 རྙིང་མ་རྒྱུད་འབུམ་པོད་ཉེར་གཅིག་པ། ཞ༽སྡེ་དགེའི་ཤིང་པར་རྙིང་མ་རྒྱུད་འབུམ།རྩོམ་མཁན།Nitartha internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། ཕུར་པ་ཀརྨྨ་ལས་ཀྱི་རྒྱུད།― DNG021_Page_0001 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀརྨྨ་ཀཱི་ལ་ཡ་ཏནྟྲ། བོད་སྐད་དུ། ཕུར་པ་ཀརྨྨ་ལས་ཀྱི་རྒྱུད། རྡོ་རྗེ་ཀཱི་ལ་ཡ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཙུན་མོའི་བྷ་ག་ལ་བཞུགས་ཏེ། རྡོ་རྗེ་ཁྲོ་བོའི་ཚོགས་བསམ་གྱིས་མི་ཁྱབ་བརྗོད་ཀྱིས་མི་ལང་བ་དང་། བཙུན་མོའི་ཚོགས་བསམ་གྱིས་མི་ཁྱབ་བརྗོད་ཀྱིས་མི་ལང་བ་དང་། ཡང་སྤྲུལ་དང་། སུམ་སྤྲུལ་དང་། མགྱོགས་མའི་ཚོགས་དང་ཐབས་ཅིག་ཏུ་བཞུགས་སོ། །དེའི་ཚེ་ན་རཱུ་ཏྲ་ཤིན་ཏུ་གདུག་པ་འཇིག་རྟེན་ཐམས་ཅད་ཕུང་བར་བྱེད་པ། མགོ་གསུམ་པ་ལག་པ་དྲུག་པ། དྲག་པོའི་གཏུམ་ཚིག་བརླང་པོར་སྨྲ་བ་ཞིག་གིས་འཇིག་རྟེན་གྱི་ཁམས་ཐམས་ཅད་ཕུང་བར་བྱེད་དོ། །འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཐམས་ཅད་ཕུང་བར་བྱེད་པའི་རཱུ་ཏྲ་དེ་བསྒྲལ་བའི་ཕྱིར། དེ་བཞིན་གཤེགས་པ་དགྲ་བཅོམ་ ― DNG021_Page_0002 ―
[མ་དཔེ་གཟིགས་ན་འདིར་གནོན།]
པ་ཡང་དག་པར་རྫོགས་པའི་སངས་རྒྱས་རྡོ་རྗེ་ཀཱི་ལ་ཡ་ཞེས་བྱ་བས། གདུག་པ་སྒྲོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཐུགས་ཀ་ནས་འོད་ཟེར་རྣམ་པ་ལྔ་འཐོན་ཏེ། འོད་ཟེར་དེ་དག་ཀྱང་ཁྲོ་བོ་སྣ་ཚོགས་སུ་གྱུར་ནས། རཱུ་ཏྲ་དེ་ལ་རྡོ་རྗེ་རྩེ་དགུ་པ་དང་། རྩེ་ལྔ་པ་དང་། རྡོ་རྗེ་རྒྱ་གྲམ་དང་། མེ་དཔུང་དང་། ཏྲི་ཤཱུལ་དང་། ཕུར་པ་རྣམས་འཕྲོས་ནས་རཱུ་ཏྲ་དེ་ཉིད་བསྒྲལ་ཏེ། ཤ་ཟོས་ཁྲག་འཐུང་རུས་པ་འཆོས་ཏེ་འཇིག་རྟེན་གྱི་ཁམས་བདེ་བ་ལ་བཀོད་དོ། །གཞན་ཡང་མི་དགེ་བ་ལས་གྲུབ་པའི་དྲེགས་པ་ཅན།དབང་ཕྱུག་ཆེན་པོ་ཕོ་མོ་དང་། ཉི་ཟླ་ཚངས་པ་དང་། བརྒྱ་བྱིན་དང་། མེ་ལྷ་དང་། གཤིན་རྗེ་དང་། སྲིན་པོ་དང་། ཆུ་ལྷ་དང་། རླུང་ལྷ་དང་། གནོད་སྦྱིན་དང་། འབྱུང་པོའི་བདག་པོ་དང་། ཕོ་མོར་བཅས་པ་ཁ་བུབ་ཏུ་འགྱེལ་ནས། ཁྲག་ཏུ་སྐྱུགས་ཤིང་འོ་དོད་ཆེན་པོ་འབོད་དེ། དཔའ་བོ་ཆེན་པོ་ནི་ཐུགས་རྗེའི་མངའ་བདག་ལགས་ན། དེ་ལྟ་བུ་མ་མཛད། དཔའ་བོ་ཆེན་པོའི་འབངས་སུ་མཆིའོ། །ཅི་བསྒོ་བའི་བཀའ་ཉན་ཞེས་ཉམ་ཐག་པ་ལས། བཅོམ་ལྡན་འདས་ཀྱིས་ཐུགས་ ― DNG021_Page_0003 ―
[མ་དཔེ་གཟིགས་ན་འདིར་གནོན།]
རྗེ་ཆེན་པོ་འོད་ཟེར་ལྕགས་ཀྱུ་ལྟ་བུས་དེ་དག་བཀུག་སྟེ། མཐིང་ནག་གྲུ་གསུམ་གྱིས་ཕྱོགས་མཚམས་གཏམས་པའི་གཞལ་ཡས་ཁང་གི་ནང་ཉི་ཟླ་པདྨའི་སྟེང་དུ་ཕོ་མོ་བྱི་ཆིངས་སུ་བསྣོལ་ཏེ། ཁྲོ་བོའི་ཚོགས་ཀྱི་གདན་དུ་བཏིང་། ཧཱུཾ་ཞེས་པའི་སྒྲ་དབུགས་དབྱུང་རྔུབ་དང་བཅས་པས། ཁྲོ་བོའི་ཚོགས་བསམ་གྱིས་མི་ཁྱབ་པ་ཡང་བསྡུས་པས། ཁྲོ་བོ་ཆེན་པོ་བཅུ་ཡབ་ཡུམ་སྤྲུལ་པ་དང་བཅས་པར་གྱུར་ཏེ། ཕྱོགས་སོ་སོའི་དྲེགས་པ་སོ་སོའི་གདན་ལ་བཞུགས། ཨུ་ཙུཥྨ་ཆེན་མོ་ནི་ཉིད་ཀྱི་སྐུ་ལ་འཁྲིལ། རཱུ་ཏྲའི་སེམས་དང་སེམས་བྱུང་ནི་རྣམ་པར་མི་རྟོག་པ་ལ་བཀོད། ཕྱོགས་སྐྱོང་བ་སོ་སོ་ནི་དགེ་བ་བཅུའི་ངང་ལ་གནས་པའི་སེམས་དང་བཅས། དབང་ཕྱུག་ཆེན་པོ་ཡབ་ཡུམ་ནི་ཉིད་ཀྱི་གདན་དུ་གྱུར་ཏེ། བྱང་ཆུབ་ཆེན་པོའི་སེམས་ངང་གིས་སྐྱེས་སོ། །ཕུར་པ་ཕྲིན་ལས་ཀྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཁྲོ་བོ་རྣམ་པར་རྒྱལ་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཁམས་གསུམ་གྱི་སེམས་ཅན་ཞེ་སྡང་ཅན་རྣམས། ཐབས་གང་གིས་འདུལ་བ་བཀའ་སྩལ་དུ་གསོལ། ཞེས་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། ཁམས་གསུམ་གྱི་སེམས་ཅན་ཞེ་སྡང་ཅན་འདུལ་བའི་ཐབས་ནི་གཉིས་ཏེ། ཞི་བའི་ལས་དང་དྲག་པོའི་ལས་ཀྱིས་མི་འདུལ་བ་ནི་གང་ཡང་མེད་དོ། །རྡོ་རྗེ་ཀཱི་ལ་ཡ་ཞི་བའི་དཀྱིལ་འཁོར་ཆེན་པོ་ནི། རྣམ་པར་རྟོག་པ་སྣ་ཚོགས་པ་ཞི་བར་བྱེད་དོ། །ཐོག་མ་མེད་པ་ནས་བསགས་པའི་བག་ཆགས་ཞི་བར་བྱེད་དོ། །དེ་ནས་རྡོ་རྗེ་ཀཱི་ལ་ཡ་རྣམ་པར་རྟོག་པ་ཐམས་ཅད་ཞི་བར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། ཞི་བའི་དཀྱིལ་འཁོར་ཆེན་པོ་མངོན་པར་འཐོན་ཏེ། འཁོར་ལོ་རྩིབས་བཞི་མུ་ཁྱུད་གྲུ་ཆད་བར་ཁྱམས་སྒོ་དང་བཅས་པ་རང་བྱུང་སྟེ་རྒྱན་སྣ་ཚོགས་དང་ལྡན་པའོ། །དེའི་ཚེ་གསུང་གི་དཀྱིལ་འཁོར་གྱི་སྒྲ་བཀའ་སྩལ་པ། ― DNG021_Page_0004 ―
[མ་དཔེ་གཟིགས་ན་འདིར་གནོན།]
ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཨ་ཨཱ། ཨི་ཨཱིཾ། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ། ཧཱུཾ་བཛྲ་དྷྲྀཀ །མཱུཾ་དྷཱ་ཏྭཱི་ཤྭ་རཱི། ཨོཾ་ཛི་ན་ཛིཀ །ལཱཾ་དྭེ་ཥ་ར་ཏཱི། སྭཱ་རཏྣ་དྷྲྀཀ མཱཾ་མོ་ཧ་ར་ཏཱི། ཨཱཾ་ཨ་རོ་ལིཀ །པཱཾ་རཱ་ག་ར་ཏཱི། ཧཱ་པྲཛྙཱ་དྷྲྀཀ །ཏཱཾ་བཛྲ་ར་ཏཱི། ཀྵིཾ་ཧི་རཱ་ཛཱ་ཡ། ཧཱུཾ་ལཱ་སྱེ་ས་མ་ཡ་སྟྭཾ། ཏྲཱཾ་ཨཱ་གརྦྷཱ་ཡ། ཏྲཱཾ་མཱ་ལེ་ས་མ་ཡ་ཧོ། ཧྲཱྀ་ཧ་ཧཱུཾ་པདྨ་པཱ་ད་མ། ཧྲཱྀཿགཱིརྟི་ར་ཧོ་ཧཾ། ཛྷིཾ་ཀུ་རུ་པཱ་ཎི། ཨཾ་ནཱིརྟི་རཱ་ག་ཡཱ་མི། མཻ་དྷ་ར་ཎི་སྭཱ་ཧཱ། ཛཿདྷཱུ་པེ་པྲ་བེ་ཤ་ཡ།་ནིསྶ་རཾ་བྷཱ་ཡ་སྭཱ་ཧཱ། ཧཱུཾ་པུཥ྇་པྲ་བེ་ཤ །ཧཱུཾ་ས་རཱ་ཛཱ་ཡ། བཾ་དཱིང་སུ་གི་རི། མུཾ་ཤྲཱི་ཨཾ་རཱ་གཱ་ཡ་སྭཱ་ཧཱ། ཧོཿགན་དྷི་ཙིཏྟ་ཧོ། ཡཀྵྀ་ཎི་མུ་ཁ་ཧཱུཾ། བྷེ་ར་བེ་མུ་ཁ་ཧཱུཾ། ཨ་མྲྀ་ཏ་མུ་ཁ་ཧཱུཾ། མཱ་ར་ཎ་མུ་ཁ་ཧཱུཾ། ལྟེ་བའི་རྩིབས་ལ་ཡབ་ཡུམ་དང་། །གྲུ་ཆད་སེམས་དཔའ་ཡབ་ཡུམ་བརྒྱད། །ཁྱམས་ལ་དེ་བཞིན་བརྒྱད་གནས་པ། །བཞི་ནི་སྒོ་བཞིར་རབ་ཏུ་འབར། །ཐབས་དང་སྤྱོད་པ་ཐམས་ཅད་ཀྱིས། །ཐམས་ཅད་ཞི་བ་ཆེན་པོར་འགྱུར། །རྣམ་པར་རྟོག་པ་རབ་ཞི་སྟེ། །མི་རྟོག་པ་ལ་རབ་ཏུ་བཀོད། །ཞི་བ་ཆེན་པོའི་ཆོ་ག་འདི། །ཞི་བའི་ལས་རྣམས་འགྲུབ་པར་བཤད། །ཞི་བའི་ལྷ་རྣམས་རབ་གསལ་ནས། །ཞི་བའི་ལྷ་རྣམས་སྤྱན་དྲངས་ཤིང་། །ཕྱག་འཚལ་བརྟན་བཞུགས་དངོས་གྲུབ་ནོད། །ཕྱི་ནང་རྨད་བྱུང་བདུད་རྩི་དང་། །གཏོར་མ་དག་ཀྱང་སྦྱིན་པར་བྱ། །བསྟོད་པའི་མཆོག་འདིས་རབ་ཏུ་བསྟོད། །ཧཱུཾ་བཅོམ་ལྡན་མི་བསྐྱོད་སྐུར་སྤྲུལ་པ། །རྡོ་རྗེ་སེམས་དཔའ་མངའ་བདག་ཉིད། །ཉོན་མོངས་ཐམས་ཅད་ཞི་མཛད་པ། །རྡོ་རྗེའི་སྐུ་མཆོག་ཕྱག་འཚལ་བསྟོད། །ཡིད་བཞིན་ནོར་བུས་དགོས་འདོད་སྐོངས། །རིན་ཆེན་སེམས་དཔའི་མངའ་བདག་ཉིད། །ང་རྒྱལ་རྣམ་རྟོག་ཉོན་མོངས་ཞི། །རིན་ཆེན་སྐུ་མཆོག་ཕྱག་འཚལ་བསྟོད། །ཆགས་བྲལ་ཆགས་ཆེན་འོད་དཔག་མེད། །པདྨ་སེམས་དཔའི་མངའ་བདག་ཉིད། །འདོད་ཆགས་རྣམ་རྟོག་ཉོན་མོངས་ཞི། །པདྨའི་སྐུ་མཆོག་ ― DNG021_Page_0005 ―
[མ་དཔེ་གཟིགས་ན་འདིར་གནོན།]
ཕྱག་འཚལ་བསྟོད། །ཀུན་ཏུ་དོན་གྲུབ་ཡེ་ཤེས་སྐུ། །ལས་ཀྱི་སེམས་དཔའི་མངའ་བདག་ཉིད། །ཕྲག་དོག་རྣམ་རྟོག་ཉོན་མོངས་ཞི། །ཕྲིན་ལས་སྐུ་མཆོག་ཕྱག་འཚལ་བསྟོད། །ཆོས་དབྱིངས་ཡེ་ཤེས་རྣམ་དག་སྐུ། །བདེ་གཤེགས་རིགས་ཀྱི་མངའ་བདག་ཉིད། །གཏི་མུག་རྣམ་རྟོག་ཉོན་མོངས་ཞི། །བདེ་གཤེགས་སྐུ་མཆོག་ཕྱག་འཚལ་བསྟོད། །རིགས་དང་ཡེ་ཤེས་ཁྱད་པར་ལས། །གང་མོས་གདུལ་ཕྱིར་རིགས་སྐུར་བཞེངས། །ཉོན་མོངས་མ་ལུས་ཞི་མཛད་པ། །སེམས་དཔའ་སེམས་མ་རྣམས་ལ་བསྟོད། །ཡེ་ཤེས་བཞི་ཡི་ཁྱད་པར་ལས། །ཚད་མེད་བཞི་ལྡན་སྐུར་སྤྲུལ་ཏེ། །ཉོན་མོངས་ཐམས་ཅད་ཞི་མཛད་པ། །སྒོ་སྐྱོང་རྣམས་ལ་ཕྱག་འཚལ་བསྟོད། །གདུག་ཅིང་སྡང་སེམས་ལྡན་པ་རྣམས། །ཞི་བའི་ལས་ཀྱིས་ཞི་བར་བྱེད། །ཡར་གྱི་ངོ་དང་ཉི་ཤར་དང་། །དཀར་པོ་ཟླུམ་པོ་རབ་མཛེས་ལ། །དཀར་པོའི་ཤིང་ཡང་ཟླུམ་པོར་བརྩིག །དཀར་གསུམ་འབྲས་ཆན་ལ་སོགས་ཏེ། །དཀར་པོས་ཞི་བའི་ལྷ་རྣམས་མཆོད། །སྤྱན་དྲང་མཆོད་བསྟོད་ཕྲིན་ལས་བཅོལ། །ཞི་བའི་སེམས་ཀྱིས་སྔགས་འདི་བརྗོད། །ཞི་བའི་འོད་ཟེར་འཕྲོ་འདུ་ཡིས། །གང་ལ་བྱ་བ་ཞི་བར་བྱ། །ཤཱནྟིཾ་ཀུ་རུ་སཱ་ཧཱ། ཞི་བའི་དཀྱིལ་འཁོར་གྱི་ལེའུ་སྟེ་གཉིས་པའོ།། །།ཞི་བས་མི་འདུལ་སེམས་ཅན་ལ། །དྲག་པོའི་དཀྱིལ་འཁོར་རབ་སྤྲོ་བྱ། །ནམ་མཁའ་ས་གཞི་གྲུ་གསུམ་དབྱིབས། །བྲག་རི་སྲིན་པོའི་གདོང་པ་འདྲ། །མར་ངོར་ཁྲོས་པའི་དཀྱིལ་འཁོར་བྲི། །སྐུ་གསུང་ཐུགས་ཀྱི་དཀྱིལ་འཁོར་བྲི། །ཡང་ན་སྐུ་གསུང་ཐུགས་འདུས་པ། །ཁྲོས་པའི་དཀྱིལ་འཁོར་བྲི་བར་བྱ། །སྐུ་ཡི་དཀྱིལ་འཁོར་བྲི་བར་བྱ། །འཁོར་ལོ་རྩིབས་བརྒྱད་མུ་ཁྱུད་བཅས། །ཀུན་ཏུ་གྲུ་བཞི་སྒོ་ཁྱུད་ལྡན། །ཁྲོས་པའི་རྒྱན་གྱིས་རབ་ཏུ་མཛེས། །སྐུ་ཡི་དཀྱིལ་འཁོར་མདུན་ཕྱོགས་སུ། །ཐུགས་ཀྱི་དཀྱིལ་འཁོར་རབ་ཏུ་བརྩམ། །གྲུ་གསུམ་ཁྲུ་གང་ཐུར་བྲུ་ནག །བསྒྲུབ་བྱའི་གཟུགས་ནི་ནང་དུའོ། །སྐུ་ཡི་དཀྱིལ་འཁོར་གཡོན་ཕྱོགས་སུ། །སྔགས་ཀྱི་འཁོར་ལོ་བྲི་བར་བྱ། །བསྙེན་སྔགས་སྒྲུབ་སྔགས་ཕྲིན་ ― DNG021_Page_0006 ―
[མ་དཔེ་གཟིགས་ན་འདིར་གནོན།]
ལས་སྔགས། །ཕྲིན་ལས་སྔགས་ནི་འཁྲུལ་འཁོར་ལྡན། །དམིགས་པའི་གཟུགས་དང་ལྡན་པའོ། །སྐུ་ཡི་དཀྱིལ་འཁོར་ཆེན་པོ་རུ། །མཆོད་དང་བསྟོད་པ་རབ་ཏུ་བྱ། །གསུང་གི་དཀྱིལ་འཁོར་ཆེན་པོ་རུ། །བཟླས་བརྗོད་དག་ནི་རབ་ཏུ་བྱ། །ཐུགས་ཀྱི་དཀྱིལ་འཁོར་ཆེན་པོར་ནི། །གདུག་པའི་ཚོགས་རྣམས་རབ་ཏུ་བསྒྲལ། །སྐུ་གསུང་ཐུགས་ཀྱི་དཀྱིལ་འཁོར་གྱི། །བསྙེན་བསྒྲུབ་ལས་རྣམས་ཀུན་རྫོགས་ཤིང་། །གདུག་པའི་ཚོགས་རྣམས་ཀུན་སྒྲོལ་ཏེ། །ཕྲིན་ལས་རྣམ་བཞི་ལྷུན་གྱིས་གྲུབ། །དབུས་དང་ཕྱོགས་མཚམས་གྲུ་གསུམ་དགུ། །ཐུགས་ཀྱི་དཀྱིལ་འཁོར་དྲག་པོའོ། །དབུས་ཀྱི་གྲུ་གསུམ་ཕྱི་རོལ་དུ། །ཟླ་གམ་གསུམ་ལ་སྔགས་རྣམས་ཀྱི། །འཁྲུལ་འཁོར་གཟུགས་སུ་ལྡན་པ་ནི། །གསུང་གི་དཀྱིལ་འཁོར་རབ་ལྡན་པའོ། །མུ་ཁྱུད་དཀར་པོ་ཐོད་ཕྲེང་ལྡན། །ཞི་བའི་དཀྱིལ་འཁོར་སྐུ་ཡིའོ། །སེར་པོ་གྲུ་བཞི་ཡོན་ཏན་རྒྱས། །བྱང་ཤར་སྒོ་ཁྱུད་གྲུ་གསུམ་དུ། །བརྣག་པའི་གཟུགས་ལྡན་དྲག་པོ་སྟེ། །སྒོ་བཞི་རིགས་ཀྱི་ཁ་དོག་ལྡན། །འབར་འཕྲོ་གཏུམ་རྔམས་རྒྱན་དང་ལྡན། །བསྙེན་བསྒྲུབ་ཕྲིན་ལས་སྐུ་གསུང་ཐུགས། །ཡོན་ཏན་ཕྲིན་ལས་ཡེ་ཤེས་ལྔའི། །གཞལ་ཡས་ལྷུན་གྱིས་གྲུབ་པའོ། །གནས་དེར་ཕྱིན་ཅི་ལོག་ལྟ་རྣམས། །བསྒྲལ་ན་དངོས་གྲུབ་མཆོག་ཐོབ་འགྱུར། །སྐུ་ཡི་དཀྱིལ་འཁོར་ལྟེ་བ་ལ། །ལེ་ཚེ་དགུ་ལྡན་དབུས་གྲུ་གསུམ། །དབུས་སུ་ཁྲོ་བདག་ཡབ་ཡུམ་སྟེ། །ཤར་དུ་བྷུཌྜྷ་ཀཱི་ལ་ཡ། །ལྷོར་ནི་རཏྣ་ཀཱི་ལ་ཡ། །ནུབ་ཏུ་པདྨ་ཀཱི་ལ་ཡ། །བྱང་དུ་ཀརྨ་ཀཱི་ལ་ཡ། །སངས་རྒྱས་སྤྱན་སོགས་ཡུམ་དང་ལྡན། །ཕྱོགས་མཚམས་བརྒྱད་ཀྱི་རྩིབས་བརྒྱད་ལ། །ཤར་དུ་རྣམ་པར་རྒྱལ་བ་སྟེ། །ལྷོ་རུ་གཤིན་རྗེའི་གཤེད་པོའོ། །ནུབ་ཏུ་ཁྲོ་བོ་རྟ་མཆོག་དཔལ། །བྱང་དུ་བདུད་རྩི་འཁྱིལ་པའོ། །ཤར་ལྷོར་ཁྲོ་བོ་དབྱུག་སྔོན་ཅན། །ལྷོ་ནུབ་མི་གཡོ་མགོན་པོའོ། །ནུབ་བྱང་གཞན་གྱིས་མི་ཐུབ་པ། །བྱང་ཤར་ཁམས་གསུམ་རྣམ་པར་རྒྱལ། ། ― DNG021_Page_0007 ―
[མ་དཔེ་གཟིགས་ན་འདིར་གནོན།]
མདུན་དུ་ཁྲོ་བོ་ཧཱུཾ་མཛད་དེ། །རྒྱབ་ཏུ་ཁྲོ་བོ་སྟོབས་པོ་ཆེ། །རང་རང་ཡུམ་དང་སྤྲུལ་པར་བཅས། །ཤར་སྒོར་པུ་ཤུད་མགོ་ཅན་ཏེ། །ལྷོ་ཡི་སྒོ་རུ་སྐྱེ་ཀའི་མགོ། །ནུབ་ཏུ་སྲིན་བྱའི་མགོ་ཅན་ཏེ། །བྱང་དུ་ཁྲ་ཡི་མགོ་ཅན་ནོ། །མུ་རན་ཁྱམས་ནི་ཐམས་ཅད་དུ། །མཁའ་འགྲོ་མ་ཚོགས་དེ་བཞིན་དགོད། །སྐུ་ཡི་དཀྱིལ་འཁོར་དེ་བསྐྱེད་ན། །ང་རྒྱལ་ཅན་རྣམས་ཚར་གཅོད་དེ། །མ་རུངས་སྲིན་པོའི་ཚོགས་རྣམས་དང་། །ཕྱོགས་སྐྱོང་དྲེགས་པའི་ཚོགས་རྣམས་ནི། །ཁྲོ་རྒྱལ་གདན་དུ་རབ་ཏུ་བཏིང་། །དེར་ནི་ལྷ་རྣམས་སྤྱན་དྲངས་ཏེ། །ཧཱུཾ། གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །ཞེ་སྡང་བདུད་འདུལ་ཁྲོ་རྒྱལ་མི་བཟད་སྐུ། །ཞེ་སྡང་གདུག་པའི་དགྲ་བགེགས་སྙིང་ལ་རྒྱོབ། །ཤར་ཕྱོགས་གྲུ་གསུམ་སྨུག་ནག་འབར་བའི་དཀྱིལ་འཁོར་ནས། །སངས་རྒྱས་འདུས་པའི་སྲས་མཆོག་ཀཱི་ལ་ཡ། །གཏི་མུག་བདུད་འདུལ་ཁྲོ་རྒྱལ་མི་བཟད་སྐུ། །མི་ཤེས་རྨོངས་པའི་དགྲ་བགེགས་སྙིང་ལ་རྒྱོབ། །ལྷོ་ཕྱོགས་གྲུ་གསུམ་སེར་ནག་འབར་བའི་དཀྱིལ་འཁོར་ནས། །རིན་ཆེན་འདུས་པའི་སྲས་མཆོག་ཀཱི་ལ་ཡ། །ང་རྒྱལ་བདུད་འདུལ་ཁྲོ་རྒྱལ་མི་བཟད་སྐུ། །ང་རྒྱལ་དྲེགས་པའི་དགྲ་བགེགས་སྙིང་ལ་རྒྱོབ། །ནུབ་ཕྱོགས་གྲུ་གསུམ་དམར་ནག་འབར་བའི་དཀྱིལ་འཁོར་ནས། །པདྨ་འདུས་པའི་སྲས་མཆོག་ཀཱི་ལ་ཡ། །འདོད་ཆགས་བདུད་འདུལ་ཁྲོ་རྒྱལ་མི་བཟད་སྐུ། །འདོད་ཆགས་ཞེན་འཛིན་ཅན་གྱི་སྙིང་ལ་རྒྱོབ། །བྱང་ཕྱོགས་གྲུ་གསུམ་ལྗང་ནག་འབར་བའི་དཀྱིལ་འཁོར་ནས། །ཕྲིན་ལས་འདུས་པའི་སྲས་མཆོག་ཀཱི་ལ་ཡ། །ཕྲག་དོག་བདུད་འདུལ་ཁྲོ་རྒྱལ་མི་བཟད་སྐུ། །ཕྲག་དོག་དྲེགས་པའི་དགྲ་བགེགས་སྙིང་ལ་རྒྱོབ། །གཉིས་མེད་ཁྲོ་རྒྱལ་སྐུ་ལ་ལྷུན་སྦྱོར་བའི། །ཁྲོ་མོའི་སྐུར་སྟོན་འབྱུང་ལྔའི་བདག་མོ་རྣམས། །གནོད་སྦྱིན་གདུག་པ་འདུལ་ཕྱིར་གཤེགས་སུ་གསོལ། །བསྐལ་པའི་མེ་ལྟར་འབར་བའི་དཀྱིལ་འཁོར་ནས། །ཕྱོགས་སྐྱོང་དྲེགས་པ་ཚར་གཅོད་གདུག་པ་ཀུན་འདུལ་མཛད། །ཕྱོགས་བཅུའི་ཁྲོ་རྒྱལ་ཡབ་ཡུམ་གཤེགས་ ― DNG021_Page_0008 ―
[མ་དཔེ་གཟིགས་ན་འདིར་གནོན།]
སུ་གསོལ། །ཧཱུཾ་བསྐལ་པའི་མེ་ལྟར་འབར་བའི་ཀློང་དཀྱིལ་ནས། །ཚངས་པ་ཚར་གཅོད་ཉི་ཟླ་ཕོ་མོ་འདུལ། །ལྷ་གདོན་དྲག་པོ་མ་ལུས་ཚར་གཅོད་པ། །ཧཱུཾ་མཛད་ཧཱུཾ་ཆེན་གཤེགས་སུ་གསོལ། །བསྐལ་པའི་མེ་ལྟར་འབར་བའི་དཀྱིལ་འཁོར་ནས། །མེ་ལྷའི་གདོན་ཚོགས་ཀུན་འདུལ་ཞིང་། །བདུད་དང་སྲིན་པོ་རྡུལ་དུ་རློག །ཁྲོ་རྒྱལ་དབྱུག་པ་སྔོན་པོ་གཤེགས་སུ་གསོལ། །བསྐལ་པའི་མེ་ལྟར་འབར་བའི་ཀློང་དཀྱིལ་ནས། །གཤིན་རྗེའི་གདོན་ཚོགས་ཀུན་འདུལ་ཞིང་། །འབྱུང་པོའི་གདོན་རྣམས་རྡུལ་དུ་རློག །ཁྲོ་རྒྱལ་གཤིན་རྗེའི་གཤེད་པོ་གཤེགས་སུ་གསོལ། །བསྐལ་པའི་མེ་ལྟར་འབར་བའི་ཀློང་དཀྱིལ་ནས། །སྲིན་པོའི་ཚོགས་རྣམས་འདུལ་མཛད་ཅིང་། །བར་གཅོད་བགེགས་རྣམས་འཇོམས་མཛད་པ། །ཁྲོ་རྒྱལ་མི་གཡོ་མགོན་པོ་གཤེགས་སུ་གསོལ། །བསྐལ་པའི་མེ་ལྟར་འབར་བའི་ཀློང་དཀྱིལ་ནས། །ཀླུ་ཡི་གདོན་ཚོགས་འདུལ་མཛད་ཅིང་། །གདུག་པའི་ཚོགས་རྣམས་འཇོམས་མཛད་པ། །ཁྲོ་བོའི་རྒྱལ་པོ་རྟ་མགྲིན་གཤེགས་སུ་གསོལ། །བསྐལ་པའི་མེ་ལྟར་འབར་བའི་ཀློང་དཀྱིལ་ནས། །རླུང་ལྷའི་ཚོགས་རྣམས་འཇོམས་མཛད་ཅིང་། །བར་དུ་གཅོད་པའི་གདོན་རྣམས་འདུལ་མཛད་པའི། །ཁྲོ་རྒྱལ་གཞན་གྱིས་མི་ཐུབ་གཤེགས་སུ་གསོལ། །བསྐལ་པའི་མེ་ལྟར་འབར་བའི་ཀློང་དཀྱིལ་ནས། །གནོད་སྦྱིན་གདོན་ཚོགས་འཇོམས་མཛད་ཅིང་། །གཏུམ་ཁྲོ་དྲེགས་པ་འཇོམས་མཛད་པ། །ཁྲོ་རྒྱལ་བདུད་རྩི་འཁྱིལ་པ་གཤེགས་སུ་གསོལ། །བསྐལ་པའི་མེ་ལྟར་འབར་བའི་ཀློང་དཀྱིལ་ནས། །འབྱུང་པོའི་གདོན་གྱི་ཚོགས་རྣམས་འཇོམས་མཛད་ཅིང་། །དབང་ལྡན་གདོན་གྱི་ཚོགས་རྣམས་ཚར་གཅོད་པ། །ཁྲོ་རྒྱལ་ཁམས་གསུམ་རྣམ་རྒྱལ་གཤེགས་སུ་གསོལ། །བསྐལ་པའི་མེ་ལྟར་འབར་བའི་ཀློང་དཀྱིལ་ནས། །ས་བདག་གདུག་པའི་ཚོགས་རྣམས་འདུལ་མཛད་ཅིང་། །ས་གདོན་དྲག་པོ་མ་ལུས་ཚར་གཅོད་པའི། །ཁྲོ་བོའི་རྒྱལ་པོ་སྟོབས་ཆེན་གཤེགས་སུ་གསོལ། །ཁྲོ་རྒྱལ་སྐུ་ལ་གཉིས་མེད་འཁྲིལ་ ― DNG021_Page_0009 ―
[མ་དཔེ་གཟིགས་ན་འདིར་གནོན།]
བའི་ཡུམ། །སྒྲ་འབྱིན་ལ་སོགས་རྡོ་རྗེ་སྲིན་མོ་བཅུ། །སྤྲུལ་པ་མགོ་བརྙན་ཕྲ་ཐབས་ཡང་སྤྲུལ་བཅས། །བར་གཅོད་བགེགས་ཀྱི་ཚོགས་རྣམས་འཇོམས་མཛད་པ། །སྒྲ་འབྱིན་འཁོར་བཅས་མ་ལུས་གཤེགས་སུ་གསོལ། །འགུགས་འདྲེན་སྡོམ་འཆིང་འབེབས་པའི་ལས་མཛད་མ། །ཕྲ་མེན་ཆེན་མོ་ཡེ་ཤེས་སྒོ་མ་བཞི། །གནོད་གདུག་འཁོར་ཚོགས་མ་ལུས་ཀུན་འདུལ་ཕྱིར། །འཁོར་དང་བཅས་པ་མ་ལུས་གཤེགས་སུ་གསོལ། །སྤྱན་དྲངས་ལྷ་ཡི་དཀྱིལ་འཁོར་རྣམས། །སོ་སོའི་ལས་ཀྱི་སྔགས་རྣམས་དང་། །ཛཿཧཱུཾ་བཾ་ཧོཿའི་སྔགས་ཀྱིས་ནི། །གཉིས་མེད་དོན་དུ་བསྡིམ་པ་ཡིན། །དེས་ནི་བར་ཆད་ཚོགས་རྣམས་ཀྱང་། །རྟག་ཏུ་འཇོམས་པར་བྱེད་པ་སྟེ། །ཁྲོ་བོ་འཇིགས་པའི་གཟུགས་ཅན་དེས། །བར་གཅོད་ཚོགས་རྣམས་རབ་ཏུ་བཏུལ། །ཞེ་སྡང་ཆེན་པོའི་དཀྱིལ་འཁོར་དུ། །གདུག་པའི་ཚོགས་རྣམས་སྒྲོལ་བར་བྱེད། །ཡེ་ཤེས་ཐུགས་ཀྱི་ཕུར་པ་ཡིས། །ཕྱིན་ཅི་ལོག་རྣམས་ཚར་གཅོད་འགྱུར། །རྣམ་རྟོག་ལས་བྱུང་བགེགས་རྣམས་ལ། །དྲག་པོའི་ཕྲིན་ལས་ཁྲོ་བོ་ཡིས། །རྟག་ཏུ་འདུལ་བར་བཤད་པ་ཡིན། །དཀྱིལ་འཁོར་བསྐྱེད་དང་སྤྱན་དྲངས་པའི་ལེའུ་སྟེ་གསུམ་པའོ།། །།ཕུར་པའི་རྒྱུ་ཚད་གཟུགས་བསྟན་པ། །དངུལ་ལམ་དཀར་པོའི་ཤིང་རྣམས་དང་། །གསེར་སོགས་སེར་པོ་ཟངས་སོགས་དམར། །ལྕགས་སོགས་ནག་པོ་དུག་ཤིང་དང་། །ཚེར་མ་ཅན་ལ་སོགས་པ་ལ། །མགོ་བོ་རྒྱ་མདུད་རི་རབ་བརྗིད། །སྐེད་པ་རྒྱ་མདུད་སྨད་ཟུར་དྲུག །རྩེ་མོ་ཟླུམ་པོ་གྲུ་བཞི་དང་། །ཟླ་གམ་དང་ནི་ཟུར་གསུམ་རྩེ། །ཤིང་གི་རྩ་བ་རྒྱ་མདུད་དེ། །རྩེ་མོའི་ངོས་སུ་སོ་སོའི་དབལ། །རི་རབ་ལྕུང་གཞོག་བརྒྱད་ལྡན་བརྗིད། །སོར་བཞི་སོར་བརྒྱད་སོར་བཅུ་གཉིས། །སོར་ནི་བཅོ་བརྒྱད་དག་ཏུ་བྱ། །འབྱུང་བཞི་རྣམ་ཤེས་ཚོགས་བརྒྱད་དང་། །སྐྱེ་མཆེད་བཅུ་གཉིས་ཁམས་བཅོ་བརྒྱད། །གནས་སུ་དག་པར་བྱ་ཕྱིར་ཚད། །ཚད་དང་ལྡན་པས་ལོག་ལྟ་སྒྲོལ། །བསྙེན་ཕུར་སྒྲུབ་ཕུར་གདབ་ཕུར་དང་། །མངགས་ཕུར་ལ་སོགས་དེ་བཞིན་ནོ། །བྱང་ཆུབ་སེམས་ཀྱི་ཕུར་པ་ ― DNG021_Page_0010 ―
[མ་དཔེ་གཟིགས་ན་འདིར་གནོན།]
ནི། །ཕུར་པ་ཀུན་གྱི་རྒྱུ་ཡིན་ཏེ། །དེ་ལ་ཚད་དང་རིམ་པ་མེད། །དེ་མཚོན་ཕྱིར་ན་རྒྱུ་དང་ཚད། །ངེས་པ་མེད་ཀྱང་དེ་ལྟར་བསྟན། །བྱང་ཆུབ་སེམས་ནི་ཤེས་རབ་ལ། །དེ་མཚོན་ཚད་དང་རྒྱུ་གཟུགས་ཐབས། །དེ་གཉིས་རྒྱུ་རུ་རབ་ཤེས་པས། །དོན་རྣམས་ཐམས་ཅད་འགྲུབ་པར་བྱེད། །གདུག་ཅིང་སྡང་སེམས་ལྡན་པ་རྣམས། །ངེས་པར་འཇོམས་པ་ང་ཡིས་བཤད། །དེ་དག་བྱིན་གྱིས་བརླབ་པར་བྱ། །ཧཱུཾ་གིས་རྫས་ཀྱི་རྟོག་པ་བསྲེག །སྐུ་གསུང་ཐུགས་ཀྱི་ཡི་གེ་ཡིས། །ཕུར་བུ་དག་ནི་བྱིན་གྱིས་བརླབ། །རྒྱ་མདུད་དང་པོ་དག་ལ་ནི། །རིགས་ལྔའི་ཀཱི་ལ་ཡ་བསྒོམ་བྱ། །ཟུར་བརྒྱད་རྒྱ་མདུད་སྟེང་འོག་ཏུ། །ཁྲོ་བོ་བཅུ་ནི་རབ་ཏུ་བསྒོམ། །ལོགས་གསུམ་ཕཊ་ལ་ཟུར་གསུམ་ཧཱུཾ། །རྣལ་འབྱོར་ལག་པ་གཡས་གཡོན་ལ། །དཔའ་བོ་དཔའ་མོ་བཅུ་བསྒོམ་བྱ། །དེ་ཡིས་ཕུར་བུ་བྱིན་བརླབས་ནས། །གདུག་པའི་ཚོགས་རྣམས་སྒྲོལ་བར་བྱེད། །ས་མ་ཡ་སྟྭཾ་ཞེས་པས་ནི། །དམ་ཚིག་དག་དང་ལྡན་པར་བྱ། །བཛྲ་ཨཉྫ་ལི་ཞེས་པས། །རྡོ་རྗེ་ཐལ་མོར་གྱུར་པ་ཡིན། །སཏྭ་རཱ་ཛ་ཧཱུཾ་ཞེས་པས། །ཐུགས་ཀྱི་ཕུར་བུ་རབ་ཏུ་གྱུར། །བྱིན་རླབས་དེ་དང་ལྡན་པས་ནི། །རྣམ་པར་རྟོག་པ་ཐམས་ཅད་བསྲེག །དྲག་པོའི་ལས་ཀྱི་ཕུར་བུ་ཡིས། །རྣམ་པར་རྟོག་པ་ཀུན་སྒྲོལ་ཨ། །རྩེ་མོ་དག་ལ་རབ་གནས་པ། །བྱང་ཆུབ་སེམས་ཀྱི་གནས་ལེན་ནོ། །ཕུར་བུ་དག་ལ་དབང་བསྐུར་བ། །གུ་གུལ་ཚིལ་ཆེན་དུད་པས་བདུག །ཉུང་དཀར་བསྡིམ་ཞིང་རཀྟས་བྱུག །ཨཱོཾ་མ་ཀུ་ཏ་ལ་པྲ་ཏ་ལ་ཧཱུཾ་ཕཊ། ར་རཀྟ་ཛྭ་ལ་ཧཱུཾ། ཁྲོ་བཅུའི་སྔགས་ཀྱིས་ཉུང་དཀར་བསྡིམ། །བྱིན་བརླབ་ཚུལ་བཞིན་བྱས་ནས་ཀྱང་། །སྐུ་གསུང་ཐུགས་ཀྱིས་དབང་བསྐུར་བའི། །ཡེ་ཤེས་ཐུགས་ཀྱི་ཕུར་པ་འདིས། །ཉོན་མོངས་དུག་ལྔ་རབ་རྒྱས་ཏེ། །ཞེན་པ་ཕྱིན་ཅི་ལོག་ལ་བརྟས། །གནོད་གདུག་སྡང་སེམས་ལྡན་པ་རྣམས། །བསྒྲལ་ཏེ་མི་རྟོག་དོན་ལ་གཞག །བཅོམ་ལྡན་ཐུགས་ཀྱི་སྤྲུལ་པ་ཡི། །ཁྲོ་རྒྱལ་ལ་སོགས་འཇིགས་པའི་སྐུ། །མ་རུངས་ཚོགས་རྣམས་ཀུན་འདུལ་བ། །ཁྲོ་རྒྱལ་གཟུགས་ཆེན་དེ་ཡིས་ནི། །མ་རུངས་ཐམས་ཅད་དེ་ཡིས་སྒྲོལ། །འཁྲུལ་པའི་བག་ཆགས་ཀུན་སྦྱོང་བ། །ཡེ་ ― DNG021_Page_0011 ―
[མ་དཔེ་གཟིགས་ན་འདིར་གནོན།]
ཤེས་ཐུགས་ཀྱི་ཁྲོ་བོ་སྟེ། །སྣ་ཚོགས་གཟུགས་སུ་རབ་ཏུ་སྟོན། །དེ་ཡིས་གདུག་པ་ཀུན་བཏུལ་ནས། །ཐམས་ཅད་བདེ་ལ་བཀོད་མཛད་པ། །ཡེ་ཤེས་ཐུགས་ཀྱི་ཁྲོ་བོ་ཡིན། །ཁྲོ་བོའི་གཟུགས་ཅན་ཕུར་བུ་ཡིས། །གཉིས་མེད་དོན་ལ་རབ་ཏུ་བཀོད། །རཱུ་ཏྲ་འཇིགས་པའི་ངང་ཚུལ་ཅན། །གདུལ་ཕྱིར་ཁྲོ་བོ་ཆེན་པོའི་སྐུར། །བསྟན་ཏེ་ང་རྒྱལ་བཅོམ་པ་ཡིན། །དེ་ཕྱིར་ཡེ་ཤེས་ཁྲོ་བོ་ནི། །གདུག་པ་མ་ལུས་ཀུན་སྒྲོལ་མཛད། །བྱང་ཆུབ་སེམས་ཀྱི་ཕུར་བུ་ནི། །རྣམ་པར་རྟོག་པ་ཀུན་འཇོམས་བྱེད། །ཕུར་བུའི་རྒྱུ་ཚད་དབྱིབས་དང་ནི། །སྐུར་གསལ་བྱིན་བརླབ་བྱས་པ་ཡིས། །རྣམ་རྟོག་སྒྲོལ་བར་རབ་ཏུ་བཤད། །ཕུར་བུའི་རྒྱུ་དང་གཟུགས་དང་ཚད་དང་སྐུ་དང་བྱིན་གྱིས་བརླབས་པའི་ལེའུ་སྟེ་བཞི་པའོ།། །།བྱིན་རླབས་ཕུར་བུ་དེ་དག་ཀྱང་། །ཐུགས་ཀྱི་དཀྱིལ་འཁོར་དག་ཏུ་དགོད། །མཆོད་སོགས་ལས་ཀྱི་ཆོ་ག་བྱ། །དེ་ལྟར་དཀྱིལ་འཁོར་ལས་དེ་དག །རྣལ་འབྱོར་སྟོབས་དང་ལྡན་པས་བྱ། །སྣོད་ལྡན་རབ་ཏུ་མི་གཡོའི་བུས། །སྐུ་གསུང་ཐུགས་ཀྱི་དཀྱིལ་འཁོར་རམ། །ཡང་ན་འདུས་པའི་དཀྱིལ་འཁོར་དེར། །གསོལ་གདབ་གནོད་སྦྱིན་སེམས་བསྐྱེད་དང་། །ཡོན་འབུལ་ཅི་རིགས་སྡོམ་པ་སྦྱིན། །དེར་ནི་ཕུར་བུའི་དབང་བསྐུར་བྱ། །ཆུ་དང་དབུ་རྒྱན་རྡོ་རྗེ་དང་། །དྲིལ་བུ་མིང་དང་རྒྱལ་པོ་བྱིན། །དུར་ཁྲོད་ཆས་ཀྱི་དབང་རྣམས་དང་། །ནང་དང་གསང་བའི་དབང་མཆོག་བྱིན། །ཉོན་མོངས་ཐམས་ཅད་དག་པར་བྱེད། །རྣམ་པར་རྟོག་པ་ཀུན་འཇོམས་པ། །དབང་གི་ལས་ཀྱིས་བྱེད་པ་ཡིན། །དང་པོ་དཀྱིལ་འཁོར་འཇུག་པ་ཡང་། །ཅི་རིགས་པ་ཡིས་གསོལ་གདབ་ཅིང་། །གནང་བ་ཡང་ནི་དེ་བཞིན་བྱ། །ཁྲོ་བོ་ཡིག་འབྲུ་ཕྱག་མཚན་གྱི། །འཕྲོ་འདུས་བར་དུ་གཅོད་པ་བསལ། །སྤྱི་དང་ཁྱད་པར་ལྷག་པ་ཡི། །བྱང་ཆུབ་མཆོག་ཏུ་སེམས་བསྐྱེད་ཅིང་། །ཨཱོཾ་རཏྣ་པུཥ྇་ཨཱ་བཱི་ར་ཧཱུཾ་ཁཾ། ཞེས། མི་འཕངས་སེམས་ཀྱིས་ཅི་འབྱོར་དབུལ། །སྤྱི་དང་ཁྱད་པར་ལྷག་པ་ཡི། །སྡོམ་པ་དག་ནི་སྦྱིན་བྱས་ཏེ། །སྐུ་གསུང་ཐུགས་ཀྱི་ཡིག་འབྲུ་ཡིས། །དེ་ཡི་ལུས་ངག་ཡིད་ ― DNG021_Page_0012 ―
[མ་དཔེ་གཟིགས་ན་འདིར་གནོན།]
གསུམ་བཀྲུ། །དམ་ཆུ་བླུད་དེ་སྡོམ་པ་བསྒྲག །དྲག་པོའི་ལས་ཀྱི་དཀྱིལ་འཁོར་འདིར། །རིགས་ཀྱི་བུ་ཁྱོད་འཇུག་པར་བྱོས། །སྤྱི་དང་ཁྱད་པར་ལྷག་པ་ཡི། །དམ་ཚིག་གཉན་ལས་ཁྱོད་མ་འདའ། །ཁྱོད་ཀྱི་ཕྱག་ན་རྡོ་རྗེ་ང་། །ང་ཡིས་ཅི་ལྟར་བསྒོ་བ་བཞིན། །བུ་ཁྱོད་ཀྱིས་ཀྱང་བྱ་དགོས་སོ། །དཀྱིལ་འཁོར་གསང་བ་མ་མཐོང་ཞིང་། །གསང་བ་དམ་པ་མ་མཐོང་ལ། །གསང་བ་དམ་པ་སྨྲ་མ་བྱེད། །ཁྱོད་ཀྱིས་སེམས་ཅན་སྲོག་མ་གཅོད། །མ་བྱིན་ལེན་པ་རྫུན་ལ་སོགས། །མི་དགེའི་ལས་ནི་སྤང་བར་གྱིས། །འབྲུ་ལྔ་སྤོས་ལྔ་རིན་ཆེན་ལྔ། །སྨན་ལྔ་སྙིང་པོ་ལྔ་ལ་སོགས། །ཕྱི་ཡི་ཆུ་དབང་རབ་ཏུ་སྦྱིན། །སྣ་ཚོགས་རིན་ཆེན་བུམ་པས་བྱ། །གསང་བའི་འཁོར་ལོ་བཞི་ལྡན་པའི། །རང་བྱུང་རང་གི་བུམ་པས་བྱ། །ཡབ་ཡུམ་གསང་བའི་སྙིང་པོར་ལྡན། །རང་བྱུང་གསང་བའི་བུམ་པས་བྱ། །རིན་ཆེན་སོ་སོའི་སྐུར་བྱུང་བའི། །དབུ་རྒྱན་རབ་ཏུ་བྱ་བ་ཡིན། །མེ་ཏོག་ཕྲེང་དང་ཅོད་པན་དང་། །རྒྱན་དང་གོ་ཆ་དེ་བཞིན་གདུགས། །རིན་ཆེན་ལས་བྱས་རྡོ་རྗེ་དང་། །ཚད་ལྡན་དྲིལ་བུས་དེ་དབང་བསྐུར། །མིང་དང་ཆུ་དང་དམ་ཚིག་གསུམ། །རྡོ་རྗེ་དྲིལ་བུའི་ཕྱག་རྒྱ་དང་། །རྡོ་རྗེ་བརྟུལ་ཞུགས་སྐྱབས་སྦྱིན་གྱིས། །སློབ་དཔོན་དབང་ནི་རབ་ཏུ་སྦྱིན། །ངན་སོང་གནས་ནི་དབང་གིས་འཇོམས། །དྲག་པོའི་རྫས་དབང་གདུག་པ་སྒྲོལ། །རྔ་དང་ཞིང་ཆེན་ཐོད་པ་དང་། །ཧ་སྟའི་གཡབ་མོ་གླིང་བུ་དང་། །ཁྲག་ཞག་ཐལ་བའི་ཐིག་ལེ་དང་། །མེ་དང་སྟག་སྦྲུལ་གླང་ལྤགས་ཀྱིས། །དབང་བསྐུར་བས་ནི་གདུག་པ་འདུལ། །བཟའ་བཅའ་བགོ་བཏུང་འདོད་ཡོན་འཕེལ། །དེ་ནས་གསང་བའི་དབང་བསྐུར་ཏེ། །རྒྱལ་རིགས་རྗེའུ་རིགས་བྲམ་ཟེའི་རིགས། །རིགས་ཅན་བུ་མོ་མཚན་ལྡན་མ། །བཅུ་གཉིས་བཅུ་དྲུག་བཅོ་བརྒྱད་ལོན། །སིཧླ་ག་པུར་ཡོད་པ་ཡིན། །བུ་མོ་མཚན་ནི་འདི་དག་ལྡན། །ཤ་རྩི་དཀར་ཞིང་སོ་ཚགས་དམ། །སྐྲ་ནི་ལྕང་ལོ་གཡས་སུ་འཁྱིལ། །མིག་ནི་དཀྱུས་རིང་ཨུཏྤལ་འདྲ། །སྨིན་མཚམས་བར་ནི་མ་ཆད་ཅིང་། །བརྟུལ་ཞུགས་སྤྱོད་པ་སྤྱོད་ནུས་པ། །ཡང་ན་མཚན་ ― DNG021_Page_0013 ―
[མ་དཔེ་གཟིགས་ན་འདིར་གནོན།]
ལྡན་བུ་མོ་ནི། །ཨུཏྤལ་བཞིན་དུ་སྔོ་སངས་མ། །ར་བ་བཞི་ཡི་ཉ་བཞི་ལ། །གཟུང་ཐབས་བཞི་ནི་འགྱུར་བྱེད་ཅིང་། །རྟོག་མེད་སྙིང་རྗེ་ཆོས་ལ་དད། །དེ་ལྡན་གསང་བའི་དབང་བསྐུར་རོ། །དངོས་གྲུབ་རྟགས་ཀྱི་ཕྱག་རྒྱ་ཡིས། །གསང་བའི་མན་ངག་དེ་དབང་བསྐུར། །དྲོད་གསུམ་དང་ནི་ལྡན་བྱས་པའི། །དབང་གསུམ་དམ་ཚིག་ལྡན་ལ་སྦྱིན། །བདེ་བས་མྱོས་ལ་བརྒྱལ་བར་འགྱུར། །མན་ངག་དབང་བསྐུར་དེ་བཞིན་བྱ། །ཤེས་རབ་ཡེ་ཤེས་དབང་བསྐུར་བ། །མཚན་ལྡན་ཤེས་རབ་དག་ལ་ནི། །སྣ་ཚོགས་དྲི་ཡིས་རབ་བརྒྱན་ཅིང་། །བསྲུབ་དང་བསྲུབ་པའི་ཐབས་དག་ལས། །མི་རྟོག་པ་ནི་རབ་ཏུ་སྐྱེ། །དགའ་དང་མཆོག་ཏུ་དགའ་བ་དང་། །མངོན་དགའ་རང་བཞིན་དགའ་བ་སྟེ། །རྡོ་རྗེ་དབྱིངས་ཀྱི་དབང་ཕྱུག་མ། །བགྲོད་བྱེད་མན་ངག་དག་གིས་སོ། །དང་པོ་དགའ་བའི་དུས་སུ་ནི། །དབུས་ཀྱི་རྒྱུ་བ་བཅུ་དག་ལ། །ཆུ་ཚོད་ལྔ་པར་སྦྱར་བྱས་ཏེ། །གཟུང་དང་བཟློག་པ་དེ་བཞིན་བྱ། །ཉི་ཁྲི་ཆིག་སྟོང་དྲུག་བརྒྱ་ནི། །ཆུ་ཚོད་སུམ་ཅུ་གཉིས་ལྡན་བྱས། །དབྱུ་གུའང་དྲུག་ཅུ་རྩ་བཞི་ཡིན། །ཕྲ་མོའི་ཐུན་ནི་དྲུག་ཅུ་བཞི། །ཆེན་པོ་ཐུན་བཞི་ཐུན་བརྒྱད་ཡིན། །དགའ་བའི་གནས་སུ་དབུགས་དང་ནི། །ཐུན་ཚོད་ཆུ་ཚོད་བརྩི་བྱས་ཏེ། །དེ་བཞིན་དགའ་བའི་དུས་སུ་ནི། །ཐུན་ཚོད་ཆུ་ཚོད་དེ་བཞིན་བསླབ། །བདེ་བ་གང་སྐྱེས་གནས་དེར་ནི། །མན་ངག་དག་ཀྱང་དེར་བསྟན་བྱ། །སྐད་ཅིག་དུས་དང་ཟ་མ་ལ། །ཉིན་དང་མཚན་དུ་དེ་བཞིན་བསླབ། །ཟླ་བ་ལ་སོགས་དེ་བཞིན་བསླབ། །དེ་དོན་མན་ངག་བཅས་པ་ནི། །ཤེས་རབ་དབང་བསྐུར་རབ་ཏུ་བཤད། །བཞི་པའི་དབང་ནི་བསྐུར་བྱ་སྟེ། །རླུང་གི་རང་བཞིན་དེ་ཤེས་ཤིང་། །བོ་ལ་ཀཀྐོ་ལ་སྦྱར་ལ། །རང་བཞིན་བདེ་བསྐོར་ཕན་ཚུན་འབྱུང་། །གཟུང་དུ་མེད་དེ་བརྗོད་དུ་མེད། །རྟོག་པ་ཀུན་དང་བྲལ་བ་ཡི། །རང་བཞིན་འོད་གསལ་དེར་གནས་པ། །ཚིག་སོགས་དབང་གི་རང་བཞིན་སྦྱིན། །རྟོག་པའི་བག་ཆགས་འཇོམས་པར་བྱེད། །དབང་གསུམ་འབྲས་བུ་དེ་ཡིན་ནོ། །དབང་བཞི་རབ་ཏུ་ལྡན་པ་ཡིས། །ཀུན་རྫོགས་གནས་བཞིའི་གནས་སུ་བཀྲུ། །ལུས་ ― DNG021_Page_0014 ―
[མ་དཔེ་གཟིགས་ན་འདིར་གནོན།]
ཀྱི་རྣམ་རྟོག་སྦྱང་བ་དང་། །བག་ཆགས་དྲི་མ་བཀྲུ་བའི་ཕྱིར། །དབང་བསྐུར་རབ་ཏུ་སྦྱིན་པ་ཡིན། །དམ་ཚིག་མེད་པ་ཕལ་རྣམས་ལ། །དབང་དག་སྦྱིན་པར་མི་བྱའོ། །སློབ་དཔོན་སློབ་མ་ཤི་མ་ཐག །མནར་མེད་གནས་སུ་ངེས་པར་ལྟུང་། །དཀྱིལ་འཁོར་འཇུག་པའི་རྣལ་འབྱོར་པས། །སྣོད་དང་སྦྱར་ཏེ་དེ་དབང་བསྐུར། །དམ་ཚིག་ཉམས་པར་མ་གྱུར་ན། །ལམ་རྣམས་རབ་ཏུ་བགྲོད་བྱེད་པར། །དབང་མཆོག་འདི་ཡིས་བྱེད་པ་ཡིན། །དབང་བསྐུར་དམ་པ་འདི་ཡིས་ནི། །གནོད་གདུག་སྒྲོལ་བར་ནུས་པ་ཡིན། །ཕུར་པ་ཕྲིན་ལས་ཀྱི་རྒྱུད་ལས། དབང་བསྐུར་བའི་ལེའུ་སྟེ་ལྔ་པའོ།། །།གཞན་ཡང་དམ་ཚིག་བསྟན་བྱ་བ། །རྩ་བ་ཡན་ལག་དམ་ཚིག་དག །རྟག་ཏུ་བསྲུང་བར་བྱ་བ་ཡིན། །སྐུ་གསུང་ཐུགས་ཀྱི་དམ་ཚིག་ནི། །རྩ་བའི་དམ་ཚིག་དག་ཏུ་ཤེས། །མི་སྤང་བ་དང་དང་དུ་བླང་། །ཤེས་དང་བསྒྲུབ་པའི་དམ་ཚིག་ནི། །ཡན་ལག་དམ་ཚིག་ཡིན་པར་བཤད། །དམ་རྫས་དག་ལ་ལོངས་སྤྱོད་ཅིང་། །རྟོག་མེད་དཔའ་བའི་གོ་གོན་པ། །དམ་ཚིག་དག་ཏུ་ངས་བཤད་དོ། །དམ་ཚིག་དག་ལ་རབ་གནས་པས། །ལས་རྣམས་ཐམས་ཅད་འགྲུབ་པ་ཡིན། །སྐུ་ཡི་དཀྱིལ་འཁོར་ཆེན་པོ་ནི། །ལས་ཀྱི་བྱ་བ་ཀུན་བྱེད་པ། །དྲག་པོའི་རྫས་རྣམས་ལྡན་པ་ལ། །གདུག་པའི་ཚོགས་རྣམས་ཀུན་འདུལ་བྱ། །དུར་ཁྲོད་ཆེན་པོའི་གནས་དག་ཏུ། །དྲག་པོའི་དཀྱིལ་འཁོར་རབ་ཏུ་བརྩམ། །ས་བརྟག་ས་གཟུང་བྱིན་གྱིས་བརླབ། །དང་པོ་བརྟགས་པའི་གནས་ཆེན་དེར། །སྔགས་མཁན་བྱ་བ་ཀུན་བྱས་ཏེ། །སྟ་གོན་གནས་པའི་བྱ་བ་བྱས། །མཆོད་དང་སྡོམ་པ་གཟུང་བ་དང་། །དཀོན་མཆོག་གསུམ་ལ་སྐྱབས་འགྲོ་བྱ། །སོ་ཤིང་སྲུང་སྐུད་ཀུ་ཤ་སྦྱིན། །སེམས་བསྐྱེད་ཕྱིར་ནི་ཆོས་བཤད་བྱ། །ལྷ་རྣམས་མཆོད་པས་མཉེས་བྱས་ལ། །འབྲུ་དང་སྨན་དང་སྙིང་པོ་དང་། །རིན་ཆེན་ཁ་རྒྱན་མགུལ་ཆིངས་ཅན། །དྲི་མེད་དག་པའི་བུམ་པ་ལ། །ཚུལ་བཞིན་དུ་ནི་བསྙེན་པ་བྱ། །དཀྱིལ་འཁོར་སྐྱང་ནུལ་ཐིག་གདབ་པ། །སྲད་བུ་ལྔ་དང་ལྡན་པ་ཡིས། ། ― DNG021_Page_0015 ―
[མ་དཔེ་གཟིགས་ན་འདིར་གནོན།]
ཐིག་ནི་རབ་ཏུ་གདབ་པ་སྟེ། །ལྷ་དང་གཉིས་མེད་གནས་པའི་ཐིག །མཆོད་བྱས་ཡེ་ཤེས་ཐིག་ནི་གདབ། །གཉིས་པ་གཟུགས་བརྙན་ཐིག་གདབ་པོ། །ཚངས་ཐིག་དང་པོ་གདབ་པ་སྟེ། །ཚངས་ཐིག་གཉིས་པ་དེ་བཞིན་གདབ། །དེ་བཞིན་ཕྱོགས་མཚམས་མ་འཁྲུལ་གདབ། །ཆ་བརྒྱད་དེ་གསེས་བཅུ་དྲུག་ཆ། །ཆ་ཕྲན་དྲུག་ཅུ་རྩ་བཞིར་གདབ། །དབུས་བཞི་ཕྱི་རོལ་བཅུ་དྲུག་བསྐོར། །ཕྱི་རོལ་སྒོ་དང་རྒྱན་དུ་བྱ། །དཀྱིལ་འཁོར་ཐིག་དེ་བཏབ་ནས་ཀྱང་། །ཐུགས་ཀྱི་དཀྱིལ་འཁོར་ཆེན་པོ་ཡིན། །གྲུ་གསུམ་ཉི་ཤུ་གཅིག་ཏུ་གདབ། །གསུམ་ནི་ལེའུ་ཚེའི་དཀྱིལ་འཁོར་བྱ། །སྐུ་ཡི་དཀྱིལ་འཁོར་འཁོར་ལོར་ལྡན། །སྐུ་གསུང་ཐུགས་འདུས་དཀྱིལ་འཁོར་ནི། །དཀྱིལ་འཁོར་ཀུན་གྱི་དམ་པའོ། །སྔོན་པོ་ལ་སོགས་ཚོན་རྣམས་ནི། །དཔའ་བོ་འབྲུ་ལྔས་བྱིན་གྱིས་བརླབ། །གཞུང་དང་མཐུན་པར་ཚོན་དགྱེ་སྟེ། །དྲག་པོའི་རྫས་རྣམས་རབ་ཏུ་གསོག །ལྷུ་དུམ་བཅད་འཕྲོ་དུམ་བུ་དང་། །སྒལ་རྩིབ་ཀླད་པ་ཁྲག་དང་མགོ། །གྲུ་གསུམ་མཐིང་ནག་གཏོར་མར་བཅས། །དུག་སོགས་དྲག་པོའི་རྫས་རྣམས་བསྔགས། །མཁའ་འགྲོའི་རྫས་དང་བཅས་པ་ནི། །བསགས་ཏེ་མཆོད་པ་བྱ་བ་ཡིན། །གདུག་པའི་རྫས་དང་སྔགས་ཀྱིས་ནི། །གནོད་ཅིང་གདུག་པ་བསྒྲལ་བར་བྱ། །གྲུ་གསུམ་མཐིང་ནག་དཀྱིལ་འཁོར་ནི། །དུག་དང་གདུག་པའི་རྫས་ཀྱིས་བསྐོར། །སྨུག་ནག་གཟུགས་ཀྱང་དེ་ནང་གཞུག །དྲག་པོའི་ཐུན་རྫས་དེར་བསག་བྱ། །ཟངས་ཕྱེ་རྡོ་ཕྱེ་ལྕགས་ཕྱེ་དང་། །དྲག་པོའི་ལས་ཀྱི་ཕུར་པས་ནི། །གདུག་པ་ཐམས་ཅད་སྒྲོལ་བ་ཡིན། །འཇིག་རྟེན་ཁམས་ནི་ཐམས་ཅད་ཀུན། །ཁྲོ་བོ་ཆེན་པོར་གྱུར་པ་སྟེ། །ཉོན་མོངས་ཐམས་ཅད་སྒྲོལ་བར་མཛད། །སྔགས་ཀྱི་འོད་ཟེར་དྲག་པོ་ནི། །ཚ་ཚའི་འོད་ཟེར་ལྟར་འཕྲོ་ཞིང་། །གདུག་པ་ཐམས་ཅད་འདུལ་བ་ཡིན། །སྔགས་དང་ཕྱག་རྒྱ་རབ་ལྡན་པས། །ཁྲོ་བོའི་ལུས་ནི་ཐམས་ཅད་ཀྱང་། །ཡེ་ཤེས་མེ་དང་བཅས་པ་བསྒོམ། །གདུག་པ་བསྒྲལ་ཕྱིར་བཤད་པ་ཡིན། །ཕུར་པ་ཕྲིན་ལས་ཀྱི་རྒྱུད་ལས། དམ་ཚིག་དང་ཐིག་རྫས་ཀྱི་ལེའུ་སྟེ་དྲུག་ ― DNG021_Page_0016 ―
[མ་དཔེ་གཟིགས་ན་འདིར་གནོན།]
པའོ།། །།དེ་ནས་ཁྲོ་བོ་རྣམ་པར་རྒྱལ་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དྲག་པོ་ལས་ཀྱི་དཀྱིལ་འཁོར་འདིར། །བཟླས་བརྗོད་བསམ་པ་ཇི་ལྟར་བགྱི། །བཅོམ་ལྡན་འདས་ཀྱིས་བཀའ་སྩལ་པ། །རྣམ་རྟོག་ཉོན་མོངས་གཞོམ་པའི་ཕྱིར། །སྐུ་གསུང་ཐུགས་ཀྱི་དཀྱིལ་འཁོར་གྱི། །བཟླས་པ་བྱ་བའི་རིམ་པ་ནི། །མཚན་མ་ཅན་དང་མཚན་མེད་དེ། །རྣམ་རྟོག་བག་ཆགས་སྦྱོང་བའི་ཕྱིར། །མཚན་མེད་བཟླས་པ་ཏིང་འཛིན་བྱ། །རང་གི་ལུས་ཀྱི་གནས་རྣམས་སུ། །འཁོར་ལོ་བཞི་ནི་རབ་ཏུ་གནས། །བདེ་ཆེན་འཁོར་ལོར་གྱུར་པ་ནི། །རྩ་ནི་སུམ་ཅུ་རྩ་གཉིས་གནས། །ཡི་གེའང་དེ་བཞིན་ལྡན་པའོ། །ལོངས་སྤྱོད་རྩ་ནི་བཅུ་དྲུག་སྟེ། །ཡི་གེ་འང་དེ་བཞིན་གནས་པ་ཡིན། །ཆོས་ཀྱི་འཁོར་ལོའི་རྩ་རྣམས་ནི། །རྩ་དང་ཡི་གེ་བརྒྱད་དུ་གནས། །སྤྲུལ་པའི་རྩ་ནི་དྲུག་ཅུ་བཞི། །ཡི་གེའང་དེ་བཞིན་གནས་པའོ། །དབྱངས་དང་གསལ་བྱེད་ཡི་གེ་ནི། །མཚན་དང་དཔེ་བྱད་རང་བཞིན་ཏེ། །འཁོར་ལོ་བཞི་ཡི་གནས་སུ་བྱ། །དྲག་པོའི་ལས་ཀྱི་སྔགས་རྣམས་ཀྱང་། །འཁོར་ལོ་ལ་ནི་རབ་ཏུ་དགོད། །ཐབས་དང་ཤེས་རབ་སྦྱོར་བ་ལས། །སྦྱོར་བའི་བདེ་བ་ཆེན་པོ་ནི། །འཁོར་ལོའི་རིམ་པ་རྣམས་སུ་གནས། །ཡི་གེ་དག་ཏུ་དེར་གཞུག་ཅིང་། །བདེ་བ་དག་ཀྱང་རབ་ཏུ་བསྐྱེད། །རྣམ་པར་རྟོག་པ་ཀུན་སྦྱོང་བའི། །འོད་ཟེར་དག་ཀྱང་ཀུན་ཏུ་སྤྲོ། །འཁོར་ལོ་བཞི་ཡི་གནས་དག་ཏུ། །དགའ་བཞི་དག་ཏུ་གནས་པ་ཡིན། །རྣམ་པར་རྟོག་པ་ཀུན་སྦྱོང་བའི། །ཐབས་འདི་དག་གིས་བྱེད་པ་ཡིན། །ལས་ཀྱི་རླུང་ནི་སྲོག་ཏུ་བཤད། །སེམས་ཅན་གཟུགས་སུ་བྱེད་པ་ཡིན། །བྱེད་པའི་རླུང་ནི་གཉིས་ཡིན་ཏེ། །རྒྱུ་དང་འབྲས་བུ་རྣམ་གཉིས་སོ། །རྒྱུ་ནི་རྣམ་ལྔར་ཤེས་པར་བྱ། །ཁྱབ་བྱེད་ཐུར་དུ་སེལ་བ་དང་། །མེ་དང་མཉམ་དུ་གནས་པའི་རླུང་། །སྲོག་དང་གྱེན་དུ་འགྲོ་བའི་རླུང་། །རྒྱུ་ཞེས་རབ་ཏུ་བཤད་པ་ཡིན། །འབྲས་བུའི་རླུང་ནི་རྣམ་ལྔ་སྟེ། །རྒྱུ་དང་རྣམ་པར་རྒྱུ་བ་དང་། །ཡང་དག་རྒྱུ་དང་རབ་ཏུ་རྒྱུ། །དེ་བཞིན་ངེས་པར་རྒྱུ་བའོ། །རླུང་ནི་བཅུ་པོ་དེ་དག་གིས། །ལས་ནི་རྣམ་པར་བྱེད་པ་ནི། །བྱེད་པའི་རླུང་ཞེས་རབ་ཏུ་ ― DNG021_Page_0017 ―
[མ་དཔེ་གཟིགས་ན་འདིར་གནོན།]
བཤད། །རླུང་ནི་བཅུ་པོ་འདི་རྣམས་ཀྱིས། །འཁོར་ལོའི་གནས་ནི་ཐམས་ཅད་དུ། །བྱང་ཆུབ་སེམས་ཀྱི་འཕོ་བ་བྱེད། །བདེ་བའང་དེ་བཞིན་དེར་བསྐྱེད་དེ། །སྟེང་གི་འཕོ་བ་ཞེས་ནི་གྲགས། །བྱང་ཆུབ་སེམས་ཀྱི་ཕུར་བུ་ནི། །ཨཱ་ལི་ཀཱི་ལི་དག་པར་བྱུང་། །དེས་ནི་ཉོན་མོངས་སྒྲིབ་པ་རྣམས། །ཐམས་ཅད་སྲེག་པར་བྱེད་པ་ཡིན། །སྤྱི་བོ་བདེ་ཆེན་འཁོར་ལོ་སྟེ། །རྩ་ཆེན་ཡི་གེའི་གནས་སུ་བཤད། །ཀཱི་ལའི་ཡི་གེ་དེར་བརྗོད་དོ། །རྩ་བྲན་ཀུན་ནས་འོད་ཟེར་ནི། །བྱང་ཆུབ་སེམས་ཀྱི་ཕུར་བུ་རྒྱུ། །བདེ་ཆེན་གནས་སུ་ཞི་བར་བྱ། །མགྲིན་པ་ལོངས་སྤྱོད་འཁོར་ལོ་སྟེ། །ཆེན་པོ་གསུམ་དང་ཀཱི་ལའི་སྔགས། །རབ་ཏུ་རྒྱུ་བར་བཤད་པ་ཡིན། །རྩ་ནི་འོད་ཟེར་རྒྱུ་བ་སྟེ། །བྱང་ཆུབ་སེམས་ཀྱི་ཕུར་པ་ཡིན། །མགྲིན་པའི་གནས་སུ་ལོངས་སྤྱོད་སྤེལ། །སྙིང་གར་ཆོས་ཀྱི་འཁོར་ལོ་སྟེ། །བྱང་ཆུབ་སེམས་ཀྱི་ཕུར་བུ་རྒྱུ། །སྙིང་གར་དག་ནི་དེར་རྒྱས་ནས། །ཐམས་ཅད་མ་ལུས་འགུགས་པར་བྱེད། །ལྟེ་བ་སྤྲུལ་པའི་འཁོར་ལོ་སྟེ། །ཆེན་པོ་ནས་ནི་ཀཱི་ལ་རྒྱུ། །ཕྲ་མོ་ནས་ནི་འོད་ཟེར་རྒྱུ། །བྱང་ཆུབ་སེམས་ཀྱི་ཕུར་བུ་འཕྲོ། །གནས་དེར་ཐམས་ཅད་བསྒྲལ་བ་ཡིན། །ཀཱི་ལ་ཡ་ཡི་སྒྲ་སྒྲོགས་ཤིང་། །གནས་དེ་དག་ཏུ་རབ་ཏུ་རྒྱུ། །གཉིས་མེད་སྦྱོར་བ་བདེ་བ་ལས། །སྤྲོས་མེད་ཆེན་པོའི་འོད་ཟེར་གྱིས། །རྣམ་པར་རྟོག་པ་ཐམས་ཅད་བསྲེག །བྱང་ཆུབ་སེམས་ཀྱི་ཕུར་བུ་འདི། །འཁོར་ལོ་བཞི་ལ་རབ་ཏུ་གནས། །འཕྲོ་བ་རླུང་གིས་རབ་ཏུ་བྱེད། །བདེ་སྟོང་ནམ་མཁའ་ལྟ་བུ་སྟེ། །ལས་དང་ཉོན་མོངས་རྣམ་རྟོག་དག །བྱང་ཆུབ་སེམས་ཀྱི་མེ་སྦར་བས། །འོག་ནས་གཡོ་བ་རླུང་གིས་བསྐྱོད། །དེས་ཀྱང་མེ་ནི་རབ་ཏུ་འབར། །བོ་ལ་ཀཀྐོ་ལ་སྦྱར་ཏེ། །སྟེང་དང་འོག་གི་འཕོ་བ་ཡིན། །དེས་བསྐྱེད་བདེ་བ་དག་ལ་ནི། །བྱང་ཆུབ་སེམས་ཀྱི་ཕུར་པའོ། །དེས་ནི་འཁོར་ལོ་རྣམ་རྒྱས་པ། །དགའ་བ་རྣམས་སུ་རབ་ཏུ་བཤད། །གཡས་ན་ཀཱི་ལ་ཡ་རྒྱུ་བ། །གཡོན་ན་བིགྷྣཱཾ་རྒྱུ་བ་གཉིས། །བྱང་ཆུབ་སེམས་ཀྱི་ཡིག་འབྲུ་སྟེ། །མི་རྟོག་བསྐྱེད་ཕྱིར་རྩ་ནས་རྒྱུ། །འོད་ཟེར་བྱང་སེམས་ཕུར་བུར་རྒྱུ། ། ― DNG021_Page_0018 ―
[མ་དཔེ་གཟིགས་ན་འདིར་གནོན།]
འཁོར་ལོ་བཞི་ཡི་གནས་དག་ཏུ། །འོད་ཟེར་ཁ་དོག་སོ་སོ་ཡིས། །ཕྲིན་ལས་རྣམ་བཞི་རབ་ཏུ་བྱེད། །མི་གནས་སྙིང་ག་མགྲིན་པ་དང་། །ཀཱི་ལ་ཡ་དང་བིགྷྣཱཾ་སྔགས། །ཕྲིན་ལས་སོ་སོའི་ལས་སྔགས་སྦྱར། །གནས་བཞིར་བཟླས་པའི་འོད་ཟེར་གྱིས། །དགའ་བ་བཞི་ནི་རབ་བསྐྱེད་དེ། །མཚན་མའི་ཏིང་འཛིན་ལ་བརྟེན་ནས། །མཚན་མེད་མི་རྟོག་ཡེ་ཤེས་བསྐྱེད། །མཚན་མར་བཅས་པའི་བཟླས་པ་ཡང་། །དྲག་པོའི་ལས་ཀྱི་སྔགས་ཀྱིས་སོ། །གདུག་པའི་ཚོགས་རྣམས་འདུལ་བར་བྱེད། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་གྱིས་བསྒྲལ་བ་དང་། །ལུས་ངག་རྡུལ་དུ་བཤིགས་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །བུཌྜྷ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཧཱུཾ་ལཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། མོ་ཧ་གྷཱ་ཏ་ཡ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། བྷ་ག་ཝཱན་པདྨ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཤཱི་གྷྲཾ་བི་ཀྲི་ཀརྨྨ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཐབས་དང་ཤེས་རབ་ལྡན་ཕྱིར་རོ། །སྟཱམྦྷ་ནན་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཧཱུཾ་ཀཱ་ར་ཧཱུཾ་ཧཱུཾ་ཀཱ་ར་ཧཱུཾ་ཨ། ཧཱུཾ་ཀཱ་ར་ཧཱུཾ་ཨ། བི་ཛ་ཡ་ཨ། ནཱི་ལ་དཎྜ་ཨ། ཡ་མཱནྟ་ཀ་ཨ། ཨཱརྱ་ཨ་ཙ་ལ་ཨ། ཧ་ཡ་གྲཱི་ཝ་ཨ། ཨ་པ་ར་ཛི་ཏ་ཨ། ཨ་མྲྀ་ཏ་ཀུཎྜ་ལི་ཨ། ཏྲཻ་ལོཀྱ་བི་ཛ་ཡ་ཨ། ཉོན་མོངས་བག་ཆགས་སྦྱང་བའི་ཕྱིར། །ལྷ་རྣམས་སྔགས་འདིས་སྐྱེ་མེད་བསྒོམ། །དངོས་གྲུབ་བར་གཅོད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རིང་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ ― DNG021_Page_0019 ―
[མ་དཔེ་གཟིགས་ན་འདིར་གནོན།]
ཀྱང་། །བསྒོ་བའི་བཀའ་རྣམས་ཉན་པར་གྱིས། །ཧཱུཾ་བ་ར་བིདྷྭནྶ། འདི་ཡིས་ཐམས་ཅད་མགོ་མནན་ལ། །བདུད་རྩི་འཁྱིལ་པའི་ལས་སྔགས་ཀྱིས། །ཐམས་ཅད་མ་ལུས་སྒྲོལ་བ་ཡིན། །ཙྪིནྡྷ་ཙྪིནྡྷ་ཧཱུཾ་ཕཊ། མི་གཡོ་མགོན་པོའི་ལས་སྔགས་ཀྱིས། །ཐམས་ཅད་མ་ལུས་བཅིང་བ་ཡིན། །བན་དྷ་བན་དྷ་ཧཱུཾ་ཕཊ། ཁམས་གསུམ་རྣམ་རྒྱལ་ལས་སྔགས་ཀྱིས། །ཐམས་ཅད་མ་ལུས་སྒྲོལ་བར་བྱེད། །བྷིན་དྷ་བྷིན་དྷ་ཧཱུཾ་ཕཊ། རྟ་མཆོག་དཔལ་གྱི་ལས་སྔགས་ཀྱིས། །ཐམས་ཅད་མ་ལུས་འཛིན་པར་བྱེད། །གྲྀ་ཧྞ་གྲྀ་ཧྞ་ཧཱུཾ་ཕཊ། རྣམ་པར་རྒྱལ་བའི་ལས་སྔགས་ཀྱིས། །ཉོན་མོངས་ཐམས་ཅད་འཇོམས་པར་བྱེད། །ཧ་ན་ཧ་ན་ཧཱུཾ་ཕཊ། ཁྲོ་རྒྱལ་ཐུགས་ཀྱི་དཀྱིལ་འཁོར་ནས། །དྲག་པོ་ལས་ཀྱི་ཐུན་སྔགས་འབྱུང་། །ཧ་ས་ཡ་ར་ཧ་ས་ཡ་ར་ཧཱུཾ་ཕཊ། ཨཱ་ཝེ་ཤ་ཡ་ཨཱ་ཝེ་ཤ་ཡ་ཧཱུཾ་ཕཊ། ཤཱི་གྷྲཾ་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། བྷིན་དྷ་ཡ་བྷིན་དྷ་ཡ་ཧཱུཾ་ཕཊ། སྔགས་དྲུག་ལས་ཀྱི་འཁོར་ལོ་འདིས། །མ་རུངས་པ་རྣམས་རྣམ་པར་སྒྲོལ། །ཐམས་ཅད་མ་ལུས་རྡུལ་དུ་རློག །ཁྲོ་རྒྱལ་འདུས་པའི་དམོད་མོ་ཡིན། །འཁོར་ལོ་དག་ནི་བསྐོར་བྱ་ཞིང་། །གསང་བའི་གནས་སུ་གསད་བྱ་ཡིན། །གདུག་པ་སྔགས་ཀྱི་འོད་ཟེར་གྱིས། །བསྒྲུབ་བྱ་དག་ནི་སྒྲོལ་བར་བྱེད། །སྔགས་ཀྱི་འོད་ཟེར་བསྐུལ་ནས་ནི། །ལུས་ཀྱི་རྩ་རྣམས་ཐམས་ཅད་དུ། །འོད་ཟེར་དག་ནི་རྒྱས་བྱས་ཏེ། །སྟོང་གྲོགས་བྱེད་ལ་སོགས་པ་དབྲལ། །གདུག་པའི་ཚོགས་རྣམས་ཀུན་སྒྲོལ་ཏེ། །འཁྲུལ་འཁོར་དག་ཏུ་རབ་ཏུ་བཟླས། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་བཞིན་དམ་བཅས་པ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་ཕྲན་བཞིན་དུ་རློགས། །ཁྲོ་བོ་རྣམ་རྒྱལ་ཏིང་འཛིན་གྱིས། །གདུག་པ་འདུལ་ཕྱིར་གཟི་བྱིན་བསྐྱེད། །ཧ་ན་ཧ་ན་བཛྲ། གདུག་པའི་ཚོགས་རྣམས་བསྒྲལ་བའི་ཕྱིར། །ཁྲོ་རྒྱལ་དབྱུག་སྔོན་ཏིང་འཛིན་གྱིས། །གདུག་པ་བསྲེག་ཕྱིར་སྔགས་འདི་བརྗོད། །ད་ཧ་ད་ཧ་བཛྲ། ཞེ་སྡང་ཅན་རྣམས་ཚར་གཅད་ཕྱིར། །ཁྲོ་རྒྱལ་གཤིན་རྗེའི་གཤེད་པོ་ཡིས། །ཐམས་ ― DNG021_Page_0020 ―
[མ་དཔེ་གཟིགས་ན་འདིར་གནོན།]
ཅད་གསད་ཕྱིར་གཟི་བྱིན་བསྐྱེད། །པ་ཙ་པ་ཙ་བཛྲ། ཡེ་ཤེས་ཐུགས་ཀྱི་ཕྲ་མེན་མ། །ཤྭ་ན་མུ་ཁའི་སྔགས་ཀྱིས་ནི། །བྱིན་བརླབས་གཟི་བྱིན་བསྐྱེད་པ་ཡིན། །མ་ཐ་མ་ཐ་བཛྲ། ཡེ་ཤེས་ཚོགས་ཀྱི་སྲུང་མ་ནི། །བསེ་མོ་བཞི་ཡི་སྔགས་དག་གིས། །གཟི་བྱིན་དག་ནི་བསྐྱེད་པ་ཡིན། །ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཛ་ཡེ་བི་ཛ་ཡེ་བཛྲ། ཡེ་ཤེས་ཁྲོ་བོ་ཆེན་པོ་ཡིས། །སྔགས་འདིས་གདུག་པ་སྒྲོལ་བར་བྱེད། །ཨ་ཛི་ཏེ་ཨ་པ་ར་ཛི་ཏ། མཱ་ར་སེ་ན་པྲ་མ་རྡ་ན་ཡེ་ཧཱུཾ་ཕཊ། གཟི་བྱིན་དག་ནི་རབ་བསྐྱེད་ནས། །རྣམ་པར་རྟོག་པ་འཇོམས་པ་ཡིན། །རྡོ་རྗེ་གསང་བའི་བཀའ་ལས་ནི། །སྡིག་ཆེན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་རྣམས། །ང་ཡི་བཀའ་ལས་འདའ་མ་བྱེད། །བདག་ཉིད་ཆེན་མོའི་སྔགས་འདི་ཡིས། །གདུག་པ་ཐམས་ཅད་སྒྲོལ་བར་བྱེད། །ཧཱུཾ་མ་མ་པ་ཤཾ་ཀུ་རུ་མ་ཏང་ཉ་ཀ་ར་ཨི་དན། དྷ་དྷི་མ་མ་ཀརྨ་ཤཱི་གྷྲཾ་ཀཱ་ར་ཡ། སྔགས་འདིས་དུག་གསུམ་སྒྲོལ་བྱེད་ཅིང་། །དྲག་པོའི་ལས་རྣམས་བྱེད་པར་འགྱུར། །གདུག་ཅིང་སྡང་སེམས་ལྡན་པ་རྣམས། །ལྷ་འམ་གནོད་སྦྱིན་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །ཧཱུཾ་མཛད་སྟོབས་ཆེན་ཁྲོ་བོ་ཡིས། །གདུག་པའི་ཚོགས་རྣམས་ཐམས་ཅད་བསྒྲལ། །སྔགས་དོན་འདི་དག་རབ་ལྡན་པས། །བསྒྲུབ་བྱ་ཐམས་ཅད་སྒྲོལ་བར་བྱེད། །མཚན་བཅས་བཟླས་པ་དེ་བཤད་དེ། །བསྒྲུབ་བྱ་རྟག་ཏུ་སྒྲོལ་བ་ཡིན། །མཚན་བཅས་ཕྱི་ཡི་བཟླས་པ་ནི། །སྙིང་ག་ནས་ནི་སྤྲོ་བྱ་ཞིང་། །འོད་ཟེར་གྱིས་ནི་ཁམས་གསུམ་བསྒྲལ། །སྤྲོ་དང་བསྡུ་བའི་སྦྱོར་བ་ཡིས། །ཞེ་སྡང་ཅན་རྣམས་བསྒྲལ་བར་བྱ། །བསྒྲུབ་པའི་བར་གཅོད་ཐམས་ཅད་ཀྱང་། །སྔགས་ཀྱི་འོད་ཟེར་དྲག་པོས་བསྒྲལ། །གསང་བའི་གནས་ནས་སྤྲོ་བར་བྱ། །བསྒྲུབ་བྱ་དག་ནི་དེར་བསྒྲལ་ཏེ། །ང་རྒྱལ་བཅས་པ་བཅོམ་ནས་ཀྱང་། །ཡེ་ཤེས་ཕུར་པའི་འོད་ཟེར་ནི། །བར་མཚམས་མེད་པར་བསྐོར་བ་ཡིན། ། ― DNG021_Page_0021 ―
[མ་དཔེ་གཟིགས་ན་འདིར་གནོན།]
སྔགས་ཀྱི་འོད་ཟེར་དེ་ཡིས་ནི། །བསྒྲལ་ཕྱིར་འཁོར་ལོ་དྲུག་ཀྱང་བསྐོར། །ལས་དང་ཉོན་མོངས་ཐམས་ཅད་ལ། །འཁྲུལ་འཁོར་གཙང་མས་འཁོར་ལོ་བསྐོར། །དེ་ཡིས་གདུག་པ་ཀུན་སྒྲོལ་ཏེ། །ལས་ནི་ཐམས་ཅད་འགྲུབ་པ་ཡང་། །དྲག་པོ་འདི་ཡིས་བྱེད་པར་འགྱུར། །ཡེ་ཤེས་ཐུགས་ཀྱི་ཕུར་བུ་ལས། །བྱང་ཆུབ་སེམས་ཀྱི་འོད་འཕྲོ་ཞིང་། །ཉོན་མོངས་ཐམས་ཅད་བསྲེག་པར་བསྒོམ། །ཁྲོ་བོ་འཇིགས་པའི་གཟུགས་ཅན་གྱིས། །གདུག་པ་སྔགས་ཀྱི་སྒྲ་སྒྲོགས་ཤིང་། །ཞེ་སྡང་ང་རྒྱལ་ལ་སོགས་འཇོམས། །ཁྲོ་རྔམས་ཆེན་པོས་ཁམས་གསུམ་སྒྲོལ། །སྤྲུལ་པ་ཕོ་ཉ་བཀའ་ཉན་གྱིས། །དེ་ཡི་སྡིག་སྒྲིབ་སྦྱངས་ཏེ་བསྒྲལ། །བཟླས་པ་གཉིས་ཀྱིས་ལས་ཀུན་འགྲུབ། །དེ་ལྟར་ཐུགས་རྗེས་བསྒྲུབ་བྱ་བསྒྲལ། །ཕུར་པ་ཕྲིན་ལས་ཀྱི་རྒྱུད་ལས། བསྐྱེད་རྫོགས་མཚན་བཅས་མཚན་མེད་ཀྱི་བཟླས་པ་འཁོར་ལོའི་ལེའུ་སྟེ་བདུན་པའོ།། །།དྲག་པོ་ལས་ཀྱི་དཀྱིལ་འཁོར་འདིར། །བགེགས་དང་ལོག་འདྲེན་བར་གཅོད་སོགས། །བསད་ཅིང་བརྡེག་སོགས་ཐབས་གང་ལགས། །རྫས་ནི་གང་དང་གང་གིས་བགྱི། །རྣམ་པར་རྒྱལ་བས་དེ་སྐད་གསོལ། །དེ་སྐད་གསོལ་གསན་བཀའ་སྩལ་པ། །དངོས་གྲུབ་བར་གཅོད་བྱེད་ལ་སོགས། །བསད་ཅིང་བཅིང་བའི་ལས་ཚོགས་ནི། །སྔགས་དང་རྫས་དང་ལྡན་པར་བྱ། །ཡེ་ཤེས་ཐུགས་ཀྱི་ཕུར་བུ་ཡིས། །དྲག་པོའི་སྔགས་ནི་བཟླ་བར་བྱ། །ཚོན་སྐུད་སྣ་ལྔས་མགོ་རྐང་བཅིང་། །ཡེ་ཤེས་ཐུགས་ཀྱི་ཕུར་བུ་དང་། །དུག་དང་རྫས་སུ་བཅས་པ་ནི། །བཏབ་པས་ཐམས་ཅད་གསོད་པར་འགྱུར། །བཟླས་པ་གསུམ་དང་ལྡན་པས་ནི། །བར་གཅོད་ཐམས་ཅད་སྒྲོལ་བར་བྱེད། །དྲག་པོའི་ལས་ཀྱི་ཐུན་བཏབ་ན། །བསྒྲུབ་བྱ་དག་ནི་འཆི་བར་འགྱུར། །སྡུག་ཅིང་སྡང་སེམས་ལྡན་པ་རྣམས། །ཐུན་བཏབ་བསྲེག་པའི་ལས་ནི་བྱ། །ལས་ཀྱི་སྔགས་ནི་ཐམས་ཅད་ཀྱིས། །བར་གཅོད་ལོག་ལྟ་ཐམས་ཅད་བསྒྲལ། །ཕོ་ཉའི་ཚོགས་རྣམས་ཐམས་ཅད་ཀྱིས། །བར་གཅོད་ཐམས་ཅད་རྟག་ཏུ་བསྒྲལ། ། ― DNG021_Page_0022 ―
[མ་དཔེ་གཟིགས་ན་འདིར་གནོན།]
ལས་ཀྱི་རིམ་པ་བྱ་བ་ཡང་། །སྦྱིན་སྲེག་དག་ནི་རབ་ཏུ་བྱ། །ཐམས་ཅད་མ་ལུས་ཞི་བྱའི་ཕྱིར། །ཤིན་ཏུ་ཁ་དོག་དཀར་ལ་འཚེར། །ཞི་བའི་ཐབ་ཁུང་དེ་བྱས་ཏེ། །ཁྲུ་གང་ཁྲུ་དོའི་ཚད་དུ་བྱ། །འབྲས་ཐུག་འོ་ཐུག་དཀར་གསུམ་དང་། །མངར་གསུམ་དང་ནི་རབ་ལྡན་ཏེ། །ཞི་བའི་རྫས་ནི་མ་ལུས་བསབ། །མེ་ཏོག་དཀར་པོ་ཏིལ་དཀར་དང་། །འབྲས་ཆན་ཏིལ་སོགས་དངུལ་ཕྱེ་བསག །བསྲེག་ཤིང་ཁྲུ་གང་ཚད་བྱས་ཏེ། །ཡམ་ཤིང་མཐོ་གང་སོར་བཞི་བྱ། །ཤིན་ཏུ་དྲི་ཞིམ་དྲི་ཡིས་བྱུག །རཾ་ལས་ཞི་བའི་མེ་ལྷ་ནི། །སྲུན་ལ་ཁ་དོག་དཀར་པོ་སྟེ། །འོད་ཟེར་དཀར་པོ་འཁྱིལ་ཚུལ་འཕྲོ། །ར་སྐྱེས་དཀར་པོའི་གདན་ལ་བཞུགས། །བགྲང་ཕྲེང་རིལ་བ་ཕྱག་ན་བསྣམས། །ཉོན་མོངས་ཐམས་ཅད་ཞི་མཛད་པ། །མེ་ལྷ་གསལ་བསྒོམ་སྤྱན་དྲངས་ལ། །བསྡིམས་ཏེ་ཞལ་བསིལ་བསྲེག་བླུག་བདུན། །ཕུལ་ཏེ་གང་འདོད་ཞི་བར་བཅོལ། །ཨོཾ་ཨགྣ་ཡེ་ཧ་བྱ་ཀ་བྱ། བ་ཧ་ན་ཡ་དི་བྱ་སྭཱ་ཧཱ། དེ་ནས་གཙོ་བོ་ཡབ་ཡུམ་དང་། །ཕྱོགས་ཀྱི་ཁྲོ་བོ་ལྔ་རྣམས་ལ། །ཆོ་ག་གོང་བཞིན་རྫོགས་པ་དང་། །བརྒྱ་རྩ་བརྒྱད་ཀྱིས་བསྲེག་བླུག་འབུལ། །ཁྲོ་བོ་བཅུ་པོ་ཡབ་ཡུམ་ལ། །བརྒྱ་རྩ་བརྒྱད་ནི་དབུལ་བར་བྱ། །ཕྲ་མེན་སྤྲུལ་པའི་ཚོགས་ལ་བདུན། །སྒོ་སྐྱོང་ལ་ཡང་བདུན་འབུལ་ཏེ། །སོ་སོའི་སྔགས་ཀྱི་གཤམ་དག་ལ། །འདི་ཞེས་བྱ་བ་ཞི་གྱུར་ཅིག །ཤཱནྟིཾ་ཀུ་རུ་སྭཱ་ཧཱ། དེ་བྱས་གདུག་པའི་ཚོགས་རྣམས་ནི། །ཐམས་ཅད་མ་ལུས་ཞི་བར་འགྱུར། །རྒྱས་པའི་ལས་ཀྱིས་སྦྱིན་སྲེག་ནི། །གསེར་འདྲའི་ཐབ་ཁུང་ཁྲུ་དོའི་ཚད། །བརྐོས་ཏེ་ཕྱི་རོལ་གྲུ་བཞིར་བྱ། །སྲེག་ཤིང་བུད་ཤིང་ཁྲུ་དོའི་ཚད། །མེ་ཏོག་སེར་པོ་ཉུང་དཀར་དང་། །མར་དང་སྦྲང་རྩི་བུ་རམ་གསེར། །འབྲས་དང་འོ་ཐུག་ལ་སོགས་ཏེ། །རྒྱས་པའི་རྫས་རྣམས་སོ་སོར་བསག །རཾ་ལས་མེ་ལྷའི་སྐུ་བསྐྱེད་དེ། །སྲུན་ལ་ཁ་དོག་སེར་པོ་སྟེ། །འོད་ཟེར་སེར་པོ་ཕྱོགས་བཅུར་འགྱེད། །ར་སྐྱེས་སེར་པོའི་ ― DNG021_Page_0023 ―
[མ་དཔེ་གཟིགས་ན་འདིར་གནོན།]
གདན་ལ་བཞུགས། །བགྲང་ཕྲེང་དང་ནི་སྤྱི་བླུག་འཛིན། །ཅི་འདོད་དངོས་པོ་རྒྱས་མཛད་པའི། །མེ་ལྷ་གསལ་བསྒོམས་སྤྱན་དྲངས་ལ། །བསྡིམས་ཏེ་ཞལ་བསིལ་བསྲེག་བླུག་འབུལ། །ཕུལ་ཏེ་གང་འདོད་རྒྱས་པར་བཅོལ། །ཨོཾ་ཨགྣ་ཡེ་ཧ་བྱ་ཀ་བྱ། བ་ཧ་ན་ཡེ་དི་བྱ་དི་བྱ་སྭཱ་ཧཱ། དང་པོ་གཙོ་བོ་ཡབ་ཡུམ་ལ། །དེ་འོག་རིགས་ལྔའི་ཀཱི་ལ་ཡ། །བརྒྱ་རྩ་བརྒྱད་ཀྱིས་བསྲེག་བླུག་འབུལ། །ཁྲོ་བོ་ཁྲོ་མོ་ཉི་ཤུ་ལ། །བསྲེག་བླུག་ཉི་ཤུ་རྩ་གཅིག་འབུལ། །ཕྲ་མེན་སྤྲུལ་པ་སྒོ་སྐྱོང་དང་། །སྲས་མཆོག་དག་ལ་བདུན་བདུན་འབུལ། །སོ་སོའི་སྔགས་ཀྱི་གཤམ་དག་ལ། །འདི་ཞེས་བྱ་བ་རྒྱས་གྱུར་ཅིག །པུཥྚིཾ་ཀུ་རུ་སྭཱ་ཧཱ། ཚེ་དང་བསོད་ནམས་ལ་སོགས་ཏེ། །གང་འདོད་ཐམས་ཅད་རྒྱས་པར་འགྱུར། །དབང་གི་ལས་ཀྱི་སྦྱིན་སྲེག་ནི། །ཁ་དོག་དམར་པོའི་ས་གཞི་ལ། །ཁྲུ་དོའམ་ཁྲུ་བཞི་ཟླ་གམ་བརྐོ། །ཕྱི་རོལ་རྒྱར་ཡང་དེ་བཞིན་བྱ། །ཕྱི་རོལ་ཁ་དོག་ནག་པོ་ལ། །ཕྱག་རྒྱ་བཞི་ཡིས་མཚན་པར་བྲི། །ཁ་དོག་དམར་པོའི་ཤིང་རྣམས་ལ། །ཟླ་གམ་ཁྲུ་དོ་ཁྲུ་བཞི་བརྩིག །བུད་ཤིང་ཡམ་ཤིང་དེ་བཞིན་ནོ། །འབྲས་ཐུག་འོ་ཐུག་དམར་པོར་བྱ། །མེ་ཏོག་དམར་པོ་ཡུངས་མར་དང་། །སྦྱར་བའི་བསྲེག་རྫས་རབ་ཏུ་འབུལ། །རཾ་ལས་མེ་ལྷ་དམར་པོར་བསྐྱེད། །སྤྱན་དྲངས་བསྡིམས་ཏེ་ཞལ་བསིལ་ལ། །སྲེག་བླུག་བདུན་ཕུལ་དབང་ལས་བཅོལ། །ཨོཾ་ཨགྣ་ཡེ་ཧ་བྱ་ཀ་བྱ་དི་བྱ་དི་བྱ་ཡེ། ཆེ་གེ་མོ་བ་ཤང་ཀུ་རུ་སཱ་ཧཱ། དང་པོ་དཀོན་མཆོག་གསུམ་ལ་མཆོད། །རྩ་བ་ཡབ་ཡུམ་རིགས་ལྔ་ཡི། །ཀཱི་ལ་ཡ་ལ་བརྒྱ་རྩ་བརྒྱད། །ཁྲོ་བོ་ཡབ་ཡུམ་ཉི་ཤུ་བརྒྱད། །ཕྲ་མེན་སྒོ་བ་སྲས་མཆོག་ལ། །བསྲེག་བླུག་བདུན་ནི་དབུལ་བར་བྱ། །སོ་སོའི་སྔགས་ཀྱི་གཤམ་དག་ལ། །འདི་ཞེས་བྱ་བ་དབང་དུ་སྡུས། །བ་ཤང་ཀུ་རུ་སཱ་ཧཱ། གང་ལ་བྱ་བ་དབང་དུ་འགྱུར། །དྲག་པོའི་ལས་ཀྱི་སྦྱིན་སྲེག་ནི། །ས་གཞི་ཁ་དོག་ནག་པོ་ལ། །གྲུ་གསུམ་ཁྲུ་གང་ཐུར་དུ་བརྐོ། །ཕྱི་རོལ་ཁྲུ་དོའམ་ཁྲུ་དྲུག་ཚད། །མདུང་དང་རལ་གྲི་དགྲ་སྟྭ་དང་། །མདའ་གཞུ་དེ་བཞིན་མཚོན་གྱིས་བསྐོར། །ཕྱི་རོལ་ཐོད་པ་མེ་རི་བྲི། །ཤིན་ཏུ་གདུག་ ― DNG021_Page_0024 ―
[མ་དཔེ་གཟིགས་ན་འདིར་གནོན།]
པའི་ཤིང་རྣམས་ལ། །ཁྲུ་གང་གྲུ་གསུམ་དབྱིབས་སུ་བརྩིག །དེ་བཞིན་ཡམ་ཤིང་ལ་སོགས་བསག །ཟངས་ཕྱེ་རྡོ་ཕྱེ་ལྕགས་ཕྱེ་དང་། །དུག་སྣ་མུངྒའི་ཆན་དུག་སྣ། །ཁྲག་སྣ་ཤ་སྣ་སྙིང་སྣ་དང་། །དུག་གི་མེ་ཏོག་སྣ་ཚོགས་དང་། །མེ་ཏོག་ནག་པོ་སྣ་ཚོགས་དང་། །ཏིལ་ནག་བྲ་བོ་ནག་པོའི་འབྲུ། །རཾ་ལས་མེ་ལྷ་ནག་པོ་བསྐྱེད། །སྤྱན་དྲངས་བསྡིམ་ཞིང་ཞལ་བསིལ་ལ། །བསྲེག་བླུག་བདུན་ཕུལ་མངོན་སྤྱོད་བཅོལ། །ཨོཾ་ཨགྣ་ཡེ་ཧ་བྱ་ཀ་བྱ་ཝ་ཧ་ན་ཡེ་དི་བྱ་དི་བྱ་ཆེ་གེ་མོ་མཱ་ར་ཡ་ཕཊ། རྩ་བ་ཡབ་ཡུམ་རིགས་ལྔ་ཡི། །ཀཱི་ལ་ཡ་ལ་བརྒྱ་རྩ་བརྒྱད། །ཁྲོ་བོ་ཁྲོ་མོ་ཉི་ཤུ་གཅིག །ཕྲ་མེན་སྒོ་བའི་ཚོགས་རྣམས་དང་། །སྲས་མཆོག་ཚོགས་ལ་བདུན་བདུན་ཕུལ། །སོ་སོའི་སྔགས་ཀྱི་གཤམ་དག་ལ། །བརྣག་པ་འདི་ཁོན་མཱ་ར་ཡ། །བསྟོད་དེ་སྦྱིན་སྲེག་བཅོལ་བར་བྱ། །ཧཱུཾ་ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །ཁྲོས་པས་ཡུད་ཀྱིས་བརླག་པར་མཛད། །བརླག་པར་མ་གྱུར་གང་ཡང་མེད། །ཆགས་པའི་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །ཆགས་པས་སྡུད་ལ་དབང་མཛད་དེ། །དབང་དུ་མ་གྱུར་གང་ཡང་མེད། །ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །དཔལ་དང་གཟི་བརྗིད་ཆེན་པོ་རྣམས། །ཡུད་ཙམ་གྱིས་ནི་རྒྱས་པར་མཛད། །གཏི་མུག་རྡོ་རྗེ་འཁོར་བཅས་པས། །འཇིག་རྟེན་ཁམས་འདིར་རབ་འབྱམས་ཀུན། །ཡུད་ཙམ་གྱིས་ནི་ཞི་མཛད་དེ། །ཞི་མཛད་གྲུབ་ལ་ཕྱག་འཚལ་བསྟོད། །དེ་ནས་ཐབ་ཁུང་རིམ་པ་ཡང་། །ཀུན་གྱི་དཀྱིལ་འཁོར་རྡོ་རྗེས་མཚན། །ཞི་བའི་ཁ་ཁྱེར་ཟླ་ཚེས་མཚན། །རྒྱས་པ་ཉ་དང་ཉི་འོད་དོ། །དབང་ལ་པདྨ་དམར་པོས་མཚན། །ཞི་བ་རྗེའུ་རིགས་ཁྱིམ་གྱི་མེ། །རྒྱས་པ་རྒྱལ་པོ་ལས་བྱུང་བའོ། །དབང་ནི་བྲམ་ཟེ་སྨད་འཚོང་མའོ། །དྲག་པོ་བཤན་པའི་ཁྱིམ་གྱི་མེ། །དེ་ལྟར་ལས་དེས་བསྒྲུབ་བྱ་སྒྲོལ། །དྲག་པོའི་སྔགས་ཀྱིས་ཟིལ་མནན་ལ། །གྲོགས་དང་ཕྲལ་ཏེ་དགུག་ཅིང་དབབ། །བཅིངས་ཤིང་གཟིར་ལ་ ― DNG021_Page_0025 ―
[མ་དཔེ་གཟིགས་ན་འདིར་གནོན།]
ཕུར་པས་གདབ། །མཚོན་གྱིས་གཏུབས་ཏེ་གཏུན་གྱིས་བརྡུང་། །ལྷག་མ་མེད་པར་བསྟབ་སྟེ་བསྒྲལ། །ཐམས་ཅད་ང་རྒྱལ་བཅག་པའི་ཕྱིར། །ཞི་བའི་སྦྱིན་སྲེག་བྱ་བ་ཡིན། །ཚེ་དང་བསོད་ནམས་སྤེལ་བའི་ཕྱིར། །རྒྱས་པའི་སྦྱིན་སྲེག་དེ་བཞིན་བྱ། །ཐམས་ཅད་དབང་དུ་བསྡུ་བའི་ཕྱིར། །དབང་གི་སྦྱིན་སྲེག་བྱ་བ་ཡིན། །གནོད་གདུག་བར་གཅོད་སྒྲོལ་བའི་ཕྱིར། །ཨ་བྷི་ཙརྱའི་སྦྱིན་སྲེག་བྱ། །ལས་བཞིས་ལས་རྣམས་ཀུན་རྫོགས་འགྲུབ། །ཕུར་པ་ཕྲིན་ལས་ཀྱི་རྒྱུད་ལས། ཨ་བྷི་ཙརྱའི་སྲེག་པ་དང་བཅས་པའི་ལེའུ་སྟེ་བརྒྱད་པའོ།། །།དེ་ནས་ཡང་དག་བཤད་བྱ་བ། །ཐུགས་ཀྱི་དཀྱིལ་འཁོར་གྲུ་གསུམ་ནག །བྱིན་བརླབས་ཕུར་པ་དེ་དག་ཀྱང་། །སྐུ་སྟོད་ཞལ་གསུམ་དྲག་པོའི་སྐུ། །ཕྱག་དྲུག་མཚོན་ཆ་སྣ་ཚོགས་བསྣམས། །སྐུ་སྨད་ཕུར་བུ་ཟུར་གསུམ་སྟེ། །རཱུ་ཏྲའི་གདན་ལ་རབ་ཏུ་བཞུགས། །གྲུ་གསུམ་གནས་ནི་ཐམས་ཅད་དུ། །དེ་ལྟའི་སྐུ་ནི་རབ་ཏུ་བསྐྱེད། །ཚོགས་དེ་རབ་ཏུ་འཇིགས་པའི་གཟུགས། །དེར་ནི་དྲག་པོའི་རྫས་རྣམས་དག །བསགས་ཏེ་གདབ་པའི་ལས་རྣམས་ཀྱང་། །ཡེ་ཤེས་ཐུགས་ཀྱི་ཕུར་བུ་ནི། །གསལ་བཀོད་འོད་ཟེར་ཚུལ་བཞིན་སྤྲོ། །དགུག་གཞུག་ལ་སོགས་སྔགས་རྣམས་ཀྱིས། །བསྒྲུབ་བྱ་དག་ལ་ལས་རྫོགས་བྱ། །གསལ་བ་གསུམ་དང་ལྡན་པ་ཡིས། །ཏིང་འཛིན་བསྒོམས་ཏེ་གདབ་པར་བྱ། །ཞེ་སྡང་སྐུ་ནི་གསལ་བ་ལས། །ཀཱི་ལ་ཡ་ཡི་སྔགས་བཟླས་ནས། །ཞེ་སྡང་སྐུ་ནི་གསལ་གདབ་བྱ། །ཀཱི་ལ་ཡ་སོགས་སྔགས་དང་ནི། །ཁྲོ་རྒྱལ་སྔགས་དང་བཅས་པས་ནི། །སྐུ་གསལ་བསྒོམས་ཏེ་ཁྲུས་ལུང་བྱ། །སྐྱེ་མེད་ཁྲུས་ཀྱིས་རབ་དག་ནས། །གཟི་བྱིན་བསྐྱེད་དེ་གདབ་པར་བྱ། །ཛ་ཡེ་བི་ཛ་ཡེ་ཨ་ཛི་ཏེ། ཨ་པ་ར་ཛི་ཏེ། ཀ་ཏཾ་ཀ་ཡེའི་སྔགས་ཀྱིས་གདབ། །ཀུན་གཞི་ཉོན་མོངས་ཨར་གསལ་བྱ། །ཨ་དེ་བདག་ལ་རབ་བསྡིམ་པ། །ཚེ་ཞེས་བྱ་སྟེ་དངོས་གྲུབ་བླངས། །ཨཱོཾ་སརྦ་ཏ་ཐཱ་ག་ཏ། མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་སརྦ་ཏ་ཐཱ་ག་ཏ། མ་ཧཱ་ཝཱཀྐ་བཛྲ་སྭ་བྷཱ་ ― DNG021_Page_0026 ―
[མ་དཔེ་གཟིགས་ན་འདིར་གནོན།]
ཝ་ཨཱདྨ་ཀོ྅ཧཾ། ཨཱོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། བདག་གིས་སྐུ་གསུང་ཐུགས་ཐོབ་ནས། །བསྒྲུབ་བྱའི་བྱུང་ཚོར་སྒོ་དགག་བྱ། །གནས་བརྒྱད་དག་ཏུ་ཕུར་བུ་གདབ། །ཕུང་པོའི་རྟེན་ནི་གཅད་པའི་ཕྱིར། །པ་ར་བི་དྷྭན་མགོ་རེ་ལ། །དེ་བཞིན་ཚོགས་རྣམས་ཐམས་ཅད་ཀུན། །གསལ་བར་བསྒོམས་ལ་མནན་ཏེ་བསྡམས། །རྣམ་ཤེས་རྟེན་ནི་རྩད་གཅད་ཕྱིར། །བདུད་རྩི་འཁྱིལ་པས་གདབ་པར་བྱ། །ཙྪིནྡ་ཙྪིནྡ་ཧཱུཾ་ཕཊ། སྙིང་ལ་བཏབ་སྟེ་ཀུན་གཞིའི་རྟེན། །དག་པར་བྱས་ཏེ་བསྒྲལ་བའོ། །ཁམས་གསུམ་རྣམ་རྒྱལ་སྔགས་ཀྱིས་ནི། །དཔུང་མགོ་གཉིས་སུ་གདབ་པར་བྱ། །ཞེ་སྡང་རྣམ་པར་དག་ཕྱིར་རོ། །བྷིནྡ་བྷིནྡ་ཧཱུཾ་ཕཊ། རྟ་མཆོག་དཔལ་གྱི་དཔྱི་གཉིས་ལ། །གྲྀ་ཧྞ་གྲྀ་ཧྞ་ཧཱུཾ་ཕཊ། རྣམ་པར་རྒྱལ་བ་གསང་བར་གདབ། །སྐྱེ་རྒྱུན་དག་ནི་རབ་ཏུ་གཅོད། །ཧ་ན་ཧ་ན་ཧཱུཾ་ཕཊ། མི་གཡོ་མགོན་པོས་མཚོགས་མར་གདབ། །བན་དྷ་བན་དྷ་ཧཱུཾ་ཕཊ། བསྒྲུབ་བྱ་བསྒྲལ་ཕྱིར་རྣམ་ཤེས་རྟེན། །བྱུང་ཚོར་སྒོ་ནི་དགག་ཕྱིར་གདབ། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཛ་ཡེ་བི་ཛ་ཡེ། ཨ་ཛི་ཏེ། ཨ་པ་ར་ཛི་ཏེ།མིག་གཉིས་རྣ་བ་གཉིས་དང་ནི། །སྣ་བུག་གཉིས་དང་ལྕེ་ལ་གདབ། །མགྲིན་པ་སྙིང་ག་ཁྲག་སྦལ་དང་། །ཉོན་མོངས་ཡིད་ལ་རབ་ཏུ་གདབ། །གརྫ་གརྫ་ཏ་ཐཱ་ཡ་ཧཱུཾ་ཕཊ། འཇུ་ཐག་གཅད་ཕྱིར་སྤྱི་བོར་གདབ། །སྥོ་ཊ་ཡ་སྥོ་ཊ་ཡ་སརྦ་ཨཱ་ན་ཡ་ཧཱུཾ་ཕཊ། རྟེན་ཕུར་དབྱུང་ཕྱིར་མཐིལ་དུའོ། །གདབ་པ་ཀུན་གྱི་གོང་དུ་ནི། །མཐུ་དང་རྫུ་འཕྲུལ་དབྲོག་ཕྱིར་གདབ། །ཉོན་མོངས་མནར་བའི་སེམས་ཅན་དག །འཁོར་བའི་གནས་ནས་དྲང་བའི་ཕྱིར། །རྡོ་རྗེ་ཕུར་བུས་རབ་ཏུ་གདབ། །ངན་སོང་རྒྱུ་ནི་ངེས་ཚར་བཅད། །རྒྱ་མདུད་གཉིས་དང་ལོགས་བརྒྱད་དང་། །དཔལ་དང་བཅས་པའི་འོད་ཟེར་གྱིས། །ངན་སོང་གསུམ་ནི་དེར་སྦྱོང་བྱེད། །ཕུར་བུའི་འོད་ཟེར་ཆེན་པོ་དེས། །བདག་དང་གཞན་གྱི་དོན་བསྒྲུབ་བྱ། །སྔགས་ཀྱི་འོད་ཟེར་དྲག་པོ་དེ། ། ― DNG021_Page_0027 ―
[མ་དཔེ་གཟིགས་ན་འདིར་གནོན།]
སྤྲོས་པས་གཞན་གྱི་སྡིག་པ་འཇོམས། །བསྡུས་པས་བདག་གི་སྡིག་པ་འཇོམས། །ཕུར་བུའི་འོད་ཟེར་དེ་བསྒོམས་ཤིང་། །རྣམ་རྟོག་ཐམས་ཅད་དེས་སྒྲོལ་བྱེད། །དྲག་པོའི་ལས་ནི་ཐམས་ཅད་ཀྱང་། །སྙིང་རྗེས་ཟིན་པའི་ཞེ་སྡང་གིས། །ཉོན་མོངས་གནས་སུ་དག་བྱས་བསྒྲལ། །ཐུགས་ཀར་བཟླས་པའི་འཁོར་ལོས་བཟླ། །སྐུ་གསུང་ཐུགས་སུ་རབ་བཟླས་ཤིང་། །བདག་དང་གཞན་གྱི་དོན་བསྒྲུབ་བྱ། །སྔགས་དྲུག་ལས་ཀྱི་འཁོར་ལོ་ཡིས། །གཟས་པ་སྐད་ཅིག་གཅིག་གིས་སྒྲལ། །ཕུར་བུའི་འོད་ཟེར་ཆར་གྱིས་ནི། །བདག་དང་གཞན་གྱི་དོན་བསྒྲུབ་བྱ། །མཁའ་འགྲོའི་ལས་ཀྱི་སྔགས་ཀྱིས་ནི། །ཉོན་མོངས་གནོད་གདུག་ཚར་གཅད་བྱ། །རྡོ་རྗེ་འཁོར་ལོ་རལ་གྲི་དང་། །རྒྱ་གྲམ་དབྱུག་ཏོ་མཚོན་ཆའི་ཆར། །ཐབས་ལ་མཁས་པས་གདུག་པ་སྒྲོལ། །ཐུགས་ཀྱི་དཀྱིལ་འཁོར་ཆེན་པོ་འདིར། །སྔགས་ཀྱི་འོད་ཟེར་དྲག་པོ་ཡིས། །ངན་སོང་གསུམ་ལ་སོགས་པ་བསྒྲལ། །སྐྱེ་མེད་རྣམ་དག་ལམ་ལ་དགོད། །ཡེ་ཤེས་ཐུགས་ཀྱི་ཕུར་བུ་ཡིས། །རྣམ་རྟོག་ཚར་གཅོད་གཉིས་མེད་དགོད། །ཡི་གེ་འབྲུ་ལྔ་འོད་ཟེར་ལྔས། །རྒྱུད་ལྔའི་ལས་ཀྱི་སྒོ་བཀག་ནས། །རྣམ་ཤེས་ཧཱུཾ་དུ་གསལ་གྱུར་ཏེ། །ཉོན་མོངས་ལས་ཀྱི་ཕུང་པོ་དག །རྣམ་རྟོག་ཐམས་ཅད་རྒྱས་པས་ནི། །ལས་དང་ཉོན་མོངས་དེས་བྱས་པས། །སྡུག་བསྔལ་ཕུང་པོ་སྲེད་ལེན་བླངས། །རྣམ་རྟོག་ལས་ལས་བྱུང་བ་ཡི། །སྲིད་པའི་ཕུང་པོར་རྟེན་བཅས་ནས། །མ་རིག་འདུ་བྱེད་རྣམ་ཤེས་ཆགས། །མིང་གཟུགས་རེག་ཚོར་རྒ་ཤིའི་ལམ། །ངན་སོང་སྡུག་བསྔལ་དེས་སྦྱང་ཕྱིར། །ལན་ཆགས་དགག་ཞིང་སྡིག་པ་བཤགས། །ཤེས་པ་རྟེན་བསྡིམ་སེམས་བསྐྱེད་སྐྱབས། །སོ་སོའི་ཁྲོ་རྒྱལ་ཆེན་པོ་དང་། །སྤྲུལ་པའི་ཕོ་ཉ་ཡིག་འབྲུ་དང་། །འོད་ཟེར་ཁྲོ་མོ་བུམ་ཆུ་ཨ་ཡིས་བཀྲུས། །འདོད་ཡོན་ལྔ་ཡིས་ཚིམ་བྱས་ཤིང་། །ཁྱད་པར་སེམས་བསྐྱེད་དམ་ཚིག་དབབ། །རིགས་ཀྱི་ལྷར་བརྟག་དེ་བསྒྲལ་ལོ། །དེ་དག་སྦྱང་ཕྱིར་ལས་ཀྱི་རྒྱུད། །ང་ཡིས་ངེས་པར་རབ་ཏུ་བཤད། །སེམས་ཀྱི་ཕུར་བུ་ཐེབས་ ― DNG021_Page_0028 ―
[མ་དཔེ་གཟིགས་ན་འདིར་གནོན།]
པ་ན། །ཁམས་གསུམ་བསྒྲལ་ཞེས་དེ་ལ་བརྗོད། །ཉི་ཤུ་རྩ་གཅིག་ཕུར་བུ་ནི། །རྣམ་ཤེས་དག་གི་རང་བཞིན་ལ། །ཕྱིས་ཉིད་མི་འཁོར་བྱ་བའི་ཕྱིར། །ཉོན་མོངས་ཕུང་པོ་དག་པ་ལ། །ཕུར་པ་གདབ་ཅིང་ལྷར་གསལ་དགོད། །ཁྲོ་རྒྱལ་ཏིང་འཛིན་གསལ་བས་ནི། །ཕུང་པོ་ལྷར་གསལ་རྣམ་ཤེས་སེམས། །མི་རྟོག་དོན་གྱི་ལམ་ལ་དགོད། །གཉིས་མེད་དོན་གྱི་རང་བཞིན་ལ། །དགོད་པ་ཉིད་དུ་བྱ་བ་སྟེ། །སྟོང་ཉིད་དོན་ལ་རབ་གནས་པ། །སྡིག་པ་ཐམས་ཅད་དེར་བཅོམ་སྟེ། །བྱང་ཆུབ་སེམས་ཀྱི་ཕུར་པ་ཡིན། །རྩ་བས་ཁམས་གསུམ་ཡང་དག་བསྒྲལ། །ཕུར་བུའི་འོད་ཟེར་ཕྱོགས་བཅུར་འཕྲོས། །དེ་དོན་རྟོགས་ན་ཐེབས་པ་ཡིན། །ལུས་སེམས་བྲལ་ན་འཁྱམས་པ་ཡིན། །ཕུང་པོ་ཇ་རིལ་བསྒངས་བྱས་ལ། །དེ་ནས་ཡེ་ཤེས་བུམ་ཆུས་བཀྲུ། །ཤེས་པ་དག་ལ་ཆགས་པ་ཡི། །སྔོན་གྱི་ལན་ཆགས་གང་ཡོད་དང་། །ཁོག་སྲུང་དག་ལ་ལན་ཆགས་བཀར། །བདེན་པའི་བཀའ་བསྒོ་དྲག་པོས་བསྐྲད། །སིལ་བུར་བྱས་ཏེ་དཀྱིལ་འཁོར་དགོད། །སྙིང་ནི་དབུས་སུ་དགོད་པར་བྱ། །མགོ་ནི་ཤར་ལ་གློ་བ་ལྷོ། །མཆིན་པ་ནུབ་སྟེ་མཁལ་མ་བྱང་། །མཆེར་པ་ཤར་སྟོད་བཀོད་ནས་ཀྱང་། །གཙོ་བོ་ཡབ་ཡུམ་རིགས་ལྔ་ཡི། །ཀཱི་ལ་ཡ་ལྔ་རིམ་གྱིས་དགོད། །མིག་གཉིས་ཤར་དང་ཤར་ལྷོར་དགོད། །རྣ་བ་ལྷོ་དང་ལྷོ་ནུབ་ཏུ། །ལྕེ་ནི་ནུབ་ཏུ་སྣ་བུག་བྱང་། །མགྲིན་པ་བྱང་དུ་དགོད་པར་བྱ། །བྱང་ཤར་ལྷེན་སྣ་གསང་བའོ། །ཀླད་པ་སྟེང་དུ་དགོད་པར་བྱ། །གཡས་ཀྱི་སོག་པ་ཤར་དུ་སྟེ། །དཔུང་པ་ཤར་ལྷོ་ལག་ངར་ལྷོ། །གཡོན་གྱི་སོག་པ་ལྷོ་ནུབ་སྟེ། །དཔུང་པ་ནུབ་ཏུ་དགོད་པར་བྱ། །ལག་ངར་ནུབ་བྱང་དག་ཏུའོ། །དཔྱི་གཡས་བྱང་སྟེ་བརླ་བྱང་ཤར། །རྗེ་ངར་འོག་གི་ཕྱོགས་སུ་སྟེ། །རྐང་གཡོན་བརླ་དང་རྗེ་ངར་སྟེང་། །དཔྱི་ནི་ཤར་ལྷོའི་མཚམས་སུ་དགོད། །ནམ་ཚོང་ཤར་སྨད་གཡས་གཡོན་རྩིབ། །ལྷོ་དང་ལྷོ་ནུབ་སྨད་དུ་དགོད། །བྲང་ནུབ་ནུ་མ་གཡས་གཡོན་དང་། །ཚང་ར་མཇུག་ཐོ་བྱང་ཤར་འགོད། །ལག་མཐིལ་རྐང་མཐིལ་སྒོ་སྐྱོང་ངོ་། །ཅི་རིགས་དོན་གྱི་ས་ལ་སྦྱར། །བསྲེག་པའི་ལས་ཀྱང་དེ་བཞིན་ནོ། ། ― DNG021_Page_0029 ―
[མ་དཔེ་གཟིགས་ན་འདིར་གནོན།]
སྙིང་རྗེ་ཆེན་པོའི་ཏིང་འཛིན་གྱིས། །སེམས་ཅན་དོན་ནི་བྱ་བ་ཡིན། །དེ་དོན་རྟོགས་ན་ཐེབས་པ་ཡིན། །དེ་ལྟའི་ལས་ཚད་ཕྲིན་ལས་མཆོག །ཕུར་བུ་ཕྲིན་ལས་ཀྱི་རྒྱུད་ལས། ཐུགས་ཀྱི་དཀྱིལ་འཁོར་ཕུར་བུ་གདབ་པའི་ལེའུ་སྟེ་དགུ་པའོ།། །།དེ་ནས་ཕུར་བུ་གསུང་གི་དཀྱིལ་འཁོར་ནི། །དམར་ནག་ལེའུ་ཚེའི་དཀྱིལ་འཁོར་ལ། །དྲག་པོ་ལས་ཀྱི་ལྷ་རྣམས་དགོད། །དབུས་སུ་རྡོ་རྗེ་རྒྱ་གྲམ་སྟེ། །རྡོ་རྗེའི་ལྟེ་བར་ཀཱི་ལ་ཡའི། །སྔགས་ནི་རབ་ཏུ་བསྒྲིམས་ཏེ་བྲི། །ཕྱོགས་བཞིའི་ར་ནི་བཞི་རྣམས་ལ། །རིགས་བཞི་ཀཱི་ལ་ཡ་རྣམས་ཀྱི། །སྙིང་པོ་དག་ཀྱང་རབ་ཏུ་བྲི། །སོ་སོའི་ལེའུ་ཚེ་དག་ལ་ནི། །དྲག་པོ་ལས་ཀྱི་སྔགས་རྣམས་བྲི། །མུ་ཁྱུད་ཨོཾ་ལཾ་སྔགས་ཀྱིས་བསྐོར། །པ་ར་བི་དྷྭན་སྔགས་རྣམས་ནི། །ཧ་ན་ད་ཧའི་སྔགས་བཅས་པ། །ལེ་ཚེ་དག་ལ་རབ་ཏུ་བྲི། །གྲྭ་ཡི་ཕྱོགས་ནི་ཐམས་ཅད་དུ། །མ་མོའི་སྔགས་ནི་བྲི་བར་བྱ། །འགུགས་བྱེད་སྔགས་ནི་ཐམས་ཅད་ཀྱང་། །ཕྱི་རོལ་མཚམས་སུ་བྲི་བར་བྱ། །གསུང་གི་དཀྱིལ་འཁོར་དེ་བྲིས་ལ། །དེར་ནི་བཟླས་པ་འབད་དེ་བརྩམ། །འཁྲུལ་འཁོར་གསང་བར་བཟླས་པ་དང་། །སྐུ་གསུང་ཐུགས་སུ་བཟླས་པའོ། །ཕྱི་རོལ་བཟླས་པ་དེ་བྱས་པས། །མ་རུངས་པ་རྣམས་སྒྲོལ་བར་བྱེད། །དྲག་པོའི་སྔགས་ནི་བཟླས་པ་ཡིས། །བདག་དང་གཞན་གྱི་དོན་རྣམས་འགྲུབ། །སྤྲོ་དང་བསྡུ་བའི་ཏིང་འཛིན་གྱིས། །གསུང་གི་དཀྱིལ་འཁོར་དེ་དབུས་ཀྱི། །རྡོ་རྗེ་གཞོན་ནུའི་རྩ་སྔགས་ལ། །རྟགས་མཚན་མ་བྱུང་བར་དུ་བཟླ། །ཕྱོགས་ཀྱི་ཀཱི་ལ་ཡ་རྣམས་ཀྱི། །སྔགས་ཀྱང་དེ་བཞིན་དྲན་པར་བྱ། །སྔགས་དེ་དག་གི་འཕྲོ་འདུ་ཡིས། །ལས་དང་ཉོན་མོངས་ཐམས་ཅད་འཇོམས། །བསྒྲུབ་བྱའི་ལུས་ལ་འོད་ཟེར་འཕྲོ། །དེ་ཡི་སྒྲིབ་པ་སྦྱོང་བར་བྱེད། །དྲག་པོའི་སྔགས་དང་ལས་རྣམས་ནི། །ཉིན་མཚན་དུ་ནི་སྤྲོ་བར་བྱ། །གཙོ་བོའི་སྐུ་རུ་གསལ་བྱས་ཏེ། །སྤྱི་བོ་ལྗགས་དང་སྙིང་ག་ནས། །སྤྲོས་ཏེ་གཡས་རྒྱུ་གཡོན་རྒྱུ་དང་། །འཁོར་བར་རྒྱུ་དང་ཕྲ་མོར་རྒྱུ། །ཕུར་བུའི་གཟུགས་སོགས་ཡིག་འབྲུ་སྤྲོ། །བཅུད་བསྡུས་ ― DNG021_Page_0030 ―
[མ་དཔེ་གཟིགས་ན་འདིར་གནོན།]
ཡིག་འབྲུའི་ཚུལ་དུ་བསྡུ། །ལུས་ཀྱི་འཁོར་ལོའི་གནས་རྣམས་སུ། །ཡིག་འབྲུ་ཕུར་བུ་དེར་སྤྲོ་བྱ། །སྦྱིན་སྲེག་བཞི་ཡང་དེར་བསྒྲུབ་སྟེ། །མཆོད་སྦྱིན་བཞི་ཡང་དེར་བསྒྲུབ་བྱ། །དགང་གཟར་བླུགས་གཟར་སྦྱར་བ་ཡིས། །གསང་བའི་གནས་སུ་སྦྱིན་བསྲེག་བྱ། །དེར་ནི་མཆོད་པ་བྱ་བ་སྟེ། །མཆོད་པ་གསུམ་དུ་ཤེས་པར་བྱ། །གནས་གསུམ་དག་ཏུ་མཆོད་པ་ཡིས། །ཉོན་མོངས་རྣམ་རྟོག་བསྲེག་བྱའི་ཕྱིར། །ཁྲོ་རྒྱལ་རྣམས་ནི་རྟག་ཏུ་མཆོད། །ཁྲོ་བོ་འཇིགས་པའི་གཟུགས་ཅན་གྱིས། །མ་རུངས་ཚོགས་ནི་ཀུན་འདུལ་བྱེད། །ཐབས་དང་ཤེས་རབ་སྦྱོར་བྱེད་ཅིང་། །སྤྲུལ་པའི་མགོ་བརྙན་མང་པོ་འགྱེད། །མགྱོགས་པ་མགྱོགས་མ་ཕོ་ཉར་བཅས། །གདུག་པའི་ཚོགས་རྣམས་ཐམས་ཅད་ལ། །ཉིན་དང་མཚན་དུ་ལས་བྱེད་འགྱུར། །འོད་ཟེར་ཀུན་ཏུ་སྤྲོ་བྱེད་ཅིང་། །ལས་དང་ཉོན་མོངས་ཐམས་ཅད་བསྲེག །འཇིག་རྟེན་ཁམས་ནི་ཐམས་ཅད་དུ། །ཁྲོ་བོ་སྤྲུལ་པ་ཕྲ་མེན་བཅས། །དེ་ཡིས་ཐམས་ཅད་ཁེངས་གྱུར་ཏེ། །མཚོན་ཆ་སྣ་ཚོགས་རབ་ཏུ་འཕྲོ། །དེས་ནི་གདུག་པའི་ཚོགས་རྣམས་ཀུན། །སྐད་ཅིག་ཡིད་ཀྱིས་འཇིགས་པར་མཛད། །ཡེ་ཤེས་ཐུགས་ཀྱི་ཕུར་བུ་ནི། །གསུང་གི་དཀྱིལ་འཁོར་དེར་བཀོད་བྱ། །མཚན་བཅས་མཚན་མེད་བཟླས་པ་བྱ། །གཉིས་སུ་བསྐྱེད་དང་གཉིས་མེད་བསྡིམ། །བཟླས་བརྗོད་དབུལ་ཞིང་དངོས་གྲུབ་བླང་། །སྐུ་གསུང་ཐུགས་ཀྱི་ཕྱག་རྒྱ་ཡིས། །དངོས་གྲུབ་དག་ནི་རབ་ཏུ་བསྒྲུབ། །བཟླས་པའི་དྲོད་ཚད་ལྡན་པ་ཡིས། །རྒྱུད་དྲུག་གནས་ནས་དྲག་པོས་བསྒྲལ། །ཞེ་སྡང་ཆེན་པོའི་ཏིང་འཛིན་གྱིས། །ཉོན་མོངས་དག་ནི་རབ་ཏུ་བསྒྲལ། །ལས་དང་ཉོན་མོངས་ཐམས་ཅད་ནི། །ཐུགས་རྗེ་ཆེན་པོའི་འོད་ཟེར་གྱིས། །མ་ལུས་པར་ནི་བསྲེག་པར་མཛད། །ཡེ་ཤེས་མེ་ནི་ཕྱོགས་བཅུར་འཕྲོ། །ཁྲོ་རྒྱལ་འཇིགས་པའི་གཟུགས་ཅན་གྱིས། །སྟོང་ཉིད་དོན་ལ་འགོད་པར་མཛད། །ཡེ་ཤེས་མེ་ཡིས་ཉོན་མོངས་བསྲེག །གདུག་ཅིང་སྡང་སེམས་ལྡན་པ་རྣམས། །ཡེ་ཤེས་མེ་ཡིས་བསྲེག་པར་འགྱུར། ། ― DNG021_Page_0031 ―
[མ་དཔེ་གཟིགས་ན་འདིར་གནོན།]
རྩ་བའི་སྐུ་ལས་འོད་ཟེར་འཕྲོ། །གསུང་གི་འོད་ཟེར་དེ་དབང་བསྐུར། །ཡེ་ཤེས་ཐུགས་ཀྱི་ཕུར་བུ་ཡིས། །ལས་དང་ཉོན་མོངས་ཐམས་ཅད་འཇོམས། །བྱང་ཆུབ་སེམས་ཀྱི་ཕུར་བུ་ཡིས། །གཉིས་མེད་དོན་ལ་དེ་བསྒོམ་བྱ། །ལུས་ཀྱི་གནས་ནི་ཐམས་ཅད་དུ། །རྒྱུད་དྲུག་གནས་ཀྱི་ས་བོན་གསལ། །དེར་ནི་ཧཱུཾ་གི་ས་བོན་ནི། །བཀོད་དེ་རང་རྒྱུད་ས་བོན་བསྲེག །སྤྲོ་དང་བསྡུ་བའི་རང་བཞིན་ཡང་། །ལུས་ཀྱི་གནས་རྣམས་ཀུན་ཏུ་བྱའོ། །གསུང་གི་དཀྱིལ་འཁོར་ཆེན་པོས་ནི། །ཐམས་ཅད་སྒྲུབ་པར་བྱེད་པ་ཡིན། །གསུང་གི་དཀྱིལ་འཁོར་དེ་དག་ནི། །ལས་ཀྱི་སྔགས་རྣམས་དེར་བཀོད་ཅིང་། །གནས་དེར་ལས་རྣམས་ཐམས་ཅད་བྱེད། །ཤེས་རབ་ཐབས་ཀྱིས་སྐུལ་བྱེད་ཅིང་། །བརྡའ་ཡང་དེ་བཞིན་བསྐུལ་བ་ཡིན། །ས་མ་ཡ་ཧོ། ས་མ་ཡ་སྟྭ། རཱ་ཧོ་ཧཾ།རཱ་ག་ཡཱ་མི། ཨོཾ་སརྦ་ཏ་ཐཱ་ག་ཏ། མ་ཧཱ་ཨ་ནུ་རཱ་ག་ཎ་པཱུ་ཛ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་དཱི་པ་ཡ་ཏི་ཧཱུཾ་ཕཊ། བཛྲ་སཱུ་ཀ་ར་མུ་ཁ་ཧཱུཾ། ཨཱོཾ་བཛྲ་ཨི་ཥུ་ས་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་བི་ཛ་ཡ་ཧཱུཾ།ཧ་ན་ཧ་ན་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་ལཱ་སྱ་ཀི་ཧཱུཾ་ཕཊ། བཛྲ་བྱ་གྷྲ་མུ་ཁ་ཧཱུཾ། བཛྲ་གྲྀ་ཌྷ་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་ཏཱ་རཱ་ཧཱུཾ། ཨཱོཾ་ཙ་མ་ར་མུ་ཁ་ཧཱུཾ། ཨཱོཾ་བཛྲ་དྲོ་ཎ་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་ཡ་མནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨཱོཾ་བཛྲ་ཀྲོ་དྷི་ཤྨ་ཤ་ན་བ་ཏཱི་ཧཱུཾ། ཨཱོཾ་བཛྲ་ཧ་རི་ཎ་མུ་ཁ་ཧཱུཾ། ཨཱོཾ་བཛྲ་ཨུ་ལཱུ་ཀ་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བན་དྷ་བན་དྷ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་མུ་ས་ལ་ཧཱུཾ། ཨཱོཾ་བཛྲ་དྭི་པཱི་མུ་ཁ་ཧཱུཾ། ཨཱོཾ་བཛྲ་བ་ཀཱ་ཀ་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨཱོཾ་བཛྲ་ཀྲོ་དྷི་ཙཎྜ་ལཱི་ཏི་ཧཱུཾ། ཨཱོཾ་བཛྲ་བི་ཌཱ་ལ་མུ་ཁ་ཧཱུཾ། ཨཱོཾ་བཛྲ་བཀྵ་ཏི་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུཾ། ― DNG021_Page_0032 ―
[མ་དཔེ་གཟིགས་ན་འདིར་གནོན།]
ཏིཥྛ་ཏིཥྛ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་ཤ་བྱཱ་ཡ་ཏི་ཧཱུཾ། ཨཱོཾ་བཛྲ་ཤྭ་ན་མུ་ཁ་ཧཱུཾ། ཨཱོཾ་བཛྲ་པ་ཏྲི་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཙྪིནྡ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་ས་བྱཱ་མི་ཏ་ཧཱུཾ། ཨཱོཾ་བཛྲ་སིང་ཧ་མུ་ཁ་ཧཱུཾ། ཨཱོཾ་བཛྲ་རཾ་ཏཱི་ལ་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། བྷིནྡ་བྷིནྡ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་མ་ར་ཎ་ཧཱུཾ། ཨཱོཾ་བཛྲ་ཏཀྵུ་རཀྵ་ས་མུ་ཁ་ཧཱུཾ། ཨཱོཾ་བཛྲ་ན་ཀུ་ལ་མུ་ཁཱི་ཧཱུཾ། ཨཱོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་ཙུནྡ་ཡ་ཏི་ཧཱུཾ། ཨཱོཾ་བཛྲ་རྀ་ཀྵ་མུ་ཁ་ཧཱུཾ། ཨཱོཾ་བཛྲ་ཀ་སི་ཀ་མུ་ཁཱི་ཧཱུཾ། ཨཱོཾ་བཛྲ་པཀྵྀ་ཎི་མུ་ཁ་ཧཱུཾ། ཨཱོཾ་བཛྲ་བྷཻ་ར་བེ་མུ་ཁ་ཧཱུཾ། ཨཱོཾ་བཛྲ་ཨ་མྲྀ་ཏ་མུ་ཁ་ཧཱུཾ། ཨཱོཾ་བཛྲ་མཱ་ར་ཎ་མུ་ཁ་ཧཱུཾ། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཛཿཧཱུཾ་བཾ་ཧོཿ། ཨ་སུ་ནྲྀ་པྲེ་ཏྲི་ དུ། རྒྱུད་དྲུག་སྐུལ་བྱེད་དེས་བསྐུལ་ཅིང་། །འབྲུ་དགུ་སྔགས་ཀྱང་དེར་བཀོད་དེ། །དཀྱིལ་འཁོར་དེར་ནི་དེ་བཟླས་པས། །བསྒྲུབ་བྱའི་ཚོགས་རྣམས་སྒྲོལ་བར་བྱེད། །གསུང་གི་དཀྱིལ་འཁོར་དེ་བཞིན་ཡང་། །རང་རང་ལྷ་རྣམས་གདན་དུ་བཏིང་། །ཕུར་པ་ཕྲིན་ལས་ཀྱི་རྒྱུད་ལས། གསུང་གི་དཀྱིལ་འཁོར་གྱི་ལེའུ་སྟེ་བཅུ་པའོ།། །།རྡོ་རྗེ་ཕུར་བུའི་ལས་རྣམས་ནི། །དྲག་པོ་ལས་ཀྱི་སྔགས་ཀྱིས་བྱེད། །སྔགས་ཀྱི་ཚོགས་ནི་ཐམས་ཅད་ཀྱང་། །ཨཱ་ལི་ཀཱ་ལི་དག་ལས་བྱུང་། །ལྷ་རྣམས་སོ་སོའི་སྙིང་པོ་ནི། །སྔགས་དེ་དག་ལས་རབ་ཏུ་བྱུང་། །དབྱངས་ཀྱི་ཡི་གེ་བཅུ་དྲུག་ལ། །མིང་ཡིག་སྡེ་ཚན་ལྔ་ཡིས་བརྒྱན། །སྡེ་ཚན་ལྔ་ཡི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་མཛེས། །སྡེ་ཚན་དང་པོའི་དང་པོ་ལ། །དབྱངས་ཡིག་གི་ནི་བཞི་པས་བརྒྱན། །ཨནྟསྠཱ་ཡི་གསུམ་པ་ལ། །དབྱངས་ཡིག་གི་ནི་གསུམ་པས་བརྒྱན། །སྡེ་ཚན་དང་པོའི་དང་པོ་ལ། །དབྱངས་ཀྱི་ཡི་གེ་བཞི་པས་བརྒྱན། །ཨནྟསྠཱ་ཡི་གསུམ་པ་དང་། ཨནྟསྠཱ་ཡི་དང་པོའོ། །ཨཱུཥྨ་ཎ་ཡི་གསུམ་པ་དང་། །ཨནྟསྠཱ་ཡི་གཉིས་པ་ལ། །སྡེ་ཚན་ལྔ་ཡི་གསུམ་པས་བརྒྱན། །ལྔ་པ་ཡི་ནི་གསུམ་པ་ལ། །དབྱངས་ ― DNG021_Page_0033 ―
[མ་དཔེ་གཟིགས་ན་འདིར་གནོན།]
ཡིག་གི་ནི་གསུམ་པས་བརྒྱན། །སྡེ་ཚན་དང་པོའི་བཞི་པས་མཛེས། །སྡེ་ཚན་བཞི་པའི་ལྔ་པ་ལ། །དབྱངས་ཀྱི་ཡི་གེ་གཉིས་པས་བརྒྱན། །སྡེ་ཚན་བཞི་པའི་ལྔ་པས་བརྒྱན། །སྡེ་ཚན་ལྔ་པའི་གསུམ་པ་ལ། །སྡེ་ཚན་ལྔ་པའི་ལྔ་པས་བརྒྱན། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་མཛེས། །སྡེ་ཚན་ལྔ་པའི་གཉིས་པ་ལ། །སྡེ་ཚན་གསུམ་པའི་དང་པོས་བརྒྱན།། །།དབྱངས་ཡིག་གི་ནི་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པའོ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་དང་པོའི་དང་པོ་ལ། །དབྱངས་ཀྱི་ཡི་གེ་གཉིས་པས་བརྒྱན། །ཨནྟསྠཱ་ཡི་གཉིས་པའོ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གིས་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་དང་པོའི་གསུམ་པ་དང་། །ཨནྟསྠཱ་ཡི་གཉིས་པ་ལ། །སྡེ་ཚན་གཉིས་པའི་གསུམ་པས་མཛེས། །སྡེ་ཚན་དང་པོའི་གསུམ་པ་དང་། །ཨནྟསྠཱ་ཡི་གཉིས་པ་ལ། །སྡེ་ཚན་གཉིས་པའི་གསུམ་པས་མཛེས། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་མཛེས། །སྡེ་ཚན་ལྔ་པའི་གཉིས་པ་ལ། །སྡེ་ཚན་གསུམ་པའི་དང་པོས་བརྒྱན། །དབྱངས་ཡིག་གི་ནི་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །སྡེ་ཚན་དང་པོའི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཡིག་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པ་ལ། །དབྱངས་ཀྱི་ཡི་གེ་བཞི་པས་བརྒྱན། །སྡེ་ཚན་བཞི་པའི་གསུམ་པ་ལ། །དབྱངས་ཡིག་གི་ནི་བཞི་པས་བརྒྱན། །སྡེ་ཚན་ལྔ་པའི་དང་པོ་དང་། །ཨནྟསྠཱ་ཡི་དང་པོའོ། །སྡེ་ཚན་བཞི་པའི་དང་པོ་ལ། །དབྱངས་ཀྱི་ཡི་གེ་གསུམ་པས་བརྒྱན། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་མཛེས།། །།དབྱངས་ཡིག་གི་ནི་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་ ― DNG021_Page_0034 ―
[མ་དཔེ་གཟིགས་ན་འདིར་གནོན།]
གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པའོ། །སྡེ་ཚན་ལྔ་པའི་གསུམ་པ་ལ། །དབྱངས་ཀྱི་ཡི་གེ་གསུམ་པས་མཛེས། །སྡེ་ཚན་གཉིས་པའི་གསུམ་པ་དང་། །ཨནྟསྠཱ་ཡི་དང་པོའོ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་བརྒྱན། །ཨཱུཥྨ་ཎ་ཡི་བཞི་པ་ལ། །སྡེ་ཚན་བཞི་པའི་བཞི་པ་ནི། །ཉིས་འགྱུར་དག་ཏུ་བྱ་བ་ཡིན། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་གཉིས་པ་ལ། །སྡེ་ཚན་གསུམ་པའི་དང་པོས་བརྒྱན། །དབྱངས་ཡིག་གི་ནི་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པ་ལ། །དབྱངས་ཀྱི་ཡི་གེ་བཞི་པས་བརྒྱན། །ཨནྟསྠཱ་ཡི་གསུམ་པ་ལ། །དབྱངས་ཀྱི་ཡི་གེ་གཉིས་པར་ལྡན། །ཨཱུཥྨ་ཎ་ཡི་གསུམ་པ་ལ། །ཨནྟསྠཱ་ཡི་དང་པོ་སྦྱར། །དང་པོ་ཡི་ནི་དང་པོ་ལ། །དབྱངས་ཀྱི་ཡི་གེ་གསུམ་པས་མཛེས། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན།། །།དབྱངས་ཡིག་གི་ནི་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པའོ། །ཨནྟསྠཱ་ཡི་དང་པོ་དང་། །སྡེ་ཚན་ལྔ་པའི་ལྔ་པ་ལ། །དབྱངས་ཀྱི་ཡི་གེ་གཉིས་པས་མཛེས། །སྡེ་ཚན་བཞི་པའི་ལྔ་པ་ ― DNG021_Page_0035 ―
[མ་དཔེ་གཟིགས་ན་འདིར་གནོན།]
ལ། །སྡེ་ཚན་བཞི་པའི་དང་པོས་བརྒྱན། །སྡེ་ཚན་དང་པོའི་དང་པོའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གཉིས་པའི་དང་པོའོ། །དེ་དག་ཉིས་འགྱུར་དག་ཏུ་བྱ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་མཛེས། །སྡེ་ཚན་ལྔ་པའི་གཉིས་པ་ལ། །སྡེ་ཚན་གསུམ་པའི་དང་པོས་མཛེས། །དབྱངས་ཡིག་གི་ནི་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པ་ལ། །དབྱངས་ཀྱི་ཡི་གེ་བཞི་པས་བརྒྱན། །ཨཱུཥྨ་ཎ་ཡི་དང་པོ་ལ། །སྡེ་ཚན་ལྔ་པའི་ལྔ་པས་བརྒྱན། །ཨཱུཥྨ་ཎ་ཡི་དང་པོ་དང་། །སྡེ་ཚན་ལྔ་པའི་ལྔ་པ་ཉིད། །སྡེ་ཚན་ལྔ་པའི་གསུམ་པ་དང་། །སྡེ་ཚན་བཞི་པའི་དང་པོ་ལ། །དབྱངས་ཀྱི་ཡི་གེ་བཞི་པས་མཛེས། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་མཛེས། །སྡེ་ཚན་ལྔ་པའི་ལྔ་པས་མཛེས།། །།དབྱངས་ཡིག་གི་ནི་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པའོ། །དབྱངས་ཀྱི་ཡི་གེ་དང་པོ་དང་། །སྡེ་ཚན་ལྔ་པའི་དང་པོ་དང་། །ཨནྟསྠཱ་ཡི་གཉིས་པ་ལ། །དེ་ལ་དབྱངས་ཡིག་གཉིས་པས་མཛེས། །སྡེ་ཚན་གཉིས་པའི་གསུམ་པ་ལ། །དབྱངས་ཡིག་གི་ནི་གསུམ་པས་བརྒྱན། །སྡེ་ཚན་བཞི་པའི་དང་པོའོ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་བཞི་པའི་དང་པོ་ལ། །དབྱངས་ཡིག་གིས་ནི་གསུམ་པས་མཛེས། །ཨཱུཥྨ་ཎ་ཡི་གཉིས་པ་ལ། །སྡེ་ཚན་ ― DNG021_Page_0036 ―
[མ་དཔེ་གཟིགས་ན་འདིར་གནོན།]
གསུམ་པའི་གཉིས་པས་བརྒྱན། །དེ་དག་ཉིས་འགྱུར་དག་ཏུའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །དབྱངས་ཀྱི་ཡི་གེ་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པ་ལ། །དབྱངས་ཀྱི་ཡི་གེ་བཞི་པས་བརྒྱན། །ཨཱུཥྨ་ཎ་ཡི་གསུམ་པ་དང་། །སྡེ་ཚན་ལྔ་པའི་གསུམ་པ་ལ། །ཨནྟསྠཱ་ཡི་དང་པོས་བརྒྱན། །དེ་ལ་དབྱངས་ཡིག་གཉིས་པས་མཛེས། །ཨནྟསྠཱ་ཡི་དང་པོ་དང་། །སྡེ་ཚན་བཞི་པའི་དང་པོ་ལ། །དབྱངས་ཀྱི་ཡི་གེ་གསུམ་པས་མཛེས། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །དབྱངས་ཀྱི་ཡི་གེ་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པའོ། །སྡེ་ཚན་བཞི་པའི་དང་པོ་ལ། །ཨནྟསྠཱ་ཡི་གཉིས་པ་དང་། །དབྱངས་ཡིག་བཅུ་གཉིས་པ་ཡིས་མཛེས། །ཨནྟསྠཱ་ཡི་གསུམ་པ་ལ། །དབྱངས་ཡིག་བཅུ་གསུམ་པ་ཡིས་མཛེས། །སྡེ་ཚན་དང་པོའི་དང་པོ་ལ། །ཨནྟསྠཱ་ཡི་དང་པོས་བརྒྱན། །སྡེ་ཚན་ལྔ་པའི་གསུམ་པ་ལ། །དབྱངས་ཀྱི་ཡི་གེ་གསུམ་པས་བརྒྱན། །སྡེ་ཚན་གཉིས་པའི་གསུམ་པ་དང་། །ཨནྟསྠཱ་ཡི་དང་པོའོ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་གསུམ་པ་དང་། །སྡེ་ཚན་བཞི་པའི་ལྔ་པ་ལ། །བཞི་པ་ཡི་ནི་བཞི་པས་བརྒྱན། །དེ་དག་ཉིས་འགྱུར་དག་ཏུ་བྱ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །དབྱངས་ཀྱི་ཡི་གེ་བཅུ་ ― DNG021_Page_0037 ―
[མ་དཔེ་གཟིགས་ན་འདིར་གནོན།]
གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པ་ལ། །དབྱངས་ཀྱི་ཡི་གེ་བཞི་པས་མཛེས། །སྡེ་ཚན་ལྔ་པའི་ལྔ་པ་ལ། །དབྱངས་ཀྱི་ཡི་གེ་གཉིས་པས་མཛེས། །ཨནྟསྠཱ་ཡི་གཉིས་པ་དང་། །སྡེ་ཚན་གསུམ་པའི་ལྔ་པའོ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན།། །།དབྱངས་ཀྱི་ཡི་གེ་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་བཞི་པའི་བཞི་པའོ། །སྡེ་ཚན་ལྔ་པའི་ལྔ་པ་དང་། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་གཉིས་པས་མཛེས། །སྡེ་ཚན་ལྔ་པའི་གསུམ་པ་དང་། །ཨནྟསྠཱ་ཡི་གསུམ་པའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །ཨཱུཥྨ་ཎ་ཡི་གསུམ་པ་ལ། །སྡེ་ཚན་ལྔ་པའི་གཉིས་པས་བརྒྱན། །དབྱངས་ཡིག་བཅུ་གསུམ་པ་ཡིས་མཛེས། །སྡེ་ཚན་གསུམ་པའི་དང་པོའོ། །དེ་དག་ཉིས་འགྱུར་དག་ཏུ་བྱ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །དབྱངས་ཀྱི་ཡི་གེ་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ལྔ་པ་ཡི་ནི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །དང་པོ་ཡི་ནི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཀྱི་བཅུ་གསུམ་པ་ཡིས་མཛེས། །སྡེ་ཚན་ལྔ་པའི་ལྔ་པ་ལ། །དབྱངས་ཀྱི་ཡི་གེ་ལྔ་པས་མཛེས། །སྡེ་ཚན་གསུམ་པའི་ལྔ་པ་ལ། །གསུམ་པ་ཡི་ནི་གསུམ་པས་བརྒྱན། །དེ་ལ་དབྱངས་ ― DNG021_Page_0038 ―
[མ་དཔེ་གཟིགས་ན་འདིར་གནོན།]
ཡིག་བཅུ་གཉིས་མཛེས། །སྡེ་ཚན་ལྔ་པའི་ལྔ་པ་ལ། །ལྔ་པ་ཡི་ནི་ལྔ་པས་བརྒྱན། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་བརྒྱན། །སྡེ་ཚན་ལྔ་པའི་ལྔ་པས་བརྒྱན། །ཁྲོ་བོ་ཆེན་པོ་བཅུ་རྣམས་ཀྱི། །རྩ་བའི་སྔགས་དང་ལས་སྔགས་བཅས། །དེ་དག་རིམ་པར་བཏུ་བ་ཡིན།། །།དབྱངས་ཡིག་གི་ནི་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །ཨནྟསྠཱ་ཡི་གསུམ་པ་ལ། །སྡེ་ཚན་ལྔ་པའི་ལྔ་པས་བརྒྱན། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་བརྒྱན། །ཨནྟསྠཱ་ཡི་གསུམ་པ་ལ། །སྡེ་ཚན་ལྔ་པའི་ལྔ་པས་བརྒྱན། །ཨཱུཥྨ་ཎ་ཡི་གསུམ་པ་ལ། །སྡེ་ཚན་བཞི་པའི་དང་པོས་བརྒྱན། །སྡེ་ཚན་ལྔ་པའི་ལྔ་པར་ལྡན། །སྡེ་ཚན་ལྔ་པའི་བཞི་པ་དང་། །སྡེ་ཚན་བཞི་པའི་ལྔ་པ་ལ། །སྡེ་ཚན་ལྔ་པའི་ལྔ་པར་ལྡན། །སྡེ་ཚན་ལྔ་པའི་ལྔ་པ་ལ། །དབྱངས་ཡིག་བཅུ་གསུམ་པ་ཡིས་བརྒྱན། །ཨཱུཥྨ་ཎ་ཡི་བཞི་པ་དང་། །སྡེ་ཚན་དང་པོའི་བཞི་པ་ལ། །དབྱངས་ཡིག་གི་ནི་གཉིས་པས་བརྒྱན། །སྡེ་ཚན་བཞི་པའི་དང་པོ་དང་། །ཨནྟསྠཱ་ཡི་དང་པོའོ། །སྡེ་ཚན་ལྔ་པའི་བཞི་པ་དང་། །དང་པོ་ཡི་ནི་གསུམ་པ་དང་། །ཨནྟསྠཱ་ཡི་བཞི་པ་ལ། །དབྱངས་ཡིག་གི་ནི་གཉིས་པས་མཛེས། །སྡེ་ཚན་བཞི་པའི་ལྔ་པས་བརྒྱན། །སྔགས་ཀྱི་བཞི་མོ་དེ་དག་གིས། །བསྐུལ་དང་སྤྱན་དྲངས་བྱ་བ་ཡིན།། །།ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པར་ལྡན། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །ཨནྟསྠཱ་ཡི་གཉིས་པ་ཡང་། །སྡེ་ཚན་ལྔ་པའི་གསུམ་པ་ལ། །དབྱངས་ཀྱི་ཡི་གེ་གསུམ་པར་ལྡན། །སྡེ་ཚན་བཞི་པའི་གསུམ་པ་ལ། །ཨནྟསྠཱ་ཡི་དང་པོས་བརྒྱན། །དབྱངས་ཀྱི་ཡི་གེ་གཉིས་པས་མཛེས། །སྡེ་ཚན་གཉིས་པའི་དང་པོ་ལ། །གཉིས་པ་ཡི་ནི་གཉིས་པས་བརྒྱན། །དབྱངས་ཀྱི་ཡི་གེ་གསུམ་པས་མཛེས། །སྡེ་ཚན་བཞི་པའི་ལྔ་པ་ལ། །བཞི་པ་ཡི་ནི་བཞི་པས་བརྒྱན། །དེ་དག་ཉིས་འགྱུར་དག་ཏུའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་ ― DNG021_Page_0039 ―
[མ་དཔེ་གཟིགས་ན་འདིར་གནོན།]
དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །སྡེ་ཚན་ལྔ་པའི་གསུམ་པ་ལ། །དབྱངས་ཀྱི་ཡི་གེ་གསུམ་པས་མཛེས། །སྡེ་ཚན་བཞི་པའི་ལྔ་པ་ལ། །བཞི་པ་ཡི་ནི་བཞི་པར་ལྡན། །དེ་དག་ཉིས་འགྱུར་དག་ཏུའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །སྡེ་ཚན་དང་པོའི་གསུམ་པ་ལ། །དབྱངས་ཡིག་གི་ནི་བདུན་པས་མཛེས། །ཨཱུཥྨ་ཎ་ཡི་བཞི་པ་ལ། །གསུམ་པ་ཡི་ནི་ལྔ་པས་བརྒྱན། །དེ་དག་ཉིས་འགྱུར་དག་ཏུའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །སྡེ་ཚན་ལྔ་པའི་གསུམ་པ་ལ། །བཞི་པ་ཡི་ནི་ལྔ་པར་ལྡན། །སྡེ་ཚན་བཞི་པའི་བཞི་པས་བརྒྱན། །དེ་དག་ཉིས་འགྱུར་དག་ཏུའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །སྡེ་ཚན་བཞི་པའི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དེ་ལ་དབྱངས་ཡིག་གཉིས་པས་མཛེས། །ཨཱུཥྨ་ཎ་ཡི་དང་པོ་དང་། །ཨནྟསྠཱ་ཡི་དང་པོའོ། །དེ་དག་ཉིས་འགྱུར་དག་ཏུའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །སྡེ་ཚན་ལྔ་པའི་བཞི་པ་ལ། །སྡེ་ཚན་བཞི་པའི་ལྔ་པས་བརྒྱན། །སྡེ་ཚན་བཞི་པའི་གསུམ་པར་ལྡན། །དེ་དག་ཉིས་འགྱུར་དག་ཏུའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །དྲག་པོའི་སྔགས་ཀྱི་རིམ་པ་ནི། །ལས་རྣམས་ཀུན་ལ་འཇུག་པ་སྟེ། །ཁྱད་པར་ལས་གསུམ་དག་ལ་འཇུག། །། ― DNG021_Page_0040 ―
[མ་དཔེ་གཟིགས་ན་འདིར་གནོན།]
ཨཱུཥྨ་ཎ་ཡི་བཞི་པ་དང་། །ཨཱུཥྨ་ཎ་ཡི་གསུམ་པ་དང་། །ཨནྟསྠཱ་ཡི་དང་པོ་དང་། །ཨནྟསྠཱ་ཡི་གཉིས་པ་སྟེ། །དེ་དག་ཉིས་འགྱུར་དག་དང་ནི། །ཨཱུཥྨ་ཎ་ཡི་བཞི་པ་ལ། །ཨནྟསྠཱ་ཡི་གཉིས་པས་བརྒྱན། །དེ་ལ་དབྱངས་ཡིག་བཞི་པས་མཛེས། །རིན་པོ་ཆེ་ཡི་ཕྲ་ཡིས་བཅད། །སྡེ་ཚན་བཞི་པའི་གསུམ་པ་ལ། །སྡེ་ཚན་གསུམ་པའི་ལྔ་པས་བརྒྱན། །དེ་ལ་གསུམ་པའི་གསུམ་པར་ལྡན། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །ཁྲོ་བོ་ཆེན་པོ་རྣམས་ཀྱིས་ནི། །ཉོན་མོངས་གདུག་པ་ཀུན་སྒྲོལ་བ། །སྔགས་འདི་དག་གིས་བྱེད་པ་ཡིན།། །།དབྱངས་ཀྱི་ཡི་གེ་གཉིས་པ་དང་། །ཨནྟསྠཱ་ཡི་བཞི་པ་ལ། །དབྱངས་ཀྱི་ཡི་གེ་བཅུ་གཅིག་མཛེས། །ཨཱུཥྨ་ཎ་ཡི་དང་པོ་དང་། །ཨནྟསྠཱ་ཡི་དང་པོའོ། །དེ་དག་ཉིས་འགྱུར་དག་དང་ནི། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །ཨཱུཥྨ་ཎ་ཡི་དང་པོ་ལ། །དབྱངས་ཡིག་གི་ནི་བཞི་པས་མཛེས། །སྡེ་ཚན་དང་པོའི་བཞི་པ་ལ། །ཨནྟསྠཱ་ཡི་བཞི་པས་བརྒྱན། །སྡེ་ཚན་ལྔ་པའི་ལྔ་པས་མཛེས། །དབྱངས་ཡིག་གི་ནི་གཉིས་པ་དང་། །སྡེ་ཚན་བཞི་པའི་ལྔ་པ་དང་། །ཨནྟསྠཱ་ཡི་དང་པོའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས།། །།སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་བཞི་པ་ལྡན། །ཨནྟསྠཱ་ཡི་གསུམ་པ་ལ། །དབྱངས་ཀྱི་ཡི་གེ་གཉིས་པས་མཛེས། །སྡེ་ཚན་ལྔ་པའི་དང་པོ་དང་། །ཨནྟསྠཱ་ཡི་དང་པོའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས།། །།སྡེ་ཚན་བཞི་པའི་དང་པོ་དང་། །སྡེ་ཚན་བཞི་པའི་གཉིས་ ― DNG021_Page_0041 ―
[མ་དཔེ་གཟིགས་ན་འདིར་གནོན།]
པ་ལ། །དབྱངས་ཀྱི་ཡི་གེ་གཉིས་པས་མཛེས། །ཨནྟསྠཱ་ཡི་དང་པོའོ། །དེ་དག་ཉིས་འགྱུར་དག་དང་ནི། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །སྡེ་ཚན་ལྔ་པའི་བཞི་པ་ལ། །དབྱངས་ཡིག་གི་ནི་གསུམ་པས་མཛེས། །སྡེ་ཚན་བཞི་པའི་བཞི་པ་ལ། །སྡེ་ཚན་བཞི་པའི་གསུམ་པས་བརྒྱན། །ཨནྟསྠཱ་ཡི་དང་པོའོ། །དེ་དག་ཉིས་འགྱུར་དག་དང་ནི། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །དྲག་པོའི་ལས་ཀྱི་སྔགས་འདིས་ནི། །ལས་རྣམས་ཐམས་ཅད་འགྲུབ་པ་སྟེ། །བཟླས་བརྗོད་སྔགས་སུ་དེ་བཤད་དོ། །ཨཱུཥྨ་ཎ་ཡི་བཞི་པ་དང་། །སྡེ་ཚན་བཞི་པའི་ལྔ་པའོ། །དེ་དག་ཉིས་འགྱུར་དག་དང་ནི། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །སྡེ་ཚན་བཞི་པའི་གསུམ་པ་དང་། །ཨཱུཥྨ་ཎ་ཡི་བཞི་པ་སྟེ། །དེ་དག་ཉིས་འགྱུར་དག་དང་ནི། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གཉིས་པའི་དང་པོ་སྟེ། །དེ་དག་ཉིས་འགྱུར་དག་དང་ནི། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །སྡེ་ཚན་ལྔ་པའི་ལྔ་པ་དང་། །སྡེ་ཚན་བཞི་པའི་གཉིས་པ་སྟེ། །དེ་དག་ཉིས་འགྱུར་དག་དང་ནི། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་བཞི་པས་བརྒྱན། །ཨནྟསྠཱ་ཡི་གསུམ་པ་སྟེ། །དེ་དག་ཉིས་འགྱུར་དག་དང་ནི། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །ཨཱུཥྨ་ཎ་ཡི་གསུམ་པ་ལ། །དབྱངས་ཀྱི་ཡི་གེ་ལྔ་པས་མཛེས། །ཨནྟསྠཱ་ཡི་གཉིས་པ་ལ། །དབྱངས་ཀྱི་ཡི་གེ་ལྔ་པས་སྤྲས། །དེ་དག་ཉིས་འགྱུར་ ― DNG021_Page_0042 ―
[མ་དཔེ་གཟིགས་ན་འདིར་གནོན།]
དག་དང་ནི། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །སྡེ་ཚན་ལྔ་པའི་ལྔ་པ་ལ། །དབྱངས་ཀྱི་ཡི་གེ་ལྔ་པས་མཛེས། །ཨནྟསྠཱ་ཡི་གཉིས་པ་ལ། །དབྱངས་ཡིག་གི་ནི་ལྔ་པས་བརྒྱན། །དེ་དག་ཉིས་འགྱུར་དག་དང་ནི། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །སྡེ་ཚན་གཉིས་པའི་གསུམ་པ་དང་། །ཨནྟསྠཱ་ཡི་དང་པོ་ལ། །དབྱངས་ཡིག་བཅུ་གཅིག་པ་ཡིས་མཛེས། །སྡེ་ཚན་ལྔ་པའི་གསུམ་པ་ལ། །དབྱངས་ཀྱི་ཡི་གེ་གསུམ་པས་བརྒྱན། །སྡེ་ཚན་གཉིས་པའི་གསུམ་པ་དང་། །ཨནྟསྠཱ་ཡི་དང་པོ་ལ། །དབྱངས་ཀྱི་ཡི་གེ་གསུམ་པས་མཛེས། །དབྱངས་ཀྱི་ཡི་གེ་དང་པོ་དང་། །སྡེ་ཚན་གཉིས་པའི་གསུམ་པ་ལ། །དབྱངས་ཀྱི་ཡི་གེ་གསུམ་པས་མཛེས། །སྡེ་ཚན་བཞི་པའི་དང་པོ་ལ། །དབྱངས་ཡིག་བཅུ་གཅིག་པ་ཡིས་མཛེས། །དབྱངས་ཀྱི་ཡི་གེ་དང་པོ་དང་། །སྡེ་ཚན་ལྔ་པའི་དང་པོ་ཉིད། །ཨནྟསྠཱ་ཡི་གཉིས་པ་ལ། །དབྱངས་ཀྱི་ཡི་གེ་གཉིས་པས་སྤྲས། །སྡེ་ཚན་གཉིས་པའི་གསུམ་པ་ལ། །དབྱངས་ཀྱི་ཡི་གེ་གསུམ་པས་བརྒྱན། །སྡེ་ཚན་བཞི་པའི་དང་པོ་ལ། །དབྱངས་ཡིག་བཅུ་གཅིག་པ་ཡིས་བརྒྱན། །སྡེ་ཚན་དང་པོའི་དང་པོ་དང་། །སྡེ་ཚན་གསུམ་པའི་དང་པོ་ལ། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་དང་པོའི་དང་པོ་དང་། །སྡེ་ཚན་གསུམ་པའི་དང་པོ་ལ། །དབྱངས་ཡིག་བཅུ་གཅིག་པ་ཡིས་བརྒྱན། །སྡེ་ཚན་ལྔ་པའི་ལྔ་པ་ལ། །དབྱངས་ཀྱི་ཡི་གེ་ལྔ་པས་བརྒྱན། །ཨནྟསྠཱ་ཡི་གཉིས་པ་དང་། །ཨཱུཥྨ་ཎ་ཡི་གསུམ་པ་ལ། །དབྱངས་ཡིག་བཅུ་གཅིག་པ་ཡིས་བརྒྱན། །སྡེ་ཚན་བཞི་པའི་ལྔ་པ་ལ། །ཨནྟསྠཱ་ཡི་དང་པོས་བརྒྱན། །སྡེ་ཚན་ལྔ་པའི་དང་པོ་ལ། །ཨནྟསྠཱ་ཡི་གཉིས་པས་སྤྲས། །སྡེ་ཚན་ལྔ་པའི་ལྔ་པ་དང་། །ཨནྟསྠཱ་ཡི་གཉིས་པ་ལ། །སྡེ་ཚན་བཞི་པའི་གསུམ་པས་བརྒྱན། །སྡེ་ཚན་བཞི་པའི་ལྔ་པ་ལ། །དབྱངས་ཡིག་གི་ནི་གསུམ་པས་མཛེས། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ ― DNG021_Page_0043 ―
[མ་དཔེ་གཟིགས་ན་འདིར་གནོན།]
ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས།། །།ཨཱུཥྨ་ཎ་ཡི་གསུམ་པ་དང་། །ཨནྟསྠཱ་ཡི་གཉིས་པ་ལ། །ཨནྟསྠཱ་ཡི་བཞི་པ་སྦྱར། །དབྱངས་ཀྱི་ཡི་གེ་གཉིས་པ་དང་། །སྡེ་ཚན་བཞི་པའི་ལྔ་པ་དང་། །ཨནྟསྠཱ་ཡི་དང་པོའོ། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས།། །།སྡེ་ཚན་བཞི་པའི་དང་པོ་དང་། །སྡེ་ཚན་བཞི་པའི་གཉིས་པ་ལ། །དབྱངས་ཀྱི་ཡི་གེ་གཉིས་པས་མཛེས། །ཨནྟསྠཱ་ཡི་དང་པོའོ། །དེ་དག་ཉིས་འགྱུར་དག་དང་ནི། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་དང་པོ་དང་། །སྡེ་ཚན་གསུམ་པའི་དང་པོས་མཛེས། །སྟེང་དང་འོག་གི་ཁྲོ་བོ་ཡིས། །ཁམས་གསུམ་སྒྲོལ་བའི་ལས་སྔགས་ཡིན།། །།ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་ལྔ་པ་དང་། །ལྔ་པ་དེ་ཡང་ཉིས་འགྱུར་ཏེ། །སྡེ་ཚན་ལྔ་པའི་གསུམ་པ་དང་། །ཨཱུཥྨ་ཎ་ཡི་དང་པོ་ལ། །སྡེ་ཚན་ལྔ་པའི་ལྔ་པས་སྤྲས། །སྡེ་ཚན་དང་པོའི་དང་པོ་ལ། །དབྱངས་ཀྱི་ཡི་གེ་ལྔ་པས་བརྒྱན། །ཨནྟསྠཱ་ཡི་གཉིས་པ་ལ། །དབྱངས་ཀྱི་ཡི་གེ་ལྔ་པས་བརྒྱན། །སྡེ་ཚན་ལྔ་པའི་ལྔ་པ་དང་། །སྡེ་ཚན་བཞི་པའི་དང་པོ་ལ། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་གཉིས་པའི་ལྔ་པ་ཉིད། །སྡེ་ཚན་དང་པོའི་དང་པོ་ལ། །དབྱངས་ཀྱི་ཡི་གེ་གཉིས་པས་སྤྲས། །ཨནྟསྠཱ་ཡི་གཉིས་པ་དང་། །དབྱངས་ཀྱི་ཡི་གེ་གསུམ་པ་ཉིད། །སྡེ་ཚན་བཞི་པའི་གསུམ་པ་ལ། །སྡེ་ཚན་བཞི་པའི་ལྔ་པས་བརྒྱན། །སྡེ་ཚན་བཞི་པའི་བཞི་པ་དང་། །སྡེ་ཚན་བཞི་པའི་བཞི་པ་ལ། །དབྱངས་ཀྱི་ཡི་གེ་གསུམ་པས་མཛེས། །སྡེ་ཚན་ལྔ་པའི་ལྔ་པ་དང་། །ལྔ་པའང་དེ་བཞིན་ཉིས་འགྱུར་ཏེ། །སྡེ་ཚན་དང་པོའི་དང་པོ་ལ། །ཨནྟསྠཱ་ཡི་གཉིས་པ་ལ། །སྡེ་ཚན་ལྔ་པའི་ལྔ་པས་བརྒྱན། །ཨཱུཥྨ་ཎ་ཡི་ ― DNG021_Page_0044 ―
[མ་དཔེ་གཟིགས་ན་འདིར་གནོན།]
དང་པོ་ལ། །དབྱངས་ཀྱི་ཡི་གེ་བཞི་པས་བརྒྱན། །སྡེ་ཚན་དང་པོའི་བཞི་པ་ལ། །ཨནྟསྠཱ་ཡི་གཉིས་པས་སྤྲས། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་དང་པོའི་དང་པོ་ལ། །དབྱངས་ཀྱི་ཡི་གེ་གཉིས་པས་མཛེས། །ཨནྟསྠཱ་ཡི་གཉིས་པ་ལ། །དབྱངས་ཀྱི་ཡི་གེ་གཉིས་པས་མཛེས། །ཨནྟསྠཱ་ཡི་དང་པོའོ། །མཁའ་འགྲོ་མ་ཡི་སྙིང་པོ་ནི། །དེ་དག་ཡིན་པར་ཤེས་པར་བྱ།། །།སྡེ་ཚན་དང་པོའི་གཉིས་པ་དང་། །སྡེ་ཚན་བཞི་པའི་གཉིས་པ་ལ། །སྡེ་ཚན་ལྔ་པའི་ལྔ་པས་བརྒྱན། །དེ་དག་བདུན་འགྱུར་དག་ཏུ་བྱ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་བརྒྱན། །སྡེ་ཚན་ལྔ་པའི་ལྔ་པས་བརྒྱན། །དེ་དག་བདུན་འགྱུར་ཤེས་པར་བྱ། །ཨཱུཥྨ་ཎ་ཡི་བཞི་པ་ལ། །དབྱངས་ཡིག་གི་ནི་དྲུག་པས་མཛེས། །སྡེ་ཚན་ལྔ་པའི་ལྔ་པས་བརྒྱན། །དེ་དག་བཅུ་གཅིག་འགྱུར་དུ་བྱ། །སྡེ་ཚན་ལྔ་པའི་གཉིས་པ་ལ། །སྡེ་ཚན་གསུམ་པའི་དང་པོས་བརྒྱན། །དེ་དག་སུམ་འགྱུར་དག་ཏུ་བྱ། །ཨཱུཥྨ་ཎ་ཡི་བཞི་པ་ནི། །སུམ་འགྱུར་དག་ཏུ་བྱ་བ་ཡིན། །དབྱངས་ཀྱི་ཡི་གེ་བཅུ་གསུམ་ལ། །སྡེ་ཚན་ལྔ་པའི་ལྔ་པས་བརྒྱན། །སྡེ་ཚན་ལྔ་པའི་གསུམ་པ་དང་། །སྡེ་ཚན་གཉིས་པའི་གསུམ་པ་ལ། །ཨནྟསྠཱ་ཡི་གཉིས་པས་བརྒྱན། །སྡེ་ཚན་དང་པོའི་དང་པོ་ལ། །ཨནྟསྠཱ་ཡི་གཉིས་པས་བརྒྱན། །དབྱངས་ཡིག་བཅུ་གསུམ་པ་ཡི་མཛེས། །སྡེ་ཚན་གསུམ་པའི་བཞི་པའོ། །སྡེ་ཚན་དང་པོའི་གཉིས་པ་དང་། །ཨཱུཥྨ་ཎ་ཡི་བཞི་པ་ལ། །དབྱངས་ཀྱི་ཡི་གེ་གསུམ་པས་བརྒྱན། །སྡེ་ཚན་དང་པོའི་དང་པོ་ལ། །དབྱངས་ཀྱི་ཡི་གེ་བཞི་པས་བརྒྱན། །ཨནྟསྠཱ་ཡི་གསུམ་པ་དང་། །ཨནྟསྠཱ་ཡི་དང་པོ་ནི། །ཉི་ཤུ་རྩ་གཅིག་འགྱུར་དུའོ། །སྡེ་ཚན་དང་པོའི་དང་པོ་ལ། །དབྱངས་ཡིག་གི་ནི་བཞི་པས་མཛེས། །ཨནྟསྠཱ་ཡི་གསུམ་པ་དང་། །ཨནྟསྠཱ་ཡི་དང་པོའོ། །དེ་དག་བཅོ་བརྒྱད་འགྱུར་དུ་བྱ། །སྔགས་ཀྱི་བཏུ་བ་འདི་བྱས་ལ། །ཉོན་མོངས་གདུག་སེམས་ཐམས་ཅད་བསྒྲལ། །དྲག་པོ་ལས་ཀྱི་སྔགས་འདི་ནི། །གདེང་དང་ལྡན་པས་བསྒྲུབ་ ― DNG021_Page_0045 ―
[མ་དཔེ་གཟིགས་ན་འདིར་གནོན།]
པ་ཡིན། །དེ་ཕྱིར་སྔགས་དོན་རབ་ཏུ་བཤད། །ཕུར་པ་ཕྲིན་ལས་ཀྱི་རྒྱུད་ལས། སྔགས་བཏུ་བའི་ལེའུ་སྟེ་བཅུ་གཅིག་པའོ།། །།ཁྲོ་བོ་ཁམས་གསུམ་རྣམ་རྒྱལ་གྱིས། །བཅོམ་ལྡན་འདས་ལ་འདི་སྐད་གསོལ། །རྡོ་རྗེ་རབ་ཏུ་ཀཱི་ལ་ཡའི། །སྒྲུབ་པའི་ལས་ཀྱི་རིམ་པ་དག །ཐབས་དང་རྫས་ནི་གང་གིས་བགྱི། །བསྒྲུབ་པའི་ཚད་ནི་གང་དག་ལགས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་ཕུར་བུའི་སྒྲུབ་གནས་ནི། །བྲག་རི་སྲིན་པོའི་གདོང་པ་འདྲ། །དུར་ཁྲོད་དཀྱིལ་ལམ་ངམ་གྲོག་གནས། །དེར་ནི་ས་གཟུང་བརྟག་ལ་སོགས། །སྔོན་དུ་ལས་རྣམས་ཐམས་ཅད་བྱ། །རས་བྲིས་ལུགས་སུ་བླུགས་སོགས་པའི། །སྐུ་ཡི་དཀྱིལ་འཁོར་ཆེན་པོ་བྱ། །མཆོད་པའི་རྫས་ལ་སོགས་པ་བཤམས། །བུམ་པ་དག་ནི་བཅུ་དགུ་ལ། །རང་རང་ལྷ་ཡི་ཕྱག་རྒྱ་བྲི། །རང་རང་སྔགས་ཀྱང་དེར་བྲིའོ། །འབྲུ་སྣ་སྨན་སྣ་སྙིང་པོ་ལྔ། །དྲི་ལྔ་རིན་ཆེན་ལྗོན་ཤིང་དང་། །ཁ་དོག་སྣ་ལྔའི་རས་ཀྱིས་བཅིངས། །དྲི་མེད་བུམ་པ་དེ་བྱས་ལ། །རང་རང་ཁ་དོག་བཞིན་དུ་བསྒྱུར། །ཡང་ན་ཀུན་ཀྱང་དཀར་པོར་བྱ། །དེ་དག་ལ་བརྟེན་བསྒྲུབ་པར་བྱ། །སྐུ་ཡི་དཀྱིལ་འཁོར་ཆེན་པོ་ནི། །འཁོར་ལོ་རྩིབས་བརྒྱད་ལྟེ་བར་བཅས། །གྲུ་ཆད་སྒོ་བཞི་རྒྱན་དང་ལྡན། །ལྷུ་དུམ་བཅད་འཕྲོ་ཕོར་པ་རྐང་། །ཤ་ཁྲག་ཞིང་ཆེན་དུར་ཁྲོད་རྫས། །དཀྱིལ་འཁོར་དག་ནི་རབ་ཏུ་དགང་། །རྩ་བ་ལྔ་དང་ཡན་ལག་སྟོང་། །བདུད་རྩི་དག་ཀྱང་རབ་ཏུ་བསག །ཡུམ་ཆེན་རྣམས་ཀྱིས་བྱིན་བརླབས་པའི། །བུམ་པ་ལྷ་གྲངས་བཞིན་དུ་གཟུག །རྣམ་ལྔའི་མཆོད་པ་དེ་བཞིན་བྱ། །བདུད་རྩི་ལྔ་ལ་ལོངས་སྤྱོད་ཅིང་། །ལྷ་ཡི་ཚོགས་རྣམས་ཐམས་ཅད་ལ། །གཏོར་མ་ལྷ་གྲངས་བཞིན་དུ་འབུལ། །སྤྱན་དྲང་མཆོད་དང་བསྟོད་པ་དང་། །གང་འདོད་ལས་ལ་གསོལ་བ་གདབ། །རྩ་བའི་ཡབ་ཡུམ་སྐུར་གསལ་བས། །འཁོར་ལོ་བཞི་ཡང་གསལ་བར་བྱ། །ཨཱ་ལི་ཀཱ་ལིའི་ཡི་གེ་ཡང་། །རྩ་ཡི་གནས་རྣམས་ཀུན་ཏུ་དགོད། །རྡོ་རྗེ་ཀཱི་ལ་ཡ་ཡི་སྔགས། །འཁོར་ལོའི་རྩ་གནས་ཀུན་ཏུ་བསྒོམ། །དྲག་པོའི་ལས་ཀྱི་སྔགས་རྣམས་ཀྱང་། །གསང་བའི་མཁའ་ལ་རབ་ཏུ་དགོད། །ལྷ་རྣམས་སོ་སོའི་ལས་ཀྱི་སྔགས། ། ― DNG021_Page_0046 ―
[མ་དཔེ་གཟིགས་ན་འདིར་གནོན།]
རང་རང་གནས་སུ་དགོད་པར་བྱ། །ལུས་ལ་སྔགས་ནི་དེ་བཀོད་ནས། །བུམ་པའི་ནང་དུ་དེ་བཀོད་བྱ། །རིགས་ལྔ་ཀཱི་ལ་ཡ་སོགས་པའི། །སྙིང་པོ་དག་ཀྱང་རབ་ཏུ་བགྲང་། །ཉི་ཁྲི་བདུན་འབུམ་བགྲངས་ནས་ཀྱང་། །ལྷ་རྣམས་ཐུགས་དམ་བསྐུལ་བར་བྱ། །ཁྲོ་བོ་ཆེན་པོ་རྣམས་ལ་ནི། །ཉི་ཁྲི་ལྔ་སྟོང་བསྙེན་པ་དང་། །དྲག་པོའི་ལས་ཀྱི་སྔགས་རྣམས་ནི། །བྱེ་བ་སུམ་འབུམ་བཟླས་པ་ཡིས། །མངོན་སུམ་པ་ཡི་རྟགས་འབྱུང་སྟེ། །སྐུ་གཟུགས་བཞད་དང་བུམ་པ་དང་། །ཕུར་པ་དག་ལས་འོད་འབྱུང་དང་། །ཕུར་པ་ལྡེག་འཕར་ལུང་སྟོན་འབྱུང་། །དེ་ལྟར་མ་བྱུང་བར་དུ་བསྒྲུབ། །དེ་རྟགས་ཐོན་ནས་སྒྲུབ་སྔགས་བཟླས། །རྩ་བ་ཡབ་ཡུམ་གསལ་བྱས་ཏེ། །ཀཱི་ལ་ཡ་ལྔ་ཕྱོགས་ནས་བསྐུལ། །སྐྱེ་མེད་ཆོས་ཀྱི་དབྱིངས་ལས་ནི། །མཚན་མའི་རྣམ་རྟོག་སྤྲིན་འབྱུང་ཞིང་། །རྣམ་རྟོག་འཁོར་བར་འཁྱམས་པ་རྣམས། །ཐབས་དང་ཤེས་རབ་སྦྱོར་བ་ལས། །བདེ་བའི་ཕུར་བུ་རྒྱས་པ་ཡིས། །སོ་སོས་འཇིགས་པའི་སྒྲ་སྒྲོག་པས། །ལས་དང་ཉོན་མོངས་ཞི་བར་མཛད། །ཐོག་མ་མེད་ནས་བཀབ་པ་ཡིས། །ལས་དང་ཉོན་མོངས་གྱུར་པ་ཡི། །འདོད་ཆགས་ཞེ་སྡང་གཏི་མུག་རྣམས། །སྲིད་པའི་འཁོར་ལོར་གྱུར་པ་ཡིན། །ཐབས་དང་ཤེས་རབ་སྦྱོར་བ་ཡི། །བདེ་བ་བྱང་ཆུབ་སེམས་ཕུར་དེས། །ལུས་ཀྱི་རྩ་རྣམས་ཀུན་ཏུ་གང་། །དུག་གསུམ་སྡུག་བསྔལ་དེར་སྦྱོང་མཛད། །ཆགས་སྡང་ཞེན་ལས་བྱུང་བ་ཡི། །ཉོན་མོངས་པ་ལས་བྱུང་བའི་གཟུགས། །སྲིད་པའི་ལམ་ལ་གནས་བཅས་པ། །དེ་དག་རབ་ཏུ་འདོན་མཛད་ནས། །ཐབས་དང་ཤེས་རབ་སྦྱོར་བ་ཡིས། །བདེ་བ་བྱང་ཆུབ་སེམས་ཕུར་ནི། །ལུས་ཀྱི་རྩ་རྣམས་ཀུན་རྒྱུས་གང་། །དུག་གསུམ་སྡུག་བསྔལ་དེས་གཞོམ་མཛད། །ཆགས་དང་ཞེན་ལས་བྱུང་བ་ཡི། །ཉོན་མོངས་པ་ལས་བྱུང་བའི་གཟུགས། །ལྔ་ཕུང་སེམས་ཅན་དག་བྱའི་ཕྱིར། །ཐབས་དང་ཤེས་རབ་སྦྱོར་བ་ཡི། །བདེ་བ་བྱང་ཆུབ་སེམས་ཕུར་དེས། །ལུས་ཀྱི་རྩར་བརྒྱུས་སེམས་བདེ་སྐྱེས། །བདེ་བས་ཉོན་ ― DNG021_Page_0047 ―
[མ་དཔེ་གཟིགས་ན་འདིར་གནོན།]
མོངས་སྡུག་བསྔལ་ཞི། །ལས་དང་ཉོན་མོངས་འདྲེལ་འབྱུང་བའི། །འབྲས་བུ་ཕུང་པོ་སྡུག་བསྔལ་མྱོང་། །རྣམ་རྟོག་ལས་དང་ལམ་ལ་གནས། །ཐབས་དང་ཤེས་རབ་སྦྱོར་བ་ཡི། །བདེ་བ་བྱང་སེམས་ཕུར་པས་ནི། །ལུས་ཀྱི་རྩ་རྒྱུས་སེམས་བདེ་རྙེད། །བག་ཆགས་ཕུང་པོ་སྡུག་བསྔལ་ཞི། །གཙོ་བོ་ཡབ་ཡུམ་གཉིས་མེད་དེ། །གཡས་ནས་རྒྱུ་དང་གཡོན་ནས་རྒྱུ། །དབུས་ནས་རྒྱུ་དང་འོད་ཟེར་རྒྱུ། །སྤྱི་གཙུག་མགྲིན་པ་སྙིང་གར་རྒྱུ། །མཚོན་ཆར་རྒྱུ་དང་ཕུར་བུར་རྒྱུ། །གཡས་ཀྱིས་གཅོད་དང་གཡོན་གྱིས་གཅོད། །གསོ་བསད་མནན་བཟློག་གང་འདོད་འགྲུབ། །ཕྱོགས་ཀྱི་བུམ་པའི་གནས་རྣམས་སུ། །བྱང་ཆུབ་སེམས་ཀྱི་ཆུ་རྒྱུན་དབབ། །བུམ་པ་དེ་དག་ཆུ་རྒྱུན་གྱིས། །བཀང་སྟེ་རྣམ་པར་རྟོག་པ་བསྲེག །ལུས་ཀྱི་གནས་ནི་ཐམས་ཅད་དུ། །ཕབ་པའི་འོད་ཟེར་དེར་སྤྲོ་བྱ། །འོད་ཟེར་ཚོགས་ནི་ཐམས་ཅད་ཀྱང་། །བྱང་ཆུབ་སེམས་སུ་གནས་པ་སྟེ། །རྣམ་རྟོག་ཀུན་གྱི་གཉེན་པོར་བཤད། །བདེ་ཆེན་འཁོར་ལོའི་གནས་སུ་ནི། །ཞི་བའི་ལས་ནི་སྒྲུབ་པ་ཡི། །སྔགས་ཀྱི་འོད་ཟེར་ཐམས་ཅད་ཀྱང་། །བདེ་ཆེན་རྩ་ནི་ཀུན་ཏུ་སྤྲོ། །གནས་དེར་བདེ་བ་བསྐྱེད་པས་ནི། །བདག་དང་གཞན་གྱི་རྣམ་རྟོག་བསྲེག །རྩ་དང་རླུང་དང་བྱང་ཆུབ་སེམས། །བདེ་བ་བསྐྱེད་དེ་དེ་བསྒོམ་མོ། །མགྲིན་པ་ལོངས་སྤྱོད་འཁོར་ལོ་སྟེ། །དེར་ནི་རྒྱས་པའི་ལས་དག་བྱ། །སྔགས་ཀྱི་འོད་ཟེར་ཐམས་ཅད་ཀྱང་། །ལོངས་སྤྱོད་གནས་སུ་རབ་ཏུ་སྤྲོས། །རླུང་དང་རྩ་དང་བྱང་ཆུབ་སེམས། །བདེ་བ་བསྐྱེད་དེ་དེར་བསྒོམ་མོ། །རྣམ་པར་རྟོག་པ་ཐམས་ཅད་བསྲེག །ཚེ་དང་བསོད་ནམས་རྒྱས་པར་འགྱུར། །སྙིང་ག་ཆོས་ཀྱི་འཁོར་ལོར་ནི། །དབང་གི་ལས་ནི་བྱ་བ་ནི། །སྔགས་ཀྱི་འབྲུ་ནི་དེར་བསྒོམ་པས། །ཐམས་ཅད་མ་ལུས་འགུགས་པར་འགྱུར། །རྩ་དང་རླུང་དང་བྱང་ཆུབ་སེམས། །བདེ་བ་སྐྱེད་བྱེད་དེར་བསྒོམས་ཤིག །གནས་དེ་དག་ཏུ་འོད་ཟེར་འཕྲོ། །ཐམས་ཅད་མ་ལུས་དབང་དུ་འགྱུར། །སྤྲུལ་པའི་འཁོར་ལོའི་གནས་སུ་ནི། །དྲག་པོའི་ལས་ཀྱིས་བསད་པ་ཡིན། །སྔགས་ཀྱི་འོད་ཟེར་དེར་བསྒོམས་ཏེ། །འཁོར་ལོའི་གནས་སུ་ ― DNG021_Page_0048 ―
[མ་དཔེ་གཟིགས་ན་འདིར་གནོན།]
འོད་ཟེར་སྤྲོ། །རྩ་དང་རླུང་དང་བྱང་ཆུབ་སེམས། །བདེ་བ་སྐྱེད་བྱེད་རྒྱུ་རུ་བསྒོམ། །སྔགས་ཀྱི་འོད་ཟེར་དྲག་པོས་ནི། །སྤྲུལ་པའི་གནས་སུ་བསད་པ་ཡིས། །འཁོར་ལོ་བཞི་ཡི་གནས་དེར་ནི། །སྔགས་ཀྱི་འོད་ཟེར་གསལ་བསྒོམས་ལ། །སྤྲོ་དང་བསྡུ་བར་བྱ་བ་ཡིས། །བདེ་བ་དག་ལ་རྟེན་བཅས་ཤིང་། །མི་རྟོག་པའང་དེར་སྐྱེ་འགྱུར། །གསང་བར་བཟླས་དང་མི་གཡོར་འགྱུར། །ཁྲོ་བོའི་སྤྲུལ་པའི་ཕྱག་བརྙན་དང་། །ཡང་སྤྲུལ་དག་ནི་འབྱུང་བས་ནི། །ཕུར་བུའི་དངོས་གྲུབ་སྟེར་བར་འགྱུར། །སྔར་བསྟན་རྟགས་ནི་ཀུན་འབྱུང་སྟེ། །མཆོག་དང་ཐུན་མོང་དངོས་གྲུབ་ཀྱང་། །སྐད་ཅིག་ལ་ནི་ཐོབ་པར་འགྱུར། །དེ་ཐོབ་བཟླས་པའི་སྔགས་འདིའོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། དེ་ནི་སྤྱི་ཡི་བསྙེན་པའོ། །དེ་བཞིན་ཁྲོ་བོ་སོ་སོའི་སྔགས། །ལས་ཀྱི་སྔགས་ཀྱང་དུས་སུ་བཟླ། །བསྙེན་པའི་སྔགས་ཀྱིས་དངོས་གྲུབ་འཐོབ། །ལས་ཀྱི་སྔགས་ཀྱིས་ཐམས་ཅད་སྒྲོལ། །ལས་འདི་རྣལ་འབྱོར་ཅན་གྱིས་བྱ། །ཁྲོ་བོ་ཆེན་པོ་དེ་དག་གིས། །བདུད་དང་བར་དུ་གཅོད་པ་རྣམས། །བསྒྲལ་ཏེ་བྱང་ཆུབ་ལམ་ལ་བཀོད། །རྒྱུད་དྲུག་འཁོར་བའི་སེམས་ཅན་དང་། །ལུས་སེམས་བྲལ་ཏེ་འཁྱམས་པ་དང་། །ངན་འགྲོའི་སྒོ་དགག་བདེ་ལམ་བཀོད། །ཁྲོ་རྒྱལ་སྐུ་ཡི་འོད་ཟེར་གྱིས། །སྟེང་འོག་ཕྱོགས་མཚམས་ཀུན་ཏུ་སྤྲོ། །དེར་གནས་སེམས་ཅན་ཐམས་ཅད་ཀྱང་། །རང་རང་ཉོན་མོངས་ཀུན་སྤྱོད་བྱེད། །གྲོལ་བའི་ལམ་ལ་བཀོད་ནས་ཀྱང་། །སྡུག་བསྔལ་ཐམས་ཅད་ངེས་འཇོམས་བྱེད། །དེ་བཞིན་དཀྱིལ་འཁོར་ཆེན་པོ་ཡི། །བསྒྲུབ་པ་དག་ནི་བྱེད་དུས་སུ། །དངོས་གྲུབ་རྟགས་ནི་བྱུང་དུས་སུ། །ཐེ་ཚོམ་མེད་པའི་རྟོག་པས་བླང་། །དངོས་གྲུབ་ཆེན་པོ་ཐོབ་ནས་ཀྱང་། །ལས་རྣམས་ཐམས་ཅད་བྱ་བ་ཡིན། །བྲན་དང་ཕོ་ཉ་བཀའ་ཉན་ཚོགས། །དེ་དག་བསྒྲུབ་པར་བྱ་བ་ནི། །རྩ་བའི་དཀྱིལ་འཁོར་མདུན་ཕྱོགས་སུ། །དཀྱིལ་འཁོར་གྲུ་གསུམ་མཐིང་ནག་བྱ། །ཕྱི་རོལ་ཟླ་གམ་གསུམ་གྱིས་བསྐོར། །དབུས་སུ་ཁྲོ་རྒྱལ་ཧཱུཾ་ཀཱ་ར། ། ― DNG021_Page_0049 ―
[མ་དཔེ་གཟིགས་ན་འདིར་གནོན།]
གཡོན་དུ་ཁྲོ་མོ་སྒྲ་འབྱིན་མ། །གཡས་སུ་ཕག་གི་མགོ་ཅན་དེ། །རྒྱབ་ཏུ་སྨྲིག་བུའི་མགོ་ཅན་ནོ། །ཤ་ཁྲག་སྣ་ཚོགས་ལས་བྱས་པའི། །གཏོར་མ་བྷན་དྷ་གང་བཞག་ལ། །བདུད་རྩི་ལྔ་ཡང་དེ་རུ་བླུག །ཤ་ཆེན་ཚིལ་ཆེན་ཁྲག་ཆེན་དང་། །གཡང་གཞི་སྤྱི་བླུགས་ཐོད་པའི་རྔ། །དུར་ཁྲོད་རྒྱན་དང་རྫས་རྣམས་བསགས། །ཉུང་དཀར་སྐྱེ་ཚེ་དུག་དང་སྦྱར། །ཟངས་ཕྱེ་རྡོ་ཕྱེ་ལྕགས་ཕྱེ་དང་། །དྲག་པོའི་རྫས་རྣམས་གྲུ་གསུམ་སྟེ། །ཧཱུཾ་མཛད་ཏིང་འཛིན་ལ་གནས་པས། །སྔགས་འདི་བགྲང་ཞིང་འཕྲོ་འདུ་བྱ། །ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། །བཞི་འབུམ་ལྔ་ཁྲི་འདོན་པར་བྱ། །ཕྲ་མེན་སྔགས་འདིས་ལས་ལ་གཞུག །གརྫ་གརྫ་ཧཱུཾ་ཕཊ། བྱེ་བ་སུམ་ཁྲི་བཏོན་བྱས་ན། །ཕོ་ཉས་གང་འདོད་ལས་རྣམས་བྱེད། །སྤྲུལ་པས་གང་བསྒོའི་ལས་རྣམས་བྱེད། །རྣལ་འབྱོར་ཅན་ལ་དངོས་གྲུབ་འབེབས། །དེ་བཞིན་ཁྲོ་བོ་གཞན་དག་ཀྱང་། །རང་རང་ཁྲོ་མོ་ཕོ་ཉ་དང་། །བཅས་ཏེ་བསྒྲུབས་ན་དངོས་གྲུབ་ཐོབ། །བསྒོ་བ་ཉན་ཅིང་ལས་རྣམས་བྱེད། །རྣལ་འབྱོར་དམ་ལྡན་རྟོགས་པར་བྱ། །ཕུར་པ་ཕྲིན་ལས་ཀྱི་རྒྱུད་ལས། བསྒྲུབ་པའི་ལེའུ་སྟེ་བཅུ་གཉིས་པའོ།། །།དེ་ནས་རྡོ་རྗེ་ཕུར་བུ་ཡིས། །ཚོགས་ཀྱི་དཀྱིལ་འཁོར་བཤད་པར་བྱ། །སྐུ་ཡི་དཀྱིལ་འཁོར་འབྲི་བར་བྱ། །སྣ་ཚོགས་ཟས་དང་སྣ་ཚོགས་འབྲུ། །སྨན་གྱི་རྣམ་པའི་གཏོར་མ་ནི། །གླང་པོའམ་ཤིང་རྟས་འགྲོངས་པའི་ཚད། །བརྒྱ་རྩ་བརྒྱད་དམ་ལྷ་གྲངས་བྱ། །ཤ་སྣ་ཁྲག་སྣ་བརྒྱ་རྩ་བརྒྱད། །སྤྱན་གཟིགས་འདོད་ཡོན་སྣ་ཚོགས་བརྒྱན། །སྣ་ཚོགས་འབྲུ་ཡི་ཆང་རྣམས་བཤད། །རྣལ་འབྱོར་ཕོ་མོ་གཡས་དང་གཡོན། །ལུས་ངག་བརྡས་མཚོན་སོ་སོས་མཆོད། །ལྷ་ཚོགས་ཕྱི་ནང་གསང་བས་མཆོད། །ཚོགས་ཀྱི་འཁོར་ལོ་བསྐོར་བའི་ཚེ། །བླ་མ་རྡོ་རྗེ་སློབ་དཔོན་ལ། །མཚན་ལྡན་གཟུངས་མ་ཕུལ་ནས་ནི། །གཙོ་བོ་རྣམས་ལ་དེ་བཞིན་མཆོད། །འཁོར་གྱི་རྣལ་འབྱོར་ཐམས་ཅད་ཀྱང་། །རང་རང་གཟུངས་མ་དག་དང་ནི། །ལྷན་ཅིག་གནས་ཏེ་ལྷ་རྣམས་མཆོད། །མཆོད་པའི་ལས་བྱེད་དུས་བརྡས་མཚོན། ། ― DNG021_Page_0050 ―
[མ་དཔེ་གཟིགས་ན་འདིར་གནོན།]
གང་ཞིག་སྤྱི་བོ་སྟོན་པ་ལ། །དེ་ལ་རྐང་མཐིལ་བསྟན་པར་བྱ། །གང་ཞིག་སྨིན་མ་འདེགས་བྱེད་ལ། །དེ་ལ་མཛུབ་ནི་བསྟན་པར་བྱ། །གང་ཞིག་ལྕེ་ནི་བསྐྱོད་པ་ལ། །དེ་ལ་པདྨ་བསྟན་པར་བྱ། །གང་ཞིག་མཛུབ་མོ་སྟོན་པ་ལ། །དེ་ལ་ལག་པ་སྦྱིན་པར་བྱ། །གང་ཞིག་བྲང་ནི་སྟོན་པ་ལ། །དེ་ལ་ནུ་མ་སྟོན་པར་བྱ། །གང་ཞིག་སོར་མོ་རྣམས་སྟོན་ལ། །དེ་ལ་ལུས་ནི་བསྟན་པར་བྱ། །གང་ཞིག་ཨ་ཧོ་ཞེས་བརྗོད་ན། །ཀྱེ་མ་ཧོ་ཞེས་རབ་ཏུ་བརྗོད། །ཨ་ཏི་པུ་ཧོ་བརྗོད་པ་ལ། །པྲ་ཏི་པུ་ཧོ་བརྗོད་པར་བྱ། །ཨ་ཏི་ཛཿཞེས་བརྗོད་པ་ལ། །པྲ་ཏི་ཛཿཞེས་བརྗོད་པར་བྱའོ། །ས་མ་ཡ་སྟྭཾ་ཞེས་བརྗོད་པ་ལ། །ས་མ་ཡ་ཧོ་ཞེས་བརྗོད་པར་བྱ། །ར་ཧོ་ཧཾ་ཞེས་བརྗོད་པ་ལ། །རཱ་ག་ཡཱ་མི་བརྗོད་པར་བྱ། །ཀྱེ་ཞེས་འབོད་པའི་སྒྲ་སྒྲོག་ན། །ཨ་ཧོ་ཞེས་པའི་ལན་ཡང་སྦྱིན། །སུ་ར་སྡི་ཞེས་བརྗོད་པ་ལ། །བཟའ་ཞིང་བཏུང་བ་རབ་ཏུ་སྦྱིན། །ས་མ་ཡ་ཛཿཞེས་བརྗོད་པ་ལ། །ལྷ་རྣམས་མཆོད་ཅེས་རབ་ཏུ་སྦྱིན། །དུད་དུ་ར་ཞེས་བརྗོད་པ་ལ། །སྤང་བར་བྱ་ཞེས་རབ་ཏུ་བརྗོད། །དེ་བཞིན་ངག་གི་སྒྲ་རྣམས་ཀྱང་། །དུས་འདི་དག་ཏུ་བྱ་བ་ཡིན། །ཚོགས་ཀྱི་འཁོར་ལོའི་དུས་འདི་རུ། །རྐང་པ་བརྐྱང་བར་མི་བྱ་ཞིང་། །ཕྱི་རོལ་གཏམ་ཡང་རབ་ཏུ་སྤངས། །མི་བགད་གསང་བའི་ངག་ལ་གནས། །ལྷ་ཡི་གྲངས་ནི་དེ་བཞིན་དུ། །ཕྱི་ནང་གསང་བའི་མཆོད་པ་ཡང་། །ལྷ་རྣམས་ལ་ནི་རབ་ཏུ་འབུལ། །ཞལ་ཟས་ཚོགས་ལ་ལོངས་སྤྱོད་ཅིང་། །དཔའ་བོ་དཔའ་མོ་མཉམ་འཁྱུད་ལ། །བྱང་ཆུབ་སེམས་ཀྱི་བདེ་བས་མཆོད། །ཉོན་མོངས་རྣམ་པར་རྟོག་པ་ཡང་། །དེ་ཡི་འོད་ཟེར་དག་གིས་བསྲེག །ཕྱི་རོལ་བར་ཆོད་བྱེད་རྣམས་ལ། །འོད་ཟེར་དག་གི་བསྲེག་པར་བྱ། །བརྟུལ་ཞུགས་ཆེན་པོའི་སྤྱོད་པ་ཡིས། །ཚོགས་ཀྱི་འཁོར་ལོ་བྱ་བ་ཡིན། །དམ་ཚིག་མེད་ཅིང་ངང་རྒྱུད་ངན། །རྟོག་པ་ཅན་ལ་ཚོགས་འཁོར་གསང་། །དཔའ་བོ་དཔའ་མོ་བརྟུལ་ཞུགས་ལྡན། །དམ་ཚིག་ཅན་གྱིས་ཚོགས་འཁོར་བྱ། །རྡོ་རྗེའི་གླུ་ནི་རབ་ཏུ་བླངས། །མཁའ་འགྲོའི་ཚོགས་ལ་གཏོར་མ་སྦྱིན། །དེ་དོན་རབ་ཏུ་བཤད་ ― DNG021_Page_0051 ―
[མ་དཔེ་གཟིགས་ན་འདིར་གནོན།]
པ་ཡིན། །བར་བར་རྡོ་རྗེའི་གླུ་ཡིས་བསྐུལ། །ཀྱེ་ཚོགས་ཀྱི་འཁོར་ལོ་ཆེན་པོར་ནི། །དམ་ཚིག་ལྡན་པའི་རྣལ་འབྱོར་པས། །སོ་སོར་རང་རིག་གཉིས་འཁྱུད་དེ། །དེ་བཞིན་ལྷ་རྣམས་ཀུན་མཆོད་ཅིང་། །བདུད་རྩི་ལྔ་ཡང་རྟོག་མེད་བཟང་། །ཤ་དང་ཁྲག་ནི་འཐུང་ཞིང་བཟའ། །དེར་ནི་དམ་ཚིག་ཅན་བཟུང་ཞིང་། །དམ་ཚིག་མེད་དང་ཉམས་པ་སྤང་། །བརྟུལ་ཞུགས་ཆེན་པོའི་སྤྱོད་པ་ཡིས། །ཚོགས་ཀྱི་འཁོར་ལོ་རབ་ཏུ་བྱ། །བྱང་ཆུབ་སེམས་ལྡན་གཟུངས་མ་བརྟེན། །གཙང་དམེ་མི་བལྟ་བརྟུལ་ཞུགས་བསྐྱེད། །ལུས་ནི་མཛེས་པས་ཁྲུས་བྱས་བརྒྱན། །ཚོགས་ཀྱི་མཆོད་པ་རབ་ཏུ་བྱ། །མཁའ་འགྲོ་མ་དང་ཤ་ཟ་མོ། །ར་རོ་མ་དང་ཁྲག་འཐུང་མ། །ས་བླ་ས་འོག་ས་སྟེང་གི། །ལས་ལ་གྲུབ་པའི་མཁའ་འགྲོའི་ཚོགས། །གཏོར་མ་ལེན་ཅིང་ལས་རྣམས་བྱེད། །སྤྲུལ་པའི་མཁའ་འགྲོ་དེ་བཞིན་བྱེད། །གཉིས་མེད་མཉམ་འཁྱུད་བདེ་བ་ཡིས། །དཔའ་བོ་དཔའ་མོ་མཉེས་གྱུར་ཅིག །གཉིས་མེད་བདེ་བ་རྒྱས་གྱུར་ཅིག །སྤྲོ་དང་བསྡུ་བའི་བདེ་བ་ཡིས། །མཁའ་འགྲོའི་ཚོགས་རྣམས་ཚིམ་གྱུར་ཅིག །བདུད་རྩི་ལྔ་དང་ཞལ་ཟས་ཀྱིས། །འཇིག་རྟེན་འདས་དང་མ་འདས་པའི། །མཁའ་འགྲོའི་ཚོགས་རྣམས་མཉེས་གྱུར་ཅིག །གླུ་དག་བླངས་ལ་དཀྱིལ་འཁོར་བསྡུ། །ལས་དང་ཉོན་མོངས་རབ་ཏུ་འཇོམས། །དམ་ཚིག་ལྡན་པའི་རྣལ་འབྱོར་པས། །ལས་འདི་ལ་ནི་བརྩོན་པར་བྱ། །ཚོགས་ཀྱི་འཁོར་ལོ་རབ་འབྲིང་གསུམ། །ཕྱི་ནང་གསང་བ་གསུམ་ཞེས་བྱ། །དམ་ཚིག་ཉམས་པ་སྐོང་བའི་ཕྱིར། །ནང་གི་ཚོགས་ཀྱི་འཁོར་ལོ་བྱ། །ཚོགས་བསགས་བསོད་ནམས་བསྐྱེད་དུས་ཕྱི། །མི་རྟོག་ཡེ་ཤེས་བསྐྱེད་དུས་སུ། །གསང་བའི་ཚོགས་ཀྱི་འཁོར་ལོ་བྱ། །ཚོགས་འཁོར་དེ་གསུམ་གང་གིས་ཀྱང་། །སྒྲིབ་སྦྱོང་རྣམ་གྲོལ་ལམ་ལ་འགོད། །ཚོགས་ཀྱི་འཁོར་ལོ་ཆེན་པོ་འདིས། །ཡབ་ཡུམ་རིགས་ལྔའི་ཁྲག་འཐུང་དང་། །ཁྲོ་བཅུ་ཡབ་ཡུམ་ཕྲ་མེན་ཚོགས། །མཆོད་པ་དངོས་གྲུབ་རང་ཤུགས་འབྱུང་། །ཁྲོ་རྒྱལ་ཚོགས་ཅན་བྲན་གྱི་ ― DNG021_Page_0052 ―
[མ་དཔེ་གཟིགས་ན་འདིར་གནོན།]
ཚོགས། །ཕོ་ཉ་བཀའ་ཉན་བསྒོ་བ་ཉན། །ཁམས་གསུམ་ཉོན་མོངས་ཀུན་སྒྲོལ་གྱིས། །མཆོག་དང་ཐུན་མོང་དངོས་གྲུབ་ཐོབ། །རྒྱལ་པོ་བྲམ་ཟེ་ཁྱིམ་བདག་ཚོགས། །དྲེགས་པའི་བསོད་ནམས་དབང་དུ་འདུ། །གནོད་གདུག་ཞི་ཞིང་འབྱོར་པ་འཕེལ། །གདུག་ཅིང་སྡང་སེམས་ལྡན་པ་སྒྲོལ། །དེ་ཕྱིར་ཚོགས་ཀྱི་འཁོར་ལོ་ཡང་། །རབ་ཏུ་བྱ་བར་བཤད་པ་ཡིན། །ཕུར་པ་ཕྲིན་ལས་ཀྱི་རྒྱུད་ལས། ཚོགས་ཀྱི་འཁོར་ལོའི་ལེའུ་སྟེ་བཅུ་གསུམ་པའོ།། །།དེ་ནས་རྡོ་རྗེ་ཕུར་བུ་ཡི། །བསྲེག་དང་མནན་འཕང་བསྟོད་པར་བྱ། །ཐུགས་ཀྱི་དཀྱིལ་འཁོར་ཆེན་པོ་ནི། །ཕུང་ཐོད་དུམ་བུ་དྲུག་པ་རུ། །ཁྲག་སྣ་དུག་སྣའི་མིང་རུས་གཞུག །སྐྱེ་ཚེ་ཡུངས་ནག་བྲབ་རྫས་བཞག །ནས་ནག་རྡོ་ནག་ཟངས་ལྕགས་ཕྱེ། །ཟོར་གྱི་རྫས་སུ་ཐམས་ཅད་བསགས། །ཡང་ན་མདའ་ཡི་ཟོར་ཡང་བྱ། །ཁྲ་དང་སྲིན་བྱ་ཕོ་རོག་དང་། །འུག་པ་དག་གི་སྒྲོ་བསྐྱོན་དེ། །རྨྱུག་མ་ལ་ནི་ཁྲག་གིས་བྱུགས། །སྐྱོན་མེད་སོར་ནི་བཅུ་གཉིས་པ། །ཁྲག་དང་དུག་གི་བྱུགས་བྱས་ལ། །ཐུགས་ཀྱི་དཀྱིལ་འཁོར་དེར་གཟུག་བྱ། །ཟངས་ནག་ཞིང་ཆེན་སྤྱི་བླུགས་བགོ། །དྲག་པོ་ལས་ཀྱི་གཟུངས་མ་ནི། །ནག་མོ་གཏུམ་མོ་ཁྲོ་གཉེར་ཅན། །གཡོན་བཞག་སྒྲོལ་བའི་ཡུམ་དུ་བརླབས། །དྲག་པོའི་ལས་ཀྱི་ཕུར་པ་ཡིས། །བསྒྲུབ་བྱ་དག་ལ་བཏབ་སྟེ་བསྒྲལ། །སོ་སོའི་རྩ་སྔགས་ལས་སྔགས་ཀྱིས། །ཟོར་མདའ་ལ་ནི་རབ་ཏུ་བསྒྲུབ། །ཕུར་བུ་ཕྲ་མོ་བདུན་བྱས་བསྔགས། །སྒྲོ་རྩར་ཕུག་སྟེ་མདའ་ནང་གཞུག །མཚེ་ཉུང་དྲག་རྫས་བཟླས་ལ་བླུག །ཨོཾ་མོ་ཧ་གྷ་ཡ་གརྫ་གརྫ་ཧཱུཾ་ཕཊ། སྥོ་ཊ་ཡའི་བར་དག་ཏུ། །མོ་ཧ་གྷ་ཡས་མགོ་མནན་བསྒྲུབ། །ཁྲག་གི་ནང་གིས་མིང་གཟུགས་ལ། །ནས་ནག་རྡོ་ནག་ལ་སོགས་པ། །དྲག་པོའི་སྔགས་འདི་བཏབ་སྟེ་བྲབ། །ཧཱུཾ་མ་མ་བ་ཤཾ་ཀུ་རུ་མ་ཏ་ཉ་ཀ་ར་ཨི་ནན་དྷ་ཏྟི་མ་མ་ཀརྨ་ཤཱི་གྷྲང་ཀཱ་ར་ཡ། ལས་བྱེད་ཚོགས་ནི་དྲག་ཏུ་བསྐུལ། །ཁྲོ་བོའི་སྤྲུལ་པ་དེ་བཞིན་བསྐུལ། །དྲོད་ཚད་ལྡན་པས་ཟོར་དུ་ ― DNG021_Page_0053 ―
[མ་དཔེ་གཟིགས་ན་འདིར་གནོན།]
འཕང་། །མ་མོའི་ཟོར་ནི་སྲོད་ལ་སྟེ། །སྲིན་པོའི་ཟོར་ནི་ཐོ་རངས་འཕངས། །ཟོར་ལམ་ཕྱེ་ལ་ཁྲོ་བས་འཕངས། །མདའ་དང་ཐོད་ཟོར་ལྟས་ཀྱང་བལྟ། །ཟོར་ཁ་ཟློག་ན་བདུན་དགུར་བསྐྱར། །དེ་ནས་དྲག་ཏུ་བསྐུལ་དེ་འཕངས། །གདུག་ཅིང་སྡང་སེམས་ལྡན་པ་རྣམས། །སྐད་ཅིག་ཉིད་ལ་སྒྲོལ་བར་འགྱུར། །རྡོ་ནག་འུར་རྡོས་འཕང་བར་བྱ། །མདའ་འཕང་མདེའུའི་མེ་སྟག་ནི། །གཡས་སུ་འཕྲོ་དང་གཡོན་དུ་འཕྲོ། །གང་ལ་ལོག་པའི་དྲོད་ཚད་བཟུང་། །ཁྲག་ལ་དེ་བཞིན་བལྟ་བ་སྟེ། །ལྐུགས་དང་འཁྱིལ་དང་འཕྲོ་བའོ། །ལྟས་ཀྱི་རྣམ་པ་དེ་བལྟ་ཞིང་། །ཟོར་ནི་རབ་ཏུ་འཕང་བར་བྱ། །ཟོར་ཐོད་བུབ་དང་ལོག་ལྟས་ནི། །ཕྱི་རོལ་རྟགས་སུ་ཤེས་པར་བྱ། །ལས་ཀུན་མཐའ་ནི་ཟོར་གྱིས་བསྐུལ། །ཕྲིན་ལས་རྣམ་བཞིས་མནན་བྱ་སྟེ། །ཨེ་ལས་གྲུ་གསུམ་དཀྱིལ་འཁོར་བསྐྱེད། །ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་ཐམས་ཅད་ཀུན། །ཁྲོ་བོར་མ་གྱུར་གང་ཡང་མེད། །ཐམས་ཅད་ཐལ་བ་རྡུལ་དུ་རློག །ཨཱོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ། བཾ་ལས་དབང་གི་དཀྱིལ་འཁོར་ནི། །ཟླ་གམ་དག་ཏུ་བསྐྱེད་པར་བྱ། །འདོད་ཆགས་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །དབང་གི་ཁྲོ་བོར་མ་གྱུར་མེད། །ཐམས་ཅད་དབང་དུ་འདུ་བར་མཛོད། །ཨཱོཾ་བཛྲ་ཀཱི་ལི་ཀཱི་ལ་ཡ་བ་ཤཾ་མ་ན་ཧོ་བ་ཤཾ་ཀུ་རུ་སྭཱ་ཧཱ། ཡ་ལས་རྒྱས་པའི་དཀྱིལ་འཁོར་ནི། །གྲུ་བཞི་དག་ནི་བསྐྱེད་བྱ་སྟེ། །ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་ཐམས་ཅད་ཀུན། །རྒྱས་པར་མ་གྱུར་གང་ཡང་མེད། །ཚེ་དང་བསོད་ནམས་འཕེལ་བར་མཛོད། །ཨཱོཾ་བཛྲ་ཀཱི་ལི་ཀཱི་ལ་ཡ་པུཥྚིཾ་ཀུ་རུ་སྭཱ་ཧཱ། མ་ལས་ཞི་བའི་དཀྱིལ་འཁོར་ནི། །ཟླུམ་པོ་དག་ཏུ་བསྐྱེད་པ་སྟེ། །གཏི་མུག་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་ཐམས་ཅད་ཀུན། །ཞི་བར་མ་གྱུར་གང་ཡང་མེད། །ཐམས་ཅད་མ་ལུས་ཞི་བར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་ཤཱནྟིཾ་ཀུ་རུ་སྭཱ་ཧཱ། རྡོ་རྗེ་གཞོན་ནུའི་ཞབས་ཀྱིས་མནན། །འཁོར་ལོ་རྒྱས་འདེབས་བྷ་གར་སྦ། །ཁྲོ་བོའི་ཚོགས་ཀྱི་ཟས་སུ་བསྔོ། །བསྐལ་པའི་མེ་ཡི་ཕུང་པོར་བསྲེགས། །ཡེ་ཤེས་མེ་ ― DNG021_Page_0054 ―
[མ་དཔེ་གཟིགས་ན་འདིར་གནོན།]
ཡིས་བག་ཆགས་བསྲེགས། །ཉོན་མོངས་ལྔ་དང་ལྡན་པ་ཡིས། །གདུག་ཅིང་སྡང་སེམས་ལྡན་པ་རྣམས། །བྱང་ཆུབ་སེམས་ནི་མ་སྐྱེས་པར། །ནམ་ཡང་བཏང་བར་མི་བྱ་སྟེ། །ཁྲོ་རྒྱལ་ཡབ་ཡུམ་སྲས་བཅས་པའི། །ཞབས་ཀྱི་གདན་ཁྲིའི་འོག་ཏུ་མནན། །བསྐལ་པ་མེ་ཡི་ཀློང་དཀྱིལ་ནས། །ཁྲོ་བོ་འཇིགས་པའི་གཟུགས་ལྡན་གྱིས། །མ་རུངས་ཚོགས་རྣམས་འདུལ་བའི་མཆོག །ཐམས་ཅད་མ་ལུས་ཚར་གཅོད་ཅིང་། །མ་རུངས་པ་ཡི་ཚོགས་རྣམས་འདུལ། །མནན་པས་བར་ཆོད་རབ་ཏུ་ཞི། །དེ་ནས་འཁོར་རྣམས་ཡི་རངས་ཏེ། །བསྟོད་པའི་མཆོག་འདིས་རབ་ཏུ་བསྟོད། །བསྐལ་པ་མེ་ལྟར་འབར་བའི་ཀློང་དཀྱིལ་ནས། །ཞེ་སྡང་འདུལ་མཛད་རྡོ་རྗེ་གཞོན་ནུའི་སྐུ། །རྣམ་པར་ཐར་པའི་དབུར་ལྡན་ཞིང་། །ཕྱག་དྲུག་ཕྱག་མཚན་རྒྱུད་དྲུག་སྒྲོལ། །ཞབས་བཞིས་རཱུ་ཏྲ་བསྒྲལ་ཞིང་མནན། །གདུག་པ་འདུལ་མཛད་ཕྱག་འཚལ་བསྟོད། །རིགས་ལྔ་ཁྲག་འཐུང་ཀཱི་ལ་ཡ། །ཐམས་ཅད་མ་ལུས་རྡུལ་དུ་རློག །ཤིན་ཏུ་ཁྲོས་པའི་གཟུགས་ཅན་དེ། །ཁྲོ་རྒྱལ་ཆེན་པོར་ཕྱག་འཚལ་བསྟོད། །ཕྱོགས་མཚམས་སྟེང་འོག་ཁྲོ་བོའི་ཚོགས། །ཐམས་ཅད་དབུ་གསུམ་ཕྱག་དྲུག་སྟེ། །སྐུ་སྨད་ཕུར་པས་གདོན་ཚོགས་འདུལ། །རྣམ་པར་ཐར་པའི་དབུ་གསུམ་ལ། །རྒོད་གཤེ་ཆགས་པ་འཇིགས་པའི་ཞལ། །གླང་ལྤགས་ཀོ་རློན་སྐུ་ལ་གསོལ། །སྟག་ལྤགས་འབུམ་གྱི་ཤམ་ཐབས་ཅན། །གཡང་གཞི་ཐོད་སྦྲུལ་ཁྲག་ཞག་བརྒྱན། །ཕྱག་དྲུག་མཚོན་ཆས་ཉོན་མོངས་སྒྲོལ། །ཁྲོ་མོ་དབང་ཕྱུག་སྐུ་ལ་འཁྲིལ། །འཇིགས་བྱེད་ཁྲོ་རྒྱལ་ཚོགས་ལ་བསྟོད། །སྤྲུལ་པའི་ཕྲ་མེན་ཚོགས་བཅས་ནི། །ཕྱོགས་བཅུ་ཀུན་ཏུ་ཕོ་ཉར་འགྱེད། །བདུད་དང་བར་ཆོད་སྒྲོལ་བར་མཛད། །ཤིན་ཏུ་འཇིགས་པའི་ཕོ་ཉ་རྣམས། །ལུས་ནི་མ་ངེས་སྣ་ཚོགས་སྟོན། །ཅིར་ཡང་འགྱུར་བའི་མཚོན་ཆ་བསྣམས། །མ་རུངས་ཤ་ལ་སྟོད་ཅིང་ཟ། །སྒྲོལ་བྱེད་ཚོགས་ལ་ཕྱག་འཚལ་བསྟོད། །བཅོམ་ལྡན་ཐུགས་ཀྱི་སྤྲུལ་པ་ནི། །ཕྱོགས་བཅུ་ཀུན་ཏུ་འགྱེད་ རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ཅེས་བྱ་བ།― DNG021_Page_0055 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་མ་ཧཱ་བ་ལིཾ་ཏ་ཏན་ཏྲ་ནཱ་མ།བོད་སྐད་དུ། རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཐམས་ཅད་མཁྱེན་པས། སྐུ་ཐམས་ཅད་ཀུན་ཏུ་གསལ་ཞིང་མཚན་དང་དཔེ་བྱད་དུ་ལྡན་ནས། ཐམས་ཅད་ཀུན་ཏུ་མ་བསྒྲིབས་པས། ཕྱོགས་ཐམས་ཅད་ནས་གསལ་བར་གྱུར་ཏེ། ལྷན་ནེ་ལྷང་ངེ་མ་བསྒྲིབས་པར་གསལ་བ་སྟེ། གསང་སྔགས་དམ་པ་འབྱུང་བའི་དུས་ན་བྱིན་གྱིས་བརླབས་ཀྱིས་སྟོན་པ་ཉིད་དུ་རྣམ་པར་གོ་ ― DNG021_Page_0056 ―
[མ་དཔེ་གཟིགས་ན་འདིར་གནོན།]
བར་གྱུར་པ་སྟེ། འོག་མིན་དམ་པའི་གནས་མཐའ་དང་དབུས་མེད་པ་ན། རིན་པོ་ཆེའི་གཞལ་ཡས་ཁང་ཕྱི་དང་ནང་མེད་པ་ཀུན་ཏུ་ཡང་ནང་དུ་གྱུར་པ་ན། བྱང་ཆུབ་སེམས་དཔའི་འཁོར་མང་པོ་དང་། གཉིས་སུ་མེད་པར་བཞུགས་ནས་མཉམ་པའི་ངང་གིས་རྣམ་པ་གསུམ་གྱི་ཚུལ་དུ་སྟོན་པར་གྱུར་ཏེ། ཐམས་ཅད་མཁྱེན་པ་མ་ལུས་པ། །ཡང་དག་དོན་རྣམས་བསྟན་པའི་ཕྱིར། །ཐུགས་རྗེ་རྒྱ་མཚོ་ཆེན་པོ་ལ། །ཐམས་ཅད་འབྱུང་ཞིང་རྣམ་པར་འདུ། །ཉོན་མོངས་སྤངས་པའི་ཕ་རོལ་ན། །རྒྱལ་བ་བྱ་བ་རྡུལ་ཙམ་མེད། །སེམས་ཉིད་བྱང་ཆུབ་སེམས་འདི་ཡང་། །རྒྱལ་བར་གྱུར་པའི་སྙིང་པོ་ཡིན། །སྟོང་པའི་ཆོས་ཉིད་དམ་པ་ཡིན། །སྣང་བ་མ་འགགས་ལྷུན་གྱིས་གྲུབ། །གཉིས་སུ་མེད་པའི་དམ་པ་ཡིན། །འཁོར་བའི་བཅུད་ཕྱུང་བདེ་གཤེགས་རྒྱུ། །འཁོར་བའི་དྲི་མ་རང་བཞིན་དག །རྒྱུད་དང་ལུང་དང་མན་ངག་གསུམ། །བསྟན་ཅིང་གོ་སྟེ་ཤིན་ཏུ་གསལ། །མེད་པ་མ་ཡིན་སྙིང་པོའི་དོན། །ནམ་མཁའི་སྙིང་པོ་མཐའ་ཡས་མཆོག །ངེས་མེད་སེམས་ནི་སྣ་ཚོགས་ཏེ། །སྣ་ཚོགས་ངོ་བོ་གཅིག་ཏུ་སྣང་། །སྣང་བ་ཉིད་དུ་གཟུང་དུ་མེད། །ཐམས་ཅད་མཆོག་གི་སྙིང་པོ་འདི། །གཞན་དུ་རྒྱལ་བས་ཆོས་མི་བཙལ། །རང་རིག་སྙིང་པོ་མ་རྟོགས་ན། །བཙལ་བས་རྒྱལ་བའི་ཆོས་མི་རྙེད། །འཁོར་བ་མེད་ཅིང་སངས་རྒྱས་མེད། །ལྷ་ཡང་མེད་ཅིང་འདྲེ་ཡང་མེད། །མཐོ་རིས་མེད་ཅིང་ངན་སོང་མེད། །ཐམས་ཅད་སེམས་ཉིད་རིག་པའི་ཀློང་། །འདི་ནི་གང་ཡིན་བདེར་གཤེགས་རྒྱུ། །དེ་ཉིད་མ་སྤངས་ལྷུན་གྱིས་གྲུབ། །མ་བཙལ་མ་བསྒྲུབས་ལྷུན་གྱིས་གྲུབ། །ཀུན་ཏུ་བཟང་པོ་ཐམས་ཅད་མཁྱེན། །རྡོ་རྗེ་སེམས་དཔའི་དོན་རྣམས་སྟོན། །ཀུན་ཏུ་བཟང་པོ་རྡོ་རྗེ་སེམས། །གཉིས་སུ་མེད་པའི་འདུལ་བའི་དོན། །ཀུན་བཟང་དམ་པ་ལྷ་ཡི་ལྷ། །ཚད་མ་གསུམ་ནི་ངེས་བཟུང་ནས། །ངེས་གཞི་དོན་ལ་ཡང་དག་འབེབས། །གཉིས་སུ་དོན་རྟོག་གང་འཛིན་པ། །གཉིས་མེད་ངོ་བོར་ཡོངས་མི་འགྲུབ། །དྲུག་དང་བཅུ་ཡིས་མ་གྲུབ་ཅིང་། །བཅུ་བདུན་རྩ་གཅིག་ངེས་པར་འགྲུབ། །ངེས་གཟུང་མེད་པར་དོན་རྟོགས་ན། །ཐོབ་མེད་འབྲས་ ― DNG021_Page_0057 ―
[མ་དཔེ་གཟིགས་ན་འདིར་གནོན།]
བུ་སྒྲུབ་མི་དགོས། །རྩོལ་མེད་ལམ་ལ་བགྲོད་མི་དགོས། །རིམ་པས་ས་ལ་སྦྱང་མི་དགོས། །ཡང་དག་ཉིད་དུ་དོན་རྟོགས་པས། །དེ་མ་རྟོགས་པས་འབྲས་བུ་མེད། །བསྒོམ་མེད་རྩོལ་མེད་སྙིང་པོའི་དོན། །ཉམས་སུ་ལེན་པའི་དམ་པ་འདི། །ཉམས་མེད་རྟོག་པས་བཅིངས་པ་འདིས། །རྟོག་པས་འབྲས་བུ་གང་བལྟས་པ། །དེ་ཉིད་རྟོག་པ་ཉིད་དུ་འགྱུར། །རྟོག་པས་བལྟས་པ་འཁོར་བའི་རྒྱུ། །རྟོག་པ་ཉིད་ཀྱང་ངེས་བཟུང་བྲལ། །ངེས་པ་རྟོགས་པ་གང་དུ་འཛིན། །མ་ངེས་རྟོག་པར་གཟུང་བ་མེད། །དེ་ཕྱིར་རྟོག་པའི་ངེས་བཟུང་བྲལ། །མ་རིག་རྟོག་པའི་གཟུང་འཛིན་བྲལ། །རྒྱུ་ལས་བསྐྱེད་པར་སྣང་མི་སྣང་། །རྒྱུ་ལས་བསྐྱེད་པར་གྱུར་པ་ན། །རྒྱུ་ལས་བསྐྱེད་པར་འཇིགས་པར་འགྱུར། །དེ་ལ་ཡང་དག་དོན་མི་དགོས། །གལ་ཏེ་རྒྱུ་ལས་མ་གྲུབ་ན། །དཔེར་ན་ནམ་མཁའ་སྟོང་པ་ལ། །རྒྱུ་མེད་རྐྱེན་གྱིས་དེ་མི་འཇིགས། །མ་རིག་རྒྱུ་མེད་སྟོང་པ་ལ། །ཇི་ལྟར་བྱས་ཀྱང་ངལ་བའི་རྒྱུ། །དཔེར་ན་ནམ་མཁའ་སྟོང་པ་ལ། །རྒྱུ་དང་རྐྱེན་དུ་མ་བསྟན་ཀྱང་། །སྤྲིན་དང་ན་བུན་ཁུ་རླངས་འབྱུང་། །དེ་བཞིན་སེམས་ཉིད་སྟོང་པ་ལ། །རྒྱུ་ལས་བསྐྱེད་དང་མ་བསྐྱེད་པའི། །དོན་ཉིད་ཡང་དག་བཤད་དཀའ་ཡང་། །མ་རིག་ནམ་མཁའི་སྤྲིན་དང་འདྲ། །ནམ་མཁའ་སྤྲིན་དུ་མ་ཤེས་ཤིང་། །སྤྲིན་ཉིད་ནམ་མཁར་མ་ཤེས་ན། །སྤྲིན་དང་ནམ་མཁའ་ཐ་དད་མེད། །སེམས་ཉིད་སྟོང་པ་ནམ་མཁའ་ལ། །མ་རིག་པ་ཉིད་སྤྲིན་དང་འདྲ། །མ་རིག་ཡེ་ཤེས་ཐ་དད་མེད། །མ་རིག་པ་ཉིད་ཡང་དག་ལམ། །འཁོར་བ་ཉིད་ཀྱང་བདེ་གཤེགས་རྒྱུ། །བྱང་ཆུབ་སེམས་ཀྱི་རང་བཞིན་ནི། །དཔེར་ན་རིན་ཆེན་གསེར་གླིང་འདྲ། །རིན་ཆེན་གསེར་གླིང་ཕྱིན་གྱུར་ན། །དབྱིབས་དང་ཁ་དོག་ཐ་དད་ཀྱང་། །ཐམས་ཅད་གསེར་གྱི་ངོ་བོར་གཅིག །དེ་བཞིན་སེམས་ཀྱི་མཚན་ཉིད་ཀྱང་། །མཚན་མ་སྣ་ཚོགས་ཅིར་སྣང་ཡང་། །ཐམས་ཅད་སེམས་ཀྱི་ངོ་བོར་གཅིག །བསྟན་པའི་སྙིང་པོ་དམ་པ་འདི། །འདི་དང་འདི་རུ་བསྟན་པར་ནི། །བདེར་གཤེགས་ཉིད་ཀྱིས་བརྗོད་པར་དཀའ། །དོན་ ― DNG021_Page_0058 ―
[མ་དཔེ་གཟིགས་ན་འདིར་གནོན།]
དམ་ཆོས་དབྱིངས་ནམ་མཁའ་འདྲ། །སྐྱེ་མེད་ནམ་མཁའི་ངོ་བོ་ལས། །སྐྱེ་བའི་ཆོ་འཕྲུལ་ཅིར་ཡང་སྣང་། །དེ་བཞིན་སྐྱེ་མེད་ཆོས་དབྱིངས་ལས། །སྐྱེ་བའི་ཆོ་འཕྲུལ་ཅིར་ཡང་སྣང་། །གླེང་གཞི་བྱང་ཆུབ་སེམས་ཉིད་ཡང་། །དཔེར་ན་ནམ་མཁའ་ཉིད་དང་འདྲ། །དངོས་པོར་སྣང་བའི་ཆོས་རྣམས་ཀུན། །འབྱུང་ཡང་ནམ་མཁའ་ཉིད་ལས་འབྱུང་། །འདུས་ཀྱང་ནམ་མཁའ་ཉིད་ལ་འདུས། །གླེང་གཞི་བྱང་ཆུབ་སེམས་ཉིད་ལ། །ལྟ་བ་སྒོམ་པ་དཀྱིལ་འཁོར་དང་། །ལྷ་དང་དམ་ཚིག་ལ་སོགས་པ། །མཆོད་པ་དང་ནི་བསྟོད་པ་དང་། །ཐམས་ཅད་བྱང་ཆུབ་སེམས་ལས་འབྱུང་། །འདུས་ཀྱང་བྱང་ཆུབ་སེམས་ལ་འདུས། །ཡང་དག་བསྟན་པའི་སྙིང་པོ་འདི། །སངས་རྒྱས་སེམས་ཅན་གཉིས་མེད་དེ། །གཉིས་སུ་གཟུང་དུ་ག་ལ་ཡོད། །ངེས་བཟུང་བྲལ་བའི་ཆོས་ཉིད་ལ། །དངོས་པོར་བཟུང་དུ་ག་ལ་ཡོད། །མཐའ་དབུས་མེད་པའི་ཆོས་ཉིད་ལ། །ཕྱོགས་ཆར་བཟུང་དུ་ག་ལ་ཡོད། །སྣང་སྟོང་གཉིས་སུ་མེད་པ་ལ། །སྣང་ཞེས་མཚན་མར་ག་ལ་འཛིན། །སྟོང་ཞེས་ཆད་པར་ག་ལ་བལྟ། །དེ་ཕྱིར་སྣང་སྟོང་གཉིས་སུ་མེད། །ཀུན་ཏུ་བཟང་པོ་ཀུན་གྱི་གཞི། །ཞེས་བཅོམ་ལྡན་འདས་དཔལ་ཀུན་ཏུ་བཟང་པོ་ཉིད་ཀྱིས་བརྗོད་དུ་མེད་པའི་དོན་བསྟན་ཏོ། །རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་མཉམ་པའི་ངང་གིས་ཡུམ་གྱི་བྷ་ག་ལ་བཞུགས་ནས། ཨེ་མ་ཧོ་མཉམ་པ་ཉིད་ཀྱི་ངོ་བོ་ནི། །བསྟན་པའི་སྙིང་པོ་དོན་གྱིས་གོ། །འདི་ནི་སངས་རྒྱས་འབྱུང་བ་སྟེ། །ཀུན་བཟང་ཉིད་དུ་རྣམ་པར་གྲགས། །ཨེ་མ་འདི་ལྟར་ངོ་མཚར་ཆེ། །ཡ་མཚན་འཕྲུལ་ཆེན་རང་ལས་བྱུང་། །མི་བཙལ་རང་བྱུང་ངོ་མཚར་ཆེ། །ངོ་མཚར་ཆེན་པོ་ལྷ་ཡི་སྐུ། །ཇི་ལྟར་བལྟས་པས་འགྲུབ་པར་འགྱུར། །འདི་ནི་རབ་ཏུ་ངོ་མཚར་ཆེ། །ཨེ་མ་འདི་ནི་ངོ་མཚར་ཆེ། །སྐྱེ་བ་མེད་པའི་ཆོས་དབྱིངས་ལས། །བསྟན་པས་གོ་བ་ངོ་མཚར་ཆེ། །དོན་ཉིད་བརྗོད་དུ་མེད་པ་ལ། །བརྗོད་པས་གོ་བ་ངོ་མཚར་ཆེ། །མུན་པ་ལྟ་བུའི་གཏི་མུག་ལ། །མར་མེ་ལྟ་བུའི་འོད་བྱུང་ནས། །གཏི་མུག་མུན་སེལ་མར་མེ་ ― DNG021_Page_0059 ―
[མ་དཔེ་གཟིགས་ན་འདིར་གནོན།]
སྒྲོན། །མུན་པ་འཇོམས་པའི་ཤེས་རབ་འོད། །འདི་ལྟར་གདུལ་བྱེད་བདེ་གཤེགས་འབྱུང་། །འདུལ་བའི་ངོ་ལ་ཅིར་ཡང་སྣང་། །གཉིས་སུ་མེད་པར་མཉམ་པར་སྦྱར། །ཨེ་མ་འདི་ལྟར་ངོ་མཚར་ཆེ། །ནམ་མཁའ་སྟོང་པ་སྐྱེ་མེད་ལ། །སྐྱེ་བའི་ཆོ་འཕྲུལ་ཅིར་ཡང་སྟོན། །དེ་བཞིན་སྐྱེ་མེད་ཆོས་དབྱིངས་ལས། །སྐྱེ་བའི་ཆོ་འཕྲུལ་བསམ་མི་ཁྱབ། །སྟོན་པ་འབྱུང་ཞིང་འཁོར་རྣམས་འབྱུང་། །ཐུགས་རྗེ་འབྱུང་ཞིང་བྱིན་རླབ་འབྱུང་། །དཀྱིལ་འཁོར་འབྱུང་ཞིང་མཆོད་པ་འབྱུང་། །ཐམས་ཅད་ཐམས་ཅད་འབྱུང་བ་ཡིན། །ཐུགས་རྗེ་ཆེན་པོའི་བྱིན་རླབ་ཀྱིས། །བདེ་བ་ཆེན་པོ་དབབ་ཏུ་གསོལ། །ཨེ་མ་འདི་ནི་གང་འབྱུང་བ། །ཐུགས་རྗེ་སྤྲུལ་པ་ཆེན་པོ་འབྱུང་། །འགྲོ་བ་འདུལ་བ་བསྟན་པའི་ཕྱིར། །གང་གིས་འདུལ་བ་དེ་བཞིན་དུ། །འདུལ་བའི་ངོ་ལ་ཅིར་ཡང་སྟོན། །ཡབ་ལ་དགྱེས་ཤིང་ཡུམ་ལ་ཆགས། །ཆགས་པའི་མདངས་ཀྱིས་དགྱེས་པ་ན། །སེམས་དང་སེམས་སུ་འདྲེས་པས་ན། །སེམས་ཉིད་མི་འགྱུར་བརྟན་པའི་མཆོག །དགྱེས་པ་ཆེན་པོས་དབབ་ཏུ་གསོལ། །ཨེ་མ་མི་འགྱུར་བརྟན་པ་ལ། །འགྲོ་བ་ཀུན་གྱི་དོན་གྱི་ཕྱིར། །ཡབ་ལ་འཁྱུད་ཅིང་དགེས་པ་བསྐུལ། །འདོད་པས་གཡོས་ཤིང་རབ་ཏུ་འཛུམ། །ཟིམ་བག་བཅས་ཤིང་བརྩེ་བ་སྐྱེ། །མཆུ་འགུལ་ལྕེ་འདྲིལ་རབ་ཏུ་གདུང་། །རྩ་རྣམས་རབ་ཏུ་རྒྱས་མཛད་དེ། །པདྨ་ལ་ནི་བདེ་བ་དབབ། །ཨེ་མ་སྟོན་པ་ཡུམ་དང་བཅས། །ཡུམ་ནི་དགེས་པས་ཡབ་ལ་འཁྱུད། །ཡབ་ཀྱི་བདེ་བ་ཆེན་པོ་འདི། །ཡུམ་གྱིས་དགེས་པས་བསྐང་བའི་ཕྱིར། །གསང་བའི་རྡོ་རྗེ་བདེ་བ་འབེབས། །བདེ་བ་ཆེན་པོ་འདི་དག་ནི། །ཡུམ་ལ་དབབ་ཀྱི་དགེས་པར་མཛོད། །ཡབ་ཡུམ་བདེ་བ་ཆེན་པོ་འདི། །དགེས་པ་ཆེན་པོས་དབབ་པར་མཛོད། །ཨེ་མ་ཨོཾ་ཨཱཿཧཱུཾ་ཕཊ། ས་མ་ཡ་ཧོཿ། ས་མ་ཡ་སྟྭཾ། ཨ་ནུ་རཱ་ག་ཡཱ་མི། ཨ་ནུ་རཱ་ག་ཡ་ཧཱུཾ། ཛཿཧཱུཾ་བཾ་ཧོཿ། ཧཱུཾ་ཧཱུཾ་ཧཱུཾ། གཉིས་སུ་མེད་པར་མཉམ་སྦྱར་ནས། །བདེ་བ་ཆེན་པོའི་བྱིན་བརླབས་ལས། །ཐམས་ཅད་དབང་བསྐུར་སྒྲིབ་སྦྱངས་ནས། །ཉོན་མོངས་སྦྱངས་ཤིང་བྱང་སེམས་འཕྲོ། །དྲག་པོ་ལ་སོགས་རྣམ་བཞི་ཡིས། །ཇི་ལྟར་ ― DNG021_Page_0060 ―
[མ་དཔེ་གཟིགས་ན་འདིར་གནོན།]
འདུལ་བ་བཞིན་སྤྲོས་ན། །དཀར་དམར་གནག་དང་སེར་བ་དང་། །དུས་རྣམས་ཀུན་ཏུ་རབ་སྦྱར་ནས། །ཡང་དག་ཉིད་དུ་རྣམ་པར་སྤྲོ། །འདི་ནི་སངས་རྒྱས་བྱིན་བརླབས་ཡིན། །ཐབས་དང་ཤེས་རབ་གཉིས་མེད་པར། །དུས་གསུམ་སྔ་ཕྱི་མེད་པར་སྦྱོར། །ཧཱུཾ་ཧཱུཾ་ཧཱུཾ། ཤཱནྟིང་ཀུ་རུ་སྭཱ་ཧཱ། པུཥྚིང་ཀུ་རུ་སྭཱ་ཧཱ། བ་ཤང་ཀུ་རུ་སྭཱ་ཧཱ། མཱ་ར་ཡ་ས་མ་ཡ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཧཱུཾ། རྣམ་བཞིས་འདུལ་བ་གང་ཡིན་པ། །དེ་ནི་སངས་རྒྱས་མཛད་སྤྱོད་ཡིན། །རྔམ་པ་ཆེན་པོའི་ལྷ་ཚོགས་ནི། །འཇིགས་བྱེད་ཆེན་པོ་འདི་ལྟ་བུ། །དྲག་པོ་རྔམ་པའི་ཧཱུཾ་སྒྲ་ཅན། །དེ་ཡིས་སྟོང་གསུམ་རབ་ཏུ་གཡོས། །ཡབ་ཡུམ་སྲས་དང་བཅས་པ་རྣམས། །རྔམ་པའི་ང་རོ་དྲག་པོར་སྒྲོགས། །ཧཱུཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཧཱུཾ། ཞེས་རྔམ་ཞིང་ངོ་མཚར་བའི་ཁྲོ་བོ་རབ་ཏུ་འཕྲོས་ནས། ཐམས་ཅད་རབ་ཏུ་འདུས་ནས་སྣང་ལ་རང་བཞིན་མེད་པར་གྱུར་ནས། མཉམ་པའི་ངང་གིས་བཞུགས་སོ། ། རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ལས། གླེང་བསླང་བའི་ལེའུ་སྟེ་གཉིས་ པའོ།། །།དེ་ནས་སྒྲོལ་བ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། ཉོན་མོངས་འཁོར་བའི་སེམས་ཅན་རྣམས། །གབ་སྦས་ལྟ་བའི་དོན་མ་རྟོགས། །ཁམས་གསུམ་འཁོར་ཞིང་སྡུག་བསྔལ་མྱོང་། །ཤིན་ཏུ་མ་རུངས་སྲིན་པོར་འགྱུར། །ཡི་དྭགས་སྲིན་པོ་མ་རུངས་པ། །ནད་དང་མ་རུངས་སྣ་ཚོགས་འབྱུང་། །སྲིན་པོ་གདུག་པའི་བྱིན་བརླབས་ལས། །སེམས་ཅན་ཐམས་ཅད་གདུག་པར་འགྱུར། །རང་ལ་རང་ཉིད་རབ་ཏུ་གདུག །རང་གི་རྟོག་པས་བལྟས་པས་ན། །མེ་བཞིན་ཚ་བས་རབ་ཏུ་གདུང་། །དེ་ཡང་རང་རིག་རྣམ་རྟོག་ཡིན། །རང་ལ་རང་གིས་འཚིག་པར་བྱེད། །ཆུ་བཞིན་གྲང་བ་རང་ལས་འབྱུང་། །རང་ཉིད་རང་ལས་སྡུག་བསྔལ་འབྱུང་། །དམྱལ་ཁམས་བཅོ་བརྒྱད་སྡུག་བསྔལ་ཀྱང་། །རང་གི་རྣམ་རྟོག་བལྟས་ལས་བྱུང་། །ཡི་དྭགས་བཀྲེས་སྐོམ་སྡུག་བསྔལ་ཡང་། །རང་གི་རྣམ་རྟོག་བལྟས་ལས་བྱུང་། །བྱོལ་སོང་གླེན་ལྐུགས་སྡུག་བསྔལ་ཡང་། །རང་གི་རྣམ་རྟོག་བལྟས་ལས་བྱུང་། །དེ་ལ་སོགས་པའི་སྡུག་ ― DNG021_Page_0061 ―
[མ་དཔེ་གཟིགས་ན་འདིར་གནོན།]
བསྔལ་ནི། །རང་གི་རྟོག་པས་དེ་ལྟར་སྣང་། །ཞེ་སྡང་དབལ་ཆགས་མེ་ལྟར་འབར། །གཏི་མུག་ཁང་པ་མུན་ལྟར་འཐིབས། །ཕྲག་དོག་ཟུར་རྣོ་རྟ་ལྟར་འགྱེས། །འདོད་ཆགས་འཛིན་བྱེད་ཅི་ལྟར་འཛིན། །ང་རྒྱལ་བདེན་མེད་འབྲུག་བྲག་ལྟར་འཚེར། །ལེ་ལོ་སྒྱིད་སྙོམས་ཆུ་ལྟར་འཕྱོ། །ཉམས་མེད་སྤྱོད་པ་རང་དགར་བྱེད། །འདོད་འགྲོ་ཉམས་པའི་དབང་གྱུར་ན། །ཉེས་མེད་ལྔ་པོ་རྣམ་པར་འཆང་། །དོན་མེད་སྤྱོད་པ་རླུང་ལྟར་འཕྱོ། །འདི་རྣམས་བསྒྲལ་བའི་ཞིང་བཅུ་སྟེ། །བསྒྲལ་བའི་ཞིང་བཅུ་མ་བསྒྲལ་ན། །བསྒྲལ་བའི་དམ་ཚིག་ཉམས་པར་གྱུར། །ཉམས་བྱེད་ལྔ་ནི་རབ་ཏུ་བསྒྲལ། །ཟ་བྱེད་ལྔ་ནི་རྟོད་ལ་མནན། །མགྱོགས་བྱེད་ལྔ་ནི་ཞགས་པས་བཅིངས། །སྒྲིབ་བྱེད་ལྔ་ནི་རྟ་ལ་བསྐྱོན། །འཁྲུགས་བྱེད་ལྔ་ནི་རབ་ཏུ་གསལ། །སྨྱོ་བྱེད་ལྔ་ནི་སྨྱོ་དང་དབྲལ། །འཛིན་བྱེད་ལྔ་ནི་བཅིངས་པས་གྲོལ། །མེད་པ་ལྔ་ནི་གཏེར་དང་སྤྲད། །ཡོད་པ་ལྔ་ནི་ཕྱམ་ལ་བསྐུར། །ལྐུག་པ་ལྔ་ནི་སྨྲ་རུ་གཞུག །བཅིངས་པ་ལྔ་ནི་ཞགས་པ་ཁྲོལ། །འཕྱོ་བྱེད་ལྔ་ནི་བཅིངས་ལ་བཞག །ཉེས་བྱེད་ལྔ་ནི་རྣམ་པར་སྤངས་ཡངས། །འཛིན་པ་གསུམ་ནི་རྣམ་སྤངས་ལ། །ཉེས་བྱེད་གཉིས་ནི་ཤེས་པར་བྱ། །རྩ་བ་གཅིག་ཏུ་ཡང་དག་བསྒྲལ། །འཛིན་པ་ལྔ་རུ་རབ་འཛིན་ཞིང་། །མཚང་ཅན་གསུམ་དང་རབ་ཏུ་འགྲོགས། །ཆེན་པོ་གཅིག་ནི་རབ་ཤེས་ན། །ཐམས་ཅད་མ་སྤངས་ལྷུན་གྱིས་གྲུབ། །སྤོང་བྱེད་རྣམས་ཀྱིས་སྦྱངས་མི་དགོས། །དེ་ཡིས་བསྒྲལ་བ་ཆེན་པོར་འགྱུར། །མ་བསྒྲལ་ཉམས་པར་ཡང་དག་བཤད། །རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ལས། གདུག་པ་ཅན་འདུལ་བའི་ལེའུ་སྟེ་གསུམ་པའོ།། །།དེ་ནས་རབ་ཏུ་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཤིན་ཏུ་གདུག་པའི་སེམས་ཅན་ཆེན་པོ་ལ་རབ་ཏུ་བསྒྲལ་བ་བསྟན་ཏེ། དུར་ཁྲོད་ཆེན་པོའི་དཀྱིལ་འཁོར་དུ། །དཀྱིལ་འཁོར་འདོམ་གང་གྲུ་བཞི་ལ། །ཐིག་དང་བྲི་བར་བྱས་ནས་སུ། །དུས་མ་ནོར་བར་བསྒྲུབ་པར་བྱ། །རྫས་སུ་བསྟན་པ་མ་ལུས་ཀུན། །གཏོར་མའི་རྫས་རྣམས་འདི་ལྟ་སྟེ། །དཔལ་གྱི་གཏོར་མ་ཆེན་པོ་ནི། །ཤ་སྣ་ལྔ་ལས་རབ་བཤམས་ནས། །དཀྱིལ་འཁོར་ལྷར་བསྐྱེད་སྤྱན་དྲངས་ནས། ། ― DNG021_Page_0062 ―
[མ་དཔེ་གཟིགས་ན་འདིར་གནོན།]
མཆོད་པ་མ་ལུས་དབུལ་བ་ཀུན། །གཏོར་མ་ཆེན་པོའི་ལས་རྣམས་ཏེ། །ཨོཾ་བཛྲ་ཀཱི་ལི་ཀཱི་ལ་ཡ། མ་ཧཱ་བ་ལིཾ་ཏ་ཁཱ་ཧི། དུས་དྲུག་གཏོར་མ་དབུལ་བྱས་ལ། །མི་འཛིན་གཏོང་བས་གཏོར་མ་སྟེ། །དུས་རྣམས་ཀུན་ཏུ་བཏང་བ་དང་། །ལོ་དང་ཟླ་བར་བཏང་བ་དང་། །ཐམས་ཅད་ཀུན་ཏུ་བཏང་བ་དང་། །དམ་ཚིག་ཆེན་པོའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་པའི། །དུས་གསུམ་རྒྱལ་བའི་གདུང་འཚོབ་པ། །རིགས་འཛིན་བདག་ཅག་རྣམས་ལ་ནི། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཕཊ། རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པ་ཤར། །སྲོག་གི་གོ་རུ་ཤར་བ་དང་། །སྙིང་གི་གོ་རུ་བསྒོམ་པར་བྱ། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །མེ་རུ་འབར་རམ་འོད་དུ་འབྱུང་། །འགུལ་ལམ་ལྡེག་གམ་འཕྱོ་བ་འམ། །འདི་རྣམས་གང་བྱུང་གཏོར་མ་འགྲུབ། །ཨོཾ་བཛྲ་ཀཱི་ལི་ཀཱི་ལ་ཡ། མཱ་ར་ཡ་བ་ལིཾ་ཏ་བྷྱོ་བྷྱོ་བྷྱོ། གང་ཡིན་ཕྱོགས་སུ་འཕང་ནས་ནི། །སྤྲུག་ཅིང་གདབ་སྟེ་ཁྲག་ཀྱང་གཏོར། །ཁྲོ་བོ་ཆེན་པོ་བཅུ་རྣམས་ལ། །གཏོར་མ་ཆེན་པོ་འདི་ལྟ་སྟེ། །ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། སྟེང་ཕྱོགས་ཁྲོ་བོ་ཧཱུཾ་ཀཱ་ར། །ཡུམ་ཆེན་རྡོ་རྗེ་སྒྲ་འབྱིན་མ། །ཕྲ་མེན་ཕག་དང་སྨྲིག་བུར་བཅས། །གླང་ཆེན་ཤ་དང་ཐོད་ཁྲག་དང་། །གོ་རོ་ཙ་ནའི་གཏོར་མ་དབུལ། །ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཤར་གྱི་ཁྲོ་བོ་རྣམ་པར་རྒྱལ། །ཡུམ་ཆེན་རྡོ་རྗེ་མངའ་སྙེམས་མ། །ཕྲ་མེན་སྟག་དང་བྱ་རྒོད་བཅས། །སེང་གེ་དཀར་མོའི་ཤ་དག་དང་། །དྲི་ཆེན་བདུད་རྩི་ཆེན་པོ་དང་། །སྐམ་པ་ཆེན་པོའི་ཤ་གཏོར་དབུལ། །ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཤར་ལྷོའི་ཁྲོ་བོ་དབྱུག་སྔོན་པོ། །ཡུམ་ཆེན་རྡོ་རྗེ་སྡེར་མོ་མ། །ཕྲ་མེན་གཡག་དང་བྱ་རོག་བཅས། །འཛིན་བྱེད་ཁྲ་ཡི་ཤ་དག་ ― DNG021_Page_0063 ―
[མ་དཔེ་གཟིགས་ན་འདིར་གནོན།]
དང་། །འཛུལ་བྱེད་གཅེར་བུའི་ཤ་ཡི་མཆོད་པ་འབུལ། །ཨཱོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ལྷོ་ཡི་ཁྲོ་བོ་གཤིན་རྗེ་གཤེད། །ཡུམ་ཆེན་ཁྲོ་མོ་དུར་ཁྲོད་མ། །ཕྲ་མེན་ཤ་བ་འུག་པར་བཅས། །གཤོག་མེད་འཕུར་དང་མཱཾ་ས་དང་། །ཆགས་མེད་ཤ་ཁྲག་མཆོད་པར་འབུལ། །ཨཱོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བནྡྷ་བནྡྷ་ཧཱུཾ་ཕཊ། ལྷོ་ནུབ་ཁྲོ་བོ་མི་གཡོ་མགོན། །ཡུམ་ཆེན་རྡོ་རྗེ་གཏུན་ཁུང་མ། །ཕྲ་མེན་གཟིག་དང་ཁྭ་རུ་བཅས། །སྒྲོལ་བྱེད་སྲིན་པོའི་ཤ་ཁྲག་དང་། །མེ་འབར་ཤིང་གི་བདག་པོ་དང་། །འགྲོ་བྱེད་སྟབས་འབྲལ་ཤ་ཁྲག་མཆོད་པར་འབུལ། །ཨཱོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ནུབ་ཀྱི་ཁྲོ་བོ་རྟ་མགྲིན་རྒྱལ། །ཡུམ་ཆེན་རྡོ་རྗེ་གཏུམ་མོ་དང་། །སྤྲུལ་པ་བྱི་ལ་པུ་ཤུད་བཅས། །དུས་འཛིན་པདྨའི་ཁྲག་དག་དང་། །འབྱོང་བྱེད་ཤ་ཡི་མཆོད་པ་འབུལ། །ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ནུབ་བྱང་ཁྲོ་བོ་གཞན་གྱིས་མི་ཐུབ་དང་། །ཡུམ་ཆེན་རྡོ་རྗེ་མདའ་སྙེམས་མ། །ཕྲ་མེན་ཁྲ་དང་སྤྱང་ཀུར་བཅས། །སྒྲིབ་བྱེད་ཤ་དང་རྡེག་བྱེད་ལག །མྱོས་བྱེད་ཤ་ཡི་མཆོད་པ་འབུལ། །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། ཙྪིནྡ་ཙྪིནྡ་ཧཱུཾ་ཕཊ། བྱང་གི་ཁྲོ་བོ་བདུད་རྩི་འཁྱིལ། །ཡུམ་ཆེན་རྡོ་རྗེ་རླུང་འབྱིན་མ། །ཕྲ་མེན་སེང་གེ་ཕ་ཝང་བཅས། །སྐྱོད་བྱེད་མོ་དང་དྲན་བྱེད་སྙིང་། །དྲི་ཆུ་ཤ་ཡི་མཆོད་པ་འབུལ། །ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། བིན་དྷ་བིན་དྷ་ཧཱུཾ་ཕཊ། བྱང་ཤར་ཁྲོ་བོ་ཁམས་གསུམ་རྒྱལ། །ཡུམ་ཆེན་རྡོ་རྗེ་བསྐྱོད་མ་དང་། །ཕྲ་མེན་དྲེད་དང་སྲེ་མོའི་མགོ། །དྲན་བྱེད་ཤ་དང་འགྲོ་བྱེད་རྐང་། །ཉལ་བྱེད་ཤ་ཡི་མཆོད་པ་འབུལ། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། འོག་གི་ཁྲོ་བོ་སྟོབས་པོ་ཆེ། །ཡུམ་ཆེན་རྡོ་རྗེ་གསོད་མ་དང་། །ཕྲ་མེན་དོམ་དང་བྱི་བའི་མགོ། །ཉན་བྱེད་ཀླུ་དང་སྡོད་བྱེད་ཤ །འཇོམས་བྱེད་ཤ་ཡི་མཆོད་པ་འབུལ། །བཞི་ཚན་བཅུ་ཡི་ལྷ་ཡི་ཚོགས། །ཧཱུཾ་མཛད་ཐོག་འབེབས་སྨྱོ་འདུལ་རྒྱལ། །སྲེད་བྱེད་དབྱུག་དང་སྒྲོལ་བྱེད་གཤེད། ། ― DNG021_Page_0064 ―
[མ་དཔེ་གཟིགས་ན་འདིར་གནོན།]
གནོད་བྱེད་མགོན་དང་དབང་སྡུད་རྟ། །འཕེན་བྱེད་གཞན་དང་གསོད་བྱེད་བདུད། །འཛིན་བྱེད་ཁམས་དང་འབེབས་བྱེད་སྟོབས། །སོ་སོའི་ལས་རྣམས་སྒྲུབ་པ་དང་། །སོ་སོའི་མཐུ་བྱིན་རབ་ཏུ་སྟེར། །ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། སྒྲོལ་བྱེད་ཆེན་མོའི་ལྷ་མཆོག་ནི། །སྐུ་མདོག་གནག་ཅིང་ཐོ་བ་བསྣམས། །རྐང་ལེབ་ཤ་ཡི་མཆོད་པ་འབུལ། །གང་ཡིན་སྒྲོལ་བའི་ལས་ལ་བརྩོན། །ཧ་ས་ཡ་ར་ཧ་ད་ན་ཡ་ཧཱུཾ་ཕཊ། ཧ་ས་ར་ན་ཧ་ན་ཧ། འབྲལ་བྱེད་ཆེན་མོའི་ལྷ་མཆོག་ནི། །སྐུ་མདོག་མཐིང་ཞིང་གུ་གུལ་བསྣམས། །རྨིག་ཟླུམ་ཤ་ཡི་མཆོད་པ་འབུལ། །གང་ཡིན་སྐྱོབ་བྱེད་ལྷ་དང་འབྲལ། །ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། འགུགས་བྱེད་ཆེན་མོའི་ལྷ་མཆོག་ནི། །སྐུ་མདོག་དཀར་ཞིང་ལྕགས་ཀྱུ་འཛིན། །དྲན་བྱེད་སྙིང་གི་མཆོད་པ་འབུལ། །ཤཱི་གྷྲཾ་ཨཱ་ན་ཡ་ཧཱུཾ་ཕཊ། འཆིང་བྱེད་ལྷ་མཆོག་ཆེན་མོ་ནི། །སྐུ་མདོག་སྔོ་ཞིང་ཞགས་པ་བསྣམས། །མཁལ་མ་ཁྲག་གི་གཏོར་མ་འབུལ། །ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། སྨྱོ་བྱེད་ལྷ་མཆོག་ཆེན་པོ་ནི། །སྐུ་མདོག་དམར་ཞིང་དུག་རྣམས་བསྣམས། །འདུ་བྱེད་མེད་པའི་མཆོད་པ་འབུལ། །བི་ད་ཡ་བི་ད་ཡ་ཧཱུཾ་ཕཊ། སྟོབས་པའི་ལྷ་མཆོག་ཆེན་པོ་ནི། །སྐུ་མདོག་ལྗང་སྔོན་གཟས་པ་བསྣམས། །དོན་སྙིང་སྣ་ལྔའི་མཆོད་པ་འབུལ། །ལྷ་དྲུག་བསྒྲུབ་པ་དྲུག་ཏུ་བསྟན། །ཉམས་དྲུག་རྟགས་དྲུག་རབ་ཏུ་གཟས། །བསྐྱེད་དང་སྤྱན་དྲང་མཆོད་པ་འབུལ། །འཛབ་བསྟོད་ལ་སོགས་དེ་བཞིན་བྱ། །བསྒྲུབ་དང་བསྒྲུབ་པ་ཆེན་པོ་དང་། །ཕྲིན་ལས་རྫོགས་པར་ཤིན་ཏུ་བཟང་། །དམ་ཅན་གསུམ་ལ་རིམ་པ་བཞིན། །ནག་སྨུག་སྙིང་དང་མཁལ་མ་དང་། །པདྨའི་ཁྲག་དང་སྲིན་བྱའི་ཤ །གཅན་གཟན་ཤ་ཡི་མཆོད་པ་འབུལ། །ཛ་ཡེ་བི་ཛ་ཡེ། རིམ་པ་བཞིན་དུ་ཤེས་པར་བྱ། །ནལ་བུའི་ཤ་དང་དབང་པོའི་ཤ །ནག་མོ་ཤ་ཡི་མཆོད་པ་འབུལ། །ཀ་ཏཾ་ཀ་ཡེ། བརྟེན་པ་བྲན་དང་འཁོར་ལྟར་བྱ། །མར་དང་ཁྲག་དང་འོ་མ་དང་། །སྦྲང་རྩི་ཆུ་ལུག་ལྟོ་སེར་དང་། །གཞོབ་མགོ་སྣ་སྐྱ་མཆོད་པ་འབུལ། །ཨ་ཛི་ཏེ་ཨ་པ་ར་ཛི་ཏེ། རིམ་པ་ཉིད་དུ་དེ་སྦྱར་ནས། །བསྐྱེད་དང་སྤྱན་དྲང་མཆོད་པ་ ― DNG021_Page_0065 ―
[མ་དཔེ་གཟིགས་ན་འདིར་གནོན།]
དང་། །འཛབ་བསྟོད་དེ་བཞིན་མཆོད་པ་འབུལ། །བསྒྲུབ་དང་བསྒྲུབ་པ་ཆེན་པོ་ནི། །ཡང་དག་ཉིད་དུ་དེ་བརྟེན་བྱ། །ཧཱུཾ་མ་མ་བ་ཤང་ཀུ་རུ་མ་དམ་ཉ་ཀ་ར་ཨི་ནན། ད་དྷི་མ་མ་ཀརྨ་ནན་ཏི་ཛ། ཉིད་ཀྱི་བཀའ་ལས་འདའ་མ་བྱེད། །བཀའ་ཉན་གསུང་སྡོད་བྲན་ལྟར་ཁོལ། །ལས་བཞི་བསེ་མོ་ཉིད་ལ་འདུས། །བསེ་མོའི་རྟགས་རྣམས་རབ་ཏུ་བརྟགས། །མཱ་ར་སཻ་ན་པྲ་མ་རྡ་ན་ཡེ་ཧཱུཾ་ཕཊ། ཐམས་ཅད་ལས་སྔགས་ཡང་དག་པ། །འདི་དག་བསེ་མོ་ཉིད་དུ་བྱ། །གང་བསྒྲུབ་པ་ཡི་རིམ་པ་ལ། །དམ་ཅན་རྣམ་གསུམ་བཀའ་བཞིན་ཉན། །བྲན་དང་ཕོ་ཉ་བཀའ་ཉན་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་ཕྲིན་ལས་མྱུར་དུ་མཛོད། །དཀར་པོའི་སྙིང་དང་སྐྱེས་པའི་སྙིང་། །རྟ་དང་འདྲས་དང་གྲི་ཡི་ཤ །དཀར་པོའི་ཤ་གསུམ་མཆོད་པ་འབུལ། །ཤཱི་གྷྲཾ་ཀ་ར་ཡ། དྲུག་དང་གཅིག་དང་བཞི་རྣམས་དང་། །དྲུག་ལ་རྫས་དྲུག་ཡང་དག་བཤད། །དེ་བཞིན་ཡང་དག་ཤེས་པར་བྱ། །དེ་རྣམས་ཀུན་གྱི་ལས་རྣམས་ནི། །བསད་པའི་ལིངྒ་བརྒྱངས་ལ་བྲི། །བསྟབ་པའི་ལིངྒ་བསྐུམ་ལ་བྲི། །མནན་པའི་ལིངྒ་ཕྱི་ནང་གཉིས། །གཟིར་བའི་ལིངྒ་ནང་ནས་དྲང་། །བསད་དང་བསྟབ་པ་བརྐྱང་བ་ལ། །ཕྱི་མ་གཉིས་པོ་འཁོར་ལོ་དྲུག །བསད་པ་དག་གི་སྔགས་རྣམས་བྲི། །ཁྲོ་བཅུའི་སྔགས་རྣམས་ལ་སོགས་པ། །ཐོད་པའི་ཕྱི་རིམ་དེ་བཞིན་བསྐོར། །རྣོ་བའི་མཚོན་གྱིས་ལུས་ལ་གཏུག །སྨུག་ནག་ཐལ་ཁ་རབ་ཏུ་བྱ། །བཀོད་པའི་རིམ་པ་ཡང་དག་བསྟན། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་ཕུར་བུ་གྲུབ་མཛོད་ཅིག །སྲིད་པ་རྡོ་རྗེ་ཕུར་བུའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་བསྐྱེད་ཅིག །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབས་འདིར་སྩོལ་ཅིག །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་ ― DNG021_Page_0066 ―
[མ་དཔེ་གཟིགས་ན་འདིར་གནོན།]
བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཨཱོཾ་བཛྲ་ཀཱི་ལི་ཀཱི་ལ་ཡ། ཨོཾ་ཨཱཿཧཱུཾ། ཧཱུཾ་ཧཱུཾ་ཧཱུཾ། བཛྲ་ཡཀྴ་ཀྲོ་དྷ་ཁཱ་ཧི་ཁཱ་ཧི། ཛ་དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་རྒྱལ་མོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་འབྱུང་བའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་སོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡིས། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨོཾ་ལཾ་ཧཱུཾ་ལཾ་སྟྭཾ་བྷ་ནན། མོ་ཧ་གྷ་ཡ། བྷ་ག་བཱན། ཧྲཱྀཿཤྟྲཱིཿབི་ཀྲི། བཛྲ་ཧཱུཾ་ཀཱ་ར་ཧཱུཾ་ཧཱུཾ། ཕཊ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། སརྦ་བིགྷྣཱཾ་བཛྲ་ཀཱི་ལི་ཀཱི་ལ་ཡ། ཧཱུཾ་ཧཱུཾ་ཕཊ་ཕཊ། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ་ཕཊ། ཧཱུཾ་ཀཱ་ར་ཧཱུཾ་ཨ་ཨ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་ཆིངས་ཤིག་རྣམ་པར་སྡོམས། །གཏོགས་ཤིག་གྲོགས་དང་བྲལ་བར་གྱིས། །རིང་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱིས། །པ་ར་བིདྱཱ་ན་ཧཱུཾ་ཕཊ། ཚིན་དྷ་ཚིན་དྷ་ཧཱུཾ་ཕཊ། བིན་དྷ་བིན་དྷ་ཧཱུཾ་ཕཊ། གྲྀ་ཧྞ་གྲྀ་ཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བན་དྷ་བན་དྷ་ཧཱུཾ་ཕཊ། ད་ཧ་ད་ཧ་བཛྲ། པ་ཙ་པ་ཙ་ཧཱུཾ་ཕཊ། མ་ཐ་མ་ཐ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཛྭ་ལ་ཛྭ་ལ་བཛྲ། ལས་ཀྱི་སྔགས་རྣམས་དྲིལ་དྲིལ་ནས། །སྙིང་དང་དབང་པོ་རྣམ་ཤེས་ལ། །རིམ་པ་བཞིན་དུ་ཕུར་པ་ཐོབ། །སྤྱི་མཐུན་ ― DNG021_Page_0067 ―
[མ་དཔེ་གཟིགས་ན་འདིར་གནོན།]
ཀུན་ཏུ་མ་ལུས་གདབ། །སྟོང་པ་ཁོ་ནར་ཡང་དག་སྦྱོར། །ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱིས་བརླབས་སོ། །སངས་རྒྱས་ཀྱི་མཐུའོ། །ཨ་བྷི་ཙརྱའི་དུས་ལ་བབ། གནག་པ་དེ་ཁོ་ན་ལའོ། །དཀར་ནག་མཚམས་སུའོ། །ནག་པོ་གྲུ་གསུམ་གཏོར་མ་ལ། །མཚོན་རྩེ་གཉིས་དང་དབྱིག་དུག་ཟངས། །གཞན་གྱི་དངོས་པོ་མཚོན་རྣམས་ལ། །བསྒྲུབ་པ་ཚུལ་བཞིན་བྱས་ནས་ནི། །མཚན་མ་བརྟན་པོ་བྱུང་བ་དང་། །དགྲ་བགེགས་དབང་པོ་མངོན་སུམ་བསྒྲལ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ལས་སྔགས་མཚོན་དུ་བཅས་པས་གདབ། །དུམ་བུ་ཉིད་དུ་དེ་བཞིན་འགྱུར། །དྲག་པོ་གྲུ་གསུམ་གཏོར་མ་ལ། །དྷ་དུ་ར་ཡི་རྩ་བ་དང་། །ལུག་མིག་གྲིབ་སྐམས་བྱས་པ་དང་། །རྩ་བ་ལོ་མ་འབྲས་བུ་དང་། །ཐམས་ཅད་དུག་ཏུ་གྱུར་པ་ཀུན། །ནག་པོ་དག་ཏུ་ཡང་དག་བྱ། །བསྙེན་བསྒྲུབ་ཚུལ་དུ་བྱས་ནས་ནི། །མེ་འབར་འོད་དུ་འབྱུང་རྟགས་ནི། །རིམ་པ་བཞིན་དུ་ཡང་དག་སྦྱར། །གདུག་ཅིང་སྡང་སེམས་ལྡན་པ་རྣམས། །ལྷ་འམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །ལས་སྔགས་དག་ལ་ཡང་དག་སྦྱར། །ཉོན་མོངས་འཁོར་བ་གཞོམ་པའི་ཕྱིར། །གཏན་གཏུན་མཁའ་དབྱིངས་ཡང་དག་བསམ། །རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བརླག་པར་བྱོས། །ཁ་ཐཾ་ཁ་ཐཾ་ཁ་ཐཾ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧཱུཾ་ཧཱུཾ་ཕཊ་ཕཊ་ཕཊ། ཁྱད་པར་ཆེན་པོའི་གཏོར་མ་ནི། །ཤ་ཆེན་དམ་རྫས་མཆོད་པ་དང་། །སྙིང་ཁྲག་དྲོན་མོ་མ་ལུས་དང་། །ཉོན་མོངས་ལྔ་པོ་རྩད་བཅད་ཅིང་། །འཇོམས་བྱེད་ནད་ལ་གཞོམ་བྱེད་ཕྱིར། །སྣ་ལྔ་ཚོན་གྱིས་འདབ་མས་དགབ། །བསྙེན་པ་ཉིད་དུ་ཡང་དག་ལྡན། །ཀློང་དྲུག་ ― DNG021_Page_0068 ―
[མ་དཔེ་གཟིགས་ན་འདིར་གནོན།]
སྔགས་དྲུག་ལྷ་དྲུག་དང་། །རྫས་དྲུག་ལས་རྣམས་མ་ལུས་བྱ། །བསྙེན་བསྒྲུབ་དྲོད་དུ་གྱུར་པ་དང་། །ནད་རྣམས་མ་ལུས་དབབ་པར་བྱ། །དེས་ནི་འཁོར་བ་གཏིང་ནས་སྐེམས། །ཉོན་མོངས་འཇོམས་པར་ཡང་དག་བཤད། །ལས་རྣམས་མ་ལུས་གྲུབ་བྱའི་ཕྱིར། །སྲེག་པའི་ཀློང་དྲུག་ཡང་དག་བསྟན། །ཕྲིན་ལས་ལས་རྣམས་བྱ་བའི་ཀློང་། །འཛབ་ཚོགས་གཉིས་ནི་དྲག་པོའི་ཀློང་། །བསྲེག་ཅིང་མཆོད་དེ་བསྟབ་པའི་ཀློང་། །དགུག་ཅིང་བསྡིམ་དང་གདབ་སྟེ་བརྡུང་བའི་ཀློང་། །མཉེས་བྱེད་མཆོད་པ་འབུལ་བའི་ཀློང་། །གཟིར་གནོན་ཁྲོ་བོའི་སྟངས་སྟབས་ཀློང་། །བསྲེག་པའི་ཀློང་དྲུག་ཉོན་མོངས་དག་པར་བསྲེག །ཐུགས་རྗེ་མེ་ཡི་བྱིན་བརླབས་ཡིན། །གདུག་པ་མེ་ལ་རབ་ཏུ་བསྔགས། །དྲག་པོ་མེ་ཡི་ལས་བྱའི་ཕྱིར། །ཀློང་དྲུག་ལས་འདི་རྣམ་པར་བསྟན། །ཕྲིན་ལས་བྱ་བ་ལས་ཀྱི་ཀློང་། །འཛབ་དང་ཚོགས་གཉིས་དྲག་པོའི་ཀློང་། །དྲག་པོ་སྒྲོལ་བ་དུས་ཀྱི་ཀློང་། །ཚིག་བཤད་དྲག་པོ་གྱེར་གྱི་ཀློང་། །དྲག་པོའི་སྔགས་རྣམས་འཕང་བའི་ཀློང་། །དམོད་པ་བྲལ་བའི་ཀློང་དང་དྲུག །ཀློང་དྲུག་དྲག་པོ་འཕང་བའི་ཀློང་། །ལམ་བསྟན་ཟོར་གྱི་ཀློང་དྲུག་ཡིན། །ལམ་རྣམས་ཡང་དག་འགྲུབ་པར་འགྱུར། །ཉོན་མོངས་འཁོར་བ་གནན་པའི་ཕྱིར། །གནན་པའི་ཀློང་དྲུག་འདི་ལྟ་སྟེ། །ཕྲིན་ལས་བྱ་བ་ལས་ཀྱི་ཀློང་། །འཛབ་དང་ཚོགས་གཉིས་དྲག་པོའི་ཀློང་། །བརྒྱ་དང་བརྒྱད་ནི་གདབ་པའི་ཀློང་། །ཁྱད་པར་བལ་ཚོན་བྱད་ཀྱི་ཀློང་། །བསྐྱེད་དང་སྤྱན་དྲང་གཏད་པའི་ཀློང་། །ཕོ་བྲང་སྟངས་སྟབས་གནན་པའི་ཀློང་། །ཀློང་དྲུག་གནན་པ་ལས་ཀྱི་མཆོག །ལས་གསུམ་ཕྲིན་ལས་མཚོན་པའི་ཕྱིར། །འདི་ཉིད་དྲག་པོའི་ཕྲིན་ལས་ཡང་དག་བསྟན། །བྱ་བ་གསུམ་དུ་ཡང་དག་བསྟན། །རྣལ་འབྱོར་གང་ཞིག་གཙོར་འཛིན་པ། །གཞུང་དང་ལྡན་པའི་གཏོར་མ་ལ། །སྟོང་པ་ཆེན་པོ་ཆོས་ཀྱི་མཆོག །ཧཱུཾ་ལས་སྔགས་ཀྱིས་གཙོ་བོར་བསམ། །ཧཱུཾ་གཉིས་འཁོར་གཉིས་རབ་ཏུ་བསམ་མོ། །ཛཿཧཱུཾ་བཾ་ཧོཿས་སྤྱན་དྲངས་ནས། །ཧཱུཾ་གསུམ་བསྡིམ་པའི་ལས་རྣམས་བྱ། །གཏོར་མ་ཧཱུཾ་གསུམ་ལྷ་མོ་ ― DNG021_Page_0069 ―
[མ་དཔེ་གཟིགས་ན་འདིར་གནོན།]
དྲུག །རྩ་སྔགས་བཞུགས་ལ་བསྟབ་སྔགས་གདགས། །ཉི་ཤུ་རྩ་གཅིག་སྔགས་ཀྱིས་བསྟབ། །ཕྲིན་ལས་བཅོལ་བའི་ལས་རྣམས་བྱ། །དེ་བཞིན་དུ་བྱས་རྫས་ཀྱིས་མཆོད། །བྱང་ཆུབ་སེམས་ཀྱི་རང་བཞིན་ནི། །ཆགས་པ་མེད་པས་ཞེ་འདོད་མེད། །མཉམ་པ་ཉིད་དུ་བཞག་པས་ན། །ཐམས་ཅད་ཡེ་གྲུབ་གཏོར་མ་ཡིན། །འབྲས་བུ་ཡེ་ཤེས་ཚོགས་སུ་འགྱུར། །ཚོགས་བསག་རིམ་པ་རྣམ་པ་གཉིས། །ཡང་དག་ཉིད་དུ་རྣམ་པར་བཤད། །རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ལས། དྲག་པོ་གཏོར་མས་གདུག་པ་བཏུལ་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ལས་ཐམས་ཅད་པའི་ཏིང་ངེ་འཛིན་ལ་སྙོམས་པར་ཞུགས་ནས། ལས་ཀྱི་དོན་བསྟན་པ་འདི་ལྟ་བུ། དང་པོ་བྱང་ཆུབ་སེམས་བསྐྱེད་དེ། །བུམ་པ་ཁ་རྒྱན་མགུལ་ཆིངས་བཅས། །སྨན་ལྔ་འབྲུ་ལྔ་རིན་ཆེན་ལྔ། །སྤོས་ལྔ་སྙིང་པོ་ལྔ་དག་དང་། །བགེགས་བསྐྲད་དྲི་ཡིས་ཡང་དག་བདུག །ལྷ་རྣམས་བསྐྱེད་པའི་རིམ་པ་ཡང་དག་བྱ། །སྤྱན་དྲངས་དབང་བསྐུར་མཆོད་པར་བསམ། །བསྐུལ་དང་འཛབ་དང་རིམ་པ་ནི། །ཉི་ཤུ་རྩ་གཅིག་སྔགས་རྣམས་ལ། །གདབ་པའི་སྔགས་ཀྱིས་ཡང་དག་བསྒྲུབས། །གཉིས་པ་བསྡུས་ཤིང་བུམ་པར་ཐིམ། །མཚན་མ་བརྟན་པོ་བྱུང་བ་དང་། །བུམ་པ་སྐུ་གསུང་ཐུགས་དབང་བསྐུར། །ཉི་ཤུ་རྩ་གཅིག་སྔགས་རྣམས་ཀྱིས། །ཅིས་ཀྱང་མི་ཚུགས་ཚེ་དབང་བསྐུར། །འཆི་མེད་ཚེ་ཡི་དབང་དང་ལྡན། །རབ་ཏུ་བརྟན་འགྱུར་དབང་དང་ལྡན། །བདུད་པོ་པདྨ་དབང་ཕྱུག་དང་། །བདུད་མོ་གར་གྱི་དབང་ཕྱུག་གཉིས། །དཔག་བསམ་ཤིང་གི་སྐེད་པ་ལ། །འདུས་བྱས་བུ་ནི་བཅུ་གཅིག་བྱུང་། །གནོད་སྦྱིན་བཅུ་གཅིག་རབ་ཏུ་གྲུབ། །འགྲོ་བ་ཀུན་གྱི་དོན་བྱའི་ཕྱིར། །ཐོད་པ་བཅུ་གཅིག་མནན་པའི་རྫས། །གནད་དུ་བསྟན་པའི་ས་རྣམས་ནི། །མི་འགྱུར་གཏན་དུ་གནན་པའི་ས། །དབུས་སུ་སྙིང་པོ་ཏྲི་རྣམས་བྲི། །འཁོར་ལོ་དྲུག་ལ་སྔགས་དྲུག་བྲི། །གནན་པའི་ལིངྒར་ཤེས་པར་བྱ། །སྤྱི་ལྟར་ཤེས་པ་རབ་ཏུ་གཅེས། །སྔོན་དམར་དཀྲི་ཤིང་རེ་བས་གཏུམ། །བྱ་བའི་ལས་རྣམས་བྱས་ ― DNG021_Page_0070 ―
[མ་དཔེ་གཟིགས་ན་འདིར་གནོན།]
པ་དང་། །གང་ཡིན་གནན་པ་དག་ཏུ་གནན། །དོན་རྣམས་མ་ལུས་འགྲུབ་པར་འགྱུར། །དེ་ཡིས་འགྲོ་བ་རབ་ཏུ་མོས། །གདུག་པ་ཅན་གྱིས་ཟིན་པ་ལ། །འབུམ་མམ་ལྷ་སྔགས་མང་བཟླས་ཏེ། །གང་ཡིན་བསྟན་པའི་ས་དེ་ལ། །རྩ་གསུམ་ལྕེ་ཡི་སྔགས་བཟླས་ལ། །ལྡག་ཅིང་ནད་རྣམས་ཞི་བར་འགྱུར། །འདག་པ་ཆུ་དག་གང་ཡང་རུང་། །མང་དུ་བཟླས་པས་ནད་ལ་བསླན། །ནད་རྣམས་ཐམས་ཅད་ཞི་བར་འགྱུར། །ཕན་པའི་སྨན་ལ་སྔགས་བཏབ་ལ། །གང་ཡིན་ནད་ལ་གླན་པར་བྱ། །ནང་ནུབ་དུས་གསུམ་དག་ཏུ་གདབ། །རྡོ་རྗེའི་ལྕེ་ཡི་ནད་རྣམས་ཞི། །ལྷ་ཡི་ཏིང་འཛིན་རབ་ཏུ་གསལ། །དེས་ནི་གནོད་པའི་ནད་རྣམས་ཞི། །ནད་རྣམས་མ་ལུས་ཞི་གྱུར་ན། །གནས་ལྔ་བསྲུངས་ལ་བགེགས་རྣམས་བསྐྲད། །བསྲུང་བའི་རིམ་པ་རབ་ཏུ་འབྱུང་། །ཉུང་དཀར་ཐལ་ཆེན་ལ་བསྔགས་ཏེ། །སོར་བཞི་པ་ཡི་གླང་མ་ལ། །འབྲུ་དགུ་གསུམ་སྔགས་རྣམས་བྲི་བྱ་སྟེ། །གདུག་པ་ཅན་གྱི་ཤིང་དག་ལ། །ཕུར་པ་སོར་བཞི་ཉུང་དཀར་གདགས། །ས་ཡ་དྲུག་འབུམ་མང་དུ་བཟླས། །དུས་རྣམས་ཀུན་ཏུ་སྲུང་མ་བསྐུལ། །དྲེགས་པ་མཆོད་ཅིང་ཆང་ཕུད་གཏོར། །མཐོ་བསྐོར་རྫས་རྣམས་རབ་ཏུ་སྦ། །ཉུང་དཀར་ཐལ་ཆེན་དེ་བཞིན་སྦ། །བཟླས་ཉུང་སྦྲེང་ཞིང་མཐའ་མ་བསྐོར། །དེ་བཞིན་རབ་ཏུ་བརྗོད་པར་བྱ། །བྱང་ཆུབ་སེམས་ནི་རབ་ཏུ་སྟོན། །སངས་རྒྱས་རྣམས་ཀྱི་དགོངས་པ་ཡང་། །འཁོར་བ་རྟོགས་ལས་ཡང་དག་བྱུང་། །དུས་གསུམ་བྱང་ཆུབ་སེམས་ལས་འབྱུང་། །བསྐལ་པ་སྟོང་དུ་རབ་བཙལ་ཀྱང་། །སེམས་ཉིད་བྱང་ཆུབ་རྙེད་མི་འགྱུར། །གལ་ཏེ་སེམས་དེ་རྙེད་འགྱུར་ན། །དངོས་པོ་སྟོང་པར་ག་ལ་འགྱུར། །ཡང་དག་བསྟན་པའི་སྙིང་པོ་འདི། །བསྟན་པའི་སྙིང་པོ་དམ་པ་འདི། །སངས་རྒྱས་ཀུན་གྱིས་རྙེད་མི་འགྱུར། །རྙེད་པར་ཀུན་བཟང་ཡོངས་མ་གསུངས། །ཀུན་ཏུ་བཟང་པོའི་ངང་ཉིད་ལས། །བསྟན་པ་འདི་དག་བརྗོད་ལས་འདས། །དེ་ཉིད་བརྗོད་པར་སུས་གསུངས་པ། །དེ་ནི་བརྗོད་པར་བསྟན་པ་མིན། །འདི་དང་འདི་རུ་བསྟན་པ་ནི། །གསུངས་པའི་ངོ་བོར་བརྗོད་པ་མེད། །སུས་ཀྱང་ག་ལ་ ― DNG021_Page_0071 ―
[མ་དཔེ་གཟིགས་ན་འདིར་གནོན།]
བཅིང་བ་མེད། །རང་རིག་རྣམ་རྟོག་བདག་ཏུ་འཛིན། །དེ་ཡིས་བཅིངས་པ་རབ་ཏུ་དམ། །སྐྱེ་མེད་ཆོས་དབྱིངས་དམ་པ་ལས། །རྩ་བའི་དཀྱིལ་འཁོར་དམ་པ་དང་། །ཁྲོ་བཅུའི་དཀྱིལ་འཁོར་དམ་པ་དང་། །སྲས་མཆོག་དཀྱིལ་འཁོར་དམ་པ་དང་། །སྤྱན་དྲང་མཆོད་པའི་དཀྱིལ་འཁོར་དང་། །འཛབ་དང་ཚོགས་ཀྱི་དཀྱིལ་འཁོར་དང་། །དྲག་པོ་ལས་ཀྱི་དཀྱིལ་འཁོར་དང་། །བསྲེགས་པ་མེ་ཡི་དཀྱིལ་འཁོར་དང་། །མནན་པ་ས་ཡི་དཀྱིལ་འཁོར་དང་། །འཕང་བ་ཟོར་གྱི་དཀྱིལ་འཁོར་དང་། །དབྱེ་བ་རྫས་ཀྱི་དཀྱིལ་འཁོར་དང་། །ཕྱག་རྒྱ་མནན་པའི་དཀྱིལ་འཁོར་དང་། །བསྲུང་བྱ་བཟློག་པའི་དཀྱིལ་འཁོར་དང་། །འཆི་མེད་ཚེ་ཡི་དཀྱིལ་འཁོར་དང་། །དཀྱིལ་འཁོར་བཅུ་བཞི་ཡང་དག་བསྟན། །ཧཱུཾ། གྲུ་གསུམ་འབར་བའི་དཀྱིལ་འཁོར་དུ། །ཡབ་ཡུམ་དགྱེས་པའི་སྐུ་བསྐྱེད་ནས། །གདུག་པ་འདུལ་ཞིང་རྔམ་པའི་ཞལ། །ཡེ་ཤེས་དྲུག་གི་ཕྱག་རྒྱ་ཅན། །ཞབས་བཞི་རྫུ་འཕྲུལ་བཞི་ཡི་ཞབས། །ཡུམ་དང་གཉིས་སུ་མེད་པར་བཞུགས། །ཧཱུཾ་མཛད་སྒྲ་འབྱིན་ཕག་དང་སྨིག་བུའི་མགོ། །རྣམ་རྒྱལ་སྙེམས་མ་སྟག་དང་བྱ་རྒོད་མགོ། །དབྱུག་སྔོན་སྡེར་མོ་གཡག་དང་བྱ་རོག་མགོ། །གཤིན་རྗེ་དུར་ཁྲོད་ཤ་བ་འུག་པའི་མགོ། །མི་གཡོ་གཏུན་ཁུང་གཟིག་དང་ཁྭ་ཡི་མགོ། །རྟ་མགྲིན་གཏུམ་མོ་བྱི་ལ་པུ་ཤུད་མགོ། །གཞན་མིན་མདའ་སྙེམས་སྤྱང་མོ་ཁྲ་ཡི་མགོ། །བདུད་རྩི་རླུང་འབྱིན་སེང་གེ་ཕ་ཝང་མགོ། །ཁམས་གསུམ་གསོད་བྱེད་དྲེད་དང་སྲེ་མོའི་མགོ། །སྟོབས་ཆེན་བསྐྱོད་མ་དོམ་དང་བྱི་བའི་མགོ། །ཐུགས་དམ་གཉན་པོའི་དུས་ལ་བབ། །ཧཱུཾ། སྲས་ཀྱི་དམ་པར་དབང་བསྐུར་བའི། །མཐིང་ག་དཀར་བ་སྔོ་དང་དམར། །ནག་དང་ལྗང་སྔོན་སྐུ་མདོག་ཅན། །ཕུར་པ་གུ་གུལ་ལྕགས་ཀྱུ་འཛིན། །ཞགས་པ་དུག་གཏོར་ཐོ་བ་འཛིན། །གང་ཡིན་ཉམས་པ་ཕྱག་ན་བསྣམས། །སྐུ་སྟོད་ཁྲོ་བོ་ཆེན་པོ་ལ། །སྐུ་སྨད་ལྕགས་ཕུར་དབལ་དང་ལྡན། །གྲུ་གསུམ་ཨེ་ཡི་དཀྱིལ་འཁོར་ན། །རྩེ་མོ་ལྟ་བུར་རྣམ་པར་བསམ། །ཡེ་ཤེས་དབྱིངས་ཀྱི་ཕྱག་རྒྱ་དང་། །རིག་པ་རང་རྟགས་ཕྱག་རྒྱ་དང་། །བརྒྱ་བྱིན་དཔའ་རྟགས་ཕྱག་རྒྱ་དང་། །འཛིན་ ― DNG021_Page_0072 ―
[མ་དཔེ་གཟིགས་ན་འདིར་གནོན།]
བྱེད་ཕོ་ཉའི་ཕྱག་རྒྱ་དང་། །ཏིང་འཛིན་མཉམ་པའི་ཕྱག་རྒྱ་དང་། །རྡུང་བྱེད་ཐོ་བའི་ཕྱག་རྒྱ་དང་། །རྡེག་བྱེད་མཚོན་གྱི་ཕྱག་རྒྱ་དང་། །གནོད་བྱེད་རི་རབ་ཕྱག་རྒྱ་དང་། །སྲེག་བྱེད་མེ་ཡི་ཕྱག་རྒྱ་དང་། །འཕེན་བྱེད་ཟོར་གྱི་ཕྱག་རྒྱ་དང་། །ཕྱག་རྒྱ་བཅུ་ཡི་རབ་བསྟན་ནས། །སྐྱེ་མེད་ཆོས་དབྱིངས་ཕྱག་རྒྱར་འདུས། །ཀ་ལ་སོགས་པའི་ཡི་གེ་རྣམས། །ཡི་གེ་ཀུན་གྱི་རྩ་བ་སྟེ། །ཡི་གེ་ཐམས་ཅད་འབྱུང་བར་བྱེད། །མཚོན་བྱེད་ཡི་གེའི་མཚན་ཉིད་ལས། །སྐྱེ་མེད་ཆོས་དབྱིངས་རྣམ་པར་དག །སྐྱེ་བ་མེད་ལས་ཐམས་ཅད་སྐྱེས། །འདི་ནི་སངས་རྒྱས་ཕྱག་རྒྱ་ཡིན། །ལས་རྣམས་ཐམས་ཅད་མ་ལུས་ཀུན། །ཡང་དག་ཉིད་དུ་བསྟན་པར་བྱས། །རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ལས། ལས་ཐམས་ཅད་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཐམས་ཅད་འདུས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། གནས་ནི་རབ་ཏུ་བསྟན་པའི་ཕྱིར། །དུར་ཁྲོད་མ་མོ་ཚོགས་པའི་སར། །བདག་པོ་གང་ཡིན་ས་རིན་བཅལ། །མཎྜལ་འདོམ་གང་གྲུ་བཞི་ལ། །དུར་ཁྲོད་རུས་པའི་ཕྱེ་མས་གདབ། །དམ་རྫས་སྣ་ལྔས་ཆག་ཆག་གདབ། །མཚམས་བཅད་རིམ་པ་མ་ནོར་བྱ། །ཐིག་ནི་ཧཱུཾ་ལས་ཡབ་ཡུམ་བསྐྱེད། །ས་མཱ་ཛ་དང་ཕྱག་རྒྱ་བཞིས། །སྤྱན་དྲང་བསྡིམ་པར་བྱས་ནས་ནི། །རྩ་བའི་སྔགས་ཀྱིས་མཆོད་པ་འབུལ། །ས་ཐིག་གནམ་ཐིག་གཉིས་སུ་གདབ། །ཚོན་ལ་ཧཱུཾ་ལས་ཉིད་དུ་བསམ། །རིམ་པ་གོང་བཞིན་ཤེས་པར་བྱ། །གྲུ་གསུམ་ཟླ་གམ་མུ་ཁྱུད་དང་། །གྲུ་ཆད་སྣམ་བུ་སྒོ་བཞིར་བཅས། །དུར་ཁྲོད་སྣ་ཚོགས་ཁྲོལ་མ་བཏགས། །རྫས་རྣམས་མ་ལུས་རིམ་པར་ཡང་། །དམ་ཅན་གསུམ་གྱི་མཐུན་རྫས་བསགས། །ཏིང་འཛིན་ཆེན་པོའི་བྱིན་བརླབས་པས། །གཙོ་བོ་བསྐྱེད་དམ་མ་མོ་ནི། །གང་བྱེད་རང་སྔགས་འཁོར་བསྐྱེད་ནས། །ཐམས་ཅད་སྔགས་ཀྱིས་བྱ་བར་འདུས། །ལྷ་ལ་མཆོད་ཅིང་བསྙེན་པ་དྲང་། །ཕྱི་ནང་གསང་གསུམ་གང་བྱེད་པར། །སྔགས་ཀྱི་རིམ་པ་དེ་བཞིན་བྱ། །དྲོད་རྟགས་བརྟན་པོ་བྱུང་བ་དང་། །བསྒྲུབ་པ་དག་ཀྱང་དེ་བཞིན་བྱ། །དེ་ཡིས་གོང་འདྲ་དེ་བྱུང་ན། ། ― DNG021_Page_0073 ―
[མ་དཔེ་གཟིགས་ན་འདིར་གནོན།]
ཕུར་པ་ལྔ་ནི་གདབ་བྱ་སྟེ། །སྙིང་དང་ཡན་ལག་བཞི་རྣམས་དང་། །རང་རང་ཐུན་དུ་བཅས་པ་ཡི། །ལས་རྣམས་མ་ལུས་རྫོགས་པ་དང་། །གང་ཡིན་མེ་ལ་བསྲེག་བྱས་ནས། །ལྷ་ལ་རྩ་བའི་སྔགས་ཀྱིས་འབུལ། །གང་བྱས་ཉིད་ལ་གཏོར་མ་འབུལ། །ཚེ་བསྡིམ་རིམ་པ་ལྷ་ལྔས་བྱས། །དབབ་པ་དེ་བཞིན་ཤེས་པར་གྱིས། །རྐྱང་པ་བཅུ་གཉིས་སྒྲུབ་པ་ཡང་། །གཙོ་བོ་རེ་དང་ལས་བྱེད་པ། །སྔགས་ཀྱི་བྱེ་བྲག་ཡང་དག་ལྡན། །ཐ་མ་སྙིང་པོ་རབ་ཏུ་བསྟན། །དྲེགས་པ་དབང་སྡུད་ཡང་དག་པ། །དཀར་པོ་གསུམ་གྱི་སྙིང་ཁྲག་ལ། །བརྟེན་པའི་རྫས་སུ་ཡང་དག་བསྟན། །གཙོ་བོ་ཉིད་ནི་ཡང་དག་བསམ། །འབྲུ་དགུ་སྔགས་ཀྱི་བསྙེན་པ་དྲང་། །བསྒྲུབ་བྱ་དྲེགས་པའི་ལྷ་ལ་གཏད། །སྙིང་དང་དབང་པོ་ལྔ་ལ་གདབ། །ཐ་མ་ལས་བསྟན་ཡང་དག་བཤད། །དྲུག་དང་བཞི་ཡིས་སྒྲུབ་པ་ལ། །སྔགས་དྲུག་རྫས་དྲུག་ལྷ་དྲུག་དང་། །གཙོ་བོ་ཉིད་ལ་རབ་ཏུ་བསྐོར། །བཞི་ཡི་ལས་སུ་བསྟན་པ་ནི། །དབྱེ་དང་བསྟབ་པ་དོར་བྱས་ལ། །བཞི་ཡི་ལས་ཀྱི་དམག་དཔོན་བསམ། །རིམ་པ་བཞིན་དུ་ཤེས་བྱ་སྟེ། །དྲུག་གི་ཡན་ལག་ལྔ་རྣམས་དང་། །སྙིང་དང་དྭངས་མ་བཞི་ལ་གདབ། །དེ་བཞིན་རིམ་པ་གྲངས་ཀྱིས་སྦྱར། །རྟགས་ཐོན་བསྒྲུབ་པར་ཡང་དག་བསྟན། །ནུས་པ་རྟེན་འདྲེལ་ཡང་དག་ནི། །ཤ་ཡི་བྱ་བ་ཡང་དག་དང་། །ཞོ་དང་འོ་མ་ཟངས་ཕྱེ་དང་། །མལ་འོག་དག་ཏུ་ཞག་གསུམ་མནན། །དྷ་དུ་ར་དང་ཀ་ན་སིས། །འཚེར་བྱེད་ཤིང་དང་སློང་བྱེད་གཞི། །ལྔ་གསུམ་གཅིག་ཏུ་གནན་པར་བྱ། །གདུག་པའི་མགོ་དང་དུག་རྣམས་དང་། །རྫས་རྣམས་བསྲེས་པའི་ཕྱེ་མ་ལ། །གང་ཡིན་ཞབས་འོག་ཉིད་དུ་མནན། །ཆུ་གྲང་དག་ལ་སྔགས་བཏབ་ལ། །ཚེས་བརྒྱད་ནམ་ལངས་དག་ལ་བཏུང་། །འཛིན་པའི་ཤ་དང་དམར་བྱེད་ཁྲག །ཆང་དང་མཐུན་པར་རབ་བསྙམས་ལ། །མེ་ལ་བསྲོས་ལ་རབ་ཏུ་སྦྱིན། །དཀར་པོ་གསུམ་དང་མར་རྙིང་དང་། །དཀར་པོ་ཕུམ་དམར་སྙིང་དག་དང་། །དེ་ལ་སོགས་པའི་དཀར་པོ་ལྔ། །སྲོག་སྙིང་དམ་པར་རབ་བསྒྲགས་ཏེ། །གང་ཡིན་ལྷ་རྟེན་ ― DNG021_Page_0074 ―
[མ་དཔེ་གཟིགས་ན་འདིར་གནོན།]
དག་ཏུ་སྦ། །ནག་པོ་སྤྱི་དཀར་སྙིང་དག་དང་། །མོན་པ་ནག་པོའི་སྙིང་ཁྲག་གཉིས། །སྲོག་སྙིང་ཉིད་དུ་བཅས་པ་གསུམ། །གང་ཡིན་ས་ལ་གནན་པར་བྱ། །ཙ་རའི་སྙིང་དང་སྙིང་པོ་དང་། །ཐོད་པ་སྙིང་ཤུན་དག་ཏུ་སྦས་བྱས་ལ། །ར་ཡི་ཐོད་པའི་ནང་དུ་མནན། །ཀླུ་ཡིས་བཟུང་བའི་ཐོད་པ་རུ། །གདུག་པ་ཅན་གྱི་སྙིང་བཅུག་ལ། །མིང་རུས་བཅུག་པ་ཡང་དག་མནན། །དེ་ནས་ཕུང་བའི་རྫས་དེ་ནི། །གདུག་པ་ཀླུ་ཡི་གནས་སུ་སྦ། །སྨྱོན་པ་དག་གི་ཐོད་པ་རུ། །གང་ཡིན་མིང་བྱང་བཅུག་བྱས་ལ། །དཀར་པོ་གསུམ་གྱི་སྙིང་ཤུན་ཏུ། །དཀར་པོ་ཉིད་ཀྱི་སྔགས་བཅུག་ལ། །དྲེགས་པའི་སྙིང་པོ་ཀུན་བྲིས་ལ། །གུ་གུལ་དུད་པ་བཏང་བྱས་ལ། །སྨེ་བའི་རྫས་རྣམས་ལྷ་རྟེན་སྦ། །ཐོད་པ་གང་ཡིན་གནས་སུ་སྦ། །རིམས་ཀྱིས་ཤི་བའི་ཐོད་པ་རུ། །དེ་ཉིད་ཁྲག་དང་ཟངས་ཕྱེ་དང་། །དུག་རྣམས་མ་ལུས་བླུགས་བྱས་ལ། །གནན་པ་ཆེན་པོ་རབ་ཏུ་བྱ། །སྲེ་མོང་དག་གི་ཐོད་པ་རུ། །གཅན་གཟན་སྣ་ཚོགས་སྙིང་བཅུག་ལ། །དྲག་པོ་སྔགས་ཀྱིས་བསྐོར་བྱས་ལ། །སྒོ་གསུམ་འདུས་པའི་མདོ་རུ་སྦ། །རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ལས། ཐམས་ཅད་བསྡུས་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དམ་ཚིག་སྔགས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། དམ་ཚིག་གཉན་པོ་ངས་བསྟན་གྱིས། །བསྟན་པ་གོ་བར་རབ་ཏུ་གཅེས། །སྙིང་པོ་མཆོག་རྣམས་དམ་ཚིག་སྟེ། །འདི་ནི་སངས་རྒྱས་བསྟན་པ་སྟེ། །བསྟན་པའི་དམ་ཚིག་འདི་དག་ནི། །ས་གཞི་ལྟ་བུར་རབ་ཏུ་བརྟན། །ཡི་དམ་དམ་པ་མི་སྤང་ཞིང་། །ཉི་མ་རེ་ལ་ལན་གསུམ་དུ། །དྲན་པ་ཉིད་དུ་རབ་ཏུ་བཟུང་། །སྔགས་དང་ཕྱག་རྒྱ་སྙིང་པོ་དང་། །འདི་དག་རབ་ཏུ་བསྟན་པ་ཡིན། །ཉམས་པ་ལྔ་ནི་གཞི་ནས་བསྟན། །གསུམ་དང་གཅིག་གིས་རྩ་བ་ཉམས། །སྒྲུབ་པ་བཞིན་དུ་མ་ཤེས་ན། །མིང་དང་ཁམས་ཀྱང་མཁན་རྣམས་རབ་བརྒྱུད་དེ། །རང་གར་བཟུང་བ་ངར་འཛིན་ཏེ། །ངོ་བོ་ཞེས་པ་ཉམས་པའི་རྒྱུ། །ཡི་དམ་ལྷ་དང་སྙིང་པོའི་དོན། །སྔགས་དང་ཕྱག་རྒྱ་ལ་སོགས་དང་། །རྡོ་རྗེ་སློབ་དཔོན་མཆེད་ལྕམ་དང་། །བསྲུང་བའི་རིམ་པ་དེ་བཞིན་བྱ། །སྔགས་ཀྱི་ལས་རྣམས་འདི་ལྟ་ ― DNG021_Page_0075 ―
[མ་དཔེ་གཟིགས་ན་འདིར་གནོན།]
སྟེ། །འབྲུ་དགུ་ཡེ་ཤེས་ལྷ་མཆོག་སྟེ། །འཁོར་གྱི་དྲེགས་པ་རང་བཞིན་འདུ། །སྐུ་གསུང་ཐུགས་ཀྱི་སྔགས་རྣམས་ལ། །བདུད་དང་མ་མོ་སྒྲོལ་བའི་གིང་། །ལས་ཀྱི་དྲག་པོ་ཉིད་དུ་སྒྲོལ། །གཡས་པ་ཐབས་ལ་གཡོན་པ་ཡུམ། །མ་དང་ཨ་ཡི་བྱིན་རླབས་ལས། །ཧཱུཾ་དང་མ་ཡི་བྱིན་རླབས་འབྱུང་། །ཧཱུཾ་ལྔ་ཡབ་ལྔ་མ་ལྔ་ཡུམ། །སྔགས་ཀྱི་རྣམ་པར་བསམ་པར་བྱ། །ཡབ་ཡུམ་སྐུ་རུ་གྱུར་པ་ལས། །གཡས་དང་གཡོན་གྱི་མཁྲིག་མ་ལས། །སྔགས་ཀྱིས་རབ་ཏུ་བསྐོར་བྱས་ལ། །བདག་ཉིད་ཡི་དམ་ལྷར་བསམ་ལ། །སྣོད་ནི་ཨ་དང་བཅུད་ནི་ཧཱུཾ། །འོག་ཏུ་རཾ་དང་ལཾ་བསྒོམ་ལ། །བདེ་བ་སྔགས་ཀྱི་བྱིན་རླབས་ཀྱིས། །རླུང་བསྐྱོད་རཾ་གྱིས་མེ་སྦར་ནས། །ཨ་དང་ཧཱུཾ་དང་བཅས་པ་ཞུ། །བདུད་རྩི་ཆེན་པོ་ཉིད་དུ་གྱུར། །གཡས་དང་གཡོན་དུ་བསམ་པ་ཡི། །ཧཱུཾ་དང་ཨ་ཡི་བྱིན་རླབས་ལས། །མཁྲིག་མ་སྔགས་ཀྱི་འཁོར་ལོ་ལས། །ཡབ་ཡུམ་སྦྱོར་བ་མཛད་པ་ལས། །བདུད་རྩི་ཆེན་པོ་ཉིད་དུ་གྱུར། །དེ་བཞིན་གཏོར་མ་ཉིད་ལ་ཡང་། །སྣོད་དང་བཅུད་ཞུ་ལྷ་མོ་དྲུག །ཡབ་ནི་བདུད་རྩི་ཉིད་དུ་གྱུར། །རཀྟ་ཐོད་པ་ཉིད་ལ་བསམ། །སྣོད་དང་བཅུད་དུ་གྱུར་པ་ལས། །རྦ་ཀློང་འཁྲུག་ཅིང་མཚོ་ལྟར་འཁྱིལ། །ཡབ་ཡུམ་སྔགས་ལས་ཐམས་ཅད་འབྱུང་། །ཁྲོ་བོ་ཧསྡིའི་ལས་རྣམས་ནི། །རྣམ་པར་རྒྱལ་བར་ཡང་དག་བཤད། །དང་པོ་རྫས་རྣམས་ཚོགས་གྱུར་ན། །སྟོང་པ་ཉིད་ལས་རྣམ་གསུམ་གྱིས། །ཧསྡི་རབ་ཏུ་བསྒོམ་བྱས་ལ། །གཙོ་བོའི་དབུ་ཡི་གཙུག་ཏུ་བསམ། །སྔགས་ཀྱི་ཕྲིན་ལས་ཐམས་ཅད་རྫོགས། །སྔགས་རྣམས་རབ་ཏུ་དེ་ཤེས་པ། །ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། སྔགས་སྟོང་ཧསྡི་ཡབ་ཀྱི་སྔགས། །ཧཱུཾ་ནི་ཧསྡི་ཡུམ་གྱི་སྔགས། །ཧ་ན་ཧསྡི་ཡབ་ཀྱི་སྔགས། །ཧ་ན་ཧསྡི་ཡུམ་གྱི་སྔགས། །ཧཱུཾ་ཕཊ་ཐམས་ཅད་ལས་ཀྱི་སྔགས། །བསྐྱེད་པ་དང་ནི་སྤྱན་དྲངས་ལ། །མཆོད་པ་དང་ནི་བསྟོད་པ་དང་། །ཐམས་ཅད་སྔགས་སུ་ཤེས་པར་བྱ། །མཁའ་འགྲོ་ལྔ་ལ་ལས་ལྔ་ནི། །ཡང་དག་ཉིད་དུ་འབྲུ་ཉིད་སྒྲུབ། །མཁའ་འགྲོ་གསུམ་ནི་མཆོད་བྱ་སྟེ། །རིམ་པ་དོན་གྱིས་གོང་དུ་བསྟན། །ཡི་དམ་ལྷ་ལ་རབ་མཆོད་ནས། །མཁའ་འགྲོ་རྣམ་གསུམ་སྤྱན་དྲངས་ལ། །ཐོད་པའི་ཕྱག་རྒྱ་རབ་ཏུ་བསྟན། །རང་རང་རྩ་སྔགས་གང་ཡིན་ལ། ། ཕུར་བུ་ཡཀྵ་ཟ་བྱེད་འབར་བའི་དམ་ཚིག་གི་རྒྱུད།― DNG021_Page_0076 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀཱི་ལ་ཡ་བི་ཏ་ས་མ་ཡ་ཏྲི་ཏ་ཏནྟྲ། བོད་སྐད་དུ། ཕུར་བུ་ཡཀྵ་ཟ་བྱེད་འབར་བའི་དམ་ཚིག་གི་རྒྱུད། བཅོམ་ལྡན་འདས་ཡཀྵ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན།འོག་མིན་གྱི་གནས་མཐའ་དབུས་མེད་པ་ཆོས་ཀྱི་དབྱིངས་རྣམ་པར་དག་པ་ན། རིགས་ལྔའི་བདེ་བར་གཤེགས་པའི་འཁོར་ཉིད་ལས་མི་གཞན་པ་བཞིས་བསྐོར་ཏེ། དེའི་དུས་སུ་གདུལ་བྱའི་རྒྱུད་གང་ལ་གཟིགས་ནས་ཆོས་སྟོན་པ་ནི། བསྐལ་པ་མཉམ་པར་གནས་པ་ཞེས་བྱ་བ་ལ། དུར་ཁྲོད་ཆེན་པོ་རབ་ཏུ་རྩུབ་མོ་ཞེས་བྱ་བར། སྲིད་པའི་ས་བོན་རྩུབ་མོ་ལས་བསྐྱེད་པའི་སྲིན་པོ་མ་ཏྲང་ཀ་རུ་དྲ་ཞེས་བྱ་བ། ཡུམ་འཁོར་བའི་སྡུག་བསྔལ་རྒྱས་བྱེད་ཅེས་བྱ་བ་ལ། འཁོར་ལྷ་སྲིན་སྡེ་བརྒྱད་དང་། ལྷ་ཆེན་པོ་བཅུ་དང་། ཞེ་སྡང་གདུག་པའི་གཅན་གཟན་དྲུག་དང་།འདོད་ཆགས་གདུག་པའི་འདབ་ཆགས་དྲུག་དང་། གཏི་མུག་གདུག་པའི་ཟ་གསོད་དྲུག་དང་། མཚམས་སྦྱོར་གྱི་མཆེ་གཤོག་གཉིས་དང་། ལས་མཛད་ཀྱི་སྲིན་པོ་ལྕམ་དྲལ་དྲུག་དང་། ― DNG021_Page_0077 ―
[མ་དཔེ་གཟིགས་ན་འདིར་གནོན།]
འཇིགས་པའི་སྒོ་མ་བཞིས་བསྐོར་ཏེ། སེམས་ཅན་རྣམས་ལ་སྣ་ཚོགས་ཀྱི་གནོད་པ་ནི་བྱེད། ལོག་པའི་ལམ་ལ་འཇུག་ཅིང་བྱང་ཆུབ་ཀྱི་མྱུ་གུ་སྐེམ་པར་བྱེད་དོ། །ཕུར་བུ་ཟ་བྱེད་ཡཀྵ་འབར་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་དུས་གསུམ་གྱི་དེ་བཞིན་གཤེགས་པ་རིགས་ལྔའི་བདེ་བར་གཤེགས་པ་ལ། གསང་བའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡའི་ཚོགས། འཁོར་ཚོགས་གདུག་པའི་སྡུག་བསྔལ་འཁྱམས་པ་ལ། །ཐུགས་རྗེ་ཐབས་ཀྱིས་དྲང་བར་མཛད་དུ་གསོལ། །ཅེས་ཆེད་དུ་བརྗོད་པ་ལས།དུས་གསུམ་གྱི་བདེ་བར་གཤེགས་པ་རྣམས་བཀའ་བགྲོས་ཏེ། རྟ་མཆོག་ཐུབ་པས་བཏུལ་ཡང་མ་ཐུལ་ཏེ། ཆོས་ཉིད་ཞི་བའི་ངང་ལ་རྟགས་ཀྱི་སྐུར་བཞེངས་ཏེ།དེས་ཀྱང་མ་ཐུལ་དམ་ཚིག་ལ་རྦད་ནས། བཅོམ་ལྡན་འདས་ཀྱི་སྐུ་ནི་ཁྲོ་བོར་རབ་ཏུ་བཞེངས་ཏེ། ལྷ་སྲིན་སྡེ་ཆེན་པོ་བརྒྱད་གདུལ་བའི་ཕྱིར། འཇིགས་བྱེད་ཀྱི་སྐུ་ལ་དཔལ་གྱི་ཆས་བརྒྱད་ཀྱིས་བརྒྱན་ཏེ། ཞེ་སྡང་གི་བདུད་ཐོམ་ཡོར་ནག་པོ་གདུལ་བའི་ཕྱིར། ཐལ་ཆེན་གྱི་ཚོམ་བུ་དཔྲལ་བའི་དམེ་བ་གསུམ་ནི་བཏང་།འདོད་ཆགས་མཛེས་པའི་ལྷ་བདུད་དམར་མོ་གདུལ་བའི་ཕྱིར། མཁུར་བ་སྣ་དང་གསུམ་ལ་རཀྟའི་དམེ་བ་བརྩེགས་མ་ནི་བཏབ། གཏི་མུག་དྲེགས་པའི་བདུད་འཕར་བ་མགོ་གསུམ་པ་སྒྱུར་སྨུག་ནག་གཏུལ་བའི་ཕྱིར། ཞག་གི་དམེ་བ་གསུམ་བརྩེགས་ནི་ཐུགས་ཀར་བཏབ། རྡོ་རྗེ་གཞོན་ནུ་དམེ་བ་བརྩེགས་པ་དེས།གཟའ་ཉི་མའི་བུ་མོ་སྟག་གི་ཤམ་ཐབས་ཅན་གདུལ་བའི་ཕྱིར། དཔའ་གཏུམ་ཟ་བྱེད་སྟག་གི་ཤམ་ཐབས་ནི་གསོལ། ཀླུ་བདུད་ནག་པོ་སི་ཤ་ཅན་གདུལ་བའི་ཕྱིར།རིགས་བཞི་སྦྲུལ་གྱི་ཆུན་པོས་ནི་ཐོད་པ་དང་ཡན་ལག་བརྒྱན། འབྱུང་པོ་ཚོགས་བདག་གླང་སྣ་ཅན་གདུལ་བའི་ཕྱིར། ཐེག་པ་མཆོག་གི་གླང་ཆེན་ཀོ་རློན་ནི་བརྒྱན། སྲིན་པོ་མ་ཏྲཾ་ཀ་རུ་དྲ་གདུལ་བའི་ཕྱིར། ཞིང་ཆེན་གྱི་གཡང་གཞི་ནི་གསོལ། ཁམས་གསུམ་སྲིད་གསུམ་གྱི་བདུད་དགའ་རབ་དབང་ཕྱུག་གདུལ་བའི་ཕྱིར། ཐོད་པ་ཚར་གསུམ་ནི་ ― DNG021_Page_0078 ―
[མ་དཔེ་གཟིགས་ན་འདིར་གནོན།]
སྐུ་ལ་བརྒྱན་པས། ཡུམ་འཁོར་བའི་སྡུག་བསྔལ་རྒྱས་བྱེད་གདུལ་བའི་ཕྱིར། སྟོང་ཉིད་དབྱིངས་ལས་སྡུག་བསྔལ་རྒྱས་འདེབས་པ། །འཁོར་ལོ་རྒྱས་འདེབས་སྐུ་ལ་འཁྲིལ་བར་བྱེད། །འཁོར་ལྷ་སྲིན་སྡེ་བརྒྱད་འདུལ་བས་དཔལ་ཞེས་གྲགས། དེའི་དོན་རྟགས་སྐུ་ལ་བརྒྱན་པས་ན། །དཔལ་གྱི་ཆས་བརྒྱད་ཅེས་སུ་གྲགས་པར་བསྟན། །སྲིན་པོའི་འཁོར་ཚོགས་དེ་རྣམས་ཀྱང་། །ཟས་སུ་ཤ་ཟ་སྐོམ་དུ་ཁྲག་འཐུང་ལས་སུ་སྲོག་གཅོད་པས། །ཡཀྵ་ཁྲག་འཐུང་སྲིན་པོར་གྲགས་པའོ། །ཆོས་ཀྱི་དབྱིངས་ལས་འཇིགས་བྱེད་ཀྱི་སྐུར་བཞེངས་ནས།དུར་ཁྲོད་ཀྱི་ཆས་བརྒྱད་ཀྱིས་ནི་དེ་ལྟར་བརྒྱན། གདུག་པའི་མཚོན་ཆ་བསྣམས་པ་ནི། གཡས་ཀྱི་དང་པོར་རྡོ་རྗེ་རྩེ་དགུ་བསྣམས་པ་ནི། སྲིན་པོ་གཙོ་འཁོར་བཏུལ་བས་རྒྱས་བྱེད་དཔའ་རྟགས་སོ། །གཡོན་གྱི་བྷན་དྷ་རཀྟས་བཀང་བའི་ནང་ན། མེ་ཏོག་མདངས་དང་ལྡན་པ་བསྣམས་པ་ནི། འཁོར་བའི་འདོད་ཆགས་ཀྱི་ཁྲག་ཞལ་དུ་གསོལ་བས། ཐབས་ཤེས་རབ་བདེ་བ་ཆེན་པོས་རྒྱས་འདེབས་པས།རིག་པ་རང་རྟགས་ཀྱི་ཕྱག་མཚན་ནོ། །མེ་དང་ཁ་ཊྭཱཾ་ག་དང་ཕུར་པ་འདྲིལ་བ་ནི། ཕྲིན་ལས་དོན་རྟགས་ཀྱི་ཕྱག་མཚན་ནོ། །ཟ་བྱེད་ཡཀྵ་འབར་བའི་རྒྱུད་ལས། རུ་དྲ་གཙོ་བོ་བཏུལ་བའི་ལེའུ་སྟེ་གཉིས་པའོ།། །།དེ་ནས་ཡང་གསང་བའི་བདག་པོ་ལག་ན་རྡོ་རྗེས། ཀྱེ་བཛྲ་ཀཱི་ལ་ཡ། སྡེ་བརྒྱད་ལྷ་སྲིན་བཏུལ་ནས་ཀྱང་། །ཕྱོགས་སྐྱོང་ལྷ་ཆེན་བཅུ་པོ་རྣམས། །ཐུགས་རྗེས་མ་ལུས་གདུལ་དུ་གསོལ། །ཞེས་བརྗོད་ནས། ཡབ་ཡུམ་གཉིས་སུ་མེད་པ་ལས་ཁྲོ་བོ་ཡབ་ཡུམ་བཅུ་བཏོན་ནས་བཏུལ་ཏེ། ཀུན་གདན་དུ་བཏིངས་ཏེ་རིག་པ་རང་རྟགས་ནི། རྡོ་རྗེ་དང་བྷནྡྷ་དམར་གྱིས་བཀང་བའོ། །སྐྱེ་མེད་འདུས་མ་བྱས་ནི་རྡོ་རྗེ་སྟེ། །སྲིད་རྩ་སྡུག་བསྔལ་རཀྟ་ཞལ་དུ་གསོལ། །ཞེས་བརྗོད་ནས། གཉིས་མེད་བདེ་ཆེན་སྦྱོར་བའི་ལམ་ལ་བཀོད། །ཕྱོགས་སྐྱོང་བཅུ་བཏུལ་ཏེ་ཕྱག་མཚན་བར་མར་བསྣམས། །རྒྱལ་བྱེད་དཔའ་རྟགས་ཞེས་སུ་དེ་ལ་གྲགས། །རི་རབ་ཕུར་པ་ཐ་མར་འདྲིལ་བ་ནི། །ཕྲིན་ལས་དོན་རྟགས་འབྱིན་པའི་ཕྱག་མཚན་ནོ། ། ― DNG021_Page_0079 ―
[མ་དཔེ་གཟིགས་ན་འདིར་གནོན།]
སྲིན་པོ་ལྷ་ཆེན་པོ་བཅུ་བཏུལ་བའི་ཕྱི་རོལ་ན། ཞེ་སྡང་གདུག་པའི་གཅན་གཟན་དྲུག་གནས་པ་ནི། ཟ་བྱེད་ཟ་བ་འགྱིང་བའི་སྟག་དང་། རྔམ་པའི་གཟིག་དང་། མྱུར་མགྱོགས་ཀྱི་བྱི་ལ་དང་། གསོད་ལ་དགའ་བའི་སྤྱང་ཀི་དང་། ཟིལ་གྱིས་གནོན་པའི་སེང་གེ་དང་། གཏུམ་པའི་དོམ་དང་དྲུག་གནས་ཏེ། དེ་དྲུག་ནི་ཡབ་ཀྱི་ཞེ་སྡང་ལས་བསྐྱེད། ཞེ་སྡང་གི་སྙིགས་མ་རུས་པ་དང་། རུས་པ་མཐར་རྒྱས་པ་མཆེ་བ་སྟེ། ཡབ་ལས་བསྐྱེད་པའི་ཟ་བྱེད་མཆེ་བ་ཅན་ཞེས་བྱའོ། །དེ་རྣམས་འདུལ་བའི་ཕྱིར་ཁྲོ་བོ་རྣམས་ཀྱི་སྤྲུལ་པ་ཡབ་ཁོ་ན་བསྐྱེད་དེ། ཡུམ་དྲུག་དང་སྦྱོར་བ་མཛད་པས། ཕ་ཡེ་ཤེས་ཀྱི་ཁྲོ་བོ་ཡིན་པས་ལུས་ལྷར་བྱས། མ་གདུག་པ་བྱོལ་སོང་དུ་བྱུང་སྟེ། སྤྲུལ་པའི་ཕྲ་མེན་མ་ཞེས་གྲགས་སོ། །བུ་དེ་དྲུག་ལ་མཁྱེན་པའི་ཡེ་ཤེས་ནི། སྟག་གིས་ཉོན་མོངས་པའི་སྡུག་བསྔལ་དཔའ་བར་འཇོམས་པ་དང་། གཟིག་གི་མགོ་ཅན་ནི། ཤེས་བྱ་ཐོགས་མེད་ཀྱི་ཡེ་ཤེས་གསལ་བ་དང་། བྱི་ལའི་མགོ་ཅན་ནི། རྩོལ་བསྒྲུབ་ཐམས་ཅད་ཟིལ་གྱིས་གནོན་པ་དང་། སྤྱང་ཀིའི་མགོ་ཅན་ནི། སྦྱོར་སྒྲོལ་དབྱིངས་སུ་དག་པའི་ཡེ་ཤེས་དང་། སེང་གེའི་མགོ་ཅན་ནི། ཞེ་སྡང་སྐྱོན་གྱིས་མི་འཇིགས་པའི་ཡེ་ཤེས་དང་། དོམ་གྱི་མགོ་ཅན་ནི། གདུག་གཏུམ་ཐམས་ཅད་བྱམས་པའི་སྦྱོར་བའི་ཡེ་ཤེས་དང་།ཁྱད་པར་དྲུག་གིས་ཞེ་སྡང་གནས་སུ་དག་ཅིང་། ཁྱད་པར་དུ་འཇོམས་པར་བྱེད་པའོ། །དཀྱིལ་འཁོར་དེའི་ཕྱི་རིམ་ལ་ནི། འདོད་ཆགས་སྡུག་བསྔལ་འདབ་ཆགས་བརྒྱད་གནས་ཏེ། འཇུག་སྐེམ་ཤ་ཟན་གྱི་བྱ་རྒོད་དང་། རྨང་རྩེ་རོལ་པའི་བྱ་རོག་དང་། འཇིགས་བྱེད་རྩལ་མཆོག་འབར་བའི་འུག་པ་དང་། སྒྲིབ་གཡོགས་ཕག་ལ་སྙོལ་བ་ཁྭ་ཏ་དང་། འཇོལ་འཕུར་རྒོད་ནས་འཇབ་ཀྱི་པུ་ཤུད་དང་། བྱ་གཅན་ཐམས་ཅད་འདུལ་བའི་ཧོར་ཁྲ་དང་དྲུག་གནས་ཏེ། ― DNG021_Page_0080 ―
[མ་དཔེ་གཟིགས་ན་འདིར་གནོན།]
དེ་དྲུག་ནི་ཡུམ་འདོད་ཆགས་ལས་བསྟེན་པ་སྟེ། འདོད་ཆགས་ཀྱི་སྙིགས་མ་ཁྲག །ཁྲག་མཐར་རྒྱས་པ་གཤོག་པ་སྟེ། ཡུམ་ལས་གསོད་བྱེད་གཤོག་པ་ཅན་ཞེས་བྱའོ། །དེ་རྣམས་འདུལ་བའི་ཕྱིར་སྦྱོར་བ་མཛད་པས། ཐུགས་ཀྱི་སྤྲུལ་པའི་སྲས་དྲུག་བྱུང་སྟེ། ཕ་ཡེ་ཤེས་ཀྱི་ཁྲོ་བོ་ཡིན་པས་ལུས་ལྷར་བྱུང་། འདོད་ཆགས་འདུལ་བྱའི་བྱོལ་སོང་ཡིན། མགོ་བྱར་བྱུང་བའོ། །དེ་ལ་ནི་སྤྲུལ་པའི་ཕྲ་མེན་མ་ཞེས་གྲགས་སོ། །བུ་དེ་དྲུག་ལ་མཁྱེན་པའི་ཡེ་ཤེས་ནི། འགྲོ་བའི་དོན་ལ་ཐོགས་པ་མེད་པའི་བྱ་རྒོད་མགོ་ཅན་དང་། ཆོས་ཉིད་མི་འགྱུར་བྱ་རོག་མགོ་ཅན་དང་། མི་ཤེས་མུན་པ་གཟིགས་པའི་འུག་པའི་མགོ་ཅན་དང་། སྡུག་བསྔལ་དབྱིངས་སུ་སྙོལ་བའི་ཁྭ་ཏ་དང་། ཐབས་དང་ཤེས་རབ་འདྲེལ་བའི་པུ་ཤུད་དང་། ཉོན་མོངས་དབྱིངས་སུ་བསྣོལ་བའི་ཧོར་ཁྲ་དང་། ཡེ་ཤེས་ཁྱད་པར་དྲུག་གིས་འདོད་ཆགས་གནས་སུ་དག །ཁྱད་པར་འདོད་ཆགས་ཀྱི་གཉེན་པོའོ། །དཀྱིལ་འཁོར་དེའི་ཕྱི་རིམ་ན། གཏི་མུག་པའི་ཟ་གསོད་དྲུག་སྟེ། གཏི་མུག་དུར་ཕག་ཁྲ་མོས་སེམས་ཅན་ཐམས་ཅད་གསོད་པར་བྱེད་པ་ཉོན་མོངས་གཙོར་འཛིན་གྱི་མཆེ་བ་ཅན་དང་། གཏི་མུག་གི་དུག་ཤ་ནག་པོ་ལྟས་ངན་དོན་ལ་འཛིན་པའི་མཆེ་བ་ཅན་དང་། གཏི་མུག་གི་དུག་གཡག་ཁམ་པ་རོ་ལ་རྟགས་པའི་མཆེ་བ་ཅན་དང་། གཏི་མུག་གི་དུག་བྱ་དམིགས་སུ་རྟག་འཛིན་ཐོབ་པའི་གཤོག་པ་ཅན་དང་། གཏི་མུག་གི་དུག་སྲེ་མོ་དུག་ཙམ་ཆེ་བའི་གཤོག་པ་ཅན་དང་། གཏི་མུག་གི་དུག་བྱི་བ་རྐུ་ལ་དགའ་བའི་ལས་བྱེད་གཤོག་པ་ཅན་དང་། དེ་དྲུག་ནི་གཉིས་མེད་གཏི་མུག་ལས་བསྐྱེད་པ་སྟེ། གཏི་མུག་གི་སྙིགས་མ་ཤ་མཐར་རྒྱས་པ་ལས་བྱེད་མི་ཤེས་པ་ནི། ཡབ་དང་ཡུམ་ལས་བསྐྱེད་པའོ། །དེ་རྣམས་འདུལ་བའི་ཕྱིར་ཁྲོ་བོ་རྣམས་ཀྱི་ཐུགས་ལས་སྤྲུལ་པ་མཁའ་ནས་བསྐྱེད་དེ། ཡུམ་དྲུག་ལ་སྦྱོར་བ་མཛད་དེ། ― DNG021_Page_0081 ―
[མ་དཔེ་གཟིགས་ན་འདིར་གནོན།]
ཡབ་ལྷ་ཡིན་པས་ལུས་ལྷ་མོར་བྱུང་། མ་བྱོལ་སོང་ཡིན་པས་མགོ་བྱོལ་སོང་དུ་གནས་ཏེ། དེ་ལ་སྤྲུལ་པའི་ཕྲ་མེན་མ་ཞེས་གྲགས་སོ། །དེ་དྲུག་ལ་མཁྱེན་པའི་ཡེ་ཤེས་ནི། ཕག་ནི་ཡེ་ཤེས་གཙང་དམེ་མེད་པས་རྣམ་རྟོག་འཇོམས། གཡག་ནི་ཆོས་ཉིད་འཕོ་འགྱུར་མེད་པའི་དོན་ལ་འཇོམས། ཤ་བ་ནི་ཡེ་ཤེས་རྒྱས་པའི་མཚན་མའི་བག་ཆགས་འཇོམས། དམིགས་བུ་ནི་ཡེ་ཤེས་ཐོགས་མེད་འཁོར་བའི་ཞེན་པ་འཇོམས། སྲེ་མོང་ནི་རྣམ་རྟོག་བྱ་རླག་སྐྱེ་མེད་དབྱིངས་སུ་གྲོལ། བྱི་བ་ནི་ཅིར་སྣང་ཐམས་ཅད་གཟུང་འཛིན་མཐའ་ལས་གྲོལ། ཡེ་ཤེས་ཁྱད་པར་དྲུག་གིས་གཏི་མུག་གནས་སུ་དག །ཁྱད་པར་གཏི་མུག་གཉེན་པོའོ། །དུག་གསུམ་ཆ་སྙོམས་པའི་དྲེད་དང་ཕ་ཝང་གཉིས་ནི། ཤར་དང་ནུབ་ཀྱི་མཐའ་ན་གནས་ཏེ། ཞེ་སྡང་རུས་པའི་མཐའ་ལ་མཆེ་བ་རྒྱས། འདོད་ཆགས་ཁྲག་གི་མཐའ་ལ་བྱ་གཤོག་རྒྱས། གཏི་མུག་ཤའི་མཐའ་ལས་སྨྲ་མི་ཤེས། དེའི་ཕྱིར་དུག་གསུམ་འཇོམས་པའི་དྲེད་མོ་ལ་ཤེས་བྱ་མ་རྨོངས་རྟོགས་པའི་ཡེ་ཤེས་མངའ་འོ། །ཞེ་སྡང་རུས་པའི་མཐའ་ལ་མཆེ་བ་རྩེ་མོ་རྣོ། །འདོད་ཆགས་ཁྲག་དགུ་གཞན་ལ་སྨན་དུ་ཆེ། །གཏི་མུག་ལམ་སྟོར་ཉིན་པར་རྒྱུ་མི་ཤེས། །དུག་གསུམ་འཇོམས་མཛད་གཤོག་རླབས་ཕ་ཝང་ལ། །མ་རིག་མུན་པ་སེལ་བའི་ཡེ་ཤེས་མངའ་འོ། །ཕུར་པ་ཡཀྵ་འབར་བའི་རྒྱུད་ལས། ལྷ་ཆེན་པོ་དང་གདུག་པའི་ཟ་བྱེད་བཏུལ་བའི་ལེའུ་སྟེ་གསུམ་པའོ།། །།དེ་ནས་ཡང་གསང་བའི་བདག་པོ་ལག་ན་རྡོ་རྗེ་ཡིས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡ། ལྷ་ཆེན་གདུག་པ་ཟ་བྱེད་བཏུལ་ནས་ཀྱང་། །གདུག་པའི་སྲི་ཅན་རྣམ་གསུམ་འཁྲུགས་པ་ལས། །ཐུགས་རྗེ་ཆེན་པོས་མ་ལུས་གདུལ་དུ་གསོལ། །ཞེས་བརྗོད་པས། རབ་ཏུ་རྩུབ་པའི་ཚོགས་ཀྱི་དུར་ཁྲོད་ན། །ཕུང་སྲི་ཁྱི་མོ་འདོད་ཆགས་དམར་ལྕམ་ནི། །སེམས་ཅན་རྣམས་ཀྱི་སྲོག་ཟ་ཞིང་ ― DNG021_Page_0082 ―
[མ་དཔེ་གཟིགས་ན་འདིར་གནོན།]
འགུགས། དམ་སྲི་ལྟེ་ཕུར་ནག་མོ་ནི། སེམས་ཅན་རྣམས་ཀྱི་མདངས་འཕྲོག་ཅིང་སྐེམ། རྒྱས་སྲི་དུནྟིང་ནག་མོ་ནི། སེམས་ཅན་རྣམས་ལ་ནད་གཏོང་ཞིང་སྲོག་གཅོད་པར་བྱེད་པ་ལ། དེ་གསུམ་ནི་དུག་གསུམ་གྱི་མཐར་རྒྱས་ཀྱི་སྲི་ཅན་གསུམ་ཡིན་ཏེ། བཅོམ་ལྡན་འདས་བཛྲ་ཀཱི་ལ་ཡས། ཐུགས་ཀྱི་ཡི་གེ་འབྲུ་གསུམ་ཁར་བཅུག་པས། ཤྭ་ན་མ་བཞི་དང་བདག་ཉིད་མ་བཞི་དང་།རྒྱལ་མོ་བཞི་འཁྲུངས་ཏེ། བུ་མོ་བཅུ་གཉིས་པོས་ཀྱང་རང་རྟགས་སྲོག་གི་སྙིང་པོ་ཕུལ་ཏེ། མཁྱེན་པའི་ཡེ་ཤེས་ནི། ཤྭ་ན་མས་ཐུགས་རྗེ་ཉི་མའི་འོད་རྒྱས་པ་ལྟ་བུ་མཁྱེན། བདག་ཉིད་མས་སྦྱོར་བ་ལྕགས་ཀྱི་ཚ་ཚྭ་ལྟ་བུ་མཁྱེན། བསེའི་ལྷ་མོས་སྲོག་གི་སྤུ་གྲིའི་སོ་ལྟ་བུ་མཁྱེན། དེ་རྣམས་ཀྱིས་ཀྱང་། དུར་ཁྲོད་རབ་རྩུབ་མ་རུ་ཙེའི་སྒོ་འགྲམ་དེར། མཱ་ར་སེ་ན། པྲ་མརྔྷ་ན་ཡ་ཧཱུཾ་ཕཊ། ཅེས་རང་རྟགས་སྲོག་གི་སྙིང་པོ་རྣམས་ཕུལ་ཏེ། བཀའ་འཁོར་བསྲུང་བར་རང་དམ་རང་གིས་བཅས་སོ། །དཔལ་ཆེན་པོས་གསང་མཚན་བཏགས་པ། ཤྭ་ན་མུ་ཁ་དང་། ཤྭ་ན་མ་སྲི་བ་དང་། ཤྭ་ན་མ་རག་དང་། ཤྭ་ན་མ་ལས་མཁན་ནོ། །བདག་ཉིད་མ་རེ་མ་ཏེ་དང་། རེ་མ་དེ་དང་། རེ་མ་ཛ་དང་། རེ་མ་ཛུའོ། །བསེ་དུནྟི་ནག་མོ་དང་། བསེ་བ་ཏི་ནག་མོ་དང་། བསེ་དུནྟི་ནག་མོ་དང་། ཚ་བ་ཀོ་ཏི་ནག་མོར་བཏགས་སོ། །ཕུར་པ་ཡཀྵ་འབར་བའི་རྒྱུད་ལས། གདུག་པ་སྲི་ཅན་བཏུལ་བ་དང་། ཐུལ་བའི་བུ་མོ་དམ་ལ་བཏགས་པའི་ལེའུ་སྟེ་བཞི་ པའོ།། །།དེ་ནས་ཡང་གསང་བའི་བདག་པོ་ལག་ན་རྡོ་རྗེ་ཡིས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡ། གདུག་པའི་སྲི་ཅན་དེ་ལྟར་བཏུལ་ནས་ཀྱང་། །སྲིན་པོའི་ཚོགས་བདག་བཏུལ་བའི་བཀའ་འཁོར་རྣམས། །ཕྱི་རབས་གྲུབ་པའི་དངོས་གྲུབ་སྟེར་འགྱུར་བ། །ཐུགས་རྗེ་ཐབས་ཀྱི་མཛད་སྲོལ་བསྟན་དུ་གསོལ། །ཞེས་བརྗོད་པས། བར་ཆད་བསྲུང་བ་མཚམས་ཀྱི་ལས། །རྟེན་དུ་རུང་བ་ཚོགས་གསོག་ལྷ། །བྱིན་ ― DNG021_Page_0083 ―
[མ་དཔེ་གཟིགས་ན་འདིར་གནོན།]
གྱིས་བརླབ་པ་དམ་རྫས་གསུམ། །སྐུ་གསུམ་སངས་རྒྱས་ཏིང་འཛིན་བསྒོམ། །དཔལ་ཆེན་ཡུམ་ལྔ་གཞལ་ཡས་ཁང་། །དཀྱིལ་འཁོར་རྣམ་གསུམ་བརྟེན་པའི་ལྷ། །དམ་ཅན་བཅོ་ལྔ་བསྒྲུབ་པའི་གྲོགས། །རྒྱལ་པོའི་ལས་བཞི་ཆོ་གའི་ཁྲིགས། །འདི་བརྒྱད་སྟོང་ཁོག་ཡིན་གྱི་བྱང་ཆུབ་ལམ། །ཆེ་བའི་ཡོན་ཏན་ཀུན་གྱི་འབྱུང་གནས་ས། །ལྷ་རྣམས་བདུད་རྩིས་མཆོད་པ་དང་། །ཐུགས་དམ་བསྐང་དང་ཚོགས་མཚམས་གཅད་ཅིང་བཤགས། །དངོས་གྲུབ་འབྲུ་གསུམ་བླངས་ལ་མཆོད་པ་སྦྲེང་། །དངོས་གྲུབ་ཚོགས་ཀྱི་མཆོད་པ་ཕུལ་བ་ཡང་། །དྲི་མ་དག་པ་ལྷ་ལ་དྲི་བ་དང་། །སློབ་མས་གསོལ་བ་བཏབ་སྟེ་དེ་ལ་བརླབ། །ལྷ་ཚོགས་རྣམས་ནི་གསལ་བར་བསྐྱེད། །སྤྱན་དྲངས་ཏེ་དབུལ་བསྐང་སོགས་རྫས་རྣམས་བཏེགས་ལ་བྱ། ཕུང་པོ་བཤིག་སྟེ་མཆོད་པ་རྣམ་གསུམ་དབུལ། །དངོས་གྲུབ་བླངས་ནས་བཅུ་གསུམ་ལས་ཚོགས་རྫོགས། །ཉི་ཤུ་གྲུབ་ལ་མཁས་ན་དངོས་གྲུབ་ལས། །དཀྱིལ་འཁོར་བྲི་དང་མཆོད་རྫས་བཀྲམ། །ལྷག་མ་བྱིན་བརླབ་མགྲོན་སྤྱན་དྲངས། །ལས་དང་དབང་བསྡུས་ཁ་ཆུ་བཏབ། །ཐུགས་དམ་བདར་དང་མཆོད་མཚོན་བཤགས་པ་ལས། །ཕྲིན་ལས་བཅོལ་ལ་ཕུར་པས་གདབ། །ཐ་མ་སྨོན་ལམ་བྲོ་བརྡུང་ཁ་བཞིར་བསྡུ། །ལས་ཆེན་བཅུ་གསུམ་རྫོགས་པ་ལྷག་མའི་ལས། །བདུན་ལ་མཁས་ན་ཐ་མ་མཐུ་ཆེན་འགྱུར། །བཅུ་བཞི་ཧེ་རུ་ལས་ཀྱི་བཟླས་པ་སྟེ། །སྒྲུབ་པའི་ལས་ཚོགས་ཞེས་ནི་སྟོན་པའོ། །ཕུར་པ་ཟ་བྱེད་ཡཀྵ་འབར་བའི་རྒྱུད་ལས། འཁོར་ཚོགས་བྱང་ཆུབ་ལམ་ལ་སྒྲུབ་པའི་ལེའུ་སྟེ་ལྔ་ པའོ།། །།དེ་ནས་གསང་བའི་བདག་པོ་ལག་ན་རྡོ་རྗེ་ཡིས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡ། འཁོར་ཚོགས་བྱང་ཆུབ་བསྒྲུབ་པ་དེ་ལགས་ན། །མཚམས་སྤྲུལ་དཀྱིལ་འཁོར་ཚོགས་བསགས་མི་འཚལ་ལམ། །ཞེས་བརྗོད་པས། བཅོམ་ལྡན་འདས་ཡཀྵ་ཧེ་རུ་ཀས་འདི་སྐད་ཅེས་བཀའ་སྩལ་ཏེ། ཕུན་སུམ་ཚོགས་ལྡན་མཉམ་ཉིད་དུ། །ཕྱི་ནང་གསང་ ― DNG021_Page_0084 ―
[མ་དཔེ་གཟིགས་ན་འདིར་གནོན།]
བའི་མཚམས་ཀྱང་བཅད། །ཕྱི་ནི་རྒྱལ་ཆེན་ཕྱོགས་སྐྱོང་གི། །བཅུ་བཞི་མཐོ་ཡིས་གཅད་པར་བྱ། །ནང་ནི་ལས་ཀྱི་མཚམས་གསུམ་བཅད། །གསང་བ་སྒོ་གསུམ་དམ་སྲི་མ་ཏྲཾ་མནན། །བར་མཚམས་ལས་བཅུ་རྒྱས་པའི་གོ་རིམ་ནི། །ལུས་ངག་བསྲུང་བ་བདག་ཉིད་བསྒོམ་པའི་མཚམས། །བདེན་པ་བདར་ལ་བསྒོམ་པ་ལས་ཀྱི་མཚམས། །གནས་བསྲུང་བ་ནི་གཞལ་ཡས་ཁང་གི་མཚམས། །དེ་ཡང་མི་ཤིགས་མཚོན་ཆའི་གུར་དང་ས་གཞི་ལ། །དམར་ནག་དམར་སྨུག་མེ་ཡི་འདུ་འཕྲོ་འཁྱིལ། །ཡེ་ཤེས་ཁྲོ་བོ་བཅུ་ཡང་དབྱིངས་ནས་བཞེངས། །ཁྲག་འཐུང་རོལ་པའི་ལྷ་ནི་ནང་ན་བཞུགས། །མཚམས་ཀྱི་དཀྱིལ་འཁོར་མ་ལུས་ལྷུན་གྱིས་གྲུབ། །མཚམས་ཀྱི་ཁང་པའི་ནང་དུ་ནི། །ཉི་ཟླ་པདྨའི་གདན་བཤམས་ཏེ། །སྐུ་གསུང་ཐུགས་ཡོན་ཕྲིན་ལས་ལྔའི། །ཞི་ཁྲོ་ལྷ་རྣམས་སྔགས་ཀྱིས་སྤྲུལ། །མཆོད་རྫས་བྱིན་གྱིས་བརླབ་པ་ཡང་། །གཏོར་མ་ལས་རབ་ཀུན་གྱི་མཆོག །ལས་རྣམས་ཀུན་གྱི་སྣ་ལ་འགྲོ། །གཞོང་པ་བྷྲཱུཾ་ལས་གཞལ་ཡས་ཁང་། །རྫས་རྣམས་ལྷ་ཡི་རང་བཞིན་ལས། །རྡོ་རྗེ་རྒྱ་གྲམ་ཁ་བཅད་དེ། །རྭ་ལ་གསང་བའི་ཡུམ་བཞི་གནས། །གསང་བདག་དཔལ་གྱི་ཞབས་ཀྱིས་སྦྱང་། །ཐུགས་ཀྱི་འོད་ཀྱིས་ལྷ་རྣམས་བསྐུལ། །སྙོམས་པར་ཞུགས་པའི་བྱང་ཆུབ་སེམས། །རྟ་ཡི་སྤྱིར་ཞུགས་ཡུམ་གྱི་མཁའ། །གཏོར་མར་ཐིམ་པས་དབྱེར་མེད་ཞུ། །སྔགས་འདིས་བསྐུལ་ལ་བྱིན་གྱིས་བརླབ། །ཏེ་ཛོ་བ་ལིཾ་ཏ་ཏེ་ཛོ་བ་ལ་བ་ཏི་གུ་ཡ་ས་མ་ཡ། བཅོ་བརྒྱད་ཉི་ཤུ་རྩ་གཅིག་བྱིན་བརླབ་སྔགས། །དབུལ་བའི་སྔགས་ནི་འཇུག་མ་ཆེད་དུ་བརྗོད། །བདུད་རྩི་ཡེ་ཤེས་ལྔ་ལྡན་པ། །བྱིན་བརླབ་གཞུང་ནས་བྱུང་བའི་རྫས། །ཕུལ་ན་དམ་སྐོངས་ལས་གཉིས་རྫོགས། །བྱིན་བརླབ་བྱ་བའི་སྔགས་འདི་བཟླས། །ཨོཾ་སརྦྦ་པཉྩ་ཨ་མྲྀ་ཏ་ཧཱུཾ་ཧྲཱྀཿཐཱ། དགུག་པ་ཉི་ཤུ་རྩ་གཅིག་ཏུ། །བྱིན་གྱིས་བརླབས་ཏེ་དབུལ་བ་ཡིན། །རཀྟ་ཆགས་པའི་རང་བཞིན་ནི། །དབང་དུ་འདུས་ཤིང་ལས་ ― DNG021_Page_0085 ―
[མ་དཔེ་གཟིགས་ན་འདིར་གནོན།]
རྣམས་བྱེད། །རྨད་བྱུང་དམ་རྫས་ཀུན་གྱི་མཆོག །སྔགས་འདི་བཟླས་ལ་བྱིན་གྱིས་བརླབ། །ར་རཱ་ག་ཏི་པདྨ་ས་མ་ཡ་སྟྭཾ། བཅུ་པས་བྱིན་བརླབ་དབུལ་བར་བྱ། །གཏོར་མ་ལྷ་ཡི་མཎྜལ་ལ། །བདུད་རྩི་དཀར་པོས་ཏེ། །རཀྟ་ཆགས་ཤིང་དམར་ལ་དྭངས། །བྱིན་བརླབ་ཕུལ་ལ་གཤེགས་པའི་ལས། །བསྐྱེད་དང་མཆོད་དང་བསྒོམ་བཟླས་རྣམས། །མཚན་མ་དུས་དང་གྲངས་སུ་བྱ། །ཕུར་པ་ཟ་བྱེད་ཡཀྵ་འབར་བའི་རྒྱུད་ལས།མཚམས་བསྲུང་ཚོགས་བསགས་པའི་དཀྱིལ་འཁོར་དང་། བསྙེན་པ་བསྐྱལ་བའི་ལེའུ་སྟེ་དྲུག་པའོ།། །།དེ་ནས་ཡང་གསང་བའི་བདག་པོ་ལག་ན་རྡོ་རྗེས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡ། བསྙེན་པ་སྐྱེལ་བའི་རིམ་པ་དེ་ལགས་ན། །གཟུགས་བརྙན་དཀྱིལ་འཁོར་སྒྲུབ་པ་མི་འཚལ་ལམ། །ཞེས་བརྗོད་པས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དང་པོ་ས་བརྟག་བསླང་ཞིང་སྦྱང་བ་དང་། །བྱིན་གྱིས་བརླབས་ཏེ་བཟུང་བ་དེར། །སྟ་གོན་མཆོད་པ་རྒྱས་ཤེས་པས། །དཀྱིལ་འཁོར་བྲི་བའི་ལས་ལ་འཇུག །མཐིང་ནག་གྲུ་གསུམ་ནག་པོ་ལ། །ཟླ་གམ་དམར་པོ་དབང་གིས་སྤྲས། །ཟླུམ་པོ་ཞི་བ་དཀར་པོས་བསྐོར། །འཁོར་ལོ་རྩིབས་བརྒྱད་མཐིང་ནག་ལ། །གོང་རས་དམར་ལ་འོད་སྐོར་དཀར། །ཐོད་པ་ཁྲ་བོས་བརྒྱན་པ་བྲི། །རྒྱས་པའི་གྲུ་ཆད་སེར་པོ་ལ། །བར་ཁྱམས་ཕྱོགས་མཚམས་སྒོ་བཞི་རིགས། །བཅུ་དྲུག་ཆ་ལས་བགོས་པ་ཡིས། །སྒོ་ཡང་བརྒྱད་ཀྱི་ཚད་དུ་བྱ། །སྒོ་ཁྱུད་ར་བ་བཅུ་དྲུག་ཚད། །ཞིང་གི་ཀ་བ་དེ་ཡི་ཕྱེད། །རྩིགས་པ་ཏྲི་དང་པཉྩ་ཨེ། །ཡང་ན་ཆེ་བའི་ཡོན་ཏན་རྒྱས། །རིན་པོ་ཆེ་ཡི་ཕུང་པོར་བྱ། །དུར་ཁྲོད་ཆེན་པོའི་གཞལ་ཡས་ཁང་། །དབང་དྲག་ཐོད་པའི་ཁོལ་མས་བརྒྱན་པ་བྲི། །ཡེ་ཤེས་སྤྲོས་དང་བྲལ་བས་ན། །ཨེ་ནི་རཱ་ག་རྐྱང་པས་ཏེ། །ར་བ་ཐོད་སྐམ་ཕ་གུ་རློན། །རྡོ་རྗེ་ཕྲེང་བ་མེ་འོད་དམར། །བཛྲ་ཡཀྵ་མཎྜ་ལ། །ཙཀྲ་ཏྲི་ཏི་ས་མ་ཡཱ། །ཐལ་མོ་དྲུག་བསྣོལ་བཞི་སྦྱར་ལ། །བླང་ཞིང་ནམ་མཁར་བཏེགས་པར་བྱ། །ཕོ་བྲང་རྡོ་རྗེ་རྭ་བརྒྱད་ལ། །རིན་ཆེན་ལྟེ་བ་ཕྲིན་ལས་བཞི། །འཁོར་ལོའི་རྩེ་མོར་ཀ་བ་བརྒྱད། །ཞིང་ཆེན་འདུས་པའི་ ― DNG021_Page_0086 ―
[མ་དཔེ་གཟིགས་ན་འདིར་གནོན།]
རྒྱན་གྱིས་སྤྲས། །མཆོག་ཆེན་དྲལ་བཏབ་ཞིང་ཆེན་འཕན། །གླང་ཆེན་ཆུ་སྲིན་ཉི་ཟླར་བཅས། །སྟེང་གི་ཇི་ལྟར་གནས་གུད་པར། །འོག་ཀྱང་དེ་ལྟར་གསལ་བར་བྲི། །ཕོ་བྲང་མཐོ་ལ་ཕྱི་རོལ་དམའ། །ཀ་སྟེགས་ལྟ་བུར་གནས་པ་བྲི། །གཙོ་བོའི་གདན་དང་བསེ་མོའི་ཐུགས། །ཐད་ཀར་གནས་པ་ཙམ་དུ་བསྒོམ། །ནང་གི་དུར་ཁྲོད་གཞལ་ཡས་ལ། །ཕྱི་ནི་རིན་ཆེན་གཞལ་ཡས་ཁང་། །གསལ་བ་རང་བཞིན་མེད་པར་བསྒོམ། །ཕུར་བུ་ཟ་བྱེད་འབར་བའི་རྒྱུད་ལས། གཟུགས་བརྙན་གྱི་དཀྱིལ་འཁོར་བསྟན་པའི་ལེའུ་སྟེ་བདུན་པའོ།། །།དེ་ནས་ཡང་གསང་བའི་བདག་པོ་ལག་ན་རྡོ་རྗེས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡ། དཀྱིལ་འཁོར་བྲི་བ་དེ་ལགས་ན། །ལྷ་རྣམས་དགོད་པ་མི་འཚལ་ལམ། །ཞེས་བརྗོད་པས། བཅོམ་ལྡན་འདས་ཡཀྵ་ཧེ་རུ་ཀས་འདི་སྐད་ཅེས་གསུངས་སོ། །སྐྱེ་མེད་བྱང་ཆུབ་སེམས་ཉིད་ལས། །རུ་དྲ་ལྷ་ཆེན་གདན་སྟེངས་སུ། །རིག་པ་ཧཱུཾ་ལས་ཁྲོ་བོར་བསྐྱེད། །ཡུམ་དང་འཁྲིལ་བས་ལོངས་སྤྱོད་རྫོགས། །ཕྲ་ཐབས་སྤྲུལ་པ་དུག་གསུམ་འཇོམས། །བར་ཁྱམས་ཤྭ་ན་བདག་ཉིད་བསྐྱེད། །ཧཱུཾ་ཏྲཱཾ་ཧྲཱྀ་ཨཱ་བཞི་ལས་བསྐྱེད། །སྒོ་བཞིར་གསང་བའི་བསེ་མོ་བཞི། །ཡི་གེ་ཧཱུཾ་ཕཊ་ཏ་ལས་བསྐྱེད། །བོས་ལ་མཆོད་པའི་ལས་རྣམས་བྱ། །དབང་དང་བྱིན་བརླབ་བྱས་ནས་ཀྱང་། །བསྒོམ་བཟླས་བསྒྲུབ་པ་རྫོགས་པ་དང་། །ཕོ་ཉ་རྣམ་གསུམ་འགུགས་པར་བྱ། །ཐུགས་རྗེ་སྤྲུལ་པའི་ཕོ་ཉ་ལ། །གཞི་དང་དངོས་པོ་ངོ་བོ་ཕྲིན་ལས་གསུམ། །མགྱོགས་བྱེད་ཡེ་ཤེས་ཕོ་ཉ་ལ། །གཞི་དང་ངོ་བོ་ཕྲིན་ལས་དང་། །བཀའ་ཉན་ཕྲིན་ལས་ཕོ་ཉ་ལ། །གཞི་དངོས་ཕྲིན་ལས་དགུར་ལྡན་ན། །འགུགས་པའི་ལས་ལ་བསྒྲུབ་པར་བྱ། །དེ་ལ་གདབ་པའི་ལས་བརྒྱད་བྱ། །རིག་པ་སེམས་ཀྱི་ཕུར་པ་དེ། །སྐྱེ་མེད་ཆོས་ཀྱི་དབྱིངས་ལ་གདབ། །བྱང་ཆུབ་སེམས་ཀྱི་ཕུར་པ་དེ། །ཡུམ་གྱི་མཁའ་ལ་གདབ་པ་ཡིན། །ཚད་མེད་སྙིང་རྗེའི་ཕུར་པ་དེ། །ཁམས་གསུམ་སྡུག་བསྔལ་རྒྱུད་ལ་གདབ། །རྫས་ཀྱི་ཕུར་པ་དགྲ་དང་བགེགས་ལ་གདབ། །དང་པོ་ཚེ་གསོ་ཁྲུས་ཀྱང་བྱ། །གཉིས་པ་རྣམ་རྟོག་སྒོ་ལྔ་དགག །ཚོགས་བརྒྱད་དང་པོ་བྱིན་གྱིས་བརླབ། །རྟེན་ ― DNG021_Page_0087 ―
[མ་དཔེ་གཟིགས་ན་འདིར་གནོན།]
གཉིས་བཅད་དང་འཁོར་རྩིབས་བཅད། ཕུར་པ་ཟ་བྱེད་ཡཀྵ་འབར་བའི་རྒྱུད་ལས། གདབ་པའི་ཕྲིན་ལས་བསྟན་པའི་ལེའུ་སྟེ་བརྒྱད་པའོ།། །།དེ་ནས་གསང་བའི་བདག་པོ་ལག་ན་རྡོ་རྗེས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡ། ལྷ་དགོད་པའི་ཕྲིན་ལས་དེ་ལགས་ན། །གདབ་པའི་དགོངས་པ་མཐར་ཕྱིན་བསྟན་དུ་གསོལ། །ཞེས་བརྗོད་པ་ལས། བཅོམ་ལྡན་འདས་ཡཀྵ་ཧེ་རུ་ཀས། འདི་སྐད་ཅེས་བཀའ་སྩལ་ཏོ། །ཨ་བྷི་ཙརྱའི་དུས་ལ་བབ། །བརྣག་པའི་ལས་ནི་འདི་ཉིད་ལའོ། །ཨ་ནི་ཆོས་དབྱིངས་སྐྱེ་བ་མེད། །སྒྱུ་མ་དངོས་མེད་ཀྱི་བདེན་པའོ། །བྷི་ནི་གསང་སྔགས་བྱིན་གྱིས་བརླབས། །ཐུགས་རྗེ་འགག་མེད་ཀྱི་ཕུར་པ་ཤར། །བརྟེན་ཏེ་འཁོར་བའི་སྒོ་ཡང་དགག །ཙར་ནི་གཉིས་སུ་མེད་པ་སྟེ། །བདག་དང་ཕུར་པ་གཟས་པའོ། །རིག་པ་རྩ་བཅུད་ཤ་ཁྲག་དྲུག །གཉིས་མེད་གཅིག་པས་སངས་རྒྱས་མཐུ། །ཡ་ནི་སྐུ་གསུམ་རྒྱ་མ་ཆད། །བྱང་ཆུབ་སེམས་ནི་རིན་པོ་ཆེ། །ཕྱི་ནི་ཀུན་གཞི་ཉོན་མོངས་ཡིན། །ཡིད་ཀྱི་རྣམ་ཤེས་གསུམ་དུ་ཤར། །ནང་ནི་ཧེ་རུ་ཀའི་སྐུ་གསུང་ཐུགས། །གསང་བ་ཡབ་ཡུམ་བྱང་ཆུབ་སེམས། །དཀར་དམར་གཉིས་སུ་མེད་དང་གསུམ། །རྒྱ་མ་ཆད་ན་སྒྲིབ་གསུམ་བྱང་། །རྟོག་པ་བྲལ་ན་སེམས་ཞེས་བྱ། །ཉམས་སུ་ལོན་ན་རིན་པོ་ཆེ། །མཚོན་དྲུག་གོང་བུ་གྱུར་པ་ལ། །མི་བལྟ་དོན་དུ་བདེན་བཞི་བདར། །ད་ལྟར་བྱ་བའི་དུས་ལ་བབ། །ལུས་ཀྱི་བརྣག་པ་རྡེབ་པ་ཡིན། །ངག་གི་བརྣག་པ་སྔགས་བཟླས་བྱ། །ཡིད་ཀྱི་བརྣག་པ་རྣམ་གསུམ་པོ། །དྭངས་མ་རྣམ་གསུམ་སྦྱང་བ་དང་། །དཀར་ནག་དྲི་མ་བཀྲུ་བ་དང་། །སེམས་ཉིད་རིག་པའི་དབྱིངས་འབྱུང་འབྱང་ན། །བརྣག་པ་མཐའ་རུ་ཕྱིན་པའོ། །ཐུགས་རྗེ་གཞན་དུ་མི་སྤྲོའི་དོན། །འདི་ཉིད་ཁོ་ནའི་དུས་ལ་བབ། །ཕུར་པ་ཡཀྵ་འབར་བའི་རྒྱུད་ལས། གདབ་པ་མཐར་ཕྱིན་པའི་དགོངས་པའི་ལེའུ་སྟེ་དགུ་པའོ།། །།དེ་ནས་ཡང་གསང་བའི་བདག་པོ་ལག་ན་རྡོ་རྗེས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡ་གདབ་པའི་དགོངས་པ་མཐར་ཕྱིན་པ་དེ་ལགས་ན། དབང་དང་དངོས་གྲུབ་བླང་བ་མི་འཚལ་ལམ། ། ― DNG021_Page_0088 ―
[མ་དཔེ་གཟིགས་ན་འདིར་གནོན།]
དངོས་གྲུབ་བླང་བའི་དོན་རྣམས་བཀའ་སྩལ་པ། །ཡེ་ཤེས་ལྷ་ཡི་དངོས་གྲུབ་དེ། །དོན་གྱི་གནས་པའི་ཚུལ་དུ་བླང་། །རྡོ་རྗེ་འཁོར་ལོ་རིན་པོ་ཆེ། །པདྨ་ཕྲིན་ལས་རྒྱ་གྲམ་དེ། །གང་ལ་གནས་པ་དེ་ལ་བླང་། །དམ་ཅན་རྒྱ་མཚོའི་དངོས་གྲུབ་དེ། །ཐོབ་པའི་དུས་ལ་བརྟེན་ཏེ་བླང་། །རྩེ་ལྔ་མེ་རི་འབར་རྩེ་དང་། །ཏི་སེའི་གངས་ལ་ཉི་ཤར་དང་། །འཛམ་བུའི་གླིང་དུ་ཉི་མ་བརྡལ། །མཐིང་ནག་སྒྲིབ་རྩེ་ཉིལ་དུས་སུ། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྔ་ཡི་དངོས་གྲུབ་བླང་། །ཏིང་འཛིན་ལམ་པའི་དངོས་གྲུབ་དེ། །ཐོབ་པའི་ཚུལ་ལ་བརྟེན་ཏེ་བླང་། །འཚོ་བ་ཟས་ཀྱི་དངོས་གྲུབ་དེ། །ཐམས་ཅད་རྫོགས་པའི་ཚུལ་དུ་བླང་། །དེ་ལ་དབང་བསྐུར་བྱ་བ་ཡང་། །ཕྱི་ནི་བུམ་པའི་དབང་བསྐུར་ཏེ། །བཀྲ་ཤིས་རྫས་བརྒྱད་དག་གིས་བྱ། །གསང་བ་ཨ་མྲྀ་ཏ་དང་རྡོ་རྗེ་ཚེའོ། །ཕྱི་ནི་ཤེས་དབང་ཡེ་ཤེས་ནི། །ལྷག་པའི་བྱང་ཆུབ་སེམས་སོ། །ནང་གི་བུམ་པའི་དབང་དེས་ལུས་དག་པ་སྟེ། །ལྷའི་སྐུ་སྣང་ལ་རང་བཞིན་མེད་པར་བསྒོམ། །ནང་གི་གསང་བ་ནི་ངག་དག་པར་བྱེད་པ་སྟེ། །ལྕེ་ལ་དབང་བསྐུར་སྔགས་བཀླག་པའོ། །ནང་གི་ཤེས་རབ་ཡེ་ཤེས་ཀྱིས་ཡིད་དག་པར་བྱེད་པ་སྟེ། སེམས་ལས་སུ་རུང་བའོ། །གསང་བའི་བུམ་པའི་དབང་ནི། འཁྲིལ་ཏེ་འཁྱུད་ཅིང་བསྲུབ་པའོ། །གསང་བའི་གསང་བ་ནི་བདེ་བ་རྩེ་ལ་སྨིན་པའོ། །གསང་བའི་ཤེས་རབ་ཡེ་ཤེས་ནི། །གཉིས་ཤོར་གཉིས་མཉམ་པའོ། །ཕྱག་རྒྱ་མ་ཡི་རྒྱུ་འཁྲུངས་ན། །རྡོ་རྗེ་སློབ་དཔོན་བཀའ་བྱུང་ན། །ཡི་གེ་ན་ཡང་སྐེད་པར་ཆོད། །བླ་མས་པདྨ་མཚན་ལྡན་དེ། །བུ་ལ་གཏད་དེ་སྦྱོར་བར་བསྐུལ། །བདེ་བའི་ཡེ་ཤེས་བྱང་ཆུབ་སེམས། །མཁའ་ནས་བླངས་ཏེ་རང་བརྟེན་ནས། །དབང་དང་དངོས་གྲུབ་ཁ་རུ་བཏུང་། །དེ་ནས་བླངས་ཏེ་བུ་ལ་བསྐུར། །མཁས་དང་གཙང་སྨེ་མེད་རྟོགས་ན། །གྲོལ་ཞིང་མི་ལྡོག་བླ་མ་ཡིན། །བུ་མོའམ་ཆུང་མ་མཛའ་བདེ་མོ། །འཕངས་པ་བླ་མ་དེ་ལ་དབུལ། །དངོས་གྲུབ་ཡོན་ཏན་དམ་པར་འགྱུར། ། ― DNG021_Page_0089 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་འགྲམ་དུ་ལོངས་སྤྱོད་ཀྱང་། །ཉམ་ང་བག་ཚ་མེད་པར་བྱ། །མ་བྱིན་བརྐུས་ན་དམྱལ་བར་ལྟུང་། །སེམས་ཀྱིས་ཐོངས་ན་སྦྱིན་པའི་མཆོག །བླ་མ་ཡེ་ཤེས་གཏེར་ཞེས་བྱ། །ཕུར་པ་ཡཀྵ་འབར་བའི་རྒྱུད་ལས། དབང་དང་དངོས་གྲུབ་བསྟན་པའི་ལེའུ་སྟེ་བཅུ་པའོ།། །།དེ་ནས་ཡང་གསང་བའི་བདག་པོ་ལག་ན་རྡོ་རྗེས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཛྲ་ཀཱི་ལ་ཡ། དབང་དང་དངོས་གྲུབ་བསྟན་པ་དེ་ལགས་ན། །རྒྱུད་དང་དགོངས་པའི་ཁྱད་པར་བྱེ་བྲག་རྣམས། །ཕྲ་མོར་བྱས་ཏེ་བསྟན་པར་མི་འཚལ་ལམ། །བྱེ་བྲག་སོ་སོར་བསྟན་པ་བཀའ་སྩལ་པ། །རྒྱ་ཤུག་ཙནྡན་དཀར་པོ་དང་། །སྐྱེར་པ་ཡང་ན་གླ་བ་དང་། །སེང་ལྡེང་མཛོ་མོ་དམར་མོ་དང་། །ཤིར་ཤིང་ནག་པོ་ཚེར་མ་ཅན། །འདི་བརྒྱད་ཕུར་པའི་རྒྱུ་ཡིན་ཏེ། །ཡང་ན་ཤིང་གི་རྒྱུ་བསྟན་པ། །ཞི་རྩེ་རྒྱས་པ་རྩ་བ་དབང་། །དྲག་པོ་ས་ཡི་གཏིང་ལ་བྱ། །དུར་ཁྲོད་རུས་པའི་རྒྱུད་བསྟན་པ། །བྱ་ཕུར་དཀར་པོ་འགུགས་བྱེད་པ། །མགྱོགས་པས་ཞི་བའི་ཕུར་པར་བཤད། །གླང་ཆེན་བཞོན་པ་སེར་པོ་ལ། །དངོས་གྲུབ་རྒྱས་པའི་ཕུར་པར་བཤད། །བྱ་རྒོད་མཆོག་གི་ཕུར་པ་དེ། །དབང་སྡུད་ལས་ཀྱི་ཕུར་པར་བཤད། །གཅན་གཟན་རྐང་གི་ཕུར་པ་དེ། །དྲག་པོ་ལས་ཀྱི་ཕུར་པར་བཤད། །དངུལ་ལ་ཞི་བ་རྒྱས་པ་གསེར། །དབང་སྡུད་དམར་ཐབས་ཟངས་ཡིན་ཏེ། །ལྔ་བདུན་ཚོགས་ན་དྲག་པོ་ལྕགས། །ཕུར་པའི་རྒྱུ་ཆེན་བཅོ་བརྒྱད་པོ། །མཁས་པས་བྱེ་བྲག་ཤེས་པར་བྱ། །རྒྱུ་ལ་དོན་གྱི་ཚད་བསྟན་པ། །སྐྱེ་བ་རྣམ་བཞིའི་སྒོ་བཀག་པ། །ཚད་ནི་སོར་བཞི་བསྟན་པ་ཡིན། །རྣམ་ཤེས་བརྒྱད་ཀྱི་སྒོ་བཀག་པས། །རྟེན་འདྲེལ་བཅུ་གཉིས་རྒྱུན་བཅད་ཕྱིར། །འབྲིང་ཚད་སོར་ནི་བཅུ་གཉིས་བསྟན། །ཁམས་ཆེན་བཅོ་བརྒྱད་རྩད་བཅད་ཕྱིར། །སོར་ནི་བཅོ་བརྒྱད་རིང་ཚད་ལྡན། །རྣམ་ལྔའི་དགོངས་ལྡན་བར་པར་བར་པར་བྱ། །ཕུར་ནི་རིག་པའི་ཡེ་ཤེས་ཏེ། །པ་ནི་སྣ་ཚོགས་དངོས་པོའོ། །སྣ་ཚོགས་སེམས་ཀྱི་ཆོ་འཕྲུལ་ཏུ། །རྟོགས་ན་ཕུར་པ་ཞེས་སུ་གྲགས། །དབྱིབས་ནི་ཟླུམ་པོ་ཞི་བ་ལ། །རྒྱས་པ་རྩེ་མོ་གྲུ་བཞི་པ། །དབང་ནི་ཟླ་གམ་གསུམ་དུ་བཤད། །རྒྱ་མདུད་བཅུམ་གཞོགས་བརྒྱད་དང་ལྡན། །དེ་ཡི་བྱིན་རླབས་འདི་བཞིན་ནོ། །སྔགས་དང་རྫས་དང་ཏིང་འཛིན་དང་། །ལག་པའི་འདུ་བྱེད་ཐབས་ཤེས་རབ། །གྲུབ་པས་བྱིན་གྱིས་བརླབ་པར་བྱ། །རིག་པའི་ཡེ་ཤེས་བྱང་ཆུབ་སེམས། །ཚད་མེད་སྙིང་རྗེས་གདབ་པར་བྱ། །སྒོ་བཞི་དོན་གྱི་ཚད་མའོ། །ཕུར་པ་ཡཀྵ་འབར་བའི་རྒྱུད་ལས། རྒྱུད་དོན་དགོངས་པའི་བྱེ་བྲག་བསྟན་པའི་ལེའུ་སྟེ་བཅུ་གཅིག་པའོ།། །།ཕུར་པ་ཡཀྵ་འབར་བའི་རྒྱུད་རྫོགས་སོ།། །། རྡོ་རྗེ་ཕུར་བུ་ཆོས་ཐམས་ཅད་མྱ་ངན་ལས་འདས་པའི་རྒྱུད་ཆེན་པོ།― DNG021_Page_0090 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་སརྦ་དྷརྨ་ནི་ཎ་མ་ཧཱ་ཏནྟྲ།བོད་སྐད་དུ། རྡོ་རྗེ་ཕུར་བུ་ཆོས་ཐམས་ཅད་མྱ་ངན་ལས་འདས་པའི་རྒྱུད་ཆེན་པོ། བཅོམ་ལྡན་འདས་དཔལ་ཀུན་ཏུ་བཟང་པོ་འཇིགས་བྱེད་ཀྱི་རྒྱལ་པོ་ལ་ཕྱག་འཚལ་ལོ། །འདི་སྐད་བསྟན་པའི་དུས་ན། བཅོམ་ལྡན་འདས་སྐུ་གསུང་ཐུགས་ཀྱི་བདག་ཉིད། ཐམས་ཅད་སོ་སོ་མ་ཡིན་པའི་རང་བཞིན་ཏེ། མཐའ་དང་དབུས་མེད་པ་འོག་མིན་གྱི་གནས། དྲག་པོ་མཐིང་ནག་འབར་བའི་གཞལ་ཡས། རྒྱུ་རིན་པོ་ཆེ་འབར་བ་སྣ་ཚོགས་དང་། འཇིགས་བྱེད་དྲག་པོའི་རྒྱན་མང་པོས་བཀླུབས་པ། རྣམ་པ་ཐ་དད་ཅིང་སོ་སོ་ན་གསལ་བ། ངོ་བོ་གཅིག་ཅིང་ཡེ་ནས་གསལ་བ་ན། བཅོམ་ལྡན་འདས་དཔལ་ཀུན་ཏུ་བཟང་པོ། འཇིགས་བྱེད་ཀྱི་རྒྱལ་པོ་སྐུ་གསུང་ཐུགས་བསམ་གྱིས་མི་ཁྱབ་པ་དང་ལྡན་པའི་དབུ་གསུམ་པ། རྡོ་རྗེ་དང་། རིན་པོ་ཆེ་དང་། པདྨ་དང་། ལས་དང་། འཁོར་ལོ་ལ་སོགས་པའི། རིགས་དང་། གྲངས་དང་། ཕྱག་རྒྱ་དང་། ཁ་དོག་ལ་སོགས་པའི་ངོ་བོར་བཞུགས་སོ། །དེ་ཡང་རིགས་ཀྱི་ཡབ་དང་། ཡུམ་དང་། སེམས་དཔའ་དང་། སེམས་མ་དང་། ཁྲོ་བོ་དང་། ཁྲོ་མོ་དང་བཅས་པར་བཞུགས་སོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་སྐུ་གསུང་ཐུགས་ལས་ཕྱུང་ངོ་། །དེ་བཞིན་ཉིད་ཀྱི་དབྱིངས་ཉིད་ནི། །ཡེ་ཤེས་ཆེན་པོས་དབང་བསྒྱུར་ཞིང་། །དཀྱིལ་འཁོར་ཐུགས་རྗེས་འབྱུང་བའི་ངོར། །རང་བཞིན་ཏིང་འཛིན་གཟུགས་བརྙན་དག །སྐུ་གསུང་ཐུགས་ཀྱི་ངང་ལས་བྱུང་། །ཡོན་ཏན་ཕྲིན་ལས་དེ་བཞིན་ཏེ། །བདེ་ཆེན་མཆོག་གི་གནས་ཉིད་དོ། །ཞེས་གསུངས་སོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཀུན་ཏུ་བཟང་པོ་འཇིགས་བྱེད་ཀྱི་རྒྱལ་པོ། མ་ལུས་པ་ཐམས་ཅད་ཀྱི་རང་བཞིན་གྱི་ཚུལ་རྡོ་རྗེས། མ་ཆགས་ཡུམ་གྱི་དཀྱིལ་འཁོར་ན་གཉིས་སུ་མེད་པར་བྱ་བ་དང་། གདུག་པ་ཅན་ཐམས་ཅད་འདུལ་བའི་ཕྱིར། རབ་ཏུ་དྲག་པོ་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆོས་ཉིད་མ་གཡོས་ ― DNG021_Page_0091 ―
[མ་དཔེ་གཟིགས་ན་འདིར་གནོན།]
ཞེས་བྱའི་དབྱིངས། །མ་བཅོས་རང་བཞིན་བདེ་བའི་ཡུམ། །རང་བཞིན་མ་གཡོས་དཀྱིལ་འཁོར་ནི། །བདག་ཡིན་བདག་གི་སྤྱོད་ཡུལ་དང་། །ཕྱག་རྒྱ་སྣ་ཚོགས་སོ་སོར་གསལ། །བདེ་གཤེགས་རྒྱལ་བས་སྦས་པའི་གཏེར། །སུས་ཀྱང་དཔག་པར་དཀའ་བ་དེ། །ཀུན་ཏུ་བཟང་པོ་བདག་ལ་གསལ། །ཞེས་བརྗོད་པས་མ་ཆགས་ཡུམ་གྱི་དཀྱིལ་འཁོར་དང་གཉིས་སུ་མེད་པར་གྱུར་ཏོ། །གྱུར་ནས་ཡུམ་གྱིས་འདི་སྐད་ཅེས་བརྗོད་དོ། །ཆོས་ཉིད་དབང་བསྒྱུར་བདེ་ཆེན་གཙོ། །བདེ་གཤེགས་རྒྱལ་བ་ཀུན་བཟང་ཡིད། །རང་བཞིན་ཡེ་ཤེས་དྲུག་ཡིན་ཏེ། །ཀུན་བཟང་བདེ་ཆེན་ཉིད་ཀྱི་རྒྱན། །བདེ་ཆེན་ཐུགས་ཀྱི་རང་བཞིན་ནོ། །བདེ་བར་གཤེགས་པའི་ཐུགས་ཀྱི་མཆོག །སྐལ་མེད་རྣམས་ལ་རང་བཞིན་གསང་། །སྐུ་གསུང་ཐུགས་ནས་དབང་མཆོག་ཡིན། །ཞེས་བརྗོད་པས། ཐམས་ཅད་གཅིག་གི་རང་བཞིན་དུ་དབྱེར་མེད་པར་གྱུར་པས། ཉིད་ཀྱི་ཡེ་ཤེས་ལས་ཀརྨ་ཧེ་རུ་ཀའི་ངོ་བོར་གྱུར་ནས་ཞུ་བ་པོའི་བདག་ཉིད་ཏུ་གྱུར་ཏོ། །དེས་བཀའི་ལུང་གོ་ནས་འདི་སྐད་ཅེས་གསོལ་ཏོ། །ཆོས་ཉིད་མ་བཅོས་དོན་འདི་ལ། །སྤྲོས་མེད་བརྗོད་མེད་ཡེ་གནས་ལ། །སྐལ་མེད་ཐུགས་རྗེས་ཇི་ལྟར་གཟུང་། །གཉིས་མེད་སེམས་ཀྱི་རང་བཞིན་ལ། །སྐལ་མེད་འབྱུང་བ་ཅི་ལྟ་བུ། །དོན་འདི་མི་གནས་བདག་ཅག་ལ། །གཉིས་མེད་རྒྱལ་པོས་བཤད་དུ་གསོལ། །ཞེས་བརྗོད་པས། བཀའ་སྩལ་པ།མ་བཅོས་སེམས་ཉིད་རང་བཞིན་ལ། །ཡེ་ཤེས་བརྗོད་མེད་ཡེ་གནས་ཀྱང་། །འཁྲུལ་པའི་བག་ཆགས་ཕྲ་མོ་འདིས། །གཟུང་འཛིན་དངོས་པོ་གཉིས་སུ་དེར། །ཕྱིན་ཅི་ལོག་ཏུ་གོལ་བ་སྟེ། །གཉིས་མེད་དོན་གྱི་ངོ་བོ་ལས། །ཐབས་ཆེན་འབར་བའི་རོལ་པ་ཡིས། །བདེན་པ་གཉིས་ཀྱི་ངང་དུ་བསྒྲལ། །ཞེས་གསུངས་པས།ཀརྨ་ཧེ་རུ་ཀས་ཁྲག་འཐུང་གི་རྒྱལ་པོ་ལ་འདི་སྐད་ཅེས་གསོལ་ཏོ། །མ་བཅོས་ཆོས་ཉིད་རང་བཞིན་ལས། །རོལ་པའི་སྐུ་ནི་ཅི་ལྟར་བྱུང་། །ཡང་དག་བདེན་པས་ཅི་ལྟར་བསྒྲལ། །དངོས་སུ་བསྒྲལ་བའི་ཡོན་ཏན་ཅི། །ཞེས་གསོལ་པས། ཁྲག་འཐུང་རྒྱལ་པོ་བཛྲ་ཀཱི་ལ་ཡས། ཡེ་ཤེས་མེད་པ་མ་ཡིན་ ― DNG021_Page_0092 ―
[མ་དཔེ་གཟིགས་ན་འདིར་གནོན།]
པའི་དབྱིངས་ནས་ཤིན་ཏུ་དྲག་པོ་མི་བཟད་པའི་སྐུ་ཕྱུང་ནས། ཐེག་ཆེན་གསང་བའི་བསྟན་པ་འདི། །རྒྱ་ཆེར་གྲགས་པར་གྱུར་པ་ནི། །མྱ་ངན་འདའ་བར་ལུང་བསྟན་ཏེ། །འབྲས་བུ་ཆུབ་པར་སྟོན་པ་ནི། །རྡུལ་བྲལ་དྲི་མེད་བསྟན་པ་ཞིག །མཆོག་གི་ཞིང་ཁམས་དག་པ་འདིར། །སྣང་བ་ཐོབ་པའི་སྐལ་ཅན་ལ། །དོན་གྱི་ངོ་བོར་བཤད་པར་བྱའོ། །ད་ནི་སྣང་བ་འདི་ནུབ་ནས། །ཆོས་ཀྱི་མེ་ལོང་དམ་པ་ཞིག །ང་འདས་གླིང་གི་འཇིག་རྟེན་འདིར། །འབྱུང་བའི་དགེ་སློང་སྐལ་ཆེན་ལ། །བསྟན་པའི་ཆར་ཆེན་བབས་ནས་ནི། །ཀུན་དང་མཐུན་པར་གྲགས་འགྱུར་ཞིང་། །ང་སྣང་མི་གནས་དེ་རྗེས་ན། །ལོ་ནི་བརྒྱད་ཅུ་རྩ་གཉིས་བརྒྱ་དང་བཅུ་གཉིས་ཀྱང་ན། །གསང་འདུས་མྱ་ངན་འདས་པ་འདི། །བྱང་ཆུབ་སྙིང་པོ་ཅན་ཞེས་པའི། །ས་ལེ་གསེར་གླིང་བྱ་བ་དེར། །ལས་དང་ཐུགས་རྗེ་མཐུན་པ་ཡིས། །ཆོས་ཀྱི་མིག་གཅིག་འབྱེད་འགྱུར་ཞིང་། །རིགས་ལྡན་ཀུན་གྱིས་ཐོབ་གྱུར་ཅིག །ཅེས་གསུངས་སོ། །དེ་ནས་ཡང་བཅོམ་ལྡན་འདས་བཛྲ་ཀཱི་ལ་ཡས། སྙིང་རྗེ་རོལ་པའི་ཏིང་ངེ་འཛིན་ལ་ཞུགས་ནས། ཀྱེ་མ་ཧོ་སངས་རྒྱས་མང་པོའི་ཚོགས། །ཀུན་ཏུ་སྣང་ངོ་རབ་ཏུ་འདིར། །སྲིད་པ་ལོག་པའི་གདུག་པ་ཅན། །འཁོར་བའི་ས་བོན་རྩུབ་མོས་འཕངས། །སྡུག་བསྔལ་ཆེན་པོ་ཡི་དྭགས་ཏེ། །ལས་ཀྱིས་འཇིག་རྟེན་ཁམས་འདིར་འབྱུང་། །དྲག་པོ་རང་གི་དཀའ་ཐུབ་ཀྱིས། །སྲིད་པ་གསུམ་གྱི་བདག་པོར་སྨིན། །དྲག་པོ་རུ་དྲའི་དུག་དཔལ་གྱིས། །འགྲོ་རྣམས་མཐར་རློགས་འཇོམས་བྱེད་འདི། །གདུལ་བར་བྱ་བའི་འོས་མཆོག་སྟེ། །སྙིང་རྗེའི་བདག་པོ་ཀུན་འདུས་ལ། །སྡུག་བསྔལ་ལས་ཀྱི་རྒྱུན་བཅད་དེ། །བདེ་ཆེན་ས་ལ་བཞག་པའི་རིགས། །ཞེས་གསོལ་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ ལས། ཁུངས་དང་གླེང་བསླང་བའི་ལེའུ་སྟེ་གཉིས་པའོ།། །།དེ་ནས་ཡང་བཅོམ་ལྡན་འདས་བཛྲ་ཀཱི་ལ་ཡས། ཉིད་ཀྱི་ཡེ་ཤེས་རིགས་ཀྱི་ཁྲོ་བོར་སྤྲུལ་ནས། མི་འདུལ་བར་དགོངས་ནས་བཀའི་བགྲོ་བ་མཛད་དོ། །བཅོམ་ལྡན་འདས་ཁྲག་འཐུང་སྙིང་པོས་བགྲོས་པ། ― DNG021_Page_0093 ―
[མ་དཔེ་གཟིགས་ན་འདིར་གནོན།]
ཀྱེ་མའོ་འདུས་པའི་ཚོགས་ཆེན་དག །འདས་པའི་དུས་ནས་སྔོན་བྱུང་ལྟར། །ད་ལྟ་དུས་འདིར་བྱུང་བ་སྟེ། །དེ་བཞིན་གཤེགས་པའི་གསུང་རབ་ལས། །བདག་ཉིད་ཆེན་པོ་རྟག་པ་ཡིས། །ཁྲོ་བོའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ཀུན། །ཤིན་ཏུ་ཁྲོ་དྲག་གཏུམ་པར་འགྱུར། །ཤིན་ཏུ་ཁྲོ་དྲག་གཏུམ་པ་ཡིས། །འོ་དོད་འབོད་པར་ལྟུང་བར་འགྱུར། །མི་བཟད་ཆེན་པོས་སྡུག་བསྔལ་ཏེ། །དུག་གསུམ་མཐའ་ལ་མངོན་ཞེན་པ། །ཅི་ལྟ་བ་ཡི་ཐབས་ཀྱིས་གདུལ། །ཞེས་བགྲོས་སོ། །བཅོམ་ལྡན་འདས་གཏི་མུག་ཆེན་པོའི་ཚོགས་ཀྱིས་བགྲོས་པ། ཤིན་ཏུ་གཏུམ་པའི་སེམས་ཅན་འདི། །ཅི་ལྟར་དེ་དག་བཞག་གྱུར་ན། །བག་ཆགས་ངན་པའི་ཆུ་རླབས་ཀྱིས། །བདུད་ཀྱི་ཚོགས་སུ་མངོན་འཕེལ་ནས། །རིག་པ་འཛིན་པའི་རྒྱུན་གཅོད་ཅིང་། །བསྟན་པའི་གསུང་རབ་འཇིག་པར་འགྱུར། །དེ་ཚེ་ལས་ཀྱི་མུན་པ་ཡིས། །འགྲོ་བ་མ་རིག་འཁོར་བར་འཁྱམས། །དུག་ནད་རིམས་ནད་ཕྲ་མེན་མ། །གནོད་སྦྱིན་གདོན་དང་ལོག་འདྲེན་ཉིད། །སྲིད་པ་གསུམ་པོ་འཇིག་བྱེད་ཅིང་། །དམ་ཚིག་གཉན་པོ་འདྲལ་བྱེད་པ། །ཅི་ལྟ་བ་ཡི་ཐབས་ཀྱིས་འདུལ། །ཞེས་བགྲོས་སོ། །བཅོམ་ལྡན་འདས་ང་རྒྱལ་ཆེན་པོའི་ཚོགས་ཀྱིས་བགྲོས་པ། འདས་པའི་དུས་ན་སྔོན་བྱུང་བ། །ལས་ཀྱི་གདུག་པའི་རཱུ་ཏྲ་དེ། །རྒྱལ་བ་འདས་པའི་སྦྱོར་བ་ཡིས། །ཅི་ལྟར་ཁྲོ་དྲག་གཏུམ་པ་ལྟར། །ད་ལྟ་ཚེ་འདིར་བྱུང་བ་ཡིས། །དུག་གསུམ་བརྩེགས་པའི་རི་བོ་འདི། །འབར་འཕྲོ་འཁྲུགས་པའི་སྦྱོར་བ་ཡིས། །ཅི་ལྟར་འཚམས་པ་བཞིན་དུ་འོས། །སངས་རྒྱས་ཐམས་ཅད་འདུས་ནས་ཀྱང་། །ཁྲོས་པའི་སྤྲིན་ནག་གཏིབས་པ་ཡིས། །མངོན་སྤྱོད་རོལ་པའི་ཐབས་ཆེན་གྱིས། །འཁོར་བ་བསྒྲལ་བའི་དུས་ལ་བབ། །ཅེས་བགྲོས་སོ། །བཅོམ་ལྡན་འདས་ཆགས་པ་ཆེན་པོས་བགྲོས་པ། ཤིན་ཏུ་གདུག་ཅིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ལས། །ཁྲོ་བོར་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་ཁྲོས་པས་ཀྱང་། །འཇིག་རྟེན་གསུམ་དག་སྲེག་བྱེད་ན། །སངས་རྒྱས་ཐུགས་རྗེ་ཁྲོས་པ་ཡིས། །ཁམས་གསུམ་མ་ལུས་ ― DNG021_Page_0094 ―
[མ་དཔེ་གཟིགས་ན་འདིར་གནོན།]
སྨོས་ཅི་དགོས། །ཞེས་བགྲོས་སོ། །བཅོམ་ལྡན་འདས་ཕྲག་དོག་ཆེན་པོའི་ཚོགས་ཀྱིས་བགྲོས་པ།རང་བཞིན་དག་པའི་ངོ་བོ་ལས། །ལོག་རྟོག་ཕྱིན་ཅི་ལོག་པས་བཅིངས། །དངོས་པོ་རང་དགར་ཞེན་པ་ཡི། །གདུལ་དཀའ་མ་ལུས་འདུལ་བ་དང་། །དམ་ཚིག་ལ་སྡང་རྣམ་སྦྱང་ཕྱིར། །དུར་ཁྲོད་གར་གྱི་ཕྱག་རྒྱར་མཛོད། །ཅེས་བགྲོས་སོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཐུགས་རྗེ་ཆེན་པོའི་ཕྲིན་ལས་ཀྱི་བཀའི་མོལ་པ་མཛད་པའི་ལེའུ་སྟེ་གསུམ་པའོ།། །།དེ་ནས་ཀརྨ་ཧེ་རུ་ཀས་འཁོར་མང་པོ་འདུས་པའི་ནང་ནས། ཤིན་ཏུ་ཡང་བཅོམ་ལྡན་འདས་བཛྲ་ཀཱི་ལ་ཡ་རིགས་ཀྱི་ཁྲོ་བོའི་ཚོགས་དང་བཅས་པ་ལ། འདི་སྐད་ཅེས་བརྗོད་དོ། །ཁྲག་འཐུང་ཆེན་པོ། དཀའ་ཐུབ་ཅན་གྱི་སེམས་ཅན་འདི། །རྒྱུ་དང་རྐྱེན་ནི་ཅི་ལས་བྱུང་། །འབྲས་བུ་སྨིན་པ་ཅི་ལྟར་སྨིན། །རིགས་དང་སྡེ་ནི་གང་དུ་གཏོགས། །ལས་སྐལ་སྤྱོད་པ་ཅི་ཞིག་བྱེད། །མ་བཏུལ་བ་ཡི་སྐྱོན་ནི་ཅི། །བཏུལ་ན་ཡོན་ཏན་ཅི་ལྟར་འཐོབ། །ཅེས་བརྗོད་པས་བཀའ་སྩལ་པ། ལོག་པའི་སེམས་ཅན་ཆེན་པོ་དེ། །ལེགས་པའི་རྒྱུ་རྐྱེན་ལས་མ་བྱུང་། །ཉེས་པའི་རྒྱུ་རྐྱེན་ལས་བྱུང་སྟེ། །རྒྱུ་ནི་གཟུང་འཛིན་རྟོག་ལས་བྱུང་། །རྐྱེན་ཀྱང་ལོག་པར་སྤྱད་ལས་བྱུང་། །འབྲས་བུ་ཉོན་མོངས་ལྔ་རུ་སྨིན། །རིགས་ནི་འཁོར་བའི་རིགས་ཅན་ཏེ། །གདོལ་པ་ཅན་གྱི་འབྱུང་པོར་གཏོགས། །ལས་སྐལ་ཆགས་སྡང་སྤྱོད་ལ་ཞེན། །མ་བཏུལ་བ་ཡི་སྐྱོན་བསྟན་ན། །ལྷ་དང་མི་ཡི་སྲིད་པ་བརླག །ཁ་ལོ་ལོག་པར་བསྒྱུར་ནས་སུ། །སངས་རྒྱས་ཞིང་ཁམས་རབ་སྟོངས་ཏེ། །འཁོར་བ་སྟེ་ཆད་དུ་ལུས་ལ། །སངས་རྒྱས་དམན་རིགས་སུ་ལུས་ནས། །དོན་ལ་མི་ཕན་སྐྱོན་ཡོད་དོ། །བཏུལ་ན་ཡོན་ཏན་དཔག་ཏུ་མེད། །དུག་གསུམ་རྩད་གཅོད་འཁོར་བ་དོང་ནས་སྤྲུག །འཁོར་བ་ཆོས་ཉིད་ཆེན་པོར་འགྱུར། །སངས་རྒྱས་ཞིང་ཁམས་དག་པས་ན། །བཏུལ་བས་ཡོན་ཏན་ཆེན་པོ་འཐོབ། །ཅེས་བརྗོད་པས། ཀརྨ་ཧེ་རུ་ཀས་ཤིན་ཏུ་བསྐུལ་ཏེ། ཨེ་མ་ཧོ་བཛྲ་ཀཱི་ལ་ཡ། དུས་ལ་བབ་པའི་བསྐལ་ཆེན་འདིར། །ལས་ལ་བབ་པའི་ཐུགས་ ― DNG021_Page_0095 ―
[མ་དཔེ་གཟིགས་ན་འདིར་གནོན།]
རྗེ་ཡིས། །རྣམ་པར་སྨིན་པའི་འབྱུང་པོ་འདི། །བསྒྲལ་བ་འབའ་ཞིག་ཐུགས་རྗེའི་མཆོག །ཅེས་ཉེ་བར་བསྐུལ་བས། དེ་ནས་དེ་བཞིན་གཤེགས་པ་ཀུན་གྱིས། སྤྲུལ་པའི་ཆོ་འཕྲུལ་མཛད་དེ། ཡེ་ཤེས་ཀྱི་སྤྲིན་དམར་ནག་ནི་དབྱར་གྱི་ཆར་སྤྲིན་དུ་གཏིབས་པས། འབར་བའི་ཕྱག་རྒྱ་སྣ་ཚོགས་སུ་བཞེངས་ཏེ། དེ་བཞིན་གཤེགས་པ་ཐམས་ཅད་ཀྱིས་བདེན་པའི་གཞུང་གིས་འདུལ་བར་གཟས་པ་ན། རཱུ་ཏྲ་ནག་པོས་སེ་གོལ་ལན་གསུམ་བརྡབས་ཏེ། བདག་མི་ཐུལ་བར་འདུལ་བར་ངོ་མཚར་སྐྱེས་ཏེ། གོའུ་ཏ་མ་ཁྱོད་ཀྱིས་བདག་ཐུལ་བ་མ་ལགས་ཏེ། ཁྱོད་རང་གི་གནས་སུ་དཀའ་ཐུབ་ཀྱི་བདེ་བ་ལ་གནོས་ཤིག་ཟེར་ཏེ་མ་ཉན་ཏོ། །དེ་ནས་ཁྲོ་བོ་ཆེན་པོ་རྣམས་ཀྱིས། རྡོ་རྗེ་རྟ་མཆོག་གི་ཚོགས་སུ་སྤྲུལ་ནས། ཁྲོ་བོ་རྟ་མཆོག་ཚོགས་ཀྱིས་ཐུལ་བར་བཀའ་བསྒོ་བ་ལས། དཔལ་རྟ་མགྲིན་གྱིས་གསུང་ཚངས་པའི་དབྱངས་ལྟ་བུས་སྲིན་པོའི་མ་སྲིང་རྣམས་དབང་དུ་བསྡུས་ནས། འདུལ་བའི་འཁོར་ཁྲེམས་པར་བྱས་ནས་ཡང་ཁོས་མ་ཉན་ཏེ་མ་ཐུལ་ལོ། །དེ་ནས་ཡང་ཆོས་ཀྱི་དབྱིངས་ཀྱི་ཕོ་བྲང་ནས། ཡེ་ཤེས་ཀྱི་སྤྲིན་འགོ་ནི་ནམ་མཁའི་སྤྲིན་གཞིན་གཏིབས་ནས།གཟུགས་ཀྱི་སྐུ་རགས་པར་བཞེངས་ཏེ། སྣང་སྲིད་ཀྱི་ཁམས་སུ་ཡེ་ཤེས་ཀྱི་སྤྱན་རྣམ་པར་དག་པས་གཟིགས་ནས། བདུད་རཱུ་ཏྲ་ནག་པོ་ལྟ་ཞིག །སྲོག་ཆགས་ཀྱི་སྐྱམས་ལིངས་ལ་སྤྱོད་པར་གཟིགས་ནས། ཀུན་རྫོབ་སྒྱུ་མའི་ཚུལ་དུ་མཐུན་པར་སྤྱོད་དགོས་ཏེ། རྣམ་པར་རོལ་ཅིང་ཀུན་ཏུ་བརྟེན་པའི་ཚུལ་གྱིས། དཔའ་བོ་རྡོ་རྗེ་རྟ་གདོང་གི་ཚོགས་ལ་བཀའ་བསྒོ་བ། རྡོ་རྗེ་གདོང་གི་ཚོགས་ཀུན་སོང་རབ་ཏུ་སོང་ལ། འཇིག་རྟེན་གྱི་ཁམས་དག་ལ་བདུད་ཀྱི་ཚོགས་ཀུན་སྲོག་ཆགས་ཀྱི་སྐྱམས་ལིངས་བྱེད་པ་ལ་སོ་ཚུགས་ཤིག་ཅེས་བཀའ་བསྒོ་བ་ལས། རྡོ་རྗེ་རྟའི་རྒྱལ་པོས་འཇིག་རྟེན་གྱི་ཁམས་སུ་ཆོ་འཕྲུལ་བསྟན་ནས། འཇིག་རྟེན་པའི་རི་བོ་མ་ལ་ཡ་གནམ་ལྕགས་ཡོད་པའི་རྩེ་མོ་ལ་སོ་བཙུགས་སོ། དེར་ཡུམ་རལ་གཅིག་མ་དང་པདྨ་བྷྲྀ་གུ་ཏ་གཉིས་བསྙེམས་སོ། །དཔལ་པདྨ་གར་གྱི་དབང་ཕྱུག་གིས་ནི། འཇིག་རྟེན་གྱི་ཁམས་སུ་ཆོ་འཕྲུལ་གཟུགས་ཀྱི་སྐུར་མངོན་པར་ ― DNG021_Page_0096 ―
[མ་དཔེ་གཟིགས་ན་འདིར་གནོན།]
བསྟན་ནས། ཀུན་རྫོབ་ཆོས་དང་མཐུན་པར། འཇིག་རྟེན་ཁམས་སུ་ཆོ་འཕྲུལ་གྱི་ཞབས་ཀྱིས་བཅགས་ཏེ། སྲིན་པོའི་སྐྱམས་ལིངས་ངལ་གསོ་བའི་བར་དུ། སྲིན་པོའི་གླིང་ཁམས་སུ་གཤེགས་ནས། ཉོན་མོངས་པའི་འདམ་རྫབ་དང་། ཞེ་སྡང་གི་རྫོང་ལ་ཞེན་པ་དང་། འདོད་པའི་རྒྱ་མཚོ་ལ་ཆགས་པའི་ཕྱིར། སྲིན་པོའི་གླིང་ཁམས་ཀྱི་ཕྱི་རོལ་ན། ཁྲག་གི་རྒྱ་མཚོས་བསྐོར་བ་དེ་དག་དཔལ་ཁྲག་འཐུང་འབར་བའི་ཚོགས་ཀྱིས་རཀྟ་བདུད་རྩི་སྣ་ཚོགས་སུ་སྤྲུལ་ནས་ཞལ་དུ་རྔུབས་ཤིང་གསོལ་ཏོ། །མི་གཙང་བའི་འདམ་རྫབས་ཀྱིས་བསྐོར་བ་དེ་དག་དྲི་ཆེན་ལས་བདུད་རྩི་སྣ་ཚོགས་སུ་སྤྲུལ་ནས་ཞལ་དུ་རོལ་ལོ། །གོ་རོ་ཙ་ན་དང་རྐང་ལ་སོགས་པའི་བཅུད་འཁྱིལ་པ་དེ་དག་བྱང་ཆུབ་སེམས་ལས་བདུད་རྩི་སྣ་ཚོགས་སུ་སྤྲུལ་ནས་ཞལ་དུ་གསོལ་ཏོ། །རྣག་དང་ཆུ་སེར་གྱི་ཁུ་བ་འབབ་པ་དེ་དག་དྲི་ཆུ་ལས་བདུད་རྩི་སྣ་ཚོགས་སུ་སྤྲུལ་ནས་གསོལ་ཏོ། །འབུ་དང་འབུ་ཤིན་ཏུ་ཆེ་བ་དང་། ལྕགས་ཀྱི་སྦྲང་མ་ལ་སོགས་པ་ཀུན་དང་། བསྒྲལ་བའི་ཤ་རུས་ཐང་མར་བརྡལ་བ་དེ་དག །མཱང་ས་ལས་བདུད་རྩི་སྣ་ཚོགས་སུ་སྤྲུལ་ནས་གསོལ་ཏོ། །འཇིགས་བྱེད་འབར་བའི་ཚོགས་སུ་བསྒྲལ་ཞིང་འབར་བའི་ཚོགས་སུ་བསྐྱེད་དེ། སྲིན་པོའི་བུ་མོའི་ཚོགས་དང་།རྐུན་མོ་དང་གཏུམ་མོའི་ཚོགས་ལ་སོགས་པ་ལ། མ་ཆགས་ཐབས་ཀྱིས་སྦྱོར་བ་མཛད་པས། སྲས་འཕགས་པའི་ལུས་ལ་སེམས་ཅན་གྱི་མགོ་བཏགས་པ་མང་པོ་བྱུང་སྟེ། ཕག་དང་སྟག་གི་མགོ་ལ་སོགས་པ་མང་པོ་སྤྲུལ་ཏོ། །དེའི་གནས་ཀེང་རུས་ཀྱི་གྲོང་ཁྱེར་ཐོད་པ་བརྩེགས་པའི་ནང་ན། སྲིན་མོ་ཀྲོ་དྷཱི་ཤྭ་རཱི་ཉིད་ནི།འཁོར་བ་སྨིན་པའི་དུང་ཕོར་དུ། ཉོན་མོངས་པ་སྨིན་པའི་ཆང་གིས་བཀང་སྟེ།ལོངས་སྤྱོད་ཅིང་གནས་པ་ལས། འཇིགས་བྱེད་ཀྱི་རྒྱལ་པོ་དཔལ་ཀཱི་ལ་ཡས།སྲིན་པོའི་གཟུགས་སུ་སྤྲུལ་ནས། ཨེ་མ་ཧོ། བདག་གི་གཙོ་བོ་ནི་ཕྱིན་ཏོ་ཞེས་ཏེ། བམ་ཆེན་གྱིས་ཁྲི་ལས་བབ་སྟེ། རྗེ་ལ་དུང་ཕོར་གྱི་མཚོ་ཞལ་དུ་བསྟབས་པས།ཀཱི་ལ་ཡས་རོལ་ཏོ། །གཞན་ཡང་རིམ་པར་བསྟབས་ཤིང་རོལ་ཏོ། །དེ་ནས་སང་ཞོགས་ ― DNG021_Page_0097 ―
[མ་དཔེ་གཟིགས་ན་འདིར་གནོན།]
ཡིད་མ་ཆེས་ནས་བལྟས་པས་རང་གི་གཙོ་བོ་བས་བཞིན་བཟང་ཞིང་མདངས་འབར་བ་ཞིག་ཏུ་མཐོང་སྟེ། ཨེ་མ་ཧོ། བདག་གི་གཙོ་བོ་གང་ལགས་པ་དེ་བས་གཟི་བྱིན་ཆེ་བར་གྱུར་ཞེས་པ་ལས། ཀཱི་ལ་ཡས་སྲིན་སྐད་ཐེངས་གསུམ་གསུངས་པས་ཡིད་ཆེས་པར་གྱུར་ཏེ། མ་ཆགས་ཐབས་ཀྱི་སྦྱོར་བ་མཛད་པས།སྲིན་མོའི་རང་བཞིན་འདོད་པའི་རྒྱ་མཚོ་ལས་མ་ཐར་རོ། །དེ་ནས་དཔལ་རྟ་མགྲིན་གྱིས་སྲིན་པོ་འབྱུང་བའི་མཚན་མ་དག་གཟིགས་ཏེ། རྡོ་རྗེ་བྱ་སྒྲོན་ཆེན་པོར་མཛད་པར་དགོངས་ནས། མདུར་ཆེན་རྟའི་འགྲོས་རྡོ་རྗེ་སྲིན་མོའི་སྟབས་ཀྱིས་གཤེགས་ནས་དགྱེས་པའི་ཚུལ་དུ་དགོངས་ཏེ་ཁྲོ་བོ་རྡོ་རྗེའི་མགུར་གླུར་བླངས་ནས་སྦྲན་ནོ། །དེའི་དུས་ན་དཔལ་ཀཱི་ལ་ཡས། ལྷག་པའི་བྱང་ཆུབ་སེམས་ཀྱི་འདུ་འཕྲོས། ཡི་གེ་ཨཱོཾ་གྱི་ཚོགས་སུ་སྤྲུལ་ནས། སྲིན་མོའི་ལྷུམས་སུ་ཟླ་བའི་དཀྱིལ་འཁོར་འཁྱིལ་ཞིང་གསལ་བར་གྱུར་ཏེ། སྲས་རྡོ་རྗེ་སྲིན་པོ་འཇིགས་བྱེད་འབར་བའི་ཆ་ལུགས་ཅན་ཞིག་ཏུ་བྱིན་གྱིས་བརླབས་ཏེ། སྲིན་མོའི་ལྷུམས་སུ་བཞག་གོ། །དེ་ནས་དཔལ་ཀཱི་ལ་ཡ་ཉིད་ཀྱིས། ཡི་གེ་འཁོར་ལོ་ཚོགས་ཆེན་གྱི་ས་ལ་གཤེགས་ཏེ། དབྱིངས་ཀྱི་ངང་དུ་མི་དམིགས་པར་གྱུར་ཏོ། །དེ་ནས་སྲིན་པོ་རང་གི་གནས་སུ་ཕྱིན་པ་དང་། རང་གི་གནས་ཀྱི་ལོངས་སྤྱོད་ཀྱང་མི་སྣང་།འཁོར་རྣམས་ཀྱང་ཕལ་ཆེར་བྱེར། སྔོན་མ་མཐོང་བ་ཕག་དང་སྟག་གི་མགོ་ཅན་ལ་སོགས་པས་བསྐོར་ཏེ། ཤིན་ཏུ་ཡིད་མི་དགའ་ཞིང་། རྟོག་པ་ཆེན་པོ་སྐྱེས་ནས། ཨེ་མ་ཧོ། བདག་གི་གནས་འདི་ལྟ་བུ་ཅི་ཞེས་པ་ལས། སྲིན་མོས་མདུན་བསུས་ནས། ཨེ་མ་ཧོ་སྒེག་པ་དཔའ་བོ་དེ་ལྟ་བུའི་ཚིག་འཁོར་གྱི་ནང་དུ་གསུང་ངམ། ཁྱོད་ཀྱི་དགོངས་པ་ནི་བདག་གིས་དེང་ཕན་ཆད་དུ་བསྒྲུབ་སྟེ། བདག་གི་ལྷུམས་ན་མི་བདེ་བ་ནི། དཔའ་བོ་ཁྱོད་ཀྱི་རིགས་མཚོན་པ་གཅིག་ལགས་ན།ཅི་ཞིག་འཁྲུལ་ཞེས་སྨྲས་པས། སྲིན་པོའི་རང་བཞིན་གྱིས་སྲིན་མོའི་གཟུགས་མཐོང་བས་ཀྱང་། མདངས་དང་བཀྲག་དུ་ལྡན་པས་ཆགས་པ་སྐྱེས་ཏེ། བདག་གི་རིགས་འཛིན་ ― DNG021_Page_0098 ―
[མ་དཔེ་གཟིགས་ན་འདིར་གནོན།]
པ་གཅིག་ཀྱང་ངེས་པར་འབྱུང་ངམ་སྙམ་ནས། དགའ་བ་འདོད་པའི་སྦྱོར་བ་ལ་ཞུགས་སོ། །དེ་ནས་འདོད་པ་ཞི་བའི་སྐབས་སུ། ཀཱི་ལ་ཡས་སྲིན་མོ་ལས་སྲིན་པོ་རཱུ་ཏྲ་སྐྱེས་པའི་ཚུལ་བསྟན་ཏེ། རཱུ་ཏྲས་སྐད་ཐེངས་གསུམ་ཕྱུང་བས། དཔལ་རྔམ་པའི་སྐད་དུ་གྱུར་ནས། སྲིན་པོ་དང་སྲིན་མོ་བརྒྱལ་བར་གྱུར་ཏོ། །བརྒྱལ་བ་སངས་ནས་བལྟས་པ་ན། འཇིགས་བྱེད་བཛྲ་ཀཱི་ལ་ཡ། དབུ་དགུ་ཕྱག་བཅོ་བརྒྱད་པ་ལ། རྡོ་རྗེའི་གཤོག་པས་ནམ་མཁའ་ཁེབས་པ་གཅིག་ཏུ་གྱུར་ནས་ཡབ་ལྷའི་སྤྲུལ་པ་དེ་ལ། ཡུམ་གྱི་སྤྲུལ་པ་བསྟན་པའི་ཚུལ་དུ། སྲིན་མོ་ཀྲོ་དྷཱི་ཤྭ་རཱིར་གྱུར་པས། མཚན་ཡང་རྡོ་རྗེ་སྲིན་མོ་ཞེས་བྱ་བར་གསོལ་ཏོ། །དེ་ནས་སྲིན་པོས་ཀྱང་རང་གི་སེམས་བལྟས་ནས། ང་རྒྱལ་གྱི་དཀའ་ཐུབ་སྐྱེས་ནས།སྲིན་པོ་བསྐུལ་བར་བྱས་ཏེ། རུ་ལུ་རུ་ལུ་ཞེས་བརྗོད་པས། མགོ་གསུམ་ལ་ལག་པ་དྲུག་པ། རྐང་པ་བཞི་པ་གཅིག་ཏུ་གྱུར་ཏོ། །བཛྲ་ཀཱི་ལ་ཡ་དབུ་དགུ་ཕྱག་བཅོ་བརྒྱད་པ་དེ་ལས། ཁྲོ་བོ་དབུ་གསུམ་ཕྱག་དྲུག་ཞབས་བཞིར་གྱུར་པ། དེ་ལ་སོགས་པ་ཚ་ཚྭ་དང་སྐར་མདའ་བཞིན་དུ་སྤྲས་པས། ངག་གི་སྤྲུལ་པ་འཕྲོགས་ཏེ། བསྒྲལ་བའི་སྙིང་པོ་ཨཱོཾ་དང་ཧཱུཾ་གི་བར་དུ་རུ་ལུ་བཅུག་ནས། དཔལ་ཆེན་པོ་དག་གིས་བཟླས་པས། ངག་གི་དབང་པོ་ཉམས་སོ། །དེ་ནས་ཡང་ངག་གི་སྤྲུལ་པ་བྱས་ཏེ། སྲིན་སྐད་བརྗོད་པས། མགོ་དགུ་ལག་བཅོ་བརྒྱད་པ་གཅིག་ཏུ་གྱུར་ཏོ། །དེ་བཞིན་དུ་ངག་གི་སྤྲུལ་པ་ཕྲོགས་སོ། །ཡང་སྲིན་པོའི་ངག་གི་སྙིང་པོ་བསྐུལ་ཏེ། རུ་ལུ་རུ་ལུ་ཞེས་བརྗོད་པས། མགོ་ལྔ་ཡན་ལག་བཅུ་དྲུག་པར་གྱུར་ཏེ། དེ་བཞིན་ངག་གི་ཉེས་པ་ཕྲོགས་སོ། །ཡང་སྲིན་པོས་ང་རྒྱལ་གྱིས་ཆེ་བ་བསྐྱེད་ནས། ངག་གིས་སྙིང་པོ་བསྐུལ་ལོ། །སྲིན་སྐད་བརྗོད་པས། མགོ་ཉི་ཤུ་རྩ་གཅིག་ལ། ལག་བཞི་བཅུ་རྩ་གཉིས་པ་གཅིག་ཏུ་གྱུར་ཏེ། དེ་བཞིན་དུ་སྤྲུལ་པ་ཕྲོགས་སོ། །དེ་བཞིན་དུ་ང་རྒྱལ་གྱི་སྤྲུལ་པ་བཀྱེས་ནས། སྲིན་སྐད་བརྗོད་པས། ལུས་ཆེ་བ་བསམ་གྱིས་མི་ཁྱབ་པ་གཅིག་ཏུ་གྱུར་ཏེ། རྐང་པ་མི་ ― DNG021_Page_0099 ―
[མ་དཔེ་གཟིགས་ན་འདིར་གནོན།]
ཡི་ཡུལ་དུ་ཟུག་པ། མགོ་བོ་སྲིད་པའི་རྩེ་མོར་རེག་པ། ནད་ཀྱི་བསྐལ་པ་ཁ་ནས་གཏོར་བ་ཞིག་ཏུ་གྱུར་ནས། དེ་ལ་ཀཱི་ལ་ཡས་དེ་བཞིན་དུ་ངག་གི་སྤྲུལ་པ་ཕྲོགས་ཏེ། ནམ་མཁའི་མཐའ་དང་མཉམ་པའི་སྐུ་ཕྱག་རྒྱ་ཅིར་ཡང་མ་ངེས་པའི་གཟུགས་སུ་སྤྲུལ་ཏེ། ངག་གི་དབང་པོ་ཕྲོགས་པས། སྐྱེས་བུ་གང་དག་ལྕེ་བཅད་པ་བཞིན་དུ་དབང་པོ་ཉམས་པས། ལན་བླན་ཞིང་སྤོབས་པའི་ཐབས་མེད་ནས། འབྲོས་པར་གཟས་ན་ཀཱི་ལ་ཡས་ས་མ་ཡ་ཧོ་ཞེས་བརྗོད་པས། སྲིན་པོ་དེ་ལ་དམ་ཚིག་བསྐུལ་བས། སྔོན་གྱི་དུས་ན་བཀའ་ནོས་ཤིང་ཐ་ཚིག་གཉེན་པོ་བསྲུངས་ཤིང་དམ་མནོས་པ་རྗེས་སུ་དྲན་ནས། རང་གི་སྲོག་གི་དབང་པོས་མ་བཟོད་སྟེ། མདུན་གྱི་ཕྱོགས་པས་ཅེར་གྱིས་བལྟས་པ་ལས། བཛྲ་ཀཱི་ལ་ཡས། ཁྭ་ཊྭཱཾ་གའི་ཕྱག་རྒྱ་བསྟན་པས། གངས་རི་རུད་ཆད་པ་བཞིན་དུ་འགྱེལ་ཏོ། །དེ་ནས་རྡོ་རྗེ་དབང་གི་ཕྱག་རྒྱས་སྐེད་པ་ནས་བཟུང་ནས། ཞལ་དུ་མིད་པས་རཱུ་ཏྲ་དེ་སྔོན་གྱི་དུས་ན་གསང་བའི་བཀའ་སྤྱད་ནོར་བའི་ལས་ཀྱི་དབང་གིས། ཉོན་མོངས་པའི་ཐག་པས་བཅིངས་ཏེ། ང་རྒྱལ་གྱི་དེའུ་ཆེན་པོ་ཚོགས་པའི་རྒྱུས་བསྐྱེད་པའི་བག་ཆགས་ས་གཞི་ལྟ་བུ་དུས་གཅིག་ཏུ་སྦྱངས་ནས། ཆོས་ཀྱི་ཕོ་བྲང་མངོན་དུ་མཐོང་སྟེ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡེ་ཤེས་ཏེ། སྐྱེ་བ་བྱེ་མ་སྙེད་ཀྱི་གྲངས་དང་མཉམ་པར་ལུས་བླངས་ཤིང་། སྡིག་པ་སྤྱད་པ་ཀུན་ཀྱང་དྲན་ཞིང་། བལྟ་བ་དང་ལས་ལོག་པ་ཀུན་ཀྱང་ཤེས་ནས། ལས་དགེ་སྡིག་མི་བསླུ་བ་ནི་རིགས། སངས་རྒྱས་དང་བྱང་ཆུབ་སེམས་དཔའ་མང་པོ་ཐབས་ཅིག་ཏུ་བགྲོས་པར་གྱུར་པ་ཉམས་སུ་མྱངས། དེ་ནས་ཅུང་ཟད་ཅིག་ནས་བཅོམ་ལྡན་འདས་ཀྱིས་སྣམ་དུ་བཏོན་པ་ལས། ཤིན་ཏུ་མི་དགའ་བའི་གདུང་བ་སྐྱེས་ནས་ངུས་ཏེ་ཞུས་པ། ཨེ་མ་ཧོ་དཔའ་བོ་ཐུགས་རྗེ་ཆུང་། །ཤིན་ཏུ་བདེ་བའི་གནས་ཤིག་ནས། །སྣམ་དུ་བཏོན་པ་ཐུགས་རྗེ་ཆུང་། །འབངས་སུ་མཆི་ཡིས་བྱིན་མ་ཆུང་། །གལ་ཏེ་བཀའ་ལས་འདས་གྱུར་ན། །བདག་ཅག་རྣམས་ཀྱི་མགོ་ལུས་སྙིང་། །རུལ་མྱག་ནས་ནི་འཚིག་པར་ ― DNG021_Page_0100 ―
[མ་དཔེ་གཟིགས་ན་འདིར་གནོན།]
གྱུར། །མ་དང་སྲིང་མོ་བུ་མོ་རྣམས། །འབངས་སུ་དབུལ་ལོ་བཀའ་ལ་ཐོགས། །དབུས་སུ་མཆིས་པའི་སྐལ་མེད་ཀྱི། །ཉིད་ཀྱི་དཀྱིལ་འཁོར་མཐའ་ལ་ཞོག །ཕུད་ལ་འཚལ་བའི་སྐལ་མེད་ཀྱིས། །ལྷག་མ་ཁ་ཆུས་བྲོན་ལ་སྩོལ། །འབང་ལ་ནན་ཏན་མ་ཆུང་ཞིག །ཅེས་ཤིན་ཏུ་སྨྲེང་སྟེ་གསོལ་བ་བཏབ་པས།དཔལ་ཆེན་པོས་དཔལ་གྱི་བརྗིད་གླུ་ཚངས་པའི་མགུར་བཞེངས་ནས། ལུང་ནི་བསྟན། ཁ་ཊྭཱཾ་གའི་ཕྱག་རྒྱ་ཡང་བསྟན། ས་མ་ཡའི་སྒྲ་ཡང་བསྒྲགས། སྲིན་པོ་ཉིད་ནི་སླར་མི་ལྡོག་པའི་ས་ལ་བཀོད་ནས། རྡོ་རྗེ་རྣམ་པར་རོལ་པའི་ཞིང་ཁམས་སུ། རྡོ་རྗེ་རྣམ་པར་རོལ་པའི་རྒྱལ་པོ་ཞེས་བྱ་བར་ལུང་བསྟན་ནས། སྲིན་པོའི་འཁོར་ཉེ་གནས་མོ་རྣམས་ནི། སླས་དང་བྱི་མོར་བཟུང་ཞིང་བྱིན་གྱིས་བརླབས་སོ། །བྲན་ཕོ་དང་བྲན་མོ་རྣམས་ནི། བཀའ་ལ་བཏགས་ཏེ་དཀྱིལ་འཁོར་གྱི་མཐའ་བསྐོར་ལ་བཞག་གོ། །འཁོར་གྱི་གཙོ་བོ་ཉོན་མོངས་པ་ལྔའི་བདག་པོ།ལྷ་ཆེན་པོ་མ་ཧཱ་དེ་བ་ལ་སོགས་པ་རྣམས་ནི། ཕོ་མོ་བྱི་ཆིངས་སུ་བསྣོལ་ནས་གདན་དུ་བཏིང་སྟེ། ལུས་ཀྱིས་གདན་བྱས་པས། ཉོན་མོངས་པའི་སྒྲིབ་པ་བྱང་ཞིང་། བསོད་ནམས་ཀྱི་ཚོགས་རྫོགས་པར་བྱེད་ལ། རྣ་བས་ཆོས་ཐོས་པས་ཤེས་པའི་རྒྱུད་གྲོལ་ཏེ། ཤེས་བྱའི་སྒྲིབ་པ་བྱང་ཞིང་ཡེ་ཤེས་ཀྱི་ཚོགས་རྫོགས་པར་བྱེད་པས། བྱང་ཆུབ་སེམས་དཔའི་ས་ལ་བཞག་གོ། །སྲིན་པོའི་འཁོར་གདུག་པ་ཅན་རྣམས་ནི་སྟག་དང་གཟིག་ལ་སོགས་པ་རྣམས་གདན་ཁྲིར་བྱིན་གྱིས་བརླབས་ནས་བཞག་གོ། །སྲིན་པོའི་འཁོར་རྣམས་སྤྲོ་བ་བསྐྱེད་པའི་ཕྱིར་ནི་སྲིན་པོ་ཆེན་པོ་ཇི་ལྟར་དགའ་བ་དེ་ལྟར་སྤྱོད་པ་མཛོད་དེ། ཀེང་རུས་ཀྱི་རི་རབ་རྩེ་མོ་ལ། ཐོད་རུས་བརྩེགས་པའི་གཞལ་ཡས་ཁང་གི་རྒྱན་དུ། ཤ་ཆེན་གྱི་གཞི་མ་དང་། ལང་ལིང་དང་། ཁྲག་གི་རྒྱ་མཚོ་ཐོད་པ་སྐམ་རློན་གྱི་ཕྲེང་ཆུན། ཞིང་ཆེ་ཆུང་གི་ཁོག་རང་། བྷན་དྷ་དམར་གྱིས་བཀང་བ། བ་སུ་ཏའི་རྒྱུ་ཕྲེང་། ཐལ་ཆེན་གྱི་ཐིག་ལེ། ཞག་གི་ཚོམ་བུ། ཁྲག་གི་ཟོ་རིས། ཞིང་དང་དུར་ཁྲོད་ཀྱི་རྒྱན་ལ་སོགས་པས་སྐུ་དང་གཞལ་ཡས་ཁང་བརྒྱན་ནོ། །འཁོར་ ― DNG021_Page_0101 ―
[མ་དཔེ་གཟིགས་ན་འདིར་གནོན།]
གྱིས་ཀྱང་སྲིན་པོའི་འཁོར་དང་མཐུན་པར་སྤྲུལ་ཏེ། ཁྲོ་བོ་ཁྲོ་མོ་མགོ་བརྙན་རྣམས་དང་། རྡོ་རྗེ་མཆེ་གཤོག་ཅན་ལ་སོགས་གདུག་པ་ཅན་མང་པོས་བསྐོར་བར་མཛད་དོ། །དེ་ལྟར་དེ་དག་གི་ཡོན་ཏན་བསྟན་པ་དེ་འཇིག་རྟེན་དུ་གྲགས་སོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཁྲོ་བོ་རང་བཞིན་ངོ་བོས་བདུད་བཏུལ་ཞིང་རྣམ་པར་ཤེས་པ་མྱ་ངན་ལས་བཟླས་པའི་ལེའུ་སྟེ་བཞི་པའོ།། །།དེ་ནས་ཡང་ཀརྨ་ཧེ་རུ་ཀས། ཕྱི་རབས་ཀྱི་རྣལ་འབྱོར་པ་དོན་ཡོད་པར་བྱ་བའི་ཕྱིར། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །འཁོར་བའི་རྒྱུ་ཐུགས་རྗེ་དཔྱང་ཐག་ཆད་པའི་སེམས་ཅན་ངན་པའི་ངང་ཚུལ་ཅན་དེ་ལ། དེ་ལྟ་བུའི་རྫུ་འཕྲུལ་དང་། ཆོ་འཕྲུལ་བསྟན་པ་ནི་ངོ་མཚར་ཆེའོ། །ཡང་ངོ་མཚར་ཏོ་ཞེས་ངམས་ནས། ཚིགས་སུ་བཅད་ནས་ཞུས་པ། དེ་ཡི་རྗེས་སུ་བསྒྲུབ་པ་ཡི། །རྣལ་འབྱོར་གནས་ནི་གང་དང་གང་། །དམིགས་དང་རྣལ་འབྱོར་དགོས་ཆེད་ཅི། །རྒྱུ་དང་སྒོམ་ཐབས་བྱིན་རླབས་ཅི། །བརྡེག་དུས་དམ་ཚིག་བལྟ་དམིགས་ཅི། །ཡོ་བྱད་རྟགས་དང་དགོས་ཆེད་ཅི། །དབང་དང་དཀྱིལ་འཁོར་ཕྲིན་ལས་ཅི། །བསྒྲུབ་ན་དོན་དམ་ཀུན་རྫོབ་གང་། །ཀཱི་ལ་ཡ་ཡིས་བཤད་དུ་གསོལ། །ཀཱི་ལ་ཡ་ཡིས་བཀའ་སྩལ་པ། །གཉིས་མེད་གསལ་བའི་ངང་ཉིད་ཀྱི། །རྣལ་འབྱོར་དོན་ཞུས་ཡ་མཚན་ཆེའོ། །གནས་ཀྱི་དམ་པ་བསྟན་པ་ལ། །གཞུང་ལྡན་བཀྲ་ཤིས་བྱིན་ཅན་དང་། །ཉམས་དགའ་བ་ཡི་གནས་དང་བཞིའོ། །དྲག་པོའི་གནས་ཀྱི་དམ་པ་རུ། །དུར་ཁྲོད་ཤིང་གཅིག་རྒྱ་གྲམ་དང་། །གཅན་གཟན་མང་པོ་རྒྱུ་སྲང་དང་། །གནམ་ནི་གྲི་འདྲ་ས་གྲུ་གསུམ། །ལོགས་ལ་ཚེར་མ་ཅན་གྱི་ཤིང་། །གཅན་གཟན་གདུག་པ་སྣ་ཚོགས་རྒྱུ། །རྩ་བར་མི་རིགས་སྣ་ཚོགས་དུར། །ཡོད་པ་མཁས་པས་བརྟགས་ཏེ་བརྩམ། །དེ་ནི་དྲག་པོ་བསྒྲུབ་པའི་གནས་སོ། །དགོངས་པའི་དོན་ཉིད་མི་གསལ་ཞིང་། །དམ་ཚིག་ཉམས་དང་ཏིང་འཛིན་གཡེལ། །བལྟ་བ་ལོག་པར་འཛིན་པ་དེས། །གནས་དེར་བྱ་བ་ཡོངས་མ་གསུངས། །བྱས་པ་ཉིད་ན་བར་ཆད་འབྱུང་། །དེ་བས་ ― DNG021_Page_0102 ―
[མ་དཔེ་གཟིགས་ན་འདིར་གནོན།]
གཞུང་དང་མཐུན་གནས་སུ། །ཡུན་བསྲིང་བསྒྲུབ་ལ་ཁེ་ཁོལ་མེད། །དམ་ཚིག་མ་ཉམས་གཞུང་བསྲངས་ཤིང་། །ཏིང་འཛིན་གསལ་བའི་བློ་ཅན་གྱིས། །གནས་ཀྱི་དམ་པ་དེ་དག་ཏུ། །དྲག་པོའི་ལས་འདི་བྱས་གྱུར་ན། །ངེས་པར་འགྲུབ་སྟེ་ཐེ་ཚོམ་མེད། །དེ་ལྟ་བུ་ཡི་གནས་དག་ཏུ། །བྱིན་རླབས་མཚམས་བཅད་མ་རུངས་བསྐྲད། །བསྒོ་བའི་ཚིག་རྣམས་བསྒོ་བ་དང་། །གཞུང་དང་མཐུན་པར་དཀྱིལ་འཁོར་བརྩིག །ཆག་ཆག་གདབ་ཅིང་ས་ཚོན་བརླབ། །ཚོན་ཕྱེ་བཀྱེ་ཞིང་དཀྱིལ་འཁོར་བྲི། །ཐ་མ་ཚོན་གྱི་དཀྱིལ་འཁོར་ལ། །ཞེ་སྡང་ཁྲོ་བོ་རིམ་བཞིན་དགོད། །གཞན་ཡང་རིམ་པར་མཁས་པས་དགོད། །དེ་དག་གནས་ཀྱི་ཡོན་ཏན་ནི། །མྱུར་བར་བསྒྲུབ་དང་ཤུགས་འབྱུང་དང་། །ངན་པའི་དོན་གྱིས་ངན་པ་བསྒྲུབ། །དོན་ལ་ཁྱད་མེད་ངེས་པར་ནི། །ངན་པའི་གནས་རྣམས་གང་མ་དེར། །ངེས་པར་འགྲུབ་པར་ཡང་དག་བཤད། །བཀྲ་ཤིས་ཞི་བའི་གནས་དག་ཏུ། །ཡུན་བསྲིང་བསྒྲུབ་ཀྱང་ཕུང་འཚེངས་མེད། །དོན་གྱི་མན་ངག་མདོར་བསྟན་པས། །རྟོགས་པའི་ཚད་དང་ཏིང་ངེ་འཛིན། །སྦྱར་ཏེ་བསྒྲུབ་ན་ཆུད་མི་ཟ། །མྱུར་བར་ཐོགས་པ་མེད་པར་ནི། །གོང་དུ་བསྟན་པའི་གནས་སུ་གསུངས། །དེ་ནི་བརྟག་པའི་ཏིང་འཛིན་གནས། །ཞེས་གསུངས་སོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། རྣལ་འབྱོར་པའི་བསྒྲུབ་པའི་དོན་ཞུས་པ་དང་། བསྒྲུབ་པའི་གནས་བསྟན་པའི་ལེའུ་སྟེ་ལྔ་པའོ།། །།དེ་ནས་ཡང་དམིགས་བསྟན་པ་ནི། འདི་སྐད་བཀའ་སྩལ་ཏོ། །ཀུན་ལ་བྱ་བར་ལུང་ལས་མེད། །སྲོག་དོན་བཀའ་དམ་ལས་ཀྱི་ཉམས། །མཚན་མས་ཉམས་པར་གྱུར་པ་དང་། །འདོད་པར་འགྱུར་བའི་ཉམས་དང་བདུན། །བསྒྲལ་བའི་དམིགས་ཀྱི་དམ་པར་བཤད། །དེ་ཡི་སོ་སོའི་མཚན་ཉིད་ནི། །ཕ་མ་མཁན་པོ་སློབ་མ་གསོད། །རྡོ་རྗེ་ནང་དམེ་བྱེད་པ་དག །ནམས་ཀྱང་དམྱལ་བར་ལྟུང་བྱེད་པས། །བསྒྲལ་བའི་དམིགས་ནི་དམ་པ་ཡིན། །སྲོག་ལས་ཉམས་པའི་མཚན་ཉིད་དོ། །སློབ་དཔོན་བཀའ་བསླུ་ངན་དཔྱ་སེམས། །སྔགས་དང་ཕྱག་རྒྱ་རྒྱུན་གཅོད་དང་། །གསང་བའི་མན་ངག་སྤེལ་བྱེད་ན། ། ― DNG021_Page_0103 ―
[མ་དཔེ་གཟིགས་ན་འདིར་གནོན།]
དེ་ཡང་བསྒྲལ་བའི་དམ་པ་ཡིན། །དོན་ལས་ལོག་པའི་མཚན་ཉིད་དོ། །རྐུ་འཚང་འདྲུ་ཞིང་ཡ་ག་འདོགས། །སྐུར་པ་འདེབས་ཤིང་ལོག་པར་འཁྲིད། །རྟགས་ཀྱི་དོན་འདི་ལོག་པར་འཛིན། །དེ་ཡང་བསྒྲལ་བའི་དམ་པ་ཡིན། །བཀའ་ལས་ལོག་པའི་མཚན་ཉིད་དོ། །བྱ་རུ་མི་རུང་སྣ་ཚོགས་བྱེད། །རྫས་དང་ལག་ཆ་མངོན་པར་སྟོན། །སྦྱོར་སྒྲོལ་ཕྲིན་ལས་འཆོལ་པར་སྤྱོད། །བལྟ་བ་ཆོས་ཉིད་རྒྱབ་ཏུ་འདོར། །ལོག་པའི་སྤྱོད་པ་དང་དུ་ལེན། །ང་རྒྱལ་གཏུམ་ཁྲོ་རང་གར་གཏོང་། །མན་ངག་དོན་བསྟན་ལོག་པར་གོ། །ཕ་རོལ་དོན་ལ་ལོག་ཆོས་སྤྱོད། །དོན་ནི་ཕྱིན་ཅི་ལོག་ལ་མཁས། །བཀའ་གཞུང་བོར་ནས་ལོག་པར་བརྩམ། །སྤྱོད་པས་ལོག་པ་མཐའ་དག་བྱེད། །རཱུ་ཏྲ་དངོས་ཀ་དེ་ཡིན་ཏེ། །དངོས་སུ་བསྒྲལ་ཡང་མི་སྐྱོན་ནོ། །དམ་ལས་ཉམས་པའི་མཚན་ཉིད་དོ། །སྐྱེ་གནས་གཅིག་དང་མི་གཅིག་པས། །སྒྲོལ་བའི་མཆོད་པའི་གློར་འོངས་ནས། །སྔོན་ནི་མཁོན་འགྲས་མེད་པ་རུ། །བརྒལ་བའི་གླགས་ལ་བབ་མཐོང་ནས། །ཉེས་མེད་གཞན་ལ་གནད་དུ་འཛུགས། །རྒོད་ཅིང་བཞིན་བཟློག་ཞེ་ཚིག་སྨྲ། །རང་ནོར་བོར་ནས་གཞན་ལ་བརྐུ། །བདག་གིས་ཉེས་པ་མ་དྲན་ཡང་། །དབྲོག་ས་མེད་པར་བདག་ལས་འཕྲོག །བདག་གིས་བསྒྲལ་བར་མ་བསམས་ཀྱང་། །བདག་ལ་མཐུ་དང་རྩལ་འདེད་པས། །དབང་མེད་ནན་གྱིས་བསྒྲལ་བར་བྱའོ། །ཡ་ག་གལ་མི་ཆེ་ལ་འཚོལ། །ཕན་རྒྱུ་མེད་པར་བདག་ལ་འཚེ། །ལས་ཀྱིས་ཉམས་པའི་མཚན་ཉིད་དོ། །དེ་ལྟ་བུ་ཡི་ཉོན་མོངས་དེ། །ལས་ཀྱིས་འཁོར་བས་སྡིག་མེད་བཤད། །གཉིས་མེད་དོན་ལ་ཕྱོགས་ཆར་འཛིན། །ཆོས་ཉིད་དོན་ལ་སྒོས་ཁུར་གཅོད། །ཐུགས་དམ་ཅན་གྱི་ཐུགས་ལས་དཀྲུགས། །སྐྱེ་བ་མེད་པའི་དོན་བཤད་ཀྱང་། །མཚན་མ་ཅན་གྱི་ཆོས་བཟུང་ནས། །ལྷ་སྲིན་བྲན་དུ་ངས་འཁོལ་གྱིས། །མཐུ་དང་རྩལ་འགྲན་སུ་ཞིག་བྱེད། །ཉམས་སུ་དཔལ་དང་མ་མོ་བྱུང་། །ང་ནི་ཡེ་ནས་དཔལ་ཆེན་ཡིན། །ཟེར་ཞིང་གཞན་ལ་ཁྲོ་ཞིང་འཚེ། །དེ་ལ་བསྒྲལ་བ་ལྷུར་ཡང་བརྩམ། །མཚན་མས་ཉམས་ ― DNG021_Page_0104 ―
[མ་དཔེ་གཟིགས་ན་འདིར་གནོན།]
པའི་མཚན་ཉིད་དེ། །མཉན་པས་གོ་ཞིང་རྟོག་མེད་པ། །མཐུ་ཆེན་མཚན་མར་འདོད་པ་ཡིས། །ལས་ཀྱི་གཙོ་རུ་མཚན་མ་སྤྱོད། །མི་ཐོད་ཞིང་ཆེན་ཁུར་གྱིས་ཐོགས། །རང་གི་ངོ་གདོང་ཁྲག་གིས་བྱུགས། །དམར་སྣོད་དོང་བུ་གློ་ལ་བཏགས། །དོན་གྱི་སྤྱོད་པའི་གཞུང་བོར་ནས། །བྱ་རུ་མི་རུང་ལས་རྣམས་བྱེད། །ཐོ་ཅོར་སྤྱོད་ཅིང་དམ་མི་བསྲུང་། །བརླང་བོའི་སྤྱོད་པས་བཀའ་གཞུང་སྨོད། །དུས་གསུམ་སངས་རྒྱས་ཞབས་ནས་དྲངས། །རྣལ་འབྱོར་སྔགས་ཀྱི་ཡ་གར་སོང་། །འབར་བའི་རྒྱལ་པོའི་ཐུགས་དང་འགལ། །ཤ་ཟན་མ་མོའི་ཟ་ཚོགས་བཀྲམ། །འདོད་པའི་ནོར་གྱིས་སྙིང་བྲུས་ནས། །གསོད་པར་ཤེས་ཀྱང་འདོད་པས་བརྒྱལ། །གང་དུ་ཕུར་ཡང་སྔགས་འཆང་འཇོམས། །དུག་ཏུ་ཤེས་ཀྱང་ལྟོ་རུ་བཟའ། །གཉན་ཞིང་བཙུན་ཡང་ཐབས་ཀྱིས་སྨོད། །ཐོབ་ཏུ་འདོད་ན་གསང་སྔགས་རྐུ། །བཟའ་རུ་ཡོད་ན་རྣལ་འབྱོར་གྱི། །ཟས་དང་སྒྲུབ་པའི་ལོངས་སྤྱོད་རྐུ། །དེ་དག་བསྒྲལ་བའི་དམིགས་ཡིན་ཏེ། །འདོད་པས་ཉམས་པའི་མཚན་ཉིད་དོ། །བསྒྲལ་ན་ཡོན་ཏན་འདི་རྣམས་སོ། །དེ་དག་བསྒྲལ་ན་རྣལ་འབྱོར་བཙུན། །བདུད་རྣམས་བཏུལ་བས་བསྟན་པ་གཉན། །མེད་པར་བསྒྲལ་ན་བར་ཆད་ཉུང་། །དེ་ནི་བསྒྲལ་བའི་ཡོན་ཏན་ཡིན། །མ་བསྒྲལ་སྐྱོན་རྣམས་བསྟན་པ་ལ། །དམྱལ་ཁམས་འཕེལ་ཞིང་མཐོ་རིས་འགྲིབ། །གཞུང་སྤྱོད་རྣལ་འབྱོར་སྒྱིད་ལུག་ནས། །གསང་སྔགས་ཐེག་པའི་ཆོས་སྒོ་འགག །ཅེས་བརྗོད་པས། བསྒྲལ་བའི་དོན་ལ་ཤིན་ཏུ་དགྱེས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། )བསྒྲལ་བའི་དམིགས་ཀྱི་མཆོག་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་ཕྱི་རབས་ཀྱི་རྣལ་འབྱོར་པས། དོན་དང་རྟགས་རྟོགས་པས་བསྒྲུབ་དགོས་པའི་ཕྱིར། དོན་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བརྗོད་དོ། །ཡང་དག་དོན་གྱི་རྣལ་འབྱོར་ནི། །གཉིས་མེད་བལྟ་བ་གདེང་དུ་གྱུར། །སྤྱོད་པ་རླབས་ཆེན་ཐབས་སུ་སྤྱོད། །ཕྲིན་ལས་ཐོགས་མེད་སྙིང་རྗེར་སྤྱོད། །དམ་ ― DNG021_Page_0105 ―
[མ་དཔེ་གཟིགས་ན་འདིར་གནོན།]
ཚིག་ཉོན་མོངས་དུག་ལྔ་སྒྲོལ། །སྒྲུབ་པ་གཉིས་མེད་རྒྱལ་པོར་བསྒྲུབ། །ཤེས་རབ་རྣམ་གསུམ་དེམས་སུ་འཛིན། །ཕྱི་ནང་བཀའ་རྒྱུད་དོན་ལ་གསལ། །ཐེག་པ་རིམ་དགུ་བསྒྲུབ་པའི་ལམ། །ཕྱོགས་མེད་བལྟ་བ་གདེང་དུ་འཇོག །ཡེངས་སུ་མེད་པའི་བསྒོམ་པ་ལ། །དམ་ཚིག་འཇིགས་པའི་མཁར་བཞིན་ནོ། །དོན་གྱི་མན་ངག་བསྒྲུབ་ལ་གཏོང་། །ཕྱོགས་མེད་ཚུལ་ཅན་མཁས་པ་བསྟེན། །རྫས་དང་ལག་ཆ་རྟགས་སུ་འཆང་། །ངང་ཚུལ་བཟང་ལ་དོན་གཞུང་སྤྱོད། །ཏན་གཎ་ལྡེམ་པོ་དག་ཏུ་སྟོན། །ཕུང་པོ་ལྷ་ཡི་དཀྱིལ་འཁོར་དུ། །སྒྱུ་མ་འདྲ་བའི་ཚུལ་དུ་བསྒོམ། །སེམས་ནི་ཆོས་ཉིད་ངང་ལ་གནས། །ལས་སུ་བྱ་བའི་དོན་ལ་མཁས། །འཛབ་དང་ཕྱག་རྒྱའི་ངང་ལ་གནས། །ངེས་པར་བསྒྲུབས་པས་གདོན་མི་ཟ། །སྣོད་ཀྱི་འཇིག་རྟེན་གཏོར་གཞོང་དུ། །རྫས་ཀྱི་དངོས་པོ་གཏོར་མར་སྦྱར། །རིགས་དྲུག་སེམས་ཅན་དཀྱིལ་འཁོར་མགྲོན། །ཅི་བགྱིས་བཀའ་ཉན་སྤྲུལ་པ་འགྱེད། །བཀར་ཞིང་དགུག་པའི་དམིགས་པ་ནི། །དྲག་ཤུལ་ཐབས་ཀྱི་ཕོ་ཉ་ནི། །རྫུ་འཕྲུལ་ཤུགས་ལས་ཐབས་ཀྱིས་འགྱེད། །རྣམ་རྟོག་མཚན་མ་ཐབས་ཀྱིས་འདུལ། །རྒྱུད་ལ་བློ་ཞེན་བསྒྲུབ་ལ་བརྩོན། །ཡི་དམ་ལྷ་དང་གཉིས་མེད་ན། །དེ་ལ་བར་ཆད་འབྱུང་མི་སྲིད། །ལས་སུ་བྱ་བ་ཆུད་མི་ཟ། །ཕྲིན་ལས་བྱེ་བྲག་རྣམ་པར་འབྱེད། །མཚན་མའི་རྣམ་རྟོག་ཡིད་ཀྱིས་སྤང་། །གཙང་སྨེ་མེད་པར་དོན་དུ་སྤྱོད། །བླང་དོར་མེད་པར་དོན་བསྒྲུབ་ན། །གང་ལ་དམིགས་པ་འགྲུབ་ཅེས་བཤད། །དེ་ལྟ་བུ་ཡི་དོན་ལྡན་ཞིང་། །ཚེས་བརྒྱད་ཉི་ཤུ་མར་ངོ་ལ། །དྲག་པོའི་དུས་ཚོད་ལས་སུ་ཤེས། །དྲག་པོའི་ལས་ལ་རབ་བརྩོན་ན། །ལས་སུ་བྱ་བའི་ལས་རྣམས་ནི། །མ་མོ་མཁའ་འགྲོ་བཀའ་ཉན་ཚོགས། །དེ་ཡིས་བཀོལ་ན་ཅི་ཡང་བྱེད། །བྲན་དང་བུ་བཞིན་བྱས་པས་ཉན། །དེ་ཡིས་མངག་ན་ཅི་ཡང་འགྲུབ། །དེ་ལྟར་བྱས་ན་གཞུང་བཞིན་འགྲུབ། །འཇིག་རྟེན་འདིར་ཡང་ཚེ་ལོངས་སྤྱོད། །ལེགས་པ་ཀུན་རྫོགས་དངོས་གྲུབ་སྟེར། །ཡིད་ལ་བསམ་པ་བཞིན་དུ་ ― DNG021_Page_0106 ―
[མ་དཔེ་གཟིགས་ན་འདིར་གནོན།]
འགྲུབ། །ཅི་འདོད་རང་ལས་འབྱུང་བར་འགྱུར། །བདག་གཞན་ཕན་གནོད་དོན་གཉིས་འགྲུབ། །ཕན་པའི་དོན་ནི་འཇིག་རྟེན་འདིར། །སད་སེར་གཅད་དང་ཆར་ཆུ་འབེབས། །མི་ཕྱུགས་ནད་ཀྱི་རྒྱུན་ཡང་གཅོད། །གནོད་པ་སྒྲུབ་ན་འཇིག་རྟེན་འདིར། །སད་སེར་ཤྭ་ཆུ་ཐོག་གཏོང་དང་། །མི་དང་ཕྱུགས་ལ་ནད་གཏང་བ། །དེ་ཡི་གཏན་ཚིགས་སུས་ཤེས་པ། །རྣལ་འབྱོར་དེ་ནི་དོན་དང་ལྡན། །ཞེས་བརྗོད་དོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཡེ་ནས་ཡིན་པའི་དོན་དེ་ལ། ཡང་དག་པའི་དོན་ལ་སྦྱོར་བའི་རྣལ་འབྱོར་པ་ལྟ་བའི་ངེས་པ་བསྟན་པའི་ལེའུ་སྟེ་བདུན་པའོ།། །།དེ་ནས་ཡང་ཉིད་ཀྱི་ཡེ་ཤེས་སེམས་ཀྱི་ཕུར་བུ་བསྟན་པའི་ཕྱིར། ཆོ་འཕྲུལ་རང་རྟགས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། དྲག་པོ་མྱ་ངན་ལས་འདས་པའི་ཕུར་བུའི་རྒྱུད་འདི་དག་བཀའ་སྩལ་ཏོ། །བྱང་ཆུབ་སེམས་ཀྱི་ཕུར་བུ་ནི། །ཕུར་བུ་ཀུན་གྱི་རྒྱུ་རུ་གྲགས། །དོན་གྱི་ཕུར་པ་བྱང་ཆུབ་སེམས། །བྱང་ཆུབ་སེམས་ཀྱི་ཕུར་པ་ཡིས། །འཁོར་བ་ངན་སོང་མྱ་ངན་བཟློག །སྡུག་བསྔལ་བྱང་ཆུབ་མྱ་ངན་ཟློ། །སེམས་ཅན་སངས་རྒྱས་མྱ་ངན་ཟློ། །ཡུལ་ནི་དབྱིངས་སུ་མྱ་ངན་ཟློ། །མཁའ་ཡི་གཏུན་ཁུང་དཀྱིལ་འཁོར་དུ། །རིགས་དྲུག་སེམས་ཅན་མྱ་ངན་ཟློ། །བྱང་ཆུབ་སེམས་ཀྱི་ཕུར་པ་ནི། །སྣང་སྲིད་ཕུར་པའི་རྒྱུ་རུ་བྱུང་། །འབྱུང་བའི་རྒྱུ་ཡང་སེམས་ཡིན་ཏེ། །སེམས་ལས་མ་བྱུང་ཆོས་མེད་དོ། །མ་རྟོགས་དོན་ནི་འདི་རྣམས་སོ། །ལྕགས་སམ་ཤིང་བུ་མཆོག་དང་རྐང་། །གསེར་དངུལ་སྦ་འཕང་བྱ་བ་སོགས། །ཚེར་མ་ཅན་གྱི་ཤིང་དག་ལ། །ཞི་རྒྱས་དབང་དྲག་ཕུར་པ་བྱ། །དེ་ཡི་མཚན་ཉིད་གང་ཡིན་པ། །ལྕགས་སམ་ནག་པོའི་ཤིང་རྣམས་ནི། །དྲག་པོ་ལས་ཀྱི་ཕུར་པའི་རྒྱུ། །གསེར་རམ་སེར་པོའི་ཤིང་རྣམས་ནི། །ཡོན་ཏན་རྒྱས་པའི་ཕུར་པའི་རྒྱུའོ། །ཟངས་སམ་དམར་པོའི་ཤིང་རྣམས་ནི། །གསུང་མཆོག་དབང་གི་ཕུར་པའི་རྒྱུ། །དངུལ་ལམ་དཀར་པོའི་ཤིང་རྣམས་ནི། །ཞི་བ་ཆོས་ཉིད་ཕུར་པའི་ ― DNG021_Page_0107 ―
[མ་དཔེ་གཟིགས་ན་འདིར་གནོན།]
རྒྱུའོ། །དེ་དག་སོ་སོའི་ངོ་བོ་ནི། །གནམ་ལྕགས་ས་ལྕགས་ཁྲོ་ཆུ་གསུམ། །མི་རྟ་བསད་པའི་མཚོན་རྩེ་བཞི། །ཕལ་པའི་ལྕགས་དང་ལྔ་ལ་བྱ། །གཞན་ཡང་ཤིར་ཤིང་དྭ་མཆོག་ཤིང་ནི་སྦ་མཆོག་རྐང་། །གདུག་པ་ཅན་དང་བཀྲ་མི་ཤིས། །ཁྱོ་དགུ་ཤི་བའི་ཡུགས་ས་མོ་ཡི་འཕང་། །དེ་ལ་དྲག་པོའི་ཕུར་བུ་བྱའོ། །སྐྱེར་བ་དབྱར་བ་སྲི་ཤིང་དང་། །སྐྲིགས་ཤིང་ལ་སོགས་ཤིང་བུ་ལ། །དེ་ལ་རྒྱས་པའི་ཕུར་པ་བྱ། །འཁར་བ་ལྗོན་དམར་སེང་ལྡེང་དང་། །མཛོ་མོ་གླ་དཀར་ཚེར་མ་ཅན། །དེ་ལ་དབང་གི་ཕུར་པ་བྱ། །ཙནྡན་དཀར་པོ་ཤུག་པ་འཇག །གླ་བ་སྟར་བུ་ཤིང་རྣམས་ལ། །དེ་ལ་ཞི་བའི་ཕུར་པ་བྱའོ། །དབུ་ལ་རྒྱ་མདུད་གཞལ་ཡས་ཁང་། །པདྨ་འདབ་མ་བཞི་དང་ལྡན། །ལོགས་ལ་སེམས་མ་བཞི་བཞི་གནས། །རིགས་བཞི་རེ་ལ་བཞི་བཞིའོ། །དབུས་ཀྱི་ལྟེ་བ་ཁྲོ་རྒྱལ་གནས། །ཁྲོ་བོ་བརྒྱད་དང་ཁྲོ་མོ་བརྒྱད། །སྟག་གཡག་ལ་སོགས་འཁོར་རྣམས་དགོད། །རྒྱ་མདུད་འོག་མའི་གཞལ་ཡས་ལ། །ཧཱུཾ་ཀཱ་ར་དང་སྟོབས་པོ་ཆེ། །ཡབ་ཡུམ་སྤྲུལ་པ་ལྕམ་དྲལ་དང་། །གོའུ་རཱི་ཁྲོ་མོ་བརྒྱད་རྣམས་དང་། །དམ་ཅན་བསེ་ཡི་ལྷ་མོ་དགོད། །དྲག་པོའི་གནས་ཀྱི་ཟུར་སྟེང་དུ། །སེང་ཧ་བརྒྱད་དང་ལྕགས་ཀྱུ་དགོད། །ཟུར་གསུམ་ལོགས་ལ་སྒོ་མ་གསུམ། །དབུ་དང་རྩེ་ནི་ཡབ་ཡུམ་གཉིས། །རྡོ་རྗེ་གཞོན་ནུ་བཞུགས་པའི་གནས། །དོན་ལ་གཞལ་ཡས་ཁང་གི་རྟགས། །རྒྱ་མདུད་གཉིས་སུ་བསྟན་པ་ཡང་། །ཐབས་དང་ཤེས་རབ་གཉིས་མེད་པའི། །དབྱིངས་དང་ཡེ་ཤེས་ཆེ་བའི་རྟགས། །རྩེ་མོ་དྲག་པོ་ཟུར་གསུམ་ནི། །ཡེ་ཤེས་རྩེ་གཅིག་དྲག་པོར་བཤད། །དྲག་པོ་རྒྱས་པ་དབང་དང་ཞི། །དབྱིབས་དང་ཁ་དོག་སོ་སོར་བྱ། །རྩེ་མོ་ཟུར་གསུམ་གྲུ་བཞི་དང་། །ཟླ་གམ་ཟླུམ་པོ་དག་ཏུ་གཞོག །རབ་ཏུ་མི་སྲུན་ནགས་དག་ནས། །ཚེར་མ་ཅན་གྱི་ཤིང་དག་ལ། །རྩ་བའི་ཕྱོགས་སུ་རྒྱ་མདུད་བྱ། །རྩེ་མོའི་ངོས་སུ་ཕྲིན་ལས་ནི། །སོ་སོ་རང་གི་གཞུང་བཞིན་གཞོག །ཁ་དོག་གོང་གི་རིགས་སུ་སྦྱར། །བདེ་གཤེགས་ས་བོན་ལྔ་རྣམས་ཀྱིས། །བྱིན་གྱིས་བརླབས་ཤིང་དབང་ཡང་བསྐུར། ། ― DNG021_Page_0108 ―
[མ་དཔེ་གཟིགས་ན་འདིར་གནོན།]
གུ་གུལ་བདུག་ཅིང་ཉུང་དཀར་བརྡེག །ར་ཁྱིའི་ཁྲག་དང་གསུར་ཆེན་གྱིས། །སོ་སོའི་སྙིང་པོ་གདོན་བཞིན་བྱུག །བྱིན་བརླབ་དབང་བསྐུར་ཤིན་ཏུ་གཅེས། །དོན་གྱི་སླད་ནི་དམ་ཚིག་བསྲུང་། །ཀུན་གྱི་རྒྱུ་ནི་བྱང་ཆུབ་སེམས། །རྒྱུད་ཀྱི་རྒྱལ་པོ་རང་བསྟན་པས། །རྒྱུ་འབྲས་མེད་པར་མྱ་ངན་འདས། །རྟོགས་པའི་དོན་ལ་གཉིས་མེད་ཀྱང་། །མ་རྟོགས་བསྒྲལ་བའི་དོན་ཆེད་དུ། །བཀའ་ལས་བྱུང་བའི་རྒྱུ་དག་ལས། །ཚུལ་དང་ལྡན་ཞིང་ལེགས་པར་བྱ། །རང་གར་བྱས་ན་བཀའ་ལས་ཉམས། །རྙེད་བཙན་བྱས་ན་བྱིན་རླབས་ཆུང་། །ངན་དགུར་ཤོམས་ན་རྟོག་པར་འགྱུར། །ཚོགས་པར་བསོག་ན་གཞུང་དང་མཐུན། །བཀའ་བཞིན་བྱས་ན་བྱིན་རླབས་ཆེ། །མདོར་ན་རྟོགས་པ་གཙོ་བོར་བྱ། །རྟོགས་པའི་དོན་རྣམས་མཐར་ཕྱིན་ན། །རྣམ་རྟོག་ལས་འདི་བྱ་བ་མིན། །དེ་སྐད་ཅེས་ནི་བཀའ་སྩལ་པས། ཕུར་པའི་རྒྱུ་དང་དཀྱིལ་འཁོར་གཞལ་ཡས་ཁང་། ཡོངས་སུ་མྱ་ངན་ལས་འདས་པར་ལ་བཟླས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཕུར་པའི་རྒྱུ་དང་ཕུར་པ་ལ་ལྷ་དགོད་པར་བསྟན་པའི་ལེའུ་སྟེ་བརྒྱད་པའོ།། །།དེ་ནས་བྱིན་རླབས་ཆོ་འཕྲུལ་གྱི་ཏིང་ངེ་འཛིན་ལ་སྙོམས་པར་ཞུགས་ནས། ཆེ་བའི་ཆེན་པོ་དང་དག་ཅིང་གསལ་བའི་ངོ་བོར་བསྟན་པའི་ཕྱིར། འདི་སྐད་ཅེས་བཀའ་སྩལ་ཏོ། །ཁམས་གསུམ་ཡེ་ནས་ཕུར་པའི་ངང་། །སྲིད་གསུམ་ཡེ་ནས་རྣམ་དག་ཅིང་། །ཕུར་བུ་ཡེ་ནས་མྱང་འདས་ཀྱང་། །བདེན་པ་གཉིས་ཀྱི་ཆ་ལ་གདགས། །རང་བཞིན་བཅོས་མེད་དོན་ཤེས་ཤིང་། །ཆེ་བའི་ཡེ་ཤེས་དོན་ཤེས་ན། །ཆོས་ཉིད་ངོ་བོར་བྱིན་རླབས་པའོ། །གཞན་ཡང་བྱིན་གྱིས་རློབ་པ་ནི། །ཕྱི་རབས་རྣལ་འབྱོར་མཆེད་རྣམས་ལ། །གནས་ལྔར་དཔའ་བོ་འབྲུ་ལྔ་དགོད། །ཕྱག་རྒྱ་ཆེན་པོའི་ཏིང་འཛིན་གྱིས། །འཁོར་རྣམས་བགེགས་ཀྱིས་མི་ཚུགས་པར། །རྡོ་རྗེ་གཤོག་པས་བྱིན་བརླབ་པའོ། །ཡོ་བྱད་རྫས་ཀྱི་ངོ་བོ་ལ། །རཾ་ཡཾ་ཁཾ་གི་འབྲུ་གསུམ་གྱིས། །བསྲེག་གཏོར་སྦྱང་བྱ་རིམ་པ་བཞིན། །ཚོགས་ཆེན་རྫོགས་པའི་ཏིང་འཛིན་གྱིས། ། ― DNG021_Page_0109 ―
[མ་དཔེ་གཟིགས་ན་འདིར་གནོན།]
འཕེལ་ཞིང་བཅུད་དང་ལྡན་པ་རུ། །རིན་ཆེན་སྒྲོམ་བུས་བྱིན་བརླབ་པའོ། །འབྲུ་བཅུད་སྟོང་གི་ཛ་གད་ལ། །ཡི་གེ་ཏྲཱཾ་གི་འཕྲོ་འདུ་ལས། །སྐུ་མདོག་སྔོ་སངས་མཱ་མ་ཀཱི། །འབྱུང་བ་བཅུད་ལེན་ཏིང་འཛིན་གྱིས། །བསིལ་མངར་ཆབ་ཀྱི་ངོ་བོ་རུ། །དུང་ཕོར་བཅུད་ཀྱི་ཕྱག་རྒྱས་བརླབ། །བུམ་པ་ཡུམ་གྱི་ངོ་བོ་ཡི། །རིན་ཆེན་འབར་བའི་ཁང་བུ་ལྔར། །ཉོན་མོངས་ལྔ་ཡི་ངོ་བོ་ལ། །དཔའ་བོ་འབྲུ་ལྔའི་འཕྲོ་འདུ་ནི། །རྩི་གྱུར་སྨན་གྱི་ཏིང་འཛིན་གྱིས། །ཡེ་ཤེས་ལྔ་ཡི་བདུད་རྩི་རུ། །བདུད་རྩི་ཐབ་སྦྱོར་ཕྱག་རྒྱ་ཡིས། །སྣོད་ཀྱི་འཇིག་རྟེན་གཏོར་གཞོང་དུ། །རྩ་བརྒྱད་སྨན་གྱི་གཏོར་མ་སྦྱར། །རིགས་དྲུག་སེམས་ཅན་གཏོར་མགྲོན་དུ། །ཆོ་འཕྲུལ་རང་སྣང་ཏིང་འཛིན་གྱིས། །ཅི་ལྟར་མོས་པའི་རྣམ་པ་རུ། །མཆོད་སྦྱིན་འདེགས་པའི་ཕྱག་རྒྱས་བརླབ། །སྣང་བ་འོད་ཀྱི་གཞལ་ཡས་ན། །རས་ཆེན་སུམ་བསྒྲིལ་སྡོང་བུ་ལ། །ཡེ་ཤེས་ལྔ་ཡི་འཕྲོ་འདུ་ཡི། །སྣང་བ་ཆེན་པོའི་ཏིང་འཛིན་གྱིས། །ཡེ་ཤེས་གསལ་བའི་སྒྲོན་ཆེན་དུ། །ཨཱ་ལོ་ཀེ་ཡི་ཕྱག་རྒྱས་བརླབ། །འབྱོར་པ་ཚོགས་ཀྱི་ཞལ་ཟས་ལ། །རཾ་ཡཾ་ཁཾ་དང་འབྲུ་ལྔ་འགོད། །བྱིན་རླབས་རྫུ་འཕྲུལ་ཏིང་འཛིན་གྱིས། །བསྲེག་ཅིང་ལྷ་ཡི་དཀྱིལ་འཁོར་དགོད། །བདུད་རྩི་ལྔ་ཡི་ཞལ་ཟས་སུ། །རིན་ཆེན་འབར་བའི་ཕྱག་རྒྱས་བརླབ། །གཞན་ཡང་བྱིན་རླབས་རིམ་པ་ནི། །ར་ཁྱིའི་ཁྲག་དང་གསུར་ཆེན་དང་། །གུ་གུལ་སྦྱར་བའི་དུད་པ་དང་། །གོ་རོ་ཙ་ནའི་དུད་པས་བདུག །བསྒྲུབས་པའི་ཉུང་དཀར་རྒྱལ་པོ་བརྡེག །སྐུ་གསུང་ཐུགས་ཀྱི་ངོ་བོར་བརླབ། །ཨཱོཾ་བཛྲ་སྔགས་སོར་བཞག་ཙིནྡ་ཙ་ཧཱུཾ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་བྷི་ཀི་པཱ་ལ་ཡ། སརྦ་དུཥྚཱ་ན་དྷཱི་ཤྭ་རཱ་ཡ་ཧཱུཾ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་ཛྭ་ལ་ཛྭ་ལ། སྥུ་ཊ་སྥུ་ཊ། སརྦ་ན་ས་ཡ་ནི་ཧཱུཾ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ། ཨུ་ཙུཥྨ་ཀྲོ་ཏ་ཡ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། སརྦ་དུཥྚཱ་ན་ཧཱུཾ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ། བྷིནྡྷ་བྷིནྡྷ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། ཙྪིནྡ་ཙྪིནྡ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། མཱ་ར་ཡ་མཱ་ར་ཡ་ཧཱུཾ་ཕཊ།ན་མཿས་མནྟ་བི་ཤོ་དྷ་ཡ་བཻ་རེ་བཻ་རེ་ཧཱུཾ་ཕཊ། ― DNG021_Page_0110 ―
[མ་དཔེ་གཟིགས་ན་འདིར་གནོན།]
ཐུགས་དང་གསུང་དང་སྐུ་དང་གསུམ། །སོ་སོའི་སྔགས་དང་སྦྱར་ཞིང་བརླབ། །གསེར་དང་ལྕགས་མཆོག་སེང་ལྡེང་དང་། །གཤོག་པ་ཟངས་དང་རྭ་འཕང་རྣམས། །རིམ་པ་བཞིན་དུ་སྦྱར་བར་བྱའོ། །ཨཱོཾ་བཛྲ་ཀཱི་ལི་ཀཱི་ལ་ཡ་ད་ཧི་མ་མ་ཧཱུཾ། ཨོཾ་བཛྲ་ཀཱི་ལི་ཀཱི་ལ་ཡ་སྟྭཾ་གྷྲྀ་ཧྞ་ཙ་ཏུར་ཧཱུཾ་ཕཊ། དེ་ཡི་རིམ་པའང་དེ་བཞིན་ནོ། །སྐུ་གསུང་ཐུགས་སུ་བྱིན་བརླབས་པ། །མ་བཅོས་ཆོས་ཉིད་དག་པ་ལ། །རང་བྱུང་ཡེ་ཤེས་མངོན་གསལ་ན། །དང་པོར་ཆོས་སྐུར་བྱིན་བརླབ་པའོ། །དང་པོའི་རྒྱ་མདུད་གཞལ་ཡས་ལ། །རིགས་ལྔའི་སངས་རྒྱས་འཁོར་དང་བཅས། །ལྟེ་བ་རྩིབས་དང་ལྡན་པ་ལ། །ཕྱོགས་མཚམས་ཁྲོ་བོ་འཁོར་དང་བཅས། །རྒྱ་མདུད་འོག་མའི་གཞལ་ཡས་ལ། །སྟེང་འོག་ཁྲོ་བོ་འཁོར་དང་བཅས། །གོའུ་རཱི་བརྒྱད་དང་བསེ་མོར་བཅས། །ཟུར་སྟེང་སེང་ཧ་སྟག་གདོང་བཅས། །ཟུར་གསུམ་ལོགས་ལ་སྒོ་མའི་ཚོགས། །སྤྱི་དང་རྩེ་ལ་ཡབ་ཡུམ་གཉིས། །སོ་སོའི་སྙིང་པོ་དྲན་ཙམ་གྱིས། །གཟུགས་དང་གཉིས་སུ་མེད་པར་བསམ། །གཉིས་སུ་མེད་པའི་མཆོད་པ་དང་། །ཕྱི་ནང་གསང་བའི་མཆོད་པས་མཆོད། །དམ་ཚིག་རྗེས་སུ་དྲན་པར་བསྐུལ། །གཉིས་སུ་མེད་པར་རྒྱན་རྫོགས་པར། །ལོངས་སྤྱོད་རྫོགས་སྐུར་བྱིན་བརླབ་པའོ། །ལྟེ་བ་མན་ཆད་ཟུར་གསུམ་ལ། །རོ་སྟོད་མཐིང་ནག་ཞལ་གསུམ་པོ། །རལ་པ་ཁམ་ནག་བྷྲྀ་གུ་ཏ། །གྱེན་དུ་འགྲེང་ཞིང་སྲིད་རྩེ་འབར། །བྲང་གིས་འགྲོ་དང་ཐོད་རློན་དང་། །སྟག་དང་གླང་ཆེན་ཞིང་ལྤགས་ཀྱིས། །སྐུ་དང་ཡན་ལག་ཤིན་ཏུ་བརྒྱན། །ཞལ་བགྲད་མཆེ་གཙིགས་ཤིན་ཏུ་རྔམས། །དུར་ཁྲོད་རྒྱན་བརྒྱད་མེ་དཔུང་ན། །གྲུ་གསུམ་ཨེ་ཡི་ནང་དུ་ནི། །སྐུ་སྨད་ལྕགས་ཕུར་གསུམ་པའོ། །སུམ་ཆ་ནུབ་ནས་གཡོན་ལ་གཟིགས། །ཕྱག་གཡས་དང་པོ་རྣ་ལྟག་གདེངས། །འོག་མ་རི་རབ་གནོན་ཚུལ་འཛིན། །གཡོན་གྱིས་རྡོ་རྗེ་ཁྭ་ཊྭཱཾ་འཁྲོལ། །འོག་མ་ཕུར་པ་འདེབས་པའི་ཚུལ། །བདུད་དཔུང་འཇོམས་ཤིང་ངན་སོང་སྦྱང་། །མཐུ་དང་རྫུ་འཕྲུལ་གཞན་པས་ཆེ། །རྟག་པ་ཆེན་པོར་བཞུགས་པར་བསམ། །སྤྲུལ་པའི་སྐུ་རུ་བྱིན་བརླབ་པའོ། །སྤྱི་བོར་ ― DNG021_Page_0111 ―
[མ་དཔེ་གཟིགས་ན་འདིར་གནོན།]
ཨཱོཾ་ལ་སྐེད་པར་ཧྲཱྀཿ། །རྩེ་མོའི་ངོས་སུ་ཕཊ་བསམ་ལ། །སྐུ་གསུང་ཐུགས་སུ་བྱིན་གྱིས་བརླབ། །ངོས་གསུམ་ཧཱུཾ་གཞག་ཟུར་གསུམ་ཕཊ། །ཤིན་ཏུ་གསལ་ཞིང་འཚེར་བ་དང་། །སོ་སོའི་ཁྲོ་བོ་ཐམས་ཅད་ཀྱིས། །བྱིན་གྱིས་བརླབས་ཤིང་དབང་བསྐུར་ཏེ། །ཁྲོ་བོའི་དཀྱིལ་འཁོར་དེ་དག་ཉིད། །ཕྱོགས་བཅུར་འཕྲོས་ནས་སླར་འདུས་ཏེ། །ཧཱུཾ་ཧཱུཾ་ཕཊ་ཕཊ་སྒྲ་འབྱིན་ཅིང་། །སྐུ་ལ་བསྡིམ་ཞིང་དབང་རྣམས་སྦྱིན། །དེ་ནས་འགྲོ་བའི་དོན་ལ་གཤེགས། །ཕྱོགས་བཅུའི་བདེ་གཤེགས་ཐམས་ཅད་ཀྱིས། །སྔོན་ཆད་སྟོང་གྲོགས་བྱ་བ་རུ། །ཞལ་གྱིས་བཞེས་ཤིང་དམ་བཅས་པས། །དེ་ཡི་སྟོངས་དང་གྲོགས་མཛད་དོ། །དེ་ཡང་བདག་ཉིད་ཆེན་པོ་ལས། །ཕུར་པའང་བདག་ཉིད་ཆེན་པོ་རུ། །བྱིན་བརླབ་དབང་རྣམས་བསྐུར་བའི་ཕྱིར། །གཡས་གཡོན་ཉི་ཟླའི་དཀྱིལ་འཁོར་ལ། །ཧཱུཾ་དང་ཨཱཿནི་ཤིན་ཏུ་གསལ། །གུང་མོ་མཐེ་བོང་མཛུབ་སྲིན་དང་། །མཐེའུ་ཆུང་ལ་སོགས་གཡས་གཡོན་ལ། །ཨཱོཾ་ཧཱུཾ་ཏྲཾ་ཧྲཱྀཿཨཱཿལ་སོགས། །རིམ་པ་བཞིན་དུ་གསལ་བཀོད་ལ། །སུ་ར་སྟྭཾ་ཞེས་བརྗོད་པས། ཐལ་མོ་མཉམ་པར་སྦྱོར་རོ། །ཨོཾ་བཛྲ་ཨཉྫ་ལི་ཧཱུཾ། སོར་མོ་ཅུང་ཟད་བསྣོལ་བར་བྱ། །ཨོཾ་བཛྲ་བྷནྡྷ་ཧཱུཾ། སོར་མོ་རྒྱབ་ཏུ་བསྣོལ་ཏེ་བསྡམ། །ས་མ་ཡ་སྟྭཾ། ཕུར་བུ་བླངས་ཏེ་ཆང་པར་བཅང་། །ལག་པའི་རྟིང་པ་ཁ་ཕྱེས་ལ། །མཐེ་བོང་གཉིས་དང་སྲིན་ལག་དང་། །མཐེའུ་ཆུང་བར་དུ་ཕུར་པ་གཞུག །མཐེ་བོ་བསྒུལ་ལ་ཕུར་པ་སྒྲིལ། །ཨཱོཾ་བཛྲ་ཨཱ་བེ་ཤ་ཡ་ཨ་ཨ། ཕྱོགས་བཅུ་བདེ་གཤེགས་སྲས་དང་བཅས། །ཞེ་སྡང་རྗེས་སུ་དྲན་པ་ཡིས། །ཉུང་འབྲུ་ཙམ་གྱི་སྐུར་འཐོན་ནས། །བར་མཚམས་མེད་པར་ཕུར་པ་ལ། །བསྡུ་ཞིང་བསྡིམ་ལ་བྱིན་གྱིས་བརླབ། །སྐུ་གསུང་ཐུགས་སུ་དབང་བསྐུར་ནས། །སོར་མོ་རྒྱབ་བསྣོལ་གུང་མོ་གཤིབ། །བསྒྲེངས་པའི་བར་དུ་ཕུར་བུ་གཟུང་། །ཨཱོཾ་བཛྲ་སཏྭ་རཱ་ཛ་ཧཱུཾ། དེ་ནས་སོར་མོ་ཕུག་ཕུག་པོར་སུག་སུག་ཀྱང་བྱས་ཏེ་རྟིང་པས་ཕུར་བུ་བཟུང་། ཨོཾ་བྷཱུ་བ་ཕཊ། དེ་ནས་སོར་མོ་རྒྱབ་བསྣོལ་ཏེ། །མཐེ་བོང་གཤིབ་པའི་ཆང་པར་གཞུག །ཨཱོཾ་ཧ་ན་ཧ་ན་དཱིཔྟ་ཙཀྲ་ཧཱུཾ་ཕཊ། ― DNG021_Page_0112 ―
[མ་དཔེ་གཟིགས་ན་འདིར་གནོན།]
དྲག་ཏུ་བརྗོད་ཅིང་དྲིལ་བྱས་ལ། །བདག་ཉིད་སྦྱོར་བའི་གཟི་བྱིན་ཀུན། །ཕུར་པའི་སྐུ་ལ་རབ་ཞུགས་པས། །སྟོང་ཁམས་གང་བར་མེ་སྟག་འཕྲོ། །དམིགས་པ་ཐམས་ཅད་ངེས་གྲུབ་པའི། །བྱིན་དང་དབང་ཆེན་ལྡན་གྱུར་ཏེ། །ཨེ་ཡི་གདན་ལ་བཞུགས་གསོལ་ནས། །བརྡེག་ཅིང་བདུག་སྟེ་མཆོད་པས་མཆོད་དོ། །ཨཱོཾ་བཛྲ་ཡཀྴ་ཀྲོ་ཏ་ཚལ་པ་ཧཱུཾ་ཕཊ། ཨཱོཾ་བཛྲ་ཧཱུཾ་བཻ་ཏཱ་ལཱི་ཧ་ན་ཧ་ན་ཧཱུཾ། སྔགས་དང་བཅས་པས་བརྡེག་ཅིང་བདུག །ཡིད་ལ་བརྣག་པའི་ཕྲིན་ལས་བཅོལ། །ལྷ་གསལ་འདུ་འཕྲོ་ཞི་བའི་ཚོགས་ལས་བསྐྱེད། །དབྱིངས་ནས་ཁྲོ་མོ་མངོན་ཕྱུང་ཧི་ཧི་བཞད། །དུས་གསུམ་འདུས་མ་བྱས་པའི་སྲས་མཆོག་ཀཱི་ལ་ཡ། །ཞེ་སྡང་བདུད་འདུལ་ཁྲོ་རྒྱལ་བརྗིད་པར་ལྡན། །རྩ་བ་རྒྱ་མདུད་རིགས་ལྔའི་སྲས་དང་བཅས། །ལྟེ་བ་ཁྲོ་རྒྱལ་ཡབ་ཡུམ་ཕྱོགས་མཚམས་བརྒྱད། །སྟག་དང་བྱ་རྒོད་ལ་སོགས་འཁོར་དང་བཅས། །དབུས་ཀྱི་རྒྱ་མདུད་སྟེང་འོག་ཁྲོ་རྒྱལ་དང་། །ཡུམ་དང་སྤྲུལ་པ་བསེ་མོ་གོའུ་རིར་ལྡན། །ཟུར་སྟེང་སེང་ཧ་བརྒྱད་དང་ལྕགས་ཀྱུས་བརྒྱན། །ཟུར་གསུམ་ལོགས་ལ་སྒོ་མ་འཇིགས་གཟུགས་ལྡན། །དབུ་ཞབས་དཔལ་ཆེན་རྡོ་རྗེ་གཞོན་ནུ་ཡབ་ཡུམ་ལྡན། །གཉིས་མེད་དོན་གྱིས་སེམས་ཀྱི་ངོ་བོར་སྣང་། །ཡང་ན་ཇི་ལྟར་འདུལ་བ་བཞིན། །སེམས་ཀྱི་རང་བཞིན་ཅིར་ཡང་སྣང་། །ཕུར་བུ་ལྷ་ཡི་དཀྱིལ་འཁོར་དུ། །བསྒོམ་ཞིང་བྱིན་གྱིས་བརླབ་པ་ནི། །མགོ་དང་རྩ་བ་མ་ནོར་བ། །རྒྱ་མདུད་གཉིས་དང་ཟུར་བརྒྱད་དང་། །ཟུར་གསུམ་པ་རུ་རབ་ཏུ་བཞོག །ལྕགས་དང་གསེར་དང་ཟངས་དངུལ་དང་། །ཚེར་མ་ཅན་གྱི་ཤིང་དག་ལ། །སོར་ཡང་བཅོ་བརྒྱད་བཅུ་གཉིས་དང་། །བརྒྱད་དང་ལྔ་དང་བཞི་དང་གཅིག །ནས་གང་ཚང་དང་གང་རུང་བར། །མཁས་པས་དཀྱིལ་འཁོར་རིམ་པར་འགོད། །ཨཱོཾ་བཛྲ་ཀཱི་ལི་ཀཱི་ལ་ཡ། ཧཱུཾ་ཧ་ཧེ་ཕཊ། ཛ་བྷྱོ། ཁྱི་ར་མཱཾ་སའི་དུག་གིས་བྱུག །བརྡེག་ཅིང་བདུག་པ་གོང་མ་བཞིན། །ཧཱུཾ་དང་ཛ་དང་ཕཊ་ལ་སོགས། །སྤྲོ་དང་བསྡུ་བ་ཚུལ་བཞིན་བྱ། །བྱིན་ ― DNG021_Page_0113 ―
[མ་དཔེ་གཟིགས་ན་འདིར་གནོན།]
བརླབ་བསམ་རྒྱུད་ངེས་པར་གཞག །དབུ་ཡི་རྒྱ་མདུད་ཆོས་ཀྱི་སྐུ། །གཉིས་པ་ལོངས་སྤྱོད་རྫོགས་པ་སྟེ། །རྩེ་མོ་སྤྲུལ་པའི་སྐུ་ཡིན་ཏེ། །ཁྲོ་རྒྱལ་དཔལ་ཆེན་ཡབ་ཡུམ་དང་། །ཁྲོ་རྒྱལ་འཁོར་བཅས་རིམ་བཞིན་སྤྲོ། །ཁྲོ་རྒྱལ་ཁྲག་འཐུང་སྔགས་རྣམས་ཀྱིས། །ཕུར་པ་རྫས་ཀྱི་དཀྱིལ་འཁོར་ལ། །ཡང་དག་བརྟེན་པས་བྱིན་གྱིས་བརླབ། །ཆོ་ག་གསུམ་གྱི་སྦྱོར་བ་ཡིས། །ངེས་པའི་སྙིང་པོ་འབྲུ་བཀོད་དེ། །དེ་ཡང་ཙ་ན་ཀ་ཙམ་དགོད། །འཕྲོ་འདུ་མང་པོའི་རིམ་པ་ཡིས། །སྟོང་གསུམ་འཇིག་རྟེན་ཕུར་པས་བརླག །སྙིང་རྗེས་བསྒྲལ་བའི་དམིགས་པ་ལ། །རཾ་ཡཾ་ཁཾ་གིས་རིམ་པར་སྦྱངས། །རྣམ་ཤེས་སྙིང་གི་དཀྱིལ་འཁོར་དུ། །བྱང་ཆུབ་སེམས་ཀྱི་རྩི་བཏང་སྟེ། །དཀར་ནག་མཚམས་ཀྱི་སྙིང་ལ་ནི། །དགེ་སྡིག་ལས་ཀྱི་ཤན་ཕྱེ་སྟེ། །རྣམ་པར་རྟོག་པའི་སྡིག་སྦྱངས་ནས། །རྣམ་བཞིའི་ལས་ཀྱི་གདུལ་སྦྱང་གིས། །ཉོན་མོངས་དུག་གསུམ་བཅོམ་ནས་ཀྱང་། །རྣམ་ཤེས་གསེར་ཞུན་ལྟ་བུ་དེ། །ཡཾ་གིས་བཏེགས་ནས་ཕཊ་ཀྱིས་འཕང་། །ཧཱུཾ་གིས་བསྡུས་པས་མཁའ་ལ་བསྡིམ། །རིགས་ངེས་སྲས་སུ་ངེས་པར་བྱ། །ཨོཾ་ཨཱཿཧཱུཾ་གིས་བྱིན་བརླབས་ཏེ། །སྐུ་གསུང་ཐུགས་སུ་གསལ་བྱས་ནས། །ངན་སོང་སྒོ་གསུམ་ཤིན་ཏུ་གཅད། །རྣམ་རྟོག་བསྒྲལ་བའི་ཞིང་བཅུར་བརླབ། །དེ་ཡི་རྣམ་ཤེས་ཆོས་ཀྱི་སྐུ། །རྣམ་དག་དབྱིངས་ཀྱི་ངང་དུ་བསྒོམ། །དོན་དུ་རང་སེམས་མྱ་ངན་འདས། །ཞེས་བརྗོད་པས། ཇི་ལྟར་སྣང་བ་ལྷའི་དཀྱིལ་འཁོར་སྲས་མཆོག་ཀཱི་ལ་ཡར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཕུར་པའི་རང་བཞིན་དང་། ལྷ་བཀོད་ཅིང་བྱིན་གྱིས་བརླབ་པ་དང་། ཚད་བསྟན་པའི་ལེའུ་སྟེ་དགུ་པའོ།། །།དེ་ནས་ཡང་རྣལ་འབྱོར་པས་བྱས་པ་ལ་དོན་ཡོད་པར་བྱ་བའི་ཕྱིར། རབ་ཏུ་མི་གཡོ་ཞིང་མི་འདའ་བའི་ཏིང་ངེ་འཛིན་ལ་སྙོམས་པར་ཞུགས་ནས། གཡོས་ཤིང་འདས་པའི་སྐྱོན་དང་། ཡོན་ཏན་འདི་དག་བཀའ་སྩལ་ཏོ། །མ་གཡོས་རྣམ་པ་ཆོས་ཀྱི་དབྱིངས། །དེ་ལ་བདག་རོལ་ཡེ་ཤེས་མཆོག །གཉིས་མེད་ཆོས་སྐུ་བདེ་ ― DNG021_Page_0114 ―
[མ་དཔེ་གཟིགས་ན་འདིར་གནོན།]
བ་ཆེ། །ཆེ་བའི་ཡོན་ཏན་བསམ་ཡས་པས། །མ་བཅོས་ཐིག་ལེ་ཉིད་ཀྱི་རྒྱན། །ལོངས་སྤྱོད་རྫོགས་སྐུ་མི་ཟད་གཏེར། །རྫུ་འཕྲུལ་ཐབས་ཀྱི་འོད་ཟེར་གྱིས། །ཉེས་པ་འཇོམས་ཤིང་ལེགས་པ་སྐྱོབས། །ཡོངས་ལ་ཁྱབ་ཅིང་དོག་པ་མེད། །བྱེ་བྲག་སྣ་ཚོགས་ཅིར་ཡང་སྟོན། །སྤྲུལ་པའི་སྐུ་སྟེ་ཀུན་ལ་ཁྱབ་པའོ། །དེ་ཡང་དུས་གསུམ་འདུས་མ་བྱས། །མི་འགྱུར་མི་ཤིགས་རྡོ་རྗེ་སྟེ། །རང་བཞིན་མེད་པས་འདུས་མ་བྱས། །དམིགས་མེད་བརྟན་པས་རྡོ་རྗེའི་སྐུ། །གཡོས་པ་མེད་པའི་ཆོས་ཉིད་ལ། །རང་སྣང་ཡེ་ནས་ལྷུན་གྱིས་རྫོགས། །བཅོས་མེད་ཐིག་ལེ་ཆེན་པོར་གནས། །མངོན་པར་བྱང་ཆུབ་སྐུ་བསྟན་པའོ། །གཉིས་མེད་སེམས་ཀྱི་རང་བཞིན་ལ། །གཉིས་སུ་མེད་ཅིང་ཕྱོགས་ཆར་འཛིན། །བྱ་བ་མེད་ལ་ལས་རྣམས་བྱེད། །ངེས་དོན་བསྒྲུབ་ལ་ལོག་པར་མཐོང་། །སྲོག་དམ་བཀའ་དོན་ལས་ཀྱི་ཉམས། །མཚན་མས་ཉམས་དང་འདོད་པར་འགྱུར། །ཉམས་པའི་མཚན་ཉིད་བདུན་པོ་དེ། །ནམས་ཀྱང་ངན་སོང་འགྲོ་བས་ན། །དེ་དག་དོན་གྱིས་མ་བསྒྲལ་ན། །ཉམས་པ་ཆེན་པོའི་རྒྱུར་འགྱུར་ཏེ། །ཕུར་བུ་ལྷ་ཡི་དཀྱིལ་འཁོར་དུ། །ཕྱག་རྒྱ་ཆེན་པོར་གྲུབ་པར་བསྒྲལ། །དོན་དམ་སྤྲོས་མེད་ཐིག་ལེར་བསྒྲལ། །དོན་དུ་སྤྱི་དང་ཁྱད་པར་གཉིས། །ལྷག་པའི་དམ་ཚིག་གསུམ་དུ་གསུངས། །སྤྱི་ཡི་དམ་ཚིག་རྟོགས་པར་བྱ། །ཁྱད་པར་དམ་ཚིག་བསྲུང་བར་བྱ། །ལྷག་པའི་དམ་ཚིག་གནས་པར་བྱའོ། །རྩ་བའི་དམ་ཚིག་གསུམ་པོ་དང་། །ཡན་ལག་ཉི་ཤུ་རྩ་ལྔ་བསྲུང་། །དོན་དམ་གཉིས་མེད་སྟོན་པའི་སྒྲོན་མ་ལ། །བལྟ་ལོག་ངན་སེམས་རྐུ་འཕྲོག་བརྡེག་ལ་སོགས། །ངན་དུ་སྨྲ་ཞིང་གནོད་པ་དངོས་མི་བགྱིད། །དེ་དག་དངོས་སུ་བྱས་ན་དམྱལ་བར་སྐྱེའོ། །བཟླས་བརྗོད་སྔགས་དང་སྙིང་པོ་བར་མི་གཅད། །གསུང་གི་དམ་ཚིག་ཉམས་ན་དམྱལ་བར་སྐྱེའོ། །དོན་དམ་གཉིས་མེད་གཞན་ལ་སྤེལ་མི་བྱ། །རང་གསང་ཐབས་ཀྱིས་ཆོད་ནས་མ་རྟོགས་པ། །ཐུགས་ཀྱི་དམ་ཚིག་ཉམས་པས་དེ་བཞིན་ནོ། །སྦྱོར་སྒྲོལ་མ་ ― DNG021_Page_0115 ―
[མ་དཔེ་གཟིགས་ན་འདིར་གནོན།]
བྱིན་ལེན་དང་ཚིག་བརླང་རྫུན། །ཉོན་མོངས་རང་གར་སྤྱད་པས་ངན་སོང་རྒྱུའོ། །དུག་ལྔ་ཡེ་ཤེས་ལྔ་ཡི་ངོ་བོ་ལ། །མ་རིག་ལོག་པར་མཐོང་ནས་སྤང་བར་བྱས། །མི་སྤང་དམ་ཚིག་ཉམས་པས་དེ་བཞིན་ནོ། །དྲི་ཆེན་དྲི་ཆུ་དམར་ཆེན་མཱཾ་ས་སེམས། །སོ་སོའི་རྣམ་པར་རྟོག་པ་མ་འབྱོངས་ཏེ། །ཉོན་མོངས་ལྔ་ལ་ཆགས་པའི་ངོ་བོར་སྤྱད། །གཉིས་མེད་དོན་དང་འགལ་བ་དེ་བཞིན་ནོ། །ཕུང་པོ་འབྱུང་བ་ཁ་དོག་དབང་པོ་ཡུལ། །གཉིས་མེད་བལྟ་བ་ངན་པས་སོ་སོར་བརྟགས། །ཡེ་ཤེས་ལྔ་ཡི་དོན་དང་མ་ལྡན་པས། །གཉིས་མེད་དོན་དང་འགལ་བས་དེ་བཞིན་ནོ། །དེ་བཞིན་རྡོ་རྗེའི་རིགས་དང་པདྨ་ལས། །རིགས་ཀྱི་ཁྱད་པར་ཡེ་ཤེས་ལྔར་སྣང་བ། །ཡེ་ཤེས་དམིགས་མེད་དོན་དེ་མ་རྟོགས་པས། །གྲུབ་པའི་འབྲས་བུ་མེད་པས་དམྱལ་བར་བཤད། །སྤྱི་ཡི་དམ་ཚིག་དེ་དག་གཞུང་བསྲངས་ན། །ས་གཞི་ཆེན་པོ་འདྲ་སྟེ་ཀུན་གྱི་རྟེན། །ཡིད་བཞིན་ནོར་བུ་འདྲ་སྟེ་འདོད་པ་འབྱུང་། །གཅན་གཟན་སེང་གེ་འདྲ་སྟེ་ཟིལ་གྱིས་གནོན། །དོན་གྱི་རྩ་བར་འཇིགས་པའི་མཁར་བཞིན་བསྲུང་། །འབྲས་བུ་ཡང་དག་ངེས་པར་གདོན་མི་ཟའོ། །གཞན་ཡང་ཁྱད་པར་དམ་ཚིག་རྣམ་མང་ཡང་། །མདོ་དང་དོན་དུ་ཉི་ཤུའི་དོན་དང་བསྟུན། །གཅན་གཟན་རྒྱལ་པོ་སེང་གེ་གསད་མི་བྱ། །ཟ་མ་ཏོག་ཏུ་ངན་པའི་དུག་མི་བླུག །རིན་པོ་ཆེ་ཡི་ལྕུག་མ་རྩ་མི་གཅད། །གངས་ཀྱི་ཞུན་ཆུ་ཁོལ་མ་ཡང་མི་བཏུང་། །པདྨ་རྒྱས་པའི་ཟེའུ་འབྲུ་ཁ་མི་ཕྱེ། །བུག་རྡོལ་ཅན་གྱི་སྣོད་དུ་བཅུད་མི་བླུག །མ་བརྟགས་པ་ཡི་ནོར་དང་ཟས་མི་བསྲེ། །ཤེལ་སྒོང་དཀར་པོ་རྫབ་ཏུ་བསྣུབ་མི་བྱ། །སྣོད་ངན་ནང་དུ་སེང་གེའི་འོ་མི་བཞོ། །ཡིད་བཞིན་ནོར་བུ་ཐབ་ཏུ་བསྲེག་མི་བྱ། །བྱ་ཡི་རྒྱལ་པོ་ཁྱུང་གི་གཤོག་མི་བཅག །གནམ་ལྕགས་དུར་མོས་ས་ལ་བརྡབ་མི་བྱ། །སྟག་གཟིག་རོལ་པའི་ཟས་ཀྱི་ལྷག་མི་བཟའ། །རྡོ་རྗེའི་གཏམས་པའི་བྲག་རྣམས་ཡོངས་མི་བཤིག །རྡོ་རྗེ་ར་བས་བསྐོར་བའི་གོ་མི་ཧྲལ། །མུན་པ་སེལ་བའི་སྒྲོན་མེ་ཡང་མི་གསད། །རྡོ་རྗེ་ཆུ་ཡི་འོལ་ཀ་གཅད་མི་བྱ། །རྒྱལ་པོ་རྟགས་ཀྱི་ཕྱག་རྒྱ་སྦྱིན་མི་བྱ། །རྡོ་རྗེའི་མཁར་བཟང་ ― DNG021_Page_0116 ―
[མ་དཔེ་གཟིགས་ན་འདིར་གནོན།]
གཏམས་པའི་རྨང་མི་བཟློག །རྒྱལ་མཚན་རྩེར་བཏགས་ནོར་བུ་རིན་པོ་ཆེ། །འདོད་པར་གྱུར་པའི་མཚན་མས་དཔོག་མི་བྱའོ། །གཉིས་མེད་དོན་གྱི་མྱ་ངན་འདས་མོད་ཀྱང་། །ལོག་པར་བརྟགས་པའི་དབང་གིས་སོ་སོར་སྣང་། །ཁྱད་པར་བསྟན་པའི་དམ་ཚིག་དོན་རྣམས་ཏེ། །དངོས་སུ་ཉམས་ན་ལྗོན་ཤིང་མེས་ཚིག་བཞིན། །ཟུར་གྱིས་ཉམས་ཀྱང་གྲུབ་པའི་འབྲས་བུར་རིང་། །ཀུན་ཏུ་ཉམས་ན་བརྗོད་པའི་མཐའ་ལས་འདས། །གཞུང་དུ་བསྲུངས་ན་རང་སྣང་འབྲས་བུར་འཆར། །རྒྱུན་དུ་བསྲུངས་ན་དོན་གྱི་མན་ངག་འགྲུབ། །ལྷག་པའི་དམ་ཚིག་དོན་གྱི་གཞི་རུ་སྦྱར། །སྤྱོད་པ་རྒྱུན་དང་རང་བཞིན་ལྟ་བ་གཉིས། །གལ་མདོ་ངེས་པ་ལྟ་བ་ཉམས་དྲོད་བཞིའོ། །སྤྱོད་པ་རྒྱུན་ལ་དམ་ཚིག་བཞིར་གནས་སོ། །གཉིས་ཀྱི་དགྲ་སྤང་མྱོས་འགྱུར་དགྲ་གཞོམ་མོ། །གསང་བའི་བརྡ་བསྲུང་ལེ་ལོའི་དགྲ་སྤང་ངོ་། །རང་བཞིན་ལྟ་བའི་དམ་ཚིག་བཞིར་སྣང་ངོ་། །སྲིད་གསུམ་ཡོངས་བསྒྲལ་ཁམས་གསུམ་ཞིང་དུ་བལྟའོ། །དུག་གསུམ་རྩིར་བསྒྱུར་འཁོར་བ་གནས་བསྒྱུར་བལྟའོ། །གལ་མདོ་ངེས་པའི་དམ་ཚིག་གསུམ་དུ་སྣང་། །མ་ཁྲེལ་ཚུལ་དང་མ་ཉམས་པ་ཡི་མདོ། །མཐར་ཕྱིན་པ་ཡི་རྟགས་དང་གསུམ་དུ་བསྟན། །མ་ཉམས་པ་ཡི་མདོ་ལ་བཞི་རུ་སྣང་། །རྩ་ལག་ཟླ་དང་ཞར་གྱིས་མ་ཉམས་པ་དང་བཞིའོ། །མཐར་ཕྱིན་རྟགས་ཀྱང་དེ་བཞིན་བཞི་རུ་སྣང་། །དམ་ཅན་འདུ་ཞིང་མཐུ་རྩལ་ཆེ་བ་དང་། །བྱིན་རླབས་ཆེ་ཞིང་རིག་པ་ཆགས་པ་གཉིས། །ཡིད་འོང་འབྱུང་ཞིང་འདོད་པ་འགྲུབ་པ་དང་། །མང་པོས་བསྐུར་ཞིང་གྲགས་པ་ཐོབ་པ་བཞིའོ། །ལྟ་བ་ཉམས་དྲོད་དམ་ཚིག་ལ་བཞིའོ། །གདལ་བ་ཆོས་ཉིད་ལྟ་བ་ཡེ་འབྱམས་སུའོ། །རིག་པ་ཡེ་ཤེས་ལྟ་བ་ཡེ་གསལ་དུའོ། །སྤྲུལ་པ་ཕྱག་རྒྱའི་ལྟ་བ་ཡེ་གནས་སུའོ། །ཁྱབ་པ་སྙིང་རྗེའི་ལྟ་བ་ཀུན་ཁྱབ་པའོ། །ལྷག་པའི་དམ་ཚིག་དོན་ལ་མ་གནས་ན། །ཅི་ལྟར་བསྙེན་ཅིང་བསྒྲུབས་ཀྱང་ཚི་ཆད་པས། །གཉིས་མེད་དོན་གྱི་ངོ་བོར་རྟོགས་པར་བྱའོ། །དོན་དམ་བསྒྲུབ་པའི་དོན་དུ་མ་ཡེངས་ ― DNG021_Page_0117 ―
[མ་དཔེ་གཟིགས་ན་འདིར་གནོན།]
བསྲུང་། །དམ་ཚིག་མ་ཉམས་གཞུང་ཡོད་ན། །འདི་དག་འགྲུབ་པར་འགྱུར་བར་ནི། །དཔལ་ཆེན་ཁྲོ་བོའི་རྒྱལ་པོས་བཤད། །ཉམས་པར་འགྱུར་བས་མི་འགྲུབ་སྟེ། །སླར་ལ་རང་སེམས་བརླག་པར་འགྱུར། །ཞེས་བརྗོད་པས། དེ་བཞིན་གཤེགས་པའི་ཁྲོ་བོའི་ཚོགས་དང་། སྤྲུལ་པ་ཡང་སྤྲུལ་དུ་བཅས་པ་ཐམས་ཅད་དམ་ཚིག་དབྱེ་བ་མེད་པ། ཕུར་བུ་མྱ་ངན་ལས་འདས་པའི་ངང་དུ་ལྷུན་གྱིས་གྲུབ་ཅིང་གནས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། སྤྱི་དང་ཁྱད་པར་ལྷག་པའི་དམ་ཚིག་བསྟན་པའི་ལེའུ་སྟེ་བཅུ་པའོ།། །།དེ་ནས་ཡང་འགྲོ་བ་མ་ལུས་པ་དག་པར་བསྒྲལ་བ་དང་། ཕྱིན་ཅི་ལོག་ཏུ་འཁྱམས་པ་རྣམས་ཐུགས་རྗེས་གཟུང་བའི་ཕྱིར། ཞེ་སྡང་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་བཀའ་སྩལ་ཏོ། །སྲོག་དམ་བཀའ་དོན་ལས་ཀྱི་ཉམས། །མཚན་མས་ཉམས་དང་འདོད་གྱུར་ཉམས། །ཉམས་པའི་མཚན་ཉིད་བདུན་པོ་འདི། །སྐྱེ་གནས་གཅིག་ཅིང་རྒྱུ་མཐུན་ཡང་། །ཉོན་མོངས་སེམས་ཀྱིས་ལོག་པར་ཁྲིད། །བྱ་རུ་མི་རུང་ལས་ལ་བརྩོན། །ལྟ་བ་གཉེན་པོ་ཕྱལ་པར་བཏང་། །སྤྱོད་པ་ཟབ་མོ་ཐོ་ཅོར་སྤྱད། །ཏན་གཎ་ཕྲིན་ལས་འཆོལ་བར་བྱས། །ཚིག་གི་མཚན་མའམ་རྗེས་སུ་འབྲངས། །དམ་ཚིག་གཟུ་ལུམས་རས་གཅོད་བྱེད། །སྤྱི་དང་ལྷག་པའི་དམ་ལས་འདས། །མྱུར་བར་མནར་མེད་པར་ལྟུང་བས། །ཐུགས་རྗེས་བསྒྲལ་བའི་དུས་ལ་བབ། །དོན་དམ་གཉིས་མེད་ངང་དུ་བསྒྲལ། །ཕུང་པོ་ཡབ་ལ་འབྱུང་བ་ཡུམ། །མི་དགེ་ལོག་ལྟ་ཡབ་ཡུམ་བཅུ། །ཡན་ལག་ཐར་པ་སྒོ་བའི་ངང་། །རྣམ་ཤེས་དབང་པོ་དུས་དང་ཡུལ། །གོའུ་རཱི་སེང་ཧའི་ཚོགས་སུ་བསྒྲལ། །ཕུང་པོ་ལྷ་ཡི་དཀྱིལ་འཁོར་དུ། །ཕྱག་རྒྱར་བསྒྲལ་བའི་དུས་ལ་བབ། །དངོས་པོ་མཚན་མའི་རྫས་དང་རྟེན། །དངོས་མེད་བསྒྲལ་བའི་དུས་ལ་བབ། །ཁ་དོག་དབྱིབས་དང་གྲངས་དང་མིང་། །བརྗོད་མེད་བསྒྲལ་བའི་དུས་ལ་བབ། །དབང་པོ་ཡབ་ལ་ཡུལ་གཟུགས་ཡུམ། །མྱ་ངན་འདས་པར་ཤིན་ཏུ་བསྒྲལ། ། ― DNG021_Page_0118 ―
[མ་དཔེ་གཟིགས་ན་འདིར་གནོན།]
དམིགས་མེད་བསྒྲལ་བའི་དུས་ལ་བབ། །གཞན་ཡང་བརྡེག་པའི་དུས་བསྟན་ན། །མདའ་འཕེན་ཟླ་བ་མར་ངོ་ལ། །མིག་དམར་ཕུར་བུ་གཟའ་ལྷག་གསུམ། །དར་བའི་དུས་སུ་དུས་ལ་བབ། །ཟླ་ནག་མར་གྱི་ངོ་ལ་འཇུག །གཞུང་དང་མཐུན་པའི་གནས་དག་ཏུ། །ཕུན་སུམ་ཚོགས་པའི་སློབ་དཔོན་གྱིས། །རྫས་དང་ལག་ཆ་མངོན་བསགས་ལ། །དཀྱིལ་འཁོར་རྣམ་གསུམ་གཞུང་བཞིན་དུ། །གནས་ཤིང་བསྒོམས་ཏེ་བྲི་བར་བྱའོ། །བསྙེན་བསྒྲུབ་རྣམ་བཞི་ཆར་བྱས་ནས། །འཛབ་གྲངས་བསྙེན་པ་འབུམ་དུ་འདོན། །ཕོ་ཉ་ཕྱག་བརྙན་ཐབས་ཀྱིས་བཀྱེ། །ཤིན་ཏུ་གསལ་ཞིང་ཁུགས་པར་བསམ། །རབ་ཀྱིས་མངོན་དུ་ཁུགས་པར་འགྱུར། །འབྲིང་གིས་ལིངྒ་འགུལ་བར་ནུས། །འཕར་དང་ལྡེག་དང་འཚག་དང་འཁྲོལ། །ཐ་མས་ཉམས་དང་རྟགས་འོང་སྟེ། །དེ་ཚེ་བརྡེག་པའི་དུས་ལ་བབ། །དེ་མེད་བར་དུ་དུས་ཚོད་མེད། །ཆོ་ག་ཚང་བར་གྱུར་པ་དང་། །རྟགས་དེ་མངོན་དུ་བྱུང་བ་དང་། །དུས་ལ་བབ་པར་བཤད་པ་ཡིན། །ཞེས་བརྗོད་པས། དོན་གཉིས་སུ་མེད་པ་ལས། མ་རིག་པའི་དབང་གིས། འཁོར་བ་རྣམས་གཉིས་སུ་མེད་པར་བསྒྲལ་བ་དང་། ཀུན་རྫོབ་ཏུ་ཡིད་ཆེས་པར་བྱས་ནས། ངེས་པའི་དོན་གཅིག་ཏུ་གོ་བར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། དུས་དང་ཚོད་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་དོན་ཐམས་ཅད་གཉིས་སུ་མེད་ཅིང་བརྗོད་ལས་འདས་པར་བསྟན་པའི་ཕྱིར། ཐམས་ཅད་མྱ་ངན་ལས་འདས་ཏེ། ངེས་པའི་དོན་གཟོད་མ་ནས་མ་སྐྱེས་པའི་དབྱིངས་ཀྱི་ལྟ་བ་འདི་སྐད་ཅེས་གསུངས་སོ། །རྣམ་པར་དག་པ་ཡུམ་གྱི་ཚུལ། །མ་སྐྱེས་མི་འགག་ཐབས་ཀྱི་སྐུ། །རིག་པའི་རྒྱལ་པོ་རང་བྱུང་བས། །ཐམས་ཅད་མ་ལུས་དབང་དུ་བསྡུས། །ཐབས་ཀྱི་བདག་པོར་བདག་གནས་པས། །འགྲོ་ཀུན་བླ་མེད་གནས་སུ་བསྒྲལ། །ཆོས་སྐུ་རྩ་བ་སེམས་ཡིན་པས། །བརྟགས་ཤིང་དོན་དུ་རང་སེམས་བཟང་། །སེམས་ཀྱི་རྩ་བ་དོན་རྟོགས་ཤིང་། ། ― DNG021_Page_0119 ―
[མ་དཔེ་གཟིགས་ན་འདིར་གནོན།]
འགྱུར་མེད་ཀློང་དུ་དོན་མཉམ་ངང་། །གསུངས་ཤིང་བརྗོད་པས་བསྙེན་པ་ལ། །གཉིས་མེད་དོན་གསལ་ཏིང་འཛིན་ཏེ། །ལུས་ཀྱི་བསྒུལ་བསྐྱོད་ཕྱག་རྒྱའོ། །ཕུར་པ་བྱང་ཆུབ་སེམས་ཀྱི་རྟགས། །བྱང་ཆུབ་སེམས་ཀྱི་ཕུར་པ་ཡིས། །སྲིད་གསུམ་འགྲོ་བའི་གདར་ཤ་བཅད། །བྱང་ཆུབ་སེམས་ཀྱི་ཕུར་པ་ཡིས། །མ་གདབ་བཞིན་དུ་ལྷུན་གྱིས་རྫོགས། །མཉམ་པའི་རྒྱལ་པོ་རིག་པས་གདབ། །ཕུར་པ་ཆོས་ཀྱི་དབྱིངས་ཀྱི་རྟགས། །བྱང་ཆུབ་སེམས་ཀྱི་ཕུར་པ་དེས། །གཞན་དུ་གདབ་པའི་གནས་མེད་པས། །གཉིས་མེད་མ་བཅོས་ཆོས་ཉིད་ལ། །རང་རིག་བྱང་ཆུབ་སེམས་ཀྱིས་གདབ། །ཕུར་བུ་འཛིན་ཆགས་མྱ་ངན་འདས། །རྣམ་རྟོག་གཟུང་འཛིན་དངོས་ལས་འདས། །དངོས་པོ་ཀུན་བྲལ་ཕུར་པ་ཡིས། །དངོས་པོ་ཕྱིན་ཅི་ལོག་ལ་གདབ། །དོན་ལ་གཉིས་མེད་མྱ་ངན་འདས། །གདབ་དང་མི་གདབ་གཉིས་ལས་འདས། །ཕུར་པ་སྐྱེ་བ་མེད་པའི་དོན། །མ་སྐྱེས་བརྡལ་བའི་ཕུར་པ་ཡིས། །དབྱིངས་ལ་བཏབ་པས་རིག་པ་ཤར། །སེམས་ལ་བཏབ་པས་དོན་དམ་རྟོགས། །ཁྱབ་གདལ་རང་བཞིན་ཕུར་པ་ཡིས། །སྣང་སྲིད་ཀུན་ལ་ཁྱབ་པར་གདབ། །དེ་ལྟར་རྟོགས་པས་ཐེབས་པ་ཡིན། །མངོན་དུ་གྱུར་ན་རྟོགས་པ་ཡིན། །ཚིག་ལས་འདས་པས་སངས་རྒྱས་ཡིན། །གྲངས་ལས་འདས་པས་བརྗོད་དུ་མེད། །རང་བཞིན་ཕུར་པའི་དོན་ཉིད་ནི། །ཕུར་པ་བླ་མ་ཆེན་པོའི་དོན། །ཕུར་པ་ཆོས་ཀྱི་དབྱིངས་ཞེས་བྱ། །ཕུར་པ་རིག་པའི་ཡེ་ཤེས་སོ། །ཕུར་ནི་སྐྱེ་བ་མེད་པའི་དབྱིངས། །པ་ནི་འགག་པ་མེད་པའི་དོན། །གཉིས་སུ་མེད་པར་མྱ་ངན་འདས། །ཐབས་ཀྱི་རྒྱལ་པོ་ཕུར་ཡིན་ལ། །པ་ནི་ཤེས་རབ་དགའ་བའི་དོན། །གཉིས་མེད་མཉམ་པས་རྡོ་རྗེའི་སྐུ། །ཕུར་པས་ཀུན་ཁྱབ་ནམ་མཁའ་འདྲ། །ཕུར་པས་ཁྱབ་གསལ་ཉི་ཟླ་འདྲ། །ཀུན་ལ་སྙོམས་པས་ངོ་བོར་སྣང་། །ཆོས་ཀྱི་ཆོས་ཉིད་ཕུར་པ་ཡིན། །ནམ་མཁའི་མཚན་ཉིད་ཕུར་པ་ཡིན། །སེམས་ཀྱི་སེམས་ཉིད་ཕུར་པ་ཡིན། །རྒྱུད་ཀྱི་རྒྱལ་པོ་ལུང་གི་བླ། །མན་ངག་ངེས་པའི་དོན་ཡང་ཡིན། །གཉིས་མེད་གསལ་བས་ ― DNG021_Page_0120 ―
[མ་དཔེ་གཟིགས་ན་འདིར་གནོན།]
བསྐྱེད་པ་ཡིན། །ཕོ་ཉ་མང་པོས་འཇིག་རྟེན་བཀང་། །འཕྲལ་ལ་བཀང་བ་མ་ཡིན་ཏེ། །ཡེ་ཉིད་ནས་ནི་གང་བར་གནས། །གསལ་བར་བསྒོམ་པས་བཀྱེ་བ་ཡིན། །ཉམས་འོག་ཆུད་ན་བསྒྲལ་བ་ཡིན། །གཉིས་སུ་མེད་ན་སྦྱོར་བ་ཡིན། །ལྷངས་ཀྱིས་རྟོགས་ན་ཐེབས་པ་ཡིན། །ཞེས་བརྗོད་པས། ཅི་ལྟར་སྣང་ཞིང་སྲིད་པས་བསྡུས་པ་ཐམས་ཅད། ཕུར་པ་མྱ་ངན་ལས་འདས་པའི་ངང་དུ་སངས་རྒྱས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ལྟ་བ་ཆོས་ཉིད་མྱ་ངན་ལས་འདས་པའི་རྒྱུད་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ཕྱི་རབས་ཀྱི་རྣལ་འབྱོར་པ་ལ་བར་དུ་གཅོད་པ་འབྱུང་སྲིད་ན། དམིགས་པ་བཅས་ལ་བསྒྲུབ་དགོས་པའི་ཕྱིར། རྫས་ཀྱི་ངོ་བོ་འདི་དག་བསག་པར་གསུངས་སོ། །སྔགས་པ་རྒྱན་གྱི་ཆས་ཀྱི་རྫས། །གླང་ཆེན་ཀོ་རློན་ཞིང་གི་ཤུན། །སྟག་གི་ཤམ་བུ་སྦྲུལ་གྱི་རྒྱན། །ཐལ་ཆེན་ཞག་དང་རཀྟས་བརྒྱན། །དྲག་པོ་ལས་ཀྱི་རྫས་བསག་པ། །གཞུང་ལས་འབྱུང་བའི་ཕུར་བུ་ནི། །ནག་པོ་རིགས་ཀྱི་བྱ་བར་ཤིས། །དགྲ་བགེགས་དབང་དུ་བསྡུ་ཕྱིར་རོ། །བྱ་ཕུར་བྱ་རྒོད་གཤོག་ཏུ་གྲགས། །རྒྱབ་རྟེན་དཔུང་དང་དབྲལ་བའི་ཕྱིར། །སྐྱེར་ཕུར་གནན་པའི་ཕུར་བུར་གྲགས། །རྣམ་བཞིའི་ཕྲིན་ལས་བྱ་བའི་ཕྱིར། །མངག་པའི་ཕུར་བུ་མཆོག་ཕུར་གྲགས། །འདྲེན་ཅིང་འགུགས་པར་བྱེད་ཕྱིར་རོ། །གདབ་པར་སྣ་ལྔའི་ལྕགས་ཕུར་གྲགས། །ཉོན་མོངས་མངོན་དུ་བསྒྲལ་ཕྱིར་རོ། །དྲག་པོ་བསྒྲུབ་པའི་རྫས་སུ་བསག །དུག་དང་གུ་གུལ་ཡུངས་ཀར་གསུམ། །གསུར་ཆེན་ར་ཁྱིའི་ཁྲག་དང་གསུམ། །ཕུར་བུ་གདུག་པའི་རྫས་སུ་བསག །རབས་ཆད་མོན་གྱི་ཐོད་པ་དང་། །ར་ཁྱི་དྲེའུ་མཛོ་མོན་གྱི་ཐོད། །བརྣག་པར་བྱ་བའི་རྫས་སུ་བསག །གྲོག་མཁར་ས་དང་མི་ཕུང་ས། །གངས་ཀྱི་དུམ་བུ་ཇུ་ཚེའི་ཕུབ། །ར་ཐུག་ལུག་ཐུག་གཅིན་གྱིས་སྦྲུ། །ལིངྒ་བྱ་བའི་རྫས་སུ་བསག །ཤུན་ཆེན་གྲོ་ག་ཤོག་ཤོག་གསུམ། །མིང་རུས་ ― DNG021_Page_0121 ―
[མ་དཔེ་གཟིགས་ན་འདིར་གནོན།]
བྲི་བའི་རྫས་སུ་བསག །སྨན་དང་པྲ་བ་སྤྲ་བ་ཡིན་ནམ་རྩག་ཆ་གསུམ། །རྐྱེན་བཟློག་སྨན་གྱི་རྫས་སུ་བསག །བྷནྡྷ་གཏོར་མ་རཀྟ་གསུམ། །མཆོད་པ་སྟོབ་པའི་རྫས་སུ་བསག །ཛ་གད་ཚེ་དང་ཚིམས་བྱེད་གསུམ། །ཀུན་ཏུ་རྒྱུ་དང་གལ་ཕྱི་ལྔ། །ཀ་ཏ་རི་ལ་ཟླ་ཚེས་བདུན། །ཟླ་ཕྲོམ་ཟླ་རྒྱས་མངར་གསུམ་རྫས། །བསྒྲུབ་པ་ཚོགས་ཀྱི་རྫས་སུ་བསག །དམར་གྱི་རཀྟ་ཟོ་བ་གང་། །མ་མོ་མཁའ་འགྲོ་བརྟེན་པའི་རྫས། །ཤེས་རབ་ཅན་གྱིས་བསག་པའི་རྫས། །མཚན་མའི་རྫས་རྣམས་ཚོགས་པ་དང་། །གཞུང་དང་མཐུན་པའི་གནས་དག་ཏུ། །གཉིས་མེད་དོན་རྟོགས་སྒྲུབ་པ་པོས། །བཀའ་བཞིན་བསྒྲུབ་ལ་ཚུལ་བཞིན་བྱ། །གཞུང་ལས་འབྱུང་བ་དེ་བྱས་ན། །རབ་ཀྱིས་ཟླ་བ་གཅིག་གིས་འགྲུབ། །འབྲིང་གིས་ལོ་གཅིག་བར་གྱིས་འགྲུབ། །ཐ་མས་ལོ་གསུམ་ཚུན་ཆད་ཀྱིས། །གདོན་མི་ཟ་བར་འགྲུབ་པར་བཤད། །ཡན་ལག་དབང་པོ་ཉམས་ལ་སོགས། །འབྲུམ་བུ་ལྷོག་པ་རྒྱུ་གཟེར་དག །ཅི་ལྟར་དམིགས་པ་དེ་བཞིན་འོང་། །གཞན་ཡང་ཤྭ་དང་སེར་བ་དང་། །མི་ནད་ཕྱུགས་ཡམས་དེ་བཞིན་ནོ། །ཞེས་བརྗོད་པས། ཕྱི་རབས་པའི་རྣལ་འབྱོར་པས་ལས་སུ་བྱ་བའི་རྫས་དང་རྟགས་ལ་མགོ་མ་རྨོངས་ཞིང་ལས་ཀྱི་བྱ་བ་ལ་རྟེན་ཡོད་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། རྫས་དང་རྟགས་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་བཅོམ་ལྡན་འདས་ཞེ་སྡང་གི་རྒྱལ་པོ་བཛྲ་ཀཱི་ལ་ཡས། རྒྱལ་བར་དབང་བྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བརྗོད་དོ། །མི་འགྱུར་ཆོས་ཉིད་ཕྱག་རྒྱ་ལས། །མ་བཙལ་ལྷུན་རྫོགས་གསལ་བའི་རྒྱུན། །ཁྲོ་རྒྱལ་ཡབ་ཡུམ་རོལ་པ་ཡིས། །བྱང་ཆུབ་སེམས་ཀྱི་འཕྲོ་འདུ་ལས། །འདོད་པའི་སྤྱི་བོར་རྒྱ་མཚོར་འཁྱིལ། །སྤྲོ་ཞིང་བསྡུས་ལ་དཀྱིལ་འཁོར་བསྒྱུར། །འདོད་པའི་རྣ་བར་གཞལ་ཡས་ཁང་། །རཏྣ་ཀཱི་ལ་དབུས་སུའོ། །ཁྲོ་བོ་ཡབ་ཡུམ་འཁོར་གྱིས་བསྐོར། །ཏྲཱཾ། རཏྣ་ཀཱི་ལ་ཡ་ཡི་ཚོགས་མཆོག་ལས། །རཏྣ་ཤྲཱི་འཁོར་དང་བཅས་པ་སྤྲོ། །བསྡུས་པས་དོན་གྱི་གནས་སུ་ཐིམ། །ཏྲཱཾ།གསང་བ་གསང་ ― DNG021_Page_0122 ―
[མ་དཔེ་གཟིགས་ན་འདིར་གནོན།]
མཆོག་མྱ་ངན་འདས། །དེ་ལ་སོགས་པའི་གསང་བ་ཀུན། །དོན་དུ་བརྟག་ཅིང་མཉན་པ་ལས། །ཀུན་ལ་བསྒྲག་པར་བྱ་བ་མིན། །འདོད་པའི་སྙིང་གར་དེ་བཞིན་དུ། །བཛྲ་ཀཱི་ལ་ཡ་ཡི་ངོ་བོ་ཉིད། །འབར་བ་ཧཱུཾ་གི་ཚོགས་མཆོག་ལས། །ཁྲག་འཐུང་དཀྱིལ་འཁོར་གསལ་སྤྲོ་བསྡིམ། །ཧཱུཾ་རྒྱལ་བའི་གདུང་འཚོབ་སྲས་ཆེན་པོ། །སྐུ་གསུང་ཐུགས་ཀྱི་ཕུར་པ་ཟུང་། །འཇིགས་བྱེད་ཁྲོ་རྒྱལ་མཉེས་མཆོད་ལ། །གཉིས་མེད་ཁྲོ་རྒྱལ་ཀུན་དང་སྦྱོར། །འདོད་པའི་ལག་ལ་དེ་བཞིན་ནོ། །ཀརྨ་ཀཱི་ལ་ཡ་ཡི་ངོ་བོ་ཉིད། །ཧ་ཡི་འབར་བའི་ཚོགས་མཆོག་ལས། །ཀརྨའི་དཀྱིལ་འཁོར་གསལ་སྤྲོ་བསྡིམ། །ཧ། ཁྱོད་ནི་ལས་རབ་ཀཱི་ལ་ཡིན། །རྣམ་བཞིའི་ཕྲིན་ལས་ཀུན་བྱོས་ཤིག །འདོད་པའི་ལྕེ་ལ་དེ་བཞིན་ཏེ། །པདྨ་ཁྲག་འཐུང་ཀཱི་ལ་ཡ། །འབར་བ་ཧྲཱྀཿཡི་ཚོགས་མཆོག་ལས། །ཧྲཱྀཿཡི་དཀྱིལ་འཁོར་གསལ་འཕྲོ་ཐིམ། །ཧྲཱྀཿབྱེ་བ་བརྒྱད་ཅུའི་སྒྲ་དབྱངས་ཀྱིས། །གང་འདོད་སྐྱེས་བུ་ཚིམ་པར་གྱིས། །ཤེས་རབ་དོན་གྱི་དམིགས་དང་སྦྱར། །ཆེ་ཆུང་དོན་གྱིས་སོ་སོར་བསྒྲག །ཡོངས་ལ་འཚལ་བར་བསྒྲག་མ་ཡིན། །འདོད་པའི་ཡོན་ཏན་རྣམ་ལྔ་ལ། །འཇིགས་བྱེད་གཞལ་ཡས་དེ་བཞིན་ཏེ། །རིགས་ཀྱི་ཁྲོ་བོའི་ངོ་བོ་ཉིད། །དཔའ་བོ་འབྲུ་ལྔའི་འཕྲོ་འདུ་ལས། །ཁྲག་འཐུང་ལྔ་དང་ཁྲོ་ཕྲེང་བསྒོམ། །ཧཱུཾ་ཕྱོགས་བཅུའི་འཇིག་རྟེན་དུས་ཀུན་ཏུ། །སྐུ་གསུང་ཐུགས་ཀྱི་ཕུར་བུ་བཟུང་། །ཕུར་བུའི་དཀྱིལ་འཁོར་བདག་ཉིད་ཆེ། །དཀྱིལ་འཁོར་ཀུན་གྱི་བྱེད་པ་པོ། །ཐམས་ཅད་ཀུན་ལ་དབང་རྣམས་བྱིན། །བདུད་རྩི་ལྔ་དང་ཕྱག་མཚན་ལྔ། །ཞིང་ཆེན་བླ་རེ་ཐལ་ཆེན་དང་། །རཀྟ་ཞག་དང་སྟག་གི་ཤམ། །རིམ་པ་བཞིན་དུ་བསྐུར་བར་བྱའོ། །ཡེ་ཤེས་ཕུར་པ་དབུ་གསུམ་པོས། །ཕྱོགས་མཚམས་མ་ལུས་བགེགས་འདུལ་བའི། །ཅི་ལྟར་འཚམས་པ་བཞིན་དུའོ། །ཨཱོཾ་ཀྲོ་ཏ་བི་ཛ་ཡ་ཨ་བྷི་ཥིཉྩ་ཧཱུཾ་ཕཊ། ཧཱུཾ་ཀཱ་ར་ཨ་བྷི་ཥིཉྩ་ཧཱུཾ་ཕཊ། པདྨ་ཀུཎྜ་ལི་ཨ་བྷི་ཥིཉྩ་ཧཱུཾ་ཕཊ། དྲི་ཟ་གྲུལ་བུམ་བདེན་བྲལ་དང་། །ཆུ་ལྷ་གནོད་སྦྱིན་དབང་ལྡན་དང་། །ཉི་ཟླ་ས་བདག་ཕྱོགས་མཚམས་བཅུ། །ཅི་ལྟར་འཚམས་པ་བཞིན་དུ་ཐུལ། །རྟ་དང་མ་ཧེ་ཁྱུ་ ― DNG021_Page_0123 ―
[མ་དཔེ་གཟིགས་ན་འདིར་གནོན།]
མཆོག་དང་། །གསེར་དངུལ་ཟངས་ལྕགས་འཁོར་ལོར་བཅས། །སློབ་དཔོན་མཉེས་བྱེད་ཡོན་དུ་འབུལ། །པཉྩ་ལི་ཀ་གོས་ཀྱི་མཆོག །གཅན་གཟན་དར་མེན་གསེར་དང་གཡུ། །བྱ་རིགས་ཟོ་སྐྱོགས་གཟི་དང་མཆོང་། །ཡུལ་མཁར་བུ་དང་ཆུང་མ་དང་། །ལུས་དང་སྲོག་གིས་མ་ཆགས་པར། །བླ་མ་དེ་ལ་འབུལ་བར་བྱའོ། །གཞན་ཡང་དབུ་རྒྱན་ཅོད་པན་ཕྲེང་། །གོ་ཆ་རྒྱལ་མཚན་ཕྱག་རྒྱ་དང་། །གདུགས་དང་བཟའ་བཏུང་བུམ་པ་དང་། །སྙིང་པོ་ལྔ་ཡིས་དབང་བསྐུར་ནས། །དུས་འདི་ཕན་ཆད་རྡོ་རྗེའི་སྲས། །གཉེན་པོར་གྱུར་པའི་ཚུལ་འཆང་བས། །ཉོན་མོངས་ངན་སོང་མེད་པ་དང་། །ཚེ་རིང་བདེ་བ་ཕུན་སུམ་ཚོགས། །དཔལ་ཆེན་ཁྲོ་རྒྱལ་ལ་སོགས་པའི། །མཐོ་རིས་ཐར་པའི་བདག་པོར་འགྱུར། །ལུས་སམ་ཕུང་པོར་བཅས་པ་ཡིས། །རིག་འཛིན་ས་ལ་གནས་པར་འགྱུར། །རིག་འཛིན་ས་ལ་གནས་པ་ཡིས། །བླ་མེད་ཁྲོ་རྒྱལ་ཆེན་པོར་འགྱུར། །འཁོར་ལོ་རྒྱས་འདེབས་ལ་སོགས་པའང་། །ཉིད་ཀྱི་བྱིན་གྱིས་བརླབ་པར་འགྱུར། །ཕོ་ཉ་འདུ་འཕྲོ་མང་པོ་ཀུན། །དཔལ་ཆེན་བཀའ་བཞིན་ལས་རྣམས་བྱེད། །བླ་མ་མཉེས་པར་མ་བྱས་སམ། །དབང་གི་རིམ་པ་མ་ཐོབ་པར། །ཉན་ཅིང་འཆད་ཅིང་ལས་བྱེད་པ། །ངན་སོང་གསུམ་དུ་ངེས་པར་ལྟུང་། །རང་བཞིན་མྱ་ངན་འདས་པའི་དོན། །གཉིས་མེད་དོན་གྱི་ངོ་བོ་ལ། །རང་སྣང་ལྷུན་རྫོགས་ཡེ་གནས་པའི། །ཐབས་ཀྱི་རྒྱལ་པོར་དོན་རྟོགས་ན། །དབང་གི་རྒྱལ་པོར་བདག་ཉིད་རྫོགས། །ཆོས་རྣམས་མྱ་ངན་འདས་པར་རྫོགས། །གཉིས་མེད་ཕུར་བུ་བྱང་ཆུབ་སེམས། །མཁའ་ལ་དེ་བཞིན་རོལ་པའི་སྐུའོ། །བཅོས་པ་མེད་པའི་ཆོས་ཉིད་ལ། །གཡོས་པ་མེད་པའི་ཆོས་ཉིད་ཤར། །གཉིས་མེད་རྒྱལ་པོར་དབང་མཆོག་ཐོབ། །ཅེས་བརྗོད་པས། ཐམས་ཅད་དབང་གི་རྒྱལ་པོར་མངོན་པར་སངས་རྒྱས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། དབང་སྦྱིན་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་རང་བཞིན་དང་ལྷག་པའི་ ― DNG021_Page_0124 ―
[མ་དཔེ་གཟིགས་ན་འདིར་གནོན།]
ཏིང་ངེ་འཛིན་གྱི་དཀྱིལ་འཁོར་གྱི་དོན་ལྷུན་གྱིས་གྲུབ་པའི་དངོས་གྲུབ་ཐོབ་པར་བྱ་བའི་ཕྱིར། མཉམ་པ་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བརྗོད་དོ། །དམ་པའི་དོན་གྱི་མཉམ་སྦྱོར་ཕྱིར། །མྱ་ངན་འདས་པ་བསྒོམ་པར་བྱ། །བྱང་ཆུབ་སེམས་ནི་མངོན་སུམ་གནས། །མཚོན་དུ་མེད་པའི་ཞིང་ཁམས་ལ། །མཉམ་རྫོགས་ཆེན་པོར་ལྷུན་བསྒོམ་ཞིང་། །བདེ་ཆེན་བྱང་ཆུབ་བརྟན་པར་བཟུང་། །བྱ་བ་མྱེད་ལ་ལས་བྱེད་པ། །མི་གནས་གནས་པ་མེད་པར་བསྒོམ། །ཆོས་རྣམས་རང་བཞིན་ཉིད་ཀྱིས་སྟོང་། །ནང་དང་ནང་གི་ཕྱི་རོལ་གྱི། །རྣམ་རྟོག་སྣ་ཚོགས་འཛིན་པ་ཡང་། །དངོས་པོ་མེད་དབྱིངས་སྐད་ཅིག་མ། །དེ་ཉིད་རྣམ་པར་དག་པའི་ལམ། །ཕྱིན་ཅི་ལོག་ནི་ཡང་དག་སྟེ། །མ་རིག་པ་ནི་ཡེ་ཤེས་གསལ། །ཉོན་མོངས་སྡུག་བསྔལ་བྱང་ཆུབ་མཆོག །ཐམས་ཅད་ཡོན་ཏན་མཆོག་གི་གནས། །རྒྱལ་བའི་དཀྱིལ་འཁོར་མ་ལུས་ཀུན། །ངེས་པའི་དོན་དགྲོལ་བཞི་བཅུ་གཉིས། །བསྡུས་པའི་དོན་ཉིད་ཡི་གེ་ཧཱུཾ་བཅུར་འདུས། །ཧཱུཾ་གསུམ་ཨཱཿཨོཾ་གསུམ་དུ་བསྡུས། །གསུམ་པོ་དེ་ཡང་ཧཱུཾ་སྟེ་ཐིག་ལེར་འདུས། །ཐིག་ལེ་སྤྲོས་མེད་ཆོས་དབྱིངས་ངང་དུ་ཐིམ། །མི་དམིགས་སྟོང་པ་ཉིད་ཀྱང་བརྗོད་ལས་འདས། །མི་གནས་དེ་བཞིན་གཤེགས་ཀྱང་བསམ་མི་ཁྱབ། །མ་སྐྱེས་ཆོས་ཀྱི་དབྱིངས་ཀྱང་བརྗོད་ལས་འདས། །མ་འགགས་བྱང་ཆུབ་སེམས་ནི་སྐྱེ་འཇིག་མེད། །འགྲོ་མེད་འོང་མེད་གནས་པ་ཡང་མེད་དོ། །ཐུགས་རྗེའི་བྱིན་རླབས་རྣམ་པར་འཕྲོ། །དབྱིངས་ལས་དབྱིངས་བྱུང་ཐབས་ཀྱི་ཕྱག་རྒྱར་གསལ། །ཐབས་ལས་དབྱིངས་བྱུང་ཡུམ་གྱི་ཕྱག་རྒྱར་གསལ། །དབྱིངས་ལས་དབྱིངས་ཀྱི་ཡེ་ཤེས་སྦྱོར་བས་ན། །བྱང་ཆུབ་སེམས་ཚོགས་དཀྱིལ་འཁོར་བརྗོད་མི་ལང་། །དོན་དམ་གཅིག་ལས་མ་གཡོས་ཀྱང་། །དོན་གྱི་གཞལ་ཡས་དཀྱིལ་འཁོར་གཉིས། །དོན་ཉིད་མ་གོ་དྲང་བར་ཟད། །གཞལ་ཡས་རང་བཞིན་བཞི་རུ་གསལ། །ཆོས་ཉིད་རང་བཞིན་གཞལ་ཡས་དང་། །གཉིས་མེད་ཡུམ་གྱི་གཞལ་ ― DNG021_Page_0125 ―
[མ་དཔེ་གཟིགས་ན་འདིར་གནོན།]
ཡས་དང་། །ཡིད་བཞིན་ལྷ་ཡི་གཞལ་ཡས་དང་། །འཇིགས་བྱེད་འབར་བའི་གཞལ་ཡས་སོ། །ཅི་ལྟར་སྣང་བའི་རྫས་ལ་བརྟེན། །ཡི་གེ་རཾ་གྱི་འཕྲོ་འདུ་ལས། །རཾ་གྱིས་བསྲེག་ལ་ཡཾ་གིས་གཏོར། །ཡེ་ཤེས་འབར་བའི་ཁཾ་གིས་བཀྲུས། །རང་བཞིན་ཆོས་ཉིད་ངང་དུ་དག །འབྱུང་བ་ཤེས་རབ་ཡུམ་གྱི་དབྱིངས། །རང་བཞིན་དུས་གསུམ་འདུས་མ་བྱས། །རང་བཞིན་ཆོས་དབྱིངས་གཞལ་ཡས་སོ། །རཾ་ཡཾ་ཁཾ། ཨེ་ནི་མི་དམིགས་དོན་གྱི་ཁཾ། །ཡཾ་ལས་བརྟེན་པའི་ས་བོན་བྱུང་། །བཾ་ལས་ཆུ་བྱུང་མཱ་མ་ཀཱིས། །སུཾ་ལས་རིན་ཆེན་བྱེ་བ་ཡས། །ལཾ་ལས་རིན་ཆེན་སྣ་ཚོགས་གླིང་། །བྷྲཱུཾ་ལས་ཡིད་བཞིན་གཞལ་ཡས་ཁང་། །ཏཱ་ལའི་སྐྱེ་ཤིང་ཅོང་ཅོང་འཁྲིལ། །ཡིད་བཞིན་རིན་ཆེན་བཀྲག་གསལ་འབར། །ལྔ་ལྔའི་གཞའ་ཚོན་སྤྲིན་རུམ་ཡས། །རིན་ཆེན་རྒྱན་གྱིས་ཤིན་ཏུ་སྤྲས། །ཆུན་འཕྱངས་དྲིལ་བུ་ཟ་ར་ཚགས། །བླ་རེ་རྒྱལ་མཚན་འཕན་དང་གདུགས། །རིན་ཆེན་གསེར་གྱི་ཁྲི་རྐང་བཞི། །ཆགས་མེད་པདྨ་ཁ་སྟོང་རྒྱས། །དྲི་མེད་འོད་གསལ་ཉི་ཟླ་བརྡལ། །མི་འཇིགས་སྟོབས་དང་རྫུ་འཕྲུལ་དང་། །ཕྲིན་ལས་ལ་སོགས་འདུས་མ་བྱས། །དཀར་དམར་སེར་དང་ལྗང་གུ་འཚེར། །དབྱིབས་དང་ཁ་དོག་དཔག་ལས་འདས། །ཕྱི་དང་ནང་མེད་ཕྱོགས་དང་བྲལ། །དམིགས་པར་སྣང་ཡང་དམིགས་སུ་མེད། །གཞལ་ཡས་ཡིད་བཞིན་ལྷུན་གྱིས་གྲུབ། །ཡིད་བཞིན་ལྷ་ཡི་གཞལ་ཡས་སོ། །ཨེ་ཡཾ་བཾ་སུཾ་བྷྲཱུཾ་བི་ཤྭ་བི་ཤུདྡྷེ། མཐིང་ནག་གྲུ་གསུམ་ཨེ་ཡི་ངང་། །རླུང་ནག་འཚུབས་མ་རྡོ་རྗེའི་བྲག །རཀྟའི་རྒྱ་མཚོ་ཞམ་ཆུ་འབབ། །ཤ་ཆེན་ས་གཞི་ཞིང་ཆེན་སྣོད། །ཀེང་རུས་རི་རབ་ཁྲག་ཞག་ཆུ། །བྷནྡྷ་འབར་བས་ཁ་ཏ་ལི། །བི་བྷྲཱུཾ་སྨུག་ནག་ཤིན་ཏུ་འབར། །དབང་པོའི་གསེབ་ནས་སྦྲུལ་ནག་རྒྱུ། །སྦྲུལ་གྱི་ལྕེ་ལས་མེ་ཆེན་འབར། །དཀར་དམར་སྤྲོ་བ་དེ་བཞིན་རྒྱུ། །མཆོག་ཆེན་ཀ་གདུང་ཞིང་ཆེན་ཕྱམ། །གནམ་ལྕགས་ཐོག་གཟེར་རྒྱན་རྣམས་རྫོགས། །མ་ཧེ་གླང་རྒོད་སྟག་དང་གཟིག །གཏུམ་པ་དོམ་གྱིས་སྤྲས་པའོ། །ཉི་ ― DNG021_Page_0126 ―
[མ་དཔེ་གཟིགས་ན་འདིར་གནོན།]
ཟླའི་འོད་ཀྱིས་བརྒྱན་པ་སྟེ། །འཇིགས་བྱེད་འབར་བའི་གཞལ་ཡས་སོ། །ཨེ་ཀརྨ་རཀྴ་རཀྟ་ཛྭ་ལ། བཾ་ཏཱིཀྵྞ་ཛྭ་ལ། ཀེང་ནི་རི་ཏི་ཛྭ་ལ། བཾ་ཁ་ཏ་ལི་བྷི་བྷྲཱུཾ། རཾ་ཨ་མྲྀ་ཏ་དྷི། ཏི་ར་བཾ། འབྱུང་ཆེན་ལྔ་ཉིད་ཡུམ་ལྔའི་ངང་། །རང་བཞིན་འདུས་མ་བྱས་པ་ཡུམ་གྱི་ཀློང་། །ས་ཆུ་མེ་རླུང་ནམ་མཁའི་རང་བཞིན་ལྔ། །ཡུམ་ཆེན་ལྔ་དང་རང་བཞིན་གཉིས་སུ་མེད། །གཉིས་མེད་ཡུམ་གྱི་རང་བཞིན་བརྗོད་ལས་འདས། །དེས་ནི་རང་བཞིན་ཏིང་འཛིན་དང་། །ལྷག་པའི་ཏིང་འཛིན་དཀྱིལ་འཁོར་བསྟན། །རང་བཞིན་དཀྱིལ་འཁོར་གདོད་ནས་དག །ཡིད་བཞིན་དཀྱིལ་འཁོར་དབུ་ལ་གསལ། །འཇིགས་བྱེད་དཀྱིལ་འཁོར་གཞལ་ཡས་ཁང་། །ཡུམ་གྱི་དཀྱིལ་འཁོར་གཉིས་སུ་མེད། །ཡང་ན་དཀྱིལ་འཁོར་དངོས་སུ་སྟེ། །མ་རིག་རྨོངས་ལ་བསྟན་ཕྱིར་ཏེ། །སེམས་ཉིད་དྲག་པོའི་དཀྱིལ་འཁོར་ཏེ། །ཕྱག་རྒྱ་ཆེན་པོའི་ཕྱག་མཐིལ་དུ། །མཐོ་གང་སོར་བཞི་གང་རུང་ཚད། །བྱས་ལ་དམ་རྫས་ཆག་ཆག་གདབ། །ཚོན་རྩི་བརླབ་ཅིང་སྲད་བུས་གདབ། །བྲི་ཞིང་ཕུར་བུ་རིམ་བཞིན་དགོད། །ཡང་ན་ས་གཞི་སྙེམས་པ་ལ། །འབར་བའི་དཀྱིལ་འཁོར་ཆེན་པོ་སྟེ། །སོར་བཞི་འདོམ་གང་ཚད་དུ་བྱ། །བྱིན་བརླབ་ཐིག་གདབ་དེ་བཞིན་ཏེ། །སོ་སོའི་གཞུང་དང་མཐུན་པར་བྲི། །གྲུ་གསུམ་མཐིང་ནག་ཟླ་གམ་དམར་པོས་བསྐོར། །ཐ་མ་རྡོ་རྗེ་བྲག་དང་འཁོར་ལོས་བསྐོར། །བར་ཁྱམས་གཉིས་དང་སྒོ་ཁྱུད་ལྡན་པར་བྲི། །ཕུར་བུ་བྷན་དྷ་གསལ་བྱེད་གཏོར་མར་བཅས། །སོ་སོའི་གཞུང་དང་མཐུན་པར་དགོད། །ཧཱུཾ་གྲུ་གསུམ་མཐིང་ནག་གཞལ་ཡས་ཁང་། །ཟླ་གམ་དམར་པོ་དབང་གི་ཚུལ། །ཟླུམ་པོ་གྲུ་བཞི་རྒྱས་པ་སྟེ། །འབར་བའི་འཁོར་ལོ་རྩིབས་བརྒྱད་འཁྲུགས། །དམར་སེར་དབང་རྒྱས་མངོན་པར་བསྟན། །སྒོ་རིགས་མཐིང་ནག་མི་འགྱུར་རྟགས། །ཞེས་བརྗོད་པས། ཐམས་ཅད་ཉིད་ཀྱི་གཞལ་ཡས་ཁང་དུ་སངས་རྒྱས་ཏེ། མྱ་ངན་ལས་འདས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ― DNG021_Page_0127 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་དྲུག་གི་དོན་ངེས་པར་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་དཔལ་ཀཱི་ལ་ཡས། ཚེ་མཐའ་ཡས་སུ་སྤྲུལ་ནས། འདི་སྐད་ཅེས་བརྗོད་དོ། །མྱ་ངན་ལས་ལ་རྟག་བསྡུས་ཏེ། །ཚེ་དབང་ཆེན་པོའི་གནས་དག་ནི། །འཁོར་ལོའི་གནམ་ལ་པདྨའི་ས། །དབྱིབས་འདྲའི་ས་གཞི་རབ་ཏུ་བརྟག །རི་བོ་ཆེན་པོ་རབ་དབེན་པ། །ཡིད་འོང་མེ་ཏོག་རྒྱས་པར་བསྒྲུབ། །ཡང་ན་སྡོང་གཅིག་མེ་རེག་དང་། །ལུང་གསུམ་མདོ་དང་དུར་ཁྲོད་གནས། །འབབ་ཆུ་ཆེན་པོའི་ངོས་སུ་བསྒྲུབ། །ལྷ་རྣམས་ཉེ་བར་བྱ་བ་དང་། །གདོན་རྣམས་ཞི་བར་བྱ་བ་དང་། །སྲིད་རྩེའི་ཉེས་དམིགས་བསལ་བའི་ཕྱིར། །ཕྱི་ཡི་གཏོར་མ་བཏང་ནས་ནི། །རབ་ཏུ་གསང་སྟེ་དམ་རྫས་བསག །དུར་ཁྲོད་བདག་པོ་མ་ཏྲཾ་ནི། །བརྗིད་པའི་སྟབས་ཀྱིས་གནན་པར་བྱ། །བྷ་ག་ཨེ་ཡི་དཀྱིལ་འཁོར་ལ། །རྡོ་རྗེའི་བྲག་གིས་རབ་ཏུ་གཏམས། །ཟླ་གམ་བཞི་དང་འཁོར་ལོ་བརྒྱད། །གྲུ་བཞི་སྒོ་ཁྱུད་ལྡན་པར་བྱ། །མཆོག་ཆེན་ཕུར་པ་རབ་བསྔགས་ཏེ། །སྒོ་བཞི་དག་ཏུ་རེ་རེ་གཟུག །ཁྲོ་བོའི་ཕུར་པ་མང་པོ་ཀུན། །གྲྭ་ཡི་ཕྱོགས་སུ་སྤུངས་ལ་གཞག །ཡང་ན་རྫས་དང་ཕུར་པ་ཀུན། །སྣང་བའི་འོད་དང་བཅས་པར་འགོད། །ཏིང་འཛིན་ཡེ་ཤེས་གསལ་བྱའི་ཕྱིར། །དམིགས་པའི་རྟེན་ཡང་མངོན་པར་གཞག །གཞན་ཡང་འབྲུ་ལྔ་སྙིང་པོ་ལྔ། །མངར་གསུམ་སྐྱུར་གསུམ་ཉུང་དཀར་སོག །རིན་ཆེན་བུམ་པར་བསགས་ཏེ་གཞག །བལྟ་བ་སྤྱོད་པ་མཐར་ཕྱིན་ཅིང་། །ལུང་དང་མན་ངག་ཚད་མས་བརྒྱན། །དད་པ་མི་ལྡོག་དམ་ཚིག་གནས། །བྱང་ཆུབ་སེམས་ལ་རབ་གཞོལ་ཏེ། །བྱམས་དང་སྙིང་རྗེ་ལྡན་པས་བསྒྲུབ། །སྟོང་པ་ཆེན་པོའི་ཡེ་ཤེས་ནི། །རྣམ་པར་མི་རྟོག་ལས་ལས་འདས། །དེ་ནི་མི་འགྱུར་བྱང་ཆུབ་སེམས། །མཁའ་ལ་དེ་བཞིན་རོལ་མོའི་སྐུ། །ཨེ་ཡི་དཀྱིལ་འཁོར་ལ་གནས་པའི། །བདག་ཉིད་ཆེན་པོ་ཧེ་རུ་ཀ །ཆེ་བའི་ཡེ་ཤེས་ཁྱད་པར་ལས། །པདྨ་བཛྲ་བུཌྜྷའི་འཁོར། །རཏྣ་ཀརྨ་འཁོར་དང་བཅས། །གཞལ་ཡས་བུམ་པའི་ནང་དུ་བསྐྱེད། །པདྨ་ཀཱི་ ― DNG021_Page_0128 ―
[མ་དཔེ་གཟིགས་ན་འདིར་གནོན།]
ལ་ཡ་ཨཱཾ། བཛྲ་ཀཱི་ལ་ཡ་ཧཱུཾ། བུཌྜྷ་ཀཱི་ལ་ཡ་ཨཱོཾ། རཏྣ་ཀཱི་ལ་ཡ་སྭཱ། ཀརྨ་ཀཱི་ལ་ཡ་ཧཱ། གཞན་གྱིས་མི་ཐུབ་གཤིན་རྗེ་གཤེད། །ཧ་ཡ་གྲཱི་བ་འདོད་པའི་རྒྱལ། །བདུད་རྩི་འཁྱིལ་དང་སྟོབས་པོ་ཆེ། །མི་གཡོ་མགོན་དང་རྣམ་པར་རྒྱལ། །ཧཱུཾ་མཛད་ཁམས་གསུམ་རྒྱལ་བར་བསྟན། ཧཱུཾ་བཛྲ་ཀཱི་ལི་ཀཱི་ཡ་སརྦ་བིགྷྣཱན་བཾ་ཧཱུཾ་ཕཊ། དཱིཔྟ་ཙཀྲ་ཧ་ན་ཧ་ན་ཧཱུཾ་ཕཊ། ཨཱོཾ་བཛྲ་ཀྲོ་དྷ་ཧཱུཾ་ཀཱ་ར་གརྫ་གརྫ་ཧཱུཾ་ཕཊ། བི་ཛ་ཡ་ཧ་ན་ཧ་ན་ཧཱུཾ་ཕཊ། ནཱི་ལ་དཎྜ་ད་ཧ་ད་ཧ་ཧཱུཾ་ཕཊ། ཡ་མཱནྟ་ཀ་པ་ཙ་པ་ཙ་ཧཱུཾ་ཕཊ། ཨཱརྻ་ཨ་ཙ་ལ་བྷནྡྷ་བྷནྡྷ་ཧཱུཾ་ཕཊ། ཧ་ཡ་གྲཱི་བ་ཧུ་ལུ་ཧུ་ལུ་ཧཱུཾ་ཕཊ། ཨ་པ་ར་ཛི་ཏ་ཏིཥྛ་ཏིཥྛ་ཧཱུཾ་ཕཊ། ཨ་མྲྀ་ཏ་ཀུཎྜ་ལི་ཙྪིནྡྷ་ཙྪིནྡྷ་ཧཱུཾ་ཕཊ། ཏྲཻ་ལོཀྱ་བི་ཛ་ཡ་བྷིནྡྷ་བྷིནྡྷ་ཧཱུཾ་ཕཊ། མ་ཧཱ་བ་ལ་སྥོ་ཊ་སྥོ་ཊ་ཧཱུཾ་ཕཊ། ཨེ་ཀ་ཙ་ཏི་གསང་བའི་ཡུམ། །ཡ་མཚན་བྱིན་རླབས་ཆེན་པོ་ལས། །སྙེམས་མ་སྟག་དང་བྱ་རྒོད་མགོ། །མ་ལུས་འཁོར་བཅས་འབར་བར་གྱུར། །སྐུ་གསུང་ཐུགས་ཀྱི་བྱིན་བརླབས་ལས། །ཕོ་ཉ་དཔུང་ཚོགས་ཉི་ཤུ་ནི། །གཅིག་ལ་ཡང་གསུམ་གསུམ་དྲུག་ཅུར་བསྟན། །ཐམས་ཅད་འཛིན་ཅིང་ལེན་པར་བྱེད། །དེ་ནི་རབ་ཏུ་མངག་བྱ་བའོ། །སྨེ་བ་ཅན་གྱི་མཐུ་ཆེན་ཏེ། །བུ་མོ་ལོ་གྲངས་ཉི་ཤུ་ལ། །ཕྱག་རྒྱའི་དཀྱིལ་འཁོར་གསལ་བཀོད་ནས། །རྣམ་གསུམ་དག་ཏུ་ནན་ཏན་བྱ། །རིན་ཆེན་སྣ་ལྔའི་བུམ་པ་ལ། །ཛཿཧཱུཾ་བཾ་ཧོཿབཞིས་བཀུག་ལ། །སྐུ་གསུང་ཐུགས་ཀྱི་སྙིང་པོ་མཆོག །ལུས་ངག་ཡིད་ལ་བསྡིམ་པར་བྱ། །ནྲྀ་ཉིད་དངོས་སམ་ཡིད་བཞིན་མཛོད། །བུམ་པའི་མཆོག་ནི་བཟང་པོ་ཡིས། །ཚེ་བཞག་གནས་ནི་དེ་ཡིན་ཏེ། །ཡང་ནས་ཡང་དུ་བཀུག་བྱས་ན། །མངོན་སུམ་སྨིན་པར་གྱུར་པ་དང་། །དབྱིངས་སུ་ཡང་ན་སྦ་བར་བྱའོ། །རྡོ་རྗེའི་གོ་ཆ་བསྲུང་བ་ཡིས། །བརྟན་ཞིང་འཁོར་ལོས་གདབ་པར་བྱ། །སྙིང་པོ་འབྲུ་ལྔའི་ནང་དུ་བསྡིམ། །སངས་རྒྱས་མ་ལུས་ཐམས་ཅད་ཀུན། །རྒྱལ་པོ་ཚེ་དཔག་མེད་པར་བསྒོམ། །སྐུ་མཆོག་གངས་རི་འཚེར་བ་ལ། །རྒྱན་ཕྲེང་སྣ་ཚོགས་རྣམས་ཀྱིས་བརྒྱན། །ཡིད་བཞིན་རིན་ཆེན་ཕྲེང་བ་དང་། ། ― DNG021_Page_0129 ―
[མ་དཔེ་གཟིགས་ན་འདིར་གནོན།]
ཟ་མ་ཏོག་དང་རིན་ཆེན་རྒྱལ། །བུམ་པ་བཟང་ལ་སོགས་པ་ཡིས། །གཞན་ལ་འགྲོ་བའི་དོན་བྱ་བ། །བསམ་གྱིས་མི་ཁྱབ་མཐའ་ཡས་མཆོག །བགེགས་ཀྱིས་ནྲྀ་རྣམས་མི་སྟེར་ན། །ཚེ་དཔག་མེད་ཀྱང་ཁྲོ་བོ་སྟེ། །ཕྱོགས་བཅུ་ནམ་མཁའི་ཁམས་བཀང་ནས། །སྒྲ་སྐད་དྲག་པོ་བཏོན་ནས་ནི། །ཐམས་ཅད་མ་ལུས་ཐུལ་བར་བྱ། །ཚེ་དཔག་མེད་པའི་དབང་དུ་བསྒྲུབ། །ཚེ་བསྙེན་དང་ནི་ཉེ་བསྙེན་དང་། །ཚེ་བསྒྲུབ་དང་ནི་བསྒྲུབ་ཆེན་པོ། །ཐབས་དང་ཤེས་རབ་སྦྱོར་བ་ཡིས། །ཅི་འདོད་ལས་རྣམས་འགྲུབ་པར་འགྱུར། །ཚེ་ཡི་དབང་མོ་རྒྱུད་འཕེལ་མ། །དཀར་མོའི་མདོག་ལ་འོད་འཕྲོར་གྱུར། །ཕྱག་ན་རིན་ཆེན་གང་བ་ཡི། །ཕྱག་རྒྱ་སྣ་ཚོགས་ཅིར་ཡང་འགྱུར། །འཇིག་རྟེན་དྲུག་གི་ཕྱོགས་བཅུ་ན། །གནས་པའི་འགྲོ་དྲུག་མ་ལུས་ལ། །ཕན་པའི་ཚེ་དབང་འདི་སྦྱིན་ནོ། །དེ་ལས་ཕན་པའི་ནུས་མཐུ་མེད། །ཡི་གེ་བཟླས་པའི་འཕྲུལ་ཆེན་ནི། །རྣམ་གསུམ་ཚུལ་གྱིས་མ་འཁྲུགས་པར། །སྔགས་བཟླས་ཆོ་ག་བར་མི་གཅད། །འདྲིས་གསལ་བརྟན་པའི་མཆོག་གིས་བྱ། །ཨོཾ་ཨོཾ་ཨོཾ་ཨོཾ་ཨོཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། སྭཱ་སྭཱ་སྭཱ་སྭཱ་སྭཱ། ཨཱཾ་ཨཱཾ་ཨཱཾ་ཨཱཾ་ཨཱཾ། ཧཱཾ་ཧཱཾ་ཧཱཾ་ཧཱཾ་ཧཱཾ། བྷྲཱུཾ་བྷྲཱུཾ་བྷྲཱུཾ་བྷྲཱུཾ་བྷྲཱུཾ། བ་བ་བ་བ་བ། ཛྲ་ཛྲ་ཛྲ་ཛྲ་ཛྲ། ཨཱ་ཨཱ་ཨཱ་ཨཱ་ཨཱ། ཡུ་ཡུ་ཡུ་ཡུ་ཡུ། ཥེ་ཥེ་ཥེ་ཥེ་ཥེ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཨ་ཨ་ཨ་ཨ་ཨ། ཨཱོཾ་ཚེ་རྣམས་དབང་དུ་མ་གྱུར་ན། །བདེ་གཤེགས་ལྔ་ཡང་ཚེ་དཔག་མེད། །སྐུ་གསུང་ཐུགས་ཀྱི་གཟུགས་ཀྱིས་ནི། །ཕྱོགས་བཅུ་ནམ་མཁའི་ཁམས་བཀང་ནས། །ཕྱག་རྒྱ་མཚོན་ཆ་སྣ་ཚོགས་ཀྱིས། །འཇིག་རྟེན་ཕྱོགས་བཅུའི་བདུད་བཅོམ་ནས། །འགྲོ་ལྔའི་ཚེ་རྣམས་དབང་དུ་སྡུད། །གཤོལ་དང་གཏུན་ཤིང་ཕྱག་རྒྱ་ཡིས། །འོག་གི་འཇིག་རྟེན་ཁམས་དཀྲུག་ནས། །གཤིན་རྗེའི་གནས་ནས་ཚེ་བཀུག་སྟེ། །སྙིང་པོ་ལྔ་ལ་བསྡིམ་པར་བྱ། །ཕྱག་རྒྱའི་འཁོར་ལོ་ཆེན་པོ་ཡིས། །སྟེང་གི་འཇིག་རྟེན་ཁམས་དཀྲུག་སྟེ། །དབང་ཕྱུག་ལྷ་ཆེན་ལ་སོགས་དང་། །བར་སྣང་བགེགས་རྣམས་རྒྱུ་བ་ལ། །ནྲྀ་ཚེ་རབ་ཏུ་དགུག་པར་བྱ། །འཁོར་ལོའི་འབྲུ་ལ་བསྡིམ་ནས་ནི། །དེ་ནས་ཡི་ ― DNG021_Page_0130 ―
[མ་དཔེ་གཟིགས་ན་འདིར་གནོན།]
གེ་འབྲུ་ལྔ་སྟེ། །ནྲྀ་ཡི་གནས་ལྔར་བསྡིམ་པར་བྱའོ། །ཨཱོཾ་བཛྲ་ཀཱ་བཱ་ཙ་བཛྲ་རཀྵ་ཧཱུཾ། ཨཱོཾ་སརྦ་ཏ་ཐཱ་ག་ཏ་ཧྲྀ་ད་ཡ་ཨ་དྷི་ཏིཥྛ་བཛྲ་སྭཱ་ཧཱ། ཕྱག་རྒྱ་སྲུང་བའི་ཆོ་ག་སྟེ། །འབྲུ་ལྔ་ཡི་གེ་འབྲུ་གཅིག་སྟེ། །འབྲུ་གཅིག་མི་དམིགས་དབྱིངས་སུ་ཐིམ། །ཨ། ཡིད་བཞིན་བུམ་པ་རིན་པོ་ཆེ། །རྒྱན་དང་རིན་ཆེན་ཕྲེང་བས་བརྒྱན། །རིན་ཆེན་ལྔ་དང་སྨན་ལྔ་དང་། །འབྲུ་ལྔ་སྤོས་ལྔ་རིན་ཆེན་ལྔ། །སྔགས་མཁན་རབ་ལྡན་བློ་བརྟན་པས། །ཡན་ལག་མ་ཉམས་སྔགས་བཟླས་བསྒོམ། །རྒྱན་ཆ་ལྔ་དང་ལྡན་བྱས་ནས། །དཀྱིལ་འཁོར་ཐམས་ཅད་འགྲུབ་པར་འགྱུར། །དེ་ནས་རིགས་ཀྱི་བུ་མཆོག་དེས། །ཡོ་བྱད་མ་ལུས་ལྡན་བྱས་ནས། །མཆོད་ཡོན་རྣམ་པ་སྣ་ཚོགས་ཀྱིས། །མཉེས་མཆོད་དངོས་གྲུབ་ཐོབ་པར་འགྱུར། །གདོད་ནས་སྙིང་པོ་བྱང་ཆུབ་ལ། །རྣམ་རྟོག་ལས་ཀྱིས་འཁོར་བ་རྣམས། །རྣལ་འབྱོར་དབང་ཕྱུག་ཐབས་མཁས་པས། །འཁོར་བའི་དྲ་བ་བཀྲོལ་ནས་ནི། །ཡབ་ཡུམ་གཉིས་མེད་མཁའ་ལ་བསྒྲལ། །སྒྲུབ་པ་པོ་ཡི་ལས་སུ་ནི། །བརྟུལ་ཞུགས་བསྐྱོད་དེ་སྦྱོར་སྒྲོལ་བརྩམ། །དེ་དག་སྔགས་ཀྱི་དམ་ཚིག་སྟེ། །མིང་གིས་མི་བྱ་མི་རུང་ངོ་། །གལ་ཏེ་བྱས་ན་ལྟུང་བར་འགྱུར། །མ་བྱས་ན་ཡང་ལྟུང་བར་འགྱུར། །རབ་བརྟགས་བསྒོམས་ཏེ་བྱ་བར་གསུངས། །རབ་བསྐྱེད་སྤྱན་དྲང་མཆོད་བྱས་ནས། །བསྙེན་པ་གཞུང་བཞིན་བརྩོན་པར་བྱའོ། །བདུན་ནམ་བདུན་འབུམ་བཟླས་ན་ནི། །མ་བཏབ་བཞིན་དུ་ལས་རྣམས་འགྲུབ། །ཉིན་མཚན་གུང་ལ་རབ་མངགས་ནས། །གཟུགས་ལ་ཕབ་སྟེ་བཅིངས་ལ་བཞག །བསྒྲུབ་པའི་ཞག་གྲངས་ཚང་བ་དང་། །མཚན་མ་བཟང་པོ་བྱུང་བ་ན། །ཏིང་འཛིན་བསར་ཏེ་རབ་ཏུ་གདབ། །མགོ་དང་ཙིཏྟ་ལྟེ་བ་དང་། །གསང་གནས་ཡན་ལག་བཞི་ལ་གདབ། །བདེན་པ་བདར་ནས་ཡང་དང་ཡང་། །གྲུ་གསུམ་ཨེ་ཡི་དཀྱིལ་འཁོར་དུ། །བཅུ་གཅིག་དང་ནི་རྩ་གཅིག་གིས། །མནན་ཅིང་གཟིར་བའང་དེ་བཞིན་ནོ། །དེ་ནས་རབ་ཏུ་དངོས་གྲུབ་བླང་། །གཏོར་མ་ཚོ་གསུམ་ ― DNG021_Page_0131 ―
[མ་དཔེ་གཟིགས་ན་འདིར་གནོན།]
གནས་སུ་དགྱེ། །བསྡུ་དང་བསྲུང་བ་དེ་བཞིན་ཏེ། །རིགས་མི་ནུབ་པར་བསྐྱེད་པར་བྱའོ། །ཞེས་གསུངས་པས། བསྒྲལ་བས་རྟག་ཆད་གཉིས་སུ་མེད་པའི་ངང་དུ་སངས་རྒྱས་ནས་མྱ་ངན་ལས་འདས་ཏེ། སྐྱེ་མེད་ཚེའི་ངོ་བོར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཚེ་བསྒྲུབ་ཅིང་དོན་བསྒྲལ་བའི་ལེའུ་སྟེ་བཅུ་དྲུག་པའོ།། །།དེ་ནས་ཁྲོ་བོའི་རྒྱལ་པོ་ཆེན་པོ་བསྟན་པ་ལ་ཁྲོ་བོ་རྔམ་པའི་ཚིག་ཏུ་བསྒྲགས་ནས། འདི་སྐད་ཅེས་བརྗོད་དོ། །མྱ་ངན་ལས་འདས་སྙིང་པོ་འདི། །མཚན་མས་བཙལ་བ་མ་ཡིན་གྱིས། །དག་པ་རྣམ་གསུམ་མ་ནོར་ཞིང་། །རང་རིག་རྒྱལ་པོ་གོམས་པ་ཡིས། །མྱ་ངན་འདས་འདི་རྙེད་པར་འགྱུར། །དྲག་པོ་གཏུམ་པོ་བསྒྲུབ་པ་ནི། །གནོད་གདུག་རྣམ་གཉིས་བསྒྲལ་བའི་ཕྱིར། །གཞུང་དང་མཐུན་པའི་གནས་དག་ཏུ། །ཕུན་སུམ་ཚོགས་པའི་སློབ་དཔོན་གྱིས། །བྱམས་དང་སྙིང་རྗེ་སྔོན་བཏང་ནས། །སྲིད་པའི་ཕུར་བུ་བསྒྲུབ་པར་བྱའོ། །གོང་གི་ཕུར་བུའི་རྒྱུ་དག་ལ། །རིང་ཐུང་མགོ་མཇུག་ཚད་མཉམ་སྟེ། །སྐེད་པ་རྒྱ་མདུད་དྲག་པོ་ལ། །རྩེ་མོ་ཆུ་སྲིན་ཁ་ནས་དབྱུང་། །བཅུ་གཅིག་བདུན་གསུམ་རྩ་གཅིག་པོས། །མཁས་པས་བྱིན་གྱིས་བརླབ་པར་བྱའོ། །གོང་མ་དེ་དང་ཚད་གཅིག་སྟེ། །མི་བརྗེད་གཟུངས་ལ་གདགས་པར་བྱ། །དྲག་པོའི་བསྙེན་པ་དབུལ་བར་བྱའོ། །དཀྱིལ་འཁོར་ཡུམ་གྱི་དབྱིངས་འདྲ་ལ། །ཟླ་གམ་གསུམ་གྱིས་མཐའ་བསྐོར་ཏེ། །རྫས་ལ་སོགས་པ་དགྲམ་པར་བྱའོ། །དབང་དྲག་འདྲེས་པའི་གཟུགས་ཅན་ལ། །བྱིན་བརླབ་དབང་བསྐུར་གཟི་བསྐྱེད་ལ། །གདན་ལ་བཞུགས་སུ་གསོལ་བ་གདབ། །ཉེ་བར་བྱ་ཕྱིར་བསྙེན་པ་འབུལ། །མི་རྟོག་ཀུན་སྣང་རྒྱུ་བསྒོམས་ཏེ། །སེམས་ཀྱི་དཀྱིལ་འཁོར་ཆགས་གྱུར་པས། །མཐིང་ནག་ཧཱུཾ་གི་འཕྲོ་འདུ་ལས། །གསང་བའི་སྔགས་ཀྱིས་བསྐྱེད་ནས་ནི། །མི་བཟད་འབར་བ་རྡོ་རྗེའི་སྐུ། །ཕུར་བུ་ཁྲོ་བོའི་འཁོར་གྱིས་བསྐོར། །བྷ་ག་ལ་ནི་ལིངྒ་བཞག །མཚན་མ་མིང་དུ་བཅས་པར་བྱའོ། །ཁྲོ་བོའི་ ― DNG021_Page_0132 ―
[མ་དཔེ་གཟིགས་ན་འདིར་གནོན།]
ཞལ་ནི་གང་ཡང་རུང་། །ལན་གསུམ་ལན་བདུན་རྟོག་བསྒོམ་ཞིང་། །མངོན་དུ་བྱུང་བའི་རྒྱ་འབར་ཏེ། །བདག་ཉིད་དཀྱིལ་འཁོར་ལྷར་གྱུར་ཏེ། །མི་བསྐྱོད་དབྱིངས་ལས་མ་གཡོས་ཀྱང་། །ཁམས་གསུམ་གདུག་པ་བསྒྲལ་བའི་ཕྱིར། །མཐིང་ནག་འབར་བའི་དཀྱིལ་འཁོར་ནས། །ཞེ་སྡང་རྡོ་རྗེའི་སྐུ་ཕྱུང་ནས། །མ་ཏྲཾ་ལ་སོགས་བསྒྲལ་བར་བྱའོ། །རྡོ་རྗེ་བ་སྤུ་ཉག་རེ་ལས། །ཁྲོ་བོ་བྱེ་བ་འབུམ་ཕྱུང་ནས། །ཞལ་ནས་དྲག་པོའི་འཛབ་ཀྱང་ཟློས། །ཕྱག་ན་དབང་དྲག་ཕུར་བུ་དྲིལ། །ཞབས་ཀྱང་དྲག་པོའི་ཚུལ་དུ་བཞུགས། །ཕོ་ཉ་ཕྱག་བརྙན་བཀའ་ཉན་ཚོགས། །ཡང་སྤྲུལ་མང་པོ་མངག་པར་མགྱོགས། །རོལ་པས་དགྲ་བགེགས་དབང་དུ་སྡུད། །དེ་ནི་དཔལ་གྱི་ཕོ་ཉ་སྟེ། །སྐུ་ལ་བསྡོ་ཞིང་རིགས་ལ་བསྙེགས། །རྒྱལ་ཁམས་ཕུང་བར་བྱེད་པ་དང་། །གནོད་སེམས་ལོག་པར་ལྟ་བ་རྣམས། །བདུན་རྒྱུད་གཅོད་པར་ཐེ་ཚོམ་མེད། །ཧཱུཾ་གིས་བསྡུས་ཤིང་ཕཊ་ཀྱིས་འཕང་། །ཞལ་གྱི་རང་སྔགས་ཁྲི་འབུམ་དུ། །རྣམ་གསུམ་ཚུལ་གྱིས་བཟླས་ནས་སུ། །འགྲོ་ལྔའི་སེམས་ཅན་ཐམས་ཅད་ཀུན། །དབང་མེད་ཞལ་དུ་ཐིམ་པར་འགྱུར། །ས་མ་ཡ་ནི་ལྷག་པར་འཛིན། །སྐུ་མདོག་དུད་ཀ་ལ་སོགས་དང་། །མཆེ་གཙིགས་ཁྲོ་གཉེར་གློག་སྟོང་འཁྱུག །ཞལ་བགྲད་ཕྱག་རྒྱ་འབར་བ་དང་། །གང་ལ་གོམས་པ་བསྒོམ་པར་བྱའོ། །བདག་ཉིད་འཛིན་པའི་ཕྱག་རྒྱ་སྟེ། །མཚན་མ་བཟུང་ནས་རང་སྔགས་འདོན། །མངོན་སུམ་དབང་པོས་བལྟར་ཡོད་པར། །རིལ་པོར་རིལ་ལུང་བྱུང་བསྡུས་ནས་དབྱིངས་སུ་མཆོད། །ཐེ་ཚོམ་མེད་པར་འགྲུབ་པར་ངེས། །དམ་པའི་ཆོས་འཇིག་མ་རུངས་པ། །དཔའ་བོས་དོགས་པ་ཡོད་པའི་ཕྱིར། །ཀུན་ལ་ཕན་པར་བྱ་བར་ཤིས། །དྲག་པོ་ལས་ཀྱི་དཀྱིལ་འཁོར་འདིར། །ཛཿཡིས་དྲངས་ཤིང་ཕཊ་ཀྱིས་བསྡིམ། །དྲོད་ཚད་རྟགས་ལ་ཕེབས་པ་དང་། །མཚན་མ་ལྡན་པའི་གཏུམ་པོ་ཡིས། །རིག་པའི་ཏིང་འཛིན་བསར་བྱས་ནས། །དྲག་པོའི་ཕྱག་རྒྱ་བཅས་ནས་ནི། །བདུན་གསུམ་བཅད་པའི་རྩ་གཅིག་པོས། །སྐེད་ནས་ ― DNG021_Page_0133 ―
[མ་དཔེ་གཟིགས་ན་འདིར་གནོན།]
བསྐོར་ཞིང་གནས་སུ་གདབ། །ཁྲ་རྒྱལ་མང་པོས་ཕོ་བྲང་བཏབ། །གཟུགས་ཀྱི་ཕུང་པོ་ལྷག་མ་ལ། །མ་མོ་ཕོ་ཉས་སྒྲོལ་ཞིང་རོལ། །སྤྲུལ་པའི་ཕྲ་མེན་ཟ་ཞིང་ལྡག །ལྷུ་གཟུགས་ཕྲལ་ཏེ་ཟོས་བསམས་ནས། །མཚན་མ་མིང་དུ་བསྡུས་པ་ཡང་། །ཅི་ལྟར་སྔོན་གྱི་དེ་བཞིན་དུ། །སྨོན་པའི་བྱང་ཆུབ་ལམ་དུ་གཞུག །མཚན་མའི་བག་ཆགས་དེར་སྦྱངས་སོ། །དབྱིངས་ལ་སྤྲོ་ཞིང་ཨ་ལ་བསྡིམ། །ཧོ། ཞེས་བརྗོད་པས། ཐམས་ཅད་ཁྲོ་བོའི་རང་བཞིན་དུ་གྱུར་པས། གདུག་པ་ཅན་ཐམས་ཅད་མྱ་ངན་ལས་འདས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཁྲོ་བོ་གསང་བ་ཉེ་བར་བསྒྲུབ་པའི་ལེའུ་སྟེ་བཅུ་བདུན་པའོ།། །།དེ་ནས་ཡང་ཀཱི་ལ་ཡས། ལྟ་བ་བྱང་ཆུབ་སེམས་ཀྱི་ཆོས་ཉིད། བྱང་ཆུབ་སེམས་ཀྱི་ཕུར་བུ་མྱ་ངན་ལས་འདས་ཤིང་། རང་བཞིན་བྱང་ཆུབ་སེམས་སུ་བསྒྲུབ་པར་བྱ་བའི་ཕྱིར། འདི་སྐད་བརྗོད་དོ། །གཉིས་མེད་སེམས་ཀྱི་རང་བཞིན་ཏེ། །རྒྱུ་འབྲས་གཉིས་ལས་མྱ་ངན་འདས། །འཛིན་རྟོག་མེད་པའི་ཕུར་པ་ལ། །དབྱིབས་དང་ཁ་དོག་མི་གནས་ན། །གཟུགས་དང་ཁ་དོག་སོ་སོར་གྲགས། །ལོག་རྟོག་ཕྱིན་ཅི་ལོག་བཞིས་བཅིངས། །གཉིས་མེད་དོན་དུ་བྱང་ཆུབ་སེམས། །འཕོ་འགྱུར་མེད་པ་ཕུར་པའི་དོན། །མི་དམིགས་ནམ་མཁའི་ཀློང་དུ་བསྒྲུབ། །མ་བཅོས་མ་ནོར་དབྱིངས་ལས་བྱུང་། །དེ་ནི་རང་བཞིན་ལྷུན་གྲུབ་པས། །དེ་ལས་སེམས་ཀྱི་འབྲས་བུ་ནི། །རྒྱུ་མཆོག་འབྲས་བུ་ཡི་གེ་ཧཱུཾ། །གཉིས་མེད་དོན་གྱི་ལམ་བཟང་པོ། །སྲིད་པ་གསུམ་ནས་བསྡུས་ནས་ནི། །ཁམས་གསུམ་ཀུན་ལས་འདས་པར་བསམ། །དེ་ནས་བདག་གི་བྱང་ཆུབ་སེམས། །སྲིད་པ་གསུམ་ལ་དབང་བསྒྱུར་ཞིང་། །བཅོམ་ལྡན་འདས་དང་སྐལ་བ་གཅིག །བྱང་ཆུབ་སེམས་ནི་མངོན་དུ་བསྟན། །ཐོག་མར་གཞལ་ཡས་བྱང་ཆུབ་སེམས། །དེ་ནི་རྒྱུ་འབྲས་མ་བཀག་ཆོས། །བསྒྲུབ་པའི་ཡེ་ཤེས་ཚོན་གང་བའོ། །གསང་བའི་སྔགས་ཀྱིས་བསྐྱེད་ནས་ནི། ། ― DNG021_Page_0134 ―
[མ་དཔེ་གཟིགས་ན་འདིར་གནོན།]
སྐུ་དང་ལྡན་པར་རབ་བརྒྱན་ཅིང་། །ཁམས་གསུམ་ཁྲོ་བོས་གང་བར་མཛད། །གཉིས་ལྡན་སྐུ་གསུང་ཐུགས་སུ་ལྡན། །སྐུ་ཡི་ཚོགས་ཀྱིས་རབ་བརྒྱན་ཏེ། །ཐུགས་ལ་འབར་བའི་སྲོག་ཀྱང་ཞུགས། །དབུ་ལ་རྫོགས་པའི་སངས་རྒྱས་བསྲུངས། །ཁྲོ་བོ་མང་པོས་གཟིར་བྱས་ནས། །ཡུལ་ནི་རྣམ་པར་སྒྲོལ་བའི་ཐུགས། །སྲིད་པའི་ཕུར་བུ་རྟོགས་པའི་ངང་། །སྲིད་པ་གསུམ་ཡང་ཐེབས་ཞེས་བྱའོ། །དེ་ལས་ཕུར་བུ་བྱང་ཆུབ་སེམས། །རང་བྱུང་གཟུགས་མེད་ཀུན་ལ་ཁྱབ། །རྒྱུ་འབྲས་གཉིས་མེད་མྱ་ངན་འདས། །ཁམས་གསུམ་ཡེ་ཤེས་བསྐྱེད་ནས་ནི། །རང་བྱུང་ཡེ་ཤེས་གསལ་བའི་རྟགས། །ཕུར་བུ་ཡེ་ཤེས་ཁྲོ་བོ་ལ། །ཉི་ཟླ་རི་རབ་ཕུར་བུའི་རྒྱན། །ཤིན་ཏུ་འཇིགས་པའི་ཡེ་ཤེས་ཀྱིས། །མཁའ་གཏིང་མེད་པའི་ཕུར་བུ་ལ། །ཁྲོ་བོའི་ཚོགས་ཀྱིས་རབ་བརྒྱན་ཅིང་། །རང་བྱུང་ཡེ་ཤེས་ཤར་བའི་ཕྱིར། །ཁམས་གསུམ་དབང་དུ་ཡང་དག་འགྲུབ། །ཁམས་གསུམ་གདུག་པ་བསྒྲལ་བའི་ཕྱིར། །དག་པའི་དབྱིངས་ལས་མ་གཡོས་པར། །ཚམ་རྔམས་གཟི་བརྗིད་གློག་ལྟར་འབར། །ཁམས་གསུམ་རྩ་ཐག་གཅད་པའི་ཕྱིར། །མེ་དཔུང་གསུམ་གྱིས་ཁམས་བསྲེགས་ཤིང་། །ལྷུན་གྱིས་གྲུབ་པའི་དཀྱིལ་འཁོར་ནས། །སྤྱན་དྲང་བཞུགས་གསོལ་དབྱེར་མེད་བསྡིམ། །ཉེས་བྱེད་གསུམ་གྱི་ཁམས་བསྲེག་ནས། །ཡེ་ཤེས་འབར་བའི་ཕྲིན་ལས་བསྐུལ། །ཁམས་གསུམ་དུས་གཅིག་དབང་བསྐུར་བས། །རང་བྱུང་སྐུ་རུ་རྣམ་དག་ཅིང་། །རབ་ཏུ་སྲོག་གི་གོར་ཤར་ནས། །གཉིས་ལྡན་སྐུ་གསུང་ཐུགས་སུ་ལྡན། །མྱ་ངན་འདས་པའི་དབྱིངས་སུ་གསལ། །དུས་གཅིག་ལེ་བརྒན་འབར་བར་སྨིན། །སྙིང་ག་ལྕེ་སྟེང་སྤྱི་བོ་ནས། །སྤྱན་དྲང་བཞུགས་གསོལ་དབྱེར་མེད་བསྡིམ། །ཡི་གེ་འབྲུ་གསུམ་འཕྲོ་འདུ་ལས། །སྐུ་གསུང་ཐུགས་སུ་བྱིན་བརླབ་བསྐུར། །ཧཱུཾ་ཨཱཾ་ཨོཾ། རྣམ་པར་ཤེས་པའི་ཡེ་ཤེས་མཆོག །རང་བྱུང་ཕུར་བུ་མྱ་ངན་འདས། །སྲོག་དང་དབུགས་ཀྱི་བྱིན་རླབས་ནི། །ནམ་མཁའ་ལྟ་བུའི་ངང་ཉིད་ལས། ། ― DNG021_Page_0135 ―
[མ་དཔེ་གཟིགས་ན་འདིར་གནོན།]
གཉིས་མེད་དོན་གྱི་སྐུ་ཕྱུང་བ། །བྱང་ཆུབ་སེམས་ཀྱི་ཕུར་བུ་ཡིས། །སྣང་སྲིད་ཆོས་ཀྱི་དབྱིངས་ཉིད་དུ། །མ་བཏབ་བཞིན་དུ་ལྷུན་གྱིས་གྲུབ། །སྣང་སྲིད་ཕུར་བུར་ཤར་བའི་ཕྱིར། །བདག་དང་ལག་པའི་མཆོག་རྣམས་ལ། །གཉིས་མེད་དབྱིངས་སུ་སྦྱོར་བའི་ཕྱིར། །ཡུམ་བཞིའི་ཕྱག་རྒྱར་བྱིན་བརླབས་ཏེ། །ལག་ཏུ་བླངས་ནས་དྲིལ་ནས་ཀྱང་། །ཁམས་གསུམ་སྣང་བའི་དུག་རྣམས་ཏེ། །དག་པའི་དབྱིངས་སུ་བསྒྲལ་བའི་ཕྱིར། །དཔའ་བོ་འབྲུ་ལྔའི་འཕྲོ་འདུ་ཡིས། །ཕུར་བུ་རི་རབ་ཕྱག་རྒྱ་ཆེ། །རྡོ་རྗེ་གཞོན་ནུའི་སྐུ་གསུང་ཐུགས། །རང་བྱུང་ཕུར་བུར་བྱིན་གྱིས་བརླབ། །རབ་ཏུ་སྡུག་བསྔལ་བསལ་བར་འགྱུར། །རྡོ་རྗེ་རབ་ཏུ་ཀཱི་ལ་ཡ། །དངོས་པོ་དབྱིངས་སུ་བསྒྲལ་བའི་ཕྱིར། །དྲག་ཏུ་གསོར་ཏེ་དྲིལ་ནས་ཀྱང་། །ཆོས་ཀུན་ཡེ་ནས་ཤར་བའི་ཕྱིར། །སེམས་ཀྱི་ཡུལ་ནི་རྣམ་བསྒྲལ་ཏེ། །ཡེ་ཤེས་སྐུ་ཡིས་ཁྱབ་གདལ་གནས། །དེ་ནི་དེ་བཞིན་གཤེགས་པའི་མཐུ། །སྣང་སྲིད་ཕུར་བུར་ཤར་བས་ན། །མཁའ་ལ་དེ་བཞིན་རོལ་པའི་སྐུ། །ཆོས་དབྱིངས་ཐིག་ལེར་གསལ་བའི་ཕྱིར། །མ་ལུས་ཕུར་པ་ཐེབས་ཞེས་བྱའོ། །གཉིས་མེད་དོན་གྱི་ངོ་བོ་ལ། །རྫོགས་ནས་དུཿཁ་བསལ་ཕྱིར་རོ། །བྱང་ཆུབ་སེམས་ཀྱི་ཁྱད་པར་གྱིས། །ཉོན་མོངས་དུག་ལྔ་བསྒྲལ་བའི་ཕྱིར། །ཁམས་གསུམ་གསོར་བས་བསྒྲལ་བར་བྱའོ། །ཉོན་མོངས་ཡེ་ཤེས་གནས་འགྱུར་ཞིང་། །སྲིད་གསུམ་དབྱིངས་སུ་བཀྲུ་བའི་ཕྱིར། །དེ་ནས་ཨ་ལས་རྣམ་དག་པས། །སྲིད་པ་གསུམ་དུ་གསལ་འཚེར་ནས། །བདག་དང་ཕུར་བུ་བྱང་ཆུབ་སེམས། །སེམས་ཅན་ལུས་ལ་བསྡིམས་བྱས་ཏེ། །སྤྲོ་ཞིང་བསྡུས་པས་ཁྲུས་བྱས་ནས། །འཁོར་བ་གསུམ་ནི་མྱ་ངན་འདས། །དེས་ན་ཡུལ་སེམས་གཉིས་སུ་མེད། །གཉིས་མེད་དོན་གྱི་ངེས་པ་ལས། །བསྐྱོད་པ་མེད་པའི་རི་རབ་གྱིས། །དམིགས་སུ་མེད་པའི་ཆོས་དབྱིངས་ལ། །མཁའ་ཡི་གཏུན་ཁུང་བདེར་གཤེགས་གནས། །གཏིང་དཔག་མེད་པའི་དབྱིངས་དཀྱིལ་དུ། །གཡོས་པ་མེད་པའི་ཡེ་ཤེས་ཀྱིས། །ལྷ་ཡང་རུང་སྟེ་བསྒྲལ་བྱས་ན། །སྲིད་གསུམ་ཕུར་པ་ཐེབས་ཞེས་ ― DNG021_Page_0136 ―
[མ་དཔེ་གཟིགས་ན་འདིར་གནོན།]
བྱའོ། །སྣང་སྲིད་སྐྱེ་འགྲོ་ཕུར་པའི་གཟུགས། །མཐོ་དམན་གཅིག་ཏུ་གྱུར་པ་ན། །ཧོཿཞེས་རབ་ཏུ་དགའ་བ་ཡིས། །ཤིན་ཏུ་སྙིང་པོ་འདི་བརྗོད་དོ། །ཧཱུཾ་རང་བྱུང་མཆོག་སེམས་གསལ་ཕྱིར་དུ། །མཉམ་ཉིད་རྩལ་ལས་བདག་ཉིད་བསྒྲལ། །དེ་བཞིན་ཧཱུཾ་གིས་དྲངས་ནས་ཀྱང་། །ཕུར་བུ་གཟི་ལྡན་ཐོབ་གྱུར་ཅིག །གཉིས་མེད་ཆོས་སྐུར་གཅིག་པའི་ཕྱིར། །ཡུལ་དེའི་སེམས་ནི་ཧཱུཾ་དུ་སྣང་། །འོད་དང་འོད་ཟེར་ཕུར་བུ་ལས། །བདག་ལ་འདུས་པས་ཚེ་རུ་ཐིམ། །གཉིས་མེད་དོན་གྱིས་བསྒྲལ་བའི་ཕྱིར། །བདག་གི་རྣམ་ཤེས་ཚོགས་བརྒྱད་ནས། །གང་ཞིག་མནན་པའི་མཆོག་རྣམས་ལ། །རྡོ་རྗེ་ཕུར་པ་མང་ཤར་བས། །དེ་ཡི་ཚོགས་བརྒྱད་དག་པར་སྦྱང་། །ཁམས་གསུམ་ཆོས་ཉིད་གདར་བཅད་ཕྱིར། །ཁྲོ་མོ་འབར་བའི་གཏུན་ཁུང་དུ། །ཁྲོ་བོ་འབར་བའི་གཏུན་ཚོགས་ཀྱིས། །རྡོ་རྗེ་ཐོ་བས་བརྡུང་བྱས་ནས། །ཁམས་གསུམ་མ་ལུས་བསྒྲལ་བར་འགྱུར། །རྟོག་འཛིན་མེད་པའི་དབང་ཕྱུག་དེས། །མཉམ་པའི་རྒྱལ་པོས་སྤགས་པར་བསྒྲལ། །ཤིན་ཏུ་གསལ་ནས་དགྱེས་བསྟར་བས། །ཟ་བྱེད་ཀུན་ལ་བསྟབ་པར་མཛོད། །ཧ་ཧ་བགྱིས་པས་དགྱེས་པར་རོལ། །ཧཱུཾ་ཧཱུཾ་བགྱིས་པས་དབང་དུ་བསྡུས། །ཁ་ཁ་བགྱིས་པས་ལྷག་མ་བཞེས། །བདག་དང་གསུམ་དུ་ལྡན་ནས་ཀྱང་། །བྱང་ཆུབ་སེམས་ཀྱི་དབང་སྤྲོས་པས། །ཕུང་པོ་རྡུལ་དུ་བཤིག་ནས་ཀྱང་། །ཤ་ཁྲག་ཁམས་གསུམ་གང་བར་དམིགས། །ཧཱུཾ་གིས་རབ་ཏུ་ནམ་མཁའ་གང་། །ཕཊ་ཀྱིས་ཀུན་ཏུ་གཏོར་བྱས་ཏེ། །རྡོ་རྗེ་ཡེ་ཤེས་ཚོན་གང་གིས། །ཁམས་གསུམ་རབ་ཏུ་གང་ནས་འདུས། །ཁམས་གསུམ་བྱང་ཆུབ་སེམས་བསྐྱེད་དེ། །འགྲོ་བ་མ་ལུས་དོན་བྱའི་ཕྱིར། །ལྗང་གུ་ལས་ཀྱི་ས་བོན་ཏེ། །དམར་པོ་སྲོག་གི་ས་བོན་ཡིན། །མཐིང་ནག་ཧེ་རུ་ཀ་ཡི་ཐུགས། །སྤྲོས་པས་ཐིག་ལེས་ནམ་མཁའ་གང་། །ཐམས་ཅད་འདུས་པས་ཤིན་ཏུ་བརྗིད། །གྲུབ་ནས་སེམས་ཀྱི་ཕུར་པ་ཚོལ། །ཁམས་གསུམ་དུར་ཁྲོད་ཁྲག་ཡིན་ཏེ། །ཐུགས་རྗེ་ཆགས་པས་བསྒྲལ་བའི་ཕྱིར། །སྲིད་པ་ ― DNG021_Page_0137 ―
[མ་དཔེ་གཟིགས་ན་འདིར་གནོན།]
གདར་ཤ་བཅད་ནས་ཀྱང་། །སྤྱོད་པ་རྣམ་པ་བཅུ་དང་ལྡན། །བྱང་ཆུབ་སེམས་ཀྱི་གོལ་ས་བཅད། །གྲུབ་མཐའ་འདི་ལ་འཇིག་མཐའ་མེད། །དེ་ནི་མི་འགྱུར་བྱང་ཆུབ་སེམས། །མྱ་ངན་འདས་ན་རྟག་པའོ། །སྒྲིབ་པ་མེད་པས་མཐར་ཕྱིན་ཏེ། །བཙལ་དུ་མེད་པས་ཡེ་ནས་གྲུབ། །སྣང་སྲིད་དང་ནི་འཛིན་རྟོག་རྣམས། །བསམ་པ་ལས་ནི་མྱ་ངན་འདས། །འཇིག་རྟེན་ཀུན་ལས་འདས་པས་ན། །འཛིན་དང་རྟོག་པ་རྣམ་སྤང་བའི། །བྱང་ཆུབ་སེམས་ནི་སྐད་ཅིག་མ། །ལྷན་ནེ་པོར་ཡང་བདག་ཉིད་སྦྱོར། །འཇིག་རྟེན་ཀུན་ལས་གྲུབ་པའི་རྒྱན། །མི་ནུབ་པ་ཡི་རྟགས་ཀྱང་ཡིན། །རྡོ་རྗེ་སེམས་དཔའི་མཁའ་ལ་ནུབ། །ནུབ་མཐའ་མེད་པར་ཤིན་ཏུ་སྤགས། །ཡིད་ནི་ཆོས་ཉིད་མྱ་ངན་འདས། །རྣམ་ཤེས་ཧཱུཾ་དུ་མྱ་ངན་འདས། །ཧཱུཾ་ཉིད་བྱང་ཆུབ་སེམས་ཀྱི་གཞི། །བྱང་ཆུབ་སེམས་ཀྱི་ཕུར་པ་རུ། །སྲིད་གསུམ་མ་ལུས་མྱ་ངན་འདས། །ཞེས་བརྗོད་པས། སྣང་ཞིང་སྲིད་པས་བསྡུས་པའི་ཆོས་ཐམས་ཅད། ཡེ་ནས་ཕུར་བུ་བྱང་ཆུབ་ཀྱི་སེམས་སུ་ལྷུན་གྱིས་གྲུབ་ཅིང་མྱ་ངན་ལས་འདས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཕུར་བུ་བྱང་ཆུབ་སེམས་སུ་བསྒྲུབ་པའི་ལེའུ་སྟེ་བཅོ་བརྒྱད་ པའོ།། །།དེ་ནས་བཛྲ་ཀཱི་ལ་ཡས་བསྒྲུབ་པའི་དོན་ཡོད་པར་བྱ་བའི་ཕྱིར། མངགས་པ་ལས་ཀྱི་ཕོ་ཉ་འདི་དག་གསུངས་སོ། །དབུ་དགུ་ཁྲག་འཐུང་ཟ་བྱེད་པ། །དྲག་པོ་ལས་ཀྱི་དཀྱིལ་འཁོར་དུ། །དགུག་དང་བཅིང་དང་སྡོམ་ལ་བརྩོན། །ཉིད་ཀྱི་ཐུགས་ཀྱི་སྤྲུལ་པ་ལས། །ཅི་བགྱིས་བཀའ་ཉན་ཕོ་ཉའི་ཚོགས། །གང་ལ་མངགས་པ་གྲུབ་པར་བྱེད། །དབྱིངས་ནས་བཀུག་ནས་མཁའ་ལ་བསྡིམ། །ཧཱུཾ་གིས་བསྡུས་ནས་མཁའ་ལ་བཞག །ཡཾ་གིས་བཏེགས་ལ་ཕཊ་ཀྱིས་འཕང་། །དེ་ཡང་དཔལ་གྱི་ཕོ་ཉ་སྟེ། །ཐུགས་ཀྱི་ཡོན་ཏན་བསམ་ཡས་ཀྱང་། །དོན་གྱི་ཕོ་ཉ་དབྱིངས་ལས་འགྱེད། །ཐབས་ཀྱི་ཕོ་ཉ་ཡུམ་ལས་འགྱེད། །སྤྲུལ་པའི་ཕོ་ཉ་ལས་ལ་འགྱེད། །དེ་ཡང་བསྐུལ་ཚིག་དྲག་པོ་ཡིས། །གཉིས་མེད་དོན་གྱིས་མངགས་པར་བྱའོ། །ཧཱུཾ་ཆེན་སྒྲ་འབྱིན་ཕག་དང་སྨིག་བུར་ ― DNG021_Page_0138 ―
[མ་དཔེ་གཟིགས་ན་འདིར་གནོན།]
བཅས། །རྣམ་རྒྱལ་སྙེམས་མ་སྟག་དང་བྱ་རྒོད་མགོ། །དབྱུག་སྔོན་སྦེར་མོ་གཡག་དང་བྱ་རོག་བཅས། །གཤིན་རྗེ་དུར་ཁྲོད་ཤ་བ་འུག་པར་བཅས། །མི་གཡོ་གཏུན་ཁུང་གཟིག་དང་ཁྭ་ཏའི་མགོ། །རྟ་མགྲིན་གཏུམ་མོ་བྱི་ལ་པུ་ཤུད་བཅས། །གཞན་གྱིས་མི་ཐུབ་མདའ་སྙེམས་སྤྱང་ཀུ་ཁྲ་མགོར་བཅས། །བདུད་རྩི་རླུང་འབྱིན་སེང་གེ་ཕ་ཝང་བཅས། །ཁམས་གསུམ་གསོད་མ་དྲེད་དང་སྲེ་མོ་བཅས། །མ་ཧཱ་བ་ལ་བསྐྱོད་མ་དོམ་དང་བྱི་བར་བཅས། །ཉེས་བྱེད་མ་ལུས་མཁའ་ལ་བཏོན། །གཏི་མུག་མུན་ཁུང་གཏན་ནས་བཅོམ། །ཞེ་སྡང་རྩེ་མོ་རྟུལ་དུ་སོད། །འདོད་ཆགས་རྒྱ་མཚོ་གཏིང་ནས་སྐོམས། །ཕྲག་དོག་འཚུབས་མ་གཏན་རྒྱུན་ཆོད། །ལྕགས་ཀྱི་གཟེ་མ་རྐང་གསུམ་གྱིས། །བསྐལ་པ་བརྒྱད་ཁྲིར་མེ་སྦར་ཏེ། །སྟོང་ཁམས་རྔམས་པའི་ཞལ་གདངས་ནས། །དུག་གསུམ་བསྒྲལ་མཛད་ཕྲིན་ལས་ཀྱིས། །གདུག་པའི་ཚོགས་དང་གནོད་སྦྱིན་ཆ་ལུགས་ཅན། །རྡོ་རྗེ་སྲིད་པའི་ཞལ་གྱིས་མཚན་མའི་དངོས་པོ་ཀུན། །དབང་པོ་ཀུན་འབྱུང་དོན་སྙིང་ཞལ་དུ་འདྲེན། །འགལ་བྱེད་ཚོགས་ཀྱི་སྙིང་ལ་རྔམ་པའི་ཕྱིར། །དྲག་པོའི་ཕྲིན་ལས་བཏང་སྙོམས་ཡལ་བར་མི་གཏང་ངོ་། །དྲག་པོས་བདུད་དཔུང་འཇོམས་ཤིང་ཚར་གཅོད་དང་། །བདུད་དང་མུ་སྟེགས་གཏན་ནས་བརླག་པ་དང་། །གང་ཞིག་ལོག་པར་བལྟ་བའི་དགྲ་བོ་དང་། །གནོད་བྱེད་འབྱུང་པོ་གཏན་ནས་ཚར་གཅད་ཕྱིར། །ལོག་པར་སེམས་དང་རྣམ་པར་འཚེ་བ་རྣམས། །ཕྲིན་ལས་དྲག་པོའི་ཐུགས་རྗེས་གཏང་མི་བྱའོ། །བདག་ཉིད་ཞེ་སྡང་ཁྲོ་བོའི་རྒྱལ་པོའི་སྐུ། །ཞལ་གསུམ་ཕྱག་དྲུག་ཞབས་བཞི་བརྐྱང་བསྐུམ་ཚུལ། །མེ་དཔུང་འབར་བའི་ནང་ན་བརྗིད་པར་བཞུགས། །མཐིང་ནག་གཅེར་བུ་རལ་པ་འབར་བ་ཅན། །ཞལ་མདོག་ཕྱོགས་བཞིར་གཟིགས་པའི་ཐུགས་ཀ་ནས། །ཧཱུཾ་ཧཱུཾ་ཧཱུཾ་ཞེས་སྒྲ་སྒྲོགས་རབ་འཕྲོས་པས། །ལྕགས་ཀྱི་གཟེ་མ་རྐང་གསུམ་རབ་བསྒོམ་སྟེ། །དེ་ཡི་ཐུགས་རྗེ་རྡོ་རྗེ་དྲག་པོ་དེས། །དགྲ་བགེགས་དེ་ཡི་ལུས་དང་བྱད་བཞིན་རྣམས། ། ― DNG021_Page_0139 ―
[མ་དཔེ་གཟིགས་ན་འདིར་གནོན།]
མངོན་སུམ་ས་ལེར་གསལ་བར་དམིགས་པ་ཡི། །རྐང་པའི་མཐིལ་དུ་ཡི་གེ་ཏྲི་ནག་བསམ། །ལྕགས་ཀྱི་གཟེ་མ་རྐང་པའི་མཐིལ་བཙུག་པས། །མཁལ་མ་མཆེར་པ་གློ་བ་སྙིང་བརྒྱུས་ནས། །སྤྱི་བོའི་གཙུག་ཏུ་ཐལ་གྱིས་བྱུང་བར་བསམ། །ལྕགས་ཀྱི་གཟེ་མ་རྐང་གསུམ་གྱིས། །ངོས་གསུམ་དུ་ནི་ཧཱུཾ་གསུམ་གཞག །ཟུར་གསུམ་དུ་ནི་ཕཊ་གསུམ་གཞག །རྩེ་མོ་གསུམ་ལ་དྲི་གསུམ་གཞག །རྩེ་གསུམ་རིམ་པར་འཛུག་པར་བསམ། །དགྲ་བགེགས་ཟིལ་གྱིས་མནན་ནས་ཀྱང་། །དུག་གསུམ་རྩད་ནས་གཅད་པར་བསམ། །ལྕགས་ཀྱི་གཟེ་མ་རྐང་གསུམ་དེ། །སྐུ་གསུང་ཐུགས་ཀྱི་ཁྲོ་བོ་དེ། །སྐུ་ནི་བྷུཌྜྷ་ཧེ་རུ་ཀ །གསུང་ནི་པདྨ་ཧེ་རུ་ཀ །ཐུགས་ནི་བཛྲ་ཧེ་རུ་ཀ །གཟེ་མའི་དབུས་སུ་དུར་ཁྲོད་ཀྱི། །གཞལ་ཡས་ཁང་གཅིག་བསམ་པར་བྱའོ། །དེ་ཡི་དབུས་སུ་དགྲ་བོའི་གཟུགས། །བཅས་ཏེ་ས་ལེ་གསལ་བསམ་ལ། །ལྕགས་ཀྱི་གཟེ་མ་རྐང་གསུམ་ལས། །རེ་རེ་ལའང་གསུམ་གསུམ་དགུས། །འཆོར་དོགས་མེད་པར་དགུག་པར་བསམ། །ཧཱུཾ། ལྕགས་ཀྱི་གཟེ་མ་མགོ་དགུ་པ། །མགོ་དགུ་རྐང་གསུམ་སྟོང་གསུམ་གང་། །ཤིན་ཏུ་མི་བཟད་འཇིགས་སུ་རུང་། །འཁྲུགས་བྱེད་འབར་བའི་ང་རོ་སྒྲོགས། །ཞལ་མདོག་གཅིག་ཏུ་མ་ངེས་ཏེ། །ཁྲོ་རྒྱལ་འཇིགས་བྱེད་ཧཱུཾ་སྒྲ་ཅན། །ཕྱག་མཚན་འཇིགས་པའི་ཆར་ཕབ་ནས། །ཧ་ལ་ཕཊ་ཀྱི་སྒྲ་འབྱིན་ཅིང་། །ཁམས་གསུམ་གདུག་པ་མ་ལུས་བསྲེག །གནོད་བྱེད་དགྲ་བགེགས་འཆིང་བར་བྱེད། །དགྲ་དང་འབྱུང་པོ་སྲེག་པའི་མཆོག །སྐུ་གསུང་ཐུགས་ཀྱི་ངོ་བོ་ལས། །ལྕགས་ཀྱི་གཟེ་མ་མགོ་དགུར་སྤྲུལ། །ཕྱོགས་བཞི་མཚམས་བཞི་སྟེང་འོག་ནས། །དམིགས་པ་བཞིན་དུ་དགྲ་བགེགས་ཁུག །དམ་བཅས་བཞིན་དུ་དགྲ་བོ་སྒྲོལ། །བཅོལ་བ་བཞིན་དུ་ཐོད་ཁྲག་སྤྱོས། །རྡུལ་ཕྲན་བཞིན་དུ་རློག་གྱུར་ཅིག །དང་པོར་གནོད་པའི་དགྲ་བོ་དེ། །མིང་དང་རུས་དང་གཟུགས་བྲིས་ལ། །རྩིགས་པའི་ལོགས་ལ་དགྲམ་པར་བྱའོ། །ལྷ་ཕྱག་སྟོང་བཙལ་དགྲ་བོ་ཡི། །མིང་ནས་ཕྱུང་ནས་བཙལ་ལོ་ཞེས། ། ― DNG021_Page_0140 ―
[མ་དཔེ་གཟིགས་ན་འདིར་གནོན།]
བྱས་ལ་ཕྱག་གིས་གནད་བསྐུར་རོ། །དེ་ནས་དྲིལ་ལ་ངས་ཅི་ཉེས། །ཚིག་གིས་དཔང་ཡང་གཟུག་པར་བྱའོ། །གཟུགས་ཀྱི་ཐ་མ་ཧཱུཾ་གིས་བསྐོར། །མལ་འོག་ཞག་གསུམ་གཞག་པར་བྱའོ། །སྔགས་ནི་མིང་ནས་ཕྱུང་ལ་གདོན། །ཀཱི་ལ་ཡ་དང་སུམ་བྷ་ནི། །བཟླས་ནས་བརྡུངས་ན་རྨི་ལམ་དང་། །ལྟས་ངན་བཟློག་ཅིང་ཕེབས་པར་འགྱུར། །གཟུགས་དང་མིང་རུས་དེ་ཕྱུང་ལ། །དགྲ་བོ་དེ་ཡི་གཤང་གཅི་འམ། །བུབ་སམ་རྐང་རྗེས་བོར་བའི་སར། །བརྡབ་ན་སྟབས་བསྣོལ་འབྱུང་བར་འགྱུར། །ཡང་ན་དེ་ལས་ས་བླངས་ལ། །ར་ཁྱིའི་ཁྲག་གིས་སྦྲུས་པ་ལ། །དགྲ་ཡི་གཟུགས་བྱ་མིང་རུས་བྲི། །གཟུགས་གཉིས་བྱས་ལ་ལྟོ་སྦྱར་ཏེ། །ཚོན་གྱིས་བཅིང་ལ་རབས་ཆད་དང་། །མཛེ་ཅན་དག་གི་ཐོད་ནང་དུ། །དུག་དང་ཁྱི་ལུད་གུ་གུལ་དང་། །ཉུང་དཀར་སྐེ་ཚེ་མུ་ཟིས་བདུག །དེ་ནས་སྲོག་གི་སྙིང་པོ་དང་། །དགྲ་བོའི་མིང་གཉིས་བསྲེས་ལ་གདོན། །དགྲ་བོ་ནྲྀ་མཱ་ར་ཡཾ། ནྲྀ་ཤ་ཀུ་རུ་ཡཾ། ཁ་སོ་དབང་དྲིལ་ཡཾ། ཐོད་ཁྲག་སྤྱོས་ཤིག་ཙིཏྟ་གུ་གུལ་ནན། །སྙིང་ཁྲག་སྤྱོས་ཤིག་ཙཀྲ་ཁ་ཁ་རཾ། །རྣམ་ཤེས་སྤྱོས་ཤིག་ཤོ་ན་མ། །འདོད་ཆགས་སྤྱོས་ཤིག་སུ་ཏྲི་ཁ་རཾ། །གཟུགས་ཕུང་ཤིག་ཅིག་སུ་ནི་ཏྲི། །ཡན་ལག་ཆིངས་ཤིག་ཛ་ལི་ནི་ཏྲི་ཛྲཾ། །དེ་སྐད་བརྗོད་ལ་གཟུགས་ལ་བསྡུ། །དེ་ནས་མ་ཉེས་དཔང་བཙུག་ལ། །བསྒྲལ་བའི་ཞིང་བཅུ་ཞེ་གཅོད་དོ། །ངན་སོང་གཏན་སྲིད་འཁྱམས་པའི་སྡུག་བསྔལ་ཚོགས། །ཐོག་མའི་དུས་ནས་ངན་སོང་འཁོར་བར་ལྟུང་། །མི་དགེ་སྡིག་པའི་ལས་ལ་རྨོངས་པའི་ཕྱིར། །ཤེས་ལྡན་ཡེ་ཤེས་རྩལ་གནས་ཡོངས་མ་འགྱུར། །མཉམ་ཉིད་ངང་ལས་གཡོ་བ་མེད་པ་རུ། །དུག་གསུམ་རྨོངས་པའི་ལོག་རྟོག་རང་ལས་བྱུང་། །སྒྱུ་མེད་ཐབས་ལ་མཁས་པའི་སངས་རྒྱས་དང་། །ཐུགས་རྗེས་རྗེས་སུ་སྟོན་པའི་སློབ་དཔོན་དང་། །གསང་བའི་ཚིག་གིས་བསྡུས་པའི་དམ་ཚིག་ཅན། །བསམ་པ་མཐུན་པའི་སྔགས་འཆང་དམ་ཚིག་གིས། །རྗེས་སུ་སྤོབས་པའི་སྨོན་ལམ་མཐུ་ ― DNG021_Page_0141 ―
[མ་དཔེ་གཟིགས་ན་འདིར་གནོན།]
སྟོབས་ཀྱིས། །སྐུ་གསུང་ཐུགས་སུ་ལུས་ངག་བསྟན་པའི་ཕྱིར། །ཤེད་ལས་སྐྱེས་པའི་ཤེད་བུ་རིགས་ངན་ཁྱོད། །གཏན་སྲིད་ངེས་པའི་རྩ་བ་གཅིག་པུ་ལ། །མ་རིག་རང་སེམས་བདག་ཏུ་བཟུང་བས་ནོངས། །སྲིད་པར་ཕན་འདོགས་ཁྱོད་ཀྱི་དཔལ་མགོན་དུ། །ཐར་པའི་ལམ་སྣ་འདྲེན་པ་ང་ཡིན་པས། །དགའ་དང་གུས་པའི་སེམས་ཀྱིས་གུས་བྱོས་ལ། །གནོད་སེམས་སྔ་ཕྱི་ཡོད་པ་སྤོང་གྱིས་ལ། །ཚེ་སྲོག་ལུས་བོར་ད་ལྟར་སོ་སོར་སྒོམ། །རྣམ་ཤེས་ཉེས་པ་ཡོད་པར་དྲན་བྱོས་ལ། །ཉེས་པ་གཙོར་ཞོག་གདུང་བའི་མཆི་མ་ངུས། །སྦྱིན་པའི་ཐབས་ལྡན་མངའ་བར་བཅད་པའི་བཀའ། །དུར་ཁྲོད་ཆེན་པོའི་གནས་སུ་བསྒྲལ་བའི་ཕྱིར། །ཁྱོད་ཀྱི་མ་རིག་དུར་ས་བཙལ་བ་ནི། །ཞེ་སྡང་དབང་གིས་ཆགས་པའི་སྐྱོན་སྤངས་ཀྱང་། །གཟུང་འཛིན་རྣམ་པར་ཐར་པའི་ལམ་མ་རྙེད། །བཙལ་བས་རྙེད་མེད་ཡོན་ཏན་རྨོངས་པའི་དུར། །ཞེ་སྡང་དབང་གིས་བདག་གཞན་གཉིས་སུ་མཐོང་། །བདག་མེད་བླ་མེད་ཐར་ལམ་མ་རྙེད་དེ། །ཚ་གྲང་དམྱལ་བའི་གནས་སུ་ཟབ་པའི་ཕྱིར། །ཐར་བར་མི་འགྱུར་ཞེས་ཏེ་ཁྱོད་རང་ཉེས། །ངན་སོང་གསུམ་པོར་ཁྱོད་ཀྱང་མི་གཏོང་གིས། །ལུས་སེམས་གཉིས་འདྲེལ་འདི་ལ་མ་ཆགས་ཤིག །ལྷ་དང་མགོན་བཙན་ཀུན་དང་དབྲལ་བའི་ཕྱིར། །གུ་གུལ་ཉུང་དཀར་མུ་ཟི་ལྡོང་རོས་དང་། །ཤ་ཆེན་སྣུམ་ཆེན་ག་པུར་དུད་བཏང་ལ། །སྡིག་ཆེན་མ་རྟོགས་ཁ་འཁོར་ཉོན་མོངས་པ། །སྔོན་གྱི་ལས་ངན་མི་ཟད་དེ་བཅད་པས། །དུས་ཟད་ཚེ་འཕོས་དེ་ལ་མ་ཆགས་པར། །སྡུག་བསྔལ་མི་ཟད་ཉོན་མོངས་ཤེས་པར་བྱོས། །ཁྲོ་རྒྱལ་མི་བཟད་རྒྱལ་པོ་ཧཱུཾ་སྒྲ་ཅན། །གདུག་པའི་མཚོན་ཆ་ཆར་ལྟར་ཕབ་པ་ཡིས། །རང་དབང་མེད་པར་རབ་ཏུ་འཇིག་པར་འགྱུར། །དེ་བས་སྡིག་ཅན་འདི་ལ་མ་འཁོར་བར། །ངས་སྨྲས་སྐྱེས་བུ་ང་ཡི་ཚིག་ཉོན་ལ། །རང་གི་གནས་ཚོལ་བག་དང་ལྡན་པར་བྱོས། །དེ་ལྟར་རྟེན་དང་དབྲལ་ནས་ཀྱང་། །མདའ་འཕེན་ཟླ་བ་མར་ངོ་ལ། །ནག་པོའི་ཆས་སུ་རབ་ཞུགས་ནས། །སྔར་ཤིའི་རོ་གོས་ཁྲག་ཅན་ལ། ། ― DNG021_Page_0142 ―
[མ་དཔེ་གཟིགས་ན་འདིར་གནོན།]
ཆས་གོས་བྱ་བའི་རྒྱུ་རུ་ཤིས། །ནག་པོའི་རྒྱན་ཆས་ལྔ་གོན་ལ། །བྱང་ཆུབ་སེམས་ནི་སྔོན་བཏང་སྟེ། །དྲག་པོའི་ཕྲིན་ལས་ནུབ་བདུན་བསྟུད། །དེ་ནས་ལྕགས་ཀྱི་གཟེ་མ་ཉིད། །སྔ་ནས་དོན་དང་མཐུན་པ་རུ། །མི་རྟ་བསད་པའི་མཚོན་རྩེ་ལ། །ཕུར་བུ་སོ་བརྒྱད་གཅིག་བྱས་ལ། །གོང་བཞིན་བྱིན་གྱིས་བརླབ་པར་བྱོས། །གཞན་ཡང་ཕུར་བུ་སྣ་ཚོགས་ལ། །སྙིང་པོ་སོ་སོར་བཟླས་ཤིང་དྲིལ། །བསྙེན་པ་རྫོགས་ནས་འགུགས་འདྲེན་བྱ། །མིང་རུས་གཟུགས་ལ་སྔགས་བཟླས་སོ། །ལྕགས་ཀྱི་གཟེ་མ་རྐང་གསུམ་གྱི། །སྔགས་འདི་རབ་ཏུ་དྲག་ཏུ་བཟླས། །ས་ཧཱུཾ་ཀ་ཧེ་པུ་ར་བསྟེ་སྭཱ་ཧཱ། སྲེ་ཎ་ཎ་རཱ་ཙ་ན་ཎ། ཧེ་རུ་མེ་མོ་ཀ་རི་སྭཱ་ཧཱ། ཏེ་རུ་སྲི་སྤུ་ཀ་སྤྱ་མི་སྐྱེ་སྭཱ་ཧཱ། ཨཱོཾ་སྭཱཾ་རྩྭཱཾ་ཧཱུཾ་ཀ་དེ་པུ་ར་པ་དེ་སྭཱ་ཧཱ། བཱི་ནན་རྩ་ར་ནན། ཧེ་རུ་མེ་མྱོ་ཀུ་ཀ་ར་རི་སྭཱ་ཧཱ། ཧེ་རུ་སྲན་ཡུ་ཀ་སྤྱ་མི་སྐྱེ་སྭཱ་ཧཱ། ཨེ་ལིག་ཤི་ཀ །ཤིག་ཧེ་རུ་ཧིད་པ་མ་མེ་ཤན་ཧེ་རེ་ལིག་ཤན། ལི་ཤ་ཤི་བྷྱོ་ཐུཾ་རེ་ལེག་སྭཱ་ཧཱ། ཤི་ཤི་བྷྱོ་ཐུཾ། སྔགས་དེ་རེ་རེ་བཏབ་པས་སུ། །ལྕགས་ཀྱི་གཟེ་མ་རྐང་གསུམ་དེ། །གཅིག་ནི་མི་ཕྱིན་སླར་མི་ཕྱིན། །རྩེ་གཅིག་སེམས་ཀྱི་རང་བཞིན་ནོ། །བརྒྱད་ཀྱིས་རྣམ་ཤེས་ཚོགས་བརྒྱད་དག ། དབང་པོ་ཡུལ་དུས་གཉིས་མེད་དོན། །མྱ་ངན་འདས་པའི་དབྱིངས་སུ་བསྒྲལ། །བྱང་ཆུབ་མ་བཀག་ཡན་དུ་ཁྱེ། །དོན་མཐུན་པ་ཡི་དཀྱིལ་འཁོར་དུ། །རིགས་དང་ལྡན་པའི་སྐྱེས་བུ་ཡིས། །སྐལ་དང་ལྡན་པའི་སེམས་ཅན་ལ། །དབང་པོ་ལྔ་ཡི་གནས་ལྔ་རུ། །དཔའ་བོ་འབྲུ་ལྔའི་འཕྲོ་འདུ་ཡིས། །ཉོན་མོངས་ལྔ་ཡི་ངོ་བོ་ལ། །ཡེ་ཤེས་ལྔ་ཡི་ཕྲ་བཀོད་པས། །གཉིས་མེད་དབྱིངས་ཀྱི་མཁའ་ལ་ནུབ། །དོན་གྱི་འབྲས་བུ་ཐིག་ལེར་གསལ། །ལོག་རྟོག་རྒྱུ་འབྲས་ཐལ་བར་བརླགས། །ཆགས་སྡང་དངོས་པོ་གཏན་ནས་བརླགས། །གཟུང་འཛིན་གཉིས་ནི་འཆོར་མེད་བཟུང་། །ཕྱོགས་རིས་ས་མཚམས་དབྱིངས་སུ་དག །ཕོ་ཉ་མང་པོས་སྟོང་གསུམ་བཀང་། །མ་སྤྲོས་སེམས་སུ་ཡེ་ནས་དག །འགུགས་བྱེད་མང་པོ་གཅིག་ཏུ་དྲིལ། །འགྱུར་མེད་དབྱིངས་ཀྱི་ངང་དུ་འདྲེས། །ཞེས་བརྗོད་པས། ཕོ་ཉའི་ཚོགས་དེ་དག་མྱ་ངན་ལས་འདས་པའི་ངང་དུ། ཡེ་ནས་གནས་པའི་དོན་དེ་བཞིན་དུ་མྱ་ངན་ལས་ ― DNG021_Page_0143 ―
[མ་དཔེ་གཟིགས་ན་འདིར་གནོན།]
འདས་སོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཕོ་ཉས་རྣམ་ཤེས་ཡེ་ཤེས་སུ་སྦྱོངས་ཤིང་། མངགས་པར་བྱ་བའི་ཐབས་བསྟན་པའི་ལེའུ་སྟེ་བཅུ་དགུ་པའོ།། །།དེ་ནས་ཡང་བཛྲ་ཀཱི་ལ་ཡས། དོན་ཆོས་ཉིད་ཞི་བའི་ངང་ལས་མ་གཡོས་པར། སྐུ་ཡང་ཤིན་ཏུ་དྲག་པོ་མི་བཟད་པའི་སྐུར་འཐོན་ནས། དྲེགས་པ་གདོན་གདུག་ཅན་དྲག་པོའི་ཕྲིན་ལས་ཀྱིས་བསྒྲལ་ལ། ཕུང་པོ་འདོད་པའི་ལོངས་སྤྱོད་དུ་སྒྲུབ་པའི་ཕྱིར། རྩ་བ་བྱང་ཆུབ་ཀྱི་སེམས་སྔོན་དུ་བཏང་ནས། འདི་སྐད་ཅེས་བརྗོད་དོ། །སྐྱེ་མེད་སེམས་ཀྱི་རང་བཞིན་ནི། །རང་བཞིན་མེད་པས་བསྒྲལ་བའི་ཞིང་། །མཚན་མ་མེད་པས་བསད་པའི་རིགས། །དངོས་པོ་མེད་པས་གཏུབ་པའི་རྫས། །རང་བཞིན་དོན་ལ་བཅོས་མེད་བཞག །དངོས་པོ་གཟུང་འཛིན་འདྲེས་པ་བསྒྲལ། །མཚན་མའི་རྣམ་རྟོག་རཾ་གྱིས་བསྲེག །གཏི་མུག་མུན་ཁམས་ཨེ་ཡིས་སྦྱངས། །འདོད་ཆགས་བསེ་རྩི་ཁཾ་གིས་བཀྲུ། །ང་རྒྱལ་བྲག་རི་ལཾ་གྱིས་གཞིག །ཕྲག་དོག་འཚུབ་མ་ཡཾ་གིས་བུད། །དངོས་གཞི་དུག་གསུམ་རྩད་ནས་བཅད། །གོང་དུ་བསྟན་པའི་གནས་དག་ཏུ། །རྫས་དང་གཏོར་མ་དེ་བཞིན་དུ། །ཕྱི་མཚམས་བཅད་ཅིང་ལས་རྣམས་བཅོལ། །དཀྱིལ་འཁོར་འདོམ་གང་གྲུ་བཞི་ལ། །ཆག་ཆག་གདབ་ཅིང་ས་ཚོན་བརླབས། །ཐིག་གདབ་བྲི་ཞིང་ཚོན་རྩི་བཀྱེ། །དཀྱིལ་འཁོར་ཡུམ་གྱི་དབྱིངས་འདྲ་ལ། །དབུས་སུ་མཐིང་ནག་གྲུ་གསུམ་ལ། །ཐ་མ་ཟླ་གམ་དམར་པོས་བསྐོར། །རྡོ་རྗེ་བྲག་གིས་ཡོངས་སུ་བསྐོར། །ཕྱི་རིམ་འཁོར་ལོ་རྩིབས་བརྒྱད་ལ། །བསྐལ་པའི་མེ་འོད་འབར་བས་བསྐོར། །དེ་ཡི་ཕྱི་རིམ་ཐོད་པའི་མཁར། །གྲུ་ཆད་བཞི་དང་བར་ཁྱམས་གཉིས། །སྒོ་ཁྱུད་བཞི་དང་ནག་པོས་བསྐོར། །རྒྱན་གྱི་བྱེ་བྲག་ཚང་བས་བརྒྱན། །ལྕགས་སམ་གདུག་པའི་ཤིང་རྣམས་ལ། །ཕུར་བུ་ཚད་དང་ལྡན་པ་རྣམས། །དེ་བཞིན་བྱིན་གྱིས་བརླབ་པར་བྱ། །བདུག་བརྡེག་བྱུག་ཅིང་ཅོད་པན་གདགས། །བྷནྡྷ་དུམ་བུ་གསུམ་པ་ལ། །ཡུམ་ཆེན་རྒྱས་འདེབས་བཞུགས་ ― DNG021_Page_0144 ―
[མ་དཔེ་གཟིགས་ན་འདིར་གནོན།]
གནས་བཤམས། །སྤྲུལ་པའི་ཕུར་བུ་མང་པོ་ཀུན། །དབུས་ནས་དགོད་ཅིང་གྲ་རུ་སྤུངས། །རྫས་རྣམས་ཚོགས་ནས་རིམ་བཞིན་དགོད། །ཧཱུཾ་དབུས་ནས་དཔལ་ཆེན་འབར་བའི་སྐུ། །ཞལ་གསུམ་ཕྱག་དྲུག་འཇིགས་པའི་གཟུགས། །འཁོར་ལོ་རྒྱས་འདེབས་སྐུ་ལ་འཁྲིལ། །བདེ་ཆེན་སངས་རྒྱས་དབུ་ལ་བརྒྱན། །ཁྲག་འཐུང་རོལ་པའི་ཐུགས་ལས་སྤྲུལ། །སྤྲུལ་པའི་ཕྲ་མེན་ཕྱོགས་བཅུར་འགྱེད། །ཕྱོགས་ཀྱི་གདོན་རྣམས་ཞབས་ཀྱིས་གནོན། །ཉོན་མོངས་གདུག་པ་མཁའ་ལ་སྒྲོལ། །དྲག་པོའི་ཕྲིན་ལས་དུས་ལ་བབ། །འབར་བའི་གདན་ལ་རིམ་བཞིན་བཞུགས། །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧ་ཧ་ཧ་ཧ་ཧ་ཧ་ཧ་ཧ། ཧེ་ཧེ་ཧེ་ཧེ་ཧེ་ཧེ་ཧེ་ཧེ། ཕཊ་ཕཊ་ཕཊ་ཕཊ། དེ་བཞིན་རྫས་ཀྱི་ངོ་བོ་དགོད། །ཆོས་རྣམས་དག་པའི་རང་བཞིན་ཡང་། །ཏིང་འཛིན་སྦྱང་ཕྱིར་རྣམ་གསུམ་བསྒོམ། །ཆོས་རྣམས་མ་བཅོས་རང་བཞིན་དང་། །མི་དམིགས་དོན་དམ་བྱང་ཆུབ་སེམས། །དོན་དམ་གཉིས་མེད་རྟོག་ལས་འདས། །བརྗོད་མེད་སྤྲོས་བྲལ་ཆོས་ཀྱི་དབྱིངས། །མ་བཅོས་རང་ལས་མ་གཡོས་ཀྱང་། །དཔག་མེད་ཡེ་ཤེས་ཆེན་པོ་ནི། །མཁའ་ལ་འཇའ་ཚོན་སྣང་བ་ལྟར། །རང་བཞིན་ཀློང་དུ་ས་ལེར་གསལ། །ནམ་མཁའི་རང་བཞིན་དྭངས་པ་ལ། །ཡོན་ཏན་ཁྱད་པར་སྣང་བ་ལྟར། །ནམ་མཁའི་དཀྱིལ་ནས་ཐིགས་པ་ཤར། །སེམས་ཀྱི་རང་བཞིན་ཧཱུཾ་དུ་བསྒོམ། །ཨེ་ཀརྨ་རཀྟ། བཾ་ཀེཾ་ཧ་རཾ། བྷྲཱུཾ་ཁ་ཏ་ལི་དྷི་བྷྲཱུཾ་མ་ཡ་ཨ་མ་ཧྲི་ཡང་དྷི། ཛི་སྡི་ར་བཾ། ཧཱུཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་དཱིཔྟ་ཙཀྲ་ཧ་ན་ཧ་ན་ཧཱུཾ་ཕཊ།ཨཱོཾ་གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །རྡོ་རྗེ་རླུང་ནག་རཀྟའི་རྒྱ་མཚོ་དང་། །ཤ་ཆེན་ས་གཞི་ཀེང་རུས་རི་རབ་སྟེང་། །འབྱུང་ཆེན་ལྔ་ལས་གྲུབ་པའི་གཞལ་ཡས་ནི། །དབྱིབས་དང་མཚན་ཉིད་སོ་སོར་མ་འདྲེས་ཀྱང་། །ཡེ་ནས་མ་བཅོས་ཡུམ་ཆེན་ལྔ་ཡི་ངང་། །བརྗོད་མེད་སྤྲོས་བྲལ་འཁོར་ལོ་རྒྱས་འདེབས་ཀློང་། །མཁའ་མཉམ་རིན་ཆེན་འབར་བའི་གཞལ་ཡས་ནི། །ནམ་མཁའི་མཐའ་ལྟར་ཀུན་ཏུ་ཁྱབ། །ཡེ་ཤེས་འབར་བའི་གཞལ་ཡས་ནི། །ཕྱོགས་ ― DNG021_Page_0145 ―
[མ་དཔེ་གཟིགས་ན་འདིར་གནོན།]
བཅུ་རྒྱ་ཡོངས་མ་ཆད་པའི། །ཕྱི་དང་ནང་མེད་ཀུན་ཏུ་སྣང་། །དུར་ཁྲོད་འབར་བའི་གཞལ་ཡས་ནི། །ཞིང་ཆེན་གཅལ་བཀྲམ་རྨང་དུ་བྱས། །བྷནྡྷ་འབར་བའི་གཞལ་ཡས་ནི། །གནམ་ལྕགས་གཟེར་བཏབ་རྒྱན་རྣམས་རྫོགས། །གྲུ་གསུམ་འབར་བའི་གཞལ་ཡས་ཁང་། །ཟླ་གམ་དམར་པོ་དབང་གི་ཚུལ། །ཟླུམ་པོ་གྲུ་བཞི་རྒྱས་པ་སྟེ། །འོད་ཟེར་དམར་སྨུག་སྟོང་ཕྲག་གང་། །འབར་བའི་དཀྱིལ་འཁོར་ཆེན་པོ་རུ། །མ་ཧཱ་དེ་ཝ་སྣི་བསྣོལ་ཁར། །དྲི་ཟ་གྲུལ་བུམ་ཀླུ་གདོན་དང་། །གནོད་སྦྱིན་ལ་སོགས་ཕྱོགས་སྐྱོང་བཅུ། །འཇིགས་བྱེད་གདན་དུ་སྣི་བསྣོལ་ཁར། །ཨཱོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། ཨོཾ་བཛྲ་ཀྲོ་དྷཱི་དཱི་པ་ཡ་ཏི་ཧཱུཾ་ཕཊ།བཛྲ་མཱུ་ཀ་ར་མུ་ཁ་ཧེ། བཛྲ་ཨ་ཥུ་ས་མུ་ཁཱ་ཧེ། ཨཱོཾ་བཛྲ་ཀྲོ་ཏ་བི་ཛ་ཡ་ཧཱུཾ། ཧ་ན་ཧ་ན་ཧ་ན་ཧཱུཾ་ཕཊ། ཨཱོཾ་བཛྲ་ཀྲོ་ཏཱི་ལཱ་སེ་ཀཱི་ཧཱུཾ་ཕཊ། ཨཱོཾ་བཛྲ་བྱཱ་གྷྲ་མུ་ཁ་ཧེ།ཨཱོཾ་བཛྲ་གྲྀ་ཌྷ་མུ་ཁཱི་ཧེ། ཨཱོཾ་བཛྲ་ཀྲོ་ཏ་ནཱི་ལ་དཎྜ་ཧཱུཾ། ད་ཧ་ད་ཧ་ད་ཧ་ཧཱུཾ་ཕཊ།ཨཱོཾ་བཛྲ་ཀྲོ་ཏཱི་ཏཱ་ཏཱ་ཧཱུཾ་ཕཊ། བཛྲ་ཙ་མ་ར་མུ་ཁ་ཧེ། བཛྲ་དྲོ་ཎ་མུ་ཁཱི་ཧི། ཨཱོཾ་བཛྲ་ཀྲོ་ཏ་ཡ་མཱནྟ་ཀ་ཧཱུཾ། པ་ཙ་པ་ཙ་པ་ཙ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་ཤྨ་ཤཱ་ན་པ་ཏཱི་ཧཱུཾ་ཕཊ། བཛྲ་ཧ་རི་ཎ་མུ་ཁ་ཧེ། བཛྲ་ཨུ་ལཱུཀ་མུ་ཁཱི་ཧེ། ཨཱོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུཾ། བྷནྡ་བྷནྡ་བྷནྡ་ཧཱུཾ་ཕཊ། ཨཱོཾ་བཛྲ་ཀྲོ་ཏཱི་མུ་ས་ལཱི་ཧཱུཾ་ཕཊ། བཛྲ་དི་པཱི་མུ་ཁ་ཧེ། བཛྲ་ཀཱ་ཀ་མུ་ཁཱི་ཧེ། ཨཱོཾ་བཛྲ་ཀྲོ་ཏ་ཧ་ཡ་གྲཱི་ཝ་ཧཱུཾ། ཧུ་ལུ་ཧུ་ལུ་ཧུ་ལུ་ཧཱུཾ་ཕཊ། ཨཱོཾ་བཛྲ་ཀྲོ་ཏཱི་ཙཎྜ་ལཱི་ཧཱུཾ་ཕཊ། བཛྲ་པི་ཌཱ་ལ་མུ་ཁ་ཧེ། བཛྲ་བཀྵ་ཏི་མུ་ཁཱི་ཧེ། ཨཱོཾ་བཛྲ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨཱོཾ་བཛྲ་ཀྲོ་ཏཱི་ས་བྱཱ་ཏི་ཧཱུཾ་ཕཊ། བཛྲ་ཤྭ་ན་མུ་ཁ་ཧེ། བཛྲ་ས་ཏྲི་མུ་ཁཱི་ཧེ། ཨཱོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། ཙྪིནྡ་ཙྪིནྡ་ཙྪིནྡ་ཧཱུཾ་ཕཊ། ཨཱོཾ་བཛྲ་ཀྲོ་ཏཱི་ས་མི་ཏི་ཧཱུཾ་ཕཊ། བཛྲ་སིང་ཧ་མུ་ཁ་ཧེ། བཛྲ་ཏི་ཏཱི་ལ་མུ་ཁཱི་ཧེ། ཨཱོཾ་བཛྲ་ཀྲོ་ཏ་ཏྲཻ་ལོཀྱ་བི་ཛ་ཡ་ཧཱུཾ་ཕཊ། བྷིནྡྷ་བྷིནྡྷ་བྷིནྡྷ་ཧཱུཾ་ཕཊ། ཨཱོཾ་བཛྲ་ཀྲོ་དྷཱི་མཱ་ར་ཎ་ཧཱུཾ་ཕཊ། བཛྲ་ཏ་ཀྵུ་མུ་ཁ་ཧེ།བཛྲ་ན་ཀུ་ལ་མུ་ཁཱི་ཧེ། ཨཱོཾ་བཛྲ་ཀྲོ་ཏ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་སྥོ་ཊ་ཧཱུཾ་ཕཊ། ཨཱོཾ་བཛྲ་ཀྲོ་ཏཱི་ཙུནྡ་ཡ་ ― DNG021_Page_0146 ―
[མ་དཔེ་གཟིགས་ན་འདིར་གནོན།]
ཏི་ཧཱུཾ་ཕཊ། བཛྲ་རྀཀྵ་མུ་ཁ་ཧེ། བཛྲ་མཱུ་ཥི་ཀ་མུ་ཁཱི་ཧེ།ཨཱོཾ་བཛྲ་ཀཱི་ལི་ཀཱི་ལ་ཡ། ཨོཾ་ཨཱཿཧཱུྃ། སྲོག་གི་གོ་རུ་ཤར་བ་དང་། །སྙིང་གི་གོ་རུ་བསྒོམ་པར་བྱའོ། །འབྲུ་གསུམ་ངོ་བོས་བྱིན་རློབས་ལ། །ཡེ་ཤེས་ལྔ་ཡིས་དབང་བསྐུར་རོ། །ཨཱོཾ་བཛྲ་ཡཀྵྀ་ཎཱི་ཧཱུཾ་ཕཊ། བཛྲ་བྷཻ་ར་བེ་ཧཱུཾ་ཕཊ། བཛྲ་ཨ་མྲྀ་ཏ་ཧཱུཾ་ཕཊ། བཛྲ་མཱ་ར་ཎཱི་ཧཱུཾ་ཕཊ། དབང་བསྐུར་བྱིན་བརླབས་དེ་བཞིན་ནོ། །མ་བཅོས་གདོད་ནས་དག་པའི་དབྱིངས་ཉིད་ལས། །མ་གཡོས་རང་བཞིན་གསལ་བའི་ཡེ་ཤེས་ཤར། །གཉིས་མེད་ཁྱད་པར་ཆེ་བས་སྐུ་རུ་བསྟན། །དུས་གསུམ་སྐྱེ་ཤི་མེད་པས་རྡོ་རྗེ་སྟེ། །དུས་གསུམ་འདུས་མ་བྱས་ཤིང་སྐྱེ་ཤི་མེད། །དེ་ཉིད་སྤྲོས་མེད་འཁོར་ལོ་རྒྱས་འདེབས་ཀློང་། །གཉིས་མེད་བྱང་ཆུབ་ཐུགས་ཀྱི་ས་བོན་ལས། །སྒྲིལ་མ་ཧཱུཾ་གི་འོད་ཟེར་ཚོགས་བཅས་རྣམས། །ཡུམ་གྱི་མཁའ་ལ་སྤྲོས་གིང་འདུས་པ་ལས། །ཕྱག་མཚན་རྡོ་རྗེར་གྱུར་ཅིང་ཧཱུཾ་བརྗོད་པས། །སྐུ་གསུང་ཐུགས་ཀྱི་ཁྲོ་བོས་ཕྱོགས་མཚམས་གང་། །ཡབ་ཡུམ་སྤྲུལ་པར་བཅས་ཏེ་དེ་བཞིན་ནོ། །ཧཱུཾ་ཆེན་དབུ་གསུམ་དཀར་དམར་སྔོ་བའི་ཞལ། །རྡོ་རྗེ་ཐོ་བ་མདའ་གཞུ་སྤུ་གྲི་བསྣམས། །རྣམ་རྒྱལ་དབུ་གསུམ་སྔོ་སེར་དཀར་བའི་ཞལ། །རྡོ་རྗེ་ཏྲི་ཤཱུལ་དུང་ཆེན་འཁོར་ལོ་བསྣམས། །དབྱུག་སྔོན་དབུ་གསུམ་ལྗང་དམར་སྔོ་བའི་ཞལ། །རྡོ་རྗེ་དབྱུག་ཏོ་རིན་ཆེན་ཏི་ར་བསྣམས། །གཤིན་རྗེ་དབུ་གསུམ་ལྗང་ནག་སྔོ་བའི་ཞལ། །ཐོད་དབྱུག་འཁོར་ལོ་རྡོ་རྗེ་ཏི་ར་བསྣམས། །མི་གཡོ་དབུ་གསུམ་ལྗང་སྔོན་སྨུག་པའི་ཞལ། །རྡོ་རྗེ་ཞགས་པ་གཤོལ་དང་གཏུན་ཤིང་བསྣམས། །རྟ་མགྲིན་དབུ་གསུམ་དཀར་སྔོ་དམར་བའི་ཞལ། །སྦྲུལ་ནག་རྡོ་རྗེ་སྤུ་གྲི་ཏི་ར་བསྣམས། །གཞན་གྱིས་མི་ཐུབ་དཀར་དམར་སེར་བའི་ཞལ། །རྡོ་རྗེ་ཏི་ར་བྷན་དྷ་རྔ་ཡབ་བསྣམས། །བདུད་རྩི་དབུ་གསུམ་དཀར་སྔོ་སྨུག་པའི་ཞལ། །རྡོ་རྗེ་རྒྱ་གྲམ་དབྱུག་ཏོ་སྤུ་གྲི་བསྣམས། །ཁམས་གསུམ་རྣམ་རྒྱལ་དབུ་གསུམ་དཀར་སྔོ་ཞལ། །རྡོ་རྗེ་མདའ་གཞུ་དུང་དམར་ཏི་ར་བསྣམས། །སྟོབས་ཆེན་དབུ་གསུམ་དམར་ ― DNG021_Page_0147 ―
[མ་དཔེ་གཟིགས་ན་འདིར་གནོན།]
ནག་དུད་ཁའི་ཞལ། །རྡོ་རྗེ་ཞགས་པ་གཤོལ་དང་གཏུན་ཤིང་བསྣམས། །སྒྲ་འབྱིན་མདའ་སྙེམས་རྡོ་རྗེ་སྡེར་མོ་གསུམ། །དུར་ཁྲོད་གཏུན་ཁུང་རྡོ་རྗེ་སྡེར་མོ་དྲུག །མདའ་སྙེམས་རླུང་འབྱིན་རྡོ་རྗེ་གསོད་བྱེད་དགུ། །སྐྱོད་བྱེད་ལ་སོགས་རྒྱན་རྣམས་དེ་བཞིན་ཏེ། །ཞལ་མདོག་དེ་བཞིན་གཡས་ན་དྲིལ་བུ་བསྣམས། །གཡོན་གྱིས་དེ་བཞིན་དུང་ཆེན་སྟོབ་པར་མཛད། །ཕག་དང་སྨིག་བུ་སྟག་དང་བྱ་རྒོད་དང་། །གཡག་དང་བྱ་རོག་ཤ་བ་འུག་པ་དང་། །གཟིག་དང་ཁྭ་ཏ་བྱི་ལ་པུ་ཤུད་དང་། །སྤྱང་མོ་ཁྲ་དང་སེང་གེ་ཕ་ཝང་དང་། །དྲེད་དང་སྲེ་མོ་དོམ་དང་བྱི་བར་བཅས། །རྒྱན་དང་མདོག་ནི་ཡབ་ཀྱི་ངོ་བོ་སྟེ། །ཕྱག་མཚན་ཡབ་ཀྱིས་ཉིད་ཀྱི་རྟགས་སུ་སྟེ། །སྤྲུལ་པའི་དོན་གྱིས་རྟགས་ཀྱི་ངོ་བོར་བསྣམས། །གཙོ་བོ་ཐུགས་ཀྱི་ཡེ་ཤེས་རྣམ་བཞི་ཡིས། །མ་རིག་རྨོངས་པས་བཅིངས་པའི་སེམས་ཅན་རྣམས། །དོན་དམ་གཉིས་མེད་ངང་དུ་བསྒྲལ་བ་དང་། །སྐྱེ་ཤི་རྩད་ནས་གཅོད་ཕྱིར་ཧཱུཾ་ཀཱ་ར། །འཁོར་ལོ་རྒྱས་འདེབས་རང་བཞིན་འདུས་མ་བྱས། །དུས་གསུམ་འདུས་མ་བྱས་པའི་རང་བཞིན་ལས། །གཉིས་མེད་ཆེ་བའི་ཁྱད་པར་བསྟན་པའི་ཕྱིར། །སྐྱེ་ཤི་མེད་པའི་དོན་འབྱིན་སྒྲ་འབྱིན་མ། །སྤྱོད་པའི་ཡེ་ཤེས་ས་རྣམས་དུས་གཅིག་གཅོད། །ཐུགས་རྗེའི་ཤུགས་ཀྱིས་འགྲོ་བ་གནས་ནས་སྤོར། །ཐབས་དང་ཤེས་རབ་སྤྱོད་པས་མཐའ་གཉིས་སྤངས། །དེ་ཕྱིར་ཧཱུཾ་མཛད་གཉིས་མཛད་ཤྭ་བྱ་ཏཱི། །ཧཱུཾ་ཆེན་ཡབ་ཡུམ་གཉིས་མེད་བྱང་ཆུབ་ལས། །སྤྲུལ་པ་ཡང་སྤྲུལ་ཚོགས་བཅས་དེ་བཞིན་ནོ། །ལྷག་མཐོང་ཡེ་ཤེས་ཆོས་དབྱིངས་རླན་གྱིས་བརྒྱན། །ཐུགས་རྗེ་སྨོན་ལམ་འཁོར་བ་གདུག་སྒྲོལ་རྨོངས། །རྟོག་འཇོམས་རྫས་ལ་གཙང་སྨེ་མེད་པར་རོལ། །དེ་ཕྱིར་མྱོས་བྱེད་ཕྲ་མེན་སཱུ་ཀར་ཧེ། །འཇུག་པ་རང་དབང་མེད་པར་ཉིད་གྱུར་ནས། །བསམ་དང་མི་མཐུན་ལོག་ལྟ་མྱོས་བྱེད་ཅིང་། །བསྟན་པའི་ཆོས་སྒྲོག་ལོག་ལྟ་མྱོས་བྱེད་པ། །ཐམས་ཅད་མྱོས་བྱེད་ཕྲ་མེན་ཨི་ཥུ་མུས་ཁ་ཧེ། །ཁྲོ་རྒྱལ་ཡེ་ཤེས་མེ་ལོང་ལྟ་བུ་ཡིས། །ཆོས་རྣམས་རང་བཞིན་མེད་པར་ཡེ་ནས་རྟོགས། །མཐའ་ ― DNG021_Page_0148 ―
[མ་དཔེ་གཟིགས་ན་འདིར་གནོན།]
གཉིས་མ་སྤངས་རྒྱལ་བའི་རྒྱལ་མཚན་བཙུགས། །དེ་དག་དོན་ལས་རྒྱལ་བས་རྣམ་པར་རྒྱལ། །ཡེ་ཤེས་ཐུགས་རྗེས་ཟིན་པས་བསམ་མི་ཁྱབ། །ཐུགས་རྗེ་ཤེས་པས་ཟིན་པས་སྲིད་ལས་འདས། །གཉིས་ལ་མི་གནས་མཐའ་བྲལ་དབུ་མར་བསྟན། །འདོད་པའི་རྒྱལ་པོ་མཉེས་བྱེད་ལཱ་སེ་ཀི། །ཐུགས་རྗེས་སྡུག་བསྔལ་མི་བཟོད་ལས་འདས་པས། །ཡལ་བར་མི་གཏོང་བརྩོན་འགྲུས་ཤུགས་ཀྱི་བརྟུན། །གདོད་ནས་དོན་མཛད་འཁོར་བ་མཐའ་གཏུག་སྒྲོལ། །དེ་ཕྱིར་དཔའ་བརྟུལ་ཟ་བྱེད་བྱཱ་གྷྲ་མ། །ཡིད་གཡོ་ལས་ཅན་སེམས་ཀྱི་འགྱུར་བ་ནི། །ཡེ་ཤེས་དབང་གིས་འགྲོ་ལ་ཐུགས་རྗེ་གཡོ། །དོན་མཛད་ཡེ་ཤེས་འོད་འབྱུང་དབྱིངས་སུ་མཁྱེན། །དེ་ཕྱིར་ཚུལ་ཁྲིམས་ལྡན་མའི་གྲྀཌྜྷ་མ། །ཁྲོ་བདག་ཐུགས་ཀྱི་ཡེ་ཤེས་ཆེན་པོ་དེས། །འཁོར་བའི་བག་ཆགས་ཉེར་ལེན་འཇོམས་པར་བྱེད། །ང་རྒྱལ་དྲེགས་ལས་ཞེན་པའི་ཉོན་མོངས་དེ། །འགྱུར་མེད་ངང་ལས་གཡོས་པ་མེད་པས་ན། །དེ་ཕྱིར་ཡེ་ཤེས་དབྱེར་མེད་དབྱུག་སྔོན་ཅན། །རིག་པའི་སྡེར་ཆེན་ཆོས་ཀྱི་དབྱིངས་ཉིད་ཟིན། །ཐུགས་རྗེ་ལྕགས་ཀྱུས་འཁོར་བར་མི་གཏོང་ཞིང་། །ཤེས་རབ་ཐབས་ལྡན་ལྕགས་ཀྱུས་འཛིན་པར་བྱེད། །གཙོ་བོ་དབྱུག་སྔོན་མཉེས་བྱེད་ཏཱ་ཏཱ་བཱི། །སྡང་མིག་ཐུགས་རྗེས་མི་འགྱུར་ཞེ་ལ་གནོན། །མཐུ་རྩལ་རྔོམ་བརྗིད་འགྱུར་མེད་མཐུ་དཔུང་འཇོམས། །ཚམ་རྔམས་རལ་བསིགས་གདངས་སྒྲས་འཇིག་རྟེན་འགེངས། །དེ་ཕྱིར་འགྱུར་མེད་ཕྲ་མེན་ཙ་མ་ར། །བསམ་པའི་དངོས་པོས་འདོད་ལ་འདུན་པ་འཛིན། །དབྱིངས་ཉིད་མཉམ་པས་ཡེ་ཤེས་མཁྱེན་པས་གཟིགས། །ཐུགས་རྗེ་འདུན་པས་འཁོར་བའི་བག་ཆགས་ཟ། །དེ་ཕྱིར་ཟ་བྱེད་ཏྲོ་ཎ་མུ་ཁ་ཧེ། །ཁྲོ་བདག་ཡེ་ཤེས་མཉམ་པའི་རྒྱལ་པོ་ཡིས། །འཆི་བདག་བདུད་དང་གཤིན་རྗེ་ཚར་གཅོད་ཅིང་། །དེ་ཡི་རང་བཞིན་དེ་ཉིད་ཡིན་པའི་ཕྱིར། །དེ་ཕྱིར་ཁྲོ་བོའི་རྒྱལ་པོ་གཤིན་རྗེ་གཤེད། །ཡེ་ཤེས་མཚན་སྡུག་ཐུགས་རྗེ་ཁྲོ་འབྱུང་ཞིང་། །སྤྲུལ་པས་འགྲོ་སྒྲོལ་སྐུ་དང་ཡེ་ཤེས་འབྱུང་། །ཤེས་སྙིང་ ― DNG021_Page_0149 ―
[མ་དཔེ་གཟིགས་ན་འདིར་གནོན།]
མ་སྐྱེས་དབུ་མར་རིག་པ་སྟེ། །ཁྲོ་རྒྱལ་གཤིན་རྗེ་མཉེས་མཛད་སྟ་ན་ས། །རྟོག་པའི་དགྲ་སྤངས་དྲག་པོའི་དགོངས་པར་གནས། །འཁྲུལ་སྐྱོན་དྲི་མ་ཤེས་བྱའི་རྫིས་ཚོར་ཡང་། །འགྲོ་དོན་དུས་ལ་བབ་ན་ཐུགས་རྗེས་འཇུག །དེ་ཕྱིར་འཇུག་བྱེད་ཧ་རིཎ་མུ་ཁ་ཧེ། །དམིགས་པ་སེམས་འཛིན་ཡིད་ལ་བྱེད་པར་འགྱུར། །ཡེ་ཤེས་དབྱིངས་རྟོགས་འགྲངས་པས་ཉིན་མོ་ཉལ། །འགྲོ་ལྡང་རྨོངས་ལ་ཐུགས་རྗེས་མཚན་མོ་ལྡང་། །ཡེ་ཤེས་ཐུགས་རྗེས་འགྲངས་པའི་ཨུ་ལཱུ་མ། །ཁྲོ་བདག་ཐུགས་ཀྱི་ཡེ་ཤེས་མཐར་མི་གཡོ། །དེ་ཡི་རང་བཞིན་གང་ཡིན་དབྱེར་མེད་པ། །དངོས་པོར་མ་སྤྲོས་རང་བཞིན་དོན་གྱིས་ཁྱབ། །ཀུན་ལ་ཁྱབ་པའི་ཕྱིར་ན་མི་གཡོ་མགོན། །མཚན་མ་ཐབས་ཀྱི་ཐོ་བས་དབྱིངས་སུ་བརྡུངས། །ཐུགས་རྗེས་སེམས་ཅན་ཕྲིན་ལས་མཚན་མ་འཇོམས། །རྨོངས་པ་ཡེ་ཤེས་སྙིང་རྗེས་མི་གཏོང་བས། །མི་གཡོ་མགོན་པོ་མཉེས་མཛད་མུ་ས་ལ། །ཆོས་དབྱིངས་གནས་ལ་རྟོག་པའི་སྐྱོན་སེལ་ཅིང་། །ཐུགས་རྗེས་སྤུ་གྲིས་སྤྲུལ་པ་བསམ་མི་ཁྱབ། །དུག་གསུམ་ཟད་ཕྱིར་ཤ་རུས་ཁྲག་ལ་རོལ། །སེལ་བྱེད་སྤྲུལ་པས་དོན་མཛད་བྱཱ་གྷྲ་མ། །བརྣག་པའི་དངོས་ལ་ཏིང་འཛིན་རྩེ་གཅིག་སྒྱུར། །མཉམ་ཉིད་མཐུ་རྩལ་དབྱིངས་ལ་མ་གཡོས་པས། །རྟོག་པའི་སྤྱོད་ཡུལ་བྲལ་བས་མི་མཐོང་སྟེ། །དེ་ཕྱིར་ཕྲ་མེན་མགྱོགས་བྱེད་པྲེ་ཏ་ལཱི། །ཁྲོ་བདག་རྣམ་པར་མི་རྟོག་ཡེ་ཤེས་ཀྱིས། །མྱ་ངན་འདས་དང་འཁོར་བའི་ཆོས་ཐམས་ཅད། །དེ་ཡི་རང་བཞིན་མ་འདྲེས་པར་འདུས་པས། །དེ་ཕྱིར་ཁྲོ་བོའི་རྒྱལ་པོ་རྟ་མཆོག་དཔལ། །རྡོ་རྗེ་གཏུམ་མོས་མཚན་མའི་དངོས་པོ་འཇོམས། །ཡེ་ཤེས་རྔམ་ཚུལ་སྲིད་པ་ཐལ་བར་རློག །དེ་ཉིད་མི་རྟོག་མཐའ་བྲལ་དབུ་མར་བརྗིད། །ཧ་ཡ་གྲཱི་ཝ་མཉེས་བྱེད་ཛ་ཡ་ཏི། །ཡང་བག་ཟོན་ཆགས་འགྲོ་དོན་ཐབས་དང་ལྡན། །མི་འདུལ་ཟིལ་ཐུབ་བཏང་སྙོམས་ཆེན་པོར་བཞུགས། །དུས་ལ་མི་འདའ་བརྩོན་འགྲུས་ཤུགས་དང་ལྡན། །དེ་ཕྱིར་མཁས་བརྩོན་མཛད་པའི་པི་ཌཱ་ལི། །ལས་འབྲས་བདེན་ལ་ཡིད་ཆེས་དད་ ― DNG021_Page_0150 ―
[མ་དཔེ་གཟིགས་ན་འདིར་གནོན།]
པར་གྱུར། །མཉམ་ཉིད་དབྱིངས་སུ་ཡེ་ཤེས་ཐུགས་ཀྱིས་མགྱོགས། །ཞི་གནས་དོན་གྱིས་ལྷག་མཐོང་གཏོ་ཚོགས་ཆུད། །དེ་ཕྱིར་མགྱོགས་བྱེད་ཕྲ་མེན་པ་ཀྵྀ་ཧཱི། །ཁྲོ་བདག་ཐུགས་ཀྱི་ཡེ་ཤེས་ཚད་མེད་ལས། །དབྱིངས་ཀྱི་དོན་ལ་མཚན་མས་ཡོངས་མི་ཐུབ། །ཐུགས་རྗེས་འགྲོ་དོན་རྣམ་པར་མཛད་པ་ལ། །བདུད་དང་སྲིན་པོས་ཤིན་ཏུ་ཐུབ་དཀའ་སྟེ། །རང་བཞིན་གང་ཡིན་གཞན་གྱིས་མི་ཐུབ་པའོ། །ཕྲ་བས་དབྱིངས་ཉིད་འབིགས་པའི་ཡེ་ཤེས་འཕེན། །དབྱིངས་ལ་ཡེ་ཤེས་ཐུགས་རྗེས་གཏན་དུ་རྡེག །མ་རྨོངས་དབུ་མ་ཆེན་པོའི་དོན་སྟོན་པའི། །གཞན་གྱིས་མི་ཐུབ་མཉེས་མཛད་ས་བྱཱ་ཏཱི། །དབྱིངས་ལ་ཡེ་ཤེས་ཞུགས་པས་ཤེས་བྱ་ཟ། །དབྱིངས་ཉིད་ཤེས་པ་ཞུགས་པས་ཉོན་མོངས་ཟ། །གཉིས་མེད་ཡེ་ཤེས་ཐུགས་རྗེས་འཁོར་བ་ཟ། །དེ་ཕྱིར་ཟ་བྱེད་ཤྭ་ན་མུ་ཁ་ཧེ། །ཡེ་ཤེས་ཐུགས་རྗེས་ཆོས་ཀྱི་དབྱིངས་ལ་འཛིན། །ལྷག་མཐོང་ཡེ་ཤེས་དབྱིངས་ལ་མཉམ་འགྱུར་འཛིན། །ཞི་གནས་ཆེ་བས་འཛིན་པས་མི་འཕྲོག་སྟེ། །དེ་ཕྱིར་འཛིན་པའི་མཚན་ཉིད་པཉྫི་ར། །ཁྲོ་བདག་ཐུགས་ཀྱི་ཡེ་ཤེས་ཡེ་ནས་གྲུབ། །བྱ་བ་གྲུབ་པའི་ཡེ་ཤེས་ཆོས་དབྱིངས་སུ། །འཁོར་བའི་ཆོས་ཅན་བདུད་དང་འདྲ་བ་ལ། །ཡེ་ཤེས་ཐུགས་རྗེ་སྨན་གྱི་རྩི་བཏང་ཞིང་། །ཡེ་ཤེས་ཀུན་ལ་ཁྱབ་པའི་དབྱིངས་སུ་འཁྱིལ། །དེ་ཕྱིར་ཁྲོ་བོའི་རྒྱལ་པོ་བདུད་རྩི་འཁྱིལ། །མཚན་མ་མེད་པའི་དབྱིངས་ཉིད་རིག་པའི་སྒྲ། །དབྱིངས་རིག་ཡེ་ཤེས་གཉིས་ལ་ཉན་པའི་སྒྲ། །དེ་ལས་བསྟན་པ་གསུང་གི་སྒྲ་འབྱིན་མ། །བདུད་རྩི་འཁྱིལ་པ་མཉེས་མཛད་ས་བྱཱ་མི་ཏ། །རིགས་བཙུན་གཉེན་པོར་གྱུར་པས་ཐམས་ཅད་འདུལ། །ཕྲིན་ལས་རྩལ་གྱིས་བདུད་དཔུང་ཐམས་ཅད་འཇོམས། །སྟོང་ཉིད་སྒྲ་སྒྲོགས་མུ་སྟེགས་ཝ་ཚོགས་འཇོམས། །དེ་ཕྱིར་རྩལ་འཕགས་འཇོམས་བྱེད་སེངྷ་མ། །འདྲིས་པའི་དངོས་པོ་མི་བརྗེད་དྲན་པར་འགྱུར། །དབྱིངས་དང་ཡེ་ཤེས་མཉམ་ཉིད་མི་བརྗེད་དྲན། །ཏིང་འཛིན་འབུམ་ཕྲག་ལྷག་མཐོང་སོ་སོར་གསལ། །དེ་ཕྱིར་སྒྲ་འབྱིན་ཕྲ་མེན་ཏི་ཏཱི་ལ། །ཁྲོ་རྒྱལ་ ― DNG021_Page_0151 ―
[མ་དཔེ་གཟིགས་ན་འདིར་གནོན།]
ཐུགས་ཀྱི་ཡེ་ཤེས་ཆེན་པོ་དེས། །དུས་གསུམ་མི་འགྱུར་སེམས་ཀྱི་རང་བཞིན་ནི། །གཉིས་མེད་ཆོས་ཀྱི་དབྱིངས་སུ་རབ་རྟོགས་པས། །ཁམས་གསུམ་མྱ་ངན་འདས་པའི་ངང་དུ་རྒྱལ། །དེ་ཕྱིར་ཁམས་གསུམ་རྣམ་པར་རྒྱལ་བར་བསྟན། །བདག་ཏུ་བལྟ་བའི་མཚན་མ་ཀུན་འཇོམས་ཤིང་། །ཟ་བྱེད་མཆེ་བས་སྐྱེ་ཤི་རྩད་ནས་གཅོད། །སྐུ་དང་ཡེ་ཤེས་མ་སྐྱེས་མི་དམིགས་པས། །ཁམས་གསུམ་རྣམ་རྒྱལ་མཉེས་མཛད་མ་ར་ཎཱི། །དབྱིངས་ལ་ཡེ་ཤེས་ཤར་ཞིང་ཐུགས་རྗེ་རྨི། །མཐིང་ནག་ཆེན་པོས་དྲག་པོའི་སྐུར་སྟོན་པ། །ཐུགས་རྗེའི་མངའ་བདག་མ་མགྱོགས་འཁྱོག་ཀྱང་དབྱིངས་སུ་མཁྱེན། །དེ་ཕྱིར་རྨི་བྱེད་ཕྲ་མེན་ཏཀྵུ་མུ་ཁ་ཧེ། །ཆོས་རྣམས་དབྱེ་བ་མེད་པར་གྱུར་པ་ནི། །མཉམ་དང་མི་མཐུན་ལོག་ལྟ་མྱོས་བྱེད་ཅིང་། །རིག་པ་སྐྱེད་ཕྱིར་སེམས་ཉིད་ཐེ་ཚོམ་གཅོད། །དེ་ཕྱིར་གསོད་བྱེད་ཕྲ་མེན་ན་ཀུ་ལ། །ཁྲོ་བདག་ཡེ་ཤེས་ཐུགས་དེ་རྣམ་དག་པས། །ཐམས་ཅད་དབྱེར་མེད་དབྱིངས་ཀྱི་ངང་དུ་སྟོབས། །མཐའ་གཉིས་ཟིལ་གྱིས་གནོན་པས་བརྗོད་དུ་མེད། །གཉིས་མེད་དོན་གྱི་ངོ་བོ་སྟོབས་པོ་ཆེ། །ཐུགས་དམ་དབང་གིས་རྣམ་དག་དབྱིངས་ནས་བསྐུལ། །ཐུགས་རྗེའི་ཤུགས་ཀྱིས་འགྲོ་བ་གནས་ནས་འདྲེན། །གཉིས་མེད་མཆོད་འབུལ་དབུ་མའི་དགྱེས་པ་སྟོབས། །མ་ཧཱ་བ་ལ་མཉེས་མཛད་ཙུནྡ་ཡ་ཧཱུཾ། །ལྷག་མཐོང་ཡེ་ཤེས་སྟོབས་ཀྱིས་མཐའ་གཉིས་གནོན། །ཚམ་རྔམས་རལ་བསིགས་གདངས་སྒྲས་སྟོང་གསུམ་འགེངས། །ལས་སུ་ཅི་མཛད་བརྩོན་འགྲུས་སྟོབས་དང་ལྡན། །དེ་ཕྱིར་སྟོབས་ལྡན་ཕྲ་མེན་རྀ་ཀྵ་ཀ །གསུམ་འདུས་བཅས་པ་རིག་པ་གྱུར་པ་ནི། །ཕྲིན་ལས་བྱེ་བྲག་མང་པོ་ཅི་མཛད་ཀྱང་། །ཕྱག་རྒྱ་བཞི་ནི་མ་བསྐྱེད་དབྱིངས་སུ་མཁྱེན། །དེ་ཕྱིར་འཕྲོག་བྱེད་ཕྲ་མེན་མཱུ་ཥི་ཀ །འཁོར་བ་རྡོ་རྗེས་གཅོད་པས་མྱ་ངན་འདས། །ཆོས་སྐུ་རྡོ་རྗེས་བརྗོད་པས་མྱ་ངན་འདས། །བརྗོད་མེད་བརྗོད་བྲལ་དོན་གྱི་ཚིག་དང་བྲལ། །དེ་ཕྱིར་བརྗོད་མེད་བཛྲ་ཡཀྵ་ཎཱི། །ཆོས་ཉིད་རྡོ་རྗེས་མཚན་མའི་དངོས་པོ་འཇོམས། །ཡེ་ཤེས་རྡོ་རྗེས་གཟུང་འཛིན་ ― DNG021_Page_0152 ―
[མ་དཔེ་གཟིགས་ན་འདིར་གནོན།]
རྟོག་པ་བསྲེགས། །ཕྱག་མཚན་རྡོ་རྗེ་དྲག་པོས་ལྷ་བདུད་འཇོམས། །དེ་ཕྱིར་དོན་ལ་བརྗོད་མེད་བྷཻ་ར་བེ། །འཆི་མེད་བདུད་རྩིས་ཡུལ་སེམས་སྐྱེ་འགག་མེད། །དེ་ཉིད་དོན་དེ་ཡེ་ཤེས་ཐུགས་རྗེ་འབྱུང་། །གཉིས་མེད་བདུད་རྩིའི་འགྲོ་བའི་སྡུག་བསྔལ་སེལ། །དེ་ཕྱིར་བདུད་རྩི་མཆོག་གི་ཡེ་ཤེས་ཨ་མྲྀ་ཏ། །ཡེ་ཤེས་སྤྲོས་མེད་ཡོན་ཏན་རྒྱ་མཚོ་འགྲུབ། །ཐུགས་རྗེས་འཕྲོག་ཅིང་འཇིག་རྟེན་དབང་དུ་སྡུད། །ཡེ་ཤེས་ཐུགས་རྗེས་མཉམ་ཉིད་དབྱིངས་སུ་སྡུད། །དེ་ཕྱིར་ཕྲ་མེན་རླག་བྱེད་མཱ་ར་ཎཱི། །ཆོ་ག་རྣམ་གསུམ་ལས་ཀྱི་འཕྲོ་འདུ་ལས། །སྐུ་བསྐྱེད་གསལ་གདབ་བྱིན་བརླབས་དབང་བསྐུར་ནས། །དོན་གྱི་དཀྱིལ་འཁོར་ཉིད་ཀྱི་དབྱིངས་སུ་བསྟན། །སྣང་སྲིད་དོན་གྱི་ངང་དུ་རང་གནས་པས། །སྣང་སྲིད་ལས་ཀྱི་དཀྱིལ་འཁོར་བདག་གིས་བསྐྱེད། །ཅེས་བརྗོད་པས། ཅི་ལྟར་སྣང་ཞིང་སྲིད་པ་ཐམས་ཅད་དཔལ་ཁྲག་འཐུང་གི་རང་བཞིན་དུ་མྱ་ངན་ལས་འདས་སོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། དྲག་པོ་ལས་ཀྱི་དཀྱིལ་འཁོར་བསྐྱེད་ཅིང་ཆེ་བའི་ཡོན་ཏན་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་དཔལ་ཁྲག་འཐུང་གི་རྒྱལ་པོས། ལས་ཀྱི་དཀྱིལ་འཁོར་དུ་བདག་བྱ་བའི་ཕྱིར། དྲག་པོའི་ཕྲིན་ལས་སུ་བདག་བྱ་ཞིང་། དངོས་གྲུབ་ནོད་པ་དང་། ཚད་མེད་པ་བཞིས་འགྲོ་བ་མ་རིག་པའི་དོན་དུ། དྲག་པོ་གཏུམ་པོའི་ཕྲིན་ལས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བརྗོད་དོ། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་བུའི་ལྟ། །ཡེ་ཤེས་ཁྲོ་བོ་གྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལ། །འབར་བའི་ཁྲོ་བོ་མི་བཟད་པར། །སྐུ་ཡི་དབྱིག་ཏུ་བདག་གྱུར་ཅིག །ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །ང་ཉིད་དུ་ནི་བདག་གྱུར་ཅིག །ཕྱག་རྒྱའི་རྒྱལ་པོར་བདག་བསྐྱོད་ཅིག །འགྲོ་རྣམས་ཇི་ལྟར་འདུལ་བ་ལ། །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། ། ― DNG021_Page_0153 ―
[མ་དཔེ་གཟིགས་ན་འདིར་གནོན།]
སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབ་འདིར་སྩོལ་ཅིག །སྲིད་པ་གསུམ་གྱིས་བསྡུས་པ་ཀུན། །ཐུགས་ཀྱི་ཡེ་ཤེས་ཕུར་བུ་ཡིས། །ཁམས་གསུམ་གདར་ཤ་བཅད་པ་དང་། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །མ་བཅོས་ཐིག་ལེ་ཆོས་དབྱིངས་ལས། །འགྱུར་མེད་སྐུ་གཅིག་གནས་པ་དེ། །ཡེ་ཤེས་ཁྲོ་བོར་གཤེགས་སུ་གསོལ། །དྲག་པོའི་ལས་ཀྱི་དཀྱིལ་འཁོར་འདིར། །ཉོན་མོངས་གདུག་པ་བསྒྲལ་བའི་ཕྱིར། །ཡེ་ཤེས་ཁྲོ་བོ་གཤེགས་ནས་ཀྱང་། །བསྙེན་པ་དང་ནི་ཉེ་བསྙེན་དང་། །སྒྲུབ་པ་དང་ནི་སྒྲུབ་ཆེན་གྱི། །འཕྲོ་འདུ་ལས་ཀྱི་དཀྱིལ་འཁོར་འདིར། །རྟགས་དང་མཚན་མ་བསྟན་པ་དང་། །ཉོན་མོངས་ཕུང་པོ་བསྒྲལ་བ་དང་། །རྣམ་ཤེས་ཧཱུཾ་དུ་གདོན་པའི་ཕྱིར། །ཀཱི་ལ་ཡ་ཡི་དངོས་གྲུབ་སྩོལ། །དྲག་པོ་ལས་ཀྱི་དཀྱིལ་འཁོར་འདིར། །གནོད་གདུག་རྣམ་གཉིས་བསྒྲལ་བའི་ཕྱིར། །གང་གི་ཕོ་ཉ་མང་པོ་དེས། །ཕྱོགས་བཅུ་ནམ་མཁའི་ཁམས་བཀང་ནས། །གང་དམིགས་གནས་ནས་འགུགས་པར་བསམ། །དཔལ་ཆེན་ཀཱི་ལ་ཡ་ཡི་སྤྱན་སྔ་རུ། །རྣལ་འབྱོར་ཀུན་གྱི་ལས་བྱ་ཞེས། །ཁས་བླངས་དམ་བཅས་ཇི་བཞིན་དུ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །མཐུ་རྩལ་ཕྱུང་བའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །གཉིས་མེད་དོན་དུ་བསྒྲུབ་པ་ནི། །ཁམས་གསུམ་རྒྱལ་བའི་གདུང་འཚོབ་པའི། །རིག་འཛིན་རྣལ་འབྱོར་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཁྲོ་བོ་ཕོ་ཉའི་བྱིན་རླབས་ལས། །ལྕགས་ཀྱི་གཟེ་རྒོད་སྐར་ལྟར་འཁྲུགས། །སྤྲུལ་པའི་ཕྱག་བརྙན་གློག་བཞིན་འགྱུ། །མ་མོ་མཁའ་འགྲོ་ཁྲ་ལྟར་འཇུམ། །ཁྲོ་བོ་མང་པོ་ཐོག་ལྟར་འབབ། །རྔམ་པའི་ང་རོ་འབྲུག་སྟོང་ལྡིར། །ཁྲོ་ཚོགས་འབར་བའི་བྱིན་རླབས་ཀྱིས། །ཡུད་ ― DNG021_Page_0154 ―
[མ་དཔེ་གཟིགས་ན་འདིར་གནོན།]
ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིགས་ནས་ཀྱང་། །རྣམ་ཤེས་ཧཱུཾ་དུ་རབ་བསྐྱེད་ཀྱིས། །སྡུག་བསྔལ་ཉམས་སུ་མྱོང་བར་མཛོད། །ཕོ་ཉ་མང་པོའི་འཕྲོ་འདུ་ཡིས། །གནས་ནས་ཁུག་ལ་ཟིལ་གྱིས་གནོན། །ཨོཾ་ལཾ། ཧཱུཾ་ཡཾ། སྟྭཾ་བྷ་ཡ་ནན། མོ་ཧ་གྷ་ཡ། ཧྲཱྀཿཤྟྲཱིཿབི་ཀྲྀ། སྙིང་པོ་སྔགས་ཀྱིས་བཀུག་པ་དེ། །རི་རབ་འོག་ཏུ་ཟིལ་གྱིས་མནན། །མིང་དང་མཚན་མར་བཅས་པ་དེ། །ཁྲག་འཐུང་ཡབ་ཡུམ་ཞལ་དུ་བསྟབ། །གཉིས་མེད་སྦྱོར་བའི་བྱིན་རླབ་ལས། །ཧཱུཾ་ཆེན་པོ་དང་སྲས་མཆོག་བསྐྱེད། །དེ་ཡིས་རི་རབ་རྨིང་ནས་མནན། །སྡུག་བསྔལ་ཉམས་སུ་མྱོང་བར་འགྱུར། བཛྲ་ཧཱུཾ་ཀ་ར་ཧཱུཾ། བཛྲ་ཀཱི་ལི་ཀཱི་ལ་ཡ། ཕྱག་རྒྱ་ཆེན་པོ་རྣམ་བཞི་ཡིས། །དགུག་ཅིང་བཅིངས་ལ་དམ་དུ་སྡོམ། །སེམས་མ་འཁྲུགས་པར་དབང་དུ་བསྡུ། །ཧཱུཾ་གིས་བསྡུས་ལ་ཕཊ་ཀྱིས་གཏོར། །ཧཱུཾ་ཀཱ་ར་དང་ཀཱི་ལ་ཡ། །དཀྱིལ་འཁོར་གཉིས་ཀྱིས་དབུས་བསྡུས་ལ། །ཆོས་ཉིད་ཨ་ཡི་ངང་དུ་སྦར། །ཛཿཧཱུཾ་བཾ་ཧོཿ། སརྦ་བིགྷྣཱན། བཛྲ་ཀཱི་ལ་ཡ། ཧཱུཾ་ཕཊ། བཛྲ་ཧཱུཾ་ཀཱ་ར་ཧཱུཾ། ཁྲོ་བོའི་ཚོགས་ཀྱིས་དཀྱིལ་འཁོར་དེ། །ཕཊ་ཀྱིས་སྤྲོས་པས་དགྲ་ལ་བསྡིམ། །གཟི་བཀྲག་དབང་རྣམས་མངོན་དུ་ཕྲོག །ཙར་གྱིས་བྱུང་སྟེ་ཡ་ལ་བསྡུ། །བདག་གི་ཐུགས་ཀར་དབང་བསྐུར་བས། །སྐྱེ་མེད་ཚེ་ཡི་དངོས་གྲུབ་ཐོབ། ཕཊ་ཨཿ། དེ་ནི་ཏིང་འཛིན་ཕུར་པ་སྟེ། །རྩེ་གཅིག་མ་ཡེངས་འགྲུབ་པའི་རྟགས། །ཏིང་འཛིན་ལྟ་བ་མ་ཁྲོལ་ན། །དངོས་སུ་བསྒྲལ་བས་དོན་མི་འགྲུབ། །དོན་གྱི་འབྲས་བུ་ངན་སོང་རྒྱུ། །དོན་ཉིད་གཉིས་མེད་དབྱིངས་སུ་བསྒྲལ། །ཏིང་འཛིན་གསལ་བའི་ཕུར་པས་གདབ། །ཅེས་བརྗོད་པས། འཇིགས་བྱེད་ཁྲོ་བོའི་ཚོགས་ཀྱིས་ཐམས་ཅད་དམིགས་སུ་མེད་པར་མྱ་ངན་ལས་བསྒྲལ་ལོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། བདག་ཉིད་ཆེ་བའི་ང་རྒྱལ་བསྐྱེད་དེ། དབང་ནོད་པ་དང་། ཏིང་ངེ་འཛིན་གྱིས་ཕུར་པ་གདབ་པའི་ ― DNG021_Page_0155 ―
[མ་དཔེ་གཟིགས་ན་འདིར་གནོན།]
ལེའུ་སྟེ་ཉེར་གཅིག་པའོ།། །།དེ་ནས་ཡང་ཁྲག་འཐུང་གི་རྒྱལ་པོས། དྲག་པོའི་ཕྲིན་ལས་ཀྱིས་དམིགས་པའི་དགྲ་དེ་མངོན་སུམ་དུ་བསྒྲལ་བའི་ཕྱིར། ཉོན་མོངས་པའི་གཟུགས་ལ། ཕོ་ཉས་དབང་པོ་མངོན་སུམ་དུ་བསྡུ་བ་འདི་སྐད་ཅེས་བརྗོད་དོ། །སྐལ་ངན་ལས་ཀྱིས་མནར་བ་དེ། །རྣལ་འབྱོར་དོན་ལ་བར་གཅོད་བྱས། །གཉིས་མེད་བསྒྲལ་བས་མི་འདུལ་བས། །མངོན་སྤྱོད་བསྒྲལ་བའི་ལས་བྱས་ལ། །གང་གིས་གཟུགས་ལ་མིང་རུས་བྲིས། །གཤིན་རྗེའི་ཕྱོགས་སུ་ལས་རྣམས་བྱ། །ཁྲུ་གང་བརྐོས་ལ་རྒྱ་སོལ་གདབ། །ཐོད་པ་མདའ་གཞུ་ཞགས་པ་དང་། །རྩང་དང་དུག་རྫས་ཚང་བས་བསྐོར། །མ་ཉེས་ཞལ་ལྕེ་ཀུན་ལ་བཅོལ། །བསྙེན་པ་རྫོགས་ནས་ལས་འདི་བྱའོ། །བདག་ཉིད་དབང་གི་རྒྱན་གྱིས་བརྒྱན། །དམ་ཅན་བསྙེན་ནས་ཕོ་ཉ་བཀྱེ། །གཟུགས་བསྡུ་བ་ཡི་ལས་བསྡུ་བ། །དམ་ཚིག་ཆེན་པོའི་དུས་ལ་བབ། །རྣལ་འབྱོར་དོན་སྒྲུབ་དཀྱིལ་འཁོར་ལ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཕོ་ཉ་ཕྱག་བརྙན་ཚོགས་བཅས་ཀྱིས། །ཟུང་ཞིག་ཆིངས་ཤིག་རྣམ་པར་སྡོམས། །གཏོགས་ཤིག་གྲོགས་དང་ཕྲལ་པར་གྱིས། །རིང་པར་ཁུག་ལ་སྨྱོར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ལས་ཀྱི་ཕོ་ཉ་མང་པོ་ཀུན། །གཟུགས་ལ་བསྡུ་བའི་ལས་བྱུང་གིས། །སྔོན་ཆད་དམ་བཅས་ཅི་བཞིན་དུ། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱིས། །རྣམ་ཤེས་དབང་པོ་གཟུགས་ལ་བསྡུས། །ལྕགས་ཀྱུ་ཞགས་པ་ལྕགས་སྒྲོག་དང་། །དྲིལ་བུ་ཕྱག་རྒྱ་བཞི་བཅས་ལ། །བསྡུ་བའི་དངོས་པོ་འདི་བརྗོད་ཅིང་། །དབང་པོས་མངོན་སུམ་མཐོང་བར་བསམ། །ཤཱི་གྷྲཾ་ཨཱ་ན་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཧ་ས་ཡ་ན་ཧ་ར་ན་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། བྷིནྡྷ་བྷིནྡྷ་ཧཱུཾ་ཕཊ། ཅེས་བརྗོད་པས། ཁྲག་འཐུང་ཁྲོ་བོའི་ཚོགས་ཀྱིས། ཉོན་ ― DNG021_Page_0156 ―
[མ་དཔེ་གཟིགས་ན་འདིར་གནོན།]
མོངས་པའི་སེམས་གཟུགས་ལ་བསྡུས་པས། བདག་པོ་དབང་པོས་མངོན་སུམ་དུ་མཐོང་ནས་རྣམ་པར་ཤེས་པའི་སེམས། མྱ་ངན་ལས་འདས་པར་བྱ་བའི་ཕྱིར་རོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། གཟུགས་ལ་རྣམ་ཤེས་དབབ་ཅིང་བསྡུ་བའི་ལེའུ་སྟེ་ཉེར་གཉིས་པའོ།། །།དེ་ནས་ཡང་ཀཱི་ལ་ཡས། དེ་དྲག་པོ་སྔགས་དང་ཁྲོ་ཚོགས་ཀྱིས་ཕུར་པས་གདབ་ཅིང་བསྒྲལ་བའི་ཕྱིར། སྡང་བ་ཞེ་ལ་བཞག །ཐུགས་རྗེས་ཉོན་མོངས་པའི་ཞེ་སྡང་གཏིང་ནས་གཡོས་ནས། ཤིན་ཏུ་གཏུམ་པའི་ང་རོ་དང་། གདངས་སྐད་དྲག་པོའི་ཕྲིན་ལས་ཀྱིས་གཏུམ་ཚིག་འདི་སྐད་བརྗོད་དོ། །ཧཱུཾ་དྲག་པོ་འབར་བའི་དཀྱིལ་འཁོར་འདིར། །གཏུམ་རྔམ་འཁྲུགས་པའི་ངོ་བོ་ལས། །ཕོ་ཉ་ཕྱག་བརྙན་ཚོགས་རྣམས་ཀྱིས། །རྣམ་ཤེས་གཟུགས་ལ་བསྡུས་པ་དེ། །ཉོན་མོངས་འབྲས་བུ་འཕེལ་བྱེད་པས། །ཐབས་ཀྱིས་འདུལ་བའི་སྐབས་མེད་ཀྱིས། །དམིགས་ཀྱིས་མངོན་སུམ་བསྒྲལ་བར་བྱ། །མཐིང་ནག་ཅོད་པན་ཕུར་པ་ལ། །ཁྲོ་བོའི་ཚོགས་སུ་དེ་བཞིན་དེ། །བདུག་བརྡེག་བྱུག་ལ་བརླབས་ཤིང་བསྐུར། །གླང་ལ་ལན་གསུམ་སྐུ་གསུང་ཐུགས། །ཁམས་གསུམ་ཕུར་པས་དུས་གཅིག་བསྒྲལ། །རང་ལ་ཕོ་ཉའི་ཕུར་པས་གདབ། །དེ་ནས་སྔགས་དང་ཏིང་ངེ་འཛིན། །ཐབས་དང་དགོས་ཆེད་ལྔ་རུ་ཡོད། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དེ་བཞིན་ཏེ། །དབུས་ནས་ཕུར་པ་བཞི་བླང་ལ། །ཁྲོ་བདག་ཡབ་ཡུམ་ཧཱུཾ་ཀ་ར། །སྒྲ་འབྱིན་མ་སྟེ་ཡབ་ཡུམ་བཞིས། །དྲག་པོའི་གནས་སུ་རིམ་བཞིན་གདབ། །ཤིན་ཏུ་མི་བཟད་ཧཱུཾ་སྒྲ་ཅན། །གདུག་པའི་ཚོགས་བཅས་མ་ལུས་ཀྱིས། །དངོས་སུ་བཏབ་ནས་ཞིག་པར་བསམ། །དོན་གྱིས་བཏབ་པས་མཁའ་ལ་བཏོན། །ཡུམ་གྱི་གསེར་ཞུན་ལྟ་བུའི་སེམས། །ཧཱུཾ་གིས་བསྡུས་པས་བདག་ལ་བསྡིམ། །ལུས་ངག་ཡིད་ ― DNG021_Page_0157 ―
[མ་དཔེ་གཟིགས་ན་འདིར་གནོན།]
གསུམ་སྐུ་གསུང་ཐུགས། །དུས་གསུམ་འགྱུར་མེད་ཚེ་ཡི་དངོས། །ཆེ་བའི་ཡོན་ཏན་མཐར་ཕྱིན་བསམ། །ཁམས་གསུམ་སྒྲོལ་བའི་དབང་ཐོབ་པས། །དོན་གྱི་གནས་ཀྱང་ཐེབ་པར་བསམ། །དྲན་པའི་གཞི་ལ་དེས་བཏབ་ནས། །ཉོན་མོངས་རྩ་ཐག་ངེས་གཅོད་ནས། །སེམས་ཉིད་ཡེ་ཤེས་ཆེན་པོར་བསྐྱེད། །དབང་པོའི་ཡུལ་ལ་དེས་བཏབ་པས། །དྲན་པ་ཉམས་ནས་དབང་པོ་འཕྲོག །རྣམ་ཤེས་མི་གནས་གནས་སུ་བསྒྲལ། །དོན་དམ་གཉིས་མེད་མཁའ་ལ་བསྒྲལ། །བསྟོད་ཅིང་ཕྲིན་ལས་དྲག་པོ་རོལ། །རྡོ་རྗེ་ཁྲོས་པས་ཞེ་སྡང་གཅོད། །སྲོག་གི་གོ་རུ་ཤར་བ་དེ། །དམིགས་པར་བྱ་བའི་དོན་རྣམས་ལ། །སྙིང་གི་གོ་རུ་ཀཱི་ལ་ཡ། །ཧཱུཾ་ཙིཏྟ་ཙིཏྟ་ཧཱུཾ་ཕཊ། ཨ་ཛི་ཏེ་ཨ་པ་ར་ཛི་ཏ་ཧཱུཾ་ཕཊ། ཏཾ་ག་ཏེ་ཧཱུཾ་ཕཊ། ཛ་ཡེ་བི་ཛ་ཡེ་ཧཱུཾ་ཕཊ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་ཕྲིན་ལས་དུས་ལ་བབ། །སྔོན་ཆད་ཇི་བཞིན་དམ་བཅས་བཞིན། །མངོན་སྤྱོད་ཕྲིན་ལས་མྱུར་དུ་མཛོད། །གྲྀ་ཧྞ་གྲྀ་ཧྞ་བཛྲ། བྷནྡ་བྷནྡ་བཛྲ། མ་ཐ་མ་ཐ་བཛྲ། ཧ་ན་ཧ་ན་བཛྲ། ཛྭ་ལ་ཛྭ་ལ་བཛྲ། མ་ར་པྲ་མརྡ་ན་ཡེ་ཧཱུཾ་ཕཊ། པ་ར་བིདྱཱ་ན་མུ་རུ་མུ་རུ་ཧཱུཾ་ཕཊ། གྲྀ་ཧྞཱ་པཱ་ཡ་གྲྀ་ཧྞཱ་པཱ་ཡ་ཧཱུཾ་ཕཊ། སུ་རུ་སུ་རུ་བཛྲ། བྷིནྡྷ་བིནྡྷ་བཛྲ། པ་ཙ་པ་ཙ་བཛྲ། རིམ་གྱིས་འཇུག་ལ་དེ་བཞིན་ཏེ། །གཉིས་མེད་མཁའ་ལ་བསྒྲལ་བ་ཡིན། །ཞེས་བརྗོད་པས། ཐམས་ཅད་མ་ལུས་པར་ཐེབས་ནས། ཕུང་པོ་དངོས་སུ་བསྒྲལ་ཏེ་རྣམ་པར་ཤེས་པ་མྱ་ངན་ལས་འདས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། ཕུར་པ་དངོས་སུ་གདབ་ཅིང་རྣམ་ཤེས་མྱ་ངན་ལས་བཟླ་བའི་ལེའུ་སྟེ་ཉེར་གསུམ་པའོ།། །།དེ་ནས་ཡང་དྲག་པོའི་ཕྲིན་ལས་མཚོན་གྱིས་བརྡེག་ཅིང་གཏུབ་པའི་ཕྱིར། འདི་སྐད་དོ། །ཧཱུཾ་རྣམ་ཤེས་བསྒྲལ་བའི་ཕུང་པོ་ལ། །སྤྲུལ་པ་ཕྱག་བརྙན་ལས་བྱའོ། །འདི་ཡང་ཕོ་ཉའི་ཏིང་འཛིན་དང་། །སྔགས་དང་ཐབས་དང་དགོས་ཆེད་དོ། །ཧཱུཾ་ཞིང་བཅུ་བསྒྲལ་བའི་ཕུང་པོ་ལ། །ཕོ་ཉ་རོལ་པའི་ལས་བྱ་བས། །དམ་ཚིག་ཆེན་པོའི་དུས་ལ་བབ། ། ― DNG021_Page_0158 ―
[མ་དཔེ་གཟིགས་ན་འདིར་གནོན།]
རྡོ་རྗེ་གསང་བའི་བཀའ་ལས་ནི། །སྡིག་ཆེན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་དང་། །མཚོན་ཆེན་སྔོན་པོ་འབར་བ་ཡིས། །ཀླད་པ་ཚལ་པ་བརྒྱ་རུ་ཁོས། །ང་ཡི་བཀའ་ལས་འདའ་མ་བྱེད། །དེ་ནི་ཕོ་ཉས་གཏུབ་པ་དང་། །བཀའ་རྣམས་ཉན་པར་བྱེད་པའོ། །ཁྲོ་བོ་གདུག་པའི་མཚོན་དབལ་གྱིས། །ཉོན་མོངས་མནན་པའི་ཕུང་པོ་དེ། །རྡོ་རྗེ་འཁོར་ལོ་རལ་གྲིས་གཏུབ། །མགོ་སྙིང་ལྷུ་གཟུགས་མ་ལུས་རྣམས། །དངོས་གཞི་མེད་པར་བརླག་པར་བསམ། །གཏུབ་དང་བཀའ་ཉན་སྙིང་པོ་དང་། །དེ་དང་དེར་ནི་དེ་བཞིན་ནོ། །མ་མ་བ་ཤཾ་ཀུ་རུ་མ་ཐཱ་མ། ཛྙཱ་ན་ཀ་ར་ཨི་དཾ། ད་དྷི་མ་མ་ཤཱི་གྷྲཾ་ཀརྨ་ཀཱ་ར་ཡ། རྡོ་རྗེ་རལ་གྲི་འཁོར་ལོ་ཡིས། །གཡོན་གྱིས་མནན་ལ་གཡས་ཀྱིས་སོ། །སྤྱི་བོ་སྐེ་དང་ཕུང་པོ་རྣམས། །དེ་ལ་དེ་ཡིས་དེ་བཞིན་གཏུབ། །མ་རིག་ཉོན་མོངས་རྒྱ་དྲལ་ནས། །ཡང་དག་གནས་ལ་དེས་བཀོད་ན། །འགྱུར་མེད་སྐུ་ཐོབ་དེ་དགོངས་ནས། །མིང་གིས་མི་བྱར་མི་གཏུབ་པོ། །ཞེས་བརྗོད་པས། ཉོན་མོངས་པ་ལྔ་ཡེ་ཤེས་ལྔའི་ངང་དུ་མྱ་ངན་ལས་འདས་སོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། མཚོན་གྱིས་གཏུབ་པའི་ལས་བསྟན་པའི་ལེའུ་སྟེ་ཉེར་བཞི་པའོ།། །།དེ་ནས་ཡང་ཀཱི་ལ་ཡས། དེའི་མཐུ་དང་རྫུ་འཕྲུལ་ཕྱིར་མི་འབྱུང་བར་བྱ་བའི་ཕྱིར་འདི་སྐད་བརྗོད་དོ། །དེ་ཡང་ཕོ་ཉའི་ཏིང་ངེ་འཛིན་དང་། །སྔགས་དང་ཐབས་དང་དགོས་ཆེད་དོ། །ཕུང་པོ་ལྷག་མ་ག་གོ་ལ། །མཐུ་དང་རྫུ་འཕྲུལ་གཉིས་མེད་པར། །ཁྲོ་ཚོགས་འབར་བའི་དུས་ལ་བབ། །ཡང་དག་དོན་སྤྱོད་རྣལ་འབྱོར་ལ། །གདུག་ཅིང་སྡང་སེམས་ལྡན་པ་རྣམས། །ལྷ་ཡང་རུང་སྟེ་བདུད་ཀྱང་རུང་། །ང་ལ་བར་ཆོད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །ཡབ་ཀྱི་ཕོ་ཉ་རྒྱུ་བྱེད་ཀྱིས། །དེ་ཡི་མཐུ་རྣམས་འཕྲོག་པར་བསམ། །ཡུམ་གྱི་ཕོ་ཉ་འཇིགས་བྱེད་ཀྱིས། །དེ་ཡི་རྫུ་འཕྲུལ་འཕྲོག་པར་རོལ། །ས་བ་ས་ལ་ན་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ― DNG021_Page_0159 ―
[མ་དཔེ་གཟིགས་ན་འདིར་གནོན།]
དེ་ཡི་འོད་ཟེར་བསམ་ཡས་པས། །དེ་ཡི་མཐུ་དང་རྫུ་འཕྲུལ་རྣམས། །ཕཊ་ཀྱིས་གཏོར་ལ་ཧཱུཾ་གིས་བསྡུས། །བདག་ལ་དེ་ཡི་འོད་འདུས་པས། །མཐུ་དང་རྫུ་འཕྲུལ་ལྡན་པའི་ཐབས། །ཐབས་ཀྱི་འཕྲོ་འདུ་མང་པོ་ལས། །བདག་ལ་ཐབས་ཀྱི་རྒྱུ་ཡོད་པས། །དེ་ཡི་མཐུ་དང་རྫུ་འཕྲུལ་རྣམས། །སྟོན་མི་ནུས་པའི་དགོས་པའོ། །ཞེས་བརྗོད་པས་གདོན་གྱི་རིགས་དེ་དག་གིས་མཐུ་དང་རྫུ་འཕྲུལ་སྟོན་མི་ནུས་པར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། མཐུ་དང་རྫུ་འཕྲུལ་ཕྲོགས་ནས་ཕྱིས་སྟོན་མི་ནུས་པར་བྱ་བའི་ལེའུ་སྟེ་ཉེར་ལྔ་པའོ།། །།དེ་ནས་ཡང་ཀཱི་ལ་ཡས། དྲག་པོ་ཕྲིན་ལས་ཀྱིས། གཏུན་ཚོགས་འབར་བའི་བར་དུ། ཉོན་མོངས་དུག་ལྔའི་གཞི་ཞེ་སྡང་འབར་བར་སྨིན་པའི་ཕུང་པོའི་ཐེད་རོལ་དེ་མི་གནས་པར་བསྒྲལ་ཏེ། གནས་སུ་སྟོབ་པའི་ཕྱིར་འདི་སྐད་བརྗོད་དོ། །ཧཱུཾ་གྲུ་གསུམ་མཐིང་ནག་འབར་བའི་ཀློང་། །བཅོས་མེད་ཡུམ་གྱི་མཁའ་ཀློང་དུ། །ཡབ་ཀྱི་ཡེ་ཤེས་ཐོ་ཚོགས་ཀྱིས། །ཉོན་མོངས་མ་ལུས་རྟེན་འཕོ་བའི། །ལྷག་མ་མ་ལུས་སྐུར་བཏོན་གྱིས། །དམ་ཚིག་ཆེན་པོའི་དུས་ལ་བབ། །ཕོ་ཉ་མང་པོས་གཏུན་དུ་བརྡུང་། །བརྡུང་དང་བསྟབ་དང་དབྱིངས་སུ་བསྒྲལ། །སྙིང་པོ་རིམ་བཞིན་སྔགས་བཟླས་པས། །གཉིས་མེད་མཁའ་ལ་གདོན་པར་བྱའོ། །རྡུངས་ཤིག་རྡོ་རྗེ་འབར་བའི་གཏུན། །ཁྲོ་བདག་དཔལ་ཆེན་འབར་བ་ཡི། །བཀའ་ལས་འདས་པའི་སྡིག་ཆེན་རྣམས། །ཁས་བླངས་དམ་བཅས་མནའ་བོར་བས། །རང་གི་གཤེད་མར་རང་གྱུར་ཏེ། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ཏེ། །ལྷ་ཡང་རུང་སྟེ་བསྒྲལ་བར་བྱའོ། །ཁཱ་ཐཾ་ཁཱ་ཐཾ་ཁཱ་ཐཾ། ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། བཛྲ་རཀྴ་ཀྲོ་ཏ་ཁཱ་ཧི་ཁཱ་ཧི། ཧ་ཧ་ཧ། དོན་ཉིད་མི་དམིགས་དབྱིངས་སུ་བསྒྲལ། །དཀར་ནག་མཚམས་ནས་སྐུ་བསྐྱེད་ལ། །ཉི་ཤུ་རྩ་གཅིག་ཀཱི་ལ་ཡས། །སྣང་སྲིད་ ― DNG021_Page_0160 ―
[མ་དཔེ་གཟིགས་ན་འདིར་གནོན།]
ཕུར་བུའི་སྐུར་གྱུར་ཏེ། །གཟུང་འཛིན་རྣམ་རྟོག་རྩད་གཅོད་པའི། །སྐྱེ་མེད་བྱང་ཆུབ་སེམས་སུ་བསྟན། །ཞེས་བརྗོད་དོ། །ཆོས་ཉིད་དོན་གྱིས་བྱིན་བརླབས་སོ། །གསང་སྔགས་ཆེ་བའི་བྱིན་བརླབས་སོ། །སངས་རྒྱས་ཀྱིས་ནི་ནུས་མཐུ་ཡིས། །ཨ་བྷི་ཙརྱའི་དུས་ལ་བབ་པའོ། །གནག་པ་དེ་ཁོ་ན་ལའོ། །བཛྲ་ཀཱི་ལི་ཀཱི་ལི། གནག་པ་དེ་ཁོ་ན་ལའོ། །ཀཱི་ལི་ཀཱི་ལི་ཞེས་བཅོ་བརྒྱད་དཀར་ནག་གི་མཚམས་སུའོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། དྲག་པོ་ཕྲིན་ལས་ཀྱིས་གཏུན་ཚོགས་སུ་བརྡུངས་ཤིང་། ཆོས་ཉིད་བདེན་པའི་དོན་གྱི་ཕུར་པས། ཉོན་མོངས་པ་རྩད་ནས་བཅད་ནས། བྱང་ཆུབ་ཀྱི་སེམས་ཕུར་བུའི་རང་བཞིན་དུ་མྱ་ངན་ལས་བཟླ་བའི་ལེའུ་སྟེ་ཉི་ཤུ་རྩ་དྲུག་ པའོ།། །།དེ་ནས་ཡང་ཀཱི་ལ་ཡས་བསྒྲལ་བ་དེ་དག་དོན་ཡོད་པར་བྱ་བའི་ཕྱིར། དགོས་ཆེད་སྐུ་མཆོག་ཤིན་ཏུ་ལེགས་པར་བསྟན་ཅིང་། བསྒྲལ་བའི་གནས་ཀྱི་མན་ངག་འདི་སྐད་བརྗོད་དོ། །དེ་དག་བསྒྲུབ་པའི་དམ་པ་ནི། །ཀུན་གྱི་བྱ་བ་མ་ཡིན་ཏེ། །གཉིས་མེད་དོན་ལྡན་སྐྱེས་བུ་དེས། །གནོད་གདུག་རྣམ་གཉིས་མ་བསྒྲལ་ན། །ངེས་པར་ངན་སོང་འཁོར་བར་ལྷུང་། །ཅི་ཕྱིར་ངེས་པའི་ལས་ལ་སྒྲིབ། །ངེས་པའི་དོན་བོར་ལོག་པར་གོལ། །བལྟ་བ་ངན་པས་རས་ཆོད་བྱས། །སྤྱོད་པ་རྩིང་པས་ཐོ་ཅོར་བྱས། །དམ་ཚིག་ཉམས་པས་གཟུ་ལུམས་བྱས། །གཞུང་ལས་གོལ་བས་དཀྱིལ་འཁོར་དྲལ། །མ་ཉེས་པ་ནི་དྲག་པར་འཇོམས། །རང་ལས་མཁས་ལ་སྐུར་པ་འདེབས། །དེ་ལ་དྲག་པོའི་ལས་བྱས་ན། །མྱ་ངན་འདས་པའི་ཡོན་ཏན་ཐོབ། །མ་མོ་མཁའ་འགྲོ་བྲན་བཞིན་འཁོལ། །ཚེ་རིང་བདེ་བ་ཕུན་སུམ་ཚོགས། །དགྲ་དང་འབྱུང་པོ་རྡུལ་དུ་རློག །མཐུ་ཆེན་ལྷ་སྲིན་དེ་བཞིན་ཏེ། །ཅི་བགྱིས་བཀའ་ཉན་བསྒོ་བ་ཉན། །འདི་དང་ཕ་རོལ་གཉིས་སུ་ཡང་། །བསམ་པ་འགྲུབ་ཅིང་མཐོ་རིས་ཐོབ། །བདག་དང་གཉིས་མེད་བྱང་ཆུབ་སེམས། །གཉིས་མེད་ཆོས་སྐུར་དབྱེར་མེད་པས། །ངན་སོང་གསུམ་པོ་སྒོ་བཀག་ནས། ། ― DNG021_Page_0161 ―
[མ་དཔེ་གཟིགས་ན་འདིར་གནོན།]
གཉིས་མེད་མཁའ་ལ་དེ་བསྒྲལ་ན། །དོན་དང་མཐུན་པས་དམ་ཚིག་སྐོང་། །སྡིག་ཆེན་བསྒྲལ་ན་ལས་ངན་འཆད། །དམ་ཉམས་བསྒྲལ་ན་བཀའ་གཞུང་བཙན། །ལོག་རྟོག་བསྒྲལ་ན་དཀྱིལ་འཁོར་གཉན། །གནོད་གདུག་བསྒྲལ་ན་བར་ཆད་ཉུང་། །གཞན་ཡང་ཡོན་ཏན་བརྗོད་ལས་འདས། །འབྲས་བུ་ངེས་པར་ཆུད་མི་ཟ། །ཁྲོ་བདག་ཆེན་པོ་ཐབས་མཁས་པས། །བསྒྲལ་བའི་ལས་རྣམས་བྱ་བར་བཤད། །དང་པོ་སྙིང་རྗེས་གཞི་བཟུང་ལ། །ཚད་མེད་རྣམ་བཞི་སྔོན་དུ་གཏོང་། །དེ་ནས་བསྒྲལ་བའི་ཕུང་པོ་དེ། །གཉིས་མེད་ལྷ་ཡི་དཀྱིལ་འཁོར་དུ། །ཡང་དག་དོན་གྱིས་སྦྱང་བར་བྱ། །ནམ་མཁའ་ལྟ་བུར་སྐྱེ་བ་མེད། །རྣམ་དག་ཕུང་པོ་ལྔ་ཡིས་བསྡུས། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །བསྒྲལ་བའི་རྣམ་ཤེས་ཧཱུཾ་དུ་གསལ། །དེ་ཉིད་བྱང་ཆུབ་སེམས་ཀྱི་རྟགས། །དཔལ་ཆེན་རྡོ་རྗེ་ཉིད་ཀྱི་སྐུ། །མ་ལུས་དབྱེར་མེད་འདུས་མ་བྱས། །གཉིས་མེད་དོན་གྱི་དེ་བཞིན་ནོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ། སྐུ་གསུང་ཐུགས་ཀྱི་འབྲུ་གསུམ་པོ། །ཧཱུཾ་གིས་བསྡུས་ལ་ཕཊ་ཀྱིས་འཕང་། །མཁའ་ལ་བཏོན་ལ་རྡོ་རྗེར་རོ། །རྩེ་ལྔ་འབར་བའི་སྐུ་རུ་གསལ། །མི་འགྱུར་སྐུ་ཡི་ངོ་བོར་གྱུར། །ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧཱུཾ་ཧཱུཾ། ཕཊ་ཕཊ། ཏིཥྛ་བཛྲ་ཅེས་བརྗོད་པས། ཐམས་ཅད་མྱ་ངན་ལས་འདས་ནས་སྐུ་མཆོག་དེ་ཤིན་ཏུ་མི་འགྱུར་བར་གྱུར་ཏོ། །ཕུར་བུ་མྱ་ངན་ལས་འདས་པའི་རྒྱུད་ཆེན་པོ་ལས། གསོ་ཞིང་བྱང་ཆུབ་ཀྱི་སེམས་གཅིག་གི་རང་བཞིན་དུ་བསྟན་པའི་ལེའུ་སྟེ་ཉེར་བདུན་ པའོ།། །།དེ་ནས་ཡང་ནི་ཀཱི་ལ་ཡས། ཀརྨ་ཀཱི་ལ་ཡ་ཉིད་ཀྱི་ཐུགས་ཀར་བསྡུས་ཤིང་། ཡོངས་སུ་བཟུང་བ་འདི་གསུངས་སོ། །ཨེ་མ་ཧོ། ཕྱོགས་བཅུ་དུས་གསུམ་ཅིར་ཡང་སྣང་། །བྱང་ཆུབ་རྡོ་རྗེ་ཉིད་ཀྱི་སྐུ། །སྤྲོས་མེད་ཐིག་ལེར་གནས་པ་ལས། །གཟུང་འཛིན་ལས་ཀྱིས་རྣམ་པར་ཟིན། །ཆོས་ཀྱི་སྒོ་མོ་བསམ་ཡས་ཀྱང་། །མྱ་ངན་ སྐུ་དང་ཡེ་ཤེས་ཐམས་ཅད་འདུས་པའི་སངས་རྒྱས་མདུད་པ་ཞེས་བྱ་བ།― DNG021_Page_0162 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ནཱ་མ་ཀཱ་ཡ་ཛྙཱ་ན་སརྦ་བུཌྜྷ་དྷཱི་ཡ། བོད་སྐད་དུ། སྐུ་དང་ཡེ་ཤེས་ཐམས་ཅད་འདུས་པའི་སངས་རྒྱས་མདུད་པ་ཞེས་བྱ་བ།དཔལ་བདེ་བའི་མཆོག་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བདེ་བའི་སྙིང་པོ་ཐམས་ཅད་མཁྱེན་པའི་ཡེ་ཤེས་ཀྱི་སྙིང་པོ་ཆེན་པོ། པདྨ་སྟོང་དང་ལྡན་པའི་གེ་སར་གྱི་སྙིང་པོ་ཆེན་པོའི་འབུར་གྱི་ལྕོག་ལ་བཞུགས་ཏེ། སངས་རྒྱས་དང་། སངས་རྒྱས་མ་དང་བྱང་ཆུབ་སེམས་དཔའ་ཡབ་ཡུམ་དུ་བཅས་པའི་སེམས་དཔའ་ཆེན་པོ་རང་བཞིན་གྱི་གནས་ལ་བཞུགས་པ་རྣམས་དང་ཐབས་ཅིག་གོ། །དེ་ནས་ཡང་དེ་བཞིན་གཤེགས་པའི་བདག་པོ་དེ། འབུར་གྱི་ལྕོག་ལས་བཞེངས་ཏེ། མུ་ཏིག་དཀར་པོའི་གཟུགས་ལ་ཞལ་དང་། ཕྱག་དང་། ཞབས་དང་། ― DNG021_Page_0163 ―
[མ་དཔེ་གཟིགས་ན་འདིར་གནོན།]
རྒྱན་ལ་སོགས་པར་བཞེངས་ནས་ཡང་པདྨ་སྟོང་དང་ལྡན་པའི་གཞལ་ཡས་ཁང་། སྒོ་བཞི་ཡང་པདྨའི་སྒོ་དང་། རྟ་བབས་དང་། ཐེམ་སྐས་དང་། རྒྱན་ལ་སོགས་པས་བརྒྱན་པ་ན། ཉིད་ལས་མི་གཞན་པའི་འཁོར་རྣམས་དང་། མུ་ཏིག་གི་རང་བཞིན་དཀར་ལ་འཚེར་བ་དང་། བྱང་ཆུབ་སེམས་ཀྱི་རང་བཞིན་སྐུ་དང་ཕྱག་མཚན་དུ་རྫོགས་པའི་རིགས་ལྔ་ཡབ་ཡུམ་དུ་བཅས་པ། སེམས་དཔའ་དང་སེམས་མ་སྒེག་པའི་ཚོགས་སུ་བཅས་པ། འབྱུང་བ་བཞིའི་སྒོ་བར་བཅས་པ་དང་། ཐབས་ཅིག་ཏུ་བཞུགས་སོ། །དེ་ནས་བྱང་ཆུབ་ཐིག་ལེས། ཀུན་ཏུ་བལྟས་སམ་གཟིགས་པས། དུག་ལྔས་གདུང་བར་གཟིགས་ཏེ། ཐུགས་རྗེའི་དབང་གིས་མཉམ་པའི་ངང་ལ་བཞུགས་སོ། །དེ་ལས་སངས་རྒྱས་སྤྱན་དང་། མཱ་མ་ཀཱི་དང་། ན་བཟའ་དཀར་མོ་དང་། དམ་ཚིག་སྒྲོལ་མ་དང་། ཀུན་ཏུ་བཟང་མོ་རྣམས་ཀྱིས་འདི་སྐད་ཅེས་གསོལ་བ་བཏབ་པོ། །ཀྱེ་གཟུ་མཁན་གཟུ་བོ་ཆེན་པོ་སྟོན་པའི་དཔལ། །ཁམས་གསུམ་ཟུག་རྔུས་ཟིན་པའི་ནད་པ་ལ། །ཐུགས་རྗེའི་སྤྱན་གྱིས་ཡང་དག་གཟིགས་གྱུར་ལ། །འཚོ་བའི་སྨན་གྱིས་ནད་པའི་སྨན་པ་མཛོད། །ཅེས་གསོལ་ཏོ། །དེ་ནས་བཅོམ་ལྡན་འདས་དགའ་བའི་མཆོག་དེ་མཉམ་པར་བཞག་པ་ལས་བཞེངས་ནས། འདི་སྐད་ཅེས་བཀའ་སྩལ་ཏོ། །བདག་ནི་ཡེ་ནས་མངོན་སངས་རྒྱས། །འཕྲལ་ལ་རྒྱས་པ་མ་ཡིན་ཏེ། །ངས་བསྟན་ལུང་འདི་ཉན་འདོད་ན། །ཉན་པ་པོ་ཡི་བློ་ལ་རྟོགས། །ཞེས་བཀའ་སྩལ་ཏོ། །དེ་ནས་རྡོ་རྗེ་སེམས་དཔའ་ཉིད་ཀྱིས་འདི་སྐད་ཅེས་གསོལ་ཏོ། །ཨེ་མ་ཧོ་བཅོམ་ལྡན་མངོན་སངས་རྒྱས། །ཁམས་གསུམ་ཐུགས་རྗེས་དྲོངས་མཛོད་ལ། །མཛད་པའི་དོན་གྱིས་ཐམས་ཅད་སྒྲོལ། །དེ་ལྟར་མཛད་ན་དམ་ཚིག་ཡིན། །ཞེས་གསོལ་ཏོ། །དེ་ནས་དགྱེས་པ་ཆེན་པོས་འདི་སྐད་ཅེས་བཀའ་སྩལ་ཏོ། །འདས་པའི་སངས་རྒྱས་ཐམས་ཅད་དང་། །ད་ལྟར་ང་ཡི་བསྟན་པ་འདི། །རྒྱལ་བ་སངས་རྒྱས་ཐམས་ཅད་དང་། །སླད་ཀྱིས་འབྱོན་པའི་སངས་རྒྱས་རྣམས། ། ― DNG021_Page_0164 ―
[མ་དཔེ་གཟིགས་ན་འདིར་གནོན།]
འགྲོ་དོན་སྨོན་ལམ་བཏབ་པ་ཡིས། །འགྲོ་བའི་དོན་ནི་འདི་ལྟར་མཛད། །སྙིང་རྗེས་བསྒྲལ་བའི་དམ་ཚིག་ནི། །གསད་ཅིང་གནན་པ་མ་ཡིན་ཏེ། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ་ཅེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པའི་སངས་རྒྱས་མདུད་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་རྡོ་རྗེ་སེམས་དཔས། དེ་བཞིན་གཤེགས་པ་དགྱེས་པ་ཆེན་པོ་ལ་འདི་སྐད་ཅེས་གསོལ་ཏོ། །ཞི་དང་རྒྱས་དང་དབང་དང་དྲག །དགྱེས་པ་ཆེན་པོའི་ཕྲིན་ལས་ཏེ། །གང་ཞིག་གདུང་བའི་ནད་ཀྱིས་ཟིན། །གསོ་བའི་སྨན་པ་ཁྱོད་ཉིད་དེ། །ནད་རྣམས་ཀུན་གྱི་སྨན་པ་མཛོད། །ཅེས་གསོལ་ཏོ། །དེ་ནས་ཡང་བྱང་ཆུབ་སེམས་ཀྱི་ཐིག་ལེ་དགྱེས་པ་ཆེན་པོ་དེས། ཕྲིན་ལས་ལ་མངོན་པར་དད་སྟེ། ཞུ་བ་པོའི་དོན་གྱིས་ཞུ་བ་བྲོད་པ་སྐྱེད་པའི་ཕྱིར། འདི་སྐད་ཅེས་བཀའ་སྩལ་ཏོ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་སེམས་དཔའ་ཀུན་གྱི་རྒྱན། །རྡོ་རྗེ་སེམས་དཔའ་སེམས་དཔའ་གཙོ། །ཁྱོད་ཀྱིས་ཞུས་པ་ཡ་མཚན་ཆེ། །ཞེས་བཀའ་སྩལ་ཏོ། །དེ་ནས་རྡོ་རྗེ་སེམས་དཔའ་ཉིད། བཅོམ་ལྡན་འདས་ལ་ཡི་རང་བ་དང་དགའ་བ་དང་ངོམ་པ་བསྐྱེད་དེ། ཡང་འདི་སྐད་ཞུས་སོ། །ཀྱེ་མ་ཧོ་རིན་ཆེན་ཕུང་པོ་ཁྱོད། །འགྲོ་བ་ཀུན་བསྐྱེད་ཡིད་བཞིན་ཚུལ། །ཆོས་རྣམས་ཕུང་པོ་བཤད་དུ་གསོལ། །དེ་ནས་བཅོམ་ལྡན་འདས་ཉིད་རྡོ་རྗེ་ལྟ་བུའི་ཏིང་ངེ་འཛིན་ལ་མཉམ་པར་བཞག་ནས། ཐིག་ལེ་བྱང་ཆུབ་ཀྱི་སེམས་ཀྱིས་འདི་སྐད་ཅེས་བཀའ་སྩལ་ཏོ། །སེམས་ཅན་བསམ་པའི་དབང་གིས་ན། །ཕྱི་དང་ནང་དང་གསང་བ་དང་། །མཐར་ཐུག་རང་བཞིན་དོན་དམ་མོ། །ཕྱི་ཡི་རླུང་དང་ནང་གི་རླུང་། །གསང་བའི་རླུང་དང་མཐར་ཐུག་རླུང་། །དེ་རྣམས་དངོས་པོ་ཐར་པའི་རླུང་། །ཞི་དང་རྒྱས་དང་དབང་གི་རླུང་། །དྲག་པོ་མཐར་བྱས་བལྟ་བའི་མཆོག །ལྟ་སྟངས་ཆེན་པོ་བཅུ་དྲུག་སྟེ། །རུས་སྦལ་འགྲོས་དང་སེང་ ― DNG021_Page_0165 ―
[མ་དཔེ་གཟིགས་ན་འདིར་གནོན།]
གེའི་བལྟ། །སྟག་གི་མཆོངས་པ་ཕོ་རོག་སོགས། །དལ་དང་འདྲེལ་བའི་རླུང་རྣམས་དགོག །རླུང་ཞེས་བྱ་བའི་ལས་རྣམས་ནི། །ནམ་མཁའ་དྭངས་པའི་ཁུག་རྣ་འམ། །རླན་ཕོག་པ་ཡི་རླངས་པ་འམ། །དྲོད་ཕོག་པ་ཡི་ཆུ་ཐིགས་བཞིན། །གང་ལ་གང་ཞིག་གནས་པ་དེ། །ཉི་ཁྲི་ཆིག་སྟོང་དྲུག་བརྒྱའོ། །དེ་ཉིད་དལ་བར་གྱུར་པ་ཡིས། །ནམ་མཁའ་ཉིད་ལ་ནམ་མཁའ་ཐིམ། །དལ་བའི་རླུང་རྣམས་དགག་པའི་ཐབས། །བལྟས་པས་མཐོང་བ་མ་ཡིན་ཏེ། །སེམས་ཀྱིས་སེམས་ལ་བལྟ་བའོ། །དེ་ལྟར་མཐོང་བ་གང་ཡིན་པ། །མཐོང་བ་མེད་ན་མཐོང་བའི་མཆོག །དེ་ནི་ལྟ་བའི་བལྟ་བ་དེ། །བལྟས་པ་དེ་ཉིད་ལྟ་བའི་མཆོག ། ཤེས་པ་ཆེན་པོའི་རང་བཞིན་ནོ། །དེ་བཞིན་ཤེས་རབ་སྙིང་རྗེ་ནི། །ཐེག་པ་ཆེན་པོ་ཀུན་གྱི་རྒྱན་ཡང་ཡིན། །བལྟ་བ་ཀུན་གྱི་མཆོག་ཀྱང་ཡིན། །ཆོས་རྣམས་ཀུན་གྱི་སྙིང་པོ་ཡིན། །ཞེས་གསུངས་ནས། བདེན་པ་གཉིས་ཀྱི་མཐའ་ལ་བཞུགས་སོ། །དེ་ནས་རྡོ་རྗེ་སེམས་དཔས་ཡང་། བཅོམ་ལྡན་འདས་བྱང་ཆུབ་སེམས་ཀྱི་ཐིག་ལེ་ལ་ཞུས་པ། ཀྱེ་བཅོམ་ལྡན་འདས་དགྱེས་པ་ཆེན་པོ། །རླུང་ཞེས་བྱ་བའི་རྒྱུ་དང་རྐྱེན། །ཐབས་དང་རང་བཞིན་འདྲེལ་བ་རྣམས། །གང་ལགས་བཅོམ་ལྡན་འདས་ཀྱིས་བཀའ་སྩོལ་དང་། །གྲངས་དང་གནས་དང་རྟེན་པ་རྣམས། །འབྱུང་བའི་ཁུངས་དང་འདུག་པ་རྣམས། །གང་ལགས་བཅོམ་ལྡན་བཀའ་སྩོལ་དང་། །ཞེས་གསོལ་པས། བཅོམ་ལྡན་འདས་བྱང་ཆུབ་སེམས་ཀྱི་ཐིག་ལེས། ཡང་འདི་སྐད་ཅེས་བཀའ་སྩལ་ཏོ། །རྒྱུད་རྣམས་ཀུན་གྱི་ནང་ཉིད་ནས། །སྨྲས་པ་བདེན་པ་མཆོག་ཡིན་ཏེ། །རྒྱུ་ནི་འབྱུང་བ་བཞི་ཡིན་ལ། །རྐྱེན་ནི་ཕྲིན་ལས་རྣམ་པ་བཞི། །ཐབས་ནི་འབྱུང་འཇུག་གནས་དང་གསུམ། །འདྲེལ་བ་དལ་དང་དྲེལ་བའི་རླུང་། །རླུང་ཞེས་བྱ་བས་ལས་ཀུན་བྱེད། །ཅེས་གསུངས་སོ། །དེ་ནས་ཡང་འདི་གསུངས་སོ། །གྲངས་ནི་རྣམ་པ་གང་ཡིན་པ། །ཉི་ཁྲི་ཆིག་སྟོང་དྲུག་བརྒྱའོ། །ཆོས་དང་ལོངས་སྤྱོད་འཁོར་ལོ་རྣམས། །གནས་དང་རྟེན་པ་ཁོ་ནའོ། ། ― DNG021_Page_0166 ―
[མ་དཔེ་གཟིགས་ན་འདིར་གནོན།]
ཁམས་གསུམ་གནས་པའི་འདུག་ས་འམ། །རྩ་གསུམ་གནས་པའི་རང་རྒྱུད་ནི། །འབྱུང་བའི་ཁུངས་སུ་འདུག་པའོ། །ལོངས་སྤྱོད་སྐྱེ་བའི་འཁོར་རྣམས་ཀྱིས། །ཆོས་རྣམས་ཐམས་ཅད་གཏན་ལ་འབེབས། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པའི་སངས་རྒྱས་མདུད་པའི་རྒྱུད་ལས། རླུང་བསྟན་པའི་ལེའུ་སྟེ་གཉིས་ པའོ།། །།དེ་ནས་ཡང་དེ་བཞིན་གཤེགས་པའི་ཐིག་ལེ་བྱང་ཆུབ་ཀྱི་སེམས་དགྱེས་པ་ཆེན་པོ་དེས། བྱང་ཆུབ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལ་རྡོ་རྗེ་སེམས་དཔས་ཡང་ཞུས་པ། ཀྱེ་མ་བྱང་ཆུབ་རྡོ་རྗེ་ལ། །མཉམ་གཞག་ཏིང་ངེ་འཛིན་ལ་གནས། །རྟོག་གེ་པ་ཡི་བསམ་པ་ཡིས། །མཉམ་བཞག་ཆོས་སྐུ་ལས་བཞེངས་ནས། །རྩ་ཡི་ལས་རྣམས་བཤད་པར་གསོལ། །ཞེས་གསོལ་ཏོ། །དེ་ནས་ཡང་བཅོམ་ལྡན་འདས་དགྱེས་པ་ཆེན་པོས། འདི་སྐད་ཅེས་བཀའ་སྩལ་ཏོ། །འཕྱངས་མ་དང་ནི་མཆོང་མ་དང་། །སྤྱི་ཁྱེར་མ་དང་དགའ་བྱེད་མ། །རྒྱན་ཆེན་དང་ནི་སེམས་མ་རྣམས། །སྟོང་ཕྲག་བདུན་ཅུ་རྩ་གཉིས་ལ། །ས་རྣམས་ཆུ་རྣམས་མེ་རྣམས་དང་། །རླུང་དང་ནམ་མཁའ་རྟེན་རྣམས་དང་། །བརྒྱ་རྩ་བརྒྱ་དང་བརྒྱད་ཅུ་གཉིས། །སུམ་ཅུ་རྩ་བཞི་བཅུ་དྲུག་དང་། །བདུན་དང་གསུམ་དུ་གང་གྱུར་པ། །མདུད་པ་ཐམས་ཅད་སྲོང་བྱེད་པ། །འཁོར་ལོ་ཀུན་གྱི་དྲང་སྲོང་མཆོག །ཅེས་གསུངས་སོ། །དེ་རྣམས་དཀྱིལ་འཁོར་གང་ཡིན་ལ། །འཁོར་ལོ་ཀུན་གྱི་རྣམ་པ་ནི། །ཇི་སྙེད་རྣམ་པ་མང་པོ་ཡང་། །བདག་པོ་རྣམ་པ་བཞི་ལ་འདུས། །བདེ་བ་ཆེན་པོའི་འཁོར་ལོ་དང་། །ལོངས་སྤྱོད་རྫོགས་པའི་འཁོར་ལོ་དང་། །བདེ་བ་ཆོས་ཀྱི་འཁོར་ལོ་དང་། །སྤྲུལ་པ་གྲགས་པའི་འཁོར་ལོ་དང་། །གཙོ་བོ་རྣམས་ཀྱི་འཁོར་ལོ་བསྟན། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ་སངས་རྒྱས་མདུད་པའི་རྒྱུད་ལས། རྩའི་རང་བཞིན་ ― DNG021_Page_0167 ―
[མ་དཔེ་གཟིགས་ན་འདིར་གནོན།]
བསྟན་པའི་ལེའུ་སྟེ་གསུམ་པའོ།། །།དེ་ནས་ཡང་རྡོ་རྗེ་སེམས་དཔས་བཅོམ་ལྡན་འདས་དགྱེས་པ་ཆེན་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་དགྱེས་པ་ཆེན་པོ་མཆོག །སེམས་ཅན་དགའ་བ་སྐྱེད་པའི་ཕྱིར། །གསང་བ་མཐར་ཐུག་གཏུམ་མོ་རྣམས། །དགྱེས་པ་ཆེན་པོས་བཤད་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་དེས། འཁོར་བའི་སྐྱོབས་སྐྱེ་བས་ཀྱང་འཁོར་ཡུག་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་སྙོམས་པར་ཞུགས་མ་ཐག་ཏུ། འདི་སྐད་ཅེས་བཀའ་སྩལ་ཏོ། །ལེགས་སོ་རྡོ་རྗེ་སེམས་དཔའི་བདག །ལེགས་སོ་རྡོ་རྗེ་སེམས་དཔའི་གཙོ། །ལེགས་སོ་རྡོ་རྗེ་སེམས་དཔའ་ཆེ། །ལེགས་སོ་རྡོ་རྗེ་སེམས་དཔའ་ཀུན། །བསྐྱེད་པའི་རིམ་པ་ལ་གནས་ཤིང་། །རྫོགས་པའི་རིམ་པ་འདོད་པ་རྣམས། །གཏུམ་མོ་གཏུམ་མོ་འདོད་པ་ལ། །གཏུམ་མོའི་ཚོགས་རྣམས་བཤད་པར་བྱའོ། །ཕྱི་ཡི་གཏུམ་མོར་གང་གསུངས་པ། །ཀུན་འདུས་འདྲེལ་བའི་གཏུམ་མོ་ཡིན། །ཕྱི་ཡི་མཆོག་ཏུ་གང་གསུངས་པ། །འབར་འཛིན་དང་པོའི་གཏུམ་མོ་ཡིན། །ནང་གི་མཆོག་ཏུ་གང་གསུངས་པ། །འཁོར་ལོ་སྲོག་ཤིང་གཏུམ་མོ་ཡིན། །གསང་བའི་མཆོག་ཏུ་གང་གསུངས་པ། །ལྷན་ཅིག་སྐྱེས་པའི་གཏུམ་མོ་ཡིན། །དེ་རྣམས་མཆོག་ཏུ་གང་གསུངས་པ། །སེམས་རྣམས་ཆོས་རྣམས་ལྟ་བ་ཡིན། །ཞེས་གསུངས་སོ། །དེ་ནས་ཡང་རྡོ་རྗེ་སེམས་དཔས། དགྱེས་པ་ཆེན་པོ་ལ་འདི་སྐད་ཅེས་གསོལ་ཏོ། །དེ་ལྟར་ཐམས་ཅད་ལགས་པ་ན། །བྱེ་བྲག་རྣམ་གྲངས་བསྟན་དུ་གསོལ། །ཞེས་ཞུས་ཏེ། ཕྱི་ཡི་གཏུམ་མོ་གང་ལགས་དང་། །ནང་གི་གཏུམ་མོ་གང་ལགས་དང་། །གསང་བའི་གཏུམ་མོ་གང་ལགས་དང་། །མཐར་ཐུག་གཏུམ་མོ་གང་ལགས་རྣམས། །བྱེ་བྲག་དེ་ལྟར་བཤད་དུ་གསོལ། །ཞེས་ཞུས་སོ། །དེ་ནས་ཡང་དགྱེས་པ་ཆེན་པོས། སྲོག་མེའི་འཁོར་ལོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །བདེ་བའི་དོན་ལ་མནལ་ལོ། །དེ་ལས་བཞེངས་ནས་འདི་སྐད་གསུངས་སོ། །གང་ཞིག་ཤ་དང་ལུས་རྣམས་ ― DNG021_Page_0168 ―
[མ་དཔེ་གཟིགས་ན་འདིར་གནོན།]
ལ། །འཁོར་ལོའི་རྣམ་པ་འདི་ཡིན་ཏེ། །འབུམ་ཕྲག་ཁྲི་དང་འབུམ་སྟོང་དང་། །དེ་དང་ཉི་ཁྲི་ཆིག་སྟོང་ཡོད། །ཐམས་ཅད་པདྨ་འདབ་མ་བཞི། །ཡི་གེ་ཨ་ཡི་རང་བཞིན་ཡིན། །ཀེང་རུས་ཚོགས་ཀྱི་གཏུམ་མོ་ཡིན། །སུམ་བརྒྱ་དྲུག་ཅུར་བསྟན་པ་ཡིན། །དེ་ཡང་པདྨ་འདབ་བཞི་ལ། །གཡས་པ་དཔའ་བོ་ཐབས་ཡི་གེ། །གཡོན་པ་ཤེས་རབ་མའི་ཡི་གེ། །དབུས་སུ་ཡི་གེ་ཨ་རྣམས་སོ། །གསང་བའི་གཏུམ་མོར་གང་གསུངས་པ། །ཆར་ཡང་རླུང་གི་གནས་ན་ཡོད། །དབྱིབས་ནི་ཕུབ་ཀྱི་བདུད་ཁུ་སྟེ། །ཡི་གེ་ལྔ་ཡི་བྱིན་རླབས་ཀྱིས། །ཁ་བ་ལྟ་བུ་བཞུ་བཏུལ་བྱེད། །འཛག་པའི་གཏུམ་མོ་གང་བར་བྱེད། །དེ་ཡིས་ཐམས་ཅད་འབེབས་འགྱུར་ཏེ། བཾཛྲ་ཉཱ་ཕཊ་ཨཱོཾ། གཡས་དང་གཡོན་གྱི་རྩ་རྣམས་དང་། །དབུས་ཀྱི་རྩ་ཡི་འགྲོ་ས་རྣམས། །རྒྱུད་པའི་སྒོ་ནས་གཡས་པ་དེ། །འབེབས་པའི་སྒོ་ནས་གཡོན་པའོ། །འཛིན་པའི་ས་ནི་རྣམ་བཞི་སྟེ། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པ་ཤར། །སྲོག་གི་གོ་རུ་ཤར་བ་དང་། །སྙིང་གི་དབུས་སུ་བསྒོམ་པར་བྱའོ། །གང་ཞིག་དེ་ལྟར་རྣམ་ཕྱེ་བས། །གཏུམ་མོའི་ཚོགས་རྣམས་རབ་ཏུ་བཤད། །ཅེས་གསུངས་སོ། །དེ་ནས་ཡང་འདི་གསུངས་སོ། །བསྐྱེད་པའི་རྫོགས་པར་གསུངས་པ་ནི། །འཁོར་ལོ་བཞི་ཡི་མཚན་ཉིད་དེ། །སྤྲུལ་པའི་འཁོར་ལོ་དྲུག་ཅུ་བཞིར། །སྤྲུལ་པའི་ཡིག་འབྲུ་དཀར་པོ་འགོད། །ཨོཾ། དེ་ལྟར་ཆོས་ཀྱི་སྐུ་ཡིན་པས། །ཆོས་ཀྱི་འཁོར་ལོ་འདབ་མ་བརྒྱད། །དབུས་སུ་ཐུགས་ཀྱི་སྙིང་པོ་སྟེ། །ཆོས་ཀྱི་ཡིག་འབྲུ་མཐིང་གའོ། །ཧཱུཾ། ཕྱོགས་བཞི་ཡབ་ལ་མཚམས་བཞི་ཡུམ། །བྷྲཱུཾ་ཏྲཾ་ཧྲཱྀ་ཧ། མཾ་ལཾ་པྱཾ་ཏཾ། ལོངས་སྤྱོད་འཁོར་ལོ་འདབ་བཅུ་དྲུག །དབུས་སུ་ལོངས་སྤྱོད་ཡི་གེ་སེར། །ཨཾ། འདབ་མའི་ཕྱོགས་བཞིར་འབྱུང་བ་བཞི། །ཨཱ་རཱ་མཱ་བཱ། བདེ་ཆེན་འཁོར་ལོ་དྲུག་ཅུ་གཉིས། །ས་བོན་ཁ་བལྟས་གནས་པའོ། །ཧཾ། མི་ཤིགས་ཁ་ནི་འོག་ཏུ་བལྟས། །དེ་ནི་འཛག་པའི་གཏུམ་མོ་ཞེས། །སྨྲས་པ་ཡང་དག་མཆོག་ཡིན་ནོ། །དེ་ལྟར་གཏུམ་ ― DNG021_Page_0169 ―
[མ་དཔེ་གཟིགས་ན་འདིར་གནོན།]
མོའི་བྱེ་བྲག་ནི། །གྲངས་སུ་ཇི་སྙེད་བརྗོད་པ་ཡང་། །ཕྱི་ནང་གསང་བ་གསུམ་དུ་བསྟན། །མཐར་ཐུག་གཏུམ་མོ་གང་ཡིན་པ། །དེ་ནི་རང་བྱུང་ཡེ་ཤེས་ཏེ། །ཐིག་ལེ་ཆེན་པོ་ཡི་གེ་གཏུམ་མོ་ཡིན། །དེ་ལྟར་གཏུམ་མོའི་བྱེ་བྲག་ནི། །རྣལ་འབྱོར་རྣམས་ཀྱིས་ཤེས་པར་གྱིས། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི། སྐུ་དང་གསུང་ཐུགས་ཡེ་ཤེས་ཐམས་ཅད་འདུས་པ་སངས་རྒྱས་མདུད་པའི་རྒྱུད་ལས། གཏུམ་མོའི་ཚོགས་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་རྡོ་རྗེ་སེམས་དཔས་དགྱེས་པ་ཆེན་པོའི་ཐིག་ལེ་བྱང་ཆུབ་ཀྱི་སེམས་རྡོ་རྗེ་ཞེས་བརྗོད་ནས། བཅོམ་ལྡན་འདས་རྫོགས་པ་ནང་གི་དཀྱིལ་འཁོར་གང་ལགས། ཞེས་ཞུས་སོ། །དེ་ནས་བཅོམ་ལྡན་འདས་རྡོ་རྗེའི་ཏིང་ངེ་འཛིན་ཞེས་བྱ་བ་ལ་སྙོམས་པར་ཞུགས་སོ། །ཞུགས་མ་ཐག་ཏུ་འདི་སྐད་ཅེས་བཀའ་སྩལ་ཏོ། །སྟེང་དང་འོག་གི་ཚུལ་གྱིས་ནི། །རྟེན་དང་བརྟེན་པའི་རང་བཞིན་གྱིས། །རྩ་ནི་བཞི་བཅུ་རྩ་གཅིག་ཡོད། །རྩ་ཡི་གཙོ་བོ་བརྒྱད་དང་ནི། །སྟེང་དང་འོག་དང་བཅུ་པོ་ནི། །ཁྲོ་བོ་བཅུ་ཡི་རང་བཞིན་ནོ། །དབུས་ཀྱི་རྩ་ཆེན་གང་ཡིན་པ། །བཅོམ་ལྡན་དབུས་ཀྱི་གཙོ་བོའོ། །དེ་ལྟར་རྣལ་འབྱོར་པ་ཡི་ལུས། །ཡི་གེ་ཨ་ནི་སྡོམ་གནས་པའོ། །ཆོས་ཉིད་རྩ་དང་ཡེ་ཤེས་རྩ། །རང་རྒྱུད་རྩ་དང་ཡོན་ཏན་རྩ། །ཐབས་དང་ཤེས་རབ་རྩ་རྣམས་ནི། །ཧཱུཾ་ཆེན་ལ་སོགས་ཁྲོ་བོ་རྣམས། །རིམ་པ་བཞིན་དུ་དགོད་དང་གནས། །དེ་ལྟར་རྟེན་རྣམས་གང་ཡིན་ལ། །སྒྲ་འབྱིན་ལ་སོགས་བཅུ་རྣམས་གནས། །དེ་ལྟར་བཅུ་པོ་གང་ཡིན་ལ། །ཕྲ་མེན་ཕོ་མོ་སྒོ་མ་གནས། །དེ་ཡི་རྟེན་ལ་མོ་རྣམས་སོ། །སྒོ་བ་བཞི་པོ་གང་ཡིན་ལ། །པུ་ཤུད་མགོ་ཅན་ལ་སོགས་པའོ། །དེ་ལྟར་རྣལ་འབྱོར་གང་ཤེས་པ། །བསྐྱེད་པའི་རིམ་པ་རྫོགས་པ་སྟེ། །ཐབས་ལྡན་རྣམས་ཀྱིས་དེ་ཤེས་ན། །རྫོགས་པ་ནང་གི་དཀྱིལ་འཁོར་ཡིན། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ་སངས་རྒྱས་མདུད་པའི་རྒྱུད་ ― DNG021_Page_0170 ―
[མ་དཔེ་གཟིགས་ན་འདིར་གནོན།]
ལས། རྫོགས་པ་ནང་གི་དཀྱིལ་འཁོར་བསྟན་པའི་ལེའུ་སྟེ་ལྔ་པའོ།། །།དེ་ནས་ཡང་རྡོ་རྗེ་སེམས་དཔས། དགྱེས་པ་ཆེན་པོ་ལ་འདི་སྐད་ཞུས་སོ། །ཀྱེ་མའོ་དཔའ་བོ་ཐུགས་རྗེ་ཅན། །སངས་རྒྱས་བྱ་བ་ཇི་ལྟ་བུ། །ཡེ་ཤེས་བྱ་བ་གང་ལ་བགྱི། །མདུད་པ་ཞེས་ནི་ཇི་ལྟ་བུ། །ཐམས་ཅད་ཅེས་ནི་གང་ལ་བགྱི། །ཞེས་ཞུས་པས། དགྱེས་པ་ཆེན་པོ་ཐིག་ལེ་བྱང་ཆུབ་ཀྱི་སེམས་ཀྱིས་སྨྲས་པ། སེམས་ཅན་ཐམས་ཅད་བདེ་གྱུར་ཅིང་། །དགའ་བ་ཐམས་ཅད་བསྐྱེད་པར་བྱའོ། །ཐམས་ཅད་རང་བཞིན་བྱང་ཆུབ་སེམས། །ཚད་མེད་བཞི་ནི་སྔོན་དུ་བཏང་། །བདེན་པ་གཉིས་ཀྱི་བྱེ་བྲག་གིས། །བརྗོད་ལས་འདས་པ་སངས་རྒྱས་ཡིན། །གྲངས་ལས་འདས་པ་གནས་གཞན་ཡིན། །དཔེ་ལས་འདས་པ་མཚོན་དུ་མེད། །སྤྲོས་པ་ཉེ་བར་ཞི་བ་ནི། །སངས་རྒྱས་དངོས་པོ་ཁོ་ནའོ། །དེས་ན་སངས་རྒྱས་མདུད་པའོ། །མེད་པ་མ་ཡིན་ཡོད་པ་མིན། །རྟག་པ་མ་ཡིན་ཆད་པ་མིན། །འོང་བ་མ་ཡིན་འགྲོ་བ་མིན། །ཡོད་པ་མ་ཡིན་མེད་པའང་མིན། །དེ་ལྟར་རྣམ་པ་ཀུན་ཤེས་ན། །ཐམས་ཅད་ཐམས་ཅད་མདུད་པ་ཡིན། །བདེན་པ་གཉིས་ཀྱི་བྱེ་བྲག་ལ། །ཤེས་ཤིང་རིག་པ་ཡེ་ཤེས་ཡིན། །རིག་པ་མཆོག་གི་གནས་ཡིན་ནོ། །དེ་ཉིད་རང་བྱུང་ཡེ་ཤེས་ཏེ། །མདུད་པ་ཞེས་ནི་དེ་ལ་བྱ། །ཞེས་གསུངས་སོ། །དེ་ནས་ཡང་བཀའ་སྩལ་པ། བྱེ་བྲག་སངས་རྒྱས་ཇི་སྙེད་པ། །བསྡུས་པས་སངས་རྒྱས་རྣམ་པ་ལྔ། །དེ་ཡི་མདུད་པ་གང་ཡིན་པ། །སྐུ་གསུང་ཐུགས་ཀྱི་རྡོ་རྗེ་མཆོག །བཅོམ་ལྡན་རྡོ་རྗེ་གཞོན་ནུ་ཡིན། །ཡེ་ཤེས་མདུད་པ་ཇི་སྙེད་པ། །རང་བྱུང་ཡེ་ཤེས་མདུད་པ་ཡིན། །ཐ་སྙད་བྱེ་བྲག་ཇི་སྙེད་པ། །དོན་དམ་སྤྲོས་བྲལ་མདུད་པ་ཡིན། །དེ་ལྟར་ཕྱི་རོལ་དེ་བཞིན་ནང་། །རླུང་གི་བྱེ་བྲག་ཇི་སྙེད་པ། །མི་ཤིགས་ཐིག་ལེའི་མདུད་པ་ཡིན། །རྩ་ཡི་བྱེ་བྲག་ཇི་སྙེད་པ། །ཀུན་འདར་མ་ཡི་མདུད་པ་ཡིན། །སེམས་ཉིད་བྱེ་བྲག་ཇི་སྙེད་པ། །དགའ་བ་དང་པོའི་མདུད་པ་ཡིན། །ཕུང་པོའི་བྱེ་བྲག་ཇི་སྙེད་པ། །རྣམ་པར་ཤེས་པ་མདུད་པ་ཡིན། །དེ་ལ་སོགས་པ་མཐའ་ཡས་མཆོག །གང་ལ་ཅི་བྱས་མདུད་ ― DNG021_Page_0171 ―
[མ་དཔེ་གཟིགས་ན་འདིར་གནོན།]
པ་ཡིན། །ཞེས་གསུངས་སོ། །དེ་ནས་ཡང་འདི་གསུངས་སོ། །དབང་གི་བྱེ་བྲག་ཇི་སྙེད་པ། །བཞི་པའི་དོན་ཉིད་མདུད་པ་ཡིན། །གཏུམ་མོའི་བྱེ་བྲག་ཇི་སྙེད་པ། །ལྷན་ཅིག་སྐྱེས་པའི་མདུད་པ་ཡིན། །འཁོར་ལོའི་བྱེ་བྲག་ཇི་སྙེད་པ། །ཆོས་ཀྱི་འཁོར་ལོའི་མདུད་པ་ཡིན། །དམ་ཚིག་བྱེ་བྲག་ཇི་སྙེད་པ། །རྩ་བའི་དམ་ཚིག་མདུད་པ་ཡིན། །སྐྱེ་བའི་བྱེ་བྲག་ཇི་སྙེད་པ། །སྐྱེ་བ་བདུན་པ་མདུད་པ་ཡིན། །བུད་མེད་ཤེས་རབ་རང་བཞིན་ཏེ། །དེ་ཡི་བྱེ་བྲག་ཇི་སྙེད་པ། །པདྨ་ཅན་དེ་མདུད་པ་ཡིན། །དེ་བཞིན་ཆོས་རྣམས་ཐམས་ཅད་ཀྱི། །རྟོག་པ་བསལ་ཕྱིར་མདུད་པ་ཡིན། །ཆོས་ཀྱི་སྐུ་ལས་མ་རྟོགས་པ། །རྟོག་པ་གཞན་རྣམས་འདུལ་བའི་ཆོས། །འཁོར་བ་མྱ་ངན་འདས་པ་ཡི། །དངོས་པོ་ཀུན་ལ་མི་རྟོག་པ། །ཆོས་ཀྱི་སྐུ་ཉིད་མདུད་པ་ཡིན། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ་སངས་རྒྱས་མདུད་པའི་རྒྱུད་ལས། སྐུ་དང་ཡེ་ཤེས་ཀྱི་མདུད་པ་ཐམས་ཅད་བཀྲོལ་བའི་ལེའུ་སྟེ་དྲུག་ པའོ།། །།དེ་ནས་ཡང་རྡོ་རྗེ་སེམས་དཔས་དགྱེས་པ་ཆེན་པོ་ལ། ཀྱེ་ཀྱེ་སངས་རྒྱས་ཀྱེ་སངས་རྒྱས། །སངས་རྒྱས་ཐམས་ཅད་ཀྱེ་སངས་རྒྱས། །རྣལ་འབྱོར་མ་འོངས་ཕན་དོན་དུ། །དབང་གི་རིམ་པ་བཤད་པར་མཛོད། །ཅེས་ཞུས་པས། །དགྱེས་པ་ཆེན་པོ་ཉིད་ཆོ་འཕྲུལ་དབང་གི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འདི་སྐད་ཅེས་བཀའ་སྩལ་ཏོ། །སེམས་ཅན་བསམ་པའི་དབང་གིས་ན། །རྟ་དང་གླང་པོ་མ་ཧེ་དང་། །རྔ་མོ་རི་བོང་ཁལ་རྣམས་བཞིན། །ཕན་དང་ནུས་དང་བལྟ་དང་ཞུགས། །སྤྱི་ཡི་དབང་དང་ནང་གི་དབང་། །གསང་བའི་དབང་དང་ཐབས་ཀྱི་དབང་། །ཇི་ལྟར་གསུངས་ཀྱང་རྣམ་པ་བཞི། །བུམ་པའི་དབང་དང་གསང་བའི་དབང་། །ཤེས་རབ་ཡེ་ཤེས་མཆོག་དབང་དང་། །དེ་བཞིན་བཞི་པའི་དབང་དུ་གསུངས། །དང་པོ་དབང་གི་བསྐུར་ས་ནི། །སེམས་ཅན་རྟོག་པ་ཟློག་པའི་ཕྱིར། །དམངས་ཀྱི་རིགས་ལ་བུམ་པ་བཞག །བྲམ་ཟེའི་རིགས་ ― DNG021_Page_0172 ―
[མ་དཔེ་གཟིགས་ན་འདིར་གནོན།]
ལ་གསང་དབང་སྟེ། །རྗེ་ཡི་རིགས་ལ་ཤེས་རབ་དབང་། །དེ་བཞིན་རྒྱལ་པོ་བཞི་པ་སྟེ། །རིམ་པ་དེ་བཞིན་ཤེས་པར་བྱ། །གལ་ཏེ་ཆ་རྐྱེན་གཅིག་གྱུར་ན། །གང་ལ་དམིགས་པ་དེ་བཞིན་བྱ། །ཞེས་གསུངས་སོ། །དེ་ནས་ཡང་རྡོ་རྗེ་སེམས་དཔའ་འཁོར་དང་བཅས་པས། བཅོམ་ལྡན་འདས་ལ་མུ་ཏིག་དཀར་པོའི་མེ་ཏོག་གིས་མཆོད་ཅིང་། བསྐོར་བ་ལན་དུ་མར་བྱས། ཕྱག་འཚལ་ཏེ་འདི་སྐད་ཅེས་གསོལ་ཏོ། །རྣལ་འབྱོར་གཅིག་གི་དོན་བྱེད་ན། །གསང་བ་དང་ནི་གསང་ཆེན་དང་། །ཡེ་ཤེས་སྙིང་པོའི་དོན་ཆེན་དང་། །དེ་བཞིན་བཞི་པ་ཇི་ལྟར་བསྐུར། །དེ་ནས་ཡང་དགྱེས་པ་ཆེན་པོས་འདི་སྐད་ཅེས་གསུངས་སོ། །ཡན་ལག་ལུས་ནི་བཤན་པ་སྟེ། །དྲ་བ་ཅན་ལ་བུམ་པ་སྦྱིན། །ངག་གི་ལས་ནི་བྲམ་ཟེ་སྟེ། །འཇིག་རྟེན་ཅན་ལ་གསང་བ་སྦྱིན། །སེམས་ཀྱི་ལས་ནི་རྗེའུ་སྟེ། །ལྷན་ཅིག་སྐྱེས་ལ་ཤེས་རབ་དབང་། །ཡོན་ཏན་ཕྲིན་ལས་རྒྱལ་པོ་སྟེ། །ཀུན་ཀ་ཚོགས་ལ་བཞི་པ་བསྐུར། །ཞེས་གསུངས་སོ། །དེ་ནས་ཡང་འདི་སྐད་ཅེས་ཆེད་དུ་བརྗོད་པ་འདི་བརྗོད་དོ། །བུམ་པའི་དབང་ཞེས་བྱ་བ་ལ། །བདག་པོའི་དབང་དང་རྣམ་པ་ལྔ། །གསང་བའི་དབང་ཞེས་བྱ་བ་ལ། །ལུས་དང་ཡིག་འབྲུའི་སྦྱོར་བ་དང་། །རྩ་དང་ཡིག་འབྲུའི་སྦྱོར་བ་དང་། །རླུང་དང་ཡིག་འབྲུའི་སྦྱོར་བ་དང་། །སེམས་དང་ཡིག་འབྲུའི་སྦྱོར་བ་དང་། །ག་ཡང་གང་དུ་གཟུང་བར་བྱ། །གསང་བ་དེ་ནི་དམ་པའོ། །ཤེས་རབ་ཡེ་ཤེས་དབང་ཞེས་པ། །ཤེས་རབ་མ་ཡིན་མཚན་ཉིད་དེ། །ལུས་ཀྱི་རི་བོ་དགོན་པ་འདྲ། །རི་བྲན་ཅ་ཅོ་ཆུ་ཡིས་སྤྲས། །ཆུ་མིག་བཀོད་མ་དགུ་དང་ལྡན། །སྤྲོས་དང་ལྡན་པའི་དྲི་དང་བཅས། །རྩི་ཤིང་ནགས་ཚལ་སྤོས་ཀྱིས་བརྒྱན། །ལོ་གྲངས་བཅུ་དྲུག་བཅུ་གཉིས་དང་། །བཅུ་དང་ཉི་ཤུར་ཤེས་པར་བྱ། །མིག་ནི་དཀར་ནག་ཕྱེད་པ་དང་། །སྨིན་མ་ཕྲ་ལ་དཀྱུས་རིང་དང་། །སྣ་རྩེ་དྲང་ཞིང་སྐེད་པ་ཕྲ། །རིང་ཐུང་མ་ཡིན་ཚད་མའི་ལུས། །སྨད་དང་སྟོད་ནི་ལྡན་པར་མཉམ། །པདྨ་ཟབ་ལ་གེ་སར་རིང་། །ནུ་མ་སྲ་ཞིང་ཤ་རྩི་དཀར། ། ― DNG021_Page_0173 ―
[མ་དཔེ་གཟིགས་ན་འདིར་གནོན།]
ངག་ནི་འཇམ་ལ་གཞོན་ནུ་འདྲ། །དད་པ་ཆེ་ལ་མང་དུ་ཐོས། །དེ་ལྟ་བུ་ནི་ཡོངས་སུ་བཟུང་། །འབྱུང་བ་བཞི་ཡི་མཚན་ཉིད་ཀྱིས། །བསྡུ་བ་རྣམ་བཞིའི་དོན་དང་མཐུན། །དེ་ལ་དགའ་བ་ལུས་ཀྱིས་སྐྱེ། །བདེ་ཆེན་འཁོར་ལོའི་རང་བཞིན་ནི། །རྒྱལ་བ་ཀུན་གྱི་བྱང་ཆུབ་སེམས། །ཁ་བ་ལྟ་བུའི་རང་བཞིན་དེ། །མཁས་པས་སྤྱན་དྲང་གཉིས་མེད་བསྡིམ། །དགའ་བཞི་ལུས་ཀྱིས་བསྐྱེད་པ་ཡིན། །མཐའ་གཉིས་མི་འགྲོ་བ་ཡི་དབང་། །སྤྲུལ་པའི་འཁོར་ལོར་ཕྱིན་པའི་ཚེ། །དགའ་བ་དང་པོ་ཞེས་སུ་བཤད། །རྡོ་རྗེའི་འཆང་གཟུང་ནང་དུ་ཕྱིན་པའི་ཚེ། །མཆོག་ཏུ་དགའ་བ་ཞེས་སུ་བཤད། །བུམ་པའི་ནང་དུ་ཕྱིན་པའི་ཚེ། །རང་བཞིན་དགའ་བ་ཞེས་བྱའོ། །དེ་ལས་འདས་ན་བྲལ་བ་སྟེ། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཞེས་གསུངས་སོ། །དེ་ནས་ཡང་ཆེད་དུ་བརྗོད་པ་འདི་ཆེད་དུ་བརྗོད་དེ། བུམ་པའི་དམ་ཚིག་གང་ཡིན་པ། །བསྐྱེད་པའི་རིམ་པ་བརྟག་པ་དང་། །རྨོངས་པ་རྣམས་ལ་མི་བྱ་སྟེ། །སྣོད་ཀྱི་ལོ་ཀ་གཞལ་ཡས་ཁང་། །བཅུད་ཀྱི་འཇིག་རྟེན་ལྷ་ཡི་མཆོག །དེ་ནི་བུམ་པའི་དམ་ཚིག་ཡིན། །གང་ཞིག་གསང་བ་སྟོན་པ་ལ། །གསང་བའི་དམ་ཚིག་འདི་ཡིན་ཏེ། །བུད་མེད་ཤེས་རབ་རང་བཞིན་ཏེ། །ཙཎྜ་ལི་ལ་རྟག་ཏུ་བསྒོམ། །ཟས་ལྔ་རྟག་ཏུ་བཟའ་བར་བྱ། །སྤྱད་པར་བྱ་བའི་མཆོག་ཡིན་ནོ། །ཡེ་ཤེས་ཆེན་པོའི་དམ་ཚིག་ནི། །མོ་རྣམས་ཀུན་ལ་སྤྱད་པ་དང་། །དགའ་བ་རྟག་ཏུ་བསྟེན་པར་བྱ། །སེམས་ཀྱང་དྷཱུ་ཏིར་བལྟ་བར་བྱ། །ཡེ་ཤེས་སྙིང་པོའི་དམ་ཚིག་གོ། །དེ་ལྟ་བུ་དང་མི་ལྡན་ནི། །དབང་དང་དམ་ཚིག་ཀུན་ལས་འདས། །བསྒྲུབས་ཀྱང་འགྲུབ་པར་མི་འགྱུར་ཏེ། །སྔགས་པས་བྱ་བ་གང་ཡང་མེད། །སྔགས་པ་སྔགས་པ་ཞེས་བྱ་བ། །རྩ་བ་དང་ནི་ཡན་ལག་དང་། །ཁྱད་པར་དམ་ཚིག་གང་ཡིན་དང་། །ཤིན་ཏུ་དབང་གི་དམ་ཚིག་དང་། །རྩ་དང་རླུང་གི་དམ་ཚིག་དང་། །བྱང་ཆུབ་སེམས་ཀྱི་གཞག་པ་རྣམས། ། ― DNG021_Page_0174 ―
[མ་དཔེ་གཟིགས་ན་འདིར་གནོན།]
གང་ཞིག་བཞག་པ་སྔགས་པ་ཡིན། །དེ་ལ་མཆོག་གི་དངོས་གྲུབ་བབས། །མྱུར་དུ་བླ་ན་མེད་པ་ཐོབ། །དེ་ལྟར་བླ་མ་ལུང་ལྡན་ལ། །གསེར་ལ་སོགས་པའི་ཡོ་བྱད་དང་། །རང་གི་ལུས་དང་ནོར་གྱི་དབྱིག །མ་སྲིང་མོ་རྣམས་བརྒྱན་པ་དང་། །གྲོང་དང་གྲོང་ཁྱེར་བཅས་པ་རྣམས། །དམིགས་པ་མེད་པའི་སེམས་ཀྱིས་ནི། །དེ་དང་མཉམ་པ་ཁོ་ནར་དབུལ། །དེ་ལྟར་འབུལ་བྱེད་སློབ་མ་ལ། །བླ་མ་ལུང་ལྡན་དེས་ཀྱང་ནི། །བཞི་པའི་དོན་ཉིད་སྦྱིན་པར་བྱ། །ཆོས་དང་ལམ་དང་ཐབས་རྣམས་དང་། །རང་བཞིན་དང་ནི་དེ་རྣམས་ཡུལ། །རྣམ་པ་དྲུག་པོ་བསྒྲིམས་ལ་གཏད། །དེ་ནི་བསམ་པའི་ཁོག་ཡིན་པས། །གང་ཞིག་དེ་ལ་མི་གནས་ན། །དམུས་ལོང་ལམ་མཁན་བྱེད་པ་སྟེ། །གྱུར་ན་འབྲས་བུ་འབྱིན་མི་ནུས། །དེ་ལྟར་གང་ལ་མི་གནས་ན། །ས་བོན་མེ་ཡིས་ཚིག་པ་བཞིན། །ཏཱ་ལའི་ཤིང་ནི་མགོ་བཅད་བཞིན། །འབྲས་བུ་མེད་ཅིང་རླག་པར་འགྱུར། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ། སངས་རྒྱས་མདུད་པའི་རྒྱུད་ལས། དབང་གི་གླེང་གཞི་དང་། དབང་སྐུར་བའི་གནས་དང་དམ་ཚིག་བསྟན་པའི་ལེའུ་སྟེ་བདུན་པའོ།། །།དེ་ནས་དགྱེས་པ་ཆེན་པོ་དེས་འབུར་ལྕོག་ལས་རྡོ་རྗེའི་ལམ་དུ་བྱོན་ནས། དེ་ནས་སྤྲུལ་པའི་འཁོར་ལོར་བསྐོར་བ་ལན་གསུམ་མཛད་ནས། དེ་ནས་ཐུགས་ཀྱི་འཁོར་ལོར་ཕྱིན་ཏེ། བསྐོར་བ་ལན་གསུམ་མཛད་ནས་དེ་ནས་ལོངས་སྤྱོད་ཀྱི་འཁོར་ལོར་ཕྱིན་ཏེ། ཡང་བསྐོར་བ་ལན་གསུམ་མཛད། དེ་ནས་བདེ་བ་ཆེན་པོར་བསྐོར་བ་ལན་གསུམ་མཛད། དེ་ནས་འབར་འཛིན་དང་པོ་ནས་བྱང་ཆུབ་ཀྱི་སེམས་ཀྱི་ཐིག་ལེ་དེ་འོག་མིན་རྡོ་རྗེའི་དབྱིངས་སུ་འོད་ཟེར་གྱི་ཚུལ་དུ་གཤེགས་ནས། དེར་ཁྲོ་བོའི་གར་དགུ་དང་བཅས་ནས་ཀཱི་ལ་ཡ་ཆེན་པོ་དེ་ཞལ་གསུམ་ཕྱག་དྲུག་ཞབས་བཞི་དུར་ཁྲོད་ཀྱི་ཆས་དང་ལྡན་པར་བཞེངས་ཏེ། ལོངས་སྤྱོད་ཀྱི་འཁོར་དམ་པ་རིགས་ལྔ་ཡབ་ཡུམ་ལ་སོགས་པ་ལ་འདི་སྐད་ཅེས་བཀའ་སྩལ་ཏོ། །རྫོགས་པའི་རིམ་པ་འདོད་པ་ཡིས། ། ― DNG021_Page_0175 ―
[མ་དཔེ་གཟིགས་ན་འདིར་གནོན།]
རྣལ་འབྱོར་ཐབས་ལྡན་རྣམས་ཀྱིས་ནི། །བསྐྱེད་པའི་རིམ་པ་རྨང་ནས་བརྩིགས། །ཞེས་གསུངས་སོ། །དེ་ནས་སེང་གེ་རྣམ་པར་བལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། །དངོས་པོ་མེད་ལས་དངོས་པོར་གྲགས། །དངོས་རྣམས་ཉིད་ན་དངོས་མེད་པའོ། །དངོས་པོའི་ཚིག་ལ་དངོས་པོ་སྟེ། །རི་རྩེ་གངས་ཕུགས་གཡའ་རྩེ་འམ། །བྲག་དང་ཆུ་འཐབ་དུར་ཁྲོད་དམ། །སྡོང་གཅིག་ཤིང་ངམ་བྲག་ནག་གམ། །ཡང་ན་ཉམས་དགའི་གནས་སུ་བྱའོ། །ས་ཡི་རོ་རྣམས་མེད་པ་རུ། །སྔོན་གྱི་ལས་རྣམས་ཚང་བྱས་ཏེ། །མཎྜལ་འདོམ་གང་གྲུ་བཞི་བརྩིགས། །སྐྱང་ནུལ་ཆག་ཆག་གོ་མ་ཡེ། །ཚོན་དང་སྲད་བུ་བྱིན་གྱིས་བརླབས། །གནམ་ཐིག་ས་ཐིག་གཤེར་ཐིག་གསུམ། །བྱེ་བྲག་སོ་སོར་ཤེས་པར་བྱ། །ཤེས་རབ་མ་ཡིས་ཐིག་སྐུད་བཟུང་། །མཚམས་དང་སྟེང་འོག་ཚུལ་བཞིན་བྱ། །ཐིག་ཆེན་རྣམ་པ་བརྒྱད་དུ་བཏབ། །འཁོར་ལོ་རྩིབས་བརྒྱད་ཨེ་རུ་བཅས། །ཟླ་གམ་གསུམ་དང་རྩིབས་དང་བཅས། །བར་ཁྱམས་སྒོ་ཁྱམས་གཉིས་སུ་བཏང་། །སྒོ་རྒྱན་ཡ་ཕུབ་རྟ་བབས་དང་། །དྲ་བ་དྲ་ཕྱེད་དྲ་བ་དང་། །རྒྱན་གྱི་རྣམ་པ་ཐམས་ཅད་བྱའོ། །འབར་བའི་འཁོར་ལོ་རྩིབས་བརྒྱད་ལ། །རྣམ་པར་རྒྱལ་བ་ལ་སོགས་པ། །ཤར་ནས་བརྩམ་སྟེ་དགོད་པར་བྱ། །དབུས་ཀྱི་ཨེ་ལ་བདུད་འདུལ་ཏེ། །མདུན་རྒྱབ་གཡས་གཡོན་སྟ་ཟུར་བཞི། །སྟེང་འོག་ཁྲོ་བོ་ཕྲ་མེན་བཞི། །རིམ་པ་བཞིན་དུ་དགོད་པར་བྱའོ། །དེ་ཡི་འཁོར་ལོའི་གོང་རས་ལས། །ཕྲ་མེན་བྱིན་པོ་དགོད་པར་བྱ། །ཟླ་གམ་ལ་ནི་སྲས་མཆོག་གསུམ། །ཁྱམས་ལ་ཀོའུ་སེང་སྤེལ་མར་དགོད། །སྒོ་བཞིར་སྲུང་མ་བཅུ་གཉིས་དགོད། །ལྕགས་རི་ལ་ནི་དབང་ཕྱུག་མ། །དེ་ལྟར་དཀྱིལ་འཁོར་རྫོགས་པ་དང་། །བྱིན་གྱིས་བརླབས་པའི་ཕུར་བུ་ཀུན། །བྱེ་བྲག་སོ་སོར་ཤེས་པར་བྱ། །དང་པོ་ཆོས་སྐུར་བྱིན་བརླབས་དང་། །དེ་ནས་སྤྲུལ་སྐུར་བྱིན་གྱིས་བརླབས། །དེ་ནས་ལོངས་སྐུར་བྱིན་བརླབས་དང་། །སྐུ་མཆོག་སྤྲུལ་སྐུ་མངོན་བྱང་ཆུབ། །དེ་ནས་བྱིན་བརླབས་དབང་བསྐུར་བྱའོ། །མཚམས་ཀྱི་ཕུར་པ་མངའ་གསོལ་བའི། ། ― DNG021_Page_0176 ―
[མ་དཔེ་གཟིགས་ན་འདིར་གནོན།]
ཕུར་པ་བཅུ་ཡང་བྱིན་གྱིས་བརླབས། །སྒྲུབ་པའི་ཕུར་པ་རེ་རེ་ལ། །དར་གྱི་ཅོད་པན་རེ་རེ་བཏགས། །སྤྱན་དྲང་བཞུགས་གསོལ་གཉིས་མེད་བསྡིམ། །བྱུག་བདུག་བརྡེག་པའི་ལས་རྣམས་བྱ། །དེ་ནས་མཎྜལ་སྟེང་དུ་དགོད། །འཕྲོ་འདུ་ལས་ཀྱི་བསྙེན་པ་ཡིས། །ཡུངས་ཀར་ཉིང་ལ་སྔགས་བཟླས་ལ། །གཟུངས་ཐག་འཐེན་ལ་བསྡིམ་པར་བྱ། །སྟོང་ཚིག་མཆོད་པ་བར་བར་བྱ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ་སངས་རྒྱས་མདུད་པའི་རྒྱུད་ལས། དཀྱིལ་འཁོར་བཅའ་གཞི་བསྟན་པའི་ལེའུ་སྟེ་བརྒྱད་པའོ།། །།དེ་ནས་ཡང་བཅོམ་ལྡན་འདས་བཛྲ་ཀཱི་ལ་ཡ་ཆེན་པོས་ཆེད་དུ་བརྗོད་པ་འདི་ཆེད་དུ་བརྗོད་དོ། །དབུ་མ་ཆེན་པོའི་རང་བཞིན་ཏེ། །སུས་ཀྱང་མཐོང་བར་མི་ནུས་ཏེ། །སངས་རྒྱས་ཀྱིས་ཀྱང་མི་གཟིགས་པས། །རང་བྱུང་ཡེ་ཤེས་གནས་མེད་སྣང་། །དེ་ཡི་ཕྱིར་ན་རང་བཞིན་མེད། །མེད་ལས་མེད་པའི་འབྲས་བུ་འབྱུང་། །ཡོད་དམ་མེད་པ་གཉིས་མེད་པས། །རྟོག་མེད་དབུ་མ་ཞེས་བྱའོ། །དེ་ཡི་རང་བཞིན་ཁོ་ནའོ། །བརྗོད་པའི་རང་བཞིན་ཅི་ཡང་མེད། །དབང་པོའི་ཡུལ་དུ་གང་གྱུར་པ། །དེ་དག་ཚད་མ་མ་ཡིན་ནོ། །ཆོས་རྣམས་ཀུན་གྱི་ཆོས་ཉིད་ནི། །སྐྱེ་བ་མེད་ཅིང་འགག་པ་མེད། །རྟག་དང་ཆད་པ་ཡོད་མིན་ཏེ། །མཐོང་བའི་བློས་ནི་བསླད་པ་མིན། །དེ་དག་རྟོགས་ན་འཁོར་བ་རྟོགས། །མྱ་ངན་འདས་པ་རློམ་སེམས་མེད། །དེ་བཞིན་ཉིད་ལ་གནས་བཅས་ན། །གཡོ་དང་མི་གཡོ་རྣམ་པར་དག །གཟུང་དང་འཛིན་པ་རྣམ་པར་དག །སྤྲོས་པ་མེད་ཅིང་རྣམ་པར་དག །བརྗོད་མེད་རྣམ་པར་མི་རྟོག་པའང་། །ཆོས་རྣམས་ཀུན་གྱི་སྒྲ་རྣམས་ནི། །ཡི་གེ་མེད་པའི་གསུང་མཆོག་སྟེ། །སྒྲ་ཡིག་རྣམ་པར་སྤངས་ནས་ནི། །སེམས་ཀྱི་རྒྱུ་བ་ཕྲ་བ་འགག །དེ་ནི་རང་བཞིན་ལྟ་བ་ཞེས། །ཤེས་རབ་བློ་ཡིས་མཐོང་བར་གྱིས། །བླུན་པོ་རྣམས་ཀྱིས་མི་མཐོང་སྟེ། །མཐོང་བ་རྣམས་ནི་མངོན་སངས་རྒྱས། །གང་ཞིག་ ― DNG021_Page_0177 ―
[མ་དཔེ་གཟིགས་ན་འདིར་གནོན།]
བསླབ་པར་འདོད་པ་ཡིས། །སྤྲོས་པའི་མཐའ་ལ་ཤེས་པར་གྱིས། །དེ་ལྟར་མངོན་པར་རྟོགས་ནས་ནི། །སངས་རྒྱས་གུད་དུ་མ་ཚོལ་ཅིག །གལ་ཏེ་བླུན་པོས་ཚོལ་བྱེད་ན། །གླང་པོའི་རྗེས་ནི་ཚོལ་བ་སྟེ། །གླང་པོ་རྙེད་ནས་གླང་པོ་ཚོལ། །རང་ལ་རང་བྱུང་ཡོད་བཞིན་དུ། །རང་བྱུང་གཞན་དུ་ཚོལ་བ་ལྟར། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ་སངས་རྒྱས་མདུད་པའི་རྒྱུད་ལས། སྤྲོས་པ་རང་བཞིན་གྱིས་གནས་པའི་ལེའུ་སྟེ་དགུ་ པའོ།། །།དེ་ནས་ཡང་སྙིང་པོ་སྔགས་ཀྱི་རིམ་པས་དཀྱིལ་འཁོར་གསལ་བར་བསྐྱེད་པ་འདི། རྫོགས་པར་བྱ་བའི་ཕྱིར་ཏིང་ངེ་འཛིན་གྱིས་དཀྱིལ་འཁོར་འདི་ཆེད་དུ་བརྗོད་པ་འདི་ཆེད་དུ་བརྗོད་དོ། །དེ་ཡང་སྐུ་གསུང་ཐུགས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་ནས། དོན་ཐམས་ཅད་ཐུགས་སུ་ཆུད་ནས་བརྗོད་པའོ། །ནམ་མཁའི་ཁམས་ཀྱི་དཀྱིལ་འཁོར་དུ། །སངས་རྒྱས་གཞལ་ཡས་རྫོགས་པ་ལ། །འཁོར་བའི་ལྟེ་བ་གང་ཡིན་ལ། །ཉི་མ་ཟླ་བ་ཀུ་བེར་དང་། །པདྨ་ལ་སོགས་གདན་སྟེངས་སུ། །ཞེ་སྡང་ཁྲོ་བོའི་རང་བཞིན་སྟེ། །འཇིགས་བྱེད་རྡོ་རྗེ་གཞོན་ནུ་ནི། །ཞལ་གསུམ་པ་ལ་ཕྱག་དྲུག་སྟེ། །གཡས་པ་དཀར་ཞིང་གཡོན་པ་དམར། །རྩ་བའི་ཞལ་ནི་མཐིང་ནག་ལ། །དང་པོ་རྩེ་དགུ་མེ་དཔུང་འབར། །བར་མ་རྩེ་ལྔ་ཁ་ཊྭཱཾ་ག །ཐ་མ་རི་རབ་ཕུར་བུ་འདྲིལ། །སྐུ་སྟོད་གླང་ཆེན་ཀོ་རློན་དང་། །སྐུ་སྨད་སྟག་གི་ཤམ་ཐབས་ཅན། །མི་དཔུང་གཡོན་པ་རིག་མ་འཁྱུད། །དབུ་ལ་ཐོད་ཕྲེང་སྐམ་པོ་དང་། །ཐོད་རློན་རྣམས་ཀྱིས་དོ་ཤལ་བྱས། །མེ་ཡི་རུས་པའི་རྒྱན་དང་བཅས། །ཕྱག་དང་སྙན་ཆ་ལ་སོགས་པ། །བྲང་གིས་འགྲོ་བ་ཆེན་པོས་བརྒྱན། །དོམ་དྲེད་པགས་པས་དཀྲིས་པ་དང་། །མི་སྡུག་འཇིགས་སུ་རུང་བ་ཉིད། །སྨིན་མ་སྨ་ར་མིག་ཀྱང་སེར། །ཞལ་གདངས་མཆེ་གཙིགས་ལྗགས་ཀྱང་འདྲིལ། །ཐོད་ཁྲག་འཐུང་ཞིང་ཧ་ཧར་བཞད། །ཞིང་ལ་འབྲུ་ཚུགས་བལྟས་ནས་ནི། །ཞལ་ནས་ཁྲག་འབབ་ཧི་ཧི་བཞད། །ཞག་གི་ཐིག་ལེ་ ― DNG021_Page_0178 ―
[མ་དཔེ་གཟིགས་ན་འདིར་གནོན།]
ཚོམ་བུར་བྱས། །ཐལ་བ་རཀ་ཏས་མཚན་པ་དང་། །འཇིགས་པའི་དཔུང་ཡང་ཟློག་པར་བྱེད། །ཕྱག་རྒྱ་ཆེན་པོ་དངོས་པོ་ལས། །ཁྲོ་བོའི་དཀྱིལ་འཁོར་བསྒོམ་པར་བྱ། །སེམས་དཔའ་གསུམ་གྱི་དམ་ཚིག་ལས། །སྙིང་གར་ཡེ་ཤེས་སེམས་དཔའ་གནས། །ཧཱུཾ། དེ་ནས་འདོད་ཆགས་ཆེན་པོ་ཡིས། །གསང་བའི་པདྨ་རྒྱས་མཛད་ནས། །བྱང་ཆུབ་སེམས་ཀྱི་འོད་ཟེར་དག །གསང་བའི་དབྱིངས་སུ་བསྡིམ་པར་བྱ། །བྱང་ཆུབ་སེམས་ཀྱི་སྤྲིན་དག་ལས། །ཁྲོ་བོའི་དཀྱིལ་འཁོར་ཐམས་ཅད་ནི། །ཐུགས་ཀ་ནས་ནི་ཕྱུང་གྱུར་ཏེ། །ཁྲོས་པའི་དཀྱིལ་འཁོར་ཉིད་དུ་བཞུགས། །ཨཱོཾ་བཛྲ་ཀུ་མཱ་ར་མ་ཧཱ་ཀྲོ་དྷ་ཧཱུཾ་ཕཊ། ཨོཾ་ཨཱཿཧཱུཾ་ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། ཨཱོཾ་བཛྲ་ཀྲོ་དྷ་བཱི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷ་ཡ་མཱནྟ་ཏ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡྷ་ཙྪིནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨརྱ་ཨ་ཙ་ལ་ཧཱུཾ། བན་དྷ་བན་དྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་པ་ར་ཛི་ཏེ་ཧཱུྃ། ཏིཥྛ་ཏིཥྛ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། བིན་དྷ་བིན་དྷ་ཧཱུཾ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། སརྦ་ཡོ་གི་ནཱི་ཧ་ཧ་ཨ་ཕཊ་སྭཱ་ཧཱ། དེ་ནས་ཡང་འདི་སྐད་ཅེས་ཆེད་དུ་བརྗོད་པ་འདི་བརྗོད་དོ། །སྟེང་ཕྱོགས་ཧཱུཾ་མཛད་ཀཱ་ར་ནི། །ཞལ་གཡས་སེར་ཞིང་གཡོན་པ་དམར། །དབུས་ཞལ་སྐུ་ནི་དཀར་བའོ། །དང་པོ་གཉིས་ནི་རིག་མ་འཁྱུད། །འཁོར་ལོ་རལ་གྲི་གཡས་པ་སྟེ། །རིན་ཆེན་པདྨ་གཡོན་པའོ། །འོག་ཏུ་སྟོབས་ཆེན་བཞག་པ་ནི། །གཡས་དཀར་གཡོན་དམར་དབུས་སྐུ་ནག །དང་པོ་རིག་མ་འཁྱུད་པ་ལ། །གཡས་པ་ཏྲི་ཤཱུལ་རལ་གྲི་གདན། །གཡོན་པས་རིན་ཆེན་པདྨ་བསྣམས། །རྣམ་པར་རྒྱལ་བ་དཀར་བ་སྟེ། །གཡས་གཡོན་གནག་ཅིང་དམར་པོའི་མདོག །རང་གི་རིག་མ་དང་པོས་འཁྱུད། །དབྱུག་པ་དཀར་པོ་རལ་གྲི་གཡས། །རིན་ཆེན་པདྨ་གཡོན་ན་འཛིན། །ཤར་གྱི་རྩིབས་སུ་གཞག་པར་བྱ། །ལྷོ་ཕྱོགས་གཤིན་རྗེ་འཇོམས་པ་ནི། །ཞལ་གཡས་ ― DNG021_Page_0179 ―
[མ་དཔེ་གཟིགས་ན་འདིར་གནོན།]
གནག་ཅིང་གཡོན་པ་དམར། །རྩ་ཞལ་དབུས་ནི་སེར་པོ་ཉིད། །ཕྱག་གཡས་རང་གི་རིག་མ་འཁྱུད། །གཡས་པ་ཐོད་པ་རལ་གྲི་ལ། །གཡོན་པ་རིན་ཆེན་པདྨའོ། །ནུབ་ཕྱོགས་རྟ་མགྲིན་དབུས་ཀྱི་ཞལ། །དམར་བ་གཡས་དཀར་སྔོ་བ་གཡོན། །ཕྱག་གཉིས་གཡས་པ་རིག་མ་ལ། །པདྨ་དང་ནི་རལ་གྲི་གཡས། །འཁོར་ལོ་རིན་ཆེན་གཡོན་ན་ནི། །བདུད་རྩི་འཁྱིལ་པ་ཞལ་དབུས་ལྗང་། །གཡས་དང་གཡོན་ནི་དཀར་དང་དམར། །དང་པོ་གཉིས་ནི་རིག་མ་ལ། །འཁྱུད་ཅིང་རྒྱ་གྲམ་རལ་གྲི་འཛིན། །རིན་ཆེན་པདྨ་གཡོན་པ་སྟེ། །བྱང་དུ་བརྐྱང་བསྐུམ་ཚུལ་གྱིས་གནས། །མེ་ཡི་ཕྱོགས་སུ་དབྱུག་སྔོན་ཅན། །ཞལ་གཡས་དཀར་ཞིང་གཡོན་པ་དམར། །སྐུ་ཞལ་དབུས་མ་དཀར་ལ་སེར། །དང་པོ་གཉིས་ནི་རིག་མ་འཁྱུད། །གཡས་ན་དབྱུག་པ་རལ་གྲི་སྟེ། །གཡོན་གཉིས་རིན་ཆེན་པདྨའོ། །མི་གཡོ་མགོན་པོ་བདེན་བྲལ་ཕྱོགས། །གཡས་དཀར་གཡོན་དམར་དབུས་སེར་ཞལ། །དང་པོ་གཉིས་ནི་རིག་མ་འཁྱུད། །འཁོར་ལོ་རལ་གྲི་གཡས་པ་ན། །རིན་ཆེན་པདྨ་གཡོན་པས་འཛིན། །དཔལ་ལྡན་གཞན་གྱིས་མི་ཐུབ་པ། །གཡས་པ་དཀར་ལ་གཡོན་པ་དམར། །དམར་ལྗང་དང་པོ་རིག་མ་འཁྱུད། །རྡོ་རྗེ་རལ་གྲི་གཡས་དང་གཡོན། །རིན་ཆེན་པདྨ་འཛིན་པ་སྟེ། །རླུང་གི་མཚམས་སུ་ཡང་དག་གནས། །དབང་པོའི་གྲར་ནི་གཞག་བྱ་བ། །ཁམས་གསུམ་རྒྱལ་བ་ཞལ་གསུམ་པ། །ཞལ་གཡས་དཀར་ལ་གཡོན་པ་དམར། །སྐུ་དང་དབུས་ནི་ལྗང་སྐྱ་ཡིན། །ཕྱག་གཉིས་རིག་མ་འཁྱུད་པ་ལ། །ལྕགས་ཀྱུ་རལ་གྲི་རིན་ཆེན་པད། །གཡས་དང་གཡོན་གྱི་ཕྱག་ཏུ་བསྣམས། །ཁྲོ་བོ་ཆེན་པོ་ཐམས་ཅད་ཀྱང་། །རྒྱན་ཆ་རྡོ་རྗེ་འཇིགས་བྱེད་འདུ། །ཁྲོ་མོ་རྣམས་ཀྱང་རིགས་དང་མདོག །རང་རང་ལག་ཆ་འཛིན་པར་བྱེད། །ཕྲ་མེན་རྣམས་ཀྱི་མདོག་དང་རྒྱན། །ཅིར་ཡང་འགྱུར་ཞིང་སྣ་ཚོགས་ཐོགས། །ཁྲོ་རྒྱལ་ཡེ་ནས་ཡིན་པས་ན། །དེ་བཞིན་ཉིད་ཀྱི་དབྱིངས་ནས་ནི། །ཁྲོ་བོའི་དཀྱིལ་འཁོར་རྣམ་སྤྲོས་ཏེ། །ནམ་མཁའི་དཀྱིལ་དུ་བརྟན་པར་གནས། །དེ་ནས་ ― DNG021_Page_0180 ―
[མ་དཔེ་གཟིགས་ན་འདིར་གནོན།]
དཔལ་ཆེན་ཁྲོ་བོའི་རིགས། །བསྐུལ་བར་བྱ་ཕྱིར་སྔགས་འདི་བརྗོད། །ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧཱུཾ། ཨོཾ་བཛྲ་ས་མ་ཡ་ཧོ། ཞེས་གསུངས་སོ། །དེ་ནས་ཡང་འདི་གསུངས་སོ། །བདག་དང་རྒྱལ་བ་གཉིས་མེད་པའི། །རིགས་ཀྱི་རྒྱལ་མཚན་མི་ནུབ་ཕྱིར། །བདག་གི་སྲས་དང་གཞན་གྱི་སྲས། །བྱང་ཆུབ་སེམས་ཀྱི་ཐིག་ལེ་དེ། །ཧོ་གཉིས་བར་དུ་གཞག་བྱ་སྟེ། །ཆོས་སྐུ་བྱང་ཆུབ་སེམས་སུ་གནས། །སྒྱུ་མའི་ཕྱག་རྒྱ་འོད་འབར་ཏེ། །ཐབས་དང་ཤེས་རབ་ལྡན་བྱས་པ། །བསྙེན་པ་དང་ནི་ཉེ་བར་སྒྲུབ། །སྒྲུབ་པ་སྒྲུབ་པ་ཆེན་པོ་ཡིས། །གསང་བའི་ཕྱག་རྒྱ་རྒྱས་མཛད་དེ། །རྗེས་སུ་སྦྱོར་བ་བརྩམ་པར་བྱ། །དེ་ནས་དཀྱིལ་འཁོར་ཐམས་ཅད་ནི། །ནམ་མཁའི་དབྱིངས་སུ་བརྟན་པར་གནས། །དེ་ཡིས་ཡེ་ཤེས་བརྟན་པར་གནས། །གསང་བའི་བུམ་པ་ལས་བྱུང་བའི། །འཁོར་ལོ་བཞི་ལ་རབ་ཏུ་དམིགས། །གང་ཞིག་འདི་ལ་མོས་འགྱུར་བ། །རྡོ་རྗེ་རིག་པ་འཛིན་པ་སྟེ། །བླ་ན་མེད་པ་འཐོབ་པར་བྱེད། །རྒྱབ་ཀྱིས་ཕྱོགས་ཤིང་འདུན་པ་མེད། །བླུན་པོས་མི་ཤེས་ལོག་པར་བལྟ། །གཤིས་ངན་དུ་ནི་ཤི་གྱུར་ནས། །འོ་དོད་འབོད་ཅིང་ལྟུང་བར་འགྱུར། །དེ་བས་ཐབས་ལ་ཡིད་ཆེས་བྱ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ་སངས་རྒྱས་མདུད་པའི་རྒྱུད་ལས། ཏིང་ངེ་འཛིན་གྱི་དཀྱིལ་འཁོར་དང་། སྙིང་པོ་སྔགས་ཀྱི་རིམ་པ་བསྟན་པའི་ལེའུ་སྟེ་ བཅུ་པའོ།། །།དེ་ནས་བཅོམ་ལྡན་འདས་དཔལ་བཛྲ་ཀཱི་ལ་ཡ་ལ་གསང་བའི་བདག་པོས་འདི་སྐད་ཅེས་གསོལ་ཏོ། །ཀྱེ་ཀྱེ་སངས་རྒྱས་བཅོམ་ལྡན་འདས། །སེམས་ཅན་རྣམས་ལ་ཕན་དོན་དུ། །མྱ་ངན་མི་འདའ་ཐུགས་རྗེའི་ངང་། །མཆོད་པའི་རྣམ་པ་བཤད་དུ་གསོལ། །དེ་ནས་བཛྲ་ཀཱི་ལ་ཡས་མཆོད་པའི་ཆོ་འཕྲུལ་སྤྲིན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སེམས་དཔའ་ཆེན་པོ་ལེགས་སོ་ལེགས་སོ། །དུས་གསུམ་བདེར་གཤེགས་མཆོད་པ་དང་། །སེམས་ཅན་རྣམས་ལ་ཕན་དོན་དུ། །ཕྱི་དང་ནང་དང་གསང་བ་དང་། །དེ་བཞིན་དབྱིངས་ཀྱི་མཆོད་ ― DNG021_Page_0181 ―
[མ་དཔེ་གཟིགས་ན་འདིར་གནོན།]
པ་དང་། །སྣང་སྲིད་ཕྱག་རྒྱའི་མཆོད་པ་དང་། །རིན་ཆེན་སྣ་བདུན་མཆོད་པ་དང་། །ཀུན་ཏུ་བཟང་པོའི་མཆོད་པ་དང་། །ལྷ་མོ་བཞི་ཡི་མཆོད་པ་དང་། །མཆོད་པའི་ཕྱིར་ན་སྤྱན་དྲང་དང་། །ཕྱག་རྒྱ་ཆེན་པོར་གནས་བཅས་ལ། །ནམ་མཁའི་དབྱིངས་ཀྱི་དཀྱིལ་འཁོར་ནས། །དཀྱིལ་འཁོར་ཐམས་ཅད་སྤྱན་དྲང་ངོ་། །ཡང་སྤྲུལ་སུམ་སྤྲུལ་སྐར་ལྟར་འཁྲུགས། །གཅིག་ལ་གསུམ་གསུམ་དྲུག་ཅུར་སྤྲུལ། །སྤྲུལ་པ་རྣམས་ཀྱང་སྤྱན་དྲང་ངོ་། །ཨེ་ཧྱེ་ཧི་བྷ་ག་ཝཱན། ཨོཾ་བཛྲ་ཀྲོ་དྷ་ཤྲཱི་ཧེ་རུ་ཀ །མ་ཧཱ་བཛྲ། ཨཱ་གད་ཏ་ཡ། ཨཱ་གད་ཏ་ཡ། པྲ་བེ་ཤ་ཡ། བྲ་བེ་ཤ་ཡ། བན་དྷ་ཡ། བན་དྷ་ཡ། ཏོ་ཤ་ཡ། ཏོ་ཤ་ཡ། སརྦ་ཌཱ་ཀི་ནཱི་ཧྲི་ད་ཡ་ཧཱུཾ་ཕཊ། དེ་བཞིན་མཆོད་པ་སྣ་ཚོགས་པ། །ཀ་ནིཥྐ་ལ་སོགས་པ་འབུལ། །དེ་བཞིན་མཆོད་པ་བླ་ན་མེད། །སངས་རྒྱས་དངོས་གྲུབ་ཐོབ་བྱའི་ཕྱིར། །རྒྱལ་བ་ཐམས་ཅད་མཆོད་པར་བྱ། །བདུག་པ་མེ་ཏོག་མར་མེ་དང་། །དྲི་ཆབ་བཤོས་གཙང་ཡི་གར་འོང་། །ཚ་བ་གསུམ་དང་སྦྱར་བ་ཡིས། །ཨ་ཀ་རུ་ཡི་དོག་པ་རྣམས། །དཀྱིལ་འཁོར་ཀུན་ལ་མཆོད་པར་བྱ། །དེ་ནས་ནང་གི་མཆོད་པ་འབུལ། །དེ་ནས་གསང་བའི་མཆོད་པ་སྟེ། །ཨོཾ་ཨཱཿཧཱུཾ་མ་ཧཱ་ས་མ་ཡ། ཨརྒྷཾ་པྲ་ཏཱིཙྪ་ཧཱུཾ། སྟོང་པ་ཉིད་ཀྱི་རང་བཞིན་གྱིས། །གདོལ་པའི་ཁང་པ་མེས་བསྲེགས་ནས། །དཀར་པོ་གངས་ཀྱི་རྣམ་པ་ཡང་། །ཅི་འདོད་ལས་རྣམས་འདོད་པ་འགྲུབ། །དེ་བཞིན་ལས་རྣམས་ཐམས་ཅད་དོ། །ཐུགས་རྗེ་ཆེན་པོ་འབྱུང་བར་བྱེད། །བདག་དང་སེམས་ཅན་བསྒྲལ་བའི་ཕྱིར། །རིག་མར་སྦྱར་བའི་མཆོད་པ་ཡིས། །སྦྱོར་སྒྲོལ་ཐམས་ཅད་མཆོད་པར་འབུལ། །དེ་ནས་དམར་གྱི་ཨརྒྷས་མཆོད། །ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་འཁོར་བཅས་སྤྱན་དྲངས་ཏེ། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷ་རྒྱ་མཚོར་བསྐྱིལ། །མཁའ་འགྲོ་འབར་བའི་ཚོགས་ལ་འབུལ། །མ་ལུས་གཤེགས་ནས་བསྣམས་སུ་གསོལ། །རྣལ་འབྱོར་མགོན་པོ་བདག་ཉིད་ཀྱང་། །ཆས་ཀྱང་རབ་ཏུ་གདགས་བྱས་ཏེ། ། ― DNG021_Page_0182 ―
[མ་དཔེ་གཟིགས་ན་འདིར་གནོན།]
མཆོད་པ་ཐམས་ཅད་ནག་པོར་དབུལ། །དེ་ཡིས་དངོས་གྲུབ་ལས་རྣམས་འགྲུབ། །ཅེས་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ ཤེས་ཐམས་ཅད་འདུས་པ། སངས་རྒྱས་མདུད་པའི་རྒྱུད་ལས། མཆོད་པའི་སྤྲིན་རྣམ་པར་རོལ་པ་ཞེས་བྱ་བའི་ལེའུ་སྟེ་བཅུ་གཅིག་པའོ།། །།དེ་ནས་ཡང་དེ་བཞིན་གཤེགས་པ་དཔལ་ཀཱི་ལ་ཡ། བདག་ཉིད་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་རྣམས་ལ་འདི་སྐད་ཅེས་བཀའ་སྩལ་ཏོ། །བདག་དང་གནས་དང་དུས་དག་དང་། །བཟླས་པ་དང་ནི་གཟུགས་རྣམས་དང་། །དེ་ལྟར་རྫས་ཀྱི་རྣམ་པ་དང་། །བསྙེན་པ་དང་ནི་ཉེ་བསྙེན་དང་། །དེ་བཞིན་སྒྲུབ་དང་སྒྲུབ་པ་ཆེ། །བདག་དོན་དང་ནི་གཞན་དོན་དང་། །རྣལ་འབྱོར་མཁས་པའི་ཕྲིན་ལས་སོ། །གཞན་ཡང་ཡང་དག་འདི་བསྟན་བྱ། །ཉེས་པའི་དོན་གཉེར་རྣལ་འབྱོར་ལ། །ཚེ་སྲོག་བར་དུ་གཅོད་བྱེད་ལ། །གདབ་པའི་གནས་ནི་གང་ཡིན་པ། །སྤྱི་བོ་མགྲིན་པ་སྙིང་ག་དང་། །ལྟེ་བའི་དཀྱིལ་དུ་གདབ་པར་བྱ། །སྐུ་གསུང་ཐུགས་ཀྱི་སྲས་མཆོག་དང་། །དེ་བཞིན་དཔལ་གྱི་ཕུར་པས་གདབ། །གང་ལ་བྱ་བའི་གཟུགས་བརྙན་ལ། །ཞིང་གི་རས་སམ་གྲོ་གའི་ཤུན། །ར་ཡི་ཁྲག་གིས་མིང་བྲིས་ལ། །གཟུགས་ཀྱི་སྙིང་ག་དག་ཏུ་བསླན། །ཤར་ལྷོ་མཚམས་སུ་འབྲུབ་ཁུང་རྒྱ། །ཁ་ཁྱེར་རྣམ་པ་གསུམ་དང་ལྡན། །ཏིལ་ནག་པོ་ལ་གཞི་བྱས་ལ། །གན་རྐྱལ་དག་ཏུ་གཞག་པར་བྱ། །ལྷོ་ནུབ་མགོ་ལ་བྱང་ཤར་རྐང་། །ཁར་ནག་སྒྲིལ་མའི་བྱད་དུ་གཞུག །དྲག་པོའི་ཕུར་པ་དག་ལ་བརྟོད། །མངག་གཞུག་ལས་རྣམས་གཞོལ་བའི་ཕྱིར། །མ་མོ་མཁའ་འགྲོ་སྲུང་མ་ལ། །མཆོད་པ་རྫོགས་དང་བ་ལིཾ་གསོ། །དགུག་པ་གསུམ་གྱིས་རབ་ཏུ་དགུག །གདབ་པ་གསུམ་གྱིས་མོས་པ་བྱ། །ཁྲོ་བོ་ཧཱུཾ་བཞིའི་སྦྱོར་བ་ཡིས། །སྙིང་གར་ཉི་མའི་དཀྱིལ་འཁོར་ལ། །ཡི་གེ་ཛ་ནི་ཁ་བརྒྱད་པ། །འོད་ཟེར་ལྕགས་ཀྱུའི་ཚུལ་དུ་བཞག །དེ་ཡིས་དྲངས་སམ་བཀུག་ནས་ནི། །གཟུགས་སམ་རི་མོ་དེ་ལ་བསྡིམ། །ཕྱག་རྒྱ་བཞི་དང་སྔགས་ ― DNG021_Page_0183 ―
[མ་དཔེ་གཟིགས་ན་འདིར་གནོན།]
བཞི་ཡིས། །དགུག་པ་དང་ནི་བསྡམ་པ་དང་། །དེ་བཞིན་བཅིང་དང་དགའ་དག་བྱ། །ཛཿཧཱུཾ་བཾ་ཧོཿ། བཛྲ་ཨཾ་ཀུ་ཤ་ཛ་ཛ་ཛཿ། ཛཿཧཱུཾ་བཾ་ཧོཿ། པྲ་བེ་ཤ་ཡ་ཧཱུཾ། ཨཱ་བེ་ཤ་ཡ་ཨ་ཨཱ། ཡང་ན་གཟུགས་བརྙན་འདི་ལྟར་བྱ། །ཐལ་བ་སྐྱེ་ཚེ་ལན་ཚྭ་དང་། །ཁྲེ་དང་ཇུ་ཚེ་སྲུབ་མའི་ཡོ། །ཕུག་མ་གྲོག་མཁར་ས་རྣམས་ལ། །རཀྟ་བདུད་རྩིས་སྦྲུས་ནས་ཀྱང་། །སྨུག་ནག་སྙིང་གར་མིང་རུས་གདགས། །བཀུག་ནས་ཕེབས་པར་གྱུར་པ་དང་། །གུ་གུལ་ཚིལ་ཆེན་བདུག་པ་དང་། །ཕྱེ་མ་གསུམ་གྱི་སྦྱོར་བ་བྱ། །ནག་པོ་དུག་ལས་བྱས་པ་ཡིས། །གཏོར་མ་རྣམས་ཀྱང་ཟ་རུ་གཞུག །ཕྲ་མེན་དང་ནི་མགྱོགས་མ་ལ། །བ་ལིཾ་བྱིན་ལ་ལས་རྣམས་བཅོལ། །ཀུན་ཏུ་མགྱོགས་པར་སོང་ནས་ནི། །གློ་སྙིང་འདྲེན་ཅིང་དབང་པོ་ཐོགས། །མྱོས་ཙམ་དུ་དུ་རབ་བྱས་ནས། །བསྟོད་པ་བྱས་ལ་གཉིས་མེད་བསྡིམ། །དེ་ནས་གསད་པའི་བཟླས་པ་བྱ། །བདག་གི་ལས་ཀྱི་ཏིང་འཛིན་ཞུགས། །སྙིང་གར་ཉི་མའི་དཀྱིལ་འཁོར་བསམ། །དེ་ནས་བཟླས་པའི་སྙིང་པོ་བསམ། །ཧཱུཾ་ཡིག་རྣམ་པར་བསམས་ནས་ནི། །ཕུར་པ་ཁྲོ་བོ་ཅི་འདྲ་བས། །ཕྱོགས་བཅུ་དག་ཏུ་དོན་བྱས་ནས། །འགྲོ་དོན་དམ་རྣམས་རྫོགས་མཛད་དེ། །སླར་འདུས་ཕུར་པ་ཉིད་ལ་ཐིམ། །འབུམ་ཕྲག་གཅིག་གམ་ས་ཡ་འམ། །བརྒྱ་རྩ་བརྒྱད་དམ་སྟོང་རྩ་བརྒྱད། །བཟླས་ཏེ་སྟོང་ཚིག་མཆོད་པ་བྱ། །དེ་ནས་སྤྲུལ་པ་རབ་ཏུ་དགྱེ། །གཉིས་མེད་འདྲེས་པའི་ལིངྒ་ལ། །དགུག་དང་རབ་ཏུ་གཟིར་བར་བྱ། །དཔང་གཟུག་ར་མདའ་བཟློག་པར་བྱ། །ཨོཾ་ལཾ་ཧཱུཾ་ལཾ་སྟྭཾ་བྷ་ནན། མོ་ཧ་གྷ་ཡ། བྷ་ག་བཱན། ཤྲཱི་བཛྲ་ཧཱུཾ་ཀཱ་ར་ཕཊ། བཛྲ་ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོཿ། སརྦ་བིགྷྣཱན། ཀཱ་ཡ་བཱཀྐ་ཙིཏྟ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཧཱུཾ་ཀཱ་ར་ཧཱུཾ། ཨ་ཨ་ཨ། ཛཿཧཱུཾ་བཾ་ཧོཿ། ཨཱ་བེ་ཤ་ཡ་ཨ། ཁྲོ་བོས་མངོན་སྤྱོད་རབ་བྱ་སྟེ། །ཁྲོ་བོས་སྐེ་ནས་བཟུང་ནས་ནི། །གཡས་པའི་ཐོ་བས་བརྡེག་བྱས་ཏེ། །མངོན་སྤྱོད་ཕུར་པ་རབ་ཏུ་བཏབ། །སྔགས་ནི་འདི་སྐད་བརྗོད་པར་བྱའོ། །ཨོཾ་ན་མཿས་མན་ཏ་ཀཱ་ཡ་བཱཀ་ཙིཏྟ་བཛཱ་ཎཱཾ། གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚཱན་ཕཊ། ― DNG021_Page_0184 ―
[མ་དཔེ་གཟིགས་ན་འདིར་གནོན།]
ཀཱི་ལ་ཡ། ཀཱི་ལ་ཡ། སརྦ་པཱ་པཾ་ཕཊ། ཧཱུཾ་ཧཱུཾ་བཛྲ་ཀཱི་ལ་ཡ། བཛྲ་དྷ་རོད་ཨཱཛྙ་པཱ་ཡ་ཏ། སརྦ་བི་གྷ་ནཱན། ཀཱ་ཡ་བཱཀ་ཙིཏྟ། བཛྲ་ཀཱི་ལ་ཡ་ཧཱུཾ་ཕཊ། ཨ་ཀོ་ཊ་ཡ་མུངྒ་ར་ཧཱུཾ་ཕཊ། ཨོཾ་བཛྲ་ཀྲོ་ཏ་ཡཀྴ་ན་ཁ་ཁ་ཁཱ་ཧི་ཁཱ་ཧི། དེ་ནས་གཟུགས་བརྙན་གཏུབ་པར་བྱ། །ཨཱོཾ་ཧྲཱྀཿཤྟྲཱིཿཤཱི་གྷྲཾ་ཨཱ་ན་ཡ་ཧཱུཾ་ཕཊ། བི་ཀྲི་ཏ་ན་ན་ཧཱུཾ་ཕཊ། དེ་ནས་ལས་རྣམས་ཚང་བྱའི་ཕྱིར། །ཧོམ་ཁུང་གྲུ་གསུམ་སྒོ་ཅན་དུ། །རཾ་ཞེས་བྱ་བའི་མེ་སྦར་ཏེ། །མེ་ལྷ་བོས་ལ་ལས་རྣམས་བྱ། །གསོ་བ་གསུམ་དང་གསལ་བ་གསུམ། །རིན་པོ་ཆེ་ཡི་དགོངས་པ་དང་། །གྲུབ་པའི་མཐའ་ནི་བསྟན་པར་བྱ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ། སངས་རྒྱས་མདུད་པའི་རྒྱུད་ལས། ཕྲིན་ལས་ཕུན་སུམ་ཚོགས་པའི་ལེའུ་སྟེ་བཅུ་གཉིས་པའོ།། །།དེ་ནས་བཛྲ་ཀཱི་ལ་ཡ་ཆེན་པོ་དེ། མཉམ་པ་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གཞི་ཡི་ཏིང་ངེ་འཛིན་འདི་གསུངས་སོ། །ལམ་ལྔ་དག་ལ་ཚུལ་བསྟུན་ནས། །ས་རྣམས་མཐའ་རུ་དབྱུང་བའི་ཕྱིར། །ཤེས་རབ་རྣམ་གསུམ་སྦྱོར་བ་ཡིས། །དང་པོ་རྒྱུ་ཡི་ཚོགས་བསྒོམ་སྟེ། །ཡན་ལག་བདུན་དང་གནས་བཞི་བྱ། །དེ་ནས་གཞུང་བཞིན་ལས་རྣམས་བྱ། །དང་པོ་ཏིང་འཛིན་རྣམ་གསུམ་ནས། །སྦྱོར་བ་དང་པོའི་ཏིང་འཛིན་བྱ། །དེ་ནས་དཀྱིལ་འཁོར་རྒྱལ་བ་མཆོག །དེ་ལ་ལས་ཀྱི་རྒྱལ་བ་མཆོག །གཞི་ཡི་དཀྱིལ་འཁོར་ཞེས་བྱ་སྟེ། །ཆོ་ག་རྫོགས་པར་བྱས་ནས་ནི། །བསྒྲུབ་པ་ཆེན་པོ་མཐའ་རུ་དབྱུང་། །ཞེས་གསུངས་སོ། །དེ་ནས་ཡང་འདི་གསུངས་སོ། །དེ་ལྟར་ལས་རྣམས་ཟིན་གྱུར་ནས། །ཕྲ་མོའི་ཐིག་ལེ་བསྒོམ་པར་བྱ། །སྣ་རྩེ་རྣམ་པ་བཞི་རྣམས་སུ། །སོ་སོའི་ཡི་གེ་བསམ་པར་བྱ། །དེ་ནི་གཞི་ཡི་ཕྲ་མོ་ཡིན། །དེ་རྣམས་ཡོངས་སུ་གྱུར་པ་ལས། །མཉམ་པ་ཉིད་དུ་གྱུར་པ་ནི། །ཐིག་ལེ་ཞེས་སུ་བཤད་པ་ཡིན། །དེ་ཡི་ཕྲ་བ་གང་ཡིན་པ། །ནཱ་ད་ཞེས་ནི་བྱ་བ་ཡིན། །ཡིད་ཀྱི་སྐར་ཁུང་ཁ་ཕྱེ་ནས། །སེམས་ཀྱིས་སེམས་ལ་བལྟ་བར་ ― DNG021_Page_0185 ―
[མ་དཔེ་གཟིགས་ན་འདིར་གནོན།]
བྱ། །ཆོས་ཉིད་རྩ་དང་ཡེ་ཤེས་རྩ། །རང་རྒྱུད་རྩ་དང་ཡོན་ཏན་རྩ། །གང་གིས་ཡོངས་སུ་ཤེས་པ་ལ། །ཕྲ་མོའི་ཐིག་ལེ་ནཱ་དར་འཛག །ཅེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ། སངས་རྒྱས་མདུད་པའི་རྒྱུད་ལས། གཞིའི་ཏིང་ངེ་འཛིན་དང་། ཕྲ་ཐིག་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་བཛྲ་ཀཱི་ལ་ཡ་ཆེན་པོ་དེས། མཉམ་པ་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་ནས་ཡང་ཆེད་དུ་བརྗོད་པ་འདི་ཆེད་དུ་བརྗོད་དོ། །ཞི་བ་བླང་དོར་མེད་པའི་ཆོས། །རང་བཞིན་མེད་པའི་ཆོས་ཡིན་ཏེ། །བརྟག་པར་དཀའ་བར་བསྟན་པ་ཡིན། །བརྗོད་པའི་ཐ་སྙད་རྣམས་དང་བྲལ། །འདུས་མ་བྱས་པའི་རང་བཞིན་ཏེ། །སྐྱེ་ཤི་མེད་པའི་ཡུལ་དུ་སྣང་། །དུས་གསུམ་འདུས་མ་བྱས་པ་སྟེ། །ཀུན་ཏུ་འོད་ཀྱི་ས་ཡིན་ནོ། །འདི་ཞེས་བྱ་བའི་དཔེ་ཡང་མེད། །ངས་ཀྱང་མཐོང་བར་མ་ནུས་ན། །མངོན་སུམ་མི་གནས་ཀུན་ལ་ཁྱབ། །གཟུགས་སྐུ་རྣམ་གཉིས་འབྱུང་བས་ན། །ཟད་མི་ཤེས་པའི་གཏེར་དུ་གྱུར། །ཆོས་རྣམས་ཀུན་གྱི་རང་བཞིན་ནི། །སྟོང་པ་ཉིད་ལ་ཐ་མི་དད། །འཁོར་བ་མྱ་ངན་འདས་པ་གཉིས། །བྱེ་བྲག་དབྱེ་བ་གཅིག་ཀྱང་མེད། །དེ་དག་ཉིད་ཀྱི་ཁྱད་པར་ནི། །ཅི་ཡང་ཡོད་པར་མ་གསུངས་སོ། །ཕུང་པོ་ཁམས་དང་སྐྱེ་མཆེད་རྣམས། །རྟེན་ཅིང་འདྲེལ་བར་འབྱུང་བ་ཙམ། །སྟོང་པ་ཉིད་ལས་མ་རྟོགས་པར། །བརྗོད་པ་ཐམས་ཅད་ཐ་སྙད་ཡིན། །དེ་བས་ཆོས་རྣམས་སྟོང་པ་ལ། །བླུན་པོ་རྣམས་ཀྱིས་དེ་མི་མཐོང་། །དེ་ཕྱིར་ཆོས་རྣམས་རང་བཞིན་མེད། །དེ་བཞིན་གཤེགས་པས་མི་གཟིགས་སོ། །ཆོས་རྣམས་བདེ་བར་གཤེགས་པ་འདྲ། །བཙལ་བས་རྙེད་པ་མ་ཡིན་ཏེ། །ཡང་དག་ཉིད་དུ་གང་བལྟ་བས། །ཡང་དག་མཐོང་བར་མི་ནུས་ཏེ། །འགའ་ཡང་མཐོང་བ་མེད་པས་ན། །དེ་ཉིད་མཐོང་བ་ཆེན་པོ་ཡིན། །མྱ་ངན་འདས་པ་སངས་རྒྱས་ས། །གང་གིས་མཐོང་བར་མི་ནུས་ཏེ། །པདྨ་ཅན་གྱི་ཡེ་ཤེས་ཀྱིས། །སྐད་ཅིག་གཅིག་ལ་མངོན་ ― DNG021_Page_0186 ―
[མ་དཔེ་གཟིགས་ན་འདིར་གནོན།]
བྱང་ཆུབ། །ཆོས་རྣམས་དངོས་པོ་གཅིག་ཡིན་པས། །རྣམ་པ་ཐ་དད་དུ་མར་ཡང་། །རྨོངས་པ་རྣམས་ཀྱིས་ལོག་པར་མཐོང་། །འགྲོ་བ་འཁྲུལ་པར་རྒྱར་ཆུད་འདྲ། །གང་གིས་གང་རྟོགས་སེམས་ལ་ནི། །འབྱུང་བ་ལྔ་ཡང་བཅོམ་ལྡན་འདས། །གཅིག་པར་གནས་པས་བཅོམ་ལྡན་འདས། །ཀུན་ལ་ཡོད་པ་བཅོམ་ལྡན་འདས། །སངས་རྒྱས་ཀུན་གྱི་རྒྱུ་ཡིན་པས། །འཁོར་བ་རང་བྱུང་གཞན་ལས་སྨིན། །དེ་བས་སེམས་ཅན་ཐམས་ཅད་ནི། །སངས་རྒྱས་སྙིང་པོ་ཅན་ཞེས་བྱ། །མ་རིག་པ་ཡི་སེམས་ཅན་གྱིས། །འཁོར་བའི་སྡུག་བསྔལ་མྱོང་བར་འགྱུར། །སེམས་ཅན་ཀུན་གྱི་རང་བཞིན་ནི། །ཆོས་ཀྱི་དབྱིངས་ཀྱི་རང་བཞིན་ཏེ། །ཀུན་ལ་ཁྱབ་པའི་ནམ་མཁའོ། །དེ་མ་མཐོང་བས་དེ་མི་མཐོང་། །སྙིང་པོ་ཆོས་ཀྱི་དོན་ལ་ནི། །རྟོག་གེ་བ་ཡིས་མི་རྙེད་དེ། །འགའ་ཡང་བཙལ་བས་མི་རྙེད་དོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ་སངས་རྒྱས་མདུད་པའི་རྒྱུད་ལས། རང་བཞིན་ལྟ་བའི་ལེའུ་སྟེ་བཅུ་བཞི་པའོ།། །།དེ་ནས་དེ་བཞིན་གཤེགས་པ་བཛྲ་ཀཱི་ལ་ཡས་འཁོར་རྣམས་ལ་སྤྱན་རྒྱས་པར་གཟིགས་ཏེ། འདི་སྐད་ཅེས་བཀའ་སྩལ་ཏོ། །ཁྱོད་རྣམས་ལ་མ་འོངས་པའི་རྣལ་འབྱོར་པ་རྣམས་དང་། སེམས་ཅན་དབུགས་དབྱུང་བ་དང་། འདས་པ་དང་། མ་འོངས་པ་དང་། ད་ལྟར་གྱི་སངས་རྒྱས་ཀྱི་གདུང་འཛིན་པའི་ཕྱིར། བརྟག་པ་དང་པོ་འདི་ཁྱེད་ཀྱིས་ཡང་དག་པར་ཆོངས་ཤིག །དད་པ་དང་ལྡན་པ་རྣམས་ལ་བྱོས་ཤིག །སྐྱེ་བོ་མཆོད་པ་ལ་དགའ་བ། འདོད་ཆགས་ཆེ་བ་རྣམས་ལ། ཚུལ་བཞིན་དུ་བཤད་པའི་དབང་སྐུར་ལ་བཤད་པ་བྱོས་ཤིག །ཅེས་གསུངས་སོ། །དེ་ནས་འཁོར་རྣམས་ཀྱིས། སྟོན་པས་གསུངས་པ་ལ་མངོན་པར་ཡི་རང་བ་དང་དགའ་བ་སྐྱེས་ཏེ། རིན་པོ་ཆེ་སྣ་ལྔ་ལ་སོགས་པ་མེ་ཏོག་སིལ་མས་མཆོད་དེ། མགྲིན་གཅིག་དབྱངས་གཅིག་གིས། ལན་བརྒྱ་སྟོང་དུ་མར་བསྐོར་བ་དང་། ལྷ་རྣམས་ཀྱིས་ཕྱག་བཙལ་ནས། ཀྱེ་ཀྱེ་ རྒྱུད་ཀྱི་རྒྱལ་པོ་ཁྲོ་བོ་ཧཱུཾ་ཀཱ་རའི་རྒྱུད།― DNG021_Page_0187 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་ཧཱུཾ་ཀཱ་ར་ཏན་ཏྲ་རཱ་ཛ་ཏནྟྲ། བོད་སྐད་དུ། རྒྱུད་ཀྱི་རྒྱལ་པོ་ཁྲོ་བོ་ཧཱུཾ་ཀཱ་རའི་རྒྱུད། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཁྲག་འཐུང་གི་ཚོགས། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན། མཐའ་དང་དབུས་མེད་པའི་དྷརྨ་དྷཱ་ཏུ། ཆོས་ཀྱི་འབྱུང་གནས་གྲུ་གསུམ་ཨེའི་དཀྱིལ་འཁོར་འབྱམས་པའི་གཞལ་ཡས་ཁང་ན། ཡབ་ཡུམ་གཉིས་སུ་མེད་པར་ལྷུན་གྱིས་སྦྱོར་བ་ལ་བཞུགས་ཏེ། འཁོར་མཆེ་བ་ཅན་གྱི་ཚོགས་དང་། གཤོག་པ་ཅན་གྱི་ཚོགས་དང་། མགོ་བརྙན་གྱི་ཚོགས་མཐའ་དག་གིས་བསྐོར་ཏེ། རང་བཞིན་གྱི་ལྷུན་གྱིས་གྲུབ་པར་བཞུགས་སོ། །དེ་ནས་མགོ་བརྙན་གྱི་ཚོགས་ཀྱིས། བཅོམ་ལྡན་འདས་ཁྲག་འཐུང་གི་རྒྱལ་པོ་ལ། ཕྱི་ནང་གི་མཆོད་པས་མཉེས་པར་བྱས་ནས། འདི་སྐད་ཅེས་གསོལ་ཏོ། །ཨེ་མ་གསང་བའི་དཀྱིལ་འཁོར་ན། ། ― DNG021_Page_0188 ―
[མ་དཔེ་གཟིགས་ན་འདིར་གནོན།]
དུས་གསུམ་འདུ་འབྲལ་མེད་པར་བཞུགས། །གཉིས་མེད་ཡེ་ཤེས་རབ་མཆོག་བསྒྲལ། །དེ་ཡི་སྔགས་རྣམས་གསུངས་ལགས་ན། །ཁྲོ་བོ་སོ་སོའི་ དཀྱིལ་འཁོར་རྣམས། །བཅོམ་ལྡན་མགོན་པོས་བཤད་དུ་གསོལ། །བཅོམ་ལྡན་བཛྲ་ཀཱི་ལ་ཡས། །ཀརྨ་ཧེ་རུ་ཀ་ཡི་ཚིག་གསན་ནས། །ཕག་མགོ་སྨིག་བུའི་མགོ་རྣམས་ལ། །གསུང་གིས་འདི་སྐད་བཀའ་སྩལ་ཏོ། །སོ་སོའི་དཀྱིལ་འཁོར་དམ་པ་རྣམས། །ང་ཡིས་བཤད་ཀྱིས་མཉན་པར་གྱིས། །བཅོམ་ལྡན་གཉིས་མེད་གཙོ་ཆེན་གྱི། །དཀྱིལ་འཁོར་དམ་པ་བསྟན་པ་ནི། །དང་པོ་གཞུང་དང་མཐུན་པ་ཡི། །ས་ཕྱོགས་དེ་དང་དེ་ཉིད་དུ། །རྣལ་འབྱོར་དམ་པ་དེ་གནས་པས། །རང་གི་སྙིང་གར་ཧཱུཾ་བསམས་ལ། །དེ་ལས་འོད་འཕྲོས་སངས་རྒྱས་མཐོང་། །མཆོད་འབུལ་ལ་སོགས་གཞུང་བཞིན་བྱ། །དེ་ལ་ཤཱུ་ནྱ་ཏཱ་ཡིས་སྦྱངས། །དེ་རྗེས་གཞལ་ཡས་ལ་སོགས་པའི། །རྒྱན་དང་ལྡན་པ་དེ་མཐོང་ནས། །འཁོར་ལོ་རྩིབས་བཞི་མུ་ཁྱུད་བཅས། །གྲུ་ཆད་བཞི་ཡིས་རྣམ་པར་མཛེས། །ཉི་མ་ཟླ་བའི་གདན་སྟེངས་སུ། །ཧཱུཾ་ཆེན་ཡབ་ཡུམ་འཁོར་ཚོགས་དབབ། །ས་བོན་བཀོད་ལ་གསལ་བར་བརྟག །དྲོད་གཤེར་ལས་སྐྱེས་ཡིན་པར་ནི། །མཁས་པས་བརྟགས་ཏེ་ཤེས་པར་གྱིས། །དེ་ནས་གཙོ་བོའི་སེམས་དེ་ཡིས། །ཕྱོགས་བཅུའི་སངས་རྒྱས་རྣམས་བཀུག་སྟེ། །བསྡིམ་པས་དབང་ཡང་རྫོགས་པར་ལྡན། །དེ་ལ་ཕྱི་ནང་མཆོད་པས་མཆོད། །གསང་བའི་དོན་དམ་ཡང་དག་སྟེ། །དེ་ཡིས་ལས་རྣམས་བརྩམ་པར་བྱ། །རྒྱུད་ཀྱི་རྒྱལ་པོ་ཧཱུཾ་ཀ་རའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་འདི་སྐད་གསུངས་ཏེ། ཧཱུཾ་ཀཱ་ར་ཡི་དཀྱིལ་འཁོར་ནི། །ཟླ་གམ་དམར་པོའི་དཀྱིལ་འཁོར་ལ། །མཛེས་པའི་སྐུ་མཆོག་གསལ་བ་ནི། །སྔགས་བཟླས་པ་ཡིས་གསལ་བར་གྱུར། །སྐུ་གསུང་ཐུགས་ཀྱི་རྡོ་རྗེ་བསམ། །བཟླས་པའི་ཡིག་འབྲུ་ཡང་དག་དགོད། །ཤེས་རབ་གསལ་བའི་ཡི་གེ་ཡིས། །བུམ་པ་དམར་པོ་འོད་དང་བཅས། །དེ་ཡི་ཁ་རྒྱན་ཨ་ཤྭ་ཀ །མགུལ་པ་དར་ ― DNG021_Page_0189 ―
[མ་དཔེ་གཟིགས་ན་འདིར་གནོན།]
དམར་བཟང་པོས་དཀྲིས། །ཉི་ཁྲི་ཆིག་སྟོང་དྲུག་བརྒྱ་བཟླས། །མཚན་མ་བཟང་པོ་མཐོང་བ་དང་། །ལས་ལ་སྦྱར་བར་བྱ་བ་ཡིན། །ཐབས་དང་བཅས་པའི་འོད་ཟེར་གྱིས། །དང་པོ་གནས་ནས་བསྐུལ་བར་བྱ། །དེ་ཡི་ལས་སྦྱོར་གང་ལ་ཡང་། །སེམས་པས་ཡང་ནས་ཡང་དུ་བྱ། །ལུས་ལ་ཙན་དན་དམར་པོ་བྱུག །དགོངས་དང་ཐོ་རངས་སྔགས་མང་བཟླས། །གཡོ་བའི་རྫས་ཀྱི་རྐྱེན་བྱས་ནས། །ཕུར་གདབ་གསད་པའི་ལས་བྱ་ཞིང་། །དབང་སྡུད་འགུགས་པའི་ལས་དེ་བཞིན། །བསྒྲུབ་ན་འགྲུབ་པར་གདོན་མི་ཟ། །རྒྱུད་ཀྱི་རྒྱལ་པོ་ཧཱུཾ་ཀཱ་རའི་རྒྱུད་ལས། ལས་ཀྱི་དཀྱིལ་འཁོར་དབྱེ་བའི་ལེའུ་སྟེ་གཉིས་པའོ།། །།དེ་ནས་ཡང་འདི་སྐད་ཅེས་གསུངས་སོ། །སེར་བ་དབབ་པའི་ལས་རྣམས་ནི། །སྦྱོར་བ་སྤྱི་དང་མཐུན་པ་ཡིས། །དཀྱིལ་འཁོར་རྩིབས་བརྒྱད་འཁོར་ལོར་བྲི། །རྫས་ནི་ཡུངས་ཀར་ཁྲག་སྐམ་གུ་གུལ་གསུམ། །ཐོད་པ་མཚན་ངན་དུམ་དྲུག་ཏུ། །རྩིབས་བརྒྱད་འཁོར་ལོ་བྲིས་ནས་ནི། །དབུས་སུ་ཨ་ཛི་ཏེ་ཛ་ཡེ་བི་ཛ་ཡེ་ཀ་ཏང་ཀ་དེ་གསུམ་བྲིའོ། །ཟླུམ་པོ་ལ་ནི་ཀཱི་ལ་ཡ་འབྲུ་དགུའོ། །རྩིབས་བརྒྱད་ཕྱོགས་ཀྱི་ཁྲོ་བོ་བརྒྱད། །ཤར་ལྷོ་ནུབ་བྱང་རྩིབས་མཆན་ལ། །སྟེང་དུ་འོག་གི་སྙིང་པོ་བྲི། །རྩིབས་མཆན་དྲུག་ལ་དྷ་ཡང་སྔགས་དྲུག་བྲི། །ཐ་མ་མུ་ཁྱུད་ཟླུམ་པོ་ལ། །ཐོད་པ་དབུས་སུ་བསྡུས་ཡིན་པས། །འབྲུ་དགུ་ཁྲོ་བོའི་ལས་སྔགས་བྲི། །ཐོད་པ་ཤར་དུ་ཁ་བལྟས་ལ། །ཨོཾ་ལཾ་རྒྱས་པའི་སྔགས་བྲིའོ། །སེང་ལྡེང་ཕུར་བུའི་སྟེང་དུ་ཨོཾ། །རྒྱ་མདུད་ལོགས་ལ་འབྲུ་བརྒྱད་དགོད། །ལྕུམ་གཞོགས་དཔལ་ལ་ཁྲོ་བཅུའི་སྔགས། །རྒྱ་མདུད་བར་ལ་ཆུ་སྲིན་ཁ་སྤྲད་བྲི། །ལོགས་དྲུག་ཟུར་གསུམ་དམ་ཅན་གསུམ་གྱི་སྔགས། །དེ་རྗེས་པདྨའི་ཁྲག་དང་མི་དབང་འབྲས་བུའི་ཤ་ཁྲག་དང་། །ཁྲག་སྣ་སྙིང་སྣ་ཚོགས་ཚད་དང་། །མཚམས་བཅད་བྱིན་དབབ་བཀའ་བཞིན་ནོ། །ཐོད་པ་དབུས་སུ་ཁ་སྦུབ་ལ། །སེང་ལྡེང་ཕུར་པ་དབུས་སུ་བཀོད། །ཕྱི་མ་རྫས་རྣམས་ཀུན་ལ་དགོད། །ཕྲིན་ལས་གཞུང་བསྲང་འཛབ་ལ་འཇུག །ཐོད་པ་སྣར་ ― DNG021_Page_0190 ―
[མ་དཔེ་གཟིགས་ན་འདིར་གནོན།]
མོར་བསམ་བྱས་ལ། །སྟེང་དུ་ཆུ་ཡི་དཀྱིལ་འཁོར་བསམ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་ཕཾ་ཧཱུཾ་ཕཊ། ཧཱུཾ་མ་མ་པ་ཤཾ་ཀུ་རུ་མ་ཏཾ་ཉ་ཀ་ར་ཨི་དཾ་དྷ་ཏི་མ་མ་ཀརྨ་ཤཱི་གྷྲཾ་ཀཱ་ར་ཡ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། མཱ་ར་སེ་ན་པྲ་མ་རྡ་ནི་ཧཱུཾ་ཕཊ།དཔྱིད་ཟླ་གསུམ་ལ་བསྙེན་སྔགས་བཟླས། །ཁ་བ་ཁུ་འཕང་རླུང་དམར་གསུམ། །དེ་རྣམས་བྱུང་ན་འགྲུབ་པར་འགྱུར། །ཐོད་པ་སྣར་མོར་བསམ་སྟེང་ནས། །ལྷ་རྣམས་བསམས་པས་གཙོ་བོའི་ཐུགས་ལ་གནས། །སྤྲུལ་པ་བྱེ་བ་བསམ་བྱས་ལ། །ཆུ་བཅོལ་སེར་བ་དཀར་པོ་འབྱུང་བར་བསམ། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོའི་ལོ་ཐོག་ལ། ཤི་ཏྲཾ་ཀ་ར་ཀ་ར་ཀ་ར་ཏེ་ཡི་ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། ཨོཾ་མཱ་མ་པ་ཤཾ་ཀུ་རུ་མ་ཏཾ་ཉ་ཀ་ར་ཨི་དཾ། དྷ་ཏི་མ་མ་ཀརྨ་ཨ་ཛི་ཏེ། ཨ་བ་ར་ཛི་ཏེ་ཛ་ཡེ་བི་ཛ་ཡེ། ཀ་ཏང་ཀ་ཡེ་མཱ་ར་སེ་ནཱ་པྲ་མར་དྷ་ནི་ཡེ་ཧཱུཾ་ཕཊ། ཐོད་པའི་ཁྲག་དང་སྙིང་སྣ་དང་། །གུ་གུལ་གསུམ་པོ་ཐོད་པར་བླུག །སེང་ལྡེང་ཕུར་པ་ཡུངས་ཀར་ཕུར་ལ་གདགས། །རྟགས་ནི་ཐོད་པར་མེ་འབར་རོ། །གོང་མའི་རྟགས་ནི་མ་བྱུང་ན། །སྔགས་དྲུག་དམ་ཅན་དཀྲུགས་ལ་ནི། །ཕོ་དང་མོ་ཡི་ལོག་མེན་བཟླས། །རྡོ་རྗེ་གསང་བས་གནད་ལ་དབབ། །དེ་ནས་དཔྱིད་ཟླ་ཐ་ཆུང་ལ། །ཁྲག་སྐམ་འབྲས་བུ་གསུམ་པོ་དང་། །གཏོར་མ་དུམ་གཅིག་མིང་ཀུན་བསྲེ། །ཐོད་པར་བླུགས་ལ་ཡུལ་དེར་ཕྱིན། །གུ་གུལ་དུད་བཏང་བདེན་པ་བདར། །ཐོད་པ་ཆུ་མིག་ནང་དུ་སྦའོ། །ཕུར་པ་དཀྱིལ་དུ་གདབ་པར་བྱའོ། །རྫས་སྣ་གསུམ་ཡང་གཏོར་བྱས་ལ། །གར་འབེབས་རི་རྩེ་དེ་ལ་ཕྱིན། །བྲག་ལ་ཐབ་བྱ་དཔང་ཡང་གཟུག །སྟོན་ཟླ་གསུམ་ལ་རི་རྩེར་བྱ། །རི་རྩེ་མཐོང་ནས་བསྐུལ་བར་བྱ། །མ་གྲུབ་སྟོན་ཟླ་ར་བ་དགུ། །འབྲིང་པོ་ཀུན་ལ་རབ་ཏུ་ཤིས། །མ་ཕེབས་ཐ་མ་གཞི་ནས་སྤོགས། །རྒྱུད་ཀྱི་རྒྱལ་པོ་ཧཱུཾ་ཀཱ་རའི་རྒྱུད་ལས། མཁའ་འགྲོ་མས་སེར་བ་དབབ་པའི་ལེའུ་སྟེ་གསུམ་པའོ།། །།དེ་ནས་ཡང་འདི་སྐད་ཅེས་གསུངས་སོ། །ཕུར་ནི་བྱང་ཆུབ་སེམས་སུ་གཅིག་གྱུར་པ། །པ་ནི་སེམས་ཀྱིས་མ་ཁྱབ་མེད་པ་སྟེ། །ཕུར་ནི་རྡོ་རྗེ་གཞོན་ ― DNG021_Page_0191 ―
[མ་དཔེ་གཟིགས་ན་འདིར་གནོན།]
ནུ་ཉིད་ལ་བྱ། །པ་ནི་ཁྲོ་བོ་རྣམས་ལ་བྱ་བའོ། །ཕུར་ནི་སྐྱེ་བ་མེད་ལ་བྱ། །པ་ནི་ཐམས་ཅད་འགག་པ་མེད། །ཕུར་ནི་རིག་པ་བྱང་ཆུབ་སེམས། །པ་ནི་ཐམས་ཅད་དེར་འགྲུབ་པས། །ཕུར་ནི་ཐམས་ཅད་བྱང་ཆུབ་སེམས། །པ་ནི་ཐམས་ཅད་ཀུན་ཏུ་ཁྱབ། །ཕུར་ནི་ཐམས་ཅད་གཙོ་བོའི་མཆོག །པ་ནི་ཐམས་ཅད་འཁོར་གྱི་ཚུལ། །ཕུར་ནི་ཐམས་ཅད་སྐྱེ་བ་མེད། །པ་ནི་རོལ་པ་འགག་པ་མེད། །ཕུར་ནི་བྱང་ཆུབ་སེམས་སུ་གཅིག །པ་ནི་ཐམས་ཅད་དེ་རུ་འགྲུབ། །ཆོས་ཉིད་ཕུར་པ་ཐམས་ཅད་རྒྱུད། །བསྐུལ་བ་ཆོས་ཀྱི་དབྱིངས་ལ་གདབ། །ཐུགས་རྗེའི་ཕུར་པ་ཉོན་མོངས་ལོག་པར་འཁྱམས་པ་རྣམས་ལ་གདབ། །གསང་བ་བྱང་ཆུབ་སེམས་ཀྱི་ཕུར་པ་ནི། །རྟོག་ཚོགས་རྡུང་ཕྱིར་ཡུམ་གྱི་མཁའ་ལ་གདབ། །མཚན་མ་རྫས་ཀྱི་ཕུར་པ་ནི། །བསྒྲལ་ཕྱིར་དགྲ་བགེགས་གཉིས་ལ་གདབ། །རྒྱུད་ཀྱི་རྒྱལ་པོ་ཁྲོ་བོ་ཧཱུཾ་ཀཱ་རའི་རྒྱུད་ལས། ཕུར་པའི་དོན་བསྟན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་ཁྲག་འཐུང་གི་རྒྱལ་པོ་དེས། འཁོར་རྣམས་ལ་འདི་སྐད་ཅེས་གསུངས་སོ། །དེ་ནས་ཕག་གི་མགོ་ཅན་དང་། །སྨིག་བུའི་མགོ་ཅན་ལ་སོགས་པས། །གསོལ་བ་གདབ་པའི་ཕྱིར་འདི་སྐད་དོ། །ཀྱེ་མ་གསང་བ་བདག་ཉིད་གཙོ། །སྐུ་གསུང་ཐུགས་ནི་རབ་ཟབ་པས། །རྒྱ་མཚོ་ལྟ་བུའི་ངང་ཚུལ་ཅན། །སྐྱེ་མེད་དོན་ལྡན་ཁྱོད་ལ་བསྟོད། །གསང་སྔགས་བདག་པོ་ཁྱོད་ལ་བསྟོད། །ཐེག་པའི་རང་བཞིན་ཁྱོད་ལ་བསྟོད། །ཐམས་ཅད་མངའ་བདག་ཁྱོད་ལ་བསྟོད། །རོལ་པའི་བདག་ཉིད་ཁྱོད་ལ་བསྟོད། །ཕྲིན་ལས་མངའ་བདག་ཁྱོད་ལ་བསྟོད། །བདུད་འདུལ་ཁྲོ་རྒྱལ་ཁྱོད་ལ་བསྟོད། །དབང་སྡུད་ཆེན་པོ་ཁྱོད་ལ་བསྟོད། །ཟིལ་གནོན་ཆེན་པོ་ཁྱོད་ལ་བསྟོད། །ཅེས་དེ་རྣམས་ཤིན་ཏུ་དགེས་ནས་དགེས་པའི་ང་རོ་བྱུང་སྟེ་དེ་སྐད་ཅེས་བསྟོད་དོ། །རྒྱུད་ཀྱི་རྒྱལ་པོ་ཁྲོ་བོ་ཧཱུཾ་ཀཱ་རའི་རྒྱུད་ལས། རྒྱུད་གཏད་པའི་ལེའུ་སྟེ་ལྔ་པའོ།། །།རྒྱུད་ཀྱི་རྒྱལ་པོ་ཁྲོ་བོ་ཧཱུཾ་ཀཱ་རའི་རྒྱུད་རྫོགས་སོ།། །། རྒྱུད་ཀྱི་རྒྱལ་པོ་ཁྲོ་བོ་རྣམ་པར་རྒྱལ་བའི་རྒྱུད།― DNG021_Page_0192 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཏནྟྲ་རཱ་ཛ་ཀྲོ་དྷ་བི་ཛ་ཡ་ཏནྟྲ། བོད་སྐད་དུ། རྒྱུད་ཀྱི་རྒྱལ་པོ་ཁྲོ་བོ་རྣམ་པར་རྒྱལ་བའི་རྒྱུད། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཁྲག་འཐུང་གི་རྒྱལ་པོ། ཁྲོ་བོ་རྣམ་པར་རྒྱལ་བ། མཐའ་དང་དབུས་མེད་པའི་རང་བཞིན་གྱི་གཞལ་ཡས་ཁང་ལྷུན་གྱིས་གྲུབ་པ་ན། ཡུམ་དང་གཉིས་སུ་མེད་པར་བཞུགས་སོ། །དེའི་ཚེ་སྟག་གི་མགོ་ཅན་དང་། བྱ་རྒོད་ཀྱི་མགོ་ཅན་དང་། མགོ་བརྙན་གྱི་ཚོགས་ཀྱིས་ཡབ་གཙོ་བོ་ལ་ཞུས་པ། གནས་ཀྱི་མཚན་ཉིད་ཇི་ལྟར་ལགས། །དཀྱིལ་འཁོར་མཚན་ཉིད་ཇི་ལྟར་ལགས། །འཁོར་གྱི་མཚན་ཉིད་ཇི་ལྟར་ལགས། །རྫས་ཀྱི་མཚན་ཉིད་ཇི་ལྟར་ལགས། །སྔགས་ཀྱི་མཚན་ཉིད་ཇི་ལྟར་ལགས། །སྒྲུབ་པའི་མཚན་ཉིད་ཇི་ལྟར་ལགས། །ཞེས་དྲིས་པས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་རྣམ་པར་རྒྱལ་བས་འདི་སྐད་ཅེས་བཀའ་སྩལ་ཏོ། །གནས་ཀྱི་མཚན་ཉིད་རི་ནག་པོ། །དཀྱིལ་འཁོར་མཚན་ཉིད་གྲུ་གསུམ་ཨེ། །འཁོར་གྱི་མཚན་ཉིད་རང་ལས་མི་གཞན་པ། །རྫས་ཀྱི་མཚན་ཉིད་རྒྱུ་བཞིའོ། །སྔགས་ཀྱི་མཚན་ཉིད་ལས་སྔགས་སྤེལ། །བསྒྲུབ་པའི་མཚན་ཉིད་མར་བརྒྱད་ལ། །དེ་སྐད་ཅེས་བཀའ་སྩལ་ཏོ། །དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ། མགོ་བརྙན་གྱི་ཚོགས་ཀྱིས་འདི་སྐད་ཅེས་གསོལ་ཏོ། །ཀྱེ་ཀྱེ་ཁྲག་འཐུང་གསང་བའི་བདག །སྐུ་གསུང་ཐུགས་ཀྱི་བདག་ཆེན་པོ། །ཡོན་ཏན་ཕྲིན་ལས་ཀུན་ཏུ་རྫོགས། །རྣལ་འབྱོར་རྗེས་སུ་སྒྲུབ་པ་ལ། །དཀྱིལ་འཁོར་ཉམས་སུ་ཇི་ལྟར་བླང་། །ཐབས་དང་བཅས་པའི་ཏིང་འཛིན་གྱིས། །དངོས་གཞི་བསྒྲུབ་ན་ཇི་ལྟར་སྒྲུབ། །ཅེས་གསོལ་པ་དང་། བཅོམ་ལྡན་འདས་ཁྲག་འཐུང་གི་རྒྱལ་པོ་རྣམ་པར་རྒྱལ་བས་འདི་སྐད་ཅེས་གསུངས་སོ། །ཉོན་ཅིག་མགོ་བརྙན་ཕྲ་ཐབས་ཚོགས། །རྗེས་སུ་སྒྲུབ་པའི་རྣལ་འབྱོར་པས། །དང་པོ་ལས་ལ་སྦྱོར་བའི་དུས། །ཚངས་པའི་གནས་བཞི་བསྒོམ་པར་བྱ། །དེ་ནས་དྲག་པོའི་ལས་ལ་སྦྱར། ། ― DNG021_Page_0193 ―
[མ་དཔེ་གཟིགས་ན་འདིར་གནོན།]
རང་བཞིན་མེད་པའི་རྗེས་འཇུག་གོ། །ཕྱག་རྒྱ་གསུམ་གྱིས་བསྐྱེད་པར་བྱའོ། །འབྱུང་བ་རིམ་བརྩེགས་ཚུལ་བཞིན་བསྒོམ། །ཁྲོ་བོ་རྣམ་པར་རྒྱལ་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོས། དབང་གི་རིམ་པ་འདི་གསུངས་སོ། །གནམ་དང་ས་གཞི་བརྟག་པ་དང་། །ས་བསླང་ཆ་གསུམ་གཏོར་མ་གཏོང་། །ཕྱི་མཚམས་བཅད་ཅིང་ནང་མཚམས་བསྲུང་། །རྒྱལ་པོའི་ཚུལ་གྱིས་བསྙེན་པ་བྱ། །སྟ་གོན་ས་ཆོག་སྒྲིབ་པ་སྦྱངས། །ཚེམས་ཤིང་འདོར་ཞིང་སྲུང་སྐུད་གདགས། །ཡེ་ཤེས་དབབ་ཅིང་ལུས་ལ་ལྷ་བཟུང་ངོ་། །དེ་ནས་དབང་གི་ཡོན་ཡང་དབུལ། །དེ་ནས་ཡང་ནི་སྒྲུབ་པ་ནི། །དཀྱིལ་འཁོར་ཞག་གི་ཆོ་ག་བསྒྲུབས། །སློབ་དཔོན་དཀྱིལ་འཁོར་དཔག་ཚད་བཞི། །རྒྱལ་པོའི་དཀྱིལ་འཁོར་རྒྱང་གྲགས་བཞི། །སྔགས་པའི་དཀྱིལ་འཁོར་ཁྲུ་བརྒྱའོ། །དགེ་སློང་དཀྱིལ་འཁོར་ལྔ་བཅུའོ། །རྗེ་རིགས་དཀྱིལ་འཁོར་བཅུ་དྲུག་པའོ། །དམངས་ཀྱི་དཀྱིལ་འཁོར་ཁྲུ་བརྒྱད་པའོ། །གནམ་ཐིག་ས་ཐིག་བྱང་ཆུབ་སེམས། །ཐིག་གདབ་རིམ་པ་ཚུལ་བཞིན་བྱ། །རིན་ཆེན་སྣ་ལྔའི་ཚོན་རྩི་ལ། །དཔའ་བོ་འབྲུ་ལྔའི་ཡིག་འབྲུ་དགོད། །ཡེ་ཤེས་ལྔ་རུ་བྱིན་བརླབས་ཏེ། །ཕོ་བྲང་དཀྱིལ་འཁོར་ལྷུན་གྲུབ་དང་། །ཏྭ་ར་ཎ་ཡིས་བརྒྱན་པ་བྲི། །སློབ་མ་གཞུག་ཅིང་དྲི་ལན་ཞུ། །ཡི་དམ་དབོག་དང་དམ་ཚིག་དབོག །གསང་མཚན་དབོག་ཅིང་དམ་ཆུ་བླུད། །སྙིང་པོ་དབབ་ཅིང་ཕྱག་རྒྱ་བསྟན། །གསེར་ཐུར་སྤྱན་དབྱེ་དཀྱིལ་འཁོར་བསྟན། །གཟུགས་བརྙན་བསྟན་ཅིང་ཆོས་ཀྱི་བཀའ་རྣམས་སྒྲོགས། །འཇུག་པའི་རིམ་པ་ཚུལ་བཞིན་ནོ། །དབང་གི་ལས་རྣམས་བསྒྲུབ་པ་ནི། །དབང་ལྔ་དོན་གྱི་བར་དུ་འགྲོ། །ལྷ་དབང་རྒྱལ་པོའི་ཚུལ་དུ་གཟུང་། །ཕན་པའི་དབང་བཅུ་ལུས་ལ་བརྒྱན། །རྟགས་ཀྱི་དབང་རྣམས་ལུས་ལ་བསྐྱེད། །གསང་བའི་དབང་ནི་གསུང་ལ་བསྐུར། །ཤེས་རབ་ཡེ་ཤེས་དབང་ནི་ཐུགས་ལ་དྲན། །ཕྱག་རྒྱའི་དབང་ནི་ལུས་ལ་གཞུག ། ― DNG021_Page_0194 ―
[མ་དཔེ་གཟིགས་ན་འདིར་གནོན།]
རྗེས་གནང་ཆེན་པོ་ལུས་ལ་བསྐུར། །དམ་ཚིག་ཆོས་རྣམས་དེ་རུ་བཤད། །ཅེས་གསུངས་སོ། །ཁྲོ་བོ་རྣམ་པར་རྒྱལ་བའི་རྒྱུད་ལས། དབང་གི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས་བཀའ་སྩལ་པ། རྣམ་པར་རྒྱལ་བའི་དཀྱིལ་འཁོར་ནི། །གྲུ་གསུམ་མཐའ་ལ་རྡོ་རྗེ་ཡི། །རྩེ་གསུམ་ཁ་ཁྱེར་ཡོད་པས་མཚན། །ཐ་མ་འཁོར་ལོས་ཀུན་ནས་སྤྲས། །དེ་ཡི་དབུས་སུ་ཉི་ཟླ་གསལ། །རོ་ཡི་ཕུང་པོའི་སྟེང་དུ་ནི། །ས་བོན་གསལ་བར་ཡོངས་རྫོགས་པས། །སྒོང་སྐྱེས་རིམ་པ་ལ་གནས་པ། །སྐུ་རྫོགས་འོད་དང་བཅས་པར་ནི། །ལྷ་ནི་གསལ་བའི་ངང་ཚུལ་ཅན། །ཡོངས་སུ་རྫོགས་པར་དེ་མཐོང་ནས། །སྐུ་གསུང་ཐུགས་ལས་ཡང་དག་སྤྲོས། །བདེ་གཤེགས་འཁོར་བཅས་སྤྱན་དྲངས་ནས། །མཆོད་དབུལ་ཕྱི་ནང་དབང་ཡང་ནོད། །གནང་བ་བྱིན་ནས་བྱིན་གྱིས་བརླབས། །ཡེ་ཤེས་དཀྱིལ་འཁོར་གནས་ནས་དྲངས། །བསྡིམས་ནས་གསལ་བའི་སྲས་མཆོག་ལ། །སྙིང་པོ་བཀོད་དེ་སྤྲོ་བསྡུ་ནི། །རིམ་པ་མ་འདྲེས་ཤེས་བྱས་ལ། །ཁྲི་ཕྲག་གཉིས་ནི་བཟླས་བྱས་ན། །དེ་དུས་མཚན་མ་བཟང་པོ་འབྱུང་། །དུས་དེར་ལས་ལ་སྦྱར་བ་ནི། །འཁོར་ལོ་རྩིབས་བརྒྱད་དབུས་སུ་ནི། །ཡཾ་ལས་རླུང་ལྷ་དུད་ཁ་བསྐྱེད། །ཤ་བའི་ཁྲི་ལ་བཞུགས་ནས་ནི། །མཆོད་དབུལ་ཡེ་ཤེས་རླུང་ལྷ་དགུག །བསྡིམས་ལ་རླུང་ལྷའི་སྙིང་པོ་བཟླས། །རྫ་སོ་མ་བཏང་ས་ཡིས་དགབ། །སྔོན་དམར་ཞགས་པས་རྒྱ་གྲམ་བཅིངས། །དེ་སྟེང་མ་ལས་ཉི་དཀྱིལ་འཁོར། །དེ་སྟེང་ཧཱུཾ་ལས་ཡོངས་གསལ་བསྐྱེད། །རྡོ་རྗེ་སྔོན་པོ་ཁ་བཞི་པ། །གསལ་བའི་ལྟེ་བའི་དབུས་སུ་ནི། །མཾ་ལས་རི་རབ་མེ་ལྕེས་བསྐོར། །དེ་སྟེངས་མགོན་པོ་བསམ་པར་བྱ། །ཕྱག་ན་རྡོ་རྗེ་ཧཱུཾ་ལས་བསྐྱེད། །དེ་ཡིས་རླུང་ལྷ་རབ་གཟིར་བས། །རླུང་གི་སྦྱོར་བ་རྒྱུན་ཆད་འགྱུར། །སེང་ལྡེང་ཕུར་པ་སོར་བརྒྱད་ལ། །སྲས་མཆོག་དམ་པར་དེ་དབང་བསྐུར། །བཟླས་པ་བྱེ་བ་ས་ཡར་བཟླས། །སྲས་ལ་འོད་ཟེར་འཕྲོ་འདུས་ ― DNG021_Page_0195 ―
[མ་དཔེ་གཟིགས་ན་འདིར་གནོན།]
གཏམས། །ལྡེག་པའི་རྟགས་རྣམས་བྱུང་བ་དང་། །ངར་ཕྱེར་གཟུགས་བྱས་སོར་བརྒྱད་ཚད། །རྐང་པ་གཡས་པའི་འོག་ཏུ་གཞུག །བཏབ་ན་ལྷ་ཡང་བརླག་པར་འགྱུར། །ཆུ་བོ་ཆེན་པོའི་སྣར་བཏགས་ན། །ངེས་པར་གྱེན་དུ་ཟློག་པར་བྱེད། །ཁྲོ་བོ་རྣམ་པར་རྒྱལ་བའི་རྒྱུད་ལས། ལས་ཚོགས་ཀྱི་དཀྱིལ་འཁོར་བསྟན་པའི་ལེའུ་སྟེ་གསུམ་པའོ།། །།དེ་ནས་ཡུངས་ཀར་རྒྱལ་པོ་བསྒྲུབ་སྟེ། ཐོད་པ་མཚན་ངན་གཅིག་ནང་དུ། །ཡུངས་ཀར་བླུག་ལ་ཆོག་གཞུང་བསྲང་། །ཡུངས་ཀར་ཁྲོ་བོ་ཆེན་པོར་བསམ། །འཛབ་ཀྱི་སྐབས་སུ་རྩ་སྔགས་ཉི་ཤུ་རྩ་གཅིག་ལ། །ཨཱ་བེ་ཤ་ཡ་བཏགས་ལ་བཟླས། །ཡུངས་ཀར་ཁྲོ་བོ་ཆེན་པོ་ལ། །གང་ལ་བཏབ་ཀྱང་ཐོགས་མེད་བསམ། །བསྟོད་པ་བྱ་ཞིང་ཚོགས་ཀྱིས་མཆོད། །གཞན་ཡང་རྣལ་འབྱོར་དྲི་ཆེན་གྱིས། །གཞི་བྱས་ཡུངས་ཀར་ལུད་ཀྱང་བྱ། །དབང་པོ་ལྔ་རུ་ཡུངས་ཀར་བླུགས། །དྲི་ཆུ་བོང་རྟུག་བོང་གཅིན་གསུམ། །ལུད་བྱས་གཅུས་ཤིང་སྔགས་ཀྱང་བཟླས། །གཞན་པས་སྦོམ་པ་གཅིག་ཡོང་སྟེ། །དགྲ་ལ་བཏབ་ན་རྩ་རྒྱུད་གཅོད། །བགེགས་ལ་བཏབ་ན་རྡུལ་དུ་རློག །དེ་ལ་ཡུངས་ཀར་རྒྱལ་པོ་བྱ། །ཁྲོ་བོ་རྣམ་པར་རྒྱལ་བའི་རྒྱུད་ལས། ཡུངས་ཀར་རྒྱལ་པོ་སྒྲུབ་པའི་ལེའུ་སྟེ་བཞི་པའོ།། །།དེ་ནས་གུ་གུལ་སྦྱར་མ་བསྒྲུབ། །ཐོད་པ་མཚན་ངན་གཅིག་ནང་དུ། །རྟ་བོང་དང་ནི་སྤྱང་ཀིའི་བྲུན། །བུད་མེད་དོར་རྟ་ཁྱི་ལུད་དང་། །འབོག་དང་གུ་གུལ་ནག་པོ་དང་། །དེ་རྣམས་ཐོད་པའི་ནང་དུ་བླུགས། །རྣམ་རྒྱལ་ཆོ་ག་གཞུང་བཞིན་བྱ། །འཛབ་ཀྱི་སྐབས་སུ་ཀཱི་ལ་ཡ། །ཉི་ཤུ་རྩ་གཅིག་ལས་སྔགས་གདགས། །ཛྭ་ལ་པ་ཡ་མང་བཟླས་ལ། །དྲི་ཆུས་བྲན་ལ་ཕུར་པས་དཀྲུག །བྲ་མས་ཁ་བཅད་རིལ་བུ་བྱ། །བསྒྲུབ་པའི་རྫས་ལ་དུ་བ་བཏང་། །དགྲ་བགེགས་གཉིས་ཀྱི་ལྷ་དང་དབྱེ། །ཐོགས་པ་མེད་པར་འགྲུབ་པར་འགྱུར། །ཁྲོ་བོ་རྣམ་པར་རྒྱལ་བའི་རྒྱུད་ལས། གུ་གུལ་སྒྲུབ་པའི་ལེའུ་སྟེ་ལྔ་པའོ།། །།དེ་ནས་སེར་བ་བསྲུང་བྱ་སྟེ། །ཡུངས་ ― DNG021_Page_0196 ―
[མ་དཔེ་གཟིགས་ན་འདིར་གནོན།]
ཀར་ཐལ་ཆེན་སྔགས་བཟླས་ཏེ། །ཕྲིན་ལས་རྣམ་པ་བཞི་ཡི་ནི། །ཕུར་པ་སོར་བཞིའི་ཚད་དུ་བྱ། །ཤིང་བྱང་བུ་ལ་འབྲུ་དགུ་བྲི། །བསྙེན་པ་སྤྱི་དང་མཐུན་པར་བྱ། །སེར་བ་བསྲུང་བའི་ཉིན་མོ་ལ། །སྲུང་མ་བསྐུལ་ཞིང་གཟུ་དཔང་གཟུག །ཡུལ་ལྷ་མཆོད་ཅིང་གསེར་སྐྱེམས་བཏང་། །ཡུངས་ཀར་ཐལ་ཆེན་གོང་མའི་རྫས། །ཕུར་བུ་བྱང་བུ་སེར་མཐོས་བསྐོར། །ཡུངས་ཀར་བསྒྲེང་ཞིང་ཕུར་བུས་གདབ། །མོད་ལ་ཟློག་པ་འགྲུབ་པར་འགྱུར། །ཞེས་གསུངས་སོ། །ཁྲོ་བོ་རྣམ་པར་རྒྱལ་བའི་རྒྱུད་ལས། སེར་བ་བསྲུང་བའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེ་ལ་ཀརྨ་ཧེ་རུ་ཀ་དང་། སྟག་གི་མགོ་ཅན་དང་། བྱ་རོག་གི་མགོ་ཅན་དང་། ཕྲ་མེན་གྱི་ཚོགས་རྣམས་ཤིན་ཏུ་དགེས་ནས། ཞལ་བཞད་ཅིང་མགྲིན་གཅིག་ཏུ་བསྡུས་ནས། གདུག་པ་འདུལ་བར་ཁྱད་པར་འཕགས། །ཁྲོ་བོ་མཁའ་འགྲོ་བདག་ཅག་འཁོར། །ཚོགས་པ་རྣམས་ལ་གསུངས་ལགས་ན། །སྔར་ནི་བདེ་གཤེགས་གང་གིས་གསུངས། །ཕྱིས་ནི་བདེར་གཤེགས་གང་གསུང་འགྱུར། །ད་ལྟ་འདི་ཉིད་གནས་ལགས་ན། །དེ་སྐད་ཅེས་གསོལ་པ་དང་། བཅོམ་ལྡན་འདས་རྣམ་པར་རྒྱལ་བས། ཀརྨ་ཧེ་རུ་ཀ་ལ་སོགས་ཏེ་འཁོར་གྱི་ཚོགས་ཀྱི་ཚིགས་གསན་ནས་གསུང་འདི་སྐད་ཅེས་བཀའ་སྩལ་ཏོ། །ཁྱོད་ནི་བཅོམ་ལྡན་འདས་དང་འདྲ། །སེམས་ཅན་ཀུན་ལ་ཕན་བྱེད་ཅིང་། །ཁམས་གསུམ་སྙོམས་པའི་ཕ་མ་ཡིན། །ཟབ་མོ་ཁོང་དུ་འཆང་བྱེད་ཡིན། །བདེ་བ་སླད་ཀྱི་ལུང་སྟོན་ཡིན། །གདུག་པ་སླད་ཀྱི་ཚར་གཅོད་ཡིན། །ཡེ་ཤེས་སྤྲུལ་པའི་སྐུ་མཆོག་ཡིན། །གསང་གསུམ་འདུས་པའི་ཐུགས་མཆོག་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་རྣམ་པར་རྒྱལ་བའི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་བདུན་པའོ།། །།ཁྲོ་བོ་རྣམ་པར་རྒྱལ་བའི་རྒྱུད་རྫོགས་སོ།། །། ཁྲོ་བོ་དབྱུག་པ་སྔོན་པོའི་རྒྱུད།― DNG021_Page_0197 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་ནཱི་ལ་དཎྜ་ཏནྟྲ། བོད་སྐད་དུ། ཁྲོ་བོ་དབྱུག་པ་སྔོན་པོའི་རྒྱུད། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དབྱུག་པ་སྔོན་པོ། འོག་མིན་གནས་ཀྱི་གཞལ་ཡས་ན། མཐའ་དང་དབུས་མེད་པའི་རང་བཞིན་གྱིས་གསལ་བའི་གཞལ་ཡས་ཁང་ན། ཡུམ་དང་གཉིས་སུ་མེད་པར་བཞུགས་ཏེ། ཀརྨ་ཧེ་རུ་ཀ་དང་གཡག་གི་མགོ་ཅན་དང་། བྱ་རོག་གི་མགོ་ཅན་གྱི་ཚོགས་ཀྱིས་འདི་སྐད་ཅེས་གསོལ་ཏོ། །ཀྱེ་ཀྱེ་གསང་བའི་བདག་པོ་རང་བཞིན་ཅན། །མཆོག་གི་ལས་རྣམས་ཐམས་ཅད་མཁྱེན། །འདི་ནི་རྗེས་སྒྲུབ་རྣལ་འབྱོར་པས། །གནས་ཀྱི་ཁྱད་པར་མི་འཚལ་ལམ། །གནས་རྣམས་རིམ་པ་ཇི་ལྟར་ལགས། །ཁྲག་འཐུང་རྒྱལ་པོས་བཀའ་སྩོལ་ཅིག །དེ་སྐད་གསོལ་པ་གསན་ནས་ནི། །ཁྲག་འཐུང་དཔའ་བོ་མཐུ་ཆེན་གྱིས། །གསུང་ནི་འདི་སྐད་བཀའ་སྩལ་ཏོ། །གནས་ཀྱི་ཁྱད་པར་ངས་བསྟན་གྱིས། །སྤྱིར་ནི་དྲག་པོའི་གནས་རྣམས་ནི། །དུར་ཁྲོད་གནས་སམ་ཤིང་གཅིག་དྲུང་། །མ་མོའི་གནས་དང་ཐེའུ་རང་གནས། །ལྷ་འདྲེ་འདུ་བའི་ལམ་རྒྱ་གྲམ། །ས་སྲིན་མ་མོ་དུ་མ་འགྲོགས། །མི་རྣམས་ཕུང་བའི་ཁང་སྟོང་དང་། །དུག་ཤིང་སྐྱེས་པའི་གནས་རྣམས་ལ། །གདུག་པ་སྦྲུལ་ལ་སོགས་པའི་ཚང་། །མང་པོར་བཅས་ཤིང་འདུ་བ་དང་། །རལ་པ་འདྲ་བའི་གནས་སུ་ནི། །རྡོ་རྗེ་དྲག་པོ་བསྐུལ་བའི་གནས། །ནགས་ཆེན་པོ་ནི་གང་ན་བར། །རྣལ་འབྱོར་མིག་གིས་བལྟས་པ་ཡི། །ལྷ་མི་ཡོངས་ལ་གྲགས་པ་འམ། །ཆུ་མིག་ལྐུགས་པ་ཀླུ་ཡི་མིག །རྒྱུ་ལམ་གོང་གསུམ་འབྱུང་པོའི་སྲང་། །ཕྱོགས་ལས་གྲུབ་པའི་དགྲ་འམ་བགེགས། །མེ་དཔུང་གྲུ་གསུམ་མ་རུངས་པ། །བ་ཚྭ་ཞུ་ཆུ་དམྱལ་བའི་ཆུ། །གནོད་སྦྱིན་མང་པོ་འདུ་བའི་ས། །སྲིན་པོ་ཁྲོས་པའི་གདོང་མདངས་འདྲ། །གདུག་པ་ཆུ་སྲིན་ཁ་གདངས་འདྲ། །དྲེད་མོ་རལ་པའི་གསེབ་ནང་དུ། །དྲག་པོའི་ལས་སུ་བྱ་བ་ཡིན། །མེ་ཏོག་མང་པོའི་གླིང་ཡོད་དང་། །རི་ནི་རིན་ཆེན་སྤུངས་པ་འདྲ། །སྐྱེད་མོས་ཚལ་དང་དཔག་བསམ་ཤིང་། །ངང་པ་བུང་བའི་སྒྲ་སྒྲོགས་པ། ། ― DNG021_Page_0198 ―
[མ་དཔེ་གཟིགས་ན་འདིར་གནོན།]
སྐད་སྙན་བྱ་ནི་སྣ་ཚོགས་སྒྲོགས། །སྙིང་པོ་མཆོག་གི་འབྲུ་སྣ་ཅན། །གནམ་ནི་འཁོར་ལོ་རྩིབས་བརྒྱད་འདྲ། །ས་ནི་པདྨ་འདབ་བརྒྱད་འདྲ། །གནས་ཀྱི་དབྱིབས་ལེགས་ཁ་ཤར་བལྟས། །ལུང་པ་རན་ཅིང་མཛེས་པར་ནི། །ལས་ཀྱི་བྱ་བ་གཞུང་ཡང་བརྩམ། །བཀྲ་ཤིས་དོན་འགྲུབ་གནས་ཡིན་པས། །དབང་དང་དགུག་པའི་གནས་སུ་བསྟན། །ནགས་ནི་ཚེར་མ་གདུག་པ་ཡོད། །སྟག་དང་དོམ་དང་གཟིག་རྣམས་དང་། །སྦྲུལ་གདུག་གནས་པའི་ནགས་འདབ་དང་། །གནམ་ནི་རལ་གྲི་འདྲ་བ་དང་། །མདའ་ཡིས་ཕུག་དང་གྲིས་བཤའ་འདྲ། །ས་ནི་ཟུར་གསུམ་འཇོམས་པའི་དབྱིབས། །ས་འཁོས་མེ་དཔུང་འབར་བ་འདྲ། །ལོགས་ལ་དུ་བའི་རི་མོ་ཡོད། །ཉམས་དང་ལྡན་པས་བཙལ་བྱས་ན། །ངེས་པར་མྱུར་དུ་འགྲུབ་པར་འགྱུར། །ཁྲོ་བོ་དབྱུག་པ་སྔོན་པོའི་རྒྱུད་ལས། གླེང་གཞིའི་གནས་ཀྱི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། དཀྱིལ་འཁོར་གྱི་ལས་བསྟན་ཏེ། དབྱུག་པ་སྔོན་པོའི་དཀྱིལ་འཁོར་ནི། །མཐིང་ནག་གྲུ་གསུམ་འབར་བ་ལ། །ཐོད་པ་གསུམ་དང་དབྱུག་པས་བརྒྱན། །དབུས་སུ་རོ་ཡི་ཕུང་པོ་ལ། །སྐད་ཅིག་གིས་ནི་གསལ་བར་བལྟ། །མཆེ་གཙིགས་རྐན་རྡེབ་དབྱུག་པ་ལེན། །ཧཱུཾ་གི་རང་སྒྲ་ཐམས་ཅད་སྒྲོགས། །ཆག་གང་དབུས་སུ་བཞག་པ་ནི། །ར་སོག་གཡས་པའི་དཀྱིལ་གནས་སུ། །གཟུགས་བརྙན་བྱས་ལ་གཞག་པར་བྱ། །དེ་ལ་ཤེས་པ་རབ་བསྡིམས་ལ། །དབུས་སུ་ལྕགས་ཀྱི་ཕུར་གདབ་ལ། །གཞག་པར་བྱ་བ་ཡིན་པར་བཤད། །ཨཱོཾ་སུམ་བྷ་ནི་སུམ་བྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་བཱན། བིདྱཱ་རཱ་ཛ་ཧཱུཾ་ཕཊ། སྦྱོར་བ་དེ་ཡིས་རབ་སྦྱར་ན། །གང་ཡིན་གནས་སུ་དགུག་པར་བྱེད། །དེ་ནས་ལས་ལ་སྦྱར་ནས་ནི། །ལྕགས་ཀྱི་ཕུར་པ་ལྔ་བཏབ་ན། །ལྷ་ཡང་རུང་སྟེ་བརླག་པར་འགྱུར། །གདུག་པ་ཅན་ལ་ལྟ་ཅི་སྨོས། །ཁྲོ་བོ་དབྱུག་པ་སྔོན་པོའི་ ― DNG021_Page_0199 ―
[མ་དཔེ་གཟིགས་ན་འདིར་གནོན།]
རྒྱུད་ལས། དཀྱིལ་འཁོར་དབྱེ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། དམ་ཚིག་ཉམས་པ་བསྒྲལ་བའི་དོན་བསྟན་ཏེ། །དམ་ཚིག་ཉམས་དང་འཁུས་པ་དང་། །དམ་ལས་ལོག་ཅིང་ཆོས་ལ་རྒོལ། །དམ་མེད་དཀྱིལ་འཁོར་མ་མཐོང་དང་། །སེམས་ཅན་ཡོངས་ལ་འཚེ་བ་དང་། །དཀོན་མཆོག་སྐུ་དགྲ་ཡོངས་ལ་སྡང་། །དམ་མེད་ཚོགས་ཀྱི་སྤྱང་ཀི་བྱེད། །ཆོས་ལ་རྟོག་ཅིང་མཚང་ལ་རྒོལ། །ཁ་ལ་ཆོས་བྱེད་སྙིང་རྗེ་མེད། །ཁྲག་འཐུང་རྒྱལ་པོས་བསྒྲལ་བར་གསུངས། །དྲག་པོའི་གསང་སྔགས་དྲག་བཟླས་ཤིང་། །བཟླས་པ་བྱ་ཞིང་དུག་མེ་གཏོང་། །ཚིལ་ཆེན་ཞུན་དམར་རྩི་སྦྱར་ལ། །མཆོག་གི་རྐང་གིས་དཀྲུག་བྱ་ཞིང་། །ལེགས་པར་འདྲེས་པར་གྱུར་པ་དང་། །ཕོག་ཅིང་དཀྲུགས་ཏེ་བཟླས་པ་བྱ། །རྐང་རྗེས་ཤོག་ཤོག་མིང་བྱང་ལ། །དེ་ལ་རབ་ཏུ་བྱུག་བྱས་ཏེ། །དམ་ཚིག་ཉམས་པ་དེ་ལ་བསྡིམས། །སྲས་ཀྱི་ཕུར་པ་དེ་ལ་གདབ། །བསྒྲལ་བའི་ཞིང་དུ་དེ་གཏོགས་སོ། །བཏབ་མ་ཐག་ཏུ་འཆི་བར་འགྱུར། །ཁྲོ་བོ་དབྱུག་པ་སྔོན་པོའི་རྒྱུད་ལས། དམ་ཚིག་ཉམས་པ་བསྒྲལ་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། ཕྱུགས་ནད་བསྲུང་བར་བྱ་སྟེ། སྨན་སྣ་ལྔ་དང་དྲི་སྣ་ཚོགས། །ཕུར་པ་ཡུངས་ཀར་གུ་གུལ་དང་། །མཆོད་ཅིང་གཞུང་བསྲང་སྨན་མཆོད་བྱ། །འབྲུ་དགུ་བཟླས་ཤིང་དྲག་སྔགས་གདགས། །ཨ་ཛི་ཏེ་ཨ་པ་རཱ་ཛི་ཏེ། ཛ་ཡེ་བི་ཛ་ཡེ། ཀ་ཏང་ཀ་ཡེ། སྲུང་མ་གསུམ་གྱི་སྔགས་རྣམས་གཅེས། །ཟླ་བ་དྲུག་ཏུ་བཟླས་པ་བྱ། །ཕྱུགས་ལ་སྨན་བླུད་ཕུར་པ་གདགས། །བཅོམ་ལྡན་དབྱུག་སྔོན་སྲུངས་ཤིག་བྱ། །ཡུངས་ཀར་སྔགས་ཀྱི་ཕུར་པ་གདགས། །ཕྱུགས་ནད་བསྲུང་བ་འགྲུབ་པར་འགྱུར། །ཁྲོ་བོ་དབྱུག་པ་སྔོན་པོའི་རྒྱུད་ལས། ཕྱུགས་ནད་བསྲུང་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་དང་། ཁྲོ་བོ་གཤིན་རྗེའི་གཤེད་པོའི་རྒྱུད།― DNG021_Page_0200 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་ཡ་མཱནྟ་ཀ་ཏནྟྲ། བོད་སྐད་དུ། ཁྲོ་བོ་གཤིན་རྗེའི་གཤེད་པོའི་རྒྱུད། དཔལ་ཡ་མཱན་ཏ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན། མཐའ་དང་དབུས་མེད་པའི་རང་བཞིན་བཞུགས་གནས་ཆེན་པོ་ན། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ཡུམ་དང་གཉིས་སུ་མེད་པར་བདེ་བ་ཆེན་པོའི་ངང་ལ་བཞུགས་སོ། །དེའི་ཚེ་འཁོར་ཀརྨ་ཧེ་རུ་ཀ་དང་། ཤ་བའི་མགོ་ཅན་དང་། འུག་པའི་མགོ་ཅན་དང་། མགོ་བརྙན་གྱི་ཚོགས་ཀྱིས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ། མཉམ་པ་ཉིད་ཀྱི་ངང་ལས་བཞེངས་ནས། སེམས་ཅན་གྱི་དོན་ལ་བསྐུལ་ཏེ་འདི་སྐད་ཅེས་གསོལ་ཏོ། །ཨེ་མ་ཧོ། བཅོམ་ལྡན་རྡོ་རྗེའི་ངང་ཉིད་ལས། །གདུག་པའི་ལོག་རྟོག་གདུལ་སླད་དུ། །སྔོན་གྱི་སྨོན་ལམ་ཆེར་དགོངས་ལ། །སྙིང་རྗེ་ཆེན་པོ་བདག་ལ་སྟོན། །ཞེས་བསྐུལ་བས། དཔལ་ཁྲག་འཐུང་གི་རྒྱལ་པོས་བསྐུལ་བར་མཁྱེན་ནས། དེ་བཞིན་ཉིད་ཀྱི་ཏིང་ངེ་འཛིན་ལ་བཞེངས་ནས། གདུག་པ་ཅན་གྱི་ཚོགས་ཐམས་ཅད་ལ་ཁྱབ་པའི་སྙིང་རྗེ་ཆེན་པོ་བསྐྱེད་དེ། ― DNG021_Page_0201 ―
[མ་དཔེ་གཟིགས་ན་འདིར་གནོན།]
འདི་སྐད་ཅེས་བཀའ་སྩལ་ཏོ། །ཨེ་མ་ཧོ་འཁོར་གྱི་ཚོགས། །རིན་ཆེན་བྱང་ཆུབ་སེམས་ཆེན་པོ། །ཁྲོས་པའི་སྐུ་རྣམས་བསྐྱེད་པའི་རྒྱུ། །གདུག་པ་མ་ལུས་བསྒྲལ་བའི་ཕྱིར། །ཁྲོས་པའི་སེམས་སུ་གྲུབ་མཛོད་ཅིག །ཧོ། ཞེས་རྣམ་པར་བསྐུལ་ལོ། །ཡང་དེའི་ཚེ་དྲེགས་པའི་ཚོགས་དང་མགོ་བརྙན་གྱི་ཚོགས་ཀྱི་མ་དང་བུ་མོའི་ཚོགས་ཐམས་ཅད་གཡེམས་པའི་སེམས་དང་ལྡན་པར་གྱུར་ཏོ། །དེ་ནས་ཡང་ཁྲོ་མོའི་རྒྱལ་མོ་བྱང་ཆུབ་སེམས་ལ་ཡབ་ཀྱིས་བསྐུལ་བ་གླུ་འདིས་བསྐུལ་ལོ། །ཧཱུཾ་ཕ་དང་མ་དང་པདྨ་དག་པ་ཡི་ཡང་དགའ་བའི་ཀློང་། །གདུག་པ་སྒྲོལ་བའི་བྱང་ཆུབ་སེམས། །གདོད་ནས་དག་པའི་གཞལ་ཡས་སུ། །ཁྲོས་པའི་ཚོགས་རྣམས་འབྱུང་བའི་དབྱིངས། །ཧོ་ཞེས་རྣམ་པར་བསྐུལ་ལོ། །དེ་ནས་ཡང་དེའི་ཚེ་ཁྲག་འཐུང་གི་རྒྱལ་པོའི་ཚོགས་ཡུམ་ལ་ཆགས་པའི་སེམས་དང་ལྡན་པར་གྱུར་ཏོ། །དེ་ནས་བདེ་བའི་ངང་ལ་རྟག་ཏུ་ལྷན་ཅིག་ཏུ་བཞུགས་སོ། །ཁྲོ་བོ་གཤིན་རྗེའི་གཤེད་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཁྲག་འཐུང་གི་རྒྱལ་པོ་དེས། གཤིན་རྗེའི་གཤེད་པོའི་དཀྱིལ་འཁོར་འདི་གསུངས་སོ། །གཤིན་རྗེའི་གཤེད་པོའི་དཀྱིལ་འཁོར་ནི། །གྲུ་གསུམ་མཐིང་ནག་འབར་བ་ལ། །ཟུར་གསུམ་བེ་ཅོན་སྔོན་པོས་བརྒྱན། །དེ་ཡི་དབུས་སུ་བསམ་བྱ་བ། །གྲོ་ག་ཤིན་ཤུན་གང་ཡིན་ལ། །ཐར་ནུ་ར་ལྗག་འདི་ཡིས་ནི། །རང་བྱུང་མེ་ཏོག་དང་སྦྱར་ནས། །གཟུགས་བརྙན་སོར་བཞིའི་ཚད་དུ་བྲི། །དེ་ཡི་དབུས་སུ་རབ་བཞག་པ། །དེ་ཡི་སྙིང་གའི་གནས་སུ་ནི། །ས་བོན་བསམ་ལ་སྐུ་བསྐྱེད་དེ། །རྡོ་རྗེའི་ཆོ་ག་གསུམ་གྱིས་བསྐྱེད། །ཡོངས་སུ་རྫོགས་པའི་སྐུ་དེ་ལ། །ཕྱི་ནང་གསང་བའི་དབང་ཡང་བསྐུར། །བྱིན་གྱིས་བརླབ་པའི་སྔགས་དག་ལ། །གསང་བའི་གནས་སུ་བྱིན་གྱིས་བརླབས། །ཡེ་ཤེས་དཀྱིལ་འཁོར་སྤྱན་དྲང་མཆོད། །རང་བཞིན་གནས་སུ་དེ་བཞུགས་པར། །ཡོངས་སུ་བལྟས་ལ་སྔགས་ལ་སྦྱར། །སྲས་ཀྱི་དམ་པར་རབ་བསྐྱེད་ལ། །བྱིན་བརླབས་དབང་ཡང་བསྐུར་བ་ ― DNG021_Page_0202 ―
[མ་དཔེ་གཟིགས་ན་འདིར་གནོན།]
ཡིན། །དུག་དང་མ་རུངས་པ་ཡང་བྱུག །བཟླས་ཡུངས་ཐུན་ཡང་བརྡེག་པ་ཡིན། །དུག་ལ་སོགས་པའི་ཐུན་ཡང་བརྡེག །ཞབས་འོག་གསང་བའི་དཀྱིལ་འཁོར་དུ། །བསད་པའི་སྦྱོར་བ་བྱས་པས་ནི། །ཐང་གཅིག་ཡུད་ལ་དེ་རླག་འགྱུར། །དུར་ཁྲོད་རས་མ་བླངས་ནས་ནི། །དུག་དང་མ་རུངས་པ་ཡིས་བྱུག །མ་དེ་ར་ཡི་ཤིང་བུ་ལ། །པདྨའི་སྣོད་དུ་ངད་པས་བསགས། །དེ་ལ་བསེ་ཤིང་ཞོ་ཡིས་སྦྱངས། །དུར་ཁྲོད་རྐང་གི་རྨྱུ་གུས་བྲི། །རྔ་མོ་བོང་བུའི་གཟུགས་བྲིས་ལ། །དེ་སྟེངས་འབད་ཅིང་འཐབ་པ་བྲི། །དེ་ལ་གསང་སྔགས་འབུམ་དུ་བཟླས། །དེ་ཡི་རྩིག་པའི་རྨང་དུ་བཟླས། །བརྒྱ་རྩ་བརྒྱད་དུ་ཐེམ་པ་དང་། །ས་བརྐོས་བཅུག་ལ་མི་མངོན་སྦ། །དེ་ཡིས་དབྱེ་བར་གདོན་མི་ཟ། །དུར་ཁྲོད་རོ་རས་ས་མེ་རླུང་། །དེ་དག་འཁོར་ལོ་རབ་བྲིས་ལ། །འཁོར་ལོའི་དབུས་སུ་གཟུགས་བརྙན་བྲི། །རྔ་མོ་སྐེ་རིང་རྩལ་དང་བཅས། །དེ་ཡི་རྨིག་པ་བཞི་རྣམས་ལ། །ཡཾ་ལས་རླུང་གི་དཀྱིལ་འཁོར་བསྐྱེད། །དེ་སྟེང་དམིགས་པའི་གཟུགས་བརྙན་བཞག །བཟླས་པ་ཁྲི་ཕྲག་གཅིག་བྱས་ལ། །ཐེམ་པའི་འོག་ཏུ་སྦས་གྱུར་ན། །གནས་ལས་འཕོ་བ་ངེས་པར་འགྲུབ། །དགུག་པ་རླུང་གི་ལྕགས་ཀྱུ་སྟེ། །ཐང་གཅིག་ཡུད་ལ་འགུགས་པར་བྱེད། །ཁྲོ་བོ་གཤིན་རྗེ་གཤེད་པོའི་རྒྱུད་ལས། དཀྱིལ་འཁོར་དགུག་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཁྲག་འཐུང་རྒྱལ་པོ་དེས་ཚེ་སྒྲུབ་པའི་དོན་འདི་གསུངས་སོ། །རིན་ཆེན་སྣ་ལྔའི་བུམ་པ་རུ། །སྨན་ལྔ་འབྲུ་ལྔ་རིན་ཆེན་ལྔ། །སྤོས་ལྔ་སྙིང་པོ་ལྔ་རུ་གསུངས། །སྒོ་བཞི་ཕྱི་ལ་ཧྲཱྀ་བཞི་བྲི། །རྟ་མགྲིན་རྒྱལ་པོར་མངའ་གསོལ་ལ། །ནང་བླུག་བུམ་པའི་ཁ་རྒྱན་བཅས། །སྤོས་དང་གུ་གུལ་དུད་པས་བདུག །དཀར་གསུམ་མངར་གསུམ་རིལ་བུ་བྱ། །སྐུ་གསུང་ཐུགས་ལ་ཐིམ་པར་བསྡིམ། །མཚམས་བཅད་བགེགས་བསྐྲད་གཟུངས་ཐག་གཟུངས། །ལྷ་བསྐྱེད་འཛབ་བྱ་མཆོད་པ་དབུལ། །སྙན་གསན་དབབ་ཅིང་སྐུ་གསུང་ཐུགས་ལ་བསྡིམ། །སྔགས་ ཁྲོ་བོ་མི་གཡོ་མགོན་པོའི་རྒྱུད།― DNG021_Page_0203 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་ཨཱརྱ་ཨ་ཙ་ལ་ནཱ་ཐ་ཏནྟྲ། བོད་སྐད་དུ། ཁྲོ་བོ་མི་གཡོ་མགོན་པོའི་རྒྱུད། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ ― DNG021_Page_0204 ―
[མ་དཔེ་གཟིགས་ན་འདིར་གནོན།]
ཁྲག་འཐུང་གི་རྒྱལ་པོ། འོག་མིན་སྡུག་པོ་བཀོད་པའི་ཞིང་ཁམས་ན། མཐའ་དང་དབུས་མེད་པའི་གཞལ་ཡས་ཁང་། རྒྱ་ཁྱོན་དཔག་ཏུ་མེད་པ་ན་ཡུམ་དང་གཉིས་སུ་མེད་པ་མཉམ་པའི་ངང་ལ་བཞུགས་སོ། །ཡང་དེའི་ཚེ་དེའི་དུས་ན། ཀརྨ་ཧེ་རུ་ཀ་དང་། གཟིག་གི་མགོ་ཅན་དང་། ཁྭ་ཏའི་མགོ་ཅན་དང་། མགོ་བརྙན་གྱི་ཚོགས་གྲངས་མེད་པ། ཁྱད་པར་གྱི་བྱེ་བྲག་རྣམ་པ་བསམ་གྱིས་མི་ཁྱབ་པར་བཞུགས་སོ། །གདུག་པའི་འཁོར་གྲངས་མེད་པའི་ནང་ནས། ཕྲིན་ལས་ཀྱི་མངའ་བདག །ཁྲོ་བོ་ཀརྨ་ཧེ་རུ་ཀས། ཡུམ་གཏུན་ཁུང་མ་དང་། རོལ་པའི་ངང་ཚུལ་བཟུང་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མ་ཧོ། སྦྱོར་བའི་ཕྱག་རྒྱ་ཇི་ལྟར་ལགས། །ཁྲོ་བོའི་ང་རོ་ཇི་ལྟར་ལགས། །བརྡའ་ཡི་ཕྱག་རྒྱ་ཇི་ལྟར་ལགས། །ཞེས་གསོལ་བས། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། གསང་བའི་སྔགས་འདི་གསུངས་སོ། །ཨེ་མ་ཧོ་རང་བཞིན་ཁྲོས་པ་ཡིས། །འོད་དང་འབར་བ་འཕྲོས་པ་ཡིས། །སངས་རྒྱས་དུས་གསུམ་དྲག་པོར་བསྐུལ། །དེ་ཉིད་མ་བཅོས་བྱང་ཆུབ་སེམས། །དེ་ཉིད་གསང་བའི་ངང་ཚུལ་ཤར། །སྦྱོར་བའི་ཕྱག་རྒྱ་ལྷན་ཅིག་སྐྱེས། །ཁྲོས་པའི་ཕྱག་རྒྱ་བསྐྱེད་རིམ་བསྒོམ། །བརྡའ་ཡི་ཕྱག་རྒྱ་ཕྱག་མཚན་རྣམས། །ཞེས་གསུངས་སོ། །ཁྲོ་བོ་མི་གཡོ་མགོན་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་ཡིས་དབྱེ་བའི་དཀྱིལ་འཁོར་འདི་གསུངས་སོ། །མི་གཡོ་མགོན་པོའི་དཀྱིལ་འཁོར་ནི། །སྨུག་ནག་གྲུ་གསུམ་གདངས་པ་ལ། །རྩེ་མོར་མེ་ཡི་ཕུང་པོ་འབར། །ལོགས་ལ་པདྨ་འདབ་གསུམ་པ། །དེ་ཡི་དབུས་སུ་བསམ་པ་ནི། །མེ་རི་འབར་བའི་དབུས་སུ་བསམ། །ཉི་མ་ཟླ་བ་འོད་དང་བཅས། །དེ་ཡི་སྟེང་དུ་ས་བོན་ལས། །རང་འོད་སྔགས་ཀྱིས་གསལ་བར་འབར། །དེ་ཡི་སྐུ་ནི་མི་ཐུང་གཟུགས། །ཤིན་ཏུ་ལྡིང་ལ་མཁྲང་བག་ཆགས། །འཇིགས་པ་རྔམ་པའི་ཞལ་ ― DNG021_Page_0205 ―
[མ་དཔེ་གཟིགས་ན་འདིར་གནོན།]
གདངས་ཤིང་། །རྐན་སྒྲ་བརྡེབ་པས་དྲེད་ཅིང་བརྒྱལ། །གདུག་པའི་སྔགས་རྣམས་རབ་ཏུ་ཟློས། །དེ་འདྲའི་སྐུ་ཉིད་གསལ་བ་ལས། །ཡེ་ཤེས་སེམས་དཔའི་ཏིང་འཛིན་བལྟ། །སེང་ལྡེང་ཕུར་པ་ཚོན་གང་ལ། །དབང་བསྐུར་བྱིན་བརླབ་གུ་གུལ་བདུག །བཟླས་པ་སྟོང་ཕྲག་དྲུག་ཏུ་བཟླས། །བྱས་པས་མཚན་མ་བཟང་པོ་མཐོང་། །ལས་ལ་སྦྱར་བ་ཤེས་པར་བྱ། །རེ་བ་ནག་པོ་གང་དང་གང་། །དེ་ལ་གཟུགས་བརྙན་བྱས་ནས་ནི། །མིང་དང་རུས་ནི་སྙིང་གར་གཞུག །དེ་ལ་ཤེས་པ་རབ་བསྡིམས་ལ། །ཁུགས་པའི་མཚན་མ་བྱུང་བ་དང་། །དེ་ལ་གདབ་པའི་ལས་ཀྱང་བྱ། །དེས་ནི་ངེས་པར་རླག་པར་འགྱུར། །གདུག་པའི་སེམས་དང་བཅས་ནས་ནི། །སྙིང་གའི་འོད་ཟེར་དྲག་པོ་ཡིས། །རབ་ཏུ་ཁྲོས་ནས་བསྐུལ་བའི་ཚེ། །ལྷ་ཀླུ་གནོད་སྦྱིན་མཁའ་འགྲོ་རྣམས། །བདག་གིས་བཅོལ་བའི་ལས་རྣམས་ཀུན། །གང་ཡིན་གནས་སུ་ཕྱིན་པར་འགྲོ། །གདུག་པའི་རྫས་ནི་ཐམས་ཅད་ལ། །ཟླ་བ་གཟའ་ཡིས་ཟིན་དུས་སུ། །མཚོན་གྱིས་དབབ་བྱ་ཤ་ཁྲག་དང་། །འདྲེ་འབྲོས་ཐང་ཆུ་དེ་རྣམས་སྦྱར། །མེས་རོག་ཤིང་ཤུན་ནང་དུ་གཏུམ། །གསང་སྔགས་ཁྲི་ཕྲག་གསུམ་བཟླས་ནས། །དེ་བསྟན་མོད་ལ་དྲེད་ཅིང་བརྒྱལ། །འཇིག་རྟེན་ཁམས་སུ་འབྱེར་བར་འགྱུར། །ཞེས་གསུངས་སོ། །ཁྲོ་བོ་མི་གཡོ་མགོན་པོའི་རྒྱུད་ལས། དབྱེ་བའི་དཀྱིལ་འཁོར་གྱི་ལེའུ་སྟེ་གཉིས་པའོ།། །།དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། བུད་མེད་བུ་མེད་པ་ལ་བུ་བསླང་བ་ནི། ཕྱི་མཆོད་ཕུར་དགོད་ཚུལ་བཞིན་བྱ། །བུམ་པ་སྤོས་བདུག་རྒྱན་གྱིས་བརྒྱན། །སྨན་ལྔ་སྤོས་ལྔ་རིན་ཆེན་ལྔ། །འབྲུ་ལྔ་སྙིང་པོ་ལྔ་ཡང་བླུགས། །ཕོ་བྲང་དཀྱིལ་དུ་བུམ་པ་བཞག །ཕུར་པ་དགོད་ཅིང་ལྷ་ཚོགས་བསྐྱེད། །ཕུར་པ་བྱིན་བརླབ་གཞུང་བཞིན་བྱ། །ལྕགས་སྣ་ལྔ་ཡི་ཕུར་པ་ལ། །བྱིན་རླབ་བདུན་བྱས་དབུས་སུ་དགོད། །བསྙེན་པའི་ཕུར་པ་སྤྱི་དང་མཐུན། །འཛབ་ཀྱི་དུས་སུ་ཡུངས་ཀར་ ― DNG021_Page_0206 ―
[མ་དཔེ་གཟིགས་ན་འདིར་གནོན།]
སྔགས་བཟླས་ལ། །བུམ་པར་བླུགས་ཤིང་བགེགས་ཀྱང་བསྐྲད། །ཚོགས་མཆོད་སྐབས་སུ་བགེགས་བཀུག་ལ། །བསྙེན་ཕུར་དྲིལ་ཞིང་རབ་ཏུ་གདབ། །ལྕགས་སྣ་ལྔ་ཡི་ཕུར་པ་ཡིས། །དགུག་གཞུག་བསྡིམ་ཞིང་ཕུར་པ་གདབ། །བུམ་པ་ཆུ་ཡིས་དབང་བསྐུར་བཀྲུ། །བསྒྲུབ་པ་ཆེན་པོའི་དུས་དག་ཏུ། །གདབ་དང་ཧོམ་དང་ཟོར་དང་གསུམ། །མནན་སྲེག་འཕང་བའི་ལས་རྣམས་རྫོགས་པར་བྱ། །དེ་ཡིས་འགྲུབ་པར་ཐེ་ཚོམ་མེད། །ཁྲོ་བོ་མི་གཡོ་མགོན་པོའི་རྒྱུད་ལས། བུ་བསླང་བའི་ལེའུ་སྟེ་གསུམ་པའོ།། །།དེ་ནས་གསོ་བའི་ལས་བྱེད་ན། །ཕྱི་མཆོད་ནང་མཚམས་མངའ་གསོལ་ནས། །ཐིག་གདབ་མཚོན་དགྱེ་ཕུར་བུ་དགོད། །ལིངྒ་བཅའ་ཞིང་དགྲ་བགེགས་དགུག །དེ་ལ་སྔགས་དྲུག་རབ་ཏུ་གཅེས། །ཁྱི་གུའི་ཐོད་པར་མིང་བཅུག་ལ། །ལྷ་དབྲལ་དགུག་བསྡིམ་དབང་དུ་བསྡུ། །ཚོགས་མཆོད་སྐབས་སུ་དགུག་གཞུག་བྱ། །བསྙེན་ཕུར་དྲིལ་ཞིང་གདབ་ལས་བྱ། །མནན་བསྲེག་འཕང་དང་གསུམ་ཡང་བསྒྲུབ། །ཆུང་སྲི་མལ་གྱི་འོག་ཏུ་མནན། །ཡང་ན་ཐེམ་པའི་འོག་ཏུ་མནན། །མི་གཡོ་མགོན་པོའི་ཕུར་བུས་གདབ། །རྡོ་རྗེ་རྒྱ་གྲམ་ལྟེ་བར་སྦྱར། །ཕྲིན་ལས་རྣམ་བཞིའི་བྲོ་ཡང་བརྡུང་། །ཁྲོ་བོ་བཅུ་ནི་རབ་ཏུ་གཅེས། །དེ་ལྟར་བྱས་ན་འགྲུབ་པར་འགྱུར། །ཁྲོ་བོ་མི་གཡོ་མགོན་པོའི་རྒྱུད་ལས། སྲིའུ་གསོ་བའི་ལེའུ་སྟེ་བཞི་པའོ།། །།དེ་ནས་དཔལ་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་དང་། གཟིག་གི་མགོ་ཅན་དང་། ཁྭ་ཏའི་མགོ་ཅན་དང་། མགོ་བརྙན་གྱི་ཚོགས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཁྲག་འཐུང་གི་རྒྱལ་པོ་གསང་བ་རྨད་དུ་བྱུང་བའི་ཆོས་ཇི་ལྟར་འབྱུང་ལགས། ཟབ་མོའི་དོན་ཇི་ལྟར་འབྱུང་ལགས། གདུག་པའི་ཚོགས་ཇི་ལྟར་འདུལ་ལགས། ཞེས་གསོལ་བས། བཅོམ་ལྡན་འདས་ཁྲག་འཐུང་གི་རྒྱལ་པོས་གསུང་འདི་སྐད་ཅེས་བཀའ་སྩལ་ཏོ། །བྱོན་པར་ ཁྲོ་བོའི་རྒྱལ་པོ་རྟ་མགྲིན་གྱི་རྒྱུད།― DNG021_Page_0207 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་ཏ་ཧ་ཡ་གྲཱྀ་ཝ་རཱ་ཛ་ཏནྟྲ། བོད་སྐད་དུ།ཁྲོ་བོའི་རྒྱལ་པོ་རྟ་མགྲིན་གྱི་རྒྱུད། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན། གྲུ་གསུམ་ཨེའི་དཀྱིལ་འཁོར་འབྱམས་པ་ན། བཙུན་མོའི་བྷ་ག་དྷརྨ་དྷཱ་ཏུ་ཆོས་ཀྱི་འབྱུང་གནས། པདྨ་བདེ་བ་ཅན་གྱི་ཞིང་ཁམས་དེ་ན། ཡུམ་དང་གཉིས་སུ་མེད་པར་ལྷུན་གྱིས་སྦྱོར་བ་ལ། པདྨ་ཧེ་རུ་ཀ་དང་། བྱི་ལའི་མགོ་ཅན་དང་། པུ་ཤུད་ཀྱི་མགོ་ཅན་དང་། མགོ་བརྙན་གྱི་ཚོགས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མ་ཧོ། བཅོམ་ལྡན་རྡོ་རྗེའི་ངང་ཉིད་ལས། །གདུག་པ་ལོག་ལྟ་གདུལ་སླད་དུ། །སྔོན་གྱི་སྨོན་ལམ་ཆེར་དགོངས་ཏེ། །སྙིང་རྗེ་ཆེན་པོ་བདག་ལ་སྟོན། །ཞེས་བསྐུལ་བས། དཔལ་ཁྲག་འཐུང་གི་རྒྱལ་པོས་ཏིང་ངེ་འཛིན་ལས་བཞེངས་ཏེ། སྐུ་གསུང་ཐུགས་སུ་ཆུད། སྐུ་གསུང་ཐུགས་དེ་ཉིད་ཀྱི་ངང་ལས། སྨོན་ལམ་གྱི་དབང་གིས་རོལ་པའི་ཆོ་འཕྲུལ་མང་པོ་བྱུང་སྟེ། རྣམ་པར་གསལ་བའི་ཏིང་ངེ་འཛིན་ལ་བཞུགས་ཏེ། རང་བཞིན་གྱི་ངང་ལ་བཞུགས་སོ། །དེའི་ཚེ་ཡང་འཁོར་རྣམས་ཀྱིས་འདི་སྐད་ཅེས་གསོལ་ཏོ། །ཨེ་མ་ཧོ། ― DNG021_Page_0208 ―
[མ་དཔེ་གཟིགས་ན་འདིར་གནོན།]
ཐབས་ཀྱི་སྐུ་མཆོག་གསང་བའི་ངང་། །རྣམ་དག་དྲི་མ་མེད་པའི་འོད། །ཡོངས་གསལ་ངང་ལས་སེམས་ཅན་དོན། །ཁྲོས་པའི་སྐུ་མཆོག་བསྟན་དུ་གསོལ། །ཞེས་རྣམ་པར་བསྐུལ་བས། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས་བསྐུལ་བར་མཁྱེན་ནས། ཁྲོ་བོ་རོལ་པའི་ཕྱག་རྒྱ་བཅས་ཏེ། གཟུགས་སྐུ་རྣམ་གཉིས་སུ་བཞེངས་ནས། གདུག་པ་ཐམས་ཅད་ཚར་བཅད་ནས། ཁྲག་འཐུང་གི་ཚོགས་དབང་དུ་བསྡུས་ནས་བསྐྱེད་པའི་རིམ་པ་ལ་བཞུགས་སོ། །རྟ་མགྲིན་གྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཁྲག་འཐུང་གི་རྒྱལ་པོ་དེས། རྟ་མགྲིན་གྱི་ཏིང་ངེ་འཛིན་འདི་གསུངས་སོ། །རྟ་མགྲིན་རྒྱལ་པོའི་དཀྱིལ་འཁོར་ནི། །དམར་ནག་གྲུ་གསུམ་འབར་བ་ལ། །ལོགས་གསུམ་ཟླ་གམ་གསུམ་བྱས་ལ། །ཐོད་པ་འཇིགས་པ་གསུམ་ཡང་དགོད། །ཕྱི་རིམ་པདྨ་འདབ་བརྒྱད་བྲི། །དབུས་སུ་ཀླུ་ཡི་རྒྱལ་པོ་བསམ། །དེ་སྟེང་ས་བོན་གསལ་བལྟས་ལ། །འོད་ཀྱི་འཕྲོས་པའི་འོད་ཕུང་ལས། །རང་སྔགས་སྒྲ་ཡིས་རབ་བསྐུལ་བས། །ཡོངས་སུ་རྫོགས་པའི་སྐུར་གསལ་གྱུར། །དེ་རྗེས་ཡེ་ཤེས་རྗེས་དྲན་པས། །སྐུ་གསུང་ཐུགས་སུ་བྱིན་གྱིས་བརླབས། །མཆོད་ཅིང་བསྡིམ་པ་བྱས་ནས་ནི། །སྲས་མཆོག་ཟངས་མའི་སྐུ་མཆོག་ལ། །དབང་བསྐུར་བྱིན་བརླབས་བྱས་ནས་ནི། །བདག་ཉིད་མདུན་ན་གནས་པར་བརྟག །སྙིང་པོ་རང་སྔགས་བཀོད་ནས་ནི། །བཟླས་པ་ཁྲི་ཕྲག་གཅིག་ཏུ་བྱ། །དེ་ནས་ལས་ལ་མྱུར་དུ་སྦྱར། །ཁྲོས་པའི་སེམས་ཀྱིས་བླངས་པ་ནི། །གྲོག་མ་རྒྱལ་པོའི་མཁར་ས་བླང་། །སྡོང་པོ་རྐང་གཅིག་ཐང་ཆུས་སྦྲུ། །གཟུགས་བརྙན་སོར་བརྒྱད་ཚད་དུ་བྱ། །ཀླུ་ཡི་རྒྱལ་པོའི་ཁར་བཅུག་ལ། །དེ་ལ་དགུག་ཅིང་བསྡིམ་པ་ཡིན། །དེ་ནས་ཕུར་པ་གདབ་པ་བརྩམ། །སངས་རྒྱས་ཉིད་ཀྱང་འཇིག་པར་འགྱུར། །སེམས་ཅན་ཕལ་པ་སྨོས་ཅི་དགོས། །བུམ་པ་བཟང་པོ་བསྟར་བྱས་ལ། །ནང་དུ་བདུག་རྩི་ལྔ་ཡང་བླུག །དེ་ ― DNG021_Page_0209 ―
[མ་དཔེ་གཟིགས་ན་འདིར་གནོན།]
ཡི་ནང་དུ་ཡིག་འབྲུ་དགོད། །དེ་ལ་བདུད་རྩིས་གང་བར་བསམ། །དེ་ནས་མཎྜལ་པདྨ་བྱ། །དེ་སྟེང་དམིགས་པ་དེ་བཞག་ལ། །སྔོན་ལ་སྟེང་གི་སྒོ་བཞིར་གཏུག །དེ་ནས་ཚངས་པའི་བུ་ག་ནས། །བདུད་རྩི་ཆུ་རྒྱུན་བླུགས་ནས་ནི། །ལུས་ལ་དུག་རྣམས་མི་གནས་པར། །འོག་གི་སྒོ་ནས་དབྱུང་བར་བསམ། །དེ་ལྟར་ཡང་དང་ཡང་བྱས་པས། །དུག་རྣམས་ངེས་པར་འཇོམས་པར་བྱེད། །ཐལ་ཆེན་མཚན་མ་གདོང་ལ་གདབ། །ཐལ་ཆེན་ཡུངས་ཀར་བསྲེས་བྱས་ལ། །སྤྱན་བཟློག་བལྟས་ལ་དྲག་སྔགས་བཟླས། །དེ་ཡིས་སེར་བ་ངེས་པར་བཟློག །པདྨའི་སྣོད་དུ་བདུད་རྩི་ལྔ། །དེ་སྟེང་སྨན་ལྔ་བླུགས་ནས་ནི། །བཟླས་པ་སྟོང་ཕྲག་བརྒྱད་དུ་བྱ། །དེ་ནས་སྨན་རྣམས་དར་ཁྲུད་བཏུམ། །སྤྱི་བོ་དག་ཏུ་བཞག་ནས་ནི། །འཇིགས་པའི་གནས་ནས་ཐར་པར་ངེས། །ཁྲོ་བོ་རྟ་མགྲིན་རྒྱལ་པོའི་རྒྱུད་ལས། དཀྱིལ་འཁོར་དབྱེ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། གསུང་གི་དཀྱིལ་འཁོར་འདི་ཕྱེ་སྟེ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧྲླཱཾ ་ཧྲླཱཾ ་ཧྲླཱཾ ་ཧྲླཱཾ ་ཧྲླཱཾ ། ཧྲླཱཾ ་ཧྲླཱཾ ་ཧྲླཱཾ ་ཧྲླཱཾ ་ཧྲླཱཾ ། ཨོཾ་བཛྲ་ཀྲོ་དྷ་ཧཱུཾ་ཀཱ་རཱ་ཧཱུཾ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་ནི་ལ་དཎྜ་ཧཱུཾ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུཾ། ཨོཾ་བཛྲ་ཀྲོ་དྷ་ཨ་པ་ར་ཛི་ཏེ་ཧཱུཾ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། ཨོཾ་བཛྲ་ཀྲོ་དྷཱི་དཱི་པ་ཡ་ཏི་ཧཱུཾ། ཨོཾ་བཛྲ་ཀྲོ་དྷཱི་ལཱ་སེ་ཀི་ཧཱུཾ། ཨོཾ་བཛྲ་ཀྲོ་དྷཱི་ཛ་ན་པ་ཏ་ཧཱུཾ། ཨོཾ་བཛྲ་ཀྲོ་དྷཱི་ཤྨ་ཤཱ་ན་པ་ཧཱུཾ། ཨོཾ་བཛྲ་ཀྲོ་དྷཱི་མུ་པ་ལཱི་ཧྲླཱཾ ། ཨོཾ་བཛྲ་ཀྲོ་དྷཱི་ཙཎྜ་ལཱི་ཧཱུཾ། ཨོཾ་བཛྲ་ཀྲོ་དྷཱི་ས་བྱཱ་ཏི་ཧྲླཱཾ ། ཨོཾ་བཛྲ་ཀྲོ་དྷཱི་མ་ར་ཎ་ཧྲླཱཾ ། ཨོཾ་བཛྲ་ཀྲོ་དྷཱི་ཙུནྡ་པ་ཏི་ཧྲླཱཾ ། ཨོཾ་བཛྲ་ཧྲི་ཧྲི་ཏ་ལ་ཀྲོ་དྷ་ཡ་ཛྭ་ལ་ཀ་ལ་ཀ་ར་ཡ་ཧཱུཾ་ཧཱུཾ་ཕཊ། ཨོཾ་ཕཊ་ཊ་ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། སྤུ་ཏ་སྤུ་ཏ། སྤུ་ཏ་ཡ་སྤུ་ཏ་ཡ། སརྦ་ནཱ་ག་བྷ་བ་མ་ཎི་པ་ར་ས་ར་ས་ར། སརྦ་དུཥྚཾ་ ― DNG021_Page_0210 ―
[མ་དཔེ་གཟིགས་ན་འདིར་གནོན།]
ཧྲི་ད་ཡ། ཤོ་དྷ་རེ་ཧཱུཾ་ཧཱུཾ་ཕཊ། ཨོཾ་ཨཱཿཧཱུཾ་སྭཱ་ཧཱ། ཨ་བྷི་ཥིཉྩ་ཏུ་མཱཾ། འཁོར་གྱི་སྔགས་རྣམས་ཚུལ་བཞིན་དུ། དྷཱུ་པེ། པུཥ྇། ཨཱ་ལོ་ཀེ། གན་དྷི། ལཱ་སྱེ་ཧཱུཾ། མཱ་ལེ་ཏྲཱཾ། གཱི་ར་ཏི་ཧྲཱྀཿ། ནིར་ཏི་ཨཱཿ། སརྦ་ཏ་ཐཱ་ག་ཏ་མ་ཧཱ་ཨ་མྲྀ་ཏ། མ་ཧཱ་ཨ་མྲྀ་ཏ་སྭཱ་ཧཱ། ཨོཾ་ན་མཿསརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་ན་མཿསརྦ་ཏ་ཐཱ་ག་ཏོ་ཧྲི་ད་ཨ་ནུ་ཏ་ན་ཨ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏོ་པཱུ་ཙ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། བཛྲ་ཨཾ་ཀུ་ཤ་ཛཿ། བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། བཛྲ་གྷཎྜ་ཧོཿ། ཨོཾ་ལཾ། ཨཱ་ལཾ། ཧཱུཾ་ལཾ། སྟཾ་བྷ་ནི། མོ་ཧ་གྷ་ཡ་བྷ་ག་བཱན། ཤྲཱི་ཏྲི་བི་ཏྲི། བཛྲ་ཧཱུཾ་ཀཱ་ར་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། ཨོཾ་སརྦ་བིགྷ་ནཱན། ཀཱི་ལ་ཡ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨཱོཾ་བཛྲ་ཧཱུཾ་ཀཱ་ར་ཧཱུཾ་ཨཱ། ཚིན་དྷ་ཚིན་དྷ་བཛྲ་ཧཱུཾ་ཕཊ། བིན་དྷ་བིན་དྷ་ཧཱུཾ་བཛྲ་ཧཱུཾ་ཕཊ། གྲྀ་ཧྞ་གྲྀ་ཧྞ་བཛྲ་ཧཱུཾ་ཕཊ། ཧ་ན་ཧ་ན་བཛྲ་ཧཱུཾ་ཕཊ། ཨོཾ་ཏ་ཐ་ཡ་ཏ་ཐ་ཡ་བཛྲ་ཧཱུཾ་ཕཊ། ཧ་ས་ཡ་ཧྲི་བཛྲ་ཧཱུཾ་ཕཊ། ཤཱི་གྷྲཾ་ཨཱ་ན་ཡ་བཛྲ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་བཛྲ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་བཛྲ་ཧཱུཾ་ཕཊ། བྷིན་དྷ་ཡ་བྷིན་དྷ་ཡ་བཛྲ་ཧཱུཾ་ཕཊ། ད་ཧ་ད་ཧ་བཛྲ་ཧཱུཾ་ཕཊ། པ་ཙ་པ་ཙ་བཛྲ་ཧཱུཾ་ཕཊ། མ་ཐ་མ་ཐ་བཛྲ་ཧཱུཾ་ཕཊ། ཛྭ་ལ་ཛྭ་ལ་བཛྲ་ཧཱུཾ་ཕཊ། སུ་རུ་སུ་རུ་བཛྲ་ཧཱུཾ་ཕཊ། མུ་རུ་མུ་རུ་བཛྲ་ཧཱུཾ་ཕཊ། ཀ་ཊཾ་ཀ་ཊ་ཡེ། ཛ་ཡེ་བི་ཛ་ཡེ། ཨ་ཛི་ཏེ་མཱ་ར་སེ་ན་པྲ་མར་དྷ་ན་ཡེ་བཛྲ་ཧཱུཾ་ཕཊ། ཧཱུཾ་མ་མ་པ་ཤཾ་ཀུ་རུ་མ་ཏཾ་ཀ་ར་ཨི་དན་ཏེ། མ་མ་ཀརྨ་ཤཱི་གྷྲཾ་ཀ་ཏ་སྭཱ་ཧཱ། ཨོཾ་བཛྲ་ཨཱ་ན་ཡ་བཛྲ་ཧཱུཾ་ཕཊ། ཏདྱ་ཐཱ་བཛྲ་ཧཱུཾ་ཕཊ། ཨོཾ་སུ་རུ་སུ་རུ་ཧཱུཾ་ཕཊ། ཨུཙྪུཥྨ་ཀྲོ་དྷ་ཧཱུཾ་ཕཊ། ཧཱུཾ་ཡ་ཧཱུཾ་ཡ་ཕུ་ཕུ་ནཱ་ག་ནཱ་ག་དུམ་པ་ལི་ཕཊ།ཤཱིནྟཾ་ཀུ་རུ་སྭཱ་ཧཱ། པུཥྚིཾ་ཀུ་རུ་སྭཱ་ཧཱ། བ་ཤཾ་ཀུ་རུ་སྭཱ་ཧཱ། མཱ་ར་ཡ་ཧཱུཾ་ཕཊ།བཏུ་བའི་ཡི་གེ་གཞན་དུ་བརྗོད། །རྟ་མགྲིན་རྒྱལ་པོའི་རྒྱུད་ལས། སྔགས་ཀྱི་ལེའུ་སྟེ་གསུམ་པའོ།། །། ― DNG021_Page_0211 ―
[མ་དཔེ་གཟིགས་ན་འདིར་གནོན།]
དེ་ནས་ཡང་དཔལ་ཁྲག་འཐུང་གིས་ས་བདག་བསྲུང་བ་བསྟན་ཏེ། གང་ནས་གནོད་པའི་ས་ཕྱོགས་ནས། །ས་བླང་སྦལ་པའི་གཟུགས་བྱས་ཏེ། །དེ་ལ་གླ་རྩི་ལན་ཚྭ་དང་། །སྐྱེ་ཚོ་ཁྲག་སྐམ་གཟུགས་བྱས་ལ། །ཤོག་བུར་སྦལ་པའི་གཟུགས་བྲིས་ལ། །དེ་ཡི་མཐའ་ལ་འཁོར་ལོ་རྩིབས་དྲུག་བྲི། །དེ་ལ་གབ་པའི་སྔགས་དྲུག་བྲི། །མགོ་བོ་ཡན་ལག་འབྲུ་དགུས་བསྐོར། །འདོམས་སུ་མཱ་ར་ས་ན་བྲི། །སྙིང་གར་སྲུང་མ་གསུམ་གྱི་སྔགས་བྲིས་ལ། །གཡས་སུ་ཧཱུཾ་ལ་གཡོན་དུ་ཕཊ། །མཐའ་མ་ཁྲོ་བཅུའི་སྔགས་ཀྱིས་བསྐོར། །ས་ཆོག་སྔོན་འགྲོ་མཚམས་གཅད་བྱ། །བསྙེན་བསྒྲུབ་གནན་སྲེག་འཕང་དང་གདབ། །སྒྲུབ་པ་ཆེན་པོའི་བཀའ་བཞིན་བྱའོ། །གནོད་ཚབས་ཆུང་ལ་རང་སྔགས་བསྲུངས། །གནོད་ཚབས་ཆེ་ན་གདབ་ལས་བྱ། །དེ་ལྟར་བྱས་ན་ཐེ་ཚོམ་མེད། །རྟ་མགྲིན་རྒྱལ་པོའི་རྒྱུད་ལས། ས་བདག་བསྲུང་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས་བྱང་ཆུབ་སེམས་དཔའི་དོན་བསྟན་ཏེ། ལྟེ་བར་གཏུམ་མོ་འབར་བ་ལ། །འཁོར་ལོ་རྩིབས་བཅུ་རབ་ཏུ་བསྟན། །ཆོས་ཀྱི་འཁོར་ལོ་བཅུ་དྲུག་པོ། །ལོངས་སྤྱོད་འཁོར་ལོ་རླབས་ཆེན་པོ། །བཅུ་དྲུག་ཆ་ལ་མཉམ་པར་བསྒོམ། །བདེ་བ་ཆེན་པོའི་འཁོར་ལོ་ནི། །སོ་གཉིས་པར་ནི་རབ་ཏུ་བཤད། །གཡས་པའི་རྩ་ནི་བྱང་ཆུབ་སེམས། །གཡོན་པའི་རྩ་ནི་མི་མཐོང་བཀྲ། །དབུས་ནི་དྷུ་མ་ཨ་བ་དྷཱུ། །བདེ་བ་ཆེན་པོའི་འཁོར་ལོ་ལ། །མིང་གི་ཡི་གེ་སོ་གཉིས་དགོད། །ཆོས་དང་ལོངས་སྤྱོད་འཁོར་ལོ་ལ། །དབྱངས་ཀྱི་ཡི་གེ་བཅུ་དྲུག་དགོད། །ལྟེ་བ་ཤེས་རབ་འཁོར་ལོ་ལ། །ཨ་ཐུང་བཅུ་གཉིས་མཐའ་མ་ཨཱ། །མ་བསྒོམས་སེར་ལ་བསྒོམས་པས་དམར། །ཛྭ་ལ་རཾ་གྱིས་མེ་སྦར་ལ། །དབབ་དང་བཟློག་པ་ཚུལ་བཞིན་བྱ། །གསང་བའི་དབང་ཆེན་དེ་རུ་བསྐུར། །ཤེས་རབ་ཡེ་ཤེས་དབང་རྣམས་ནི། །དགའ་བ་བཞི་ཡི་ཉམས་མྱོང་སྐྱེད། །ལས་ ཁྲོ་བོའི་རྒྱལ་པོ་གཞན་གྱིས་མི་ཐུབ་པའི་རྒྱུད།― DNG021_Page_0212 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་རཱ་ཛ་ཨ་པ་རཱ་ཛི་ཏ་ཏནྟྲ། བོད་སྐད་དུ།ཁྲོ་བོའི་རྒྱལ་པོ་གཞན་གྱིས་མི་ཐུབ་པའི་རྒྱུད། དཔལ་ཁྲག་འཐུང་འཇིགས་བྱེད་ཀྱི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།བཅོམ་ལྡན་འདས་དཔལ་ཁྲག་འཐུང་རྔམ་པའི་རྒྱལ་པོ། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན། གསང་བ་མཆོག་གིས་དགྱེས་པའི་གནས་དུར་ཁྲོད་ཆེན་པོ་ཀེང་རུས་ཀྱི་གཞལ་ཡས་ཁང་། རཱུ་ཏྲ་བསྣོལ་བའི་གདན་སྟེངས་ན། ཡུམ་དང་གཉིས་སུ་མེད་པར་ཕྱག་རྒྱའི་རོལ་པ་མཛད་དེ། ཀརྨ་ཧེ་རུ་ཀ་དང་། སྤྱང་ཀིའི་མགོ་ཅན་དང་། ཁྲའི་མགོ་ཅན་དང་། མགོ་བརྙན་གྱི་ཚོགས་མཐའ་དག་གིས། གཙོ་བོ་ལ་འདི་སྐད་ ― DNG021_Page_0213 ―
[མ་དཔེ་གཟིགས་ན་འདིར་གནོན།]
ཅེས་གསོལ་ཏོ། །ཨེ་མ་ཧོ། འཁོར་བར་འཁྱམས་པའི་སྙིང་རྗེ་ནི། །ཐུགས་རྗེ་སྨོན་ལམ་མཐའ་ཡི་དབང་། །མ་བསྒྲིབས་གསལ་བའི་ངང་ཉིད་ལས། །སྐུ་མཆོག་འབར་བ་བསྟན་དུ་གསོལ། །ཞེས་རྣམ་པར་བསྐུལ་ལོ། །དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། ཆོ་འཕྲུལ་དབང་གི་སྙིང་རྗེའི་ཏིང་ངེ་འཛིན་ལ་བཞུགས་ཏེ། སྐད་ཅིག་ལ་གཟུགས་སྐུ་རྣམ་པ་གཉིས་ཀྱི་ཏིང་ངེ་འཛིན་སྤྲུལ་ཏེ་འགྲོ་བ་སེམས་ཅན་གྱི་དོན་ལ་བཞེངས་སོ། །དེ་ནས་ཡང་དེའི་ཚེ། འཁོར་རྣམས་ཀྱིས་འདི་སྐད་ཅེས་གསོལ་ཏོ། །ཨེ་མ་ཧོ། ཐབས་ཀྱི་སྐུ་མཆོག་གསང་བའི་ངང་། །ཁྲོས་པའི་སྐུ་མཆོག་བསྟན་དུ་གསོལ། །འགྲོ་བའི་དོན་ལ་རབ་ཏུ་དགོངས། །ཞེས་གསོལ་ཏོ། །དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། སྐུ་གསུང་ཐུགས་སུ་ཆུད་དེ་འོད་ཟེར་གྱི་ངང་ལས་གདུག་པ་ཐམས་ཅད་བསྒྲལ་བའི་ཆེད་དུ། ཐུགས་རྗེའི་དབང་གིས་ཁྲོ་བོའི་སྐུར་སྤྲུལ་ནས།ཡེ་ཤེས་ལྔས་དོན་མཛད་དོ། །དེའི་ཚེ་གདུག་པའི་ཚོགས་ཐམས་ཅད་རབ་ཏུ་སྔངས་པར་གྱུར་ཏོ། །དེ་ནས་ཡང་སྐུ་ཁྲོ་བོའི་རྒྱལ་པོའི་ངང་ལས་ཆོ་འཕྲུལ་གྱིས་དཀྱིལ་འཁོར་བསྟན་པར་གསུངས་སོ། །ཁྲོ་བོ་གཞན་གྱིས་མི་ཐུབ་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་ཁྲག་འཐུང་གི་རྒྱལ་པོ་དེས། གཞན་གྱིས་མི་ཐུབ་པའི་དཀྱིལ་འཁོར་བསྟན་ཏེ། གཞན་གྱིས་མི་ཐུབ་དཀྱིལ་འཁོར་ནི། །ལས་ཀྱི་རྡོ་རྗེའི་དཀྱིལ་འཁོར་བྲི། །དེ་ཡི་དབུས་ཀྱི་ལྟེ་བ་ལ། །སེར་ནག་གྲུ་གསུམ་འོད་དང་བཅས། །དེ་དབུས་བསམ་པར་བྱ་བ་ནི། །རླུང་གི་ཕུང་པོའི་སྟེང་དུ་ནི། །རང་གི་ས་བོན་ཉི་ཟླའི་སྟེང་། །རང་གི་སྔགས་འོད་དེ་བཟླས་པས། །གཞན་གྱིས་མི་ཐུབ་སྐུར་གསལ་གྱུར། །དེ་ལ་དབང་བྱིན་ཐམས་ཅད་ཀུན། །རྒྱས་པར་གཞན་བཞིན་བྱ་བ་ཡིན། །དུར་ཁྲོད་རྐང་གི་ཕུར་པ་ལ། །རྒྱུས་ཆེན་དག་གིས་གདགས་པར་བྱ། །གསང་བའི་ཡིག་བཀོད་བཟླས་པ་བྱ། །ཉི་ཁྲིར་ ― DNG021_Page_0214 ―
[མ་དཔེ་གཟིགས་ན་འདིར་གནོན།]
བཟླ་བར་བྱ་བ་དང་། །དེ་ལས་མཚན་མ་བཟང་པོ་འབྱུང་། །དེ་ནས་ལས་ལ་སྦྱར་བར་བྱ། །དུར་ཁྲོད་གཡམ་པ་གཡས་ཕྱོགས་བླངས། །མཚན་མ་མིང་དང་བཅས་པ་བྲི། །རྒྱུས་ཆེན་སྐེ་ནས་བཏགས་ལ་བཞག །དེ་ལ་དགུག་གཞུག་བྱ་བ་ཡིན། །ཁུག་ནས་ལས་ལ་སྦྱར་བར་བྱ། །དེ་ཡིས་བསད་པ་ཡུད་ཀྱིས་ནི། །མོད་ལ་ངེས་པར་འཆི་བར་འགྱུར། །དེ་ཡི་དུས་སུ་བསྐུལ་བར་བྱ། །ཕུར་པ་དྲིལ་ཏེ་ཕྱོགས་བཅུར་གཏད། །དུས་གསུམ་སངས་རྒྱས་ཐམས་ཅད་ཀྱིས། །སྔོན་གྱི་ཐུགས་དམ་ཞལ་བཞེས་པ། །དྲག་པོའི་ལས་རྣམས་བྱ་བ་ནི། །ཉིད་ཀྱི་ཞལ་བཞེས་མ་འདའ་བར། །གདུག་ཅན་སྒྲོལ་བའི་དུས་ལ་བབ། །དེ་སྐད་བསྐུལ་བས་རང་དབང་མེད། །དྲག་པོའི་ལས་ཀྱིས་གསོད་པར་བྱེད། །ལོག་པར་བར་དུ་གཅོད་པ་ཡིས། །འབྱུང་པོའི་གདོན་རྣམས་བརྡུང་བར་བྱ། །དུར་ཁྲོད་གཡམ་པའི་ནང་ལོགས་སུ། །བསེ་ཤིང་ཞོ་ཅན་གཟུགས་བྲིས་ལ། །རྒྱ་གྲམ་ལམ་དུ་དེ་མནན་ན། །གདོན་དང་འབྱུང་པོས་ཚུགས་མི་འགྱུར། །འདི་ནི་ལས་ཀྱི་མཆོག་ཅེས་བྱའོ། །ཁྲོ་བོ་གཞན་གྱིས་མི་ཐུབ་པའི་རྒྱུད་ལས། དཀྱིལ་འཁོར་དབྱེ་བའི་ལེའུ་སྟེ་གཉིས་པའོ།། །།དེ་ནས་ཁྲག་འཐུང་གི་རྒྱལ་པོས། ཕྱུགས་ཀྱི་གདོན་བསྲུང་བ་གསུངས་ཏེ།ཕྱུགས་ཀྱི་གདོན་རྣམས་བསྲུང་བ་ཡང་། །རེའུ་ལྕག་ཐར་ནུ་ཞོ་ཅན་ཐམས་ཅད་ལ། །གང་ལ་གནོད་པའི་ཕྱུགས་གཟུགས་བྱ། །མིང་ཡང་བྲིས་ལ་སྙིང་གར་གཞུག །གདོན་ནི་སྨུག་ནག་ཁམ་ས་འམ། །ཐལ་བ་འམ་ནི་གང་རུང་ལ། །གཟུགས་རྣམས་རབ་ཏུ་བྱ་བར་གསུངས། །བསྙེན་བསྒྲུབ་ཚུལ་བཞིན་ཚོགས་ཀྱིས་མཆོད། །གདབ་ལས་དྲག་པོ་རབ་ཏུ་གསུངས། །མནན་སྲེག་འཕང་གསུམ་བཀའ་བཞིན་བྱའོ། །ཕན་པར་འགྱུར་བ་ཐེ་ཚོམ་མེད། །ཁྲོ་བོ་གཞན་གྱིས་མི་ཐུབ་པའི་རྒྱུད་ལས། ཕན་བྱའི་ལེའུ་སྟེ་གསུམ་པའོ།། །།དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོས། ― DNG021_Page_0215 ―
[མ་དཔེ་གཟིགས་ན་འདིར་གནོན།]
ཆོ་འཕྲུལ་བསྟན་པའི་ལས་གསུངས་ཏེ། །ཝ་དང་སྤྱང་ཀིའི་གཟུགས་བྱས་ལ། །འབྲུ་སྣ་བདུན་ལ་བྱ་བར་གསུངས། །དོན་སྙིང་གང་རྙེད་ཁོག་ཏུ་གཞུག །གང་ཡིན་པ་ཡི་སྤུ་ཡིས་སྤྲས། །ལྟས་ངན་དྲག་པོའི་སྒྲོ་བཞི་གཟུག །བསྙེན་པ་སྒྲུབ་པ་སྒྲུབ་ཆེན་པོ། །གོང་དུ་བསྟན་པ་བསྙེན་པའོ། །ཛ་གད་མཆོད་པ་སྐབས་ཀྱིས་སྦྱར། །སྒྲུབ་པ་གཉིས་པ་འབྲུ་དགུ་གཅེས། །ཛྭ་ལ་པ་ཡ་མཐའ་ལ་གདགས། །དགྲ་ལ་ལྟས་ངན་དབབ་པར་བསམ། །བསྟོད་པའི་གཞུག་ལ་རྦད་པའི་ལས། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་གསོལ། །དགྲ་ཕྱོགས་བསྟན་ཅིང་སྨོན་ལམ་གདབ། །དགྲ་ཡི་ཕྱོགས་སུ་ཁ་བསྟན་ལ། །དགྲ་ཡི་ཁང་པའི་རྨང་དུ་གཞུག །དེ་མ་ཐག་ཏུ་འགྲུབ་པར་འགྱུར། །ཁྲོ་བོ་གཞན་གྱིས་མི་ཐུབ་པའི་རྒྱུད་ལས། ཆོ་འཕྲུལ་ལྟས་ངན་བསྟན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེ་ལ་འཁོར་རྣམས་ཀྱིས་འདི་སྐད་ཅེས་ཞུས་སོ། །ཨེ་མ་ཧོ། བསྒྲལ་བའི་དོན་ཕྱིར་ཇི་ལྟར་ལགས། །དམ་ཚིག་དོན་རྣམས་ཇི་ལྟར་ལགས། །འཁོར་བའི་མཚན་ཉིད་ཇི་ལྟར་ལགས། །གསང་བའི་མཚན་ཉིད་ཇི་ལྟར་ལགས། །ཞེས་གསོལ་པས། བཅོམ་ལྡན་འདས་ཁྲག་འཐུང་གི་རྒྱལ་པོས། ཕྱག་རྒྱ་བཅིངས་གྲོལ་གྱི་གསུང་གིས་འདི་སྐད་ཅེས་བཀའ་སྩལ་ཏོ། །ཨེ་མ་ཧོ། གལ་ཏེ་ངན་སོང་གསུམ་པོ་ནས། །ཐར་པར་གྱུར་ཀྱང་རཱུ་ཏྲར་སྐྱེས། །སེམས་ཅན་འཚེ་ཞིང་སྲོག་གཅོད་པས། །དམ་ཚིག་བླངས་ཏེ་བསྒྲལ་བར་བྱའོ། །ལས་ཀྱི་འཁོར་བ་ཡིན་པར་བཤད། །གསང་བ་ཟབ་མོའི་མདོ་འདི་ནི། །གཞག་པར་བྱ་བའི་སྣོད་ཀྱང་དཀོན། །ཞེས་གསུངས་སོ། ། ཁྲོ་བོ་གཞན་གྱིས་མི་ཐུབ་པའི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་ལྔ་པའོ།། །།ཁྲོ་བོ་གཞན་གྱིས་མི་ཐུབ་པའི་རྒྱུད་རྫོགས་སོ།། །། ཁྲོ་བོ་བདུད་རྩི་འཁྱིལ་པའི་རྒྱུད།― DNG021_Page_0216 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་ཀུཎྜ་ལི་ཨ་མྲྀ་ཏ་ཏནྟྲ། བོད་སྐད་དུ། ཁྲོ་བོ་བདུད་རྩི་འཁྱིལ་པའི་རྒྱུད། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཁྲག་འཐུང་གི་རྒྱལ་པོ་ཡིས། འོག་མིན་གྱི་གནས་གཞི་མཐའ་དང་དབུས་མེད་པ། མི་འགྱུར་བའི་མཁའ་ཀློང་རྣམ་པར་དག་པའི་གཞལ་ཡས་ཁང་ན། ཡུམ་དང་གཉིས་སུ་མེད་པར་སྦྱོར་བའི་ངང་ལ་བཞུགས་པའི་ཚེ། ཀརྨ་ཧེ་རུ་ཀ་དང་། སེང་གེའི་མགོ་ཅན་དང་། ཕ་ཝང་གི་མགོ་ཅན་དང་། མགོ་བརྙན་གྱི་ཚོགས་དང་ཡུམ་འཐོར་བྱེད་མས་འདི་སྐད་ཅེས་ཞུས་སོ། །ཨེ་མ་ཧོ། གསང་བའི་འོད་ཟེར་འབར་བ་ཡིས། །གདུག་པ་འཇོམས་པའི་དྲག་པོ་འདི། །རོལ་པའི་གདངས་སྒྲ་འཇིགས་པའི་སྐུ། །ཁྲོས་པའི་སྐུ་མཆོག་བདག་ལ་སྟོན། །ཞེས་རྣམ་པར་བསྐུལ་བས། བཅོམ་ལྡན་འདས་ཁྲག་འཐུང་གི་རྒྱལ་པོས། བསྐུལ་བ་ཐུགས་སུ་ཆུད་དེ། འོད་ཟེར་གྱི་ངང་ལ་གདུག་པ་ཅན་ཐམས་ཅད་བསྒྲལ་ནས། ཆོ་འཕྲུལ་གྱི་ཏིང་ངེ་འཛིན་ལས་བཞེངས་ཏེ། འགྲོ་བ་འདུལ་བའི་དཀྱིལ་འཁོར་འདི་གསུངས་སོ། །ཁྲོ་བོ་བདུད་རྩི་འཁྱིལ་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། བདུད་རྩི་འཁྱིལ་པའི་དཀྱིལ་འཁོར་འདི་གསུངས་སོ། །བདུད་རྩི་འཁྱིལ་པའི་དཀྱིལ་འཁོར་ནི། །ལྗང་ནག་གྲུ་གསུམ་འབར་བ་ཡི། །མཐའ་མ་མཚོན་ཆའི་འཁོར་ལོ་བསྐོར། །རབ་ཏུ་འོད་དང་ལྡན་པར་བྲི། །དེ་ཡི་དབུས་སུ་བསམ་བྱ་བ། །རླུང་གི་གདན་ཉིད་བསམ་པར་བྱ། །དེ་ཡི་སྟེང་དུ་ཉི་ཟླའི་གདན། །དེ་སྟེང་བརྫུས་སྐྱེས་རིམ་པ་ཡིས། །བདུད་རྩི་འཁྱིལ་པ་རབ་རྫོགས་པར། །དེ་ལ་དཀྱིལ་འཁོར་རབ་བཅུག་སྟེ། །དེ་ཡིས་ཐམས་ཅད་ལྡན་པར་འགྱུར། །དུང་གི་ཕུར་པ་ཚོན་གང་བ། །རབ་རྫོགས་བྱང་ཆུབ་སེམས་ལས་ཕྱུང་། །བྱང་ཆུབ་སེམས་ཀྱིས་དེ་དབང་བསྐུར། །བཟླས་པ་ཁྲི་ཕྲག་གཅིག་ཏུ་བྱ། །དེ་ནས་སྟག་པའི་ལོ་མ་ལ། །བྱང་ཆུབ་སེམས་ནི་ཡབ་ཡུམ་གྱིས། ། ― DNG021_Page_0217 ―
[མ་དཔེ་གཟིགས་ན་འདིར་གནོན།]
དེ་ཡི་མཚན་མ་བྲི་གསལ་བར། །བྱས་ལ་གསང་བའི་གནས་སུའོ། །དེ་ལ་གདབ་པར་བྱས་ནས་ནི། །ངེས་པར་དམིགས་པ་དེ་བརླག་འགྱུར། །དུས་གསུམ་སངས་རྒྱས་དེས་བསྐུལ་ན། །སེམས་ཅན་ཀུན་ལ་ངོ་བོ་ཉིད། །རབ་ཏུ་ཤེས་ནས་དོན་རྣམས་མཛད། །དུར་ཁྲོད་ཞིང་གི་རས་མ་ལ། །ཤ་བའི་འཁོར་ལོ་རབ་བརྩམ་ལ། །དེ་ཡི་སྟེང་དུ་གཟུགས་བརྙན་བྱ། །བཟླས་པ་ཁྲི་ཕྲག་གསུམ་དུ་བཟླ། །དེ་ལ་རླུང་གི་དཀྱིལ་འཁོར་བསྐྱེད། །ལ་ལས་ཁྲིད་དེ་ལ་ལས་བརྡེག །དེ་ཡིས་ལྷོ་ཕྱོགས་བསྐྱལ་ལ་བཞག །ཡང་ན་རང་གི་གནས་སུ་བསྐྱལ། །དུར་ཁྲོད་དབུས་སུ་དེ་བཅུག་ན། །དེ་ཡིས་གནས་ལ་བསྐྱོད་པར་ངེས། །གུ་གུལ་སྦྱར་མ་བཟང་པོ་ལ། །གསང་བའི་སྔགས་ཀྱིས་རབ་བཏབ་སྟེ། །ཁྲོས་པའི་སེམས་སུ་གནས་བྱས་ཏེ། །དུར་ཁྲོད་མེ་ཆེན་རབ་སྦར་ན། །གདོན་དང་འབྱུང་པོ་མ་རུངས་དང་། །མུ་སྟེགས་ལྷ་རྣམས་དྲེད་ཅིང་བརྒྱལ། །འདི་ནི་བདུག་པའི་མཆོག་ཡིན་ནོ། །ཁྲོ་བོ་བདུད་རྩི་འཁྱིལ་པའི་རྒྱུད་ལས། དཀྱིལ་འཁོར་དབྱེ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། བདུད་རྩི་སྒྲུབ་པའི་དོན་འདི་གསུངས་ཏེ། དཀྱིལ་འཁོར་པདྨ་འདབ་བརྒྱད་ལ། །དབུས་སུ་སྔགས་ཀྱི་བདག་པོ་དགོད། །འདབ་བརྒྱད་སོ་སོའི་ལྷ་རྣམས་དགོད། །དབུས་སུ་བམ་ཆེན་བསྒྱེལ་ལ་བསྒྲུབ། །ཆོ་འཕྲུལ་རྟགས་འབྱིན་རྡོ་རྗེ་ཀ་པཱ་ལ། །བཀྲ་ཤིས་མི་འགྱུར་རྡོ་རྗེ་ཀ་པཱ་ལ། །དངོས་གྲུབ་རྟགས་འབྱིན་རྡོ་རྗེ་ཀ་པཱ་ལ། །བཀྲ་ཤིས་མཚན་ལྡན་རྡོ་རྗེ་ཀ་པཱ་ལ། །ཡང་ན་རུས་སྦལ་ཁོག་པ་རུ། །ཡང་ན་ཅེ་སྤྱང་ཐོད་པ་རུ། །ཤ་ལྔ་བདུད་རྩི་ལྔ་ཡང་བླུགས། །སྐྱོབས་ནི་བདུད་རྩིའི་རྒྱུད་ལས་གྲགས། །རྩ་བ་བརྒྱད་ལ་ཡན་ལག་སྟོང་། །སྤྱི་ཡི་བརྒྱད་དང་ནང་གི་བརྒྱད། །གསང་བའི་བརྒྱད་དང་མཐར་ཐུག་བརྒྱད། །ཡལ་ག་རྒྱལ་བའི་དགོངས་པ་མཉམ། །ཁ་དོག་རིགས་ཀྱིས་ ― DNG021_Page_0218 ―
[མ་དཔེ་གཟིགས་ན་འདིར་གནོན།]
ཤེས་པར་བྱ། །བདུད་རྩི་ཆེན་པོའི་རིལ་བུ་བྱ། །བསྙེན་བསྒྲུབ་གསུམ་གྱི་རིལ་བུ་སྦྱང་། །གསང་སྔགས་གཞུག་ལ་ཨ་མྲི་ཏ། །སྔགས་རྣམས་རབ་ཏུ་བཟླས་པ་གཅེས། །དེ་ནས་རྣལ་འབྱོར་དངོས་གྲུབ་བླང་། །རིལ་བུ་ཆེན་པོ་བཟའ་བར་བྱ། །བཅུད་ལེན་དངོས་གྲུབ་ཐོབ་པར་འགྱུར། །བདར་ལ་ཞི་ཁྲོའི་ལྷ་ལ་གཏོར། །བདུད་རྩི་མཆོག་སྒྲུབ་ཅེས་བྱའོ། །ཁྲོ་བོ་བདུད་རྩི་འཁྱིལ་པའི་རྒྱུད་ལས། བདུད་རྩི་སྒྲུབ་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། གཏོར་མ་གཏོང་བ་འདི་གསུངས་ཏེ། །རིན་ཆེན་སྣོད་དུ་གཏོར་བསགས་ལ། །རཾ་ཡཾ་ཁཾ་གིས་བསྲེག་སྦྱང་བྱ། །གཏོར་མ་སྟོང་པ་ཉིད་དུ་བསམ། །གཏོར་མའི་ནང་དུ་ཧཱུཾ་གཅིག་བསམ། །རྩ་བའི་སྔགས་ཀྱིས་ཁྲོ་བོར་བསམ། །ཧཱུཾ་གཉིས་ཁྲོ་བཅུ་སྲས་དང་བཅས། །ཧཱུཾ་ལས་མི་བཟད་ཕུར་པ་དྲུག །ཛཿཧཱུཾ་བཾ་ཧོཿསྤྱན་ཡང་དྲངས། །མགྲོན་གྱི་ལྷ་རྣམས་སྤྱན་དྲངས་ཤིང་། །ཧཱུཾ་ཧཱུཾ་ཧཱུཾ་གིས་བསྡིམ་པར་བྱ། །ཨོཾ་ཨཱཿཧཱུཾ་གསུམ་གྱིས་བྱིན་བརླབས་ལ། །འདོད་ཡོན་དྲུག་གི་ལྷ་མོར་བསམ། །རྩ་བའི་སྔགས་ཀྱིས་མགོ་དྲངས་ལ། །བཛྲ་ཡཀྵས་དབུལ་བར་བྱ། །ཕྲིན་ལས་བཅོལ་བའི་ཚིག་གིས་བསྐུལ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལུས་ངག་རྡུལ་ཕྲན་བཞིན་དུ་རློག །ཐལ་མོ་བརྡབ་ཅིང་ཕྲིན་ལས་བཅོལ། །དེ་ལྟར་རྟག་ཏུ་བྱས་པ་ན། །མཁའ་འགྲོ་རྣམས་ཀྱང་མངོན་དུ་འགྱུར། །ཁྲོ་བོ་བདུད་རྩི་འཁྱིལ་པའི་རྒྱུད་ལས། གཏོར་མའི་ལེའུ་སྟེ་བཞི་ པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། སེམས་ཀྱི་དོན་བསྟན་ཏེ། སེམས་ནི་ཆོས་ཀྱི་དབྱིངས་ཉིད་ལས། །ཅིར་ཡང་སྣང་བ་ཅིར་ཡང་མེད། །ཆོས་ཉིད་ཡང་དག་རྡོ་རྗེ་འདྲ། །མ་བཅོས་ཆོས་ཉིད་མཉམ་པ་ཉིད། །མ་རྟོགས་པ་ཡི་སེམས་ཅན་ལ། །ཞི་བ་དབང་ ― DNG021_Page_0219 ―
[མ་དཔེ་གཟིགས་ན་འདིར་གནོན།]
དང་དྲག་པོ་དང་། །རྒྱས་པ་ལ་སོགས་མང་དུ་བསྟན། །བྱང་ཆུབ་སེམས་ཀྱི་རང་བཞིན་ཏེ། །ཞི་བ་ཡང་ནི་བྱང་ཆུབ་སེམས། །ཁྲོ་བོ་ཡང་ནི་བྱང་ཆུབ་སེམས། །རྟོགས་པ་རྣམས་ལ་དབང་ཆེན་པོ། །བྱང་ཆུབ་སེམས་ཀྱི་དོན་རྟོགས་ན། །ཞི་ཁྲོ་རང་གི་བྱང་ཆུབ་སེམས། །རྟོགས་ན་རང་དབང་ཆེན་པོ་ཐོབ། །འདུས་པ་ཐམས་ཅད་མི་རྟག་པའོ། །འདོད་ན་ཆོས་ཀྱི་དབྱིངས་སུ་འདོད་ཀྱང་ང་རུ་འཛིན། །ཆགས་ན་སྐུ་དང་ཡེ་ཤེས་གཉིས་ལ་ཆགས་ཀྱང་འདོད་ཆགས་རྒྱུ། །ཞེན་ན་སྐུ་དང་ཡེ་ཤེས་གཉིས་ལ་ཞེན་ཀྱང་འཁོར་བའི་རྒྱུ། །བྱང་ཆུབ་སེམས་ཀྱི་རང་བཞིན་ནི། །ཆགས་པ་མེད་ལ་ཞེ་འདོད་མེད། །མཉམ་པ་ཉིད་དུ་བཞག་པ་ནི། །ཐམས་ཅད་མི་འགྱུར་གཏོར་ཡེ་གྲུབ་ཡང་མ་ཡིན། །སེམས་རྣམས་ཐམས་ཅད་ཆོས་ཉིད་དོ། །ཉོན་མོངས་བདུད་ལ་ཡེ་ཤེས་རྩི། །བདུད་རྩི་ཞེས་ཀྱང་དེ་ལ་བྱ། །ཐམས་ཅད་ཆོས་ཉིད་ངང་ལ་གནས། །ཆོས་ཀྱི་དབྱིངས་ལས་གཡོས་པ་མེད། །ཁྲོ་བོ་བདུད་རྩི་འཁྱིལ་པའི་རྒྱུད་ལས། ལྟ་བའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་ལ་སོགས་ཏེ། འཁོར་རྣམས་དགྱེས་ནས་འདི་སྐད་ཅེས་ཞུས་སོ། །ཨེ་མ་ཧོ་ཁྲག་འཐུང་རྒྱལ་པོ་ལེགས་སོ་ལེགས་སོ། །ཇི་ལྟར་ཁྱོད་ཀྱིས་བསྟན་བཞིན་དུ། །ཁྱེད་ཀྱི་ཐུགས་རྗེའི་བྱིན་རླབ་ཀྱིས། །བདག་ལ་རབ་ཏུ་བཤད་པའོ། །མ་དག་འཁོར་བའི་དོན་དུ་ནི། །བཅོམ་ལྡན་འདས་ཀྱིས་བདག་ལ་ལུང་བསྟན་དུ་གསོལ། །བཅོམ་ལྡན་འདས་བཛྲ་ཀཱི་ལ་ཡས། ཀརྨ་ཧེ་རུ་ཀའི་ཚིག་གསན་ནས། འདི་སྐད་ཅེས་བཀའ་སྩལ་ཏོ། །ཨེ་མ་ཧོ། བདེ་བ་སླད་མའི་ལུང་སྟོན་ཡིན། །གདུག་པ་སླད་ཀྱི་ཚར་གཅོད་ཡིན། །ཡེ་ཤེས་སྤྲུལ་པའི་སྐུ་མཆོག་ཡིན། །སྤྲོས་མེད་མཁྱེན་པའི་ཐུགས་མཆོག་ཡིན། །ཞེས་བཀའ་སྩལ་ཏོ། །ཁྲོ་བོ་བདུད་རྩི་འཁྱིལ་པའི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་དྲུག་པའོ།། །།ཁྲོ་བོ་བདུད་རྩི་འཁྱིལ་པའི་རྒྱུད་རྫོགས་སོ།། །། ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད།― DNG021_Page_0220 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་ཏྲཻ་ལོཀྱ་བི་ཛ་ཡ་ཏནྟྲ། བོད་སྐད་དུ། ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཁྲོས་པའི་མངའ་བདག་ཏུ་གྱུར་པའི་རྒྱལ་པོ། འཇིགས་པའི་སྐུ་ཕྱོགས་བཅུའི་དུས་གསུམ་གྱི་སངས་རྒྱས་ཐམས་ཅད་ཀྱིས་དབང་བསྐུར་ནས། ཁྲོས་པའི་གསུང་དྲག་པོའི་གདངས་སྒྲས་ཐམས་ཅད་ཟིལ་གྱིས་གནོན་པའི་རང་བཞིན་ཡོངས་སུ་དག་པར་བཞུགས་ཏེ། འོག་མིན་གྱི་གནས་ཞེས་བྱ་བ་ཆོས་ཀྱི་དབྱིངས་ཀྱི་ཕོ་བྲང་ན། དུར་ཁྲོད་ཀྱི་གཞལ་ཡས་ཁང་ན། རྟག་ཏུ་ཡུམ་དང་ལྷན་ཅིག་ཏུ་བཞུགས་ཏེ། འཁོར་ཀརྨ་ཧེ་རུ་ཀ་དང་། དྲེད་མོའི་མགོ་ཅན་དང་། སྲེ་མོའི་མགོ་ཅན་དང་། མགོ་བརྙན་གྱི་ཚོགས་ཀྱིས་འདི་སྐད་ཅེས་ཞུས་སོ། །ཨེ་མ་ཧོ། དེ་ཉིད་མ་བཅོས་བྱང་ཆུབ་སེམས། །དེ་ཉིད་གསལ་བའི་ངང་དུ་ཤར། །གདུག་པའི་མི་རྣམས་ལྷན་ནེའོ། །ཁྲོས་པའི་བདག་པོ་མི་གནས་པའི། །ཐམས་ཅད་དོན་དམ་བྱང་ཆུབ་སེམས། །ཞེས་གསོལ་ཏོ། །དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོས་བསྐུལ་བར་ཐུགས་སུ་ཆུད་དེ། ལན་འདི་གསུངས་སོ། །ཨེ་མ་ཧོ། རྨད་དུ་བྱུང་བ་གསང་བའི་བཀའ། །གསང་བ་བདག་ལ་གོས་པ་མེད། །ག་པུར་དྲི་ལྡན་རྒྱུན་མི་གཅོད། །ཅེས་གསུངས་སོ། །དེའི་ཚེ་ལོག་པའི་ང་རྒྱལ་ཅན་གྱི་མ་དང་བུ་མོའི་ཚོགས་ཐམས་ཅད་ཆགས་པའི་སེམས་སྐྱེས་པར་གྱུར་ཏོ། །དེ་ནས་ཁྲག་འཐུང་གི་རྒྱལ་པོ་སྦྱོར་སྒྲོལ་གྱི་ཏིང་ངེ་འཛིན་ལ་བཞུགས་ཏེ་ཆོ་འཕྲུལ་གྱི་དཀྱིལ་འཁོར་ཐུགས་ལ་བཏོན་ནས་འགྲོ་བའི་དོན་མཛད་དོ། ། ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། ཕྲིན་ལས་ཀྱི་དཀྱིལ་འཁོར་འདི་གསུངས་སོ། །ཁམས་གསུམ་རྣམ་རྒྱལ་ ― DNG021_Page_0221 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ནི། །མཐིང་ནག་གྲུ་གསུམ་མི་བཟད་པ། །རབ་ཏུ་འབར་བའི་མེ་ཡིས་བསྐོར། །སོར་བཞི་ནང་དུ་བརྐོས་གྱུར་པ། །དེ་ཡི་ནང་དུ་བཞག་པའི་རྫས། །དཔག་བསམ་ཤིང་ལོ་བླངས་ནས་ནི། །རབ་ཏུ་གཏུབ་ཅིང་སྔགས་མང་བཟླས། །དེ་ནས་གྲོག་མཁར་ས་དང་བསྲེ། །བོང་བུའི་བདུད་རྩིས་གཟུགས་སྦྲུས་ཏེ། །ཤིང་ཤུན་མིང་རུས་གིས་བྲིས་ལ། །སྙིང་གར་བླན་ཏེ་བཟླས་པས་འགྲུབ། །དེ་ཡི་སྟེང་དུ་བསམ་པའི་ལྷ། །ས་བོན་འོད་ལས་དེ་སྐྱེས་པར། །མཁས་པས་ཤེས་པར་བྱ་བ་ཡིན། །དེ་ལ་ཐམས་ཅད་རྫོགས་པར་བྱ། །རབས་ཆད་རྐང་གི་ཕུར་པ་ལ། །བཟླས་པ་ཁྲི་ཕྲག་གསུམ་དུ་བྱ། །དེ་ནས་མཚན་མ་མཐོང་བ་དང་། །གདབ་པའི་ལས་རྣམས་བྱ་བ་ནི། །དེ་ནས་གཏུབས་དང་བསྟབ་བརྡུང་ལ། །ཀུན་ལ་དེ་བཞིན་ཤེས་པར་གྱིས། །འདི་ཡིས་གསད་པ་ངེས་པར་འགྱུར། །ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད་ལས། དཀྱིལ་འཁོར་དབྱེ་བའི་ལེའུ་སྟེ་གཉིས་པའོ།། །།དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། གསད་པའི་ལས་རྣམས་འདི་གསུངས་སོ། །ཞིང་ཆེན་རས་མའི་དུམ་བུ་ལ། །རྩིབས་དྲུག་འཁོར་ལོ་སྔགས་དྲུག་བྲི། །ཚིལ་ཆེན་དུད་པས་སྣག་ཚ་བྱ། །ལག་ཐུར་དག་གིས་རྨྱུག་གུ་བྱ། །བྲི་བའི་དུས་ནི་ཉི་མ་རླུངས་དང་ཟླ་བ་རྟ། །ཡང་ན་སྨིན་དྲུག་ས་འོག་སོང་། །དེ་ཡི་དུས་སུ་བྲི་བར་བྱ། །གྲོ་ག་ཤིང་ཤུན་རས་དག་ལ། །དགྲ་བོའི་མིང་བྱང་བྲི་བར་བྱ། །དཔྲལ་བར་རུས་ལ་སྙིང་གར་མིང་། །གཡས་སུ་ཧཱུཾ་ལ་གཡོན་དུ་ཕཊ། །འདོམས་སུ་མཱ་ར་ཡ་ཞེས་བྲིས། །ཡན་ལག་བཞི་ལ་འབྱུང་ཆེན་བཞི། །ཐ་མ་འབྲུ་དགུས་བསྐོར་བར་བྱ། །འཁོར་ལོའི་དབུས་སུ་བཅུག་ནས་ནི། །མོན་པ་ཕོ་མོའི་ཐོད་པ་རུ། །འཁོར་ལོའི་སྔགས་དྲུག་གོང་མ་བཞིན། །ཐོད་པ་གའུ་ཁ་སྦྱར་དུ། །དགྲ་ཡི་མིང་དང་འཁོར་ལོ་གཞུག ། སླུགས་བྱུང་སེང་ལྡེང་ཕུར་པ་སོར་བཞི་ལ། །མིང་བྱང་འཁོར་ལོའི་ ― DNG021_Page_0222 ―
[མ་དཔེ་གཟིགས་ན་འདིར་གནོན།]
དབུས་སུ་གདབ། །གྲུ་གསུམ་ཨེ་ཡི་དཀྱིལ་འཁོར་དུ། །དབུས་སུ་གའུ་ཁ་སྦྱར་བཞག །གཡོན་དུ་འགུགས་པའི་དཀྱིལ་འཁོར་བྲི། །གཡས་སུ་གསང་བའི་མཱ་ར་ཡ། །ལྕགས་ཀྱུ་ཅན་གྱིས་དགུག་བྱས་ལ། །བསྙེན་ཕུར་ངག་གིས་གདབ་པར་བྱ། །རྩ་སྔགས་ལས་སྔགས་རབ་ཏུ་གཅེས། །སྔགས་དྲུག་འཕྱོང་གི་འཁོར་ལོ་བསྐོར། །མཚན་མ་བཟང་པོ་བྱུང་བ་དང་། །ཟླ་བ་བདུན་གྱིས་འགྲུབ་པར་བྱེད། །གང་ལ་བཏབ་ཀྱང་ཐོགས་པ་མེད། །ཅེས་གསུངས་སོ། །ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད་ལས། སྲོག་གི་འཁོར་ལོའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། བླ་དང་ལྷ་འདྲེ་རྒྱུ་བའི་དོན་བསྟན་ཏེ། །ཤ་བ་གླ་བ་སྲོད་ལ་རྒྱུ། །ལུག་དང་སྙན་གཉིས་ནམ་ཕྱེད་རྒྱུ། །ཕག་གི་བླ་ནི་ཐོ་རངས་རྒྱུ། །བྱི་བ་ཉི་མའི་རྩེ་ལ་རྒྱུ། །རྟ་ནི་ཉི་མ་ཕྱེད་ན་རྒྱུ། །ར་ནི་ཉི་མ་ནུབ་ན་རྒྱུ། །གཡག་དང་གླང་ནི་ས་སྲོས་རྒྱུ། །འཚོ་བར་བྱེད་པ་ཡུལ་ལྷ་སྟེ། །སྐྱོབ་པར་བྱེད་པ་དགྲ་ལྷའོ། །འགེགས་པར་བྱེད་པ་མ་སྨན་ཡིན། །འགོ་བ་བན་བོན་སྲུང་མ་ཡིན། །སྲུང་བར་བྱེད་པ་སྲོག་ལྷའོ། །ཐོ་རངས་ལྷ་འདྲེ་རྒྱལ་པོ་རྒྱུ། །ཉི་མའི་རྩེ་ལ་དགྲ་ལྷ་རྒྱུ། །ཉིན་ཕྱེད་དྲོས་ནས་དམག་དཔོན་རྒྱུ། །ས་རྣམས་ཚབ་ཚུབ་བཙན་ཡང་རྒྱུ། །སྲོད་ཀྱི་དུས་སུ་བདུད་ཀྱང་རྒྱུ། །ནམ་གྱི་གུང་ལ་གཤིན་རྗེ་རྒྱུ། །ནམ་ཕྱེད་དུས་སུ་མ་མོ་རྒྱུ། །རྒྱུ་བའི་དུས་སུ་དྲག་སྔགས་བརྡེག །ལས་སྦྱོར་དག་ནི་བརྩམ་པར་བྱ། །ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད་ལས། ལྷ་འདྲེ་དང་བླ་རྒྱུ་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། དྲག་སྔགས་ཀྱི་དོན་འདི་བསྟན་ཏོ། །ཨ་ནི་སྐུ་ཡི་སྙིང་པོ་སྟེ། །ལུས་ནི་སྒྲོལ་བའི་དྲག་སྔགས་ཡིན། །ཀ་ནི་གསུང་གི་སྙིང་པོ་སྟེ། །ངག་ནི་སྒྲོལ་བའི་དྲག་སྔགས་ཡིན། །ཙ་ནི་ཐུགས་ཀྱི་ ― DNG021_Page_0223 ―
[མ་དཔེ་གཟིགས་ན་འདིར་གནོན།]
སྙིང་པོ་སྟེ། །ཡིད་ནི་སྒྲོལ་བའི་དྲག་སྔགས་ཡིན། །མཱ་ར་བདུད་ཀྱི་བུ་མོ་སྟེ། །འདི་ནི་སྒྲོལ་བའི་དྲག་སྔགས་ཡིན། །ས་ནི་གཟའ་ཡི་བུ་མོ་སྟེ། །འདི་ནི་སྒྲོལ་བའི་དྲག་སྔགས་ཡིན། །པྲ་ནི་བཙན་གྱི་བུ་མོ་སྟེ། །ཡིད་ནི་སྒྲོལ་བའི་དྲག་སྔགས་ཡིན། །ནཱ་ནི་ཀླུ་ཡི་སྙིང་པོ་སྟེ། །འདི་ནི་སྒྲོལ་བའི་དྲག་སྔགས་ཡིན། །ཏ་ནི་མིང་པོ་དག་ཡིན་ཏེ། །འདི་ནི་སྒྲོལ་བའི་དྲག་སྔགས་ཡིན། །རུ་རུ་ཀ་ཏང་ཤོ་ན་སྟེ། །མ་མོ་སྒྲོལ་བའི་དྲག་སྔགས་ཡིན། །རུ་ནི་རཀྴ་སྲིན་པོ་ཡིན། །བདག་ཉིད་མ་ཡི་དྲག་སྔགས་ཡིན། །ཡ་ནི་བདུད་ཀྱི་དྲག་སྔགས་ཡིན། །ཀ་ནི་རྒྱལ་པོའི་དྲག་སྔགས་ཡིན། །ཧཱུཾ་ནི་ཐམས་ཅད་དབང་དུ་སྡུད། །ཕཊ་ནི་སྒྲོལ་བའི་དྲག་སྔགས་ཡིན། །མ་མ་ནག་མོ་ངག་ཉིད་དེ། །བ་ནི་སྲོག་གཅོད་དྲག་སྔགས་ཡིན། །མ་ཏང་བསེན་མོ་ངག་ཉིད་དེ། །ཨི་ནན་མནན་པ་དྲག་སྔགས་ཏེ། །ད་དྷི་ཤོ་ན་ངག་ཉིད་དེ། །ཀརྨ་ཕྲིན་ལས་དྲག་སྔགས་ཡིན། །ཤཱི་གྷྲཾ་གྱིང་ཆེན་ངག་ཡིན་ཏེ། །ཀ་ར་སྒྲོལ་བའི་དྲག་སྔགས་ཡིན། །ཡ་ནི་འཆི་ངག་བདུད་ཡིན་ཏེ། །ཧཱུཾ་ཕཊ་སྒྲོལ་བའི་དྲག་སྔགས་ཡིན། །ཨོཾ་དང་བཛྲ་ཀཱི་ལ་ཡ། །སྐུ་གསུང་ཐུགས་ཀྱི་སྔགས་སུ་བསྟན། །ཡང་ན་འཆི་བདག་བདུད་ཀྱི་སྔགས། །སརྦ་སྒྲོལ་བྱེད་གིང་གི་སྔགས། །བིག་ནན་འགུགས་བྱེད་མ་མོའི་སྔགས། །བཾ་ནི་འབྲུབ་ཁུང་ལས་ཀྱི་སྔགས། །ཧཱུཾ་ནི་ཐམས་ཅད་དབང་དུ་སྡུད། །ཕཊ་ནི་ཐམས་ཅད་སྒྲོལ་བའི་སྔགས། །སྔགས་དྲུག་ཡེ་ཤེས་ལྷ་དྲུག་པོས། །ལས་སྦྱོར་དག་ཏུ་སྔགས་དྲུག་པོས། །འཇིག་རྟེན་དྲུག་ཏུ་དགྱེ་བར་གསུངས། །དང་པོ་མགོ་ནས་ཨ་རུ་གནས། །དབུ་མ་ན་རོ་ཞབས་སུ་བསྟན། །དང་པོ་ཧ་རུ་རབ་ལྡན་ཏེ། །དབུ་ཞབས་བསྐྱེད་པའི་ཚུལ་དུ་གནས། །ཨི་ཨང་ཐིག་ལེ་ཨ་རུ་བསྟན། །དབུ་མ་མཐའ་རུ་རབ་ལྡན་ཞིང་། །དབུ་དང་ཞབས་སྐྱེད་ཧ་ཧེ་བསྡུ། །རྩ་སྔགས་ལས་ ― DNG021_Page_0224 ―
[མ་དཔེ་གཟིགས་ན་འདིར་གནོན།]
སྔགས་བསྡུ་ཞིང་བསྡུ། །བསྐྱེད་པ་རྒྱུན་གྱི་སྔགས་སུ་བསྒོམ། །བསྐུལ་བ་རྦད་དང་བཟླས་དང་གསུམ། །དོན་གྱི་ཡི་གེ་བསྡུ་བའོ། །ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད་ལས། དྲག་སྔགས་ཀྱི་ལེའུ་སྟེ་ལྔ་པའོ།། །།དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། བུ་མོ་དགུག་པའི་ལས་བསྟན་ཏེ། །གནས་ཁང་ཚུལ་དང་ལྡན་པ་རུ། །དཀྱིལ་འཁོར་རྩིབས་བརྒྱད་བྲིས་བྱས་ལ། །རྫས་དགྲམ་ཕུར་པ་དགོད་ནས་ནི། །བསྙེན་ཕུར་དག་ལ་ཞག་བདུན་བཟླས། །རང་གི་སྨིན་དབྲག་དག་ཏུ་ནི། །ཙནྡན་ལྡེ་གུས་འཁོར་ལོ་དྲུག་ཀྱང་བྲི། །འཁོར་ལོ་དྲུག་ལ་སྔགས་དྲུག་བྲི། །དབུས་ཀྱི་ལྟེ་བར་འབྲུ་དགུ་བྲི། །མཐའ་མ་ཁྲོ་བཅུར་ཤེས་པར་བྱའོ། །རྣལ་འབྱོར་རང་ཉིད་བསྒོམ་པའི་དུས། །ལག་པ་གཡས་པ་བྲི་བར་གསུངས། །རང་ཉིད་ཁམས་གསུམ་རྣམ་རྒྱལ་བསྒོམ། །བསྒྲུབ་པ་ཐོན་པའི་ནང་བར་དེ། །ཁ་རུ་སྤོ་ནི་སོ་ཆ་མུར། །མྱ་ངན་མེད་ཀྱི་གྲིབ་མ་ལ། །རྩ་སྔགས་གཞུག་ལ་སྔགས་དྲུག་བཟླས། །འབྲུ་དགུ་དོན་གྱི་མགོ་ལ་དྲིལ། །ལྷ་དང་ཀླུ་ཡི་བུ་མོ་དང་། །འཁོར་ལོ་མཐོང་ཚད་གམ་དུ་འོང་། །གསང་བའི་དབང་བསྐུར་སྤྱོད་པ་བརྩམ། །ཕྱག་རྒྱ་ཆེན་པོ་ཐོབ་པར་འགྱུར། །ལྷུན་གྱིས་གྲུབ་པའི་ས་ལ་གནས། །ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད་ལས། བུ་མོ་དགུག་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེ་ལ། ཀརྨ་ཧེ་རུ་ཀ་དང་། དྲེད་ཀྱི་མགོ་ཅན་དང་། སྲེ་མོའི་མགོ་ཅན་དང་། མགོ་བརྙན་གྱི་ཚོགས་དགྱེས་ནས་གསུངས་གཅིག་ཏུ་འདི་སྐད་ཅེས་གསོལ་ཏོ། །ཀྱེ་ཇི་ལྟར་ཁྲག་འཐུང་རྒྱལ་པོ་ལགས། །ཇི་ལྟར་ཁྲོ་བོའི་རྒྱལ་པོ་ལགས། །ཇི་ལྟར་དུས་གསུམ་རྒྱལ་པོ་ལགས། །ཇི་ལྟར་ཆོས་ཉིད་རྒྱལ་པོ་ལགས། །ཞེས་གསོལ་པས། འཁོར་རྣམས་ལ་ཁྲག་འཐུང་གི་རྒྱལ་པོས་འདི་སྐད་ཅེས་བཀའ་སྩལ་ཏོ། །ང་ནི་འཁོར་བ་ཞལ་དུ་རྔུབ། །ང་ནི་དུས་གསུམ་རྩད་ནས་གཅོད། །ང་ནི་ལོག་རྟོག་ཚར་ ཁྲོ་བོ་སྟོབས་པོ་ཆེའི་རྒྱུད།― DNG021_Page_0225 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀྲོ་དྷ་མ་ཧཱ་བ་ལ་ཏནྟྲ། བོད་སྐད་དུ། ཁྲོ་བོ་སྟོབས་པོ་ཆེའི་རྒྱུད། དཔལ་ཁྲག་འཐུང་རོལ་པའི་སྐུ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། ཁྲག་འཐུང་རོལ་པའི་རྒྱལ་པོ། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན། ཕྱི་ནང་མེད་པའི་ཞལ་ཐལ་ལེ་གཟིགས་པའི་གཞལ་ཡས་ཁང་པདྨ་བྷ་གའི་གདན་སྟེངས་ན། རིན་པོ་ཆེ་རྣམ་པ་ལྔ་སྤྲས་པའི་ཕྱོགས་བཞི་ནས་ཡེ་ཤེས་བཞིའི་སྒོ་ཤར་ཅིང་། ལྷ་དང་ལྷ་མོའི་ཚོགས་ཐམས་ཅད་ཀྱང་རོལ་པར་མཛད་ཅིང་བཞུགས་པའི་གནས་དེ་ན་ཡུམ་དང་གཉིས་སུ་མེད་པའི་རོལ་པ་མཛད་ཅིང་བཞུགས་སོ། །འཁོར་ཀརྨ་ཧེ་རུ་ཀ་དང་། དོམ་གྱི་མགོ་ཅན་དང་། བྱི་བའི་མགོ་ཅན་དང་། མགོ་བརྙན་གྱི་ཚོགས་ཀྱིས་འདི་སྐད་ཅེས་ཞུས་སོ། །འཁོར་གྱི་མཚན་ཉིད་གང་གསུང་ལགས། །རོལ་པའི་ཕྲིན་ལས་གང་གསུང་ལགས། །གདུག་པ་ལོག་ལྟ་གདུལ་སླད་དུ། །སྙིང་རྗེ་ཆེན་པོས་བདག་ལ་སྟོན། །ཞེས་གསོལ་པས། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། ཕྱི་ནང་དུ་སྣང་བ་ཐམས་ཅད་ལ་ཁྲོས་པའི་སྤྱན་གྱིས་སོ་སོར་བྱེ་བྲག་ཏུ་གཟིགས་སོ། །དེ་ནས་ཡུམ་ལ་སྙོམས་པར་ཞུགས་ཏེ། མཉམ་པའི་ངང་ལས་ཁྲོ་བོའི་སྐུར་སྤྲུལ་ཏེ། གདུག་པ་ཅན་གྱི་ཚོགས་རྣམས་ལ་ཡང་རྣམ་པར་གཟིགས་སོ། །ལོག་པའི་ལམ་རྣམས་ལ་ཡང་རྣམ་པར་གཟིགས་སོ། །སངས་རྒྱས་དང་བྱང་ཆུབ་སེམས་དཔའི་ཚོགས་རྣམས་ལ་ཡང་རྣམ་པར་གཟིགས་སོ། །དེ་ནས་འགྲོ་བ་སེམས་ཅན་གྱི་དོན་ལ་འཁོར་རྣམས་ཀྱིས་བསྐུལ་བར་རབ་ཏུ་བརྩམས་ནས་དཀྱིལ་འཁོར་གྱི་ལས་ལ་ཞུགས་པར་གྱུར་ཏོ། །ཁྲོ་བོ་སྟོབས་པོ་ཆེའི་རྒྱུད་ལས། ― DNG021_Page_0226 ―
[མ་དཔེ་གཟིགས་ན་འདིར་གནོན།]
གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་དཔལ་ཁྲག་འཐུང་གི་རྒྱལ་པོས། དཀྱིལ་འཁོར་གྱི་དོན་གསུངས་ཏེ། སྟོབས་པོ་ཆེ་ཡི་དཀྱིལ་འཁོར་ནི། །ལས་ཀྱི་རྡོ་རྗེ་རྒྱ་གྲམ་ལ། །ཁ་དོག་སྔོན་པོ་འོད་དང་བཅས། །དེ་ཡི་ལྟེ་བ་གྲུ་བཞི་ལ། །མཐིང་ནག་གྲུ་གསུམ་འབར་བ་བྲི། །པདྨ་ཁ་དོག་ལྔ་དང་ལྡན། །རྡོ་རྗེ་ར་བའི་བར་དུ་བྲི། །དེ་ཡི་ནང་དུ་བསམ་བྱ་བ། །སྦྲང་རྩིའི་སྙིགས་མ་ལས་གཟུགས་བྱ། །གྲོ་ག་ཤིང་ཤུན་གང་དང་གང་། །དུར་ཁྲོད་རོ་ཡི་ཁྲག་གིས་ནི། །མིང་དང་རུས་གཉིས་བྲིས་ནས་ནི། །དཔྲལ་བར་མིང་ནི་བསླན་པར་བྱ། །སྙིང་གར་གྲུ་གསུམ་རབ་བྲུས་ལ། །དེ་རུ་གཟུགས་དང་རུས་སུ་བཅས། །བཅུག་ལ་བཞག་པར་བྱ་བ་ཡིན། །དེ་ཡི་སྟེང་དུ་བསམ་པའི་ལྷ། །ས་འོག་ལས་ནི་སྐུར་བཞེངས་ལ། །རྡོ་རྗེ་ཆོ་ག་གསུམ་གྱིས་གསལ། །སྐུ་ནི་སྔོན་པོ་འབར་བས་འཁྲིགས། །ཞལ་གཅིག་ཕྱག་གཉིས་ཞབས་ཀྱང་གཉིས། །ཕྱག་གཡས་རྡོ་རྗེ་ཆེན་པོ་འབར། །གཡོན་པ་སྡིགས་པའི་འཛུབ་མོ་སྟོན། །སྐྲ་སེར་གྱེན་འཁྱིལ་སྦྲུལ་གྱིས་བརྒྱན། །སྤྱན་བཟློག་གསུམ་གཟིགས་ཞལ་གདངས་ནས། །སྨིན་མ་རབ་བཏེགས་ཨག་ཙོམ་འབར། །སྟག་ལྤགས་གཡང་གཞིའི་ཤམ་ཐབས་ཅན། །ཡེ་ཤེས་མེ་དཔུང་རང་ཉིད་བསྒོམ། །དེ་ཡི་སྦྱོར་བ་རབ་བཏང་ནས། །དགུག་སྟེ་གཟུགས་ལ་ཕབས་ནས་ནི། །སེང་ལྡེང་ཕུར་པ་སོར་བརྒྱད་ལ། །སྔོན་དམར་སྐུད་པས་སྦྲེལ་ལ་བཞག །བསྲུང་བའི་ལྷ་དང་ཕྱེ་ཕྲལ་ལ། །སྔགས་ཀྱི་འོད་ཟེར་མ་རུངས་པས། །གཟུང་ཕུང་རབ་ཏུ་འཇིགས་པར་བསམ། །ཡེ་ཤེས་སེམས་དཔའི་ཐུགས་ལས་བྱུང་། །བཟླས་གྲངས་ཁྲི་ཕྲག་གསུམ་དུ་བཟླས། །དུས་དུས་སུ་ནི་ཕུར་པས་བསྡིགས། །ཡུངས་ཀར་ཐོགས་ལ་སྔགས་བཟླས་ལ། །གཟུགས་བརྙན་དེ་ལ་བརྡེག་པར་བྱ། །ཐུགས་ཀྱི་ས་བོན་འོད་ཟེར་གྱིས། །ལས་གང་བྱེད་པ་ཉིད་དུ་བརྟག །དུས་བཞིར་དགུག་ཅིང་བསྡིམ་པར་བྱ། །མཚན་མ་བཟང་པོ་བྱུང་བ་དང་། །གནས་ལྔ་དག་ཏུ་གདབ་པར་བྱ། །མཚོན་གྱིས་གཏུབས་ལ་ ― DNG021_Page_0227 ―
[མ་དཔེ་གཟིགས་ན་འདིར་གནོན།]
ཞལ་དུ་བསྟབས། །དེ་ཡིས་ལས་ལ་ངེས་པར་ནི། །འགྲུབ་འགྱུར་འདི་ལ་ཐེ་ཚོམ་མེད། །སེམས་ཅན་ཚ་བས་གདུང་བ་ལ། །ཆར་པའི་རྒྱུན་རྣམས་རབ་དབབ་ན། །གཞལ་ཡས་གསལ་བའི་དབུས་སུ་པད། །དེ་སྟེང་ཉི་མ་ཟླ་བ་བསམ། །ཐབས་དང་ཤེས་རབ་མཐུ་ཡིས་གསལ། །དེ་གཉིས་དབུས་སུ་བསམ་བྱ་བ། །སྦྲུལ་གྱི་ཆུན་པོའི་གདན་དུ་བསམ། །དེ་སྟེང་བདག་པོའི་གཟུགས་བསམ་ཏེ། །དེ་ལས་འོད་འཕྲོས་སླར་འདུས་པས། །བདག་པོའི་དངོས་གཞི་རབ་ཞུ་སྟེ། །མི་ཤིགས་དོན་ལྡན་ཉིད་དུ་བརྟག །དེ་ལས་འཕྲོས་འོད་སླར་འདུས་པས། །ཆོས་དབྱིངས་གཟུགས་བརྙན་ཉིད་དུ་སྟེ། །དེ་ལ་སྔགས་འདི་སྐུ་ལྟར་བྱུང་། །ཨོཾ་བཛྲ་ཀྲོ་དྷ་ཧཱུཾ་མ་ཧཱ་བ་ལ་ཧཱུཾ། གསང་སྔགས་བརྗོད་པས་སྐུ་རུ་གྱུར། །དབུ་གསུམ་ཕྱག་དྲུག་རྒྱན་དང་ལྡན། །གཡས་པ་དཀར་ལ་གཡོན་པ་དམར། །དབུས་མ་དུད་ཁ་ལྟ་བུ་སྟེ། །གཡས་གཡོན་རྡོ་རྗེ་བྷནྡྷའོ། །བར་མ་ཐོ་བ་ལྕགས་ཀྱུའོ། །ཐ་མ་འདུལ་བའི་ཕྱག་རྒྱ་བསྣམས། །ཐུགས་ཀའི་ཧཱུཾ་ལས་འབར་བར་བསྐྱེད། །སྒྲ་འམ་གྲིབ་མའི་ཚུལ་དུ་བསམ། །དེ་ལྟར་ཡོངས་སུ་རྫོགས་པ་དང་། །ཡེ་ཤེས་སེམས་དཔའ་བསམ་པར་བྱ། །ཏིང་འཛིན་སེམས་ལས་འོད་འཕྲོས་པས། །ཕྱོགས་བཅུའི་རྒྱལ་བ་སྤྱན་དྲངས་ཏེ། །བདག་གི་གཙུག་ཏུ་བཞུགས་པར་བརྟག །དེ་ལ་བསྐོར་ན་ལན་གསུམ་བྱ། །ཕྱི་ནང་གསང་བའི་མཆོད་པས་མཆོད། །དེ་རྗེས་དབང་རྣམས་ཚང་བར་ནོད། །དེ་ནས་རང་བཞིན་གནས་སུ་གཤེགས། །ཐབས་དང་ཤེས་རབ་ཁྱད་པར་ལས། །འཁོར་གྱི་དཀྱིལ་འཁོར་གསལ་བར་བསྐྱེད། །ཞལ་གཅིག་ཕྱག་གཉིས་སྐུ་མདོག་དུད། །ཀ་ར་བཱི་རའི་ཕུར་བུའོ། །སྦྲུལ་བརྒྱན་ཕུར་བུའི་གདན་ལ་བཞུགས། །ས་བོན་རྣམས་ཀྱིས་རྣམ་པར་མཚན། །སྒོ་བཞི་གཞན་ལ་དེ་བཞིན་ཡིན། །ཡབ་ཡུམ་ཐབས་དང་ཤེས་རབ་ཀྱིས། །བསྐྱེད་པའི་སྔགས་ཀྱིས་རབ་བསྐུལ་ནས། །ཡོངས་སུ་རྫོགས་པའི་དཀྱིལ་འཁོར་རོ། །རྡོ་རྗེ་གཡབ་མོས་གཡབ་ནས་ནི། །ཡེ་ཤེས་དཀྱིལ་འཁོར་ ― DNG021_Page_0228 ―
[མ་དཔེ་གཟིགས་ན་འདིར་གནོན།]
སྤྱན་ཡང་དྲངས། །དགུག་དང་གཞུག་དང་བསྡིམ་པ་སྟེ། །བརྟན་པར་བྱས་ལ་མཆོད་རྫོགས་བྱ། །བསྟོད་པ་བྱས་ལ་བཟླས་པར་གཞུག །སྙིང་གའི་ཧཱུཾ་ལས་འོད་འཕྲོས་པས། །འོག་གི་ཀླུ་རྣམས་བཀུག་ནས་ནི། །བདག་གི་ཞབས་འོག་ཚུད་པར་བསམ། །དེ་ལ་བཟླས་པའི་སྙིང་པོ་འདིའོ། །ཨོཾ་སྥོ་ཊ་ཡ་སྥོ་ཊ་ཡ། ནཱ་ག་ཏ་ལ་ཕཊ། ནཱ་ག་ནཱ་ག་དུན་དུན། ཧྲྀ་ད་ཡ་ཕཊ། དེ་ལྟར་སྔགས་འདི་ཁྲི་ཕྲག་གཅིག །རབ་ཏུ་དྲག་པར་འདི་བཟླས་ན། །ཀླུ་རྣམས་རབ་ཏུ་སྐྲག་འགྱུར་ཏེ། །ཆར་གྱི་རྒྱུན་རྣམས་འབེབས་པར་བརྟག །དེ་ཡི་མཚན་མ་བསྟན་པ་ནི། །ཉམས་ཐག་འོ་དོད་འབོད་པ་འམ། །སྦལ་གཅོང་སྐམས་པ་མཐོང་བ་དང་། །དེ་ནས་ལས་ལ་སྦྱར་བར་བྱའོ། །ཆུ་མིག་གཉན་པོའི་ཁར་སོང་ལ། །ཀླུ་རྣམས་སྣ་ཚོགས་གཏོར་མ་བཤམས། །དེ་ལ་བ་དམར་འོ་མ་སྦྲེང་། །ཧཱུཾ། སྟོན་པ་ང་ཡི་བཀའ་བསྒོ་ཡིས། །ཀླུ་ཆེན་བརྒྱད་ལ་སོགས་པ་ཡི། །བ་སུ་རིག་དྲུག་འདིར་འདུས་ཤིག །སོ་སོའི་གནས་ནས་བསྐུལ་བར་བསམ། །བདག་གི་ཐད་ཀར་འདུས་ནས་ནི། །ཇི་ལྟར་བགྱི་ཞེས་ཟེར་བར་བསམ། །ང་ཡི་གཏོར་མ་འདི་ལོང་ལ། །སེམས་ཅན་ཚ་བས་གདུང་བ་ལ། །ཆར་པའི་རྒྱུན་རྣམས་དབབ་ཏུ་གསོལ། །གཏོར་བསྔོས་ཚིག་བཤད་འདི་ཡང་བརྗོད། །གལ་ཏེ་ཆར་པ་མི་འབེབས་ན། །ཀ་ར་བཱི་རའི་རྒྱ་ལྕག་གིས། །གཟུགས་ཕུང་ཐལ་བ་བཞིན་དུ་ནི། །བརླག་པར་འགྱུར་ཏེ་གདོན་མི་ཟ། །ནཱ་ག་ཙིཏྟ་ས་མ་ཡ་སྟྭཾ། སྔགས་ཀྱིས་གནད་ལ་བོར་བ་ཡིས། །ཆར་གྱི་རྒྱུན་རྣམས་ངེས་པར་འབེབ། །གལ་ཏེ་ཆར་པ་མ་སྟེར་ན། །དུར་ཁྲོད་རས་མ་བླངས་ནས་སུ། །རང་བྱུང་མེ་ཏོག་སེ་འུས་བྱུག །ལྡོང་རོས་སེར་པོས་འཁོར་ལོ་བྲི། །འཁོར་ལོའི་དབུས་སུ་སྟོབས་ཆེན་བྲི། །ཞལ་གཅིག་ཕྱག་ཀྱང་གཉིས་པ་སྟེ། །གཡས་པ་རྡོ་རྗེ་གཡོན་རྒྱ་ལྕག །སྔགས་རྣམས་བཟླས་ཞིང་ཀླུ་ལ་བྲབ། །འཁོར་ལོའི་རྩིབས་ལ་སྔགས་འདིའོ། །དང་ ― DNG021_Page_0229 ―
[མ་དཔེ་གཟིགས་ན་འདིར་གནོན།]
པོར་སྥོ་ཊ་ཐ་མར་ཕཊ། །དེ་ལྟར་ཡི་གེ་བརྒྱ་པ་ཡིས། །འོག་གི་འཁོར་ལོའི་ཡི་གེ་བསྐུལ། །འོག་གི་འཁོར་ལོ་འདབ་བརྒྱད་དབུས། །ཀླུ་གཟུགས་དབུ་གསུམ་སྦྲུལ་མགོ་དྲུག །གཡས་པ་ཨུཏྤལ་གཡོན་པ་པད། །འཁོར་ལོ་པདྨའི་རྩིབས་དག་ལ། །ཎཎ་གྱིས་མགོ་བྱས་ཕཊ་ཀྱིས་གཞུག །དེ་ལྟར་ཡི་གེ་བཅུ་དྲུག་དང་། །རང་སྙིང་ས་བོན་དེ་རྣམས་ཀྱི། །འོད་ཀྱིས་ཀླུ་རྣམས་བསྲེག་པར་བསམ། །དང་པོས་དགུག་དང་གཉིས་པས་བསྡིམ། །ཐ་མས་གཟིར་ཏེ་ལྕགས་ཀྱིས་བྲབ། །དེ་ལྟར་བྱས་ན་ཀླུ་རྣམས་ཀུན། །ཤིན་ཏུ་སྐྲག་ཅིང་སྔངས་འགྱུར་ཏེ། །རྒྱ་མཚོའི་རླབས་ནས་ཆར་གྱི་རྒྱུན། །ཤིན་ཏུ་བརླབས་ནས་ཕེབས་པར་བྱེད། །དེ་ཡིས་འོང་བར་གདོན་མི་ཟ། །གཏོར་མ་བསྔོས་ལ་འཁོར་ལོ་བཀྲུ། །བ་དམར་ར་དཀར་འོ་མས་གསོ། །ཀླུ་སྨན་རྣམས་ཀྱིས་ཀླུ་རྣམས་གསོ། །གལ་ཏེ་ཆར་པ་ཆེ་གྱུར་ན། །འཁོར་ལོ་སྟེང་མའི་སྟེང་འདུག་ལ། །འོག་གི་སྔགས་རྣམས་གཞུག་ནས་བཟློག །སྔགས་དེས་ཆར་པ་འཆད་པར་ངེས། །བསྡུ་བར་བྱས་ལ་རང་ལྷ་ཉིད། །གསལ་བའི་དཀྱིལ་འཁོར་དེ་ཉིད་ལྷ། །འདི་ནི་དཀྱིལ་འཁོར་ཞེས་བྱའོ། །དྲག་པོའི་དཀྱིལ་འཁོར་རབ་གསལ་བྲི། །རྒྱན་དང་རོལ་མོ་དཔག་བསམ་ཤིང་། །འདོད་པའི་ཡོན་ཏན་རྣམས་ཀྱིས་བརྒྱན། །རྒྱལ་མཚན་ལ་སོགས་རྒྱན་རྣམས་ཀྱིས། །གསང་བའི་དཀྱིལ་འཁོར་ཀུན་ལ་བརྒྱན། །ལས་འདི་ཀུན་གྱི་མཆོག་དམ་པ། །རྣལ་འབྱོར་དམ་པས་ཉམས་བླངས་ན། །ལས་གང་བྱ་བར་ཐོགས་པ་མེད། །དམ་ཚིག་ཏིང་འཛིན་ལྡན་པའི་མི་རྣམས་ཀྱིས། །བྱས་ལ་འབྲས་བུ་ཡོད་ཅེས་བྱ། །ཁྲོ་བོ་སྟོབས་པོ་ཆེའི་རྒྱུད་ལས། དཀྱིལ་འཁོར་དང་ཆར་པ་དབབ་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། སྐྲངས་འབུར་གཞོམ་པའི་དོན་འདི་བསྟན་ཏེ། བདག་ཉིད་སྟོབས་པོ་ཆེ་རུ་བསམ། །ལྕེ་ལ་རྡོ་རྗེ་རྩེ་གསུམ་བསྒོམ། །ནད་པའི་ལུས་ལ་ལྡག་པར་བྱ། །འབྲུ་དགུའི་ཞབས་ལ་ནཱ་ག་གདགས། །སྟོབས་ ― DNG021_Page_0230 ―
[མ་དཔེ་གཟིགས་ན་འདིར་གནོན།]
ཆེན་སྙིང་པོ་རབ་ཏུ་གཅེས། །ནད་རྣམས་ཐམས་ཅད་ཞི་བར་བསམ། །སྨན་ལ་གདབ་ཅིང་ཁོང་དུ་གཏོང་། །གསེར་ལ་གདབ་ཅིང་ཕྱི་རུ་བརླན། །ཐོ་རངས་བྱ་སྐད་མ་ཐོན་པར། །སྔགས་རྣམས་བཏབ་པས་ཐེ་ཚོམ་མེད། །ནད་རྣམས་ཐམས་ཅད་ཞི་བར་བསམ། །ཁྲོ་བོ་སྟོབས་པོ་ཆེའི་རྒྱུད་ལས། སྐྲངས་འབུར་གཞོམ་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། སྲི་མནན་པའི་དོན་འདི་གསུངས་སོ། །བདུད་ཆེན་པདྨ་གར་གྱི་དབང་ཕྱུག་དང་། བདུད་མོ་པདྨ་གར་གྱི་དབང་ཕྱུག་མ་གཉིས་ལ་བུ་གཅིག་སྐྱེས་ཏེ། རྒྱལ་པོ་ཕུང་བའི་ཕུང་སྲི། བློན་པོ་ཕུང་བའི་ཕུང་སྲི། ཡུལ་མི་ཕུང་བའི་ཕུང་སྲི། དགྲ་སྲི། དམེ་སྲི། སྒོ་སྲི། ཆུང་སྲི། དུར་སྲི། རྣལ་འབྱོར་པའི་དམ་སྲི། གོད་སྲིའོ། །རྒྱལ་པོ་ཕུང་བའི་ཕུང་སྲི་ནི། །མོན་ནམ་ཧོར་མོ་སྤྱི་རིངས་སམ། །མོན་གླང་ཕྱུགས་ཀྱི་ཐོད་པ་རུ། །ཆོས་འཁོར་དབུས་སུ་གནན་པར་བྱ། །བློན་པོ་ཕུང་བའི་ཕུང་སྲི་ནི། །སྤྲེའུ་འམ་ནེ་ཙོའི་ཐོད་པ་རུ། །མདུན་མ་འདུས་སར་གནན་པར་བྱ། །ཡུལ་མི་ཕུང་བའི་ཕུང་སྲི་ནི། །མཛོ་རྟོལ་དྲེའུའི་ཐོད་པ་རུ། །གྲོང་གི་དབུས་སུ་གནན་པར་བྱ། །ཡང་ན་ཡུལ་གྱི་མདོ་ཉིད་དོ། །དགྲ་སྲི་རྟ་གཡག་ཐོད་པ་རུ། །དགྲ་ཟུན་མཚམས་སུ་གནན་པར་བྱའོ། །དམེ་སྲི་ཁྱི་སྤྱང་ཐོད་པ་རུ། །གྲོང་གི་དབུས་སུ་གནན་པར་བྱའོ། །སྒོ་སྲི་ཕག་གི་ཐོད་པ་རུ། །ཐེམ་པའི་འོག་ཏུ་གནན་པར་བྱ། །ཆུང་སྲི་ཕག་གུའི་ཐོད་པ་རུ། །མལ་གྱི་འོག་ཏུ་གནན་པར་བྱ། །དུར་སྲི་ཝ་དང་གྲུམ་ཐོད་དམ། །ཡང་ན་སྲེ་མོའི་ཐོད་པ་རུ། །དུར་གྱི་འདབས་སུ་གནན་པར་བྱ། །རྣལ་འབྱོར་དམ་སྲི་མི་དང་ཁྱི། །ཕག་ཐོད་ལ་སོགས་པ་ལ་ནི། །མཆོད་རྟེན་ནང་དུ་གནན་པར་བྱ། །གོད་སྲི་རིའུ་ལུག་ཐོད་པ་རུ། །ར་བའི་དབུས་སུ་གནན་པར་བྱའོ། །དེ་རྣམས་གང་བྱེད་ཐོད་པ་རུ། །འཁོར་ལོ་རྩིབས་དྲུག་བྲིས་པ་ལ། །དབུས་སུ་ནྲྀ་དང་ཏྲི་བྲིའོ། །དགྲ་ལ་བྱེད་ན་ནྲྀ་ཡང་བྲི། །རྩིབས་དྲུག་ལ་ཡང་སྔགས་དྲུག་བྲི། །མཐའ་མ་ཁྲོ་བཅུའི་སྔགས་ཀྱིས་བསྐོར། །དབུས་ཀྱི་ ― DNG021_Page_0231 ―
[མ་དཔེ་གཟིགས་ན་འདིར་གནོན།]
ལྟེ་བར་གཟུགས་བྲིས་ལ། །སྙིང་གར་རུས་ལ་དཔྲལ་བར་མིང་། །ཡན་ལག་བཞི་ལ་ཡིག་འབྲུ་བཞི། །མཱ་ར་ཡ་ཡིས་མཐའ་མ་བསྐོར། །ཤོག་བུ་ལ་ཡང་དེ་བཞིན་བྲིའོ། །སྔོན་དམར་དཀྲི་ཞིང་རེ་བས་གཏུམ། །བསྙེན་བསྒྲུབ་གདབ་ལས་ཚུལ་བཞིན་བྱ། །ཟོར་དང་ཧོམ་དང་མནན་པ་དང་། །ཐ་མས་ལས་སུ་གྲུབ་པ་ཡིན། །གང་དུ་བྱེད་པར་གྲུ་གསུམ་བྲི། །ཨེ་ཡི་ཚོགས་ཀྱིས་གཞལ་ཡས་བསྐྱེད། །སྟོབས་པོ་ཆེ་ཡི་ཐུགས་ཀ་ནས། །ཛཿལས་ལྕགས་ཀྱུས་བཀུག་ཅིང་བསྡིམ། །ཐོད་པ་དེ་རུ་སྔས་ནས་ནི། །སྟོབས་པོ་ཆེ་ཡི་ཕུར་གྱིས་གདབ། །རྒྱ་གྲམ་མནན་ཅིང་ལས་བཞིས་བརྡུང་། །གང་ལས་བྱས་ཀྱང་ཐེ་ཚོམ་མེད། །ཁྲོ་བོ་སྟོབས་པོ་ཆེའི་རྒྱུད་ལས། སྲི་མནན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་དང་། དོམ་གྱི་མགོ་ཅན་དང་། བྱི་བའི་མགོ་ཅན་དང་། འཁོར་མགོ་བརྙན་གྱི་ཚོགས་ཀྱིས་གསོལ་བ་གདབ་པའི་ཕྱིར་འདི་སྐད་ཅེས་བསྟོད་དོ། །ཀྱེ་མ་གསང་བའི་བདག་ཉིད་གཙོ། །སྐུ་གསུང་ཐུགས་ཀྱི་རབ་ཟབ་པ། །རྒྱ་མཚོ་ལྟ་བུའི་ངང་ཚུལ་ཅན། །ཟིལ་གནོན་ཆེན་པོ་ཁྱོད་ལ་བསྟོད། །ཅེས་གསོལ་པས། དེ་ནས་ཁྲག་འཐུང་གི་རྒྱལ་པོས་འཁོར་རྣམས་ལ་འདི་སྐད་ཅེས་བཀའ་སྩལ་ཏོ། །ཁྱོད་ནི་བཅོམ་ལྡན་ང་དང་འདྲ། །ཁྱོད་ནི་ཁྲག་འཐུང་ང་དང་མཉམ། །སེམས་ཅན་ཀུན་ལ་ཕན་བྱེད་ཡིན། །ཁམས་གསུམ་སྙོམས་པའི་ཕ་མ་ཡིན། །ཞེས་གསུངས་སོ། །དེ་ནས་འཁོར་རྣམས་དགེས་ནས་སྐུ་གསུང་ཐུགས་ལ་བཏུད་དོ། །དེ་ནས་ཁྲག་འཐུང་གི་རྒྱལ་པོས་འདི་སྐད་ཅེས་བཀའ་སྩལ་ཏོ། །ང་ནི་མཉམ་པའི་ངང་ལ་འཇོག །དེ་ཚེ་གསུང་བའི་ལུང་ཆེན་ཡང་། །རྒྱལ་པོ་ཛ་ཞེས་ཁང་སྟེངས་སུ། །གསང་སྔགས་རྒྱུད་རྣམས་འབྱུང་འགྱུར་གྱི། །ཤཱཀྱ་ཐུབ་པའི་བསྟན་པ་ལ། །དབུས་འགྱུར་ཚལ་དུ་དར་བར་འགྱུར། །ཁྲོ་བོ་སྟོབས་པོ་ཆེའི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་ལྔ་པའོ།། །།ཁྲོ་བོ་སྟོབས་པོ་ཆེའི་རྒྱུད་ཁྲོ་བཅུ་རོལ་པའི་རྒྱུད་ཆེན་པོ་རྫོགས་སོ།། །། དཔལ་རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོ་རྩིབས་ཀྱི་རྒྱུད།― DNG021_Page_0232 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་མ་ཀུ་ར་དཱི་པྲ་ཀྵུ་ར་སྤཪྴ་ཙྪེ་ད་ན་ཙཀྲཱ྅ར་ཏནྟྲ། བོད་སྐད་དུ། དཔལ་རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོ་རྩིབས་ཀྱི་རྒྱུད། དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འོག་མིན་གསང་བའི་བྷ་ག་ན་བཞུགས་སོ། །ཉིད་ལས་མི་གཞན་པའི་འཁོར་ཁྲོ་བོ་དང་ཁྲོ་མོ་རྣམས་དང་གདུལ་བྱ་དྲག་པོའི་ཁྲོ་བོ་རྣམས་དང་ཡང་ཐབས་ཅིག་ཏུ་བཞུགས་སོ། །ཐུན་མོང་དུ་གྱུར་པའི་རྒྱུད་རྣམས་ཀྱང་བཤད་ཅིང་གསལ་བར་སྤྲོས་སོ། །དེ་ནས་མ་འོངས་པའི་གདུལ་བྱ་རྣམས་གདུལ་བའི་ཕྱིར། རྡོ་རྗེ་ཁྲོ་བོ་སྟོབས་པོ་ཆེས། བཅོམ་ལྡན་འདས་ལ་གསང་བའི་མཆོད་བསྟོད་བྱས་ནས། འདི་སྐད་ཅེས་གསོལ་ཏོ། །ཀྱེ་མ་བདེར་གཤེགས་བཅོམ་ལྡན་འདས། །མ་འོངས་སེམས་ཅན་དོན་ཕྱིར་དུ། །གདུག་པ་དྲག་པོའི་གདུལ་བྱ་ལ། །དྲག་ཤུལ་ཐབས་ཀྱིས་འདུལ་ཐབས་གསུངས། །ལྔ་བརྒྱ་ཐ་མའི་སེམས་ཅན་རྣམས། །གཅིག་ལ་གཅིག་སྨོད་དྲག་སྔགས་འགྲན། །ཡང་དག་ཆོས་བོར་ལོག་ཆོས་སྒྲུབ། །དེ་ཚེ་ཆོས་ཀྱི་མེ་ལོང་གང་། །སྤུ་གྲིའི་འཁོར་ལོ་ཇི་ལྟར་བསྐོར། །རེག་གཅོད་དྲག་སྔགས་ཇི་ལྟར་ལགས། །སེམས་ཅན་དོན་ཕྱིར་བཤད་དུ་གསོལ། །ཞེས་ཞུས་པས། བཅོམ་ལྡན་འདས་ཀྱིས་གདུག་པ་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཡི་གེ་འཁོར་ལོའི་ཚོགས་སྤྲོས་པས། འཇིག་རྟེན་ཤིན་ཏུ་གཡོ་ཞིང་འགུལ་ལྡེག་པར་གྱུར་ནས། དྲེགས་པ་ཅན་རྣམས་ཤིན་ཏུ་བརྒྱལ་ནས་གནས་པ་རྣམས་དབུགས་ཕྱུང་སྟེ་གནས་པ་ལ། སོ་སོའི་འཁོར་ལོ་དང་། དྲག་སྔགས་གསལ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོ་རྩིབས་རྒྱུད་ལས། གླེང་གཞི་གླེང་བསླང་བ་དང་། གསང་བའི་འཁོར་ལོ་ཞུས་པའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་རྡོ་ ― DNG021_Page_0233 ―
[མ་དཔེ་གཟིགས་ན་འདིར་གནོན།]
རྗེ་གཞོན་ནུས་འཁོར་རྣམས་ཀྱི་དོན་རྟོགས་པར་རབ་ཏུ་མཁྱེན་ནས། གསང་བའི་འཁོར་ལོ་རབ་ཏུ་བཤད་པ། ཨེ་མ་རྡོ་རྗེ་ཁྲོ་བོ་ཆེ། །བསྟན་པ་ཐ་མའི་སེམས་ཅན་རྣམས། །ཡང་དག་དོན་བོར་ལོག་ཆོས་སྤྱོད། །དགེ་བ་སྒྲིབ་ལ་སྡིག་པ་འཕེལ། །དེ་ཚེ་ཆོས་ཀྱི་མེ་ལོང་བཤད། །གླེང་གཞི་རྣམ་གསུམ་དོན་གྱི་ཁོག་དབུབ་ཡིན། །མཚན་ཉིད་བཞི་ནི་རྒྱུད་དོན་ཤན་འབྱེད་ཡིན། །ཕུར་བུ་རྒྱུ་བཞིས་གང་ཟག་བཞི་མཐར་དབྱུང་། །སྒྲུབ་གཞུང་གསུམ་གྱིས་ལས་ཀྱི་གཞུང་བསྲང་བྱ། །ཐམས་ཅད་འདུས་པའི་སྔགས་ཀྱིས་ཡེ་ཤེས་ལྷ་ནི་གནད་ལ་དབབ། །ངན་སྔགས་ཐུས་ཡིག་དྲུག་གསུམ་བཅོ་བརྒྱད་ཀྱིས། །མཁའ་འགྲོ་མ་རྣམས་མངོན་སུམ་དག་ཏུ་བཀོལ། །སྲོག་གི་དོན་པོ་གསུམ་གྱིས་དམིགས་པའི་གནད་གསུམ་བཀྲོལ། །བསྒྲལ་ལུགས་རྣམ་པ་དྲུག་གིས་བརྣག་པའི་ལས་རྣམས་བྱ། །མཐར་ཕྱིན་བརྒྱད་ཀྱིས་ལས་ཀྱི་ཁ་ཡང་བསྐང་། །མཐའ་བརྟུལ་གསུམ་གྱིས་ཕྲིན་ལས་གཞུག་ཀྱང་སྡུད། །གསལ་བར་བཀོད་པ་ཐུགས་ཀྱི་མེ་ལོང་ཡིན། །གཞན་རྣམས་གཅོད་ཕྱིར་སྤུ་གྲི་ནག་པོ་སྟེ། །མྱུར་དུ་ཆོད་པས་རེག་གཅོད་ནག་པོ་ཡིན། །རིན་ཆེན་འབྲུ་ཐུས་སྡེབས་བཅས་འཁོར་ལོ་སྟེ། །ལྷག་པར་གཅོད་ཅིང་འཁོར་བས་འཁོར་ལོ་ཡིན། །ཡིག་འབྲུ་གྲངས་སུ་གཏུགས་པས་རྩིབས་ཀྱི་རྒྱུད། །རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོ་རྩིབས་རྒྱུད་ལས། ཐུགས་ཀྱི་མེ་ལོང་གི་ལེའུ་སྟེ་གཉིས་པའོ།། །།དེ་ནས་ཡང་དག་གསང་དོན་མེ་ལོང་བཤད། །གསང་སྔགས་མནན་བསྲུང་མཐུ་འཕྲོག་ལ། །གསང་བའི་མན་ངག་དག་གིས་མ་འགྲུབ་ན། །གསང་བ་ཁྲོ་བོ་གཏིང་གྱུར་གསང་སྔགས་བཟླས། །སྒྲུབ་པའི་གསང་སྔགས་བཟླས་པའི་ལོང་མེད་ན། །གསང་བ་སྒྲོལ་བ་ཁྲོ་མོའི་སྔགས་ལ་འཇུག །གསང་སྔགས་གཅིག་ཀྱང་མ་འགྲུབ་བགེགས་གནོད་ན། །གསང་བ་ཕུར་པའི་གསང་སྔགས་བཟླས་པ་བྱ། །ལྷ་བསྒྲུབ་ ― DNG021_Page_0234 ―
[མ་དཔེ་གཟིགས་ན་འདིར་གནོན།]
གསང་སྔགས་བཟླས་པའི་ལོང་མེད་ན། །གསང་བ་གཏིང་མནན་ས་བཤིག་སྒྲོལ་སྔགས་བཟླས། །གསང་བ་ཤི་ཅི་ཤི་ཅི་འདི་རྣམས་བརྡ་རྙིང་ཞིག་ཡིན་ནམ་མ་ངེས་སྐུ་ཡི་དམེ་ཕུར་གྱིས། །ཡེ་ཤེས་ཁྲོ་ཕུར་གཉིས་ཀྱི་ནུས་པ་བཅིངས། །གསང་བ་ཤི་ཅི་གསུང་གི་དམེ་ཕུར་གྱིས། །ཡེ་ཤེས་པདྨ་གསུང་གི་གསུང་ཡང་བཅིངས། །གསང་བ་ཤི་ཅི་ཐུགས་ཀྱི་དམེ་ཕུར་གྱིས། །ཡེ་ཤེས་ཕྱག་ན་རྡོ་རྗེའི་མཐུ་ཡང་ཕྲོག །གསང་བ་ཤི་ཅི་ཡོན་ཏན་ཕུར་པ་ཡིས། །ཡེ་ཤེས་མ་གཤིན་གཉིས་ཀྱི་བྱད་ཀྱང་སྡོམ། །གསང་བ་ཤི་ཅི་ཕྲིན་ལས་ཕུར་པ་ཡིས། །འཇིག་རྟེན་མུ་སྟེགས་དྲེགས་པའི་མཐུ་ཡང་དབྲོག །གསང་བ་གཏིང་འགྱུར་གསུམ་དང་ཕྱག་རྒྱ་གཉིས། །གསང་བ་གཞན་གཏའ་བསྲུལ་ཕྱིར་རང་རྟགས་སོ། །གསུང་གི་མེ་ལོང་སྤུ་གྲི་རེག་གཅོད་ཡིན། །རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོ་རྩིབས་ཀྱི་རྒྱུད་ལས། གསུང་གི་མེ་ལོང་སྟེ་ལེའུ་གསུམ་པའོ།། །།དེ་ནས་ཡང་དག་གསང་བའི་སྤུ་གྲིའི་མེ་ལོང་བཤད། །གསང་བའི་བསྙེན་པ་བསྒྲུབ་ལ་གནས་པ་ཡིས། །མཆོག་གི་རྣལ་འབྱོར་གཞུང་དང་ལྡན་པ་ཡིས། །གསང་སྔགས་རྩ་བའི་བསྙེན་པ་གསུམ་དུ་བྱ། །ལས་བྱེད་འཁོར་གྱི་བསྙེན་པ་བཞི་རུ་བྱ། །ཡེ་ཤེས་བསྙེན་པ་ཉེ་བསྙེན་གནས་པ་ལ། །གསང་བའི་བསྒྲུབ་པ་བསྒྲུབ་ཆེན་གནས་པའི་ས། །བདག་གི་ཕྱག་ཆ་གནོད་པར་བཏང་བ་དང་། །གཞན་གྱི་གནོད་བྱ་ཕན་པར་བཏང་བ་དང་། །གཞན་གྱི་སྦྱོར་བ་ཀུན་དང་བསྡེབ་པ་དང་། །དུས་ངན་རྣལ་འབྱོར་ནང་འཐབ་བྱེད་པའི་ཚེ། །རང་གི་ཤི་ཅི་ཟློག་ཕུར་ཤེས་པར་བྱ། །གསང་བའི་འཁོར་ལོ་བཅུ་དང་དུག་ལྔ་དང་། །བླ་ཐུན་དྲག་པོ་ཐུན་དུ་འདེབས་པ་དང་། །འཕྱོང་བརྒྱད་ལས་བཞི་ཀུན་གྱི་གཞུག་ལ་གདགས། །ཨི་ཙ་རྫས་ཏེ་ཤུགས་སྒྲོལ་གིང་དུ་གཏང་། །ཡེ་ཤེས་ལྷ་ཉིད་གིང་དུ་གཏོང་བ་དང་། །དམ་ཅན་རྫས་དང་ཡོ་བྱད་ཚོགས་པར་བྱ། །ལས་གཞིའི་སྦྱོར་བའི་ ― DNG021_Page_0235 ―
[མ་དཔེ་གཟིགས་ན་འདིར་གནོན།]
འཁོར་ལོའི་རྫས་རྣམས་བསག །སྐུ་ཡི་མེ་ལོང་སྤུ་གྲི་རེག་གཅོད་ཡིན། །རྡོ་རྗེ་ཕུར་པ་མེ་ལོང་གསལ་བ་སྤུ་གྲི་རེག་གཅོད་འཁོར་ལོའི་རྩིབས་རྒྱུད་ལས། སྐུའི་མེ་ལོང་གི་ལེའུ་སྟེ་བཞི་པའོ།། །།དེ་ནས་ཡང་དག་དོན་རྣམས་བཤད། །ཨར་གཏད་འཁྲུལ་དང་ཐེམས་རྣམས་རང་རྐྱང་བ། །དྲག་སྔགས་ཚད་མ་ཉི་ཤུ་རྩ་བཞི་སྟེ། །གསང་བ་བསྙེན་བསྒྲུབ་རྣམ་པ་བཞི་དག་གིས། །འདུས་པ་བཞི་ཡི་གཙོ་འཁོར་བསྙེན་ཅིང་བསྒྲུབ། །ཡེ་ཤེས་བཅུས་བསྡུས་དྭངས་མའི་འདུས་པ་བཞི། །དགྲ་བགེགས་བསྒྲུབ་བྱའི་ཕུང་པོ་དབྱིངས་སུ་སྡུད། །ཀུན་གྱི་རྣམ་ཤེས་སྲོག་འཕྲོག་འཁོར་ལོ་བཞིས། །མུ་སྟེགས་ལོག་ལྟའི་རྣམ་ཤེས་འཕྲོག་པར་བྱེད། །གིང་དང་དམ་ཅན་སྙིང་ཕྲོག་དྷ་དྷི་བཞིས། །དགྲ་བགེགས་ཉམས་པའི་སྙིང་ཁྲག་མངོན་དུ་སྐྱུག །དྲག་པོ་ངན་སྔགས་འདུས་པའི་ཕྲེང་བ་བཞིས། །རྣམ་ཤེས་པ་རྣམས་ཐོབ་དང་སྒྲོལ་བར་བྱེད། །དྲག་པོའི་སྔགས་སྡེ་ཉི་ཤུ་རྩ་བརྒྱད་ནི། །གསང་བའི་ཡི་གེ་འཁོར་ལོ་སྲོག་གི་འཁོར་ལོ་དང་། །གསང་སྔགས་སྲོག་གི་ཆན་པ་སྲོག་གི་ཡང་ཏིག་དང་། །དྷ་དྷི་རབ་དང་འབྲིང་དང་བ་མ་སིལ་བུ་དང་། །གསང་བའི་སྔགས་ལ་ལས་ཀྱི་ཕྲིན་ལས་བཞིས། །ཐམས་ཅད་འདུས་དང་ཁྲོ་བོ་འདུས་པ་དང་། །མ་མོ་འདུས་པ་གིང་རྣམས་ངན་སྔགས་འདུས། །བསྐྱེད་དང་བཟླས་དང་གདབ་པ་བཅུ་གཅིག་འགྱུར། །ཡེ་ཤེས་བཟླས་བརྗོད་དངོས་གྲུབ་སྒྲོལ་དང་བཞིས། །ཆོས་ཉིད་ཡི་གེ་ཕྱག་རྒྱ་ངན་སྔགས་ཚུལ། །གདབ་དང་མནན་དང་བསྲེག་དང་འཕང་བ་དང་། །ངན་སྔགས་སྡོམ་ཡིག་བཞི་བཅུ་རྩ་བཞི་སྟེ། །འདི་ཡིས་གསང་སྔགས་ཕུར་པའི་ལས་རྣམས་རྫོགས། །དབང་དང་བྱིན་རླབས་རྟགས་དང་མཚན་མ་དང་། །གསང་བ་ཆེན་པོའི་ཡན་ལག་ཤེས་བྱས་ན། །གང་བསྒྲུབ་ལས་ཀྱི་འབྲས་བུ་མྱུར་བར་ངེས། །རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོའི་རྩིབས་རྒྱུད་ལས། དྲག་སྔགས་ཀྱི་ ― DNG021_Page_0236 ―
[མ་དཔེ་གཟིགས་ན་འདིར་གནོན།]
སྡོམ་གྱི་ལེའུ་སྟེ་ལྔ་པའོ།། །།དེ་ནས་གསང་བ་སྤྱི་གནད་དགྲོལ་བཤད་བྱ། །གསང་བ་སྐུ་བསྒྲུབ་དྲག་པོ་བསྟན་པ་དང་། །གསང་བ་གསུང་བསྒྲུབ་དྲག་པོ་བསྟན་པ་དང་། །གསང་བ་ཐུགས་བསྒྲུབ་དྲག་པོ་བསྟན་པ་དང་། །འཁྲུལ་འཁོར་ལས་དང་དྲག་པོ་སྔགས་བསྒྲུབ་དང་། །རྣལ་མ་དགུག་དང་དྲག་སྔགས་བཟློག་པ་དང་། །བསེ་བྱང་སྔགས་དྲུག་ཕོ་མོ་མཐའ་བརྟུལ་བཅས། །བསེ་བྱང་རབ་འབྲིང་ཐ་མའི་སྔགས་རྣམས་དང་། །དབབ་དང་སྦལ་པ་མཛེ་ནད་འཁོར་ལོ་དང་། །མཛེ་བསྲུང་སེར་བ་གཅོད་དང་གཏེར་བསྒྲུབ་དང་། །ལས་རྣམས་གང་བསྟན་བསྡུ་ན་གཉིས་སུ་འདུ། །ཐུན་མོང་ལས་དང་མཆོག་དང་མཐའ་རུ་དབྱུང་། །འདིར་ནི་སྡོམ་དང་མན་ངག་གསང་བ་འདུས། །ལས་གཞན་ཐུན་མོང་རྒྱུད་རྣམས་ཀུན་ན་གསལ། །བལྟ་སྤྱོད་དཀྱིལ་འཁོར་དབང་དང་དམ་ཚིག་དང་། །སྒྲུབ་པ་ཕྲིན་ལས་རིམ་པ་གསང་བ་དང་། །ས་དང་ལམ་རྣམས་འདིར་ནི་རྒྱས་མ་བཤད། །དེ་དག་ཐུན་མོང་རྒྱུད་དུ་ཤེས་པར་བྱ། །རྡོ་རྗེ་ཕུར་པ་མེ་ལོང་གསལ་བ་སྤུ་གྲི་རེག་གཅོད་འཁོར་ལོ་རྩིབས་རྒྱུད་ལས། མན་ངག་སྤྱི་བཤད་སྡོམ་གྱི་ལེའུ་སྟེ་དྲུག་པའོ།། །།དེ་ནས་རྒྱུད་འདི་བཟུང་བྱས་སྦ་བ་སྟེ། །དད་དང་ཤེས་རབ་སྙིང་རྗེ་བརྩོན་འགྲུས་ལྡན། །བླ་མ་ལ་གུས་དད་ལྡན་བརྩོན་འགྲུས་ཆེ། །སྙིང་རྗེ་དང་ལྡན་ལྟ་བ་རང་ལ་རྫོགས། །ཝ་དང་སེང་གེ་ལྟ་བུར་གཅིག་པུར་གནས། །དེ་ལས་ལྡོག་ལ་རྒྱུད་དོན་རབ་ཏུ་གསང་། །ཡོན་ཏན་ཀུན་ལྡན་རྒྱུད་འདི་རབ་ཏུ་གསང་། །ཞེས་གསུངས་པས་འཁོར་རྣམས་རབ་ཏུ་ཡི་རང་སྟེ། དགའ་བས་བཅོམ་ལྡན་འདས་ལ་བསྟོད་དེ། གསུངས་པ་ལ་མངོན་པར་རབ་ཏུ་བསྟོད་དོ། །རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོའི་རྩིབས་རྒྱུད་ལས། ཡོངས་སུ་གཏད་པའི་ལེའུ་སྟེ་བདུན་པའོ།། །།ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོ་རྩིབས་རྒྱུད་ཆེན་པོ་རྫོགས་སོ།། །། རྒྱུད་ཀྱི་རྒྱལ་པོ་དཔལ་འཇིག་རྟེན་སྣང་བྱེད་ཅེས་བྱ་བ།― DNG021_Page_0237 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤྲཱི་ལོ་ཀ་དཱི་པ་ནཱ་མ་ཏནྟྲ་རཱ་ཛ། བོད་སྐད་དུ། རྒྱུད་ཀྱི་རྒྱལ་པོ་དཔལ་འཇིག་རྟེན་སྣང་བྱེད་ཅེས་བྱ་བ། དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པའི་ཡེ་ཤེས་མངའ་བ་དེ། ཁྲོས་པའི་རྒྱལ་པོ་དཔལ་ཀཱི་ལ་ཡར་བཞུགས་ནས། བཛྲ་ཧེ་རུ་ཀ་ལ་སོགས་པ་རིགས་ཀྱི་ཁྲོ་བོ་དང་། བཛྲ་ཀྲོ་དྷཱི་ལ་སོགས་པ་རིགས་ཀྱི་ཁྲོ་མོ་རྣམས་དང་། ཧཱུཾ་མཛད་ལ་སོགས་པ་རྒྱན་གྱི་ཁྲོ་བོ་རྣམས་དང་། དེ་རྣམས་ཀྱི་ཡུམ་དང་། ཕྲ་མེན་ཕོ་མོ་དང་། སྒོ་བ་རྣམས་དང་། གོའུ་རཱི་བརྒྱད་དང་། སིངྷ་བརྒྱད་དང་། དབང་ཕྱུག་མ་རྣམས་དང་། ཕྱག་ན་རྡོ་རྗེ་དང་། འཇམ་དཔལ་དང་། སྤྱན་རས་གཟིགས་ལ་སོགས་ཏེ། འབྲས་བུའི་བྱང་ཆུབ་སེམས་དཔའ་རྣམས་དང་། གཞན་ཡང་ས་དང་ལམ་ལ་གནས་པའི་ལྷ་དང་། ཀླུ་དང་། ནམ་མཁའ་ལྡིང་དང་མིའམ་ཅི་ལ་སོགས་པ། ལྷ་མ་སྲིན་སྡེ་བརྒྱད་དང་། འཁོར་གྱི་བྱང་ཆུབ་སེམས་དཔའ་རྣམས་དང་། ཁྲོ་བོ་བསམ་གྱིས་མི་ཁྱབ་པའི་གནས། བྷ་ག་ཡངས་པའི་དུར་ཁྲོད་བསམ་གྱིས་མི་ཁྱབ་པའི་གཞལ་ཡས་ཁང་། དུར་ཁྲོད་ལས་བྱས་པའི་གནས་ན། ཉེ་བའི་འཁོར་རྣམས་དང་ཐབས་ཅིག་ཏུ་བཞུགས་སོ། །དེ་ནས་སྟག་དང་ཁྱི་དང་སྤྱང་ཀི་ལ་སོགས་པའི་གཅན་གཟན་གདུག་པ་ཅན་དང་། ཁྲ་དང་དུར་བྱ་ལ་སོགས་པའི་དུར་ཁྲོད་ཀྱི་བྱ་མང་པོ་ཡང་འདུས་སོ། །འདུ་བར་ཡང་འགྱུར་རོ། །སྐུ་དང་གསུང་དང་ཐུགས་རྣམས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས་མནལ་ཏོ། །དེ་ལ་འཁོར་རྣམས་ཀྱིས་ཞུས་པ། ཀྱེ་ཨེ་མ་ཧོ། སངས་རྒྱས་འདྲ་བའི་སྟོན་པ་ནི། །གུད་ན་ཡོད་པ་མ་ཡིན་ཏེ། །ཡེ་སངས་རྒྱས་པ་མངོན་ནས་ ― DNG021_Page_0238 ―
[མ་དཔེ་གཟིགས་ན་འདིར་གནོན།]
བཞུགས། །བྱིན་རླབས་ཡ་མཚན་བསྟན་དུ་གསོལ། །བྱང་ཆུབ་སེམས་ནི་བསྐྱེད་པའི་ཕྱིར། །རྒྱུ་ལ་གནས་པའི་སྨོན་ལམ་གདབ། །ཕྲིན་ལས་རྣམ་བཞིས་དོན་བྱས་ཏེ། །བསོད་ནམས་ཕུང་པོའི་སྐུ་ཡང་འབྱུང་། །ཨེ་བྃ་མཱ་ཡཱ། དེ་ལས་ཐུགས་ཡང་དག་པའི་ཡེ་ཤེས་ལས་དབུ་དང་ཕྱག་དང་ཞབས་ལ་སོགས་པའི་སྐུ་མཐའ་ཡས་པའི་ཀཱི་ལ་ཡ་ཆེན་པོར་གྱུར་ཏོ། །དེ་ནས་གསང་བའི་བདག་པོ་ལ་ཐུགས་ཀྱི་སྒོ་ནས་གདམས། སྤྱན་རས་གཟིགས་ལ་གསུང་གི་སྒོ་ནས་བཤད། འཇམ་དཔལ་ལ་སྐུའི་སྒོ་ནས་གཟིགས་པའོ། །གཞན་ཡང་འཁོར་ཐམས་ཅད་ལ་གཟིགས་པ་ཡང་མཛད། བཞད་པ་ཡང་མཛད། གླང་པོ་ཆེའི་ཀོ་རློན་ལས་ཀྱང་འོད་བྱུང་། དེ་བཞིན་དུ་སྟག་གི་ཤམ་བུ་ལ་སོགས་པ་ལས་ཀྱང་འོད་བྱུང་བས། འཁོར་རྣམས་དགྱེས་པར་སོང་ངོ་། །དེ་ནས་བྱང་ཆུབ་སེམས་དཔའ་གསང་བའི་བདག་པོས་གསོལ་པ། དེ་བཞིན་གཤེགས་པ་ཐམས་ཅད་ནི་རྒྱུ་མ་མཆིས་པར་འཛུམ་པ་ཡང་མི་མཛད། གཟིགས་པ་ཡང་མི་མཛད། བཞད་པ་ཡང་མི་མཛད་ན། བཅོམ་ལྡན་འདས་རྒྱུ་ཅི་ལགས། འབྲས་བུ་ཅི་ལགས། རྐྱེན་གང་ལགས། ཁྲོ་བོའི་རྒྱལ་པོས་བཤད་དུ་གསོལ། །བདེ་བར་གཤེགས་པས་བཤད་དུ་གསོལ། །ཞེས་གསོལ་པས། བཅོམ་ལྡན་འདས་དཔལ་ཀཱི་ལ་ཡའི་རྒྱལ་པོས་བཀའ་སྩལ་པ། དེའི་དུས་ལ་བབ་ན་ཉན་པར་བྱོས་ཤིག །ངས་འཁོར་ཐམས་ཅད་དང་། ཁྱོད་ལ་ཡང་མ་འོངས་པའི་དོན་དུ་བཤད་ཀྱིས། དཔེར་ན་འཇིག་རྟེན་དུ་སངས་རྒྱས་འབྱུང་བ་ཡང་རྒྱུ་འཚལ་ལོ། །རྐྱེན་འཚལ་ལོ། །འབྲས་བུ་འཚལ་ལོ། །དཔེར་ན་རྒྱ་མཚོ་ཆེན་པོར་མེ་ཏོག་ཨུ་དུམ་ཝ་ར་འཁྲུངས་པ་ལ་ཡང་རྒྱུ་འཚལ་ལོ། །རྐྱེན་འཚལ་ལོ། །འབྲས་བུ་འཚལ་ལོ། །དཔེར་ན་འཇིག་རྟེན་དུ་འཁོར་ལོས་སྒྱུར་བའི་རྒྱལ་པོ་འབྱུང་བ་ལ་ ― DNG021_Page_0239 ―
[མ་དཔེ་གཟིགས་ན་འདིར་གནོན།]
ཡང་རྒྱུ་འཚལ་ལོ། །རྐྱེན་འཚལ་ལོ། །འབྲས་བུ་འཚལ་ལོ། །དཔེར་ན་འཇིག་རྟེན་ན་ལོ་ཏོག་དང་། འབྲུ་བཅུད་འཁྲུངས་པ་ལ་ཡང་རྒྱུ་འཚལ་ལོ། །རྐྱེན་འཚལ་ལོ། །འབྲས་བུ་འཚལ་ལོ། །དེ་བཞིན་དུ་བདག་འཛུམ་པ་ལ་ཡང་། རྒྱུ་མ་མཆིས་པ་མ་ལགས། རྐྱེན་མ་མཆིས་པ་མ་ལགས། འབྲས་བུ་མ་མཆིས་པ་མ་ལགས་སོ། །ཞེས་བཀའ་སྩལ་ཏོ། །དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་འཇིག་རྟེན་དུ་སངས་རྒྱས་འབྱུང་བའི་རྒྱུ་ཅི་ལགས། དེ་བཞིན་དུ་མེ་ཏོག་ཨུ་དུམ་ཝ་ར་འབྱུང་བའི་རྒྱུ་ཅི་ལགས། འཁོར་ལོས་སྒྱུར་བ་འབྱུང་བའི་རྒྱུ་ཅི་ལགས། དེ་བཞིན་ལོ་ཏོག་དང་འབྲས་བུ་འབྱུང་བའི་རྒྱུ་ཅི་ལགས། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འཇིག་རྟེན་དུ་སེམས་ཅན་སངས་རྒྱས་སུ་བགྱི་བའི་རྒྱུ་ཅི་མཆིས། རྐྱེན་ཅི་མཆིས། འབྲས་བུ་ཅི་མཆིས། འཇིག་རྟེན་དུ་སྟོན་པ་འབྱུང་བས། ཨུ་དུམ་ཝ་ར་འབྱུང་བའི་རྒྱུ་མཆིས་སོ། །རྐྱེན་མཆིས་སོ། །འབྲས་བུ་མཆིས་སོ། །འཇིག་རྟེན་དུ་ཞིང་པའི་ལས་སོ་ནམ་མཆིས་ན། འབྲས་བུ་རྩི་བཅུད་འཁྲུངས་པ་ལ་རྒྱུ་མཆིས་སོ། །རྐྱེན་མཆིས་སོ། །འབྲས་བུ་མཆིས་སོ། །ཞེས་གསུངས་ནས་འཁོར་རྣམས་ལ་གཟིགས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་ཐུགས་གསང་བ། འཇིག་རྟེན་སྣང་བར་བྱེད་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་ཆེད་དུ་བརྗོད་པ་འདི་གསུངས་སོ། །འཇིག་རྟེན་མ་རུངས་པ་མཆིས་ཏེ། དེ་ནས་སེམས་ཅན་ཐམས་ཅད་ལ་སྲོག་འཕྲོག་པ་དང་། མདངས་འཕྲོག་པ་དང་། ཉམས་པར་བྱེད་པ་དང་། ཤ་ཟ་བ་དང་། ཁྲག་འཐུང་བ་དང་། འཚེ་བ་མཆིས་ཏེ། དེའི་དོན་དུ་ལག་ན་རྡོ་རྗེ་གསང་བའི་བདག་པོ་ལ་སོགས་པ་རིགས་གསུམ་གྱི་མགོན་པོ་ ― DNG021_Page_0240 ―
[མ་དཔེ་གཟིགས་ན་འདིར་གནོན།]
ཁྱེད་ནི། མཐུ་ཆེ་བ་དང་། སྙིང་རྗེ་ཆེ་བ་དང་། ཤེས་རབ་ཆེ་བ་ཡིན་པས་དོན་བྱ་བར་བྱོས་ཤིག །ཅེས་བཀའ་སྩལ་ཏོ། །དེ་ནས་གསང་བའི་བདག་པོ་ལ་སོགས་པས་འདི་སྐད་ཅེས་གསོལ་ཏོ། །ཀྱེ་མ་ཧོ་རྗེ་བཙུན་བཀའ་སྩལ་ན། །མི་མཇེད་ཁམས་ཀྱི་དོན་བགྱིད་དེ། །སྐུ་གསུང་ཐུགས་ཀྱི་ཕྱག་རྒྱ་ཡིས། །བདག་ཅག་རྣམས་ནི་བྱིན་གྱིས་རློབས། །གསང་བའི་བདག་པོས་ཞབས་ལ་སྤྱི་བོས་གཏུགས་སོ། །དེ་ནས་བྱིན་གྱིས་བརླབས་ཏེ། ཨཱོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་སརྦ་ཏ་ཐཱ་ག་ཏ་ཝཱཀྐ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཞེས་བྱིན་གྱིས་བརླབས་སོ། །བརླབས་མ་ཐག་ཏུ། མི་མཇེད་སྤྲུལ་པ་བཀྱེ་བ་ནི། ཤྭ་ན་མུ་ཁའི་སྤྲུལ་པ་ལ་སོགས་པ་དང་། རྡོ་རྗེ་ཡ་བྱིན་ལ་སོགས་པ་གསུང་གི་སྤྲུལ་པ་དང་། ཐུགས་ཀྱི་སྤྲུལ་པ་དུས་བཞིའི་རྒྱལ་མོ་སྟེ། བཞི་ཚན་གསུམ་གྱིས་སྲོག་གི་སྙིང་པོ་ཕུལ་པ་ནི། བྷྱོ་བྷྱོ་བྷྱོ་བྷྱོ། མ་མོ་ཀུན་གྱི་སྲོག་ཀྱང་ཡིན། །ཨེ་ཝཾ་མ་ཡཱ་བཞི་ཉིད་ནི། །མ་མོ་ཀུན་གྱི་སྲོག་ཀྱང་ཡིན། །ཕྲིན་ལས་མཐའ་རུ་ཕྱིན་པ་ནི། །ཛ་ཛ་ཞེས་པ་བཞི་ཉིད་ནི། །མ་མོ་ཀུན་གྱི་སྲོག་ཀྱང་ཡིན། །ལ་ལ་ཇི་སྲིད་སྐུ་ཡི་སྲོག །ལ་ལ་ཇི་སྲིད་གསུང་གི་སྲོག །ལ་ལ་ཇི་སྲིད་ཐུགས་ཀྱི་སྲོག །བདག་ཅག་རྣམས་ནི་ཇི་སྲིད་བར། །ཕུར་པ་བསྒྲུབ་པའི་གྲོགས་བགྱི་བས། །གལ་ཏེ་བདག་ཅག་འཁུས་པ་ན། །ཀཱི་ལ་ཡ་ལ་འཁུས་པ་ལགས། །ལུས་ཀྱང་རུལ་ཞིང་མྱགས་པར་འོང་། །སེམས་ཀྱང་སྟོར་ཞིང་བརླག་པར་འགྱུར། །ངག་ཀྱང་ལྐུགས་པར་འགྲོ་བ་ཡིན། །དེ་ལ་ཀཱི་ལ་ཡས་སྔགས་དང་། །ཕྱག་རྒྱས་ཤིས་བསྟན་པ་འདི་གསུངས་སོ། །ལག་པ་གཡས་གཡོན་བསྣོལ་ནས་ནི། །མཐེའུ་གཉིས་ནི་སྦྲེལ་ནས་ནི། །མཛུབ་མོ་གཉིས་ནི་མཆེ་བར་བྱ། །སྔགས་ནི་འདི་སྐད་བརྗོད་པར་བྱ། །ཨཱོཾ་བཛྲ་ས་མ་ཡ་དཾ་ཥྚ་ཨ་ཝ་སྟྭཾ་ ― DNG021_Page_0241 ―
[མ་དཔེ་གཟིགས་ན་འདིར་གནོན།]
བྷ་ཀ་ཡ་ཧཱུྃ་ཕཊ། དེ་ནི་སྡིགས་པའི་ཕྱག་རྒྱའི་སྔགས། །ད་ནི་ཐོད་པའི་ཕྱག་རྒྱ་ཡིས། །ཚལ་པ་ཚལ་པ་གསུམ་དུ་གཞིག །སོར་མོ་རྒྱ་སྲུབས་བཞིན་དུ་བསྣོལ། །ཌྷི་བཛྲ་གུ་ཧྱ་དྲྀ་ཤྱ་ས་མ་ཡ་ཧཾ། ཌྷི་བཛྲ་གུ་ཧྱ་དྲྀ་ཤྱ་ས་མ་ཡ་ཧཱུྃ། ཌྷི་བཛྲ་གུ་ཧྱ་དྲྀ་ཤྱ་ས་མ་ཡ་ཕཊ། དེ་ནི་གནད་ཀྱི་ཕྱག་རྒྱའི་སྔགས། །ད་ནི་གཤོག་པའི་ཕྱག་རྒྱ་སྔགས། །ལག་ངར་བསྣོལ་ཏེ་གཤོག་པར་བྱ། །ཛཿཧཱུྃ་བཾ་ཧོཿ། བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུྃ་ཕཊ། དཱིཔྟ་ཙཀྲ་བནྡྷ་ཡ་བནྡྷ་ཡ། ཏོ་ཤ་ཡ། ཏོ་ཤ་ཡ། བི་དྷྭནྶ་ཡ། བི་དྷྭནྶ་ཡ། ཨེ་ཧྱེ་ཧི་བྷ་ག་ཝཱན། བུཌྜྷ་ཀྵེ་ཏྲི་པྲ་ཏི་སྟྭཾ་བྷ་ཀ་ཡ་ཧཱུྃ་ཕཊ། སྔགས་དང་ཕྱག་རྒྱ་དེ་ཡིས་ནི། །ལྷ་མོ་རྣམས་ནི་གཟིར་བར་བྱ། །སྔགས་དང་ཕྱག་རྒྱ་དེ་རྣམས་དང་། །དཔའ་བོ་རྣམས་ཀྱིས་བསམ་པ་ནི། །མ་མོའི་ཤི་ས་བསྟན་པའོ། །དེ་ནས་ཡང་བཅོམ་ལྡན་འདས་ཀྱིས་ཆེད་དུ་བརྗོད་པ་འདི་ཆེད་དུ་བརྗོད་དོ། །འཇིག་རྟེན་མ་མོས་འཇིག་རྟེན་བཀང་། །ཤ་དང་ཁྲག་ལ་དབང་ཡང་བྱས། །སེམས་ཅན་ཉོན་མོངས་ཕོངས་པ་ལ། །སྤྲུལ་པ་དོན་མཛད་དེ་བཞིན་ནོ། །ཞེས་བརྗོད་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་ལས། མ་མོ་དབང་དུ་བསྡུ་བ་རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་སྲུང་མ་ཐེམས་ཀྱི་ལེའུ་སྟེ་གཉིས་པའོ།། །།དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་འདི་སྐད་ཞུས་སོ། །ཀྱེ་བཅོམ་ལྡན་འདས་ཀཱི་ལ་ཡ་ཆེན་པོ། །མང་པོ་ཉུང་དུ་བསྡུ་བའི་ཐབས། །རྣལ་འབྱོར་གཅིག་ཏུ་འདུག་པ་ལ། །ལྷ་ཡི་བྱེ་བྲག་བསྡུ་བའི་ཐབས། །དཔའ་བོ་ཉིད་ཀྱིས་བཤད་དུ་གསོལ། །ཞེས་ཞུས་སོ། །བཀའ་སྩལ་པ། ཉོན་ཅིག་རིགས་ཀྱི་མགོན་པོ་ཁྱོད། །ཤིན་ཏུ་རྣལ་འབྱོར་བྱེད་འདོད་ཅིང་། །བསྟན་པ་གཉན་པོ་སྲུང་བྱེད་པས། །དམ་ཚིག་རྩ་བ་མ་ཉམས་ཤིང་། །བརྩོན་འགྲུས་ཆེ་ལ་དད་པ་ཡོད། །དེ་ལ་གཅིག་པུའི་སྒྲུབ་པ་བསྟན། །སྒྲུབ་ལས་ལྡོག་བྱེད་ནང་ ― DNG021_Page_0242 ―
[མ་དཔེ་གཟིགས་ན་འདིར་གནོན།]
དབྱེན་བྱེད། །དམ་ཚིག་རྩ་བ་གང་ཡང་མེད། །ནང་དམེ་བྱེད་ཅིང་དབུ་འཕང་སྨོད། །ཉམས་པ་དེ་ཡི་དོན་དུ་ནི། །དེ་ཕྱིར་དགྲ་བོ་དམིགས་ཀྱི་ཕྱེད། །དེ་ཡི་མན་ངག་འདི་ཡིན་པས། །སྔགས་པ་ཚད་དུ་ཕྱིན་པ་ཡིས། །ལྕགས་སྣ་ལྔ་ལས་བྱས་པ་ཡི། །མངག་ཕུར་སོར་ནི་བརྒྱད་པ་ལ། །དབལ་ནི་ཆུ་སྲིན་ཁ་ནས་ཕྱུང་། །རྒྱ་མདུད་སྤྱི་བོར་ཧཱུཾ་ཀཱ་ར། །ལྕུམ་གཞོག་བརྒྱད་ལ་ཁྲོ་བོ་བརྒྱད། །རྒྱ་མདུད་འོག་མའི་དབུ་འོག་ཏུ། །མ་ཧཱ་བ་ལ་ཞལ་ཡང་ལྔ། །ཟུར་གསུམ་དབལ་ནི་དམར་ལ་འཚེར། །དེ་ལྟ་བུ་ཡི་མངག་ཕུར་ནི། །སྔགས་པས་དུས་གསུམ་བཅང་བར་བྱ། །འགྲེང་ངམ་འདུག་གམ་ཉལ་ཀྱང་རུང་། །འགྲེང་ངམ་འདུག་ན་སྐེད་པར་སྦ། །ཉལ་ནས་འདུག་ན་སྔས་སུ་སྦ། །དེ་ལ་རྒྱུན་གྱི་བཟླས་བརྗོད་བྱ། །འཕྲོ་འདུའི་སྔགས་ཀྱང་དེ་བཞིན་བསྡིམ། །མེ་ལྟར་འབར་ཞིང་སྐར་ལྟར་འཁྲུགས། །ཕ་རོལ་བྱད་སྟེམས་དེ་ལྟར་མཐོང་། །ཞེས་གསུངས་སོ། །དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ། །རྣལ་འབྱོར་ཚད་དུ་ཕྱིན་པ་ཡིས། །གནས་ནི་གང་དང་གང་དུ་བྱ། །བསྒྲུབ་པའི་གྲོགས་པོ་ཇི་ལྟར་བྱ། །དུས་ཚོད་གང་ལ་ཞུགས་པར་བགྱི། །འཇིག་རྟེན་རྔན་པ་ཇི་ལྟར་འཚལ། །ཀཱི་ལ་ཡ་ཡིས་བཀའ་སྩལ་པ། །ཉོན་ཅིག་རིགས་ཀྱི་མགོན་པོ་ཁྱོད། །རྣལ་འབྱོར་བསྒྲུབ་པའི་གནས་རྣམས་ནི། །ཡང་ན་རི་རྩེ་བྲག་ལ་བྱ། །ཡང་ན་ནགས་ཚལ་དགོན་པར་བྱ། །ཡང་ན་སྤང་ཕུག་དེའུ་བར་བྱ། །ཡང་ན་མི་མེད་གནས་སུ་བྱ། །སྒྲུབ་པའི་གྲོགས་པོ་བཙལ་བ་ནི། །མགོ་བོ་རྒྱ་མདུད་འདུག་པ་ལས། །སྐྲ་ནི་ཁམ་པར་བཙལ་བར་བྱ། །རོ་སྟོད་ཟུར་བརྒྱད་འདུག་པ་ལ། །རོ་སྨད་ཟུར་གསུམ་འདུག་པ་བཙལ། །རྣལ་འབྱོར་འཇུག་པའི་དུས་ཚོད་ནི། །ཕུར་བུ་མིག་དམར་རྒྱུ་བ་ཡི། །དུས་སུ་བྱ་བར་ཤིན་ཏུ་བཟང་། །དེ་ ― DNG021_Page_0243 ―
[མ་དཔེ་གཟིགས་ན་འདིར་གནོན།]
ལྟ་བུ་ཡི་གནས་ཉིད་དུ། །རྫས་ཚོགས་དགྲ་རྣམས་མེད་པར་བྱ། །ཉི་མ་དམར་ཐག་ཆད་པ་ལ། །སྔགས་གཡོག་མཚན་དང་ལྡན་པ་ལ། །ཞིང་ཆུང་བླུད་བུ་ལག་ཏུ་བསྐུར། །ཁ་ནི་ཕྱོགས་བཞིར་བལྟས་ནས་སུ། །འཇིག་རྟེན་ས་ལ་གཡབ་མོས་གདབ། །རྔན་པར་ཆང་ཕུད་བཏང་ནས་ཀྱང་། །མ་ཉེས་པ་ཡི་དཔང་ཡང་གཟུག །དེ་ནས་ནང་དུ་སླར་ལོག་སྟེ། །བཅུ་གཉིས་སྲུང་མའི་དབང་མོ་ལ། །ཨརྒྷ་བདུད་རྩིར་བཅས་པ་དབུལ། །ཕྲིན་ལས་རྣམས་ཀྱང་དེ་བཞིན་བཅོལ། །ཞེས་གསུངས་སོ། །དེ་ནས་བཅོམ་ལྡན་འདས་ཀཱི་ལ་ཡ་ལ། གསང་བའི་བདག་པོས་འདི་སྐད་ཅེས་གསོལ་བ་བཏབ་བོ། །ཀྱེ་གནས་རྣམས་གང་ཡིན་དེ་རྣམས་སུ། །མཎྜལ་ལ་སོགས་ཇི་ལྟར་བརྩིག །སྐྱང་ནུལ་ཆག་ཆག་ཇི་ལྟར་གདབ། །སྟ་གོན་ཆོ་ག་ཇི་ལྟར་བྱ། །རྫས་ཀྱི་ཕུར་པ་ཇི་ལྟར་བཤམ། །ཞེས་གསོལ་ཏོ། །བཀའ་སྩལ་པ། རྣལ་འབྱོར་ལྷ་དང་ཕོ་བྲང་གནས། །མཎྜལ་ཁྲུ་གང་གྲུ་བཞིར་བརྩིག །བ་ཡི་ལྔ་དང་གུར་གུམ་ཆུ། །བུ་རམ་ཆུ་དང་སྤོས་བསྲེས་ལ། །བྱི་དོར་ཆག་ཆག་ལེགས་པར་བྱ། །དེ་ལ་ཐིག་ལེ་མང་བྱས་ལ། །རིགས་ལྔ་ལ་སོགས་ཁྲག་འཐུང་ཚོགས། །མེ་ཏོག་ཚོམ་བུ་ལྔ་རུ་བྱ། །ཕུར་པ་རྣམས་ཀྱང་སོ་སོར་གཞག །དེ་ལ་ཞག་གཅིག་བསྙེན་པ་བྱ། །དེ་ནས་ནང་བར་མཎྜལ་བརྟུལ། །ཕུར་པ་རྣམས་ཀྱང་དེ་བཞིན་བརྟུལ། །ཞེས་བྱའོ། །དེ་ནས་ཡང་གསང་བའི་བདག་པོས་གསོལ་པ། ཀྱེ་བཅོམ་ལྡན་འདས་སྟ་གོན་དེ་ལྟར་བྱས་བརྟུལ་ནས། །སྒྲུབ་པའི་རྫས་རྣམས་ཇི་ལྟར་བསག །མ་མོའི་རྫས་རྣམས་ཇི་ལྟར་བསག །ལིངྒའི་རྒྱུ་རྣམས་ཇི་ལྟར་བསག །དཀྱིལ་འཁོར་ཐིག་རྣམས་ཇི་ལྟར་གདབ། །ཅེས་གསོལ་ཏོ། །ཀྱེ་གསང་བའི་མགོན་པོ་ཉོན་ཅིག །ཕུར་པའི་རྫས་རྣམས་ངས་བཤད་ཀྱིས། །ཉུང་དཀར་གུ་གུལ་ཚིལ་ཆེན་དང་། །ཤ་ཆེན་ཁྲག་ཆེན་དུག་ ― DNG021_Page_0244 ―
[མ་དཔེ་གཟིགས་ན་འདིར་གནོན།]
ཆེན་ཡིན། །བསྭེ་ཡི་ལྷ་མོའི་རྫས་རྣམས་ནི། །འོ་མ་ཁྲག་དང་མར་ཁུ་དང་། །སྦྲང་རྩི་དང་ནི་ཆང་རྣམས་སོ། །དེ་བཞིན་ཤྭ་ན་མུ་ཁའི་ཡང་། །ཁྱི་ཐོད་ཝ་ཐོད་སྤྱང་ཐོད་དང་། །འཕར་བའི་ཐོད་པ་དེ་བཞིན་ཏེ། །དེ་ཡི་ནང་དུ་རྫས་བསག་པ། །ཁྲག་སྣ་སྟོང་དང་ཤ་སྣ་སྟོང་། །སྙིང་སྣ་སྟོང་དང་རྐང་སྣ་སྟོང་། །ཤྭ་ན་ལ་སོགས་རྫས་སུ་གཞག །རེ་མ་ཏི་ཡི་རྫས་རྣམས་ཀྱང་། །ནལ་བུའི་ཤ་ལ་སོགས་པ་སྟེ། །དུ་མ་ཉིད་དུ་བསག་པར་བྱ། །རྐང་ཆེན་དུང་དང་ཞིང་ཆེན་དང་། །བྷནྡྷ་རཀྟ་ཙིཏྟ་དང་། །མཚོན་ཆ་དྲུག་ཀྱང་བསག་པར་བྱ། །ལིངྒའི་རྒྱུ་རྣམས་བསག་པར་བྱ། །ཕྱི་དང་ནང་གི་རྒྱུ་ལས་བྱ། །དེ་ནས་མཎྜལ་ཐིག་ཀྱང་གདབ། །ཐིག་བཞི་བཏབ་པས་ལེའུ་ཚེ་དགུ། །གཉིས་གཉིས་ནང་དུ་དྲང་བྱས་ཏེ། །ཕྱི་ཡི་ཐ་མ་ཐིག་གཉིས་གདབ། །དེ་ཡིས་ཆ་གསུམ་དག་ཏུ་འགྱུར། །གཅིག་ལ་ཁྱམས་བྱ་གཅིག་ལ་སྒོ། །གཅིག་ལ་དབང་ཕྱུག་མ་རྣམས་དགོད། །ཕོ་བྲང་ཟླུམ་པོར་བྱས་པ་ལ། །གྲུ་གསུམ་བཅད་པས་ཟླ་གམ་གསུམ། །དབུས་ལ་གྲུ་གསུམ་ཤར་གྱི་སྣ། །གྲུ་གསུམ་ནག་ལ་ཟླ་གམ་དམར། །གྲུ་བཞི་སེར་པོ་བར་ཁྱམས་དམར། །སྒོ་ཁྱམས་ཕྱོགས་ནི་རིགས་དང་མཐུན། །ལྕགས་རི་མུ་ཁྱུད་ནག་པོ་སྟེ། །དེ་ལྟར་མཎྜལ་བྱས་པ་དང་། །དབུས་སུ་ཡབ་དང་ཡུམ་ཡང་དགོད། །ཤར་གྱི་སྣ་ལ་སྲས་མཆོག་དགོད། །ཁྱམས་ལ་ཤྭ་ན་རེ་མ་ཏི། །དེ་བཞིན་སྒོ་མ་བསེ་མོའོ། །ལྕགས་རི་ལ་ནི་དབང་ཕྱུག་མ། །ལས་ཀྱི་བྱ་བ་གཞུང་ཡང་བསྲང་། །བྱིན་བརླབ་དབང་བསྐུར་ཚུལ་བཞིན་བྱ། །གུ་གུལ་ཚིལ་ཆེན་དུད་པས་བདུག །དེ་ནས་གྲུ་གསུམ་སྣ་ལ་གཞག །དབང་མོ་ཆེ་ཡི་ཕུར་པ་ཡིས། །བསྒྲུབ་བྱའི་ལིངྒ་བརྒྱད་ལ་བཞག །ཧ་རི་ཏི་དང་བ་རི་ཏི། །བ་རི་ཏ་དང་བ་རི་ཏི། །ལྷ་ལྔ་དག་གིས་བསྐུར་མི་ཚུག །འབྲུབ་ཁུང་ལས་ཀྱི་དཀྱིལ་འཁོར་ཡང་། ། ― DNG021_Page_0245 ―
[མ་དཔེ་གཟིགས་ན་འདིར་གནོན།]
གཟས་པའི་ལུས་ངག་ཡིད་བསྒྲལ་ཕྱིར། །ཁ་ཁྱེར་གསུམ་དང་ལྡན་པའོ། །མཛུབ་གང་མཐུར་དུ་བྲུས་པ་ལ། །མཛུབ་གང་གྱེན་དུ་བརྩིགས་པའོ། །རྫས་དང་ལག་ཆས་བསྐོར་ལ་གཞག །དེ་ཡི་ནང་དུ་གཟུགས་བཅུག་ལ། །དགུག་པ་གསུམ་གྱིས་རབ་ཏུ་དགུག །གདབ་པ་གསུམ་ཡང་དེ་བཞིན་ཏེ། །ཕྱག་རྒྱ་བཞི་ཡི་རྒྱ་ཡིས་གདབ། །དབབ་པའི་སྔགས་དང་ཕྱག་རྒྱས་དབབ། །ཕྱག་རྒྱ་དྲུག་གིས་གཟིར་གནན་བྱ། །དེ་ལྟར་ངེས་པར་ཁུགས་པ་དང་། །རྩ་བའི་སྔགས་ལ་སྡེར་མོ་གདགས། །རྡོ་རྗེ་ཐོ་བའི་སྔགས་ཀྱིས་བསྡིག །ཁྲོ་བོ་བཅུ་ཡི་སྔགས་ཀྱིས་གདགས། །མཚོན་ཆའི་དཔལ་ནི་བསྐྱེད་པའི་ཕྱིར། །བྱུག་བདུག་བརྡེག་པ་ཡང་ཡང་བྱ། །ཕུང་པོ་ལྔ་ལ་བརྒྱ་རྩ་བརྒྱད། །ཁམས་དང་སྐྱེ་མཆེད་དེ་བཞིན་ཏེ། །ཉིས་འགྱུར་ཉིས་འགྱུར་གདབ་པར་བྱ། །གནས་གསུམ་དག་ཏུ་གདབ་པ་ནི། །སྤྱི་བོ་སྙིང་ག་ལྟེ་བའོ། །དེ་ནས་གསོ་བའི་ཆོ་ག་བྱ། །ཚེ་ཡི་ཆོ་ག་རྫོགས་པ་དང་། །བསྡུ་བའི་སྔགས་ཀྱིས་བདག་ལ་བསྡུ། །ཤ་ཁྲག་ཕུང་པོ་ལྷག་རོལ་ལ། །མ་མོ་མཁའ་འགྲོ་རྦད་པར་བྱ། །དེ་ནས་གཟིར་མནན་ཟབ་མོ་བྱ། །མནན་པའི་སྔགས་དང་ཚིག་ཀྱང་བརྗོད། །དེ་ནས་གཏུབ་པའི་ལས་བྱ་སྟེ། །རྣོན་པའི་མཚོན་ནི་ཐོགས་ནས་སུ། །ཏཱིཀྵྞ་རྦད་ཀྱིས་གཏུབ་པར་བྱ། །དུམ་བུ་གསུམ་གྱིས་ལས་གསུམ་བྱ། །གནན་པའི་ཆོ་ག་བཞིན་དུ་བྱ། །ཌྷི་ལཾ་ཧཱུྃ་ལཾ་སུཾ་ལཾ་པྲ་ཏི་སྟྭཾ་བྷ་ཡ། ཛམ་བྷ་ཡ། མོ་ཧ་ཡ། བཱག་མ་ར་སུ་ཤ་ལ། དེ་ཡི་སྟེང་དུ་དོན་ཡོད་ནི། །གྲུབ་པའི་ཕོ་བྲང་གདབ་པར་བྱ། །དེ་ནས་སྦྱིན་བསྲེག་རབ་བྱས་ཏེ། །གཟས་པ་བསྒྲལ་བའི་དུམ་བུ་དེ། །ཕྱག་ཚངས་པ་ཡིས་དབུལ་བར་བྱ། །ཕྲིན་ལས་ཆེན་པོའི་ཆོ་ག་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ལས་གཅིག་པུར་བསྒྲུབ་པའི་སྒྲུབ་པ་ཆེན་པོ། འཇིག་རྟེན་མ་རུངས་པ་རླག་པར་ ― DNG021_Page_0246 ―
[མ་དཔེ་གཟིགས་ན་འདིར་གནོན།]
བྱེད་པའི་རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། ཆིག་བསྒྲུབ་བསྟན་པའི་ལེའུ་སྟེ་གསུམ་པའོ།། །།དེ་ནས་ཡང་གསང་བའི་བདག་པོ་ཆེན་པོས་ཀཱི་ལ་ཡ་ལ་གསོལ་པ། ཀྱེ་བཅོམ་ལྡན་འདས་མ་འོངས་པ་རྣམས་ལ་ཕན་པའི་ཆེད་དུ། སྦྱང་བ་དང་། སྤྲོ་བསྡུ་དང་། དངོས་གྲུབ་བླང་བ་ཞུ་བར་འཚལ་ལོ། །ཀཱི་ལ་ཡས་བཀའ་སྩལ་པ། ཉོན་ཅིག་གསང་བདག་ཕྱག་རྡོར་ཁྱོད། །གང་ཟག་བསམ་པའི་དབང་གིས་ནི། །བཟླས་བརྗོད་རྣམ་པ་གསུམ་དུ་གྲགས། །ཕྲ་མོའི་དོན་བསྟན་སྤྲོ་བསྡུ་བསྟན། །དངོས་གྲུབ་མཆོག་ཏུ་མྱུར་བ་ཡིན། །ཡིད་ལ་གསལ་བའི་ཁ་རུ་བཟླས། །མངོན་དུ་གྱུར་དང་ཉོན་མོངས་དྲུག་པོ་ཇི་ལྟར་ན། །བདག་གཞན་གཉིས་ཀའི་དོན་ཅི་གང་། །ཕྲ་མོའི་དངོས་པོ་ཅི་ལྟར་བསྟན། །དངོས་གཞི་མེད་ན་ཕྲ་མོ་མིན། །བདག་ཉིད་སྦྱང་དང་སེམས་ཅན་སྦྱང་། །ལྔ་དང་གསུམ་གྱི་མཚན་ཉིད་དེ། །མི་དམིགས་སྟོང་པའི་བདག་ཉིད་ཀྱིས། །སྦྱང་བ་དེ་ལྟར་བསྟན་པ་ཡིན། །བཤིག་དང་མདུད་དང་མཉམ་པར་གཞག །བརྟག་པ་གཉིས་སུ་ཤེས་པར་བྱ། །ཨ་ནི་ཨ་ལ་གནས་པར་བྱ། །དེ་བཞིན་སྲོག་ཀྱང་ཕྱིར་མི་རྒྱུ། །ཀུན་བརྟགས་ཡོངས་སུ་གྲུབ་པ་དང་། །གཞན་གྱི་བྱ་བ་གསུམ་གྱིས་བསྟན། །དང་པོར་ཆགས་གཞི་གང་དུ་གཏོགས། །རྩ་ནག་འབྱུང་བ་བདུན་འགྱུར་ཡིན། །བདུན་འགྱུར་ཇི་ལྟར་ཆགས་གྱུར་ནས། །བདུན་འགྱུར་ལོ་ལྔའི་ནང་བར་དུ། །དགེ་སློང་དག་གི་ཆ་ལུགས་སུ། །ཨ་ཧཾ་བརྗོད་པའི་ཡི་གེ་རུ། །ཡི་གེ་གང་ལས་གྱུར་པ་ཡིན། །དེ་དག་འབྱུང་བ་ཇི་ལྟར་དགག །ཁེགས་ན་བསམ་གཏན་དངོས་པོ་ཡིན། །དེ་ནས་ཨ་ཡི་དོན་ལ་དཔྱད། །དཔྱད་པས་དུས་རྟགས་ཇི་ལྟར་འབྱུང་། །ཡེ་ཤེས་བསྐྱེད་པ་འོད་གསལ་ཡིན། །ལམ་དང་བགྲོད་པའི་འབྲས་བུའོ། །ཞེས་གསུངས་སོ། །དེ་ནས་གསང་བའི་བདག་པོས། ཀཱི་ལ་ ― DNG021_Page_0247 ―
[མ་དཔེ་གཟིགས་ན་འདིར་གནོན།]
ཡ་ལ་གསོལ་པ། ཨེ་མ་ཁྱོད་ལ་ཡང་གསོལ་པ། །ཀྱེ་ཀྱེ་ཁྲོ་རྒྱལ་མཆོག །རྗེ་བཙུན་དཔའ་བོ་ཁྱོད་ཉིད་ལ། །དེ་ལྟ་བུ་ཡི་རྣལ་འབྱོར་ལ། །ལམ་ནི་རྣམ་པ་དུ་རུ་གྲགས། །དཔའ་བོ་ཁྱོད་ཀྱིས་བཤད་དུ་གསོལ། །ཞེས་གསོལ་ཏོ། །དེ་ནས་ཡང་ཀཱི་ལ་ཡས་བཀའ་སྩལ་པ། ཨེ་མ་ཧོ་ཁྱོད་ཀྱིས་དྲི་བ་ལེགས། །གང་ཕྱིར་ཁྱོད་ཀྱིས་དྲི་བ་ལེགས། །དང་པོར་གང་ཟག་རྣལ་འབྱོར་ལ། །ཐོག་མར་དབང་གིས་ལམ་ཡང་བགྲོད། །དེ་ནས་ཤེས་རབ་གྲོལ་བའི་ལམ། །དེ་ཡང་དངོས་གཞི་འདི་ཡིན་པས། །གཟས་པ་བསྒྲལ་བས་དངོས་གྲུབ་བླང་། །དངོས་གྲུབ་རྣམ་པ་གཉིས་སུ་བརྟག །དབང་རྣམས་རིམ་པར་བསྐུར་ནས་ནི། །འདོད་པའི་དངོས་པོ་ཅི་འདོད་སྦྱིན། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་ལས་བྱུང་བའི་ཕྱིར། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། ལམ་གྱི་མཛད་པ་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་མགོན་གྱི་དཔལ། །གང་ཟག་བསམ་པའི་དབང་གིས་ན། །སྐུ་ཡི་དཀྱིལ་འཁོར་བསྟན་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་འདས་ཀཱི་ལ་ཡ་ཆེན་པོ་དེས། དཀྱིལ་འཁོར་མངོན་པར་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་ཕྱག་རྒྱ་རྫོགས་པར་བཞེངས་ཏེ་བཀའ་སྩལ་ཏོ། །མ་མཐོང་རྨོངས་ལ་བསྟན་པའི་ཕྱིར། །དཀྱིལ་འཁོར་གཉིས་ཀྱི་དཔེས་མཚོན་ཏེ། །ས་འམ་སྟེགས་བུ་ཆེ་འམ་ཆུང་། །གནས་ཁང་དག་དང་སྦྱར་བར་བྱ། །ཇི་བཞིན་པ་ཡི་ཐིག་རྣམས་ཀྱིས། །འཁོར་ལོ་རྩིབས་བརྒྱད་དཀྱིལ་འཁོར་ལ། །དང་པོར་སྒྲོལ་བའི་དཀྱིལ་འཁོར་བྱ། །དེ་ནས་སྦྱོར་བའི་དཀྱིལ་འཁོར་བྱ། །དེ་ནས་གནན་པའི་དཀྱིལ་འཁོར་བྱ། །བློ་ཞན་ཤེས་རབ་ཆུང་བ་དང་། །མུ་སྟེགས་ ― DNG021_Page_0248 ―
[མ་དཔེ་གཟིགས་ན་འདིར་གནོན།]
ཅན་ལ་ཡོངས་མི་བསྟན། །ཞེས་གསུངས་སོ། །དེ་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཡང་དག་ངེས་པའི་རྣལ་འབྱོར་པས། །གནས་དང་སློབ་དཔོན་བྱིན་གྱིས་བརླབ། །སློབ་དཔོན་རྫས་ཀྱང་བྱིན་གྱིས་བརླབ། །ཆག་ཆག་བྱི་དོར་ཁྲུས་ཀྱང་བྱ། །གནམ་ཐིག་གདབ་ལ་ས་ཐིག་གདབ། །ཀུན་གྱི་ཆ་རུ་མེ་རི་བཅད། །སོར་བཞི་བརྒྱད་དམ་བཅུ་གཉིས་སམ། །དཀྱིལ་འཁོར་ཚོད་དང་སྦྱར་ལ་བཅད། །ཐིག་རྐང་བདུན་ལ་ལིང་ཚེ་བརྒྱད། །སྣམ་བུ་གཉིས་ནི་ཕྱིར་འཐེན་ལ། །སྣམ་བུ་ནང་ལ་ཐིག་གསུམ་གདབ། །རེ་མིག་ཁོང་ནས་དབྱུང་བའི་ཕྱིར། །རྩིབས་བརྒྱད་ཐིག་ནི་ལེགས་པར་གདབ། །རྒྱས་པ་ལ་ནི་ཐོད་པ་སྟེ། །འཁོར་ལོ་རྩིབས་ནི་རྡོ་རྗེའི་རྭ། །ཤར་གྱི་ཚངས་ཐིག་ངོས་བཟུང་ནས། །ལྷོ་ནུབ་མཚམས་སུ་གདབ་པར་བྱ། །དེ་ལྟར་ཀུན་ཏུ་བསྐོར་བར་བྱ། །འཁོར་ལོ་རྩིབས་བརྒྱད་མཎྜལ་ལ། །ཨེ་ལ་བཅོམ་ལྡན་རྒྱལ་པོ་སྟེ། །གྲུ་གསུམ་ལ་ནི་ཕུར་པ་རྫས། །ཕྱོགས་བཞི་མཚམས་བཞི་ཁྲོ་བོ་བརྒྱད། །ཤར་ནས་བཟུང་སྟེ་མ་ནོར་བར། །འཁོར་ལོ་རྩིབས་བརྒྱད་དག་ལའོ། །གཡས་ཟུར་གཡོན་ཟུར་མདུན་རྒྱབ་ཏུ། །ཧཱུྃ་ཀཱ་ར་དང་སྟོབས་པོ་ཆེ། །ཕྲ་མེན་ཟུང་རེ་དེ་བཞིན་དགོད། །ལྷག་མའི་ཕྲ་མེན་བརྒྱད་པོ་ཡང་། །གོང་རས་དག་ལ་དེ་བཞིན་ནོ། །འཁོར་ལོ་ཁ་དོག་སོ་སོ་སྟེ། །རྣམ་པ་གསུམ་དུ་ཤེས་པར་བྱ། །ནག་པོ་དཀར་པོ་སེར་པོའོ། །གལ་ཏེ་སློབ་མར་དབང་བསྐུར་དང་། །གལ་ཏེ་ཚེ་ཡི་ཆོ་ག་དང་། །གལ་ཏེ་དངོས་གྲུབ་བསག་པ་ནི། །གྲུ་ཁྱད་ལྗང་གུ་དག་ལའོ། །ཕྱི་རྒྱབ་སྣམ་བུ་གང་ཡིན་ལ། །རོ་འམ་ཐིག་ལེ་གང་ཡང་རུང་། །ཕུར་བུའི་སྲུང་མའི་གདན་རྣམས་ཏེ། །སྤེལ་མ་ཉིད་དུ་ཡང་དག་དགོད། །རིགས་ལྔའི་ཕོ་བྲང་གདན་ཚོགས་ནི། །བན་དྷ་ལྔ་ལ་དབང་བསྐུར་ལ། །བར་སྣང་ཁམས་སུ་བཞུགས་སུ་ ― DNG021_Page_0249 ―
[མ་དཔེ་གཟིགས་ན་འདིར་གནོན།]
གསོལ། །གལ་ཏེ་སློབ་མར་དབང་བསྐུར་ན། །ཨ་ཀ་རུ་དང་དུ་རུ་ཀ །དྲི་དང་སྨན་དང་མངར་དང་འབྲུ། །མར་དང་ཚྭ་རྣམས་བླུག་ལ་བཞག །བར་བར་ཚོགས་ཀྱི་འཁོར་ལོ་ནི། །བཟའ་དང་བཅའ་དང་བཏུང་བའི་ཚོགས། །མང་པོ་ཉིད་དུ་བསག་པར་བྱ། །བསྒྲལ་བ་ཟིན་ནས་དབང་བསྐུར་ན། །རིམ་པར་སྟེགས་བུ་བརྩིག་པར་བྱ། །མདོ་མདོར་བསྙེན་པ་བསྙེན་ཆེན་ལ། །མདོ་མདོར་བསྒྲུབ་པ་བསྒྲུབ་ཆེན་ནོ། །མདོ་མདོར་སྟོང་པའི་ཆོ་ག་བྱ། །དེ་ནས་ཚོགས་ཀྱི་འཁོར་ལོ་ནི། །བརྒྱ་རྩ་བརྒྱད་དམ་སྟོང་རྩ་བརྒྱད། །ཅི་ནུས་རྣལ་འབྱོར་པ་ཡིས་བྱ། །དེ་ནི་ཚོགས་ཀྱི་འཁོར་ལོའོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་རྒྱུད་ཀྱི་རྒྱལ་པོ། འཇིག་རྟེན་སྣང་བྱེད་ལས། སྐུའི་དཀྱིལ་འཁོར་བསྟན་པའི་ལེའུ་སྟེ་ལྔ་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་གསུང་གི་དཀྱིལ་འཁོར་འདི་ཞུ་བར་འཚལ་ལོ། །ཞེས་གསོལ་ཏོ། །དེ་ནས་དབྱིངས་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་སྒྱུ་མ་ཆེན་པོར་སྐུ་བཞེངས་ནས། འདི་སྐད་ཅེས་བཀའ་སྩལ་ཏོ། །གསང་བའི་བདག་པོ་དུས་ལ་བབ་ན་ད་ཉོན་ཅིག །རྣལ་འབྱོར་དཔའ་བོས་བསྒྲུབ་འདོད་ན། །དང་པོར་ས་སྦྱངས་བསླངས་སྦྲན་དང་། །དབང་པོའི་ལས་རྣམས་ལྷ་ལ་བྱ། །དེ་ལྟར་ལས་རྣམས་ཀུན་རིག་བྱ། །ཡང་བཀའ་སྩལ་པ། གཉིས་པ་ཕྱི་ནང་གཉིས་ཀྱིས་སྦྱང་། །གསུམ་པ་མཚམས་ལྔ་ལ་སོགས་བྱ། །བཞི་པ་ཆོས་སྤྱོད་རྣམ་པ་བཅུ། །ལྔ་པ་འཇིག་རྟེན་གཏོར་མ་གཏང་། །རྣལ་འབྱོར་དཔའ་བོས་ལས་རྣམས་ཀྱང་། །དབང་པོ་དང་ནི་བསྐྲད་པ་དང་། །བཅོལ་བ་དང་ནི་དགུག་པའོ། །དང་པོ་སྤྱན་དྲངས་རབ་བསྔགས་པ། །ཛཿཧཱུྃ་བྃ་ཧོཿཨེ་ཧྱེ་ཧི་བྷ་ག་ཝཱན། ― DNG021_Page_0250 ―
[མ་དཔེ་གཟིགས་ན་འདིར་གནོན།]
བྷིནྡྷ་ཡ་བྷིནྡྷ་ཡ། ཨ་པྲ་ཏི་ཛ་ཧཱུྃ་རུ་ལུ་རུ་ལུ་ཧཱུྃ། བརྗོད་པ་གསུམ་གྱིས་སྤྱན་ཡང་དྲང་། །ཞལ་དབྱེ་པ་ཡི་སྔགས་ཀྱང་བརྗོད། །ཌྷི་པྲ་ཏཱིཙྪ་ཧཱུྃ། ཞེས་མཆོད་པ་བསྟབ་བོ། །ཕྲིན་ལས་འདིས་ལས་བཅོལ་བའོ། །ཌྷི་ས་མ་ཡ་པྲ་ཏཱིཙྪ་ཧཱུྃ། དེ་ནས་ཕྲིན་ལས་བཅོལ་བའི་སྔགས་ལ། སྨེ་བ་དུག་གསུམ་ཕྱེ་མ་གསུམ། །ཁྲག་གསུམ་སྦྱར་བའི་གཏོར་མ་ནི། །ཆེ་གེ་མོ་ལ་སྦྱིན་པར་བྱ། །དེ་བཞིན་བཀུག་ལ་ཟར་གཞུག་སྔགས། །ཛཿཧཱུྃ་བྃ་ཧོཿ། བཛྲ་ཨངྐུ་ཤ་ཛཿཆེ་གེ་མོ་ཞིག་མ་ར་ཡ་ཧཱུྃ་ཛཿ། དེ་སྐད་བརྗོད་ལ་ཟ་རུ་གཞུག །དྲི་ཡི་ཐིག་ལེ་རང་བྱས་ལ། །ཐིག་དང་ཚོན་ཡང་བྱིན་གྱིས་བརླབ། །གཉིས་མེད་སྦྱོར་བའི་མན་ངག་གིས། །རྒྱལ་བ་རིགས་ལྔ་སྤྱན་ཡང་དྲང་། །སྤྱན་དྲང་གཉིས་མེད་བསྡིམ་པར་བྱ། །ཡབ་ཡུམ་བཅུ་ཡི་སྦྱོར་བ་ཡིས། །བྱང་ཆུབ་སེམས་སུ་རང་བཞིན་བྱ། །སློབ་དཔོན་དམ་ཚིག་སྡོམ་ལྡན་པས། །བྱང་ཆུབ་ཐིག་སྐུད་བྱིན་གྱིས་བརླབ། །ཚོན་སྣ་ལྔ་ཡིས་གནམ་ཐིག་གདབ། །དཀར་ལ་གསལ་བས་ས་ཐིག་གདབ། །སློབ་དཔོན་ཤར་དུ་རབ་འདུག་སྟེ། །སློབ་མ་ནུབ་ཀྱི་ཕྱོགས་སུ་འདུག །སློབ་དཔོན་ཐུགས་ཀར་རབ་ཏུ་འཐེན། །སློབ་མའི་མཛོད་སྤུ་དག་ཏུ་འཐེན། །རྡོ་རྗེ་པདྨའི་ཐིག་ཀྱང་གདབ། །ཅེས་བཀའ་སྩལ་ཏོ། །དེ་ནས་ཡང་གསང་བའི་བདག་པོས་འདི་སྐད་ཞུས་ཏེ། བཅོམ་ལྡན་ཐབས་ཀྱི་རྒྱལ་པོ་མཆོག །སློབ་མའི་ཕྱག་རྒྱ་བཙལ་བ་ནི། །གང་གི་དོན་དུ་གསུངས་པ་ལགས། །གང་གི་དོན་དུ་བཙལ་བ་ལགས། །བཅོམ་ལྡན་འདས་ཀྱིས་བཤད་དུ་གསོལ། །ཞེས་གསོལ་ཏོ། །བཀའ་སྩལ་པ། ཤ་ཁྲག་འབར་ཞིང་དབང་པོ་གསལ། །ལོ་ཚད་ལོན་ཞིང་མཚན་དང་ལྡན། །བདེ་བ་འཛིན་ལ་རབ་ཏུ་མཁས། །སློབ་མའི་འོས་སུ་ཤིན་ཏུ་བསྔགས། །ཞེས་གསུངས་སོ། །དེ་ནས་ཡང་ ― DNG021_Page_0251 ―
[མ་དཔེ་གཟིགས་ན་འདིར་གནོན།]
གསང་བའི་བདག་པོས་ཞུས་པ། དེ་ལྟ་བུ་ཡི་སློབ་མ་ཡིས། །དཀྱིལ་འཁོར་ཆ་ནི་ཇི་ལྟར་བརྟག །བཅོམ་ལྡན་འདས་ཀྱིས་བཤད་དུ་གསོལ། །ཞེས་གསོལ་ཏོ། བཀའ་སྩལ་པ། སློབ་མ་པདྨ་ཅན་དག་གིས། །དཀྱིལ་འཁོར་ཆ་ནི་བརྟག་པར་བྱ། །ཕྱོགས་ཆ་མཉམ་པའི་ཚངས་ཐིག་ལ། །ཟུར་ཐིག་ཆ་བསྙམ་རྒྱ་གྲམ་ཆ་བཞི་བསྙམ། །ཆ་ཆེན་བརྒྱད་དུ་རབ་ཏུ་བགོ། །ཚངས་ཐིག་ཕྱེད་ལ་ཕྱེད་མར་གདབ། །དེ་ལྔ་གཡས་གཡོན་ཆ་བསྙམ་གདབ། །དེ་ལྟར་ཆ་ཆེན་བརྒྱད་གྱུར་ནས། །དབུས་གཉིས་ཆ་ཡི་ཐ་མ་ལ། །ཆ་ཕྲན་དུ་ནི་ཐིག་ཐུང་གདབ། །ཡང་ན་ཐིག་རིང་བཏབ་ཀྱང་རུང་། །ཆ་གཉིས་ཀུན་གྱི་ཕྱི་རོལ་དྲང་། །སྒོ་ཆ་བརྒྱད་ལས་པཉྩ་གནས། །ཡང་ན་ཆ་གཅིག་དགུ་རུ་བསྒོ། །ཆ་གསུམ་སུམ་ཆ་རེ་རེ་ནི། །དེ་ནི་དབུས་ཆ་གཉིས་པའོ། །ཁྲུ་བཞི་དག་ཏུ་བསྟན་པ་ལ། །ཡང་ན་ཉིས་འགྱུར་བསྟན་པའོ། །ཁྲུ་རེ་ལ་ནི་སོར་རེ་བཅད། །ཐིག་བསྐོར་རྣམ་པ་གསུམ་དུ་གདབ། །དང་པོ་ཆོས་ཀྱི་འཁོར་ལོ་ལ། །གཉིས་པ་རྡོ་རྗེ་ར་བའོ། །གསུམ་པ་ཡེ་ཤེས་མེ་རི་ནི། །ལྕགས་རི་ནག་པོ་མེ་རི་འབར། །དབང་བསྐུར་བུམ་པ་མང་པོ་ལ། །སྣ་ཚོགས་བརྒྱན་པའི་བྱིན་བརླབ་བྱ། །ཕྱོགས་བཞི་ཟླ་གམ་བཞི་དག་ལ། །ཡེ་ཤེས་སྣང་བ་ཆེན་པོ་བཞི། །རྡོ་རྗེའི་གྲུ་ཆད་མཐའ་བཞི་ལ། །ནག་པོའི་ཚོན་གྱིས་རབ་བཀང་སྟེ། །ཅི་འདོད་ལས་རྣམས་བརྟག་ལ་བྱ། །མ་འོངས་རྣལ་འབྱོར་ཅི་འདོད་སྤྱོད། །ཅེས་གསུངས་སོ། །གཞལ་ཡས་དེ་ཡི་གདན་རྣམས་ཀྱང་། །སྟག་དང་ཁྱི་དང་སྤྱང་ཀི་དང་། །རྨིགས་བུ་སྡིག་པ་གཅན་གཟན་སོགས། །སྦྲུལ་ནག་མང་པོ་ཤིགས་སེ་ཤིག །ཁྭ་དང་འུག་པ་དུར་བྱའི་ཚོགས། །འདབ་ཆགས་མང་པོ་ལྷགས་སེ་ལྷགས། །གསེར་དངུལ་ཟངས་ལྕགས་ལས་བྱས་པའི། །བུམ་པ་བཟང་པོ་ལྔ་ཡང་བསག །ལུང་དང་ལྡན་པའི་སློབ་ ― DNG021_Page_0252 ―
[མ་དཔེ་གཟིགས་ན་འདིར་གནོན།]
དཔོན་ནི། །ཕྱོགས་བཞིར་རེ་རེ་གཞག་པར་བྱ། །མན་ངག་ཅན་ལ་བྱ་བ་ནི། །རྒྱུ་ལ་འབྲས་བུས་རྒྱས་ཡང་གདབ། །བྱིན་བརླབ་གསུམ་དང་དབང་བསྐུར་བཞི། །བྱུག་དང་བདུག་པའི་ལས་རྣམས་བྱ། །དེ་བཞིན་ཉིད་ནས་བཟུང་ནས་སུ། །རྣལ་འབྱོར་དོན་ནི་བྱ་བ་ནི། །དྲང་བའི་དོན་གྱི་སངས་རྒྱས་ཀྱིས། །རྣལ་འབྱོར་དཔའ་བོས་བསྐྱེད་པར་བྱ། །བཀའ་དང་བཀའ་ཡི་འཁོར་ལོ་ཡིས། །ཕྱི་ནང་གཉིས་ཀྱི་མཚམས་ཀྱང་བཅད། །ཤིན་ཏུ་རྔམ་པའི་ང་རོ་ཡིས། །ཕུར་པ་བཅུ་ལ་སྔགས་བཟླས་ལ། །ཕྱོགས་བཞི་མཚམས་བརྒྱད་མཚམས་ཀྱང་བཅད། །བཟླས་པ་ལས་ཀྱི་སྔགས་བཟླས་ལ། །ཕྱོགས་སྐྱོང་བཀུག་ལ་ཕུར་པ་གདབ། །སྤྱི་དང་ཐུན་མོང་ལས་རྣམས་བྱ། །མང་པོ་རྒྱས་པ་ང་ཡིས་བཤད། །ཅེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། གསུང་གི་དཀྱིལ་འཁོར་བསྟན་པའི་ལེའུ་སྟེ་དྲུག་པའོ།། །།དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་མ་འོངས་པའི་དོན་དུ། ཐུགས་ཀྱི་དཀྱིལ་འཁོར་བསྟན་དུ་གསོལ། །གང་ཕྱིར་བདག་ལ་བཤད་དུ་གསོལ། །ཀཱི་ལ་ཡ་ཡིས་བཀའ་སྩལ་པ། །དཀྱིལ་འཁོར་ཆ་ནི་བསྙམས་པ་ལ། །ནང་གི་ཕོ་བྲང་ཐིག་གདབ་ནི། །ཐིག་རྐང་བདུན་པ་བདུན་པ་ལ། །ཟུར་ཐིག་སྦལ་མགོ་སྦལ་མགོར་གདབ། །རིན་ཆེན་ཟུར་བརྒྱད་ཉི་ཤུ་གཅིག །དབུས་ནས་ཕོ་བྲང་རིན་ཆེན་འབར། །ཟླ་གམ་ཕྱེད་ལ་སྒོ་བྱ་བ། །ཚངས་པའི་ཐིག་ལ་གདབ་པར་བྱ། །ཁྱམས་ནི་རྣམ་པ་བཞི་ཡོད་དོ། །སྒོ་ནི་རྣམ་པ་གསུམ་དུ་འདོད། །དང་པོ་བདག་ཉིད་རྩ་བའི་སྒོ། །གཉིས་པ་ཐུགས་རྗེ་སྤྲུལ་པའི་སྒོ། །ཁྲོ་བོ་སྤྲུལ་པའི་སྒོ་རུ་གྲགས། །གསུམ་པ་རང་བཞིན་གནས་ཀྱི་སྒོ། །སྲུང་མ་མ་མོའི་སྒོ་རུ་གྲགས། །རིན་པོ་ཆེ་ཡི་ ― DNG021_Page_0253 ―
[མ་དཔེ་གཟིགས་ན་འདིར་གནོན།]
གཅོད་ཐབས་ནི། །ཟུར་བརྒྱད་ཟུར་བརྒྱད་འབར་བར་བསྐོར། །དབུས་སུ་བཅོམ་ལྡན་ཡབ་ཡུམ་བཅས། །སྒོ་ལ་སོགས་པ་ཉི་ཤུ་གཅིག །འབར་བ་རེ་ལ་ཕུར་པ་རེ། །བྱིན་བརླབ་དབང་བསྐུར་བྱས་ལ་དགོད། །དེ་ཡི་འབར་བའི་སྟག་སོ་ལ། །དམར་པོའི་ཚོན་གྱིས་དཔལ་གྱི་བཤོས། །ཀུན་གྱི་ཁ་རུ་རེ་རེ་གཞག །དེ་ནི་དཔལ་བཤོས་བཟང་པོའོ། །དེ་ཡི་ཕྱི་རིམ་སེར་པོ་ལ། །ཁྲོ་བོའི་སྤྲུལ་པ་སྤེལ་མར་ནི། །ཕྱོགས་དང་ཕྱོགས་མཚམས་མ་ནོར་གཞག །དེ་ཡང་སྒོ་དང་བཅས་པའོ། །དེ་ཡི་ཕྱི་རིམ་བར་ཁྱམས་ལ། །དམར་པོའི་ཚོན་གྱིས་རབ་བཀང་སྟེ། །གཡས་དང་གཡོན་དུ་དགོད་པར་བྱ། །དེ་བཞིན་སྒོ་ལ་སྒོ་བ་བཞི། །བསེ་མོ་བཞི་ནི་དགོད་པར་བྱ། །ལྕགས་རི་ལ་ནི་དབང་ཕྱུག་མ། །བདུན་བདུན་སྲིན་མོ་འགྲོས་སུ་གཞག །སྐེད་པ་རྒྱ་མདུད་རྩེ་མོ་དབལ། །རྩ་བ་ཞི་བའི་ལུགས་སུ་བྱ། །ཚོན་གྱི་ཁ་དོག་སོ་སོ་ནི། །མཁས་པ་ཉིད་ཀྱིས་ནན་ཏན་བྱ། །རེ་རེ་རེ་ག་པཉྩ་ཡང་། །ཤིང་བུ་ཉིད་ཀྱིས་བཅོས་པར་བྱ། །དེ་བཞིན་གཤེགས་པ་ཐམས་ཅད་ཀྱི། །ཐུགས་ཀྱི་དཀྱིལ་འཁོར་ཡང་དག་མཆོག །རིན་ཆེན་ཟུར་བརྒྱད་དཀྱིལ་འཁོར་ནི། །གསང་བ་ཐུགས་ཀྱི་མཎྜལ་ལོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། ཐུགས་ཀྱི་དཀྱིལ་འཁོར་བསྟན་པའི་ལེའུ་སྟེ་བདུན་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྟོན་པའི་བྱེ་བྲག་ཇི་སྙེད་པ། །མདོར་བསྡུས་སྟོན་པ་དུ་ཙམ་བཞུགས། །སངས་རྒྱས་བྱེ་བྲག་ཇི་སྙེད་པ། །མདོར་བསྡུས་སངས་རྒྱས་དུ་ཙམ་བཞུགས། །ཐེག་པའི་བྱེ་བྲག་ཇི་སྙེད་པ། །མདོར་བསྡུས་ཐེག་པ་དུ་ཙམ་བཞུགས། །ལམ་གྱི་རྣམ་པའི་བྱེ་བྲག་ལས། །འཇུག་པའི་སྒོ་ནི་ ― DNG021_Page_0254 ―
[མ་དཔེ་གཟིགས་ན་འདིར་གནོན།]
དུ་ཙམ་བཞུགས། །དཀྱིལ་འཁོར་བྱེ་བྲག་བསམ་ཡས་པ། །བསྡུ་ན་དཀྱིལ་འཁོར་དུ་ཙམ་བཞུགས། །དབང་གི་བྱེ་བྲག་མང་པོ་ལ། །བསྡུ་ན་རྣམ་པ་དུ་ཙམ་བཞུགས། །དམ་ཚིག་བྱེ་བྲག་མང་པོ་ལས། །བསྡུ་ན་རྣམ་པ་དུ་ཙམ་བཞུགས། །ལྷ་ཡི་བྱེ་བྲག་མང་པོ་ལས། །བསྡུ་ན་རྣམ་པ་དུ་ཙམ་བཞུགས། །ལྷ་མ་ཡིན་དང་མི་ལ་སོགས། །སེམས་ཅན་བྱེ་བྲག་མང་པོ་ལས། །བསྡུ་ན་རྣམ་པ་དུ་རུ་འདུས། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། །བྱེ་བྲག་མང་པོ་འདི་ལྟ་སྟེ། །ཕྱི་དང་ནང་དང་གསང་བ་གསུམ། །དོན་དམ་སྟོན་པའི་བྱེ་བྲག་ལས། །བསྡུ་ན་སྟོན་པ་གཅིག་ཏུ་བསྡུ། །གང་ཟག་བསམ་པའི་དབང་གིས་ན། །གངྒཱའི་ཀླུང་གི་བྱེ་བྲག་ཀྱང་། །དཔེ་རུ་བཞག་སྟེ་སངས་རྒྱས་མཚན། །མདོར་བསྡུས་སངས་རྒྱས་གཅིག་ཏུ་འདུས། །སེམས་ཅན་སྡུག་བསྔལ་བསམ་ཡས་པས། །ཐེག་པའི་བྱེ་བྲག་བསམ་ལས་འདས། །མདོར་བསྡུས་ཐེག་པ་གཅིག་ཏུ་འདུས། །ལམ་གྱི་བྱེ་བྲག་བསམ་ཡས་པ། །བསྡུ་བའི་བྱེ་བྲག་ལྔ་རུ་འདུས། །དེ་ཡང་ལམ་ཆེན་གཅིག་ཏུ་འདུས། །ལྷ་ཚོགས་བྱེ་བྲག་བསམ་ཡས་པས། །དཀྱིལ་འཁོར་བསམ་ལས་འདས་པ་སྟེ། །མདོར་བསྡུས་དཀྱིལ་འཁོར་གཅིག་ལ་འདུས། །ཐེག་དང་མི་ཐེག་དབང་གིས་ན། །ཐེག་པའི་བྱེ་བྲག་མཐོང་ལ་གོལ། །ཡང་དག་དོན་གྱི་ལམ་ཡིན་པས། །དབང་ནི་རྣམ་པ་བཞི་རུ་འདུས། །ལ་ལ་གླེན་པའི་བརྟུལ་ཞུགས་དང་། །ལ་ལ་སྒྲིན་པའི་ཤེས་རིག་དང་། །ལ་ལ་མཛངས་པའི་ལས་ཐབས་དང་། །ལ་ལ་ཕྱོགས་མཚམས་དགའ་ཤེས་དང་། །ཁ་ཅིག་ཀུན་རྟོག་ཡོངས་སུ་ཤེས། །དམ་ཚིག་རྣམ་པ་གསུམ་དུ་གྲགས། །ལྷ་ཡི་བྱེ་བྲག་མང་པོ་ལས། །བསོད་ནམས་ཆེ་ཆུང་དབང་གིས་ན། །ཡང་ནས་ཡང་དུ་བསམ་པ་སྟེ། །རྣམ་པ་གསུམ་དུ་རབ་ཏུ་གྲགས། ། ― DNG021_Page_0255 ―
[མ་དཔེ་གཟིགས་ན་འདིར་གནོན།]
ལ་ལ་བསྟོད་ལ་ལ་ལ་སྨད། །བསྡུ་ན་རྣམ་པ་ལྔ་ཡིན་ཏེ། །གཅིག་ཏུ་གྲགས་པ་རྣམ་པ་དྲུག །དེ་ལ་སོགས་ཏེ་མི་རྣམས་ལ། །རྣམ་པ་བཞི་རུ་རབ་ཏུ་གྲགས། །བྱོལ་སོང་རྩ་བ་གཅིག་ཡིན་ཏེ། །ཡི་དྭགས་བྱེ་བྲག་གཉིས་སུ་འགྲོ། །སྡུག་བསྔལ་རྩ་བ་དམྱལ་བ་སྟེ། །བྱེ་བྲག་བགྲང་ན་རྣམ་པ་གཉིས། །ལྷག་པའི་སྡུག་བསྔལ་དེ་དང་གསུམ། །དེ་ལྟར་རིགས་དྲུག་སེམས་ཅན་ནི། །སོ་སོའི་བྱེ་བྲག་བསམ་ལས་འདས། །ཞེས་བཀའ་སྩལ་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་སྟེ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། རྒྱུ་འབྲས་ཀྱི་བྱེ་བྲག་གི་ལེའུ་སྟེ་བརྒྱད་པའོ།། །།དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ། །ཨེ་མ་ཧོ། ཞིང་གི་ཁྱོན་ནི་ཅི་ལྟར་གདའ། །མཐོང་ན་ཇི་ལྟར་གྲགས་པ་ལགས། །རྣམ་པ་དུ་ཡིས་མཐོང་བ་ལགས། །བཅོམ་ལྡན་འདས་ཀྱིས་བཤད་དུ་གསོལ། །ཅེས་གསོལ་ཏོ། །བཀའ་སྩལ་པ། ལེགས་སོ་ལེགས་སོ་དོན་སྟོན་ན། །ང་ཡི་ཡིད་ལས་བྱུང་བ་འདི། །མཐོང་བར་འདོད་ན་གྲགས་པར་གྱིས། །དོན་དམ་བདེན་མེད་ང་ལ་བལྟ། །རང་རྟོགས་མཐོང་བ་ང་ལ་བལྟ། །ཐོས་པ་རག་ལུས་ང་ལ་བལྟ། །ཕྱོགས་གཅིག་པ་འདི་ང་ལ་བལྟ། །བདེན་པའི་བྱེ་བྲག་ང་ལ་བལྟ། །དྲུག་པོ་མཐར་ཕྱིན་ང་ལ་བལྟ། །རྣལ་འབྱོར་ཅན་ནི་ང་ལ་བལྟ། །སྤྱོད་པས་མ་བསྙེམས་ང་ལ་བལྟ། །གཉིས་ཀའི་བདེ་བ་ང་ལ་བལྟ། །ཐེག་ཆེན་སྤྱོད་པ་ང་ལ་བལྟ། །མཚམས་སྦྱོར་ཆེན་པོ་ང་ལ་བལྟ། །ཡང་དག་རྩེ་མོ་ང་མཐོང་ཟེར། །དེས་ཀྱང་མཐོང་བ་ཤིན་ཏུ་དཀའ། །སྐྱེ་བོ་ཕལ་པས་ང་མི་མཐོང་། །ང་མཐོང་ཀུན་རྟོགས་འགའ་ཙམ་ཡོད། །ང་མཐོང་ཟེར་བའི་རྟོག་གེ་བ། །འགྲོ་བ་འདྲེན་པར་མི་འགྱུར་རོ། །ཞེས་བཀའ་སྩལ་ཏོ། །དེ་ནས་ཡང་གསང་བའི་བདག་པོས། བཅོམ་ལྡན་འདས་ ― DNG021_Page_0256 ―
[མ་དཔེ་གཟིགས་ན་འདིར་གནོན།]
ལ་འདི་སྐད་ཅེས་གསོལ་ཏོ། །དོན་དམ་ཕུར་པའི་རྒྱུ་ནི་ཇི་ལྟར་ལགས། །དེ་ཡི་ཚད་ནི་ཇི་ལྟར་ལགས། །དེ་ཡི་དབྱིབས་ནི་ཇི་ལྟར་ལགས། །དེ་ཡི་གྲངས་ནི་ཇི་ལྟར་ལགས། །ཞེས་གསོལ་ཏོ། །བཀའ་སྩལ་པ། ལེགས་པར་དྲི་བའི་ལམ་གྱི་མཆོག །རྟོགས་ཚད་འདུལ་བ་དྲི་བའི་མཆོག །མཁས་པ་དགའ་བ་སྤྱད་པའི་ཕྱིར། །དོན་བཞི་ང་ཡིས་བཤད་ཀྱིས་ཉོན། །རྒྱུ་ནི་དབྱིངས་ཀྱི་མཚན་ཉིད་དག །རྐྱེན་ནི་ཡེ་ཤེས་བྱེ་བྲག་ཡིན། །དེ་ནི་ཕུར་བའི་རྒྱུ་རུ་གྲགས། །ཚད་ནི་ཕྲིན་ལས་རྣམ་བཞི་སྟེ། །སངས་རྒྱས་ཕྲིན་ལས་དེ་ལས་མེད། །དོན་ནི་བསྡུ་བ་རྣམ་པ་བཞི། །དེ་ཡི་ནང་དུ་འདུས་པ་ཡིན། །དབྱིབས་ནི་གཞལ་ཡས་རྒྱ་མདུད་སྟེ། །ཚད་མེད་བཞི་ཡི་སྒོ་བཞིར་བསྟན། །ཕྱོགས་བཞི་མཚམས་བཞི་ལྕུམ་གཞོག་བརྒྱད། །རྣམ་ཐར་གསུམ་ནི་རྩེ་མོ་ཡིན། །གྲངས་ནི་བདེན་པའི་བྱེ་བྲག་སྟེ། །དེ་ཁོ་ཉིད་དང་དེ་བཞིན་ཉིད། །ནམ་མཁའི་ཐ་སྙད་དཔེ་དང་འདྲ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་སྟེ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། ཐེག་པ་ཐམས་ཅད་ཀྱི་དོན་བསྟན་པ་དང་། དོན་དམ་པའི་ཕུར་པའི་བྱེ་བྲག་བསྟན་པའི་ལེའུ་སྟེ་དགུ་པའོ།། །།དེ་ནས་ཡང་གསང་བའི་བདག་པོས་གསོལ་པ། ཀྱེ་བཅོམ་ལྡན་འདས་ཁྲོ་བོའི་གདན་ནི་ངེས་པའི་ཕྱིར། །འཁོར་ལོའི་རྩིབས་ནི་བཅུ་པ་ཡི། །ཐིག་གི་བྱེ་བྲག་བསྟན་པ་དང་། །ལྷ་ཡི་བྱེ་བྲག་བསྟན་དུ་གསོལ། །ཅེས་པས་ཀཱི་ལ་ཡ་ཆེན་པོ་དེ་ཕྱག་རྒྱ་ཡེ་ཤེས་ཀྱི་དཀྱིལ་འཁོར་ལ་སྙོམས་པར་ཞུགས་སོ། །དེར་ཞུགས་མ་ཐག་ཏུ་ཕྱག་རྒྱ་ཆེན་པོའི་སྐུར་བཞེངས་ནས་བཀའ་སྩལ་པ། དཀྱིལ་འཁོར་སྔ་མ་བཞིན་བཞེངས་ལ། །དེས་ཀྱང་དེ་ཡི་རྒྱ་ཡིས་བཅད། །ཐིག་ནི་རྣམ་པ་བདུན་བཏབ་པ། །ཕྱེད་ལ་ཕོ་བྲང་རབ་བྱས་ཏེ། །བྱང་ནས་ལྷོ་རུ་དྲངས་ནས་ནི། །དེ་ལ་རེའུ་ཆ་དགུ་རུ་དགོད། །རེའུ་ཆ་གཅིག་ནི་ལྟེ་བའི་ཚད། །དེ་ཕྱེད་ཀུན་ཏུ་བསྐོར་ ― DNG021_Page_0257 ―
[མ་དཔེ་གཟིགས་ན་འདིར་གནོན།]
བ་ནི། །འཁོར་ལོ་རྩིབས་བཅུའི་ཐིག་ཏུ་འགྱུར། །དེ་བཞིན་མུ་ཁྱུད་དེ་བཞིན་བསྐོར། །དེ་ཡི་དབུས་ཀྱི་ཕོ་བྲང་ལ། །ཐོད་པ་གསུམ་གྱིས་བསྐོར་བར་བྱ། །མུ་ཁྱུད་རྡོ་རྗེའི་ར་བ་སྟེ། །ས་མཆོག་ཕྱེ་མར་བཏགས་པ་ལ། །ནག་པོའི་ཚོན་གྱིས་བསྒྱུར་བ་ཡིས། །འཁོར་ལོ་ཐམས་ཅད་མཐིང་གར་བྱ། །དེ་བཞིན་རྩིབས་ཀྱང་ནག་པོར་བྱ། །གྲུ་ཆད་ལྗང་གུའི་ཕྱི་རོལ་དུ། །ཐོད་པའི་ཕྲེང་བ་བཏང་བར་བྱ། །དེ་ཡི་ཕྱི་རིམ་དམར་པོ་ལ། །ཐིག་ལེ་ཐིག་ལེ་མང་དུ་བྱ། །དེ་ཡི་ཕྱི་རིམ་སྒོ་ཁྱམས་ལ། །ཀེང་རུས་སྐམ་པོ་སྤེལ་མར་བཀོད། །དེ་ཡི་ཕྱི་རིམ་ལྕགས་རི་ལ། །མེ་རི་ཧོམ་གྱི་ཐབ་ཏུ་བྱ། །དེ་ནས་ལྷ་དགོད་འདི་གསུངས་སོ། །ཕོ་བྲང་གྲུ་གསུམ་ནག་པོ་ལ། །ཐབས་ཆེན་བདུད་འདུལ་ཡབ་ཡུམ་དགོད། །ཟླ་གམ་གསུམ་ལ་སྲས་གསུམ་པོ། །བྱིན་བརླབ་དབང་བསྐུར་བྱས་ལ་དགོད། །ཤར་དུ་རྣམ་པར་རྒྱལ་བ་སྟེ། །རིམ་པ་བཞིན་དུ་རྒྱས་པར་དགོད། །སྟོབས་པོ་ཆེ་དང་ཧཱུྃ་ཀཱ་ར། །ཤར་སྟོད་ནུབ་སྨད་གཉིས་སུ་དགོད། །ཕྲ་མེན་འཁོར་ལོའི་རྩིབས་ཀྱི་ཕྱིར། །ཟླ་གམ་བཅུ་ལ་དགོད་པར་བྱ། །བར་ཁྱམས་ཐིག་ལེའི་སྟེང་ཉིད་དུ། །བཟློག་ཕུར་བཅུ་དྲུག་དགོད་པར་བྱ། །སྒོ་ཁྱམས་ལ་ནི་སྒོ་སྲུང་སྟེ། །ཤྭ་ན་གཡས་ལ་རེ་ཏི་གཡོན། །དབུས་སུ་སྲིན་མོ་དགོད་པར་བྱ། །ལྕགས་རི་ལ་ནི་དབང་ཕྱུག་མ། །བསྣོལ་ཏེ་རྡོ་རྗེའི་འགྲོས་སུ་དགོད། །ཅེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། འཁོར་ལོ་རྩིབས་བཅུ་པའི་མཎྜལ་བསྟན་པའི་ལེའུ་སྟེ་བཅུ་པའོ།། །།དེ་ནས་ཡང་གསང་བའི་བདག་པོས་གསོལ་པ། ཀྱེ་ཀྱེ་བཅོམ་ལྡན་རྗེ་བཙུན་ཀུན་གྱི་རྗེ། །གདུག་པ་རྣམ་གཉིས་བསྒྲལ་བ་དང་། །ང་རྒྱལ་དྲེགས་པ་གཞོམ་པའི་ཕྱིར། །རྣོ་དབལ་ཕུར་པ་སྲས་ཀྱི་མཆོག །རྣམ་གྲངས་དུ་ཡོད་བཤད་དུ་གསོལ། །ཀཱི་ལ་ཡ་ཡིས་ ― DNG021_Page_0258 ―
[མ་དཔེ་གཟིགས་ན་འདིར་གནོན།]
བཀའ་སྩལ་པ། །ང་རྒྱལ་དྲག་པོ་མཚོན་གྱིས་གཞོམ། །ཕུར་པ་ལྷ་རུ་བྱས་པ་སྟེ། །བྱུག་པ་གསུམ་གྱིས་ངར་ཡང་བླུད། །བདུག་པ་གསུམ་གྱིས་དཔལ་ཡང་བསྐྱེད། །དེ་ལྟ་བུ་ཡི་སྲས་མཆོག་ནི། །གྲངས་སུ་བགྲང་བར་མི་བྱ་སྟེ། །གཅིག་དང་དུ་མ་ཁོ་ནའོ། །ཡང་གསོལ་པ། བཅོམ་ལྡན་འདས་མིང་ནི་གང་ལ་ཐོགས་པ་ལགས། །གྲངས་ནི་རྣམ་པ་དུ་ཙམ་ཡོད། །དགོས་ཆེད་ཅི་ཡི་དོན་དུ་བྱུང་། །དངོས་ཀྱི་མཚན་ཉིད་ཇི་ལྟ་བུ། །ཞེས་གསོལ་ཏོ། །བཀའ་སྩལ་པ། དབྱིངས་དང་ཡེ་ཤེས་གཉིས་མེད་ལས། །སྲས་ཀྱི་མཆོག་ནི་སྟོན་པ་བྱུང་། །མིང་ནི་དེ་ལས་ཐོགས་པ་ལགས། །ཀུན་ཏུ་བཟང་པོ་ཡབ་ཡུམ་ལས། །སྲས་ཀྱི་མཆོག་ཏུ་རིགས་ལྔ་བྱུང་། །མིང་ནི་དེ་ལས་ཐོགས་པ་ལགས། །རིགས་ལ་སྐུ་གསུང་ཐུགས་ཀྱི་སྲས། །སྤྲུལ་པ་རྡོ་རྗེ་གཞོན་ནུ་ལགས། །མིང་ནི་དེ་ལ་ཐོགས་པ་ལགས། །དེ་ཡི་སྐུ་གསུང་ཐུགས་ཀྱི་སྲས། །འདུས་པ་གསུམ་གྱི་སྲས་མཆོག་ལགས། །མིང་ནི་དེ་ལས་ཐོགས་པ་ལགས། །དང་པོ་གྲངས་ཀྱི་རྣམ་པ་ཡང་། །གཅིག་དང་དུ་མ་བསམ་ཡས་པས། །དང་པོ་ཁོ་ན་གཅིག་ཏུ་བསྟན། །དགོས་པའི་ཆེད་དང་ཚུལ་བསྟན་ནས། །ལྔ་དང་བདུན་དང་ཉི་ཤུ་གཅིག །གསུམ་དང་བཅུ་གཅིག་དྲུག་ཅུ་བཞི། །བརྒྱད་ཅུ་ལྔ་དང་བརྒྱ་རྩ་བརྒྱད། །སྟོང་རྩ་བརྒྱད་དམ་ཁྲི་ལ་སོགས། །བྱེ་བ་དུང་ཕྱུར་ས་ཡའི་གྲངས། །སྲས་མཆོག་ཉི་ཟེར་ཤར་བ་ཡང་། །འགྲོ་བ་འདུལ་བའི་དབང་གིས་ན། །བརྗོད་ཀྱིས་མི་ལང་གྲངས་ལས་འདས། །རྟོག་གེ་པ་ནི་རྨོངས་པའི་ཕྱིར། །བརྗོད་དུ་མེད་པ་ང་ཡིས་སྨྲ། །དགོས་པ་དང་ནི་དགོངས་པ་དང་། །མཚོན་པ་དང་ནི་ལྷ་རྣམས་དང་། །འདྲེལ་བ་དང་ནི་འདྲེལ་བྱེད་ཀྱིས། །དགོས་ཆེད་གྲངས་ཀྱི་ཚུལ་དང་ནི། །བརྡེག་པའི་དམིགས་ལ་དགོངས་པའོ། །དངོས་ཀྱི་མཚན་ཉིད་འདི་ལྟ་སྟེ། །སྟོད་ནི་ཁྲོ་བོ་ཆེན་པོ་ལ། །སྨད་ནི་སོ་སོའི་དཔལ་དང་ལྡན། །བྲང་གིས་ ― DNG021_Page_0259 ―
[མ་དཔེ་གཟིགས་ན་འདིར་གནོན།]
འགྲོ་བ་ཆེན་པོ་ཡིས། །ལྷུ་དང་ཚིགས་ནི་བརྒྱན་པ་སྟེ། །ཕུར་པས་འདེབས་ཤིང་ཐོ་བས་བརྡེག །ཞེ་སྡང་རང་ག་མ་དང་ལྡན། །དེ་ནི་དངོས་ཀྱི་མཚན་ཉིད་དོ། །ཡང་བཀའ་སྩལ་པ། རྐྱེན་ནི་ཧཱུྃ་ལས་བྱུང་བ་སྟེ། །དེ་ཡི་རྒྱན་ཡང་ཀཱི་ལ་ཡ། །ཀཱི་ལ་ཡ་ཡི་མདའ་ཟམ་གྱིས། །གདུག་པ་རྣམ་གཉིས་སྒྲོལ་བར་འགྱུར། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་སྟེ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། སྲས་མཆོག་ཀཱི་ལ་ཡ་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་གསང་བའི་བདག་པོས་གསོལ་པ། རྣལ་འབྱོར་པ་ལ་ཕན་པའི་ཕྱིར། །བ་ལིཾ་མཆོད་པའི་གཏོར་མ་འདི། །ལས་རབ་ཀུན་གྱི་གཏོར་མ་སྟེ། །ཆོ་ག་བཟང་པོ་བཤད་དུ་གསོལ། །ཞེས་ཞུས་ནས། ཀཱི་ལ་ཡ་མཆོད་པའི་ཕྲིན་ལས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལ་ཕྱིའི་ལྷ་མོ་དང་། ནང་གི་ལྷ་མོ་དང་། གསང་བའི་ལྷ་མོ་ལ་སོགས་པས། མཆོད་པ་ཡང་ཕྱི་ནང་གསང་བ་གསུམ་དུ་སྦྱར་ནས་མཆོད་པས་ཡང་དག་པར་མཆོད་ནས། གསོལ་བ་བཏབ་ནས་ཞུ་བར་སྤོབས་ཏེ། ཨེ་མ་སངས་རྒྱས་བཅོམ་ལྡན་འདས། །འཇིག་རྟེན་པ་དང་འཇིག་རྟེན་འདས། །བགེགས་རྣམས་ཞི་བར་བྱ་བ་དང་། །ལྷ་རྣམས་འགོ་བར་བྱ་བ་དང་། །དམ་ཚིག་ཉམས་པ་བསྐང་བའི་ཕྱིར། །ནང་དང་ཕྱི་ཡི་གཏོར་མ་རྣམས། །ཇི་ལྟར་འོས་ཤིང་རིགས་པ་ལྟར། །རང་གི་འབྱོར་པའི་རྗེས་མཐུན་པར། །ནན་ཏན་གྱིས་ནི་མཆོད་པ་དབུལ། །ཞེས་གསོལ་བ་བཏབ་པོ། །དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། འཇིག་རྟེན་པ་དང་འཇིག་རྟེན་འདས། །དེ་རྣམས་མཉེས་པར་བྱ་བའི་ཕྱིར། །རྒྱུན་དུའམ་ཡང་ན་ཟླ་བ་གཅིག །དེ་བཞིན་ལོ་གཅིག་ཁྱུད་སྐོར་དང་། །བཅུ་གཅིག་དང་ནི་བཅོ་ལྔ་དང་། །བརྒྱད་རྣམས་སུ་ནི་ཁྱད་པར་དབུལ། །མཛེས་ ― DNG021_Page_0260 ―
[མ་དཔེ་གཟིགས་ན་འདིར་གནོན།]
པའི་མཆོད་པའི་ལས་རྣམས་ཀྱིས། །ལེགས་པར་རྫས་ཀུན་བསྡུ་བྱས་ཏེ། །རྫས་ཀྱི་དངོས་པོ་དེ་དག་རྣམས། །བརྡ་ཡི་ཚིག་གིས་བསྟན་པར་བྱ། །མཁའ་འགྲོ་ལ་སོགས་ཐར་པའི་མཆོག །གཅིག་པུ་དཔལ་བྱེད་རོ་ལ་སོགས། །བཟླས་བརྗོད་ལ་སོགས་ཡོ་བྱད་ལྡན། །ཚེ་ནི་མཆོག་ཏུ་མཛེས་པ་དང་། །སྙིང་པོ་ཚིམས་བྱེད་མཆོག་ཡིན་ཏེ། །དྲི་ཞིམ་དམར་པོ་ཉིད་དུ་འདོད། །སྙན་པའི་གླུ་དབྱངས་བླང་བ་དང་། །ཐར་པ་ཆེན་པོ་ཤིན་ཏུ་མཛེས། །འཇམ་པའི་གོས་སུ་ཡང་དག་བཤད། །གཟི་བརྗིད་དྲི་ཞིམ་ཉིད་དུ་འདོད། །རིག་མ་ལ་སོགས་རེག་ལས་བྱུང་། །མཆོད་པ་ནང་ཉིད་ཡིན་པར་བཤད། །ཉ་དང་ཤ་ཆང་བུ་རམ་ཆང་། །ཟྭ་དང་སྲན་མ་ལ་སོགས་ལྡན། །དྲི་དང་མེ་ཏོག་ལ་སོགས་ལྔ། །ཕྱི་ཡི་མཆོད་པ་ཡིན་པར་བཤད། །ཅེས་གསུངས་སོ། །དེ་ནས་སྔགས་མཁན་ཁྲུས་བྱས་ཏེ། །སྔགས་མཁན་བྱ་བ་ཀུན་བྱས་ནས། །ཉམས་དགའ་བ་ཡི་གནས་སུ་འདུག །ནུབ་ཀྱི་ཕྱོགས་སུ་ཁ་བལྟས་ལ། །ཉིད་ནི་ཐ་མར་གཞག་པར་བྱ། །ལུགས་མ་ལ་སོགས་ལྷ་རྣམས་ལ། །མེ་ཏོག་ལ་སོགས་བརྒྱན་བྱས་པ། །ཡང་ན་ཡིད་ཀྱིས་མངོན་སུམ་འདུག །བསམས་ཏེ་དྲི་ཡི་ཐིག་ལེ་ལྔ། །དྲི་དང་ལྡན་པའི་ཆུ་ཉིད་ཀྱིས། །རིགས་ལྔ་ཡང་དག་གནས་པ་ནི། །རང་གི་གཡོག་དང་ཡང་དག་ལྡན། །ཛཿཧཱུཾ་བཾ་ཧོཿ། ཨཱོཾ་ཀྲོ་དྷཱི་ཤྭ་རཱི་སརྦ་དྲ་བྱཾ་ཤོ་དྷ་ཡ་ཨཱོཾ་ཧཱུཾ་ཐ། སྔགས་རིག་པས་ནི་སྔགས་འདི་ཡིས། །བརྒྱ་རྩ་བརྒྱད་དུ་བཟླས་པར་བྱ། །དྲི་དང་ལྡན་པའི་ཆུ་ཉིད་ཀྱིས། །དེ་ནས་རྫས་རྣམས་བཏབ་བྱས་ལ། །རྡོ་རྗེ་ཆུ་དང་དྲི་ཆེན་པོ། །ཉི་ཟླ་དང་ནི་དམར་ཆེན་སྣོད། །དེ་ནི་སངས་རྒྱས་ལྔ་རྣམས་ཏེ། །པདྨའི་སྣོད་དུ་གཞག་པར་བྱ། །ཆུ་བདག་ས་བོན་གྱིས་སྦྱངས་ཏེ། །དེ་ལ་འདི་ལྟར་བསྒོམ་པར་བྱ། །ཨོཾ་ཨཱཿཧཱུྃ་སྭཱ་ཧཱ། ས་བོན་ལྔ་པོ་ཟླ་སྟེངས་སུ། །རྣལ་འབྱོར་པ་ཡིས་ལྔ་གཞག་བྱ། །དེ་ཡི་བདུད་རྩིར་གྱུར་པ་ནི། ། ― DNG021_Page_0261 ―
[མ་དཔེ་གཟིགས་ན་འདིར་གནོན།]
མུ་ཏིག་དཀར་པོ་དྲི་མེད་བཞིན། །དེ་ལ་འདི་ཡིས་བརྟག་པར་བྱ། །ཁྲོ་བོའི་ས་བོན་བསམ་ཡས་ཏེ། །རྡོ་རྗེ་སྦལ་པ་མཚན་མའི་མིག །སྣོད་ཀྱི་སྟེང་དུ་གཞག་བྱས་ཏེ། །སྔགས་རིག་སྔགས་ཀྱི་འབྲུ་འདི་ཡིས། །ཨོཾ་ཨཱཿཧཱུྃ་བཛྲ་ཨ་མྲྀ་ཏ་ཧཱུྃ་ཋཱཿ། རྒྱལ་པོ་པདྨས་མཚོན་པའི་ཕྱག །ས་བོན་ཟླ་བ་དབུས་གྱུར་པ། །སྦོམ་པོ་དབང་པོ་གཉིས་ཀྱི་བར། །སྔགས་རིག་པས་ནི་བསམ་བྱས་པས། །བདག་གི་ལྷར་ནི་བསྒོམ་པ་ཡིས། །དེ་ཡང་རྫས་ལ་གདབ་པར་བྱ། །རྣམ་པ་གཉིས་ཀྱི་རྫས་རྣམས་སྦྱང་། །སྙིང་པོ་ཕྱག་རྒྱ་སྔགས་ཀྱི་ལྷ། །སྤྱན་དྲང་མཆོད་པ་ཅི་རིགས་བྱ། །ཡང་དག་ཚིགས་བཅད་འདི་བརྗོད་བྱ། །སངས་རྒྱས་ཡབ་ཡུམ་སྲས་དང་བཅས། །གཉེན་དང་གཉེན་འདུན་གཡོག་འཁོར་བཅས། །འདུས་པའི་ལྷ་ཚོགས་ཀྱིས་བསྐོར་ནས། །རྡོ་རྗེ་སེམས་དཔའ་མཉེས་མཛད་ཅིང་། །གནས་འདིར་བརྩེ་ཕྱིར་གཤེགས་སུ་གསོལ། །སྟོང་ལས་སྦྱར་བས་རྟག་ཏུ་དེ་ཉིད་དམ་པར་འབྱུང་། །ནམ་མཁའ་བཞིན་ལས་དམ་ཚིག་ཉེ་བར་འགྲོ། །བླངས་ནས་བདེ་འགྲོ་བདེ་བར་གཤེགས་པ་མཛད། །དཔལ་ཆེན་རྡོ་རྗེ་སེམས་དཔའ་དེ་ནི་བདག །་ཆོས་སྐུའི་རང་བཞིན་དག་པས་ན། །བདག་ཀྱང་རང་བཞིན་རྣམ་པར་དག །དེ་བཞིན་གཤེགས་པ་ཐམས་ཅད་ཀྱི། །ཐུགས་དམ་དབྱིངས་མཆོག་རང་ཉིད་ནི། །སེམས་ཅན་འབྱམས་ཀླས་མ་ལུས་ཀུན། །སྐུ་མཆོག་བསྒྲུབ་ཕྱིར་སྦྱོར་བས་ནི། །རྒྱལ་བ་རྒྱ་མཚོ་ཀུན་འདུས་པས། །སྐུ་ཡི་དབྱིག་ཏུ་བདག་བསྐྱེད་ཅིག །་རྡོ་རྗེ་སེམས་དཔའི་དམ་ཚིག་རྗེས་སུ་བསྲུང་། །ཡེ་ཤེས་སེམས་དཔའ་ཉེ་བ་ཉིད་དུ་སྤྱོད། །དགོངས་པའི་དམ་པ་བདག་ལ་བསྟན་པར་དགོངས། །ཐུགས་རྗེའི་དབྱིག་གིས་བདག་ལ་ཆགས་པར་མཛོད། །བྱམས་པའི་མཆོག་གིས་བདག་ལ་བདེ་བར་སྐྱོངས། །ཕུན་སུམ་ཚོགས་པ་ལྡན་པས་བདག་ལ་བདེ་བར་སྐྱོངས། །བྱིན་རླབས་མཆོག་གིས་བདག་ལ་བྱིན་གྱིས་རློབས། ། ― DNG021_Page_0262 ―
[མ་དཔེ་གཟིགས་ན་འདིར་གནོན།]
གྲུབ་པ་འཕྲུལ་གྱིས་བདག་ལ་དངོས་གྲུབ་སྩོལ། །ལས་རྣམས་ཀུན་ལ་བདག་གི་སེམས་ཉིད་བདེ་བར་འགྱུར། །དེ་ནས་སྔགས་མཁན་མཉམ་གཞག་སྟེ། །ལྷ་རྣམས་ལ་ནི་དབུལ་བར་བྱ། །དེ་ནས་སྔགས་མཁན་དག་པ་ཡིས། །ད་ནི་སྔགས་དང་ཕྱག་རྒྱ་ཡིས། །ལྷ་ཡི་འདུན་པ་བསྐྱེད་པར་བྱ། །གཡས་དང་གཡོན་གྱི་ལག་པ་ཡིས། །བརྗིད་པ་མཐའ་ནས་གང་བྱ་ཞིང་། །རྡོ་རྗེ་ཐལ་མོ་གྱེན་དུ་དབྱེ། །མཆོད་པ་ཐམས་ཅད་དབུལ་བར་བྱ། །ཨོཾ་ཨཱཿཧཱུྃ་སུ་ར་ཏོ་པ་སོ་ཀཱ་མ་ལེ། མཱ་ལེ་བཛྲ་ཨ་མྲྀ་ཏེ་ཧ་རཱ་ན་པྲ་ཏཱིཙྪ་བྷ་ག་ཝཱན། ཛཿཧཱུྃ་བཾ་ཧོཿ། ཨ་ལ་ལ་ཧོ་ཨཱཿ། པ་ན་པེཾ་པེ་ནུ་སུ་ར་ཏོ། ཏི་པུ་པ་ར་མུ་སརྦ་ཏ་ཐཱ་ག་ཏ་སིདྡྷི་ཧུ་ས་མ་ཡོ་ཏ་མུ། སརྦ་མ་ཧཱ་སུ་ཁ་སིདྡྷི་ཧུ། ཌྷི་ཧཱུྃ། ཌྷི་ཨེ་ས་ཧུ་པེ་ས་ཧུ། ས་མ་ཡ་བྷཀྵ་ཧུ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཛཿཧཱུྃ་བྃ་ཧོཿ། ཌྷི་པྲ་ཏཱིཙྪ། དེ་ནས་རང་གིས་བཟས་བྱས་ནས། །ཚིགས་བཅད་འདི་ནི་བརྗོད་པར་བྱ། །བླ་མ་རྣམས་ལ་སྦྱིན་པར་བྱ། །སངས་རྒྱས་ཀུན་དང་མཉམ་སྦྱོར་བས། །སྡོམ་པ་ལ་ནི་གང་གནས་པ། །ཇི་སྙེད་སངས་རྒྱས་ཐམས་ཅད་དང་། །བྱང་ཆུབ་སེམས་དཔའ་རྡོ་རྗེ་འཛིན། །ལྷ་རྣམས་དང་ནི་མི་རྣམས་དང་། །སྒྲུབ་པ་པོ་དང་རྣལ་འབྱོར་རྣམས། །དེ་དག་ཁྲོས་ནས་ཁྲག་ཆེན་པོ། །ཁྱོད་ཀྱི་སྙིང་ནས་དྲངས་ཏེ་འཐུང་། །ཨི་དནྟེ་ན་ར་ཀ་ན་བ་རི་ཧྲི་ད་ཡེ། ས་མ་དྷཱི་ནཱཾ་ས་མ་ཡ་ཡཀྵ་ན་ད་སྠོ་རོ་བ་བྷད་བཛྲ། ཨ་མོ་ཏོ་ཀཎ། ཨོཾ་བཛྲ་ཨ་མྲྀ་ཏ་ཨཱ་ཧ་རོཥྛ་ཤས་མན་ཧཱུྃ་ཧྲཱྀཿཐ། དེ་ནས་ཡང་དག་འདི་བརྗོད་དོ། །དེ་ནས་ཀུན་ལ་ཕུད་སྤགས་ནས། །ཧེ་རུ་ཀ་དཔལ་འཁོར་བཅས་རྣམས། །དམ་ཚིག་ཕུད་ལ་དབང་བ་རྣམས། །མཆོད་སྦྱིན་ཧེ་རུ་དཔལ་བསྒོམ་སྟེ། །དེ་ཡི་རྒྱན་དང་སྔགས་ལྡན་པ། །སྙིང་ག་མགྲིན་པ་སྤྱི་བོར་ནི། །གནས་གསུམ་ཚུལ་བཞིན་བསྲུང་བྱས་ཏེ། །རྡོ་རྗེ་ཐལ་མོ་མཛུབ་མོ་གཉིས། །མདུན་གྱི་ཐད་ཀར་མདུད་པར་བྱ། །གུང་མོ་མཐེ་བོང་གཉིས་རྩེ་སྦྱར། །གཞན་མ་རྣམས་ནི་ ― DNG021_Page_0263 ―
[མ་དཔེ་གཟིགས་ན་འདིར་གནོན།]
འདི་ལྟར་བཏང་། ཨོཾ་ཤྲཱི་ཧེ་རུ་མ་ཧཱ་བཛྲ། ཨ་ཀོ་ཊ་ཡ། ཨ་ཀོ་ཊ་ཡ། པྲ་ཝེ་ཤ་ཡ་པྲ་ཝེ་ཤ་ཡ། བྷན་དྷ་ཡ་བྷན་དྷ་ཡ། ཏོ་ཤ་ཡ་ཏོ་ཤ་ཡ། མོ་ཧ་ཡ་མོ་ཧ་ཡ། སརྦ་བཛྲ་ཌཱཀྐི་ནཱི་ནཱཾ། ཧྲྀ་ད་ཡ་ཧཱུྃ་ཧཱུྃ་ཕཊ། ཤྲཱི་ཧེ་རུ་ཀའི་སྔགས་དང་ཕྱག་རྒྱའོ། །སྔགས་དང་ཕྱག་རྒྱ་འདི་རྣམས་ཀྱིས། །ཡང་དག་ཚུལ་བཞིན་སྤྱན་དྲངས་ལ། །དམ་ཚིག་སྔགས་དང་ཕྱག་རྒྱ་འདི། །བརྟུལ་ཞུགས་ཐོད་པའི་ལྷ་མོ་ཡིས། །བསྟན་ནས་ཚུལ་བཞིན་བཞུགས་སུ་གསོལ། །ཌྷི་མ་ཧཱ་ཀྲོ་དྷཱི་ཤྭ་རཱི་ཧཱུྃ་ཕཊ། རྡོ་རྗེ་ལྷ་མོ་ཚོགས་ཀྱི་བདག །ཧེ་རུ་ཀ་ལ་ཕྱག་འཚལ་ལོ། །དེ་ནས་སྔགས་པས་མཆོད་བྱ་བ། །གཟིགས་པ་རྣམ་པ་སྣ་ཚོགས་འགྱུར་བའི་རྒྱས་ཐོབ་ལ། །རྣམ་པ་སྣ་ཚོགས་འོ་བྱེད་འཁྱུད་ནས་མཉེས་མཛད་དེ། །རྣམ་པ་སྣ་ཚོགས་བདེ་བའི་མཆོད་པ་ཀུན་གསོལ་ལ། །རྣམ་པ་སྣ་ཚོགས་བདེ་མཆོག་ངོ་མཚར་བསྟན་དུ་གསོལ། །རྒྱས་བཏབ་རྨོངས་བཅས་བསྣམས་སུ་གསོལ། །བདེ་མཆོག་ངོ་མཚར་བདེ་བར་བཞུགས། །ཧཱུྃ་ཨ་ལ་ལ་ཧོ། རྣལ་འབྱོར་བདེ་མཆོག་སྒྱུ་མར་འཕྲུལ། །དམ་ཚིག་བདག་ལ་འཇུག་ཏུ་གསོལ། །ཉོན་མོངས་ཀུན་ལས་རྒྱལ་བར་མཛོད། །མ་ལུས་པ་དག་བསྣམས་སུ་གསོལ། །ཉོན་མོངས་ཐམས་ཅད་གསལ་བར་མཛོད། །ཅེས་གསུངས་སོ། །དེ་ནས་ཡང་འདི་གསུངས་སོ། །རྒྱལ་བའི་ཆོ་ག་རྫོགས་ནས་ནི། །ལྷག་མ་དག་ལ་འཇུག་པར་བྱ། །དེ་ནས་བཏུང་དང་ཟས་ལ་སོགས། །ཟོས་པའི་ལྷག་མ་ཕུད་བསྲེས་ལ། །ལྷག་མའི་དམ་ལ་གནས་པ་རྣམས། །མཆོད་ཕྱིར་སྔགས་མཁན་བསྒོམ་པ་དང་། །བསྲུང་དང་སྤྱན་དྲང་མཆོད་པ་དང་། །དམ་ཚིག་སྔགས་དང་ཕྱག་རྒྱ་དང་། །བཞུགས་སུ་གསོལ་བའི་ཕྱག་རྒྱ་དག །གོང་ནས་འབྱུང་བ་བཞིན་བྱས་ཏེ། །བརྟུལ་ཞུགས་རྟོགས་པའི་ལྷ་མོ་ཡིས། །འོག་ནས་འབྱུང་བའི་སྔགས་བཟླས་ལ། །ཡང་དག་མཆོད་པ་དབུལ་བར་བྱ། །ཌྷི་བུཌྜྷ་ཌཱཀྐི་ནཱི་པྲ་ཏཱིཙྪ་ ― DNG021_Page_0264 ―
[མ་དཔེ་གཟིགས་ན་འདིར་གནོན།]
མཱཾ་བ་ལིཾ་ཨོཾ་ཕཊ། ཨཱོཾ་བཛྲ་ཌཱཀྐི་ནཱི་པྲ་ཏཱིཙྪ་མཱཾ་དེ་བ་ལིཾ་ཧཱུྃ་ཕཊ། ཨཱོཾ་རཏྣ་ཌཱཀྐི་ནཱི་པྲ་ཏཱིཙྪ་མཱཾ་བ་ལིཾ་ཏྲཾ་ཕཊ། ཌྷི་པདྨ་ཌཱཀྐི་ནཱི་པྲ་ཏཱིཙྪ་མཱཾ་བ་ལིཾ་ཧྲི་ཕཊ། ཨཱོཾ་ཀརྨ་ཌཱཀྐི་ནཱི་པྲ་ཏཱིཙྪ་མཱཾ་བ་ལིཾ་ཨ་ཕཊ། ཌྷི་བཛྲ་ཨེ་ས་ཧུ། བེ་ས་ཧུ། ས་མ་ཡ་བྷཀྵ་ཧུ། རུ་ལུ་རུ་ལུ་ཧཱུྃ་བྷྱོ་ཧཱུྃ། ཛཿཧཱུྃ་བཾ་ཧོཿ། པྲ་ཏཱིཙྪ། རྡོ་རྗེ་བཅིངས་པ་གཉིས་སྦྱར་ཏེ། །རྒྱབ་སྦྱར་མཐེའུ་ཆུང་སྦྲེལ་ཏེ། །མཛུབ་མོ་གཉིས་ནི་བསྒྲེང་ནས་ནི། །བསྡམས་པས་ལས་ནི་ཐམས་ཅད་བྱེད། །བརྐྱང་བསྐུམ་པ་ཡི་ཚུལ་བྱའོ། །ཨཱོཾ་ཌཱཀྐི་ནཱི་ཨཱ་ཀཪྵ་ཡ། པྲ་ཝེ་ཤ་ཡ་པྲ་ཝེ་ཤ་ཡ། བྷན་དྷ་ཡ་བྷན་དྷ་ཡ།མོ་ཧ་ཡ་མོ་ཧ་ཡ་སརྦ་བཛྲ་ཌཱཀྐི་ནཱི་ནཱཾ། ཧྲི་ད་ཡ་ཧཱུྃ་ཛ། ཛཿཧཱུྃ་བཾ་ཧོཿ། ཌཱཀྐི་ནཱི་ཧཱུྃ་ཛཿ། དཔལ་ཌཱཀྐི་ནཱིའི་སྔགས་དང་ཕྱག་རྒྱའོ། །རྡོ་རྗེ་ཐལ་མོ་གཉིས་སྦྱར་ཏེ། །སྦོམ་པོ་གཉིས་ནི་དབུས་སུ་བཟུང་། །ལྷག་མ་འཁོར་ལོའི་ཚུལ་དུ་བྱ། །བདེ་བ་དང་ནི་པདྨའི་བདག །དེ་ཉིད་ལས་ནི་བྱ་བ་ནི། །སྦོམ་པོ་གཉིས་ནི་བཏེགས་བྱས་ཏེ། །བཀུག་པ་དེ་ནི་རྟ་གདོང་ཕྱག་རྒྱ་སྟེ། །དངོས་གྲུབ་ཆེན་པོ་ལ་སོགས་པ། །སྐད་ཅིག་གཅིག་གིས་འགྲུབ་པའོ། །ཨོཾ་བཛྲ་བ་དྲ་བ་མུ་ཁ། ཨཱ་ཀཪྵ་ཡ། ཨཱ་ཀཪྵ་ཡ། པྲ་ཝེ་ཤ་ཡ་པྲ་ཝེ་ཤ་ཡ། བན་དྷ་ཡ། བན་དྷ་ཡ། ཏོ་ཤ་ཡ། ཏོ་ཤ་ཡ། སརྦ་བཛྲ་ཌཱཀྐི་ནཱི་ནཱཾ། ཧྲི་ད་ཡ། ཧ་ཧ། ཧི་ཧི། ཨོཾ་ཨཱཿཧཱུྃ། དཔལ་རྟ་མགྲིན་གྱི་སྔགས་དང་ཕྱག་རྒྱའོ། །རྟ་ཡི་རྒྱལ་པོའི་ས་བོན་ནི། །ཉི་མའི་དཀྱིལ་འཁོར་དབུས་གནས་ཏེ། །མཐེ་བོང་དང་ནི་སྲིན་ལག་གི། །སྔགས་པས་དེ་བསྒོམ་བར་དུ་ཧྲཱྀཿ། །སྔགས་མཁན་ཕྱག་རྒྱ་འདི་བཏབ་ནས། །གཏོར་མ་བདག་ཉིད་བྱིན་བརླབས་ཏེ། །སྔགས་འདི་རྗེས་སུ་བརྗོད་བྱ་ཞིང་། །ཅི་བདེ་བར་ནི་གཤེགས་སུ་གསོལ། །ཨོཾ་ཨཱཿཧཱུྃ་ཨུཙྪིཥྚ་བཛྲ་ཨ་དྷི་ཏིཥྛ་མཱཾ་ཧཱུྃ་ཕཊ། སྔགས་ཀྱི་རྒྱལ་པོ་དེ་རྣམས་ཀྱིས། །མཆོད་པའི་ཆོ་ག་རྫོགས་པར་སྨྲས། །གཏོར་མའི་མཆོད་ ― DNG021_Page_0265 ―
[མ་དཔེ་གཟིགས་ན་འདིར་གནོན།]
པས་ཚིམས་བྱེད་པ། །རྒྱུད་རྣམས་ཀུན་གྱི་རྒྱ་མཚོ་སྟེ། །ཏིལ་མར་ཐིགས་པས་ཀུན་ལ་ཁྱབ། །ཐམས་ཅད་ཀུན་ནས་བསྡུས་པ་འདི། །རྒྱུད་མཆོག་འདི་རུ་ང་ཡིས་སྨྲས། །རྒྱུད་རྣམས་བསྡུས་པའི་མན་ངག་འདི། །རྒྱུད་འདིའི་ནང་དུ་སྨྲས་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། རྒྱུད་ཐམས་ཅད་ཀྱི་གཏོར་མའི་མན་ངག །ལས་ཐམས་ཅད་ཀྱི་རྒྱལ་པོའི་ལེའུ་སྟེ་བཅུ་གཉིས་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་ཕྱག་རྒྱ་ནི། །ཞི་དང་རྒྱས་དང་དབང་དང་དྲག །རྒྱུ་རྣམས་ཀུན་ལ་རབ་གནས་ནི། །གསེར་རམ་སེར་པོའི་ཤིང་རྣམས་སམ། །ཟངས་སམ་དམར་པོའི་ཤིང་རྣམས་དང་། །དངུལ་ལམ་དཀར་པོའི་ཤིང་རྣམས་སམ། །ལྕགས་སམ་ནག་པོའི་ཤིང་རྣམས་ལ། །རབ་གནས་བྱ་ན་ཇི་ལྟར་བྱ། །ཞེས་གསོལ་ཏོ། །བཀའ་སྩལ་པ། རྣལ་འབྱོར་རྟོག་པ་བསལ་བའི་ཕྱིར། །ཁྱོད་ཀྱིས་ཞུས་པ་ང་ཡིས་བཤད། །ལེགས་པར་ཉན་པའི་འཁོར་རྣམས་དང་། །རྣལ་འབྱོར་དཔའ་བོའི་དོན་ཆེད་དུ། །ལུང་བསྟན་ལུང་མ་བསྟན་པ་ཡི། །མཁས་པར་བསླབ་པའི་བཟོ་མཁན་ནི། །ཤེས་རབ་རྣམ་པ་དུ་མར་སྦྱངས། །སྐྱེར་པ་ལོ་མིག་བཅུ་པ་དང་། །ཉལ་པོ་སྦལ་པའི་ཤིང་དག་ལ། །ཕྲིན་ལས་རྣམ་བཞིའི་སྔགས་བཟླས་ཤིང་། །ཕྱོགས་བཞི་རྒྱས་པར་བཞོག་པར་བྱ། །གྲི་ཁ་ལྷོ་བྱང་ཤར་ནུབ་བསྟན། །ཁ་ནི་འཛབ་དང་མི་འབྲལ་བས། །སོར་བརྒྱད་བཅུ་གཉིས་བཅོ་བརྒྱད་དྲུག །སེམས་ཅན་རྣམས་དང་ཚུལ་བསྟུན་ནས། །མཐེབ་གོང་འོག་ཏུ་རྒྱ་མདུད་བྱ། །སོར་བཞི་ལྕུམ་གཞོགས་འོག་མ་ཡང་། །གོང་མ་བཞིན་དུ་ཤེས་པར་བྱ། །དབལ་ནི་ཆུ་སྲིན་ཁ་ནས་དབྱུང་། །ཚིག་བཞི་ཀུན་ལ་སྦྲུལ་གྱིས་བརྒྱན། །རྩེ་མོ་ཟུར་བཞི་དབལ་དང་བཅས། །དེ་བཞིན་ལུགས་མཁན་མཁས་ ― DNG021_Page_0266 ―
[མ་དཔེ་གཟིགས་ན་འདིར་གནོན།]
པས་ཀྱང་། །སྤྲ་ཚིལ་དག་ལ་གཟུགས་བྱས་ལ། །དཀར་པོའི་ཤིང་ལ་ཞི་བའི་གཟུགས། །རྩེ་མོ་གནམ་ལ་བསྟན་ལ་གཞག །ཕྲིན་ལས་སྔགས་ཀྱང་དེ་བཞིན་བཟླས། །ལུགས་མ་ཡང་ནི་དེ་བཞིན་ཏེ། །དེ་བཞིན་དངུལ་ལ་བྱ་བའོ། །མཛོ་མོ་གླང་གལ་དམར་པོའི་ཤིང་། །ཐམས་ཅད་དབང་དུ་བྱ་བའི་ཕྱིར། །གྲི་ཁ་དཔའ་བོའི་ངོས་སུ་བཞོག །ཟངས་སམ་འཇོན་དམར་དེ་བཞིན་ཏེ། །ལུགས་མ་མཁས་པས་དེ་བཞིན་བྱ། །ཤིར་ཤིང་ནག་པོ་ལ་སོགས་པའི། །ནག་པོ་ཚེར་མ་ཅན་གྱི་ཤིང་། །མཁས་པས་གྲི་ཁ་ཕར་བསྟན་ལ། །ས་ལྕགས་གནམ་ལྕགས་ཁྲོ་ཆུ་ལས། །མི་རྟ་མང་པོ་བསད་པ་དང་། །དེ་བཞིན་རང་ཐག་ཕལ་པའི་ལྕགས། །དེ་ནི་མགར་བ་མཁས་པས་བྱ། །གོམས་ཤིང་མཁས་པར་བསླབ་པ་ཡི། །རིགས་བཞི་བཟོ་བོས་དེ་ལྟར་བྱ། །ཞི་བ་ཤར་ལ་དབང་ནི་ནུབ། །རྒྱས་པ་ལྷོ་ལ་དྲག་པོ་བྱང་། །སློབ་དཔོན་སྔགས་མཁན་དེ་བཞིན་ནོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཕུར་པ་རབ་གནས་ཀྱི་ཆོ་གའི་ལེའུ་སྟེ་བཅུ་གསུམ་པའོ།། །།དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་གསོལ་པ། རྣལ་འབྱོར་ཡང་དག་བསམ་གཏན་ལས། །ཡི་དམ་རྒྱུན་དུ་བྱ་བ་དང་། །སྒྲུབ་པ་མཇུག་ཏུ་གདགས་པ་དང་། །སྔགས་ལ་ཡིད་ཆེས་བསྐྱེད་པའི་ཕྱིར། །ཡང་སྙིང་མན་ངག་བཤད་དུ་གསོལ། །བཀའ་སྩལ་པ། ཧོམ་ཁུང་འབྲུབ་ཁུང་ཁ་ཁྱེར་གསུམ་དང་ལྡན། །ཁ་ལ་ཐོད་པ་ཚར་གསུམ་བཏང་། །བང་རིམ་ལ་ནི་རྡོ་རྗེ་སྟེ། །ཕྱི་ལ་མེ་རི་ཡང་དག་བཏང་། །ནང་དུ་འཁོར་ལོ་རྩིབས་བརྒྱད་ནི། །མུ་ཁྱུད་རྡོ་རྗེ་ར་བར་ལྡན། །ལྟེ་བ་ལ་ནི་ཡཾ་དང་རཾ། །དེ་ནས་ཕུར་པ་བྱིན་བརླབས་དབང་བསྐུར་ཏེ། །རྒྱ་མདུད་དང་པོ་ཆོས་ཀྱི་སྐུ། །བར་མ་ལོངས་སྤྱོད་རྫོགས་པའི་སྐུ། །ཟུར་གསུམ་ལོངས་སྤྱོད་རྫོགས་པ་ལ། །སྤྲུལ་ ― DNG021_Page_0267 ―
[མ་དཔེ་གཟིགས་ན་འདིར་གནོན།]
པ་རྡོ་རྗེ་གཞོན་ནུ་བསྒོམ། །དཀྱིལ་འཁོར་ལྷ་རྣམས་རྫོགས་པ་ནི། །ཕུར་པ་དག་ལ་དེ་བཞིན་དགོད། །དེ་ལྟར་ཏིང་ངེ་འཛིན་གྱི་སེམས། །སྤྱན་དྲངས་པ་ཡི་སྔགས་ཀྱིས་ནི། །སྤྱན་དྲངས་སྔགས་ཀྱང་དེ་བཞིན་བརྗོད། །ཌྷི་བཛྲ་ཀཱི་ལི་ཀཱི་ལ་ཡ། ས་མ་ཡ་ཛཿཛཿ། ལྷ་ཚོགས་ཐམས་ཅད་སྤྱན་ཡང་དྲངས། །དྲལ་ཞིང་དབབ་ལ་བརྟན་པར་བཞུགས། །ཇི་ལྟར་ཇི་ལྟར་དེ་བཞིན་བསྡིམ། །བཛྲ་ཀཱི་ལི་ཀཱི་ལ་ཡ་ན་མཿཡཱ་ཧོ། ཕྱག་འཚལ་བའི་ཆོ་གའོ། །བཛྲ་ཀཱི་ལི་ཀཱི་ལ་ཡ་ན་མཿཡ་ཧོ་ཛྙཱ་ཡ་རུ། དེ་ནི་ཡང་དག་བརྗོད་པའོ། །ཌྷི་བཛྲ་ཀཱི་ལི་ཀཱི་ལ་ཡ། མ་ཧཱ་རཀྟ་ཁཱ་ཧི། མ་ཧཱ་པཉྩ་ཨ་མྲྀཏ་ཁཱ་ཧི། མ་ཧཱ་བོ་དྷི་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། སྔགས་ཀྱི་མཆོད་པ་ཡང་དག་སྟེ། །ལྷ་རྣམས་རྩ་བ་རྩ་བ་ལ། །བཏགས་ལ་ལྷ་རྣམས་ཚིམ་པར་བྱས། །རྒྱུན་གྱི་སྔགས་རྣམས་བརྗོད་པ་སྟེ། །ཨཱོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུྃ་ཧཱུྃ་ཕཊ། བདུན་འབུམ་གྲངས་ནི་ཐོན་པར་བྱ། །དེ་ནས་ཡང་སྙིང་རབ་ཏུ་བཟླས། །ཉུང་དཀར་ཉུང་ནག་སྐེ་ཚེ་གསུམ། །ལྕགས་ཕྱེ་ཟངས་ཕྱེ་རྡོ་ཕྱེ་གསུམ། །གུ་གུལ་ཚིལ་ཆེན་སྤྲ་ཚིལ་གསུམ། །དེ་རྣམས་དགུ་ཀའི་སྦྱོར་བ་ཡིས། །གནས་གསུམ་དག་ཏུ་ཤིན་ཏུ་བརྡེག །ཨོཾ་བཛྲ་ཀཱི་ལི་ཀཱི་ལ་ཡ། པ་ར་བིད་དྷྭ་ན། ཡཾ་རཾ་ཙཀྲ་ཆེ་གེ་མོ་མཱ་ར་ཡ་རྦད། བཛྲ་ཀཱི་ལི་ཀཱི་ལ་ཡ། ཆེ་གེ་མོ་མཱ་ར་ཡ་རྦད་ཧཱུཾ་ཕཊ། སེམས་དཔའ་གསུམ་གྱི་སྦྱོར་བ་ཡིས། །འཕྲོ་འདུ་ཡང་ནི་དེ་བཞིན་ནོ། །གཞལ་ཡས་ཁང་ནི་གོང་མ་ཡི། །རྒྱལ་བ་རྣམས་ལ་མཆོད་པ་དབུལ། །བཟའ་བ་རྟ་ལ་བཞོན་ནས་ནི། །དུས་གསུམ་བདེར་གཤེགས་མཆོད་པ་དབུལ། །བྲབ་རྫས་དག་ལ་སྔགས་བཟླས་ལ། །ལུས་ལ་བརྒྱབ་པས་རྩ་ལ་ཕོག །རྐྱང་མ་རོ་མ་ཀུན་འདར་མ། །སྲོག་རྩ་ཆེན་པོ་གསུམ་ཡིན་པས། །བྱང་ཆུབ་སེམས་ནི་སྐམ་པའི་ཕྱིར། །སེམས་ནི་རྟེན་དང་དབྲལ་བར་བྱའོ། །འཁོར་ལོས་ཡན་ལག་གཅོད་པ་དང་། །མུ་ཁྱུད་ཀྱིས་ནི་ ― DNG021_Page_0268 ―
[མ་དཔེ་གཟིགས་ན་འདིར་གནོན།]
སྡོམ་པ་དང་། །ཡཾ་དང་རཾ་གྱིས་བསྐམས་ཤིང་བསྲེག །གང་གིས་བྲབ་པའི་རྫས་རྣམས་ལ། །ཡང་སྙིང་བཟླས་ཤིང་གདབ་པར་བྱ། །ཕུར་པ་དབང་དང་ལྡན་པའི་ཕྱིར། །ཡང་ནས་ཡང་དུ་བདུག་པར་བྱ། །དེ་ནི་བསྒྲུབ་པའི་འཇུག་པའོ། །སྔགས་མཁན་བརྟན་པར་བྱ་བའི་ཕྱིར། །ཡི་གེ་བཏུ་བའི་ལས་རྣམས་ཀྱང་། །རྣམ་པར་སྣང་མཛད་ལ་སོགས་ཏེ། །རྡོ་རྗེ་ཅན་དང་མཚམས་སྦྱར་ནས། །དབྱངས་དང་གསལ་བའི་ཡི་གེ་ལ། །ཡང་སྙིང་གསལ་བར་གསལ་བར་བྱ། །དེ་བཞིན་གཤེགས་པའི་དགོངས་པ་ཡིས། །མཐའ་ཡས་མཆོག་གི་ཡི་གེ་རྣམས། །བཏུས་པས་སྔགས་མཁན་དག་པར་འགྱུར། །རྒྱུད་རྣམས་ཀུན་གྱི་སྔགས་རྣམས་ཀུན། །སྔགས་མཁན་མཁས་པས་བཏུ་བར་བྱ། །ཤད་དང་ཚེག་བར་མ་ནོར་བར། །གཡལ་དང་སྦྲིད་པས་བར་མ་བཅད། །གཉིད་ཆད་ལེ་ལོ་སྤངས་ལ་བྱ། །ཡང་དག་དོན་གྱི་བཟླས་པ་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཕུར་པའི་ཡང་སྙིང་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་གསང་བའི་བདག་པོས་ཀཱི་ལ་ཡ་ལ་གསོལ་པ། བཅོམ་ལྡན་འདས་དོན་ཐམས་ཅད་འགྲུབ་པར་བྱ་བའི་ཕྱིར། ཆོས་ཐམས་ཅད་ཀྱི་རྩ་བ་བཤད་དུ་གསོལ། བདེ་བར་གཤེགས་པས་བཤད་དུ་གསོལ། ཅེས་གསོལ་པས། བཅོམ་ལྡན་འདས་ཉིད་བདེ་བ་ཆེན་པོའི་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་མི་གཡོ་བའི་སྐུར་བཞེངས་ནས་བཀའ་སྩལ་པ། ཆོས་སུ་སྣང་བའི་དངོས་པོ་ཀུན། །ཡེ་ནས་སྣང་བ་མ་ཡིན་ཏེ། །ལས་དང་བསམ་པའི་དབང་གིས་ན། །དངོས་པོ་གཅིག་ལ་སོ་སོར་མཐོང་། །གཞི་རྩ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །ཐམས་ཅད་མེད་མཐོང་མེད་མཐོང་བ། །མཐོང་བ་ ― DNG021_Page_0269 ―
[མ་དཔེ་གཟིགས་ན་འདིར་གནོན།]
མེད་ན་མཐོང་བ་ཡིན། །ཁ་དོག་དབྱིབས་དང་རིང་ཐུང་དང་། །ཐ་སྙད་བརྗོད་པ་ཀུན་དང་བྲལ། །བྲལ་བ་ཡང་དག་ལམ་གྱི་མཆོག །དེ་ནི་སངས་རྒྱས་དངོས་པོ་ཡིན། །སྔགས་དང་ཕྱག་རྒྱ་བྱ་བ་མེད། །དངོས་པོ་ཀུན་ནས་བསམ་པ་ཡིན། །བསམ་དུ་མེད་པའི་སེམས་ཀྱང་ཡིན། །དེ་ནི་རྩ་བ་སེམས་ཀྱི་མཆོག །ཚིག་དང་ཡི་གེ་དཔེ་ལས་འདས། །ཕྱི་ཡི་དངོས་པོ་ཡང་དག་ཡིན། །ནམ་མཁའ་བཞིན་དུ་དང་བར་མཐོང་། །དེ་ནི་དངོས་གཞི་ཡང་དག་ཡིན། །བྱམས་དང་སྙིང་རྗེ་རྩ་བ་མེད། །བསྡུ་བའི་དངོས་པོ་གཞག་ཏུ་མེད། །མཚན་དང་དཔེ་བྱད་བལྟ་རུ་མེད། །མཆོད་དང་བསྟོད་པ་བཤགས་སུ་མེད། །བསྒོམ་པར་བྱ་བ་བསྒོམ་དུ་མེད། །སྒོམ་པ་དམིགས་སུ་མེད་པའོ། །དེས་ན་དངོས་པོ་དངོས་མེད་པར། །བསྒོམ་པ་ཐམས་ཅད་བསྒོམ་དུ་མེད། །སངས་རྒྱས་བྱ་བ་བརྗོད་དུ་མེད། །དེ་བཞིན་ནམ་མཁའ་མཚོན་པའི་དཔེ། །ནམ་མཁའ་ལ་ཡང་ནམ་མཁའ་མེད། །ནམ་མཁའ་གཞལ་དུ་མེད་པ་ལ། །ཆོས་ཉིད་དཔེ་རུ་གཞག་ཏུ་མེད། །བསམ་པའི་དངོས་པོ་ཀུན་ལས་འདས། །བརྗོད་པའི་ཐ་སྙད་ཀུན་ལས་འདས། །རྫས་དང་དཀྱིལ་འཁོར་ཚིག་ལས་འདས། །དམ་ཚིག་བསྙེན་བ་བསྒྲུབ་ལས་འདས། །གཞལ་ཡས་གཞལ་དུ་མེད་པར་འདས། །ལྷ་ཚོགས་དཀྱིལ་འཁོར་མཐའ་ལས་འདས། །བརྗོད་པའི་ཐ་སྙད་དཔེ་ལས་འདས། །ཐམས་ཅད་ཐམས་ཅད་ཀུན་ལས་འདས། །བྱང་ཆུབ་སེམས་ནི་རང་བཞིན་འདས། །ཕུང་པོ་ཁམས་དང་སྐྱེ་མཆེད་འདས། །སེམས་དང་སེམས་སུ་སྣང་ལས་འདས། །ཆོས་དང་ཆོས་སུ་སྣང་ལས་འདས། །སྟོང་པ་ཉིད་ནི་སྟོང་ལས་འདས། །དེ་བཞིན་ཉིད་ཀྱང་མཐའ་ལས་འདས། །ཆོས་ཀྱི་དབྱིངས་ལས་འདས་པ་ཡང་། །བསམ་དུ་མེད་པའི་ངང་དུ་འདས། །ཡུལ་དང་ཡུལ་ཅན་གཉིས་སུ་མེད། །ཆོས་དང་ཆོས་ཅན་གཉིས་སུ་མེད། །ཚོར་བ་རིག་ཤེས་གཉིས་སུ་མེད། །ཟླ་བ་ཆུ་ཟླ་གཉིས་སུ་མེད། ། ― DNG021_Page_0270 ―
[མ་དཔེ་གཟིགས་ན་འདིར་གནོན།]
བྱ་དང་སྒོ་ང་གཉིས་སུ་མེད། །མཚམས་དང་བསྲུང་བ་གཉིས་སུ་མེད། །ཟུང་དང་ཟུང་དུ་འཇུག་པ་མེད། །ཉིན་མོ་མཚན་མོ་གཉིས་སུ་མེད། །སྐྱེས་པ་བུད་མེད་གཉིས་སུ་མེད། །གཡས་དང་གཡོན་པ་གཉིས་སུ་མེད། །ཐབས་དང་ཤེས་རབ་གཉིས་སུ་མེད། །མེ་དང་དུ་བ་གཉིས་སུ་མེད། །ཀུན་རྫོབ་དོན་དམ་གཉིས་སུ་མེད། །ཅེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཆོས་ཐམས་ཅད་རང་བཞིན་གྱི་ལྟ་བ་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་གསོལ་པ། ཀྱེ་ཀྱེ་སངས་རྒྱས་ས་རུ་མངོན་ནས་གསུངས། །གསུངས་པའི་དོན་དེ་ཇི་ལྟར་ལགས། །ལམ་དང་ས་ལ་བརྟེན་པའི་ཕྱིར། །གང་ཟག་དབང་པོ་རབ་འབྲིང་གི། །ཕན་ཚུན་ནུས་པའི་དབང་རྣམས་ཤོད། །ཅེས་གསོལ་ཏོ། །སྨིན་པའི་ལམ་དུ་བསྟེན་པ་ལ། །ཕན་དང་ནུས་པ་ངས་བཤད་ཀྱིས། །ཉན་པ་པོ་ཡི་བློ་ལ་རྟོགས། །དང་པོ་ཤེས་རབ་རྣམ་པ་གསུམ། །མཁས་ཤིང་མང་པོར་སྦྱངས་པ་ཡིས། །ཐེག་པ་ཕྱོགས་ནི་མེད་པ་ལ། །སྤྱི་དང་རང་གི་མཚན་ཉིད་ཤེས། །སྔགས་མཁན་མཁས་པ་དེ་ཡིས་ནི། །དང་པོ་ས་ཡི་ལས་རྣམས་བྱ། །ཕྱི་ནང་གཉིས་ཀྱི་ས་སྦྱངས་ལ། །ས་ལ་སྟེགས་བུ་བརྩིག་པར་བྱ། །དཀྱིལ་འཁོར་ཆ་ནི་མཉམ་པ་ལ། །ཐིག་བཞི་བཏབ་པས་ལེའུ་ཚེ་དགུ། །ལེའུ་ཚེ་རེ་རེ་བསྐོར་བར་བྱ། །ཕྱོགས་བཞིར་ཕྱག་རྒྱ་མ་ནོར་བཞག །རྡོ་རྗེ་དང་ནི་འཁོར་ལོ་དང་། །རིན་པོ་ཆེ་དང་པདྨ་དང་། །ལས་ཀྱི་ཕྱོགས་སུ་རྒྱ་གྲམ་བཞག །ཚོན་གྱི་ཁ་དོག་ཕྱོགས་དང་བསྟུན། །བུམ་པ་བཟང་པོ་ལྔ་རྣམས་སུ། །རིན་པོ་ཆེ་ལ་བྱ་བར་བཤད། །དཀར་པོ་དང་ནི་སེར་པོ་དང་། །དམར་པོ་སྔོན་པོ་དེ་བཞིན་ལྗང་། །བུམ་པ་ཁ་དོག་ངེས་པར་བྱ། །ཁ་ཚར་མ་ཉམས་རས་དག་ལ། །སྔགས་ཀྱི་རྒྱལ་པོས་གདབ་པར་བྱ། །ཏཱ་ལ་རྒྱ་ ― DNG021_Page_0271 ―
[མ་དཔེ་གཟིགས་ན་འདིར་གནོན།]
ཤུག་དཀར་པོ་ཡིས། །ཁ་རྒྱན་ཡང་ནི་བྱ་བའོ། །ཡབ་དང་ཡུམ་དང་ཤེས་རབ་ཐབས། །སྦྱོར་མཚམས་བྱང་ཆུབ་སེམས་ཀྱིས་ནི། །བུམ་པའི་ནང་དུ་བྱང་ཆུབ་སེམས། །གང་ལ་གང་བས་དགང་བར་བྱ། །ཏིང་འཛིན་དཀྱིལ་འཁོར་བསྐྱེད་པར་བྱ། །རང་བཞིན་དཀྱིལ་འཁོར་སྤྱན་ཡང་དྲངས། །ཡེ་ཤེས་བདུད་རྩི་ཆུ་རྒྱུན་དབབ། །སོ་སོའི་ལས་དང་མཚན་མའོ། །སྟེགས་བུ་སྟེགས་བུ་བཤམ་པར་བྱ། །ལྷ་རྣམས་ངོ་བསྟན་དམ་ཚིག་བསྒྲག །ལྟས་དང་རྨི་ལམ་བལྟ་རུ་གཞུག །ངག་གི་ཉེས་པ་བསལ་བའི་ཕྱིར། །སོ་ཤིང་བྱིན་ལ་སོ་རྩ་བྲུད། །ཕྲིན་ལས་བཞི་ཡི་དངོས་གྲུབ་བརྟགས། །སྲུང་བའི་ལྷ་མོས་བྱིན་བརླབས་པའི། །བསྲུང་སྐུད་དཔུང་པ་གཡས་གཡོན་གདགས། །སྣོད་དུ་རུང་དང་མི་རུང་བ། །བརྟགས་ཤིང་བསྡམས་ཤིང་སྦྱིན་པར་བྱའོ། །ལུས་ཀྱི་ཉེས་པ་བསལ་བའི་ཕྱིར། །བུམ་པ་གང་བ་སོ་སོའི་དབང་། །མིང་དང་བུམ་པ་ཕྲེང་བ་དང་། །ཅོད་པན་དྲིལ་བུ་རྡོ་རྗེའི་དབང་། །མེ་ཏོག་རྣམས་ནི་ཕན་པའི་དབང་དུ་འདོད། །བྷན་དྷ་ཕུར་པ་ལ་སོགས་ཇི་སྙེད་པ། །རྡོ་རྗེ་རྒྱལ་པོའི་དབང་ནི་ཡིན་པར་འདོད། །དེ་ལྟར་སྔགས་མཁན་རྒྱལ་པོ་མཁས་པ་ཡིས། །ངག་གི་དབང་གི་རྫས་རྣམས་བརྟེན་པར་འདོད། །ཕྱག་རྒྱ་ཡུམ་མཆོག་པདྨའི་སྣོད་ཆེན་དེ། །རྒྱལ་རིགས་རྗེའུ་རིགས་བྲམ་ཟེའི་རིགས་དང་ནི། །གལ་ཏེ་གདོལ་པའི་བུ་མོ་གྲགས་མོ་རྒྱལ། །རྡོ་རྗེ་བེའུ་ལྟར་གཞིབས་ཏེ་ལུས་ནི་གདན་དུ་བྱ། །དེ་བཞིན་གསང་བའི་དབང་ནི་སྦྱིན་པར་བྱ། །བསམ་གཏན་དངོས་པོ་སྒྲུབ་པའི་ཕྱིར། །ཤེས་རབ་མ་ཡི་དབང་ཡང་སྦྱིན། །རྡོ་རྗེ་རིགས་དང་པདྨའི་རིགས། །ལས་ཀྱི་རིགས་དང་རིན་ཆེན་རིགས། །དེ་བཞིན་གཤེགས་པའི་རིགས་རྣམས་ཀྱིས། །བུ་མོ་བཅུ་གཉིས་བཅོ་ལྔ་དང་། །ཉི་ཤུ་རྩ་གཉིས་སུམ་ཅུ་ལྔ། །ཡང་ན་རྩ་ལྔ་བཅུ་དྲུག་གོ། །མང་པོར་ཐོས་ལ་དད་པ་ཡོད། །ཐེག་པའི་སྒོ་ཡང་མང་དུ་ཤེས། །པདྨ་ཅན་གྱི་ ― DNG021_Page_0272 ―
[མ་དཔེ་གཟིགས་ན་འདིར་གནོན།]
བུ་མོ་དེ། །ལུས་ལ་བདེ་བ་ཇི་སྙེད་པ། །དགའ་བ་བཞི་དང་རབ་ཏུ་ལྡན། །བདེ་བ་འཛིན་པ་ཤིན་ཏུ་མཁས། །པདྨ་ཁྭ་ཡི་གདོང་བ་ལ། །བྱང་ཆུབ་སེམས་ནི་ཐིག་ལེར་གནས། །དང་པོར་གནས་པའི་མན་ངག་འདི། །བྱང་ཆུབ་ལམ་དུ་བདེ་བར་འགྲོ། །དེ་ལྟར་གོམས་ཤིང་རེག་པ་ནི། །བཞི་པའི་དབང་ཉིད་ཡིན་པར་འདོད། །ལམ་བགྲོད་པ་ཡི་རིམ་པའོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ། འཇིག་རྟེན་སྣང་བྱེད་ལས། ལམ་གྱི་དབང་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་ཡང་གསང་བའི་བདག་པོས་གསོལ་པ། ཀྱེ་བཅོམ་ལྡན་འདས། དྲག་པོ་སྙིང་གཟེར་གདབ་པའི་ཕྱིར། །ཕུར་པའི་མདའ་ཟམ་ཇི་ལྟར་གདགས། །ཞེས་གསོལ་པས། ཀཱི་ལ་ཡ་དེ་དྲག་པོ་འདུལ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འབར་བ་ཆེན་པོའི་སྐུ་ཁྲོ་བོ་ཆེན་པོ་རྒྱན་དང་ལྡན་པར་བཞེངས་ནས། བཀའ་སྩལ་པ། བུམ་པའི་ཧཱུྃ་ལས་ཧཱུྃ་བརྒྱུད་དེ། །ཧཱུྃ་ལས་ཧཱུྃ་བརྒྱུད་དེ་བཞིན་ཧཱུྃ། །སྨུག་པོ་གུར་འདྲ་ཡེ་ཤེས་སེམས། །ཀཱི་ལ་ཡ་ཡི་བཟླས་པ་ལ། །མ་རཱ་ཡ་ཡི་ལས་ཀྱི་སྔགས། །གཅིག་ལ་གཅིག་བརྒྱུད་མདའ་ཟམ་གདགས། །ཕར་འཕྲོས་པས་ནི་གཟས་པ་བསྒྲལ། །ཚུར་འདུས་བདུན་ཚོ་གསུམ་ལ་འདུས། །དབང་བསྐུར་བྱིན་རླབས་ལྷག་པར་བཟང་། །དཀར་ནག་མཚམས་སུ་ཐལ་ཕྱུང་སྟེ། །སྐུ་གསུང་ཐུགས་སུ་གཟི་མདངས་བསྐྱེད། །བསྙེན་པ་དུས་ཀྱི་དྲག་པོའོ། །བསྙེན་པ་དང་ནི་ཉེ་བསྙེན་པོ། །བསྒྲུབ་པ་དང་ནི་བསྒྲུབ་ཆེན་པོ། །དུས་བཞི་དུས་སུ་བཟླས་པ་ནི། །ཇི་བཞིན་པ་ཡི་བཟླས་པ་ཡི། །ཡང་གཅིག་བསྙེན་པ་རབ་ཏུ་བྱ། །མེ་ཏོག་ཚོམ་བུ་རབ་ཏུ་དགྲམ། །སྦམས་པའི་ཕུར་བུ་རབ་ཏུ་དགོད། །ཏིང་འཛིན་དཀྱིལ་འཁོར་བསྒོམ་པར་བྱ། །རང་བཞིན་དཀྱིལ་འཁོར་སྤྱན་ཡང་དྲངས། །སྤྱན་དྲང་བཞུགས་ ― DNG021_Page_0273 ―
[མ་དཔེ་གཟིགས་ན་འདིར་གནོན།]
དང་མཆོད་པ་དང་། །བསྟོད་ཅིང་གཤེགས་ལ་ཕྲིན་ལས་རྣམས། །བསྙེན་པའི་དུས་ཀྱི་དཀྱིལ་འཁོར་ལ། །སྔགས་མཁན་གྱིས་ནི་ནན་ཏན་བྱ། །དེ་ནས་བསྙེན་པ་བསྡུ་བྱས་ཏེ། །ཇི་བཞིན་པ་ཡི་སྤྱོད་པ་བྱའོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ། འཇིག་རྟེན་སྣང་བྱེད་ལས། སྲས་མཆོག་གི་འཛབ་ཀྱི་ལེའུ་སྟེ་བཅུ་བདུན་པའོ།། །།དེ་ནས་ཡང་སྙིང་པོ་ལྷ་སྔགས་ཀྱི་རིམ་པ་ཞུས་པ། ཀྱེ་བཅོམ་ལྡན་འདས། དཀྱིལ་འཁོར་ལ་ནི་དཀྱིལ་འཁོར་ཏེ། །དཀྱིལ་འཁོར་དམ་པ་བཤད་དུ་གསོལ། །ཞེས་པས་བཅོམ་ལྡན་འདས་ཆོ་འཕྲུལ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ། དཀྱིལ་འཁོར་མངོན་པར་སྤྲུལ་པ་འདི་གསུངས་སོ། །ཧཱུྃ་ཧཱུྃ། ཌྷི་བཛྲ་ཀྲོ་དྷ་ཧཱུྃ་ཀཱ་ར། བཛྲ་དྷཱ་ཏུ་དཱི་པ་ཡ་ཏི་ཧཱུྃ་ཧཱུྃ་ཧཱུྃ། ཌྷི་བཛྲ་ཀྲོ་དྷ་བི་ཛ་ཡ་ཧཱུྃ་བཛྲ་དྷཱ་ཏུ་ལཱ་སྱེ་ཀི་ཧཱུྃ་ཧཱུྃ་ཧཱུྃ། ཌྷི་བཛྲ་ཀྲོ་དྷ་ནཱི་ལ་དཎྜ་ཧཱུྃ། བཛྲ་དྷཱ་ཏུ་ཏ་ན་པ་ཏ་ཧཱུྃ་ཧཱུྃ་ཧཱུྃ། ཌྷི་བཛྲ་ཀྲོ་དྷ་ཡ་མཱནྟ་ཀ་ཧཱུྃ། བཛྲ་དྷཱ་ཏུ་ཤྨ་ཤཱ་ན་པ་ཏི་ཧཱུྃ་ཧཱུྃ་ཧཱུྃ། ཌྷི་བཛྲ་ཀྲོ་དྷཱ་ཨཱརྱ་ཨ་ཙ་ལ་ཧཱུྃ། བཛྲ་དྷཱ་ཏུ་མུ་སཱ་ལཱི་ཧཱུྃ་ཧཱུྃ་ཧཱུྃ། ཌྷི་བཛྲ་ཀྲོ་དྷ་ཧ་ཡ་གྲཱི་ཝ་ཧཱུྃ། བཛྲ་དྷཱ་ཏུ་ཙཎྜ་ལཱི་ཧཱུྃ་ཧཱུྃ་ཧཱུྃ། ཌྷི་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ། བཛྲ་དྷཱ་ཏུ་ཤ་བྱ་ཏི་ཧཱུཾ་ཧཱུཾ་ཧཱུྃ། ཌྷི་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ། བཛྲ་དྷཱ་ཏུ་ས་མི་ཏ་ཧཱུྃ་ཧཱུྃ་ཧཱུྃ། ཌྷི་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུྃ། བཛྲ་དྷཱ་ཏུ་མ་ར་ཎི་ཧཱུྃ་ཧཱུྃ་ཧཱུྃ། ཨཱོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། བཛྲ་དྷཱ་ཏུ་ཙུནྡ་ཡ་ཏི་ཧཱུྃ་ཧཱུྃ་ཧཱུྃ། ཌྷི་ཨཾ་ཧཱུྃ་ས་མ་ཡ་ཧོ། ས་མ་ཡ་སྟྭཾ། ར་ཧོ་ཧཾ། ར་ག་ཡཱ་མི། བཛྲ་ཨངྐུ་ཤ་ཛཿ། བཛྲ་པཱ་ཤ་ཧཱུྃ། བཛྲ་སྥོ་ཊ་བཾ། བཛྲ་གྷཎྜ་ཧོཿ། པདྨ་ཡོ་གི་ནཱི། པྲ་ཝེ་ཤ་ཡ་ཕཊ། ཌྷི་ཌྷི་ཌྷི། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སྥ་ར་ཎ་ཕཊ། ཛྷ་ཛ། ཛྷ་ཛ། ཛྷ་ཛ། ཛྷ་ཛ། ཛྷ་ཛ། ཛྷ་ཛ། ཛྷ་ཛ། ཛྷ་ཛ། ཛྷ་ཛ། ཛྷ་ཛ། བཛྲ་སཱུ་ཀ་ར་མུ་ཁ་ཧཱུྃ། བཛྲ་ཨི་ཥུ་ས་མུ་ཁཱི་ཧཱུྃ། བཛྲ་བྱཱ་གྷྲ་མུ་ཁ་ཧཱུྃ། བཛྲ་གྲཱྀ་ཌྷ་མུ་ཁཱི་ཧཱུྃ། བཛྲ་ཙ་མ་ར་མུ་ཁ་ཧཱུྃ། བཛྲ་ཀཱ་ཀ་མུ་ཁཱི་ཧཱུྃ། བཛྲ་ ― DNG021_Page_0274 ―
[མ་དཔེ་གཟིགས་ན་འདིར་གནོན།]
ཧ་རི་ཎ་མུ་ཁ་ཧཱུཾ། བཛྲ་ཨུ་ལཱུ་ཀ་མུ་ཁཱི་ཧཱུྃ། བཛྲ་དི་བཱི་མུ་ཁ་ཧཱུྃ། བཛྲ་པྲེ་ཏ་མུ་ཁཱི་ཧཱུྃ། བཛྲ་བི་ཌ་ལ་མུ་ཁ་ཧཱུྃ། བཛྲ་བཀྵ་ཏི་མུ་ཁཱི་ཧཱུྃ། བཛྲ་ཤྭ་ན་མུ་ཁ་ཧཱུྃ། བཛྲ་པ་ཏྲི་མུ་ཁཱི་ཧཱུྃ། བཛྲ་སིངྷ་མུ་ཁ་ཧཱུྃ། བཛྲ་ཏི་ཏཱི་ལ་མུ་ཁཱི་ཧཱུཾ། བཛྲ་ཏིཀྵ་མུ་ཁ་ཧཱུྃ། བཛྲ་ན་གུ་ལ་མུ་ཁཱི་ཧཱུྃ། བཛྲ་ཏཀྵུ་མུ་ཁ་ཧཱུྃ། བཛྲ་ཀ་མི་ཀི་མུ་ཁཱི་ཧཱུྃ། ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ་ཧ་ཧ་ཧ། ཧེ་ཧེ་ཧེ་ཧེ་ཧེ་ཧེ་ཧེ་ཧེ། ཨེ་ཝཾ་མ་ཡ། བྷྱོ་བྷྱོ་བྷྱོ་བྷྱོ། ཛཿཧཱུྃ་བཾ་ཧོཿ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། ཌྷི་ཨཱཿཧཱུྃ། ཨཱོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཌྷི་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་སརྦ་ཏ་ཐཱ་ག་ཏ་ག་ར་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཌྷི་སརྦ་ཏ་ཐཱ་ག་ཏ་རཏྣ་མུ་ཀུ་ཏྲ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་སརྦ་ཏ་ཐཱ་ག་ཏ་ཀརྨ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཛ་ཛཿ། སྥ་ར་ཎ་ཕཊ། ཛཿཧཱུྃ་བཾ་ཧོཿ། བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾན་པཾ་ཧཱུྃ་ཕཊ། དཱིཔྟ་ཙཀྲ་ཌྷི་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨཱ་གཙྪ་ཡ་ཨཱ་གཙྪ་ཡ། པྲ་ཝེ་ཤ་ཡ་པྲ་ཝེ་ཤ་ཡ། བནྡྷ་ཡ་བནྡྷ་ཡ། ཏོ་ཤ་ཡ། ཏོ་ཤ་ཡ། བཛྲ་ཌཱཀྐི་ནཱི་ཧྲི་ད་ཡ་ཧཱུྃ་ཧཱུྃ་ཕཊ་ཕཊ། ཌྷི་བཛྲ་ཀཱི་ལི་ཀཱི་ལ་ཡ། མ་ཧཱ་བཛྲ་སརྦ་དུཥྚཾ་ས་མ་ཡ་མུ་དྲ་པྲ་ཝེ་ཤ་པྲ་བྷཉྩ་ཀྲ་ཧཱུཾ་ཕཊ། ཛཿཧཱུྃ་བཾ་ཧོཿ། ཨེ་ཧྱེ་ཧི་བྷ་ག་བཱན་ཛཿཧཱུྃ་བཾ་ཧོཿ། ཌྷི་ཀཱི་ལི་ཀཱི་ལ་ཡ་དཱིཔྟ་ཙཀྲ་ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུྃ། དྲྀ་ཤྱ་ཏོ། ས་མ་ཡ་ཧཱུྃ། ས་མ་ཡ་སྟྭཾ། ཨེ་ཨ་ར་ལླི། ཧྲིང་ཧྲིང་ཧྲིང་། སྤྱན་དྲང་བའི་སྔགས་སོ། །དེ་ཉིད་ལས་རྡོ་རྗེ་ཐལ་མོ་བསྣོལ་ཏེ་སྤྱན་དྲང་བར་བྱའོ། །ཛཿཧཱུྃ་བཾ་ཧོཿ། བཛྲ་ཀཱི་ལི་ཀཱི་ལ་ཡ། དཱིཔྟ་ཙཀྲ་ཨཱ་ཝེ་ཤ་ཨ་ཨ་ཨ། ཞེས་བསྡིམ་པར་བྱའོ། །དེ་ཉིད་ལས་རྡོ་རྗེ་ཐལ་མོ་སྦྱར་ནས་བཅིངས་ཏེ། ཛཿཧཱུྃ་བཾ་ཧོཿ། བཛྲ་ཀཱི་ལི་ཀཱི་ལ་ཡ། དཱིཔྟ་ཙཀྲ་ཀཱ་ཡ་ཝཱཀྐ་ཙིཏྟ་ས་མ་ཡ་ཏིཥྛ་བཛྲ་ལྷན། དེ་ཉིད་ལས་དམ་ཚིག་དབང་གི་ཕྱག་རྒྱ་བཅས་ལ། རྡོ་རྗེ་ཐལ་མོ་ ― DNG021_Page_0275 ―
[མ་དཔེ་གཟིགས་ན་འདིར་གནོན།]
བུམ་པ་ལྟར་བྱས་ལ། ས་མ་ཡ་ཨ་བྷི་ཥིཉྩ་མཱཾ། ཞེས་དབང་བསྐུར་རོ། །ཧཱུྃ་ས་མ་ཡ་ཧཱུྃ། དམ་བཅའ་བའོ། །དེ་ཉིད་རྡོ་རྗེ་ཐལ་མོ་རྒྱབ་ཏུ་སྦྱར་ནས། མཐེའུ་ཆུང་གཉིས་ལུ་གུ་རྒྱུད་དུ་བྱས་ལ། མཛུབ་མོ་གཉིས་མཆེ་བ་ལྟར་བྱས་ལ། ཌྷི་བཛྲ་ཀཱི་ལི་ཀཱི་ལ་ཡ། བཛྲ་ས་མ་ཡ་དཾཥྚ་ཨ་ཝ་སྟཾ་བྷ་ཀ་ཡ་ཧཱུྃ་ཕཊ། དེ་ཉིད་ལས་རྡོ་རྗེ་ཐལ་མོ་སོ་སོར་བསྣོལ་ཏེ། ཨཱོཾ་བཛྲ་ཨངྐུ་ཤ་དྲྀ་ཤ་ས་མ་ཡ་སྟྭཾ། བཛྲ་ཨ་གུ་ཧྱ། ས་མ་ཡ་ཕཊ། གདན་ལ་བོར་བའོ། །དེ་ཉིད་ལས་རྡོ་རྗེ་ཐལ་མོ་གཤོག་པ་ལྟར་བྱས་ལ། ཛཿཧཱུྃ་བཾ་ཧོཿ། བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུྃ་ཕཊ། དཱིཔྟ་ཙཀྲ་བན་དྷ་ཡ་བན་དྷ་ཡ། ཏོ་ཤ་ཡ་ཏོ་ཤ་ཡ། བི་དྷཱན་ས་ཡ་བི་དྷཱན་ས་ཡ། ཨེ་ཧྱེ་ཧི། བྷ་ག་ཝཱན་བུཌྜྷ་ཀྵེ་ཏྲི་སྟྭཾ་བྷ་ཀ་ཡ་ཧཱུྃ་ཕཊ། ཞེས་གཟིར་བར་བྱའོ། །དེ་ཉིད་ལས་རྡོ་རྗེ་ཐལ་མོ་སྙིང་གར་བཞག་ལ། ཨོཾ་བུཌྜྷ་ཤྲཱི་ཧེ་རུ་ཀ་བུཌྜྷ་ཀྲོ་དྷཱི་ཤྭ་རཱི་སྟྭཾ། ཨཱོཾ་བཛྲ་ཨ་མུ་ཀ་ཤྭ་ར་ཡ་ན་མཿ། ཨོཾ་བཛྲ་ཤྲཱི་རཱ་ག་ས་མ་ཡཱ་ཡ་ན་མཿ། ཨོཾ་ཤྲཱི་བཛྲ་ཁ་ཊྭཱྃ་ག་པྲ་ཛྭ་ལ་ཡཱ་ཡ་ན་མཿ། ཨོཾ་བཛྲ་གྷཎྜ་པྲ་ཙ་ལ་ཡཱ་ཡ་ན་མཿ། ཨ་ཏི་པུ་ཧོ། པྲ་ཏཱིཙྪ་ཧོ། ཏ་ཐཱ་ག་ཏ་བནྡ་ནཾ་ཀ་རོ་ཡཱ་མི། དེ་བཞིན་གཤེགས་པ་ཐམས་ཅད་ཀྱི་དགོངས་པ། འཇིག་རྟེན་སྣང་བྱེད་ལས། སྙིང་པོ་སྔགས་ཀྱི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་གསང་བའི་བདག་པོས་གསོལ་པ། བཅོམ་ལྡན་འདས་གང་ཟག་བསམ་པའི་དབང་གིས་ན། ཐེབས་དང་བཟློག་པའི་མཚན་ཉིད་གང་། །བཅོམ་ལྡན་འདས་ཀྱིས་བཤད་དུ་གསོལ། །ཅེས་གསོལ་པས། བཅོམ་ལྡན་འདས་ཀྱིས་གདེང་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་བཀའ་སྩལ་པ། མ་རུངས་པ་ལ་ཕུར་པ་གདབ་པ་དང་། ཐོད་པ་ལ་སོགས་གནན་པ་དང་། ཟོར་ཁ་འཕང་བའི་དུས་ངས་བཤད་པར་བྱའོ། །དེ་བཞིན་དུ་ཟླ་བ་བཅུ་གཉིས་ལོ་གཅིག་ལ་དབང་ཕྱུག་ཆེན་པོ་ ― DNG021_Page_0276 ―
[མ་དཔེ་གཟིགས་ན་འདིར་གནོན།]
སྒྱེད་གདོང་ནག་པོ་དང་ལྷ་མོ་ཨུ་མ་དྷི་ཝཱི་གཉིས་ཟླ་བ་དེ་ཡི་བཅུ་གཉིས་ལ་སྐྱེ་འགྲོ་སྲང་ལ་འདེབས་ཤིང་ཉུལ་བའི་དུས། བྱས་ན་དྲག་པོའི་ལས་རྣམས་ཐེབས་པའི་དུས། དེ་ཡང་དཔྱིད་ཟླ་ར་བའི་ཚེས་བཅུ་གཉིས་ལ། འཁོར་བརྟན་མ་རྣམས་དང་བཅས་ནས་ཉུལ་ཏེ། དུས་དེར་དྲག་པོའི་ལས་གང་བྱས་ཀྱང་ཐེབས་སོ། །དེ་བཞིན་དུ་འབྲིང་པོའི་བཅུ་དྲུག་ལ། འཁོར་བདུད་བཞི་དང་བཅས་པས་ཉུལ་བས་ཐེབས་སོ། །དེ་བཞིན་དུ་ཐ་ཆུང་གི་ཉི་ཤུ་གཉིས་ལ། འཁོར་མ་བདུད་དང་བཅས་པས་ཉུལ་བས་ཐེབས་སོ། །དེ་བཞིན་དུ་དབྱར་ཟླ་ར་བའི་ཚེས་བརྒྱད་ལ། འཁོར་གཟའ་ཆེན་པོ་དང་བཅས་ནས་ཉུལ་བས་ཐེབས་སོ། །དེ་བཞིན་དུ་འབྲིང་པོའི་ཚེས་བཅོ་ལྔ་ལ། འཁོར་ཀླུ་བདུད་དང་བཅས་ནས་ཉུལ་བས་ཐེབས་སོ། །དེ་བཞིན་དུ་ཐ་ཆུང་ལ་ཡབ་ཡུམ་དང་མ་མོ་ཐམས་ཅད་ལྟད་མོ་ལ་ཡེངས་པས་ལས་མི་བྱའོ། །དེ་བཞིན་དུ་སྟོན་ཟླ་ར་བའི་ཉི་ཤུ་གསུམ་ལ་འཁོར་མ་མོ་ཡོངས་དང་བཅས་པས་ཉུལ་བས་ཐེབས་སོ། །དེ་བཞིན་དུ་འབྲིང་པོའི་ཚེས་བཅུ་བདུན་ནས་གནམ་སྟོང་གི་བར་དུ། འཁོར་རྒྱུ་སྐར་དང་བཅས་པས་ཉུལ་བས་ཐེབས་སོ། །དེ་བཞིན་དུ་ཐ་ཆུང་གི་ཚེས་བརྒྱད་ནས་སྟོང་བར་དུ། འཁོར་ལྷ་ཆེན་པོ་བརྒྱད་ཀྱིས་བྱས་ནས་ཉུལ་བས་ཐེབས་སོ། །དེ་བཞིན་དུ་དགུན་ཟླ་ར་བའི་ཚེས་བཅུ་གསུམ་ནས་བཅུ་དྲུག་གི་བར་དུ། འཁོར་གནོད་སྦྱིན་དང་བཅས་ནས་ཉུལ་བས་ཐེབས་སོ། །དེ་བཞིན་དུ་འབྲིང་པོའི་ཉི་ཤུ་གཉིས་ནས་སྟོང་གི་བར་དུ། འཁོར་གཤིན་རྗེ་དང་བཅས་ནས་ཉུལ་བས་ཐེབས་སོ། །དེ་བཞིན་དུ་ཐ་ཆུང་གི་ཉི་ཤུ་གཉིས་ལ་ལྷ་སྲིན་ཡོངས་སུ་ཁ་ལོ་བསྒྱུར་ནས། སེམས་ཅན་སྲང་ལ་འདེབས་ཤིང་། རྩིས་ཀྱང་འདེབས། སྲོག་སྡུད་པས་ཐེབས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ། འཇིག་རྟེན་སྣང་བྱེད་ལས། དྲག་པོའི་ལས་ཐེབས་པའི་དུས་བསྟན་པའི་ལེའུ་སྟེ་བཅུ་ ― DNG021_Page_0277 ―
[མ་དཔེ་གཟིགས་ན་འདིར་གནོན།]
དགུ་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་གསོལ་པ། ཀྱེ་དྲག་པོ་ལས་ཀྱི་བཟློག་པ་ནི། དུས་ཚོད་གང་དང་གང་ལ་ཟེར། །བཅོམ་ལྡན་འདས་ཀྱིས་བཤད་དུ་གསོལ། །ཞེས་གསོལ་པས། དགྲ་འདུལ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས་བཀའ་སྩལ་པ། རྣལ་འབྱོར་པ་ཡི་དྲག་པོའི་ལས་རྣམས་ནི། །རང་ལ་ལྡོག་པ་བདག་གིས་བཤད། །དྲག་པོའི་ལས་ནི་ཅི་བྱེད་ཀྱང་། །ཕྱིར་ལྡོག་པ་ཡི་དུས་ཚོད་ནི། །དཔྱིད་ཟླ་ར་བའི་ཚེས་བཅུ་བདུན་དང་བཅུ་དགུ་ལ་བྱས་ན་ལྡོག །དེ་བཞིན་དུ་འབྲིང་པོའི་ཚེས་གཅིག་དང་བརྒྱད་ལ་ལྡོག །ཐ་ཆུང་གི་གནམ་སྟོང་ལ་ལྡོག །དེ་བཞིན་དུ་དབྱར་ར་བའི་ཚེས་གཉིས་དང་ལྔ་ལ་ལྡོག །དེ་བཞིན་དུ་འབྲིང་པོའི་ཚེས་བདུན་ལ་ལྡོག །ཐ་ཆུང་གི་ཚེས་བཅུ་གཅིག་ལ་ལྡོག །དེ་བཞིན་དུ་སྟོན་ཟླ་ར་བའི་ཉི་ཤུ་ལྔ་ལ་ལྡོག །དེ་བཞིན་དུ་འབྲིང་པོའི་ཚེས་གསུམ་ལ་ལྡོག །ཐ་ཆུང་གི་ཚེས་གཉིས་ལ་ལྡོག །དེ་བཞིན་དུ་དགུན་ཟླ་ར་བའི་ཚེས་བརྒྱད་ལ་ལྡོག །དེ་བཞིན་དུ་འབྲིང་པོའི་ཉི་ཤུ་དགུ་ལ་ལྡོག །དེ་བཞིན་དུ་ཐ་ཆུང་གི་ཉི་ཤུ་བདུན་ལ་ལྡོག །དེ་ནི་ལྡོག་པའི་སྡེ་པ་སྟེ། སྔགས་མཁན་གྱི་རྟོག་པ་བསལ་བའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཐེབས་ལྡོག་པའི་ལེའུ་སྟེ་ཉི་ཤུ་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་གསོལ་པ། ཀཱི་ལ་ཡ་ཡི་སྐུ་གདུང་མཆོག །དེ་རིང་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །དཀོན་མཆོག་བསྟན་པ་བཤིག་པ་དང་། །ཚེ་སྲོག་བར་དུ་གཅོད་པ་དང་། །བཀྲག་དང་གཟི་མདངས་ཕྲོག་པ་དང་། །བར་ཆད་བྱེད་པའི་དགྲ་བགེགས་རྣམས། །གྲོ་ག་ལ་ནི་མིང་བྲིས་ལ། །གུར་གུམ་བཟང་པོ་དམེ་ཁྲག་གམ། །ནན་ཏན་ཉིད་དུ་བྱས་པ་དེ། །དུར་ཁྲོད་ ― DNG021_Page_0278 ―
[མ་དཔེ་གཟིགས་ན་འདིར་གནོན།]
སའམ་ཕུང་ཤུལ་ས། །བཀྲ་མི་ཤིས་པའི་ས་ལ་ནི། །དང་པོར་བརྐོ་བའི་ལས་རྣམས་བྱ། །རཀྟ་བདུད་རྩིས་སྦྱངས་པ་ཡིས། །འཇིམ་པ་འབི་འབི་བྱས་པའི་ནང་། །མིང་དང་གཟུགས་དེ་རབ་ཏུ་གཞུག །ཀཱི་ལ་ཡ་ཡིས་མགོ་དྲངས་ལ། །ཨ་ཀོ་ཊ་ཡས་ཤམ་བུ་བྱས། །མཱ་ར་ཡ་ནི་དབུས་སུ་གཞུག །སྙིང་པོ་རྡོ་རྗེ་གཞོན་ནུ་སྟེ། །གློ་འབུར་བཅུ་ནི་ཁྲོ་བོ་བཅུ། །དེ་བཞིན་ཕྲ་མེན་ཕྲ་ཐབས་དང་། །སྤྲུལ་པ་རྣམས་ནི་བར་བར་དུ། །གནས་དང་ཡུལ་གྱི་མ་མོ་དང་། །ཤྭ་ན་དང་ནི་རེ་མ་ཏི། །དེ་བཞིན་ས་བདག་བཞི་པོ་ཡང་། །ཕྱི་ཡི་པདྨའི་སྣ་ལ་གཞག །གདན་གྱི་པདྨའི་མཇུག་དག་ལ། །དབང་ཕྱུག་མ་ནི་ཡང་དག་གཞག །བགེགས་རྣམས་གནན་པར་བྱ་བའི་ཕྱིར། །མཆོད་རྟེན་སྔོན་པོ་ནག་པོ་ཡིས། །བགེགས་ཀྱི་ལིངྒ་གནན་པར་བྱ། །བྱེ་བ་བདུན་འབུམ་གྲངས་སྙེད་ཀྱི། །མཆོད་རྟེན་ལ་ནི་ལྷར་བྱས་ལ། །བགེགས་ནི་བསྐལ་པར་མི་ཐར་ཞེས། །ང་ཡིས་སྨྲས་པ་ཡོངས་སུ་བསྒྲག །གལ་ཏེ་རླུང་ལ་འདེབས་བྱེད་ན། །བི་ཙི་རམྦ་ཡང་དག་མངག །གལ་ཏེ་ཆུ་ལ་འདེབས་བྱེད་ན། །ཆུ་སྨན་འདེབས་བྱེད་རབ་ཏུ་མངག །གལ་ཏེ་མེ་ལ་འདེབས་བྱེད་ན། །གཙུག་ཕུད་ལྔ་པ་ཡང་དག་མངག །དེ་རྣམས་ཀུན་གྱི་སྙིང་པོ་ནི། །བར་བར་མ་ནོར་དེ་བཞིན་གཞུག །ཨཱོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུྃ། ཏྲི་ཆེ་གེ་མོ་མཱ་ར་ཡ་ཨ་ཀོ་ཊ་ཡ་ཨ་ཀོ་ཊ་ཡ་ཧཱུྃ་ཕཊ། བསྙེན་པ་བདུན་འབུམ་སྔོན་དུ་བྱ། །སྔགས་མཁན་རྒྱལ་པོས་ཡང་དག་ནི། །དྲག་པོ་བགེགས་ཀྱི་ལས་སུ་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ལས་གཅིག་རྡུང་གི་མན་ངག་མཆོག་གི་ཐབས་ཆེན་པོ། ཚ་ཚ་མཆོད་རྟེན་གྱི་རིམ་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ ― DNG021_Page_0279 ―
[མ་དཔེ་གཟིགས་ན་འདིར་གནོན།]
ལ་གསང་བའི་ལམ་གྱི་སྦྱོར་བ་ཞུས་པ། ཀྱེ་བཅོམ་ལྡན་འདས་ཤིན་ཏུ་གསང་བའི་ལམ་འདི་བཤད་དུ་གསོལ། ཞེས་པས་ཤིན་ཏུ་གསང་བའི་ཏིང་ངེ་འཛིན་ལ་སེམས་པར་ཞུགས་ཏེ། ཤིན་ཏུ་གསང་བའི་དོན་འདི་ལྟ་བུ་གསུངས་སོ། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་བསྒོམ་པའི་ལམ། །བར་ཆད་མེད་པ་གང་ཡིན་པས། །བསྐྱེད་པ་དང་ནི་རྫོགས་པར་འདྲེལ། །ནམ་མཁའི་ཁམས་ཀྱི་དཀྱིལ་འཁོར་དུ། །སངས་རྒྱས་དཀྱིལ་འཁོར་མ་ནོར་བསྐྱེད། །སྐུ་གསུང་ཐུགས་ཀྱི་དཀྱིལ་འཁོར་ནི། །བདག་གི་དེ་ཉིད་ཁོ་ན་སྟེ། །བྱིན་བརླབ་དབང་བསྐུར་བྱ་བ་ནི། །འཁོར་ལོ་བཞི་དང་སྡོམ་པ་བཞི། །རང་ཉིད་བྱིན་གྱིས་བརླབ་བྱས་ན། །ཐབས་དང་ཤེས་རབ་ལྡན་པ་ཡིས། །སྔགས་མཁན་མཁས་པ་གང་ཡིན་པ། །གྱེན་དུ་རྒྱུ་དང་ཐུར་དུ་རྒྱུ། །རྣམ་པ་བཅུ་པོ་གཉིས་སུ་འགྱུར། །སྲོག་དང་རྩོལ་བ་ལས་བྱུང་བ། །རིམ་པ་རླུང་གི་དེ་ཁོ་ན། །སྔགས་ལ་དམིགས་པ་ཞེས་བྱ་བ། །སྔགས་ཀྱི་དེ་ཉིད་ཁོ་ནའོ། །དེ་ནས་བདག་གི་དེ་ཁོ་ཉིད། །ནམ་མཁའི་ཁམས་ཀྱི་དབུས་སུ་ནི། །སངས་རྒྱས་གཞལ་ཡས་རྫོགས་རྗེས་ལ། །ཐབས་དང་ཤེས་རབ་དཀྱིལ་འཁོར་བསམ། །དེ་ཡི་དབུས་སུ་རྒྱལ་བ་རྣམས། །ཆོ་ག་གཉིས་ཀྱིས་རྫོགས་བྱས་ལ། །ཕྱག་རྒྱ་བཞི་ཡི་རྒྱ་ཡིས་གདབ། །སྙིང་གར་ཡེ་ཤེས་སེམས་དཔའ་གནས། །རང་གི་གཙོ་བོས་དབུ་ལ་བརྒྱན། །སེམས་དཔའ་གསུམ་གྱི་སྦྱོར་བ་ཡིས། །ཐབས་དང་ཤེས་རབ་འདྲེལ་བ་སྟེ། །ཡན་ལག་བཞི་དང་རབ་ཏུ་འདྲེལ། །དེ་དང་དཀྱིལ་འཁོར་བཞི་རུ་འདྲེལ། །དཀྱིལ་འཁོར་བཞི་ནི་བརྟན་པར་བྱ། །བདག་གི་བསམ་པ་རྫོགས་པ་དང་། །རླུང་གི་བསམ་པ་ཡང་དག་བྱ། །རླུང་བཅིང་བྱ་བ་མ་གཏོགས་པར། །བསམ་གཏན་བྱ་བ་ཡོད་མ་ཡིན། །དེ་ལྟར་རང་ཉིད་བྱིན་བརླབས་པས། །སྦྱོར་བའི་ཆོ་ག་ལས་བྱུང་བའི། །འཁོར་ལོ་བཞི་རྣམས་རབ་ཏུ་ ― DNG021_Page_0280 ―
[མ་དཔེ་གཟིགས་ན་འདིར་གནོན།]
དམིགས། །ཆོས་དང་ལོངས་སྤྱོད་སྤྲུལ་པ་རྣམས། །བདེ་བ་ཆེན་པོའི་འཁོར་ལོའོ། །པདྨ་འདབ་མ་ལས་བྱུང་བའི། །ས་བོན་ཡི་གེ་རྣམས་ཀྱིས་མཚན། །སུམ་ཅུ་རྩ་གཉིས་མཚན་འཆང་ལ། །ཁྲོ་བདག་འཇིགས་པའི་ཡི་གེ་དང་། །དང་པོའི་ཡི་གེ་ཧཾ་གིས་མཚན། །དེ་ཉིད་འགོག་པ་བདེ་བའི་ལམ། །དེ་ནི་བདེ་བ་ཆེན་པོའི་སྐུ། །དེ་ཉིད་སྨིན་པར་བྱེད་པ་ཡི། །དང་པོ་བུམ་པའི་དབང་དུ་གསུངས། །ཚོགས་ཀྱི་ལམ་དང་སྦྱོར་བའི་ལམ། །དབང་མཆོག་དེ་ལ་གནས་པའོ། །འབྲས་བུ་ལམ་གྱི་ཚུལ་འཆང་ན། །ངག་ནི་ཚངས་པའི་གསུང་དབྱངས་མཚུངས། །ལྟེ་བ་ལ་ནི་ཡི་གེ་ཧྲཱྀཿ། །དེ་ཉིད་ལམ་དུ་གསུངས་པས་ན། །ལོངས་སྤྱོད་རྫོགས་པ་ལོངས་སྤྱོད་སྐུ། །མཐོང་བའི་ལམ་དང་བསྒོམ་པའི་ལམ། །གསང་བའི་དབང་དུ་ཡང་དག་འགྲོ། །བདེན་པ་བཞི་ཡི་རང་བཞིན་ཅན། །ཐུགས་ཀྱི་ཡེ་ཤེས་རྩེ་གཅིག་པས། །ལྟེ་བ་ལ་ནི་ཡི་གེ་ཧཱུཾ། །ཐབས་དང་ཤེས་རབ་མཐའ་དག་ཏུ། །དེ་བཞིན་རྣམ་པ་ཀུན་འབྱུང་བས། །ཆོས་ཀྱི་སྐུ་ཡི་བདག་ཉིད་པས། །ཤེས་རབ་ཡེ་ཤེས་གང་ཡིན་པས། །བར་ཆད་མེད་པའི་ལམ་དུ་འགྲོ། །གསུམ་པ་ཤེས་རབ་ཡེ་ཤེས་དབང་། །ཐུན་མོང་མཚན་དང་རྣམ་ལྡན་པ། །རྣམ་པ་གཉིས་སུ་འགྱུར་བས་ན། །ཕྱོགས་མཚམས་ངག་ནི་རིགས་རྣམས་ཀྱང་། །ས་བོན་གཉིས་ཀྱི་མཚན་མ་སྟེ། །ལྟེ་བ་ལ་ནི་ཡི་གེ་ཨཱོཾ། །སྡུག་བསྔལ་བདག་ཉིད་ལྡན་པས་ན། །སྤྲུལ་པ་དོན་མཛད་གང་ཡིན་པ། །འཁོར་ལོ་ཚོགས་ཆེན་བཞི་པའི་དབང་། །མྱ་ངན་མི་འདའ་ཐུགས་རྗེ་ཡིས། །སྐུ་གསུམ་ལྷུན་གྱིས་གྲུབ་པའོ། །རྩ་ནི་ཆུ་ཡི་ཁམས་ཡིན་ཏེ། །བྱང་ཆུབ་སེམས་ཀྱིས་གང་བར་གནས། །དེ་སྙེད་རྣམ་པ་ཇི་སྙེད་པའང་། །སུམ་བརྒྱ་དྲུག་ཅུ་ཡང་དག་གནས། །བྱང་ཆུབ་སེམས་ནི་སྤྲིན་གྱི་ཁམས། །ཐབས་ཀྱི་ ― DNG021_Page_0281 ―
[མ་དཔེ་གཟིགས་ན་འདིར་གནོན།]
ཆོ་གས་ཀུན་ཏུ་རྒྱུག །རང་བྱུང་ཡེ་ཤེས་བྲག་ཡིན་ཏེ། །ཀུན་འདར་ཁ་ཕྱེ་འོད་གསལ་མཐོང་། །ཕྲ་མོའི་ཐིག་ལེ་ནཱ་ད་དང་། །འོད་ནི་སངས་རྒྱས་ཐམས་ཅད་ཀྱིས། །བྱང་ཆུབ་ཆེན་པོ་བླ་ན་མེད། །སྐུ་གསུང་ཐུགས་ཀྱི་སྦྱོར་བ་ཡིས། །སྔགས་ལ་དམིགས་པ་ཐོབ་པར་འགྱུར། །སྔགས་ལ་དམིགས་པའི་སྦྱོར་བ་ཡིས། །སྟོང་ཉིད་ཡེ་ཤེས་མཐོང་བར་བྱེད། །སྔགས་ལ་དམིགས་པའི་རང་བཞིན་གྱིས། །ཐབས་ཀྱི་བྱེ་བྲག་མང་པོ་ནི། །བསམ་གྱིས་མི་ཁྱབ་མན་ངག་སྟེ། །མེ་དང་རླུང་གི་སྦྱོར་བ་ཡིས། །དང་པོ་དགའ་བ་སྐྱེད་པར་བྱེད། །གཉིས་པ་དགའ་བའི་དགའ་བ་བསྐྱེད། །གསུམ་པ་ཤིན་ཏུ་དགའ་བ་བསྐྱེད། །བཞི་པ་མཆོག་ཏུ་དགའ་བ་བསྐྱེད། །སྦྱོར་བའི་མཚམས་སུ་ཕཊ་ཀྱིས་འཕངས། །པདྨ་ཟླ་བ་ཁ་སྦྱར་བ། །དེ་ཡི་ཚངས་པའི་བུ་ག་ནས། །འོད་ཟེར་འཕྲོ་འདུའི་སྦྱོར་བ་ཡིས། །དབུགས་ནི་ཐིག་ལེ་ཉིད་དུ་གཞག །སྔགས་ལ་དམིགས་པའི་བྱང་ཆུབ་འགྲུབ། །གསང་བའི་གནས་སུ་ཞུ་བར་བྱེད། །འོད་ཟེར་ཐབས་ཀྱི་བྱིན་རླབས་ཀྱིས། །བྱང་ཆུབ་སེམས་ནི་རབ་ཞུ་བས། །མི་རྟོག་ཡེ་ཤེས་སྐྱེ་བར་བྱེད། །ལུས་ངག་ཡིད་ཀྱི་སྦྱོར་བ་ཡིས། །དང་པོ་སྔགས་ཀྱི་དྲོད་ཚད་ནི། །འདར་བ་དང་ནི་སྤྲུག་དང་འཕར། །བར་སྣང་དག་ལ་འཕུར་བར་བྱེད། །དེ་ཉིད་ཐབས་ཀྱི་མན་ངག་ནི། །བྱིང་རྒོད་སྦུབས་ནི་རབ་ཞི་ནས། །ཁམས་ཀྱི་ཟས་དང་རྣམ་བྲལ་ནས། །དལ་བར་རྒྱུ་བ་འབྱུང་བར་བྱེད། །དེ་ནས་གཟུགས་ཀྱི་མཐོང་བའི་ཆོས། །སྨིག་རྒྱུ་ལྟ་བུའི་རྣམ་པ་དང་། །དུ་བ་ལྟ་བུའི་རྣམ་པ་དང་། །སྲིན་བུ་མེ་ཁྱེར་འདྲ་བ་དང་། །མར་མེའི་ཚུལ་དང་ནམ་མཁའ་བཞིན། །འོད་གསལ་ཟུང་འཇུག་བདེ་བ་ཆེ། །ཡེ་ཤེས་བདེ་བ་དེ་ཉིད་ལས། །ཟླ་བ་དྲུག་དང་བཅུ་གཉིས་དང་། །བཅོ་བརྒྱད་བཅུ་དྲུག་སུམ་ཅུ་གཉིས། །དེ་བཞིན་སྐྱེ་བ་གཅིག་གིས་འགྲུབ། །གལ་ཏེ་དེས་ཀྱང་མ་འགྲུབ་ན། །སྣོན་པའི་ཚུལ་གྱིས་བསྒྲུབ་ ― DNG021_Page_0282 ―
[མ་དཔེ་གཟིགས་ན་འདིར་གནོན།]
པར་བྱ། །འཕགས་པའི་ཐུགས་རྗེ་མ་བྱུང་ཡང་། །རང་རིག་ཡེ་ཤེས་བློ་ལྡན་ན། །མི་ཚེ་གཅིག་གིས་འགྲུབ་པར་ངེས། །འདི་ནི་རྒྱལ་བ་ཐམས་ཅད་ཀྱིས། །རྣམ་པར་གྲོལ་བའི་ལམ་དུ་གྲགས། །ལམ་མཆོག་རྒྱལ་བ་མངོན་པ་འདི། །ཉན་དང་འཆད་དང་ཀློག་པ་དང་། །དེ་བཞིན་ཡི་གེ་འབྲི་མཆོད་དང་། །ཁ་ཏོན་སྦྱིན་པ་བསྒོམ་པ་རྣམས། །རྣལ་འབྱོར་རབ་ཀྱི་སྐལ་བ་སྟེ། །ངན་སོང་གསུམ་ལས་རྣམ་པར་ཐར། །རྒྱུ་མཐུན་འབྲས་བུ་དེར་བཞག་ནས། །སྐྱེ་བས་མཐོང་བའི་གང་ཟག་ལ། །སྲིད་པ་ཐ་མར་སྐྱེ་བར་འགྱུར། །གང་གིས་འདི་ལ་མཉམ་གཞག་ན། །ས་རྣམས་ཀྱི་ནི་མིང་ཡང་མེད། །རྣམ་པར་ཤེས་པ་ཡེ་ཤེས་མཆོག །ཟབ་མོའི་དོན་རྣམས་མཐོང་གྱུར་ཏེ། །སྐུ་གསུམ་བདེ་བ་མངོན་བྱང་ཆུབ། །མྱ་ངན་མི་འདའ་མི་བཀྲི་དྲང་། །འདི་ལས་གཤེགས་པའི་གནས་མེད་དོ། །དུས་གསུམ་རྒྱལ་བ་ཐམས་ཅད་ཀྱང་། །ཆོས་ཀྱི་སྐུ་ལས་ཡོངས་མི་འདའ། །ཆོས་སྐུའི་ཡོན་ཏན་ཆེན་པོ་ནི། །གང་ཞིག་རྒྱལ་བའི་ཞིང་གི་ཁྱོན། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ལམ་གསང་བའི་མན་ངག་གི་དངོས་གྲུབ་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་བཅོམ་ལྡན་འདས་ཀྱིས་ཆེད་དུ་བརྗོད་པ་འདི་བརྗོད་དོ། །འཇིག་རྟེན་དག་གི་མི་རྣམས་ཀྱིས། །སངས་རྒྱས་གཟུགས་ནི་མཐོང་མི་འགྱུར། །དེ་བཞིན་ཉིད་ལ་སོགས་པ་ཡང་། །བལྟས་ནས་མཐོང་བ་མ་ཡིན་ཏེ། །སོ་སོའི་ལས་ཀྱིས་དེ་ལྟར་མཐོང་། །གལ་ཏེ་ཇི་སྙེད་མཐོང་ན་ནི། །དེ་ཉིད་རྒྱལ་བ་དམ་པའོ། །ང་ཡང་སུས་ཀྱང་མ་མཐོང་སྟེ། །ང་མཐོང་ཟེར་བ་སུ་ཡིས་མཐོང་། །དེ་ཡིས་ང་ནི་མཐོང་མི་འགྱུར། །རང་རིག་ཡེ་ཤེས་བྱ་བ་ནི། །སེམས་ཅན་ཀུན་ལ་མཉམ་པར་གནས། །དེ་ཉིད་ ― DNG021_Page_0283 ―
[མ་དཔེ་གཟིགས་ན་འདིར་གནོན།]
མཐོང་ན་མཐོང་བ་ཡིན། །མིས་ཀྱང་མི་ལ་མཐོང་བ་མེད། །དེ་བཞིན་ལྷ་ལ་སོགས་པས་ཀྱང་། །སངས་རྒྱས་གང་ཡང་མཐོང་བ་མེད། །སྟོང་པ་ཉིད་ཀྱི་དོན་རྟོགས་ན། །སངས་རྒྱས་སངས་རྒྱས་མཐོང་བ་ཡིན། །སེམས་ལ་སེམས་ཀྱིས་བལྟས་པས་ན། །མཐོང་བ་མེད་ན་མཐོང་བའི་མཆོག །དེ་ཡི་བསྒོམ་པ་བསྒོམ་པ་མིན། །བསྒོམ་དུ་མེད་ན་སྒོམ་པའི་མཆོག །དེ་བཞིན་བརྗོད་དུ་ཡོད་མ་ཡིན། །བརྗོད་དུ་མེད་ན་བརྗོད་པའི་མཆོག །དེ་བཞིན་བལྟ་རུ་ཡོད་མ་ཡིན། །བལྟ་རུ་མེད་ན་ལྟ་བའི་མཆོག །དེ་བཞིན་བསམ་དུ་ཡོད་མ་ཡིན། །བསམ་དུ་མེད་ན་བསམ་པའི་མཆོག །སངས་རྒྱས་སངས་རྒྱས་ཞེས་བྱ་བ། །མཚན་དང་དཔེ་བྱད་མེད་པ་ཡིན། །ངག་དང་གསུང་དབྱངས་མེད་པ་ཡིན། །ཚིག་དང་ཐ་སྙད་མེད་པ་ཡིན། །སེམས་དང་དྲན་རྟོག་མེད་པ་ཡིན། །ཐུགས་དང་བསམ་དུ་མེད་པ་ཡིན། །ལས་དང་དཀྱིལ་འཁོར་མེད་པ་ཡིན། །འཁོར་བ་མྱ་ངན་འདས་པ་མེད། །ཟུང་དང་ཟུང་དུ་འཇུག་པ་མེད། །དོན་དམ་ཀུན་རྫོབ་བྱ་བ་མེད། །ཐབས་དང་ཤེས་རབ་བྱ་བ་མེད། །སྐྱེས་པ་བུད་མེད་བྱ་བ་མེད། །ཉིན་མོ་མཚན་མོ་བྱ་བ་མེད། །དེ་ལྟར་ཐམས་ཅད་མེད་མཐོང་ན། །སངས་རྒྱས་བྱ་བ་སངས་རྒྱས་ཡིན། །དེ་བཞིན་གཤེགས་པ་ཐམས་ཅད་ཀྱི་དགོངས་པ་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཟག་པ་མེད་པ་སངས་རྒྱས་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཡང་གསང་བའི་བདག་པོས་བཅོམ་ལྡན་འདས་ལ་གསོལ་པ། ཀྱེ་བདག་ཅག་ཡོངས་ལ། བདག་དང་གཞན་ལ་སྤོབས་པ་བསྐྱེད་དུ་གསོལ། དགའ་བ་བསྐྱེད་དུ་གསོལ། བཀའ་སྩལ་པ། སེམས་ཅན་རྣམས་ལ་ཕན་པའི་དོན་ངས་བཤད་པར་བྱའོ། །ཁྱེད་ཅག་དག་དགའ་བ་བསྐྱེད་པར་གྱིས་ཤིག །སྔགས་མཁན་དགའ་བ་སྐྱེད་པའི་ཕྱིར། །ཁྱད་པར་གྱི་དམ་ཚིག་དང་། ཁྱད་པར་གྱི་ལྟ་བ་ ― DNG021_Page_0284 ―
[མ་དཔེ་གཟིགས་ན་འདིར་གནོན།]
དང་། ཁྱད་པར་གྱི་སྤྱོད་པ་དང་། ཁྱད་པར་གྱི་ཏིང་ངེ་འཛིན་བསྟན་པར་བྱའོ། །ཁྱད་པར་གྱི་དམ་ཚིག་བསྟན་པ་ནི། །སློབ་དཔོན་སྨད་པར་མི་བྱ་སྟེ། །ངན་སོང་གསུམ་ལས་ཐར་མི་འགྱུར། །ཁྱད་པར་ལྟ་བ་བསྟན་པ་ནི། །ཅི་ཡང་མེད་པའི་སེམས་ཉིད་ལ། །བཅོས་སུ་ཡོད་པར་ངས་མ་བསྟན། །ཁྱད་པར་སྤྱོད་པ་བསྟན་པ་ནི། །རིག་མ་དག་ལ་སྤྱོད་པ་སྟེ། །བཟའ་བའི་ཟས་ལ་སྔགས་བཟླས་ལ། །དམ་ཚིག་ཅན་རྣམས་སྤྱན་དྲངས་ཏེ། །གདུག་པ་རྣམ་གཉིས་ཚོགས་ལ་བསྡིམ། །ཁྱད་པར་ཏིང་འཛིན་བསྟན་པ་ནི། །སྤྱི་བོར་ཧཾ་ལ་མགྲིན་པར་ཧྲཱྀཿ། །སྙིང་གར་ཧཱུྃ་ལ་ལྟེ་བར་ཨཱྃ། །ཡི་གེ་གང་ཡིན་ཡན་ལག་ལ། །ཐབས་ཀྱི་སྦྱོར་བས་འོད་དུ་ཞུ། །དེ་ཉིད་ཡོངས་སུ་ཁྱབ་པ་ལས། །ཉལ་བ་རྒྱུན་གྱི་ཏིང་འཛིན་ནི། །དྲུག་པོ་བཀག་ནས་ཉལ་བའི་ཚེ། །འོད་གསལ་མཐོང་བར་ང་ཡིས་བཤད། །སྐུ་གསུང་ཐུགས་ཀྱི་དམ་ཚིག་དང་། །ཡན་ལག་ཉི་ཤུ་རྩ་བརྒྱད་ཉིད། །དམ་ཚིག་ཀུན་གྱི་གཞི་དང་རྩ། །སྤྱོད་པ་སྡོམ་རྩོལ་ཅི་སྤྱད་ཀྱང་། །ལྟ་བ་མ་ཉམས་དམ་ཚིག་ཡིན། །མོ་རྣམས་ཀུན་ལ་སྨད་མི་བྱ། །གདོལ་པ་མོ་ཡང་དང་དུ་བླང་། །ཁྱད་པར་རིགས་ཅན་གཅེས་པར་གཟུང་། །དེ་ཡང་དམ་ཚིག་རྩ་བ་ཡིན། །སྔགས་དང་ཕྱག་རྒྱ་རྒྱུན་མི་གཅད། །དེ་ཡང་དམ་ཚིག་རྩ་བ་ཡིན། །ཏན་གཎ་སྤྱོད་པ་རྒྱུན་དུ་སྤྱོད། །དེ་ཡང་དམ་ཚིག་རྩ་བ་ཡིན། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། མདོའི་དམ་ཚིག་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་ཡང་འདུས་པ་རྣམས་ཀྱིས། བཅོམ་ལྡན་འདས་ལ་འདི་སྐད་ཅེས་བསྟོད་དོ། །དམར་ནག་གྲུ་གསུམ་འབར་བའི་དཀྱིལ་འཁོར་ནས། །བསྐལ་པའི་མེ་ལྟར་འབར་བའི་སྐུར་བསྟན་པ། །ཤིན་ཏུ་མི་བཟད་དཔལ་ཆེན་རྡོ་རྗེའི་སྐུ། ། ― DNG021_Page_0285 ―
[མ་དཔེ་གཟིགས་ན་འདིར་གནོན།]
ཞེ་སྡང་ཐུགས་མཆོག་ཡཀྴ་ཧེ་རུ་ཀ །ཡེ་ཤེས་སྐུ་མཆོག་རིག་འཛིན་འཁོར་གྱིས་བརྒྱན། །དམིགས་མེད་ཐུགས་ནི་དོན་དམ་དབྱིངས་ན་གསལ། །གསུང་གི་ང་རོ་སྟོང་གསུམ་གང་བར་སྒྲོགས། །སྤྲུལ་པའི་བྱིན་རླབས་ཁྲོ་བཅུ་དབྱིངས་ནས་འགྱེད། །སྐུ་མདོག་མཐིང་ནག་འཇིགས་པའི་རྒྱན་གྱིས་བརྒྱན། །གཡས་ཀྱི་ཞལ་མདོག་ལྗང་ནག་བསྟན་པ་ནི། །ཕྲིན་ལས་བཅོལ་བ་ཐམས་ཅད་འགྲུབ་པའི་རྟགས། །གཡོན་གྱི་ཞལ་མདོག་དམར་ནག་བསྟན་པ་ནི། །དཔང་དྲག་རྣམ་གཉིས་དུས་གཅིག་རྫོགས་པའི་རྟགས། །སྐྱེ་ཤི་རྩད་ནས་གཅོད་པའི་མཆེ་གཙིགས་ཤིང་། །བདུད་དགྲ་ཉེས་བྱེད་ཐལ་བའི་རྡུལ་དུ་རློག །རྡོ་རྗེ་རྩེ་དགུ་ཕྱག་ན་བསྣམས་པ་ནི། །ས་དགུ་འཇོམས་ཤིང་ཡེ་ཤེས་དགུ་དང་སྦྱོར། །རྡོ་རྗེ་རྩེ་ལྔ་བར་ན་བསྣམས་པ་ནི། །རྒྱུད་ལྔ་སྦྱང་ཞིང་སྐུ་ལྔར་འདྲེན་པར་མཛད། །རྡོ་རྗེ་ཡེ་ཤེས་མེ་དཔུང་བསྣམས་པ་ནི། །ཁམས་གསུམ་འཁོར་བའི་བག་ཆགས་སྲེག་པར་མཛད། །རྡོ་རྗེ་ཁ་ཊྭཱྃ་ཞིང་ཆེན་བཟུང་བ་ནི། །བདུད་བཞི་ཐལ་བར་རློག་ཅིང་དབང་དུ་སྡུད། །རྡོ་རྗེ་རི་རབ་ཕུར་བུ་འདྲིལ་ཞིང་འདེབས། །འགལ་བྱེད་མ་ལུས་ཐམས་ཅད་སྒྲོལ་བའི་རྟགས། །གླང་ཆེན་སྟག་ལྤགས་ཞིང་ཆེན་རྒྱན་གྱིས་བརྒྱན། །ཆེ་བཙན་དཔེ་མེད་ཁམས་གསུམ་རྒྱལ་པོར་བསྟོད། །ཐོད་སྦྲུལ་ལ་སོགས་སྐུ་ལ་བརྒྱན་པ་ནི། །གདུག་པ་ཐམས་ཅད་ཟིལ་གྱིས་གནོན་པར་མཛད། །བསྐལ་པའི་མེ་དཔུང་འབར་བའི་ཀློང་ན་བཞུགས་པ་ནི། །དུག་དང་བག་ཆགས་ངན་པ་བསྲེག་པའི་རྟགས། །རྔམ་པའི་ཞལ་ནས་ཧཱུྃ་སྒྲ་འབྲུག་སྟོང་སྒྲོགས་པ་ནི། །བདུད་དང་སྲིན་པོའི་སྒྲ་སྐད་ཟིལ་གྱིས་གནོན། །ཞབས་གཉིས་བརྐྱང་བསྐུམ་ཚུལ་དུ་དབྱིངས་དང་སྦྱོར། །ཞབས་གཉིས་གྱད་ཀྱི་དོར་ཐབས་གདུག་པ་འདུལ། །སྤྲུལ་པའི་བྱིན་རླབས་ཕྱོགས་བཅུར་སྤྲིན་ལྟར་ ― DNG021_Page_0286 ―
[མ་དཔེ་གཟིགས་ན་འདིར་གནོན།]
གཏིབས། །ཐུགས་རྗེ་རྩེ་གཅིག་དྲེང་དྲེང་རྒྱུན་མི་དགོངས། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཅེས་བསྟོད་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ་འཇིག་རྟེན་སྣང་བྱེད་ལས། ཀཱི་ལ་ཡ་ལ་བསྟོད་པའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་ཞུས་པ། ཆོས་ཀྱི་ཕུང་པོ་ཡང་མང་པོར་བཤད་དུ་གསོལ། སྟོན་པའི་ཕུང་པོ་མང་པོ་ཡང་བཤད་དུ་གསོལ། གནས་ཀྱི་ཕུང་པོ་མང་པོ་ཡང་བཤད་དུ་གསོལ། འཁོར་གྱི་ཕུང་པོ་མང་པོ་ཡང་བཤད་དུ་གསོལ། དུས་ཀྱི་ཕུང་པོ་མང་པོ་ཡང་བཤད་དུ་གསོལ། ཞེས་གསོལ་ཏོ། །ཆོས་ཀྱི་ཕུང་པོ་བཀའ་སྩལ་པ། ཆོས་ཀྱི་ཕུང་པོ་ནི་གསུམ་སྟེ། ལུང་དང་རྒྱུད་དང་མདོའོ། །སྟོན་པའི་ཕུང་པོ་ནི་གསུམ་སྟེ། སྐུ་གསུམ་གྱི་བྱེ་བྲག་གོ། །གནས་ཀྱི་ཕུང་པོ་ནི་གསུམ་སྟེ། འོག་མིན་པདྨ་ཅན་གྱི་གནས་དང་། རི་རབ་རིའི་རྩེ་མོ་དང་། མི་ཡུལ་གསེར་གླིང་ལ་སོགས་པའོ། །འཁོར་གྱི་ཕུང་པོ་ནི་གསུམ་སྟེ། ཕྱི་དང་ནང་དང་གསང་བའི་འཁོར་རོ། །དུས་ཀྱི་ཕུང་པོ་ནི་གསུམ་སྟེ། བྱ་བ་བྱེད་པའི་དུས་དང་། དུས་ཀྱི་མཐའི་དུས་དང་། སྐད་ཅིག་མའི་དུས་སོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཕུན་སུམ་ཚོགས་པའི་བྱེ་བྲག་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་བཅོམ་ལྡན་འདས་ཀྱིས་མཆོག་ཏུ་དགའ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཆེན་པོ་རྣམས་ལ། སྔགས་ཀྱི་རྒྱལ་པོ་འདི་བསྟན་པར་ཟུང་ཞིག་ཅེས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མ་ ― DNG021_Page_0287 ―
[མ་དཔེ་གཟིགས་ན་འདིར་གནོན།]
སངས་རྒྱས་ཐམས་ཅད་ཀྱི། །བྱང་ཆུབ་ཆེན་པོ་བླ་ན་མེད། །འདའ་ཀ་དེ་བཞིན་གཤེགས་པ་ཡི། །རྒྱལ་པོའི་ཕྱག་རྒྱ་མཆོག་གི་རྟགས། །འདའ་བར་མི་མཛད་དམ་ཚིག་མཆོག །ཕྱོགས་བཅུ་དུས་གསུམ་དེ་བཞིན་གཤེགས། །དེ་བཞིན་གཤེགས་པའི་ངོ་བོ་ཉིད། །བྲག་ཁུང་ཁ་ནི་བྱང་དུ་བལྟ། །ཉི་མ་འཆར་བའི་སྐབས་མེད་ལྟར། །སོ་སོར་སྨིན་ཅིང་སྡུག་བསྔལ་བ། །གྲོལ་བར་བྱ་ཕྱིར་བླ་མེད་གནས། །བསྟན་ཕྱིར་ལོངས་སྤྱོད་རྫོགས་པར་བསྟན། །ལྕང་ལོ་ཅན་གྱི་གནས་མཆོག་ཏུ། །མགོན་པོ་ཀུན་ལ་སྙོམས་པ་ངས། །རྡོ་རྗེའི་འཁོར་ལོ་བསྐོར་བ་ལས། །ལྗགས་ཀྱི་དབང་པོར་བདར་ནས་ནི། །ཆོས་རྣམས་ཀུན་གྱི་སྙིང་པོ་འདི། །ཀུན་གྱི་དོན་དུ་གསུངས་པ་འདི། །འཁོར་གྱི་བྱང་ཆུབ་སེམས་དཔའ་དང་། །སངས་རྒྱས་དེ་བཞིན་གཤེགས་པ་རྣམས། །རྣལ་འབྱོར་དོན་ནི་བསྟན་པར་ཟུང་། །སོ་སོའི་སྐྱེ་བོ་ཇི་སྙེད་པ། །ཡི་གེ་འདྲི་མཆོད་སྦྱིན་པ་དང་། །ཉན་དང་འཛིན་དང་ཀློག་པ་དང་། །འཆང་དང་ཁ་ཏོན་བྱེད་པ་དང་། །དེ་སེམས་པ་དང་སྒོམ་པ་དང་། །དེ་བཞིན་གཤེགས་པའི་ངོ་བོ་ཉིད། །བླ་མེད་བྱང་ཆུབ་ཐོབ་པར་འགྱུར། །གང་ཞིག་འདི་ལ་མོས་གྱུར་པ། །རྒྱལ་བ་རྣམས་ཀྱིས་རབ་བསྔགས་པ། །ཡོན་ཏན་ཐམས་ཅད་འབྱུང་བར་འགྱུར། །ས་ཡི་ཁྱད་པར་བགྲོད་ནས་ནི། །བདེ་བ་ཆེན་པོ་འབྱུང་བ་ཡིན། །སངས་རྒྱས་ཀུན་གྱི་བྱང་ཆུབ་སེམས། །སྐུ་གསུང་ཐུགས་ཀྱི་གསང་བ་རྣམས། །རྟོགས་ཤིང་འཛིན་པར་བྱེད་པ་དང་། །རྟག་ཏུ་འཆང་བ་གང་ཡིན་པ། །དེ་ཉིད་ང་དང་འདྲ་བས་ན། །སྐུ་གསུང་ཐུགས་ཀྱི་དབང་རྣམས་དང་། །གསང་བའི་དོན་དུ་བསྟན་པ་ཡིན། །དངོས་པོ་རྣམས་ཀྱི་དམ་ཚིག་ཀྱང་། །མཐོང་བཞིན་རྟོགས་ན་རྟོགས་པ་ཡིན། །དེ་བཞིན་གཤེགས་པའི་དེ་བཞིན་མཆོག །དེ་བཞིན་ཉིད་དུ་ ― DNG021_Page_0288 ―
[མ་དཔེ་གཟིགས་ན་འདིར་གནོན།]
གནས་བཅས་ནས། །མུ་སྟེགས་ལ་སོགས་སྐལ་མེད་བཞིན། །མགོན་པོ་ཀུན་གྱི་ཐུགས་རྗེ་ཡིས། །ལས་འཕྲོ་ཅན་དང་འཕྲད་པར་ཤོག །གང་གི་དེ་བཞིན་གནས་འགྱུར་བ། །དེ་བཞིན་མཐོང་བ་དེ་བཞིན་གཤེགས། །དེ་བཞིན་ཉིད་ཀྱང་དབྱིངས་ཉིད་ལས། །རྩོལ་བ་མེད་པའི་རྩོལ་སེམས་དང་། །དམིགས་པ་མེད་པའི་དམིགས་སེམས་དང་། །བསྒོམ་དུ་མེད་པའི་སྒོམ་པ་ཡིས། །ཤེས་རབ་རྣམ་གསུམ་བདག་ཉིད་ཅན། །ས་ལམ་ཡེ་ཤེས་ཐོབ་འགྱུར་བས། །ཡེ་དག་ཡེ་ཤེས་མཐོང་འགྱུར་བ། །དེ་ནི་ལྷུན་གྱིས་གྲུབ་པ་ཡིན། །དེ་བཞིན་གཤེགས་པས་རབ་བསྔགས་པས། །འཕགས་པ་བྱིས་པའི་སྐྱེ་བོ་དང་། །རང་གཞན་དག་གི་སྐྱེ་བོ་རྣམས། །གང་གིས་འདིར་དད་གྱུར་པ་ལ། །དམ་པ་འདི་ལ་བསྟན་པ་ཡིན། །དེ་ནས་བཅོམ་ལྡན་འདས་ཀཱི་ལ་ཡའི་རྒྱལ་པོ་ལ། འཁོར་དེ་དག་ཐམས་ཅད་ཀྱིས། མགྲིན་གཅིག་དང་དབྱངས་གཅིག་ཏུ་འདི་སྐད་བསྟོད་པའོ། །སྐུ་གསུང་ཐུགས་ཀྱི་བདག་པོ་མཆོག །སྐུ་གསུང་ཐུགས་ཀྱི་སྙིང་པོའི་བདག །སྐུ་གསུང་ཐུགས་ཀྱིས་ཀུན་ལ་ཁྱབ། །བདག་ཅག་ཀུན་གྱིས་མཐོང་ཕྱག་འཚལ། །དེ་བཞིན་གཤེགས་པ་ཐམས་ཅད་ཀྱི། །ཡང་དག་ཡེ་ཤེས་རྟོགས་འཛིན་པ། །རབ་ཏུ་མོས་པས་དུས་གསུམ་དུ། །དཔའ་བོ་ཁྱོད་ལ་བདག་ཕྱག་འཚལ། །བྱང་ཆུབ་སྙིང་པོ་ཅན་རྣམས་ཀྱིས། །དོན་དེ་ཉན་ཅིང་འཛིན་དང་འཆང་། །བསྒོམས་ནས་གཞན་ལ་སྟོན་པ་ནི། །སྟོན་པ་བཞིན་དུ་བདག་ཕྱག་འཚལ། །ཡང་དག་ཡེ་ཤེས་རྒྱུད་རྒྱལ་འདི། །མཐོང་དང་མོས་དང་འབྲི་དང་ཉན། །གང་གིས་མིང་ཙམ་འཛིན་པ་ཡང་། །སྟོན་པ་བཞིན་དུ་བདག་ཕྱག་འཚལ། །སྟོན་པ་བསྟན་པ་བླ་མེད་ལས། །མགུར་གྱི་བུམ་པར་དྲིལ་ནས་སུ། །ལྗགས་ཀྱི་དབང་པོར་བཀྲམ་བྱས་ཏེ། །ཡི་གེ་ཆོས་རྣམས་ཀུན་གྱི་རྒྱུ། ། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ཞེས་བྱ་བ།― DNG021_Page_0289 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཏནྟྲ་རཱ་ཛ་བཛྲ་མཱ་ལེ་ནཱ་མ། བོད་སྐད་དུ། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ཞེས་བྱ་བ། དཔལ་འཇིགས་བྱེད་ཀྱི་ཚོགས་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་བཛྲ་ཀཱི་ལ་ཆེན་པོ་དེས། སྐུ་དང་གསུང་དང་ཐུགས་མི་བཟད་པ་དྲག་པོ་རྡོ་རྗེ་སྙིང་པོ། དེ་བཞིན་གཤེགས་པ་ཐམས་ཅད་ཀྱི་བདག་པོར་གྱུར་པ། ཀུན་གྱི་གཙོ་བོར་གྱུར་པ། གཏུམ་པོ་མི་བཟད་པ། རྒོད་ཅིང་གཤེ་ལ་དྲག་པོ་འཇིགས་སུ་རུང་བ་དེ། བྷ་གའི་ཀློང་ན་རྟག་ཏུ་བཞུགས་སོ། །དེ་ནས་དེ་དག་ལ་ཁྱད་པར་དུ་འཕགས་པའི་འཁོར་རྣམས་འདི་ ― DNG021_Page_0290 ―
[མ་དཔེ་གཟིགས་ན་འདིར་གནོན།]
ལྟ་སྟེ། ལོངས་སྤྱོད་རྫོགས་པའི་སྐུ་དངོས་སུ་སྟོན་པ། བུཌྜྷ་ཧེ་རུ་ཀ་དང་། བཛྲ་ཧེ་རུ་ཀ་དང་། རཏྣ་ཧེ་རུ་ཀ་དང་། པདྨ་ཧེ་རུ་ཀ་དང་། ཀརྨ་ཧེ་རུ་ཀ་ལ་སོགས་པ་དང་། ཁྲོ་མོའི་ཚོགས་དང་། གཞན་ཡང་ཡེ་ཤེས་ལས་སུ་གྱུར་པའི་མ་མོ་ཀོའུ་རིམ་བརྒྱད་དང་། སེང་གདོང་མ་བརྒྱད་དང་། ལྕགས་ཀྱུ་ལ་སོགས་པ་བཞི་དང་། གསང་བའི་ཡུམ་བཞི་ལ་སོགས་ཏེ། ཁྲོ་མོ་ཆེན་མོ་གཞན་ཡང་ཆོས་མང་དུ་འདུས་སོ་འགོད་དོ། །འཁོད་པར་གྱུར་ཏོ། །དེ་རྣམས་ཀྱང་ཞལ་གསུམ་ཕྱག་དྲུག་པ། སོ་སོའི་ཁ་དོག་དང་ཆ་བྱད་དུ་ལྡན་པ། འབར་བའི་གར་གྱི་ཆས་རྣམས་དང་ལྡན་པ་སྟེ། འོག་མིན་གྱི་གནས་གཞི་དང་མེ་ཏོག་གིས་བརྒྱན་པ། ཡེ་ཤེས་ལྔ་ལས་རང་བཞིན་གྱིས་འོད་འབྱུང་བ་སྟེ། ཁ་དོག་རིན་པོ་ཆེ་སྣ་ཚོགས་ནས། དཔག་ཏུ་མེད་པ་དབྱིབས་དང་ཁ་དོག་ཏུ་ལྡན་པ། གྲུ་བཞི་དང་སྒོ་བཞི་དང་གྲུ་ཆད་བཞིས་བརྒྱན་པ། དུར་ཁྲོད་ཀྱི་རྟ་བབས་དང་། ཐེམ་སྐས་དང་ལྡན་པ། མཆོག་ཆེན་བརྒྱད་ཀྱི་ཀ་བས་རྣམ་པར་སྤྲས་པས། སྣ་ཚོགས་ཀྱི་གཟུགས་སུ་གྱུར་པ། ཁྲོ་མོ་ལ་སོགས་པའི་བྱང་ཆུབ་ཀྱི་སེམས་ལ་གྱུར་པའི་རྒྱན་གྱིས་བཀླུབས་ནས། ཉིད་ལས་མི་གཞན་པའི་འཁོར་རྣམས། གོང་དུ་གསུངས་པ་དང་མཚུངས་པ་འདི་ལྟ་སྟེ། ཨ་ལ་ལ། ཧ་ཧ་ཧ། ཧེ་ཧེ་ཧེ། དེ་བཞིན་གཤེགས་པ་བུཌྜྷ་ཧེ་རུ་ཀ་དང་། དེ་བཞིན་གཤེགས་པ་བཛྲ་ཧེ་རུ་ཀ་དང་། དེ་བཞིན་གཤེགས་པ་རཏྣ་ཧེ་རུ་ཀ་དང་། དེ་བཞིན་གཤེགས་པ་པདྨ་ཧེ་རུ་ཀ་དང་། དེ་བཞིན་གཤེགས་པ་ཀརྨ་ཧེ་རུ་ཀ་དང་། དེ་རྣམས་ཀྱི་ཡུམ་རྣམས་དང་། གནས་དང་ཡུལ་ལ་སོགས་པའི་མ་མོ་རྣམས་དང་། སྒོ་མའི་ཚོགས་དང་། གསང་བའི་ཡུམ་བཞི་དང་། གཞན་ཡང་དཔལ་གཟུགས་ཀྱི་ལྷ་མོ་དང་། སྒྲའི་ལྷ་མོ་དང་། དྲིའི་ལྷ་མོ་དང་། རོའི་ལྷ་མོ་དང་། ― DNG021_Page_0291 ―
[མ་དཔེ་གཟིགས་ན་འདིར་གནོན།]
རེག་གི་ལྷ་མོ་དང་། ཆོས་ཀྱི་ལྷ་མོ་ལ་སོགས་པའི་ཚོགས་རྣམས་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོ་དེས། ལོངས་སྤྱོད་རྫོགས་པའི་སྐུའི་ཆ་འཛིན་པར་གནས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད། རང་གི་འོད་ཀྱིས་སྣང་བར་བྱས་ནས། ཁྲོ་གཉེར་གྱི་ཞལ་འཛུམ་པ་མཛད་ནས། གདུག་པ་ཅན་ཟིལ་གྱིས་གནོན་པའི་ཏིང་ངེ་འཛིན་ལ་སྙོམས་པར་ཞུགས་ནས་མནལ་ལོ། །ཀྱེ་ཀྱེ་ཁྱོད་ནི་ཁམས་གསུམ་ཐམས་ཅད་སྒྲོལ་བའི་ཐུགས་རྗེ་ཅན། །སྒྲོལ་བའི་སྟོབས་ཀྱི་བྱམས་པས་ཀུན་ལ་སྦྱོར། །གཉིས་མེད་གནས་སུ་སྟོབ་པས་དགའ་བ་ཀུན་གྱི་མཆོག །ཆོས་ཉིད་དབྱིངས་སུ་སྐྱོལ་བས་བཏང་སྙོམས་ཆེན་པོ་པ། །ཞེས་གསོལ་པས་དཔལ་ཀཱི་ལ་ཡ་ཆེན་པོ་དེ་ཞལ་གསུམ་ཕྱག་དྲུག་པ། ཞབས་བཞི་པ་སྐུ་ལ་དུར་ཁྲོད་ཀྱི་ཆས་ཀྱིས་བརྒྱན་པ། གསུང་དྲག་པོའི་སྔགས་ཚིག་ཧཱུྃ་ཧཱུྃ་ཕཊ་ཕཊ་ཧ་ལ་བྷྱོ་རུ་ལུའི་སྒྲ་སྒྲོགས་པ། ཐུགས་དུག་ལྔ་ལ་སོགས་པ་གདུག་པའི་ཚོགས་འོད་ཟེར་དུ་མ་དུ་མས་སྤང་རྩི་མེས་བསྲེག་པ་བཞིན་དུ་བསྲེགས་པ་དེ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱིས་མཐོང་། ཀུན་གྱིས་གཟིགས་ཤིང་མཐོང་བར་གྱུར་ཏོ། །དེ་ལ་དེ་བཞིན་གཤེགས་པ་བུཌྜྷ་ཧེ་རུ་ཀ་ལ་སོགས་པའི་ཁྲོ་བོ་ཐམས་ཅད་དང་། ཁྲོ་མོའི་ཚོགས་ཐམས་ཅད་དང་། འཁོར་གྱི་ལྷ་མོ་དུ་མས་ཕྱག་བཙལ་ནས། མཆོད་པའི་ཚོགས་མང་པོས་མཆོད་དེ། གསང་བ་ཕྱིའི་མཆོད་པ་དང་། གསང་བ་ནང་གི་མཆོད་པ་དང་། གསང་བ་གསང་བའི་མཆོད་པས་མཆོད་ནས། ཕྱག་འཚལ་ནས་འདི་སྐད་ཅེས་གསོལ་ཏོ། །དེ་བཞིན་གཤེགས་པ་ཀུན་གྱི་གནས། །དེ་བཞིན་གཤེགས་པ་གསང་བའི་མཆོག །དེ་བཞིན་གཤེགས་པ་མཛོད་ཀྱི་བདག །ཆོས་རྣམས་ཀུན་གྱི་སྙིང་པོ་འདི། །དཔའ་བོ་ཁྱོད་ཀྱིས་བཤད་དུ་གསོལ། །དེ་སྐད་ཅེས་གསོལ་པས། དཔའ་བོ་ཉིད་ཀྱིས་ ― DNG021_Page_0292 ―
[མ་དཔེ་གཟིགས་ན་འདིར་གནོན།]
གསོལ་བ་བཏབ་པར་མཁྱེན་ནས། རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་ཆོས་ཉིད་ཀྱི་སྒྲ་འདི་སྐད་ཅེས་ཕྱུང་ངོ་། །ཌྷི་མ་ཧཱ་ཤུ་ནྱ་ཏཱ་ཛྙཱ་ན་བཛྲ་ས་བྷཱ་ཝ་ཨཱདྨ་ཀོ྅ཧཾ། ཆོས་སུ་སྣང་བའི་དངོས་པོ་ཀུན། །ངོ་བོ་ཉིད་ཀྱིས་སྟོང་པ་ལ། །གཟུང་དང་འཛིན་པ་རྣམ་སྤངས་ཏེ། །རང་བཞིན་གྱིས་ནི་སྟོང་པ་ཡིན། །དེས་འཁོར་རྣམས་ཀྱང་ཟིལ་གྱིས་མནན་ཏོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་བཛྲ་ཀཱི་ལ་ཡས། ད་ལྟར་གྱི་བསྟན་པ་འདི་ལ་རཱུ་ཏྲ་ལ་སོགས་པའི་གདུག་པ་ཅན་དང་། ཉི་ཟླ་ལ་སོགས་པའི་མ་རུངས་པས། རྣལ་འབྱོར་པ་ལ་འཚེ་བ་དང་། སྲོག་འཕྲོག་པ་གཟིགས་ནས། ཉིད་ཀྱི་ཐུགས་ཀྱི་དཔལ་བེའུ་ནས་ཧཱུྃ་བཅུ་མངོན་པར་ཕྱུང་ནས། གདུག་པའི་ཚོགས་ཀྱི་རྒྱལ་པོ་རྣམས་གདན་དུ་བྱ་བའི་ཕྱིར་ན། ས་བླང་ས་བཙལ་ས་སྦྱང་དང་། །མཎྜལ་རྩིགས་དང་བྲི་བ་ལྔ། །དེ་ཡི་སྔོན་དུ་རྒྱལ་ཆེན་བཞི། །ཐོ་བཞི་བརྩིགས་ལ་གཏོར་མ་སྦྱིན། །དེ་ནས་དམ་སྲི་གནན་པ་དང་། །སྒོ་བྱང་ལ་སོགས་བྱ་བ་ནི། །ཕྱི་ཡི་མཚམས་སུ་བཤད་པའོ། །དེ་ནས་གསང་བ་ནང་གི་མཚམས། །ཐུན་མོང་དང་ནི་ཁྱད་པར་རོ། །ཉི་ཟླའི་སྤྱན་དང་དབང་ཆེན་དང་། །མ་མོའི་མཚམས་དང་ཁྲོ་བོ་ནི། །ཀུན་གྱི་རྗེས་འཇུག་ཏིང་འཛིན་ལས། །དེ་ནས་གསང་བའི་བདག་པོ་ནི། །ཆེན་པོ་ཉིད་ཀྱིས་འདི་སྐད་ཞུས། །ཀྱེ་ཀྱེ་དཔའ་བོ་གདུག་པ་སྒྲོལ་བའི་མཆོག །ཉིད་ཀྱི་ཐུགས་རྗེ་དཔལ་བེའུ་ནས། །འཁོར་ལོ་ས་བོན་ཌྷི་ལས་སྐྱེས། །ཌྷི་ཙཀྲ་ཕཊ། སྨིག་རྒྱུ་བཞིན་དུ་འཁོར་བ་ལས། །གདུག་པའི་ཚོགས་རྣམས་གཤེགས་པ་ཡིས། །རྡུལ་ཕྲན་བཞིན་དུ་བརླག་པར་བྱའོ། །མ་ལས་ཉི་མའི་དཀྱིལ་འཁོར་ནི། །གཅིག་ལས་མགལ་མེའི་ཚུལ་དུ་ནི། །མེ་སྟག་བཞིན་དུ་འཕྲོས་པ་ལས། །ཉི་མའི་མཎྜལ་བཅུ་ཕྱུང་སྟེ། །ཧཱུྃ་བཅུའི་ཚོགས་ནི་རབ་འཕྲོས་ཏེ། ། ― DNG021_Page_0293 ―
[མ་དཔེ་གཟིགས་ན་འདིར་གནོན།]
ཁྲོ་བོ་བཅུ་ཡི་རྒྱུ་མཆོག་སྟེ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཌྷི་སུམྦྷ་ནི་སུམྦྷ་ཧཱུྃ། གྲྀ་ཧྞ་གྲྀ་ཧྞ་ཧཱུྃ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུྃ། ཨཱ་ན་ཡ་ཧོ། བྷ་ག་ཝཱན། བིདྱཱ་རཱ་ཛ་ཧཱུྃ་ཕཊ། ཉི་ཟླ་ལ་སོགས་ཕྱོགས་སྐྱོང་བཅུ། །བཀུག་ནས་ཁྲོ་བོའི་གདན་དུ་བཏིང་། །ཁྲོ་བོའི་སྔགས་ནི་རབ་བརྗོད་པས། །ཁྲོ་བོ་བཅུ་ནི་བསྐྱེད་པ་སྟེ། །ཕྱག་ཏུ་བདུད་རྩི་འཁྱིལ་པ་ཡིས། །ཕྱག་ཆ་ཕུར་པ་བཅུ་བསྐུར་བས། །ཕྱོགས་སྐྱོང་བྱི་བཅིངས་བསྣོལ་བ་ལ། །ཐལ་ཕྱུང་ཕུར་པ་བཏབ་ནས་ནི། །བགེགས་ཀྱི་རྒྱལ་པོ་བརླག་པར་འགྱུར། །བགེགས་རྣམས་དཔག་ཚད་ཇི་སྙེད་པར། །རྣམ་པར་ཚིག་ནས་འབྲོས་པར་འགྱུར། །དེ་ནས་མེ་དཔུང་རྒྱལ་པོ་ཡིས། །འཇིག་རྟེན་ཁམས་ནི་རབ་བཀང་བས། །རྣམ་པར་བརྒྱལ་ནས་འབྲོས་པར་འགྱུར། །དེ་ནི་བཀའ་ཡི་འཁོར་ལོ་བཤད། །དཀྱིལ་འཁོར་བྲིས་ནས་ཕྱག་རྒྱ་དགོད། །ཕྱོགས་སྐྱོང་ཡང་ནི་བཀུག་ནས་སུ། །ཕུར་པ་བཅུ་ལ་སྔགས་བཟླས་ཏེ། །བཀུག་པའི་སྟེང་དུ་འདེབས་བྱེད་པ། །ལས་ནི་འདི་སྐད་བཅོལ་བར་བྱའོ། །ཧཱུྃ་སྟེང་ཕྱོགས་བྱ་བའི་ཡ་གི་ན། །ཉི་ཟླ་བྱ་བའི་མི་བགྲུང་བས། །དཀྱིལ་འཁོར་ལ་ནི་ངོ་གནག་ཟེར། །སྒྲུབ་པ་པོ་ལ་བར་ཆོད་ཟེར། །དེ་ཡི་འདུལ་སྐལ་ཆེན་པོ་ནི། །ཁྲོ་བོ་ཆེན་པོ་ཧཱུྃ་ཀཱ་ར། །ཞལ་གསུམ་ཕྱག་དྲུག་ཞབས་བཞིར་བགྲད། །མཆེ་གཙིགས་རྔམས་པའི་ཆ་ལུགས་ཀྱིས། །འཁོར་བ་རིལ་མིད་མཛད་པའོ། །ཉི་ཟླ་ཕོ་ནི་སྒྲོལ་བར་བགྱི། །ཉི་ཟླ་མོ་ནི་གདན་ལ་སྤྱོད། །ལྷ་སྲིན་རྣམས་ནི་གདན་དུ་བསྒྲལ། །བསྒྲལ་ནས་བླུད་བུ་རྒྱལ་མཚན་བྱས། །དེ་ལྟར་རྣམ་པར་རྒྱལ་བ་ལ། །སོགས་པའི་ཁྲོ་བོ་རྣམས་ལ་ནི། །གོང་གི་ལས་རྣམས་བསྒོ་བར་བྱའོ། །དེ་ལྟར་བྱས་ནས་བཏབ་གྱུར་ན། །ཕྱོགས་བཞི་མཚམས་བརྒྱད་སྟེང་འོག་བཅུར། །བགེགས་ཀྱི་རྒྱལ་པོ་མནན་གྱུར་ན། །གནོད་བྱེད་གཞན་ལྟ་སྨོས་ཅི་དགོས། །ཞེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། ― DNG021_Page_0294 ―
[མ་དཔེ་གཟིགས་ན་འདིར་གནོན།]
བསྟན་པ་ལ་གནོད་པའི་བདུད་བཏུལ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོས། རྣམ་པར་རྟོག་པ་མེད་པ་དཔའ་བར་འགྲོ་བའི་ཏིང་ངེ་འཛིན་ལ་སྙོམས་པར་ཞུགས་པས། ལྷ་སྲིན་སྡེ་བརྒྱད་དྲེད་སྔངས་ནས། རྣལ་འབྱོར་པ་ལ་རྣམ་པར་འཚེ་བ་དང་། སྲོག་དང་མདངས་འཕྲོག་པ་རྣམས་ཕྱིས་མི་ཕྱེད་པར་ཁས་བླངས་སོ། །གསང་བའི་བདག་པོས་ཞུས་པ། དཔལ་བཛྲ་ཀཱི་ལ་ཡ་ཆེན་པོས་བཀའ་བསྩོལ་དང་ཞེས་ཞུས་པས། གསང་བའི་བདག་པོ་ཁྱོད་ལེགས་སོ། །ཁས་ལེན་མི་ཤེས་སམ། གསང་བའི་བདག་པོ་ཁས་ལེན་པ་ནི་འདི་རྣམས་སོ། །ལྷ་དང་། ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། ཡི་དྭགས་དང་། དྲི་ཟ་དང་། ཤ་ཟ་དང་། འབྱུང་པོ་དང་། སྐེམ་བྱེད་དང་། བརྗེད་བྱེད་དང་། སྨྱོ་བྱེད་དང་། མཁའ་འགྲོ་མ་ལ་སོགས་པ་རྣམས་ཀྱིས་ཁས་བླངས་སོ། །རྒྱུ་འབྲས་མ་རྟོགས་པས་དེ་ལྟར་སྣང་ངོ་། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། དམ་ལ་གནས་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀཱི་ལ་ཡ་ཆེན་པོས། དོན་དམ་པའི་ཏིང་ངེ་འཛིན་ལ་སྙོམས་པར་ཞུགས་ནས། ཁྲོ་མོ་ཆེན་པོའི་ཏིང་ངེ་འཛིན་དུ་མཛད་ནས། གནས་དྲུག་ནས་འོད་ཟེར་བྱེ་བ་དྲུག་ཅུ་བཀྱེའོ། །དེ་བཀྱེ་བས་འོད་ཟེར་རིགས་ལྔའི་ཚོགས་ལ་ཕོག །རིགས་ལྔའི་ཡང་གནས་དྲུག་ཏུ་འཕྲོས་པས་གནས་གང་ནས། དེའི་འོད་ཟེར་ཡང་གཅིག་ནས་གཅིག་ལ་འདུས་པས། ཡི་གེའི་ཚོགས་དཔག་ཏུ་མེད་པར་གྱུར་ཏོ། །གྱུར་མ་ཐག་ཏུ་ཡི་གེ་འདུས་པས་འོད་ཟེར་ཡང་འདུས་ནས། །ཡི་གེ་ཧཱུྃ་གཅིག་ཏུ་འདུས་སོ། །དེ་ནས་ཡང་རིགས་ལྔའི་ཚོགས་ལས་འོད་ཟེར་ཡང་ནས་ཡང་དུ་འཕྲོས་འདུས་པས་སྒྲ་ཕྲིན་ལས་རྣམ་བཞིའི་སྔགས། ཌྷི་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཧཱུྃ་ཕཊ། ཅེས་བརྗོད་པས་སྒྲ་འདུས་སོ། ། ― DNG021_Page_0295 ―
[མ་དཔེ་གཟིགས་ན་འདིར་གནོན།]
འདུས་ནས་འདུས་མ་ཐག་ཏུ་དཔལ་རྡོ་རྗེ་གཞོན་ནུ་ཞལ་གསུམ་ཕྱག་དྲུག་ཞབས་བཞི། དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ། ཁྲོ་བོ་ཐམས་ཅད་འདུས་པ་བས་ཀྱང་གཟི་མདངས་ཆེ་བ་ནི་ཕྱག་རྒྱ་གསུམ་འདུས་པ་སྟེ། ཁྲོ་བོ་དངོས་པོ་ཡང་དག་པའི་ཁྲོ་བོའོ། །ཤིན་ཏུ་བརྗིད་པའོ། །གསང་བའི་ཡང་གསང་བའི་ཁྲོ་བོ་ཆེན་པོ་སྟེ། དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་གསུང་གི་སྙིང་པོ་ཡང་ཡིན་ནོ། །ཐུགས་ཀྱི་སྙིང་པོ་ཡང་ཡིན་ནོ། །སྐུའི་སྙིང་པོ་ཡང་ཡིན་ནོ། །ཡོན་ཏན་གྱི་སྙིང་པོ་ཡང་ཡིན་ནོ། །ཕྲིན་ལས་ཀྱི་སྙིང་པོ་ཡང་ཡིན་ནོ། །དེའི་ཕྱིར་རྒྱུད་འདིར་གསུངས་པ། འདྲེལ་བའི་ཕྱིར་ན་གསུངས་པ་སྟེ། །སྐུ་གསུང་ཐུགས་དང་ཡོན་ཏན་ལས། །ཆོས་ཀྱི་སྐུ་དང་གཟུགས་ཀྱི་སྐུ། །རྒྱུ་དང་ཐབས་དང་འབྲས་བུ་ལ། །འདྲེལ་བའི་ཕྱིར་ན་རྒྱུད་ཅེས་བྱ། །རྒྱུད་ཅེས་གྲགས་པ་འདྲེལ་བ་སྟེ། །གཅིག་ལ་གཅིག་འདྲེལ་རྒྱུད་ཀྱི་དོན། །རབ་འདྲེལ་དེ་ནི་རྣམ་གསུམ་སྟེ། །དེས་ན་རྒྱུད་དུ་གྲགས་པའོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། དོན་དམ་པའི་ངང་ལས་རྒྱུད་དུ་གྲགས་པ། དཔལ་རྡོ་རྗེ་གཞོན་ནུ་རིགས་ལྔའི་ཚོགས་སུ་དུས་གསུམ་གྱི་བདེ་བར་གཤེགས་པ་ལས་ཕྱག་རྒྱའི་གཟུགས་སུ་བསྟན་པའི་ལེའུ་སྟེ་བཞི་ པའོ།། །།དེ་ནས་ཡང་གསང་བའི་བདག་པོས། བཛྲ་ཀཱི་ལ་ཡ་ཆེན་པོ་ལ་འདི་སྐད་ཅེས་གསོལ་ཏོ། །ཀྱེ་དཔའ་བོ་ཆེན་པོ་ཧཱུྃ་ཀཱ་ར་ལ་སོགས་པའི་ཁྲོ་བོ་ཆེན་པོ་འདི་རྣམས་ཇི་ལྟར་འབྱུང་བ་ལགས། སུས་བསྐྱེད་པ་ལགས། སུ་ཞིག་འདུལ་བ་ལགས། གང་ལས་གྲུབ་པ་ལགས། ཡེ་ཤེས་གང་གི་ངོ་བོ་ལགས། རྣམ་པར་དག་པ་གང་ལགས། ཉོན་མོངས་པ་གང་སྦྱོང་བ་ལགས། རྡོ་རྗེ་ཕྲེང་བ་ཞེས་བྱ་བ་ཇི་ལྟ་བུ་ལགས། གང་ལས་རྣམ་པར་དག་པ་ལགས། དེ་སྐད་ཞུས་པ་དང་། བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ལེགས་སོ་ལེགས་སོ་གསང་བའི་བདག །མ་འོངས་དོན་དུ་ཞུས་པ་ལེགས་སོ། །ང་ཡིས་བཤད་ཀྱི་ཁྱོད་ཀྱིས་ ― DNG021_Page_0296 ―
[མ་དཔེ་གཟིགས་ན་འདིར་གནོན།]
ཉོན། །ཁྲོ་བོ་ཆེན་པོ་འདི་རྣམས་ཀྱང་། །སྐྱེ་བ་རྣམ་བཞི་ལས་བྱུང་བའོ། །འདི་རྣམས་རྡོ་རྗེ་གསང་བས་བསྐྱེད་པའོ། །འདི་རྣམས་བགེགས་ཀྱི་རྒྱལ་པོ་རྣམས་འདུལ་བའི་དོན་དུ་འཚལ་ལོ། །འདི་རྣམས་ནི་མ་འོངས་པའི་དོན་དུ་འཚལ་ལོ། །རྣམ་པར་ཤེས་པའི་ཚོགས་བརྒྱད་ལས་གྲུབ་པའོ། །རྣམ་པར་རྒྱལ་བ་ནི་མེ་ལོང་ལྟ་བུའི་ཡེ་ཤེས་ཀྱི་འབྲས་བུའོ། །གཤིན་རྗེ་གཤེད་ནི་མཉམ་པ་ཉིད་ཀྱི་ཡེ་ཤེས་ཀྱི་འབྲས་བུའོ། །ཧ་ཡ་གྲཱི་ཝ་ནི་སོ་སོར་རྟོག་པའི་ཡེ་ཤེས་ཀྱི་འབྲས་བུའོ། །བདུད་རྩི་འཁྱིལ་པ་ནི་བྱ་བ་ནན་ཏན་གྱི་ཡེ་ཤེས་ཀྱི་འབྲས་བུའོ། །ཧཱུྃ་ཀཱ་ར་ནི་ཆོས་ཀྱི་དབྱིངས་ཀྱི་ཡེ་ཤེས་ཀྱི་འབྲས་བུའོ། །གཞན་དག་ནི་གཟུང་བའི་ཆ་ལས་གྲུབ་པའོ། །འདི་རྣམས་ནི་ཞེ་སྡང་ལ་སོགས་པ་རྣམ་པར་དག་པའོ། །འདི་རྣམས་ནི་ཞེ་སྡང་ལ་སོགས་པའི་གཉེན་པོའོ། །སྐུ་གསུམ་གྱི་མཚན་ཉིད་ཡིན་པས་ཕྲེང་བའོ། །འདུས་བྱས་ལས་རྣམ་པར་དག་པའོ། །ཞེས་གསུངས་ནས། ཁྲོ་མཆོག་འབར་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་མཉམ་པ་ཆེན་པོའི་སྐུར་བཞེངས་ཏེ། གསང་བའི་བདག་པོས་ཞུས་པ། བཅོམ་ལྡན་ཆེན་པོ་ཉག་རེ་གཅིག །ཁྱོད་ཉིད་ཡེ་ཤེས་གང་ལས་གྲུབ། །དཔའ་བོ་ཆེན་པོས་བཀའ་སྩོལ་དང་། །ཡ་མཚན་ཆེན་པོའི་ཆོས་ཉིད་ཤོད། །ཅེས་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། །བདག་གི་མཚན་ཉིད་རྟོགས་དཀའ་བ། །ཁྱོད་ཀྱིས་ཞུས་པ་ཡ་མཚན་ཆེ། །རང་བྱུང་ཆེན་པོའི་ཡེ་ཤེས་ལས། །དཔའ་བོ་ང་ནི་གྲུབ་པའོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། ཁྲོ་བོ་རྣམ་པར་རྒྱལ་བ་གླེང་གཞིའི་ལེའུ་སྟེ་ལྔ་པའོ།། །།དེ་ནས་ཡང་བཅོམ་ལྡན་འདས་གསང་བའི་བདག་པོས། ཁྲོ་བཅུའི་དངོས་པོ་ཞུས་པ། ཁྲོ་རྒྱལ་འཇིགས་བྱེད་ཀཱི་ལ་ཡ། །ཁམས་གསུམ་སྒྲོལ་མཛད་དཔལ་གྱི་ཐུགས་ཀ་ནས། །ཁྲོ་བོ་སྤྲུལ་པ་མང་པོར་བྱུང་དུ་གསོལ། །ཞེས་ཞུས་སོ། །དེ་མཁྱེན་ནས་ཀཱི་ལ་ཡ་ཆེན་པོས། ― DNG021_Page_0297 ―
[མ་དཔེ་གཟིགས་ན་འདིར་གནོན།]
འདོད་ཆགས་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། ཞུགས་མ་ཐག་ཏུ། སྒྱུ་མ་ཆེན་མོ་འཁོར་ལོ་རྒྱས་འདེབས་མ་དང་གཉིས་སུ་མེད་པར་འཁྲིལ་ལོ། །དེ་ནས་ཡབ་ཡུམ་ཆགས་པ་ཡང་དག་པའི་བདེ་བ་ཆེན་པོས་བསྐུལ་ནས་གཉིས་སུ་མེད་པར་གྱུར་ཏེ། འཁོར་ལོའི་ཛཿཧཱུྃ་བཾ་ཧོཿཡབ་ཡུམ་བདེ་བར་གྱུར་ཏོ། །དེ་ཡང་བདེ་བ་ཆེན་པོའི་འཁོར་ལོ་ལ་སོགས་པ་བཞུ་ནས། རྡོ་རྗེའི་བུ་ག་ལ་གནས་པ་དེ། ཡུམ་གྱི་མཁའ་ལ་ཕབ་ནས། བྱང་ཆུབ་ཀྱི་སེམས་འོད་ཟེར་དཀར་དམར་གྱི་རྣམ་པ་མང་དུ་བདེ་བ་ཆེན་པོའི་གནས་སུ་མང་དུ་འཕྲོས་པས། དེ་ལས་ཡི་གེའི་ཚོགས་དུ་མ་དུ་མས་གནས་དེ་དག་གང་བར་བྱས་སོ། །གང་མ་ཐག་ཏུ་ཞུ་ནས། ཡབ་ཀྱི་གསང་བར་འདུས་སོ། །ཡུམ་གྱི་མཁའ་ལ་དཀར་དམར་འདྲིལ་ལོ། །དེ་ལ་ཡུམ་གྱིས་ཧཱུྃ་ཧཱུྃ་ཞེས་པ་བཅུ་ཕྱུང་ངོ་། །དེ་ནས་དངོས་པོ་རྡོ་རྗེ་གཞོན་ནུ་སྟེ། ཀཱི་ལ་ཡ་ཆེན་པོས་འདི་སྐད་ཅེས་བརྗོད་དོ། །ཨཱོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ། གརྫ་གརྫ་ཧཱུྃ་ཕཊ། ཌྷི་བཛྲ་ཀྲོ་དྷ་བི་ཛ་ཡ་ཧཱུྃ། ཧ་ན་ཧ་ན་ཧཱུྃ་ཕཊ། ཌྷི་བཛྲ་ཀྲོ་དྷ་ཡ་མཱནྟ་ཀ་ཧཱུྃ། པ་ཙ་པ་ཙ་ཧཱུྃ་ཕཊ། ཨཱོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུྃ། ཧུ་ལུ་ཧུ་ལུ་ཧཱུྃ་ཕཊ། ཨཱོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ། ཙིནྡྷ་ཙིནྡྷ་ཧཱུྃ་ཕཊ། ཌྷི་བཛྲ་ཀྲོ་དྷ་ནཱི་ལ་དཎྜ་ཧཱུྃ། ད་ཧ་ད་ཧ་ཧཱུྃ་ཕཊ། ཌྷི་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ། བྷནྡྷ་བྷནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུྃ། ཏིཥྛ་ཏིཥྛ་ཧཱུྃ་ཕཊ། ཨཱོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུྃ། བྷིནྡྷ་བྷིནྡྷ་ཧཱུྃ་ཕཊ། ཌྷི་བཛྲ་ཀྲོ་དྷ་མ་ཧཱ་བ་ལ་ཧཱུྃ། སྥོ་ཊ་སྥོ་ཊ་ཧཱུྃ་ཕཊ། དེ་ནས་དུར་ཁྲོད་ཀྱི་རྒྱལ་པོའི་ཆས་ཀྱིས་རྣམ་པར་བརྒྱན་པའོ། །དེ་ནས་གསང་བའི་བདག་པོས། ཨ་ཧོ་སུ་ཁ་བཅོམ་ལྡན་འདས། །དངོས་གྲུབ་ཐམས་ཅད་ཁྱོད་ལ་འདུད། །ཁྲོ་བཅུའི་མཚན་ཉིད་ཁྱོད་ཀྱིས་བཤད་དུ་གསོལ། །ལེགས་སོ་ཁྲོ་རྒྱལ་གསང་བའི་བདག །ལེགས་སོ་ཁྲོ་རྒྱལ་ཀུན་གྱི་གཙོ། །ལེགས་སོ་ཆོས་རྣམས་ཀུན་གྱི་རྒྱུ། །ལེགས་སོ་གདུག་པ་འདུལ་བའི་བདུད། །ཅེས་ ― DNG021_Page_0298 ―
[མ་དཔེ་གཟིགས་ན་འདིར་གནོན།]
གསུངས་ནས་དགོངས་པ་ཆོས་ཀྱི་སྐུར་གྱུར་ཏེ། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། སྙིང་པོ་སྔགས་ཀྱི་ལེའུ་སྟེ་དྲུག་པའོ།། །།དེ་ནས་རྡོ་རྗེ་ཕྲེང་བའི་རྒྱུད་ལས། ཁྲོ་བོ་རྣམས་ཀྱི་རྣམ་པར་དག་པའི་མཚན་ཉིད་གསང་བའི་བདག་པོས་ཞུས་པ་དེ་བཤད་དོ། །ཀཱི་ལ་ཡས་བཀའ་སྩལ་པ། གཏི་མུག་རྣམ་པར་དག་པ་ཡི། །ཧཱུྃ་ཀཱ་ར་ཡི་མདོག་དང་རྒྱ། །གཡས་པ་སེར་ཞིང་གཡོན་པ་དམར། །རྩ་བའི་ཞལ་ནི་དཀར་པོའོ། །དང་པོ་མེ་དཔུང་རིག་མ་འཁྱུད། །འཁོར་ལོ་རལ་གྲི་གཡས་པ་སྟེ། །རིན་ཆེན་པདྨ་གཡོན་ནའོ། །སྟོབས་པོ་ཆེ་ཡི་མཚན་ཉིད་ཀྱང་། །གཡས་དཀར་གཡོན་དམར་རྩ་ཞལ་གནག །དང་པོ་མེ་དཔུང་རིག་མ་འཁྱུད། །གཡས་པ་ཏྲི་ཤཱུལ་རལ་གྲི་འཛིན། །གཡོན་པ་རིན་ཆེན་པདྨའོ། །རྣམ་པར་རྒྱལ་བ་དཀར་བ་སྟེ། །གཡས་པ་གནག་ཅིང་གཡོན་པ་དམར། །དང་པོ་མེ་དཔུང་རིག་མ་འཁྱུད། །གཡས་པ་དབྱུག་ཏོ་རལ་གྲི་ལ། །རིན་ཆེན་པདྨ་གཡོན་པ་སྟེ། །ཞེ་སྡང་རྣམ་པར་དག་པའོ། །ཤར་གྱི་རྩིབས་སུ་གཞག་པར་བྱ། །ང་རྒྱལ་རྣམ་པར་དག་པ་ནི། །ལྷོ་ཕྱོགས་གཤིན་རྗེ་མཐར་བྱེད་ནི། །དང་པོ་མེ་དཔུང་རིག་མ་འཁྱུད། །གཡས་པ་གནག་ཅིང་གཡོན་པ་དམར། །རྩ་བའི་ཞལ་ནི་སེར་བ་སྟེ། །གཡས་པ་ཐོ་བ་རལ་གྲི་ལ། །གཡོན་པ་རིན་ཆེན་པདྨའོ། །འདོད་ཆགས་རྣམ་པར་དག་པ་ནི། །ནུབ་ཕྱོགས་རྟ་མགྲིན་རྒྱལ་པོ་ནི། །གཡས་པ་དཀར་ལ་གཡོན་པ་སྔོ། །རྩ་བའི་ཞལ་ནི་དམར་བ་སྟེ། །དང་པོ་མེ་དཔུང་རིག་མ་འཁྱུད། །པདྨ་དང་ནི་རལ་གྲི་གཡས། །འཁོར་ལོ་རིན་ཆེན་གཡོན་པ་ནའོ། །ཕྲག་དོག་རྣམ་པར་དག་པ་ནི། །བདུད་རྩི་འཁྱིལ་པ་ཞལ་དབུས་ལྗང་། །གཡས་དང་གཡོན་ནི་དཀར་དང་དམར། །དང་པོ་མེ་དཔུང་རིག་མ་འཁྱུད། །གཡས་པ་རྒྱ་གྲམ་རལ་གྲི་འཛིན། །གཡོན་པ་པདྨ་རིན་ཆེན་ཏེ། ། ― DNG021_Page_0299 ―
[མ་དཔེ་གཟིགས་ན་འདིར་གནོན།]
བྱང་ཕྱོགས་གདན་ལ་བརྐྱང་བསྐུམ་བཞུགས། །ཞེ་སྡང་ཆ་འཛིན་དག་བྱེད་པ། །མེ་ཡི་ཕྱོགས་སུ་དབྱུག་སྔོན་ཅན། །གཡས་དང་གཡོན་ནི་དཀར་དང་དམར། །དང་པོ་མེ་དཔུང་རིག་མ་འཁྱུད། །སྐུ་ཞལ་དབུས་ནི་སེར་ལ་དམར། །གཡས་ན་དབྱུག་པ་རལ་གྲི་སྟེ། །གཡོན་ན་རིན་ཆེན་པདྨའོ། །ང་རྒྱལ་ཆ་འཛིན་མི་གཡོ་མགོན། །བདེན་བྲལ་ཕྱོགས་ན་ཡང་དག་གནས། །གཡས་དཀར་གཡོན་དམར་སེར་བའི་ཞལ། །དང་པོ་མེ་དཔུང་རིག་མ་འཁྱུད། །འཁོར་ལོ་རལ་གྲི་གཡས་ནའོ། །རིན་ཆེན་པདྨ་གཡོན་ནའོ། །འདོད་ཆགས་ཆ་འཛིན་གཞན་མི་ཐུབ། །གཡས་པ་དཀར་ལ་གཡོན་པ་དམར། །སྐྲ་དང་དབུ་ནི་དམར་ལྗང་ལ། །དང་པོ་མེ་དཔུང་རིག་མ་འཁྱུད། །རྡོ་རྗེ་རལ་གྲི་གཡས་ནའོ། །རིན་ཆེན་པདྨ་གཡོན་ནའོ། །རླུང་ལྷའི་མཚམས་སུ་ཡང་དག་གནས། །ཕྲག་དོག་ཆ་ནི་དག་བྱེད་པ། །དབང་པོའི་གྲྭར་ནི་གཞག་བྱ་སྟེ། །ཁམས་གསུམ་རྣམ་རྒྱལ་ཞལ་གསུམ་པ། །ཞལ་གཡས་དཀར་ལ་གཡོན་པ་དམར། །སྐུ་དང་དབུ་ནི་ལྗང་སྐྱ་ལ། །དང་པོ་མེ་དཔུང་རིག་མ་འཁྱུད། །ལྕགས་ཀྱུ་རལ་གྲི་རིན་ཆེན་པད། །གཡས་དང་གཡོན་གྱི་ཕྱག་ཏུ་བསྣམས། །གཏི་མུག་ཆ་ནི་དག་བྱེད་པ། །ཁྲོ་བོ་ཆེན་པོ་སྟོབས་ཆེན་ཡང་། །ཡང་དག་ཉིད་དུ་འོག་ཏུ་གསུངས། །ཐམས་ཅད་རྡོ་རྗེའི་གོ་ཆ་སྟེ། །ཁྲོ་མོ་རྣམས་ཀྱི་རིགས་དང་མདོག །སོ་སོའི་ཁ་དོག་ཇི་བཞིན་ནོ། །རང་རེའི་ལག་ཆ་ལག་ན་བསྣམས། །ཞེས་གསུངས་ནས། དེ་ཉིད་དུ་མི་སྣང་བར་གྱུར་ཏོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། ཁྲོ་བོ་རྣམས་ཀྱི་ཞལ་དང་ཕྱག་ལ་སོགས་པ་རྣམ་པར་དག་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོ་དེ། ཆོ་འཕྲུལ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་རྣམས་ཀྱི་སྤྲུལ་པ་སྦྱོར་བ་མོ་བདག་པོ་རྣམས་དགའ་བར་བྱེད་པ། དེ་བཞིན་གཤེགས་པའི་བཙུན་མོ་དམ་པ་དཔལ་རྡོ་རྗེ་སྒྲ་འབྱིན་མ་དང་། རྡོ་ ― DNG021_Page_0300 ―
[མ་དཔེ་གཟིགས་ན་འདིར་གནོན།]
རྗེ་སྙེམས་མ་དང་། རྡོ་རྗེ་དུར་ཁྲོད་བདག་མོ་དང་། རྡོ་རྗེ་གཏུམ་མོ་དང་། རྡོ་རྗེ་བསྐུལ་བྱེད་མ་དང་། རྡོ་རྗེ་སྡེར་མོ་དང་། རྡོ་རྗེ་གཏུན་ཁུང་མ་དང་། རྡོ་རྗེ་མདའ་སྙེམས་མ་དང་། རྡོ་རྗེ་གསོད་མ་དང་། རྡོ་རྗེ་བསྐྱོད་མ་དང་། གཉིས་སུ་མེད་པར་བཞུགས་པ་དེ་རྣམས་ཀྱི་སྤྲུལ་པ་ཡང་། བྱང་ཆུབ་ཀྱི་སེམས་དཀར་དམར་ལས་གྲུབ་པའི་ཕྲ་མེན་མ་སྟེ། ཕག་གི་མགོ་ཅན་དང་། སྟག་གི་མགོ་ཅན་དང་། ཤ་བའི་མགོ་ཅན་དང་། བྱི་ལའི་མགོ་ཅན་དང་། སེང་གེའི་མགོ་ཅན་དང་། གཡག་གི་མགོ་ཅན་དང་། གཟིག་གི་མགོ་ཅན་དང་། སྤྱང་ཀིའི་མགོ་ཅན་དང་། དྲེད་ཀྱི་མགོ་ཅན་དང་། དོམ་གྱི་མགོ་ཅན་དང་། སྨིག་བུའི་མགོ་ཅན་དང་། བྱ་རྒོད་ཀྱི་མགོ་ཅན་དང་། འུག་པའི་མགོ་ཅན་དང་། པུ་ཤུད་ཀྱི་མགོ་ཅན་དང་། ཕ་ཝང་གི་མགོ་ཅན་དང་། བྱ་རོག་གི་མགོ་ཅན་དང་། ཁྭ་ཏའི་མགོ་ཅན་དང་། ཁྲའི་མགོ་ཅན་དང་། སྲེ་མོའི་མགོ་ཅན་དང་། བྱི་ལའི་མགོ་ཅན་ལ་སོགས་པ་རྣམས་དང་། ཡང་སྤྲུལ་དང་། སུམ་སྤྲུལ་ལ་སོགས་པ་ཆོ་འཕྲུལ་འབར་བའི་ཚོགས་ཀྱིས་དཔལ་རྡོ་རྗེ་གཞོན་ནུ་དེ་ལ་བསྐོར་བས་དཀྱིལ་འཁོར་གྱི་བདག་པོར་བཞུགས་སོ། །དེ་ནས་གསང་བའི་བདག་པོས་བཅོམ་ལྡན་འདས་ལ་ཆོ་འཕྲུལ་འབྱུང་བ་འདི་ཇི་ལྟར་ལགས། ཞེས་གསོལ་པ་དང་། ཀཱི་ལ་ཡས་བཀའ་སྩལ་པ། ལེགས་སོ་གསང་བའི་བདག་པོ་ཁྱོད། །གང་གི་དོན་དུ་ཁྱེད་ཀྱིས་ཞུས། །ཞེས་བཀའ་སྩལ་ཏོ། །གསང་བའི་བདག་པོས་གསོལ་པ། གདུག་རྩུབ་རྣམས་ལ་ཕན་དོན་དུ། །ཁྱོད་ཀྱིས་བཀའ་སྩོལ་བདག་གིས་ཉན། །ཞེས་པས། ཀཱི་ལ་ཡ་ཆེན་པོས་ཞེ་སྡང་གི་འཛུམ་གྱིས་ཐམས་ཅད་དུ་བལྟས་པས། ཀཱི་ལ་ཡའི་ཨག་ཚོམ་ལ་སོགས་པ་བ་སྤུའི་བུ་ག་ཐམས་ཅད་ནས། རྡོ་རྗེ་ཕུར་བུའི་སྤྲུལ་པ་དཔག་ཏུ་མེད་པ་འཕྲོས་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ ― DNG021_Page_0301 ―
[མ་དཔེ་གཟིགས་ན་འདིར་གནོན།]
འགུལ། གཡོས། ལྡེག །འཕར། ཆེམ་ཆེམ། འུར་འུར། ཐུག་ཐུག་གི་སྒྲ་ཆེན་པོས་བདུད་རཱུ་ཏྲ་ལ་སོགས་པ་ཐམས་ཅད་དུས་གཅིག་ཏུ་བརྒྱལ་ནས། གན་བུབ་ཏུ་འགྱེལ་ནས་ཁྲག་ཏུ་སྐྱུགས་སོ། །དེ་ནས་དེ་དག་མི་ནུས་བཞིན་དུ་ལངས་ནས། གཅིག་གིས་གཅིག་ལ་དྲིས་པས། སུས་ཀྱང་མ་ཤེས་སོ། །དེར་དེ་དག་ཐམས་ཅད་ཐེ་ཚོམ་གྱི་དྲྭ་བར་ཚུད་ནས། འདི་སུའི་མཐུ་ཡིན། སུའི་བྱིན་གྱིས་བརླབས་པ་ཡིན། སུས་བཏང་བ་ཡིན། འདི་འུ་ཅག་གིས་སུ་ལ་འདྲི། འདི་ཡིས་འུ་ཅག་ལ་གནོད་པ་ཆེན་པོ་བྱེད་པ་མིན་ནམ། ཞེས་གཅིག་གིས་གཅིག་ལ་དྲིས་པས། དེ་རྣམས་ལ་འཕགས་པ་སྤྱན་རས་གཟིགས་དབང་ཕྱུག་གིས་དཔལ་ཕྱག་ན་རྡོ་རྗེའི་སྐུར་སྤྲུལ་ནས། ཕྱག་གཡས་པ་གསེར་གྱི་རྡོ་རྗེ་རྩེ་དགུ་པ་བསྣམས་ཏེ། འདི་ནི་ངའི་མཐུའོ། །འདི་ནི་ངའི་བྱིན་གྱིས་བརླབས་སོ། །འདི་ནི་ངས་བཏང་བ་ཡིན་ནོ། །འདི་ནི་ཁྱེད་ཀྱི་བདུད་ཡིན་པས། ཁྱོད་ཀྱང་བསྟན་པ་ལ་གནོད་པ་མ་བྱེད་ཅིག །ཅེས་བསྒོ་བས། སྲིན་པོ་དེ་རྣམས་ཀྱིས་བསྙད་ནས། གལ་ཏེ་ཁྱོད་པས་ལྷག་གཞན་པ་སུ་ཡོད་དྲིས་པས། གསང་བའི་བདག་པོས་བཀའ་སྩལ་པ། ང་བས་ཀྱང་ལྷག་པ་དུས་གསུམ་གྱི་སངས་རྒྱས་ཐམས་ཅད་འདུས་པའི་སྲས་མཆོག་ཏུ་གྱུར་པ་དཔལ་རྡོ་རྗེ་གཞོན་ནུ་བྱ་བ་ནི། ཆོས་ང་བས་ཀྱང་ལྷག་པ་ཡིན་ནོ། །ཞེས་པས། དེ་རྣམས་ཀྱིས་སྨྲས་པ། ཀྱེ་མ་མ་མཐོང་འཇིགས་པའི་རྗེ་བཙན་ཁྱོད། །ཁྱོད་པས་ལྷག་པ་ཡོད་ན་ནི། །བདག་ཅག་རྣམས་ནི་བརྒྱལ་ནས་འཆི། །ཞེས་སྨྲས་པས། བ་སྤུ་ལངས་ནས་གན་བུབ་ཏུ་སོང་ངོ་། །དེ་ནས་རྡོ་རྗེ་གཞོན་ནུས་ཕྲིན་ལས་རྣམ་བཞིའི་སྔགས་བརྗོད་པས། གཅིག་དང་གཉིས་མ་ཡིན་པ་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ང་ཅི་བས་ཀྱང་འགུལ་ཞིང་གཡོ་བའི་བ་སྤུའི་བུ་ག་ནས། བྱེ་བ་དུང་ཕྱུར་ཙམ་གྱི་ཁྲོ་བོའི་སྤྲུལ་པ་ཡང་སྤྲུལ་བྱུང་ངོ་། །དེ་རྣམས་ཀྱིས་འཇིག་རྟེན་ ― DNG021_Page_0302 ―
[མ་དཔེ་གཟིགས་ན་འདིར་གནོན།]
གྱི་ཁམས་ཐམས་ཅད་ཤིག་ཤིག །ནུར་ནུར་པོར་བརླགས་པས། བསྟན་པ་ལ་གནོད་པའི་དགྲ་དང་བགེགས་ཐམས་ཅད་བརླག་པར་བྱས་སོ། །དེ་ནས་དེ་རྣམས་ཀྱི་ལུས་ནི་གདན་དུ་བྱས། ཆུང་མ་ནི་སླས་དང་བྱི་མོ་དང་བྲན་མོར་བྱིན་པ་ནི། འཁོར་དབང་ཕྱུག་མ་ལ་སོགས་པའོ། །རྡོ་རྗེ་གསང་བའི་བཀའ་ལས་ནི། །སུས་ཀྱང་འདའ་བར་མི་ནུས་སོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། སྤྲུལ་པས་དྲེགས་པ་ཅན་བཏུལ་བའི་ལེའུ་སྟེ་བརྒྱད་པའོ།། །།དེ་ནས་དེ་བཞིན་གཤེགས་པ་ཤིན་ཏུ་གསང་བའི་ཏིང་ངེ་འཛིན་ལ་སྙོམས་པར་ཞུགས་ནས། ཤིན་ཏུ་གསང་བའི་ཡང་གསང་བ་བསྐྱེད་པའི་རྫོགས་པ་འདི་ལྟ་བུ་གསུངས་སོ། །གསང་བ་ཁམས་ཀྱི་གནས་དག་ཏུ། །སངས་རྒྱས་རྣམས་ཀྱི་དཀྱིལ་འཁོར་ཏེ། །བསྐྱེད་པའི་རིམ་པ་རྫོགས་པ་དང་། །བདག་གི་དེ་ཉིད་ཁོ་ནའོ། །བྱིན་གྱིས་བརླབ་པར་བྱ་བ་ནི། །དང་པོར་བདེ་ཆེན་འཁོར་ལོ་ནི། །རང་བཞིན་དཀྱིལ་འཁོར་ཁོ་ནའོ། །མགྲིན་པ་ལོངས་སྤྱོད་འཁོར་ལོ་ནི། །ཕྱོགས་བཅུ་ཁྲོ་བོའི་དཀྱིལ་འཁོར་རོ། །སྙིང་ག་ཆོས་ཀྱི་འཁོར་ལོ་ནི། །བདག་ཉིད་རྩ་བའི་དཀྱིལ་འཁོར་རོ། །ལྟེ་བ་སྤྲུལ་པའི་འཁོར་ལོ་ནི། །ཕུར་པ་སྲས་རྫས་ཡང་ཀྱི་དཀྱིལ་འཁོར་རོ། །དེ་ནས་འཁོར་ལོ་གསུམ་པ་ནི། །མེ་ཡི་འཁོར་ལོར་བསྟན་པ་ཡིན། །འབྲུབ་ཁུང་ལས་ཀྱི་དཀྱིལ་འཁོར་རོ། །དེ་ནས་འཁོར་ལོ་དྲུག་པོ་ནི། །གནན་པ་འཁོར་ལོའི་དཀྱིལ་འཁོར་རོ། །དེ་ནས་འདེབས་པའི་འཁོར་ལོ་ནི། །རྩེ་མོའི་བྷ་ག་ཉིད་དུ་བཤད། །དེ་ལ་སྔགས་པས་བསྒྲུབ་པར་བྱའོ། །ཐབས་དང་ཤེས་རབ་ལྡན་པས་ནི། །གྱེན་དུ་འགྲོ་དང་ཐུར་དུ་འགྲོ། །ལྔ་པ་གཉིས་ནི་བཅུ་རུ་འགྱུར། །སྲོག་ནི་རྩོལ་བ་ལས་བྱུང་བའི། །རིམ་པ་རླུང་གི་དེ་ཉིད་ཡིན། །ཨཱ་ལི་ཀཱ་ལི་ལ་སོགས་པ། །སྔགས་ཀྱི་ཁོ་ན་ཉིད་དོ་ཞེས། །དེ་ལ་བདག་གི་དེ་ཁོ་ན་ཉིད། །ནམ་མཁའི་ཁམས་ཀྱི་དབུས་དག་ཏུ། །སངས་རྒྱས་གཞལ་ ― DNG021_Page_0303 ―
[མ་དཔེ་གཟིགས་ན་འདིར་གནོན།]
ཡས་རྫོགས་རྗེས་ལ། །དཀྱིལ་འཁོར་ཤེས་རབ་བསྒོམ་པར་བྱ། །དེ་ཡི་དབུས་སུ་སངས་རྒྱས་རྣམས། །མན་ངག་ཇི་བཞིན་རྫོགས་པ་ལ། །ཕྱག་རྒྱ་བཞི་ཡི་རྒྱས་བཏབ་པས། །སྨུག་པོ་གུར་འདྲ་ཡེ་ཤེས་སེམས། །རང་གི་གཙོ་བོའི་རྟགས་ཀྱིས་བརྒྱན། །ཤེས་རབ་ཐབས་ཀྱི་བྱེ་བྲག་ལས། །ཡན་ལག་བཞི་ནི་རབ་ཏུ་འདྲེལ། །དཀྱིལ་འཁོར་བཞི་ནི་བསྐྱེད་བྱས་ལ། །དཀྱིལ་འཁོར་བཞི་ནི་ལྡན་པ་ལ། །བདག་གི་དེ་ཉིད་རིམ་གྱི་རླུང་། །རླུང་གི་དེ་ཉིད་ཡང་དག་འཇུག །དང་པོར་བདག་ཉིད་བྱིན་བརླབས་པས། །དཀྱིལ་འཁོར་ཀུན་དང་ལྡན་པ་ཡིན། །ཐབས་ཀྱི་ཁྱད་པར་ལས་བྱུང་བའི། །འཁོར་ལོ་རྣམས་ནི་རབ་ཏུ་དམིགས། །ཆོས་དང་ལོངས་སྤྱོད་སྤྲུལ་པ་དང་། །བདེ་བ་ཆེན་པོའི་འཁོར་ལོ་ཆེ། །པདྨའི་འདབ་མ་ལས་བྱུང་བའི། །ས་བོན་ཡི་གེ་རྣམས་ཀྱིས་བརྒྱན། །བདེ་བ་ཆེན་པོའི་འཁོར་ལོ་ནི། །མཚན་ནི་སུམ་ཅུ་རྩ་གཉིས་ཡིན། །མགྲིན་པ་པདྨ་བཅུ་དྲུག་ནི། །འཕགས་པའི་ལམ་དང་ཡན་ལག་གོ། །སྙིང་གའི་པདྨ་འདབ་བརྒྱད་ནི། །བདེན་པ་བཞི་ཡི་མཚན་ཉིད་ཡིན། །ལྟེ་བའི་པདྨ་དྲུག་ཅུ་བཞི། །གཟུགས་ཀྱི་སྐུ་ལ་མཚན་བཟང་པོ། །འཁོར་ལོའི་རྣམ་པ་ཀུན་ལ་ནི། །དབྱངས་ཀྱི་ཡི་གེས་གང་བར་བྱས། །ལྟེ་བ་ལ་ནི་ཡི་གེ་ཧཾ། །དེ་ཉིད་འགོག་པ་མྱ་ངན་འདས། །དང་པོ་བདེ་བ་ཆེན་པོའི་སྐུ། །དེ་ལྟར་ཐོབ་བྱེད་འཇུག་པ་ལ། །བུམ་པའི་དབང་ནི་དང་པོ་སྟེ། །ལམ་གྱི་འབྲས་བུའི་ཚུལ་འཆང་བའི། །རིགས་བཞིའི་ས་བོན་ཕྱོགས་དག་ཏུ། །ངག་གི་ལམ་གྱི་ལྟེ་བར་ཧྲི། །དེ་ཉིད་ལས་སུ་གསུངས་པའི་དབང་། །ལོངས་སྤྱོད་རྫོགས་པས་ལོངས་སྤྱོད་སྐུ། །དེས་ནི་རྒྱུད་སྡེ་མཐའ་དག་གི། །འགོག་པ་སེལ་བའི་དབང་ཡིན་ནོ། །གཉིས་པ་གསང་བའི་དབང་ཡིན་ཏེ། །བདེན་པ་བཞི་ཡི་རང་བཞིན་ཅན། །ཐུགས་ཀྱི་ཡེ་ཤེས་རྩེ་གཅིག་པས། །ལྟེ་བའི་སྟེང་དུ་ཡི་གེ་ཧཱུྃ། །ཐབས་དང་ཤེས་རབ་མཐའ་དག་སྡུད། །དེ་ཉིད་རྣམ་པ་ཀུན་འབྱུང་བ། །ཆོས་ ― DNG021_Page_0304 ―
[མ་དཔེ་གཟིགས་ན་འདིར་གནོན།]
ཀྱི་སྐུ་ཡི་བདག་ཉིད་ལས། །གསུམ་པ་ཤེས་རབ་ཡེ་ཤེས་དབང་། །ཐུན་མོང་མཚན་དང་ལྡན་པ་ཡིས། །རྣམ་པ་གཉིས་སུ་གྱུར་པས་ན། །ཕྱོགས་མཚམས་དག་ནི་རིགས་རྣམས་ཀྱིས། །ས་བོན་ཉིད་ཀྱིས་མཚན་པ་ལ། །ལྟེ་བར་ཌྷི་ཡིག་རྣམ་པར་བསམ། །སྡུག་བསྔལ་བདག་ཉིད་ལྡན་པས་ན། །སྤྲུལ་པས་དོན་མཛད་རྣམ་པར་དག །བཞི་པའི་དོན་ཉིད་ཡིན་པའི་དབང་། །དང་པོ་མདོ་རྒྱུད་ཉན་པའི་དབང་། །བུམ་པའི་དབང་དུ་ཡང་དག་གསུངས། །གཉིས་པ་དམ་རྫས་བརྟེན་པའི་དབང་། །གསང་བའི་དབང་དུ་ཡང་དག་གསུངས། །གསུམ་པ་ཉམས་སུ་མྱོང་བའི་དབང་། །ཤེས་རབ་ཡེ་ཤེས་དབང་དུ་གསུངས། །བཞི་པ་དེ་རྣམས་སྨིན་པའི་དབང་། །བདེན་པ་བཞི་ཡི་བྱེ་བྲག་གིས། །ཆོས་དང་ཡེ་ཤེས་རྣམས་ལྡན་པའོ། །དེ་ལྟར་རྫོགས་པའི་བྱིན་རླབས་ཀྱིས། །ཡན་ལག་བཞི་ཡི་རང་བཞིན་དང་། །སྙིང་པོ་ཕྱག་རྒྱ་སྔགས་རིགས་དང་། །ཆོ་འཕྲུལ་བཞི་རྣམས་ལྡན་པས་ན། །དགོས་དོན་འདྲེལ་བར་རབ་གྲུབ་པའོ། །རིམ་པ་གཉིས་དང་རབ་ལྡན་ཞིང་། །བརྗོད་བྱ་ཐམས་ཅད་འདུས་པ་ཡིན། །ལུས་ཀྱི་རྩ་ནི་ཇི་སྙེད་པ། །སུམ་བརྒྱ་དྲུག་ཅུར་ལྡན་པ་ལ། །བདག་པོ་བཅུ་དྲུག་བསྟན་པ་ཡིན། །དེ་ཉིད་གསུམ་གྱི་བདག་པོ་ལྷ། །ཐབས་དང་ཤེས་རབ་བདེ་ཆེན་རྩ། །དེ་ནི་རྣམ་པ་གསུམ་དུ་འདུ། །བདུད་རྩི་ལྔ་ཡི་དྭངས་མ་བས། །བདུད་རྩི་ལྔ་ནི་འབྱུང་བར་བྱེད། །དེ་ཉིད་བདུད་རྩི་ལྔར་འགྱུར་རོ། །འབྱུང་བ་ལྔ་ཡི་རང་བཞིན་དང་། །ཁ་དོག་ལྔ་ཡི་རང་བཞིན་གྱིས། །གྱེན་དང་ཐུར་དུ་རྒྱུ་བའི་རླུང་། །སྲོག་དང་རྩོལ་བ་ཞེས་བཤད་དེ། །རྣམ་པ་བཅུ་པ་གཉིས་སུ་འགྱུར། །དེ་ཡི་འབྱུང་བའི་རིམ་པ་ཡིན། །གསང་བའི་གནས་ནི་ཐམས་ཅད་དུ། །སྔགས་ཀྱི་དེ་ཉིད་ཡང་དག་འཇུག །ཟུང་འཇུག་ཏིང་འཛིན་ལ་གནས་པས། །སེམས་ལ་དམིགས་པ་ཐོབ་བྱེད་དེ། །གང་དུ་བསླབ་པར་ ― DNG021_Page_0305 ―
[མ་དཔེ་གཟིགས་ན་འདིར་གནོན།]
མི་བྱའོ། །སྔགས་ཀྱི་དེ་ཉིད་གང་ཡིན་པ། །རྣལ་འབྱོར་རྣམས་ཀྱིས་ཤེས་པར་གྱིས། །གང་ལས་སངས་རྒྱས་གནས་གྱུར་པ། །དེ་ཉིད་གསང་བ་དམ་པ་སྟེ། །དེ་བཞིན་གཤེགས་པའི་སྤྱོད་པ་ཡིན། །བླུན་པོ་རྣམས་ཀྱིས་མི་མཐོང་སྟེ། །རྣལ་འབྱོར་རྣམས་ཀྱིས་དེ་ཤེས་ནས། །ཡང་དག་དོན་ལ་ཞུགས་པ་ཡིན། །སྟོང་ཉིད་ངོ་བོར་ཡེ་གནས་ན། །ཚད་མེད་བཞི་ཡང་ཟིལ་གྱིས་གནོན། །འདོད་ཆགས་ཆེན་པོའི་ཚུལ་གྱིས་ནི། །ཡེ་ཤེས་ཆེན་པོ་ཐོབ་པར་བྱེད། །ཕྱག་རྒྱ་བཞི་དང་ཡན་ལག་བཞི། །དེ་ལྟར་ཆོས་ཀྱི་སྐུ་དང་ནི། །ཐུན་མོང་མཆོག་ཏུ་གསུངས་པ་ཡིན། །དེ་ཉིད་ས་བོན་བདག་ཉིད་པས། །ཕྲ་མོའི་ཐིག་ལེར་གནས་པར་བྱེད། །འདི་ནི་སངས་རྒྱས་ཐམས་ཅད་ཀྱི། །བྱང་ཆུབ་ཆེན་པོ་བླ་ན་མེད། །སྐུ་གསུང་ཐུགས་སུ་བདག་སྦྱོར་བས། །སྔགས་ལ་དམིགས་པ་ཐོབ་པར་འགྱུར། །སྔགས་ལ་དམིགས་པའི་བདག་ཉིད་ཀྱིས། །སྟོང་ཉིད་ཡེ་ཤེས་ཐོབ་པར་བྱེད། །དེ་བཞིན་གསང་སྔགས་སྒོམ་པ་པོས། །བདེ་ཆེན་འཁོར་ལོར་རྒྱུན་བཞུ་ནས། །རིམ་པ་བཞིན་དུ་བབས་གྱུར་ཏེ། །བྱང་ཆུབ་སེམས་ཀྱི་རང་བཞིན་དག །སྦྱོར་བའི་ལྷུམས་སུ་ཕཊ་ཀྱིས་འཕང་། །པདྨ་ཟླ་བ་ཁ་སྦྱོར་བས། །ཚངས་པའི་བུ་ག་ཁ་སྦུབ་ནས། །འོད་ཟེར་འཕྲོ་འདུའི་སྦྱོར་བ་ཡིས། །དབུགས་ནི་ཐིག་ལེ་ཉིད་དུ་བཞག །ཡང་ན་སྔགས་ལ་དམིགས་པ་ཡིས། །བྱང་ཆུབ་སེམས་ཀྱི་རང་བཞིན་དག །གསང་བའི་གནས་སུ་ཞུ་བར་བྱེད། །འོད་ཟེར་རྣམས་ཀྱིས་རང་བཞིན་གྱི། །བྱང་ཆུབ་སེམས་ནི་ཞུ་མཛད་དེ། །མི་རྟོག་ཡེ་ཤེས་སྐྱེ་བར་བྱེད། །ལུས་དང་ངག་དང་སེམས་རྣམས་ནི། །སྔགས་ལ་དམིགས་པའི་མཚན་མ་དག །འདར་ཞིང་སྤྲུག་པ་འཕར་བ་དང་། །བར་སྣང་དག་ལ་འཕྱོ་བར་བྱེད། །དེ་ཉིད་ཞི་བར་གྱུར་པ་དང་། །ཁམས་ཀྱི་ཟས་དང་རྣམ་བྲལ་ཏེ། །བྱིང་རྒོད་དབུགས་ནི་རབ་ཞི་ནས། །དལ་བར་རྒྱུ་བ་ ― DNG021_Page_0306 ―
[མ་དཔེ་གཟིགས་ན་འདིར་གནོན།]
འབྱུང་གྱུར་ཏེ། །དེ་ནས་དྲོད་ཚད་དང་པོ་ནི། །སྨིག་སྒྱུ་ལྟ་བུ་མཐོང་བ་དང་། །དུ་བ་ལྟ་བུ་མཐོང་བ་དང་། །སྲིན་བུ་ལྟ་བུའི་མཚན་མ་དང་། །མར་མེ་ལྟ་བུའི་མཚན་མ་དང་། །ནམ་མཁའ་བཞིན་དུ་དྭངས་པ་ནི། །རྟོགས་ན་ཆོས་སྐུ་བདེ་བ་ཆེ། །ཡེ་ཤེས་སྐུ་མཆོག་དེ་ཉིད་ལས། །ཟླ་བ་དྲུག་དང་བཅུ་གཉིས་དང་། །བཅོ་བརྒྱད་དག་གིས་འགྲུབ་པར་འགྱུར། །གང་ཚེ་དེས་ཀྱང་མ་གྲུབ་ན། །དྲག་ཤུལ་ཚུལ་གྱིས་བསྒྲུབ་པར་བྱ། །ཞེས་སྒྱུ་མ་ཆེན་པོར་བདག་གིས་གསུངས་སོ། །ཇི་ལྟར་བློ་ནི་དམན་གྱུར་ཀྱང་། །མི་ཚེ་འདི་ཡིས་འགྲུབ་པ་ཡིན། །གདོན་མི་ཟ་བར་ཐེ་ཚོམ་མེད། །ཅེས་སྨྲས་པའོ། །སྒྱུ་མ་ཆེན་པོའི་ཐབས་མཆོག་སྟེ། །འདི་ནི་རྒྱལ་བ་ཐམས་ཅད་ཀྱི། །སྐྱེད་པའི་ཞིང་དུ་རྣམ་པར་གྲགས། །དམ་པ་གསང་ཆེན་གྱི་རྒྱུད་ཆེན་པོ་རྡོ་རྗེ་ཕྲེང་བ་ཞེས་བྱ་བ་ལས། གསང་བའི་མན་ངག་མཆོག་གི་ཐབས་ཆེན་པོ་ལས་མན་ངག་གི་ལེའུ་སྟེ་དགུ་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ཨ་ལ་ལ་ཧོ་དཔའ་བོ་ཆེན་པོ་ཁྱོད་ནི་སངས་རྒྱས་ཀུན་གྱི་རྗེ་བཙན་ནོ། །སངས་རྒྱས་ཀུན་གྱི་གདུང་ངོ་། །སངས་རྒྱས་ཀུན་གྱི་ལམ་མོ། །སངས་རྒྱས་ཀུན་གྱི་བདག་པོའོ། །ཞེས་གསོལ་ནས། སངས་རྒྱས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོ་ཁྱེད་ལ། བདག་ཅག་ཞུ་བར་འཚལ་ལོ། །ཡང་དག་པར་ཞུ་བར་འཚལ་ལོ། །རྗེ་བཙན་ཁྱོད་ཀྱིས་བཀའ་སྩོལ་ཅིག །བཅོམ་ལྡན་འདས་གཟུགས་དང་ཁ་དོག་གང་ལགས། དབྱིབས་དང་རིང་ཐུང་གང་ལགས། ཀུན་རྫོབ་བྱ་བ་གང་ལགས། དོན་དམ་བྱ་བ་ཅི་ལགས། ཆོས་ཉིད་བྱ་བ་ཅི་ལགས། ཡེ་ཤེས་བྱ་བ་གང་ལས་གྲུབ་པ་ལགས། འདུས་བྱས་ཀྱི་དངོས་པོ་གང་ལགས། འདུས་མ་བྱས་ཀྱི་དངོས་པོ་གང་ལགས། རྡོ་རྗེ་བྱ་བ་གང་ལགས། ཕུར་པ་བྱ་བ་ཅི་ལགས། དེ་རྣམས་ཀྱི་དངོས་པོ་ཅི་ལགས། ། ― DNG021_Page_0307 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་ཀྱིས་བཤད་དུ་གསོལ། །བདེ་བར་གཤེགས་པས་བཤད་དུ་གསོལ། །ཀཱི་ལ་ཡ་ཡིས་བཤད་དུ་གསོལ། །ཞེས་ཞུས་སོ། །དེ་ནས་བཅོམ་ལྡན་འདས་ཀྱིས་ཐམས་ཅད་ཀྱི་རང་བཞིན་མཉམ་པ་ཆོས་ཀྱི་སྐུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ་གསང་བའི་བདག །ཆོས་ཅན་རྣམ་པ་ཀུན་ཀྱང་ང་། །གཟུགས་དང་ཁ་དོག་རྣམ་པ་ང་། །དབྱིབས་དང་རིང་ཐུང་རྣམ་པ་ང་། །ཀུན་རྫོབ་ཐ་སྙད་ཐམས་ཅད་ང་། །རྣམ་གྲངས་དོན་དམ་ཐམས་ཅད་ང་། །སྤྲོས་མེད་ཆོས་ཀྱི་སྐུ་ཡང་ང་། །འདུས་བྱས་རྣམ་དག་ཡེ་ཤེས་ང་། །འདུས་མ་བྱས་པའི་དངོས་པོ་ང་། །མི་ཤིགས་རྡོ་རྗེ་ཆོས་ཉིད་ང་། །ཀུན་འདེབས་པ་ཡི་ཕུར་པ་ང་། །མདོར་ན་ཆོས་རྣམས་ཐམས་ཅད་ང་། །ཆོས་ཀྱི་སྐུ་ལས་མ་གཏོགས་པ། །སངས་རྒྱས་བྱ་བ་གུད་ན་མེད། །མདོར་ན་གཟུགས་སྐུ་རྣམ་གཉིས་ནི། །འགྲོ་བ་འདུལ་བའི་དབང་ཙམ་མོ། །མཚན་དང་དཔེ་བྱད་འདུལ་བའི་ཆོས། །ལས་དང་དཀྱིལ་འཁོར་སྤྲོས་པ་ཡིས། །རྨོངས་པ་འདུལ་བའི་དབང་དུ་བསྟན། །མདོར་ན་མ་དག་སེམས་ཅན་ལ། །སངས་རྒྱས་ས་དང་དམྱལ་བའི་གནས། །སོ་སོར་བསྟན་ཀྱང་མཐོང་བ་མེད། །འདོད་ཅིང་ཆགས་པའི་སེམས་ཅན་ནི། །ཡང་དག་དོན་གྱི་ཆོས་བསྒྲུབས་ཀྱང་། །ལྷ་གནས་གསུམ་ལས་ཡོངས་མི་འདའ། །ཆོས་རྣམས་ཀུན་གྱི་རྩ་བ་ནི། །གཞི་རྩ་མེད་པའི་སེམས་ཉིད་དེ། །ཆོས་རྣམས་ཀུན་གྱི་གཞི་ཡིན་ནོ། །དེ་རྟོགས་རང་བྱུང་ཡེ་ཤེས་ནི། །བཙལ་མི་དགོས་པར་རང་ལ་གནས། །རྟོགས་ན་མངོན་སངས་རྒྱས་པ་ཡིན། །སངས་རྒྱས་གཞན་ལ་རག་མི་ལུས། །མ་རྟོགས་པ་ཡི་སེམས་ཅན་ནི། །དམུས་ལོང་ཉི་མ་ལྟ་བུ་ཡིན། །སེམས་ཅན་སངས་རྒྱས་རྒྱུ་ཡིན་ཏེ། །བྱ་བཙལ་མེད་ན་འཁོར་བའི་རྒྱུ། །དཔེར་ན་འོ་མ་མར་ ― DNG021_Page_0308 ―
[མ་དཔེ་གཟིགས་ན་འདིར་གནོན།]
ཡིན་ཏེ། །ལག་གི་རྩོལ་བས་མ་བསྒྲུབས་ན། །མར་གྱི་དངོས་པོ་ག་ལ་ཡོད། །དཔེར་ན་འབྲུ་མར་ཐམས་ཅད་ཀྱང་། །དངོས་པོའི་ལས་རྣམས་ཇི་བཞིན་པར། །མང་པོ་འདུས་པས་མར་དུ་འགྱུར། །དེ་བཞིན་རྣལ་འབྱོར་ཐམས་ཅད་ཀྱང་། །སྐས་ཀྱི་རིམ་པ་ཇི་བཞིན་དུ། །ས་དང་ལམ་ལ་མི་གནས་ན། །སངས་རྒྱས་བྱ་བ་ཐོབ་མི་འགྱུར། །དེ་བས་རྣལ་འབྱོར་ཐབས་ལྡན་གྱིས། །བསྐལ་པ་མང་པོ་དུ་མ་རུ། །སྐས་ཀྱི་རིམ་པ་བཞིན་དུ་བགྲོད། །སྔོན་ཚེ་སངས་རྒྱས་ཐམས་ཅད་ཀྱང་། །ལམ་དང་ས་ལ་བརྟེན་བྱས་ནས། །བྱང་ཆུབ་མྱུར་དུ་ཐོབ་པ་ཡིན། །མར་མེ་མཛད་དང་ཤཱཀྱ་ཐུབ། །མ་འོངས་བྱམས་པའང་དེ་བཞིན་ཏེ། །དཔེར་ན་དཔའ་བོས་མདའ་འཕངས་པ། །ས་ལ་ལྷུང་བའི་གནས་མེད་ལྟར། །བྱ་བཙལ་དག་གིས་འཕངས་གྱུར་ན། །གཅིག་ནས་གཅིག་ཏུ་བགྲོད་ནས་ནི། །རྡོ་རྗེ་ལྟ་བུའི་ས་ཐོབ་སྟེ། །སྨོན་ལམ་སྟོབས་ཀྱིས་འབྱུང་བར་འགྱུར། །དེ་སྐད་དཔའ་བོས་ཡང་དག་གསུངས། །དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་གསོལ་པ། ཀྱེ་ཀྱེ་ཁྲོ་རྒྱལ་ཀཱི་ལ་ཡ། །དེ་ལྟར་ཐམས་ཅད་གཅིག་གྱུར་ན། །གཟུགས་ཀྱི་ཁ་དོག་ཇི་ལྟར་ལགས། །སྒྲ་ཡི་རྣམ་པ་ཇི་ལྟར་ལགས། །དྲི་ཡི་རྣམ་པ་ཇི་ལྟར་ལགས། །རོ་ཡི་རྣམ་པ་ཇི་ལྟར་ལགས། །རེག་བྱའི་རྣམ་པ་ཇི་ལྟར་ལགས། །ཆོས་ཀྱི་རྣམ་པ་ཇི་ལྟར་ལགས། །ཞེས་གསོལ་པ་དང་། ཀཱི་ལ་ཡས། གསང་བའི་བདག་པོ་ང་ལ་ཉོན་ཅིག །ཆོས་ཀྱི་རྣམ་པ་ཐམས་ཅད་ང་། །གཟུགས་ཀྱི་རྣམ་པ་ཐམས་ཅད་ང་། །སྒྲ་ཡི་རྣམ་པ་ཐམས་ཅད་ང་། །དྲི་ཡི་རྣམ་པ་ཐམས་ཅད་ང་། །རོ་ཡི་རྣམ་པ་ཐམས་ཅད་ང་། །རེག་བྱའི་རྣམ་པ་ཐམས་ཅད་ང་། །མདོར་ན་དངོས་པོ་ཐམས་ཅད་ང་། །ཡུལ་གྱི་རྣམ་པ་ཐམས་ཅད་ང་། །ཞེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། ཆོས་ཐམས་ ― DNG021_Page_0309 ―
[མ་དཔེ་གཟིགས་ན་འདིར་གནོན།]
ཅད་ཀུན་ནས་ཉོན་མོངས་པ་དང་། རྣམ་པར་བྱང་བ་ཐམས་ཅད་གཅིག་གི་ངོ་བོར་མྱ་ངན་ལས་འདའ་བར་བསྟན་པའི་ལེའུ་སྟེ་བཅུ་པའོ།། །།དེ་ནས་ཡང་བཅོམ་ལྡན་འདས་ཀྱིས། དཔའ་བོ་ཆེན་པོའི་རྣལ་འབྱོར་དུ་བྱས་ནས། བརྗིད་པའི་ཁྲོ་བོ་བཅུས་འཁོར་བ་ཐམས་ཅད་རུ་བཟློག་པ་དང་། སྲིད་པ་ཐམས་ཅད་བྲོ་ཟློག་པའི་ཐབས། དགྲ་བགེགས་རྣམ་གཉིས་རྡུལ་དུ་བརླག་པ་འདི་གསུངས་སོ། །ལྕགས་ཀྱི་གཟེ་མ་རྐང་བརྒྱད་ཀྱིས། །དེ་ཡི་རྣམ་ཤེས་དག་པར་བྱ། །ཁམས་དང་སྐྱེ་མཆེད་མྱ་ངན་འདས། །འཁོར་བ་དོང་སྤྲུགས་སྲིད་པ་དྲེ་ཡང་བཟློག །རྟེན་གྱི་ཕུར་པ་བཅུ་གཉིས་ལ། །དབང་བསྐུར་བྱིན་བརླབ་ཚུལ་བཞིན་བྱ། །བྱུག་བདུག་བརྡེག་པ་ཡང་ནི་བྱ། །ལས་ཀྱི་བྱ་བ་གཞུང་ཡང་བསྲང་། །ཁྱད་པར་མན་ངག་འདི་བསྟན་བྱ། །དཔལ་གྱི་ཕུར་པ་བདུད་འདུལ་དང་། །འདུས་པ་གཉིས་གསུམ་ཡང་ཀྱི་སྲས་མཆོག་དང་། །ཁྱད་པར་ཁྲོ་བོ་བཅུ་ཡིས་གདབ། །ལྷ་ཚོགས་མང་པོའི་ངོ་བོ་རུ། །སྦམས་པའི་ཕུར་པ་བཞི་པོ་ནི། །ཟུར་བཞིར་དཔའ་བོའི་ཚུལ་དུ་བཞག །མ་རིག་པ་ནི་དཔལ་གྱིས་གདབ། །འདུ་བྱེད་ལ་ནི་རྣམ་རྒྱལ་ལོ། །རྣམ་པར་ཤེས་པ་དབྱུག་པས་སོ། །མིང་དང་གཟུགས་ལ་གཤིན་རྗེས་གདབ། །སྐྱེ་མཆེད་ལ་ནི་མི་གཡོ་བ། །རེག་པ་ལ་ནི་རྟ་མགྲིན་མཆོག །ཚོར་བ་ལ་ནི་གཞན་མི་ཐུབ། །སྲེད་པ་ལ་ནི་བདུད་རྩི་དཔལ། །ལེན་པ་ལ་ནི་ཁམས་གསུམ་རྒྱལ། །སྲིད་པ་ལ་ནི་སྟོབས་པོ་ཆེ། །སྐྱེ་བ་ལ་ནི་ཕུར་པ་མཆོག །དེ་ལྟར་ཐེབས་པར་གྱུར་ན་ནི། །སྐྱེ་བ་ལ་སོགས་འཁྲུལ་པ་རྣམས། །འཁོར་བ་ལས་ནི་མྱ་ངན་འདས། །གསང་བའི་བདག་པོས་ཡང་གསོལ་པ། །རྗེ་བཙུན་ཆེན་པོ་ཀཱི་ལ་ཡ། །གདབ་པའི་གནས་རྣམས་གང་ལ་བགྱི། །ཀཱི་ལ་ཡ་ཡིས་བཤད་དུ་གསོལ། །ཀཱི་ལ་ཡ་ཡིས་བཀའ་སྩལ་པ། །ལེགས་སོ་གསང་བའི་བདག་པོ་ཉོན། །སྙིང་ག་སྤྱི་བོ་ལྕེ་དང་དཔུང་། ། ― DNG021_Page_0310 ―
[མ་དཔེ་གཟིགས་ན་འདིར་གནོན།]
དབང་པོ་དྲུག་ལ་སོགས་པ་ལ། །གོ་རིམ་བཞིན་དུ་གདབ་པར་བྱ། །དུག་དང་སྐེ་ཚེ་ཡུངས་ཀར་དང་། །ལྕགས་ཕྱེ་ཟངས་ཕྱེ་རྡོ་ཕྱེ་དང་། །གུ་གུལ་ཚིལ་ཆེན་རྒྱ་སྐྱེགས་སོ། །དེ་ནས་སྔགས་དང་ཕྱག་རྒྱ་དང་། །དོན་ཡོད་གྲུབ་པའི་ཕོ་བྲང་གིས། །གནོན་པའི་ལས་རྣམས་ཚུལ་བཞིན་བྱ། །ཌྷི་བཛྲ་ཡཀྴ་ཀྲོ་དྷ་ཁ་ཁ་ཁ་ཧ་ཧ་ཧ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ། དེ་ནས་རྡོ་རྗེ་བེ་ཅོན་གྱི། །སྔགས་དང་ཕྱག་རྒྱ་ཡང་དག་བྱ། །ཌྷི་བཛྲ་ཀྲོ་དྷ་མ་ཧཱ་བ་ལ། ཧ་ན་ཧ་ན། པ་ཙ་པ་ཙ། བྷིནྡྷ་བྷིནྡྷ། ས་མ་ཡ་ཙི་ན་ལམ་བྷོ་ད་ར་ཨུ་ཙུཥྨ་ཀྲོ་དྷ་ཧཱུྃ་ཕཊ། བསྒོ་བའི་ཚིག་གིས་བསྒོ་བར་བྱ། །ཌྷི་བཛྲ་སུ་མེ་རུ་ཧཱུྃ་ཧཱུྃ་ས་མ་ཡ་སྟཱཾ། གསེར་གྱི་རི་རབ་ཆེན་པོ་ནི། །གྲུ་བཞི་ལྷམ་པའི་སྟེང་ཉིད་དུ། །དོན་ཡོད་གྲུབ་པ་འཁོར་བཅས་བསྒོམ། །དེ་ལྟར་ལས་རྣམས་ཟིན་གྱུར་ནས། །རྣལ་འབྱོར་དབང་ཕྱུག་ཆེན་པོ་ཡིས། །ཕུར་པའི་རྩེ་མོ་ཡར་བསྟན་ཏེ། །ལན་གསུམ་མགོ་ལ་བསྐོར་བྱས་པས། །ཁམས་གསུམ་ཐམས་ཅད་ཧཱུྃ་གིས་བཀང་། །སེམས་ཅན་དོན་བྱས་འཕགས་པ་མཆོད། །རིམ་གྱིས་འདུས་པས་བདུན་ཚོ་གསུམ། །དེ་ཡང་གཅིག་ཏུ་འདུས་པ་ནི། །མན་ངག་དམ་པ་ཡིན་པའོ། །དེ་ཉིད་བསྡུ་བའི་མན་ངག་ནི། །སང་ཧ་ར་ཎ་ཧཱུྃ། བསྡུས་ནས་ནན་ཏན་བྱ་བ་ནི། །རྣམ་གསུམ་ཚུལ་དུ་ནན་ཏན་བྱའོ། །དེ་ནི་དབང་བསྐུར་དམ་པ་ཡིན། །ཨཱོཾ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཌྷི་ཝཱཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་ལྟར་ནན་ཏན་བྱས་གྱུར་ན། །གསོ་བའི་དམ་པ་ཁོ་ནའོ། །གསང་བའི་བདག་པོས་གསོལ་པ། །ཨེ་མ་ཧོ་དཔལ་ཆེན་ཀཱི་ལ་ཡ། བསྒྲལ་བའི་སེམས་ཅན་ཇི་ལྟར་གསོ། །ཀཱི་ལ་ཡ་ཡིས་བཤད་དུ་གསོལ། །ཀཱི་ལ་ཡ་ཡིས་བཀའ་སྩལ་པ། །ཉོན་ཅིག་གསང་བདག་ཕྱག་རྡོ་རྗེ། །ང་ཡི་ཡིད་ལས་བྱུང་བ་འདི། །ཆོས་ཉིད་ཀྱི་བདེན་ ― DNG021_Page_0311 ―
[མ་དཔེ་གཟིགས་ན་འདིར་གནོན།]
པའོ། །གསང་སྔགས་ཀྱི་མཐུའོ། །སངས་རྒྱས་ཀྱིས་བྱིན་རླབས་སོ། །ཨ་བྷི་ཙ་རའི་དུས་ལ་བབ་པའོ། །གནག་པ་དེ་ཁོ་ན་ལའོ། །ཀཱི་ལ་ཡ་ནི་ཉི་ཤུ་གཅིག །བརྗོད་པས་དེ་ཡི་བག་ཆགས་སྦྱངས། །གསུམ་གྱི་ངོ་བོར་སྣང་བས་ན། །ཚོན་གྱི་གྲུ་གུ་བཞིན་དུ་འདུས། །གཅིག་ཏུ་སྣང་བས་ཡེ་ཤེས་ཏེ། །ལོངས་སྤྱོད་རྫོགས་པའི་སྐུ་ཡང་ཡིན། །སོ་སོར་སྣང་བས་སྤྲུལ་པའོ། །དམར་པོ་ལ་སོགས་འོད་ཟེར་རྣམས། །ཐུགས་དང་ཡེ་ཤེས་ངོ་བོར་འདུས། །སྤྱོད་པ་ཀུན་གྱི་མཆོག་ཀྱང་ཡིན། །ལྟ་བ་ཀུན་གྱི་རྒྱན་ཡང་ཡིན། །ཁ་དོག་སྐུ་དང་དཔེ་བྱད་དང་། །མཚན་རྣམས་ཀུན་གྱི་རྒྱུ་ཡང་ཡིན། །རྡོ་རྗེ་ཕྲ་མོ་ལ་སོགས་ཏེ། །རྡོ་རྗེ་སེམས་དཔའ་ཅི་འདྲ་བར། །འཕྲོ་འདུ་ལས་ཀྱི་སྦྱོར་བ་ལས། །ཧེ་རུ་ཀ་ནི་ཞལ་གསུམ་པ། །ཚོན་གང་བ་ཅིག་གསལ་བ་ལས། །ཡཾ་གྱིས་བཏེགས་ནས་ཕཊ་ཀྱིས་འཕངས། །གྲུབ་པའི་མཐའ་ནི་གཅིག་པའོ། །དེ་སྐད་དཔའ་བོས་ཡང་དག་གསུངས། །རྒྱུད་རྡོ་རྗེ་ཕྲེང་བ་ཞེས་བྱ་བ། འཁོར་བ་ཐམས་ཅད་རུ་ཟློག་པའི་ཕུར་པ། དགྲ་བགེགས་ཐམས་ཅད་ཐལ་བར་རློགས་པའི་ཐབས་ཏེ། འཁོར་བ་སྒོ་དགག་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་བཅོམ་ལྡན་འདས་ཀྱིས། གཟིར་བའི་སྙིང་པོ་འདི་གསུངས་སོ། །ཌྷི་ཛྭ་ལ་ཛྭ་ལ། སྥུ་ཊ་སྥུ་ཊ། ནི་ར་ནི་ར་ནི་ནི། སརྦ་ན་ག་ས་ར་ས་ར། ནི་ར་ནི་ར། ནི་ནི། བཛྲ་ཙིཏྟ་ཎྀ་ཎྀ་ཎྀ་ར་ཎྀ་ཎྀཿ། དེ་ནི་གཟིར་བའི་སྔགས་སོ། །དེ་ནས་ཡང་བཅོམ་ལྡན་འདས་ཀྱིས། དེ་བཞིན་གཤེགས་པའི་སྐུ་གསུང་ཐུགས་ཀྱི་སྙིང་པོ་འདི་གསུངས་སོ། །ཌྷི་བཛྲ་ཀཱི་ལི་ཀཱི་ལ་ཡ། ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། སྥུ་ཊ་སྥུ་ཊ། སརྦ་ན་པ་པ་ན་ཧཱུྃ་ཕཊ། དེ་བཞིན་གཤེགས་པ་ཐམས་ཅད་ཀྱི་སྐུའི་སྙིང་པོའོ། །ཨཱོཾ་བཛྲ་ཀཱི་ལི་ཀཱི་ལ་ཡ་བྱ་གྷྲི་པ་ལ་ཡ་སརྦ་དུཥྚཱན་ཧྲྀ་ད་ཤོ་དྷ་ཡ་ཧཱུྃ། དེ་བཞིན་གཤེགས་པ་ཐམས་ཅད་ཀྱི་གསུང་གི་སྙིང་པོ་འདི་ ― DNG021_Page_0312 ―
[མ་དཔེ་གཟིགས་ན་འདིར་གནོན།]
གསུངས་སོ། །ཌྷི་བཛྲ་ཀཱི་ལི་ཀཱི་ལ་ཡ་ཙིཏྟ་ཧཱུྃ་ཙིཏྟ་ཧཱུྃ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོའོ། །དེ་ནས་ཡང་ཕྲིན་ལས་ཀྱི་སྔགས་སྐུ་དང་གསུང་དང་ཐུགས་ལ་སོགས་པས་གབ་པའི་ཐབས་འདི་གསུངས་སོ། །ཌྷི་བཛྲ་ཀཱི་ལི་ཀཱི་ལ་ཡ་སརྦ་དུཥྚན་ཧཱུྃ། ཌྷི་བཛྲ་ཀཱི་ལི་ཀཱི་ལ་ཡ། སུ་རུ་སུ་རུ་ཨུ་ཙུཥྨ་ཀྲོ་དྷ་ཧཱུྃ། ཌྷི་བཛྲ་ཀཱི་ལི་ཀཱི་ལ་ཡ། བིད་བིད་ཧཱུྃ། ཌྷི་བཛྲ་ཀཱི་ལི་ཀཱི་ལ་ཡ། ཨངྐུ་ཤ་ཙིནྡྷ་ཙིནྡྷ་ཧཱུྃ། ཌྷི་བཛྲ་ཀཱི་ལི་ཀཱི་ལ་ཡ། མཱ་ར་ཡ་མཱ་ར་ཡ་ཧཱུྃ། ཌྷི་ན་མཿས་མནྟ་བི་ཤོ་ཏ་བཻ་ར་བཻ་ར་ཧཱུྃ་ཧཱུྃ། ཞེས་གསུངས་སོ། །དེ་ནས་ཡང་ཕྲིན་ལས་གཟིར་བའི་སྔགས་འདི་གསུངས་སོ། །ཌྷི་བཛྲ་ཀཱི་ལི་ཀཱི་ལ་ཡ། ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ། གྲོགས་དང་ཕྲོལ་ཅིག་པའི་སྔགས་སོ། །ཌྷི་བཛྲ་ཀཱི་ལི་ཀཱི་ལ་ཡ། ཧ་ས་ཡ་ར་ན། ཧ་ཏ་ན་ཧཱུྃ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ། ཤི་གྷྲ་ཨཱ་ན་ཡ་ཧཱུྃ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ། ཛྭ་ལ་པ་ཡ་ཛྭ་ལ་པ་ཡ་ཧཱུྃ་ཧཱུྃ་ཕཊ། ཌྷི་བཛྲ་ཀཱི་ལི་ཀཱི་ལ་ཡ། ཨཱ་ཝེ་ཤ་ཡ་ཨཱ་ཝེ་ཤ་ཡ་ཧཱུྃ་ཕཊ། ཌྷི་བཛྲ་ཀཱི་ལི་ཀཱི་ལ་ཡ། བྷིནྡྷ་ཡ་བྷིནྡྷ་ཡ་ཧཱུྃ་ཕཊ། ཞེས་གསུངས་སོ། །དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་གསོལ་པ། ཀྱེ་མ་རྗེ་བཙུན་དཔའ་བོ་ཁྱོད། །མ་འོངས་པ་ཡི་སེམས་ཅན་ལ། །ཕན་གདགས་དོན་དུ་ཁྱོད་ཀྱིས་གསུངས། །དེ་ཡི་དོན་དེ་ཅི་ལྟར་ལགས། །གཟུགས་ཅན་སྙིང་པོ་ཇི་ལྟར་གནས། །གཟུགས་མེད་སྙིང་པོ་ཇི་ལྟར་གནས། །ལེགས་སོ་ལེགས་སོ་གསང་བའི་བདག །རྣལ་འབྱོར་དམ་ལ་གནས་པ་ལ། །བར་ཆོད་བྱེད་ཅིང་འཚེ་བ་རྣམས། །བསྟན་པ་འཇིག་ཅིང་གནོད་བྱེད་པ། །གཟུགས་ཅན་དང་ནི་གཟུགས་མེད་ལ། །གདུག་པའི་སྙིང་པོ་གང་ན་གནས། །ང་ཡིས་བཤད་ཀྱི་ཁྱོད་ཀྱིས་ཉོན། །ཞེས་བཀའ་སྩལ་པ། མ་རུངས་སེམས་ཅན་སྙིང་པོ་ནི། །འབྱུང་བ་བཞི་ལས་བསྐྱེད་པ་ཡི། ། ― DNG021_Page_0313 ―
[མ་དཔེ་གཟིགས་ན་འདིར་གནོན།]
ཕུང་པོའི་དཀྱིལ་ན་ཙིཏྟ་གནས། །ཙིཏྟའི་དཀྱིལ་ན་འོད་ཚོན་གང་། །དེ་ཡི་དཀྱིལ་ན་ཉོན་མོངས་པ། །ཁྲག་གི་སྦལ་པ་ཆགས་པའི་གཞི། །བྱེའུ་ལེན་པའི་མགོ་ཙམ་ཞིག །དེ་ནི་རྩ་ཡི་རྒྱ་མདུད་ཡིན། །དེ་ནང་ཁྲག་གི་དྭངས་མ་སྟེ། །དྭངས་མ་དེ་ལ་དབུགས་ཀྱི་རྟ། །རྟ་དེ་ལ་ནི་ཤེས་པ་ཞོན། །དེ་ཚེ་བཀྲག་དང་གཟི་མདངས་དང་། །རྩི་བཅུད་ཐམས་ཅད་རྒྱ་འདྲ་བ། །ནང་ན་སྦས་ནས་འདུག་པ་སྟེ། །སྙིང་པོ་གསུམ་གྱིས་གཟིར་གནན་བྱ། །དེ་ནི་གཟུགས་ཅན་དགྲ་ལའོ། །གཟུགས་མེད་བགེགས་ཀྱི་གནས་ལུགས་ནི། །དེ་ནི་གཟུགས་ཅན་མེད་ཕྱིར་དུ། །རྩ་ལ་བརྟེན་པ་མ་ཡིན་ནོ། །དེ་ནས་ཡང་གསང་བའི་བདག་པོས། བཅོམ་ལྡན་འདས་ལ། ཀྱེ་ཀྱེ་སངས་རྒྱས་འདྲ་བའི་སྟོན་པ་མེད། །དམ་ཆོས་འདྲ་བའི་སྒྲོལ་ཐབས་མེད། །དགེ་འདུན་འདྲ་བའི་སྒྲུབ་བྱེད་མེད། །གསང་སྔགས་འདྲ་བའི་མཐུ་སྟོབས་མེད། །འདི་ཡི་སངས་རྒྱས་ཇི་ལྟ་བུ། །དམ་ཆོས་མདོ་སྡེ་གང་གི་བཀའ། །སྒྲུབ་བྱེད་དགེ་འདུན་ཇི་ལྟ་བུ། །མཐུ་ནི་གསང་སྔགས་གང་གིས་བྱིན། །ཞེས་གསོལ་པས། ལེགས་སོ་གསང་བའི་བདག་པོ་ཁྱོད། །འདི་ཡི་སངས་རྒྱས་ང་ཡིན་ནོ། །དུས་གསུམ་རྒྱལ་བའི་ཕུར་པའི་བདག །སྒྲོལ་བ་བླ་ན་མེད་པའོ། །གསུངས་སོ་ཅོག་ནི་ཕུར་པའི་ཆོས། །དགེ་འདུན་སྒྲུབ་བྱེད་ཀཱི་ལ་ཡ། །དམ་ཚིག་སྲུང་བྱེད་སྒྲུབ་པ་གཞི། །གསུངས་སོ་ཅོག་གི་བྱིན་རླབ་ནི། །གསང་བ་མཆོག་གི་ཀཱི་ལ་ཡ། །དེ་རྣམས་ཕུན་སུམ་ཚོགས་པར་ནི། །བསྒྲུབས་ན་མི་འགྲུབ་གང་ཡང་མེད། །ཅེས་བཀའ་སྩལ་ཏོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། གནན་གཟེར་སྙིང་པོ་སྔགས་ཀྱི་ལེའུ་སྟེ་བཅུ་གཉིས་པའོ།། །།དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་གསོལ་པ། བཅོམ་ལྡན་བཛྲ་ཀཱི་ལ་ཡ། །ཨཱ་བེ་ཤ་ཡ་ཇི་ལྟར་ལགས། །ཤཱི་གྷྲིན་བྱ་བ་ཅི་ཡི་དོན། །ཛྭ་ལ་ ― DNG021_Page_0314 ―
[མ་དཔེ་གཟིགས་ན་འདིར་གནོན།]
ཅེས་པ་གང་ལ་གསུངས། །ཏ་ཐཱ་ཡ་ནི་ཇི་ལྟར་ལགས། །ཧ་ས་བྱ་བ་དགོངས་པའི་དོན། །བྷིནྡྷ་བྱ་བ་ལ་སོགས་པ། །གཟིར་མནན་གསང་བའི་དོན་བཀའ་སྩོལ། །གསང་བ་ང་ཡིས་ཞུས་སོ་འཚལ། །ཀཱི་ལ་ཡ་ཡིས་བཤད་དུ་གསོལ། །ཞེས་ཞུས་པས། ལེགས་སོ་གསང་བའི་བདག་པོ། །ཁྱོད་ཡིད་ཡང་དག་པར་སོམས་ཤིག །ང་ཡིས་བཤད་པར་བྱའོ། །ཨཱ་ཝེ་ཤ་ཡིས་དགུག་པར་བྱ། །ཤི་གྷྣི་ན་ཅེས་པས་བཅིང་བར་བྱ། །ཛྭ་ལ་ཅེས་པས་གཟིར་བར་བྱ། །ཏ་ཐཱ་ཡ་ཡིས་མངག་པར་བྱ། །ཧ་ས་ཞེས་པས་དབྱེ་བར་བྱ། །བྷིནྡྷ་ཞེས་པས་གདབ་པར་བྱ། །དེ་རྣམས་སྟོང་སྟོང་ཚང་བ་དང་། །བྲམ་ཟེའམ་ནི་ཡང་ན་ནི། །སྟོང་པར་འདོད་པའི་རྣལ་འབྱོར་པས། །གདོལ་པའི་ཁང་པ་མེས་བསྲེགས་ན། །སྟོང་ཚིགས་ལས་ནི་དེར་བྱ་སྟེ། །སྨད་འཚོང་མ་ཡི་ལྡུམ་ར་རུ། །ཉུང་དཀར་རྒྱལ་པོ་ཧོར་སྐྱེད་ལ། །རྣམ་སྣང་མཛད་དང་མི་བསྐྱོད་པ། །ཁ་སྦྱར་དབུས་སུ་དྲིལ་ནས་སུ། །སྟོང་སྟོང་ཚང་ནས་བརྡེག་པར་བྱ། །རྣལ་འབྱོར་དབང་ཕྱུག་ཆེན་པོ་ཡིས། །གཡོན་པའི་ལག་པ་མདའ་ལྟར་བརྐྱང་། །སོག་སྲོག་ཡང་དམར་རྒྱལ་པོ་གནམ་ལ་བསྟན། །ཐབས་དང་ཤེས་རབ་རྩེགས་པ་ཡིས། །ཧོར་དཀྱིལ་དུ་ནི་མདའ་བཞག་ནས། །ཏིང་འཛིན་སྟོབས་ཀྱིས་འཕང་བྱས་ཏེ། །རྣལ་འབྱོར་དཔའ་བོས་འདི་སྐད་བརྗོད། །ཧཱུྃ་རྣལ་འབྱོར་གཙོ་ལ་མངའ་མཛད་པའི། །རྐང་མེད་མཁའ་ལ་རྒྱུག་ཅིང་འདྲིལ་བ་ཡི། །ཡུངས་ཀར་རྒྱལ་པོ་གསེར་གྱི་མདའ། །འབྲུ་གཅིག་ལས་ནི་ཁྲོ་བོ་སྟོང་འཕྲོས་པ། །རབ་ཏུ་སྲ་མཁྲེགས་རྡོ་རྗེའི་བྲག་སྟེངས་ན། །ཤིན་ཏུ་མི་བཟད་ཁྲོ་བོ་གཏུམ་རྔམ་ཚོགས། །དེ་དག་ཀུན་ཀྱང་ཞལ་གསུམ་ཕྱག་དྲུག་པ། །འཇིགས་བྱེད་མཚོན་ཆ་མང་པོ་ཕྱག་ན་བསྣམས། །ཐུགས་ཀྱི་ཕོ་ཉ་མཆོག་ཡིན་ཏེ། །དོན་དུ་གཉེར་བའི་དགྲ་བགེགས་ཀུན། ། ― DNG021_Page_0315 ―
[མ་དཔེ་གཟིགས་ན་འདིར་གནོན།]
མྱུར་དུ་སོད་ལ་དྲག་ཏུ་ཁུག །གཡས་གཡོན་རྒྱབ་ལ་ཡབ་ཡུམ་བཅུ། །གཉིས་མེད་འཁྲིལ་བའི་བྱིན་རླབས་འཕྲོ་འདུ་ལས། །ཉུང་དཀར་རྒྱལ་པོ་ཁྲོ་རྒྱལ་གཙོ། །མངག་པའི་རྒྱལ་པོ་ཐུགས་རྡོ་རྗེ་སྤྱན་ཀྱང་རྗེ་ཅན། །ཌྷི་ཨཱཿཧཱུྃ་གིས་བྱིན་བརླབས་ནས། །ཁྲོ་བོ་ཆེན་པོར་དབང་བསྐུར་ཏེ། །སྡང་བའི་དགྲ་བགེགས་ཐལ་བར་རློག །ཅེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། གཟིར་བ་སྔགས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཀཱི་ལ་ཡ་ཆེན་པོས། བྷ་ག་ཙཎྜ་འཁོར་ལོ་ཨེའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །མ་མཐོང་འགྲོ་བ་དྲང་བའི་ཕྱིར། །དཀྱིལ་འཁོར་ལ་སོགས་བྱ་བ་ཡི། །ས་ཆོག་ལ་སོགས་དཀྱིལ་འཁོར་ལ། །གནས་ཀྱི་བྱ་བ་བཙལ་བ་ནི། །གཞུང་བཞིན་པ་ཡི་ཐིག་ལ་སོགས། །འཁོར་ལོ་རྩིབས་བརྒྱད་ཨེ་རུ་བཅས། །གྲུ་ཆད་རྡོ་རྗེ་ར་བས་བསྐོར། །ཁྱམས་ནི་རྣམ་པ་བཞི་རུ་བཏང་། །དབུས་ཀྱི་ཆོས་ཀྱི་འཁོར་ལོ་ནི། །ཆོས་ཀྱི་སྐུ་ཡི་རྟགས་ཡིན་ཏེ། །ལྷ་དང་ཡེ་ཤེས་དཀྱིལ་འཁོར་རྣམས། །རྣལ་འབྱོར་དཔའ་བོས་ཤེས་པར་བྱ། །དུར་ཁྲོད་ལ་སོགས་རྒྱན་རྣམས་ནི། །ཡང་དག་ཉིད་དུ་དགོད་པར་བྱ། །ལྷ་རྣམས་དགོད་པའི་ཐབས་ཀྱང་བཙལ། །ཧོམ་དང་མནན་པ་ཟོར་དང་འདེབས། །དཀྱིལ་འཁོར་ལྔ་ནི་འདྲེལ་བར་བྱ། །དེ་ནས་གཅད་པའི་མཚམས་ཀྱང་བྱ། །བདུད་རྩི་གཏོར་མ་རཀྟ་བརླབ། །ཕུར་པ་རྣམས་ལ་ལྷ་རྣམས་གཞུག །རྣལ་འབྱོར་གཞུང་བཞིན་བྱས་ནས་ནི། །རྣལ་འབྱོར་བཞི་དང་བསྙེན་བསྒྲུབ་བཞི། །ལམ་ལྔ་དག་དང་ཚུལ་བསྟུན་ནས། །སངས་རྒྱས་ཉིད་ཀྱིས་བཀྲི་བར་བྱ། །བདག་དོན་རྫོགས་ནས་གཞན་དོན་ནི། །གྲུབ་མཐའ་གཅིག་ཏུ་བསྟན་པའོ། །རྟེན་འདྲེལ་འཁོར་བ་དགག་པ་ནི། །ཡེ་སངས་རྒྱས་ཀྱིས་སྔོན་ནས་གསུངས། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། དཀྱིལ་འཁོར་གྱི་བཅའ་གཞི་བསྟན་ ― DNG021_Page_0316 ―
[མ་དཔེ་གཟིགས་ན་འདིར་གནོན།]
པས། འཁོར་བའི་སྒོ་དགག་པ་དང་། རྟེན་འདྲེལ་རྩ་བ་གཅད་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱིས་བྱིན་རླབས་ཆོ་འཕྲུལ་དབང་གི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །རྫས་ལ་བྱིན་གྱིས་བརླབས་ནས་ནི། །ཕྱི་ཡི་ཕུར་པ་ནང་དབང་བསྐུར། །དེ་ཉིད་སངས་རྒྱས་དངོས་པོ་སྟེ། །དྲང་བའི་དོན་གྱིས་སངས་རྒྱས་ནི། །འགྲོ་བའི་དོན་དུ་བྱིན་བརླབ་བྱ། །བྱེ་བྲག་སོ་སོར་བཤད་པ་ནི། །སྒྲུབ་བྱེད་སྒྲུབ་མཁན་སྒྲུབ་གཞི་གསུམ། །དང་པོར་ཆོས་སྐུར་བྱིན་གྱིས་བརླབ། །རྐྱེན་གྱི་སྔགས་ཀྱང་བརྗོད་པར་བྱ། །དངོས་པོ་ཐམས་ཅད་སྟོང་པའོ། །དེ་ནས་ལོངས་སྤྱོད་རྫོགས་པའི་སྐུ། །ཧཱུྃ་ལས་འོད་ཟེར་འཕྲོ་འདུ་ཡིས། །རིགས་ལྔར་བྱིན་གྱིས་བརླབ་པའོ། །དེ་ནས་སྲས་མཆོག་ཀཱི་ལ་ཡ། །སྐུ་མདོག་གདན་ཁྲི་ཆས་དང་ལྡན། །སྔགས་ཀྱི་འཕྲོ་འདུས་བསྐྱེད་པ་ནི། །སྤྲུལ་པ་ཁོ་ན་ངེས་པ་ཡིན། །གནས་གསུམ་དག་ཏུ་དབང་བསྐུར་ནས། །སྐུ་གསུང་ཐུགས་དང་ཡང་ལྡན་ཏེ། །དེ་ལ་ནན་ཏན་བསྐྱེད་པར་བྱ། །སྔོན་སངས་རྒྱས་ཀྱིས་དེ་སྐད་གསུངས། །ངོས་གསུམ་ཧཱུྃ་གསུམ་ཡི་གེའི་ཚོགས། །འཕྲོ་འདུས་ལས་ཀྱི་སྦྱོར་བ་ལས། །བྱང་ཆུབ་སེམས་ཀྱི་གཞིར་གྱུར་པ། །རྩེ་མོ་ཉིད་ལ་བསམ་པར་བྱ། །དུས་གསུམ་རྒྱལ་བ་ཐམས་ཅད་ཀྱང་། །ཡི་གེའི་སྒྲ་ཉིད་བརྗོད་པ་ལས། །ཁྲོ་བོ་བྱེ་བ་སྟོང་བྱུང་སྟེ། །ཕུར་པ་ཉིད་ལ་བསྡིམ་པར་བྱ། །ཨོཾ་ལཾ་ཧཱུྃ་ལཾ་སྟྭཾ་ལཾ་བྷནྡྷ་མ་ཧཱ་ཀཱ་ཡ་ཝ་ག་ཝཱན། ཤྲི་ཀྲི་བྱི་ཀྲི་བཛྲ་ཧཱུྃ་ཀཱ་ར། ཧཱུྃ་ཧཱུྃ་ཕཊ་ཕཊ། བཛྲ་ཀཱི་ལི་ཀཱི་ལ་ཡ། ཛཿཧཱུྃ་བྃ་ཧོཿ། སརྦ་བིགྷྣཱན་བཾ་ཧཱུྃ་ཕཊ། བཛྲ་ཀཱི་ལི་ཀཱི་ལ་ཡ། ཧཱུྃ་ཧཱུྃ་ཕཊ་ཕཊ། བཛྲ་ཧཱུཾ་ཀཱ་ར་ཨ་ཨ་ཨ། ཁྲོ་མོ་བཞི་ཡི་བྱིན་རླབས་ཀྱིས། །རི་རབ་བཞིན་དུ་བརྟན་པར་གྱུར། །རྣལ་འབྱོར་དཔའ་བོའི་ལག་པ་ལ། །ཐབས་དང་ཤེས་རབ་ ― DNG021_Page_0317 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ཏེ། །ཡབ་ཡུམ་བཅུ་ཡི་སྦྱོར་བ་ལས། །འཁོར་ལོ་གསང་བའི་དབང་བསྐུར་རོ། །བསྙེན་པ་བྱེ་བ་ས་ཡ་དང་། །བདུན་འབུམ་གྲངས་ནི་བརྗོད་མེད་ཀྱིས། །ཕུར་པའི་སྐུ་ལ་བཙུད་པ་དང་། །འཕགས་པའི་ཐུགས་དམ་རྒྱུད་བསྐུལ་བ། །མཐའ་རུ་ཕྱིན་པའི་བསྙེན་པའོ། །དེ་ནས་ཡང་ཀཱི་ལ་ཡས་རང་བཞིན་གྱི་བསྟོད་པ་འདི་གསུངས་སོ། །ཁམས་གསུམ་གདུག་པ་བསྒྲལ་བའི་ཕྱིར། །སྲིད་གསུམ་ཕུར་བུའི་རྟོགས་པའི་ངང་། །ཚམ་རྔམས་གཟི་བྱིན་གློག་ལྟར་འབར། །ལག་ཏུ་བླངས་ཏེ་དྲིལ་ནས་ཀྱང་། །ཡུམ་བཞིའི་ཕྱག་རྒྱས་བྱིན་བརླབས་ནས། །དྲིལ་བས་ཁམས་གསུམ་སྒྲོལ་བར་འགྱུར། །སྲིད་པ་གསུམ་ཡང་གསལ་འཚེར་ན། །ཁྲོ་བོའི་ཕུར་པས་རབ་བརྒྱན་ཏེ། །ཁམས་གསུམ་དབང་དུ་ཡང་དག་སྡུད། །སྲིད་པ་གསུམ་ཡང་ཐབས་ཤེས་བྱ། །བསྐྱོད་པ་མེད་པའི་རི་རབ་ཀྱིས། །མཁའ་ཡི་གཏུན་ཁུང་བདེ་བ་རུ། །ལྷ་ཡང་རུང་སྟེ་མྱོས་བརྒྱལ་ནས། །བྱང་ཆུབ་སེམས་ཀྱི་ཕུར་བུ་ཡིས། །མ་བཏབ་བཞིན་དུ་ལྷུན་གྱིས་རྫོགས། །མཉམ་པའི་རྒྱལ་པོས་སྤགས་ཏེ་བསྒྲལ། །འཛིན་ཆགས་ཐམས་ཅད་རྣམ་པར་གྲོལ། །འདི་ནི་བྱང་ཆུབ་སེམས་ཀྱི་མཐུ། །མ་ལུས་ཕུར་པ་ཐེབས་ཤེས་བྱ། །དཔའ་བོ་ཆེན་པོས་བཏུལ་ནས་ནི། །ཤིན་ཏུ་བསྒྲལ་ནས་དགྱེས་བསྟར་ཏེ། །ཟ་བྱེད་ཀུན་ལ་བསྟབ་པར་མཛད། །ཁ་ཁ་ཁ། ཧ་ཧ་ཧ། ཁ་རཾ་ཁཱ་ཧི། བསྟབ་པ་དང་བསྟོད་པ་འདི་ནི་ཕྲིན་ལས་བསམ་གྱིས་མི་ཁྱབ་པའི་སྒོ་ནས་བསྟོད་པའོ། །ཁྲོ་རྒྱལ་འཇིགས་བྱེད་བཛྲ་ཀཱི་ལ་ཡ། །སྡུག་བསྔལ་འཇོམས་མཛད་སྤྱི་བོའི་རྒྱ་མདུད་ནི། །སྲིད་གསུམ་མ་ལུས་དབྱིངས་སུ་སྒྲོལ་མཛད་པ། །མ་སྐྱེས་ལྷུན་གྱིས་གྲུབ་པར་གཟི་བྱིན་བསྐྱེད། །རྐེད་པ་རྒྱ་མདུད་ཟུར་དྲུག་ཡེ་ཤེས་དྲུག །ཆུ་སྲིན་ཁ་དང་སྦྲུལ་གྱི་ཆུན་པོས་བརྒྱན། །མ་བཅོས་ལྷུན་གྱིས་གྲུབ་པའི་གཞལ་ཡས་ཁང་། །འབྱུང་བ་ཡུམ་ ― DNG021_Page_0318 ―
[མ་དཔེ་གཟིགས་ན་འདིར་གནོན།]
གྱི་ལྷུམས་སུ་གཟི་བྱིན་བསྐྱེད། །ཟུར་བཞི་ལོགས་བཞི་ཁྲོ་མོ་བརྒྱད་ཀྱིས་ནི། །རྣམ་ཤེས་ཚོགས་བརྒྱད་དུར་ཁྲོད་བརྒྱད་དུ་སྒྲོལ། །སྡུག་བསྔལ་བརྒྱད་པོ་གནས་སུ་བསྒྲལ་ནས་ཀྱང་། །བཅུ་དྲུག་རོལ་པའི་ཕོ་ཉར་གཟི་བྱིན་བསྐྱེད། །རྩེ་མོ་ཟུར་གསུམ་སྐུ་གསུང་ཐུགས་ཀྱི་ངང་། །དུག་གསུམ་འཁོར་བའི་བཙོན་ར་གོ་དྲལ་ནས། །ལུས་ངག་ཡིད་གསུམ་བག་ཆགས་གཏན་སྦྱངས་ནས། །ས་གསུམ་ཟིལ་གྱིས་མནན་པའི་གཟི་བྱིན་བསྐྱེད། །མ་བཅོས་ལྷུན་གྱིས་གྲུབ་པའི་ཀཱི་ལ་ཡ། །ཞི་བས་སྤ་བཀོང་རྒྱས་པས་ཟིལ་གྱིས་གནོན། །དབང་གིས་མངོན་སུམ་དྲག་པོས་ཚར་གཅོད་པ། །གང་ལ་དམིགས་པའི་དགྲ་བགེགས་རླག་པར་བྱེད། །ཀཱི་ལ་ཡ་ཡིས་མཆོད་པ་བཞེས་སུ་གསོལ། །ཞེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། བྱིན་གྱིས་བརླབ་པ་དང་། དབང་བསྐུར་བ་དང་། བསྟོད་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་བཅོམ་ལྡན་འདས་ཀཱི་ལ་ཡའི་རྒྱལ་པོས་བཀའ་སྩལ་པ། ཉོན་ཅིག་གསང་བདག་ཕྱག་རྡོ་རྗེ། །བསྒྲལ་བའི་རྫས་མཆོག་དམ་པ་ལ། །རྟེན་འདྲེལ་ནུས་པའི་རྫས་མཆོག་གིས། །བཏབ་ན་ཤིན་ཏུ་རླག་པར་འགྱུར། །དེས་ན་བྱུག་བདུག་བརྡེག་དང་གསུམ། །གཞུང་ལས་འབྱུང་བར་ང་ཡིས་སྨྲས། །ཞེས་བཀའ་སྩལ་ཏོ། །དེ་ནས་བསྟོད་པའི་རྒྱལ་པོ་འདིས་ཆེད་དུ་བརྗོད་དོ། །དཱིཔྟ་ཙཀྲ་ཕུར་པའི་ལྷ། །དམར་པོ་གཅེར་བུ་རལ་པ་ཅན། །ཀུན་ཀྱང་ཁྲོ་བོ་ཆེན་པོ་ལ། །ཞལ་གསུམ་ཕྱག་ཀྱང་དྲུག་པ་སྟེ། །རལ་གྲིའི་སྐྲ་ལ་ཕུར་པའི་སོ། །ལྟེ་བ་ཡན་ཆད་ཆས་རྣམས་ནི། །ན་བཟའ་རྡོ་རྗེ་གོ་ཆས་གཏམས། །ལྟེ་བ་མན་ཆད་ཆས་རྣམས་ནི། །ཨུཏྤལ་སྔོན་པོའི་མདོག་འདྲ་བ། །འབར་བའི་ཕྲེང་བས་འཁྲིགས་པའི་འོད། །ལྕགས་ཀྱི་ཕུར་པ་ཟུར་གསུམ་པ། །བཏབ་ན་ལྷ་ཡང་རླག་པའི་ཕྱིར། །གནོད་བྱེད་བགེགས་ ― DNG021_Page_0319 ―
[མ་དཔེ་གཟིགས་ན་འདིར་གནོན།]
ལ་སྨོས་ཅི་དགོས། །ཀཱི་ལ་ཡ་མཱ་ར་ཡ་ཕཊ། བྱུག་བདུག་བརྡེག་པའི་སྒོ་ནས་བསྟོད་པའོ། །དེ་ནས་ཡང་བཅོམ་ལྡན་འདས་ཀཱི་ལ་ཡའི་བདག་པོ་དེས། སངས་རྒྱས་ཀུན་གྱི་གཟུགས་ཀྱིས་བརྒྱན་པ། སྨྲ་མགོན་ཀུན་གྱི་བློན་པོར་གྱུར་པ། བྱང་ཆུབ་སེམས་དཔའ་རྣམས་ཀྱི་མེས་པོར་གྱུར་པ། སེམས་ཅན་ཀུན་གྱི་སྨན་པར་གྱུར་པ་དེ་ལ། འདུས་པའི་འཁོར་རྣམས་ཀྱིས་མགྲིན་གཅིག་ཏུ། དབྱངས་གཅིག་གི་སྒོ་ནས་བསྟོད་པ། ཟུག་རྔུ་མེད་པའི་སྐུ་གཟུགས་ལ། །དུར་ཁྲོད་ཆས་སམ་དཔེ་བྱད་ཀྱིས། །སྐུ་ཡི་དཔའ་བོ་ཁྱོད་ཉིད་ལ། །སྐུ་འདུལ་ཁྱོད་ལ་ཕྱག་འཚལ་བསྟོད། །གསུང་བ་མེད་པའི་ང་རོ་ཡིས། །བརྗོད་པ་ཐམས་ཅད་སྔགས་ཀྱི་ཚོགས། །ཧ་དང་ཧེ་དང་བྷྱོ་དང་ཛ། །ཌྷི་དང་ཨཱཿཧཱུྃ་གང་གསུངས་པས། །གསུང་འདུལ་ཁྱོད་ལ་ཕྱག་འཚལ་བསྟོད། །ཐུགས་ཀྱིས་མ་བསམས་གཅིག་ཀྱང་མེད། །ཆོས་ཅན་ཆོས་ཉིད་འབྱེད་པ་མཁྱེན། །རི་བོའི་རྡུལ་དང་རྒྱ་མཚོའི་ཐིགས། །མྱ་ངན་འདས་མཁྱེན་ཁྱོད་ཕྱག་འཚལ། །ཞེས་གསོལ་པས། འཁོར་རྣམས་ལ་གཟིགས་ནས། ཅི་ཡང་མི་གསུང་བར་སྐུ་གསུང་ཐུགས་ཀྱི་ངང་ལ་མི་སྣང་བར་གྱུར་ཏོ། །དེ་ནས་ཕྱག་ན་རྡོ་རྗེས་གསོལ་པ། འུ་ཅག་འཁོར་འདུས་པ་རྣམས་ཀྱིས། ཀཱི་ལ་ཡས་གསུངས་པ་འདི་བཅང་བར་བྱའོ། །མཆོད་པ་ལ་སོགས་པ་ཐམས་ཅད་བྱའོ། །མ་འོངས་པ་ལ་ཕན་པར་བྱའོ། །དེ་ལྟར་བྱས་ན་དུས་མ་ཡིན་པར་འཇིགས་པ་ཐམས་ཅད་དང་སེམས་ཅན་རྣམས་འབྲལ་ལོ། །ཞེས་གསུངས་ནས་འཁོར་རྣམས་ཀྱང་མི་སྣང་བར་གྱུར་ཏོ། །རྒྱུད་ཀྱི་རྒྱལ་པོ་རྡོ་རྗེ་ཕྲེང་བའི་རྒྱུད་རྣམ་པར་རྒྱལ་བའི་རྟོག་པ། བཤད་པ་དང་བཤད་པའི་མན་ངག །ཐུན་མོང་དང་ཐུན་མོང་མ་ཡིན་པ་ལས་ཀྱང་ཐུན་མོང་མ་ཡིན་པ། ཁྱད་པར་དང་ཁྱད་པར་མ་ཡིན་པ་ལས་ཀྱང་ཁྱད་པར་དེ། དམ་པ་གསང་ཆེན་གྱི་རྒྱུད་རྡོ་རྗེ་ཕྲེང་བ་ཞེས་བྱ་བ། རྣམ་པར་རྒྱལ་བའི་རྟོག་པའི་ལེའུ་སྟེ་བཅུ་དྲུག་པའོ།། །།རྫོགས་སོ། །རྒྱ་གར་གྱི་མཁན་པོ་ཛྙཱ་ན་གརྦྷ་དང་། བོད་ཀྱི་ལོཙྪ་བ་བནྡི་བཻ་རོ་ཙ་ནས་བསྒྱུར་བ་ལས། ཕྱིས་སྐད་གསར་བཅད་ཀྱིས་གཏན་ལ་ཕབ་པའོ།། །། སིདྡྷི་རསྟུ། ཕུར་པ་རྡོ་རྗེ་བཀོད་པ་རྣལ་འབྱོར་ཆེན་པོའི་རྒྱུད།― DNG021_Page_0320 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲོ་ཧཱ་ར་མ་ཧཱ་ཡོ་ག་ཏནྟྲ་ཀཱི་ལ་ཡ་ནཱ་མ། བོད་སྐད་དུ། ཕུར་པ་རྡོ་རྗེ་བཀོད་པ་རྣལ་འབྱོར་ཆེན་པོའི་རྒྱུད། དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེ་འོག་མིན་གྱི་གནས། གྲུ་གསུམ་མཐིང་ནག་འབར་བ་མཐའ་དང་དབུས་མེད་པ། ཡུམ་གྱི་བྷ་གར་བཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་སྐུ་དང་གསུང་དང་ཐུགས་ཀྱི་བདག་ཉིད། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་སོགས་པ། འཁོར་གྱི་ཚོགས་རྒྱ་མཚོ་དང་བཅས་པས་ཞུས་པ། བཅོམ་ལྡན་འདས་འཇིགས་བྱེད་ཀྱི་རྒྱལ་པོ་བདག་ཅག་རྣམས་ལ་ཐེག་པ་ཆེན་པོ་གསང་སྔགས་ཀྱི་དོན་གཅིག་ཏུ་ཞུ་ཞེས་གསོལ་པ་ལས། བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས་བཀའ་སྩལ་པ། ལག་ན་རྡོ་རྗེ་ཁྱོད་ཀྱིས་ཞུས་པ་ལེགས་སོ། །འདི་ལྟ་སྟེ། གསང་སྔགས་ཀྱི་དོན་འདི་ངས་བཤད་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ཁྱོད་ཀྱིས་ཉོན་ཅིག །དེ་ལ་གྲུབ་པའི་འབྲས་བུ་ཚེ་འདི་ཉིད་ལ་ཐོབ་པར་འདོད་པའི་རྣལ་འབྱོར་པས། ཡང་དག་པའི་དོན་འདི་ཤེས་པར་བྱ་སྟེ། དམ་ཚིག་དང་། ལྟ་བ་དང་། སྤྱོད་པའི་སྒོ་ནས། ཐམས་ཅད་བདེ་བ་ཆེན་པོའི་དོན་ལ་དགོད་པར་བྱའོ། །དེ་ལ་ཕུར་པའི་དམ་ཚིག་ནི། །ལྟ་བ་མཉམ་པར་རྟོགས་པ་དང་། །སྤྱོད་པ་ཅི་ལ་ཡང་མི་སྙོམས་ཤིང་། །ཐབས་ཀྱིས་འགྲོ་ལ་ཕན་བཞེད་པ། །དེ་ནི་དམ་ཚིག་མཆོག་ཏུ་གསུངས། །དེ་ལས་འདས་ན་ལྟུང་བར་འགྱུར། ། ― DNG021_Page_0321 ―
[མ་དཔེ་གཟིགས་ན་འདིར་གནོན།]
འབྲས་བུ་ངེས་པའི་དོན་རྟོགས་ན། །ཚེ་འདི་ཉིད་ལ་གདོན་མི་ཟ། །དེ་ལ་ཕུར་པའི་ལྟ་བ་ནི། །ཡུལ་དང་སྣང་བ་ཐམས་ཅད་ནི། །དབྱིངས་ཉིད་ནམ་མཁའ་ལྟ་བུའི་ངང་། །སེམས་སུ་སྣང་བ་ཐམས་ཅད་ནི། །མ་བཅོས་རིག་པ་དེ་ཉིད་ཡིན། །དེ་ཉིད་དབྱེར་མེད་མཉམ་པ་དེ། །དེ་ཡི་ངང་དུ་ཐམས་ཅད་འདུས། །ཕུར་པ་ཞེས་ནི་ཡང་དག་བཤད། །བཙལ་དུ་མེད་པའི་ཆོས་ཉིད་ལ། །བསྒོམ་དུ་མེད་པའི་འབྲས་བུ་ཤར། །ཐམས་ཅད་རང་བྱུང་འགག་པ་མེད། །རྒྱུ་དང་རྐྱེན་ལ་མི་ལྟོས་ཤིང་། །སྤྲོས་མེད་རང་བྱུང་ལྷུན་གྱིས་གྲུབ། །རྒྱུ་རྐྱེན་གཉིས་ལས་མྱ་ངན་འདས། །གདོད་ནས་མ་བཅོས་ཡེ་ནས་གྲུབ། །དུས་གསུམ་དབྱེར་མེད་གཅིག་པར་བལྟ། །སྲིད་པ་གསུམ་ནི་རང་གི་རྐྱེན། །ཁམས་གསུམ་སྤྲོས་མེད་དབྱིངས་སུ་གཅིག །ཐམས་ཅད་ཡེ་ནས་དབྱེར་མེད་པས། །སྟོང་གསུམ་དུས་གསུམ་ཏིལ་འབྲུ་ཙམ། །རང་བྱུང་སྐྱེ་མེད་དབྱིངས་སུ་གཅིག །དེ་ནི་ལྟ་བའི་མཆོག་ཡིན་ཏེ། །ལྟ་བ་དེ་ལས་འདས་གྱུར་ན། །འཁྲུལ་པས་ལམ་ནི་རྙེད་མི་འགྱུར། །དེ་ལ་ཕུར་པའི་སྤྱོད་པ་ནི། །བཙལ་བ་མེད་པའི་དབྱིངས་ཉིད་ལས། །སྙིང་པོ་དྲན་པས་ལྷར་བསྐྱེད་དེ། །ཅི་འབྱོར་མཆོད་པ་ཕུལ་ནས་ཀྱང་། །རང་གི་ལྷར་ནི་བརྟག་པར་བྱ། །འདོད་པའི་དོན་རྣམས་གསོལ་བ་གདབ། །བསྙེན་པའི་ཕྱིར་ནི་སྙིང་པོ་བཟླས། །ཐམས་ཅད་ཁྲོ་བོ་ཁྲོ་མོར་དམིགས། །འདོད་པའི་དོན་རྣམས་འགྲུབ་པར་བསམ། །མ་འགྲུབ་བར་དུ་བསྙེན་པར་བྱ། །འགྲུབ་པའི་རྟགས་ནི་བྱུང་བ་དང་། །གང་ལ་དམིགས་པའི་ངོ་བོ་ལ། །གདབ་པའི་ལས་རྣམས་བྱས་ནས་ནི། །རྣམ་ཤེས་དབྱིངས་སུ་ཡང་དག་སྤར། །ལྷག་མ་ལྷ་ལ་བསྟབ་པར་བྱ། །གཟིར་མནན་ལས་རྣམས་བྱས་ནས་ནི། །ལས་རྣམས་འགྲུབ་པར་གདོན་མི་ཟ། །དེ་ནི་ཕུར་པའི་སྤྱོད་པའོ། །དེ་ལ་ཕུར་པའི་དམ་ཚིག་ནི། །བསྒྲུབ་པ་དེ་ནི་གཙོ་རུ་བླང་། །དམ་ཚིག་དེ་ནི་མ་ཉམས་ན། །ལྟ་བ་ཉམས་ཀྱང་ལྟུང་མི་འགྱུར། །ལྟ་ ― DNG021_Page_0322 ―
[མ་དཔེ་གཟིགས་ན་འདིར་གནོན།]
བ་དེ་དག་མ་ཉམས་ན། །སྤྱོད་པ་ཉམས་ཀྱང་ཡ་མི་ང་། །སྤྱོད་པ་དེ་དག་མ་ཉམས་ན། །དམིགས་པའི་ལས་རྣམས་འགྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་རྡོ་རྗེ་བཀོད་པའི་རྒྱུད་ལས། བལྟ་བ་དང་སྤྱོད་པ་དམ་ཚིག་གི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས། ཕུར་པ་ཁྱད་པར་གྱི་ལེའུ་སྟེ་འདི་གསུངས་སོ། །མ་ནོར་མ་བཅོས་ཆོས་ཉིད་དེ། །བཙལ་བའི་བསམ་པ་ཀུན་ལས་འདས། །ཐམས་ཅད་དབྱེར་མེད་མཉམ་པའི་ངང་། །དེ་བཞིན་ཉིད་ལས་ཁྱད་པར་འཕགས། །སྣང་བ་མེད་པའི་ཆོས་ཉིད་ལས། །ཁྱབ་དང་མ་ཁྱབ་གཉིས་མེད་དེ། །ཀུན་ཏུ་སྣང་ལས་ཁྱད་པར་འཕགས། །བཙལ་བ་མེད་པའི་ཆོས་ཉིད་ལས། །མ་བསྐྱོད་པར་ནི་ཐམས་ཅད་བྱུང་། །རྒྱུ་ཉིད་ལས་ནི་ཁྱད་པར་འཕགས། །བཙལ་དུ་མེད་པའི་ཆོས་ཉིད་ལས། །བསྒྲུབ་ཏུ་མེད་པའི་འབྲས་བུར་ཤར། །ཕུར་པ་བཀོད་ཅེས་དེ་ལ་བྱ། །འགྱུར་བ་མེད་པའི་ཆོས་ཉིད་ནི། །ཕྱོགས་དང་རིས་ལ་མི་གནས་ཤིང་། །མཐའ་དང་དབུས་སུ་མི་དམིགས་ཤིང་། །སེམས་ཉིད་ཡེ་ནས་འགྱུར་བ་མེད། །གཞལ་ཡས་ཁང་ལས་ཁྱད་པར་འཕགས། །དབྱེ་རུ་མེད་པའི་སེམས་ཉིད་ཀྱི། །ཕུང་པོ་ཁམས་དང་སྐྱེ་མཆེད་རྣམས། །ཡེ་ནས་དབྱེར་མེད་རྫོགས་སངས་རྒྱས། །ཕུར་པ་དྲིལ་ཞེས་དེ་ལ་བྱ། །མི་དམིགས་བསམ་འདས་དབྱེར་མེད་དང་། །མ་བཅོས་སྤྲོས་པ་མེད་པའི་དཀྱིལ། །སྐྱེད་མེད་ཡོངས་ལ་ཁྱབ་པའི་འཁོར། །འགྱུར་མེད་དོན་རྟོགས་མཉམ་པའི་ངང་། །མཚན་མའི་དཀྱིལ་འཁོར་ལས་ཁྱད་འཕགས། །དངོས་པོ་མེད་པའི་ཡེ་ཤེས་ཀྱིས། །མཚན་མར་སྣང་བ་དབྱིངས་སུ་སྤྱོད། །ཕུར་པ་བཀོད་ཅེས་དེ་ལ་བྱའོ། །རང་བྱུང་རིག་པའི་ཡེ་ཤེས་ནི། །བཙལ་ཞིང་བསམ་པས་མ་བསྐྱེད་དེ། །ཆོས་ཀྱི་དབྱིངས་སུ་གཤེགས་པས་ནི། །སྤྱན་དྲང་དོན་ལས་ཁྱད་པར་འཕགས། །སྤྲོས་པ་མེད་པའི་ཆོས་ཉིད་དང་། །བཙལ་དུ་མེད་པའི་སེམས་ཉིད་ ― DNG021_Page_0323 ―
[མ་དཔེ་གཟིགས་ན་འདིར་གནོན།]
གཉིས། །མཉམ་པའི་ངང་དུ་རྟོགས་པས་ན། །བཞུགས་སུ་གསོལ་ལས་ཁྱད་པར་འཕགས། །ཐམས་ཅད་དབྱེར་མེད་མཉམ་པའི་ངང་། །འདུ་འབྲལ་མེད་པར་རབ་གནས་པས། །ཕྱག་འཚལ་བ་ལས་ཁྱད་པར་འཕགས། །ཆོས་ཉིད་བཙལ་དུ་མེད་པ་ལ། །སྐྱེ་མཆེད་ཁམས་རྣམས་མཆོད་པར་སྣང་། །ནམ་མཁའ་དམིགས་སུ་མེད་པ་ལ། །འབྱུང་བའི་ཚོགས་རྣམས་མཆོད་པར་སྣང་། །ཐམས་ཅད་ཆོས་ཉིད་རྒྱུ་རུ་གསུངས། །མཆོད་པ་ཕུལ་བས་ཁྱད་པར་འཕགས། །ཐམས་ཅད་མི་དམིགས་མཉམ་པའི་ངང་། །དམིགས་མེད་བསམ་འདས་བརྗོད་དུ་མེད། །བསྙེན་པ་ཕུལ་བས་ཁྱད་པར་འཕགས། །དམིགས་སུ་མེད་པའི་སེམས་ཉིད་ཀྱིས། །ཐམས་ཅད་བླ་མེད་རྒྱུར་བཏོན་པས། །ཕོ་ཉ་བཀྱེ་ལས་ཁྱད་པར་འཕགས། །ཁམས་གསུམ་སེམས་ཅན་ཐམས་ཅད་ཀུན། །དུས་གསུམ་བཞུགས་པའི་སངས་རྒྱས་དང་། །ཐམས་ཅད་དབྱེར་མེད་དབྱིངས་སུ་བསྒྲལ། །དགྲ་བགེགས་བསྒྲལ་ལས་ཁྱད་པར་འཕགས། །སྣང་བའི་ཡུལ་ནི་ཆོས་ཉིད་ལས། །བསམ་པའི་ཆ་ནི་ཡེ་ཤེས་ཏེ། །གཉིས་སུ་མེད་པར་རྟོགས་པས་ན། །ཕུར་པ་བཏབ་ལས་ཁྱད་པར་འཕགས། །མ་སྐྱེས་པ་ཡི་ཆོས་ཉིད་ཀྱིས། །སྐྱེས་པའི་ཕུང་པོ་སྐྱེ་རྒྱུན་བཅད། །མ་བཅོས་པ་ཡི་ཆོས་ཉིད་ཀྱིས། །བཅོས་པའི་ཆོས་ཉིད་ཟིལ་གྱིས་མནན། །མི་དམིགས་པ་ཡི་ནམ་མཁའ་ཡིས། །དམིགས་པའི་འབྱུང་བ་ཟིལ་གྱིས་མནན། །ཐམས་ཅད་སྐྱེ་ཤི་རྩད་ནས་གཅོད། །གཟིར་མནན་བྱས་ཤེས་དེ་ལ་བྱ། །འཁོར་བ་དོང་སྤྲུགས་ཁྱད་པར་འཕགས། །སྐྱེ་ཤི་རྩད་གཅོད་ཁྱད་པར་འཕགས། །ཐམས་ཅད་དབྱིངས་བཀོད་ཁྱད་པར་འཕགས། །འཁོར་བའི་རྒྱུ་ཉིད་ཡང་དག་བྱང་ཆུབ་ལམ། །ཐམས་ཅད་མྱ་ངན་འདས་ལས་ཁྱད་པར་འཕགས། །སྐྱེ་མེད་རྡོ་རྗེ་ལྟ་བུའི་ངང་ཉིད་ལས། །སྐྱེ་ཤི་འཕྲོ་འདུ་མེད་པས་ཁྱད་པར་འཕགས། །དེ་ལྟ་བུ་ཡི་དོན་ལ་མཁས་པ་ཡིས། །རྟོགས་པའི་བློ་ཆེན་རྣལ་འབྱོར་གང་ཞིག་གིས། ། ― DNG021_Page_0324 ―
[མ་དཔེ་གཟིགས་ན་འདིར་གནོན།]
དེ་ཡི་དོན་ལ་འདྲིས་ན་སངས་རྒྱས་ཡིན། །བཙལ་དུ་མེད་པའི་དོན་རྟོགས་བསྒོམ་པ་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། ཁྱད་པར་གྱི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས། ལྟ་བའི་མན་ངག་འདི་གསུངས་སོ། །བཙལ་མེད་དབྱིངས་ཀྱི་ངང་དུ་ཐམས་ཅད་འདུས། །མི་འགྱུར་བྱང་ཆུབ་སེམས་ཀྱི་ཕུར་པ་ཡིས། །ཐམས་ཅད་སྐྱེ་ཤིའི་རྩ་བ་བཅད། །སྒྲུབ་མེད་ཆོས་ཀྱི་དབྱིངས་ལ་ཡེ་ནས་བཏབ། །བཏབ་པ་ཉིད་ན་འཁོར་བའི་མིང་ཡང་མེད། །མ་བཅོས་ལྷུན་གྱིས་གྲུབ་པའི་དབྱིངས་ཉིད་ལ། །ཡེ་ཤེས་རིག་པའི་ཕུར་པ་ཡེ་ནས་བཏབ། །བཏབ་པ་ཉིད་ན་དངོས་པོ་མཚན་མ་མེད། །སྣང་སྲིད་བྱང་ཆུབ་སྙིང་པོའི་ལིངྒ་ལ། །ཀུན་ཏུ་བཟང་པོའི་རོལ་པའི་ཕུར་པ་བཏབ། །བཏབ་པ་ཉིད་ན་སེམས་རྟོག་ཡིད་ལས་འདས། །དངོས་པོར་སྣང་བའི་ཤེས་རབ་ལིངྒ་ལ། །རང་བྱུང་ཐུགས་ཀྱི་རྒྱལ་པོའི་ཕུར་པ་བཏབ། །བཏབ་པ་ཉིད་ན་བརྗོད་པའི་མཐའ་ལས་འདས། །དེ་ཕྱིར་དབྱེར་མེད་དོན་རྟོགས་མཉམ་པའི་ངང་། །བྱ་བཙལ་མེད་པར་བཞག་པས་ཕུར་པ་གདབ་ཅེས་བྱ། །དེ་ལ་ཆོས་ཉིད་ཕུར་པ་ནི། །ཆོས་ཅན་གང་ལ་ཡང་མི་དམིགས་ཤིང་། །མ་བཅོས་ངང་དུ་ཐམས་ཅད་འདུས། །ཕུར་པ་ཞེས་ནི་དེ་ལ་བྱ། །དེ་ལ་སེམས་ཉིད་ཕུར་པ་ནི། །སྐྱེ་མཆེད་ཁམས་ལ་མི་གནས་ཤིང་། །རང་བྱུང་ངང་དུ་ཐམས་ཅད་འདུས། །ཕུར་པ་ཞེས་ནི་དེ་ལ་བྱ། །དེ་ལ་ནམ་མཁའི་ཕུར་པ་ནི། །ཁ་དོག་དབྱིབས་ལ་མི་གནས་ཤིང་། །ཁྱབ་གདལ་ངང་དུ་ཐམས་ཅད་འདུས། །ཕུར་པ་ཞེས་ནི་དེ་ལ་བྱའོ། །དེ་གསུམ་དབྱེར་མེད་མྱ་ངན་འདས། །དངོས་པོ་མཚན་མར་མི་སྣང་ཞིང་། །བསམ་པ་ལས་ཀྱང་མྱ་ངན་འདས། །ཐམས་ཅད་ཡེ་ནས་མཉམ་ཉིད་ལས། །རྒྱུ་དང་འབྲས་བུར་དབྱེ་རུ་མེད། །ཐ་སྙད་འདོགས་ན་འཁྲུལ་པ་ཡིན། །མཐར་ཡང་སངས་རྒྱས་རྙེད་མི་འགྱུར། །དེ་ལ་ཕུར་བུའི་མན་ངག་ནི། །ཐ་སྙད་དག་ལ་མི་གནས་ཤིང་། །བཙལ་དུ་མེད་ཅིང་ ― DNG021_Page_0325 ―
[མ་དཔེ་གཟིགས་ན་འདིར་གནོན།]
དངོས་པོ་མེད། །ཐམས་ཅད་དབྱེར་མེད་དབྱིངས་སུ་གཅིག །འཁྲུལ་པའི་ཐ་སྙད་མིང་ཡང་མེད། །བདག་ཉིད་ཕུར་པའི་རང་བཞིན་ལས། །གཞན་དུ་འདོགས་པ་འཁྲུལ་པའི་ལམ། །གྲངས་ཀྱིས་བགྲང་དུ་ག་ལ་ཡོད། །ཆོས་ཉིད་གཅིག་ཏུ་གནས་པ་ལ། །གྲངས་ཀྱིས་བགྲངས་ན་གོལ་ས་ཡིན། །ཕུར་པའི་རང་བཞིན་དག་པ་ལ། །མིང་ཙམ་གཞན་ལ་བརྟེན་མི་བྱ། །རང་གི་རང་བཞིན་རྟོགས་པར་གྱིས། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། བལྟ་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས་ཕུར་པ་བྱང་ཆུབ་སེམས་ཀྱི་དོན་འདི་གསུངས་སོ། །ཕུར་པ་བྱང་ཆུབ་སེམས་ཀྱི་རྟགས། །བྱང་ཆུབ་སེམས་ཀྱི་ཕུར་པ་ཡིས། །སྲིད་གསུམ་འཁོར་བ་གདར་ཤ་གཅོད། །མ་བཏབ་བཞིན་དུ་ལྷུན་གྱིས་རྫོགས། །མཉམ་པའི་རྒྱལ་པོ་རིག་པས་གདབ། །ཕུར་པ་ཆོས་ཀྱི་དབྱིངས་ཀྱི་རྟགས། །གཞན་དུ་གདབ་པའི་གནས་མེད་ཀྱི། །རང་བཞིན་བྱང་ཆུབ་སེམས་ལ་གདབ། །ཕུར་བུ་འཛིན་ཆགས་མྱ་ངན་འདས། །གཟུང་འཛིན་རྣམ་རྟོག་ཉིད་ལ་གདབ། །ཕུར་པ་དངོས་པོ་ཀུན་དང་བྲལ། །དངོས་མེད་སེམས་ཀྱི་ཕུར་པ་ཡིས། །དངོས་པོ་ཕྱིན་ཅི་ལོག་ལ་གདབ། །གདབ་དང་མི་གདབ་བརྗོད་པའི་མཐའ་ལས་འདས། །ཕུར་པ་སྐྱེ་བ་མེད་པའི་དོན། །སྐྱེ་མེད་སེམས་ཀྱི་ཕུར་པ་ཡིས། །སེམས་ལ་བཏབ་པས་རིག་པ་ཤར། །དབྱིངས་ལ་བཏབ་པས་ལྷུན་གྱིས་གྲུབ། །གཉིས་སུ་མེད་པ་བརྡལ་བའི་ངང་། །ཁྱབ་གདལ་ཆེན་པོའི་ཕུར་པ་ཡིས། །སྣང་སྲིད་ཀུན་ལ་ཁྱབ་པར་གནས། །དེ་ལྟར་རྟོགས་ན་ཐེབས་པ་ཡིན། །མངོན་དུ་གྱུར་ན་རྟོགས་པ་ཡིན། །ཚིག་ལས་འདས་ན་སངས་རྒྱས་ཡིན། །གྲངས་ལས་འདས་ན་བརྗོད་དུ་མེད། །གཅིག་དང་གཉིས་སུ་དབྱེ་རུ་མེད། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། བྱང་ཆུབ་སེམས་ཀྱི་ ― DNG021_Page_0326 ―
[མ་དཔེ་གཟིགས་ན་འདིར་གནོན།]
ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས་ཕུར་པ་རང་བཞིན་གྱི་དོན་ལ་སྙོམས་པར་ཞུགས་ཏེ། འདི་གསུངས་སོ། །ཕུར་པའི་རང་བཞིན་དོན་བསྟན་པ། །ཕུར་ནི་ཆོས་ཀྱི་དབྱིངས་ཞེས་བྱ། །པ་ནི་བླ་མ་ཆེན་པོར་བསྟན། །ཕུར་ནི་ཆོས་ཀྱི་དབྱིངས་ཞེས་བྱ། །པ་ནི་རིག་པའི་ཡེ་ཤེས་ཡིན། །ཕུར་ནི་སྐྱེ་བ་མེད་པ་ཡིན། །པ་ནི་འགག་པ་མེད་པ་ཡིན། །གཉིས་སུ་མེད་པ་ཕུར་པའི་ངང་། །ཕུར་ནི་ཐབས་ཀྱི་རྒྱལ་པོ་ཡིན། །པ་ནི་ཤེས་རབ་ཡུམ་གྱི་དོན། །གཉིས་སུ་མེད་པ་རྡོ་རྗེའི་ངང་། །ཕུར་པ་ནམ་མཁའི་མཐའ་དང་མཉམ། །ཕུར་པ་ཁྱབ་གདལ་ཉི་ཟླ་འདྲ། །ཀུན་ལ་སྙོམས་པའི་ངོ་བོར་སྣང་། །ཕུར་པ་ཆོས་ཀྱི་ཆོས་ཉིད་ཡིན། །ཕུར་པ་ནམ་མཁའི་མཚན་ཉིད་ཡིན། །ཕུར་པ་སེམས་ཀྱི་སེམས་ཉིད་ཡིན། །ཕུར་པ་རྒྱུད་ཀྱི་རྒྱལ་པོ་ཡིན། །ཕུར་པ་ལུང་གི་བླ་མ་ཡིན། །ཕུར་པ་མན་ངག་ངེས་པའི་དོན། །གསང་བའི་སྔགས་ཀྱིས་བསྐྱེད་པར་བྱ། །གང་ལ་དམིགས་པའི་ངོ་བོ་ལ། །ཕོ་ཉ་སྐར་ཚོགས་སྤྲིན་ལྟར་གཏིབས། །དཀར་ནག་མཚམས་ནས་དྲངས་ནས་ནི། །ལྷུ་གཟུགས་ཕྲལ་ཏེ་བརླག་བསམ་སྟེ། །རྡོ་རྗེའི་བྲག་ཀྱང་འཇིག་འགྱུར་ན། །སྡིག་ཅན་དགྲ་བགེགས་སྨོས་ཅི་དགོས། །ཕོ་ཉ་མང་པོས་སྟོང་ཁམས་གང་། །འཕྲལ་ལ་གང་བ་མ་ཡིན་ཏེ། །ཡེ་ཉིད་ནས་ནི་གང་བར་གནས། །གསལ་བར་བསྒོམ་ནས་བཀྱེ་བ་ཡིན། །ཉམས་སུ་ཆུད་ན་བསྒྲལ་བ་ཡིན། །གཉིས་སུ་མེད་ན་སྦྱོར་བ་ཡིན། །ལྷངས་ཀྱིས་རྟོགས་ན་ཐེབས་པ་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། རང་བཞིན་གྱི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་འཇིགས་བྱེད་རྒྱལ་པོ་ཞེ་སྡང་རྡོ་རྗེ་རྩ་ཡི་དོན་ལ་སྙོམས་པར་ཞུགས་ནས། འཕྱང་ལྡན་མ་དང་རོ་མཆོག་མ། །སྤྱི་ཁྱེར་འཕྱང་ལྡན་ཤེས་རབ་མ། །རོ་མཆོག་མ་ནི་ཐབས་ཀྱི་ངོས། །སྤྱི་ཁྱེར་མ་ནི་དབུས་ན་གནས། །རྣམ་རྟོག་མི་ཕྱེད་ཕྲ་གཟུགས་མ། །བྱང་ཆུབ་ ― DNG021_Page_0327 ―
[མ་དཔེ་གཟིགས་ན་འདིར་གནོན།]
སེམས་ནི་སྐྱེ་འགྱུར་ཏེ། །གནས་ཤིང་གཟུང་འཛིན་བྲལ་བ་ཡིས། །མི་བསྐྱོད་རྒྱུ་བས་འཕྱང་ལྡན་མ། །རཀྟ་རྒྱུ་བས་རོ་མཆོག་མའོ། །ཤེས་རབ་ཟླ་བ་རྒྱུ་བ་ནི། །སྤྱི་ཁྱེར་མ་ནི་རབ་ཏུ་གསུངས། །མི་ཕྱེད་མ་དང་ཕྲ་གཟུགས་མ། །བཟང་མོ་གཡས་ན་གཡོན་འཐུང་མ། །རུས་སྦལ་མོ་དང་སྒོམ་པ་མོ། །དབང་བསྐུར་མ་དང་མཚན་མོ་ཅན། །ཆེན་མོ་གནས་དང་མ་མོ་དང་། །ཀུན་མཚན་མོ་དང་གྲང་མོ་དང་། །དྲོད་མ་འཕྱང་མ་སྤྱི་གཙུག་མོ། །རོ་མ་རྟོག་མ་དགའ་ལྡན་མོ། །གཟུགས་མཛེས་མ་ནི་ཐུང་མོའོ། །རྒྱུ་སྦྱིན་མོ་དང་བྲལ་བ་མོ། །མངག་པ་མོ་དང་གྲུབ་པ་མོ། །དགའ་བྱེད་མ་དང་ཡིད་མཛེས་མ། །དེ་བཞིན་སུམ་སྒྲིལ་འདོད་ལྡན་མ། །ཁྱིམ་ནས་གཏུམ་མོ་བདུད་བྲལ་མོ། །སྲིད་གསུམ་ཡོངས་སུ་ཞུ་བ་རྣམས། །ཀུན་ཀྱང་གཟུང་འཛིན་རྣམ་པར་སྤངས། །ཡང་ན་ཐམས་ཅད་ཐབས་ཉིད་ཀྱིས། །དངོས་པོ་མཚན་ཉིད་རྣམས་ཀྱིས་བརྟགས། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། རྩ་ཡི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས་ས་དང་ལམ་ཀྱི་རིམ་པ་འདི་གསུངས་སོ། །དེ་ནས་རྗེས་སུ་རྣལ་འབྱོར་པས། །ལམ་འདི་དག་ལ་དགོད་པར་བྱ། །ཚོགས་ལམ་སྦྱོར་ལམ་མཐོང་བའི་ལམ། །བསྒོམ་ལམ་དང་ནི་རྣམ་གྲོལ་ལམ། །བཅུ་གཅིག་ཀུན་ཏུ་འོད་ཀྱི་ས། །བཅུ་གཉིས་པདྨ་ཅན་གྱི་ས། །འཁོར་ལོ་ཚོགས་ཆེན་བཅུ་གསུམ་པ། །ཀུན་བཟང་བཅུ་བཞི་པ་རུ་གྲགས། །དང་པོའི་ས་ནི་རིག་འཛིན་ཏེ། །གཉིས་པ་ཚེ་ལ་དབང་རིག་འཛིན། །ཀུན་རྫོབ་ཕྱག་རྒྱའི་རིག་འཛིན་ཏེ། །རྟོགས་པ་ལྷུན་གྲུབ་རིག་འཛིན་ནོ། །ཕུར་པའི་རང་བཞིན་དོན་རྟོགས་པ། །རིགས་དག་ཏུ་ནི་རྣམ་པར་བཤད། །ལས་བྱས་སྔོན་གྱི་ཚོགས་ཀྱིས་སོ། །ལས་བདུན་བྱས་པས་སྦྱོར་བའོ། །དེ་ཉིད་བསྒོམ་པས་མཐོང་བ་དང་། །འབྱུང་བ་ལྔ་དང་ལྷ་ཡི་གནས། །གདན་དང་བཅས་པ་བསྐྱེད་པར་བསྒོམ། ། ― DNG021_Page_0328 ―
[མ་དཔེ་གཟིགས་ན་འདིར་གནོན།]
སྲོག་ཉིད་ཡེ་ཤེས་རྒྱུར་བྱས་པས། །བདུད་བཞི་ལས་ནི་རྣམ་པར་གྲོལ། །དཀྱིལ་འཁོར་གསུམ་ལ་སོགས་མཚན་ཉིད། །ཕུང་པོར་མ་གྲུབ་པ་དང་འོད། །གོང་བུར་གནས་དང་འཆི་བདག་དང་། །ཡེ་ཡི་གེས་ཤེས་ཉོན་མོངས་མེད་པར་སྦྱངས། །སྣང་སྲིད་དྲེགས་པ་ཅན་དང་ནི། །མི་སྣང་བར་བཅས་ལྷ་བདུད་བཅོམ། །ཉེས་ལྡན་སྲོག་གི་དབང་པོ་དང་། །བདུད་བཞི་དྲུག་དང་སྣང་གདགས་སའི་དྲུག་བ་དེ། །གནས་སྐབས་དག་ལ་རབ་ཏུ་གྲགས། །དུས་དང་གྲངས་དང་མཚན་མའོ། །བསྙེན་པ་དག་ཏུ་ཡིན་པར་བཤད། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པ་ལས། ས་དང་ལམ་གྱི་ལེའུ་སྟེ་ བདུན་པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས་མི་རྟོག་པའི་དོན་ལ་སྙོམས་པར་ཞུགས་ཏེ། སྣང་སྲིད་དྲུག་ཅུ་རྩ་གསུམ་བསྒོམ། །ཡེ་ཤེས་ཆོས་ཉིད་ཡོན་ཏན་སྐུ། །སྐུ་གསུང་ཐུགས་ཀྱི་རང་བཞིན་འདུས། །ཡབ་ཡུམ་གཉིས་ནི་རང་བཞིན་གནས། །ཡུམ་ཡང་ཧཱུྃ་འདུས་ཏིང་འཛིན་ཧཱུཾ། །སེམས་དཔའི་རྩེ་དབུས་ཧཱུཾ་དྲངས་ལ། །ཡེ་ཤེས་སྣ་བཀག་སྲོག་རྩ་བརྒྱུས། །རང་ཉིད་རྩ་རྒྱུད་དགུའི་ནང་བརྒྱུད་དེ། །ཤངས་ཀྱི་རླུང་སྒྲོམ་རྩེ་ལ་བཏོན། །སོར་བཞི་ཕར་འཕྲོས་ཚུར་འདུས་ཏེ། །འདུས་པ་ཉི་ཟླའི་དབུས་སུ་འོད། །ཨ་ཡི་ཚུལ་དུ་གནས་བྱའོ། །ཧཱུཾ་ལྡན་ཨོཾ་གྱིས་ཚུར་འདུས་པས། །སྲིད་གསུམ་འགྲོ་བ་རང་སྣང་བཞིན། །ཕྱི་ནང་སྣོད་བཅུད་དེ་ཉིད་དེ། །སེམས་དང་ཡིད་དང་རྣམ་ཤེས་ཉིད། །དེ་ཉིད་ལས་ནི་འཁྲུལ་ནས་བཏགས། །རྣམ་རྟོག་བག་ཆགས་སྤང་བའི་ཕྱིར། །བདག་དང་ཕུར་པ་གཞལ་ཡས་ཁང་། །བྱང་ཆུབ་སེམས་ནི་གསུམ་དུ་བཤད། །དང་པོར་བདག་གི་བྱང་ཆུབ་སེམས། །སྙིང་གའི་པདྨར་ཨཱ་བསམ་སྟེ། །ཕར་འཕྲོས་ཐམས་ཅད་འོད་དུ་ཞུ། །ཨ་ནི་མར་མེའི་རྩེ་ལྟར་འབར། །གཟུང་བ་ཟླ་བའི་འོད་ལྟར་ཏེ། །འཛིན་པའི་རྩ་རྣམས་ཤིན་ཏུ་དམིགས། །ཡང་ཡང་དེ་ལ་ཡིད་ཀྱིས་བསྒོམ། །འཕྲོ་བར་གྱུར་ན་སྤྲོས་ཏེ་བསྒོམ། །བྱིང་བར་གྱུར་ ― DNG021_Page_0329 ―
[མ་དཔེ་གཟིགས་ན་འདིར་གནོན།]
ན་བཟླས་པ་བྱ། །གཟུང་འཛིན་འགགས་པས་ཤེས་རབ་གསལ། །ཉི་མའི་འོད་ཟེར་ཚུལ་ལྟ་བུར། །དེ་ནི་ཕུར་བུ་བྱང་ཆུབ་སེམས། །ཨ་ནི་རང་བཞིན་འགག་འགྱུར་ཏེ། །ཨ་ཚུལ་མི་དམིགས་ནམ་མཁའ་སྟེ། །རང་བཞིན་གསལ་ལ་རྟོག་པ་མེད། །གཟུང་འཛིན་ཤེས་ཀྱིས་འགགས་གྱུར་ན། །གཞལ་ཡས་བྱང་ཆུབ་སེམས་ཞེས་བྱ། །གཞལ་ཡས་ཕུར་པ་བདག་གིས་ནི། །བྱང་ཆུབ་སེམས་ནི་སླུ་བཅས་པའི། །གཉིད་ལོག་སད་པ་ཅི་བཞིན་དུ། །ཡེ་ཤེས་རང་བཞིན་སྐུར་གྲུབ་པའི། །ལོངས་སྤྱོད་རྫོགས་སྐུར་འགྱུར་ཞེས་བྱ། །ཡེ་ཤེས་རླུང་སྟེ་རླུང་འོད་ཟེར། །སྣང་བ་འོད་ཀྱི་དཀྱིལ་འཁོར་ཏེ། །གཞལ་ཡས་སྤྲུལ་ཡང་དེས་འགྲུབ་སྟེ། །ཡེ་ཤེས་པ་དང་རྡོ་རྗེ་འཛིན། །བཅུ་གསུམ་བགྲོད་པ་དེ་ཡིན་ཏེ། །དེ་ལས་སྤྲུལ་པ་རིམ་བཞིན་བཀྱེ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པ་ཆེན་པོའི་རྒྱུད་ལས། ས་དང་ལམ་གྱི་རིམ་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་འཇིགས་བྱེད་རྒྱལ་པོ་ཞེ་སྡང་རྡོ་རྗེས་སྲས་རིགས་ཀྱི་ཁྲོ་བོ་འདི་སྟོན་ཏེ། གྲུ་གསུམ་མཐིང་ནག་འབར་བའི་དཀྱིལ་འཁོར་ན། རྡོ་རྗེའི་རིགས་ཐམས་ཅད་སྐུ་མདོག་མཐིང་ནག་ལ། ཞལ་གསུམ་ཕྱག་དྲུག་པ། སྐུ་སྨད་ཕུར་བུའི་ཚུལ་དུ། ཟུར་གསུམ་དུ་བཞུགས་པ། ཞལ་ནས་ཕུར་པའི་འཛབ་ཟློས་ཤིང་། ཀཱི་ལ་ཡ་མཐིང་ནག་ཏུ་འཕྲོས་པས། ཞེ་སྡང་དམྱལ་བའི་གནས་ཐམས་ཅད་སྟོངས་ཤིང་ཟད་པར་མཛད་དེ། ཞེ་སྡང་ཐམས་ཅད་དང་རྡོ་རྗེའི་རིགས་སུ་སངས་རྒྱས་པར་གྱུར་ཏོ། །ཤར་ཟླུམ་ལ་འཁྱིལ་བའི་དཀྱིལ་འཁོར་ནས། དེ་བཞིན་གཤེགས་པའི་རིགས་ཀྱི་ཁྲོ་བོ་ཐམས་ཅད་སྐུ་མདོག་སྨུག་ནག་ཞལ་གསུམ་ཕྱག་དྲུག་པ། སྨད་དྲག་པོའི་རང་བཞིན་ཟུར་གསུམ་དུ་གནས་པ། ཞལ་ནས་ཕུར་པའི་འཛབ་ཟློས་ཤིང་། ཀཱི་ལ་ཡ་སྨུག་ནག་ཏུ་འཕྲོས་པས། གཏི་མུག་གིས་བསྡུས་པའི་སེམས་ཅན་ཐམས་ཅད་སྟོངས་པར་མཛད་དེ། གཏི་མུག་ཅན་ཐམས་ཅད་དེ་བཞིན་ ― DNG021_Page_0330 ―
[མ་དཔེ་གཟིགས་ན་འདིར་གནོན།]
གཤེགས་པའི་རིགས་སུ་སངས་རྒྱས་པར་གྱུར་ཏོ། །ལྷོ་སོག་ཁ་གདེངས་པའི་དཀྱིལ་འཁོར་དུ། རིན་པོ་ཆེའི་རིགས་ཀྱི་ཁྲོ་བོ་ཐམས་ཅད་སྐུ་མདོག་སེར་ནག །ཞལ་གསུམ་ཕྱག་དྲུག་པ། སྨད་དྲག་པོའི་རང་བཞིན་ཕུར་བུ་ཟུར་གསུམ་དུ་གནས་པ། ཞལ་ནས་ཕུར་པའི་འཛབ་ཟློས་ཤིང་། ཀཱི་ལ་ཡ་སེར་ནག་ཏུ་འཕྲོས་པས། ང་རྒྱལ་ཅན་གྱི་ཚོགས་ཐམས་ཅད་ཟད་ཅིང་སྟོངས་པར་མཛད་དེ། ང་རྒྱལ་ཅན་ཐམས་ཅད་རིན་པོ་ཆེའི་རིགས་སུ་སངས་རྒྱས་པར་གྱུར་ཏོ། །ནུབ་ཟླ་གམ་གདེངས་པའི་དཀྱིལ་འཁོར་དུ། པདྨ་རིགས་ཀྱི་ཁྲོ་བོ་ཐམས་ཅད་སྐུ་མདོག་དམར་ནག །ཞལ་གསུམ་ཕྱག་དྲུག་པ་སྟེ། སྐུ་སྨད་དྲག་པོའི་རང་བཞིན་ཕུར་པ་ཟུར་གསུམ་པ་སྟེ། ཞལ་ནས་ཕུར་པའི་འཛབ་ཟློས་ཤིང་། ཀཱི་ལ་ཡ་དམར་ནག་ཏུ་འཕྲོས་པས། འདོད་ཆགས་ཀྱིས་ཉེན་པའི་སེམས་ཅན་ཐམས་ཅད་སྟོངས་ཤིང་ཟད་པར་མཛད་དེ། འདོད་ཆགས་ཅན་ཐམས་ཅད་པདྨའི་རིགས་སུ་སངས་རྒྱས་པར་གྱུར་ཏོ། །བྱང་གྲུ་བཞི་གདེངས་པའི་དཀྱིལ་འཁོར་ནས། ལས་ཀྱི་རིགས་ཀྱི་ཁྲོ་བོ་ཐམས་ཅད་སྐུ་མདོག་ལྗང་ནག །ཞལ་གསུམ་ཕྱག་དྲུག་པ། སྐུ་སྨད་དྲག་པོའི་རང་བཞིན་ཕུར་པ་ཟུར་གསུམ་པར་གནས་པ། ཞལ་ནས་ཕུར་པའི་འཛབ་ཟློས་ཤིང་། ཀཱི་ལ་ཡ་ལྗང་ནག་ཏུ་འཕྲོས་ཏེ། ཕྲག་དོག་གིས་ཉེན་པའི་སེམས་ཅན་ཐམས་ཅད་རྩད་བཅད་སྟེ། ཕྲག་དོག་གི་གནས་སྟོངས་ཏེ། ཕྲག་དོག་ཅན་ཐམས་ཅད་ལས་ཀྱི་རིགས་སུ་སངས་རྒྱས་པར་གྱུར་ཏོ། །སྐུ་གསུང་ཐུགས་ཡོན་ཏན་ཕྲིན་ལས་ལྔའི་རང་བཞིན་དུ་གྱུར་ཏོ། །ཧཱུཾ་རཀྟའི་རྒྱ་མཚོ་ཆེན་པོ་འཁྱིལ་པ་ནས། །ཀེང་རུས་རི་རབ་ཆེན་པོ་བརྩེགས་པའི་སྟེང་། །རྡོ་རྗེ་བྲག་ཆེན་གཏམས་པའི་ས་གཞི་ལ། །དུར་ཁྲོད་ཆེན་པོ་འབར་བའི་གཞལ་ཡས་ཁང་། །སུས་ཀྱང་མ་བྱས་ཡེ་ནས་ཚད་ལས་འདས། །བསྐལ་པ་མེ་ལྟར་འབར་བའི་དཀྱིལ་འཁོར་ནས། །དྲེགས་པ་ལྷ་ཆེན་བསྣོལ་བའི་ཁྲི་སྟེངས་སུ། །ཉི་ཟླའི་གདན་བཤམས་པདྨ་གེ་སར་བཅས། །འཇིགས་བྱེད་དཔལ་ཆེན་ཚོགས་ ― DNG021_Page_0331 ―
[མ་དཔེ་གཟིགས་ན་འདིར་གནོན།]
བཅས་བཞུགས་པ་ནི། །ཡེ་ཤེས་ཚད་མེད་སྤྲུལ་པའི་ཐབས་མངའ་བས། །གང་མོས་གང་ལ་དེ་བཞིན་སྐུར་སྣང་ཞིང་། །ཅི་ལ་ཅིས་འདུལ་དེ་བཞིན་ཆ་ལུགས་སྟོན། །ཐུགས་མཚན་སྣ་ཚོགས་མཚོན་ཆའི་ཆར་འབེབས་ཤིང་། །གསུང་གི་ཀཱི་ལ་ཡ་ཡི་སྒྲ་སྒྲོགས་འབྲུག་སྟོང་ལྡིར། །རྫི་བསྐྱོད་སྤྱན་ཟློག་མེ་སྟག་ཚྭ་ཚྭ་འཕྲོ། །ཞལ་གདངས་མཆེ་གཙིགས་དུག་གསུམ་ཞལ་དུ་རྔུབས། །མངག་པའི་ཕོ་ཉ་འགུགས་བྱེད་གློག་སྟོང་འགྱུ། །ཕྲིན་ལས་རྣམ་བཞིས་ལོག་པའི་དགྲ་བགེགས་འཇོམས། །སྤྲུལ་པའི་ཕོ་ཉས་བདུད་དཔུང་ཟིལ་གྱིས་གནོན། །དྲག་པོའི་ཕྲིན་ལས་ལྷུན་གྱིས་གྲུབ་པར་མཛོད། །དེ་ནས་འཇིགས་བྱེད་ཀྱི་རྒྱལ་པོ་དཔལ་རྡོ་རྗེ་གཞོན་ནུ། དབུ་གསུམ་པ་ལ་ཕྱག་དྲུག་པ། ཞབས་རྣམ་པ་བཞིར་ལྡན་པ། གཡས་ལྗང་ནག །གཡོན་དམར་ནག །དབུས་མཐིང་ནག་ཏུ་བཞུགས་པ། གཡས་དང་པོ་ན་རྡོ་རྗེ་རྩེ་དགུ་པ་བསྣམས་པ། གཡོན་དང་པོ་ན་མེ་དཔུང་འབར་བ་བསྣམས་པ། གཡས་བར་མ་ན་རྡོ་རྗེ་རྩེ་ལྔ་པ་དང་སྟྭ་རེ་དང་ཐོ་བ་ཐོགས་པ། གཡོན་བར་མ་ན་ཁ་ཊྭཱཾ་དང་ཐོད་དབྱུག་དང་ལྕགས་ཀྱུའོ། །གཡས་ཐ་མ་ན་ཕུར་པ། གཡོན་ཐ་མ་ན་རྦོད་གཏོང་ཕྲ་མེན་གྱི་ཚོགས་རྣམས་ཏེ། བྱ་རྒོད་དང་། ཁྱུང་དང་། འུག་པ་དང་། ཕོ་རོག་དང་། ཁྲ་བསྣམས་པའོ། །ཞབས་བཞི་ལ་གཉིས་བརྐྱང་གཉིས་བསྐུམ་སྟེ། དོར་སྟབས་སུ་བཞུགས་སོ། །སྐུ་ལ་བསྐལ་པའི་མེ་རི་དང་། གླང་པོ་ཆེའི་ཀོ་རློན་དང་། སྟག་གི་ཤམ་ཐབས་དང་། ཞིང་ཆེན་གྱི་པགས་པ་དང་། ཐལ་བའི་ཚོམ་བུ་དང་། ཞག་གི་ཟོ་རིས་དང་། ཁྲག་གི་ཐིག་ལེའོ། །སྤྲུལ་རིགས་ལྔས་བརྒྱན་ཏེ། རྒྱལ་རིགས་དང་། རྗེ་རིགས་དང་། བྲམ་ཟེའི་རིགས་དང་། དམངས་རིགས་དང་། གདོལ་པའི་རིགས་སོ། །ཐུགས་རྗེ་ཆགས་པས་ཁྲག་གི་རྒྱ་མཚོ་ལ་གསོལ་བའོ། །ཡུམ་འཁོར་ལོ་རྒྱས་འདེབས་མ། ཞལ་གཅིག་ཕྱག་གཉིས་མ། གཡས་ཡབ་ཀྱི་མགུལ་ནས་འཁྱུད་པ། གཡོན་བྷན་དྷ་རཀྟས་བཀང་བ་ ― DNG021_Page_0332 ―
[མ་དཔེ་གཟིགས་ན་འདིར་གནོན།]
ཡབ་ཀྱི་ཞལ་དུ་སྟོབ་པ། སྐུ་ལ་དུར་ཁྲོད་ཆས་ཀྱིས་བརྒྱན་པ། དོ་ཤལ་དང་། དཔུང་རྒྱན་དང་། མགུར་ཆུ་དང་། སྙན་ཆ་དང་། སེ་མོ་དོས་བརྒྱན་ཏེ། ཐབས་དང་ཤེས་རབ་གཉིས་སུ་མེད་པར་བཞུགས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་རྡོ་རྗེ་བཀོད་པའི་རྒྱུད་ལས། རིགས་ཀྱི་ཁྲོ་བོའི་ལེའུ་སྟེ་དགུ་ པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ། ཞེ་སྡང་རྡོ་རྗེས་ཆགས་པའི་ཏིང་ངེ་འཛིན་ལ་སྙོམས་པར་ཞུགས་ཏེ་ཡབ་ཡུམ་གཉིས་སུ་མེད་པར་ཆགས་པའི་དོན་ལ་བསྐུལ་ཏེ། ཡབ་ཀྱིས་བསྐུལ་བ་ས་མ་ཡ་ཧོ། ཡུམ་གྱིས་བསྐུལ་བ་ས་མ་ཡ་སྟྭཾ་རཱ་གོ྅ཧཾ། རཱ་ག་ཡཱ་མི། ཡབ་ཡུམ་གཉིས་སུ་མེད་པར་གྱུར་ཏེ། པདྨ་ཡོ་གཱི་ས་མ་ཡ་པྲ་བེ་ཤ་ཡ་ཕཊ། ཡབ་ཀྱི་བྱང་ཆུབ་སེམས་ཡུམ་གྱི་མཁར་བབས་ཏེ། ཡུམ་ཡང་བྱང་ཆུབ་སེམས་ཀྱི་རང་བཞིན་དུ་གྱུར་ཏེ། ལན་ཅིག་འཕྲོས་པས་ཁྲོ་བོ་འཆོལ་པའི་རང་བཞིན་དུ་གྱུར་ཏོ། །ཧཱུཾ་ཧཱུཾ་ཧཱུཾ་བི་ཤྭ་ཀྲོ་དྷ་ཛྭ་ལ་མཎྜལ་ཧ་ལ་ཧ་ལ་ཧཱུཾ་ཕཊ། ཅེས་བརྗོད་པས་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ལྷག་གིས་ཁེངས་པར་གྱུར་ཏོ། །དུར་ཁྲོད་ཀྱི་བདག་པོ་མ་ཏྲཾ་ཀ་རཱུ་ཏྲ་དང་། ཨ་ཀར་ཤ་རཱུ་ཏྲ། ཁ་ཧྲང་ཀ་རུ་ཏྲ་རཱུ་ཏྲ་ལ་སོགས་པ། ཉོན་མོངས་པའི་ཁ་ལོག་པར་བལྟས་པའི་སེམས་ཅན་དེ་དག་ཐམས་ཅད་བསྒྲལ་ཞིང་རྩད་བཅད་དོ། །སླར་དེ་དག་ཐམས་ཅད་ཡུམ་གྱི་བྷ་ག་ལ་བསྡུས་ཏེ། འོད་ཕྱོགས་བཅུར་འཕྲོས་པས། དེས་ཕྱོགས་བཅུའི་དྲེགས་པ་ཅན་ཐམས་ཅད་བསྒྲལ་ཏེ། དེའི་སྟེང་དུ་ཁྲོ་བོའི་དཀྱིལ་འཁོར་འཐོན་ཏེ། ཤར་ཕྱོགས་སུ་ཁྲོ་བོ་རྣམ་པར་རྒྱལ་བ་དང་། ཡུམ་མདའ་བསྙེམས་མ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ་ཞབས་བཞི་དང་ལྡན་པའོ། །དུར་ཁྲོད་ཆས་ཀྱིས་བརྒྱན་པ། བརྒྱ་བྱིན་གྱི་གདན་ལ་བརྐྱང་བསྐུམ་དུ་བཞུགས་པའོ། །ལྷོ་ཕྱོགས་སུ་ཁྲོ་བོ་གཤིན་རྗེའི་གཤེད་པོ་དང་། ཡུམ་དུར་ཁྲོད་ཀྱི་བདག་མོ་གཉིས་སུ་གྱུར་ཏེ། དབུ་གསུམ་ཕྱག་དྲུག་པའོ། །ཞབས་བཞི་དང་ལྡན་པ། ― DNG021_Page_0333 ―
[མ་དཔེ་གཟིགས་ན་འདིར་གནོན།]
སྐུ་ལ་དུར་ཁྲོད་ཆས་ཀྱིས་བརྒྱན་པའོ། །ནུབ་ཏུ་ཁྲོ་བོ་རྟ་མཆོག་དཔལ་དང་། ཡུམ་རྡོ་རྗེ་གཏུམ་མོ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་རྣམ་པ་བཞི་དང་ལྡན་པའོ། །སྐུ་ལ་དུར་ཁྲོད་ཆས་ཀྱིས་བརྒྱན་པའོ། །བྱང་དུ་ཁྲོ་བོ་བདུད་རྩི་འཁྱིལ་པ་དང་། ཡུམ་རྡོ་རྗེ་རླུང་འབྱིན་མ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་རྣམ་པ་བཞི་དང་ལྡན་པའོ། །སྐུ་ལ་དུར་ཁྲོད་ཆས་བརྒྱད་ཀྱིས་བརྒྱན་པའོ། །ཤར་ལྷོར་ཁྲོ་བོ་དབྱུག་པ་སྔོན་པོ་དང་། ཡུམ་རྡོ་རྗེ་སྡེར་མོ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་རྣམ་པ་བཞི་དང་ལྡན་པའོ། །སྐུ་ལ་དུར་ཁྲོད་ཆས་ཀྱིས་བརྒྱན་པའོ། །ལྷོ་ནུབ་ཏུ་ཁྲོ་བོ་མི་གཡོ་མགོན་པོ་དང་། ཡུམ་རྡོ་རྗེ་གཏུན་ཁུང་མ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་བཞི་རླུང་ལྷ་ཕོ་མོ་བརྫིས་པ། སྐུ་ལ་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པའོ། །ནུབ་བྱང་མཚམས་སུ་ཁྲོ་བོ་གཞན་གྱིས་མི་ཐུབ་པ་དང་། ཡུམ་རྡོ་རྗེ་མདའ་བསྙེམས་མ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་བཞི་རླུང་ལྷ་ཕོ་མོ་བརྫིས་པ། སྐུ་ལ་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པའོ། །བྱང་ཤར་མཚམས་སུ་ཁམས་གསུམ་རྣམ་པར་རྒྱལ་བ་དང་། ཡུམ་རྡོ་རྗེ་གསོད་མ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་བཞི་དབང་ལྡན་ཕོ་མོ་བརྫིས་པ། སྐུ་ལ་དུར་ཁྲོད་ཆས་བརྒྱད་ཀྱིས་བརྒྱན་པའོ། །སྟེང་གི་ཕྱོགས་སུ་ཁྲོ་བོ་ཧཱུཾ་ཀར་དང་། ཡུམ་རྡོ་རྗེ་སྒྲ་འབྱིན་མ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་བཞིས་ཉི་ཟླ་བརྫིས་པ། སྐུ་ལ་དུར་ཁྲོད་ཆས་བརྒྱད་ཀྱིས་བརྒྱན་པའོ། །འོག་གི་ཕྱོགས་སུ་ཁྲོ་བོ་སྟོབས་པོ་ཆེ་དང་། ཡུམ་རྡོ་རྗེ་སྐྱོད་བྱེད་མ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་བཞིས་ས་བདག་བརྫིས་པ། སྐུ་ལ་དུར་ཁྲོད་ཆས་བརྒྱད་ཀྱིས་བརྒྱན་པའོ། །ཡབ་ཀྱི་སྤྲུལ་པ་སྟག་གི་མགོ་ཅན་དང་། གཡག་གི་མགོ་ཅན་དང་། ཤ་བའི་མགོ་ཅན་དང་། གཟིག་གི་མགོ་ཅན་དང་། བྱི་ལའི་མགོ་ཅན་དང་། སྤྱང་ཀིའི་མགོ་ཅན་དང་། སེང་ ― DNG021_Page_0334 ―
[མ་དཔེ་གཟིགས་ན་འདིར་གནོན།]
གེའི་མགོ་ཅན་དང་། དོམ་གྱི་མགོ་ཅན་དང་། ཕག་གི་མགོ་ཅན་དང་། དྲེད་ཀྱི་མགོ་ཅན་ནོ། །ཡུམ་གྱི་སྤྲུལ་པ། བྱ་རྒོད་ཀྱི་མགོ་ཅན་དང་། བྱ་རོག་གི་མགོ་ཅན་དང་། འུག་པའི་མགོ་ཅན་དང་། ཁྲའི་མགོ་ཅན་དང་། པུ་ཤུད་ཀྱི་མགོ་ཅན་དང་། ཁྲ་ཡི་མགོ་ཅན་དང་། ཕ་ཝང་གི་མགོ་ཅན་དང་། སྲེ་མོའི་མགོ་ཅན་དང་། སྨིག་བུའི་མགོ་ཅན་དང་། བྱི་ལའི་མགོ་ཅན་དང་། དེ་ནས་ཞེ་སྡང་རྡོ་རྗེས་དྲེགས་པ་ཅན་ཐམས་ཅད་ཚར་གཅད་པའི་ཕྱིར། ཐུགས་ཀྱི་སྲས་མཆོག་འདི་དག་ཕྱུང་སྟེ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཞེས་གསུངས་ཏེ་ཉིད་ཀྱི་མདུན་དུ་འཁོད་སྟེ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊ། ཅེས་གསུངས་པས། སྲས་མཆོག་དེ་དག་དབུ་གསུམ་ཕྱག་དྲུག་པ། སྐུ་སྨད་ཟུར་གསུམ་དུ་གྱུར་ཏེ། མདུན་ན་བཀའ་སྡོད་པའི་ཚུལ་དུ་བཞུགས་སོ། །དེ་ནས་ཞེ་སྡང་རྡོ་རྗེས་འདི་སྐད་ཅེས་གསུངས་སོ། །ཐུགས་ཀྱི་སྲས་མཆོག་ཀཱི་ལ་ཡ། །དྲེགས་པ་འདུལ་ཕྱིར་ཐུགས་ལས་སྤྲུལ། །ངོ་མཚར་ལས་འདི་འགྲུབ་པར་གྱིས། །དེ་ནས་སྲས་མཆོག་དེ་དག་གིས་ཀྱང་། ཧཱུཾ་ཧཱུཾ་དང་ཕཊ་ཕཊ་ཀྱི་སྒྲ་མང་དུ་ཕྱུང་སྟེ། འཇིག་རྟེན་ཁམས་འདི་དག་གཡོས་རབ་ཏུ་གཡོས་སོ། །འཁྲུགས་རབ་ཏུ་འཁྲུགས་སོ། །བརྒྱལ་ལོ་རབ་ཏུ་བརྒྱལ་བར་གྱུར་ཏོ། །མྱོས་རབ་ཏུ་མྱོས་པར་གྱུར་ཏོ། །ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱང་ཤིན་ཏུ་ངོ་མཚར་སྐྱེས་ཏེ། ཨེ་མ་ཧོ། ཐུགས་ཀྱི་སྲས་མཆོག་ཅེས་བསྟོད་ཅིང་། བདེ་བར་གཤེགས་པ་དེ་དག་གིས་ཀྱང་། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ་ཞེས་བྱ་བ་ལ་སོགས་པ་དང་། ཁམས་གསུམ་དུས་གཅིག་ཏུ་སྒྲོལ་བའི་དབང་བསྐུར་རོ། །དེ་ནས་སྲས་མཆོག་དེ་དག་གིས་ཀྱང་། ལྟ་བ་ལོག་པས་ཟིན་པའི་དྲེགས་པ་ཅན་དེ་དག་ཐམས་ཅད་དྲག་པོའི་སྟངས་སྟབས་ཀྱིས་བསྒྲལ་ཏེ། མགོ་བཅད་སྙིང་ཕྱུང་ཡན་ལག་དྲེགས་ཏེ། ལུས་གཙོ་བོའི་གདན་དུ་ཕུལ་ལོ། །རྣམ་པར་ཤེས་པ་འོག་མིན་དུ་འཕང་ངོ་། །ཤ་ ― DNG021_Page_0335 ―
[མ་དཔེ་གཟིགས་ན་འདིར་གནོན།]
ཁྲག་ལ་མ་མོ་དང་། ཁྲོ་མོ་དང་ཕྲ་མེན་དང་། སྤྲུལ་པ་དང་ཡང་སྤྲུལ་དང་གཅིག་གི་ཡང་སུམ་སྤྲུལ་ལ་སོགས་པ། སེང་མང་དང་སྟག་མང་ཤ་ལ་རོལ་པ་བཞིན་དུ་གྱུར་ཏོ། །ཞལ་ནས་ཀྱང་ཧཱུཾ་ཧཱུཾ་དང་ཕཊ་ཕཊ་དང་ཧ་ཧ་དང་ཧེ་ཧེ་དང་ཁཱ་ཁཱ་དང་བྷྱོ་བྷྱོ་དང་རུ་ལུ་དང་ཕཊ་ཕཊ་ལ་སོགས་པའི་སྒྲ་འབྱིན་ཅིང་རོལ་ལོ། །དེ་དག་ཐམས་ཅད་དང་སྣང་སྲིད་དྲུག་ཅུ་རྩ་གསུམ་གྱི་དཀྱིལ་འཁོར་དུ་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། ཁྲོ་བོའི་དཀྱིལ་འཁོར་གྱི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས། གསང་སྔགས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། འདི་གསུངས་སོ། །་བཛྲ་ཀྲོ་དྷ་ཧཱུྃ་ཀཱ་ར་གརྫ་གརྫ་ཧཱུཾ། ཨཱོཾ་བཛྲ་ཀྲོ་དྷཱི་ཧཱུྃ།་དཱི་པ་ཡ་ཏི་ཧཱུྃ།་བཛྲ་ཀྲོ་ཏ་བི་ཛ་ཡ་ཧ་ན་ཧ་ན་ཧཱུྃ།་བཛྲ་ཀྲོ་ཏི་དྷ་ཏུ་ལཱ་སེ་ཀི་ཧཱུཾ།་བཛྲ་ཀྲོ་ཏ་ནཱི་ལ་དཎྜ་ཧཱུྃ། ད་ཧ་ད་ཧ་ཧཱུྃ།་བཛྲ་ཀྲོ་དྷཱི་ཏ་ན་བ་དཱི་ཧཱུྃ།་བཛྲ་ཀྲོ་ཏ་ཡ་མཱན་ཏ་ཀ་ཧཱུྃ་པ་ཙ་པ་ཙ་ཧཱུྃ།་བཛྲ་ཀྲོ་དྷཱི་ཤྨ་ཤཱ་ན་པ་ཏཱི་ཧཱུྃ།་བཛྲ་ཀྲོ་ཏ་ཨཱརྱ་ཨ་ཙ་ལ། བན་དྷ་བན་དྷ་ཧཱུྃ། ཨཱོཾ་བཛྲ་ཀྲོ་དྷཱི་མུ་ས་ལཱི་ཧཱུྃ། ཨཱོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ་ཧུ་ལུ་ཧུ་ལུ་ཧཱུྃ། ཨཱོཾ་བཛྲ་ཀྲོ་དྷཱི་ཙཎྜ་ལཱི་ཧཱུཾ།་བཛྲ་ཀྲོ་ཏ་ཨ་པ་ར་ཛི་ཏ་ཧཱུྃ། ཏིཥྛ་ཏིཥྛ་ཧཱུྃ། ཨཱོཾ་བཛྲ་ཀྲོ་དྷཱི་ཤཱ་བྱཱ་ཏཱི་ཧཱུཾ། ཨཱོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཙྪིནྡ་ཧཱུྃ། ཨཱོཾ་བཛྲ་ཀྲོ་དྷཱི་ས་བྱཱ་མི་ཏ་ཧཱུྃ། ཨཱོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ་བིན་དྷ་བིན་དྷ་ཧཱུཾ། ཨཱོཾ་བཛྲ་ཀྲོ་དྷཱི་དྷཱ་ཏུ་མཱ་ར་ཎ་ཧཱུཾ། ཨཱོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ། ཨཱོཾ་བཛྲ་ཀྲོ་དྷཱི་ཙུནྡ་ཡ་ཏི་ཧཱུཾ། ཨཱོཾ་བཛྲ་སཱུ་ཀ་ར་མུ་ཁ་ཛ་ཛཿ། བཛྲ་ཧཱུཾ་ཀ་ཤྭ་ཧུ་ཀ་ཛ་ཛཿ། བཛྲ་བྱཱ་གྷྲ་མུ་ཁ་ཛ་ཛཿ། བཛྲ་གྲྀ་ཌྷ་མུ་ཁ་ཛ་ཛཿ། བཛྲ་ཙ་མ་ར་མུ་ཁ་ཛ་ཛཿ། བཛྲ་ཁ་ཁཱ་མུ་ཁ་ཛ་ཛཿ། བཛྲ་ཧ་རི་ཎ་མུ་ཁ་ཛ་ཛཿ། བཛྲ་ཨུ་ལཱུ་མུ་ཁ་ཛ་ཛཿ། བཛྲ་རི་སཱི་མུ་ཁཱི་ཛ་ཛཿ། བཛྲ་ཀཱ་ཀ་མུ་ཁཱི་ཛ་ཛཿ། བཛྲ་བི་ཌཱ་ལ་མུ་ཁ་ཛ་ཛཿ། བཀྵ་ཏི་མུ་ཁཱི་ཛ་ཛཿ། བཛྲ་ཤྭ་ན་མུ་ཁ་ཛ་ཛཿ། བཛྲ་པ་ཏྲི་མུ་ཁཱི་ཛཿ། བཛྲ་སི་ཧཾ་མུ་ཁ་ཛ་ཛཿ། བཛྲ་ཏི་ཏཱི་ལ་མུ་ཁཱི་ཛཿ། བཛྲ་རྀཀྵ་མུ་ཁ་ཛཿ། བཛྲ་ན་ཀུ་ལ་མུ་ཁཱི་ཛཿ། བཛྲ་ཏཀྵུ་ ― DNG021_Page_0336 ―
[མ་དཔེ་གཟིགས་ན་འདིར་གནོན།]
མུ་ཁཱི་ཛཿ། བཛྲ་མཱུ་ཥི་ཀ་མུ་ཁཱི་ཛ་ཛཿ།་བཛྲ་ཡཀྵྀ་ཎཱི་ཛཿ། བཛྲ་བྷཻ་ར་བེ་ཧཱུཾ། བཛྲ་ཨ་མྲྀ་ཏ་བཾ། བཛྲ་མཱ་ར་ཎཱི་ཧོ། ཧེ་ཧེ་ཧེ་ཧེ། ཛཿཧཱུཾ་བཾ་ཧོཿ། མ་མ་མཱ་མཱ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། སྔགས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་འཇིགས་བྱེད་རྒྱལ་པོ་ཞེ་སྡང་རྡོ་རྗེས་དྲག་པོའི་ཕྲིན་ལས་འདི་གསུངས་སོ། །བླ་མེད་སྒྲུབ་པའི་རྣལ་འབྱོར་ལ། །དགེ་སྤྱོད་འབྲས་བུ་འཕེལ་བྱ་ན། །ཤིན་ཏུ་གདུག་པ་ཚར་གཅད་ཕྱིར། །དྲག་པོའི་ཕྲིན་ལས་རབ་ཏུ་བརྩམ། །ཐོག་མར་གནས་ནི་བཙལ་བྱ་ཞིང་། །ཕྱི་ཡི་གཏོར་མ་གཞུང་བཞིན་བཤམ། །ཕྱོགས་སྐྱོང་ལ་སོགས་སྲུང་མ་ལ། །དམ་ཚིག་བཞིན་དུ་ཕྲིན་ལས་བཅོལ། །དེ་ནས་ནང་དུ་མཚམས་གཅོད་ཕྱིར། །དཀྱིལ་འཁོར་མཐིང་ནག་བྲི་བར་བྱ། །ཟླ་གམ་རྡོ་རྗེ་བྲག་ལ་སོགས། །ཐོད་སྐམ་སྒོ་ཁྱུད་གཞུང་བཞིན་བྱ། །དེ་ནས་རྫས་རྣམས་བསག་བྱ་སྟེ། །ཕུར་བུ་དང་ནི་ཉུང་དཀར་དང་། །ཞིང་རས་གཏོར་མ་ལ་སོགས་པ། །ཤེས་རབ་ཅན་གྱིས་བསགས་པའི་རྫས། །དཀྱིལ་འཁོར་དེ་དག་བསྐོར་ཏེ་བཞག །དེ་ནས་ལས་བགོས་རྣམས་བྱས་ཏེ། །ཚད་དང་ལྡན་པའི་རྣལ་འབྱོར་པས། །ཕུར་བ་བྱིན་གྱིས་བརླབ་བྱ་ཞིང་། །དེ་ནས་ཏིང་འཛིན་གསལ་བ་ལས། །སྤྱན་དྲང་བསྐྱེད་དང་གཉིས་མེད་བསྡིམ། །ཕྱི་ནང་མཆོད་པ་རིམ་བཞིན་འབུལ། །དེ་ནས་སྒྲུབ་པ་གསལ་བར་བསྒོམ། །དེ་ནས་བསྙེན་པ་གསུམ་བྱ་སྟེ། །ནམ་གྱི་གུང་དང་ཉི་མའི་གུང་། །ཕོ་ཉ་བཀའ་སྡོད་འབངས་ཀྱི་ཚུལ། །བཀྱེ་ཞིང་གཟུགས་ལ་བསྡིམ་བྱས་ཏེ། །དེ་ཡི་རྟགས་དང་མཚན་མ་ནི། །འོད་དང་འཕྲོ་དང་འབར་བ་དང་། །ཐ་མ་རྨི་ལམ་བཟང་ལ་སོགས། །དེ་ལྟར་རྟགས་ནི་བྱུང་བ་དང་། །སྒྲུབ་པ་པོ་ནི་མ་ལུས་པས། །གསལ་བ་རྣམ་གསུམ་དག་དང་ནི། །བདེན་པ་བདར་ཞིང་ཡང་དང་ ― DNG021_Page_0337 ―
[མ་དཔེ་གཟིགས་ན་འདིར་གནོན།]
ཡང་། །གནད་བདུན་དག་ཏུ་གདབ་བྱ་ལ། །ཁྲོ་བོ་བཅུ་ཡི་སྔགས་བརྗོད་ཅིང་། །གང་ལ་དམིགས་པའི་ངོ་བོ་ལ། །གཟིར་གནན་བརླག་པའི་ལས་རྣམས་བྱ། །བྱིན་ཆུང་སྙིང་ནི་མི་དགའ་ན། །སྤོག་པའི་ཆོ་ག་གཞུང་བཞིན་བྱ། །ལྷ་རྣམས་མཉེས་པར་བྱ་བ་དང་། །ལས་ཀྱི་ལྷག་ཆད་བསྐང་བ་དང་། །ཡུན་གྱི་སྒྲིབ་པ་སྦྱང་བའི་ཕྱིར། །མཐོལ་བཤགས་ལ་སོགས་འབད་ལ་བྱ། །གཟུགས་ནི་དུམ་བུ་གསུམ་དག་ཏུ། །རྣོན་པོའི་མཚོན་གྱིས་གཏུབས་ནས་ཀྱང་། །གཏོར་མ་གཏང་ཞིང་ཧོམ་དུ་བསྲེག །དེ་ནས་གཏོར་མ་ལ་སོགས་བཏང་། །དཀྱིལ་འཁོར་དག་ནི་བསྡུ་བྱ་ཞིང་། །དངོས་གྲུབ་དག་ཀྱང་བླང་བར་བྱ། །བགེགས་ཀྱིས་མི་ཚུགས་བྱ་བའི་ཕྱིར། །རྡོ་རྗེའི་གོ་ཆ་བགོ་བར་བྱ། །སྙིང་རྗེའི་སེམས་དང་འབྲལ་མི་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱལ་པོའི་རྒྱུད་ལས། དྲག་པོ་བསྒྲལ་བའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས། དབང་བསྐུར་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་གསུངས་སོ། །སྨེ་ཤ་ཅན་ལ་སོགས་པ་ཡི། །བཅུ་གཉིས་དང་ནི་བཅོ་བརྒྱད་དང་། །ཡང་ན་ཉི་ཤུ་རྩ་གཅིག་ལ། །ཕྱག་རྒྱའི་དཀྱིལ་འཁོར་གསལ་བཀོད་དེ། །རྔམ་གསུམ་ཚུལ་དུ་ནན་ཏན་བྱ། །ཧ་ཅང་སྦོམ་མིན་ཕྲ་བ་མིན། །རིང་བ་མ་ཡིན་ཐུང་བ་མིན། །སྨིན་མཚམས་རིང་ཞིང་ཤ་མདོག་དཀར། །སྨེ་བའི་ག་ཤ་ཡོད་པ་དང་། །སུམ་ཅུ་རྩ་གཉིས་མཚན་དང་ལྡན། །དཔེ་བྱད་བཟང་པོ་བརྒྱད་ཅུས་བརྒྱན། །སྤྱི་བོར་ཨོཾ་ལ་སྙིང་གར་ཧཱུྃ། །མཚན་མར་ཨ་སྟེ་རྣམ་གསུམ་བཀོད། །རྣམ་གསུམ་ཚུལ་དུ་སྦྱོར་བ་བྱ། །དང་པོ་དགའ་དང་མཆོག་ཏུ་དགའ། །རང་བཞིན་དགའ་དང་དགའ་བྲལ་ལོ། །བྱང་ཆུབ་སེམས་དཔའ་སློབ་མ་ལ། །ཚུལ་བཞིན་ཡིད་ཀྱིས་བསྐུར་བར་བྱ། །དེ་ལྟར་ ― DNG021_Page_0338 ―
[མ་དཔེ་གཟིགས་ན་འདིར་གནོན།]
སྐུར་བྱེད་སློབ་དཔོན་ལ། །རང་ལུས་སྲོག་དང་ནོར་གྱི་དབྱིག །མ་དང་སྲིང་མོ་བུ་མོ་དང་། །ཆུང་མ་རབ་ཏུ་བརྒྱན་ཏེ་འབུལ། །ཤིན་ཏུ་མཛེས་དང་ཡིད་མཐུན་འབུལ། །རྟ་དང་གླང་པོ་ནོར་གྱི་དབྱིག །ཡུལ་རིས་གཉེན་བྲན་བཅས་པ་ཕུལ། །དེ་ལྟར་འབུལ་བྱེད་སློབ་མ་ལ། །ཕྱི་དང་ནང་དང་གསང་བ་དང་། །རིམ་པ་བཞིན་དུ་བསྐུར་བར་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། དབང་བསྐུར་བའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས། དྲག་པོའི་སྦྱིན་སྲེག་གི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་གསུངས་སོ། །དེ་ནས་དཀྱིལ་འཁོར་བྱ་བ་ནི། །གྲུ་བཞི་ཆ་ནི་མཉམ་པ་ལ། །དབུས་སུ་གྲུ་གསུམ་གྲུ་གང་བརྐོ། །ཁ་ཁྱེར་སུམ་བརྩེག་སོར་བཞིའི་ཚད། །མུ་ཁྱུད་ཟླུམ་པོ་སོར་གསུམ་པ། །གྲུ་ཆད་བཞི་ཡིས་རྣམ་པར་བརྒྱན། །ཕྱི་རིམ་འཁོར་ལོ་རྩིབས་བརྒྱད་ལ། །བར་ཁྱམས་དང་ནི་སྒོ་བཞིར་བཅས། །ཕྱི་རིམ་མཐིང་ནག་མེ་རིས་བསྐོར། །གདུག་པ་ཅན་གྱི་ཤིང་རྣམས་ལ། །དྲག་པོའི་སྔགས་ཀྱིས་བཏབ་ནས་སུ། །དབུས་ཀྱི་གྲུ་གསུམ་ནང་དུ་བཞག །དམར་གཏོར་དང་ནི་ཉུང་དཀར་དང་། །ལྕགས་ཕྱེ་དང་ནི་རྡོ་ཕྱེ་དང་། །དུག་གཏོར་ལ་སོགས་འགྲམ་དུ་བཀོད། །གཟུགས་དང་མིང་རུས་ལ་སོགས་པ། །རལ་གྲིས་དུམ་བུར་གཏུབ་ནས་ནི། །བྷན་དྷའི་ནང་དུ་གཞག་པར་བྱའོ། །སྐྱེར་ཚེར་དང་ནི་མར་ཁུ་དང་། །རོ་ཤུན་རས་ཀྱིས་དེ་ལྟར་བྱ། །བྱིན་ཟ་གྲུ་གསུམ་རཾ་ལས་བསྐྱེད། །སྐུ་མདོག་དམར་ནག་དུད་ཀའོ། །ཕྱག་ན་མེ་སྒྲོན་བསྣམས་པ་སྟེ། །སྤྱན་དྲང་བསྐྱེད་དང་གཉིས་མེད་བསྡིམ། །ལས་བཅོལ་ཕྲིན་ལས་རྫོགས་པར་བྱ། །བྷྲཱུཾ་ལས་ཡེ་ཤེས་དཀྱིལ་འཁོར་བསྐྱེད། །དབུས་སུ་ཡཀྴ་ཡབ་ཡུམ་བསྐྱེད། །འཁོར་ལོ་དག་ལ་ཁྲོ་བཅུ་བསྐྱེད། །སྲས་མཆོག་གྲ་ཡི་ཕྱོགས་བསྐྱེད་ལ། །ཁྱམས་ལ་མ་ཚོགས་སྤེལ་བར་འགོད། །ལྕགས་རི་ལ་ནི་དབང་ཕྱུག་མའོ། །རང་བཞིན་དཀྱིལ་འཁོར་སྤྱན་དྲངས་ལ། །བསྡིམ་དང་མཆོད་བསྟོད་ལ་སོགས་བྱ། །ཕྲིན་ལས་བཅོལ་དང་བསྟོད་པ་དང་། །སྨོན་ལམ་བཟོད་གསོལ་བཤགས་པ་བྱ། །གྲུ་གསུམ་མཐིང་ནག་དཀྱིལ་འཁོར་ནས། །དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་ཧེ་རུ་ཀ ། ― DNG021_Page_0339 ―
[མ་དཔེ་གཟིགས་ན་འདིར་གནོན།]
བསྲེག་ཁང་མེ་ཡི་གཞལ་ཡས་སུ། །འགྲོ་བའི་དོན་དུ་སྤྱན་འདྲེན་ན། །བྱིན་གྱིས་རློབ་ཕྱིར་གཤེགས་སུ་གསོལ། །ཛཿཧཱུྃ་བཾ་ཧོཿ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ་ཕཊ་ཨཱ་གཙྪ་ཡ་ཨཱ་གཙྪ་ཡ་པྲ་བེ་ཤ་ཡ་པྲ་བེ་ཤ་ཡ་ཏོ་ཤ་ཡ་ཏོ་ཤ་ཡ་བཛྲ་ཊཀྐི་ནི་ཧཱུྃ་ཕཊ་ཅེས་སྤྱན་དྲངས་སོ། །ཨེ་བཾ་མཱ་ཡཱ། ཞི་བ་དང་། རྒྱས་པ་དང་། དབང་དང་། མངོན་སྤྱོད་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། དྲག་པོའི་སྦྱིན་སྲེག་གི་ལེའུ་སྟེ་བཅུ་བཞི་ པའོ།། །།དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས་བཀའ་སྩལ་པ། ངས་གསུངས་པ་ཡི་རྒྱུད་འདི་ལ། །རྣལ་འབྱོར་གང་ཞིག་དད་མོས་པ། །དངོས་གྲུབ་ཆེན་པོ་རྙེད་ནས་ཀྱང་། །རིག་འཛིན་རྒྱལ་པོའི་ས་ཐོབ་ནས། །བཅུ་གཅིག་ཀུན་དུ་འོད་ལ་བགྲོད། །ངས་གསུངས་པ་ཡི་རྒྱུད་འདི་ལ། །གང་ཞིག་སྐུར་པ་འདེབས་པ་དེ། །དུས་མིན་པར་ནི་ཚེ་ཟད་ནས། །རཱུ་ཏྲ་ནག་པོར་སྐྱེ་བར་འགྱུར། །རྡོ་རྗེ་དམྱལ་བར་ལྟུང་ནས་ཀྱང་། །ཐར་པའི་དུས་མེད་འོ་དོད་འབོད། །སླན་ཆད་སྡོམ་ཞེས་སྨྲ་བར་བྱེད། །རྡོ་རྗེ་བཀོད་པའི་རྒྱུད་འདི་ལ། །མི་དད་སྤོང་པའི་སེམས་ཅན་དེ། །གཤིན་རྗེའི་ཞགས་པས་བཟུང་ནས་ཀྱང་། །བདུད་ཀྱིས་ཁྲམ་ལ་བཏབ་ནས་ནི། །སྨྱོ་འབོག་ནད་དང་བརྒྱལ་བ་དང་། །ཁྲག་གི་ནད་ཀྱིས་འཆི་བར་འགྱུར། །གསང་སྔགས་རྒྱུད་འདི་དག་ལ་ཡང་། །རྣལ་འབྱོར་གང་ཞིག་དད་མོས་པ། །འཇིག་རྟེན་འདི་ཡི་ཡོན་ཏན་ཡང་། །ཡིད་བཞིན་ནོར་བུ་འབར་བ་བཞིན། །འཇིག་རྟེན་ཕྱི་མའི་དངོས་གྲུབ་ཀྱང་། །སྐུ་གསུང་ཐུགས་ཀྱི་དངོས་གྲུབ་ཐོབ། །ཐར་པ་བདེ་བའི་འབྲས་བུ་ཡིན། །རིག་འཛིན་ས་ལ་གདོན་མི་ཟ། །སྐྱེ་འགག་མེད་པའི་དངོས་གྲུབ་ཀྱིས། །མི་འགྱུར་རྡོ་རྗེའི་དངོས་གྲུབ་ཐོབ། །དམ་ཚིག་གཙང་མས་རྙེད་པར་འགྱུར། །འགྲོ་བའི་དོན་ལ་དགའ་བ་དང་། །ཐེག་པ་ཆེན་པོ་ལྷུར་ལེན་ཅིང་། །རྡོ་རྗེ་སློབ་དཔོན་མཆོད་བྱེད་པ། །དེ་ནི་དམ་ཚིག་མཆོག་ཏུ་གསུང་། །སྙིང་རྗེའི་སེམས་དང་འབྲལ་མི་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། རྗེས་སུ་གདམས་པའི་ལེའུ་སྟེ་བཅྭོ་ལྔ་པའོ།། །།ཕུར་པ་རྡོ་རྗེ་བཀོད་པ་རྣལ་འབྱོར་ཆེན་པོའི་རྒྱུད་ཅེས་བྱ་བ་རྫོགས་སོ། །རྒྱ་གར་གྱི་མཁན་པོ་པདྨ་ཐོད་ཕྲེང་རྩལ་དང་། ལོཙྪ་བ་དཔལ་གྱི་ཡེ་ཤེས་ཀྱིས་བསྒྱུར་ཏེ། མངའ་བདག་ཁྲི་སྲོང་ལྡེའུ་བཙན་གྱི་ཐུགས་དམ་དུ་བཞག་པའོ།། །། འཕགས་པ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་རྩེ་མོའི་རྒྱུད་ཀྱི་རྒྱལ་པོ་ཆེན་པོ།― DNG021_Page_0340 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཨཱརྱ་སརྦ་བུཌྜྷ་ཛྙཱ་ན་ཤི་ཁ་ར་མ་ཧཱ་ཏནྟྲ་རཱ་ཛ།བོད་སྐད་དུ། འཕགས་པ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་རྩེ་མོའི་རྒྱུད་ཀྱི་རྒྱལ་པོ་ཆེན་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་རང་བཞིན་ཡུམ་གྱི་བྷ་ག་ལ། བརྗོད་ཀྱིས་ཀྱང་མི་ལང་བའི་ཡང་ཤིན་ཏུ་བརྗོད་ཀྱིས་ཀྱང་མི་ལང་བའི་རྒྱལ་བ་ཞིང་གི་རྡུལ་ཕྲ་མོ་སྙེད་ཀྱི་སངས་རྒྱས་དང་འཁོར་གྱི་ཚོགས་སྲས་དང་བཅས་པ་དང་ཐབས་ཅིག་ཏུ་རྒྱལ་བ་མཐར་ཕྱིན་པའི་བཞུགས་ཡུལ། པདྨ་ཆེན་པོའི་རྣམ་པར་ཐར་པའི་དབྱིངས་ན་བཞུགས་པ་ལ་འདི་ལྟ་སྟེ། དེ་བཞིན་གཤེགས་པ་ཞེ་སྡང་རྡོ་རྗེ་རྣམ་པར་རོལ་པ་དང་། དེ་བཞིན་གཤེགས་པ་གཏི་མུག་རྡོ་རྗེ་རྣམ་པར་རོལ་པ་དང་། དེ་བཞིན་གཤེགས་པ་ང་རྒྱལ་རྡོ་རྗེ་རྣམ་པར་རོལ་པ་དང་། དེ་བཞིན་གཤེགས་པ་འདོད་ཆགས་རྡོ་རྗེ་རྣམ་པར་རོལ་པ་དང་། དེ་བཞིན་གཤེགས་པ་ཕྲག་དོག་རྡོ་རྗེ་རྣམ་པར་རོལ་པ་དང་། དེ་དག་ལ་སོགས་པ་ནམ་མཁའ་དང་མཉམ་པའི་དེ་བཞིན་གཤེགས་པ་མ་ལུས་པ་རྣམས་དང་ཐབས་ཅིག་ཏུ་བཞུགས་པ་ནི། འདི་ལྟ་སྟེ། དཔེར་ན་ཏིལ་གྱི་གོང་བུ་བཞིན་དུ་སངས་རྒྱས་ཐམས་ཅད་ཀྱིས་མཁའ་དབྱིངས་ཡོངས་སུ་གཏམས་པར་གྱུར་ཏོ། །སངས་རྒྱས་ཀྱི་ཞིང་གི་རྡུལ་ཕྲ་མོ་སྙེད་ཀྱི་སྲས་དང་འཁོར་ཚོགས་དུ་མ་དང་ཐབས་ཅིག་ཏུ་བཞུགས་པ་ནི་འདི་ལྟ་སྟེ། རྒྱལ་སྲས་ཚེའི་རྡོ་རྗེ་རྣམ་པར་རོལ་པ་དང་། རྒྱལ་སྲས་ལོངས་སྤྱོད་རྡོ་རྗེ་རྣམ་པར་རོལ་པ་དང་། རྒྱལ་སྲས་ཚངས་པར་སྤྱོད་པ་ཆེན་པོའི་རྡོ་རྗེ་རྣམ་པར་རོལ་པ་དང་། རྒྱལ་སྲས་བདེན་པ་ཆེན་པོའི་རྡོ་རྗེ་རྣམ་པར་རོལ་པ་དང་། རྒྱལ་སྲས་བདེན་པའི་ཚོགས་ཐམས་ཅད་ཀྱི་ཡོངས་སུ་ཕན་པ་འགྲུབ་པའི་རྡོ་རྗེ་རྣམ་པར་རོལ་པ་དང་། རྒྱལ་སྲས་ངག་དོན་ཡོད་པའི་རྡོ་རྗེ་རྣམ་པར་རོལ་པ་དང་། རྒྱལ་སྲས་ཞི་བའི་ཚིག་ཕུན་སུམ་ཚོགས་པའི་རྡོ་རྗེ་རྣམ་པར་རོལ་པ་དང་། རྒྱལ་སྲས་གཟུང་འཛིན་རྣམ་པར་དག་པའི་རྡོ་རྗེ་རྣམ་པར་རོལ་པ་དང་། རྒྱལ་སྲས་བདེན་པའི་བདུད་རྩི་ཐོབ་པའི་རྡོ་རྗེ་རྣམ་པར་རོལ་པ་དང་། རྒྱལ་ ― DNG021_Page_0341 ―
[མ་དཔེ་གཟིགས་ན་འདིར་གནོན།]
སྲས་ཡང་དག་པའི་ཤེས་རབ་ཆེན་པོས་ཀུན་ཏུ་བརྟས་པའི་རྡོ་རྗེ་རྣམ་པར་རོལ་པའི་ཚོགས་ཏེ། དེ་དག་ནི་ལུས་དང་ངག་དང་ཡིད་ཀྱི་དྲི་མ་ཀུན་ཏུ་དག་པ། སྐུ་དང་གསུང་དང་ཐུགས་ཀྱི་རྡོ་རྗེས་ཀུན་ཏུ་བསྒྱིངས་པའོ། །གཞན་ཡང་རྡོ་རྗེ་གཞོན་ནུའི་སྡེ་ཚན་མང་པོས་རྣམ་པར་རོལ་པའི་རྡོ་རྗེའི་ཚོགས་དང་གཞན་ཡང་རྣལ་འབྱོར་དང་རྣལ་འབྱོར་མའི་ཚོགས་ཀྱིས་རྡོ་རྗེ་རྣམ་པར་རོལ་པའི་ཚོགས་དང་། འདི་ལྟར་རིག་པ་འཛིན་པ་ལ་སོགས་པ་འཁོར་དང་སྲས་བཙུན་མོར་བཅས་པའི་སྤྲིན་གྱི་ཚོགས་མཐའ་ཡས་པས་རྣམ་པར་འཁྲིགས་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཡོངས་སུ་འདུས་ནས། བཅོམ་ལྡན་འདས་འཇིགས་བྱེད་ཀྱི་དབང་ཕྱུག་ཆེན་པོ་ལ། རྡོ་རྗེའི་དམ་ཚིག་གི་མཆོད་པ་ཆེན་པོའི་སྤྲིན་གྱིས་ཀུན་ཏུ་མཆོད་ཅིང་ཕྱག་འཚལ་ནས། མགྲིན་གཅིག་ཏུ་འདི་སྐད་ཅེས་གསོལ་ཏོ། །དུས་གསུམ་སངས་རྒྱས་ཐམས་ཅད་ཀྱི། །ཡེ་ཤེས་རྩེ་མོར་གྱུར་པ་ལས། །དུས་གསུམ་ཞིང་དུ་སྤྲོས་པའི་ཕྱིར། །སངས་རྒྱས་རྣམས་ཀྱིས་རོལ་པའི་ཚེ། །ཡེ་ཤེས་རྩེ་མོ་ལས་བྱུང་བའི། །བསྒྲལ་བའི་དམ་ཚིག་བཤད་དུ་གསོལ། །དེ་ནས་བཅོམ་ལྡན་འདས་དཔལ་འཇིགས་བྱེད་ཀྱི་དབང་ཕྱུག་ཆེན་པོ་འཛུམ་པ་མཛད་པར་གྱུར་ཏོ། །དེ་ནས་དེའི་ཚེ་དེའི་དུས་ན། འཁོར་དེར་འདུས་པ་རྣམས་ཀྱི་ནང་ནས་གསང་བའི་བདག་པོ་ལག་ན་རྡོ་རྗེ་ཐོགས་པ་མེད་པ་ཞེས་བྱ་བའི་ནན་དང་བཅས་ཏེ་རང་གི་སྟན་ལས་ལངས་ནས། བཅོམ་ལྡན་འདས་ལ་གཡས་ཕྱོགས་ནས་ལན་དུ་མར་བསྐོར་ཏེ། མཆོད་པ་ཆེན་པོའི་སྤྲིན་གྱིས་མཆོད་ནས། བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། ཐལ་མོ་སྦྱར་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་ ― DNG021_Page_0342 ―
[མ་དཔེ་གཟིགས་ན་འདིར་གནོན།]
གཤེགས་པ་རྣམས་ནི་རྒྱུ་དང་རྐྱེན་མ་མཆིས་པར་འཛུམ་པ་མི་མཛད་ན། དེ་རིང་དེ་བཞིན་གཤེགས་པ་འཛུམ་པ་མཛད་པའི་དོན་ཅི་ལགས་ཞེས་གསོལ་པ་དང་། དེ་ནས་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། ལག་ན་རྡོ་རྗེ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་འཆང་འདི་ལྟ་སྟེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྩེ་མོ་ཞེས་བྱ་བ། གསང་སྔགས་ཀྱི་དམ་ཚིག་ཆེན་པོའི་དེ་ཁོ་ན་ཉིད་འབྱུང་བ་ཞེས་བྱ་བ་བཤད་པར་གསོལ་བ་བཏབ་སྟེ། དེ་ནི་འདས་པའི་སངས་རྒྱས་རྣམས་ཀྱིས་ཀྱང་རྒྱས་པར་མ་བཤད། མ་འོངས་པ་ན་ཡང་འཆད་པར་དཀོན་པའི་ཐེག་པ་ཆེན་པོ་འདི་བཤད་ན། སངས་རྒྱས་བཅོམ་ལྡན་འདས་རྣམས་ཀྱང་སྐྲག་པར་འགྱུར་ན། བྱང་ཆུབ་སེམས་དཔའ་གཞན་རྣམས་དང་། འཁོར་ཕལ་པོ་ཆེ་ལྟ་ཅི་སྨོས། དེའི་ཕྱིར་ང་ནི་ངོ་མཚར་དུ་གྱུར་པའི་ཕྱིར། རྒྱལ་བ་འཁོར་དང་བཅས་པ་རྣམས་ཀྱང་ཐེ་ཚོམ་སྐྱེ་བ་དང་། དམ་པའི་ཆོས་འདི་ཉིད་ཀྱིས་གདུལ་བར་བྱ་བའི་དུས་ཀྱི་ཕྱིར་རོ། །ཞེས་གསུངས་སོ། །དེ་ནས་ཡང་དེ་བཞིན་གཤེགས་པ་འཁོར་དང་བཅས་པས་བཅོམ་ལྡན་འདས་ལ་རྡོ་རྗེའི་མཆོད་པ་ཆེན་པོའི་སྤྲིན་གྱིས་ཀུན་ཏུ་མཆོད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ནི་ལས་ཀྱི་མཆོག་གོ། །འདི་ནི་དུས་ལ་བབ་པའོ། །ཐེག་པ་འདི་ནི་རྡོ་རྗེའི་ཐེག་པ་ཆེན་པོ་རྣམས་ཀྱི་མཆོག་གོ། །གསང་བ་འདི་ནི་གསང་བའི་ཡང་གསང་བའོ། །ཐབས་འདི་ནི་ཐབས་ཀྱི་མཆོག་གོ། །རོལ་པ་ཆེན་པོའི་ཡང་རོལ་པ་ཆེན་པོ་སྟེ། བདག་ཅག་ཀྱང་ངོ་མཚར་དུ་གྱུར་པ་དང་། རྨད་དུ་གྱུར་པ་དང་། ཐེ་ཚོམ་ཐམས་ཅད་དགུམ་པའི་སླད་ཉིད་དུ་སྤྲོ་བར་མཆི་སྟེ། བཅོམ་ལྡན་འདས་ཀྱིས་དེ་ཡོངས་སུ་བཤད་དུ་གསོལ། ཞེས་ལན་གཉིས་ལན་གསུམ་དུ་བཤད་པར་གསོལ་བ་བཏབ་པོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ ― DNG021_Page_0343 ―
[མ་དཔེ་གཟིགས་ན་འདིར་གནོན།]
ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཆེན་པོ་ཞིང་རྣམ་པར་དག་པ་དང་། རྣམ་པར་སྦྱོང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དུས་གསུམ་གྱི་སངས་རྒྱས་རྣམས་ལ་རྡོ་རྗེའི་སྤྱན་གྱི་འོད་ཟེར་གྱིས་རེག་པར་མཛད་དོ། །འདི་ལྟར་དེ་བཞིན་གཤེགས་པ་རྣམས་ཀྱང་འོད་ཟེར་འཕྲོ་བ་ཞེས་བྱ་བའི་ཏིང་ངེ་འཛིན་གྱིས་འགྲོ་བའི་དེད་དཔོན་ལས་མཐུ་མཉམ་པ་བརྩོན་པར་གྱུར་ཏོ། །དེ་བཞིན་དུ་བྱང་ཆུབ་སེམས་དཔའ་ཆེན་པོ་རྣམས་ལ་གཟིགས་ནས་དོན་གཉིས་འབྱུང་བ་ཞེས་བྱ་བའི་འོད་ཟེར་གྱིས་རེག་པར་མཛད་དོ། །དེ་དག་ཀྱང་ཐོགས་པ་མེད་པའི་རྡོ་རྗེ་རྣམ་པར་རྩེ་བ་ཞེས་བྱ་བའི་ཏིང་ངེ་འཛིན་ཐོབ་སྟེ། གསང་བའི་རྡོ་རྗེའི་སྣོད་དུ་བྱིན་གྱིས་བརླབས་སོ། །དེ་ནས་སྤྲུལ་པའི་ཚོགས་དང་འཁོར་དུ་བཅས་པ་ལ་གཟིགས་ནས། ཀུན་ཏུ་བསྒྱིངས་པ་ཞེས་བྱ་བའི་འོད་ཟེར་གྱིས་རེག་པར་མཛད་དོ། །དེ་དག་ཀྱང་ཚར་གཅོད་པ་ཞེས་བྱ་བའི་ཏིང་ངེ་འཛིན་ཐོབ་པར་གྱུར་ཏོ། །དེ་ནས་གཏི་མུག་གནས་ཀྱི་ཐེག་པ་རྣམས་ལ་གཟིགས་ནས། ཐེག་པ་ཆེན་པོ་སྟོན་པ་ཞེས་བྱ་བའི་འོད་ཟེར་གྱིས་རེག་པར་མཛད་ནས། དེ་དག་ཐམས་ཅད་ཀྱང་བྱང་ཆུབ་ཀྱི་སེམས་ཀྱི་རྡོ་རྗེ་ཞེས་བྱ་བ་ཐོབ་པར་གྱུར་ཏོ། །དེ་ནས་འགྲོ་བ་དྲུག་གི་གྲོང་ཁྱེར་པ་རྣམས་ལ་གཟིགས་ནས། ལམ་གཅིག་པའི་རྡོ་རྗེ་ཞེས་བྱ་བའི་འོད་ཟེར་གྱིས་རེག་པར་མཛད་པས། དེ་དག་ཀྱང་རེག་ན་དམ་པ་ཞེས་བྱ་བའི་ཏིང་ངེ་འཛིན་ཐོབ་པར་གྱུར་ཏོ། །དེ་ནས་བཅོམ་ལྡན་འདས་རྡོ་རྗེའི་བདག་པོས། རྡོ་རྗེ་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཞེ་སྡང་གཏན་དུ་གསོད་པའི་ཡེ་ཤེས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཧཱུཾ་དེ་ནས་བཅོམ་ལྡན་འདས་རྡོ་རྗེའི་བདག་པོས། འཁོར་ལོ་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གཏི་མུག་གཏན་དུ་གསོད་པའི་ཡེ་ཤེས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ། དེ་ནས་བཅོམ་ལྡན་འདས་རྡོ་རྗེའི་ ― DNG021_Page_0344 ―
[མ་དཔེ་གཟིགས་ན་འདིར་གནོན།]
བདག་པོས། རིན་པོ་ཆེ་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ང་རྒྱལ་གཏན་དུ་གསོད་པའི་ཡེ་ཤེས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །སྭཱ། དེ་ནས་བཅོམ་ལྡན་འདས་རྡོ་རྗེའི་བདག་པོས། པདྨ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདོད་ཆགས་གཏན་དུ་གསོད་པའི་ཡེ་ཤེས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱཾ། དེ་ནས་བཅོམ་ལྡན་འདས་རྡོ་རྗེའི་བདག་པོས། སྣ་ཚོགས་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕྲག་དོག་གཏན་དུ་གསོད་པའི་ཡེ་ཤེས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཧཱ། འདི་དག་གསུངས་པ་ཙམ་གྱི་མོད་ལ། འཇིག་རྟེན་འདིར་སངས་རྒྱས་ཀྱི་ཚོགས་དུ་མ་ལ། འདི་ལྟ་སྟེ། ལ་ལ་ནི་ཞི་བའི་རང་བཞིན་ལྟ་བུ། ལ་ལ་ནི་རྒྱས་པའི་རང་བཞིན་ལྟ་བུ། ལ་ལ་ནི་དབང་གི་རང་བཞིན་ལྟ་བུ། ལ་ལ་ནི་དྲག་པོའི་རང་བཞིན་ལྟ་བུ། ལ་ལ་ནི་རྡོ་རྗེའི་རིགས་ལྟ་བུ། ལ་ལ་ནི་རིན་པོ་ཆེའི་རིགས་ལྟ་བུ། ལ་ལ་ནི་པདྨའི་རིགས་ལྟ་བུ། ལ་ལ་ནི་ལས་ཀྱི་རིགས་ལྟ་བུ། ལ་ལ་ནི་དེ་བཞིན་གཤེགས་པའི་རིགས་ལྟ་བུ། ལ་ལ་ནི་ཡབ་ཀྱི་རང་བཞིན་ལྟ་བུ། ལ་ལ་ནི་ཡུམ་གྱི་རང་བཞིན་ལྟ་བུ། ལ་ལ་ནི་སྤྲུལ་པའི་རང་བཞིན་ལྟ་བུ། ལ་ལ་ནི་སྲས་ཀྱི་རང་བཞིན་ལྟ་བུ། ལ་ལ་ནི་འཁོར་གྱི་རང་བཞིན་ལྟ་བུ། ལ་ལ་ནི་དཀྱིལ་འཁོར་ཆེན་པོའི་རང་བཞིན་ལྟ་བུ། ལ་ལ་ནི་ཚོམ་བུའི་དཀྱིལ་འཁོར་གྱི་རང་བཞིན་ལྟ་བུ། ལ་ལ་ནི་སངས་རྒྱས་གཅིག་གི་རང་བཞིན་ལྟ་བུ། ལ་ལ་ནི་ལེགས་པའི་བློ་གྲོས་ཀྱི་རང་བཞིན་ལྟ་བུ། ལ་ལ་ནི་རྡོ་རྗེ་འཕྲོ་བའི་རང་བཞིན་ལྟ་བུ། ལ་ལ་ནི་འཁོར་ལོ་འཕྲོ་བའི་རང་བཞིན་ལྟ་བུ། ལ་ལ་ནི་རིན་པོ་ཆེ་འཕྲོ་བའི་རང་བཞིན་ལྟ་བུ། ལ་ལ་ནི་པདྨ་འཕྲོ་བའི་རང་བཞིན་ལྟ་བུ། ལ་ལ་ནི་རྒྱ་གྲམ་འཕྲོ་བའི་རང་བཞིན་ལྟ་བུ། ལ་ལ་ནི་སྐུ་ཡི་རང་བཞིན་ལྟ་བུ། ལ་ལ་ནི་གསུང་གི་རང་བཞིན་ལྟ་བུ། ལ་ལ་ནི་ཐུགས་ཀྱི་རང་བཞིན་ལྟ་བུ། ལ་ལ་ནི་མཆོད་རྟེན་གྱི་རང་ ― DNG021_Page_0345 ―
[མ་དཔེ་གཟིགས་ན་འདིར་གནོན།]
བཞིན་ལྟ་བུ། ལ་ལ་ནི་ནམ་མཁའི་རང་བཞིན་ལྟ་བུ། ལ་ལ་ནི་ཐིག་ལེའི་རང་བཞིན་ལྟ་བུ། ལ་ལ་ནི་འོད་ཟེར་གྱི་རང་བཞིན་ལྟ་བུ། དེ་ལྟར་ཐམས་ཅད་ཀྱི་རང་བཞིན་ལྟ་བུ་སྲིད་པ་གསུམ་ཡོངས་སུ་གཏམས་པ་ནི་འདི་ལྟ་སྟེ། དཔེར་ན་ཡུངས་འབྲུ་མར་གྱིས་གང་བའམ། ཏིལ་གྱི་གང་བུ་བཞིན་དུ་ཆོ་འཕྲུལ་ཆེན་པོ་དེས་རྣམ་པར་གཏམས་པར་གྱུར། རྒྱས་པར་གྱུར། ཡོངས་སུ་ཁྱབ་པར་གྱུར་ཏོ། །དེ་ལྟར་བཅོམ་ལྡན་འདས་རྡོ་རྗེའི་བདག་པོས། འདི་ལྟར་བྱིན་གྱིས་བརླབས་པའི་མོད་ལ་འཇིག་རྟེན་ཐམས་ཅད་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། འུར་འུར། རབ་ཏུ་འུར་འུར། ཀུན་ཏུ་རབ་ཏུ་འུར་འུར། ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། ཤིག་ཤིག །རབ་ཏུ་ཤིག་ཤིག །ཀུན་ཏུ་རབ་ཏུ་ཤིག་ཤིག །གཏོར་གཏོར། རབ་ཏུ་གཏོར་གཏོར། ཀུན་ཏུ་རབ་ཏུ་གཏོར་རོ། །དེའི་མོད་ལ་འཇིག་རྟེན་གྱི་ཁམས་ཕྱོགས་བཅུའི་སྟོང་ཁམས་ནམ་མཁའི་ཁམས་ན་གནས་པ་དབང་ཕྱུག་ཆེ་བ། གཟི་བརྗིད་ཆེར་འབར་བ། དྲེགས་པས་རྒྱགས་པ་ཐམས་ཅད་བརྒྱལ་བར་གྱུར་ནས། འདི་ལྟར་མྱོས་པ་དང་། དངངས་པ་དང་། སྐྲག་པ་དང་། སྤུ་ཟིང་བ་དང་། འགྱེལ་བ་དང་། བརྒྱལ་བ་དང་། མིག་གདངས་པ་དང་། སྦར་མོ་འཐམས་པ་དང་། དབུགས་སུབས་ནས་མ་འཐོན་པ་དང་། ལུས་ལ་རྔུལ་འབབ་པ་དང་། ལྕེ་སྐམས་པ་དང་། དྲེད་པས་བརྒྱལ་བ་ལ་སོགས་པའི་བར་དུ་སྟེ། དེ་དག་ཉོན་མོངས་པ་ཆ་ཕྲ་བར་བྱས་ནས་བྱིན་གྱིས་བརླབས་ཏེ་དབང་ཐོབ་པར་བྱས་ནས། རྡོ་རྗེའི་ཐེག་པའི་སྣོད་དུ་བྱིན་གྱིས་བརླབས་ཏེ། གསང་བའི་རྡོ་རྗེའི་མིང་སོ་སོར་བཏགས་ནས་རྣལ་འབྱོར་གྱི་གྲལ་དུ་བཀོད་དོ། །དེ་བཞིན་དུ་འགྲོ་བ་དྲུག་པོ་མ་ལུས་པ་ཡང་རྡོ་རྗེའི་ཐེག་པའི་སྣོད་དུ་བྱིན་གྱིས་བརླབས་པའི་བར་དུའོ། །འདི་ལྟར་སངས་རྒྱས་ཀྱི་མཐུ་ཆེན་པོ་ལས། གསུང་གི་ཆོ་འཕྲུལ་རྡོ་རྗེའི་རྣལ་འབྱོར་ཨ་ལ་ལ་ཞེས་གྲགས་པའི་ཡ་མཚན་ ― DNG021_Page_0346 ―
[མ་དཔེ་གཟིགས་ན་འདིར་གནོན།]
གྱི་སྒྲ་ནམ་མཁའི་མཐོངས་ན་གནས་པའི་སེམས་ཅན་རྣམས་ཀྱི་སྤྱོད་ཡུལ་དུ་གྲགས་པར་མཛད་དོ། །ངན་སོང་གི་སྐྱེ་གནས་ལ་སོགས་པ་ཐམས་ཅད་ཀྱང་རྣམ་པར་གྲོལ་ནས་རྡོ་རྗེའི་རྣལ་འབྱོར་གྱི་གྲལ་དུ་འཁོད་དོ། །དེ་ནས་དེ་བཞིན་གཤེགས་པ་མཐའ་ཡས་མུ་མེད་པའི་སྤྲུལ་པ་དང་བཅས་པ་རྣམས་ཆོས་བཞིན་དུ་ལངས་ནས། ཆོ་ག་བཞིན་དུ་མཆོད་དེ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་དཀྱིལ་འཁོར་གྱི་ས་བོན་སངས་རྒྱས་ཐམས་ཅད་ཀྱི་རོལ་པ་འདི། སངས་རྒྱས་རྣམས་ཀྱིས་ཐམས་ཅད་དུ་གསུངས་ཀྱང་། ཆོ་འཕྲུལ་ཆེན་པོ་དང་། བྱིན་རླབས་ཆེན་པོ་དང་། མཐུ་ཆེན་པོར་འདི་ལྟར་བྱིན་གྱིས་བརླབས་ཏེ། དེང་འདིར་བཅོམ་ལྡན་འདས་ཀྱིས་དཀྱིལ་འཁོར་ཐམས་ཅད་ལ་འདི་ལྟར་ཆོ་འཕྲུལ་ཐམས་ཅད་པ་བྱིན་གྱིས་བརླབས་པས། རྡོ་རྗེ་དམ་ཚིག་གིས་དོན་རྒྱ་ཆེན་པོ་བགྱིས་སོ། །བདག་ཅག་ཀྱང་མངོན་པར་འདུད་དོ། །དེ་ནས་དེ་བཞིན་གཤེགས་པ་འཁོར་དང་བཅས་པས་འདི་སྐད་ཅེས་མགྲིན་གཅིག་ཏུ་གསོལ་ཏོ། །ཨེ་མ་ཧོ་སངས་རྒྱས་ཆེན་པོའི་སྐུ། །ཐོག་མ་མེད་པའི་འཁོར་ལོ་ཡིས། །ཐ་མ་མེད་པའི་འཁོར་ལོ་གཅོད། །གཏི་མུག་ཆེན་པོ་ཨ་ལ་ལ། །ཨེ་མ་ཧོ་བདེ་གཤེགས་གསང་བའི་གསུང་། །ཐོག་མ་མེད་པའི་པདྨ་ཡིས། །ཐ་མ་མེད་པའི་པདྨ་སྐེམ། །འདོད་ཆགས་ཆེན་པོ་ཨ་ལ་ལ། །ཨེ་མ་ཧོ་བཅོམ་ལྡན་རྒྱལ་བའི་ཐུགས། །ཐོག་མ་མེད་པའི་རྡོ་རྗེ་ཡིས། །ཐ་མ་མེད་པའི་རྡོ་རྗེ་འཇོམས། །ཞེ་སྡང་ཆེན་པོ་ཨ་ལ་ལ། །ཨེ་མ་ཧོ་སངས་རྒྱས་ཡོན་ཏན་རྫོགས། །ཐོག་མ་མེད་པའི་རིན་ཆེན་གྱིས། །ཐ་མ་མེད་པའི་རིན་ཆེན་འདྲེན། །ང་རྒྱལ་ཆེན་པོ་ཨ་ལ་ལ། །ཨེ་མ་ཧོ་བཅོམ་ལྡན་མཛད་པ་ཆེ། །ཐོག་མ་མེད་པའི་སྣ་ཚོགས་ཀྱིས། །ཐ་མ་མེད་པའི་སྣ་ཚོགས་འཇོམས། །ཕྲག་དོག་ཆེན་པོ་ཨ་ལ་ལ། །བྱང་ཆུབ་སེམས་ཀྱི་རོལ་པ་ཆེ། །ཐམས་ཅད་རྒྱུ་ལ་ཕྱག་འཚལ་ལོ། །འབྲས་བུ་ཆེ་ལ་མངོན་པར་འདུད། །ཀུན་བདག་ ― DNG021_Page_0347 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ཕྱག་འཚལ་ལོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ལས། རྡོ་རྗེ་ནམ་མཁའི་བློ་གྲོས་གསང་བ་རྣམ་པར་བཀོད་པ་ཞེས་བྱ་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་རྡོ་རྗེ་ཁྲོ་བོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ནི། །ནམ་མཁའི་དཀྱིལ་ནས་ཐིགས་པ་ཤར། །སྲོག་གི་གོ་རུ་ཤར་བ་དང་། །སྙིང་གི་གོ་རུ་བསྒོམ་པར་བྱ། །དེ་ནས་བཅོམ་ལྡན་འདས་རིན་པོ་ཆེ་ཁྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །རིན་ཆེན་ཁྲོས་པས་ང་རྒྱལ་གཅོད། །འོད་ཆེན་སྔོན་པོ་འབར་བ་ནི། །ནམ་མཁའི་དཀྱིལ་ནས་ཐིགས་པ་ཤར། །ལྟེ་བའི་གོ་རུ་བསྒོམ་པར་བྱ། །དེ་ནས་བཅོམ་ལྡན་འདས་འཁོར་ལོ་ཁྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །འཁོར་ལོ་ཁྲོས་པས་གཏི་མུག་གཅོད། །འོད་ཆེན་ནག་པོ་འབར་བ་ནི། །ནམ་མཁའི་དཀྱིལ་ནས་ཐིགས་པ་ཤར། །ཀླད་པའི་གོ་རུ་བསྒོམ་པར་བྱ། །དེ་ནས་བཅོམ་ལྡན་འདས་པདྨ་ཁྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །པདྨ་ཁྲོས་པས་འདོད་ཆགས་གཅོད། །འོད་ཆེན་དམར་པོ་འབར་བ་ནི། །ནམ་མཁའི་དཀྱིལ་ནས་ཐིགས་པ་ཤར། །མགྲིན་པའི་གོ་རུ་བསྒོམ་པར་བྱ། །དེ་ནས་བཅོམ་ལྡན་འདས་སྣ་ཚོགས་ཁྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །སྣ་ཚོགས་ཁྲོས་པས་ཕྲག་དོག་གཅོད། །འོད་ཆེན་ལྗང་གུ་འབར་བ་ནི། །ནམ་མཁའི་དཀྱིལ་ནས་ཐིགས་པ་ཤར། །རྐང་པའི་གོ་རུ་བསྒོམ་པར་བྱའོ། །དེ་ནས་བཅོམ་ལྡན་འདས་རྣམ་པར་གྲོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་ ― DNG021_Page_0348 ―
[མ་དཔེ་གཟིགས་ན་འདིར་གནོན།]
པར་ཞུགས་ནས། འདི་སྐད་ཅེས་གསུངས་སོ། །ཞེ་སྡང་རྡོ་རྗེའི་དམ་ཚིག་ནི། །ཞེ་སྡང་ཆེན་པོའི་ཏིང་འཛིན་ཏེ། །རྣལ་འབྱོར་ཆེན་པོའི་རྡོ་རྗེ་ཡིས། །ཉོན་མོངས་རྡོ་རྗེ་གསད་པར་བྱ། །གཏི་མུག་རྡོ་རྗེའི་དམ་ཚིག་ནི། །གཏི་མུག་ཆེན་པོའི་ཏིང་འཛིན་ཏེ། །རྣལ་འབྱོར་ཆེན་པོའི་འཁོར་ལོ་ཡིས། །གཏི་མུག་འཁོར་ལོ་གསད་པར་བྱ། །ང་རྒྱལ་རྡོ་རྗེའི་དམ་ཚིག་ནི། །ང་རྒྱལ་ཆེན་པོའི་ཏིང་འཛིན་ཏེ། །རྣལ་འབྱོར་ཆེན་པོའི་རིན་ཆེན་གྱིས། །ཉོན་མོངས་ང་རྒྱལ་གསད་པར་བྱ། །འདོད་ཆགས་ཆེན་པོའི་ཏིང་འཛིན་ཏེ། །འདོད་ཆགས་རྣལ་འབྱོར་ཆེན་པོ་ཡིས། །ཉོན་མོངས་འདོད་ཆགས་གསད་པར་བྱ། །ཕྲག་དོག་ཆེན་པོའི་དམ་ཚིག་ནི། །ཕྲག་དོག་ཆེན་པོའི་ཏིང་འཛིན་ཏེ། །རྣལ་འབྱོར་རྡོ་རྗེ་རྒྱ་གྲམ་གྱིས། །ཉོན་མོངས་ཕྲག་དོག་གསད་པར་བྱ། །དེ་ནས་བཅོམ་ལྡན་འདས་བྱམས་པས་བསྒྲལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བྱམས་པས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །དེ་ནས་བཅོམ་ལྡན་འདས་སྙིང་རྗེས་བསྒྲལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །སྙིང་རྗེས་བསྒྲལ་བའི་དམ་ཚིག་ནི། །གསད་ཅིང་གནན་པ་མ་ཡིན་ཏེ། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །དེ་ནས་བཅོམ་ལྡན་འདས་དགའ་བས་བསྒྲལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །དགའ་བས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །དེ་ནས་བཅོམ་ལྡན་འདས་བཏང་སྙོམས་ཀྱི་བསྒྲལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཏང་སྙོམས་བསྒྲལ་བའི་དམ་ཚིག་ནི། །གསད་ཅིང་ ― DNG021_Page_0349 ―
[མ་དཔེ་གཟིགས་ན་འདིར་གནོན།]
གནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཚད་མེད་སྙིང་རྗེ་བསྐྱེད་པ་དང་། །བྱང་ཆུབ་སེམས་ལ་དགའ་བ་ནི། །སྔོན་དུ་འགྲོ་བའི་ལས་ཡིན་ཏེ། །སྒྲུབ་པ་པོས་ནི་ནན་ཏན་བྱ། །དེ་ནས་དེའི་ཚེ་དེའི་དུས་ན། །རྡོ་རྗེ་གཞོན་ནུའི་རིག་འཛིན་དང་། །འཁོར་ལོ་གཞོན་ནུའི་རིག་འཛིན་དང་། །རིན་ཆེན་གཞོན་ནུའི་རིག་འཛིན་དང་། །པདྨ་གཞོན་ནུའི་རིག་འཛིན་དང་། །ལས་ཀྱི་གཞོན་ནུའི་རིག་འཛིན་ལ་སོགས་པ་དུ་མའི་ཚོགས་ཀྱིས། རྡོ་རྗེའི་མིག་གིས་དེ་བཞིན་གཤེགས་པ་ལ་བལྟས་ཏེ། རྡོ་རྗེའི་ཐལ་མོ་སྦྱར་ནས་འདི་སྐད་ཅེས་གསོལ་ཏོ། །དེ་ནས་རྡོ་རྗེ་གཞོན་ནུའི་རིག་འཛིན་རྣམས་ཀྱིས་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་གྱུར་ཅིག །དེ་ནས་འཁོར་ལོ་གཞོན་ནུའི་རིག་འཛིན་རྣམས་ཀྱིས་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་འཁོར་ལོའི་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་གྱུར་ཅིག །དེ་ནས་རིན་པོ་ཆེའི་རིག་འཛིན་གཞོན་ནུ་གྲངས་མེད་པས་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རིན་ཆེན་ཆོས་དབྱིངས་ལས། །རིན་ཆེན་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་བདག་གྱུར་ཅིག །དེ་ནས་པདྨ་གཞོན་ནུའི་རིག་འཛིན་བསམ་གྱིས་མི་ཁྱབ་པས་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་པདྨའི་ཆོས་དབྱིངས་ལས། །པདྨའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་བདག་གྱུར་ཅིག །དེ་ནས་རལ་གྲི་གཞོན་ནུའི་རིག་འཛིན་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རལ་གྲིའི་ཆོས་དབྱིངས་ལས། །རལ་གྲིའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་བདག་གྱུར་ཅིག །དེ་ནས་དེའི་ཚེ་དེའི་དུས་ན། རྣལ་འབྱོར་དབང་ཕྱུག་ཆེན་པོ་དུ་མའི་ཚོགས་རང་རང་གི་འཁོར་དུ་མ་ ― DNG021_Page_0350 ―
[མ་དཔེ་གཟིགས་ན་འདིར་གནོན།]
དང་བཅས་པ་རྣམས་གཡོ་བར་གྱུར་ཏོ། །དེ་ནས་རྡོ་རྗེ་རྣལ་འབྱོར་གྱི་ཚོགས་དུ་མ་དང་བཅས་པའི་འཁོར་གྱིས་འདི་སྐད་ཅེས་གསོལ་ཏོ། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེར་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོར་འགྲུབ་པར་མཛོད། །དེ་ནས་འཁོར་ལོའི་རྣལ་འབྱོར་ཆེན་པོའི་ཚོགས་དུ་མའི་འཁོར་དང་བཅས་པས་འདི་སྐད་ཅེས་གསོལ་ཏོ། །འཁོར་ལོ་གཞོན་ནུའི་རིག་འཛིན་རྣམས། །སྲིད་པ་འཁོར་ལོར་འགྲུབ་མཛོད་ཅིག །སྲིད་པ་འཁོར་ལོ་ཕུར་པའི་ལྷ། །ཡེ་ཤེས་ཁྲོ་བོར་འགྲུབ་པར་མཛོད། །དེ་ནས་རིན་པོ་ཆེའི་རིགས་ཀྱི་རྣལ་འབྱོར་ཆེན་པོའི་ཚོགས་དུ་མའི་འཁོར་དང་བཅས་པས་འདི་སྐད་ཅེས་གསོལ་ཏོ། །རིན་ཆེན་གཞོན་ནུའི་རིག་འཛིན་རྣམས། །སྲིད་པ་རིན་ཆེན་འགྲུབ་མཛོད་ཅིག །སྲིད་པ་རིན་ཆེན་ཕུར་པའི་ལྷ། །ཡེ་ཤེས་ཁྲོ་བོར་འགྲུབ་པར་མཛོད། །དེ་ནས་པདྨའི་རྣལ་འབྱོར་ཆེན་པོའི་ཚོགས་དུ་མའི་འཁོར་གྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ། །པད་མ་གཞོན་ནུའི་རིག་འཛིན་རྣམས། །སྲིད་པ་པད་མར་འགྲུབ་མཛོད་ཅིག །སྲིད་པ་པད་མ་ཕུར་པའི་ལྷ། །ཡེ་ཤེས་ཁྲོ་བོར་འགྲུབ་པར་མཛོད། །དེ་ནས་རལ་གྲིའི་རྣལ་འབྱོར་ཆེན་པོའི་ཚོགས་དུ་མའི་འཁོར་དང་བཅས་པས་མགྲིན་གཅིག་ཏུ་འདི་སྐད་ཅེས་གསོལ་ཏོ། །སྣ་ཚོགས་གཞོན་ནུའི་རིག་འཛིན་རྣམས། །སྲིད་པ་རལ་གྲིར་འགྲུབ་མཛོད་ཅིག །སྲིད་པ་རལ་གྲི་ཕུར་པའི་ལྷ། །ཡེ་ཤེས་ཁྲོ་བོར་འགྲུབ་པར་མཛོད། །དེ་ནས་རིག་འཛིན་དང་རྣལ་འབྱོར་གྱི་ཚོགས་ལ་སོགས་པ་ཐམས་ཅད་ཀྱིས། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་རྡོ་རྗེ་དེ་བཞིན་གཤེགས་པ་ལ་འདི་སྐད་གསོལ་བ་བཏབ་པོ། །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབས་བདག་སྩོལ་ཅིག །དེ་ནས་བཅོམ་ལྡན་འདས་ཚར་གཅོད་པ་ཞེས་ ― DNG021_Page_0351 ―
[མ་དཔེ་གཟིགས་ན་འདིར་གནོན།]
བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །ཨོཾ་ཨིནྡྲཱ་ཡ་ཏི་ར་བཾ། ཡ་མཱ་ཡ་ཏི་ར་བཾ། ཀུ་བེ་རཱ་ཡ་ཏི་ར་བཾ། ཨགྣ་ཡེ་ཏི་ར་བཾ། ནི་རཱྀ་ཏྱཱ་ཡ་ཏི་ར་བཾ། བཱ་ཡ་བེ་ཏི་ར་བཾ། ཨཱིཾ་ཤ་ནཱ་ཡ་ཏི་ར་བཾ། སཱུརྱ་ཙནྡྲཱ་ཡ་ཏི་ར་བཾ། ཨུ་ཨ་དྷི་པ་ཏ་ཡེ་ཏི་ར་བཾ། བཛྲ་ཏྲཾ་ཏྲཾ། རྡོ་རྗེ་བྲག་གིས་རྣམ་པར་བཀོད་པའི་སྤྱི་ཞེས་བྱ་བའི་ཏིང་ངེ་འཛིན་ཏོ། །མ་ཧཱ་དེ་ཝ་ཏི་ར་བཾ། ང་རྒྱལ་རྣམ་པར་བཅག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །འདི་དག་གསུངས་པའི་མོད་ལ་ནི། །ཁམས་གཅིག་གི་བདག་པོ་དང་། ཁམས་གཉིས་ཀྱི་བདག་པོ་དང་། ཁམས་གསུམ་གྱི་བདག་པོ་ཆུང་མ་དང་བཅས་པ། ཇི་ལྟར་ཐམས་ཅད་རྡོ་རྗེའི་རླུང་གིས་ཤིང་བསྒྱེལ་བའི་དུམ་བུ་བཞིན་དུ་ཕྱོགས་སྐྱོང་ཆེན་པོ་བཅུ་དུས་གཅིག་ཏུ་ཞབས་དྲུང་དུ་བུབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་རྡོ་རྗེའི་སྲས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། རིགས་ཀྱི་བདག་པོ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཧཱུཾ་ཆེན་པོ་འབྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །ཨཱོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། མོས་པ་ཆེན་པོའི་རྡོ་རྗེ་ལ་དཔའ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་མི་ཕམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །ཨཱོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཐམས་ཅད་ཚར་གཅོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་དབྱུག་པ་སྔོན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །ཨཱོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། རྡོ་རྗེ་ཡེ་ཤེས་ལ་ཀུན་ཏུ་དབང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་འཆི་བདག་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་ ― DNG021_Page_0352 ―
[མ་དཔེ་གཟིགས་ན་འདིར་གནོན།]
གསུངས་སོ། །ཨཱོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། རྡོ་རྗེའི་ཚེ་ལ་དབང་བསྒྱུར་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་མི་གཡོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །ཨཱོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བན་དྷ་བན་དྷ་ཧཱུཾ་ཕཊ། རྡོ་རྗེ་སྐྱེ་བ་ལ་རྣམ་པར་དབང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྟ་སྐད་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། ཨཱོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། རྡོ་རྗེ་ཆོས་ལ་དབང་བ་དམ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་གཞན་གྱིས་མི་ཐུབ་པ་ཀུན་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །ཨཱོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། རྡོ་རྗེ་ལོངས་སྤྱོད་ལ་དབང་བ་ཀུན་ཏུ་ཐོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་བདུད་རྩིའི་ཐིག་ལེ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །ཨཱོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིན་ད་ཙྪིན་ད་ཧཱུཾ་ཕཊ། རྡོ་རྗེ་ལས་ལ་དབང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཁམས་གསུམ་རྣམ་པར་རྒྱལ་བའི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། བྷིན་ད་བྷིན་ད་ཧཱུཾ་ཕཊ། རྡོ་རྗེའི་སེམས་སྨོན་ལམ་བདེ་བ་དམ་པ་ལ་ཀུན་ཏུ་རོལ་པ་ཆེན་པོ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་སྟོབས་པོ་ཆེའི་ཡེ་ཤེས་ཀུན་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །ཨཱོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། རྡོ་རྗེ་རྫུ་འཕྲུལ་དམ་པ་ལ་དབང་བ་ཞེས་བྱ་བའི་ཏིང་ངེ་འཛིན་ཏོ། །འཁོར་ལོ་རྡོ་རྗེ་ ― DNG021_Page_0353 ―
[མ་དཔེ་གཟིགས་ན་འདིར་གནོན།]
དབུས་གནས་པ། །ཐམས་ཅད་རང་སྔགས་ས་བོན་ཆེ། །རྡོ་རྗེ་མངོན་སྤྱོད་མཐའ་དབུས་གནས། །སོ་སོའི་ལས་རྣམས་སྐུལ་བའི་སྒྲ། །དུས་གསུམ་སྲིད་པ་རྡོ་རྗེ་དང་། །འཁོར་ལོ་རིན་ཆེན་པདྨ་རྒྱ། །ཐམས་ཅད་ཀུན་ཏུ་འབྱུང་བ་ཡིན། །འབར་བའི་ཁྲོ་བོ་མི་བཟད་པས། །གང་དག་གནས་པ་ཡང་དག་སྔགས། །སྲེགས་ཤིག་སྲེགས་ཤིག་མྱུར་དུ་སྲེགས། །གཏོགས་ཤིག་གཏོགས་ཤིག་མྱུར་དུ་གཏོགས། །རྒྱོབ་ཅིག་རྒྱོབ་ཅིག་མྱུར་དུ་རྒྱོབ། །ཆོམས་ཤིག་ཆོམས་ཤིག་མྱུར་དུ་ཆོམས། །ཆིངས་ཤིག་ཆིངས་ཤིག་མྱུར་དུ་ཆིངས། །གཞུངས་ཤིག་གཞུངས་ཤིག་མྱུར་དུ་གཞུངས། །ནོན་ཅིག་ནོན་ཅིག་མྱུར་དུ་ནོན། །ཆོད་ཅིག་ཆོད་ཅིག་མྱུར་དུ་ཆོད། །དྲོངས་ཤིག་དྲོངས་ཤིག་མྱུར་དུ་དྲོངས། །རྡུངས་ཤིག་རྡུངས་ཤིག་མྱུར་དུ་རྡུངས། །མྱུར་དུ་བསྲེགས་ནས་ཀུན་ཏུ་གཏོགས། །རྣམ་པར་རྒྱོབ་ལ་ངེས་པར་ཆོམས། །དམ་དུ་ཆིངས་ལ་རྣམ་པར་སྒྱུར། །ཡོངས་སུ་ནོན་ཅིག་མྱུར་དུ་ཆོད། །ཐམས་ཅད་དྲོངས་ལ་ཀུན་ཏུ་རྡུངས། །ཚོགས་ཀྱིས་འབད་པའི་དུམ་བུ་འདི། །ཕུང་པོ་སྙོགས་པའི་རྗེས་ཤུལ་དང་། །ཤ་ཁྲག་པགས་པ་རྐང་ཚིལ་ཀླད། །ནང་རོལ་དྲོན་མོར་གྱུར་པ་ལ། །མཆེ་བ་བཏབ་ནས་ཟ་བ་དང་། །བརྟོད་ཅིང་སྦར་མོས་འདྲུ་བ་དང་། །རྡོ་རྗེའི་འགྲོས་མཆོངས་ཀྱིས་ཞེས་གསུངས། །དེ་ནས་དེའི་མོད་ལ་ཤིན་ཏུ་མཐུ་ཆེ་བ་རྣམས་འགྱེལ་ཞིང་བརྒྱལ་བར་གྱུར་ཏོ། །བསྒྲལ་བའི་གནས་རྣམས་ནི་གཏན་དུ་ཤི་བར་གྱུར་ཏོ། །རིག་འཛིན་ལ་སོགས་པ་རྣམས་ཀྱང་འདར་ཞིང་བ་སྤུ་ཟིང་བར་གྱུར་ཏོ། །ཁྲོ་བོ་ལ་སོགས་པ་ལྔ་འཁོར་དང་བཅས་པ་རྣམས་ཀྱང་། རང་བཞིན་གྱི་གནས་ནས་དུ་མའི་ཚོགས་འཐོན་ནས་ཀྱང་ངམས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོས་རྡོ་རྗེ་གཞོན་ནུ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །དཱི་པ་ཏ་ཙཀྲ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཡུམ་གྱི་དཀྱིལ་ ― DNG021_Page_0354 ―
[མ་དཔེ་གཟིགས་ན་འདིར་གནོན།]
འཁོར་འབྱུང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ཡང་བཅོམ་ལྡན་འདས་རྡོ་རྗེ་ཧཱུཾ་ཆེན་པོ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་དཱི་པ་ཡ་ཏི་ཧཱུཾ། སྟེང་གི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ཡང་བཅོམ་ལྡན་འདས་ཀྱིས་ཁྲོ་བོ་ཆེན་པོ་དུས་གསུམ་དུ་རྣམ་པར་རྒྱལ་བའི་རྡོ་རྗེ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་ལཱ་སྱེ་ཀི་ཧཱུཾ། ཤར་གྱི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀྱིས་རྡོ་རྗེའི་དབང་ཕྱུག་པ་ཆེན་པོ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་ཏཱ་ཏཱ་ཧཱུཾ། ཤར་ལྷོའི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀྱིས་གཤིན་རྗེའི་གཤེད་མཉེས་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་སྨ་ཤཱ་ན་པ་ཏི་ཧཱུཾ། ལྷོའི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀྱིས་ཁྲོ་བོ་ཆེན་པོ་རྡོ་རྗེ་མི་གཡོ་བ་མཉེས་པར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་མུ་ཧ་ལ་ཧཱུཾ། ལྷོ་ནུབ་ཀྱི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀྱིས་རྟའི་རྒྱལ་པོ་རྡོ་རྗེ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་ཛཱ་ཡ་ཏི་ཧཱུཾ། ནུབ་ཀྱི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀྱིས་ཁྲོ་བོ་གཞན་གྱིས་མི་ཐུབ་མཉེས་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་ཤ་བྱ་ཏི་ཧཱུཾ། ནུབ་བྱང་གི་རྡོ་རྗེ་རྣམ་པར་ ― DNG021_Page_0355 ―
[མ་དཔེ་གཟིགས་ན་འདིར་གནོན།]
བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀྱིས་ཁྲོ་བོ་ཆེན་པོ་བདུད་རྩིའི་ཐིག་ལེ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་ས་བྱཱ་མི་ཏ་ཧཱུཾ། བྱང་གི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀྱིས་ཁྲོ་བོ་ཆེན་པོ་ཁམས་གསུམ་པོ་ལས་རྣམ་པར་རྒྱལ་བ་རྡོ་རྗེ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་མཱ་ར་ཎི་ཧཱུཾ། བྱང་ཤར་གྱི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀྱིས་ཁྲོ་བོ་རྡོ་རྗེ་སྟོབས་ཆེན་པོའི་རྡོ་རྗེ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀྲོ་དྷཱི་མུཎྜི་ན་མི་ཧཱུཾ། འོག་གི་རྡོ་རྗེ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ཏོ། །ཐབས་དང་ཤེས་རབ་མཉམ་པ་ལས། །སྤྲུལ་པ་ལས་ཀྱང་སྤྲུལ་པ་ཆེ། །ཆོ་ག་མཁས་པར་ཤེས་པ་ཡིས། །རྣལ་འབྱོར་ཆེན་པོ་རྫོགས་པར་འགྱུར། །དེ་ནས་ཡང་བཅོམ་ལྡན་འདས་དཔལ་འཇིགས་བྱེད་ཀྱི་དབང་ཕྱུག་ཆེན་པོས། སྤྲུལ་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཕག་གི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་འདི་གསུངས་སོ། །བཛྲ་པཱུ་ཀ་ར་མུ་ཁ་ཛཿཛཿ། ཧཱུཾ་ཆེན་པོའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་སྟག་གི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་བྱཱ་གྷྲ་མུ་ཁི་ཛཿཛཿ། རྡོ་རྗེ་རྣམ་པར་རྒྱལ་བའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་གཡག་གི་མགོ་ཅན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཙ་མ་ར་མུ་ཁ་ཛཿཛཿ། རྡོ་རྗེ་དབྱུག་པ་ཆེན་པོའི་གདུང་འཚོབ་པ་ཞེས་བྱ་ ― DNG021_Page_0356 ―
[མ་དཔེ་གཟིགས་ན་འདིར་གནོན།]
བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་ཤ་བའི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཧ་ར་ཎ་མུ་ཁ་ཛཿཛཿ། རྡོ་རྗེ་གཤིན་རྗེ་གཤེད་ཀྱི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་གཟིག་གི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཨཱརྻ་མུ་ཁ་ཛཿཛཿ། རྡོ་རྗེ་མི་གཡོ་མགོན་གྱི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་བྱི་ལའི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་བཱི་ར་ལ་མུ་ཁ་ཛཿཛཿ། རྡོ་རྗེ་རྟའི་རྒྱལ་པོའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་སྤྱང་ཀིའི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཤྭ་ན་མུ་ཁ་ཛཿཛཿ། རྡོ་རྗེ་གཞན་གྱིས་མི་ཐུབ་པའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་སེང་གེའི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་སིངྷ་མུ་ཁ་ཛཿཛཿ། རྡོ་རྗེ་ཁྲོ་བོ་ཆེན་པོ་བདུད་རྩིའི་ཐིག་ལེའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་དོམ་གྱི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་རྀཀྵ་ས་མུ་ཁ་ཛཿཛཿ། ཁམས་གསུམ་ལས་རྣམ་པར་རྒྱལ་བའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་དྲེད་ཀྱི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་དཀྵ་མུ་ཁ་ཛཿཛཿ། རྡོ་རྗེ་སྟོབས་པོ་ཆེའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །རྡོ་རྗེ་ཆོས་ཀྱི་འབྱུང་གནས་སུ། །གང་འདིར་ཤེས་རབ་མིག་གིས་ ― DNG021_Page_0357 ―
[མ་དཔེ་གཟིགས་ན་འདིར་གནོན།]
བལྟ། །སྲིད་པ་མ་ཟད་བར་དུ་ནི། །རྒྱལ་བའི་གདུང་ནི་འཆད་མི་འགྱུར། །ཞེས་གསུངས་སོ། །དེ་ནས་བཅོམ་ལྡན་འདས་དཔལ་འཇིགས་བྱེད་ཀྱི་དབང་ཕྱུག་ཆེན་པོས། ཕྱག་བརྙན་ཆེན་མོ་ཞེས་བྱ་བའི་ཏིང་ངེ་འཛིན་ལ་བཤད་པར་བཞེད་ནས། རྡོ་རྗེ་སྨིག་བུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཀཱ་ཤི་ཀ་མུ་ཁཱི་ཛཿཛཿ། རྡོ་རྗེ་སྒྲ་འབྱིན་མའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་བྱ་རྒོད་ཀྱི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་གྷྲྀ་དྷྲ་མུ་ཁཱི་ཛཿཛཿ། རྡོ་རྗེ་སྙེམས་མའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་བྱ་རོག་གི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་གྲོ་ཎ་ཀཱ་ཀ་མུ་ཁཱི་ཛཿཛཿ། རྡོ་རྗེ་སྡེར་མོའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་འུག་པའི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཨཱུ་ལུ་ཀ་མུ་ཁཱི་ཛཿཛཿ། རྡོ་རྗེ་དུར་ཁྲོད་བདག་མོའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་ཁྭའི་མགོ་ཅན་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་པྲ་ཏ་མུ་ཁཱི་ཛཿཛཿ། རྡོ་རྗེ་གཏུན་ཁུང་གི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་པུ་ཤུད་ཀྱི་མགོ་ཅན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་པཀྵ་ཏི་མུ་ཁཱི་ཛཿཛཿ། རྡོ་རྗེ་གཏུམ་མོའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་ཁྲའི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་པཉྩ་ར་ཎ་མུ་ཁཱི་ཛཿཛཿ། རྡོ་རྗེ་མདའ་སྙེམས་མའི་གདུང་འཚོབ་པ་ཞེས་བྱ་བའི་ ― DNG021_Page_0358 ―
[མ་དཔེ་གཟིགས་ན་འདིར་གནོན།]
ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་ཕ་ཝང་གི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཏཱི་ཏི་ལ་མུ་ཁཱི་ཛཿཛཿ། རྡོ་རྗེ་རླུང་འབྱིན་མའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་སྲེ་མོང་གི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ན་ཀུ་ལ་མུ་ཁཱི་ཛཿཛཿ། རྡོ་རྗེ་གསོད་མའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་བྱི་བའི་ཡེ་ཤེས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་དུད་ཀཱ་ཤི་ཀ་མུ་ཁཱི་ཛཿཛཿ། རྡོ་རྗེ་བསྐྱོད་ཆེན་མོའི་གདུང་འཚོབ་པ་ཞེས་བྱ་བའི་ཏིང་ངེ་འཛིན་ཏོ། །གང་འདིར་སྔོན་དུ་རྣམ་བྱུང་བའི། །དེ་ལྟར་ཕྱིས་འཇུག་རྣམ་གཉིས་ཏེ། །རྡོ་རྗེ་མཐུ་ཡི་རྩལ་གྱིས་ནི། །སྤྲུལ་པ་ལས་ཀྱང་སྤྲུལ་པ་འཕེལ། །ཇི་བཞིན་དཀྱིལ་འཁོར་མ་ཡིན་པ། །ཐམས་ཅད་ཡོད་པར་མི་སྲིད་དོ། །དེ་ནས་བཅོམ་ལྡན་འདས་རྡོ་རྗེ་ཡེ་ཤེས་འཕྲོ་བ་ཞེས་བྱ་བའི་ཏིང་ངེ་འཛིན་བཤད་པར་བཞེད་ནས། རྡོ་རྗེ་འགུགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་ཨཾ་ཀུ་ཤ་ཛཿཛཿ། རྡོ་རྗེ་བྱམས་པ་ཆེན་པོའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་བཅིང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་པཱ་ཤ་ཧཱུཾ། རྡོ་རྗེ་སྙིང་རྗེ་ཆེན་པོ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་སྡོམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་སྥོ་ཊ་བཾ། རྡོ་རྗེ་དགའ་བ་ཆེན་མོ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་དབབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །བཛྲ་གྷཎྜ་ཧོཿ། རྡོ་རྗེ་བཏང་ ― DNG021_Page_0359 ―
[མ་དཔེ་གཟིགས་ན་འདིར་གནོན།]
སྙོམས་ཆེན་པོ་ཞེས་བྱ་བའི་ཏིང་ངེ་འཛིན་ཏོ། །ནམ་མཁའི་དཀྱིལ་འཁོར་ཕན་ཆད་ནས། །ནམ་མཁའི་དཀྱིལ་འཁོར་ཚུན་ཆད་དུ། །དཀྱིལ་འཁོར་ཀུན་གྱི་ཐུན་མོང་བ། །ཅུང་ཟད་དག་གི་ཁྱད་པར་གྱིས། །སངས་རྒྱས་ཡུལ་དུ་གྲགས་པ་ཡིས། །གང་འཇུག་པ་ལ་ཐོབ་པ་ཆེ། །དེ་ནས་དེའི་ཚེ་དེའི་དུས་ན། སངས་རྒྱས་ཀུན་གྱི་མཐུ་ཆེན་པོས་ནམ་མཁའི་དབྱིངས་དང་། རྡོ་རྗེ་དང་རིན་པོ་ཆེ་དང་། པདྨ་དང་འཁོར་ལོ་དང་། རྒྱ་གྲམ་ལ་སོགས་པས་སྒྲ་ཕྱུང་ནས་ཚིགས་སུ་བཅད་པས། འབར་བའི་ཁྲོ་བོ་རྣམས་ལ་གསོལ་བ་བཏབ་པ། སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བྱ་བའི་སྒྲ་ཆེན་པོ་བྱུང་བས། རྡོ་རྗེ་དང་རིན་པོ་ཆེ་དང་པདྨ་དང་འཁོར་ལོ་དང་། རྒྱ་གྲམ་དང་ཕུར་བུ་ལ་སོགས་པའི་མཚན་ཉིད་མེ་ཏོག་གི་ཆར་དུ་བབས་པར་གྱུར། སའི་དཀྱིལ་འཁོར་ཡང་གཡོ་བར་གྱུར་ཏོ། །དེ་ནས་དེའི་ཚེ་དེའི་དུས་ན། རྣལ་འབྱོར་ཆེན་པོའི་རིག་འཛིན་བསམ་གྱིས་མི་ཁྱབ་པ་ཐམས་ཅད་དུ་མའི་ཚོགས་ཀྱིས་མགྲིན་གཅིག་ཏུ་འབར་བའི་ཁྲོ་བོ་རྣམས་ལ་འདི་སྐད་ཅེས་གསོལ་བ་བཏབ་པོ། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས། ཕྱོགས་བཅུའི་དེ་བཞིན་གཤེགས་པ་རྣམས། རང་བཞིན་གྱི་གནས་ཐབས་དང་ཤེས་རབ་ཀྱི་དངོས་པོ་དྲི་མ་མེད་པའི་ཏིང་ངེ་འཛིན་བདེ་བ་ཆེན་པོ་ལས་བྱུང་བའི་བདག་ཉིད། རྟེན་ཅིང་འདྲེལ་པར་འབྱུང་བའི་འཁོར་ལོ། ཡབ་སྲས་བཙུན་མོ་དང་བཅས་པ་རྣམས་གཡོ་བར་མཛད་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ ― DNG021_Page_0360 ―
[མ་དཔེ་གཟིགས་ན་འདིར་གནོན།]
ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་འཛུམ་པ་མཛད་པར་གྱུར་ཏོ། །དེའི་ཚེ་འཁོར་དེ་ནས་གསང་བའི་བདག་པོ་རྡོ་རྗེ་ཐོགས་པ་མེད་པ་ཞེས་བྱ་བ་འཁོར་དེའི་ནང་ནས་ལངས་ཏེ། དེ་བཞིན་གཤེགས་པ་ཐམས་ཅད་ལ་རྡོ་རྗེའི་མཆོད་པ་ཆེན་པོ་བྱས་ནས། འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་རྒྱུ་དང་རྐྱེན་མ་མཆིས་པར་འཛུམ་པ་མི་མཛད་ན། དེ་རིང་བཅོམ་ལྡན་འདས་འཛུམ་པར་མཛད་པའི་དོན་ཅི་ལགས། ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་འདི་སྐད་ཅེས་གསུངས་སོ། །ལག་ན་རྡོ་རྗེ་འཆང་འདི་ལྟ་སྟེ། འདི་ན་འདུས་པའི་ཚོགས་ནི་དུ་མའི་འཁོར་དང་བཅས་པའི་རིག་འཛིན་འབའ་ཞིག་གོ། །དེ་དག་ཀྱང་འདི་ལྟ་སྟེ། ལ་ལ་ནི་སྐུ་ཡི་རིག་འཛིན། ལ་ལ་ནི་གསུང་གི་རིག་འཛིན། ལ་ལ་ནི་ཐུགས་ཀྱི་རིག་འཛིན། ལ་ལ་ནི་དེ་བཞིན་གཤེགས་པའི་རིག་འཛིན། ལ་ལ་ནི་ད་ལྟར་གྱི་རིག་འཛིན། ལ་ལ་ནི་མ་འོངས་པའི་རིག་འཛིན། ལ་ལ་ནི་རྡོ་རྗེའི་རིག་འཛིན། ལ་ལ་ནི་དེ་བཞིན་གཤེགས་པའི་རིག་འཛིན། ལ་ལ་ནི་རིན་པོ་ཆེའི་རིག་འཛིན། ལ་ལ་ནི་པདྨའི་རིག་འཛིན། ལ་ལ་ནི་ལས་ཀྱི་རིག་འཛིན། ལ་ལ་ནི་རྡོ་རྗེ་གཞོན་ནུའི་རིག་འཛིན། ལ་ལ་ནི་རྡོ་རྗེ་ཧཱུཾ་ཆེན་པོའི་རིག་འཛིན། ལ་ལ་ནི་རྡོ་རྗེ་རྣམ་པར་རྒྱལ་བའི་རིག་འཛིན། ལ་ལ་ནི་རྡོ་རྗེ་དབྱུག་པ་སྔོན་པོའི་རིག་འཛིན། ལ་ལ་ནི་རྡོ་རྗེ་གཤིན་རྗེའི་གཤེད་ཀྱི་རིག་འཛིན། ལ་ལ་ནི་རྡོ་རྗེ་མི་གཡོ་མགོན་གྱི་རིག་འཛིན། ལ་ལ་ནི་རྡོ་རྗེ་རྟ་སྐད་ཀྱི་རིག་འཛིན། ལ་ལ་ནི་རྡོ་རྗེ་ཕ་རོལ་གྱིས་མི་ཐུབ་པའི་རིག་འཛིན། ལ་ལ་ནི་རྡོ་རྗེ་བདུད་རྩི་ཐིག་ལེའི་རིག་འཛིན། ལ་ལ་ནི་རྡོ་རྗེ་ཁམས་གསུམ་ལས་རྣམ་པར་རྒྱལ་བའི་རིག་འཛིན། ལ་ལ་ནི་རྡོ་རྗེ་སྟོབས་པོ་ཆེའི་རིག་འཛིན་ནོ། །དེ་ནས་སངས་རྒྱས་ཀྱི་མཐུ་ཆེན་པོས་རིག་འཛིན་གྱི་ཚོགས་ཀྱིས། རང་རང་གི་རྣལ་འབྱོར་གྱི་དམ་ཚིག་རྣམས་ལ་གསོལ་བ་བཏབ་པོ། །དེ་ནས་རྡོ་རྗེ་གཞོན་ནུའི་རིག་འཛིན་ ― DNG021_Page_0361 ―
[མ་དཔེ་གཟིགས་ན་འདིར་གནོན།]
རྣམས་ཀྱིས་མགྲིན་གཅིག་ཏུ་གསོལ་བ་བཏབ་པ། རྡོ་རྗེ་གཞོན་ནུའི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་གསོལ་བ་བཏབ་པས། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་གཞོན་ནུའི་ཡེ་ཤེས་སྐད་ཅིག་མའི་བདག་ཉིད་དུ་འདི་མན་ཆད་ཀྱི་ཕུར་བུར་ཤར་ཏོ། །དེ་ནས་ཧཱུཾ་ཆེན་པོའི་རིག་འཛིན་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་ཧཱུཾ་གི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་གསོལ་བ་བཏབ་པས། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་ཧཱུཾ་ཆེན་པོའི་ཡེ་ཤེས་སྐད་ཅིག་མའི་བདག་ཉིད་ཀྱི་ཕུར་བུར་ཤར་ཏོ། །དེ་ནས་རྡོ་རྗེ་རྣམ་པར་རྒྱལ་བའི་རིག་འཛིན་དུ་མས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་རྣམ་རྒྱལ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས་དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་རྣམ་པར་རྒྱལ་བའི་ཡེ་ཤེས་སྐད་ཅིག་མའི་བདག་ཉིད་ཀྱི་ཕུར་བུར་ཤར་ཏོ། །དེ་ནས་རྡོ་རྗེ་དབྱུག་པ་ཆེན་པོའི་རིག་འཛིན་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་དབྱུག་རྒྱལ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས། དེ་ཉིད་ཀྱི་མོད་ལ་ ― DNG021_Page_0362 ―
[མ་དཔེ་གཟིགས་ན་འདིར་གནོན།]
སྲིད་པ་ཐམས་ཅད་དབྱུག་པ་ཆེན་པོའི་ཡེ་ཤེས་སྐད་ཅིག་མའི་བདག་ཉིད་ཀྱི་ཕུར་བུར་ཤར་ཏོ། །དེ་ནས་རྡོ་རྗེ་གཤིན་རྗེའི་གཤེད་རྒྱལ་གྱི་རིག་འཛིན་དུ་མའི་ཚོགས་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་གཤིན་རྒྱལ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པ་དང་། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་གཤིན་རྗེའི་གཤེད་ཀྱི་ཡེ་ཤེས་སྐད་ཅིག་མའི་བདག་ཉིད་ཀྱི་ཕུར་བུར་ཤར་ཏོ། །དེ་ནས་རྡོ་རྗེ་མི་གཡོ་མགོན་གྱི་རིག་འཛིན་དུ་མའི་ཚོགས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་མི་གཡོའི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་མི་གཡོ་བའི་ཡེ་ཤེས་སྐད་ཅིག་མའི་བདག་ཉིད་ཀྱི་ཕུར་བུར་ཤར་ཏོ། །དེ་ནས་རྡོ་རྗེ་རྟ་སྐད་ཀྱི་ཡེ་ཤེས་སྐད་ཅིག་མའི་རིག་འཛིན་གྱི་ཚོགས་དུ་མས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་རྟ་སྐད་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་རྟ་སྐད་ཀྱི་ཡེ་ཤེས་སྐད་ཅིག་མའི་ཕུར་བུའི་བདག་ཉིད་དུ་ཤར་ཏོ། །དེ་ནས་རྡོ་རྗེ་ཕ་རོལ་གྱིས་མི་ཐུབ་པའི་རིག་འཛིན་གྱི་ཚོགས་དུ་མས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་གཞན་རྒྱལ་དམ་ཚིག་གིས། །སྲིད་ ― DNG021_Page_0363 ―
[མ་དཔེ་གཟིགས་ན་འདིར་གནོན།]
པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་གཞན་གྱིས་མི་ཐུབ་པའི་ཕུར་པའི་ཡེ་ཤེས་སྐད་ཅིག་མའི་བདག་ཉིད་དུ་ཤར་ཏོ། །དེ་ནས་རྡོ་རྗེ་བདུད་རྩིའི་ཐིག་ལེའི་རིག་འཛིན་གྱི་ཚོགས་དུ་མས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་བདུད་རྩིའི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་བདུད་རྩིའི་ཐིག་ལེའི་ཕུར་པའི་ཡེ་ཤེས་སྐད་ཅིག་མའི་བདག་ཉིད་དུ་ཤར་ཏོ། །དེ་ནས་རྡོ་རྗེ་ཁམས་གསུམ་ལས་རྣམ་པར་རྒྱལ་བའི་རིག་འཛིན་གྱི་ཚོགས་དུ་མས་འདི་སྐད་ཅེས་གསོལ་བ་བཏབ་པོ། །ཁམས་གསུམ་རྣམ་རྒྱལ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་ཁམས་གསུམ་པའི་བདུད་རྩིའི་ཕུར་པ་ཡེ་ཤེས་སྐད་ཅིག་མའི་བདག་ཉིད་དུ་ཤར་ཏོ། །དེ་ནས་རྡོ་རྗེ་སྟོབས་པོ་ཆེའི་རིག་འཛིན་གྱི་ཚོགས་དུ་མས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་པོ། །རྡོ་རྗེ་སྟོབས་ཀྱི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཅེས་བརྗོད་པས། དེ་ཉིད་ཀྱི་མོད་ལ་སྲིད་པ་ཐམས་ཅད་རྡོ་རྗེ་སྟོབས་ ― DNG021_Page_0364 ―
[མ་དཔེ་གཟིགས་ན་འདིར་གནོན།]
ཀྱི་ཕུར་པའི་ཡེ་ཤེས་སྐད་ཅིག་མའི་བདག་ཉིད་དུ་ཤར་ཏོ། །དེ་ནས་དེའི་ཚེ་དེའི་དུས་ན། ས་དང་ནམ་མཁའི་དབུས་དང་བཅས་པ། ཡུལ་དང་ཡུལ་ཅན་གྱི་རང་བཞིན་ཐམས་ཅད་ཀྱི་སྲིད་པ་ཕྱོགས་བཅུ་གཅིག་གི་ཕུར་པ་ཡོངས་སུ་ཤར་བས་རྡོ་རྗེ་སངས་རྒྱས་ཀྱི་ཞིང་ཁམས་སུ་གཏན་དུ་རྣམ་པར་དག་པ་ལྷུན་གྱིས་གྲུབ་པའོ། །དེ་ནས་དེའི་ཚེ་ལག་ན་རྡོ་རྗེ་ཐོགས་པ་མེད་པས་འཁོར་དུ་མ་དང་བཅས་ཏེ། བཅོམ་ལྡན་འདས་ལ་རྡོ་རྗེའི་མཆོད་པ་ཆེན་པོས་མཆོད་ནས་འདི་སྐད་ཅེས་གསོལ་ཏོ། །སྣང་སྲིད་ཐམས་ཅད་ཕུར་པའི་རང་བཞིན་ལས། །ཁམས་གསུམ་འཁོར་བ་མིང་ཡང་མི་གནས་ཀྱང་། །རྒྱལ་བའི་རྫུ་འཕྲུལ་ཆེན་པོ་བསྟན་པའི་ཕྱིར། །རྡོ་རྗེ་མངོན་སྤྱོད་ཕྲིན་ལས་མཛད་དུ་གསོལ། །ཞེས་གསོལ་བ་བཏབ་པོ། །དེ་ནས་བཅོམ་ལྡན་འདས་ཕྱོགས་བཅུར་རྡོ་རྗེའི་སྤྱན་གྱིས་གཟིགས་ནས། འཛུམ་པ་མཛད་པ་དང་། འོད་ཟེར་གྱི་ཚོགས་དུ་མ་སྤྲོས་ཏེ་བསྒྲལ་བར་བྱ་བ་དག །གཟུང་བ་དང་དགུག་པ་དང་དབྲལ་བ་དང་བཅིང་བ་དང་བསྡམ་པ་དང་བསྟབ་པ་ལ་སོགས་པའི་རྫུ་འཕྲུལ་མཛད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་སྐུ་དང་གསུང་དང་ཐུགས་ཀྱི་བདག་ཉིད། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ། ཐབས་དང་ཤེས་རབ་རྡོ་རྗེ་མངོན་སྤྱོད་ཀྱི་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཕུར་པས་རྣམ་པར་བསྒྲལ་བར་བྱེད་པའི་གསང་སྔགས་འདི་ཉིད་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་ལཾ་ཧཱུཾ་ལཾ་སྟྭམ་བྷ་ཡ་ནན། མོ་ཧ་གྷཱ་ཏ་ཡ། བྷ་ག་ཝཱན། ཤྲི་ཀྲི་བི་ཀྲི། བཛྲ་ཧཱུཾ་ཀཱ་ར་ཧཱུཾ་ཧཱུཾ། ཕཊ་ཕཊ། བཛྲ་ཀཱི་ལི་ཀཱི་ལ་ཡཱ། ཛཿཧཱུཾ་བཾ་ཧོཿ། སརྦ་བིགྷྣཱཾ་བཛྲ་ཀཱི་ལི་ཀཱི་ལ་ཡ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བཛྲ་ཧཱུཾ་ཀཱ་ར་ཧཱུཾ་ཕཊ། ཨ་ཧཱུཾ་ཀ་ར་ཨ་ཨ། ཞེས་གསུངས་པའི་མོད་ལ་གང་དག་བསྒྲལ་བར་འོས་པ་ཐམས་ཅད་རྡོ་རྗེ་ཁྲོ་བོའི་ཞབས་དྲུང་དུ་བུབ་ནས། ཁྲག་ཏུ་སྐྱུག་ཅིང་འགྱེལ་བར་གྱུར་པ་ལ། རྡོ་རྗེ་ཕུར་བུ་ནུབ་པར་གྱུར་ཏོ། །རྡོ་རྗེ་ཕུར་བུ་རྣམ་པར་ཐར་པ་ ― DNG021_Page_0365 ―
[མ་དཔེ་གཟིགས་ན་འདིར་གནོན།]
ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་གཉིས་སུ་མེད་པའི་རོལ་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཞིང་བཅུ་གཏན་དུ་གཅོད་པ་ཞེས་བྱ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཧཱུཾ་པ་ར་བི་དྷྭནྶ་ཙྪིནྡ་ཙྪིནྡ་ཧཱུཾ་ཕཊ། བྷིན་དྷ་བྷིན་དྷ་ཧཱུཾ་ཕཊ། གྲྀ་ཧྞ་གྲྀ་ཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བན་དྷ་བན་དྷ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཧ་ས་ཡ་ར་ཧ་ས་ཡ་ར་ཧྲཱྀཿདཎྜ་ཧཱུཾ་ཕཊ། བི་དཱ་ར་ན་ཧཱུཾ་ཕཊ། ཤཱི་གྷྲཾ་ཨཱ་ན་ཡ་ཧཱུཾ་ཕཊ། ཛྭ་ལཱ་པ་ཡ་ཛྭ་ལཱ་པ་ཡ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། བིནྡྷ་ཡ་བིནྡྷ་ཡ་ཧཱུཾ་ཕཊ། ལུས་ངག་རྣམ་པར་གསད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྣམ་པར་ཡར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིང་ལག་གཏན་དུ་གསོད་པ་ཞེས་བྱ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཧ་ན་ཧ་ན་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏཾ་ཀ་ཡེ། ཛ་ཡེ་བི་ཛ་ཡེ། ཨ་ཛི་ཏེ་ཨ་པ་ར་ཛི་ཏེ། མཱ་ར་སེ་ན། པྲ་མ་རྡ་ནི་ཧྲྀ་ད་ཡ་ཧཱུཾ་ཕཊ། སྒོ་གསུམ་ཉིང་ལག་དང་བཅས་པ་རྡོ་རྗེ་རྣམ་པར་སྦྱོར་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིག་པའི་ཉོན་མོངས་པ་དབང་དུ་སྡུད་པ་ཞེས་བྱ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཧཱུཾ་མ་མ་པ་ཤཾ་ཀུ་རུ། མ་ཏང་ཛྙཱ་ན་ཀ་ར་བི་གྷ་ནཱན། དྷ་དྷི་མ་མ་ཤཱི་གྷྲཾ་ཀ་རཾ་ཕཊ། ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྫུ་འཕྲུལ་རྣམ་པར་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བར་དུ་གཅོད་པ་གཞོམ་པ་ཞེས་བྱ་བའི་གསང་སྔགས་འདི་ཉིད་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །སརྦ་ཨཱ་ན་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། མཐུ་འཕྲོག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ ― DNG021_Page_0366 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་རྡོ་རྗེ་གཏུན་ཁུང་བགྲད་པ་དང་། རྡོ་རྗེ་ཐོ་བ་གདེངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཡེ་ཤེས་ཀྱི་རྡུལ་ཕྲ་རབ་ཏུ་བསྒྲལ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཁ་ཏཾ་ཁ་ཏཾ་ཁ་ཏཾ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱི་ཧི། ཧ་ཧ་ཧ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ལུས་ངག་གཏུན་དུ་རྣམ་པར་གཞོམ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཐམས་ཅད་རང་བཞིན་གྱི་མཐུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བརྣག་པ་ཆེན་པོའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། ཀཱི་ལི་ཀཱི་ལ་ཡ། རྣམ་པར་གཞོམ་པ་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེའི་དོན་གཉིས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྤྲོ་བ་དང་བསྡུ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། མངོན་སྤྱོད་ཆེན་པོས་རྣམ་པར་བསད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཡེ་ཤེས་ཀྱི་བདག་པོ་རྫོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་གསུམ་དབབ་པ་ཞེས་བྱ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་ཨཱཿཧཱུཾ། ཐམས་ཅད་སྐུ་དང་གསུང་ཐུགས་རྡོ་རྗེ་རྣམས་རང་གྲོལ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་སངས་རྒྱས་ཀྱི་མཐུས་སོ་སོའི་རིག་འཛིན་གྱི་ཚོགས་དུ་མའི་འཁོར་དུ་བཅས་པ་རྣམས་ཀྱིས་ཕྱོགས་བཅུ་ ― DNG021_Page_0367 ―
[མ་དཔེ་གཟིགས་ན་འདིར་གནོན།]
གཅིག་གི་འབར་བའི་ཁྲོ་བོ་ལ་མངོན་སྤྱོད་ཀྱི་གསོལ་བ་མགྲིན་གཅིག་ཏུ་སངས་རྒྱས་ཐམས་ཅད་ཀྱི་ཚོགས་ལ་གསོལ་བ་བཏབ་པའོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་སངས་རྒྱས་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པའི་བགེགས། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བརླག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་སོ་སོའི་རིག་འཛིན་རྣམས། །རང་རང་གི་རིགས་དུ་མ་དང་བཅས་ཏེ། སངས་རྒྱས་ཀྱི་མཐུས་གསོལ་བ་འདེབས་སོ། །དེ་ནས་རྡོ་རྗེ་ཕུར་བུའི་རིག་འཛིན་རྣམས་ཀྱིས། རང་གི་རིགས་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་ཕུར་བུའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བརླག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་འཁོར་ལོའི་ཕུར་བུའི་རིག་འཛིན་རྣམས་ཀྱིས། རང་གིས་རིགས་རྣམས་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །འཁོར་ལོ་ཕུར་བུའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། ། ― DNG021_Page_0368 ―
[མ་དཔེ་གཟིགས་ན་འདིར་གནོན།]
དེ་ནས་རིན་པོ་ཆེའི་ཕུར་བུའི་རིག་འཛིན་རྣམས་ཀྱིས། རང་གི་རིགས་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རིན་ཆེན་ཕུར་བུའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་པདྨའི་ཕུར་བུའི་རིག་འཛིན་རྣམས་ཀྱིས། རང་གི་རིགས་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །པདྨ་ཕུར་བུའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བརླག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་ཕྲིན་ལས་ཕུར་པའི་རིག་འཛིན་རྣམས་ཀྱིས། རང་གི་རིགས་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །ཕྲིན་ལས་ཕུར་བུའི་གདུང་འཚོབ་རྣམས། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བརླག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་ཕྱོགས་བཅུའི་ཁྲོ་བོའི་རིག་འཛིན་རྣམས་ཀྱིས། རང་རང་གི་རིགས་ལ་འདི་སྐད་ཅེས་མངོན་སྤྱོད་ཀྱི་གསོལ་བ་བཏབ་པོ། །དེ་ཡང་ཧཱུཾ་ཆེན་པོའི་རིག་འཛིན་རྣམས་ཀྱིས། ― DNG021_Page_0369 ―
[མ་དཔེ་གཟིགས་ན་འདིར་གནོན།]
རང་གི་རིགས་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་ཧཱུཾ་རྒྱལ་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྣམ་པར་རྒྱལ་བའི་རིག་འཛིན་གྱི་ཚོགས་དུ་མའི་འཁོར་དང་བཅས་པས། རང་གི་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་རྣམ་རྒྱལ་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བརླག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྡོ་རྗེ་དབྱུག་པ་ཆེན་པོའི་རིག་འཛིན་དུ་མའི་ཚོགས་ཀྱིས། རང་གི་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་དབྱུག་ཆེན་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྡོ་རྗེ་གཤིན་རྗེའི་རྒྱལ་གྱིས་རིག་འཛིན་གྱི་ཚོགས་དུ་མ་དང་བཅས་པས། རང་གི་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་གཤིན་རྒྱལ་གདུང་འཚོབ་པའི། །རིག་འཛིན་བདག་ ― DNG021_Page_0370 ―
[མ་དཔེ་གཟིགས་ན་འདིར་གནོན།]
ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྡོ་རྗེ་མི་གཡོ་བའི་རིགས་ཀྱི་ཚོགས་དུ་མ་དང་བཅས་པས་རང་གི་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །མི་གཡོ་རྡོ་རྗེའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྡོ་རྗེ་རྟ་སྐད་ཀྱི་ཚོགས་དུ་མ་དང་བཅས་པས། རང་གི་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་རྟ་སྐད་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྡོ་རྗེ་གཞན་ལས་རྒྱལ་བའི་རིག་འཛིན་གྱི་ཚོགས་དུ་མ་དང་བཅས་པ་རྣམས་ཀྱིས། རང་གི་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་མི་ཕམ་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། ། ― DNG021_Page_0371 ―
[མ་དཔེ་གཟིགས་ན་འདིར་གནོན།]
དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྡོ་རྗེ་བདུད་རྩི་ཐིག་ལེའི་རིག་འཛིན་གྱི་ཚོགས་དུ་མ་དང་བཅས་པས། རང་གིས་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་བདུད་རྩིའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྡོ་རྗེ་ཁམས་གསུམ་རྣམ་པར་རྒྱལ་བའི་རིག་འཛིན་གྱི་ཚོགས་དུ་མ་དང་བཅས་པས་མགྲིན་གཅིག་ཏུ་རང་གི་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །ཁམས་གསུམ་རྣམ་རྒྱལ་གདུང་འཚོབ་པའི། །རིག་འཛིན་རྣལ་འབྱོར་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བརླག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རྡོ་རྗེ་སྟོབས་པོ་ཆེའི་རིག་འཛིན་དུ་མ་དང་བཅས་པས། རང་གི་རིགས་ཀྱི་ལྷ་ལ་འདི་སྐད་ཅེས་གསོལ་བ་བཏབ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང་། །རྡོ་རྗེ་སྟོབས་ཆེན་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ ― DNG021_Page_0372 ―
[མ་དཔེ་གཟིགས་ན་འདིར་གནོན།]
ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །དེ་ནས་རིག་འཛིན་གྱི་ཚོགས་ཐམས་ཅད་ཀྱིས་དེ་སྐད་ཅེས་བརྗོད་མ་ཐག་ཏུ། གང་དང་གང་དག་བསྒྲལ་བར་འོས་པ་དགྲ་དང་བགེགས་ཀྱི་ཚོགས་བདུད་དང་བར་དུ་གཅོད་པའི་ནག་པོའི་ཕྱོགས་ཐམས་ཅད་ཡོངས་སུ་ཕམ་པར་གྱུར་ཏོ། །འདི་ལྟར་ལུས་དང་ནང་ཁྲོལ་དབང་པོར་བཅས་པ་ཐམས་ཅད་ཁྲོ་བོ་འབར་བའི་ཚོགས་ཀྱིས་རྣམ་པར་གཏུབ་པ་དང་། ཡོངས་སུ་གཟིར་བ་དང་བཅིང་བར་བྱས་སོ། །སྲས་མཆོག་སྟོད་འབར་བའི་གདོང་ལ་ཀུན་ཏུ་རྒྱུ་བའི་ཞལ་གདངས་ཤིང་ལྕེ་འདྲིལ་བ། མཆེ་བ་རྣོ་ལ་རིང་བ་རྣམ་པར་གཙིགས་པ། འབར་བའི་ལག་ཆ་རྣམས་ཀྱིས་ཀྱང་ཡོངས་སུ་འཛིན་ཅིང་གཏུབ་པར་གྱུར་ཏོ། །སྨད་འབར་བའི་ཕུར་པ་ཟུར་གསུམ་པར་ཤར་བས་ཐམས་ཅད་ཡོངས་སུ་བཏབ་པར་གྱུར་ཏོ། །འདི་འདྲ་བའི་ཁྲོ་བོ་དང་ཞལ་རྣམ་པར་བགྲད་པ་ལ་སོགས་པ་འཕགས་པ་ཐམས་ཅད་ཀྱི་བ་སྤུའི་བུ་ག་ལ་སོགས་པ། སྐུ་དང་གསུང་དང་ཐུགས་ཀྱི་རྒྱུད་ཐམས་ཅད་ནས་ཡོངས་སུ་འཕྲོ་བར་གྱུར་པས། འདི་ལྟར་ནམ་མཁའི་རང་བཞིན་ཐམས་ཅད་ཀུན་ཏུ་གཏམས་པར་གྱུར་ཏོ། །འབར་བའི་ཁྲོ་བོ་དང་རིག་འཛིན་ལ་སོགས་པ་ཐམས་ཅད་དང་། དཀར་པོའི་ཡུལ་ཐམས་ཅད་ཀུན་ཏུ་རྒྱལ་བར་གྱུར་ནས། སངས་རྒྱས་ཀྱི་མཐུ་ཆེན་པོས་ལུས་མེད་པའི་སྒྲ་ཆེན་པོས། ཕྱོགས་བཅུ་གཅིག་ཀུན་ཏུ་གྲགས་པར་གྱུར་པ་འདི་ལྟ་སྟེ། སངས་རྒྱས་ཆེན་པོ་ཨ་ལ་ལ། །དམ་ཆོས་ཆེན་པོ་ཨ་ལ་ལ། །དགེ་འདུན་ཆེན་པོ་ཨ་ལ་ལ། །འཁོར་ལོ་ཆེན་པོ་ཨ་ལ་ལ། །རྡོ་རྗེ་ཆེན་པོ་ཨ་ལ་ལ། །རིན་ཆེན་ཆེན་པོ་ཨ་ལ་ལ། །པདྨ་ཆེན་པོ་ཨ་ལ་ལ། །རྒྱ་གྲམ་ཆེན་པོ་ཨ་ལ་ལ། །རྡོ་རྗེ་ཕུར་བུ་ཨ་ལ་ལ། །རིན་ཆེན་ཕུར་བུ་ཨ་ལ་ལ། །པདྨ་ཕུར་བུ་ཨ་ལ་ལ། །འཁོར་ལོ་ཕུར་བུ་ཨ་ལ་ལ། །ཕྲིན་ལས་ཕུར་བུ་ཨ་ལ་ལ། །རྡོ་རྗེ་ཧཱུཾ་ཆེན་ ― DNG021_Page_0373 ―
[མ་དཔེ་གཟིགས་ན་འདིར་གནོན།]
ཨ་ལ་ལ། །རྡོ་རྗེ་རྣམ་རྒྱལ་ཨ་ལ་ལ། །རྡོ་རྗེ་དབྱུག་ཆེན་ཨ་ལ་ལ། །རྡོ་རྗེ་གཤིན་རྒྱལ་ཨ་ལ་ལ། །རྡོ་རྗེ་མི་གཡོ་ཨ་ལ་ལ། །རྡོ་རྗེ་རྟ་སྐད་ཨ་ལ་ལ། །རྡོ་རྗེ་མི་ཕམ་ཨ་ལ་ལ། །རྡོ་རྗེ་བདུད་རྩི་ཨ་ལ་ལ། །རྡོ་རྗེ་སྲིད་རྒྱལ་ཨ་ལ་ལ། །རྡོ་རྗེ་སྟོབས་ཆེན་ཨ་ལ་ལ། །རྣལ་འབྱོར་ཆེན་མོ་ཨ་ལ་ལ། །དབང་ཕྱུག་ཆེན་མོ་ཨ་ལ་ལ། །རྡོ་རྗེའི་རིག་འཛིན་ཨ་ལ་ལ། །རིན་ཆེན་རིག་འཛིན་ཨ་ལ་ལ། ། པདྨའི་རིག་འཛིན་ཨ་ལ་ལ། །ཕྲིན་ལས་རིག་འཛིན་ཨ་ལ་ལ། །འཁོར་ལོའི་རིག་འཛིན་ཨ་ལ་ལ། །མཁའ་འགྲོ་འབར་བ་ཨ་ལ་ལ། །ཐམས་ཅད་དཀྱིལ་འཁོར་ཨ་ལ་ལ། །ཞེས་ཕྱག་བྱ་བའི་ཚིགས་སུ་བཅད་པ་དཀྱིལ་འཁོར་པའི་སྤྱོད་ཡུལ་དུ་གྱུར་པར་མཛད་དོ། །དེ་ནས་དེའི་ཚེ་དེའི་དུས་ན། ལག་ན་རྡོ་རྗེ་ཐོགས་པ་མེད་པ་ཞེས་བྱ་བ་རང་གི་འཁོར་ལག་ན་རྡོ་རྗེ་དུ་མ་དང་བཅས་པ་རྣམས་ཀྱིས་དབུས་ནས་ལངས་ཏེ། བཅོམ་ལྡན་འདས་ལ་རྡོ་རྗེའི་མཆོད་པ་རྒྱ་ཆེན་པོ་སྦྱར་ནས། བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སླད་མའི་ཚེ་སླད་མའི་དུས་ན། དངོས་གྲུབ་འཕྲོག་ཅིང་དངོས་གྲུབ་ཐམས་ཅད་ཀྱི་བར་དུ་གཅོད་པ་ལ་བརྩོན་པར་མཆི་བ་དང་། ཕྱི་ནང་གི་ཉོན་མོངས་པ་ལ་སོགས་པའི་བདུད་དང་ཉོན་མོངས་པ་ལ་སོགས་པ་ཐམས་ཅད་མངོན་སྤྱོད་ཀྱི་བསྒྲལ་བར་དེ་རིང་བྱིན་གྱིས་བརླབ་ཏུ་གསོལ། །ཞེས་གསོལ་པ་དང་། དེ་ནས་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་དེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་མི་བཟད་པའི་ཁྲོ་བོ་འབར་བའི་ཕྲེང་བས་ཀུན་ཏུ་འཁྲིགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་བར་དུ་གཅོད་པ་སྒྲོལ་བར་བྱེད་པ་ཞེས་བྱ་བ་འདི་གསུངས་སོ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་ ― DNG021_Page_0374 ―
[མ་དཔེ་གཟིགས་ན་འདིར་གནོན།]
རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་བྱོས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་འདི་ཉན་པར་བྱོས། །དེ་སྐད་ཅེས་གསུངས་པའི་མོད་ལ། བཅོམ་ལྡན་འདས་སྐུ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་རྡོ་རྗེའི་གནས་ནས། རྡོ་རྗེ་ཁྲོ་བོ་ས་ཡ་དྲུག་ཅུ་དྲུག་ཅུ་ཐོན་ནས། སྲིད་པའི་ལུས་ཀྱི་རྣམ་པར་རྟོག་པ་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་གསུང་གི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། གསུང་རྡོ་རྗེའི་གནས་ནས། གསུང་རྡོ་རྗེའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་ངག་གི་རྣམ་པར་རྟོག་པ་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་ཐུགས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐུགས་རྡོ་རྗེའི་གནས་ནས། ཐུགས་རྡོ་རྗེའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་ཡིད་ཀྱི་རྣམ་པར་རྟོག་པ་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་ཞེ་སྡང་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ནས། ཞེ་སྡང་རྡོ་རྗེའི་གནས་ནས། ཞེ་སྡང་རྡོ་རྗེའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་ཞེ་སྡང་ཐམས་ཅད་ཞི་བར་མཛད་དོ། །དེ་ནས་བཅོམ་ལྡན་འདས་གཏི་མུག་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ནས། གཏི་མུག་རྡོ་རྗེའི་གནས་ནས། གཏི་མུག་རྡོ་རྗེའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་གཏི་མུག་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་ང་རྒྱལ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ནས། ང་རྒྱལ་རྡོ་རྗེའི་གནས་ནས། ང་རྒྱལ་རྡོ་རྗེའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་ང་རྒྱལ་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་འདོད་ཆགས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། འདོད་ཆགས་རྡོ་རྗེའི་གནས་ནས། འདོད་ཆགས་རྡོ་རྗེའི་ཁྲོ་བོ་ས་ ― DNG021_Page_0375 ―
[མ་དཔེ་གཟིགས་ན་འདིར་གནོན།]
ཡ་དྲུག་ཅུ་དྲུག་ཅུ་འཐོན་པས། སྲིད་པའི་འདོད་ཆགས་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་ཕྲག་དོག་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ནས། ཕྲག་དོག་རྡོ་རྗེའི་གནས་ནས། ཕྲག་དོག་རྡོ་རྗེའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་ཕྲག་དོག་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་ཡུལ་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཡུལ་རྣམ་པར་དག་པའི་གནས་ནས། ཡུལ་རྣམ་པར་དག་པའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་ཡུལ་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་ཡུལ་ཅན་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཡུལ་ཅན་རྣམ་པར་དག་པའི་གནས་ནས། ཡུལ་ཅན་རྣམ་པར་དག་པའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་ཡུལ་ཅན་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་འདོད་པའི་ཁམས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདོད་པའི་ཁམས་རྣམ་པར་དག་པའི་གནས་ནས། འདོད་པའི་ཁམས་རྣམ་པར་དག་པའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་འདོད་པའི་ཁམས་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་གཟུགས་ཀྱི་ཁམས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གཟུགས་ཀྱི་ཁམས་རྣམ་པར་དག་པ་ཞེས་བྱ་བའི་གནས་ནས། གཟུགས་ཀྱི་ཁམས་རྣམ་པར་དག་པ་ཞེས་བྱ་བའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། སྲིད་པའི་གཟུགས་ཀྱི་ཁམས་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་གཟུགས་མེད་ཀྱི་ཁམས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གཟུགས་མེད་ཀྱི་ཁམས་རྣམ་པར་དག་པའི་གནས་ནས། གཟུགས་མེད་ཀྱི་ཁམས་རྣམ་པར་དག་པའི་ཁྲོ་བོ་ས་ཡ་དྲུག་ཅུ་དྲུག་ཅུ་འཐོན་པས། གཟུགས་མེད་པའི་ཁམས་ཐམས་ཅད་གཏན་དུ་ཞི་བར་མཛད་དོ། ། ― DNG021_Page_0376 ―
[མ་དཔེ་གཟིགས་ན་འདིར་གནོན།]
དེ་ནས་བཅོམ་ལྡན་འདས་ལྷའི་འཇིག་རྟེན་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་ནས། ལྷའི་འཇིག་རྟེན་རྣམ་པར་དག་པ་ཞེས་བྱ་བའི་གནས་ནས། ལྷའི་འཇིག་རྟེན་རྣམ་པར་སྦྱོང་བ་ཞེས་བྱ་བའི་ཁྲོ་བོ་ཕྲག་ས་ཡ་དྲུག་ཅུ་དྲུག་ཅུ་འཐོན་པས། ལྷའི་འཇིག་རྟེན་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་ལྷ་མ་ཡིན་གྱི་འཇིག་རྟེན་རྣམ་པར་སྦྱོང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ལྷ་མ་ཡིན་གྱི་འཇིག་རྟེན་རྣམ་པར་སྦྱོར་བའི་གནས་ནས། ལྷ་མ་ཡིན་གྱི་འཇིག་རྟེན་རྣམ་པར་སྦྱོང་བའི་ཁྲོ་བོ་ཕྲག་ས་ཡ་དྲུག་ཅུ་དྲུག་ཅུ་འཐོན་པས། ལྷ་མ་ཡིན་གྱི་འཇིག་རྟེན་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་མི་ཡི་འཇིག་རྟེན་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མིའི་འཇིག་རྟེན་རྣམ་པར་དག་པའི་གནས་ནས། མིའི་འཇིག་རྟེན་རྣམ་པར་སྦྱོང་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། མིའི་འཇིག་རྟེན་ཐམས་ཅད་ཞི་བར་མཛད་དོ། །དེ་ནས་བཅོམ་ལྡན་འདས་བྱོལ་སོང་གི་འཇིག་རྟེན་སྦྱོང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱོལ་སོང་གི་འཇིག་རྟེན་རྣམ་པར་དག་པའི་གནས་ནས། བྱོལ་སོང་གི་འཇིག་རྟེན་རྣམ་པར་སྦྱོང་བ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། བྱོལ་སོང་གི་འཇིག་རྟེན་སརྦ་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་ཡི་དྭགས་ཀྱི་འཇིག་རྟེན་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཡི་དྭགས་ཀྱི་འཇིག་རྟེན་རྣམ་པར་དག་པའི་གནས་ནས། ཡི་དྭགས་ཀྱི་འཇིག་རྟེན་རྣམ་པར་གསོད་པ་ཞེས་བྱའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། ཡི་དྭགས་ཀྱི་འཇིག་རྟེན་ཐམས་ཅད་གསོད་པར་མཛད་དོ། །དེ་ནས་བཅོམ་ལྡན་འདས་དམྱལ་བའི་འཇིག་རྟེན་རྣམ་པར་གསོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམྱལ་བའི་འཇིག་རྟེན་གསོ་བའི་གནས་ནས། དམྱལ་བའི་འཇིག་རྟེན་གསོ་བ་ཞེས་བྱ་བའི་ཁྲོ་བོ་ས་ཡ་ཕྲག་ ― DNG021_Page_0377 ―
[མ་དཔེ་གཟིགས་ན་འདིར་གནོན།]
དྲུག་ཅུ་དྲུག་ཅུ་འཐོན་པས། དམྱལ་བའི་འཇིག་རྟེན་ཐམས་ཅད་གཏན་དུ་ཞི་བར་མཛད་དོ། །དེ་ནས་བཅོམ་ལྡན་འདས་རྣམ་པར་སྨིན་པའི་ཕུང་པོ་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྣམ་པར་སྨིན་པའི་ཕུང་པོ་རྣམ་པར་དག་པ་ཞེས་བྱ་བའི་གནས་ནས། རྣམ་པར་སྨིན་པའི་ཕུང་པོ་རྣམ་པར་དག་པ་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་རྣམ་པར་སྨིན་པའི་ཕུང་པོའི་བདུད་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་ཉོན་མོངས་པ་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉོན་མོངས་པ་རྣམ་པར་དག་པའི་གནས་ནས། ཉོན་མོངས་པ་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་ཉོན་མོངས་པའི་བདུད་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་འཆི་བདག་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཆི་བདག་རྣམ་པར་གསོད་པའི་གནས་ནས། འཆི་བདག་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་འཆི་བདག་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་ལྷའི་བུ་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ལྷའི་བུ་རྣམ་པར་དག་པའི་གནས་ནས། ལྷའི་བུ་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་ལྷའི་བདུད་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་གཟུགས་རྣམ་པར་དག་པ་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གཟུགས་རྣམ་པར་དག་པ་ཞེས་བྱ་བའི་གནས་ནས། གཟུགས་རྣམ་པར་དག་པ་གསོད་པའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་གཟུགས་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་ཚོར་བ་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཚོར་བ་རྣམ་པར་དག་པའི་ ― DNG021_Page_0378 ―
[མ་དཔེ་གཟིགས་ན་འདིར་གནོན།]
གནས་ནས། ཚོར་བ་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་ཚོར་བ་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་འདུ་ཤེས་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདུ་ཤེས་རྣམ་པར་དག་པའི་གནས་ནས། འདུ་ཤེས་རྣམ་པར་གསོད་པའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་འདུ་ཤེས་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་འདུ་བྱེད་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདུ་བྱེད་རྣམ་པར་གསོད་པའི་གནས་ནས། འདུ་བྱེད་རྣམ་པར་གསོད་པའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་འདུ་བྱེད་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་རྣམ་པར་ཤེས་པ་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྣམ་པར་ཤེས་པ་གསོད་པ་ཞེས་བྱ་བའི་གནས་ནས། རྣམ་པར་ཤེས་པ་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་རྣམ་པར་ཤེས་པ་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་ཁམས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཁམས་རྣམ་པར་གསོད་པའི་གནས་ནས། ཁམས་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་ཁམས་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་སྐྱེ་མཆེད་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐྱེ་མཆེད་རྣམ་པར་དག་པའི་གནས་ནས། སྐྱེ་མཆེད་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་སྐྱེ་མཆེད་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་འཁོར་བའི་རྒྱུད་ལས་བྱུང་བ་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་བའི་ ― DNG021_Page_0379 ―
[མ་དཔེ་གཟིགས་ན་འདིར་གནོན།]
རྒྱུད་རྣམ་པར་དག་པའི་གནས་ནས། འཁོར་བའི་རྒྱུད་ལས་བྱུང་བ་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་འཁོར་བའི་རྒྱུད་ལས་བྱུང་བ་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་ཡན་ལག་དང་ཉིང་ལག་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཡན་ལག་དང་ཉིང་ལག་རྣམ་པར་གསོད་པ་ཞེས་བྱ་བའི་གནས་ནས། ཡན་ལག་དང་ཉིང་ལག་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་ཡན་ལག་དང་ཉིང་ལག་ཐམས་ཅད་གཏན་དུ་ཤི་བར་མཛད་དོ། །དེ་ནས་བཅོམ་ལྡན་འདས་འཁོར་སྤྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་རྣམ་པར་གསོད་པའི་གནས་ནས། འཁོར་རྣམ་པར་གསོད་པ་ཞེས་བྱ་བའི་ཁྲོ་བོ་ས་ཡ་ཕྲག་དྲུག་ཅུ་དྲུག་ཅུ་འཐོན་པས། སྲིད་པའི་འཁོར་ཐམས་ཅད་གཏན་དུ་ཤི་བར་མཛད་དོ། །དེ་ནས་ལག་ན་རྡོ་རྗེ་ཐོགས་པ་མེད་པ་ཞེས་བྱ་བས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ། བཅོམ་ལྡན་འདས་འདི་ལྟ་བུའི་ཚོགས་རྩུབ་པ། ཁམས་གསུམ་གསོད་པའི་རང་བཞིན་མཛད་པས། ལུས་ངག་ཡིད་གསུམ་ལ་སོགས་པ་བསད་པས། ཁམས་གསུམ་པ་ལ་སོགས་པ་ཐམས་ཅད་ཤི་བར་གྱུར་ཏོ་ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་འདི་སྐད་ཅེས་གསུངས་སོ། །ལག་ན་རྡོ་རྗེ་ཐོགས་པ་མེད་པ་འདི་ལྟ་སྟེ། དེ་ནི་སངས་རྒྱས་ཀྱི་མཐུ་ཆེན་པོ་སྟེ། སེམས་ཅན་རྣམས་ཀྱི་རྣམ་པར་རྟོག་པ་དུ་མ་ལས་བྱུང་བའོ། །དེའི་ཕྱིར་འདི་ནི་ཡང་དག་པའི་ཐེག་པ་ཆེན་པོའོ། །དེ་ནས་བཅོམ་ལྡན་འདས་ཀྱི་མཐུ་ཆེན་པོས་བྱིན་གྱིས་བརླབས་པས། དངོས་གྲུབ་ཀྱི་བར་དུ་གཅོད་པ་ལ་སོགས་པ་དགྲ་དང་བགེགས་ཀྱི་ཚོགས་ཐམས་ཅད་རྣམ་པར་ཆད་པ་དང་། བཅད་པ་དང་། བྲུལ་བ་ལ་སོགས་པ་ཡང་རྡུལ་ཕྲ་རབ་ཀྱི་རང་བཞིན་མི་དམིགས་པར་གཉིས་སུ་མེད་པའི་བདེ་བ་ཆེན་པོ་ལ་རོལ་པར་གྱུར་ཏེ། འཁོར་དེར་འདུས་ ― DNG021_Page_0380 ―
[མ་དཔེ་གཟིགས་ན་འདིར་གནོན།]
པར་གྱུར་པ་ཐམས་ཅད་ཀྱིས་ཏིང་ངེ་འཛིན་ས་ཡ་ཕྲག་དྲུག་ཅུ་དྲུག་ཅུ་ཐོབ་ནས། རྣལ་འབྱོར་གྱི་དབང་ཕྱུག་ཆེན་པོའི་ཐིག་ལེ་ཆེན་པོ་ཐོབ་པར་གྱུར་ཏོ། །དེ་ནས་འཁོར་ལག་ན་རྡོ་རྗེ་ཐོགས་པ་ཐམས་ཅད་དང་། དཔག་བསམ་གྱི་ཤིང་འཛིན་པ་དང་། བུམ་པ་བཟང་པོ་འཛིན་པ་དང་། གཞན་ཡང་རྡོ་རྗེ་རིན་ཆེན་པད་མ་རྒྱ་གྲམ་འཁོར་ལོ་ཕུར་པ་ལ་སོགས་པ་འཛིན་པའི་མཁའ་འགྲོ་ལ་སོགས་པ་རྣམས་ཀྱིས་མགྲིན་གཅིག་ཏུ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་སངས་རྒྱས་མཛད་པ་ཆེ། །ཐེག་པ་ཆེ་ལ་ཕྱག་འཚལ་ལོ། །དུས་གསུམ་རྡོ་རྗེར་དམ་བཅས་པའི། །བཅོམ་ལྡན་འདས་ཀྱིས་གསུངས་པ་ཡི། །ཚིག་འབྲུ་གཅིག་ཙམ་མོས་འཛིན་ན། །རྩེ་གཅིག་ཡིད་ཀྱིས་གྲོགས་བགྱི་སྟེ། གཞན་དུ་གྱུར་ན་འཁུས་པ་ལགས། །དེ་ནས་རིག་འཛིན་གྱི་ཚོགས་དུ་མ་དང་བཅས་པས་རྡོ་རྗེའི་དབུས་ནས་ལངས་ཏེ། རྡོ་རྗེའི་མཆོད་པས་རྡོ་རྗེ་ཅན་ལ་མཆོད་སྟེ། མགྲིན་གཅིག་ཏུ་རྡོ་རྗེའི་གར་གྱིས་འདི་སྐད་ཅེས་གསོལ་བ་བཏབ་པོ། །བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །ཅེས་བརྗོད་པ་དེ་ཉིད་ཀྱི་མོད་ལ་གང་དག་བསྒྲལ་བར་འོས་པ་ཐམས་ཅད་ཡན་ལག་དང་ཉིང་ལག་ཐམས་ཅད་དང་བྲལ་བར་གྱུར་ཏོ། །ད་ལྟར་མངོན་སྤྱོད་ཆེན་པོའི་རོལ་པས་ཡོངས་སུ་མེད་པར་གྱུར་ཏོ། །གསང་སྔགས་ཀྱི་མཐུ་ཆེན་པོས་རྡོ་རྗེའི་གནམ་ལྕགས་དང་། པདྨའི་གནམ་ལྕགས་དང་། རྡོ་རྗེ་ལས་ཆེན་པོའི་གནམ་ལྕགས་དང་། འཁོར་ལོ་འབར་བའི་གནམ་ལྕགས་ལ་སོགས་པ་ཡང་ཕྱོགས་བཅུ་གཅིག་ཏུ་འཁྲུགས་པར་གྱུར་ཏོ། །འདི་ལྟར་འབར་བའི་ཕྱག་མཚན་ལ་སོགས་པའི་རྗེས་ཤུལ་གྱི་ན་བུན་ལས་ཀུན་ཏུ་ལངས་པའི་ནང་ནས། འགའ་ཞིག་སྐད་ངན་འཚེར་བ་ཡང་མོ་གཤམ་གྱི་བུ་བཞིན་དུ་མི་གནས་ཏེ། ཀུན་ཏུ་ཟད་པར་བྱས་པའི་ ― DNG021_Page_0381 ―
[མ་དཔེ་གཟིགས་ན་འདིར་གནོན།]
མཆོག་ཏུ་གྱུར་ཏོ། །དེ་ནས་ཡང་རིག་འཛིན་གྱི་ཚོགས་དུ་མའི་འཁོར་དང་བཅས་པ་རྣམས་ཀྱིས་མགྲིན་གཅིག་ཏུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཁོར་བའི་རྒྱུན་རིང་བས། ཕྱི་རོལ་གྱི་དུས་འགའ་ཞིག་ནས། འདི་ལྟར་སེམས་ཅན་རྣམས། གང་གི་ས་བོན་ཕྲ་མོ་ཙམ་ལས་བདག །དགེ་བའི་སྨོན་ལམ་དམ་པས་གཟུངས་མ་བྱས་པ་རྣམས། མི་དགེ་བའི་བཤེས་གཉེན་གྱི་དབང་དུ་ཐལ་བས་གལ་ཏེ་ཕ་རོལ་གྱི་ཉོན་མོངས་པ་རྒྱས་པས། སངས་རྒྱས་ཀྱི་སྤྱན་སྔར་བྱིན་གྱིས་བརླབས་པས་ནི་མཐུ་ཆེ་བ་དག་ཚར་གཅད་པའི་ཕྱིར། རིགས་ཐམས་ཅད་ཀྱི་ཁྲོ་བོ་ལ། དེ་བཞིན་གཤེགས་པས་བསྒོ་བ་མཛད་དུ་གསོལ། །དེ་སྐད་ཅེས་གསོལ་པ་དང་། དེ་ནས་བཅོམ་ལྡན་འདས་ཀྱིས་རིགས་ཐམས་ཅད་ཀྱི་ཁྲོ་བོ་ང་རྒྱལ་བསྐྱེད་པ་ཞེས་བྱ་པའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་འདི་སྐད་ཅེས་གསུངས་སོ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཅེས་གསུངས་སོ། །དེ་ནས་རྡོ་རྗེའི་ཁྲོ་བོ་ཐམས་ཅད་ཀྱིས་བཅོམ་ལྡན་འདས་ལ་བརྐྱང་བསྐུམ་གྱིས་བཏུད་ནས་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་ཇི་ལྟར་སླད་མའི་ཚེ་སླད་མའི་དུས་ན་གང་དག་དེ་བཞིན་གཤེགས་པའི་བཀའ་ལས་འདའ་བར་བྱེད་པ་རྣམས། བདག་ཅག་གིས་མྱུར་དུ་འབད་པ་ཆེན་པོས་བསྒྲལ་བར་མ་བགྱིས་ན། ད་ལྟ་ཉིད་དུ་བཅོམ་ལྡན་འདས་ལ་འཁུས་པ་ལགས་སོ། །དེ་ནས་བཅོམ་ལྡན་འདས་རིན་པོ་ཆེའི་ཁྲོ་བོ་མི་བཟད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ། །རིན་ཆེན་གསང་བའི་བཀའ་ལས་ནི། །སྡིག་ཆེན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། ། ― DNG021_Page_0382 ―
[མ་དཔེ་གཟིགས་ན་འདིར་གནོན།]
ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཅེས་གསུངས་སོ། །དེ་ནས་བཅོམ་ལྡན་འདས་པདྨའི་ཁྲོ་བོ་མི་བཟད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །པདྨ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཅེས་གསུངས་སོ། །དེ་ནས་བཅོམ་ལྡན་འདས་ཕྲིན་ལས་ཆེན་པོའི་ཁྲོ་བོ་མི་བཟད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །ལས་རབ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཅེས་གསུངས་སོ། །དེ་ནས་བཅོམ་ལྡན་འདས་འཁོར་ལོའི་ཁྲོ་བོ་མི་བཟད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །འཁོར་ལོ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཅེས་གསུངས་སོ། །དེ་ནས་རིགས་ཐམས་ཅད་ཀྱི་ཁྲོ་བོས་ཕྱོགས་ཐམས་ཅད་ནས། ཐམས་ཅད་དབང་དུ་བསྡུས་པའི་ཚམ་རྔམས་ཆེན་པོའི་ཕྱིར་གསང་བ་སྔགས་ཀྱི་ང་རྒྱལ་ཆེན་པོ་སྐྱེས་པར་གྱུར་ཏོ། །དེ་ནས་དེའི་ཚེ་དེའི་དུས་ན། སངས་རྒྱས་ཀྱི་མཐུས་རིག་འཛིན་ལ་སོགས་པའི་ཚོགས་སརྦ་འདི་སྐད་གསོལ་ཏོ། །གདུག་ཅིང་སྡང་སེམས་ལྡན་པ་ཡི། །ལྷ་འམ་གནོད་སྦྱིན་བདུད་ཀྱང་རུང་། །ང་ལ་བར་ཆོད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །ཞེས་བརྗོད་པའི་མོད་ལ། རྡོ་རྗེ་ཁྲོ་བོ་ལ་སོགས་པ་ཐམས་ཅད་ཀྱིས་བསྒྲུབ་པའི་གཟི་བརྗིད་ཀྱི་རྒྱུན་ ― DNG021_Page_0383 ―
[མ་དཔེ་གཟིགས་ན་འདིར་གནོན།]
དུ་བྱས་སོ། །གཞན་ནི་ཁང་པ་སྟོང་པ་ལྟ་བུར་གྱུར་པ་ཡང་། རང་བཞིན་གྱི་ཏིང་ངེ་འཛིན་ལྟ་བུར་གྱུར་པས། ཐམས་ཅད་ང་རྒྱལ་ཐོབ་པར་བྱས་སོ། །དེ་ནས་བཅོམ་ལྡན་འདས་མཁའ་གསང་རྣམ་པར་དག་པའི་ཏིང་ངེ་འཛིན་བསྐུལ་བར་བཞེད་པས། རྡོ་རྗེའི་མཁའ་གསང་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེའི་ཐོ་བ་གདེངས་པས་རྣམ་པར་སྣུན་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་བྱུང་ངོ་། །རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བརླག་པར་འགྱུར། །ཞེས་གསུངས་པས། ཞེ་སྡང་གི་ལས་རྣམས་ནི་རྡོ་རྗེ་མངོན་སྤྱོད་ཀྱི་སྟོབས་ཀྱིས་གཏན་དུ་རྒྱུན་བཅད་པའོ། །དེ་ནས་བཅོམ་ལྡན་འདས་རིན་པོ་ཆེའི་མཁའ་གསང་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རིན་པོ་ཆེའི་གཏུན་ཁུང་བགྲད་པ་དང་། རིན་པོ་ཆེའི་ཐོ་བ་གདེངས་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་བྱུང་ངོ་། །རྡུངས་ཤིག་རིན་ཆེན་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རིན་ཆེན་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རིན་ཆེན་ཐོ་བས་བརྡུང་བྱས་ན། །ལྷ་ཡང་རུང་སྟེ་བརླག་པར་འགྱུར། །ཞེས་གསུངས་པའི་མོད་ལ། ང་རྒྱལ་གྱི་ལས་རྣམས་རིན་པོ་ཆེའི་མངོན་སྤྱོད་ཀྱི་སྟོབས་ཀྱིས་གཏན་དུ་རྒྱུན་བཅད་དོ། །དེ་ནས་བཅོམ་ལྡན་འདས་ཀྱིས་པད་མའི་མཁའ་གསང་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། པདྨའི་གཏུན་ཁུང་བགྲད་པ་དང་། པདྨའི་ཐོ་བ་གདེངས་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་བྱུང་ངོ་། །རྡུངས་ཤིག་པདྨ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། ། ― DNG021_Page_0384 ―
[མ་དཔེ་གཟིགས་ན་འདིར་གནོན།]
པདྨ་མེ་དབལ་བསྲེག་ནས་སུ། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །པདྨ་ཐོ་བས་བརྡུང་བྱས་ན། །ལྷ་ཡང་རུང་སྟེ་བརླག་པར་འགྱུར། །ཞེས་གསུངས་པའི་མོད་ལ། འདོད་ཆགས་ཀྱི་ལས་རྣམས་ནི་པདྨའི་མངོན་སྤྱོད་ཀྱི་སྟོབས་ཀྱིས་གཏན་དུ་རྒྱུན་བཅད་དོ། །དེ་ནས་བཅོམ་ལྡན་འདས་ཕྲིན་ལས་ཆེན་པོའི་མཁའ་གསང་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕྲིན་ལས་ཆེན་པོའི་གཏུན་ཁུང་བགྲད་པ་དང་། ལས་ཆེན་པོའི་ཐོ་བ་གདེངས་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་བྱུང་ངོ་། །རྡུངས་ཤིག་ལས་རབ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །ལས་རབ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །ལས་རབ་ཐོ་བས་བརྡུང་བྱས་ན། །ལྷ་ཡང་རུང་སྟེ་བརླག་པར་འགྱུར། །ཞེས་གསུངས་པའི་མོད་ལ། ཕྲག་དོག་གི་ལས་ཐམས་ཅད་ཕྲིན་ལས་མངོན་སྤྱོད་ཀྱི་སྟོབས་ཀྱིས་གཏན་དུ་རྒྱུན་བཅད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་འཁོར་ལོའི་མཁའ་གསང་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་ལོའི་གཏུན་ཁུང་བགྲད་པ་དང་། འཁོར་ལོའི་ཐོ་བ་གདེངས་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་བྱུང་ངོ་། །རྡུངས་ཤིག་འཁོར་ལོ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །འཁོར་ལོ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །འཁོར་ལོ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བརླག་པར་འགྱུར། །ཞེས་གསུངས་པའི་མོད་ལ། གཏི་མུག་གི་ལས་ཐམས་ཅད་འཁོར་ལོ་ཆེན་པོའི་མངོན་སྤྱོད་ཀྱིས་གཏན་དུ་རྒྱུན་བཅད་པར་གྱུར་ཏོ། །དེའི་ཚེ་དེའི་དུས་ན། ཐམས་ཅད་གསང་སྔགས་ཀྱི་མཐུ་ཆེན་པོས་བྱིན་གྱིས་བརླབས་སོ། །དེ་ནས་ ― DNG021_Page_0385 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་ཀྱིས་རིགས་ཡོངས་སུ་གཅིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འོད་ཟེར་གྱི་འདུ་འཕྲོ་མཛད་པས། ལ་ལ་ནི་རྡོ་རྗེའི་སྲས་ཉིད་དོ། །ལ་ལ་ནི་རིན་པོ་ཆེའི་སྲས་ཉིད་དོ། །ལ་ལ་ནི་པདྨའི་སྲས་ཉིད་དོ། །ལ་ལ་ནི་ཕྲིན་ལས་ཀྱི་སྲས་ཉིད་དོ། །ལ་ལ་ནི་འཁོར་ལོ་འབར་བའི་སྲས་ཉིད་དོ། །དེ་ནས་ཐམས་ཅད་དང་ལྡན་པའི་འཁོར་གྱིས་འདི་སྐད་ཅེས་གསོལ་ཏོ། །ཀྱེ་བདག་ཅག་གིས་ཀྱང་ཐེག་པ་ཆེན་པོ་འདི་དུས་གསུམ་དུ་གཟུང་བར་བགྱིའོ། །ཞེས་གསོལ་ནས། ཐམས་ཅད་ཀྱིས་རྗེས་སུ་ཡི་རང་བའི་སྤོབས་པ་ཆེན་པོ་ཡོངས་སུ་བསྐྱེད་དོ། །དེ་ནས་བཅོམ་ལྡན་འདས་ཡུམ་རྡོ་རྗེ་རྣམ་པར་འཇོམས་པ་མི་བཟད་པའི་རྒྱན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །རྣལ་འབྱོར་ཆེན་པོའི་དཀྱིལ་འཁོར་ནས། །རྡོ་རྗེ་འདུ་འཕྲོའི་འོད་ཟེར་གྱིས། །ཐམས་ཅད་དཀྱིལ་འཁོར་བརྟག་པར་བྱ། །བཅུ་དྲུག་ཐིག་གི་དབུས་གནས་པར། །ཉི་མའི་དཀྱིལ་འཁོར་ཚད་དུ་བྱ། །ཡུམ་གྱི་དཀྱིལ་འཁོར་པད་མོའི་མདོག །རྡོ་རྗེ་ཅན་གྱི་རྒྱན་གྱིས་མཛེས། །ཕྱོགས་དང་མཚམས་ཀྱི་འཁོར་ལོ་ལ། །འབར་བའི་རྒྱན་གྱིས་མཛེས་པ་སྟེ། །ཐུན་མོང་གི་ནི་ཆོ་ག་རྣམས། །ཐ་དད་དཀྱིལ་འཁོར་དྲག་པོའི་དབྱིབས། །འབར་བའི་རྒྱན་གྱི་ཆོ་ག་ནི། །ཕྱི་དང་ནང་གི་ཆོ་ག་སྟེ། །རྡོ་རྗེ་ཅན་གྱིས་བརྟག་པར་བྱ། །སེམས་ཅན་ཆེན་པོའི་ལོགས་སུ་ནི། །འབར་བའི་གདན་ཁྲི་ཡང་དག་གཞུག །རྡོ་རྗེ་ཉི་མ་དབུས་གནས་སུ། །ས་བོན་འོད་ཀྱི་རྩེ་མོར་གཞག །ཁྲག་འཐུང་ཆེན་པོའི་རང་བཞིན་ནི། །རིགས་ཀྱི་ཆོ་ག་ཇི་བཞིན་དུ། །ཐམས་ཅད་ཡུམ་དང་མཚུངས་པའི་རྒྱན། །མཁས་པས་འབར་བའི་དབུས་སུ་གཞག །གཞན་ཡང་མཁས་པས་བརྟག་པ་ནི། །དབུ་གསུམ་ཕྱག་དྲུག་ཞབས་ཀྱང་དྲུག །རྡོ་རྗེ་གཤོག་པ་ལ་སོགས་གདེངས། །རྡོ་རྗེ་བྲག་ལ་སོགས་པ་གནོན། །འབར་བའི་རྒྱན་གྱིས་རྣམ་པར་བཀླུབས། །སྲས་དང་བཙུན་མོར་བཅས་པ་ནི། །འཁོར་ ― DNG021_Page_0386 ―
[མ་དཔེ་གཟིགས་ན་འདིར་གནོན།]
བའི་ཆོས་ལས་སྐྱེས་པ་སྟེ། །སེམས་ཅན་གྱི་ནི་སྲས་སུ་བྱ། །ཇི་ལྟར་སངས་རྒྱས་མཐུ་ལས་བྱུང་། །ལྷུན་གྱིས་གྲུབ་པའི་ཆོ་ག་དང་། །ཆོ་གའི་ཡན་ལག་རྫོགས་པ་ནི། །མཁས་པ་སངས་རྒྱས་སྲས་ཡིན་ནོ། །རྒྱལ་སྲས་དུ་མའི་ཚོགས་ཀྱིས་ནི། །ནམ་མཁའ་ཁེངས་པར་བྱ་བ་དང་། །དུ་མ་གཞན་གྱི་དོན་ཡིན་ཏེ། །མཁས་པའི་འཕྲོ་འདུ་ཐེག་པ་ཆེ། །ཞེས་གསུངས་སོ། །དེ་ནས་བཅོམ་ལྡན་འདས་བདག་གི་དོན་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །རྣལ་འབྱོར་གྱི་ནི་ཆོ་ག་ལ། །མཁས་པས་མཐའ་མའི་དོན་བསྟན་བྱ། །བསྡུ་བ་དག་ཀྱང་རྣམ་གཉིས་ཏེ། །ཇི་ལྟར་སྙོམས་པའི་ཆོ་ག་དང་། །ཡེ་ཤེས་སྒྱུ་མའི་རང་བཞིན་ཏེ། །རྡོ་རྗེ་ཅན་གྱིས་ངེས་པར་བརྟག །འཇིག་རྟེན་ནམ་མཁའི་ཁམས་གནས་དང་། །སྤྲུལ་པའི་དཀྱིལ་འཁོར་བསམ་ཡས་པས། །གཙོ་བོ་ཡབ་ཡུམ་གཉིས་ཡིན་ཏེ། །གཡོན་ཀྱང་ཇི་ལྟར་གཡས་ལ་གནས། །དམ་ཚིག་སེམས་དཔའི་རང་བཞིན་ཡང་། །ཡེ་ཤེས་སེམས་དཔའི་གནས་ཡིན་ནོ། །ཇི་ལྟར་ཡེ་ཤེས་སེམས་དཔའ་ཡང་། །ཏིང་འཛིན་བརྟན་པའི་དབུས་གནས་ཡིན། །གསུང་གི་རང་བཞིན་ལ་སོགས་པའི། །དེ་ལྟར་མཐར་གྱིས་ཐིག་ལེ་ཆེ། །ཐིག་ལེ་རྣམ་པར་བརྟག་པ་ནི། །ཕྲ་ཞིང་ཞི་བའི་རང་བཞིན་བསྒོམ། །རྟོག་པ་མེད་པའི་རང་བཞིན་ནི། །མཁས་པས་འབད་པ་མེད་པར་བསམ། །སྒྱུ་མའི་ཏིང་འཛིན་མཁས་པས་ཀྱང་། །ཐ་དད་ལུས་ཀྱི་བ་སྤུ་ལ། །དཀྱིལ་འཁོར་བདག་པོའི་ཡེ་ཤེས་གཞུག །འཕྲོ་བ་དག་ཀྱང་བརྟག་པར་བྱ། །སྲིད་པའི་རྩེ་མོ་དབུས་གནས་སུ། །སྟེང་གི་ཡེ་ཤེས་དགུག་པར་བྱ། །མཛོད་སྤུ་ཡི་ནི་དབུས་གནས་སུ། །ཤར་གྱི་ཡེ་ཤེས་དགུག་པར་བྱ། །མདུན་གྱི་སྟོད་དང་དབུས་གནས་པར། །ནུབ་ཀྱི་ཡེ་ཤེས་དགུག་པར་བྱ། །ཐབས་ཀྱི་ཕྱག་རྒྱ་ཉིད་ལ་ནི། །བྱང་ཤར་མཚམས་ཀྱི་ཡེ་ཤེས་དགུག །ཤེས་རབ་ཕྱག་རྒྱ་ཉིད་ལ་ནི། །ཤར་ལྷོའི་ཡེ་ཤེས་དགུག་པར་བྱ། །ཆགས་ནང་ཐིག་ལེའི་དབུས་སུ་ནི། །བྱང་གི་ཡེ་ཤེས་དགུག་ ― DNG021_Page_0387 ―
[མ་དཔེ་གཟིགས་ན་འདིར་གནོན།]
པར་བྱ། །སྲིད་པ་དབུ་མའི་དབུས་གནས་སུ། །ལྷོ་ཡི་ཡེ་ཤེས་དགུག་པར་བྱ། །བསྐྱོད་པ་བབས་ཀྱི་ཕྱག་རྒྱ་ལ། །ནུབ་བྱང་མཚམས་ཀྱི་ཡེ་ཤེས་དགུག །བསྐྱོད་པའི་ཤེས་རབ་ཕྱག་རྒྱ་ལ། །ལྷོ་དང་ནུབ་བྱང་ཡེ་ཤེས་དགུག །གསང་བའི་སྲས་སུ་མཁས་པས་བྱ། །འོག་གི་ཡེ་ཤེས་དགུག་པར་བྱ། །ཆུང་མ་དང་ནི་བཅས་པ་ཡང་། །ཆོ་ག་གཉིས་པ་བསྡུས་པ་འམ། །སྤྲུལ་པའི་ཕོ་ཉ་ཐམས་ཅད་ནི། །བ་སྤུའི་བུ་ག་ཀུན་ཏུ་དགུག །སྲིང་མོ་འབར་མ་ལ་སོགས་ཀྱང་། །ཐམས་ཅད་གནས་སུ་ཡང་དག་དགུག །དེ་ནས་མཁས་པས་བརྟག་པ་ནི། །དཀྱིལ་འཁོར་གྱི་ནི་གཙོ་བོ་ནི། །ཀུན་ཏུ་ཏིང་འཛིན་རབ་གནས་པ། །རྡོ་རྗེ་ཅན་གྱི་ཆོ་ག་སྟེ། །སྤྱོད་ལམ་ཀུན་ཏུ་བརྟན་པར་བྱ། །ལྷ་ཡི་ང་རྒྱལ་རབ་གསལ་བ། །བརྗེད་པ་མེད་པའི་དྲན་པས་ནི། །འབད་པ་མེད་པའི་ཚོགས་ཆེན་ལ། །མཁས་པས་རྟག་ཏུ་བསམ་པར་བྱ། །བསྡུ་བ་གཉིས་ཀྱི་ཆོ་ག་ཡིས། །རྣལ་འབྱོར་ཆོ་ག་རྫོགས་པ་ཡིན། །གང་ཞིག་བསྡུ་བ་མི་ཤེས་ན། །ཆོ་ག་རྫོགས་པ་མ་ཡིན་ཏེ། །ལམ་གྱི་མོས་པ་དེ་ཡིས་ནི། །སངས་རྒྱས་ཡུལ་དུ་མ་བསྐྱལ་བས། །རྒྱལ་བའི་སྲས་སུ་སོང་བ་མེད། །ཅེས་གསུངས་སོ། །དེ་ནས་དེའི་ཚེ་དེའི་དུས་ན། རྣལ་འབྱོར་གྱི་དབང་ཕྱུག་ཆེན་པོ་རིག་འཛིན་གྱི་ཚོགས་དུ་མའི་འཁོར་དང་བཅས་པ་ཐམས་ཅད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་མ་འོངས་པའི་དུས་ན། ཆོ་ག་རྫོགས་པར་འཚལ་བའི་རྣལ་འབྱོར་པ་རྣམས་རིན་པོ་ཆེ་བཞིན་དུ་བལྟ་བར་བགྱིའོ། །ཞེས་གསོལ་ནས། རྡོ་རྗེའི་ལྟ་བ་ལ་སོགས་པས་ཡོངས་སུ་བལྟས་ནས། རྡོ་རྗེ་ཅན་གྱི་ཐུགས་ཀར་ཞུགས་པར་གྱུར་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྩེ་མོའི་རྒྱུད་ཀྱི་རྒྱལ་པོ་ལས། རྣམ་པར་བརྟག་པ་ཆེན་པོ་སྦྱོར་བ་ཡོངས་སུ་བཀོད་པ་ཞེས་བྱ་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་འཇིགས་བྱེད་ཀྱི་དབང་ཕྱུག་ཆེན་པོ། དེ་བཞིན་གཤེགས་པ་ཐམས་ཅད་ ― DNG021_Page_0388 ―
[མ་དཔེ་གཟིགས་ན་འདིར་གནོན།]
ཀྱི་སྐུ་དང་གསུང་དང་ཐུགས་ཀྱི་བདག་པོས། འབར་བ་མངོན་སྤྱོད་ཀྱི་རྣམ་པར་རོལ་པས་འགྱིངས་པ། མི་བཟད་པའི་འཁོར་ལོ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། མཐུན་པའི་རྣམ་པར་བཀོད་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་བྱུང་ངོ་། །ཤིན་ཏུ་ཁྲོ་ཞིང་གདུག་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་སུ་སྦྱོར་བ་ཡིས། །ཁྲོ་བོར་དེ་བཞིན་གཤེགས་ཀུན་མཛད། །ཅེས་གསུངས་པས་དེའི་མོད་ལ། སངས་རྒྱས་མཐུས་རྣལ་འབྱོར་གྱི་འཁོར་ཐམས་ཅད་དཀྱིལ་འཁོར་གྱི་རང་བཞིན་དུ་འབར་བར་གྱུར་ཏོ། །ཇི་ལྟར་སྣང་བའི་ཡུལ་ཐམས་ཅད་ནི་རྡོ་རྗེ་འབར་བའི་ཁྲོ་བོ་ཤ་སྟག་སྟེ། ཕྱོགས་དང་མཚམས་རྣམས་འཁྲིགས་པར་གྱུར་པ་དང་། བདུད་ལ་སོགས་པ་ཐམས་ཅད་སྤ་བཀོང་བར་གྱུར་པ་དང་། དེ་ནས་རྣལ་འབྱོར་གྱི་ཚོགས་ཐམས་ཅད་ཀྱིས་མགྲིན་གཅིག་ཏུ་བཅོམ་ལྡན་འདས་རིགས་ཐམས་ཅད་ཀྱི་རང་བཞིན་ལ། སོ་སོར་གསོལ་བ་བཏབ་པོ། །ཧཱུཾ་ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །རྡོ་རྗེ་ཁྲོ་བོ་བཅོམ་ལྡན་འདས། །ཁྲོ་ཞི་ཆེ་ལ་ཕྱག་འཚལ་ལོ། །ཞེས་གསོལ་བ་བཏབ་པོ། །དེ་ནས་རིན་པོ་ཆེའི་ཁྲོ་བོའི་ཚོགས་ཀྱིས་འདི་སྐད་ཅེས་གསོལ་ཏོ། །ཧཱུཾ་ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །རིན་ཆེན་ཁྲོ་བོ་བཅོམ་ལྡན་འདས། །ཁྲོ་ཞི་ཆེ་ལ་ཕྱག་འཚལ་ལོ། །ཞེས་གསོལ་བ་བཏབ་པོ། །དེ་ནས་པདྨའི་ཁྲོ་བོ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ། །ཧཱུཾ་ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །པདྨའི་ཁྲོ་བོ་བཅོམ་ལྡན་འདས། །ཁྲོ་ཞི་ཆེ་ལ་ཕྱག་འཚལ་ལོ། །ཞེས་གསོལ་ཏོ། །དེ་ནས་ལས་ཆེན་པོའི་ཁྲོ་བོའི་ཚོགས་ཀྱིས་འདི་སྐད་ཅེས་གསོལ་ཏོ། །ཧཱུཾ་ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །ཕྲིན་ལས་ཁྲོ་བོ་བཅོམ་ལྡན་འདས། །ཁྲོ་ཞི་ཆེ་ལ་ཕྱག་འཚལ་ལོ། །ཞེས་གསོལ་ཏོ། །དེ་ནས་སངས་རྒྱས་ཆེན་པོའི་ ― DNG021_Page_0389 ―
[མ་དཔེ་གཟིགས་ན་འདིར་གནོན།]
རྣལ་འབྱོར་གྱིས་འདི་སྐད་ཅེས་གསོལ་ཏོ། །ཧཱུཾ་ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །སངས་རྒྱས་ཁྲོ་བོ་བཅོམ་ལྡན་འདས། །ཁྲོ་ཞི་ཆེ་ལ་ཕྱག་འཚལ་ལོ། །ཞེས་གསོལ་ཏོ། །དེའི་ཚེ་དེའི་དུས་ན། སངས་རྒྱས་སྲས་དང་བཅས་པ་རྣམས། རང་རང་གི་འཁོར་གྱིས་བསྐོར་བ་དང་རྒྱལ་བའི་ཞིང་གི་བཅུད་གང་རྣལ་འབྱོར་ཆེན་པོ་བསམ་གྱིས་མི་ཁྱབ་པ་རྣམས་ཀྱང་འདུས། རིག་འཛིན་གྱི་ཁྲོ་བོའི་ཚོགས་པདྨའི་འཁོར་དང་བཅས་པ་དེ་རྣམས་ཀྱང་ཀུན་ཏུ་ངོམ་པ་ལ་སོགས་པ་ཐོབ་པོ། །རྡོ་རྗེ་ཐེག་པ་ཡོངས་སུ་སྐྱོང་བར་འཚལ་བའི་བདག་པོ། གང་དམ་ཚིག་གིས་བྱིན་གྱིས་མ་བརླབས་པ་དེ་དག་ཀྱང་། མངོན་པར་འདུན་པའི་སྒོ་ནས་མགྲིན་གཅིག་ཏུ། དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། རྡོ་རྗེ་གར་གྱིས་མཆོད་དེ། འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བ། དེ་བཞིན་གཤེགས་པས་འདི་བཤད་དུ་གསོལ། །ཞེས་གསོལ་བ་བཏབ་པ་དང་། དེ་ནས་བཅོམ་ལྡན་འདས་ཀྱིས་གཏི་མུག་སེལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེའི་གནས་ནས་ཐོགས་པ་མེད་པའི་འོད་ཟེར་ཀུན་ཏུ་འཕྲོ་བ་ཞེས་བྱ་བ་ཕྱུང་སྟེ། དཀྱིལ་འཁོར་ཐམས་ཅད་རྡོ་རྗེའི་སྐུ་གསུང་ཐུགས་སུ་བྱིན་གྱིས་བརླབས་སོ། །དེ་ནས་ཡང་བཅོམ་ལྡན་འདས་ཀྱིས་རིན་པོ་ཆེའི་གནས་ནས། རིན་པོ་ཆེའི་འོད་ཟེར་ཀུན་ཏུ་མཉམ་པ་ཞེས་བྱ་བ་བྱུང་སྟེ། དཀྱིལ་འཁོར་ཐམས་ཅད་རིན་ཆེན་ཆེན་པོར་བྱིན་གྱིས་བརླབས་སོ། །དེ་ནས་ཡང་བཅོམ་ལྡན་འདས་ཀྱིས་པདྨ་ཆེན་པོའི་གནས་ནས། པདྨ་ཆེན་པོའི་འོད་ཟེར་ཀུན་ལ་ཆགས་པ་རྣམ་པར་གཅོད་པ་ཞེས་བྱ་བ་ཕྱུང་སྟེ། དཀྱིལ་འཁོར་ཐམས་ཅད་པདྨ་ཆེན་པོར་བྱིན་གྱིས་བརླབས་སོ། །དེ་ནས་བཅོམ་ལྡན་འདས་ཀྱིས་ཕྲིན་ལས་ཆེན་པོའི་གནས་ནས། ཕྲིན་ལས་ཆེན་པོའི་འོད་ཟེར་ཀུན་ལ་འཇུག་པ་ཞེས་བྱ་བ་ཕྱུང་སྟེ། དཀྱིལ་འཁོར་ཐམས་ཅད་ཕྲིན་ལས་ཆེན་པོའི་བདག་ཉིད་དུ་བྱིན་གྱིས་ ― DNG021_Page_0390 ―
[མ་དཔེ་གཟིགས་ན་འདིར་གནོན།]
བརླབས་སོ། །དེ་ནས་བཅོམ་ལྡན་འདས་ཀྱིས་འཁོར་ལོ་ཆེན་པོའི་གནས་ནས། འཁོར་ལོའི་འོད་ཟེར་འཕྲོ་བས་གཅོད་པ་ཞེས་བྱ་བ་འདི་ཕྱུང་སྟེ། དཀྱིལ་འཁོར་ཐམས་ཅད་འཁོར་ལོ་ཆེན་པོའི་བདག་ཉིད་དུ་བྱིན་གྱིས་བརླབས་སོ། །དེ་ནས་བཅོམ་ལྡན་འདས་ཡེ་ཤེས་ཀྱི་རྩེ་མོ་ཀུན་ཏུ་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ། །ཁྲག་འཐུང་ཐུགས་ལ་གནས་པ་ཡིས། །ཡེ་ཤེས་རྩེ་མོ་མཆོག་ཉིད་དོ། །ཧཱུཾ་གསུམ་ལས་ནི་འདས་པའི་ཕྱིར། །རྩེ་མོ་མེད་པའི་ལས་སུ་བསྟན། །ཞེས་གསུངས་སོ། །དེ་ནས་འཁོར་གྱི་ཚོགས་དུ་མའི་ཚོགས་ཀྱིས་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྩེ་མོ་ཕྱོགས་བཅུ་ཀུན་ཏུ་འཕྲོ་བ་ཞེས་བགྱི་བ། བདག་ཅག་གིས་མངོན་པར་བགྱི་བའི་ཆོ་ག །བཅོམ་ལྡན་འདས་ཀྱིས་བསྟན་དུ་གསོལ་ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་ལས་ཀྱི་རྡོ་རྗེ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །དེ་ནས་གཟུགས་དང་བྱིན་བརླབས་དང་། །བཟླས་བརྗོད་དང་ནི་ཕྲིན་ལས་དང་། །དུས་དང་གནས་དང་བདག་ཉིད་དེ། །ཕུན་སུམ་ཚོགས་པ་བདུན་པོ་སྟེ། །བཏབ་ན་གང་འདོད་དེ་སྦྱིན་ནོ། །ཞེས་གསུངས་སོ། །དེ་ནས་ཡང་གསང་བའི་བདག་པོས་བཅོམ་ལྡན་འདས་ལ་རྡོ་རྗེའི་མིག་གིས་བལྟས་ཏེ། འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་མ་འོངས་པའི་དུས་ན་སེམས་ཅན་གྱི་རིས་འཁོར་བའི་མཚོ་ཆེན་པོ་སངས་རྒྱས་ཀྱི་སྲས་སུ་བགྱི་བ་དང་། དངོས་གྲུབ་ཀྱི་བདག་པོས་གཏན་དུ་གསོད་པའི་སླད་དུ། དེང་བཅོམ་ལྡན་འདས་ཀྱིས་མངོན་སྤྱོད་ཆེན་པོ་འདི་རྣམས་ཀྱི་སོ་སོར་སྦྱོར་བ་གང་ལགས་པ་དེ། དེ་བཞིན་གཤེགས་པས་སྨན་གདགས་པའི་སླད་དུ། བཤད་དུ་གསོལ་ཞེས་པ་དང་། དེ་ནས་བཅོམ་ལྡན་འདས་ཀྱིས་ཡང་ཀུན་ཏུ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ ― DNG021_Page_0391 ―
[མ་དཔེ་གཟིགས་ན་འདིར་གནོན།]
ཕྱུང་ངོ་། །འབར་བའི་ཆོ་ག་ཚང་བ་ནི། །རྣལ་འབྱོར་ཆེན་པོའི་སྤྱོད་ཡུལ་ཏེ། །མངོན་སྤྱོད་ཆེན་པོ་བསྟན་པར་བྱ། །འབར་བའི་ཕྱག་རྒྱ་ནག་ལ་རྣོ། །གདུག་པའི་ལྕགས་ལ་སོགས་པ་དང་། །ཤིར་ཤིང་མདེའུ་ལ་སོགས་ཏེ། །ཁ་ཞེ་གདུག་རྩུབ་གནག་ཅིང་རྣོ། །ཚེར་མ་ལ་སོགས་མཚན་མ་ཚང་། །མགོ་རྐང་དབྱིབས་ནི་མ་ནོར་བར། །བཅུ་གཉིས་དང་ནི་སོར་བརྒྱད་སོགས། །ཇི་ལྟར་མཁས་པས་དེ་བཞིན་དུ། །རྒྱ་མདུད་སོར་རེ་ཚད་དག་ལ། །འབར་བའི་ངོས་ནི་ཟུར་བརྒྱད་ལ། །སྨད་ནི་རྔམས་པའི་ཟུར་གསུམ་སྟེ། །རི་རབ་ལྟ་བུར་བརྗིད་པ་དང་། །ཉི་མ་འབུམ་བཞིན་རྣམ་པར་འཚེར། །ནམ་མཁའ་ཀུན་ལ་ངེས་པར་ཁྱབ། །ཞི་བ་གཉིས་ཀྱི་དཀྱིལ་འཁོར་མཛེས། །རྣམ་པ་བརྒྱད་དུ་ཡང་དག་རྒྱས། །དབང་གསུམ་དྲག་པོའི་ཚད་དང་ལྡན། །ཆོ་ག་བཞི་ཡི་དབྱིབས་བརྒྱད་མཛེས། །རྩེ་མོ་རྣམ་པར་ཕྲ་བ་ཉིད། །རྣམ་པར་ཐར་པའི་མངོན་སྤྱོད་དེ། །སུམ་ཅུ་རྩ་ལྔ་ཐུན་མོང་གི། །ཆོ་ག་ཉིད་དུ་མཁས་པས་བརྟག །ཡེ་ཤེས་རྩེ་མོའི་གཞི་ཡིས་ནི། །ཡེ་ཤེས་རྩེ་མོའི་རྣལ་འབྱོར་ཚད། །ཅེས་གསུངས་སོ། །དེ་ནས་བཅོམ་ལྡན་འདས་རྡོ་རྗེའི་བདག་པོ་དབང་ཕྱུག་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་བྱིན་གྱིས་རློབས་པ་འདི་ཕྱུང་ངོ་། །རྗེས་སུ་རྣལ་འབྱོར་ཆེན་པོ་ཡིས། །བསྒོམ་པར་བྱ་བ་འཁྲུལ་པ་སྟེ། །བྱ་དང་བྱེད་པ་སྤངས་པ་ཡིས། །རྣམ་པར་མི་རྟོག་ཏིང་འཛིན་ནི། །མཁས་པས་འབད་པ་མེད་པར་བྱ། །ཆོས་ཀྱི་སྐུ་མཆོག་བདུད་རྩི་ཡིས། །འགྲོ་བའི་རང་བཞིན་མེད་བཞིན་དུ། །ཐམས་ཅད་མ་ལུས་གསོ་བར་བྱ། །དེ་ནས་མཁས་པས་འབད་པ་ཡང་། །རྡོ་རྗེ་རྒྱ་མདུད་གཞལ་ཡས་སུ། །དབུས་མཉམ་པ་ཡི་ཚད་དུ་ནི། །ཁྲག་འཐུང་ཆེན་པོའི་གདན་ལ་བཞག །ཁམས་གསུམ་ཀུན་ལས་རྣམ་པར་རྒྱལ། །གཤིན་རྗེའི་རྒྱལ་མཆོག་ཉིད་དང་ནི། །དཔལ་ལྡན་རྟ་སྐད་བཞད་པ་དང་། །རྡོ་རྗེ་སྟོབས་ཀྱི་ཡེ་ཤེས་རྣམས། །ཤར་ལྷོ་ནུབ་བྱང་དབུས་གནས་སུ། །བཙུན་མོའི་ཚོགས་ཀྱིས་ ― DNG021_Page_0392 ―
[མ་དཔེ་གཟིགས་ན་འདིར་གནོན།]
འཁྱུད་པ་སྟེ། །སོ་སོའི་སྙིང་པོ་དྲན་ཙམ་གྱིས། །ཧཱུཾ་ལས་འཁྲུངས་པར་རྣམ་པར་བརྟག །འཁོར་དང་བཅས་པའི་དཀྱིལ་འཁོར་ལ། །མཆོད་པ་མཆོག་གིས་ཡང་དག་མཆོད། །སྔོན་གྱི་དམ་ཚིག་སྨོས་པས་ནི། །ཐུགས་དམ་རྗེས་སུ་བསྐུལ་བར་བྱ། །གཉིས་སུ་མེད་པར་རོལ་པ་དང་། །རྒྱན་རྣམས་ཀུན་ཏུ་རྫོགས་པ་ནི། །བདེ་བ་ཆེན་པོའི་སྐུ་མཆོག་སྟེ། །ལོངས་སྤྱོད་ཆེན་པོ་རྫོགས་པའི་སྐུ། །བདེ་བ་ཆེན་པོའི་རོལ་པ་ཡིས། །གཉིས་སུ་མེད་པར་སྤྲོས་པ་ཆེ། །རྟག་པ་ཆེན་པོའི་གཡུང་དྲུང་ནི། །ཡབ་ཀྱི་ཆོ་ག་མཛད་པའོ། །རྗེས་སུ་རྣལ་འབྱོར་ཆེན་པོ་ཡིས། །མཁས་པས་དྲན་པ་ཙམ་གྱིས་ཀྱང་། །རྣལ་འབྱོར་རོལ་པ་སྟེར་བ་སྟེ། །རྩོལ་བ་མེད་པའི་ཏིང་འཛིན་གྱིས། །ཐམས་ཅད་དུ་མར་སྣང་བ་ཡིན། །སྣང་བ་མེད་པའི་རང་བཞིན་ནི། །རྣལ་འབྱོར་ཆེན་པོའི་སྤྱོད་ཡུལ་ལོ། །དེ་ནས་དཔལ་ལྡན་སྲས་ཀྱི་མཆོག །ཡང་དག་བྱིན་གྱིས་བརླབ་པ་ནི། །ཐུགས་ལས་འཕྲོས་པས་ཐུགས་ཀྱི་སྲས། །གསང་སྔགས་ཡང་དག་བསྟན་པ་ནི། །ཨཱོཾ་བཛྲ་ཀཱི་ལི་ཀཱི་ལ་ཡ་ས་མ་ཡ་ཧཱུཾ་ཛ། འདི་ནི་ཡང་དག་པར་སྣང་བའི་སྔགས་སོ། །འདི་དག་བརྗོད་པ་ཙམ་གྱིས་ནི། །འབར་བའི་སྲས་རྣམས་རྣམ་པར་བརྟས། །སྐུ་ཡི་ཕྱེད་ཚལ་མན་ཆོད་ལ། །འབར་བའི་འོད་ཟེར་འཁྲུགས་པ་དང་། །མཐིང་ནག་རྔམ་པའི་རང་བཞིན་ཅན། །ཀུན་ཏུ་ཐལ་བྱུང་འབར་བའི་སྐུ། །འབར་བའི་དབུ་གསུམ་རྣམ་པར་བརྗིད། །དབུ་སྐྲ་ཁམ་པ་ཟུར་གསུམ་དབྱིབས། །སྲིད་པ་གསུམ་གྱི་རྣལ་དུ་འབར། །བྲང་གིས་འགྲོ་བ་ཆེན་པོ་ཡིས། །ལུས་དང་ཡན་ལག་ཉིང་ལག་མཛེས། །ཐོད་པ་རྣམས་ནི་ཡང་དག་ཆེ། །ཁྲོ་རྒྱལ་སྤྱན་ནི་སྡང་མིག་བགྲད། །ཉི་ཟླ་འབར་བའི་སྤྱན་གྱིས་མཛེས། །གཡོན་གྱི་ཕུར་པ་ཞེ་སྡང་གནོན། །མཆེ་གཙིགས་རབ་ཏུ་རྔམ་པའི་སྐུ། །སྐུ་ཡི་ཕྱོགས་མཚམས་ཐམས་ཅད་དུ། །དུར་ཁྲོད་འབར་བའི་མེ་སྟག་འཕྲོ། །སྐུ་སྨད་འབར་བའི་མངོན་སྤྱོད་ནི། །རྣལ་འབྱོར་མདུན་གྱི་མཁའ་ལ་མཛེས། །ཡུམ་གྱི་མཁའ་ལ་སུམ་ཆ་ནུབ། །འབར་བའི་ཕྱག་ ― DNG021_Page_0393 ―
[མ་དཔེ་གཟིགས་ན་འདིར་གནོན།]
བཞི་མཛེས་པ་ནི། །སྟྭ་རེ་བརྡེག་པའི་སྟང་ཀ་ཅན། །གཡས་ཀྱི་འོག་མ་རྡོ་རྗེ་ནི། །རི་རབ་ཕུར་པ་གནོན་པའི་ཐབས། །གཡོན་པའི་དང་པོ་ཁ་ཊྭཱཾ་ག །རྡོ་རྗེ་སིལ་སྙན་རྣམ་པར་མཛེས། །དྲེགས་པའི་ཁམས་ནི་ཕམ་པར་བྱས། །བདུད་ཀྱི་དཔུང་རྣམས་ཡོངས་སུ་འཇིག །ཐ་མ་ཕུར་པ་ཟུར་གསུམ་པ། །རྣམ་པར་འདེབས་ཤིང་གཟས་པའི་ཐབས། །ངན་སོང་གསུམ་ནི་རྣམ་པར་འཇིག །ཕྱོགས་བཅུ་མཐའ་ཡས་ཁྲོ་བོ་དང་། །སྐུ་གསུང་ཐུགས་ཀྱི་ཁྲོ་བོ་རྣམས། །དུ་མ་གཅིག་ཏུ་བསྡུས་པའོ། །ཐམས་ཅད་ཆེ་བར་གྱུར་པ་སྟེ། །ཁྲོ་ཆེན་རྣམ་པར་རྒྱལ་གྱུར་པའི། །གཟི་བརྗིད་ཆེན་པོ་བསམ་པར་བྱ། །རྟག་པ་ཆེན་པོའི་རང་བཞིན་དང་། །སྤྲུལ་པ་ལས་ཀྱང་སྤྲུལ་པ་འབྱུང་། །འབར་བ་མཐུ་ཡི་ཤུགས་ཀྱིས་འཕྲོ། །དུས་གསུམ་ཀུན་ཏུ་སྣང་བ་སྟེ། །རིགས་རྣམས་ཀུན་ལ་སྣང་བ་ནི། །ཀུན་གྱི་ཡེ་ཤེས་འདུས་པ་ཡིན། །ཁྲག་འཐུང་འབར་བའི་སྤྲུལ་པ་ནི། །ཡང་དག་ཀུན་ཏུ་མཁས་པས་བརྟག །ནམ་མཁའི་རང་བཞིན་ཐམས་ཅད་ནི། །བར་མཚམས་མེད་པའི་ཏིང་འཛིན་ཏེ། །རྣལ་འབྱོར་ཆོ་ག་བསྒྲུབ་བྱའི་མཆོག །རྣམ་པར་སྣང་མཛད་ཆེ་ལ་ནི། །རྣལ་འབྱོར་ཉིང་ལག་དབུས་མ་སྟེ། །ཇི་ལྟར་རྡོ་རྗེའི་ཕོ་བྲང་ནི། །སྦོམ་པོ་ལ་ཡང་དེ་བཞིན་ནོ། ། ཉིང་ལག་གི་ནི་དང་འོག་ལ། །རིན་པོ་ཆེ་ཡི་འོད་ཟེར་བཞག །གང་གི་ཐ་ལག་དེ་ལ་ནི། །པདྨ་ཆེན་པོའི་རང་བཞིན་བསམ། །མཐར་གྱིས་གནས་པའི་ཉིང་ལག་ནི། །ཟབ་མོའི་ཡི་གེ་རྣམ་པར་མཛེས། །ཀུན་ཀྱང་ཆུ་ཤེལ་སྟེང་ན་མཛེས། །འབར་བ་བས་ཀྱང་ཆེར་འབར་ཏེ། །རྟག་ཏུ་མཉམ་པའི་འོད་ཟེར་འབྱིན། །འོད་ཟེར་རྩེ་མོར་གཞག་པར་བྱ། །དེ་ནས་སྣང་མཛད་དང་པོ་སྟེ། །སུ་ར་ཏ་ཡི་རང་བཞིན་ལས། །སྟྭཾ་ཞེས་བརྗོད་པས་ཐལ་མོ་སྦྱར། །མཉམ་པའི་ཐལ་མོ་སྦྱར་ནས་ཀྱང་། །རྣམ་པར་སྣང་མཛད་མགོར་བཞག་སྟེ། །རྡོ་རྗེ་ཨན་ཛ་ལི་ལ་ནི། །ཧཱུཾ་གིས་རྣམ་པར་མཛེས་པར་བྱ། །གཉིས་སུ་མེད་པའི་སྦྱོར་བ་ནི། །སོར་མོ་ཅུང་ཟད་བསྣོལ་བ་ཡིན། །དེ་འོག་སོར་མོ་བརྒྱབ་བསྣོལ་བ། །རྣམ་པར་བསྡམ་པའི་ ― DNG021_Page_0394 ―
[མ་དཔེ་གཟིགས་ན་འདིར་གནོན།]
རང་བཞིན་ལ། །རྣམ་པར་སྣང་མཛད་མགོར་བཞག་སྟེ། །བཛྲ་བན་དྷ་ཧཱུཾ་གིས་སྒྲས། །བྱང་ཆུབ་སེམས་སྤྲིན་དབང་བར་བྱ། །དེ་ནས་མཁས་པའི་དམ་ཚིག་ནི། །ས་མ་ཡ་སྟྭཾ་ཞེས་རྣམ་པར་བརྗོད། །ཐུགས་དམ་མཉམ་པར་བསྐངས་ནས་ཀྱང་། །འབར་བའི་ཕུར་བུ་བླང་བར་བྱ། །ལག་པའི་བར་དུ་མཉམ་གནས་པ། །ལག་པའི་རྟིང་བ་ཕྱེ་ནས་ཀྱང་། །མཐེ་བོང་སྲིན་ལག་མཐེ་ཆུང་གིས། །བར་དུ་ཕུར་པ་ཡང་དག་གཞུག །མཐེ་བོང་གིས་ནི་ཅུང་ཟད་དྲིལ། །རྣམ་པར་སྣང་མཛད་མགོར་བཞག་སྟེ། །བཛྲ་ཨཱ་བེ་ཤ་ཡི་སྒྲ། །ཨཱ་ཨས་ཡང་དག་མཛེས་པར་བྱ། །བྱང་ཆུབ་སེམས་སྤྲིན་འཕྲོ་བ་ལས། །ཕྱོགས་བཅུ་དུས་གསུམ་བདེ་གཤེགས་ལས། །ཡབ་ཡུམ་སྲས་དང་བཅས་པ་ཀུན། །མཁའ་མཉམ་ཁྲོ་བོ་འབར་བའི་སྐུ། །ཞེ་སྡང་ཆེན་པོ་རྗེས་དྲན་ཅིང་། །ཉུངས་འབྲུ་ཙམ་གྱི་ཁྲོ་བོ་རྣམས། །བར་མཚམས་མེད་པའི་འཕྲོ་འདུ་ཡིས། །ཕུར་པའི་སྐུ་ལ་བསྡུ་ཞིང་བསྡིམ། །བདག་ཉིད་ཆེན་པོའི་རང་བཞིན་ལ། །བར་མཚམས་མེད་པར་རྣམ་པར་གནས། །དེ་ནས་ཕུར་པའི་བདག་ཉིད་ལ། །ཡང་ནི་སྐུ་དང་གསུང་ཐུགས་ཀྱིས། །བདག་ཉིད་ཆེན་པོར་བྱིན་གྱིས་བརླབ། །དབང་བསྐུར་བ་ནི་བརྟག་པར་བྱ། །ཉིང་ལག་རྒྱབ་བསྣོལ་གུང་མོ་གཤིབས། །དེ་ནས་ཕུར་པ་དམ་བཟུང་བ། །དེ་ནས་དགའ་བའི་སློབ་མ་ལ། །རིགས་ལྔར་བྱིན་གྱིས་བརླབ་པ་བསྟན། །རྡོ་རྗེ་དང་ནི་འཁོར་ལོ་དང་། །རིན་ཆེན་པདྨ་རྒྱ་གྲམ་མཆོག །ས་བོན་མཁས་པས་བརྟགས་ནས་ནི། །རང་གི་གནས་སུ་བསམ་པར་བྱ། །དེ་ཡི་ཡོན་ཏན་ཆེན་པོས་ཀྱང་། །མཁས་པས་ཤིན་ཏུ་འབར་བར་བསྒོམ། །བསམ་གྱིས་མི་ཁྱབ་རང་བཞིན་གྱིས། །བསམ་གྱིས་མི་ཁྱབ་གནས་སུའོ། །དེ་ནས་མཁས་པས་བརྟག་པ་ནི། །འབར་བའི་སྐུ་དང་གསུང་ཐུགས་ཏེ། །སྤྱི་བོའི་གཙུག་ཏུ་བསམ་པ་ནི། །དྲི་མེད་སྐུ་ཡི་ས་བོན་བཞག །དབུ་མའི་ཚད་དུ་མཁས་པས་བྱ། །རྣམ་དག་གསུང་གི་ས་བོན་བཞག །ཡེ་ཤེས་རྩེ་མོའི་ཆ་ཉིད་ལ། །བླ་མེད་ཐུགས་ཀྱི་ཡི་གེ་ ― DNG021_Page_0395 ―
[མ་དཔེ་གཟིགས་ན་འདིར་གནོན།]
བསམ། །ནམ་མཁའི་མཐའ་དང་མཉམ་པ་ཡི། །སངས་རྒྱས་ཆེན་པོ་སྲས་བཅས་ཀྱིས། །སྐུ་གསུང་ཐུགས་ཀྱི་རང་བཞིན་པས། །ཇི་སྙེད་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་བདག་ཉིད་ཀྱང་། །གཞན་ན་ཡོད་པ་མ་ཡིན་ཏེ། །དེ་ཉིད་ཡེ་ཤེས་ཀུན་གྱི་བདག །འབར་བ་བས་ཀྱང་ཆེར་འབར་བས། །རྣལ་འབྱོར་ཚོགས་ཀྱིས་བལྟ་བར་བྱ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཁྲོ་བོའི་ཚོགས་བྱིན་གྱིས་བརླབས་ཤིང་དབང་བསྐུར་བའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་བྱ་བ། །ཐུགས་ཀྱི་ཡེ་ཤེས་རྩེ་གཅིག་པར། །དེ་ཉིད་མཁས་པས་བརྟག་པར་བྱ། །ཡི་གེ་བདུན་གྱི་ཆོ་འཕྲུལ་ཏེ། །ཧཱུཾ་ཕཊ་ཨ་ཡི་རང་བཞིན་ནི། །ངོས་དང་ཟུར་དང་རྩེ་མོའི་ཆ། །རྣམ་པ་གསུམ་གྱི་གནས་སུ་བཞག །འབར་བ་བས་ཀྱང་ཆེས་འབར་བ། །དཔའ་བོས་རིགས་ཀྱིས་བརྟག་པར་བྱ། །ཡོངས་སུ་བརྟག་པའི་ཏིང་འཛིན་ནི། །ཐུགས་ཀྱི་ཡེ་ཤེས་རྩེ་མོ་ལ། །རང་བཞིན་གཅིག་གི་བདག་ཉིད་ལས། །གཞན་དུ་འདས་པ་མ་ཡིན་ནོ། །དེ་ནས་བཤད་པར་བྱ་བ་ནི། །སོ་སོ་རིགས་ཀྱི་ཁྲོ་བོ་རྣམས། །དུ་མས་བྱིན་གྱིས་བརླབ་པའི་ཕྱིར། །དེ་ཉིད་ཕྱོགས་བཅུར་འཕྲོས་པ་ལས། །བསམ་གྱིས་མི་ཁྱབ་དོན་ལ་མཁས། །ནམ་མཁའ་ཁྱབ་པར་སོང་ནས་ནི། །སླར་ལ་འདུས་པའི་སྒྲ་སྐད་ཀྱང་། །ཧཱུཾ་དང་ཕཊ་ཀྱི་གླུ་ལེན་ཅིང་། །དེ་ཉིད་སྐུ་ལ་རྣམ་པར་བསྡིམ། །ཕྱོགས་བཅུའི་ཁྲོ་བོ་མ་ལུས་པ། །བདག་ཉིད་ཆེན་པོ་དེ་ལ་གནས། །དེ་ནས་འགྲོ་བའི་དོན་བརྩོན་པ། །ཆོས་ཀྱི་དབྱིངས་ན་བཞུགས་པ་ཡི། །ལྷུན་གྱིས་གྲུབ་པའི་སངས་རྒྱས་རྣམས། །རྣལ་འབྱོར་བསྐྱང་བའི་དམ་བཅས་པའི། །ལུས་ལ་འཇུག་ཅིང་གྲོགས་མཛད་པ། །བྱིན་རླབས་འཕེལ་བར་ཐེ་ཚོམ་མེད། །འབར་བ་བས་ཀྱང་ཆེར་འབར་བ། །བདག་ཉིད་ཁྲག་འཐུང་ཆེན་པོར་བརྟག །བདག་ཉིད་ཆེན་པོའི་ཕུར་པ་ནི། །མཁས་པས་རྟག་ཏུ་བྱིན་གྱིས་བརླབ། །དེ་ཡི་ ― DNG021_Page_0396 ―
[མ་དཔེ་གཟིགས་ན་འདིར་གནོན།]
ཆོ་ག་བསྟན་པ་ནི། །ཐབས་ཀྱི་ཕྱག་རྒྱ་དབུས་གནས་སུ། །མ་ལས་ཉི་དཀྱིལ་ཧཱུཾ་གིས་མཛེས། །ཤེས་རབ་ཕྱག་རྒྱའི་དབུས་གནས་སུ། །ཨ་ལས་ཟླ་དཀྱིལ་དབུས་གནས་འབར། །རྣམ་པར་སྣང་མཛད་མགོར་བཞག་ནས། །དེ་ནས་མཁས་པས་བརྟག་པ་ནི། །ཕུར་བུ་ཧྲི་ཧཱུཾ་ཕཊ་བརྗོད་པས། །དེ་ཉིད་བདག་ཉིད་ཆེན་པོར་སྣང་། །དེ་ཡི་འོག་ཏུ་བརྟག་པ་ན། །ལག་པའི་སོར་མོ་རྒྱབ་ཏུ་བསྣོལ། །མཐེ་བོང་གཤིབས་པའི་དབུས་གནས་སུ། །ཕུར་བུ་ཆེན་པོ་བཞག་ནས་ཀྱང་། །རྣམ་པར་སྣང་མཛད་དེ་བཞིན་ལ། །ཏ་ན་གཉིས་ཀྱི་རང་བཞིན་ལ། །དཱིཔྟ་ཙཀྲའི་བདག་ཉིད་སྟེ། །ཧཱུཾ་ཕཊ་མཉམ་པར་སྦྱོར་བས་འགྲུབ། །དེ་ནས་དྲིལ་བའི་རང་བཞིན་དང་། །གཟི་བྱིན་བསྡུ་བ་བརྟན་པ་བརྟག །བདག་ཉིད་ཆེན་པོའི་ང་རྒྱལ་གྱིས། །རྣམ་པར་དྲིལ་ཞིང་བསྡུ་བ་ནི། །འཁོར་དང་བཅས་པའི་བྱང་ཆུབ་སེམས། །ཕུར་པ་ཆེན་པོའི་སྐུ་ལ་བསྡུ། །དེ་ཡི་གཟི་བྱིན་ཆེན་པོ་ནི། །ནམ་མཁའ་ཁྱབ་པའི་རང་བཞིན་ནི། །འབར་བ་མཆོག་གི་ཟེར་འཕྲོ་ཞིང་། །དབང་ཆེན་དབང་འདུས་དབང་གི་མཆོག །མདུན་གྱི་མཁའ་ལ་མཉམ་བཞག་པ། །ཨེ་ཡི་ནང་དུ་ངེས་གནས་པ། །འབར་བའི་གདན་ལ་རྒྱན་གྱིས་མཛེས། །བསྟན་པ་ཆེན་པོར་ཡོངས་སུ་བརྟག །དེ་ནས་ཡང་དག་བཤད་བྱ་བ། །མཁས་པས་ཉུང་དཀར་རྒྱལ་པོར་བརྟག །བཀྲ་ཤིས་བྱིན་བརླབས་མཐུ་ཡིས་སྔོ། །ཁྲོ་བོའི་རང་བཞིན་མཚན་པ་དང་། །བྱ་དང་བྱེད་པའི་དངོས་པོ་སྟེ། །རྣལ་འབྱོར་སེམས་ཀྱི་རྣལ་འབྱོར་གྱིས། །དུག་དང་བདུད་རྩིའི་དངོས་པོ་ལྟར། །དོན་གཉིས་རྣམ་པར་སྣང་བའོ། །རྒྱུན་མི་འཆད་པར་མཁས་པ་ཡིས། །སྐུ་ལ་རྣམ་པར་བསྣུན་པ་ནི། །རྣལ་འབྱོར་ཆོ་ག་དང་པོ་ཡིན། །དེ་ནས་དཔའ་བོའི་ཆོ་ག་ནི། །གུ་གུལ་ཆེན་པོ་བརྟག་པར་བྱ། །དེ་བཞིན་དོན་གཉིས་འགྲུབ་པར་བྱེད། །འཕགས་པ་ཁྲོ་བོས་ཇི་སྙེད་པ། །གཟི་མདངས་ཕུན་སུམ་ཚོགས་པ་དང་། །དགའ་བ་ཆེན་པོ་འཐོབ་པར་བྱེད། །མཆོད་པ་མཆོག་ནི་མཆོག་ལ་སོགས། །ཁྲོ་བོ་མཆོད་པ་མཆོག་ཡིན་ནོ། ། ― DNG021_Page_0397 ―
[མ་དཔེ་གཟིགས་ན་འདིར་གནོན།]
བསྒྲུབ་བྱ་གསང་བར་བྱ་བ་ནི། །རྣམ་པར་མྱོས་པ་ལ་སོགས་ཏེ། །གསད་པའི་མཆོག་སྟེ་མཆོད་པ་མཆོག །བརྣག་པའི་ཕྲིན་ལས་དུ་མའི་ཚོགས། །ཐམས་ཅད་མཁས་པས་བརྟག་པ་ནི། །འདི་ནི་བྱིན་བརླབ་ཆོ་གའོ། །ཞེས་གསུངས་སོ། །དེ་ནས་བཅོམ་ལྡན་འདས་ཀྱིས་རྣལ་འབྱོར་དུ་འཇུག་པའི་ལམ་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བདག་དང་གཞན་གྱི་དོན་ཕུན་སུམ་ཚོགས་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ལས་མཆོག་ཆེན་པོའི་ཏིང་འཛིན་ནི། །བདག་ཉིད་ཆེན་པོར་བརྟག་པར་བྱ། །སྙིང་གར་བསམ་པར་བྱ་བ་ནི། །ཉི་མའི་དཀྱིལ་འཁོར་དབུས་གནས་པར། །རྡོ་རྗེ་ས་བོན་མཐིང་ནག་བཞག །སྙིང་པོ་བརྟག་པར་བྱ་བ་ནི། །རྣམ་པར་སྣང་མཛད་མགོར་བཞག་སྟེ། །རྡོ་རྗེ་ཕུར་བུའི་རང་བཞིན་བརྟག །དེ་ནས་བསྒྲུབ་བྱའི་དང་པོ་སྟེ། །གསོད་པའི་ཆོ་ག་མཉམ་སྦྱོར་བས། །ཧཱུཾ་ཕཊ་ཡང་དག་གཞག་པར་བྱ། །དེ་ནས་ས་ཡ་བརྗོད་པས་ནི། །བདག་ཉིད་ཆེན་པོ་ཁོ་ནར་ངེས། །ཇི་ལྟར་ཁྲི་ཕྲག་རྣམས་ཀྱིས་ཀྱང་། །འབར་བའི་གཟུགས་བརྙན་མཐོང་བར་འགྱུར། །འབུམ་ཕྲག་འབུམ་ཕྲག་ངེས་པས་ནི། །འབར་བའི་ཕྱག་འཚལ་ཁོ་ནར་ངེས། །ཇི་ལྟར་ཁྲི་ཕྲག་ངེས་པས་ནི། །གདུག་པའི་ཚོགས་རྣམས་འདུལ་བར་འགྱུར། །སྟོང་ཕྲག་གཅིག་གིས་བར་བྱས་ཀྱང་། །ཐམས་ཅད་དྲེགས་པར་འགྱུར་བ་ཡིན། །ཇི་ལྟར་བརྒྱ་ཕྲག་ཁོ་ནས་ཀྱང་། །སྐབས་ཀྱི་ལས་རྣམས་འགྲུབ་པར་འགྱུར། །འདི་ནི་འབུམ་ཕྲག་བྱེ་བ་བརྗོད་པས་ཀྱང་། །ཚེ་རབས་གཞན་གྱི་རིག་འཛིན་རྒྱུ། །གང་གིས་ཚིག་ཙམ་མོས་པས་ཀྱང་། །དེ་ལ་མཁའ་འགྲོའི་ཚོགས་རྣམས་བྱམས། །གང་གིས་ས་ཡ་བཅུ་ཡིས་ནི། །ཕྱག་རྒྱ་ཆེན་པོའི་རང་བཞིན་ལས། །རྣམ་པ་གཞན་དུ་མ་ངེས་སོ། །མཁས་པས་གྲངས་ལ་བརྟགས་པས་ཀྱང་། །དགོས་པའི་རང་བཞིན་ཐོབ་པར་བྱ། །དེ་ལྟར་བརྟག་པའི་རང་བཞིན་ནི། །རྒྱལ་ཆེན་བཞི་པའི་ཉིན་ཕྱེད་ཀྱིས། །ཕྱག་རྒྱ་ཆེན་པོ་ཐོབ་པར་འགྱུར། །ལས་རྣམས་ཀུན་གྱི་མཚན་ཉིད་ཀྱང་། །མོས་པའི་སྟོབས་ཀྱང་ ― DNG021_Page_0398 ―
[མ་དཔེ་གཟིགས་ན་འདིར་གནོན།]
འགག་པ་མེད། །མཁས་པས་རྟགས་ནི་ཕྱི་ལ་བཤད། །ནང་གི་རང་བཞིན་བསྟན་པ་ལས། །ཕྱི་ཡི་རྟགས་ཀྱང་མཐོང་བར་འགྱུར། །སྐུ་དང་གསུང་དང་ཐུགས་ཀྱི་རྟགས། །སྤྲུལ་དང་ཡང་སྤྲུལ་འཁོར་གྱི་ཚོགས། །ཕྲ་མོའི་ལས་རྣམས་འགྲུབ་པར་འགྱུར། །རྟགས་དང་ལྡན་པའི་སྦྱོར་བས་ནི། །མཁས་པས་ལས་རྣམས་གྲུབ་པར་འགྱུར། །སྦྱོར་བར་གཏོང་བར་འདོད་པ་ཡིས། །བསྡུ་བའི་གནས་ནི་སྙིང་ག་སྟེ། །ཇི་ལྟར་བསྡུ་བའི་ཆོ་ག་ལ། །སངས་རྒྱས་གཤེགས་སུ་གསོལ་པ་མཁས། །འདི་བཟླས་བརྗོད་པ་ཕུན་སུམ་ཚོགས། །དེ་ནས་བཅོམ་ལྡན་འདས་མངོན་སྤྱོད་ཀྱི་མཛད་པ་ཕུན་སུམ་ཚོགས་པའི་རྡོ་རྗེ་ཞེས་བྱ་བ་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་ཐུགས་རྡོ་རྗེ་ལས་འདི་ཕྱུང་ངོ་། །སྔགས་པས་ས་ཕྱོགས་གང་ཡིན་དེར། །བསད་པའི་གནས་ནི་བདག་གིས་བྱ། །ཁྲོ་བོའི་སྐུ་གསུང་ཐུགས་ཉིད་ཀྱིས། །ཐམས་ཅད་དྲེགས་པར་བྱས་ནས་ནི། །ཕྱོགས་བཅུ་ཕུར་པས་བྱིན་བརླབས་ཏེ། །བདག་ཉིད་ཆེན་པོའི་ང་རྒྱལ་གྱིས། །ཅི་རིགས་པ་ཡི་ས་མཚམས་བསྲུངས། །ལས་རྣམས་ལྟས་ནི་མཉེས་བྱས་ཏེ། །དེ་ནས་ཞི་བའི་ལྷ་མཆོད་ཅིང་། །གྲངས་ཀྱི་ཆོ་ག་རྫོགས་པ་དང་། །གྲུ་གསུམ་དུར་ཁྲོད་རྩེ་མོ་ལྷོ། །ཞིང་གི་ཐལ་བ་ཁྲག་དང་བཅས། །སྐྱེ་ཚེ་ལན་ཚྭ་སྲུབ་མའི་ལོ། །ཁྲེ་དང་ཇུ་ཚེའི་ཕུབ་མ་དང་། །གྲོག་མཁར་བོང་བུའི་བདུད་རྩི་སོགས། །ཏིལ་ནག་ལ་སོགས་གང་ཡིན་ཏེ། །མཁས་པས་བདུད་རྣམས་ཕམ་པར་བྱ། །ཡང་ན་རི་མོར་གནས་པ་དང་། །སྨུག་ནག་གཟུགས་ཀྱི་སྙིང་ཁར་བསླན། །དུར་ཁྲོད་རས་སོགས་དབུས་གནས་སུ། །ཧཱུཾ་ཕཊ་སྦྱོར་བའི་དབུས་གནས་སུ། །བསྒྲུབ་པའི་དུས་ནི་རྣམ་པར་གཞག །འབར་བའི་འགྲམ་དུ་གན་རྐྱལ་དུ། །གཤིན་རྗེ་ལ་ནི་ཐོར་ཅོག་བསྟན། །འབར་བའི་སྙིང་གར་ཛ་གནས་པ། །སུམ་བྷ་ནེ་ལ་སོགས་པ་ཡི། །མཁས་པའི་ཆོ་ག་དང་པོ་ཡིན། །ཛཿཧཱུཾ་བཾ་ཧོཿ། ཨཱོཾ་བཛྲ་ཨང་ཀུ་ཤ་ཛཿ། ཆེ་གེ་ཞིག་ཧཱུཾ་ཛཿ། འདི་ནི་དྲན་པ་ཙམ་གྱིས་ཀྱང་། །ལྕགས་ཀྱུ་ཐོགས་པའི་གྲངས་མེད་གཟུགས། །བརྒྱུད་མར་འཕྲོས་པའི་ཏིང་འཛིན་གྱིས། །བསྒྲུབ་བྱའི་སྙིང་ལ་གཟུང་ ― DNG021_Page_0399 ―
[མ་དཔེ་གཟིགས་ན་འདིར་གནོན།]
བར་བྱ། །མྱུར་དུ་གནས་དེར་འོང་བ་དང་། །ཛཿཧཱུཾ་བཾ་ཧོཿ། ཆེ་གེ་ཞིག་པྲ་བེ་ཤ་ཡ། པྲ་བེ་ཤ་ཡ། ཧཱུཾ་ཧཱུཾ་ཧཱུཾ། འདི་ནི་ཅི་ནུས་རབ་བརྗོད་ཅིང་། །བསྒྲུབ་བྱའི་དངོས་པོ་ཇི་འདྲ་བ། །གཟུགས་བརྙན་ལ་ནི་རྣམ་པར་དབབ། །ཛཿཧཱུཾ་བཾ་ཧོཿའི་གསང་སྔགས་ནི། །ཕྱག་རྒྱས་ངེས་པར་བསྡམ་པར་བྱ། །འབར་བའི་ནང་དུ་གནས་པ་དེ། །མཁའ་ཀློང་དབུས་སུ་འདྲིལ་བར་བསམ། །དེ་ནས་གསང་བའི་རྣལ་འབྱོར་གྱིས། །ལས་མཆོག་ལྷ་ཡི་ཏིང་འཛིན་དང་། །སྙིང་པོ་ལ་སོགས་འབད་པར་བརྟག །ཇི་སྲིད་ཏིང་འཛིན་མ་བརྟན་ཚེ། །རྡོ་རྗེ་སྡེར་མོའི་གསང་སྔགས་ཀྱིས། །རྣམ་པར་གསོར་ཞིང་ཕུར་པ་དྲིལ། །སྙིང་གི་སྟེང་དུ་ཕུར་པ་དྲིལ། །ནས་གང་ཙམ་གྱི་ཚད་གནས་པ། །ཇི་ཙམ་མི་གསལ་བར་དུ་འབར། །དེ་ནས་ཁྲོ་བོ་དམ་བཟུང་ཞིང་། །ཁུ་ཚུར་ལ་སོགས་བརྡེག་པ་ནི། །ཇི་ལྟར་རྡོ་རྗེ་སྡེར་མོའི་སྔགས། །གསུམ་མམ་བདུན་ནམ་ཉི་ཤུ་གཅིག །བཟླས་ཤིང་སེང་ལྡེང་ཕུར་ལ་སོགས། །སོར་བརྒྱད་པ་ཡི་ཚད་ཙམ་ལ། །ལྟེ་བ་ཡི་ནི་ནང་རོལ་ཏེ། །དེ་བཞིན་དཔུང་པའི་མགོ་གཉིས་སོ། །དཔྲལ་བ་དང་ནི་སྙིང་ག་རུ། །མཁས་པས་རྣམ་པར་གདབ་པར་བྱ། །ཞེས་གསུངས་ཏེ། དེ་ནས་བཅོམ་ལྡན་འདས་རྡོ་རྗེ་སྡེར་མོས་རྣམ་པར་གསོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་ན་མཱཿས་མནྟ་བུད་དྷཱ་ནཱན། ཀཱ་ཡ་བཱ་ཀ་ཙིཏྟ་བཛྲཱ་ཎཱ། ཨཱོཾ་གྷ་གྷ་གྷཱ་ཏ་ཡ། ཆེ་གེ་ཞིག་ཕཊ་ཕཊ། བཛྲ་ཀཱི་ལི་ཀཱི་ལ་ཡ། སརྦ་པཱ་བཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ། བཛྲ་ཀཱི་ལི་ཀཱི་ལ་ཡ། བཛྲ་དྷཱ་ར་ཨཱ་ཛྙཱ་པཱ་ཡ་ཏི། བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། དེ་ཡི་འོག་ཏུ་མཁས་པས་ཀྱང་། །ལས་མཆོག་ལྷ་ཡི་གསང་སྔགས་དང་། །ཕྱག་རྒྱའི་སྟོབས་ཀྱིས་གནན་པར་བྱ། །ཨཱོཾ་ཀརྨ་བཛྲ་ཀྲོ་དྷ་ཧཱུཾ་ཕཊ། ཤེས་རབ་ཀྱི་ནི་ཕྱོགས་ནས་ཀྱང་། །ཉི་ཤུ་གཅིག་གི་ཚད་དུ་བཟླས། །ཕུར་པ་རབ་ཏུ་བརྟན་པ་དང་། །མི་འབྱུང་སུས་ཀྱང་མི་ཕྱིན་པར། །གནས་པ་ཆེན་པོར་གྱུར་པ་ནི། །ཕུར་པའི་མགོ་ལ་ལན་གསུམ་བཞག །རྣམ་པར་གཏུག་པ་ཁོ་ན་ཡིས། །ལྷག་པར་ཟུག་ ― DNG021_Page_0400 ―
[མ་དཔེ་གཟིགས་ན་འདིར་གནོན།]
ཅིང་ཐལ་ཕྱུང་སྟེ། །རྣམ་པར་གཟིར་བའི་འོག་ཏུ་ནི། །མཁས་པས་བརྩམ་པར་བྱ་བ་ཡིན། །ལག་གཉིས་ཐལ་མོ་སྦྱར་བ་ཡི། །ཕན་ཚུན་སོར་མོ་རྒྱབ་ཏུ་བསྣོལ། །གུང་མོ་བསྒྲེང་བས་སྟེང་དུ་མནན། །ཕུར་པའི་ལྷ་དང་དགྲ་བགེགས་མིང་། །དམ་ཚིག་འདི་ལས་མ་འདའ་ཞེས། །གསང་སྔགས་འདི་ནི་གསུམ་དུ་བཟླས། །ཨཱོཾ་བཛྲ་སཏྭ་ས་མ་ཡ་ཧཱུཾ་ཕཊ། སེམས་མའི་རྡོ་རྗེ་གསང་སྔགས་རྒྱས། །དཔའ་བོས་གང་དང་གང་བསྒོ་བའི། །དངོས་པོ་ཐམས་ཅད་བརྟན་པ་དང་། །ཐམས་ཅད་འདའ་བ་མ་ཡིན་ཞིང་། །འབྲས་བུ་ཐམས་ཅད་འགྲུབ་པར་འགྱུར། །དེ་ནས་མཁས་པས་འབད་པ་ནི། །རྡོ་རྗེ་སྟོབས་ཀྱི་ཕྱག་རྒྱ་ཡིས། །བདག་གི་དབང་དུ་གྱུར་ནས་ཀྱང་། །བསྒོ་བ་ཉན་ཅིང་བྲན་བཞིན་བྱ། །ཨཱོཾ་བཛྲ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། བན་དྷ་བན་དྷ། ཙྪིནྡྷ་ཙྪིནྡྷ། བིན་དྷ་བིན་དྷ། བྷ་ན་བྷ་ན། སརྦ་ནི་ཧཱུཾ་ཧཱུཾ་ཕཊ། ཉི་ཤུ་རྩ་གཅིག་གསང་སྔགས་ཀྱིས། །ལས་རྣམས་གཟི་བརྗིད་ལྡན་པར་བསྒོམ། །ཡུང་དཀར་དང་ནི་གུ་གུལ་གྱིས། །ཡང་ནི་རྣམ་པར་བསྣུན་པ་ཡིན། །དེ་ནས་དཔའ་བོའི་བརྟག་པ་ནི། །ཉི་མ་ཡི་ནི་དཀྱིལ་འཁོར་གྱིས། །ལྷ་མིན་རྣམ་པར་གཟིར་ནས་ཀྱང་། །མཆེ་བའི་ཕྱག་རྒྱའི་སྔགས་འདི་བརྟག །ཨཱོཾ་བཛྲ་ཀྲོ་དྷ་ཡཀྵ་ཀྲོ་དྷ་མ་ཧཱ་ཁཱ་ཁཱ་ཁཱ་ཧ་ཧ་ཧ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། རྣམ་པར་བརྟག་པ་ཆེན་པོར་བྱ། །དེ་ནས་དཔའ་བོའི་བརྟག་པ་ནི། །ལག་གཉིས་བེ་ཅོན་གདེངས་པའི་སྤྱན། །རྣམ་པར་བགྲད་པའི་རང་བཞིན་བརྟག །ཨཱོཾ་བཛྲ་ཀྲོ་དྷ་མ་ཏ་པ་སྭཱ་ཧཱ། པ་ཙ་བི་དྷྭ་ན་ས་ཡ་ཙ་ཏི་ལཾ་བྷོ་ད་ར། ཨུ་ཙུཥྨ་ཀྲོ་དྷ་ཧཱུཾ་ཕཊ། བརྒྱ་རྩ་བརྒྱད་དམ་རྩ་གཅིག་འབུམ། །མཁས་པས་གསལ་བར་བརྟག་པར་བྱ། །བརྡེག་གདུག་ལས་བཅོལ་གཟི་བརྗིད་བསྐྱེད། །སྤྱི་གཙུག་ཧཱུཾ་དང་སུམ་ལས་ནི། །རྒྱ་གྲམ་དོན་ཡོད་གྲུབ་པར་བརྟག །ཨཱོཾ་བཛྲ་སུ་ཨེ་ཧཱུཾ་ཧཱུཾ་ས་མ་ཡ་སྟྭཾ། ལྗང་གུ་འཁོར་ལོ་རྒྱ་གྲམ་བརྟག །ཡོ་བྱད་ནག་པོར་རྣམ་སྦྱར་ཏེ། །མངོན་སྤྱོད་གཏོར་མ་བཀུག་སྟེ་སྦྱིན། །ཛཿཧཱུཾ་བཾ་ཧོཿ། ཨེ་ཧྱེ་ཧི་བྷ་ག་བཱན། བིདྱཱ་ཡཀྴ་ཛ་ཛ་བཛྲ་བྷྱོ་བྷྱོ་རུ་ལུ་རུ་ ― DNG021_Page_0401 ―
[མ་དཔེ་གཟིགས་ན་འདིར་གནོན།]
ལུ། ཧཱུཾ་མངོན་སྤྱོད་དཀྱིལ་འཁོར་བོད་པའི་བརྟག །ཨཱོཾ་བཛྲ་པྲ་ཏི་བྱ་བ་ཧཱུཾ། གཏོར་མ་བརྟག་པའོ། །ཨཱོཾ་བཛྲ་ས་མ་ཡ། ཨ་མྲྀ་ཏ། ཨརྒྷཾ་པྲ་ཏཱིཙྪ་ཧཱུཾ། གདུག་པའི་འཁོར་ལ་ལས་བཅོལ་བའི་རྣམ་པར་བརྟག་གོ། །དེ་ནས་བཅོམ་ལྡན་འདས་གྲུབ་པའི་དུས་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཟླ་བའི་སྨད་དང་ཉིན་མཚན་གུང་། །གཟའ་སྐར་གྲངས་དང་དམ་བཅས་དུས། །མཚན་ལས་མ་གཡོས་ཉི་ཟླ་ཉམས། །ངེས་པར་འགྲུབ་པ་དུས་ཀྱི་མཆོག །རྣམ་པ་དགུ་རུ་བཤད་པ་ཡིན། །དེ་ནས་བཅོམ་ལྡན་འདས་རྡོ་རྗེ་མངོན་སྤྱོད་ཀྱི་གནས་ཆེན་པོའི་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །རི་བྲག་མཚོ་ནང་ཤིང་དང་ལམ། །རེའུ་རུལ་རྙིང་པ་འཐབ་མོའི་ས། །གྲུབ་པའི་གནས་དང་དུར་ཁྲོད་སྟེ། །གང་ལ་མངོན་སྤྱོད་ཆོ་ག་ཡོད། །དེ་ན་གནས་པའི་གནས་སུ་བརྟག །རྣམ་པ་དགུ་རུ་ཤེས་པར་བྱ། །དེ་ནས་བཅོམ་ལྡན་འདས་བདག་ཉིད་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །གང་དག་ཐམས་ཅད་མཁྱེན་པར་གཞོལ། །ལས་ལ་མཁས་ཤིང་ཐོས་པས་མཛེས། །ལྷ་རྣམས་མཉེས་ཤིང་དད་པས་འབད། །བརྩོན་འགྲུས་ལྡོག་པའི་སེམས་སྤངས་པ། །འབྲས་བུ་གཞན་ལ་རེ་དོགས་མེད། །དམ་ཚིགས་ལྡན་ཞིང་རྣམ་པར་དཔའ། །འཇིགས་པ་མེད་པའི་རང་བཞིན་ནི། །བདག་ཉིད་ཆེན་པོ་ཕུན་སུམ་ཚོགས། །རྣམ་པ་བཅུ་གཉིས་དག་ཏུ་ངེས། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། མངོན་སྤྱོད་ཆེན་པོ་རྣམ་པར་རོལ་པ་ཡོངས་སུ་བརྟག་པ་ཞེས་བྱ་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། ནམ་མཁའི་དབང་ཕྱུག་ཆེན་པོ་དུ་མས་རྣམ་པར་བསྒྱིངས་ ― DNG021_Page_0402 ―
[མ་དཔེ་གཟིགས་ན་འདིར་གནོན།]
པའི་རྡོ་རྗེ་མི་བཟད་པའི་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དཀྱིལ་འཁོར་ཐམས་ཅད་འབྱུང་བའི་རྒྱུ་ཆེན་པོ་འདི་ཉིད་ཀྱི་སྐུ་དང་གསུང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་ཧེ་རུ་ཀ་མ་ཧཱ་པཱུ་ཛ་བཛྲ་ཧཱུཾ། ཞེ་སྡང་ཆེན་པོ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་སྒྲོན་མ་ཆེན་པོ་རྣམ་པར་བསྐྱོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འགྲན་ཟླ་མེད་པའི་བདག་ཉིད་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་ཧེ་རུ་ཀ་མ་ཧཱ་བུཌྜྷ་ཧཱུཾ། གཏི་མུག་ཆེན་པོ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་མི་བཟད་པའི་སྤོབས་པ་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བདེ་བ་ཆེན་པོའི་མྱུ་གུས་ཚིམ་པར་བྱ་བ་འདི་ཉིད་ཀྱི་སྐུ་གསུང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་ཧེ་རུ་ཀ་མ་ཧཱ་རཏྣ་ཧཱུཾ། ང་རྒྱལ་ཆེན་པོ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཀུན་ཏུ་གདུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆགས་པ་ཆེན་པོ་ཡོངས་སུ་མཉམ་པ་མེད་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་ཧེ་རུ་ཀ་མ་ཧཱ་པདྨ་ཧཱུཾ། འདོད་ཆགས་ཆེན་པོ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་མཛད་པ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཕྲིན་ལས་ཐམས་ཅད་འབྱུང་བ་ཞེས་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་ཧེ་རུ་ཀ་མ་ཧཱ་ཀརྨཱ་ཧཱུཾ། ཕྲག་དོག་ཆེན་པོ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ཏོ། །སྔོ་ནག་ཏིང་འཛིན་རྣམ་པར་དཔའ། །རྡོ་རྗེ་འབར་བའི་རང་བཞིན་ཏེ། །ཐམས་ཅད་རྡོ་རྗེའི་ང་རྒྱལ་གྱིས། །ཞེ་སྡང་གཏན་དུ་ཞི་བར་བྱ། །སྨུག་ནག་ཏིང་འཛིན་རྣམ་པར་རྔམས། །འཁོར་ལོ་འབར་བའི་རང་བཞིན་ཏེ། །ཐམས་ཅད་འཁོར་ལོའི་ང་རྒྱལ་གྱིས། །གཏི་མུག་གཏན་དུ་ཞི་བར་བྱ། །སེར་ནག་ཏིང་འཛིན་རྣམ་པར་འཇིགས། །རིན་ཆེན་འབར་བའི་རང་བཞིན་ཏེ། །ཐམས་ཅད་རིན་ཆེན་ང་རྒྱལ་གྱིས། །ང་རྒྱལ་ ― DNG021_Page_0403 ―
[མ་དཔེ་གཟིགས་ན་འདིར་གནོན།]
གཏན་དུ་ཞི་བར་བྱ། །དམར་ནག་ཏིང་འཛིན་རྣམ་པར་རྒོད། །འདོད་ཆགས་འབར་བའི་རང་བཞིན་ཏེ། །ཐམས་ཅད་པདྨའི་ང་རྒྱལ་གྱིས། །འདོད་ཆགས་གཏན་དུ་ཞི་བར་བྱ། །ལྗང་ནག་ཏིང་འཛིན་རྣམ་པར་གཙིགས། །ཕྲག་དོག་འབར་བའི་རང་བཞིན་ཏེ། །ཐམས་ཅད་རལ་གྲིའི་ང་རྒྱལ་གྱིས། །ཕྲག་དོག་གཏན་དུ་ཞི་བར་བྱ། །ཞེས་གསུངས་སོ། །དེ་ནས་དེའི་ཚེ་དེའི་དུས་ན། འཇིག་རྟེན་གྱི་ཁམས་ནམ་མཁའི་གཏོས་དང་མཉམ་པ་ཐམས་ཅད་ནི་ཀུན་ཏུ་འཐོར་ཞིང་། འཇིག་རྟེན་ན་དབང་ཆེ་བ་ཐམས་ཅད་བ་སྤུ་འཁྲུགས་པ་དང་། མིག་མཆི་མས་རྒྱས་པ་དང་། ལུས་དུབ་པའི་གཟུགས་ཀྱིས་དེ་བཞིན་གཤེགས་པ་ཁྲོ་བོ་འབར་བའི་སྤྲིན་ཕུང་ལ་ཞུམ་པའི་བརྒྱལ་ཚུལ་གྱིས་བུ་སྨད་དང་། འཁོར་དུ་བཅས་པས་ཐལ་མོ་སྦྱོར་བ་ལ་སོགས་པས་འདི་སྐད་ཅེས་གསོལ་ཏོ། །ཨེ་མ་ཧོ་སངས་རྒྱས་བཅོམ་ལྡན་འདས། །ཁྲོ་ལ་ཁྲོས་པས་ཁྲོ་བོ་ཆེ། །སྣ་ཚོགས་དུ་མའི་ཁྲོ་བོའི་སྤྲིན། །འབར་བ་གཅིག་ལས་རྣམ་པར་བྱུང་། །དེ་བཞིན་གཅིག་ལ་ཕྱག་འཚལ་ལོ། །སྣ་ཚོགས་དུ་མའི་གཟུགས་མཆོག་ནི། །ཁྲོ་བོ་བཅུ་ཡི་རང་བཞིན་ཆེ། །གཅིག་ནི་དུ་མར་འཕེལ་མཛད་པས། །དུ་མ་རྣམས་ལ་བདག་ཅག་མཆོད། །ཀྱེ་མ་ཁྲོ་བོའི་སྤྲིན་ཕུང་ཆེ། །མཐའ་ཡས་སྡིག་པ་གསོད་མཛད་པ། །མངོན་སྤྱོད་སྒྲོལ་བའི་རང་བཞིན་པས། །བདག་གི་སྡིག་པ་གསོད་པར་མཛོད། །ཨེ་མ་ཧོ་དཔའ་བོ་དཔའ་བོ་ཆེ། །མ་ལུས་ཀུན་གྱི་རྒྱལ་པོ་ཉིད། །སྙིང་རྗེ་ཁྲོས་པས་ཁྲོ་བོ་ཆེ། །ཁམས་གསུམ་རྒྱལ་པོ་ཨ་ལ་ལ། །ཨེ་མ་ཧོ་སྡིགས་པའི་སྡིགས་མཛུབ་ཅན། །བསྡིག་པའི་སྤྱོད་ལ་སོགས་པས་བརྗིད། །མངོན་སྤྱོད་ཁྱོད་ཀྱི་སྐུ་དང་མཚམས། །འབར་བའི་ཚོགས་ལ་བདག་ཅག་འདུད། །ཨེ་མ་ཧོ་དཔལ་ཆེན་གདུག་པ་སྒྲོལ། །འཇིག་རྟེན་ཕྱོགས་བཅུ་གཞན་རྣམས་ཀྱི། །དྲེགས་པ་མཐའ་དག་བསྒྲལ་སླད་དུ། །དཔའ་བོས་ཤིན་ཏུ་འཕྲོ་བར་མཛད། །ཨེ་མ་ཁྲག་འཐུང་ཁྲག་ཆེན་འཐུང་། །བདག་ཅག་ཁྲག་ལ་རྔམ་པ་རྣམས། །ཁྱོད་ལྟར་ཁྲག་ཆེན་འཚལ་སླད་དུ། །དུར་ཁྲོད་དགྱེས་ཕྱིར་གཙོ་བོ་མཛོད། །ཨེ་མ་ཧོ་ཡ་མཚན་ ― DNG021_Page_0404 ―
[མ་དཔེ་གཟིགས་ན་འདིར་གནོན།]
རྨད་ཀྱི་སྐུ། །གཏུམ་པ་ཆེན་པོ་ཇི་བཞིན་དུ། །བདག་ཅག་བརྗོད་པ་སོགས་ནས་ཀྱང་། །མཐའ་ཡས་མྱུར་དུ་མ་ལུས་སོ། །ཨེ་མ་ཧོ་འཇིགས་བྱེད་འཇིགས་པ་ཆེ། །སངས་རྒྱས་ཆེན་པོ་རྒྱས་གྱུར་ཅིག །དམ་ཆོས་ཆེན་པོ་རྒྱས་གྱུར་ཅིག །དེ་ནས་དེའི་ཚེ་དེའི་དུས་ན། གདུག་པའི་ཚོགས་ཐམས་ཅད་ནི་རང་གི་འཁོར་དང་བཅས་པར་བཀའ་ལ་གནས་ཤིང་ཀུན་ཀྱང་དམ་ཚིག་གི་འཁོར་དུ་རྣམ་པར་བཀོད་དོ། །དེ་ལྟར་སངས་རྒྱས་ཀྱི་མཐུ་ཆེན་པོས་སྤོབས་པར་བརྗོད་ནས། ཁྲོ་བོའི་སྤྲིན་ཐམས་ཅད་དང་འདུ་བར་མཛད་དོ། །དེ་ནས་དེའི་ཚེ་འཁོར་གྱི་ཚོགས་དུ་མ་ལ་འདི་ལྟ་སྟེ། རྡོ་རྗེ་རྣམ་པར་རོལ་པའི་རིག་འཛིན་དང་། རྡོ་རྗེ་རྣམ་པར་རོལ་པའི་རྣལ་འབྱོར་དང་། རྡོ་རྗེ་རྣམ་པར་རོལ་པའི་མཁའ་འགྲོ་མ་དང་། རྡོ་རྗེ་རྣམ་པར་རོལ་པའི་གདུལ་བྱ་དང་། རྡོ་རྗེ་རྣམ་པར་རོལ་པའི་སྐྱེས་བུ་དང་། རྡོ་རྗེ་རྣམ་པར་རོལ་པའི་ཞིང་ཁམས་ལ་སོགས་པའོ། །གཞན་ཡང་འཁོར་ལོ་རྣམ་པར་རོལ་པའི་རིག་འཛིན་དང་། འཁོར་ལོ་རྣམ་པར་རོལ་པའི་རྣལ་འབྱོར་དང་། འཁོར་ལོ་རྣམ་པར་རོལ་པའི་མཁའ་འགྲོ་མ་དང་། འཁོར་ལོ་རྣམ་པར་རོལ་པའི་གདུལ་བྱ་དང་། འཁོར་ལོ་རྣམ་པར་རོལ་པའི་སྐྱེས་བུ་དང་། འཁོར་ལོ་རྣམ་པར་རོལ་པའི་ཞིང་ཁམས་ལ་སོགས་པའོ། །གཞན་ཡང་རིན་པོ་ཆེ་རྣམ་པར་རོལ་པའི་རིག་འཛིན་དང་། རིན་པོ་ཆེ་རྣམ་པར་རོལ་པའི་རྣལ་འབྱོར་དང་། རིན་པོ་ཆེ་རྣམ་པར་རོལ་པའི་མཁའ་འགྲོ་མ་དང་། རིན་པོ་ཆེ་རྣམ་པར་རོལ་པའི་གདུལ་བྱ་དང་། རིན་པོ་ཆེ་རྣམ་པར་རོལ་པའི་སྐྱེས་བུ་དང་། རིན་པོ་ཆེ་རྣམ་པར་རོལ་པའི་ཞིང་ཁམས་ལ་སོགས་པའོ། །གཞན་ཡང་པད་མ་རྣམ་པར་རོལ་པའི་རིག་འཛིན་དང་། པད་མ་རྣམ་པར་རོལ་པའི་རྣལ་འབྱོར་དང་། པདྨ་རྣམ་པར་རོལ་པའི་མཁའ་འགྲོ་མ་དང་། པདྨ་རྣམ་པར་རོལ་པའི་གདུལ་བྱ་དང་། པདྨ་རྣམ་པར་རོལ་པའི་སྐྱེས་བུ་དང་། པདྨ་རྣམ་པར་རོལ་པའི་ཞིང་ཁམས་ལ་སོགས་པའོ། །གཞན་ཡང་ཕྲིན་ལས་རྣམ་པར་རོལ་པའི་རིག་འཛིན་དང་། ཕྲིན་ལས་རྣམ་པར་རོལ་པའི་རྣལ་འབྱོར་དང་། ཕྲིན་ལས་རྣམ་པར་རོལ་པའི་མཁའ་འགྲོ་མ་དང་། ― DNG021_Page_0405 ―
[མ་དཔེ་གཟིགས་ན་འདིར་གནོན།]
ཕྲིན་ལས་རྣམ་པར་རོལ་པའི་གདུལ་བྱ་དང་། ཕྲིན་ལས་རྣམ་པར་རོལ་པའི་སྐྱེས་བུ་དང་། ཕྲིན་ལས་རྣམ་པར་རོལ་པའི་ཞིང་ཁམས་ལ་སོགས་པའོ། །དེ་དག་འདུས་པའི་ཚོགས་ཀྱིས། རིགས་དུ་མའི་མངོན་པར་བརྗོད་པ་ཞེས་བྱ་བའི་བསྟོད་པ་འདི་མགྲིན་གཅིག་ཏུ་བརྗོད་དོ། །དེ་ཡང་རྡོ་རྗེའི་ཚོགས་དུ་མས་མགྲིན་གཅིག་ཏུ་མངོན་པར་བརྗོད་པ། རྡོ་རྗེ་རྡོ་རྗེ་ཆེན་པོ་སྟེ། །རྡོ་རྗེ་བཟང་པོ་ཀུན་ཏུ་རྒྱལ། །ཞེ་སྡང་གསོད་པའི་རྡོ་རྗེ་ཆེ། །ཕྱག་འཚལ་རྡོ་རྗེ་ཉིད་ལའོ། །རྡོ་རྗེ་རྡོ་རྗེ་ཆེན་པོ་སྟེ། །རྡོ་རྗེ་འཁོར་ལོ་བླ་ན་མེད། །འཁོར་ལོ་རྡོ་རྗེ་མཉམ་པ་སྟེ། །རྡོ་རྗེ་འཁོར་ལོར་ཕྱག་འཚལ་བསྟོད། །རྡོ་རྗེ་རྡོ་རྗེ་ཆེན་པོ་སྟེ། །རྡོ་རྗེ་རིན་ཆེན་བླ་ན་མེད། །རིན་ཆེན་རྡོ་རྗེ་མཉམ་པ་ཆེ། །རྡོ་རྗེ་རིན་ཆེན་ཕྱག་འཚལ་ལོ། །རྡོ་རྗེ་རྡོ་རྗེ་ཆེན་པོ་སྟེ། །རྡོ་རྗེ་པདྨ་བླ་ན་མེད། །པདྨ་རྡོ་རྗེ་མཉམ་པ་ཆེ། །ཕྱག་འཚལ་རྡོ་རྗེ་པདྨ་ལའོ། །རྡོ་རྗེ་རྡོ་རྗེ་ཆེན་པོ་སྟེ། །རྒྱ་གྲམ་རྡོ་རྗེ་བླ་ན་མེད། །རྒྱ་གྲམ་རྡོ་རྗེ་མཉམ་པ་ཆེ། །རྡོ་རྗེ་རྒྱ་གྲམ་ཕྱག་འཚལ་བསྟོད། །རྡོ་རྗེའི་རིག་འཛིན་འཆོལ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་འཁོར་ལོའི་ཚོགས་དུ་མས་མགྲིན་གཅིག་ཏུ་མངོན་པར་བརྗོད་པ། འཁོར་ལོ་བཟང་པོ་ཀུན་ཏུ་རྒྱལ། །གཏི་མུག་གསོད་པའི་འཁོར་ལོ་ཆེ། །སངས་རྒྱས་ཀུན་གྱི་འཁོར་ལོ་སྟེ། །ཕྱག་འཚལ་འཁོར་ལོ་ཉིད་ལའོ། །འཁོར་ལོ་འཁོར་ལོ་ཆེན་པོ་སྟེ། །འཁོར་ལོ་རྡོ་རྗེ་བླ་ན་མེད། །རྡོ་རྗེ་འཁོར་ལོ་མཉམ་པ་ཆེ། །འཁོར་ལོ་རྡོ་རྗེར་ཕྱག་འཚལ་བསྟོད། །འཁོར་ལོ་འཁོར་ལོ་ཆེན་པོ་སྟེ། །རིན་ཆེན་འཁོར་ལོ་བླ་ན་མེད། །རིན་ཆེན་འཁོར་ལོ་མཉམ་པ་ཆེ། །འཁོར་ལོ་རིན་ཆེན་ཕྱག་འཚལ་བསྟོད། །འཁོར་ལོ་འཁོར་ལོ་ཆེན་པོ་སྟེ། །འཁོར་ལོ་པདྨ་བླ་ན་མེད། །པདྨ་འཁོར་ལོ་མཉམ་པ་ཆེ། །འཁོར་ལོ་པདྨར་ཕྱག་འཚལ་བསྟོད། །འཁོར་ལོ་འཁོར་ལོ་ཆེན་པོ་སྟེ། །འཁོར་ལོ་རྒྱ་གྲམ་བླ་ན་མེད། །རྒྱ་གྲམ་འཁོར་ལོ་མཉམ་པ་ཆེ། །ཕྱག་འཚལ་འཁོར་ལོ་རྒྱ་གྲམ་ལའོ། །འཁོར་ལོའི་རིག་འཛིན་འཆོལ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་རིན་པོ་ཆེའི་ཚོགས་དུ་མས་མགྲིན་གཅིག་ཏུ་འདི་སྐད་ཅེས་མངོན་པར་བརྗོད་པ། རིན་ཆེན་བཟང་པོ་ཀུན་ཏུ་རྒྱལ། །ང་རྒྱལ་གསོད་པའི་རང་ ― DNG021_Page_0406 ―
[མ་དཔེ་གཟིགས་ན་འདིར་གནོན།]
བཞིན་ཆེ། །སངས་རྒྱས་ཀུན་གྱི་རིན་ཆེན་ཏེ། །ཕྱག་འཚལ་རིན་ཆེན་ཁྱོད་ལའོ། །རིན་ཆེན་རིན་ཆེན་ཆེན་པོ་སྟེ། །རིན་ཆེན་རྡོ་རྗེ་བླ་ན་མེད། །རྡོ་རྗེ་རིན་ཆེན་མཉམ་པ་སྟེ། །རིན་ཆེན་རྡོ་རྗེ་ཕྱག་འཚལ་ལོ། །རིན་ཆེན་ནོར་བུ་ཆེན་པོ་སྟེ། །རིན་ཆེན་འཁོར་ལོ་བླ་ན་མེད། །འཁོར་ལོ་རིན་ཆེན་མཉམ་པ་ཆེ། །རིན་ཆེན་འཁོར་ལོར་ཕྱག་འཚལ་བསྟོད། །ནོར་བུ་རིན་ཆེན་ཆེན་པོ་སྟེ། །རིན་ཆེན་པདྨ་བླ་ན་མེད། །པདྨ་རིན་ཆེན་མཉམ་པ་ཆེ། །ཕྱག་འཚལ་པདྨ་རིན་ཆེན་ལའོ། །ནོར་བུ་རིན་ཆེན་ཆེན་པོ་སྟེ། །རིན་ཆེན་རྒྱ་གྲམ་བླ་ན་མེད། །རྒྱ་གྲམ་རིན་ཆེན་མཉམ་པ་སྟེ། །ཕྱག་འཚལ་རིན་ཆེན་རྒྱ་གྲམ་ལའོ། །རིན་པོ་ཆེའི་རིགས་འཆོལ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་པདྨའི་རིགས་ཀྱི་ཚོགས་དུ་མས་མགྲིན་གཅིག་ཏུ་འདི་སྐད་ཅེས་མངོན་པར་བརྗོད་པ། པདྨ་བཟང་པོ་ཀུན་ཏུ་རྒྱལ། །འདོད་ཆགས་གསོད་པའི་པདྨ་ཆེ། །སངས་རྒྱས་ཀུན་གྱི་པདྨ་སྟེ། །ཕྱག་འཚལ་པདྨ་ཉིད་ལའོ། །པདྨ་ཆེན་པོ་པདྨ་ཆེ། །རྡོ་རྗེ་པདྨ་བླ་ན་མེད། །རྡོ་རྗེ་པདྨ་མཉམ་པ་ཆེ། །པདྨ་རྡོ་རྗེར་ཕྱག་འཚལ་བསྟོད། །པདྨ་ཆེན་པོ་པདྨ་ཆེ། །པདྨ་འཁོར་ལོ་བླ་ན་མེད། །འཁོར་ལོ་པདྨ་མཉམ་པ་ཆེ། །པདྨ་འཁོར་ལོར་ཕྱག་འཚལ་བསྟོད། །པདྨ་ཆེན་པོ་པདྨ་ཆེ། །པདྨ་རིན་ཆེན་བླ་ན་མེད། །རིན་ཆེན་པདྨ་མཉམ་པ་ཆེ། །པདྨ་རིན་ཆེན་ཕྱག་འཚལ་བསྟོད། །པདྨ་ཆེན་པོ་པདྨ་ཆེ། །པདྨ་རྒྱ་གྲམ་བླ་ན་མེད། །རྒྱ་གྲམ་པདྨ་མཉམ་པ་ཆེ། །པདྨ་རྒྱ་གྲམ་ཕྱག་འཚལ་བསྟོད། །པདྨའི་རིགས་འཆོལ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་རྒྱ་གྲམ་གྱི་ཚོགས་དུ་མས་མགྲིན་གཅིག་ཏུ་འདི་སྐད་ཅེས་མངོན་པར་བརྗོད་པས། རྒྱ་གྲམ་བཟང་པོ་ཀུན་ཏུ་རྒྱལ། །ཕྲག་དོག་གསོད་པའི་རྒྱ་གྲམ་སྟེ། །སངས་རྒྱས་ཀུན་གྱི་རྒྱ་གྲམ་ཆེ། །ཕྱག་འཚལ་རྒྱ་གྲམ་ཉིད་ལའོ། །རྡོ་རྗེ་རྒྱ་གྲམ་རྒྱ་གྲམ་ཆེ། །རྒྱ་གྲམ་རྡོ་རྗེ་བླ་ན་མེད། །རྡོ་རྗེ་རྒྱ་གྲམ་མཉམ་པ་ཆེ། །ཕྱག་འཚལ་རྡོ་རྗེ་རྒྱ་གྲམ་ལའོ། །རྡོ་རྗེ་རྒྱ་གྲམ་རྒྱ་གྲམ་ཆེ། །རྒྱ་གྲམ་འཁོར་ལོ་བླ་ན་མེད། །འཁོར་ལོ་རྒྱ་གྲམ་མཉམ་པ་ཆེ། །རྒྱ་གྲམ་འཁོར་ལོ་ཕྱག་འཚལ་བསྟོད། །རྡོ་རྗེ་ ― DNG021_Page_0407 ―
[མ་དཔེ་གཟིགས་ན་འདིར་གནོན།]
རྒྱ་གྲམ་རྒྱ་གྲམ་ཆེ། །རྒྱ་གྲམ་རིན་ཆེན་བླ་ན་མེད། །རིན་ཆེན་རྒྱ་གྲམ་མཉམ་པ་ཆེ། །རྒྱ་གྲམ་རིན་ཆེན་ཕྱག་འཚལ་བསྟོད། །རྡོ་རྗེ་རྒྱ་གྲམ་རྒྱ་གྲམ་ཆེ། །རྒྱ་གྲམ་པདྨ་བླ་ན་མེད། །པདྨ་རྒྱ་གྲམ་མཉམ་པ་ཆེ། །རྒྱ་གྲམ་པདྨར་ཕྱག་འཚལ་བསྟོད། །རྡོ་རྗེ་རྒྱ་གྲམ་རིགས་འཆོལ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། ནམ་མཁའ་རྡོ་རྗེ་ཀུན་ཏུ་འབྱུང་བ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་མ་ཧཱ་ཀྲོ་དྷཱི་ཤྭ་རཱི་ཧཱུཾ་ཕཊ། རྡོ་རྗེ་ཀུན་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་བདེ་བ་ཆེན་པོའི་རོ་ཀུན་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སངས་རྒྱས་ཆེན་པོ་འབྱུང་བ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་སརྦ་ཏ་ཐཱ་ག་ཏ་བུཌྜྷ་ཀྲོ་དྷཱི་ཤྭ་རཱི་ཧཱུཾ། འཁོར་ལོ་ཀུན་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་མཉམ་པའི་རིན་པོ་ཆེ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཡང་དག་པའི་རྒྱལ་སྲས་འབྱུང་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་རཏྣ་མ་ཧཱ་ཀྲོ་དྷཱི་ཤྭ་རཱི་ཧཱུཾ་ཕཊ། ཡོན་ཏན་ཆེན་པོ་ཀུན་ཏུ་རྒྱས་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཆགས་པ་ཆེན་པོའི་རྡོ་རྗེ་ཀུན་ཏུ་བསྒྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འགག་པ་མེད་པའི་རྣམ་པར་རོལ་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་པདྨ་ཀྲོ་དྷཱི་ཤྭ་རཱི་ཧཱུཾ་ཕཊ། ཆུ་སྐྱེས་ཀུན་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཕྲིན་ལས་ཐམས་ཅད་ཡོངས་སུ་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ལས་ཀྱི་རྒྱལ་པོ་འབྱུང་བ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་ཨ་མོ་གྷ་ཀ་རམ་ཀྲོ་དྷཱི་ཤྭ་རཱི་ཧཱུཾ་ཕཊ། ལས་ཀྱི་རྡོ་རྗེ་ཀུན་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ཏོ། །དཀྱིལ་འཁོར་མ་ལུས་ཀུན་འབྱུང་བ། །རྒྱལ་བའི་ཡུམ་རྣམས་མཁས་པས་བརྟག །ཡན་ལག་ཆོ་ག་མཁས་པ་ཡིས། །རྩ་བ་ཡི་ནི་དབྱིབས་ ― DNG021_Page_0408 ―
[མ་དཔེ་གཟིགས་ན་འདིར་གནོན།]
བཞིན་དུ། །མཁས་པས་ནན་ཏན་འབད་པར་བྱ། །སྔོན་དུ་བསྟན་པའི་ཆོ་ག་ལ། །གང་དག་མཁས་པ་དེ་ཡིན་ཏེ། །བྱ་དང་བྱེད་པ་བསམ་མི་ཁྱབ། །རྡོ་རྗེ་འབྱུང་བའི་བཙུན་མོ་ནི། །མཁས་པས་རྡོ་རྗེའི་མིག་གིས་བལྟ། །ཇི་ལྟར་འཁོར་ལོ་འབྱུང་བ་ཡང་། །དེ་ལྟར་འཁོར་ལོ་མིག་གིས་བལྟ། །གང་དག་རིན་ཆེན་འབྱུང་བའི་མ། །དཔའ་བོ་རིན་ཆེན་མིག་གིས་བལྟ། །པདྨ་འབྱུང་བ་པདྨའི་ཡུམ། །སྒེག་མོ་པདྨའི་མིག་གིས་བལྟ། །གང་དག་ལས་མཆོག་འབྱུང་བའི་ཡུམ། །སྣ་ཚོགས་ལས་མཆོག་མིག་གིས་བལྟ། དེ་ནས་དེའི་ཚེ་དེའི་དུས་ན་ཡང་། སངས་རྒྱས་སྲས་ཆེན་གྱིས་འབད་པ་ཡོངས་སུ་གྲུབ་པའི་བྱང་ཆུབ་སེམས་དཔའ་དུ་མའི་ཚོགས་ཀྱི་མཐུས་འདི་སྐད་ཅེས་གསོལ་ཏོ། །རྡོ་རྗེ་རྒྱལ་སྲས་བསྐྱེད་མཛད་ནས། །ལྷུམས་ནས་རྡོ་རྗེ་རྒྱལ་སྲས་གཙོ། །ཇི་སྲིད་རྡོ་རྗེའི་སྲས་བྱུང་ནས། །རྡོ་རྗེ་ཡུམ་མཆོག་ཕྱག་འཚལ་ལོ། །འཁོར་ལོའི་རྒྱལ་སྲས་བསྐྱེད་མཛད་ནས། །ལྷུམས་ནས་འཁོར་ལོའི་རྒྱལ་སྲས་གཙོ། །ཇི་སྲིད་འཁོར་ལོའི་སྲས་བྱུང་ནས། །འཁོར་ལོའི་ཡུམ་མཆོག་ཕྱག་འཚལ་ལོ། །རིན་ཆེན་རྒྱལ་སྲས་བསྐྱེད་མཛད་ནས། །ལྷུམས་ནས་རིན་ཆེན་རྒྱལ་སྲས་གཙོ། །ཇི་སྲིད་རིན་ཆེན་སྲས་བྱུང་ནས། །རིན་ཆེན་ཡུམ་མཆོག་ཕྱག་འཚལ་ལོ། །པདྨའི་རྒྱལ་སྲས་བསྐྱེད་མཛད་ནས། །ལྷུམས་ནས་པདྨའི་རྒྱལ་སྲས་གཙོ། །ཇི་སྲིད་པད་མའི་སྲས་བྱུང་ནས། །པདྨའི་ཡུམ་མཆོག་ཕྱག་འཚལ་ལོ། །ལས་ཀྱི་རྒྱལ་སྲས་བསྐྱེད་མཛད་ནས། །ལྷུམས་ནས་ལས་ཀྱི་རྒྱལ་སྲས་གཙོ། །ཇི་སྲིད་ལས་མཆོག་སྲས་བྱུང་ནས། །ལས་མཆོག་ཡུམ་ལ་ཕྱག་འཚལ་ལོ། །ཞེས་རྡོ་རྗེའི་གླུ་དང་། རིན་པོ་ཆེ་དང་། ཕྲིན་ལས་ཆེན་པོའི་གླུ་བླང་བ་ལ་སོགས་པས་ཡོངས་སུ་བསྟོད་པ་བྱས་སོ། །དེ་ནས་ཡུམ་རྣམས་སོ་སོ་རང་རང་གི་ལྷུམས་ནས་རྒྱལ་སྲས་ཐོགས་པ་མེད་པའི་རིགས་རྣམས་བལྟམས་པར་གྱུར་ཏེ། འདི་ལྟར་ཕྱོགས་བཅུའི་ཕྱོགས་ཀྱི་ཕྱོགས་ལ་སོགས་པ་ནམ་མཁའི་རང་བཞིན་ཐམས་ཅད་གང་བར་གནས་པ་ནི། ཁབ་རྩེའི་གནས་གཅིག་ཙམ་ཡང་མེད་པར་ཇི་ལྟར་ཉུངས་ ― DNG021_Page_0409 ―
[མ་དཔེ་གཟིགས་ན་འདིར་གནོན།]
འབྲུ་མར་གྱིས་གཏམས་པ་དང་། འདི་ལྟར་ཏིལ་གྱི་གང་བུ་བཞིན་དུ་སྲས་ཀྱི་ཚོགས་དུ་མས་རོལ་ཅིང་བཞུགས་ཏེ། འབར་བའི་སྲས་སྤྲིན་གྱི་ཚོགས་ཕྱོགས་བཅུ་ཀུན་ཏུ་གཏིབས་པ་དང་། ཡོངས་སུ་ཚོགས་པར་གྱུར་པ་དང་། ཡུམ་རྣམས་ཀྱང་རྡོ་རྗེ་དང་པདྨ་ལ་སོགས་པའི་རྣམ་པར་རོལ་ཅིང་ཀུན་ཏུ་རྩེ་བར་གྱུར་ཏོ། །དེ་ནས་བཅོམ་ལྡན་འདས་རྡོ་རྗེ་ཆེན་པོ་གསོར་བ་གསུམ་གྱིས་རྣམ་པར་གྲོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་སྙིང་པོ་བཞུགས་པ་ཞེས་བྱ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཐུགས་ཀྱི་རྡོ་རྗེ་དེ་ཁོ་ན་ཉིད་ཅེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་འཁོར་ལོ་ཆེན་པོ་ཡོངས་སུ་འདོད་ཆགས་དང་རྣམ་པར་བྲལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་རྣམ་པར་བརྟག་པའི་གསང་སྔགས་འདི་གསུངས་སོ། །ཨཱོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། སྐུ་རྡོ་རྗེ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་པདྨ་ཆེན་པོ་རྟོག་པ་ཟད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འགག་པ་མེད་པའི་བྱིན་རླབས་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་སརྦ་ཏ་ཐཱ་ག་ཏ་བཱ་ཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། གསུང་གི་རྡོ་རྗེ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རིན་པོ་ཆེ་ཤེས་རབ་ཆེན་པོའི་རྒྱལ་མཚན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སངས་རྒྱས་ཐམས་ཅད་ཀྱི་རྗེས་སུ་ཆགས་པའི་གསང་སྔགས་རྡོ་རྗེ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་སརྦ་ཏ་ཐཱ་ག་ཏ་ཨ་ནུ་རཱ་ག་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཡུམ་མཉེས་པར་བྱེད་པའི་རྡོ་རྗེ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྒྱ་གྲམ་ཆེན་པོ་ཐེ་ཚོམ་མེད་པའི་ཡེ་ཤེས་རྡོ་རྗེ་བློ་གྲོས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་ཀྱི་སེམས་འཕྲོ་བ་དང་། འདུ་བའི་གསང་སྔགས་འདི་ཉིད་ཀྱི་སྐུ་དང་གསུང་ ― DNG021_Page_0410 ―
[མ་དཔེ་གཟིགས་ན་འདིར་གནོན།]
དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་བ་ཨཱདྨ་ཀོ྅ཧཾ། བདག་ཉིད་རྣམ་པར་དག་པའི་མཆོད་པ་ཆེན་པོ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་དེའི་ཚེ་དེའི་དུས་ན། དེ་བཞིན་གཤེགས་པའི་བྱིན་གྱིས་རླབས་ཀྱིས་ཏིང་ངེ་འཛིན་ཕུན་སུམ་ཚོགས་པ་འཁོར་རྣམས་ཀྱི་སྤྱོད་ཡུལ་དུ་མཛད་དོ། །དེ་ཡང་འདི་ལྟ་སྟེ། བྱང་ཆུབ་སེམས་དཔའ་ལ་ལས་ནི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རྣམ་པར་མི་གཡོ་བ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཡང་དག་པར་གཡོ་བ་ཞེས་བྱ་བའི་ཏིང་ངེ་འཛིན་ཐོབ་པོ། །ལ་ལས་ནི་ཀུན་ཏུ་འབར་བ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཀུན་ཏུ་སྡུད་པ་ཞེས་བྱ་བའི་ཏིང་ངེ་འཛིན་ཐོབ་པོ། །ལ་ལས་ནི་རྣམ་པར་རྩེ་གཅིག་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་འོད་ཟེར་འགྱེད་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ལུང་བསྟན་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རྫུ་འཕྲུལ་ཆེན་པོའི་མཐུ་འཕྲོག་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རྩེ་མོ་ལ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་བདག་གི་འབད་པ་གྲུབ་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་གཞན་རྣམ་པར་གྲོལ་བ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་མཐུ་ཉམས་པར་བྱེད་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་གསང་སྔགས་ཀྱི་མཐུ་སྟོན་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་དུག་རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ལམ་མནན་པ་ཟིལ་གྱིས་གནོན་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་བཀོད་པ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་མི་ཟད་པའི་རྒྱན་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་སེམས་ཀྱི་རིན་པོ་ཆེ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཕྱག་རྒྱ་སྟོན་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཀུན་ཏུ་རྒྱལ་བའི་ཡེ་ཤེས་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཀུན་ཏུ་འགྲོ་བ་ཞེས་བྱ་བའི་ཏིང་ངེ་འཛིན་ ― DNG021_Page_0411 ―
[མ་དཔེ་གཟིགས་ན་འདིར་གནོན།]
ཐོབ་བོ། །ལ་ལས་ནི་བགྲོད་པ་མེད་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་སྣོད་བཅུད་རྣམ་པར་དག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རྡོ་རྗེ་ཆེན་པོའི་ཡེ་ཤེས་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་འཁོར་ལོ་ཆེན་པོའི་ཡེ་ཤེས་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རིན་པོ་ཆེའི་ཡེ་ཤེས་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་པདྨ་ཆེན་པོའི་ཡེ་ཤེས་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རྒྱ་གྲམ་ཆེན་པོའི་ཡེ་ཤེས་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཀུན་ཏུ་ཞི་བ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཐམས་ཅད་རྒྱས་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་དབང་མཆོག་རྡོ་རྗེ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རྡོ་རྗེ་མངོན་སྤྱོད་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་དཔའ་བོ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་སྒེག་པ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་འཇིགས་པ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རྒོད་པ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་སྙིང་རྗེ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་རྔམ་པ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཞི་བ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་དཀྱིལ་འཁོར་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་དཀྱིལ་འཁོར་ཆུང་ངུ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ལེགས་པའི་བློ་གྲོས་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་དམ་ཚིག་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཕྱག་རྒྱ་ཆེན་པོ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཐམས་ཅད་རོལ་པ་ཞེས་བྱ་བའི་ཏིང་ངེ་འཛིན་ཐོབ་བོ། །ལ་ལས་ནི་ཕྱོགས་དང་བཅས་པ་ཞེས་བྱ་བའི་ཏིང་ངེ་འཛིན་ཐོབ་བོ། །དེ་ལྟར་དེ་དག་གི་འཁོར་རྣམ་པར་དག་པའི་རྣལ་འབྱོར་དང་། རྣལ་འབྱོར་གྱི་དབང་ཕྱུག་ཆེན་པོ་དང་། རྗེས་སུ་རྣལ་འབྱོར་ལ་སོགས་པའི་རིག་འཛིན་དང་། འཁོར་ཕལ་པོ་ཆེའི་ཚོགས་རྣམས་ཀྱང་ཐམས་ཅད་དམ་པའི་ཚོགས་ཆེན་པོའི་ ― DNG021_Page_0412 ―
[མ་དཔེ་གཟིགས་ན་འདིར་གནོན།]
རོས་ཚིམ་ཞིང་མྱོང་བ་ནི་སངས་རྒྱས་ཀྱི་མཐུ་ཆེན་པོའོ། །དེ་དག་ནི་དེ་བཞིན་གཤེགས་པ་ཡབ་ཡུམ་ཚོགས་ཀྱི་རྡོ་རྗེ་ལ། རྡོ་རྗེའི་གླུ་ལ་སོགས་པ་དང་། གར་ལ་སོགས་པས་ཀུན་ཏུ་མཆོད་ནས། ཡང་དག་པའི་བལྟ་བ་ཆེན་པོས་བལྟས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། གཟུང་འཛིན་གཉིས་ཀྱི་རྡོ་རྗེ་མཉམ་པར་སྦྱོར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གཟུང་འཛིན་མཐར་བྱེད་རྣམ་པར་གཙིགས་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཡ་མཱནྟ་ཀྲྀཏ། གཟུང་འཛིན་རྣམ་པར་སྤང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྣམ་པར་ཟབ་པས་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས། སྙེམས་པར་བྱེད་པའི་གསང་སྔགས་འདི་ཕྱུང་ངོ་། །པྲཛྙཱནྟ་ཀྲྀཏ། ཤེས་རབ་མཐར་བྱེད་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་འདོད་ཆགས་ཆེན་པོས་རྣམ་པར་རོལ་པ་འབྱུང་བའི་ང་རོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། པདྨ་ཆེན་པོའི་རིགས་ལས་བྱིན་གྱིས་རློབས་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །པདྨཱནྟ་ཀྲྀཏ། རྟ་སྐད་ཀྱི་རོལ་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཐམས་ཅད་ཀྱི་རྡོ་རྗེ་འདུས་པའི་ཏིང་ངེ་འཛིན་ལ་སྙོམས་པར་ཞུགས་ནས། བགེགས་མཐར་བྱེད་འབྱུང་བ་ཞེས་བྱ་བའི་ཏིང་ངེ་འཛིན་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །བིགྷྣཱན་ཏ་ཀྲྀཏ། ལས་ཀྱི་བདུད་རྩིས་རྣམ་པར་མྱོས་པ་ཞེས་བྱ་བའི་ཏིང་ངེ་འཛིན་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་ཚུལ་མི་དམིགས་པ་མཉམ་པའི་རྡོ་རྗེ་སྟེ། ཐམས་ཅད་ཀུན་གྱི་སྒོར་གནས་པ། །ཐུན་མོང་ཆེན་པོ་ཞེས་ཀྱང་བྱ། །དེ་ནས་བྱམས་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ ― DNG021_Page_0413 ―
[མ་དཔེ་གཟིགས་ན་འདིར་གནོན།]
ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་དགུག་པ་མངོན་པར་གྲུབ་པའི་ཡེ་ཤེས་འདི་ཕྱུང་ངོ་། །ཛ། རྡོ་རྗེ་ལྕགས་ཀྱུ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་སྙིང་རྗེ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་གཞུག་པ་མངོན་པར་གྲུབ་པའི་ཡེ་ཤེས་འདི་ཕྱུང་ངོ་། །ཧཱུཾ། རིན་པོ་ཆེ་བཅིངས་པའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་དགའ་བས་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། པདྨའི་བསྡམ་པ་མངོན་པར་གྲུབ་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །བཾ། པདྨ་ལྕགས་སྒྲོག་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་བཏང་སྙོམས་ཆེན་པོས་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ལས་ཆེན་པོའི་དྲིལ་བུ་མངོན་པར་གྲུབ་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཧོཿ། བཏང་སྙོམས་ཆེན་པོའི་དྲིལ་བུ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་སངས་རྒྱས་ཀྱི་མཐུས་འཇིག་རྟེན་ཆེན་པོ་དེ་འགྱུར་བས་དཀྱིལ་འཁོར་ཆེན་པོར་སྣང་ངོ་། །གཙོ་བོ་དང་འཁོར་དང་བཅས་པ་ཐམས་ཅད་འཁོར་ལོ་བཞིའི་དཀྱིལ་འཁོར་རང་གི་བཙུན་མོ་དང་མཉམ་དུ་འཁྲིལ་ཏེ། ཤིན་ཏུ་འོ་བྱེད་ཅིང་སྙོམས་པར་ཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་དབང་ཕྱུག་ཆེན་པོ་མི་ཟད་པའི་རྒྱན་གྱིས་རྡོ་རྗེ་དཀྱིལ་འཁོར་རྣམ་པར་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འབར་བ་ཆེན་པོའི་ཞིང་ཁམས་ཕུན་སུམ་ཚོགས་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དཀྱིལ་འཁོར་དཔའ་བོས་རབ་ཏུ་བྱ། །མཛེས་པའི་ཐིག་སྐུད་མཁས་པས་བྱ། །སོར་མོ་ཉིས་བརྒྱ་རྩ་བཅུ་བརྒྱད། །མཁས་པས་དཀྱིལ་འཁོར་ཚད་དུ་བྱ། །ངོ་བོ་བཞི་དང་ཟུར་བཞི་དང་། །སྒོ་བཞི་དང་ནི་འཁོར་ལོ་བཞི། །ལྷ་ ― DNG021_Page_0414 ―
[མ་དཔེ་གཟིགས་ན་འདིར་གནོན།]
ཡང་བཞི་པའི་ཚད་དུ་འགྱུར། །དབུས་མཉམ་པ་ནི་ཟླུམ་པོ་ཆེ། །དེ་དབུས་འཁོར་ལོ་བྲི་བར་བྱ། །ལས་ལ་ལུང་ཐོབ་གང་ཡིན་པས། །ཕྱག་རྒྱ་དགོད་པ་བརྩམ་པར་བྱ། །དབུས་མ་མཉམ་པ་ནི་རྡོ་རྗེ། །མིག་སྨན་གྱི་ནི་མདོག་དང་འདྲ། །གཙོ་བོའི་གྲངས་དང་མཉམ་པ་ཡི། །རྩེ་བ་འཕྲོ་བ་དབུས་སུ་གཞག །རྩིབས་བརྒྱད་པ་ནི་འབར་བ་སྟེ། །མདུན་དུ་ཡང་དག་གནས་པར་བྱ། །རྡོ་རྗེ་མཛེས་པ་དེ་ལྟར་རོ། །འོད་ཟེར་དུ་མ་རིན་པོ་ཆེ། །རང་གི་གནས་སུ་གཞག་པར་བྱ། །དེ་བཞིན་པདྨ་རལ་གྲི་ཆེ། །པདྨ་རཱ་ག་རང་གི་མདོག །ཐམས་ཅད་རང་གི་རྒྱན་གྱིས་གཞག་པར་བྱ། །བེ་ཅོན་ཐོ་བ་པད་རྒྱ་གྲམ། །ཇི་ལྟར་ཕྱོགས་ཕྱོགས་དེ་བཞིན་ནོ། །དེ་དག་ཆ་ལུགས་རྫོགས་པ་ནི། །དཀྱིལ་འཁོར་འདི་ནི་རབ་བཤད་པ། །དཀྱིལ་འཁོར་འབྱུང་བ་རྣམ་གཉིས་ཏེ། །གང་དག་སྤྱི་ཡི་དོན་དང་སྒོས། །གནས་པ་དེ་ཡིས་སོ་སོ་ཡིན། །འདི་ནི་སྤྱི་ཡི་དཀྱིལ་འཁོར་ཏེ། །དཀྱིལ་འཁོར་ཐམས་ཅད་འབྱུང་བའོ། །འདི་ནི་ཞི་རྒྱས་དབང་མངོན་སྤྱོད། །འདི་ནི་འདི་ལྟར་ཀུན་ཏུ་འགྱུར། །མཁས་པས་གང་ལ་གང་མོས་པ། །ལྷག་པར་འཇུག་པའི་དཀྱིལ་འཁོར་བརྟག །ཤེས་རབ་ཅན་གྱིས་སྔར་བསྒྱུར་ཞིང་། །མཁས་པས་གླང་ཆེན་ལྕགས་ཀྱུ་ལྟར། །གང་ལ་གང་ངེས་རིགས་སུ་བརྟག །འདས་དང་མ་འོངས་ལྷ་རྣམས་ཀྱི། །རིགས་ནི་ངེས་པར་སེམས་ཀྱིས་བསྒྱུར། །འདི་ནི་གཙོ་བོའི་ལས་ཆེན་ཏེ། །གནང་བ་ཐོབ་པར་བྱ་བ་ཡང་། །རང་མོས་དཀྱིལ་འཁོར་བརྟག་པར་བྱ། །ཕྱོགས་བཅུ་དུས་གསུམ་བདེར་གཤེགས་ཀྱི། །དཀྱིལ་འཁོར་ཀུན་གྱི་རྒྱུ་ཡིན་ཏེ། །འབྲས་བུ་རྣམས་ལ་ནན་ཏན་བྱ། །ལྷ་དང་གཙོ་བོ་སྔགས་ཀྱི་སྒྲ། །ལྷག་པར་མོས་པའི་སྒྲ་ཡིས་བརྗོད། །གང་འདི་མངོན་སྤྱོད་ཆེར་གནས་ཞེས། །མཁས་པས་ཞེན་པ་སྤང་བར་བྱ། །རྡོ་རྗེ་འཁོར་ལོ་རིན་ཆེན་དང་། །པདྨ་རྒྱ་གྲམ་དབུས་གནས་པར། །གནས་དང་ཕྱག་རྒྱ་འཁོར་གྱི་ཚོགས། །མཁས་པས་སྤྱི་ཡི་རིགས་ལྟར་བརྟག །འཁོར་གྱི་དམ་པ་སེམས་ལས་བསྐྱེད། །གལ་ཏེ་སྤྱོད་དང་མི་གནས་པར། །འཁོར་བ་ལ་སོགས་སྣམ་བུ་ལ། །ཅི་རིགས་པ་ཡི་ཕྱོགས་སུ་དགོད། །གལ་ཏེ་གཙོ་བོ་གཅིག་ ― DNG021_Page_0415 ―
[མ་དཔེ་གཟིགས་ན་འདིར་གནོན།]
ལ་ཡང་། །མཁས་པས་དུ་མའི་འཁོར་དུ་གཞག །འབར་བའི་གཙོ་བོ་རྣམ་གཞག་པ། །ཕྲ་མོའི་ལས་ལ་མཁས་པ་ཡིས། །འཁོར་ལས་གཙོ་བོ་བརྟག་པར་བྱ། །ཐ་ན་ཐ་མའི་ལས་ལ་ཡང་། །འབར་བའི་ཅོད་པན་མཛེས་པར་བྱ། །འདི་ནི་འཕྲོ་བའི་དཀྱིལ་འཁོར་ཏེ། །དཀྱིལ་འཁོར་ཐམས་ཅད་འདི་ལས་འཕྲོས། །འདི་ནི་འདུ་བའི་དཀྱིལ་འཁོར་ཏེ། །དཀྱིལ་འཁོར་ཐམས་ཅད་འདི་ལ་འདུ། །འདི་ནི་གནས་པའི་དཀྱིལ་འཁོར་ཏེ། །དཀྱིལ་འཁོར་ཐམས་ཅད་འདི་ལ་གནས། །རང་བཞིན་དཀྱིལ་འཁོར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་རང་བཞིན་གྱི་རྣམ་པར་བཀོད་པ་ཆེན་པོ་ཞེས་བྱ་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་སོ་སོར་རྟོག་པའི་ཤེས་རབ་ཆེན་པོ་དྲི་མ་མེད་པའི་སྟོབས་ཀྱིས་བདུད་སྲེག་པར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས། རྣམ་པར་མནལ་བར་གྱུར་ཏོ། །དེ་ནས་དེའི་ཚེ་དེའི་དུས་ན། རིག་འཛིན་ཆེན་པོ་འཁོར་དང་བཅས་པ་རྣམས། རང་རང་གི་འཁོར་དང་བཅས་པས་བཅོམ་ལྡན་འདས་ལ་མངོན་པར་བལྟ་ཞིང་ཚིགས་སུ་བཅད་པའི་དབྱངས་ཀྱིས་གསོལ་བ་བཏབ་པ། ཀྱེ་མ་སངས་རྒྱས་མཛད་པ་ཆེ། །ཆོ་འཕྲུལ་ཆེན་པོ་སྟོན་པ་པོ། །བདེ་བ་ཆེན་པོའི་མྱུ་གུ་ལས། །འབྲས་བུ་གྱ་ནོམ་བཤད་དུ་གསོལ། །སྤྲུལ་པ་ལས་ཀྱང་སྤྲུལ་པ་ཆེ། །སྲས་ཀྱི་དམ་པ་ཁྲོ་བོ་མཆོག །གདུག་པ་མཆེ་བ་རྣོན་པོ་ཅན། །འབར་བའི་སྤྲིན་ཕུང་བཤད་དུ་གསོལ། །གདུག་པ་བསྲེག་པར་བགྱི་བ་དང་། །སློབ་དཔོན་སྨོད་པ་གསོད་པ་དང་། །སངས་རྒྱས་བསྟན་པའི་སླད་བཞིན་དུ། །མྱུར་དུ་ཁྲོ་ཆེན་བཤད་དུ་གསོལ། །ཞེས་གསོལ་པས། དེ་ནས་བཅོམ་ལྡན་འདས་དེ་བཞིན་གཤེགས་པ་སརྦ་ཀུན་གྱི་སྐུ་དང་གསུང་དང་ཐུགས་ཀྱི་བདག་པོས། རང་བཞིན་གྱིས་འབར་བའི་ཀུན་ཏུ་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མྱུར་དུ་ ― DNG021_Page_0416 ―
[མ་དཔེ་གཟིགས་ན་འདིར་གནོན།]
སྲེག་པ་ཞེས་བྱ་བའི་རྣམ་པར་འཕྲུལ་པའི་གསང་སྔགས་འདི་བཤད་དོ། །ན་མཿས་མནྟ་ཀཱ་ཡ་བཱག་ཙིཏྟ་བཛྲཱ་ཎཱཾ། ཨཱོཾ་ཁ་ཁ་ཁཱ་ཧི་ཁཱི་ཧི། སརྦ་དུཥྚཱ་ན་སཏྭ་ད་མ་ཀ །ཨ་སི་མུ་ས་ལ་པར་ཤུ་བཱ་ཤ་ཧསྟ། ཙ་ཏུར་མུ་ཁ་ཙ་ཏུར་བྷཱུ་ཛ་ཥ་ཊྩ་ར་ཎ། ཨཱ་གཙྪ་ཨཱ་གཙྪ། སརྦ་དུཥྚཱ་ན་པྲ་ཎཱ་ཨ་པ་ཧཱ་རི་ཎེ། མ་ཧཱ་བིགྷཱན་བི་གྷྲཱ་ཏ་ཀ་བི་ཀྲྀ་ཏཱ་ནཱན། སརྦ་བྷཱུ་ཏ་བྷ་ཡཾ་ཀ་ར། ཨཊྚ་ཨཊྚ་ཧ་ས་ནཱ་དི་ནེ། བྱཱ་གྷྲ་ཙརྨ་ནི་བ་ས་ན་ཀུ་རུ་ཀུ་རུ། སརྦ་ཀརྨཱ་ཎི་ཙྪིནྡ་ཙྪིནྡ། སརྦ་མན་ཏྲཱ་ན་བྷིན་ད་བྷིན་ད། བ་ར་མུ་ཏྲཱ་ན་ཨཱ་ཀཪྵ་ཡ། ཨཱ་ཀཪྵ་ཡ། སརྦ་བྷཱུ་ཏཱ་ན་མ་ཐ་མ་ཐ། ནིརྨ་ཐ་ནིརྨ་ཐ་སརྦ་དུཥྚཱ་ན་པྲ་བེ་ཤ་ཡ། པྲ་བེ་ཤ་ཡ། མཎྜ་ལ་མཌྷྱ། བཻ་བ་སྲ་ཏ་ཛཱི་བི་ཏཱ་ན་ཏ་ཀ་ར་ཀུ་རུ་ཀུ་རུ། མ་མ་སརྦ་ཀཱ། ད་ཧ་ད་ཧ། པ་ཙ་པ་ཙ། མཱ་བི་ལམྦ། མཱ་བི་ལམྦ། ས་མ་ཡ་མ་ནུ་སྨ་ར་ཧཱུཾ་ཧཱུཾ་ཕཊ་ཕཊ། སྥོ་ཊ་ཡ་སྥོ་ཊ་ཡ། སརྦ་ནཱ་ཤ་ཡ། ཀ་ར་ཀ་ར་བིགྷྣཱན། སརྦཱ་ཤ་པ་རི་པཱུར་ཀ །ཧེ་ཧེ་བྷ་ག་བཱན། ཀིཉྩ་རཱ་ཡ་སི། མ་མ་སརྦ་ཨཱརྠ་སཱ་དྷ་ཡ་སྭཱ་ཧཱ། འདི་དག་གསུངས་པའི་མོད་ལ་ནི། །རྡོ་རྗེ་མཐུ་ལྡན་སངས་རྒྱས་ཀྱིས། །མ་ལུས་འཁོར་དང་བཅས་པ་ཀུན། །ཐམས་ཅད་འཇིགས་ཤིང་འཇིགས་པ་ཆེ། །མྱུར་དུ་བསྲེགས་ཤིང་ཤིན་ཏུ་བརྒྱལ། །བ་སྤུ་གཟིངས་པར་གྱུར་པ་དང་། །མིག་ནི་མཆི་མས་རབ་ཏུ་འཁྲུགས། །བྱང་ཆུབ་སེམས་དཔའ་རྣམས་དྲན་ཅིང་། །འབར་བའི་ཚེ་ལ་གནོད་པ་ཙམ། །ཁྲོ་བོའི་ནང་ནས་ཁྲོས་པ་གཙོ། །མིག་སྨན་མདོག་བཞིན་ཀུན་ཏུ་འཚེར། །འཆི་བདག་གསོད་མཛད་གཤིན་རྗེའི་རྒྱལ། །གཏུམ་པ་ཆེ་ལ་མངོན་པར་གུས། །ཞེས་གསུངས་སོ། །དེ་ཡི་མོད་ལ་འཇིགས་པའི་གཟུགས། །ནམ་མཁའ་རྡོ་རྗེ་དབུས་གནས་སུ། །ཉི་མ་ལ་ནི་ཞབས་བསྐྱེད་སྟེ། །རང་གི་ཕ་བས་རྣམ་པར་བརྒྱན། །རི་རབ་རྩིག་པའི་འོད་བཞིན་དུ། །མིག་དམར་བཟློག་པས་གཏན་དུ་འཇིགས། །མཆེ་བ་རྣོ་ལ་རིང་བ་གཙིགས། །སྐུ་ཡི་རྡོ་རྗེས་ཅོད་པན་བརྒྱན། །རལ་གྲི་ལ་སོགས་མཚོན་བསྣམས་ཤིང་། །འབར་བ་དུར་ཁྲོད་དབུས་ན་འཇིགས། །འཇིགས་པའི་འཁོར་གྱིས་ཀུན་ཏུ་ ― DNG021_Page_0417 ―
[མ་དཔེ་གཟིགས་ན་འདིར་གནོན།]
བསྐོར། །དུར་ཁྲོད་སེམས་ཅན་འདུ་ཞིང་འཁྲུག །དཔའ་བོས་ཀུན་ཏུ་སྤྱད་པ་ནི། །རྡོ་རྗེ་ཅན་དག་ཉིད་དུ་སྦྱར། །འབར་བ་དྲག་པོའི་དཀྱིལ་འཁོར་ལ། །ཐལ་བ་ཆེན་པོས་བགོས་པའི་གཟུགས། །ཐོད་པ་སྲུབས་མེད་རིགས་ཅན་ལ། །མནན་ནམ་བསད་པའི་ཆོ་ག་ཡིན། །གསང་སྔགས་རྗེས་སུ་དྲན་བྱས་ནས། །གསུམ་མམ་བདུན་ནི་བརྗོད་ནས་ནི། །བདུད་ནི་ཀུན་ཏུ་རྩིར་འགྱུར་བསྟན། །གལ་ཏེ་དཔའ་བོའི་ལས་རྣམས་ལ། །མྱུར་དུ་ཞི་བར་འདོད་ན་ཡང་། །ཡུམ་ནི་ཞི་བའི་གསང་སྔགས་དང་། །ཏིང་ངེ་འཛིན་གྱིས་གྲོལ་བར་བྱ། །གཡས་པ་ཡི་ནི་ཕན་ཚུན་ཏེ། །སོར་མོ་བསྡུས་པའི་དབུས་གནས་པ། །ཀུན་ཏུ་བསྡུས་པ་རྡེག་པའི་སྟབས། །གཞན་ནི་ཡུམ་གྱི་ངོས་བཞག་སྟེ། །དབུ་མའི་ཚད་དུ་འགྱིང་བ་སྟེ། །དཔའ་བོ་རྔམ་པའི་ཕྱག་རྒྱ་ཡིན། །གཤིན་རྗེའི་གཤེད་ཀྱི་ཡེ་ཤེས་སྣང་བ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། གཤིན་རྗེའི་གཤེད་འབྱུང་བ་རྣམ་པར་བརྟག་པ་ཞེས་བྱ་བའི་ལེའུ་སྟེ་ལྔ་ པའོ།། །།དེ་ནས་བཅོམ་ལྡན་འདས་བརྟན་པའི་རྡོ་རྗེ་དམ་ཚིག་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བདུད་རྩིའི་ཐིག་ལེའི་དམ་ཚིག་གི་རྡོ་རྗེ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿས་མནྟ་ཀཱ་ཡ་བཱ་ཀ་ཙིཏྟ་བཛྲཱ་ཎཱཾ། ན་མོ་བཛྲ་ཀྲོ་དྷཱ་ཡ། མ་ཧཱ་དཾཥྚོ་ཏྐཊ་བྷཻ་ར་བཱ་ཡ། ཨ་སི་མུ་ས་ལ་པར་ཤུ་པཱ་ཤ་ཧསྟཱ་ཡ། ཨོཾ་ཨ་མྲྀ་ཏ་ཀུཎྜ་ལི། ཁ་ཁ་ཁཱ་ཧི་ཁཱི་ཧི། ཏིཥྛ་ཏིཥྛ། བན་དྷ་བན་དྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གརྫ་གརྫ། སྥོ་ཊ་ཡ་སྥོ་ཊ་ཡ། སརྦ་བིགྷྣཱན། བི་ནཱ་ཡ་ཀཱ་ན། མ་ཧཱ་ག་ཎ་པ་ཏི་ཛཱི་བི་ཏ་ཨ་ན་ཏ་ཀ་རཱ་ཡ་སྭཱ་ཧཱ། འདི་ནི་གསུངས་མ་ཐག་ཏུ་ཡང་། །མཐུ་དང་ལྡན་པའི་བདེ་གཤེགས་རྣམས། །ཤིན་ཏུ་འདར་ཞིང་དངངས་པར་གྱུར། །རབ་ཏུ་འཇིགས་པ་སྐྱེས་ནས་ཀྱང་། །འབར་བ་ཆེ་ལ་བསྟོད་པར་བྱེད། །མི་འཆི་ང་ཡི་གཡུང་དྲུང་སྟེ། །ཟག་པ་མེད་པའི་བདུད་རྩི་ཆེ། །སྐྲོད་ཅིང་འཇིགས་པ་ཆེར་འགྱུར་བ། །བགེགས་ ― DNG021_Page_0418 ―
[མ་དཔེ་གཟིགས་ན་འདིར་གནོན།]
རྒྱལ་འཇོམས་ལ་ཕྱག་འཚལ་བསྟོད། །གནག་ལ་གསུས་པ་འཕྱང་བ་ནི། །མི་བསྐྱོད་རྡོ་རྗེའི་ཅོད་པན་ཅན། །འཕྲོ་དང་འདུ་བའི་སྤྲིན་རྣམས་འཁྲུགས། །མི་ཡི་རྐང་ལ་ཕུར་པ་བྱ། །རྡོ་རྗེ་ཅན་ཡང་སྐྲོད་འགྱུར་བས། །དངོས་པོ་གཞན་ལ་ཐེ་ཚོམ་མེད། །ལག་གཉིས་རྡོ་རྗེ་དབུས་བསྟན་ཏེ། །རྐང་གཉིས་གཤིབས་ཏེ་དྲག་ཏུ་མཆོངས། །འཇིགས་པའི་རང་བཞིན་རྣམ་བརྟག་སྟེ། །བདུད་རྩི་རྒྱལ་གྱི་ཕྱག་རྒྱ་ཡིན། །ལས་རྣམས་ཐམས་ཅད་བསམ་པས་འགྲུབ། །དུག་ཞི་བར་བྱེད་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། བདུད་རྩི་འབྱུང་བ་བརྟག་པ་ཞེས་བྱ་བའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་མཉམ་པ་ཉིད་ཀྱི་རྡོ་རྗེ་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཁྲོ་བོ་རྡོ་རྗེ་གཞན་གྱིས་མི་ཐུབ་པ་ཞེས་བྱ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿས་མནྟ་ཀཱ་ཡ་བཱ་ཀ་ཙིཏྟ་བཛྲཱ་ཎཱཾ། ཨཱྃ་ཧཱུཾ་ཛི་ན་རི་ཊིཊྚ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། འདི་ཉིད་གསུངས་པའི་མོད་ལ་ནི། །སངས་རྒྱས་དབང་ཕྱུག་ཆེན་པོ་རྣམས། །འཇིགས་ཤིང་རབ་ཏུ་འཇིགས་གྱུར་ནས། །བསྟོད་པ་སྣ་ཚོགས་རྩོམ་པ་ཡིན། །བགེགས་ཀྱི་མཐུ་རྣམས་ཟློག་བྱེད་ཅིང་། །སངས་རྒྱས་རྣམས་ཀྱིས་དབང་བསྐུར་བ། །གཞན་གྱིས་མི་ཐུབ་གཞན་ལས་རྒྱལ། །རྡོ་རྗེའི་ལས་མཛད་ཕྱག་འཚལ་ལོ། །ཉི་མ་འབར་བ་ཞབས་ཀྱིས་མནན། །ནམ་མཁའ་རྡོ་རྗེ་དབུས་གནས་བདེ། །སྦྲུལ་གྱི་རྒྱན་ཅན་འཇིགས་པར་བལྟ། །རཱ་གའི་མདོག་བཞིན་ཀུན་ཏུ་འཚེར། །རྡོ་རྗེ་ཐུགས་ཀྱི་ཅོད་པན་ཅན། །དྲག་པོའི་སྒྲ་འབྱིན་འབར་བ་འཕྲོ། །ཐབས་ཀྱི་ཕྱོགས་ནི་སྲིད་དུ་བརྒྱང་། །ཤེས་རབ་ཕྱོགས་ནི་ཕྱོགས་བཅུར་ཕྱག །གཞན་ལས་རྒྱལ་གྱི་ཕྱག་རྒྱ་ཡིན། །དཔའ་བོས་གསང་བའི་གནས་སུ་འབད། །འབྱུང་པོ་ཆེ་རྣམས་སྲེག་པར་བྱེད། །དཔའ་བོ་ཕྲ་མོ་ཐེ་ཚོམ་མེད། །འདི་ལ་དཔག་པར་མི་བྱའོ། །རྣམ་པར་ ― DNG021_Page_0419 ―
[མ་དཔེ་གཟིགས་ན་འདིར་གནོན།]
བསྡིགས་པ་ཆེན་པོའི་བརྟག་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། གཞན་གྱིས་མི་ཐུབ་པ་ཞེས་བྱ་བའི་ལེའུ་སྟེ་བདུན་ པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཆེན་པོ། འདོད་ཆགས་རྡོ་རྗེ་རྣམ་པར་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྟ་སྐད་ཀྱི་རྣམ་པར་འཕྲུལ་པ་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྣམས་ལས་ཕྱུང་ངོ་། །ཨཱོཾ་ཧཱུཾ་ཧཱུཾ་ཧཱུཾ། ཏ་རུ་ལ་བི་རུ་ལ། སརྦ་བི་ཥ་གྷཱ་ཏ་ཀ་བ། ཛྭ་ལི་ཏ། བིསྥུ། ལིངྒ་། ཨཊྚ་ཨཊྚ་ཧཱ་ས། ཀེ་ས་རི་ས་ཊོ་ཊ་ས། བཛྲ་ཁུ་ར་ནི་ཏ་ན། ཙ་ལི་ཏོ། བ་སུ་དྷཱ་ཏ་ལ། ནི་ཤྭཱ་ས་མཱ་རུ་ཏ་དཀྵྀ་བ་ཏ། དྷ་ར་ཎཱི་དྷ་ར། བྷི་ཥ་ཎ་ཨཊྚ་ཨཊྚ་ཧཱ་ས་ཨ་པ་རི་མི་ཏ། བ་ལ་ས་ཏཱ་ཀྲ་མ། ཨཱརྱ་ག་ཎ་གྷཱི་ཏ་བྷཱུ་ཏ་ག་ཎཱ་དྷྱ་ཥི་ཏ། བུདྷྱ་བུདྷྱ། ཧ་ཡ་གྲཱི་བ། ཁཱ་ད་ཁཱ་ད། པ་ར་སན་ཏྲཱི། ཙྪིནྡ་ཙྪིནྡ། བ་ཏ་བ་ཏ། སིདྡྷི་མྨེ་དི་ཤ །ཨཱ་བེ་ཤ་ཡ། ཨཱ་བེ་ཤ་ཡ། སརྦ་ཛྭ་ར་པི་ཤཱ་ཙཱ་ན། སརྦ་གྲ་ཧེ་ཥྭ་པྲ་ཏི་ཧ་ཏོ་བྷ་བ་བཛྲ་དཾཥྚཱ་ཀཉྩི་རཱ་ཡ་སི། ཨི་དཾ་དུཥྚ་སརྦཾ་ཝཱ། དྷུ་ན་དྷུ་ན། མ་ཐ་མ་ཐ། པཱ་ཊ་པཱ་ཊ། པཱ་ཊི་ཡ་པཱ་ཊ་ཡ། མ་ཊ་མ་ཊ། བན་དྷ་བན་དྷ། བུཌྜྷ་དྷརྨ་སཾ་གྷྲ་ནུ། ཛྙཱ་ན་ཀརྨ་ཀུ་རུ་ཤཱིགྷྲཾ། ཧ་ཡ་གྲཱི་བ་ཡ་ཕཊ། བཛྲཱ་ཡ་ཕཊ། བཛྲཱ་གཱ་ཏྲཱ་ཡ་ཏྲ་ཕཊ། བཛྲ་ན་ཏྲཱ་ཡ་ཕཊ། བཛྲ་དཾཥྚཱ་ཡ་ཕཊ། བཛྲ་ཁུ་རཱ་ཡ་ཕཊ། བཛྲ་ཁུ་ར་ནི་ཏ་ནཱ་ཡ་ཕཊ། པ་ར་མན་ཏྲ་བི་ནཱ་ཤ་ནཱ་ཡ་ཕཊ། ཊྭཱ ་ལོཀྱ་བྷ་ཡི་ཀ་རཱ་ཡ་ཕཊ། སརྦ་ཀརྨ་ཥྭ་པྲ་ཏི་ཧ་ཏཱ་ཡ་ཕཊ། བཛྲ་ཀུ་ལ་སནྟྲཱ་ས་ནཱ་ཡ་ཕཊ། ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། གསང་སྔགས་གསུངས་པའི་མོད་ལ་ནི། །རྡོ་རྗེ་རྒྱ་མཚོའི་སངས་རྒྱས་རྣམས། །ཤིན་ཏུ་འཇིགས་པའི་སེམས་སྐྱེས་ནས། །རྡོ་རྗེ་ཆོས་ལ་བསྟོད་པ་བྱེད། །འདོད་ཆགས་ཆེན་པོ་རྨད་བྱུང་སྐུ། །དྲན་པས་ཁམས་གསུམ་དུག་འཇོམས་པ། །མི་བཟད་འཇིགས་ཆེན་བདག་ཕྱག་འཚལ། །ནམ་མཁའ་རྡོ་རྗེའི་དབུས་གནས་སུ། ། ― DNG021_Page_0420 ―
[མ་དཔེ་གཟིགས་ན་འདིར་གནོན།]
ཉི་མའི་དཀྱིལ་འཁོར་བརྟག་བྱ་སྟེ། །རྡོ་རྗེ་རྟ་ཡི་དམ་ཚིག་བརྟག །འོད་ཟེར་མང་པོ་འདུ་ལོང་བྱེད། །དམར་པོ་འོད་དཔག་ཅོད་པན་ཅན། །ཐལ་མོ་མཉམ་དུ་སྦྱར་བྱས་ནས། །གུང་མོས་འདུ་བྱེད་བསྒྲུབ་པར་བྱ། །མཐེ་བོང་དཔྲལ་བའི་སྟེང་དུ་བཞག །རྟ་ཡི་རྒྱལ་པོ་གདེངས་པའི་རྒྱ། །ཁམས་གསུམ་དུག་རྣམས་ཞི་བར་བྱེད། །མཁས་པས་ཐམས་ཅད་ལས་ཀྱང་འགྲུབ། །སྡུག་བསྔལ་ཆེན་པོ་ཞི་བར་བྱེད་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྡོ་རྗེ་རྟའི་རྒྱལ་པོ་རྣམ་པར་བརྟག་པ་འབྱུང་བ་ཞེས་བྱ་བའི་ལེའུ་སྟེ་བརྒྱད་ པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་ལས་ཆེན་པོའི་ཉིང་ལག་གི་འོད་འཕྲོས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་དབྱུག་པ་ཆེན་པོའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿསནྟ་ཀཱ་ཡ་བཱག་ཙིཏྟ་བཛྲཱ་ཎཱཾ། ཨཱོཾ་ཨེ་ཧྱེ་ཧི་བྷ་ག་ཝཱན། ནི་ལ་བཛྲ་དཎྜ། ཏུ་རུ་ཏུ་རུ། ཧུ་ལུ་ཧུ་ལུ་སྭཱ་ཧཱ། གུ་ལུ་གུ་ལུ། གུ་ལཱ་པ་ཡ་གུ་ལཱ་པ་ཡ། ཀྲ་མ་ཀྲ་མ་བྷ་ག་བཱན། བཱ་ཡུ་བེ་གེ་ན། བྷཱུ་ཏཱན་ཤཱི་གྷྲཾ། ད་ཧ་ད་ཧ། ད་ར་ད་ར། ཧ་ན་ཧ་ན། པ་ཙ་པ་ཙ། པི་ཏ་པི་ཏ་ཕཊ་ཕཊ། པཱ་ཏ་ཡ་པཱ་ཏ་ཡ། མ་ཊ་མ་ཊ། མོ་ཊཱ་པ་ཡ་མོ་ཊཱ་པ་ཡ། སརྦ་ཀརྨཱ་ཎི། ཙྪིནྡ་ཙྪིནྡ། བྷཱཀྵ་ཡ་བྷཱཀྵ་ཡ། ཨ་སྦི་མི་དཾ་ཨདྱ། རུ་དྷི་ར་མ་ཧྐཾ། མི་དཾ་བི་ཤཱ་མ་ཧྐཾ རུ་དྷི་ར་ན། པྲི་ཡ་ཨེ་ཧྱེ་ཧི་བྷ་ག་བཱན། སརྦ་བིགྷྣཱ་ནི། སརྦ་བིདྱཱ་ནི། སརྦ་མནྟྲ་ཎི། སརྦ་མཱུ་ལ་ཀརྨ་ཎཱི། སརྦ་ཀྲི་ཏྲི་མ་ཎི། བི་ཥ་དི་ནི་སརྦ་གྲ་ཧཱ་ན། ཧ་ན་ཧ་ན། བྷ་བྷ། མ་རྡ་མ་རྡ་ཨི་དཾ་མེ། ཀཱ་རྱཾ་སཱ་དྷ་ཡ་ཧཱུཾ། ནཱི་ལ་ཡ་ནཱི་ལ་ཡ། ནཱི་ལ་བཛྲ་དཎྜ་ཡ། ཏུ་རུ་ཏུ་རུ། བིགྷྣཱཾ་བི་ནཱ་ཡ་ཀཾ། ནཱ་ཤ་ཡ་ནཱ་ཤ་ཡ། ཏུ་རུ་ཏུ་རུ། དཱིཔྟ་ཙཎྜ་ཡ། སརྦ་ཤ་ཏྲཱུ་ཎཱཾ་ཧྲྀ་ད་ཡ་ནི། བཱི་ཊ་ཡ། ཙྪིནྡ་ཙྪིནྡ། པ་ར་བིདྱཱ་ནཱི། ཙྪེ་ད་ཀ་ཧཱུཾ། བིདྱཱ་ནཱཾ། ཤི་ཥྚི་ཀ་ས་མ་ཡ་མ་ནུ་སྨ་ར་ཡ། བཛྲ་ ― DNG021_Page_0421 ―
[མ་དཔེ་གཟིགས་ན་འདིར་གནོན།]
དྷ་ར་བ་ཙ་ནཱཾ། ཙ་མཱ་ར་མ་ཎི། ནི་ཀྲིན་ཏ་ཧཱུཾ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཏུ་རུ་ཏུ་རུ། ཀུ་རུ་ཀུ་རུ། ཕཊ་ཕཊ་ཧཱུཾ་ཧཱུཾ། ཀྲི་ཏཱན་ཏཱ་ཡ། དེ་བ་རྀ་ཥི། བི་དྲཱ་བ་ཀཱ་ཡ། ཧ་ན་བཛྲ་དཎྜ་ན་སྭཱ་ཧཱ། དེ་བཞིན་འདི་ནི་གསུངས་པས་ཀྱང་། །སངས་རྒྱས་གྲགས་ཆེན་སྟོབས་བཟང་པ། །རྣམ་པར་དྲེད་ཅིང་དངངས་པར་འགྱུར། །དབྱུག་པ་ཆེ་ལ་བསྟོད་པ་འབད། །ལས་ལས་བྱུང་བ་ལས་ཀྱི་ལྷ། །ཁྲོ་ཆེན་དབྱུག་པའི་གདེངས་ཀ་ཅན། །འཇིགས་བྱེད་འཇིགས་པའི་རྒྱན་གྱིས་བརྒྱན། །ཕྱག་འཚལ་གསོད་བདག་ཁྱོད་ལ་འདུད། །གནག་ལ་སྐམ་པའི་ཁྲོ་བོ་ནི། །འབར་བའི་ཕྲེང་བས་འཁྲུགས་པར་བྱས། །ཐུགས་ཀྱི་རྡོ་རྗེ་ཅོད་པན་ཅན། །ལས་རྣམས་ཀུན་ལ་གསོད་པར་བརྩོན། །ཐབས་ཀྱི་ཙམ་པོ་ཐ་མའི་ཆ། །དེ་ཡི་དབུས་གནས་སྲིད་དུ་བརྐྱང་། །རྡོ་རྗེ་དབྱུག་པའི་རྒྱ་ཆེན་ཡིན། །མྱུར་དུ་ཤི་བར་བྱ་བ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཕགས་པ་རྡོ་རྗེའི་དབྱུག་པ་འབྱུང་བའི་རྣམ་པར་བརྟག་པ་ཞེས་བྱ་བའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་ཡེ་ཤེས་འཕྲོ་བ་ཆེན་པོ་ཕུང་པོ་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་སྟོབས་ཀྱི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿས་མནྟ་བུདྡྷཱ་ནཱཾ་ཀཱ་ཡ་བཱ་ཀ་ཙིཏྟ་བཛྲཱ་ཎཱཾ། ཨོཾ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་ཨུ་གྲ་ཤཱུ་ལ་པཱ་ཎི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་ཛྱོ་ཏི་ནི་ར་ད་ནཱ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨཱོཾ་མ་ཧཱ་བ་ལཱ་ཡ་སྭཱ་ཧཱ། འདི་ནི་གསུངས་མ་ཐག་ཏུ་ཡང་། །སངས་རྒྱས་ཚོགས་ཆེན་འཇིགས་གྱུར་ནས། །རབ་ཏུ་འདར་བས་བསྟོད་པར་བྱེད། །རྡོ་རྗེ་རྡོ་རྗེ་སྟོབས་ཀྱི་མཆོག །གང་གིས་དྲན་ན་ཀླུ་རྣམས་འཇིགས། །དེ་ཕྱིར་ཆར་གྱི་རྒྱུན་འབེབས་ཤིང་། །བཟླས་ལ་མཛད་སྟོབས་ལ་ ― DNG021_Page_0422 ―
[མ་དཔེ་གཟིགས་ན་འདིར་གནོན།]
བསྟོད་དོ། །མཁས་པས་ནམ་མཁའ་རྡོ་རྗེའི་དབུས། །ཉི་མའི་དཀྱིལ་དབུས་རྣམ་བསམ་བྱ། །འབར་བའི་འདུ་འཕྲོ་སྐུ་ལ་འབར། །ཐུགས་ཀྱི་རྡོ་རྗེ་ཅོད་པན་བྱས། །ལས་ཀྱི་རྒྱལ་པོར་བརྟག་པར་བྱ། །ཐུར་དུ་རྐང་མཐིལ་མཉམ་གནས་ཤིང་། །ལག་པ་སོ་སོར་གར་ལ་བརྩོན། །སྟོབས་ཆེན་འཆང་བའི་ང་རྒྱལ་ནི། །རྡོ་རྗེ་སྟོབས་ཀྱི་ཕྱག་རྒྱ་ཡིན། །མཉམ་གནས་མཁས་པས་འབད་པར་བྱ། །ཕྱི་རོལ་གྱི་ལས་བརྟག་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྡོ་རྗེ་སྟོབས་ཀྱི་རྣམ་པར་འཕྲུལ་པའི་ཡེ་ཤེས་བརྟག་པ་ཞེས་བྱ་བའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་འབྲུག་སྒྲས་ཐོས་པར་སྒྲོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཏ་ཀཱི་རྒྱལ་པོའི་གསང་སྔགས་འདི་ཕྱུང་ངོ་། །ན་མཿས་མནྟ་ཀཱ་ཡ་བཱ་ཀ་ཙིཏྟ་བཛྲཱ་ཎཱཾ། ཊཱཀྐི་ཧཱུཾ་ཛཿ། འདི་ནི་གསུངས་པའི་མོད་ལ་ནི། །དབང་ཕྱུག་ཆེན་པོ་མཐའ་ཡས་རྣམས། །འཇིགས་པ་ཆེན་པོ་སྐྱེས་ནས་འདུད། །ཁྲོ་བོའི་རྒྱལ་པོ་འགུགས་ཆེན་པོ། །རྒྱན་རྣམས་རྫོགས་པའི་རང་བཞིན་ནི། །ཉི་མ་བྱེ་བ་བརྒྱ་ཡི་འོད། །ཐུགས་ཀྱི་རྡོ་རྗེ་ཅོད་པན་འདུད། །ལིངྒ་རྐང་པས་མནན་ནས་ཀྱང་། །ལྷ་ཆེན་རང་བཞིན་འདུས་པར་བྱ། །ཐལ་མོ་མཉམ་གནས་དབུས་སུ་ཡང་། །གསང་བའི་དབང་པོ་ལྟབ་ན་འོང་། །རྣམ་པར་དག་པ་ཆེན་པོའི་བརྟག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཁྲོ་བོའི་རྒྱལ་པོ་ཆེན་པོ་ཏ་ཀཱི་རྒྱལ་པོའི་རྣམ་པར་འཕྲུལ་པའི་བརྟག་པ་རྡོ་རྗེ་ཞེས་བྱ་བའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ། རྡོ་རྗེ་ ― DNG021_Page_0423 ―
[མ་དཔེ་གཟིགས་ན་འདིར་གནོན།]
འབར་བའི་སྟོབས་ཀྱིས་ཀུན་ཏུ་འབར་བ་འཕྲོ་བ་མང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མི་གཡོ་བའི་རྡོ་རྗེ་འབྱུང་བ་ཞེས་བྱ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿས་མནྟ་ཀཱ་ཡ་བཱ་ག་ཙིཏྟ་བཛྲཱ་ཎཱཾ། ཨ་ཙ་ལ་ཀ་ཎ་ཙཎྜ་ན་ཊན་ཊ་ཏ། མོ་ཊྚ་མོ་ཊྚ། པོ་ཏ་པོ་ཏ། ཧ་ཏ་ཧ་ཏ། མོ་ཧ་ཡ་མོ་ཧ་ཡ། ཧ་ས་ཧ་ས། ཧ་ན་ཧ་ན། ཏིཥྛ་ཏིཥྛ། ཨཱ་བི་ཤ །ཨཱ་བི་ཤ །མ་ཧཱ་མནྟཱ་པཱ་ལ་ཀ །ཏི་ཎི་ཏི་ཎི། ཁད་ཁད། བིགྷྣཱཾ། མཱ་ར་ཡ་མཱ་ར་ཡ། དུཥྚཱ་ན་བྷཀྵ་བྷཀྵ། སརྦཱཾ་ཀུ་རུ་ཀུ་རུ། ཀི་རི་ཀི་རི། མ་ཧཱ་བི་ཥ་མ། བཛྲ་སྥོ་ཊ་ཡ་སྥོ་ཊ་ཡ། ཧཱུཾ་ཧཱུཾ་ཧཱུཾ། ཏྲི་བ་ལི་ཏ་རཾ་ག་ན་རྟ་ཀ །ཨཾ་ཨཾ་ཨཾ་ཧཾ་ཧཾ་ཧཾ། ཨ་ཙ་ལ་ཙི་ཊ། སྥོ་ཊ་ཡ་སྥོ་ཊ་ཡ་ཧཱུཾ་ཧཱུཾ། ཨ་ས་མནྟ་ཀཱ་ཊཱ། མ་ཧཱ་བ་ལ་ཤ་ཏ་ཡ། པ་ར་མཱ་ནྟྲཾ། ཨཱཾ་ཨཱཾ། ཧཱཾ་ཧཱཾ་མཾ་ཤྱ་དྷྱེན་ཏུ་ལོ་ཀ་ཏུ་ཧྼླུཾ ་ཏུ། བ་ན་མོ་ཏུ་ཀུ་ཨ་ཏྲ་ཧ་ཏ། བ་ལེ་བྷྱཿཛྭ་ལ་ཡ་ཏྲཱ་ཊ། ཨ་ས་ཧ་ན་སཿསྭཱ་ཧཱ། འདི་དག་གསུངས་པའི་མོད་ལ་ནི། །དཔའ་བོ་རྣམས་ཀྱང་འདར་ཞིང་བསྟོད། །ཀྱེ་མའོ་བདེ་གཤེགས་སྤྱོད་ཡུལ་ལས། །མི་གཡོ་རྡོ་རྗེ་རྣམ་པར་འཇིག །འཇིག་རྟེན་སྲེག་པར་མཛད་པ་སྟེ། །སྤྱན་ཟུར་རལ་གྲི་བསྣམས་ལ་འདུད། །ནམ་མཁའ་རྡོ་རྗེ་དབུས་གནས་སུ། །ཁྲོ་ཆེན་འཇིགས་ཤིང་འཚེག་པ་བརྟག །ཐུགས་ཀྱི་རྡོ་རྗེ་ཅོད་པན་བརྒྱན། །ཤེས་རབ་ཀྱིས་ནི་བསྒྲུབ་བྱ་འཛིན། །ཐབས་ཀྱིས་ཅོད་པན་གདེངས་པར་བྱེད། །རྣམ་པར་བརྟག་པ་ཆེན་པོ་འདི། །མི་གཡོ་རྒྱལ་གྱི་རྒྱ་ཆེན་ཡིན། །དཔའ་བོས་བསྒོམ་ན་ལས་རྣམས་འགྲུབ། །ཐོགས་པ་མེད་པར་བསྒྲུབ་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཕགས་པ་མི་གཡོ་བར་རྣམ་པར་འཕྲུལ་པའི་ཡེ་ཤེས་འབྱུང་བ་བརྟག་པ་ཞེས་བྱ་བའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ། རྡོ་རྗེ་དགོངས་པ་རྣམ་པར་འགྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་ ― DNG021_Page_0424 ―
[མ་དཔེ་གཟིགས་ན་འདིར་གནོན།]
པར་ཞུགས་ནས། ཁྲོ་བོ་གནོད་མཛེས་རྣམ་པར་འབྱུང་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །སུམ་བྷ་ནི་སུམ་བྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞཱ་པ་ཡ། གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་བཱན་བིདྱཱ་རཱ་ཛ་ཧཱུཾ་ཕཊ། འདི་ནི་གསུངས་པའི་མོད་ལ་ནི། །འབར་བ་རྣམས་ཀྱང་བསྟོད་པར་བྱེད། །དཔའ་བོ་མེ་ལྕེ་རབ་འབར་སྐུ། །རྡོ་རྗེའི་འདུ་འཕྲོ་སྤྲིན་འཁྲུགས་པ། །གནོན་ཅིང་འགུགས་པའི་ལས་སོགས་ཆེ། །ཐུགས་ཀྱི་ཅོད་པན་ཕྱག་འཚལ་ལོ། །ནམ་མཁའ་རྡོ་རྗེའི་དབུས་གནས་སུ། །རྡོ་རྗེ་སྟོབས་ཀྱིས་འདུག་ནས་ཀྱང་། །རབ་ཏུ་བརྩོན་པར་བྱེད་པ་ཡིས། །མཁས་པས་གང་ཡང་འགྲུབ་པར་ངེས། །གཞན་དུ་རྣམ་པར་དཔྱད་མི་དགོས། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཕགས་པ་སུམ་བྷ་ རྣམ་པར་འཕྲུལ་པའི་ཡེ་ཤེས་འབྱུང་བའི་བརྟག་པ་ཞེས་བྱ་བའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། ཟབ་མོ་རྣམ་པར་བཀོད་པའི་རྡོ་རྗེ་རྣམ་པར་སྤངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཧཱུཾ་ཆེན་པོ་རྣམ་པར་བརྟག་པ་ཞེས་བྱ་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་མ་ཧཱ་ཀྲོ་དྷ་ཧཱུཾ་ཀཱ་ར་ཨོཾ་ཨཱཿཧཱུཾ། འདི་དག་གསུངས་པའི་མོད་ལ་ནི། །གྲགས་པ་ཆེན་པོ་མཐའ་ཡས་ཀྱིས། །རྣམ་པར་བསྟོད་པ་སྤྲོས་པ་ཡིན། །རྡོ་རྗེ་ཧཱུཾ་སྟེ་ཧཱུཾ་གི་མཆོག །ཧཱུཾ་གི་རང་བཞིན་མཁའ་དང་མཉམ། །གདུག་པའི་རྒྱན་གྱིས་རྣམ་པར་འབར། །རྡོ་རྗེ་ཧཱུཾ་ལ་ཕྱག་འཚལ་ལོ། །མཁའ་དབུས་ལག་མཐིལ་སྦྱར་ཏེ་བསྒྲེང་། །རྐང་པ་བརྐྱང་བསྐུམ་དོར་ཐབས་འདོར། །རྡོ་རྗེའི་སྟངས་སྟབས་གར་ཉིད་ཀྱིས། །གོམ་པ་ལེགས་པར་འཇོག་བྱེད་པ། །རྡོ་རྗེ་ཧཱུཾ་གི་ཕྱག་རྒྱ་ཡིན། །ནམ་མཁའ་རྡོ་རྗེ་དབུས་གནས་སུ། །ཉི་མའི་ ― DNG021_Page_0425 ―
[མ་དཔེ་གཟིགས་ན་འདིར་གནོན།]
སྟེང་དུ་མཁས་པས་བརྟག །ཐམས་ཅད་ལས་རྣམས་གྲུབ་པར་འགྱུར། །རྟོག་པ་མེད་པའི་མཁས་པས་འབད། །ནམ་མཁའི་རྡོ་རྗེའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཕགས་པ་ཧཱུཾ་ཆེན་པོའི་རྣམ་པར་འཕྲུལ་པའི་ཡེ་ཤེས་འབྱུང་བའི་རྣམ་པར་བརྟག་པ་ཞེས་བྱ་བའི་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་རྣམ་པར་དཀར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྣམ་པར་རྒྱལ་བ་འབྱུང་བ་ཞེས་བྱ་བའི་གསང་སྔགས་འདི་གསུངས་སོ། །ཨཱོཾ་བཛྲ་མ་ཧཱ་ཀྲོ་དྷ་བི་ཛ་ཡ། མ་ཧཱ་ས་མ་ཡ། ཨོཾ་ཨཱཿཧཱུཾ་ཧཱུཾ་ཧཱུཾ། འདི་ནི་གསུངས་པའི་མོད་ལ་ནི། །དཔའ་བོ་རྣམས་ཀྱང་འདར་ཞིང་སྔངས། །རབ་ཏུ་འདུད་པའི་བསྟོད་པ་བྱས། །རྣམ་པར་རྒྱལ་བ་ཀུན་ལས་རྒྱལ། །འབར་བའི་ཁྲོ་ཆེན་གདུག་པ་འདུལ། །ངེས་པའི་ཆོ་ག་རྫོགས་པའི་ཕྱིར། །དཔའ་མཚན་ཆེ་ལ་ཕྱག་འཚལ་བསྟོད། །ཤེས་རབ་ཀྱི་ནི་རྐང་པ་ཡིས། །ཐབས་ལ་རྣམ་པར་འཁྱུད་པས་ནི། །ལག་གི་རྡོ་རྗེ་གར་བྱེད་ཅིང་། །རྡོ་རྗེ་ཐལ་མོ་བརྡབ་པ་ནི། །རྣམ་པར་རྒྱལ་བའི་ཕྱག་རྒྱ་ཡིན། །ཉི་མའི་དཀྱིལ་འཁོར་དབུས་གནས་པ། །འབར་བའི་ཞབས་ཀྱིས་མནན་ནས་ཀྱང་། །གོམ་པའི་དབང་དུ་སྦྱར་བར་བྱ། །བསྐལ་པ་ཆེན་པོའི་ལས་རྣམས་ཀྱང་། །ཁྲོ་བོས་མི་འགྲུབ་གང་ཡང་མེད། །མཁས་པས་རང་སེམས་བརྟན་པར་བྱ། །འཕགས་པ་རྣམ་པར་རྒྱལ་བའི་འཁོར་ལོ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཕགས་པ་རྣམ་པར་རྒྱལ་བ་འཕྲུལ་པའི་ཡེ་ཤེས་ཀྱི་རྩེ་མོ་འབྱུང་བ་བརྟག་པ་ཞེས་བྱ་བའི་ལེའུ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། ― DNG021_Page_0426 ―
[མ་དཔེ་གཟིགས་ན་འདིར་གནོན།]
དཔལ་རྡོ་རྗེ་འཇིགས་བྱེད་དབང་ཕྱུག་ཆེན་པོ། ཡང་དག་པའི་རྡོ་རྗེ་འཇིགས་པ་མེད་པའི་ཀུན་ཏུ་བསྒྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བགེགས་འཇིགས་པར་བྱེད་པའི་ཁྲོ་བོ་ཁམས་གསུམ་ལས་རྣམ་པར་རྒྱལ་བའི་གསང་སྔགས་ཀྱི་འབྱུང་བ་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་བཛྲ་མ་ཧཱ་ཀྲོ་དྷ་ཏྲཻ་ལོཀྱ་ཧཱུཾ་ས་མ་ཡ་སྟྭཾ། ཨོཾ་ཨཱཿཧཱུཾ་ཧཱུཾ་ཧཱུཾ། འདི་དག་གསུངས་པའི་མོད་ལ་ནི། །དཔའ་བོ་རྣམས་ཀྱི་ཚོགས་དང་བཅས། །ཐམས་ཅད་གུས་བཅས་བསྟོད་པར་སྦྱར། །འཇིག་རྟེན་འདིར་ནི་འཇིགས་པ་རྣམས། །ཐམས་ཅད་འཇིགས་པར་མཛད་པའོ། །སངས་རྒྱས་ཆེན་པོ་ཁྲོས་པའི་གཟུགས། །བདག་ཅག་ཁམས་གསུམ་རྒྱལ་ལ་སྐྱབས། །ནམ་མཁའ་རྡོ་རྗེ་དབུས་གནས་སུ། །འབར་བ་ཉིད་ཀྱི་སྟེང་ན་འགྱིང་། །རྡོ་རྗེ་འཇིགས་པའི་རྒྱན་གྱིས་བཞག །དཔའ་བོ་ཐེ་ཚོམ་མེད་པའི་རྒྱུ། །བློ་ཡིས་རྣམ་པར་བརྟག་པར་བྱ། །ལས་རྣམས་འགྲུབ་པར་ཐེ་ཚོམ་མེད། །ཞལ་གསུམ་ཕྱག་དྲུག་ཞབས་བཞི་འམ། །ཡང་ན་གཉིས་པར་བརྟག་པའོ། །རྒྱན་ནི་ཀུན་གྱིས་སྐུ་ལ་བརྒྱན། །ལུས་དང་ངག་དང་ཡིད་ཀྱིས་ཀྱང་། །རྟག་ཏུ་མཉམ་སྦྱོར་མཁས་པས་འགྲུབ། །གང་དག་ཐུན་མོང་སོང་བ་དང་། །སྤྱི་ཡི་ལས་རྣམས་འགྲུབ་པར་འགྱུར། །དཀྱིལ་འཁོར་འདི་ནི་དཀྱིལ་འཁོར་ཆེ། །རྒྱུད་རྣམས་ཀུན་གྱི་ཆོ་གའོ། །རྒྱུད་རྣམས་ཀུན་གྱི་ཆོ་གར་བསྒྲུབ། །འཕགས་པ་ཁམས་གསུམ་ལས་རྣམ་པར་རྒྱལ་བའི་སྟོབས་འབྱུང་བ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཕགས་པ་ཁམས་གསུམ་ལས་རྣམ་པར་རྒྱལ་བ་འཕྲུལ་པའི་བརྟག་པ་ཞེས་བྱ་བའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་ཡེ་ཤེས་ཀྱི་རྩེ་མོ་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ ― DNG021_Page_0427 ―
[མ་དཔེ་གཟིགས་ན་འདིར་གནོན།]
སོ། །དེ་ནས་འཁོར་དེའི་ནང་ནས། གསང་བའི་བདག་པོ་ལག་ན་རྡོ་རྗེ་ཐོགས་པ་མེད་པ་ཞེས་བྱ་བ་རང་གི་འཁོར་དུ་མ་དང་བཅས་པས། བརྡའ་དང་མགྲིན་གཅིག་ཏུ་རྡོ་རྗེའི་མཆོད་པ་ཆེན་པོ་འབར་བར་བྱས་ཏེ། ཚིགས་སུ་བཅད་པའི་དབྱངས་ཀྱིས་དེ་བཞིན་གཤེགས་པ་ལ་གསོལ་བ་བཏབ་པོ། །ཐེག་པའི་ཐེག་མཆོག་གསང་བ་བླ་མེད་ཆེ། །འབྲས་བུ་ཀུན་བཟང་རྡོ་རྗེའི་སྟོབས་རྫོགས་པ། །ཡེ་ཤེས་རྩེ་མོ་བླ་མེད་ཀུན་འབྱུང་ཉིད། །སངས་རྒྱས་ཀུན་གྱི་ཕྲིན་ལས་བཤད་དུ་གསོལ། །བླ་མེད་རྡོ་རྗེ་ཟབ་མོའི་རྟོག་སྤངས་ཏེ། །ཞི་དང་སྲིད་པའི་དངོས་པོ་ཐ་མི་དད། །གང་ལ་བླང་དོར་མེད་ཀྱང་བདུད་གཞོམ་ཕྱིར། །ཡེ་ཤེས་ཕུར་པའི་རྩེ་མོ་བཤད་དུ་གསོལ། །དེ་ནས་བཅོམ་ལྡན་འདས་རྣམ་པར་འཕྲོ་བ་འཇུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕྲིན་ལས་དུ་མ་ལ་འཇུག་པའི་ཕུན་སུམ་ཚོགས་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་རྡོ་རྗེ་རིན་ཆེན་པདྨ་དང་། །ལས་རབ་མཆོག་དང་འཁོར་ལོ་ཆེ། །སྲས་མཆོག་ཕུར་པའི་རང་བཞིན་ནི། །འབར་བའི་ཁྲོ་བོ་ལ་སོགས་པ། །བཅུ་དྲུག་ལས་ཀྱི་དབྱེ་བ་ཡིས། །རྣམ་པ་བདུན་དུ་བཤད་བྱ་སྟེ། །ཞི་རྒྱས་དབང་དང་མངོན་སྤྱོད་ནི། །མཁས་པས་འབད་པར་བྱ་བ་ཡིན། །གང་ལ་དངོས་གྲུབ་བླང་བའི་དུས། །ངན་སྔགས་གཅད་དང་ཕྱག་རྒྱ་གཅད། །བགེགས་བསྐྲད་རང་གི་རིག་པ་གསོ། །ལྔ་ནི་ཡན་ལག་ཆོ་ག་ཤེས། །བསྒྲུབ་བྱ་གསང་ཕྱིར་དགུག་པ་དང་། །ཉམས་པར་བྱ་སྟེ་གསད་པ་དང་། །འབར་བ་འབོད་ཅིང་རྦོད་པ་དང་། །བསྡུ་བ་བྱང་ཆུབ་སེམས་ཉིད་དང་། །བརྡེགས་ནས་གནན་པར་བྱ་བ་དང་། །བདུན་གྱིས་གསད་པའི་ལས་ལ་སྦྱར། །དེ་ནས་བཅོམ་ལྡན་འདས་རྡོ་རྗེའི་ཕུར་པ་ཀུན་ཏུ་འཕྲོ་བའི་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཁྲོ་བོ་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཤཱནྟིཾ་ཀུ་རུ་ཧཱུཾ་སྭཱ་ཧཱ། རྡོ་རྗེ་ཞི་བའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ ― DNG021_Page_0428 ―
[མ་དཔེ་གཟིགས་ན་འདིར་གནོན།]
ཕཊ། པུཥྚིཾ་ཀུ་རུ་སྭཱ་ཧཱ། རྡོ་རྗེ་རྒྱས་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། བ་ཤང་ཀུ་རུ་སྭཱ་ཧཱ། རྡོ་རྗེ་དབང་གི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མཱ་ར་ཡ་ཧཱུཾ་ཕཊ། རྡོ་རྗེ་མངོན་སྤྱོད་ཀྱི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་སངས་རྒྱས་ཆེན་པོའི་ཕུར་པ་ཀུན་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་ལོའི་ཁྲོ་བོ་བརྟག་པ་འདི་ཉིད་ཀྱིས་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བུད་དྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ། ཤཱནྟིཾ་ཀུ་རུ་སྭཱ་ཧཱ། འཁོར་ལོའི་ཞི་བ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བུད་དྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པུཥྚིཾ་ཀུ་རུ་སྭཱ་ཧཱ། འཁོར་ལོ་རྒྱས་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བུད་དྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། བ་ཤཾ་ཀུ་རུ་སྭཱ་ཧཱ། འཁོར་ལོའི་དབང་དུ་བྱ་བ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བུད་དྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མཱ་ར་ཡ་ཧཱུཾ་ཕཊ། འཁོར་ལོ་མངོན་སྤྱོད་ཀྱི་རྣམ་པར་འབྱུང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རིན་པོ་ཆེའི་ཕུར་བུ་ཀུན་ཏུ་འབྱུང་བའི་འོད་ཟེར་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིན་པོ་ཆེའི་ཁྲོ་བོ་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཤཱནྟིཾ་ཀུ་རུ་སྭཱ་ཧཱ། རིན་པོ་ཆེ་ཞི་བའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པུཥྚིཾ་ཀུ་རུ་སྭཱ་ཧཱ། རིན་པོ་ཆེ་རྒྱས་པའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། བ་ཤང་ཀུ་རུ་སྭཱ་ཧཱ། རིན་པོ་ཆེའི་དབང་གི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མཱ་ར་ཡ་ཧཱུཾ་ཕཊ། རིན་པོ་ཆེའི་མངོན་སྤྱོད་ཀྱི་བརྟག་པ་ཞེས་ ― DNG021_Page_0429 ―
[མ་དཔེ་གཟིགས་ན་འདིར་གནོན།]
བྱ་བའི་ཏིང་ངེ་འཛིན་ཏོ། །དེ་ནས་ཡང་བཅོམ་ལྡན་འདས་པདྨའི་ཕུར་བུ་ཀུན་ཏུ་འབྱུང་བའི་འོད་ཟེར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། པདྨ་ཁྲོ་བོ་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཤཱནྟིཾ་ཀུ་རུ་སྭཱ་ཧཱ། པདྨའི་ཞི་བ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པུཥྚིཾ་ཀུ་རུ་སྭཱ་ཧཱ། པདྨ་རྒྱས་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། བ་ཤང་ཀུ་རུ་སྭཱ་ཧཱ། པདྨ་དབང་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མཱ་ར་ཡ་ཧཱུཾ་ཕཊ། པདྨ་མངོན་སྤྱོད་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ཡང་བཅོམ་ལྡན་འདས་ལས་ཀྱི་ཕུར་པ་ཀུན་ཏུ་འབྱུང་བའི་འོད་ཟེར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ལས་ཀྱི་ཁྲོ་བོ་བརྟག་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཤཱནྟིཾ་ཀུ་རུ་སྭཱ་ཧཱ། ལས་ཀྱི་ཞི་བ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལི་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པུཥྚིཾ་ཀུ་རུ་སྭཱ་ཧཱ། ལས་ཀྱི་རྒྱས་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། བ་ཤང་ཀུ་རུ་སྭཱ་ཧཱ། ལས་ཀྱི་དབང་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མཱ་ར་ཡ་ཧཱུཾ་ཕཊ། ལས་ཀྱི་མངོན་སྤྱོད་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་ཐོགས་པ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་དགུག་པའི་ཆོ་ག་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱ་ཀར་ཥ་ཡ་ཨཱ་ཀར་ཥ་ཡ་ཧཱུཾ་ཕཊ། རྡོ་རྗེ་དགུག་པའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་བུཌྜྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱ་ ― DNG021_Page_0430 ―
[མ་དཔེ་གཟིགས་ན་འདིར་གནོན།]
ཀར་ཥ་ཡ་ཨཱ་ཀར་ཥ་ཡ་ཧཱུཾ་ཕཊ། འཁོར་ལོའི་དགུག་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱ་ཀར་ཥ་ཡ་ཨཱ་ཀར་ཥ་ཡ། རིན་པོ་ཆེས་དགུག་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱ་ཀར་ཥ་ཡ་ཨཱ་ཀར་ཥ་ཡ་ཧཱུཾ་ཕཊ། པདྨས་རྣམ་པར་དགུག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱ་ཀར་ཥ་ཡ་ཨཱ་ཀར་ཥ་ཡ་ཧཱུཾ་ཕཊ། རྡོ་རྗེ་ལས་ཀྱི་རྣམ་པར་དགུག་པ་ཞེས་བྱའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་གཟི་བརྗིད་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བསྒྲུབ་བྱ་ཉམས་པར་བྱ་བའི་རིག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཛི་བི་ཏཱ་ན་ཏ་ཀཱ་ར་ཡ་ཧཱུཾ་ཕཊ། རྡོ་རྗེའི་རྫུ་འཕྲུལ་ཆེན་པོས་ཉམས་པར་བྱ་བའི་ཏིང་ངེ་འཛིན་ཏོ། །ཨོཾ་བུད་དྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཛི་བི་ཏཱ་ན་ཏ་ཀཱ་ར་ཡ་ཧཱུཾ་ཕཊ། སངས་རྒྱས་ཆེན་པོའི་རྫུ་འཕྲུལ་གྱིས་ཉམས་པར་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཛི་བི་ཏཱ་ན་ཏ་ཀཱ་ར་ཡ་ཧཱུཾ་ཕཊ། རིན་པོ་ཆེའི་རྫུ་འཕྲུལ་གྱིས་ཉམས་པར་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཛི་བི་ཏཱ་ན་ཏ་ཀཱ་ར་ཡ་ཧཱུཾ་ཕཊ། པདྨ་ཆེན་པོའི་རྫུ་འཕྲུལ་གྱིས་ཉམས་པར་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཛི་བི་ཏཱ་ན་ཏ་ཀཱ་ར་ཡ་ཧཱུཾ་ཕཊ། རྡོ་རྗེ་ལས་ཀྱི་རྫུ་འཕྲུལ་ཆེན་པོས་ཉམས་པར་བྱ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་ཟ་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མྱུར་དུ་ཤི་བར་བྱེད་པའི་ཆོ་ག་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཆེ་གེ་མོ་མཱ་ར་ཡ་མཱ་ར་ཡ། མོཊྚ་མོཊྚ། སྥོ་ཊ་སྥོ་ཊ། ཏཱ་ཊ་ཏཱ་ཊ། བཛྲ་ཙཀྲ་ཧཱུཾ། རྡོ་རྗེས་གསོད་ ― DNG021_Page_0431 ―
[མ་དཔེ་གཟིགས་ན་འདིར་གནོན།]
པའི་རྣམ་པར་བརྟག་པའི་ཏིང་ངེ་འཛིན་ཏོ། །ཨཱོཾ་བྷུཌྜྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཆེ་གེ་མོ་མཱ་ར་ཡ་མཱ་ར་ཡ། མོཊྚ་མོཊྚ། སྥོ་ཊ་སྥོ་ཊ། ཏཱ་ཊ་ཏཱ་ཊ། བཛྲ་ཙཀྲ་ཧཱུཾ། འཁོར་ལོས་གསོད་པའི་རྣམ་པར་བརྟག་པའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཆེ་གེ་མོ་མཱ་ར་ཡ་མཱ་ར་ཡ། མོཊྚ་མོཊྚ། སྥོ་ཊ་སྥོ་ཊ། ཏཱ་ཊ་ཏཱ་ཊ། བཛྲ་ཙཀྲ་ཧཱུཾ། རིན་པོ་ཆེས་གསོད་པའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཆེ་གེ་མོ་མཱ་ར་ཡ་མཱ་ར་ཡ། མོཊྚ་མོཊྚ། སྥོ་ཊ་སྥོ་ཊ། ཏཱ་ཊ་ཏཱ་ཊ། བཛྲ་ཙཀྲ་ཧཱུཾ། པདྨས་གསོད་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཆེ་གེ་མོ་མཱ་ར་ཡ་མཱ་ར་ཡ། མོཊྚ་མོཊྚ། སྥོ་ཊ་སྥོ་ཊ། ཏཱ་ཊ་ཏཱ་ཊ། བཛྲ་ཙཀྲ་ཧཱུཾ། རྡོ་རྗེ་ལས་ཀྱིས་གསོད་པ་རྣམ་པར་བརྟག་པའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་རོལ་པས་མཉེས་པར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེའི་འཁོར་ཚིམས་པར་བྱེད་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ། མེསྟ་ཀ་མཱཾ་སྱ། རུ་དྷི་ར། ཨེ་ཧྱེ་ཧི། ཨོཾ་ཁ་ཁ་ཁཱ་ཧི་ཁཱ་ཧི། རྡོ་རྗེ་ལོངས་སྤྱོད་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་བུཌྜྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མེསྟ་ཀ་མཱཾ་སྱ། རུ་དྷི་ར། ཨེ་ཧྱེ་ཧི། ཨཱོཾ་ཁ་ཁ་ཁཱ་ཧི་ཁཱ་ཧི། འཁོར་ལོའི་ལོངས་སྤྱོད་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མེསྟ་ཀ་མཱཾ་སྱ། རུ་དྷི་ར། ཨེ་ཧྱེ་ཧི། ཨཱོཾ་ཁ་ཁ་ཁཱ་ཧི་ཁཱ་ཧི། རིན་པོ་ཆེའི་ལོངས་སྤྱོད་རྣམ་པར་བརྟག་པའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མེསྟ་ཀ་མཱཾ་སྱ། རུ་དྷི་ར། ཨེ་ཧྱེ་ཧི། ཨཱོཾ་ཁ་ཁ་ཁཱ་ཧི་ཁཱ་ཧི། པདྨ་ཆེན་པོའི་ལོངས་སྤྱོད་ཀུན་ཏུ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་ ― DNG021_Page_0432 ―
[མ་དཔེ་གཟིགས་ན་འདིར་གནོན།]
བཾ་ཧཱུཾ་ཧཱུཾ་ཕཊ། མེསྟ་ཀ་མཱཾ་སྱ། རུ་དྷི་ར། ཨེ་ཧྱེ་ཧི། ཨཱོཾ་ཁ་ཁ་ཁཱ་ཧི་ཁཱ་ཧི། རྡོ་རྗེ་ལས་ཀྱི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྣམ་པར་བཀོད་པ་ཡོངས་སུ་གཅིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་ཀྱི་སེམས་ཡང་དག་པར་བསྡུ་བ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བྱང་ཆུབ་ཀྱི་སེམས་རྡོ་རྗེ་བསྡུ་བ་ཞེས་བྱ་བའི་རྣམ་པར་བརྟག་པའི་ཏིང་ངེ་འཛིན་ཏོ། །ཨཱོཾ་བུཌྜྷ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བྱང་ཆུབ་ཀྱི་སེམས་འཁོར་ལོ་བསྡུ་བ་ཞེས་བྱ་བའི་རྣམ་པར་བརྟག་པའི་ཏིང་ངེ་འཛིན་ཏོ། །ཨོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བྱང་ཆུབ་ཀྱི་སེམས་རིན་པོ་ཆེ་བསྡུ་བ་ཞེས་བྱ་བའི་ཏིང་ངེ་འཛིན་ཏོ། །ཨོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བྱང་ཆུབ་ཀྱི་སེམས་པདྨ་བསྡུ་བ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བྱང་ཆུབ་ཀྱི་སེམས་རྡོ་རྗེ་ལས་ཀྱི་བསྡུ་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་མི་བཟད་པའི་ཀུན་ཏུ་འཁྱིལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འབར་བ་ཆེན་པོ་འབྱུང་བ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱོཾ་བཛྲ་ཨག་ནི་ཛྭ་ལ་སྥ་ར་ཎ་མ་ཧཱ་པཱུ་ཛ་ཁཱ་ཧི་ཧཱུཾ་ཧཱུཾ་ཕཊ། རྡོ་རྗེའི་མེ་ཀུན་ཏུ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བུད་དྷ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱོཾ་བུད་དྷ་ཨགྣི་ཛྭ་ལ་སྥ་ར་ཎ་མ་ཧཱ་པཱུ་ཛ་ཁཱ་ཧི་ཧཱུཾ་ཧཱུཾ་ཕཊ། འཁོར་ལོའི་མེ་ཀུན་ཏུ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱོཾ་རཏྣ་ཨགྣི་ཛྭ་ལ་སྥ་ར་ཎ་མ་ཧཱ་པཱུ་ཛ་ཁཱ་ཧི་ཧཱུཾ་ཧཱུཾ་ཕཊ། རིན་པོ་ཆེའི་མེ་ཀུན་ཏུ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ― DNG021_Page_0433 ―
[མ་དཔེ་གཟིགས་ན་འདིར་གནོན།]
ཨཱོཾ་པདྨ་ཨགྣི་ཛྭ་ལ་སྥ་ར་ཎ་མ་ཧཱ་པཱུ་ཛ་ཁཱ་ཧི་ཧཱུཾ་ཕཊ། པདྨའི་མེ་ཀུན་ཏུ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱོཾ་ཀརྨ་ཨགྣི་ཛྭ་ལ་སྥ་ར་ཎ་མ་ཧཱ་པཱུ་ཛ་ཁཱ་ཧི་ཧཱུཾ་ཕཊ། རྡོ་རྗེ་ལས་ཀྱི་མེ་ཀུན་ཏུ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྣམ་པར་བརྟག་པ་ཆེན་པོ་ཀུན་ཏུ་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བསྒྲུབ་བྱ་གནོན་པ་རྣམ་པར་འབྱུང་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་ཤ་ཏྲུཾ་ཆེ་གེ་མོ་ཨ་མུ་ཀཾ་བཛྲ་རཱུ་པ་ཆེ་གེ་མོ་རཱུ་པ་སྟྭཾ་བྷ་ཡ་ཧཱུཾ་ཧཱུཾ་ཧཱུཾ་ཧཱུཾ། རྡོ་རྗེ་གནོད་པའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བུད་དྷ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་ཤ་ཏྲུཾ་ཆེ་གེ་མོ་ཨ་མུ་ཀཾ་ཙཀྲ་རཱུ་པ་ཆེ་གེ་མོ་རཱུ་པ་སྟྭཾ་བྷ་ཡ། ཨོཾ་ཨོཾ་ཨོཾ་ཨོཾ། འཁོར་ལོས་གནོན་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་ཤ་ཏྲུཾ་ཆེ་གེ་མོ་ཨ་མུ་ཀཾ། རཏྣ་རཱུ་པ་ཆེ་གེ་མོ་སྟྭཾ་བྷ་ཡ། ཏྲཾ་ཏྲཾ་ཏྲཾ་ཏྲཾ། རིན་པོ་ཆེའི་གནོན་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་ཤ་ཏྲུཾ་ཆེ་གེ་མོ་ཨ་མཱུ་ཀ་པདྨ་རཱུ་པ་ཆེ་གེ་མོ་རཱུ་པ་སྟྭཾ་བྷ་ཡ། ཨ་ཨ་ཨ་ཨ། པདྨའི་གནོན་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་ཤ་ཏྲུཾ་ཆེ་གེ་མོ་ཨ་མུ་ཀཾ་ཀརྨ་རཱུ་པ་ཆེ་གེ་མོ་སྟྭཾ་བྷ་ཡ་ཧཱ་ཧཱ་ཧཱ་ཧཱ། རྡོ་རྗེའི་ལས་ཆེན་པོས་གནོན་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རིན་པོ་ཆེ་འབར་བའི་སྒྲོན་མས་ཀུན་ཏུ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིགས་ཐམས་ཅད་ཀྱི་དངོས་གྲུབ་དབབ་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། བཛྲ་ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཧཱུཾ་ཧཱུཾ་ཧཱུཾ། རྡོ་རྗེའི་དངོས་གྲུབ་རྣམ་པར་བརྟག་པ་ ― DNG021_Page_0434 ―
[མ་དཔེ་གཟིགས་ན་འདིར་གནོན།]
ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བུད་དྷ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨོཾ་བུད་དྷ་ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཨོཾ་ཨོཾ་ཨོཾ། འཁོར་ལོ་རིན་པོ་ཆེའི་དངོས་གྲུབ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱོཾ་རཏྣ་ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཏྲཾ་ཏྲཾ་ཏྲཾ། རིན་པོ་ཆེའི་དངོས་གྲུབ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨཱོཾ་པདྨ་ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཧྲི་ཧྲི་ཧྲི། པདྨ་ཆེན་པོའི་དངོས་གྲུབ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨོཾ་ཀརྨ་ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཧ་ཧ་ཧ། རྡོ་རྗེའི་ལས་ཆེན་པོའི་དངོས་གྲུབ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེས་ཀུན་གཅོད་པ་ཐོགས་པ་མེད་པར་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིག་སྔགས་ངན་པ་ཐམས་ཅད་གཅོད་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཧཱུཾ་ཕཊ། སརྦ་བིདྱཱན། སརྦ་མཱུ་ལ་ཀ་ར་མཱ་ཎི། ཙྪིན་ད་ཙྪིན་ད། མན་ཏྲ་སུཾ་བྷ་ནི། བི་ནཱ་ཤ་ནཱ་ཡ། བིདྱཱ་ནཱཾ། ཙྪེ་ད་ཀ་ཧཱུཾ། རྡོ་རྗེའི་མཐུ་ཆེན་པོས་ཕ་རོལ་གྱི་རིག་པ་ངན་པ་རྣམ་པར་སྐྲོད་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་བུཌྜྷ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་བིདྱཱ་ན། སརྦ་མན་ཏྲཱ་ཎི། སརྦ་མཱུ་ལ་ཀ་ར་མཱ་ཎི། ཙྪིན་ད་ཙྪིན་ད། མན་ཏྲཱ་ཎི། བི་ནཱ་ཤ་ནཱ་ཡ་ཕཊ། བིདྱཱ་ན། ཙྪེ་ད་ཀ་ཧཱུཾ། འཁོར་ལོའི་མཐུ་ཆེན་པོས་ཕ་རོལ་གྱི་རིག་པ་ངན་པ་རྣམ་པར་སྐྲོད་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་བིདྱཱ་ན། སརྦ་མན་ཏྲཱ་ཎི། སརྦ་མཱུ་ལ་ཀ་ར་མཱ་ཎི། ཙྪིནྡ་ཙྪིནྡ། སརྦ་མན་ཏྲཱ་ཎི། བི་ནཱ་ཤ་ནཱ་ཕཊ། བིདྱཱ་ན། ཙྪེ་ད་ཀ་ཧཱུཾ། རིན་པོ་ཆེའི་མཐུ་ཆེན་པོས་ཕ་རོལ་གྱི་རིག་པ་ངན་པ་རྣམ་པར་སྐྲོད་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་ ― DNG021_Page_0435 ―
[མ་དཔེ་གཟིགས་ན་འདིར་གནོན།]
བཾ་ཧཱུཾ་ཧཱུཾ་ཕཊ། སརྦ་བིདྱཱ་ན། སརྦ་མན་ཏྲཱ་ཎི། སརྦ་མཱུ་ལ་ཀརྨཱ་ཎི། ཙྪིན་ད་ཙྪིན་ད། སརྦ་མན་ཏྲཱ་ཎི། བི་ནཱ་ཤ་ནཱ་ཡ་ཕཊ། བིདྱཱ་ནཱཾ། ཙྪེ་ད་ཀ་ཧཱུཾ། པདྨ་ཆེན་པོའི་མཐུས་ཕ་རོལ་གྱི་རིག་པ་ངན་པ་རྣམ་པར་སྐྲོད་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་ཀརྨཱ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་བིདྱཱ་ན། སརྦ་མན་ཏྲཱ་ཎི། སརྦ་མཱུ་ལ་ཀརྨཱ་ཎི། ཙྪིན་ད་ཙྪིན་ད། མན་ཏྲཱ་སུམ་བྷ་ནི། བི་ནཱ་ཤ་ནཱ་ཡ་ཕཊ། བིདྱཱ་ནཱཾ། ཙྪེ་ད་ཀ་ཧཱུཾ། རྡོ་རྗེ་ལས་ཆེན་པོའི་མཐུས་ཕ་རོལ་གྱི་རིག་པ་ངན་པ་རྣམ་པར་སྐྲོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཡེ་ཤེས་ཀྱི་རང་བཞིན་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕ་རོལ་གྱི་ཕྱག་རྒྱ་རྣམ་པར་གཅོད་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པ་ར་མུ་དྲཱ་ན། ཙྪིན་ད་ཙྪིན་ད་ཧཱུཾ་ཕཊ། རྡོ་རྗེའི་མཐུ་ཆེན་པོས་ཕ་རོལ་གྱི་ཕྱག་རྒྱ་ངན་པ་གཞིག་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་བུདྡྷཱ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པ་ར་མུ་དྲཱ་ན། ཙྪིན་ད་ཙྪིན་ད་ཧཱུཾ་ཕཊ། འཁོར་ལོའི་མཐུ་ཆེན་པོས་ཕ་རོལ་གྱི་ཕྱག་རྒྱ་ངན་པ་གཞིག་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨཱོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པ་ར་མུ་དྲཱ་ན། ཙྪིན་ད་ཙྪིན་ད་ཧཱུཾ་ཕཊ། རྡོ་རྗེ་རིན་པོ་ཆེའི་མཐུས་ཕ་རོལ་གྱི་ཕྱག་རྒྱ་ངན་པ་གཞིག་པའི་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པ་ར་མུ་དྲཱ་ན། ཙྪིན་ད་ཙྪིན་ད་ཧཱུཾ་ཕཊ། པདྨ་ཆེན་པོའི་མཐུས་ཕ་རོལ་གྱི་ཕྱག་རྒྱ་ངན་པ་གཞིག་པའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། པ་ར་མུ་དྲཱ་ན། ཙྪིན་ད་ཙྪིན་ད་ཧཱུཾ་ཕཊ། རྡོ་རྗེ་ལས་ཆེན་པོའི་མཐུས་ཕ་རོལ་གྱི་ཕྱག་རྒྱ་ངན་པ་གཞིག་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་དཔལ་འབྱུང་བ་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་ ― DNG021_Page_0436 ―
[མ་དཔེ་གཟིགས་ན་འདིར་གནོན།]
རིག་པ་གསོ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མ་མ་བིདྱཱ་ནཱཾ། ཤིཥྚ་ཀ་མ་ནུ་སྨ་ར་ཡ། རྡོ་རྗེའི་བདེ་བས་བདག་གི་རིག་པ་བསྐྱེད་པའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་བུཌྜྷ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མ་མ་བིདྱཱ་ནཱཾ་ཤིཥྚ་ཀ་མ་ནུ་སྨ་ར་ཡ། འཁོར་ལོའི་བདེ་བས་བདག་གི་རིག་པ་བསྐྱེད་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མ་མ་བིདྱཱ་ནཱཾ་ཤིཥྚ་ཀ་མ་ནུ་སྨ་ར་ཡ། རིན་པོ་ཆེའི་བདེ་བས་བདག་གི་རིག་པ་བསྐྱེད་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མ་མ་བིདྱཱ་ནཱཾ་ཤིཥྚ་ཀ་མ་ནུ་སྨ་ར་ཡ། པདྨ་བདེ་བ་ཆེན་པོས་བདག་གི་རིག་པ་བསྐྱེད་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། མ་མ་བིདྱཱ་ནཱཾ་ཤིཥྚ་ཀ་མ་ནུ་སྨ་ར་ཡ། རྡོ་རྗེའི་ལས་ཆེན་པོའི་བདེ་བས་བདག་གི་རིག་པ་བསྐྱེད་པ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་འཇིག་རྟེན་སྐྲག་པར་བྱེད་པའི་འཁོར་ལོ་རྣམ་པར་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འབྱུང་པོ་འདུལ་བའི་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་བྷཱུ་ཏ་བྷ་ཡཾ་ཀ་ར། སརྦ་གྲ་ཧེ་ཥྭ་པྲ་ཏི་ཧ་ཏོ་བྷ་བ་བཛྲ་སརྦ་བིགྷྣཱན། རྡོ་རྗེའི་ཚོགས་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་བུཌྜྷ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་བྷཱུ་ཏ་བྷ་ཡཾ་ཀ་ར་སརྦ་གྲ་ཧེ་ཥྭ་པྲ་ཏི་ཧ་ཏོ་བྷ་བ་བཛྲ་སརྦ་བིགྷྣཱན། འཁོར་ལོའི་མཚོན་པས་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་བྷཱུ་ཏ་བྷ་ཡཾ་ཀ་ར། སརྦ་གྲ་ཧེ་ཥྭ་པྲ་ཏི་ཧ་ཏོ་བྷ་བ་བཛྲ་སརྦ་བིགྷྣཱན། རིན་པོ་ཆེའི་མཚོན་པས་རྣམ་པར་གཞོམ་པ་རྣམ་པར་བརྟག་པ་ཞེས་ ― DNG021_Page_0437 ―
[མ་དཔེ་གཟིགས་ན་འདིར་གནོན།]
བྱ་བའི་ཏིང་ངེ་འཛིན་ཏོ། །ཨོཾ་པདྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་བྷཱུ་ཏ་བྷ་ཡཾ་ཀ་ར། སརྦ་གྲ་ཧེ་ཥྭ་པྲ་ཏི་ཧ་ཏོ་བྷ་བ་བཛྲ་སརྦ་བིགྷྣཱན། པདྨ་མཚོན་པས་རྣམ་པར་གཞོམ་པ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ཨོཾ་ཀརྨ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སརྦ་བྷཱུ་ཏ་བྷ་ཡཾ་ཀ་ར་སརྦ་གྲ་ཧེ་ཥྭ་པྲ་ཏི་ཧ་ཏོ་བྷ་བ་བཛྲ་སརྦ་བིགྷྣཱཾ། རྡོ་རྗེ་ལས་ཀྱི་རྣམ་པར་གཞོམ་པ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །རྣམ་པར་དག་པའི་ཆོ་ག་ཡིས། །སྦྱོར་བ་ཐམས་ཅད་འགྲུབ་པར་འགྱུར། །བདག་དང་གཞན་དོན་སྦྱོར་བ་ཡིས། །མཁས་པའི་ལས་རྣམས་འགྲུབ་པར་འགྱུར། །འཇིག་རྟེན་པ་ཡི་དུ་མ་སྟེ། །དུ་མའི་ལས་ལ་རྣམ་པར་འགྲུབ། །བདག་མེད་པ་ཡི་དུ་མ་སྤངས། །དུ་མ་མོ་གཤམ་བུ་བཞིན་བརྟག །དུ་མས་གདུལ་ཕྱིར་བསམ་མི་ཁྱབ། །ཐ་དད་ལས་རྣམས་རིགས་ཡིན་ཏེ། །རྣམ་པ་ལྔ་རུ་མཁས་པས་བཤད། །སྤྲོ་དང་བསྡུ་བའི་སྦྱོར་བ་ཡིས། །མཁས་པས་ལས་རྣམས་ཤེས་པར་བྱ། །རྡོ་རྗེ་དང་ནི་འཁོར་ལོ་དང་། །རིན་ཆེན་པདྨ་རྒྱ་གྲམ་བརྟག །འབར་བ་དབུ་གསུམ་ཕྱག་དྲུག་གམ། །དབུ་དགུ་བཅོ་བརྒྱད་ཡང་ན་གཅིག །མཁས་པས་སེམས་དང་རིགས་སུ་བརྟག །གང་ལ་མོས་པའི་ལས་རྣམས་ཀྱི། །ལས་རྣམས་ཐོགས་པ་མེད་པར་འགྱུར། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རིགས་ལྔའི་ཕུར་པ་ཡོངས་སུ་བཤད་པའི་ལེའུ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་འཇིགས་བྱེད་ཀྱི་དབང་ཕྱུག་ཆེན་པོ། རྡོ་རྗེ་ཁྲོ་བོའི་ཚོགས་ཐོགས་པ་མེད་པར་ལས་ཀྱི་འཁོར་ལོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཁྲོ་བོ་ཆེན་པོ་རྣམས་ཀྱི་རིག་པ་དང་ཏིང་ངེ་འཛིན་འབྱུང་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨཱོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ཨོཾ་བཛྲ་ཀྲོ་དྷ་ཡ་མཱན་ཏ་ཀ་ཧཱུཾ། ― DNG021_Page_0438 ―
[མ་དཔེ་གཟིགས་ན་འདིར་གནོན།]
ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ། ཨོཾ་བཛྲ་ཨ་བ་རཱ་ཛི་ཏ་ཧཱུཾ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། ཤཱནྟིཾ་ཀུ་རུ་སྭཱ་ཧཱ། པུཥྚིང་ཀུ་རུ་སྭཱ་ཧཱ། བ་ཤང་ཀུ་རུ་སྭཱ་ཧཱ། མཱ་ར་ཡ་ཧཱུཾ་ཕཊ། ཨཱ་ཀར་ཥ་ཡ་ཧཱུཾ་ཕཊ། ཛི་བི་ཏཱ་ན་ཏ་ཀ་རཱ་ཡ་ཧཱུཾ་ཕཊ། མཱ་ར་མཱ་ར་མོཊྚ་མོཊྚ། སྥོ་ཊ་སྥོ་ཊ། ཏཱ་ཊ་ཏཱ་ཊ། བཛྲ་ཙཀྲ་ཧཱུཾ་མསྟ་ཀ་མཱཾ་ས། རུ་དྷི་ར་མེ་ག་ཏ། ཨེ་ཧྱེ་ཧི་བྷ་ག་བཱན། ཨོཾ་ཁ་ཁ་ཁཱ་ཧི་ཁཱ་ཧི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་བཛྲ་པུ་མོ་ཧཱུཾ་ས་མ་ཡ་སྟྭཾ། སརྦ་བིགྷྣཱཾ། སརྦ་བིདྱཱ་ནི། སརྦ་མན་ཏྲཱ་ཎི། སརྦ་མཱུ་ལ་ཀ་ར་མཱ་ཎི། ཙྪིན་ད་ཙྪིན་ད། མན་ཏྲཱ་ཎི། བི་ནཱ་ཤ་ནཱ་ཡ་ཕཊ། བིདྱཱ་ན། ཙྪེ་ད་ཀ་ཧཱུཾ། པ་ར་མ་དྲཱན། ཙྪིན་ད་ཙྪིན་ད། ཧཱུཾ་ཕཊ། མ་མ་བིདྱཱ་ནཱཾ། ཤིཥྚ་ཀ་མ་ནུ་སྨ་ར་ཡ། སརྦ་གྲ་ཧེ་ཥྭ་པྲ་ཏེ་ཧ་ཏོ་བྷ་བ་བཛྲ་སརྦ་བིགྷྣཱཾ། རྡོ་རྗེ་ཁྲོ་བོའི་རིག་པ་ཐམས་ཅད་ལས་ཀྱི་འཁོར་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་ཁྲོ་བོ་འབར་བའི་མེ་ལྕེ་ཀུན་ཏུ་འཁྱིལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཁྲོ་བོ་ཆེན་པོ་རྣམས་ཀྱི་ཕྱག་རྒྱ་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །རྣམ་པར་རྒྱལ་བ་རྣམ་པར་དཀར། །དབུས་དཀར་གཡས་སྔོ་ལྗང་སེར་གཡོན། །དང་པོ་རྡོ་རྗེ་དུང་ཆེན་ཏེ། །བར་མ་རྩེ་གསུམ་འཁོར་ལོ་འཆང་། །ཏི་ར་བྱ་རྒོད་ཐ་མར་འཛིན། །བྲག་གི་སྟེང་ན་བརྒྱ་བྱིན་གནོན། །དབུ་གསུམ་ཕྱག་དྲུག་ཞབས་ཀྱང་དྲུག །རྡོ་རྗེའི་གཤོག་པ་རྣམ་པར་གདེངས། །འབར་བ་འཁྱིལ་པ་ལ་སོགས་ཏེ། །རྡོ་རྗེའི་རྒྱན་རྣམས་རྣམ་པར་རྫོགས་པར་བརྟག །དབྱུག་པ་སྔོན་པོ་སྔོ་སྐྱ་སྟེ། །གཡས་དཀར་གཡོན་ནི་དམར་སྐྱ་སྟེ། །རྡོ་རྗེ་དུང་ཆེན་དབྱུག་པ་མེ། །ཏི་རའི་དབྱུག་པ་ཁྭ་ཡིས་མཛེས། །འབར་བ་ཞབས་དྲུག་དྲང་སྲོང་གནོན། །རྒྱན་རྣམས་རྫོགས་པར་བརྟག་པར་བྱ། །གཤིན་རྗེའི་རྒྱལ་ནི་སྔོན་པོ་སྟེ། །སྔོ་སྐྱ་ལྗང་ནག་གཡོན་གྱི་ ― DNG021_Page_0439 ―
[མ་དཔེ་གཟིགས་ན་འདིར་གནོན།]
དབུ། །དུང་ཁྲག་ཐོད་དབྱུག་དགྲ་སྟྭ་བསྣམས། །ཏི་ར་བྱ་རོག་ཐ་མར་མཛེས། །འཇིགས་བདག་སྟེང་ན་འཇིགས་པར་བསྟན། །མི་གཡོ་ལྗང་སྔོན་འབར་བའི་སྐུ། །སྔོན་པོ་སྨུག་ནག་གཡོན་གྱི་དབུ། །དུང་ཁྲག་རལ་གྲི་ཞགས་པས་བརྒྱན། །ཏི་ར་འུག་པས་རྣམ་པར་མཛེས། །བདེན་བྲལ་བཙིར་བར་མཛད་པ་སྟེ། །རྒྱན་རྣམས་རྫོགས་པར་ཡང་དག་བསྟན། །རྟ་སྐད་དམར་པོ་གཡས་དཀར་པོ། །གཡོན་ནི་སྔོན་པོ་རྣམ་པར་མཛེས། །དུང་ཁྲག་ཞགས་པ་སྤུ་གྲི་ཅན། །ཏི་ར་མཁའ་ལྡིང་ཐ་མར་མཛེས། །དུག་གི་སྟེང་ན་ཞབས་བརྐྱང་འགྱིང་། །རྡོ་རྗེ་རྟ་ཡི་རྒྱལ་པོར་བརྟག །གཞན་ལས་རྒྱལ་བ་དམར་སྐྱ་སྟེ། །སེར་པོ་ལྗང་གུ་གཡོན་གྱི་ཞལ། །དུང་ཁྲག་དཔག་མདའ་རྔ་ཡབ་ཅན། །ཏི་ར་སྐྱེ་ག་ཡང་དག་འཛིན། །རླུང་གི་སྟེང་ན་ཞབས་བརྟགས་ཏེ། །འབར་བའི་རྒྱན་རྣམས་ཚང་བར་བརྟག །བདུད་རྩི་འཁྱིལ་པ་ལྗང་ནག་མདོག །སེར་པོ་དུད་ཁ་གཡོན་གྱི་ཞལ། །དུང་ཁྲག་དབྱུག་ཏོ་རྒྱ་གྲམ་སྟེ། །ཏི་ར་དབྱུག་པ་པུ་ཤུད་ཅན། །གསུས་པ་འཕྱང་བ་རྣམ་པར་བརྫིས། །འབར་བ་ཆེན་པོ་རྣམ་པར་བརྟག །ཁམས་གསུམ་ཀུན་ལས་རྒྱལ་བ་ནི། །གསེར་གྱི་མདོག་འདྲ་གཡས་དཀར་ཏེ། །གཡོན་གྱི་དབུ་ནི་ལྗང་གུའོ། །དེ་བཞིན་ཕྱག་རྒྱ་གཞིག་ཅིང་དགྲོལ། །དཔའ་བོས་ནན་ཏན་བྱ་བ་ཡིན། །གང་དག་རང་གི་རིག་པ་ཉམས། །གསོ་ཞིང་བསྐྱེད་པར་བྱ་བའི་ལས། །རིག་པ་འཛིན་པས་མྱུར་དུ་འབད། །ཁམས་གསུམ་པ་ཡི་འབྱུང་པོ་རྣམས། །གང་དག་མྱུར་དུ་གཙེས་པ་རྣམས། །དཔའ་བོ་ཆེན་པོས་མྱུར་དུ་སྒྲོལ། །ཡན་ལག་གི་ནི་ཆོ་ག་ལ། །མཁས་པས་སྙིང་རྗེའི་སྟོབས་ཀྱིས་གསོལ། །སློབ་དཔོན་སྨོད་པར་བྱེད་པ་དང་། །གང་གི་བསྟན་པ་སྒྲིབ་བྱེད་དང་། །སེམས་ཅན་དུ་མར་འཚེ་བ་ལ། །ཤེས་རབ་སྙིང་རྗེར་ལྡན་པ་ཡི། །མཐུ་ཡིས་མྱུར་དུ་ཉམས་པར་བྱ། །བསྒྲུབ་དང་གང་དང་གང་ཡིན་ཏེ། །རང་བཞིན་གནས་ནས་དགུག་པ་དང་། །དགུག་ནས་ཉམས་དང་རང་གནས་སུ། །གང་འདི་སྔོན་དུ་འགྲོ་བ་ཡིན། །རྡོ་རྗེ་གསོད་པའི་སྟོབས་མཆོག་གིས། །གསད་པ་དུ་མ་ཐ་དད་ལ། །གང་ལ་གང་ཡིན་མཁས་ ― DNG021_Page_0440 ―
[མ་དཔེ་གཟིགས་ན་འདིར་གནོན།]
པས་བྱ། །དེས་ནི་ཀུན་ཏུ་འགྲུབ་པར་འགྱུར། །གང་དག་གསང་བའི་དུམ་བུ་དང་། །ཕུང་པོ་སྐམས་པའི་རྗེན་ཤུན་དང་། །ཤ་ཁྲག་དྲོད་དང་བཅས་པ་ལ། །འབར་བ་འཁོར་བཅས་བོད་པར་བྱ། །མྱུར་དུ་ཟོས་ཏེ་ཟད་པར་བསམ། །ངག་ནི་རྟོག་པའི་རྒྱུན་བཅད་ཅིང་། །གང་གི་དུས་ནི་དག་པར་བསྟབས། །སེམས་ནི་མཁས་པས་རྫོགས་པ་ཡི། །བྱང་ཆུབ་སེམས་སུ་བསྡུ་བར་བྱ། །གཟུགས་བརྙན་རྟེན་དུ་སྦྱོར་བ་ནི། །དུམ་བུ་དང་ནི་ཚལ་པ་དང་། །ཇི་བཞིན་པ་ཡི་གཟུགས་རྣམས་ནི། །རྩ་དང་ཤིང་ལ་གནས་པ་དང་། །བོང་བ་སྔོ་བས་གོས་པ་འམ། །གང་དག་བསྲེག་པར་འོས་པ་ཡི། །ཤིང་ལེབ་ལ་སོགས་བྲིས་པའི་གཟུགས། །མཁས་པས་འབད་སྟེ་བསྲེག་པར་བྱ། །ཟུར་གསུམ་ཐབ་ཀྱི་གྲྭ་གསུམ་དུ། །རྡོ་རྗེ་མདའ་གཞུ་ལྡན་བྱས་ཏེ། །འབར་བའི་ཁྲོ་བོས་བརྒྱན་པར་བསམ། །ཕུར་པ་ལ་ནི་དྲག་པོས་དཀྲིས། །ཚེར་མའི་ཤིང་ལ་མེ་སྦར་ཏེ། །འབར་བ་འཁོར་བཅས་སྤྱན་དྲངས་ནས། །ཚ་བའི་མར་དང་ལན་ཚྭ་དང་། །སྐྱེ་ཚེ་དུག་དང་ཁྲག་སྣ་དང་། །ལྕགས་ཕྱེ་ལྡོང་རོས་དམ་རྫས་དང་། །སོལ་ཕྱེས་བགོས་པའི་དམ་རྫས་རྣམས། །གསང་སྔགས་བཟླས་པར་རབ་འབད་སྟེ། །གང་གི་གཟུགས་མིང་རུས་བསྲེག་ན། །མྱུར་དུ་ལས་རྣམས་འགྲུབ་པར་འགྱུར། །དེ་ནས་མཁས་པས་འབད་པ་ཡང་། །བསྲེགས་པའི་ཐལ་བ་ལ་སོགས་པ། །ཐམས་ཅད་གནན་པར་བྱ་བ་ནི། །ལས་རྣམས་མ་གྲུབ་བར་དུ་བཞག །ལས་རྣམས་གྲུབ་པའི་མོད་ལ་ནི། །མྱུར་དུ་ཞི་བའི་ལས་ལ་འབད། །འདི་ནི་ལས་རྣམས་ཐམས་ཅད་ཀྱི། །འཁོར་ལོས་སྒྱུར་བའི་རྒྱལ་པོའོ། །གང་དག་ཐེ་ཚོམ་དམིགས་པ་ནི། །ཇི་ལྟར་རི་བོང་རྭ་བཞིན་དུ། །འདི་ཡི་འབྲས་བུ་དེ་བཞིན་ཏེ། །འདི་ལ་རྣམ་པར་དཔྱད་མི་དགོས། །གང་ལ་ཐེ་ཙོམ་མེད་པའི་བློ། །རྒྱལ་པོ་རང་ལ་སྨོད་པ་བཞིན། །ཐམས་ཅད་འགྲུབ་པར་བྱས་པ་ཡིན། །འདི་ནི་སྒྲུབ་པ་ཐམས་ཅད་ཀྱི། །མཁས་པས་མིག་དང་སྙིང་དུ་བཤད། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་ ― DNG021_Page_0441 ―
[མ་དཔེ་གཟིགས་ན་འདིར་གནོན།]
རྒྱལ་པོ་ཆེན་པོ་ལས། ཕྱོགས་བཅུ་ཁྲོ་བོའི་ལས་ཀྱི་འཁོར་ལོ་རྣམ་པར་བརྟག་པ་ཞེས་བྱ་བའི་ལེའུ་སྟེ་བཅོ་བརྒྱད་པའོ།། །།དེ་ནས་དེའི་ཚེ་དེའི་དུས་ན། འཁོར་དེའི་ནང་ན་བཅོམ་ལྡན་འདས་ཀྱིས་མཐུ་སྟོབས་ཀྱི་བདག་ཉིད་དུ་བྱིན་གྱིས་བརླབས་པའི། དཔལ་ཕྱག་ན་རྡོ་རྗེ་ཐོགས་པ་མེད་པ་ཞེས་བྱ་བ་འཁོར་དེའི་ནང་ནས་ལངས་ཏེ། རང་གི་འཁོར་དུ་མ་སྡེ་དང་བཅས་པས། བཅོམ་ལྡན་འདས་ལ་ལན་དུ་མར་གཡས་ཕྱོགས་ནས་བསྐོར་ཏེ་མཆོད་པའི་ཚོགས་ཀྱིས་ཡང་དག་པར་མཆོད་ནས། འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་འདི་ལྟར་ང་རྒྱལ་མཆིས་པའི་རང་གི་མཐུས་སྙེམས་པས་སངས་རྒྱས་ཀྱི་མཛད་པ་དང་། རྣམ་པར་ཐར་པ་ལ་ཡོངས་སུ་གནོད་ཅིང་། སྐུ་དུ་མ་ལ་ཡང་གཙེ་བས་ལོག་པར་འདའ་བའི་ས་བོན་འཕེལ་བར་བགྱིད་པ་དང་། འགའ་ནི་སངས་རྒྱས་ཀྱི་བསྟན་པ་ལ་གནས་བཞིན་དུ་ཡང་ཡིད་མི་ཆེས་པས་ཀུན་ཏུ་འཁྲུགས་ནས། སློབ་དཔོན་ལ་སྨོད་པ་དག་བགྱིད་པ་རྣམས་དང་། འདི་ལྟར་གནོད་པ་བགྱི་བའི་སྤོབས་པ་མཆོག་པའི་བདུད་དང་། མུ་སྟེགས་ལ་སོགས་པས་བསྟན་པ་ཉམས་པར་བགྱིད་པ་དང་། འགྲོ་བ་ཀུན་ཏུ་འཁྱམས་པར་བགྱིད་པའི་མི་དགེ་བའི་གཉེན་པོ་རྣམས། མྱུར་དུ་གསད་པའི་ལས་ཁོ་ན་ལགས་པས། དེ་བཞིན་གཤེགས་པས་གསང་སྔགས་ཀྱི་མཐུ་ཆེན་པོ་བཤད་དུ་གསོལ་ཞེས་བརྗོད་ནས། ལན་བརྒྱ་ཕྲག་སྟོང་དུ། བཅོམ་ལྡན་འདས་ལ་བསྐོར་ནས་རང་གི་སྟན་ལ་འཁོད་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་འཇིགས་བྱེད་ཀྱི་དབང་ཕྱུག་ཆེན་པོས་འདི་སྐད་ཅེས་གསུངས་སོ། །གསང་བའི་བདག་པོ་འདི་ལྟ་སྟེ། སེམས་ཅན་རྣམས་ནི་ཐབས་མཁས་པ་དང་འཚམས་པས་འདུལ་བ་ཡིན་ན། འདིར་སྔགས་ཀྱི་མཐུ་ཆེན་པོས་ཀུན་ཏུ་འཁྲུགས་ན། འདི་ནི་བྱང་ཆུབ་སེམས་དཔའ་ལས་དང་པོ་པ་རྣམས་དང་། རིག་འཛིན་གཞོན་ནུ་དག་ཀྱང་ཀུན་ཏུ་སྡང་བ་ལ་སོགས་པ་འབྱུང་བས། ད་རུང་ནི་སྔགས་ཀྱི་མཐུ་ཆེན་པོས་ ― DNG021_Page_0442 ―
[མ་དཔེ་གཟིགས་ན་འདིར་གནོན།]
གསོད་པར་མི་བྱ་ཡིས་ཅུང་ཞིག་སྡོད་ཅིག་ཅེས་གསུངས་སོ། །དེ་ནས་ཡང་ལག་ན་རྡོ་རྗེ་ཐོགས་པ་མེད་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་འདི་ནི་སྔོན་གྱི་སངས་རྒྱས་ཀྱིས་ཀྱང་ཡོངས་སུ་མ་བཤད། མ་འོངས་པ་ན་དེ་བཞིན་གཤེགས་པ་རྣམས་ཀྱིས་གསུང་བར་མི་འགྱུར་བ་ལགས་སོ། །དེ་ཅིའི་སླད་དུ་ཞེ་ན། སེམས་ཅན་ཉོན་མོངས་པ་འཕེལ་བའི་སླད་དུ་སྟེ། གང་ན་གདུལ་བྱ་མཆིས་པར་ནི། སངས་རྒྱས་ཀྱི་ཐེག་པ་རྣམས་འབྱུང་སྟེ། དེ་ཅིའི་སླད་དུ་ཞེ་ན། དེ་བཞིན་གཤེགས་པ་རྣམས་ཀྱི་སྙིང་རྗེ་ཆེན་པོའི་སྟོབས་ཡོངས་སུ་རྫོགས་པའི་སླད་དུའོ། །འདི་ད་ལྟའི་དུས་ན། སེམས་ཅན་རྣམས་སངས་རྒྱས་ཀྱི་ཐེག་པ་ལ་གནས་པ་ཉུང་བ་དང་། ནག་པོའི་རིགས་མཐུ་མངོན་པར་རྒྱས་པའི་དབང་གིས་ན། ཀྱེ་བཅོམ་ལྡན་འདས་དུས་ལ་བབ་པོ། །ལས་འདི་ནི་ལས་ཀྱི་མཆོག་སྟེ། འདིར་བཅོམ་ལྡན་འདས་ཀྱི་བྱིན་གྱིས་མ་བརླབས་ན། སླད་མའི་ཚེ་སླད་མའི་དུས་ན། ནོར་བུ་ལོན་པའི་མི་རྒྱ་མཚོ་ལས་ཐར་དུ་ཉེ་བ་ན་གྲུ་ཞིག་པ་བཞིན་མཆིས་ཏེ། ཀྱེ་བཅོམ་ལྡན་འདས་ལྗོན་ཤིང་གི་སྡོང་པོ་མེས་ཚིག་པ་བཞིན་དུ་གནས་པར་གྱུར་པ་ལགས་སོ། །དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་གསུངས་སོ། །ལག་ན་རྡོ་རྗེ་འདི་ལྟར་ཁྱོད་དེའི་དུས་ལ་བབ་པར་ཤེས་ན། འདིར་འདུས་པ་རྣམས་ཀྱི་རྣ་ལམ་དུ། ཁྱོད་ཀྱིས་ཐོགས་པ་མེད་པར་འབྱུང་བའི་རྡོ་རྗེ་གོ་ཆ་རྣམ་པར་སྲ་བ་ཞེས་བྱ་བ་ལ་སྙོམས་པར་ཞུགས་ནས། སངས་རྒྱས་ཀྱི་མཐུ་ཆེན་པོས་ཏིང་ངེ་འཛིན་དེ་ཐོབ་པར་བྱིན་གྱིས་བརླབས་ཀྱིས། ཁྱོད་སྤོབས་པ་སྐྱེད་ཅིག །དེ་ནས་ལག་ན་རྡོ་རྗེས་འཁོར་རྣམས་ལ་འདི་སྐད་དུ་བསྒོ་ཞིང་། རང་གི་རྡོ་རྗེ་ཐོགས་པ་མེད་པར་ཀུན་ཏུ་འཕེན་ཞིང་། བཅོམ་ལྡན་འདས་ལ་འདི་སྐད་ཅེས་གསོལ་བ་བཏབ་པོ། །ཀྱེ་བཅོམ་ལྡན་འདས། ཀྱེ་མ་སངས་རྒྱས་ཡ་མཚན་ཆེ། །སྔགས་ཀྱི་མཐུ་རྣམས་བསྟན་དུ་གསོལ། །གདུག་པ་མྱུར་དུ་གསོད་པ་དང་། །ཉོན་མོངས་འཁོར་བ་གཏན་དུ་འཆི་འགྱུར་བ། །བཅོམ་ལྡན་འདས་ཀྱིས་བཤད་དུ་ ― DNG021_Page_0443 ―
[མ་དཔེ་གཟིགས་ན་འདིར་གནོན།]
གསོལ། །འདི་ན་ཁྲོ་བ་ལྔ་མཆིས་པས། །སངས་རྒྱས་ཐུགས་རྗེ་ལྔ་རུ་སྣང་། །ཞི་བས་འདུལ་བར་འགྱུར་བ་ན། །ཁྲོ་བས་ཁྲོ་བ་ཞི་བར་མཛད། །ཁྲོས་པས་རང་བཞིན་གསོད་མཛད་པའི། །ཁྲོ་བོའི་ཕྱག་རྒྱ་གདེངས་ནས་ཀྱང་། །ཐུགས་རྗེའི་སྦར་མོས་འཛིན་པ་དང་། །ཡེ་ཤེས་མཆེ་བས་གཅོད་པའི་སླད། །ཤེས་རབ་ཆེན་པོའི་རང་བཞིན་ལ། །གཉིས་མེད་རྟག་ཏུ་གསོད་པའི་ཕྱིར། །སངས་རྒྱས་ཆེན་པོས་བཤད་དུ་གསོལ། །ཞེས་གསོལ་བ་བཏབ་པའོ། །དེ་ནས་བཅོམ་ལྡན་འདས་རྡོ་རྗེ་དང་འཁོར་ལོ་དང་། རིན་པོ་ཆེ་དང་པདྨ་དང་། རྒྱ་གྲམ་ལ་སོགས་པའི་དཀྱིལ་འཁོར་མངོན་པར་མཛད་དེ། རྡོ་རྗེ་མཚོན་ཆའི་བུ་ཡུག་ཀུན་ཏུ་ཐོགས་པ་མེད་པ་འབབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྡེར་མོ་འབྱུང་བ་ཞེས་བྱ་བའི་གསང་སྔགས་འདི་གསུངས་སོ། །ན་མཿས་མནྟ་ཀཱ་ཡ་བཱ་ཀ་ཙིཏྟ་བཛྲཱ་ནན། ཨཱོཾ་གྷ་གྷ་གྷཱ་ཏ་ཡ་གྷཱ་ཏ་ཡ། ལྷས་སྦྱིན་པ་སརྦ་དུཥྚཱ་ན་ཕཊ། བཛྲ་ཀཱི་ལི་ཀཱི་ལ་ཡ། སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ། བཛྲ་ཀཱི་ལི་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། རྡོ་རྗེ་སྡེར་མོས་ཀུན་ཏུ་གཅོད་པ་ཞེས་བྱ་བའི་ཏིང་ངེ་འཛིན་ཏོ། །འདི་དག་གསུངས་པའི་མོད་ལ་ནི། ཕྱོགས་བཅུའི་འཇིག་རྟེན་བསམ་གྱིས་མི་ཁྱབ་པའི་རང་བཞིན་པས། རྡོ་རྗེ་མཚོན་པའི་འཚུབ་མ་ཕྱོགས་ཀུན་ནས་ལངས་ཏེ། བདུད་ལ་སོགས་པ་གང་དག་གསད་པར་འོས་པ་ཐམས་ཅད། མ་བཀུག་པ་བཞིན་དུ་རྡོ་རྗེའི་འཚུབ་མས་བུབ་ཅིང་ཨརྫ་ཀའི་དོག་པ་བཞིན་དུ་རྣམ་པར་འགས་ཏེ། རྡོ་རྗེའི་མཚོན་པ་སྣ་ཚོགས་པ་དང་། སྤྲུལ་པ་བསམ་གྱིས་མི་ཁྱབ་པ་རྣམས་ཀྱིས། མངོན་སྤྱོད་ཆེན་པོས་བསྒྲུབ་པར་བྱ་བའི་ཕུང་པོ་ཆུ་རྡུལ་བཞིན་དུ། སྐད་ཅིག་མ་དེ་ཉིད་ལ་ཟད་པར་བྱས་སོ། །དཔལ་ལག་ན་རྡོ་རྗེ་ལ་སོགས་པ་རྣམས་ཀྱང་། ལུས་བུབ་ནས་བརྒྱལ་ཞིང་ཁྲག་དུ་སྐྱུགས་པར་གྱུར་ཏོ། །དེ་ནས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་བདག་ནི་ཁམས་གསུམ་ན་མཐུ་ཆེ་བ། དེ་བཞིན་གཤེགས་པས་ཀྱང་བདག་ལ་མཐུ་ཕུན་སུམ་ཚོགས་ ― DNG021_Page_0444 ―
[མ་དཔེ་གཟིགས་ན་འདིར་གནོན།]
པར་བྱིན་གྱིས་བརླབ་པ་ལགས་ན། འདི་ལྟར་བདག་ཀྱང་ཤིན་ཏུ་སྐྲག་པར་བགྱིད་ན་གཞན་ལྟ་ཅི་སྨོས་ཏེ་ཐམས་ཅད་མྱུར་དུ་ཤི་བར་འགྱུར་བས། དེང་འདིར་བཅོམ་ལྡན་འདས་ཀྱིས་སྔགས་ཀྱི་མཐུ་ཆེན་པོ་བཤད་པ་ངོ་མཚར་ཏོ། །ཨེ་མ་ཧོ་ཤིན་ཏུ་ངོ་མཚར་ཏོ། །སངས་རྒྱས་ཀྱི་མཐུ་ཐམས་ཅད་ཡོངས་སུ་བགྱིད་པ་དང་། བསྟན་པ་ཆེན་པོ་འདི་མི་ནུབ་པའི་སླད་དུ། གསང་སྔགས་འདི་ནི་མི་ནུབ་པའི་རྒྱལ་མཚན་གྱི་རྩེ་མོ་ཞེས་བགྱི་བར་འཚལ་ལོ། །སླད་མའི་ཚེ་སླད་མའི་དུས་ན། གསང་སྔགས་ཆེན་པོ་འདི་གང་ཞིག་འཛིན་པའི་དགོངས་པ་ཡོངས་སུ་བསྒྲུབ་པར་བགྱིའོ། །འདི་ལྟར་འདི་ན་མ་ནོར་བར་བཤད་པའི་གང་ཟག་དེ་ཡང་བདག་ཅག་གིས་མཆོད་རྟེན་དུ་གཟུང་བར་བགྱིའོ། །ཐ་དད་པ་མེད་པར་བགྱིའོ། །གསང་སྔགས་ཀྱི་ཚིག་འདི་དག་ཚིག་དང་ཡི་གེའི་སྒོ་ནས་ཨེ་བཾ་ལ་གནས་པའི་ས་ཕྱོགས་ཀྱང་བདག་ཅག་གིས་མཆོད་རྟེན་དུ་གཟུང་བར་བགྱིའོ། །དེ་ནས་ཡང་བཅོམ་ལྡན་འདས་འཁོར་ལོ་འབར་བའི་བུ་ཡུག་ཀུན་ཏུ་འབྱུང་བར་འབབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་ལོ་འབར་བའི་སྡེར་མོས་ཀུན་ཏུ་འཇོམས་པའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿས་མནྟ་ཀཱ་ཡ་བཱ་ཀ་ཙིཏྟ་བཛྲཱ་ནན། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། ལྷས་བྱིན་སརྦ་དུཥྚཱ་ན་ཕཊ། བུད་དྷ་ཀཱི་ལི་ཀཱི་ལ་ཡ། སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ། བུད་དྷ་ཀཱི་ལི་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡ་བཱ་ཀ་ཙིཏྟ་བུཌྜྷ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཕཊ། འཁོར་ལོའི་སྡེར་མོས་ཀུན་ཏུ་གཅོད་པ་ཞེས་བྱ་བའི་ཏིང་ངེ་འཛིན་ཏོ། །དེ་བཞིན་དུ་འཁོར་ལོའི་འཚུབ་མ་ཕྱོགས་བཅུ་ནས་ལངས་པ་ལ་སོགས་པ་སྔ་མ་བཞིན་དུ་སྦྱར་རོ། །དེ་ནས་བཅོམ་ལྡན་འདས་རིན་པོ་ཆེ་འབར་བའི་བུ་ཡུག་ཀུན་ཏུ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིན་པོ་ཆེ་འབར་བའི་སྡེར་མོས་ཀུན་ཏུ་འཇོམས་པའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿས་མནྟ་ཀཱ་ཡ་བཱ་ཀ་ཙིཏྟ་བཛྲཱ་ནན། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། ལྷས་སྦྱིན་སརྦ་དུཥྚཱ་ན་ཕཊ། རཏྣ་ཀཱི་ལི་ཀཱི་ལ་ཡ། སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ། རཏྣ་ཀཱི་ལི་ཀཱི་ལ་ཡ། བཛྲ་དྷ་ར་ ― DNG021_Page_0445 ―
[མ་དཔེ་གཟིགས་ན་འདིར་གནོན།]
ཨཱཛྙཱ་པ་ཡ་ཏི་ཀ་ཡ་བཱ་ཀ་ཙིཏྟ་རཏྣ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཕཊ། རིན་པོ་ཆེའི་སྡེར་མོས་ཀུན་ཏུ་གཅོད་པ་ཞེས་བྱ་བའི་ཏིང་ངེ་འཛིན་ཏོ། །དེ་བཞིན་དུ་ཕྱོགས་ཐམས་ཅད་ནས་རིན་པོ་ཆེ་འབར་བའི་མཚོན་པའི་བུ་ཡུག་ཀུན་ཏུ་འབྱུང་བར་འབབ་པ་ལ་སོགས་པ་སྔ་མ་བཞིན་ནོ། །དེ་ནས་བཅོམ་ལྡན་འདས་པདྨའི་མཚོན་བུ་ཡུག་ཀུན་ཏུ་འབབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། པདྨ་ཆེན་པོ་འབར་བའི་སྡེར་མོས་ཀུན་ཏུ་འཇོམས་པའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿས་མན་ཏ་ཀཱ་ཡ་བཱ་ཀ་ཙིཏྟ་བཛྲཱ་ནཱན། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་པཱ་པཾ། ལྷས་སྦྱིན་སརྦ་དུཥྚཱ་ན་ཕཊ། པདྨ་ཀཱི་ལི་ཀཱི་ལ་ཡ། སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ། པདྨ་ཀཱི་ལི་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི་ཀཱ་ཡ་བཱ་ཀ་ཙིཏྟ། པདྨ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཕཊ། པདྨ་འཇོམས་པས་ཀུན་ཏུ་གསོད་པ་ཞེས་བྱ་བའི་ཏིང་ངེ་འཛིན་ཏོ། །དེ་བཞིན་དུ་ཕྱོགས་ཀུན་ནས་པད་མ་ཆེན་པོའི་མཚོན་པའི་འཚུབ་མ་ལངས་པ་ལ་སོགས་པ་ལ་སྔ་མ་བཞིན་དུ་སྦྱར་རོ། །དེ་ནས་བཅོམ་ལྡན་འདས་རྡོ་རྗེ་ལས་ཀྱི་མཚོན་པའི་བུ་ཡུག་ཀུན་ཏུ་འབབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ལས་ཀྱི་སྡེར་མོས་ཀུན་ཏུ་འཇོམས་པའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ན་མཿས་མན་ཏ་ཀཱ་ཡ་བཱ་ཀ་ཙིཏྟ་བཛྲཱ་ནཱན། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། ལྷས་སྦྱིན་སརྦ་དུཥྚཱ་ན་ཕཊ། ཀརྨ་ཀཱི་ལི་ཀཱི་ལ་ཡ། སརྦ་པཱ་པཾ་ཕཊ། ཧཱུཾ་ཧཱུཾ་ཧཱུཾ། ཀརྨ་ཀཱི་ལི་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡ་བཱཀ་ཙིཏྟ། ཀརྨ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཕཊ། རྡོ་རྗེ་ལས་ཀྱི་སྡེར་མོས་ཀུན་ཏུ་གཅོད་པ་ཞེས་བྱ་བའི་ཏིང་ངེ་འཛིན་ཏོ། །དེ་ལྟར་ཕྱོགས་ཀུན་ནས་མཚོན་ཆའི་འཚུབ་མ་ལ་སོགས་པའི་སྔོན་བཞིན་དུ་སྦྱར་རོ། །དེ་ནས་འཁོར་དེར་འདུས་པའི་སེམས་དཔའ་ཆེན་པོ་དང་། རིག་འཛིན་ལ་སོགས་པ་ཐམས་ཅད་ཀྱིས། རྡོ་རྗེའི་ཏིང་ངེ་འཛིན་དང་། རྡོ་རྗེའི་སྟོབས་དང་། རྡོ་རྗེའི་ཀླུ་རྣམས་ཀྱིས་ཡོངས་སུ་བསྟོད་པ། དཔའ་བརྟན་རྡོ་རྗེ་མི་འཇིགས་པ། །ཐོགས་པ་མེད་ ― DNG021_Page_0446 ―
[མ་དཔེ་གཟིགས་ན་འདིར་གནོན།]
པའི་མཚོན་ཆ་སྟེ། །རབ་འཇིགས་རྡོ་རྗེ་སྡེར་མོ་སྟེ། །རྡོ་རྗེ་མཐུ་ལ་ཕྱག་འཚལ་ལོ། །དེ་ནས་ཡང་འཁོར་ལོའི་ཏིང་ངེ་འཛིན་གྱིས་འདི་སྐད་ཅེས་གསོལ་ཏོ། །བླ་མེད་འཁོར་ལོ་བསྐོར་བའི་ཚེ། །སྲིད་པའི་འཁོར་ལོ་རྒྱུན་བཅད་པའི། །ཐོགས་པ་མེད་པ་འཁོར་ལོའི་སྡེར་མོ་ཡིས། །འཁོར་བའི་མཐུ་ལ་ཕྱག་འཚལ་ལོ། །དེ་ནས་ཡང་རིན་པོ་ཆེའི་རིགས་ཀྱི་ཏིང་ངེ་འཛིན་གྱིས་འདི་སྐད་ཅེས་བསྟོད་པ། ཡོན་ཏན་དཔལ་འབྱུང་མཐུ་ཡི་མཐུ། །གྲགས་པ་ཆེན་པོའི་རིན་པོ་ཆེ། །ང་རྒྱལ་རྩད་ནས་གཅོད་པའི་མཚོན། །རིན་ཆེན་སྡེར་མོ་ཕྱག་འཚལ་ལོ། །དེ་ནས་ཡང་པདྨའི་རིག་འཛིན་གྱིས་འདི་སྐད་ཅེས་བསྟོད་པ། ཆགས་མེད་པད་མས་ཆགས་པ་གཅོད། །ཆགས་པ་མངོན་དུ་སྙེམས་པར་མཛད། །འདོད་ཆགས་པདྨའི་སྡེར་མོ་སྟེ། །འབར་བའི་གསུང་ལ་ཕྱག་འཚལ་ལོ། །དེ་ནས་ཡང་རྡོ་རྗེ་ལས་ཀྱི་ཏིང་ངེ་འཛིན་གྱིས་འདི་སྐད་ཅེས་བསྟོད་པ། རྡོ་རྗེ་ལས་རབ་ལས་ཀྱི་མཆོག །ལས་ཀྱི་དྲ་བས་ཡོངས་སུ་གཅོད། །རྡོ་རྗེ་ལས་ཀྱི་སྡེར་མོ་ཡིས། །མངོན་དུ་གསོད་ལ་ཕྱག་འཚལ་ལོ། །དེ་ནས་བསྐུལ་བའི་ཏིང་ངེ་འཛིན་གྱིས་འདི་སྐད་ཅེས་གསོལ་ཏོ། །ཐོགས་མེད་ལས་ཀྱི་སྡེར་མོ་ཡང་། །འབྱུང་པོའི་ཞེ་སྡང་བཟུང་ནས་སོད། །འཇིགས་བྱེད་འཁོར་ལོའི་སྡེར་མོ་ཡིས། །འབྱུང་པོའི་གཏི་མུག་ཟུང་ལ་སོད། །མཐུ་མཆོག་རིན་ཆེན་སྡེར་མོ་ཡིས། །འབྱུང་པོའི་ང་རྒྱལ་ཟུང་ལ་སོད། །ཆགས་པ་མེད་པའི་སྡེར་མོ་ཡིས། །འབྱུང་པོའི་འདོད་ཆགས་ཟུང་ལ་སོད། །རྡོ་རྗེའི་ལས་མཆོག་སྡེར་མོ་ཡིས། །འབྱུང་པོའི་ཕྲག་དོག་ཟུང་ལ་སོད། །ཐོགས་པ་མེད་པར་འཕྲོ་ཞིང་འདུ། །ཐོག་མ་ཐ་མ་བར་དུ་ཡང་། །ཡུལ་ནི་གཟུང་བྱ་མི་གཏོང་བའི། །གཏན་དུ་ཤི་བར་མཛད་པ་ཡིས། །འབར་བའི་སྡེར་མོ་ཞེས་གྲགས་ཡིན། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། སྡེར་མོ་འབྱུང་བ་ཞེས་བྱ་བའི་ལེའུ་སྟེ་བཅུ་དགུ་ པའོ།། །།དེ་ནས་བཅོམ་ལྡན་འདས་རྡོ་རྗེའི་འོད་ཟེར་གྱིས་ཐོགས་ ― DNG021_Page_0447 ―
[མ་དཔེ་གཟིགས་ན་འདིར་གནོན།]
པ་མེད་པར་གཅོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཉུང་དཀར་གྱི་རྒྱལ་པོ་འབྱུང་བ་ཞེས་བྱ་བའི་རྣམ་པར་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །གང་དག་མཁས་པས་བརྟག་པ་ནི། །དེ་ནི་རྣལ་འབྱོར་ཅན་གྱི་སྟེ། །མཁས་པས་འབད་པར་བྱ་བ་ནི། །ཉུང་དཀར་རྒྱལ་པོ་བསྐྱེད་པར་བྱ། །རང་གི་འདོད་ལྷ་མཉེས་པར་བྱེད། །བསྒྲུབ་བྱ་འཆི་བར་གྱུར་པ་དང་། །དེ་ཡི་ལྷ་ནི་སྐྲག་པར་བྱེད། །རིགས་ནི་རྣམ་པ་དྲུག་ཏུ་སྟེ། །མཁས་པས་རྡོ་རྗེའི་རང་བཞིན་ནོ། །ཐོད་པ་རྡོ་རྗེའི་རིགས་ཅན་ལ། །བུག་པ་ཅི་ཡང་མཛེས་པ་ལ། །མྱུ་གུའི་སྒོ་ན་རྡོ་རྗེ་ཡིས། །མྱུར་དུ་ཕུག་པའི་དབྱིབས་སུའོ། །རྡོ་རྗེ་ཕུར་པའི་གསང་སྔགས་དང་། །རྡོ་རྗེ་སྡེར་མོའི་རང་བཞིན་གྱིས། །ཕྱི་ནང་དུག་དང་ཁྲག་གིས་བྲིས། །བར་དུ་འབར་བའི་རྡོ་རྗེ་ཡང་། །མཐིང་ག་མཛེས་པའི་རྩེ་ལྔ་དགོད། །རྡོ་རྗེ་ཕུར་པའི་སྟེང་དུ་ཡང་། །དུར་ཁྲོད་རས་སམ་ཤིང་ལེབ་བམ། །གཡམ་པ་དག་ལ་གནས་པ་ཡི། །རྡོ་རྗེའི་ཕྱག་རྒྱ་ཚང་བ་རུ། །བྲིས་ཏེ་ས་ཡི་གཏིང་དུའོ། །དེ་སྟེང་མཁས་པས་ས་ཚོན་ནི། །ཤར་གྱི་ཕྱོགས་ནས་མཐིང་ག་བླང་། །རྡོ་རྗེའི་རིགས་ཀྱི་བུ་མོས་ནི། །དྲི་ཆུས་ཡང་དག་བྲི་བ་ཡིན། །དེ་སྟེང་ཐོད་པ་དབུས་གནས་པའི། །རྡོ་རྗེ་ཅན་གྱི་དབུས་སུ་ཡིན། །རྣལ་འབྱོར་རྡོ་རྗེ་ཅན་ལ་བལྟ། །བར་ཆོད་བསྲུང་དང་གཏོར་མ་དང་། །བསྒྲུབ་དང་བྱིན་བརླབ་དབབ་པར་བྱ། །ཇི་ལྟར་འབྲས་བུ་སྨིན་པའི་ཚེ། །ཆོ་ག་མཁས་པས་འབྲས་བུ་བླང་། །དགོན་པའི་ས་འམ་ཕུག་དག་ཏུ། །རྡོ་རྗེའི་ཏིང་འཛིན་རྣམ་པར་བརྟག །མཁས་པས་ནན་ཏན་བྱ་བ་ཡིན། །དེ་ལས་དེ་ལྟར་ཡང་བསྐྱེད་པ། །རྡོ་རྗེ་འཛིན་པ་ཉིད་ཀྱི་དངོས། །གཞན་དུ་རྣམ་པར་སྤྱད་པར་བྱ། །སྦྱོར་བ་གཅིག་གི་དངོས་པོས་ཀྱང་། །མཐའ་དང་མཉམ་པ་ནམ་མཁའ་ལྟར། །ཐོགས་པ་མེད་པའི་ལས་རྣམས་འགྲུབ། །གཟུགས་དང་ཁ་དོག་སྤྱི་དང་མཐུན། །བཅུད་དང་གཟི་བརྗིད་གྲངས་དང་ཚད། །དངོས་པོ་གཞན་ལས་སྤགས་པས་ན། །གྲངས་ཀྱི་དངོས་པོ་ཇི་བཞིན་དུ། །གཟུགས་ལ་སོགས་པ་ ― DNG021_Page_0448 ―
[མ་དཔེ་གཟིགས་ན་འདིར་གནོན།]
དུ་མ་འཕེལ། །ཐ་མལ་པ་ཡི་མངོན་སུམ་མོ། །དང་པོའི་ས་བོན་གང་ཡིན་དེ། །རྡོ་རྗེ་རིགས་ཀྱི་དངོས་པོར་བརྟག །གྲངས་དང་ཚད་ཀྱང་དེ་བཞིན་དུ། །ཕྲིན་ལས་ལ་སོགས་མཁས་པས་བརྟག །རྡོ་རྗེ་ཉུང་དཀར་རྒྱལ་པོ་བརྟག་པའི་དམ་ཚིག་ཅེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་འཁོར་ལོའི་ཉུང་དཀར་རྒྱལ་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་ལོའི་ཉུང་དཀར་རྒྱལ་པོ་འདི་གསུངས་སོ། །དུམ་བུ་བརྒྱད་པའི་ཐོད་པ་ནི། །དཔའ་བོས་དེ་བཞིན་བླང་བར་བྱ། །སྨུག་ནག་དབུ་མའི་ས་ལ་ནི། །སངས་རྒྱས་བཙུན་མོ་བསྟན་པར་བྱ། །འཁོར་ལོ་སེར་པོ་རྩིབས་བརྒྱད་ནི། །སྔོན་གྱི་རྫས་ནི་བྲིས་ཏེ་སྦ། །ས་ཡི་གཏིང་དུ་ཐོད་པ་འམ། །མཁས་པས་ཅི་དྲན་གཞག་པར་བྱ། །གཏི་མུག་རྡོ་རྗེ་ཕུར་པ་དང་། །དེ་བཞིན་མ་མོ་ལ་སོགས་པའི། །ཕྱག་རྒྱ་ཚང་བར་བྲི་བར་བྱ། །འཁོར་ལོའི་རིགས་ཀྱི་ཉུང་དཀར་ནི། །མཁས་པས་གྲངས་ཚད་དབྱིབས་སུ་བརྟག །འཁོར་ལོའི་དུས་སུ་ཡང་དག་ཤིས། །དེ་བཞིན་འབྲས་བུ་དུས་བཞིན་བྱ། །གཏི་མུག་རྡོ་རྗེ་མཉེས་པའི་མཆོག །གཞན་ན་ཡོད་པ་མ་ཡིན་ནོ། །གཏི་མུག་ཅན་རྣམས་བསད་པ་ལ། །གཞན་ལས་ཡོན་ཏན་འགའ་བྱ་སྟེ། །འཕེལ་བ་དང་ནི་དངོས་ཉིད་ཀྱིས། །རྣལ་འབྱོར་འཁོར་ལོའི་རིགས་སུ་ངེས། །འཁོར་ལོ་ཆེན་པོའི་ཉུང་དཀར་གྱི་རྒྱལ་པོ་བརྟག་པའི་དམ་ཚིག་ཅེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རིན་པོ་ཆེའི་ཉུང་དཀར་གྱི་རྒྱལ་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིན་པོ་ཆེ་འབར་བའི་ཉུང་དཀར་གྱི་རྒྱལ་པོ་བརྟག་པ་ཞེས་བྱ་བ་འདི་གསུངས་སོ། །མཁས་པས་རིན་ཆེན་མཉེས་འདོད་ཅིང་། །ང་རྒྱལ་མྱུར་དུ་ཟད་འདོད་པས། །རིན་ཆེན་རྒྱལ་པོ་བརྟག་པར་བྱ། །ཐོད་པ་ཚལ་པ་བཞི་པ་ལ། །གནས་པའི་སྒོ་ནི་ཟུར་དྲུག་སྟེ། །དྲི་ཆུ་ཐལ་བ་རཀྟ་དང་། །རིན་ཆེན་བཙུན་མོས་བསླན་པར་བྱ། །དེ་བཞིན་ཞབས་ཀྱང་ཕྱག་རྒྱ་སྟེ། །རིན་ཆེན་འབར་བས་མཛེས་པར་བྱ། །རིན་ཆེན་ཕུར་པའི་རིན་ཆེན་གཏེར། །མཁས་པས་ཕྱི་ ― DNG021_Page_0449 ―
[མ་དཔེ་གཟིགས་ན་འདིར་གནོན།]
ནང་ཕྱག་རྒྱར་བཅས། །རིན་ཆེན་ཕྱོགས་བཅུ་རང་གི་དུས། །འཇུག་དང་འབྱུང་བའི་དུས་ཉིད་དོ། །གསེར་གྱི་མདོག་གིས་གསོ་བར་བྱ། །རྣལ་འབྱོར་ཆོ་ག་མཁས་པ་ཡིས། །རིན་པོ་ཆེ་ལ་བརྟག་པར་བྱས། །རིན་པོ་ཆེའི་ཉུང་དཀར་རྒྱལ་པོ་བརྟག་པའི་དམ་ཚིག་ཅེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་པདྨ་ཆེན་པོའི་ཉུང་དཀར་གྱི་རྒྱལ་པོ་བརྟག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། པདྨ་ཆེན་པོའི་ཉུང་དཀར་བརྟག་པ་འདི་གསུངས་སོ། །པདྨའི་རྒྱལ་པོ་མཉེས་པའི་ཕྱིར། །འབད་དེ་པད་མའི་ཉུང་དཀར་བསྒོམ། །རབས་ཆད་མཚན་མ་ངན་པ་ཡི། །ཡང་ན་པད་མའི་རིགས་ཉིད་ལ། །མཁས་པས་པདྨ་འདབ་བརྒྱད་བྲི། །པདྨའི་ཕྱོགས་ནས་པདྨའི་ས། །ཅི་རིགས་གཞག་པའི་སྟེང་དུ་གཞག །སྟེང་ནས་དེ་བཞིན་རང་གི་ཡང་། །དང་པོ་པདྨའི་དྲི་ཆུ་ཤིས། །གཉིས་པ་ཐབས་ཀྱི་དྲི་ཆུ་དང་། །གལ་ཏེ་བླངས་པས་ལས་རྣམས་འགྲུབ། །དུས་ནི་རྣམ་གཉིས་དུས་ཀྱི་མཆོག །སྔགས་དང་ཕྱག་རྒྱ་སྔོན་དེ་བཞིན། །མཁས་པས་འབད་དེ་བརྟག་པར་བྱ། །པདྨོའི་ལས་རྣམས་འགྲུབ་པར་འགྱུར། །པདྨ་ཆེན་པོའི་ཉུང་དཀར་གྱི་རྒྱལ་པོ་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་ལས་ཀྱི་ཉུང་དཀར་གྱི་རྒྱལ་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ལས་ཀྱི་ཉུང་དཀར་རྒྱལ་པོ་འདི་གསུངས་སོ། །ཉུང་དཀར་ལས་ཀྱི་རྒྱལ་པོ་རྣམས། །དཔའ་བོས་མཉམ་པར་བྱ་བ་དང་། །བསྒྲུབ་བྱ་གསད་པར་བྱ་བ་ལས། །རྡོ་རྗེ་ལས་ཀྱི་ཐོད་པ་ལ། །དེ་བཞིན་སྔགས་དང་ཕྱག་རྒྱ་ཚང་། །སྣ་ཚོགས་རྡོ་རྗེའི་དཀྱིལ་འཁོར་བྲི། །དེ་བཞིན་རང་གི་བཙུན་མོ་བསྐྱེད། །རྡོ་རྗེ་ཕུར་པའི་སྡེར་མོ་ནི། །རིམ་པ་དང་ནི་མཉམ་དུའོ། །ཐོགས་པ་མེད་པའི་ལས་རྣམས་འགྲུབ། །རྡོ་རྗེ་ལས་ཀྱི་རྒྱལ་པོ་དམ་ཚིག་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་སྣ་ཚོགས་པའི་ཉུང་དཀར་གྱི་རྒྱལ་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ལས་ཐམས་ཅད་ཀྱི་ཉུང་དཀར་གྱི་རྒྱལ་པོ་འདི་གསུངས་སོ། །ཐམས་ཅད་ལས་རྣམས་འདོད་པ་ཡི། །ཀུན་གྱི་སྦྱོར་བ་གཅིག་ལ་ཤེས། །ཐམས་ ― DNG021_Page_0450 ―
[མ་དཔེ་གཟིགས་ན་འདིར་གནོན།]
ཅད་ལས་བཞིན་སྔོན་ལྟར་བཤད། །རིན་ཆེན་སྤྱི་ཡི་ཆོ་ག་ཡིས། །ཐམས་ཅད་དེ་ལྟར་བྱ་བར་ཤིས། །རྡོ་རྗེ་ཕུར་པ་ཐམས་ཅད་དང་། །སྡེར་མོའི་གསང་སྔགས་གཞན་གྱིས་འགྲུབ། །གལ་ཏེ་རིགས་ན་འགའ་ཡང་རུང་། །ཐམས་ཅད་མ་ལུས་ལས་རྣམས་འགྲུབ། །ལན་གསུམ་གྱིས་ནི་སྐུ་གསུམ་འགྲུབ། །སྣ་ཚོགས་ཀྱི་ཉུང་དཀར་གྱི་རྒྱལ་པོའི་དམ་ཚིག་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་རྡོ་རྗེ་སྣ་ཚོགས་པའི་འོད་ཟེར་གྱིས་ཉུང་དཀར་གྱི་རྒྱལ་པོ་རྣམ་པར་བྱིན་གྱིས་བརླབས་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །རྣལ་འབྱོར་ཆོ་ག་ཆེན་པོ་ནི། །ཉུང་དཀར་རྒྱལ་པོ་འབའ་ཞིག་གི། །བྱིན་རླབས་སྔགས་ཀྱིས་བསྒྲུབ་པར་བྱ། །གང་ཞིག་ཉུང་དཀར་མཐུ་འདོད་པས། །དེ་ཡི་དགོས་པ་འགྲུབ་མི་འགྱུར། །འདི་ནི་བསྒྲུབ་པར་བཤད་པ་སྟེ། །དང་པོར་རྣམ་པར་བརྟག་པར་བྱ། །ཐ་མ་ལ་ནི་ས་བོན་ལ། །དང་པོ་གྱ་ནོམ་བསྡུ་བར་བྱ། །ཁྱད་པར་ཚང་བའི་ས་བོན་རྣམས། །པདྨ་རྡོ་རྗེའི་དབུས་གནས་སུ། །སྔགས་ཀྱིས་ཐག་པ་གཟུང་བར་བྱ། །རང་ཉིད་འདོད་ལྷའི་ང་རྒྱལ་གྱིས། །བྱེ་བ་དྲུག་འབུམ་བགྲང་བར་བྱ། །སྔགས་ཀྱི་མཚན་མ་ཚང་བ་དང་། །མཁས་པས་ཏིང་འཛིན་བསྒྲལ་བར་བྱ། །དེ་ནི་དང་པོའི་སྦྱོར་བ་སྟེ། །གལ་ཏེ་བསྐྱེད་པ་མ་ཡིན་ཀྱང་། །དངོས་པོ་འདི་ཡིས་ཕྲ་མོའི་ལས། །འགྲུབ་པར་འགྱུར་བར་ཐེ་ཚོམ་སྤངས། །ཡང་ནི་བསྒྲུབ་པ་བཤད་བྱ་བ། །མཁས་པས་གུ་གུལ་སྦྱར་མས་བདུག །ཚང་བའི་སྔགས་ནི་གྲངས་སུ་བྱ། །རང་ཉིད་འདོད་ལྷའི་ང་རྒྱལ་གྱིས། །བྱེ་བ་དྲུག་འབུམ་བརྗོད་པར་བྱ། །འདི་ནི་གཉིས་པ་བསྟན་པ་ཡིན། །སྦྱོར་བའི་དང་པོ་ཟུང་གིས་ཀྱང་། །ཕྲ་མོའི་ལས་རྣམས་འགྲུབ་པར་འགྱུར། །དེ་ནས་ཡང་དག་བཤད་བྱ་སྟེ། །དུག་གི་ཁུ་བས་གོས་པ་ལ། །འདོད་ལྷའི་བྱེ་བ་དྲུག་འབུམ་བརྗོད། །སྦྱོར་བ་རྣམ་པ་འདི་ཡིས་ཀྱང་། །དེ་བཞིན་ཕྲ་མོའི་ལས་རྣམས་འགྲུབ། །རྡོ་རྗེ་བརྟག་པ་གསུམ་པ་ཡིན། །དེ་ནས་གཞན་ཡང་བཤད་བྱ་སྟེ། །ཁྲག་ནི་ཁྲག་ཆེན་ལ་སོགས་ཏེ། །རྣམ་པར་བསམ་པ་ཁྲག་ ― DNG021_Page_0451 ―
[མ་དཔེ་གཟིགས་ན་འདིར་གནོན།]
གི་ཆུས། །དེ་བཞིན་བྱེ་བ་དྲུག་འབུམ་མོ། །རང་ཉིད་འདོད་ལྷའི་ང་རྒྱལ་གྱིས། །པད་མའི་སྣོད་དུ་བསྒྲུབ་པར་བྱ། །འདིས་ནི་དངོས་པོ་ཀུན་འགྲུབ་ན། །རྒྱལ་པོའི་སྦྱོར་བས་ཅི་ཞིག་སྨོས། །ཐམས་ཅད་འགྲུབ་པར་འགྱུར་བས་ན། །བཞི་པ་ཡིས་ནི་མངོན་དུ་བསྟན། །དེ་ནས་བརྟག་པ་ལྔ་བཤད་དེ། །མཁས་པས་པད་མའི་དྲི་ཆུ་ལས། །བྱེ་བ་དྲུག་འབུམ་བརྗོད་པར་ཤེས། །འདོད་ལྷའི་ང་རྒྱལ་རྫོགས་པར་བྱ། །ཆོ་ག་གཞན་རྣམས་ཚང་བར་རོ། །དེ་ནས་དཔའ་བོས་རྣམ་བརྟག་པ། །མངོན་དུ་ཇི་ལྟར་གྲགས་པ་སྟེ། །མཁས་པས་ཐོད་པ་ས་ལ་སྦ། །རང་ཉིད་འདོད་ལྷའི་ང་རྒྱལ་ཏེ། །བྱེ་བ་དྲུག་འབུམ་ལ་སོགས་བརྗོད། །འབྲས་བུ་རྫོགས་པའི་དུས་དག་ཏུ། །གུ་གུལ་ལ་སོགས་ཆོ་ག་བརྩམ། །འདི་ནི་མཁས་པའི་བརྟག་པ་དྲུག །དེ་ནས་ཡང་དག་བཤད་བྱ་བ། །དཔའ་བོས་དངོས་གྲུབ་ཐོབ་པའི་ཕྱིར། །གའུ་སྲུབ་མེད་ཆུ་ཐུབ་པར། །རྒྱ་མཚོའི་ནང་ངམ་འབབ་ཆུའི་ངོགས། །རྡོ་རྗེའི་ཐག་པ་བཏགས་ནས་ཀྱང་། །དེ་བཞིན་བྱེ་བ་དྲུག་འབུམ་བརྗོད། །འདི་དག་བརྟག་པ་བདུན་པར་བཤད། །དེ་ནས་ཡང་དག་བཤད་བྱ་བ། །མཁས་པས་མེ་ཡི་ནང་དུ་ནི། །ཧ་ཅང་ཚིག་པ་མ་ཡིན་པ། །དུར་ཁྲོད་ཚེར་མའི་ཤིང་གིས་བསྲེག །འདོད་ལྷའི་ཏིང་འཛིན་རབ་བརྟན་པས། །བྱེ་བ་དྲུག་འབུམ་བརྗོད་པ་ཡིན། །དེས་ནི་ཇི་ལྟར་ཚ་བའི་མེ། །རླུང་གིས་བསླངས་པ་ཇི་བཞིན་དུ། །འདི་ནི་རིམ་པ་བརྒྱད་པར་བཤད། །དེ་ནས་དཔའ་བོས་རྣམ་བཤད་པ། །ཐབས་ཀྱི་རྡོ་རྗེ་བསྒྲུབ་པར་བྱ། །གསང་བ་དབང་པོའི་རྡོ་རྗེ་ནི། །རྒྱུ་ནི་ཇི་བཞིན་སྟོང་པར་བརྒྱངས། །དཔའ་བོས་བྱེ་བ་དྲུག་འབུམ་ཡིན། །ཆོ་ག་ཐམས་ཅད་ཚང་བར་བྱ། །འདི་ནི་བརྟག་པ་དགུ་པའོ། །དེ་ནས་དཔའ་བོས་རྣམ་བརྟག་པ། །པདྨའི་དབྱིབས་ནི་ཟུར་གསུམ་གདོང་། །ཇི་བཞིན་སྙོམས་པའི་སྣོད་ནང་དུ། །དམ་ཆོས་བྱེ་བ་དྲུག་འབུམ་བརྗོད། །འདོད་ལྷའི་ཏིང་འཛིན་འབད་པ་ཡིས། །དོན་རྣམས་མ་ལུས་སྒྲུབ་པར་བྱེད། །འདི་ནི་བཅུ་པའི་བརྟག་པ་ཡིན། །དེ་ནས་ཡང་དག་བཤད་པ་ནི། །ཁྱེའུ་དང་ནི་བུ་མོ་ལ་སོགས་པས། །དངོས་པོ་དག་པའི་རང་བཞིན་ ― DNG021_Page_0452 ―
[མ་དཔེ་གཟིགས་ན་འདིར་གནོན།]
ལས། །བྱང་ཆུབ་སེམས་ནི་བླང་བྱ་སྟེ། །གཉིས་སུ་མེད་པར་འདྲེས་པ་ཡི། །དབུས་མཉམ་པ་ནི་ཉུང་དཀར་ཏེ། །རྡོ་རྗེ་པདྨའི་དབུས་གནས་ཏེ། །མཁས་པས་ཉི་མ་དབབ་པའི་སྔགས། །གཡས་གཡོན་སྟེང་འོག་མ་ནོར་བར། །དམ་དུ་སྦྱར་བའི་དབུས་གནས་ནས། །རྡོ་རྗེའི་ཐག་པས་གདགས་པར་བྱ། །མཉམ་པའི་རྡོ་རྗེའི་ཏིང་འཛིན་ནི། །དཔའ་བོས་རྟོག་པ་མེད་པར་བྱ། །རབ་འབར་གསང་སྔགས་བྱེ་བ་དང་། །དྲུག་འབུམ་བྱེ་བ་ཁོ་ནའོ། །དེ་ལྟར་བརྟག་པ་བཅུ་གཅིག་གོ། །ཡང་ནི་ཞིབ་ཏུ་རྣམ་བཤད་པ། །རྨ་མེད་མྱུར་དུ་ཤི་བ་ཡི། །གཞོན་པ་གསར་པའི་མཚན་ཉིད་པ། །དཔའ་བོས་མྱུར་དུ་བླངས་ནས་ཀྱང་། །སྙིང་ནི་མྱུར་དུ་བླངས་ནས་ནི། །ཟུར་གསུམ་གདེངས་པའི་དབུས་གནས་སུ། །ཉུང་དཀར་རྒྱལ་པོ་བླུག་པར་བྱ། །རབ་འབར་གྲུ་གསུམ་དཀྱིལ་གནས་པ། །མཁས་པས་ནན་ཏན་བྱ་བ་ཡིན། །ཇི་ལྟར་ཏིང་འཛིན་དཔའ་བ་དང་། །སྔགས་ཀྱི་ཆོ་ག་མཁས་པ་ཡིས། །འདོད་ལྷའི་ང་རྒྱལ་བརྟན་པར་བྱ། །བྱང་ཆུབ་སེམས་རྣམས་དབབ་པར་འགྱུར། །དངོས་གྲུབ་ཆེན་པོ་ཐོགས་མེད་ཡིན། །བཅུ་གཉིས་བརྟག་པ་ངེས་པར་འགྲུབ། །བཅུ་གསུམ་བརྟག་པ་འདིར་བཤད་བྱ། །དཀྱིལ་འཁོར་ཆེན་པོའི་སྦྱོར་བ་དང་། །ཆུང་ངུ་ལྷ་ཡི་སྦྱོར་བ་རྣམས། །རྡོ་རྗེ་ཕུར་པ་ལ་སོགས་པ། །ངེས་པར་འགྲུབ་པ་འདོད་པ་ཡིན། །རྒྱ་མདུད་སྣོད་དུ་གནས་པ་འམ། །ཡང་ན་གསང་བའི་ཆོ་ག་དང་། །གདགས་པའི་གནས་རྣམས་ཤེས་པ་ཡིས། །བྱེ་བ་དྲུག་འབུམ་བརྗོད་ན་འགྲུབ། །དེ་ཡི་ཏིང་འཛིན་མཁས་པས་བརྟག །ཡང་ན་མཁས་པས་དྲང་བའི་དོན། །ཨཱ་ལི་དང་ནི་ཀཱ་ལི་ཡི། །དབུས་མཉམ་པ་ཡི་གནས་སུ་བཞག །ཨཱོཾ་ཨ་ཨཱ། ཨི་ཨཱིཾ། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱ། ཀ་ཁ་ག་གྷ་ང་། ཙ་ཚ་ཛ་ཛྙ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། རང་སྔགས་སྐྱེས་བུའི་ཏིང་འཛིན་དང་། །བྱེ་བ་དྲུག་འབུམ་རྣམ་པར་བརྗོད། །མཁས་པས་བརྟག་དོན་བཅུ་བཞི་པའོ། །དེ་ནས་ ― DNG021_Page_0453 ―
[མ་དཔེ་གཟིགས་ན་འདིར་གནོན།]
གཞན་ཡང་བཤད་བྱ་སྟེ། །སངས་རྒྱས་ལྔ་རྣམས་སྐྱེས་པའི་རྒྱུ། །ས་བོན་ཀུན་གྱི་དང་པོ་སྟེ། །མཁས་པས་འབད་པར་བྱ་བ་ཡིན། །འདིས་ནི་བརྟག་པ་བཅོ་ལྔར་འགྱུར། །དེ་ནས་ཡང་དག་བསྔགས་པ་ནི། །མཁས་པས་རྡོ་རྗེ་ཅན་ལ་ཡིན། །དེ་བཞིན་གཤེགས་པའི་རྡོ་རྗེའོ། །གསང་བའི་སྔགས་ཀྱི་བྱིན་གྱིས་བརླབས། །ཨཱོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། སུ་པོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷི་མེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེར་ཡཾ་ཀུ་རུ་ཧཱུཾ། ཧ་ཧ་ཧ་ཧ་ཧོ། བྷ་ག་ཝཱན། སརྦ་ཏཱ་ཐ་ག་ཏ། བཛྲ་མཱ་མེ་མུཉྩ་བཛྲཱི་བྷ་བ། མ་ཧཱ་ས་མ་ཡ་སཏྭ་ཨཱ། འདི་ནི་མཁས་པས་འབད་པར་བྱ། །མཚན་མ་ལ་སོགས་རྣམ་པར་བརྟག །མཁས་པས་དོན་རྣམས་རྫོགས་པར་འགྱུར། །བརྟག་པ་ཆེན་པོ་བཅུ་དྲུག་གིས། །ལས་རྣམས་ཟླ་རྒྱས་བཞིན་དུ་འདྲེལ། །འདི་ནི་རྣམ་པར་དཔྱད་མི་དགོས། །དེ་ནས་དཔའ་བོས་འབད་པ་ནི། །གནམ་ལྕགས་ལྷུང་བའི་དངོས་པོ་ལ། །འོངས་སམ་གནས་དེར་ཕྱིན་ནས་ཀྱང་། །གསང་སྔགས་བྱེ་བ་དྲུག་འབུམ་བརྗོད། །འདོད་ལྷའི་ང་རྒྱལ་རབ་འབད་པས། །དངོས་པོ་ཐམས་ཅད་ཟིལ་གྱིས་གནན། །བཅུ་བདུན་ལས་སུ་རྣམ་བརྟག་འགྲུབ། །དེ་ནས་འབད་པར་ངེས་བཤད་པ། །སྐུ་གདུང་ཚད་དུ་བསྒྲུབ་བྱ་སྟེ། །སྐུ་གདུང་མཉམ་སྔགས་རྡོ་རྗེའི་སྣོད། །ཡང་དག་གནས་པའི་འདོད་ལྷ་བརྟག །བྱེ་བ་དྲུག་འབུམ་རབ་བརྗོད་ན། །གང་གི་ལས་རྣམས་མ་ལུས་པར། །སངས་རྒྱས་ཉིད་ཀྱི་མཛད་པར་འགྱུར། །ཨཱོཾ་ཡེ་དྷརྨཱ་ཧེ་ཏུ་པྲ་བྷ་བཱ། ཧེ་ཏུན་ཏེ་ཥཱནྟ་ཐཱ་ག་ཏོ། ཧྱ་བ་དཏ་ཏེ་ཤཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲ་མ་ཎ། འདི་ནི་ཆོས་ཉིད་འབྲིང་པོ་སྟེ། །མཁས་པས་སྐུ་གདུང་ལྟ་བུར་བསྒྲུབས། །དཔའ་བོས་རིང་བསྲེལ་འཛིན་པར་འགྱུར། །ཡོན་ཏན་རྒྱལ་བས་བརྗོད་མི་ནུས། །འདི་ནི་བརྟག་པ་བཅོ་བརྒྱད་དོ། །དེ་ནས་དཔའ་བོས་རྣམ་བརྟག་པ། །དུར་ཁྲོད་ཆེན་པོར་སོང་ནས་ཀྱང་། །འདོད་ལྷའི་བྱེ་བ་དྲུག་འབུམ་བརྗོད། །བཅུ་དགུ་པ་ཡི་བརྟག་པ་ཡིན། །དེ་ནས་རབ་ཏུ་བཤད་ ― DNG021_Page_0454 ―
[མ་དཔེ་གཟིགས་ན་འདིར་གནོན།]
པ་ནི། །གང་དག་གནས་ཀྱི་ཁྱད་པར་གྱིས། །མཁས་པས་བསྒྲུབ་པ་བཤད་པར་བྱ། །དེ་བཞིན་གཤེགས་དང་བྱང་ཆུབ་སེམས། །འཕགས་པ་རང་རྒྱལ་དགྲ་བཅོམ་རྣམས། །འདས་པར་གང་དག་བཞུགས་པ་རྣམས། །དཔའ་བོས་འབད་དེ་སོང་ནས་ནི། །བསྒྲིམས་ཏེ་རབ་ཏུ་འབད་པར་བྱ། །དེར་ཡང་མཁས་པས་བརྟག་པ་ནི། །ལྷག་པར་མོས་པའི་ཏིང་འཛིན་བསྒོམ། །དེ་ཡི་གཟི་བརྗིད་ཆེན་པོ་ཡིས། །གསང་སྔགས་བྱེ་བ་དྲུག་འབུམ་བརྗོད། །དེ་ལས་གྲུབ་པའི་མཚན་མ་འམ། །གལ་ཏེ་བདུད་ཀྱི་བར་ཆོད་ལ། །རྣལ་འབྱོར་འཇིགས་པར་མི་བྱའོ། །འཇིགས་ན་མྱུར་དུ་གསོད་པར་འགྱུར། །དེ་ཉིད་འཇིགས་པར་གང་གིས་བྱས། །དཔའ་བོས་ལས་རྣམས་མ་ལུས་འགྲུབ། །རྣམ་པ་ཉི་ཤུ་འདི་བརྟག་སྟེ། །མཁས་པས་ཐེ་ཚོམ་མེད་པར་བྱ། །ཡང་ནི་བརྟག་པར་བྱ་བ་ནི། །ཤིང་གི་རྩ་བར་བསྒྲུབ་བྱ་སྟེ། །ཤིང་ནི་བྲམ་ཟེའི་རི་བསྐལ་ན། །ཡང་ན་འགག་གིས་བཀྱིག་སྟེ་ཤི། །གཅིག་པུར་གནས་པའི་ཤིང་དག་གམ། །གང་དག་སྐམ་པོའི་ཤིང་རྩེ་ལ། །ཁམ་སའི་གབ་ཙེ་རླུང་གི་རིགས། །དམ་དུ་གནས་པ་ལྕེ་ལ་གདགས། །མཁས་པས་འདོད་ལྷའི་ཏིང་འཛིན་གྱིས། །བྱེ་བ་དྲུག་འབུམ་བརྗོད་ན་འགྲུབ། །འདི་ལ་རྣམ་པར་དཔྱད་མི་དགོས། །རྣམ་པ་རྩ་གཅིག་བརྟག་པ་ཡིན། །དེ་ནས་ཡང་དག་བཤད་བྱ་བ། །མཁས་པས་རི་བོའི་རྩེ་ལ་སོང་། །རབ་ཏུ་འབད་དེ་བྱ་བར་ཤིས། །འདོད་ལྷའི་ང་རྒྱལ་རབ་བརྟན་པས། །བྱེ་བ་དྲུག་འབུམ་བརྗོད་པར་བྱ། །འདི་ནི་ཉི་ཤུ་རྩ་གཉིས་ཀྱིས། །བརྟག་པ་ཁོ་ནར་བཤད་པ་ཡིན། །དེ་ནས་ཡང་དག་བཤད་བྱ་བ། །གང་དག་དཔའ་བོས་དུ་མ་རྫོགས། །རིམ་པ་བཞིན་དུ་བསྒྲུབ་པ་ནི། །མཁས་པས་ཆོ་ག་ཆེན་པོ་ཡིས། །ཉུང་དཀར་རྒྱལ་པོ་མ་བསྒྲུབས་ཀྱང་། །གདོས་པའི་དངོས་པོ་སྦྱང་བ་རྣམས། །དུ་མ་འམ་ནི་ཡང་ན་གཅིག །འབད་པས་དོན་རྣམས་མ་ལུས་འགྲུབ། །གལ་ཏེ་རྫོགས་པར་དུ་མ་ཚང་། །དེ་བཞིན་དུ་མའི་རིམ་པ་གསུམ། །གང་དག་དེ་ཡིན་མཁས་པའི་མཆོག །བླ་མེད་རྡོ་རྗེའི་རང་བཞིན་ཅན། །འབད་པ་གཞན་ལ་ལྟོས་པ་མེད། །ཐོགས་ ― DNG021_Page_0455 ―
[མ་དཔེ་གཟིགས་ན་འདིར་གནོན།]
མེད་ལས་རྣམས་མ་ལུས་འགྲུབ། །སངས་རྒྱས་ཉིད་ཀྱི་རང་བཞིན་པས། །གཞན་དུ་བརྟག་པར་མི་བྱའོ། །དེ་ཡི་རྐང་རྗེས་མ་དག་ཀྱང་། །དེ་ནི་ས་ཕྱོགས་གང་དག་གི། །མཆོད་རྟེན་ཆེན་པོ་དེ་ཡིན་ནོ། །རྒྱལ་སྲས་སྤྲུལ་པ་མཐའ་ཡས་རྣམས། །དེ་ཡི་མངག་གཞུག་བྱེད་དུ་རུང་། །སྔོན་ཚེ་རྡོ་རྗེ་དམོད་པ་བོར། །འདི་ལ་རྣམ་པར་དཔྱད་མི་དགོས། །གལ་ཏེ་རྫོགས་པར་མ་བྱས་ཀྱང་། །ལན་འགའ་འགའ་ཞིག་དུ་མར་སྦྱར། །དེས་ནི་ལས་རྣམས་ཆེས་འགྲུབ་པར། །ཐོགས་པ་མེད་པར་ང་ཡིས་བཤད། །འདི་ནི་རྣལ་འབྱོར་རྣམས་ཀྱི་གཞི། །མཁས་པས་འབད་པར་བྱ་བ་ཡིན། །རྣམ་པ་གཞན་ལ་མི་དཔྱོད་ཅིང་། །ཡོན་ཏན་རྡོ་རྗེ་ཅན་དུ་འགྱུར། །འགའ་ཞིག་འདི་དག་མ་ཡིན་པར། །ཁྱད་པར་ཀུན་ལ་ཡོད་པར་འཛིན། །དེ་ནི་ཉམས་པ་ཆེན་པོ་སྟེ། །སྡིག་པ་ཅན་དག་འགྲོག་པར་འདོད། །དེ་དང་ཕྱོགས་ཀྱང་སྤང་བར་བྱ། །མཆོད་པ་ཆེན་པོ་ཆེར་གྲགས་དང་། །གང་དུ་རྣམ་པར་གྲགས་པ་ནི། །སངས་རྒྱས་རྣམས་ཀྱི་བསྟན་པ་ལའོ། །རྡོ་རྗེ་ཅན་གྱི་མཐུ་རྣམས་ནི། །ཐམས་ཅད་འདི་ལས་འབྱུང་བའི་ཕྱིར། །མཁས་པས་ཡང་དག་འབད་པར་བྱ། །སྐུ་དང་གསུང་དང་ཐུགས་ཀྱི་རྒྱུད། །མཉེས་པར་བྱེད་པ་རྡོ་རྗེའི་མཆོག །ཕྱོགས་བཅུ་རྒྱལ་བའི་སྲས་རྣམས་ནི། །བསམ་པ་ཙམ་གྱིས་མྱུར་དུ་བྱོན། །གང་དག་ལས་ཀྱི་ཚོགས་རྣམས་ནི། །བདེན་པར་ཁས་བླངས་དམ་བཅས་པའི། །འཁོར་དུ་གཏོགས་པའི་རྒྱ་མཚོ་རྣམས། །ཐམས་ཅད་མ་ལུས་ལས་རྣམས་བྱེད། །འདི་དང་ཕ་རོལ་གཉིས་ཀ་ཡོང་། །དོན་རྣམས་དྲན་པར་བྱེད་པའི་ཕྱིར། །རྟག་ཏུ་སངས་རྒྱས་བསྔགས་པ་མཛད། །ཉུང་དཀར་གྱི་རྒྱལ་པོ་ཆེན་པོའི་སྦྱོར་བ་མངོན་དུ་བརྟག་པ་ལས་བྱིན་གྱིས་བརླབས་པ་དུ་མ་ཆེར་བསྒྲུབས་པའི་ཏིང་ངེ་འཛིན་ཏོ། །དེ་ནས་ཡང་བཅོམ་ལྡན་འདས་ཀྱིས། ཉུང་དཀར་གྱི་རྒྱལ་པོ་ཞེས་བྱ་བའི་བསྒྲུབ་པའི་ལས་ཕུན་སུམ་ཚོགས་པ་འདི་གསུངས་སོ། །མཁས་པ་རྣམས་ནི་རྡོ་རྗེའི་སྣོད། །དེ་ལ་རྒྱལ་བས་སྲས་དགོངས་ཏེ། །བྱིན་གྱིས་བརླབས་པ་མཛད་པ་ཡིན། །དེ་ལ་རྡོ་རྗེ་ལས་རྣམས་བཤད། །གང་དུ་དང་པོ་མཁས་པ་ཡིས། །རྡོ་རྗེ་པདྨའི་དབུས་གནས་པར། ། ― DNG021_Page_0456 ―
[མ་དཔེ་གཟིགས་ན་འདིར་གནོན།]
ཉུང་དཀར་རྒྱལ་པོ་བཞག་སྟེ་བསྒྲུབ། །ཟླ་བ་གཟས་ཟིན་ཚེ་ན་ནི། །ལག་པས་ཡང་དག་གནན་པར་བྱ། །འཕར་དང་འགུལ་དང་འོད་དང་དྲི། །རོ་དང་སྒྲ་དང་འཕེལ་བ་དང་། །འབྲས་བུ་ཕུན་སུམ་ཚོགས་པ་འགྲུབ། །དེ་ཚེ་མཁས་པས་སྒྲ་བྱུང་ན། །འཇིག་རྟེན་སྟོང་གི་ཚིག་རྣམས་ཀྱང་། །དག་དང་མ་དག་ཐོས་པར་འགྱུར། །གང་དག་དྲི་རྣམས་བྱུང་བ་ཡིས། །འོད་དཔག་མེད་པའི་མདུན་ས་བཞིན། །བདག་ལ་དྲི་མཆོག་ཐོབ་པར་འགྱུར། །དེ་ལ་རོ་རྣམས་བྱུང་བ་ནི། །ཉུང་དཀར་རྒྱལ་པོ་བླང་ནས་ནི། །ཡང་དག་ཟོས་པར་གྱུར་པས་ནི། །རྡོ་རྗེ་ཆོས་ཀྱི་ལྕེ་ཐོབ་འགྱུར། །འོད་ཟེར་འབར་བ་གང་གིས་འཐོབ། །དེ་ཡི་གཟི་བརྗིད་རྒྱས་པར་འགྱུར། །སྐྲ་དཀར་གཉེར་མ་ཟད་པ་དང་། །གཞོན་ནུ་བྱེ་བ་དྲུག་བཅུར་གནས། །བསྐལ་པ་དང་ནི་ལོ་རྣམས་ཏེ། །འདོད་ན་ནམ་མཁའི་ཚེ་དང་མཉམ། །གང་དག་བཀྲུ་བར་འགྱུར་བ་ནི། །རྐང་མགྱོགས་ལ་སོགས་ཐོབ་པར་འགྱུར། །རྡོ་རྗེའི་ཕོ་ཉ་འདྲ་བར་འགྱུར། །ཇི་ལྟར་འཕར་བར་འགྱུར་བ་ན། །སངས་རྒྱས་ཞིང་དུ་འགྲོ་བ་ཡི། །རྡོ་རྗེའི་རྐང་པ་ཐོབ་པར་འགྱུར། །དངོས་གྲུབ་དུ་མར་འཕེལ་བ་དང་། །དུ་མ་རྒྱས་པ་འཕེལ་བར་འགྱུར། །བསམས་པས་དོན་རྣམས་འགྲུབ་པར་འགྱུར། །ཐོགས་པ་མེད་པའི་ལས་རྣམས་ནི། །འབད་པ་མེད་པར་འབྱུང་བར་འགྱུར། །དུ་བ་བྱུང་བ་མིག་བསྐུས་ཏེ། །འཇིག་རྟེན་བསྐྱང་བའི་ཕ་རོལ་ན། །གནས་པ་ཅུང་ཟད་མ་ལུས་པ། །ནམ་མཁའི་སྐབས་ན་བཞུགས་པ་ཡི། །སངས་རྒྱས་སྲས་དང་བཅས་པ་མཐོང་། །གཞན་ཡང་ཐོགས་མེད་འགྲུབ་པར་འགྱུར། །ཉུང་དཀར་གྱི་རྒྱལ་པོ་མཐུ་སྒྲུབ་པ་ཞེས་བྱ་བའི་རྣམ་པར་བརྟག་པའི་ཏིང་ངེ་འཛིན་ཏོ། །དེ་ནས་གཞན་ཡང་བཤད་བྱ་བ། །རྨ་མེད་མྱུར་དུ་ཤི་བ་ཡི། །གཞོན་པ་གསར་པར་ལྡན་པ་ནི། །བླངས་ཏེ་བསྒྲུབ་པར་བྱ་བ་ནི། །གང་ལ་མིག་གི་ནང་དུ་ཡང་། །འབྲས་བུ་གཅིག་གཞག་བསྒྲུབས་པ་ཡིས། །ཅི་སྟེ་མིག་འབྲས་འགུལ་བ་དང་། །བླངས་ཏེ་བདག་གི་མིག་ལ་བསྡིམ། །གཉིས་ཀ་ཡང་ནི་གཅིག་པ་ཡིས། །མིག་ནི་ལྷ་ཡི་མིག་ཏུ་ ― DNG021_Page_0457 ―
[མ་དཔེ་གཟིགས་ན་འདིར་གནོན།]
འགྱུར། །མཉམ་དུ་གནས་པའི་ལྕེ་སྟེངས་སུ། །འབྲས་བུ་གཅིག་ནི་མངོན་པར་གཞག །གང་གི་ལྕེ་དེ་བརྐྱང་བའི་ངང་། །སོ་ཡིས་བཅད་དེ་འཆོས་ན་ཡང་། །རྡོ་རྗེའི་ལྕེ་ནི་ཐོབ་པར་འགྱུར། །གང་གིས་རྣ་བའི་དབང་པོ་ཡི། །ནང་དུ་དེ་བཞིན་ས་བོན་གནས། །གང་ལ་རྣ་བ་འགུལ་བ་ནི། །བཅད་དེ་རྣ་བའི་དབུས་གནས་སུ། །དེ་ནི་བསྡིམ་པར་བྱ་བ་ཡིན། །རྡོ་རྗེའི་སྙན་མཆོག་ཐོབ་པར་འགྱུར། །གང་གི་ལུས་ཀྱི་དབང་པོ་ལ། །དེ་བཞིན་ས་བོན་བཞག་པར་ཤེས། །ཇི་ལྟར་འགུལ་བའི་དུས་དག་ཏུ། །དེ་བཞིན་བསྡིམ་པས་རྡོ་རྗེ་ཐོབ། །གང་གི་སྙིང་ལ་ས་བོན་གཞག །བསྒྲུབ་པས་དུས་སུ་དེ་བཞིན་ཏེ། །རྡོ་རྗེ་ཆོས་མཆོག་ཐོབ་པར་འགྱུར། །ཐམས་ཅད་ཟླ་བའི་དུས་དང་སྦྱར། །ཉུང་དཀར་གྱི་རྒྱལ་པོ་བརྟག་པ་གཞན་ལ་རིག་པ་འཛིན་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ཡང་དག་བཤད་བྱ་བ། །དངོས་གྲུབ་ཕན་པའི་ཏིང་འཛིན་གྱིས། །བདག་དང་གཞན་ལས་དགོས་པར་འགྱུར། །ཉུང་དཀར་རྒྱལ་པོ་གཅིག་ཙམ་ཡང་། །གྲོང་གི་འོག་ན་ཆུ་ཀླུང་སྟེ། །ཐམས་ཅད་ཕྱག་རྒྱ་བསྟན་པ་རུ། །ཆུ་རྣམས་ནང་དུ་མི་ཚོར་བར། །བརྟན་པར་བཞག་ན་ཡུལ་ཁམས་ཀྱི། །གྲགས་པ་འབར་བ་ལེགས་པ་སྟེ། །རིམས་དང་ནད་རྣམས་མི་འབྱུང་ཞིང་། །འགྲོ་བ་བཀྲ་ཤིས་ཁོ་ན་ཡིན། །ཡང་ན་མཁས་པས་བརྟག་བྱ་བ། །ཡུལ་གྱི་ཕུར་ནི་མཆོད་རྟེན་ཅན། །བཅུ་པ་ལ་ནི་ས་བོན་གནས། །འགྲོ་བའི་བཀྲ་ཤིས་སྐྱེད་པའི་ཕྱིར། །རྒྱལ་ཁམས་ལེགས་པས་འབད་པ་ཡིན། །ཡང་ནི་བཤད་པར་བྱ་བ་ནི། །བཞི་མདོ་དང་ནི་སུམ་མདོ་དང་། །རྒྱལ་པོ་ཡི་ནི་ལམ་ཀ་དང་། །རྡོ་རྗེ་རིགས་ལ་བརྟག་ནས་ཀྱང་། །མང་ཁུ་ཆེན་པོས་བསྒྲུབས་ནས་ནི། །གང་གིས་མཐོང་བ་ཞི་བར་འགྱུར། །དེ་ནས་ཡང་དག་བཤད་བྱ་བ། །འགྲོ་བ་གང་ཞིག་འཚེ་བ་དང་། །འཆི་ཀ་ཤི་བར་གྱུར་པ་ཡི། །ལུས་དང་ངག་ལས་མིང་དང་ཕྱོགས། །གང་དག་སྔགས་གཅིག་བགྲང་བ་ཡང་། །སྡིག་པ་མེད་དེ་བྱང་ཆུབ་ངེས། །དུད་འགྲོ་གང་དག་འཐབ་པ་ལ། །ཐལ་བ་ཆེན་པོས་བྱུགས་ནས་ཀྱང་། །ས་བོན་འཕངས་པས་མྱུར་དུ་ཞི། །མི་རྣམས་རྩོད་པ་ཆེན་པོའི་ཚེ། །རྩོད་པའི་ཕྱོགས་སུ་འབར་བ་ཡི། ། ― DNG021_Page_0458 ―
[མ་དཔེ་གཟིགས་ན་འདིར་གནོན།]
འདོད་ལྷའི་ཕྱག་རྒྱས་གནས་པའི་དབུས། །ས་བོན་དག་ཀྱང་གནས་པ་ཡིས། །འཐབ་པ་མྱུར་དུ་ཞི་བར་བྱེད། །གང་ལ་སེར་བ་འབབ་པ་ཡི། །ས་ཕྱོགས་དག་ན་གང་ངེས་པར། །འདོད་ལྷའི་ཕྱག་རྒྱ་དབུས་གནས་སུ། །ས་བོན་གནས་པ་གཞག་པར་བྱ། །ཐན་པ་ཆེན་པོ་བྱུང་བའི་ཚེ། །ཀླུ་ཡི་ཁྱིམ་དུ་མེ་བོར་ན། །ཧ་ཅང་ཆེས་ན་ས་བོན་གཅིག །ཙན་དན་མེ་ལ་བསྲེག་ན་ཆད། །གནམ་ལྕགས་ལྷུང་བར་དོགས་པ་དང་། །ནམ་མཁའ་ལྡིང་གི་གཟུགས་བྱས་ཏེ། །རབ་ཏུ་འབད་པས་ས་བོན་ཆེ། །མཁས་པས་རི་དང་ས་ཕྱོགས་དང་། །ཡང་ན་ཁྱིམ་དང་དགོན་པ་འམ། །གཙུག་ལག་ཁང་གི་སྟེང་དུ་གཞག །དུ་མར་དོགས་པ་ཞེས་ཀྱང་བྱ། །གནམ་ལྕགས་ལྷུང་བར་མི་འགྱུར་རོ། །གྲོང་ལ་སོགས་པ་མེས་ཚིག་ན། །མཁས་པས་ཆུ་ལ་བསྒྲུབས་ནས་ཀྱང་། །ས་ཕྱོགས་དག་ཏུ་འཕང་བར་བྱ། །དཔའ་བོས་བྱིན་གྱིས་བརླབས་པ་ལ། །ནམ་དུ་ཡང་ནི་ཐེ་ཙོམ་སྤངས། །གང་དག་གདོན་གྱིས་བཏབ་པ་ལ། །བསྔགས་པའི་ཆུ་ཡིས་བཏབ་པ་འམ། །ནད་པའི་མགུལ་དུ་བཏགས་བྱས་ན། །དེ་ཡི་མོད་ལ་ཞི་བ་དང་། །ཕྱིས་ཀྱང་མི་གནོད་ཕན་པར་སེམས། །དེ་ནས་ཡང་དག་བཤད་པར་བྱ། །སྒོ་ལྕགས་དབྱེ་བར་འདོད་པ་ཡིས། །གཅིག་བསྣུན་པས་ནི་ལས་རྣམས་བྱེད། །འདི་ལ་རྣམ་པར་དཔྱོད་མི་དགོས། །ཉི་མ་གཅན་གྱིས་ཟིན་པ་ལ། །མཁས་པས་དུང་དང་རྔ་ལ་གདགས། །སྒྲ་ནི་དྲག་པོར་བརྗོད་པས་ཀྱང་། །ལྷ་མིན་དབང་པོ་མྱུར་དུ་སྲེག །ཟླ་བ་གཅན་གྱིས་ཟིན་པ་ལ། །རྡོ་རྗེ་དྲི་ཆུ་དྭངས་པའི་སྣོད། །གཟུགས་བརྙན་གནས་པའི་དངོས་པོ་ལ། །ས་བོན་དུ་མ་བསྣུན་པས་ནི། །ལྷ་མིན་རིས་དང་བཅས་པ་འབྲོས། །དཀར་པོ་རྣམ་པར་རྒྱལ་བར་འགྱུར། །དུས་མ་ཡིན་པར་གྲོང་དག་གམ། །དུས་ཀྱི་རང་བཞིན་འབད་པས་ནི། །མཁས་པས་ས་བོན་བསྲེགས་པ་ཡི། །དུ་བ་ཤེས་པ་བདུག་པར་བྱ། །དགོས་པ་ཕུན་སུམ་ཐོབ་པར་འགྱུར། །འདི་ནི་བདག་གིས་སྦྱིན་བསྲེག་བྱས། །བདག་ལ་སོགས་པའི་གནོད་པ་ལ། །སེར་པོ་ཤིང་གི་བསྲེག་བྱས་ན། །འཇིག་རྟེན་པ་ལ་ཕན་འགྱུར་ཏེ། །ཐང་གཅིག་བདེ་བ་ ― DNG021_Page_0459 ―
[མ་དཔེ་གཟིགས་ན་འདིར་གནོན།]
སྐྱེད་པར་བྱེད། །ཡང་ནི་བཤད་པར་བྱ་བ་ཡོད། །ཡུལ་ཁམས་ནད་ཀྱིས་འཚེས་པ་དང་། །འབྱུང་པོ་མང་པོ་གནོད་པའི་ཚེ། །མཁས་པས་ཆུ་ལ་བསྔགས་པ་འམ། །ལུས་ལ་བཏབ་ནས་བསྣུན་པས་ཞི། །འཇིག་རྟེན་མགོན་པོའི་སྤྱན་སྔར་ནི། །མཆོད་པ་ལེགས་པར་སྦྱར་བས་ནི། །འགྲོ་བ་ནད་ལས་ཐར་བར་འགྱུར། །དེ་ནས་ཡང་དག་བཤད་བྱ་བ། །རྡོ་རྗེ་བློ་ཡི་ཆོ་ག་སྟེ། །ཉི་མ་འདི་ནི་རྩེ་མོ་ལ། །འཇམ་དཔལ་དབྱངས་ཀྱི་སྤྱན་སྔ་རུ། །གཙང་མ་ཡི་ནི་ཆུ་རྣམས་ལ། །ས་བོན་ལེགས་པར་བསྔགས་པ་སྟེ། །རྡོ་རྗེའི་ཆུ་ནི་འཐུང་བར་བྱ། །རྡོ་རྗེ་ཉུང་དཀར་བློ་ཡི་མཆོག །རྡོ་རྗེ་བློ་གྲོས་འཕེལ་བར་འགྱུར། །ཡང་ནི་མཁས་པས་འབད་པ་ནི། །བུད་མེད་གང་དག་བུ་མེད་པ། །ཆུ་ནི་ས་བོན་ཚང་བ་དང་། །རྟག་ཏུ་མཁས་པས་བླུད་པར་བྱ། །མོ་གཤམ་དང་ནི་འདྲ་བ་ཡང་། །རིགས་བརྒྱུད་འཕེལ་བར་ཡང་དག་འགྱུར། །མཁས་པས་ཆུ་དང་ཚེར་མ་ལ། །སྔགས་ནི་མ་ལུས་མ་ཡིན་ཏེ། །སྤྲ་ཚིལ་གྱིས་ནི་བསྒྲུབ་བྱ་ལ། །ས་བོན་མིག་ཏུ་གནས་པ་ལ། །ཚེར་མ་དཀར་པོས་མིག་གཏུབས་ནས། །མ་རུ་རྩེ་ཡི་སྤྱན་སྔ་རུ། །མཁས་པས་ནན་ཏན་བྱས་ནས་ནི། །ཆོམ་རྐུན་ཐམས་ཅད་ལྡེངས་པར་འགྱུར། །གཤིན་རྗེའི་རྒྱལ་གྱིས་ཡི་དྭགས་བསྐྲད། །རྡོ་རྗེ་ཐོད་དབྱུག་སྦྱོར་བས་སུ། །ཧཱུཾ་མཛད་ཀྱི་ནི་ཕྱག་མཚན་གྱིས། །ས་བོན་བཅས་པར་འགྱུར་བ་ལ། །ལྷ་དང་ལྷ་མིན་བསྡིགས་པར་བྱེད། །རྡོ་རྗེ་སྒྲོལ་བའི་སྤྱན་སྔར་ནི། །འཇིག་རྟེན་དབང་དུ་བྱ་བ་བརྩམ། །ས་བོན་བཅས་པ་མཁས་པས་འགྲུབ། །རྡོ་རྗེ་ལྷ་མོ་སྐུལ་བྱེད་མས། །ཡི་དྭགས་དབབ་པར་བྱ་བ་ཡི། །ས་བོན་ཆོ་ག་རུང་དུ་འབབ། །འཕགས་པ་ནོར་གྱི་རྒྱུད་འཕེལ་གྱིས། །མཛད་པ་ལ་ནི་སྤྱན་སྔ་རུ། །ས་བོན་བཅས་པར་མཁས་པ་ཡིས། །གཏེར་གྱི་ཆོ་ག་བརྩམ་པར་བྱ། །ས་ཡི་ལྷ་མོའི་དྲུང་དུ་ནི། །ས་བོན་བཅས་པའི་ཆོ་ག་ཡིས། །ས་གཞི་བཀྲ་ཤིས་གཙང་མར་སྦྱར། །སྦྱིན་སྲེག་བྱེད་པའི་དུས་རྣམས་ལ། །དྲང་སྲོང་ལ་སོགས་དཀྱིལ་འཁོར་ལ། །ཐམས་ཅད་མཆོད་པར་བྱ་བ་ལ། །བགེགས་རྣམས་ཀྱང་ནི་མྱུར་དུ་སྲེག །རྣམ་ ― DNG021_Page_0460 ―
[མ་དཔེ་གཟིགས་ན་འདིར་གནོན།]
པར་ཉོན་མོངས་འགྱུར་བ་ཡི། །གང་དག་འཇིགས་པ་ཆེར་གཡོས་ན། །བྱ་ཁྱུང་རྒྱལ་པོའི་དྲུང་དུ་ནི། །མཁས་པས་ས་བོན་སྔགས་དང་བཅས། །མཁས་པའི་ཆོ་ག་རྫོགས་པ་དང་། །ས་བོན་གདགས་བྱའི་གནས་སུ་གདགས། །དུག་རྣམས་བདུད་རྩིར་སྣང་བར་བྱེད། །འདི་ལ་རྣམ་པར་དཔྱད་མི་དགོས། །མཁས་པས་ཙནྡན་ལ་སོགས་པ། །མེ་དཔུང་ཐལ་བའི་གཟུགས་ཀྱིས་ནི། །གང་དག་གནོད་པར་སྣང་བ་ལ། །མཆེ་བ་འམ་ནི་གཟུགས་བསྟན་ལ། །ས་བོན་ཆེན་པོས་བསྣུན་པ་དང་། །ཕྱོགས་རྣམས་སུ་ཡང་བསྣུན་པ་ཡིས། །གནོད་པ་ཐམས་ཅད་ཞི་བར་འགྱུར། །ཐམས་ཅད་ལོ་ཏོག་གནོད་ལ་སོགས། །བྱ་དང་བྱེའུ་ལ་སོགས་པ། །གཟུགས་བརྙན་རྡོ་རྒྱུས་དག་གིས་ཏེ། །ས་བོན་བཅས་པས་འཆིང་བར་འགྱུར། །འདི་ལ་རྣམ་པར་དཔྱད་མི་དགོས། །མཁས་པས་རྡོ་རྗེའི་ཆུ་རྣམས་ནི། །ཆུ་ཡི་སྣོད་དུ་གནས་པ་ལས། །ས་བོན་སྔགས་དང་བཅས་པ་ཡིས། །ཆུ་ནི་རྡོ་རྗེ་འདྲར་འགྱུར་ཏེ། །བརྟན་པར་གྱུར་ན་མཁས་པ་ཡིས། །ཆུ་བོ་རྐང་པས་གནོན་ཏེ་འགྲོ། །མནན་ཡང་ཐོགས་པ་མེད་པར་འགྱུར། །ས་བོན་སྔགས་དང་བཅས་པ་རྣམས། །གཙང་མའི་ཆུ་ནི་དྲི་དང་ལྡན། །མཁས་པས་ས་བོན་བསྣུན་པ་ལ། །པརྣ་ཤ་རིའི་དྲུང་དུ་འཁོད། །བྱོལ་སོང་བདེ་བ་བསྐྱེད་པར་བྱ། །དབང་ཕྱུག་ཆེན་པོའི་ལིངྒ་ཡི། །མཚན་མ་གཅིག་པར་རབ་སོང་ནས། །ཆུང་མའི་གནས་ལ་ས་བོན་གནས། །ཇི་ཙམ་དབང་དུ་ཆུད་པ་དང་། །ལས་རྣམས་དམིགས་ཀྱིས་བསྒོ་བ་འགྲུབ། །འདི་ལ་རྣམ་པར་དཔྱད་མི་དགོས། །གཞན་དུ་ནམས་ཀྱང་མ་ཡིན་ནོ། །འཕགས་པ་ཉུང་དཀར་གྱི་རྒྱལ་པོ་རྣམ་པར་བརྟག་པ་ལས། ཕན་པའི་རྣམ་པར་བཤད་པའི་དམ་ཚིག་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ཡང་དག་བཤད་བྱ་བ། །སློབ་དཔོན་སྨོད་པར་བྱེད་པ་དང་། །སྡིག་པས་ཡོངས་ལ་འཁུ་བ་དང་། །དམ་ཚིག་ལས་རྣམས་ཉམས་པ་དང་། །མཁས་པས་བསྐྲད་དམ་བཅིངས་པ་འམ། །རེངས་དང་བརྒྱལ་ཞིང་མྱོས་པ་དང་། །སྨྱོ་བ་ལ་སོགས་བསྟན་པ་ཡིན། །གལ་ཏེ་ཕྲ་མོའི་ལས་ཀྱིས་ཀྱང་། ། ― DNG021_Page_0461 ―
[མ་དཔེ་གཟིགས་ན་འདིར་གནོན།]
ཐམས་ཅད་འདུལ་བར་མ་གྱུར་ན། །ངེས་པར་གསོད་པ་རྩོམ་པར་བྱ། །འདི་ལྟར་སློབ་དཔོན་སྨོད་པ་ལ། །དུག་གི་རྩ་བའི་འོག་ནས་ནི། །ས་ལ་དེ་ཡི་ལྕེ་བྱས་ན། །ས་བོན་བཅས་པའི་སྦྱོར་བ་ཡིས། །གང་དག་འཁྲུལ་པ་བརྗོད་པ་དེ། །ལྕེ་ནི་རྣམ་པར་རེངས་པར་བྱེད། །ཞི་བར་འདོད་ན་འོ་མས་བཀྲུ། །དེ་ནས་གཞན་ཡང་རྣམ་བཤད་པ། །སྐྱེ་བོ་ཡོངས་ལ་གནོད་པ་དེ། །གཟུགས་ནི་ལམ་གྱི་ས་ལ་སོགས། །དུར་ཁྲོད་ཚེར་མས་རྐང་པ་ལ། །རྣམ་པར་བཏབ་པས་འཁུམ་པར་འགྱུར། །ཞི་བར་འདོད་ན་ཨ་རུ་ར། །བསྲེགས་པས་བདུག་པ་ཕན་པ་ཡིན། །ས་བོན་ཐམས་ཅད་གདོན་མི་ཟ། །དཀོན་མཆོག་སྨོད་པར་བྱེད་པ་དེ། །འཇིག་རྟེན་གཞན་དུ་བསྐྲད་པར་བྱ། །དུད་ཀ་རྔ་མོའི་གཟུགས་བརྙན་ནི། །དུར་ཁྲོད་ཤིང་ལ་བྲིས་པ་སྟེ། །བསྒྲུབ་བྱའི་གཟུགས་བརྙན་གནས་པ་ལ། །ས་བོན་བསྲེགས་པའི་དུད་པ་ཡིས། །འཇིག་རྟེན་དང་ནི་ཡུལ་གཞན་དུ། །ཉམས་ནས་འཁྱམས་པར་འགྱུར་བ་ཡིན། །ཞི་བར་འདོད་ན་དུང་གིས་ནི། །བཏགས་ཏེ་ས་དང་མཉམ་བསྲེས་ན། །བསྒྲུབ་བྱ་ས་ཡི་མིག་འབྲས་ཅན། །འབྲས་བུ་གནས་སུ་ས་བོན་ཆེ། །བསྔགས་པར་འདོད་ན་མཆོག་འཛིན་ནོ། །ཞི་བར་འདོད་ན་ས་བོན་དབྱུང་། །ཡང་དག་གནོན་པ་འདིར་བཤད་བྱ། །རི་རབ་རི་དང་བཅས་པས་མནན། །ས་བོན་གཟུགས་དང་བཅས་པས་ཀྱང་། །ཞི་བར་འདོད་ན་བྲག་གི་ཆུས། །ཐམས་ཅད་བཀྲུ་བར་བྱ་བ་ཡིན། །ཡང་ནི་གནོན་པའི་ལས་ཡོད་དེ། །གླང་པོ་ཆེ་དང་སེང་གེ་དང་། །རི་དང་རི་རབ་མཚོ་བར་བཅས། །ཤིང་དང་བྲག་དང་ས་གཞི་དང་། །འདིར་གནས་པ་ཡི་འབྱུང་པོའོ། །སངས་རྒྱས་སྲས་དང་བཅས་པ་དང་། །དེ་བཞིན་འབྱུང་པོའི་ཆོ་འཕྲུལ་ཏེ། །དངོས་པོ་གང་དང་གང་དག་གིས། །བསྒྲུབ་བྱ་གནན་པར་བྱ་བ་ནི། །ས་དང་རྡོ་དང་ཤིང་དང་ལྕགས། །དངོས་པོ་རྣམས་ཀྱི་གཟུགས་བྱས་ཏེ། །མཁས་པས་བརྩིགས་དང་བྲི་བ་དང་། །ལེགས་པར་བསམ་པའི་རང་བཞིན་ལ། །ས་བོན་བཅས་པ་དང་པོའི་ཚད། །མཁས་པས་ཅི་རན་འབད་པར་བྱ། །དེ་ནི་དེ་ཡིས་གནོན་པ་སྟེ། །མཁས་པའི་ལས་རྣམས་ཆུད་མི་ཟ། །ཞི་བར་འདོད་ན་ཞོ་དང་ནི། ། ― DNG021_Page_0462 ―
[མ་དཔེ་གཟིགས་ན་འདིར་གནོན།]
ཐང་ཆུའི་ཁུ་བས་བཀྲུ་བར་བྱ། །མཁས་པས་དབང་དུ་བྱ་བ་ནི། །པདྨའི་ཡུམ་མཆོག་རཱ་གའི་མདོག །བྷ་ག་ལེགས་པར་གནས་པ་ལ། །ཟངས་མའི་ཁབ་ཀྱིས་གཙག་པ་ཡི། །ཤུལ་དུ་ས་བོན་གཞག་པར་བྱ། །འདིས་ནི་དངོས་པོ་ཐམས་ཅད་དང་། །མི་ཡི་གཙོ་བོ་དབང་དུ་འགྱུར། །ཞི་བར་འདོད་ན་པད་མ་ནི། །དམར་པོ་བསྲེགས་པས་ཞི་བར་བཤད། །ལྷ་ཡི་བུ་མོ་འགུགས་འདོད་པས། །མཁས་པས་པདྨའི་རྩ་བ་ལ། །ཁབ་ཀྱིས་ཕུག་པའི་ཤུལ་དུ་ནི། །ས་བོན་གནས་པ་བསྲེགས་ནའོ། །དེ་ནས་ཡང་དག་བཤད་པ་ནི། །སྐྲ་དང་རྗེས་ཀྱི་དུམ་བུ་ལ། །གང་གི་གཟུགས་ནི་ལེགས་བྱས་ཏེ། །ཉུང་དཀར་རྒྱལ་པོ་བརྟག་པས་ནི། །རྣམ་པར་འཆི་བ་ཁོ་ན་ཡིན། །དེ་ནས་ཡང་དག་བཤད་བྱ་བ། །ཐོད་པ་མང་པོའི་ནང་དུ་ནི། །དུག་དང་ཁྲག་ལ་སོགས་པ་ཡི། །དབུས་ན་གནས་པའི་གཟུགས་ཡིན་ཏེ། །ས་བོན་ཆེན་པོས་རྣམ་པར་འཕང་། །ཐམས་ཅད་དགུག་དང་བཏབ་པ་དང་། །མཚན་མ་ཚང་ན་འཕང་བར་བྱ། །མྱུར་དུ་ཤི་བར་ཐེ་ཚོམ་མེད། །གཞན་ཡང་མཁས་པས་འབད་པ་ནི། །འུག་པ་དང་ནི་སྲིན་བྱ་དང་། །གདུག་པའི་བྱ་རྣམས་སྒྲོགས་པའི་ས། །གནས་ནི་རྣམ་པར་ལྟས་པ་དང་། །གདགས་པ་ཡང་ནི་ཤེས་པ་སྟེ། །གནམ་ལྕགས་ལྟ་བུའི་མདེའུས་ནི། །དཔའ་བོས་དགྲ་བོའི་ཡུལ་དུ་འཕང་། །བྱོལ་སོང་རྣམ་པར་འཐབ་པ་དང་། །ཤི་བ་ཉིད་དུ་ཐེ་ཚོམ་མེད། །ཡང་ནི་མཁས་པས་འབད་པར་བཤད། །རི་རབ་རི་རུ་བཅས་པ་ལ། །མཁས་པས་ཀུན་ཏུ་བསྐོར་བ་ཡིས། །ཚད་དང་ལྡན་པའི་ཚུལ་དུ་ནི། །མཁས་པས་མནན་པའི་ལས་རྣམས་ལ། །རྣམ་པར་འཕར་པ་ས་བོན་ཆེ། །ཡང་ནི་མཁས་པས་འབད་པ་ནི། །བྲ་དང་བྱི་བ་ཕྱི་བ་ཡིས། །བརྐོས་པའི་ས་ནི་དུ་མར་བསྲེས། །གཟུགས་དང་བཅས་པ་ལེགས་བྱས་ཏེ། །མཁས་པས་ས་བོན་ཆེར་གནས་པའི། །རྭ་ཅན་ཀུན་གྱི་ཐོད་པ་རུ། །ལེགས་པར་གནས་པ་འབད་པར་ནི། །བསྒྲུབ་བྱ་བྱོལ་སོང་རྭ་ཡིས་གསོད། །དེ་ནས་བརྟག་པ་བྱ་བ་ནི། །དཔའ་བོས་རྣམ་པར་དཔྱད་མི་ ― DNG021_Page_0463 ―
[མ་དཔེ་གཟིགས་ན་འདིར་གནོན།]
དགོས། །དུར་ཁྲོད་ཀྱི་ནི་སོལ་བ་ལ། །བསྒྲུབ་པའི་གཟུགས་སུ་བསྲེས་ཏེ་བྱ། །ཚེར་མའི་དབུས་ན་གནས་པ་ལ། །དུར་ཁྲོད་ནང་དུ་སོང་ནས་ནི། །དུར་ཁྲོད་མེ་ལ་འབད་པར་བྱ། །བསྒྲུབ་བྱ་མེ་ཡིས་ཚིག་པ་དང་། །རྣམ་པར་བྲོས་ཏེ་འཆི་བར་འགྱུར། །དེ་ནས་དཔའ་བོས་ལེགས་འབད་པ། །ཀུན་ཏུ་མཐའ་ཡས་སྔགས་ཀྱི་མཐུས། །དཔའ་བོས་ལེགས་པར་གསད་པ་ནི། །རོ་ནི་གསར་པ་ལེགས་སྤྱད་པ། །ཡན་ལག་རྣམ་པར་བསྐྱབས་པ་ལ། །ཁ་ནི་ཀུན་ཏུ་གདངས་པ་སྟེ། །དུར་ཁྲོད་རས་དང་ཤིང་དག་ལ། །གང་གི་གཟུགས་ནི་ལེགས་གནས་པ། །དེ་ཡི་ཁར་ནི་ཀུན་ཏུ་གཞུག །ཡི་དྭགས་ཀྱི་ནི་མེ་དང་བཅས། །གདུག་པའི་ཐག་པས་ཕུག་ནས་ནི། །ཡང་ནི་དཔའ་བོས་དམ་དུ་གཟུང་། །རྣལ་འབྱོར་གཅེར་བུར་གནས་པ་ནི། །གདུག་པའི་རྫས་ཀྱིས་བྱུགས་ནས་ཀྱང་། །ས་བོན་ཆེན་པོ་འཕང་བར་བྱ། །སྐབས་སུ་དཔའ་བོ་འཁོར་བཅས་ཀྱིས། །ཐོར་ལྕོག་བརྐྱང་ཞིང་ཡན་ལག་གནས། །ཕྱོགས་བཞིར་ཐག་པས་མཁའ་ལ་གཡེང་། །རྣམ་པར་བསྟབ་པ་བྱ་བ་ཡིན། །མཁའ་འགྲོ་འོངས་ཏེ་སྦྱིན་པ་དང་། །འདོད་ལྷའི་ང་རྒྱལ་བརྟན་པར་བྱ། །འདི་ལ་རྣམ་པར་དཔྱད་མི་དགོས། །དེ་ནས་ཡང་དག་བཤད་བྱ་བ། །འདོད་ལྷའི་ཕུར་པ་ཡང་དག་དང་། །དུར་ཁྲོད་རས་ལ་བྲིས་པ་ཡི། །གཟུགས་བརྙན་ལ་སོགས་མཁས་པས་གསོ། །གྲུ་གསུམ་དབུས་ན་གནས་པ་ཡི། །ལྷོ་ནུབ་བྱང་ཤར་མགོ་རྐང་བསྟན། །བསྟན་པའི་སྟེང་དུ་ས་བོན་ཏེ། །མཁས་པས་ཡང་དག་འབད་པར་བྱ། །རྡོ་རྗེ་ཐག་པས་བཏགས་ནས་ཀྱང་། །གདུག་པའི་མཚོན་ཆ་དུ་མ་ཡིས། །ཡང་དང་ཡང་དུ་གདབ་པར་བྱ། །འབད་པས་ཆེན་པོའི་གཟུགས་བརྙན་ཡང་། །བསྲེག་དང་མནན་པ་ལ་སོགས་ཏེ། །གང་དུ་བསྔགས་པའི་ལས་ལ་སྦྱར། །རང་གི་མགོ་བོ་རྡེབ་བྱེད་ཅིང་། །མྱུར་དུ་ཞི་བར་ཐེ་ཚོམ་མེད། །ཉུང་དཀར་གྱི་རྒྱལ་པོ་ཆེན་པོའི་རྣམ་པར་བརྟག་པ་ལས། གང་དག་གནོད་པ་ངེས་པར་གསོད་པའི་ལས་ཀྱི་སྦྱོར་བ་ཆེན་པོ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ཡང་བཅོམ་ལྡན་འདས་ཀྱིས་རྣམ་པར་འགྲོལ་བ་ཞེས་བྱ་བ་ལས། ཀུན་ཏུ་འཇུག་པ་ཞེས་བྱ་ ― DNG021_Page_0464 ―
[མ་དཔེ་གཟིགས་ན་འདིར་གནོན།]
བ་འདི་གསུངས་སོ། །དང་པོས་ལས་རྣམས་འབད་པར་བྱ། །ཐོགས་པ་མེད་པའི་ལས་རྣམས་བྱ། །ཐེ་ཚོམ་མེད་པར་བྱ་བ་ཡིན། །ལས་རྣམས་སོ་སོའི་དངོས་པོ་ལ། །བསྐུལ་བའི་སྒྲ་དང་ལྡན་པར་བྱ། །སྤྱི་དང་ཁྱད་པར་སྔགས་དང་རྒྱ། །མཁས་པས་རྡོ་རྗེ་བླ་མ་བརྟེན། །ལས་རྣམས་ཀུན་ལ་བརྟག་པ་ནི། །རྡོ་རྗེ་ཉུང་དཀར་ཡིན་པར་བཤད། །སངས་རྒྱས་མཉེས་པར་བྱེད་པ་དང་། །དགྲ་རྣམས་ཉམས་པར་བྱེད་པས་ན། །རྣལ་འབྱོར་དངོས་གྲུབ་དམ་པ་ཡི། །ཐམས་ཅད་བསྒྲུབ་པའི་སྔོན་དུ་ནི། །དངོས་པོ་དུ་མས་ཅི་ཞིག་བྱ། །འབད་པ་གཞན་ལ་རྩོལ་བས་ནི། །ནམ་ཡང་འགྲུབ་པར་མི་འགྱུར་རོ། །རྣམ་པ་འདི་ཡིས་ཐམས་ཅད་དུ། །འདི་དང་གཞན་གྱི་དངོས་པོ་ལ། །བདག་གཞན་སྦྱོར་བ་མི་འགྱུར་བའི། །དངོས་པོ་གཅིག་ཀྱང་གནས་པ་མེད། །དེ་ཕྱིར་ཉུང་དཀར་རྒྱལ་པོའོ། །རིག་འཛིན་མཁས་པས་བསྒྲུབ་པར་བྱ། །སྤྱི་ཡི་ཆོ་ག་མཁས་པ་ཡིས། །དང་པོའི་གཙུག་ལག་རྫོགས་པར་འགྱུར། །ཤེས་རབ་དང་ནི་སྙིང་རྗེ་ལ། །གང་ཞིག་སྦྱོར་བའི་རྣལ་འབྱོར་གྱིས། །གསང་སྔགས་བརྗོད་པར་བྱ་བ་དང་། །བརྗོད་པ་མེད་པའི་ལས་ལ་མཁས། །ལུས་དང་ཡན་ལག་ཕྱག་རྒྱ་ཡིས། །མཁས་པས་གང་གིས་དོན་རྣམས་འགྲུབ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཉུང་དཀར་གྱི་རྒྱལ་པོ་དམ་ཚིག་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་པའོ།། །།དེ་ནས་བཅོམ་ལྡན་འདས་ལས་ཀྱི་སྦྱོར་བ་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕུར་པ་ཐམས་ཅད་ཀྱི་རང་བཞིན་ཕུར་བུ་བཅུ་གཉིས་རྣམ་པར་བསྐྱེད་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །སྐུ་དང་གསུང་དང་ཐུགས་ཀྱི་རྒྱུད། །ཡོངས་སུ་བརྟག་པ་དུ་མ་ལས། །འབད་པ་མངོན་དུ་བཏོན་པ་དང་། །ཁྱད་པར་ཐབས་ཀྱིས་གང་ཡང་འགྲུབ། །འདི་ལྟར་ཕུར་པའི་རང་བཞིན་བརྟག་པ་ནི། །མཁས་པ་རྣམས་ཀྱི་སྤྱོད་ཡུལ་ཏེ། །སེང་ལྡེང་དང་ནི་ཙནྡན་དང་། ཚེར་མ་ཅན་དང་། རྨ་ཤིང་དང་། ཤུག་པ་དང་། ― DNG021_Page_0465 ―
[མ་དཔེ་གཟིགས་ན་འདིར་གནོན།]
ཨརྒ་དང་། གཞན་ཡང་ལས་བཞིའི་མཚན་ཉིད་ཅན་རྣམ་པ་བརྟག་སྟེ། དེ་ཡང་དང་པོར་ཤིང་བསྐྱེད་པར་བྱ་སྟེ། ཐམས་ཅད་ཀྱི་རང་བཞིན་བརྟག་པ་ལ། འདི་ལྟར་མཁས་པས་བརྟག་པ་ན། །ས་གཞི་དཀར་ལས་སྐྱེས་པ་ནི། །བཀྲ་ཤིས་ཞི་བ་ཚང་བའི་ཤིང་། །རིམ་པར་རྒྱས་དང་དེ་ཡི་མཚན། །ཡུལ་དང་ཤིང་ལས་དབང་དུ་བརྟག །དེ་བཞིན་དྲག་པོ་ལ་སོགས་བརྟག །རྒྱུ་ཡི་ཤིང་རྣམས་མཁས་པ་ཡིས། །སྐྱེ་བའི་ཤིང་ནི་ས་བོན་བརྟག །དེ་དག་ཡོངས་སུ་བསྡུས་ནས་ཀྱང་། །རིན་ཆེན་སྣོད་དུ་གནས་པ་ལས། །མཁས་པས་མཉམ་པའི་ཕྱག་རྒྱ་ཡིས། །གསང་སྔགས་འདི་ཡིས་བྱིན་གྱིས་བརླབ། །ཨོཾ་སྭ་བྷཱ་ཝ་བི་ཤུད་དྷོ྅ཧཾ། འདིས་ནི་དངོས་པོ་དག་པར་བྱ། །དེ་ནས་གནས་དེར་གནས་པ་ན། །ཤིང་གི་བདག་རྣམས་ཞི་བར་བྱ། །ཨོཾ་སྭ་བྷཱ་བ་ཤུད་དྷ་ཨ་བ་དེ་བ་ཤཱནྟིང་ཀུ་རུ་སྭཱ་ཧཱ། ཤིང་གི་ལྷ་རྣམས་གདོན་རྣམས་ལ། །གཏོར་མ་ལ་སོགས་བསྒོ་བར་བྱ། །དེ་ནས་མཁས་པས་ཡང་དག་བཅད། །ལས་རྣམས་གང་གི་ལས་བྱེད་པ། །ས་ལ་ཕུར་པ་དང་པོར་ཤེས། །ཨོཾ་བཛྲ་ཀཱི་ལི་ཡ་སརྦ་ཏ་ཐཱ་ག་ཏ་ཤཱནྟིང་ཀུ་རུ་པུཥྚིང་ཀུ་རུ། བ་ཤང་ཀུ་རུ་མཱ་ར་ཡ་ཕཊ་ཕཊ་སྭཱ་ཧཱ། གཅོད་པའི་སྔགས་ནི་ཡང་དག་བསམ། །ཨོཾ་བཛྲ་ཀྲོ་དྷ་ཧ་ཡ་གྲཱི་བ་བཛྲ་ཤཀྟི་མཱུ་ལ་ཙྪིནྡ་ཙྪིནྡ་ཀཱི་ལ་ཡ་ཕཊ། རྟ་སྐད་བཞད་པའི་ཏིང་འཛིན་གྱིས། །མཁས་པས་ཤར་ནས་ཕྱོགས་བཅུར་བརྒྱབ། །དུམ་བུ་བཞི་རུ་གནས་པ་ཡི། །ཤིང་ནི་ལས་བཞིར་བརྟག་པར་བྱ། །དེ་བཞིན་དུ་ནི་སོ་སོར་བསྐྱེད། །གང་གི་ནང་གི་མདུན་དུ་ནི། །ཡི་གེ་བརྒྱ་པ་བརྗོད་པ་དང་། །དྲི་ཡིས་བསངས་དང་གཏོར་བར་བྱ། །དེ་ནས་ས་བོན་ཁ་ལ་ནི། །ཧཱུཾ་མ་ཧཱ་བ་ལ་སྟྭཾ། ཀཱི་ལ་ཡ་མཱུ་ལ་ཨ་མྲྀ་ཏེ། ཨོཾ་ཨཱཿཧཱུཾ། འོག་གི་ཆ་ལ་གཞག་པར་བྱ། །ཨོཾ་ཧཱུཾ་ཀཱ་ར་ཀཱི་ལ་ཡཀྴ་ཀ་ར། ཨོཾ་ཨཱཿཧཱུཾ། འདི་ནི་རྩེ་མོའི་ཆ་ལ་ཤིས། །གཞན་ཡང་ཕྱོགས་ནི་མ་ནོར་བར། །ཐམས་ཅད་འབར་བའི་ཁྲོ་བོ་དགོད། །ལས་ཀྱི་རིགས་དང་མཐུན་པ་ཡི། །རྩ་བའི་དབྱིབས་ནི་བཞི་རུ་བྱ། །དེ་ནས་དཔའ་བོས་བཤད་པ་ནི། །བསྐྱེད་དང་བསྡུ་དང་གདུལ་བ་དང་། །བསྒྲུབ་དང་གཏོར་མའི་ལས་ ― DNG021_Page_0466 ―
[མ་དཔེ་གཟིགས་ན་འདིར་གནོན།]
སོགས་བྱ། །དབུས་སུ་ཉེ་བར་བསྒྲུབ་པར་འགྱུར། །སོ་སོའི་གསང་སྔགས་བརྗོད་པར་བྱ། །དེ་ཡིས་བསྒྲུབ་པ་བྱས་པ་སྟེ། །འོག་ཏུ་ཕྲེང་བ་བླང་བས་འགྲུབ། །དེ་ནས་བཤད་པར་བྱ་བ་ནི། །གཅིག་ལའང་རྣམ་པ་བཞི་ཡིན་ཏེ། །རྩེ་མོ་ལ་ནི་ཞི་བ་སྟེ། །རྩ་བ་མངོན་སྤྱོད་ཁོ་ན་སྟེ། །དབུས་མའི་ཆ་ལ་རྒྱས་པ་དང་། །དབུ་མ་དང་ནི་སྭཱ་ཧཱ་ཡི། །དབུས་ནས་དབང་གི་ཕུར་པ་བླང་། །དེ་ཡི་ལས་རྣམས་གང་ལ་ཡང་། །སོ་སོའི་ལས་ལ་གང་བསྔགས་པ། །ཁྲོ་བོས་ཡང་དག་དབྱིབས་སུ་བྱ། །སྔགས་དང་ཕྱག་རྒྱས་ཡོངས་སུ་བསྒྲུབ། །འདི་ནི་དམ་ཚིག་ཆེན་པོ་ཡི། །ཕུར་པ་ཉིད་དུ་རྣམ་པར་བཤད། །དེ་ནས་ཡེ་ཤེས་ཆེན་པོ་ཡི། །ཕུར་པ་རང་བཞིན་གནས་ནས་དགུག །གཞུག་དང་བསྡིམ་ཞིང་གནས་པ་ཡི། །དབང་བསྐུར་རབ་གནས་འབད་པར་བྱ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཀཱི་ལ་ཡ། ཨ་བྷི་ཥིཉྩ་ཨོཾ། སྐུ་རྣམ་པར་བརྟག་པའོ། །ཨོཾ་སརྦ་ཏ་ཐཱ་ག་ཏ་བཱ་ཀ་ཀཱི་ལ་ཡ། །ཨ་བྷི་ཥིཉྩ་ཨཱཿ། གསུང་རྣམ་པར་བརྟག་པའོ། །ཨོཾ་སརྦ་ཏ་ཐཱ་ག་ཏ་ཙིཏྟ་ཀཱི་ལ་ཡ་ཨ་བྷི་ཥིཉྩ་ཧཱུཾ། ཐུགས་རྣམ་པར་བརྟག་པའོ། །ཨོཾ་སརྦ་ཏ་ཐཱ་ག་ཏ་ཀཱི་ལ་ཡ། ཤཱནྟིང་ཀུ་རུ། ཨ་བྷི་ཥིཉྩ་ཧཱུཾ། ཞི་བ་ཆེན་པོ་རྣམ་པར་བརྟག་པའོ། །ཨོཾ་སརྦ་ཏ་ཐཱ་ག་ཏ་ཀཱི་ལ་ཡ། པུཥྚིང་ཀུ་རུ་ཨ་བྷི་ཥིཉྩ་ཧཱུཾ། རྒྱས་པ་ཆེན་པོ་རྣམ་པར་བརྟག་པའོ། །ཨོཾ་སརྦ་ཏ་ཐཱ་ག་ཏ་ཀཱི་ལ་ཡ། བ་ཤང་ཀུ་རུ་ཨ་བྷི་ཥིཉྩ་ཧཱུཾ། དབང་ཆེན་པོའི་རྣམ་པར་བརྟག་པའོ། །ཨོཾ་སརྦ་ཏ་ཐཱ་ག་ཏ་ཀཱི་ལ་ཡ་མཱ་ར་ཡ་ཨ་བྷི་ཥིཉྩ་ཧཱུཾ། མངོན་སྤྱོད་ཆེན་པོ་རྣམ་པར་བརྟག་པའོ། །འདི་དག་འབད་པ་མེད་པར་དགོས་པ་རུ་འབྱུང་བའི་ཕྱིར། མཁས་པ་ལ་ནི་བཤད་པའོ། །དེ་དག་གཟུང་དང་མཐོང་བ་དང་། །ཐོས་དང་བསམ་པ་ལ་སོགས་ཀྱིས། །གལ་ཏེ་བསྒྲུབ་པ་མ་བྱས་ཀྱང་། །དུ་མའི་ཡོན་ཏན་རྫོགས་པར་འགྱུར། །ལྕགས་དང་ཟངས་དང་མི་རུས་དང་། །གླང་པོའི་སོ་ལ་སོགས་པ་འམ། །དངུལ་དང་གསེར་ལ་སོགས་པ་ཡི། །དངོས་པོ་གཞན་གྱི་རྒྱུད་ལ་ཡང་། །ཤིང་ནི་བསྐྱེད་པ་མ་གཏོགས་པ། །ཆོ་ག་མཐུན་པར་བྱ་བ་ཡིན། །དེ་ནས་ཡང་དག་བཤད་བྱ་ནི། །སེར་པོའི་ཆུ་ལ་དཔའ་བོས་འབད། །རིན་ ― DNG021_Page_0467 ―
[མ་དཔེ་གཟིགས་ན་འདིར་གནོན།]
ཆེན་ལ་སོགས་སྣོད་ནང་དུ། །རིགས་དང་མཐུན་པར་བྱས་པ་ལ། །སོ་སོའི་རིགས་ལྟར་བསྒྲུབ་པར་བྱ། །ཨོཾ་སརྦ་བཛྲ་ཀྲོ་དྷ་ཡ། ཨོཾ་ཨཱཿཧཱུཾ་སྭཱ་ཧཱ། རྡོ་རྗེ་ཆུའི་རྣམ་པར་བརྟག་པའོ། །ཐབས་ཀྱི་རྡོ་རྗེ་ཐབས་ཀྱི་ཆ། །ས་བོན་དཀར་པོའི་སྟེང་དུ་བསྒྲུབ། །ཨོཾ་མ་ཧཱ་བོ་དྷི་ཙིཏྟ་ས་མ་ཡ་ཀི་ལ་ཡ། བཛྲ་ཧཱུཾ། རྡོ་རྗེ་ཐབས་ཀྱི་རྣམ་པར་བརྟག་པའོ། །པདྨའི་ནང་དུ་པདྨའི་མདངས། །པདྨའི་དངོས་པོར་བྱིན་གྱིས་བརླབ། །ཨོཾ་མ་ཧཱ་རཀྟ་བོ་དྷི་ཙིཏྟ་ཀཱི་ལ་ཡ་ས་མ་ཡ་ཨཱཿ། པདྨ་ཆེན་པོའི་རྣམ་པར་བརྟག་པའོ། །དེ་ནས་ཨཱ་ལི་ཀཱ་ལི་ཡི། །དབུས་མཉམ་པ་ཡི་དཀྱིལ་འཁོར་དུ། །མཁས་པས་ཡང་དག་བསྒྲུབ་པར་བྱ། །ཨོཾ་ཀཱི་ལ་ཡ། ས་མ་ཡ་མ་ཧཱ་སཱུརྱ་ཨ་ཙནྡྲ་མ་ཧཱ་མཎྜ་ལ། ཨོཾ་ཨཱཿཧཱུཾ། ཉི་མ་དང་ཟླ་བའི་རྣམ་པར་བརྟག་པའོ། །དེ་ནས་ཡང་དག་བཤད་པ་ནི། །ཕྱི་རོལ་གྱི་ནི་གྲུབ་པའི་རྫས། །བྱིན་གྱིས་བརླབ་པ་གསུམ་ཡིན་ཏེ། །རྩ་བ་མགོ་རྣམས་མ་ནོར་བར། །ཕུར་པ་ལེགས་པར་བྱས་པ་ཡི། །སྟེང་དུ་རྒྱ་མདུད་དབུས་གནས་སུ། །སངས་རྒྱས་གདུང་མཆོག་གཞག་པར་བྱ། །དབུས་སམ་གནས་ཀྱི་རྒྱ་མདུད་ལ། །རིན་ཆེན་གཞག་པར་བྱ་བ་སྟེ། །ཡེ་ཤེས་རྩེ་མོ་མཁས་པ་ཡིས། །ལུག་རུས་འཇིགས་པ་གཞག་པར་བྱ། །ཆོས་ཀྱི་དབྱིངས་ཀྱི་སྙིང་པོ་ཡིས། །སྟེང་གི་དབུས་གནས་བྱིན་གྱིས་བརླབ། །དཀོན་མཆོག་གསུམ་གྱི་གསང་སྔགས་ཀྱིས། །དབུས་ཀྱི་གནས་སུ་བྱིན་གྱིས་བརླབ། །རྡོ་རྗེ་ཁྲོ་བོ་དུ་མའི་སྔགས། །རྩེ་མོ་དབུས་གནས་བྱིན་གྱིས་བརླབ། །དེ་ནས་མཁས་པས་མཆོད་པ་དང་། །བསྟོད་དང་གསོལ་བ་ལ་སོགས་ཏེ། །མཆོད་རྟེན་ཆེན་པོར་གཞག་པར་བྱ། །བསྐལ་པ་ཇི་སྲིད་སྟོངས་ན་ཡང་། །ས་དང་ནམ་མཁའ་ཕྱོགས་རྣམས་ཀྱང་། །མཆོད་རྟེན་ཆེན་པོ་ཁོ་ནར་ངེས། །འདི་ལ་རྣམ་པར་དཔྱད་མི་དགོས། །གང་གིས་བསྒྲུབ་པ་མ་གསུངས་ཀྱང་། །དེ་ལ་འབད་པ་མི་དགོས་པར། །འབྲས་བུ་གྱ་ནོམས་ཕུན་སུམ་ཚོགས། །གང་གིས་ཕུར་པ་བྱིན་གྱིས་བརླབ། །སྔོན་དུ་འགྲོ་བ་མ་རྫོགས་པར། །འཕན་པ་གཞན་ལ་འཇུག་པ་ནི། །བྱེ་མ་ལ་ནི་གསེར་དུ་འདོད། །ནམ་ཡང་གྲོལ་བར་མི་འགྱུར་རོ། །ཤིང་ནི་བསྐྱེད་པར་མ་བྱས་ཀྱང་། ། ― DNG021_Page_0468 ―
[མ་དཔེ་གཟིགས་ན་འདིར་གནོན།]
བྱིན་རླབ་དུ་མ་ཚང་གྱུར་ན། །མཁས་པའི་ཆོ་ག་གཉིས་པ་ཡིན། །སྒྲུབ་པ་འབད་པས་མི་བྱེད་ཀྱང་། །དབྱིབས་དང་མཐུན་པའི་སྣོད་དག་ཏུ། །གཙང་མའི་གནས་སུ་བཞུགས་ནས་ཀྱང་། །དགབ་དང་བདུག་དང་བསྐོར་བ་ཡིན། །མཆོད་དང་གདུགས་ཀྱི་ཆོ་ག་བྱ། །དེ་དག་ལ་སོགས་ཆོ་ག་ཡི། །མཁས་པས་རབ་ཏུ་གནས་པ་ཡི། །ཆོ་ག་མཁས་པར་མི་ཤེས་པར། །གང་གིས་སྒྲུབ་པར་བྱེད་པ་དེ། །ལྗོན་ཤིང་རུལ་བའི་དུམ་བུ་ལས། །ཡལ་ག་འཕན་པར་འདོད་པ་ལྟར། །དེ་ནི་མི་མཐུན་སྤང་བྱ་ཡིན། །ཞེས་གསུངས་སོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ལས། ཕུར་པ་རབ་ཏུ་གནས་པ་བསྟན་པ་ཞེས་བྱ་བའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བདག་པོ་དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་རྣམ་པར་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕུར་པ་ཐམས་ཅད་བྱིན་གྱིས་བརླབ་པའི་ཆོ་ག་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཨོཾ་དང་ཧྲི་དང་ཕཊ་ཀྱིས་ནི། །ཕུར་པ་བྱིན་བརླབ་འབད་བྱས་ཏེ། །མཁས་པས་འདོད་ལྷའི་ང་རྒྱལ་གྱིས། །ཕུར་པ་ཡོངས་སུ་དྲིལ་བའི་ཚེ། །མ་ལས་ཉི་དཀྱིལ་གཡས་པར་བརྟག །དམར་པོའི་ཧཱུཾ་སྒྲ་དབུས་གནས་ཚེ། །ཨ་ལས་ཟླ་བའི་གཡོན་པར་ཏེ། །རྡོ་རྗེ་ཐིག་ལེ་འཕེལ་བའི་རང་བཞིན་བསམ། །དབུས་གནས་པ་ནི་ཐ་ཡི་གཟུགས། །ཡུམ་གྱི་རང་བཞིན་གཟུང་བར་བྱ། །དེ་བཞིན་ཉིང་ལག་ལྔ་རྣམས་ཀྱང་། །མ་ལས་ཉི་དཀྱིལ་ལྔ་ཡིན་ཏེ། །གཡས་ཀྱི་སོར་མོ་རྣམས་ལ་མཛེས། །ཨ་ལས་ཟླ་བ་དེ་བཞིན་ལྔ། །ཉིང་ལག་གཡོན་པ་དེ་བཞིན་འཛིན། །འབར་བ་འཕྲོ་བའི་ཚོགས་དང་ལྡན། །དབུ་མ་ལས་ནི་སྣང་མཛད་ཉིད། །མི་བསྐྱོད་མདུན་འོག་ཡང་དག་གོ། །ཐ་ལྟག་རིན་ཆེན་འབྱུང་ལྡན་ཡིན། །མཐའ་ལ་སྣང་མཐའ་ཡས་པ་བཞག །དོན་ཡོད་པ་ནི་གཙོ་བོ་ལའོ། །ཐབས་དང་ཤེས་རབ་རང་བཞིན་ནི། །དབྱིངས་དང་ཤེས་རབ་རང་བཞིན་ལས། །འབར་བའི་འོད་ཀྱི་རྩེ་མོ་བཞག །བྱང་ཆུབ་སེམས་ཀྱི་འཕྲོ་འདུ་ཡིས། །བདག་ ― DNG021_Page_0469 ―
[མ་དཔེ་གཟིགས་ན་འདིར་གནོན།]
དང་གཞན་དོན་བསྒྲུབ་པར་བྱ། །དཔའ་བོས་དྲག་ཏུ་དྲིལ་བས་ནི། །ཡབ་ཡུམ་རླུང་གིས་བྱང་ཆུབ་སེམས། །རྣམ་པར་རོལ་པར་མཛད་པ་ཡི། །འོད་ཟེར་རྩེ་ལ་རྣམ་པར་འཕྲོ། །ཞི་བ་དཀར་སེར་དམར་ནག་སོགས། །ཕྱོགས་བཅུར་འཁྲིགས་པར་རྣམ་པར་བརྟག །རྩེ་ལ་འུར་འུར་ཐོག་ཐོག་དང་། །ཆེམ་ཆེམ་ལ་སོགས་དུ་མར་གྲགས། །མཁས་པས་ཉིད་ཀྱང་བཀྲག་པར་བརྟག །སྟེང་ནས་ཀྱང་ནི་འཕྲོ་བ་བརྟག །ཡོངས་སུ་གསལ་བར་འབད་པ་ནི། །དཔའ་བོས་བརྟག་པའི་ལས་ཡིན་ནོ། །འདི་ནི་གང་གིས་ངེས་བརྟག་པ། །ཁམས་གསུམ་པ་ནི་དུས་གཅིག་ཏུ། །འཁོར་བ་མིང་ཡང་མི་གྲག་པར། །ཐམས་ཅད་བསྐལ་པར་ཐེ་ཚོམ་མེད། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྡོ་རྗེ་ཉིང་ལག་བྱིན་གྱིས་བརླབ་པ་ཞེས་བྱ་བའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སེང་ལྡེང་གི་ཕུར་པའི་ཁྱད་པར་གྱི་ལས་རྣམས་བསྟན་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །སྦོམ་པོ་དང་ནི་སོར་བརྒྱད་པ། །སེང་ལྡེང་ལེགས་པར་གཟུང་བྱས་ནས། །ནམ་མཁའ་རྡོ་རྗེའི་དབུས་གནས་སུ། །ཞི་བའི་དཀྱིལ་འཁོར་བསམ་པར་བྱ། །རྫས་ཀྱི་སྦྱོར་བ་གཉིས་ཀྱིས་ཀྱང་། །ཕུར་པའི་ཆོ་ག་བྱས་པ་ནི། །ཕྱག་རྒྱ་བཞི་ཡིས་དགུག་པའི་སྔགས། །རྣམ་པར་བརྟག་པ་འདིར་བཤད་པ། །ཛཿཧཱུཾ་བཾ་ཧོཿ། ཆེ་གེ་མོ་ཞིག་པྲ་བེ་ཤ་ཧཱུཾ་ཧཱུཾ། བསྒྲུབ་བྱ་དགུག་པ་རྣམ་པར་བརྟག་པའོ། །ཨོཾ་བཛྲ་མུད་ག་ར་ཨ་ཀྲོ་ཊ་ཡ། ཐོ་བ་རྣམ་པར་བརྟག་པའོ། །འོད་ཟེར་འཕྲོ་བ་ལྟ་བུའི་ཕྱག་རྒྱ་བཅས་ཏེ། ཨོཾ་ཀརྨ་ཀྲོ་དྷ་ཧཱུཾ། ཉི་ཤུ་རྩ་གཅིག་རྡོ་རྗེ་ལས་ཀྱི་ཕྱག་རྒྱ་རྣམ་པར་བརྟག་པའོ། །དུང་ལྟ་བུའི་ཕྱག་རྒྱ་བཅས་ལ། ཨོཾ་སཏྭ་བཛྲ་ཧཱུཾ། ཀྲོ་དྷ་ས་མ་ཡ་ཧཱུཾ། ལན་བདུན་དུ་རྡོ་རྗེ་ཚིག་གི་ཕྱག་རྒྱ་རྣམ་པར་དག་པའོ། །སྔོ་སྐྱ་ཅན་གྱིས་ཞི་གཏོར་བྱ། །ཀླུ་ཞི་བའི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ ― DNG021_Page_0470 ―
[མ་དཔེ་གཟིགས་ན་འདིར་གནོན།]
ཏོ། །དེ་ནས་ཡང་དག་བཤད་བྱ་བ། །གྲུ་བཞི་སེར་པོ་བརྟག་པར་བྱ། །བསྒྲུབ་བྱ་བྱང་དུ་མགོ་བསྟན་པ། །ཁ་དོག་དམར་སྐྱ་བསམ་པར་བྱ། །ཧཱུཾ་ཆེ་གེ་མོ་ཞིག་ཧཱུཾ་སྭཱ་ཧཱ། སྙིང་གར་བརྟག་པའོ། །རྫས་ཀྱི་ཆོ་ག་གཉིས་ཀྱིས་ནི། །ཕུར་པ་གྲུ་བཞི་བརྟན་ཞིང་འཕར། །ཕུར་པ་དྲིལ་བ་ལ་སོགས་ཏེ། །སྔགས་དང་ཕྱག་རྒྱ་ཐུན་མོང་དུ། །དེ་བཞིན་རྒྱས་པར་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ཡང་དག་བཤད་བྱ་བ། །ནམ་མཁའ་རྡོ་རྗེའི་དབུས་གནས་སུ། །ཧཱུཾ་གི་དབུས་ན་གནས་པ་ནི། །ཟླ་གམ་དམར་པོ་བསམ་པར་བྱ། །མ་ཧཱ་པ་ལིའི་སྔགས་ཀྱིས་གཟིར། །གཞན་ནི་ལུགས་དང་མཐུན་པར་བྱ། །ཧཱུཾ་གི་དབུས་ན་གནས་པ་ཡི། །ནུབ་ཏུ་མགོ་བསྙེན་སྙིང་ལ་བཞག །དཀྱིལ་འཁོར་དུ་མ་བསྟན་པ་ཡིས། །དབང་གི་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་ཡང་དག་བཤད་བྱ་བ། །ནམ་མཁའ་རྡོ་རྗེ་དབུས་གནས་སུ། །རྩེ་མོ་ལྷོར་བལྟ་ཟུར་གསུམ་བརྩམ། །གདུག་པའི་རྫས་ལ་བྱས་པ་ཡི། །ཧཱུཾ་ཕཊ་དབུས་ན་བསྒྲུབ་བྱའི་མིང་། །སྔོན་པོའི་མདོག་ཏུ་ལྷོར་བསྟན་ལ། །ཨཱོཾ་བཛྲ་ཀྲོ་དྷ་ཀཱི་ལ་ཡ། མཱ་ར་ཡ་ཧཱུཾ་ཕཊ། རྩ་བའི་གསང་སྔགས་རྣམས་བརྟག་པའོ། །ཐུན་མོང་གི་ནི་ཆོ་ག་རྣམས། །མཁས་པས་ལུགས་དང་ མཐུན་པར་བྱ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། སེང་ལྡེང་གི་ཕུར་པའི་ཁྱད་པར་གྱི་ལས་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས་རྣམ་པར་ཐར་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནམ་ལྕགས་ཀྱི་ཕུར་པ་རྣམ་པར་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །ཧཱུཾ་དང་ཧྲི་དང་ཕཊ་ཀྱི་གཟུགས། །སྤྱི་བོ་སྐེད་པ་རྩེ་མོ་ལ། །རྣམ་པར་བརྟག་པའི་ཕུར་པ་ནི། །སྦོམ་པོ་བརྒྱད་ཀྱི་ཚད་དུ་བྱས། །ཐུན་མོང་གི་ནི་ཆོ་ག་རྣམས། །བཟླས་པའི་རིམ་པར་སྤྱི་ལ་དགོད། །གང་གི་གཟུགས་ལ་སོགས་པ་དག །མདུན་དུ་བཤད་པའི་རང་བཞིན་ལྟར། ། ― DNG021_Page_0471 ―
[མ་དཔེ་གཟིགས་ན་འདིར་གནོན།]
མཁས་པས་དེ་ལྟར་ཤེས་པར་བྱ། །རྫས་ཀྱི་སྦྱོར་བ་གཉིས་བྱས་ཏེ། །དཔྲལ་བར་བླང་བ་གཉིས་ཡིན་ཏེ། །མདུན་དུ་སྔགས་དང་ཕྱག་རྒྱ་ལྟར། །དཔའ་བོས་འདིར་ནི་ནན་ཏན་བྱ། །པདྨ་ཅན་ལ་གནས་པ་ཡིན། །རྒྱབ་ཀྱི་འཕར་བ་རྩེ་བར་བྱ། །ཟླ་བ་ཚེས་གསུམ་གཉིས་ཀྱིས་ནི། །སྟེང་གི་དཀྱིལ་འཁོར་གཡས་གཡོན་བརྒྱན། །དུ་མའི་གཟི་བརྗིད་ཚང་བར་བྱ། །ཨོཾ་བཛྲ་ཀྲོ་དྷ་ཡཀྵ་ཀྲོ་དྷ་ཁ་ཁ་ཁ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། རྡོ་རྗེ་གནོད་སྦྱིན་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ། །ལག་གཉིས་བེ་ཅོན་བྱས་ནས་ཀྱང་། །རབ་ཏུ་གསང་ཞིང་ཚར་གཅོད་པ། །ཨོཾ་བཛྲ་ཀྲོ་དྷ་མ་ཧཱ་བ་ལ། ཧ་ན་ཧ་ན། པ་པི་དྷྭ་ན་ས་ཡ། ཨུཙྪུཥྨ་ཀྲོ་དྷ་ཧཱུཾ་ཕཊ།གྲངས་ནི་ཚོམ་བུ་གསུམ་དུ་འབད། །མར་གྱི་བཅུ་བདུན་ཕྱེད་གཉིས་ཀྱིས། །ཞག་ཀྱང་ཚོམ་བུ་གསུམ་གྱིས་ནི། །གཏོར་མ་ནོན་པར་གཏད་བྱས་ནས། །ཨོཾ་བཛྲ་ཨ་མྲྀ་ཏ་ཧཱུཾ་ཕཊ་སྭཱ་ཧཱ། བདུད་རྩི་ཐིག་ལེ་རྣམ་པར་བརྟག་པའོ། །ཨོཾ་བཛྲ་ཀུཎྜ་ལི་བནྡྷ་བནྡྷ་ཧཱུཾ་ཧཱུཾ་ཕཊ་ཕཊ། རྡོ་རྗེའི་ཡུམ་རྣམ་པར་བརྟག་པའོ། །ཨོཾ་ཛི་ན་ཛིག་སྭཱ་ཧཱ། དེ་བཞིན་གཤེགས་པའི་རིགས་རྣམ་པར་བརྟག་པའོ། །ཨོཾ་ཨཱ་རོ་ལིག་སྭཱ་ཧཱ། པདྨའི་རིགས་རྣམ་པར་བརྟག་པའོ། །ཨོཾ་བཛྲ་དྷྲྀཀ་སྭཱ་ཧཱ། རྡོ་རྗེའི་རིགས་རྣམ་པར་བརྟག་པའོ། །ཨོཾ་ཤྲཱི་ཏསྟ་ཨོཾ་བཛྲ་མུ། རྡོ་རྗེ་འབྱུང་བ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བཀྲུ་བ་གཉིས་ལ་སོགས་པར་བྱ་སྟེ། ཞི་བ་སྤྱིའི་གཏོར་མ་ཆེན་པོ་གཏང་བར་བྱའོ། །ཁང་པ་ལ་སོགས་སྟེང་བཏབ་པས་སྲིན་དང་རླུང་ལ་སོགས་མི་ལྡང་ངོ་། །བསྒྲུབ་བྱའི་ཞིང་ལ་བཏབ་པས་ནི། །འབྲུ་རྣམས་དུ་མ་སྐྱེ་བ་མེད། །གནོད་བྱ་ལ་སོགས་སྒོར་བཏང་ན། །བདག་གི་བསམ་པ་ལྟ་བུར་འགྱུར། །རི་བོ་རྣམས་ལ་བཏབ་ན་སྙིལ། །འབབ་ཆུ་ལ་སོགས་སྟོངས་པར་འགྱུར། །གྲོང་ཁྱེར་སྒོར་བཏབ་འཇིག་པའོ། །རྒྱལ་པོའི་སྒོར་ནི་དམག་སྡེས་འཇིག །ནད་ཀྱིས་ཟིན་ནས་ཉམ་ཐག་འབོད། །དུར་ཁྲོད་དུ་ནི་རྣམ་པར་གདབ། །འདི་ཡིས་ལས་རྣམས་བྱེད་པར་འགྱུར། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ལྕགས་ཀྱི་ཕུར་པ་སོར་བརྒྱད་པ་རྣམ་པར་བརྟག་པ་སྟེ་ལེའུ་ཉི་ཤུ་རྩ་ལྔ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ ― DNG021_Page_0472 ―
[མ་དཔེ་གཟིགས་ན་འདིར་གནོན།]
ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། བདེན་པ་རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ལྷ་ཡི་དབང་པོ་དབང་དུ་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། །སྦོམ་པོ་ཚད་ནི་བཅུ་གཉིས་པ། །ཙནྡན་ཤིང་ལས་བརྟག་པར་བྱ། །སྤྱི་ཡི་ཆོ་ག་ཤེས་པ་ཡིས། །ཟུག་རྔུའི་སེམས་དང་བྲལ་བ་དེས། །ཨོཾ་ཧི་ན་ཧཱུཾ་སྭཱ་ཧཱ། སྙིང་གར་རྣམ་པར་བསམ་པའོ། །ལྷ་ཁང་དུ་ནི་བཏབ་པ་ཡིས། །འཁོར་བཅས་དབང་བྱིན་ལ་སོགས་ཡིན། །ཙནྡན་གྱི་ཕུར་པའི་ལས་བརྟག་པའོ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཙནྡན་གྱི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། ཕུན་སུམ་ཚོགས་པ་མི་ཟད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ལོངས་སྤྱོད་རྣམ་པར་བརྟག་པ་ཞེས་བྱ་བ་འདི་གསུངས་སོ། །ཚེར་མ་ལས་ནི་སྦོམ་པོའི་ཚད། །དྲུག་ཏུ་འབད་པའི་རང་བཞིན་བརྟག །སྤྱི་ཡི་ཆོ་ག་ཤེས་པ་ཡིས། །ཧཱུཾ་གཉིས་དབུས་ན་མིང་གནས་པ། །ཀཱི་ལ་ཡ་བཏབ་གང་ཞིག་ཀྱང་། །ནོར་ལས་འདོད་པ་དབང་དུ་འགྱུར། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཚེར་མ་ཤིང་གི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་མི་འགྱུར་བཀོད་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ནོར་ལ་སོགས་པ་བསྡུ་བའི་ཆོ་ག་འདི་གསུངས་སོ། །སྦོམ་པོ་ལ་ནི་བཞིར་སྦྱར་ཏེ། །སྤྱི་ཡི་ཆོ་ག་མཁས་པ་ཡིས། །ལྔ་བརྒྱའི་བར་དུ་བསྔགས་ནས་ཀྱང་། །ཨོཾ་དང་ཧཱུཾ་གི་དབུས་གནས་མིང་། །བསྒྲུབ་པའི་ཕུར་པ་འོང་ནོར་ཡང་ལ་སོགས། །བཏབ་ན་དེ་ལས་སྐྱེ་བར་འགྱུར། །མི་རྒོད་རྐང་འགྲོས་ལ་སོགས་འཕེལ། །ཞིང་དང་ལྡུམ་ར་ལ་སོགས་ལ། །ཟད་པ་མེད་པའི་ཆོ་གར་འགྱུར། །སྒོ་རུ་བཏབ་པའི་རང་བཞིན་གྱིས། །བསྲུང་བ་ཆེན་པོ་བྱས་པར་འགྱུར། ། ― DNG021_Page_0473 ―
[མ་དཔེ་གཟིགས་ན་འདིར་གནོན།]
འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྨ་ཤིང་གི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་བཅོམ་ལྡན་འདས་རབ་ཏུ་བསྟན་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མི་རྒོད་རྣམ་པར་གནོན་པ་ཞེས་བྱ་བ་འདི་གསུངས་སོ། །སྦོམ་པོའི་ཚད་ནི་དྲུག་ཡིན་ཏེ། །སྤྱི་ཡི་ཆོ་ག་ཤེས་པ་ཡིས། །མཚན་ནི་གྲངས་ལྟར་བརྟག་པ་ནས། །གཡོན་ཅན་རྣམ་པར་ཆད་པར་འགྱུར། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཐང་ཤིང་གི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་བཅོམ་ལྡན་འདས་མི་གཡོ་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཞི་བའི་ཚུལ་གྱིས་བསྟན་པ་འདི་གསུངས་སོ། །ཤུག་པའི་ཤིང་ལས་བདུན་པ་བསྒོམ། །ཉི་ཤུ་བདུན་དུ་སྔགས་པ་ཡིས། །གྲོང་གི་སྒོར་ནི་བཏབ་པ་ཡིས། །ཐམས་ཅད་གཉིད་ཀྱིས་ནོན་པར་འགྱུར། །འདི་ལ་རྣམ་པར་དཔྱད་མི་དགོས། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྒྱ་ཤུག་གི་ཕུར་པ་བརྟག་པ་ཞེས་བྱ་བའི་ལེའུ་སྟེ་སུམ་ཅུ་པའོ།། །།དེ་ནས་བཅོམ་ལྡན་འདས་བསྡུ་བ་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནས་པའི་དབུས་སུ་རྣམ་པར་གདབ་པ་ཞེས་བྱ་བ་འདི་གསུངས་སོ། །སྦོམ་པོའི་ཚད་དུ་ཏར་ག་ལས། །དྲུག་པ་དེ་བཞིན་བརྟགས་ནས་ཀྱང་། །བཟླས་པ་སྟོང་དུ་ཡོངས་གྲགས་པས། །སྤྱི་ཡི་ཆོ་ག་ཤེས་པར་བྱ། །རྒྱལ་རིགས་ལ་སོགས་དབུས་བཏབ་ན། །ཐམས་ཅད་བདག་གི་དབང་དུ་འགྱུར། །ནོར་ཡང་མི་སྣང་མི་ནུས་ཏེ། །ནོར་གྱི་སྒོ་ཡང་འབྱེད་པར་འགྱུར། །ཛཿཡིས་བཀུག་པ་ལ་སོགས་ཀྱང་། །མཁས་པས་སྔོན་དང་མཐུན་པར་བྱ། །དབང་གི་ཏིང་འཛིན་གཏོར་མ་ཡང་། །མཁས་པས་རྟག་ཏུ་འབད་པར་བྱ། །ཅི་རིགས་པ་ཡི་ལས་རྣམས་ལ། །ཐོགས་པ་མེད་པར་འགྲུབ་ ― DNG021_Page_0474 ―
[མ་དཔེ་གཟིགས་ན་འདིར་གནོན།]
པར་འགྱུར། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཏར་གའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་སུམ་ཅུ་རྩ་གཅིག་པའོ།། །།དེ་ནས་བཅོམ་ལྡན་འདས་རྣམ་པར་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མི་སྣང་བ་ལ་སོགས་པ་བཅིང་བའི་ཆོ་ག་འདི་གསུངས་སོ། །ཟངས་ལ་སོགས་པ་ཉི་ཤུ་གཅིག །ཚོན་སྣ་ལྔ་ཡིས་དཀྲིས་པ་བརྟག །གཤིན་རྗེའི་རྒྱལ་གྱི་ཏིང་འཛིན་དང་། །སྟོབས་པོ་ཆེ་ཡི་ཕྱག་རྒྱས་མནན། །དབང་གི་གཏོར་མ་བཏང་བ་དང་། །སྤྱི་ཡི་ལས་ལ་མཁས་པ་ཡིས། །འབད་པས་ཐམས་ཅད་ངེས་པར་འགྲུབ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཟངས་ཀྱི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་སུམ་ཅུ་རྩ་གཉིས་པའོ།། །།དེ་ནས་བཅོམ་ལྡན་འདས་དཔལ་འབྱུང་བ་འབབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ངལ་བ་བསོ་བའི་ནོར་བླང་བ་འདི་གསུངས་སོ། །གསེར་དངུལ་ཟངས་ལྕགས་འཁར་བ་རྣམས། །སྦོམ་པོ་བརྒྱད་ལ་བཅུར་སྔགས་པ། །རིང་མོ་ལ་སོགས་དྲུང་དུ་གདབ། །ཨོཾ་ཀུ་རུ་ཧཱུཾ་སྭཱ་ཧཱ། ཆུང་མར་བཅས་པ་བརྟག་ནས་ནི། །འབད་པ་ཐམས་ཅད་འགྲུབ་པར་འགྱུར། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ལྕགས་ལྔའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་སུམ་ཅུ་གསུམ་པའོ།། །།དེ་ནས་བཅོམ་ལྡན་འདས་སྡོམ་པ་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བི་ནཱ་ཡ་ཀ་ལ་སོགས་པ་བགེགས་རྣམས་རྣམ་པར་བཅིང་བ་འདི་གསུངས་སོ། །མི་ཡི་རུས་པ་སྦོམ་པོ་ལ། །མཁས་པས་ལྔ་བརྒྱ་བརྗོད་ན་ནི། །ཞོ་གནས་པ་ཡི་ཤིང་དག་ལ། །མཁས་པས་བཏབ་ན་བཅིངས་པར་འགྱུར། །དགུག་དང་སྤྱི་ཡི་ལས་སུ་སྦྱར། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། མི་རུས་ ― DNG021_Page_0475 ―
[མ་དཔེ་གཟིགས་ན་འདིར་གནོན།]
ཀྱི་ཕུར་བུ་རྣམ་པར་བརྟག་པ་ཞེས་བྱ་བའི་ལེའུ་སྟེ་སོ་བཞི་པའོ།། །།དེ་ནས་བཅོམ་ལྡན་འདས་རྡོ་རྗེའི་སྟོབས་རྣམ་པར་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནོད་སྦྱིན་དང་ཤ་ཟ་ལ་སོགས་པ་བཅིང་བའི་ཆོ་ག་འདི་གསུངས་སོ། །གླང་པོའི་སོ་ལས་སྦོམ་པོ་ཡི། །བཅུ་གཉིས་པ་ཡི་ཚད་དུ་བྱ། །ལན་གྲངས་སྟོང་དུ་ཚང་བ་དང་། །དུར་ཁྲོད་རྣམ་གསུམ་བཏབ་བྱས་ན། །བགེགས་ཀྱི་རྫུ་འཕྲུལ་བཅིངས་པར་འགྱུར། །དབྱུང་ན་ཞི་བའི་གཏོར་མ་བཏང་། །སྟོབས་པོ་ཆེ་ཡི་ཕྱག་རྒྱས་མནན། །འདི་ནི་སྟོབས་ཆེན་གསང་སྔགས་ཏེ། །ཨོཾ་བཛྲ་ཀྲོ་དྷ་མ་ཧཱ་བ་ལ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བིནྡྷ་བིནྡྷ། ཙྪིནྡ་ཙྪིནྡ། རྦ་ན་རྦ་ན། ཧཱུཾ་ཧཱུཾ་ཕཊ་ཕཊ། སྟོབས་པོ་ཆེ་ཡི་གསང་སྔགས་ཏེ། །སྟོབས་ཆེན་བརྟན་པ་ལ་སོགས་ཏེ། །འབད་ལས་ཞི་བའི་གཏོར་མ་སོགས། །མཁས་པས་སྤྱི་ཡི་ལས་སུ་བྱ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། གླང་པོ་ཆེའི་སོ་ལས་བྱས་པའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་སོ་ལྔ་པའོ།། །།དེ་ནས་བཅོམ་ལྡན་འདས་ཐོགས་པ་མེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དགུག་པ་ཆེན་པོའི་རྣམ་པར་བརྟག་པ་འདི་གསུངས་སོ། །མཁས་པས་སྤྱི་ཡི་ལས་རྣམས་ཤེས། །གླང་པོའི་ལྕགས་ཀྱུ་བསྒྲུབ་ན་ནི། །མཁས་པས་བཟོ་བོ་ཚིམ་པར་བྱ། །སྦོམ་པོའི་ཚད་ནི་བརྒྱད་ཡིན་ཏེ། །བརྒྱ་རྩ་བརྒྱད་དུ་སྔགས་པ་ཡིས། །ཧཱུཾ་གཉིས་དབུས་གནས་མིང་སྙིང་ལ། །མཁས་པས་བཏབ་ན་གང་ཡང་འོང་། །ཨོཾ་ཀཱི་ལ་ཡ་ཨང་ཀུ་ཤ་ཡ་ཛཿ། ཨཱ་ཀར་ཥ་ཡ་ཧཱུཾ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། གླང་པོའི་ལྕགས་ཀྱུ་ལས་བྱས་པའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་སོ་དྲུག་པའོ།། །།དེ་ནས་བཅོམ་ལྡན་འདས་སྣང་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་བཅིང་བ་ཞེས་བྱ་བ་འདི་གསུངས་སོ། །ཞགས་པའི་མཐར་གནས་ལོང་བུ་ཡི། །ལྕགས་ལ་སོགས་པ་དཔའ་བོས་བརྟག །སྦོམ་པོ་བརྒྱད་ལ་བརྒྱ་རྩ་བརྒྱད། ། ― DNG021_Page_0476 ―
[མ་དཔེ་གཟིགས་ན་འདིར་གནོན།]
ཧཱུཾ་གཉིས་དབུས་གནས་མིང་སྙིང་ལ། །བཏབ་པས་ལས་རྣམས་འགྲུབ་པར་འགྱུར། །ཐུན་མོང་གི་ནི་ཆོ་ག་བརྟག །ཐམས་ཅད་བཅིངས་པར་བྱས་པར་འགྱུར། །ཨོཾ་ཀཱི་ལ་ཡ་སརྦ་བཱ་ཤ་ཧཱུཾ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྡོ་རྗེ་བཅིང་བའི་ཞགས་པའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་སོ་བདུན་པའོ།། །།དེ་ནས་བཅོམ་ལྡན་འདས་གཡོ་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བརྟན་པའི་ཏིང་ངེ་འཛིན་འདི་གསུངས་སོ། །ཡང་དག་དཔའ་བོས་འབད་པ་ནི། །མཁས་པས་རྡོ་རྗེའི་ལས་སུ་བྱ། །སྤྱི་ཡི་ཆོ་ག་བྱས་ནས་ཀྱང་། །ལྕགས་སྒྲོག་རྙིང་པའི་ཕུར་པས་འབད། །སྦོམ་པོ་བཅུ་གཉིས་སྟོང་དུ་འབད། །ཧཱུཾ་གཉིས་དབུས་གནས་མི་སྙིང་དང་། །བཏབ་ན་ཐམས་ཅད་གནས་པར་འགྱུར། །ཨོཾ་ཀཱི་ལ་ཡ་བཛྲ་སྥོ་ཊ་བཾ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ལྕགས་སྒྲོག་ལས་བྱས་པའི་ཕུར་པ་རྣམ་པར་བརྟག་པའི་ལེའུ་སྟེ་སོ་བརྒྱད་ པའོ།། །།དེ་ནས་བཅོམ་ལྡན་འདས་མི་འདའ་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་བརྡུང་བའི་ཕུར་པ་འདི་གསུངས་སོ། །གོང་གི་ལས་རྣམས་རྫོགས་པ་དང་། །འབད་པ་ཆེན་པོས་འདི་བརྟག་པའོ། །མགྲིན་པ་བཅད་པ་ལ་སོགས་ཀྱི། །ལྕགས་ལས་ཕུར་པ་རྣམ་པར་བརྟག །སོར་ནི་ཉི་ཤུ་བཞི་ཡིན་ཏེ། །སྟོང་རྩ་བརྒྱད་དུ་དཔའ་བོས་འབད། །ཧཱུཾ་གཉིས་དབུས་གནས་མིང་སྙིང་ལ། །ལས་རྣམས་ཇི་ལྟར་འདོད་པར་གདབ། །ཨོཾ་ཀཱི་ལི་ཀཱི་ལ་ཡ་བཛྲ་གྷཎྜ། སརྦ་བྷཱུ་ཏ་ཤ་ཏྲུཾ་མཱ་ར་ཡ་ཧཱུཾ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། མགྲིན་ པ་བཅད་པའི་ལྕགས་ལས་བྱས་པའི་ཕུར་པ་རྣམ་པར་བརྟག་པའི་ལེའུ་སྟེ་སོ་དགུ་པའོ།། །།དེ་ནས་བཅོམ་ལྡན་འདས་ཡོན་ཏན་ཆེན་པོ་ཀུན་ཏུ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བཅུད་ཡོད་པར་བྱ་བའི་ཆོ་ག་འདི་གསུངས་སོ། །རྒྱལ་རིགས་ལག་ནས་འོངས་པ་ཡི། །ལྕགས་ ― DNG021_Page_0477 ―
[མ་དཔེ་གཟིགས་ན་འདིར་གནོན།]
ནི་རྣམ་པར་བསྒོས་ནས་ཀྱང་། །སོར་ནི་བཅུ་དྲུག་ཡོད་པ་ལ། །བརྒྱ་རྩ་བརྒྱད་དུ་སྔགས་པ་ཡིས། །འོ་མ་ཅན་གྱི་ཤིང་བསྲེགས་དང་། །ཧཱུཾ་གཉིས་དབུས་གནས་མིང་སྙིང་ལ། །བཏབ་ན་བཅུད་རྣམས་མི་ཟད་ཅིང་། །འཕེལ་བ་ཆེན་པོ་བྱེད་པར་ངེས། །ཨོཾ་ཀཱི་ལ་ཡ་སརྦ་ཨ་མྲྀ་ཏ་ཧཱུཾ་ཕཊ། སྤྱི་ཡི་ཆོ་གས་ལས་རྣམས་བྱའོ། །བསྒྲུབ་དང་ལས་ཀྱི་ཆོ་ག་དབྱེ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྒྱལ་རིགས་ཀྱི་ལྕགས་ལས་བྱས་པའི་ཕུར་པ་རྣམ་པར་བརྟག་པའི་ལེའུ་སྟེ་བཞི་བཅུ་པའོ།། །།དེ་ནས་བཅོམ་ལྡན་འདས་བརྟག་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བུ་མོ་དགུག་པའི་ཆོ་ག་འདི་གསུངས་སོ། །དཔའ་བོས་ཀུན་ཏུ་སྤྱད་པ་ནི། །སྔགས་ཀྱི་བདེ་བ་ཡོད་པའི་ཕྱིར། །ལྕགས་ནི་སྦོམ་པོ་བཅུ་གཉིས་དང་། །བརྒྱ་དང་ལྔ་བཅུའི་གསང་སྔགས་ནི། །ཧཱུཾ་གཉིས་དབུས་ནས་ མིང་སྙིང་ནི། །སྤྱི་ཡི་ཆོ་ག་མཁས་པས་བསམ། །ཨོཾ་ཀཱི་ལི་ཀཱི་ལ་ཡ་སརྦ་ཀརྨ་ལ། སྟྲཱི་ཨཱ་ཀར་ཤ་ཡ་ཧཱུཾ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྗེའུ་རིགས་ཀྱི་ལྕགས་ལས་བྱས་པའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཞེ་གཅིག་པའོ།། །།དེ་ནས་བཅོམ་ལྡན་འདས་དག་པའི་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྒྱུད་བཅད་པའི་ཆོ་ག་འདི་གསུངས་སོ། །བྲམ་ཟེའི་ལག་ནས་འོངས་པ་ཡི། །མཁས་པས་སྦོམ་པོ་བརྒྱད་ཡིན་ཏེ། །བརྒྱ་རྩ་བརྒྱད་དུ་བརྗོད་པ་ཡིས། །སྐྱེ་རྒྱུད་རྣམ་པར་ཆད་པར་འགྱུར། །ཧཱུཾ་གཉིས་དབུས་གནས་མིང་སྙིང་ལ། །རྡོ་རྗེ་པདྨའི་སྟེང་གནས་པའི། །ཐམས་ཅད་ཆོ་ག་མཁས་པས་འགྲུབ། །ཨཱོཾ་ཀཱི་ལ་ཡ་སརྦ་ཀུ་མཱ་ར་ཙྪིནྡ་ཙྪིནྡ་ཧཱུཾ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། བྲམ་ཟེའི་ལྕགས་ལས་བྱས་པའི་ཕུར་པ་རྣམ་པར་བརྟག་པའི་ལེའུ་སྟེ་ཞེ་གཉིས་ པའོ།། །།དེ་ནས་བཅོམ་ལྡན་འདས་རྡོ་རྗེ་གར་གྱི་འཁོར་ལོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྨྱོ་བར་བྱ་བའི་ཆོ་ག་འདི་གསུངས་སོ། །ཧཱུཾ་གཉིས་དབུས་གནས་མིང་སྙིང་ནི། ། ― DNG021_Page_0478 ―
[མ་དཔེ་གཟིགས་ན་འདིར་གནོན།]
ཕག་པའི་གནས་ལ་དེ་བཞིན་ཏེ། །དམངས་རིགས་ལག་ནས་འོངས་པ་ཡི། །ལྕགས་ནི་སོར་མོ་ཉི་ཤུའི་ཚད། །སྤྱི་ཡི་ཆོ་ག་མཁས་པ་ཡིས། །གང་གིས་ལག་ནི་རྫོགས་པར་འགྱུར། །སྟོང་དུ་བརྗོད་པར་རིགས་བྱ་ཡིས། །མྱུར་དུ་སྨྱོ་བར་གདོན་མི་ཟ། །ཨོཾ་ཀཱི་ལ་ཡ་སརྦ་བུཌྜྷ་ཛ་བྷཱུ་ཏ་འདྲ་ཛ། ཆེ་གེ་མོ་བུཌྜྷ་ཁ་ཁ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། དམངས་རིགས་ཀྱི་ལྕགས་ལས་བྱས་པའི་ཕུར་པ་རྣམ་པར་བརྟག་པའི་ལེའུ་སྟེ་ཞེ་གསུམ་པའོ།། །།དེ་ནས་བཅོམ་ལྡན་འདས་རྣམ་པར་དམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མྱུར་དུ་གསད་པའི་ཆོ་ག་འདི་གསུངས་སོ། །མཚོན་ཆ་རྙིང་པའི་གསང་བ་ཅན། །དུ་མ་ལས་ནི་སོར་བཅུ་གཉིས། །ཧཱུཾ་གཉིས་དབུས་གནས་མིང་སྙིང་ནི། །བོང་བུའི་བདུད་རྩི་ལ་སོགས་གཟུགས། །བརྒྱ་རྩ་བརྒྱད་ དུ་བརྗོད་པ་ཡིས། །སྤྱི་ཡི་ཆོ་ག་རྫོགས་པ་དང་། །མཁས་པས་ལས་རྣམས་ཆུད་མི་ཟ། །མྱུར་དུ་འཆི་བ་ལ་སོགས་ཡིན། །ཨོཾ་ཀཱི་ལ་ཡ་མཱ་ར་ཡ། སརྦ་ཤ་ཏྲུཾ་ཨ་ད་ཀ་མཱ་ར་ཡ་ཧཱུཾ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། མཚོན་ཆའི་ལྕགས་དུ་མ་ལས་བྱས་པའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཞེ་བཞི་པའོ།། །།དེ་ནས་བཅོམ་ལྡན་འདས་མུན་པ་སྐྲག་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བཀྲ་ཤིས་པའི་ཆོ་ག་ཆེན་པོ་འདི་གསུངས་སོ། །མཁས་པས་དང་པོའི་ལྕགས་རྣམས་ལ། །ལས་གང་འདོད་པའི་དབྱིབས་སུ་བྱས། །སྦོམ་པོ་བཅུ་གཉིས་སྟོང་ཡིན་ཏེ། །གང་ལ་བཏབ་པ་དེ་བཞིན་དུ། །སངས་རྒྱས་རྒན་པ་ཚུན་ཆད་དུ། །འགྱུར་བ་མེད་པའི་བདེ་བར་འགྱུར། །ཧཱུཾ་གཉིས་དབུས་གནས་མིང་སྙིང་ལ། །ཨོཾ་ཀཱི་ལ་ཡ་ཛ་ཡ་སྭ་སྡི་ཧཱུཾ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། དང་པོའི་ལྕགས་ལས་བྱས་པའི་ཕུར་པ་བཀྲ་ཤིས་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཞེ་ལྔ་པའོ།། །།དེ་ནས་བཅོམ་ལྡན་འདས་ཞི་བ་བཀོད་པ་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ ― DNG021_Page_0479 ―
[མ་དཔེ་གཟིགས་ན་འདིར་གནོན།]
ནས། འདོད་པ་མྱུར་དུ་སྒྲུབ་པའི་ཆོ་ག་འདི་གསུངས་སོ། །དེ་ནས་ཡང་དག་བཤད་བྱ་བ། །གསེར་དངུལ་ལ་སོགས་གང་ཡང་རུང་། །དྲང་སྲོང་ལག་ནས་འོངས་པ་ཡི། །ཕུར་པ་སྦོམ་པོ་བརྒྱད་ཡིན་ཏེ། །གསང་སྔགས་ཉིས་བརྒྱ་གནས་པ་ཡིན། །གང་གིས་དགོས་པ་དེ་བཞིན་དུ། །ཇི་ལྟར་བརྗོད་པའི་རང་བཞིན་ལས། །ཐམས་ཅད་མི་ཉམས་ཟག་མེད་འདྲ། །ནམ་མཁའ་རྡོ་རྗེའི་དབུས་གནས་སུ། །བསྒྲུབ་བྱ་རྣམ་པར་བསམ་པར་བྱ། །ཨོཾ་ཀཱི་ལ་ཡ་སརྦ་སིད་དྷི་མ་ཧཱ་ས་མ་ཡ་ཧཱུཾ་ཕཊ། རྩ་བའི་གསང་སྔགས་རབ་རྫོགས་ནས། །ལས་དང་བསྐུལ་ཚིག་ལྡན་པར་བྱ། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། དྲང་སྲོང་གི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཞེ་དྲུག་པའོ།། །།དེ་ནས་བཅོམ་ལྡན་འདས་ནམ་མཁའ་རོལ་པ་རྣམ་པར་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕུར་པ་གསར་པ་ཞེས་བྱ་བའི་ཆོ་ག་འདི་གསུངས་སོ། །མཁས་པས་སྤྱི་ཡི་ལས་རྣམས་རྫོགས། །ཁྱད་པར་ཅན་གྱི་སྦྱོར་བ་བསྟན། །གསེར་དང་དངུལ་དང་འཁར་བ་སོགས། །སེམས་ཅན་གཞན་གྱིས་མ་སྤྱད་པ། །དང་པོར་ས་ལས་རྙེད་པ་ཡི། །ཕུར་པ་བཟོ་བོས་ལེགས་བྱས་པ། །སྦོམ་པོ་བརྒྱད་པ་སྟོང་ཡིན་ཏེ། །ཤར་ཕྱོགས་ནས་ཀྱི་དྲང་སྲོང་མཆོག །ལམ་གཉིས་ཕྱོགས་མཚམས་གནས་དུས་སུ། །མཁས་པས་ལམ་གཉིས་ཡུལ་གྱི་དབྱིབས། །ནམ་མཁའ་རྡོ་རྗེའི་དབུས་གནས་སུ། །དཔའ་བོས་ལས་རྣམས་ཐམས་ཅད་ལ། །ལམ་གཉིས་པ་ནི་བདེ་བའི་མཆོག །ཨོཾ་ཀཱི་ལ་ཡ་སརྦ་ཀཱི་ལ་ཡ་མ་ནུ་སརྦ་ཀཱི་ལ་ཡ་དུཿཁ་ཙྪེ་ད་མ་ཧཱ་སུ་ཁ་ཨོཾ་ཨཱཿཧཱུཾ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། དང་པོའི་ཕུར་པ་ལས་བྱས་པའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཞེ་བདུན་པའོ།། །།དེ་ནས་བཅོམ་ལྡན་འདས་རྡོ་རྗེ་འཚོ་བ་ཆེན་པོའི་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ལོངས་སྤྱོད་ཕུན་སུམ་ཚོགས་པར་བསྡུ་བ་ཞེས་བྱ་བ་འདི་གསུངས་སོ། །ཟླ་བ་རྒྱས་པའི་གནས་འདྲ་བ། །རྡོ་རྗེ་ཟླ་རྒྱས་དབུས་སུ་བསམ། །གསེར་ལས་སོར་མོ་བརྒྱད་འབར་བ། །གནོད་པ་གཉིས་ནི་རྐང་འགྲོ་རྣམས། །བན་གླང་སྟེང་ ― DNG021_Page_0480 ―
[མ་དཔེ་གཟིགས་ན་འདིར་གནོན།]
དུ་མཁས་པས་བརྟག །བརྒྱ་རྩ་བརྒྱད་ཀྱི་ཚད་ཡིན་ནོ། །ཨོཾ་ཀཱི་ལ་ཡ་སརྦ་ཧི་ཧི་ཛ་བུ་ཞེས་ཡོཿཨོཾ་ཨཱ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། གསེར་གྱི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཞེ་བརྒྱད་པའོ།། །།དེ་ནས་བཅོམ་ལྡན་འདས་མི་ཟད་པའི་རྡོ་རྗེ་ཀུན་ཏུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བཏང་སྙོམས་རྣམ་པར་བཞག་པའི་ཆོ་ག་འདི་གསུངས་སོ། །དཔའ་བོས་སྤྱི་ཡི་ལས་རྣམས་ཤེས། །མཁས་པས་དང་པོ་འབད་པ་ནི། །ནམ་མཁའ་རྡོ་རྗེ་དབུས་གནས་སུ། །བདེ་བ་གཉིས་པའི་གནས་བཞག་སྟེ། །བསྒྲུབ་བྱ་ཧཱུཾ་གཉིས་མིང་སྙིང་གནས། །དངུལ་ནི་སྦོམ་པོ་བརྒྱད་ལ་བརྒྱ། །བརྗོད་ནས་བཏབ་པས་གང་ཞིག་ཀྱང་། །ཟུག་རྔུ་བཏང་སྙོམས་ཉིད་དུ་འགྱུར། །ཨོཾ་ཀཱི་ལ་ཡ་སརྦ་མ་ནུ་སརྦ་བུཌྜྷ། ཤཱནྟིང་ཀུ་རུ་པུཥྚིཾ་བ་ཤང་མཱ་ར་ཡ་ཧཱུཾ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། དངུལ་གྱི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཞེ་དགུ་པའོ།། །།དེ་ནས་བཅོམ་ལྡན་འདས་འབད་པ་བླ་ན་ཡོད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནམ་ལྕགས་ཡོངས་སུ་བཅད་པའི་གོ་ཆ་འདི་གསུངས་སོ། །ནམ་མཁའ་རྡོ་རྗེ་དབུས་གནས་སུ། །གནམ་ལྕགས་འབབ་པའི་ཡུལ་བཞག་སྟེ། །ར་གན་བཟང་པོ་དག་ལ་ནི། །མཁས་པས་སྦོམ་པོ་བརྒྱད་ཡིན་ཏེ། །བསྒྲུབ་བྱའི་མིང་སྙིང་དབུས་གནས་ཧཱུཾ། །གཉིས་ནས་འབྱི་བའི་ལས་བྱས་ཏེ། །མཁས་པས་ཉི་ཤུ་རྩ་གཅིག་བརྗོད། །ཁ་ཡང་བརྒྱད་ཀྱི་ཕྱོགས་སུ་བལྟ། །གང་ལ་གནམ་ལྕགས་འཁོར་ལོ་རྣམས། །ནམ་མཁའ་མཁས་པའི་བར་དུ་མེད། །ཨོཾ་ཀཱི་ལ་ཡ་སརྦ་མ་ཧཱ་ཀཱི་ལ་ཡ། རུ་པ་ཨ་པ་ས་མ་ཡ་ཤཱནྟིཾ་ཧཱུཾ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ར་གན་གྱི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ལྔ་བཅུ་ཐམ་པའོ།། །།དེ་ནས་བཅོམ་ལྡན་འདས་སྤྱོད་ཡུལ་སྣང་བ་བསམ་གྱིས་མི་ཁྱབ་པ་ཞེས་བྱ་བའི་ ― DNG021_Page_0481 ―
[མ་དཔེ་གཟིགས་ན་འདིར་གནོན།]
ཏིང་ངེ་འཛིན་ལ་སྙོམས་པར་ཞུགས་ནས། བཏང་སྙོམས་རྣམ་པར་བཞག་པའི་ཆོ་ག་འདི་གསུངས་སོ། །དཔའ་བོས་སྤྱི་ཡི་ལས་རྣམས་བྱ། །མྱུར་དུ་གསོད་པའི་ཆོ་ག་འདི། །དཔའ་བོས་ཡང་དག་འབད་པ་ནི། །འཁོར་བ་ཤེལ་དང་འདྲ་བ་ལས། །སྦོམ་པོ་བཅུ་གཉིས་བརྟག་པར་བྱ། །ནམ་མཁའ་རྡོ་རྗེའི་དབུས་གནས་སུ། །ཉི་མའི་དཀྱིལ་འཁོར་བསམ་པར་བྱ། །ཟླུམ་པོ་མཉམ་པའི་དབྱིབས་འདྲ་བ། །རྣམ་པར་བསམ་པའི་འོག་ཏུ་ཡང་། །དངོས་པོ་སྔགས་ཀྱིས་བཀུག་ནས་ཀྱང་། །རྡོ་རྗེའི་དམ་ཚིག་སྦྱིན་པ་དང་། །དགེ་འདུན་ཆེན་པོ་འཕེལ་བྱའི་ཕྱིར། །རྣམ་པར་སྨིན་པ་དོན་ཡོད་བྱ། །གསང་སྔགས་སྟོང་གི་རང་བཞིན་ཡིན། །ཐོགས་པ་མེད་པར་མྱུར་དུ་ངེས། །ཨོཾ་ཀཱི་ལ་ཡ་སརྦ་ཤ་ཏྲུཾ་ཆེ་གེ་མོ་ཨ་མུ་ཀཾ། མ་ཧཱ་ཀཱི་ལ་ཡ། མཱ་ར་ཡ་ཧཱུཾ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཁོར་བ་དང་ཤེལ་ལྟ་བུའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ང་གཅིག་པའོ།། །།དེ་ནས་བཅོམ་ལྡན་འདས་རྣམ་པར་བཀོད་པ་ལྷུན་གྱིས་གྲུབ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བུ་མོ་ཡོངས་སུ་དགུག་པ་ཞེས་བྱ་བའི་ཆོ་ག་དང་བཅས་པ་འདི་གསུངས་སོ། །པདྨ་རཱ་ག་ལྟ་བུ་ཡི། །འཁོར་བ་མཁས་པས་བཙལ་ནས་ཀྱང་། །ནམ་མཁའ་རྡོ་རྗེའི་དབུས་གནས་སུ། །ཧཱུཾ་གཉིས་དབུས་གནས་མིང་སྙིང་སྟེ། །སྐྱེ་གནས་ལྟ་བུའི་སྒོར་བཏགས་ནས། །སྦོམ་པོ་བརྒྱད་པ་བཅུ་ཡིན་ཏེ། །མཁས་པའི་དོན་རྣམས་མྱུར་དུའོ། །ཨོཾ་ཀཱི་ལ་ཡ་པདྨ་ཀཱ་མ་རཱུ་པི། པདྨ་ཀཱི་ལ་ཡ་ཧཱུཾ་ཛ། བསྐུལ་བ་དང་བཅས་ལས་ཀྱི་སྔགས། །མཁས་པས་བརྟག་པས་དོན་རྣམས་གྲུབ། །འདི་ལ་རྣམ་པར་དཔྱད་མི་དགོས། །འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཁོར་བ་དང་པདྨ་རཱ་ག་ལྟ་བུའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ལྔ་བཅུ་རྩ་གཉིས་པ་རྫོགས་སོ།། །། རྡོ་རྗེ་ཕུར་པའི་ཆོས་ཐམས་ཅད་ཀྱི་གསང་བའི་དོན་དབྱིངས་དང་ཡེ་ཤེས་གཉིས་སུ་མེད་པའི་རྒྱུད་ཀྱི་རྒྱལ་པོ་ཞེས་བྱ་བ།― DNG021_Page_0482 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་སརྦ་དྷརྨ་གུ་ཧྱཱ་རྠ་དྷཱ་ཏུ་ཛྙཱ་ནཱ་དྭ་ཡ་ཏནྟྲ་རཱ་ཛ་ནཱ་མ། བོད་སྐད་དུ། རྡོ་རྗེ་ཕུར་པའི་ཆོས་ཐམས་ཅད་ཀྱི་གསང་བའི་དོན་དབྱིངས་དང་ཡེ་ཤེས་གཉིས་སུ་མེད་པའི་རྒྱུད་ཀྱི་རྒྱལ་པོ་ཞེས་བྱ་བ། བཅོམ་ལྡན་འདས་ཆོས་ཀྱི་སྐུ་ལ་ཕྱག་འཚལ་ལོ། །འདི་ལྟར་སངས་རྒྱས་པའི་དུས་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བར་གཤེགས་པ་རྒྱལ་བ་ཀུན་གྱི་གཙོ་བོ། རིགས་ཐམས་ཅད་ཀྱི་བདག་ཉིད་ཆོས་ཀྱི་དབྱིངས། ཡེ་ཤེས་ཀྱི་སྐུ་གཉིས་སུ་མེད་པ། བདེ་བ་ཆེན་པོ་མྱ་ངན་ལས་འདས་པ། མ་སྐྱེས་ཡོངས་སུ་གྲུབ་པའི་སྐུ། སྐྱེ་བ་མེད་པ་ལས། འགག་པ་མེད་ཅིང་རོལ་པ་ཆེན་པོའི་སྐུ། སྣང་ལ་རང་བཞིན་མེད་པའི་ཚུལ་གྱིས། འོག་མིན་ཆེན་པོའི་གནས། གསང་བའི་མཆོག་དམ་པ། མཁའ་དབྱིངས་རྣམ་པར་དག་པའི་གཞལ་ཡས་ཁང་། དཔག་ཅིང་གཞལ་བ་ལས་འདས་པ། གནས་ཀྱི་མཆོག །མཐའ་དང་དབུས་མེད་པའི་ཆོས་ཀྱི་དབྱིངས་ཀྱི་ཕོ་བྲང་། དབྱིངས་དང་ཡེ་ཤེས་གཉིས་སུ་མེད་པའི་ཁྱད་པར་ལས། སྐྱེ་བ་དང་འགག་པའི་ཚུལ་གྱིས། ཡེ་ཤེས་ལ་ཡེ་ཤེས་རོལ་པ་དང་། ཆོས་ཉིད་ལ་ཆོས་ཉིད་རོལ་པ་དང་། སྐུ་སྐྱེ་བ་མེད་པ་དང་། གསུང་འགག་པ་མེད་པ་དང་། ཐུགས་མི་གཡོ་བའི་ཏིང་ངེ་འཛིན་གྱི་སྒོ་འབུམ་ཕྲག་མང་པོ་དང་། སྟོང་པ་ཉིད་ཀྱི་ཡེ་ཤེས་དང་། གསལ་བ་རྟོག་པ་མེད་པ་དང་། གཉིས་སུ་མེད་པར་མཉམ་པ་ཉིད་དང་། མ་འདྲེས་པ་སོ་སོར་རྟོག་པ་དང་། དམིགས་སུ་མེད་པའི་ཐུགས་རྗེ་དང་། སྟོབས་བཅུ་དང་། ཕ་རོལ་ཏུ་ཕྱིན་པ་བཅུ་དང་། ཚད་མེད་པ་བཞི་དང་། རིགས་ལྔ་དང་། སྟོང་པ་ཉིད་ཀྱི་སྒོ་དང་སྣང་བ་གཉིས་སུ་མེད་པའི་ཚུལ་གྱིས་ཐབས་ཅིག་ཏུ་བཞུགས་སོ། །དེའི་ཚེ་རིག་པའི་ཡེ་ཤེས་ཀྱིས། ཆོས་ཀྱི་སྐུ་ལ་བསྐུལ་བ་ནི། འདི་ལྟ་སྟེ། མ་སྐྱེས་གདོད་ནས་དག་པ་ཆོས་ཀྱི་སྐུ། །མ་ནོར་མ་བཅོས་ཆོས་དབྱིངས་སྤྲོས་དང་བྲལ། །བརྡལ་ ― DNG021_Page_0483 ―
[མ་དཔེ་གཟིགས་ན་འདིར་གནོན།]
བ་ཆེན་པོས་ཡོངས་ལ་རང་བཞིན་གནས། །དེ་ཉིད་མ་རྟོགས་མ་རིག་འཁོར་བ་ལས། །ཐབས་མཁས་ཐུགས་རྗེ་ཆེན་པོས་བསྟན་དུ་གསོལ། །ཞེས་པའི་ཚུལ་གྱིས་ཞུས་པས། ཆོས་ཀྱི་སྐུ་ལས་རང་བྱུང་དུ་གསུངས་པ། ཨེ་མ་ཡེ་ནས་སངས་རྒྱས་ཀ་དག་རང་བཞིན་ཀྱང་། །འོན་ཀྱང་མ་རིག་རྟོག་པའི་བློ་འཁྲུལ་པས། །གཟུང་འཛིན་ལོག་རྟོག་སྡུག་བསྔལ་འཁྱམས་པ་ལས། །ཡེ་དག་ཡེ་གྲོལ་ཡེ་སངས་རྒྱས་པའི་དོན། །མ་རྟོགས་བློ་ལ་བརྗོད་མེད་དོན་ཉིད་བསྟན། །ཞེས་གསུངས་སོ། །ཕུར་པ་གསང་བ་དོན་གྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་རིག་པའི་ཡེ་ཤེས་ཀྱིས། །ཆོས་ཀྱི་དབྱིངས་ལ་བསྐུལ་བ་འདི་ལྟ་སྟེ། །ཡེ་ནས་མ་བཅོས་ལྷུན་གྱིས་གྲུབ་པའི་ངང་། །འཇིག་རྟེན་ཁམས་ཀུན་ཡེ་ནས་དག་པའི་གནས། །བཟང་ངན་གཉིས་མེད་དུས་ཤེས་རྟོགས་པ་པོ། །སེམས་ཉིད་ཡིད་བཞིན་དགོས་འདོད་སྣ་ཚོགས་འབྱུང་། །རྣམ་ཤེས་སྣ་ཚོགས་ཡེ་ཤེས་རྟོགས་པའི་འཁོར། །བདག་ཉིད་སངས་རྒྱས་སྣང་ལ་རང་བཞིན་མེད། །བསོད་ནམས་ཡེ་ཤེས་ཚོགས་ཀྱང་རྫོགས་པར་རོལ། །ཀུན་ཏུ་བཟང་པོའི་མཆོད་སྤྲིན་སྣ་ཚོགས་རོལ། །ཕྱི་ནང་གསང་བ་དེ་ཉིད་སེམས་ལས་བྱུང་། །མི་རྟོག་ཡེ་ཤེས་རྣམ་རྟོག་བགེགས་རྣམས་སེལ། །ཆོས་ཀུན་རང་བཞིན་རྣམ་དག་འོད་གསལ་དང་། །ཆོས་རྣམས་ཐམས་ཅད་ཡེ་ནས་སྟོང་ཞིང་དབེན། །ངང་ངམ་ཤུགས་ཀྱིས་རང་བཞིན་ཐུགས་རྗེ་འབྱུང་། །སེམས་ཉིད་སྐྱེ་མེད་ཆོ་འཕྲུལ་ཡི་གེར་ཤར། །འབྱུང་བ་ལྔ་ནི་ཆོས་ཉིད་ཡུམ་གྱི་མཁའ། །ཉོན་མོངས་ལྔ་དག་ཡེ་ཤེས་ལྔ་ལྡན་ཞིང་། །སྲིད་པ་གསུམ་སྟོན་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་ངང་དྭངས་ཤུགས་ལས་གྲུབ། །གཉིས་མེད་ཚུལ་གྱིས་མ་གཤེགས་སྲིད་པར་བྱོན། །བླ་མེད་དབྱིངས་ཀྱི་ངང་དུ་རོ་གཅིག་ཐིམ། །ཆོས་ཉིད་བདེ་ཆེན་སྐྱེ་མེད་བརྗོད་དང་བྲལ། །ཐབས་ཀྱི་སྤྱོད་པས་འགྲོ་ཀུན་དབྱིངས་སུ་སྡུད། །མ་བརྟགས་བཞིན་དུ་ཡེ་ནས་ལྷུན་གྱིས་གྲུབ། །ཀུན་གཞི་རྣམ་ ― DNG021_Page_0484 ―
[མ་དཔེ་གཟིགས་ན་འདིར་གནོན།]
ཤེས་འོག་མིན་གནས་སུ་སྦྱོར། །དེ་ཚེ་ཁམས་གསུམ་འཁོར་བའི་གནས་ལས་བསྒྲལ། །དེ་ལྟར་དོན་ཤེས་རིག་ཅིང་རྟོགས་པའི་ཚེ། །སྐུ་གསུང་ཐུགས་ཀྱི་ས་ལ་ངེས་པར་བྱིན། །ཕུར་པ་གསང་བ་དོན་རྒྱུད་ལས། ཡེ་ནས་རང་བཞིན་གནས་པའི་ལེའུ་སྟེ་གཉིས་པའོ།། །།དེ་ནས་རིག་པ་ཡེ་ཤེས་ཀྱིས། །ཆོས་ཀྱི་དབྱིངས་ལ་བསྐུལ་བ་ལས། །ཆོས་ཉིད་ངང་ལས་རང་སྒྲར་ཤར་བའོ། །ཨེ་མ་ཧོ། རང་བཞིན་སྐྱེ་བ་མེད་པའི་ཆོས་ཉིད་ལ། །ཚིག་དང་ཡི་གེར་བསྟན་མེད་བརྗོད་དང་བྲལ། །སྐྱེ་མེད་ཆོས་དེ་སྣ་ཚོགས་སྟོན་པར་བྱེད། །བརྗོད་མེད་དེ་ཉིད་རྗོད་པ་ཀུན་གྱི་མཆོག །ཚིག་ཀུན་གསལ་བྱེད་ཡེ་ཤེས་ལས་བྱུང་བ། །བྱིན་གྱི་རླབས་ཀྱིས་རབ་ཏུ་རྟོགས་པར་བྱེད། །དངོས་པོའི་ཆོས་རྣམས་ངོ་བོ་ཉིད་ཀྱིས་སྟོང་། །སྟོང་པ་མ་ཡིན་སེམས་ཀྱི་སྣང་བར་ཤར། །དེ་ལ་རང་བཞིན་མེད་དེ་ཆུ་ཟླ་བཞིན། །སྣང་སྟོང་གཉིས་མེད་ལྟ་བ་རྣམ་པར་དག །རང་བཞིན་འོད་གསལ་ཉོན་མོངས་ངང་གིས་དག །སྤྲོས་པའི་མཐའ་བྲལ་རྣམ་པ་ཡོངས་ཅིར་མིན། །རིག་པ་འགག་མེད་སྣ་ཚོགས་རོལ་པ་ཆེ། །གཟུང་འཛིན་རྣམ་རྟོག་སྡུག་བསྔལ་དབྱིངས་སུ་ཤར། །དེ་ལ་མཚན་མའི་སྐྱོན་གྱིས་མ་གོས་པར། །སྒྲོ་སྐུར་བྲལ་བའི་ཡེ་ཤེས་ཆེན་པོ་སྟེ། །ལྷུན་གྱིས་གྲུབ་པའི་བདེ་ཆེན་ཀུན་སྤྱོད་ཀྱང་། །ལོག་རྟོག་འཁྲུལ་པའི་དབང་གིས་སོ་སོར་ཤར། །མ་རིག་ལོག་རྟོག་དེ་ཉིད་གནས་སུ་དག །གཉིས་མེད་ཆོས་སྐུ་མི་རྟོག་ཡེ་ཤེས་ཡིན། །རིག་འཛིན་སྐལ་བ་ཅན་གྱིས་རྟོགས་པར་འགྱུར། །དེ་ནི་སངས་རྒྱས་ཀུན་དང་དགོངས་པ་མཉམ། །རྒྱུན་གྱི་ཁྱད་པར་གྱིས་ཀྱང་འཕགས་པ་ཡིན། །དོན་དམ་ཕུར་པའི་རང་བཞིན་བྱང་ཆུབ་སེམས། །ངོ་བོ་ཆོས་སྐུ་སྐྱེ་མེད་རྣམ་པར་དག །མཚན་ཉིད་གཉིས་མེད་བདེ་ཆེན་ཟུག་རྔུ་ཞི། །ངེས་ཚིག་དག་པའི་མགོ་ཕུར་ཀུན་ལས་དཔའ། །དབྱེ་ན་དོན་དམ་རྣམ་གྲངས་མ་ཡིན་དང་། །དབྱིངས་ ― DNG021_Page_0485 ―
[མ་དཔེ་གཟིགས་ན་འདིར་གནོན།]
དང་ཡེ་ཤེས་ཆོས་ཉིད་ཆོས་ཀྱི་སྐུ། །སྐྱེ་མེད་བདེ་ཆེན་མ་སྐྱེས་དམིགས་མེད་བྲལ། །ཡེ་ཉིད་ཇི་བཞིན་ཟབ་པ་ཡང་དག་དོན། །ལྷུན་གྲུབ་ལ་སོགས་རྣམ་གྲངས་མཚོན་དེ་བསྟན། །ཞེས་འབྱུང་། ཕུར་པ་གསང་བའི་དོན་རྒྱུད་ལས། དེ་ཁོ་ན་ཉིད་གཏན་ལ་དབབ་པའི་ལེའུ་སྟེ་གསུམ་པའོ།། །།དེ་ནས་ཡང་རིག་པའི་ཡེ་ཤེས་ཀྱིས། ཆོས་ཀྱི་དབྱིངས་ལ་བསྐུལ་བ་རང་བྱུང་འདི་སྐད་དོ། །ཐོག་མར་ཤེས་རབ་གསུམ་ལ་བློ་སྦྱངས་པས། །སྤྱི་དང་རང་གི་མཚན་ཉིད་དབབ་པ་དང་། །བལྟ་བའི་སྒྲོ་འདོགས་བཅད་ཅིང་ལ་བཟླས་ཏེ། །ཏིང་འཛིན་ཉམས་ཀྱི་དྲོད་ཚད་ཤུགས་ལས་འབྱུང་། །བྱང་ཆུབ་སེམས་ཀྱི་དོན་ལ་འདྲིས་པར་བྱ། །མཉམ་པ་ཉིད་ཀྱི་དོན་ལ་བློ་བཞག་སྟེ། །གཟུང་འཛིན་བག་ཆགས་མཚན་མ་དག་པར་བྱ། །དངོས་པོ་ཐམས་ཅད་མི་རྟོག་ཟིལ་གྱིས་མནན། །ཉོན་མོངས་ཀུན་ཀྱང་དབང་དུ་བྱ་ཞིང་བླང་། །བསྒོམ་དུ་མེད་པའི་དོན་ཉིད་རྟོགས་པར་བྱ། །ཡང་ན་སངས་རྒྱས་དགོངས་པ་རྣལ་དུ་དབབ། །མཉམ་ཉིད་ངང་ལ་དུས་གསུམ་རྒྱུན་དུ་གནས། །ཕྱི་རོལ་ཡུལ་གྱི་ཞེན་པ་བཅད་བྱས་ལ། །དོན་དམ་སྐྱེ་མེད་ཆོས་ཀྱི་དབྱིངས་སུ་བསྒོམ། །ཆོས་ཉིད་རིག་པའི་ཡེ་ཤེས་དག་ལ་ནི། །ཤེས་པ་སངས་སྟོང་ཇི་བཞིན་ཇེ་གསལ་བསྒོམ། །རྣམ་པར་མི་རྟོག་ཡེ་ནས་སྐྱེ་མེད་ལས། །སྐྱེ་བའི་ཆོ་འཕྲུལ་སྣ་ཚོགས་ཅིར་ཡང་ཤར། །ཅིར་ཡང་མ་ཡིན་ཅིར་སྣང་ཆོས་ཀྱི་སྐུ། །སྟོང་ཉིད་སྣང་བ་སྣང་བ་སྟོང་པ་ཉིད། །སོ་སོ་མ་ཡིན་ཐ་དད་མེད་པར་བསླབ། །ཉམས་བླང་ཚེ་ན་ལུས་ངག་བཅོས་སུ་མེད། །སེམས་ཉིད་ནམ་མཁའ་འདྲ་སྟེ་རྣམ་རྟོག་བྲལ། །རྟོགས་པའི་གདེང་ལྡན་ཆོས་ཉིད་གཏན་ལ་དབབ། །གདོད་ནས་མ་སྐྱེས་ཆོས་ཀྱི་དབྱིངས་སུ་དག །རིག་པ་བྱང་ཆུབ་སེམས་ཉིད་རྟོགས་ནས་ཀྱང་། །རང་བཞིན་མ་སྐྱེས་ཡོངས་སུ་གྲུབ་པའི་སྐུ། །སྣང་ལ་རང་བཞིན་མེད་པ་འཇའ་ཚོན་འདྲ། །ཆུ་ཟླ་ལྟ་བུའི་སངས་རྒྱས་འོད་དང་ལྡན། །ཐུགས་ཀར་ ― DNG021_Page_0486 ―
[མ་དཔེ་གཟིགས་ན་འདིར་གནོན།]
དཔལ་བེའུ་ཡི་གེ་འབྲུ་དགུ་ནི། །གསེར་ལ་འཕྲ་བཀོད་བཞིན་དུ་གསལ་བསྒོམས་ཏེ། །རྫོགས་པའི་རིམ་པ་གདམས་ངག་ཚུལ་བཞིན་བསྒོམ། །རྒོད་ན་སྐྱེ་མེད་རྨུགས་ན་ཆོས་ཉིད་ལ། །འཕྲོ་ན་བདེ་ཆེན་བྱིང་ན་ཁྲོ་བོ་སྟེ། །ཡེ་ཤེས་ལྔ་ཡི་བསྙེན་པའི་ཏིང་ངེ་འཛིན། །འཛབ་ཀྱི་དགོངས་པ་ཆུ་བོའི་རྒྱུན་བཞིན་ནོ། །ཆོས་ཉིད་ངང་ལས་སྔགས་ཀྱི་སྒྲ་དབྱངས་བླང་། །སེམས་འཛིན་བསམ་གཏན་ཏིང་འཛིན་མ་ཡེངས་བསྒོམ། །དབྱིངས་ཀྱི་ངང་ལས་རང་བྱུང་རང་གྲགས་བསམ། །དེ་ཚེ་རྣམ་རྟོག་དགྲ་ཆེན་ཐམས་ཅད་ཀུན། །གཟུང་འཛིན་མཚན་མ་མེད་པའི་དབྱིངས་སུ་ཕུར། །གདེང་ལྡན་རྣལ་འབྱོར་ཉེས་པས་མ་གོས་པས། །སྙིང་རྗེས་བསྒྲལ་བའི་དམ་ཚིག་བསད་བཅད་པ། །ཞེ་སྡང་རང་རྒྱུད་སེམས་ཀྱིས་མ་ཡིན་ཏེ། །བྱམས་དང་སྙིང་རྗེ་ལྡན་པའི་རྣལ་འབྱོར་པས། །རྟོགས་པ་ཀློང་དུ་གྱུར་པས་དབྱིངས་སུ་སྒྲོལ། །ཏིང་འཛིན་དྲོད་ཚད་ལས་སུ་རུང་གྱུར་ན། །ནམ་ཡང་ཉེས་པའི་སྐྱོན་གྱིས་གོས་མི་འགྱུར། །སྒྲོལ་བ་རང་རྒྱུད་ལས་ཀྱི་སྲིན་པོར་སྐྱེ། །རྣམ་པར་སྨིན་པས་དམྱལ་ཁམས་བཅོ་བརྒྱད་དུ། །བསྐལ་པ་གྲངས་མེད་གསུམ་དུ་སྡུག་བསྔལ་མྱོང་། །དེ་བས་རྣལ་འབྱོར་ཕལ་གྱིས་བྱར་མི་རུང་། །ཕུར་པ་གསང་བ་དོན་རྒྱུད་ལས། ཏིང་ངེ་འཛིན་གྱི་ལེའུ་སྟེ་བཞི་ པའོ།། །།དེ་ནས་བཅོམ་ལྡན་འདས་ཆོས་དབྱིངས་དམ་པའི་སྐུ་ལ་རིག་པ་ཡེ་ཤེས་ཀྱིས་བསྐུལ་བ། རང་བྱུང་བ་ནི་འདི་ལྟ་སྟེ། །ཆོས་ཉིད་མྱ་ངན་འདས་པ་ཕུར་པའི་དོན། །རྒྱུ་འབྲས་གཉིས་ལས་འདས་པའི་བྱང་ཆུབ་སེམས། །དོན་དམ་ཆོས་ཉིད་རང་བྱུང་ཕུར་པ་ནི། །ཕུར་ནི་ཆོས་དབྱིངས་པ་ནི་མྱ་ངན་འདས། །ཕུར་ནི་ཡེ་ཤེས་པ་ཉིད་བྱང་ཆུབ་སེམས། །ཐུགས་རྗེ་ཆེན་པོའི་ཕུར་པ་བླ་མའི་དོན། །ནམ་མཁའི་མཚན་ཉིད་སེམས་ཀྱི་མཚན་ཉིད་ཡིན། །རྒྱུད་ཀྱི་རྒྱལ་པོ་ལུང་གི་བླ་མེད་པ། །མན་ངག་ངེས་པའི་ངོ་བོ་ཀུན་དང་བྲལ། །དོན་ནི་བརྗོད་མེད་བལྟ་རུ་མེད་པ་ ― DNG021_Page_0487 ―
[མ་དཔེ་གཟིགས་ན་འདིར་གནོན།]
ཡིན། །སྐྱེ་དང་འགག་མེད་གཟུང་དང་འཛིན་པ་མེད། །གསལ་ལ་འགྲིབ་མེད་འཕོ་འགྱུར་མེད་པའི་དོན། །མཐའ་བྲལ་སྒྲོ་སྐུར་འཁོར་འདས་གཉིས་སུ་མེད། །སྣང་སྟོང་དབྱེར་མེད་ཐ་དད་མེད་པའི་དོན། །ཐེབ་ཤོར་མེད་ཅིང་གསལ་ལ་རྣམ་རྟོག་བྲལ། །ཆོས་ཀྱི་དབྱིངས་ཀྱིས་གཟུང་འཛིན་གཉིས་ལ་གདབ། །མྱ་ངན་འདས་པས་འཁོར་བའི་ཆོས་ལ་གདབ། །ཡེ་ཤེས་ཆེན་པོས་མཉམ་པ་ཉིད་ལ་གདབ། །བྱང་ཆུབ་སེམས་ཀྱིས་ཤེས་རབ་ཐབས་ལ་གདབ། །ཐུགས་རྗེའི་ཕུར་པ་འགྲོ་དྲུག་ཀུན་ལ་གདབ། །བླ་མ་ཆེན་པོས་སྣོད་དང་དོན་ལ་གདབ། །ནམ་མཁའི་མཚན་ཉིད་རྣམ་པར་རྟོག་ལ་གདབ། །སེམས་ཀྱི་སེམས་ཉིད་རྟོགས་པའི་བློ་ལའོ། །དབྱིངས་ལ་བཏབ་པས་དོན་རྣམས་རྫོགས་པར་བྱེད། །སེམས་པ་བཏབ་པས་རིག་པའི་ཡེ་ཤེས་ཤར། །ཆོས་ཉིད་མྱ་ངན་འདས་པའི་དབྱིངས་སུ་གདབ། །དེ་ལྟའི་དོན་གྱིས་ཐེབ་པ་གྱུར་པའི་ཚེ། །འཁོར་བའི་མཚན་ཉིད་མྱ་ངན་འདས་པར་བཟླ། །སྡུག་བསྔལ་དེ་ཉིད་ཆོས་ཉིད་བྱང་ཆུབ་སེམས། །རྣམ་རྟོག་ལས་ནི་ཡེ་ཤེས་སྐྱེ་འགྱུར་ཞིང་། །དམྱལ་བའི་གནས་ཉིད་འོག་མིན་བླ་མེད་གནས། །དེ་ཚེ་མ་ལུས་ཕུར་པ་གདབ་ཅེས་བྱ། །དོན་དམ་ངེས་པར་གྱུར་པ་ལྟ་བ་ཡིན། །གསལ་བ་རྣམ་རྟོག་བྲལ་བ་བསྒོམ་པ་ཡིན། །བྱ་བྲལ་ཚོགས་གཉིས་རྫོགས་པ་འབྲས་བུ་ཡིན། །ཞེན་ཆགས་འཛིན་པ་མེད་པ་སྤྱོད་པ་ཡིན། །འཁོར་འདས་གཉིས་སུ་མེད་ན་སྦྱོར་བ་ཡིན། །ཐུགས་རྗེའི་གཟུངས་ཀྱིས་འཛིན་ན་སྒྲོལ་བ་ཡིན། །དོན་གཉིས་ལྷངས་ཀྱིས་རྟོགས་ན་ཐེབ་པ་ཡིན། །གང་དུ་མི་རྟོག་འཛིན་པ་དམ་ཚིག་ཡིན། །ཐེབ་ཤོར་མེད་པའི་དོན་རྟོགས་མན་ངག་ཡིན། །མངོན་དུ་གྱུར་ན་མངོན་སུམ་དཀྱིལ་འཁོར་ཡིན། །དོན་ཉིད་ཉམས་སུ་ལོན་ན་ཏིང་འཛིན་ཡིན། །གནས་སུ་བསྟབ་པ་མཆོད་པ་ཆེན་པོ་ཡིན། །བྱར་མེད་ལྷུན་གྱིས་གྲུབ་པ་ཕྲིན་ལས་ཡིན། །རིག་པ་གདེང་དུ་གྱུར་པ་དབང་མཆོག་སྟེ། །དེས་ན་ཐམས་ཅད་མ་ལུས་ཕུར་པའི་ སྦས་པ་གསང་བ་ཟབ་མོ་མདུང་རྩེའི་རྒྱུད།― DNG021_Page_0488 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། གུཔྟ་གམྦྷཱི་ར་ཀུནྟཱ་གྲ་ཏནྟྲ། བོད་སྐད་དུ། སྦས་པ་གསང་བ་ཟབ་མོ་མདུང་རྩེའི་རྒྱུད། བཅོམ་ལྡན་འདས་དཔལ་ཀཱི་ལ་ཡའི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀཱི་ལ་ཡའི་རྒྱལ་པོ་དེ། ཀརྨ་ཧེ་རུ་ཀ་ལ་སོགས་པའི་ཧེ་རུ་ཀ་རྣམས་དང་། རྡོ་རྗེ་སྙེམས་མ་ལ་སོགས་པའི་ཡུམ་རྣམས་དང་། དེ་བཞིན་དུ་ཁྲོ་བོ་དང་ཁྲོ་མོ་དང་ཐབས་ཅིག་ཏུ། བསམ་གྱིས་མི་ཁྱབ་པའི་ཁྲོ་བོས་བསྐོར་བའི་གནས། ཕྱི་ལྟར་དུ་དུར་ཁྲོད་འཇིགས་སུ་རུང་བ་དང་། ནང་ལྟར་ན་རང་བཞིན་གྱི་དུར་ཁྲོད་དང་། གསང་བ་ལྟར་ན་བྷ་གའི་དབྱིངས་དང་། དེ་ན་ཕྲ་མེན་ཕོ་མོ་དང་། སྒོ་མ་རྣམས་དང་། སྲུང་མ་བཅུ་གཉིས་དང་། འཁོར་ཐམས་ཅད་ཀྱིས་ཕྱིའི་དུར་ཁྲོད་ཆེན་པོར་ཉིད་ཀྱི་ཐུགས་ལས་སྤྲུལ་ནས། གདུག་པ་ཅན་ཚར་གཅོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐུགས་ཡང་དག་པའི་ཡེ་ཤེས་ལས་དབུ་དང་ཕྱག་བསམ་གྱིས་མི་ཁྱབ་པར་གྱུར་ཏོ། །དེ་ནས་རཱུ་ཏྲ་ནག་པོ་བསྒྲལ་བའི་ཕྲིན་ལས། ཀརྨ་ཧེ་རུ་ཀ་ལ་སོགས་པ་བོས་ཏེ། དྲག་པོ་ཧ་ཧ་དང་ཧི་ཧིའི་སྒྲ་སྒྲོག་པ། གོམ་པའི་སྟབས་ཀྱིས་ས་གཞི་གནོན་པ། ― DNG021_Page_0489 ―
[མ་དཔེ་གཟིགས་ན་འདིར་གནོན།]
དེ་ལྟ་བུ་གཅིག་ཏུ་གྱུར་ནས། དེའི་ཚེ་རཱུ་ཏྲ་ནག་པོ་རབ་ཏུ་འདར། ས་གཞི་ནི་རབ་ཏུ་གཡོས། ཧེ་རུ་ཀ་ཐམས་ཅད་ནི་མདངས་དང་ལྡན། དེ་ནས་རིགས་ཀྱི་ཧེ་རུ་ཀ་རྣམས་ལ་བཀའ་སྩལ་པ། རཱུ་ཏྲ་ཞེས་བྱ་ལྟ་བ་ལོག །ལས་ཀྱིས་འཇིག་རྟེན་ཁམས་འདིར་སྐྱེས། །བདུད་རྣམས་བཏུལ་ན་བར་ཆད་ཉུང་། །མེད་པར་བྱས་ན་བསྟན་པ་གཉན། །མཐོ་རིས་འཕེལ་དང་དམྱལ་ཁམས་སྟོངས། །བསྒྲལ་བའི་གནས་ནི་དམ་པ་བདུན། །སྲོག་དོན་བཀའ་དམ་ལས་ཀྱིས་ཉམས། །འདོད་པས་ཉམས་དང་མཚན་མས་ཉམས། །སྲོག་ལས་ཉམས་པའི་མཚན་ཉིད་ནི། །ཕ་མ་དང་ནི་སློབ་དཔོན་གསོད། །འདི་དག་བསྒྲལ་བ་དམ་པར་བཤད། །དོན་ལ་ཉམས་པའི་མཚན་ཉིད་ནི། །ཡང་དག་མ་ཡིན་སྤྱོད་པ་མཐོ། །འདི་ཡང་བསྒྲལ་བའི་དམིགས་དམ་པ། །བཀའ་ལས་ཉམས་པ་འདི་ལྟ་བུ། །དམ་པའི་གསང་བ་འཆོལ་བར་སྤྱོད། །དམ་ཚིག་ངེས་དོན་མིང་གིས་ཀྱང་། །སྐུ་གསུང་ཐུགས་ཀྱི་དམ་ལས་འདས། །དེ་ཡང་བསྒྲལ་བའི་དམིགས་ཡིན་ནོ། །ལས་ཀྱི་ཉམས་པའི་མཚན་ཉིད་ནི། །འཆི་བར་ཤེས་ཀྱང་རྣལ་འབྱོར་འཚེ། །དུག་ཏུ་ཤེས་ཀྱང་ལྟོ་རུ་བཟའ། །ལས་ཀྱིས་ཉམས་ཏེ་མྱུར་བར་བསྒྲལ། །འདོད་པས་ཉམས་པ་རྐུ་འཕྲོག་སོགས། །མཚན་མས་ཉམས་པ་མཚན་མེད་སྤོང་། །འདི་བདུན་ཤིན་ཏུ་བརྩོན་བྱས་ལ། །དྲག་པོའི་ལས་འདི་བརྩམ་པར་བྱ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། སྦས་པ་ཟབ་མོ་ལས། གླེང་གཞིའི་ལེའུ་སྟེ་དང་ པོའོ།། །།དེ་ནས་དཔལ་ཀཱི་ལ་ཡའི་བདག་པོ་དེ། དབང་བསྒྱུར་དམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཀརྨ་ཧེ་རུ་ཀ་ལ་སོགས་པ་རྣམས་ལ་བཀའ་སྩལ་པ། ཕུར་པ་བསྒྲུབ་པའི་གནས་དེ་ནི། །མ་མོའི་གནས་སམ་ཤིང་གཅིག་དྲུང་། །འབྱུང་པོ་མང་པོ་གང་ཡོད་པར། །བྱས་ན་ལས་ལ་ཕན་འདོགས་ཡོད། །བཀྲ་མི་ཤིས་པར་བྱས་གྱུར་ན། །གྲིབ་འབྱིན་ཤུགས་ ― DNG021_Page_0490 ―
[མ་དཔེ་གཟིགས་ན་འདིར་གནོན།]
ཀྱིས་ཏིང་འཛིན་འགྲིབ། །ས་ལ་གཡུལ་ནི་བཀྱེ་བར་ནི། །བྱ་བར་ཤིན་ཏུ་བཟང་བའོ། །ཟླ་བ་མར་གྱི་ངོ་དག་ལ། །མིག་དམར་རྒྱུ་བའི་དུས་དག་ཏུ། །ས་ལ་སྟེགས་བུ་ཆེ་འམ་ཆུང་། །བརྩམས་ཏེ་ཕྲིན་ལས་བཞིའི་བྲོ་བརྡུང་། །སྟ་གོན་ཉིད་ཀྱང་བྱ་བར་ཤིས། །དེ་ནས་རྫས་གསུམ་ཚོགས་པར་བྱ། །འཚོ་བ་ཟས་དང་དུག་འཇོམས་སྨན། །ནག་པོའི་རིགས་ཀྱི་ཕུར་པ་དག །ཚོགས་པ་རྫས་ཀྱི་རིམ་པའོ། །མ་ཉམས་གསར་པའི་ཐིག་བཀྱེ་ལ། །རྒྱ་མདུད་དང་པོའི་གཞལ་ཡས་ལ། །རིགས་ལྔའི་རྒྱལ་བ་འཁོར་དང་བཅས། །སྤྱི་དང་རྩེ་ལ་ཡབ་ཡུམ་གཉིས། །རྒྱ་མདུད་འོག་མའི་གཞལ་ཡས་ལ། །སྟེང་འོག་ཁྲོ་བོ་འཁོར་དང་བཅས། །ཟུར་བརྒྱད་ཁྲོ་མོ་ཕྲ་མེན་མ། །བཅུ་གཉིས་སྲུང་མ་ཟུར་གསུམ་ལོགས། །སྒོ་མ་བཞི་ནི་རྩིབས་མཆན་ལ། །དེ་ལྟར་གྲུ་གསུམ་ཡུམ་ཉིད་ལ། །ཕུར་པའི་རྫས་རྣམས་དགོད་པར་བྱ། །དེ་ཡང་འཁོར་ལོ་རྩིབས་བཅུ་ལ། །སྟོབས་པོ་ཆེ་དང་ཧཱུཾ་ཀཱ་ར། །ཤར་སྟོད་ནུབ་སྨད་གཉིས་སུ་དགོད། །གཞན་རྣམས་རིམ་པར་དགོད་པར་བྱ། །བྱང་ཆུབ་སེམས་ཀྱི་ཕུར་པ་ནི། །ཕུར་པ་ཀུན་གྱི་རྒྱུ་རུ་གྲགས། །ཕུར་པ་ཕུར་པ་ཞེས་བྱ་བ། །ཕུར་པ་ཐུགས་ཀྱི་ཕུར་པ་མཆོག །དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། རྫས་ཀྱི་རིམ་པ་བསྟན་པའི་ལེའུ་སྟེ་གཉིས་པའོ།། །།དེ་ནས་ཀརྨ་ཧེ་རུ་ཀ་ལ་སོགས་པས་ཀཱི་ལ་ཡའི་བདག་པོ་ལ་གསོལ་པ། དབང་སྡུད་ཕུར་པ་ཇི་ལྟར་ལགས། །མནན་པའི་ཕུར་པ་ཇི་ལྟར་ལགས། །འགུགས་པའི་ཕུར་པ་ཇི་ལྟར་ལགས། །གདབ་པའི་ཕུར་པ་ཇི་ལྟར་ལགས། །དཔུང་དབྲལ་ཕུར་པ་ཇི་ལྟར་ལགས། །ཀཱི་ལ་ཡ་ཡིས་བཀའ་སྩལ་པ། །དགྲ་བགེགས་དབང་དུ་སྡུད་པའི་ཕྱིར། །ནག་པོའི་རིགས་ཀྱིས་བྱ་བར་ཤིས། །མནན་པའི་ཕུར་པ་སྐྱེར་པར་བསྔགས། །འདྲེན་ཅིང་འགུགས་པར་མཆོག་ཕུར་བསྔགས། །གདབ་པའི་ཕུར་པར་ ― DNG021_Page_0491 ―
[མ་དཔེ་གཟིགས་ན་འདིར་གནོན།]
ལྕགས་ཕུར་ཏེ། །དཔུང་དང་དབྲལ་བར་བྱ་ཕུར་བསྔགས། །ནག་པོའི་རིགས་ཀྱི་ཤིང་དག་ལ། །སོར་བཞི་པ་འམ་སོར་བརྒྱད་ལ། །མཁས་པས་ལེགས་པར་ཚད་དང་ལྡན། །སྐྱེར་པ་ལོ་མ་ས་འོག་གི། །སོར་བཞི་བརྐོས་པས་བཀྲ་ཤིས་རྫས། །མཆོག་ཕུར་རྗེ་ངར་གཉིས་པའོ། །གནམ་ལྕགས་ས་ལྕགས་ཁྲོ་ཆུ་དང་། །མི་རྟ་མང་པོ་བསད་པ་དང་། །རང་དང་ཕལ་པའི་ལྕགས་སྣ་ལྔ། །བྱ་རྒོད་གཤོག་པའི་དང་རུའོ། །དེ་ལྟར་བྱས་ཏེ་ཡུལ་ལ་དགོད། །དེ་བཞིན་ གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། ཕུར་པ་རྫས་ཀྱི་རིམ་པ་བསྟན་པའི་ལེའུ་སྟེ་གསུམ་པའོ།། །།དེ་ནས་ཀཱི་ལ་ཡའི་བདག་པོ་དེ། ཆོས་ཉིད་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་ནས། བཀའ་སྩལ་པ། བྱང་ཆུབ་སྙིང་པོ་ཞེས་བྱ་བ། །སེམས་ཅན་ཀུན་ལ་ཡོད་ཀྱིས་ཀྱང་། །མཐོང་བར་བྱ་བ་ཡོད་མ་ཡིན། །བྱང་ཆུབ་སེམས་ནི་ཕུར་པའི་རྒྱུ། །དེ་ལྟར་ཆོས་ཉིད་དོན་རྟོགས་པ། །རང་བཞིན་མེད་པ་ཞེས་བྱའོ། །ཡཾ་རཾ་ཁཾ་གྱི་འབྲུ་གསུམ་གྱིས། །བསྲེག་གཏོར་སྦྱང་བ་གོང་མའི་ཚིག །བྱང་ཆུབ་སེམས་ཀྱི་རྩ་དག་ལས། །བྱང་ཆུབ་སེམས་ནི་གཟུང་དབབ་བྱ། །དང་པོ་གསེར་གྱི་སྒོ་མོ་ལས། །བྱང་ཆུབ་སེམས་ནི་རང་དགའ་བབ། །སེམས་དེ་ཡོངས་སུ་འདུས་པ་ལས། །བྱང་ཆུབ་སེམས་ཀྱི་ངོ་བོ་རུ། །མཁས་པས་ཧཱུཾ་ལས་ཁྲོ་བོ་བཅུ། །ཞི་བས་མི་འདུལ་རྣམས་ལ་བྱ། །རྣམ་པར་ཤེས་པ་ཁུགས་པ་ནི། །མཆོག་ཏུ་གཅེས་པས་རབ་ཏུ་བསྒྲག །བྱང་ཆུབ་སེམས་ཀྱི་སྤྲིན་དག་ལས། །ཕྱོགས་བཅུའི་ཁྲོ་བོའི་དཀྱིལ་འཁོར་གསལ། །ཧཱུཾ་ཞེས་པ་ནི་ཉི་ཤུ་ལས། །ཁྲོ་བོ་ཁྲོ་མོ་རྣམས་ཀྱང་གསལ། །ཛཿཞེས་པ་ནི་ཉི་ཤུ་ལས། །ཕྲ་མེན་རྣམས་ཀྱང་དེ་བཞིན་གསལ། །ཛཿཧཱུཾ་བཾ་ཧོཿབཞི་ཉིད་ལས། །སྒོ་མ་བཞི་ནི་རབ་ཏུ་གསལ། །ཧཱུཾ་ཞེས་པ་ནི་གསུམ་ཉིད་ལས། །སྐུ་གསུང་ཐུགས་ཀྱི་སྲས་མཆོག་གསུམ། །ཨེ་བཾ་མ་ཡཱ་བཞི་ཉིད་ལས། ། ― DNG021_Page_0492 ―
[མ་དཔེ་གཟིགས་ན་འདིར་གནོན།]
ཤྭ་ན་མུ་ཁ་བཞི་ཉིད་གསལ། །ཛཿཛཿབྱ་བ་བཞི་ཉིད་ལས། །ས་བདག་བཞི་ནི་གསལ་བའི་དོན། །བྷྱོ་ཞེས་པ་ནི་བཞི་ལས་ཀྱང་། །བདག་ཉིད་བཞི་རུ་རབ་ཏུ་བསམ། །བྷྱོ་ཞེས་ཉི་ཤུ་རྩ་བརྒྱད་ལས། །དབང་ཕྱུག་མ་ནི་བསམ་བྱས་ལ། །དབུས་སུ་ཟླ་གམ་སྒོ་ཅན་ལ། །བཅོམ་ལྡན་བདུད་འདུལ་ཡབ་ཡུམ་དགོད། །མི་འགྱུར་བརྟན་པའི་རྡོ་རྗེ་དང་། །སྐུ་གསུམ་ལྡན་པའི་ཐོད་པ་དང་། །དབུས་ཀྱི་གྲུ་གསུམ་ཐོད་པས་བརྒྱན། །རྒྱས་འདེབས་མ་ཡི་སྟེང་ཉིད་དུ། །གྲུ་གསུམ་ལ་ནི་སྲས་མཆོག་གསུམ། །ཁྲོ་བོ་འཁོར་ལོ་རྩིབས་བཅུ་ལ། །མཐིང་གའི་སྟེང་དུ་དགོད་པར་བྱ། །རྩིབས་མཆན་ལ་ནི་ཕྲ་མེན་མ། །གོང་མ་བཞིན་དུ་མཐིང་ག་ལ། །བདག་གི་དཀྱིལ་འཁོར་རྒྱས་པར་བསམ། །དེ་ནས་སློབ་མ་ གཟུང་བར་བྱ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། རང་གི་དཀྱིལ་འཁོར་གསལ་བར་བསྟན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཀཱི་ལ་ཡའི་བདག་པོ་དེ། ཐམས་ཅད་ཟིལ་གྱིས་གནོན་པའི་ཏིང་ངེ་འཛིན་ལ་སྙོམས་པར་ཞུགས་ནས། ཀརྨ་ཧེ་རུ་ཀ་ལ་སོགས་པ་ལ་བཀའ་སྩལ་པ། དེ་དག་རྣམས་ནི་རྒྱུ་ཡི་དོན། །ད་ནི་རབ་ཏུ་བཤད་བྱ་ལ། །རང་གི་གསལ་བའི་ཏིང་འཛིན་ནི། །སྦྱོར་བ་དང་པོ་རྗེས་སུ་སྦྱོར། །ཤིན་ཏུ་སྦྱོར་བའི་ཏིང་འཛིན་དང་། །ལས་ཀྱི་རྒྱལ་བ་མཆོག་དག་དང་། །དཀྱིལ་འཁོར་རྒྱལ་བ་མཆོག་དག་གོ། །ཏིང་འཛིན་རིམ་པ་དེ་རྣམས་དང་། །རྣལ་འབྱོར་རིམ་པའི་སྒོ་དག་དང་། །རྣལ་འབྱོར་དང་ནི་རྣལ་འབྱོར་ཆེ། །རྗེས་སུ་རྣལ་འབྱོར་ཤིན་རྣལ་འབྱོར། །དེ་རླུང་སྟོང་པའི་འཕྱོ་ས་ནི། །ཀུན་གཞིའི་རྣམ་ཤེས་ཡིན་པ་སྟེ། །ལངས་ཀྱང་དེ་ལ་བསྡིམ་ཡང་ཁོ། །གཞན་ལ་བསྡིམ་པ་མ་ཡིན་ཏེ། །གནས་པ་དེ་ཉིད་ཁོ་ན་ལའོ། །བསྡིམ་པ་རླུང་གི་མན་ངག་གོ། །དེ་ནས་གཉིས་པའི་རླུང་དེ་ནི། །ཕྱི་ནང་ལུས་དང་ཤེས་པ་ལ། །གནས་པ་རླུང་གི་གནས་ཡིན་ཏེ། ། ― DNG021_Page_0493 ―
[མ་དཔེ་གཟིགས་ན་འདིར་གནོན།]
གཡས་གཡོན་རིང་པོ་དལ་བ་རྣམས། །ཏིང་འཛིན་དེ་ལ་བསྒྲིབ་མི་བསྒྲིབ། །སེམས་ཀྱིས་སེམས་ལ་བརྟག་པ་ན། །ཕུར་པ་བྱང་ཆུབ་སེམས་སུ་མཐོང་། །དེ་ཡང་རླུང་གི་ཆེ་བས་ཏེ། །གདབ་པར་བྱ་བ་ཡོད་མ་ཡིན། །རླུང་ཞེས་པས་ནི་ལས་ཀུན་བྱེད། །རྣམ་ཤེས་དེ་ཡི་བཞོན་པའི་རྟ། །ཁ་བཙུམ་ལྕེ་ཡི་དབུས་སུ་ནི། །རླུང་གི་འཁོར་ལོ་ཚོན་གང་བ། །ཚོམ་བུའམ་དུང་རྒྱའི་ཚུལ་དུ་བསམ། །དེ་ནས་ཆ་སྙོམས་སྲང་མདའ་འདྲ། །སེམས་ཀྱི་སྐད་ཅིག་རིམ་པ་བརྟག །དེ་གོལ་རིམ་པ་ལམ་གྱི་མཆོག །རྣམ་པར་ཐར་པའི་ལམ་ཡང་སྟོན། །མི་འཇིགས་པ་ཡང་དེ་ཁོ་ན། །དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། རླུང་སྒོ་བསྟན་པའི་ལེའུ་སྟེ་ལྔ་པའོ།། །།དེ་ནས་འཁོར་གྱིས་གསོལ་པ། ཀཱི་ལ་ཡ་ཡི་བདག་པོ་མཆོག །རཱུ་ཏྲ་དང་འདྲ་བསྒྲལ་དམིགས་ལ། །མིང་དང་གཟུགས་ལ་བརྟེན་ལགས་སམ། །ཆོས་ཉིད་ཙམ་དུ་བསམ་ལགས་སམ། །རང་གའི་དངོས་པོ་བསྒྲལ་ལགས་སམ། །འོན་ཏེ་ཐམས་ཅད་རང་བཞིན་བཞག །ཀཱི་ལ་ཡ་ཡིས་བཀའ་སྩལ་པ། །ཉོན་ཅིག་འཇིགས་བྱེད་ཧེ་རུ་ཀ །རཱུ་ཏྲ་དང་འདྲ་བསྒྲལ་དམིགས་དེ། །ཀུན་ཚོགས་སྒོ་ནས་བསྒྲལ་བར་བྱ། །དང་པོ་དེ་ལྟར་བྱས་པ་དང་། །ནུབ་གསུམ་པ་ལ་འཇུག་པར་བྱ། །མིང་རུས་ལོ་དང་ཟླ་བ་དག །ཁྲག་ཆེན་གྱིས་ནི་བྲིས་ནས་ནི། །ཇུ་ཙེ་སྲུབ་ལོ་རྐང་རྗེས་ས། །ཡང་ན་རྡོ་ཕྱེ་དུག་ལ་བྱ། །དེ་ལྟར་ལིངྒ་བྱས་ལ་ནི། །མེ་ངོས་འབྲུབ་ཁུང་ཁ་ཁྱེར་སུམ་བརྩེག་ཅན། །ཉི་ཤུ་རྩ་བརྒྱད་སྲིན་མོ་འགྲོས། །ཡང་ན་འབྲུབ་ཁུང་ཕྱོགས་ངན་སར། །རང་གའི་དངོས་པོ་མ་ཡིན་ཏེ། །རྣམ་ཤེས་ལིངྒར་ཁུག་པའོ། །དེ་ཡང་བདག་ཉིད་བཞི་དང་ལྡན། །ཐེ་ཚོམ་མེད་དང་ཡང་དག་གཞུང་། །དམ་ལ་གནས་དང་ལེ་ལོ་སྤང་། །འདི་རྣམས་འགྲུབ་པའི་རྒྱུ་རུ་གྲགས། །ཡང་ན་བྱ་བ་ཐམས་ཅད་སྤང་། །རྫས་ཚོགས་དགྲ་རྣམས་མེད་པ་རུ། །ཤེས་རབ་རྣམ་གསུམ་ལྡན་པར་བྱ། །དེ་ནས་ཕུར་པའི་ ― DNG021_Page_0494 ―
[མ་དཔེ་གཟིགས་ན་འདིར་གནོན།]
རིམ་པ་ནི། །རྡོ་རྗེ་གཞོན་ནུ་ཁྲོ་བོ་བཅུ། །བསྒྲུབ་ཕུར་དངོས་གྲུབ་ནོད་པའོ། །ཕྲ་མེན་སྲུང་མའི་ཕུར་པ་ནི། །སངས་རྒྱས་རྣམས་ཀྱི་ཕོ་ཉ་ཡིན། །དེས་ཀྱང་གདབ་པར་བྱ་བ་མིན། །སྐུ་གསུང་ཐུགས་ལས་བྱུང་བ་ཡི། །སྲས་མཆོག་ཀཱི་ལ་ཡ་གསུམ་ནི། །གདབ་པའི་ཕུར་པ་དམ་པ་སྟེ། །གུ་གུལ་ཚིལ་ཆེན་དག་དང་ནི། །གོ་རོ་ཙ་ནའི་དུད་པས་བདུག །དབྱིངས་དང་ལྷུམས་སུ་གཟི་བྱིན་བསྐྱེད། །ནག་པོ་དུག་གཏོར་བྱས་ལ་ནི། །སྐྱེས་ཀྱང་དང་པོ་ལས་ངན་དབང་། །འཇིག་ཀྱང་ཐ་མ་ལས་ཀྱིས་འཇིག །ཨོཾ་ལས་བསྐྱེད་པ་ཧཱུཾ་ཉིད་ནི། །བསྐྱེད་པ་རྐྱེན་གྱི་སྔགས་ཉིད་དོ། །ད་ནི་བཟླས་པ་རྒྱུན་གྱི་སྔགས། །རབ་ཏུ་ལྡན་པའི་དཀྱིལ་འཁོར་དེ། །ལེགས་པར་གོམས་ཤིང་འདྲིས་པ་དང་། །ཤིན་ཏུ་བརྗོད་ལ་རབ་ཏུ་བཟླས། །འདི་ནི་སྦས་པ་ཟབ་མོ་ཡི། །ངེས་པའི་དྲག་སྔགས་བསྟན་པར་བྱ། །ཉུང་དཀར་ཉིད་ལ་བསྔགས་བྱས་ལ། །སྙིང་ག་ལྟེ་བ་གསང་བ་རུ། །ཉི་མ་དྲོས་དང་དམར་ཐག་ཆད། །ཤིན་ཏུ་དག་པར་བཟླས་པ་བྱ། །ཨོཾ་བཛྲ་ཀཱི་ལི་ཀཱི་ལ་ཡ། མཱ་ར་ཡ་ཆེ་གེ་མོ་ཕཊ་ཕཊ། སྙིང་ལ་སརྦ་བིགྷྣཱན་བཾ་ཧཱུཾ་མཱ་ར་ཡ་ཆེ་གེ་མོ་ཕཊ་ཕཊ། ལྟེ་བ་ལ་དཱིཔྟ་ཙཀྲ་ཏིཥྛ་མཱ་ར་ཡ་ཆེ་གེ་མོ་ཕཊ་ཕཊ། གསང་བ་ལ། འདི་ནི་སྔགས་མཆོག་རྒྱལ་པོ་སྟེ། །ཁྲོ་བོ་ཕྲ་མེན་ཀུན་གྱི་སྔགས། །ཞེ་སྡང་རྡོ་རྗེ་བསམ་བྱས་ལ། །མེ་དཔུང་འབར་བའི་རང་རྟགས་ཅན། །མེ་དཔུང་ཨེ་ལ་སུམ་ཆ་ནུབ། །འཇིགས་སུ་རུང་བའི་སྲས་གསུམ་གྱི། །སྔགས་ནི་ཀཱི་ལི་ཀཱི་ལ་ཡ། །ཨ་ཀོ་ཊ་ནི་བཟླ་བར་བྱ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། སྲས་ཀཱི་ལ་ཡ་བཏོན་པའི་ལེའུ་སྟེ་དྲུག་པའོ།། །།དེ་ནས་ཀཱི་ལ་ཡའི་བདག་པོ་དེ་རྒྱལ་པོ་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བཀའ་སྩལ་པ། སྔགས་པ་རྒྱན་གྱི་ཆས་ཀྱི་རྟགས། །གླང་ཆེན་ཀོ་རློན་ཞིང་གི་ཤུན། །ཐལ་ཆེན་ཞག་དང་རཀྟས་བརྒྱན། ། ― DNG021_Page_0495 ―
[མ་དཔེ་གཟིགས་ན་འདིར་གནོན།]
སྟག་གི་ཤམ་བུར་སྦྲུལ་གྱི་ཆུན་། །འདི་དག་འཇིགས་པའི་དཔའ་བོའི་ཆས། །རྣམ་རྒྱལ་ལ་སོགས་གོ་རིམ་བཞིན། །ཤར་སྟོད་ནུབ་སྨད་གཉིས་སུ་ནི། །སྟེང་འོག་ཁྲོ་བོ་སྔ་མ་བཞིན། །རྩིབས་མཆན་ལ་ནི་ཕྲ་མེན་མ། །ཤྭ་ན་ལ་སོགས་རེ་མ་ཏི། །ཡ་བྱིན་ལྕགས་ཀྱུ་ཤར་དུ་དགོད། །ཤྭ་ན་མུ་ཁ་རེ་མ་ཏི། །དེ་བྱིན་ཞགས་པ་ལྷོ་རུ་དགོད། །སྲྀ་ག་མུ་ཁ་རེ་མ་ཛུ། །བསེ་ཕྱིན་ལྕགས་སྒྲོག་ནུབ་ཏུ་སྟེ། །བྲྀ་ཀ་མུ་ཁ་རེ་མ་ཛཿ། །ཕག་བྱིན་དྲིལ་བུ་ནུབ་ཉིད་དུ། །དེ་ལྟར་སྲུང་མ་བཅུ་གཉིས་དང་། །སྒོ་མ་བཞི་ནི་སྤེལ་མར་དགོད། །དེ་ནས་སྲས་མཆོག་ཀཱི་ལ་ཡ། །ལག་ཏུ་བླང་སྟེ་གདབ་པར་བྱ། །དེ་ཡང་ཨ་ཀོ་ཊ་ཡིས་སོ། །དེ་ནས་གདབ་པ་ཟིན་པ་དང་། །དགྲ་བགེགས་གང་ཡིན་ཕྱོགས་ངན་དུ། །ལིངྒ་དེ་ནི་བསྲེག་པར་བྱ། །དེ་ནས་ཤིན་ཏུ་རྣལ་འབྱོར་བསམ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། ལུས་ངག་བསྒྲལ་བའི་ལེའུ་སྟེ་བདུན་པའོ།། །།དེ་ནས་འཁོར་གྱིས་ཡང་གསོལ་པ། །ཀཱི་ལ་ཡ་ཡི་དབང་དམ་པ། །དེ་རིང་ཁྱོད་ཀྱིས་རྒྱས་པར་མཛོད། །ཅེས་གསོལ་པས། བཛྲ་ཀཱི་ལ་ཡ་བདག་པོ་དེ། དབྱིངས་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་ཏེ། བཀའ་སྩལ་པ། ཉོན་ཅིག་རིགས་ཀྱི་ཧེ་རུ་ཀ །སེམས་ཅན་བསམ་པའི་དབང་གིས་ན། །དབང་མཆོག་ཅེས་ནི་རབ་གྲགས་པ། །ཕྱི་དང་ནང་དང་གསང་བ་དང་། །དེ་ལ་དབྱེ་བ་གསུམ་གསུམ་དང་། །ཡང་ན་ཉི་ཤུ་རྩ་གཅིག་དབང་། །བཞི་བཅུ་ཕུར་པ་རེ་རེ་ལ། །དབང་ནི་བསྐུར་དུ་ཡོད་པ་དེ། །དེ་ལ་དབང་མཆོག་བཞི་རུ་བཤད། །བུམ་པའི་དབང་དང་གསང་བའི་དབང་། །ཤེས་རབ་ཡེ་ཤེས་བདེ་ཆེན་དང་། །ཤིན་ཏུ་རྣལ་འབྱོར་བཞི་པའོ། །དེ་ལྟར་མཁས་པས་གང་རྟོགས་པ། །བྱང་ཆུབ་སེམས་ཀྱི་ཕུར་པའོ། །འཁོར་གྱིས་གསོལ་པ། དེ་དོན་རྒྱས་པར་བཀའ་སྩལ་འཚལ། །ཀཱི་ལ་ཡ་ཡིས་བཀའ་སྩལ་པ། །རང་བཞིན་སྣང་བའི་མི་དག་ལ། །བསྒྲུབ་ན་ཆགས་པའི་སྲུང་མ་ནི། །བཅུ་གཉིས་དག་ཏུ་ཤེས་པ་ལ། །ཤྭ་ན་མུ་ཁ་ལྕགས་སྤྱང་མོ། །ཤྭ་ན་མུ་ཁ་ ― DNG021_Page_0496 ―
[མ་དཔེ་གཟིགས་ན་འདིར་གནོན།]
ལྕགས་ཁྱི་མོ། །སྲྀ་ག་མུ་ཁ་ཟངས་ཝ་མོ། །བྲྀ་ཀ་མུ་ཁ་ཟངས་འཕར་མོ། །ས་བདག་བཞི་ནི་འགྲུབ་པར་ངེས། །བདག་ཉིད་བཞི་ནི་དཔྱིད་དབྱར་དང་། །སྟོན་དགུན་བཞི་ནི་རྒྱལ་མོ་སྟེ། །བཞི་ཚན་གསུམ་པོ་རྟག་ཏུ་ནི། །བསྟེན་ཅིང་བ་ལིང་སྦྱིན་པར་བྱ། །དེ་ཡིས་དངོས་གྲུབ་མྱུར་བའོ། །དབང་མཆོག་བཞི་ཡི་བསྐུར་བྱ་བ། །བུམ་པ་བྱེད་པའི་མཁན་པོ་དེས། །རྒྱ་མདུད་ཉིད་ནི་བུམ་པའོ། །ཕྲིན་ལས་རྣམ་བཞི་དབང་དུས་སུ། །དཀར་དང་དམར་དང་ནག་དང་སེར། །དེ་ལྟ་བུ་ཡི་དབང་ཉིད་ནི། །ཕྱི་ཡི་དབང་དུ་འགྲོ་བའོ། །འཁོར་ལོ་རྒྱས་འདེབས་གདུང་རྒྱུད་འཛིན། །བཙུན་མོ་དེ་ལས་ཁྲོ་བོ་བཅུ། །བཏོན་པ་ནང་གི་དབང་ཉིད་དོ། །ཡུམ་ཉིད་མཁའ་ནས་སྲས་གསུམ་པོ། །བྷ་གར་དབང་བསྐུར་གཟི་བྱིན་བསྐྱེད། །དེ་ནི་གསང་བའི་དབང་དུ་འགྲོ། །དབང་མཆོག་བཀའ་སྩལ་ཉན་པ་ལ། །ཕན་དང་ནུས་པ་གང་འདོད་སྦྱིན། །གལ་ཏེ་དམ་ཚིག་མེད་པ་ལ། །བྱིན་ན་གླང་སྣར་མཚོན་བཏགས་འདྲ། །བྱང་ཆུབ་སེམས་ཀྱི་བསྡི་གནས་ས། །ལུས་ལ་འཁོར་ལོ་བཅུ་ཡི་བགོ། །སྟོད་ན་ལྔ་སྟེ་སྨད་ན་ལྔ། །འདི་ལྟར་ཁྲོ་བོ་བཅུ་བཀོད་པ། །དེ་བཞིན་དབང་པོ་ལྔ་དག་ལ། །ཕྲ་མེན་ཟུང་རེ་དགོད་པ་དང་། །རྐང་ལག་བཞི་ལ་བཅུ་དྲུག་པོ། །རིམ་པ་བཞིན་དུ་བཞི་བཞི་གནས། །དེ་ནི་ནང་དབང་དམ་པའོ། །ཆོས་ཀྱི་དབྱིངས་ཀྱི་བཙུན་མོ་ཡི། །མཁའ་ནས་ཐམས་ཅད་བཏོན་པ་ནི། །གསང་བའི་དབང་དུ་གཞག་པར་བྱ། །ཤིན་ཏུ་མི་དམིགས་བཞི་པ་ཡིན། །དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། དབང་གི་རིམ་པ་བསྟན་པའི་ལེའུ་སྟེ་བརྒྱད་པའོ།། །།དེ་ནས་འཁོར་ལ་བོས་ནས། དབྱིངས་ཟབ་མོའི་ཏིང་ངེ་འཛིན་ལ་སྙོམས་པར་ཞུགས་ཏེ། བཀའ་སྩལ་པ། ཐམས་ཅད་ཐམས་ཅད་མེད་མཐོང་བ། །དཀྱིལ་འཁོར་ཁྲོ་ཚུལ་མ་ལུས་པ། །མ་མཐོང་ རྡོ་རྗེ་ཕུར་པ་མདུང་རྩེ་དམར་པོའི་རྒྱུད་ཅེས་བྱ་བ།― DNG021_Page_0497 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་ཤཀྟི་ཨ་གྲ་རཱ་ག་ཏནྟྲ་ནཱ་མ། བོད་སྐད་དུ། རྡོ་རྗེ་ཕུར་པ་མདུང་རྩེ་དམར་པོའི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འོག་མིན་གྱི་གནས་དྲག་པོ་མཐིང་ནག་འབར་བའི་གཞལ་ཡས་ཁང་ན། རྡོ་རྗེ་སྲིན་པོའི་ལྷ་ཚོགས་དང་ཐབས་གཅིག་ཏུ་བཞུགས་ཏེ། དེའི་ཚེ་ཉིད་ལས་མི་གཞན་པའི་འཁོར་ཀརྨ་ཧེ་རུ་ཀས་འདི་སྐད་ཞུས་སོ། །ཀྱེ་བཅོམ་ལྡན་འདས་ཉོན་མོངས་པ་སེམས་ཅན་རྒྱུ་ཅི་ལགས། རྐྱེན་ཅི་ལ་སྤྱོད། ལས་གང་སྨིན་བཀའ་སྩལ་དུ་གསོལ། ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དང་པོ་འཇིག་རྟེན་སྲིད་པའི་རྒྱུད། །ཆགས་པ་གནས་པ་ཞིག་པ་ལས། །བར་དུ་སྟོངས་པར་གྱུར་པའི་ཚེ། །དེ་ཡང་སྣོད་ཆགས་བཅུད་ཆགས་མཉམ། །དེ་དུས་ལྷ་ཡི་སྤྲུལ་པ་ནི། །བག་ཙམ་རླན་འདུས་གནས་པ་ལས། །བྱ་རྒོད་དར་མ་གཅིག་ཏུ་སྲིད། །གཤེར་ལ་རླན་ཙམ་གྱུར་པ་ལས། །སྟག་ཆེན་དར་མ་གཅིག་ཏུ་སྲིད། །དེ་ནི་སྲིད་པའི་སྤྲུལ་པའོ། །བྱ་ཡི་ཚང་འཆའ་བའི་གནས། ཤར་ཕྱོགས་ཤེལ་གྱི་བྲག་ཁ་དཀར་པོ་རི་མཐོ་ས་གཙང་བར། །བྱ་དང་སྟག་གི་ལུས་གཉིས་ནི། །མ་འཕྲད་ཡིད་ཀྱིས་ཆགས་པས་བཤོས། ། ― DNG021_Page_0498 ―
[མ་དཔེ་གཟིགས་ན་འདིར་གནོན།]
སྲིད་པའི་སྒོ་ང་བདུན་དང་ཆུ་བུར་གཉིས་སུ་སྲིད། །སྒོ་ང་བདུན་པོ་ནི། ཤེལ་སྒོང་དཀར་པོ་དང་། དངུལ་སྒོང་སྐྱ་བོ་དང་། ལྕགས་སྒོང་ནག་པོ་དང་། གསེར་སྒོང་སེར་པོ་དང་། ཟངས་སྒོང་དམར་པོ་དང་། གཡུ་སྒོང་སྔོན་པོ་དང་། མཆོང་སྒོང་སྨུག་པོ་དང་བདུན་ནོ། །ཆུ་བུར་གཉིས་ལ་ཡིད་མ་ཆེས་ནས། མཆུས་བརྟོལ་བས། བུད་མེད་བཟང་སྡུག་ལ་འོད་ཆགས་པ་བདུན་བྱུང་བས། བྱ་འདྲོགས་ ཚང་བོར་རོ། །བུད་མེད་བདུན་གྱིས་ནི། སྒོ་ང་རེ་ཚགས་བྱས་སོ། །སྲིད་པའི་བྱུང་ཚུལ་བསྟན་པའི་ལེའུ་སྟེ་དང་པོའོ།། །།དེ་ནས་བུད་མེད་བདུན་ལས། གཅིག་གིས་ཤེལ་སྒོང་དཀར་པོ་བརྟོལ་བས། དེ་ནས་མི་དཀར་མདུང་ཙམ་ལ་དཔྲལ་བ་ན་མིག་གཅིག་ཡོད་པ་བྱུང་། བུད་མེད་གཅིག་གིས་དངུལ་སྒོང་སྐྱ་བོ་བརྟོལ་བས། མི་སྐྱ་བོ་རའི་མགོ་ཅན་བྱུང་། བུད་མེད་གཅིག་གིས་ལྕགས་སྒོང་ནག་པོ་བརྟོལ་བས། མི་ནག་པོ་ལག་པ་དགུ་པ་བྱུང་། བུད་མེད་གཅིག་གིས་གསེར་སྒོང་སེར་པོ་བརྟོལ་བས། མི་སེར་པོ་མིག་དམར་ཅན་བྱུང་། བུད་མེད་གཅིག་གིས་གཡུ་སྒོང་སྔོན་པོ་བརྟོལ་བས། མི་སྔོན་པོ་སྦལ་པའི་མགོ་ཅན་བྱུང་། བུད་མེད་གཅིག་གིས་ཟངས་སྒོང་དམར་པོ་བརྟོལ་བས། མི་དམར་པོ་ར་སྐྱེས་ཁམ་པ་ཞོན་པ་གཅིག་བྱུང་། བུད་མེད་གཅིག་གིས་མཆོང་སྒོང་སྨུག་པོ་བརྟོལ་བས། བུད་མེད་དྲུག་ལ་བཞིན་བཟང་སྡུག་ལ་འོད་ཆགས་པ་བྱུང་། གཅིག་ནག་མོ་དཔྲལ་ན་མིག་གཅིག་ཁ་ན་སོ་གཅིག །བྲང་ན་ནུ་གཅིག་ཡོད་པ་བྱུང་། གཅིག་གཅན་གཟན་གྱི་མགོ་ཅན་དུ་བྱུང་ངོ་། །བྱུང་ཚུལ་བསྟན་པའི་ལེའུ་སྟེ་གཉིས་པའོ།། །།དེ་ནས་མི་དཀར་པོ་མིག་གཅིག་པ་དང་། བུད་མེད་ནག་མོ་མིག་གཅིག་མ་གཉིས་མཆིས་པ་ལས། བུ་དགུ་མདའ་གཞུ་དང་མདུང་ཐོགས་པ་དང་། བུ་བཅོ་བརྒྱད་སྒྱེའུ་སེར་ཅན་བཅོ་བརྒྱད་བྱུང་ངོ་། །མི་སྐྱ་བོ་རའི་མགོ་ཅན་དང་། བུད་མེད་ཁྱིའི་མགོ་ཅན་ ― DNG021_Page_0499 ―
[མ་དཔེ་གཟིགས་ན་འདིར་གནོན།]
མཆིས་པ་ལས། བྱིས་པ་སྤྲེལ་མགོ་ཉིས་བརྒྱ། བྱིས་པ་བྱི་ལའི་མགོ་ཅན་ཉིས་བརྒྱ། བྱིས་པ་བོང་བུའི་མགོ་ཅན་ཉིས་བརྒྱ། བྱིས་པ་ཁྱུང་གི་མགོ་ཅན་ཉིས་བརྒྱ་སྟེ་སྟོང་ངོ་། །ཉིས་བརྒྱ་གཅིག་ཆད་མི་ནག་པོ་ལག་དགུ་པོ་དང་། བུད་མེད་བཟང་མོ་གཅིག་མཆིས་པས། བུ་ཁྱེའུ་གཉིས་བུ་མོ་གསུམ་སྟེ་ལྔ་བྱུང་ངོ་། །མི་སེར་པོ་མིག་དམར་ཅན་དང་། བུད་མེད་བཟང་མོ་གཅིག་རྩེས་པས། ཁྱེའུ་གཉིས་བུ་མོ་གསུམ་སྟེ་ལྔ་བྱུང་ངོ་། །ཆུ་བུར་གཅིག་བརྟོལ་བ་ལས། བུད་མེད་དཀར་མོ་དཔྲལ་ན་མིག་གཅིག་ཡོད་པ། བུད་མེད་སེར་མོ་རལ་གཅིག་གནམ་དུ་བསྒྲེང་བ། བུད་མེད་དམར་མོ་ལྕགས་ཀྱུ་ཐོགས་པ། བུད་མེད་སྔོན་མོ་དབྱུག་ཏོ་ཐོགས་པ་བཞི་བྱུང་སྟེ། རྩེས་པ་དང་སྐྱེས་ལུགས་ཀྱི་ལེའུ་སྟེ་གསུམ་ པའོ།། །།དེ་ནས་མི་དཀར་པོ་བུ་སྨད་བཅས་པས། འཇིག་རྟེན་གྱི་ཁམས་སུ་སེམས་ཅན་ཐམས་ཅད་ལ་གནོད་པ་སྣ་ཚོགས་བྱས། སྲོག་གཅོད་པ་དང་། ཤ་ཟ་བ་དང་། ཁྲག་འཐུང་བ་དང་། མདངས་འཕྲོག་པ་དང་། དབུགས་རྔུབ་པ་ལ་སོགས་པ་བཀྲེན་ཞིང་དབུལ་བ་རྣམས་བྱེད་པར་འགྱུར་རོ། །དེའི་ཚེ་རིགས་ལྔ་བདེ་བར་གཤེགས་པའི་སྤྱན་གྱིས་མ་བཟོད་ནས། ཐུགས་རྗེ་སྐྱེས་ཏེ་ཞི་བས་བདེན་པའི་ཆོས་གསུངས་པས་ཐུལ་བར་མ་གྱུར་ཏེ། བཅོམ་ལྡན་འདས་དཔལ་རྡོ་རྗེ་གཞོན་ནུར་སྐུ་སྤྲུལ་ཏེ། ཞལ་གསུམ་ཕྱག་དྲུག་ཞབས་བཞི་གྱད་ཀྱི་དོར་སྟབས་སུ་བཞུགས་སོ། །སྐུ་མདོག་སྔོན་པོ། ཕྱག་གཡས་དང་པོ་རྡོ་རྗེ་རྩེ་དགུ་བསྣམས། བར་པ་རྩེ་ལྔ་བསྣམས། གཡོན་དང་པོ་མེ་དཔུང་འབར་བ་བསྣམས། བར་པ་ཁ་ཊྭཱཾ་རྩེ་གསུམ་བསྣམས། ཐ་མ་གཉིས་རི་རབ་ཕུར་པ་འདྲིལ་བ། སྐྲ་ཉི་ཁྲི་ཆིག་སྟོང་བ་སྤུ་བྱེ་བ་འབུམ་རྡོ་རྗེས་གཏམས་པ། སྨིན་མ་དྲུག་གློག་བཞིན་འགྱུ་བ། སྤྱན་དགུ་ཚྭ་ཚྭ་འཕྲོ་བ། ཤངས་བུག་དྲུག་རླུང་ནག་འཚུབས་པ། སྙན་དྲུག་འབྲུག་ལྡིར་བ། ཞལ་གསུམ་ཀཱི་ལ་ཡ་དང་རུ་ལུའི་སྒྲ་སྒྲོགས་པས་ས་གཞི་གཡོ་བ། སྐུ་རི་ ― DNG021_Page_0500 ―
[མ་དཔེ་གཟིགས་ན་འདིར་གནོན།]
རབ་ཙམ་དུ་བཞེངས། ཞལ་བར་སྣང་ཙམ་དུ་གདངས་ཏེ་གསོལ་ནས། འཕོངས་སུ་བཏོན་པས། གདོད་དྲེད་ནས་ལུས་འདར་ཡེད་ཡེད། མིག་སྔོ་ཧྲིག་ཧྲིག་བྱུང་ནས། བདེ་བར་གཤེགས་པ་ཁྱེད་རང་ལ་སྐྱབས་སུ་མཆིའོ། །བདག་མ་བཀུམ་ཐུགས་རྗེས་གཟུང་དུ་གསོལ། །བདག་གི་བུ་སྨད་འཁོར་དུ་བཞེས་སུ་གསོལ། །བདག་གི་སྐུ་མདོག་དཀར་པོ་འདི་བཞེས་ལ་ཞལ་གཡས་དཀར་བ་སྟོན་པར་མཛོད་ཅིག །དེར་བྷ་ག་ཝཱན་གྱིས་བཀའ་སྩལ་པ། དངོས་གྲུབ་བར་ཆད་བྱེད་པའི་དགྲ། །གདུག་ཅིང་ཕུང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །ཤཱི་གྷྲཾ་ཨཱ་ན་ཡ་ཧཱུཾ་ཕཊ། ཅེས་གསུངས་པས། ཁོས་སྲོག་གི་སྙིང་པོ། ས་རི་ས་ཉ་རི་ས་ཛཿ། ཞེས་ཕུལ་ལོ། །བུ་དགུ་དང་བཅོ་བརྒྱད་ཆུང་མ་ནག་མོ་ཚོ་ཕུལ་ནས། དབང་དང་བྱིན་རླབས་ཞུས་སོ། །གསད་གསོལ་དབབ་གཅད་ཀྱི་ལས་བྱ་བར་ཁས་བླངས། མིང་བཏགས་པ། རྒྱལ་པོ་བློ་གྲོས་སྤྱན་གཅིག་པ་དང་། ཆུང་མ་ལ་བདག་ཉིད་ཆེན་མོར་མིང་བཏགས་སོ། །དེས་ཐོད་པའི་ཕྲེང་བ་ཡང་ཕུལ་ལོ། །བུ་དགུ་ལ་འགོང་པོ་སྤུན་དགུར་མིང་བཏགས་སོ། །བུ་བཅོ་བརྒྱད་ལ་ཡུལ་བློན་བཅོ་བརྒྱད་དུ་བཏགས་སོ། །མི་རིང་སྐྱ་བོ་རའི་མགོ་ཅན་དང་། ཆུང་མ་ཁྱིའི་མགོ་ཅན་གཉིས་ཀྱིས། བུ་སྟོང་ཚོ་དེད་ནས་སེམས་ཅན་ཐམས་ཅད་ལ་གནོད་པར་བྱེད་པ་ལ། བཅོམ་ལྡན་འདས་ཀྱིས་གཟིགས་ནས་འདི་མ་བྱེད་བྱས་པས་མ་ཐུལ། སྐུའི་ཚམ་རྔམས་བསྟན། ཡང་ཞལ་དུ་རྔུབས་པས། འདར་ཞིང་མིག་རིག་རིག་ཏུ་གྱུར་ཏེ། ཞུས་པ་བདག་གི་བུ་སྨད་འཁོར་དུ་བཞེས། བདག་གི་གོས་གླང་ཆེན་གྱི་ཀོ་རློན་འདི་བཞེས་ལ་རྒྱན་དུ་མཛོད། ཅེས་ཕུལ། བཅོམ་ལྡན་འདས་ཀྱིས་བཀའ་སྩལ་པ། དངོས་གྲུབ་བར་ཆད་བྱེད་པའི་དགྲ། །གདུག་ཅིང་སྡང་སེམས་ལྡན་པ་རྣམས། །རིངས་པར་ཁུག་ལ་སྨྲར་ཆུག་ཅིག །ཛྭ་ལ་པ་ཡ་ཛྭ་ལ་པ་ཡ་ཞེས་གསུངས་པས། ཁོས་སྲོག་གི་ ― DNG021_Page_0501 ―
[མ་དཔེ་གཟིགས་ན་འདིར་གནོན།]
སྙིང་པོ། ཀར་ཏྲི་ཛཿཡ་ཏྲཾ། ཞེས་ཕུལ་ལོ། །གསད་གསོ་དབབ་གཅད་ཀྱི་ལས་བྱ་བར་ཁས་བླངས་སོ། །མིང་གནམ་ཐེའུ་དཀར་པོ་རའི་མགོ་ཅན་དུ་མིང་བཏགས་སོ། །ཆུང་མས་ཞིང་གི་གཡང་གཞི་ཕུལ་ལོ། །ཤྭ་ན་མུ་ཁར་མིང་བཏགས་སོ། །བུ་ཚོ་ལ་ཐེ་བྲང་སྟོང་ཚོར་མིང་བཏགས་སོ། །མི་ནག་པོ་ལག་དགུ་འཁོར་བཅས་ཀྱིས་གྲིར་གསོད་པའི་ལས་བྱེད་པ་ལ། བཅོམ་ལྡན་འདས་ཀྱིས་མ་བྱེད་གསུངས་པས། ཁོ་མ་ཐུལ། སྤུ་ཚམ་རྔམས་རི་རབ་ཙམ་ཞལ་བར་སྣང་དུ་གདངས་ནས་གསོལ་བས་གདོད་དྲེད་ནས། འདར་ཞིང་མིག་རིག་རིག་བྱས་ནས། སྐུ་མདོག་ནག་པོ་འདི་ཡང་འབུལ། ཞལ་དབུས་མཐིང་ནག་སྟོན་པར་མཛོད། བདག་གི་ཆུང་མ་འདི་སྦྱོར་བའི་ཡུམ་དུ་བཞེས་སུ་གསོལ། བུ་ཚ་ཡང་འཁོར་དུ་འབུལ་ལོ་ཞེས་ཕུལ་བས། བཅོམ་ལྡན་འདས་ཀྱིས་བཀའ་སྩལ་པ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལུས་ངག་རྡུལ་ཕྲན་བཞིན་དུ་རློགས། །ཁོས་སྲོག་གི་སྙིང་པོ་ཏེ་བཾ་བྷྱོ་ཞེས་ཕུལ་ལོ། །གསད་གསོ་དབབ་གཅད་ཀྱི་ལས་བྱེད་པར་དབང་བསྐུར། མིང་ནི་བདུད་རྣམས་རོལ་ཞེས་བྱ་བ་བཏགས་སོ། །ཆུང་མའི་ལག་ཏུ་རྡོ་རྗེ་གྱིན་དབང་བསྐུར། མིང་བཏགས་པ་རྡོ་རྗེ་ཡ་བྱིན་ཞེས་བྱའོ། །ཡང་མི་སེར་པོ་མིག་དམར་པོ་ཆུང་མ་དང་བཅས་པས། ཐམས་ཅད་གསོད་ཀྱི་འདུག་པ་བཅོམ་ལྡན་འདས་ཀྱིས་འདི་མ་བྱེད་བྱས་པས་ཉན་དུ་མ་འདོད་ནས། སྐུའི་ཚམ་རྔམས་རི་རབ་ཙམ་དུ་བྱས། ཞལ་བར་སྣང་ཙམ་དུ་གདངས་ནས་གསོལ་བས། གདོད་དྲེད་ནས་འདར་ཞིང་མིག་རིག་རིག་ཏུ་བྱས། གོས་སྟག་ལྤགས་རློན་པ་འདི་ཡང་སྐུའི་ཤམ་ཐབས་སུ་བཞེས། ཆུང་མ་འདི་ཡང་སྦྱོར་བའི་ཡུམ་དུ་བཞེས། བུ་གཉིས་བུ་མོ་གསུམ་སྟེ་ལྔ་ཡང་འཁོར་དུ་བཞེས་སུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དངོས་གྲུབ་བར་ཆད་བྱེད་པའི་དགྲ། །གདུག་ཅིང་སྡང་སེམས་ལྡན་པ་རྣམས། །མངོན་སྤྱོད་ཚུལ་དུ་སྒྲོལ་བར་གྱིས། །ཧཱུཾ་ཀཱ་ར་ཨ་ ― DNG021_Page_0502 ―
[མ་དཔེ་གཟིགས་ན་འདིར་གནོན།]
གསུངས་པས། ཁོས་སྲོག་སྙིང་། ཨེ་བཾ་བྷྱོ། ཞེས་ཕུལ་ལོ། །དབང་གིས་མངོན་སྤྱོད་ཚུལ་དུ་སྒྲོལ་ཅིག་པར་བསྐུར་རོ། །མིང་ནི་གཟའ་མིག་དམར་དུ་མིང་བཏགས་སོ། །ཆུང་མ་ལ་དབང་བསྐུར་ལག་ཏུ་རྡོ་རྗེ་བྱིན་ནས། རྡོ་རྗེ་དེ་བྱིན་དུ་མིང་བཏགས་སོ། །ཡང་མི་དམར་པོ་ར་སྐྱེས་ལ་ཞོན་པ་ཆུང་མ་དང་བཅས་པས། བསྟན་པ་འཇིག་པའི་ལས་བྱེད་ཀྱི་འདུག །འདི་མ་བྱེད་བྱས་པས། ཁོ་མ་འདོད་ནས། སྐུའི་ཚམ་རྔམས་སྐུ་རི་རབ་ཙམ། ཞལ་བར་སྣང་ཙམ་གདངས་ནས་གསོལ་བས། གདོད་དྲེད་ནས་འདར་ཞིང་མིག་རིག་རིག་བྱས་ནས། བདག་གི་སྐུ་མདོག་དམར་པོ་འདི་ཡང་བཞེས། ཞལ་གཡོན་དམར་ལ་གདངས་པར་མཛོད་ཅིག །བདག་གི་ཆུང་མ་ཡང་སྦྱོར་ཡུམ་དུ་བཞེས་ཤིང་། བདག་དང་བུ་ཚ་ཡང་འཁོར་དུ་བཞེས་སུ་གསོལ། ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། དངོས་གྲུབ་བར་ཆད་བྱེད་པའི་དགྲ། །གདུག་ཅིང་སྡང་སེམས་ལྡན་པ་རྣམས། །གཏོགས་ཤིག་གྲོགས་དང་བྲལ་བར་གྱིས། །ཧ་ས་ཡ་ར་ཧྲི་ད་ན་གསུངས་པས། ཁོས་སྲོག་སྙིང་ཨེ་ཝཾ་བྷྱོ། ཞེས་ཕུལ་ལོ། །དམ་ཉམས་ཀྱི་མགོན་མ་བྱེད་ཅིག་ཅེས་དམ་བསྒྲགས་སོ། །མིང་བཏགས་པ། བཙན་ཤུ་བོ་རྡོ་རྗེ་ཟླ་བ་ཞེས་པ་མིང་བཏགས་སོ། །ཆུང་མ་ལ་དབང་བསྐུར། རྡོ་རྗེ་བསེ་བྱིན་དུ་མིང་བཏགས་སོ། །མི་སྔོན་པོ་སྦལ་བའི་མགོ་ཅན། ཆུང་མ་དང་བཅས་པས། མཛེ་ནད་གཏོང་ཞིང་འདུག་པ། བཅོམ་ལྡན་འདས་ཀྱིས་འདི་མ་བྱེད་བྱས་པས། མ་འདོད་ནས་སྐུའི་ཚམ་རྔམས། ཞལ་གསུམ་ཕྱག་དྲུག །ཞབས་བཞི་གྱད་ཀྱི་དོར་སྟབས་སུ་འདུག །ཕྱག་གཡས་དང་པོ་རྡོ་རྗེ་རྩེ་དགུ་བསྣམས། གཡོན་དང་པོས་མེ་དཔུང་འབར་བ་བསྣམས། བར་པ་གཉིས་ན་རྡོ་རྗེ་རྩེ་ལྔ་དང་ཁ་ཊྭཱཾ་རྩེ་གསུམ་བསྣམས། ཐ་མ་གཉིས་རི་རབ་ཕུར་བུ་འདྲིལ། ཞལ་བགྲད་མཆེ་གཙིགས། སྨིན་མ་དགུ་གློག་བཞིན་འགྱུ། སྤྱན་དགུ་ཚྭ་ཚྭ་འཕྲོ། ཤངས་སྦུབས་དྲུག་རླུང་ནག་འཚུབས། སྙན་ ― DNG021_Page_0503 ―
[མ་དཔེ་གཟིགས་ན་འདིར་གནོན།]
དྲུག་འབྲུག་ལྡིར། ཞལ་གསུམ་ཀཱི་ལ་ཡ་དང་རུ་ལུའི་སྒྲ་སྒྲོགས། བྷྱོ་དང་ཧཱུཾ་དང་ཕཊ་བྱས་པས། ས་གཞི་གཡོ་བ་དང་། འུར་འུར་དང་། ཆེམ་ཆེམ་བྱུང་། སྐྲ་ཉི་ཁྲི་ཆིག་སྟོང་། བ་སྤུ་བྱེ་བ་རྡོ་རྗེས་གཏམས་པ། མེ་འབར་བར་སྤྲུལ་ཏེ། སྐུ་རི་རབ་ཙམ། ཞལ་བར་སྣང་ཙམ་བསྐྱེད་ནས་བསྟན་པས་གདོད་དྲེད་ནས། འདར་ཡེད་ཡེད། མིག་རིག་རིག་བྱས་ནས། བདག་བུ་སྨད་དང་བཅས་པ་འཁོར་དུ་བཞེས་ཤིག །བདག་གི་སྦྲུལ་རིགས་བཞི་གདུག་པའི་རྒྱན་འདི་ཡང་བཞེས་ལ། ཕྱག་གདུབ་དང་། ཞབས་གདུབ་མཛོད་ཅིག །ཆུང་མ་ཡང་སྦྱོར་ཡུམ་དུ་བཞེས་ཤིག །ཞུས་པས། བཅོམ་ལྡན་འདས་ཀྱིས་བཀའ་སྩལ་པ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཕོབ་ཅིག་རྣམ་པར་གཟིར་བར་གྱིས། །ཨ་ཝེ་ཤ་ཡ་ཞེས་གསུངས་པས། །ཁོས་སྲོག་སྙིང་ཧེ་སཾ་བྷྱོ་ཕུལ་ལོ། །མཛེ་དང་འབྲས་ཕོལ་ཀླུ་རྫོངས་སུ་ཆུག་ཅིག །ཅེས་ལས་བཅོལ། མིང་ཀླུ་དེངས་པོ་ཞེས་བྱ་བར་བཏགས་སོ། །ཆུང་མའི་ལག་ཏུ་རྡོ་རྗེ་བྱིན་ནས་དབང་བསྐུར་མིང་བཏགས་པ། རྡོ་རྗེ་ཕག་བྱིན་ནོ། །བུད་མེད་རྣམས་ཀྱིས་ཞག་གི་མཚོ་ལ་གནས་པས་ཞག་གི་ཟོ་རིས་ཕུལ་ལོ། །རཀྟའི་མཚོ་ལ་གནས་པས་རཀྟའི་ཐིག་ལེ་ཕུལ་ལོ། །དེ་ནས་བཅོམ་ལྡན་འདས་བཀའ་སྩོལ་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །ཅེས་གསུངས་པས། འཁོར་ཚོགས་སྲོག་གི་སྙིང་པོ་ཕུལ་བ། ཤྭ་ན་མུ་ཁས། སུ་རུ་སུ་རུ་བཛྲ་ཕུལ། བདག་ཉིད་ཆེན་མོས། མུ་རུ་མུ་རུ་བཛྲ་ཕུལ། ཡ་བྱིན་གྱིས། ཀ་ཏང་ཀ་ཏང་བཛྲ་ཕུལ། དེ་བྱིན་གྱིས། ཛ་ཡེ་བི་ཛ་ཡེ་བཛྲ་ཕུལ། ཕག་བྱིན་གྱིས། ཨ་བ་རཱ་ཛི་ཏ་བཛྲ་ཕུལ། བསེ་བྱིན་གྱིས། ཨ་ཛི་ཏེ་བཛྲ་ཕུལ། མ་བདུན་དང་སྲིང་མོ་བཞིས། ཐལ་ཆེན་གྱི་ཚོམ་བུ་ཕུལ། ― DNG021_Page_0504 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་ཀྱིས་བཀའ་སྩོལ་ཞུས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་གསང་བའི་བཀའ་ལས་ནི། །སྡིག་ཆེན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཅེས་གསུངས་པས། མ་བདུན་གྱིས་སྲོག་གི་སྙིང་པོ་ཕུལ་བ། མ་མ་བ་ཤཾ་ཀུ་རུ། མ་ཏཾ་ཉ་ཀ་ར་ཨི་དན། ཅེས་ཕུལ་ལོ། །སྲིང་མོ་བཞིས་སྲོག་སྙིང་། མཱ་ར་སཻ་ན་པྲ་མརྡ་ན་ཧཱུཾ་ཕཊ། ཅེས་ཕུལ་ལོ། །སྲུང་མ་ཐམས་ཅད་ཀྱིས། དྷ་ཏི་མ་མ་ཀརྨ་ཤཱི་གྷྲཾ་ཀ་རཱ་ཡ་ཕུལ་ལོ། །མིང་བཏགས་པ། རྡོ་རྗེ་གར་གྱི་དབང་ཕྱུག་མ། རྡོ་རྗེ་གསལ་བ་གློག་འཛིན་མ། རྡོ་རྗེ་ཀུན་བཟང་མཐུ་མོ་ཆེ། རྡོ་རྗེ་ཡེ་ཤེས་ཆེན་མོ། རྡོ་རྗེ་གསང་ཆེན་འོད་འབར་མ། རྡོ་རྗེ་གསུང་སྒྲོགས་ཆེན་མོ། རྡོ་རྗེ་སྒྲོལ་མ་ཟ་བྱེད་མ། ཞེས་མིང་བཏགས་སོ། །ཤར་གྱི་དཀར་མོ་རྡོ་རྗེ་སྤྱན་གཅིག་མ། །ལྷོ་ཡི་སེར་མོ་རྡོ་རྗེ་རལ་གཅིག་མ། །ནུབ་ཀྱི་དམར་མོ་རྡོ་རྗེ་དབང་སྡུད་མ། །བྱང་གི་སྔོན་མོ་རྡོ་རྗེ་ལས་མཁན་མའོ། །བཏུལ་ཞིང་དབང་བསྐུར་མིང་བཏགས་པའི་ལེའུ་སྟེ་བཞི་ པའོ།། །།དེ་ནས་བཅོམ་ལྡན་འདས་ཀྱིས་དྲེགས་པ་ཅན་ཕོ་ནི་བཏུལ། མོ་ནི་སྦྱོར་བའི་ཡུམ་དུ་བྱས། བུ་རྣམས་ནི་འཁོར་དུ་བྱས། རྒྱན་ཆ་ལུགས་ནི་ལྡན་པར་བྱས་ཏེ། རང་ལ་རང་ངོ་མཚར་བའི་བསྟོད་པ་ནི། དཔའ་བོ་སྒེག་པོ་འཇིགས་སུ་རུང་བ་དང་། །དགོད་དང་གཤེ་དང་འཇིགས་པར་སྟོན་པ་དང་། །སྙིང་རྗེ་རྔམ་དང་ཞི་བ་ལ་སོགས་པ། །སྐུ་ཡི་བརྙན་པོ་ཤིན་ཏུ་བསྟན་གྱུར་ཏེ། །ཞལ་གཡས་དཀར་ལ་བཞད་པས་དགོད་དགོད་འདྲ། །ཞལ་གཡོན་དམར་ལ་གདངས་པས་གཤེ་གཤེ་འདྲ། །ཞལ་དབུས་མཐིང་ལ་གནག་པས་ཁྲོ་ཁྲོ་འདྲ། །རྒྱུད་དྲུག་སྙིང་རྗེས་ཟིན་པས་ཆེ་ཆེ་འདྲ། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །རྒྱན་དང་ཆ་ལུགས་ལྡན་པས་སྒེག་སྒེག་འདྲ། །གདུག་ཚོགས་ཞལ་དུ་ ― DNG021_Page_0505 ―
[མ་དཔེ་གཟིགས་ན་འདིར་གནོན།]
རྔུབས་པས་དཔའ་དཔའ་འདྲ། །ཆོས་སྐུ་མཚན་མ་མེད་པས་ཞི་ཞི་འདྲ། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །རྡོ་རྗེ་རྩེ་ལྔས་རྒྱུད་ལྔ་གནས་སུ་སྒྲོལ། །མེ་དཔུང་འབར་བས་ཁམས་གསུམ་རྟོག་པ་སྲེག །ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད། །རི་རབ་ཕུར་བུས་ཁམས་གསུམ་དབང་དུ་སྡུད། །དེ་འདྲའི་ཁྲོ་བོ་འཇིགས་ཚུལ་བསྟན་པ་ཡིས། །ཁམས་གསུམ་སེམས་ཅན་ཟིལ་གྱིས་གནོན་པར་བྱེད། །དཔའ་བོ་ཆེན་པོ་ཁྱེད་ལ་ཕྱག་འཚལ་བསྟོད། །རང་གིས་རང་ལ་བསྟོད་པའི་ལེའུ་སྟེ་ལྔ་ པའོ།། །།ཨོཾ་བཛྲ་ཀཱི་ལི་ཀཱི་ལ་ཡ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཧ་ས་ཡ་ར་ཧྲི་ད་ནེ་ཧཱུཾ་ཕཊ། ཤཱི་གྷྲཾ་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཨཱ་ཝེ་ཤ་ཡ་ཨཱ་ཝེ་ཤ་ཡ་ཧཱུཾ་ཕཊ། བིནྡྷ་ཡ་བིནྡྷ་ཡ་ཧཱུཾ་ཕཊ། སུ་རུ་སུ་རུ་ཧཱུཾ་ཕཊ། མུ་རུ་མུ་རུ་ཧཱུཾ་ཕཊ། ཀ་ཏཾ་ཀ་ཏེ་ཧཱུཾ་ཕཊ། ཛ་ཡེ་བི་ཛ་ཡེ་ཧཱུཾ་ཕཊ། ཨ་ཛི་ཏེ་ཧཱུཾ་ཕཊ། ཨ་བ་ར་ཛི་ཏ་ཧཱུཾ་ཕཊ། མཱ་ར་སཻ་ན་པྲ་མརྡ་ན་ཧཱུཾ་ཕཊ། ཧཱུཾ་མ་མ་བ་ཤཾ་ཀུ་རུ། མ་ཏཾ་ཉ་ཀ་ར་ཨི་དན་ཧཱུཾ་ཕཊ། དྷ་དྷི་མ་མ་ཀརྨ་ཤཱི་གྷྲཾ་ཀ་རཱ་ཡ་ཧཱུཾ་ཕཊ། སྔགས་ཀྱི་ལེའུ་སྟེ་དྲུག་པའོ།། །།དེ་ནས་གསད་པའི་ལས་བསྟན་ཏེ། །སྨྱོ་འབོག་བསད་དང་གྲིར་བསད་པ། །ཀླུ་ནད་བསད་དང་རིམས་ཀྱིས་བསད། །དང་པོ་སྨྱོ་འབོག་བསད་པ་ལ། །སྨྱོ་རུ་གཞུག་སྟེ་བསད་པ་དང་། །འབོག་ཏུ་གཞུག་སྟེ་བསད་པ་དང་། །ལྐུགས་སུ་གཞུག་སྟེ་བསད་པ་དང་། །ལྟས་ངན་ཕབ་སྟེ་གསད་པའོ། །སྨྱོ་འབོག་གི་ལེའུ་སྟེ་བདུན་པའོ།། །།དེ་ནས་གྲི་རུ་གསད་པ་ལ། །མཚོན་གྲིར་བསད་དང་འགགས་གྲིར་བསད། །མེ་གྲི་ཆུ་གྲིར་བསད་པ་དང་། །རྦབ་གྲིར་གཡང་གྲིར་བསད་པའོ། །གྲིར་གསད་པའི་ལེའུ་སྟེ་བརྒྱད་པའོ།། །།དེ་ནས་ཀླུ་ནད་ཀྱིས་གསད་པ་ལ། མཛེ་ནད་བཏང་སྟེ་བསད་པ་དང་། །འབྲས་ནད་ཀྱིས་བསད་པ་དང་། །ཕོལ་དུ་བཏང་ལ་བསད་པ་དང་། །ཀླུ་རྫིངས་ ― DNG021_Page_0506 ―
[མ་དཔེ་གཟིགས་ན་འདིར་གནོན།]
བཅུག་ལ་བསད་པའོ། །ཀླུ་ནད་ཀྱིས་གསད་པའི་ལེའུ་སྟེ་དགུ་པའོ།། །།དེ་ནས་རིམ་གྱིས་གསད་པ་ལ། །བལ་ནད་བསད་དང་གག་པས་བསད། །རྒྱུ་གཟེར་བསད་དང་མཁྲིས་པས་གསད། །རིམས་ཀྱི་ལེའུ་སྟེ་བཅུ་པའོ།། །།དེ་ནས་གསོ་བའི་ལས་བསྟན་ཏེ། །རྫས་དང་སྔགས་དང་ཏིང་འཛིན་གྱིས། །སྨྱོ་འབོག་ཅན་དེ་གསོ་བ་དང་། །ནད་པ་ཚབས་ཆེ་གསོ་བ་དང་། །སྲིའུ་གསོ་དང་གསུམ་ཡིན་ནོ། །དང་པོ་སྨྱོ་འབོག་གསོ་བ་ནི། །ཕུར་བུའི་དགོངས་པར་བཞུགས་པས་སུ། །སྔགས་གྲངས་མང་དུ་བཟླས་པ་ཡིས། །བལྟ་བ་བསར་ཞིང་རྫས་ཀྱིས་བདུག །དྲག་པོའི་ལས་ཀྱིས་གསོ་བ་དང་། །ནད་པ་ཚབས་ཆེན་གསོ་བ་དང་། །གང་གནོད་པ་ཡི་མདོས་བྱས་ལ། །གཏའ་ར་གཏའ་ལུག་མང་དུ་གཞུག །གཏའ་ཐབས་བཅོ་བརྒྱད་གཞུང་བཞིན་བྱའོ། །སྲིའུ་གཅེས་པ་གསོ་བ་ནི། །ལུས་སྲུང་ཕུར་བུ་བླ་སྒོངས་དང་། །སྔགས་མདུད་སྲུང་འཁོར་རབ་གནས་གདགས། །ཆུ་གཏོར་མང་དུ་བཏང་བ་དང་། །ཚ་ཚ་གདབ་དང་དྷརྨ་གདོན། །དཀར་ཆོས་གཞུང་དུ་བྱ་བ་དང་། །དེས་ཀྱང་ཕན་པར་མ་གྱུར་ན། །རྡོ་རྗེའི་སྒྲུབ་པ་གཞུང་བཙུག་བྱའོ། །གསོ་བའི་ལེའུ་སྟེ་བཅུ་གཅིག་པའོ།། །།དེ་ནས་དབབ་པའི་ལས་བསྟན་ཏེ། །བདུད་ཀྱི་སེར་བ་ཇི་ལྟར་དབབ། །གཟའ་ཡི་སེར་བ་ཇི་ལྟར་དབབ། །བཙན་གྱི་སེར་བ་ཇི་ལྟར་དབབ། །ཀླུ་ཡི་སེར་བ་ཇི་ལྟར་དབབ། །ཐོག་དང་ལྟས་ངན་ཇི་ལྟར་དབབ། །དེ་རྣམས་མན་ངག་ཤེས་པར་བྱའོ། །དབབ་པའི་ལེའུ་སྟེ་བཅུ་གཉིས་པའོ།། །། ( དེ་ནས་གཅད་པའི་ལས་བསྟན་ཏེ། །བདུད་ཀྱི་སེར་བ་ཇི་ལྟར་གཅད། །གཟའ་ཡི་སེར་བ་ཇི་ལྟར་བཟློག །བཙན་གྱི་སེར་བ་ཇི་ལྟར་བཟློག །མ་མོའི་སེར་བ་ཇི་ལྟར་བཟློག །མི་ནད་ཕྱུགས་ནད་ཇི་ལྟར་བཟློག །ལྟས་ངན་རྨི་ངན་ཇི་ལྟར་བཟློག །གཅད་པའི་ལེའུ་སྟེ་བཅུ་གསུམ་པའོ།། །།དེ་ནས་སྨྱོ་རུ་གཞུག་པའི་རྫས། །རྟ་དཀར་ཐོད་པའི་ནང་དུ་བསག །ཐང་ཕྲོམ་ར་དུག་ར་མོ་ ― DNG021_Page_0507 ―
[མ་དཔེ་གཟིགས་ན་འདིར་གནོན།]
ཤག །ར་རོག་གཅིན་དང་མིང་བྱང་གཞུག །ངན་སྔགས་སོ་མའི་གླིང་བུར་བཟླས། །ཉུང་དཀར་བཟླས་ཤིང་ཐུན་བྲབ་བོ། །དྲ་དང་དུན་བྷྱོ་བཛྲ་སད་སད་མཱ་ར་ཡ་ཕཊ། གཞུག་ཏུ་དགྲ་ཡི་ཁང་པ་གཡས་སུ་སྦའོ། །འབོག་ཏུ་གཞུག་པའི་རྫས་ནི། སེང་གེ་དཀར་མོའི་སྙིང་ཤུན་དུ། །དུག་སྣའི་ཚོགས་དང་ཁྲག་སྣའི་ཚོགས། །དགྲ་ཡི་མིང་བྱང་བཅས་པ་གཞུག །ཉུང་དཀར་གླིང་བུར་ངན་སྔགས་བཟླས། །ཏྲི་དུ་ནི་ཤག །མཱ་ར་ནི་རྦད། ར་ར་སེ་ཁྱུད། ཅེས་དགྲ་ཡི་ཁང་པའམ། གདོང་ངམ་ལུས་ལ་ཕོག་པར་བརྡེག་གོ། །དེ་ནས་ལྟས་ངན་དབབ་པ་ནི། །བྱ་ཕོ་དཀར་པོའི་གསོབ་ནང་དུ། །ལྟས་ངན་ཐོད་པ་ལྔ་བསགས་ཏེ། །སྲིན་བྱ་དང་ནི་གླ་བ་དང་། །སྲེག་པ་དང་ནི་འུག་པ་དང་། །སྦྲུལ་གྱི་ཐོད་པ་བཅས་གཞུག་གོ། །དུང་གི་གླིང་བུར་ཉུང་དཀར་སྔགས་ལ་བྲབ། །སང་སང་ཕྱི་ཕྱི་ཐལ་སཾ་ཁྱུང་། ཏྲི་ཏྲི་རོ་ཏི་མཱ་ར་ཡ་དུན་ཡ། དགྲའི་ཁང་པའི་འགྲམ་འོག་ཏུ་སྦའོ། །དེ་ལྟར་བྱས་ན་ལྟས་ངན་འོང་། །དེ་ནས་ལྐུགས་སུ་གཞུག་པ་ནི། །ར་དཀར་གཉའ་ནག་སྲོག་རྩའི་ནང་། །མི་པེ་བོ་གསད་པའི་ལྕེ། །ཁྱི་དཀར་སྙིང་དང་ར་དཀར་སྙིང་། །རི་བོང་མགོ་ཁྲག་མིང་བྱང་གཞུག །ངན་སྔགས་ལྕགས་ཀྱི་གླིང་བུར་བཟླས། །ཉུང་དཀར་སྔགས་ཤིང་ཐུན་བླུགས་བྲབ། །རྦད་སུ་རྦད་སུ་ཁྲག་ཏི་རྦད། །ནང་ན་རྦད་རྨི་ན་རྨུགས། འགྱེལ་བ་ཀློང་ཕུ་བརླག་ཏུ་བརླག །བཤོས་སྐཾ་མོ། མཱ་ར་ཡ། ཐེམ་པའི་འོག་ཏུ་སྦའོ། །དེ་ལྟར་བྱས་ན་ལྐུགས་པར་འགྱུར། །དེ་ལྟར་སྨྱོ་འབོག་ལྐུགས་དང་གསུམ། །ལྟས་ངན་དབབ་པའི་ལེའུ་སྟེ་བཅུ་བཞི་པའོ།། །།གྲིར་གསད་པའི་ཐབས་འདི་ལ། དང་པོ་མཚོན་གྲིར་གསད་པ་ནི། །གྲུ་གསུམ་མཐིང་ནག་དཀྱིལ་འཁོར་བརྩིག །དབུས་སུ་གྲུ་གསུམ་བྲི་ལ་རོ་སོལ་བྱུག །ཁ་རུ་རླུང་ཁྱེར་ཕྱེ་འཇམ་བརྡལ། །ནང་དུ་སྡོང་གཅིག་དོར་རྟ་བཏིང་། །རྐང་རྗེས་ལ་སྩོགས་ལིངྒ་བྱ། །མགོ་བོ་ལྷོ་ནུབ་མཚམས་སུ་བསྟན། །རྐང་པ་བྱང་ཤར་ ― DNG021_Page_0508 ―
[མ་དཔེ་གཟིགས་ན་འདིར་གནོན།]
མཚམས་སུ་བསྟན། །སྙིང་གར་མིང་ལ་དཔྲལ་བར་དུས། །འདོམས་སུ་བླ་དྭགས་བྲི་ལ་གླན། །ཕུར་བུ་བཞི་དང་རྩང་གཉིས་ནི། །དམར་པོ་བྱུགས་ཟུར་གཅིག་ཏུ་དགོད། །ཟུར་གཅིག་བྷན་དྷ་གཅིག་གི་ནང་། །ཁྱི་དམར་སྙིང་ཁྲག་ར་དམར་སྙིང་། །ཁྲག་དང་འབྲུ་སྣའི་ཚོགས་ཕྱེ་ལ། །གཏོར་མ་ཆེན་པོ་བྱས་ལ་དགོད། །ཟུར་གཅིག་ཆང་ཕུད་བསེ་ཕོར་གང་། །དེ་ནས་རྔ་གླིང་སྒྲ་བསྒྲགས་ལ། །གསུར་ཆེན་སྤོས་ཀྱི་དུད་པ་བཏང་། །མ་རུ་ཙེ་ཡབ་ཡུམ་བསྐུལ་བ། ཧཱུཾ་མཐིང་ནག་གྲུ་གསུམ་འབར་བའི་ཀློང་དཀྱིལ་ནས། །སྲོག་ལ་མངའ་མཛད་གནོད་སྦྱིན་མ་རུ་ཙེ། །ཁྲག་མདོག་དམར་པོ་བསེ་ཡི་ལན་ཕྲན་ཅན། །སྤྱན་མིག་ཉི་མའི་འོད་ཟེར་སྐར་ལྟར་འཁྲུགས། །སྨིན་མ་གློག་འཁྱུག་བར་སྣང་གོ་སྐབས་འབྱེད། །ཤངས་ནས་བུ་ཡུག་རྡོ་རྗེ་ཐོག་ཆེན་འབེབས། །དགྱེས་པའི་ཞལ་བཞད་ཚེམས་ནི་སྤུ་གྲིས་གཏམས། །རྔམ་པའི་ལྗགས་འདྲིལ་བསྐལ་པའི་མེ་ལྟར་འབར། །ཨག་ཚོམ་དམར་སེར་དུག་གསུམ་རྩད་ནས་གཅོད། །སྙན་ནས་འབྲུག་སྟོང་སྒྲ་སྒྲོགས་དི་རི་རི། །སེན་མོ་ལྕགས་ཀྱུའི་རྩེ་ལྟར་འཛིན་ཅིང་འགུགས། །བ་སྤུའི་ནང་ནས་གནམ་ལྕགས་ཞུན་མ་འཁྲུགས། །མེ་ལྕེ་བན་ཐབས་གསུམ་གྱིས་ཆར་ཆེན་འབབ། །ཞབས་ཀྱིས་བསམ་པའི་གནས་སུ་ཡུད་ཀྱིས་ཕྱིན། །ན་བཟའ་དམར་པོ་སྤྲིན་གྱི་གཡང་གཞི་གསོལ། །ཉམས་པའི་སྙིང་ཕྱུང་ཆང་པར་བཅུག་ནས་གསོལ། །དུས་ལ་བབ་པོ་གནོད་སྦྱིན་མ་རུ་ཙེ། །བཅོལ་བའི་ལས་རྣམས་མྱུར་དུ་འགྲུབ་པར་མཛོད། །ཧཱུཾ་གནོད་སྦྱིན་མ་རུ་ཙེ་ཡི་ཐུགས་དམ་དགྱེས་བསྐུལ་ལ། །ཡུམ་གཅིག་རྡོ་རྗེ་གར་གྱི་དབང་ཕྱུག་མ། །ཁྲོས་པའི་སྐུ་མདོག་ཁྲག་གི་མཆིན་པ་འདྲ། །མི་བཟད་རྡོ་རྗེའི་ལྕགས་ཀྱུའི་ཕུར་པ་བསྣམས། །སྤྱན་ནས་ཁྲག་གི་མཆི་མ་ཕྲུལ་ལུ་ལུ། །སྙིང་རྗེ་མི་མངའ་དམ་ཉམས་སྒྲོལ་བར་མཛད། །ཕྱག་ན་རྡོ་རྗེ་ཕུར་བུ་འདྲིལ་ཞིང་འཕེན། །དུས་ལ་བབ་པོ་གར་གྱི་དབང་ཕྱུག་མ། །དམ་ ― DNG021_Page_0509 ―
[མ་དཔེ་གཟིགས་ན་འདིར་གནོན།]
ཉམས་གྲི་རུ་བསད་པའི་ལས་མཛོད་ཅིག །ནྲྀ་ཨངྐུ་ཤ་ཛ་ཛཿ། མངོན་དུ་ཁུགས་པར་བསམ་མོ། །དེ་ནས་རྗེས་བརྟགས་ཏེ། གདབ་ལས་གར་སོང་སོང་དུ་མི་བྱའོ། །མི་གདབ་པ་ནི། གྲུ་བཞི་ལ་ཟུར་དོད་པ་བྱུང་ན་མི་གདབ་བོ། །སྲིན་མོ་རལ་པ་གཏིབས་པ་འདྲ་བ་བྱུང་ན་མི་གདབ་པོ། །སྦྲུལ་འཁྱུས་པ་ལྟ་བུ་བྱུང་ན་མི་གདབ་བོ། །རྟ་བླ་མོའམ། མུག་པ་འཁྱུས་པ་འདྲ་བ་བྱུང་ན་མི་གདབ་བོ། །བྱིས་པའི་རྐང་རྗེས་འདྲ་བ་བྱུང་ན་མི་གདབ་བོ། །ཁབ་བམ་སྙུང་གིས་གཙགས་པ་འདྲ་བ་བྱུང་ན་མི་གདབ་བོ། །དེ་བླ་ཁུགས་པ་ཡིན་ནོ། །དེ་མ་བྱུང་བར་དུ་བསྒྲུབ་བོ། །གདབ་པ་ནི། ཕུར་བུ་བཞི་ལ་འུར་བླངས་ནས་གདབ་བོ། །ཨོཾ་ཀྲོ་དྷ་ནི་ཀྲོ་དྷ་ནི། པ་ཏྲ་པ་ཏྲ། ཤུ་ལ་ཤུ་ལ། དྷ་ཤ་གྲཱི་ཝ་ཧཱུཾ་ཕཊ། རྩང་དམར་པོ་གཉིས་གདབ་ལ། ཡཀྴ་གྲཱི་ཝ་མཱ་ར་ཡ་རྦད། ཀིང་མོ་སྙིང་ཁ་རག་རྦད། གཏོར་མ་ལག་ཏུ་བླངས་ཤིང་བསྐུལ། ཕུད་དེའི་དུས་སུ་གཏོར། དེ་ནས་འགགས་གྲིར་གསད་པ་ནི། །འཇག་མ་ལ་ནི་མི་རུ་བྱ། །འཇག་མ་ལ་ནི་རྟ་རུ་བྱ། །སྐུད་པ་སྔོ་དམར་སྐེ་ནས་གདགས། །ཕུར་པ་གཅིག་ལ་བཏོད་ནས་བཞག །ཤོག་བུ་ལ་ནི་དགྲ་གཟུགས་བྲི། །རྟ་ཡི་སྙིང་གར་གཞུག་པ་འམ། །ཡང་ན་མི་ཡི་སྙིང་གར་གཞུག །ཡམ་ཤུད་དམར་པོའི་སྙིང་པོ་བྲིས། །མི་ཡི་མགོ་ཡི་ནང་དུ་གཞུག །འཇག་མའི་མི་དེ་འཇག་མའི་རྟ། །ལ་ནི་བསྐྱོན་ལ་དེ་རུ་བཞག །བཤོས་བུ་ཟུར་གསུམ་མཐོ་དོ་ལ། །ར་ཁྲག་གིས་བྱུག་དེ་རྩར་བཞག །མདའ་དམར་གཅིག་ལ་ར་སྙིང་གདགས། །སྟག་རས་ར་འདྲེང་དམར་པོ་གདགས། །ནམ་མཁའ་ལྗང་བུ་དམར་པོ་ལ། །རྟེན་བཅའ་དར་དང་རྔ་དམར་གདགས། །བསེ་ཕོར་ཕུད་གཙང་བཀང་བ་ལ། །མར་གྱི་ཞགས་པས་བརྒྱན་ལ་གཏང་ངོ་། །ཡམ་ཤུད་དམར་པོ་བསྐུལ་བ་ནི། །ཧཱུཾ་གྱད་ཀྱི་སྐུ་མདོག་དམར་པོ་ནི། །སྐུ་ལ་བསེ་ཁྲབ་དམར་པོ་གསོལ། །དབུ་ལ་གསེར་གྱི་འགྱིང་ཐོད་བཅིངས། །གཡུ་ཡི་མཆེ་བ་གཙིགས་ཤིང་བཞད། །གཡས་ ― DNG021_Page_0510 ―
[མ་དཔེ་གཟིགས་ན་འདིར་གནོན།]
ན་བསེ་མདའ་དམར་པོ་བསྣམས། །གཡོན་ན་བསེ་གཞུ་དམར་པོ་བསྣམས། །ཆིབས་སུ་རྟ་དམར་ཞུར་པོ་ཆིབས། །སྐུ་ལ་དར་དཀར་བེར་ཆེན་གསོལ། །དམ་ཚིག་ཉམས་པའི་སྙིང་ནས་འདྲེན། །བསྟན་པ་བསྲུང་བར་ཞལ་གྱིས་བཞེས། །འགགས་གྲི་གཏང་བའི་དུས་ལ་བབ། །བཅོལ་པའི་ལས་རྣམས་འགྲུབ་པར་མཛོད། །ནྲྀ་ཨཾ་ཀུ་ཛ་ཛཿ། རྦབ་གྲི་གཡང་གྲིར་གསད་པ་ནི། །མདའ་ཀློང་བཅུ་གསུམ་བསད་པ་ནི། །བཤོས་བུ་ཁྲོ་བོ་བཅུ་གསུམ་ལ། །མདའ་བཀྲ་བཅུ་གསུམ་གཟུག་པར་བྱའོ། །ཤོག་བུ་ཚོན་གང་བཅུ་གསུམ་ལ། །ལྟོ་གཅིག་རུས་ལ་ལྟོ་གཅིག་མིང་། །གཉིས་བྲིས་མདའ་ལ་གདགས་པར་བྱ། །ཟན་གྱི་ཀོང་བུ་བཅུ་གསུམ་ལ། །ནང་དུ་ར་ཁྲག་བཀང་ལ་བཞག །དེ་ནི་གྲི་སེ་བསྐུལ་བ་ནི། །ཧཱུཾ་རྒྱལ་པོ་གྲི་སེ་མཐུ་བོ་ཆེ། །ཆིབས་སུ་དཀར་པོ་གཟི་མིག་ཆིབས། །སྐུ་ལ་ཟ་འོག་སེར་བཀྲ་གསོལ། །ཕྱག་ན་ཤེལ་གྱི་རྡོ་རྗེ་རྩེ་དགུ་བསྣམས། །བཞུགས་ནི་བྱང་ཤར་མཚམས་ན་བཞུགས། །ཁྲམ་ཐོགས་བཅུ་གསུམ་བཅས་པ་ཡིས། །དམ་ཉམས་དགྲ་བོ་དབང་དུ་སྡུད། །རྦབ་གྲི་གཡང་གྲིར་བསད་པའི་དུས་ལ་བབ། །བཅོལ་བའི་ལས་རྣམས་འགྲུབ་པར་མཛོད། །ནྲྀ་ཨངྐུ་ཤ་ཛ་ཛཿ། མེ་གྲི་ཆུ་གྲིར་གསད་པ་ནི། །ཧོམ་དུ་སྦྱིན་སྲེག་མེ་ཡིས་བསད། །འུག་པའི་ཚང་རྩི་ཧོམ་ཆག་གང་། །བཅུག་ལ་དཀྱིལ་དུ་མིང་བྱང་གཞུག །ཉུང་དཀར་དུག་ཐུན་ལྕགས་ཕྱེས་སྦར། །ཁུ་ལེ་ལག་དགུ་བསྐུལ་བ་ནི། །ཧཱུཾ་སྐྱེས་བུ་ཆེན་པོ་གིང་ཀ་ར། །ཁུ་ལེ་ལག་དགུ་མཐུ་བོ་ཆེ། །ཆིབས་སུ་ནག་བཀྲ་རྟིང་དཀར་ཆིབས། །སྐུ་ལ་ཟ་འོག་བེར་ཆེན་གསོལ། །རལ་གྲི་སྐྱ་འཇམ་ཕྱག་ན་བསྣམས། །དམ་ཉམས་དགྲ་བོ་གཏུབ་ལ་མེ་ལ་བསྲེག །བཅོལ་བའི་ལས་རྣམས་གྲུབ་པར་མཛོད། །ནྲྀ་ཨངྐུ་ཤ་ཛ་ཛཿ། གྲི་རུ་བསད་པའི་ལེའུ་སྟེ་བཅོ་ལྔ་པའོ།། །།ཁུ་ལེ་ལག་དགུའི་སྲོག་སྔགས་ལ། གིང་ ― DNG021_Page_0511 ―
[མ་དཔེ་གཟིགས་ན་འདིར་གནོན།]
ཀ་ར་གིང་ཀ་ར། མ་པ་རི་མ་པ་རི། ས་པ་རི་ས་པ་རི། ཡུ་ཏི་ཤ་ཏི། སྡིར་གི་ཏི། ར་ག་རཀྵ་མ། རཀྵ་མ། ཨ་ན་ཡེ། གིང་ཆེན་གིང་ཀ་ར། པ་ཏྲ་པ་ཏྲ། ཏི་ཏི་ཤེད། ཏི་ཏི་ཤེད། སི་ལི་ལི། མེས་མེས། ཆེ་གེ་མོ་ཛ་ཛ་རཾ་རཾ། རྟག་ཏུ་བཟླས་པའི་སྙིང་པོ་ནི། ཨོཾ་ཡཀྴ་གྲཱི་ཝ་མཱ་ར་ཡ་རྦད། གིང་མོ་སྙིང་ཁ་རག་རྦད། ཀྲོ་ཏ་ནི་ཀྲོ་ཏ་ནི། པྲ་ཏི་པྲ་ཏི། ཤུ་ལ་ཤུ་ལ། དྷ་ཤ་གྷྲཱི་ཝ་ཧཱུཾ་ཕཊ། རི་རི་དྷྲི། དིར་དིར། ཤཾ་ཤཾ། སང་སང་། ཏྲི་ཏ་ཏྲི་ཏ་དུན་བྷྱོ་ཡ། རྟ་ཐོད་ལ་ཁྲག་གིས་གཏད་ཁྲམ་འདི་བྲིའོ། །ཆེ་གེ་མོ་འདི་བཙན་གྲི་ལ་གཏད་དོ། །བྱ་དཀར་པོའི་སྐེ་རུ་སྔགས་བཏགས་ལ་གཏའ་རུ་གཞུག་གོ། །རྨྱུག་མ་ཚིགས་དགུ་པ་གཅིག་ལ། དར་དཀར་བཏགས་ལ་གཡབ་པོ། །ཆེ་གེ་མོ་འདི་བདུད་ཀྱི་རྒྱལ་པོ་ར་མགོ་བཀྲག་མེད་ལ་གཏད་དོ། །བདུད་ཀྱི་རྒྱལ་པོ་ས་ལུ་ནག་པོ་ལ་གཏད་དོ། །ཆེ་གེ་མོ་འདི་བདུད་ཀྱི་རྒྱལ་པོ་རེ་ཏི་འགོང་ཡག་ལ་གཏད་དོ། །བདུད་ཀྱི་རྒྱལ་པོ་མགོ་དམར་སེར་ལ་གཏད་དོ། །ཆེ་གེ་མོ་འདི་བདུད་ཀྱི་རྒྱལ་པོ་སྨ་མེ་འགག་གི་རྒྱལ་པོ་ལ་གཏད་དོ། །གསུང་ཟབ་མོའི་རྐྱེན་མོ་ལ་གཏད་དོ། །འགོང་ལྕམ་ཁྲ་མེ་ལ་གཏད་དོ། །དམུ་བདུད། བཙན་བདུད། དགྲ་ལྷ། སྲོག་བདག །དཔེ་དཀར། ས་བདག །ཐེ་བྲང་། འགོང་པོ། ཡ་མ། ཀླུ་མགོ་ལ་གཏད་དོ། །ཆེ་གེ་མོ་འདི་ཤར་དྲི་ཟའི་བཙན་ལ་གཏད་དོ། །ལྷོ་གཤིན་རྗེའི་བཙན་ལ་གཏད་དོ། །ནུབ་ཀླུ་བཙན་ལ་གཏད་དོ། །བྱང་གནོད་སྦྱིན་བཙན་ལ་གཏད་དོ། །གཞན་ཡང་སྣང་སྲིད་ཀྱི་ལྷ་འདྲེ་ཐམས་ཅད་ལ་གཏད་དོ། །གཏད་ཁྲམ་གྱི་ལེའུ་སྟེ་བཅུ་དྲུག་པའོ།། །།དེ་ནས་ཀླུ་ནད་ཀྱིས་གསད་པ། །དང་པོ་མཛེ་ནད་གཏང་བ་ནི། །རྫས་ཕག་པ་རོག་པོའི་ཐོད་པ་རུ། །རྫ་ལས་བྱས་པའི་སྡིག་པའི་གཟུགས། །བསྲེགས་པའི་ནང་དུ་མིང་བྱང་གཞུག །དེ་ཉིད་ཕག་ཐོད་ནང་བཅུག་ ― DNG021_Page_0512 ―
[མ་དཔེ་གཟིགས་ན་འདིར་གནོན།]
ལ། །སྒྲིལ་བྱེད་ཆོ་གས་བསྒྲུབ་པ་བྱ། །ཞག་དགུ་མཚན་བཟང་ཅི་ཐོན་བྱ། །ཆུ་མིག་ནུབ་ལྟར་གནན་པར་བྱ། །ཕོལ་དུ་བཏང་ནས་བསད་པ་ནི། །ཕག་ནག་སྟག་ནེའི་ཐོད་པ་རུ། །རྫས་དག་ལ་སྦལ་པའི་གཟུགས། །ཡང་བསྲེགས་དེ་ནང་མིང་བྱང་གཞུག །དེ་ཉིད་ཕག་ཐོད་ནང་བཅུག་ལ། །སྒྲིལ་བྱེད་ཆོ་གས་བསྒྲུབ་པ་བྱ། །ཞག་དགུ་མཚན་བཟང་ཅི་ཐོན་བྱ། །ཆུ་མིག་ལྷོར་ལྟ་དག་ཏུ་མནན། །འབྲས་སུ་གང་ལ་བསད་པ་ནི། །ཕག་པ་གླི་གྲེག་ཐོད་པ་རུ། །རྫས་ལས་བྱས་སྦྲུལ་གྱི་གཟུགས། །བསྲེགས་པ་དེ་ནང་ལིངྒ་གཞུག །དེ་ཉིད་ཕག་ཐོད་ནང་བཅུག་ལ། །སྒྲིལ་བྱེད་བསྒྲུབ་པའི་ཆོ་ག་བྱ། །ཞག་དགུས་མཚན་ལྟས་ཐོབ་གྱུར་ནས། །ཆུ་མིག་ཤར་དུ་བལྟས་པར་མནན། །ཀླུ་ནད་རྫིངས་སུ་གཞུག་པ་ནི། །ཕག་པའམ་མཛེ་ཕོའི་ཐོད་པ་རུ། །རྫས་ལས་བྱས་མཛོ་མོའི་གཟུགས། །བསྲེགས་པའི་ནང་དུ་མིང་བྱང་བཞུག །དེ་ཡང་ཕག་ཐོད་ནང་དུ་གཞུག །ཞག་དགུ་བར་དུ་བསྒྲུབ་པ་བྱ། །མཚན་མ་བཟང་ཐོབ་བརྟན་གྱུར་ན། །བྱང་ལྟ་གདོལ་པ་ཅན་ཏུ་གཏད། །དེ་བཞིན་བྱས་ན་དོན་གྲུབ་ངེས། །དེ་ལྟར་མན་ངག་དམ་པས་བྱའོ། །ཀླུ་སྒྲུབ་ནག་པོ་ཕག་མིག་གི་སྒྲུབ་པ། །ཝ་འམ་ཕག་མགོ་ལ་བརྟེན་ཏེ། །སྒྲུབ་པ་གཟུགས་ཏེ་གྲུབ་པ་དང་གནན་པ་བྱའོ། །ཀླུ་ནད་བཏང་བའི་ལེའུ་སྟེ་བཅུ་ བདུན་པའོ།། །།དེ་ནས་རིམས་ཀྱིས་བསད་པ་ནི། །མཁྲིས་པས་བསད་དང་གག་པས་བསད། །རྒྱུ་གཟེར་དང་ནི་བལ་ནད་དོ། །དེ་ལ་མཁྲིས་པས་བསད་པ་ནི། །ཡིད་ཆེས་ཤྭ་ན་མུ་ཁའི་རྒྱུད། །བསྒྲུབ་པ་ཐབས་ཀྱིས་ལག་ཏུ་བླང་། །གསོད་ཐབས་གསང་བའི་མན་ངག་ནི། །མནན་བསྲེག་འཕང་གསུམ་ལས་སྦྱར་ཏེ། །ཐུན་བྲབ་ཕུར་བུ་གདབ་པར་བྱའོ། །དེ་ནས་གག་པས་བསད་པ་ནི། །ཡིད་ཆེས་བདག་ བསེ་སྒྲོམ་དམར་པོའི་རྒྱུད།― DNG021_Page_0513 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤི་རག་ཤ་ས་མུ་གུ་ཏནྟྲ། བོད་སྐད་དུ། བསེ་སྒྲོམ་དམར་པོའི་རྒྱུད། དཔལ་ཁྲག་འཐུང་བདེ་བ་ཆེན་པོ་ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་གསང་སྔགས་ཀྱི་མངའ་བདག །རིགས་སྔགས་ཀྱི་རྒྱལ་པོ། དཔལ་ཁྲག་འཐུང་འབར་བ་ཆེན་པོ་རི་མ་ལ་ཡའི་རྩེ་མོ་ལ་བཞུགས་ཏེ། དེ་ནས་འདྲེ་སྲིན་གྱི་འཁོར་རྣམས་ཀྱིས། གནོད་སྦྱིན་དང་། གཟའ་དང་། བདུད་དང་། ཀླུ་དང་། བསེ་ཡི་སྐྱེས་བུ་བཞི་དང་། བསེ་མོ་ཉིས་བརྒྱ་ལྔ་བཅུ་དང་། མི་མ་ཡིན་གྱི་འཁོར་གྱིས་བསྐོར་བའི་ཚེ་ན། མངོན་ཤེས་དྲུག་འཁྲུལ་ཅན་གྱིས་བཅོམ་ལྡན་འདས་ལ་འདི་སྐད་ ― DNG021_Page_0514 ―
[མ་དཔེ་གཟིགས་ན་འདིར་གནོན།]
ཅེས་གསོལ་ཏོ། །ཀྱེ་འབར་བ་ཆེན་པོ་རྣལ་འབྱོར་པ་ལ། སེམས་ངན་པ་དང་། གཞན་གྱིས་འཚེ་ཞིང་འཇོམས་པ་དང་། དགེ་བ་དང་ཏིང་འཛིན་གྱི་གེགས་དང་། ཆོས་བྱེད་དུ་མི་སྟེར་བ་ཐམས་ཅད་ཐབས་ཀྱིས་འདུལ་བའི་དུས་ལ་བབ་པར་ལུང་བསྟན་དུ་གསོལ། སྟོན་པས་བཀའ་སྩལ་པ། འགྲོ་བའི་དོན་དུ་ཞུ་བ་ལེགས་ཀྱི་ཉོན་ཅིག །ཕྱི་ནང་སྣོད་བཅུད་འདུས་པའི་ཆོས་ཐམས་ཅད་ནམ་མཁའ་ཁྱབ་པར་དོན་མཛད་དེ། ཆོས་ཀྱི་སྐུ་ཇི་ལྟ་བ་བཞིན་དུ། སྤྲུལ་པས་འགྲོ་བའི་དོན་མཛད་དོ། །དེ་ནས་འཇིགས་པའི་ཕྱག་རྒྱ་རུ་སྤྲུལ་ལོ། །དེ་འདྲེ་སྲིན་གྱི་ཚོགས་ཀྱི་འཁོར་རྣམས་འདུས་ནས། རྒྱལ་མོ་བཞིའི་སྲོག་གི་སྙིང་པོ་འདི་ཕུལ་ལོ། །ཀང་ཀ་ད་རེ་ཛ་ཛ། ཙ་མུན་ད་རེ་ཛ་ཛ། ཤུ་ལ་ད་རེ་ཛ་ཛ། ཀུ་མ་ད་རེ་ཛ་ཛ། ཞེས་ཕུལ་བས། ཁྲག་འཐུང་གི་རྒྱལ་པོས་རིན་ཆེན་འབར་བའི་ཏིང་ངེ་འཛིན་དུ་ཞུགས་ནས། འགྲོ་བའི་དོན་མཛད་དོ། །བསེ་སྒྲོམ་དམར་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་དཔལ་ཁྲག་འཐུང་གི་རྒྱལ་པོས། བསྭེ་མོའི་སྒྲུབ་པ་འདི་གསུངས་སོ། །དཀྱིལ་འཁོར་མདའ་གང་གྲུ་བཞི་ལ། །ཁྲག་དང་འོ་མ་མར་ཁུ་རྣམས། །སྦྲང་རྩི་ལ་སོགས་ཆག་ཆག་གདབ། །དབུས་སུ་གྲུ་གསུམ་མཐིང་ནག་ལ། །འཁོར་ལོ་རྩིབས་བཞི་མུ་རན་བཅས། །སྒོ་བཞི་ཏྭ་ར་ཎ་ཡིས་བརྒྱན། །དབུས་སུ་ཁྲག་འཐུང་རྒྱལ་པོའོ། །ཤར་དུ་ཀང་ཀ་ད་རེ་དགོད། །ལྷོ་རུ་ཀུ་མ་ད་རེ་དགོད། །ནུབ་ཏུ་ཤུ་ལ་ད་རེ་དགོད། །བྱང་དུ་ཙ་མུན་ད་རེ་དགོད། །རབས་ཆད་ཐོད་པའི་ནང་དག་ཏུ། །ར་ཁྲག་ཁྱི་ཁྲག་ཕག་ཁྲག་དུག་སྣ་ཚོགས། །ཧོམ་ཁུང་ཟུར་ལ་གཞག་པར་བྱ། །ཟུར་གཅིག་པ་མེན་རྭ་ནང་དུ། །སྦྲང་རྩི་ཞག་དང་སྙིང་སྣ་ཚོགས། །དེ་ནི་མཆོད་པའི་རྫས་རྣམས་སོ། །ཞལ་དུ་བསྟབ་པའི་རྫས་རྣམས་ནི། །བྲ་མའི་བྲམ་མོ་ཡང་ཧོམ་དག་ཆ་གཅིག་དགོད། །བསེ་མོ་བཞི་ཡིས་ཕུར་ལྷ་བཟུང་། །འཁོར་ལོ་བཞི་ལ་གཏམ་གྱིས་གདབ། །བདག་ཉིད་དཔལ་གྱི་ཏིང་འཛིན་ལྡན། །བསེ་མོ་ ― DNG021_Page_0515 ―
[མ་དཔེ་གཟིགས་ན་འདིར་གནོན།]
བཞི་ཡི་སྲོག་སྙིང་དྲང་བའོ། །བསེ་སྒྲོམ་དམར་པོའི་རྒྱུད་ལས། དཀྱིལ་འཁོར་བཅའ་བའི་ལེའུ་སྟེ་གཉིས་པའོ།། །།ཁྲག་འཐུང་གི་རྒྱལ་པོ་དེས། ལྕགས་ཀྱུའི་ཕྱག་རྒྱ་བཅས་ནས་སྲོག་གི་སྙིང་པོ་ནས་དྲངས་ཏེ། ཀང་ཀ་ད་རེ་ཛ། ཀུ་མ་ད་རེ་ཛ། ཙ་མུན་ད་རེ་ཛ། ཤུ་ལ་ད་རེ་ཛ། གཟུགས་རྣམས་རབ་ཏུ་སྟོན་འགྱུར་ཏེ། །ལས་ལ་འདི་སྐད་བསྐུལ་བར་བྱ། །ཙེའུ་རི་ཙག་སྲིན་ཨ་ནིར་ཏི། མཱ་ར་ཡ་ཨཾ་ཀུ་ཤ་ཛ་ཛ། སྙིང་ཟ་བ་ཙིཏྟ་མ་ལ་ར་ཤོར་ལ་ཁྲག་འཐུང་། ཀང་ཀང་ཀིང་ཀིང་། ཤ་ལ་ཏྲི་ཏི་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། ཧ་ས་ར་ན་ཧ་ཏ་ན་ཧ་ཏ་ན་ཡ། མ་མ་སརྦ་བིགྷྣཱན་བཾ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། ཤི་གྷྲཾ་ཨཱ་ན་ཡ་ཤི་གྷྲཾ་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཏཱ་ཐ་ཡ་ཏཱ་ཐ་ཡ་ཧཱུཾ་ཕཊ། བི་ཏ་ཡ་བི་ཏ་ཡ་ཧཱུཾ་ཕཊ། ཤུ་ལ་ཤུ་ལ་བུ་ལ་ད་ར་ཛ་ཛ་ནི། ཡོ་གཱི་ཤྭ་རི་ནཱི། བཛྲ་ཙིཏྟ་སུ། ཀི་བཛྲ་ནི་མཱ་ར་ཡ་ཕཊ། བསེ་སྒྲོམ་དམར་པོའི་རྒྱུད་ལས། སྔགས་ཀྱི་ལེའུ་སྟེ་གསུམ་ པའོ།། །།དེ་ནས་ཁྲག་འཐུང་གི་རྒྱལ་པོས། དྲག་པོའི་ལས་ལ་གཞུག་པ་འདི་གསུངས་ཏེ། ཞལ་དུ་བསྟབ་པའི་འཁོར་ལོ་བྲི། །དབུགས་ལེན་མ་ནི་རྦད་པར་བྱ། །བི་ད་ཡ་ཡི་སྔགས་ཀྱིས་རྩིབས་མཆན་བསྐོར། །ཧོམ་ཁུང་ནང་དུ་བསེ་མོ་བསྐྱེད། །ཞལ་དུ་བསྟབ་པའི་རྫས་རྣམས་ནི། །ལིངྒ་ཚོ་གསུམ་བཅད་དེ་ལག་ཏུ་ཐོགས། །ཧོམ་དུ་བསྟབ་ཅིང་ཤུ་ལ་ཤུ་ལའི་སྔགས་བཟླས་ཤིང་། །ཛྭ་ལ་རཾ་གྱིས་མེ་སྦར་ཞིང་། །བི་ཏ་ཡ་ནས་སྤེལ་ཞིང་དབུལ། །དེ་ནས་ལིངྒ་སྒྲུབ་རྫས་ལ། །རབས་ཆད་ནག་པོའི་ཐོད་པ་རུ། །ཡི་དྭགས་ཁྱི་མོའི་སྤུས་གཏུམས་ལ། །ཐག་པ་ནག་པོ་བཏགས་ལ་བསྐོར། །ཐལ་བ་ནག་པོ་རླུང་ལ་འཕྱར། །ལྷག་མ་ཁྲོ་བོའི་ཞབས་ ཤྭ་ན་དཀར་ནག་གི་རྒྱུད།― DNG021_Page_0516 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀ་ཙ་ཟ་རཱ་ཛ་ཏནྟྲ། བོད་སྐད་དུ། ཤྭ་ན་དཀར་ནག་གི་རྒྱུད། དཔལ་རང་བྱུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རང་བཞིན་ལྷུན་གྱིས་རྫོགས་པའི་བྷན་དྷ་འབར་བའི་གཞལ་ཡས་ན། དམར་ནག་གྲུ་གསུམ་འབར་བའི་དཀྱིལ་འཁོར། ཕྲིན་ལས་རྣམ་བཞི་ལྷུན་གྱིས་གྲུབ་པའི་དཀྱིལ་འཁོར་ན། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དབུ་དགུ་ཕྱག་བཅོ་བརྒྱད་དུ་སྤྲུལ་ནས། མཉམ་པའི་ངང་ལ་བཞུགས་པ་ལས། འཁོར་ལྷ་སྲིན་གྱི་ཚོགས་དང་། ཤྭ་ནའི་ཚོགས་དང་། ཅེ་སྤྱང་གི་ཚོགས་དང་། སྤྱང་གི་ལར་སྦྱར་གལ་ཡང་གྱི་ཚོགས་དང་། འབར་མ་དང་། ལང་ཀའི་ཚོགས་ཀྱིས་བཅོམ་ལྡན་འདས་ཀྱི་བཀའ་ལས་འདའ་བར་བྱས་ནས་བར་སྣང་ལ་རྫུ་འཕྲུལ་གྱི་སྒྲ་བཏོན་པས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དེས། ཐུགས་ཀ་ནས་ཡི་གེ་ཛ་ལྗང་གུ་བཏོན་ནས་ལྕགས་ཀྱུའི་ཕྱག་རྒྱས་མདུན་དུ་ཤྭ་ནའི་ཚོགས་བཀུག་སྟེ། སྐུ་ལ་དུར་ཁྲོད་ཀྱི་ཆས་ཀྱིས་བརྒྱན། བསྐལ་པའི་མེ་འོད་འབར་བའི་ཀློང་ན་བཞུགས་ནས་སྲིད་གསུམ་ཟིལ་གྱིས་གནོན་པའི་ཧཱུཾ་སྒྲ་ཕྱུང་བས། ཤྭ་ནའི་ཚོགས་རབ་ཏུ་བརྒྱལ་ཏེ། ― DNG021_Page_0517 ―
[མ་དཔེ་གཟིགས་ན་འདིར་གནོན།]
བརྒྱལ་བ་སངས་ཙམ་ན། སྲོག་གི་སྙིང་པོ་འདི་ཁྲག་འཐུང་གི་རྒྱལ་པོ་ལ་ཕུལ་ཏེ། སྲྀ་ལ་མུ་ཁི་ཛ་ཛ། ཤྭ་ན་མུ་ཁི་ཛ་ཛ། སིང་ཧ་མུ་ཁི་ཛ་ཛ། གྲྀ་ཌྷ་མུ་ཁི་ཛ་ཛ། ཞེས་ཕུལ་ནས། བཀའ་ཉན་པར་ཞལ་གྱིས་བཞེས་སོ། །དེ་ནས་ཁྲག་འཐུང་གི་རྒྱལ་པོ་དེས་ཆོ་འཕྲུལ་གྱི་ལས་མཛད་དོ། །ཤྭ་ན་དཀར་ནག་གི་རྒྱུད་ལས། གླེང་གཞིའི་ལེའུ་སྟེ་དང་ པོའོ།། །།དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས་ཤྭ་ནའི་དཀྱིལ་འཁོར་འདི་གསུངས་སོ། །དཀྱིལ་འཁོར་བང་རིམ་གསུམ་བརྩེགས་ལ། །ཤྭ་ནའི་ཁྲག་དང་ཁྲག་ཆེན་བྱུག །བང་རིམ་དང་པོ་མཐིང་ནག་བྲི། །བང་རིམ་གཉིས་པ་སྨུག་ནག་བྲི། །ཐ་མ་དམར་ནག་མེ་རིས་བསྐོར། །དབུས་སུ་ཟངས་ཀྱི་སྤྱང་མོ་དགོད། །ཤར་ཟུར་ལྕགས་ཀྱི་ཁྱི་མོ་དགོད། །ལྷོ་རུ་ལྕགས་ཀྱི་སྤྱང་མོ་དགོད། །བྱང་དུ་གསེར་གྱི་འབར་བ་ལྕེ་བརྒྱད་དགོད། །བང་རིམ་བར་མའི་མཐའ་སྐོར་ལ། །ཤ་སྣ་ཚོགས་པའི་གཏོར་མ་དང་། །སྙིང་སྣ་བཞི་དང་བཅས་པ་དགོད། །སྨྱོར་གཞུག་རྫས་དང་དུག་གི་གཏོར། །སྡིགས་ཕུར་ཡུངས་ཀར་རྒྱལ་པོ་དང་། །སྐེ་ཚེ་ལྕགས་ཕྱེ་ཟངས་ཕྱེ་དང་། །ཤྭ་ནའི་ཐོད་པའི་ནང་དུ་ནི། །ཡུངས་ནག་ཁྲག་སྐམ་བླུག་བྱས་ལ། །རབས་ཆད་སྐྲ་ཤད་དག་གིས་ཁ་བཅད་ལ། །ཤྭ་ནའི་ཕུར་པའི་གཟུངས་ཐག་གདགས། །བདག་ཉིད་ཁྲག་འཐུང་རྒྱལ་པོར་བསྒོམ། །ཤྭ་ན་སྲོག་གི་སྙིང་པོ་དྲང་། །དེ་ལྟར་བྱས་ན་འགྲུབ་པར་འགྱུར། །ཤྭ་ན་དཀར་ནག་གི་རྒྱུད་ལས། དཀྱིལ་འཁོར་བསྟན་པའི་ལེའུ་སྟེ་གཉིས་པའོ།། །།དེ་ནས་ཁྲག་འཐུང་གི་རྒྱལ་པོས་སྲོག་སྙིང་ལས་དྲང་ཞིང་ཐུགས་དམ་སྐུལ་བའི་སྔགས་འདི་གསུངས་སོ། །སྲྀ་ལ་མུ་ཁ་ཛ་ཛ། ཤྭ་ན་མུ་ཁ་ཛ་ཛ། སིང་ཧ་མུ་ཁ་ཛ་ཛ། ཀྲི་ཏ་མུ་ཁ་ཛ་ཛ། ཨོཾ་བི་ར་བ་ལ་ཤ་ཡ་བི། ད་ན་མུ་ད་ཝ་ཡ། བི་ལ་ཤ་ཏི་མུ་པ་ཤྭ་ན། ཡ་ཏི་གརྟི་མུ་ཁ་ཛ། ཤྭ་ར་མཱ་ར་ཡ་ཕཊ། དེ་ རྡོ་རྗེ་ཕུར་པ་ཕྲིན་ལས་འཁོར་ལོ་གབ་པ་གསང་བའི་རྒྱུད་ཀྱི་རྒྱལ་པོ་ཞེས་བྱ་བ།― DNG021_Page_0518 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ། ཀརྨ་ཙཀྲ། གུ་ཧྱ་ཏནྟྲ་རཱ་ཛ་ནཱ་མ། བོད་སྐད་དུ། རྡོ་རྗེ་ཕུར་པ་ཕྲིན་ལས་འཁོར་ལོ་གབ་པ་གསང་བའི་རྒྱུད་ཀྱི་རྒྱལ་པོ་ཞེས་བྱ་བ། ཞེ་སྡང་གི་རྒྱལ་པོ་བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཟག་པ་མེད་པར་མཉམ་པར་བཞག་པའི་ཚེ། བཅོམ་ལྡན་འདས་རྡོ་རྗེ་འཛིན་པས་བསྐུལ་ཏེ། བདེ་ཆེན་ཞི་བ་ ― DNG021_Page_0519 ―
[མ་དཔེ་གཟིགས་ན་འདིར་གནོན།]
ཆོས་ཀྱི་མཆོག །སྟོན་པ་རྡོ་རྗེ་ཆོས་ཉིད་ཀྱིས། །ཨེ་མ་འདུལ་བར་གྱུར་མ་ཡིན། །དེ་ནས་ལོངས་སྤྱོད་རྫོགས་པའི་སྐུ། །འཇིགས་བྱེད་ཆེན་པོའི་སྐུར་བཞེངས་ལ། །གདུག་པའི་ཚོགས་རྣམས་འདུལ་དུ་གསོལ། །ཞེས་བསྐུར་བས། བསྐུལ་བའི་དོན་ཐུགས་སུ་ཆུད་ནས། བཅོམ་ལྡན་འདས་འཇིགས་བྱེད་ཆེན་པོའི་སྐུར་བཞེངས་ཏེ། ཐུན་མོང་མ་ཡིན་པའི་མཚན་མཆོག་གིས་མངོན་པར་སྤྲས་པའི་སྐུ་དེས། འོག་མིན་གྱི་གནས་ལྕང་ལོ་ཅན་གྱི་ཕོ་བྲང་དུ། འཁོར་སེམས་དཔའ་དང་སེམས་མ་རྣམས་ལ། དམ་ཆོས་བདུད་རྩི་ཕུར་པའི་ཆོས་རྣམས་སྐུའི་སྒོ་ནས་འཇལ་བར་བསྟན་ཏེ། འཁོར་བའི་སྤོང་སྒྲིབ་ལས་རྣམས་མངོན་པར་སྤངས་ཏེ། གྲོལ་བའི་ས་ལ་ལེགས་པར་གནས་སོ། །ཐུགས་རྗེའི་སྟོབས་ཀྱིས་ཕྱག་ན་རྡོ་རྗེ་མངོན་པར་སྤྲུལ་ཏེ། ཡང་སྙིང་འབྲུ་དགུའི་ཚུལ་དུ་ཐུགས་ཀར་བསྟན། དེ་ནས་འཁོར་སེམས་དཔའ་རྡོ་རྗེ་ཉིད་ཀྱིས་འདོད་ཁམས་པ་རྣམས་ཀྱིས་མཐོང་བའི་ལམ་དུ་མ་གྱུར་པ་རྣམས། དེ་མངོན་པར་རྟོགས་པར་བྱ་བའི་ཕྱིར། ཕྱག་ན་རྡོ་རྗེ་ལ་བསྐུལ་ཏེ། འདོད་ཁམས་གནས་རིས་ཉི་ཤུའི་སྟོན་པར་གཤེགས་ཏེ། སུམ་ཅུ་རྩ་གསུམ་གྱི་གནས་སུ་འཇིགས་བྱེད་ཆེན་པོའི་གཞལ་ཡས་ཁང་དུ་མངོན་པར་སྤྲུལ་ཏེ། བཅོམ་ལྡན་འདས་ཉིད་ཞེ་སྡང་གི་བདག་པོ་ཞལ་གསུམ་ཕྱག་དྲུག་པར་མངོན་པར་སྤྲུལ་ཏེ། འཁོར་རྣམས་ལ་ཕེམ་ཕཊ་ཅེས་མངོན་པར་སྒྲ་བསྒྲགས་ཏེ། དེའི་ཚེ་ལས་ཀྱི་སེམས་དཔས་འདི་སྐད་ཅེས་གསོལ་ཏོ། །སེམས་དཔའ་ཆེན་པོ་སངས་རྒྱས་ཤིང་འཁོར་བ་ལས་བསྒྲལ་བར་བྱ་བའི་ཕྱིར། རྣལ་འབྱོར་གྱི་ཆ་རྐྱེན་དུ་བཞག་པ་ལ་དོན་དུ་མཆིས། ལས་ཀྱི་སེམས་དཔའ་ཉོན་ཅིག །ཏིང་འཛིན་དཀྱིལ་འཁོར་བསྒོམ་པ་དང་། །རང་བཞིན་དཀྱིལ་འཁོར་སྒྲུབ་པ་དང་། །ཕྱག་རྒྱ་ཆེ་ལ་གནས་རྣམས་ཀྱིས། །འབྲས་བུ་སྐུ་བཞི་ཐོབ་པར་འགྱུར། །རྣལ་འབྱོར་ཆ་རྐྱེན་རིམ་པའོ། །སེམས་དཔའ་ཆེན་པོ་གཟས་ ― DNG021_Page_0520 ―
[མ་དཔེ་གཟིགས་ན་འདིར་གནོན།]
པའི་ཆ་རྐྱེན་དུ་བཞག་པ་ལ་དོན་དུ་ཅི་མཆིས་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །ཨེ་མ་ཧོ། འཇིག་རྟེན་འདི་ནས་ཕ་རོལ་དུ་བསྒྲལ་བ་ལ། མྱ་ངན་ལས་འདས་པའི་མཐར་བསྒྲལ་བའི་རིམ་པའོ། །འཇིག་རྟེན་འདི་ནས་ཕ་རོལ་དུ་བསྒྲལ་བ་ལ། ལམ་ཡན་ལག་ཅི་ལྟ་བུ་ལགས་བཤད་དུ་གསོལ། སེམས་དཔའ་ཆེན་པོ་ཉོན་ཅིག །བསྙེན་པ་བསྡུས་པའི་ཡན་ལག་དང་། །བསྒྲུབ་པ་ཆེན་པོའི་གནས་ཀྱི་རིམ་པ་དང་། །དྲག་པོའི་ལས་ལ་སྦྱར་བའོ། །དེ་ལ་དཀྱིལ་འཁོར་དུ་ཞིག་མཆིས། །སེམས་དཔའ་ཆེན་པོ་ཉོན་ཅིག །དཀྱིལ་འཁོར་རྣམ་པ་བཞི་སྟེ། བསྙེན་པས་བསྡུས་པའི་དཀྱིལ་འཁོར་རྩིབས་བརྒྱད་དང་། སྒྲུབ་པ་སྟེ་གྲུ་གསུམ་ཤེལ་གྱི་དཀྱིལ་འཁོར་དང་། སྒྲུབ་པ་ཆེན་པོ་སྟེ་སྔགས་ཀྱི་འཁོར་ལོ་བསྐོར་བའི་དཀྱིལ་འཁོར་དང་། ལས་ལ་སྦྱར་བ་སྟེ་མཱ་ར་ཡ་བསད་པའི་དཀྱིལ་འཁོར་དང་བཞིའོ། །སེམས་དཔའ་ཆེན་པོ་དེ་ལྟ་བུའི་དཀྱིལ་འཁོར་འདི་གང་ཟག་ཇི་ལྟ་བུ་ཞིག་གིས་གཟུང་ཞིང་བསྒྲུབ་པར་བགྱི། ཉོན་ཅིག །གང་ཟག་རྣམ་པ་ལྔ་སྟེ། ཐེག་པ་ཆེན་པོའི་རིགས་ཅན་དང་། ཐེག་པ་ཆུང་ངུའི་རིགས་ཅན་དང་། གང་ཟག་རིགས་ཆད་པ་དང་། རིགས་མ་ངེས་པ་དང་། གང་ཟག་ཞེ་སྡང་རྡོ་རྗེའི་རིགས་ཅན་ནོ། །འདིར་ནི་གང་ཟག་ཞེ་སྡང་རྡོ་རྗེའི་རིགས་ཅན་གྱིས་བསྒྲུབ་པར་བྱའོ། །སེམས་དཔའ་ཆེན་པོ། འདིའི་ཐིག་སྐུད་ཀྱི་རྒྱུ་རྣམས་ཇི་ལྟར་ལགས། བསྙེན་པ་བསྡུས་པའི་དུས་རས་བལ་གྱི་བཀལ་བ་དང་། བསྒྲུབ་པའི་དུས་སུ་ནི་ཁ་རལ་མའི་རྒྱུ་མས་སོ། །དྲག་པོའི་རུས་སུ་བྲམ་ཟེའི་སྲོག་པ་རྩས་སོ། །མཱ་ར་ཡ་བསད་པའི་དུས་སུ་རྒྱུས་ཆེན་གྱིས་སོ། །འདིའི་ཚོན་གྱི་མཚན་ཉིད་ཅི་ལྟ་བུ་ལགས། བསྙེན་པ་ལ་ནི་རིན་ཆེན་སྣ་ལྔས་བྲི། བསྒྲུབ་པའི་དུས་སུ་འབྲས་ལ་སོགས་པ་ཁ་དོག་བསྒྱུར་ལ་བྲིའོ། །དྲག་པོ་ལ་ཚོན་སྣ་ལྔས་སོ། །བསད་པ་ལ་ལྕགས་སོལ་ནག་པོ་ཡིན། ― DNG021_Page_0521 ―
[མ་དཔེ་གཟིགས་ན་འདིར་གནོན།]
ཚོན་གྱི་མཚན་ཉིད་དེ་ལྟར་ཡིན་ན། བྲིས་པའི་དུས་ཇི་ལྟར་ལགས། བསྙེན་པ་ལ་ཉི་མ་ཤར་ནས་སོ། །བསྒྲུབ་པ་ལ་ནམ་ཕྱེད་ནས་སོ། །དྲག་པོ་ལ་ཉིན་ཕྱེད་ནས་སོ། །བསད་པ་དགོངས་ཀའི་དུས་སུའོ། །དཀྱིལ་འཁོར་ཆེན་པོ་དེ་ཉིད་དུ། །ཕུར་བུའི་མཚན་ཉིད་དགོད་པ་ཇི་ལྟར་ལགས། ཉོན་ཅིག་ལས་ཀྱི་སེམས་དཔའ། བསྙེན་པའི་དུས་སུ་རིན་ཆེན་སྣ་ལྔའི་ཕུར་པ་སོར་བཅུ་དྲུག་པ་བྱ་ལ་དགོད། བསྒྲུབ་པའི་དུས་སུ་གདུག་པ་ཅན་གྱི་ཤིང་ལ་སོར་བཅུ་གཉིས་པར་བྱས་ལ་དགོད། དྲག་པོའི་དུས་སུ་རྐང་ཆེན་གྱི་ཕུར་བུ་སོར་བརྒྱད་པའི་ཚད་དུ་བྱས་ལ་དགོད། མཱ་ར་ཡ་བསད་པའི་དུས་སུ་ལྕགས་སྣ་ལྔ་ལས་བྱས་པའི་ཕུར་པ་སོར་བཞི་པའི་ཚད་དུ་བྱས་ལ་དགོད། ཨེ་མ་ཧོ། སེམས་དཔའ་ཆེན་པོ་དེ་ལྟར་གྱུར་པ་ལགས་ན། དེའི་ཆ་རྐྱེན་ཇི་ལྟར་ལགས། བསྙེན་པ་ལ་མཆོད་རྫས་དང་ཆོ་ག་རྫོགས་པའོ། །བསྒྲུབ་པ་ལ་སྔགས་ཀྱི་འཁོར་ལོ་ཆེ། དྲག་པོ་ལ་བདེ་གཤེགས་བཀའ་ཉན་བསྐུལ་བའོ། །བསད་པ་ལ་ཟངས་ཕྱེ་ལྕགས་ཕྱེའོ། །དེ་ནི་ཆ་རྐྱེན་མཆོག་ཡིན་ཏེ། །དཀྱིལ་འཁོར་ཆེན་པོའི་རྐྱེན་དུ་བཤད། །གླེང་གཞི་དང་གླེང་བསླང་བ་དང་། གཞལ་ཡས་ཁང་གི་ལེའུ་སྟེ་དང་པོའོ།། །།བཅོམ་ལྡན་འདས་འཇིགས་བྱེད་ཆེན་པོའི་དཀྱིལ་འཁོར་མཱ་ར་ཡས་བསད་པ་ལ་དོན་དུ་མཆིས་བཤད་དུ་གསོལ། ཨེ་མ་ཧོ། ལས་ཀྱི་སེམས་དཔའ་ཉོན་ཅིག །མཱ་ར་ཡ་བསད་པ་ལ་དཀྱིལ་འཁོར་གསུམ་སྟེ། མེའི་དཀྱིལ་འཁོར་དང་། བསྟབ་པའི་དཀྱིལ་འཁོར་དང་། མཱ་ར་ཡ་བསད་པའི་དཀྱིལ་འཁོར་དང་གསུམ་མོ། །དེ་ལ་མེའི་དཀྱིལ་འཁོར་ནི། ཤར་ལྷོ་མཚམས་སུ་རྒྱར་གྲུ་གང་ཟབས་སུ་ཁྲུ་ཕྱེད་དོ། །ཁ་ཁྱེར་གསུམ་ལ་རྒྱར་སོར་བཞི་པའོ། །དཔངས་སུ་སོར་བཞི་པའོ། །དེ་ཡང་མ་ཏྲི་ཆེན་པོའི་སྙིང་གར་བྲིའོ། །ཚོན་བྲི་བ་ནི། ནང་དུ་མདའ་གཞུ་བཀང་བ་གསུམ། ཟུར་གསུམ་ལ་ཟ་བྱེད་ཀྱི་ཞལ་གསུམ། བང་ ― DNG021_Page_0522 ―
[མ་དཔེ་གཟིགས་ན་འདིར་གནོན།]
རིམ་བར་མ་ལ་མཚོན་ཆ་ལྔ་མཛེས་པའི་ཚུལ་དུ་བྲི། བང་རིམ་ཐ་མ་ལ་མེ་རི་སྨུག་ནག་ཏུ་བཏང་བར་བྱའོ། །དེར་གདུག་པ་ཅན་གྱི་ཤིང་རྣམས་ལ། བ་རལ་མའི་སྐྲས་བཅིངས་ཏེ། དུག་ཤིང་སྣ་ཚོགས་པ་ལ། སྙིང་དང་གློ་བས་བརྒྱན་པ་ནི། །དྲག་པོ་མེ་ཡི་དཀྱིལ་འཁོར་རོ། །བསྟབ་པའི་དཀྱིལ་འཁོར་ནི་བྱང་ཤར་མཚམས་སུའོ། །དཔངས་སུ་སོར་བཞི་ལ། སྙིང་པོ་ནྲྀ་ཏྲི་དང་བཅས་པའོ། །དེར་བསྒྲལ་བའི་ལིངྒ་ནི། ར་དང་ཁྱི་དང་མིའི་སོག་པ་ལ་བྲིས་ལ་མཆོད་པ་ཆེན་པོའི་དུས་སུ་བསྟབ་པོ། །མཱ་ར་ཡ་བསད་པའི་དཀྱིལ་འཁོར་ནི། ལྷོ་ནུབ་མཚམས་སུ་ཧོམ་ཁུང་རྒྱར་གྲུ་གང་བ། ཟབས་སུ་ཁྲུ་དོ། ལོགས་གསུམ་དུ་མདའ་གཞུ་བཀང་བ་གསུམ་བྲིས་ལ། ཟུར་གསུམ་ལ་ཟ་བྱེད་ཀྱི་ཞལ་དང་བཅས་པ་བྲི། བང་རིམ་བར་མ་ལ་རྩང་དྲུག་ཅུ་རྩ་གཉིས་སྲིན་མོ་འགྲོས་སུ་འཁོར་བར་གཟུག །བང་རིམ་ཐ་མ་ལ་མཚོན་ཆ་ལྔ་དགོད་པའོ། །བཅོམ་ལྡན་འདས་དཀྱིལ་འཁོར་དེ་ལྟར་ལགས་ན། དེ་བསྒྲལ་བའི་ལིངྒའི་རྒྱུ་གང་ལགས་བཤད་དུ་གསོལ། སེམས་དཔའ་ཆེན་པོ་ཉོན་ཅིག །དེ་དྲི་བ་ལེགས་སོ། །རྒྱུ་ནི་ཁྲེ་དང་ཇུ་ཙེའི་ཕུབ་མ་དང་། །གངས་ཀྱིས་རེག་པའི་ས་རྣམས་དང་། །འབྱུང་བ་ཆུ་ཡི་ཐལ་བ་དང་། །ཏིལ་ནག་པོ་ལ་གཞི་བླང་སྟེ། །གཟུགས་ནི་ཡང་དག་རྫོགས་པར་བྱའོ། །དུག་གི་ཆུ་ཡི་བྱུག་པ་ཡིས། །མདོག་ནི་སྨུག་ནག་བ་རུ་བྱ། །དེ་ནི་རྣམ་ཤེས་རྟེན་ཡིན་ཏེ། །ཚེ་དང་ཕུང་པོ་སྡུད་པའོ། །དེ་ནི་འཕོ་བའི་ལིངྒ་སྟེ། །སྔགས་ཀྱི་འཁོར་ལོ་ཅི་ལྟར་བྱ། །སེམས་དཔའ་ཆེན་པོས་བཤད་དུ་གསོལ། །ཉོན་ཅིག་ལས་ཀྱི་སེམས་དཔའ་ཆེ། །སྔགས་ཀྱི་འཁོར་ལོ་འགོད་པ་ནི། །དཔྲལ་བ་ཀླད་རྒྱས་འཁོར་ལོ་ནི། །ལྷ་རྣམས་བསྲུངས་པའི་འཁོར་ལོ་སྟེ། །མདོག་ནག་ཟླ་བ་ཁམ་པ་ལ། །ལྷ་དང་དབྲལ་བའི་སྙིང་པོ་དགོད་པའོ། །ཁྲག་ཆེན་འཁོར་ལོ་རྩིབས་བཞི་བྲི། །རྨྱུག་གུ་རྐང་ཆེན་མཆོག་གིས་བྲི། ། ― DNG021_Page_0523 ―
[མ་དཔེ་གཟིགས་ན་འདིར་གནོན།]
སྣག་ཚ་ནིམ་པ་ཀ་ཡི་ཁུ་བས་བྱ། །ཧ་ས་ཡ་ར་དགོད་པ་ཡིན། །དེ་ལ་སྐྱོབ་པའི་ལྷ་དང་འབྲལ། །དབྱེན་སྤྱོ་བ་ཡི་ཡི་གེ་ཡིས། །ལྷ་དང་དབྲལ་བར་བཤད་པ་ཡིན། །གཟུགས་ལ་སྙིང་པོ་བསྡུ་བར་བཤད་པ་ནི། །ལྕུམ་གཞོགས་ལྟ་བུའི་ཟུར་བརྒྱད་ལ། །རྩ་ཡི་དྭངས་མ་བཞི་གནས་ཏེ། །ཀུན་གཞིའི་རྣམ་ཤེས་རྟེན་ཡིན་པས། །གཟུགས་ལ་དབབ་པའི་སྙིང་པོ་དགོད། །ཨཱ་བེ་ཤ་ཡི་སྔགས་དགོད་པས། །གཟུགས་ལ་དབབ་པའི་ལས་སུ་འགྱུར། །ཉ་ཡི་དབྱིབས་འདྲ་བཞི་པོ་ལ། །དར་དཀར་སྐུད་པ་ལྔ་ཡོད་དེ། །དབྱིབས་ནི་པདྨ་རྒྱས་འདྲ་ལ། །ཤཱི་གྲན་ཨཱ་ན་ཡ་ཡི་སྔགས་བཀོད་པས། །བྱད་དུ་གཞུག་པའི་ལས་སུ་འགྱུར། །དར་ལྕེ་བཀུག་པའི་དབྱིབས་འདྲ་དང་། །རིན་ཆེན་པདྨ་བཞི་པོ་ལ། །སྨྲ་བྱེད་སྙིང་པོའི་མཚན་བཀོད་ཅིང་། །ཛྭ་ལ་པ་ཡི་སྔགས་དགོད་པས། །སྨྱོ་བར་གཞུག་པའི་ལས་སུ་འགྱུར། །གྲོ་ག་གཅུས་པ་འདྲ་བ་དང་། །ཟངས་ཀྱི་མོ་ཁབ་འདྲ་བ་དང་། །ཟར་མའི་མེ་ཏོག་དབྱིབས་འདྲ་དང་། །ཚེས་གཅིག་ཟླ་བའི་དབྱིབས་འདྲ་ལ། །ཏཱ་ཐ་ཡ་ཡི་སྔགས་བཀོད་པས། །རྡུལ་དུ་རློག་པའི་ལས་སུ་འགྱུར། །རྡོ་རྗེའི་དབྱིབས་འདྲའི་འཁོར་ལོ་ལ། །བྱང་ཆུབ་སེམས་ཀྱི་རྒྱུ་སྲང་ལ། །བྷིནྡ་ཡ་ཡི་སྔགས་བཀོད་པས། །ཞལ་དུ་སྟོབ་པའི་ལས་སུ་འགྱུར། །སེམས་དཔའ་ཆེན་པོ་སྔགས་ཀྱི་འཁོར་ལོ་བཀོད་པ་དེ་ལྟར་ལགས་ན། གང་ཟག་ཇི་ལྟ་བུ་ཞིག་གིས་བྲི་བར་བགྱི། ཞེ་སྡང་རྡོ་རྗེའི་རིགས་ཀྱིས་བྲི་བར་བྱའོ། །དེའི་ཁ་དོག་དང་དབྱིབས་ནི་ནག་ལ་སྐྲ་གྱེན་དུ་འཁྱིལ་པ། མིག་སྤྲིན་དམར་བ། སྨིན་མའི་དབུས་ན་ཁྲོ་གཉེར་གསུམ་ཡོད་པ། མཆེ་བ་གཙིགས་པ། ལག་པ་ཆུ་བྱ་ལག་ཏུ་འདུག་པ། ཐེག་པ་མཆོག་ལ་དད་པ། མངོན་པར་ཤེས་པ་དེས་བྲི་བར་བྱའོ། །སྔགས་ཀྱི་འཁོར་ལོ་བྲི་བའི་དུས་གང་ལགས་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །དུས་ནི་གསུམ་སྟེ། རྨྱུག་གུ་བཙལ་བའི་དུས་དང་། བྲི་བའི་ ― DNG021_Page_0524 ―
[མ་དཔེ་གཟིགས་ན་འདིར་གནོན།]
དུས་དང་། སྣག་ཚ་བཙལ་བའི་དུས་དང་གསུམ་མོ། །བྲི་བའི་དུས་ནི་ཉ་ནག་དམར་གྱི་དུས་སོ། །རྨྱུག་གུ་བཙལ་བའི་དུས་ནི། སྨིན་དྲུག་ས་འོག་ཏུ་སོང་བའི་དུས་སོ། །སྣག་ཚ་བཙལ་བའི་དུས་ནི། དཔྱིད་ཟླ་འབྲིང་པོ་ལྷ་མོ་ཨུ་མ་དེ་ཝཱི་གསང་བའི་མཁར་འཆར་བའི་དུས་སོ། །བཅོམ་ལྡན་འདས་རྨྱུག་གུ་དང་འཁོར་ལོ་དེ་ལྟར་ལགས་ན། འཁོར་ལོ་ཆེན་པོ་བཅའ་བའི་དུས་གང་ལགས། དུས་ནི་བསྙེན་པ་རྫོགས་པའོ། །ལས་ནི་སྒྲུབ་པའོ། །རྒྱུ་ནི་གྲོ་གའམ་ཤོག་ཤོག་སྟེ། འཕོ་བའི་ཡན་ལག་རྫོགས་པར་བྲི། མདོག་ནི་སྨུག་ནག་དག་ཏུ་བྱའོ། །དྲག་པོའི་ལས་ལ་འཁོར་ལོ་ནག །དབྱིབས་ནི་ཟླ་བ་ཁམ་པ་ལ། །མདོག་ནི་ནག་པོ་ལྕེ་བཞིར་བཅས། །དབུས་སུ་ཨོཾ་བཛྲ་ཀཱི་ལི་ཀཱི་ལ་ཡ། དབུས་སུ་ཆེ་གེ་མོ་མཱ་ར་ཡ་དགོད། ལྕེ་བཞིར་ཧཱ་ས་ཡར་བཞི་དགོད། དབུས་ཀྱི་བཛྲ་ཀཱི་ལི་ཀཱི་ལ་ཡ་དང་པོས་ནི། བདག་ཉིད་ཕྱག་རྒྱ་ཆེན་པོར་གསལ་བའོ། །ཀཱི་ལ་ཡ་འོག་མས་ལྷ་ཚོགས་སུ་གསལ་ལོ། །ཆེ་གེ་མོ་ཡིས་དམིགས་པ་གསལ། །ཧ་ས་ཡ་ར་ན་བཟླས་པའི་མཆོག །དཔྲལ་བའི་འཁོར་ལོ་འདི་བསྐུར་རོ། །དབབ་པའི་འཁོར་ལོའི་དབྱིབས་རྣམས་ནི། །ལྕུམ་གཞོགས་འདྲ་བའི་ཟུར་བརྒྱད་ལ། །སྟེང་མ་པདྨ་འདབ་བརྒྱད་མཛེས། །འོག་ནི་རིན་ཆེན་ཟུར་བརྒྱད་དོ། །སྟེང་གི་པདྨའི་ལྟེ་བ་ལ། །དབུས་སུ་ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཞེས་པ་བྲི། འཁོར་ལོའི་འདབ་མའི་ཆ་རྣམས་ལ། །ཨཱ་བེ་ཤ་ཡ་ཞེས་པའི་སྙིང་པོ་བྲི། །གཟུགས་ལ་དབབ་པའི་འཁོར་ལོའི་རིམ་པའོ། །ཉ་ཡི་གཟུགས་འདྲ་བཞི་པོ་ལ། །འཁོར་ལོའི་འདབ་མ་རེ་རེ་ལ། །དབུས་སུ་ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཞེས་པ་བྲི། ཉ་འདྲ་བཞི་པོ་ལ། ཤཱི་གྷྲཾ་ཨཱ་ན་ཡ་ཡི་སྙིང་པོ་བྲི། འདིས་ནི་འཆིང་བར་འགྱུར་བའོ། །བྱད་དུ་གཞུག་པའི་འཁོར་ལོའི་རིམ་པའོ། །དར་ལྕེའི་ཁུག་པ་འདྲ་བ་དང་། །རིན་ཆེན་པདྨའི་སྡོང་པོ་འདྲ་བ་ལ། །དབུས་སུ་ཨོཾ་བཛྲ་ཀཱི་ལི་ ― DNG021_Page_0525 ―
[མ་དཔེ་གཟིགས་ན་འདིར་གནོན།]
ཀཱི་ལ་ཡ། ཆེ་གེ་མོ་མཱ་ར་ཡ་ཞེས་པ་བྲི། མཐའ་མ་རྣམས་ལ། ཛྭ་ལ་པ་ཡའི་སྔགས་བཀོད་པས། །ཐམས་ཅད་མྱོས་ཤིང་སྨྲ་བར་འགྱུར། །སྨྱོ་བའི་འཁོར་ལོ་བཅའ་བའི་རིམ་པའོ། །དབྱིབས་ནི་གྲོ་ག་གཅུས་འདྲ་དང་། །ཟངས་ཀྱི་མོ་ཁབ་དབྱིབས་འདྲ་དང་། །ཟར་མའི་མེ་ཏོག་ཁ་ཕྱེ་བ། །ཟླ་བ་ཚེས་པའི་རྣམ་པ་འདྲ། །རེ་རེ་འཁོར་ལོ་ལྡེབ་རེ་ཡིན། །དབུས་སུ་ཨོཾ་ཀཱི་ལི་ཀཱི་ལ་ཡ། ཆེ་གེ་མོ་ཞེས་པ་བྲི། འཁོར་ལོའི་འདབ་མའི་ཆ་རྣམས་ལ། །ཏཱ་ཐ་ཡ་ཡི་སྔགས་རྣམས་བྲི། །རྡུལ་དུ་རློག་པའི་ལས་སུ་འགྱུར་རོ། །རྡུལ་དུ་རློག་པའི་འཁོར་ལོའི་རིམ་པའོ། །རྡོ་རྗེའི་དབྱིབས་འདྲའི་འཁོར་ལོ་ལ། །དབུས་སུ་ཨོཾ་ཀཱི་ལི་ཀཱི་ལ་ཡ་ཆེ་གེ་མོ་ཞེས་པ་བྲི། འཁོར་ལོ་འདབ་མའི་ཆ་རྣམས་ལ། །བྷིནྡ་ཡ་ཡི་སྔགས་བཀོད་པས། །ཞལ་དུ་སྟོབ་པའི་ལས་སུ་འགྱུར། །ཞལ་དུ་བསྟབ་པའི་འཁོར་ལོའི་རིམ་པའོ། །མཱ་ར་ཡ་བསད་པའི་འཁོར་ལོའི་རིམ་པ་བསྟན་པ་དང་། འཁོར་ལོ་བཅའ་བའི་རིམ་པའི་ལེའུ་སྟེ་གཉིས་པའོ།། །།སེམས་དཔའ་ཆེན་པོ་འཁོར་ལོ་བྲི་བ་དང་། མཱ་ར་ཡ་བསད་པའི་དཀྱིལ་འཁོར་དེ་ལྟར་ལགས་ན་གཟས་པ་པོ་འཇིག་རྟེན་འདི་ནས་ཕ་རོལ་དུ་བསྒྲལ་བ་ལ་སྔགས་ཀྱི་དོན་དུ་མཆིས་སེམས་དཔའ་ཆེན་པོ་བཤད་དུ་གསོལ། ལས་ཀྱི་སེམས་དཔའ་ལེགས་སོ་སྔགས་འདིའི་དོན་རྟོགས་པར་དཀའ་བས་ཞུས་པ་ལེགས་སོ། །ཉོན་ཅིག་དེ་ལ་ཡང་བཞི་སྟེ། ཀཱི་ལ་ཡ་སྔགས་ཀྱི་ཕྲེང་བ་དང་། ཀཱི་ལི་ཀཱི་ལ་ཡ་སྔགས་ཀྱི་འཁོར་ལོ་དང་། ཀཱི་ལ་ཡ་ལྷའི་སྐུ་ཕྱག་རྒྱ་ཆེན་པོའི་རིམ་པ་དང་། ཀཱི་ལ་ཡ་ཆོས་ཉིད་ལ་གནས་པའི་རིམ་པའོ། །སེམས་དཔའ་ཆེན་པོ་སྔགས་ཀྱི་ཕྲེང་བ་ལ་དོན་དུ་མཆིས། ལས་ཀྱི་སེམས་དཔའ་ཉོན་ཅིག །དེ་ལ་གཉིས་ཏེ། འདྲེན་པར་བྱེད་པ་དང་། ཟིལ་གྱིས་གནོན་པའོ། །འདྲེན་པར་བྱེད་པ་ནི། སེམས་དཔའ་ཆེན་པོ་སྔགས་ཀྱི་སེམས་དཔའི་ཐུགས་ཀ་ནས་ཙིཏྟ་རིན་ཆེན་ཟུར་བརྒྱད། དེའི་ལྟེ་བ་ལ་ཟག་པ་མེད་པའི་གཟུགས་ ― DNG021_Page_0526 ―
[མ་དཔེ་གཟིགས་ན་འདིར་གནོན།]
བརྙན་དུ་གྱུར་པའི་རྡོ་རྗེ་རྩེ་དགུ་པ། དེའི་ལྟེ་བར་ཨོཾ། ཟུར་བརྒྱད་ལ་ཀཱི་ལ་ཡ་འབྲུ་བརྒྱད། དེའི་སྔགས་ཀྱི་བདག་པོས། ཨོཾ་བཛྲ་ཀཱི་ལ་ཡ་ཛཿཧཱུཾ་བཾ་ཧོཿ། ཞེས་བརྗོད་པས། ལྕགས་ཀྱུ་དང་། ཞགས་པ་དང་། ལྕགས་སྒྲོག་དང་། དྲིལ་བུ་བཞི་བྱུང་སྟེ། གཟས་པ་པོའི་གནས་མལ་དུ། ཡཾ་ལས་རླུང་གི་དལ་དུ་གྱུར་ཏེ། གནས་མལ་དང་གཟས་པ་པོར་བཅས་པ་ལྕགས་ཀྱུས་བཀུག །ཞགས་པས་བཅིང་། ལྕགས་སྒྲོག་གིས་བསྡམ། དྲིལ་བུས་དགྱེས་པར་བྱས་པ་ནི། འདྲེན་པར་བྱེད་པའི་རིམ་པའོ། །ཟིལ་གྱིས་གནོན་པའི་སྔགས་ཀྱི་རིམ་པ་ནི། ཨཱོཾ་ལཾ་ཧཱུཾ་ལཾ། ཞེས་བརྗོད་པས། གཟས་པ་པོའི་ཀླད་རྒྱས་སུ། ཡེ་ཤེས་ཀྱི་རི་རབ་རྩེ་མོ་བརྒྱད་པ་གཅིག་ཏུ་གྱུར་ཏེ། སྟཾ་བྷ་ཡ་ནན་ཞེས་པས་གནོན་པའོ། །མོ་ཧཱ་གྷ་ཡ་ནི་མིང་དང་རུས་སུ་བཅས་པའོ། །ཧྲཱྀཿཿཝི་ཏྲི་ནི་ཐབས་དང་ཤེས་རབ་ཟུང་དུ་འདྲེལ་བའོ། །ལས་ཀྱི་སེམས་དཔའ་དེ་རུ་ཁྲུས་ལུང་ཇི་ལྟར་ལགས། ཉོན་ཅིག་ཁྲུས་ལུང་གི་རིམ་པ་ལ་ཡང་རྣམ་པ་གཉིས་ཏེ། སྙིང་པོ་སྔགས་ཀྱི་ཁྲུས་ལུང་དང་། སྐུ་ཕྱག་རྒྱ་ཆེན་པོའི་ཁྲུས་ལུང་ངོ་། །སྙིང་པོ་སྔགས་ཀྱི་ཁྲུས་ལུང་ནི། ལས་ཀྱི་སེམས་དཔའི་དབུར་ཟླ་བའི་དཀྱིལ་འཁོར་གྱི་སྟེང་དུ། ཡི་གེ་ཨ་ཡི་ཕྲེང་བ་གསང་བའི་མགུལ་དུ་བཏབ་པའོ། །སྔགས་ཀྱི་བདག་པོ་ལ་ཡང་དེ་ལྟར་རོ། །སྒྲོལ་བའི་སྲས་མཆོག་སྟེ། ཐུགས་ཡེ་ཤེས་རྩེ་གཅིག་པའི་རྩེ་མོ་ལ་ཨ་བཀོད་སྟེ། ལས་ཀྱི་སེམས་དཔས་དྲིལ་བས། འོད་དུ་ཞུ་སྟེ་འོད་ཟེར་ཆུ་རྒྱུན་དུ་བྱུང་བས། སྒྲོལ་བའི་བདག་པོ་ལ་ཐིམ་པས། སླར་གཟས་པ་པོ་ལ་ཐིམ་པས། ཀུན་གཞི་ལ་ཡོད་པའི་བག་ཆགས་བསྲེག་པ་ནི། སྙིང་པོ་སྔགས་ཀྱི་ཁྲུས་ལུང་ངོ་། །སྐུ་ཕྱག་རྒྱ་ཆེན་པོའི་ཁྲུས་ལུང་ནི། བདེ་བར་གཤེགས་པ་རྣམས་ཀྱི་དགོངས་པ་ལ་གསལ་བར་འགྱུར་གྱི། ཕལ་པ་རྣམས་ཀྱི་སྤྱོད་ཡུལ་མ་ཡིན་ནོ། །སེམས་དཔའ་ཆེན་པོ་ངན་སྔགས་ཀྱི་འཁོར་ལོ་རང་ཤེས་པར་བྱ་བ་ལ། དོན་དུ་ ― DNG021_Page_0527 ―
[མ་དཔེ་གཟིགས་ན་འདིར་གནོན།]
མཆིས་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །དེ་ལ་རྣམ་པ་དྲུག་སྟེ། དང་པོ་འཁོར་ལོ་ལྷ་དང་ཕྲལ་བ་དང་། འཁོར་ལོ་གཉིས་པས་གཟུགས་ལ་དབབ་པ་དང་། འཁོར་ལོ་གསུམ་པས་བྱད་དུ་བཅུག་པ་དང་། འཁོར་ལོ་བཞི་པས་སྨྱོ་རུ་གཞུག་པ་དང་། འཁོར་ལོ་ལྔ་པས་རྡུལ་དུ་བརླག་པ་དང་། འཁོར་ལོ་དྲུག་པས་ཞལ་དུ་བསྟབ་པའོ། །འདི་ནི་ངན་སྔགས་སུ་ཤེས་པའི་རིམ་པའོ། །སེམས་དཔའ་ཆེན་པོ་སྐུ་ཕྱག་རྒྱ་ཆེན་པོར་ཤེས་པར་བྱ་བ་ལ། དོན་དུ་མཆིས་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །དོན་དེ་རྟོགས་པར་དཀའ་ཞིང་གོ་བར་དཀའ་བས་ཞུ་བ་ལེགས་སོ། །ཀཱི་ལ་ཡ་ལྷའི་སྐུ་ཕྱག་རྒྱ་ཆེན་པོར་ཤེས་པར་བྱ་བ་ནི། ཕྱོགས་བཅུ་དུས་གསུམ་གྱི་བདེ་བར་གཤེགས་པའི་ཐུགས་ཀྱི་དཔལ་བེའུ་ལས་སྙིང་པོ་འབྲུ་དགུའི་ཚུལ་དུ་གནས་པ་ནི། སྔགས་ཀྱི་སེམས་དཔའོ། །དེ་ལས་ཀྱི་སེམས་དཔའ་ཞལ་གསུམ་ཕྱག་དྲུག་པ། སྨད་ལྕགས་ཀྱི་ཕུར་པ་ཟུར་གསུམ་པར་བྱུང་ནས། ཕྱོགས་བཅུ་དུས་གསུམ་གྱི་དེ་བཞིན་གཤེགས་པའི་སྤྱན་སྔ་ན་བཀའ་ནོད་པའི་ཚུལ་དུ་གནས་པ་ལ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་ལག་ཏུ་ཐུགས་ཡེ་ཤེས་རྩེ་གཅིག་པ་བྱིན་ནས་དབང་བསྐུར་ནས། ཨེ་མ་ཧོ། ལས་ཀྱི་སེམས་དཔའ་ཆེན་པོ་མ་འོངས་པའི་དུས་ངན་གདུལ་དཀའ་བའི་གང་ཟག་གིས་ཞིང་ཁམས་རྣམས་སུ་བསྒྲལ་བའི་དོན་གྱིས་ཤིག །ཁྱོད་ནི་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱི་གདུང་འཚོབ་པ་ཡིན་གྱིས། གང་ཞི་བས་མི་འདུལ་བ་དེ་ལ་མངོན་སྤྱོད་ཀྱི་ཕྲིན་ལས་བྱོས་ཤིག །སེམས་དཔའ་ཆེན་པོ་ཁྱོད་ནི་རྡོ་རྗེ་འཛིན་པའི་གདུང་འཚོབ་པ་ཡིན་ནོ། །ཞེས་གནང་བ་བྱིན་པ་ནི། ཀཱི་ལ་ཡ་ལྷའི་སྐུ་ཕྱག་རྒྱ་ཆེན་པོར་ཤེས་པའོ། །སེམས་དཔའ་ཆེན་པོ་ལྷའི་སྐུ་ཕྱག་རྒྱ་ཆེན་པོར་གནས་པ་དེ་ལྟར་ལགས་ན། ཀཱི་ལ་ཡ་ཆོས་ཉིད་དུ་གནས་པའི་དོན་བཤད་དུ་གསོལ། སེམས་དཔའ་ཆེན་པོ་ཉོན་ཅིག །ཆོས་ཉིད་ཀྱི་དོན་འདི་ནི་སྔར་ཕྱོགས་ ― DNG021_Page_0528 ―
[མ་དཔེ་གཟིགས་ན་འདིར་གནོན།]
བཅུ་དུས་གསུམ་གྱི་བདེ་བར་གཤེགས་པ་རྣམས་ཀྱིས་ཀྱང་མ་གསུངས། མ་བྱོན་པའི་བདེ་བར་གཤེགས་པ་རྣམས་ཀྱིས་གསུང་བར་མི་འགྱུར། སེམས་དཔའ་ཆེན་པོ་ཉོན་ཅིག །སེམས་དཔའ་ཆེན་པོ་ང་ཉིད་ཀྱིས་ཀྱང་མ་བཤད་པའི་དོན་དེ་ཞུ་བ་ལགས་སོ། །བདེན་གཉིས་རྒྱུ་དང་འབྲས་བུའི་ཚུལ། །ཀུན་རྫོབ་ལྷ་ཡི་དཀྱིལ་འཁོར་ཆེ། །དོན་དམ་སྙིང་པོ་སྔགས་ཀྱི་གཟུགས། །དེ་ལ་རྣམ་གཉིས་ཚུལ་དུ་གནས། །རྡོ་རྗེ་ཁྲོས་པས་ཞེ་སྡང་གཅོད། །ཅེས་པའི་ཚིག་འདིས་དོན་དམ་པའི་བདེན་པ་སྒྱུ་མ་ཙམ་དུ་བཞག་པ་ནི། ཆོས་ཉིད་ཀྱི་དོན་ཏོ། །ཨོཾ་བཛྲ་ཀཱི་ལི་ཀཱི་ལ་ཡ་ཞེས་བརྗོད་པས། ཆོས་ཐམས་ཅད་རང་བཞིན་མེད་པར་རྟོགས་ནས། རང་བཞིན་མེད་པ་སྒྱུ་མ་ཙམ་དུ་རྟོགས་པ་ནི་ཆོས་ཉིད་ཀྱི་དོན་ཏོ། །མཱ་ར་ཡ་བསད་པའི་དཀྱིལ་འཁོར་བསྟན་པ་དང་། སྔགས་ཀྱི་འཁོར་ལོ་བཅའ་གཞི་བསྟན་པ་དང་། སྔགས་ཀྱི་ཕྲེང་བ་བསྟན་པའི་ལེའུ་སྟེ་གསུམ་པའོ།། །།སེམས་དཔའ་ཆེན་པོ་མཱ་ར་ཡ་བསད་པའི་དཀྱིལ་འཁོར་དང་། སྔགས་ཀྱི་འཁོར་ལོ་བཅའ་བའི་དོན་དེ་ལྟར་ལགས་ན། ངན་སྔགས་ཀྱི་སྙིང་པོའི་དོན་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །ངན་སྔགས་ཀྱི་སྙིང་པོ་འདི། སྔར་དེ་བཞིན་གཤེགས་པ་རྣམས་ཀྱིས་མ་གསུངས་པའི་ངན་སྔགས་ཀྱི་འཁོར་ལོ་འདི། ངས་ལས་ཀྱི་སེམས་དཔའ་ཁྱོད་ཀྱི་དོན་དུ་བཤད་ཀྱི་ཉོན་ཅིག །དེའི་ཚེ་དེའི་དུས་སུ་བཅོམ་ལྡན་འདས་དཔུང་རྣམ་པར་འཇོམས་པའི་ཏིང་ངེ་འཛིན་ལ་སྙོམས་པར་ཞུགས་ནས་དབུའི་འཁོར་ལོའི་གཙུག་ནས་དཔུང་རྣམ་པར་འཇོམས་པའི་ངན་སྔགས་ཀྱི་སྙིང་པོ་འདི་བྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཧ་ས་ཡ་ར་ན་ཧཱ་ད་ན་ཡ་ཧཱུཾ་ཕཊ། ཅེས་པའི་སྙིང་པོ་འདི་ཕྱུང་བས། འཇིག་རྟེན་གྱི་ཁམས་འདི་རབ་ཏུ་གཡོས་སོ། །དེའི་ཚེ་བདུད་ཀྱི་དཔུང་རྣམས་རབ་ཏུ་ཕམ་པར་བྱས་སོ། །དེའི་ཚེ་སྙིང་པོ་འདིའི་སྔགས་འདི་ལ་ལྷ་དང་དབྲལ་བའི་སྔགས་ཞེས་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ ― DNG021_Page_0529 ―
[མ་དཔེ་གཟིགས་ན་འདིར་གནོན།]
རྣམས་ཀྱིས་དབང་བསྐུར་རོ། །དེ་བས་ན་སྙིང་པོ་འདི་ནི་འབྲལ་བར་བྱེད་པའི་སྙིང་པོ་མཆོག་ཅེས་བྱའོ། །དེ་བཞིན་གཤེགས་པ་དེ་ཉིད་དུ་དཔུང་རྣམ་པར་སྡུད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐུགས་ཀྱི་དཔལ་བེའུ་ནས་སྙིང་པོ་ངན་སྔགས་ཀྱིས་སེམས་ཅན་ཐམས་ཅད་དབང་དུ་སྡུད་ཅིང་འགུགས་པར་བྱེད་པའི་སྙིང་པོ་འདི་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཨཱ་བེ་ཤ་ཡ་ཨཱ་བེ་ཤ་ཡ་ཧཱུྃ་ཕཊ། ཅེས་པའི་སྙིང་པོ་འདི་བརྗོད་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བདུད་དང་། མུ་སྟེགས་ལ་སོགས་པའི་ཤེས་པ་རྣམས་རང་རང་གི་གཟུགས་ལ་མི་གནས་ཤིང་། ཤེས་པ་དབང་དུ་བསྡུས་ནས་ལུས་རྡོ་ཤིང་བཞིན་དུ་གྱུར། དེའི་ཚེ་སྙིང་པོ་འདི་ལ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་འགུགས་ཤིང་དབང་དུ་བྱེད་པའི་སྙིང་པོ་ཞེས་དབང་བསྐུར་རོ། །དེ་བས་ན་སྙིང་པོ་འདི་ལ་འབེབས་པར་བྱེད་པའི་སྙིང་པོ་ཞེས་བཤད་དོ། །དེའི་ཚེ་བཅོམ་ལྡན་འདས་ཀྱིས་ཟིལ་གྱིས་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕྱག་དང་ཞབས་རྣམས་ལས་ངན་སྔགས་ཀྱི་སྙིང་པོ་འདི་ཉིད་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཤཱི་གྷྲཾ་ཨཱ་ན་ཡ་ཧཱུཾ་ཕཊ། ཅེས་བརྗོད་པས་བདུད་དང་མུ་སྟེགས་ལ་སོགས་པ་ཐམས་ཅད་ལུས་དྲུ་བུ་ཐུལ་དུ་བཅིངས་པར་གྱུར་ཏོ། །དེའི་ཚེ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་འཆིང་བར་བྱེད་པའི་སྙིང་པོ་ཞེས་དབང་བསྐུར་རོ། །དེ་བས་ན་སྙིང་པོ་འདི་བྱད་དུ་གཞུག་ཅིང་འཆིང་བར་བྱེད་པའི་སྙིང་པོ་ཞེས་བཤད་དོ། །དེའི་ཚེ་བཅོམ་ལྡན་འདས་དེ་ཉིད་ཆོས་ཀྱི་འཁོར་ལོ་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེའི་ཚེ་གསུང་གི་པདྨ་ལ་ཐུགས་ཀྱི་དཔལ་བེའུ་དང་ལྗགས་ཀྱི་རྩེ་མོ་ནས་ངན་སྔགས་ཀྱི་སྙིང་པོ་འདི་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཅེས་བརྗོད་པས། སངས་རྒྱས་ཀྱི་ཞིང་ཁམས་ན་གནས་པའི་ལོག་པ་ཅན་གྱི་སེམས་ཅན་ཐམས་ཅད་ཆེར་ ― DNG021_Page_0530 ―
[མ་དཔེ་གཟིགས་ན་འདིར་གནོན།]
སྨྲ་བར་གྱུར་ཏོ། །དེའི་ཚེ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་སྙིང་པོ་འདི་ལ་སྨྲ་བར་བྱེད་པའི་སྙིང་པོ་ཞེས་དབང་བསྐུར་རོ། །དེ་བས་ན་སྙིང་པོ་འདི་ལ་སྨྱོ་ཞིང་སྨྲ་བར་བྱེད་པའི་སྙིང་པོ་ཞེས་བཤད་དོ། །དེའི་ཚེ་བཅོམ་ལྡན་འདས་ཀྱིས་རླག་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ངན་སྔགས་ཀྱི་སྙིང་པོ་འདི་ལྟེ་བ་ནས་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཏཱ་ཐ་ཡ་ཏཱ་ཐ་ཡ་ཧཱུཾ་ཕཊ། ཅེས་བརྗོད་པས་སྣོད་བཅུད་ཐམས་ཅད་རྡུལ་ཕྲ་རབ་ཙམ་དུ་གྱུར་ཏོ། །དེའི་ཚེ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་ཞིག་པར་བྱེད་པའི་སྙིང་པོ་ཞེས་པའི་དབང་བསྐུར་རོ། །དེ་བས་ན་སྙིང་པོ་འདི་ལ་རྡུལ་དུ་བརླག་པའི་སྙིང་པོ་ཞེས་བཤད་དོ། །དེའི་ཚེ་བཅོམ་ལྡན་འདས་ཞལ་བཞད་ཅིང་མཆེ་བ་གཙིགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེའི་ཚེ་གསང་བའི་སྦུབས་ནས། ངན་སྔགས་ཀྱི་སྙིང་པོ་འདི་ཕྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་བྷིན་དྷ་བྷིན་དྷ་ཧཱུཾ་ཕཊ། ཅེས་བརྗོད་པས་སྣོད་བཅུད་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཞལ་དུ་གསོལ་བར་གྱུར་ཏོ། །དེའི་ཚེ་བཅོམ་ལྡན་འདས་འཇིགས་པར་བྱེད་པ་ཟ་བར་བྱེད་པའི་སྙིང་པོ་ཞེས་དབང་བསྐུར་རོ། །དེ་བས་ན་སྙིང་པོ་འདི་ནི་ཞལ་དུ་སྟོབ་པ་ཞེས་བཤད་པ་ཡིན་ནོ། །སྙིང་པོ་ངན་སྔགས་ཀྱི་ལེའུ་སྟེ་བཞི་པའོ།། །།སེམས་དཔའ་ཆེན་པོ་སྙིང་པོ་ངན་སྔགས་ཀྱི་འཁོར་ལོ་དེ་ལྟར་ལགས་ན། གསང་བའི་ཚིག་དྲུག་པོ་བཤད་དུ་གསོལ། །ལས་ཀྱི་སེམས་དཔའ་ཉོན་ཅིག །སྔར་མ་གསུངས་པའི་ཚིག་འདི་རྣམས་ཡིན་ཏེ། གཏོགས་ཤིག་གྲོགས་དང་བྲལ་བར་གྱིས། །ཕོབ་ཅིག་རྣམ་པར་གཟིར་བར་གྱིས། །ཟུང་ཞིག་ཆིངས་ཤིག་རྣམ་པར་སྡོམས། །རིངས་པར་ཁུག་ལ་སྨྲར་ཆུག་ཅིག །ལུས་ངག་རྡུལ་ཕྲན་བཞིན་དུ་རློག །བཛྲ་ཡཀྴ་ཀྲོ་ཏ་བི་ཛ་ཡ་ཁཱ་ཧི་ཞེས་བརྗོད་པས། ལས་ཀྱི་སེམས་དཔའ་ ― DNG021_Page_0531 ―
[མ་དཔེ་གཟིགས་ན་འདིར་གནོན།]
ཆེར་སྐྲག་པར་གྱུར་ཏེ་ས་ལ་འགྱེལ་བར་གྱུར་ཏོ། །བཅོམ་ལྡན་འདས་རྡོ་རྗེ་གསང་བ་བདེ་བས། ལས་ཀྱི་སེམས་དཔའ་ལེགས་སོ། །དོན་དེ་ལ་སྐྲག་པར་མ་བྱེད་ཅིག །སྔོན་གྱི་དུས་གསང་བའི་ཚིག་དྲུག་པོ་འདི། འདས་པའི་དེ་བཞིན་གཤེགས་པ་རྣམས་ཀྱིས་ཀྱང་གསུངས་པས། འཇིག་རྟེན་ཆེར་གཡོས་ཤིང་རབ་ཏུ་གཡོས་པར་གྱུར་ཏོ། །དེ་བས་ན་ཚིག་དྲུག་པོ་འདིའི་བྱིན་གྱིས་བརླབས་ཀྱིས་གཡོ་བར་བྱེད་པ་ཡིན་པས། དོན་དེ་ལ་མ་སྐྲག་པར་དོན་གཞན་ཞུས་ཤིག །དེའི་ཚེ་ལས་ཀྱི་སེམས་དཔའ་བཀའ་ནོད་པའི་ཚུལ་དུ་གནས་ཏེ། དྲན་པ་རྙེད་ནས་སེམས་དཔའ་ཆེན་པོ། སྔགས་ཀྱི་འཁོར་ལོའི་རྫས་སྔར་མ་གསུངས་པ་བཤད་དུ་གསོལ། ཨེ་མ་ཧོ། ལས་ཀྱི་སེམས་དཔའ་ཉོན་ཅིག །དཔྲལ་བར་གུ་གུལ་ཚིལ་ཆེན་འབོབ། །ཀུ་ཀུ་རཱ་ཙའི་དྲི་ཆེན་ཤེས་པར་བཤད། །དབབ་ལ་ཉུང་དཀར་རྒྱལ་པོ་མཁར་ནག་སྐུད་པ་དང་། །ཨཾ་ཀུ་ཤ་ནི་དཀར་ནག་གོ། །བྱད་དུ་གཞུག་པ་ཚོན་སྣ་ལྔ་པོ་དང་། །བལ་ཚོན་དྲུབ་དང་བཅས་པའོ། །སྨྱོ་བལ་དུག་གཏོར་སྡིགས་ཕུར་རོ། །རྡུལ་དུ་བརླག་ན་ཉུང་དཀར་རྒྱལ་པོ་དང་། །མཚོན་ཆ་རྣམ་པ་སྣ་ཚོགས་དང་། །སྐྱེ་ཚེ་གདབ་ཕུར་ཉི་ཤུ་རྩ་གཅིག །ལྕགས་ཕྱེ་ཟངས་ཕྱེ་ཤིས་པར་བཤད། །བསྟབ་ལ་མེ་ཡི་སྦྱིན་བསྲེག་གོ། །ལས་ཀྱི་སེམས་དཔའ་རྫས་དེ་རྣམས་ནི་རང་བཞིན་གྱིས་བྱིན་རླབས་ཆེ་བའོ། །གནོད་སྦྱིན་རྒོད་མ་ཁ་ལ་སོགས་པས་ཀྱང་དབང་བསྐུར་བའི་རྫས་སོ། །ངས་ཀྱང་བྱིན་གྱིས་བརླབས་ཏེ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཀྱིས་འཁོར་ལོའི་ཆ་རྐྱེན་དུ་བཞག་གོ། །སེམས་དཔའ་ཆེན་པོ་འཁོར་ལོའི་ཆ་རྐྱེན་དེ་ལྟར་ལགས་ན། དམོད་པའི་ཐུན་ཅི་ལྟར་ལགས། ལས་ཀྱི་སེམས་དཔའ་ཉོན་ཅིག །གུ་གུལ་ལ་སོགས་པའི་རྫས་ཐོགས་ལ། གཙོ་བོ་ནས་དཀྱིལ་འཁོར་གྱི་ལྷ་རྣམས་སྨོས་ཏེ། ཆེ་གེ་མོ་འདི་ལྷ་དང་ཕྲལ་བར་གྱིས་ཤིག །མཁར་ནག་གི་སྐུད་པ་ཐོགས་ལ། ཛཿཧཱུཾ་བཾ་ཧོཿའི་ཕྱག་རྒྱ་བྱས་ཏེ། དཀྱིལ་ ― DNG021_Page_0532 ―
[མ་དཔེ་གཟིགས་ན་འདིར་གནོན།]
འཁོར་གྱི་ལྷ་རྣམས་སྨོས་ཏེ། ཆེ་གེ་མོ་འདི་གཟུགས་ལ་ཕོབ་ཅིག་ཅེས་བརྗོད་ལ། ཚོན་སྣ་ལྔའི་སྐུད་པ་ཐོགས་ལ། བྱད་དུ་ཆུག་ཅིག་པ་དང་། དུག་གི་གཏོར་མ་ཐོགས་ལ། སྨྱོ་རུ་ཆུག་ཅིག་པ་དང་། ལྕགས་ཕྱེ་ཟངས་ཕྱེ་ཐོགས་ལ་རྡུལ་དུ་རློགས་ཤིག་པ་དང་མེའི་དཀྱིལ་འཁོར་ཞལ་དུ་བཞེས་ཤིག་པ་ནི། དེ་བཞིན་གཤེགས་པ་རྣམས་ཀྱི་ཐུགས་རྗེའི་དམོད་པའོ། །དུག་གི་གཏོར་མ་ལ་རྨ་བྱའི་གདུགས་དང་བཅས་པ་ནི་ལས་ཀྱི་སྲིན་མོའི་དམོད་པའོ། །གསང་བའི་ཚིག་དྲུག་པའོ། །ལས་ཀྱི་དམོད་པའི་ལེའུ་སྟེ་ལྔ་པའོ།། །།བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ལས་ཀྱི་འཁོར་ལོ་ཞི་བར་བྱེད་པའི་དོན་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །ཞི་བར་བྱེད་པའི་དོན་འདི་ཡིན་ཏེ། གནོད་སྦྱིན་གྱི་ལག་པ་ལ་ཤིང་ཀ་ར་བཱི་རའི་མེ་ཏོག་ཁུ་བ་ཉི་མ་གཟས་ཟིན་པའི་དུས་སུ་བྱུགས་ལ། ཀ་ར་ཏི་ཀའི་ཁུ་བས་ལྷ་དབང་ལྡན་གྱི་གཟུགས་ལ་འཁོར་ལོ་རྩིབས་བཅུ་གཉིས་པ་མངོན་པར་ལྡན་པ་བྲིའོ། །དེའི་དབུས་སུ་དམག་གི་དཔུང་ངམ་གཏན་འཕོ་བར་བྱེད་པ་ཞི་བར་འདོད་པའི་མིང་བྲིས་ལ། སྟེང་གི་ཆ་ལ། ཨོཾ་བཛྲ་ཀཱི་ལི་ཀཱི་ལ་ཡ། ཤཱནྟིཾ་ཧ་ས་ཡ་ར་ཎ་ཧ་ད་ན་ཡ་ཧཱུཾ་ཕཊ། ཅེས་བྲིའོ། །འོག་གི་ཆ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་བྷིན་དྷ་ཡ་བྷིན་དྷ་ཡ་ཧཱུཾ་ཕཊ། ཅེས་བྲིའོ། །འདི་ཕུང་པོ་ཞི་བར་བྱེད་པའི་ལས་ཀྱི་མཆོག་གོ། །ཤར་ཕྱོགས་ཀྱི་འཁོར་ལོའི་རྩིབས་ཀྱི་ཆ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཤཱནྟིཾ་ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། ལྷོ་ཕྱོགས་ཀྱི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཤཱནྟིཾ་ཤཱི་གྷྲཾ་ཨཱ་ན་ཡ་ཧཱུཾ་ཕཊ། ནུབ་ཕྱོགས་ཀྱི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཤཱནྟིཾ་ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། བྱང་ཕྱོགས་ཀྱི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཤཱནྟིཾ་ཏཱ་ཐ་ཡ་ཏཱ་ཐ་ཡ་ཧཱུཾ་ཕཊ། རྩིབས་བརྒྱད་ལ། རྡོ་རྗེ་སྲིན་མོ་རྣམས་ཀྱི་སྙིང་པོ་དང་། གཏན་འཕོ་བའི་མིང་སྤེལ་བ་ནི། ཞི་བའི་འཁོར་ལོ་སྟེ། པཉྩི་ ― DNG021_Page_0533 ―
[མ་དཔེ་གཟིགས་ན་འདིར་གནོན།]
ཀའི་ཉིན་ལ་འཁོར་ལོ་དྲིལ་ལ་རྡོ་རྗེ་བུ་མོའི་ཁྲག་གིས་རྒྱས་བཏབ་པའོ། །འོ་མ་འཛག་པའི་ཤིང་ལ་ཞི་བའི་ཕུར་བུ་ཟླུམ་པོའི་དབྱིབས་སུ་བྱས་པའི་ལྟེ་བ་ལ་སྔགས་ཀྱི་འཁོར་ལོ་བཅུག་ལ། དམག་གི་དཔུང་གིས་བཅགས་པའི་ས་ལ་གང་ཞི་བར་འདོད་པའི་གཟུགས་བྱས་ལ། རྒྱ་སྣག་གི་ཁུ་བ་ཁ་དོག་དཀར་པོར་བྱས་ལ། ཞི་བའི་ཕུར་བུ་སྙིང་གར་བཏབ་ལ། རས་བལ་གྱི་སྐུད་པ་དཀར་པོས་བཏགས་ལ། ཁ་ཤར་ཕྱོགས་སུ་བལྟས་ཏེ། ཏིལ་ལ་སྔགས་བྱེ་བ་བདུན་འབུམ་དུ་བརྗོད་པས་གྲུབ་པའི་ཚད་ནི། ཕུར་བུ་ལྡེག་པའམ། འཕར་བ་བྱུང་བའི་ཚེ། གྲུབ་པའི་ལས་དང་པོ་ཡིན་ཏེ། མཆོད་པ་ཆེན་པོས་ཞལ་བཞད་པའི་ལིངྒ་དང་། ཕུར་བུ་བྱས་ལ་དམག་ཆེན་པོ་འདུ་བའི་སར་སྦས་ན་གང་འདྲེའི་གནོད་པ་དེ་ཞི་བར་འགྱུར་རོ། །ཞི་བའི་ལས་ཀྱི་རིམ་པའོ། །གང་དབང་དུ་བྱ་བར་འདོད་ན། བྲམ་ཟེའི་པགས་པ་ལ་མི་རྒོད་ཀྱི་རཀྟས་བྱུགས་ལ། མཛེས་ལྡན་མའི་གཟུགས་བྲིས་ལ། དེའི་ལྟེ་བར་འཁོར་ལོའི་ལྟེ་བར་ཟླ་གམ་རྩིབས་བརྒྱད་དང་ལྡན་པར་བྲིས་ལ། ལྟེ་བར་གང་དུ་བྱ་བའི་མིང་བྲིས་ཏེ། འཁོར་ལོའི་ཟླ་གམ་གྱི་སྟེང་དུ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་བ་ཤཾ་ཀུ་རུ་ཨཱ་བེ་ཤ་ཡ་ཧཱུཾ་ཕཊ། ཅེས་པ་བྲི། ཟླ་གམ་གྱི་ཞབས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་པ་ར་ཎ་ཧཱ་ས་ཡ་ར་ཧཱ་ས་དྷ་ན་ཧཱུཾ་ཕཊ། ཤར་ཕྱོགས་ཀྱི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་བ་ཤཾ་ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ལྷོ་ཕྱོགས་ཀྱི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་བ་ཤཾ་ཤཱི་གྷྲཾ་ཨཱ་ན་ཡ་ཧཱུཾ་ཕཊ། ནུབ་ཀྱི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་བ་ཤཾ་ཀུ་རུ་ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། བྱང་གི་འཁོར་ལོའི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་བ་ཤཾ་ཀུ་རུ་བྷིན་དྷ་ཡ་བྷིན་དྷ་ཡ་ཧཱུཾ་ཕཊ། ཅེས་པ་བྲིའོ། །འཁོར་ལོ་རྩིབས་བཞི་ལ་སྙིང་པོ་རྐྱང་པ་བཞི་དང་མིང་སྤེལ་ལ་བྲི། མརྒ་ཏའི་ཉི་མ་ཤར་བའི་དུས་སུ་འཁོར་ལོ་བྲིས་ལ་ཙནྡན་གྱི་ཤིང་ལ་དབང་གི་ཕུར་པ་ཟླ་གམ་དུ་བྱས་པ་ཕུར་པའི་ལྟེ་བར་འཁོར་ལོ་བཅུག་ལ། ― DNG021_Page_0534 ―
[མ་དཔེ་གཟིགས་ན་འདིར་གནོན།]
རྒྱལ་བའི་ཕྱོགས་ནས་ས་བླངས་ལ་གང་དབང་དུ་བྱ་བའི་གཟུགས་བྱས་ཏེ་མརྒ་ཏའི་པདྨའི་རཀྟས་བྱུག་སྟེ། ཁ་དོག་དམར་པོར་བྱས་པའི་ལྟེ་བར་དབང་གི་ཕུར་པ་བཏབ་ལ། གཟུངས་ཐག་དམར་པོས་བཏགས་ཏེ། ཁ་ནུབ་ཏུ་བལྟས་ལ་ཤང་ཚེ་གཏོར་ཞིང་བྱེ་བ་བདུན་འབུམ་དུ་བརྗོད་ན། གྲུབ་པ་མངོན་དུ་འབྱུང་སྟེ། ཞལ་བཞད་པ་དང་ལུང་སྟོན་པ་འབྱུང་སྟེ། དེའི་ཚེ་ལིངྒ་དང་ཕུར་པར་བཅས་པ་རྒྱ་མཚོ་ཆེན་པོའི་འགྲམ་དུ་མནན་ན་གང་དབང་དུ་བྱ་བ་དེ་དབང་དུ་འགྱུར་རོ། །དབང་གི་ལས་ཀྱི་རིམ་པའོ། །རྒྱས་པའི་འཁོར་ལོའི་རིམ་པ་ནི། པ་ཤ་ཀའི་པགས་པ་ལ་ལྡོང་རོས་ཀྱིས་བྱུགས་ལ། རེ་མིག་དགུ་པ་ལ་འཁོར་ལོ་རྩིབས་བརྒྱད་དང་བཅས་པ། རེ་མིག་དགུའི་དབུས་སུ། ཨཱོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་པུཥྚིཾ་ཅེས་པ་བྲིས་པར་ཧཱུཾ་གིས་བརྒྱན་པའོ། །འཁོར་ལོའི་རྩིབས་རེ་མིག་བཞི་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་པུཥྚིཾ་ཧ་ས་ཡ་ར་ཧ་ད་ན་ཅེས་བྲིའོ། །ཤར་ཕྱོགས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་པུཥྚིཾ་ཨཱ་བེ་ཤ་ཡ་ཧཱུཾ་ཕཊ། ཅེས་བྱ་བ་བྲི། ལྷོ་ཕྱོགས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་པུཥྚིཾ་ཀུ་རུ་ཛ་ཡ་ཧཱུཾ་ཕཊ། ཅེས་བྱ་བ་བྲི། ནུབ་ཕྱོགས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་པུཥྚིཾ་ཏ་ཐཱ་ཡ་ཏ་ཐཱ་ཡ་བྱ་བ་བྲི། བྱང་ཕྱོགས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་པུཥྚིཾ་བྷིན་དྷ་ཡ་བྷིན་དྷ་ཡ་ཧཱུཾ་ཕཊ། ཅེས་པ་བྲི། ཕལྒུ་ནཱིའི་ཉི་མའི་དུས་སུ་འཁོར་ལོ་དྲིལ་ལ་གསེར་གྱི་ཤིང་ལ་རྒྱས་པའི་ཕུར་བུ་ཟུར་བརྒྱད་པ་བྱས་ལ་རྒྱས་པའི་འཁོར་ལོ་ལྟེ་བའི་དབུས་སུ་སྦས་ལ་རྒྱས་བཏབ་ལ། ལམ་རྒྱ་གྲམ་གྱི་དབུས་ནས་བླངས་ལ། ལིངྒ་ཁ་དོག་སེར་པོར་བྱས་ལ། རྒྱས་པའི་ཕུར་པས་མགྲིན་པར་བཏབ་ལ། གཟུངས་ཐག་སེར་པོས་བཏགས་ལ་ཁ་ལྷོར་བལྟ། ཡུངས་ཀར་རྒྱལ་པོ་ལ་བྱེ་བ་བདུན་འབུམ་བཟླས་པ། དེའི་ཚེ་གྲུབ་པའི་དྲོད་ཚད་འབྱུང་བར་འགྱུར་ཏེ། འཕར་བ་དང་འཁྲོག་པ་དང་། ལྡེག་པའོ། །དེའི་ཚེ་ལིངྒ་དང་ཕུར་པ་བཅས་གཞལ་ཡས་ཁང་ཆེན་པོའི་དབུས་སུ་མནན་ན་གང་ ― DNG021_Page_0535 ―
[མ་དཔེ་གཟིགས་ན་འདིར་གནོན།]
རྒྱས་པར་བྱ་བ་དེ་རྒྱས་པར་འགྱུར་རོ། །རྒྱས་པའི་རིམ་པའོ། །དྲག་པོའི་འཁོར་ལོའི་རིམ་པ་ནི། འཇིགས་པའི་ལག་པ་ལ་བྲིས་ཏེ། རྒྱ་སོལ་གྱིས་ནག་པོར་བྱུགས་ལ། ཀ་ཀོ་ཏས་འཇིགས་བྱེད་ཆེན་པོའི་གཟུགས་བྱས་ཏེ། དེའི་སྙིང་གར་གྲུ་གསུམ་བཅུ་དྲུག་པའི་ཐིག་བཏབ་ལ། ཕྱི་རོལ་དུ་འཁོར་ལོ་རྩིབས་བཞི་བཅུ་རྩ་གཉིས་པ་བྲི་བར་བྱའོ། །གྲུ་གསུམ་དྲག་པོའི་དབུས་ཀྱི་ལྟེ་བ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཧ་ས་ར་ཎ་ཧ་ད་ན་ཡ་ཧཱུཾ་ཕཊ། ཤར་གྱི་འཁོར་ལོའི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། ལྷོ་ཡི་རྩིབས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཤཱི་གྷྲི་ན་ཨཱ་ན་ཡ་ཧཱུཾ་ཕཊ། ནུབ་ཀྱི་གྲུ་གསུམ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། བྱང་གི་གྲུ་གསུམ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། སྟེང་གི་ཆ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་བྷིན་དྷ་ཡ་བྷིན་དྷ་ཡ་ཧཱུཾ་ཕཊ། གྲུ་གསུམ་བཅུ་ལ་རྡོ་རྗེ་སྲིན་མོ་བཅུའི་སྙིང་པོ་བཅུ་དང་དགྲ་བོའི་མིང་སྤེལ་ལ་བྲིའོ། །ཕྱི་ཡི་འཁོར་ལོའི་རྩིབས་རྣམས་ལ། །མཆེ་བ་ཅན་གྱི་སྙིང་པོ་དང་། །གཤོག་པ་ཅན་གྱི་སྙིང་པོ་དང་། །དགྲ་བོའི་སྙིང་པོ་སྤེལ་ལ་བྲི། །དྲག་པོའི་ཕུར་པ་ནི། ཚེར་མ་ཅན་གྱི་ཤིང་ལ། ཕུར་པ་སྨད་ཟུར་གསུམ་རྒྱ་མདུད་དང་བཅས་པར་བྱས་ལ། རྡོ་རྗེ་འཁོར་ལོའི་ཉིན་པར་འཁོར་ལོ་དྲིལ། རོ་བསྲེགས་པའི་སོལ་བས་རྒྱས་བཏབ་ལ། དྲག་པོའི་ཕུར་པའི་ལྟེ་བར་སྦས་ལ་གྲོག་མཁར་གྱི་ས་ལ་ལིངྒ་བྱས་ལ། རྒྱ་སོལ་གྱིས་ཁ་དོག་ནག་པོར་བྱས། དྲག་པོའི་ཕུར་པ་སྙིང་གར་བཏབ་སྟེ། གཟུངས་ཐག་ནག་པོས་བཏགས་ཏེ། ཁ་བྱང་དུ་བལྟས་ཏེ། ཏིལ་ཆེན་པོ་ལ་བདུན་འབུམ་དུ་བཟླས་ནས་བྲབས་པས། གྲུབ་པའི་རྟགས་འོད་ཀྱི་དཀྱིལ་འཁོར་འབྱུང་བར་འགྱུར་ཏེ། དེའི་ཚེ་གནོད་སྦྱིན་གྱི་གྲོང་དུ་སྦས་ན་གང་བསད་པར་འདོད་པ་དེ་ངེས་པར་མཱ་ར་ཎའོ། །ཕྲིན་ལས་རྣམ་བཞི་གབ་པའི་འཁོར་ ― DNG021_Page_0536 ―
[མ་དཔེ་གཟིགས་ན་འདིར་གནོན།]
ལོའི་ལེའུ་སྟེ་དྲུག་པའོ།། །།སེམས་དཔའ་ཆེན་པོ་འཁོར་ལོ་དེ་ལྟར་ལགས་ན། སྔར་མ་གསུངས་པའི་དེ་བཞིན་གཤེགས་པ་ཉིད་ཀྱི་ཡོན་ཏན་གྱི་ཆར་སྣང་བའི་ཕུར་པ་ཞེས་གདགས་པ་ལ་དོན་དུ་མཆིས། ལས་ཀྱི་སེམས་དཔའ་ཉོན་ཅིག །དོན་དེ་སྔར་དེ་བཞིན་གཤེགས་པ་རྣམས་ཀྱིས་ཀྱང་མ་གསུངས་སོ། །ཕྱིས་འོང་བའི་དེ་བཞིན་གཤེགས་པ་རྣམས་ཀྱིས་ཀྱང་གསུང་བར་མི་འགྱུར་བས། ལས་ཀྱི་སེམས་དཔའ་ཁྱོད་ཉིད་ཀྱི་དོན་དུ་ངས་བཤད་པར་བྱའོ། །བསྐྲད་པ་མཚམས་ཀྱི་ཕུར་པ་དང་། བཀོད་པ་ལྷ་ཡི་ཕུར་པ་དང་། མངགས་པ་ཕོ་ཉའི་ཕུར་པ་དང་། དབང་དུ་སྡུད་པའི་ཕུར་པ་དང་། གདབ་པ་ཕྲིན་ལས་ཀྱི་ཕུར་པ་དང་། འཛིན་ཅིང་མི་གཏང་བའི་ཕུར་པ་དང་། གནས་བསྲུང་བའི་ཕུར་པའོ། །བཅོམ་ལྡན་འདས་རྡོ་རྗེ་ཕུར་པའི་དོན་དེ་ལྟར་ལགས་ན། དེ་རྣམས་ཀྱི་གསང་བའི་སྙིང་པོའི་ལས་ལ་སྦྱར་བ་གང་ལགས་བཤད་དུ་གསོལ། དེའི་ཚེ་བཅོམ་ལྡན་འདས་ཀྱིས་ཆེར་བཞད་ནས་ཞལ་འཛུམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཐུགས་ཀྱི་དཔལ་བེའུ་ནས་ཀྱང་པར་བི་དྱཱན་ཞེས་བྱ་བ་ཐོན་པར་གྱུར་ཏོ། །སྙན་གྱི་འཁོར་ལོ་ལས་ཀྱང་ཧ་ན་ཧ་ན་ཞེས་བྱ་བ་ཐོན་པར་གྱུར་ཏོ། །ཤངས་ཀྱི་དབྱིངས་ནས་ཀྱང་ད་ཧ་ད་ཧ་ཞེས་བྱ་བར་ཐོན་པར་གྱུར་ཏོ། །ལྗགས་ཀྱི་པདྨ་ལས་ཀྱང་པ་ཙ་པ་ཙ་ཞེས་བྱ་བ་ཐོན་པར་གྱུར་ཏོ། །མགུལ་གྱི་མགྲིན་པ་ནས་ཀྱང་བྷན་དྷ་བྷན་དྷ་ཞེས་བྱ་བར་ཐོན་པར་གྱུར་ཏོ། །ཕྱག་གི་དཔུང་པ་གཉིས་ལས་ཀྱང་གྲྀ་ཧྞ་གྲྀ་ཧྞ་ཞེས་བྱ་བ་ཐོན་ཏོ། །སྐུའི་ལྟེ་བ་ལས་ཀྱང་ཏིཥྛ་ཏིཥྛ་ཞེས་བྱ་བ་ཐོན་པར་གྱུར་ཏོ། །ཞབས་ཀྱི་མཐིལ་གཉིས་ལས་ཀྱང་ཚིན་དྷ་ཚིན་དྷ་ཞེས་བྱ་བ་ཐོན་པར་གྱུར་ཏོ། །དབུའི་གཙུག་ཚངས་པའི་བུ་ག་ནས་ཀྱང་བྷིན་དྷ་བྷིན་དྷ་ཞེས་བྱ་བ་ཐོན་པར་གྱུར་ཏོ། །ཞབས་ཀྱི་བོལ་གཉིས་ལས་ཀྱང་སརྦ་ཨཱ་ན་ཡ་ཧཱུཾ་ཕཊ་ཅེས་བྱ་བ་ཐོན་པར་གྱུར་ཏོ། །དེའི་ཚེ་འཁོར་མཆེ་བ་ཅན་རྣམས་ཀྱིས། སྲོག་གི་སྙིང་པོ་འདི་ཕུལ་ ― DNG021_Page_0537 ―
[མ་དཔེ་གཟིགས་ན་འདིར་གནོན།]
ཏེ། སུ་རུ་སུ་རུ་བཛྲ། གཤོག་པ་ཅན་རྣམས་ཀྱིས། མུ་རུ་མུ་རུ་བཛྲ། ཞེས་མཐོང་བར་ཕུལ་ལོ། །འདིས་ནི་དབྲལ་བའི་ལས་སུ་འགྱུར་རོ། །དེའི་ཚེ་བཅོམ་ལྡན་འདས་ཀྱིས་ཟིལ་གྱིས་གནོན་པའི་ཏིང་ངེ་འཛིན་ལ་སྙོམས་པར་ཞུགས་པ་ལ། དཔལ་ལྷ་མོ་ནག་མོ་མདུན་དུ་འཁོད་པར་བྱས་སོ། །སེམས་དཔའ་ཆེན་པོ་བདག་གི་རིག་པ་འདི་བཞེས་སུ་གསོལ། ཞེས་ཕུལ་ཏེ། མ་ཐ་མ་ཐ་བཛྲ་ཞེས་ཕུལ་ནས། བདག་གི་རིག་པ་འདི་བཞེས་སུ་གསོལ། བདག་གིས་སངས་རྒྱས་ཀྱི་བསྟན་པ་འདི་བསྲུང་བར་བགྱིའོ། །ཞེས་ཕུལ་ནས་མི་སྣང་བར་གྱུར་ཏོ། །དེ་ནས་གདུག་པ་ཅན་གྱི་བུ་མོ་བཞིས་ཀྱང་སྲོག་གི་སྙིང་པོ་ཕུལ་ཏེ། ཀ་ཏཾ་ཀ་ཡེ་བཛྲ། ཛ་ཡ་བི་ཛ་ཡེ་བཛྲ། ཨ་ཛི་ཏེ་ཨ་པ་རཱ་ཛི་ཏེ་མཱ་ར་སེ་ནཱ་པྲ་མརྡ་ན་ཡེ་ཧཱུཾ་ཕཊ། ཅེས་ཕུལ་ནས་མི་སྣང་བར་གྱུར་ཏོ། །དེའི་ཚེ་ཁྲོ་བོ་རྣམས་ཀྱིས་མཚོན་ཆའི་ཆར་པ་ཕབ་ནས། སྟོབས་ཀྱི་རྒྱལ་པོས་ཀྱང་སྲོག་གི་སྙིང་པོ་ཕུལ་བ། མ་མ་བ་ཤཾ་ཀུ་རུ་མ་ཏཾ་ཛྙཱ་ཀ་ར་ཨི་དན་དྷ་ཏི་མ་མ་ཤཱི་གྷྲི་ཀཱ་ར་ཡ་ཞེས་ཕུལ་ནས། མི་སྣང་བར་གྱུར་ཏོ། དེའི་ཚེ་ཁྲོ་བོ་དྲག་ཅིང་གཏུམ་པའི་ཐུགས་ཀ་ནས་སྙིང་པོ་འདི་ཐོན་པར་གྱུར་ཏོ། །ཁ་ཐཾ་ཁ་ཐཾ་ཞེས་ཐོན་པར་གྱུར་ཏོ། །སེམས་དཔའ་ཆེན་པོ་རྣམས་ཀྱིས་གདབ་པའི་གནས་གང་ལགས། ལས་ཀྱི་སེམས་དཔའ་ཉོན་ཅིག །དཀར་ནག་མཚམས་དང་། རྣ་བ་དང་། སྣ་དང་། ལྕེ་དང་། ལྟོ་བ་དང་། མགྲིན་པ་དང་། དཔུང་བ་དང་། སྤྱི་བོའི་གཙུག་དང་། རྐང་པའི་མཐིལ་གྱི་རྩ་རྣམས་སོ། །སེམས་དཔའ་ཆེན་པོ་གདབ་པ་ནི་དེ་རྣམས་ལགས་ན། སྙིང་པོའི་སྔགས་འདི་རྣམས་སེམས་དཔའ་ཆེན་པོ་ཉིད་ཀྱི་སྔགས་ལགས་སམ། འོན་ཏེ་འཁོར་རྣམས་ཀྱི་ལས་ཀྱི་སྔགས་ལགས། ལས་ཀྱི་སེམས་དཔའ་ཉོན་ཅིག །འཁོར་གང་ཡིན་པ་དེ་ངའི་ཡིན་ཏེ། ངའི་གང་ཡིན་པ་དེ་འཁོར་རྣམས་ཀྱི་ཡིན་པར་འགྱུར་རོ། །སོ་སོ་མ་ཡིན་ཐ་མི་དད་དོ། །དེ་བས་ན་སྙིང་པོའི་སྔགས་འདི་ཡང་ཁྲོ་བོ་བཅུ་རྣམས་ཀྱི་ལས་ཀྱི་སྔགས་ཡིན་པར་འགྱུར་རོ། །ཡོན་ཏན་ ― DNG021_Page_0538 ―
[མ་དཔེ་གཟིགས་ན་འདིར་གནོན།]
གྱི་ཕུར་བུ་བདུན་བསྟན་པ་དང་། སྙིང་པོའི་སྔགས་བསྟན་པ་དང་། གདབ་པའི་གནས་བསྟན་པའི་ལེའུ་སྟེ་བདུན་པའོ།། །།དེ་ནས་སེམས་དཔའ་ཆེན་པོ་སྔར་མ་གསུངས་པའི་འཁོར་ལོ་རྣམས་ནི། ལས་ཀྱི་གསང་བ་བཀོད་པ་ལས་ཀྱང་དེ་བཞིན་གཤེགས་པ་རྣམས་ཀྱིས་གསུངས་ན། བགེགས་ཟིལ་གྱིས་མནན་ཅིང་དཔུང་གཞོམ་པའི་འཁོར་ལོ་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །སྔར་དེ་བཞིན་གཤེགས་པ་མར་མེ་མཛད་ཀྱིས་ཀྱང་མ་གསུངས། གསུང་བར་མི་འགྱུར་རོ། །ལས་ཀྱི་སེམས་དཔའ་དེ་ཅིའི་ཕྱིར་ཞེ་ན། དོན་ཟབ་ཅིང་རྟོགས་པར་དཀའ་བའི་ཕྱིར་རོ། །དེ་བས་ན་ཁྱོད་ཞུ་བ་ལེགས་ཀྱི་ཉོན་ཅིག །གང་བགེགས་ཟིལ་གྱིས་གནོན་པའི་འཁོར་ལོ་ནི། རིམ་ཡང་རིགས་ཀྱིས་མ་ཟིན་པའི་ཐོད་པ་ལ་དེའི་དཔུང་དང་ཕྲལ་བའི་ཕྱིར། དཔྲལ་བར་ཧཱ་ས་ཡ་ར་ད་ན་ལ་སོགས་པ་བྲིའོ། །བགེགས་ཆེན་པོ་མངོན་པར་དབབ་པའི་ཕྱིར། སྤྱི་བོར་ཨཱ་བེ་ཤ་ལ་སོགས་པ་བྲིའོ། །བགེགས་མངོན་པར་བཅིང་བའི་ཕྱིར། ལྟག་པར་ཤཱི་གྷྲན་ཨཱ་ན་ཡ་ལ་སོགས་པ་བྲིའོ། །བགེགས་མངོན་པར་སྨྱོ་རུ་གཞུག་པའི་ཕྱིར། ཡར་རྐན་དང་ཀོས་ཀོ་ལ་ཛྭ་ལ་པ་ཡ་ལ་སོགས་པ་བྲིའོ། །བགེགས་མངོན་པར་རྡུལ་དུ་བརླག་པའི་ཕྱིར། མིག་ལ་སོགས་པའི་དབང་པོ་ལ་ཏ་ཐཱ་ཡ་ལ་སོགས་པ་བྲིའོ། །བགེགས་དེ་བཞིན་གཤེགས་པའི་ཞལ་དུ་བསྟབ་པའི་ཕྱིར། སྭོ་ལ་བྷི་ད་ཡ་ལ་སོགས་པ་བྲི་ཞིང་བཟླས་སོ། །སེམས་དཔའ་ཆེན་པོ་སྔགས་ཀྱི་འཁོར་ལོ་དེ་ལྟར་ལགས་ན། བཅའ་བའི་དུས་གང་ལགས་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །དུས་ནི་ཀར་ཏི་ཀའི་དུས་ཀྱི་ཉི་མ་བཅྭོ་ལྔའི་དུས་སོ། །སེམས་དཔའ་ཆེན་པོ་འཁོར་ལོ་བཅའ་དུས་སུ། སྙུ་གུ་དང་སྣག་ཚ་གང་ལགས། ལས་ཀྱི་སེམས་དཔའ་ཉོན་ཅིག །སྙུ་གུ་ནི་ཀང་ཀའི་སྒྲོ་རྩས་སོ། །སྣག་ཚྭ་ནི་ནིམྤ་ཀའི་ཁུ་བས་སོ། །ལས་ཀྱི་སེམས་དཔའ་འཁོར་ལོ་བྲི་བའི་དུས་སུ་ ― DNG021_Page_0539 ―
[མ་དཔེ་གཟིགས་ན་འདིར་གནོན།]
ཁྲོས་པའི་སེམས་དང་ལྡན་པས་བྲི་བར་བྱའོ། །སེམས་དཔའ་ཆེན་པོ། འཁོར་ལོ་བཅའ་བ་དང་སྣག་ཚ་དེ་ལྟར་ལགས་ན། གཟུགས་བརྙན་གྱི་ཚུལ་དུ་བྲི་བའི་དཀྱིལ་འཁོར་དུ་ཞིག་མཆིས། ལས་ཀྱི་སེམས་དཔའ་ཉོན་ཅིག །གཟུགས་བརྙན་གྱི་དཀྱིལ་འཁོར་གཅིག་སྟེ། བའི་རྣམ་ལྔ་དང་། ཁྲག་ཆེན་ལས་བསྲེས་པ་འཕང་དུ་སོར་བཞི། དབྱིབས་ཟུར་གསུམ། ཉིས་བརྩེགས་སུ་བྱའོ། །དབུས་ཀྱི་ཟུར་རྣམས་ལ་མདའ་ཡིས་བརྒྱན་པའོ། །ཟུར་དྲུག་རྣམས་ལ་ཡང་རྩང་ཆེན་པོ་དྲུག་གིས་རྣམ་པར་སྤྲས་པའོ། །སེམས་དཔའ་ཆེན་པོ་དཀྱིལ་འཁོར་དེ་ལྟར་ལགས་ན། དཀྱིལ་འཁོར་གྱི་ཆ་རྐྱེན་དུ་གསུངས་པའི་རྫས་དྲུག་པོ་གང་ལགས། ལས་ཀྱི་སེམས་དཔའ་ཉོན་ཅིག །དབྲལ་མ་འདྲེ་གསོད་ཤིས་པར་བཤད། །དབབ་པ་ལ་ནི་ཉུང་དཀར་རྒྱལ། །བཅིངས་ལ་ཚོན་སྣ་ལྔ་ཡིས་སོ། །སྨྲ་ལ་དུག་ཉིད་ཤིས་པར་བཤད། །རྡུལ་དུ་བརླག་ན་ཕྱག་མཚན་ནོ། །བསྟབ་ལ་ཧོམ་གཟར་ཤིས་པར་བཤད། །སེམས་དཔའ་ཆེན་པོ་རྫས་དྲུག་པོ་དེ་ལྟར་ལགས་ན། གསང་བའི་ཚིག་རྣམས་ཅི་ལྟར་ལགས། ལས་ཀྱི་སེམས་དཔའ་ཉོན་ཅིག །ཕྲོལ་ཅིག་པ་དང་། ཕོབ་ཅིག་པ་དང་། ཆིངས་ཤིག་པ་དང་། སྨྲ་རུ་ཆུག་ཅིག་པ་དང་། གཏོགས་ཤིག་པ་དང་། རོལ་ཅིག་ལ་སོགས་པའི་ཚིག་རྣམས་སོ། །ལས་ཀྱི་སེམས་དཔའ་གང་བགེགས་ཀྱི་དཔུང་རྣམས་གཞོམ་པར་འདོད་པ་དེ། འཁོར་ལོ་ལ་གཟུངས་ཐག་ནག་པོ་བཏགས་ལ་དུར་ཁྲོད་ཀྱི་གཡམ་པ་ལ། རྡོ་རྗེ་རྒྱ་གྲམ་དུ་བྲིས་པའི་ལྟེ་བ་ནས་བརྟོལ་ནས། གང་བགེགས་ཀྱིས་ཟིན་པའི་རྐང་པ་ནས་བཏགས་ལ། ལྕགས་ཕྱེ་ལ་བསྔགས་ཤིང་། བྱེ་བ་བདུན་འབུམ་དུ་བཟླས་པ་བྱས་ནས། ཚེར་མ་ཅན་གྱི་ཤིང་རྣམས་ལ་མེ་བཏང་ནས། སྔགས་དྲུག་པོས་སྦྱིན་སྲེག་བརྒྱ་རྩ་བརྒྱད་བྱས་ནས་སོ། །བགེགས་ཀྱི་དཔུང་རྣམས་འཇོམས་པར་འགྱུར་རོ། །གབ་པའི་འཁོར་ལོའི་ལེའུ་སྟེ་བརྒྱད་པའོ།། །། ― DNG021_Page_0540 ―
[མ་དཔེ་གཟིགས་ན་འདིར་གནོན།]
སེམས་དཔའ་ཆེན་པོ་དངོས་གྲུབ་ལ་བར་ཆོད་བྱེད་པའི་བགེགས་ཞི་བར་བྱེད་པའི་འཁོར་ལོ་བཤད་དུ་གསོལ། །ཨེ་མ་ཧོ། ལས་ཀྱི་སེམས་དཔའ་ཉོན་ཅིག །བགེགས་ཞི་བར་བྱེད་པའི་འཁོར་ལོ་ནི། ཀུ་ཀུ་རཱ་ཙའི་ཐོད་པ་ལ་ཀར་ཏི་ཀས་བྱུགས་ལ་དཀར་པོར་བྱས་ལ། བསྒྲུབ་བྱ་བགེགས་དང་བྲལ་བར་བྱ་བའི་ཕྱིར། མཚུལ་པར་ཧ་ས་ཡ་ར་བྲི་བར་བྱའོ། །བགེགས་མངོན་པར་དབབ་པའི་ཕྱིར། སྨིན་མཚམས་སུ་ཨཱ་བེ་ཤ་ཡ་བྲི་བར་བྱའོ། །བགེགས་མངོན་དུ་བཅིང་བའི་ཕྱིར། མིག་ལ་སོགས་པའི་དབང་པོ་རྣམས་ལ་ཤཱི་གྷྲིན་བྲི་བར་བྱའོ། །བགེགས་དེ་ཆེར་འགྱོད་པ་མཐོལ་དུ་གཞུག་པའི་ཕྱིར། ལྕེ་ལ་ཛྭ་ལ་པ་ཡ་བྲི་བར་བྱའོ། །བགེགས་དེ་རྡུལ་ཕྲ་རབ་ཏུ་གདུལ་བའི་ཕྱིར། ལྟག་པར་ཏ་ཐཱ་ཡ་བྲི་བར་བྱའོ། །བགེགས་དེ་ཕུང་པོ་བཤིགས་ཤིང་བརླག་པར་བྱ་བའི་ཕྱིར། མ་མཁལ་ལ་བྷིན་དྷ་ཡ་བྲི་བར་བྱའོ། །བགེགས་དེ་གཞིག་ཅིང་སྟོངས་པར་བྱ་བའི་ཕྱིར། མཆེ་བ་རྣམས་ལ་ཁྲོ་བོ་བཅུའི་སྙིང་པོ་བྲི་བར་བྱའོ། །འཁོར་ལོ་འདིའི་སྙུ་གུ་འདི་ཉི་མས་འཇིགས་པའི་སྒྲོ་རྩས་བྲི་བར་བྱའོ། །སྣག་ཚ་ནི་པདྨའི་རཀྟས་སོ། །བྲི་བའི་ཚེ་འདོད་ཆགས་དང་ལྡན་པའི་སེམས་ཀྱིས་སོ། །སེམས་དཔའ་ཆེན་པོ་སྔགས་ཀྱི་འཁོར་ལོ་དེ་ལྟར་ལགས་ན། ལས་ཀྱི་དཀྱིལ་འཁོར་ཇི་ལྟར་ལགས། ལས་ཀྱི་སེམས་དཔའ་ཉོན་ཅིག །འདིའི་ལས་ཀྱི་དཀྱིལ་འཁོར་ནི། རྒྱར་གྲུ་གང་ཟབས་སུ་གྲུ་ཕྱེད་ལ་དབྱིབས་སྟག་གི་མཆེ་བ་ལྟར་བྱས་པའོ། །མཆེ་བ་རྣམས་ལ་གནོད་པར་བྱེད་པའི་སྙིང་པོ་བྲིའོ། །འཁོར་ལོ་དེ་ལྟར་ལགས་ན། དེ་དབྱེ་བའི་རྫས་རྣམས་ཅི་ལྟར་ལགས། དབྲལ་ལ་རྒྱ་ཚིལ་ཤིས་པར་བཤད། །དབབ་ལ་ཁྲེ་ཡིས་བྱ་བའོ། །འཆིང་ལ་རྒྱུས་ཆེན་གྱི་སྐུད་པས་སོ། །སྨྲ་ལ་པདྨའི་རཀྟས་སོ། །བརྡུང་ལ་ལྕགས་ཕྱེ་ནག་པོས་སོ། །གསོ་བ་ལས་ཀྱི་འཁོར་ལོ་བཤད། སེམས་དཔའ་ཆེན་པོ་ལས་ཀྱི་འཁོར་ལོ་དེ་ལྟར་ལགས་ན། ― DNG021_Page_0541 ―
[མ་དཔེ་གཟིགས་ན་འདིར་གནོན།]
དེའི་གསང་བའི་ཚིག་དྲུག་པོ་བཤད་དུ་གསོལ། ཞེས་ཞུས་པས། ཉོན་ཅིག་ལས་ཀྱི་སེམས་དཔའ་ཆེ། གསང་བའི་ཚིག་ནི་འདི་ཡིན་ཏེ། ཕོབ་ཅིག་པ་དང་། ཁུག་ཅིག་པ་དང་། ཟུང་ཞིག་པ་དང་། ཆིངས་ཤིག་པ་དང་། རྡུངས་ཤིག་པ་དང་། གཏོགས་ཤིག་པ་དང་། རེངས་པར་སྨྲ་རུ་ཆུག་ཅིག་པ་དང་། མངོན་པར་གྱིས་ཤིག་པ་དང་། དེའི་ཚེ་མངར་བ་དང་ལྡན་པའི་ཤིང་བུ་དང་། ཀུ་ཀུ་རཱ་ཙའི་ཐོད་པའི་ཁར་ཧོམ་གྱི་ཤིང་བུ་བརྩིགས་ལ། རཀྟ་ཆེན་པོ་དང་བཅས་པས་གང་ལ་བར་ཆོད་བྱེད་པའི་ལུས་བསྐོར་ཞིང་སྦྱིན་བསྲེག་བརྒྱ་རྩ་བརྒྱད་བྱས་ན་བགེགས་དེ་དག་གིས་གཏོང་བར་འགྱུར་རོ། །གབ་པའི་འཁོར་ལོའི་རྒྱུད་ལས། དབྱེ་བ་དང་མནན་པའི་འཁོར་ལོའི་ལེའུ་སྟེ་དགུ་པའོ།། །།སེམས་དཔའ་ཆེན་པོ་གཏན་འཕོ་བར་བྱེད་པའི་འཁོར་ལོ་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །འཁོར་ལོས་དབྱེ་བ་དང་མནན་པ་གཉིས་ཏེ། དེ་ལ་དབྱེ་བའི་འཁོར་ལོ་ནི། གྲོ་གའམ་ཤིང་ཤུན་ལ། འུག་པའམ་ཕོ་རོག་གི་གཟུགས་བྲིས་ལ། ཕོ་རོག་གི་སྙིང་གར་འཁོར་ལོ་རྩིབས་བཞི་པ་གཅིག་བྲིས་ལ། དེའི་ལྟེ་བར་འདོད་པའི་མིང་དང་རུས་བྲིས་ལ། འུག་པའི་སྙིང་གར་འཁོར་ལོ་རྩིབས་བཅུ་གཉིས་པ་བྲིས་ལ། སྔགས་དྲུག་གཡོན་སྐོར་དུ་བྲིས་ལ། ཡུངས་ཀར་རྒྱལ་པོས་བྱེ་བ་བདུན་འབུམ་དུ་བཟླས་ཤིང་འུག་པ་དང་ཕོ་རོག་ལ་གཏོར་ན་གང་དབྱེ་བར་འདོད་པ་དེ་དབྲལ་བར་འགྱུར་རོ། །འདི་ནི་དབྱེ་བར་བྱེད་པ་འཁོར་ལོའི་རིམ་པའོ། །མནན་པའི་འཁོར་ལོའི་རིམ་པ་ནི། ཆུ་སྲིན་གྱི་པགས་པ་ལ། ཤིང་ཀ་བི་རའི་ཁུ་བས་སེར་པོ་བྱུགས་ལ། རི་རབ་ཀྱི་དབྱིབས་སུ་བྱས་ལ། རི་རབ་ཀྱི་ལྟེ་བར་འཁོར་ལོ་རྩིབས་བཅུ་དྲུག་པ་བྲིས་ལ། དེའི་ལྟེ་བར་གནན་པར་བྱ་བའི་མིང་རུས་བྲིས། འཁོར་ལོའི་རྩིབས་རྣམས་ལ་ཨོཾ་ལཾ་ལ་སོགས་པའི་སྙིང་པོ་བྲི། རི་རབ་ཀྱི་སྟེང་དུ་རྡོ་རྗེ་རྒྱ་གྲམ་ཁ་གདེངས་པ་བྲི་ལ། འཇིམ་པ་ལས་བྱས་པའི་སྲིན་པོའི་གཟུགས། མདོག་མི་སྡུག་པའི་ལྟོ་བར་འཁོར་ལོ་ ― DNG021_Page_0542 ―
[མ་དཔེ་གཟིགས་ན་འདིར་གནོན།]
བཅུག་ལ། བགེགས་ཀྱི་རྒྱལ་པོ་ཁྱོད་ལ་གཏད་དོ་ཞེས་བརྗོད་ལ། གཟུགས་དེ་སྤྱིའུ་ཙུག་ཏུ་བཞག་ལ། བགེགས་ཀྱི་བཤང་བའི་ལམ་ལ་ཕུར་བུ་ཟུར་དྲུག་པ་གཅིག་བཏབ་ལ་བཞག་གོ། །དེའི་སྟེང་དུ་ཨོཾ་ལཾ་ཧཱུཾ་ཞེས་བརྗོད་པས། ཡེ་ཤེས་ཀྱི་རི་རབ་རྩེ་མོ་བརྒྱད་པ་གཅིག་ཏུ་གྱུར། སྟྭཾ་བྷ་ནན་ཞེས་པས་གཟིར། མོ་ཧ་གྷ་ཡ་ཞེས་པས་མིང་དང་རུས་སུ་བཅས་པ། བྷ་ག་བཱན་ཅེས་པ་ནི་ཧེ་རུ་ཀའོ། །ཧྲཱྀཿ ཿབི་ཀྲི་ནི་ཐབས་དང་ཤེས་རབ་ཏུ་བཅས་པའོ། །ཡེ་ཤེས་ཀྱི་རི་རབ་རྩེ་མོ་བརྒྱད་པ་དང་བཅས་པ། དཔལ་ཧེ་རུ་ཀས་འཁོར་བ་མ་སྟོངས་ཀྱི་བར་དུ་མནན་པར་འགྱུར་རོ། །གབ་པའི་འཁོར་ལོ་ལས་དབྱེ་བ་དང་བགེགས་མནན་པའི་ལེའུ་སྟེ་བཅུ་པའོ།། །།སེམས་དཔའ་ཆེན་པོ་ཕན་པའི་ལེའུ་བཅུ་གཅིག་པ་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་སྔགས་འདི་བྱིན་གྱིས་བརླབས་ནས་གསུངས། ཨོཾ་བྷུ་ཧྼྼཱཾ ་མ་ཧཱ་པྲ་ཎཱ་ཡ་བྷུ་རྩི་བྷུ་རྐི་བི་མཱ་ན་སེ་ཨུ་ཙུཥྨ་མ་ཧཱ་ཀྲོ་དྷ་ཧཱུཾ་ཕཊ། ཨོཾ་ཤི་མ་གོ་ཁུང་ལཾང་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་བྷུ་ཁུང་ཧོ་ར་ཏེ་ནི་ཧོ་ཡ་བྷོ། རརྣ་ཁཱ་ཧི་བྷི་བྷི་མོ་ན་ཡེ་མོ། ཤི་མོ་ཀུ་ཀུ་ལུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་མ་ཧཱ་པྲ་ཎཱ་བྷུ་རྩི་བྷུ་ཧཱྀ ་བི་མཱ་ན་སེ་ཨུ་ཙུཥྨ་ཀྲོ་དྷ་ཧཱུཾ་ཕཊ། དེ་བཞིན་གཤེགས་པ་རྣམས་ཀྱིས་སྙིང་པོ་འདི་གསུངས་ནས་མི་སྣང་བར་གྱུར་ཏོ། །སེམས་དཔའ་ཆེན་པོ་རྐྱེན་བཟློག་པའི་རྫས་གང་ལགས། ལས་ཀྱི་སེམས་དཔའ་ཉོན་ཅིག །རྫས་འདི་རྣམས་ལགས་ཏེ། གལ་ཏེ་གསོ་བར་འདོད་ན། གུ་གུལ་ལ་སྔགས་ཀྱིས་བཏབ་སྟེ། བསྲེགས་ནས་བརྒྱ་རྩ་བརྒྱད་བཏབ་ན་སོས་པར་འགྱུར་རོ། །སེར་བ་འོང་ན། སྡིགས་མཛུབ་ཀྱི་ཕྱག་རྒྱ་བསྟན་ན་སེར་བ་ཆད་འབྲུག་བྲོས། ཐོག་ཆད་དོ། །རིམས་ནད་ན་བ་ལ་བྱ་མོ་ནག་མོའི་དང་རུ་ཆུར་བཏག་གོ། །ཀླུའི་རྟེན་ཡོད་ན་ཐལ་བ་གཙང་མ་ལ་སྔགས་བཏབ་ན། མི་དེའི་སེམས་མྱ་ངན་མེད་པར་འགྱུར་རོ། །མཆེ་བ་ཅན་ཟ་བ་ཡོད་ན། ཁམ་ཟན་ལ་སྔགས་ ― DNG021_Page_0543 ―
[མ་དཔེ་གཟིགས་ན་འདིར་གནོན།]
བཏབ་ལ་སྦྱིན་ནོ། །ཀླད་པ་གཟེར་ན་གང་ན་བ་ལ་ཕུར་པ་ལ་སྔགས་བཏབ་པའམ། ཡང་ན་གུ་རྒུམ་མམ་ཙནྡན་ལ་སྔགས་བཏབ་ནས་བྱའོ། །བལ་ནད་ན་བ་ལ་ཕབས་ཟན་ལ་བསྔགས་ཏེ་ཁུ་བ་བཙིར་ལ་བླུད་དོ། །མིག་ལོང་ནད་ཀྱིས་ན་བ་ལ། ནད་པའི་མིང་ཤོག་བུ་ལ་བྲིས་ལ། ནད་པའི་ཁྲི་འོག་ཏུ་བཅུག་ལ་སྔགས་གདབ་བོ། །སྐྲངས་པ་ལ་ཉིན་མཚན་དུ་གདབ་བོ། །ཕ་རོལ་སྨྲ་མི་ཤེས་པར་བྱ་ན། ཁོའི་མིང་རུས་ཁར་གཞུག་གོ། །ར་ལུག་ལ་སྤྱང་ཀི་འོང་ན། དོན་པོ་དོན་མོའི་སྐྱེ་རུ་སྔགས་བྲིས་ལ་གདགས་སོ། །སྔགས་འདི་འབྲས་དང་། ལྷོག་པ་དེ་རྣམས་ལ། གུ་གུལ་བསྲེག་ཅིང་བདུག་གོ། །ལིང་ཏོག་ལ་སྔགས་འདིས་ཕུས་གདབ་བོ། །ཆུ་འགགས་ན་གླ་བ་དང་། བ་མར་ལ་གདབ། སྦོས་ནས་ན་ན། ཆང་དང་ཁྱེའུའི་དྲི་ཆུ་ལ་བསྲེས་ལ་གདབ་པོ། །དེ་ཉིད་ལ་བསྔགས་ཏེ་བཏང་ངོ་། །འདྲེ་གནོད་ཆེ་ན་ཆུ་དང་ཉུང་དཀར་ལ་སྔགས་ལ་བླུད་དོ། །ནད་པ་སྲུང་བར་བྱེད་ན། སྔགས་བར་མ་ཆད་པར་བཟླས་པས། གདོན་མི་འོང་བར་འགྱུར་རོ། །སོག་ཀ་དག་གི་དུས་སུ་ཉུང་དཀར་ལ་སྔགས་བཏབ་ན་ཆང་ཐུབ་པར་འགྱུར་རོ། །དེས་ཞོ་ཡང་ཐུབ་པར་འགྱུར་རོ། །ལྷ་ཉེ་བར་བྱས་ན། སྤོས་བསྲེག་ཅིང་སྔགས་བཟླས་སོ། །བ་ལང་ཁོང་ལོག་ན་ཉུང་དཀར་ལ་བསྔགས་ཤིང་བཟླས་སོ། །ཞིང་ལ་འབུ་སྲིན་ཟ་ན་ཉུང་དཀར་དང་ཆན་བསྲེས་ཏེ་ཞིང་མཐའ་བསྐོར་ཞིང་བཏབ་ན་ངོས་གཅིག་ཏུ་འགྲོའོ། །སོ་ལ་སྲིན་ཟ་ན་བཅར་ཏེ་ཐད་དཀར་གདབ་པོ། །མིག་ལ་སྲིན་ཟ་ན་ཕུ་ཞིང་གདབ་པོ། །བང་མཛོད་ལ་གནོད་པ་བྱེད་ན། ཙནྡན་ནམ་ཤུག་པའི་ཕུར་པ་སོར་བཅུ་གཉིས་པ་ལ་སྔགས་ལ། ཐོད་པ་མཚན་ངན་གྱི་ནང་དུ་འབྲུ་ནག་པོས་བཀང་ལ་དར་ནག་པོའི་ཅོད་པན་དང་བཅས་པས། ཧཱུཾ་ཀཱ་རའམ་རྣམ་པར་རྒྱལ་བར་མངའ་གསོལ་ནས་དབུས་སུ་གཞག་པར་བྱའོ། །ཕན་བྱའི་ལེའུ་སྟེ་བཅུ་གཅིག་པའོ།། །།ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱི་སྙིང་པོ། རྡོ་རྗེ་འབར་བ་གསང་བའི་རྒྱུད།― DNG021_Page_0544 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཛྭ་ལ་གུ་ཡ་ཏནྟྲ། བོད་སྐད་དུ། རྡོ་རྗེ་འབར་བ་གསང་བའི་རྒྱུད། བཅོམ་ལྡན་འདས་དཔལ་འཇིགས་བྱེད་ཀྱི་རྒྱལ་པོ་ལ་ཕྱག་འཚལ་ལོ། །འོག་མིན་གྱི་གནས་གཞི་དང་སྙིང་པོ་མེ་ཏོག་གིས་བརྒྱན་པ་ན། འཁོར་རྣམ་པ་གཉིས་ཀྱི་ནང་ན། སྐུ་མདུན་དང་རྒྱབ་མེད་པར་ཕྱོགས་བཞིར་ཐལ་ལེ་བ། དུས་རྟག་ཏུ་ཏིང་ངེ་འཛིན་ལ་བཞུགས་པ་ནི། ཆོས་ཀྱི་སྐུ་དང་འདྲེལ་བའི་ངོ་བོ་ཉིད་ཀྱི་དོན་ལ་གནས་སོ། །སྐུ་མཚན་དང་དཔེ་བྱད་དུ་ལྡན་པས། འཁོར་གྱི་ནང་དུ་ཆོས་ཀྱི་འཁོར་ལོ་བསྐོར་ ― DNG021_Page_0545 ―
[མ་དཔེ་གཟིགས་ན་འདིར་གནོན།]
བ་ནི། སྨོན་ལམ་དབང་གིས་ལོངས་སྤྱོད་རྫོགས་པའི་སྐུར་བཞེངས་པ་ནི། གཞན་གྱི་དོན་དུ་བྱུང་བ་སྟེ། ཞུ་བ་བསྒུག་པའི་ཆེད་དུ་ཞལ་འཛུམ་པ་མཛད་དེ་མི་སྣང་བ་ལས། ལྷ་མོའི་དབྱངས་ཀྱིས་བསྐུལ་བ་ལས། ཐུགས་ཞི་བའི་ངང་ལས་ཁྲོ་བོ་འབར་བའི་སྐུར་བྱུང་ནས་འཁོར་རྣམས་ལ་གསང་བ་དང་གསང་ཆེན་དང་། ཡེ་ཤེས་ཀྱི་སྙིང་པོ་དང་གསུམ་གསལ་བར་བྱས་ནས་བཞུགས་པ་ལས། འཁོར་གྱི་ཁྲོ་བོ་དང་། ཁྲོ་མོ་དང་། ཕོ་ཉ་དང་། མངག་གཞུག་ལ་སོགས་པས། སྟོན་པ་ལ་ཞུས་པ་འདི་སྐད་ཅེས་གསོལ་ལོ། །ཨེ་མ་ཧོ་སྟོན་པ་གསང་བའི་བདག །རྒྱས་པར་བཀའ་སྩལ་ཞུ་བ་རྫོགས། །བསྡུས་པའི་མན་ངག་རྨད་པོ་ཆེ། །བདག་ཅག་རྣམས་ལ་བཀའ་སྩོལ་འཚལ། །ཞུས་པས། དེ་ནས་སྟོན་པས་འཁོར་རྣམས་ལ། གསང་བ་དང་། གསང་ཆེན་དང་། ཡེ་ཤེས་སྙིང་པོ་དང་ལྡན་པར་བྱས་ནས། ལེགས་སོ་འཁོར་གྱིས་ཞུ་བ་ལེགས། །བསྡུས་པའི་མན་ངག་ཞུ་འདོད་ན། །ཁྱེད་ཅག་ང་ལ་གུས་པར་ལྷོགས། །དབང་དང་དམ་ཚིག་ལྡན་བྱོས་ལ། །གནས་དང་གྲོགས་དང་དུས་ཚེས་དང་། །རྫས་དང་ཡོ་བྱད་ལྡན་བྱོས་ལ། །ཏིང་འཛིན་འདི་ལ་གཙོར་རྟོགས་ཤིག །རྟེན་དང་དཀྱིལ་འཁོར་གསལ་བྲིས་ལ། །བསྒྲུབ་ན་དངོས་གྲུབ་མྱུར་དུ་ཐོབ། །ཅེས་བཀའ་སྩལ་བས། ཡང་འཁོར་གྱིས་ཞུས་པ། སེམས་ཅན་སངས་རྒྱས་ཇི་ལྟར་སྨིན། །དེ་རྒྱུ་ཅི་དང་ཅི་ལས་བྱུང་། །སེམས་ཅན་སངས་རྒྱས་སུ་བྱ་བ། །དེ་ལ་ཐབས་ནི་གང་གིས་བྱ། །ཞེས་པས་ལན་དུ། སེམས་ཅན་སངས་རྒྱས་རྒྱུ་གཅིག་སྟེ། །ཡབ་ཡུམ་འདུས་པའི་སེམས་ལས་བྱུང་། །དངོས་པོ་རང་གི་སེམས་ཅན་རྒྱུ། །ཏིང་འཛིན་སྦྱོར་བའི་དཀར་དམར་ཐིག །སངས་རྒྱས་སྨིན་པའི་རྒྱུ་རུ་འདོད། །སེམས་ཅན་བླ་མེད་སྒྲུབ་འདོད་ན། །རང་སེམས་བརྟག་པ་ཐམས་ཅད་མཆོག །ཅེས་གསུངས་སོ། །རང་སེམས་བརྟག་ན་ཇི་ལྟར་བརྟག །སེམས་ཀྱི་ཡུལ་ནི་གང་གིས་བྱ། །སེམས་ཀྱི་རང་བཞིན་ཇི་ལྟ་བུ། ། ― DNG021_Page_0546 ―
[མ་དཔེ་གཟིགས་ན་འདིར་གནོན།]
སེམས་ཀྱི་མཚན་ཉིད་ཇི་ལྟར་སྣང་། །སེམས་ཀྱི་ངོ་བོ་གང་དུ་གསུངས། །སེམས་ནི་རྣམ་པ་དུ་རུ་སྣང་། །སེམས་ཀྱི་རྟེན་ནི་གང་དུ་བཅའ། །གསང་བའི་བདག་པོས་བཀའ་སྩལ་འཚལ། །ཞེས་ཞུས་པས། སེམས་ཀྱི་ཡུལ་ནི་རྣམ་གཉིས་ཏེ། །ཕྱི་ནང་གཉིས་སུ་ཤེས་པར་གྱིས། །ཕྱི་ཡི་ཡུལ་ནི་སྤང་བར་གྱིས། །ནང་གི་ཡུལ་ནི་བླང་བར་གྱིས། །ཡིད་ཀྱི་ཡུལ་དུ་ཀུན་གཞིར་རྟོགས། །བལྟ་ཞིང་བརྟག་རྒྱུའི་ཀུན་གཞི་རྣམས། །སེམས་ཀྱི་རང་བཞིན་ནམ་མཁའ་འདྲ། །དེ་ལ་སུས་ཀྱང་དཔག་ཏུ་མེད། །སེམས་ཀྱི་མཚན་ཉིད་མ་ངེས་ཏེ། །ཕྱོགས་ནི་རྣམ་པ་གཉིས་སུ་བཟུང་། །འཁོར་བ་མྱ་ངན་འདས་པའི་རྒྱུ། །འཁོར་བའི་རྒྱུ་ནི་ཉོན་མོངས་ཏེ། །དེ་ལ་རེག་པས་གཏིང་དཔག་ལྷག །མྱ་ངན་འདས་ཕྱོགས་ཡེ་ཤེས་རྒྱུ། །དེ་ཡང་གཉེན་པོ་དེ་དང་མཚུངས། །ཇི་ལྟར་བསྒྱུར་བ་དེ་ལྟར་སྣང་། །སེམས་ཀྱི་ཆོ་འཕྲུལ་བསྟན་པ་བླ། །སེམས་ཀྱི་ངོ་བོ་གྲུབ་མཐར་འགྲོ། །རྣམ་པ་གཉིས་ཏེ་རྒྱུད་ལ་བརྟག །སེམས་ཀྱི་རྣམ་གྲངས་བརྒྱད་དུ་འདོད། །དེ་ལས་འབྱུང་བས་ཐ་དད་འགྱུར། །སེམས་ཀྱི་རྟེན་ནི་རླུང་དུ་འདོད། །ཅེས་བཀའ་སྩལ་པས། ཡང་འཁོར་རྣམས་ཀྱིས་ཞུས་པ། རྩ་དང་རླུང་དང་སེམས་དང་གསུམ། །བདག་དང་ལྷ་དང་སྔགས་དང་གསུམ། །ཇི་ལྟར་ལགས་པ་བཀའ་སྩོལ་འཚལ། །ཞེས་གསོལ་པས། དྲུག་པོ་རྟེན་ཅིང་འདྲེལ་བར་གནས། །སེམས་ནི་མིང་གཞིའི་ཕུང་པོ་སྟེ། །ཕུང་པོའི་རྟེན་ནི་འབྱུང་བ་ལྔ། །འབྱུང་བའི་རྟེན་ནི་རྩ་རྣམས་སོ། །རྩ་རྣམས་བརྟེན་པ་སྲོག་གི་རླུང་། །སྲོག་རླུང་བརྟེན་པ་བྱང་ཆུབ་སེམས། །དེ་རྣམས་གྱེན་དུ་ཡར་བཟློག་པས། །སེམས་ནི་རླུང་བརྟེན་རླུང་བརྟེན་རྩ། །རྩ་རྣམས་འབྱུང་བ་ལྔར་གནས་པ། །ཕུང་པོ་ལྔ་དང་འབྱུང་བ་ལྔ། །ཡབ་ཡུམ་བཅུ་རུ་ཡེ་ནས་གནས། །དེ་དག་དོན་གྲུབ་བསྡུས་པའོ། །དེ་དག་སོ་སོའི་རྣམ་བཤད་པ། །དེ་ལ་རྩ་ཡི་མན་ཏིག་ནི། །དབུས་ཀྱི་ཨ་པ་དྷཱུ་ཏཱི་ ― DNG021_Page_0547 ―
[མ་དཔེ་གཟིགས་ན་འདིར་གནོན།]
ཀ །ཚངས་པའི་རྩེ་ནས་གསང་བར་གནས། །གཉིས་སུ་གྱེས་ཏེ་ཆེ་ཆུང་དུ། །བཙུག་པའི་ཚུལ་དུ་གནས་པ་ཡིན། །དེ་ལས་རྒྱུ་བའི་རྣམ་པ་ནི། །བྱང་ཆུབ་སེམས་ནི་དེ་ལས་འོང་། །ཕྲ་བ་ནས་ནི་མཱང་ས་རྒྱུ། །རླུང་གི་སྲོག་རླུང་ཞེས་བྱ་བ། །ཆེན་པོའི་ནང་ན་རྟག་ཏུ་གནས། །མཚོན་པས་མི་མཚོན་མ་ཧཱའི་རླུང་། །ཆུང་ངུའི་ནང་ན་རྟག་ཏུ་གནས། །ཀུན་གཞི་རྣམ་ཤེས་རབ་ལ་རིགས། །བདེ་ཆེན་རྩ་ལ་གནས་པ་ཡིན། །ཨ་ཏབ་གསུམ་པ་བརྩེགས་དང་འདྲེལ། །སྲིད་རྩར་དེ་ནི་གནས་བཅས་ནས། །དབང་པོ་དང་བཅས་གཟུགས་ལ་ཁྱབ། །གཡས་ཀྱི་ཐབས་རྩ་ལ་ལཱ་ན། །རྣ་ལྟག་གཡས་ནས་གསང་བར་གནས། །རཀྟ་རྒྱུ་བའི་ལམ་ཡང་ཡིན། །ཡིད་ཀྱི་རྣམ་ཤེས་རྟེན་བཅས་ནས། །དབང་པོ་དང་བཅས་གཟུགས་ལ་ཁྱབ། །དེ་ནི་རགས་པའི་མཚན་ཉིད་དོ། །གྱེན་དུ་རྒྱུ་བའི་རླུང་གནས་ཏེ། །ཐབས་ཀྱི་ཡི་གེ་རྣམས་དང་འདྲེལ། །གཡོན་པས་ཤེས་རབ་ར་ས་ནཱ། །དྲི་ཆུ་རྟག་ཏུ་དེ་ལ་རྒྱུ། །ཉོན་མོངས་ཡིད་དང་རྟག་ཏུ་ལྡན། །ཐུར་དུ་རྒྱུ་བའི་རླུང་གནས་ཏེ། །ཤིན་ཏུ་ཕྲ་བའི་ཨ་ལིར་ལྡན། །ཟླ་བ་ཉི་མ་མེ་ལོང་གསུམ། །དང་པོ་ལུ་གུ་རྒྱུད་དུ་གནས། །ཤེས་པ་གསུམ་གྱི་ངོ་བོའི་རྩའོ། །སྒོ་ལྔའི་ཤེས་པའི་གནས་དང་ལྡན། །འཁོར་ལོ་རྣམས་དང་འདྲེལ་པ་ནི། །ཁང་པ་ཀ་བའི་ཚུལ་དུ་གནས། །དཔེར་ན་ཁང་རྟེན་ཀ་བ་འདྲ། །རྩ་གསུམ་ཀ་བའི་ཚུལ་དུ་སྟེ། །འཁོར་ལོ་རྣམས་ནི་ཁང་པ་འདྲ། །འཁོར་ལོ་དང་པོ་ཀ་ཞུའི་ཚུལ། །བདེ་ཆེན་འཁོར་ལོའི་རྩ་བ་ལ། །རྩ་ཡི་འདུས་ས་རབ་ཏུ་གནས། །འཁོར་ལོ་ཁང་པ་ཀ་མེད་ན། །རྣམ་ཤེས་འདུག་པའི་གནས་མེད་དོ། །དེ་ལས་བྱེ་བྲག་རྣམ་བཤད་པ། །དར་རྩའི་འཁོར་ལོ་བདེ་བ་ཆེ། །ལྷ་མིན་དགག་ཅིང་ང་རྒྱལ་འདུལ། །རིན་ཆེན་འབྱུང་ལྡན་བཞུགས་པའི་གནས། །མཉམ་ཉིད་ཡེ་ཤེས་སྐྱེ་བའི་ས། །མ་མཱ་ཀཱི་དང་རྟག་ཏུ་ལྡན། །རྩེའུ་ཆུང་རྩེ་ནས་སོར་གཉིས་ན། །ལོངས་སྤྱོད་འཁོར་ལོ་ ― DNG021_Page_0548 ―
[མ་དཔེ་གཟིགས་ན་འདིར་གནོན།]
མཐའ་ཡས་ཁང་། །མི་ཡི་སྐྱེ་སྒོ་འདོད་ཆགས་འཇོམས། །གོས་དཀར་སོ་སོར་རྟོག་དང་ལྡན། །སྙིང་ནང་ཆོས་ཀྱི་འཁོར་ལོ་ཡང་། །རྡོ་རྗེ་སེམས་དཔའ་རྟག་གནས་པ། །དམྱལ་བ་ཞེ་སྡང་སྒོ་ལྔ་འདུལ། །སྟོང་པའི་ཡེ་ཤེས་དབང་ཕྱུག་ལྡན། །ལྟེ་བ་ནས་ནི་སོར་བཞིའོ། །གཏིང་དང་ཞིང་དུ་ཕྱིན་པ་ནི། །སྤྲུལ་པའི་འཁོར་ལོ་གནས་པ་ཡིན། །རྣམ་པར་སྣང་མཛད་བཞུགས་པའི་གནས། །བྱོལ་སོང་སྒོ་དང་གཏི་མུག་འཇོམས། །མེ་ལོང་ཡེ་ཤེས་སྤྱན་དང་ལྡན། །དེ་ནི་གསང་བའི་དཀྱིལ་འཁོར་རོ། །སྦས་པའི་དཀྱིལ་འཁོར་དབྱུག་པ་ལ། །གསང་བ་རྡོ་རྗེ་བུམ་པ་ནི། །རྩ་བྲན་འཁོར་ལོའི་ག་བུའི་དཀྱིལ། །བྷ་གའི་འཁོར་ལོར་རཀྟའི་དཀྱིལ། །གསང་བ་བྱང་ཆུབ་སེམས་འཁོར་རོ། །འདབ་མ་སུམ་ཅུ་རྩ་གཉིས་པ། །ལས་ཀྱི་རིགས་དེ་དོན་གྲུབ་ནས། །ཡི་དྭགས་ཕྲག་དོག་སྒོ་ཡང་འགེགས། །དམ་ཚིག་སྒྲོལ་མ་ནན་ཏན་ལྡན། །རྟག་ཏུ་དེ་སྤྱོད་དེ་བསྒོམ་པ། །རྣལ་འབྱོར་པ་ཞེས་བྱ་བ་ཡིན། །དེ་དག་འཁོར་དུ་གང་འཐད་དགོད། །སོ་སོའི་སྙིང་པོ་རང་སྔགས་བཟླ། །སྙིང་སྒོ་དབང་གི་འཁོར་ལོ་ལ། །རྟ་མགྲིན་ཡབ་ཡུམ་སྒོ་མས་བསྐོར། །མཛོད་སྤུ་རྒྱ་མཚོའི་དཀྱིལ་འཁོར་དུ། །གསང་བའི་ཡུམ་བཞིའི་འཁོར་དང་ལྡན། །བྲག་དང་རྩ་ཡི་མཚམས་ཉིད་དུ། །གཙུག་ཏོར་ཆོ་གའི་དཀྱིལ་འཁོར་གྱི། །མཚོན་ཆ་རྣམ་ལྔས་བརྒྱན་པར་བྱ། །འདི་ནི་གབ་པའི་གསང་བའོ། །རང་རང་འཁོར་དུ་རིགས་ལྔ་འབར། །དབུ་ལ་རྫོགས་པའི་རིགས་ལྔས་བསྲུང་། །ཐུགས་ལ་འབར་བའི་སྲོག་ཡང་བཞུགས། །གཉིས་ལྡན་སྐུ་དང་གསུང་ཐུགས་ལྡན། །རབ་ཏུ་སྲོག་གི་གོར་ཤར་བའོ། །དེ་ལ་རྩ་རླུང་གྱེས་པ་ནི། །རྩ་གྱེས་པ་རུ་རླུང་ཡང་གྱེས། །མིག་དང་རྣ་བ་སྣ་དང་ལྕེ། །དབང་པོ་བཞི་ལ་གྱེས་པའི་རྩར། །རྒྱུ་བ་ལ་སོགས་རླུང་བཞི་གནས། །ལུས་ལ་རྩ་བྲན་སྟོང་ཕྲག་ལྷག །ཁྱད་པར་གནས་ཏེ་རླུང་ཡང་ཁྱབ། །རུས་མགོ་སུམ་བརྒྱ་དྲུག་ཅུ་ལ། །རྩ་ཡི་ཁམས་སུ་དེ་ཙམ་རེ། ། ― DNG021_Page_0549 ―
[མ་དཔེ་གཟིགས་ན་འདིར་གནོན།]
ཁྱབ་བྱེད་རླུང་དུ་དེ་ཡང་གྲགས། །དེ་རུ་འོད་ཀྱི་ཐིག་ལེ་རེ། །དེ་ལས་གྱུར་པ་གསུང་རྡོ་རྗེ། །དེ་ནི་གསུང་གི་རྡོ་རྗེ་འབར། །དེ་ལས་གྱུར་པ་རྡོ་རྗེར་གནས། །དེ་ནི་ཐུགས་ཀྱི་རྡོ་རྗེ་འབར། །མཁས་པས་སྤྲོ་བསྡུ་བྱས་པ་ཡིས། །ཕར་འཕྲོས་པས་ནི་དགྲ་བགེགས་འདུལ། །སླར་འདུས་རང་གི་བག་ཆགས་བསྲེག །དེ་ནི་ལས་ཀྱི་རྡོ་རྗེ་འབར། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམས། །རྟག་ཏུ་དེ་ལྟར་དེ་གནས་པ། །སྐུ་ཡི་རྡོ་རྗེ་འབར་བ་ཡིན། །དེ་ལ་དབང་དང་བྱིན་བརླབས་པས། །ཡོན་ཏན་རྡོ་རྗེ་འབར་བའོ། །སྐུ་གསུང་ཐུགས་དང་ཡོན་ཏན་ལས། །རིགས་ཀྱི་བདག་པོ་ཡབ་ཡུམ་དང་། །དེ་ལྟར་རྫོགས་པའི་ཀུ་མ་ར། །ཀུན་གཞིའི་རྣམ་ཤེས་ཉིད་དུ་འདོད། །དེ་ཡང་རྒྱུ་ཡི་ཧཱུཾ་ལས་བསྒྱུར། །དེ་ཡུལ་དོན་གྱིས་རྒྱས་འདེབས་མ། །གཉིས་སུ་མེད་པ་རྩ་བའི་དཀྱིལ། །དེ་ཡི་ཁྱད་པར་བྱིན་བརླབས་ལས། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་སེར་སྣ་དང་། །སྒྲིབ་པ་ལུང་དུ་མ་བསྟན་བཞི། །དེ་ལྟར་མི་དགེ་བཅུ་པོ་ནི། །ཧཱུཾ་རིང་བཅུ་ཡི་ས་བོན་ལས། །སོ་སོའི་རང་སྔགས་རྟེན་སྟོབས་ཀྱིས། །བརྗོད་པས་ཁྲོ་བོ་བཅུ་རུ་གྱུར། །དེ་ཡི་ཆ་འཛིན་ཤེས་པ་བཅུ། །ཧཱུཾ་ལ་བརྟེན་པ་སྔ་མ་བཞིན། །རྣམ་ཤེས་ལྔ་དང་དབང་པོ་ལྔ། །ཛ་ལ་བརྟེན་ནས་གནས་བསྒྱུར་བ། །གསོད་པའི་ཟ་བྱེད་ཕ་བཅུར་སྤྲུལ། །ཡུལ་དང་དུས་ཀྱི་ཆ་འཛིན་ལྔ། །གསོད་མ་བཅུ་རུ་སྔ་མ་བཞིན། །ཁམས་དང་སྐྱེ་མཆེད་དེ་ལྟར་ཕ། །ཕྱོགས་བཅུའི་ཁྲོ་བོ་ཡིན་པར་གསུངས། །ཕྱག་གི་མཆོད་པ་ཡང་བཤད་པ། །རིགས་ལྔ་ཡབ་ཡུམ་སོར་མོ་རྣམས། །བྱས་པའི་བར་དུ་ཕུར་པ་བཅུག །གཉིས་སུ་མེད་པའི་བྱང་ཆུབ་སེམས། །དེ་ལ་བསྡིམས་པས་སྲས་གྱུར་པ། །ཕུར་པ་རྫས་སུ་རྣམ་པར་བཤད། །དེ་ནས་འཁོར་གྱིས་ཡང་ཞུས་པ། །འཛབ་དང་བཟླས་པའི་དོན་ནི་གང་། །དཀྱིལ་འཁོར་དོན་ནི་ཇི་ལྟར་བསྡུ། །གསང་བའི་བདག་པོས་བཀའ་སྩལ་འཚལ། །འཛབ་བཟླས་རྣམ་པ་དུ་མ་ཡང་། །ཕྱི་ནང་གསང་བ་གསུམ་དུ་འདུས། །ཕྱི་ཡི་བསྒྲུབ་བྱ་ ― DNG021_Page_0550 ―
[མ་དཔེ་གཟིགས་ན་འདིར་གནོན།]
བསྙེན་པ་དང་། །ནང་གི་རང་སེམས་སྦྱང་བ་དང་། །གསང་བའི་དངོས་གྲུབ་བླང་བ་ནི། །ཁྱད་པར་འགྲོ་སྟེ་བསྡུས་པའི་དོན། །དེ་ཡི་བྱེ་བྲག་རྣམ་བཤད་པ། །དཀྱིལ་འཁོར་གསུམ་ལ་ཐ་དད་རེ། །དགུག་དང་གསད་དང་གཞོམ་པའོ། །ཀཱི་ལ་ཡ་ཧཱུཾ་ཕཊ་བར་དུ། །གཞུག་པའི་སྙིང་པོ་ཐ་དད་དོ། །དགུག་བཛྲཿཧཱུཾ་བཾ་ཧོཿབཞི། །ཡན་ཛ་ལས་གྱུར་པ་བྱའོ། །གསད་པ་མཱ་ར་ཡ་གསུམ་ལས། །གཞོམ་ཞིང་བརྡེག་པ་ཨ་ཀོ་ཊ། །གཅིག་གིས་གཅིག་བསྐུལ་འོད་ཟེར་ནི། །གློག་འབྲུག་ཆར་གྱི་ཚུལ་དུའོ། །དེ་ལ་བསྡུས་པའི་དོན་བཤད་པ། །རྒྱལ་བའི་དཀྱིལ་འཁོར་མ་ལུས་ནི། །སྐུ་གསུང་ཐུགས་ཡོན་ལས་ལྔར་འདུས། །རིགས་ལྔར་སྣང་བ་ཡེ་ཤེས་དངོས། །དེ་ཡི་བྱིན་བརླབས་སྤྲུལ་པ་ནི། །ཇི་ལྟར་འདོད་པ་ཡིད་བཞིན་ཚུལ། །ཁྲོ་བོ་ཁྲོ་མོ་རྣམ་སྤྲུལ་ཡང་། །གུད་ན་མེད་དེ་དེ་ལས་སྤྲུལ། །སྤྲུལ་པ་རྣམས་ནི་རྒྱུ་ལས་འདུས། །རྒྱུ་ནི་རང་བཞིན་བྱང་ཆུབ་སེམས། །སེམས་ཉིད་ཡི་གེ་ཨར་སྣང་བ། །ཨ་མཐོང་ཆོས་ཀྱི་དབྱིངས་ཀྱང་མཐོང་། །མ་གཡོས་ལྟ་བའི་རྒྱས་བཏབ་ན། །དཀྱིལ་འཁོར་ཐམས་ཅད་བསྒོམ་པ་ཡིན། །དེ་སྐད་ཅེས་ནི་བཀའ་སྩལ་པ། །ཁྱེད་ལ་གཏད་ཀྱིས་ནན་ཏན་ཟུང་། །གཟུང་དང་བཅངས་དང་བསྟན་དང་བསྒྲགས། །ལེགས་པར་གྱིས་ལ་སེམས་ལ་མནོས། །ཞེས་གཏད་དོ། །དེ་ནས་འཁོར་རྣམས་ཀྱིས་བསྟོད་པ། ལེགས་སོ་ལེགས་སོ་བདག་པོའི་མཆོག །ལེགས་སོ་ལེགས་སོ་དོན་གྱི་གཙོ། །ལེགས་སོ་ལེགས་སོ་དོན་དང་འཚལ། །ཀུན་གྱི་བདག་ལ་ཕྱག་འཚལ་འདུད། །ཅེས་ཐམས་ཅད་དབྱིངས་ཉིད་དུ་མི་སྣང་བར་གྱུར་ཏོ། །དཔལ་རྡོ་རྗེ་འབར་བ་མན་ངག་གི་ཀལྤ་པ་དུམ་བུའི་རྒྱུད་ཆུང་། འཁོར་ལོ་གཏད་པ་རྫོགས་སོ།། །།རྒྱ་གར་གྱི་མཁན་པོ་ཛྙཱ་ན་གར་བྷ་དང་། བོད་ཀྱི་མཁས་པ་ཆེན་པོ་བཻ་རོ་ཙཱ་ནས་བསྒྱུར་བའོ། །བཀའ་རྒྱུད་འདི་ཡི་རྒྱལ་པོ་སྟེ། །རྒྱ་ཆེ་རབ་ཟབ་ཆོས་ རྡོ་རྗེ་འབར་བའི་རྒྱུད་ཅེས་བྱ་བ།― DNG021_Page_0551 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ནཱ་མ་བཛྲ་ཛྭ་ལ་ཏནྟྲ། བོད་སྐད་དུ། རྡོ་རྗེ་འབར་བའི་རྒྱུད་ཅེས་བྱ་བ། བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་སྐུ་དང་གསུང་དང་ཐུགས་རྡོ་རྗེའི་སྙིང་པོ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཆེན་པོ་དེ་བཙུན་མོའི་དཀྱིལ་ན་རྟག་ཏུ་བཞུགས་སོ། །དེ་ནས་བྱིན་གྱིས་བརླབས་ལས་བྱུང་བའི་ལོངས་སྤྱོད་པར་མཛད་པའི། རྣམ་པར་སྣང་མཛད་ཆེན་པོའི་གཟུགས་ཞལ་གསུམ་ཕྱག་དྲུག་པ། སེར་པོ། དམར་པོ། དཀར་པོའི་ཚུལ་དུ་གནས་པ། འཁོར་ལོ་ལ་སོགས་པ་འཛིན་པའི་ཆ་བྱད་ཅན། མཚན་དང་དཔེ་བྱད་དུ་ལྡན་པ་དེ། འོག་མིན་གྱི་གནས་གཞི་དང་སྙིང་པོ་མེ་ཏོག་གིས་བརྒྱན་པ། ཡེ་ཤེས་ཀྱི་རང་བཞིན་རིན་པོ་ཆེ་ལྔ་ལས་གྲུབ་པ་ཚད་དཔག་ཏུ་མེད་པ། དབྱིབས་དང་ཁ་དོག་དང་ཁྱད་པར་དུ་གྱུར་པ། གྲུ་བཞི་དང་གྲུ་ཆད་དང་སྒོ་བཞི་སྒོ་དང་བཅས་པ། རྟ་བབས་དང་། ཐེམ་སྐས་དང་བཅས་པ། ཀ་བ་བརྒྱད་ཀྱིས་རྣམ་པར་སྤྲས་པ། སྣ་ཚོགས་པའི་གཟུགས་ལ་སོགས་པས་བརྒྱན་པ། ལྷ་མོ་ལ་སོགས་པའི་རྒྱན་གྱིས་བཀླུབས་པ་ནི། ཉིད་ལས་མི་གཞན་པའི་འཁོར་རྣམས་དང་ཐབས་ཅིག་ཏུ་བཞུགས་པ་ནི་འདི་ལྟ་སྟེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དང་། མི་བསྐྱོད་པ་དང་། དཀོན་མཆོག་དཔལ་དང་། ཚེ་དཔག་ཏུ་མེད་པ་དང་། གྲུབ་པ་གདོན་མི་ཟ་བ་རྣམས་བཙུན་མོ་རྣམས་དང་བཅས་པ་དང་། གཞན་ཡང་སྒེག་མོ་མ་དང་། ཕྲེང་བ་མ་དང་། དབྱངས་ལེན་མ་དང་། གར་སྒྱུར་མ་དང་། བདུག་སྤོས་མ་དང་། མེ་ཏོག་མ་དང་། མར་མེ་མ་དང་། དྲི་ཆབ་མ་དང་། ལྕགས་ཀྱུ་མ་དང་། ཞགས་པ་མ་དང་། ལྕགས་སྒྲོག་མ་དང་། དྲིལ་བུ་མ་རྣམས་དང་། གཉིས་ ― DNG021_Page_0552 ―
[མ་དཔེ་གཟིགས་ན་འདིར་གནོན།]
སུ་མེད་པར་བཞུགས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་ལོངས་སྤྱོད་པར་མཛད་དེ། སྟོང་གསུམ་གྱི་སྟོང་ཆེན་པོ་ཡང་སྣང་བར་མཛད་པ་དང་། གཞན་ཡང་དང་པོར་ཉིད་ཀྱི་དཀྱིལ་འཁོར་ནང་དུ། ཞལ་འཛུམ་པ་མཛད་དེ་མི་སྣང་བར་གྱུར་ཏོ། །ཀྱེ། ཁྱོད་ནི་སྙིང་རྗེ་དང་ལྡན་འགྲོ་བའི་གཉེན་མཆོག་སྟེ། །བྱམས་པས་ཀུན་ལ་སྐྱོབ་ཅིང་ཕན་མཛད་པ། །དགའ་བའི་པདྨ་རྒྱས་པ་བདག་ལ་ཡོད། །བདེ་བ་ཆེན་པོ་བཏང་སྙོམས་བདེ་བའི་གར་མཛོད་ཅིག །དེ་ནས་དེ་བཞིན་གཤེགས་པ་དགྱེས་པ་ཆེན་པོ་དེ་ཞལ་གསུམ་ཕྱག་དྲུག་པར་དེ་བཞིན་གཤེགས་པ་ཐམས་ཅད་ཀྱིས་གཟིགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ལ་སོགས་པས། དྷཱུ་པེ་ལ་སོགས་པ་ཕྱིའི་མཆོད་པ་དང་། སྒེག་མོ་ལ་སོགས་པ་ནང་གི་མཆོད་པ་དང་། མེ་ཏོག་ཀ་ནིཥྐ་ལ་སོགས་པ་གསང་བའི་མཆོད་པས་ཡང་དག་པར་མཆོད་དེ། ཕྱག་འཚལ་ནས་འདི་སྐད་ཅེས་གསོལ་ཏོ། །སྐུ་གསུང་ཐུགས་ཀྱི་བདག་པོ་མཆོག །དེ་བཞིན་གཤེགས་པ་ཀུན་གྱི་གནས། །སྐུ་གསུང་ཐུགས་ཀྱི་གསང་བ་རྣམས། །རབ་དགྱེས་ཁྱོད་ཀྱིས་བཤད་དུ་གསོལ། །ཞེས་བརྗོད་པས། ཉིད་ཀྱིས་གསོལ་བ་བཏབ་པར་མཁྱེན་ནས། ཟིལ་གྱིས་གནོན་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ངོ་བོ་ཉིད་ཀྱིས་སྟོང་པ་ལ། །བདག་དང་ཆོས་དང་རྣམ་རིག་དང་། །གཟུང་དང་འཛིན་པ་རྣམ་སྤངས་པ། །སྟོང་པ་ཉིད་ཀྱི་རང་བཞིན་ནོ། །སྟོང་ཉིད་ཡེ་ནས་གནས་པ་ལས། །ཤེས་པས་མཐོང་བའི་ཡུལ་མིན་ཏེ། །གང་གིས་ཡེ་ཤེས་བསྐྱེད་འགྱུར་བ། །དེ་ཡིས་ཡང་དག་རྣམ་པར་མཐོང་། །ཞེས་གསུངས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས། སེམས་བསྐྱེད་པ་འདི་གསུངས་སོ། །ཆོས་ཀྱི་དབྱིངས་ཀྱི་རང་བཞིན་ལས། །སྙིང་རྗེའི་ཡུལ་ནི་ ― DNG021_Page_0553 ―
[མ་དཔེ་གཟིགས་ན་འདིར་གནོན།]
རྣམ་བསྒོམ་སྟེ། །ཆོས་གཅིག་པོ་འདི་རྩ་བའི་ཕྱིར། །ཆོས་རྣམས་ཀུན་དང་འདྲ་བར་གསུངས། །དེ་བས་ཤེས་རབ་སྙིང་རྗེ་ནི། །ཐེག་པའི་རང་བཞིན་ཁོ་ནའོ། །གཞན་གྱི་དོན་དུ་སེམས་བསྐྱེད་ཕྱིར། །བྱམས་དང་དགའ་དང་བཏང་སྙོམས་སོགས། །རྣལ་འབྱོར་པ་ཡིས་ལྡན་པར་བྱ། །སེམས་ཅན་དོན་ལ་དམིགས་པ་དང་། །ཆོས་ཙམ་ལ་ནི་དམིགས་པའོ། །མི་དམིགས་པ་ལ་དམིགས་པ་ཡིས། །ཚད་མེད་བཞི་པ་བསྒོམ་པར་བྱ། །དེ་ནས་རྒྱུ་ཡི་ས་བོན་བསམ། །ཧཱུཾ་གནས་བསྡུ་བ་བརྩམ་པ་དང་། །དཀྱིལ་འཁོར་རྡོ་རྗེ་ཀུན་ལས་སྐྱེས། །དེ་རུ་ཡི་གེ་འབྲུ་བསམ་མོ། །ཡཾ་རཾ་བཾ་ལཾ་ཏཾ་བྷྲཱུཾ་ཧཱུཾ། དེ་ནས་དགྱེས་པ་ཆེན་པོ་དེ། སྐུ་གསུང་ཐུགས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་ཉིད་སྔགས་ཀྱི་བདག་པོ་ཆེན་པོར་བྱིན་གྱིས་བརླབས་སོ། །བརླབས་མ་ཐག་ཏུ་ཞལ་གསུམ་ཕྱག་དྲུག་པར་སྣང་བར་གྱུར་ཏོ། །དེ་ནས་དེ་ཉིད་འདོད་ཆགས་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་སྐུ་ལ་བསྡུས་ནས་ཤེས་རབ་མ་དང་དགའ་བར་བྱས་སོ། །དེ་ནས་ཡང་དཀྱིལ་འཁོར་འབྱིན་པའི་སྔགས་འདི་གསུངས་སོ། །ཨོཾ་ཨཱཿཧཱུཾ། སྐུ་གསུང་ཐུགས་ཀྱི་དཀྱིལ་འཁོར་རྣམས། །བཙུན་མོ་ཡུམ་གྱི་བྷ་ག་ལ། །རིམ་པ་བཞིན་ཏུ་དགོད་བྱ་སྟེ། །གསང་བ་ཡུམ་གྱི་དམ་ཚིག་རྣམས། །ལྡན་པར་བྱ་ཕྱིར་གདོན་པར་བྱ། །དེ་ནས་ཐུགས་རྗེ་ཆེན་པོ་དང་ལྡན་པའི་དཀྱིལ་འཁོར་གྱི་བདག་པོ་ལ་སོགས་པ་རྣམས། དཀྱིལ་འཁོར་གྱི་ལྟེ་བ་དང་རྩིབས་དང་རྩིབས་མཆན་དང་། གྲུ་ཆད་དང་། སྒོ་བཞི་གོ་རིམ་བཞིན་དུ་གནས་པར་གྱུར་ཏོ། །དེ་ཡང་རྣམ་པར་སྣང་མཛད་དང་། མི་བསྐྱོད་པ་དང་། དཀོན་མཆོག་དཔལ་དང་། ཚེ་དཔག་ཏུ་མེད་པ་དང་། གྲུབ་པ་གདོན་མི་ཟ་བ་རྣམས་དང་། དཀར་པོ་དང་། མཐིང་ག་དང་། དམར་པོ་དང་། སེར་པོ་དང་། ལྗང་གུའི་མདོག་ཏུ་སྣང་བ་དང་། འཁོར་ལོ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། རལ་གྲི་ ― DNG021_Page_0554 ―
[མ་དཔེ་གཟིགས་ན་འདིར་གནོན།]
རྣམས་ཕྱག་དང་པོ་ན་འཛིན་པ། གཡོན་པས་རང་དང་འདྲ་བའི་ཤེས་རབ་མ་རྣམས་ལ་འཁྱུད་པ། བཛྲ་དྷ་རས་དབང་བསྐུར་བ། མཚན་དང་དཔེ་བྱད་དུ་བཅས་པ། སྙན་ཆ་དང་མགུར་ཆུ་དང་། དཔུང་རྒྱན་དང་། སེ་མོ་དོ་ལ་སོགས་པས་མཛེས་པར་བྱས་པ་དང་། སྒེག་མོ་ལ་སོགས་པ་རྣམས་དང་། དཀར་པོ་དང་། སེར་པོ་དང་། དམར་པོ་དང་། ལྗང་གུ་ལ་ལ་སོགས་རང་རང་གི་མདོག་དང་། ལག་ཆ་འཛིན་པ་རྣམས་ཀྱིས་དཀྱིལ་འཁོར་གྱི་གདན་ལ་འཁོད་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། དཀྱིལ་འཁོར་གྱི་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དགྱེས་པ་ཆེན་པོ་དེ་བསྙེངས་པ་མི་མངའ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནས་བསྲུང་བ་འདི་ལྟ་བུ་གསུངས་སོ། །དངོས་པོ་མེད་ལས་དངོས་པོའི་ཚོགས། །སྣ་ཚོགས་རྣམ་པར་འབྱུང་བར་འགྱུར། །ངོ་བོ་ཉིད་ཀྱིས་ཡང་དག་པར། །དངོས་རྣམས་ཉིད་ན་དངོས་མེད་པའོ། །ཆོས་ཀྱི་དབྱིངས་ཀྱི་ཁྱད་པར་ལས། །རྒྱུ་ཡི་དངོས་པོ་གསལ་བྱས་ཏེ། །གནས་ནས་གནས་བསྲུང་རྣམ་པར་བརྩམ། །ཨ་ཡིག་དང་པོ་ལྔ་པར་ལྡན། །བཅུ་གཅིག་པ་ཡི་ཐིག་ལེ་ཡིས། །སྤྱི་བོའི་གཙུག་ཏུ་བརྟག་པར་བྱའོ། །གྲངས་ལས་འཁོར་ལོའི་རྩིབས་བཅུ་པ། །རིག་པ་ཅུང་ཟད་སེར་བ་ལས། །ཉི་མའི་དཀྱིལ་འཁོར་བསམ་པར་བྱ། །སྟེང་འོག་པདྨ་ལྷ་ཆེན་པོ། །ཉི་མའི་དཀྱིལ་འཁོར་དབུས་སུ་ནི། །ཁྲོ་བོ་ཞེ་སྡང་གནས་ལས་བསྐྱེད། །ཞལ་གསུམ་ཕྱག་ནི་དྲུག་པ་སྟེ། །གཡས་དཀར་གཡོན་དམར་དབུས་མཐིང་ཞལ། །ཕྱག་གཉིས་ཧཱུཾ་གི་རྒྱ་བཅིངས་ཏེ། །དང་པོ་རྡོ་རྗེ་དྲིལ་བུ་འཛིན། །ལྷག་མ་ཇི་ལྟར་འདོད་པ་ཡིན། །སྙིང་གར་ཡེ་ཤེས་སེམས་དཔའ་གནས། །ཧཱུཾ། དེ་ལས་གནོད་མཛེས་རྒྱལ་པོ་ནི། །ཐུགས་ཀ་ནས་ནི་བྱུང་གྱུར་ཏེ། །སྤྱན་སྔར་བཀའ་ནོད་ཚུལ་དུ་ ― DNG021_Page_0555 ―
[མ་དཔེ་གཟིགས་ན་འདིར་གནོན།]
གནས། །རྡོ་རྗེ་ཐོ་བ་གཡས་པ་སྟེ། །གཡོན་པ་ན་ནི་ཞགས་པའོ། །ཨཱོཾ་སུམ་བྷ་ནི་སུམ་བྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ། བྷ་ག་བཱན། བིདྱཱ་རཱ་ཛ་ཧཱུཾ་ཕཊ། བགེགས་ཀྱི་ཚོགས་ནི་རབ་བཀུག་སྟེ། །དཀྱིལ་འཁོར་རྣམས་ཀྱི་རྒྱན་དུ་བྱ། །ཨ་ཀོ་ཊ་ཡ་མུཏྒ་ར་ན། རྡོ་རྗེ་ཕུར་པའི་ཁྲོ་བོ་ནི། །སྐུ་སྟོད་བདུད་རྩི་འཁྱིལ་པ་སྟེ། །དབྱར་གྱི་སྤྲིན་ཕུང་འདྲ་བ་ལ། །བསྐལ་པའི་མེ་བཞིན་རབ་ཏུ་འབར། །ཨིནྡྲ་ནཱི་ལའི་ཁ་དོག་འདྲ། །རྡོ་རྗེ་ཕུར་བུ་ཕྱག་རྣམས་མཆོག །སྨད་ནི་གསལ་ཤིང་ལྟ་བུ་ལ། །འོད་ཟེར་རྣམ་པར་འཕྲོ་བར་བསམ། །རྡོ་རྗེ་ཕུར་བུས་ངེས་བཏབ་ན། །བགེགས་ལུས་ཤིན་ཏུ་མི་གཡོའོ། །ཨོཾ་ན་མཿས་མནྟ་ཀཱ་ཡ་ཝཱཀ་ཙིཏྟ་བཛྲཱ་ཎཱཾ། གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚཱཾ་ཧཱུཾ་ཕཊ། ཀཱི་ལི་ཀཱི་ལ་ཡ་སརྦ་པཱ་པཾ་ཧཱུཾ་ཕཊ། ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་རོ་ཨཱ་ཛྙཱ་པཱ་ཡ་ཏི། སརྦ་བིགྷྣཱན། ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། སྙིང་གའི་ཆུ་སྐྱེས་ཉིད་གཟུགས་ལས། །ཧཱུཾ་ཡིག་རྣམ་པར་བྱུང་ནས་ནི། །ཁྲོ་བོ་བཅུ་ཡི་གཟུགས་སུ་གྱུར། །ཨོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། ཨཱོཾ་བཛྲ་ཀྲོ་ཏ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་ཏི་ཡ་མཱནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཧ་ཡ་གྲཱི་བ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལི་ཧཱུཾ། ཙིནྡྷ་ཙིནྡྷ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ནཱི་ལ་དནྟྲ་ཧཱུཾ། ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུཾ། བྷནྡྷ་བྷནྡྷ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨ་པ་ར་ཙིཏྟ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཏྲཻ་ལོཀྱ་བི་ཛ་ཡ་ཧཱུཾ། བྷིནྡྷ་བྷིནྡྷ་ཧཱུཾ་ཕཊ། ཨོཾ་བཛྲ་ཀྲོ་ཏ་མ་ཧཱ་བ་ལ་ཧཱུཾ། སྥོ་ཊ་ཡ་སྥོ་ཊ་ཡ་ཧཱུཾ་ཕཊ། མི་གཡོ་ལྟ་བུའི་འཁོར་བ་ཡི། །མེ་སྟག་མང་པོ་འཕྲོ་བ་ཅན། །ཕྱོགས་བཅུའི་གནས་སུ་འཁོད་པར་གྱུར། །རྡོ་རྗེ་ཕུར་བུས་བྱིན་བརླབས་ནས། །ཕྱོགས་བཅུའི་གནས་སུ་རྣམ་པར་བསམ། །དེ་ནས་རྒྱུ་ཡི་ས་བོན་ལས། །འོད་ཟེར་ལྔ་བཅུ་འཕྲོས་ནས་ནི། །འོད་ ― DNG021_Page_0556 ―
[མ་དཔེ་གཟིགས་ན་འདིར་གནོན།]
ལས་སྤྲུལ་པའི་ཁྲོ་བོ་རྣམས། །ཡན་ལག་བྱིན་གྱིས་བརླབ་བྱས་ཏེ། །ཡབ་ཡུམ་སྦྱོར་བའི་མཚམས་ནས་ནི། །རྡོ་རྗེའི་རིགས་ལ་སོགས་པ་ཡིས། །རང་རང་ལག་ཆ་རྣམ་འཕྲོས་པས། །བར་ཆོད་བགེགས་རྣམས་གཞིལ་བ་དང་། །གནས་བསྲུང་བ་ནི་བྱས་ནས་ཀྱང་། །རྡོ་རྗེ་ལ་སོགས་གུར་དུ་གྱུར། །སྐུ་ལ་སོགས་པའི་རང་བཞིན་ནི། །ཡེ་ནས་ཡིན་ཕྱིར་ཕྱག་རྒྱའི་བདག །སྟེང་དུ་མེ་ཡི་དཀྱིལ་འཁོར་དང་། །ཆུ་ཡིས་རྣམ་པར་གཡོགས་པར་བསྒོམ། །རྡོ་རྗེ་ལ་སོགས་རྣམ་ལྔ་ཡིས། །ཞེ་སྡང་གཏི་མུག་འདོད་ཆགས་དང་། །ང་རྒྱལ་ཕྲག་དོག་གཅོད་བྱེད་པའོ། །སྐུ་གསུང་ཐུགས་ཀྱི་རང་བཞིན་དང་། །ཡོན་ཏན་ཕྲིན་ལས་རྣམས་ཀྱིས་བརྒྱན། །བགེགས་རྣམས་རྣམ་པར་གཞིག་པའི་ཕྱིར། །བརྒྱལ་ཞིང་རབ་ཏུ་བརྒྱལ་བར་འགྱུར། །མོས་ཤིང་རྣམ་པར་འགལ་འགྱུར་ཏེ། །ཚིག་ཅིང་རྣམ་པར་འབྲོས་པར་འགྱུར། །ནམ་མཁའ་དྭངས་པའི་རང་བཞིན་ལས། །རྡོ་རྗེ་ལ་སོགས་གུར་ལྔ་ཤར། །སྟེང་འོག་གུར་དང་ས་གཞི་དང་། །བླ་རེ་དང་ནི་ར་བ་དང་། །རྩིགས་པར་བྱས་ཤིང་བར་མཚམས་མེད། །མེ་སྟག་འཕྲོ་ཞིང་རྣམ་པར་དཀྲིག །མདངས་ཅན་ཁ་དོག་ལྔ་དང་ལྡན། །ཡོན་ཏན་ཀུན་གྱིས་རབ་བརྒྱན་པ། །ཐུན་མོང་མ་ཡིན་བཀའ་ཡི་མཚམས། །ཐུན་མོང་དབང་ཆེན་མཚམས་རྣམས་ནི། །ས་བོན་ཡི་གེ་ཧཱུཾ་ཉིད་ཀྱིས། །སྐུ་གསུང་ཐུགས་ཀྱི་རྡོ་རྗེ་སྟེ། །དབང་ཆེན་དཀྱིལ་འཁོར་བསྐྱེད་པའོ། །ནམ་མཁའི་ཁམས་ཀྱི་དབུས་དག་ཏུ། །ཡི་གེ་ཧཱུཾ་གི་ཁྱད་པར་ལས། །ཨ་རྣམས་འབྲོས་ཤིང་འདུས་པ་ནི། །སྔོན་པོ་གཞུ་འདྲ་བ་དན་ཕྱར། །དུ་བའི་འོད་ཀྱི་ཕྲེང་བས་བསྐོར། །སྐུ་ལ་སོགས་པའི་རྡོ་རྗེ་རྣམས། །རྒྱུ་ལ་གནས་པ་དེ་བཞིན་ཏེ། །འབྲས་བུ་ལ་ཡང་གནས་བྱའི་ཕྱིར། །རླུང་གི་སྟེང་ན་ཡི་གེ་ཨཱོཾ། །རྡོ་རྗེ་གཉིས་དང་ཡང་དག་ལྡན། །དེ་སྟེང་རཾ་ལས་བྱུང་བ་ཡི། །དམར་པོ་གྲུ་གསུམ་རྡོ་རྗེས་མཚན། ། ― DNG021_Page_0557 ―
[མ་དཔེ་གཟིགས་ན་འདིར་གནོན།]
དམར་པོའི་འོད་ཀྱི་ཕྲེང་བས་བསྐོར། །དེ་ཡི་སྟེང་ན་ཡི་གེ་ཨཱོཾ། །རྡོ་རྗེ་གཉིས་དང་ཡང་དག་ལྡན། །དེ་སྟེང་བཾ་ལས་བྱུང་བ་ཡི། །བ་མོའི་མདོག་ལ་བུམ་པས་བརྒྱན། །དཀར་པོ་འོད་ཀྱི་ཕྲེང་བས་བསྐོར། །དེ་ཡི་སྟེང་ན་ཡི་གེ་ཧཱུཾ། །རྡོ་རྗེ་གཉིས་དང་ཡང་དག་ལྡན། །དེའི་སྟེང་སུཾ་ལས་བྱུང་བ་ཡི། །སེར་པོ་གྲུ་བཞི་རྡོ་རྗེས་མཚན། །སེར་པོ་འོད་ཀྱི་ཕྲེང་བས་བསྐོར། །དེ་ཡི་སྟེང་ན་ཡི་གེ་ཨཱོཾ། །རྡོ་རྗེ་ཉིད་དང་ཡང་དག་ལྡན། །དེ་སྟེང་ལཾ་ལས་བྱུང་བ་ཡི། །རིན་ཆེན་གྲུ་བཞི་རིན་ཆེན་བརྒྱན། །འོད་ཟེར་ལྔ་ཡི་ཕྲེང་བས་བསྐོར། །རྩེ་མོ་གཅིག་ནི་བརྒྱད་ཀྱིས་སྤྲས། །བྱ་སྐྱིབས་བྱ་འདབ་ལྡན་པ་ལ། །རྡོ་རྗེ་རྒྱ་གྲམ་མཛེས་པར་གཏམས། །དཔུང་རྣམ་པར་བཟློག་པའི་ཏིང་ངེ་འཛིན་ཏོ། །ནད་རྣམས་མྱུར་དུ་བཟློག་པའི་ཕྱིར། །རྒྱུན་དུ་གཏོར་མ་བསྔོ་བ་དང་། །མཚམས་གཅོད་པ་ཡི་དུས་སུ་ནི། །འབར་བ་ཆེན་པོའི་གར་དགུ་དང་། །ལྡན་པའི་ཁྲག་འཐུང་གསལ་བྱས་ཏེ། །མཁའ་འགྲོ་ཕྱོགས་སྐྱོང་ལ་སོགས་མཆོད། །བརྡ་ཡིས་མཁའ་འགྲོ་བོད་པའི་ཕྱིར། །སྤྱི་བོར་གར་སྟབས་བསྒྱུར་ནས་སུ། །གྱེན་དུ་ཕེཾ་གྱི་སྒྲ་སྒྲོགས་ཤིང་། །མཁའ་འགྲོ་མ་རྣམས་བསྐུལ་བར་བྱ། །དཔའ་བོ་ཆེན་པོའི་གར་དགུ་ནི། །གདོན་རྣམས་འཇོམས་པ་ཆེན་པོའི་མཆོག །དེ་ཉིད་རྣམ་པ་དགུ་པོ་འདིའོ། །གཡས་བརྐྱང་པ་དང་གཡོན་བསྐུམ་པ་དང་། གྱད་ཀྱི་དོར་ཐབས་སུ་འདུག་པ་དང་། འགྱིང་བག་ཏུ་བཞུགས་པ་དང་། ཁུ་ཚུར་གཉིས་དཀུ་རུ་བརྟེན་པ་ནི་སྒེག་པའོ། །གྱད་ཀྱི་དོར་ཐབས་སུ་བྱས་ལ། གཡོན་གྱིས་འཛིན་པ་ལྟར་བྱས་ནས། གཡས་ཀྱི་སོར་མོ་གདེངས་ཏེ། བརྡེག་པ་ལྟར་བྱས་པ་ནི་དཔའ་བོའི་འོ། །དེ་ཉིད་ལས་གཡས་པའི་ཁུ་ཚུར་བཅངས་ཏེ། སོ་བསྡམས་ཤིང་མཆེ་བ་གཙིགས་པ་ནི། འཇིགས་སུ་རུང་བའོ། །དེ་ཉིད་ལག་པ་གཉིས་བསྣོལ་ནས་ཡུམ་ལ་འཁྱུད་པ་ལྟར་བྱས་པ་ལས། ཧི་ཧི་ནི་བགད་པའོ། །དེ་ཉིད་ལས་ཧ་ཧ་ནི་རྒོད་པའོ། །རྐང་པ་གཉིས་དེ་ཉིད་ལས་ལག་པ་གཉིས་དཀུ་ལ་བརྟེན་ཏེ། ཁ་ ― DNG021_Page_0558 ―
[མ་དཔེ་གཟིགས་ན་འདིར་གནོན།]
གདངས་ནས་ལྕེ་བརྐྱང་བ་སྟེ། ཕན་ཚུན་དུ་བསྙེར་ཞིང་བལྟས་ན་ནི་གཤེ་བར་བྱེད་པའོ། །དེ་ཉིད་ལས་མིག་ཕབ་སྟེ། བསྙེར་ནས་འདུག་པ་ནི་སྙིང་རྗེ་བའོ། །རྐང་པ་དོར་ཐབས་སུ་བྱས་ནས། གཡོན་ཐོ་བ་འཛིན་པ་ལ་གཡས་ཀྱི་རྡོ་རྗེ་དགུག་ཅིང་། ཧ་ཧ་ཞེས་བརྗོད་ཅིང་འཐུང་བ་ནི་རྔམ་པའོ། །དེ་ཉིད་ལས་མཉམ་པའི་ཕྱག་རྒྱ་བཅས་ཏེ། ཐ་མར་འདུག་པ་ནི་ཞི་བའོ། །དེས་ཧེ་རུ་ཀའི་ཕྱག་རྒྱ་བཅས་ཏེ། དཔྲལ་བའི་སྐྲ་མཚམས་སུ་བཞག་ལ། ཨ་ཨ་ཨེ་ཨ་ར་ལི་ཧོཿ། ཛཿཧཱུཾ་བཾ་ཧོཿ། ས་མ་ཡ་སྟྭཾ། བཛྲ་ཌཱ་ཀི་དྲྀ་ཤྱ་ཧོ། ས་མ་ཡ་ཕཊ། ཁ་ཁ་ཁཱ་ཧི་ཡིས་བསྐུལ་བར་བྱའོ། །སརྦ་དྷཱ་ཀི་ནཱི། སརྦ་རཀྴ། སརྦ་ཡཀྴ། སརྦ་བྷཱུ་ཏ། སརྦ་པྲེ་ཏ། སརྦ་བི་ཤཱ་ཙ། སརྦ་ཨུཏྨཱ་ད། སརྦ་ཨཱ་པ་སྨཱ་ར། ཨི་དཾ་བ་ལིཾ་བྷུཉྫ་ཐ། པི་བ་ཐ་གྲྀ་ཧྞ་ཏུ། ཛི་གྷྲ་ཐ། མ་ཏཱི་ཀྲ་མ། མ་མ་སརྦ་ཀརྟཱ་ཡ། སཏྭ་ཁཾ་བི་ཤུདྡྷེ། ས་ཧཱ་ཡི་ཀཾ། བྷ་ཝནྟུ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨིནྡ་ཛ་མ། ཛ་ལ་ཛཀྑ། བྷཱུ་ཏ་བ་ཧྣི་ཏེ་ཛོ། རཀྑ་ཙན་དྷ། སུཛྫ་མ་ད། ཏལ་བཱ་ཏཱ་ལེ། ཨཊྚ། སཔྶ་སྭཱ་ཧཱ། ཨི་དཾ་བ་ལིཾ་བྷུཉྫ། ཛི་གྷྲ། ཕུལླ། དྷཱུ་པྤ། མཱཾ་ས། སིཾ་གྷ། ཨམྦ། སཔྶ། གཛྫ། སཱ་དཱ། ཁན་ཏི། ཁུ་ཎི། ཕེ་ཌ་ག་ཏ། ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤནྣ་ཏྭ་ཏ་ཨོཾ་ཨཱཿཧཱུཾ་ཕཊ་ཕཊ་སྭཱ་ཧཱ། ནད་རྣམས་སེལ་ཞིང་དོགས་པ་མེད། །དུག་དང་མཚོན་གྱིས་མི་ཚུགས་ཤིང་། །བར་ཆོད་བྱེད་པའི་བགེགས་རྣམས་ནི། །འཇིགས་པར་འགྱུར་བ་གདོན་མི་ཟ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། མཚམས་བསྲུང་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཆེན་པོ་དེ། མཁའ་དབྱིངས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གཞི་ཡི་ཏིང་ངེ་འཛིན་འདི་གསུངས་སོ། །འདོད་པའི་ཁམས་ལ་སོགས་པ་ཡི། །ཕུང་པོ་ཁམས་དང་སྐྱེ་མཆེད་རྣམས། །རྟེན་ ― DNG021_Page_0559 ―
[མ་དཔེ་གཟིགས་ན་འདིར་གནོན།]
ཅིང་འདྲེལ་བར་འབྱུང་བ་ཙམ། །དེ་ཉིད་སྣང་བ་མ་ཡིན་པ། །ཡང་དག་པར་ན་རང་བཞིན་མེད། །རྣམ་པར་ཐར་པའི་སྒོ་རྣམས་ཀྱིས། །སྟོང་པའི་བདག་ཉིད་ལྡན་པར་བྱའོ། །རྟེན་ཅིང་འདྲེལ་བར་འབྱུང་བ་ཙམ། །དེ་ཉིད་ལས་ནི་མ་རྟོགས་པ། །ཐ་དད་མ་ཡིན་དོན་གཅིག་མིན། །འགག་པ་མེད་པ་སྐྱེ་མེད་པར། །རྟག་པ་མ་ཡིན་ཆད་པའང་མེད། །འོང་བ་མེད་དང་འགྲོ་མེད་པ། །དེ་བས་རྒྱུ་ཡི་རང་བཞིན་ནི། །ངོ་བོ་ཉིད་ཀྱིས་མ་གྲུབ་པས། །ཡོད་པ་མ་ཡིན་མེད་པའང་མིན། །བདག་དང་གཞན་ཡང་མེད་པ་སྟེ། །ཅི་ལའང་མི་དམིགས་མི་རྟོག་པ། །དེ་ཉིད་རྣམ་པར་ཐར་པའི་སྒོ། །རྐྱེན་གྱིས་རང་གི་ངོ་བོ་ནི། །རྒྱུ་མ་གྲུབ་པས་མི་བསྒྲུབ་ཅིང་། །ངོ་བོ་ཉིད་ཀྱིས་མ་བསྐྱེད་པས། །མཚན་མ་མེད་པའི་རྣམ་ཐར་རོ། །རྒྱུ་དང་རྐྱེན་གྱིས་མ་བསྐྱེད་ཅིང་། །འབྲས་བུ་རང་ཉིད་མི་སྐྱེ་བས། །སྨོན་པར་བྱ་བའི་ངེས་བྲལ་ཏེ། །སྨོན་པར་བྱ་བ་རྣམ་ཐར་རོ། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དམ་པའི་དོན་དུ་བསྒོམ་པ་ནི། །དོན་དམ་པ་ཡི་སེམས་བསྐྱེད་ལ། །འགྲོ་བའི་དོན་དུ་བྱ་བའི་ཕྱིར། །ཀུན་རྫོབ་པར་ཡང་སེམས་བསྐྱེད་དེ། །བྱམས་དང་སྙིང་རྗེ་ལྡན་པ་དང་། །དགའ་དང་བཏང་སྙོམས་སེམས་བསྐྱེད་དེ། །སྟོང་པ་ཉིད་ཀྱི་རང་བཞིན་ལས། །ཤུགས་ཀྱིས་སྙིང་རྗེའི་ཡུལ་དག་འབྱུང་། །ཐེག་པ་ཆེན་པོར་གྲགས་པས་ན། །ཐབས་དང་རབ་ཏུ་འདྲེལ་པའོ། །གང་རྣམས་སྡུག་བསྔལ་ཉེན་པ་ལས། །བྲལ་བར་འདོད་པ་སྙིང་རྗེ་ཡིན། །བྱམས་པས་ཕན་པ་སྒྲུབ་པ་སྟེ། །ཀུན་ལ་སྐྱོབ་ཅིང་ཕན་པར་དགའ། །དགའ་བ་རབ་ཏུ་དགའ་བ་སྟེ། །དམ་པའི་དོན་ལ་འདུན་པའོ། །ཆགས་སྡང་གཉིས་དང་བྲལ་བ་ནི། །བར་མའི་སེམས་དང་ལྡན་པ་སྟེ། །དོན་དམ་པ་ཡིས་བཏང་སྙོམས་སོ། །ཁྱབ་པར་བྱེད་པའི་བདག་ཉིད་ནི། །རིགས་སུ་མ་ཡིན་མཚུངས་པའི་ཕྱིར། །ཚད་མེད་པའོ་ཞེས་བྱའོ། །དམ་པའི་དོན་གྱི་བདེ་ཆེན་དེ། །ཀུན་ ― DNG021_Page_0560 ―
[མ་དཔེ་གཟིགས་ན་འདིར་གནོན།]
རྫོབ་སེམས་བསྐྱེད་གཟུགས་རྣམ་གཉིས། །རྡོ་རྗེ་དབྱིངས་ལ་སོགས་པའི་གཟུགས། །སངས་རྒྱས་ལ་སོགས་འཁོར་ལོ་བསྐོར། །མཚན་མེད་པ་ཡི་ཏིང་ངེ་འཛིན། །ཧཱུཾ་ཡིག་དཀར་པོའི་ཁྱད་པར་ལས། །གྲུ་གསུམ་དཀར་པོ་ཡར་བསྒྲེང་ནས། །སྣ་ཚོགས་འོད་ཕྱོགས་འཁོར་སྒྱུར་བ། །བྷ་གའི་རང་བཞིན་རྡོ་རྗེས་མཚན། །ཆོས་འབྱུང་ཡེ་ཤེས་རང་བཞིན་ནི། །དྲི་མ་མེད་ཅིང་ཞི་བའོ། །དེ་ནི་ནང་གི་འཁོར་ལོ་ཉིད། །སྣ་ཚོགས་པདྨ་རྡོ་རྗེས་བརྒྱན། །དེ་ཡི་སྟེང་དུ་བྷྲཱུཾ་འཁོར་ལོ། །རིག་མར་བཅས་པའི་སྣང་མཛད་བསྐྱེད། །ཞལ་གསུམ་པ་ལ་ཕྱག་དྲུག་སྟེ། །ཞལ་གཡས་ནག་ཅིང་གཡོན་པ་དམར། །རྩ་ཞལ་དབུས་ནི་དཀར་པོའོ། །ཕྱག་གཉིས་རིག་མ་འཁྱུད་ནས་ནི། །གཡས་ན་འཁོར་ལོ་རལ་གྲི་སྟེ། །གཡོན་ན་རིན་ཆེན་པདྨའོ། །གྲུ་བཞི་པ་ལ་སྒོ་བཞི་པ། །ལྟེ་བ་རྩིབས་དང་བཅས་པ་དང་། །གྲུ་ཆད་བར་ཁྱམས་རིན་ཆེན་ཤར། །ཐེམ་སྐས་རྟ་བབས་རྣམས་ཀྱིས་བརྒྱན། །སྒོ་ཁྱུད་བཞི་ནི་མཆོག་ཏུ་མཛེས། །གར་དང་རིན་ཆེན་པདྨ་དང་། །རིན་ཆེན་ཕ་གུས་སྒོ་འགྲམ་བྱས། །དྲ་བ་དྲྭ་ཕྱེད་ཕྱེད་པ་དང་། །མུ་ཏིག་ཕྲེང་བ་ཧ་ར་དང་། །ཡ་ཕུབ་རྡོ་རྗེ་བཅུ་གཅིག་འབུར། །རིན་ཆེན་ཤར་བུས་ཕྱོགས་རྣམས་བརྒྱན། །ཆུན་འཕྱངས་རྣམས་དང་ལྡན་པ་དང་། །དར་བུ་ཁད་ཀྱིས་རྣམ་པར་སྤྲས། །ཆོས་ཀྱི་འཁོར་ལོ་རི་དྭགས་གཉིས། །ཕྱོགས་རྣམས་ཀུན་ཏུ་མཛེས་པར་གནས། །གདུགས་ཆེན་གསེར་གྱི་ཡུ་བ་ཅན། །གསལ་འཚེར་མཛེས་པའི་སོར་ཕྲེང་ཅན། །རྣམ་པ་སྣ་ཚོགས་རྒྱན་གྱིས་བཀླུབས། །དབྱིབས་དང་ཁ་དོག་ཁྱད་པར་ཅན། །ཚད་རྣམས་དཔག་ཏུ་མེད་པ་སྟེ། །གཞལ་ཡས་བརྩེགས་པ་དེ་ལ་བསྒོམ། །སྣ་ཚོགས་པདྨ་དེ་ལ་བསྒོམ། །ཉི་ཟླ་བརྩེགས་པ་མནན་པ་ནི། །སངས་རྒྱས་དམ་པ་རྣམས་ཀྱི་གདན། །རང་གི་མཚན་དང་ལྡན་པ་ཡིས། །འདོད་ཆགས་ཨ་ལ་སོགས་ཡིག་འབྲུ། །དབུས་ ― DNG021_Page_0561 ―
[མ་དཔེ་གཟིགས་ན་འདིར་གནོན།]
ཀྱི་ཉི་མའི་གདན་ལ་སེམས། །ཡེ་ཤེས་ཟླ་བ་བརྩེགས་པ་བསྒོམ། །དཀྱིལ་ན་ཨ་དང་ལཾ་ཉིད་དེ། །ཁ་འཐོར་ཐབས་ཀྱི་ཡི་གེ་ནི། །ཤེས་རབ་ཡེ་ཤེས་རྣམ་པར་སྤྲས། །མཚན་དང་དཔེ་བྱད་ལྡན་པར་བྱེད། །ཤེས་རབ་སྒྲ་ཡིག་བཅུ་དྲུག་ནི། །རྣམ་པ་གཉིས་སུ་གྱུར་པའོ། །ཨ་ཨཱ། ཨི་ཨཱིཾ། ཨུ་ཨཱུ། ཨཻ་ཨཱཻ། ཨོ་། ཨཾ་ཨཱ། རྀ་རཱྀ། ལྀ་ལཱྀ། ཡེ་ཤེས་ལྔ་ཡི་རང་བཞིན་ལས། །རིགས་ལྡན་རྣམ་པར་སྣང་མཛད་ནི། །ཆོ་ག་ལྔ་ཡི་སྤྲོ་བསྡུ་ཡིས། །ཡེ་ཤེས་མངོན་པར་བྱང་ཆུབ་པའོ། །རྒྱུན་དུ་དཀྱིལ་འཁོར་མ་ལུས་ཐོགས། །སྐུ་གསུང་ཐུགས་སུ་ཡང་དག་ལྡན། །དབང་བསྐུར་བྱ་སྟེ་བསྒྲུབ་པར་བྱ། །ཐབས་མཁས་ཐབས་དང་ལྡན་པ་སྟེ། །ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་བསྒོམ་ནས་ནི། །ཐབས་དང་ཤེས་རབ་ཡི་གེར་བཅས། །སྙིང་གའི་པདྨ་ཁ་སྦྱར་བ། །ཟླ་བའི་དཀྱིལ་འཁོར་དབུས་སུ་ནི། །སྣང་མཛད་འཁོར་ལོ་འཛིན་པ་གནས། །ལྟེ་བ་ཨཱོཾ་གྱིས་མཚན་པ་ལ། །འོད་ཟེར་མཚོན་ཆར་ལྡན་པ་རྣམས། །བྱུང་སྟེ་ནམ་མཁའི་ཁམས་ཁྱབ་པས། །རྒྱལ་བའི་ཚིག་དྲངས་ཀློང་དུ་གྱུར། །ས་ལ་སོགས་པའི་རང་བཞིན་ལ། །ཁ་དོག་ལྔ་ཡི་རང་བཞིན་ནི། །སྣ་ཡི་རྩེ་མོར་བརྟག་པར་བྱ། །བདག་ཉིད་ཆོས་ཀྱི་ཕྱག་རྒྱ་ལས། །གཟུགས་རྣམས་མཐོང་བར་གྱུར་པ་ནི། །མཚོན་ཆ་མཆོག་གིས་དྲངས་ནས་སུ། །པདྨའི་དཀྱིལ་འཁོར་ཐིམ་གྱུར་ནས། །སྙིང་གའི་རྩེ་མོར་བརྟག་པར་བྱ། །གཉིས་སུ་མེད་པར་རབ་སྦྱོར་བ། །འོད་ཟེར་ལྕགས་ཀྱུ་རྣམ་འཕྲོས་པས། །ཡེ་ཤེས་དཀྱིལ་འཁོར་རྒྱུན་བཞུགས་ནས། །ཨཱོཾ་གྱིས་འཛིན་པར་བྱེད་པ་ལ། །ཕཊ་ཀྱིས་འཕངས་པས་གསང་བར་འདུས། །ཡེ་ཤེས་ལྔ་ཡི་བདག་ཉིད་ནི། །སྣ་ཡི་རྩེ་མོར་བརྟག་པར་བྱ། །བྱང་ཆུབ་སེམས་ཀྱི་བདག་ཉིད་ནི། །ཡེ་ཤེས་འོང་བའི་རང་བཞིན་ལས། །ཟུང་འཇུག་ཏིང་འཛིན་ལ་གནས་པས། །གསང་བའི་དབྱིངས་ ― DNG021_Page_0562 ―
[མ་དཔེ་གཟིགས་ན་འདིར་གནོན།]
སུ་བརྟག་པར་བྱ། །ཡེ་ཤེས་ལྔ་ཡི་དངོས་ཉིད་ནི། །ཕྱི་ནང་གསང་བར་རབ་བརྟགས་པ། །གསང་བ་མཆོག་གི་དམ་ཚིག་ཡིན། །ནད་རྣམས་མེད་ཅིང་འཆི་བ་མེད། །དུས་མིན་འཆི་བ་མི་འབྱུང་ཞིང་། །མཐོ་རིས་ཐར་པའི་བདག་པོར་འགྱུར། །སྔགས་ཀྱི་ངོ་བོས་བརྟགས་པ་ན། །མཚན་མ་རྣམས་ཀྱང་འབྱུང་འགྱུར་ཏེ། །བྱང་ཆུབ་འཚང་རྒྱ་གདོན་མི་ཟ། །དེ་བཞིན་གཤེགས་པ་ཀུན་གྱི་གནས། །གསང་བ་དམ་པ་མཆོག་གི་ས། །འདའ་བར་མི་བྱེད་དམ་ཚིག་ཡིན། །བླུན་པོ་གང་ཞིག་འདའ་བྱེད་པ། །དེ་ལ་དངོས་གྲུབ་མི་འབྱུང་ཞིང་། །དུག་དང་མཚོན་དང་ནད་བགེགས་ཀྱིས། །བསད་ནས་སེམས་ཅན་དམྱལ་བར་སྐྱེ། །གང་གིས་གསང་བ་མི་ཤེས་པར། །དམ་པའི་དོན་ལ་འཇུག་པ་ནི། །ལྡངས་པས་ནམ་མཁའ་བསྙེག་པ་འདྲ། །རྣམ་པར་དབེན་དོན་མི་ཤེས་པར། །ཐོས་པ་ཙམ་ལ་འཇུག་བྱེད་པ། །གང་དག་བསོད་ནམས་མི་བྱེད་པ། །སྐྱེས་བུ་ཆེན་པོ་དེ་དག་བརླག །ཡང་དག་དོན་གྱི་རང་བཞིན་ལ། །གཏོང་བ་ལ་སོགས་རྣམ་བརྒྱན་པ། །འགལ་བར་མི་བྱ་དགག་པ་མིན། །ཐབས་དང་ཤེས་རབ་ལྡན་པར་བྱ། །རྣམ་པར་དབེན་པ་རབ་ཤེས་ནས། །གསང་བའི་དོན་ལ་འཇུག་འགྱུར་ཏེ། །དེ་ཡིས་ཡང་དག་རྣམ་པར་མཐོང་། །སྒྲ་ཡི་དོན་ལ་འཇུག་པ་མིན། །དོན་དམ་ཚོལ་ལ་དང་པོར་ནི། །དངོས་པོའི་རང་བཞིན་གསུངས་པ་སྟེ། །དོན་རྣམས་རྟོགས་ཤིང་ཆགས་མེད་ན། །གསང་བ་དམ་པ་སྦྱིན་པར་བྱ། །དབང་བསྐུར་གནང་བ་ཐོབ་ནས་ནི། །ཉན་དང་བསམ་པ་ལ་སོགས་པའི། །བླ་མའི་རྒྱུད་ལ་གནས་པ་རྣམས། །སྦྱངས་ཤིང་རྟོགས་པར་མ་བྱས་ན། །གཅེར་བུ་ལག་པ་སྟོང་པར་འགྲོ། །དེ་བཞིན་གཤེགས་པ་ཐམས་ཅད་ཀྱི། །གསང་བ་གསང་ཆེན་སྙིང་པོ་རྣམས། །རྣལ་འབྱོར་རྒྱུད་ཀྱི་རྗེས་འབྲངས་ནས། །བླ་མའི་ཁ་ནས་བརྟག་པར་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། རྟེན་གྱི་དཀྱིལ་འཁོར་སྒྲུབ་པའི་ལེའུ་སྟེ་གསུམ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ ― DNG021_Page_0563 ―
[མ་དཔེ་གཟིགས་ན་འདིར་གནོན།]
ཐུགས་རྡོ་རྗེའི་བདག་པོ་དགྱེས་པ་ཆེན་པོ་དེ། འཁོར་ལོས་སྒྱུར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གསང་བའི་དཀྱིལ་འཁོར་བསྐྱེད་པ་འདི་གསུངས་སོ། །རྣམ་པར་སྣང་མཛད་མངོན་བྱང་ཆུབ། །ཞལ་གསུམ་པ་ལ་ཕྱག་དྲུག་པ། །གཡས་དཀར་གཡོན་དམར་སེར་བའི་ཞལ། །འཁོར་ལོ་རྡོ་རྗེ་རིན་ཆེན་དང་། །རྡོ་རྗེ་པདྨ་རྒྱ་གྲམ་འཛིན། །ཕྱག་རྒྱ་བཞི་དང་རབ་ལྡན་ཞིང་། །ཡན་ལག་བཞི་དང་གར་སྦྱོར་བས། །ཆ་སྟོད་ཆ་སྨད་མེད་པ་ཡི། །སྐྱ་རེངས་ཤར་བའི་ཚེ་ན་ནི། །བསྒྲུབ་པ་ཆེན་པོ་བརྩམ་པར་བྱ། །ལྷ་མོ་ཀླུ་མོ་མི་མོ་རྣམས། །བཞིན་བཟང་མིག་གི་དཀྱུས་རིང་བ། །གཟུགས་བཟང་གཞོན་པས་བརྒྱན་པ་དང་། །དཀར་ཞིང་འཇམ་ལ་འདོད་པར་དགའ། །ལོ་གྲངས་བཅུ་དྲུག་ལོན་པ་དང་། །ཉི་ཤུ་རྩ་ལྔ་པ་འམ་རུང་། །རིགས་ལྡན་པ་དང་ཡོན་ཏན་ལྡན། །མདོག་གཟུགས་ན་སོ་ལྡན་པ་ནི། །བདེ་བར་གཤེགས་པའི་སྔགས་འགྲུབ་པ། །མངོན་དུ་ཉེ་བར་སྤྱད་པར་བྱ། །རྒྱལ་རིགས་ལ་སོགས་བུ་མོ་ལ། །འདོད་པ་ལ་སོགས་མཉེས་བྱས་ནས། །ཐེག་ཆེན་མཆོག་གི་སྣོད་དུ་འགྱུར། །སྨེ་ཤ་ཅན་དང་གདོལ་པ་དང་། །སྨྱིག་མ་མཁན་དང་ཤན་པའི་རིགས། །བཙོ་བླག་མཁན་གྱི་བུ་མོ་རྣམས། །རྙེད་ནས་དོར་བར་མི་བྱའོ། །གསལ་ལྡན་མ་ཡི་རང་བཞིན་ལ། །ཡན་ལག་བརྒྱད་དང་ལྡན་བྱས་ཏེ། །སྔགས་གྲུབ་འདོད་པ་གང་ཡིན་པས། །བྱིན་གྱིས་བརླབ་པ་རབ་ཏུ་བརྩམ། །སྙིང་ག་སྨིན་མཚམས་ལྟེ་བ་དང་། །གསང་བའི་གནས་དང་རྐང་པའི་བར། །ཉི་མ་དང་ནི་ཟླ་བར་བཅས། །རིན་ཆེན་ཟུར་བརྒྱད་པདྨ་བརྒྱད། །མེ་ཡི་དཀྱིལ་འཁོར་གྲུ་གསུམ་ལ། །ཕྱག་རྒྱ་བཞི་དང་རབ་ལྡན་པའི། །རྒྱལ་བའི་བདག་ཉིད་གསང་ ― DNG021_Page_0564 ―
[མ་དཔེ་གཟིགས་ན་འདིར་གནོན།]
ལས་སྐྱེས། །རིགས་ལྔ་ལ་ནི་རབ་ཏུ་དམིགས། །སྤྱི་བོ་ལོང་བུ་རྐང་པའི་མཐིལ། །ཨ་ཡིག་རྣམས་ཀྱིས་ཐེམ་པར་གཏམས། །གསང་བའི་གནས་སུ་ཨ་དང་ཧཱུཾ། །གསང་བའི་ནོར་བུ་ཨཱོཾ་བསྐྱེད་པ། །རྩེ་མོ་ཕཊ་ནི་ནག་པོར་བསམ། །དེ་བཞིན་གཤེགས་པ་ཐམས་ཅད་ཀྱི། །ཡེ་ཤེས་ས་བོན་འཕེལ་བར་བྱེད། །རྒྱལ་བ་རྣམས་ཀྱི་བདག་ཉིད་པས། །རྣལ་འབྱོར་པས་ཀྱང་བསྒྲུབ་པར་བྱའོ། །འདོད་ཆགས་ཆེན་པོའི་ཚུལ་གྱིས་སུ། །ཡེ་ཤེས་དཀྱིལ་འཁོར་ཀུན་བསྡུས་ཏེ། །འཁོར་རྣམས་ཐུགས་ལ་བཞུགས་པ་ཡིས། །ཤེས་རབ་མ་ནི་དགའ་བར་བྱ། །ཨོཾ་སརྦ་ཏ་ཐཱ་ག་ཏ་ཨ་ནུ་ར་ག་ཎ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། བྱང་ཆུབ་སེམས་ནི་བྱུང་བའི་ཚེ། །མཁས་པས་སྔགས་ནི་ཕཊ་ཅེས་བརྗོད། །ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤནྣ་ཏྭཏ་ཏ་ཨོཾ་ཨཱཿཧཱུཾ། བྱང་ཆུབ་སེམས་ཀྱི་འོད་ཟེར་གྱིས། །དཀྱིལ་འཁོར་ཐམས་ཅད་མཆོད་པ་བྱ། །ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་བཞིན་གཤེགས་པ་ཐམས་ཅད་ལ། །གསང་བ་འདི་ལས་གཞན་མེད་དེ། །དཀྱིལ་འཁོར་ཐམས་ཅད་སྐྱེད་མཛད་པ། །འཁོར་རྣམས་སྐུ་གསུང་ཐུགས་ཉིད་དེ། །ངོ་བོར་བྱ་ཕྱིར་རིམ་པར་བྱ། །རྒྱུ་ཡི་ངོ་བོ་གནས་པ་རྣམས། །རྣམ་པ་གཉིས་དང་ཡང་དག་ལྡན། །དོན་དམ་པ་དང་ཀུན་རྫོབ་པོ། །དེ་ནས་བཅོམ་ལྡན་འདས་དགྱེས་པ་ཆེན་པོས། བཙུན་མོའི་མཁའ་རིན་པོ་ཆེའི་ཁང་པར་བྱིན་གྱིས་བརླབས་ཏེ། རྒྱན་བསམ་གྱིས་མི་ཁྱབ་པ་དང་ལྡན་པར་བྱས་ནས། ཕྱི་དང་འདྲ་བ་ཉིད་དུ་གྱུར་ཏོ། །དེ་ནས་འཁོར་སྐུ་ལས་བཏོན་ཏེ། ཉིད་ཀྱིས་དཀྱིལ་འཁོར་འཕྲོ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ། །ཨེ་མ་ཧོ་སངས་རྒྱས་ཐམས་ཅད་ཀྱིས། །བྱང་ཆུབ་སེམས་ཀྱི་བདག་ཉིད་འདི། །དེ་བཞིན་གཤེགས་པ་ཀུན་གྱི་གནས། །ཤིན་ཏུ་མི་རྟོག་གནས་མེད་པའོ། །དེ་ནས་དེ་བཞིན་གཤེགས་ ― DNG021_Page_0565 ―
[མ་དཔེ་གཟིགས་ན་འདིར་གནོན།]
པ་ཐམས་ཅད་ཀྱིས། གསང་བའི་མཆོད་པས་མངོན་པར་མཆོད་དེ། ཕྱག་འཚལ་ནས་འདི་སྐད་ཅེས་གསོལ་ཏོ། །ཨེ་མ་ཧོ་རྒྱལ་བ་ཐམས་ཅད་ཀྱི། །བླ་ན་མེད་པའི་བྱང་ཆུབ་སེམས། །སྐུ་གསུང་ཐུགས་ཀྱིས་བྱིན་རློབས་ལ། །རབ་དགྱེས་ཁྱོད་ཀྱིས་བཤད་དུ་གསོལ། །ཞེས་བརྗོད་པས། དགྱེས་པ་ཆེན་པོས་དེ་བཞིན་གཤེགས་པ་ཐམས་ཅད་ལ་གཟིགས་ནས། ཅང་མི་གསུང་བར་གྱུར་ཏེ། སྐུ་དང་གསུང་དང་ཐུགས་རྡོ་རྗེར་བྱིན་གྱིས་བརླབས་སོ། །དེ་ནས་ཡང་འདོད་ཆགས་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་སྐུ་ལ་བསྡུས་སོ། །བྱང་ཆུབ་སེམས་སྤྲིན་འཕྲོ་བ་ལས། །རྒྱལ་བ་ཐམས་ཅད་བསྐྱེད་མཛད་པ། །ཡི་གེ་འཁོར་ལོ་མཚོན་ཆེན་ཏེ། །སྐུ་ཡི་དཀྱིལ་འཁོར་རྫོགས་མཛད་པའོ། །བྷྲཱུཾ་ལཾ་ཨཾ་མུཾ་ཛཾ་མཾ་ཁཾ་བྷྱཾ་ཧཾ་ཏཾ་ལཾ་མཾ། གཱི་ནཱི་ངྷྼཱྀ་པུ་ཨཱ་གྷ། ཛཿཧཱུཾ་བཾ་ཧོཿ། སྐུ་གསུང་ཐུགས་ཀྱི་དཀྱིལ་འཁོར་མཆོག །ཐབས་དང་ཤེས་རབ་ས་བོན་བྱུང་། །དེ་འོག་ཡི་གེ་འབྲུར་གྱུར་པ། །གསུམ་པ་སྐུ་རབ་རྫོགས་བྱེད་པ། །ཅོད་པན་ཡིག་འབྲུ་རྣམས་ཀྱིས་བརྒྱན། །ཨི་ནི་ཧཱུཾ་ཁཾ། ནམ་མཁའི་ཁམས་ནི་ངོས་གནས་པ། །སེམས་ཅན་རྣམས་ནི་མ་ལུས་པ། །འོད་ཟེར་ལྕགས་ཀྱུས་དྲངས་པ་ཡིས། །རྒྱལ་བའི་སྲས་སུ་ཞུགས་པར་གྱུར། །གཟུགས་དང་མྱོང་བ་མཚན་མ་དང་། །འདུ་བྱེད་རྣམ་པར་ཤེས་པ་རྣམས། །རྟག་པ་ལ་སོགས་སངས་རྒྱས་ལྔ། །རིམ་པ་བཞིན་དུ་ཡང་དག་གནས། །ནམ་མཁའ་ས་ཆུ་མེ་རླུང་རྣམས། །རྡོ་རྗེ་སྤྱན་མ་ལ་སོགས་ལྔ། །རིམ་པ་བཞིན་དུ་རྣམ་པར་གྲགས། །མིག་དང་རྣ་བ་སྣ་དང་ལྕེ། །སྒེག་མོ་ལ་སོགས་རྣམ་པ་བཞི། །ཐམས་ཅད་དུ་ནི་ཡང་དག་ལྡན། །མིག་ལ་སོགས་པའི་རྣམ་ཤེས་ནི། །དྷཱུ་པེ་ལ་སོགས་གྲགས་རྣམས་སོ། །རྟག་པར་མ་ཡིན་ལ་སོགས་པ། །དམ་པའི་སྒོ་སྲུང་དམ་པའི་ཐུགས། །ཡུལ་ལ་སོགས་པའི་དབང་གིས་ན། །ཐབས་དང་ཤེས་རབ་རྣམ་འདྲེལ་པ། །གདུང་རྒྱུད་འཛིན་པའི་ ― DNG021_Page_0566 ―
[མ་དཔེ་གཟིགས་ན་འདིར་གནོན།]
བདག་ཉིད་པས། །གསང་བ་མཆོག་གི་དམ་ཚིག་ཡིན། །འདི་ནི་སངས་རྒྱས་ཐམས་ཅད་ཀྱི། །འདའ་བར་མི་མཛད་དམ་ཚིག་མཆོག །བླུན་པོ་གང་ཞིག་འདའ་བྱེད་ན། །དེ་ལ་དངོས་གྲུབ་མཆོག་མེད་འགྱུར། །ཤེས་རབ་ཐབས་ཀྱི་ཕྱག་རྒྱ་ལས། །རྒྱལ་བའི་དཀྱིལ་འཁོར་རྒྱུན་ཞུགས་ནས། །རྡོ་རྗེའི་ལམ་བྱུང་འོད་ཟེར་གྱིས། །གསང་བའི་དབྱིངས་སུ་ཞུ་མཛད་དོ། །དེ་ནས་དཀྱིལ་འཁོར་ཐམས་ཅད་ཀྱི། །ཐུགས་ཀ་ནས་ནི་བྱུང་གྱུར་ཏེ། །འགྲོ་བའི་དོན་ཀུན་རབ་མཛད་ཕྱིར། །ཆོས་ཀྱི་འཁོར་ལོ་སྐོར་བར་བྱེད། །དོན་རྣམས་མཛད་ནས་བརྟུལ་ཞུགས་ཀྱིས། །ཉིད་ཀྱི་ཐུགས་ཀར་ཐིམ་གྱུར་ཏེ། །ཧོ་ཨོཾ་ཨཱཿཧཱུཾ་ཧོ། བྱང་ཆུབ་སེམས་ཀྱི་བདག་ཉིད་ལ། །ལྷ་མོས་བསྐུལ་པས་ཕྱག་རྒྱ་གསལ། །གསང་བའི་དཀྱིལ་འཁོར་བསྐྱེད་མཛད་ནས། །དཀྱིལ་འཁོར་ཐམས་ཅད་རྫོགས་པ་ལ། །གསང་བའི་དོན་རྣམས་སྟོན་པར་མཛད། །དེ་ནས་དེ་བཞིན་གཤེགས་པ་དགྱེས་པ་ཆེན་པོས་གསང་བའི་དཀྱིལ་འཁོར་རྫོགས་པར་བསྐྱེད་ནས། འདི་སྐད་ཅེས་གསུངས་ཏེ། བྱང་ཆུབ་སེམས་ཀྱི་དཀྱིལ་འཁོར་ནི། །དཀར་དམར་དང་བའི་རང་བཞིན་གཟུགས། །རྣམ་པར་སྣང་མཛད་ཀྱི་བདག་ཉིད། །མོས་པའི་དགའ་བ་རིན་ཆེན་འབྱུང་། །མཚན་མར་འཛིན་པ་འོད་དཔག་མེད། །མངོན་པར་འདུ་བྱེད་དོན་ཡོད་གྲུབ། །གསལ་བར་འཛིན་པ་རྣམ་ཤེས་སྟེ། །བསྐྱོད་པ་གར་སྒྱུར་མ་ཡིན་ནོ། །དྲི་ཆེན་སྤོས་མེའི་རང་བཞིན་ཏེ། །རཀྟ་མེ་ཏོག་མར་ནི་བརྗོད། །ཤ་ནི་མར་མེ་ཁོ་ནར་གསུངས། །དྲི་ཆུ་དྲི་ཆབ་མ་ཡི་བདག །ཆགས་པ་ལྕགས་ཀྱུ་ཞེས་བྱ་སྟེ། །པདྨར་ཆུད་པ་ཞགས་པ་མ། །ཁ་ཕྱེད་པ་ ― DNG021_Page_0567 ―
[མ་དཔེ་གཟིགས་ན་འདིར་གནོན།]
ནི་སྒྲོག་ཡིན་ཏེ། །སྒྲ་གྲགས་པ་ནི་དྲིལ་བུ་མ། །དེ་བཞིན་གཤེགས་པ་རིགས་ལྔ་ལ་སོགས་པའི་འཁོར་རྣམས་ངོ་མཚར་རྨད་དུ་གྱུར་ནས། རང་རང་གི་སྤྱན་རྒྱས་པར་བྱས་ནས། དཀྱིལ་འཁོར་གྱི་བདག་པོ་ལ། མགྲིན་གཅིག་དང་དབྱངས་གཅིག་ཏུ་བསྟོད་པ། སྐུ་གསུང་ཐུགས་ཀྱི་བདག་པོ་མཆོག །དཀྱིལ་འཁོར་ཐམས་ཅད་སྟོན་མཛད་པའི། །གསེར་གྱི་མདོག་དང་འདྲ་བ་ཡི། །རྡོ་རྗེའི་སྐུ་ཁྱོད་ཕྱག་འཚལ་ལོ། །ངེས་དོན་ཀུན་གྱི་བདག་ཉིད་ཅན། །གསང་བའི་དོན་རྣམས་སྟོན་མཛད་པ། །དྲི་མེད་དབྱིབས་དང་ལྡན་པ་ཡི། །རྡོ་རྗེ་གསུང་ཁྱོད་ཕྱག་འཚལ་ལོ། །ཡེ་ཤེས་ཀུན་གྱི་རང་བཞིན་ཅན། །ཅི་ཡང་ས་ལེར་མཁྱེན་མཛད་པ། །མི་རྟོག་ཡེ་ཤེས་དང་ལྡན་པ། །རྡོ་རྗེ་ཐུགས་ཁྱོད་ཕྱག་འཚལ་ལོ། །ཞེས་བསྟོད་པས། དེ་བཞིན་གཤེགས་པ་ཉིད་དགྱེས་པ་ཆེན་པོས་ཁྱབ་པར་གྱུར་ཏེ། དེ་བཞིན་གཤེགས་པ་རྣམས་དང་ཐ་མི་དད་པར་གྱུར་ཅིང་། དབྱེར་མེད་པ་ནི་མཁའ་དང་འདྲ་བ་ཉིད་དུ་མཐོང་སྟེ། དངོས་པོ་ཐམས་ཅད་ཀྱི་རང་བཞིན། མི་རྟག་པ་དང་སྡུག་བསྔལ་བ་དང་། སྟོང་པ་དང་བདག་མེད་པ་རྣམས་རང་བཞིན་གྱིས་སྟོང་། གཟུགས་ལ་སོགས་པ་དང་སྟོང་པ་ཉིད་ཐ་མི་དད་སྟེ། དངོས་པོ་ཐམས་ཅད་སྒྱུ་མ་དང་འདྲ་བར་མཐོང་ནས། ཅི་སྤྱོད་པའི་བྱ་བ་ལ་འཇུག་པར་གྱུར་ཏེ། སྤྱོད་ལམ་གྱི་རྣམ་པ་རྣམས་རྟག་ཏུ་སྒོམ་པར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། དཀྱིལ་འཁོར་བསྐྱེད་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དགྱེས་པ་ཆེན་པོ་དེ། སྐུ་གསུང་ཐུགས་ཀྱི་རང་བཞིན་ལ་གནས་བཞིན་དུ་སྐུའི་དཀྱིལ་འཁོར་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དཀྱིལ་འཁོར་གྱི་རིམ་པ་འདི་གསུངས་སོ། །ནམ་མཁའི་ཁམས་ཀྱི་དབུས་དག་ཏུ། །གཞལ་ཡས་བརྩེགས་པ་བསྒོམ་ནས་ནི། །ཟླ་བའི་དཀྱིལ་ ― DNG021_Page_0568 ―
[མ་དཔེ་གཟིགས་ན་འདིར་གནོན།]
འཁོར་དབུས་སུ་ནི། །སངས་རྒྱས་དཀྱིལ་འཁོར་བསྒོམ་པར་བྱ། །རྣམ་སྣང་མཛད་ཆེན་ཡེ་ཤེས་ནི། །ཞལ་གསུམ་པ་ལ་ཕྱག་དྲུག་པ། །ཞལ་གཡས་གནག་ཅིང་གཡོན་པ་དམར། །རྩ་ཞལ་དབུས་ནི་དཀར་པོ་སྟེ། །ཤེལ་གྱི་མདོག་དང་འདྲ་བ་ཡིན། །འཁོར་ལོ་དང་པོ་རྡོ་རྗེ་རིན། །གཡས་ཀྱི་ཕྱག་ན་རྣམ་པར་བསྒོམ། །གཡོན་པ་དྲིལ་བུ་པདྨ་རལ། །གཏི་མུག་རྣམས་ཀྱི་དོན་མཛད་ཅིང་། །དབུས་ཀྱི་ཟླ་བའི་དཀྱིལ་ན་བཞུགས། །མི་བསྐྱོད་ཨིནྡྲ་ནཱི་ལའི་མདོག །ཞལ་གཡས་དཀར་ཞིང་གཡོན་པ་དམར། །རྡོ་རྗེ་འཁོར་ལོ་རིན་ཆེན་གཡས། །དྲིལ་བུ་པདྨ་རལ་གྲི་གཡོན། །ཞེ་སྡང་རྣམ་པར་འཇོམས་མཛད་ཅིང་། །ཤར་གྱི་རྩིབས་ལ་ཡང་དག་བཞུགས། །རིན་ཆེན་དབང་ཕྱུག་གསེར་གྱི་མདོག །གཡས་པ་ནག་ལ་གཡོན་པ་དམར། །དང་པོ་རིན་ཆེན་འཁོར་ལོ་དང་། །རྡོ་རྗེ་འབར་བ་འཛིན་པའི་མཆོག །དྲིལ་བུ་དང་ནི་པདྨ་དང་། །རལ་གྲི་འབར་བ་གཡོན་པ་ནའོ། །ང་རྒྱལ་རྣམས་ཀྱི་དོན་བྱེད་ཕྱིར། །ལྷོ་ཡི་རྩིབས་ལ་རྣམ་པར་བཞུགས། །དཔག་མེད་པདྨ་རཱ་ག་དམར། །གཡས་པ་དཀར་ལ་གཡོན་པ་སེར། །པདྨ་འཁོར་ལོ་རྡོ་རྗེ་གཡས། །དྲིལ་བུ་རིན་ཆེན་རལ་གྲི་གཡོན། །འདོད་ཆགས་ཟད་མཛད་གཞོན་ནུའི་ཞལ། །ནུབ་ཕྱོགས་རབ་དགྱེས་རྒྱབ་ཏུ་བཞུགས། །དོན་འགྲུབ་བཻ་ཌཱུརྱ་གཞོན་ནུའི་ཞལ། །ཞལ་གཡས་སེར་ལ་གཡོན་པ་དམར། །རལ་གྲི་འཁོར་ལོ་རྡོ་རྗེ་གཡས། །དྲིལ་བུ་རིན་ཆེན་པདྨ་གཡོན། །ཕྲག་དོག་རྣམ་པར་འདྲེན་མཛད་ཅིང་། །བྱང་གི་ཕྱོགས་ན་རྟག་པར་བཞུགས། །ཐམས་ཅད་རང་འདྲའི་ཤེས་རབ་འཁྱུད། །རལ་པའི་དབུ་རྒྱན་སྙན་ཆ་དང་། །མགུལ་ཆུ་དཔུང་རྒྱན་དོ་ཤལ་བཅས། །སེ་མོ་དོ་ལ་སོགས་པ་ཡིས། །ཐམས་ཅད་རྒྱན་དང་གོས་རབ་ཅན། །མཛེས་པར་བྱས་ཤིང་རྣམ་པར་བསྒོམ། །ལཱ་སྱེ་སྒེག་མོ་མཛེས་པ་དཀར། །ཁུ་ཚུར་འཛིན་ཅིང་ ― DNG021_Page_0569 ―
[མ་དཔེ་གཟིགས་ན་འདིར་གནོན།]
འགྱིང་བག་ཅན། །སྙིང་རྗེ་ཐབས་ཀྱིས་དོན་བྱེད་ཕྱིར། །རྩིབས་མཆན་ཤར་གྱི་ངོས་སུ་བཞུགས། །མཱ་ལེ་མཛེས་པ་གསེར་བསྲེགས་འདྲ། །ཕྱག་ན་རིན་ཆེན་ཕྲེང་བ་འཛིན། །བྱམས་དང་སྨོན་ལམ་དོན་བྱེད་ཕྱིར། །ལྷོ་ཡི་རྩིབས་མཆན་དག་ཏུ་བཞུགས། །བྱི་རུ་དང་འདྲ་གཱི་རྟི་མ། །པི་ཝང་རྒྱུད་ནི་ཕྱག་ན་བསྣམས། །དགའ་དང་སྟོབས་ཀྱིས་དོན་བྱེད་ཅིང་། །ནུབ་ཀྱི་རྩིབས་མཆན་ཡང་དག་གནས། །ནཱི་རྟི་ཨིནྡྲ་ལྗང་གུ་སྟེ། །ཕྱག་གཉིས་གར་ནི་བསྒྱུར་བ་མཛད། །བཏང་སྙོམས་ཡེ་ཤེས་དོན་གྲུབ་པ། །བྱང་གི་རྩིབས་མཆན་དག་ཏུ་བཞུགས། །དྷཱུ་པེ་དཀར་སེར་སྤོས་ཕོར་འཛིན། །སྦྱིན་དང་ཚུལ་ཁྲིམས་རྣམ་ལྡན་པས། །སེར་སྣ་འཆལ་བའི་ཚུལ་ཁྲིམས་རྣམས། །དོན་བྱེད་མེ་ཡི་གྲུ་ལ་བཞུགས། །པུཥ྇་དམར་སེར་མེ་ཏོག་འཐོར། །བཟོད་དང་བརྩོན་འགྲུས་རྣམ་ལྡན་པས། །འཁྲུལ་དང་ལེ་ལོ་ཅན་རྣམས་ཀྱི། །དོན་བྱེད་ཕྱིར་ན་བདེན་བྲལ་ཕྱོགས། །ཨཱ་ལོ་དམར་ལྗང་མར་མེ་སྟེ། །བསམ་གཏན་ཕ་རོལ་ཕྱིན་མཛད་པས། །རྣམ་པར་གཡེང་བའི་དོན་མཛད་ཕྱིར། །རླུང་གི་མཚམས་སུ་ཡང་དག་གནས། །དཀར་ལྗང་གནྡྷེ་དུང་ཕོར་བསྣམས། །ཤེས་རབ་ཕ་རོལ་ཕྱིན་མཛད་པས། །གཏི་མུག་ཅན་གྱི་དོན་མཛད་ཕྱིར། །དབང་ལྡན་གྲ་རུ་རྣམ་པར་བཞུགས། །དབུ་རྒྱན་ཐམས་ཅད་རྒྱན་གྱིས་མཛེས། །ཐམས་ཅད་དུ་ནི་ཡང་དག་ལྡན། །གཤེད་མོ་དཀར་མོ་ལྕགས་ཀྱུ་ཐོགས། །ཡེ་ཤེས་མེ་ལོང་ལྡན་པ་ཡིས། །ཕུང་པོའི་བདུད་རྣམས་འཇོམས་མཛད་དེ། །ཤར་གྱི་སྒོར་ནི་རྣམ་པར་བཞུགས། །མི་ཐུབ་ནག་མོ་སྦྲུལ་ཞགས་འཛིན། །མཉམ་ཉིད་ཡེ་ཤེས་ལྡན་པས་ན། །ཉོན་མོངས་རྣམ་པར་དག་བྱེད་ཅིང་། །དམ་པའི་སྒོ་སྲུང་ལྷོ་ན་བཞུགས། །ཁྲོ་གཉེར་དམར་ཞིང་ལྕགས་སྒྲོག་སྡོམ། །ཡེ་ཤེས་འོད་ཟེར་རྟོགས་པའི་ས། །འཆི་བདག་སྡེ་ནི་འཇོམས་མཛད་ཕྱིར། །ནུབ་ཕྱོགས་སྒོར་ནི་བཞུགས་པར་མཛད། །ཞལ་གཅིག་ལྗང་ལ་དྲིལ་བུ་ ― DNG021_Page_0570 ―
[མ་དཔེ་གཟིགས་ན་འདིར་གནོན།]
འཛིན། །བྱ་བ་གྲུབ་པའི་ཡེ་ཤེས་འཆང་། །ལྷ་ཡི་བདུད་རྣམས་རྣམ་པར་སེལ། །བྱང་གི་སྒོར་ནི་རྣམ་པར་བཞུགས། །འཇིགས་པའི་གཟུགས་ཅན་འཇིགས་པས་བརྒྱན། །དབུ་སྐྲ་ཁམས་ནག་གྱེན་དུ་བརྫེས། །ཕྱག་གདུབ་ཞབས་གདུབ་ལ་སོགས་རྣམས། །ལྟོ་འགྲོ་སྦྲུལ་གྱིས་བརྒྱན་ཅིང་བཞུགས། །ཁྲོ་གཉེར་འབྲུ་ཚུགས་འཇིགས་པར་བལྟ། །སྨིན་མ་སྨ་ར་མིག་ཀྱང་སེར། །ཞལ་གདངས་པ་ལ་ལྗགས་ཀྱང་འདྲིལ། །མཆེ་བ་གཙིགས་ཤིང་ཧི་ཧི་བཞད། །དངོས་པོ་ཐམས་ཅད་འཇོམས་མཛད་མ། །མེ་སྟག་འཕྲོ་ཞིང་རྣམ་པར་བཞུགས། །ཨོཾ་དྷརྨ་དྷཱ་ཏུ་སྭ་བྷཱ་ཝ་ཨཱདྨ་ཀོ྅ཧཾ། དཀྱིལ་འཁོར་རྣམས་ནི་ཐམས་ཅད་ཀྱང་། །ཡན་ལག་བཞི་དང་རྟག་ཏུ་ལྡན། །སེམས་བསྐྱེད་པ་ནི་བསྙེན་པ་སྟེ། །དོན་དམ་དང་ནི་ཀུན་རྫོབ་བོ། །ཀུན་རྫོབ་སེམས་བསྐྱེད་བྱིན་བརླབས་པ། །ཉེ་བར་བསྙེན་པ་ཞེས་བྱ་སྟེ། །འགྲུབ་ཚེ་རྡོ་རྗེ་བསྐུལ་བའོ། །སྒྲུབ་པ་ཆེན་པོའི་མཐའ་རུ་ནི། །སངས་རྒྱས་རྣམས་ཀྱིས་དབང་བསྐུར་བའོ། །གཙོ་དང་འཁོར་གྱི་རང་བཞིན་ནི། །རང་རང་བསྙེན་པའི་གཟུགས་འཛིན་ཏེ། །བྱང་ཆུབ་མཆོག་ནི་སྒོམ་པར་བྱེད། །གཟུགས་སོགས་ཕུང་པོའི་རང་བཞིན་ནི། །བྷྲཱུཾ་ལ་སོགས་པའི་ཡི་གེ་ཡིས། །སངས་རྒྱས་ལྔ་རུ་བྱིན་གྱིས་བརླབས། །སྤྱན་ལ་སོགས་པའི་བདག་ཉིད་རྣམས། །ལུས་ཀྱི་འབྱུང་བ་ས་བོན་བསྐྱེད། །མིག་ལ་སོགས་པའི་རང་བཞིན་ནི། །ས་བོན་རྣམས་ཀྱི་གསང་བ་དང་། །མཆོད་པའི་ལྷ་མོ་རྣམས་སུ་གསལ། །ལུས་ཀྱི་རྟག་པ་ལ་སོགས་པ། །དམ་པའི་ཁྲོ་བོར་བྱིན་བརླབས་པས། །ཉེ་བར་གྱུར་པ་ཞེས་བྱ་བར། །སྙིང་ག་མགྲིན་པ་སྤྱི་བོ་རུ། །ཟླ་བའི་དཀྱིལ་འཁོར་བསམ་ནས་ནི། །རྡོ་རྗེ་པདྨ་འཁོར་ལོ་དག །ཧཱུཾ་ཨཾ་ཨཱོཾ་གྱིས་མཚོན་པ་ལས། །ཐུགས་ཀྱི་རྡོ་རྗེ་ལ་སོགས་བསྒོམ། །དེ་ཉིད་ཤེས་རབ་སྐུ་རྒྱལ་མ། །ལྷ་མོ་རྣམས་ཀྱི་འོད་ཚོགས་ཀྱིས། །དུས་གསུམ་ཕྱོགས་ ― DNG021_Page_0571 ―
[མ་དཔེ་གཟིགས་ན་འདིར་གནོན།]
རྣམས་ཁྱབ་པ་ཡིས། །མ་ལུས་སངས་རྒྱས་ངས་མཆོད་ནས། །བཀྲ་ཤིས་དོན་བྱེད་རྣམས་ལ་ནི། །རང་གི་ཐུགས་སོགས་རྡོ་རྗེ་ཡིས། །དེ་ལ་བྱིན་བརླབས་བསྐུལ་བར་བྱ། །རྡོ་རྗེ་ཐུགས་འཛིན་དཔལ་དང་ལྡན། །རྡོ་རྗེ་མི་ཕྱེད་གསུམ་བྱེད་པ། །བྱིན་གྱིས་བརླབས་ཀྱིས་གནས་བྱ་སྟེ། །རྡོ་རྗེ་ཐུགས་དང་ལྡན་པར་བྱ། །རྡོ་རྗེ་མི་ཕྱེད་གསུམ་བསྒོམ་པས། །ཕྱོགས་བཅུར་བཞུགས་པའི་སངས་རྒྱས་རྣམས། །དེ་ལ་ཐུགས་ལས་བྱུང་བ་ཡིས། །བྱིན་གྱིས་བརླབས་པའི་གནས་མཛད་དོ། །ཨཱོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། རྡོ་རྗེ་གསུང་འཛིན་དཔལ་དང་ལྡན། །རྡོ་རྗེ་མི་ཕྱེད་གསུང་བྱེད་པ། །བྱིན་གྱིས་བརླབས་ཀྱིས་གནས་བྱས་ཏེ། །རྡོ་རྗེ་གསུང་དང་ལྡན་པར་བྱ། །རྡོ་རྗེ་མི་ཕྱེད་གསུང་བསྒོམ་པས། །ཕྱོགས་བཅུར་བཞུགས་པའི་སངས་རྒྱས་རྣམས། །དེ་ལ་གསུང་ལས་བྱུང་བ་ཡིས། །བྱིན་གྱིས་བརླབས་ཀྱིས་གནས་མཛད་དོ། །ཨོཾ་སརྦ་ཏ་ཐཱ་ག་ཏ་ཝཱཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། རྡོ་རྗེ་སྐུ་འཛིན་དཔལ་དང་ལྡན། །རྡོ་རྗེ་མི་ཕྱེད་གསུམ་བྱེད་པ། །བྱིན་གྱིས་བརླབས་ཀྱིས་གནས་མཛད་དེ། །རྡོ་རྗེ་སྐུ་དང་ལྡན་པར་བྱ། །རྡོ་རྗེ་མི་ཕྱེད་གསུམ་བསྒོམ་པས། །ཕྱོགས་བཅུར་བཞུགས་པའི་སངས་རྒྱས་རྣམས། །དེ་ལ་སྐུ་ལས་བྱུང་བ་ཡིས། །བྱིན་གྱིས་བརླབས་ཀྱིས་གནས་མཛད་དོ། །ཨཱོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། བསྒྲུབ་པ་ཆེན་པོ་བྱེད་པའི་ཚེ། །ཡེ་ཤེས་དཔའ་བོའི་ཐུགས་ཀ་ཡི། །འོད་ཀྱིས་མགོན་པོ་རྣམས་བསྐུལ་ནས། །དེ་དག་ཐུགས་ལས་བྱུང་བ་ཡིས། །རིག་མས་བདུད་རྩི་བུམ་ཆུ་ཡི། །དབང་བསྐུར་བྱས་ཏེ་ཐིམ་གྱུར་ནས། །རང་སྔགས་རྡོ་རྗེ་ཅན་གྱི་གཟུགས། །དབུ་རྒྱན་རྣམས་ལ་རིགས་ལྔ་དང་། །རིགས་ཀྱི་བདག་པོ་རྣམས་ཀྱིས་བརྒྱན། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་མ་ཧཱ་ཨཱ་དཪྴ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་མ་ཧཱ་པྲ་ཏྱ་བེ་ཀྵ་ཎ་ཛྙཱ་ན་བཛྲ་སྭ་བྷཱ་ ― DNG021_Page_0572 ―
[མ་དཔེ་གཟིགས་ན་འདིར་གནོན།]
ཝ་ཨཱདྨ་ཀོ྅ཧཾ། ཨཱོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་མ་ཧཱ་ཀྲྀ་ཏྱཱ་ནུ་ཥྛཱ་ན་ཛྙཱ་ན་བཛྲ་སཱ་བྷཱ་ཝ་ཨཱདྨ་ཀོ྅ཧཾ། ནམ་མཁའི་དབྱིངས་ཀྱི་དབུས་གནས་པར། །གསང་བ་ཡུམ་གྱི་བྷ་ག་ལ། །དཀྱིལ་འཁོར་རྫོགས་པར་བསྒོམ་པར་བྱ། །སངས་རྒྱས་གནས་ཁང་རྫོགས་ནས་སུ། །དཀྱིལ་འཁོར་ཡན་ལག་བཞི་ལྡན་པས། །རྣལ་འབྱོར་པ་ཡིས་བསྒོམ་ནས་སུ། །སྙིང་གའི་པདྨོ་ཁ་སྦྱོར་བ། །རིན་ཆེན་ཁང་པར་དམིགས་ནས་སུ། །གསང་བའི་གནས་ནས་པདྨ་གསལ། །དེ་སྟེང་སྒྲ་ཡི་ལྷ་མོ་སེར། །ཕྱག་ན་པི་ཝང་རྒྱུད་འཛིན་མ། །བསམས་ནས་ཡེ་ཤེས་ཐུགས་འོད་ཀྱིས། །རྒྱལ་བ་རྣམས་ནི་སྐུལ་བར་བྱེད། །ཤར་སྒོའི་སྒྲ་ཡི་ལྷ་མོ་ཡིས། །སྒྲ་ཡི་མཆོད་པ་རྒྱུན་མི་གཅད། །ཡང་དག་མཐོང་བས་རྣམ་པར་གྲོལ། །དེ་བཞིན་ཉིད་དུ་གང་བལྟ་བ། །དེ་ཡིས་སྡིག་པ་ཆེན་པོ་བྱང་། །རྣམ་དག་གསལ་བའི་བདག་ཉིད་ལ། །མཐའ་དང་དབུས་སུ་མི་དམིགས་ཏེ། །མི་དམིགས་པ་ཉིད་དམིགས་པར་བྱ། །གང་གིས་ཡེ་ཤེས་སྐྱེས་གྱུར་པ། །དེ་ལ་འཇིགས་པ་ཕྲ་བའང་མེད། །སྟོང་ཉིད་ཡེ་ཤེས་ཆེན་པོས་ནི། །སྒྲིབ་པ་ཐམས་ཅད་གཅོད་བྱེད་སྟེ། །རྡོ་རྗེ་ལྟ་བུར་འཇོམས་པར་བྱེད། །གཉིས་མེད་ཡེ་ཤེས་བདེ་བ་ཆེ། །གང་གིས་སྔགས་ལ་དམིགས་པ་ཡིས། །སྙིང་གའི་པདྨ་ཡང་དག་བཞུགས། །ཕྱག་རྒྱ་བཞི་ཡིས་ལྷ་མོ་རྣམས། །དགུག་དང་བཅིངས་དང་བསྡམས་ནས་ནི། །དྲིལ་བུ་མས་ནི་མཉེས་མཛད་དེ། །སྒྲ་མཐར་སྟོང་པ་ཐར་པ་སྟེ། །བདེ་བས་ས་ལ་གནས་པར་བྱེད། །ཐབས་དང་ཤེས་རབ་གཉིས་མེད་པའོ། །བྱང་ཆུབ་སེམས་ཀྱི་སྒྲ་བསྒྲགས་པས། །རྒྱལ་བའི་དཀྱིལ་འཁོར་མ་ལུས་པ། །སྟོང་པའི་ང་རྒྱལ་བསྐྱེད་པར་བྱེད། །ཡང་དག་བདེ་བ་རྣམ་པར་ལྡན། །འཁོར་བའི་མཐའ་ཡས་རྣམ་པར་གྲོལ། །གང་གིས་དཀྱིལ་འཁོར་སྐྱེད་མཛད་པ། །སྟོང་པའི་ང་རྒྱལ་ཆེན་པོ་དང་། །ལྡན་པར་བྱས་ཏེ་མི་དམིགས་པ། །དངོས་པོ་ཟིལ་གྱིས་མནན་པ་ཡིས། ། ― DNG021_Page_0573 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་རྣམས་ནི་བསྐྱེད་ནས་སུ། །སྒྲ་རྣམས་ལྡན་པས་སྒྲ་མཐར་སྟོང་། །ཡོད་དང་མེད་པ་རྣམ་པར་གྲོལ། །སྒྱུ་མ་ལྟ་བུའི་ཏིང་འཛིན་དང་། །དཔའ་བར་འགྲོ་བའི་ཏིང་འཛིན་དང་། །རྡོ་རྗེ་ལྟ་བུའི་ཏིང་འཛིན་རྣམས། །སྐྱེད་པར་བྱེད་པའི་རྒྱུ་ཡིན་པས། །ཀུན་ལ་ཁྱབ་པའི་རང་བཞིན་པས། །ཐབས་ཀྱི་རིམ་པའི་ཁྱད་པར་གྱིས། །སྐས་ཀྱི་རིམ་པ་ལྟ་བུར་སྣང་། །གང་རྣམས་དམ་པའི་དོན་སྒྲུབ་པའི། །དེ་བཞིན་ཉིད་ལ་གནས་བཅས་ཏེ། །གསང་བའི་དོན་ལ་ཞུགས་གྱུར་ནས། །སངས་རྒྱས་ས་ལ་གནས་པར་འགྱུར། །ཞེས་དེ་བཞིན་གཤེགས་པ་རྣམས་ཀྱིས་མཁྱེན་པར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། སྐུ་ཡི་དཀྱིལ་འཁོར་བཀོད་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱིས། དཀྱིལ་འཁོར་གདོན་པའི་ཕྱིར། སྔགས་ཀྱི་སྙིང་པོ་རྣམས་སྐུ་གསུང་ཐུགས་རྡོ་རྗེ་ལས་བྱུང་ངོ་། །བྷཱུཾ་བི་ཤྭ་ཤུདྡྷེ། ཨོཾ་ཛི་ན་ཛིཀ །ལཱཾ་དྭེ་ཥ་ར་ཏི། ཧཱུཾ་བཛྲ་ཌྷྲྀཀ །མཱུཾ་དྷཱ་ཏྭཱི་ཤྭ་རཱི། སྭ་རཏྣ་ཌྷྲྀཀ །མཱཾ་མོ་ཧ་ར་ཏི། ཨཾ་ཨཱ་རོ་ལྀག ། ཝྱུ ་རཱ་ག་ར་ཏི། ཧ་པྲཛྙཱ་ཌྷྲྀཀ །ཏཱཾ་བཛྲ་ར་ཏི། ཧཱུཾ་ལཱ་སྱ་ས་མ་ཡ་སྟྭཾ། ཏྲཾ་མཱ་ལེ་ས་མ་ཡ་ཧོ། ཧྲཱིཾ་གཱིརྟི་རཱ་ཀོ྅ཧཾ། ཨཾ་ནིརྟི་རཱ་ག་ཡཱ་མི། ཛཿདྷཱུ་པེ་པྲ་བེ་ཤ །ཧཱུཾ་པུཥ྇་པ་ཨཱ་བེ་ཤ །བཾ་རཱི་པ་སུ་གི་རཱི། ཧོ་གནྡྷེ་ཙིཏྟ། ཧཱུཾ་བཛྲ་དྷ་རོ་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་རཏྣ་དྷ་ར་མ་ཧཱ་ཀྲོ་ཏཱི་ཤྭ་རཱི་ནི་ཛྭ་ལ་ནི་ཧཱུཾ་ཕཊ། ཨོཾ་པདྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནི་ཧཱུཾ་ཕཊ། ཨོཾ་ཀརྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནི་ཧཱུཾ་ཕཊ། བསྙེན་པའི་དཀྱིལ་འཁོར་རབ་ཏུ་རྫོགས། །ཉེ་བར་གྱུར་པའི་དམ་ཚིག་མཆོག །ཕྱོགས་བཅུ་དུས་བཞི་ཐམས་ཅད་ཀྱི། །རྒྱལ་བ་སྲས་དང་བཅས་པ་ཀུན། །རྒྱ་དང་བྲལ་བའི་གཞལ་ཡས་ནས། །རང་བྱུང་དཀྱིལ་འཁོར་སྤྱན་དྲང་ངོ་། །བདག་ཉིད་ཐུགས་ཀྱི་འོད་ཟེར་གྱིས། ། ― DNG021_Page_0574 ―
[མ་དཔེ་གཟིགས་ན་འདིར་གནོན།]
མཚོན་ཆ་ཚོགས་ཀྱིས་དྲངས་ནས་ནི། །མདུན་དུ་དཀྱིལ་འཁོར་གསལ་བར་དམིགས། །ཐ་དད་མ་ཡིན་དབྱེར་མེད་དོ། །ཨེ་ཧྱེ་ཧི་བྷ་ག་ཝཱན། མ་ཧཱ་ཀ་རུ་ཎི་ཀ་དྲྀ་ཤྱ་ཧོ། ས་མ་ཡ་སྟྭཾ། ས་མ་ཡ་ཧོ། ཛཿཧཱུཾ་བཾ་ཧོཿ། ཨེ་ཨ་ར་ལི་ཧོ། ཛཱ་ཛཱ་ཛཱཿ། ཨཱོཾ་བཛྲ་ས་མ་ཡ་ཨཱོཾ། ཨཱོཾ་བཛྲ་ས་མ་ཡ་ཨཾ། ཧཱུཾ་བཛྲ་ས་མ་ཡ་ཧཱུཾ། སྭ་བཛྲ་ས་མ་ཡ་སྭ། ཧ་བཛྲ་ས་མ་ཡ་ཧ། ཨཱོཾ་པུཥ྇་པུ་ཨ་ཧཱུཾ། ཨཱོཾ་པྲ་བ་སད་ཀ་ཧི། ཨ་ཧཱུཾ། ཛཿཧཱུཾ་བཾ་ཧོཿ། ཁཾ་རཾ་སྭཱ་ཧཱ། ཨོཾ་ཨཱཿཧཱུཾ། བཛྲ་དྷཱུ་པ་དྷཱུ་སྭཱ་ཧཱ། ཨོཾ་ཨཱཿཧཱུཾ། བཛྲ་ཏེ་པ་ཏེ་སྭཱ་ཧཱ། ཨོཾ་ཨཱཿཧཱུཾ། བཛྲ་གནྡྷེ་གན་སྭཱ་ཧཱ། ཨོཾ་བཛྲ་ནཱི་ཝི་ཏྱེ་སྭཱ་ཧཱ། ཨོཾ་ཨཱཿཧཱུཾ། བཛྲ་མ་ཧཱ་སཱཏྭ་ས་མ་ཡ་སྭཱ་ཧཱ། ཨོཾ་ཨ་མྲྀ་ཏེ་ཨི་དཾ་སྭཱ་ཧཱ། སྐུ་གསུང་ཐུགས་ཀྱི་བདག་པོ་མཆོག །ཡོན་ཏན་ཕྲིན་ལས་རྣམ་བརྒྱན་པ། །མི་ཟད་རྒྱན་གྱི་འཁོར་ལོར་ལྡན། །སྐུ་ཡི་དབྱིག་ཏུ་བདག་བསྒྱུར་ནས། སྐུ་གསུང་ཐུགས་ཀྱི་དངོས་གྲུབ་མཆོག །དབང་དང་བྱིན་རླབ་མཐུ་ལྡན་པ། །ད་ལྟ་ཉིད་དུ་བདག་ལ་སྩོལ། །ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧཱུཾ། ཨོཾ་བཛྲ་ས་མ་ཡ་ཕཊ། ཅེས་དངོས་གྲུབ་གསོལ་བར་བྱའོ། །ཨོཾ་བཛྲ་ཨཱ་བེ་ཤ་ཨཱ། ཨོཾ་ཨཾ། བདག་ཉིད་གཟུགས་བརྙན་དབྱེར་མེད་པས། །ཐ་དད་མིན་པ་ལྟ་བུར་སྣང་། །ཡེ་ཤེས་རྣམས་ཀྱི་བདག་ཉིད་ནི། །གཉིས་མེད་ཐ་དད་མ་ཡིན་ཏེ། །ཉིད་ལ་རོལ་པས་ཉིད་ལ་སྤྱོད། །བདག་ཉིད་མཆོད་པ་ཆེན་པོ་ནི། །སངས་རྒྱས་ཐམས་ཅད་མཆོད་པ་ཡིན། །ཉིད་ལ་རྫོགས་པར་ལོངས་སྤྱོད་པ། །དེ་ཡིས་ཐེག་པ་ཆེན་པོ་མཐོང་། །ཉིད་ལ་དབང་བསྒྱུར་ཉིད་སྤྱོད་པས། །གཞན་དུ་སྤྱད་པར་བྱ་བ་མིན། །འགྲོ་བ་རྣམས་ཀྱིས་སེམས་བསྐྱེད་ཅིང་། །དམན་པའི་ཚོགས་རྣམས་བསགས་པ་དང་། །རྣམ་པར་དབེན་དོན་མི་ཤེས་པས། །སྤྱན་དྲངས་མཆོད་བསྟོད་ཚུལ་བཞིན་པས། །ཡང་དག་དོན་ལ་དམིགས་ ― DNG021_Page_0575 ―
[མ་དཔེ་གཟིགས་ན་འདིར་གནོན།]
འགྱུར་ན། །གསང་བའི་དོན་ལ་དམིགས་པ་ནི། །ཡེ་ཤེས་དཀྱིལ་འཁོར་རང་བཞིན་ཏེ། །གསལ་བ་ལ་སོགས་གང་ཡིན་པ། །མཆོད་དང་བསྟོད་པའི་བདག་ཉིད་ཅན། །བདག་ཉིད་ཡང་དག་གསལ་གྱུར་ན། །སྤྱོད་ཡུལ་རྣམས་དང་མཎྜལ་ལ། །སྟོང་ཉིད་ཡེ་ཤེས་ཆེན་པོ་ནི། །ཡེ་ཤེས་རྣམས་ཀྱི་རྒྱུ་ཡིན་ཏེ། །དྲི་མ་མེད་ཅིང་འོད་གསལ་བས། །ཡེ་ཤེས་སྤྱན་དུ་རྣམ་པར་གྲགས། །ངོ་བོ་ཉིད་ཀྱི་སྐུར་གྱུར་པ། །གཟུགས་རྣམས་ཉིད་ཀྱི་རྒྱུ་ཡིན་ཏེ། །སྣང་བ་མེད་ཅིང་ཀུན་ཁྱབ་པ། །རྟག་པ་རྡོ་རྗེ་ཀུན་ཏུ་འོད། །གྲུབ་པ་བསྐྱེད་པར་མི་བྱ་སྟེ། །ཤེས་པའི་ཡུལ་དུ་མ་གྱུར་པས། །སྟོང་ཉིད་ཡེ་ཤེས་བསྐྱེད་པར་བྱ། །རྣལ་འབྱོར་པ་ཡི་ཤེས་པ་རྣམས། །རིག་པ་ལྔ་ཡི་བྱེ་བྲག་གིས། །ས་རྣམས་རིམ་པར་ས་སྦྱངས་ཏེ། །འཇིག་རྟེན་པ་དང་འཇིག་རྟེན་འདས། །མཐར་ཐུག་རྩེ་མོ་མངོན་བྱང་ཆུབ། །དབྱིངས་དང་ཡེ་ཤེས་གཉིས་མེད་པས། །ཆོས་སྐུ་བདེ་བ་ཆེན་པོ་ལ། །ཡེ་ཤེས་བཞི་ཡི་བྱེ་བྲག་རྣམས། །གཟུགས་རྣམ་གཉིས་ལ་ཡང་དག་ལྡན། །ཐུགས་རྗེས་འགྲོ་དོན་རྫོགས་པར་མཛད། །མཁའ་དབྱིངས་གཞལ་ཡས་བརྩེགས་པ་རུ། །སངས་རྒྱས་དཀྱིལ་འཁོར་རྣམ་བསྒོམས་ཏེ། །རང་གི་རིག་མ་རྣམ་པར་འཁྱུད། །ཟས་སུ་གཤང་ལྕི་ལ་སོགས་བཟའ། །བདེ་བའི་རོས་ནི་ཚིམས་བྱེད་པས། །གསང་བའི་པདྨར་གནས་ཁང་ལྡན། །ཟླ་བའི་གདན་དང་བཅས་པ་ལ། །བྱང་ཆུབ་སེམས་ཀྱི་བདག་ཉིད་ནི། །དཀར་དམར་འདུས་པའི་རང་བཞིན་ཏེ། །དེ་བཞིན་གཤེགས་པ་ཀུན་གྱི་གསང་། །བླ་ན་མེད་པའི་བྱང་ཆུབ་སེམས། །སྟོང་ཉིད་དམ་པར་སྒྲུབ་པའི་ཐབས། །དངོས་གྲུབ་རབ་མཆོག་གྲུབ་པའོ། །བྱང་ཆུབ་སེམས་དེ་རྒྱུ་ཉིད་ནས། །ཡིག་འབྲུ་ཕྱག་མཚན་ཕྱག་རྒྱར་གསལ། །གང་ལ་དམིགས་ཤིང་འཛིན་པ་ནི། །མཚན་མ་ལྔ་དང་ཡང་དག་ལྡན། །བླ་མེད་བྱང་ཆུབ་ཐོབ་པར་བྱ། །ས་དང་ཕ་རོལ་མཐར་ ― DNG021_Page_0576 ―
[མ་དཔེ་གཟིགས་ན་འདིར་གནོན།]
ཕྱིན་ནས། །བདེ་བ་ཆེན་པོ་རྣམ་པར་ཐོབ། །མི་རྟོག་ཐིག་ལེ་ལ་སོགས་པ། །གང་ལ་དམིགས་པར་ཞི་གནས་པས། །ཡང་དག་མངོན་དུ་མི་འགྱུར་ཏེ། །ནོར་བུ་འོད་ལ་ནོར་བུ་བཞིན། །དོན་དམ་རིགས་མཐུན་གང་བསྒྲུབ་པ། །རྗེས་སུ་དཔོགས་པ་ཤེས་པ་སྟེ། །ཡང་དག་ལམ་དུ་ཞུགས་པ་ཡིན། །ཐོས་བསམ་བསྒོམ་པའི་རྣལ་འབྱོར་པས། །ཡང་དག་ལམ་གྱི་མཐར་ཕྱིན་ན། །མི་རྟོག་ཡེ་ཤེས་སྐྱེ་བར་བྱེད། །དེ་ཡིས་དོན་དམ་མངོན་སུམ་མཐོང་། །དེ་ཡང་གསང་བའི་དབང་གིས་ཏེ། །འཇིག་རྟེན་ཐ་སྙད་བཏགས་པ་ནི། །མངོན་སུམ་རྗེས་སུ་དཔག་པ་རྣམས། །བསམ་པའི་དབང་དང་དངོས་པོའི་དབང་། །ལམ་དང་འབྲས་བུར་མི་དགོས་སོ། །རིག་པ་སྦྱང་ནས་བདེ་ཆེན་ཏེ། །ཡང་དག་མཐའ་ལ་རྣམ་པར་གནས། །ཡང་དག་མཐོང་ན་རྣམ་པར་གྲོལ། །ཡང་དག་ཉིད་ལ་འཇུག་བལྟ་བ། །ཡང་དག་བདེ་བ་ཐོབ་པར་བྱེད། །དེ་བཞིན་གཤེགས་པ་ཐམས་ཅད་ཀྱི། སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། གསུང་གི་དཀྱིལ་འཁོར་བཀོད་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་སྐུ་གསུང་ཐུགས་རྡོ་རྗེའི་བདག་པོས། དེ་བཞིན་གཤེགས་པ་ཐམས་ཅད་ཀྱི་རང་བཞིན་ལྷུན་གྱིས་གྲུབ་པར་བྱ་བའི་ཕྱིར། བྲོ་གར་དང་སྤྱོད་པ་རྣམས་ཕྱག་རྒྱ་ཡིན་པར་འདོད་པས། ཡན་ལག་ཐམས་ཅད་དཀྱིལ་འཁོར་དུ་བྱིན་གྱིས་བརླབ་པ་འདི་གསུངས་སོ། །ཆོས་ཀྱི་འབྱུང་གནས་ཁྱད་པར་ལས། །ལྷ་དང་ལྷ་མོའི་ངང་ཉིད་དུ། །ཡན་ལག་ཐམས་ཅད་བྱིན་བརླབས་ན། །བསྐྱོད་བསྒུལ་ཐམས་ཅད་ཕྱག་རྒྱ་ཡིན། །ཤེས་རབ་ཐབས་ཀྱི་ཕྱག་རྒྱ་ལས། །བདེ་བའི་རོལ་མོ་རྣམ་འཕྲོས་པས། །ངག་དང་ལུས་ཀྱི་ཡོད་པ་རྣམས། །སྔགས་དང་ཕྱག་རྒྱ་ཡིན་པར་གྲགས། །རྡོ་རྗེ་རིགས་དང་རིན་ཆེན་རིགས། །ཤེས་རབ་ཐབས་སུ་སྦྱོར་བ་ཡིས། །གཉིས་སུ་ ― DNG021_Page_0577 ―
[མ་དཔེ་གཟིགས་ན་འདིར་གནོན།]
མེད་པར་སྦྱོར་བ་ནི། །རྡོ་རྗེ་ཐལ་མོ་བཤད་པ་ཡིན། །ལག་གཉིས་སོར་མོས་ནང་དུ་བསྣོལ། །གུང་མཛུབ་མཐེ་བོ་མཐེའུ་ཆུང་རྣམས། །སོར་མོ་རྩེ་སྤྲད་སྲིན་ལག་བསྒྲེང་། །སྤྱི་ཡི་དམ་ཚིག་ཕྱག་རྒྱ་ཡིན། །ལག་པ་སོར་མོ་རྒྱབ་བསྣོལ་ཏེ། །གཡས་ཀྱི་མཐེ་བོང་བཀུག་ནས་ནི། །གཡོན་གྱི་མཐེ་བོང་རྩེ་སྤྲད་པ། །རྣམ་པར་སྣང་མཛད་ཕྱག་རྒྱ་ཡིན། །སོར་མོ་ནང་དུ་བསྣོལ་ནས་ཀྱང་། །གུང་མཛུབ་ལ་སོགས་རྩེ་སྤྲད་ནས། །སྲིན་ལག་གཞིབས་ཏེ་བསྒྲེང་བ་ནི། །མི་བསྐྱོད་པ་ཡི་ཕྱག་རྒྱ་མཆོག །སོར་མོ་རྒྱབ་ཏུ་བསྣོལ་ནས་ཀྱང་། །གུང་བསྒྲེང་རྩེ་སྤྲད་མཐེ་བོང་བཀུག །མཛུབ་མོ་ངོས་ལ་སྦྱར་བ་ནི། །རིན་ཆེན་འབྱུང་བའི་ཕྱག་རྒྱ་ཡིན། །ལག་གཉིས་སོར་མོ་རྒྱབ་ཏུ་བསྣོལ། །མཛུབ་མོ་གཉིས་ནི་བསྒྲེང་ནས་ཀྱང་། །རྩེ་སྤྲད་པདྨའི་ཚུལ་དུ་བྱ། །མཐེབ་བཀུག་ཚེ་དཔག་མེད་པའི་རྒྱ། །ལག་གཡོན་ཁུ་ཚུར་བཅངས་ནས་ནི། །དཀུར་བརྟེན་གཡས་ཀྱི་སོར་མོ་རྣམས། །ཐལ་མོ་སྦྱར་ནས་གདེངས་པ་ནི། །གདོན་མི་ཟ་བའི་ཕྱག་རྒྱ་ཡིན། །ཡུམ་རྣམས་རྟགས་ཀྱི་ཕྱག་རྒྱ་ནི། །ཐབས་ལ་འཁྱུད་ཅིང་ཟུར་གྱིས་བལྟ། །འཇོ་སྒེག་རང་རྟགས་ཚུལ་འཛིན་པ། །དྲིལ་བུ་དང་པོས་འཛིན་པར་བྱེད། །ལག་གཉིས་སོར་མོ་རྒྱབ་ཏུ་བསྣོལ། །གུང་བསྒྲེང་རྩེ་མོ་སྤྲད་ནས་ནི། །པུག་པུག་པོར་ནི་བྱས་ནས་ནི། །དྲིལ་བུ་འཛིན་པའི་ཕྱག་རྒྱ་ཡིན། །ཁུ་ཚུར་གཉིས་ནི་བཅངས་ནས་ཀྱང་། །འགྱིང་བག་སྐུ་རུ་འཛིན་པ་ལ། །གཡོན་དུ་ཟུར་མིག་བལྟ་བ་ནི། །རྡོ་རྗེ་སྒེག་མོའི་ཕྱག་རྒྱ་ཡིན། །ལག་པ་གཉིས་ཀྱི་སོར་མོ་རྣམས། །སོར་མོ་རྒྱབ་ཏུ་བསྣོལ་ནས་ནི། །རྣ་ལྟག་གཉིས་སུ་བཟུང་ན་ནི། །དེ་ཉིད་ཕྲེང་བ་མ་ཡི་རྒྱ། །གཡོན་གྱི་ཁུ་ཚུར་བཅངས་ནས་ནི། །སོར་མོ་ཅུང་ཟད་བསྣོལ་བ་ལ། །ཁ་འགྲམ་བཟུང་ནས་གཡས་པ་ཡི། །མཛུབ་མོ་བསྒྲེང་ནས་འགྱེད་པ་ནི། །པི་ཝང་ཚུལ་འཛིན་དབྱངས་མའི་རྒྱ། །ལག་པ་གཉིས་ཀྱི་སོར་མོ་རྣམས། །གཡས་ནས་གཡོན་དུ་སྐོར་བྱེད་ ― DNG021_Page_0578 ―
[མ་དཔེ་གཟིགས་ན་འདིར་གནོན།]
ཅིང་། །གར་ཐབས་སྒྱུར་བར་བྱེད་པ་ནི། །གར་སྒྱུར་མ་ཡི་ཕྱག་རྒྱ་ཡིན། །ལག་པ་གཉིས་ཀྱི་ཁུ་ཚུར་གཉིས། །ཁ་སྤྲོད་གཡོག་པའི་ཚུལ་བྱས་ཏེ། །སྣ་ཡི་ཐད་ཀར་བཟུང་བ་ནི། །བདུག་སྤོས་མ་ཡི་ཕྱག་རྒྱ་ཡིན། །ལག་པ་གཉིས་ཀྱི་སོར་མོ་རྣམས། །སྙིམ་པའི་ཚུལ་དུ་བྱས་ནས་ནི། །སྙིང་གའི་ཐད་ཀར་འཛིན་པ་ཡིན། །འདི་ནི་མེ་ཏོག་མ་ཡི་རྒྱ། །ལག་པ་གཉིས་ཀྱི་སོར་མོ་རྣམས། །སོར་མོ་བཀུག་ནས་གུང་མོ་བསྒྲེང་། །ཐུགས་ཀར་འཛིན་པ་མར་མེ་མའི། །ཕྱག་རྒྱ་ཡིན་པར་རྣམ་པར་གྲགས། །ལག་པ་གཡས་པ་ཐུགས་ཀར་མནན། །གཡོན་པ་དཀུ་ལ་བརྟེན་པ་ནི། །དྲིལ་བུ་མ་ཡི་ཕྱག་རྒྱ་ཞེས། །དཔའ་བོ་ཆེན་པོས་རྣམ་པར་བཤད། །ལག་གཉིས་ཁུ་ཚུར་བཅངས་པ་ལས། །མཐེ་བོང་གཉིས་ནི་རབ་བསྒྲེང་སྟེ། །མཛུབ་མོ་ལྕགས་ཀྱུའི་ཚུལ་དུ་བྱ། །གཤིན་རྗེ་འཇོམས་མའི་ཕྱག་རྒྱ་ཡིན། །གཡས་དང་གཡོན་གྱི་སོར་མོ་རྣམས། །སོར་མོ་རྒྱབ་ཏུ་བསྣོལ་ནས་ནི། །གཡས་སུ་གདེངས་ནས་འཕེན་པའི་ཚུལ། །བྱས་པ་མི་ཐུབ་མ་ཡི་རྒྱ། །ལག་གཉིས་རྒྱབ་ནི་སྤྲད་ནས་ཀྱང་། །མཐེ་ཆུང་གཉིས་དང་མཛུབ་མོ་གཉིས། །སོ་སོར་འཁྱུད་ནས་བསྣམས་པ་ནི། །ཁྲོ་གཉེར་མ་ཡི་ཕྱག་རྒྱ་ཡིན། །གཡས་པ་བསྐུམ་ནས་གཡོན་པ་ཡིས། །དྲིལ་བུ་འཛིན་པའི་ཚུལ་དུ་བྱ། །རལ་གཅིག་མ་ཡི་ཕྱག་རྒྱ་ཞེས། །དཔའ་བོས་རབ་ཏུ་བཀའ་སྩལ་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དགྱེས་པ་ཆེན་པོས། སེམས་ཅན་ཐམས་ཅད་དེ་བཞིན་གཤེགས་པའི་སྙིང་པོ་ཅན་ཡིན་པའི་ཕྱིར། ཉིད་ཀྱི་སྙིང་པོའི་རང་བཞིན་སྤྲོས་པ་ཉེ་བར་ཞི་བ་འདི་གསུངས་སོ། །བདག་དང་སེམས་ཅན་སྐྱེས་བུ་དང་། །བྱེད་པ་པོ་ལ་སོགས་པ་ཡི། །དངོས་པོའི་བདག་ཉིད་སྟོང་ཉིད་ལྟར། །བྱིས་པ་རྡུལ་ལས་དངོས་པོར་འདོད། །ཆོས་ཙམ་ལ་ནི་དམིགས་པར་བྱེད། །དེ་ཉིད་ཕྱོགས་ཆས་མི་འགྲུབ་ཅིང་། །གཅིག་མིན་ ― DNG021_Page_0579 ―
[མ་དཔེ་གཟིགས་ན་འདིར་གནོན།]
དུ་མ་མ་ཡིན་ནོ། །དེ་ཉིད་ཕྱིར་ན་དེ་སྟོང་མིན། །དེ་སྟོང་མ་ཡིན་ཡོད་མེད་མིན། །མི་སྐྱེ་མ་ཡིན་སྐྱེ་བའང་མེད། །རྟག་མིན་ཆད་པ་མ་ཡིན་ལ། །མཚན་མེད་སྨོན་པ་མེད་པ་ཞེས། །དེ་ལ་སོགས་པ་རྣམ་པར་བཤད། །དེ་བས་དམ་པའི་དོན་ཉིད་ནི། །རྟེན་ཅིང་འདྲེལ་པ་གང་བྱུང་བ། །སྔོན་དང་ཕྱི་མའི་མཐའ་སྤངས་ཏེ། །ངོ་བོ་ཉིད་ཀྱིས་མ་སྐྱེས་པ། །དེ་ཕྱིར་དྲི་ཟའི་གྲོང་ཁྱེར་འདྲ། །རྟེན་འདྲེལ་ངོ་བོ་མ་སྐྱེས་པས། །སྐྱེ་དང་འགག་པར་མི་འགྲུབ་སྟེ། །ཡང་དག་དོན་དུ་མི་བལྟ་བས། །སྒྱུ་མ་བཞིན་དུ་རྣམ་པར་སྣང་། །འཇིག་ཆགས་སྟོངས་ལ་སོགས་པ་ཡི། །རྒྱུ་ཉིད་རྟེན་ཅིང་འདྲེལ་འབྱུང་བས། །དེ་བཞིན་ཉིད་ནི་མེད་འགྱུར་ཏེ། །ནམ་མཁའ་དང་བའི་རང་བཞིན་ཏེ། །རྟེན་ཅིང་འདྲེལ་འབྱུང་གང་མཐོང་བ། །དེ་བཞིན་ཉིད་ལས་བདེ་བར་གཤེགས། །ཀུན་ལ་ཁྱབ་པར་གནས་པས་ན། །མཁའ་དང་མཚུངས་ཤིང་མཉམ་པར་འགྱུར། །དངོས་པོ་རྣམས་ནི་སྟོང་པ་སྟེ། །སྟོང་པ་ཉིད་ཀྱི་དངོས་པོ་ལ། །ཐ་དད་མ་ཡིན་དབྱེར་མེད་པས། །གཞན་དུ་བྱས་པ་ཅི་ཡང་མེད། །སྲིད་དང་ཞི་བའི་ཁྱད་པར་ནི། །ཆ་ཤས་ཙམ་ཡང་ཡོད་པ་མིན། །གང་ལ་གོམས་པ་དེར་སྣང་བས། །སྦྱིན་ལ་སོགས་པ་རྣམ་མི་འགལ། །གཟུགས་ལ་སོགས་པའི་དངོས་པོ་རྣམས། །ཀུན་གྱི་རང་བཞིན་ཆོས་ཉིད་ལས། །གཟུགས་ལ་སོགས་པ་མཐོང་བ་ན། །ཆོས་ཉིད་མཐོང་བས་བདེ་བར་གཤེགས། །དམ་པའི་ཡུལ་དུ་གྱུར་པ་ན། །རྣམ་ཀུན་མཁྱེན་པས་མ་གཟིགས་ཏེ། །མཐོང་བར་བྱ་བའི་རང་བཞིན་དག །ཤེས་རབ་ཅན་གྱིས་རྟོགས་པར་གྱིས། །འགའ་ཡང་མཐོང་བ་མེད་པ་ནི། །དེ་ཉིད་མཐོང་བས་ཆེན་པོར་བས། །སྟོང་ཉིད་ཡེ་ཤེས་ཆེན་པོས་ནི། །ཡང་དག་མཐོང་ནས་རྣམ་པར་གྲོལ། །ཤེས་པས་མཐོང་བའི་ཡུལ་མེད་དེ། །ལམ་ལྔ་དག་ཏུ་ཚོགས་བསགས་ཤིང་། །སྒྲིབ་པ་རྣམ་པར་དག་བྱས་ཏེ། །པདྨ་སྤྱན་དུ་གྱུར་པ་ནི། །སྐད་ཅིག་གཅིག་མངོན་རྫོགས་བྱང་ ― DNG021_Page_0580 ―
[མ་དཔེ་གཟིགས་ན་འདིར་གནོན།]
ཆུབ། །པདྨ་ཅན་གྱི་ཡེ་ཤེས་ནི། །རང་བྱུང་ཡེ་ཤེས་ཆེན་པོ་སྟེ། །དམ་པའི་དོན་ལ་འདུས་བསྒོམ་ནས། །གོམས་པས་མཇུག་ཏུ་རང་བྱུང་འཆར། །གོམས་ཏེ་སླ་བར་མི་འགྱུར་བའི། །དངོས་མེད་གང་ཡང་ཡོད་མི་འགྱུར། །ཡང་དག་དོན་གྱི་རང་བཞིན་ལས། །བརྗོད་པར་བྱ་བའི་དངོས་པོ་དག །རྡུལ་ཆ་ཙམ་ཡང་མེད་པའི་ཕྱིར། །ཅི་ཡང་གསུང་དུ་མེད་པའོ། །དེ་ལྟར་ཤེས་པར་བྱས་ནས་ནི། །གསང་བའི་དོན་ལ་འཇུག་པར་བྱ། །གཞལ་ཡས་བརྩེགས་པའི་དབུས་སུ་ནི། །སྐུ་གསུང་ཐུགས་སུ་བདག་སྦྱོར་བས། །ཐབས་དང་ཤེས་རབ་གཉིས་མེད་པས། །ལྟེ་བའི་སྟེང་དུ་ཡི་གེ་ཨཱ། །བསྒོམ་ནས་སྙིང་གའི་པདྨར་བཞག །འོད་ཟེར་སྤྲོ་བསྡུའི་སྦྱོར་བ་ཡིས། །དེ་མ་ཐག་ཏུ་བདེར་འགྱུར་རོ། །ཧཱུཾ་ཡིག་ཟླ་བར་བཅས་པ་ནི། །རྡོ་རྗེ་མཚོན་ཆ་མཆོག་འོད་འབར། །དེ་བཞིན་གཤེགས་པ་ཀུན་གྱི་ཐུགས། །རྒྱ་ཆེན་རབ་ཟབ་མདོར་བསྡུས་པའོ། །འདི་ནི་རྒྱལ་བ་ཐམས་ཅད་ཀྱིས། །བླ་ན་མེད་པ་སྒྲུབ་བྱེད་པའི། །ཐབས་ཀྱི་མཆོག་ཏུ་གསུངས་པ་སྟེ། །བསྟན་པས་ཡོངས་སུ་གྲོལ་བར་བྱ། །གསང་སྔགས་ཚུལ་ལ་མི་གནས་ཤིང་། །དེ་བཞིན་ཉིད་དོན་མི་རྟོགས་པར། །ཚིག་ཙམ་ལ་ནི་གནས་བྱེད་དེ། །དད་མེད་ཉེས་ན་ཕུང་བར་འགྱུར། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། ཐུགས་ཀྱི་དཀྱིལ་འཁོར་བཀོད་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དུ་དབྱེར་མེད་པའི་དགྱེས་པ་ཆེན་པོ་དེས། སྒྱུ་མའི་དཀྱིལ་འཁོར་དུ་བཞེངས་ཏེ། སྒྱུ་འཕྲུལ་རྣམ་པར་འཕྲུལ་བའི་ཏིང་ངེ་འཛིན་ལ་སྙོམས་པར་ཞུགས་ནས། གཞན་གྱི་དོན་དུ་རི་མོའི་དཀྱིལ་འཁོར་བྲི་བར་བཞེད་ནས། ཞལ་འཛུམ་པ་མཛད་དེ། བཞུགས་པ་ལས། དེ་བཞིན་གཤེགས་པ་ཐམས་ཅད་ཀྱིས་མཆོད་པས་མཆོད་དེ། འདི་སྐད་ཅེས་གསོལ་ཏོ། ། ― DNG021_Page_0581 ―
[མ་དཔེ་གཟིགས་ན་འདིར་གནོན།]
ཨེ་མ་ཧོ་སངས་རྒྱས་ཀྱེ་སངས་རྒྱས། །བསམ་པ་ཐམས་ཅད་ཡོངས་རྫོགས་པ། །སྐུ་ཡི་དཀྱིལ་འཁོར་རབ་ཏུ་དག །དཀྱིལ་འཁོར་རབ་དགའ་བཤད་དུ་གསོལ། །ཨེ་མ་ཧོ་ཆོས་ཀྱི་དོན་འབྱུང་བ། །ཆོས་དོན་དག་པ་བདག་མེད་པ། །གསུང་གི་དཀྱིལ་འཁོར་དྲི་མ་མེད། །དཀྱིལ་འཁོར་དག་པ་དྲི་མ་མེད་པ་གསོལ། །དེ་བཞིན་གཤེགས་པ་ཀུན་གྱི་བདག །ཤེས་བྱ་ལ་སོགས་སྒྲིབ་གཉིས་གྲོལ། །ཡེ་ཤེས་རྣམས་ཀྱིས་དོན་མཛད་པ། །ཐུགས་ཀྱི་དཀྱིལ་འཁོར་བཤད་དུ་གསོལ། །དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ཀྱི་དཀྱིལ་འཁོར་མཆོག །འགྲོ་བ་དག་ཕྱིར་རི་མོ་ཡི། །དཀྱིལ་འཁོར་ཉམས་ནི་དགའ་བར་བཤད། །རི་བོ་དབེན་པ་རི་སུལ་ཡོད། །ཆུ་ཀླུང་རྣམས་དང་འབབ་པ་དང་། །མེ་ཏོག་ནགས་ཚལ་རྣམས་ཀྱིས་བརྒྱན། །ཡོན་ཏན་ཐམས་ཅད་ལྡན་པ་ཡི། །ཉམས་དགའི་གནས་སུ་བསམ་གཏན་བྱ། །མང་དུ་ཐོས་ཤིང་སྐྱོ་བ་བཟོད། །བརྟན་ཞིང་དུལ་ལ་བློ་གྲོས་ཆེ། །བྱ་བ་མཁས་པ་གཡོ་སྒྱུ་མེད། །འཁོར་དང་འཇིགས་དང་རྣམ་བྲལ་ཏེ། །སེམས་ཅན་ཀུན་ལ་མི་འཇིགས་སྟེར། །དེ་ནི་སློབ་དཔོན་ཡིན་པ་སྟེ། །དཀྱིལ་འཁོར་པ་ཡི་ལས་བྱའོ། །ཡིད་གསལ་སྤྲོ་ཞིང་བྱ་བ་མཁས། །དད་དང་བརྟུལ་ཞུགས་བརྩོན་འགྲུས་ཅན། །ཡིད་ཆེས་སེར་སྣ་རྣམ་གྲོལ་ཏེ། །ཐེ་ཚོམ་མི་བྱེད་དམ་ཚིག་ལྡན། །སློབ་མ་རྣམས་ཀྱི་དམ་ཚིག་ཡིན། །དང་པོར་ས་གཞི་བརྟགས་ནས་ནི། །དེ་ཡི་སྟ་གོན་བཀྲ་ཤིས་ལ། །ཐ་མར་དཀྱིལ་འཁོར་འཇུག་པ་ཡིན། །སངས་རྒྱས་དཀྱིལ་འཁོར་བསྒོམས་ནས་ནི། །རིག་པའི་མེ་ཏོག་བོར་བྱས་ཏེ། །སྡིག་པ་བཤགས་པ་ལ་སོགས་བྱ། །གོས་རྒྱན་མཛེས་པར་བྱས་པ་ཡི། །བློ་གྲོས་ཅན་གྱི་མཁས་པ་ཡིས། །སྐུ་གསུང་ཐུགས་ཀྱི་དཀྱིལ་འཁོར་རྣམས། །ཁྲུ་བཞི་པ་འམ་ཁྲུ་བརྒྱད་པ། །བཅུ་དྲུག་ཉི་ཤུ་རྩ་ལྔར་བྱས། །སོར་བཞི་པ་ནས་བཟུང་ནས་ནི། །ཇི་སྲིད་དཔག་ཚད་རྒྱང་གྲགས་པར། ། ― DNG021_Page_0582 ―
[མ་དཔེ་གཟིགས་ན་འདིར་གནོན།]
སེམས་ཅན་བསམ་པའི་དབང་གིས་ནི། །ཚད་རྣམས་ངེས་པར་མ་གསུངས་སོ། །གཙང་མའི་སྤུ་དང་ཨ་ཤྭཏ་ཤུན། །ཚད་མ་རབ་ཏུ་མཛེས་པ་ཡི། །ཚོན་སྣ་ལྔ་སྐུད་བུ་མོས་བཀལ། །དེ་ཡིས་དཀྱིལ་འཁོར་ཐིག་གདབ་པོ། །རང་གི་རིགས་ཀྱི་ས་བོན་རྣམས། །ཐིག་སྐུད་ཡེ་ཤེས་ལྔ་ལྡན་པས། །ཉི་ཤུ་རྩ་ལྔར་དབྱེ་བ་ཉིད། །བདག་ཉིད་བདག་པོའི་གཟུགས་བསྒོམས་ལ། །ཛ་ལས་ཉི་མ་ཟླ་བའི་མིག །དེ་ཡིས་མཚོན་ཆར་དྲངས་ནས་ནི། །དཀྱིལ་འཁོར་རྣམས་ལ་ཐིམ་པར་བྱ། །བདུད་རྩི་ལྔ་ཡི་དྲི་ཡིས་ནི། །བསྐུས་ནས་དེ་ནས་བཏུང་བར་བྱ། །རྡོ་རྗེ་ལས་རབ་ལྗང་གུ་ནི། །ཀརྨ་བཛྲ་ཧ་ཞེས་དབྱུང་། །ཐིག་སྐུད་ཡེ་ཤེས་ལྔ་ལྡན་པ། །ལྟེ་བར་ཁུ་ཚུར་གཡོན་གྱིས་མནན། །ལས་ཀུན་བྱེད་པར་བཟུང་ནས་ནི། །ནམ་མཁར་བཏབ་པ་རང་བཞིན་དང་། །ཏིང་འཛིན་དཀྱིལ་འཁོར་གསལ་བར་བྱེད། །གཟུགས་བརྙན་གསལ་ཕྱིར་ས་ཐིག་གདབ། །ཨོཾ་བཛྲ་ས་མ་ཡ་སུ་ཏྲ་མ་ཏི་ཀྲ་མ་ཧཱུཾ། ཤར་ནས་ནུབ་བལྟས་ལྷོ་ནས་བྱང་། །ཕྱི་ཡི་ཕྱོགས་བཞིར་རབ་ཏུ་གནས། །མེ་དང་བདེན་བྲལ་མཚམས་གནས་ཤིང་། །གྲྭ་བཞིའི་ཐིག་ནི་རབ་ཏུ་གདབ། །དབུས་སུ་ཕུར་པ་བཏབ་བྱས་ཏེ། །མུ་ཁྱུད་ཟླུམ་པོར་བསྐོར་ནས་ཀྱང་། །གྲ་བཞི་ལ་སོགས་སྒོ་བཞིར་ལྡན། །ཏྭ་ར་ཎ་བཞིས་ཀླུབ་པའོ། །རྡུལ་ཚོན་རྣམས་ནི་བྲི་བར་བྱ། །དེ་ལ་རིགས་རྣམས་ས་བོན་ལས། །ལྷ་ཡི་རང་བཞིན་ལྡན་བྱས་ཏེ། །འོད་ཟེར་ལྕགས་ཀྱུས་དྲངས་པ་རྣམས། །ཚོན་གྱི་ཕྱེ་མ་ལྔ་ལས་ཐིམ། །ཡེ་ཤེས་ལྔ་ཡི་བདག་ཉིད་ཅན། །དཀྱིལ་འཁོར་ནང་དུ་འདུག་ནས་ཀྱང་། །དཀར་པོ་ལ་སོགས་རྣམ་པ་ལྔ། །འདུལ་བའི་ཆོ་ག་ཇི་བཞིན་དུ། །དབང་ལྡན་ཕྱོགས་ནས་བྲི་བར་བྱ། །གཡས་གཡོན་མཉམ་པོ་རྒྱུན་མི་གཅད། །ཚོན་གྱི་ཕྱེ་མ་སྣ་ལྔ་ཡི། །དཀྱིལ་འཁོར་སྡུག་གུར་བྲི་བར་བྱ། །ཤར་དུ་ཨིནྡྲ་ནཱི་ལའི་སྟེང་། །ལྷོ་དང་ ― DNG021_Page_0583 ―
[མ་དཔེ་གཟིགས་ན་འདིར་གནོན།]
ནུབ་ཏུ་སེར་དང་དམར། །བྱང་དུ་ལྗང་གུ་ལྡན་པ་སྟེ། །དབུས་སུ་དཀར་པོ་བྲི་བར་བྱ། །འཁོར་ལོ་རྡོ་རྗེ་རིན་ཆེན་དང་། །པདྨ་རལ་གྲི་ལ་སོགས་པའི། །དཀྱིལ་འཁོར་རྣམས་ནི་རབ་ཏུ་དམིགས། །སྐུ་གསུང་ཐུགས་ཀྱི་ས་བོན་གྱིས། །ཚེ་དཔག་མེད་དང་མི་བསྐྱོད་དང་། །རིགས་ཀྱི་བྱེ་བྲག་ཤེས་བྱས་ལ། །རང་གི་དཀྱིལ་འཁོར་དབུས་སུ་དགོད། །དད་བརྩོན་བརྟུལ་ཞུགས་ལྡན་པ་ལ། །དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ཀྱི་དབང་རྣམས་ནི། །རིམ་པ་བཞིན་དུ་སྦྱིན་པར་བྱ། །སྡིག་བཤགས་སྐྱབས་སུ་སོང་ནས་ནི། །པདྨའི་གདན་ལ་མེ་ཏོག་གཏོར། །ཡོན་ཕུལ་ཡེ་ཤེས་སྤྱན་ཕྱེ་ནས། །དཀྱིལ་འཁོར་ལྷ་ཡི་དེ་ཉིད་བསྟན། །རྒྱལ་བ་རྣམས་ཀྱི་བྱང་ཆུབ་སེམས། །ཡེ་ཤེས་ཆུ་ཡིས་གང་བ་ཡི། །ཕྱི་ནང་གསང་བ་བུམ་པ་ཡིས། །སློབ་མ་བདག་པོའི་གཟུགས་སུ་བྱ། །དབུ་རྒྱན་རྡོ་རྗེ་དྲིལ་བུ་སོགས། །བདག་པོའི་དབང་ནི་བསྐུར་ནས་ཀྱང་། །རིགས་རྣམས་ཀུན་དང་ལྡན་པར་བྱ། །འཁོར་ལོ་རིན་ཆེན་པདྨ་དང་། །རལ་གྲི་ལས་རྣམས་དབང་བསྐུར་རོ། །ཤ་ཁྲག་དྲི་ཆེན་དབང་བསྐུར་རོ། །བྱང་ཆུབ་སེམས་ཀྱི་རང་བཞིན་ནི། །རྣལ་འབྱོར་པས་ནི་སྤྱད་པར་བྱ། །གླང་པོའི་ཤ་དང་རྟ་ཡི་ཤ །ཤ་ཆེན་བ་ལང་ཁྱི་ཤ་རྣམས། །ཁམས་ཀྱི་ཟས་སུ་བཟའ་བར་བྱ། །མ་དང་བུ་མོ་སྲིང་མོ་ལ། །རྟག་ཏུ་འདོད་པ་སྤྱད་པར་བྱ། །གཙང་སྨེ་རྟོག་པ་དང་བྲལ་ན། །དེ་ཉིད་རིག་པའི་བརྟུལ་ཞུགས་ཡིན། །འདི་ལ་མི་བྱ་ཅི་ཡང་མེད། །བཟའ་བར་མི་བྱ་ཅི་ཡང་མེད། །དེ་ཉིད་སངས་རྒྱས་ཀུན་དང་འདྲ། །སངས་རྒྱས་ཀུན་གྱིས་དབང་བསྐུར་རོ། །དུས་འདི་ཕྱིན་ཆད་རྒྱལ་བའི་སྲས། །ལོངས་སྤྱོད་འབྱུང་ཞིང་ངན་སོང་སྦྱོང་། །ཅི་ཡང་གཞན་དུ་འགྱུར་བ་འགྲུབ། །ཐབས་དང་ཤེས་རབ་ལྡན་པ་ཡིས། །བླ་ན་མེད་པའི་བྱང་ཆུབ་སེམས། །བདུད་རྩི་རྣམས་དང་གང་ལྡན་པའི། །རྡོ་རྗེའི་གསང་བའི་ལམ་ཕྱུང་ནས། །སློབ་མ་རྣམས་སུ་ཐིམ་པར་ ― DNG021_Page_0584 ―
[མ་དཔེ་གཟིགས་ན་འདིར་གནོན།]
བྱ། །དེ་འདི་རྒྱལ་བ་ཐམས་ཅད་ཀྱི། །དབང་བསྐུར་བ་ཡི་ཐབས་མཆོག་སྟེ། །གང་གིས་བླ་མེད་སྒྲུབ་པ་ན། །རྟག་ཏུ་འབྲལ་བར་མི་བྱའོ། །ཤེས་རབ་ཐབས་སུ་གར་སྦྱོར་བས། །གསང་བ་རྣམས་དང་ལྡན་བྱས་ཏེ། །སློབ་མར་དབང་བསྐུར་ཆེན་པོ་སྦྱིན། །དངོས་གྲུབ་མཆོག་ཏུ་གྱུར་པས་ན། །རང་གི་བཀའ་ལས་རང་མི་འདའ། །འདི་ནི་སངས་རྒྱས་ཐམས་ཅད་ཀྱིས། །བདེ་བ་ཆེན་པོ་གྲུབ་པའི་ཐབས། །མཉམ་མེད་རྙེད་པར་ཐོབ་གྱུར་ཏེ། །ས་དང་ཕ་རོལ་ཕྱིན་པ་ཡི། །ལམ་གྱི་མཆོག་ཏུ་གྱུར་པས་ན། །རང་བྱུང་ཡེ་ཤེས་ཆེན་པོ་ནི། །ད་ལྟ་ཉིད་དུ་མཐོང་བར་འགྱུར། །དུས་མིན་འཆི་བ་མི་འབྱུང་ཞིང་། །ཕྱི་ནང་ནད་རྣམས་སེལ་བར་བྱེད། །འཁྲུག་དང་སྡུག་བསྔལ་བརྒྱད་པོ་རྣམས། །འཇིགས་ཤིང་མྱ་ངན་འཆིང་བ་མེད། །ཡམས་ནད་འཚེ་བ་མི་འབྱུང་ཞིང་། །ཕ་རོལ་དམག་ཚོགས་འཇིགས་པར་བྱེད། །ད་ལྟར་བདེ་དང་ཕྱི་མ་བདེ། །ཐམས་ཅད་ཀུན་གྱི་རྒྱུར་གྱུར་པ། །རྟག་ཏུ་སྤང་བར་མི་བྱ་སྟེ། །འདས་ན་དམྱལ་བར་ལྟུང་བར་འགྱུར། །སངས་རྒྱས་དཀྱིལ་འཁོར་རྣམས་བསྒོམ་ནས། །རྒྱལ་བ་ཐམས་ཅད་མཉེས་མཆོད་དེ། །འགྲོ་བའི་དོན་རྣམས་རྫོགས་བྱའི་ཕྱིར། །སྦྱིན་བསྲེག་ལས་རྣམས་རྫོགས་པར་བྱ། །གྲུ་བཞི་པ་ཡི་དཀྱིལ་འཁོར་ལ། །ཧོམ་ཁུང་ཁྲུ་གང་ཚད་དུ་བྱ། །ཟབས་སུ་ཁྲུ་གང་ཁ་ཁྱེར་རྣམས། །སོར་ནི་བཞི་པའི་ཚད་དུ་བྱ། །ཟླུམ་པོ་གྲུ་བཞི་ཟླ་གམ་གདེངས། །གྲུ་གསུམ་དཀར་སེར་དམར་དང་ནག །མེ་འོད་ངོས་ལ་རྡོ་རྗེ་ཁ། །རིན་ཆེན་པདྨ་ཐོད་པས་བརྒྱན། །འཁོར་ལོ་རྡོ་རྗེ་རིན་ཆེན་དང་། །པདྨ་རལ་གྲི་ལ་སོགས་པ། །ཁུང་གི་མཐིལ་དུ་ལྷག་པར་དགོད། །ཤར་དུ་ཁྲི་སྟེ་ཀུ་ཤ་ལྷོ། །ནུབ་ཏུ་པདྨ་གྲུ་གསུམ་བྱང་། །ཤིང་གི་ལྷ་སྟེ་མདོག་དཀར་ལ། །མཆོད་ཡོན་རྣམས་ཀྱིས་མཉེས་བྱས་ལ། །མེ་ཡི་གྲ་ནས་གཅད་པར་བྱ། །ཞི་རྩེ་རྒྱས་པར་དབང་གི་སྦོམ། །དྲག་པོ་དྲུང་པ་དག་ལ་བྱ། །དྲི་དཀར་སྦྲང་རྩི་ ― DNG021_Page_0585 ―
[མ་དཔེ་གཟིགས་ན་འདིར་གནོན།]
ཙནྡན་དམར། །ཁྲག་སྤོས་སྦྱར་ཏེ་བསྐུ་བར་བྱ། །བསྲེག་ཤིང་ཁྲུ་དོ་ཡམ་ཤིང་སོར། །བཅུ་གཉིས་པ་ཡི་ཚད་དུ་བྱ། །དཀར་སེར་དམར་དང་ནག་པོའོ། །འོ་མ་ཙནྡན་མངར་གྱུར་པ། །དུག་ཤིང་ཚེར་མ་ཅན་ལ་སོགས། །སོ་སོའི་མཚན་དང་སྦྱར་བ་ཡིན། །དགང་གཟར་བླུག་གཟར་སོ་སོའི་དབྱིབས། །ཡུ་བ་ཁྲུ་གང་ཚད་དུ་བྱ། །དགང་གཟར་སོར་བཞི་སོར་གཉིས་ཟབས། །ཁ་རན་སོར་གཅིག་དཀྱིལ་རིན་ཆེན། །ངོས་ལའང་ཡི་གེ་འབར་བ་བསྒོམ། །བླུགས་གཟར་སོར་གཉིས་སོར་གཅིག་ཟབས། །ཁ་ཁྱེར་སོར་གཅིག་དཀྱིལ་རྡོ་རྗེ། །ངོས་ལ་ཡི་གེ་རྣམ་བསྒོམ་ནས། །གཏུན་ཁུང་རང་རང་དབྱིབས་དང་མདོག །རི་རབ་རི་བདུན་མཚོ་དང་བཅས། །དངུལ་ཕྱེ་འབྲས་ཆན་དཀར་པོ་དང་། །གསེར་ཟངས་ལྕགས་དང་འབྲས་ཆན་ཐུག །དུང་དང་ཁྲག་ལ་སོགས་པ་ཡིས། །སོ་སོའི་གཏོར་མ་མཛེས་པར་བྱ། །གསེར་དངུལ་ཟངས་ལྕགས་སོ་སོའི་ཤིང་། །མགོ་བོ་རྒྱ་མདུང་རྩེ་མོ་རྣམས། །ཟླུམ་པོ་གྲུ་བཞི་ཟླ་གམ་ཟུར། །དཀྱིལ་འཁོར་རྣམས་ནི་བསྒོམ་བྱ་སྟེ། །མཚན་མར་བཅས་པའི་གཟུགས་བརྙན་ལ། །བཀུག་ནས་ཕུར་པ་བཏབ་ནས་ནི། །ལྷ་ཡང་རུང་སྟེ་བརླག་པར་འགྱུར། །རྒྱན་ཆས་ལྔ་དང་ལྡན་པ་ཡིས། །ཡོ་བྱད་བསངས་གཏོར་བྱས་ནས་ནི། །ཀུ་ཤ་བཏིང་ནས་ཡམ་ཤིང་ལ། །མེ་སྦར་ཡི་གེ་གསུམ་པོས་སྦྱངས། །དཀྱིལ་འཁོར་ཞལ་དུ་གྱུར་པའི་མེ། །ས་བོན་མར་གྱིས་བྱུག་པར་བྱ། །ཞལ་གསུམ་ཕྱག་ནི་དྲུག་པ་སྟེ། །དང་པོ་རང་རྟགས་ཤེས་རབ་འཁྱུད། །གཡས་གཉིས་བགྲང་འཕྲེང་སྐྱབས་སྦྱིན་ལ། །གཡོན་པ་གུནྡི་རི་རབ་འཛིན། །དེ་ནས་ཡེ་ཤེས་དམ་པའི་མེ། །བོས་ནས་མཆོད་ཕུལ་གཉིས་སུ་མེད། །མེ་ལྷ་རྣམས་ཀྱི་གཞལ་ཡས་ཁང་། །དམ་པའི་འཁོར་ལོ་བསྒོམས་ནས་ནི། །ལས་བཞིའི་མཆོད་པ་རབ་ཏུ་དབུལ། །མར་ཁུ་ཏིལ་དང་དར་བ་དང་། །འབྲས་དང་ཞོ་དང་ཀུ་ཤ་རྣམས། །རིམ་པར་ཕུལ་ཏེ་ལས་རྣམས་བསྟན། །མཆོད་ ― DNG021_Page_0586 ―
[མ་དཔེ་གཟིགས་ན་འདིར་གནོན།]
དང་བསྟོད་པ་ཚུལ་བཞིན་བྱ། །དབང་བསྐུར་བ་ཡི་རིམ་པ་དང་། །སྦྱིན་སྲེག་ལས་རྣམས་བྱེད་དོན་དུ། །དཀྱིལ་འཁོར་གྱི་ནི་ཆ་བྱད་རྣམས། །སློབ་དཔོན་གྱིས་ནི་འགྱེར་བར་བྱ། །སློབ་མས་ཁྱེར་ན་དམ་ཚིག་ཉམས། །བླ་མ་སྤང་བར་མི་བྱ་སྟེ། །རྡོ་རྗེ་དྲིལ་བུ་ཕྱག་རྒྱ་ཡང་། །ནམ་ཀྱང་སྤང་བར་མི་བྱའོ། །དཀའ་ཐུབ་ཀྱིས་ནི་མི་གདུང་སྟེ། །བླ་མ་བརྙས་པར་བྱ་བ་མིན། །གང་གིས་བླ་མ་བརྙས་བྱེད་ན། །སངས་རྒྱས་ཐམས་ཅད་བརྙས་པ་ཡིན། །དུག་དང་ཚ་བའི་རིམས་ནད་དང་། །གདོན་བགེགས་མཁའ་འགྲོའི་འཚེ་བ་དང་། །ཚོགས་བདག་དྲག་པོས་བསད་ནས་ནི། །དམྱལ་བ་རྣམས་སུ་ངེས་པར་བསྲེག །དེ་བས་རིན་ཆེན་བླ་མ་ལ། །རིན་ཆེན་རྣམས་དང་ལུས་ཀྱི་བར། །རྗེས་སུ་རིག་པ་དེ་ལ་དབུལ། །བདག་པོ་ཕྱག་རྒྱ་མཉམ་གཞག་ལ། །དཀྱིལ་འཁོར་བཞི་ནི་བསྐྱེད་བྱ་སྟེ། །མགྲིན་པ་སྙིང་ག་ལྟེ་བ་གསང་། །ཆུ་དང་རྡོ་རྗེ་མེ་རླུང་རྣམས། །རིམ་པ་བཞིན་དུ་ཡང་དག་ལྡན། །རླུང་གིས་མེ་ནི་སྦར་བྱས་པས། །དབང་ཆེན་གནས་སུ་ཆུ་བདག་བསྐྱེད། །བཟའ་བའི་ཁ་ཟས་བྱེ་བྲག་རྣམས། །རིམ་བཞིན་དུ་ནི་མཆོད་ནས་ཀྱང་། །པདྨ་ལ་ནི་པདྨ་ཅན། །ཐལ་བ་མཐར་ནི་རྣམ་པར་བརྟག །ཕུང་པོ་བུད་ཤིང་བསྲེགས་ནས་ནི། །བླ་མེད་དམ་པའི་མེ་སྦར་ལ། །དམ་པའི་འཁོར་ལོ་རྣམས་བསྒོམ་ནས། །དཀྱིལ་འཁོར་ཐམས་ཅད་མཆོད་པར་བྱ། །རིམས་དུག་གིས་ནི་མི་ཚུགས་ཤིང་། །ནད་དོ་ཅོག་ལས་ཐར་བར་བྱེད། །སྐུ་གསུང་ཐུགས་ཀྱི་དངོས་གྲུབ་ཀྱང་། །མྱུར་དུ་ཐོབ་པར་གདོན་མི་ཟ། །མ་ནིང་བཟླས་པ་བྱེད་འདོད་པས། །དཀྱིལ་འཁོར་བཞི་ཡི་རང་བཞིན་ལ། །རྟག་ཏུ་འབྲལ་བར་མ་བྱེད་ཅིག །བདག་པོའི་ཕྱག་རྒྱ་འཛིན་པ་ཡིས། །རང་གི་རིག་མ་ལྡན་བྱས་ནས། །རིག་མ་དང་ནི་དམ་ཚིག་བྱས། །གསང་བའི་པདྨར་མེ་ཏོག་བརླན། །དབྱིབས་དང་ཁ་དོག་མཚན་ལྡན་པའི། །གསང་བའི་རི་བོང་མེ་ཉིད་སྦྱང་། །དེ་ཡི་མཁའ་དབྱིངས་དཀྱིལ་ ― DNG021_Page_0587 ―
[མ་དཔེ་གཟིགས་ན་འདིར་གནོན།]
འཁོར་ནས། །ཡེ་ཤེས་བདུད་རྩི་ཆུ་རྒྱུན་གྱིས། །རྒྱལ་བ་ཐམས་ཅད་རྟག་ཏུ་མཆོད། །རྒྱལ་བ་མ་ལུས་ཐམས་ཅད་ཀྱིས། །སྐུ་གསུང་ཐུགས་སུ་བྱིན་རློབས་ཤིང་། །སྲས་ཀྱི་དམ་པར་དེ་འགྱུར་རོ། །དེ་ནས་བཅོམ་ལྡན་འདས་དགྱེས་པ་ཆེན་པོས། དངོས་པོ་འཇོམས་ཤིང་ཟད་པར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། གནས་སྤར་བའི་ཐབས་འདི་གསུངས་སོ། །བཀྲ་ཤིས་པ་དང་གདུལ་བྱ་དང་། །ཞིང་དུ་གྱུར་པའི་བདག་ཉིད་ལ། །སྙིང་གི་པདྨ་ལས་བྱུང་བ། །འོད་ཟེར་འབར་བའི་མཚོན་ཆ་ཡིས། །རྣམ་པར་ཤེས་པ་ལྡན་བྱས་ཏེ། །དེ་ཉིད་གསུམ་གྱིས་རྣམ་སྦྱངས་ནས། །ཉི་ཟླའི་སྟེང་དུ་ཡང་དག་བཞག །ཧེ་རུ་ཀར་ནི་གསལ་བྱས་ནས། །ཧཱུཾ་ཧཱུཾ་ཧཱུཾ་གིས་ང་རྒྱལ་བྱ། །ལྕགས་ཀྱུ་གྲི་ནག་འབར་བ་འཆང་། །ཙིཏྟ་ནང་གི་ལུས་ཉིད་ལ། །སྦྱང་བ་རྣམས་ཀྱི་རྣམ་སྣང་མཛད། །དཀྱིལ་འཁོར་ཀུན་དང་བཅས་པ་ལ། །རླུང་དང་ཉི་ཟླའི་སྟེང་དུ་བཞག །ཆོས་ཀྱི་དབྱིངས་ཀྱི་ཕོ་བྲང་གི། །དཀྱིལ་འཁོར་ཐམས་ཅད་མཆོད་བྱས་ཏེ། །སྦྱོར་བའི་ལྷུམས་སུ་ཕཊ་ཀྱིས་འཕངས། །དེ་བཞིན་གཤེགས་པའི་སྲས་སུ་བྱས། །དེ་ནི་དེ་མ་ཐག་ཏུ་ཡང་། །ལས་ཀྱི་སྒྲིབ་པ་དག་གྱུར་ནས། །བདེ་བ་ཅན་གྱི་ཞིང་ཁམས་སུ། །དེ་བཞིན་གཤེགས་པ་ཐམས་ཅད་ཀྱིས། །སྲས་དང་སྤུན་དགོངས་དངོས་གྲུབ་སྟེར། །ཉེས་པ་མ་ལུས་རྣམ་དག་ནས། །དེ་ཉིད་སངས་རྒྱས་ཀུན་དང་མཉམ། །གོ་འཕང་བླ་ན་མེད་པ་ཐོབ། །དེ་ནས་དེ་བཞིན་གཤེགས་པ་ཐམས་ཅད་དང་། དགྱེས་པ་ཆེན་པོ་ཉིད་དགོངས་པ་གཅིག་ཏུ་གྱུར་ནས། མཉམ་པ་ཉིད་ཀྱི་དོན་དང་། སྤྲོས་པ་རྣམས་ཐ་མི་དད་ཅིང་དབྱེར་མེད་པས། དཀྱིལ་འཁོར་གྱི་རང་བཞིན་དུ་གཟིགས་ནས། འདི་སྐད་ཅེས་བཀའ་སྩལ་ཏོ། །ཕྱོགས་བཅུ་འཇིག་རྟེན་གྱི་ཁམས་ཐམས་ཅད་ནི་དབེན་པའོ། །ཞི་བའོ། །བདེ་བ་དང་ལྡན་པའོ། །སངས་རྒྱས་ཀྱི་རང་བཞིན་ཅན་ནོ། །ཞིང་ཁམས་རྣམ་པར་དག་པའོ། །སྣང་བ་ནི་དམ་པའི་ ― DNG021_Page_0588 ―
[མ་དཔེ་གཟིགས་ན་འདིར་གནོན།]
ཡུལ་དུ་མ་གྱུར་པས། ཀུན་ཏུ་བརྟག་པའོ། །དམ་པའི་ཡུལ་ནི་དེའི་རང་བཞིན་པས། ཡང་དག་པའི་བདེན་པའོ། །ཞེས་གསུངས་ནས། དེ་དག་གི་ཐབས་འདི་ལྟ་བུ་གསུངས་སོ། །རིག་མར་བཅས་པའི་སེམས་ཀྱིས་ནི། །རྒྱལ་བ་རྣམས་ཀྱི་ཡེ་ཤེས་རྣམས། །རྒྱུན་ཞུགས་ཡི་གེ་ཕཊ་ཀྱིས་འཕངས། །སླར་ཡང་ཕཊ་ཀྱིས་ཡེ་ཤེས་ཉིད། །ཀླད་པའི་སྟེང་དུ་འཕངས་པར་གྱུར། །ཙ་ན་ཀ་དང་ནས་ཀྱི་འབྲུ། །ཕྲ་མོའི་ཐིག་ལེ་ཡང་ཏིང་འཛིན་རྫོགས་པར་བསྒོམ། །དེ་ནི་བདེ་བ་ཆེན་པོ་ཡི། །ཐབས་སུ་རྒྱལ་བ་རྣམས་ཀྱིས་བསྟན། །དེ་བཞིན་གཤེགས་པ་ཐམས་ཅད་ཀྱི། །བླ་ན་མེད་པ་ཐོབ་པར་བྱེད། །ཡང་དག་དོན་ལ་གང་བལྟ་བ། །ཡང་དག་མཐོང་ན་དེ་བཞིན་གཤེགས། །དེ་ཉིད་མཚན་མར་དམིགས་གྱུར་ན། །གླང་པོ་རྙེད་བཞིན་རྗེས་ཚོལ་འདྲ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། གཟུགས་བརྙན་སྐུ་གསུང་ཐུགས་ཀྱི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཀྱིས་དེ་ཁོ་ན་ཉིད་ཀྱི་ཕྲིན་ལས་རྣམ་པར་འཕྲོ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཚོགས་ཀྱི་མཆོད་པ་འདི་གསུངས་སོ། །གསང་བའི་དབྱིངས་ཀྱི་དབུས་དག་ཏུ། །སངས་རྒྱས་དཀྱིལ་འཁོར་བསྒོམས་ནས་སུ། །དེ་བཞིན་གཤེགས་པ་ཐམས་ཅད་ལ། །མཆོད་པ་བླ་ན་མེད་པས་མཆོད། །ཐམས་ཅད་བདག་ཉིད་བདེ་ཆེན་སྐུ། །ཡང་དག་བརྗོད་མེད་ལོངས་སྤྱོད་མཛད། །མི་རྟོག་ཡེ་ཤེས་འཁོར་ལོ་བསྐོར། །སྐུ་གསུང་ཆེ་ལ་ཕྱག་འཚལ་ལོ། །སྙིང་གི་པདྨ་ལས་བྱུང་བ། །ནམ་མཁའི་ཁམས་ཀྱི་བུད་མེད་རྣམས། །གདན་དང་རྒྱན་རྣམས་སྣ་ཚོགས་དང་། །སྤོས་ཕོར་ལ་སོགས་མཐའ་ཡས་པ། །སྤྱན་ལ་སོགས་པའི་རང་བཞིན་ལ། །ལྷ་ཚོགས་མཛེས་པ་ཕུལ་ཏེ་ཐིམ། །འཇིག་རྟེན་ཁམས་རྣམས་ཇི་ ― DNG021_Page_0589 ―
[མ་དཔེ་གཟིགས་ན་འདིར་གནོན།]
སྙེད་པ། །རིན་ཆེན་རྣམས་ཀྱིས་བཀང་ནས་ནི། །དཀྱིལ་འཁོར་ཀུན་ལ་རྒྱས་པར་དབུལ། །ཤ་ཁྲག་དྲི་ཆེན་རྡོ་རྗེ་ཆུ། །བྱང་ཆུབ་སེམས་སུ་བཅས་པ་རྣམས། །རྟ་ཤ་ཁྱི་ཤ་བ་གླང་ཤ །གླང་ཆེན་ཤ་དང་ཤ་ཆེན་དང་། །སྣ་ཚོགས་ཤ་རྣམས་ཐམས་ཅད་ནི། །དཀྱིལ་འཁོར་ཀུན་ལ་རྒྱས་པར་དབུལ། །ཤེས་རབ་ཐབས་ཀྱི་ཕྱག་རྒྱ་ལས། །རྒྱལ་བའི་ཚོགས་རྣམས་རྒྱུན་ཞུགས་ནས། །གསང་བའི་པདྨར་བྱུང་ནས་ནི། །ཤེས་རབ་སོ་སོའི་བ་སྤུ་ནས། །ལྷ་མོ་རྣམས་ཀྱི་འོད་ཚོགས་རྣམས། །བྱུང་ནས་རྒྱལ་བ་མཉེས་མཆོད་དེ། །རྒྱུན་ཞུགས་ཀ་ནིཥྐ་ར་སྟེ། །རྡོ་རྗེ་ལས་བྱུང་མ་ལི་ཀ །ཨུ་ནི་ཀ་ནི་ས་བོན་འཕངས། །གསང་བའི་པདྨར་མེ་ཏོག་རླན། །ཀ་ར་བི་ཁ་ཞེས་གསུངས་ཏེ། །ལྷ་མོ་རྣམས་ནི་ཐམས་ཅད་ཀྱིས། །མཆོད་པས་དངོས་གྲུབ་རབ་ཏུ་སྟེར། །དེ་བཞིན་གཤེགས་པའི་རང་བཞིན་པས། །བྱང་ཆུབ་སེམས་ཀྱི་ཉི་ཟླ་སྟེ། །སྲིན་མཐེབ་གཉིས་ཀྱིས་བླངས་ནས་ནི། །སྐུ་གསུང་ཐུགས་ཀྱི་དཀྱིལ་འཁོར་མཆོད། །ཐབས་དང་ཤེས་རབ་གཉིས་མེད་པས། །རྡོ་རྗེ་པདྨར་རབ་ལྡན་ཏེ། །སངས་རྒྱས་དཀྱིལ་འཁོར་མ་ལུས་ལ། །དགྱེས་པའི་རོས་ནི་ཚིམས་བྱེད་པ། །རེག་པའི་སྦྱོར་བ་དབུལ་བར་བྱ། །རྟག་ཏུ་རྒྱལ་བ་མཉེས་མཆོད་ནས། །ཚོགས་བསགས་སྒྲིབ་པ་རྣམས་སྦྱངས་ནས། །རང་བྱུང་བླ་ན་མེད་པ་འཆར། །རླུང་མེའི་དཀྱིལ་འཁོར་ལ་གནས་པ། །བདུད་རྩི་ཨཱོཾ་གྱིས་མཚོན་པ་དེ། །སྐུ་གསུང་ཐུགས་དང་ཡང་དག་ལྡན། །དྲི་མ་མེད་ཅིང་མདངས་འཆར་བ། །ཡེ་ཤེས་བདུད་རྩིའི་ཆུ་རྒྱུན་རྣམས། །དེ་ཡིས་ཡེ་ཤེས་སེམས་དཔའ་མཆོད། །རྡོ་རྗེ་གསུམ་གྱི་བདག་ཉིད་ཅན། །རྡོ་རྗེ་གསུམ་དུ་རྣམ་བསྒོམས་ཏེ། །ཁ་དང་ལྕེ་ཡི་དམ་ཚིག་ཀྱང་། །རྡོ་རྗེ་གསུམ་དུ་ལྡན་བྱས་ཏེ། །བདུད་རྩི་ལྔ་ཡི་རང་བཞིན་ལ། །རྡོ་རྗེ་གསུམ་དུ་བྱིན་བརླབས་ཏེ། །ཟོས་ན་རྡོ་རྗེ་གསུམ་ཐོབ་འགྱུར། །རང་བཞིན་གྱི་ནི་སྦྱོར་སྒྲོལ་དང་། །ཐལ་ཆེན་དག་གི་སྦྱོར་སྒྲོལ་དང་། ། ― DNG021_Page_0590 ―
[མ་དཔེ་གཟིགས་ན་འདིར་གནོན།]
དབང་པོ་ཡུལ་དུས་སྦྱོར་སྒྲོལ་དང་། །མངོན་དུ་ཕྱུང་བའི་སྦྱོར་སྒྲོལ་རྣམས། །རྣལ་འབྱོར་པས་ནི་སྤྱད་པར་བྱ། །སྦྱོར་བ་ཉིད་ན་སྒྲོལ་བ་སྟེ། །སྒྲོལ་བ་ཉིད་ན་སྦྱོར་བ་ཡིན། །བཟའ་དང་བཏུང་དང་གོས་རྒྱན་དང་། །བླ་རེ་རྒྱལ་མཚན་འཕན་རྣམས་དང་། །གདུགས་དང་བ་དན་མཛེས་པ་རྣམས། །བྲོ་དང་གར་ཐབས་བསྐྱོད་རྣམས་དང་། །གླུ་ཚིག་སྙན་པར་བྱས་པ་ཡིས། །རྒྱལ་བ་ཐམས་ཅད་མཆོད་པར་བྱེད། །མེ་ཏོག་ལ་སོགས་མཛེས་པ་ཡིས། །མངོན་ཤེས་དྲུག་དང་ལྡན་པར་འགྱུར། །རིན་ཆེན་བདུན་ལ་སོགས་པ་ཡིས། །ཡོན་ཏན་ནམ་མཁའི་མཐའ་དང་མཉམ། །བདུད་རྩི་ལྔ་ཡི་རང་བཞིན་གྱིས། །དྲི་མ་ལྔ་པོ་དག་གྱུར་ནས། །རྒྱལ་བ་ཀུན་དང་མཉམ་པར་འགྱུར། །རྟ་ཤ་དག་གི་དམ་ཚིག་གིས། །མི་སྣང་བ་ཡི་བདག་པོར་འགྱུར། །ཁྱི་ཤ་དག་གི་དམ་ཚིག་གིས། །དངོས་གྲུབ་མཆོག་ནི་འགྲུབ་པར་བྱེད། །བ་ལང་ཤ་ཡི་དམ་ཚིག་གིས། །རིག་པ་འཛིན་པའི་གཙོ་བོར་འགྱུར། །གླང་པོའི་ཤ་ཡི་དམ་ཚིག་གིས། །རྡོ་རྗེའི་རིགས་མཆོག་དམ་པར་འགྱུར། །ཤ་ཆེན་དག་གི་དམ་ཚིག་གིས། །དོན་རྣམས་ཐམས་ཅད་འགྲུབ་པར་བྱེད། །བུད་མེད་ཐམས་ཅད་མཆོད་པ་ཡིས། །སྐུ་གསུང་ཐུགས་ཀྱི་དངོས་གྲུབ་སྟེར། །བྱང་ཆུབ་སེམས་ཀྱི་མཆོད་པ་ཡིས། །རྡོ་རྗེ་འཛིན་པར་བདག་ཉིད་འགྱུར། །རེག་པ་སྦྱོར་བའི་མཆོད་པ་ཡིས། །ཐམས་ཅད་བདག་ཉིད་ཆེན་པོར་འགྱུར། །སྐུ་གསུང་ཐུགས་ཀྱི་བདུད་རྩིས་ནི། །ངན་སོང་སྦྱང་ཞིང་རྣམ་རྟོག་མེད། །ཨ་ལི་ཀ་ལིའི་མཆོད་པ་ཡིས། །ཐམས་ཅད་ཐམས་ཅད་འགྲུབ་པར་བྱེད། །བཟའ་བཏུང་གོས་རྒྱན་མཆོད་པ་ཡིས། །མཆོག་གི་དངོས་གྲུབ་ཐོབ་པར་འགྱུར། །གདུགས་ལ་སོགས་པའི་མཆོད་པ་ཡིས། །ཡིད་བཞིན་རིན་ཆེན་ལྡན་པར་བྱ། །བྲོ་གར་བསྐྱོད་པའི་ཕྱག་རྒྱ་ཡིས། །ནམ་མཁའ་ཆུ་ལ་སོགས་པ་ལ། །འཆགས་ཤིང་རབ་ཏུ་ཐོགས་པ་མེད། །གླུ་ཚིག་སྒྲ་ཡི་མཆོད་པ་ཡིས། །ཆོས་ཀྱི་ ― DNG021_Page_0591 ―
[མ་དཔེ་གཟིགས་ན་འདིར་གནོན།]
གསུང་ཡང་ཐོབ་པར་བྱེད། །མཆོད་པའི་ཕྱག་རྒྱ་ཐམས་ཅད་ཀྱིས། །མི་སྣང་ལ་སོགས་དངོས་གྲུབ་དང་། །མཆོག་གི་དངོས་གྲུབ་ཐོབ་པར་བྱེད། །དེ་ནས་དེ་བཞིན་གཤེགས་པ་ཐམས་ཅད་ཀྱིས། རྒྱུད་ཀྱི་རྒྱལ་པོ་ཆེན་པོ་ལ་བསྟོད་པའི་རྒྱལ་པོ་ཆེན་པོ་འདིས་བསྟོད་དོ། །རྣམ་པར་སྣང་མཛད་མཆོག་གི་དཔལ། །མེ་ལོང་ཡེ་ཤེས་དཀྱིལ་འཁོར་ལྡན། །གཟུགས་དང་གཏི་མུག་རྣམ་དག་པ། །རྡོ་རྗེ་སྐུ་ཁྱོད་ཕྱག་འཚལ་ལོ། །ཚེ་དཔག་མེད་པ་བདེ་བ་ཆེ། །ཡེ་ཤེས་སོ་སོར་རྟོག་པ་འཆང་། །འདུ་ཤེས་འདོད་ཆགས་རྣམ་པར་དག །རྡོ་རྗེ་གསུང་ཁྱོད་ཕྱག་འཚལ་ལོ། །རྡོ་རྗེ་མི་བསྐྱོད་མཆོག་གི་དབང་། །སྟོང་ཉིད་ཡེ་ཤེས་ཆེན་པོ་སྟེ། །དེ་ཡི་རྣམ་ཤེས་ཞེ་སྡང་འཇོམས། །རྡོ་རྗེ་ཐུགས་ཁྱོད་ཕྱག་འཚལ་ལོ། །རྡོ་རྗེ་རིན་ཆེན་འབྱུང་གནས་དཔལ། །མཉམ་ཉིད་ཡེ་ཤེས་ཐོབ་ཕྱེད་པ། །མྱོང་དང་ང་རྒྱལ་དག་བྱེད་པ། །ཡོན་ཏན་སྐུ་ཁྱོད་ཕྱག་འཚལ་ལོ། །གདོན་མི་ཟ་བ་མཆོག་གི་དཔལ། །བྱ་བ་གྲུབ་པའི་ཡེ་ཤེས་འཆང་། །ཕྲག་དོག་འདུ་བྱེད་རྣམ་པར་དག །ཕྲིན་ལས་སྐུ་ཁྱོད་ཕྱག་འཚལ་ལོ། །དེ་ནས་དེ་བཞིན་གཤེགས་པ་དགྱེས་པ་ཆེན་པོས། གསང་བ་ལྷུན་གྱིས་གྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། མན་ངག་དམ་པ་འདི་གསུངས་སོ། །ནམ་མཁའི་དབྱིངས་ཀྱི་དབུས་དག་ཏུ། །སངས་རྒྱས་དཀྱིལ་འཁོར་རྣམ་བསྒོམས་ནས། །ཕྲ་མོའི་སྦྱོར་བ་ཀུན་ཏུ་བརྩམ། །ཡེ་ཤེས་ལྔ་ཡི་བདག་ཉིད་ཅན། །གསང་བའི་རྡོ་རྗེ་ལས་བྱུང་བའི། །བུམ་པའི་རྩེ་མོར་རྣམ་པར་བསམ། །འདི་ནི་སངས་རྒྱས་ཐམས་ཅད་ཀྱི། །དངོས་གྲུབ་མཆོག་ཏུ་གྱུར་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། ཚོགས་ཀྱི་དཀྱིལ་འཁོར་ལ་མཆོད་པ་དང་བསྟོད་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པའི་སྐུ་དང་གསུང་དང་ཐུགས་རྡོ་རྗེའི་བདག་ཉིད། རྣམ་པར་སྣང་མཛད་དགྱེས་པ་ཆེན་པོ་དེས། ― DNG021_Page_0592 ―
[མ་དཔེ་གཟིགས་ན་འདིར་གནོན།]
ཤིན་ཏུ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཤིན་ཏུ་གསང་བའི་དོན་རྣམས་ཐབས་མ་ནོར་བ་འདི་ལྟ་བུ་གསུངས་སོ། །བསྐྱེད་དང་རིམ་པར་འདྲེལ་བ་དང་། །རྫོགས་དང་རིམ་པར་འདྲེལ་བ་ཡིས། །གསང་བའི་དབྱིངས་ཀྱི་དབུས་དག་ཏུ། །སངས་རྒྱས་དཀྱིལ་འཁོར་རབ་བསྒོམ་སྟེ། །སྐུ་ཡི་དཀྱིལ་འཁོར་ལྡན་བྱས་ལ། །བདག་གི་དེ་ཉིད་ཁོ་ན་དེ། །བྱིན་གྱིས་བརླབ་པར་བྱ་བ་དང་། །འཁོར་ལོ་བཞི་དང་སྡོམ་པ་བཞི། །ལྡན་པར་བྱས་ཏེ་སྔགས་བསྒྲུབ་པ། །ཐབས་དང་ཤེས་རབ་བདེ་བ་ནས། །གྱེན་དུ་རྒྱུ་དང་ཐུར་དུ་རྒྱུ། །རྣམ་པ་བཅུ་པ་གཉིས་སུ་འགྱུར། །སྲོག་དང་རྩོལ་བ་ལས་བྱུང་བའི། །རིམ་པ་རླུང་གི་དེ་ཁོ་ན། །སྔགས་ལ་དམིགས་པ་ཞེས་བྱ་བ། །སྔགས་ཀྱི་དེ་ཁོ་ན་ཉིད་དོ། །དེ་ལ་བདག་གི་དེ་ཁོ་ན་ཉིད་ནི། ནམ་མཁའ་དབྱིངས་ཀྱི་དབུས་སུ་ནི། །སངས་རྒྱས་གནས་ཁང་རྫོགས་བྱས་ཏེ། །ཟླ་བའི་དཀྱིལ་འཁོར་བསྒོམ་པར་བྱ། །དེ་ཡི་དབུས་སུ་རྒྱལ་བ་རྣམས། །རིམ་པ་གཉིས་ཀྱིས་རྫོགས་བྱས་ཏེ། །ཕྱག་རྒྱ་བཞི་དང་ལྡན་པ་ལ། །སྙིང་གར་ཡེ་ཤེས་སེམས་དཔའ་གནས། །རང་གི་བདག་པོའི་ཅོད་པན་ཅན། །ཐབས་དང་ཤེས་རབ་རྣམ་འདྲེལ་ཏེ། །ཡན་ལག་བཞི་ནི་ཤིན་ཏུ་མཛེས། །དཀྱིལ་འཁོར་བཞི་ནི་བསྐྱེད་བྱས་ནས། །དཀྱིལ་འཁོར་བཞི་དང་ལྡན་པར་བྱ། །བདག་གི་དེ་ཉིད་རིམ་གྱིས་ནི། །རླུང་གི་དེ་ཉིད་ཡང་དག་འཇུག །དང་པོ་རང་ཉིད་བྱིན་བརླབས་ནས། །དཀྱིལ་འཁོར་ཀུན་དང་ལྡན་པ་ལ། །སྦྱོར་བའི་ཆོ་ག་ལས་བྱུང་བའི། །འཁོར་ལོ་བཞི་རྣམས་རབ་ཏུ་དམིགས། །ཆོས་དང་ལོངས་སྤྱོད་སྤྲུལ་པ་དང་། །བདེ་བ་ཆེན་པོའི་འཁོར་ལོ་ཆེ། །པདྨ་པདྨ་ལས་བྱུང་བ། །ས་བོན་ཡི་གེ་རྣམས་ཀྱིས་མཚན། །སུམ་ཅུ་རྩ་གཉིས་མཚན་འཆང་བ། །སེམས་དཔའ་རྣམས་ཀྱི་ཡི་གེ་དང་། །ལྟེ་བ་ལ་ནི་ཡི་གེ་ཧོ། །ཧཾ་ཡང་དེ་ཉིད་འགོག་པ་མྱ་ངན་འདས། །བདེ་བ་ཆེན་པོ་རྡོ་རྗེའི་སྐུ། །དང་ ― DNG021_Page_0593 ―
[མ་དཔེ་གཟིགས་ན་འདིར་གནོན།]
པོ་བུམ་པའི་དབང་དུ་གསུངས། །ལམ་གྱི་འབྲས་བུའི་ཚུལ་འཆང་བ། །རིགས་བཞིའི་ས་བོན་ཕྱོགས་དག་ཏུ། །ངག་གི་ལམ་གྱི་ལྟེ་བར་ཧྲཱྀཿ། །དེ་ཉིད་ལམ་དུ་གསུངས་པས་ན། །ལོངས་སྤྱོད་མཛད་པས་ལོངས་སྤྱོད་སྐུ། །གཉིས་པ་གསང་བའི་དབང་ཡིན་ནོ། །བདེན་པ་བཞི་ཡི་རང་བཞིན་དང་། །ཐུགས་ཀྱི་ཡེ་ཤེས་རྩེ་གཅིག་པས། །ལྟེ་བའི་སྟེང་ན་ཡི་གེ་ཧཱུཾ། །ཐབས་དང་ཤེས་རབ་སྡུད་པར་བྱེད། །དེ་ཉིད་རྣམ་པ་ཀུན་འབྱུང་བ། །ཆོས་ཀྱི་སྐུ་ཡི་བདག་ཉིད་པས། །གསུམ་པ་ཤེས་རབ་ཡེ་ཤེས་སོ། །ཐུན་མོང་མཚན་དང་ལྡན་པ་ཡི། །རྣམ་པ་གཉིས་སུ་འགྱུར་བས་ན། །ཕྱོགས་མཚམས་དག་གི་རིགས་ཀྱི་རྣམས། །ས་བོན་གཉིས་ཀྱིས་མཚན་མ་ལས། །ལྟེ་བར་ཨཱོཾ་ཡིག་རྣམ་པར་བསམ། །སྡུག་བསྔལ་བདག་ཉིད་ལྡན་པས་ན། །སྤྲུལ་པའི་དོན་རྣམས་རབ་མཛད་པ། །བཞི་པའི་དོན་ཉིད་འབྱིན་པའི་དབང་། །བདེན་པ་བཞི་ཡི་བྱེ་བྲག་གིས། །ཆོས་དང་ཡེ་ཤེས་རྣམ་ལྡན་པའོ། །ཡན་ལག་བཞི་པའི་རང་བཞིན་དང་། །སྙིང་པོ་ཕྱག་རྒྱ་སྔགས་རིགས་པ། །ཆོ་འཕྲུལ་བཞི་དང་རྣམ་ལྡན་པས། །དགོངས་དོན་འདྲེལ་བ་རབ་སྒྲུབ་པོ། །རིམ་པ་གཉིས་དང་རབ་ལྡན་ཞིང་། །བརྗོད་པ་ཐམས་ཅད་འདུས་པ་ཡིན། །ལུས་ཀྱི་རྩ་ནི་ཇི་སྙེད་པ། །སུམ་བརྒྱ་དྲུག་ཅུ་ལྡན་པ་ལ། །རྣམ་པ་དྲུག་ཏུ་བསྟན་པ་ཡིན། །དེ་ཉིད་གསུམ་གྱི་བདག་པོ་སྟེ། །ཐབས་དང་ཤེས་རབ་བདེ་ཆེན་རྩ། །དེ་ཁོ་ན་ཉིད་གསུམ་དུ་འདུས། །བདུད་རྩི་ལྔ་ཡི་བདག་ཉིད་པས། །བདུད་རྩི་ལྔ་ནི་འབྱུང་བར་བྱེད། །དེ་ཉིད་བདུད་རྩི་ལྔར་འགྱུར་རོ། །འབྱུང་བ་ལྔ་ཡི་རང་བཞིན་དང་། །ཁ་དོག་ལྔ་ཡི་རང་བཞིན་གྱིས། །གྱེན་དང་ཐུར་དུ་རྒྱུ་བའི་རླུང་། །སྲོག་དང་རྩོལ་བ་ཞེས་བྱ་སྟེ། །རྣམ་པ་བཅུ་པ་གཉིས་སུ་འགྱུར། །དེ་ཡི་འབྱུང་བའི་རིམ་པ་ཡིས། །གསང་བའི་གནས་ནི་ཐམས་ཅད་དུ། །སྔགས་ཀྱི་དེ་ཉིད་ཡང་དག་འཇུག །ཟུང་འཇུག་ཏིང་འཛིན་གནས་འགྱུར་ན། །གང་དུ་བསླབ་པར་མི་བྱའོ། །སྔགས་ཀྱི་ ― DNG021_Page_0594 ―
[མ་དཔེ་གཟིགས་ན་འདིར་གནོན།]
དེ་ཉིད་འདིར་གསུངས་པས། །རྣལ་འབྱོར་རྣམས་ཀྱིས་ཤེས་པར་གྱིས། །གང་ལ་སངས་རྒྱས་གནས་གྱུར་པ། །དེ་ཉིད་གསང་བ་དམ་པ་སྟེ། །དེ་བཞིན་གཤེགས་པའི་སྤྱོད་པ་ཡིན། །རྣལ་འབྱོར་རྣམས་ཀྱིས་དེ་ཤེས་ན། །ཡང་དག་དོན་ལ་ཞུགས་པ་ཡིན། །སྟོང་ཉིད་ངོ་བོར་གནས་པ་ཡིན། །ཚད་མེད་བཞི་ཡང་ཟིལ་གྱིས་གནོན། །འདོད་ཆགས་ཆེན་པོའི་ཚུལ་གྱིས་ནི། །ཡེ་ཤེས་བདེ་བ་ཐོབ་པར་བྱེད། །ཕྱག་རྒྱ་བཞི་དང་ཡན་ལག་བཞི། །དེ་ལྟར་ཆོས་ཀྱི་སྐུ་དང་ནི། །ཐུན་མོང་མཆོག་ཏུ་གསུངས་པ་ཡིན། །དེ་ཉིད་ས་བོན་བདག་ཉིད་པས། །ཕྲ་མོའི་ཐིག་ལེ་གསལ་བར་བྱེད། །འདི་ནི་སངས་རྒྱས་ཐམས་ཅད་ཀྱི། །བྱང་ཆུབ་ཆེན་པོ་བླ་མེད་པས། །སྐུ་གསུང་ཐུགས་སུ་བདག་སྦྱོར་བས། །སྔགས་ལ་དམིགས་པ་ཐོབ་པར་འགྱུར། །སྔགས་ལ་དམིགས་པའི་བདག་ཉིད་ཀྱིས། །སྟོང་ཉིད་ཡེ་ཤེས་ཐོབ་པར་བྱེད། །དེ་ནས་བཅོམ་ལྡན་འདས་དེ་བཞིན་གཤེགས་པས། ཡང་སྔགས་བསྒོམ་པ་འདི་གསུངས་སོ། །སྔགས་ལ་དམིགས་པའི་ལུས་ཀྱིས་ནི། །བྱང་ཆུབ་སེམས་ཀྱི་རང་བཞིན་དག །སྦྱོར་བའི་ལྷུམས་སུ་འཕངས་པས་ཏེ། །པདྨ་ཟླ་བ་ཁ་སྦྱར་བ། །དེ་ཡི་ཚངས་པའི་བུ་ག་ནས། །འོད་ཟེར་འཕྲོ་འདུའི་སྦྱོར་བ་ཡིས། །དབུགས་ནི་ཐིག་ལེ་ཉིད་དུ་བཞག །ཡང་ན་སྔགས་ལ་དམིགས་པ་ཡིས། །བྱང་ཆུབ་སེམས་ཀྱི་རང་བཞིན་དག །གསང་བའི་གནས་སུ་ཞུ་བར་བྱེད། །འོད་ཟེར་རྣམས་ཀྱིས་རང་བཞིན་གྱི། །བྱང་ཆུབ་སེམས་ནི་ཞུ་མཛད་དེ། །མི་རྟོག་ཡེ་ཤེས་སྐྱེ་བར་བྱེད། །ལུས་དང་ངག་དང་སེམས་རྣམས་ནི། །སྔགས་ལ་དམིགས་པའི་མཚན་མ་དག །འདར་ཞིང་སྤྲུགས་པར་འབར་བ་དང་། །བར་སྣང་དག་ལ་གནས་པར་བྱེད། །དེ་ཉིད་ཞུ་བར་གྱུར་པ་དང་། །ཁམས་ཀྱི་ཟས་དང་རྣམ་བྲལ་ཏེ། །མི་རྒོད་དབུགས་ནི་ཞི་བ་དང་། །དལ་བར་འགྱུར་བ་འབྱུང་བར་འགྱུར། །དེ་ནས་སྨིག་སྒྱུ་ལྟ་བུ་དང་། །དུ་བ་སྲིན་བུ་མེ་ཁྱེར་འདྲ། །མར་ ― DNG021_Page_0595 ―
[མ་དཔེ་གཟིགས་ན་འདིར་གནོན།]
མེའི་ཚུལ་དང་ནམ་མཁའ་བཞིན། །བརྟན་ནས་ཆོས་སྐུ་བདེ་བ་ཆེ། །ཡེ་ཤེས་སྐུ་མཆོག་དེ་ཉིད་འབར། །ཟླ་བ་དྲུག་དང་བཅུ་གཉིས་དང་། །བཅོ་བརྒྱད་དག་གིས་འགྲུབ་པར་འགྱུར། །གང་ཚེ་དེས་ཀྱང་མ་གྲུབ་ན། །དྲག་ཤུལ་ཚུལ་གྱིས་བསྒྲུབ་པར་བྱ། །བློ་དམན་རྣམས་ཀྱིས་བསྒྲུབས་གྱུར་ཀྱང་། །ཚེ་འདི་ཉིད་ཀྱིས་འགྲུབ་པར་འགྱུར། །འདི་ནི་རྒྱལ་བ་ཐམས་ཅད་ཀྱི། །བསྐྱེད་པའི་ཞིང་དུ་རྣམ་པར་གྲགས། །གང་གིས་ཐོས་དང་ཀློག་པ་དང་། །འཆད་པར་བྱེད་དང་སེམས་པ་དང་། །ཚུལ་བཞིན་སེམས་པ་འཆང་བ་རྣམས། །ངན་སོང་ལས་ནི་རྣམ་པར་གྲོལ། །མཐོ་རིས་ཐར་པའི་བདག་པོར་འགྱུར། །གང་གིས་འདི་ལ་མཉམ་བཞག་ན། །རྣམ་པར་ཤེས་པ་ཡེ་ཤེས་འགྱུར། །ཟབ་མོའི་དོན་ལ་སྣང་འགྱུར་ཏེ། །སྐུ་གསུམ་བདེ་བ་མངོན་བྱང་ཆུབ། །དེ་བཞིན་གཤེགས་པ་ཐམས་ཅད་ལ། །འདི་ལ་གཤེགས་པའི་གནས་མེད་དེ། །འདས་དང་ད་ལྟར་མ་བྱོན་རྣམས། །ཆོས་ཀྱི་སྐུ་ལ་དམ་མི་འདའ། །ཆོས་ཀྱི་སྐུ་ཡི་ཡོན་ཏན་ཆེན་པོ་ནི། །ཐམས་ཅད་དུ་ནི་སྣང་བར་བྱེད། །ཅེས་བརྗོད་པས། དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་གནས་པར་གྱུར་ཏེ། ལོངས་སྤྱོད་པར་མཛད་ཅིང་བྱང་ཆུབ་པར་མཛད་པས། དེ་བཞིན་གཤེགས་པ་ཐམས་ཅད་ཀྱིས་ཀྱང་གཟིགས་པར་མི་འགྱུར་ཏེ། དེ་ཅིའི་ཕྱིར་ཞེ་ན། བསྐྱོད་པ་མེད་ཅིང་མི་བརྗོད་པ་དང་། མི་རྟོག་པས་མཐོང་བ་དང་། ཐོས་པ་དང་། རྟོགས་པའི་གནས་མེད་དོ། །དུས་ཐམས་ཅད་དུ་སྣང་བའི་ལམ་ལས་འདས་པ་དང་། ཀུན་ལ་ཁྱབ་པའི་མཚན་ཉིད་པས། ནམ་མཁའ་དང་འདྲ་བ་ཉིད་དུ་མཐོང་སྟེ། དེ་བཞིན་གཤེགས་པའི་སྤྱོད་ཡུལ་ལ་འཇུག་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། གསང་བ་མན་ངག་གི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ ― DNG021_Page_0596 ―
[མ་དཔེ་གཟིགས་ན་འདིར་གནོན།]
ཉིད་དགྱེས་པ་ཆེན་པོས། དཔུང་རྣམ་པར་བཟློག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཁྲོ་བོའི་དཀྱིལ་འཁོར་དུ་མངོན་པར་འདུ་མཛད་དོ། །དེ་ཅིའི་ཕྱིར་ཞེ་ན། ལྷ་དང་ཀླུ་དང་ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། ཡི་དྭགས་དང་། དྲི་ཟ་དང་། ཤ་ཟ་དང་། འབྱུང་པོ་དང་། སྐེམ་བྱེད་དང་། བརྗེད་བྱེད་དང་། སྨྱོ་བྱེད་དང་། མཁའ་འགྲོ་ལ་སོགས་པ་ཐམས་ཅད་གཏི་མུག་འདི་དག་གིས། རྒྱུ་འབྲས་ཀྱི་དོན་ལ་མ་རྟོགས་ཤིང་། མཚན་མ་མེད་པ་དང་རྣམ་པར་བྲལ་ཏེ། མཚན་མ་ལ་མངོན་པར་ཆགས་པས། ངན་སོང་གསུམ་དུ་ཡང་བསྐལ་པ་མང་པོར་སྡུག་བསྔལ་ཞིང་མི་བདེ་བ་ཉམས་སུ་མྱོང་ནས། ལས་དང་ལས་ཀྱིས་རིམ་པར་སྲིན་པོ་ཆེན་པོ་རྣམས་སུ་སྐྱེས་ཏེ། རྒྱུ་མི་མཐུན་པའི་དབང་གིས་ཤིན་ཏུ་གཟིངས་ཤིང་སྡང་བ་དང་མི་སྡུག་པ་དང་དྲི་ང་བ་དང་། དྲེགས་པ་ཅན་ལ་སོགས་པའི་གཟུགས་སུ་གྱུར་ནས། སེམས་ཅན་ཐམས་ཅད་ལ་འཚེ་བར་བགྱིད། མདངས་འཕྲོག་པར་བགྱིད། གནོད་པར་བགྱིད། སྡུག་བསྔལ་བར་བགྱིད། དྲེད་སྐད་འདོན་པར་བགྱིད། ཡིད་མི་བདེ་བར་བགྱིད། འཁྲུག་པ་དང་མྱ་ངན་དུ་བགྱིད། སྲོག་དང་བྲལ་བར་བགྱིད། འཇོམས་པར་བགྱིད། དེའི་སླད་དུ། དྲེགས་བྱེད་རྣམས་ཞི་བས་ཕན་པར་མི་འགྱུར་ཏེ། ཁྲོ་བོའི་དཀྱིལ་འཁོར་དུ་རྣམ་པར་བསྒྱུར་ན། སེམས་ཅན་ཐམས་ཅད་ལ་ཕན་འདོགས་པར་བྱེད་པའོ། །དེ་ནས་བཅོམ་ལྡན་འདས་དགྱེས་པ་ཆེན་པོས། ཁྲོ་བོའི་དཀྱིལ་འཁོར་དུ་མངོན་པར་འདུ་མཛད་པ་ནི། ཞིང་ཁམས་འབར་བའི་ཀློང་ན། རྡོ་རྗེ་གཞོན་ནུ་ཉིད་རྡོ་རྗེ་རྒྱས་འདེབས་མ་དང་། སྒྱུ་མའི་སྐུར་བཞེངས་ཏེ། གཉིས་སུ་མེད་པར་བཞུགས་སོ། །གཞན་ཡང་དཔལ་ཁྲག་འཐུང་ཧཱུཾ་ཀཱ་ར་དང་། རྣམ་པར་རྒྱལ་བ་དང་། གཤིན་རྗེའི་གཤེད་པོ་དང་། རྟ་མགྲིན་དང་། བདུད་རྩི་འཁྱིལ་པ་ ― DNG021_Page_0597 ―
[མ་དཔེ་གཟིགས་ན་འདིར་གནོན།]
དང་། དབྱུག་པ་སྔོན་པོ་དང་། མི་གཡོ་བ་དང་། གཞན་གྱིས་མི་ཐུབ་པ་དང་། ཁམས་གསུམ་རྣམ་པར་རྒྱལ་བ་དང་། སྟོབས་པོ་ཆེ་རྣམས། རྡོ་རྗེ་སྒྲ་འབྱིན་མ་དང་། རྡོ་རྗེ་སྙེམས་མ་དང་། རྡོ་རྗེ་དུར་ཁྲོད་བདག་མོ་དང་། རྡོ་རྗེ་གཏུམ་མོ་དང་། རྡོ་རྗེ་སྐུལ་བྱེད་མ་དང་། རྡོ་རྗེ་སྡེར་མོ་དང་། རྡོ་རྗེ་གཏུན་ཁུང་མ་དང་། རྡོ་རྗེ་མདའ་སྙེམས་མ་དང་། རྡོ་རྗེ་གསོད་མ་དང་། རྡོ་རྗེ་བསྐྱོད་མ་རྣམས་དང་གཉིས་སུ་མེད་པར་བཞུགས་སོ། །གཞན་ཡང་སྐུལ་བའི་ཕྲ་མེན་མ་ཕག་གི་མགོ་ཅན་དང་། སྟག་གི་མགོ་ཅན་དང་། ཤ་བའི་མགོ་ཅན་དང་། བྱི་ལའི་མགོ་ཅན་དང་། སེང་གེའི་མགོ་ཅན་དང་། གཡག་གི་མགོ་ཅན་དང་། གཟིག་གི་མགོ་ཅན་དང་། སྤྱང་ཀིའི་མགོ་ཅན་དང་། དྲེད་ཀྱི་མགོ་ཅན་དང་། དོམ་གྱི་མགོ་ཅན་དང་། །སྨིག་བུའི་མགོ་ཅན་དང་། བྱ་རྒོད་ཀྱི་མགོ་ཅན་དང་། འུག་པའི་མགོ་ཅན་དང་། པུ་ཤུད་ཀྱི་མགོ་ཅན་དང་། ཕ་ཝང་གི་མགོ་ཅན་དང་། བྱ་རོག་གི་མགོ་ཅན་དང་། ཁྭ་ཡི་མགོ་ཅན་དང་། ཟེར་མོའི་མགོ་ཅན་དང་། བྱི་བའི་མགོ་ཅན་རྣམས་དང་ཡང་ཐབས་ཅིག་ཏུ་བཞུགས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། ཁྲོ་བོ་གླེང་གཞིའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་དགྱེས་པ་ཆེན་པོ་ཉིད་ཁྲོ་བོའི་དཀྱིལ་འཁོར་དུ་མངོན་པར་འདུ་མཛད་ནས། སྲིད་པ་གསུམ་གྱི་དྲེགས་པ་ཅན་འདུལ་བའི་ཕྱིར། མི་གཡོ་བའི་ཏིང་ངེ་འཛིན་དུ་བཞུགས་པ་ལ། འཁོར་རྣམས་ཀྱིས་འདི་སྐད་ཅེས་གསོལ་ཏོ། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེ་སྒྲུབ་མཛོད་ཅིག །སྲིད་པའི་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་བསྒྲུབ་པར་འདོད། །རང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་ ― DNG021_Page_0598 ―
[མ་དཔེ་གཟིགས་ན་འདིར་གནོན།]
རྫོགས་མཛད་ནས། །དབང་དང་བྱིན་རླབས་འདིར་སྩོལ་ཅིག །ཅེས་བརྗོད་པས། སླར་ཁྲོ་བོའི་དཀྱིལ་འཁོར་དུ་བཞུགས་པ་ལ། ཞིང་དང་སྤྱོད་ཡུལ་གྱི་མཆོད་པས་ཡང་དག་པར་མཆོད་དེ། ཕྱག་བཙལ་ནས་འདི་སྐད་ཅེས་གསོལ་ཏོ། །རྡོ་རྗེ་འཇིགས་བྱེད་གཞོན་ནུའི་སྐུ། །འཇིགས་པའི་གཟུགས་ཅན་འཇིགས་པར་བྱེད། །གདུག་པ་ཆེན་པོའི་མདོག་འདྲ་བ། །ཞལ་གསུམ་ཕྱག་ནི་དྲུག་པ་སྟེ། །ཞལ་གཡས་དཀར་ཞིང་གཡོན་པ་དམར། །རྩ་ཞལ་དབུས་ནི་མཐིང་ནག་ཞལ། །རྡོ་རྗེ་དགྲ་སྟྭ་རྡོ་རྗེ་གཡས། །མེ་དཔུང་ཕུར་པ་ཞགས་པ་གཡོན། །གླང་ཆེན་ཀོ་རློན་ཡ་བ་ཀོར། །གདུག་པ་སྦྲུལ་གྱིས་རྣམ་པར་བརྒྱན། །གཅན་གཟན་སྟག་གི་ཤམ་ཐབས་ཅན། །དཀྱིལ་འཁོར་དམ་པ་བཤད་དུ་གསོལ། །དེ་ནས་བཅོམ་ལྡན་འདས་རྡོ་རྗེ་གཞོན་ནུ་ཉིད་ཟིལ་གྱིས་གནོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དམ་པའི་དོན་དུ་བསྒོམ་པ་ནི། །སྲིད་གསུམ་རང་བཞིན་མེད་པ་སྟེ། །དངོས་པོ་རྣམས་སུ་རྣམ་པར་བསྒྲགས། །དངོས་རྣམས་ཉིད་ན་དངོས་མེད་པའོ། །ཨཱོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྭ་སྭ་བྷཱ་ཝ་ཨཱདྨ་ཀོ྅ཧཾ། ཕྱི་དང་ནང་འདིར་གནས་པ་རྣམས། །སྟོང་པ་ཉིད་ཀྱི་རང་བཞིན་ལས། །ཀུན་རྫོབ་དོན་དུ་སེམས་བསྐྱེད་ཕྱིར། །སྙིང་རྗེ་ཡུལ་ནི་སྙོམས་པར་བྱེད། །རྒྱུ་ཡི་ས་བོན་ངེས་པ་ལས། །འདི་ལས་སྤྲུལ་པའི་ཁྲོ་བོ་ནི། །རྡོ་རྗེ་རིགས་ལ་སོགས་པ་སྟེ། །ཁྲོས་པས་ཞེ་སྡང་གཏི་མུག་དང་། །ང་རྒྱལ་ཕྲག་དོག་གཅོད་བྱེད་པའོ། །ཁྲོ་བོ་རྣམས་ནི་ཐམས་ཅད་ཀྱི། །བྱང་ཆུབ་སེམས་ཀྱི་སྤྲིན་དག་ལས། །ཧཱུཾ་བྷྲཱུཾ་ཨོཾ་བྷྲཱུཾ་ཏྲཾ་བྷྲཱུཾ་ཧྲཱྀ་བྷྲཱུཾ་ཧ་བྷྲཱུཾ། དེས་ནི་དེ་མ་ཐག་ཏུ་ཡང་། །མཚོན་ཆེན་རབ་ཏུ་འབར་བ་རྣམས། །ཕྱོགས་མཚམས་ཀུན་ཏུ་རྣམ་པར་གཏམས། །ནམ་མཁའི་ཁམས་ཀྱི་རྡོ་རྗེ་སྐུ། །བ་སྤུ་བུ་ག་ཐམས་ཅད་ནས། །རྡོ་རྗེ་འབྱུང་བ་བྱུང་ནས་ནི། །ཕྱོགས་མཚམས་ཀུན་ཏུ་འདེགས་པར་བྱེད། །སྐུ་སྟོད་མེ་རི་འབར་བ་དང་། ། ― DNG021_Page_0599 ―
[མ་དཔེ་གཟིགས་ན་འདིར་གནོན།]
དེ་ཡིས་རྣམ་པར་གཡོས་པ་དང་། །ཆུ་ཡིས་གཡོས་པའི་ནང་དུ་ནི། །ཆོས་ཀྱི་འབྱུང་གནས་དྲི་མེད་པའོ། །མཚོན་ཆས་དེ་མ་ཐག་ཏུ་ཡང་། །ལྷ་ཀླུ་གནོད་སྦྱིན་དྲི་ཟ་དང་། །ཡི་དྭགས་འབྱུང་པོ་དྲེགས་བྱེད་རྣམས། །འདར་ཞིང་རབ་ཏུ་བརྒྱལ་བ་དང་། །རྣམ་པར་ཚིག་ནས་བྲོས་འགྱུར་ཏེ། །མོད་ཁྲག་སྐྱུག་ཅིང་འགས་པར་བྱེད། །ཕྱག་ན་རྡོ་རྗེ་ཉིད་དང་ནི། །བརྒྱལ་ཞིང་རབ་ཏུ་མྱོས་གྱུར་ནས། །འདར་ཞིང་རབ་ཏུ་སྐྱུག་པར་འགྱུར། །དེ་ནས་བཅོམ་ལྡན་འདས་དགྱེས་པ་ཆེན་པོས། དེ་དག་ཐམས་ཅད་བརྒྱལ་བ་བསླང་བའི་ཕྱིར། སྐུ་གསུང་ཐུགས་ཀྱི་བདག་པོར་བྱས་ཏེ། ཕྱོགས་མཚམས་བསྲུང་བར་བྱས་ནས། དཀྱིལ་འཁོར་དུ་ཞུགས་པ་དབང་མནོས་ཏེ། མནའ་བོར་ནས། སྐུ་གསུང་ཐུགས་ཀྱི་དཀྱིལ་འཁོར་བསྲུང་བ་དང་། བསྐྱང་བ་དང་། ཞི་བ་དང་། བདེ་ལེགས་སུ་གྱུར་པ་དང་། བཀའ་བསྒོ་བ་ཉན་པར་དམ་བཅས་ཤིང་མནས་བོར་བའོ། །དེ་ནས་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཆེན་པོས། བཙུན་མོའི་བྷ་ག་ལ། དམ་ཚིག་ཆེན་པོའི་དཀྱིལ་འཁོར་དུ་བྱིན་གྱིས་བརླབས་ཏེ། གྲུ་བཞི་པ་ལ་སྒོ་བཞི་པ། འཁོར་ལོ་རྩིབས་བརྒྱད་མུ་ཁྱུད་བཅས། །བར་ཁྱམས་སྒོ་ཁྱུད་ལྡན་པ་ལ། །རྟ་བབས་རྣམས་ཀྱིས་མཛེས་པར་བརྒྱན། །ཧ་ར་ཧ་ར་ཕྱེད་ཉི་ཟླ། །དྲིལ་བུ་དར་དཔྱངས་འཕན་ལ་སོགས། །ཐོད་སྦྲུལ་ལ་སོགས་བརྒྱན་པ་ལ། །པདྨ་ཉི་མར་བཅས་པ་དང་། །ཕྱོགས་སྐྱོང་རྣམས་ཀྱང་གདན་དུ་བྱས། །དཀྱིལ་འཁོར་ཐམས་ཅད་བསྐྱེད་བགྱིད་པ། །དེ་ཡི་དབུས་སུ་བསམ་པར་བྱ། །མདུན་དུ་ཧཱུཾ་ཀཱ་ར་བསྒོམས་ལ། །རྒྱབ་ཏུ་སྟོབས་ཆེན་གཞག་པར་བྱ། །ཤར་དུ་རྣམ་པར་རྒྱལ་བ་སྟེ། །ལྷོ་དང་ནུབ་ཏུ་གཤིན་རྗེ་དང་། །རྟ་མཆོག་ཉིད་ནི་བསྒོམ་པར་བྱ། །བདུད་རྩི་འཁྱིལ་པ་བྱང་ཉིད་དུའོ། །མེ་ཡི་གྲ་ལ་དབྱུག་པ་སྟེ། །མི་གཡོ་བ་ནི་བདེན་བྲལ་ཕྱོགས། །རླུང་མཚམས་གཞན་གྱིས་མི་ཐུབ་ལ། །ཁམས་གསུམ་རྣམ་པར་རྒྱལ་བ་ནི། །དབང་ལྡན་མཚམས་སུ་ ― DNG021_Page_0600 ―
[མ་དཔེ་གཟིགས་ན་འདིར་གནོན།]
ཡང་དག་གནས། །རང་དང་འདྲ་བའི་ཤེས་རབ་མ། །སྤྲུལ་པའི་ཕྲ་མེན་མ་རྣམས་ནི། །གཡས་དང་གཡོན་གྱི་ཕྱོགས་ན་གནས། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། གཞི་ཡི་ཏིང་ངེ་འཛིན་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་དཔལ་ཁྲག་འཐུང་རྔམ་པ་ཆེན་པོ་གཟི་བརྗིད་དང་ལྡན་པ་དེས། སྐུ་གསུང་ཐུགས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། ཏིང་ངེ་འཛིན་གྱི་དཀྱིལ་འཁོར་བསྐྱེད་པ་འདི་གསུངས་སོ། །ནམ་མཁའི་དབྱིངས་ཀྱི་དབུས་སུ་ནི། །སངས་རྒྱས་གནས་ཁང་རྫོགས་བྱས་ནས། །ལྟེ་བའི་དབུས་སུ་ཉི་མ་ལ། །ཁྲོ་བོ་ཞེ་སྡང་གནས་ལས་སྐྱེས། །འཇིགས་བྱེད་རྡོ་རྗེ་གཞོན་ནུ་ཉིད། །ཞལ་གསུམ་ཕྱག་ནི་དྲུག་པ་སྟེ། །ཞལ་གཡས་དཀར་ཞིང་གཡོན་པ་དམར། །རྩ་ཞལ་དབུས་ནི་མཐིང་ནག་ཞལ། །རྡོ་རྗེ་དགྲ་སྟྭ་རྡོ་རྗེ་གཡས། །མེ་དཔུང་ཞགས་པ་གཡོན་ན་བསྣམས། །སྐུ་སྟོད་གླང་ཆེན་ཀོ་རློན་དང་། །སྐུ་སྨད་སྟག་གི་ཤམ་ཐབས་ཅན། །དང་པོའི་ཕྱག་གཉིས་ཤེས་རབ་འཁྱུད། །དབུ་ལ་ཐོད་སྐམ་ཕྲེང་བ་དང་། །ཐོད་རློན་རྣམས་ཀྱི་དོ་ཤལ་བྱས། །མི་ཡི་རུས་པ་རྒྱན་དང་བཅས། །ཕྱག་དང་ཞབས་དང་སྙན་ལ་སོགས། །ལྟོ་འཕྱེ་དག་གིས་རྣམ་པར་བརྒྱན། །དོམ་དྲེད་པགས་པས་དཀྲིས་པ་དང་། །མི་སྡུག་འཇིགས་སུ་རུང་བ་དང་། །སྨིན་མ་སྨ་ར་མིག་ཀྱང་སེར། །ཞལ་གདངས་མཆེ་གཙིགས་ལྗགས་ཀྱང་འདྲིལ། །ཐོད་ཁྲག་འཐུང་ཞིང་ཧ་ཧ་བཞད། །ཞིང་ལ་འབྲུ་ཚུགས་བལྟས་ནས་ནི། །ཞལ་ནས་ཁྲག་འབབ་ཧི་ཧི་བཞད། །ཞག་གི་ཐིག་ལེ་ཚོམ་བུར་བཅས། །ཐལ་བ་རཀྟས་མཚན་པ་དང་། །འཇིགས་པའི་དཔུང་ཡང་འཇིགས་པར་བྱེད། །ཁྲོ་བོའི་དཀྱིལ་འཁོར་བསྒོམ་པར་བྱ། །སྙིང་གར་ཡེ་ཤེས་དམ་ཚིག་གནས། །དེ་ནས་འདོད་ཆགས་ཆེན་པོ་ཡིས། །གསང་བའི་པདྨ་རྒྱས་མཛད་ནས། །བྱང་ཆུབ་སེམས་ཀྱི་འོད་ཟེར་དང་། ། ― DNG021_Page_0601 ―
[མ་དཔེ་གཟིགས་ན་འདིར་གནོན།]
གསང་བའི་དབུས་སུ་ཐིམ་པར་བྱ། །བྱང་ཆུབ་སེམས་ཀྱི་སྤྲིན་དག་ལས། །ཁྲོ་བོའི་དཀྱིལ་འཁོར་ཐམས་ཅད་ནི། །ཐུགས་ཀ་ནས་ནི་བྱུང་གྱུར་ཏེ། །ཁྲོ་བོའི་དཀྱིལ་འཁོར་ཉིད་དུ་ཞུགས། །ཨཱོཾ་བཛྲ་ཀུ་མཱ་ར་མ་ཧཱ་ཀྲོ་ཏ་ཧཱུཾ་ཕཊ། ཨོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། ཨཱོཾ་བཛྲ་ཀྲོ་ཏ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཡ་མཱནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཧ་ཡ་གྲཱི་བ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལི་ཧཱུཾ། ཚིནྡྷ་ཚིནྡྷ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཨཱརྱ་ཨཱ་ཙ་ལ་ཧཱུཾ། བྷནྡྷ་བྷནྡྷ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཏྲཻ་ལོཀྱ་བི་ཛ་ཡ་ཧཱུཾ། བྷིནྡ་བྷིནྡ་ཧཱུཾ་ཕཊ། ཨཱོཾ་བཛྲ་ཀྲོ་ཏ་མ་ཧཱ་བ་ལ་ཧཱུཾ། སྥོ་ཊ་ཡ་སྥོ་ཊཡ་ཧཱུཾ་ཕཊ། སརྦ་མ་མ་ཧཱུཾ་སརྦ་ཡོ་གི་ནཱི་ཧ་ཧ་ཨ་ཕཊ་ཨ་སྭཱ་ཧཱ། རྡོ་རྗེ་འཇིགས་བྱེད་གཞོན་ནུའི་ཚུལ། །ཞལ་གསུམ་ཕྱག་ནི་དྲུག་པ་སྟེ། །དབུས་ཀྱི་ཉི་མའི་དཀྱིལ་འཁོར་གྱི། །གདན་ལ་བརྐྱང་བསྐུམ་ཚུལ་གྱིས་བཞུགས། །སྟེང་ཕྱོགས་ཧཱུཾ་མཛད་ཀ་ར་ནི། །ཞལ་གཡས་སེར་ཞིང་གཡོན་ཡང་དམར། །དབུས་ཞལ་སྐུ་ནི་དམར་པོའོ། །དང་པོ་གཉིས་ནི་རིག་མར་འཁྱུད། །འཁོར་ལོ་རལ་གྲི་གཡས་པ་ན། །རིན་ཆེན་པདྨ་གཡོན་པ་ན། །འོག་ཏུ་སྟོབས་ཆེན་བཞག་པ་ནི། །གཡས་དཀར་གཡོན་དམར་དབུས་གནག་སྐུ། །དང་པོ་རིག་མར་འཁྱུད་པ་དང་། །གཡས་པ་ཏྲི་ཤཱུལ་རལ་གྲི་འཛིན། །གཡོན་པ་རིན་ཆེན་པདྨའོ། །རྣམ་པར་རྒྱལ་བ་དཀར་བ་སྟེ། །གཡས་པ་ནག་ཅིང་དམར་བའི་མདོག །རང་གི་རིག་མ་དང་པོས་འཁྱུད། །དབྱུག་པ་དཀར་པོ་རལ་གྲི་གཡས། །རིན་ཆེན་པདྨ་གཡོན་པ་ཡིན། །ཤར་གྱི་རྩིབས་སུ་གཞག་པར་བྱ། །ལྷོ་ཕྱོགས་གཤིན་རྗེ་འཇོམས་པ་ནི། །ཞལ་གཡས་གནག་ཅིང་གཡོན་པ་དམར། །རྩ་ཞལ་ ― DNG021_Page_0602 ―
[མ་དཔེ་གཟིགས་ན་འདིར་གནོན།]
དབུས་ནི་སེར་བ་སྟེ། །ཕྱག་གཉིས་རང་གི་ཤེས་རབ་འཁྱུད། །གཡས་པ་ཐོ་བ་རལ་གྲི་ལ། །གཡོན་པ་རིན་ཆེན་པདྨའོ། །ནུབ་ཕྱོགས་རྟ་མགྲིན་དབུས་ཀྱི་ཞལ། །དམར་ཞིང་དཀར་བ་སྔོ་བ་གཡོན། །ཕྱག་གཉིས་འཁྱུད་པ་རིག་མ་ལ། །པདྨ་དང་ནི་རལ་གྲི་གཡས། །འཁོར་ལོ་རིན་ཆེན་གཡོན་ཡིན་ཏེ། །བདུད་རྩི་འཁྱིལ་པ་ཞལ་གསུམ་ལྗང་། །གཡས་དང་གཡོན་ནི་དཀར་དང་དམར། །དང་པོ་གཉིས་ནི་རིག་མ་ལ། །འཁྱུད་ཅིང་རྒྱ་གྲམ་རལ་གྲི་འཛིན། །རིན་ཆེན་པདྨ་གཡོན་པ་སྟེ། །བྱང་དུ་བརྐྱང་བསྐུམ་ཚུལ་གྱིས་གནས། །མེ་ཡི་ཕྱོགས་སུ་དབྱུག་སྔོན་ཅན། །ཞལ་གཡས་དཀར་ཞིང་གཡོན་པ་དམར། །སྐུ་ཞལ་དབུ་མ་དཀར་ལ་སེར། །དང་པོ་གཉིས་ནི་ཁྲོ་མོར་འཁྱུད། །གཡས་པ་དབྱུག་པ་རལ་གྲི་སྟེ། །གཡོན་གཉིས་རིན་ཆེན་པདྨའོ། །མི་གཡོ་མགོན་ནི་བདེན་བྲལ་ཕྱོགས། །གཡས་དཀར་གཡོན་དམར་དམར་སེར་ཞལ། །དང་པོ་གཉིས་ནི་རིག་མ་འཁྱུད། །འཁོར་ལོ་རལ་གྲི་གཡས་པ་ན། །རིན་ཆེན་པདྨ་གཡོན་པ་ན། །དཔལ་ལྡན་གཞན་གྱིས་མི་ཐུབ་པ། །གཡས་པ་དཀར་ཞིང་གཡོན་པ་དམར། །དམར་ལྗང་དང་པོས་རིག་མ་འཁྱུད། །རྡོ་རྗེ་རལ་གྲི་གཡས་པ་གཡོན། །རིན་ཆེན་པདྨ་འཛིན་པ་སྟེ། །རླུང་གི་མཚམས་སུ་ཡང་དག་གནས། །དབང་ལྡན་གྲར་ནི་གཞག་བྱ་བ། །ཁམས་གསུམ་རྒྱལ་བ་ཞལ་གསུམ་པ། །ཞལ་གཡས་གཡོན་པ་དཀར་དང་དམར། །སྐུ་དང་དབུས་ནི་ལྗང་སྐྱ་ཡིན། །ཕྱག་གཉིས་རིག་མར་འཁྱུད་པ་ལ། །ལྕགས་ཀྱུ་རལ་གྲི་རིན་ཆེན་པད། །གཡས་དང་གཡོན་གྱི་ཕྱག་ཏུ་བསྒོམ། །ཁྲོ་བོ་དག་ནི་ཐམས་ཅད་ཀྱང་། །རྒྱན་ཆ་རྡོ་རྗེ་འཇིགས་བྱེད་འདྲ། །ཁྲོ་མོ་རྣམས་ནི་རིགས་ཀྱི་མདོག །རང་རང་ལག་ཆ་འཛིན་པར་བྱེད། །ཕྲ་མེན་རྣམས་ཀྱི་མགོ་དང་སྐུ། །ཅི་ཡང་འགྱུར་ཞིང་སྣ་ཚོགས་ཐོགས། །ཁྲོ་རྒྱལ་ཡེ་ནས་ཡིན་པས་ན། །དེ་ ― DNG021_Page_0603 ―
[མ་དཔེ་གཟིགས་ན་འདིར་གནོན།]
བཞིན་ཉིད་ཀྱི་དབྱིངས་ནས་ནི། །ཁྲོ་བོའི་དཀྱིལ་འཁོར་རྣམ་འཕྲོས་ཏེ། །ནམ་མཁའི་དབྱིངས་སུ་བརྟན་པར་གནས། །དེ་ནས་དཔལ་ཆེན་ཁྲོ་བོའི་རིགས། །བསྐུལ་བའི་ཕྱིར་ནི་སྔགས་འདི་བརྗོད། །ཨོཾ་བཛྲ་ས་མ་ཡ་སྟྭཾ། ཨཱོཾ་བཛྲ་ས་མ་ཡ་ཧཱུཾ། ཨཱོཾ་བཛྲ་ས་མ་ཡ་ཧོ། ཐབས་དང་ ཤེས་རབ་གཉིས་མེད་པའི། །བྱང་སེམས་ཧོ་ཡི་བར་བཞག་སྟེ། །ཆོས་སྐུ་བྱང་ཆུབ་སེམས་སུ་གནས། །སྒྱུ་མའི་ཕྱག་རྒྱ་འོད་འབར་ཏེ། །ཐབས་དང་ཤེས་རབ་ལྡན་བྱས་ལ། །བསྙེན་པ་དང་ནི་ཉེ་བར་བསྙེན། །བསྒྲུབ་དང་བསྒྲུབ་པ་ཆེན་པོ་ཡིས། །གསང་བའི་ཕྱག་རྒྱ་རྒྱས་མཛད་དེ། །རྗེས་སུ་སྦྱར་བ་བརྩམ་པར་བྱ། །དེ་ནས་དཀྱིལ་འཁོར་ཐམས་ཅད་ནི། །ནམ་མཁའི་དབྱིངས་སུ་བརྟན་པར་གནས། །དེ་ཡི་ཡེ་ཤེས་ལྔ་བདག་ཉིད། །གསང་བའི་བུམ་པ་ལས་བྱུང་བ། །འཁོར་ལོ་བཞི་ལ་རབ་ཏུ་དམིགས། །གང་ཞིག་འདི་ལ་མོས་འགྱུར་བ། །རྡོ་རྗེ་རིག་པ་འཛིན་པ་སྟེ། །བླ་ན་མེད་པ་ཐོབ་པར་བྱེད། །རྒྱབ་ཀྱིས་ཕྱོགས་ཤིང་འདུན་པ་མེད། །བླུན་པོས་མི་ཤེས་ལོག་པར་བལྟ། །གཤིས་ངན་དག་ཏུ་ཤི་གྱུར་ནས། །འོ་དོད་འབོད་ཅིང་ལྟུང་བར་འགྱུར། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། སྐུ་གསུང་ཐུགས་ཀྱི་དཀྱིལ་འཁོར་བསྐྱེད་པའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་འཇིགས་བྱེད་ཆེན་པོ་དེས། མཆོད་པའི་སྤྲིན་མངོན་པར་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བདག་དང་གཞན་ལ་ཕན་པའི་ཕྱིར། མཆོད་པ་དང་བསྟོད་པའི་རྒྱལ་པོ་འདི་གསུངས་སོ། །བདག་པོའི་ཕྱག་རྒྱ་མཉམ་གཞག་ལ། །མི་དམིགས་ཐུགས་ཀྱི་དཀྱིལ་འཁོར་ནས། །དཀྱིལ་འཁོར་ཐམས་ཅད་སྤྱན་དྲང་ངོ་། །ཨཱོཾ་བཛྲ་ཀྲོ་ཏ་ཤྲཱི་ཧེ་རུ་ཀ །མ་ཧཱ་བཛྲ་ཨཱ་གཙྪ་ཡ། ཨཱ་གཙྪ་ཡ། པྲ་བེ་ཤ་ཡ་པྲ་བེ་ཤ་ཡ། ― DNG021_Page_0604 ―
[མ་དཔེ་གཟིགས་ན་འདིར་གནོན།]
བྷནྡྷ་ཡ་བྷནྡྷ་ཡ། ཏོ་ཤ་ཡ་ཏོ་ཤ་ཡ། སརྦ་ཌཱ་ཀི་ནཱི་ཧྲྀ་ད་ཡ་ཧཱུཾ་ཕཊ། སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །དེ་བཞིན་གཤེགས་པ་ཐམས་ཅད་ལ། །ཕྱག་དང་སྟན་དང་རྒྱན་ལ་སོགས། །མཆོད་པ་བླ་ན་མེད་པས་མཆོད། །སངས་རྒྱས་དངོས་གྲུབ་ཐོབ་བྱའི་ཕྱིར། །རྒྱལ་བ་ཐམས་ཅད་མཉེས་མཆོད་དེ། །བདུག་པ་མེ་ཏོག་མར་མེ་དང་། །དྲི་ཆབ་བཤོས་དང་ཡི་གར་འོང་། །རྩུབ་ཅིང་ཚ་བ་རྣམ་སྦྱར་ཏེ། །དཀྱིལ་འཁོར་ཀུན་ལ་དབུལ་བར་བྱ། །འབུལ་བར་བདུད་རྩི་རང་བཞིན་དག །སྐུ་གསུང་ཐུགས་སུ་རབ་ལྡན་པས། །སྐུ་གསུང་ཐུགས་སུ་བྱིན་བརླབས་ཏེ། །སྐུ་གསུང་ཐུགས་ཀྱི་དཀྱིལ་འཁོར་མཆོད། །ཨོཾ་ཨཱཿཧཱུཾ་མ་ཧཱ་ས་མ་ཨརྒྷཾ་པྲ་ཏཱིཙྪ་ཧཱུཾ། དེ་བཞིན་ཉིད་དུ་རབ་གནས་པས། །ཐུགས་རྗེ་ཆེན་པོ་འབྱུང་བར་བྱེད། །བདག་དང་སེམས་ཅན་བསྒྲལ་བ་ཡིན། །རེག་པ་སྦྱོར་བ་མཉམ་བཞག་ན། །བདག་ཉིད་མཉེས་པར་ཚིམ་པར་བྱ། །ཕྱག་རྒྱ་ཆེན་པོའི་བདག་ཉིད་ཀྱིས། །ཡུམ་གྱི་གསང་བའི་པདྨ་རུ། །བདེ་བ་ཐུགས་ཀྱི་རང་བཞིན་ལས། །ལྷ་མོ་རྣམས་སུ་སྤྲོས་ནས་ཀྱང་། །དཀྱིལ་འཁོར་ཐམས་ཅད་མཆོད་པར་བྱ། །གཟུགས་དང་སྒྲ་ལ་སོགས་པ་ཡི། །འདོད་པའི་ཡོན་ཏན་ལྔ་རྣམས་ཀྱིས། །ཁྲོ་བོའི་དཀྱིལ་འཁོར་མཉེས་བྱས་ན། །མཉེས་བྱས་མ་ལུས་རྣམ་དག་ནས། །ལྷ་མོ་རྣམས་སུ་སྤྲོས་ནས་ཀྱང་། །དཀྱིལ་འཁོར་དངོས་གྲུབ་རབ་མཆོག་སྒྲུབ་པར་བྱེད། །ཁྲོ་བོའི་དཀྱིལ་འཁོར་དམ་པ་ཅན། །བཀུག་ནས་བ་ལི་སྦྱིན་པར་བྱ། །བདུད་རྩི་ལྔ་དང་ཟས་ལྔ་ལ། །མིང་དང་མཚན་མར་བཅས་ནས་ནི། །བཀུག་ནས་རྡོ་རྗེ་ཕུར་པས་གདབ། །རྡུལ་དུ་བྱས་ཏེ་ཚོགས་ལ་དབུལ། །ཁྲོ་བོའི་དཀྱིལ་འཁོར་ཐམས་ཅད་ལ། །སྣ་ཚོགས་ཤ་རྣམས་ཕུལ་བྱས་ན། །དཀྱིལ་འཁོར་མ་ལུས་མཉེས་པར་འགྱུར། །དེ་ནས་ཨརྒྷཾ་མཆོད་པར་བྱ། །ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་འཁོར་བཅས་སྤྱན་དྲངས་ཏེ། །དུར་ ― DNG021_Page_0605 ―
[མ་དཔེ་གཟིགས་ན་འདིར་གནོན།]
ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏིར་ར་བཅས། །དམར་གྱི་ཨརྒྷ་རྒྱ་མཚོར་འཁྱིལ། །མཁའ་འགྲོ་འབར་བའི་ཚོགས་བཅས་རྣམས། །མ་ལུས་གཤེགས་ཤིང་མནབས་སུ་གསོལ། །མཆོད་པའི་ཡོ་བྱད་ཐམས་ཅད་ནི། །ནག་པོར་བྱས་ཏེ་དབུལ་བར་བྱ། །མ་ཚོགས་རྣམས་ལ་བསྟབ་པ་ནི། །སྐྲ་བཅིང་གཅེར་བུར་ཕྱུང་ནས་ནི། །ཐལ་བ་རཀྟ་ཞག་གིས་མཚན། །ཁྲོ་བོའི་ངང་དུ་ཚུལ་བརྡུང་བ། །ཁ་ནས་ཞག་དང་ཁྲག་འཛག་པ། །ལག་པ་ཐོད་ཁྲག་ཐོགས་ནས་ནི། །ཧི་ཧི་བཞད་ཅིང་སྤྱུགས་པས་གདབ། །སོ་སོ་རྣམས་ཀྱི་མིང་ཕྱུང་ནས། །བོས་ནས་ཞལ་དུ་བསྟབ་པར་བྱ། །དེ་ནས་ཁྲོ་བོའི་དཀྱིལ་འཁོར་ལ། །བསྟོད་པའི་རྒྱལ་པོ་འདིས་བསྟོད་དོ། །ཧཱུཾ། རང་བཞིན་རྣམ་དག་དབྱིངས་ནས་བསྐྱེད་པའི་ཆོ་འཕྲུལ་སྟོན། །ཐུགས་རྗེ་ཆེན་པོ་ཐབས་མཁས་པ། །གདུག་པ་འདུལ་ཕྱིར་སྐུ་སྤྲུལ་པ། །འཇིགས་བྱེད་ཧེ་རུ་ཀ་ལ་ཕྱག་འཚལ་ལོ། །ཞེས་བརྗོད་པས་དགྱེས་པ་ཆེན་པོ་དེ་ཉིད་མཉེས་པར་གྱུར་ཏེ། སྔགས་ཀྱི་སྤྱོད་པ་འདི་གསུངས་སོ། །ཇི་བཞིན་གསུངས་པའི་དབང་སོགས་ལྡན། །བྱང་ཆུབ་སྤྱོད་པའི་རྣལ་འབྱོར་པས། །བྱང་ཆུབ་སེམས་ནི་མི་སྤང་ཞིང་། །རྡོ་རྗེ་ཕྱག་རྒྱ་ལ་སོགས་དང་། །དམ་པའི་ཆོས་ཀྱང་མི་སྨད་ཅིང་། །ནམ་ཀྱང་སྤང་བར་མི་བྱའོ། །མི་ཤེས་པ་འམ་བླུན་པ་ལ། །གསང་བ་བསྟན་པར་བྱ་བ་མིན། །བདག་ཉིད་ཡོངས་སུ་སྤངས་ནས་ནི། །དཀའ་ཐུབ་ཀྱིས་ཀྱང་གཟིར་མི་བྱ། །རྟག་ཏུ་སྡོམ་པ་བསྐྱང་བ་ནི། །བདུད་རྩི་ལྔ་དང་ཤ་ལྔ་ཟ། །དཀོན་མཆོག་ལ་གནོད་གསད་པར་བྱ། །གསང་བའི་བུད་མེད་འདོད་པ་སྤྱད། །བྱང་ཆུབ་སེམས་ནི་མ་བྱིན་བླང་། །གསང་བའི་དོན་དུ་རྫུན་ཉིད་སྨྲ། །སྦྱོར་བའི་རྒྱུད་ལས་ཅི་བསྔགས་པ། །དེ་ལྟར་རིམ་པ་བཞིན་དུ་བསྲུང་། །སངས་རྒྱས་དཀྱིལ་འཁོར་བསྒོམ་ནས་ནི། །མ་ཏྲཾ་རྣམས་ཀྱི་གཟུགས་བརྙན་ལ། །དགུག་ཅིང་བསྡིམ་པ་བྱས་ནས་ཀྱང་། །ཁྲོ་བོའི་ང་རྒྱལ་ཧཱུཾ་བསྒོམ་སྟེ། །ལྕགས་ཀྱུ་གྲི་ནག་འབར་བ་ཡིས། །ཙིཏྟ་ཕྱུང་ནས་སྦྱར་བྱས་ཏེ། །མགོ་བོ་སྙིང་ག་ལྟེ་བ་དང་། །གསང་བའི་ལས་བཞི་སོ་སོ་རྣམས། །གོ་རིམ་བཞིན་དུ་འཇུག་པར་བྱ། །གདུག་པ་ ― DNG021_Page_0606 ―
[མ་དཔེ་གཟིགས་ན་འདིར་གནོན།]
ཅན་རྣམས་གདུལ་བྱའི་ཕྱིར། །ཐམས་ཅད་ཐམས་ཅད་ཅི་བདེ་བར། །ཐམས་ཅད་ཐམས་ཅད་བྱ་བ་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། མཆོད་པའི་སྤྲིན་རྣམ་པར་འཕྲོ་བའི་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་གཞོན་ནུ། དཔལ་ཁྲག་འཐུང་རྔམ་པ་ཆེན་པོས་བདུག་པ་ཅན་བསྒྲལ་བའི་ཕྱིར། བསད་པ་ལས་ཀྱི་རྒྱལ་པོ་མཆོག་གི་ཏིང་ངེ་འཛིན་ལ་སྙོམས་པར་ཞུགས་ཏེ། ཕྲིན་ལས་ཕུན་སུམ་ཚོགས་པ་འདི་གསུངས་སོ། །དང་པོ་ས་གཞི་ཡོངས་བརྟགས་ནས། །བསྐྲད་དང་མཚམས་བཅད་རྫོགས་བྱས་ཏེ། །གསང་བ་དབྱིངས་ཀྱི་དབུས་དག་ཏུ། །ཁྲོ་བའི་དཀྱིལ་འཁོར་བསྒོམས་ནས་ནི། །ཕུར་པ་བྱིན་གྱིས་བརླབ་པ་བརྩམ། །རྡོ་རྗེ་ཕུར་པའི་ཁྲོ་བོ་དག་ཐུགས་ཀ་ནས་ནི་བྱུང་གྱུར་ཏེ། འཇིགས་པའི་གཟུགས་ཅན་འཇིགས་པར་བྱེད། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། སྤྱི་བོར་གཞལ་མེད་བསམ་ནས་ཀྱང་། །ཧཱུཾ་མཛད་དཀྱིལ་འཁོར་བརྟན་པར་བཞུགས། །འོག་ཏུ་སྟོབས་ཅན་བཞག་པ་སྟེ། །རྣམ་པར་རྒྱལ་བ་ལ་སོགས་པའི། །ཕྱོགས་རྣམས་ཀུན་ཏུ་བརྟན་པར་གནས། །རྩེ་མོ་ངོས་དང་བཅས་པ་ལ། །མ་ཚོགས་རྣམས་ནི་བཞག་པ་ཡིན། །བདེ་བར་གཤེགས་པ་རྣམས་ཀྱིས་བྱིན་རློབས་ཤིང་། །མེ་སྟག་འཕྲོ་ཞིང་གཟི་བརྗིད་འཆང་། །ཨེ་ཡི་གདན་ལ་ངེས་པར་བཞག །ཉུང་དཀར་རྒྱལ་པོས་བརྡེག་པ་དང་། །གུ་གུལ་ཚིལ་ཆེན་གྱིས་བདུག་སྟེ། །མཆོད་པ་རྣམས་ཀྱང་དབུལ་བར་བྱ། །གང་འདོད་ལས་རྣམས་བཅོལ་བྱས་ལ། །རང་རང་བདུན་དུ་བཞག་པ་ཡིན། །གཞན་ཡང་རྡོ་རྗེ་ཕུར་པ་བཅུ། །གྲུ་ཆད་གྲུ་གསུམ་བསྐོར་བར་བྱ། །དེ་ནས་དཀྱིལ་འཁོར་སྤྱན་དྲངས་ཏེ། །མཆོད་པ་རྫོགས་དང་བ་ལིཾ་བསྔོ། །མངག་གཞུག་གསུམ་པའི་སྦྱོར་བ་དག །སྙིང་གར་མ་ཡི་དཀྱིལ་འཁོར་ལ། །ཡི་གེ་ཛ་ནི་གཞག་བྱ་སྟེ། །འོད་ཟེར་ལྕགས་ཀྱུས་དྲངས་ནས་ནི། །གཟུགས་སམ་རི་མོར་ཐིམ་པར་བྱ། །ཕྱག་རྒྱ་བཞི་ཡི་རང་བཞིན་གྱིས། །དགུག་ཅིང་སྡོམ་དང་དགུག་པར་བྱ། །ཛཿཧཱུཾ་བཾ་ཧོཿ། བཛྲ་ཨ་ཀུ་ཤ་ཧཱུཾ། ཛ་ཛ་ཛ། ཛཿཧཱུཾ་བཾ་ཧོཿ། པྲ་བེ་ཤ་ཡ་ཧཱུཾ། ཨཱ་བེ་ཤ་ཡ་ཨ་ཨ། གཟུགས་བརྙན་རྣམས་ནི་ཞིང་ཆེན་གྱི། །ཐལ་བ་སྐེ་ཚེ་ལན་ཚྭ་དང་། །དྲེ་དང་ཇུ་ཚེ་སྲུབ་མའི་ལོ། །ཕུབ་མ་གྲོག་མཁར་ས་རྣམས་ལ། །རཀྟ་བདུད་རྩིས་སྦྲུས་ནས་ཀྱང་། །སྨུག་ནག་སྙིང་གར་ ― DNG021_Page_0607 ―
[མ་དཔེ་གཟིགས་ན་འདིར་གནོན།]
མིང་རུས་གདགས། །དཀྱིལ་འཁོར་ལྷོ་ནུབ་གྲུ་ཆད་ལ། །འབྲུབ་ཁུང་གྲུ་གསུམ་བྱས་ནས་ནི། །ནང་དུ་གན་རྐྱལ་གཞག་པར་བྱ། །བཀུག་ནས་ཕེབས་པར་གྱུར་པ་དང་། །གུ་གུལ་ཚིལ་ཆེན་བདུག་པ་དང་། །རྡོ་ཕྱེ་དུག་དང་ཁྲག་ལས་ཀྱང་། །གཏོར་མ་རྣམས་ནི་ཟ་རུ་གཞུག །ཕྲ་མེན་རྣམས་དང་མགྱོགས་མ་རྣམས། །གློ་སྙིང་ཟ་ཞིང་དབང་པོ་འཐོག །དེ་ལྟར་ཉམས་པར་བྱས་ནས་ནི། །བསྟོད་པ་བྱས་ནས་གཉིས་མེད་བསྡིམ། །དེ་ནས་བཟླས་པ་བྱེད་འདོད་ན། །བདག་ཉིད་ལས་ཀྱི་ཏིང་འཛིན་ཞུགས། །སྙིང་གར་ཉི་མའི་དཀྱིལ་འཁོར་བསམ། །དེ་ནས་བཟླས་པའི་ཡིག་འབྲུ་འམ། །ཧཱུཾ་ཡིག་རྣམ་པར་བསམ་ནས་ནི། །ཕུར་པའི་ཁྲོ་བོའི་གཟུགས་བྱུང་སྟེ། །ཕྱོགས་བཅུ་དག་ཏུ་གཤེགས་ནས་ཀྱང་། །འགྲོ་བའི་དོན་རྣམས་རྫོགས་བྱས་ཏེ། །རྡོ་རྗེ་ཕུར་པ་ལ་ཐིམ་བྱ། །འབུམ་ཕྲག་གཅིག་གམ་ས་ཡ་འམ། །བྱེ་བ་བཟླས་ཏེ་དབང་བསྐུར་ན། །ཏིང་འཛིན་བསྙེན་པ་རྫོགས་བྱས་ཏེ། །གཟིར་མནན་བྱས་ལ་གསད་པར་བྱ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབས། །བདག་ཉིད་ཆེན་མོའི་དུས་ལ་བབ། །མཐུ་རྩལ་ཕྱུང་བའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་བ། །རིག་འཛིན་བདག་ཅག་རྣམས་ལ་ནི། །གདུག་ཅིང་སྡང་བའི་དགྲ་བགེགས་དང་། །བདག་དང་བར་དུ་གཅོད་པ་རྣམས། །ཁྲོ་བོ་ཆེན་པོའི་བྱིན་རླབ་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨོཾ་ལཾ་ཧཱུཾ་ལཾ། སྟྭཾ་བྷ་ནན། མོ་ཧཱ་ག་ཡ་བྷ་ག་ཝཱན། ཤྲཱི་བཛྲ་ཧཱུཾ་ཀཱ་ར་ཧཱུཾ་ཕཊ། བཛྲ་ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོཿ། སརྦ་བིགྷྣཱཾ། ཀཱ་ཡ་ཝཱཀ་ཙིཏྟ། བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཨཱོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾ་ཕཊ། ཧཱུཾ་ཀཱ་ར་ཧཱུཾ་ཨ་ཨ་ཨ། ཛཿཧཱུཾ་བཾ་ཧོཿ། ཨཱ་བེ་ཤ་ཡ་ཨ། དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་བྱེད་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རིངས་པར་ཁུག་ལ་སྨྲ་རུ་ཆུག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་རྣམས་ཉན་པར་གྱིས། །ཧཱུཾ་བ་ ― DNG021_Page_0608 ―
[མ་དཔེ་གཟིགས་ན་འདིར་གནོན།]
ར་བིདྱ་ན་ཧཱུཾ་ཕཊ། ཚིནྡྷ་ཚིནྡྷ་ཧཱུཾ་ཕཊ། བིནྡྷ་བིནྡྷ་ཧཱུཾ་ཕཊ། གྲྀ་ཧྞ་གྲྀ་ཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བནྡྷ་བནྡྷ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཧ་ས་ཡ་ར་ཧ་ས་ཡ་ར་ཧི་དཎྜ་ཧཱུཾ་ཕཊ། ཤཱི་གྷྲཾ་ཨ་ན་ཡ་ཧཱུཾ་ཕཊ། ཛྭ་ལ་ཡ་ཛྭ་ལ་ཡ་ཧཱུཾ་ཕཊ། པྲ་བེ་ཤ་ཡ་པྲ་བེ་ཤ་ཡ་ཧཱུཾ་ཕཊ། བྷིནྡྷ་ཡ་བྷིནྡྷ་ཡ་ཧཱུཾ་ཕཊ། བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཁས་བླངས་དམ་བཅས་བཞིན། །མངོན་སྤྱོད་ཕྲིན་ལས་མྱུར་དུ་མཛོད། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏཾ་ཀ་ཡེ་ཛ་ཡེ་བི་ཛ་ཡེ། ཨ་ཛི་ཏེ་ཨ་པ་ར་ཛི་ཏེ། མཱ་ར་སེ་ན་པྲ་མརྡ་ནི་ཧཱུཾ་ཕཊ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་རྣམས། །ང་ཡི་བཀའ་ལས་འདའ་མ་བྱེད། །ཧཱུཾ་མ་མ་པ་ཤཾ་ཀུ་རུ་མ་ཏཾ་ཉ་ཀ་ར་ཨི་ནན། ཏ་ཏི་མ་མ་ཀརྨ་ཤཱི་གྷྲཾ་ཀཱ་ར་ཡ་ཧཱུཾ། གདུག་ཅིང་སྡང་སེམས་ལྡན་པ་ཡི། །ལྷ་འམ་འོན་ཏེ་བདུད་ཀྱང་རུང་། །ང་ལ་བར་དུ་གཅོད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །སརྦ་ཨཱ་ན་ཡ་ཧཱུཾ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། རྡུངས་ཤིག་རྡོ་རྗེ་འབར་བའི་གཏུན། །དམ་ལས་འདའ་བྱེད་སྡིག་ཆེན་རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བསྒྲལ་བར་བྱའོ། །ཁ་ཐཾ། རྡོ་རྗེ་ཕུར་པ་གདབ་བྱ་བ། །བདག་ཉིད་ཁྲོས་པའི་ང་རྒྱལ་ཅན། །ཤིན་ཏུ་གསལ་བར་བྱས་ནས་ནི། །གཟས་པ་པོ་ཡང་གསལ་བྱས་ཏེ། །རྡོ་རྗེ་ཕུར་པ་མཆོག་འོད་འབར། །ཤིན་ཏུ་འཇིགས་པ་གསལ་བྱས་ལ། །རང་གི་སྔགས་ནི་བརྗོད་བྱ་སྟེ། །ཐལ་མོ་སྦྱར་ཐབས་གསོར་ནས་ཀྱང་། །ཏིང་འཛིན་ཁུགས་པར་གྱུར་པ་དང་། །སྙིང་ག་མགོ་བོ་ལྟེ་བ་དང་། །དཔུང་པ་གཉིས་དང་བརླ་གཉིས་ལ། །ཕུར་པའི་ཁྲོ་བོ་རྫོགས་བྱས་ཏེ། །གཡོན་པས་རྐེ་ནས་བཟུང་ ― DNG021_Page_0609 ―
[མ་དཔེ་གཟིགས་ན་འདིར་གནོན།]
ནས་ནི། །གཡས་པའི་རྡོ་རྗེའི་ཐོ་བས་བརྡེག །ཨོཾ་ན་མཿས་མནྟྲ། ཀཱ་ཡ་ཝཱཀ་ཙིཏྟ་བཛྲ་ནཱན། གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚཱཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ། ཧཱུཾ་ཧཱུཾ་བཛྲ་ཀཱི་ལ་ཡ། བཛྲ་དྷ་རོ་ཨཱ་ཛྙཱ་པཱ་ཡ་ཏི། སརྦ་བིགྷྣཱཾ། ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། ཨོཾ་ཨ་ཀོ་ཊ་ཡ་མུད་ག་ར་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཨཱོཾ་བཛྲ་ཀྲོ་ཏ་ཡཀྴ་ཁ་ཁ་ཁཱ་ཧི་ཁཱི་ཧི། འབར་བ་གཏུམ་ཆེན་རྔམ་པ་ལ། །མཛུབ་མོ་གཉིས་ནི་བསྒྲེང་ནས་ཀྱང་། །ཁ་འགྲམ་གཉིས་སུ་བཟུང་བྱས་ཏེ། །རྡོ་རྗེ་གནོད་སྦྱིན་ཁྲོས་པ་ཡིས། །ཡིད་ཀྱི་ཡུལ་དུ་བསྟབས་ནས་ནི། །འཁོར་ལོ་ལ་སོགས་མཚོན་ཆ་ཡིས། །གཟུགས་བརྙན་ཕྱེ་མར་གདབ་པར་བྱ། །ཨཱོཾ་ཧྲཱྀཿཤྟྲཱིཿཝི་ཀྲྀ་ཏ་ཡ་ནན་ཧཱུཾ་ཕཊ། ཐོད་པ་གཞུང་དང་བཅས་པ་ཡི། །ཧོམ་ཁུང་གྲུ་གསུམ་སྒོ་ཅན་དུ། །རཾ་ཞེས་བྱ་བས་མེ་སྦར་ཏེ། །ཡེ་ཤེས་མེ་ལྷ་བོས་ནས་ཀྱང་། །ངང་དུ་འཁོར་ལོ་བསྒོམ་ནས་ནི། །གདུག་པ་ཅན་རྣམས་བསྲེག་པར་བྱ། །སྙིང་རྗེས་བསྒྲལ་བའི་དམ་ཚིག་ནི། །གསད་ཅིང་གནན་པ་མ་ཡིན་ཏེ། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཨཱོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ནམ་མཁའི་ཁམས་ཀྱི་དེ་བཞིན་གཤེགས། །འོད་ཟེར་རྣམས་ཀྱིས་དྲངས་ནས་ནི། །ཐམས་ཅད་ཐུགས་ཀར་ཐིམ་པར་འགྱུར། །རླུང་དུ་གྱུར་པས་ཨོཾ་ཨཱཿཧཱུཾ། །བདེ་བ་ཆེན་པོའི་རྩ་ཉིད་ནས། །དམ་ཚིག་རིན་ཆེན་གསུམ་པོ་དང་། །རིམ་པར་བྱུང་ནས་སྣ་བུག་ནི། །གཡས་ནས་གཡོན་དུ་ཞུགས་པ་ལ། །སྤྱི་བོར་ཚོན་གང་མ་རིག་པར། །ཡི་གེ་འབྲུ་གསུམ་ཚོན་རེ་བས། །ཧཱུཾ་ཉིད་ཞུ་བ་ཨ་ལ་ཐིམ། །ཨ་ཉིད་ཨོཾ་གྱི་བདག་ཉིད་ཞུ། །བྱང་ཆུབ་སེམས་སུ་གཅིག་པ་ནི། །ཁ་དོག་གསུམ་གྱི་རིན་པོ་ཆེ། །འོད་ཟེར་སྤྲོ་བསྡུའི་སྦྱོར་བ་ཡིས། །ཞི་བ་ཉིད་དུ་འགྱུར་བ་ཡིན། །གསང་བའི་གནས་ནི་ཐམས་ཅད་དུ། །རིམ་པ་མིན་པ་མ་ཡིན་པའི། །གསང་བའི་དཀྱིལ་འཁོར་རབ་ཏུ་དམིགས། །ཁྲོ་བོའི་དཀྱིལ་འཁོར་ཆེན་པོ་འདི། །བྱང་ཆུབ་གཞོལ་ཞིང་མང་དུ་ ― DNG021_Page_0610 ―
[མ་དཔེ་གཟིགས་ན་འདིར་གནོན།]
ཐོས། །དད་པ་བརྩོན་འགྲུས་རབ་ལྡན་པས། །ལྷ་ཉིད་ཉེ་བར་གྱུར་པ་ལ། །དམ་ཚིག་མ་ཉམས་བརྟུལ་ཞུགས་ཅན། །དྲག་ཤུལ་སྒྲུབ་པར་འདོད་པ་ཡི། །རྣལ་འབྱོར་རྣམས་ཀྱིས་བསྒྲུབ་པར་བྱ། །མ་མོའི་གནས་དང་སྡོང་གཅིག་དང་། །རི་བོ་རི་སུལ་རྣམས་སུ་ནི། །ཁྲོས་པས་བསྒྲུབ་པ་རབ་ཏུ་བྱ། །ཁྲོ་བོའི་དཀྱིལ་འཁོར་བསྒོམ་ནས་ནི། །མཚན་མ་མིང་དུ་བཅས་པ་རྣམས། །གསང་བའི་པདྨར་བཅུག་ནས་ནི། །ཟླ་བ་གཟས་ནི་ཟིན་པའི་ཚེ། །དྲག་ཤུལ་གྱིས་ནི་བསྒྲུབ་པར་བྱ། །མི་ཡི་རུས་པ་ལས་བྱས་པའི། །བཅུ་གཉིས་པ་ཡི་ཚད་རྣམས་ལ། །ཁྲོ་བའི་དཀྱིལ་འཁོར་བསྒོམ་ནས་ནི། །གཅིག་གམ་བཅུ་གཅིག་རྩ་གཅིག་བར། །བདག་ཉིད་གང་སྒྲུབ་འདོད་པ་ཡིས། །གང་ལ་བྱ་བའི་གཟུགས་ཉིད་ཀྱི། །མཚམས་དང་དམ་ཚིག་རྫོགས་པ་འམ། །བསྙེན་པ་ཚང་ནས་གདབ་པར་བྱ། །རྡུལ་དུ་བྱས་ལ་ཚོགས་ལ་དབུལ། །བཅུ་གཉིས་བདུན་ཡང་ཉི་ཤུ་རྩ་གཅིག་དང་། །རྩ་ལྔ་དགུ་དང་མར་གྱི་ངོ་། །ནམ་དང་ཉི་མའི་གུང་རྣམས་ལ། །བརྟུལ་ཞུགས་ཅན་གྱིས་བསྒྲུབ་ན་ནི། །ཟླ་བ་གཅིག་གིས་ངེས་པ་རུ། །འཆི་བར་འགྱུར་བ་གདོན་མི་ཟ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། ཕྲིན་ལས་ཕུན་སུམ་ཚོགས་པའི་ལེའུ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་རྡོ་རྗེ་འཇིགས་བྱེད་ཆེན་པོ་ལ། རྡོ་རྗེ་གཞོན་ནུའི་འཁོར་འབུམ་ཕྲག་དུ་མས་མངོན་པར་བསྟོད་པ། བསྐལ་པའི་མེ་བཞིན་རབ་ཏུ་འབར། །ཉོན་མོངས་འཆིང་བར་བྱེད་པའི་ཕྱིར། །དབུ་སྐྲ་ཁམ་ནག་གྱེན་དུ་འཁྱིལ། །མཚན་མ་ཐམས་ཅད་རྣམ་འཇོམས་པས། །ཁྲོ་གཉེར་གློག་སྟོང་འགྱུ་བ་སྟེ། །ཡོན་ཏན་ཐམས་ཅད་རྒྱས་མཛད་པའི། །སྨིན་མ་སྨ་ར་མིག་ཀྱང་སེར། །ལོག་པར་བལྟ་བའི་ཚོགས་རྣམས་ལ། །སྡང་མིག་བཙུག་ནས་གཏུམ་པར་མཛད། །མཆེ་བ་ཟང་ཡག་གཙིགས་པ་ནི། །སྐྱེ་བཞི་རྩ་བ་གཅོད་པའི་ཚུལ། ། ― DNG021_Page_0611 ―
[མ་དཔེ་གཟིགས་ན་འདིར་གནོན།]
ཞལ་གདངས་རྔམ་པའི་ཆ་ལུགས་ཀྱིས། །འཁོར་བ་རིལ་མིད་མཛད་པ་པོ། །སྒྲ་སྒྲོགས་ཧི་ཧིའི་གད་རྒྱངས་ཅན། །གདུག་པ་ཅན་རྣམས་ཉམས་པར་བྱེད། །སྤྱུགས་པས་འཐོར་ཞིང་གཡེང་བ་ལ། །ཞལ་ནས་བདུད་དང་སྲིན་པོ་སོགས། །ཁྲག་འབབ་འཁོར་བའི་ཞག་གིས་བསྐུས། །ཞེ་སྡང་འཇོམས་མཛད་སྟག་ལྤགས་ཅན། །གདུག་པ་སྦྲུལ་གྱིས་རྣམ་བརྒྱན་པ། །གཏི་མུག་འཇོམས་མཛད་གླང་ཆེན་ཀོ་རློན་གོས། །འདོད་ཆགས་ཟད་མཛད་རིག་མ་འཁྱུད། །གདུག་པ་འཇོམས་པས་མཐིང་ནག་ཞལ། །ཉོན་མོངས་མ་གོས་ཆགས་པས་དགྱེས། །གཡས་གཡོན་དཀར་དང་དམར་བའི་ཞལ། །ཡེ་ཤེས་ལྔ་བདག་རྡོ་རྗེ་ཐོགས། །མཚན་མ་སྲེག་མཛད་མེ་དཔུང་ཅན། །ཞགས་པས་མི་གཏོང་འཆིང་བ་ལ། །རྡོ་རྗེ་དགྲ་སྟྭས་འཇོམས་པའོ། །རྡོ་རྗེ་ངན་སོང་གསུམ་དག་འཇིག །ཕུར་པས་བདུད་ཀུན་འཇོམས་པ་ཡིན། །རྡོ་རྗེ་ཆེ་མཆོག་སྟོབས་པོ་ཆེ། །འཇིགས་པ་ཆེན་པོ་འཇིགས་པར་བྱེད། །དགའ་བ་ཆེན་པོ་མགུ་བར་བྱེད། །ཡོན་ཏན་ཐམས་ཅད་འབྱུང་བར་བྱེད། །ཁྲོས་པའི་དཀྱིལ་འཁོར་འབྱུང་བར་བྱེད། །ཐམས་ཅད་ཀུན་གྱི་བདག་པོའོ། །ཞེས་བསྟོད་པས། ཁྲོ་བོའི་དཀྱིལ་འཁོར་ཐམས་ཅད་ལ་གཟིགས་ནས། ཐམས་ཅད་ཀྱང་གཟི་བརྗིད་ཆེན་པོ་དང་ལྡན་པར་གྱུར་ཏེ། བཞུགས་པ་ལ་སྙིང་པོ་ངོ་མཚར་རྨད་དུ་གྱུར་ཏེ། ཁྲོ་བོའི་དཀྱིལ་འཁོར་གྱི་སྒྲུབ་པའི་ཐབས་འདི་ལྟ་བུ་གསུངས་སོ། །གསང་བའི་དབྱིངས་ཀྱི་དབུས་དག་ཏུ། །ཁྲོས་པའི་དཀྱིལ་འཁོར་བསྒོམ་བྱ་སྟེ། །ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ངོས་རྣམས་ཁྲོ་བོར་རྣམ་བསྒོམས་ཏེ། །བཏབ་ན་ལྷ་ཡང་རླག་མཛད་པས། །གཟུགས་སམ་རི་མོ་བྲིས་ནས་ནི། །མཚན་མ་མིང་དུ་བཅས་པ་ལ། །བཀུག་ནས་རྡོ་རྗེ་ཕུར་པས་གདབ། །དེ་ནས་གང་དུ་བྱ་བའི་གནས། །མ་མོའི་གནས་དང་ཆུ་ཀླུང་དང་། །ལམ་གྱི་བཞི་མདོ་ཤིང་གཅིག་དྲུང་། །དཀྱིལ་འཁོར་འོག་ལ་སོགས་པ་རུ། །བདུད་ ― DNG021_Page_0612 ―
[མ་དཔེ་གཟིགས་ན་འདིར་གནོན།]
རྩི་འཁྱིལ་པའི་ཕུར་པ་ཡིས། །སྔགས་བཟླས་གྲུ་གསུམ་བརྐོས་ནས་ནི། །ཐོད་པ་ཁ་སྦྱར་ནང་དུ་ནི། །གོང་གི་གཟུགས་བརྙན་བཅུག་ནས་ཀྱང་། །ཕུར་པ་རྣམས་ཀྱིས་སྤྱི་བོ་རུ། །རི་རབ་གླིང་བཞི་བྲིས་ནས་ནི། །སྟེང་དུ་དོན་ཡོད་གྲུབ་པ་ནི། །ཡི་གེ་ཧཱུཾ་ལས་བསྐྱེད་བྱས་ཏེ། །རྟག་ཏུ་བརྟན་པར་གཞུག་པར་བྱ། །བདག་ཉིད་འབར་བའི་གར་ལ་སོགས། །སྟང་སྟབས་རྫོགས་ནས་བྲོ་བརྡུང་བྱ། །རྡོ་རྗེ་བརྗིད་གནོན་ཕྱག་རྒྱ་ཡིས། །ཕུར་པ་རྣམས་ནི་བྱིན་ལྡན་ཏེ། །བགེགས་ལུས་རྣམ་པར་མི་གཡོའོ། །སློབ་དཔོན་དག་ལ་བརྙས་བྱེད་དང་། །དམ་ཚིག་གཉན་པོ་འདྲལ་བ་དང་། །རྣལ་འབྱོར་སྤུན་ལ་འཁུ་བ་དང་། །རྣལ་འབྱོར་བར་དུ་གཅོད་པ་རྣམས། །གནོད་བྱེད་མ་ལུས་གཏན་ནས་ཕྱུང་། །ཁྲོ་བོའི་དཀྱིལ་འཁོར་བསྒོམ་བྱས་པས། །གདུག་པ་ཅན་ལ་སོགས་པ་རྣམས། །མནན་དང་གཟིར་དང་བསྐྲད་པ་དང་། །རྡུལ་དུ་བྱས་ལ་ཚོགས་ལ་དབུལ། །དམ་ཚིག་ཅན་གྱི་བདག་པོ་རྣམས། །བོས་ནས་ལས་རྣམས་མ་ལུས་བཅོལ། །བགེགས་རྣམས་མྱུར་དུ་གཞོམ་པ་དང་། །བསོད་ནམས་དམ་པ་འཕེལ་བྱའི་ཕྱིར། །རྒྱུན་དུ་བ་ལིཾ་སྦྱིན་པར་བྱ། །སྣོད་བཅུད་གདུག་པ་ཅན་རྣམས་ཏེ། །ཁྲོ་བོ་ཁྲོ་མོ་རྣམ་བསྒོམས་ཏེ། །ཐམས་ཅད་མ་ལུས་ཞི་བར་བྱེད། །དེ་ནས་བཅོམ་ལྡན་འདས་རྡོ་རྗེ་འཇིགས་བྱེད་ཀྱིས། དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བསྐྲད་པའི་ཆོ་ག་འདི་གསུངས་སོ། །དུར་ཁྲོད་འབར་བའི་དབྱིངས་ཉིད་དུ། །ཁྲོ་བོའི་དཀྱིལ་འཁོར་བསྒོམ་ནས་ནི། །མ་ཏྲཾ་རྣམས་ཀྱི་གཟུགས་བརྙན་ལ། །ཀུན་ཏུ་རྡོ་རྗེ་ཕུར་པས་གདབ། །དེ་ཡི་གསང་བའི་གནས་དག་ཏུ། །ཧོམ་ཁུང་གྲུ་གསུམ་སྒོ་ཅན་ལ། །གཙང་ཐོད་རྒྱན་གྱིས་མཛེས་བརྒྱན་པས། །བྱིན་ཟ་དགེ་བ་རཾ་སྦར་ཏེ། །དྲང་སྲོང་རྣམས་ནི་གཡབ་མོས་བོད། །ཁྲོ་བོའི་དཀྱིལ་འཁོར་བསྒོམས་ནས་ ― DNG021_Page_0613 ―
[མ་དཔེ་གཟིགས་ན་འདིར་གནོན།]
ནི། །དང་པོ་མེ་སྦྱང་སྤྱན་དྲངས་ཏེ། །གདན་དང་སྐུ་ཁྲུས་བསིལ་བར་བྱ། །ལས་ལ་གཞུག་ཅིང་བརྟན་བཞུགས་གསོལ། །ཕྱག་དང་མཆོད་པ་ཚུལ་བཞིན་བྱ། །བསྟོད་ནས་གཤེགས་སུ་གསོལ་བ་དང་། །རང་གི་དཀྱིལ་འཁོར་བདག་ལ་ཐིམ། །བདག་ཉིད་ཁྲོས་པར་བྱས་པ་ཡིས། །ཡང་ན་ཟླ་བའི་དཀྱིལ་དུ་བཞག །རྣམ་ཤེས་ཧཱུཾ་གིས་བསྡུས་བརྡུངས་ཏེ། །ཡེ་ཤེས་རླུང་གིས་འཕེན་པར་བྱེད། །དེ་ཡིས་ཕྱོགས་བཅུར་འཕྲོས་པར་བསམ། །མ་རུངས་པ་ནི་ཚིག་བསམ་ནས། །དེ་མ་ཐག་ཏུ་བདེར་འགྱུར་རོ། །གསང་བའི་དབྱིངས་ཀྱི་དབུས་དག་ཏུ། །ཁྲོ་བོའི་དཀྱིལ་འཁོར་བསྒོམ་ནས་ཀྱང་། །གཟུགས་བརྙན་དག་ནི་བྱས་ནས་ཀྱང་། །བཀུག་ནས་དེ་ཡི་གཟུགས་ཉིད་ལ། །རལ་གྲིས་དུམ་བུར་གཏུབས་ནས་ཀྱང་། །དུམ་བུ་དུམ་བུར་ཆད་བསམ་ན། །འཆི་འམ་ཡང་ན་སྐམ་པར་འགྱུར། །ཟིན་པའི་སེམས་ཅན་བསྲུང་བ་ནི། །སྐུད་པ་ནག་པོས་བཅིངས་ནས་ཀྱང་། །དགུག་ཅིང་བསྡིམ་པ་རྣམས་བྱས་ཏེ། །རལ་གྲི་དགྲ་སྟྭ་མཚོན་ཆ་ཡིས། །དེ་ཉིད་དུམ་བུར་གཅད་པར་བྱ། །རྡུལ་དུ་བྱས་ནས་བསྲེག་པར་བྱ། །དཀྱིལ་འཁོར་རྣམས་ལ་མཆོད་པར་བྱ། །ཕྱིན་ཆད་བགེགས་རྣམས་བསྲུང་དོན་དུ། །ཁྲོ་བོའི་དཀྱིལ་འཁོར་བསྒོམ་པར་བྱ། །འདེབས་བྱེད་ཡི་གེ་ལྔ་པོ་རྣམས། །གནས་ལྔ་དག་ཏུ་རྣམ་བཀོད་དེ། །ལུས་བསྲུངས་ཁྲོས་པ་ཐམས་ཅད་ཀྱིས། །བ་སྤུའི་བུ་ག་ཐམས་ཅད་གཏམས། །མི་རྟོག་ཞི་གནས་ལྡན་བྱས་ཏེ། །དེ་ཡིས་དུབ་པར་གྱུར་པ་དང་། །རྡོ་རྗེའི་བཟླས་པའི་རིམ་པ་བྱ། །སྤྱོད་ལམ་ཀུན་ཏུ་མ་ཉམས་པར། །ལྷ་དེ་ཉིད་དུ་རྟག་ཏུ་བསྒོམ། །འདི་ནི་རྒྱལ་བ་ཐམས་ཅད་ཀྱི། །ཡང་དག་དོན་གྱི་སྙིང་པོ་བས། །རྟག་ཏུ་འབྲལ་བར་མི་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། དཀྱིལ་འཁོར་གྱི་བདག་པོ་བསྟོད་པ་དང་། མནན་པ་དང་བསྒྲལ་བ་ལ་སོགས་པ་ ― DNG021_Page_0614 ―
[མ་དཔེ་གཟིགས་ན་འདིར་གནོན།]
སྒྲུབ་པའི་རིམ་པ་རྣམས་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་དགྱེས་པ་ཆེན་པོས། དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་རྣམས་ལ། སྔགས་ཀྱི་རྒྱལ་པོ་བསྟན་པའི་གཟུང་བ་འདི་ཆེད་དུ་བརྗོད་དོ། །ཀྱེ་མ་སངས་རྒྱས་ཐམས་ཅད་ཀྱི། །བླ་ན་མེད་པའི་བྱང་ཆུབ་སེམས། །འདའ་དཀའ་དེ་བཞིན་མི་ཤིགས་པ། །འདའ་བར་མི་མཛད་དམ་ཚིག་ཡིན། །ཕྱོགས་བཅུ་དུས་བཞི་རང་བཞིན་དག །དེ་བཞིན་གཤེགས་པའི་ངོ་བོ་ཉིད། །རང་གི་རྟོག་པ་ཕྲ་རྒྱས་ཀྱིས། །སོ་སོར་སྨིན་ཅིང་སྡུག་བསྔལ་བ། །གྲོལ་བར་བྱ་ཕྱིར་བླ་མེད་རྣམས། །བསྟན་ཕྱིར་རྫོགས་ལོངས་སྤྱོད་པར་བསྟན། །འོག་མིན་བླ་མེད་གནས་མཆོག་ཏུ། །མགོན་པོ་བདག་ཉིད་ཆེན་པོ་ངས། །རྡོ་རྗེ་འཁོར་ལོ་བསྐོར་བ་རྣམས། །ལྗགས་ཀྱི་དབང་པོར་བཀྲམ་ནས་ནི། །ཀུན་གྱི་དོན་དུ་གསུངས་པ་ནི། །དེ་བཞིན་གཤེགས་པ་ཐམས་ཅད་དང་། །བྱང་ཆུབ་སེམས་དཔའི་དགེ་འདུན་དང་། །རྣལ་འབྱོར་རྣམས་ཀྱིས་བརྟན་པོར་ཟུང་། །འགྲོ་བའི་སྐྱེ་བོ་ཇི་སྙེད་པར། །ཡི་གེ་འབྲི་མཆོད་སྦྱིན་པ་དང་། །ཉན་པ་དང་ནི་ཀློག་པ་དང་། །འཆད་དང་ཁ་ཏོན་བྱེད་པ་དང་། །དེ་སེམས་པ་དང་སྒོམ་པ་རྣམས། །དེ་བཞིན་གཤེགས་པའི་ངོ་བོ་ཉིད། །བླ་མེད་བྱང་ཆུབ་ཐོབ་པར་འགྱུར། །གང་ཞིག་འདི་ལ་མོས་འགྱུར་བ། །རྒྱལ་བ་རྣམས་ཀྱིས་རབ་བསྔགས་པའི། །ཡོན་ཏན་ཐམས་ཅད་འབྱུང་བར་འགྱུར། །ས་ཡི་ཁྱད་པར་བགྲོད་ནས་ནི། །བདེ་བ་ཆེན་པོར་འགྱུར་བ་ཡིན། །སངས་རྒྱས་ཀུན་གྱི་བྱང་ཆུབ་སེམས། །སྐུ་གསུང་ཐུགས་ཀྱི་གསང་བ་རྣམས། །རྟོགས་ཤིང་འཛིན་པར་བྱེད་པ་དང་། །རྟག་ཏུ་འཆང་བ་གང་ཡིན་པ། །དེ་ཉིད་ང་དང་འདྲ་བས་ན། །སྐུ་གསུང་ཐུགས་ཀྱི་དབང་རྣམས་དང་། །གསང་བའི་དོན་ནི་བསྟན་པ་ཡིན། །དངོས་ ― DNG021_Page_0615 ―
[མ་དཔེ་གཟིགས་ན་འདིར་གནོན།]
པོ་རྣམས་ཀྱི་དམ་ཚིག་ཀྱང་། །མཐོང་ཞིང་ཐོས་ནས་རྟོགས་ཤེས་ཡིན། །དམ་པ་རྣམས་ཀྱི་དམ་པ་མཆོག །དེ་བཞིན་ཉིད་དུ་གནས་བཅས་ནས། །གྲོལ་ཐར་ལམ་དང་འཁོར་བ་རྣམས། །ཇི་ལྟར་བརྗོད་ཀྱང་ཆོས་མཆོག་སྟེ། །དེ་བཞིན་ཉིད་ལས་ཉམས་པ་མེད། །དེ་བཞིན་ཉིད་ནི་དེ་བཞིན་པས། །དེ་ལ་དེ་བཞིན་གནས་མི་བྱ། །གང་གིས་དེ་བཞིན་གནས་གྱུར་ན། །དེ་བཞིན་མཐོང་བས་དེ་བཞིན་གཤེགས། །དེ་བཞིན་ཉིད་ཀྱི་དབྱིངས་ཉིད་ལ། །བཙལ་བ་མེད་པའི་བཙལ་སེམས་ཏེ། །དམིགས་པ་མེད་པའི་དམིགས་པ་དང་། །སྒོམ་དུ་མེད་པའི་སྒོམ་པ་ཡིས། །ཤེས་རབ་གསུམ་གྱི་བདག་ཉིད་ཅན། །ས་རྣམས་ཡེ་ཤེས་བསྐྱེད་འགྱུར་བས། །ཡང་དག་མཐོང་ནས་ལྷུན་གྱིས་གྲུབ། །དེ་བཞིན་གཤེགས་པས་རབ་བསྔགས་པས། །འཕགས་དང་བྱིས་པའི་སྐྱེ་བོ་དང་། །རང་དང་གཞན་གྱི་སྐྱེ་བོ་རྣམས། །གང་ཞིག་འདི་ལ་དད་འགྱུར་ན། །དམ་པ་འདི་དག་གནས་པ་ཡིན། །དེ་ནས་བཅོམ་ལྡན་འདས་དེ་བཞིན་གཤེགས་པའི་འཁོར་དེ་དག་ཐམས་ཅད་ཀྱིས་མགྲིན་གཅིག་དང་དབྱངས་གཅིག་ཏུ་འདི་སྐད་ཅེས་གསོལ་ཏོ། །སྐུ་གསུང་ཐུགས་ཀྱི་བདག་པོ་མཆོག །སྤྱན་རས་དྲི་མེད་འོད་མཛད་པ། །བདག་ཅག་ཀུན་གྱིས་མཐོང་བས་ན། །དཔའ་བོ་ཆེན་པོ་ཁྱོད་ཕྱག་འཚལ། །དེ་བཞིན་གཤེགས་པ་ཐམས་ཅད་ཀྱིས། །ཡང་དག་རྟོགས་ཤིང་འཛིན་པ་ལ། །རབ་ཏུ་མོས་པས་དུས་གསུམ་དུ། །དཔའ་བོ་ཆེན་པོ་བཞིན་ཕྱག་འཚལ། །བྱང་ཆུབ་འཕགས་དང་གཞན་རྣམས་ཀྱིས། །དོན་འདི་འཛིན་ཅིང་འཆང་བ་དང་། །རྟོགས་ནས་སྨྲ་བར་བྱེད་པ་ལ། །སྟོན་པ་བཞིན་དུ་བདག་འཚལ་ལོ། །གང་གིས་མིང་ཙམ་འཛིན་པ་ཡི། །དོན་འདི་སྒྲུབ་པར་བྱེད་པ་ན། །གཡོ་སྒྱུ་མེད་ཅིང་གུས་ལྡན་པས། །དཔའ་བོ་ ― DNG021_Page_0616 ―
[མ་དཔེ་གཟིགས་ན་འདིར་གནོན།]
བཞིན་དུ་བདག་ཕྱག་འཚལ། །དཔའ་བོའི་བསྟན་པ་བླ་མེད་པ། །ཡི་གེ་མེད་པའི་གསུང་མཆོག་སྟེ། །ཆོས་རྣམས་ཀུན་གྱི་རང་བཞིན་ལ། །སྟོན་པ་བཞིན་དུ་བདག་ཕྱག་འཚལ། །ཞེས་བརྗོད་པས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དགྱེས་པ་ཆེན་པོ་དེས། ཉིད་ཀྱི་དཀྱིལ་འཁོར་གྱིས་ཤིན་ཏུ་མཉེས་པར་གྱུར་ཏེ། དངོས་པོ་ཐམས་ཅད་སྒྱུ་མ་དང་འདྲ་བར་མཐོང་ནས། སྐུ་གསུང་ཐུགས་རྡོ་རྗེ་ལ་ཞུགས་ཏེ། ཅང་མི་གསུང་བར་གྱུར་ཏོ། །དེ་ནས་དེ་བཞིན་གཤེགས་པ་ལ་སོགས་པ་ཐམས་ཅད་དང་། བྱང་ཆུབ་སེམས་དཔའ་ལ་སོགས་པ་ཐམས་ཅད་ཀྱང་སྐུ་གསུང་ཐུགས་རྡོ་རྗེ་ལ་ཞུགས་སོ། །ཞུགས་པས་ཕྱོགས་བཅུ་དུས་བཞིའི་རང་བཞིན་ཐམས་ཅད་གཅིག་གི་རང་བཞིན་དུ་དབྱེར་མེད་པའི་མཉམ་པ་ཉིད་ཀྱི་རང་བཞིན་དུ་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་འབར་བའི་རྒྱུད་ལས། མཉེས་པ་དང་ཡོངས་སུ་གཟུང་བའི་ལེའུ་སྟེ་བཅུ་བདུན་པའོ།། །།དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་ཐུགས་ཀྱི་གསང་བའི་མཆོག་དམ་པའི་གསང་ཆེན་ཅེས་བྱ་བའི་རྒྱུད། རྣལ་འབྱོར་གྱི་མ་ཆེན་མོ་དེ་ཁོ་ན་ཉིད་སྟོང་ཕྲག་བརྒྱ་པ་ལས། རྡོ་རྗེ་འབར་བའི་རྒྱུད་ཅེས་བྱ་བའི་ལེའུ་སྟེ་བཅུ་བདུན་པ་རྫོགས་སོ།། །།རྒྱ་གར་གྱི་མཁན་པོ་ཛྙཱ་ན་གརྦྷ་དང་། བོད་ཀྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་གཏན་ལ་ཕབ་པ་རྫོགས་སོ།། །། |
