣང་སྟོང་སྲིད་དང་ཞི་བ་དང་། །དེ་ལ་གནས་དང་ལྷག་པར་མཐོང་། །མཉམ་པར་བཞག་ཅིང་རྗེས་ཀྱིས་ཐོབ། །རྟོག་པ་དང་ནི་བསྣོལ་བའི་ཆོས། །མ་ལུས་གཉིས་མེད་སྦྱོར་བ་ཡི། །མཉམ་ཉིད་ཟུང་དུ་འཇུག་པར་འགྱུར། །དབྱེར་མེད་དེ་ལ་གནས་པས་ན། །རྫོགས་པའི་རྣལ་འབྱོར་ཞེས་སུ་བརྗོད། ། ― DNG014_Page_0689 ―
[མ་དཔེ་གཟིགས་ན་འདིར་གནོན།]
རྟེན་པའི་གཞི་ནི་གཞལ་ཡས་ཁང་། །ལོངས་སྤྱོད་མཆོད་པའི་ཚོགས་ཆེན་པོ། །ཕ་མ་བུ་དང་བུ་མོ་ནི། །ཡབ་ཡུམ་སྲས་དང་སྲས་མོ་སྟེ། །ཕྱི་ནང་འཁོར་ནི་ཉེ་དུ་དང་། །བྲན་འབངས་མངག་གཞུག་ལ་སོགས་ཡིན། །དང་པོ་ཉིད་ནས་རྫོགས་པས་ན། །ཆེན་པོའི་རྫོགས་པ་ཞེས་བྱ་སྟེ། །སྣང་བ་སྣ་ཚོགས་སྤྲུལ་པའི་སྐུ། །རྟོག་པ་ལོངས་སྤྱོད་རབ་རྫོགས་ཏེ། །མི་རྟོག་ཡེ་ཤེས་ཆོས་སྐུར་རྫོགས། །འདི་ལ་མ་རྫོགས་ཞེས་བརྗོད་པའི། །སྐལ་མེད་དེ་དག་འཁོར་བར་ལྟུང་། །དེ་བས་རྫོགས་པའི་ཚུལ་ཤེས་པའི། །རྣལ་འབྱོར་སེམས་དཔའ་ཆེན་པོ་ནི། །གནས་གསུམ་སྦྱོར་བ་ཅི་འདྲ་ཡང་། །ངོ་བོ་ཉིད་ཀྱི་སྐུ་གསུམ་རྫོགས། །ཏིང་འཛིན་དམིགས་པའི་གདེང་ཐོབ་པས། །དེ་དག་མྱུར་དུ་མངོན་དབྱུང་ཕྱིར། །རིག་པའི་སྤྱོད་པ་མངོན་དབྱུང་བྱ། །སྔོན་བཞིན་སྤྱད་པར་བྱ་བ་སྟེ། །དང་པོར་སྤྱོད་པའི་རྣལ་འབྱོར་གྱིས། །ཕལ་པའི་འཇིག་རྟེན་མི་མཐུན་ཕྱོགས། །རང་ལ་གནོད་པ་གཞན་ལ་སྤང་། །ཕན་པའང་དེ་བཞིན་བསྒྲུབ་པར་བྱ། །སངས་རྒྱས་རྣམས་ནི་ཕན་གནོད་བྲལ། །མ་རུངས་བཀྲེན་དང་འཁྲུགས་པ་དང་། །དབང་དང་བག་མེད་ལོག་ལྷ་ཅན། །ཆགས་དང་ཞེན་པ་ཡོངས་མི་འདོར། །དེ་ཉིད་མཆོག་ཏུ་གྱུར་ལ་སྤང་། །འཕགས་པ་སྙིང་རྗེའི་གནས་མིན་ཏེ། །ལམ་གྱི་གྲོགས་སུ་ག་ལ་འགྱུར། །རློམ་སེམས་ཁེ་གྲགས་ཕན་ཡོན་དང་། །ཕྲག་དོག་ཅན་དང་དབང་མེད་འགྱོད། །བསམས་པའི་དྲི་མས་འབགས་པ་མིན། །གནས་དང་སྣང་བ་གནོད་པའི་ཡུལ། །རང་བཞིན་བསྒྲུབ་པ་མྱོང་བའི་རྒྱན། །བཟོད་ཅིང་མ་ཆགས་དོན་དང་བཅས། །དཀའ་བ་སྤྱོད་ནུས་སྤྱོད་པའི་གྲོགས། །དུས་འདིར་མ་རུངས་མ་ཕན་ཅིང་། །འཁྲུལ་པའི་གནས་ངན་ཡུལ་ཡིན་ནོ། །ཐབས་དང་རྣམ་འཕྲུལ་མ་དག་བལྟ། །སྟོང་པ་སྙིང་རྗེ་ཅན་སྦྱོར་ཞིང་། །རླབས་ཆེན་འཇུག་པ་ཕ་རོལ་འདས། །ཀུན་རྫོབ་བདེན་པའི་དག་པའོ། །དུས་གསུམ་དོན་ཡོད་བཅས་པ་དང་། །ཕྲ་མོའི་རྣལ་འབྱོར་ཡོངས་སུ་རྫོགས། །འཚོ་བ་བདུད་རྩི་བཞིན་དུ་སྤྱད། །དྲན་དང་ཤེས་པ་བག་ཡོད་བསྟེན། །དགེ་དང་སྡིག་པའི་བྱེད་པ་བགྲང་། །བསྔོ་བྱ་གཅིག་ལས་གཞན་དུ་མིན། །སྒྱུ་མ་སྒྲ་བརྙན་རྨི་ལམ་བཞིན། ། ― DNG014_Page_0690 ―
[མ་དཔེ་གཟིགས་ན་འདིར་གནོན།]
བདག་དང་དངོས་པོ་སེམས་ཅན་དག །དབྱེ་བ་མེད་ཅིང་ཡོངས་མ་གྲུབ། །གུས་ཤིང་མ་འདྲེས་ལྟོས་པ་མེད། །ཉོན་མོངས་མེད་པར་སྤྱད་པ་ནི། །ཐུན་མོང་ཆོས་སུ་སྤྱོད་པའོ། །དམན་པའི་བདེན་འབྲས་མི་སྨོན་ཅིང་། །གཅིག་པུར་ཞི་ལ་མི་གནས་པ། །ཡུལ་གསུམ་དག་པར་སྦྱོར་བ་སྟེ། །མ་ལུས་དབྱེ་བ་མེད་པའོ། །ཁྱད་པར་འདི་ཡི་སྤྱོད་པ་ནི། །དཀྱིལ་འཁོར་གསུམ་དང་མཆོད་པ་ལྔ། །འདོད་པའི་ཡོན་ཏན་མ་ལུས་པ། །རྩ་བ་ཡན་ལག་བཅས་པ་དག །རང་གི་དེ་ཉིད་ཡོངས་ཤེས་པས། །རྫོགས་པར་ལོངས་སྤྱོད་དེ་ཉིད་དོ། །བརྟུལ་ཞུགས་སྣ་ཚོགས་གང་འཛིན་པའི། །སྐྱེས་བུ་དམ་པའི་རྗེས་སུ་ཞུགས། །ཕྱི་དང་ནང་གི་གསང་གྱུར་དང་། །རབ་ཏུ་གསང་བའི་དུས་དག་ཏུ། །རང་གི་སྤྱོད་པ་ཡོངས་མི་འདོར། །མཁན་པོ་སློབ་དཔོན་ལྷ་རྣམས་དང་། །ཉན་ཐོས་རང་རྒྱལ་སེམས་དཔའ་དང་། །འཇིག་རྟེན་ཕལ་པར་བཅས་པ་དག །རང་དང་ལྷན་ཅིག་ཐ་དད་མིན། །གང་དང་གང་གིས་དམིགས་པ་དེ། །མཆོག་གྱུར་སྔགས་ཀྱི་སྤྱོད་པའོ། །དེ་ལས་རྫོགས་པའི་འབྲས་བུ་ནི། །གདོད་ནས་དག་པའི་ཞིང་ཁམས་ལ། །དག་དང་མ་དག་གཉིས་མེད་ཕྱིར། །བྲལ་དང་ཐོབ་པ་མི་དམིགས་ཀྱང་། །མིང་ཚིག་ཙམ་གྱི་འབྲས་བུ་ནི། །མ་འོངས་སྐྱེས་བུ་དྲང་བ་དང་། །ལམ་དོན་བསྒྲུབ་ཕྱིར་རབ་ཏུ་སྣང་། །རང་བཞིན་ཏིང་ངེ་འཛིན་དང་ནི། །ངོ་བོ་ཉིད་དང་སྤྱོད་པའི་ཚོགས། །ཡེ་ནས་རྣམ་པར་དག་པ་ལ། །འབྲས་བུ་ཞེས་སུ་བཤད་པ་སྟེ། །བསྒྲུབ་ཅིང་རྩོལ་བ་ག་ལ་ཡོད། །མཚན་ཉིད་མཚན་གཞི་སྤྲོས་དང་བྲལ། །མཚན་དང་དཔེར་བྱས་གཟུགས་སྣ་ཚོགས། །ཐ་དད་མཐོང་བ་འབྲས་བུ་སྟེ། །གྲུབ་པའི་དངོས་པོ་ཡོད་མ་མྱོང་། །ནམ་མཁའི་དབྱིངས་ཀྱི་དཀྱིལ་འཁོར་དུ། །འོག་མིན་གསང་བའི་ཕོ་བྲང་སྣང་། །ཞིང་གི་བཀོད་པ་སྣ་ཚོགས་དག །མེད་པ་ཉིད་ཀྱིས་ཕྱོགས་བཅུར་ཁྱབ། །ལྔ་དང་བརྒྱད་དང་དྲུག་སོགས་ཀྱི། །རྣམ་པར་ཕྱེ་དང་མྱོང་བ་དང་། །སྣ་ཚོགས་རིགས་ཀྱི་འཁོར་ལོའི་ཚོགས། །རྟོགས་པ་རང་བྱུང་ངོ་བོའི་ལུས། །སྐྱེ་འགག་རྟག་ཆད་འགྲོ་དང་འོང་། །ཡོད་མེད་མཐའ་ལས་རབ་འདས་ཤིང་། །གདོད་ནས་གནས་དང་བསྒོམ་པ་ཡིས། །ཞིང་དང་ཚོམ་ ― DNG014_Page_0691 ―
[མ་དཔེ་གཟིགས་ན་འདིར་གནོན།]
བུ་འཁོར་ལོ་དང་། །ཐབས་དང་ཤེས་རབ་གཅིག་ཉིད་ཀྱིས། །བརྟགས་ཤིང་སྣང་བ་ཙམ་དུ་འགྱུར། །མཆོག་གྱུར་དམན་དང་བར་མའི་སྐུ། །སྣ་ཚོགས་ལས་ཀྱང་སྣ་ཚོགས་ཏེ། །རིགས་དང་མཐུན་པའི་བདག་ཞེན་པས། །ཆེས་ལྷག་ཡུལ་དུ་གྱུར་པ་ཡིན། །གནས་སྐབས་མཐར་ཐུག་དུས་དང་ཐབས། །ཐུན་མོང་ཁྱད་པར་ཡོངས་སུ་འབྱུང་། །མ་ལུས་པ་དང་མ་ནོར་བའི། །རང་དང་གཞན་གྱི་སྣང་བ་ཡི། །ཡོད་དང་མེད་པའི་མཐའ་འཛིན་པ། །ཤེས་དང་མི་ཤེས་རྟོག་པ་སངས། །དེ་ལ་སྒྲིབ་བྱེད་ཁོ་ནའི་དངོས། །སྡིག་ཏོ་ལས་ཀྱི་དྲི་མ་དག །རྩ་བ་ཡན་ལག་བཅས་པ་ཡི། །ལས་ཀྱི་མཐའ་ཡིས་དེ་མི་མཐོང་། །བསླབ་ཅིང་སྡོམ་པ་བསྲུང་ལས་རྣམས། །དམན་པའི་ལས་ལ་ཆེར་ལྷག་པ། །ཉོན་མོངས་པ་ལས་རང་དགའ་བ། །ཐར་མེད་གནས་ཀྱིས་བསྒྲིབ་པའོ། །ཏིང་ངེ་འཛིན་དང་སྤྲུལ་པ་དང་། །སྡུག་བསྔལ་བྱེད་པ་ཐ་དད་དང་། །ཤེས་བྱ་ཡུལ་དང་ཡུལ་ཅན་དང་། །མཐོང་དང་བསྒོམ་དང་རྟོགས་པ་ཡིས། །གཉེན་པོ་རིམ་གྱིས་སྟོབས་གྱུར་པ། །དེ་ཉིད་ཀྱིས་ཀྱང་མཐོང་མི་ནུས། །ཀུན་རྫོབ་དོན་དམ་རང་བཞིན་ཤེས། །བདེ་བ་དང་ནི་སྡུག་བསྔལ་གྱི། །ངོ་བོ་མངོན་དུ་རྒྱུ་ལས་མིན། །བག་ལ་ཉལ་གྱི་རྣམ་པ་ཡང་། །བལྟ་བའི་ཆོས་ཀྱིས་དེ་མི་མཐོང་། །གཟུགས་བརྙན་མཐོང་དང་མ་བསམས་དང་། །མཉམ་ཉིད་རབ་ཏུ་རྟོགས་པ་དག །བྱ་བ་རྗེས་བསྒྲུབ་སྐུ་གསུང་ཐུགས། །ཕྲིན་ལས་སྔོན་འགྲོ་རྗེས་སུ་བྱེད། །དུས་གསུམ་ཀུན་ཏུ་མ་ཆགས་ཤིང་། །ཐེག་པ་མེད་ལ་བསྟན་དུ་མེད། །མ་བསྒྲུབས་པ་ཡིས་ལྷུན་གྱིས་གྲུབ། །མ་བལྟས་པ་ཡིས་མཐོང་བ་སྟེ། །མ་ལུས་མཁས་པས་ཐོབ་པའོ། །ཤེས་དང་ཤེས་བྱ་སྐད་ཅིག་མ། །གཡོས་པ་མེད་པར་ངང་གིས་གནས། །མ་བསགས་མ་ཐོབ་དམན་པ་སྤངས། །མ་བརྟགས་མ་ཤེས་མཐར་ཐུག་སྟེ། །འདུ་འབྲལ་མེད་པ་འབྲས་བུ་ཡིན། །ཞེས་བཀའ་སྩལ་ཏོ། །ཞི་བ་འདུས་པ་རྩ་བའི་རྒྱུད་ལས། སྐུ་གསུང་ཐུགས་ཡོངས་སུ་རྫོགས་པའི་བྱ་བ་འབྲས་བུ་མཐར་ཕྱིན་པའི་ལེའུ་སྟེ་བཅུ་གཉིས་པའོ།། །།བཅོམ་ ― DNG014_Page_0692 ―
[མ་དཔེ་གཟིགས་ན་འདིར་གནོན།]
ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཉིད་ཀྱི་སྐུ་གསུང་ཐུགས་ཡུམ་དང་བཅས་པའི་བྱིན་གྱིས་རླབས་ཀྱིས་རྣམ་པར་འཕྲུལ་པའི་དཀྱིལ་འཁོར་ཆེན་པོའི་འཁོར་ལོ་ཡོངས་སུ་རྫོགས་པ་དེ་དག་དང་། དུས་གསུམ་དུ་བཞུགས་པའི་སངས་རྒྱས་ཐམས་ཅད་ཀྱི་ལག་ན་རྡོ་རྗེ་འཆང་བ་སྲས་ཀྱི་ཐུ་བོ་ཆེན་པོ་དང་བཅས་པ་རྣམས་རབ་ཏུ་དགྱེས་ཤིང་ཡི་རང་བས་འོད་ཟེར་གྱི་རྣམ་པ་དཔག་ཏུ་མེད་པར་གྱུར་ནས། ཡང་ཁམས་གསུམ་པའི་དངོས་པོ་མ་ལུས་པར་སྦྱངས་ནས་བཅོམ་ལྡན་འདས་ཀྱི་སྐུ་ལ་ཐིམ་པར་གྱུར་ཏོ། །བཅོམ་ལྡན་འདས་དཔལ་ཀུན་ཏུ་བཟང་པོ་ཉིད་ནི་ཡུམ་དང་གཉིས་སུ་མེད་པར་སླར་ཡང་ཆོས་ཉིད་ཞི་བའི་ཀློང་རྣམ་པར་དག་པའི་དབྱིངས་དེ་ཉིད་དུ་མནལ་ཏེ་བཞུགས་ནས། ཕྱི་མའི་འགྲོ་བའི་དོན་བསམ་གྱིས་མི་ཁྱབ་པ་དག་ལ་རང་བཞིན་གྱིས་དགོངས་ནས་མི་འདའ་བ་ཉིད་དུ་མཛད་དོ། །ཞི་བ་འདུས་པ་རྩ་བའི་རྒྱུད་ཅེས་བྱ་བ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་དགོངས་པ་རྫོགས་སོ།། །། རྒྱ་གར་གྱི་མཁན་པོ་སློབ་དཔོན་ཆེན་པོ་པདྨ་འབྱུང་གནས་དང་། བོད་ཀྱི་ལོཙྪ་བ་བཻ་རོ་ཙ་ན་བདག་གིས་བསྒྱུར་ཅིང་གཏན་ལ་ཕབ་པའོ། །རྒྱལ་པོའི་བླ་དཔེའོ། །གཏེར་རྒྱ། སྦས་རྒྱ། གཏད་རྒྱ། རྒྱ་རྒྱ་རྒྱ། དགེའོ།། བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ཅེས་བྱ་བ།― DNG014_Page_0693 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤྲི་བྷ་ག་ཝཱན་མ་ཧཱ་ཧེ་རུ་ཀ་བྷི་རུ་མཱུ་ལ་ཏནྟྲ་ནཱ་མ། བོད་སྐད་དུ། བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ཆེན་པོ་དེ། འོག་མིན་གྱི་གནས་ཆོས་ཀྱི་དབྱིངས་ཀྱི་ཕོ་བྲང་རྣམ་པར་དག་པ་བྷ་ག་ཡངས་པའི་ཀློང་ཆེན་པོ། ནམ་མཁའི་དབྱིངས་བསམ་གྱིས་མི་ཁྱབ་པ། རིན་པོ་ཆེ་སྣ་ཚོགས་ལས་བྱས་པའི་གཞལ་མེད་ཁང་རྣམ་པར་འཕྲོ་བ། དུར་ཁྲོད་ཆེན་པོའི་ནང་འཇིགས་པར་བྱེད་པ་ན། སྐུ་གསུང་ཐུགས་མཉམ་པ་ཉིད་ལ་གནས་པ་ཆེན་པོས་བཞུགས་པའི་ཚེ། གསང་བ་ཆེན་པོའི་འཁོར་དཔག་ཏུ་མེད་པ་འདུས་པ་ནི་འདི་ལྟ་སྟེ། དེ་བཞིན་ ― DNG014_Page_0694 ―
[མ་དཔེ་གཟིགས་ན་འདིར་གནོན།]
གཤེགས་པ་རབ་ཏུ་རྣམ་པར་སྣང་མཛད་པ་དང་། རབ་ཏུ་མི་འཁྲུགས་པ་དང་། རིན་པོ་ཆེའི་འབྱུང་གནས་དང་། འོད་དཔག་ཏུ་མེད་པ་དང་། གདོན་མི་ཟ་བར་གྲུབ་པ་དང་། རྡོ་རྗེ་རོལ་པ་དང་། ས་རྡོ་རྗེ་མ་དང་། ཆུ་རྡོ་རྗེ་མ་དང་། མེ་རྡོ་རྗེ་མ་དང་། རླུང་རྡོ་རྗེ་མ་དང་། ནམ་མཁའི་རྡོ་རྗེ་མ་དང་། གཞན་ཡང་ཕྱོགས་བཅུའི་ནམ་མཁའི་ཁམས་དང་མཉམ་པའི་དེ་བཞིན་གཤེགས་པ་ཡབ་དང་ཡུམ་དུ་སྣང་བ་དཔག་ཏུ་མེད་པ་དག་དང་། རབ་ཏུ་ཞི་བ་དང་། ཀུན་ནས་ཁྲོ་བ་དང་། ཞིང་གི་བཀོད་པ་རྣམ་པར་སྣང་བ་དང་། རབ་ཏུ་རྫོགས་པའི་གཞལ་མེད་ཁང་གི་རྣམ་པར་སྣང་བ་དང་། ཐབས་དང་ཤེས་རབ་ཀྱི་རང་བཞིན་དུ་སྣང་བ་དང་། སྤྲུལ་པ་དང་། སྤྲུལ་པའི་ཡང་སྤྲུལ་པ་དང་། བྲན་དང་བྲན་གྱི་ཡང་བྲན་གྱི་ཚོགས་དང་། བརྗོད་ཀྱིས་མི་ལངས་པའི་ཡང་བརྗོད་ཀྱིས་མི་ལངས་པ་རྣམས་དང་ཡང་ཐབས་ཅིག་གོ། །དེ་ནས་འཁོར་གྱི་ཚོགས་དེ་དག་ཐམས་ཅད་ཀྱིས་བཅོམ་ལྡན་འདས་ཀྱི་སྐུ་ལ་བལྟས་ཏེ། འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་ཀུན་ཏུ་བཟང་པོ་ཧེ་རུ་ཀ །ཆེ་བའི་ཆེ་མཆོག་ཀུན་གྱི་གཙོ། །དཔལ་ལྡན་རྗེ་བཙུན་འགྲོ་བའི་མགོན། །ཁྱེད་ཀྱི་སྐུ་གསུང་ཐུགས་ཀྱི་བདག །རྣམ་པར་ཞི་ལས་ཁྲོ་མཛད་ཅིང་། །ནམ་མཁའི་མཐའ་ཁྱབ་གཞལ་མེད་ཁང་། །དག་ཅིང་གཙང་བའི་ངང་ཉིད་ལས། །དུར་ཁྲོད་ལྟར་མཛད་ཅི་ཡི་ཕྱིར། །ཆགས་མེད་ནམ་མཁའི་རང་བཞིན་ལས། །ཤེས་རབ་སྙོམས་མཛད་ཅི་ཞིག་ལགས། །སྒྱུ་མ་ལྟ་བུའི་ཆོས་ཉིད་ལ། །ཁྱོད་ཀྱིས་ངེས་པར་མཛད་པ་གང་། །གཞན་ཡང་ཁྱོད་ཀྱི་ཆོས་ཉིད་ལས། །རྣམ་པར་འཕྲུལ་པ་མ་ལུས་པའི། །དོན་དེ་དེང་འདིར་བསྟན་དུ་གསོལ། །ཨ་ལ་ལ་ཧོ་ཞེས་གསོལ་པས། བཅོམ་ལྡན་འདས་ཀྱིས་འདུས་པའི་འཁོར་རྣམས་ལ་འདི་སྐད་ཅེས་བཀའ་སྩལ་ཏོ། །ཀྱེ་དེ་བཞིན་གཤེགས་པ་འཁོར་དང་བཅས་པ་རྣམས། སེམས་རབ་ཏུ་དང་བས་ཉོན་ཅིག །འདི་ལྟ་སྟེ། སྔོན་བསྐལ་པ་ཆེན་པོ་གྲངས་མེད་པ་གངྒཱའི་ཀླུང་གི་བྱེ་མ་སྙེད་དགུ་བཅུ་རྩ་དགུ་འདས་པའི་ཡང་སྔོན་རོལ་དུ། བསྐལ་པ་ཆེན་པོ་གདུལ་དཀའ་ ― DNG014_Page_0695 ―
[མ་དཔེ་གཟིགས་ན་འདིར་གནོན།]
བ་རབ་ཏུ་དགའ་བ་ཞེས་བྱ་བ་ལ། འཇིག་རྟེན་གྱི་ཁམས་སྦྱང་དཀའ་བ་ཞེས་བྱ་བ་ཞིག་ཏུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། སྐྱེས་བུ་འདུལ་བ། ཁ་ལོ་སྒྱུར་བ། བླ་ན་མེད་པ། འཇིག་རྟེན་མཁྱེན་པ། ལྷ་དང་མི་རྣམས་ཀྱི་སྟོན་པར་གྱུར་པ། འཇིག་རྟེན་ཐམས་ཅད་ཀྱི་སྒྲོན་མར་གྱུར་པ། ཞེས་བྱ་བ་འབྱུང་སྟེ། དེའི་ཚེ་ཡང་དག་པར་རྫོགས་པའི་སངས་རྒྱས་དེས། དུས་གསུམ་གྱི་སངས་རྒྱས་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་ཆེན་པོ་དོན་གྱི་དེ་ཁོ་ན་ཉིད་ཡང་དག་པར་ངེས་པ་དང་། ངེས་པ་མ་ཡིན་པ་དང་། སྒྲའི་ཚུལ་དུ་རྣམ་པར་བརྗོད་པ་དང་། སྒྲའི་ཚུལ་དེ་རྣམ་པར་མ་ཡིན་པར་བརྗོད་པ་དང་། དགོངས་པ་ཟབ་མོའི་ཚུལ་དུ་བརྗོད་པ་དང་། རང་གི་དོན་མངོན་སུམ་དུ་བརྗོད་པའི་སྒོ་ནས་ཆོས་བསྟན་པས་འདུལ་བར་གྱུར་ཏོ། །དེའི་ཚེ་འཁོར་གྱི་ཚོགས་དེར་འདུས་པའི་སྐྱེས་བུ་ཞིག །བདག་ཏུ་འཛིན་པའི་རྣམ་པར་རྟོག་པ་དྲག་པོས་ཕྱི་རོལ་གྱི་ཡུལ་ཉེ་བར་བཟུང་ནས། རྒྱུའི་ཁྱད་པར་དང་འབྲས་བུའི་ཁྱད་པར་དང་། ལས་དང་ལས་ཀྱི་ཁྱད་པར་མ་བརྟགས་ཏེ། སྤང་བར་བྱ་བ་རྣམས་ནི་བླངས་ལ་བླང་བར་བྱ་བ་རྣམས་ནི་སྤངས་ཏེ། གསང་བའི་ཚིག་ལ་ལོག་པར་ལྟ་བར་གྱུར་པའི་དབང་གིས། ལས་མི་བཟད་པ་དྲག་པོ་ཉེ་བར་བསགས་པས། སྲིད་པ་ལས་བྱུང་བའི་ས་བོན་རབ་ཏུ་རྩུབ་མོས་འཕངས་ནས། རབ་ཏུ་རྣམ་པར་སྨིན་པའི་འབྲས་བུས་མནར་མེད་པའི་གནས་སུ་སྐྱེ་བར་གྱུར་ཏེ། ཡང་དེ་ཉིད་དུ་བདག་སྡུག་བསྔལ་གྱི་དངོས་པོ་འདི་ལས་ཐར་བར་གྱུར་ན་ཅི་མ་རུངས་སྙམ་པ་དང་། དེའི་འོག་ཏུ་རབ་ཏུ་ཚ་བ་དང་། ཚ་བ་ཆེན་པོ་ལ་སོགས་པ་རྣམས་ཀྱི་སྡུག་བསྔལ་རིམ་གྱིས་ཉམས་སུ་མྱོང་བར་གྱུར་ཏོ། །དེ་ནས་ཡང་བདག་ཚ་བའི་སྡུག་བསྔལ་འདི་ལས་ཐར་ནས་གྲང་བར་གྱུར་ན་ཅི་མ་རུངས་སྙམ་པ་དང་། པདྨ་ལྟར་གས་པ་ལ་སོགས་པ་གྲང་བའི་སྡུག་བསྔལ་དཔག་ཏུ་མེད་པ་མྱོང་བར་གྱུར་ཏོ། །དེ་ལྟར་སེམས་ཅན་དམྱལ་བ་ཆེན་པོ་ཇི་སྙེད་པ་རྣམས་ཀྱི་ནང་དུ། བསྐལ་པ་ཆེན་པོ་སྟོང་ཕྲག་བཅུ་གཉིས་ཀྱི་བར་དུ་སྡུག་བསྔལ་ཉམས་སུ་མྱངས་ཏེ། དེ་ལས་ཐར་བར་འདོད་པ་དང་། ཡི་དྭགས་ཆེན་པོ་རྣམས་དང་། བྱོལ་སོང་གི་ལུས་ཆེན་པོ་དག་ཏུ་སྐྱེས་ཏེ། བསྐལ་པ་སྟོང་ཕྲག་གཅིག་ ― DNG014_Page_0696 ―
[མ་དཔེ་གཟིགས་ན་འདིར་གནོན།]
གི་བར་དུ་སྡུག་བསྔལ་ཆེན་པོ་ཉམས་སུ་མྱོང་བར་གྱུར་ཏོ། །དེ་ནས་ཡང་ལས་ངན་གྱི་ཤུགས་མི་བཟད་པ་དེ་བག་ཙམ་བསྲབས་པར་གྱུར་ནས། སྔོན་གྱི་ཁྲོ་ཞིང་གཏུམ་པའི་བག་ཆགས་ཀྱི་རྒྱུ་མཐུན་པས་ཉིང་མཚམས་སྦྱར་ནས་འཇིག་རྟེན་གྱི་བདག་པོ་དབང་ཕྱུག་ཆེན་པོ་ཡབ་ཡུམ་གཉིས་ཀྱི་སྲིད་པ་བླངས་ཏེ་ཡུམ་གྱི་ལྷུམས་ན་ཡང་འཇིགས་པའི་སྒྲ་དྲག་པོ་འབྱིན་པ་ལ་འཐོན་པ་དང་། ཡི་དྭགས་ཀྱི་གཙོ་བོ་སྲིན་པོའི་ཆ་བྱད་འཛིན་པ་འཇིགས་པའི་གཟུགས་ཅན་རབ་ཏུ་ཁྲོ་ཞིང་གདུག་ལ་གཏུམ་པ། ཐལ་བའི་མདོག་ཅན་མིག་དམར་བ། རལ་པ་རབ་ཏུ་འབར་བ་གྱེན་དུ་བརྫེས་པ། ཁ་གདངས་པའི་མཆེ་བ་གཙིགས་ཤིང་དྲི་ངད་དང་ཁ་རླངས་དྲག་པོས་གཞན་བསྐྲད་པར་ནུས་པ། དུད་འགྲོའི་གཙོ་བོ་དང་། གཅན་གཟན་ཁྲོ་བོ་དང་། སྲིན་པོའི་རྒྱལ་པོ་པགས་པ་ལུས་ལ་བགོས་པ། མགོ་དང་སྐེད་པ་དང་། ཡན་ལག་གི་ཚིགས་རྣམས་ནི། དུག་སྦྲུལ་ནག་པོ་ཁ་ནས་མེ་འབར་བ་དང་། མགོ་བོའི་ཕྲེང་བ་འཇིགས་སུ་རུང་བས་དཀྲིས་པ། ལག་པ་དྲུག་གི་གཡས་ན་ནི། ཏྲི་ཤཱུལ་དང་། ཐོད་པ་དང་། ཅང་ཏེའུ་དང་། ཐོད་པའི་ཕྲེང་བ་དང་བཅས་པའི་དགྲ་སྟྭ་དང་། ཞགས་པ་དང་། རལ་གྲི་ཐོགས་པ། གཡོན་ན་ནི། ཁ་ཊྭཱྃ་ག་དང་། རྒྱུ་མའི་ཕྲེང་བ་དང་། མེ་འབར་བ་དང་། དབྱུག་པ་ཆེན་པོ་དང་། ལྕགས་ཀྱུ་དང་། གྲི་གུག་དག་བཟུང་བ། རྫུ་འཕྲུལ་གྱི་རྣམ་པར་འཕྲུལ་པ་ནི། ལུས་གཅིག་ལ་མགོ་བརྒྱ་སྟོང་པ། མགོ་གཅིག་ལ་ལུས་བརྒྱ་སྟོང་པ་དང་། ཡན་ལག་ཉིང་ལག་བ་སྤུའི་ཚོགས་རྣམས་ལས་མཚོན་ཆའི་ཚོགས་དུ་མ་འགྱེད་པར་བྱེད་དོ། །དེའི་ལས་དང་མཐུན་པའི་ཆུང་མ་སྲིན་མོ་ནག་མོ་འགྱེད་ཏི་མ་གི་རྟི་མ་ཡང་ཞེས་བྱ་བ་ཡང་རབ་ཏུ་འཇིགས་པའི་གཟུགས་ཅན་མདོག་ནག་ཅིང་རལ་པ་འཁྲིགས་པ་ཁ་མིག་ནས་མེ་རབ་ཏུ་འབར་བ། ཡན་ལག་གི་རྣམ་པར་འཕྲུལ་པ་ལས་ཀྱང་ལས་ཀྱི་སྲིན་མོ་ཆེན་མོ་ཟ་བྱེད་མ་ཞེས་བྱ་བ་དང་། བྲག་བྱེད་མ་དང་། ཆུ་བྱེད་མ་དང་། རླུང་བྱེད་མ་དང་། ཤམ་ཤམ་མོ་དང་། སྐམ་པ་མོ་དང་། དབྱངས་ཅན་མ་དང་། དྲི་སྣོམ་མ་དང་། ཆང་འཐུང་མ་དང་། ཕོར་ཐོགས་མ་དང་། ― DNG014_Page_0697 ―
[མ་དཔེ་གཟིགས་ན་འདིར་གནོན།]
ཐོད་ཕྲེང་མ་དང་། གཡང་གཞི་མ་དང་། དེ་དག་ལ་སོགས་པ་འབྱིན་པ། དེའི་བྲན་དང་། ཕོ་ཉའི་ཚོགས་དག་ཀྱང་། ཁྱི་དང་། ཝ་དང་། ཕག་དང་། སྟག་དང་། སེང་གེ་དང་། བྱ་རོག་དང་། འུག་པ་དང་། བྱ་རྒོད་དང་། ཁྲ་མ་དང་། པུ་ཤུད་དང་། བྱི་ལ་དང་། བྱི་བ་དང་། སྲེ་མོ་དང་། རྨིག་བུའི་མགོ་ཅན་གྱི་ཚོགས་ཀྱིས་རབ་ཏུ་བསྐོར་བ། གཞན་ཡང་ལོག་སྲེད་ཅན་གྱི་རིགས་ལས་བྱུང་བའི་སྲིན་པོ་དང་། གནོད་སྦྱིན་དང་། ཡི་དྭགས་དང་། ཤ་ཟ་དང་། འབྱུང་པོའི་ཚོགས་རྣམས་ཀྱང་བྲན་དུ་བྱས་ཏེ། དེ་དག་ཐམས་ཅད་ཀྱང་འཇིགས་ཚུལ་དྲག་པོ་དང་བཅས་ཏེ་མཚོན་ཆ་བཟུང་ཞིང་གདུག་པའི་ང་རོ་སྒྲོགས་པ། དབུགས་ཚ་བ་དང་རབ་ཏུ་གྲང་བའི་རླུང་དྲག་པོ་ཕྱོགས་བཅུར་འབྱིན་པ་ལས། རིམས་དང་དུག་དང་། དབྱིག་དུག་ལ་སོགས་པ་ནད་དང་མཚོན་གྱི་ཆར་འབབ་པས། གཙང་མའི་རིགས་ཀྱི་ལྷ་ལ་སོགས་པའི་སེམས་ཅན་རྣམས་ཀྱི་སེམས་དང་དབང་པོ་དང་། ཁམས་དང་སྐྱེ་མཆེད་དག་མ་རུངས་པར་བྱེད་ཅིང་ཕོ་ཉར་བཅས་ཏེ། གང་གསོད་པ་དང་གཅོད་པའི་ལས་ལ་འགོད་པར་བྱེད་པ་ཐམས་ཅད་ཕྱག་བརྙན་པར་བྱས་ཏེ་འདུག་གོ། །ལས་དེ་ལྟ་བུས་ཁམས་གསུམ་པའི་སེམས་ཅན་མ་ལུས་པ་རྣམས་ངན་འགྲོའི་ལས་ཀྱི་ལམ་མི་བཟོད་པ་ལ་ལོག་པར་གཞོལ་བ་དེའི་ཕྱིར། ངའི་སྐུ་དང་གསུང་དང་ཐུགས་ཀྱི་གསང་བའི་སྡེ་དེ་བཞིན་གཤེགས་པ་རྣམས་ཀྱི་ཕྲིན་ལས་ཡང་དག་པ་ལས་བསྟན་པ་ཡིན་ནོ། །གཞན་ཡང་རིགས་ཀྱི་བུ་དག །དེ་ལྟ་བུའི་སྐྱེས་བུ་དེ་ནི་གཅིག་ཏུ་མ་ཟད་དེ། བདག་ཏུ་བལྟ་བའི་ཡིད་ཀྱི་ཕྱི་རོལ་གྱི་ཡུལ་དག་ལ་དངོས་པོ་དང་མཚན་མར་བརྟགས་ནས་བདག་གིར་གྱུར་པ་ནི་སྣོད་བཅུད་ཀྱི་དངོས་པོ་ཐམས་ཅད་ལ་ཁྱབ་པར་གནས་སོ། །ཡང་ནང་དུ་བདག་མེད་པ་ལ་མཚན་མའི་མཚན་མར་བརྟགས་ནས། ང་དང་བདག་ཏུ་བཟུང་བ་ལས་གྱུར་པ་ནི། དྲན་པའི་ཚོགས་ལ་གནས་པར་བྱེད། ལས་དང་ལས་ཀྱི་འབྲས་བུ་མཐའ་དག་ཡོངས་སུ་ཆད་ཅིང་མེད་པར་བཟུང་བ་ལས་གྱུར་པ་ནི། སེམས་ཅན་གྱི་ཁམས་མ་ལུས་པའི་ངག་གི་ཡུལ་དང་ནམ་མཁའི་ཁམས་དབང་བྱེད་པ་སྟེ། དེའི་ཕྱིར་ངའི་གྲོགས་པོ་ཕྱོགས་བཅུའི་དེ་བཞིན་གཤེགས་པ་ཐམས་ ― DNG014_Page_0698 ―
[མ་དཔེ་གཟིགས་ན་འདིར་གནོན།]
ཅད་ཀྱི་ཐུགས་རྩེ་གཅིག་པའི་སྙིང་རྗེ་ཆེན་པོ་དང་། ཡོན་ཏན་གྱི་ཚོགས་དང་ཕྲིན་ལས་ཀྱི་མཛད་པ་ཆེན་པོས་ང་ལ་ཡོངས་སུ་བསྐུལ་ཏེ། སྤྱན་རྣམ་པར་དག་པས་གཟིགས་ཤིང་སེ་གོལ་གྱིས་སྒྲས་མངོན་པར་མཛད་དེ། ཕྱོགས་བཅུའི་དེ་བཞིན་གཤེགས་པ་རྣམས་ཉིད་ཀྱང་ཆོས་ཀྱི་སྐུ་ཞི་བ་ཆེན་པོའི་ངང་ལས་གཟུགས་ཀྱི་སྐུ་རོལ་པ་ཆེན་པོའི་སྣང་བར་བཞེངས་ནས། འོད་ཟེར་ཆེན་པོ་རྡོ་རྗེ་ཀྱོ་བའི་རྣམ་པས་དྲངས་པས། དེ་ཉིད་ཏིལ་གྱི་གང་བུ་བཞིན་དུ་གྱུར་པ་དེ་བྱང་ཆུབ་ཀྱི་སེམས་རྡོ་རྗེའི་ངོ་བོར་ཞུ་ནས་གསང་བའི་ལམ་ནས་བྱུང་བ་སོ་སོར་སྣང་ཞིང་མ་འདྲེས་པ་ཉིད་ཀྱི་ཐུགས་ཡི་གེའི་ངོ་བོར་གནས་པ། དབུགས་དྲི་ཞིམ་ཞིང་རིང་བར་གྱུར་པར་བྱེད་པ་རྡོ་རྗེའི་སྣའི་རྩེ་མོ་ལ་དྲིལ་ཞིང་ཐ་མི་དད་ཅིང་དབྱེ་བ་མེད་པ་གསང་བའི་པདྨའི་གེ་སར་གྱི་རྩེ་མོ་ལ་ཡང་རེག་ཅིང་འཕྲོ་བར་མཛད་ནས། ཡུམ་པདྨའི་དབྱིངས་སུ་བབ་པ་རྒྱ་མཚོ་ལྟར་བསྐྱིལ་བ་ལ་བྱིན་གྱིས་རླབས་ཀྱིས། ངའི་ཕྱག་རྒྱའི་ངོ་བོར་གྱུར་ནས། ཁྲོ་མོ་རྡོ་རྗེ་དབང་ཕྱུག་མ་ཡང་འོད་ཀྱི་ཚུལ་དུ་སྣང་བར་གྱུར་པར་མངོན་པར་འདུ་མཛད་ནས། ཞེ་སྡང་རྣམ་པར་དག་པའི་སྐུ་ཉོན་མོངས་པའི་བུད་ཤིང་ཐམས་ཅད་བསྲེགས་པའི་འོད་དང་ལྡན་པའི་བསྐལ་པའི་མེ་ཆེན་པོ་དང་ལྡན་པ། ཁྲག་གི་རྒྱ་མཚོ་ཆེན་པོའི་དཀྱིལ་འཁོར་ནས་བྱུང་བའི་ཀེང་རུས་ཀྱི་རི་རབ་ཆེན་པོའི་རྩེ་ལ། དུར་ཁྲོད་ཆེན་པོའི་རང་བཞིན་ཅན་གྱི་གནས་ཆེན་པོ་བརྒྱད་དུ་སྤྲུལ་ཞིང་སྣང་བར་བྱས་ཏེ། སྐྱེས་བུ་བདག་ཏུ་ལྟ་བ་དེའི་ལས་ཀྱི་རྣམ་པར་སྨིན་པ་སྦྱང་བའི་ཕྱིར། ཐུགས་རྗེའི་ཤུགས་དྲག་པོ་མངོན་དུ་ཕྱུང་ནས། དེ་བས་ཀྱང་ཆེས་ལྷག་པའི་རོལ་པའི་ཆོ་འཕྲུལ་བསྟན་ཅིང་དེ་གདུལ་བའི་ཕྱིར་སྣང་བ་ཡིན་གྱིས། ཁྱེད་རྣམས་ངའི་སྐུ་དང་གསུང་དང་ཐུགས་ཀྱི་གསང་བའི་མཛོད་འདི་ལ་ཐེ་ཚོམ་དང་སོམ་ཉི་ཟ་བར་མ་བྱེད་ཅིག་ཅེས་བཀའ་སྩལ་ཏོ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཡོངས་སུ་མཛད་པ་གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་འཁོར་རབ་ཏུ་འདུས་པ་དེ་རྣམས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས། མ་འོངས་པ་ཕྱི་མའི་ཚེ་ཕྱི་མའི་དུས་ན་ཕྱོགས་ ― DNG014_Page_0699 ―
[མ་དཔེ་གཟིགས་ན་འདིར་གནོན།]
བཅུའི་དེ་བཞིན་གཤེགས་པ་ཁྱོད་ཉིད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེའི་ཚོགས་འདི་དག་ཆོས་ཀྱི་དབྱིངས་རྣམ་པར་དག་པའི་ཀློང་དུ་མ་གྱུར་ཅིང་། ཁམས་གསུམ་པའི་ས་ལ་སྣང་བར་གྱུར་ནས། ཚུལ་འདི་ལྟ་བུ་དང་མཐུན་པའི་ལོག་སྲེད་ཅན་དག་ལས་རྣམ་པར་མ་དག་པ་འབྱུང་སྟེ། བླ་ན་མེད་པའི་ས་ཐོབ་པར་འདོད་པ་དག་ལ་ཡང་རབ་ཏུ་རྣམ་པར་འཚེ་བར་འགྱུར་ན། ཁྱོད་ཀྱི་སྔོན་གྱི་ཕྲིན་ལས་ཇི་ལྟ་བ་དེ་བཞིན་དུ་བགྱི་བར་འཚལ་ན། བདག་ཅག་ལ་བརྩེ་བ་ཆེན་པོས་དགོངས་ཏེ། ཡང་དག་པར་བསྟན་དུ་གསོལ་ཞེས་ཞུས་པ་དང་། དེ་ནས་དུས་གསུམ་གྱི་སངས་རྒྱས་ཐམས་ཅད་ཆོས་ཀྱི་སྐུའི་ངང་ལས་གཟུགས་ཀྱི་སྐུ་འཇིགས་བྱེད་འབར་བ་ཐམས་ཅད་ཀྱི་ནང་ན་ཆེ་བའི་མཆོག་ཏུ་གྱུར་པ་ཧེ་རུ་ཀ་ཆེན་པོའི་ངོ་བོར་བཞེངས་ཏེ། གསུང་གཅིག་གི་དབྱངས་ཀྱིས་ནམ་མཁའི་ཁམས་ཐམས་ཅད་ཁྱབ་པར་མཛད་སྟེ་འདི་སྐད་ཅེས་བཀའ་སྩལ་ཏོ། །ཀྱེ་མ་འདུས་པའི་ཚོགས་ཆེན་དག །འདས་པའི་དུས་ན་སྔོན་བྱུང་བ། །མ་འོངས་དུས་ན་འབྱུང་བ་ཡང་། །དེ་བཞིན་གཤེགས་པའི་གསུང་རབ་ལས། །བདག་ཉིད་ཆེན་པོ་རྟག་པ་ཡི། །ཁྲོ་བོའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ཀུན། །ཤིན་ཏུ་ཁྲོ་དྲག་གཏུམ་པོ་ཡིས། །འོ་དོད་འབོད་ཅིང་ལྟུང་བར་གྱུར། །མི་བཟད་ཆེན་པོས་སྡུག་བསྔལ་ཏེ། །དུག་གསུམ་མཁའ་ལ་མངོན་ཞེན་པའི། །ཇི་ལྟར་མཛད་པའི་ཐབས་ཀྱིས་གདུལ། །སྲིད་གསུམ་བདག་པོ་གདུལ་བའི་ཕྱིར། །ང་རྒྱལ་ཆེན་པོའི་སྐུར་བསྟན་ཏེ། །དེ་བཞིན་ཉིད་ཀྱི་དབྱིངས་ཉིད་ནས། །ཁྲོ་མོ་དབང་ཕྱུག་མངོན་ཕྱུང་སྟེ། །གཉིས་སུ་མེད་པའི་ཆོ་འཕྲུལ་ལས། །ཁྲོ་བོ་འཆོལ་བའི་དམག་བསྡུས་ནས། །སྔོན་གྱི་ཕྲིན་ལས་ཇི་ལྟ་བ། །སངས་རྒྱས་མཛད་པ་རྫོགས་པར་སྤྱད། །ཨཱོཾ་བཛྲ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། ཤིན་ཏུ་ཁྲོ་ཞིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ལས། །ཁྲོ་བོ་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་འཆང་ཁྲོས་པས་ཀྱང་། །འཇིག་རྟེན་གསུམ་རྣམས་སྲེག་བྱེད་ན། །སངས་རྒྱས་ཐུགས་རྗེས་ཁྲོས་པ་ཡིས། །ཁམས་གསུམ་མ་ལུས་སྨོས་ཅི་དགོས། །ཐུགས་རྗེ་ཆེ་དང་ལྡན་པ་ཡི། །ཀུན་ཏུ་བཟང་པོ་དེ་བཞིན་ ― DNG014_Page_0700 ―
[མ་དཔེ་གཟིགས་ན་འདིར་གནོན།]
གཤེགས། །དམ་ཚིག་ལ་སྡང་རྣམ་སྦྱང་ཕྱིར། །དུར་ཁྲོད་གར་གྱི་ཕྱག་རྒྱར་གསལ། །ཨོཾ་མ་ཧཱ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་ས་མ་ཡ་དེ་བྱི་ཤོ་དྷ་ཡ་སྟ་ན་ཧཱུཾ་ཕཊ། ཧཱུཾ་ཀུན་ཏུ་བཟང་པོ་རྡོ་རྗེ་སེམས། །སངས་རྒྱས་ཐམས་ཅད་བསྡུས་བྱས་ནས། །ཁམས་གསུམ་འཁྲུགས་པའི་བདུད་ཆེན་པོ། །ཞི་བར་བསྟན་པས་འདུལ་མ་ཡིན། །ཁྲོ་བོའི་ཚོགས་ཀྱིས་གདུལ་བར་བྱ། །ཁ་ཏྲང་ཁ་རུ་ཏྲ་ཨཱ་ཀཪྵ་ཡ་མ་ཏ་ཁ་རུ་ལུ་རུ་ལུ་མཱ་ར་ཡ་ཧཱུཾ་ཕཊ། དེ་ཡིས་དྲེགས་པའི་བདག་པོ་དེ། །ཕུང་པོ་ཉམ་ཐག་གན་རྐྱལ་མནན། །མགོ་བོ་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བརྐྱངས། །སྟོང་གསུམ་འཇིག་རྟེན་ཐམས་ཅད་ཀྱི། །འཛམ་བུའི་གླིང་གི་ས་ཡི་ཆར། །དུར་ཁྲོད་ཆེན་པོ་བརྒྱད་དུ་བྱས། །དེ་ཡི་འཁོར་བྱུང་ལྷ་བརྒྱད་བསྒྲལ། །རང་བྱུང་མཆོད་རྟེན་ཆེན་པོ་བརྒྱད། །སྲིན་མོ་ཤམ་ཤམ་མོ་ལ་སོགས། །གནས་ལས་གྲུབ་པའི་མ་མོ་བརྒྱད། །ཡོན་ཏན་བརྒྱད་ལྡན་མཁའ་འགྲོས་བསྲུང་། །ཕོ་ཉ་སེང་གེ་སྟག་ལ་སོགས། །རང་གི་ལུས་དང་མཐུན་པས་བཏུལ། །ཟ་བ་མོ་ལ་སོགས་པ་ཡི། །སྲིན་མོ་ཉི་ཤུ་བརྒྱད་རྣམས་ཀྱང་། །བཏུལ་ཏེ་བཀའ་ཡི་བསྲུང་མར་བཞག །དེ་ཡི་རྣམ་ཤེས་ཧཱུཾ་དུ་བསྒྱུར། །བྱིན་བརླབས་སྤྲུལ་པའི་སྦྱོར་མཚམས་སུ། །འཕངས་ཏེ་རྒྱལ་བའི་སྲས་སུ་བྱས། །ཐལ་བས་བརྒྱན་པའི་ཞིང་ཁམས་སུ། །ཐལ་བའི་དབང་པོ་ཞེས་བྱ་བའི། །སངས་རྒྱས་ཉིད་དུ་ལུང་བསྟན་གྱིས། །ལས་ཀྱི་ལྷག་མ་ཙམ་ཉིད་ལས། །རང་དང་ཆོས་མཐུན་ཚར་གཅོད་ཅིང་། །སྒྲོལ་བྱེད་ནག་པོ་ཆེན་པོ་ཡིན། །དེ་ཡི་འཁོར་གྱི་ཐོག་མར་བྱུང་། །ཕྱོགས་ཀྱི་དྲེགས་པའི་བདག་པོ་བཅུ། །བསྒྲལ་ཅིང་ཚར་བཅད་འདུལ་བྱེད་པའི། །ཁྲོ་བཅུའི་ཞབས་ཀྱི་གདན་ཡིན་ནོ། །གནོད་སྲིན་མོ་ནི་མིག་གཅིག་མ། །གློག་འགྱུ་མ་དང་རླུང་ཤུགས་ཅན། །ཀླུ་འདུལ་མ་རྣམས་ཁྱོ་དང་བཅས། །བསྒྲལ་ཅིང་ཚར་བཅད་འདུལ་བྱེད་པ། །མཐར་བྱེད་ཆེན་པོ་བརྒྱད་རྣམས་སྤྲུལ། །དེ་ཡི་གནས་དང་ཕོ་བྲང་ཡང་། །གཞལ་ཡས་ཁང་དུ་བྱིན་གྱིས་བརླབས། །དེ་ཡི་ཕུང་པོ་ཤ་ཁྲག་ནི། །བདུད་རྩིར་བྱིན་གྱིས་བརླབས་ཏེ་ ― DNG014_Page_0701 ―
[མ་དཔེ་གཟིགས་ན་འདིར་གནོན།]
རོལ། །མདོར་ན་འདོད་ཁམས་དབང་ཕྱུག་གིས། །དྲེགས་པ་ཁྱོ་ཤུག་གཡོག་འཁོར་བཅས། །མ་ལུས་བསྒྲལ་ཞིང་ཚར་བཅད་དེ། །ཁ་ཅིག་འཁོར་དང་ཕོ་ཉར་མངག །ལ་ལ་གནས་དང་གདན་དུ་བྱས། །མ་འོངས་དུས་ན་སྐྱེས་བུ་དག །དུས་གསུམ་སངས་རྒྱས་ཀུན་ངོ་བོ། །སྐུ་གསུམ་ཕྲིན་ལས་ཆེ་བའི་མཆོག །ཀུན་ཏུ་བཟང་པོ་ཀུན་གྱི་བདག །ཧེ་རུ་ཀ་ཡི་ཚུལ་འཆང་བ། །བརྟུལ་ཞུགས་བཟང་པོ་དེ་ལ་ནི། །མ་རིག་ལོག་པར་བལྟ་བའི་ཚོགས། །བདུད་བཞིའི་ཕྱོགས་སུ་གཏོགས་རྣམས་ཀྱིས། །འཚེ་ཞིང་བར་དུ་གཅོད་པ་འམ། །གདུག་ཅིང་འདའ་བར་ནུས་མ་ཡིན། །དེ་ལ་འདི་ཡི་གཞི་ཉིད་ཀྱང་། །ངོ་བོ་སེམས་རྒྱུན་མ་ཆད་ཅིང་། །ཚིག་ལས་འདའ་བར་མི་བྱ་སྟེ། །བདེ་བར་གཤེགས་པ་དམ་པའི་ཚིག །རྩ་བ་ཉིད་དུ་གྱུར་པ་སྟེ། །སྙིགས་མའི་དུས་ཀྱི་སྟོན་པ་དང་། །ད་ལྟ་སངས་རྒྱས་འདི་དག་ལ། །ཐ་དད་དུ་ནི་ཅུང་མི་བརྟག །རྡོ་རྗེ་གསང་བའི་གྲོགས་དག་ཀྱང་། །དེ་དང་རྗེས་སུ་མཐུན་པར་བལྟ། །སྒོ་གསུམ་གུས་པས་བརྩོན་བྱ་ཞིང་། །དམ་པའི་ཚིག་ལས་འདའ་མི་བྱ། །དེ་བཞིན་ཧེ་རུ་ཀ་ཡི་ཚོགས། །མིང་ལས་བྱུང་བའི་རྒྱུ་དང་རྐྱེན། །སྤྲོ་བསྡུ་ལས་ལ་སྦྱར་བ་དང་། །དུས་བཞི་ཕྱག་རྒྱ་དེ་ཉིད་ནི། །སྔགས་དང་རྣལ་འབྱོར་ལྡན་པ་ཡིས། །རྒྱུན་མི་ཆད་པར་བསྙེན་ཅིང་མཆོད། །ང་ཡི་ཐུགས་ལ་མཉེས་བསམ་པ། །རྫས་དང་ཡོ་བྱད་གནས་དང་དུས། །ཕྱག་རྒྱ་ཆོ་ག་དཀྱིལ་འཁོར་དག །གསང་བར་འོས་པ་གསང་བའི་བར། །འདི་དག་ཀུན་ལ་གཉེར་དུ་གཏད། །དུག་ལྔ་སྐུ་ལྔ་ཡེ་ཤེས་ལྔ། །ནམ་ཡང་སྤང་བར་མི་བྱ་ཞིང་། །གཤང་གཅི་ཁུ་བ་ཤ་དང་ཁྲག །ལོངས་སྤྱོད་ཆེན་པོ་རྟག་ཏུ་རོལ། །བསད་ཅིང་རྐུ་སྟེ་མི་རིག་སྤྱད། །བརྫུན་ཞིང་རྩུབ་ལ་བརླང་བའི་ཚིག །དེར་ནི་རྟག་ཏུ་སྨྲ་བར་བྱོས། །ཕུང་པོ་དང་ནི་འབྱུང་བ་ཀུན། །ང་ཡི་རིགས་ཀྱི་ཡབ་ཡུམ་སྟེ། །ཡུལ་དང་རྣམ་ཤེས་དེ་ཡི་འཁོར། །འཁོར་དང་སྐྱེ་མཆེད་གཞན་རྣམས་ཀྱང་། །དེ་ལས་བྱུང་བར་ཤེས་པ་ཡིས། །རིགས་ཀྱི་སྐུ་ལྔ་རབ་ཏུ་བསྒྲུབ། །མཐོང་དང་རིག་དང་ཤེས་དང་སྤྱད། །འདི་ལས་འདའ་བར་མ་གྱུར་ན། །ལོག་པར་བལྟ་བ་འདུལ་ནུས་ཤིང་། །སངས་རྒྱས་རྣམས་དང་ ― DNG014_Page_0702 ―
[མ་དཔེ་གཟིགས་ན་འདིར་གནོན།]
ང་ཉིད་འགྲུབ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། ཕྱི་མ་མངོན་པར་འབྱུང་བ་དམ་ཚིག་གི་ཕྱག་རྒྱའི་ལེའུ་སྟེ་གཉིས་པའོ།། །།དེ་ནས་ཀུན་བཟང་ཧེ་རུ་ཀས། །ཉིད་ཀྱི་དཀྱིལ་འཁོར་མངོན་སྤྲུལ་པ། །ཆོས་ཀུན་གུད་ན་ཡང་མེད་དེ། །ནམ་མཁའ་ཡངས་པའི་དབྱིངས་ཉིད་ལས། །མི་རྟོག་རང་བྱུང་ཐུགས་རྗེའི་ཤུགས། །རང་བཞིན་མ་འགགས་ཅིར་ཡང་གསལ། །རྣམ་པར་ཤེས་པའི་གཞི་ཉིད་ཀྱང་། །བསྐྱེད་པའི་ནུས་པ་རྒྱུ་དང་ལྡན། །དངོས་པོར་སྣང་བ་འཇིག་རྟེན་བསྲེགས། །བག་ཆགས་སྡུག་བསྔལ་མ་ལུས་གཏོར། །འདོད་ཆགས་འཁོར་བའི་རྒྱུན་ལམ་བཀྲུས། །གཏི་མུག་མི་ཟད་གཏེར་དུ་གཏམས། །ཞེ་སྡང་ཀེང་རུས་འབར་བ་བརྩེགས། །དུག་གསུམ་ཐོད་པ་སྣ་ཚོགས་དང་། །ལྷ་ཀླུ་གཟའ་དང་རྒྱུ་སྐར་བཅས། །ཆུ་སྲིན་སྦྲུལ་དང་རུས་སྦལ་དང་། །དྲེགས་པ་རཱུ་ཏྲ་བསྒྲལ་བ་ཡི། །ཤ་ཁྲག་རུས་པ་པགས་པ་དང་། །དོན་སྙིང་སྣོད་བཅས་རྣམས་ཀྱིས་བརྒྱན། །གཞལ་ཡས་ཁང་པ་དུར་ཁྲོད་བཅས། །གང་གིས་འདུལ་བ་དེ་ལྟར་བལྟ། །དངོས་པོ་མ་ལུས་ཆོས་དབྱིངས་ལས། །རྡུལ་ཙམ་གཡོ་བ་མེད་པ་སྟེ། །ང་ནི་ཆོས་དབྱིངས་ཧེ་རུ་ཀ །ངེས་པའི་དོན་དེ་ང་ཡི་གནས། །ང་ལ་ཡུལ་དང་ཕྱོགས་མ་གྲུབ། །ཕྱོགས་བཅུ་ཀུན་ཏུ་ཁྱབ་པ་སྟེ། །འདི་ནི་ང་ཡི་བཞུགས་པའི་གནས། །བསྒྲལ་བའི་ཞིང་བཅུ་མངོན་སྤྱོད་ཀྱིས། །བསྒྲལ་ཏེ་ཐུགས་རྗེས་མི་རྟོག་འཛིན། །མ་འོངས་རྣལ་འབྱོར་པ་ལ་བསྟན། །འདི་ནི་ང་ཡི་ལུང་གི་གནས། །ཕྱོགས་བཅུ་དྲེགས་པའི་བདག་པོ་བཅུ། །ཁྲོ་ཆེན་བཅུ་ཡི་གདན་དུ་གསལ། །ང་ཡི་བསྒྲུབ་པའི་གནས་ཞེས་བྱ། །འབྱུང་བ་དང་ནི་ཕུང་པོ་རྣམས། །ང་ཉིད་གཞི་ཡི་གནས་ཡིན་ནོ། །དམན་པའི་ཐེག་པ་དྲང་བའི་ཕྱིར། །འདུ་ཤེས་བཅུ་ནི་བསམ་པའི་གནས། །ལམ་ལྔ་དང་ནི་རྣལ་འབྱོར་ལྔ། །འགྲོ་བའི་གནས་སུ་ང་ཡིས་བཤད། །རིག་དབང་སྟོབས་ལྔ་བརྟེན་པའི་གནས། །དུག་ལྔ་རྒྱུད་ལྔ་སྦྱངས་པའི་གནས། །བདུད་རྩི་ཤ་རྣམས་བསྟེན་པའི་གནས། །འདི་ ― DNG014_Page_0703 ―
[མ་དཔེ་གཟིགས་ན་འདིར་གནོན།]
ལས་མ་གཏོགས་དངོས་གཞན་མེད། །རིགས་ལྔ་སྐུ་ལྔ་ཡེ་ཤེས་ལྔ། །ཐོབ་བྱེད་ས་བཅུ་འདི་ལ་གནས། །ཐམས་ཅད་རྫོགས་པས་གནས་ཤེས་བརྗོད། །ཁྱད་པར་དུ་ནི་འདུལ་བའི་ས། །འཕགས་ལམ་དང་ནི་རྣམ་ཐར་བརྒྱད། །དམན་པའི་ཐེག་པ་བརྒྱད་ཉིད་དང་། །ས་བརྒྱད་མ་བཅོས་རྫོགས་པ་ནི། །ཀ་བ་རིན་ཆེན་པདྨ་དང་། །འཁོར་ལོ་དག་གིས་ངེས་པར་བྱས། །བྱོལ་སོང་གཙོ་བོ་ཆེན་པོ་དང་། །དྲེགས་པའི་བདག་པོ་ལྷ་ཆེན་བརྒྱད། །ཐབས་དང་ཤེས་རབ་འོད་ཀྱི་དཀྱིལ། །འདམ་སྐྱེས་མཛེས་པ་བསམ་མི་ཁྱབ། །ས་བོན་ཕྲ་མོ་ཏིང་ངེ་འཛིན། །འཕྲོ་འདུ་ལས་ཀྱིས་མཉེས་ཤིང་སངས། །བསྡུས་ཤིང་བསྟན་པ་འདི་ཉིད་དེ། །མཐིང་ནག་ཞལ་གསུམ་ཕྱག་དྲུག་ལྡན། །ཆོས་ཀྱི་སྐུ་ལ་འགྱུར་མེད་ཅིང་། །སྐུ་གསུམ་ཕ་རོལ་ཕྱིན་དྲུག་རྫོགས། །ཉོན་མོངས་སྐྱོན་བྲལ་གཡས་ཞལ་དཀར། །ཐུགས་རྗེ་ཆགས་པས་གཡོན་ཞལ་དམར། །ཡེ་ཤེས་ལྔ་རྫོགས་སངས་རྒྱས་ལྔ། །རྡོ་རྗེ་རྩེ་དགུ་རྩེ་ལྔ་དང་། །རྩེ་གསུམ་གཡས་ཀྱི་ཕྱག་གིས་འཛིན། །ཐོད་པ་ཚར་གསུམ་གཡོན་ན་བསྣམས། །ཐེག་པ་རིམ་དགུ་ངང་གིས་རྫོགས། །ཉོན་མོངས་ལྔ་འཇོམས་ཡེ་ཤེས་ལྔ། །ཁམས་གསུམ་སྦྱོར་ཞིང་དུག་གསུམ་གཅོད། །བདུད་བཞི་འཇོམས་མཛད་ཞབས་བཞིར་བགྲད། །གནམ་ཞལ་དབྱིངས་ཕྱུག་ཁྲོ་མོ་ནི། །ཆོས་ཉིད་རོལ་པའི་དགེས་པ་སྟོབ། །གཉིས་མེད་སྣང་བ་འོད་ཀྱི་ཚུལ། །དྲིལ་བུ་ཐོད་ཁྲག་འཛིན་ཅིང་སྟོབ། །ཨཱོཾ་བཛྲ་མ་ཧཱ་ཤྲཱི་ཧེ་རུ་ཀ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུཾ་ཕཊ། འབར་ཞིང་གསལ་ལ་རྫོགས་པར་བལྟ། །གལ་ཏེ་གདུལ་བར་མ་ནུས་ན། །ཧཱུཾ་སྤྲོ་ཞིང་བསྡུ་བ་བསྟན་པ་ལས། །དབུ་དགུ་ཕྱག་ནི་བཅོ་བརྒྱད་དེ། །ཐེག་པའི་འདོད་པ་ཡོངས་རྫོགས་ཤིང་། །ཁམས་ཆེན་བཅོ་བརྒྱད་རྩད་བཅད་ནས། །སྟོང་པ་བཅོ་བརྒྱད་ངང་དུ་སྦྱོར། །རྣམ་ཐར་བརྒྱད་ཀྱི་ཞབས་བགྲད་ཅིང་། །ཕྱག་དགུ་གཡས་ཀྱི་དང་པོ་ཡི། །ཆོས་ཉིད་མི་འགྱུར་རྡོ་རྗེ་འཛིན། །དུག་གསུམ་རྩད་གཅོད་ཁ་ཊྭཱཾ་ག །ཆོས་ཀྱི་སྒྲ་སྒྲོགས་རྔ་བོ་ཆེ། །འཁོར་ལོས་འཁོར་བ་རྩད་ནས་གཅོད། །དགོས་འདོད་འབྱུང་བའི་རིན་པོ་ཆེ། །པདྨ་ ― DNG014_Page_0704 ―
[མ་དཔེ་གཟིགས་ན་འདིར་གནོན།]
ཆགས་མེད་སྐྱོན་དང་བྲལ། །རལ་གྲིས་ཉོན་མོངས་དྲྭ་བ་གཅོད། །དགྲ་སྟྭས་བདུད་ཀྱི་དཔུང་རྣམས་འཇོམས། །ཞགས་པས་ཁམས་གསུམ་རྒྱུད་དྲུག་འདྲེན། །གཡོན་གྱི་དང་པོ་ཐོད་ཁྲག་ནི། །ཐུགས་རྗེས་འགྲོ་དོན་ཁྱབ་པར་མཛད། །ཞིང་དབྱུག་རྡོས་པའི་ཕུང་པོ་འཇོམས། །ཉོན་མོངས་ཐ་བ་རློག་པའི་གཤོལ། །ཉི་མ་དང་ནི་ཟླ་བ་ཡིས། །མ་རིག་མུན་པའི་ཚོགས་རྣམས་སེལ། །རི་རབ་དྲེགས་པ་རཱུ་ཏྲ་གནོན། །ཁྲག་གི་རྒྱ་མཚོས་གནས་ངན་འཁྲུ། །མེ་དཔུང་ལས་དང་བག་ཆགས་སྲེག །དངོས་འཛིན་དྲི་མ་གཏོར་བའི་རླུང་། །བཅོ་བརྒྱད་ཕྱག་གི་འགྲོ་དོན་རྫོགས། །ཆེ་མཆོག་དཔའ་བའི་ཆས་བརྒྱད་ནི། །གླང་ཆེན་ཀོ་རློན་སྟོབས་བཅུ་ལྡན། །སྟག་ལྤགས་ཕྲིན་ལས་རྣམ་བཞི་མཛད། །སྦྲུལ་རྒྱན་གདུག་པའི་དུག་རྣམས་འདུལ། །ཞིང་ལྤགས་ཉོན་མོངས་རྩ་བ་གཅོད། །རཀྟའི་ཐིག་ལེ་འགྲོ་དོན་ཆགས། །ཐལ་ཆེན་མཚན་མས་ཕྲིན་ལས་བརྩོན། །ཞག་གི་ཟོ་རིས་ཉོན་མོངས་རྔུབ། །བསྐལ་པའི་མེ་དཔུང་རྟོག་ཚོགས་བསྲེག །འབར་བའི་སྤྱན་ནི་དགུ་ཕྲག་གསུམ། །གཟིགས་པས་མ་ལུས་བདེ་ལ་འགོད། །ལྷ་མོ་དབང་ཕྱུག་ཁྲོ་མོའི་རྒྱལ། །ཞལ་གསུམ་ཕྱག་དྲུག་རྫོགས་པ་ལ། །སྔར་བཤད་ཡབ་ཀྱི་ཕྱག་མཚན་འཛིན། །ཀུན་ནས་རབ་ཏུ་བསྐྱོད་པའི་ཚུལ། །སྔོན་གྱི་ཕྲིན་ལས་ཇི་བཞིན་དུ། །གནས་གསུམ་ཡུལ་དུ་གསལ་བར་བྱ། །དེ་ཡི་འདུལ་བའི་ལས་རྣམས་བྱེད། །གལ་ཏེ་འདུལ་བར་མ་ནུས་ན། །ཧཱུཾ་བྷྱོ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཨཱོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙན་དྷ་སརྦ་དུཥྚཱཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། བཛྲ་མ་ཧཱ་ཀྲོ་ཏཱི་ཤྭ་རཱི་ད་ར་མ་བྷྱོ་ཧཱུཾ། ང་ནི་ཀུན་བཟང་ཧེ་རུ་ཀ །ཆེ་བའི་ཆེ་མཆོག་དཔལ་གྱི་སྐུ། །དབུ་ནི་ཉི་ཤུ་རྩ་གཅིག་ལྡན། །ས་དང་ཡེ་ཤེས་མ་ལུས་རྫོགས། །བཞི་བཅུ་རྩ་གཉིས་ཕྱག་ན་ནི། །ཇི་ལྟར་བཤད་པའི་སངས་རྒྱས་ནི། །བཞི་བཅུ་རྩ་གཉིས་རྫོགས་པར་བཞུགས། །ཞབས་བརྒྱད་བགྲད་པས་ལྷ་ཆེན་བརྒྱད། །བྱོལ་སོང་བརྒྱད་དང་བཅས་པ་གནོན། །ཏིང་འཛིན་བརྒྱད་དང་ཆོས་ཉིད་སྦྱོར། །རལ་པ་ཁམ་ནག་སྲིད་རྩེར་འབར། ། ― DNG014_Page_0705 ―
[མ་དཔེ་གཟིགས་ན་འདིར་གནོན།]
སྨིན་མཚམས་སྣ་ཕྲག་གློག་སྟོང་འགྱུ། །འབར་བའི་སྤྱན་ནི་དྲུག་ཅུ་གསུམ། །སྡང་མིག་ཞེ་ལ་གདོན་ཅིང་གཟིགས། །ཤངས་ནས་འཐོར་རླུང་སྤོར་ཞིང་འཚུབ། །སྙན་ནས་དྲག་པོའི་འབྲུག་སྟོང་སྒྲོག །རྔམས་པའི་ཞལ་གྱིས་ཁམས་གསུམ་རྔུབ། །གནམ་ལྕགས་མཆེ་བ་ཟངས་ཡག་གཙིགས། །ལེ་བརྒན་ལྗགས་འགྲིལ་གློག་སྟོང་འགྱུ། །བ་སྤུ་ཐུ་ལུམ་མེ་སྟག་འཕྲོ། །རྡོ་རྗེའི་གཤོག་པ་ནམ་མཁར་ཁྱབ། །དཔའ་ཞིང་སྒེག་ལ་འཇིགས་སུ་རུང་། །རྒོད་ཅིང་གཤེ་ལ་འཇིགས་པར་སྟོན། །སྙིང་རྗེ་རྔམ་དང་ཞི་བའི་ཚུལ། །འབར་བའི་འོད་ཀྱིས་ཕྱོགས་བཅུར་ཁྱབ། །ཁྲོ་མོ་འདོད་ཆགས་ཡེ་ཤེས་ཆེ། །ཧེ་ཧེ་དགེས་པའི་གཟི་མདངས་ཅན། །རིན་ཆེན་པདྨ་རབ་རྒྱས་ལ། །མཉེས་པའི་སྦྱོར་བའི་རོལ་པ་སྟོབ། །དབུ་དགུ་ས་དགུའི་རྟོགས་པ་འཇོམས། །སྟོང་པ་བཅོ་བརྒྱད་ཕྱག་དང་ལྡན། །གཡས་ཀྱི་དང་པོ་རྡོ་རྗེ་ཡིས། །ཆོས་སྐུ་འགྱུར་མེད་ཚུལ་གྱིས་བཞུགས། །གཡོན་གྱི་དང་པོ་ཐོད་ཁྲག་གསོལ། །དུག་གསུམ་མ་ལུས་སྟོང་པར་གསོལ། །གཡས་ཀྱི་ཕྱག་བརྒྱད་འོག་མ་ན། །གཽ་རཱི་མ་མོ་བརྒྱད་འཕྱར་ཞིང་། །གཡོན་གྱི་འོག་མ་ཕྲ་མེན་བརྒྱད། །ཞབས་བཞི་རིགས་བཞི་དབྱིངས་སུ་གནོན། །དུར་ཁྲོད་དཔའ་བའི་ཆས་ལ་སོགས། །ཇི་ལྟར་བཤད་པའི་ཚུལ་འཛིན་པས། །འཇིགས་པའི་ཚུལ་གྱིས་སྐུ་ལ་འཁྲིལ། །ཧཱུྃ་ཨཱཿཨོཾ་ཧཱུཾ་ཕཊ་ཨཱཿ། ཞེས་ཉིད་ཀྱི་སྐུའི་དཀྱིལ་འཁོར་དེ་ལྟ་བུའི་དེད་དཔོན་དབང་ཕྱུག་ལ་སོགས་པ་རྣམས་ལ་དེ་ལྟར་སྣང་བར་མཛད་དོ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། སྐུའི་དཀྱིལ་འཁོར་ཆེ་བའི་མཆོག་ཏུ་གྱུར་པ་རྩ་བའི་ལེའུ་སྟེ་གསུམ་པའོ།། །།དེ་ནས་ཀུན་བཟང་ཧེ་རུ་ཀས། །སྤྲུལ་པའི་དཀྱིལ་འཁོར་དབྱུང་བའི་ཕྱིར། །མཁའ་དབྱིངས་རྡོ་རྗེ་བྱིན་གྱིས་བརླབས། །ཉི་མའི་དཀྱིལ་འཁོར་ཧཱུཾ་ལྡན་དང་། །ཟླ་བའི་དཀྱིལ་འཁོར་ཨཱོཾ་དང་ལྡན། །ཆགས་མེད་པདྨའི་དཀྱིལ་འཁོར་རྫོགས། །ཨཱོཾ་སརྦ་ཏ་ཐཱ་ག་ཏ་ཨ་ནུ་རཱ་ག་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་བཛྲ་ ― DNG014_Page_0706 ―
[མ་དཔེ་གཟིགས་ན་འདིར་གནོན།]
པདྨ་སརྦ་ཡོ་གི་ཏ་པྲ་ཝེ་ཤ་ཕཊ། མཁའ་ཀློང་པདྨའི་གཞལ་ཡས་སུ། །བདེ་ཆེན་ཐུགས་ཀྱི་དཀྱིལ་འཁོར་སྤྲོ། །སངས་རྒྱས་སྤྲིན་ཚོགས་མ་ལུས་ལ། །རབ་དགེས་མཉམ་པའི་སྦྱིན་པས་བསྡིམ། །ཨཱོཾ་སརྦ་ཏ་ཐཱ་ག་ཏ་ས་མ་ཡ་པཱུ་ཛ་པྲ་བར་ཏ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་དང་ལྡན་པའི་ཐིག་ལེ་ལས། །སྐུ་གསུང་ཐུགས་ཀྱི་རྡོ་རྗེ་བསྐྱོད། །ཧཱུཾ་གིས་མཁའ་ལ་ཕབ་བྱས་ཏེ། །ཐབས་དང་ཤེས་རབ་བྱང་ཆུབ་སེམས། །མཁའ་ལ་གསལ་དག་ཉི་ཟླའི་འོད། །ས་མ་ཡ་ཧོ། ས་མ་ཡ་སྟྭཾ། ར་ཧོ་ཧཾ། རཱ་ག་ཡཱ་མི། བྱང་ཆུབ་སེམས་ཀྱི་སྤྲིན་ཚོགས་ལས། །ཁྲོ་བོ་འཆོལ་བའི་དཀྱིལ་འཁོར་སྤྲོ། །སངས་རྒྱས་མཛད་པ་རྫོགས་བྱའི་ཕྱིར། །ཕྱོགས་བཅུའི་དྲེགས་པ་མ་ལུས་བསྒྲལ། །ཨཱོཾ་བཛྲ་ཀྲོ་ཏ་བི་ཤྭ་ཛྭ་ལ་ཨཱ་ཀཪྵ་ཡ་ཡ་ད་ཧ་ཛྭ་ལ་ཧཱུཾ་ཕཊ། ཨེ་ཧྱེ་ཧི་ཧཱུཾ་བྷྱོ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ་ཕཊ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧ་ཧ་ཧ་ཧ། ཧ་ཧ་ཧ་ཧ། ཧེ་ཧེ་ཧེ་ཧེ། ཧེ་ཧེ་ཧེ་ཧེ། ཛཿཧཱུཾ་བཾ་ཧོཿ། ང་ཡི་སྤྲུལ་པའི་དཀྱིལ་འཁོར་དག །རང་ལས་བྱུང་བ་གཞན་ལ་གསལ། །ཞལ་གསུམ་ཕྱག་དྲུག་འཇིགས་གཟུགས་འཆང་། །རིགས་ཀྱི་ཁྲོ་བོ་མངོན་པར་བྱུང་། །བཅོམ་ལྡན་རཀ་ཤ་ཧེ་རུ་ཀ །སྨུག་ནག་གཡས་དཀར་གཡོན་དམར་ཞལ། །འཁོར་ལོ་ཏི་ར་ཁྱུང་ཆེན་གཡས། །བྷན་དམར་རྒྱུ་ཞགས་བ་སུ་གཡོན། །རཀ་ཤ་ཀྲོ་ཏཱི་ཤྭ་རཱི་ཡུམ། །འཁོར་ལོ་བྷན་དྷ་སྟོབ་ཅིང་འཁྲིལ། །བཅོམ་ལྡན་གུ་ཧྱ་ཧེ་རུ་ཀ །སེར་ནག་གཡས་མཐིང་གཡོན་དམར་ཞལ། །རིན་ཆེན་རི་རབ་དགྲ་སྟྭ་གཡས། །ཐོད་ཁྲག་རི་རབ་རྒྱུ་ཞགས་གཡོན། །གུ་ཧྱ་ཀྲོ་ཏཱི་ཤྭ་རཱི་ནི། །རིན་ཆེན་བྷན་དམར་སྟོབ་ཅིང་འཁྲིལ། །བཅོམ་ལྡན་བི་ཤྭ་ཧེ་རུ་ཀ །དམར་ནག་གཡས་མཐིང་གཡོན་དཀར་སྐུ། །པདྨ་བེ་ཅོན་དགྲ་སྟྭ་གཡས། །བྷན་དམར་རི་རབ་ཐོང་གཤོལ་གཡོན། །བི་ཤྭ་ཀྲོ་ཏཱི་ཤྭ་རཱི་ནི། །པདྨ་ཐོད་ཁྲག་སྟོབ་ཅིང་འཁྲིལ། །བཅོམ་ལྡན་ཡཀྴ་ཧེ་རུ་ཀ །ལྗང་ནག་གཡས་དཀར་གཡོན་དམར་ཞལ། །རྒྱ་གྲམ་རལ་གྲི་དགྲ་སྟཱ་གཡས། །བྷན་དྷ་ཞགས་པ་ཐོང་གཤོལ་གཡོན། །ཡཀྴ་ཀྲོ་ཏཱི་ཤྭ་རཱི་མ། །རྒྱ་གྲམ་ཐོད་ཁྲག་ ― DNG014_Page_0707 ―
[མ་དཔེ་གཟིགས་ན་འདིར་གནོན།]
སྟོབ་ཅིང་སྦྱོར། །ཁྲོ་མོའི་ཚོགས་འདི་ཐམས་ཅད་ཀྱང་། །ཞལ་གཅིག་ཕྱག་གཉིས་གཙོ་བོའི་མདོག །ཡབ་ཡུམ་ཁྲོ་ཚོགས་རྣམས་ཀྱི་སྐུ། །གཙོ་བོ་དང་མཐུན་ཆས་ཀྱིས་བརྒྱན། །རང་གི་ཕྱོགས་ནས་མཉམ་པར་བཞུགས། །གནས་མཆོག་དེ་ཡི་ཕྱི་རིམ་ལ། །ཕྱོགས་བཅུའི་དྲེགས་པ་འདུལ་བྱེད་པ། །ཞལ་གཅིག་ཕྱག་གཉིས་ལྡན་པ་བཅུ། །མདོག་དཀར་འཁོར་ལོ་ཏྲི་ཤཱུལ་འཛིན། །མེ་དབལ་དབྱུག་ཏོ་འཛིན་དམར་སེར། །མཐིང་ནག་ཐོད་དབྱུག་དགྲ་སྟྭ་ཐོགས། །སྨུག་ནག་རལ་གྲི་ཞགས་པ་འཛིན། །སྤུ་གྲི་སྦྲུལ་ཞགས་ཐོགས་པ་དམར། །དམར་སྐྱ་བྷནྡྷ་རྔ་ཡབ་ཐོགས། །ལྗང་གུ་རྒྱ་གྲམ་དྲིལ་བུ་ཐོགས། །མཐིང་ནག་དགྲ་སྟྭ་རྩེ་གསུམ་འཛིན། །སྔོ་སྐྱ་མདའ་གཞུ་འགེངས་ཤིང་འཕེན། །དུད་ཀ་ཐོ་བ་ཞགས་པ་ཐོགས། །ཀུན་ཀྱང་ཞབས་གཉིས་བརྐྱང་བསྐུམ་གྱིས། །སོ་སོའི་ཕྱོགས་ཀྱི་དྲེགས་པ་གནོན། །ཇི་ལྟར་འཇུག་པའི་ཕྱོགས་བཞི་རུ། །ཤེས་རབ་གཤིན་རྗེ་པདྨ་དང་། །སྟོབས་ཆེན་ཁྲོ་བོ་ཆེན་པོ་བཞི། །དཀར་པོ་འགུགས་བྱེད་ལྕགས་ཀྱུ་འཛིན། །སེར་པོ་ཞགས་པ་འཆིང་བྱེད་ཅིང་། །ལྕགས་སྒྲོག་སྡོམ་བྱེད་དམར་པོ་སྟེ། །རྡེག་བྱེད་དྲིལ་བུ་ཅན་མདོག་ལྗང་། །སྤྲུལ་པའི་སྲས་ཚོགས་འདི་རྣམས་ཀུན། །རང་གི་རིགས་མཆོག་དབུ་བརྒྱན་ཅིང་། །ཁྲོ་བོའི་ཆས་དང་ཉམས་ཀྱིས་མཛེས། །མཁའ་ལ་མངོན་པར་རྐྱེན་གྱིས་དབྱུང་། །ཨཱོཾ་མ་ཧཱ་ཤྲཱི་རཀྴ་ཧེ་རུ་ཀ་ཧཱུཾ་ཕཊ། ཨཱོཾ་མ་ཧཱ་ཤྲཱི་གུ་ཧྱ་ཧེ་རུ་ཀ་ཧཱུཾ་ཕཊ། ཨཱོཾ་མ་ཧཱ་ཤྲཱི་བི་ཤྭ་ཧེ་རུ་ཀ་ཧཱུཾ་ཕཊ། ཨཱོཾ་མ་ཧཱ་ཤྲཱི་ཡཀྴ་ཧེ་རུ་ཀ་ཧཱུཾ་ཕཊ། ཨཱོཾ་རཀ་ཤ་ཁྲོ་མོ་ལ་ཀྲོ་དྷཱི་དང་། ཁྲོ་བོ་ལ་ཀྲོ་དྷ་ཐོབ་ཀྱང་བརྡའ་རྙིང་སོར་བཞག་བྱས་ཀྲོ་ཏཱི་ཤྭ་རཱི་ཧཱུཾ་བྷྱོ། ཨཱོཾ་གུ་ཧྱ་ཀྲོ་ཏཱི་ཤྭ་རཱི་ཧཱུཾ་བྷྱོ། ཨཱོཾ་བི་ཤྭ་ཀྲོ་ཏཱི་ཤྭ་རཱི་ཧཱུཾ་བྷྱོ། ཨཱོཾ་ཡག་ཤ་ཀྲོ་ཏཱི་ཤྭ་རཱི་ཧཱུཾ་བྷྱོ། ཨཱོཾ་མ་ཧཱ་ཀྲོ་ཏ་ཨིནྡྲ་ཧ་ན་ཧ་ན་ཧཱུཾ་ཕཊ། ཨཱོཾ་མ་ཧཱ་ཀྲོ་ཏ་ཨ་ག་ནི་ད་ཧ་ད་ཧ་ཧཱུཾ་ཕཊ། ཨཱོཾ་མ་ཧཱ་ཀྲོ་ཏ་ཡ་མ་པ་ཙ་པ་ཙ་ཧཱུཾ་ཕཊ། ཨཱོཾ་མ་ཧཱ་ཀྲོ་ཏཱ་རཀ་ཤ་བྷནྡ་བྷནྡ་ཧཱུཾ་ཕཊ། ཨཱོཾ་བཛྲ་མ་ཧཱ་ཀྲོ་ཏ་ནཱ་ག་ཧུ་ལུ་ཧུ་ལུ་ཧཱུཾ་ཕཊ། ཨཱོཾ་མ་ཧཱ་ཀྲོ་ཏ་བ་ཡ་བེ་ཏིཥྛ་ཏིཥྛ་ཧཱུཾ་ཕཊ། ཨཱོཾ་མ་ཧཱ་ཀྲོ་ཏ་ཡཀྴ་ཙྪིནྡ་ཙྪིནྡ་ཧཱུཾ་ཕཊ། ཨཱོཾ་མ་ཧཱ་ཀྲོ་ཏ་བི་ན་ཡ་ཀ་བྷིནྡ་བྷིནྡ་ཧཱུཾ་ཕཊ། ཨཱོཾ་མ་ཧཱ་ཀྲོ་ཏ་བྲཧྨ་ཎཿགརྫ་ ― DNG014_Page_0708 ―
[མ་དཔེ་གཟིགས་ན་འདིར་གནོན།]
གརྫ་ཧཱུཾ་ཕཊ། ཨཱོཾ་མ་ཧཱ་ཀྲོ་ཏ་བེ་སྣ་སྥོ་ཊ་སྥོ་ཊ་ཧཱུཾ་ཕཊ། ཨཱོཾ་པྲཛྙཱནྟ་ཀྲྀཏ་ཧཱུཾ་ཕཊ། ཨཱོཾ་ཡ་མཱནྟ་ཀྲྀཏ་ཧཱུཾ་ཕཊ། ཨཱོཾ་བིགྷནཱནྟ་ཀྲྀཏ་ཧཱུཾ་ཕཊ། ཨཱོཾ་པདྨ་ཀྲྀཏ་ཧཱུཾ་ཕཊ། རུ་རུ་ཤྲི་ཏ་མ་རུ་སོད། སྲོག་ཐུན་མུག་སོད། མ་རག་དུ་རྦད་ཡ་སོད། ཁ་རུ་ག་ཤ་ཤ་མ་སོད། སྲོག་ཐུན་ནྲི་རྦད་སོད། ནྲྀ་ཡ་ནྲྀ་ཡ་ཙ་ཐུན་སོད། ཤ་རྒྱུད་སྙིང་ཕྱུང་ཕྱུང་། སྙིང་རྒྱུད་སྲོག་ཆོད། སྲོག་རྒྱུད་དབུགས་ལོང་། མ་མ་ཐུན་ཐུན་སོད་སོད། སྲོག་ལ་རྔམས་པའི་ཚོགས་ཀུན་གྱིས། །སྟོང་གསུམ་མ་ལུས་འཇིག་རྟེན་གང་། །ཨོཾ་ཨཱཿཧཱུཾ། ཨཱོཾ་ཧཱུཾ་སྭཱ་ཧྲཱྀཿཧཱ། ཀཱ་ཡ་ཝཱ་ཀ་ཙིཏྟ་ཀྵ་ཨ་དྷིཥྛ་ན་ཨཱ་ཝེ་ཤ་ཡ། པྲཱ་ཝེ་ཤ་ཡ་ཧཱུཾ། བུཌྜྷ་བཛྲ་རཏྣ་པདྨ་ཀརྨ་ཨ་བྷི་ཥིཉྩ་ཨཱཿ། ཛཿཧཱུཾ་བཾ་ཧོཿ། བཛྲ་གྷ་ན་ཙཀྲ་མ་དྷ་ལ། ཨེ་ཨཱ་ར་ལི་ཛཿ། ས་མ་ཡ་པ་ཤྱ་ཧོཿ། ཞེས་གསུངས་ནས་རྡོ་རྗེ་ཆེ་མཆོག་གསང་བ་ཆེན་པོའི་དཀྱིལ་འཁོར་གྱི་ཚོགས་མ་ལུས་ཤིང་ལུས་པ་མེད་པ་ཉིད་ཀྱི་སྐུ་དང་གསུང་དང་ཐུགས་ཀྱི་གསང་བ་ལས་ཕྱུང་སྟེ། ཁམས་གསུམ་པའི་ས་ལ་སྣང་བར་མཛད་པ་དང་། འཇིག་རྟེན་གྱི་གཙོ་བོ་དྲེགས་པ་ཅན་རབ་ཏུ་གདུལ་བར་དཀའ་ཞིང་། འཇིགས་པར་མི་ནུས་པ་དག་ཀྱང་སྔངས་ཤིང་སྐྲག་སྟེ་ས་ལ་འགྱེལ་ནས་སྒྲ་ངར་ངར་བོ་འདོན་ཅིང་། ཡིད་ཀྱི་དམིགས་པ་ཙམ་གྱིས་ཕྱོགས་བཅུ་དང་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་བདག་ཉིད་གསང་བའི་ཆེ་བའི་མཆོག་ཏུ་གྱུར་པ། དཔལ་ཧེ་རུ་ཀ་ལ་ཕྱག་འཚལ་ཞིང་འདུག་པར་གྱུར་ཏོ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། སྤྲུལ་པའི་དཀྱིལ་འཁོར་མངོན་པར་སྤྲོ་བའི་ཏིང་ངེ་འཛིན་གྱི་ལེའུ་སྟེ་བཞི་པའོ།། །།དེ་ནས་འདུས་པའི་འཁོར་ཚོགས་དེ་རྣམས་ཀྱིས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་ཀུན་བཟང་ཧེ་རུ་ཀ །མ་འོངས་དུས་ཀྱི་སེམས་ཅན་རྣམས། །སྐལ་བ་མེད་ཅིང་གདུལ་དཀའ་ལ། །གཙང་ཞིང་སྨེ་བའི་རྟོག་པས་བཅིངས། །ཁྱོད་ཀྱིས་དམ་པར་གསུངས་པའི་ཚིག །གཤང་དང་གཅི་བ་བམ་པའི་རྫས། །རྫོགས་པར་ལོངས་སྤྱོད་མ་ནུས་ན། །གཙང་སྦྲས་གྲོལ་བར་ ― DNG014_Page_0709 ―
[མ་དཔེ་གཟིགས་ན་འདིར་གནོན།]
འགྱུར་རམ་ཅི། །འཇིག་རྟེན་ལོག་རྟོག་ཅན་རྣམས་ལ། །གསང་ཞིང་སྤྱད་པ་ཇི་ལྟ་བུ། །ཐབས་དང་ཡོན་ཏན་གྲུབ་པའི་ཚད། །མཁྱེན་པའི་ཐུགས་རྗེ་དཔག་མེད་པས། །མྱུར་དུ་སྟོན་ཅིག་ཆེ་བའི་མཆོག །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོ་ཧེ་རུ་ཀས། །མ་ལུས་བཤད་ཅིང་བཀྲོལ་བའི་དུས། །སྟོང་གསུམ་འཇིག་རྟེན་ཁམས་འདི་ན། །ཚངས་དང་དྲང་སྲོང་གཙང་མ་ཟ། །དེ་དག་གྲོལ་བར་ངས་མ་བཤད། །ཀླུ་དང་བྲམ་ཟེར་གཙང་སྦྲར་སྤྱོད། །དེས་ཀྱང་གྲོལ་བར་ངས་མ་བཤད། །བྱོལ་སོང་རྩྭ་མཆོག་གཙང་མ་ཟ། །ཅི་སྲིད་འཚོ་བའི་བར་དུ་སྤྱོད། །དེའང་གྲོལ་བར་ངས་མ་བཤད། །རྒྱུ་དང་འབྲས་བུ་འཁྲུལ་པའི་སྒྲ། །ཐམས་ཅད་བདུད་རྩིའི་རང་བཞིན་ཏེ། །དོན་དམ་ངེས་པའི་ལུང་འདིར་ཉོན། །ཞེས་བཀའ་སྩལ་ནས། ཉིད་ཀྱི་ཐུགས་གསང་བ་མཆོག་གི་དཀྱིལ་འཁོར་ཆེན་པོ་ལས་འོད་ཟེར་དཔག་ཏུ་མེད་པ་རྣམ་པར་འཕྲོ་བར་མཛད་དེ། འཇིག་རྟེན་གྱི་ཁམས་ཐམས་ཅད་ཀྱི་ཚངས་པ་དང་བརྒྱ་བྱིན་དང་དབང་ཕྱུག་ཆེན་པོ་ལ་སོགས་པ་ལྷའི་རིགས་རྣམས་དང་། མཐའ་ཡས་དང་། འཇོག་པོ་དང་། ནོར་རྒྱས་ཀྱི་བུ་དང་། དེ་ལ་སོགས་པའི་ཀླུ་རྣམས་དང་། གཞོན་ནུ་སྨིན་དྲུག་དང་། ཁྱབ་འཇུག་ལ་སོགས་པ་གཟའ་དང་རྒྱུ་སྐར་གྱི་ཚོགས་དང་། རྒྱུན་ཤེས་ཀྱི་བུ་དང་། ལྗང་སྔོན་དང་། གཡོན་ཕྱོགས་ལྷ་ལ་སོགས་པ་དྲང་སྲོང་གི་ཚོགས་རྣམས་དང་། གཞོན་ནུ་སྤྲིན་དང་། གོའུ་ཏ་མ་དང་། གཞོན་ནུ་ལོག་སྲེད་ལ་སོགས་པ་བྲམ་ཟེའི་ཚོགས་རྣམས་དང་། གཞན་ཡང་དྲི་ཟ་དང་། མེ་ལྷ་དང་། རླུང་ལྷ་དང་། གནོད་སྦྱིན་གྱི་གཙོ་བོ་སོ་སོ་འཁོར་དང་བཅས་པ་རྣམས་དང་། འབྲ་སྐྱོང་དང་། ཛམ་བྷ་ལ་དང་། དྭ་ཤུ་བའི་བུ་མོ་འོད་འཆང་མ་དང་། ནོར་གྱི་རྒྱུན་མ་དང་། རྨ་བྱའི་མགུལ་ལ་སོགས་པ་ཤིང་ཐོག་དང་། རྩི་ཐོག་དང་། སྨན་དུ་གྱུར་པ་རྣམས་ཀྱི་གཙང་སྦྲ་ལ་སྤྱོད་ཅིང་། གཞན་ཡང་འོ་མ་དང་། འབྲས་དང་། མངར་དང་། མེ་ཏོག་དང་། ཆུ་དང་། ཤིང་ཐོག་གི་འབྲུ་དང་། ཤུ་ཏི་དང་། ཉེའུ་ཤིང་དང་། ར་མོ་ཤག་དང་། ཨ་བ་རུ་དང་། བྲག་རྩི་དང་། ― DNG014_Page_0710 ―
[མ་དཔེ་གཟིགས་ན་འདིར་གནོན།]
ཨ་ན་ས་ལ་སོགས་པ། ས་ལ་གཙང་སྦྲར་སྤྱོད་པའི་སྒོ་ནས། བཅུད་ལེན་ཅིང་དཀའ་ཐུབ་དང་ཚངས་པར་སྤྱོད་པས་འཚོ་བར་བྱེད་པ་རྣམས་འཁོར་གྱི་དཀྱིལ་དུ་བསྡུས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་དང་སའི་སྙིང་པོ་ལ་སོགས་པ་རྣམས་ནི་ཀུན་ཏུ་བཟང་པོ་ཧེ་རུ་ཀ་བལྟ་བར་མི་བཟོད་པ་རྣམས་ཀྱི་སྟོན་པར་བཞུགས་ནས་ཡང་འདི་སྐད་ཅེས་བཀའ་སྩལ་ཏོ། །ཐམས་ཅད་མ་ལུས་བདུད་རྩི་ལྔ། །ཐབས་དང་ལྡན་པས་རིག་ཅིང་རྟོགས། །ཆོས་ཉིད་གཅིག་ལས་ཐ་དད་པའི། །རིགས་ལྔའི་མཚན་ཉིད་ཡོན་ཏན་ཚོགས། །འདི་ལྟར་རྟོགས་ན་གྲོལ་བར་འགྱུར། །རང་བཞིན་གདོད་ནས་དག་པ་ཡི། །མཉམ་ཉིད་དབྱིངས་སུ་རབ་རྟོགས་ཤིང་། །གཉིས་མེད་དོན་གྱིས་ཟིན་པ་ན། །ཇི་ལྟར་དམིགས་པ་བཞིན་དུ་འགྲུབ། །གཙང་དང་མི་གཙང་རྟོགས་པའི་ཡིད། །མཁས་པས་གཉིས་སུ་སྨྲ་མི་བྱ། །ཡེ་ཤེས་སྐུ་ལྔ་རྫོགས་པའི་ཕྱིར། །དྲི་ཆེན་གསེར་མདོག་རྣམ་སྣང་མཛད། །མངོན་འབྱུང་སྤྲུལ་པ་ཆོས་ཀྱི་སྐུ། །བྱང་ཆུབ་སེམས་ནི་དཀར་བའི་མདོག །དྲི་མེད་དག་པའི་ཡེ་ཤེས་སྐུ། །མཱང་ས་ཡིད་བཞིན་རིན་ཆེན་འབྱུང་། །སྣ་ཚོགས་འབྱུང་ལྡན་མཉམ་ཉིད་སྐུ། །རཀྟ་ཆགས་མེད་དམར་བས་ན། །དྲི་མེད་རྣམ་དག་པདྨའི་སྐུ། །དྲི་ཆུ་དག་བྱེད་ལྗང་གུའི་མདོག །ཀུན་དུ་དོན་གྲུབ་ལས་རབ་སྐུ། །སྐུ་ལྔ་ལྷུན་གྲུབ་བདུད་རྩི་ལྔ། །རང་གི་ལུས་ལ་ངང་གིས་གནས། །དྲི་ཆེན་དྲི་ཆུ་རཀྟ་དང་། །མཱང་ས་བྱང་སེམས་འདི་རྣམས་ཀུན། །སེམས་ཅན་རྟོག་པ་བཟློག་པ་ཡི། །གཙོ་བོར་དང་དུ་བླངས་ཤིང་བསྒྲུབ། །མི་རྟོག་གཙང་སྦྲ་མེད་པར་སྤྱད། །རང་བཞིན་རྣམ་དག་བདུད་རྩི་ལྔ། །སྤྱད་ཅིང་ཟོས་པའི་ཡོན་ཏན་ནི། །སྨྱོ་འབོག་དུག་དང་གླང་ཐབས་དང་། །མཛེ་དང་གག་པ་ལ་སོགས་སེལ། །སྐུ་ལྔ་ཡེ་ཤེས་ལྷུན་གྱིས་གྲུབ། །ཨ་འབྲས་རྒུན་འབྲུམ་པ་ན་ས། །ལྷ་རྫས་དགེ་བའི་ཨ་རུ་ར། །ཤ་ལྔ་ཟོས་པའི་ཡོན་ཏན་ནི། །ཤེས་རབ་གསལ་ཞིང་ཏིང་འཛིན་བརྟན། །དུག་ལྔ་འཇོམས་ཤིང་མཐུ་སྟོབས་ཆེ། །རྫུ་འཕྲུལ་སྟོབས་ལྡན་མཁའ་ ― DNG014_Page_0711 ―
[མ་དཔེ་གཟིགས་ན་འདིར་གནོན།]
འགྲོ་མཉེས། །ཐར་པ་ཆེན་པོའི་དངོས་གྲུབ་ཐོབ། །སངས་རྒྱས་བྱང་ཆུབ་སེམས་དཔའི་གདུང་། །དཀར་ལ་གསལ་ལ་མཐེབ་ལོང་ཙམ། །ཉན་ཐོས་རང་རྒྱལ་རྣམས་ཀྱི་གདུང་། །སྲན་མ་མ་ཤའི་འབྲས་བུ་ཙམ། །གང་ཟག་སེམས་ཅན་ཕལ་པའི་གདུང་། །ཏུང་འབྲུ་ཏིལ་འབྲུ་ཙམ་དེ་ཉིད། །སྤྱད་ཅིང་བསྟེན་པའི་ཡོན་ཏན་གྱིས། །རུས་པ་སྲ་མཁྲེགས་རྡོ་རྗེར་འགྱུར། །ཐུགས་ཀྱི་དངོས་གྲུབ་འཐོབ་པར་བྱེད། །སྔོན་ཚེ་ང་ཡི་ཕྲིན་ལས་ཀྱི། །ཐུགས་རྗེས་ཛྭ་ལ་རགྴ་བསྒྲལ། །དེ་ཡི་ཙིཏྟ་ཕྱུང་བའི་རྒྱུན། །ཙི་ཏྲ་ཀ་དང་སྙིང་ཞོ་ཤ །སྨྱོ་འབོག་ནད་རྣམས་སེལ་བར་བྱེད། །མངོན་ཤེས་དྲུག་གི་སེམས་དང་ལྡན། །ཡེ་ཤེས་དྲུག་གི་དངོས་གྲུབ་ཐོབ། །མེ་ཏོག་སོ་མ་འབྲས་བུ་དམར། །སྲིད་པའི་ནད་སེལ་ས་ལས་སྐྱེས། །རྩ་བ་མཱུ་ལ་རཀྟ་ཁ། །འཁྲུ་བག་ནད་རྣམས་གསོ་ཞིང་གཅོད། །དབང་གི་དངོས་གྲུབ་འཐོབ་པར་བྱེད། །འབྱུང་བ་བཞི་ཡི་བྱིན་རླབས་ལས། །སྤྲིན་ཆེན་གློག་གི་ཕྲེང་བ་ཅན། །སྒྲ་དང་ཡུད་ཙམ་བཅས་པ་ཡི། །ས་སྟེངས་ཁྱབ་པར་ཆར་ཕབ་ནས། །བདུད་རྩི་ཐིགས་ཤིང་ཟགས་པ་ནི། །རྒྱ་མཚོའི་ལྦུ་བ་གངས་ཀྱི་ཆུ། །ནགས་ཀྱི་ཆུ་དང་ཆུ་སྣ་ཚོགས། །རྟག་ཏུ་འགྲོ་བའི་དོན་བྱེད་ནུས། །དམྱལ་བའི་ཚ་གྲང་སྡུག་བསྔལ་སེལ། །དེ་བཞིན་གཤེགས་པའི་བྱིན་གྱིས་བརླབས། །ས་གཞི་ཡུམ་གྱི་རང་བཞིན་ལ། །བྱང་ཆུབ་སེམས་ཀྱི་ཆར་བབ་པས། །ཐམས་ཅད་སྨིན་ཅིང་བངས་པར་མཛད། །ཆུ་ཡི་བཅུད་ལས་གྱེས་པ་ཡིས། །བདུད་རྩིར་གྱུར་ཏེ་ཐམས་ཅད་རྒྱས། །རྩ་བ་སྡོང་པོ་ཡལ་ག་དང་། །ལོ་མ་མེ་ཏོག་ཤུན་པ་དང་། །ཁུ་བ་འབྲས་བུ་སྙིང་པོར་བཅས། །རོ་དང་དྲི་དང་ཁ་དོག་ལ། །རྩ་བ་གཅིག་ལ་ཡན་ལག་བརྒྱད། །ཡོན་ཏན་སྟོང་དང་བཅས་པ་ཡི། །བཞི་བརྒྱ་རྩ་བཞིའི་ནད་སེལ་ཞིང་། །འགྲོ་བ་དྲུག་གི་གསོས་སུ་འགྱུར། །སྲིད་པ་ཆགས་བྱེད་སྲུབ་ཤིང་གིས། །བདུད་རྩིའི་རྒྱ་མཚོ་བསྲུབས་པ་ལས། །བཅུད་ཀྱི་རྒྱལ་པོ་བདུད་རྩིར་གྱུར། །ཆོས་བཟང་ལྷ་ཡི་མདུན་ས་ནས། །རཱ་ཧུ་ལ་ཡིས་བརྐུས་ཏེ་འཐུང་། །བརྒྱ་བྱིན་ཁྲོས་ཏེ་སྐེ་བཅད་ ― DNG014_Page_0712 ―
[མ་དཔེ་གཟིགས་ན་འདིར་གནོན།]
པས། །ཁྲག་ཐིགས་བདུད་རྩི་ས་ལ་ལྷུང་། །བསྐྱེད་ཅིང་སྨིན་པ་ལྷ་ཡི་རྫས། །དུས་མིན་འཆི་ལས་ཐར་བར་བྱེད། །མངོན་ཤེས་ལྔ་ཡི་དངོས་གྲུབ་ཐོབ། །གསེར་དངུལ་ཟངས་ལྕགས་དེ་བཞིན་གཡུ། །རིན་ཆེན་བདུད་རྩིའི་ཟགས་ཆུ་ནི། །ཤཻ་ལ་ཛཱ་ཏུ་ཡོ་ག་སི། །མཆིན་པའི་ནད་རྣམས་སེལ་བར་བྱེད། །གྲུབ་པའི་རིག་འཛིན་འཐོབ་པར་འགྱུར། །སྲེད་མེད་བུ་དང་ཁྱབ་འཇུག་གི། །དེ་ཡི་ཟགས་པའི་དྲི་གཤང་གཅི། །ཆུ་ཀླུང་གངས་ཀྱི་འགྲམ་དུ་སྐྱེ། །ཉེའུ་ཤིང་དང་རམ་ཉེའུ། །ནང་ཁྲོལ་དོན་སྙིང་ནད་རྣམས་སེལ། །ཟགས་པ་ཟད་དེ་ནམ་མཁར་འགྲོ། །རིག་པ་འཛིན་པའི་གོ་འཕང་ཐོབ། །དང་པོ་སྲིད་པའི་བདུད་རྩི་ལ། །ལྷ་དང་ལྷ་མིན་རྩོད་ཅིང་འཐབ། །བརྒྱ་བྱིན་དབང་པོའི་ལག་པ་ལ། །ལྷ་མ་ཡིན་གྱིས་མཚོན་ཕོག་ལྷུང་། །དེ་ཡི་ཤ་ཁྲག་སྨིན་ཅིང་བསྐྱེད། །དབང་པོའི་ལག་དང་བྱི་ཚེ་ལག །དངོས་གྲུབ་བླང་བའི་ཕྱག་རྒྱ་སྟེ། །ནོར་དང་འབྲུ་རྣམས་འདུ་བར་འགྱུར། །རྟ་མགྲིན་དབང་གི་དངོས་གྲུབ་ཐོབ། །ཡུལ་འཁོར་སྲུང་གི་བུ་ཐུ་བོ། །དྲང་སྲོང་ཡན་ལག་དགའ་བ་སྟེ། །མིང་ནི་རྒྱལ་པོ་གཤེས་གཉེན་ཅན། །བྷུ་སུ་ཀུ་ནི་རྒྱ་ཆེར་མཛད། །འདོད་ཁམས་ལྷ་ཡི་གཙོ་བོར་སྐྱེས། །བོད་པ་འཕྱིས་པས་དྲག་པོ་ཁྲོས། །ལྷ་ཆེན་དེ་ཡི་དཔྲལ་བ་ནས། །མིག་གཅིག་ལྟག་པར་འདུག་པ་ལས། །སྨིན་ཅིང་བསྐྱེད་པས་ས་སྟེང་ཁྱབ། །འབུ་སུ་ལུག་མིག་རྣམ་གསུམ་གྱི། །མིག་གི་མངོན་ཤེས་ཐོབ་པར་བྱེད། །ས་ཡི་སྙིང་པོའི་དངོས་གྲུབ་ཐོབ། །ང་ཡི་སྔོན་གྱི་ཕྲིན་ལས་ཀྱི། །ལྷ་ཆེན་ཚངས་པ་བསྒྲལ་བ་ལས། །སྣ་ནས་ཁྲག་ཟགས་བསྐྱེད་ཅིང་སྨིན། །སྣ་མའི་འབྲས་བུ་སྲིན་གྱི་ཤིང་། །དྲི་ཡི་མངོན་ཤེས་འཐོབ་པར་བྱེད། །ནམ་མཁའི་སྙིང་པོའི་དངོས་གྲུབ་ཐོབ། །འདས་པའི་དུས་ན་སྔོན་གྱི་ཚེ། །རྟ་མགྲིན་དབང་གི་ཕྲིན་ལས་ཀྱིས། །ཁ་འབར་བཞི་ཡི་ལྕེ་བཅད་དེ། །སྨིན་ཞིང་བསྐྱེད་པས་བདུད་རྩིར་གྱུར། །དོ་བ་དང་ནི་གཉའ་བ་དང་། །ལྷ་བ་དང་ནི་སེ་བ་བཞི། །མེ་ཏོག་རྨ་ལོ་ཀྲི་ཀྲི་དང་། །གསེར་གྱི་མདུད་ཅན་ཧ་ལོ་ཏྲཾ། །སྤྱད་པས་ལྕེ་ཡི་མངོན་ཤེས་དང་། །སྤྱན་ ― DNG014_Page_0713 ―
[མ་དཔེ་གཟིགས་ན་འདིར་གནོན།]
རས་གཟིགས་ཀྱི་གོ་འཕང་ཐོབ། །ང་ཡིས་སྲིན་པོ་བུམ་སྣ་བསྒྲལ། །ཆུང་མ་སྲིན་མོ་ཛ་མུན་ཏི། །རྣ་བ་ཨ་ཤོ་ཀན་དྷར་གྱུར། །སྤྱད་པས་རྣ་བའི་ནད་རྣམས་སེལ། །སྒྲ་ཡི་མངོན་ཤེས་མངའ་བར་བྱེད། །ཕྱག་ན་རྡོ་རྗེའི་དངོས་གྲུབ་ཐོབ། །ཏིལ་མར་བུ་རམ་སྦྲང་རྩི་དང་། །ལན་ཚྭ་མར་དང་སྙིང་པོ་ལྔ། །བདུད་རྩི་གཙོ་བོའི་ཡན་ལག་སྟེ། །རླུང་མཁྲིས་བད་ཀན་ཆུ་སེར་དང་། །འདུ་བའི་ནད་རྣམས་སེལ་བར་བྱེད། །མངོན་ཤེས་ལྔ་ཡི་དངོས་གྲུབ་ཐོབ། །གོ་ས་ཧ་དང་ལེ་སེང་དང་། །གི་ཧཾ་ཆུ་ཏཾ་མ་ཛ་ཧཾ། །མེ་ཏོག་ལྔ་ཟོས་ཡོན་ཏན་གྱིས། །བད་མཁྲིས་གློ་དང་དུག་རྣམས་སེལ། །རིགས་ཀྱི་ཡུམ་ལྔའི་དངོས་གྲུབ་ཐོབ། །ཤིང་ཐོག་རྒུན་འབྲུམ་ཀ་ཀོ་ལ། །ཨ་འབྲས་པ་ན་འབྲས་བུ་ལྔས། །ཤ་ཁྲག་རུས་པ་ཆུ་སེར་དང་། །ལུས་ཀྱི་ནད་རྣམས་སེལ་བར་བྱེད། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྔ་ཡི་དངོས་གྲུབ་ཐོབ། །ནཱ་ག་གེ་སར་ཤིང་ཚ་དང་། །སུག་སྨེལ་ག་ཏ་པ་ཏྲ་དང་། །སྐྱུ་རུ་ར་དང་དྲི་སྣ་ལྔས། །ཤ་ཁྲག་རུས་པ་ཆུ་སེར་དང་། །དུག་གི་ནད་རྣམས་སེལ་བར་བྱེད། །ཞི་རྒྱས་དབང་དང་མངོན་སྤྱོད་དང་། །ལས་རྣམས་ཐམས་ཅད་འགྲུབ་པར་འགྱུར། །རྒྱ་སྤོས་ཛཱ་ཏི་ཕ་ལ་དང་། །ག་པུར་ཙནྡན་ལི་ཤི་ལྔ། །ཚ་བའི་ནད་རྣམས་སེལ་བར་བྱེད། །ཚུལ་ཁྲིམས་རྣམ་དག་དངོས་གྲུབ་ཐོབ། །འབྲས་དང་སོ་བ་མོན་ཁྲེའུ། །ནས་དང་གྲོ་དང་ཏིལ་རྣམས་ནི། །མུ་གེའི་བཀྲེས་པ་སེལ་བྱེད་ཅིང་། །ཚེ་དང་སྟོབས་དང་བཀྲག་མདངས་གཟི། །ལོངས་སྤྱོད་ཕུན་སུམ་ཚོགས་པར་བྱེད། །གསེར་དངུལ་ཟངས་ལྕགས་གཡུ་དང་ལྔ། །དབུལ་ཞིང་ཕོངས་པ་སེལ་བྱེད་ཅིང་། །རིགས་ལྔ་ཐུགས་ཀྱི་དངོས་གྲུབ་ཐོབ། །རང་བཞིན་སྤྱད་པའི་ཡོན་ཏན་ལས། །བསྒྲུབ་པའི་ཡོན་ཏན་བསམ་མི་ཁྱབ། །ཀྱེ་མ་ཚངས་པ་དྲང་སྲོང་དང་། །ལྷ་ཀླུ་དྲི་ཟ་བྲམ་ཟེ་སོགས། །ཁྱེད་ཀྱི་བརྟུལ་ཞུགས་དཀའ་ཐུབ་ཀྱིས། །བསྟེན་ཅིང་སྤྱད་པའི་རྫས་འདི་རྣམས། །སྔོན་ཚེ་འདས་པའི་དུས་ཉིད་ནས། །བཤང་གཅི་ཁུ་བ་ཤ་ཁྲག་གིས། །མ་བསྐྱེད་པ་དང་མ་བྱུང་མེད། །ཐམས་ཅད་བདུད་རྩི་ལྔའི་རང་བཞིན། །གཙང་ ― DNG014_Page_0714 ―
[མ་དཔེ་གཟིགས་ན་འདིར་གནོན།]
སྦྲས་ཉམས་པར་གྱུར་ཏ་རེ། །བརྟུལ་ཞུགས་འཛིན་པ་དེ་བོར་ལ། །དུས་གསུམ་སངས་རྒྱས་མ་ལུས་པའི། །བཀའ་ཡི་དམ་པ་འདི་ཟུང་ཞིག །ཅེས་བཀའ་སྩལ་པས། ཚངས་པ་དང་དྲང་སྲོང་ལ་སོགས་པའི་འཁོར་དེ་དག་ཐམས་ཅད་ཀྱིས་རང་རང་གི་གཙང་བ་དང་སྨེ་བར་འཛིན་པའི་ལོངས་སྤྱོད་རྣམས་བཤང་བ་དང་གཅི་བ་དང་བྱང་སེམས་ཀུནྡྷ་ལྟ་བུ་དང་། པདྨ་ལྟ་བུ་དང་། མི་དང་། རྟ་དང་། ཁྱི་དང་། བ་གླང་དང་། གླང་པོ་ཆེའི་ཤ་དང་། མྱོས་པར་བྱེད་པ་འབྲུ་བཅུད་ཀྱི་བཏུང་བ་རྣམས་ཀྱི་རླབས་ཏེ། རྒྱ་མཚོ་དང་ཆུའི་རྒྱུན་ལྟ་བུ་དང་། རིགས་ཀྱི་ནང་ན་གདོལ་པ་དང་། ཁྱི་དང་། ཕག་དང་། བོང་བུའི་ཚོགས་རྣམས་ཀྱི་ཁུ་བ་དང་། ཁྲག་གི་ཀློང་ཆེན་པོ་སྣང་བར་གྱུར་ནས་བརྒྱལ་ཏེ། གཙང་བ་དང་སྨེ་བའི་རྣམ་པར་རྟོག་པ་དྲག་པོས་གཟིར་ཞིང་འདུག་པ་ལ། རང་རང་གི་ལས་དང་མཐུན་པར་གདུལ་བར་ནུས་པའི་སྟོན་པ་འཇམ་དཔལ་དང་། སའི་སྙིང་པོ་ལ་སོགས་པ་ཉིད་ཀྱི་སྐུ་གསུང་ཐུགས་གསང་བ་ཆེན་པོ་ལས་ཕྱུང་སྟེ། འདི་སྐད་དུ། རིགས་ཀྱི་བུ་དག་མ་འཇིགས་ཤིག་མ་འཇིགས་ཤིག །འདི་དག་ནི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡང་གཏིང་དཔག་དཀའ་ཞིང་། རྒྱ་ཆེ་བའི་བརྟུལ་ཞུགས་ཀྱི་སྤྱོད་པ་ཡང་དག་པ་སྟེ། ཚུལ་འདི་ལྟ་བུས་ལོངས་སྤྱད་ན། བློ་མཆོག་ཏུ་གྱུར་ཅིང་ཡངས་པ་དང་ལྡན་པ་རྣམས་ཀྱི་དོན་རྒྱ་ཆེན་པོ་མཛད་དོ། །ད་ལྟར་དང་མ་འོངས་པའི་དུས་ན་ཡང་ཕྲིན་ལས་ཆེན་པོ་སྤྱོད་པ་དག་འབྱུང་བར་འགྱུར་ཡང་། སེམས་ཅན་བློ་ཆུང་བ་རྣམས་ཀྱི་མིག་ལམ་དུ་སྣང་བར་མི་འགྱུར་རོ། །རིགས་ཀྱི་བུ་དག་ཁྱེད་རྣམས་ནི་སྔོན་གྱི་རྒྱལ་བ་རྣམས་ལ་ལྷག་པའི་བྱ་བ་བྱས་ཤིང་བྱང་ཆུབ་སེམས་བསྐྱེད་དེ། སྨོན་ལམ་རྒྱ་ཆེན་པོས་འགྲོ་བའི་དོན་རྣམ་པར་སྤྱོད་པ་ལ་རབ་ཏུ་གཞོལ་བའི་སྤྲོ་བ་དང་ལྡན་པས། སེམས་ཅན་གྱི་རིགས་དང་ཁམས་དང་། བག་ལ་ཉལ་དང་ལས་དང་བསམ་པ་མཐུན་པ་རྣམས་འདུལ་བའི་དུས་དང་ཚོད་ལ་བབ་པ་སྟེ་སྐྲག་པར་མ་བྱེད་ཅིག །འདིར་ནི་བདག་ཅག་གི་སྟོན་པ་ཀུན་ཏུ་བཟང་པོ་ཧེ་རུ་ཀ་ཉིད་ཀྱིས་བདག་ཅག་ལ་སོགས་པ་ཚུལ་འདི་ལྟ་བུས་འདུལ་བར་འོས་པ་རྣམས་ཀྱི་ ― DNG014_Page_0715 ―
[མ་དཔེ་གཟིགས་ན་འདིར་གནོན།]
དོན་དུ་མངོན་པར་སྤྲུལ་པ་སྟེ། དོན་དམ་པར་ནི་ཆོས་ཐམས་ཅད་རང་བཞིན་གྱིས་སྟོང་ཞིང་འདུས་མ་བྱས་པ། བདག་མེད་པ། རྣམ་པ་ཞི་བ། ཟག་པ་མེད་པ། ཁ་ན་མ་ཐོ་བ་མེད་པ་འཇིག་རྟེན་ལས་འདས་པ། དེ་བཞིན་ཉིད་ལས་གཡོ་བ་མེད་པ་ལས་སྤྲུལ་པ་ཙམ་དུ་ཟད་ཀྱིས། ཐེ་ཚོམ་ཟ་བར་མ་བྱེད་ཅིག །ཅེས་དབུག་དབྱུང་བ་མཛད་དོ། །དེ་ནས་ཚངས་པ་དང་དྲང་སྲོང་དང་བྲམ་ཟེའི་ཚོགས་དེ་དག་ལ། བཅོམ་ལྡན་འདས་ཉིད་ཀྱི་སྐུ་གསུང་ཐུགས་ཀྱི་རྣམ་པར་རོལ་པ་ཆེན་པོ་མངོན་དུ་བསྟན་ཏེ། འཁོར་གྱི་དཀྱིལ་འཁོར་གྱི་ཚོགས་དང་བཅས་པ་རྣམས་ཀྱིས་ཚངས་པ་དང་དྲང་སྲོང་ལ་སོགས་པ་དེ་དག་ལ་སྐུ་དང་གསུང་དང་ཐུགས་ཀྱི་དེ་ཁོ་ན་ཉིད་གསང་བའི་དབང་བསྐུར་བས་དབང་བསྐུར་བར་མཛད་པས། དེ་དག་ཐམས་ཅད་རང་གི་ལུས་ནི་རིགས་ཀྱི་ལྷ་དང་ལྷ་མོའི་ཚོགས་སུ་སྣང་བར་གྱུར་ལ། ངག་གིས་ནི་ཐམས་ཅད་བདུད་རྩིའི་རང་བཞིན་ནོ། །ཞེས་བྱ་བའི་སྒྲ་རྒྱུན་དུ་བརྗོད་དེ། ཕྱི་དང་ནང་གི་རྣམ་པར་རྟོགས་པ་ལས་གྲོལ་ཞིང་། ཐམས་ཅད་ཀྱང་ཆོས་ཀྱི་དབྱིངས་ཆེན་པོར་རོ་གཅིག་པར་གནས་པར་གྱུར་ཏོ། །མི་གཙང་ཞིང་སྨེ་བའི་རྫས་ཀྱི་དངོས་པོ་རྣམས་ཀྱང་དྲི་དང་ཁ་དོག་དང་རོ་ཕུན་སུམ་ཚོགས་པ། ལྟ་ན་སྡུག་ཅིང་། ལོངས་སྤྱོད་ཀྱི་གཙོ་བོ་ཡིད་བཞིན་གྱི་ནོར་བུ་རིན་པོ་ཆེ་ལྟ་བུ་འདོད་པའི་དོན་མ་ལུས་པ་ཐོགས་པ་མེད་པར་འགྲུབ་པ། དངོས་གྲུབ་ཀྱི་རྒྱ་མཚོ་མི་ཟད་པའི་གཏེར་ཆེན་པོར་གྱུར་ཏེ། དེ་ཉིད་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་མཆོད་པ་མཉེས་པར་འགྲུབ་ཅིང་། རིགས་འཛིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡང་ལོངས་སྤྱོད་དམ་པའི་མཆོག་ཏུ་གྱུར་ཏོ། །གཞན་ཡང་དེའི་ཚེ་བྱང་ཆུབ་སེམས་དཔའ་འཇམ་དཔལ་གྱིས་ཡང་འདི་སྐད་ཅེས་སྨྲས་སོ། །ཀྱེ་མ་རིགས་ཀྱི་བུ་དག་མ་འོངས་པའི་དུས་སུ་སེམས་ཅན་གང་དག་བཅོམ་ལྡན་འདས་ཀུན་ཏུ་བཟང་པོ་དེ་ཉིད་ཀྱི་རྣམ་པར་འཕྲུལ་པ་དང་། བྱིན་གྱིས་རླབས་ཀྱི་ཚུལ་འདི་དག་ཉིད་ཀྱིས་འདུལ་བ་མ་རྟོགས་པ་ཁ་ཅིག་ནི། ཡང་དག་པར་རྫོགས་པའི་སངས་རྒྱས་ཀྱི་འོད་ཀྱི་རྒྱལ་པོའི་བྱིན་གྱིས་རླབས་ཀྱི་རྣམ་པར་འཕྲུལ་པས་དོན་བྱེད་པར་འགྱུར་རོ། །གཞན་ཁ་ཅིག་ནི་འཇམ་དཔལ་ ― DNG014_Page_0716 ―
[མ་དཔེ་གཟིགས་ན་འདིར་གནོན།]
དང་། སྤྱན་རས་གཟིགས་དང་། ལག་ན་རྡོ་རྗེ་དང་། སའི་སྙིང་པོ་ལ་སོགས་པ་རྣམས་ཀྱི་དོན་བྱེད་དེ། གཞན་ཁ་ཅིག་ནི་འཇིག་རྟེན་གྱི་ལྷ་ཚངས་པ་ཆེན་པོ་དང་། རྒྱུན་ཤེས་ཀྱི་བུ་ལ་སོགས་པའི་དྲང་སྲོང་ཆེན་པོ་རྣམས་དང་། ཙ་ར་ཀ་དང་། ནབ་སོ་སྐྱེས་དང་། ཐ་སྐར་གྱི་བུ་ལ་སོགས་པ་གཟའ་དང་རྒྱུ་སྐར་གྱི་དེད་དཔོན་ཆེན་པོ་རྣམས་དང་། གཡོན་ཕྱོགས་ཀྱི་ལྷ་དང་རྐང་གཉིས་སྤྱོད་པ་ལ་སོགས་པ་ཀླུའི་གཙོ་བོ་དང་། ཐང་ལ་གནས་དང་མེ་བཞིན་འཇུག་ལ་སོགས་པས་དོན་བྱེད་དོ། །མེ་ལྷ་དང་རླུང་ལྷའི་གཙོ་བོ་ཁྱེད་རྣམས་ནི་ལོ་མ་དང་། མེ་ཏོག་དང་། འབྲས་བུ་ལས་གྱུར་པ་རྣམས་ལོངས་སྤྱད་དེ། དྲི་དང་རོ་དང་ནུས་མཐུ་དང་འབྲས་བུའི་ཡོན་ཏན་གྱིས་སེམས་ཅན་གྱི་ནད་རིགས་བསལ་བའི་ཕྱིར། སྔོན་གྱི་གནས་ཀྱི་རིགས་རྗེས་སུ་གཟུང་བར་གྱིས་ཤིག །བྲམ་ཟེ་གཞོན་ནུའི་སྤྲིན་ལ་སོགས་པ་རྣམས་ཀྱི་ནི་སྨན་ཆེན་པོའི་བཅུད་ཀྱི་ལེན་གྱིས། སེམས་ཅན་གྱི་རིགས་ཀྱི་ཚེ་དང་ཁ་དོག་དང་སྟོབས་དང་ལང་ཚོ་བཀྲག་དང་གཟི་བརྗིད་རྣམས་འཕེལ་བར་བྱ་བའི་ཕྱིར་རིགས་རྗེས་སུ་གཟུང་བར་གྱིས་ཤིག །འབྲས་སྐྱོང་གི་བུ་མོ་དང་། ཛམ་བྷ་ལ་དང་། ད་བ་ཤུའི་བུ་མོ་དང་། ལྷ་དང་ཀླུའི་བུ་མོ་རྣམས་ཀྱིས་ནི་རང་རང་གི་ལོངས་སྤྱོད་པའི་རྫས་གང་གིས་ལོངས་སྤྱད་པ་དེ་དག་ལ། སོ་སོའི་བཅུད་དང་བྱིན་གྱིས་རླབས་དང་དངོས་གྲུབ་གསོལ་བའི་ཕྱིར་རིགས་རྗེས་སུ་གཟུང་བར་གྱིས་ཤིག །ཁྱེད་རྣམས་ནི་བཅོམ་ལྡན་འདས་ཀྱི་ཕྲིན་ལས་ཡང་དག་པར་གཟུང་བའི་ཕྱིར་མངོན་དུ་མཛད་པ་ཡིན་གྱིས་དོན་ཆེན་པོ་ཡལ་བར་དོར་བར་མ་བྱེད་ཅིག་ཅེས་སྨྲས་པ་དང་། ཚངས་པ་དང་དྲང་སྲོང་ལ་སོགས་པའི་འཁོར་དེ་དག་གིས་འདི་སྐད་ཅེས་སྨྲས་སོ། །ཀྱེ་བཅོམ་ལྡན་འདས་བདག་ཅག་ལ་སོགས་པ་སེམས་ཅན་ཐམས་ཅད་ཐུགས་རྗེ་ཆེན་པོས་ཡོངས་སུ་འཛིན་པར་མཛད་པའི་ཀུན་ཏུ་བཟང་པོ་ཧེ་རུ་ཀ་ཆེ་བའི་མཆོག་ཏུ་གྱུར་པ་ཁྱོད་ལ་ཕྱག་འཚལ་ལོ། །བདག་ཅག་རྣམས་ནི་ཁྱོད་འཁོར་དང་བཅས་པ་རྣམས་ཀྱིས་ཇི་ལྟར་བསྒོ་བ་དང་། མ་འོངས་པའི་གང་ཟག་རྣམས་ཀྱིས་སྨོན་ཅིང་ལྟོས་པ་ལས་བདག་ཅག་འདའ་བར་བྱེད་རེ་ཀན་ཞེས་བྲོ་བོར་རོ། །སརྦ་པཉྩ་ཨ་མྲྀ་ཏ་ས་མ་ཡ་ན་ར་ཀན་ཞེས་བརྗོད་དེ། ཐ་ཚིག་ལ་གནས་པར་གྱུར་ཏོ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་ ― DNG014_Page_0717 ―
[མ་དཔེ་གཟིགས་ན་འདིར་གནོན།]
རྒྱུད་ལས། དམ་ཚིག་ཆེན་པོའི་ལས་ཉེ་བར་བསྒྲུབ་པ་དངོས་གྲུབ་ཀྱི་རིག་འཛིན་གྱི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ལ་འདུས་པའི་འཁོར་ཚོགས་རྣམས་ཀྱིས་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས། བཅོམ་ལྡན་འདས་ཉིད་ཀྱི་དམ་ཚིག་ཆེན་པོ་རབ་ཏུ་གསལ་བའི་ཚོགས་དེ་དག་ཉེ་བར་བསྒྲུབ་པའི་གནས་དང་སྟོན་པ་དང་འཁོར་དང་ཡོ་བྱད་ཀྱི་ཁྱད་པར་དང་། དེའི་ཐབས་དང་འབྲས་བུ་དང་། ཡོན་ཏན་གྱི་ཚོགས་ཇི་སྙེད་པ་དག་དུས་ཕྱི་མའི་ཚེ་ན་འབྱུང་བའི་སེམས་ཅན་ཉོན་མོངས་པས་རབ་ཏུ་དཀྲིས་པ་རྣམས་ཀྱིས་གྲོལ་བ་དང་ཐར་པ་ཐོབ་པར་བྱ་བའི་ཕྱིར་ཐུགས་བརྩེ་བ་ཆེན་པོས་ཉེ་བར་དགོངས་ཏེ་བསྟན་དུ་གསོལ། ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་གསང་བའི་དཀྱིལ་འཁོར་ཆེན་པོ་བདུན་དང་རྡོ་རྗེའི་དམ་ཚིག་ཆེན་པོའི་སྦྱོར་བའི་བྱིན་རླབས་ཡང་དག་པར་སྤྲོ་བ་བརྒྱད་མངོན་པར་སྤྲུལ་ཏེ་ཀུན་ཏུ་སྣང་བར་མཛད་ནས་འདི་སྐད་ཅེས་བཀའ་སྩལ་ཏོ། །ཨེ་མ་འདུས་པའི་འཁོར་ཚོགས་རྣམས། །ལེགས་སོ་ལེགས་སོ་ཤིན་ཏུ་ལེགས། །ཁྱོད་ཀྱི་དྲི་བ་འདི་ཉིད་ཀྱིས། །བསོད་ནམས་བྱས་པའི་ཁྱད་པར་ནི། །དུས་གསུམ་སངས་རྒྱས་མ་ལུས་པས། །བསྐལ་པར་གསུངས་ཀྱང་འཛད་མི་ནུས། །དེ་བས་རིགས་ཀྱི་བུ་རྣམས་ཉོན། །མཐོང་ཞིང་གོམས་ལ་བརྟུལ་ཞུགས་གནས། །རེ་ཞིང་དོགས་མེད་གཙང་བ་སྟེ། །ཟབ་ཅིང་མཐར་ཕྱིན་དབང་བསྐུར་ལ། །ཐབས་མཁས་བློ་ཆེ་བརྟན་ཞིང་གསལ། །སྟོན་པ་ཉིད་ཀྱིས་རྗེས་བཟུང་བས། །ལུས་ངག་ཡིད་ཀྱི་ཉེས་བྱས་ཟད། །བློ་ལྡན་གཏོང་ཕོད་བརྩོན་འགྲུས་ཆེ། །མི་ཕྱེད་དད་ཅན་རིགས་དག་ལ། །བརྟུལ་ཕོད་མ་ཞུམ་ངེས་པར་སྤྱོད། །ནུས་པ་བསྐྱེད་དང་སྨིན་པའི་དུས། །ཇི་ལྟར་བཤད་པའི་མཚན་ཉིད་དང་། །ཡོན་ཏན་རྒྱན་རྟགས་ལྡན་པའི་གནས། །མི་མཛའི་ཕྱོགས་ཀུན་རབ་བཟློག་རྫས། །ཟླ་བ་ཕྱེད་པ་བྱུང་ནས་བརྩམ། །ཚོགས་བསག་བར་ཆད་བསལ་ལ་འབད། །རང་ཉིད་ཞེ་སྡང་རྡོ་རྗེ་ཡི། །སྔོན་གྱི་ཕྲིན་ལས་མ་ལུས་སྦྱར། །གཞི་དེ་བརྟག་ཅིང་སྦྱར་བ་དང་། །བདག་གིར་བྱ་བ་མཆོག་ཡིན་ནོ། །དམ་ཚིག་རྫས་ཀྱི་མཛེས་ ― DNG014_Page_0718 ―
[མ་དཔེ་གཟིགས་ན་འདིར་གནོན།]
པར་མཉམ། །རང་གི་རིགས་དང་ཕྱོགས་དག་གནས། །རྡོ་རྗེ་བ་སུ་ཏ་ཡིས་བཅད། །ཉི་ཟླ་གསལ་བའི་དཀྱིལ་འཁོར་དུ། །འབྲུ་ལྔ་ཡེ་ཤེས་འཕྲོ་འདུ་གསལ། །སྲུབ་མེད་ནོར་བུ་རིན་པོ་ཆེ། །རིགས་ཀྱི་མཚན་མས་བརྒྱན་པའི་སྣོད། །ཉིད་ཀྱི་ཕྱོགས་སུ་གསལ་བར་དགོད། །རིགས་ལྔ་རྩ་བའི་དམ་ཚིག་ལྔ། །ཡན་ལག་དྲི་དང་ཁ་དོག་གིས། །དམན་པ་སྒྲིབ་བྱེད་མཐུན་པའི་སྐྱོབས། །རྒྱལ་པོ་བློན་པོ་དམངས་དང་བཅས། །མ་ལུས་པ་ནི་ཐམས་ཅད་ཀུན། །མཐུན་པའི་རིགས་ཀྱིས་རབ་ཏུ་དབྱེ། །ཕོ་བྲང་དེ་ཡི་རྒྱན་དང་རྟགས། །དགོད་དང་བྱིན་བརླབ་ལ་སོགས་ཀུན། །ངས་བཤད་དོན་ལས་འདའ་མི་བྱ། །ཕྱག་མཚན་བཅས་པའི་དཀྱིལ་འཁོར་ཉིད། །དམ་པ་རིགས་བརྒྱའི་ཏིང་ངེ་འཛིན། །བྱིན་བརླབ་དབང་བསྐུར་ཆོ་འཕྲུལ་གྱིས། །མཆོད་ཅིང་བསྟོད་དེ་སྦྱང་བ་དང་། །བསྡུ་ཞིང་བསྡིམ་པ་མྱུར་བར་བྱ། །ཨོཾ་སརྦ་པཉྩ་ཛྙཱ་ན་སཏྭ་ཀྲོ་ཏ་མུ་ན་ཡེ་སྭཱ་ཧཱ། ཨོཾ་བཛྲ་མ་ཧཱ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་རུ་ལུ་རུ་ལུ་ཧཱུཾ་བྷྱོ་ཧཱུཾ། འདི་ལ་བསྟོད་ཅིང་བཤགས་སྦྱང་དང་། །མ་ལུས་ཕོ་བྲང་དབབ་པ་དང་། །འཇིག་རྟེན་དམན་པའི་རྣམ་རྟོག་གཞོམ། །སྔ་མ་ཕྱི་མ་དུས་ཀྱི་བདག །གཉིས་སུ་བལྟ་ཞིང་ངག་གི་སྒྲ། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ར་སཱ་ཡ་ན་སྟ་ན་ཛ་ཡ་གྷུ་ཧྱ་སིདྡྷི་ཧཱུཾ་ཧྲཱྀཿཋ། རྡོ་རྗེ་སེམས་དཔའི་ང་རྒྱལ་འཆང་། །བསྐྱེད་པའི་བྱིན་རླབས་དངོས་ལ་བསྡུ། །འཕྲོ་འདུ་གསལ་ཏེ་རྟགས་དང་སྦྱར། །རིགས་ཀུན་འཛིན་པ་དག་པའི་ཕྱིར། །རྩ་བའི་དཀྱིལ་འཁོར་ལྔར་བསྡུས་པ། །ཨོཾ་ཨཱཿཧཱུཾ་སྭཱ་ཧཱ། འཁོར་ལོ་རྡོ་རྗེ་རིན་པོ་ཆེ། །པདྨ་རྒྱ་གྲམ་འོད་དང་ལྡན། །དུག་ལྔ་རྒྱུད་ལྔ་སྦྱངས་ཤིང་དྲང་། །འཇའ་ཚོན་ལྟ་བུ་དེ་མཉེས་བྱ། །སྙིང་གར་ཐབས་དང་ཤེས་རབ་འོད། །སྦྱོར་བས་འཕྲོ་འདུ་འཕྲོས་པ་ལས། །མཉེས་དང་སྦྱང་བ་བསྡུ་བྱས་པ། །ཐིམ་པས་མི་བཟད་འཁོར་ལོའི་དབྱིངས། །སྐུ་དང་ཡེ་ཤེས་གསལ་བར་བལྟ། །ཨོཾ་ཨཱཿཧཱུཾ་སྭཱ་ཧཱ་ཛྙཱ་ན་པཉྩ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཕྱག་རྒྱ་ལྔ་ཉིད་མཉེས་པར་བསྐང་། །དངོས་གྲུབ་བཅུད་ཀྱིས་གང་བར་བལྟ། །སྔོན་གྱི་ཕྲིན་ལས་ཇི་བཞིན་སྤྱད། །དེ་ཉིད་ལྔ་རུ་སྣང་བ་ཡང་། །གཅིག་ཉིད་ཁོ་ན་ཡིན་པའི་ཕྱིར། །རྡོ་རྗེ་སེམས་དཔའ་ཉིད་དུ་བརྟག །རྡོ་རྗེ་པདྨ་འཁོར་ལོ་ལ། ། ― DNG014_Page_0719 ―
[མ་དཔེ་གཟིགས་ན་འདིར་གནོན།]
ཨོཾ་ཨཱཿཧཱུཾ་བཛྲ་སཏྭ་ས་མ་ཡ་སྭཱ་ཧཱ། འབྲུ་གསུམ་ཁ་དོག་ལྡན་པ་ནི། །བསྐོར་ཞིང་ལྷག་མར་བཅས་པ་བཟླས། །ཀུན་གྱི་ཕྲིན་ལས་གཅིག་གི་ངང་། །དང་པོར་བྱ་བའི་ལས་ཡིན་ནོ། །བདུད་རྩི་འཁྱིལ་པའི་དཀྱིལ་འཁོར་ནི། །སྟོང་དང་སྙིང་རྗེའི་ས་བོན་ལས། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཀུཎྜ་ལི་ཧཱུཾ་ཧྲཱྀཿཋ། ཞེས་པས་འདི་ཡི་བདག་པོ་ཉིད། །མདོག་དཀར་ཞལ་གཅིག་ཕྱག་གཉིས་པ། །ཕྱག་གཡས་རྡོ་རྗེ་གཡོན་པ་ཡིས། །བདུད་རྩིས་བཀང་བའི་ཐོད་པ་འཛིན། །གཞི་ཉིད་ཀུན་བཟང་ཡབ་ཡུམ་མཁའ། །ངོ་བོ་བདེ་བ་བྱང་ཆུབ་སེམས། །དཀར་དང་དམར་བའི་སྤྲིན་ཚོགས་འདུས། །ཐུགས་རྒྱུད་བསྐུལ་ཞིང་མོས་པ་བསྐྱེད། །གནས་ངན་སྦྱངས་ཤིང་ས་ལ་དགོད། །ཡོན་ཏན་ཐོབ་ཅིང་གཞན་དོན་རྫོགས། །རབ་ཏུ་མཉེས་ཤིང་དབང་བྱིན་སྩལ། །འབྲས་བུ་བླངས་ཤིང་བར་ཆད་བཟློག །འཕྲོ་འདུ་འཛམ་བུ་ནཱ་ད་བཞིན། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཀུཎྜ་ལི་ཧ་ན་ཧ་ན་རཾ། དེ་ལས་གཞན་པའི་བྱ་བའི་གཙོ། །ནམ་མཁའི་དབྱིངས་ཀྱི་དབུས་དག་ཏུ། །གཙང་དང་རྣམ་རྟོག་དེ་ཉིད་ལས། །སྦྱངས་ཤིང་བར་ཆད་ཕྱིར་བསལ་ཕྱིར། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་མུ་ས་ལ་གྷྲ་ཧཱི་ཨ་ན་ཡ་ཧོཿབ་ཡ་ཧཱུཾ་ཕཊ། དེ་ཡི་བྱེ་བྲག་ཕྱེད་པར་བྱ། །གཉིས་མེད་བདུད་རྩིར་རབ་སྦྱང་ཕྱིར། །བཅུད་བཞིའང་མཉམ་པ་ཉིད་དུ་སྦྱར། །ཨོཾ་ཨ་མྲྀ་ཏ་ཛ་གད་བྱི་ཏི་ལ་ཤོ་དྷ་ཡ། རཏྣ་ཙ་ཏ་བི་ཤུདྡྷེ་ཀུཎྜ་ལི་སྭཱ་ཧཱ། རྒྱལ་བའི་མཆོད་སྦྱིན་མེ་ལྷའི་ཚོགས། །མ་ཉམས་དེ་ཡིས་མཉེས་པར་བྱ། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་མུ་ས་ལ་ཧཱུཾ་ཧྲཱྀཿཋ། ཆོས་མ་རྡོ་རྗེ་མཛེས་མ་ཡིས། །དངོས་གྲུབ་སྤེལ་ཕྱིར་མཉམ་པར་གཞལ། །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧ་ཡ་གྷྲི་ཝ་ཧུ་ལུ་ཧུ་ལུ་ཧྲཱྀཿཋ། གཞན་ནས་གྲ་ཧ་ནྟེ་ཧ་ན་ཧ་ན་ཧཱུཾ་ཕཊ། ཡང་བྱུང་རྒྱས་གདབས་བྱིན་གྱིས་བརླབ་པར་བྱ། །དངོས་གྲུབ་རྐྱེན་དུ་བསྔགས་པ་རྣམས། །ང་ཡིས་བཤད་པ་བཞིན་དུ་བྱ། །རྒྱལ་བ་མཉེས་པའི་ཐབས་རྣམས་ཀྱིས། །མཆོད་དེ་ཡན་ལག་ཚང་བར་སྤྱད། །རོལ་པ་ཆེན་པོའི་ཕོ་བྲང་གསལ། །ང་ཡི་དགོངས་རྒྱུད་སྦྱོར་བ་ནི། །བྱང་ཆུབ་སེམས་ཀྱི་སྤྲིན་ཚོགས་ལས། །སྟོང་གསུམ་འཇིག་རྟེན་ཁྲོ་བཅུར་གསལ། །སྟེང་ཕྱོགས་རིགས་བཞིའི་ཧེ་རུ་ཀས། །དཔའ་བོ་གཉིས་གཉིས་ཞབས་ཀྱི་བརྫིས། །སླར་ཡང་གཙོ་བོའི་ཞབས་བཞིས་མནན། །དེ་སྟེང་དབྱིངས་མའི་ཞབས་བརྒྱད་ཀྱིས། །ཁྲག་འཐུང་གཡས་གཡོན་དབུས་ ― DNG014_Page_0720 ―
[མ་དཔེ་གཟིགས་ན་འདིར་གནོན།]
གཉིས་མནན། །དབུས་མ་དེ་ཡི་མཁའ་ལ་རྫོགས། །དེ་ལ་རྫོགས་པའི་ཧེ་རུ་ཀ །ཞབས་ཀྱི་དབུ་བརྒྱད་བརྫིས་མཛད་ཅིང་། །སྨིན་མཚམས་དབྱིངས་སུ་གསང་མཆོག་རྫོགས། །དེ་ཡི་ཞལ་དབུས་ལྗགས་སྟེང་དུ། །སྲས་མཆོག་ས་ནུ་ཧེ་རུ་ཀ །མདོག་དཀར་གསལ་བ་ཡབ་ཡུམ་བཅས། །ཚོན་གང་དེ་ཡི་ལྗགས་དཀྱིལ་དུ། །འབྲུ་དགུས་མི་འགྱུར་དོན་ལ་བསྐོར། །ཨཱོཾ་སརྦ་པཉྩ་ཨ་མྲྀ་ཏ་ཧྲཱྀཿཋ། དེ་འོག་དམིགས་པའི་ཕོ་བྲང་དུ། །རང་གི་ས་བོན་ལས་བྱུང་བའི། །གཙོ་ཆེན་གསང་བའི་ཡུམ་བཞིར་བཅས། །བསྡུས་པའི་མཁའ་ལ་དབང་གི་ལྷ། །མདོག་དམར་ཞལ་གཅིག་ཕྱག་གཉིས་པ། །ཕྱག་གཡས་པདྨ་གཡོན་པ་ཡིས། །རྡོ་རྗེ་རྒྱ་གྲམ་ཕོ་བྲང་གནོན། །ཕྱེད་ཙམ་མཁའ་ནུབ་སྦྱོར་བ་སྟེ། །འཕྲོ་འདུ་བྱིན་རླབས་རབ་བསྐུལ་བ། །ཨཱོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱྀཿཋ། སྒྲ་དང་འོད་ཀྱི་བརྟུལ་ཞུགས་ཀྱིས། །བྱང་ཆུབ་སེམས་ཀྱི་སྤྲིན་ཚོགས་འཁྱིལ། །སངས་རྒྱས་མ་ལུས་མཉེས་པར་བལྟ། །དཀྱིལ་འཁོར་བདག་པོ་ཧེ་རུ་ཀའི། །སྙིང་གའི་འབྲུ་དགུ་འོད་ཟེར་གྱིས། །གཙོ་བོའི་དབུ་གཙུག་ལམ་ནས་ཞུགས། །ལྗགས་ཀྱི་དཀྱིལ་འཁོར་འཕྲོ་འདུ་མཛད། །ཕྱག་མཚན་དཀྱིལ་འཁོར་བཅས་པ་ཡང་། །ཐབས་དང་ཤེས་རབ་འོད་ལྡན་དེ། །གཙོ་མོ་ཡུམ་གྱི་ཞལ་སྒོར་འབབ། །དེ་ཉིད་ཧེ་རུ་ཀ་དཔལ་ལོ། །རིགས་བཞི་དབང་མཆོག་ཁྲོ་བཅུ་རྣམས། །ཡུམ་བཅས་བདེ་ཆེན་གཅིག་ཏུ་གྱུར། །སླར་ཡང་ཕོ་བྲང་ཆེན་པོ་རུ། །རིགས་ཀྱི་བདག་པོ་རྣམས་སུ་གསལ། །རིམ་པ་བཞིན་དུ་དབང་བསྐུར་རོ། །གནས་མཆོག་དེ་ཡི་ཕྱོགས་ཀུན་ནས། །འོད་ཕུང་འབར་བས་དངོས་ཉིད་སྤར། །བྱིན་གྱིས་རླབས་ཀྱིས་ཁྲོ་ཚོགས་དང་། །དབང་ཆེན་ཡུམ་བཞི་སྣང་བར་མཛད། །དེ་ཡི་རིགས་བཞི་གསང་མཆོག་དང་། །སྐུ་གདུང་འབར་བའི་གཞལ་ཡས་ཁང་། །རིགས་བཞི་གཙོ་དང་འཁོར་རྣམས་ལས། །འོད་སྤྲིན་སྟེང་ཕྱོགས་འབར་བ་ལས། །ཡུམ་ཆེན་མཁའ་མཉམ་ཀློང་གི་དཀྱིལ། །གསལ་བའི་ཞབས་དང་གསང་བའི་དབྱིངས། །དབུ་མའི་བྱིན་རླབས་སྤྱི་གཙུག་འབར། །འཆི་མེད་རྡོ་རྗེའི་དཀྱིལ་འཁོར་མཐོང་། །འོད་བྱུང་ཕྱག་མཚན་ཚོགས་ཀུན་གྱིས། །བྱིན་ཕབས་ལྗགས་ཀྱི་སྦྱོར་བ་ལས། །དབང་གི་དཀྱིལ་འཁོར་ཡུལ་དང་བཅས། ། ― DNG014_Page_0721 ―
[མ་དཔེ་གཟིགས་ན་འདིར་གནོན།]
འཕྲོ་འདུ་མ་ལུས་ཁྱབ་བྱས་ཏེ། །སྦྱངས་ཤིང་བཏུལ་ཏེ་ཚར་བཅད་དེ། །གཙོ་ཆེན་སྟེང་ཕྱོགས་ཐིམ་པར་བལྟ། །རྒྱུན་དུ་གནས་པའི་ཡན་ལག་ལས། །མཐུན་འཇུག་སྤྲུལ་སྐུའི་མཛད་པ་ཡིས། །མ་ལུས་གཞན་དོན་རྫོགས་པར་དམིགས། །མཉེས་བྱ་བསྐུལ་ཞིང་དབབ་དང་བཟློག །ཕྲིན་ལས་རྒྱུན་དུ་འབད་པ་ལས། །འོད་དང་དུ་བ་དྲི་དང་སྒྲ། །ལྷ་མོའི་གཟུགས་ཀྱང་སྟོན་པར་བྱེད། །མང་དུ་འཕེལ་ན་གྲུབ་རྟགས་ཡིན། །ཨཱོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་གུ་ཧྱ་སིདྡྷི་ཨ་བྷི་ཥིཉྩ་ཨཱ། གལ་ཏེ་ཚུལ་བཞིན་མ་གྱུར་ན། །ཀུན་ནས་སྤོགས་ཏེ་བསར་ཞིང་འབད། །དབབ་བསྐྱིལ་བསྡུ་ཞིང་བླང་བར་བྱ། །ཨཱོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཨཱ་བེ་ཤ་ཡ་ཕེཾ་ཕེཾ་ཀུཎྜ་ལི་ཧཱུཾ་ཧྲཱྀཿཋ། ཧ་ཡ་གྷྲཱི་ཝ་ཧུ་ལུ་ཧུ་ལུ་བྷནྡ་བྷནྡ་ཧཱུཾ་ཧྲཱྀཿཋ། མཉྫུ་ཤྲི་བྱ་བ་ལོ་ཀི་ཏེ་ཧཱུཾ་ཧྲཱྀཿཋ། ཨ་ཧོ་སུ་ཁ་དྷརྨ་ཀཱ་ཡ་ནི་ཨ་མྲྀ་ཏ་སིཛྫཾ་ཧཱུཾ་ཧྲཱྀཿཋ། རྡོ་རྗེ་སློབ་མའི་ཚོགས་རྣམས་ཀྱིས། །མེ་ཏོག་དོར་ཏེ་གསོལ་བར་བྱ། །ཨོཾ་བོ་དྷི་ཙིཏྟ་ཀཱ་ཡ་ཝཱ་ཀ་ཙིཏྟ་མ་ཧཱ་ས་མ་ཡ་ཧོ། རྡོ་རྗེ་རྒྱལ་པོ་དེ་ཡིས་ནི། །ཡིད་བཞིན་ཕོ་བྲང་དེ་ལ་བསྟན། །ཨཱོཾ་ཨཱཿཧཱུཾ་མ་ཧཱ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་སྟྭཾ། སརྦ་པཉྩ་ཨ་མྲྀ་ཏ་ཨ་བྷི་ཥིཉྩ་ཨ་བེ་ཤ་ཡ་ཨ་ཨཿ། སྲོག་གི་སྙིང་པོ་རྒྱུད་གསུམ་པོ། །གནས་གསུམ་བྱང་ཆུབ་སེམས་ལ་ཐིམ། །ཨཱོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཀཱ་ཡ་ཝཱ་ཀ་ཙིཏྟ་ཨཱ་ཡུ་ཕ་ལ་སིདྡྷི་ཧཱུཾ། མཁའ་དབྱིངས་ཕྱག་རྒྱ་ཆེ་བའི་མཆོག །དཔལ་གྱི་ཐ་ཚིག་གཏམ་པ་དགྲོལ། །པདྨ་ས་མ་ཡ་པྲ་བེ་ཤ་ཡ་ཕཊ། དོན་དམ་གཉིས་མེད་ཐིག་ལེ་ལས། །སྐུ་གསུང་ཐུགས་ཀྱི་རྡོ་རྗེར་གྱུར། །མ་ཧཱ་གུ་ཧྱ་ཀཱ་ཡ་ཝཱ་ཀ་ཙིཏྟ་སིདྡྷི་སིདྡྷི་ཧྲཱྀཿཋ་ཧཱུཾ། ཐམས་ཅད་མཁའ་ཡི་མཚན་ཉིད་དེ། །ཁ་དོག་དབྱིབས་དང་མཚན་མ་གྲུབ། །སྐྱེ་བ་མེད་ཅིང་འགག་པ་མེད། །རིམ་པའི་དོན་ལ་འཇུག་པར་གྱིས། །འདི་ནི་སངས་རྒྱས་ཐམས་ཅད་ཀྱི། །དབང་བསྐུར་སྤྱོད་ཡུལ་དམ་པ་སྟེ། །དམ་ཚིག་ཕྱག་རྒྱ་སྲུང་བའི་མཆོག །བསོད་ནམས་མཆོག་ཏུ་ཕྱིན་པ་སྟེ། །བླ་ན་མེད་པ་མྱུར་དུ་འགྲུབ། །དེ་བས་ཁྱོད་ཀྱིས་བརྩོན་པར་གྱིས། །ཞེས་གསུངས་སོ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། དམ་ཚིག་ཆེན་པོ་བྱིན་གྱིས་བརླབ་པའི་ཐབས་ཡང་དག་པར་བསྡུ་བའི་ལེའུ་སྟེ་དྲུག་པའོ།། །།དེ་ནས་གཙོ་ཆེན་ཧེ་རུ་ཀས། །འདུས་པའི་ ― DNG014_Page_0722 ―
[མ་དཔེ་གཟིགས་ན་འདིར་གནོན།]
འཁོར་ལ་འདི་སྐད་གསུངས། །ཀུན་ཏུ་བཟང་པོ་ཧེ་རུ་ཀ །ང་ནི་ཡོན་ཏན་གཙོ་བོ་སྟེ། །ཆེ་བའི་མཆོག་ཏུ་གྱུར་པ་ཡིན། །འདི་ལ་ཐེ་ཚོམ་མ་ཟ་ཅིག །དམན་པའི་འཇིག་རྟེན་ཆོས་ཀྱིས་ནི། །རྒྱུ་དང་ལས་དང་ཉོན་མོངས་ཀྱི། །སྡུག་བསྔལ་ཕུང་པོ་བསྐྱེད་པས་ན། །ང་ཡི་ཡོན་ཏན་ཤེས་མི་འགྱུར། །ལོག་པའི་བརྩོན་འགྲུས་ཤེས་རབ་ཀྱིས། །རགས་པའི་རྒྱུ་དང་འབྲས་བུ་དག །མེ་ལོང་རྟོགས་ཏེ་ཕྲ་བ་མིན། །དཀའ་ཐུབ་བརྟུལ་ཞུགས་མཆོད་སྦྱིན་དག །འདོད་པའི་ཁམས་དང་གཟུགས་ཡོད་མེད། །ང་རྒྱལ་སྙོམས་འཇུག་མངོན་ཤེས་ལུས། །ཚེ་དང་སྐལ་བ་ཐོབ་ཟིན་ཡང་། །སྲིད་པའི་ས་བོན་མ་ཟད་པས། །ང་ཡི་ཡོན་ཏན་རྟོགས་པ་མིན། །རྒྱུན་ཞུགས་མི་ལྡོག་རང་རྒྱལ་བས། །བལྟ་དང་བསྒོམ་པས་སྤང་བྱ་བའི། །ཀུན་ནས་ལྡང་བར་རགས་པ་ཙམ། །སྤངས་པའི་དགྲ་བཅོམ་ཐོབ་ཟིན་ཀྱང་། །འགྱུ་བྱེད་ཕྲ་མོ་བག་ཉལ་བས། །ང་ཡི་ཡོན་ཏན་ག་ལ་རྟོགས། །ཀུན་རྫོབ་དོན་དམ་ཚུལ་ཤེས་པས། །ཤེས་པ་ཉིད་དང་ཉོན་མོངས་པའི། །སྒྲིབ་བྱེད་སྤངས་ཏེ་སྟོན་པའི་ས། །རླབས་ཆེན་སོས་ཀྱང་ཅུང་ཙམ་ལས། །ཡང་དག་མཐར་ཐུག་ཤེས་པ་མིན། །བྱ་བ་ལུས་ངག་རབ་སྤྱོད་དང་། །མཉམ་པའི་གཟུགས་བརྙན་གསུམ་དག་གིས། །ཕྱག་རྒྱའི་མཚན་མ་སྣང་མོད་ཀྱང་། །ཐབས་དང་ཤེས་རབ་མཉམ་སྦྱོར་བའི། །བདེ་ཆེན་རོ་དེ་མ་མྱོངས་ཤིང་། །འདོད་པའི་ལམ་ལ་རྒྱབ་ཕྱོགས་པས། །ང་ཡི་ཡོན་ཏན་མ་མཐོང་ངོ་། །གང་དག་ཆགས་སོགས་སྲིད་པའི་གཞི། །རིགས་གཅིག་པ་དང་ཐ་དད་དང་། །ཉོན་མོངས་ཉེ་བའི་ཉོན་མོངས་དག །རང་གི་དེ་ཉིད་ཡོངས་ཤེས་ཤིང་། །བག་ཆགས་དང་བཅས་ཀུན་གྱི་གཞི། །རྣམ་པར་ཤེས་པའི་ཡུལ་ཚོགས་རྣམས། །ཟག་བཅས་ཟག་མེད་འདུས་མ་བྱས། །རང་བཞིན་བྱུང་བའི་བཅོམ་ལྡན་འདས། །དབང་པོའི་ལོངས་སྤྱོད་ཡུལ་གྱུར་རྣམས། །དེ་ཉིད་ཤེས་པས་ཡོངས་བསྒྲུབ་པ། །ང་ཡི་ཡོན་ཏན་མཐོང་བ་ཡིན། །ནམ་མཁའི་མཚན་ཉིད་ཇི་བཞིན་དུ། །བཅིང་བ་མེད་ཅིང་གྲོལ་བའང་མེད། །དབྱེར་མེད་མཐའ་གཉིས་མི་གནས་ཤིང་། །ཆགས་མེད་ཆགས་དང་བྲལ་བ་མེད། །རྣལ་འབྱོར་བཞི་དང་སྐུ་ལྔ་དང་། །ཡེ་ཤེས་ཕྲིན་ལས་མ་ལུས་པ། །སྣང་མེད་ཚུལ་གྱིས་སྣང་བ་དེ། །ང་ཡི་ཡོན་ཏན་ཤེས་ ― DNG014_Page_0723 ―
[མ་དཔེ་གཟིགས་ན་འདིར་གནོན།]
པ་ཡིན། །དེ་བས་རིགས་ཀྱི་བུ་ཁྱེད་རྣམས། །ང་ཡིས་ཇི་ལྟར་བཤད་པ་ཡི། །ཡོན་ཏན་ཆེན་པོ་འདི་ལོང་ལ། །དམན་པ་བར་མ་མཆོག་ཏུ་གྱིས། །ཡུལ་དང་དངོས་པོ་སེམས་རྒྱུན་དང་། །ཁམས་དང་བྱེད་པ་ལས་རྣམས་ཀུན། །ང་ལ་དམན་པ་ཡོངས་མེད་པས། །དེ་བས་ང་ཉིད་ཀུན་ཏུ་བཟང་། །ཆེ་བའི་མཆོག་སྟེ་མཆོག་ཏུ་གྱུར། །ཅེས་གསུངས་སོ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། ཡོན་ཏན་གྱི་ཚོགས་ཉེ་བར་བསྡུ་བའི་ལེའུ་སྟེ་བདུན་པའོ།། །། དེ་ནས་གཙོ་ཆེན་ཧེ་རུ་ཀས། །འདུས་པའི་འཁོར་ལ་འདི་སྐད་གསུངས། །ཁྱད་པར་བསྒྲུབ་པ་རྒྱལ་བའི་བཀའ། །སྣང་སྲིད་སྣང་བར་ཤེས་པའི་སྐུ། །རྒྱུ་གཉིས་རྐྱེན་གསུམ་ལས་བྱུང་བའི། །སྐུ་གསུང་ཐུགས་ཀྱི་དངོས་གྲུབ་འདི། །བདེ་ཆེན་མཉམ་ཉིད་ཐུགས་ཀྱི་ངང་། །བདག་འཛིན་རྣམ་དག་ཤེས་རབ་སྐུ། །ཆགས་པ་ཀུན་བྲལ་སྐྱེ་མེད་དབྱིངས། །གཉིས་མེད་དོན་ལས་སྣ་ཚོགས་སྟོན། །འདི་ནི་དོན་གྱི་བདུད་རྩིའོ། །མ་སྐྱེས་ཀུན་བཟང་ཆེ་བའི་མཆོག །བདེ་ཆེན་ཀློང་འདུས་དབྱིངས་ཕྱུག་མ། །ཉོན་མོངས་རྣམ་དག་རིགས་ཀྱི་གཙོ། །ཡེ་ཤེས་ལྔ་རྫོགས་སྐུ་ལྔར་གྲུབ། །དུག་ལྔར་རྟོག་པ་རང་གྲོལ་བ། །འདི་ནི་མིང་གི་བདུད་རྩིའོ། །འདུལ་བའི་ཐབས་མཁས་ཁྲོ་བོའི་སྐུ། །སྒྲ་ཚིག་སྦྱང་མཛད་འཁོར་ལོའི་གསུངས། །འཆི་མེད་ལས་ཀྱི་བདུད་རྩིའོ། །ཆོས་ཉིད་རིག་པ་བྱང་ཆུབ་སེམས། །འདྲེས་དང་མ་འདྲེས་ཡོངས་སུ་རྫོགས། །ཉོན་མོངས་མ་རིག་མི་གཙང་ནད། །ཆོས་ཉིད་ཡེ་ཤེས་ནུས་པས་སྦྱོང་། །ཚང་ལུགས་བརྒྱད་ལྡན་ཆོས་ཀྱི་རོ། །ཤེས་པ་བརྒྱད་ཀྱི་དོན་བདུད་རྩི། །སྨན་རྣམས་བདུད་རྩིར་དམིགས་པ་སྟེ། །བསྒོམ་པ་བརྒྱད་ཀྱི་དམ་རྫས་སོ། །ཕྱི་ནང་སྣོད་བཅུད་ཐམས་ཅད་ཀུན། །བདུད་རྩི་དེ་ཉིད་རྣམ་ལྔ་སྟེ། །སོ་སོ་རང་ཉིད་རྩ་བ་བརྒྱད། །དབྱིབས་དང་ཁ་དོག་ཕྱི་དང་ནང་། །ཐབས་དང་ཤེས་རབ་རོ་དང་མཐུ། །སྐུ་ ― DNG014_Page_0724 ―
[མ་དཔེ་གཟིགས་ན་འདིར་གནོན།]
དང་གསུང་དང་ཐུགས་ཉིད་དང་། །ཡོན་ཏན་ཕྲིན་ལས་ཡན་ལག་གོ། །རང་དང་རང་བཞིན་བདག་ཉིད་རྒྱུ། །དུས་གསུམ་དེ་ཉིད་ཤེས་པར་སྤྱོད། །བདུད་བཞི་ཉོན་མོངས་ནད་འཇོམས་སེལ། །སྐྱེ་ཤི་འདུ་འབྲལ་མེད་པའི་དོན། །བལྟ་སྤྱོད་དམ་ཚིག་ཕྲིན་ལས་དང་། །ཡེ་ཤེས་དཀྱིལ་འཁོར་བསྒྲུབ་པའི་ལུང་། །ཕྱི་དང་ནང་གི་འབྱུང་བ་དང་། །སེམས་དང་སེམས་ཉིད་ཆོས་དང་ནི། །ཆོས་ཉིད་གསང་བ་དེ་ཉིད་དོ། །བདེ་བ་དང་ནི་སྡུག་བསྔལ་དང་། །འཁོར་འདས་ཆོས་དང་གཙང་མི་གཙང་། །ལོག་རྟོག་སྤང་ལེན་ལམ་དུ་རྫོགས། །སྦྱོར་བའི་དོན་དུ་དཀྱིལ་འཁོར་བརྒྱད། །མཉམ་ཉིད་ཐུགས་ཆུང་ཀློང་དུ་བཞག །སྐྱེ་འཆི་མེད་ཅིང་མ་བཅོས་ལ། །ཕུང་པོ་སྣོད་ལྔ་ཡེ་ཤེས་ལྷ། །རང་བྱུང་ཀུན་བཟང་ཡབ་ཡུམ་སྟེ། །འདི་ནི་དག་པའི་དགོངས་པའོ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། རྣམ་པར་དག་པའི་དགོངས་པའི་ཁྱད་པར་ཉེ་བར་བསྡུ་བའི་ལེའུ་སྟེ་བརྒྱད་པའོ།། །།དེ་ནས་གཙོ་ཆེན་ཧེ་རུ་ཀས། །འདུས་པའི་འཁོར་ལ་འདི་སྐད་གསུངས། །སྤྱི་དང་ཁྱད་པར་བྱེ་བྲག་གིས། །ཡོངས་སུ་རྫོགས་དང་སོ་སོ་ཡི། །ནུས་པ་གཅིག་པུར་དབྱུང་བའི་ཕྱིར། །དམ་ཚིག་རྩ་བ་རྣམ་པ་ལྔ། །ཡན་ལག་ཕན་ཡོན་བཅས་པ་ནི། །ང་ཡིས་སྔར་བཤད་དེ་དག་ལས། །རང་གི་རིགས་མཐུན་གཉེན་པོ་དང་། །གྲོགས་དང་སྐྱོབ་ཀྱི་ཁྱད་པར་ལས། །རྒྱལ་པོ་བློན་པོ་དམངས་ལྟ་བུ། །སྐད་ཅིག་ཐུག་ཕྲད་བསྟན་པ་ཡིས། །ཚེ་རིང་ནད་མེད་བདེ་བ་དང་། །ལང་ཚོ་ཁ་དོག་སྟོབས་དང་གཟི། །འཕེལ་ཞིང་དབང་པོ་རིག་པ་གསལ། །མཁའ་ལ་འགྲོ་ཞིང་ཕ་རོལ་གྱི། །ནུས་སྟོབས་གནོད་པས་མི་ཚུགས་ཤིང་། །ཀུན་གྱིས་བཀུར་སྡིའི་འོས་སུ་མཐོང་། །ཁམས་ཀྱི་ཟས་དང་མ་འདྲེལ་ཞིང་། །གོས་མེད་མཁའ་ལ་གཅེར་བུར་སྤྱོད། །སྔོན་གྱི་རྒྱལ་བ་ཆེ་རྣམས་ ― DNG014_Page_0725 ―
[མ་དཔེ་གཟིགས་ན་འདིར་གནོན།]
ཀྱི། །རིག་པ་འཛིན་པའི་གྲལ་ཐོབ་འགྱུར། །དེ་ཉིད་མ་རེག་བར་དུ་ཡང་། །ནད་དང་མུ་གེས་མི་ཚུགས་ཤིང་། །བར་གྱི་བསྐལ་པ་འཇིགས་ལས་ཐར། །གཞན་ལ་ཕན་པ་སྒྲུབ་ལ་སོགས། །ཡོན་ཏན་ཆེན་པོ་དཔག་མེད་འཐོབ། །དེ་བས་རྣལ་འབྱོར་ཆེ་རྣམས་ཀྱིས། །ང་དང་སངས་རྒྱས་ཐམས་ཅད་ཀྱི། །གསུངས་བཞིན་མྱུར་དུ་འབད་པར་སྒྲུབས། །ཀུན་བཟང་ང་དང་རིགས་ལྔ་ཡིས། །བསྡུས་པའི་སངས་རྒྱས་ཐམས་ཅད་ཀྱི། །བཀའ་འདི་འཇམ་དཔལ་རྣོན་པོ་ཡིས། །ཚངས་དང་འཇོག་པོ་ལི་ཙ་བྱི། །དྲང་སྲོང་བྲམ་ཟེ་རྗེས་གཟུང་ཕྱིར། །ཇི་ལྟར་བཤད་པ་བཞིན་ལོང་ལ། །དམ་པ་རྗེས་སུ་བསྒྲུབ་པར་གྱིས། །བསྟན་པ་འདི་བཞིན་གང་བསྒྲུབ་པ། །འཁྲུལ་པའི་རྣམ་རྟོག་འཆིང་བ་ལས། །འདི་ཉིད་དུ་ནི་གྲོལ་བར་འགྱུར། །ད་ལྟ་ཐུབ་པ་ཆེན་པོ་ཡིས། །འཛམ་བུ་གླིང་གི་ས་ཡི་ཆར། །ཚུལ་འདི་ཉིད་ཀྱིས་བསྟན་གྱུར་ཀྱང་། །བློ་དམན་སྐལ་བ་ཞན་པ་ཡིས། །གཙང་སྦྲ་དཀའ་ཐུབ་སྤྱོད་པར་རྟོག །སངས་རྒྱས་རྣམས་ཀྱི་བསྟན་པ་གཅིག །གསུང་གཅིག་དག་གིས་ངེས་བསྟན་ཀྱང་། །རང་གི་རྣམ་པའི་ཚུལ་གྱིས་གོ། །འདི་ནི་བདག་གི་དོན་སྤྱོད་ཅེས། །མཐུན་པའི་གདུལ་བྱ་ཁ་ཅིག་བལྟ། །དེ་བས་རིག་པ་འཛིན་པ་ཡི། །སེམས་དཔའ་ཆེན་པོ་ཁྱེད་རྣམས་ཀྱིས། །གང་ལ་གང་གིས་འདུལ་བ་ཡིས། །རིགས་ཆེན་གཉེན་པོ་དེ་ཟུང་ལ། །ལྷ་དང་དྲང་སྲོང་བྲམ་ཟེ་དང་། །མཁན་པོ་སློབ་དཔོན་ཆ་བྱད་ཀྱིས། །ནུས་པ་གང་ཡིན་དེ་ཉིད་ལ། །ཇི་ལྟར་འདུལ་བ་དེ་སྟོན་ཅིག །ཕྱི་མའི་དུས་ཀྱི་ཚེ་དག་ན། །ང་ཡི་བསྟན་པའི་ཚུལ་འདི་ལ། །མོས་དང་མི་མོས་འདུལ་མི་འདུལ། །ཐ་དད་སོ་སོར་འབྱུང་འགྱུར་ཏེ། །གསང་ཞིང་བསྟན་པའི་ཚུལ་དེ་ཉིད། །སྐད་ཅིག་དུས་ལ་རིག་པར་གྱིས། །ཞེས་གསུངས་ནས། ― DNG014_Page_0726 ―
[མ་དཔེ་གཟིགས་ན་འདིར་གནོན།]
ལོངས་སྤྱོད་རྫོགས་སྐུའི་དཀྱིལ་འཁོར་ཆེན་པོ་ཡོངས་སུ་སྦྱོར་བ་དང་བཅས་པ་དེ་དག་འོད་ཟེར་གྱི་ཀྱོ་བ་ཆེན་པོས་དྲངས་ཏེ་རྫུ་འཕྲུལ་གྱི་ལུས་ཀྱི་ཕྱག་རྒྱ་རབ་ཏུ་བསྟན་པའི་ཕྱིར་མི་མཇེད་ཀྱི་ཁམས་ལ་སོགས་པ་རྣམས་སུ་སྤྲུལ་པའི་སྐུ་སྣ་ཚོགས་སྣང་བར་མཛད་ནས་སེམས་ཅན་གྱི་ཁམས་དཔག་ཏུ་མེད་པའི་དོན་གྲུབ་པར་སྣང་ངོ་། །ས་ཆེན་པོ་ལ་གཏོགས་པའི་འདུས་པའི་འཁོར་དེ་དག་ནི། ཉིད་ཀྱི་སྐུ་གསུང་ཐུགས་གསང་བའི་མཛོད་ཆེན་པོར་ཞུགས་ནས། ནམ་མཁའི་ཁམས་ལྟ་བུས་དབྱིངས་ན་འཚོ་ཞིང་གཞེས་པ་ལ། རིགས་ཆེན་པོ་ལ་སོགས་པའི་འཁོར་རྣམས་རྗེས་སུ་ཡི་རང་སྟེ་མངོན་པར་བསྟོད་དོ།། །།ཚངས་པ་ལ་སོགས་པའི་འཁོར་རྣམས་ཀྱང་། བྱང་ཆུབ་སེམས་དཔའ་འཇམ་དཔལ་དང་། སའི་སྙིང་པོ་ལ་སོགས་པ་རང་རང་གི་རིགས་ཀྱི་སྟོན་པ་དེ་ལ། དུས་དེ་ཉིད་དུ་དགའ་ཞིང་རྗེས་སུ་ཡི་རང་བའི་ཚིག་གིས་མངོན་པར་རབ་ཏུ་བསྟོད་ཅིང་འདུག་གོ། །བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། དམ་ཚིག་གི་ཡན་ལག་གི་ཡོན་ཏན་རྗེས་སུ་བསྟན་ཅིང་གདམས་པའི་ལེའུ་སྟེ་དགུ་པའོ།། །། བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་རྫོགས་སོ།། །། རྒྱ་གར་གྱི་མཁན་པོ་སློབ་དཔོན་ཆེན་པོ་པདྨ་འབྱུང་གནས་དང་། བོད་ཀྱི་ལོཙྪ་བ་བཻ་རོ་ཙ་ན་བདག་གིས་བསྒྱུར་ཏེ་གཏན་ལ་ཕབ་པའོ།། །། རྒྱལ་པོའི་བླ་དཔེའོ།། །། གཏེར་རྒྱ། སྦས་རྒྱ། གཏད་རྒྱ། རྒྱ་རྒྱ་རྒྱ།། །། |
