 རྙིང་མ་རྒྱུད་འབུམ་པོད་ཉེར་གཉིས་པ། ཟ༽སྡེ་དགེའི་ཤིང་པར་རྙིང་མ་རྒྱུད་འབུམ།རྩོམ་མཁན།Nitartha internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། རྡོ་རྗེ་ཕུར་པ་གསང་བའི་རྒྱུད་ཆེན་པོ།― DNG022_Page_0001 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་གུ་ཧྱ་མ་ཧཱ་ཏནྟྲ། བོད་སྐད་དུ། རྡོ་རྗེ་ཕུར་པ་གསང་བའི་རྒྱུད་ཆེན་པོ། བཅོམ་ལྡན་འདས་གསང་བ་མཆོག་གི་བདག་པོ། རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ་ཐམས་ཅད་མཁྱེན་པ་ལ་ཕྱག་འཚལ་ལོ། །འདི་སྐད་བསྟན་ཅིང་ཐོས་པའི་དུས་གཅིག་ན། བཅོམ་ལྡན་འདས་གསང་བ་མཆོག་གི་བདག་པོ། དུས་གསུམ་མ་ལུས་མི་ལུས་ལུས་པ་མེད་པའི་ངོ་བོ། རྡོ་རྗེ་དང་། འཁོར་ལོ་དང་། རིན་པོ་ཆེ་དང་། པདྨ་དང་ལས་ཀྱི་རང་བཞིན། རིགས་དང་ཡེ་ཤེས་ཀུན་གྱི་བདག་ཉིད། རོལ་པའི་རྫུ་འཕྲུལ་ལ་མངའ་བརྙེས་པ་དེ། དོན་ཆོས་ཉིད་སྐྱེ་བ་མེད་པའི་ངང་ལས། རྟགས་འགག་པ་མེད་པའི་ཆོ་འཕྲུལ་གྱི་སྐུར་བཞུགས་སོ། །འོག་མིན་གྱི་གནས་གསང་བ་མཆོག་གི་དཀྱིལ་འཁོར་ཆེན་པོ་དུས་གསུམ་གྱི་རྒྱལ་བ་རྣམས་ཀྱིས་གཤེགས་ཤིང་བཞུགས་ཏེ་བཞུགས་ ― DNG022_Page_0002 ―
[མ་དཔེ་གཟིགས་ན་འདིར་གནོན།]
པར་འགྱུར་བའི་གནས། རྒྱུ་རིན་པོ་ཆེ་དང་དུར་ཁྲོད་ལས་བྱས་པའི་དབྱིབས་ཁ་དོག་ཐ་དད་ཅིང་ངོ་བོ་ཉིད་བརྩེགས་པ་སྟེ། དེ་ཡང་དབྱིངས་ཡེ་ཤེས་གསལ་བའི་གཞལ་ཡས་ཁང་། ཀུན་ཏུ་ཁྱབ་པར་བརྡལ་བ་ཆེན་པོ་ན། རིགས་ཀྱི་ཡབ་དང་། རིགས་ཀྱི་ཡུམ་དང་། གཞན་ཡང་སེམས་དཔའ་དང་། སེམས་མ་དང་། སྒོ་སྐྱོང་སྤྲུལ་སྐུར་བཅས་པ་ཡང་། སྲིད་ཞི་དང་རིག་པའི་ཚུལ་གྱིས་ནི། ཏིལ་ལ་མར་བཞིན་དུ་ཁྱབ་པར་གནས་སོ། །འཁོར་གྱི་དཀྱིལ་འཁོར་དེ་ཉིད་ན། རྡོ་རྗེ་འཛིན་པའི་རྒྱལ་པོ་ཡང་ཉིད་ཀྱི་སྐུ་གསུང་ཐུགས་ལས་ཐོན་ཏེ། སྤྱན་སྔ་ཉིད་ན་བཀའ་ནོད་པའི་སྤོབས་པ་དང་ལྡན་པའི་ཞུ་བ་པོ་ཉིད་དུ་བཞུགས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོས། དུས་གསུམ་དང་། སྲིད་པ་གསུམ་དང་། འཁོར་བ་དང་མྱ་ ― DNG022_Page_0003 ―
[མ་དཔེ་གཟིགས་ན་འདིར་གནོན།]
ངན་ལས་འདས་པ་དང་། ས་དང་ཕ་རོལ་ཏུ་ཕྱིན་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་དང་། འཇིག་རྟེན་དང་འཇིག་རྟེན་ལས་འདས་པ་དང་། ཟག་བཅས་དང་ཟག་མེད།འདུས་བྱས་དང་འདུས་མ་བྱས། བསྟན་དུ་ཡོད་པ་དང་བསྟན་དུ་མེད་པ། ཐོགས་བཅས་དང་ཐོགས་མེད། རྟོག་བཅས་དང་རྟོག་མེད། དོན་དམ་པ་དང་ཀུན་རྫོབ། བསྒྲུབ་བྱ་དང་སྒྲུབ་བྱེད། ཤེས་པ་དང་ཤེས་པའི་ཡུལ། འཇིག་རྟེན་དང་འཇིག་རྟེན་ལས་འདས་པའི་ཆོས་རྒྱུ་འབྲས་བུར་བཅས་པ། སྣང་ཞིང་གྲགས་པ་ཐམས་ཅད་ལ། རྫུ་འཕྲུལ་གྱི་སྤྱན་གྱིས་ཀུན་ཏུ་ཡང་ཁྱབ་པར་གཟིགས་རྣམ་པར་ཡང་གཟིགས་སོ། །དེ་བཞིན་དུ་གཟིགས་པས། ཆོས་ཐམས་ཅད་བྱང་ཆུབ་ཀྱི་མཚན་ཉིད་སྟོང་པ་ཆེན་པོའི་རང་བཞིན། སྨྲ་བསམ་ལས་འདས་པའི་དེ་བཞིན་ཉིད། དེ་ཁོ་ནའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་རྡོ་རྗེ་འཛིན་པའི་རྒྱལ་པོ་རང་གི་སྟན་ལས་ལངས་ཏེ། བཅོམ་ལྡན་འདས་གསང་བ་མཆོག་གི་བདག་པོ་ལ། ཕྱི་ནང་གི་མཆོད་པའི་སྤྲིན་སྣ་ཚོགས་ཀྱིས་མངོན་པར་མཆོད་དེ། ལན་བརྒྱ་ཕྲག་སྟོང་དུ་བརྐྱང་ཕྱག་བཙལ་ནས། དགོངས་པ་ཆོས་ཀྱི་དབྱིངས་ལ་མནལ་བཞིན་དུ་འདི་སྐད་ཅེས་གསོལ་ཏོ། །ཨེ་མ་ཧོ་བདེར་གཤེགས་བཅོམ་ལྡན་འདས། །ཨེ་མ་ཧོ་གསང་མཆོག་དགྱེས་པ་ཆེ། །ཨེ་མ་ཧོ་རྣམ་པར་དག་པའི་ལམ། །ངོ་མཚར་འབྱུང་བ་ཁྱོད་ལ་འདུད། །དཀྱིལ་འཁོར་རྣམས་ཀྱི་དེ་ཉིད་དོན། །བྱང་ཆུབ་སེམས་ཀྱི་མཚན་ཉིད་དེ། །བདག་ཅག་རྣམས་ལ་བཤད་དུ་གསོལ། །དེ་ནས་གསང་བ་མཆོག་གི་བདག་པོས། རྡོ་རྗེ་འཛིན་པ་ལ་བཀའ་སྩལ་པ། རྡོ་རྗེ་འཛིན་པ་ཁྱོད་ཉོན་ཅིག །ལེགས་པར་ཡིད་ལ་ཟུང་ཞིག །འདི་ནི་སྔོན་གྱི་རྒྱལ་བ་ཐམས་ཅད་དང་ད་ལྟར་དང་ཕྱིས་འབྱུང་བའི་རྒྱལ་བ་སངས་རྒྱས་རྣམས་ཀྱིས་མ་གསུངས་གསུང་བར་དཀའ་བ་ཡིན་ཏེ། དེ་ཅིའི་ཕྱིར་ཞེ་ན། ― DNG022_Page_0004 ―
[མ་དཔེ་གཟིགས་ན་འདིར་གནོན།]
དེ་ཁོ་ན་ཉིད་བྱང་ཆུབ་སེམས་ཀྱི་མཚན་ཉིད་དེ་ནི་བརྗོད་དུ་ཡང་མེད་ལ། སྣོད་དུ་གྱུར་པ་ཡང་དཀོན་པའི་ཕྱིར་རོ། །རྡོ་རྗེ་འཛིན་པ་དེ་བས་ན་ཁྱོད་ཉིད་ལ་དྲིས་ཤིག་ཅེས་བཀའ་སྩལ་ཏེ་ཅི་ཡང་མི་གསུང་བར་བཞུགས་སོ། །དེ་ནས་འཁོར་ལོ་འཛིན་པ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་འཛིན་པ་ལ་བསྒོ་བ་མཛད་དེ། རྡོ་རྗེ་འཛིན་པ་ཆེན་པོ་ཁྱོད་ནི་དེ་བཞིན་གཤེགས་པས་བཀའ་སྩལ་པ་ཞུ་བ་སྤོབས་པ་ཡིན་པས་ན། བཅོམ་ལྡན་འདས་གསང་བ་མཆོག་གི་བདག་པོ་ཐེ་ཚོམ་ཐམས་ཅད་གཅོད་པ་ལ་ཐེ་ཚོམ་ཡང་དང་ཡང་དུ་ཞུས་ཤིག་དང་། དེ་བཞིན་གཤེགས་པ་ནི་སྣོད་ཇི་ལྟ་བ་བཞིན་དུ་ཆོས་སྟོན་པས་ན། བྱང་ཆུབ་སེམས་དཔའ་བློ་དམན་རྣམས་ལ་ཡང་བྱིན་གྱིས་རློབས་ཤིག་ཅེས་བཀའི་བསྒོ་བ་མཛད་པས། རྡོ་རྗེ་འཛིན་པའི་རྒྱལ་པོས། རིགས་བཞིའི་སངས་རྒྱས་ཀྱིས་བསྐུལ་བ་ཐུགས་སུ་ཆུད་ནས། འཁོར་མང་པོ་དང་བཅས་པ་སྣོད་དུ་རུང་བར་བྱིན་གྱིས་བརླབས་པར་མཛད་ནས། སྟོན་པའི་ཞལ་དུ་བལྟས་ཏེ་གནས་སོ། །དེ་ནས་རྡོ་རྗེ་འདུས་པའི་རྒྱལ་པོས། བསྔོ་བ་མེད་པའི་མཆོད་པ་མ་ཆགས་པའི་འདོད་ཡོན། ནམ་མཁའ་ལྟ་བུར་ཀུན་ལ་ཁྱབ་ཅིང་སེམས་ལས་སྤྲུལ་ཏེ། སྟོན་པ་ལ་མཆོད་ནས་འདི་སྐད་ཅེས་གསོལ་ཏོ། །དོན་དམ་སེམས་ཉིད་སྐྱེ་བ་མེད་པ་ལ། །སྟོན་པ་དང་ནི་གནས་དང་འཁོར། །སྐྱེ་བའི་ཆོ་འཕྲུལ་འབྱུང་བ་ཅི། །ཞེས་གསོལ་ཏོ། །བཀའ་སྩལ་པ། ཆོས་ཀུན་རྩ་བ་སེམས་ཉིད་དེ། །རྩ་བ་དེ་ཉིད་སྟོན་པ་ལས། །གུད་ནས་བསྟན་པ་བཙལ་བ་མེད། །བདག་ཉིད་ཆེན་པོ་བྱང་ཆུབ་སེམས། །རྒྱུ་དང་འབྲས་བུར་བཅས་པའི་ཆོས། །བྱང་ཆུབ་སེམས་ལ་གནས་པ་ལས། །གུད་ན་གནས་པ་མ་ཡིན་ནོ། །དེ་ནི་གཞལ་ཡས་བྱང་ཆུབ་སེམས། །འཁོར་བའི་རྒྱུ་བསྟན་ཕུང་པོ་ལྔ། །འཁོར་བ་གནས་བསྒྱུར་ཕྱག་རྒྱ་ཡིན། །ཕྱག་རྒྱ་དེ་ཉིད་ ― DNG022_Page_0005 ―
[མ་དཔེ་གཟིགས་ན་འདིར་གནོན།]
བྱང་ཆུབ་སེམས། །འབྱུང་བ་གནས་བསྒྱུར་ཡུམ་ལྔ་སྟེ། །ཡུམ་ལྔ་མ་ཆགས་བྱང་ཆུབ་སེམས། །རྣམ་ཤེས་འཁོར་བ་གནས་བསྒྱུར་སེམས་དཔའ་སྟེ། །དམིགས་པ་མེད་པའི་བྱང་ཆུབ་སེམས། །ཡུལ་བརྒྱད་འཁོར་བ་གནས་བསྒྱུར་སེམས་མ་སྟེ། །གནས་པ་མེད་པ་བྱང་ཆུབ་སེམས། །རྟག་ཆད་འཁོར་བ་གནས་བསྒྱུར་སྒོ་བ་སྟེ། །རེག་པ་རེག་ཤེས་རེག་བྱ་ལ། །འཁོར་བ་གནས་བསྒྱུར་ཁྲོ་བོ་སྟེ། །དངོས་པོ་མེད་པའི་བྱང་ཆུབ་སེམས། །སྨོན་པ་མེད་པའི་བྱང་ཆུབ་སེམས། །ཉོན་དྲུག་གནས་བསྒྱུར་སྤྲུལ་སྐུ་སྟེ། །སྤྲོས་པ་མེད་པའི་བྱང་ཆུབ་སེམས། །རྟག་ཆད་འཁོར་བ་གནས་བསྒྱུར་ཀུན་བཟང་ཡབ་ཡུམ་སྟེ། །གཟུང་འཛིན་མེད་པའི་བྱང་ཆུབ་སེམས། །འཁྲུལ་པ་བཟློག་ཕྱིར་སེམས་ལས་ཤར་བ་ལས། །གུད་ནས་བཙལ་བ་མ་ཡིན་གྱི། །བཙལ་ཡང་རྒྱལ་བས་མི་བརྙེས་སོ། །དེ་བས་སེམས་ཉིད་ཆོས་རྣམས་ཀུན་གྱི་རྩ་བ་སྟེ། །རྩ་བ་དེ་ཡི་དོན་རྟོགས་ནས། །ཅི་ཡང་མ་བཀག་ཆོས་ཀྱི་དབྱིངས། །བལྟ་བ་མ་བཀག་སེམས་ཉིད་ནམ་མཁའ་ཡིན། །སྤྱོད་པ་མ་བཀག་སེམས་ཉིད་རྒྱ་མཚོའི་འཇིངས། །བསྒྲུབ་པ་མ་བཀག་སེམས་ཉིད་ཆེན་པོ་བསྒྲུབ། །ཕྲིན་ལས་མ་བཀག་སེམས་ཀྱིས་ཀུན་ལ་རོལ། །དཀྱིལ་འཁོར་མ་བཀག་སེམས་ཉིད་ཉིད་ལ་རྫོགས། །དམ་ཚིག་མ་བཀག་སེམས་ལས་བསྲུང་དུ་མེད། །མཆོད་པ་མ་བཀག་སེམས་ལས་ལོངས་སྤྱོད་པ། །སྙིང་པོ་མ་བཀག་སེམས་ཉིད་བརྗོད་དང་བྲལ། །ཕྱག་རྒྱ་མ་བཀག་སེམས་ཉིད་ཕྱག་རྒྱ་ཡིན། །ཏིང་འཛིན་མ་བཀག་སེམས་ཉིད་ངང་ལ་ཤར། །ཞེས་བཀའ་སྩལ་པས། འཁོར་རྣམས་སེམས་མཚན་མེད་པ་ལ་མཚན་མའི་སྐུར་བྱུང་བས་རྟག་པའི་མཐའ་སེལ་ཏོ། །དེ་ནས་ཡང་རྡོ་རྗེ་འཛིན་པའི་རྒྱལ་པོས་འདི་སྐད་ཅེས་གསོལ་ཏོ། །སྤྲོས་པ་མེད་པའི་བྱང་ཆུབ་སེམས། །དོན་དམ་མཆོག་ཏུ་ཇི་ལྟར་བསྐྱེད། །ཅེས་ཞུས་ ― DNG022_Page_0006 ―
[མ་དཔེ་གཟིགས་ན་འདིར་གནོན།]
པ་དང་། བཅོམ་ལྡན་འདས་གསང་བ་མཆོག་གི་བདག་པོས། དོན་དམ་པའི་དེ་ཁོ་ན་ཉིད་ཀྱི་ཏིང་ངེ་འཛིན་ལ་ཅུང་ཞིག་མཉམ་པར་བཞག་ནས། འདུས་པའི་ཚོགས་རྣམས་ལ་འདི་སྐད་ཅེས་བཀའ་སྩལ་ཏོ། །རྡོ་རྗེ་འཛིན་པ་ལ་སོགས་པ་རྣམས་ངེས་པར་ལེགས་པར་ཉོན་ཅིག །བྱང་ཆུབ་སེམས་ཞེས་བྱ་བ་ནི། །བརྗོད་དང་སྨྲ་བསམ་ཡུལ་ལས་འདས། །དོན་དམ་ཀུན་རྫོབ་ཐ་མི་དད། །རང་གི་ལུས་ངག་རྡོ་རྗེ་སྟེ། །བྱང་ཆུབ་སེམས་ཀྱི་ངོ་བོ་ལས། །ལུས་ངག་ཡིད་གསུམ་མ་གྲུབ་པར། །རིག་པའི་སྐྱེས་བུ་དེ་ཡིས་ནི། །བྱང་ཆུབ་མཆོག་ཏུ་སེམས་བསྐྱེད་ཡིན། །ཞེས་གསུངས་སོ། །དེ་ནས་འཁོར་འདུས་པ་རྣམས་ཀྱིས། རང་གི་བྱང་ཆུབ་སེམས་དེ་ཁོ་ན་ཉིད་ལ་སེམས་ནས་འཁོད་དོ། །འཁོད་པས་སེམས་ཀྱི་དོན་རྟོགས་པར་གྱུར་ཏེ། དེ་ནས་རྡོ་རྗེ་འཛིན་པའི་རྒྱལ་པོ་དེས། རང་གི་བྱང་ཆུབ་སེམས་ཀྱི་རྟོགས་ཚད་འདི་ཕུལ་ལོ། །ཨེ་མ་ཧོ་བདེར་གཤེགས་བཅོམ་ལྡན་འདས། །སངས་རྒྱས་ཀུན་གྱི་བྱང་ཆུབ་སེམས། །གཟུང་འཛིན་རྣམ་སྤངས་ཚིག་དང་ཡི་གེའི་སྤྱོད་ཡུལ་མིན། །གདོད་ནས་མ་སྐྱེས་རྟོག་པའི་གནས་མེད་དོ། །ཞེས་གསུངས་སོ། །དེ་ནས་བཅོམ་ལྡན་འདས་འཁོར་ལོ་འཛིན་པས་ཀྱང་། རང་གི་བྱང་ཆུབ་ཀྱི་སེམས་རྟོགས་ཚད་འདི་གསུངས་སོ། །ཨེ་མ་ཧོ་ཆོས་ཀུན་སྟོང་པའི་བདག །རང་གི་ངོ་བོ་བརྗོད་དུ་མེད། །བརྗོད་མེད་དེ་ནི་སྣ་ཚོགས་པའི། །ཆོས་རྣམས་ཀུན་ལ་ཁྱབ་པར་གནས། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་འཛིན་པས་ཀྱང་། རང་གི་བྱང་ཆུབ་སེམས་ཀྱི་རྟོགས་ཚད་ཕུལ་པ་འདི་སྐད་གསུངས་སོ། །ཨེ་མ་ཧོ་མཉམ་ཉིད་བྱང་ཆུབ་སེམས། །མིང་དུ་བཏགས་པའི་ཚིག་རྣམས་ཀུན། །མཉམ་པ་ཉིད་ལ་གནས་བཅས་ཕྱིར། །མཉམ་པ་ཉིད་ལས་གཞན་མེད་དོ། །ཞེས་གསུངས་སོ། །དེ་ནས་བཅོམ་ལྡན་འདས་པདྨ་འཛིན་པས་ཀྱང་། རང་གི་བྱང་ཆུབ་སེམས་ ― DNG022_Page_0007 ―
[མ་དཔེ་གཟིགས་ན་འདིར་གནོན།]
ཀྱི་རྟོགས་ཚད་འདི་གསུངས་སོ། །ཨེ་མ་ཧོ་ཆོས་སུ་སྣང་བ་ཐམས་ཅད་ཀུན། །རང་གི་ངོ་བོ་བརྗོད་དུ་མེད། །དེ་ཉིད་བྱང་ཆུབ་སེམས་སུ་ནི། །མཁས་པས་བསྒོམས་ན་རྟོགས་པར་འགྱུར། །ཞེས་གསུངས་སོ། །དེ་ནས་བཅོམ་ལྡན་འདས་རྒྱ་གྲམ་འཛིན་པས་ཀྱང་། རང་གི་བྱང་ཆུབ་སེམས་ཀྱི་རྟོགས་ཚད་འདི་གསུངས་སོ། །ཆོས་ཀུན་བྱང་ཆུབ་སེམས་ཉིད་དེ། །ངེས་པ་མེད་དེ་དངོས་རྟོག་བྲལ། །དེ་ཉིད་དག་པའི་རང་བཞིན་ཏེ། །མཁས་པས་ཅི་དགར་བསྒོམས་ན་འགྲུབ། །ཅེས་གསུངས་སོ། །དེ་ལས་གཞན་པའི་འཁོར་རྣམས་ནི། བྱང་ཆུབ་སེམས་དེ་ཁོ་ན་ཉིད་ཀྱི་དོན་ཉམས་སུ་མྱོང་སྟེ། རང་རང་གིས་དེ་བཞིན་ཉིད་ལ་འཁོད་ནས་གནས་སོ། །ཐམས་ཅད་བྱང་ཆུབ་ཀྱི་སེམས་ཀྱིས་ཚིམས་པ་དེའི་ཚེ་ན། དུས་གསུམ་ལ་སོགས་ཏེ་འཁོར་བ་དང་མྱ་ངན་ལས་འདས་པ། རྒྱུ་དང་འབྲས་བུར་བཅས་པ་རྣམས་སྟོང་པ་ཆེན་པོར་གྱུར་པ་ནི། དཔེ་ནམ་མཁའི་མཚན་ཉིད་ཙམ་དུ་ཡང་བསྒྲུབ་ཏུ་ཡོད་པ་མ་ཡིན་ནོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བྱང་ཆུབ་ཀྱི་སེམས་དེ་ཁོ་ན་ཉིད་ཀྱི་དོན་ངེས་པར་གླེང་བསླང་བའི་ལེའུ་སྟེ་གཉིས་པའོ།། །།དེ་ནས་སྐྱེ་བ་མེད་པའི་དེ་བཞིན་ཉིད་ལས། འགག་པ་མེད་པའི་ལོངས་སྤྱོད་རྫོགས་པའི་སྐུ་འབྱུང་བའི་ཕྱིར་ན། རྡོ་རྗེ་འཛིན་པའི་རྒྱལ་པོས། སྟོང་པ་ཉིད་ཀྱི་ངང་ལས་གླུ་འདིས་བསྐུལ་ཏོ། །ཨེ་མ་ཧོ་སྟོང་ཉིད་རྣམ་དག་ཀློང་ཡངས་ནས། །སྙོམས་པའི་ཐུགས་རྗེ་འབྱུང་བར་མི་དམིགས་ཀྱང་། །ཤེས་རབ་དོན་དམ་ཆོས་སྐུ་གསལ་བ་ལས། །མི་འགོག་ཐབས་ཀྱིས་སྙིང་རྗེ་ནམ་མཁར་སྟོན། །ཞེས་བསྐུལ་བས། གསང་བ་མཆོག་གི་བདག་པོས་བསྐུལ་བར་མཁྱེན་ཏེ། སྟོང་པ་ཉིད་ཀྱི་ངང་ལ་མནལ་བཞིན་དུ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ལ་ཁྱབ་པའི་སྙིང་རྗེ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། དེའི་ཚེ་ཆོས་ཐམས་ཅད་སྙིང་རྗེ་ ― DNG022_Page_0008 ―
[མ་དཔེ་གཟིགས་ན་འདིར་གནོན།]
ཆེན་པོའི་ངོ་བོ་ཙམ་དུ་གནས་པར་གྱུར་ཏོ། །དེ་ནས་རྡོ་རྗེ་འཛིན་པས། སྙིང་རྗེ་ཆེན་པོའི་ངང་ལས་གླུ་འདིས་བསྐུལ་ཏོ། །ཨེ་མ་ཧོ་མ་ལྟར་བྱམས་པའི་སྙིང་རྗེ་ཆེན་པོ་ནི། །མཁའ་ལྟར་གོ་ཡང་འབྱེད་ཅིང་ཀུན་ལ་ཁྱབ། །རིག་པའི་སྙིང་རྗེ་ནམ་མཁའི་དབྱིངས་རུམ་ནས། །ལོངས་སྤྱོད་རྫོགས་པའི་སྐུ་མཆོག་བསྟན་དུ་གསོལ། །ཨ་ལ་ལ་ཧོ་ཞེས་བསྐུལ་ཏོ། །དེ་ནས་གསང་བ་མཆོག་གི་བདག་པོས་བསྐུལ་བར་མཁྱེན་ནས། སྙིང་རྗེ་ནམ་མཁའི་ངང་ལས་རིག་པའི་ཆོ་འཕྲུལ་རྣམ་པར་སྤྲུལ་ཏེ། རྡོ་རྗེའི་སྐུ་མངོན་པར་འདུ་མཛད་དེ། དཔེར་ན་ནམ་མཁའི་དབྱིངས་ལ་ཉི་མ་འབུམ་དུས་གཅིག་ཏུ་ཤར་བའི་གཟི་བརྗིད་ལྟ་བུའོ། །དེ་ནས་ཡང་རྡོ་རྗེ་འཛིན་པས། རྨད་དུ་བྱུང་བའི་གླུ་འདིས་བསྐུལ་ཏོ། །ཨེ་མ་ཧོ་ཡིད་བཞིན་སྐུ་མཆོག་ཉི་མ་འབར་བ་ལས། སྤྲུལ་པའི་ཆོ་འཕྲུལ་རྡོ་རྗེའི་གར་མཛད་ཅིང་། །བརྗིད་པའི་སྐུ་མཆོག་རྡོ་རྗེ་འབར་བ་ཡིས། །འབར་བའི་སྐུ་མཆོག་བདག་ལ་བསྟན་དུ་གསོལ། །ཨ་ལ་ལ་ཧོ་ཞེས་རྣམ་པར་བསྐུལ་བས་བསྐུལ་བར་ཐུགས་སུ་ཆུད་དེ། བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་མཚན་མ། ཡེ་ཤེས་ཀྱི་རྩེ་མོ་རྡོ་རྗེ་རྩེ་དགུ་པ་ལྟ་བུ། སངས་རྒྱས་རྣམས་ཀྱིས་གཟིགས་པར་གྱུར་ཏོ། །དེ་ནས་ཡང་རོལ་པའི་སྐུ་མངོན་པར་འདུ་མཛད་པ་དེ་ལས། རོལ་པའི་སྐུ་ཞལ་གསུམ་པ་ལྟ་བུ་སངས་རྒྱས་རྣམས་ཀྱིས་གཟིགས་སོ། །དེ་ནས་རྨད་དུ་བྱུང་བ་འདིས་བསྐུལ་ལོ། །ཨེ་མ་དེ་ནི་རང་བྱུང་བའི། །རིགས་རྣམས་ཀུན་གྱི་རིགས་ཀྱི་གཙོ། །དཀྱིལ་འཁོར་ཀུན་གྱི་བྱེད་པ་པོ། །རྡོ་རྗེ་འཆང་ཆེན་རྟག་པ་རོལ་པའི་སྐུའོ། །རྡོ་རྗེ་འཛིན་པ་ལ་སོགས་པས་འདི་སྐད་ཅེས་གསོལ་ཏོ། །ཨེ་མ་ཧོ། དེ་བཞིན་གཤེགས་པ་ཀུན་ཞི་བའི། །དེ་བཞིན་གཤེགས་པ་ཀུན་གྱི་གནས། །རྡོ་རྗེ་ཆེན་པོ་ལས་བྱུང་བའི། །དཀྱིལ་འཁོར་དམ་པ་བཤད་དུ་གསོལ། །ཨེ་མ་ཧོ། དེ་བཞིན་གཤེགས་པ་ཀུན་གྱི་གཙོ། །དེ་བཞིན་ ― DNG022_Page_0009 ―
[མ་དཔེ་གཟིགས་ན་འདིར་གནོན།]
གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ཨེ་མ་ཧོ། མཚན་ཉིད་ཐམས་ཅད་ཡང་དག་རྫོགས། །མཚན་མེད་ཐམས་ཅད་ཡང་དག་སྤོངས། །བཅོམ་ལྡན་གསང་བ་མཆོག་གི་བདག །དཀྱིལ་འཁོར་དམ་པ་བཤད་དུ་གསོལ། །ཨེ་མ་ཧོ། ཞི་བའི་ཆོས་མཆོག་ལས་བྱུང་བའི། །ཡེ་ཤེས་སྤྱོད་པ་རྣམ་སྦྱོང་བའི། །བཅོམ་ལྡན་གསང་བ་མཆོག་གི་བདག །དཀྱིལ་འཁོར་དམ་པ་བཤད་དུ་གསོལ། །ཨེ་མ་ཧོ། སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པས་དྲི་མ་མེད། །བཅོམ་ལྡན་གསང་བ་མཆོག་གི་བདག །དཀྱིལ་འཁོར་དམ་པ་བཤད་དུ་གསོལ། །ཞེས་བསྐུལ་བར་མཁྱེན་ཏེ། བཅོམ་ལྡན་འདས་ཀྱིས་ཧཱུྃ་ཧཱུྃ་ཧཱུྃ་ཞེས་བརྗོད་དེ། བྱིན་རླབས་ཅན་དུ་བྱ་བའི་ཕྱིར། །སྔ་ཚུལ་གྱི་གནས་དང་འཁོར་ཚུལ་ལ་སོགས་པ་དེ་དག་ཉིད་ཀྱི་སྐུ་གསུང་ཐུགས་ལ་བསྡུས་ཏེ། ཆོས་ཉིད་བྱང་ཆུབ་སེམས་སུ་མི་སྣང་བར་མཛད་དོ། །དེ་ལས་བོ་དྷི་ཙིཏྟ་མཎྜ་ལ་ཨ་ཞེས་ཆོ་འཕྲུལ་གྱི་སྒྲ་བརྗོད་པས། སྐྱེ་བ་མེད་པའི་ངང་ལས་འགག་པ་མེད་པའི་ཆོ་འཕྲུལ་གྱི་བྱང་ཆུབ་སེམས་ཀྱི་གཟུགས་བརྙན་ནི། ཆོས་ཐམས་ཅད་ཀྱི་ངོ་བོ་ཡི་གེ་ཨ་རུ་གསལ་བར་མཛད་དོ། །དེ་ལ་ཆོ་འཕྲུལ་གྱི་སྒྲ་འདི་སྐད་ཅེས་བསྒྲགས་སོ། །ཡི་གེ་ཨ་ཡི་སེམས་ཀྱི་རང་བཞིན་ཏེ། །ཆགས་པའི་སྐྱོན་བྲལ་ནམ་མཁའི་ཁ་དོག་འདྲ། །སེམས་རྒྱ་ཆེ་བའི་ཁྱད་པར་བསྟན་པའི་ཕྱིར། །རྒྱ་མཚོའི་རླབས་ལྟར་ཐམས་ཅད་འབྱུང་བའི་རྒྱུ། །ཞེས་བསྒྲགས་སོ། །བྱང་ཆུབ་སེམས་ཀྱི་རང་བཞིན་ཨ་རེའི་འཕྲོ་འདུ་ལས། ཐམས་ཅད་ཡི་གེ་ཨ་དེ་ཤིན་ཏུ་ཡང་གསལ་ཏེ། དེ་ལས་འདི་སྐད་ཅེས་བསྒྲགས་སོ། །བྱང་ཆུབ་སེམས་ཀྱི་ཡིག་འབྲུ་ཨ། །འཕྲོས་པས་ཐུགས་བསྐུལ་རྒྱུད་སྦྱང་སྟེ། །ཐབས་དང་ཤེས་རབ་དབྱངས་དང་སྒྲ་ཡིག་ཚོགས། །མཚན་དང་དཔེ་བྱད་ཀུན་གྱི་རྒྱུ་རུ་གསལ། །ཀ་ཁ་ག་གྷ་ང་། ཙ་ ― DNG022_Page_0010 ―
[མ་དཔེ་གཟིགས་ན་འདིར་གནོན།]
ཚ་ཛ་ཛྷ་ཉ། ཏ་ཐ་ད་དྷ་ན། ཊ་ཋ་ཌ་ཌྷ་ཎ། པ་ཕ་བ་བྷ་མ། ཡ་ཝ་ར་ལ། ཤ་ཥ་ས་ཧ། ཨོཾ་ཨོཾ་ཀྵ་ཨ། ཨ་ཨཱ། ཨི་ཨཱིཾ། ཨུ་ཨཱུ། ཨེ་ཨཻ། ཨོ་ཨཽ། རྀ་རཱྀ། ལྀ་ལཱྀ། ཨཾ་ཨཱ། དེ་ནས་ཡང་གསང་བ་མཆོག་གི་བདག་པོས། དེ་བཞིན་ཉིད་ཀྱི་དབྱིངས་ལས་ནི། །ལྷ་མོ་དབྱིངས་ཕྱུག་མངོན་ཕྱུང་སྟེ། །ཧི་ཧི་དགྱེས་པའི་གཟི་མདངས་ཀྱིས། །རིན་ཆེན་པདྨ་རྒྱས་མཛད་ནས། །སྨིན་རིང་མཛེས་ཚུལ་གཡོན་དུ་བཞུགས། །དེ་ནས་ཡང་གསང་བ་མཆོག་གི་བདག་པོས། གཞལ་ཡས་རྣམ་པར་གསལ་བའི་ཏིང་ངེ་འཛིན་ལ་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་ལས་སྙིང་པོ་འདི་རྣམས་ཆེད་དུ་བརྗོད་དེ་ཕྱུང་ངོ་། །ཨེ་ཡཾ། ཁཾ། སུཾ། རཾ། བྷྲཱུཾ། ཆོས་དབྱིངས་གསལ་བའི་ནམ་མཁའ་ལ། །ཡེ་ཤེས་གསལ་བའི་རླུང་གིས་བསྐྱོད། །བྱང་ཆུབ་སེམས་རྒྱན་ཆུ་རྒྱུན་ལས། །ཞི་གནས་གསལ་བའི་ས་གཞི་ཆགས། །ལྷག་མཐོང་འབར་བའི་དྲོད་དང་ལྡན། །ཡེ་ཤེས་ལྔ་ལྡན་རི་རབ་ཆེན་པོ་ལ། །བྷྲཱུཾ་ལས་རིན་ཆེན་འབར་བའི་གཞལ་ཡས་ཁང་། །ཨེ་མ་སངས་རྒྱས་ཐམས་ཅད་ཀྱི། །རྡོ་རྗེ་གསང་བ་མཆོག་གི་གནས། །དབུས་ཀྱི་དཀྱིལ་འཁོར་ཆ་དགུ་པ། །འཁོར་ལོ་རྩིབས་བཞི་རྩིབས་བརྒྱད་པ། །གྲུ་ཆད་བར་ཁྱམས་ལྡན་པ་དང་། །སྒོ་ཡི་འགྲམ་ལོགས་ཡ་ཕུབ་ཁྱུང་། །ཕྱི་དང་ནང་མེད་ཀུན་ཏུ་ནང་། །རྣམ་ཐར་བརྒྱད་ཀྱི་ཀ་བ་ལ། །ཡེ་ཤེས་ཆེན་པོ་བཞིའི་གདུང་དྲེས། །འཁོར་ལོའི་གདན་དང་རིན་ཆེན་རྒྱན། །རྟ་བབས་རོལ་མོའི་ཚོགས་སུ་ལྡན། །ཞེས་བརྗོད་དོ། །དེ་ནས་ཡང་བདག་ཉིད་དང་འཁོར་རྣམས་ལ་རིམ་གྲོ་བསྐྱེད་དེ་གདན་བཏིང་བའི་ཕྱིར། འདི་སྐད་ཅེས་བརྗོད་དོ། །དྷ་རི་ཏ་ཀེ་ཐ་ག་ཏེ། བྷེ་ཤ་ར་ཏ། དྷ་ཤ་ཏ་ཐཱ་ག་ཏ་ས་ཏ་ལ། ཏ་ཐཱ་ག་ཏ་སརྦ་གི་ར། ཙ་ཏ་རི་རིད་ཏི་པྲ་ཏ།ཤཱནྟི་ག་ཏ་བོ་ཤ་ཏ་ཀ །རཏྣ་ད་ར། མ་པ། ཨ་སཱུརྱ་ཙནྡྲ་པདྨ་མཎྜ་ལ། སེང་གེ་གླང་ཆེན་རྟ་དང་རྨ་བྱ་ནམ་ ― DNG022_Page_0011 ―
[མ་དཔེ་གཟིགས་ན་འདིར་གནོན།]
མཁའ་ལྡིང་། །ཉི་ཟླ་པདྨ་རིན་ཆེན་ཁྲི་རྐང་མཛེས། །བདེ་གཤེགས་རྣམས་ལ་རིམ་གྲོ་བསྐྱེད་པའི་ཕྱིར། །གདན་གྱི་ཁྱད་པར་རབ་ཏུ་རྫོགས། །དེ་ནས་ཡང་བཅོམ་ལྡན་འདས་ཀྱིས་ཆེད་དུ་བརྗོད་པ་འདི་བརྗོད་དོ། །རཾ་ཡཾ་ཁཾ། ཇི་ལྟར་སྣང་བའི་དངོས་པོ་རྣམས། །སྐྱེ་མེད་ངང་དུ་རོ་གཅིག་ཕྱིར། །ཡེ་ཤེས་བསྐལ་པ་གསུམ་གྱིས་དངོས་པོ་གསུམ། །སྦྱངས་ནས་རང་བཞིན་ཆོས་དབྱིངས་ངང་དུ་དག །ཅེས་གསུངས་སོ། །དེ་ནས་གསང་བ་མཆོག་གི་བདག་པོ་དེས། ཏ་ཐཱ་ག་ཏ་ས་མ་ཡ་ཏིཥྛ་བཛྲ་ཞེས་བརྗོད་དེ། དཀྱིལ་འཁོར་ཆེན་པོའི་དབུས་སུ་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་མ་ཆགས་པའི་ཡུམ་ལ། འཁོར་གྱི་སྐུ་བསྐྱེད་པའི་ཕྱིར་ན། རྗེས་སུ་ཆགས་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཡུམ་དབྱིངས་ཕྱུག་མ་ཞལ་འཛུམ་པ་དང་བཅས་ནས། ཆགས་པའི་གླུ་འདིས་བསྐུལ་ཏོ། །ཨེ་མ་ཧོ། རོལ་པའི་ཆོ་འཕྲུལ་འབར་བའི་སྐུ་མཆོག་ལས། །ཁྱབ་པའི་བྱིན་རླབས་རྡོ་རྗེའི་གར་མཛད་ཅིང་། །གསང་བ་བྷ་ག་ཡངས་པའི་དཀྱིལ་འཁོར་དུ། །རེ་སྐོང་བདུད་རྩིའི་ཆར་རྒྱུན་དབབ་ཏུ་གསོལ། །ཨ་ལ་ལ་ཧོ་ཞེས་རྣམ་པར་བསྐུལ་བས། བཅོམ་ལྡན་འདས་གསང་བ་མཆོག་གི་བདག་པོ་དེས། གཉིས་སུ་མེད་པའི་རོལ་པའི་ཚུལ་གྱིས་གར་མཛད་ཅིང་། རྡོ་རྗེའི་གླུ་འདི་བླངས་སོ། །ཨ་ཧོ་བདེ་མཆོག་འདུ་འབྲལ་མེད་པའི་དབྱིངས་ཉིད་དུ། །འཛུམ་ཞིང་འཁྱིལ་པས་པདྨའི་བྷ་ག་རུ། །དགའ་མཆོག་རྡོ་རྗེ་གསང་བའི་བྱང་ཆུབ་སེམས། །དྲི་མེད་རིན་ཆེན་ཆར་དབབ་རྒྱུན་མི་གཅོད། །སརྦ་ཏ་ཐཱ་ག་ཏ་ཛྙཱ་ན་བཛྲ་ཨོཾ་ཧཱུྃ་ཕཊ། ཨེ་ཀ་ཙནྟ་ཨཱོཾ། ཨ་ནུ་རཱ་ག་ཡཱ་མི། ཞེས་གསུངས་སོ། །མཁའ་གསང་བྱིན་གྱིས་བརླབས་ནས། རྣམ་པ་སྣ་ཚོགས་པའི་གླུ་དང་གར་གྱིས་སྟེགས་པ་དང་། འཁྱུད་པ་དང་རོལ་པ་མཛད་དོ། །དེ་ལྟར་རོལ་པའི་ཐབས་མཆོག་ཡབ་ཀྱི་བྱང་ཆུབ་ཀྱི་སེམས་སོ། །ཆགས་པའི་ ― DNG022_Page_0012 ―
[མ་དཔེ་གཟིགས་ན་འདིར་གནོན།]
ཡུམ་གྱི་བྱང་ཆུབ་སེམས་ཀྱིས་བསྐུལ་བའི་ཆོ་འཕྲུལ་གྱི་སྒྲ་འདི་སྐད་བསྒྲགས་སོ། །ཨ་ཧོ་ཆགས་པ་ཆེན་པོ་དབབ་པའི་བྱང་ཆུབ་སེམས། །དུས་གསུམ་བདེ་གཤེགས་རྣམས་ཀྱི་རྩ་བཞིའི་མཆོག །དྲི་མེད་སྐྱོན་བྲལ་པདྨའི་རང་བཞིན་ལས། །མུ་ཏིག་དྲི་མེད་བསིལ་བའི་འོད་ཟེར་སྤྲོའོ། །ཡང་ཐབས་མཆོག་ཡབ་ཀྱི་བྱང་ཆུབ་སེམས་ཀྱིས། ཆགས་པའི་ཡུམ་གྱི་བྱང་ཆུབ་སེམས་ལ་བསྐུལ་བའི་ཆོ་འཕྲུལ་སྒྲ་འདི་སྐད་ཅེས་བསྒྲགས་སོ། །ཨ་ཧོ་གསལ་ཞིང་དག་པ་ཟླ་བའི་དཀྱིལ་འཁོར་དུ། །སྐྱོན་གྱིས་མ་གོས་རྣམ་དག་བྱང་ཆུབ་སེམས། །དུས་གསུམ་རྒྱལ་བ་རྣམས་ཀྱི་ཐུགས་ཉིད་དེ། །བསིལ་བའི་འོད་ཟེར་པདྨའི་གནས་སུ་སྤྲོ་ཧོ། ན་མཿསརྦ་ཏ་ཐཱ་ག་ཏ་མ་ཧཱ་བྷོ་དྷི་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཞེས་སྤྲོ་ཞིང་བསྐུལ་ལོ། །དེ་ནས་ཡང་གསང་བ་མཆོག་གི་བདག་པོས། བྱང་ཆུབ་ཀྱི་སེམས་འཕྲོ་འདུའི་ཏིང་ངེ་འཛིན་ལ་ཞུགས་ཏེ། ཆེད་དུ་བརྗོད་པ་འདི་བརྗོད་དོ། །ཨེ་མ་ཧོ་བདེ་མཆོག་བདེ་བ་མ། །བྱང་ཆུབ་སེམས་ནི་རབ་སྤྲོས་པས། །སངས་རྒྱས་ཀུན་གྱི་ཐུགས་བསྐུལ་ཅིང་། །འགྲོ་བ་ཀུན་གྱི་རྒྱུད་སྦྱངས་ཏེ། །སླར་འདུས་དབྱིངས་སུ་ཐིམ་པ་ལས། །བྱང་ཆུབ་སེམས་ཀྱི་ཐིག་ལེར་གསལ། །ཐིག་ལེ་འོད་ཀྱི་རང་བཞིན་ལས། །བྱང་ཆུབ་སེམས་ཀྱིས་ཀུན་ལ་ཁྱབ། །བོ་དྷི་ཙིཏྟ་སརྦ་མཎྜ་ལ། ཞེས་གསུངས་ཏེ། དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡབ་ཡུམ་ལྷག་པའི་བྱང་ཆུབ་སེམས་ཀྱི་ཐིག་ལེར་གནས་སོ། །དེ་ནས་གསང་བ་མཆོག་གི་བདག་པོས། འཕྲོ་འདུ་དང་འཇུ་འདུལ་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། ཏིང་ངེ་འཛིན་སྐུ་གསུང་ཐུགས་ཀྱི་ཕྱག་རྒྱ་རྣམ་པར་སྤྲོས་པ་འདི་གསུངས་སོ། །དེ་ནས་བྱང་ཆུབ་ཀྱི་སེམས་ལས་ཡི་གེ་རྣམ་པར་སྤྲོས་པ། ཏ་ཐ་ད་དྷ་ན། ཊ་ཋ་ཌ་ཌྷ་ཎ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། པ་ཕ་བ་བྷ་མ། ཡ་ཝ་ར་ལ། ཤ་ཥ་ས་ཧ། ཀྵ། ཨི་ཨཱིཾ། ཨུ་ཨཱུ། ཨེ་ཨཻ། ཨོ་ཨཽ། ཨེ་མ་སངས་ ― DNG022_Page_0013 ―
[མ་དཔེ་གཟིགས་ན་འདིར་གནོན།]
རྒྱས་ཐམས་ཅད་ཀྱི། །ཡི་གེ་གསུང་གི་ཕྱག་རྒྱའི་ཚོགས། །སྤྲོས་པས་གསུང་བསྐུལ་དག་རྒྱུད་དག །བསྡུས་པས་ཆོས་ཀྱི་ཕྱག་རྒྱ་ཐོབ། །ཅེས་གསུངས་སོ། །ཆོས་ཐམས་ཅད་བྱང་ཆུབ་སེམས་ཀྱི་ཡིག་འབྲུར་མཁྱེན་ནས་མངོན་པར་འདུ་མཛད་དོ། །དེ་ནས་ཡང་ཡི་གེ་ལས་ཕྱག་རྒྱའི་ཚོགས་སུ་གྱུར་པར་མཛད་དེ། བཛྲ། ཙཀྲ། རཏྣ། པདྨ། ཀརྨ། བཛྲ་གན་དྷ། ཙཀྲ་གན་དྷ། རཏྣ་གན་དྷ། པདྨ་གན་དྷ། ཀརྨ་གན་དྷ། ཨུཏྤ་ལ་པུཥྤ། ནཱ་ག་པྲྀཀྵ། རཏྣ་ས་མ་ཏི། ཏིཀྵྞ་ཁཌྒ། པདྨ་དྷ་ར་བཛྲ་རཾ་པ། དྷརྨ་ཙཀྲ། རཏྣ་བྲུ་བ་ཏི། ཛྙཱ་ན་མུ་ཏྲ། རཏྣ་ས་མ་ཏྲཾ། དྷརྨ་ཀི་རཾ། ནི་ར་ཏ་ཧོ་པ། དུ་ས་མེ་གྷ་པ། པུཥྤ་མུ་ཏྲ། སུ་ཀ་རཾ་བ། གན་དྷི་པི་པག་ཏ། ས་ག་མུ་ཏྲ། དྷརྨ་མུ་ཏ། དྷརྨ་ཨེ་བཾ། བཛྲ་ཀ་ཝ་ཙ། རཏྣ་ག་ཡ། བཛྲ་རཾ། ཁམ་བཾ། ཏ་པ་ཏི། ཛྙཱ་ན་བཛྲ། དྷརྨ་གན་དྷ་ཧྲཱྀཿ། ཀ་པཱ་ལ་ནི་ར་ག་ཏ། བཛྲ་ཏི་ཏྲ། ནཱ་གོ་ར་ག །བཛྲ་ཀརྨ། ཨངྐུ་ཤ་ཛཿ། ཧཱུྃ་པཱ་ཤ་ཧཱུྃ། བཾ་སྥོ་ཊ་བཾ། ཧོཿགན་དྷི་ཧོཿ། རྡོ་རྗེ་དང་ནི་འཁོར་ལོ་དང་། །རིན་ཆེན་པདྨ་རྒྱ་གྲམ་སྟེ། །ཤེས་རབ་དོན་སྟོན་དྲིལ་བུ་ལྔ། །ཨུཏྤལ་དང་ནི་ཀླུ་ཤིང་དང་། །རིན་ཆེན་མྱུ་གུ་རལ་གྲི་དང་། །པདྨ་དཀར་དང་རྡོ་རྗེ་དང་། །ཆོས་ཀྱི་འཁོར་ལོ་རིན་ཆེན་སྙེ། །གཟུགས་མཛེས་མེ་ལོང་རིན་ཆེན་ཕྲེང་། །ཆོས་ཀྱི་པི་ཝང་གར་མཆོག་སྟེ། །བདུག་པའི་མཆོག་དང་མེ་ཏོག་ཕྲེང་། །མར་མེ་དང་ནི་བྱུག་པ་སྟེ། །གསེག་ཤང་དང་ནི་པི་ཝང་དང་། །གོ་ཆ་དང་ནི་པོ་ཏི་དང་། །རིན་ཆེན་སྒྲོམ་དང་མེ་ཆུར་བསྟན། །ཐབས་མཆོག་རྡོ་རྗེ་དང་ནི་ཤེས་རབ་དྲིལ་བུར་བསྟན། །ཐོད་པ་ནྲྀ་མགོ་གདེངས་པ་དང་། །རྡོ་རྗེ་དང་ནི་སྦྲུལ་ཆེན་དང་། །རྡོ་རྗེ་རྒྱ་གྲམ་ལས་ཀྱིས་གནོན། །ལྕགས་ཀྱུ་དང་ནི་ཞགས་པ་དང་། །ལྕགས་སྒྲོག་དང་ནི་དྲིལ་བུའོ། །ཨེ་མ་བདེར་གཤེགས་ཀུན་གྱི་ཐུགས། །རྟོགས་པར་དཀའ་བའི་སྙིང་པོའི་དོན། །བདེ་གཤེགས་ཐུགས་བསྐུལ་འགྲོ་བའི་ཤེས་པ་བཀྲོལ། ། ― DNG022_Page_0014 ―
[མ་དཔེ་གཟིགས་ན་འདིར་གནོན།]
དམ་ཚིག་ཐུགས་ཀྱི་ཕྱག་རྒྱ་བསྟན་པའོ། །ཞེས་གསུངས་ཏེ། ཆོས་ཐམས་ཅད་ཕྱག་རྒྱའི་ངང་དུ་མཁྱེན་ཏོ། །དེ་ནས་ཡང་གསང་བ་མཆོག་གི་བདག་པོས་སྐུ་ཡོངས་སུ་རྫོགས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ། །རྡོ་རྗེ་འཛིན་དང་འཁོར་ལོས་སྒྱུར། །རིན་ཆེན་མང་དང་པདྨ་འཆང་། །སྣ་ཚོགས་ལས་ལ་སོགས་པ་རྣམས། །སྤྱན་སྔ་ཉིད་དང་ཕྱོགས་བཞིར་བཞུགས། །བཟང་མོ་སྤྱན་དང་མཱ་མ་ཀཱི། །ན་བཟའ་དཀར་མོ་སྒྲོལ་མ་རྣམས། །རང་རང་གཙོ་ལ་འཁྲིལ་བའི་ཚུལ། །ས་ཡི་སྙིང་པོ་ནམ་མཁའི་སྙིང་། །སྤྱན་རས་གཟིགས་དབང་ཕྱག་ན་རྡོ་རྗེ་དང་། །བྱམས་པ་མཻ་ཏྲི་སྒྲིབ་པ་རྣམ་པར་སེལ། །ཀུན་ཏུ་བཟང་པོ་འཇམ་དཔལ་གཞོན་ནུ་རྣམས། །འབར་བའི་འཁོར་ལོ་དག་ལ་འཁོད། །ལ་སྱེ་མཱ་ལེ་གཱི་རྟི་ནཱི་རྟི་དང་། །དྷཱུ་པེ་པུཥ྇་ཨཱ་ལོ་ཀེ། །གནྡྷེ་མ་ལ་སོགས་པ་རྣམས། །རང་རང་སེམས་དཔའ་དག་དང་འཁྲིལ། །མདུན་དང་རྒྱབ་ཏུ་བྱེད་པ་དང་། །བྱ་བ་དག་ནི་གནས་པར་བསྟན། །བརྒྱ་བྱིན་དང་ནི་ཐགས་བཟང་རིས། །ཤཱཀྱ་ཐུབ་དང་སེང་གེ་དང་། །གཤིན་རྗེའི་རྒྱལ་དང་ཁ་འབར་མ། །འབར་བའི་བར་ཁྱམས་དག་ལ་འཁོད། །གཤིན་རྗེ་གཤེད་དང་སྟོབས་པོ་ཆེ། །རྟ་མགྲིན་བདུད་རྩི་འཁྱིལ་པ་བཞི། །ཕྱོགས་ཀྱི་སྒོ་བཞི་དག་ལའོ། །རྟ་གདོང་ཕག་གདོང་སེང་གདོང་སྦྲུལ་གདོང་རྣམས། །རང་རང་ཁྲོ་བོ་དག་ལ་འཁྲིལ། །མཐིང་ག་དཀར་པོ་སེར་ལེ་བརྒན། །ལྗང་གུ་ལ་སོགས་སྣ་ཚོགས་མདོག །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྡུག་གཟི་བྱིན་འབར། །འོད་ཟེར་འཕྲོ་བའི་ཚོགས་ཆེན་པོ། །འབར་བའི་ཕྲེང་བས་འཁྲིགས་པའི་འོད། །སྐུ་མདོག་ཕྱག་རྒྱའི་དཀྱིལ་འཁོར་ལྷུན་གྱིས་གྲུབ། །ཨེ་མ་ཧོ་བདེ་གཤེགས་ཀུན་གྱི་སྐུ། །སངས་རྒྱས་སྐུ་བརྙེས་ལུས་ཀྱི་ཉེས་པ་དག །མཚན་གྱི་མེ་ཏོག་དཔེ་བྱད་འབྲུ་ཆགས་ཏེ། །སྐུ་ ― DNG022_Page_0015 ―
[མ་དཔེ་གཟིགས་ན་འདིར་གནོན།]
མཆོག་ཕྱག་རྒྱའི་དཀྱིལ་འཁོར་བསམ་མི་ཁྱབ། །ཅེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། སྐུ་གསུང་ཐུགས་ཕྱག་རྒྱའི་དཀྱིལ་འཁོར་སྤྲོས་པའི་ལེའུ་སྟེ་གསུམ་པའོ།། །།དེ་ནས་རྡོ་རྗེ་འཛིན་པས་འདི་སྐད་ཅེས་གསོལ་ཏོ། །ཀྱེ་མ་གསང་བ་མཆོག་གི་བདག །དེ་ལྟར་བསྟན་པའི་དཀྱིལ་འཁོར་དེའི། །བྱུང་ཁུངས་དངོས་གཞི་ལས་དང་ཡོན་ཏན་གང་། །བདེ་བར་གཤེགས་པས་བསྟན་དུ་གསོལ། །ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་རྡོ་རྗེ་འཛིན་རྒྱལ་པོ། །ཆོས་སྐུ་ནམ་མཁའི་ངང་ལས་མ་གཡོས་ཀྱང་། །མེ་ལོང་ཡེ་ཤེས་ངང་ལས་ཐུགས་མཆོག་ཚུལ་འཛིན་ཅིང་། །བདེ་བའི་ཡེ་ཤེས་ལྔ་དོན་ཐུགས་ཆུད་པའི། །རྣམ་ཤེས་བག་ཆགས་སྦྱང་མཛད་རྡོ་རྗེ་འཛིན་པ་ཁྱོད་ཉིད་སྐུ། །ཆོས་སྐུ་ནམ་མཁའི་ངང་ལས་མ་གཡོས་ཀྱང་། །སྟོང་ཉིད་ངང་ལས་སྐུ་མཆོག་ཚུལ་འཛིན་ཅིང་། །བདེ་བ་ཆོས་ཀྱི་འཁོར་ལོ་བསྐོར་མཛད་དེ། །གཟུགས་ཀྱི་མཚན་མ་སྦྱང་མཛད་འཁོར་ལོས་སྒྱུར་རྒྱལ་པོ། །ཆོས་སྐུ་ནམ་མཁའི་ངང་ལས་མ་གཡོས་ཀྱང་། །མཉམ་ཉིད་ཡེ་ཤེས་ངང་ལས་ཡོན་ཏན་ཚུལ་དུ་བསྟན། །རིན་ཆེན་དབྱིག་ལྟར་དགོས་འདོད་རེ་སྐོང་བ། །ཚོར་བ་གནས་སུ་དག་མཛད་རིན་ཆེན་མཛེས་པའི་སྐུ། །ཆོས་སྐུ་ནམ་མཁའི་ངང་ལས་མ་གཡོས་ཀྱང་། །སོ་སོར་རྟོག་པའི་ཡེ་ཤེས་ངང་ལས་པདྨ་འཆང་བའི་སྐུ། །འདམ་སྐྱེས་པད་ལྟར་ཉོན་མོངས་སྐྱོན་མ་གོས། །འདུ་ཤེས་གནས་སུ་དག་པས་པདྨ་འཆང་བའི་སྐུ། །ཆོས་སྐུ་ནམ་མཁའི་ངང་ལས་མ་གཡོས་ཀྱང་། །བྱ་བ་ནན་ཏན་ཡེ་ཤེས་ངང་ལས་རྒྱ་གྲམ་འཛིན་པའི་སྐུ། །བདག་དང་གཞན་གྱི་ཕྲིན་ལས་དོན་མཛད་དཔལ། །འདུ་བྱེད་གནས་སུ་དག་པས་སྣ་ཚོགས་འཆང་བའི་སྐུ། །སྐྱེ་མེད་ཆོས་ཀྱི་དབྱིངས་ལས་མ་གཡོས་ཀྱང་། །ནམ་མཁའི་སྤྱན་གྱིས་སྐུ་མཆོག་ཤེས་རབ་ཚུལ། །སངས་རྒྱས་ཆེ་བའི་བྱིན་བརླབས་སྡུད་མཛད་ ― DNG022_Page_0016 ―
[མ་དཔེ་གཟིགས་ན་འདིར་གནོན།]
དེ། །ནམ་མཁའི་རང་བཞིན་གནས་འགྱུར་ནམ་མཁའི་སྤྱན། །སྐྱེ་མེད་ཆོས་ཀྱི་དབྱིངས་ལས་མ་གཡོས་ཀྱང་། །སངས་རྒྱས་སྤྱན་གྱིས་སྐུ་མཆོག་བསམ་གཏན་ཚུལ། །སངས་རྒྱས་ཆེ་བའི་ཁྱད་པར་བསྐྱེད་མཛད་དེ། །ས་ཡི་འབྱུང་བ་གནས་འགྱུར་སངས་རྒྱས་སྤྱན། །སྐྱེ་མེད་ཆོས་ཀྱི་དབྱིངས་ལས་མ་གཡོས་ཀྱང་། །མཱ་མ་ཀཱི་ཡི་སྐུ་མཆོག་སྦྱིན་པའི་ཚུལ། །ཉོན་མོངས་ཐ་བ་རླན་གྱིས་སྤངས་པར་བྱེད། །ཆུ་ཡི་འབྱུང་བ་གནས་འགྱུར་མཱ་མ་ཀཱི། །སྐྱེ་མེད་ཆོས་ཀྱི་དབྱིངས་ལས་མ་གཡོས་ཀྱང་། །ན་བཟའ་དཀར་མོའི་སྐུ་མཆོག་བཟོད་པའི་ཚུལ། །ཉོན་མོངས་བག་ཆགས་ཐམས་ཅད་བསྲེག་མཛད་མ། །མེ་ཡི་འབྱུང་བ་གནས་འགྱུར་ན་བཟའ་དཀར། །སྐྱེ་མེད་ཆོས་ཀྱི་དབྱིངས་ལས་མ་གཡོས་ཀྱང་། །དམ་ཚིག་སྒྲོལ་མའི་སྐུ་མཆོག་བརྩོན་འགྲུས་ཚུལ། །ཉོན་མོངས་འཁོར་བའི་བག་ཆགས་འཐོར་མཛད་མ། །རླུང་གི་འབྱུང་བ་གནས་འགྱུར་དམ་ཚིག་སྒྲོལ། །ཡེ་ཤེས་ཐུགས་ཀྱི་ཆོས་ཉིད་དོན་རྟོགས་ཏེ། །གཟུགས་སྐུ་ས་ཡི་སྙིང་པོ་སེམས་དཔའི་ཚུལ་འཛིན་ཅིང་། །བླ་མེད་བྱང་ཆུབ་འབྲས་བུ་སྨིན་མཛད་པའི། །ཀུན་གཞི་གནས་འགྱུར་ས་ཡི་སྙིང་པོའི་སྐུ། །ཡེ་ཤེས་ཐུགས་ཀྱི་ཆོས་ཉིད་དོན་རྟོགས་ཏེ། །གཟུགས་སྐུ་ནམ་མཁའི་སྙིང་པོ་ཚུལ་འཛིན་ཅིང་། །ཉོན་མོངས་སྒྲིབ་པའི་དྲ་བ་གཅོད་མཛད་དེ། །ཡིད་ཀྱི་རྣམ་ཤེས་གནས་འགྱུར་ནམ་མཁའི་སྙིང་པོའི་སྐུ། །ཡེ་ཤེས་ཐུགས་ཀྱི་ཆོས་ཉིད་དོན་རྟོགས་ཏེ། །གཟུགས་སྐུ་སྤྱན་རས་གཟིགས་ཀྱི་སྐུ་མཆོག་སེམས་དཔའི་ཚུལ་འཛིན་པས། །འཁོར་བའི་བག་ཆགས་སྐྱོན་གྱིས་མ་གོས་ཏེ། །ཉོན་མོངས་ཡིད་ཀྱི་གནས་འགྱུར་སྤྱན་རས་གཟིགས་དབང་སྐུ། །ཡེ་ཤེས་ཐུགས་ཀྱི་ཆོས་ཉིད་དོན་རྟོགས་ཏེ། །གཟུགས་སྐུ་ཕྱག་ན་རྡོ་རྗེ་སེམས་དཔའི་ཚུལ་འཛིན་པས། །མཐའ་གཉིས་ཉོན་མོངས་འཁོར་བ་འཇོམས་མཛད་པ། །ལུས་ཀྱི་རྣམ་ཤེས་གནས་འགྱུར་ཕྱག་ན་རྡོ་རྗེའི་སྐུ། ། ― DNG022_Page_0017 ―
[མ་དཔེ་གཟིགས་ན་འདིར་གནོན།]
ཡེ་ཤེས་ཐུགས་ཀྱི་ཆོས་ཉིད་ཐུགས་ཆུད་ཅིང་། །གཟུགས་སྐུ་བྱམས་པ་མཻ་ཏྲི་སེམས་དཔའི་ཚུལ་འཛིན་ཅིང་། །ཆེ་བའི་ཡོན་ཏན་མ་ལུས་སྐུ་ལ་རྫོགས། །སྣ་ཡི་རྣམ་ཤེས་གནས་འགྱུར་བྱམས་པ་མཻ་ཏྲིའི་སྐུ། །ཡེ་ཤེས་ཐུགས་ཀྱི་ཆོས་ཉིད་དོན་རྟོགས་ཏེ། །གཟུགས་སྐུ་སྒྲིབ་པ་རྣམ་སེལ་སེམས་དཔའི་ཚུལ་འཛིན་པས། །འགྲོ་བ་རྣམས་ལ་གསུང་གི་ཆོས་ཀྱང་སྟོན། །རྣ་བའི་རྣམ་ཤེས་གནས་འགྱུར་སྒྲིབ་པ་སེལ་བའི་སྐུ། །ཡེ་ཤེས་ཐུགས་ཀྱི་ཆོས་ཉིད་དོན་རྟོགས་ཏེ། །གཟུགས་སྐུ་ཀུན་ཏུ་བཟང་པོ་སེམས་དཔའི་ཚུལ་འཛིན་པས། །བླ་མེད་བྱང་ཆུབ་འབྲས་བུ་སྨིན་མཛད་ཅིང་། །མིག་གི་རྣམ་ཤེས་གནས་འགྱུར་ཀུན་ཏུ་བཟང་པོའི་སྐུ། །ཡེ་ཤེས་ཐུགས་ཀྱི་ཆོས་ཉིད་དོན་རྟོགས་ཏེ། །གཟུགས་སྐུ་འཇམ་དཔལ་གཞོན་ནུ་སེམས་དཔའི་ཚུལ་འཛིན་ཅིང་། །ཉོན་མོངས་བག་ཆགས་ཐ་བ་འཇོམས་པར་བྱེད། །ལྕེ་ཡི་རྣམ་ཤེས་གནས་འགྱུར་འཇམ་དཔལ་གཞོན་ནུའི་སྐུ། །སྐྱེ་མེད་ཆོས་དབྱིངས་དོན་དམ་ཐུགས་ཆུད་ཀྱང་། །གཟུགས་སྐུ་ལྷ་མོ་ལཱ་སྱེ་སེམས་མའི་ཚུལ་འཛིན་མ། །སྐྱེ་མེད་ཆོས་ཀྱི་དབྱིངས་ལས་མངའ་བརྙེས་མ། །ཀུན་གཞི་ཡུལ་དུ་སྣང་བ་གནས་འགྱུར་ལཱ་སྱེ་མ། །སྐྱེ་མེད་ཆོས་དབྱིངས་དོན་དམ་ཐུགས་ཆུད་ཀྱང་། །གཟུགས་སྐུ་ལྷ་མོ་མཱ་ལེ་སེར་མོའི་ཚུལ་འཛིན་མ། །ཆོས་ཉིད་རིག་པ་ཉིད་ལ་གསལ་མཛད་དེ། །ཡིད་ཀྱི་ཡུལ་དུ་སྣང་བ་གནས་འགྱུར་མཱ་ལེ་མ། །སྐྱེ་མེད་ཆོས་དབྱིངས་དོན་དམ་ཐུགས་ཆུད་ཀྱང་། །གཟུགས་སྐུ་ལྷ་མོ་གཱིརྟི་སེམས་མའི་ཚུལ་དུ་བསྟན། །རྣམ་དག་འགྲོ་ལ་གསུང་གི་སྒྲ་སྒྲོགས་མ། །ཉོན་མོངས་ཡུལ་དུ་སྣང་བ་གནས་འགྱུར་གིརྟི་མ། །སྐྱེ་མེད་ཆོས་དབྱིངས་དོན་དམ་ཐུགས་ཆུད་ཀྱང་། །གཟུགས་སྐུ་ལྷ་མོ་ནིརྟི་སེམས་མའི་ཚུལ་འཛིན་ཅིང་། །ལུས་ཀྱི་ཡུལ་དུ་སྣང་བ་གནས་འགྱུར་ནིརྟི་མ། །སྐྱེ་མེད་ཆོས་དབྱིངས་དོན་དམ་ཐུགས་ཆུད་ཀྱང་། །གཟུགས་སྐུ་ལྷ་མོ་དྷཱུ་པེ་སེམས་མའི་ཚུལ་འཛིན་ཅིང་། །གསལ་བའི་རིག་པས་བདེར་གཤེགས་ཚོགས་རྣམས་ཚིམས་མཛད་ནས། ། ― DNG022_Page_0018 ―
[མ་དཔེ་གཟིགས་ན་འདིར་གནོན།]
མིག་གི་ཡུལ་དུ་སྣང་བ་གནས་འགྱུར་དྷཱུ་པེ་མ། །སྐྱེ་མེད་ཆོས་དབྱིངས་དོན་དམ་ཐུགས་ཆུད་ཅིང་། །གཟུགས་སྐུ་ལྷ་མོ་པུཥ྇་སེམས་མའི་ཚུལ་འཛིན་མ། །མཁྱེན་པའི་རིག་པས་དུས་གསུམ་སངས་རྒྱས་མཉེས། །རྣ་བའི་ཡུལ་དུ་སྣང་བ་གནས་འགྱུར་པུཥ྇་མ། །སྐྱེ་མེད་ཆོས་དབྱིངས་དོན་དམ་ཐུགས་ཆུད་ཀྱང་། །གཟུགས་སྐུ་ལྷ་མོ་ཨཱ་ལོ་ཀེ་སྟེ་སེམས་མའི་ཚུལ་འཛིན་མ། །འཁོར་བ་མ་རིག་མུན་པ་སེལ་བར་མཛད། །སྣ་ཡི་ཡུལ་དུ་སྣང་བ་གནས་འགྱུར་ཨཱ་ལོ་ཀེ། །སྐྱེ་མེད་ཆོས་དབྱིངས་དོན་དམ་ཐུགས་ཆུད་ཀྱང་། །གཟུགས་སྐུ་ལྷ་མོ་གནྡྷེ་སེམས་མའི་ཚུལ་འཛིན་མ། །བག་ཆགས་ཉོན་མོངས་སྒྲིབ་པ་དག་གྱུར་ཏེ། །ལྕེ་ཡི་ཡུལ་དུ་སྣང་བ་གནས་འགྱུར་གནྡྷེ་མ། །ཡེ་ཤེས་ཐུགས་ཀྱི་ཆོས་དབྱིངས་དོན་རྟོགས་ཏེ། །གཟུགས་སྐུ་ཀུན་ཏུ་བཟང་པོ་ཕྱག་རྒྱའི་ཚུལ་འཛིན་ཅིང་། །འཁོར་བ་གནས་འདྲེན་བདེ་གཤེགས་ཀུན་བསྐྱེད་ཡབ། །བྱེད་པ་པོ་ནི་གནས་འགྱུར་ཀུན་བཟང་བདག་ཉིད་ཡབ། །ཆོས་ཀྱི་དབྱིངས་དང་ཡེ་ཤེས་དབྱེར་མེད་ཀྱང་། །གཟུགས་སྐུ་འགྲོ་བའི་དོན་དུ་ཡུམ་གྱི་ཆ་འཛིན་མ། །འདས་དང་ད་ལྟར་མ་བྱོན་ཀུན་བསྐྱེད་ཡུམ། །བྱ་བ་མོ་ནི་གནས་འགྱུར་ཀུན་བཟང་བདག་ཉིད་ཡུམ། །སྤྲོས་པ་མེད་པའི་དོན་ལས་མ་གཡོས་ཀྱང་། །སྤྲུལ་སྐུ་བརྒྱ་བྱིན་ཐུབ་པའི་ཚུལ་འཛིན་པ། །བརྩོན་འགྲུས་ཆོས་སྟོན་ཕམ་ལྟུང་མེད་པར་མཛད། །ལེ་ལོ་གནས་འགྱུར་ལྷ་ཡི་ཐུབ་པ་མཆོག །སྤྲོས་པ་མེད་པའི་དོན་ལས་མ་གཡོས་ཀྱང་། །སྤྲུལ་སྐུ་ཐགས་བཟང་རིས་ཏེ་ཐུབ་པའི་ཚུལ་འཛིན་པས། །ཡོན་ཏན་ཚུལ་ཁྲིམས་ཆོས་སྟོན་འཐབ་རྩོད་རྣམ་པར་སེལ། །ང་རྒྱལ་གནས་འགྱུར་ལྷ་མིན་ཐུབ་པ་མཆོག །སྤྲོས་པ་མེད་པའི་ངང་ལས་མ་གཡོས་ཀྱང་། །སྤྲུལ་སྐུ་ཤཱཀྱ་ཐུབ་པའི་ཚུལ་འཛིན་པས། །བསམ་གཏན་ཆོས་སྟོན་དྲེལ་ཕོངས་སྡུག་བསྔལ་སེལ། །འདོད་ཆགས་གནས་འགྱུར་མི་ཡི་ཐུབ་པ་མཆོག །སྤྲོས་པ་མེད་པའི་ངང་ལས་མ་གཡོས་ ― DNG022_Page_0019 ―
[མ་དཔེ་གཟིགས་ན་འདིར་གནོན།]
ཀྱང་། །དྲང་སྲོང་ཤཱཀྱ་སེང་གེ་ཐུབ་པའི་ཚུལ་འཛིན་པས། །ཤེས་རབ་ཆོས་སྟོན་གཏི་མུག་སྡུག་བསྔལ་སེལ། །གཏི་མུག་གནས་འགྱུར་བྱོལ་སོང་ཐུབ་པའི་མཆོག །སྤྲོས་པ་མེད་པའི་དོན་ལས་མ་གཡོས་ཀྱང་། །སྤྲུལ་སྐུ་རཀྴ་གླང་མགོ་ཐུབ་པའི་ཚུལ་འཛིན་པས། །བཟོད་པའི་ཆོས་སྟོན་ཚ་གྲང་སྡུག་བསྔལ་སོལ། །ཞེ་སྡང་གནས་འགྱུར་དམྱལ་བའི་ཐུབ་པའི་མཆོག །སྤྲོས་པ་མེད་པའི་དོན་ལས་མ་གཡོས་ཀྱང་། །སྤྲུལ་སྐུ་དེད་དཔོན་ཁ་འབར་ཚུལ་འཛིན་པས། །སྦྱིན་པའི་ཆོས་སྟོན་བཀྲེས་སྐོམ་སྡུག་བསྔལ་སེལ། །སེར་སྣ་གནས་འགྱུར་ཡི་དྭགས་ཐུབ་པའི་མཆོག །ཐུགས་རྗེ་ཞི་བའི་ངང་ལས་མ་གཡོས་ཀྱང་། །འཇིགས་བྱེད་སྐུ་མཆོག་གཤིན་རྗེ་གཤེད་དུ་བསྟན། །འཆི་བདག་གཤིན་རྗེ་ཐབས་ཀྱིས་འདུལ་མཛད་པ། །རེག་པ་གནས་འགྱུར་གཤིན་རྗེ་གཤེད་ཀྱི་སྐུ། །ཐུགས་ཉིད་ཞི་བའི་ངང་ལས་མ་གཡོས་ཀྱང་། །འཇིགས་པའི་སྐུ་མཆོག་སྟོབས་པོ་ཆེ་རུ་བསྟན། །རྡོས་བཅས་ཕུང་པོའི་བདུད་རྣམས་འཇོམས་མཛད་པ། །རེག་བྱ་གནས་འགྱུར་སྟོབས་པོ་ཆེ་རུ་བསྟན། །ཐུགས་མཆོག་ཞི་བའི་ངང་ལས་མ་གཡོས་ཀྱང་། །འཇིགས་པའི་སྐུ་མཆོག་རྟ་མཆོག་དཔལ་དུ་བསྟན། །འཁོར་བའི་ཉོན་མོངས་བདུད་དཔུང་རླག་པར་བྱེད། །རེག་བྱེད་གནས་འགྱུར་རྟ་མཆོག་རོལ་པའི་སྐུ། །ཐུགས་དམ་ཞི་བའི་ངང་ལས་མ་གཡོས་ཀྱང་། །འཇིགས་པའི་སྐུ་མཆོག་བདུད་རྩི་འཁྱིལ་པར་བསྟན། །ལྷ་བདུད་ཆེན་པོའི་ཚོགས་རྣམས་འཇོམས་མཛད་པ། །རེག་བྱ་གནས་འགྱུར་བདུད་རྩི་འཁྱིལ་པའི་སྐུ། །མཚན་མ་མེད་པའི་ངང་ལས་མ་གཡོས་ཀྱང་། །མཚན་མའི་སྐུ་མཆོག་སྙིང་རྗེའི་ཚུལ་འཛིན་མ། །འཁོར་བའི་སེམས་ཅན་བླ་མེད་གནས་སུ་འདྲེན་མཛད་པ། །རྟག་པ་གནས་འགྱུར་ལྷ་མོ་རྟ་གདོང་ལྕགས་ཀྱུ་མ་ཡི་སྐུ། །མཚན་མ་མེད་པའི་དབྱིངས་ལས་མ་གཡོས་ཀྱང་། །མཚན་མའི་སྐུ་མཆོག་བྱམས་པའི་ཚུལ་འཛིན་པས། །འཁོར་བའི་བག་ཆགས་མ་ལུས་འཆིང་བར་མཛད། །ཆད་པ་གནས་འགྱུར་ལྷ་མོ་ཕག་གདོང་མ་ ― DNG022_Page_0020 ―
[མ་དཔེ་གཟིགས་ན་འདིར་གནོན།]
ཡི་སྐུ། །མཚན་མ་མེད་པའི་དབྱིངས་ལས་མ་གཡོས་ཀྱང་། །མཚན་མའི་སྐུ་མཆོག་དགའ་བའི་ཚུལ་འཛིན་མ། །སྡིག་པ་མི་དགེའི་ལས་རྣམས་འཇོམས་མཛད་པ། །བདག་ཏུ་འཛིན་པས་གནས་འགྱུར་ལྷ་མོ་ཉི་ཟླ་སྤྱན་གྱི་སྐུ། །མཚན་མ་མེད་པའི་དབྱིངས་ལས་མ་གཡོས་ཀྱང་། །མཚན་མའི་སྐུ་མཆོག་བཏང་སྙོམས་ཚུལ་འཛིན་ཅིང་། །གསུང་སྙན་བདེར་གཤེགས་དགྱེས་པ་བསྐྱེད་མཛད་དེ། །མཚན་མར་འཛིན་པའི་གནས་འགྱུར་ལྷ་མོ་ཐལ་བྱེད་མ་ཡི་སྐུ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ལྷ་རྣམས་ཀྱི་ཡོན་ཏན་དང་བྱུང་ཁུངས་དང་དངོས་གཞི་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་རྡོ་རྗེ་འཛིན་པའི་རྒྱལ་པོས་འདི་སྐད་ཅེས་གསོལ་ཏོ། །ཨེ་མ་གསང་བ་མཆོག་གི་སྐུ། །སངས་རྒྱས་ཡབ་གྱུར་དམ་པའི་བདག །བདེ་གཤེགས་ཀུན་གྱི་སྔགས་དང་ཕྱག་རྒྱ་རྣམས། །ཀུན་མཁྱེན་ཁྱོད་ཀྱིས་བཤད་དུ་གསོལ། །ཞེས་གསོལ་པས་ཐུགས་སུ་ཆུད་དེ། སྔགས་དང་ཕྱག་རྒྱ་རྣམ་པར་སྤྲོས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བཅོམ་ལྡན་འདས་ཀྱིས་འདི་སྐད་ཅེས་གསུངས་སོ། །སྤྱིར་ནི་རྡོ་རྗེ་འཛིན་རྒྱལ་པོ། །ཡིད་ཀྱིས་བསམ་པ་ཏིང་འཛིན་ཏེ། །ངག་ཏུ་བརྗོད་པ་སྙིང་པོའི་མཆོག །བསྒུལ་བསྐྱོད་ཐམས་ཅད་ཕྱག་རྒྱ་སྟེ། །སྤྱོད་ཡུལ་ཀུན་ཏུ་དཀྱིལ་འཁོར་ཡིན། །ཞེས་གསུངས་སོ། །དེ་ལྟར་རྟོགས་ན་འདི་མི་དགོས། །མ་རྟོགས་པ་ལ་འདི་དགོས་པས། །ཕྱག་རྒྱ་བཅའ་དང་སྙིང་པོ་ཟློ། །དྲང་བའི་དོན་དུ་འདི་སྐད་གསུངས། །རྡོ་རྗེ་འཛིན་རྒྱལ་ཁྱོད་ཉིད་ཀྱིས། །བསྔགས་པའི་སྔགས་ནི་འདི་ཡིན་ནོ། །ཧཱུྃ་བཛྲ་དྷྲྀཀ་ཧཱུྃ། སེམས་དཔའི་སྐྱིལ་མོ་ཀྲུང་འདུག་ནས། །ལག་གཡོན་ཕང་པར་མཉམ་གཞག་སྟེ། །གཡས་པ་རྡོ་རྗེ་ས་གཞི་གནོན། །རྡོ་རྗེ་འཛིན་པའི་ཡིན་པར་བཤད། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་གྲགས་པ་ཆེན་པོ་ཡང་། །རབ་ཏུ་ ― DNG022_Page_0021 ―
[མ་དཔེ་གཟིགས་ན་འདིར་གནོན།]
འདར་ཞིང་སྐྲག་གྱུར་ན། །བདུད་རྣམས་ཚར་གཅོད་སྨོས་ཅི་དགོས། །གཞན་ཡང་འཁོར་ལོས་སྒྱུར་རྒྱལ་གྱིས། །གསང་བའི་སྔགས་ནི་འདི་ཡིན་ནོ། །ཨཱོཾ་ཛི་ན་ཛིཀ་ཨཱོཾ། ལག་གཉིས་ཁུ་ཚུར་བཅངས་པ་ལས། །གཡོན་པའི་མཛུབ་མོ་བསྒྲེང་བ་ལ། །རྩེ་མོ་གཡས་པའི་ཁུ་ཚུར་གྱིས། །བཟུང་བའི་རྩེ་ལ་འཁོར་ལོ་འབར། །འཁོར་ལོས་སྒྱུར་རྒྱལ་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་སྲས་དང་བཅས་པ་ཀུན། །རབ་ཏུ་དགྱེས་ཤིང་མཉེས་པར་འགྱུར། །བྱང་ཆུབ་མཆོག་ཏུ་གདོན་མི་ཟ། །གཞན་ཡང་རིན་ཆེན་འཛིན་ཉིད་ཀྱི། །གསང་བའི་སྔགས་ནི་འདི་ཡིན་ནོ། །སྭཱ་རཏྣ་དྷྲྀཀ་སྭཱ། སེམས་དཔའི་སྐྱིལ་མོ་ཀྲུང་འདུག་ནས། །གཡོན་པ་རིན་ཆེན་འཛིན་པའི་སྐུ། །གཡས་པ་རིན་ཆེན་མཆོག་སྦྱིན་མཛད། །རིན་ཆེན་འཛིན་པའི་ཕྱག་རྒྱ་སྟེ། །སྔགས་དང་ཕྱག་རྒྱ་འདི་ཡིས་ནི། །བདེ་བའི་མཆོག་རྣམས་སྦྱིན་བྱེད་པས། །འགེངས་དཀའ་བ་ཡང་འགེངས་པར་བྱེད། །བཀྲེན་ལས་ཕྱུག་པོར་ཇི་ཞིག་སྨོས། །གཞན་ཡང་པདྨ་འཆང་བ་ཡི། །གསང་བའི་སྔགས་ནི་འདི་ཡིན་ནོ། །ཨཱཾ་ཨཱ་རོ་ལིཀ་ཨཱཾ། ཕྱག་རྒྱ་གོང་མ་དེ་ཉིད་ལས། །ལག་གཉིས་རྩེ་བསྣོལ་ཕང་དུ་གཞག །ཏིང་འཛིན་ཕྱག་རྒྱ་པདྨའི་རྟེན། །པདྨ་འཆང་བའི་ཕྱག་རྒྱ་སྟེ། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་གྲགས་པ་ཆེན་པོ་ཡང་། །དབང་དུ་འགྱུར་ཏེ་ཐེ་ཚོམ་མེད། །ཁམས་གསུམ་སྐྱེ་བོ་སྨོས་ཅི་དགོས། །གཞན་ཡང་སྣ་ཚོགས་འཆང་བ་ཡི། །གསང་བའི་སྔགས་ནི་འདི་ཡིན་ནོ། །ཧཱ་པྲཛྙཱ་དྷྲྀཀ་ཧཱ། ཕྱག་རྒྱ་གོང་མ་དེ་ཉིད་ལས། །རྒྱ་གྲམ་གདེངས་པའི་ཚུལ་བྱས་ཏེ། །མི་འཇིགས་སྦྱིན་པར་བྱེད་པ་ནི། །སྣ་ཚོགས་འཆང་བའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །ལས་རྣམས་ཐམས་ཅད་བྱེད་པར་འགྱུར། །མཱུཾ་དྷཱ་ཏྭཱི་ཤྭ་རཱི། ཐལ་མོ་ཁོང་སྟོང་སྦྱར་བ་ལས། །མཛུབ་གཉིས་གདུ་བུ་ལྟར་བྱས་ཏེ། །མཐེ་བོང་སེན་མོ་མིག་གི་ཚུལ། །གུང་ ― DNG022_Page_0022 ―
[མ་དཔེ་གཟིགས་ན་འདིར་གནོན།]
མོའི་རྩེ་ལ་དྲིལ་བུ་འབར། །རྡོ་རྗེ་དབྱིངས་ཕྱུག་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་ཐམས་ཅད་དགྱེས་པར་འགྱུར། །ལས་རྣམས་ཐམས་ཅད་འགྲུབ་པ་དང་། །ཤི་བ་སོས་པར་གདོན་མི་ཟ། །ལཱཾ་དྭེ་ཥ་ར་ཏཱི། ལག་པ་ཐལ་མོ་ཁོང་སྟོང་སྦྱར། །སྤྱི་བོའི་གཙུག་ཏུ་གཞག་བྱ་སྟེ། །ཐལ་མོའི་རྩེ་ལ་འཁོར་དྲིལ་འབར། །ནམ་མཁའི་དབྱིངས་ཕྱུག་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དྲག་པོ་གཏུམ་པོ་ལྷན་ནེར་འགྱུར། །ཞི་བའི་ལས་ལ་ཐེ་ཚོམ་མེད། །མཱཾ་མོ་ཧ་ར་ཏཱི། ལག་གཉིས་རྡོ་རྗེ་བཅིངས་པ་ལས། །གུང་གཉིས་བསྒྲེང་བའི་ཚིགས་གསུམ་པར། །མཛུབ་གཉིས་བཀུག་པ་རྡོ་རྗེའི་ཚུལ། །རྩེ་ལ་རིན་ཆེན་དྲིལ་བུ་འབར། །རིན་ཆེན་དབྱིངས་ཕྱུག་ཕྱག་རྒྱ་སྟེ། །སྔགས་དང་ཕྱག་རྒྱ་འདི་ཡིས་ནི། །སྲུང་བའི་ལས་ཀུན་བྱེད་པ་སྟེ། །འདི་ཡིས་བསྲུང་བར་བྱས་ན་ནི། །སངས་རྒྱས་ཀྱིས་ཀྱང་མི་ཚུགས་སོ། ། བྞུ་རཱ་ག་ར་ཏཱི། རྡོ་རྗེ་ཐལ་མོ་སྦྱར་བ་ལས། །པདྨ་ཁ་ཕྱེའི་ཚུལ་བྱས་ཏེ། །དཀྱིལ་ནས་པདྨའི་དྲིལ་བུས་མཛེས། །པདྨ་དབྱིངས་ཕྱུག་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །འཇིག་རྟེན་འདས་དང་འཇིག་རྟེན་པ། །མོས་སྤྱོད་ཆེན་པོ་ཐོབ་པར་འགྱུར། །ཏཱཾ་བཛྲ་རཱ་ཏཱི། ཐལ་མོ་ཁོང་སྟོང་སྦྱར་བ་ལས། །མཛུབ་མོ་བཀུག་པའི་སེན་མོ་ཡིས། །སོར་མོ་གུང་མོའི་རྩེ་མོ་མནན། །རྩེ་ལ་རྒྱ་གྲམ་དྲིལ་བུ་འབར། །ལས་ཀྱི་དབྱིངས་ཕྱུག་ཕྱག་རྒྱ་སྟེ། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་སེམས་ཅན་ཐམས་ཅད་ཀུན། །དབང་དུ་འགྱུར་བར་ཐེ་ཚོམ་མེད། །ཀྵིཾ་ཧི་རཱ་ཛཱ་ཡ་ཧཱུྃ། ཐལ་མོ་ཁོང་སྟོང་སྦྱར་བ་ལས། །གུང་གཉིས་བསྒྲེང་བའི་ཚིགས་གསུམ་པ། །མཐེ་བོང་མཛུབ་མོ་སེན་མོ་བསྣོལ། །སྲིན་ལག་མཐེའུ་ཆུང་ནང་དུ་བཅུག །རིན་ཆེན་མྱུ་གུའི་ཚུལ་བྱས་ཏེ། །ས་ཡི་སྙིང་པོའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །ཞི་བའི་ལས་ལ་ཐེ་ཚོམ་མེད། །ཏྲཾ་ཨཱ་གརྦྷཱ་ཡ། ལག་པ་གཡོན་པའི་ ― DNG022_Page_0023 ―
[མ་དཔེ་གཟིགས་ན་འདིར་གནོན།]
མཐེ་བོང་གིས། །གུང་མོ་སྲིན་ལག་སེན་མོས་མནན། །གཡས་པའི་མཐེ་བོས་མཛུབ་མོ་མནན། །ལྷག་མ་གསུམ་པོ་གཡོན་པའི་ནང་། །ཤུབས་ནས་ཕྱུང་བ་ལྟར་བྱས་པ། །རལ་གྲིའི་ཚུལ་དུ་བྱས་པ་ནི། །ནམ་མཁའི་སྙིང་པོའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །རྒྱས་པའི་ལས་ལ་ཤིན་ཏུ་འཇེབ། །ཧྲིཾ་ཧ་ཧཱུྃ་པདྨ་པཱ་ད་མ། རྡོ་རྗེ་ཐལ་མོ་དམ་བསྣོལ་ནས། །གུང་གཉིས་གཤིབས་ཏེ་ཚིགས་ཆེན་བཅག །པདྨའི་ཚུལ་དུ་རབ་མཛེས་པ། །སྤྱན་རས་གཟིགས་ཀྱི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དབང་གི་ལས་ལ་ཐེ་ཚོམ་མེད། །ཛྷིཾ་ཀུ་རུ་པཱ་ཎ་ཧྲཱྀཿ། རྡོ་རྗེ་ཐལ་མོ་དམ་བསྣོལ་ནས། །གུང་མོ་གཉིས་བསྒྲེང་སྙིང་པོ་ལ། །མཐེ་བོང་སྲིན་ལག་དྲང་བརྐྱང་སྟེ། །མཛུབ་མོ་མཐེའུ་ཆུང་ར་ཡི་ཚུལ། །རྡོ་རྗེ་རྩེ་ལྔའི་ཚུལ་བྱས་པ། །ཕྱག་ན་རྡོ་རྗེའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དྲག་པོའི་ལས་ལ་ཐེ་ཚོམ་མེད། །མཻ་དྷ་ར་ཎེ་སྭཱ་ཧཱ། ཐལ་མོ་ཁོང་སྟོང་སྦྱར་བ་ལས། །མཐེའུ་བོང་གཉིས་འཁྱུད་དབུས་བཞག་སྙིང་པོའི་ཚུལ། །སོར་མོ་ཨུཏྤལ་གྱེས་པའི་ཚུལ། །བྱམས་པ་མཻ་ཏྲིའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །མཚན་དང་དཔེ་བྱད་སྐུ་ཡང་ཐོབ། །་ནིསྶ་རམྦྷཱ་ཡ་སྭཱ་ཧཱ། ཐལ་མོ་རྒྱབ་བསྣོལ་སོར་མོར་འཁྱུད། །མཐེབ་གཉིས་སྟེང་གི་དཀྱིལ་དུ་གཞག །ཆོས་ཀྱི་འཁོར་ལོ་བསྐོར་བའི་ཚུལ། །སྒྲིབ་པ་རྣམ་སེལ་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །རྒྱུ་འབྲས་ཆོས་ཀྱི་དོན་རྣམས་རྟོགས། །ཧཱུྃ་ས་རཱ་ཛཱ་ཡ། གཡས་གཡོན་ཐབས་དང་ཤེས་རབ་ལས། །ལག་པའི་རྟིང་པ་དམ་སྦྱར་ནས། །རྡོ་རྗེ་སོར་མོ་དྲང་བརྐྱང་སྟེ། །རིན་ཆེན་སྙེ་མའི་ཚུལ་དུ་བྱ། །ཀུན་དུ་བཟང་པོའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སེམས་ཅན་སངས་རྒྱས་ས་ལ་བྱང་ཆུབ་སྨིན། །མཱུཾ་ཤྲཱི་ཨཾ་ར་གཱ་ཡ། ལག་པ་གཉིས་ཀྱི་རྒྱབ་སྦྱར་ཏེ། །མཐེ་བོང་མཐེའུ་ཆུང་སོ་སོར་འཁྱུད། །རྩ་བ་དམ་སྦྱར་ཅོ་ཏོ་དགྱེ། ། ― DNG022_Page_0024 ―
[མ་དཔེ་གཟིགས་ན་འདིར་གནོན།]
ཀླུ་ཤིང་ཡལ་ག་གྱེས་པའི་ཚུལ། །འཇམ་དཔལ་གཞོན་ནུའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དགེ་བའི་ལོ་ཏོག་སྨིན་པར་མཛད། །ཨཱོཾ་བཛྲ་ལཱ་སྱ་ས་མ་ཡ་སྟྭཾ། རྡོ་རྗེ་ཁུ་ཚུར་གཉིས་བཅིངས་ཏེ། །མཐེབ་གཉིས་དྲང་དུ་གྱེན་དུ་བསྒྲེང་། །སེན་མོ་མེ་ལོང་ཚུལ་དུ་བྱ། །ལཱ་སྱ་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །རིག་པའི་ཡེ་ཤེས་ཆོས་ཀྱི་དབྱིངས་ལ་གསལ། །ཨཱོཾ་རཏྣ་མཱ་ལེ་ས་མ་ཡ་ཧོ། རྡོ་རྗེ་ཁུ་ཚུར་གཉིས་བརྐྱང་ནས། །མཛུབ་གཉིས་བསྒྲེང་བ་གཡས་གཡོན་དགྱེ། །སྨིན་མཚམས་ཕྲེང་བ་འདྲེན་པའི་ཚུལ། །མཱ་ལེ་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །མི་བརྗེད་པ་ཡི་གཟུངས་ཀྱང་འཐོབ། །ཧྲཱྀ་གིརྟི་རཱ་གོ྅ཧཾ། གཡོན་བརྐྱང་མཐེ་བོང་སྲིན་ལག་མནན་ཏེ་པི་ཝང་འཛིན། །གཡས་ཀྱི་སྲིན་མཐེབ་གཉིས་ཀྱིས་བརྡེབ་པའི་ཚུལ། །པདྨ་གིརྟིའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །འགྲོ་རྣམས་ཀུན་ལ་ཆོས་ཀྱི་སྦྱིན་པ་འགྱེད། །ཨཱཾ་ནིརྟི་རཱ་ག་ཡཱ་མི། གཡས་གཡོན་ཐབས་དང་ཤེས་རབ་ལས། །རྡོ་རྗེ་རོལ་པ་ཆེན་པོ་ཡིས། །དགྱེས་པ་ཆེན་པོ་གར་གྱི་ཚུལ། །ལས་ཀྱི་ནིརྟིའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བདེ་གཤེགས་ཀུན་དགྱེས་སྤྱན་ཡང་མཉེས། །ཨཱོཾ་བཛྲ་དྷཱུ་པེ་དྷཱུ། རྡོ་རྗེ་ཐལ་མོ་བརྐྱང་བ་ལས། །གཡས་གཡོན་གཉིས་ཀྱི་སྲིན་མཐེབ་ཀྱིས། །སྤོས་ཁང་ཡུ་བ་འཛིན་པའི་ཚུལ། །བཛྲ་དྷཱུ་པེའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སྙིང་རྗེའི་དོན་མཐུན་འགྲོ་དོན་བྱེད་པར་འགྱུར། །ཨཱོཾ་རཏྣ་པུཥ྇་པུ། རྡོ་རྗེ་ཐལ་མོ་ཕྱིར་བཀྱེད་དེ། །མཐེབ་གཉིས་སོ་སོར་འཁྱུད་བྱས་ཏེ། །མེ་ཏོག་འཐོར་བའི་ཚུལ་བྱས་པ། །བཛྲ་པུཥ྇འི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བྱམས་པའི་མཆོད་སྦྱིན་ཐོབ་པར་འགྱུར། །ཨཾ་པདྨ་ཨཱ་ལོ་ཀེ་ཧྲཱྀཿ། རྡོ་རྗེ་ཁུ་ཚུར་གཉིས་བཅིངས་ནས། །མཐེབ་གཉིས་བསྒྲེང་བ་མར་མེའི་ཚུལ། ། ― DNG022_Page_0025 ―
[མ་དཔེ་གཟིགས་ན་འདིར་གནོན།]
ཨཱ་ལོ་ཀེ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དགའ་བའི་མཆོག་གི་དོན་སྤྱོད་འགྱུར། །ཨཱོཾ་བཛྲ་གནྡྷེ་གན། ལག་པ་གཡོན་པའི་སོར་མོ་དགྱེ། །མཐེབ་ཀྱིས་མཛུབ་མནན་དུང་ཕོར་དབྱིབས། །གཡས་ཀྱི་སྦོམ་པོ་དབང་མོས་འཐོར་བའི་ཚུལ། །དྲི་ཆབ་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བཏང་སྙོམས་དོན་གྱི་སྒྲ་སྙན་སྒྲོགས་པར་འགྱུར། །ཧཱུྃ་ཧཱུྃ་ཧཱུྃ། བཛྲ་ཙིཏྟ་ས་མ་ཡ་ཧཱུྃ། རྡོ་རྗེ་ཐལ་མོ་ནང་དུ་བསྣོལ། །སྲིན་ལག་གཉིས་བསྒྲེང་རྩེ་མོ་སྟེ། །མཐེ་བོང་མཐེའུ་ཆུང་གུང་མོས་འཁྱུད། །རྡོ་རྗེ་རྩེ་ལྔའི་ཚུལ་དུ་བཤད། །ཀུན་བཟང་བདག་ཉིད་ཡབ་ཀྱི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དངོས་པོ་ཀུན་གཅོད་ཡེ་ཤེས་ངང་དུ་མཁྱེན་པར་མཛོད། །ཨ་ཨ་ཨ་བཛྲཱི་བྷ་དྲ་ས་མནྟ་ཨཱ། སོར་མོ་དྲང་བརྐྱང་ལག་རྟིང་དགྱེ། །གུང་མོ་གཉིས་ཀྱི་རྩེ་མོ་བསྒྲེང་། །དྲིལ་བུ་འཛིན་པའི་ཚུལ་བྱས་པ། །ཀུན་བཟང་བདག་ཉིད་མོ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །མཚན་མ་ཀུན་གཅོད་ཆོས་ཀྱི་མཚན་ཉིད་གསལ་བར་བྱེད། །ཨཱོཾ་མུ་ནེ་ཀྲིཾ་སྭཱ་ཧཱ། གཡས་གཡོན་སོར་མོ་དྲང་བརྐྱང་སྟེ། །སྲིན་མཐེབ་པི་ཝང་བརྡེབ་པའི་ཚུལ། །ལྷ་དབང་བརྒྱ་བྱིན་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །ལེ་ལོ་བརྩོན་འགྲུས་ས་ལ་འཁོད། །ཨཱོཾ་མུ་ནེ་ཧཱུྃ་ཏྲུཾ་སྭཱ་ཧཱ། རྡོ་རྗེ་སོར་མོ་ཕན་ཚུན་བསྣོལ། །མཐེབ་གཉིས་མཛུབ་མོའི་ཚིགས་ལ་སྦྲེལ། །རྡོ་རྗེ་གོ་ཆའི་ཚུལ་བྱས་པ། །ཐགས་བཟང་རིས་ཀྱི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །གང་ལ་བསྲུངས་ན་མཚོན་མི་ཚུགས། །ཨཱོཾ་མུ་ནེ་སྲུཾ་སྭཱ་ཧཱ། རྡོ་རྗེ་ཐལ་མོ་རྟིང་བསྣོལ་ནས། །མཐེབ་གཉིས་དཀྱིལ་བཞག་སྲོག་ཤིང་ལ། །སོར་མོ་གསེག་ཤང་བུམ་པའི་ཚུལ། །ཤཱཀྱ་ཐུབ་པའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སྡིག་པ་ཀུན་སྦྱོང་དགེ་ཚོགས་འཕེལ་བར་མཛད། །ཨཱོཾ་མུ་ནེ་པྲཾ་སྭཱ་ཧཱ། རྡོ་རྗེ་ཐལ་མོ་དམ་བསྣོལ་ནས། །གུང་མོ་སྲིན་ལག་བརྐྱང་ ― DNG022_Page_0026 ―
[མ་དཔེ་གཟིགས་ན་འདིར་གནོན།]
སྦྱར་ཏེ། །གླེགས་བམ་ཚུལ་དུ་བྱས་པ་ནི། །ཤཱཀྱ་སེང་གེའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །རྟག་ཏུ་ཆོས་ལ་ལོངས་སྤྱོད་འགྱུར། །ཨཱོཾ་མུ་ནེ་ཀྵཾ་སྭཱ་ཧཱ། རྡོ་རྗེ་ཐལ་མོ་ཁོང་སྟོང་ལས། །རྩེ་སྤྲད་ཚིགས་ཟུར་སྒྲོམ་བུའི་ཚུལ། །ཁ་འབར་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །ལོངས་སྤྱོད་མང་པོ་ཐོབ་པར་འགྱུར། །ཨཱོཾ་མུ་ནེ་ཡེ་སྭཱ་ཧཱ། གཡས་སོར་གདེངས་པ་མེ་རི་ལྟར། །གཡོན་གྱི་སྙིམ་པ་ཆུ་ཡི་ཚུལ། །གླང་མགོ་ཅན་གྱི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སྡུག་བསྔལ་ཀུན་ལས་རབ་ཏུ་ཐར། །ཧཱུྃ་ཡ་མཱནྟ་ཀྲྀཏ་ཛཿཕཊ། རྡོ་རྗེ་ཁུ་ཚུར་ནང་དུ་བསྡམ། །མཐེ་བོང་གཉིས་ནི་གྱེན་དུ་འདེགས། །ཐོད་པ་ནྲྀ་མགོ་གདེངས་པའི་ཚུལ། །གཤིན་རྗེ་འཇོམས་པའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བདུད་ཀྱི་ཚོགས་ཀུན་སྐྲག་པར་བྱེད། །པྲཛྙཱནྟ་ཀྲྀཏ་ཧཱུྃ་ཕཊ། གཡས་གཡོན་ཐབས་དང་ཤེས་རབ་ལས། །གུང་གཉིས་གཤིབས་པའི་རྩེ་མོར་བྱ། །མཛུབ་མོ་མཐེའུ་ཆུང་རྭ་ཡི་དབྱིབས། །རྡོ་རྗེའི་ཚུལ་དུ་བྱས་པ་ནི། །སྟོབས་པོ་ཆེ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བདུད་ཀྱི་ཚོགས་རྣམས་འཇོམས་པར་བྱེད། །པདྨཱནྟ་ཀྲྀཏ་ཧྲཱྀཿཕཊ། ལག་པ་གཉིས་ཀྱི་རྒྱབ་སྦྱར་ནས། །མཐེའུ་ཆུང་ལུ་གུ་རྒྱུད་དུ་མདུད། །མཛུབ་གཉིས་རྩེ་སྤྲད་ཞགས་པའི་ཚུལ། །རྟ་མཆོག་དཔལ་གྱི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བདུད་ཀྱི་ཚོགས་ཀུན་དབང་དུ་སྡུད། །ཨཱོཾ་བིགྷྣཱཾ་ཏ་ཀྲྀཏ་ཧོ་ཕཊ། སོར་མོ་ཕན་ཚུན་བསྣོལ་བ་ལས། །གུང་མོ་གཉིས་ནི་དྲང་པོར་བརྐྱང་། །མཛུབ་མོ་མཐེབ་ཆུང་རྩེ་སྤྲད་ཕྱི་རུ་འགྱེད། །མཐེ་བོང་སྲིན་ལག་རྩེ་སྤྲད་ནང་དུ་བཏུད། །རྡོ་རྗེ་རྒྱ་གྲམ་གྱེས་པའི་ཚུལ། །བདུད་རྩི་འཁྱིལ་པའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བདུད་ཀྱི་ཚོགས་རྣམས་རྡུལ་དུ་རློག །བཛྲ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུྃ་ཕཊ། རྡོ་རྗེ་ཁུ་ཚུར་རྒྱབ་སྦྱར་ཏེ། །མཐེ་ཆུང་ལུ་གུ་རྒྱུད་དུ་ ― DNG022_Page_0027 ―
[མ་དཔེ་གཟིགས་ན་འདིར་གནོན།]
མདུད། །མཛུབ་གཉིས་རྩེ་བཀུག་ལྕགས་ཀྱུའི་ཚུལ། །རྟ་གདོང་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བདེ་གཤེགས་སྤྱན་འདྲེན་སྙིང་རྗེས་འགྲོ་དོན་མཛད། །རཏྣ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུྃ་ཕཊ། གོང་གི་ཕྱག་རྒྱ་དེ་ཉིད་ལས། །མཛུབ་གཉིས་རྩེ་སྤྲད་ཞགས་པའི་ཚུལ། །ཕག་གདོང་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་བཞུགས་སུ་གསོལ་བ་དང་། །བྱམས་པས་སྦྱིན་པ་ཆེན་པོ་མཛད། །པདྨ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུྃ་ཕཊ། རྡོ་རྗེ་ཁུ་ཚུར་གཉིས་བཅིངས་ཏེ། །མཐེབ་མོ་མཛུབ་མོ་ལུ་གུ་རྒྱུད། །ལྕགས་སྒྲོག་ཚུལ་དུ་བྱས་པ་ནི། །སྦྲུལ་གདོང་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །རྒྱལ་བ་བརྟེན་མཛད་ཀུན་ཀྱང་དགའ་བར་མཛད། །ཀརྨ་དྷ་ར་མ་ཧཱ་ཀྲོ་དྷཱི་ཤྭ་རཱི་ཛྭ་ལ་ནི་ཧཱུྃ་ཕཊ། རྡོ་རྗེ་ཐལ་མོ་ཕན་ཚུན་བསྣོལ། །གུང་མོ་རྩེ་སྤྲད་བསྒྲེང་བྱས་ཏེ། །རྩེ་མོ་དྲིལ་བུ་འཛིན་པའི་ཚུལ། །སེང་གདོང་མ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དེ་བཞིན་གཤེགས་པ་མཉེས་མཛད་འགྲོ་དོན་ཀུན་ལ་སྙོམས། །ཞེས་རྒྱལ་བ་རྣམས་ཀྱི་སྔགས་དང་ཕྱག་རྒྱའི་ངོ་བོ་དང་། ཡོན་ཏན་རྣམ་པར་བཤད་དོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། སྔགས་དང་ཕྱག་རྒྱ་རྣམ་པར་སྤྲོས་པའི་ལེའུ་སྟེ་ལྔ་པའོ།། །།དེ་ནས་ཡང་རྡོ་རྗེ་འཛིན་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མའོ་བདེ་གཤེགས་བཅོམ་ལྡན་འདས། །སངས་རྒྱས་ཡབ་གྱུར་དམ་པའི་བདག །བདག་ལ་སོགས་པའི་འཁོར་རྣམས་ལ། །དབང་བསྐུར་བྱིན་རླབས་ཚུལ་བཞིན་མཛོད། །ཅེས་བསྐུལ་བ་མཁྱེན་ཏེ། བཅོམ་ལྡན་འདས་ཀྱིས། ཧཱུྃ་ཧཱུྃ་ཧཱུྃ་ཞེས་བརྗོད་དེ། འཁོར་གྱི་དཀྱིལ་འཁོར་དེ་དག་དང་གཞལ་ཡས་ཁང་ཉིད་ཀྱི་ཐུགས་ཀར་བསྡུ་བ་མཛད་དེ། རྒྱུན་ལམ་དང་གཤེགས་ཤུལ་ནས་ཡུམ་གྱི་བྷ་གའི་བསྡིམ་གནས་སུ་འཁྱིལ་པ་ལས། ཐམས་ཅད་ལྷག་པའི་བྱང་ཆུབ་ཀྱི་སེམས་ཆེན་པོར་གནས་པར་མཛད་དོ། །དེ་ནས་ཧཱུཾ་ཧཱུཾ་མ་ ― DNG022_Page_0028 ―
[མ་དཔེ་གཟིགས་ན་འདིར་གནོན།]
ཧཱ་ག་ཎ་ས་མ་ཡ་ཧོ། ཞེས་པའི་སྒྲ་བརྗོད་ཅིང་། ཡབ་ཡུམ་ཉིད་ཀྱང་ཆགས་པ་ཆེན་པོའི་ཆོས་ཉིད་བྱང་ཆུབ་སེམས་སུ་གནས་པ་ལས། ཆོ་འཕྲུལ་གྱི་སྒྲ་རུ་ཧཱུྃ་ཧཱུྃ་ཞེས་བསྒྲགས་ནས། སྨོན་པ་མེད་པའི་གསུང་རྟགས་ཀྱི་ཡི་གེ་ཧཱུྃ་ཧཱུྃ་གཉིས་སུ་གསལ་བར་མཛད་དོ། །ཡང་ཆོ་འཕྲུལ་གྱི་སྒྲར་བཛྲ་ཛྙཱ་ན་གྷཎྜ་ཞེས་བརྗོད་པས། མཚན་མ་མེད་པའི་ཐུགས་རྟགས་རྡོ་རྗེ་དང་དྲིལ་བུ་གཉིས་སུ་གསལ་བར་མཛད་དོ། །དེ་ནས་ཡང་ཆོ་འཕྲུལ་སྒྲར་ཧཱུྃ་ཧཱུྃ་ཧཱུྃ་བཛྲ་ཙིཏྟ་ཧཱུྃ། ཨ་ཨ་ཨ་བཛྲ་བྷ་དྲ་ས་མནྟ་ཨ། ཞེས་བརྗོད་དེ། རང་བཞིན་མེད་པའི་ཡབ་ཡུམ་གྱི་སྐུར་གསལ་བར་མཛད་དོ། །དེ་ནས་ཡང་། རྗེས་སུ་ཆགས་པ་བསྐྱེད་པའི་ཕྱིར་ན། རྡོ་རྗེ་དང་པདྨ་རྒྱས་པར་མཛད་པའི་ཆོ་འཕྲུལ་གྱི་སྒྲ་འདི་བརྗོད་དོ། །ཛྙཱ་ན་བཛྲ་ཨེ་ཨཱོཾ་ཧཱུྃ་ཕཊ། ཨེ་ཨ་ཨཱོཾ་ས་མ་ཡ་སྟཱཾ། ས་མ་ཡ་ཧོ། ཨ་ནུ་རཱ་ག་ཡཱ་མི། ཨ་ནུ་རཱ་གཱ་ཡ་ཧོ། དེ་ནས་ཡང་གསང་བའི་བྱང་ཆུབ་སེམས་ལས། འཁོར་དཀྱིལ་འཁོར་ཡུམ་གྱི་མཁའ་ལ་གསལ་བར་མཛད་པའི་ཆོ་འཕྲུལ་གྱི་སྒྲ་འདི་བརྗོད་དོ། །ཨཱོཾ་མ་ཧཱ་བོ་དྷི་ཙིཏྟ་མཎྜ་ལ་ཧཱུྃ་ཧཱུྃ། དེ་ནས་ཡང་བྷ་ག་གསང་བའི་དཀྱིལ་འཁོར། ཕྱིའི་དཀྱིལ་འཁོར་དུ་རྣམ་པར་སྤྲོས་པའི་སྙིང་པོ་འདི་ཆོ་འཕྲུལ་གྱི་སྒྲར་བརྗོད་དོ། །ཧཱུྃ་སྥ་ར་ཎ་ཕཊ་ཛཿཞེས་བརྗོད་དེ། གསང་བའི་དཀྱིལ་འཁོར་ཆེན་པོ་དེ་རྒྱས་པར་མཛད་དོ། །དེ་ནས་ཡང་སྐུ་དང་གསུང་དང་ཐུགས་རྡོ་རྗེར་བྱིན་གྱིས་རླབས་པའི་སྙིང་པོ་འདི་ཆོ་འཕྲུལ་གྱི་སྒྲར་བརྗོད་དོ། །ཨཱོཾ་ན་མཿསརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་ན་མཿསརྦ་ཏ་ཐཱ་ག་ཏ་མ་ཧཱ་ཝཱ་ཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་ན་མཿསརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་ནས་ཡང་འཁོར་རྣམས་ལ་རིགས་ལྔ་སྐུ་ལྔ་ཡེ་ཤེས་ལྔས་དབང་བསྐུར་བའི་སྙིང་པོ་འདི་ཆོ་འཕྲུལ་གྱི་སྒྲར་བརྗོད་དོ། །ཨཱོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་མ་ཧཱ་ཨཱ་དཪྴ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧྃ། ཨཱོཾ་མ་ཧཱ་པྲ་ཏྱ་བེ་ཀྵ་ཎ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་དྷཱ་ཝ་ ― DNG022_Page_0029 ―
[མ་དཔེ་གཟིགས་ན་འདིར་གནོན།]
ཨཱདྨ་ཀོ྅ཧཾ། ཨཱོཾ་མ་ཧཱ་ཀྲྀཏྱཱ་ནུཥྛ་ན་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཞེས་གསུངས་ཏེ། བྱིན་གྱིས་བརླབས་ཤིང་དབང་བསྐུར་བས། འཁོར་རྣམས་འགྲོ་བའི་དོན་ལ་ཐོགས་པ་མེད་པར་བྱིན་རླབས་དང་ཡང་ལྡན། དབང་ཡང་ཐོབ་ནས། ཐུགས་རྗེ་ཆེན་པོས་འགྲོ་བའི་དོན་མཛད་པ་ལ་རག་པར་གནས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བྱིན་གྱིས་བརླབས་པ་དང་དབང་བསྐུར་བའི་ལེའུ་སྟེ་དྲུག་པའོ།། །།དེ་ནས་ཡང་རྡོ་རྗེ་འཛིན་པའི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མ་ཧོ་རྣམ་པར་དག་པའི་ལམ། །སངས་རྒྱས་ཀུན་གྱི་སྐུ་ཡི་མཆོག །སྣ་ཚོགས་ལས་བྱུང་ཁྱོད་ལ་འདུད། །སངས་རྒྱས་ཀུན་གྱི་གསུང་གི་མཆོག །རྣམ་དག་སྒྲ་ཆེན་ཁྱོད་ལ་འདུད། །སངས་རྒྱས་ཀུན་གྱི་ཐུགས་ཆེན་པོ། །ཡེ་ཤེས་གཙོ་མཆོག་ཁྱེད་ལ་འདུད། །ཆོས་ཀྱི་འཁོར་ལོ་རབ་བསྐོར་བའི། །སངས་རྒྱས་འཁོར་ལོ་ཁྱོད་ལ་འདུད། །ཡིད་བཞིན་རེ་བ་ཀུན་སྐོང་བའི། །ནོར་བུ་འཛིན་པ་ཁྱོད་ལ་འདུད། །འདམ་སྐྱེས་པད་ལྟར་སྐུ་འཁྲུངས་པའི། །པདྨ་འཆང་བ་ཁྱོད་ལ་འདུད། །འགྲོ་བ་ཐ་དད་འདུལ་བའི་བྱེ་བྲག་ཅན། །སྣ་ཚོགས་འཆང་བ་ཁྱོད་ལ་འདུད། །འདུལ་བའི་ཐབས་ནི་སྣ་ཚོགས་ཀྱིས། །འགྲོ་བ་སྣ་ཚོགས་འདུལ་བ་ལ། །སྐུ་གསུང་ཐུགས་ཀྱིས་སྤྲུལ་པ་ཡིས། །ཐུགས་རྗེས་འགྲོ་བའི་དོན་མཛད་རིགས། །ཞེས་གསོལ་པས། བཅོམ་ལྡན་འདས་ཀྱི་བསྐུལ་བ་ཐུགས་སུ་ཆུད་དེ། ལ་ལར་སྐུ་ཡིས་དོན་མཛད་པ། །འགྲོ་རྣམས་ཀུན་ལ་སྡིག་སྤོང་གཟུགས། །སྤྲུལ་སྐུས་སོ་སོར་འདུལ་བ་ནི། །དམྱལ་བ་རྣམས་ལ་གཤིན་རྗེས་འདུལ། །སྒྲིབ་པ་རྣམས་ལ་ཁ་འབར་གཟུགས། །དུད་འགྲོ་རྣམས་ལ་སེང་གེའི་གཟུགས། །མི་རྣམས་ཀུན་ལ་འཇིག་རྟེན་དུ། །འཁོར་ལོས་སྒྱུར་རྒྱལ་ལྟ་བུའི་གཟུགས། །ལྷ་མིན་རྣམས་ལ་ཐགས་བཟང་རིས། །ལྷ་རྣམས་ལ་ནི་བརྒྱ་བྱིན་གཟུགས། །ཚངས་རིས་རྣམས་ལ་ལྷ་ཆེན་གཟུགས། ། ― DNG022_Page_0030 ―
[མ་དཔེ་གཟིགས་ན་འདིར་གནོན།]
ཆགས་བྲལ་རྣམས་ལ་དགྲ་བཅོམ་གཟུགས། །རང་རྒྱལ་རྣམས་ལ་བསེ་རུའི་ཚུལ། །ས་བཅུའི་བྱང་ཆུབ་སེམས་དཔའ་ལ། །སྐུ་ནི་རྣམ་པར་སྣང་མཛད་ཚུལ། །འགྲོ་རྣམས་ཇི་ལྟར་འདུལ་བ་ལས། །མཐུན་བྱས་སྐུ་ནི་སྣ་ཚོགས་འདུལ། །འགྲོ་རྣམས་ཇི་ལྟར་འདུལ་བ་བཞིན། །ཆོས་ཀྱི་འཁོར་ལོ་སྣ་ཚོགས་ནི། །ལ་ལར་སྡེ་སྣོད་གསུམ་དག་ཏུ། །བསྡུས་ནས་ཆོས་ཀྱི་འཁོར་ལོ་བསྐོར། །ལ་ལར་གསུང་རབ་བཅུ་གཉིས་སུ། །ལ་ལར་སྟོང་ཕྲག་བརྒྱད་ཅུ་བཞི། །ལ་ལར་བརྒྱད་ཁྲི་བཞི་སྟོང་དུ། །གཏི་མུག་མདོངས་པའི་འགྲོ་གང་ལ། །སངས་རྒྱས་འཁོར་ལོས་འཁོར་ལོ་བསྐོར། །ཞེ་སྡང་ཅན་ལ་རྡོ་རྗེ་འཛིན། །ང་རྒྱལ་ཅན་ལ་རིན་པོ་ཆེ། །འདོད་ཆགས་ཅན་ལ་པདྨ་འཆང་། །ཕྲག་དོག་སྤྱོད་པའི་ལས་གོམས་པར། །སྣ་ཚོགས་རྡོ་རྗེ་འཁོར་ལོ་བསྐོར། །འགྲོ་བའི་སྐད་རྣམས་ཇི་ཙམ་པར། །དེ་སྙེད་སྒྲ་སྐད་སྣ་ཚོགས་སྟོན། །ལ་ལར་ལྷུམས་ན་གནས་པའི་ཚུལ། །ལ་ལར་ལྷུམས་ནས་གཤེགས་པར་སྟོན། །ལ་ལར་ཁྱིམ་པ་ལྟ་བུའི་ཚུལ། །ལ་ལར་ཁབ་ནས་རབ་ཏུ་བྱུང་། །ལ་ལར་དཀའ་ཐུབ་དཀའ་བ་སྤྱོད། །ལ་ལར་བྱང་ཆུབ་མཆོག་སེམས་བསྐྱེད། །ལ་ལར་བདུད་བཞི་འདུལ་བར་སྟོན། །ལ་ལར་རྡོ་རྗེ་གདན་ལ་གཤེགས། །ལ་ལར་བྱང་ཆུབ་ཤིང་དབང་དྲུང་། །ལ་ལར་བསྐུལ་བའི་ས་ལས་བཞེངས། །ལ་ལར་རྣམ་པ་བཅུ་གཉིས་སུ། །ལན་གསུམ་དག་ཏུ་འཁོར་ལོ་བསྐོར། །ལ་ལར་ཆོ་འཕྲུལ་ཆེན་པོ་སྟོན། །ལ་ལར་མྱ་ངན་འདས་ཚུལ་སྟོན། །ལ་ལར་སྐུ་གདུང་རིང་བསྲེལ་སྟོན། །ལ་ལར་ཆོས་ཀྱི་གླེགས་བམ་སྟོན། །ལ་ལར་ཕྱི་རོལ་འབྱུང་བའི་ལས། །ཆོས་དང་མཐུན་པའི་སྒྲ་སྐད་འབྱུང་། །ལ་ལར་མུ་སྟེགས་ལྟ་བུའི་ཚུལ། །ལ་ལར་འཇིག་རྟེན་བསམ་གཏན་ཚུལ། །ལ་ལར་ས་བཅུ་རིམ་གྱིས་འབྱུང་། །ལ་ལར་སྤྱན་ལྔ་རྣམ་པར་དག །ལ་ལར་མངོན་ཤེས་ཕ་རོལ་ཕྱིན། །ལ་ལར་ཁྱབ་འཇུག་དབང་ཕྱུག་ཆེ། །ལ་ལར་འཇིག་རྟེན་སྐྱོང་བའི་ཚུལ། ། ― DNG022_Page_0031 ―
[མ་དཔེ་གཟིགས་ན་འདིར་གནོན།]
འགྲོ་རྣམས་ཇི་ལྟར་འདུལ་བ་བཞིན། །བྱིན་རླབས་ཆོ་འཕྲུལ་ཇི་ལྟར་སྟོན། །ཞེས་སྐུ་གསུང་ཐུགས་ཀྱིས་འགྲོ་བའི་དོན་མཛད་པ་ལས། འཁོར་དེར་འདུས་པའི་བྱང་ཆུབ་སེམས་དཔའ་རྣམས་ངོ་མཚར་དུ་གྱུར་ཏེ། བཅོམ་ལྡན་འདས་ལ་མགྲིན་གཅིག་ཏུ་འདི་སྐད་ཅེས་གསོལ་ཏོ། །ཨེ་མ་ཧོ་གསང་བ་མཆོག་གི་བདག །ངོ་མཚར་འབྱུང་བ་ཁྱོད་ལ་འདུད། །ཨེ་མ་ཧོ་གསང་སྔགས་ངོ་མཚར་ཆེ། །ཨེ་མ་ཧོ་སྟོན་པའི་ཆོ་འཕྲུལ་ཆེ། །ཨེ་མ་ཧོ་ངོ་མཚར་ཆོ་འཕྲུལ་ཆེ། །ཨེ་མ་ཧོ་སྔགས་ཀྱིས་མི་འདུལ་མེད། །འདི་ཅི་ཡ་མཚན་ངོ་མཚར་རོ། །ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། །རིགས་ཀྱི་བུ་ཚུར་གཤེགས་ཤིག །གསང་བའི་ཐེག་པ་འདི་ཉིད་ལ། །སུ་ཞིག་མོས་པའི་སྐྱེས་བུ་དེས། །མི་བྱ་བ་ནི་གཅིག་ཀྱང་མེད། །མི་བསྒྲུབ་པ་ནི་གཅིག་ཀྱང་མེད། །རྟག་ཏུ་གསོད་ལ་བརྩོན་པ་དང་། །མ་བྱིན་བླང་དང་མི་ཚངས་སྤྱོད། །རྫུན་དང་ཕྲ་མ་ངག་རྩུབ་དང་། །ཟས་སུ་ཤ་དང་བཤང་གཅི་དང་། །རྣག་ཁྲག་དྲོན་མོ་འཐུང་བ་དང་། །ངན་ཟོས་ངན་སྤྱད་ཐམས་ཅད་ཀྱིས། །གསང་བ་འདི་ཉིད་འགྲུབ་པར་འགྱུར། །ཕ་དང་ཁུ་བོ་མེས་པོ་དང་། །བུ་དང་སྤུན་དང་མཛའ་བོ་རྣམས། །ཞེ་སྡང་སེམས་ཀྱིས་གསད་བྱས་ན། །རྡོ་རྗེ་རིགས་ཀྱི་ཞིང་དུ་འཁྲུངས། །མ་དང་སྲིང་མོ་བུ་མོ་དང་། །གདོལ་པ་མོ་དང་ཕྱལ་བ་མོ། །འདོད་པའི་སེམས་ཀྱིས་སྦྱོར་ན་ནི། །པདྨའི་རིགས་སུ་སྐྱེ་བར་ངེས། །ཞེས་གསུངས་པས། འཁོར་གྱི་བྱང་ཆུབ་སེམས་དཔའ་དེ་དག་སྐྲག་སྔངས་ཏེ་བརྒྱལ་བར་གྱུར་ཏོ། །དེ་ནས་ཡང་རྡོ་རྗེ་འཛིན་པ་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཐུགས་རྗེ་ཆེན་པོ་ཐབས་མཁས་པའི་བདག་ཉིད་རྟོག་པ་དང་བཅས་པའི་བྱང་ཆུབ་སེམས་དཔའ་དེ་དག །སླར་གསོས་ཏེ་རྟོགས་པ་སྩལ་དུ་གསོལ་ཞེས་ཞུས་པ་དང་། བཅོམ་ལྡན་འདས་ཀྱིས་བསྐུལ་བར་མཁྱེན་ཏེ། དེ་ནས་བྱང་ཆུབ་སེམས་དེ་ཁོ་ན་ཉིད་ཀྱི་ཏིང་ངེ་འཛིན་ལ་ཞུགས་ཏེ། བྱང་ཆུབ་སེམས་ཀྱི་འོད་ཟེར་འཕྲོ་ ― DNG022_Page_0032 ―
[མ་དཔེ་གཟིགས་ན་འདིར་གནོན།]
ཞིང་འཁྱིལ་པ་དེ། བྱང་ཆུབ་སེམས་དཔའ་རྣམས་ལ་བསྡིམས་ཏེ། བྱིན་གྱིས་བརླབ་པ་མཛད་ནས། བྱང་ཆུབ་སེམས་དཔའ་དེ་དག་སླར་དྲན་པ་རྙེད་ནས། བཅོམ་ལྡན་འདས་ཀྱི་ཞལ་དུ་མིག་མི་འཛུམ་པར་བལྟས་ཏེ་འཁོད་དོ། །དེ་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་རྣམས་རང་རང་གི་འདུ་ཤེས་ངན་པ་དེ་ཐོང་ཞིག །བྱང་ཆུབ་སྤྱོད་པའི་གནས་འདི་ཡིན། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །དེ་ཉིད་འཇིག་རྟེན་སྣ་ཚོགས་ཏེ། །ཕྱག་རྒྱའི་ཚོགས་ཆེན་དེ་ཉིད་དོ། །ཆོས་རྣམས་སྒྱུ་མར་དབང་བསྒྱུར་བས། །དེ་ལ་དངོས་པོ་ག་ལ་ཡོད། །ཅི་སྤྱད་ཅི་བསྒོམས་ཅི་བསྒྲུབས་ཀྱང་། །དེ་ལ་དངོས་པོ་ཡོད་མི་འགྱུར། །བྱང་ཆུབ་ཉིད་དེ་ལྟུང་གནས་མེད། །དམྱལ་བའི་གནས་ཉིད་བླ་མེད་གནས། །སྡུག་བསྔལ་ཉིད་ན་བྱང་ཆུབ་སེམས། །འཁོར་བ་ཉིད་ན་མྱ་ངན་འདས། །སྒྲིབ་པ་ཉིད་ན་མངོན་སངས་རྒྱས། །བྱང་ཆུབ་སྤྱོད་སྒོ་ཇི་སྙེད་པ། །དེ་སྙེད་འབྲས་བུ་བདེ་ལ་འཁོད། །ངེས་དོན་དེ་ལ་འདུས་པར་བྱོས། །ཞེས་གསུངས་པས། བྱང་ཆུབ་སེམས་དཔའི་དེ་དག་སོམ་ཉི་དང་བྲལ་ནས། རང་རང་གི་དེ་བཞིན་ཉིད་ལ་དམིགས་ནས་འཁོད་དོ། །དེ་ཚེ་འགྲོ་དྲུག་སེམས་ཅན་རྣམས། །ལས་ཀྱི་སྟོབས་ཀྱིས་དབང་བསྒྱུར་ཡང་། །ལོག་ལྟའི་མཐུས་བསྙེམས་མ་དད་པ། །ཇི་སྙེད་གནས་པ་ཐམས་ཅད་ཀུན། །སངས་རྒྱས་བསྟན་ལ་དད་པར་གྱུར། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། འགྲོ་བ་ཐམས་ཅད་འདུལ་བ་ལ་མ་དད་པའི་རྒྱུ་འབྱུང་བའི་ལེའུ་སྟེ་བདུན་པའོ།། །།དེ་ནས་ཡང་རྡོ་རྗེ་འཛིན་པའི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མ་ཧོ་གསང་བ་མཆོག་གི་བདག །བྱང་ཆུབ་སྤྱོད་པའི་ལམ་མཆོག་ལ། །འགྲོ་བ་ཇི་སྙེད་དད་པ་ལས། །ལས་ཀྱི་ལོག་ལྟ་མ་དད་པའི། །རྒྱུ་དང་རྐྱེན་ནི་ཇི་ལྟར་ལགས། །མ་དད་པ་ནི་ཅི་ཡི་ ― DNG022_Page_0033 ―
[མ་དཔེ་གཟིགས་ན་འདིར་གནོན།]
ཕྱིར། །རིགས་དང་སྡེ་ནི་གང་དུ་གཏོགས། །འབྲས་བུ་སྨིན་པ་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དཀའ་ཐུབ་ཅན་གྱི་སེམས་ཅན་དེ། །ལེགས་པའི་རྒྱུ་ལས་མ་བྱུང་སྟེ། །མེད་པའི་གཟུང་འཛིན་རྟོག་ངན་རྒྱུ། །རྐྱེན་ནི་ཆགས་སྡང་སྤྱོད་ལ་ཞེན། །ལྟ་བ་ལོག་པ་ཉོན་མོངས་ལྔ། །དེ་ཡི་ལས་ཀྱི་དབང་བཙན་པས། །འབྲས་བུ་མ་དད་རྒྱུ་རུ་སྨིན། །རིགས་ནི་འཁོར་བའི་རིགས་ཆེན་ཏེ། །སྡེ་ནི་གདོལ་པའི་འབྱུང་པོར་གཏོགས། །ཞེས་གསུངས་སོ། །དེ་ནས་ཡང་རྡོ་རྗེ་འཛིན་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ལོག་པའི་སེམས་ཅན་ཆེན་པོ་དེ། །ཅི་ཡི་ཐབས་ཀྱིས་དད་པར་འགྱུར། །མ་དད་ངེས་ན་ཇི་ལྟར་གདུལ། །བཏུལ་ན་ཡོན་ཏན་ཇི་ལྟར་འཐོབ། །མ་བཏུལ་མ་དད་སྐྱོན་ནི་ཅི། །ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། ལོག་ལྟའི་མཐུས་བསྙེམས་སེམས་ཅན་དེ། །བདེན་པའི་གཞུང་གིས་གདུལ་བར་བྱ། །མ་བཏུལ་བ་ཡི་སྐྱོན་བསྟན་ན། །ཕྱིན་ཅི་ལོག་ཏུ་ཆོས་སྤྱོད་ནས། །ལྷ་དང་མི་ཡི་སྲིད་བརླག་སྟེ། །ཁ་ལོ་ལོག་པར་བསྒྱུར་ནས་ཀྱང་། །སངས་རྒྱས་དམན་རིགས་སུ་ལུས་ལ། །སེམས་ཅན་ཁ་ལོ་ལོག་པར་བསྒྱུར་ནས་ཀྱང་། །དོན་ལ་མ་དད་སྐྱོན་ཡོད་དོ། །བཏུལ་ན་ཡོན་ཏན་དཔག་མེད་དེ། །དུས་གསུམ་རྩད་གཅོད་འཁོར་དངོས་སྤྲུག །འཁོར་བ་ཆོས་ཉིད་ཆེན་པོར་འགྱུར། །སངས་རྒྱས་ཞིང་ཁམས་རབ་ཏུ་རྒྱས། །བཏུལ་བས་དོན་ལ་དད་པར་འགྱུར། །ཞེས་གསུངས་སོ། །དེ་ནས་ཡང་རྡོ་རྗེ་འཛིན་པས་འདི་སྐད་ཅེས་བསྐུལ་ལོ། །ཨེ་མ་ཧོ་བདེ་གཤེགས་བཅོམ་ལྡན་འདས། །མ་དད་པ་ཡི་སེམས་ཅན་ཆེན་པོ་དེ། །ལས་ལ་བབ་པའི་ཐུགས་རྗེ་ཡིས། །བདེ་བ་ཆེན་པོའི་གཞུང་བཀོན་ནས། །བདེ་ཆེན་ས་ལ་དགོད་དུ་གསོལ། །ཞེས་བསྐུལ་བས་བཅོམ་ལྡན་འདས་ཀྱིས་མཁྱེན་ནས། སྤྲུལ་པའི་ཐུགས་ཀྱི་ཆོ་འཕྲུལ་མཛད་དེ། ཡེ་ཤེས་ཀྱི་སྤྲིན་མགོ་ནི་དབྱར་གྱི་ཆར་སྤྲིན་བཞིན་གཏིབས། ― DNG022_Page_0034 ―
[མ་དཔེ་གཟིགས་ན་འདིར་གནོན།]
ཆོས་ཉིད་དྲོད་ཆེན་པོ་ནི་ནམ་མཁའི་རླན་བཞིན་དུ་གཡོས་ཏེ། སྤྲུལ་པའི་སྐུ་ཆར་གྱི་རྒྱུན་བཞིན་དུ་བབས་པ་ནི། དཔེ་བྱད་ཀྱི་སྐུ་ལ་མཚན་གྱི་མེ་ཏོག་ཆགས་པར་མཛད། གསུང་ཆགས་པ་མེད་པའི་ཚངས་པའི་དབྱངས་ཀྱིས་ཆོས་ཀྱི་བྱེ་བྲག་སྣ་ཚོགས་བསྒྲགས་ནས། བདེན་པའི་གཞུང་གིས་འདུལ་བར་གཟིགས་ན། རཱུ་ཏྲ་ནག་པོ་དེས་སེ་གོལ་ལན་གཅིག་བརྡབས་ནས་མི་འདུལ་མངོན་པའི་ང་རྒྱལ་སྐྱེས་ཏེ། གོའུ་ཏ་མ་ཁྱོད་ཀྱིས་བདག་འདུལ་བ་མ་ལགས་སམ། ཁྱོད་རང་རང་གི་གནས་སུ་དཀའ་ཐུབ་ཀྱི་བདེ་བ་ལ་གནོས་ཤིག །ཅེས་ཟེར་ཏེ་མ་ཉན་ཏོ། །རྡོ་རྗེ་ཕུར་པའི་གསང་བའི་རྒྱུད་ཆེན་པོ་ལས། བདེ་བ་ཆེན་པོའི་གཞུང་གིས་མ་དད་པ་གདུལ་ བར་གཟིགས་པའི་ལེའུ་སྟེ་བརྒྱད་པའོ།། །།དེ་ནས་ཡང་རྡོ་རྗེ་འཛིན་པས་འདི་སྐད་ཅེས་བསྐུལ་བ་མཛད་དེ། ཀྱེ་མའོ་སངས་རྒྱས་མང་པོའི་ཚོགས། །སྣང་ངོ་ཀུན་ཏུ་རབ་ཏུ་འདིར། །སྲིད་པའི་ལོག་པ་གདུག་པ་ཅན། །འཁོར་བའི་ས་བོན་རྩུབ་མོས་འཕངས། །སྡུག་བསྔལ་ཆེན་པོ་ཡི་དྭགས་ཏེ། །ལས་ཀྱིས་འཇིག་རྟེན་ཁམས་འདིར་བྱུང་། །དྲག་པོ་རང་གི་དཀའ་ཐུབ་ཀྱིས། །སྲིད་པ་གསུམ་གྱི་བདག་པོར་སྨིན། །དྲག་པོ་རཱུ་ཏྲའི་གདུག་དབལ་གྱིས། །འགྲོ་རྣམས་ཐལ་རློག་འཇིགས་བྱེད་འདི། །གདུལ་བར་བྱ་བའི་འོས་མཆོག་སྟེ། །སྙིང་རྗེའི་བདག་པོ་ཀུན་འདུས་ལ། །སྡུག་བསྔལ་ལམ་གྱི་རྒྱུན་བཅད་དེ། །བདེ་ཆེན་ས་ལ་གཞག་པར་རིགས། །ཞེས་གསོལ་ཏོ། །བདེ་བར་གཤེགས་པ་རྣམས་ཀྱིས། བསྐུལ་བའི་དོན་དེ་ཐུགས་སུ་ཆུད་དེ། ཞི་བ་དང་བདེན་པས་མི་འདུལ་བར་དགོངས་ནས། འགྲོ་བ་དང་ཚུལ་བསྟུན་ཏེ་གདན་ཚོགས་ཆེན་པོ་བཅས་ཏེ། འདི་སྐད་དག་གི་བགྲོ་བ་མཛད་དེ། བཅོམ་ལྡན་འདས་ཞེ་སྡང་ཆེན་པོའི་ཚོགས་ཀྱིས་བགྲོས་པ། ཀྱེ་འདུས་པའི་ཚོགས་ཆེན་པོ་དག །འདས་པའི་དུས་ནས་སྔོན་བྱུང་ལྟར། །ད་ལྟར་དུས་འདིར་བྱུང་བ་སྟེ། །དེ་བཞིན་གཤེགས་པའི་གསུང་རབ་ལས། །བདག་ཉིད་ཆེན་པོ་རྟག་པ་ཡིས། །ཁྲོ་ ― DNG022_Page_0035 ―
[མ་དཔེ་གཟིགས་ན་འདིར་གནོན།]
བོའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་ཁྲོ་དྲག་གཏུམ་པ་ཡིས། །འོ་དོད་འབོད་པར་ལྟུང་བར་འགྱུར། །མི་བཟད་ཆེན་པོས་སྡུག་བསྔལ་ཏེ། །དུག་གསུམ་ས་ལ་མངོན་ཞེན་པའི། །ཇི་ལྟ་བ་ཡི་ཐབས་ཀྱིས་གདུལ། །ཞེས་བགྲོས་སོ། །བཅོམ་ལྡན་འདས་གཏི་མུག་ཆེན་པོའི་ཚོགས་ཀྱིས་བགྲོས་པ། ཤིན་ཏུ་གཏུམ་པའི་སེམས་ཅན་དེ། །ཇི་ལྟར་དེ་དག་བཞག་གྱུར་ན། །བག་ཆགས་ངན་པའི་ཆུ་རླན་གྱིས། །བདུད་ཀྱི་ཚོགས་སུ་མངོན་འཕེལ་ནས། །རིག་འཛིན་པ་ཡི་རྒྱུད་གཅོད་ཅིང་། །བསྟན་པའི་གསུང་རབ་འཇིག་འགྱུར་བས། །དེ་ཚེ་ལས་ཀྱི་མུན་པ་ཡིས། །འགྲོ་བ་མ་རིག་མུན་པར་འཁྱམས། །དུག་ནད་རིམས་ནད་ཕྲ་མེན་མ། །གནོད་སྦྱིན་གདོན་དང་ལོག་འདྲེན་ཉིད། །སྲིད་པ་གསུམ་པོ་འཇོམས་བྱེད་ཅིང་། །དམ་ཚིག་གཉན་པོ་འདྲལ་བྱེད་པ། །ཇི་ལྟ་བ་ཡི་ཐབས་ཀྱིས་གདུལ། །ཞེས་བགྲོས་སོ། །བཅོམ་ལྡན་འདས་ང་རྒྱལ་ཆེན་པོའི་ཚོགས་ཀྱིས་བགྲོས་པ། འདས་པའི་དུས་ན་སྔོན་བྱུང་བ། །ལས་ཀྱི་གདུག་པའི་རཱུ་ཏྲ་དེ། །རྒྱལ་བ་འདུས་པའི་སྦྱོར་བ་ཡིས། །ཇི་ལྟར་ཁྲོ་བདག་གཏུམ་པ་ལྟར། །ད་ལྟར་ཚེ་འདིར་བྱུང་བ་སྟེ། །དུག་གསུམ་བརྩེགས་པའི་རི་བོ་འདི། །འབར་ཁྲོ་འཁྲུགས་པའི་སྦྱོར་བ་ཡིས། །ཇི་ལྟར་འཚམས་པ་བཞིན་དུ་འོས། །སངས་རྒྱས་ཐམས་ཅད་འདུས་ནས་ཀྱང་། །ཁྲོས་པའི་སྤྲིན་ནག་གཏིབས་པ་ཡིས། །མངོན་སྤྱོད་འབར་བའི་ཐབས་ཆེན་གྱིས། །འཁོར་བ་བསྒྲལ་བའི་དུས་ལ་བབ། །ཅེས་བགྲོས་སོ། །བཅོམ་ལྡན་འདས་ཆགས་པ་ཆེན་པོའི་ཚོགས་ཀྱིས་བགྲོས་པ། ཤིན་ཏུ་གདུག་ཅིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ལས། །ཁྲོ་བོར་དེ་བཞིན་གཤེགས་ཀུན་བྱ། །ཁྲོ་བོའི་ཚུལ་ཅན་ཁྲོས་པས་ཀྱང་། །འཇིག་རྟེན་གསུམ་དག་སྲེག་བྱེད་ན། །སངས་རྒྱས་ཐུགས་རྗེ་ཁྲོས་པ་ཡིས། །ཁམས་གསུམ་མ་ལུས་སྨོས་ཅི་དགོས། །ཞེས་བགྲོས་སོ། །བཅོམ་ལྡན་འདས་ཕྲག་དོག་ཆེན་པོའི་ ― DNG022_Page_0036 ―
[མ་དཔེ་གཟིགས་ན་འདིར་གནོན།]
ཚོགས་ཀྱིས་བགྲོས་པ་ནི། རང་བཞིན་དག་པའི་ངོ་བོ་ལས། །ལོག་རྟོག་ཕྱིན་ཅི་ལོག་གིས་བཅིངས། །དངོས་པོར་རང་གར་ཞེན་པ་ཡིས། །གདུལ་དཀའ་མ་ལུས་འདུལ་བ་དང་། །དམ་ཚིག་ལ་སྡང་རྣམ་སྦྱོང་ཕྱིར། །དུར་ཁྲོད་གར་གྱི་ཕྱག་རྒྱར་མཛོད། །ཅེས་བགྲོས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ཞི་བས་མི་འདུལ་བར་དགོངས་ནས། བདེ་བར་གཤེགས་པ་རྣམས་ཀྱིས་བཀའི་མོལ་བ་མཛད་པའི་ལེའུ་སྟེ་དགུ་པའོ།། །།དེ་ལྟར་བགྲོས་པས་རིགས་ལྔའི་བདེ་བར་གཤེགས་པ་དེ་དག་དགོངས་པ་གཅིག་ཏུ་གྱུར་ཏེ། ལོག་པའི་སྤྱོད་པ་ཅན་དངོས་པོའི་ལམ་ལ་མངོན་པར་འཆེལ་བ། མངོན་པའི་ང་རྒྱལ་གྱི་མཐུས་བསྙེམས་ནས། སངས་རྒྱས་ཀྱི་བསྟན་པ་ལ་མངོན་པར་མ་དད་པས། འཇིག་རྟེན་ཕུང་བར་བྱེད་པ་རྣམས། ཞི་བས་ཕན་པར་བྱེད་པའི་སྐལ་བ་ལ་མ་བབ་སྟེ། རོལ་པའི་མཛད་སྤྱོད་ཀྱིས་གདུལ་བར་གཟིགས་ཏེ། ཐམས་ཅད་དགོངས་པ་གཅིག་ཏུ་གྱུར་ཏོ། །དེ་ནས་བཅོམ་ལྡན་འདས་ཀྱིས་ཧཱུྃ་ཧཱུྃ་ཞེས་བརྗོད་པས། རིགས་ལྔའི་བདེ་བར་གཤེགས་པ་ལ་སོགས་པའི་འཁོར་ཐམས་ཅད་གནས་ཀྱི་དཀྱིལ་འཁོར་ལ་སོགས་ཐམས་ཅད་ཉིད་ཀྱི་ཐུགས་ཀར་བསྡུ་བ་མཛད་དེ། གཉིས་སུ་མེད་པའི་ཆོས་ཀྱི་དབྱིངས་ཀྱི་ངང་དུ་མི་སྣང་བར་མཛད་ནས། ཆོས་ཉིད་དེ་བཞིན་ཉིད་ལ་དམིགས་ཏེ་གནས་སོ། །རྣམ་པར་མི་རྟོག་པའི་ཡེ་ཤེས་ཀྱི་རྡོ་རྗེ་ཆེན་པོ་དེས། ཆོས་ཀྱི་དབྱིངས་དེ་ཁོ་ན་ཉིད་ལས་ཁྲོས་པས། ཉོན་མོངས་པ་ཞེ་སྡང་ལ་སོགས་པ་ངང་གིས་མི་གནས་པའི་དེ་བཞིན་ཉིད་དང་། དོན་དེ་ཉིད་ཀུན་ལ་ཁྱབ་ཅིང་གསལ་བའི་ཀུན་ཏུ་སྣང་གི་ཏིང་ངེ་འཛིན། སྙིང་རྗེ་ཆེན་པོ་དང་གསལ་བ་ཉིད་དུ་ཀུན་ལ་ཁྱབ་པ་ནི། ནམ་མཁའི་མཚན་ཉིད་ལྟ་བུ་ལ་མངོན་པར་འདུ་མཛད་དེ། ནམ་མཁའ་མཚན་མ་མེད་པ་ལས། མཚན་མའི་རྒྱུའི་སྙིང་པོ་ཡི་གེ་ཧཱུྃ་སྔོན་པོ། ཡེ་ཤེས་ཅན་གྱི་འོད་དུ་འབར་བར་ཤར་ཏེ། དེས་རྣམ་པར་མི་རྟོག་པའི་ཡེ་ཤེས་འོད་དུ་མཚོན་ཅིང་འཛིན་རྟོག་ཟིལ་གྱིས་ ― DNG022_Page_0037 ―
[མ་དཔེ་གཟིགས་ན་འདིར་གནོན།]
གནོན་པའི་ཏིང་ངེ་འཛིན་ཏོ། །སྲོག་གི་གོ་རུ་རྟོགས་པའི་ཧཱུྃ་དེ་ལས། སྣོད་ཀྱི་འཇིག་རྟེན་གཞལ་ཡས་ཁང་དུ་ཤར་བར་མཛད་པའི་ཕྱིར། མི་རྟོག་པ་ལ་གནས་པའི་ཧཱུྃ་དེ་ལས། ཆོ་འཕྲུལ་གྱི་སྒྲར་སྙིང་པོ་འདི་རྣམས་ཆེད་དུ་བརྗོད་དོ། །ཨེ་ཨགྣེ་ཛྭ་ལ་མཎྜ་ལ་ཨེ། ཡཾ་ཀརྨ་རཀྴ་ཧཾ། ར་རཀྟ་ས་མན་ཛྭ་ལ་མཎྜ་ལ། སུ་བཛྲ་སུ་མེ་རུ། ཀེང་ནི་རི་ཏི་ཀེང་། རཾ་ཛྭ་ལ་རཾ། ཞེས་བསྒྲགས་པས། ཞེ་སྡང་འབར་བའི་ནམ་མཁའ་ལ། །ཕྲག་དོག་འབར་བའི་འཚུབས་མར་ལྡན། །ཆགས་པ་རཀྟའི་རྦ་ཀློང་འཁྱིལ། །གཏི་མུག་ཆེན་པོའི་ས་གཞི་ལ། །ང་རྒྱལ་ཆེན་པོའི་མེ་རི་འབར། །ཞེས་པ་སྟེ། དབང་ཆེན་ཡུམ་ལྔའི་ནམ་མཁའི་ངོ་བོར་ཤེས་པར་མཛད་པ་ནི། འབྱུང་བ་ཡུམ་གྱི་གཞལ་ཡས་ཁང་མངོན་པར་ཤར་བར་མཛད་དོ། །དེ་ལས་ཡང་བྷྲཱུཾ་བི་ཤྭ་བི་ཤུདྡྷེ་ཧཱུྃ་ཞེས་པས། ཡེ་ཤེས་ལྔ་ལྡན་རིན་ཆེན་ལྔ་ཡི་བརྩིག་པ་ལ། །ཕྱི་དང་ནང་མེད་ཀུན་ཏུ་སྣང་བར་མཛེས་པ་ཡི། །རྟ་བབས་ལ་སོགས་རིན་ཆེན་རྒྱན་དང་རྒྱན་གྱིས་བརྒྱན་པ་ཡི། །འདོད་ཡོན་ལྔ་དང་རོལ་མོའི་ཚོགས་སུ་བཅས། །ཞེས་པས། རིན་ཆེན་འབར་བའི་གཞལ་ཡས་ཁང་མངོན་པར་ཤར་བར་མཛད་དོ། །བྷྲཱུཾ་བྷནྡྷ་ཛྙཱ་ན་བཛྲ་བྷྲཱུཾ། ཞེས་པས། བྷནྡྷ་སྐམ་རློན་མང་པོའི་བརྩིག་པ་ལ། །གནམ་ལྕགས་ངུར་མོ་འབར་བའི་གཟེར་ཆེན་བཏབ། །གཟུངས་སུ་འཛིན་པའི་རྒྱུ་ཕྲེང་ཆེན་པོ་དང་། །ཁ་ནས་མེ་འབར་སྣ་ནས་དུ་བ་འཐུལ་ཏེ། །མཱཾ་སའི་ས་གཞི་རཀྟའི་རྒྱ་མཚོ་དང་། །དྲི་ཆེན་སྐྱང་ནུལ་དྲི་ཆུའི་ཞམ་ཆུ་ཆག་ཆག་དང་། །རྣག་དང་ཆུ་སེར་ཆོལ་བུར་འཁྱིལ། །མི་འགྱུར་བཏབ་པའི་ཀ་གདན་ལ། །ཞིང་ཆེན་ཀ་བ་ལྷ་ཆེན་ཀ་ཞུ་བཙུག །མཆོག་ཆེན་གདུང་དྲེས་མཆོག་བྲན་ཕྱམ་བཀྲམ་ཏི་རའི་དྲལ་བཀོད་ནས། །ཞིང་ཆེན་བླ་རེ་ཙིཏྟའི་ཏོག །ཉ་ཆེན་འཕན་དང་ཆུ་སྲིན་ཟ་ར་ཚགས། །ཞིང་ཆེན་ཁོག་སྟོད་ཁོག་སྨད་དམ་དུམ་རལ་རོལ་དང་། །གྲགས་གྲུགས་ལང་ལིང་གསུར་ཆེན་དུ་བ་ལ། །དུར་ཁྲོད་བྱ་རྣམས་ཧ་ཧ་རུ་ལུའི་སྒྲ་སྐད་དི་རི་རི། །ཐབས་དང་ཤེས་རབ་གསལ་བའི་ཉི་ཟླ་མཐོངས་ ― DNG022_Page_0038 ―
[མ་དཔེ་གཟིགས་ན་འདིར་གནོན།]
ནས་འཆར། །རྣམ་ཐར་ཆེན་པོ་བཞི་ཡི་སྒོ་བཞི་ན། །བདུད་ལས་རྣམ་པར་རྒྱལ་བའི་རྒྱལ་མཚན་བཙུགས། །ཞེས་པས་མ་དད་པ་དེ་དང་ཚུལ་བསྟུན་པའི་ཕྱིར་ན། དུར་ཁྲོད་འབར་བའི་གཞལ་ཡས་ཁང་དུ་ཤར་བར་མཛད་དོ། །དེ་ནས་ཡང་ཨེ་བཾ་མ་ཡ་ར་ཛྭ་ལ་རཾ་ཞེས་པས། གྲུ་གསུམ་མཐིང་ནག་དྲག་པོ་སྟེ། །ཟླ་གམ་དམར་པོ་དབང་གི་ཚུལ། །མུ་ཁྱུད་ཟླུམ་པོ་ཞི་བའི་ངང་། །གྲུ་བཞི་སེར་པོ་རྒྱས་པའོ། །སྨུག་ནག་གྲུ་གསུམ་འབར་བ་ལྷ་ཡི་བཞུགས་གནས་ཏེ། །ཡེ་ཤེས་འབར་བའི་འོད་ཟེར་ཕྱོགས་བཅུར་འཕྲོ། །ཕྱི་ནི་ཡིད་བཞིན་རིན་ཆེན་ཏེ། །ནང་ནི་དུར་ཁྲོད་འབར་བའོ། །ཞེས་པས་གདན་ཚོགས་དང་འཇིགས་བྱེད་འབར་བའི་གཞལ་ཡས་ཁང་དུ་ཤར་བར་མཛད་དོ། །དེ་ནས་ཡང་མ་ཨ་པ་སཱུརྱ་ཙནྡྲ་པདྨ་མཎྜ་ལ་ཞེས་པས། རྟག་པ་ཟིལ་གྱིས་གནོན་པའི་ཉི་མ་དང་། །ཆད་པ་ཟིལ་གྱིས་མནན་པའི་ཟླ་བ་དང་། །རྟག་ཆད་སྐྱོན་གྱིས་མ་གོས་པདྨ་སྟེ། །ཟིལ་གནོན་གདན་དུ་མངོན་པར་ཤར་བར་མཛད་དོ། །དེ་ལས་ཧཱུྃ་ས་མ་ཡ་ཏིཥྛ་བཛྲ་ཧཱུྃ་ཞེས་པས། ཆོ་འཕྲུལ་གྱི་སྒྲ་བསྒྲགས་ཤིང་། གདན་གྱི་གེ་སར་ལ་རྒྱུ་ཡི་ཧཱུྃ་ཉིད་ཤར་ཏེ། བཅུད་ཀྱི་འཇིག་རྟེན་ཐམས་ཅད་ཡི་གེ་ཧཱུྃ་དུ་ཤར་བར་མཛད་དོ། །ཧཱུྃ་དེ་ལས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་གོ་རུ་རྟོགས་པར་མཛད་དོ། །བཛྲ་ཛྙཱ་ན་བཛྲ་ཨེ་ཞེས་པས། ཡེ་ཤེས་ཀྱི་རྡོ་རྗེ་རྩེ་དགུ་པའི་ལྟེ་བ་ལ་ཧཱུྃ་གིས་མཚན་པ་གཅིག་ཏུ་མངོན་པར་འདུ་མཛད་དོ། །དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ཐུགས་ཕྱག་མཚན་རྡོ་རྗེར་གནས་པར་གྱུར་ཏོ། །དེ་ལས་ཛྙཱ་ན་སཏྭ་ཀཱི་ལ་ཡ་ཧཱུྃ་ཞེས་པས། རྡོ་རྗེ་དེ་ཉིད་ལ་སངས་རྒྱས་དང་སེམས་ཅན་ཐམས་ཅད་ཐུན་མོང་དང་ཐུན་མོང་མ་ཡིན་པའི་སྙིང་རྗེས་བསྒྲལ་བའི་སྐུ་མངོན་པར་འདུ་མཛད་དེ། ལུས་ཡོད་ན་གྲིབ་མ་ཡོད་པའི་ཚུལ་དུ་ཡུམ་དམ་ཚིག་གི་ཕྱག་རྒྱ་ཡང་མངོན་པར་འདུ་མཛད་དོ། །དེའི་ཚེ་ཆོས་ཐམས་ཅད་སྐུ་ཕྲ་མོའི་ངང་དུ་གསལ་བ་ལས། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱ་ན་བཾ་ཧཱུྃ་ཧཱུྃ་ཕཊ། དཱིཔྟ་ན་ཙཀྲ་ཧ་ན་ཧ་ན་ཧཱུྃ་ཕཊ། ཅེས་ཆོ་འཕྲུལ་གྱི་སྒྲ་བསྒྲགས་ཏེ། ཕྱག་རྒྱ་ ― DNG022_Page_0039 ―
[མ་དཔེ་གཟིགས་ན་འདིར་གནོན།]
ཆེན་པོ་ཡབ་ཡུམ་གཉིས་ཀྱི་སྐུ་མངོན་པར་འདུ་མཛད་དོ། །དེའི་ཚེ་ཆོས་ཐམས་ཅད་ཡབ་ཡུམ་ཕྱག་རྒྱ་ཆེན་པོར་ཐམས་ཅད་སངས་རྒྱས་པར་མཛད་དེ། དེ་ཡང་སངས་རྒྱས་དང་སེམས་ཅན་ཀུན། ཀུན་རྟོག་གི་ཞེ་སྡང་གིས་བསད་ཅིང་མནན་པ་མ་ཡིན་ཏེ། བྷྲཱུཾ་ཨཱོཾ་ཨཱཾ་ཧཱུྃ་སྭཱ་ཧཱ། བཛྲ་རཏྣ་ཙཀྲ་པདྨ་ཁཌྒ་ཀཱ་ཡ་ཝཱཀ་ཙིཏྟ་གུ་ཎ་ཀརྨ། ཛྙཱ་ན་བཛྲ་སྭ་བྷཱ་ཝ་ཨདྨ་ཀོ྅ཧཾ། ཞེས་པས། སངས་རྒྱས་ཐམས་ཅད་བསྡུས་པའི་ངོ་བོ། དབུ་ལ་རྫོགས་པའི་རིགས་ལྔས་བསྲུང་བ་དང་། དབང་བསྐུར་བར་མཛད་དོ། །ཡང་ཨཱོཾ་ཨཱཿཧཱུྃ་ཀཱ་ཡ་ཝཱཀ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཞེས་པས། དུས་གསུམ་གྱི་ཆོས་མ་ལུས་པའི་ངོ་བོ། སྐུ་གསུང་ཐུགས་རྡོ་རྗེར་བྱིན་གྱིས་བརླབ་པ་མཛད་དོ། །ཧཱུྃ་ཧཱུྃ་ཧཱུྃ་ཨ་མྲྀ་ཏ་སུ་ཏི་ཕྲི་དུ་ཀཱི་ལ་ཡ་ཧཱུྃ་ཏུང་ཞེས་པས། སྲིད་པ་གསུམ་གྱིས་བསྡུས་པའི་སེམས་ཅན་གྱི་ངོ་བོ། བྱང་ཆུབ་སེམས་དཔའི་རང་བཞིན་རྣམས། བཀའ་ནན་གྱི་ཚུལ་གྱིས་སྐུ་ལ་བརྒྱན་པར་མཛད་དོ། །དེའི་ཚེ་ན་ཟག་པ་མེད་པའི་སྐུ་རྡོ་རྗེས་གཏམ་པར་མཛད་དོ། །དེ་ནས་ཡང་ཛྙཱ་ན་སཏྭ་ཀཱི་ལ་ཡ་ཧཱུྃ་ཞེས་པས། དེ་བཞིན་གཤེགས་པ་ཐམས་ཅད་ལ་སེམས་དཔའི་ངོ་བོ་དང་། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཧཱུྃ་ཕཊ། ཅེས་པས། དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང་། སྔགས་ཀྱི་ངོ་བོ་དང་། ཨཱོཾ་ཧཱུྃ་ཧྲི་ཕཊ་ཅེས་པས། དེ་བཞིན་གཤེགས་པ་ཐམས་ཅད་ཀྱིས་མངག་པ་སྒོ་སྲུང་དབང་གི་རྒྱལ་པོ་དང་། ཛྙཱ་ན་བཛྲ་ཨཱོཾ་ཧཱུྃ་ཕཊ། ཨེ་ཨ་ཨཱོཾ་ཞེས་པས་ཡེ་ཤེས། དེ་བཞིན་གཤེགས་པ་ཐམས་ཅད་ཀྱི་མཁའ་དང་། གསང་བའི་ངོ་བོ་མངོན་པར་འདུ་མཛད་དེ། རྣམ་པར་ཤེས་པའི་ངོ་བོ་དང་དེའི་རྐྱེན་དང་། དེའི་རྟགས་འབྱུང་ཁུངས་དང་། དེའི་གནས་བསྲུང་བ་སྟེ། ཐམས་ཅད་རྡོ་རྗེའི་རང་བཞིན་དུ་དགོངས་པར་མཁྱེན་ཏོ། །མ་དད་པའི་སེམས་ཅན་ཆེན་པོ་དེ་དང་ཚུལ་མཐུན་པའི་ཕྱིར་ན། ཞལ་གསུམ་གཡས་དཀར་གཡོན་དམར་དབུས་མཐིང་ནག །རོལ་པ་ཆེན་པོའི་ཕྱག་དྲུག་དང་། །བརྗིད་པའི་དོར་ཐབས་ཞབས་བཞི་དང་། །སྐུ་ཡི་བེམ་ལྡིར་ཆེ་བ་དང་། །གསུང་གི་ཚམ་ ― DNG022_Page_0040 ―
[མ་དཔེ་གཟིགས་ན་འདིར་གནོན།]
རྔམས་བསྒྲགས་པ་དང་། །ཐུགས་ཀྱི་དགོངས་པ་ཆེན་པོ་དང་། །དཔའ་ཞིང་ཤིན་ཏུ་བརྗིད་པའི་ཆ་བྱད་དོ། །དེ་ནས་དྲེགས་པ་ཆེན་པོ་དེས། སྲོག་བཅད་པའི་ཁྲག་རྗེས་ཡོད་པ་དེ་དག་གིས་ཐུགས་རྗེ་ཆགས་པའི་རྟགས་སུ་སྐུ་ལ་བརྒྱན་ནོ། །ཐལ་བའི་ཚོམ་ཚོམ་ཡོད་པ་དེ་དག་གིས་མཚན་མ་སྤྲོས་པ་མེད་པའི་དོན་གྱིས་ཉིད་ལ་བརྒྱན་ནོ། །ཞག་དང་བཅུད་ཀྱི་ཁྱལ་ཁྱིལ་ནི། དོན་དམ་བཅུད་ཀྱི་རང་བཞིན་གྱིས་ཁྲོས་པའི་སྐུ་ལ་བྱུགས་སོ། །དཀའ་ཐུབ་ཅན་གྱི་སེམས་ཅན་དེའི་བགོ་བའི་བྱེ་བྲག་ལ། མུན་པ་གླང་གི་ཀོ་ཤུན་ནི་སྟོབས་བཅུ་རྫོགས་པའི་ན་བཟར་སྐུ་ལ་གསོལ། ཆགས་པའི་ཞིང་ཆེན་ནི། ཚུལ་ཁྲིམས་རྣམ་པར་དག་པའི་ཆོས་གོས་སུ་མནབ། ཞེ་སྡང་རྫོངས་ལ་ཞེན་པའི་སྟག་ལྤགས་ནི། དཔའ་གཏུམ་གྱིས་འགྲོ་བའི་དོན་ལ་ཐབས་མཁས་པའི་ཤམ་ཐབས་སུ་བརྒྱན་ནོ། །ཡང་ང་རྒྱལ་གྱི་དྲོད་འབར་བ་ནི། །ཡེ་ཤེས་མེ་ཡི་དཀྱིལ་འཁོར་འབར་བ་དང་། །འཕྲོ་བ་འདུ་བ་སྲེག་པ་དང་། །ཀློང་པ་འཁྱིལ་པ་མི་བཟད་སྟེ། །ཉིད་ཀྱི་སྐུ་ལ་གནས་པར་མཛད། །གདུག་པ་ཅན་རྟག་ཆད་ཀྱི་མཐའ་ལ་མངོན་པར་ཞེན་པ་དེ། ཟིལ་གྱིས་གནོན་ཅིང་སྤ་བཀོང་བའི་ཕྱིར། རྡོ་རྗེའི་གཤོག་པས་འཇིག་རྟེན་གྱི་ཁམས་ཁེངས་པ་ཡང་ཁྲོས་པ་ཉིད་ལ་རྒྱན་མཛེས་པར་མཛད་དོ། །ཐོད་པ་སྐམ་རློན་གྱི་ཕྲེང་ཐོད་དེ་དག་ནི། དུས་གསུམ་སངས་རྒྱས་སྐུ་གསུམ་གྱི་རང་བཞིན་དུ་བྱིན་གྱིས་བརླབས་ཀྱིས་ཁྲོས་པ་ཉིད་ཀྱི་རྒྱན་དུ་བྱས་སོ། །གདུག་ཅིང་ཞེ་སྡང་བའི་སྦྲུལ་བཀྲིས་ལ་སོགས་པ་དེ་དག་ནི། མཉེན་ལྕུག་ཡུམ་བཞིའི་གཟུངས་སུ་བྱིན་གྱིས་བརླབས་ཏེ། ཕྲིན་ལས་རྒྱ་མཚོས་འགྲོ་བའི་དོན་མཛད་པའི་རྟགས་ཀྱིས་ཁྲོས་པ་ཉིད་ལ་བརྒྱན་ནོ། །གཟུང་འཛིན་ལ་ཞེན་པའི་སྒྲ་ཤིན་ཏུ་འཇིགས་པ་དེ་ཡང་། ཟིལ་གྱིས་མཐའ་གཉིས་གནན་པའི་ཕྱིར། ཉིད་ལ་འཁྱིལ་པར་མཛད་དེ། འདོད་པའི་ཡོན་ཏན་དང་། ཁོའི་ལོངས་སྤྱོད་པའི་བྱེ་བྲག་ལ། འདོད་པའི་རྒྱ་མཚོ་ལས་མ་ཐར་པའི་ཕྱིར་ན། ཁོའི་ ― DNG022_Page_0041 ―
[མ་དཔེ་གཟིགས་ན་འདིར་གནོན།]
གནས་འཁོར་ན་ཁྲག་གི་རྒྱ་མཚོ་འཁྱིལ་པ་དེ་དག་ནི། ཁྲོས་པའི་རྒྱལ་པོས་པདྨ་རཀྟ་ལས་བདུད་རྩི་སྣ་ཚོགས་སུ་སྤྲུལ་ཏེ་གསོལ་ཏོ། །ཉོན་མོངས་པ་ལ་མངོན་པར་འཆེལ་བའི། མི་གཙང་བའི་འདམ་རྫབ་དེ་དག་ནི། དྲི་ཆེན་ལས་བདུད་རྩི་སྣ་ཚོགས་སུ་སྤྲུལ་ཏེ་གསོལ་ལོ། །ཞེ་སྡང་གི་རྫོངས་ལ་ཞེན་པའི་གོ་རོ་ཙ་ན་དང་རྐང་རུས་ཀྱི་བཅུད་དེ་དག །བྱང་ཆུབ་སེམས་ལས་བདུད་རྩི་སྣ་ཚོགས་སུ་སྤྲུལ་ཏེ་ཞལ་དུ་བཞེས་སོ། །རྣག་དང་ཆུ་སེར་གྱི་ཞམ་ཆུ་འབབ་པ་དེ་དག་ནི། རྡོ་རྗེ་དྲི་ཆུ་ལས་བདུད་རྩི་སྣ་ཚོགས་སུ་སྤྲུལ་ཏེ་ཞལ་དུ་བཞེས་སོ། །བསྒྲལ་བའི་དོན་འཆེལ་བའི་ཤ་དང་འབུ་ཤིན་ཏུ་ཆེ་བ་དེ་དག་ནི། མཱཾ་ས་ལས་བདུད་རྩིར་སྤྲུལ་ཏེ་ཞལ་དུ་རོལ་ལོ། །ཁྲོས་པའི་རྒྱལ་པོས། དྲེགས་པའི་སེམས་ཅན་དེའི་གནས་ཁང་དང་ཚུལ་བསྟུན་པའི་གཞལ་ཡས་ནི་གསལ་བར་མཛད། ལུས་ངག་གི་རྒྱན་གདོས་པ་དང་བཅས་པ་དེ་དག་ནི། སྐུ་གསུང་ཐུགས་ཀྱི་རྒྱན་དུ་དོན་དང་བསྟུན། ཟག་བཅས་ཀྱི་ལོངས་སྤྱོད་དེ་དག་ནི། ཟག་མེད་ཀྱི་བདུད་རྩིར་མཛད་དེ། གདུག་པ་དེ་དག་དང་ཚུལ་བསྟན་ཏེ། ཁོའི་གདོས་པ་དེ་དག་དང་བསྟུན་པར་བཞེད་པས། ཁོ་ཆགས་སྡང་ལ་ཞེན་པའི་དབང་གིས་མ་དད་དེ། ང་རྒྱལ་གྱི་དེའུ་མ་ཆོགས། གཏི་མུག་གི་མུན་པ་མ་སོལ། ཆགས་པའི་འདམ་ལས་མ་ཐར། ཞེ་སྡང་གི་མནར་སེམས་དང་མ་བྲལ། ཕྲག་དོག་གི་གདུག་རྩུབ་མ་ཞི་ནས། ཕན་ཞིང་ཞི་བར་མ་གྱུར་ཏོ། །དེ་ཚེ་སྟོང་གསུམ་འཇིག་རྟེན་ཀུན། །ཐུགས་རྗེ་ཆོས་ཀྱི་ཆར་གྱིས་བརླན། །སྨན་དང་འབྲུ་རྣམས་ཐམས་ཅད་ཀུན། །འགྲོ་བའི་གསོས་སུ་བྱིན་བརླབས་ཏེ། །རྩ་བ་སྡོང་པོ་དར་བ་དང་། །ཡལ་ག་ལོ་མ་མེ་ཏོག་དང་། །སྙིང་པོ་འབྲས་བུ་བཅས་པར་སྨིན། །འགྲོ་དྲུག་སེམས་ཅན་ཐམས་ཅད་ཀུན། །ར་སཱ་ཡ་ནའི་རྫས་ལ་སྤྱོད་པ་ལས། །དཀའ་ཐུབ་ཅན་དེ་དེ་ཉིད་བདུད་ཀྱི་ལྟ་བ་ལ་མངོན་པར་དད་པས། ཆགས་སྡང་གི་རང་བཞིན་ལོངས་སྤྱོད་པར་དད་པ་ལས། ཐམས་ཅད་འཁོར་བ་བདུད་དང་འདྲ་བའི་ཟས་ ― DNG022_Page_0042 ―
[མ་དཔེ་གཟིགས་ན་འདིར་གནོན།]
རྣམས་ཐུགས་རྗེའི་རྩི་བཏང་བས། ཐམས་ཅད་བདུད་རྩིའི་ཟས་ལ་རོལ་ཏེ་སྤྱོད་པ་ལས། དྲེགས་པ་དེ་ཉིད་ངེས་པ་ཁོ་ནར་དད་པར་མ་གྱུར་ཏོ། །དེ་ནས་ཁྲོས་པའི་རྒྱལ་པོ་དེས་མ་དད་པ་དེའི་གཟུང་འཛིན་དང་རྟག་ཆད་ཀྱི་མཐའ་བསལ་བའི་ཕྱིར། བརྒྱད་ཁྲི་བཞི་སྟོང་ཆོས་ཀྱི་སྒོ་མོ་དང་། ཐེག་པ་ཆོས་ཀྱི་བྱེ་བྲག་དང་། ཡན་ལག་བཅུ་གཉིས་རྣམ་གྲངས་ཏེ། དྲང་བའི་དོན་ཕྱིར་ངེས་དོན་གསུངས་པ་ལས། འགྲོ་ཀུན་དད་ཅིང་གྲོལ་བ་ལས། དཀའ་ཐུབ་ཅན་དེ་ངེས་པར་མ་གྲོལ་མ་དད་དོ། །དེ་ནས་རྡོ་རྗེ་ཁྲོས་པའི་རྒྱལ་པོ་དེས། དྲེགས་པ་ཕོ་མོ་རྣམས་ཀྱི་ཆགས་པར་འདོད་པ་དེ་ཞི་བར་བྱ་བའི་ཕྱིར་ན། ཧཱུྃ་ཧཱུྃ་ཧཱུྃ་ཨེ་ཨ་ར་ལི་རུ་ལུ་རུ་ལུ་ས་མ་ཡ་ཛ་ཞེས་བརྗོད་པས། དྲེགས་པའི་མ་དང་སྲིང་མོ་དང་བུ་མོ་དང་སླེས་མོ་དང་བྲན་མོ་དང་ཆུང་མ་རྣམས། སྲོག་གི་སྙིང་པོས་མ་བཟོད་ནས། རྡོ་རྗེ་ཁྲོས་པའི་ཐད་དུ་ཡུད་ཙམ་གྱིས་ཕྱིན་པ་ལས། གསུང་མ་ཆགས་པའི་ཚངས་པའི་མགུར་ནི་བཞེས། ཞལ་བཞད་སྤྱན་གཟིགས་སྨིན་རིངས་འགྱུར། རོལ་པའི་མཛད་སྤྱོད་རྣམ་པར་སྟེགས་པ་ལས། དྲེགས་པ་མོ་རྣམས་འཁོར་བའི་རྒྱ་མཚོ་ལས་མ་ཐར་ནས། རྡོ་རྗེ་ཁྲོས་པའི་སྐུ་ཀུན་གྱི་ཐད་ཐད་དུ་འཁྲིལ་བ་ལས། རྡོ་རྗེ་ཁྲོས་པའི་རྒྱལ་པོས་མ་ཆགས་པ་ཐབས་ཀྱི་སྦྱོར་བ་ཀུན་ལ་མཛད་དེ། ཆགས་པའི་རྒྱུའི་ས་བོན་དེ་ཆོས་ཉིད་བྱང་ཆུབ་སེམས་ཀྱི་འོད་ཟེར་དུ་སྤྲོས་པ་ལས། དྲེགས་པ་མོ་རྣམས་ཆགས་པའི་འདོད་ཆགས་པ། མཆོག་ཏུ་ཡང་དག་པར་སྐྱེས་ནས་གནས་སོ། །དེའི་དགྱེས་པའི་བྱང་ཆུབ་སེམས་ཀྱི་སྤྲིན་ལས། ཧ་ཧ་ཧ་ཧ། ཧ་ཧ་ཧ་ཧ་ཞེས་བརྗོད་པ་ལས། དཀར་མོ་དང་ནི་རྐུན་མོ་དང་། གཏུམ་མོ་དང་ནི་རྨོངས་མོ་དང་། རོ་ལངས་མ་དང་། ལྕམ་མོ་དང་། ཐལ་བྱེད་སྨེ་ཤ་མ་ཚོགས་རྣམས། རེ་རེ་ལ་ཡང་ཚོགས་བསམ་གྱིས་མི་ཁྱབ་པ་དང་། རང་རང་གི་ཆ་ལུགས་ལག་ཆ་སྟན་དང་བཅས་ཏེ། འབར་བའི་དཀྱིལ་འཁོར་དུ་འཁོད་དོ། །ཡང་དགྱེས་པའི་བྱང་ཆུབ་སེམས་ཀྱི་སྤྲིན་ལས། ཧེ་ཧེ་ཧེ་ཧེ་ཧེ་ཧེ་ཧེ་ཧེ། ཞེས་བརྗོད་པས། སེང་གདོང་ཝ་ ― DNG022_Page_0043 ―
[མ་དཔེ་གཟིགས་ན་འདིར་གནོན།]
གདོང་སྟག་གདོང་ཁྱི་གདོང་དང་། །བྱ་རྒོད་གདོང་དང་དུར་བྱའི་གདོང་། །བྱ་རོག་གདོང་དང་འུག་པའི་གདོང་། །རེ་རེ་ལ་ཡང་ཚོགས་བསམ་གྱིས་མི་ཁྱབ་པ་དང་། ཆ་ལུགས་དང་ལག་ཆ་སྟན་དང་བཅས་ཏེ་འབར་བའི་དཀྱིལ་འཁོར་དུ་འཁོད་དོ། །ཡང་དགྱེས་པའི་བྱང་ཆུབ་སེམས་ཀྱི་སྤྲིན་ལས། ཕཊ་ཕཊ་ཕཊ་ཕཊ་ཅེས་བརྗོད་པས། རྟ་གདོང་ཕག་གདོང་སེང་གདོང་སྦྲུལ་གདོང་རྣམས། རེ་རེ་ལ་ཚོགས་བསམ་གྱིས་མི་ཁྱབ་པ་དང་། ཆ་ལུགས་དང་ལག་ཆ་སྟན་དང་ཆས་ནས་འབར་བའི་དཀྱིལ་འཁོར་དུ་འཁོད་དོ། །ཡང་དགྱེས་པའི་སྤྲིན་ལས། ཛཱ་ཛཱ་ཛཱ་ཛཱ། ཛཱ་ཛཱ་ཛཱ་ཛཱ། ཞེས་བརྗོད་པས། རྡོ་རྗེ་ཕོ་ཉ་དྲུག་ཅུའི་ཚོགས་རྣམས་གོང་བཞིན་ནོ། །ཡང་དགྱེས་པའི་སྤྲིན་ལས། ཧ་ཧ་རུ་ལུ་ཧཱུྃ་ཞེས་པས། ཕོ་གིང་དང་མོ་གིང་རྣམས་ཀྱང་གོང་མ་བཞིན་ནོ། །དེ་ནས་འདོད་པ་ཞི་བ་དང་། མ་ཧཱ་རཀྟ་ཀྲོ་ཏཱི་ཕཊ་ཅེས་པས། དྲེགས་པ་མོ་རྣམས་རང་རང་གི་གནས་ཁང་ག་ལ་བ་དེར་ཡུད་ཙམ་གྱིས་རྫུ་འཕྲུལ་གྱིས་ཕྱིན་པར་བཀྱེའོ། །དེ་ནས་དྲེགས་པ་ཆེན་པོ་དེས་ཤིན་ཏུ་ཡང་མི་དགའ་བའི་འདུ་ཤེས་སྐྱེས་ནས། འཇིག་རྟེན་གྱི་ཁམས་ན་བདག་ལས་ཁྱད་པར་ཅན་མེད་ན། བདག་གི་གནས་ཁང་དང་ཆ་ལུགས་དང་བྱེད་སྤྱོད་དང་ཡོ་བྱད་རྣམས་བྱིན་ཉམས་ལ། ཁྲོས་པ་དེ་ནི་གཟི་བྱིན་དང་ལྡན། མ་ལ་སོགས་པ་རྣམས་ཀྱང་ཁོའི་ཚིག་ཉན་པར་གྱུར་ཏོ། །སྔོན་མ་མཐོང་བའི་སེམས་ཅན་མང་པོ་ཡང་གནས་འཁོར་འདིར་བྱུང་། ཁོ་བོ་རང་ལུགས་ཀྱི་ཆོས་ལ་ཡང་ཁྲོས་པའི་རྒྱལ་པོ་དེ་བདེན་པའི་གཞུང་མེད་པར་སྨྲ་ན། ཇི་ལྟར་སྤོག་སྙམ་པ་ལས། དྲེགས་པ་དེ་ཞེ་སྡང་གི་མེ་ཆེན་ནི་སྦར། ཆགས་པའི་རྒྱ་མཚོ་ནི་གཏིང་ནས་གཡོས། མུན་པའི་སྐར་ཁུང་ནི་ཆར་སྤྲིན་ལྟར་གཏིབས། ཕྲག་དོག་གི་ཟུག་རྔུ་ནི་བསླང་། ང་རྒྱལ་གྱི་དེའུ་བསྐྱེད་དེ། ཉོན་མོངས་པའི་སྒྲ་རུ་རུ་ལུ་རུ་ལུ་ནི་སྒྲོགས། གདུག་པའི་ལག་ཆ་ཁ་ཊྭཱཾ་ག་འཁྲོལ་ཞིང་སྤོགས་པར་གཟོ་བ་ལས། རྡོ་རྗེ་ཁྲོས་པའི་རྒྱལ་པོས། རགྴ་ཏྲི་གུ་ས་མ་ཡ་མུ་དྲའི་སྒྲ་བསྒྲགས་ ― DNG022_Page_0044 ―
[མ་དཔེ་གཟིགས་ན་འདིར་གནོན།]
པས། ཁ་ཊྭཱཾ་གའི་ལག་ཆ་དེ་ཉིད་ཕྲོགས་ནས། རྒྱལ་བྱེད་རྟགས་ཀྱི་ཕྱག་མཚན་དུ་ཕྱག་དྲུག་གཡོན་གྱི་བར་པར་བསྣམས་སོ། །རྡོ་རྗེ་ཁྲོས་པའི་རྒྱལ་པོས། ཁོའི་ཉོན་མོངས་པའི་སྒྲ་རུ་ལུ་ནི། བདེ་བར་གཤེགས་པའི་སྙིང་པོ་ཨཱོཾ་དང་ཧཱུྃ་གི་བར་དུ་བཅུག་སྟེ། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཞེས་ཁྲོས་པས་བཟླས་པས། དྲེགས་པ་དེ་ཉིད་སྐྱེས་བུ་གང་དག་ལྕེ་བཅད་པ་བཞིན་དུ། ལན་བླན་པའི་གླགས་མེད་པར་ཤེས་པ་ཉམས་པར་མཛད་དོ། །དེ་ནས་ཡང་ཅུང་ཞིག་ན་ལོག་པར་རྟོགས་པའི་སེམས་ཅན་དེས། མཐུ་དང་རྫུ་འཕྲུལ་ཡིད་ལ་བྱས་ཏེ། ལུས་ངག་ཡིད་གསུམ་ཤིན་ཏུ་ཡང་ཁྲོ་ཞིང་གཏུམ་གདུག་པར་སྤྲུལ་ཏེ། རྫུ་འཕྲུལ་གྱིས་མཐུ་སྟོན་པ་ལས། རྡོ་རྗེ་ཁྲོས་པའི་རྒྱལ་པོས་ཆོ་འཕྲུལ་སྣ་ཚོགས་འབྱུང་བའི་ཏིང་ངེ་འཛིན་ལ་མཉམ་པར་བཞག་སྟེ། ཆོས་ཀྱིས་མ་འདུལ་བའི་སེམས་ཅན་དེ། དྲག་པོ་མངོན་སྤྱོད་ཀྱིས་བསྒྲལ་བར་དགོངས་ནས། བསྒྲལ་བའི་དོན་དེ་ཡང་སངས་རྒྱས་ཐམས་ཅད་ལ་དབང་མི་ཟ་བའི་ཕྱིར། དབང་བྱིན་རླབས་འདོད་པའི་ཕྱིར། ཨོཾ་ཏ་ཐཱ་ག་ཏ་ཀྲོ་དྷ་ས་མཱ་ཛ་ཞེས་པས། དུས་གསུམ་གྱི་བདེ་བར་གཤེགས་པ་རྣམས། ཆོས་ཀྱི་སྐུ་སྐྱེ་བ་མེད་པ་ལས། གཟུགས་ཀྱི་སྐུ་འགག་པ་མེད་པའི་སྐུ་རུ་བཞེངས་ཏེ་གནས་སོ། །དེ་ལ་རོལ་པའི་ཚིག་འདིས་བསྐུལ་ལོ། །ཧཱུྃ་སྲིད་པའི་ཕུར་བུ་སྒྲུབ་པ་དང་། །དབང་དང་བྱིན་རླབས་བླང་བའི་ཕྱིར། །འགྱུར་མེད་སྐུ་རུ་གནས་པ་དེ། །ཡེ་ཤེས་ཁྲོས་པར་གཤེགས་སུ་གསོལ། །ཛཿཧཱུྃ་བཾ་ཧོཿཞེས་བསྐུལ་བས། བདེ་བར་གཤེགས་པ་དེ་དག་སྔོན་གྱི་ཐུགས་དམ་གྱི་དབང་གིས། མདུན་གྱི་ནམ་མཁའ་ལ་ཏིལ་གང་བ་བཞིན་དུ་བྱོན་ནོ། །དེ་ནས་ཏ་ཐཱ་ག་ཏ་ན་མོ་བཛྲ་ཞེས་པས། དེ་བཞིན་གཤེགས་པ་དེ་དག་ལ། རྡོ་རྗེའི་ཕྱག་མངོན་པར་མཛད་དོ། །དེ་ནས་ཡང་ཏ་ཐཱ་ག་ཏ་མ་ཧཱ་དཱི་པ་དྷཱུ་པ་པུཥྤ་སུ་ཁ་གནྡྷ་ཨི་དཾ་པཱུ་ཛ་ས་མ་ཡེ་ཧཱུྃ་ཞེས་བརྗོད་པས། ཚུལ་ཁྲིམས་དྲི་མཆོག་ཏིང་འཛིན་མེ་ཏོག་དང་། །ལྷག་མཐོང་ ― DNG022_Page_0045 ―
[མ་དཔེ་གཟིགས་ན་འདིར་གནོན།]
མར་མེ་ཞི་གནས་ཆུ་རྒྱུན་དང་། །བསིལ་མངར་ཨརྒྷ་དག་པ་ལྷའི་ཞལ་ཟས་ཀྱིས་མངོན་པར་མཆོད་དེ། འདི་སྐད་ཅེས་བསྐུལ་ལ། ཡེ་ཤེས་ལྷ་མཆོག་གཤེགས་ནས་ཀྱང་། །ཕྱག་འཚལ་མཆོད་བཞེས་ཐུགས་བསྐུལ་བས། །དབང་དང་བྱིན་རླབས་སྩལ་པ་དང་། །རྟགས་དང་མཚན་མ་བསྟན་དུ་གསོལ། །ཞེས་པས་བསྐུལ་ལོ། །དེ་ལ་དེ་བཞིན་གཤེགས་པ་རྣམས་ནི་བསྐུལ་བའི་དོན་དེ་ཐུགས་སུ་ཆུད་ནས། ཐམས་ཅད་རྡོ་རྗེ་ཁྲོས་པའི་སྐུ་གསུང་ཐུགས་ལས་སྔ་ཚུལ་བཞིན་དུ་ཞུགས་པས། ཤིན་ཏུ་ཡང་བྱིན་རླབ་དང་ལྡན་པར་མཛད། དེ་བཞིན་རིགས་ལྔའི་ངོ་བོ་ཐམས་ཅད་རིགས་མ་འཆོལ་བར་ཐིམ་པས་ནི། སྐུ་དང་ཡེ་ཤེས་རིགས་ཀྱི་ངོ་བོར་དབང་བསྐུར། དྲེགས་པ་དེ་དང་ཚུལ་བསྟུན་པའི་ཕྱིར་ན། གདོས་བཅས་ཀྱི་རྒྱན་མང་པོས་ཁྲོས་པའི་སྐུ་ལ་བརྒྱན་པ་དེ་དག་ལས་དོན་དང་མཐུན་པའི་མཚན་མར་བསྟན་ཏེ། རབ་བརྗིད་མང་ལ་མང་བས་མ་ལུས་སྤ་བཀོང་བར་མཛད། དེ་བཞིན་གཤེགས་པ་དེ་དག་ནི། ཨོཾ་ཛྙཱ་ན་ཤྲཱི་ཧེ་རུ་ཀ་མ་ཧཱ་བཛྲ་ཅེས་པས། ཐེག་པ་དགུ་དང་རབ་ལྡན་པས། །ས་དགུའི་རྟོག་པ་ཀུན་བཅོམ་སྟེ། །ཧེ་རུ་དགུ་ཡི་རང་བཞིན་གྱི། །ཡེ་ཤེས་དགུ་ལྡན་རྟགས་འདི་བྱིན། །ཞེས་གསུངས་ཏེ། ལས་ཀྱི་རྡོ་རྗེ་རྩེ་དགུ་པ་རྡོ་རྗེ་ཁྲོས་པའི་ཕྱག་གཡས་ཀྱི་དང་པོར་རྟགས་ཀྱི་ཕྱག་རྒྱ་བྱིན་ནོ། །ཡང་ཨཱོཾ་ཛྙཱ་ན་པཉྩ་བཛྲ། ཡེ་ཤེས་ལྔ་དང་རབ་ལྡན་པས། །མཆོད་རྟེན་རྟགས་ཀྱི་རྡོ་རྗེ་འདིས། །དུག་ལྔ་འཇོམས་པས་གནས་ལྔ་སྟོངས། །དམ་སྐོང་རིགས་སྙེམས་ཡེ་ཤེས་ལྔ་ཡི་རྟགས། །ཞེས་གསུངས་ཏེ། མཆོད་པའི་རྡོ་རྗེ་རྩེ་ལྔ་པ་ནི། རྡོ་རྗེ་ཁྲོས་པའི་ཕྱག་གཡས་ཀྱི་བར་པར་བསྐུར་ཏེ། དྲེགས་པ་དེ་དག་འདུལ་བར་དབང་བསྐུར་རོ། །དེ་ནས་ཡང་དེ་བཞིན་གཤེགས་པ་དེ་དག་ལ། རྡོ་རྗེ་ཁྲོས་པས་འདི་སྐད་ཅེས་བསྐུལ་ལོ། །ཨེ་མ་ཧོ་ལོག་པའི་ལམ་གྱིས་མནར་བ་ལས། །ཐབས་ཀྱིས་འདུལ་བར་མ་གྱུར་ཏེ། །ཤིན་ཏུ་གདུག་ཅིང་གཏུམ་པ་ལ། །ཡེ་ཤེས་ཁྲོས་པས་འདུལ་བར་འགྱུར། །དེ་བས་མངོན་པར་འདུ་ ― DNG022_Page_0046 ―
[མ་དཔེ་གཟིགས་ན་འདིར་གནོན།]
མཛད་རིགས། །ཞེས་བསྐུལ་བས། དེ་བཞིན་གཤེགས་པ་དེ་དག་གིས། བསྐུལ་བར་མཁྱེན་ཏེ། ཉིད་ཀྱི་ཡེ་ཤེས་རིགས་ཀྱི་ཁྲོ་བོར་སྤྲུལ་ཏེ། ཁྲོས་པའི་སྤྲིན་ཕུང་དུ་བཞུགས་སོ། །དེ་ནས་རྡོ་རྗེ་ཁྲོས་པ་དང་ཁྲོས་པའི་སྤྲིན་དེ་དག་གིས། ཧཱུྃ་ཧཱུྃ་ཧཱུྃ་བི་ཤྭ་བཛྲ་ཀྲོ་ཏ་ཛྭ་ལ་མཎྜ་ལ་ཕཊ་ཕཊ་ཕཊ་ཧ་ལ་ཧ་ལ་ཧ་ལ་ཞེས་བརྗོད་པས། འཇིག་རྟེན་དྲུག་གི་ཕྱོགས་མཚམས་ཐམས་ཅད། ཁྲོ་བོ་འཆོལ་བས་ལྷག་གིས་གང་བར་གྱུར་ཏོ། །དེའི་ཚེ་འཇིག་རྟེན་དྲུག་གི་ཕྱོགས་མཚམས་ཐམས་ཅད་གཡོས་རབ་ཏུ་གཡོས་ཀུན་ཏུ་རབ་ཏུ་གཡོས་སོ། །འཁྲུགས་རབ་ཏུ་འཁྲུགས་ཀུན་ཏུ་རབ་ཏུ་འཁྲུགས་སོ། །ཚིག་རབ་ཏུ་ཚིག་ཀུན་ཏུ་རབ་ཏུ་ཚིག་གོ། །འཐོར་འཐོར་ཀུན་ཏུ་རབ་ཏུ་འཐོར་རོ། །ལྡེག་ལྡེག་ཀུན་ཏུ་རབ་ཏུ་ལྡེག་གོ། །འགུལ་འགུལ་ཀུན་ཏུ་རབ་ཏུ་འགུལ་ལོ། །དེའི་ཚེ་འཇིག་རྟེན་ཕུང་བར་བྱེད་པའི་དྲེགས་པ་དེ་ནི་རང་གི་རྫུ་འཕྲུལ་གྱི་ཆེ་བ་སྟོན་ཅིང་མ་འདུལ་ལོ། །དེ་ནས་ཡང་རྡོ་རྗེ་ཁྲོས་པའི་རྒྱལ་པོས། ཨཱེ་བཾ་མཱ་ཡ། བཛྲ་ཙཀྲ་རཾ་ཞེས་པས། དྲེགས་པ་དེ་རྡོ་རྗེ་འཁོར་ལོ་འབར་བའི་དྲྭ་བར་བཅུག །ཕྲིན་ལས་བཞིའི་དཀྱིལ་འཁོར་ནི་ལུས་ལ་བཀོད་ནས་གནས་སོ། །དེ་ནས་ཨཱོཾ་བཛྲ་ཀཱི་ལི་ཀཱི་ལ་ཡ། ར་ཏྲི་རུ་དྲ་རཀྴ། ཧ་ས་ཡ་ར་ན། ཧ་ན་ཧ་ན་ཧཱུྃ་ཕཊ། ཅེས་གསང་བའི་སྔགས་འཐོན་ཏེ། རྡོ་རྗེ་འཁོར་ལོ་བསྐོར་བས་མཐུ་དང་རྫུ་འཕྲུལ་ཐམས་ཅད་རྡོ་ཚན་ལ་ཆུ་འདུས་པ་བཞིན་དུ་སྐམས་ཏེ་གནས་སོ། །དྲེགས་པའི་སེམས་ཅན་དེ་ཉིད་དུ་དུང་སེམས་ཀྱི་གྱ་གྱུ་དང་། ལུས་ཀྱི་གཟི་བྱིན་ཆེ་བར་སྟོན་པ་ལས། ཨཱོཾ་བཛྲ་ཀཱི་ལི་ཀཱི་ལ་ཡ་ར་ཏྲི་རུ་དྲ་རཀྴ་ཨཱ་བེ་ཤ་ཡ་ཨཱ་བེ་ཤ་ཡ་ཧཱུྃ་ཕཊ། ཅེས་པའི་སྔགས་འཐོན་ཏེ། ཆགས་བྱེད་དང་སྙིང་པོ་ལ་ལུས་སེམས་རྣལ་བར་མཛད་དོ། །ཁྲོས་པའི་རྒྱལ་པོ་ཉིད་ཀྱི་ཞབས་འོག་ཏུ་བརྫིས་ཏེ་གནས་སོ། །དེ་ནས་དྲེགས་པ་དེ་ཤིན་ཏུ་ཡང་མི་བཟོད་པའི་ཚིག་གིས། འོ་ཤ་ཐོང་དཔའ་བོ་སྒེག་པ་རབ་ཏུ་ཐོང་། ཐུགས་རྗེའི་བདག་པོ་དེ་བཞིན་གཤེགས་པའི་མཛད་སྤྱོད་དེའམ། ཟེར་ཞིང་ཕྱིར་འབྲོས་པར་གཟོ་བ་ལས། རྡོ་རྗེ་ ― DNG022_Page_0047 ―
[མ་དཔེ་གཟིགས་ན་འདིར་གནོན།]
ཁྲོས་པའི་རྒྱལ་པོས། ཨཱོཾ་བཛྲ་ཀཱི་ལི་ཀཱི་ལ་ཡ་ཏྲ་ཏྲི་རཱུ་ཏྲ་རཀྴ་ཤཱི་གྷྲཾ་ཨཱ་ན་ཡ་ཧཱུྃ་ཕཊ། ཅེས་པའི་སྔགས་འཐོན་ཏེ། ཡན་ལག་མཛོད་སྤུའི་བསྡི་གནས་ལ། ཚ་ཚ་དང་སྐར་མདའ་བཞིན་དུ་འཕྲོས་ཏེ་འཁོར་བས། ལུས་ཀྱི་བསྒུལ་བསྐྱོད་ཀུན་མེད་པར། རུས་སྦལ་རྒྱ་མཚོར་ཞུགས་པ་བཞིན་དུ་གནས་སོ། །དེ་ནས་ཡང་དྲེགས་པ་དེ་སྒྲིབ་པ་སྦྱོང་བའི་ཕྱིར་ན། རྡོ་རྗེ་ཁྲོས་པའི་ཞབས་ཀྱིས་ཀྱང་ཤིན་ཏུ་གཟིར་ཏེ། ཨཱོཾ་བཛྲ་ཀཱི་ལི་ཀཱི་ལ་ཡ་ར་ཏྲི་རཱུ་ཏྲ་ར་ཤ་ཛྭ་ལ་པ་ཡ་ཛྭ་ལ་པ་ཡ་ཧཱུྃ་ཕཊ། ཅེས་སྔགས་འཐོན་ཏེ། བསམ་གཞི་དང་ངག་གནས་སུ་འཕྲོས་ཤིང་འཁོར་བས། དྲེགས་པ་དེ་སྔར་སྤྱད་པའི་ལས་ངན་དེ་དག་གིས་འདི་ལྟ་བུའི་ལས་ངན་ཉམས་སུ་མྱོང་བ་དྲན་ཏེ། མི་བཟད་པའི་འོ་དོད་འབོད་ཅིང་ལུས་ཞུམ་སེམས་ཉམས་ཏེ་གནས་སོ། །དེ་ནས་རྡོ་རྗེ་ཁྲོས་པའི་རྒྱལ་པོས། རྡོ་རྗེ་ཕུར་པའི་ཏིང་ངེ་འཛིན་ལ་མཉམ་པར་བཞག་སྟེ། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཧཱུྃ་ཕཊ། ཅེས་པས་ཡུམ་དང་གཉིས་སུ་མེད་པའི་བྱང་ཆུབ་སེམས་ལས། རྡོ་རྗེ་ཕུར་པ་ཁྲོ་བོ་ལས་ཀྱི་ཕུར་པ་སྟེ། ཞལ་གཅིག་ཕྱག་བཞི་སྐུ་མདོག་མཐིང་། །སྐུ་སྨད་མན་ཆད་ཟུར་གསུམ་ལ། །ཐོད་རློན་སྦྲུལ་གྱི་རྒྱན་གྱིས་བརྒྱན། །དུག་གསུམ་སྟོང་པའི་ཁ་ཊྭཱཾ་ག་དང་། །བག་ཆགས་འདྲལ་བའི་སྟྭ་རེ་དང་། །ཟིལ་གནོན་རི་རབ་འདེབས་པའི་ཕུར་བུ་འདྲིལ། །རལ་གྲིའི་སྒྲ་ལ་ཕུར་བུའི་སོ། །རིགས་ཀྱིས་དབུ་བརྒྱན་ཐུགས་ལ་འབར་བའི་སྲོག །སྐུ་ལ་ཁྲོས་པའི་མེ་དཔུང་འབར་བ་གཅིག་འཐོན་ཏེ། བཀའ་ནོད་པའི་ཚུལ་གྱིས་སྤྱན་སྔ་ཉིད་ན་གནས་སོ། །ཡང་རྡོ་རྗེ་ཁྲོས་པའི་རྒྱལ་པོས། ཨཱོཾ་ཨཱཾ་ཧཱུྃ་སྭཱ་ཧཱ། ཞེས་པས་ཡེ་ཤེས་ཀྱི་ནི་ཡི་གེ་ལྔས། །གནས་ལྔར་བྱིན་བརླབ་དབང་བསྐུར་འོད་ཀྱི་འབྲུའོ། །ཨཱོཾ་ཧྲི་ཕཊ་ཅེས་པས་ནི། སྐུ་གསུང་ཐུགས་སུ་བྱིན་བརླབ་མཛད། ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ། སྤྲོ་བསྡུ་ཕྲིན་ལས་ས་བོན་ནོ། །འདས་དང་མ་བྱོན་ད་ལྟ་སངས་རྒྱས་རྣམས། །དེ་ཡི་སྐུ་ལ་འཇུག་པའི་ཕྱིར། །ཨཱོཾ་བཛྲ་ཀཱི་ལི་ཀཱི་ལ་ཡ་ཨཱ་བེ་ཤ་ཨ་ཨ། ཁྲོས་པའི་ཕྱག་ ― DNG022_Page_0048 ―
[མ་དཔེ་གཟིགས་ན་འདིར་གནོན།]
དྲུག་ཕྱག་རྒྱ་གཉིས། །སྲས་མཆོག་དེ་ཡི་སྐེད་ནས་བཟུང་། །སོར་བཅུ་རིགས་ཀྱི་ཡབ་ཡུམ་བཅུས། །སྦྱོར་བའི་བྱིན་རླབ་འཕྲོ་འདུ་ལས། །དེ་ནས་སྐུ་གསུང་ཐུགས་ཉིད་དུ། །བྱིན་བརླབ་བཟླ་བ་མཆོག་ཏུ་མཛད། །ཨཱོཾ་བཛྲ་ཀཱི་ལི་ཀཱི་ལ་ཡ་ཛྭ་ལ་ཛྭ་ལ་ཧཱུྃ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་དུཥྚཱན་ཧྲྀ་ད་ཤོ་དྷ་ཡ་ཧཱུྃ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་ཙིཏྟ་ཙིཏྟ་ཧཱུྃ་ཕཊ། སྲས་ཀྱི་དམ་པ་མཆོག་དེ་ལ། །མཆོད་དེ་ཐུགས་དམ་རྒྱུད་བསྐུལ་ནས། །གསང་སྔགས་རྒྱལ་པོ་འདི་བརྗོད་དོ། །ཨཱོཾ་ལཾ་ཧཱུྃ་ལཾ། སྟཾ་བྷ་ཡ་ནན། མོ་ཧ་གྷ་ཡ། འདི་རྣམས་ཟུར་ཆག ། བྷ་ག་ཝཱན། ཧྲཱྀཿཤྟྲཱིཿཝཱི་ཀྲི། བཛྲ་ཧཱུྃ་ཀཱ་ར། ཧཱུྃ་ཧཱུྃ་ཕཊ་ཕཊ། བཛྲ་ཀཱི་ལི་ཀཱི་ལ་ཡ། ཛཿཧཱུྃ་བཾ་ཧོཿ། སརྦ་བིགྷྣཱན་ཀཱི་ལ་ཡ་ཧཱུྃ་ཕཊ། བཛྲ་ཧཱུྃ་ཀཱ་ར་ཧཱུྃ་ཨཱཿ། ཞེས་པས་དྲེགས་པའི་སྙིང་ལ་གདབ། །ཨ་ཉིད་བྱང་ཆུབ་སེམས་ཀྱིས་བཀྲུས། །བཀྲག་དང་གཟི་མདངས་ཉིད་ལ་བསྡིམ། །ཕུར་བུ་ཉིད་ཀྱང་གཟི་བྱིན་བསྐྱེད། །འོད་དང་མཐུ་དཔུང་ལྷག་པར་བསྐྱེད། །དེ་ནས་རྒྱལ་བ་ཐམས་ཅད་ལ། །རྡོ་རྗེའི་ཚིག་ཏུ་འདིས་བསྐུལ་ཏེ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པའི། །རིག་འཛིན་བདག་དང་གཞན་རྣམས་ལ། །གནོད་ཅིང་གདུག་སེམས་ལྡན་པ་དང་། །དགེ་བའི་བར་དུ་གཅོད་པ་རྣམས། །ཁྲོ་བོ་ཆེན་པོའི་བྱིན་རླབ་ཀྱིས། །ཡུད་ཙམ་གྱིས་ནི་འདིར་བཀུག་ནས། །ལུས་ངག་རྡུལ་དུ་བཤིག་བྱས་ནས། །སྡུག་བསྔལ་ཉམས་སུ་མྱོང་བར་མཛོད། །ཨཱོཾ་བཛྲ་ཀཱི་ལི་ཀཱི་ལ་ཡ་ར་ཏྲི་རཱུ་ཏྲ་རཀྴ་ཙིཏྟ་ཙིཏྟ་ཧཱུྃ་ཕཊ། ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ། ཅེས་པའི་སྔགས་འཐོན་ཏེ། ཉོན་མོངས་པའི་གནས་ལྔ་ལ་འཁོར་ཞིང་ཐིམ་པས། ཉོན་མོངས་པ་ལས་གྲུབ་པའི་གདོས་བཅས་ཀྱི་ཕུང་པོ་བཤིག་པར་མཛད་དོ། །དེ་ནས་ཡང་དེ་བཞིན་གཤེགས་པ་ཐམས་ཅད་ཀྱིས། རྡོ་རྗེ་ཁྲོས་པའི་སྐུ་ཟ་བྱེད་དུ་བྱིན་གྱིས་བརླབ་པའི་ཕྱིར། ཨཱོཾ་བཛྲ་ཛྙཱ་ན་ཛྭ་ལ་རཾ་ཞེས་གསུངས་སོ། །རྡོ་རྗེ་ཡེ་ཤེས་ཀྱི་མེ་དབལ་དུད་ཁ་འབར་བ་ཞིག་རྡོ་རྗེ་ ― DNG022_Page_0049 ―
[མ་དཔེ་གཟིགས་ན་འདིར་གནོན།]
ཁྲོས་པའི་ཕྱག་གཡོན་དང་པོར་ཕུལ་ཏེ་ཉོན་མོངས་པ་གནས་སུ་དག་ཅིང་། ཞལ་དུ་གསོལ་བར་དབང་བསྐུར་རོ། །རྡོ་རྗེ་ཁྲོས་པའི་རྒྱལ་པོས་ཀྱང་དྲེགས་པ་དེའི་བག་ཆགས་ཀུན། རྡོ་རྗེ་ཡེ་ཤེས་ཀྱི་མེ་དབལ་གྱིས་བསྲེག་ནས། ཨཱོཾ་བཛྲ་ཀཱི་ལི་ཀཱི་ལ་ཡ་ར་ཏྲི་རཱུ་ཏྲ་རཀྴ་བྷིནྡྷ་ཡ་བྷིནྡྷ་ཡ་ཧ་ཧ་ཞེས་པའི་སྔགས་འཐོན་ཏེ། ཕུང་པོ་ལྷག་རོལ་ལ་འཁོར་ཞིང་ཞལ་དུ་རོལ་ལོ། །དེའི་ཚེ་དྲེགས་པའི་རྒྱལ་པོ་དེ་ཡང་། རྡོ་རྗེ་ཁྲོས་པའི་ལྟོ་ཁྱིམ་ན་བདེ་བའི་གནས་སུ་ཕྱིན་ཏེ། ལས་དགེ་སྡིག་གི་དོན་མཐོང་སྟེ་གནས་པ་ལས། རྡོ་རྗེ་ཁྲོས་པས་ཕྱག་བྲང་ལ་བསྣོལ་ནས། ཀུན་རྫོབ་དང་ཚུལ་བསྟུན་ཏེ་བཙིར་བས། མི་གཙང་བའི་རྒྱ་མཚོར་འཁྱིལ་ཏེ་སླར་དྲན་པ་བརླག་པར་གྱུར་ཏོ། །དེ་ནས་ཡང་རྡོ་རྗེ་ཁྲོས་པས་བདུད་རྩི་འབྱུང་བའི་ཏིང་ངེ་འཛིན་ལས་སྣམ་ནས་ཁྲོ་བོ་སྨེ་ཤ་འཐོན་ཏེ། ཨཱོཾ་བཛྲ་ཀཱི་ལི་ཀཱི་ལ་ཡ་ར་ཏྲི་རཱུ་ཏྲ་རཀྴ། བཛྲ་ཡཀྴ་ཀྲོ་ཏ་བི་ཛ་ཡ་ཁ་ཁ་ཁཱ་ཧི་ཁཱ་ཧི། ཞེས་བསྐུལ་ཏེ། དེས་མི་གཙང་བའི་རྒྱ་མཚོ་དེ་དག་སླར་རྔུབས་པས་དྲན་པ་རྙེད་ནས་འདི་སྐད་ཅེས་གསོལ་ཏོ། །ཀྱེ་མ་ཧོ་རྡོ་རྗེ་ཁྲོས་པའི་སྐུ། །ཤིན་ཏུ་བདེ་བའི་གནས་བཤིག་ནས། །སྣམ་དུ་བཏོན་པ་ཐུགས་རྗེ་ཆུང་། །བདག་ཀྱང་རྒྱལ་བའི་བཀའ་ལ་ཐོགས། །ཞེས་གསོལ་ཞིང་། འདི་སྐད་ཅེས་སྡིག་པ་བཤགས་སོ། །བསྐལ་པ་དཔག་ཏུ་མེད་པ་ཚུན་ཆོད་ནས། །ད་ལྟ་ཚེ་ལུས་འདིར་སྐྱེས་ཕན་ཆད་དུ། །ལྷ་མཆོག་ཁྱོད་དང་སྨོན་ལམ་མཐུན་སྡེབས་པས། །དུས་འདིར་ཞལ་མཐོང་ཡི་དམ་ལྷར་གསོལ་ན། །དུས་ཚིགས་འདི་ནས་བཟུང་ནས་ཡི་དམ་ལ། །སྙིང་པོ་བྱང་ཆུབ་མཆོག་ལ་མི་གནས་པར། །ཚེ་རབས་འཁོར་བ་གར་སྐྱེས་གར་བྱུང་ཡང་། །གསང་བའི་ལྷ་མཆོག་ཁྱོད་དང་མི་འབྲལ་ཞིང་། །སྤྱི་དང་ཁྱད་པར་ལྷག་པའི་དམ་ཚིག་ལ། །མི་འདའ་གནས་དང་ཡུན་དུ་བདག་བསྲུང་གི། །ལྷག་ཆད་འགལ་འཁྲུལ་མཆིས་པ་མཐོལ་ལོ་བཤགས། །ལས་ཀྱི་དབང་གིས་བར་ཆད་ཅི་བྱུང་ཡང་། །དཔལ་ཆེན་ཁྱོད་ཀྱིས་གོང་བཞིན་ཟིལ་གྱིས་ ― DNG022_Page_0050 ―
[མ་དཔེ་གཟིགས་ན་འདིར་གནོན།]
གནོན། །དངོས་གྲུབ་མཆོག་སྩོལ་ཤེས་རབ་ལྷ་མོའི་སྐུ། །ཞེས་བཤགས་སོ། །དེ་ནས་ཡང་དྲེགས་པ་དེ་ཤིན་ཏུ་དགའ་བ་དང་དད་པའི་སེམས་སྐྱེས་ནས། འདི་སྐད་ཅེས་གསོལ་ཏོ། །དཔའ་བོ་ཁྱོད་ལ་རིམ་གྲོ་བསྐྱེད་པ་དང་། །བདག་གི་སྒྲིབ་པ་སྦྱོང་བའི་ཕྱིར། །བདག་གི་ལུས་འདི་གདན་དུ་འབུལ། །ཨེ་མ་ཧོ་དཔའ་བོས་བཞེས་སུ་གསོལ། །མ་སྲིང་ཆུང་མ་བུ་མོ་སླས་ཀྱི་ཚོགས། །དཔའ་བོ་ཁྱོད་ཀྱི་འབངས་སུ་འབུལ། །འབངས་སུ་འབུལ་ལོ་བཀའ་ལ་ཐོགས། །འབངས་ལ་ནན་ཏན་མ་ཆུང་ཞིག །དེ་ནས་དེའི་མ་དང་ཆུང་མ་བུ་མོ་སླས་ཀྱི་ཚོགས་རྣམས་ཀྱང་འདི་སྐད་ཅེས་གསོལ་ཏོ། །དབུས་སུ་མཆི་བའི་སྐལ་མེད་ཀྱིས། །དཀྱིལ་འཁོར་མུ་རན་མཐའ་ལ་ཞོག །ཕུད་ལ་འཚལ་བའི་སྐལ་མེད་ཀྱི། །ལྷག་མ་ཁ་ཆུས་བྲན་ལ་གསོལ། །ཞེས་གསོལ་ཏེ། དྲེགས་པ་ཆེན་པོ་འཁོར་དང་བཅས་པ་རྣམས་ཀྱིས། ལུས་གདན་དུ་ཕུལ་བས་ཉོན་མོངས་པའི་སྒྲིབ་པ་བྱང་། རྣ་བས་ཆོས་ཉན་པས་ཤེས་བྱའི་སྒྲིབ་པ་བྱང་། རྒྱལ་བའི་ཕ་འབབ་མངོན་པས་རྒྱུ་བསོད་ནམས་ཀྱི་ཚོགས་རྫོགས། དཀྱིལ་འཁོར་ཞལ་མཐོང་བས་འབྲས་བུ་ཡེ་ཤེས་ཀྱི་ཚོགས་རྫོགས་ཏེ། གྲུབ་པ་མོར་ཁས་བླངས་ནས། ཕྱི་རབས་ཀྱི་རྣལ་འབྱོར་པའི་ཚོགས་བསྐང་བར་ཡང་དམ་ནོས་ཏེ་གནས་སོ། །དྲེགས་པ་ཆེན་པོའི་མ་དང་ཆུང་མ་དང་སླས་མོ་དང་བུ་མོ་དང་། བྲན་མོ་རྣམས་ནི། འབར་བའི་དཀྱིལ་འཁོར་ཆེན་པོའི་མུ་རན་ལ་བཞག་སྟེ། བཀའ་ལ་བཏགས་ཏེ་དམ་ཚིག་བྱིན་ནས། མནས་བསྒགས་ནས་གནས་སོ། །དེའི་ཚེ་ན་དྲེགས་པ་ཆེན་པོའི་ཉེ་འཁོར། འདོད་ཆགས་དང་གཏི་མུག་དང་ཕྲག་དོག་དང་ང་རྒྱལ་ལ་སོགས་པས་སོ་སོར་དྲེགས་པའི། ཚངས་པ་བརྒྱ་བྱིན་དང་མ་ཧཱ་དེ་བ་དང་། ཁྱབ་འཇུག་དང་དབང་ཕྱུག་ཆེན་པོ་རྣམས། རང་རང་གི་ཆེ་བ་སྟོན་ཅིང་ཁྲོ་ཞིང་གཏུམ་མོ། །རྡོ་རྗེ་ཁྲོས་པའི་རྒྱལ་པོས་ཁྲོ་གཏུམ་པ་དེ་དག་འདུལ་བའི་ཆེད་དུ། སྲས་མཆོག་ ― DNG022_Page_0051 ―
[མ་དཔེ་གཟིགས་ན་འདིར་གནོན།]
བུཌྜྷ་རིན་ཆེན་པདྨ་ལས་ཀྱི་ཕུར་པ་འབྱུང་བའི་ཏིང་ངེ་འཛིན་ལ་ཞུགས་ནས། མ་ཆགས་པའི་ཡུམ་ལ་རྗེས་སུ་ཆགས་པ་བསྐྱེད་དེ། རོལ་པའི་བྱང་ཆུབ་སེམས་ལས། ཨཱོཾ་བུཌྜྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཨཱོཾ་ཧཱུཾ་ཕཊ། སྭཱ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཏྲཾ་ཧཱུཾ་ཕཊ། ཨཱོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧྲཱྀ་ཧཱུྃ་ཕཊ། ཧཱ་ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱ་ཧཱུྃ་ཕཊ། ཅེས་པས་ནི། དེ་བཞིན་ཁྲོ་བོ་ལས་ཀྱི་ཕུར་པ་དང་། རིན་ཆེན་ཁྲོ་བ་ལས་ཀྱི་ཕུར་པ་དང་། པདྨ་ཁྲོ་བོ་ལས་ཀྱི་ཕུར་པ་དང་། ལས་རབ་ཁྲོ་བོ་ལས་ཀྱི་ཕུར་པ་རྣམས་འཐོན་ཏེ། སྨུག་ནག་སེར་ནག་ལྗང་ནག་སྔོ་ནག་དམར་ནག་གཅེར་བུ་རྣམས། སྐུ་སྟོད་ཞལ་གསུམ་ཕྱག་བཞི་ལ། སྐུ་སྨད་སོ་སོའི་ཕུར་པ་ལས་ཀྱི་དབྱིབས་བཞི་དང་མཐུན་པའི་ཕྱག་མཚན་རང་རང་རིགས་ཀྱི་མཚན་མར་བརྒྱན། དབུ་ལ་རིགས་བསྲུངས་ཐུགས་ལ་སྲོག་ཀྱང་འབར། །ཐོད་རློན་སྦྲུལ་གྱི་རྒྱན་གྱིས་བརྒྱན་པ་རྣམས། །ཟླུམ་འཁྱིལ་གྲུ་བཞི་ཟླ་གམ་གྲུ་གསུམ་གདེངས་པ་ཡི། །གདན་ལ་བཀོད་དེ་བཀའ་ནོད་ཚུལ་དུ་གནས། །བྱིན་བརླབ་དབང་བསྐུར་ལ་སོགས་རིམ་པར་མཛད་དོ། །དེ་ནས་རྡོ་རྗེ་ཁྲོས་པའི་རྒྱལ་པོ་ཡིས། བུཌྜྷ་འདུས་པའི་སྲས་མཆོག་ཀཱི་ལ་ཡ། འདི་སྐད་ཅེས་བསྐུལ་ཏེ། དྲག་པོ་སྒྲོལ་བའི་ལས་ལ་བཙུད་དོ། །ཨཱོཾ་ཟླུམ་ཞིང་འཁྱིལ་པའི་དཀྱིལ་འཁོར་ནས། །འབར་ལ་འཕྲོ་བའི་སྐུ་བཞེངས་པ། །བུཌྜྷ་འདུས་པའི་སྲས་མཆོག་ཀཱི་ལ་ཡ། །གཏི་མུག་དྲེགས་པ་ཆེན་པོ་བསྒྲལ་དུ་གསོལ། །སྭཱ་གྲུ་བཞི་གདེངས་པའི་དཀྱིལ་འཁོར་ནས། །འབར་བ་འཕྲོ་བའི་སྐུ་བཞུགས་ལ། །རིན་ཆེན་འདུས་པའི་སྲས་མཆོག་ཀཱི་ལ་ཡ། །ང་རྒྱལ་དྲེགས་པ་ཆེན་པོ་བསྒྲལ་དུ་གསོལ། །ཨཿཟླ་གམ་གདེངས་པའི་དཀྱིལ་འཁོར་ནས། །འབར་ལ་འཕྲོ་བའི་སྐུ་བཞུགས་པ། །པདྨ་འདུས་པའི་སྲས་མཆོག་ཀཱི་ལ་ཡ། །འདོད་ཆགས་དྲེགས་པ་ཆེན་པོ་བསྒྲལ་དུ་གསོལ། །ཧཱ་གྲུ་གསུམ་གདེངས་པའི་དཀྱིལ་འཁོར་ནས། །འབར་མ་འཕྲོ་བའི་སྐུ་བཞུགས་པ། །ལས་རབ་འདུས་པའི་སྲས་མཆོག་ཀཱི་ལ་ཡ། །ཕྲག་དོག་ ― DNG022_Page_0052 ―
[མ་དཔེ་གཟིགས་ན་འདིར་གནོན།]
དྲེགས་པ་ཆེན་པོ་བསྒྲལ་དུ་གསོལ། །ཞེས་བསྐུལ་བར་མཁྱེན་ནས། ནམཿས་མནྟཱ་ནཱན་ཀཱ་ཡ་ཝཱ་ཀ་ཙིཏྟ་བཛྲཱ་ཎཱཾ། ཨཱོཾ་གྷ་གྷ་གྷ་ཏཱ་ཡ་གྷ་ཏཱ་ཡ། སརྦ་དུཥྚཱན་མཱ་ར་ཡ་ཧཱུྃ་ཕཊ། ཧཱུྃ་ཧཱུྃ་ཧཱུྃ་བཛྲ་ཀཱི་ལི་ཀཱི་ལ་ཡ། བཛྲ་དྷ་རོ་ཨ་ཛྙཱ་པ་ཡ་ཏི། ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུཾ་ཕཊ། བུཌྜྷ་ཀཱི་ལ་ཡ་བ་ར་བིདྱན་ཧཱུཾ་ཕཊ། རཏྣ་ཀཱི་ལ་ཡ་གྲིཧྞ་གྲྀཧྞ་ཧཱུྃ་ཕཊ། པདྨ་ཀཱི་ལ་ཡ་ཧ་ན་ཧ་ན་ཧཱུྃ་ཕཊ། ཀརྨ་ཀཱི་ལ་ཡ་བིནྡྷ་བིནྡྷ་ཧཱུྃ་ཕཊ། ཅེས་པའི་སྔགས་བརྗོད་ཅིང་། རྡོ་རྗེ་འདུས་པའི་ཕྱག་གིས་རིགས་བཞིའི་ཕུར་པའི་སྐེད་ནས་རིམ་པར་བཟུང་ཞིང་དྲེགས་པ་བཞི་སྒྲོལ་བར་མཛད་དོ། །དེའི་ཚེ་དུས་གསུམ་གྱི་སངས་རྒྱས་རྣམས་ཀྱིས་ཀྱང་། སྲས་མཆོག་དམ་པ་དེ་ལ་འདི་སྐད་ཅེས་བསྒོས་ཤིང་སྐུལ་བར་མཛད་དེ། འདི་སྐད་ཅེས་ཆོ་འཕྲུལ་གྱི་སྒྲར་མངོན་པར་དུས་གཅིག་ཏུ་སྒྲོགས་སོ། །ཀྱེ་མ་སངས་རྒྱས་མང་པོའི་སྲས། །དགེ་བའི་བར་ཆད་བྱེད་པ་དང་། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་ཆིངས་ཤིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རིང་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་བསྡུ་བྱས་ཏེ། །ལུས་དང་ངག་སེམས་རྡུལ་དུ་བཤིག་ནས་ཀྱང་། །དུག་གསུམ་ཤ་ཁྲག་ཞལ་དུ་བསྡུས་རྔུབས་ནས། །བསྒོ་བའི་ལས་རྣམས་ཁྱེད་ཀྱིས་གྲུབ་པར་གྱིས། །ཞེས་པར་བསྐུལ་ཏེ། བསྟབ་ཅིང་བསྒྲལ་བར་མཛད་དོ། །དེའི་དོན་གྱིས་འབྱོངས་སྟོངས་མཉེས་སྐོངས་འབྲས་བུ་རྫོགས་པར་མཛད་དོ། །དེ་ནས་ཡང་དྲེགས་པ་དེ་ལྔའི་ཆུང་མ་དེ་དངོས་འཛིན་མ་དང་། རྟག་པ་མོ་དང་། མཚན་མ་ཅན་དང་། ཆད་པ་མོ་དང་། སྨུག་མོ་ལ་སོགས་པ་རྣམས། རང་རང་གི་ཆེ་བ་སྟོན་ཅིང་ཤིན་ཏུ་ཡང་ཆགས་པ་དང་ལྡན་པ་ལས། ཡང་ཁྲག་འཐུང་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས། གསལ་བ་རྡོ་རྗེ་དང་། སྡུད་པ་རྡོ་རྗེ་དང་། འབར་བ་རྡོ་རྗེ་དང་། གཡོ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་འཁོར་བ་རྒྱས་འདེབས་མ་དང་། འཁོར་ལོ་འཁོར་ ― DNG022_Page_0053 ―
[མ་དཔེ་གཟིགས་ན་འདིར་གནོན།]
བ་རྒྱས་འདེབས་མ་དང་། རིན་ཆེན་འཁོར་བ་རྒྱས་འདེབས་མ་དང་། པདྨ་འཁོར་བ་རྒྱས་འདེབས་མ་དང་། ལས་རབ་འཁོར་བ་རྒྱས་འདེབས་མ་རྣམས། ཉིད་ཀྱི་བྱིན་གྱིས་བརླབས་ཀྱིས། ཡུམ་ཆེན་མོ་འཁོར་ལོ་རྒྱས་འདེབས་མའི་སྐུ་གསུང་ཐུགས་ཡོན་ཏན་ཕྲིན་ལས་ལས་འཐོན་ཏེ། རྒྱན་དང་ཆ་ལུགས་དང་། སྐུ་མདོག་དང་ཕྱག་མཚན་རྣམས། རིགས་ཀྱི་སྲས་དང་ཆ་མཐུན་ཏེ། དྲེགས་པ་ཕོ་རྣམས་གོང་བཞིན་བསྒྲལ་ཏེ་ཚར་བཅད་ནས། སྲས་མཆོག་ལ་འཁྲིལ་བའི་ཚུལ་དུ་བཞུགས་སོ། །དེ་ནས་ཡང་དྲེགས་པ་ཆེན་པོ་དེའི་ཉེ་འཁོར་ན། འཁོར་གྱི་གཙོ་བོ་འཇིག་རྟེན་པའི་ལས་ལས་གྲུབ་པའི་ཕྱོགས་སྐྱོང་བ་བཅུ་སྟེ། ཚངས་པ་དང་། བརྒྱ་བྱིན་དང་། མེ་ལྷ་དང་།གཤིན་རྗེ་དང་། སྲིན་པོ་དང་། ཆུ་ལྷ་དང་། རླུང་ལྷ་དང་། གནོད་སྦྱིན་དང་། དབང་ལྡན་དང་། ས་བདག་རྣམས། བརྣབ་སེམས་དང་། མ་བྱིན་ལེན་པ་དང་། ལོག་པར་བལྟ་བ་དང་། སྲོག་གཅོད་པ་དང་། ཕྲ་མ་དང་།འདོད་པས་ལོག་པར་གཡེམས་པ་དང་། ངག་འཁྱལ་པ་དང་། ངག་རྩུབ་པོ་དང་། གནོད་སེམས་དང་། ཚིག་བརླང་བོ་དང་། མི་དགེ་བ་བཅུས་དྲེགས་ནས། ང་རྒྱལ་གྱིས་མཐུ་སྟོན་ཅིང་ཤིན་ཏུ་ཡང་བསྟན་པ་ལ་མ་དད་པའི་ཚུལ་སྟོན་པ་ལ། དེ་རྣམས་འདུལ་བའི་ཕྱིར་ན། ཡང་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས་རོལ་པའི་སྟོབས་དང་། བཟློག་པའི་སྟོབས་དང་། འཇོམས་པའི་སྟོབས་དང་། འཇིགས་བྱེད་ཀྱི་སྟོབས་དང་། གཞོན་ཚུལ་གྱི་སྟོབས་དང་། བརྗིད་པའི་སྟོབས་དང་། ཤུགས་འཆང་བའི་སྟོབས་དང་། གཟིར་བའི་སྟོབས་དང་། གནོན་པའི་སྟོབས་དང་། འདེགས་པའི་སྟོབས་དང་། སྟོབས་བཅུའི་ཏིང་ངེ་འཛིན་ལ་ཞུགས་ཏེ། མ་ཆགས་པའི་ཡུམ་ལ་ཆགས་པའི་ཚུལ་དུ་རོལ་ལོ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཞེས་བརྗོད་པས། ཁྲོས་པའི་རྒྱལ་པོ་ཧཱུྃ་ཀཱ་ར་ཞེས་བྱ་བ་དང་། དེ་བཞིན་དུ་རྣམ་པར་རྒྱལ་བ་དང་། དབྱུག་པ་སྔོན་པོ་དང་། གཤིན་རྗེའི་གཤེད་པོ་དང་། མི་གཡོ་མགོན་པོ་དང་། རྟ་མགྲིན་དང་། ― DNG022_Page_0054 ―
[མ་དཔེ་གཟིགས་ན་འདིར་གནོན།]
གཞན་གྱིས་མི་ཐུབ་པ་དང་། བདུད་རྩི་འཁྱིལ་པ་དང་། ཁམས་གསུམ་རྣམ་པར་རྒྱལ་བ་དང་། ཁྲོ་བོ་སྟོབས་པོ་ཆེ་ལ་སོགས་པ་རྣམས་འཐོན་ཏེ། ཞལ་གསུམ་ཕྱག་དྲུག་པ་ཞབས་བཞི་དང་ལྡན་ཞིང་། ཞལ་མདོག་དང་ཕྱག་མཚན་སྣ་ཚོགས་པ་འཇིགས་བྱེད་འབར་བའི་ཆ་ལུགས་སུ་བྱུང་སྟེ། ཕྱོགས་བཞི་མཚམས་བཞིའི་སྟེང་འོག་ཏུ་འཕྲོས་ཏེ་གནས་སོ། །དེ་ལས་ཁྲོས་པའི་རྒྱལ་པོ་ལ་སོགས་པའི་བདེ་བར་གཤེགས་པ་རྣམས་ཀྱིས་འདི་སྐད་ཅེས་བསྐུལ་ལོ། །རྡོ་རྗེ་ཁྲོས་པའི་ཚོགས་རྣམས་ཀྱིས། །མ་དག་མི་དགེ་ལས་སྤྱོད་ཅིང་། །དགེ་བའི་བར་ཆད་བྱེད་པ་འདི། །སྔོན་ཆད་དམ་བཅས་དེ་བཞིན་དུ། །མངོན་སྤྱོད་ཕྲིན་ལས་དུས་ལ་བབ། །ཅེས་བསྐུལ་དབང་བསྐུར་ནས། ཡེ་ཤེས་ཀྱི་ཕུར་པ་རྡོ་རྗེ་ཁྲོས་པས་ཕྱག་ཏུ་རེ་རེ་བསྐུར་ནས། དྲེགས་པ་བཅུ་སྒྲོལ་བར་མངའ་གསོལ་བས། ཁྲོ་བོ་བཅུས་བསྐུལ་བའི་དོན་དེ་ཐུགས་སུ་ཆུད་པར་མཛད། ཧཱུྃ་གརྫ་གརྫ་ཧཱུྃ་ཕཊ། ཧ་ན་ཧ་ན་ཧཱུྃ་ཕཊ། ད་ཧ་ད་ཧ་ཧཱུྃ་ཕཊ། པ་ཙ་པ་ཙ་ཧཱུྃ་ཕཊ། བནྡྷ་བནྡྷ་བཛྲ་ཕཊ། ཧུ་ལུ་ཧུ་ལུ་བཛྲ་ཕཊ། ཏིཥྛ་ཏིཥྛ་བཛྲ་ཕཊ། ཙྪིནྡྷ་ཙྪིནྡྷ་བཛྲ་ཕཊ། བིནྡྷ་བིནྡྷ་བཛྲ་ཕཊ། སྥོ་ཊ་ཡ་སྥོ་ཊ་ཡ་བཛྲ་ཕཊ། ཅེས་གསུངས་ཤིང་། ཕྱག་གི་ཕུར་པས་དྲེགས་པ་རྣམས་རིམ་པར་མངོན་པར་བསྒྲལ་ལོ། །དེ་ནས་ཡང་ཁྲོས་པའི་རྒྱལ་པོས། ཨཱོཾ་བཛྲ་ཀྲོ་ཏ་ཀ་པཱ་ལ་ཧཱུྃ་ཞེས་བརྗོད་པས། ཁྲོ་བོ་རྣམས་ཀྱི་ཕྱག་གཡས་གཡོན་དང་པོར། རྡོ་རྗེ་འབར་བ་དང་དུང་ཆེན་འཇོམས་པ་བྱིན་ཏེ། ཨཱོཾ་བཛྲ་ཀྲོ་ཏ་ཁཱ་ཧི་ཁཱ་ཧི་ཞེས་བསྐུལ་བས། ཁྲོས་པ་རྣམས་ཀྱིས་མི་དགེ་བ་བཅུ་དག་པར་བྱ་བའི་ཕྱིར། རྡོ་རྗེ་ཐོ་བས་གཏུན་ཁུང་དུ་བརྡུངས་ཏེ། ཞལ་དུ་གསོལ་བས། ཁྲོ་བོ་རྣམས་དགྱེས་པའི་སྒྲ་ཧ་ཧ་ཞེས་བསྒྲགས་སོ། །དེའི་ཚེ་འཁོར་བ་མི་དགེ་བ་བཅུ་ལས་རྒྱལ་ནས། དབང་བཅུ་ལ་མངའ་བརྙེས་པ་ནི། མོས་པ་ལ་དབང་བ་དང་། བྱང་ཆུབ་ལ་དབང་བ་དང་། ཡེ་ཤེས་ལ་དབང་བ་དང་། ཚེ་ལ་དབང་བ་དང་། སྐྱེ་བ་ལ་དབང་བ་དང་། ཆོས་ལ་དབང་བ་དང་། ཡོ་བྱད་ལ་དབང་བ་དང་། ― DNG022_Page_0055 ―
[མ་དཔེ་གཟིགས་ན་འདིར་གནོན།]
ལས་ལ་དབང་བ་དང་། སྨོན་ལམ་ལ་དབང་བ་དང་། རྫུ་འཕྲུལ་ལ་དབང་བ་ལ་སོགས་བརྙེས་སོ། །དེ་ལྟར་མཛད་པས་སྐྱེ་བའི་རྒྱུན་བཅད། ཉོན་མོངས་པ་ལས་རྒྱལ་བའི་རྒྱལ་མཚན་བཙུགས། འཁོར་བའི་བག་ཆགས་བཅོམ། འཆི་བདག་ཚར་བཅད། རྟག་ཆད་ཀྱི་མཐའ་བསལ། ལས་དགེ་སྡིག་གི་ཤན་ཕྱེ། ལོག་པའི་དོན་ལ་ཡེ་ཤེས་ཀྱི་མཐུ་བསྟན། འཁོར་བའི་བདུད་ལ་ཐུགས་རྗེའི་རྩི་བཏང་། ཁམས་གསུམ་སྐུ་གསུང་ཐུགས་སུ་བཟློག །ཆེ་བའི་ཡོན་ཏན་གྱི་སྟོབས་ཀྱིས་ཟིལ་གྱིས་མནན་པའི་རྟགས་སུ། ཁྲོ་བོ་རྣམས་ཀྱི་སྣམ་ནས་ཕྱོགས་སྐྱོང་བཅུ་བཏོན་ཏེ། རྣམ་པར་ཤེས་པ་ནི་རྡོ་རྗེ་དང་དེ་བཞིན་དུ་འཁོར་ལོ་དང་རིན་པོ་ཆེ་དང་པདྨ་དང་ལས་ཀྱི་རིགས་རྣམས་སུ་ཤེས་བྱ་དག་ནས། ཆོས་སྐྱོང་བའི་བསྲུང་མར་དབང་བསྐུར། ལུས་རྣམས་ནི་རང་རང་གི་ཁྲོ་བོ་རྣམས་ལ། ཉོན་མོངས་པའི་སྒྲིབ་པ་དག་པར་བྱ་བའི་ཕྱིར་གདན་དུ་དབུལ། ལག་ཆ་མདའ་གཞུ་དང་། རྡོ་རྗེ་གདེངས་པ་དང་། མེ་དཔུང་འབར་བ་དང་། དབྱུག་ཏོ་དང་། སྤུ་གྲི་དང་། ཞགས་པ་དང་། བ་དན་དང་། བེ་ཅོན་དང་། ཁ་ཊྭཱཾ་ག་དང་བུམ་པ་རྣམས་ནི། རྒྱལ་བྱེད་རྟགས་ཀྱི་ཕྱག་མཚན་དུ་རང་རང་གི་ཁྲོ་བོའི་ཕྱག་བར་བར་ཕུལ་ཏེ་བསྣམས་སོ། །དེ་ནས་ཡང་ཕྱོགས་སྐྱོང་རྣམས་ཀྱི་རིག་མ་སྟེ། ཚངས་པའི་ཆུང་མ་དང་། བརྒྱ་བྱིན་གྱི་ཆུང་མ་དང་། མེ་ལྷའི་ཆུང་མ་དང་། གཤིན་རྗེའི་ཆུང་མ་དང་། སྲིན་པོའི་ཆུང་མ་དང་། ཆུ་ལྷའི་ཆུང་མ་དང་། རླུང་ལྷའི་ཆུང་མ་དང་། གནོད་སྦྱིན་གྱི་ཆུང་མ་དང་། དབང་ལྡན་གྱི་ཆུང་མ་དང་། ས་བདག་གི་ཆུང་མ་རྣམས། སྐྱོན་བཅུ་ལ་བག་ཆགས་བརྟས་པ་ནི། མ་རིག་པའི་སྐྱོན་དང་། ཞེན་པའི་སྐྱོན་དང་། ཤེས་བཞིན་མ་ཡིན་པའི་སྐྱོན་དང་། གཡེང་བའི་སྐྱོན་དང་། འཆལ་བའི་སྐྱོན་དང་། ལེ་ལོའི་སྐྱོན་དང་། རྨོངས་པའི་སྐྱོན་དང་། ཕུར་པའི་སྐྱོན་དང་། ཁོང་ཁྲོ་བའི་སྐྱོན་དང་། རྩོད་པ་ལ་དགའ་བའི་སྐྱོན་དང་། རྒྱུའི་ཚོགས་མ་བསགས་པའི་སྐྱོན་ནོ། །དེ་ལྟ་བུའི་སྐྱོན་གྱིས་འཆེལ་བས། བསྟན་པ་ལ་མ་དད་པ་དེ་འདུལ་བའི་ཕྱིར་ ― DNG022_Page_0056 ―
[མ་དཔེ་གཟིགས་ན་འདིར་གནོན།]
ན། རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས། ཕ་རོལ་ཕྱིན་པ་བཅུའི་དོན་ལ་མཉམ་པར་བཞག་སྟེ། ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་དོན་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་ཀྱི་ཕ་རོལ་ཏུ་ཕྱིན་པ་དང་། སྟོབས་ཀྱི་ཕ་རོལ་ཏུ་ཕྱིན་པ་དང་། སྨོན་ལམ་གྱི་ཕ་རོལ་ཏུ་ཕྱིན་པ་དེའི་ངང་ལས་མ་གཡོས་ཀྱང་། གཡོས་པའི་ཚུལ་གྱིས་མ་གོས་པའི་ཡུམ་ལ་རོལ་ཏེ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཞེས་པས། ཁྲོ་མོ་རྡོ་རྗེ་སྒྲ་འབྱིན་མ་དང་། ཁྲོ་མོ་རྡོ་རྗེ་མདའ་སྙེམས་མ་དང་། ཁྲོ་མོ་རྡོ་རྗེ་སྡེར་མོ་དང་། ཁྲོ་མོ་རྡོ་རྗེ་དུར་ཁྲོད་ཀྱི་བདག་མོ་དང་། ཁྲོ་མོ་རྡོ་རྗེ་གཏུན་ཁུང་མ་དང་། ཁྲོ་མོ་རྡོ་རྗེ་གཏུམ་མོ་དང་། ཁྲོ་མོ་རྡོ་རྗེ་མདའ་སྙེམས་མ་དང་། ཁྲོ་མོ་རྡོ་རྗེ་རླུང་འབྱིན་མ་དང་། ཁྲོ་མོ་རྡོ་རྗེ་གསོད་མ་དང་། ཁྲོ་མོ་རྡོ་རྗེ་བསྐྱོད་མ་རྣམས་འཐོན་ཏེ། སྟོང་པ་ཉིད་ཀྱི་དབྱིངས་ལས་ཆོས་ཉིད་ཀྱི་སྒྲ་བསྒྲགས། སྐྱེ་བ་མེད་པའི་དབྱིངས་ལས་དོན་བརྙེས། རང་བཞིན་མེད་པའི་དབྱིངས་ལས་ཁམས་གསུམ་ཐུགས་རྗེས་གཟུང་། མི་དམིགས་པའི་དབྱིངས་སུ་མཚན་མའི་དངོས་པོ་བསྡུས། མཚན་མ་མེད་པའི་དབྱིངས་སུ་འཁོར་བའི་བག་ཆགས་བཅོམ། ཆོས་ཉིད་དག་པའི་དབྱིངས་ཀྱིས་འགྲོ་བའི་དོན་ལ་བརྩོན། ཡང་དག་པའི་དབྱིངས་ཀྱིས་ཉོན་མོངས་པའི་གནས་སུ་བརྡེག །གསལ་ཞིང་གཡོ་བའི་དབྱིངས་ལས་བག་ཆགས་ཀྱི་དངོས་པོ་སུན་ཕྱུང་། རྟོག་མེད་སྒྲོལ་བའི་དབྱིངས་སུ་སྒྲིབ་པའི་བག་ཆགས་བསད། གཡོས་པ་ཆེན་པོའི་དབྱིངས་ཀྱིས་མི་དགེ་བའི་སྐྱོན་བསྐྱོད་དེ་གནས་སོ། །དེ་ནས་དྲེགས་པའི་བུ་ཕོ་སྟེ་སེམས་ཅན་གྱི་ལུས་ལ། ཕག་དང་སྟག་དང་གཡག་དང་ཤ་བ་དང་། གཟིག་དང་། བྱི་ལ་དང་། སྤྱང་ཀི་དང་། སེང་གེ་དང་། དྲེད་དང་། དོམ་གྱི་མགོ་བཏགས་པ་རྣམས། རྨུགས་པ་དང་། རྣམ་ ― DNG022_Page_0057 ―
[མ་དཔེ་གཟིགས་ན་འདིར་གནོན།]
སྨིན་མེད་པ་དང་། ཚུལ་བཞིན་མ་ཡིན་པ་དང་། ཤིན་ཏུ་ཆགས་པ་དང་། གཉིས་ཀ་མ་ཡིན་པ་དང་། མངན་སེམས་ཀྱི་གཡོ་དང་། ཚུལ་ཁྲིམས་ཉམས་པ་དང་། མཚན་མ་ཉམས་པ་དང་། ལས་ལོག་པ་དང་། མོས་པ་ལས་གྱུར་པ་ཡིས། སངས་རྒྱས་ཀྱི་བསྟན་པ་ལ་མ་དད་སྟེ། ཤེས་རབ་མ་ཡིན་པ་དང་། གསལ་བ་མ་ཡིན་པ་དང་། བདེ་བ་མ་བསྟར་བ་དང་། དོན་མ་རྟོགས་པ་དང་། བརྩོན་འགྲུས་དང་མི་ལྡན་པ་དང་། ཁ་ན་མ་ཐོ་བ་ལ་མི་འཛེམ་པ་དང་། དགེ་བ་འཕེལ་བ་མ་ཡིན་པ་དང་། རང་བཞིན་མེད་པ་མི་ཤེས་པ་དང་། གཉིད་དང་མི་ལྡན་པ་མ་ཡིན་པ་ལ་སོགས་པར་སྤྱོད་པའོ། །དེ་རྣམས་སྦྱོང་ཞིང་གདུལ་བའི་ཕྱིར་ན། ཡང་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས་རྟོག་འཇོམས་དང་། དཔའ་རྟུལ་དང་། རྫིས་ཚོར་དང་། དུས་འཇུག་དང་། སྤྱོད་རྫོགས་དང་། ཐབས་མཁས་དང་། ཟ་བྱེད་དང་། རིགས་བཙུན་དང་། གསོད་བྱེད་དང་། མྱོས་བྱེད་ལ་སོགས་པའོ། །དེ་རྣམས་དང་། ཚུལ་མཐུན་པའི་ཏིང་ངེ་འཛིན་ལ་མཉམ་པར་བཞག་ནས། མ་ཆགས་པའི་ཡུམ་ལ་ཐབས་ཀྱིས་རོལ་ཏེ། དགྱེས་པའི་སྤྲིན་ལས། ཧ་ཧ་ཧ་ཧ་ཧ། ཧ་ཧ་ཧ་ཧ་ཧ། ཞེས་བརྗོད་པས་ནི། སྲས་འཕགས་པའི་ལུས་ལ་སེམས་ཅན་གྱི་མགོ་དང་ཚུལ་མཐུན་པའི་མགོ་བཏགས་པ་བཅུ་བྱུང་སྟེ། དྲེགས་པའི་བུ་ཕོ་རྣམས་གྲོང་བཞིན་བཏུལ་ཏེ་བསྒྲལ་ནས་དམ་ལ་བཏགས་སོ། །དེ་ནས་ཡང་དྲེགས་པའི་བུ་མོ་སྟེ། སེམས་ཅན་གྱི་ལུས་ལ་སྨིག་བུ་དང་། བྱ་རྒོད་དང་། བྱ་རོག་དང་། འུག་པ་དང་། ཁྭ་དང་། པུ་ཤུད་དང་། ཁྲ་དང་། ཕ་ཝང་དང་། སྲེ་མོང་དང་། བྱི་བའི་མགོ་བཏགས་པ་རྣམས་ནི། ཆགས་པ་དང་། ཡིད་གཡོ་བ་དང་། ཕྲག་དོག་དང་། རྩོད་པ་ལྡང་བ་དང་། ལེ་ལོ་བྱས་པ་དང་། སྤྱོད་པ་འཆལ་པ་དང་། ཚུལ་ཁྲིམས་འཆལ་པ་དང་། འཚོ་བ་འཆལ་པ་དང་། བདག་ཏུ་འཛིན་པ་དང་། ཉོན་མོངས་པ་དང་མཚུངས་པར་ལྡན་པ་ལ་སོགས་པ་ལས་བྱུང་སྟེ། སངས་རྒྱས་ཀྱི་བསྟན་པ་ལ་མ་དད་པ་དང་། སེམས་རྒོད་པ་དང་། སེམས་འབྱེད་པ་དང་། ― DNG022_Page_0058 ―
[མ་དཔེ་གཟིགས་ན་འདིར་གནོན།]
དགེ་བ་ལ་མི་འཇུག་པ་དང་། ཚིག་བརླང་བོ་དང་། བག་མེད་པ་དང་། སྤྱོད་པ་བརླང་བོ་དང་། ཁྲེལ་མེད་པ་དང་། ལོག་པར་འཚོ་བ་དང་། དགོངས་པ་སྟེ་སེམས་མ་ཞི་བ་དང་། གཡོ་སྒྱུ་དང་། དེ་རྣམས་སྤྱོད་པར་གྱུར་ཏེ། དེ་རྣམས་འདུལ་བའི་ཕྱིར་ན་ནི། ཡང་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས། མི་འགྱུར་བ་དང་། ཐོགས་མེད་དང་། གསལ་བྱེད་དང་། མཐོང་བྱེད་དང་། ཐལ་བྱེད་དང་། བཀྲ་བྱེད་དང་། གཡོ་བྱེད་དང་། བཙལ་བྱེད་དང་རྩོལ་བྱེད་ལ་སོགས་པའི་ཏིང་ངེ་འཛིན་ལ་མཉམ་པར་བཞག་ནས། གཉིས་སུ་མེད་པའི་དགྱེས་པའི་སྤྲིན་ལས། ཧེ་ཧེ་ཧེ་ཧེ་ཧེ། ཧེ་ཧེ་ཧེ་ཧེ་ཧེ། ཞེས་པས་ནི། ཡང་གོང་གི་སེམས་ཅན་དང་ཚུལ་མཐུན་པའི་སྲས། འཕགས་པའི་ལུས་ལ་སེམས་ཅན་གྱི་མགོ་བཏགས་པ་བཅུ་བྱུང་སྟེ། གོང་བཞིན་བཏུལ་ཏེ་བསྒྲལ་ནས་དམ་ལ་བཏགས་སོ། །དེ་ནས་ཡང་རྡོ་རྗེ་ཁྲོས་པའི་རྒྱལ་པོས། འགྲོ་བ་མཐའ་དག་གི་དོན་བྱ་བའི་ཕྱིར་ན། དོན་མཐུན་དང་དོན་སྤྱོད་དང་། སྦྱིན་པ་དང་སྙན་པའི་ཏིང་ངེ་འཛིན་ལ་ཞུགས་ཏེ། མ་ཆགས་ཐབས་ཀྱིས་རོལ་པ་ལས། ཛཿཧཱུྃ་བཾ་ཧོཿ། ཞེས་བསྐུལ་བས། ལྷ་མོ་པུ་ཤུད་ཀྱི་མགོ་དང་སྐྱེ་ག་དང་། སྲིན་བྱ་དང་། ཁྲ་ལ་སོགས་པའི་མགོ་ཅན་བཞི་འཐོན་ཏེ། གཞལ་ཡས་ཀྱི་སྒོ་བཞི་ལ་འཁོད་དེ། ཞི་བ་དང་། རྒྱས་པ་དང་། དབང་དང་། དྲག་པོ་ལ་སོགས་པས་དོན་མཛད་དེ། སྙིང་རྗེ་དང་། བྱམས་པ་དང་། དགའ་བ་དང་བཏང་སྙོམས་ཀྱི་ངང་དུ་གསལ་བར་མཛད་དོ། །དེ་ནས་ཡང་དམ་སྲི་དམར་པོ་ཆེན་པོ་ཞེས་བྱ་བ། གསང་སྔགས་ལ་སྐུར་པ་བཏབ་ཅིང་སྨད་པ་ལས་གྱུར་པ་ཞིག །སྔོན་གྱི་ལས་ཀྱི་དབང་གིས། སངས་རྒྱས་ཀྱི་བསྟན་པ་ལ་བར་ཆད་བྱེད་ཅིང་། འཚེ་བ་ལས། སངས་རྒྱས་མ་ལུས་པས། རྡོ་རྗེ་ཁྲོས་པ་ལ་བཀའ་སྩལ་པ། བཀའི་བསྒོ་བ་མཛད་པ། རྡོ་རྗེ་གསང་བའི་དོན་རྟོགས་པར་དཀའ་བ་ལས་ནི། སྡིག་ཆེན་དམ་སྲི་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། ། ― DNG022_Page_0059 ―
[མ་དཔེ་གཟིགས་ན་འདིར་གནོན།]
ཉོན་ཅིག་ལས་ཀྱི་དམ་སྲི་འདི། །ངེད་ཀྱི་བཀའ་ལས་ཁྱོད་མ་འདའ། །ཞེས་བསྐུལ་བས། རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས། དམ་སྲི་དེ་ལ་ཡེ་ཤེས་ཀྱི་མཚོན་གྱི་ཕུར་པས་མགོ་ལ་བརྒྱབ་སྟེ། མགོ་ཨ་རྫ་ཀའི་དོག་པ་བཞིན་དུ་བཀས་ཏེ། དེའི་ཚེ་ན་ཡང་གསང་བའི་སྙིང་པོ་འདི་འཐོན་ཏེ། ཨཱོཾ་བཛྲ་ཀཱི་ལི་ཀཱི་ལ་ཡ་དམ་སྲི་གཾ་པ་རི་བྷནྡྷ་བྷནྡྷ་ཧཱུྃ་ཕཊ། ཅེས་བསྒྲལ་བས་རྣམ་ཤེས་རྒྱལ་བའི་སྲས་སུ་བྱས། ཤ་རུས་དུར་ཁྲོད་ཀྱི་གཞལ་ཡས་ཁང་། དོན་སྙིང་དུར་ཁྲོད་ཀྱི་རྫས་ཀྱི་མཆོད་པ་རུ་རོལ། དེའི་སླས་མོ་དང་བུ་མོ་དང་མ་དང་སྲིང་མོ་ཆུང་མ་རྣམས་ནི། རྡོ་རྗེ་ཁྲོས་པ་ལ་པདྨའི་མདངས་ཕུལ་ཏེ། རྒྱལ་བའི་དམ་མནོས་ནས་ཕྱི་རབས་ཀྱི་ཚོགས་བསྐང་བར་དམ་བཅས་སོ། །དེ་ལྟར་དྲེགས་པ་ཅན་ཐམས་ཅད་བསྒྲལ་ཞིང་ཚར་བཅད་པ། དེའི་ཚེ་ན་ནི། འཇིགས་བྱེད་སྐྱོང་བའི་རྒྱལ་པོ་ཆེན་པོ་བཞིས་ཀྱང་འདི་སྐད་ཅེས་མནོས་ཏེ། དམ་ཆོས་གཞུང་སྤྱོད་རྣལ་འབྱོར་ལ། །དངོས་གྲུབ་བར་ཆད་བྱེད་པ་རྣམས། །ལྷ་འམ་འོན་ཏེ་བདུད་ཀྱང་རུང་། །མཐུ་དང་རྫུ་འཕྲུལ་མེད་པར་བྱའོ། །ཞེས་གསུངས་ཏེ། སྲིང་མོ་དང་བཅས་པས་དམ་མནོས་ནས། བསྟན་པ་སྐྱོང་བར་ཞལ་གྱིས་བཞེས་སོ། །རྡོ་རྗེ་ཁྲོས་པའི་རྒྱལ་པོས་ཀྱང་ལུང་ཕོག་སྟེ། དམ་ལས་འདས་ན་སྙིང་པོ་འདིས་ཁྱེད་ཉིད་ཀྱི་མཐུ་དང་རྫུ་འཕྲུལ་ཕྲོགས་ཏེ་བསྒྲལ་བར་དམ་བཅས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་ཨཱ་ན་ཡ་ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ། ཅེས་གསུངས་སོ། །དེའི་ཚེ་ན་དྲེགས་པའི་གཙོ་མོས་ཀྱང་རང་གི་སྙིང་པོ་འདི་བསྟབས་ཏེ་བསྟན་པ་བསྲུང་བར་དམ་བཅས་སོ། །མ་མ་པ་ཤཾ་ཀུ་རུ་ཧཱུྃ། ཟུར་ཆག ། མ་ཏཾ་ཛྙཱ་ཀ་ར་ཨི་དན་དྷ་ཏི་མ་མ་ཀརྨ་ཤཱི་གྷྲཾ་ཀཱ་ར་ཡ་ཞེས་བསྟབས་ཕུལ་ཏེ། ཕྱི་རབས་ཀྱི་ཚོགས་བསྐང་བར་བྱས་ནས། མཐུའི་བདག་ཉིད་དུ་མཚན་གསོལ་ལོ། །དེ་ནས་ཡང་བདུད་ནག་པོ་བཀྲག་མེད་ཀྱི་བུ་མོ་དང་། གཟའ་བི་ཏྲི་པ་ཏྲའི་བུ་མོ་དང་། བཙན་ཤུ་པོ་ལག་རིངས་ཀྱི་བུ་མོ་དང་། ཀླུ་འཇོག་པོའི་བུ་མོ་རྣམས་བསྒྲལ་ཞིང་སྦྱར་བར་དགོངས་ནས། རང་དམ་སྲོག་གི་སྙིང་པོ་བསྟབས་ཤིང་ཕུལ་ནས། ― DNG022_Page_0060 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཕུར་པའི་དམ་མནོས། ཨ་ཛི་ཏེ་ཡ། ཨ་པ་ར་ཛི་ཏེ་ཡ། ཛ་ཡེ་བི་ཛ་ཡེ། མཱ་ར་སཻ་ནཱ་པྲ་མརྡ་ན་ཡེ། ཟུར་ཆག ། ཞེས་པས་ཕྱི་རབས་ཀྱི་རྣལ་འབྱོར་པའི་ཐུགས་དམ་བསྐང་བར་བྱས་ཏེ། ས་བདག་ཆེན་མོར་མཚན་གསོལ་ལོ། །དེ་ནས་ཡང་འཇིག་རྟེན་ཕུང་བར་བྱེད་པ་སྟེ། ལྕགས་ཀྱི་ཁྱི་མོ་རལ་པ་ཅན་དང་། ལྕགས་ཀྱི་སྤྱང་མོ་མགོ་དགུ་དང་། ཟངས་ཀྱི་ཝ་མོ་རྐང་གསུམ་དང་། གསེར་གྱི་འཕར་བ་ལྕེ་བརྒྱད་མ་ལ་སོགས་པས། འགྲོ་བ་ཀུན་སྒྲོལ་ཞིང་ཟ་བ་ལས། བཅོམ་ལྡན་འདས་ཀྱིས་རྫུ་འཕྲུལ་གྱི་སྤྱན་གྱིས་གཟིགས་ནས། བསྒྲལ་བར་དགོངས་པས་སྲོག་སྙིང་ཕུལ་ཏེ་དམ་མནོས་སོ། །ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། མ་ཐ་མ་ཐ་བཛྲ་ཞེས་པས། ཕོ་ཉ་ཤྭ་ནར་མཚན་གསོལ་ལོ། །དེ་ལྟར་འཇིག་རྟེན་པའི་དྲེགས་པ་ཕོ་མོ། འཁོར་དང་བཅས་པ་རྣམས་རིམ་པས་བཏུལ་བསྒྲལ་སྦྱར་གནས་བསྟབས་དམ་ལ་བཏགས་པར་མཛད་དོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྡོ་རྗེ་ཁྲོ་བོ་རོལ་པས་མ་དད་པ་བཏུལ་བའི་ལེའུ་སྟེ་བཅུ་པའོ།། །།དེ་ནས་ཡང་རྡོ་རྗེ་འདུས་པའི་སྲས་མཆོག་དམ་པ་དེས། བཅོམ་ལྡན་འདས་ཁྲོས་པའི་སྲས་མཆོག་སྐུ་གསུང་ཐུགས་གཞོན་ནུ་འཁོར་དང་བཅས་པ་ལས་མཆོད་པ་བསྟབས་ཏེ། ཨཱོཾ་ཀཱི་ལི་ཀཱི་ལ་ཡ་ཀྲོ་ཏ་ཀྲོ་ཏཱི་ཧ་ཧེ་ཕཊ། དཱི་པ་དྷཱུ་པ་པུཥྤ་སུ་ཁ་གནྡྷ་ཨི་དཾ། ཨ་མྲྀ་ཏ་བ་ལིནྟ་རཀྟ་བོ་དྷི་ཙིཏྟ་ཧོ། ཞེས་པས་ཕྱི་དག་པའི་མཆོད་པ་དང་། ནང་ཁྱད་པར་གྱི་མཆོད་པ་དང་། གསང་བ་དགའ་བའི་མཆོད་པས་རྒྱུན་དུ་མངོན་པར་མཆོད་པའོ། །མཛད་སྤྱོད་ཀྱི་དོན་བསྡུས་པས། དཀྱིལ་འཁོར་གྱི་ལྷ་ལ་བསྟོད་པ་ནི། ཨེ་མ་ཧོ། བདུད་བཞི་བཅོམ་ནས་ཡོན་ཏན་དྲུག་ལྡན་ལ། །ཡོད་མེད་མཚན་མའི་དངོས་པོ་ཀུན་ལས་འདས། །དོན་དམ་ཐུགས་ནི་འདའ་དཀའ་ཤིན་ཏུ་གསང་། །གསང་བའི་གསང་སྔགས་མ་ལུས་ཀུན་གྱི་གཙོ། །ཐམས་ཅད་མ་ལུས་མངའ་བརྙེས་བདག་པོའི་སྐུ། །བཅོམ་ལྡན་གསང་བདག་རྡོ་རྗེ་ཁྲོས་པའི་སྐུ། །གསུང་ཐུགས་ ― DNG022_Page_0061 ―
[མ་དཔེ་གཟིགས་ན་འདིར་གནོན།]
གཞོན་ནུས་ཐམས་ཅད་མཁྱེན་མཛད་དེ། །སྟོན་པའི་བདག་ཉིད་དེ་ལ་ཕྱག་འཚལ་བསྟོད། །སྐྱེ་མེད་ཡེ་ཤེས་ངང་ལས་རྡོ་རྗེ་ཀཱི་ལ་ཡ། །ཞེ་སྡང་འབྱོངས་པས་དམྱལ་བའི་འཇིག་རྟེན་སྟོངས། །ཐུགས་ཀྱི་དམ་ཚིག་སྐོངས་ཏེ་རྡོ་རྗེའི་རིགས་ཀྱང་བརྙེས། །གསལ་ལ་མ་འདྲེས་མེ་ལོང་ཡེ་ཤེས་བརྙེས། །རྡོ་རྗེ་འདུས་པ་འཆང་བའི་སྐྱེས་བུ་ཉིད་ལ་ཡང་ཕྱག་འཚལ་བསྟོད། ༈ །འགགས་མེད་ངང་ལས་སངས་རྒྱས་ཀཱི་ལ་ཡ། །གཏི་མུག་འབྱོངས་པས་བྱོལ་སོང་འཇིག་རྟེན་སྟོངས། །སྐུ་ཡི་དམ་ཚིག་སྐོངས་ཏེ་དེ་བཞིན་གཤེགས་ཀྱང་བརྙེས། །དམིགས་སུ་མེད་པའི་ཡེ་ཤེས་ཆེན་པོ་བརྙེས། །སྐུ་མཆོག་དམ་པ་དེ་ལ་ཕྱག་འཚལ་བསྟོད། ༈ །གནས་མེད་ངང་ལས་རིན་ཆེན་ཀཱི་ལ་ཡ། །ང་རྒྱལ་འབྱོངས་པས་ལྷ་མིན་འཇིག་རྟེན་སྟོངས། །སྤྱི་ཡི་དམ་ཚིག་སྐོངས་ཏེ་རིན་ཆེན་རིགས་ཀྱང་བརྙེས། །ཀུན་ལ་སྙོམས་པའི་མཉམ་ཉིད་ཡེ་ཤེས་བརྙེས། །ཡོན་ཏན་དམ་པ་དེ་ལ་ཕྱག་འཚལ་བསྟོད། །དམིགས་མེད་ངང་ལས་པདྨ་ཀཱི་ལ་ཡ། །འདོད་ཆགས་འབྱོངས་པས་མི་ཡི་འཇིག་རྟེན་སྟོངས། །གསུང་གི་དམ་ཚིག་སྐོངས་ཏེ་པདྨའི་རིགས་ཀྱང་བརྙེས། །ཀུན་མཁྱེན་སོ་སོར་རྟོག་པའི་ཡེ་ཤེས་བརྙེས། །གསུང་མཆོག་དམ་པ་དེ་ལ་ཕྱག་འཚལ་བསྟོད། ༈ །འགྲོ་མེད་འོང་བ་མེད་པས་ལས་རབ་ཀཱི་ལ་ཡ། །ཕྲག་དོག་འབྱོངས་པས་ཡི་དྭགས་འཇིག་རྟེན་སྟོངས། །འཆལ་བར་དམ་སྐོངས་ལས་ཀྱི་རིགས་ཀྱང་བརྙེས། །དོན་གྲུབ་བྱ་བ་ནན་ཏན་ཡེ་ཤེས་བརྙེས། །ཕྲིན་ལས་དམ་པ་དེ་ལ་ཕྱག་འཚལ་བསྟོད། ༈ །ཨེ་མ་ཧོ། ཤེས་རབ་རང་བཞིན་དག་པ་ལས། །དབྱིངས་ཀྱི་རང་བཞིན་གྲུ་གསུམ་གསལ་བར་མཛད། །དབུས་ནས་བྱང་ཆུབ་སེམས་ཀྱིས་མཚན། །སྐྱེ་མེད་དོན་རྣམས་སྟོན་བྱེད་མ། །ཤེས་རབ་དབྱིངས་མ་དེ་ལ་ཕྱག་འཚལ་བསྟོད། ༈ །དངོས་མེད་དབྱིངས་ལས་དངོས་པོའི་ཚུལ་འཛིན་མ། །རྡོ་རྗེ་རིགས་ཀྱི་ཁྲོ་མཆོག་དཔལ་གྱི་ཡུམ། །ནམ་མཁའི་འབྱུང་བ་མི་དམིགས་རང་བཞིན་ངང་། །ཆོས་ཀྱི་དབྱིངས་ལ་ ― DNG022_Page_0062 ―
[མ་དཔེ་གཟིགས་ན་འདིར་གནོན།]
མངའ་བརྙེས་ཁྲོ་མོ་རྒྱལ། །རྡོ་རྗེ་རྒྱས་འདེབས་མ་ལ་ཕྱག་འཚལ་བསྟོད། །རྟོག་མེད་ངང་ལས་རྟོག་པའི་ཚུལ་འཛིན་ཅིང་། །སངས་རྒྱས་རིགས་ཀྱི་ཁྲོ་མཆོག་དཔལ་གྱི་ཡུམ། །ས་ཡི་འབྱུང་བ་མི་དམིགས་རང་བཞིན་ངང་། །གསལ་བའི་དབྱིངས་ལ་མངའ་བརྙེས་ཁྲོ་མོ་རྒྱལ། །རྡོ་རྗེ་འཁོར་ལོ་རྒྱས་འདེབས་མ་ལ་ཕྱག་འཚལ་བསྟོད། ༈ །མཚན་མེད་དབྱིངས་ལས་མཚན་མའི་ཚུལ་འཛིན་མ། །རིན་ཆེན་རིགས་ཀྱི་ཁྲོ་མཆོག་དཔལ་གྱི་ཡུམ། །མེ་ཡི་འབྱུང་བ་མི་དམིགས་རང་བཞིན་ངང་། །ཚ་བའི་དབྱིངས་ལས་མངའ་བརྙེས་ཁྲོ་མོ་རྒྱལ། །རིན་ཆེན་འཁོར་ལོ་རྒྱས་འདེབས་མ་ལ་ཕྱག་འཚལ་བསྟོད། ༈ །ཆད་མེད་དབྱིངས་ལས་ཆད་པའི་ཚུལ་འཛིན་ཅིང་། །པདྨ་རིགས་ཀྱི་ཁྲོ་མཆོག་དཔལ་གྱི་ཡུམ། །ཆུ་ཡི་འབྱུང་བ་མི་དམིགས་རང་བཞིན་ངང་། །པདྨ་འཁོར་ལོ་རྒྱས་འདེབས་མ་ལ་ཕྱག་འཚལ་བསྟོད། །རྨུགས་བྱེད་དབྱིངས་ལས་རྨུགས་པའི་ཚུལ་འཛིན་མ། །ལས་ཀྱི་རིགས་ཀྱི་ཁྲོ་མཆོག་དཔལ་གྱི་གཟུངས། །རླུང་གི་འབྱུང་བ་མི་དམིགས་རང་བཞིན་དང་། །གཡོ་བའི་དབྱིངས་ལས་མངའ་བརྙེས་ཁྲོ་མོ་རྒྱལ། །ལས་རབ་འཁོར་ལོ་རྒྱས་འདེབས་མ་ལ་ཕྱག་འཚལ་བསྟོད། །རོལ་པའི་སྟོབས་ལས་ཁྲོ་བོ་ཧཱུྃ་ཀཱ་ར། །ཚངས་པ་ཚར་བཅད་རྣམ་ཤེས་ཧཱུྃ་དུ་སྡུད། །སྐྱེ་ཤི་རྩད་གཅོད་སྟོང་ཉིད་ཡེ་ཤེས་སྙེམས་ཏེ་མོས་པའི་དབང་། །ཁྲོ་རྒྱལ་ཧཱུྃ་ཀཱ་ར་ལ་ཕྱག་འཚལ་བསྟོད། །བཟློག་པའི་སྟོབས་ལས་ཁྲོ་བོ་རྣམ་པར་རྒྱལ། །བརྒྱ་བྱིན་ཚར་བཅད་མ་བྱིན་ལེན་པ་སྤངས། །མཐའ་གཉིས་རྒྱལ་བས་མེ་ལོང་ཡེ་ཤེས་སྙེམས་ཏེ་སེམས་པའི་དབང་། །ཁྲོ་རྒྱལ་རྣམ་པར་རྒྱལ་ལ་ཕྱག་འཚལ་བསྟོད། །འཇོམས་པའི་སྟོབས་ལས་ཁྲོ་བོ་དབྱུག་སྔོན་ཅན། །མེ་ལྷ་ཚར་བཅད་ལོག་ལྟ་དབང་དུ་སྡུད། །འཁོར་བའི་བག་ཆགས་བཅོམ་སྟེ་ཡེ་ཤེས་སྙེམས་ཏེ་ཡེ་ཤེས་ལ་ཡང་དབང་། །ཁྲོ་རྒྱལ་དབྱུག་སྔོན་ཅན་ལ་ཕྱག་འཚལ་བསྟོད། །འཇིགས་བྱེད་སྟོབས་ལས་ཁྲོ་བོ་གཤིན་རྗེ་གཤེད། །གཤིན་རྗེ་ཚར་བཅད་སྲོག་གཅོད་དབང་དུ་སྡུད། ། ― DNG022_Page_0063 ―
[མ་དཔེ་གཟིགས་ན་འདིར་གནོན།]
འཆི་བདག་བདུད་བཅོམ་མཉམ་ཉིད་ཡེ་ཤེས་བརྙེས། །ཚེ་ལ་དབང་མཛད་ཁྲོ་རྒྱལ་གཤིན་རྗེ་གཤེད་ལ་བསྟོད། །གཞོན་ཚུལ་སྟོབས་ལས་ཁྲོ་བོ་མི་གཡོ་མགོན། །སྲིན་པོ་ཚར་བཅད་ཕྲ་མ་དབང་དུ་སྡུད། །རྟག་ཆད་མཐར་མ་གཡོས་པས་མཐའ་བྲལ་ཡེ་ཤེས་བརྙེས། །ཚེ་ལ་དབང་མཛད་ཁྲོ་རྒྱལ་མི་གཡོ་མགོན་ལ་བསྟོད། །བརྗིད་པའི་སྟོབས་ལས་ཁྲོ་མཆོག་རྟ་མཆོག་དཔལ། །ཆུ་ལྷ་ཚར་བཅད་འདོད་གཡེམས་དབང་དུ་སྡུད། །རྒྱུ་འབྲས་རིམ་པར་ཕྱེ་སྟེ་ཀུན་རྟོག་ཡེ་ཤེས་བརྙེས། །ཆོས་ལ་དབང་བའི་ཁྲོ་རྒྱལ་རྟ་མཆོག་དཔལ་ལ་ཕྱག་འཚལ་བསྟོད། ༈ །ཤུགས་འཆང་སྟོབས་ལས་ཁྲོ་བོ་གཞན་མི་ཐུབ། །རླུང་ལྷ་ཚར་བཅད་ངག་འཁྱལ་དབང་དུ་སྡུད། །གཞན་གྱི་མཐུ་བཅོམ་མ་འདྲེས་ཡེ་ཤེས་སྙེམས་ཏེ་ཡོ་བྱད་དབང་། །ཁྲོ་རྒྱལ་གཞན་གྱིས་མི་ཐུབ་པ་ལ་ཕྱག་འཚལ་བསྟོད། །གཟིར་བའི་སྟོབས་ལས་ཁྲོ་བོ་བདུད་རྩི་འཁྱིལ། །གནོད་སྦྱིན་ཚར་བཅད་ངག་རྩུབས་དབང་དུ་སྡུད། །བདུད་ལ་རྩི་བཏང་ནན་ཏན་ཡེ་ཤེས་སྙེམས། །ལས་ལ་དབང་མཛད་ཁྲོ་རྒྱལ་བདུད་རྩི་འཁྱིལ་ལ་བསྟོད། །གནོན་པའི་སྟོབས་ལས་ཁྲོ་བོ་ཁམས་གསུམ་རྣམ་པར་རྒྱལ། །འབྱུང་པོ་ཚར་བཅད་གནོད་སེམས་དབང་དུ་སྡུད། །ཁམས་གསུམ་ལས་རྒྱལ་དོན་ཡོད་ཡེ་ཤེས་སྙེམས། །སྨོན་ལམ་དབང་མཛད་ཁྲོ་བོ་ཁམས་གསུམ་རྣམ་པར་རྒྱལ་ལ་བསྟོད། །འདེགས་པའི་སྟོབས་ལས་ཁྲོ་རྒྱལ་སྟོབས་པོ་ཆེ། །ས་བདག་ཚར་བཅད་ཚིག་བརླང་དབང་དུ་སྡུད། །ཁམས་གསུམ་སྐུ་གསུང་ཐུགས་སུ་སྟོབས་ཏེ་ཆེ་བའི་ཡེ་ཤེས་བརྙེས། །རྫུ་འཕྲུལ་ལ་དབང་ཁྲོ་རྒྱལ་སྟོབས་པོ་ཆེ་ལ་བསྟོད། །ཡེ་ཤེས་ཕ་རོལ་ཕྱིན་པས་ཁྲོ་མོ་སྒྲ་འབྱིན་མ། །ཚངས་པའི་ཆུང་མ་ཚར་བཅད་མ་རིག་སྐྱོན་ཀྱང་སེལ། །སྟོང་ཉིད་དབྱིངས་ལས་ཆོས་ཉིད་སྒྲ་སྒྲོགས་ཏེ། །ཁྲོ་མོ་སྒྲ་འབྱིན་མ་ལ་བསྟོད། །སྦྱིན་པའི་ཕ་རོལ་ཕྱིན་པས་ཡེ་ཤེས་རྣམ་སྙེམས་མ། །བརྒྱ་བྱིན་མོ་ནི་ཚར་བཅད་ཞེན་བའི་སྐྱོན་ཀྱང་སེལ། །སྐྱེ་བ་མེད་པའི་དབྱིངས་ལས་དོན་བརྙེས་ཏེ། །ཁྲོ་མོ་རྣམ་སྙེམས་མ་ལ་བསྟོད། །བསམ་ ― DNG022_Page_0064 ―
[མ་དཔེ་གཟིགས་ན་འདིར་གནོན།]
གཏན་ཕ་རོལ་ཕྱིན་པས་རྡོ་རྗེ་སྡེར་མོ་ལ། །མེ་ལྷ་མོ་ནི་ཚར་བཅད་ཤེས་བཞིན་སྐྱོན་ཡང་སེལ། །རང་བཞིན་མེད་པའི་རྗེས་སུ་ཁམས་གསུམ་ཐུགས་རྗེས་གཟུང་། །ཁྲོ་མོ་སྡེར་མོ་མ་ལ་བསྟོད། །ཚུལ་ཁྲིམས་ཕ་རོལ་ཕྱིན་པས་ཁྲོ་མོ་དུར་ཁྲོད་མ། །གཤིན་རྗེའི་ཆུང་མ་ཚར་བཅད་གཡེང་བའི་སྐྱོན་ཡང་སེལ། །མི་དམིགས་དབྱིངས་སུ་དངོས་པོའི་མཚན་མ་བསྡུས། །ཁྲོ་མོ་དུར་ཁྲོད་མ་ལ་བསྟོད། །བཟོད་པའི་ཕ་རོལ་ཕྱིན་ལས་ཁྲོ་མོ་གཏུན་ཁུང་མ། །སྲིན་མོ་ཚར་བཅད་འཆལ་པའི་སྐྱོན་ཡང་སེལ། །མཚན་མ་མེད་པས་འཁོར་བའི་བག་ཆགས་བཅོམ། །ཁྲོ་མོ་གཏུན་ཁུང་མ་ལ་བསྟོད། །བརྩོན་འགྲུས་ཕ་རོལ་ཕྱིན་པས་རྡོ་རྗེ་གཏུམ་མོ་སྟེ། །ཆུ་ལྷ་མོ་ནི་ཚར་བཅད་ལེ་ལོ་དབང་དུ་སྡུད། །ཆོས་ཉིད་དག་པའི་དབྱིངས་ཀྱིས་འགྲོ་བའི་དོན་ལ་གཏུམ། །ཁྲོ་མོ་གཏུམ་མོ་དེ་ལ་བསྟོད། །ཤེས་རབ་ཕ་རོལ་ཕྱིན་ལས་རྡོ་རྗེ་མདའ་སྙེམས་མ། །རླུང་ལྷ་མོ་ནི་ཚར་བཅད་རྨོངས་པ་སེལ། །དག་པའི་དབྱིངས་ཀྱིས་ཉོན་མོངས་གནད་དུ་བརྡེག །ཁྲོ་མོ་མདའ་སྙེམས་མ་ལ་བསྟོད། །ཐབས་ཀྱི་ཕ་རོལ་ཕྱིན་ལས་ཁྲོ་མོ་རྡོ་རྗེ་རླུང་འབྱིན་མ། །གནོད་སྦྱིན་མོ་ནི་ཚར་བཅད་སྐུར་པའི་སྐྱོན་ཡང་སེལ། །གསལ་ཞིང་གཡོ་བའི་དབྱིངས་ཀྱིས་བག་ཆགས་སུན་འབྱིན་མ། །ཁྲོ་མོ་རླུང་འབྱིན་མ་ལ་བསྟོད། །སྟོབས་ཀྱི་ཕ་རོལ་ཕྱིན་ལས་ཁྲོ་མོ་གསོད་མ་སྟེ། །དབང་ལྡན་མོ་ནི་ཚར་བཅད་ཁོང་ཁྲོའི་སྐྱོན་ཡང་སེལ། །རྟོག་མེད་སྒྲོལ་བའི་དབྱིངས་སུ་སྒྲིབ་པའི་བག་ཆགས་བསད། །ཁྲོ་མོ་གསོད་མ་དེ་ལ་བསྟོད། །སྨོན་ལམ་ཕ་རོལ་ཕྱིན་ལས་རྡོ་རྗེ་བསྐྱོད་མ་སྟེ། །ས་བདག་ཚར་བཅད་རྩོད་མ་དགའ་བའི་སྐྱོན་ཡང་སེལ། །གཡོས་པ་ཆེན་པོའི་སེམས་ཀྱིས་མི་དགེའི་སྐྱོན་བསྐྱོད་དེ། །ཁྲོ་མོ་བསྐྱོད་མ་དེ་ལ་ཕྱག་འཚལ་བསྟོད། །རྟོག་འཇོམས་ཆེན་པོའི་ཏིང་འཛིན་ལས། །ཕྲ་མེན་ཕོ་ཉ་ཕག་གི་མགོ། །རྨུགས་པ་ལས་བྱུང་ཚངས་པའི་བུ་ཕོ་དང་། །ཤེས་རབ་མ་ཡིན་གསལ་བར་བྱེད། །ཁྲོ་ཆུང་ཕག་གི་མགོ་ལ་བསྟོད། །དཔའ་གཏུམ་ཆེན་ ― DNG022_Page_0065 ―
[མ་དཔེ་གཟིགས་ན་འདིར་གནོན།]
པོའི་ཏིང་འཛིན་ལས། །ཕྲ་མེན་ཕོ་ཉ་སྟག་གི་མགོ། །བདེན་མེད་བརྒྱ་བྱིན་བུ་དང་རྣམ་སྨིན་བདེ་ལ་བཙུད། །ཁྲོ་ཆུང་སྟག་གི་མགོ་ལ་བསྟོད། །རྫིས་ཚོར་སྤོང་བའི་ཏིང་འཛིན་ལས། །ཕྲ་མེན་ཕོ་ཉ་གཡག་གི་མགོ། །གསལ་བྱེད་མེ་ལྷའི་བུ་དང་། །ཚུལ་བཞིན་མ་ཡིན་དོན་དང་བསྟུན། །ཁྲོ་ཆུང་གཡག་གི་མགོ་ལ་བསྟོད། །དུས་འཇུག་ཆེན་པོའི་ཏིང་འཛིན་ལས། །ཕྲ་མེན་མ་སྟེ་ཤ་བའི་མགོ། །ཆགས་པ་ལས་བྱུང་གཤིན་རྗེའི་བུ་ཕོ་དང་། །བདེན་པ་མ་ཡིན་སེལ་བར་བྱེད། །ཁྲོ་ཆུང་ཤ་བའི་མགོ་ལ་བསྟོད། །སྤྱོད་རྫོགས་ཆེན་པོའི་ཏིང་འཛིན་ལས། །ཕྲ་མེན་ཕོ་ཉ་གཟིག་གི་མགོ། །གཉིས་ཀ་མ་ཡིན་ལས་བྱུང་སྲིན་པོའི་བུ་ཕོ་དང་། །མ་རྟོགས་པ་ནི་ཡིད་ཆེས་པས། །ཁྲོ་ཆུང་གཟིག་མགོ་དེ་ལ་བསྟོད། །ཐབས་མཁས་ཆེན་པོའི་ཏིང་འཛིན་ལས། །ཕྲ་མེན་ཕོ་ཉ་བྱི་ལའི་མགོ། །གཡོ་ལས་གྱུར་པའི་ཆུ་ལྷའི་བུ་ཕོ་དང་། །བརྩོན་འགྲུས་མ་ཡིན་དོན་དང་ལྡན། །ཁྲོ་ཆུང་བྱི་ལའི་མགོ་ལ་བསྟོད། །ཟ་བྱེད་ཆེན་པོའི་ཏིང་འཛིན་ལས། །ཕྲ་མེན་ཕོ་ཉ་སྤྱང་ཀིའི་མགོ། །ཚུལ་ཉམས་ལས་བྱུང་རླུང་ལྷ་ཡི། །བུ་དང་ཁ་ན་མ་ཐོ་མེད་པར་བྱེད། །ཁྲོ་ཆུང་སྤྱང་ཀིའི་མགོ་ལ་བསྟོད། །རིགས་བཙུན་ཆེན་པོའི་ཏིང་འཛིན་ལས། །ཕྲ་མེན་མ་སྟེ་སེང་གེའི་མགོ། །མི་དགེ་ལས་བྱུང་གནོད་སྦྱིན་བུ་ཕོ་དང་། །དགེ་འཕེལ་མ་ཡིན་རྒྱས་པར་བྱེད། །ཁྲོ་ཆུང་སེང་གེའི་མགོ་ལ་བསྟོད། །ཟ་བྱེད་ཆེན་པོའི་ཏིང་འཛིན་ལས། །ཕྲ་མེན་ཕོ་ཉ་དྲེད་ཀྱི་མགོ། །ལས་ལོག་ལས་བྱུང་འབྱུང་པོའི་བུ་ཕོ་དང་། །རང་བཞིན་མེད་པར་མི་ཤེས་འབྲས་བུར་ཆེ། །ཁྲོ་ཆུང་དྲེད་ཀྱི་མགོ་ལ་བསྟོད། །མྱོས་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་དོམ་གྱི་མགོ། །མྱོས་བྱེད་ལས་བྱུང་ས་བདག་བུ་དང་གཉིད་སེལ་ཏེ། །ཁྲོ་ཆུང་དོམ་གྱི་མགོ་ལ་ཕྱག་འཚལ་བསྟོད། །མི་འགྱུར་ཆེན་པོའི་ཏིང་འཛིན་ལས། །ཕྲ་མེན་མ་སྟེ་སྨིག་བུའི་མགོ། །ཆགས་པ་ལས་བྱུང་ཚངས་པའི་བུ་མོ་དང་། །སེམས་རྒོད་པ་ནི་ཞི་བར་བྱེད། །ཁྲོ་མོ་ ― DNG022_Page_0066 ―
[མ་དཔེ་གཟིགས་ན་འདིར་གནོན།]
སྨིག་བུའི་མགོ་ལ་བསྟོད། །ཐོགས་མེད་ཆེན་པོའི་ཏིང་འཛིན་ལས། །ཕྲ་མེན་བྱ་སྟེ་བྱ་རྒོད་མགོ། །ཡིད་གཡོ་ལས་བྱུང་བརྒྱ་བྱིན་བུ་མོ་དང་། །འདུ་བྱེད་སེམས་པས་དབང་དུ་སྡུད། །ཁྲོ་མོ་བྱ་རྒོད་མགོ་ལ་བསྟོད། །གསལ་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་བྱ་རོག་མགོ། །ཕྲག་དོག་ལས་བྱུང་མེ་ལྷའི་བུ་མོ་དང་། །དགེ་ལ་མི་འཇུག་སྐུལ་བར་བྱེད། །ཁྲོ་མོ་བྱ་རོག་མགོ་ལ་བསྟོད། །མཐོང་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་འུག་པའི་མགོ། །རྩོད་པ་ལས་བྱུང་གཤིན་རྗེའི་བུ་མོ་དང་། །ཚིག་བརླངས་པོ་ནི་དབང་དུ་སྡུད། །ཁྲོ་མོ་འུག་པའི་མགོ་ལ་བསྟོད། །ཐལ་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་ཁྭ་ཡི་མགོ། །ལེ་ལོ་ལས་བྱུང་སྲིན་པོའི་བུ་མོ་དང་། །བག་མེད་པ་ནི་རྗེས་སུ་བསྐུལ། །ཁྲོ་མོ་ཁྭ་ཡི་མགོ་ལ་བསྟོད། །བཀྲ་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་པུ་ཤུད་མགོ། །སྤྱོད་འཆལ་ལས་བྱུང་ཆུ་ལྷའི་བུ་མོ་དང་། །བརླངས་པོ་སྤྱོད་པ་དགེ་བར་སྤྱོད། །ཁྲོ་མོ་པུ་ཤུད་མགོ་ལ་བསྟོད། །སྒྲིབ་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་ཁྲ་ཡི་མགོ། །ཚུལ་ཁྲིམས་འཆལ་པ་ལས་བྱུང་རླུང་ལྷའི་བུ་མོ་དང་། །ཁྲེལ་མེད་པ་ནི་ཆོས་ཉིད་ངང་དུ་བཅོམ། །ཁྲོ་མོ་ཁྲ་ཡི་མགོ་ལ་བསྟོད། །གསོ་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་ཕ་ཝང་མགོ། །འཚོ་བ་ལས་བྱུང་གནོད་སྦྱིན་བུ་མོ་དང་། །ལོག་པས་འཚོ་བ་དང་དུ་ལེན། །ཁྲོ་མོ་ཕ་ཝང་མགོ་ལ་བསྟོད། །བཙལ་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་སྲེ་མོའི་མགོ། །བདག་འཛིན་ལས་བྱུང་དབང་ལྡན་བུ་མོ་དང་། །སེམས་གཡེང་རྒོད་པ་ཞི་བར་མཛད། །ཁྲོ་མོ་ཟེར་མོང་མགོ་ལ་བསྟོད། །འགུགས་བྱེད་ཆེན་པོའི་ཏིང་འཛིན་ལས། །ཕྲ་མེན་མ་སྟེ་བྱི་བའི་མགོ། །ཉོན་མོངས་མཚུངས་ལྡན་ས་བདག་བུ་མོ་དང་། །གཡོ་དང་སྒྱུ་ནི་མི་གནས་ཏེ། །ཁྲོ་མོ་བྱི་བའི་མགོ་ལ་བསྟོད། །དོན་མཐུན་ལས་བྱུང་ལྷ་མོ་ལྕགས་ཀྱུ་མ། །ཞི་བས་དོན་མཛད་ཚད་མེད་སྙིང་རྗེ་བརྙེས། །དེ་བཞིན་རིགས་ཀྱི་མངག་གཞུག་མ། ། ― DNG022_Page_0067 ―
[མ་དཔེ་གཟིགས་ན་འདིར་གནོན།]
ལྷ་མོ་པུ་ཤུད་མགོ་ལ་བསྟོད། །དོན་སྤྱོད་ལས་བྱུང་ལྷ་མོ་ཞགས་པ་མ། །རྒྱས་པས་དོན་མཛད་ཚད་མེད་བྱམས་པས་བརྙེས། །རིན་ཆེན་རིགས་ཀྱི་མངག་གཞུག་མ། །ཁྲོ་མོ་སྐྱེ་ཀའི་མགོ་ལ་བསྟོད། །སྦྱིན་པ་ལས་བྱུང་སྣ་ཚོགས་སྒྲ་སྒྲོགས་མ། །དབང་དུ་སྤྱོད་པས་ཚད་མེད་དགའ་བ་བརྙེས། །པདྨ་རིགས་ཀྱི་ཕོ་ཉ་ལས་མཁན་མ། །ལྷ་མོ་སྲིན་བྱའི་མགོ་ལ་བསྟོད། །སྙན་པ་ལས་བྱུང་ལྷ་མོ་དྲིལ་འཁྲོལ་མ། །དྲག་ཤུལ་སྤྱོད་པས་ཚད་མེད་བཏང་སྙོམས་བརྙེས། །ལས་ཀྱི་རིགས་ཀྱི་མངག་གཞུག་མ། །གསང་བའི་ཕོ་ཉ་ཁྲ་ཡི་མགོ་ལ་ཕྱག་འཚལ་བསྟོད། །དེ་ནས་ཡང་གསང་བ་སྔགས་ཀྱི་དོན་གསོལ་བ་ནི། ཀྱེ་མ་ཧོ་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ་མི་བཟད་རྒྱན་གྱི་འཁོར་ལོ་དེའི། གསང་བའི་སྔགས་རྣམས་བཤད་དུ་གསོལ། ཞེས་གསོལ་པའི་དོན་ཐུགས་སུ་ཆུད་དེ། བཅོམ་ལྡན་འདས་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས། དཀྱིལ་འཁོར་གྱི་ལྷ་རྣམས་ཀྱི་གསང་སྔགས་འདི་རྣམས་ཆེད་དུ་བརྗོད་དེ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཧཱུྃ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། ཨཱོཾ་བུཌྜྷ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། ཏྲཾ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། ཧྲཱྀཿཔདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། ཧ་ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། ཨཱོཾ་བཛྲ་དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། ཨཱོཾ་བཛྲ་ཀྲོ་ཏཱི་དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། ཨཱོཾ་བུཌྜྷ་ཀྲོ་ཏཱི་དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། ཏྲཱཾ་རཏྣ་ཀྲོ་ཏཱི་དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། ཧྲཱྀཿཔདྨ་ཀྲོ་ཏཱི་དཱིཔྟ་ཙཀྲ་ཧཱུྃ་ཕཊ། ཧ་ཀརྨ་ཀྲོ་ཏཱི་དཱིཔྟ་ཙཀྲ་ཧཱུྃ་ཕཊ། ཨཱོཾ་བཛྲ་ཀྲོ་ཏ་ཧཱུྃ་ཀཱ་ར་ཧཱུྃ། གརྫ་གརྫ་ཧཱུྃ་ཕཊ། ཨཱོཾ་བཛྲ་ཀྲོ་ཏ་བི་ཛ་ཡ་ཧཱུྃ། ཧ་ན་ཧ་ན་ཧཱུྃ་ཕཊ། ཨཱོཾ་བཛྲ་ཀྲོ་ཏ་ནཱི་ལ་དཎྜ་ཧཱུྃ་ཕཊ། ད་ཧ་ད་ཧ་ཧཱུྃ་ཕཊ། ཨཱོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ། པ་ཙ་པ་ཙ་ཧཱུྃ་ཕཊ། ཨཱོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུྃ། བནྡྷ་བནྡྷ་ཧཱུྃ་ཕཊ། ཨཱོཾ་བཛྲ་ཀྲོ་ཏ་ཧ་ཡ་གྲཱི་བ་ཧཱུྃ། ཧུ་ལུ་ཧུ་ལུ་ཧཱུྃ་ཕཊ། ཨཱོཾ་བཛྲ་ཀྲོ་ཏ་ཨ་པ་ར་ཛི་ཏ་ཧཱུྃ། ཏིཥྛ་ཏིཥྛ་ཧཱུྃ་ཕཊ། ཟུར་ཆག ། ཨཱོཾ་བཛྲ་ཀྲོ་ཏ་ཨ་མྲི་ཏ་ཀུཎྜ་ལི་ཧཱུྃ། ཙྪིནྡྷ་ཙྪིནྡྷ་ཧཱུྃ་ཕཊ། ཨཱོཾ་བཛྲ་ ― DNG022_Page_0068 ―
[མ་དཔེ་གཟིགས་ན་འདིར་གནོན།]
ཀྲོ་ཏ་ཏྲཻ་ལོཀྱ་བི་ཛ་ཡ་ཧཱུྃ། བིནྡྷ་བིནྡྷ་ཧཱུྃ་ཕཊ། ཨཱོཾ་བཛྲ་ཀྲོ་ཏ་མ་ཧཱ་བ་ལ་ཧཱུྃ། སྥོ་ཊ་ཡ་སྥོ་ཊ་ཡ་ཧཱུྃ་ཕཊ། ཨཱོཾ་བཛྲ་ཀྲོ་ཏཱི་དཱི་པ་ཡ་ཏི་ཧཱུྃ་ཕཊ། ཨཱོཾ་བཛྲ་ཀྲོ་ཏཱི་ལཱ་སེ་ཀི་ཧཱུྃ་ཕཊ། ཨཱོཾ་བཛྲ་ཀྲོ་ཏཱི་ཏཱེ་ཏཱ་ཧཱུྃ་ཕཊ། ཨཱོཾ་བཛྲ་ཀྲོ་ཏཱི་སྟན་པ་ཏི་ཧཱུྃ་ཕཊ། ཨཱོཾ་བཛྲ་ཀྲོ་ཏི་མུ་ས་ལཱི་ཧཱུྃ་ཕཊ། ཨཱོཾ་བཛྲ་ཀྲོ་ཏཱི་ཛ་ཡ་ཏི་ཧཱུྃ་ཕཊ། ཨཱོཾ་བཛྲ་ཀྲོ་ཏཱི་ཤ་བྱ་ཏི་ཧཱུྃ་ཕཊ། ཨཱོཾ་བཛྲ་ཀྲོ་ཏཱི་ས་བྱཾ་མི་ཏ་ཧཱུྃ་ཕཊ། ཨཱོཾ་བཛྲ་ཀྲོ་ཏི་མ་ར་ཎཱི་ཧཱུྃ་ཕཊ། ཨཱོཾ་བཛྲ་ཀྲོ་ཏི་ཙུནྡ་ཡ་ཏེ་ཧཱུྃ་ཕཊ། ཧ་བཛྲ་སཱུ་ཀ་ར་མུ་ཁ་ཧཱུྃ་ཕཊ། ཧ་བཛྲ་བྱཱ་གྷྲ་མུ་ཁ་ཧཱུྃ་ཕཊ། ཧ་བཛྲ་ཙ་མ་ར་མུ་ཁ་ཧཱུྃ་ཕཊ། ཧ་བཛྲ་ཧ་རི་ཎ་མུ་ཁ་ཧཱུྃ་ཕཊ། ཧ་བཛྲ་དི་པཱི་མུ་ཁ་ཧཱུྃ་ཕཊ། ཧ་བཛྲ་པི་ཌཱ་ལ་མུ་ཁ་ཧཱུྃ་ཕཊ། ཧ་བཛྲ་ཤྭ་ན་མུ་ཁ་ཧཱུྃ་ཕཊ། ཧེ་བཛྲ་སེངྷ་མུ་ཁ་ཧཱུྃ་ཕཊ། ཧེ་བཛྲ་ཏཀྵུ་མུ་ཁ་ཧཱུྃ་ཕཊ། ཧེ་བཛྲ་རྀཀྵ་མུ་ཁ་ཧཱུྃ་ཕཊ། ཧེ་བཛྲ་ཨུ་སེ་ཀ་མུ་ཁཱི་ཧཱུྃ་ཕཊ། ཧེ་བཛྲ་གྲྀ་མུ་ཁཱི་ཧཱུྃ་ཕཊ། ཧེ་བཛྲ་དྲོ་ཎ་མུ་ཁཱི་ཧཱུྃ་ཕཊ། ཧེ་བཛྲ་ཨུ་ལཱུ་ཀ་མུ་ཁཱི་ཧཱུྃ་ཕཊ། ཧེ་བཛྲ་ཀཱ་ཀ་མུ་ཁཱི་ཧཱུྃ་ཕཊ། ཧེ་བཛྲ་བཀྵ་ཏི་མུ་ཁཱི་ཧཱུྃ་ཕཊ། ཧེ་བཛྲ་པ་ཏཱི་མུ་ཁཱི་ཧཱུྃ་ཕཊ། ཧེ་བཛྲ་ཏི་ཏཱི་ལ་མུ་ཁཱི་ཧཱུྃ་ཕཊ། ཧེ་བཛྲ་བ་ཀུ་ལ་མུ་ཁཱི་ཧཱུྃ་ཕཊ། ཧེ་བཛྲ་ཀ་སི་ཀ་མུ་ཁཱི་ཧཱུྃ་ཕཊ། ཛཿབཛྲ་བྷཻ་ར་བེ་ཧཱུྃ་ཕཊ། ཧཱུྃ་བཛྲ་རཏྣ་བག་ཤ་ཏ་ཧཱུྃ་ཕཊ། བཾ་བཛྲ་ཨ་མྲྀ་ཏ་ཧཱུྃ་ཕཊ། ཧོཿབཛྲ་མ་ར་ཎ་ཧཱུྃ་ཕཊ། ཅེས་རྩ་བའི་ལྷ་རྣམས་ཀྱི་མ་ནོར་བའི་རྩ་བའི་སྔགས་དང་། བསྐྱེད་པ་རྐྱེན་གྱི་སྔགས་དང་། བསྐུལ་བ་ལས་ཀྱི་སྔགས་རྣམས་ཆེད་དུ་བརྗོད་དོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། དཀྱིལ་འཁོར་རྒྱས་པར་བསྟན་པ་ལས། སྡུད་པ་པོས་མཆོད་ཅིང་བསྟོད་ནས། གསང་སྔགས་ཀྱི་དོན་ཞུས་པ་དང་། དེའི་ལན་རྒྱས་པར་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས། བཅོམ་ལྡན་འདས་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ་ལ། རྨད་དུ་བྱུང་བའི་གླུ་སྣ་ཚོགས་པས་མངོན་པར་མཆོད་ནས། མ་དད་པའི་སེམས་ཅན་ཆེན་པོ་དེ་དག་ལ། དེ་ལྟ་བུའི་མཛད་སྤྱོད་བསྟན་པ། ཨེ་ ― DNG022_Page_0069 ―
[མ་དཔེ་གཟིགས་ན་འདིར་གནོན།]
མ་ཧོ་ངོ་མཚར་ཡ་མཚན་ཅན་ནོ། །དེའི་རྗེས་སུ་འཇུག་པའི་གང་ཟག་དང་ནི་གནས། །འཁོར་དང་ཕུར་པ་ཡོ་བྱད་དུས་ཚོད་རྣམས། །དཔའ་བོ་ཁྱོད་ཀྱིས་བཤད་དུ་གསོལ། །ཞེས་གསོལ་པས། རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས་གསོལ་བའི་དོན་ཐུགས་སུ་ཆུད་ནས། ཁྲོས་པས་བཀའ་སྩལ་པ། ཉོན་ཅིག་རྡོ་རྗེ་འདུས་པའི་སྲས། །རྣལ་འབྱོར་དོན་ཞུས་ཡ་མཚན་ཆེའོ། །ཨེ་མ་ཧོ་ཉོན་ལ་ཡིད་ལ་ཟུང་། །གང་ཟག་སྒྲུབ་པའི་མཚན་ཉིད་ནི། །རིགས་བཟང་ཀུན་གྱིས་བཀུར་ཞིང་ཀུན་ལ་མཛེས། །དབྱིབས་ལེགས་གསང་བ་ཉོན་མོངས་ཆུང་། །ལོངས་སྤྱོད་ལྡན་ཞིང་སྒོ་ཡང་སྤྱོད་པ་མཛེས། །གང་གི་ལས་ལ་མ་རྨོངས་བཟོ་བའི་བྱེ་བྲག་ཕྱེད། །ཕྱི་ནང་སྡེ་སྣོད་ཐམས་ཅད་ལ། །ཐོས་བསམ་བསྒོམས་ལ་རབ་སྦྱངས་པའི། །ལས་སུ་དགེ་བཅུ་ལྡན་ཞིང་ཆོས་སྤྱོད་ཚད་མེད་ངང་ལ་གནས། །བསྟན་པའི་རྒྱ་མཚོ་འདུལ་ཁྲིམས་སྡོམ་པ་ཡི། །ངང་ལ་གནས་ཏེ་དམ་ཚིག་བསྲུང་། །བླ་མེད་ཐེག་པ་རྣམ་གསུམ་ལ། །བྱེ་བྲག་སྒྲུབ་པའི་ཉམས་དྲོད་ལྡན། །དཀྱིལ་འཁོར་མཚན་ཉིད་ཕྲིན་ལས་བྱེ་བྲག་ཕྱེད། །ཏིང་འཛིན་ལས་སུ་རུང་བའི་དྲོད་ཚད་རྟགས་མཐོང་བའི། །དབང་གི་རིམ་པ་མ་ལུས་རྫོགས་པ་ཡི། །དེ་ལྟར་ལྡན་པ་རྡོ་རྗེ་བླ་མ་ཡིན། །དེ་ཡི་ཕྱི་བཞིན་བེའུ་ལྟར་འདྲེང་། །དེ་དང་མི་ལྡན་སྐྱོན་དུ་གྱུར་པའི་བླ་མ་ནི། །གསང་སྔགས་སྤྱད་དཀའ་འབྲས་བུ་བླ་མ་ལ་ལྟོས་པས། །ཐོ་ཅོ་རས་ཆོད་གཟུ་ལུམས་མ་ཡིན་པར། །ཐབས་ཀྱི་རིམ་པས་སྤང་བར་བྱའོ། །གནས་ཀྱི་རིམ་པ་བསྟན་པ་ནི། །གནོད་སྦྱིན་མོ་ཡིས་སྦར་རྗེས་སམ། །གནོད་སྦྱིན་མཚོན་ཆས་བཤས་རྗེས་སམ། །ཀླུ་བདུད་དག་གི་རྒྱུ་སྲང་ངམ། །རྟེན་དང་འབྲལ་བའི་ཡ་ག་ཅན། །རྣལ་འབྱོར་བསམ་པས་སྤང་བར་བྱའོ། །སྤངས་ན་དངོས་གྲུབ་མྱུར་བར་བཤད། །མ་སྤངས་ནམ་ཕུགས་རང་ལ་གནོད། །སྟེང་འོག་བར་སྣང་བརྟག་པ་ནི། །འཁོར་ལོ་གནམ་ལ་པདྨ་ས། །ཕྱོགས་མཚམས་ཀུན་ཏུ་རྡོ་རྗེ་བྲག ། ― DNG022_Page_0070 ―
[མ་དཔེ་གཟིགས་ན་འདིར་གནོན།]
གཞུང་ལྡན་བཀྲ་ཤིས་དམ་པའོ། །དབྱིབས་ལེགས་ལུང་པ་རན་པ་དང་། །འབྲུ་ཁུང་ཆུ་ཤིང་འཚམས་པ་དང་། །གཅན་གཟན་མི་རྒོད་ཉམ་ང་མེད། །མི་དང་མི་མིན་རྒྱུ་སྲང་ཉུལ། །འདི་ནི་ཡིད་འོང་དམ་པ་སྟེ། །དེ་ནི་དང་དུ་བླང་བར་བྱའོ། །སྤང་དང་དང་དུ་བླང་བ་ནི། །བདག་གི་ཏིང་འཛིན་ཉམས་དང་སྦྱར། །ཏིང་འཛིན་ཟབ་ན་ངན་པ་བདམ། །ཏིང་འཛིན་གཡེལ་ན་བཟང་པོ་བདམ། །ཏིང་འཛིན་དྲོད་དང་ལྡན་གྱུར་ན། །ངན་པའི་ལས་རྣམས་གོང་མ་དེར། །སྒྲུབ་པ་ལ་སོགས་བྱས་ན་ཡང་། །ངན་པའི་ལས་ཀྱིས་རན་པ་འགྲུབ། །ལས་ལ་ཕན་འདོགས་ཡོད་པ་དང་། །གྲིམས་ཕྱིན་ཤུགས་ཀྱིས་ཏིང་འཛིན་གསལ། །བཟང་པོའི་ལས་སུ་བསྒྲུབ་གྱུར་ན། །ཡུན་དུ་བསྲིང་ན་ཕུང་འཚིང་མེད། །དེ་བས་གཞུང་དང་ལྡན་པར་བྱའོ། །འཁོར་གྱི་རིམ་པ་བསྟན་པ་ནི། །ཁ་གཙག་གཡོ་སྒྱུ་མེད་པ་དང་། །རེམ་ལ་ཉམས་ཤེད་ལྡན་པ་དང་། །བརླིང་པོ་གཞན་གྱིས་བསླུ་བར་ལྕི། །སྐོས་ཉམས་དུས་ལ་རུབ་པ་ནི། །གང་ཟག་ཕོ་མོ་དེ་ལྟ་བུ། །སྒྲུབ་པ་ཕྱི་ཡི་འཁོར་དུ་བྱ། །རྒྱལ་ཐེབས་སྟོབས་དང་ལྡན་པ་དང་། །ལས་མཁན་བྱེ་བྲག་ཕྱེད་པ་དང་། །བརྟུལ་ཞུགས་འཆང་བའི་གིང་ཆེན་དང་། །དྲོད་ཚད་ཟིན་པའི་སྤྱན་མཐོང་དང་། །གཙང་སྦྲ་ཕྱེད་པའི་གཡོས་པ་ནི། །སྒྲུབ་པ་རྩ་བའི་དཀྱིལ་འཁོར་དུ། །རིགས་བཞི་འོས་བཞི་ཚུལ་བཞི་དང་། །ཡོན་ཏན་བཅུ་གཅིག་ལྡན་པ་ཡི། །མཚན་ལྡན་བཀྲ་ཤིས་ཡུམ་མཆོག་ནི། །དགྱེས་སྐོང་གསང་བའི་འཁོར་དུ་བྱའོ། །ཕུར་པ་ཡོ་བྱད་མཚན་ཉིད་ནི། །ཕུར་པའི་རྒྱུ་ནི་འདི་ལྟ་སྟེ། །དངུལ་ལམ་དཀར་པོའི་ཤིང་རྣམས་ནི། །ཞི་བའི་ཕུར་པའི་རྒྱུ་རུ་བཤད། །གསེར་རམ་སེར་པོའི་ཤིང་རྣམས་ནི། །རྒྱས་པའི་ཕུར་པའི་རྒྱུ་རུ་བཤད། །ཟངས་སམ་དམར་པོའི་ཤིང་རྣམས་ནི། །དབང་གི་ཕུར་པའི་རྒྱུ་རུ་བཤད། །ལྕགས་སམ་ནག་པོའི་ཤིང་རྣམས་ནི། །དྲག་པོའི་ཕུར་པའི་རྒྱུ་རུ་བཤད། །རྨིག་ཟླུམ་རྐང་ལ་ཞི་བ་བྱ། །འདབ་ཆགས་རྐང་ལ་རྒྱས་པ་བྱ། །རྐང་ལེབ་རྐང་ལ་དབང་ ― DNG022_Page_0071 ―
[མ་དཔེ་གཟིགས་ན་འདིར་གནོན།]
ཡང་བྱ། །སྡེར་ཆགས་རྐང་ལ་དྲག་པོ་བྱ། །ལོ་མ་མེ་ཏོག་ཡལ་ག་མེད། །ཤིར་ཤིང་ནག་པོའི་མྱུ་གུ་ལ། །དྲག་པོའི་ཕུར་པ་བྱ་བར་བཤད། །ཕོ་མོ་འདོད་པའི་སྲིད་མ་ཟིན། །སློས་པོ་རུ་ལེབ་མཚན་ལ་ནི། །དེ་ལ་དབང་གི་ཕུར་པ་བྱ། །ཕོ་དང་མོ་ཡི་མཚན་མ་དང་། །མ་ནིང་ནག་པོའི་མཚན་མ་ལ། །དེ་ལ་རྒྱས་པའི་ཕུར་པ་བྱ། །བུ་ཚ་རིགས་རྒྱུད་སྲིད་མ་ཟིན། །དྲེའུ་རྟ་ནག་པོའི་མཚན་མ་ནི། །དེ་ལ་ཞི་བའི་ཕུར་པ་བྱ། །འདི་ནི་ཀུན་རྫོབ་ཕུར་པའི་རྒྱུ། །རྟོགས་པའི་དོན་ལ་མི་དགོས་པས། །མ་རྟོགས་དོན་དུ་བསྟན་པར་ཟད། །ཀུན་གྱི་རྒྱུ་ནི་བྱང་ཆུབ་སེམས། །བྱང་ཆུབ་སེམས་ཀྱི་དོན་རྟོགས་ན། །གཞན་ནས་རྒྱུ་ཉིད་བཙལ་མི་དགོས། །བཙལ་ཡང་རྒྱལ་བས་མི་རྙེད་དོ། །ཕུར་པའི་ཚད་ནི་འདི་ལྟ་སྟེ། །རང་བྱུང་ཆེན་པོའི་ཕུར་པ་ལས། །སེམས་ཉིད་གསལ་བའི་ཚད་བཏང་ན། །དོན་དམ་དུ་ནི་མི་དགོས་ཏེ། །དམན་པའི་དོན་དུ་ཚད་བསྟན་ཏོ། །སོར་བཞི་པ་དང་སོར་དྲུག་པ། །བཅུ་གཉིས་སུ་ནི་ཡང་དག་བཤད། །རྩེ་མོའི་ཕྱོགས་ནི་མ་ནོར་བར། །རྩ་བ་ལ་ནི་རྒྱ་མདུད་བྱ། །མྱུ་གུའི་ངོས་སུ་རྩེ་མོ་བྱ། །སྤྱི་བོར་སོར་གཅིག་རྒྱ་མདུད་བྱ། །སྐེད་པར་དེ་བཞིན་བྱ་བ་སྟེ། །སྟོད་ཀྱི་དབྱིབས་ནི་སོར་བརྒྱད་ལ། །རྩེ་མོ་ཟུར་གསུམ་ཟེར་སོར་བྱ་བ་ནི། །ཟླུམ་པོ་གྲུ་བཞི་ཟླ་གམ་ཟུར་གསུམ་སྟེ། །རྩེ་མཚན་སོ་སོའི་དབྱིབས་སུ་ནི། །དབང་དྲག་གཉིས་ནི་ཆུ་སྲིན་ཁ་ནས་བྱུང་། །ཞི་ལ་ཟུར་དྲུག་རྒྱས་ལ་བརྒྱད། །རི་རབ་ལྟ་བུར་བརྗིད་ཆེ་བ། །ཀུན་རྫོབ་དབྱིབས་སུ་བྱས་པ་ཡིན། །ཁྲག་འཐུང་འབར་བ་ཐུགས་ཀྱི་ཡེ་ཤེས་ལ། །ཡོན་ཏན་ཚང་བའི་ཚུལ་ལམ་དབྱིབས། །དེ་ཉིད་རྟོགས་ན་འདི་མི་དགོས། །རྒྱུ་རྐྱེན་མ་འགགས་དོན་ཤེས་ན། །རྩ་བ་རྩེ་མོ་དབྱེར་མེད་དོ། །མ་རྟོགས་པས་ན་དེ་བསྟན་ནོ། །ལེགས་པའི་ཡོན་ཏན་བསམ་ལས་འདས། །ལེགས་ན་ཡི་རང་དོད་ན་གདུང་། །ཉེས་པའི་སྐྱོན་ནི་འདི་ཡིན་ཏེ། །གང་དགར་བྱས་ན་བཀའ་ལས་འགལ། །སྙེད་བཅོང་བྱས་ན་ཚུལ་ལས་ཉམས། །ངན་དགུར་བཤམས་ན་རྟོག་པར་འགྱུར། ། ― DNG022_Page_0072 ―
[མ་དཔེ་གཟིགས་ན་འདིར་གནོན།]
བྱམས་པས་ཕྱོགས་མེད་ཕན་གདགས་ཤིང་། །མ་ཆགས་དགའ་བས་མངོན་བསྒྲུབས་ཏེ། །བྱམས་པ་ཕན་གདགས་སྨོན་པ་བྱའོ། །ལས་ནི་འབུམ་ལྔའི་བཤགས་པ་སྟེ། །སྐུ་ཡི་དམ་ཚིག་ཉམས་པ་བཤགས་པ་ཚ་ཚ་འབུམ། །གསུང་གི་དམ་ཚིག་ཉམས་པ་བཤགས་པ་གསུང་རབ་འབུམ། །ཐུགས་ཀྱི་དམ་ཚིག་ཉམས་པ་བཤགས་པ་སྲོག་འདོན་འབུམ། །ཁྱད་པར་དམ་ཚིག་ཉམས་པ་བཤགས་པ་ཚོགས་མཆོད་འབུམ། །ལྷག་པའི་དམ་ཉམས་གང་ལ་བཤགས་པ་འབུམ། །འབུམ་ལྔའི་བཤགས་པས་སྡིག་པ་མཚམས་མེད་འབྱང་བར་འགྱུར། །ཉོན་ཅིག་རྡོ་རྗེ་འདུས་པའི་སྲས། །འབུམ་ཕྲག་ཚ་ཚ་གདབ་ཅིང་བཤགས་ཤིང་བསྐང་གསོ་རྒྱ་ཆེར་བྱའོ། །ལས་དང་དོན་དམ་ཀུན་རྫོབ་སེམས་བསྐྱེད་དགོས་པ་ནི། །དཔེར་ན་རས་དཀར་ཚོས་སུ་འཇེན་པ་བཞིན། །རྣལ་འབྱོར་པ་ཡི་ཉེས་པ་དག་གྱུར་ན། །བདེ་གཤེགས་སྐུར་འགྱུར་འདི་ལ་ཐེ་ཚོམ་མེད། །མ་དག་རྒྱུ་ཡིས་མི་འགྲུབ་སྟེ། །དཔེར་ན་ས་བོན་རྩི་ཉམས་པས། །འབྲས་བུ་འབྱུང་བ་ག་ལ་སྲིད། །དེ་ནས་ནན་ཏན་ཆེར་བསྐྱེད་ནས། །སྔོན་དུ་འགྲོ་བའི་དོན་ལ་དད་ཅིང་བརྩོན་པར་བྱ། །ཞེས་གསུངས་སོ། །དེ་སྐད་གསུངས་པས་རྡོ་རྗེ་འདུས་པ་ལ་སོགས་པ་འཁོར་རྣམས་ནི། ཕྱི་རབས་པའི་རྣལ་འབྱོར་པའི་དོན་དུ་སྔོན་དུ་འགྲོ་བ་ལ་གུས་པས་དོན་ཐུགས་སུ་ཆུད་པར་གྱུར་ཏོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྣལ་འབྱོར་སྔོན་དུ་འགྲོ་བའི་དོན་རྒྱས་པར་ཞུས་ལན་དུ་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་རྡོ་རྗེ་འདུས་པས། བཅོམ་ལྡན་འདས་ལ་ཡང་རྨད་དུ་བྱུང་བའི་མཆོད་པས་མངོན་པར་མཆོད་དེ། འདི་སྐད་ཅེས་གསོལ་ཏོ། །ཨེ་མ་བདེ་གཤེགས་བཅོམ་ལྡན་འདས། །རིགས་དང་ཡེ་ཤེས་ཀུན་གྱི་འབྱུང་གནས་ཏེ། །དམ་ཆོས་བྱེ་བྲག་ཀུན་ལ་མངའ་བརྙེས་པས། །ཇི་ལྟར་སྤྲུལ་ཀྱང་ཐུགས་ཀྱི་གདེང་མི་གཡོ། །སྐུ་གསུང་ཐུགས་ཀྱི་བདག་ལ་ཕྱག་འཚལ་ལོ། །ཞི་བ་རྗེས་སུ་སྒྲུབ་འདོད་པས། །བདག་ཉིད་ ― DNG022_Page_0073 ―
[མ་དཔེ་གཟིགས་ན་འདིར་གནོན།]
དང་ནི་གནས་དང་འཁོར། །ས་ཆོག་སྟ་གོན་དཀྱིལ་འཁོར་ཆོ་གའི་རིམ་པ་དང་། །འཇུག་དང་དབང་བསྐུར་ཕན་པའི་ཡོན་ཏན་སྐྱོན་དང་ལས་ཀྱི་མཐའ་བཏུལ་རྣམས། །བདེ་གཤེགས་རྒྱལ་བ་ཁྱོད་ཀྱིས་བཤད་དུ་གསོལ། །ཞེས་གསོལ་པས། གསོལ་བའི་དོན་ཐུགས་སུ་ཆུད་དེ། དཀྱིལ་འཁོར་འབྱུང་བའི་ཏིང་ངེ་འཛིན་ལ་ཞུགས་ཏེ། འདི་སྐད་ཅེས་གསུངས་སོ། །ཨེ་མ་ཧོ་བདེ་གཤེགས་འདུས་པའི་གཙོ། །དཀྱིལ་འཁོར་རྒྱས་པའི་དོན་ཞུས་ཡ་མཚན་ཆེའོ། །ང་ཡིས་བཤད་ཀྱི་ཁྱོད་ཀྱིས་ཉོན། །རྡོ་རྗེ་བླ་མའི་མཚན་ཉིད་ནི། །བློ་ཡངས་རྒྱུད་ལ་མཁས་པ་དང་། །སེམས་ཀྱི་རྣམ་རྟོག་ཆོམས་པ་དང་། །ཏིང་འཛིན་ལས་སུ་རུང་བ་དང་། །ཕྱི་ནང་སྡེ་སྣོད་ཐམས་ཅད་ལ། །སོམ་ཉི་མེད་དེ་ཐེ་ཚོམ་མེད། །སྲན་ཐུབ་མི་ལྡོག་དད་པ་ཆེ། །གསང་བ་སྦས་པའི་ཐབས་མཆོག་རྣམས། །སྣོད་ངན་ཕལ་ལ་མི་སྤེལ་བ། །རྡོ་རྗེ་རིགས་ཀྱི་བླ་མར་གསུངས། །རྐྱེན་ཐུབ་མི་ལྡོག་དམ་ཚིག་གནས། །ཡིད་ཀྱི་སྒོ་ནས་ཤིན་ཏུ་སྦྱངས། །མན་ངག་ལུང་ལ་རྟག་དགའ་ཞིང་། །སྣ་ཚོགས་སྣ་ཚོགས་ཅི་སྒོ་ནས། །བླ་མའི་ཐུགས་ནི་མཉེས་བྱེད་པ། །རྡོ་རྗེ་རིགས་ཀྱི་བུ་ཡིན་ཏེ། །གསུམ་མམ་བཅུ་ཕྱེད་མན་ཆད་དོ། །རི་བོ་འདུས་པའི་རྩེ་རྣམས་དང་། །མདངས་དཀར་ཤར་དུ་གཞོལ་བ་ཡི། །གངས་རི་རྡོ་རྗེའི་བྲག་དཀར་ནི། །རྡོ་རྗེ་རིགས་ཀྱི་སྒྲུབ་གནས་ཡིན། །ས་ཡི་ཆོ་ག་བསྟན་པ་ནི། །གནམ་དང་ས་དང་བར་སྣང་རྣམས། །རྡོ་རྗེའི་གུར་བཙལ་བྲག་རི་བརྟགས། །དེ་ནས་པུས་གང་ཙམ་དུ་རྐོ། །ས་ཡི་རོ་ལྔ་བསལ་བྱས་ནས། །ས་དེ་ཉིད་ཀྱིས་དགང་བར་བྱ། །ཁེངས་ནས་ལྷག་ན་དངོས་གྲུབ་རབ། །ཁ་ཏ་ཆད་ན་དངོས་གྲུབ་འབྲིང་། །མ་ཁེངས་གྱུར་ན་གཞན་དུ་སྤོ། །མངོན་དུ་སྣང་བའི་མི་རྣམས་ལ། །རིན་ཆེན་རིན་ནམ་བདེན་པས་བསླང་། །བདག་ཉིད་ལྷ་ཡི་རྣལ་འབྱོར་པས། །མཆོད་དང་གཏོར་མ་ངེས་ཐོགས་ནས། །ལག་གཉིས་འཁོར་ལོས་ས་ཡི་ལྷ་མོ་སྦྲན། །མཆོད་ལ་དཔང་བཅོལ་བདེན་ཚིག་བསྒོ། ། ― DNG022_Page_0074 ―
[མ་དཔེ་གཟིགས་ན་འདིར་གནོན།]
དེ་བས་ལེགས་ཤིང་དང་བར་བྱ། །ཡོ་བྱད་དམ་པ་བྱང་ཆུབ་སེམས། །སེམས་ཀྱི་སྟོབས་ཀྱིས་རྩོལ་ནུས་ན། །ཐམས་ཅད་མ་ལུས་ཡོ་བྱད་ཡིན། །ལྷ་གྲངས་ཚང་བའི་ཕུར་པ་དང་། །བསྒྲུབ་པ་རྫས་ཀྱི་ཕུར་པ་དང་། །ཉུང་དཀར་གུ་གུལ་རཀྟ་རྣམས། །བསྒྲུབ་པ་རྩ་བའི་ཡོ་བྱད་དོ། །ཕྱི་ནང་གསང་བའི་མཆོད་རྫས་ཏེ། །བདུག་པ་མར་མེ་མེ་ཏོག་བཤོས། །གཏོར་མ་བདུད་རྩི་རཀྟ་དང་། །གཙོ་གཟུངས་ལྷག་པའི་བྱང་ཆུབ་སེམས། །མཆོད་པ་གསང་བའི་ཡོ་བྱད་དོ། །དུར་ཁྲོད་ཤ་ཁྲག་ལ་སོགས་པའི། །ཁྱི་སྤྱང་ཝ་འཕར་ཤ་ཁྲག་དང་། །མར་ཞག་འོ་མ་ཁྲག་རྣམས་ཀུན། །མ་མོ་བསྟེན་པའི་ཡོ་བྱད་དོ། །རབས་ཆད་ནག་པོའི་ཐོད་པ་དང་། །ལྕགས་སྣ་ལྔ་ཡི་ཕུར་པ་ནི། །དམ་སྲི་མནན་པའི་ཡོ་བྱད་དོ། །མཛེས་པའི་གཏོར་མ་ཕུར་པ་བཅུ། །འབར་བ་མཚམས་ཀྱི་ཡོ་བྱད་དོ། །ཤུན་ཆེན་ཀོ་བ་སྟག་ལྤགས་དང་། །དར་གྱི་སྙིང་ནོན་ཕྱག་རྒྱའི་ཕུ་རུང་དང་། །ཅོད་པན་སྟོད་གཡོགས་སྨད་དཀྲིས་སྦྲུལ་ཆུན་རྣམས། །སྔགས་པ་རྒྱན་གྱི་ཡོ་བྱད་དོ། །མཱཾ་ས་པཉྩ་ཛ་གད་ཚེ། །ཚིམ་བྱེད་ཀུན་ཏུ་རྒྱུག་པ་དང་། །གལ་ཕྱི་ཀ་ཏ་རི་དང་ཟླ་ཚེས་དང་། །ཟླ་ཕྲོམ་ཟླ་རྒྱས་ཨ་ས་ལ། །འབྱོར་པ་ཚོགས་ཀྱི་ཡོ་བྱད་དོ། །སྨན་དང་སྤྲ་བ་གཙགས་མ་ནི། །ནད་འཇོམས་སྨན་གྱི་ཡོ་བྱད་དོ། །གོ་དང་ཕུབ་དང་མཚོན་ཆ་རྣམས། །བར་ཆད་དགྲ་བཟློག་ཡོ་བྱད་དོ། །བྱ་ནག་ལུག་ནག་བསྒྲལ་བའི་ཞིང་། །ཉམས་ཆག་སྐོང་དང་རྐྱེན་བཟློག་ཡོ་བྱད་དོ། །དེ་ལྟར་བསྟན་པའི་ཡོ་བྱད་རྣམས། །སྒྲུབ་པ་ལོ་ཟླའི་ཡོ་བྱད་ལྡབ་ཏུ་བྱ། །མ་སྨ་པ་དང་མ་སྨེ་བའི། །ཚོགས་པར་འགྲུབ་འགྱུར་ཐེ་ཚོམ་མེད། །བྱང་ཆུབ་སེམས་ནི་རྒྱུ་ཡིན་ཏེ། །ཕྱི་མའི་རྐྱེན་གྱི་ཚུལ་དུ་གནས། །རྒྱུ་རྐྱེན་ཚོགས་པས་འབྲས་བུ་ཆུད་མི་ཟ། །འཇུག་པའི་དུས་ཚོད་བསྟན་པ་ནི། །རྣལ་འབྱོར་བསྒྲུབ་པའི་དོན་ལྡན་ན། །དུས་ཚོད་མེད་དེ་ཀུན་ཀྱང་དུས། །སྤྱོད་ཡུལ་ཀུན་ཏུ་སྒྲུབ་པའི་དུས་ཚོད་ཡིན། །མ་རྟོགས་དོན་དུ་འདི་བསྟན་ནོ། །དབྱར་དགུན་སྟོན་དཔྱིད་ནམ་སླ་བཞིར། ། ― DNG022_Page_0075 ―
[མ་དཔེ་གཟིགས་ན་འདིར་གནོན།]
དབྱར་གྱི་ངོ་ལ་འཇུག་པ་ནི། །དབྱར་དགུན་སྟོན་དཔྱིད་ཟླ་དུས་སོ། །སྟག་གླང་རྟ་བྱའི་ཉི་མ་ལ། །ཕུར་བུ་མིག་དམར་ཉི་མ་པ་ཝ་སངས། །རྒྱལ་སྟོད་རྒྱལ་སྨད་སྤོ་དང་ཝ། །ཉི་མ་སྐར་མ་གཟའ་དུས་སུ། །ཡོ་བྱད་མ་ལུས་ཚོགས་འགྱུར་ན། །སྒྲུབ་པ་ལ་འཇུག་དུས་ཚོད་ཡིན། །མ་ཚོགས་བར་དུ་དུས་ཚོད་མེད། །ཅེས་པས་ནི། ཕྱིས་རྗེས་སུ་འཇུག་པའི་གང་ཟག་རྣམས་ཕུན་སུམ་ཚོགས་པ་དྲུག་གི་དོན་གྱིས་སྒྲུབ་པའི་གཞི་བཟུང་བ་ལ་མགོ་མི་རྨོངས་པར་འགྱུར་རོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ཕུན་སུམ་ཚོགས་པ་དྲུག་གིས་སྒྲུབ་པའི་གཞི་བཟུང་བ། ཞུས་ལན་དུ་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས། ཕྱི་རབས་ཀྱི་རྣལ་འབྱོར་པ་རྣམས། སྔོན་དུ་བྱ་བའི་ཆོ་ག་ལ་མགོ་མི་རྨོངས་པར་བྱ་བའི་ཕྱིར་ན། བཅོམ་ལྡན་འདས་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ་ལ་འདི་སྐད་ཅེས་གསོལ་ཏོ། །ཨེ་མ་ཧོ་སངས་རྒྱས་རྒྱལ་བའི་མཆོག །རྗེས་སུ་འཇུག་པའི་རྣལ་འབྱོར་པས། །སྔོན་དུ་བྱ་བའི་ལས་ནི་གང་། །རྒྱལ་མཆོག་ཁྱོད་ཀྱིས་བསྟན་དུ་གསོལ། །ཞེས་གསོལ་ཏེ། བཅོམ་ལྡན་འདས་ཀྱིས་བཀའ་སྩལ་པ་ནི། རྣལ་འབྱོར་སྔོན་དུ་བྱ་བའི་ལས། །དོན་དམ་ཀུན་རྫོབ་གསུམ་ཡིན་ཏེ། །དོན་དམ་སྔོན་དུ་འགྲོ་བ་ནི། །འབྲས་བུ་ཡེ་ཤེས་ཚོགས་འདོད་ཕྱིར། །བདེ་བའི་སྟན་ལ་འདུག་ནས་ནི། །བསམ་གཏན་གྱི་ནི་ཕྱག་རྒྱ་ལྔས། །ལུས་སེམས་མཉམ་པར་བཞག་བྱས་ཏེ། །སྟོང་པ་ཆེན་པོའི་ཏིང་འཛིན་ནི། །དམ་པ་དོན་གྱི་བྱང་ཆུབ་སེམས། །རྒྱུ་རྐྱེན་གང་ལས་མ་བྱུང་ཞིང་། །མི་འགྱུར་བྱང་ཆུབ་བརྟན་པར་བཟུང་། །ཀུན་རྫོབ་སྔོན་དུ་འགྲོ་བ་ནི། །བདག་ཉིད་ལྷ་ཡི་བྱང་ཆུབ་སེམས། །བདེ་གཤེགས་སྲས་བཅས་སྤྱན་དྲང་བཞུགས་གསོལ་དམིགས། །ཕྱག་འཚལ་མཆོད་པ་ཅི་འབྱོར་འབད། །སྡིག་བཤགས་ཡི་རང་སྐྱབས་གསོལ་ཞིང་། །འགྲོ་བ་མ་ལུས་དོན་གྱི་ཕྱིར། །སྙིང་རྗེ་མཆོག་གིས་གཞི་བཟུང་སྟེ། ། ― DNG022_Page_0076 ―
[མ་དཔེ་གཟིགས་ན་འདིར་གནོན།]
ས་བདག་འཁོར་ལྔ་ཉིད་ལ་ནི། །གཏོར་མ་བྱིན་ཏེ་གཞན་དུ་བཏང་། །ཉི་མ་རིམ་པར་འགྲོ་བ་བཞིན། །ལྟོ་འཕྱེ་གཞུང་དུ་བརྟགས་ནས་ནི། །ལྔ་ཚན་ཉི་ཤུ་རྩ་ལྔ་ཉིད། །ས་བདག་ཉིད་ལ་དབུལ་བར་བྱའོ། །རྒྱལ་པོ་རྣམས་ལ་ཁྲུ་བཅུ་གཉིས། །བློན་པོ་རྣམས་ལ་བརྒྱད་དུ་བྱ། །དམངས་ལ་དེ་བཞིན་དྲུག་ཡིན་ཏེ། །ཤིན་ཏུ་འཐས་ཤིང་ལེགས་བྱས་ལ། །དམིགས་སུ་མེད་པའི་ཏིང་འཛིན་གྱིས། །དམིགས་མེད་ངང་དུ་དག་པར་བྱ། །དཀྱིལ་དུ་གཙང་མའི་གདན་བཏིང་ལ། །གདེང་ལྡན་བདག་ཉིད་མཛེས་བྱས་དབུས་སུ་འདུག ། ཟུར་ཆག ། ཤི་ཥྱ་བཞི་ཉིད་ཕྱོགས་བཞིར་གནས། །དུས་གསུམ་བཞུགས་ཀུན་སྤྱན་དྲང་མཆོད། །ཡིད་ཀྱིས་རྡོ་རྗེའི་བཟླས་པ་བྱ། །དེ་ནས་བློ་ལྡན་བཞི་པོ་ཡིས། །རིགས་བཞིའི་ངང་ལ་གནས་ནས་སུ། །དཀྱིལ་འཁོར་ཆེན་པོ་ཤོད་ཅིག་ཅེས། །སྔོན་བྱུང་བཞིན་དུ་གསོལ་བ་གདབ། །དེ་ནས་ཕྱིར་ཉིད་སོང་ནས་ནི། །རྡོ་རྗེའི་སྟབས་དང་རོལ་པའི་གར། །རྡོ་རྗེའི་ལྟ་བས་ཀུན་བལྟས་ཏེ། །བར་ཆད་བགེགས་བསྐྲད་དཀྱིལ་འཁོར་བསྲུང་། །གཞུང་ལས་འབྱུང་བ་དེ་བྱས་ན། །དེ་ལ་བར་ཆད་ཡོངས་མི་འབྱུང་། །གཞུང་དང་མི་ལྡན་ལས་བྱས་ཀྱང་། །ངལ་བའི་ཚི་ཆད་དོན་མེད་འགྱུར། །དེས་ན་ནན་ཏན་བསྐྱེད་པར་བྱ། །སྟ་གོན་རིམ་པ་བསྟན་པ་ནི། །རིན་ཆེན་བུམ་པ་བརྒྱད་ཉིད་ལ། །གཙང་སྦྲ་དག་བྱས་དྲི་ཡིས་བྱུག །ཕྱག་རྒྱ་བྲིས་ནས་གདན་ལ་བཞག །བགེགས་བསྐྲད་བསང་གཏོར་རིམ་པར་བྱ། །སྟོང་ཉིད་ངང་ལས་གཞལ་ཡས་ཁང་། །གཅིག་ནི་ལས་ཏེ་གཉིས་པ་མཆོད་པ་ཡིན། །གསུམ་པ་ཁམས་གསུམ་རྣམ་རྒྱལ་ཏེ། །ལྔ་པ་ཚོམ་བུའི་དཀྱིལ་འཁོར་བསྐྱེད། །རང་བཞིན་དཀྱིལ་འཁོར་སྤྱན་དྲང་མཆོད། །མཆོད་པ་གསུམ་གྱིས་ངེས་མཆོད་ལ། །ལྔ་ཚན་ཉི་ཤུ་རྩ་ལྔ་ཉིད། །སྔགས་དང་ཏིང་འཛིན་གསལ་རྫོགས་ནས། །ཁ་རྒྱན་བཙུགས་ཏེ་གཟུངས་ཐག་གདགས། །རྡོ་རྗེའི་བཟླས་པ་བརྒྱ་རྩ་བརྒྱད། །ལྷ་རྣམས་ ― DNG022_Page_0077 ―
[མ་དཔེ་གཟིགས་ན་འདིར་གནོན།]
ཀུན་ལ་ཚང་བར་བྱ། །བུམ་པ་མ་ལགས་རྒྱལ་པོ་ལགས། །རྒྱལ་པོ་སྔགས་ཀྱིས་བཏབ་ནས་ནི། །རྒྱལ་པོ་ཆེན་པོར་མངའ་གསོལ་གྱིས། །རྒྱལ་པོའི་ཚུལ་དུ་བཞུགས་སུ་གསོལ། །ཕྱི་ནང་གསང་བའི་མཆོད་རྫོགས་ནས། །མདའ་དང་ཕུར་བུ་རལ་གྲི་དང་། །མེ་ལོང་དར་སྣ་སྲུང་སྐུད་དང་། །དབུ་རྒྱན་སྙིང་ནན་ཕྱག་རྒྱའི་ཕུ་རུང་དང་། །སྟོད་གཡོགས་སྨད་དཀྲིས་དཀར་པོར་བྱ། །དབང་དུ་གསོལ་བའི་ལྷ་མོ་ཉིད། །མཆོད་ནས་ས་གཞི་ཉིད་ལ་བསྡིམ། །ཕོ་བྲང་དབུས་ནས་སྒོ་བཞི་རུ། །དྲི་ཡི་ཐིག་ལེ་བཞི་བཅུ་གཉིས། །རྩ་བའི་སྔགས་ཀྱིས་མཛེས་བྱས་ལ། །སྤྱན་དྲང་བསྡིམ་མཆོད་གསལ་གདབ་ལ། །རྡོ་རྗེ་འཆང་ཆེན་འདི་ཞེས་པས། །ནམ་ལངས་གྱུར་ནས་དཀྱིལ་འཁོར་བྲི། །ཁྱེད་རྣམས་ལ་ནི་མཆོད་བྱེད་དང་། །སློབ་མ་རྗེས་སུ་གཟུང་བའི་ཕྱིར། །རབ་ཏུ་བསྟེན་ཏེ་འཇུག་པར་བྱ། །སྟ་གོན་ལ་ནི་གནས་པར་མཛོད། །སྔོན་ཚེ་དབང་མཛད་ལྷ་མོ་ཁྱོད། །བདག་ཅག་སྒྲིབ་སྦྱོང་ཚོགས་སྐྱེད་ཕྱིར། །སྔོན་གྱི་རྒྱལ་བའི་བཀའ་བཞིན་དུ། །སྟ་གོན་ལ་ནི་བཞུགས་སུ་གསོལ། །ཨོཾ་ཨཱཿཧཱུྃ་སྭཱ་ཧཱ་ཛྙཱ་ན་པཉྩ་ཧཱུྃ་ཕཊ། ཨཱོཾ་དྷུ་པ་སིདྡྷི་ཧཱུྃ། རཏྣ་མཎྜ་ལ་སིདྡྷི་ཧཱུྃ། བྲུ་ཧི་གརྦྷ་སིདྡྷི་ཧཱུྃ། ཨ་མྲྀ་ཏ་ཨཱ་བེ་ཤ་ཨ་ཨ། ཨཱོཾ་ཨཱཾཿཧཱུྃ་སིདྡྷི་གུ་རུ་ཨ། པཉྩཱ་ལི་ཀ་ཨཱ་བེ་ཤཱ་ཨཱ། ཀལྤ་བྲྀཀྵ་ཧཱུྃ་ཨཱཿ། བློ་ལྡན་ཁྲུས་ཀྱིས་དག་བྱས་ནས། །མདུན་བསྟར་མེ་ཏོག་ལག་ཐོགས་ནས། །སྐྱེ་རྒས་ན་དང་འཆི་བ་ཡི། །ཆུ་སྲིན་པིར་སོགས་འཇིགས་བྱེད་པས། །འདོད་པར་མཛད་པ་ཁྱོད་འབའ་ཞིག །དགའ་ཆེན་ཁྱོད་བདག་སྟོན་པ་པས། །མགོན་པོ་ཆེན་པོ་བདག་ལ་སྩོལ། །བྱང་ཆུབ་ཆེན་པོའི་ཚུལ་བསྟན་པས། །དམ་ཚིག་ཆེན་པོ་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་ཆེན་པོས་གཞུག་ཏུ་གསོལ། །དབང་ལྡན་ཕྱོགས་སུ་དཀྱིལ་ ― DNG022_Page_0078 ―
[མ་དཔེ་གཟིགས་ན་འདིར་གནོན།]
འཁོར་ནི། །ཚོམ་བུ་ལྔ་དང་ལྡན་པར་བྱ། །བསྐྱེད་དང་བསྡིམ་ཕྱག་མཆོད་གཟབས་ཏེ། །ཨཱོཾ་བཛྲ་ཀྲོ་ཏ་ཧཱུྃ་ཧཱུྃ་ཕཊ། ཙཀྲ་སཏྭ་ཨཱོཾ། པདྨ་སཏྭ་ཧྲཱྀཿ། བཛྲ་སཏྭ་ཧཱུྃ། སྐུ་གསུང་ཐུགས་སུ་སྦྱར་བྱས་ནས། །ལུས་ངག་ཡིད་གསུམ་བསྲུང་བ་དང་། །རྣམ་ཐར་ལ་ནི་དགོད་པའི་ཕྱིར། །བྱིན་གྱིས་བརླབ་པའི་གནས་མཛོད་ཅིག །བུ་ཚུར་ཐེག་པ་ཆེན་པོ་ཡི། །ཁྱོད་ནི་ཚུལ་ཆེན་སྣོད་ཡིན་པས། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བཤད་པར་བྱ། །དམ་ཚིག་དམ་པ་བསྟན་པར་བྱའོ། །བྱང་ཆུབ་སེམས་ཀྱང་བསྐྱེད་པར་བྱ། །འཁོར་བ་དག་ལས་བསྐྱབ་པར་བྱའོ། །དཀྱིལ་འཁོར་ཆེན་པོར་གཞུག་པར་བྱ། །ཕྱི་ནང་གསང་བའི་དབང་བསྐུར་བགྱི། །ད་ནི་དད་པར་རབ་ཏུ་སྐྱེད། །ཨཱོཾ་ཨ་མྲྀ་ཏ་ཀུཎྜ་ལི་ཧཱུྃ་ཕཊ། བསྲུང་བའི་དོན་དུ་བསྲུང་སྐུད་ལ། །བདུད་རྩི་འཁྱིལ་པའི་སྔགས་ཀྱིས་གདབ། །སློབ་མའི་དཔུང་པ་གཡས་པར་བཅིངས། །ལུས་ཀྱི་ཉེས་པ་དག་པ་དང་། །བསྲུང་དང་སྟ་གོན་གནས་པར་མཛོད། །ཨཱོཾ་བཛྲ་ཨ་འཛི་ས་ཤ་མ་པ་རི་ན་ཧཱུྃ་ཕཊ། དུར་ཁྲོད་སོ་ཤིང་དོར་བ་ཉིད། །ངག་གི་ཉེས་པ་བསལ་བའི་ཕྱིར། །དཀྱིལ་འཁོར་གང་དུ་རབ་ཏུ་དོར། །དབང་གི་ལྟས་རྣམས་བསྟན་དུ་གསོལ། །བི་ཤུདྡྷེ་སརྦ་ཧི་ནི་ཧཱུྃ་ཕཊ། ས་ཤམ་ཤོ་དྷ་ཡ། སརྦ་བི་ན་ཡ་ཧཱུྃ་ཕཊ། བདུད་རྩི་ཆེན་པོ་ཆུ་ཉིད་ལས། །གསང་བའི་སྔགས་ཀྱིས་བཏབ་ནས་ནི། །བླུད་ནས་ལུས་ཀྱི་ཉེས་པ་དག །སྟ་གོན་ལ་ནི་གནས་པར་མཛོད། །ཐེག་པ་གཞན་ནས་ལྡོག་བྱའི་ཕྱིར། །ཐེག་པ་ཆེན་པོའི་སྤྲོ་བ་བསྐྱེད། །བདག་ཉིད་ཆེན་པོའི་འཁོར་རྣམས་ཀྱིས། །དེ་རིང་བདག་ཉིད་ཐོབ་པ་ཉིད། །གང་གིས་ཁྱེད་ཅག་རྒྱལ་བ་ཀུན། །སྲས་དང་བཅས་པས་བསྟན་འདི་ལ། །སྐྱེ་བཞིན་པ་ན་བདག་ཆེན་གྱིས། །ཐམས་ཅད་ཡོངས་སུ་འཛིན་ལ་གནས། །དེས་ན་ཁྱེད་ཅག་ཐེག་ཆེན་ལ། །རིགས་བཟང་པོ་རུ་ངེས་པར་འགྱུར། །དེ་ཡི་ལམ་མཆོག་དཔལ་དང་ལྡན། ། ― DNG022_Page_0079 ―
[མ་དཔེ་གཟིགས་ན་འདིར་གནོན།]
ཐེག་པ་ཆེན་པོ་ལས་བྱུང་བའི། །ཁྱེད་རྣམས་ཀྱིས་ནི་བགྲོད་གྱུར་པའི། །མ་འོངས་པ་ན་བདེར་གཤེགས་འགྱུར། །ཡོད་མེད་དག་ལས་རྣམ་པར་འདས། །ནམ་མཁའ་ལྟ་བུར་དྲི་མ་མེད། །ཆོས་རྣམས་ཀུན་ལ་ཟབ་གྱུར་ཅིང་། །རབ་ཏུ་སྤྲོས་ཏེ་གནས་མེད་པས། །སྤྲོས་པ་ཐམས་ཅད་སྤངས་པ་ཡིན། །རབ་སྤྲོས་རྣམས་ཀྱིས་རབ་ཏུ་སྤྲོས། །ཐེག་པ་ཆེན་པོའི་ཚུལ་གནས་ན། །འདི་ཉིད་དུ་ནི་ཆོས་ཐོས་འགྱུར། །སེང་གེའི་ཉལ་ཐབས་རབ་ཏུ་བརྟགས། །ཀུ་ཤ་མྱུ་གུ་རྩེ་མ་ཉམས། །དེ་ལས་བྱུང་བ་སྤྱི་བོར་གཟུགས། །གཞན་དག་སྟན་དུ་གདིང་བར་བྱ། །འདི་རུ་ཉོལ་ལ་ཇི་ལྟ་བར། །རྨི་ལམ་མཐོང་བ་སྟོན་ཅིག་ཅེས། །དེ་སྐད་བརྗོད་ལ་སློབ་མ་བསྙལ། །དེ་ནས་ས་སྟེགས་གྲུ་བཞི་ལ། །དམ་རྫས་བདུད་རྩིས་ག་དར་བྱའོ། །སྲད་བུ་དོག་པ་ཁ་དོག་ལྔ། །མ་ནོར་ཕྱོགས་བཞག་མཆོད་པ་བཤམས། །བདེ་གཤེགས་རིགས་ལྔའི་རྒྱལ་བ་ལ། །མཆོད་གསོལ་ཡེ་ཤེས་ཐིག་བླངས་ནས། །སྲད་བུ་ཉིད་ལ་ཐིམ་གྱུར་ནས། །བློ་ལྡན་གྲོགས་མཆོག་ཡིད་འོང་གཟུགས། །གསལ་བར་ལྡན་ནམ་བྱིན་གྱིས་བརླབ། །ཆགས་བསྐྱེད་སྦྱོར་བའི་བརྡས་བསྐུལ་ཏེ། །བྱང་ཆུབ་སེམས་ནི་བསྣོལ་མར་བསྡིམས། །སྲད་བུ་ཉིད་ཀྱང་བྱང་ཆུབ་སེམས། །དེ་ལས་རྡོ་རྗེའི་སྐུར་གྱུར་ཏེ། །དག་པ་ཚངས་པའི་ཐིག་གིས་ནི། །རང་བཞིན་དཀྱིལ་འཁོར་གསལ་བར་བྱ། །དེ་ནས་ཐིག་ཆ་རིམ་པར་དབྱེ། །མཚན་མ་ཡེ་ཤེས་ཐིག་ཏུ་གསལ། །རིན་ཆེན་ལྔ་ཡི་ཕྱེ་མ་ལ། །ཡང་ན་འབྲུ་སྣ་རྣམ་ལྔ་སྟེ། །ཡང་ན་ས་དང་རྡོ་ལ་བྱ། །བྱིན་བརླབས་བསམ་རྒྱུད་ངེས་པར་བཞག །མཁས་པས་ཐོགས་ལ་དཀྱིལ་འཁོར་བྲི། །སྲད་བུའི་ཚད་ནི་དཀྱིལ་འཁོར་ཉིས་འགྱུར་ཏེ། །སར་པ་ལེགས་བཀལ་དགུ་བསྒྲིལ་བ། །མཛེས་ཤིང་གཤེར་བར་བྱས་པ་ཡིས། །དང་ལ་ཚངས་ཐིག་གདབ་བྱ་སྟེ། །བླ་མ་ཤར་ལ་བློ་ལྡན་ནུབ། །བདག་ཉིད་མེ་ལྷའི་མཚམས་འདུག་སྟེ། །བློ་ལྡན་རླུང་གི་ཕྱོགས་སོང་སྟེ། །ཚངས་ཐིག་དང་པོ་གདབ་པར་བྱ། །བདག་ཉིད་གཤིན་རྗེའི་གོམ་ ― DNG022_Page_0080 ―
[མ་དཔེ་གཟིགས་ན་འདིར་གནོན།]
སྟབས་ཀྱིས། །བདག་ཉིད་ལྷོ་ཡི་ཕྱོགས་སོང་སྟེ། །བློ་ལྡན་གནོད་སྦྱིན་ཕྱོགས་འདོང་སྟེ། །ཚངས་ཐིག་གཉིས་པ་གདབ་པར་བྱ། །བདག་ཉིད་སྲིན་པོའི་ཕྱོགས་སོང་ལ། །བློ་ལྡན་བྱང་ཤར་ཉིད་སོང་སྟེ། །གྲུ་ཐིག་གཉིས་པ་གདབ་པར་བྱ། །བདག་ཉིད་རྡོ་རྗེའི་གོམ་སྟབས་ཀྱིས། །བསྐོར་ནས་མེ་ལྷའི་ཕྱོགས་སོང་སྟེ། །ཤར་གྱི་ཐིག་ཆ་རིམ་པར་དབྱེའོ། །ཕྱོགས་གཞན་དེ་བཞིན་བསྒྱུར་ཏེ་གདབ། །གདབ་པ་སྲད་བུའི་ཐིག་ཏུ་གསུངས། །ཁ་དོག་དོན་ནི་རིགས་དང་སྦྱར། །རེ་ཁཱ་གྲི་སོ་བསླང་བ་འདྲ། །མཚོན་རྩི་ཁ་བ་བབ་པ་བཞིན། །གཡས་སུ་བསྐོར་ཞིང་རྒྱུན་མི་གཅད། །ཡེ་ཤེས་ཐིག་ལ་མི་འགོང་སྟེ། །ཏིང་ངེ་འཛིན་གྱིས་འོག་ནས་འཛུལ་བར་བྱ། །དབུས་སུ་སྔགས་ཀྱི་བདག་པོ་ནི། །རྡོ་རྗེ་གཟུགས་དང་བཅས་པར་བྲི། །ཆོ་ག་བཞིན་དུ་མཛེས་པར་དགོད། །སྤྱན་སྔར་རྡོ་རྗེ་འཛིན་རྒྱལ་ཏེ། །འཁོར་ལོས་སྒྱུར་དང་རིན་ཆེན་འབྱུང་། །པདྨ་འཆང་དང་སྣ་ཚོགས་ལས། །ཕྱོགས་ཀྱི་འཁོར་ལོའི་གདན་དག་ལ། །གཟུགས་དང་བཅས་པ་དགོད་པར་བྱའོ། །ཕྱི་རོལ་འཁོར་ལོའི་རྩིབས་བརྒྱད་ལ། །སེམས་དཔའ་བརྒྱད་དང་སེམས་མ་བརྒྱད། །རིམ་པས་སྤེལ་ཏེ་དགོད་པར་བྱ། །བར་ཁྱམས་ལ་ནི་ཐུབ་དྲུག་སྟེ། །སྒོ་བཞི་སྒོ་སྲང་འཁོར་དང་བཅས། །སྐུ་འམ་ཕྱག་རྒྱའམ་ཡི་གེ་འམ། །མ་ངེས་པ་ནི་རྒྱལ་བས་གསུངས། །བླ་རེ་འཕན་གདུགས་ལ་སོགས་དང་། །རྒྱལ་མཚན་བརྒྱད་ཉིད་འབར་འདྲ་གཟུག །གཞན་ཡང་དཀྱིལ་འཁོར་མ་ལུས་དང་། །མཆོད་དང་རོལ་མོ་ཅི་འབྱོར་འབད། །དཀྱིལ་འཁོར་བཙའ་བའི་རིམ་པའོ། །ཆོ་གའི་རིམ་པ་བསྟན་པ་ནི། །བསྐྱེད་དང་དབང་བསྐུར་རིམ་པ་དག །སྔོན་བྱུང་བཞིན་དུ་རྗེས་འཇུག་པ། །དེ་ནས་རྣལ་འབྱོར་ཅན་གྱིས་ནི། །དབྱིངས་ནས་དཀྱིལ་འཁོར་སྤྱན་དྲང་མཆོད། །མཆོད་དང་བསྟོད་པའི་ལས་ཀྱང་བྱ། །མཉེས་ནས་ཉེ་བར་འགྲུབ་པའོ། །འཇུག་པའི་རིམ་པ་བསྟན་པ་ ― DNG022_Page_0081 ―
[མ་དཔེ་གཟིགས་ན་འདིར་གནོན།]
ནི། །དེ་ནས་སློབ་མ་གདོང་གཡོགས་ཏེ། །བགེགས་བསྐྲད་བསངས་གཏོར་བདུག་པ་བྱའོ། །དཀྱིལ་འཁོར་གཙོ་བོས་དཀྱིལ་འཁོར་དུ། །སློབ་མ་རབ་ཏུ་འཇུག་ཏུ་གསོལ། །སེམས་ཅན་དོན་དུ་བདག་སྩོལ་བས། །བཟོད་པར་མཛད་དེ་དགོངས་སུ་གསོལ། །སྐལ་དང་ལྡན་པའི་རིགས་ཀྱི་བུ། །ལས་གང་སྤྱོད་པ་ཅི་ལ་དགའ། །བདག་ནི་གསང་བའི་དཀྱིལ་འཁོར་དུ། །འཇུག་པར་འཚལ་ཏེ་བག་ཆགས་ཀྱིས། །བསྒྲིབས་པ་རབ་ཏུ་སྦྱངས་བྱས་ཏེ། །རྡོ་རྗེ་གསང་བའི་དཀྱིལ་འཁོར་དུ། །དབང་ནི་ནོད་པར་འཚལ་ལགས་སོ། །ཁྱོད་ནི་དེ་ལྟར་འདོད་ཡིན་ན། །སྣོད་དང་ལྡན་པའི་མཚན་ཉིད་དང་། །དད་པ་ཆེན་པོའི་སྔ་ལྟས་སུ། །ཡོན་དང་དད་པ་ཅི་ཞིག་ཡོད། །བདག་གི་ལུས་དང་སྲོག་ལ་མ་ཆགས་པར། །རྟ་དང་གླང་པོ་ནོར་གྱི་དབྱིག །གསེར་དངུལ་བྱ་རིས་ཟོར་སྐྱོགས་དང་། །གཡུ་དང་བྱུ་རུ་མན་ཤེལ་དང་། །གཡི་སྤྱང་དར་ཟབ་གོས་ཀྱི་མཆོག །འབངས་དང་རྐང་འགྲོས་ཡུལ་མཁར་རྣམས། །མ་ཞུམ་པ་ཡིས་དབུལ་བར་བྱ། །དགའ་ཆེན་ཁྱོད་བདག་སྟོན་པ་བས། །མགོན་པོ་ཆེན་པོ་བདག་འཚལ་ལོ། །བྱང་ཆུབ་ཆེན་པོའི་ཚུལ་བསྟན་པ། །ཞི་བའི་དམ་ཚིག་བདག་ལ་སྩོལ། །དཔའ་བོ་ཆེན་པོ་དབང་གི་ལྷ། །སྡོམ་པ་བདག་ལ་བཤད་དུ་གསོལ། །སངས་རྒྱས་གར་མཁན་ལས་བྱུང་བའི། །གསང་བ་ཆེན་པོར་འཇུག་པར་འཚལ། །ཕྱིར་མི་ལྡོག་པའི་དཀྱིལ་འཁོར་དུ། །རྡོ་རྗེ་གསང་བའི་དཀྱིལ་འཁོར་དུ། །རྡོ་རྗེ་གསང་བའི་དབང་མཆོག་སྐུར། །གསང་བ་ཀུན་གྱི་རིགས་ཚོགས་སུ། །བདག་ནི་མ་འོངས་སློབ་དཔོན་ཤོག །དེ་རིང་ཁྱོད་ཀྱི་སྙིང་ལ་ནི། །རྡོ་རྗེ་སེམས་དཔའ་ཡང་དག་གནས། །གལ་ཏེ་ཚུལ་འདི་དྲལ་འགྱུར་ན། །སྐད་ཅིག་གཅིག་གིས་དྲལ་ཏེ་གཤེགས། །དེ་བས་དམ་ལས་མ་འདའ་ཞིག །ཨཱོཾ་བཛྲོ་ད་ཀ་ཧཱུྃ། དེ་རིང་ཕན་ཆད་བུ་ཁྱོད་ཀྱི། །ཕྱག་ན་རྡོ་རྗེ་ང་ཡིན་གྱི། །ང་ཡིས་ཇི་སྐད་བསྒོ་བ་བཞིན། །ངེས་པ་ཁོ་ནར་བྱ་དགོས་སོ། །བདག་ལ་སྨད་པར་ ― DNG022_Page_0082 ―
[མ་དཔེ་གཟིགས་ན་འདིར་གནོན།]
མ་བྱེད་ཅིག །གལ་ཏེ་སྨད་པར་བྱས་ན་ནི། །ཚེ་ཡི་འདུ་བྱེད་བྱས་ནས་ཀྱང་། །དམ་ཆུ་འདི་ཡིས་རྐྱེན་བྱས་ནས། །དམྱལ་བའི་རྡོ་རྗེར་འགྱུར་ཏ་རེ། །སྐལ་དང་ལྡན་པ་རིགས་ཀྱི་བུ། །ཁྱོད་ཀྱིས་བསྲུང་བར་བྱ་བ་ནི། །ལྷ་དང་བླ་མ་སྤུན་མི་སྤང་། །སྔགས་དང་ཕྱག་རྒྱ་རྒྱུན་མི་གཅད། །གསང་བ་གཞན་ལ་སྤེལ་མི་བྱ། །སྐུ་གསུང་ཐུགས་ཀྱི་དམ་ཚིག་སྟེ། །རྩ་བའི་དམ་ཚིག་ངེས་ཐུབ་ན། །དམ་ཆུ་འདི་ཡིས་རྐྱེན་བྱས་ནས། །ཡེ་ཤེས་སེམས་དཔའ་ཉིད་དུ་འགྱུར། །མེ་ཏོག་ཕྲེང་བ་བཟང་པོ་འདི། །དཀྱིལ་འཁོར་གཙོ་བོ་རབ་དྲུང་དོར། །འགྲོ་ལ་ཕན་པའི་གཙོ་ཆེན་གྱིས། །སྨན་པར་དགོངས་ནས་བཞེས་སུ་གསོལ། །པྲ་ཏཱིཙྪ་ཧོ། བདེ་གཤེགས་རྒྱལ་བའི་དཀྱིལ་འཁོར་དུ། །རིག་པའི་མེ་ཏོག་འདི་བོར་བས། །གང་ལ་བབ་པ་རིགས་ཀྱི་ལྷ། །གཙོ་བོར་རིགས་ཏེ་བསྒྲུབས་ནས་ནི། །དངོས་གྲུབ་རིགས་ནི་ཐེ་ཚོམ་མེད། །སྐལ་ལྡན་ཁྱོད་ལ་སྦྱིན་པར་བྱ། །དེ་རིང་ཕན་ཆད་བུ་ཁྱོད་ཀྱི། །མཚན་ནི་རྡོ་རྗེ་ཆེ་གེ་ཞེས། །རྡོ་རྗེ་ཀུན་གྲགས་ཡིན་པར་ངེས། །རྡོ་རྗེའི་མཚན་གྱིས་ཀུན་གྲགས་ཤོག །སྔོན་གྱི་མིག་མཁན་རྒྱལ་པོ་ཡིས། །གསེར་གྱི་གཙགས་བུ་ཐོགས་ནས་ནི། །མིག་གི་ལིང་ཏོག་བསལ་བ་ལྟར། །ཐུགས་རྗེ་ཡེ་ཤེས་ཐབས་ལྡན་པས། །མི་ཤེས་པ་ཡི་རབ་རིབ་དང་། །མ་རིག་མུན་པ་བསལ་དུ་གསོལ། །དེང་ཁྱོད་རྡོ་རྗེ་སེམས་དཔའ་ཡིས། །མིག་ཀུན་ཉེ་བར་ཞི་མཛད་པའི། །མིག་དབྱེ་བ་ལ་བརྩོན་པར་བྱའོ། །རྡོ་རྗེའི་མིག་ནི་བླ་མེད་འགྱུར། །བཛྲ་ཛྙཱ་ན་ཙཀྵུ་པྲ་བེ་ཤ་ཕཊ། ཆོས་རྣམས་གཟུགས་བརྙན་འདྲ་བ་ཡི། །རང་བཞིན་དག་པས་རྙོག་པ་མེད། །གཟུགས་བརྙན་གསལ་བའི་དཀྱིལ་འཁོར་གྱི། །ཀུན་གྱིས་དྲི་མ་མེད་མཐོང་ཤོག །དཀྱིལ་འཁོར་འདི་ལ་ད་ལྟ་ཉིད། །དད་པའི་ཐུགས་ཀྱིས་བལྟ་བར་གྱིས། །ཁྱོད་ཀྱང་སངས་རྒྱས་རིགས་ལས་སྐྱེས། །སྔགས་དང་ཕྱག་རྒྱས་བྱིན་བརླབས་ཀྱི། །དཀྱིལ་འཁོར་བཟང་པོ་འདི་ལ་ལྟོས། ། ― DNG022_Page_0083 ―
[མ་དཔེ་གཟིགས་ན་འདིར་གནོན།]
བཛྲ་མཎྜ་ལ་པྲཱ་བེ་ཤ་ཧོ། མྱ་ངན་མི་འདའ་ཐུགས་རྗེའི་ངང་། །ཉོན་མོངས་མི་སྤོང་གོས་པ་མེད། །མ་ཆགས་རང་བཞིན་དག་པས་ན། །པདྨའི་གདན་ལ་བཞུགས་སུ་གསོལ། །དབང་བསྐུར་བར་བསྟན་པ་ནི། བྱང་ཆུབ་རྡོ་རྗེ་སངས་རྒྱས་ཀྱིས། །བདེན་པ་ཆེན་པོ་ཇི་ལྟར་བྱིན། །བདག་ཀྱང་བསྒྲལ་བའི་དོན་སླད་དུ། །ནམ་མཁའི་རྡོ་རྗེ་བདག་དབང་སྐུར། །རིན་པོ་ཆེ་ཡི་དབང་འདི་ནི། །སངས་རྒྱས་ཀུན་གྱིས་རབ་གསུངས་ཏེ། །མཁས་པ་ཀུན་གྱིས་ཕྱག་བྱས་པའི། །གནས་ལས་བྱུང་བ་སྦྱིན་པར་བྱའོ། །ཏྲ་གསང་བ་གསང་མཆོག་མྱ་ངན་འདས། །དེ་ལ་སོགས་པ་གསང་བ་ཀུན། །དོན་དུ་བརྟགས་ཤིང་མཉན་པ་ལས། །ཀུན་ལ་བསྒྲག་པར་བྱ་བ་མིན། །དྷརྨ་དྷཱ་ཏུ་མཎྜ་ལ་ཧཱུྃ་ཨཱ་བེ་ཤ་ཨཱཿ། ཧྲཱྀཿབྱེ་བ་བརྒྱད་ཅུའི་སྒྲ་དབྱངས་ཀྱིས། །གང་འདོད་སྐྱེས་བུ་ཚིམ་པར་བྱོས། །ཤེས་རབ་དོན་གྱི་དམིགས་དང་སྦྱར། །ཆེ་ཆུང་དོན་གྱིས་སོ་སོར་བསྒྲགས། །ཡོངས་ལ་བསྒྲག་པར་བྱ་བ་མིན། །ཨཱོཾ་དྷརྨ་དྷཱ་ཏུ་པྲ་བེ་ཤ་ཕཊ། ཧ་ཡི་འབར་བའི་ཚོགས་མཆོག་ལ། །ཀརྨའི་ཚོགས་མཆོག་གསལ་སྤྲོ་ཐིམ། །ཁྱོད་ནི་ལས་རྣམས་བྱེད་པ་ཡིན། །རྣམ་བཞིའི་ཕྲིན་ལས་ཀུན་བྱོས་ཤིག །ཨེ་བཾ་མཱ་ཡཱ་མཎྜ་ལ་སིདྡྷི་ཧཱུྃ། རྒྱལ་བའི་གདུང་འཚོབ་སྲས་ཆེན་པོ། །སྐུ་གསུང་ཐུགས་ཀྱི་རྡོ་རྗེ་ཟུང་། །གཉིས་མེད་རྒྱལ་བས་མཉེས་མཆོད་པ། །བདེ་གཤེགས་རྒྱལ་བ་ཀུན་དང་སྦྱོར། །ས་མི་ཏ་ཧཱུྃ་བཛྲ་ཀཱ་ཡ་བཛྲ་ཧཱུྃ། ཕྱོགས་བཅུ་འཇིག་རྟེན་སྟོང་གསུམ་དུ། །རིགས་མཆོག་རྣམས་ཀྱི་ཕྱག་རྒྱ་ཚུལ། །དཀྱིལ་འཁོར་ཀུན་གྱི་བྱེད་པ་པོར། །ཐམས་ཅད་མ་ལུས་དབང་རྣམས་སྦྱིན། །ཨོཾ་ཨཱཿཧཱུྃ་སྭཱ་ཧཱ། མ་ཧཱ་གུ་རུ་ཧཱུྃ། གླེགས་བམ་ཆག་ཤིང་རྡོ་རྗེ་དྲིལ་བུ་དང་། །ཆོ་ག་གསུམ་ལྡན་མེ་ལོང་ཕྱག་རྒྱ་རྣམས། །རྣ་བ་ལྕེ་དང་སྙིང་མགོ་ལག་པ་གཡས་པ་རུ། །ཨོཾ་ཨཱཿཧཱུྃ་སྭཱ་ཧཱ། རིན་ཆེན་པདྨ་རྡོ་རྗེ་འཁོར་ལོ་གཞལ་ཡས་སུ། །འཕྲོ་འདུས་རིགས་གསལ་སྤྱན་དང་བསྡིམ་མཆོད་བཟླས་པ་ ― DNG022_Page_0084 ―
[མ་དཔེ་གཟིགས་ན་འདིར་གནོན།]
བྱ། །གསོལ་གདབ་ཐིམ་གྱུར་སོ་སོའི་དབང་དང་ལྡན་པར་བསམ། །སྦས་པ་ཤེས་རབ་ཡེ་ཤེས་དབང་། །གནས་དང་བླ་མ་གཟུངས་བཅས་ཏེ། །ཏིང་ངེ་འཛིན་གྱི་དཀྱིལ་འཁོར་དུ། །སྐལ་ལྡན་བུ་ཡིས་མེ་ཏོག་བར། །དེ་ནས་བླ་མ་སློབ་དཔོན་གྱིས། །རྡོ་རྗེ་རིགས་ཀྱི་བུ་མཆོག་ལ། །ཡང་དག་སེམས་ཀྱི་གཏན་ཚིགས་བཞིན། །བུས་ཀྱང་ཇི་བཞིན་ཉམས་སུ་བླངས། །བུམ་པ་དབུ་རྒྱན་ཅོད་པན་དང་། །སྙིང་བོ་ལྔ་དང་ཕྱག་རྒྱ་ལྔ་སྟེ་སྐུ་ལྔ་དང་། །ཕྲེང་བ་གདུགས་དང་གོ་ཆ་བཟའ་བཏུང་དབང་བྱིན་ནོ། །དེ་བཞིན་གཤེགས་ཀུན་ཁྲུས་གསོལ་པའི། །ཇི་ལྟར་བལྟམས་པ་ཙམ་གྱིས་ནི། །ལྷ་ཡི་ཆུ་ནི་དག་པ་ཡིས། །དབང་མཆོག་དམ་པ་བསྐུར་བར་བྱའོ། །ཨཱོཾ་ན་མཿསརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཧཱུྃ། སངས་རྒྱས་ཀུན་གྱི་རིན་ཆེན་རྩེ། །དཔག་ཏུ་མེད་པའི་འོད་དང་ལྡན། །རྡོ་རྗེ་འཁོར་ལོ་རིན་ཆེན་དང་། །པདྨ་རྒྱ་གྲམ་ཁང་བུ་ལྔ། །ཟེའུ་དབྲོག་ཁང་བུམ་དབང་བསྐུར་རོ། །བཛྲ་བུཌྜྷ་རཏྣ་པདྨ་ཁཌྒ་མཱུ་ཀཱུ་ཊ་ཏྲཾ་ཏྲཾ། ཅོད་པན་འདི་ནི་མཛེས་པ་སྟེ། །ཡེ་ཤེས་ལྔ་ལྡན་ཅོད་པན་འདིས། །རྟག་ཆད་གཉིས་ལས་གྲོལ་འགྱུར་ཞིང་། །འཁོར་བའི་ཉེས་པས་མི་གོས་པའི། །མྱ་ངན་འདས་པའི་གོ་འཕང་ཐོབ་པར་ཤོག །ཨཱོཾ་ཏ་ཐཱ་ག་ཏ་བཛྲ་ལཾ་བྷ་ཨ་བྷི་ཥི་ཉྩ་ཧཱུྃ། ཨེ་མ་ཧོ་སངས་རྒྱས་ཐམས་ཅད་ཀྱི། །ཡི་གེ་གསུང་གི་ཕྱག་རྒྱའི་ཚོགས། །གསུང་གི་དེ་ཉིད་བསྡུས་པའི་དོན། །དེ་བས་སྙིང་པོ་ལྔ་ཡིས་དབང་བསྐུར་རོ། །ཨཱོཾ་ཨཱཿཧཱུྃ་སྭཱ་ཧཱ། དེ་བཞིན་གཤེགས་པ་ཀུན་གྱི་ཐུགས། །རྡོ་རྗེ་འཁོར་ལོ་རིན་ཆེན་དང་། །པདྨ་རལ་གྲི་མཚོན་ཆེན་ལྔ། །ཕྱག་རྒྱ་ལྔ་ཡི་དབང་བསྐུར་རོ། །ཨཱོཾ་བཛྲ་ཙཀྲ་རཏྣ་པདྨ་ཁཌྒ་མུ་དྲ་ཧཱུྃ་ཕཊ། ཨེ་མ་ཧོ་བདེ་གཤེགས་ཀུན་གྱི་སྐུ། །མཚན་དང་དཔེ་བྱད་དཔག་ཏུ་མེད། །མི་འགྱུར་མི་ཤིགས་རིགས་ཀྱི་གཙོ། །དེ་བས་རིགས་ལྔས་དབང་བསྐུར་རོ། །ཨཱོཾ་སཏྭ་བཛྲ་ཧཱུྃ། བཻ་རོ་ཙ་ན་ཨཱོཾ། རཏྣ་སམྦྷ་ཝ་ཏྲཾ། པདྨ་ཨ་མི་དྷི་བ་ཧྲཱྀ། ཀརྨ་ཨ་མོ་གྷ་སིདྡྷི་ཨ། གཟུངས་ ― DNG022_Page_0085 ―
[མ་དཔེ་གཟིགས་ན་འདིར་གནོན།]
དང་ཏིང་འཛིན་མེ་ཏོག་ཕྲེང་། །སངས་རྒྱས་ཀུན་གྱིས་བསྔགས་པ་སྟེ། །སྐུ་ཡི་རྒྱན་དུ་གྱུར་པའི་ཕྱིར། །དེ་བས་ཕྲེང་བས་དབང་བསྐུར་རོ། །ཨཱོཾ་རཏྣ་མཱ་ལེ་པུཥྤ་ཧོ། སྟོང་པའི་གོ་ཆ་བླ་ན་མེད། །མཚན་མའི་དངོས་པོ་ཀུན་བཅོམ་ནས། །ཕྱིན་ཅི་ལོག་གི་བགེགས་ཆེན་བསྲུང་། །དེ་བས་གོ་ཆས་དབང་བསྐུར་རོ། །བཛྲ་ཀཱ་ཝཱ་ཙ་བཛྲ་རཀྵ་ཧཱུྃ་ཧཱུྃ། གདུགས་མཛེས་གསེར་གྱི་ཡུ་བ་ཅན། །སྐྱབས་ཆེན་བྱམས་པ་ཆེན་པོ་སྟེ། །ཉོན་མོངས་གདུང་བ་སེལ་བའི་རྟགས། །དེ་བས་གདུགས་ཀྱིས་དབང་བསྐུར་རོ། །ཨཱོཾ་བཛྲ་སཱུརྱ་རཏྣ་ཨ་བྷི་ཥིཉྩ་ཧཱུྃ། བཟའ་དང་བཅའ་དང་བཏུང་བའི་ཚོགས། །ཁ་མངར་སྐྱུར་བརླག་བསྐ་འམ་རོ་མཆོག་སྟེ། །ཛ་གད་ཚེ་དང་ཟླ་རྒྱས་དང་། །ཚེ་འཛིན་མཱཾ་ས་ཀུན་ཏུ་རྒྱུ། །ཚིམས་བྱེད་འཇམ་དེས་ཞལ་ཟས་ཀྱིས། །ཉིན་མཚན་རྟག་ཏུ་བདེ་ལེགས་ཤོག །ཨཱོཾ་སརྦ་ཏ་ཐཱ་ག་ཏ་པཱུ་ཛ་ས་མ་ཡ་ཧཱུྃ། གསང་བ་ནང་གི་དབང་བསྐུར་རོ། །ཡིད་དུ་འོང་བའི་གནས་དག་ཏུ། །བླ་མ་རྡོ་རྗེ་སློབ་དཔོན་གྱིས། །མེ་ཏོག་ཕུང་པོའི་དཀྱིལ་འཁོར་བྱ། །རབ་བསྐྱེད་སྤྱན་དྲང་མཆོད་བྱས་ལ། །རིགས་ཀྱི་བུ་ཡིས་ཞུ་བ་དབུལ། །བླ་མས་གཟུངས་མ་བྱིན་བརླབས་ཏེ། །གསང་བ་བྱང་ཆུབ་སེམས་ཀྱི་དབང་། །འདོད་པ་དེ་ལ་སྦྱིན་པར་བྱ། །རིགས་བཟང་ཉི་ཤུ་ལོན་པ་འམ། །མཚན་ལྡན་སེམས་ཕེབས་གང་དུ་བཟུང་། །རིགས་ངན་མཚན་ངན་སེམས་མི་ཕེབས། །ད་ནི་སྤང་བར་བྱ་བ་ཡིན། །ཕན་ཡོན་བསྟན་པར་བྱ་བ་ནི། །དབང་མཆོག་བསྐུར་བས་བུ་མཆོག་དེ། །འཇིག་རྟེན་མེ་ཡིས་མཆོད་ཅིང་བཀུར། །བདེ་གཤེགས་རྣམས་ཀྱིས་སྲས་སུ་དགོངས། །ལྷ་མོ་རྣམས་ཀྱིས་གྲོགས་སུ་མཐོང་། །ཆོས་སྐྱོང་སྲུང་མས་སྟོང་གྲོགས་བྱེད། །འགྲོ་དོན་སྤྱད་ཀྱང་མི་འགྲིབ་ཅིང་། །འཁོར་འདབ་རྒྱས་ཤིང་བསམ་པ་འགྲུབ། །ཚེ་ཡི་འདུ་བྱེད་བྱས་ན་ཡང་། །རིག་འཛིན་ས་ལ་ངེས་པར་འཁོད། །བྱང་ཆུབ་མཆོག་ཏུ་གདོན་མི་ཟ། །གཞན་ཡང་འཇིག་རྟེན་འཕོས་མ་ཐག །ལས་ཀྱི་དབང་ ― DNG022_Page_0086 ―
[མ་དཔེ་གཟིགས་ན་འདིར་གནོན།]
གིས་གར་སྐྱེས་ཀྱང་། །ཞག་གྲངས་ཉི་ཤུ་རྩ་དགུ་ཚུན་ཆད་དུ། །གོས་སམ་མིང་ལ་ཤེས་བསྡིམ་ནས། །ཆོ་གའི་རིམ་པ་འདི་བྱས་ན། །རིགས་ངེས་པ་ཡི་སྲས་ཉིད་དུ། །འདག་ལ་རྒྱས་བཏབ་ཇི་བཞིན་ནོ། །གཞན་ཡང་ཡོན་ཏན་དཔག་ལས་འདས། །སྐྱོན་གྱི་རིམ་པ་བསྟན་པ་ནི། །བླ་མ་མཉེས་པར་མ་བྱས་སམ། །དམ་མེད་དབང་རྣམས་མ་མནོས་ནས། །ཉན་འཆད་སྒོམ་ཞིང་ལས་བྱེད་དང་། །རྡོ་རྗེ་བླ་མ་བྱེད་པ་དག །ཚེ་ཐུང་དམྱལ་བའི་གནས་སུ་ལྟུང་། །འཇིག་རྟེན་འདིར་ཡང་གནོད་པ་དག །འཁོར་དུ་མི་ནད་ཕྱུགས་ནད་འབྱུང་། །ཡུལ་དུ་སད་དང་སེར་བ་འབེབས། །འཇིག་རྟེན་མི་ཡི་ཡ་ག་དར། །དེ་ཡི་སྐྱོན་དུ་ཤེས་པར་བྱའོ། །ལས་ཀྱི་མཐའ་བསྡུས་བསྟན་པ་ནི། །གཏོར་མ་ཚོ་གསུམ་གནས་སུ་གཏང་། །གཤེགས་དང་བསྡུས་དང་གཟུགས་བརྙན་ཞལ་ཕྱེས་ལ། །ལུས་བསྲུང་གོ་བགོ་བཀའ་ནན་སྤྱོད་ལམ་བྱའོ། །ཟབ་པའི་དབང་གསུམ་དབང་བསྐུར་ན། །གཟུངས་མ་དེ་དང་དེ་དག་ལ། །ཡོན་ཡང་བླ་མའི་ཕྱེད་ཤས་དབུལ། །དམ་ཚིག་བསྲུངས་དེ་བརྡ་དང་ལྡན་པར་བྱ། །མ་བྱས་པས་ན་མནར་མེད་འགྱུར། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ཞི་བ་རྗེས་སུ་བསྒྲུབ་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས། ཕྱི་རབས་ཀྱི་རྣལ་འབྱོར་གྱི་དོན་དུ་དྲག་པོའི་ལས་བྱ་བའི་དམིགས་གང་ལ་བྱ་བ་འདི་སྐད་ཅེས་གསོལ་ཏོ། །ཨེ་མ་ཧོ་རྡོ་རྗེ་ཁྲོས་པའི་ཡབ། །དཀའ་ཐུབ་ཅན་གྱི་དྲེགས་པ་ཆེན་པོ་དེ། །མངོན་སྤྱོད་རོལ་པས་བསྒྲལ་བ་ཨེ་མ་ཧོ། །ངོ་མཚར་ཆེའོ། །ཨེ་མ་ཧོ་ཡ་མཚན་ཅན་ནོ། །དེའི་རྗེས་སུ་སྤྱོད་པའི་རྣལ་འབྱོར་པས། །བསྒྲལ་བའི་དམིགས་ནི་གང་ལ་བྱ། །དེ་ཡི་མཚན་ཉིད་བཤད་དུ་གསོལ། །ཞེས་ཞུས་སོ། །བཅོམ་ལྡན་འདས་རྡོ་རྗེ་ཁྲོས་པའི་ཡབ་ཆེན་པོས་བཀའ་སྩལ་པ་ནི། ཉོན་ཅིག་རྡོ་རྗེ་འདུས་པའི་སྐུ། །ཀུན་ལ་བྱ་བར་གཞུང་ ― DNG022_Page_0087 ―
[མ་དཔེ་གཟིགས་ན་འདིར་གནོན།]
ལས་མེད། །དམ་ཚིག་ཉམས་པ་བསྒྲལ་བའི་ཞིང་། །དམ་ཚིག་མི་ཤེས་དམ་ཅན་བཀའ་གཅོག་པ། །འདི་ནི་བསྒྲལ་བའི་ཞིང་དུ་གསུངས། །དམ་ཚིག་ཉམས་པ་བསྒྲལ་ཞིང་ནི། །སྲོག་དོན་བཀའ་དམ་ལས་ཀྱིས་ཉམས། །མཚན་མ་འདོད་པས་ཉམས་དང་བདུན། །ཕ་མ་མཁན་པོ་སློབ་མ་གསོད། །རྡོ་རྗེ་ནང་དམེ་བྱེད་པ་དང་། །སྲོག་ལས་ཉམས་པས་བསྒྲལ་བའི་ཞིང་། །སློབ་དཔོན་བཀའ་བསླུ་མངན་དང་དབྱེ་ཡི་སེམས། །སྔགས་དང་ཕྱག་རྒྱ་རྒྱུན་གཅོད་གསང་བ་གཞན་ལ་སྤེལ། །དོན་ལས་ཉམས་པས་བསྒྲལ་བའི་ཞིང་། །གསང་སྔགས་ཚུལ་སྤྱོད་རྣལ་འབྱོར་ལ། །རྐུ་མཚངས་བྲུ་ཞིང་ཡ་ག་འདོགས། །བཀའ་ལ་སྐུར་འདེབས་འཁོར་རྣམས་ལོག་པར་ཁྲིད། །རྟགས་ཀྱི་དོན་བསྟན་ལོག་པར་འཛིན། །བཀའ་ལས་ཉམས་པས་བསྒྲལ་བའི་ཞིང་། །སྐུར་པའི་གཞི་བྱེད་ལྟ་བ་རྒྱབ་ཏུ་བོར། །སྤྱོད་པ་ལོག་པ་དང་དུ་ལེན་ཅིང་སྤྱོད། །བཀའ་ཡི་གཞུང་བོར་ཕྱིན་ཅི་ལོག་ལ་མཁས། །དམ་ལས་ཉམས་པས་བསྒྲལ་བའི་ཞིང་། །སྔོན་ཆད་མཁོན་པའི་གཞི་མེད་པར། །རྒོད་ཅིང་བཞིན་ལྡོག་ཉེས་མེད་གཞན་ལ་གནད་དུ་འཛུག །བདག་གིས་ཉེས་པར་མ་དྲན་པར། །བདག་ལ་མཐུ་དང་རྩལ་འདེད་པས། །ལས་ཀྱིས་ཉམས་པས་བསྒྲལ་བའི་ཞིང་། །གཉིས་མེད་དོན་ལ་ཕྱོགས་ཆར་འཛིན། །ལྟ་བ་སྒྲོ་སྐུར་རས་ཆོད་ཞེ་གཅོད་པའི། །སྐྱེ་མེད་ཆོས་བཤད་མཚན་མའི་ཆོས་སུ་གཟུང་། །ལྷ་སྲིན་བྲན་དུ་ངས་འཁོལ་གྱི། །མཐུ་འགྲན་བྱེད་པ་སུ་ཞིག་ཡོད། །ང་ཉིད་དཔལ་ཡིན་ཉམས་སུ་མ་མོ་བྱུང་། །ཟེར་ཞིང་གཞན་ལ་ཁྲོ་ཞིང་འཚེ། །མཚན་མས་ཉམས་པས་བསྒྲལ་བའི་ཞིང་། །ཤེས་རབ་རྣམ་གསུམ་གསལ་མེད་པར། །གཞན་པས་མཐུ་ཆེ་བཙན་འདོད་པས། །ལས་ཀྱི་གཙོ་རུ་མཚན་མ་སྤྱོད། །རང་གི་ངོ་གདོང་ཁྲག་བྱུགས་ཏེ། །མི་ཐོད་ཞིང་ཆེན་ལག་ན་ཐོགས། །དམར་གཏོར་ཡ་དོང་གློ་ལ་བཏགས་ནས་འཇིག་རྟེན་མ་མོ་བསྟེན་ཅིང་འབོད། །སྤྱོད་པའི་དོན་བོར་མི་འཚམ་ལས་རྣམས་ ― DNG022_Page_0088 ―
[མ་དཔེ་གཟིགས་ན་འདིར་གནོན།]
བྱེད། །ཐོ་ཅོ་བརླང་པོའི་སྤྱོད་པས་བཀའ་གཞུང་སྨད། །རྣལ་འབྱོར་པ་ལ་ཡ་ག་འདོར། །དུས་གསུམ་སངས་རྒྱས་ཞབས་ནས་དྲངས། །འབར་བའི་རྒྱལ་པོའི་ཐུགས་དང་འགལ། །ཤ་ཟ་མ་མོའི་གཟན་ཚོགས་བཀྲམ། །མཆོག་སེམས་མི་ལྡན་སེམས་ཀྱི་ནོར་བྲུས་ནས། །ཤི་བར་ཤེས་ཀྱང་འདོད་པས་བརྒྱལ། །ཕུང་བར་ཤེས་ཀྱང་སྔགས་འཆང་འཇོམས། །གཉན་ཞིང་བཙུན་ཡང་ཐབས་ཀྱིས་སྨོད། །ཐོབ་ཏུ་འདོད་ནས་གསང་སྔགས་རྐུ། །བཟའ་རུ་འདོད་ནས་སྒྲུབ་པ་པོའི། །ཕུད་དང་ལོངས་སྤྱོད་བརྐུས་ནས་ཟ། །དུག་ཏུ་ཤེས་ཀྱང་ལྟོ་རུ་ཟ། །འདོད་པས་ཉམས་པ་བསྒྲལ་བའི་ཞིང་། །འདི་ནི་དམ་ཉམས་བསྒྲལ་བར་བསྟན་པའོ། །དམ་ཚིག་མི་ཤེས་དམ་ཅན་བཀའ་གཅོག་གི། །གསང་སྔགས་གཞུང་སྤྱོད་རྣལ་འབྱོར་ལ། །སྡང་བར་བྱེད་ན་ཕ་ཡང་རུང་། །གནོད་པར་བྱེད་ན་མ་ཡང་རུང་། །གནད་དུ་འཛུག་ན་སྤུན་ཡང་རུང་། །དམ་ལས་ལྡོག་ན་མཆེད་ཀྱང་རུང་། །སྙིང་རིང་བྱེད་ན་གྲོགས་ཀྱང་རུང་། །དེ་ནི་བཀའ་གཅོག་བསྒྲལ་བའི་ཞིང་། །དེ་ནས་ཡང་རྡོ་རྗེ་འདུས་པའི་རྒྱལ་པོས་གསོལ་པ། དེ་ལྟར་བསྒྲལ་བའི་ཞིང་དེ་ལ། །བསྒྲལ་བའི་ཡོན་ཏན་ཅི་ལྟར་ལགས། །མ་བསྒྲལ་བ་ལ་སྐྱོན་ནི་གང་། །ཞེས་གསུངས་པས། རྡོ་རྗེ་ཁྲོས་པའི་ཡབ་ཀྱིས་བཀའ་སྩལ་པ། བསྒྲལ་བའི་ཡོན་ཏན་འདི་ལྟ་སྟེ། །དེ་དག་བསྒྲལ་བས་རྣལ་འབྱོར་བཙུན། །བདུད་རྣམས་བཏུལ་ནས་བསྟན་པ་གཉན། །དམ་མེད་བསྒྲལ་ན་བར་ཆད་ཉུང་། །མེད་པར་གྱུར་ན་བསྟན་པ་རྒྱས། །ཉམས་པ་མེད་ན་དཀོན་མཆོག་ཆེ། །དེ་བས་ཡོན་ཏན་བསམ་མི་ཁྱབ། །མ་བསྒྲལ་བ་ཡི་སྐྱོན་བསྟན་པ། །དམྱལ་ཁམས་འཕེལ་ལ་མཐོ་རིས་འགྲིབ། །གཞུང་སྤྱོད་རྣལ་འབྱོར་སྒྱིད་ལུག་ནས། །གསང་སྔགས་ཐེག་པའི་ཆོས་སྒོ་འགག །དམ་ཆོས་སྤང་བའི་གཞིར་གྱུར་ནས། །དོན་ལ་མི་མཐུན་སྐྱོན་ཡོད་དོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ། ― DNG022_Page_0089 ―
[མ་དཔེ་གཟིགས་ན་འདིར་གནོན།]
བསྒྲལ་བའི་དམིགས་པ་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་རྡོ་རྗེ་ཁྲོས་པའི་རྒྱལ་པོ་ལ། རྡོ་རྗེ་འདུས་པའི་རྒྱལ་པོས་འདི་སྐད་ཅེས་གསོལ་ཏོ། །ཨེ་མ་ཧོ་དཔལ་ཆེན་འབར་བའི་སྐུ། །བསྒྲལ་བའི་ཞིང་རྣམས་བསྟན་པ་དེ། །མངོན་སུམ་བསྒྲལ་བའམ་ཐབས་ཀྱིས་བསྒྲལ། །ཞེས་གསོལ་པས། རྡོ་རྗེ་དཔལ་ཆེན་པོས་བཀའ་སྩལ་པ། མངོན་སུམ་བསྒྲལ་བ་མ་ཡིན་གྱི། །ཐབས་ཀྱིས་རིམ་པས་བསྒྲལ་བར་བྱའོ། །དེ་ནས་ཡང་རྡོ་རྗེ་འདུས་པས་གསོལ་པ། ཐབས་ཀྱིས་བསྒྲལ་བར་གསུངས་པ་དེའི། །དམིགས་པའི་རྟེན་ནི་གང་ལ་བྱ། །བཀའ་སྩལ་པ། དམིགས་པའི་རྟེན་ནི་ལིངྒའོ། །ལིངྒའི་རིམ་པ་ཇི་ལྟར་ལགས། །བཀའ་སྩལ་པ། གྲོག་མཁར་ས་དང་མི་ཕུང་ས། །གངས་ཀྱི་དུམ་བུ་ཇུ་ཚེའི་ཕུབ། །སྲུབ་མའི་ལོ་མ་ཞིང་ཆེན་རས། །སྐེ་ཚེ་དང་ནི་ལྡོང་རོས་དང་། །ཐལ་ཆེན་དང་ནི་རཀྟ་དང་། །གཤང་བ་འམ་ནི་གཅི་བ་སྟེ། །བཅུ་གཉིས་ཐོད་པའི་ནང་དུ་བརྡུང་། །ཨཱོཾ་བཛྲ་ཀཱི་ལི་ཀཱི་ལ་ཡ་མུཌྒ་ར་ཨ་ཀོ་ཊ་ཡ་ཧཱུྃ་ཕཊ། ཟུར་ཆག ། ལུག་ཐུག་ར་ཐུག་གཅིན་གྱིས་སྤྲུས། །ཨཱོཾ་བཛྲ་ཀཱི་ལི་ཀཱི་ལ་ཡ་ས་ཤ་མ་བྷི་ཤྭ་དྷ་བཾ་ཁཾ་ཧཱུྃ་ཕཊ། དུར་ཁྲོད་ཀུ་ཤའི་རྩྭ་དག་ལ། །དགྲ་དང་བགེགས་ཀྱི་གཟུགས་བརྙན་བྱ། །ཨཱོཾ་བཛྲ་ཀཱི་ལི་ཀཱི་ལ་ཡ་ནྲྀ་ཏྲི་མཱ་ར་ཡ་ཕཊ་ཨ། དེ་ལ་གོང་གི་དམ་རྫས་བྱུག །ཨཱོཾ་བཛྲ་ཀཱི་ལི་ཀཱི་ལ་ཡ་ཨེ་རཀ་ཧཱུྃ་ཕཊ། མཁར་ནག་སྐུད་པས་སྐེ་ནས་གདགས། །ཨཱོཾ་བཛྲ་ཀཱི་ལི་ཀཱི་ལ་ཡ་ཨཾ་ཀུ་ཤ་ཧཱུྃ་ཛཿ། དེ་ནི་གདབ་པའི་ལིངྒ་ཡིན། །ཤིང་ཤུན་ཚོན་གང་བ་གཅིག་ལ། །དེ་ལ་དགྲ་བགེགས་གཟུགས་བརྙན་བྱ། །དེ་ནི་གཟིར་བའི་ལིངྒར་བཤད། །རས་སམ་གྲོ་གའམ་ཤོག་ཤོག་ལ། །དགྲ་བགེགས་གཟུགས་བརྙན་རྫོགས་བྲི་སྟེ། །ཁམ་ཤིས་ནག་ལ་གདགས་པ་ནི། །འདི་ནི་བསྟབ་པའི་ལིངྒའོ། །མ་ནིང་ནག་པོའི་ཐོད་པ་ལ། །གྲུ་གསུམ་འབར་བ་ཆ་དྲུག་ལ། །ཡན་ལག་མགོ་དང་གསང་གནས་བྱ། །གྲུ་གསུམ་རྩེ་ལ་འཁོར་ལོ་དྲུག །མཐའ་མ་ ― DNG022_Page_0090 ―
[མ་དཔེ་གཟིགས་ན་འདིར་གནོན།]
མུ་ཁྱུད་ཟླུམ་པོས་བསྐོར། །འཁོར་ལོ་དྲུག་གི་ཆ་ལ་ནི། །སྔགས་དང་འཕྱོང་གཉིས་མཐུན་བསྡེབ་པར། །དགྲ་བགེགས་མིང་དང་གཟུགས་བྲིས་ལ། །སྤྱི་བོར་ཨཱོཾ་དང་ཀཱི་ལ་ཡ། །དཔྲལ་བར་རུས་ལ་སྙིང་གར་མིང་། །གཡས་སུ་ཧཱུྃ་ལ་གཡོན་དུ་ཕཊ། །འདོམས་སུ་མཱ་ར་ཡ་ཡང་དགོད། །འདི་ནི་གནན་པའི་ལིངྒའོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། དགྲ་བགེགས་ཀྱི་གཟུགས་བརྙན་བཅའ་བའི་ལེའུ་སྟེ་བཅུ་དྲུག་པའོ།། །།དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས། འདི་སྐད་ཅེས་གསོལ་ཏོ། །གོང་དུ་བསྟན་པའི་དཀྱིལ་འཁོར་དེའི། །མི་ཤེས་རྨོངས་ལ་བསྟན་པའི་ཕྱིར། །གཟུགས་བརྙན་བཅའ་བའི་དཀྱིལ་འཁོར་ཆོ་ག་གང་། །རྗེས་འཇུག་དོན་དུ་བསྟན་དུ་གསོལ། །རྡོ་རྗེ་ཁྲོས་པས་བཀའ་སྩལ་པ། ས་དང་མཚམས་དང་གོ་མ་ཡི། །ཐིག་དང་ཚོན་དང་ཕྱག་རྒྱ་དགོད། །རྒྱན་དང་མཆོད་རྫས་ཕྱག་བཙལ་བའོ། །སྔོན་ཚེ་དཔང་མཛད་ལྷ་མོ་ལ། །སྤྱན་དྲངས་མཆོད་དོན་གསོལ་བ་ནི། །བར་ཆད་བགེགས་རྣམས་ཞི་བ་དང་། །ས་ཡི་དངོས་གྲུབ་བདག་ལ་སྩོལ། ། ཟུར་ཆག ། བེ་ཨ་ཀྲ་མ་སིདྡྷི་ཧཱུྃ། ཕྱག་ན་རྡོ་རྗེ་དབང་གི་མཐུས། །རི་རབ་གླིང་བཞིའི་ཕྱོགས་བཞི་ནས། །དཔལ་ལྡན་རྒྱལ་པོ་ཆེན་པོ་བཞིས། །ཕྱོགས་སྲུངས་རེ་བ་སྐོང་དུ་གསོལ། །བར་དུ་གཅོད་པ་མཚམས་ཆོད་ཅིག །བཻ་ཤྲ་པ་ཎ་ཡེ། དྷྲྀཥྚ་རཱཥྚ་ཡེ། བི་རུ་ཌྷ་ཀ་ཡེ། བི་རུ་པཱཀྵ་ཡེ། ས་མ་ཡ་ཧཱུྃ་ཕཊ་སྭཱ་ཧཱ། དུར་ཁྲོད་འབར་བའི་གནས་ཆེན་འདིར། །ལས་ཀྱི་དབང་གིས་བར་ཆད་བྱེད། །བཀའ་ལས་འདའ་བྱེད་དམ་སྲི་འདི། །གནན་ཅིང་སྤར་བའི་དུས་ལ་བབ། །ཀཱི་ལ་ཡ་མཱ་ར་ཡ། རཀྴ་རཀྴ་ཏོ་ཅོ་ཕྱང་། ཧཱུྃ་བཛྲ་སྭཱ་ཧཱ། དཀར་དམར་ལྗང་སེར་མཐིང་སོགས་པ། །རིགས་ལྔའི་བྱིན་རླབ་ཡེ་ཤེས་འོད། །མ་འདྲེས་ར་རི་མེད་པའི་མདོག །རིགས་རྣམས་སོ་སོར་ཁ་དོག་གསལ། །ཀཱི་ལི་ཀཱི་ལ་ཡ་ཨོཾ་ཨཱཿཧཱུྃ་སྭཱ་ཧཱ། མཎྜ་ལ་སིདྡྷི་ཧཱུྃ། ཕྱི་ནང་གསང་བའི་མཆོད་རྫས་ ― DNG022_Page_0091 ―
[མ་དཔེ་གཟིགས་ན་འདིར་གནོན།]
རྣམས། །སྔགས་དང་ཕྱག་རྒྱ་ཏིང་འཛིན་གྱིས། །སོ་སོའི་གཞུང་དུ་བྱིན་བརླབས་ནས། །མཆོག་ཏུ་མཛེས་པ་དགྲམ་པར་བྱའོ། །ཨཱོཾ་མ་ཧཱ་པཱུ་ཛ་ས་མ་ཡ་ཧཱུྃ། ཐུགས་ལས་བསྲུང་བའི་ཁྲོ་རྒྱལ་བཅུས། །མི་དགེ་བཅུ་རྣམས་ཚར་བཅད་ནས། །རྣམ་ཐར་ལ་ནི་དགོད་པའི་ཕྱིར། །ཆོ་ག་བཞིན་དུ་ཕུར་པས་གདབ། །མ་དག་པ་རྣམས་ཚར་ཆོད་ཅིག །གརྫ་ཧ་ན་ད་ཧ་པ་ཙ་བྷནྡྷ། ཧུ་ལུ་ཏིཥྛ་ཙྪིནྡ་བིནྡྷ་སྥོ་ཊ་ཧཱུྃ་ཕཊ། ཐབས་དང་ཤེས་རབ་ལྡན་བྱས་ལ། །གསང་བའི་དཀྱིལ་འཁོར་ཐིག་བཏབ་པས། །བདེར་གཤེགས་རྒྱལ་བའི་བཞུགས་གནས་ལ། །རྡོ་རྗེ་ཐིག་ཆ་རིམ་པར་དབྱེ། །ཨེ་མཎྜ་ལ་བཛྲ་སིཛྫཾ་ནཱན། གནོད་ནས་དག་པའི་དམ་རྫས་བདུད་རྩི་ལྔ། །སྐུ་ལྔ་ཡེ་ཤེས་ལྔ་ཡི་རང་བཞིན་པས། །བདེར་གཤེགས་རྒྱལ་བའི་བཞུགས་གནས་བཤམས་པ་དང་། །དྲང་བའི་དོན་ཕྱིར་གཞལ་ཡས་ཆག་ཆག་གདབ། །ཨཱོཾ་ཨཿཧཱུྃ་སྭཱ་ཧཱ། སརྦ་པཉྩ་ཨ་མྲྀ་ཏ་མཎྜ་ལ་སིདྡྷི་ཧཱུྃ་ཕཊ། སྐུའམ་གསུང་སྟེ་ཕྱག་རྒྱ་ཐུགས། །དབུས་ནས་མཐའ་ཡི་སྒོ་བཞི་རུ། །རྡོ་རྗེ་སྲིན་པོའི་ལྷ་རྣམས་ཀུན། །བདག་ལ་རིམ་པར་བཞུགས་སུ་གསོལ། །ས་མ་ཡ་ཏིཥྛ་བཛྲ་ཕཊ། ཞིང་ཆེན་བླ་རེ་འཕན་གདུགས་རྒྱལ་མཚན་དང་། །ལྡ་ལྡི་རས་རོས་དམ་དུམ་ཤ་རུས་ཁྲག །འཇིགས་བྱེད་ཆེན་པོའི་དཀྱིལ་འཁོར་ལ། །གདོས་བཅས་དོན་དང་བསྟུན་ཞིང་དགོད་པར་བྱའོ། །མ་ཧཱ་རཀྟ་ཀེཾ་སྨི་ག་ཏ་མཎྜ་ལ་ཧཱུྃ། །རྡོ་རྗེ་སྲིན་པོའི་དཀྱིལ་འཁོར་ལ། །རྡོ་རྗེ་རྣལ་འབྱོར་སྤུན་གྲོགས་རྣམས། །མ་བུའི་འདུ་ཤེས་ཉེར་བཞག་ནས། །རྣལ་འབྱོར་སྤྱོད་མཆོག་ཕྱག་བགྱིད་དོ། །ཤྲཱི་བཛྲ་ན་མོ། ཕྱི་ནང་གསང་བའི་མཆོད་རྫས་རྣམས། །སྔགས་དང་ཕྱག་རྒྱ་ཏིང་འཛིན་གྱིས། །སོ་སོའི་གཞུང་དུ་བྱིན་བརླབས་ཏེ། །མཆོག་ཏུ་མཛེས་པ་ དགྲམ་པར་བྱ། །མ་ཧཱ་བུ་ཛ་ས་མ་ཡེ་ཧཱུྃ། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། སྒྲུབ་པའི་དཀྱིལ་འཁོར་གཟུགས་བརྙན་དུ་བཅའ་བའི་ལེའུ་སྟེ་བཅུ་ ― DNG022_Page_0092 ―
[མ་དཔེ་གཟིགས་ན་འདིར་གནོན།]
བདུན་པའོ།། །།དེ་ནས་ཡང་རྡོ་རྗེ་འདུས་པས། བཅོམ་ལྡན་འདས་ཁྲོས་པའི་རྒྱལ་པོ་ལ།འདི་སྐད་ཅེས་གསོལ་ཏོ། །དུར་ཁྲོད་འབར་བའི་གནས་ཆེན་དུ། །དྲེགས་བྱེད་རྣམས་ནི་བསྒྲལ་བ་བཞིན། །རྗེས་སུ་འཇུག་པའི་རྣལ་འབྱོར་པས། །བསྒྲལ་བའི་གནས་ནི་གང་དུ་བྱ། །རྡོ་རྗེ་ཁྲོས་པས་བཀའ་སྩལ་པ། །བསྒྲལ་བའི་གནས་ནི་དོན་བཤད་པ། །དེ་ཡང་རྟོགས་པའི་ཚད་དང་སྦྱར། །སེམས་ལ་ཆོས་ཉིད་མི་གསལ་ཞིང་། །ཉམས་དང་ཏིང་འཛིན་གཡེལ་བ་ཡིས། །སྒྲུབ་པའི་དཀྱིལ་འཁོར་ཆེན་པོ་དེ། །ཤར་ལྷོ་བྱང་ཤར་གང་རུང་དུ། །རྡོ་རྗེ་དྲག་པོའི་ལས་བྱའོ། །དེར་ནི་ངེས་འགྲུབ་ཕུང་འཚེང་མེད། །དམ་ཚིག་ངེས་ཐུབ་ཏིང་འཛིན་བརྟན་པའི་བློ། །དོན་སྤྱོད་རྟགས་ཀྱི་བློ་ཅན་གྱིས། །དྲག་པོའི་གནས་སུ་བྱ་བ་ལ། །གསང་བ་ཚེར་མ་ཅན་གྱི་རི། །གཅན་གཟན་གདུག་པ་སྣ་ཚོགས་ཡོད། །གནམ་ནི་གྲི་འདྲ་རལ་གྲིའི་ཤུལ། །ས་ནི་གྲུ་གསུམ་མེ་དཔུང་འདྲ། །ལོགས་ལ་དུར་ཁྲོད་གླིང་ཡོད་པ། །ཚེར་མ་ཅན་གྱི་ཤིང་དག་དང་། །དུག་ཤིང་གདུག་པ་ཡོད་པ་དང་། །བྲག་ལ་རད་རོད་མང་བ་དང་། །དམ་ས་གྲོགས་པོ་གཏིང་ཟབ་དང་། །སྟག་གི་སོ་འདྲ་སྦྲུལ་གྱི་ལྕེ། །སྡིག་པའི་རྭ་འདྲ་ཆུ་སྲིན་ཁ། །བ་གླང་སྣ་མཐའ་བྲག་དང་ཆུ་ཡི་བར། །རྐང་གཅིག་ཤིང་དང་མ་རུངས་པ། །སྔོན་ཆད་ལྷ་མིའི་གཡུལ་ས་དང་། །གཡུལ་བཀྱེ་བ་དང་མཚོན་འཐབ་དང་། །བསད་བཅད་ས་དང་མ་རུངས་པ། །སྲིན་པོ་བསྒྲལ་བའི་བཅས་གཞི་དང་། །སྲོག་ཆགས་བསད་པའི་ཁྲག་རྗེས་དང་། །གཡུལ་ངོར་བསྐོལ་བའི་ས་མཁར་རྣམས། །མང་པོ་བསད་པའི་ཕུང་བའི་ས། །བྲག་ནི་སྲིན་པོ་རུས་པ་འདྲ། །རི་ནི་ཐལ་ཕུང་སྙིལ་བ་འདྲ། །ལུང་པ་མེ་ཡིས་བསྲེག་པ་འདྲ། །ཤིང་རྩི་རྐང་ཐང་བྲོས་པ་འདྲ། །སྒང་དེའུ་མི་རོ་ཕྱུང་བ་འདྲ། །དུར་ཁྲོད་གནས་དང་ཤིང་གཅིག་དྲུང་། །རྒྱ་གྲམ་ལམ་དང་འབྱུང་པོའི་སྲང་། །དྲག་པོའི་ལས་འདི་བྱ་བར་ཤིས། །ཞེས་གསུངས་སོ། །རྡོ་རྗེ་ཕུར་པ་གསང་བའི་ ― DNG022_Page_0093 ―
[མ་དཔེ་གཟིགས་ན་འདིར་གནོན།]
རྒྱུད་ཆེན་པོ་ལས། བསྒྲལ་བའི་གནས་བསྟན་པའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་རྡོ་རྗེ་འདུས་པས། འདི་སྐད་ཅེས་གསོལ་ཏོ། །ཀྱེ་མ་ཧོ། རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ། །རྗེས་སུ་སྒྲུབ་པའི་རྣལ་འབྱོར་དང་། །བསྒྲལ་བའི་དཀྱིལ་འཁོར་གང་ལགས་པ། །བདེར་གཤེགས་ཁྱོད་ཀྱིས་བཤད་དུ་གསོལ། །བཀའ་སྩལ་པ། སྔགས་མཁན་དག་གི་ཡོན་ཏན་ནི། །རིགས་ཀྱི་རྣལ་འབྱོར་གྲལ་དུ་སྨོས། །ཚུལ་བཟང་ངང་ཚུལ་བཟང་ལ་ཤིས་པ་དེས། །དང་པོ་ཤེས་རབ་རྣམ་གསུམ་གྱིས། །གཏན་ཚིགས་དོན་ལ་ཡིད་ཆེས་ནས། །དེ་ནས་ངེས་པར་དབང་ཐོབ་སྟེ། །ཐེག་པ་མཐའ་དག་སེམས་ལ་གསལ། །ཕྱོགས་མེད་ལྟ་བ་གདེང་དུ་འཇོག །སྒྲུབ་པ་རྣམ་གཉིས་རྒྱལ་པོར་བསྒྲུབས། །ཕྲིན་ལས་ཐོགས་མེད་སྙིང་རྗེར་སྤྱོད། །དམ་ཚིག་འཇིགས་པའི་མཁར་བཞིན་བསྲུངས། །རྒྱུད་དང་སྒྲུབ་ཐབས་མཐའ་དག་ཚང་། །ཕྱོགས་འཛིན་སྤང་ལ་མཁས་པ་བསྟེན། །རྫས་དང་ལག་ཆ་རྟག་ཏུ་འཆང་། །སྦྱོར་དང་སྒྲོལ་བའི་ཉམས་དྲོད་ལྡན། །ཕུང་པོ་ལྷ་དང་གཉིས་སུ་མེད། །སེམས་ནི་ཆོས་ཉིད་ངང་ལ་གནས། །རྣལ་འབྱོར་རྟགས་ལྡན་དམ་པ་ཡིས། །ལས་སུ་བྱ་བ་ཆུད་མ་ཟོས། །དཀྱིལ་འཁོར་རིམ་པ་འདི་སྐད་ཅེས་གསུངས་སོ། །འབྲུབ་ཁུང་དང་འཁོར་ལོ་དབྱེ་བའོ། །དེ་ལ་འབྲུབ་ཁུང་རིམ་པ་བསྟན་པ་ནི། །དྲག་པོའི་གནས་སམ་དཀྱིལ་འཁོར་ཤར་ལྷོ་རུ། །འབྲུབ་ཁུང་ལས་ཀྱི་དཀྱིལ་འཁོར་ནི། །དཀྱིལ་འཁོར་ཁྲུ་གང་ཙམ་དུ་བྱ། །གྲུ་གསུམ་སུམ་བརྩེགས་ཁ་ཁྱེར་ལ། །བྲ་བྱེད་ཞལ་དང་མདའ་གཞུ་བཅས། །མཚོན་ཆ་ལྔ་དང་རྩང་གིས་བསྐོར། །མཐིང་ནག་དར་གྱིས་ཞལ་བཀབ་པའི། །འཁོར་ལོའི་རིམ་པ་དབྱེ་བ་ནི། །སྔར་ཤིའི་རོ་གོས་ཁྲག་ཅན་ནམ། །བཀྲ་མི་ཤིས་པའི་ཞིང་རས་ལ། །དྲག་པོའི་ལས་ལ་རབ་བརྩོན་པས། །དུར་ཁྲོད་རྐང་གིས་རྨྱུག་གུ་བྱའོ། །ཁྱོ་དགུ་ཤི་བའི་མངལ་ཁྲག་གིས། །ཕྱི་དྲོའི་དུས་ན་བྲི་བར་བྱ། །རྒྱ་རུ་ཆག་ཁྲུ་གང་ཡོད་ལ། །སྒོ་དང་ ― DNG022_Page_0094 ―
[མ་དཔེ་གཟིགས་ན་འདིར་གནོན།]
གྲུ་ཆད་བར་ཁྱམས་དང་། །འབར་བའི་འཁོར་ལོ་རྩིབས་བརྒྱད་སྟེ། །ནང་རྒྱས་ཞི་བ་དབང་དྲག་བྲི། །རྒྱས་པ་ལ་ནི་དམིགས་པ་ནི། །ཡན་ལག་ཉིང་ལག་རྫོགས་པར་བྱ། །འབར་བའི་འཁོར་ལོ་རྩིབས་བརྒྱད་ལ། །དྲུག་པའི་སྔགས་ཀྱི་ཕྲེང་བ་དགོད། །རྩིབས་མཆན་བརྒྱད་ཀྱི་ཆ་ལ་ནི། །དང་པོ་སྔགས་ཀྱི་ཕྲེང་བ་དགོད། །ཡན་ལག་མགོ་དང་གསང་གནས་ལ། །གསུམ་པ་སྔགས་ཀྱི་ཕྲེང་བ་དགོད། །སྙིང་པོ་དང་ནི་ཙིཏྟ་ལ། །གཉིས་པ་སྔགས་ཀྱི་ཕྲེང་བ་དགོད། །ཙིཏྟ་ཧ་ལྕེའི་རྩེ་མོ་རུ། །བཞི་པའི་སྔགས་ཀྱི་ཕྲེང་བ་དགོད། །ཉོན་མོངས་ལྔ་ཡི་གནས་ལྔ་རུ། །ལྔ་ཡི་སྔགས་ཀྱི་ཕྲེང་བ་དགོད། །གཞན་ཡང་སོ་སོའི་གནས་རྣམས་སུ། །ཡབ་རྣམས་བསྐུལ་བའི་སྙིང་པོ་བརྗོད། །འདི་ནི་ཐབས་ཀྱི་འཁོར་ལོ་ཡིན། །ཕུང་སྲི་ནག་པོའི་ཐོད་པ་ལ། །ཕྲིན་ལས་རྣམ་བཞི་གོང་བཞིན་དུ། །མཐའ་ལ་གྲུ་གསུམ་ཉི་ཤུས་བསྐོར། །རྒྱས་ལ་དམིགས་པ་གོང་བཞིན་དུ། །སྔགས་ཀྱི་རིམ་པ་གོང་བཞིན་ནོ། །ཡིག་འགོ་གཡོན་ལ་ཡིག་གཞུག་གཡས། །ཕྱིར་དམིགས་པ་ལ་དགོད་གོང་མ་བཞིན། །དང་པོ་སྔགས་དང་ཐ་མ་གཉིས། །གྲུ་གསུམ་དག་གི་ཆ་ལ་དགོད། །གཞན་ཡང་སོ་སོའི་གནས་རྣམས་སུ། །ཡུམ་རྣམས་བསྐུལ་བའི་སྔགས་ཀྱང་བྲི། །འདི་ནི་ཤེས་རབ་འཁོར་ལོ་ཡིན། །རས་སམ་གྲོ་གའམ་ཤོག་ཤོག་ལ། །ཕྲིན་ལས་བཞི་རྣམས་གོང་བཞིན་དེ། །སྒོ་དང་བར་ཁྱམས་དེ་བཞིན་ཏེ། །འཁོར་ལོའི་ཆ་ལ་རིན་ཆེན་དབྱིབས། །གཞན་རྣམས་ལ་ཡང་གོང་བཞིན་དེ། །དང་པོ་ཐ་མ་རིན་ཆེན་ལའོ། །འདི་ནི་ནང་གི་འཁོར་ལོ་སྟེ། །གཞན་ཡང་སོ་སོ་གནས་རྣམས་སུ། །རྩ་བའི་སྔགས་ཀྱིས་མཛེས་པར་བྱའོ། །འདི་ནི་འཁོར་ལོའི་དབྱེ་བའོ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། སྒྲོལ་བྱེད་སློབ་དཔོན་ལས་དང་གཟུགས་བརྙན་འཁོར་ལོ་བསྟན་པའི་ལེའུ་སྟེ་བཅུ་དགུ་པའོ།། །།དེ་ནས་ཡང་རྡོ་རྗེ་འདུས་པའི་རྒྱལ་པོས། ཕྱི་ ― DNG022_Page_0095 ―
[མ་དཔེ་གཟིགས་ན་འདིར་གནོན།]
རབས་པས་བསྒྲུབ་པའི་དྲོད་དང་། རྟགས་དང་རྫས་བསག་པའི་ཕྱིར། འདི་སྐད་ཅེས་གསོལ་ཏོ། །ཀྱེ་མ་ཧོ་རྡོ་རྗེ་འདུས་པའི་གཙོ། །རྗེས་སུ་གཞུང་སྤྱོད་རྣལ་འབྱོར་པས། །བསྒྲལ་བའི་རྫས་ནི་ཇི་ལྟར་བསག །བསྒྲུབ་པའི་རྟགས་དང་དྲོད་ཚད་ཅི། །རྒྱལ་བ་དཔའ་བས་བཤད་དུ་གསོལ། །ཞེས་གསོལ་པས། བཀའ་སྩལ་པ་ནི། བསྒྲལ་བའི་རྫས་སུ་བསྟན་པ་ནི། །རྒྱ་ཚིལ་འགྲོ་སད་མ་དུད་སྨེ་རྫས་དང་། །བདབ་པའི་ཞབས་མ་མངག་པའི་ཉུང་དཀར་དང་། །མཚོན་གྱི་འདབ་ལྔ་སྐུད་པ་དང་། །དུག་དང་མ་རུངས་སྦྱར་བའི་གཏོར་མ་དང་། །ལྕགས་ཕྱེ་ཟངས་ཕྱེ་དུག་གཏོར་དང་། །སྲི་ཤིང་ཧོམ་དང་གནན་པའི་ཐོད་པ་དང་། །འདི་ནི་དྲག་པོ་བསྒྲལ་བའི་རྫས། །གྲུབ་པའི་རྟགས་ནི་འདི་ལྟ་སྟེ། །འཕར་དང་འཆོག་དང་ཆགས་པ་དང་། །འགུལ་དང་ལྡེག་དང་མཆོད་པའོ། །འོད་དང་དུ་བ་འབྱུང་བ་དང་། །རྣལ་འབྱོར་ནམ་མཁར་འགྲོ་བ་དང་། །ས་ལ་མི་ཐོགས་ཆུར་མི་འབྱིང་། །འདི་ནི་རྟགས་རབ་བསྟན་པ་ཡིན། །མཚན་མའི་ལིངྒ་འགུལ་གྱུར་རམ། །དམིགས་རྣོ་ཉམས་དང་རྟགས་བྱུང་ན། །བར་གྱི་རྟགས་སུ་བསྟན་པ་ཡིན། །ཐ་མལ་རྨི་ལམ་སྟོན་པར་འགྱུར། །རྟགས་ཀྱི་མཚན་ཉིད་ལ་ཡང་ནི། །གྲོལ་ས་དང་ནི་ངོ་བོ་སྟེ། །དེ་ཡི་ངོ་བོ་བརྟགས་པར་གཅེས། །དྲོད་ཚད་མཚན་ཉིད་ལྡན་པ་ནི། །བདལ་བ་ཆེན་པོའི་ཏིང་འཛིན་གྱིས། །ཆོས་ཉིད་མཉམ་ལ་བློ་བཞག་ནས། །ཅི་ཡང་མི་དམིགས་བསམ་ལས་འདས། །ཆོས་ཉིད་ལྟ་བའི་དྲོད་ཚད་དེ། །ག་ཎ་འཆིང་གྲལ་མེད་པའི་ངང་། །དམ་རྫས་བླང་དོར་མེད་པ་དང་། །ཏ་ན་སྐྱེ་ཤི་མེད་སྤྱོད་དང་། །འདི་སྤྱོད་པ་ཡི་དྲོད་ཚད་ཡིན། །དངོས་སུ་སྣང་བ་སྐུར་གྲུབ་ཅིང་། །སྒྲ་རུ་གྲག་པ་གསུང་དུ་སྟེ། །དངོས་མེད་སྣང་བ་ཐུགས་གྲུབ་ན། །འདི་ནི་བསྒྲུབ་པའི་དྲོད་ཚད་ཡིན། །སྣོད་ཀྱི་འཇིག་རྟེན་གཞལ་ཡས་ཁང་། །བཅུད་ཀྱི་འཇིག་རྟེན་ལྷར་ཤེས་ཏེ། །ཐམས་ཅད་ཀུན་ཏུ་དཀྱིལ་འཁོར་དུ། །དཀྱིལ་འཁོར་ཆེན་པོའི་དྲོད་ཚད་ཡིན། །བྱར་མེད་ཉིད་ལ་སྤྱོད་བྱེད་ ― DNG022_Page_0096 ―
[མ་དཔེ་གཟིགས་ན་འདིར་གནོན།]
ཅིང་། །གང་ལ་སྤྱད་ཀྱང་བདེར་གཤེགས་ལས། །བྱེད་པ་མི་དམིགས་ཕྲིན་ལས་ཏེ། །འདི་ནི་ཕྲིན་ལས་དྲོད་ཚད་ཡིན། །དབྲི་སྣོན་མེད་པའི་ཏིང་འཛིན་གྱིས། །གོལ་ས་མེད་པའི་ས་ལ་གནས། །བླང་དོར་མེད་པའི་དབང་རྫོགས་ན། །འདི་ནི་དབང་གི་དྲོད་ཚད་ཡིན། །དམ་པའི་གཞི་ཉིད་བདེ་གཤེགས་ལ། །ཞལ་ནས་གསུངས་པའི་ཚིག་ཏུ་ཤེས། །དམ་ཚིག་དམ་པ་མཆོག་གི་གཞི། །འདི་ནི་དམ་ཚིག་དྲོད་ཚད་ཡིན། །དེ་ལྟར་རྟགས་དང་དྲོད་ཚད་ཟིན་པས་ནི། །དྲག་པོའི་ལས་ལ་བརྩོན་པར་བྱའོ། །རྟགས་དང་དྲོད་ཚད་མ་ཟིན་ན། །དྲག་ཤུལ་སྤྱད་ཀྱང་ལས་མི་འགྲུབ། །ཅེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྫས་དང་རྟགས་དང་དྲོད་ཚད་གསང་བ་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་ཡང་རྡོ་རྗེ་འདུས་པའི་རྒྱལ་པོས། རྨད་དུ་བྱུང་བའི་ཚིག་གིས་གསོལ་པ། ཀྱེ་མ་ཧོ་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ། །ཡོན་ཏན་ཕྲིན་ལས་ཀུན་ཀྱང་དབྱེར་མེད་པ། །ཀུན་གྱི་བདག་ཉིད་དེ་ལ་ཕྱག་འཚལ་བསྟོད། །ཨེ་མ་ཧོ་ངོ་མཚར་ཡ་མཚན་ཆེའོ། །ཞེས་བསྟོད་ནས་ནི། དེ་ཡི་རྫས་སུ་སྒྲུབ་པའི་རྣལ་འབྱོར་པས། །བསྒྲལ་བའི་དུས་ནི་གང་ལ་བྱ། །ཞེས་གསོལ་བས། བཀའ་སྩལ་པ། ཉོན་ཅིག་རྡོ་རྗེ་འདུས་པའི་གཙོ། །རྟགས་དང་དྲོད་ཚད་བསྟན་པ་ནི། །དྲག་པོའི་ལས་ལ་འཇུག་པའི་དོན། །བྱེ་བ་འམ་ནི་ས་ཡ་འམ། །འབུམ་མམ་བདུན་འབུམ་བཟླས་པ་ནི། །བཟླས་པ་ཉི་ཤུ་རྩ་གཅིག་ལ། །ལོ་ནི་གསུམ་གྱིས་འགྲུབ་པར་ནི། །ཏིང་འཛིན་བར་གྱི་དེ་ལྟར་རོ། །དེ་ལྟར་འགྲུབ་ན་དྲག་པོའི་དུས། །དེ་མིན་བར་དུ་དུས་ཚོད་མེད། །དྲོད་ཚད་རྟགས་ལ་མ་བབ་ཅིང་། །གྲངས་ཀྱི་བསྙེན་པ་མ་ཚང་བར། །དུས་ཀྱི་ལོ་ཟླ་ཡུན་ཐུང་ན། །དྲག་ཤུལ་སྤྱད་ཀྱང་མི་འགྲུབ་སྟེ། །བདེ་གཤེགས་རྒྱལ་བ་ཀུན་གྱིས་གསུངས། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བསྒྲུབ་པ་དྲག་པོ་ལས་ལ་འཇུག་པར་བསྟན་པའི་ལེའུ་སྟེ་ཉི་ཤུ་རྩ་གཅིག་ ― DNG022_Page_0097 ―
[མ་དཔེ་གཟིགས་ན་འདིར་གནོན།]
པའོ།། །།དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ། །ཨེ་མ་ཧོ་བདེར་གཤེགས་བཅོམ་ལྡན་འདས། །ཏིང་ངེ་འཛིན་གྱི་དེ་ཉིད་དེ། །ཕྱི་རབས་དོན་དུ་བསྟན་དུ་གསོལ། །ཨ་ལ་ལ་ཧོ་ཞེས་གསོལ་པས། །བཅོམ་ལྡན་འདས་ཀྱིས་བཀའ་སྩལ་པ། །ཏིང་འཛིན་དེ་ཉིད་བསྡུས་པའི་དོན། །ལེགས་པར་བཤད་ཅིང་མདོར་བསྟན་གྱི། །ངེས་པར་ཉོན་ཅིག་ཡིད་ལ་ཟུང་། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིག་པ་ཤར། །སྲོག་གི་གོ་རུ་ཤར་བ་དང་། །སྙིང་གི་གོ་རུ་བསྒོམ་པར་བྱའོ། །ཨཱོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་ས་བྷཱ་ཝ་ཨདྨ་ཀོ྅ཧཾ། དྷརྨ་དྷཱ་ཏུ་མཎྜ་ལ་ཧཱུྃ། ཧཱུྃ་ཧཱུྃ་བཛྲ་ཙིཏྟ། ཧཱུྃ་ཨེ་ཨགྣི་མཎྜ་ལ་ཡཾ་ཀརྨ་རཀྴ་ཧཱུྃ། ར་རཀྟ་མཎྜ་ལ། སུ་བཛྲ་སུ་མེ་དུ་ཧཱུྃ་ཧཱུྃ། རཾ་ཛྭ་ལ་རཾ། ཀེཾ་ནི་རི་ཏི་ཀེཾ། བྷྲུཾ་བི་ཤྭ་བི་ཤུདྡྷེ་བནྡྷ་ཛྙཱ་ན་བྷྲུཾ། ཨེ་བཾ་མཱ་ཡཱ་རཾ། ར་ཏྲི་རཱུ་ཏྲ་རཀྴ་མཎྜ་ལ། མ་ཨ་པ་སཱུརྱ་ཙནྡྲ་པདྨ་མཎྜ་ལ་ཧཱུྃ། སྥ་ར་ཎ་ཕཊ། སཾ་ཧ་ར་ན་ཧཱུྃ། ཛྙཱ་ན་བཛྲ་སྥ་ར་ཎ་ཕཊ། སཾ་ཧ་ར་ཎ་ཧཱུྃ། ཛྙཱ་ན་སཏྭ་ཀཱི་ལ་ཡ་ཧཱུྃ། ཀཱི་ལ་ཡ་སྥ་ར་ཎ་ཕཊ། སཾ་ཧ་ར་ཎ་ཧཱུྃ། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། བཛྲ་དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། སྙིང་རྗེས་བསྒྲལ་བའི་དམ་ཚིག་ནི། །གསད་ཅིང་གནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཞེས་པས་བདག་ཉིད་རྩ་བའི་དཀྱིལ་འཁོར་དུ་གསལ་བར་མཛད་དོ། །ཕཊ་ནི་སོ་སོར་བསྐུལ་བ་ལས། །ཆགས་པའི་ཏིང་འཛིན་གསལ་གྱུར་ཏེ། །ཡབ་ཡུམ་སྦྱོར་བ་མཛད་པ་ལས། །མཆོད་པ་གསང་བ་སོ་སོར་ཐིམ། །བྱང་ཆུབ་སེམས་ནི་སྤྲོས་པ་ལས། །དང་པོས་བདག་ཉིད་རྡོ་རྗེར་བསམ། །གཉིས་པས་སྲས་མཆོག་གསལ་བྱས་པས། །ཕྱོགས་སྐྱོང་དགུག་དང་གདན་བཏིང་ལ། །གསུམ་པས་ཧཱུྃ་གྱུར་གསུང་རྫོགས་པའོ། །དེ་ནས་བསྐུལ་བས་ཕྱག་རྒྱ་རྫོགས། །དེ་ལས་ཕྱོགས་བཅུའི་ཁྲོ་བོ་རྣམས། །སྔགས་ཀྱི་རིམ་པས་རྫོགས་གསལ་གྱུར། །ཁྲོ་ ― DNG022_Page_0098 ―
[མ་དཔེ་གཟིགས་ན་འདིར་གནོན།]
བོ་ཁྲོ་མོ་རོལ་པ་ལས། །ཧ་དང་ཧེ་ལས་འཁོར་རྣམས་བསྐྱེད། །དེ་ནས་བྱང་ཆུབ་སེམས་འཕྲོས་པས། །སྙིང་པོ་ཕྱག་རྒྱའི་འགྲོ་འདུ་ལས། །སོ་སོ་བསྒོམ་པའི་ཚུལ་རྫོགས་པའོ། །ས་མ་ཡ་སྟྭཾ། ཨ་ནུ་རཱ་ག་ཡཱ་མི། ཨ་ནུ་ར་གཱོ྅ཧཾ། མ་ཧཱ་བོ་དྷི་ཙིཏྟ་ཧཱུྃ། བསྟ་བཛྲ་ཏཾ། ཀཱི་ལ་ཡ་མུ་ཏི་ཛ་མ་ཨ་བ་སཱུརྱ་ཙནྡྲ་པདྨ་མཎྜ་ལ། ཧཱུྃ་ཧཱུྃ་བཛྲ་ནན་ཧ། འདི་ནི་ཕྱོགས་བཅུ་ཁྲོ་བོའི་དཀྱིལ་འཁོར་རོ། །ཕུར་པ་རྫས་ཀྱི་ངོ་བོ་ལས། །བྱང་ཆུབ་སེམས་ནི་སྤྲོས་པ་ལས། །རིགས་ཀྱི་སྲས་མཆོག་རྣམ་ལྔ་ཉིད། །སྤྱན་སྔ་ཉིད་དང་ཕྱོགས་བཞིར་བསམ། །བྱིན་བརླབས་ལ་སོགས་སྔོན་འབྱུང་བཞིན། །གཟི་མདངས་ཆགས་བསྐྱེད་ཐུགས་བསྐུལ་ཏེ། །ཨཱོཾ་མ་ཀུ་ལ་རྟ་ལ་པྲ་ཏ་ལ་ཧཱུྃ་ཕཊ། བཛྲ་བཻ་ཏ་ལཱི་མཎྜ་ལ་ཧཱུྃ་ཕཊ། བཛྲ་མ་ཧཱ་རཀྟ་མཎྜ་ལ་ཧཱུྃ་ཕཊ། ཕུར་པ་རྫས་ཀྱི་དཀྱིལ་འཁོར་རོ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྗེས་འཇུག་ཏིང་འཛིན་གྱི་དཀྱིལ་འཁོར་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས། ཁྲོས་པའི་རྒྱལ་པོ་ལ་འདི་སྐད་ཅེས་གསོལ་ཏོ། །རྗེས་སུ་འཇུག་པའི་རྣལ་འབྱོར་པས། །བདག་གི་སྲས་སུ་ལྷ་རྣམས་བསྐྱེད་པ་དང་། །དེའི་སྲས་སུ་བདག་བྱ་བའི་རིམ་པ་ཇི་ལྟར་ལགས། །ཞེས་གསོལ་པས། བཀའ་སྩལ་པ་ནི། འཁོར་བ་ཡོངས་སུ་སྦྱོང་བའི་ཕྱིར། །རང་གི་ངང་ཚུལ་དེ་བཟང་ལགས། །སྔགས་དང་བསྐུལ་ཚིག་འདི་ཡང་བརྗོད། །བྱང་ཆུབ་སེམས་ཀྱི་དབང་སྤྲོས་པས། །ཡེ་ཤེས་འོད་ཀྱིས་ལུས་རྟོག་སྦྱངས། །གསེར་ཞུན་ལྟ་བུའི་སེམས་དག་ལ། །གསུམ་གྱིས་བྱིན་བརླབས་འོད་ཀྱི་འབྲུ། །ཐུགས་ཀར་ཐིམ་ནས་སྐུ་ཡི་དབྱིབས། །རྡོ་རྗེ་ལས་བྱུང་ཡུམ་གྱི་མཁའ། །ཆོས་ཀུན་བྱང་ཆུབ་སེམས་གནས་སུ། །ལྷ་རྣམས་སོ་སོའི་སྙིང་པོའི་སྒྲས། །རབ་ཏུ་གསལ་བར་བརྗོད་པའི་སྒྲ། །བྱང་ཆུབ་སེམས་ནི་གསལ་བར་ཐིམ། །དེ་ལས་ཧཱུྃ་ཞེས་རབ་བརྗོད་པས། །གསུང་གི་ཕྱག་རྒྱ་ཉིད་རྫོགས་ནས། །ཐུགས་ཀྱི་ ― DNG022_Page_0099 ―
[མ་དཔེ་གཟིགས་ན་འདིར་གནོན།]
ཕྱག་རྒྱ་རབ་ཏུ་འབར། །དེ་ལས་ཕྲ་མོའི་སྐུ་སྤྲོ་བསྡུས། །ཕྱག་རྒྱ་ཆེན་པོའི་སྐུ་ཉིད་རྫོགས། །དེ་ཉིད་སྦྱོར་བའི་བྱིན་བརླབས་ལས། །བྷ་ག་ཉིད་དུ་ལྷ་རྣམས་བསམ། །ཛ་དང་ཕཊ་ཀྱི་རྩ་སྔགས་ཀྱིས། །བྷ་གའི་དཀྱིལ་འཁོར་བདག་དང་སྟན་ལ་དགོད། །བཛྲ་བ་ཀཱི་ལ་ཡ་ཕཊ་ཛ། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པའི་རྡོ་རྗེ་གྲུབ་མཛོད་ཅིག །སྲིད་པའི་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་གྱུར་ཅིག །ཨཱོཾ་ཨཱཾཿཧཱུྃ་ཀཱ་ཡ་ཝཱ་ཀ་ཙིཏྟ་ཛྙཱ་ན་ཨཱ་བེ་ཤ་ཨཱ། ཨཱོཾ་ཨཾཿཧཱུྃ་མཎྜ་ལ་སིདྡྷི་ཧཱུྃ། ཀཱི་ལ་ཡ་ཀྲོ་ཏ་ཀྲོ་ཏཱི་ཧ་ཧི་ཧཱུྃ་ཕཊ། སཾ་ཧ་ར་ཎ་ཧཱུྃ། མ་ཧཱ་གྷ་ན་ས་མ་ཡ་ཧོ། ཧཱུྃ་ཧཱུྃ་བཛྲ་གྷན་དྷ། བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུྃ་ཕཊ། དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། མ་ཧཱ་བོ་དྷི་ཙིཏྟ་མཎྜ་ལ་ཧཱུྃ་ཕཊ། ལྷ་རྣམས་རྩ་བའི་སྔགས་གཞུག་ཏུ། །ཛ་ཕཊ་ཅེས་ནི་ཀུན་ལ་གདགས་པར་བྱའོ། །ཞེས་གསུངས་སོ། །རྡོ་རྗེ་ཕུར་པ་གསང་བའི་ རྒྱུད་ཆེན་པོ་ལས། རྗེས་འཇུག་དེ་བཞིན་གཤེགས་པའི་སྲས་སུ་བདག་བྱ་བའི་ལེའུ་སྟེ་ཉི་ཤུ་གསུམ་པའོ།། །།དེ་ནས་ཡང་འདུས་པའི་སྲས་མཆོག་ཀཱི་ལ་ཡས། འདི་སྐད་ཅེས་གསོལ་ཏོ། །བདེ་གཤེགས་རྒྱལ་བས་འཁོར་རྣམས་ལ། །བྱིན་བརླབ་དབང་བསྐུར་ཇི་བཞིན་དུ། །རྗེས་སུ་འཇུག་པས་ཇི་ལྟར་བྱ། །ཞེས་གསོལ་པས། བཀའ་སྩལ་པ། ཡི་གེ་འབྲུ་གསུམ་རིམ་པས་སུ། །སྲོག་གི་རྟ་ལ་བསྐྱོན་ནས་སུ། །འཕྲོ་འདུ་གསལ་བའི་ཏིང་འཛིན་ལས། །བྱིན་རླབ་གསུམ་ནི་ངེས་པ་རུ། །སྔོན་བྱུང་བཞིན་དུ་བྱིན་གྱིས་བརླབས། །སྲོག་གི་ཧཱུྃ་ལས་འོད་འཕྲོས་པས། །རིགས་ལྔ་རྒྱལ་བའི་ཐུགས་བསྐུལ་ཏོ། །སྔོན་བྱུང་བཞིན་དུ་སྔགས་བརྗོད་ཅིང་། །ཡེ་ཤེས་ལྔ་ཡིས་དབང་བསྐུར་རོ། །ཨཱོ་བཛྲ་ས་མ་ཡ་ཛ་ཏིཥྛ་བཛྲ། ཤྲཱི་བཛྲ་ན་མཿསརྦ་ཏ་ཐཱ་ག་ཏ་པཱུ་ཛ་བཛྲ་ཧཱུཾ། ཐབས་ཀྱི་སྤྱོད་ ― DNG022_Page_0100 ―
[མ་དཔེ་གཟིགས་ན་འདིར་གནོན།]
པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབ་འདིར་སྩོལ་ཅིག །རྡོ་རྗེ་ཕུར་པ་གསང་བའི་རྒྱུད་ཆེན་པོ། ཅེས་དབང་དང་བྱིན་རླབ་ནོད་པའི་ཕྱིར་ན། དུས་གསུམ་གཤེགས་བཞུགས་བྱོན་རྣམས་ཀུན། །རྡོ་རྗེ་ཁྲོ་བོར་བཞེངས་གསོལ་དྲངས། །ཕྱག་འཚལ་དགའ་བས་མཆོད་པ་བྱ། །ཞེས་གསོལ་བ་གདབ་བོ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བྱིན་གྱིས་བརླབ་ཅིང་དབང་བསྐུར་བའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་ཡང་རྡོ་རྗེ་འདུས་པའི་རྒྱལ་པོས། འདི་སྐད་ཅེས་གསོལ་ཏོ། །རྗེས་སུ་སྒྲུབ་པའི་རྣལ་འབྱོར་པས། །སྒྲུབ་པའི་ཐབས་ནི་ཇི་ལྟར་བགྱི། །བསྙེན་པའི་རིམ་པ་གང་ལྟར་ལགས། །ཁྲོས་པའི་རྒྱལ་པོས་བཀའ་སྩལ་པ། །དོན་དམ་དང་ནི་ཀུན་རྫོབ་ཀྱིས། །བསྙེན་པ་དང་ནི་ཉེ་བསྙེན་དང་། །སྒྲུབ་པ་དང་ནི་སྒྲུབ་ཆེན་རྣམས། །ངེས་པར་འདི་སྐད་བཀའ་སྩལ་ཏོ། །ཆོས་ཉིད་ཀྱི་བདེན་པའོ། །སངས་རྒྱས་ཀྱི་མཐུའོ། །གསང་བ་སྔགས་ཀྱི་བྱིན་བརླབས་སོ། །ཨ་བྷི་ཙརྱའི་དུས་ལ་བབ་པའི་གནག་པ་དེ་ཁོ་ན་ལའོ། །དོན་དམ་པ་དང་ཀུན་རྫོབ་བསྙེན་སྒྲུབ་བཞི་རྫོགས་ནས། །རྟགས་དང་མཚན་མ་འབྱུང་བ་གདོན་མི་ཟ། །རྟགས་དང་མཚན་མས་བསྒྲུབ་པའི་དྲོད་ཚད་ཟིན་པ་དང་། །བཀྲ་ཤིས་མཚན་ལྡན་བྷནྡྷ་ཀ་པཱ་ལ། །ཅི་འབྱོར་བཏུང་བ་སྣུམ་པོས་བཀང་བྱས་ནས། །དཀྱིལ་འཁོར་ལྷ་ཚོགས་ཚད་ལ་གསོལ་བ་གདབ། །ཐུན་མོང་དབང་གི་དངོས་གྲུབ་བླང་། །བཀྲ་ཤིས་བརྗོད་དེ་གསོལ་བྱས་ན། །རིག་འཛིན་གོ་འཕང་ཐོབ་པར་འགྱུར། །ཆོ་ག་འདི་ཡི་བྱིན་བརླབས་ཀྱིས། །གང་ཞིག་མོས་པའི་དད་ལྡན་དེ། །དབང་བཅུ་ཐོབ་ ནས་ཚད་མེད་དོན་དང་ལྡན། །ཕྲིན་ལས་ཐོགས་མེད་དབྱིངས་དང་ཡེ་ཤེས་དོན་མཐོང་འགྱུར། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བསྒྲུབ་པར་བྱ་བའི་ཐབས་བསྟན་པའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་ཡང་རྡོ་རྗེ་འདུས་པས་ ― DNG022_Page_0101 ―
[མ་དཔེ་གཟིགས་ན་འདིར་གནོན།]
འདི་སྐད་ཅེས་གསོལ་ཏོ། །ཨེ་མ་ཧོ་ཁྲོས་པའི་བདག་ཉིད་ཅན། །རང་བཞིན་དོན་དམ་དཀྱིལ་འཁོར་དེ། །སྤྱན་དྲངས་མཆོད་པ་ཇི་ལྟར་བགྱི། །བཀའ་སྩལ་པ་ནི། བདག་ཉིད་ཏིང་འཛིན་རྟག་ལྡན་པས། །ས་མཱ་ཛ་ཡིས་གསོལ་བཏབ་ནས། །ཕྱག་རྒྱ་བཞི་ཡིས་སྤྱན་ཡང་དྲངས། །ཏིཥྛ་བཛྲས་བརྟན་བྱས་ནས། །དགྱེས་པ་ཆེན་པོས་ཕྱག་བཙལ་ཏེ། །མཆོད་པའི་རིམ་པ་སྔོན་བྱུང་བཞིན། །དེས་ནི་ལས་རྣམས་མ་ལུས་འགྲུབ། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །འགྱུར་མེད་ཡེ་ཤེས་ལྷ་གནས་པ། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ ཀྱང་། །ཕྱི་ནང་གསང་བའི་མཆོད་བཞེས་ཏེ། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཞེས་བརྗོད་དོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རང་བཞིན་གྱི་དཀྱིལ་འཁོར་སྤྱན་དྲངས་ཤིང་མཆོད་པའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ། །ཨེ་མ་ཧོ་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ། །འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་རང་བཞིན་ཅན། །དྲེགས་པ་སྒྲོལ་མཁས་ཐུགས་རྗེའི་དཔལ་མགོན་ཏེ། །ཐུགས་རྗེའི་བདག་ཉིད་དེ་ལ་ཕྱག་འཚལ་བསྟོད། །ཐུགས་རྗེ་ཆེན་པོས་དྲེགས་པ་བསྒྲལ་བའི་ཞིང་། །རྗེས་བསྒྲུབ་དྲོད་ཚད་ཟིན་པར་ངེས་པ་དེས། །དགྲ་བགེགས་དམིགས་པ་བསྒྲལ་བའི་རིམ་པ་གང་། །ཐུགས་རྗེའི་བདག་ཉིད་ཁྱོད་ཀྱིས་བཤད་དུ་གསོལ། །ཞེས་གསོལ་པས། གསོལ་པའི་དོན་ཐུགས་སུ་ཆུད་ནས། དྲག་པོས་བསྒྲལ་བའི་ཏིང་ངེ་འཛིན་ལ་མཉམ་པར་བཞག་སྟེ། འདི་སྐད་ཅེས་བཀའ་སྩལ་ཏོ། །དང་པོར་གནོད་པའི་དགྲ་བགེགས་དེ། །ལྷ་དང་རྒྱབ་རྟེན་དཔུང་དང་དབྲལ། །དེ་ནས་ངེས་པར་གཟུགས་ལ་བསྡིམ། །འགྱུར་ལྡོག་མེད་པར་བྱད་དུ་གཞུག །གཟི་བརྗིད་ཕྲོགས་ཏེ་སྨྱོ་རུ་གཞུག །ཕུར་པས་བཏབ་སྟེ་ངེས་པར་བསྒྲལ། །རྡུལ་དུ་བྱས་ཏེ་ཚོགས་ ― DNG022_Page_0102 ―
[མ་དཔེ་གཟིགས་ན་འདིར་གནོན།]
ལ་དབུལ། །ལས་རྣམས་དྲུག་པོ་རེ་རེ་ལ་ཡང་། །དེ་ལ་དྲུག་དྲུག་སུམ་ཅུ་དྲུག །ཆོ་ག་གཞུང་སྔགས་དང་ཏིང་འཛིན་ཕྱོགས་དང་རྫས་དང་ཐབས། །སྔོན་བྱུང་རྗེས་འཇུག་འཁོར་བཀྲ་ཤིས། །དེ་ལྟའི་དོན་དང་ལྡན་ན་ནི། །གང་ལ་དམིགས་པ་གདོན་མི་ཟ། །རྡོ་རྗེའི་བྲག་ཀྱང་ འཇིག་འགྱུར་ན། །སྡིག་ཅན་གཞན་ལྟ་སྨོས་ཅི་དགོས། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། དྲེགས་པ་ཅན་བསྒྲལ་བའི་ཐབས་བསྟན་པའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ། །ཡེ་ཤེས་ཕུར་པ་བཏབ་པ་བཞིན། །དམིགས་པའི་དགྲ་དང་བགེགས་རྣམས་ལ། །རྫས་ཀྱི་ཕུར་པ་བསྡིམ་པའི་ལས་ནི་གང་། །བདེ་གཤེགས་རྒྱལ་བས་བཤད་དུ་གསོལ། །བཀའ་སྩལ་པ། དབྱེ་བ་དྲག་པོ་ལས་ཀྱི་རིགས། །བསྡིམ་པ་ཞི་སྟེ་དེ་བཞིན་རིགས། །གཟིར་བ་རྒྱས་ཏེ་རིན་ཆེན་རིགས། །བྱད་ལ་དབང་སྟེ་པདྨའི་རིགས། །གདབ་ལ་དྲག་སྟེ་རྡོ་རྗེའི་རིགས། །བསྟབ་པ་ལྷ་ཕུར་ཉིད་ལ་བྱ། །དེ་ནི་སྤྱི་ཡི་ལས་སུ་བཤད། །གདབ་པའི་གནས་ནི་དུ་ཞིག་ཡོད། །བཀའ་སྩལ་པ། གདབ་པའི་གནས་ནི་ཉི་ཤུ་རྩ་གཅིག་སྟེ། །སྔོན་བྱུང་དྲེགས་པ་ལྔ་བསྒྲལ་ལ། །ལྟེ་བ་ཉིད་དང་གསང་བ་དཔུང་མགོ་དཔྱི་ལ་གདབ། །དྲེགས་པ་ཆེན་པོ་བསྒྲལ་བ་ཡིན། །སེམས་ཉིད་རྩད་བཅད་སྙིང་ལ་གདབ། །དྲེགས་པའི་ཕྱོགས་སྐྱོང་བསྒྲལ་བ་ཡིན། །བསྒྲལ་བའི་རྣམ་ཤེས་བརྒྱད་ལ་གདབ། །དམ་སྲི་ཆེན་པོ་བསྒྲལ་བ་བཞིན། །དགྲ་བགེགས་མགོ་ལ་དེ་བཞིན་གདབ། །མཐུ་དང་རྫུ་འཕྲུལ་ཕྲོགས་པ་ཡིན། །ཡར་དང་མར་གྱི་བདུན་རྒྱུད་བཅད། །དེ་ནི་གདབ་པའི་ལས་སུ་གསུངས། །དེ་ནས་ཡང་རྡོ་རྗེ་འདུས་པས་གསོལ་པ། དྲེགས་པའི་སེམས་ཅན་ཆེན་པོ་ལ། །དཀྱིལ་འཁོར་ལྷ་ཡིས་གཟིར་བ་བཞིན། །རྗེས་སུ་གཟིར་བ་ཇི་ལྟར་བྱ། །བཀའ་སྩལ་པ། རྡོ་རྗེ་ལུ་གུ་རྒྱུད་ཀྱི་ལས། །གཟིར་བའི་མཚན་ཉིད་འདི་ཡིས་ནི། ། ― DNG022_Page_0103 ―
[མ་དཔེ་གཟིགས་ན་འདིར་གནོན།]
དགྲ་བགེགས་གཟིར་ཞིང་གནན་བྱ་ན། །ཡེ་ཤེས་སེམས་དཔའི་སྦྱོར་བ་ཡིས། །སྙིང་ལ་ཙིཏྟ་འཁོར་གཟིར་སྦྱོང་། །ཙིཏྟ་སྒོ་བསྲུང་སྦྱོར་བ་ཡིས། །མགོ་ལ་ལ་ཀའི་བྲོས་གཟིར་སྦྱོང་། །དམ་ལ་གཏོགས་པའི་མ་ཚོགས་ཀྱིས། །ཁྲོ་བཅུ་འཁོར་བཅས་སྦྱོར་བ་ཡིས། །ལུས་ཀྱི་གནས་བཅུར་གཟིར་ཅིང་སྦྱོང་། །རིགས་ཀྱི་ཡུམ་ལྔའི་སྦྱོར་བ་ཡིས། །སྒོ་ལྔའི་རྣམ་ཤེས་གཟིར་ཅིང་སྦྱོང་། །སྒོ་མ་བཞི་ཡི་སྦྱོར་བ་ཡིས། །ཡན་ལག་བཞི་ཡི་མཚན་མ་སྦྱོང་། །དམ་ལ་གཏོགས་པའི་མ་ཚོགས་ཀྱིས། །གཡང་གཞིས་ཤུན་ལྤགས་སྦྱོང་གཟིར་བྱ། །རོལ་པའི་ཕོ་ཉ་ཚོགས་བཅས་ཀྱིས། །དུག་གསུམ་ཤ་རུས་ཁྲག་རྣམས་སྦྱར། །ཡེ་ཤེས་རོལ་པའི་བྲོ་གར་གྱིས། །མ་ལུས་ཀུན་ཀྱང་གཟིར་བར་འགྱུར། །ཞེས་གསུངས་སོ། །གསོལ་པ། ཡེ་ཤེས་འབར་བའི་ཁྲོ་ཚོགས་ཀྱིས། །རྡོ་རྗེ་ཐོད་པའི་ཐོ་གཏུན་དུ། །དྲེགས་པ་བསྒྲལ་ནས་གསོལ་ཏེ་དགེ་བ་ཡིན། །རྗེས་སུ་འཇུག་ན་ཇི་ལྟར་བགྱི། །བཀའ་སྩལ་པ། མཁའ་ཡི་གཏུན་ཁུང་བདེར་གཤེགས་གནས། །གཏིང་དཔག་མེད་པའི་དབྱིངས་ཉིད་དུ། །སྲིད་གསུམ་མ་ལུས་ཕུར་པས་ཐེབས། །ཁ་ཐམ་དབྱིངས་སུ་བསྒྲལ་བར་བྱ། །ཁ་ཐམ་དབྱིངས་སུ་བསྒྲལ་བྱས་ནས། །ཧཱུྃ་ཧཱུྃ་བགྱིས་པས་དབང་དུ་བསྡུས། །ཕཊ་ཀྱི་ཀུན་ཏུ་གཏོར་བར་བྱས། །ཤ་ཁྲག་ཁམས་གསུམ་གང་བར་བཏོན། །ཁཱ་ཁཱ་བགྱིས་པས་ལྷག་མ་བཞེས། །ཧི་ཧི་དགྱེས་པའི་སྒྲ་བསྒྲགས་པས། །བཞེས་ཤིག་རོལ་ཏེ་གསོལ་བར་འགྱུར། །ཞེས་གསུངས་སོ། །གསོལ་པ། བདེ་གཤེགས་རྒྱལ་བའི་མཛད་སྤྱོད་ཚེ། །རྡོ་རྗེ་ཡེ་ཤེས་མེ་དབལ་གྱིས། །དྲེགས་པའི་ཤ་རུས་བསྲེགས་ནས་རོལ་པ་བཞིན། །རྗེས་སུ་བསྒྲུབ་ན་ཇི་ལྟར་བྱ། །ཞེས་གསོལ་པས། བཀའ་སྩལ་པ། བྲུབ་ཁུང་ཉིད་དུ་བྱ་བ་འམ། །ཡང་ན་གཞུང་དང་མཐུན་པ་རུ། །མེ་ཐབ་གྲུ་གསུམ་སུམ་བརྩེགས་ལ། །དཀྱིལ་དུ་རྡོ་རྗེ་ནག་པོ་བཞག །དང་པོ་དཀར་ལ་གཉིས་པ་ནག ། ― DNG022_Page_0104 ―
[མ་དཔེ་གཟིགས་ན་འདིར་གནོན།]
གསུམ་པ་སེར་པོར་བྱ་བ་སྟེ། །ཟླ་གམ་ཡང་ནི་དམར་པོ་བྱ། །མུ་ཁྱུད་དཀར་ལ་གྲུ་ཆད་ལྗང་། །བར་ཁྱམས་ནག་ལ་སྒོ་རིགས་སྦྱར། །དུར་ཁྲོད་ཤིང་ངམ་ཚེར་མ་ཅན། །ཁྲུ་གང་གྲུ་གསུམ་དབྱིབས་སུ་བརྩིགས། །ཡམ་ཤིང་ནག་པོ་རྩེ་མོ་མ་ནོར་བར། །རྩེ་མོ་གྲུ་གསུམ་དག་ཏུ་བཞག །ཚེ་ཐེའུ་རྩ་རྩེ་མ་ནོར་བར། །རྩ་བ་མི་ཡི་ཚིལ་གྱིས་བྱུག །སྔགས་པའི་ཆས་གོས་ནག་པོ་ལ། །བྱང་དུ་ཁ་བལྟས་འགྲེང་ནས་འདུག །དུར་ཁྲོད་གནས་སམ་མ་བདུན་ཁྱིམ། །ཡིད་འོང་མེ་ཏོག་ཤིང་བརྒྱན་པའམ། །ཤིན་ཏུ་དབེན་པའི་གནས་དག་ཏུ། །དགང་གཟར་གྲུ་གསུམ་ཁྱུད་གང་ལ། །དཀྱིལ་དུ་ཨེ་ཡིས་མཚན་པར་བྱ། །བླུག་གཟར་ཟླུམ་པོ་རྡོ་རྗེ་དཀྱིལ་དུ་མཛེས། །ཕྱི་ནང་བསྲེག་རྫས་གསང་བ་ནག་པོར་བྱ། །ཤན་པའི་ཁྱིམ་ནས་བླངས་པའི་མེས། །ཡམ་ཤིང་ནག་པོ་སྦར་བར་བྱ། །བདག་ཉིད་ལྷ་ཡི་རྣལ་འབྱོར་པས། །རཾ་ལས་དམ་ཚིག་མེ་ལྷ་བསམ། །ཡེ་ཤེས་མེ་ལྷ་སྙན་གསོལ་སྤྱན་དྲང་བསྡིམ་ཕྱག་འཚལ། །མཆོད་པའི་རིམ་དབུལ་བསྟོད་པས་དགྱེས་བྱས་ནས། །འདོད་དོན་གསོལ་ནས་མེ་ལྷ་གཞལ་ཡས་བསམ། །དེ་ནང་དཀྱིལ་འཁོར་སྤྱན་དྲང་བཞུགས་གསོལ་མཆོད། །བསྟོད་པའི་རྒྱལ་པོས་དོན་རྟགས་གང་རུང་བསྟོད། །འདོད་དོན་གསོལ་ཏེ་ཕྲིན་ལས་བཅོལ། །བསྒྲལ་བའི་ལིངྒ་ཆ་གཅིག་དང་། །དགྲ་བགེགས་གཟུགས་བརྙན་གསལ་བྱས་ནས། །དགུག་བསྡིམ་ཕུར་པས་རབ་གདབ་ཅིང་། །ཉུང་དཀར་བརྡེག་ཅིང་གུ་གུལ་བདུག །མཚོན་གྱིས་འདེབས་གཏུབ་སྐུད་པས་དམ་བཅིངས་ནས། །གཏོར་མ་གཉིས་ཀྱང་ལེགས་བྱས་ནས། །མཚོན་ཆའི་ཆར་དང་གཏུན་བརྡུང་ལས་བྱས་ཏེ། །ལྷ་ཡི་ཚོགས་ལ་ཐིམ་པར་དབུལ་བ་ནི། །ཀློང་ཡངས་འཁྱིལ་པའི་ཧོམ་ཁུང་དུ། །འབར་འཕྲོ་འཁྲུག་པའི་མེ་སྦར་ནས། །གནོད་ཅིང་གདུག་པའི་དགྲ་བགེགས་རྣམས། །བསྲེགས་ཤིང་རྡོ་རྗེ་འབར་བ་ཡི། །བཀའ་ལས་འདའ་བྱེད་སྡིག་ཆེན་རྣམས། ། ― DNG022_Page_0105 ―
[མ་དཔེ་གཟིགས་ན་འདིར་གནོན།]
རྡོ་རྗེ་མེ་དབལ་སྙིང་བསྲེགས་ནས། །དངོས་པོར་གྱུར་པའི་གནས་རྣམས་ཀུན། །ཚོར་དོགས་མེད་པར་བསྲེག་པར་བྱའོ། །ཞེས་གསུངས་སོ། །དེ་ནས་ཡང་གསུངས་པ། བདེ་བར་གཤེགས་པའི་མཛད་སྤྱོད་ཚེ། །དྲེགས་པ་ཞབས་འོག་མནན་པ་བཞིན། །རྗེས་བསྒྲུབ་གནན་ན་ཇི་ལྟར་བགྱི། །བཀའ་སྩལ་པ་ནི། ཤིང་གཅིག་དྲུང་དང་མ་རུངས་པ། །རྒྱ་གྲམ་ལམ་དུ་བྱ་བ་དང་། །ཀླུ་ཡི་གནས་དང་འབྱུང་པོའི་སྲང་ཉིད་དུ། །དཀྱིལ་འཁོར་གྲུ་གསུམ་རྒྱ་སོལ་འདག །དེ་ནང་གནན་པའི་རྫས་བཅུག་སྟེ། །དབང་གི་ཕུར་པ་དྲག་བཏབ་ནས། །དུར་ཁྲོད་གཡམ་པ་སྔོན་པོ་ལ། །ཞིང་ཆེན་དག་གི་སུར་ཁྲག་གིས། །ནམ་མཁའ་སྔོན་པོ་གྲུ་གསུམ་ལ། །རྡོ་རྗེ་རྒྱ་གྲམ་བཞི་ཡིས་མཛེས། །འབྱུང་བ་བཞི་ཡི་དཀྱིལ་འཁོར་ལྡན། །ཡི་གེ་ཛ་དང་མཛེས་པས་ནི། །ཕུར་པ་དེ་ཡིས་སྤྱི་ནས་གནན། །སེམས་མ་རྡོ་རྗེས་དམ་ཚིག་བསྐུལ། །སྐུ་གསུང་ཐུགས་ཀྱི་སྟོབས་ཀྱིས་མནན། །བེ་ཅོན་ཉིད་ཀྱང་ལས་ཀྱིས་སྟོངས། །མཆེ་བས་ཤ་ཁྲག་ཟ་བར་བྱེད། །ཉུང་དཀར་བརྡེག་ཅིང་གུ་གུལ་བདུག །ཏིང་འཛིན་འབྱུང་ཆེན་བཞི་ཡི་རི་རབ་བསམ། །དེ་ཉིད་ལས་ཀྱི་ལྷ་ཉིད་ཀྱིས། །ཤིན་ཏུ་གནན་པའི་མཆོག་ཏུ་གསུངས། །ལས་ཀྱི་མནན་པའི་འབྱུང་ནང་དུས་ཟད་འདི། །ཧཱུཾ་ལས་ཀྱི་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །སྐད་ཅིག་ཡུད་ཀྱིས་གནན་པར་ཤོག །ཅེས་གསུངས་སོ། །ཡང་གསོལ་པ། དྲེགས་པ་བསྒྲལ་བ་ནི་སླར་གསོལ་སྔར་བཞིན། དགྲ་བགེགས་བསྒྲལ་ན་ཇི་ལྟར་བསྒྲལ། །ཞེས་གསོལ་པས། བཀའ་སྩལ་པ་ནི། ཏ་ན་ག་ཎ་སྦྱོར་བ་མཛད། །དྲག་པོ་ལས་ཀྱི་བསྒྲལ་བ་རྣམས། །རྣམ་ཤེས་ཧཱུྃ་གིས་བསྡུས་རྔུབས་ནས། །མི་ལྡོག་དབྱིངས་སུ་ཕཊ་ཀྱིས་འཕངས། །ཟླ་དཀྱིལ་རླུང་གི་སྦྱོར་བས་བསྐྱོད། །དབྱིངས་སུ་ཐིམ་ནས་ཕྱག་རྒྱར་འབར། །ཧཱུྃ་དུ་གྱུར་པས་རྣམ་པར་དག །སྐུར་གྱུར་འོད་ཟེར་འཕྲོ་བས་བརྗིད། །གཙུག་ཏུ་རྣམ་པར་རྒྱལ་བ་བསྒོམ། །ངོ་མཚར་ ― DNG022_Page_0106 ―
[མ་དཔེ་གཟིགས་ན་འདིར་གནོན།]
ངན་འགྲོར་ཐར་པའི་ཐབས། །དེ་ལྟར་བསྐྱེད་ལ་མི་གནས་ཏེ། །མ་གཡོས་དབུ་མའི་དོན་དང་ལྡན། །མྱ་ངན་འདས་པའི་དབྱིངས་སུ་བཞག །བདེ་བ་ཆེན་པོའི་གནས་ཉིད་དུ། །དེ་ལྟ་བུ་ཡི་དོན་ལྡན་ན། །བསྒྲལ་བ་བྱས་དང་འགལ་མེད་འགྱུར། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བསྡིམ་གཟིར་གདབ་བསྟབ་བསྲེག་མནན་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་ཡང་རྡོ་རྗེ་འདུས་པས་གསོལ་པ་ནི། མ་མཐོང་རྨོངས་ལ་བསྟན་པའི་ཕྱིར། །གཟུགས་བརྙན་དཀྱིལ་འཁོར་ཇི་ལྟར་བྲི། །ཐབས་ནི་གང་། ཞེས་གསོལ་པ་དང་། བཀའ་སྩལ་པ་ནི། གྲུ་གསུམ་ཟླ་གམ་མུ་ཁྱུད་ཟླུམ། །གྲུ་བཞི་པ་ལ་འཁོར་ལོ་བརྒྱད། །བར་ཁྱམས་དང་ནི་སྒོ་བཞིར་བཅས། །གྲུ་གསུམ་ནག་ལ་ཟླ་གམ་དམར། །མུ་ཁྱུད་དཀར་ལ་གྲུ་བཞི་སེར། །གོང་རས་ལྗང་ལ་འཁོར་ལོ་སེར། །རྩིབས་མཆན་དམར་ལ་མཚམས་བྱེད་དཀར། །གྲུ་ཆད་ལྗང་ལ་བར་ཁྱམས་དམར། །སྒོ་ནི་རིགས་བསྟུན་རྟ་བབས་མཛེས་པར་བྱ། །དུར་ཁྲོད་རིན་ཆེན་རྒྱན་གྱིས་བརྒྱན། །དབུས་སུ་བཅོམ་ལྡན་ཡབ་ཡུམ་སྟེ། །ཟླ་གམ་གྲུ་གསུམ་རྩེ་མོ་དང་། །མུ་ཁྱུད་གྲུ་བཞི་དག་ལ་དགོད། །རྣམ་རྒྱལ་གཤེད་པོ་རྟ་མགྲིན་དང་། །བདུད་རྩི་འཁྱིལ་པ་ཉིད་དང་བཞི། །རང་རང་གཟུངས་དང་སྲས་བཅས་ཏེ། །ཕྱོགས་ཀྱི་འཁོར་ལོའི་གདན་དག་ལ། །དྲི་ཟ་གཤིན་རྗེ་གྲུ་རྣམས་དང་། །གནོད་སྦྱིན་གདན་ལ་མཁས་པས་དགོད། །དབྱུག་སྔོན་མི་གཡོ་གཞན་མི་ཐུབ། །ཁམས་གསུམ་རྣམ་རྒྱལ་ཉིད་དང་བཞི། །རང་རང་གཟུངས་དང་སྲས་བཅས་རྣམས། །མཚམས་ཀྱི་འཁོར་ལོའི་གདན་དག་ལ། །མེ་ལྷ་སྲིན་པོ་རླུང་ལྷ་དང་། །དབང་ལྡན་གདན་དང་བཅས་པར་རོ། །མདུན་དུ་ཧཱུྃ་ཆེན་འཁོར་ལོ་བཅས། །རྒྱབ་ཏུ་སྟོབས་ཆེན་དེ་བཞིན་དུ། །ཚངས་དང་ས་བདག་གདན་ལ་གནས། །དབུས་ཀྱི་གནས་ལས་བཞི་མཐུན་ཏེ། །ཕྱི་རིམ་གྲུ་གསུམ་ཉི་ཤུ་བྱ། །བར་ཁྱམས་སྒོ་རྣམས་དེ་བཞིན་ཏེ། ། ― DNG022_Page_0107 ―
[མ་དཔེ་གཟིགས་ན་འདིར་གནོན།]
དུར་ཁྲོད་རིན་ཆེན་བརྩེགས་པ་ལ། །ཀ་བ་བརྒྱད་དང་གདུང་བཅུ་གཉིས། །རྟ་བབས་དུར་ཁྲོད་རིན་ཆེན་བརྒྱན། །ཁ་དོག་ཡང་ནི་རིགས་དང་སྦྱར། །ཡང་ན་དམར་ནག་ཉིད་དུ་བྱ། །གྲུ་གསུམ་རྣམས་ནི་ཡུམ་གྱི་ཤེས་རབ་མཁའ། །ཉི་ཤུ་རྩ་གཅིག་ཤེས་པར་བྱ། །ཡབ་རྣམས་ཉི་ཤུ་རྩ་གཅིག་སྟེ། །སྟེང་འོག་ཕྱོགས་མཚམས་མ་ནོར་བར། །ཐམས་ཅད་ངོ་བོ་དགོད་པར་བྱ། །སྲས་ཀྱི་ཕུར་པ་གོང་བཞིན་ཏེ། །སྒོ་མ་རྣམས་ཀྱང་དེ་བཞིན་ནོ། །དབུས་སུ་ཟླ་གམ་སྒོ་ཅན་གྲུ་གསུམ་མཛེས། །མུ་ཁྱུད་ཕྱི་རིམ་རིན་ཆེན་འབར་བ་བརྒྱད། །དེ་ཡི་ཕྱི་རིམ་སྣམ་བུ་ལ། །དཀྱིལ་འཁོར་ཉི་ཤུ་ལས་བཞི་ཚང་བར་བྱ། །བར་ཁྱམས་སྒོ་དང་རྒྱན་རྣམས་དེ་བཞིན་ཏེ། །ཟླ་གམ་དམར་ལ་གྲུ་གསུམ་ནག །སྒོ་ནི་མི་འགྱུར་མཐིང་ནག་སྟེ། །སྒོ་ཁྱམས་ཤིན་ཏུ་མཛེས་བྱས་ལ། །མུ་ཁྱུད་དཀར་ལ་རིན་ཆེན་སྔོ། །ཟུར་མཚན་དམར་ལ་མཐའ་སྡུད་དཀར། །གྲུ་ཆད་ནག་ལ་ཁྱམས་བཞི་སེར། །ལས་བཞིའི་དབྱིབས་ནི་གང་དང་མཐུན། །ཁྱམས་དང་སྒོ་རྒྱན་དེ་བཞིན་ཏེ། །དབུས་སུ་བདུད་འདུལ་ཡབ་ཡུམ་སྟེ། །སྤྱན་སྔར་རྡོ་རྗེ་འདུས་པ་གཟུངས་མར་བཅས། །ཕྱོགས་བཞི་རིན་ཆེན་དག་ལ་ནི། །རིགས་བཞིའི་སྲས་མཆོག་རིམ་པར་དགོད། །མཚམས་ལ་རིགས་ཀྱི་ཡུམ་བཞི་སྟེ། །ཚོམ་བུའི་དཀྱིལ་འཁོར་ཉི་ཤུ་ལ། །ཐབས་དང་ཤེས་རབ་གོང་བཞིན་ནོ། །གཞན་རྣམས་ཀྱང་ནི་དེ་བཞིན་ཏེ། །གཟུགས་བརྙན་དཀྱིལ་འཁོར་དེ་སྐད་གསུངས། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། གཟུགས་བརྙན་གྱི་དཀྱིལ་འཁོར་བཅའ་བའི་ཐབས་བསྟན་པའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་ཡང་རྡོ་རྗེ་འདུས་པས་གསོལ་བ་ནི། རྡོ་རྗེ་ཁྲོས་པ་མི་བཟད་པས། །དྲེགས་པ་ཆེན་པོ་བསྒྲལ་བའི་ཚེ། །དུས་གསུམ་རྒྱལ་བའི་རྒྱུད་བསྐུལ་ཞིང་། །དྲག་ཤུལ་རྗེས་སུ་སྤྱོད་པའི་ཚེ། །ལྷ་རྣམས་བསྟོད་བསྐུལ་ཇི་ལྟར་ལགས། །མི་བཟད་ཁྲོས་པས་བཤད་དུ་གསོལ། །ཞེས་གསོལ་པས། མི་བཟད་ཁྲོས་པའི་ ― DNG022_Page_0108 ―
[མ་དཔེ་གཟིགས་ན་འདིར་གནོན།]
རྒྱལ་པོས་འདི་སྐད་ཅེས་གསུངས་སོ། །དབུས་ཀྱི་ཁྲག་འཐུང་བདག་ཉིད་དཔལ། །རྣམ་པར་ཐར་པའི་དབུ་གསུམ་ལ། །གཡས་དཀར་གཡོན་དམར་དབུས་མཐིང་ཞལ། །ཕ་རོལ་ཕྱིན་དྲུག་ཕྱག་རྒྱ་ལས། །རྡོ་རྗེ་རྩེ་དགུ་རྩེ་ལྔ་དང་། །མེ་དཔུང་ཁ་ཊྭཱཾ་རི་རབ་ཕུར་པ་འདྲིལ། །རྫུ་འཕྲུལ་ཆེན་པོ་བཞི་ཡི་ཞབས་དག་གིས། །དྲེགས་པ་ཕོ་མོ་ཉི་ཟླ་པདྨའི་གདན་ལ་བཞུགས། །འཇིགས་བྱེད་སྐུ་ལ་དུར་ཁྲོད་རྒྱན་གྱིས་བརྒྱན། །གླང་ཆེན་སྟག་ཆས་ཞིང་ཆེན་གཡང་གཞིས་བཀླུབས། །ཐོད་སྦྲུལ་ལ་སོགས་སྐུ་ལ་རྒྱན་གྱིས་བརྒྱན། །ཐལ་ཆེན་ཞགས་དང་རཀྟའི་ཐིག་ལེས་བརྒྱན། །རྡོ་རྗེ་གཤོག་པས་སྲིད་གསུམ་ཟིལ་གྱིས་གནོན། །བསྐལ་པའི་མེ་ལྟར་འབར་བའི་ཀློང་ན་བཞུགས། །དཔའ་སྒེག་འཇིགས་སུ་རུང་བའི་སྐུ་མངའ་བའི། །རྒོད་དང་གཤེ་དང་འཇིགས་བྱེད་གསུང་གི་མཆོག །སྙིང་རྗེ་རྔམས་དང་ཞི་བྱེད་ཐུགས། །སྐུ་གསུང་ཐུགས་ཀྱི་བདག་ལ་ཕྱག་འཚལ་བསྟོད། །གཡོན་ནས་ཡུམ་ཆེན་ཨེ་ཀ་ཙ་ཏི་མ། །ཞལ་གསུམ་ཕྱག་དྲུག་སྐུ་མདོག་མཐིང་། །ཁ་ཊྭཱཾ་ཨུཏྤལ་དྲིལ་བུ་དང་། །བྷནྡྷ་རཀྟ་རྡོ་རྗེས་དཀྲུག་ཅིང་གསོལ། །རི་རབ་ཕུར་བུ་འདྲིལ་ཞིང་འདེབས། །རྒྱན་རྣམས་ཀུན་གྱིས་ལེགས་བརྒྱན་ཅིང་། །གསང་བའི་ཡུམ་ཆེན་ཉིད་ལ་ཕྱག་འཚལ་བསྟོད། །ཐུགས་རྗེ་ཉིད་ལས་འཁྲུངས་པའི་སྲས་མཆོག་ཀཱི་ལ་ཡ། །སྐུ་གསུང་ཐུགས་ཡོན་ཕྲིན་ལས་དུས་ལ་བབ། །རྡོ་རྗེ་འདུས་པའི་སྲས་མཆོག་ཀཱི་ལ་ཡ། །མཐིང་ནག་ཞལ་གཅིག་ཕྱག་བཞི་སྐུ་སྨད་ཟུར་གསུམ་པོ། །རྡོ་རྗེ་སྟྭ་རེ་ཁ་ཊྭཱཾ་རི་རབ་ཕུར་བུ་འདྲིལ། །རིགས་ཀྱི་ཡུམ་འཁྲིལ་ཚངས་པ་བརྒྱ་བྱིན་གདན་ལ་བཞུགས་ཏེ་ལས་རྣམས་མ་ལུས་མཛད། །ཞེ་སྡང་ཆེན་པོའི་ཕྲིན་ལས་དུས་ལ་བབ། །རིན་ཆེན་འདུས་པའི་སྲས་མཆོག་ཀཱི་ལ་ཡ། །སྨུག་ནག་ཞལ་གཅིག་ཕྱག་བཞི་སྐུ་སྨད་ཟླུམ། །འཁོར་ལོ་སྟྭ་རེ་རི་རབ་ཕུར་བུ་འདྲལ། །རིགས་ཀྱི་ཡུམ་འཁྲིལ་ཚངས་པའི་གནས་ལ་བཞུགས་ཏེ་ཞི་བའི་ཕྲིན་ལས་ ― DNG022_Page_0109 ―
[མ་དཔེ་གཟིགས་ན་འདིར་གནོན།]
མཛད། །གཏི་མུག་ཆེན་པོའི་ཕྲིན་ལས་དུས་ལ་བབ། །རིན་ཆེན་འདུས་པའི་སྲས་མཆོག་ཀཱི་ལ་ཡ། །སེར་ནག་ཞལ་གཅིག་ཕྱག་བཞི་སྐུ་སྨད་ཟུར་བཞི་སྟེ། །རིན་ཆེན་སྟྭ་རེ་ཁ་ཊྭཱཾ་རི་རབ་ཕུར་བུ་འདྲིལ། །རིགས་ཀྱི་ཡུམ་འཁྲིལ་མ་ཧཱ་དེ་བའི་གདན་ལ་བཞུགས་ནས་རྒྱས་པའི་ཕྲིན་ལས་མཛད། །ང་རྒྱལ་ཆེན་པོའི་ཕྲིན་ལས་དུས་ལ་བབ། །པདྨ་འདུས་པའི་སྲས་མཆོག་ཀཱི་ལ་ཡ། །དམར་ནག་ཞལ་གཅིག་ཕྱག་གཉིས་སྐུ་སྨད་ཟླ་གམ་རེ། །པདྨ་སྟྭ་རེ་ཁ་ཊྭཱཾ་རི་རབ་ཕུར་བུ་འདྲིལ། །རིགས་ཀྱི་ཡུམ་འཁྲིལ་ཁྱབ་འཇུག་གདན་ལ་བཞུགས་ཏེ་དབང་གི་ཕྲིན་ལས་མཛད། །འདོད་ཆགས་ཆེན་པོའི་ཕྲིན་ལས་དུས་ལ་བབ། །ཀརྨ་འདུས་པའི་སྲས་མཆོག་ཀཱི་ལ་ཡ། །ལྗང་ནག་ཞལ་གཅིག་ཕྱག་བཞི་སྐུ་སྨད་ཟུར་གསུམ་སྟེ། །རྒྱ་གྲམ་སྟྭ་རེ་ཁ་ཊྭཱཾ་རི་རབ་ཕུར་པ་འདྲིལ། །རིགས་ཀྱི་ཡུམ་འཁྲིལ་དབང་ཕྱུག་ཆེན་པོའི་གདན་ལ་བཞུགས་ཏེ་དྲག་པོའི་ཕྲིན་ལས་མཛད། །ཕྲག་དོག་ཆེན་པོའི་ཕྲིན་ལས་དུས་ལ་བབ། །སྟེང་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །ཧཱུྃ་མཛད་དཀར་དམར་སྔོན་ཏེ་རྡོ་རྗེ་དུང་། །མདའ་གཞུ་འགེངས་དང་རི་རབ་ཕུར་བུ་འདྲིལ། །ཚངས་པ་ཕོ་མོ་བསྣོལ་བའི་གདན་སྟེང་ན། །སྒྲ་འབྱིན་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་ཕག་དང་སྨིག་བུའི་མགོ། །རོལ་པ་ཆེན་པོའི་ཕྲིན་ལས་དུས་ལ་བབ། །ཤར་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །རྣམ་པར་རྒྱལ་བ་དཀར་དམར་སྐྱ་སྟེ་རྡོ་རྗེ་དང་། །འཁོར་ལོ་ལྕགས་ཀྱུ་ཏྲི་ཤུལ་རི་རབ་ཕུར་བུ་འདྲིལ། །བརྒྱ་བྱིན་ཕོ་མོ་བསྣོལ་བའི་གདན་སྟེང་ན། །མདའ་སྙེམས་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པ་ཕྲ་མེན་སྟག་དང་བྱ་རྒོད་མགོ། །ཟློག་བྱེད་ཆེན་པོའི་ཕྲིན་ལས་དུས་ལ་བབ། །ཤར་ལྷོ་གྲུ་གསུམ་རྡོ་རྗེའི་བྲག་སྟེང་ན། །དབྱུག་པ་སྔོན་པོ་དཀར་དམར་སྔོ་སྟེ་རྡོ་རྗེ་དུང་། །རིན་ཆེན་དབྱུག་པ་མེ་དཔུང་རི་རབ་ཕུར་བུ་འདྲིལ། །མེ་ལྷ་ཕོ་མོ་བསྣོལ་བའི་གདན་སྟེང་ན། །སྡེར་མོ་སྐུ་ ― DNG022_Page_0110 ―
[མ་དཔེ་གཟིགས་ན་འདིར་གནོན།]
འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་གཡག་དང་བྱ་རོག་མགོ། །འཇོམས་བྱེད་ཆེན་པོའི་ཕྲིན་ལས་དུས་ལ་བབ། །ལྷོ་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །གཤིན་རྗེ་གཤེད་པོ་སྔོ་ནག་མཐིང་སྟེ་རྡོ་རྗེ་དང་། །བེ་ཅོན་དབྱུག་ཏོ་རལ་གྲི་རི་རབ་ཕུར་བུ་འདྲིལ། །གཤིན་རྗེ་ཕོ་མོ་བསྣོལ་བའི་གདན་སྟེང་ན། །དུར་ཁྲོད་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་ཤ་བ་འུག་པའི་མགོ། །འཇིགས་བྱེད་ཆེན་པོའི་ཕྲིན་ལས་དུས་ལ་བབ། །ལྷོ་ནུབ་གྲུ་གསུམ་རྡོ་རྗེའི་བྲག་སྟེང་ན། །མི་གཡོ་མགོན་པོ་མཐིང་དམར་སྨུག་ཏེ་རྡོ་རྗེ་དུང་། །སྤུ་གྲི་ཞགས་པ་རི་རབ་ཕུར་བུ་འདྲིལ། །སྲིན་པོ་ཕོ་མོ་བསྣོལ་བའི་གདན་སྟེང་ན། །གཏུན་ཁུང་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་གཟིག་དང་ཁྭ་ཡི་མགོ། །མི་འགྱུར་ཆེན་པོའི་ཕྲིན་ལས་དུས་ལ་བབ། །ནུབ་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །རྟ་མགྲིན་དཀར་སྔོན་དམར་ཏེ་རྡོ་རྗེ་དུང་། །རལ་གྲི་སྦྲུལ་ཞགས་རི་རབ་ཕུར་བུ་འདྲིལ། །ཆུ་ལྷ་ཕོ་མོ་བསྣོལ་བའི་གདན་སྟེང་ན། །གཏུམ་མོ་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་བྱི་ལ་པུ་ཤུད་མགོ། །བརྗིད་པ་ཆེན་པོའི་ཕྲིན་ལས་དུས་ལ་བབ། །ནུབ་བྱང་གྲུ་གསུམ་རྡོ་རྗེའི་བྲག་སྟེང་ན། །གཞན་གྱིས་མི་ཐུབ་དམར་ནག་ལྗང་སྟེ་རྡོ་རྗེ་དུང་། །བ་དན་རྡུལ་གཡབ་རི་རབ་ཕུར་བུ་འདྲིལ། །རླུང་ལྷ་ཕོ་མོ་བསྣོལ་བའི་གདན་སྟེང་ན། །མདའ་སྙེམས་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་སྤྱང་ཀུ་ཁྲ་ཡི་མགོ། །ཁྱོ་ཤུག་ཆེན་པོའི་ཕྲིན་ལས་དུས་ལ་བབ། །བྱང་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །བདུད་རྩི་འཁྱིལ་པ་དུད་སེར་ལྗང་སྟེ་རྡོ་རྗེ་དུང་། །རྒྱ་གྲམ་དྲིལ་བུ་རི་རབ་ཕུར་པ་འདྲིལ། །གནོད་སྦྱིན་ཕོ་མོ་བསྣོལ་བའི་གདན་སྟེང་ན། །རླུང་འབྱིན་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་སེང་གེ་ཕ་ཝང་མགོ། །གཟིར་བའི་ཕྲིན་ལས་ཆེན་པོ་མཛད་དུ་གསོལ། །བྱང་ཤར་གྲུ་གསུམ་རྡོ་རྗེའི་བྲག་སྟེང་ན། །ཁམས་གསུམ་རྣམ་རྒྱལ་ལྗང་ ― DNG022_Page_0111 ―
[མ་དཔེ་གཟིགས་ན་འདིར་གནོན།]
སེར་སྐྱ་སྟེ་རྡོ་རྗེ་དུང་། །མདའ་གཞུ་ཁ་ཊྭཱཾ་རི་རབ་ཕུར་བུ་འདྲིལ། །དབང་ལྡན་ཕོ་མོ་བསྣོལ་བའི་གདན་སྟེང་ན། །གསོད་མ་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་དྲེད་དང་སྲེ་མོའི་མགོ། །སྒྲོལ་བའི་ཕྲིན་ལས་ཆེན་པོ་མཛད་དུ་གསོལ། །འོག་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །སྟོབས་ཆེན་ལྗང་སེར་དུད་ཀ་རྡོ་རྗེ་དུང་། །ཐོ་བ་གཏུན་ཤིང་རི་རབ་ཕུར་པ་འདྲིལ། །ས་བདག་ཕོ་མོ་བསྣོལ་བའི་གདན་སྟེང་ན། །བསྐྱོད་མ་སྐུ་འདྲ་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་དོམ་དང་བྱི་བའི་མགོ། །འདེབས་པའི་ཕྲིན་ལས་ཆེན་པོ་མཛད་དུ་གསོལ། །དཀར་མོ་པུ་ཤུད་མགོ་ཅན་ཕུར་བུ་ལྕགས་ཀྱུ་འཛིན། །སྙིང་རྗེ་ཆེན་པོས་ཕྲིན་ལས་མཛད་དུ་གསོལ། །སྔོན་མོ་སྐྱེ་ག་མགོ་ཞགས་འཛིན་ཕུར་པ་འདྲིལ། །བྱམས་པ་ཆེན་པོའི་ཕྲིན་ལས་མཛད་དུ་གསོལ། །དམར་མོ་སྲིན་བྱའི་མགོ་ཅན་ཕུར་བུ་ལྕགས་སྒྲོག་ཅན། །དགའ་བའི་ཕྲིན་ལས་ཆེན་པོ་མཛད་དུ་གསོལ། །ལྗང་ནག་ཁྲ་མགོ་དྲིལ་བུ་ཕུར་བུ་འདྲིལ། །བཏང་སྙོམས་ཆེན་པོའི་ཕྲིན་ལས་མཛད་དུ་གསོལ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ལྷ་ལ་བསྟོད་ཅིང་ཕྲིན་ལས་བཅོལ་བའི་ལེའུ་སྟེ་སུམ་ཅུ་པའོ།། །།དེ་ནས་ཡང་རྡོ་རྗེ་འདུས་པའི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །རྡོ་རྗེ་ཁྲོས་པའི་རྒྱལ་པོས། དྲེགས་པ་ཕོ་མོའི་ཆུང་མ་རྣམས། །མ་ཆགས་ཐབས་ཀྱི་སྦྱོར་བ་ལས། །དགྱེ་བའི་ཕྲིན་ལས་སྤྲོས་པ་ཡི། །མཁའ་འགྲོ་མ་རྣམས་ཇི་ལྟར་སྒྲུབ། །ཅེས་གསོལ་པས། བཀའ་སྩལ་པ་ནི། རྡོ་རྗེ་མཁའ་འགྲོ་སྒྲུབ་པར་འདོད་པས། དུར་ཁྲོད་ཆེན་པོ་རབ་དབེན་པར། །ར་བ་ཡར་གྱི་ངོ་ལ་འཇུག །དཀྱིལ་འཁོར་ཟླ་གམ་ལེའུ་དགུ་པ་ལས། །གྲུ་ཆད་དང་ནི་གློ་འབུར་དང་། །བར་ཁྱམས་སྒོ་རིམ་གཉིས་པར་བྱ། །དབུས་སུ་སྔགས་ཀྱི་བདག་པོ་སྟེ། །གཟུགས་དང་བཅས་ནས་དགོད་པར་བྱའོ། །གོའུ་རཱི་ཙོའུ་རཱི་པྲ་མོ་བཻ་ཏཱ་ལི། །ཕྱོགས་ཀྱི་ལེའུ་ཙེ་དག་ལ་དགོད། །པུཥྐ་གྷསྨ་ཙཎྜ་ལཱི། ། ― DNG022_Page_0112 ―
[མ་དཔེ་གཟིགས་ན་འདིར་གནོན།]
མཚམས་ཀྱི་ལེའུ་ཚེ་དག་ལ་དགོད། །སེང་གདོང་སྟག་དང་ཝ་དང་སྤྱང་ཀི་རྣམས། །ཕྱོགས་ཀྱི་གློ་འབུར་བཞི་ལའོ། །བྱ་རྒོད་དུར་བྱ་བྱ་རོག་འུག་པའི་མགོ། །མཚམས་ཀྱི་གྲུ་ཆད་དག་ལའོ། །རྟ་གདོང་ཕག་དང་སྦྲུལ་དང་སེང་གེ་བཞི། །དང་པོའི་སྒོ་བཞི་དག་ལའོ། །སྲིན་མོ་ཚངས་མ་ལྷ་ཆེན་གསུམ། །ཤར་སྟོད་ལྕགས་རི་དག་ལའོ། །གཏོགས་འདོད་གཞོན་ནུ་བརྒྱ་བྱིན་གསུམ། །ཤར་སྨད་ལྕགས་རི་དག་ལའོ། །རྡོ་རྗེ་བདུད་རྩི་ཟླ་བ་གསུམ། །ལྷོ་སྟོད་ལྕགས་རི་དག་ལའོ། །བེ་ཅོན་སྲིན་མོ་ཟླ་བ་གསུམ། །ལྷོ་སྨད་ལྕགས་རི་དག་ལའོ། །དགའ་བ་སྟོབས་ཆེན་རྡོ་རྗེ་གསུམ། །ནུབ་སྟོད་ལྕགས་རི་དག་ལའོ། །འདོད་པ་ནོར་སྲུང་རླུང་ལྷ་གསུམ། །ནུབ་སྨད་ལྕགས་རི་དག་ལའོ། །གསོད་བྱེད་ཆེན་མོ་ཕག་མོ་གསུམ། །བྱང་སྟོད་ལྕགས་རི་དག་ལའོ། །རྒན་བྱེད་སྣ་ཆེན་ཆུ་ལྷ་གསུམ། །བྱང་སྨད་ལྕགས་རི་དག་ལའོ། །རྡོ་རྗེ་ནག་པོ་རྡོ་རྗེ་སྡེར། །རྡོ་རྗེ་དམར་མོ་ལྗང་ནག་བཞི། །ཕྱི་ཡི་སྒོ་བཞི་དག་ལའོ། །དེ་ཡི་ལྕགས་རི་ནག་པོ་ལའོ། །མཁའ་འགྲོ་གིང་དང་ཕོ་ཉ་སྲིང་མོ་རྣམས། །རང་བཞིན་དོན་གྱིས་གནས་པར་བྱའོ། །ཡང་ན་སྙིང་པོ་ལྔ་བཅུ་ཉིད། །ཐོད་བུ་དག་ལ་བྲིས་ཏེ་དགོད། །ཡང་ན་ཕྱག་མཚན་ལྔ་བཅུ་ཉིད། །སོ་སོའི་གནས་སུ་དེ་བཞིན་ནོ། །དུར་ཁྲོད་ཐོད་པའི་ནང་ཉིད་དུ། །རས་ཆེན་སྡོང་བུ་གསུམ་སྒྲིལ་དུ། །སྣང་བའི་འོད་ཅན་ཉིད་དུ་དགོད། །ཡང་ན་ཡབ་ཡུམ་བྱང་སེམས་ཀྱིས། །གསང་བའི་ཐིག་ལེ་ལྔ་བཅུ་བྱ། །རྡོ་རྗེ་ཤ་ཆེན་ཐང་མར་བདལ། །དམར་གྱི་རཀྟ་རྒྱ་མཚོར་བསྐྱིལ། །རུས་པའི་ཕུང་པོ་རི་ལྟར་སྤུངས། །ཞིང་ཆེན་གཡང་གཞི་སྤྲིན་ལྟར་གཏིབས། །སྤྲིན་ཆེན་ལྡ་ལྡི་བྱེ་ལྟར་བཀྲམ། །བ་སུའི་རྒྱུ་ཕྲེང་འཁོར་བར་ལྡན། །གསུར་ཆེན་དུད་པ་རྒྱུན་མི་གཅད། །མཆོད་པའི་རིམ་པ་ཅི་འབྱོར་དང་། །ཡོ་བྱད་ལ་སོགས་བཅད་ལ་བྱ། །དེ་ནས་རྣལ་འབྱོར་བློ་ལྡན་གྱིས། །ཕྱི་ནང་རྒྱུ་འགྲུལ་དམ་དུ་བསྡམས། །ཆག་ཉམས་དམ་བཤགས་བྱིན་དབབ་སྟེ། ། ― DNG022_Page_0113 ―
[མ་དཔེ་གཟིགས་ན་འདིར་གནོན།]
རྟགས་གདབ་མཆོད་རྫས་བྱིན་གྱིས་བརླབ། །དམ་བཅས་རྣལ་འབྱོར་ཚུལ་ཕྱག་ནི། །རྒྱལ་བའི་མཛད་སྤྱོད་གཞུང་ལ་བསྙེག །ཐུགས་དམ་བཞིན་དུ་སྙན་གསན་གསོལ། །རང་བཞིན་གནས་ནས་སྤྱན་དྲངས་ཏེ། །ཏིང་འཛིན་བསྐྱེད་དེ་ཉིད་ལ་བསྡིམ། །སྐུ་གསུང་ཐུགས་ཀྱི་གཟི་བྱིན་བསྐྱེད། །སེམས་ཅན་དོན་དུ་བརྟན་པར་བྱ། །ཁམས་གསུམ་ཀུན་གྱི་གདུག་པ་དང་། །འཁོར་གྱི་མ་ཚོགས་ཟིལ་གྱིས་གནོན། །ཡེ་ཤེས་ལྷ་ལ་དབང་མི་བཟའ་ཕྱིར་ཕྱག་ཀྱང་བཙལ། །འགྲོ་བའི་དོན་དུ་དམ་བཅས་ཏེ། །ཀུན་ཏུ་བཟང་པོ་ལྔས་མཆོད་ནས། །བདུད་རྩི་རཀྟ་གཏོར་མ་གུས་དབུལ་བསྟོད། །དོན་གསོལ་རོལ་མོ་ཡིད་འོང་སྒྲོགས། །འབྱོར་པ་ཚོགས་མཆོད་དུས་དྲུག་རྒྱུན་མི་གཅད། །མ་ནོར་མ་བཅོས་དབྱིངས་ཉིད་དང་། །རང་བཞིན་ལྷུན་གྱིས་གྲུབ་པའི་གནས། །མི་དམིགས་ནམ་མཁའི་ཀློང་དུ་བསྒྲུབ། །བདེ་ཆེན་བྱང་ཆུབ་བརྟན་པར་བཟུང་། །གཉིས་མེད་མཚོན་པའི་ལམ་བཟང་པོ། །སྲིད་པ་དབང་དུ་བསྡུས་ནས་ནི། །ཁམས་གསུམ་ཀུན་ལས་འདས་པ་སྟེ། །འདི་ནི་བདག་གི་བྱང་ཆུབ་སེམས། །རྒྱུ་མཆོག་འབྲས་བུ་ཡི་གེ་ཧཱུྃ། །སྲིད་པ་གསུམ་ལ་དབང་བསྒྱུར་ཅིང་། །བཅོམ་ལྡན་འདས་དང་སྐལ་བ་མཉམ། །བྱང་ཆུབ་སེམས་ནི་མངོན་སུམ་བརྟན། །ཨཱ་ཨཱེ། བཾ་མ། ཡཾ། རཾ། སུ། ཀེཾ། བྷྲཱུཾ། བྷནྡྷ་བྷྲཱུཾ། ཨེ་བཾ་བྷྲཱུཾ། ནམ་མཁའ་རྡོ་རྗེ་རླུང་ནག་རྒྱ་མཚོ་དང་། །ས་གཞི་ཀེང་རུས་རི་རབ་སྟེ། །འབྱུང་ཆེན་ལྔ་ལས་གྲུབ་པའི་གཞལ་ཡས་ནི། །དབྱིབས་དང་ཁ་དོག་མཚན་ཉིད་ནི། །སོ་སོར་གསལ་ཀྱང་མ་འདྲེས་ཏེ། །ཡེ་ནས་མ་བཅོས་ཡུམ་ཆེན་ལྔ་ཡི་ངང་། །བརྗོད་བྲལ་སྤྲོས་བྲལ་འཁོར་ལོ་རྒྱས་འདེབས་ཀློང་། །མཁའ་མཉམ་རིན་ཆེན་འབར་བའི་གཞལ་ཡས་ནི། །ནམ་མཁའི་མཐའ་ལྟར་ཀུན་ཏུ་ཁྱབ་པར་བདལ། །ཕྱོགས་བཅུར་རྒྱ་ཡོངས་མ་ཆད་པའི། །ཕྱི་དང་ནང་མེད་ཀུན་ཏུ་ནང་། །དུར་ཁྲོད་འབར་བའི་གཞལ་ཡས་ནི། །ཞིང་ཆེན་གཅལ་བཀྲམ་རྨད་དུ་བྱས། །བྷནྡྷ་སྐམ་རློན་རྩིག་ཏུ་བརྩིགས། །གནམ་ ― DNG022_Page_0114 ―
[མ་དཔེ་གཟིགས་ན་འདིར་གནོན།]
ལྕགས་གཟེར་བཏབ་རྒྱན་རྣམས་རྫོགས། །གདན་ཚོགས་འབར་བའི་གཞལ་ཡས་ནི། །དབུས་ཀྱི་ཟླ་གམ་སྒོ་ཅན་ལིང་ཙེ་དགུ། །གྲུ་ཆད་གློ་འབུར་སྒོ་རིམ་གཉིས་ཀྱིས་མཛེས། །རིན་ཆེན་དུར་ཁྲོད་རྒྱན་གྱིས་བརྒྱན་པར་གསལ། །ལྷ་རྣམས་ཀུན་ལ་བརྒྱ་རྩ་བརྒྱད། །རུ་ལུ་འོད་ཀྱིས་གནས་སྦྱང་དང་། །བསྙེན་པ་དང་ནི་ཉེ་བསྙེན་དང་། །སྒྲུབ་པ་སྒྲུབ་ཆེན་རྫོགས་པར་བྱ། །ཡན་ལག་བཞི་དང་ལྡན་བྱས་ན། །མཚན་མ་འབྱུང་བར་གདོན་མི་ཟ། །གསུང་གི་ངོ་བོ་ཧཱུཾ་ཉིད་ལས། །ཐུགས་ཀྱི་ཕྱག་རྒྱ་རབ་འབར་ནས། །ཕྲ་མོ་སྐུ་ཡི་འཕྲོ་འདུ་ལས། །ཡབ་ཡུམ་རྩ་བའི་སྐུར་གསལ་ཏེ། །རིན་ཆེན་འབར་བའི་ཁྲི་སྟེངས་སུ། །མ་ཧཱ་དེ་བི་སྣི་སྣོལ་ཁ། །ཉི་ཤུ་གསལ་བའི་དཀྱིལ་འཁོར་ལ། །ཆགས་མེད་པདྨ་ཁ་སྟོད་རྒྱས། །ཧཱུཾ་ཧཱུཾ། བཛྲ་བྷནྡྷ་ཛྙཱ་ན། ཨོཾ་བཛྲ་ཀཱི་ལི་ཀཱི་ལ་ཡ་དཱིཔྟ་སྭཱ་ཧཱ། ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། དཱིཔྟ་ཙཀྲ་ཧ་ན་ཧ་ན་ཧཱུཾ་ཕཊ། ཨ་མ་ཏི་ཛི་ཏི་སྟར་སྡི་སྡི་ར་བཾ། རཏྣ་མ་ཧཱ་སཱུརྱ་ཙནྡྲ་པདྨ་མཎྜ་ལ། རྡོ་རྗེ་པདྨར་ལྡན་བྱས་ནས། །བྱང་ཆུབ་སེམས་ནི་ཉི་ཟླའི་འོད། །ཐིམ་པས་ཐིམ་གྱུར་གཉིས་ཀ་སྤྲོ། །གཉིས་མེད་དགྱེས་པའི་བྱིན་བརླབས་ལས། །དེ་ནས་དགྱེས་ཏེ་ཧ་བརྗོད་པས། །གནས་ཀྱི་ལྷ་མོ་བརྒྱད་འཐོན་ཏེ། །ཕྱོགས་བཞི་མཚམས་བརྒྱད་ཉིད་དུ་ནི། །ངོ་མཚར་སྟན་དང་ལག་ཆར་ལྡན། །ཧ་ཧ་ཧ་ཧ་ཧ་ཧ་ཧ་ཧ། དེ་ནས་དགྱེས་ཏེ་ཧེ་བརྗོད་པས། །ཡུལ་གྱི་ལྷ་མོ་བརྒྱད་འཐོན་ཏེ། །གྲུ་ཆད་གློ་འབུར་དག་ལ་ཡང་། །ངོ་མཚར་ཆས་ནས་གོང་བཞིན་ནོ། །ཧེ་ཧེ་ཧེ་ཧེ་ཧེ་ཧེ་ཧེ་ཧེ། དེ་ནས་དགྱེས་ཏེ་ཕཊ་བརྗོད་པས། །ཡེ་ཤེས་སྒོ་མ་བཞི་འཐོན་ཏེ། །གཞལ་ཡས་ཆེན་པོའི་སྒོ་བཞིར་འཁོད། །ཕཊ་ཕཊ་ཕཊ་ཕཊ། བཛྲ་ཨེ། མ་སཱུརྱ་མཎྜ་ལ་ཧཱུཾ། ཨ་ཙཎྜ་མཎྜ་ལ་ཨཱོཾ། མ་ཧཱ་བོ་དྷི་ཙིཏྟ་མཎྜ་ལ་ཧཱུཾ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ། ཞེས་དགྱེས་པའི་ཕྲིན་ལས་སྤྲོས་ཏེ། ཕྱི་ཡི་ཁྱམས་དང་སྒོ་ལ་འཁོད། །ཡེ་ཤེས་ ― DNG022_Page_0115 ―
[མ་དཔེ་གཟིགས་ན་འདིར་གནོན།]
མཁའ་འགྲོ་རྣམས་འཐོན་ཏེ། །སྔོན་གྱི་རྒྱལ་བའི་མཛད་སྤྱོད་བཞིན། །ལས་ཀྱི་མ་ཚོགས་ཟིལ་གྱིས་མནན། །ཕྱག་རྒྱའི་དཀྱིལ་འཁོར་གསལ་བ་དང་། །བྱིན་རླབ་དབང་བསྐུར་སྔོན་བྱུང་བཞིན། །ཆོ་འཕྲུལ་ཆེན་པོའི་རང་བཞིན་དུ། །མཁས་པས་ནན་ཏན་བསྐྱེད་དེ་བྱ། །བཛྲ་གོའུ་རཱི་ཧ། བཛྲ་ཙོའུ་རཱི་ཧ། བཛྲ་པྲ་མོ་ཧ། བཛྲ་བེ་ཏ་ལཱི་ཧ། བཛྲ་པུཀྐ་སཱི་ཧ། བཛྲ་གྷ་སྨ་རཱི་ཧ། བཛྲ་སྨ་ཤ་ནཱི་ཧ། བཛྲ་ཙཎྜ་ལཱི་ཧ། བཛྲ་སེང་ཧ་མུ་ཁཱི་ཧེ། བཛྲ་བྱ་གྷྲ་མུ་ཁཱི་ཧེ། བཛྲ་ཤྭ་ན་མུ་ཁཱི་ཧེ། བཛྲ་གྲྀ་ཌྷ་མུ་ཁཱི་ཧེ། བཛྲ་ཀང་ཀ་མུ་ཁཱི་ཧེ། བཛྲ་ཀཱ་ཀ་མུ་ཁཱི་ཧེ། བཛྲ་ཨུ་ལཱུ་ཀ་མུ་ཁཱི་ཧེ། ཕཊ་ཨཱརྱ་ཏེ་ཙ་ཏེ་ཛ། ཕཊ་ཨ་མུ་ཀ་སི་ཏི་ཧཱུྃ་ཕཊ། ཕཊ་བཛྲ་ལོ་ཀ་བཾ། ཕཊ་བཛྲ་བྷ་སྨི་པ་ལ་ཡ་བ་ཏུ་ཧོ། མ་ནུ་རཀྵ་སཱི་བྷྱོ། བྲ་ཧྨ་ཎཱི་བྷྱོ། རོའུ་ཏྲཱི་བྷྱོ། བིཥྞ་བེ་བྷྱོ། ཀུ་མཱ་རཱི་བྷྱོ། ཨིནྡྲ་ཎཱི་བྷྱོ། བཛྲ་པིང་ག་ལམ་བྷྱོ། ཨ་ཧྲཱུཾ་ཏཾ་བྷྱོ། སོའུ་མ་བྷྱོ། དནྜ་དཾ་བྷྱོ། རཀྵ་སཱི་བྷྱོ། བྷཀྵ་སཱི་བྷྱོ། ར་ཏི་བཛྲ་བྷྱོ། རུ་དྷི་ར་མཏྟཱ་བྷྱོ། ཨེ་ཀེ་ཙ་ཏི་ཎཱི་བྷྱོ། མ་ནོ་ཧ་རཾ་བྷྱོ། སིདྡྷི་ཀཱ་བྷྱོ། བ་ཡ་བཱེ་བྷྱོ། མ་ཧཱ་མ་ར་ཎ་བྷྱོ། ཨ་བྷྱོ། བ་ར་ཧཱི་བྷྱོ། ཙ་མུཎྚི་བྷྱོ། སུ་ཏ་ནི་བྷྱོ། བ་རུ་ཎཱི་བྷྱོ། མ་ཧཱ་ཀཱ་ལཱི་བྷྱོ། ཙ་ཀཱ་ལ་བྷྱོ། ཀུམྦྷ་ཀཪྞ་བྷྱོ། བཛྲ་ལཾ་བོ་ད་ར་བྷྱོ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ། ཧཱུཾ་དཱིཔྟ་ཙཀྲ་ཧ་ཧེ་ཕཊ་བྷྱོ་རུ་ལུ་རུ་ལུ་ཧཱུཾ་ཕཊ། ངེས་པའི་དོན་དུ་རྡོ་རྗེ་མཁའ་འགྲོ་རྣམས། །གདེང་ལྡན་རྣལ་འབྱོར་དག་གིས་བསྒྲུབ་གྱུར་ན། །ལས་ཀྱི་མཁའ་འགྲོ་འཁོར་བཅས་ཀྱིས། །དམ་བཅས་བཞིན་དུ་རྟགས་དང་མཚན་མའི་བརྡ་སྟོན་ཏེ། །གདེང་མེད་དག་ལ་སྟོན་པར་ག་ལ་འགྱུར། །བརྡ་དང་ལན་དུ་མ་འབྱོར་ན། །ཐབས་མེད་ཤེས་རབ་ཟང་ཀ་བས། །བརྡ་ལ་ལན་དུ་བརྩོན་པར་བྱའོ། །ལྷ་མོའི་དག་གི་སྤྲུལ་པ་དག །གང་ཞིག་སོར་མོ་གཅིག་སྟོན་པ། །ངེས་པར་ལེགས་པར་འོང་བ་ཡིན། །དེ་ཡིས་སོར་མོ་གཉིས་སྟོན་པ། །གཡོན་པའི་མཐེ་བོང་བཅངས་པ་ལས། ། ― DNG022_Page_0116 ―
[མ་དཔེ་གཟིགས་ན་འདིར་གནོན།]
བསྙུན་མེད་ཕྱག་རྒྱའི་བརྡ་ཡིན་ཏེ། །གཡས་པའི་མཐེ་བོང་བསྟན་པར་བྱ། །དོན་དམ་བདེན་པ་ལྡན་དྲི་བའི། །གང་ཞིག་སྲིན་ལག་སྟོན་པ་ན། །དེ་ཡིས་མཐེ་ཆུང་བསྟན་པར་བྱ། །ཀུན་རྫོབ་བདེ་ལྡན་དྲི་བ་ཡི། །གང་ཞིག་མཛུབ་མོ་སྟོན་པ་ལ། །དེ་ཡིས་གུང་མོ་བསྟན་པར་བྱ། །ཐབས་དང་ཤེས་རབ་ལྡན་འདྲི་བ། །གང་ཞིག་སྲིན་མཐེབ་སྟོན་པ་ལ། །དེ་ཡིས་མགྲིན་པའི་རུས་ཕྲེང་བསྟན། །ལྷ་ཡི་སྐུར་བསྒོམ་ནུས་པ་ཡི། །གང་ཞིག་གོས་ནི་སྟོན་པ་ལ། །དེ་ཡིས་དབྱུག་ཏོ་མུ་ཏྲ་བསྟན། །སྦྱོར་བའི་བྱེད་པ་དམ་པ་ཡི། །གང་ཞིག་ནུ་མ་སྟོན་པ་ལ། །དེ་ལ་གསང་བའི་རྡོ་རྗེ་བསྟན། །བདེན་རྫུན་ལེགས་པར་འདྲི་བ་ཡི། །གང་ཞིག་གསུས་པའི་སོ་སྟོན་ན། །ཁ་དང་ལྕེ་ནི་རབ་ཏུ་སྟོན། །བདེན་ན་སྦྱོར་བ་བྱ་བ་ཡིས། །གང་ཞིག་འཁྲིལ་དགུ་སྟོན་པ་ལ། །བདག་གི་སྤྱི་གཙུག་དགོ་བར་བྱ། །སྦྱོར་བ་མ་ནུས་སྡིགས་བྱེད་པའི། །དེ་ཡི་ཁྲོ་གཉེར་སྟོན་པ་ལ། །དེ་ཡི་ལག་མཐིལ་བསྟན་ཏེ་བསྡིག་མི་དགོས། །སྦྱོར་བའི་དོན་ལ་ཉལ་ལོ་བའི། །དེ་ཡིས་རྐང་མཐིལ་སྟོན་པ་ལ། །དེ་ཡི་གནས་དགུར་སེན་མོ་གདབ། །དེ་ལྟར་སྦྱོར་བ་བྱས་གྱུར་ན། །ཚིག་གི་དབང་གིས་སྲིན་མོ་འདུ་འགྱུར་ཏེ། །སླས་དང་གྲོགས་སུ་ཐེ་ཚོམ་མེད། །རུས་ཕྲེང་ལ་སོགས་རྒྱན་ཐོགས་ནས། །བདག་ལ་དབང་བསྐུར་བྱེད་འགྱུར་ན། །མཚན་མའི་ཆོ་འཕྲུལ་ཅི་བསྟན་ཡང་། །ཆོས་ཉིད་མཉམ་ལས་མ་གཡོས་ན། །བུ་ཡི་དམ་ཚིག་ཤེས་འགྱུར་ཏེ། །ཨེ་མ་ཧོ་བུ་ནི་རྡོ་རྗེ་ཆེ། །ཤིན་ཏུ་བརྩེ་བའི་མཚན་ཉིད་ཀྱིས། །མ་ལྟར་དགོས་པའི་དོན་བྱེད་འགྱུར། །བརྟུལ་ཞུགས་ཕྱག་རྒྱ་ལྡན་གྱུར་ན། །བྲན་དང་སྲིང་མོར་ཐེ་ཚོམ་མེད། །མ་བཅོལ་བཞིན་དུ་ལས་རྣམས་བྱེད་པ་ནི། །ནོར་བུ་རིན་ཆེན་བཞིན་དུ་རེ་བ་སྐོངས། །དེ་ནི་ལས་ཀྱི་མཁའ་འགྲོ་མའོ། །བདག་གི་བུ་མོའི་ཚོགས་ནི་ཡེ་ཤེས་མཁའ་འགྲོ་མའོ། །རིག་འཛིན་ས་ལ་སྨིན་ཏེ་མངོན་པ་ཉིད། །རྗེས་འཇུག་གང་ཞིག་རྣམ་ཤེས་ཕུང་པོ་ཡུལ་དང་ཁམས་ ― DNG022_Page_0117 ―
[མ་དཔེ་གཟིགས་ན་འདིར་གནོན།]
རྣམས་ཀུན། །མ་སྤངས་གནས་སུ་དག་སྟེ་སངས་རྒྱས་འདི་ཡིས་འགྲུབ། །ལས་ཀྱི་མཁའ་འགྲོ་བསྒྲུབས་པས་སངས་མི་རྒྱ། །བརྡ་དང་རྟགས་བསྟན་དེ་ཀུན་སྒྲིབ་པ་སྟེ། །མཚན་མའི་ཆོས་ཀྱིས་ཏིང་འཛིན་གཡེང་བའི་རྒྱུ། །དེ་བས་སེམས་དང་སེམས་ལས་བྱུང་བ་འབད་པར་བྱའོ། །ལས་ཀྱི་མཁའ་འགྲོ་འདུལ་བ་ཉིད། །ཡེ་ཤེས་མཁའ་འགྲོ་གྲུབ་པའི་ཤུགས་ལས་འབྱུང་བ་སྟེ། །དོན་དམ་དེ་ལ་བསྒྲུབ་པའི་རྟགས་མི་བཅའོ། །སྔོན་གྱི་དམ་པས་གསུང་རྒྱུ་ཚོགས་བསག་ཕྱིར། །ལས་ཀྱི་མཁའ་འགྲོ་གིང་དང་མ་སྲིང་ཕོ་ཉ་འབར་ཚོགས་ལ། །ཚོགས་ཀྱི་ལྷག་མ་ཁ་ཆུས་བྲན་ཏེ་སྦྱིན། །དམ་བཅས་བཞིན་དུ་གསལ་བའི་ལས་བཅོལ་ལོ། །སྤྱན་དྲངས་ཡེ་ཤེས་མཁའ་འགྲོ་མ། །གཏང་རག་ཚུལ་དུ་མཆོད་ཕུལ་ལ། །ཉེས་པ་བཤགས་ཏེ་དོན་གསོལ་ནས། །གཞལ་ཡས་ཉིད་དུ་གཤེགས་སུ་གསོལ། །བསྐྱེད་པའི་མཁའ་འགྲོའི་ཚོགས་རྣམས་ཀུན། །བདག་ཉིད་ཆེན་པོའི་སྐུ་ལ་བསྡུ། །དེ་ནས་རིམ་གྱིས་མི་དམིགས་པར། །ཐིག་ལེ་བྱང་ཆུབ་བརྟན་པར་བཟུང་། །གཟུགས་བརྙན་ཞལ་ཕྱིས་ཆག་ཆག་གདབ། །ཅེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ཡེ་ཤེས་ཀྱི་མཁའ་འགྲོ་མ་བསྒྲུབ་ཅིང་། ལས་ཀྱི་མཁའ་འགྲོ་མ་ཡོངས་སུ་དམ་ལ་བཏགས་པའི་ལེའུ་སྟེ་སུམ་ཅུ་རྩ་གཅིག་པའོ།། །།དེ་ནས་ཡང་རྡོ་རྗེ་ཁྲོས་པའི་རྒྱལ་པོ་ལ། རྡོ་རྗེ་འདུས་པས་གསོལ་པ། ཐབས་ཀྱི་སྤྱོད་པ་མཛད་པའི་ཚེ། །ཕྱོགས་བཅུར་བཞུགས་པའི་སངས་རྒྱས་ཀྱིས། །ཁྲོས་པའི་རྒྱལ་ལ་དབང་བསྐུར་བཞིན། །རྗེས་སུ་འཇུག་པ་ཇི་ལྟར་བྱ། །ཞེས་གསོལ་པས། ཁྲོས་པའི་རྒྱལ་པོས་བཀའ་སྩལ་པ། །དྲོད་ཚད་རྟགས་ལྡན་བླ་མ་ཡིས། །བརྟུལ་ཞུགས་འཆང་བའི་སློབ་མའི་ཕྱིར། །ཡིད་འོང་མེ་ཏོག་རྒྱས་པ་འམ། །དུར་ཁྲོད་ཆེན་པོ་རབ་དབེན་པར། །མཆོད་རྟེན་དྲུང་ངམ་ཀུན་དགའ་ར། །དེར་ནི་དབང་གི་ལས་བྱ་སྟེ། །ས་ཆོག་མཚམས་རྣམས་གོང་དང་འདྲ། །གཉིས་ ― DNG022_Page_0118 ―
[མ་དཔེ་གཟིགས་ན་འདིར་གནོན།]
པ་སྟ་གོན་བྱ་བ་ནི། །དཀྱིལ་འཁོར་དམ་རྫས་ཆག་ཆག་གདབ། །ལྷ་རྣམས་རྩ་བའི་སྔགས་བརྗོད་ཅིང་། །བདུད་རྩི་ལྔ་ཡི་ཐིག་ལེ་བྱ། །ཐོད་པའི་བུམ་པ་བཅྭ་ལྔ་ལ། །དུར་ཁྲོད་སྐྲ་ཡིས་ཁ་རྒྱན་བྱའོ། །རོ་རས་དག་གིས་མགུལ་བརྒྱན་ཏེ། །ཞིང་ཆེན་དག་གི་གདན་ལ་བཞུགས། །དེ་ནས་སློབ་མ་སྟ་གོན་ནི། །བ་སུ་ཏ་ཡིས་སྲུང་སྐུད་བྱ། །དུར་ཁྲོད་རྐང་ལ་སོ་ཤིང་བྱ། །རྡོ་རྗེ་དྲི་ཆུའི་ཁ་དག་བྱའོ། །དབང་གི་ཡོ་བྱད་མ་ལུས་ཀུན། །སྐབས་དེར་ངེས་པར་བསོག་པར་བྱའོ། །དེ་དག་སྔགས་དང་བསྐུལ་ཚིག་རྣམས། །ཞི་བའི་ལས་དང་འདྲ་བ་སྟེ། །ཐབས་ནི་བདག་ཉིད་ཁྲོས་པའི་ལས་སུ་བསྒྱུར་ཅིང་བྱའོ། །ཐིག་ཚོན་ཆོ་ག་གོང་བཞིན་ཏེ། །དཀྱིལ་འཁོར་གྲུ་བཞི་ལྷམ་པ་ལ། །སྒོ་དང་བར་ཁྱམས་སྒོ་ཁྱུད་དང་། །དེ་ནས་ཐིག་བསྐོར་གཉིས་བྱས་ལ། །ནང་ཚན་བརྒྱད་བརྒྱད་ཉིད་དུ་བྱ། །དབུས་ཀྱི་ཕོ་བྲང་ཟླུམ་པོ་ལ། །ཐིག་བཞི་བཏབ་པས་དཀྱིལ་འཁོར་དགུ། །དབུས་སུ་ཟླ་གམ་གཅིག་བྱས་ཏེ། །མདུན་རྒྱབ་གཉིས་སུ་ཟླ་གམ་བཞི། །ཕྱོགས་ཀྱི་ལེའུ་ཚེ་ལས་གཞུའི་དབྱིབས། །ཕྱི་རིམ་བརྒྱད་ཆ་ཉིས་འགྱུར་ལ། །དབང་གི་ཟླ་གམ་བཅུ་དྲུག་བྱ། །ཟླ་གམ་རྣམས་ནི་དམར་བར་བྱའོ། །ལས་བཞིའི་དབྱིབས་ནི་རིགས་དང་སྦྱར། །གཞན་ཡང་མཛེས་ཤིང་ལེགས་པར་བྲིས། །དབུས་སུ་ཁྲོས་པའི་རྒྱལ་པོ་སྟེ། །མདུན་སྟེངས་ལོགས་བཞི་ཁྲོ་བོ་བཞི། །ཕྱི་རིམ་ཟླ་གམ་བཅུ་དྲུག་དགོད། །སྤྱོད་ཕྱོགས་བཞི་ཡི་དཀྱིལ་འཁོར་བཞི། །སྲས་ཀྱི་ཕུར་པ་ལྔ་པོ་དགོད། །གྲུ་མཚམས་བཞི་ལ་ཕྱག་རྒྱ་བཞི། །སྒོ་བཞི་དག་ལ་སྒོ་བསྲུང་སྟེ། །ཟླ་གམ་ཉི་ཤུ་རྩ་གཅིག་ནི། །ཤེས་རབ་ཡུམ་གྱི་བྷ་ག་ཉིད། །ཁྲོ་བོ་ཉི་ཤུ་རྩ་གཅིག་ནི། །ཐབས་མཆོག་ཡབ་ཀྱི་ངོ་བོའོ། །ཐབས་དང་ཤེས་རབ་དབྱེར་མེད་དོན། །རྒྱན་དང་མཆོད་པ་མཛེས་པར་རྫོགས། །ཆོ་གའི་རིམ་པ་གོང་བཞིན་དུ། །དེ་ནས་གཞུགས་པའི་རིམ་པ་ཉིད། །ཞི་བ་ཁྲོ་བོར་བསྒྱུར་ཞིང་ ― DNG022_Page_0119 ―
[མ་དཔེ་གཟིགས་ན་འདིར་གནོན།]
བྱ། །དེ་ནས་དབང་གི་རིམ་པ་ཉིད། །དང་ལ་སྐུ་ཡི་ཆ་རྐྱེན་དབང་། །སྔོན་བྱུང་བཞིན་དུ་བསྐུར་བ་ནི། །ཕུང་པོ་མ་སྤངས་ངོ་བོ་ཉིད། །གསང་བའི་སྙིང་པོ་བརྗོད་ལས་འདས། །རཀྴ་མེ་དབལ་སྐུར་བསྒོམས་ཏེ། །ལྷང་ངེ་བ་རུ་ངེས་པ་གསལ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། ཨེ་མ་ཧོ་དེ་ནི་རང་བྱུང་བའི། །དཔལ་ཆེན་རྡོ་རྗེ་གཞོན་ནུའི་སྐུ། །འཁོར་བ་ཡོངས་སུ་སྦྱོང་བའི་ཕྱིར། །ཡེ་ཤེས་སེམས་དཔས་དབང་བསྐུར་རོ། །ཛྙཱ་ན་སཏྭ། ཀཱི་ལ་ཡ་ཨཱ། སྲིད་པ་གསུམ་ལ་དབང་སྒྱུར་ཞིང་། །བྱང་ཆུབ་སེམས་ནི་མངོན་སུམ་བསྟན། །ཁམས་གསུམ་ཡེ་ཤེས་སྐྱེད་པའི་ཕྱིར། །དབུ་ལ་རིགས་ལྔས་དབང་བསྐུར་རོ། །ཨོཾ་ཨཱཿཧཱུྃ་སྭཱ་ཧཱ། ཡེ་ཤེས་དྲུག་གི་རང་བཞིན་ཏེ། །ཕ་རོལ་ཕྱིན་པ་དྲུག་གི་རྟགས། །རྡོ་རྗེ་ལ་སོགས་ཕྱག་མཚན་གྱིས། །རྒྱུ་དྲུག་གནས་སུ་སྒྲོལ་བར་ཤོག །ཞག་གི་ཟོ་རིས་དོན་དམ་བཅུད་ཀྱི་རྒྱན། །རཀྟའི་ཐིག་ལེ་ཐུགས་རྗེ་ཆགས་པའི་རྟགས། །ཐལ་ཆེན་ཐིག་ལེ་མཚན་མ་སྤྲོས་དང་བྲལ། །མཚན་མ་གསུམ་གྱི་དོན་དམ་མཚོན་པར་ཤོག །མ་ཧཱ་ཏིག་སྣ། མ་ཧཱ་རཀྟ། མ་ཧཱ་ཀིཾ་ནི་རི་ཏི། སྐམ་པོ་ཆོས་སྐུ་ར་རི་ལོངས་སྤྱོད་རྫོགས། །རློན་པ་སྤྲུལ་པའི་སྐུ་ཡིན་ཏེ། །དུས་གསུམ་སངས་རྒྱས་བཞུགས་ཀུན་དང་། །སྐུ་གསུམ་ངོ་བོར་དབང་བསྐུར་རོ། །མ་ཧཱ་ཀ་པཱ་ལ་ཧཱུྃ། སྦྲུལ་རིགས་བཞི་ཡི་ཆུན་འཁྲིལ་ཏེ། །མཉེན་ལ་འཁྲིལ་བ་སྐུ་ཡི་རྒྱན། །ཞེ་སྡང་ཆེན་པོའི་རང་བཞིན་པས། །ཕྲིན་ལས་བཞི་ཡིས་གདུག་པ་ཞི་བར་ཤོག །མ་ཧཱ་ནཱ་ག་ཧཱུྃ། གླང་ཆེན་ཀོ་རློན་སྟོབས་བཅུའི་བརྗིད་དུ་ལྡན། །ཚུལ་ཁྲིམས་གཡང་གཞི་ཐབས་ལ་མཁས་པ་དང་། །སྟག་ལྤགས་ཤམ་ཐབས་དཔའ་བར་ལྡན་པ་ཡི། །ན་བཟའ་རྒྱན་གྱི་དབང་མཆོག་ཐོབ་པར་ཤོག །ཁམས་གསུམ་ཟིལ་གནོན་རྡོ་རྗེ་གཤོག་པ་འདི། །སྲིད་གསུམ་འདེགས་བྱེད་རླུང་གི་རང་བཞིན་པས། །གཡས་པ་ཐབས་ལ་གཡོན་པ་ཤེས་རབ་སྟེ། །རྡོ་རྗེ་གཤོག་པའི་དབང་མཆོག་ཐོབ་པར་ ― DNG022_Page_0120 ―
[མ་དཔེ་གཟིགས་ན་འདིར་གནོན།]
ཤོག །ཡེ་ཤེས་གཅིག་ལས་ཀྱང་འདུལ་ཐབས་བྱེ་བྲག་ཐ་དད་བསྟན་པའི་ཕྱིར། རྟགས་ཀྱི་ཁྲོ་ཆུང་ཚོན་གང་གིས། །དཀའ་ནན་ཆེན་པོས་འགྲོ་དོན་བྱེད་པར་ཤོག །ཁམ་ནག་རལ་པས་སྟོང་ཉིད་དོན་རྟོགས་སྟོན། །མཐིང་ནག་ཐལ་བའི་ཆུན་འཕྱངས་ཀྱིས། །འཁོར་བ་རྟག་ཆད་གཉིས་ཀྱི་མཐའ་སངས་ཏེ། །མ་གཡོས་དབུ་མ་ཆེན་པོའི་དོན་རྟོགས་ཤོག །འབར་བ་ཐུགས་རྗེའི་རང་བཞིན་དང་། །འཕྲོ་བས་ཁྱབ་པའི་ཐུགས་རྗེ་དང་། །འདུ་བ་དབྱིངས་ཀྱི་རང་བཞིན་ཏེ། །གླེང་བ་ཟད་པའི་ཕྲིན་ལས་དང་། །འཁྱིལ་པའི་གཉིས་སུ་མེད་པའི་དོན། །རྡོ་རྗེ་མེ་ཡི་དབང་མཆོག་ཐོབ་པར་ཤོག །དེ་ནི་སྐུ་ཡི་ཆ་རྐྱེན་ནོ། །དེ་ནས་མཛད་པ་ཕྲིན་ལས་ཀྱི་དབང་བསྐུར་བ་ནི། བདག་དང་ལག་པའི་མཆོག་རྣམས་ཀྱིས། །རབ་ཏུ་གསོར་ཏེ་དྲིལ་བྱས་ནས། །བྱིན་གྱིས་བརླབས་ཤིང་དབང་བསྐུར་བས། །གཉིས་མེད་ཆེན་པོའི་བྱིན་རློབ་ཤོག །གུ་གུལ་སྦྱར་མའི་རྫས་མཆོག་དམ་པ་འདིས། །སྲས་མཆོག་ཀཱི་ལ་ཡ་ཡི་གཟི་མདངས་རབ་བསྐྱེད་ནས། །མཚན་དང་དཔེ་བྱད་ལྡན་གྱུར་ཅིང་། །འགྲོ་བའི་དོན་རྣམས་བྱེད་པར་ཤོག །ཉུང་དཀར་རྒྱལ་པོའི་སྲས་མཆོག་འདིས། །བདེར་གཤེགས་སྲས་མཆོག་རྣམས་ཀྱི་ནི། །ཐུགས་དམ་ཆེན་པོ་བསྐུལ་ནས་ཀྱང་། །འགྲོ་བའི་དོན་རྣམས་བྱེད་པར་ཤོག །རཀྟའི་རྒྱལ་པོ་ཆགས་པའི་བདག་ཉིད་འདིས། །འགྲོ་བའི་དོན་ལ་ཐུགས་དམ་རབ་བསྐུལ་ཞིང་། །ཕྱོགས་བཅུའི་འཇིག་རྟེན་རབ་འབྱམས་སུ། །ཐུགས་རྗེ་ཆགས་པས་འགྲོ་བའི་དོན་རྣམས་བྱེད་པར་ཤོག །ཐུགས་རྗེ་ཆེན་པོའི་ཅོད་པན་འདི། །ཐབས་དང་ཤེས་རབ་རྟགས་ཡིན་ཏེ། །གཟུང་འཛིན་མཐའ་རྣམས་རབ་སྤངས་ཏེ། །དབྱིངས་དང་ཡེ་ཤེས་མཚོན་པར་ཤོག །ཕྱི་ནང་གསང་བའི་མཆོད་རྫས་ཏེ། །དུས་གསུམ་སངས་རྒྱས་མཉེས་མཆོད་ཅིང་། །འགྲོ་བའི་དོན་ལ་ཐུགས་བསྐུལ་ཞིང་། །མཆོད་སྦྱིན་སྟོབས་ཀྱི་དབང་མཆོག་ཐོབ་པར་ཤོག །བསྒྲུབ་པའི་ཤེས་རབ་ཚོན་གང་བ། ། ― DNG022_Page_0121 ―
[མ་དཔེ་གཟིགས་ན་འདིར་གནོན།]
གསང་བའི་སྔགས་ཀྱིས་རབ་བསྐྱེད་ལ། །དུས་དང་རྒྱན་དུ་བཟླ་དགོས་པས། །འཛབ་བསྙེན་འདི་ཡིས་དབང་བསྐུར་རོ། །དེ་ནི་མཛད་པ་ཕྲིན་ལས་ཀྱི་དབང་ངོ་། །དྲག་པོ་བསྒྲལ་བའི་དབང་ནི། དབྱིངས་དང་ཡེ་ཤེས་དོན་དམ་ཕོ་ཉ་དང་། །ཐབས་དང་ཤེས་རབ་རྟགས་ཀྱི་ཕོ་ཉ་དང་། །འཁོར་བའི་གནས་ནས་དགྲ་བགེགས་འགུག་པའི་ཕྱིར། །མངག་པ་ཕོ་ཉའི་ཕུར་བུ་གཟུང་། །ཕྱག་རྒྱ་བཞི་ལྡན་ཕུར་བུ་འདི་བྱིན་པས། །དགུག་དང་བཅིངས་དང་དབང་དུ་བསྡུ་བའི་ཕྱིར། །བར་ཆད་དགྲ་བགེགས་ལིངྒལ་འདེབས་པར་ཤོག །རྡོ་རྗེ་གདབ་ཕུར་འདི་བྱིན་པས། །ཡེ་ཤེས་དབྱིངས་ལ་ཕུར་པ་འདེབས་པའི་རྟགས། །མཚན་མ་ཐབས་ཀྱི་ཕུར་བུ་འདིས། །གདབ་པའི་ལིངྒ་ཤེས་པ་ལ། །ཐབས་མཆོག་ཕུར་བུ་འདེབས་པར་ཤོག །མཚོན་ཆ་ལྔ་ལྡན་ཕུར་བུ་འདི་བྱིན་པས། །འཇོམས་བྱེད་རྡོ་རྗེ་གཅོད་པའི་འཁོར་ལོ་དང་། །གཏུབ་པའི་རལ་གྲི་བརྡུང་བའི་དབྱུག་ཏོ་དང་། །གནོན་པའི་རྒྱ་གྲམ་ཕྲིན་ལས་ཀྱིས། །མ་རིག་རྒྱ་མཚོ་འདྲལ་བར་ཤོག །རིན་ཆེན་རྒྱས་པའི་ཕུར་བུ་འདི་བྱིན་པས། །དམིགས་པའི་མཐུ་དང་རྩལ་བྱེད་ལྷ་ལ་སོགས། །གནས་སུ་བསྐྲད་ཅིང་རྫུ་འཕྲུལ་ཕྲོགས་ནས་ནི། །རང་ཉིད་ཚེ་དང་དབང་ཐང་རྒྱས་པར་བྱེད་པར་ཤོག །ཁྲོ་མོ་འབར་བའི་གཏུན་ཁུང་དུ། །ཁྲོ་བོ་འབར་བའི་ཐོ་ཚོགས་ཀྱིས། །འཁོར་བའི་བག་ཆགས་སྦྱོང་བའི་ཕྱིར། །མཚན་མའི་དངོས་པོ་རྡུལ་དུ་རློག་པར་ཤོག །དྲག་པོའི་མཆོད་གཏོར་འདི་བྱིན་པས། །དམ་ཅན་རྣམས་ཀྱི་ཐུགས་བསྐུལ་ཞིང་། །གདུག་ཅིང་སྡང་སེམས་ལྡན་པ་རྣམས། །ལུས་ངག་རྡུལ་དུ་རློག་པར་ཤོག །དབང་མཆོག་དུག་གི་གཏོར་མ་འདི་བྱིན་པས། །གནོད་བྱེད་མ་ལུས་མྱོས་ཤིང་འཚུབས་པ་དང་། །བག་ཆགས་སྦྱོང་ཕྱིར་སྡིག་པ་མཐོལ་གྱུར་ནས། །མྱོས་འཚུབ་བབ་ཆོལ་སྨྱོ་རུ་ཆུག །རྡོ་རྗེ་སྲིན་པོ་ཟ་བྱེད་དང་། །རྡོ་རྗེ་སྲིན་མོ་ཞལ་གདངས་པར། །ཤ་རུས་ཁྲག་སྟེ་དུག་གསུམ་མཆོད་པ་ཡིས། །དུག་ ― DNG022_Page_0122 ―
[མ་དཔེ་གཟིགས་ན་འདིར་གནོན།]
གསུམ་སྟོངས་ནས་སྐུ་གསུང་ཐུགས་ལྡན་ཤོག །ཀློང་ཡངས་འཁྱིལ་པའི་ཧོམ་ཁུང་དུ། །འབར་འཕྲོ་འདུ་ཀློང་མེ་ལྕེ་དེ། །ཡ་མ་མེ་ཡི་སྦྱོར་བ་ཡིས། །ལྷ་རྣམས་མ་ལུས་མཉེས་བྱེད་ཤོག །ཟིལ་གནོན་རི་རབ་ཕུར་པ་འདི་བྱིན་པས། །སྐལ་མེད་བྱུང་ངན་དུས་ཟད་རྣམས། །བྱང་ཆུབ་སེམས་ནི་མ་སྐྱེས་པར། །གནོན་བྱེད་སྟོབས་ཀྱི་དབང་ཐོབ་ཤོག །རིགས་ངན་སྨེ་ཤ་གདོལ་པའི་རིགས། །ཁ་ཅིག་ཁ་རལ་གཟུངས་མ་ལ། །ཕྱག་རྒྱའི་དཀྱིལ་འཁོར་གསལ་བར་བཀོད། །དབང་བསྐུར་རིམ་པ་གོང་བཞིན་ནོ། །གོང་གི་གཟུངས་མ་དེ་ཉིད་ལས། །ཟབ་མོའི་དབང་ཡང་དེ་བཞིན་བསླང་། །དེ་ལྟར་དབང་རིམ་རྫོགས་གྱུར་ན། །མི་ཞེས་བྱ་བ་བདེར་གཤེགས་ཡིན། །སངས་རྒྱས་ཞེས་ནི་གུད་ན་མེད། །དེ་ཡིས་ལས་རྣམས་འགྲུབ་པར་བཤད། །དེ་ལྟར་དྲག་པོའི་དབང་རྫོགས་ནས། །གནོད་བྱེད་མ་ལུས་རང་བཞིན་དུ། །ཞེ་སྡང་གཏིང་ནས་མ་གཡོས་ཀྱང་། །རང་ངམ་ཤུགས་ཀྱིས་སྒྲོལ་འགྱུར་ན། །དམིགས་པ་བཅས་ན་སྨོས་ཅི་དགོས། །དེ་ལྟར་ དབང་མཆོག་མ་ཐོབ་པར། །བསྒྲལ་བ་ཉིད་ལས་བརྩོན་བྱས་ཀྱང་། །རང་ཉིད་ཚེ་ཡི་བར་ཆད་ནས། །འཁོར་བའི་གཡང་ས་ཆེན་པོར་ལྷུང་། །དེ་བས་ནན་ཏན་བསྐྱེད་པར་བྱའོ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ཁྲོ་བོ་ཕྲིན་ལས་ཀྱི་དབང་བསྐུར་བའི་ལེའུ་སྟེ་སུམ་ཅུ་རྩ་གཉིས་པའོ།། །།དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ། །ཀྱེ་མ་ཧོ་རྡོ་རྗེ་གསང་བའི་བདག །བདེ་གཤེགས་རོལ་པའི་རྗེས་འཇུག་པའི། །རྡོ་རྗེའི་དབང་རྫོགས་རྣལ་འབྱོར་པས། །རྗེས་སུ་འཇུག་དང་དམ་ཚིག་རྟོགས། །བསྲུང་བའི་དམ་ཚིག་རྣམ་པ་གང་། །ཕྱི་རབས་དོན་དུ་བསྟན་དུ་གསོལ། །རྡོ་རྗེ་གསང་བས་བཀའ་སྩལ་པ། ཉོན་ཅིག་རྡོ་རྗེ་འདུས་པའི་གཙོ། །དམ་ཚིག་དམ་ཚིག་ཅེས་བྱ་བ། །རྟོགས་པའི་དོན་ཉིད་ཡིན་པ་སྟེ། །དེ་ལས་འདས་ན་ཚིག་པར་འགྱུར། །རྟོགས་པའི་དོན་རྟོགས་བདེ་གཤེགས་ཀྱི། །ཞལ་ནས་ ― DNG022_Page_0123 ―
[མ་དཔེ་གཟིགས་ན་འདིར་གནོན།]
གསུངས་པའི་གདམས་ངག་སྟེ། །དེ་ཡི་དོན་ལ་འདས་ན་ཚིག་པར་འགྱུར། །གདམས་ངག་རིམ་པར་བསྟན་པ་ནི། །རྟོགས་པར་བྱ་བ་སྤྱི་ཡི་དམ་ཚིག་ཡིན། །བསྲུང་བར་བྱ་བ་ཁྱད་པར་དམ་ཚིག་སྟེ། །གནས་པར་བྱ་བ་ལྷག་པའི་དམ་ཚིག་ཡིན། །མདོར་ན་རྣམ་པ་གསུམ་དུ་གསུངས། །ཡན་ལག་རྣམ་པར་ཕྱེ་བའི་རིམ་པ་སྟེ། །དོན་དམ་གཉིས་མེད་སྟོན་པའི་རྡོ་རྗེ་མཆེད་རྣམས་ལ། །ལྟ་ལོག་ངན་སེམས་རྐུ་འཕྲོག་བརྡེག་ལ་སོགས། །ངན་དུ་སྨྲས་ཤིང་གནོད་པ་དངོས་སུ་བགྱིས། །སྐུ་ཡི་དམ་ཚིག་ཉམས་པ་དམྱལ་བའི་རྒྱུ། །དང་པོ་དམ་ཚིག་བཅས་པ་བཞིན། །བཟླས་བརྗོད་སྔགས་དང་སྙིང་པོ་བར་མི་གཅད། །གསུང་གི་དམ་ཚིག་ཉམས་པ་དེ་བཞིན་ནོ། །ཡེ་གསང་ཐབས་ཀྱིས་ཆོད་ནས་མི་རྟོགས་བཞིན་དུ་དོན་མེད་སྤེལ་བྱེད་ན། །ཐུགས་ཀྱི་དམ་ཚིག་ཉམས་པ་དམྱལ་བའི་རྒྱུ། །སྦྱོར་དང་སྒྲོལ་བ་མ་བྱིན་ལེན་པ་དང་། །ཚིག་བརྙན་དང་ནི་རྫུན་སྤྱོད་པ། །ཉོན་མོངས་རང་གར་སྤྱོད་པས་ངན་སོང་རྒྱུ། །དུག་ལྔ་ཡེ་ཤེས་ལྔ་ཡི་ངོ་བོ་ལ། །མ་རིག་ལོག་པར་མཐོང་བས་སྤངས་བྱས་ཏེ། །མི་སྤང་དམ་ཚིག་ཉམས་པ་དེ་བཞིན་དེ། །དྲི་ཆེན་དྲི་ཆུ་དམར་ཆེན་མཱཾ་ས་སེམས། །སོ་སོའི་རྣམ་པར་རྟོག་པས་མ་འབྱོངས་ཏེ། །གཉིས་མེད་དོན་ལས་འགལ་བ་དེ་བཞིན་ནོ། །ཕུང་པོ་འབྱུང་བ་ཁ་དོག་དབང་པོ་ཡུལ། །གཉིས་མེད་ལྟ་བ་ངང་ལས་མ་རྟོགས་ཏེ། །ཡེ་ཤེས་ལྔ་ཡི་དོན་འགལ་གོང་བཞིན་ནོ། །དེ་བཞིན་རྡོ་རྗེ་རིན་ཆེན་པདྨ་ལས། །རིགས་ཀྱི་ཁྱད་པར་ཡེ་ཤེས་ལྔ་ཡང་སྣང་། །ཡེ་ཤེས་དམིགས་མེད་དོན་ལ་མ་རྟོགས་པས། །གྲུབ་པའི་འབྲས་བུ་མེད་པས་དམྱལ་བའི་རྒྱུ། །ས་ལ་འཇུག་ཅིང་སྤྱོད་པའི་རྣལ་འབྱོར་པས། །སྤྱི་ཡི་དམ་ཚིག་དོན་མང་ཡང་། །དོན་དང་བསྟུན་པའི་ཉི་ཤུ་རྩ་བརྒྱད་པོ། །དྲང་དང་ངེས་པའི་དོན་དུ་རྟོགས་པར་བྱ། །ཁྱད་པར་དམ་ཚིག་བསྲུང་བ་ནི། །གཅན་གཟན་རྒྱལ་པོ་སེང་གེ་དག །གསད་པར་བྱ་བའི་འོས་མ་ཡིན། །ཟ་མ་ཏོག་གི་རིན་ཆེན་དག །དུག་རྣམས་སྤྱོ་བ་མ་ཡིན་ནོ། །རིན་པོ་ཆེ་ཡི་ ― DNG022_Page_0124 ―
[མ་དཔེ་གཟིགས་ན་འདིར་གནོན།]
ལྕུག་མ་དག །རྩད་ནས་གཅད་པར་བྱ་བ་མིན། །གངས་ཀྱི་ཞུན་ཆུ་ཁོལ་མ་དག །ཁོང་དུ་བཏུང་བར་མི་རིགས་སོ། །པདྨ་རྒྱས་པའི་ཟེའུ་འབྲུ་དག །ཁ་དབྱེ་སྤྱད་པར་མི་བྱའོ། །བུག་རྡོལ་ཅན་གྱི་སྣོད་དག་ཏུ། །གསང་བའི་བཅུད་རྣམས་བླུགས་པ་མིན། །མ་བརྟགས་པ་ཡི་ཟས་དང་ནོར། །མི་བསྲེལ་བཅང་བར་མི་བྱའོ། །ཤེལ་གོང་བཞིན་དུ་གསལ་ཞིང་དག་པ་དག །འདམ་དུ་བསྣུབ་པར་མི་བྱའོ། །སེང་གེ་དཀར་མོའི་འོ་མ་དག །རིན་ཆེན་གསེར་གྱི་སྣོད་དུ་བླུགས་པ་ལས། །དུག་ཅན་དག་ཏུ་ག་ལ་བླུགས། །དགོས་འདོད་བསྐང་བའི་ཡིད་བཞིན་ནོར་བུ་དག །ཐབ་ཏུ་བསྲེག་པར་ཡང་མི་བྱ། །བྱ་རྒྱལ་ཁྱུང་གི་གཤོག་པ་དག །བཅག་པར་བྱ་བ་མ་ཡིན་ནོ། །གནམ་ལྕགས་ངུར་མོའི་མཚོན་ཆ་དག །ས་ལ་བརྡབ་པར་མི་བྱའོ། །སྟག་གཟིག་སྒྲོལ་བའི་ལས་བྱས་པའི། །ལས་ཀྱི་མཐའ་མ་མི་རྟུལ་ལོ། །རྡོ་རྗེ་བྲག་ཆེན་གཏམས་པ་དག །བཤིག་ཅིང་འདྲལ་བར་མི་བྱའོ། །རྡོ་རྗེ་ར་བས་བསྐོར་བ་དག །གོ་མཚམས་བཤིག་པར་མི་བྱའོ། །མུན་པ་སེལ་བའི་སྒྲོན་མ་དག །གསད་ཅིང་བསྣུབ་པར་མི་བྱའོ། །རྡོ་རྗེ་ཆུ་བོའི་འོལ་ཁ་དག །བཅད་ཅིང་བསྒྱུར་བར་བྱ་བ་མིན། །རྒྱལ་པོ་རྟགས་ཀྱི་ཕྱག་རྒྱ་དག །གཞན་ལ་སྦྱིན་བྱའི་རིགས་མ་ཡིན། །རྡོ་རྗེ་མཁར་རྫོང་གཏམ་པ་དག །རྨང་ནས་བཟློག་སྟེ་མི་བཤིག་གོ། །རྒྱལ་མཚན་རྩེ་ལ་བཏགས་པའི་ནོར་བུ་དག །འདོད་པའི་སེམས་ཀྱིས་དབོག་པར་མི་བྱའོ། །ཁྱད་པར་བསྟན་པའི་དམ་ཚིག་དོན་མང་ཡང་། །མདོར་བསྡུས་པ་ནི་ཉི་ཤུའི་དོན་དང་བསྟུན། །ས་ལ་གནས་ཤིང་སྤྱོད་པའི་རྣལ་འབྱོར་པས། །བདག་གཞན་གཉིས་ཀྱི་དོན་དུ་བསྲུང་བར་བྱའོ། །ལྷག་པའི་དམ་ཚིག་གནས་པར་བྱ་བ་ནི། །མདོར་ན་རྩ་བ་བཞིར་བསྟན་ཏེ། །སྤྱོད་པ་རྒྱུན་དང་རང་བཞིན་ལྟ་བ་དང་། །ལྟ་བའི་ཉམས་དྲོད་གལ་མདོ་ངེས་པ་བཞི། །ཡན་ལག་དོན་ཉིད་བཤད་པ་ནི། །སྤྱོད་པ་ ― DNG022_Page_0125 ―
[མ་དཔེ་གཟིགས་ན་འདིར་གནོན།]
རྒྱུན་ལ་དམ་ཚིག་བཞིར་གནས་ཏེ། །གཉིད་ཀྱི་དགྲ་སྤང་མྱོས་འགྱུར་དགྲ་བགེགས་གཞོམ། །གསང་བའི་བརྡ་བསྲུང་ལེ་ལོའི་བདུད་གཞོམ་མོ། །རང་གཞན་བལྟ་བའི་དམ་ཚིག་བཞིར་བསྟན་ཏེ། །སྲིད་གསུམ་ཡོངས་སུ་བསྒྲལ་བ་དང་། །ཁམས་གསུམ་ཞིང་དུ་བསྒྲལ་བའི་ངང་། །དུས་གསུམ་མི་རུ་བསྒྱུར་བ་དང་། །འཁོར་བ་གནས་སུ་དག་པར་བལྟའོ། །ལྟ་བའི་ཉམས་དྲོད་དམ་ཚིག་གཞིར་གནས་ཏེ། །གདལ་བ་ཆོས་ཉིད་ལྟ་བ་ཡེ་འབྱམས་སུ། །རིག་པའི་ཡེ་ཤེས་ལྟ་བ་ཡེ་གསལ་དུ། །སྤྲུལ་པའི་ཕྱག་བརྙན་ལྟ་བ་ཡེ་གནས་སུ། །ཁྱབ་པའི་སྙིང་རྗེ་ལྟ་བ་ཀུན་ཁྱབ་པའོ། །གལ་མདོ་ངེས་པའི་མདོ་གསུམ་མོ། །མ་ཁྲེལ་བ་ཡི་ཚུལ་དང་ནི། །མ་ཉམས་པ་ཡི་མདོ་དག་དང་། །མཐར་ཕྱིན་པ་ཡི་རྟགས་ཉིད་དོ། །མ་ཁྲེལ་བ་ཡི་ཚུལ་ལ་གཉིས། །བདེ་གཤེགས་ཐུགས་ཀྱིས་མ་ཁྲེལ་དང་། །གང་ཟག་ཡིད་ཀྱིས་མ་དཔྱད་པའོ། །ཉམས་པའི་དོན་ལ་བཞིར་གནས་ཏེ། །ཟླ་བོས་ཉམས་དང་ཞོར་ལ་ཉམས། །དབང་མེད་ཉམས་དང་ཀུན་ཏུ་ཉམས་པའོ། །མཐར་ཕྱིན་རྟགས་ཀྱིས་དེ་བཞིན་བཞིར་སྣང་སྟེ། །དམ་ཅན་འདུ་ཞིང་མཐུ་རྩལ་ཆེ་བ་དང་། །བྱིན་རླབ་ཆེ་ཞིང་རིག་པ་ཆགས་པ་གཉིས། །ཡིད་འོང་འབྱུང་ཞིང་འདོད་པ་གྲུབ་པ་དང་། །མང་པོས་བཀུར་ཞིང་གྲགས་པ་ཐོབ་པ་བཞིའོ། །དམ་ལ་གནས་པའི་རྣལ་འབྱོར་པས། །ལྷག་པའི་དམ་ཚིག་དོན་ལ་གནས་པར་བྱའོ། །སྤྱི་དང་ཁྱད་པར་ལྷག་པའི་དམ་ཚིག་རྣམས། །རྟོགས་ཤིང་བསྲུངས་ཏེ་གནས་པར་བྱས་གྱུར་ན། །ས་གཞི་ཆེན་པོ་འདྲ་སྟེ་ཀུན་ཀྱང་བསྐྱེད། །ནམ་མཁའ་དྭངས་པ་འདྲ་སྟེ་གོ་ཡང་འབྱེད། །སྲེག་པ་མེ་དང་འདྲ་སྟེ་བག་ཆགས་སྲེག །རླན་པ་ཆུ་དང་འདྲ་སྟེ་དག་པར་བྱེད། །གཡོ་བ་རླུང་དང་འདྲ་སྟེ་འཐོར་བར་བྱེད། །ཡིད་བཞིན་ནོར་བུ་འདྲ་སྟེ་རེ་བ་སྐོང་། །གཅན་གཟན་སེང་གེ་བཞིན་ཏེ་ཟིལ་གྱིས་གནོན། །གཞུང་དུ་བསྲུངས་ན་རང་སྣང་འབྲས་བུར་འཆར། །རྒྱུན་ཏུ་བསྲིངས་ན་སངས་རྒྱས་ས་ལ་སྤྱོད། །དེ་ལ་སོགས་ ― DNG022_Page_0126 ―
[མ་དཔེ་གཟིགས་ན་འདིར་གནོན།]
ཏེ་ཡོན་ཏན་བསམ་མི་ཁྱབ། །ཉམས་པར་འགྱུར་བས་མི་འགྲུབ་སྟེ། །དངོས་སུ་ཉམས་ན་ལྗོན་ཤིང་མེས་ཚིག་འདྲ། །ཟུར་གྱིས་ཉམས་ན་ས་བོན་མེས་ཉམས་འདྲ། །ཀུན་ཏུ་ཉམས་ན་བརྗོད་པའི་མཐའ་ལས་འདས། །དེ་ཡིས་བསྒྲུབས་ཀྱང་མི་འགྲུབ་སྟེ། །སླར་ལ་རང་སེམས་རླག་པ་དང་། །འབྲས་བུ་འབྱུང་བར་མི་འགྱུར་ཏེ། །ཚེ་དང་སྲོག་གི་བར་ཆད་འོང་བ་དང་། །འཇིག་རྟེན་སྒྲོ་དང་སྐུར་པའི་གཞི། །དམ་ལ་གནས་པའི་རྣལ་འབྱོར་དང་། །དམ་ཚིག་ཉམས་པའི་རྣལ་འབྱོར་གཉིས། །སྐད་ཅིག་ཙམ་ཡང་སྨྲ་མི་བྱ། །སྨྲས་ན་དམ་བཅའ་འབྲས་བུ་བརླག །དམ་ཚིག་ཉམས་པའི་རྣལ་འབྱོར་དེ། །དམ་ལ་གནས་པའི་རྣལ་འབྱོར་པས། །དང་དུ་བླངས་ཏེ་བསྒྲལ་བར་བྱ། །བསྒྲལ་བ་ཞི་བའི་མཆོག་ཡིན་ནོ། །ཞེས་རྡོ་རྗེ་གསང་བའི་བདག་པོས། དམ་ཚིག་གསང་བའི་བཀོད་པ་མདོར་གསུངས་ཤིང་བསྟན་ཏོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། དམ་ཚིག་རིམ་པར་ཕྱེ་བའི་ལེའུ་སྟེ་སུམ་ཅུ་རྩ་གསུམ་པའོ།། །།དེ་ནས་ཡང་ཉིད་ལས་མི་གཞན་པའི་རྡོ་རྗེ་འདུས་པའི་སྲས་མཆོག་དམ་པ་དེས། ཧེ་རུ་ཀ་དཔལ་ལ་ཡང་གསོལ་པ་ནི། གདུག་བྱེད་རཱུ་ཏྲ་ལ་སོགས་པའི། །ཚེ་དང་གཟི་བྱིན་ཀུན་ཕྲོགས་ཏེ། །ཁྲོས་པའི་ལྷ་ཚོགས་ཚེ་དང་གཟི་བྱིན་རྒྱས་མཛད་པའི། །རོལ་པའི་མཛད་སྤྱོད་ཨེ་མ་ངོ་མཚར་ཆེའོ། །དེ་ཡི་རྗེས་སྤྱོད་རྣལ་འབྱོར་པས། །ཁྲོ་བོའི་ཚེ་ཉམས་ཚེ་ལྡོག་ཚེ་འཐོར་བ། །རྗེས་སུ་བསྒྲུབ་ན་ཇི་ལྟར་བགྱི། །ཞེས་གསོལ་བའི་དོན་ཐུགས་སུ་ཆུད་དེ། བཀའ་སྩལ་པ་ནི། ཚེ་དབང་ཆེན་པོའི་གནས་དག་ནི། །འཁོར་ལོ་གནམ་ལ་པདྨ་ས། །རི་བོ་ཆེན་པོ་རབ་དབེན་དང་། །ཡིད་འོང་མེ་ཏོག་རྒྱས་པ་སྟེ། །དབྱིབས་འདྲའི་ས་གཞི་རབ་ཏུ་བརྟག །ཡང་ན་སྡོང་གཅིག་མ་དང་མེས་རེག་དང་། །ལུང་གསུམ་མདོ་དང་དུར་ཁྲོད་གནས། །འབབ་ཆུ་ཆེན་པོའི་ངོས་སུ་བསྒྲུབ། །ལྷ་རྣམས་མཉེས་པར་བྱ་བ་དང་། །གདོན་རྣམས་ཞི་བར་བྱ་བ་དང་། །སྲིད་རྩེའི་ཉེས་དམིགས་བསལ་ ― DNG022_Page_0127 ―
[མ་དཔེ་གཟིགས་ན་འདིར་གནོན།]
བའི་ཕྱིར། །ཕྱི་ཡི་གཏོར་མ་བཏང་ནས་ནི། །རབ་ཏུ་གསང་སྟེ་རྒྱན་རྣམས་བསགས། །དུར་ཁྲོད་བདག་པོ་ཁྱོ་ཤུག་དག །བརྗིད་པའི་སྟོབས་ཀྱིས་གནན་པར་བྱ། །དང་པོ་ས་ཡི་ལྷ་མོ་མཆོད། །འཁོར་རྣམས་ཀུན་ལ་གཏོར་མ་སྦྱིན། །བདེན་ཚིག་བསྒོ་སྟེ་གནས་སུ་བཏང་། །ལྟོ་ཕྱེ་གཞུང་དུ་བརྟག་བྱས་ནས། །བརྐོས་ལ་ས་ཡི་རོ་ལྔ་བསལ། །ཤིན་ཏུ་འཇམས་ལ་སྣུམ་པའི་ས། །འཐས་པར་ལེགས་པ་ཉིད་དུ་བྱ། །ཁྲུ་གང་གྱེན་དུ་འཕགས་པ་ཡི། །ཆུར་ནི་གྲུ་བཞི་ཉིད་དུ་བྱ། །བཀྲ་ཤིས་རས་བལ་སྐུད་པ་ལ། །ཤིན་ཏུ་གསར་ཞིང་མཛེས་པ་ཡི། །མཁས་པས་རབ་ཏུ་ཐོགས་ནས་ནི། །ཐིག་གི་ཆ་ནི་རྣམ་པར་དབྱེ། །བྱང་ཆུབ་སེམས་ཀྱི་ཐིག་ལེ་བྱ། །ལྷ་རྣམས་སྤྱན་དྲང་བསམ་མཆོད་བསྟོད། །ཕྱག་འཚལ་སྟ་གོན་གནས་གསོལ་གདབ། །བཀྲ་ཤིས་པ་ཡི་རྒྱུ་ཡིན་ནོ། །ཁྲུས་བྱས་ཕྱག་འཚལ་གསོལ་བ་གདབ། །སྲུང་སྐུད་ཚེམས་ཤིང་ཁ་དག་བྱ། །ཀུ་ཤའི་སྟན་འདུག་ལྟས་བརྟག་སྟེ། །རྟགས་ཀྱི་ཚད་རྣམས་གཅེས་པར་བཤད། །རིན་ཆེན་སྣ་ལྔའམ་དྲི་ཞིམ་ཤིང་། །ཡང་ན་ས་ལས་བྱས་པ་ཡི། །བུམ་པའི་མཆོག་ཉིད་མཛེས་པར་བྱ། །བདག་ཉིད་ཆེན་པོ་ཧེ་རུ་ཀའི། །ཚེ་ཡི་ཡེ་ཤེས་ཁྱད་པར་ལས། །པདྨ་འདུས་པ་སྤྱན་སྔར་ཏེ། །རྡོ་རྗེ་འདུས་པ་ནུབ་ཕྱོགས་སུ། །གཞན་རྣམས་གོ་རིམ་བཞིན་དུ་བསམ། །གཞན་ཡང་འབྱུང་ལྔའི་སྙིང་པོ་ལྔ། །རིན་ཆེན་ལྔ་དང་སྨན་ལྔ་དང་། །སྤོས་ལྔ་ལ་སོགས་མགུལ་ཆིངས་གཟུངས། །ཁ་མངར་སྐྱུར་རླན་སྣུམ་པོས་དགང་། །ཚེ་འཛིན་མཆོག་དང་ཟས་ཀྱིས་བརྒྱན། །རྒྱན་དང་མཆོད་པ་བྱེ་བྲག་སོགས། །བུ་མོ་གཞོན་ནུས་བཀལ་ཚོན་སྐུད། །གོས་རྒྱན་མཛེས་པ་ཡིད་འོང་གཟུངས། །ཕྱི་ནང་གསང་བའི་མཆོད་པར་ལྡན། །ཐིག་གི་ཆོ་ག་རིམ་པར་བྱ། །ཁ་དོག་ལྔ་ཡིས་མཚན་པར་བྱ། །ཆོ་ག་བཞིན་དུ་རྒྱས་བྱས་ལ། །ཡེ་ཤེས་ལྔ་ཡི་རང་བཞིན་དུ། །མཁས་པས་དཀྱིལ་འཁོར་བྲི་བར་བྱ། །བྷ་ག་ཧེ་ཡི་དཀྱིལ་འཁོར་ལ། །རྡོ་རྗེའི་བྲག་གིས་རྣམ་པར་ ― DNG022_Page_0128 ―
[མ་དཔེ་གཟིགས་ན་འདིར་གནོན།]
གཏམས། །དབང་གི་ཟླ་གམ་ཉི་ཤུ་གཅིག །ཆུ་སྐྱེས་པདྨ་པ་ཏྲས་བརྒྱན། །ཟླ་གམ་ཡུམ་གྱི་ངོ་བོ་ལ། །ཡབ་རྣམས་ཐབས་ཀྱི་ཕྱག་རྒྱ་རུ། །སྐུ་གསུང་ཐུགས་ཉིད་གང་རུང་དགོས། །སྤྱན་སྔར་པདྨ་འདུས་པ་སྟེ། །ཕྱོགས་ཆ་བཞི་ལ་རིགས་བཞིའོ། །སྒོ་བཞི་དག་ཏུ་སྒོ་སྲུང་དགོད། །བྱིན་གྱིས་བརླབས་པའི་བུམ་པ་ནི། །སྣང་བའི་འོད་དང་བཅས་པ་བཀྲམ། །ལྟ་བ་སྤྱོད་པ་མཐར་ཕྱིན་པའི། །ལུང་དང་མན་ངག་ཚད་མས་བརྒྱན། །དད་པ་མི་ལྡོག་དམ་ཚིག་གནས། །བྱང་ཆུབ་སེམས་ལ་རབ་གཞོལ་ཅིང་། །བྱམས་དང་སྙིང་རྗེ་ལྡན་པས་བསྒྲུབ། །སྟོང་པ་ཉིད་ཀྱི་ཡེ་ཤེས་ནི། །རྣམ་པར་མི་རྟོག་རྟོག་ལས་འདས། །འདི་ནི་མི་འགྱུར་བྱང་ཆུབ་སེམས། །མཁའ་ལ་དེ་བཞིན་རོལ་པའི་སྐུ། །དེ་ཡི་ཆེ་བའི་བྱིན་རླབ་ལས། །དཀྱིལ་འཁོར་བསམ་ཡས་ལྷུན་གྱིས་གྲུབ། །བུ་མོ་ལོ་གྲངས་ཉི་ཤུ་ལ། །ཕྱག་རྒྱའི་དཀྱིལ་འཁོར་གསལ་བཀོད་དེ། །སྨེལ་པ་ཅན་གྱི་མཐུ་ཆེན་གྱིས། །རྣམ་གསུམ་དག་ཏུ་ནན་ཏན་བྱ། །རིན་ཆེན་ལ་སོགས་བུམ་པ་ལ། །ཛཿཧཱུཾ་བཾ་ཧོཿབཞིས་བཀུག་ལ། །སྐུ་གསུང་ཐུགས་ཀྱི་སྙིང་པོའི་མཆོག །ལུས་ངག་ཡིད་ལ་བསྡིམ་པར་བྱ། །ནྲྀ་ཉིད་དངོས་སམ་ཡིད་བཞིན་མཛོད། །བུམ་པ་མཆོག་ནི་བཟང་པོ་ཡིས། །ཚེ་བཞག་གནས་ནི་དེ་བཞིན་ནོ། །ཡང་ནས་ཡང་དུ་དགུག་བྱས་ནས། །མངོན་སུམ་སྨིན་པར་གྱུར་པ་དང་། །དབྱིངས་སུ་ཡང་ནི་སྤ་བར་བྱ། །རྡོ་རྗེ་ཆོ་གས་བསྲུང་བ་ནི། །བརྟན་ཅིང་འཁོར་ལོས་གདབ་པར་བྱ། །སྙིང་པོ་འབྱུང་ལྔའི་ནང་དུ་བསྡིམ། །སངས་རྒྱས་མ་ལུས་ཐམས་ཅད་ཀུན། །རྒྱལ་པོ་ཚེ་དཔག་མེད་པར་བསྒོམ། །སྐུ་མདོག་གངས་རི་འཚེར་བ་ལ། །རྒྱན་ཕྲེང་སྣ་ཚོགས་རྒྱན་གྱིས་བརྒྱན། །ཡིད་བཞིན་རིན་ཆེན་ཕྲེང་བ་དང་། །ཟ་མ་ཏོག་དང་རིན་ཆེན་དང་། །བུམ་པ་བཟང་ལ་སོགས་པ་ཡིས། །གཞན་ཡང་འགྲོ་བའི་དོན་བྱ་བའོ། །བསམ་གྱིས་མི་ཁྱབ་མཐའ་ཡས་ ― DNG022_Page_0129 ―
[མ་དཔེ་གཟིགས་ན་འདིར་གནོན།]
མཆོག །བགེགས་ཀྱིས་ནྲྀ་རྣམས་མི་སྟེར་ན། །ཚེ་དཔག་མེད་ཀྱང་ཁྲོ་བོ་སྟེ། །ཕྱོགས་བཅུའི་ནམ་མཁའི་ཁམས་བཀང་ནས། །སྒྲ་སྐད་དྲག་པོ་བཏོན་ནས་ནི། །ཐམས་ཅད་མ་ལུས་ཐུལ་པར་བྱའོ། །ཚེ་དཔག་མེད་པའི་དབང་དུ་བསྒྲུབ། །ཚེ་བསྙེན་དང་ནི་ཉེ་བསྙེན་དང་། །ཚེ་སྒྲུབ་དང་ནི་སྒྲུབ་ཆེན་པོ། །ཐབས་དང་ཤེས་རབ་འབྱོར་པ་ཡིས། །ཅི་འདོད་ལས་རྣམས་འགྲུབ་པར་བྱེད། །ཚེ་དབང་མོ་ནི་རྒྱུད་འཕེལ་མོ། །དཀར་མོའི་མདོག་ལ་འོད་འཕྲོ་འགྱུར། །ཕྱག་ན་རིན་ཆེན་གང་བ་ཡི། །ཕྱག་རྒྱ་སྣ་ཚོགས་ཅི་ཡང་འགྱུར། །འཇིག་རྟེན་དྲུག་གི་ཕྱོགས་བཅུ་ནས། །གསང་བའི་འགྲོ་དྲུག་ཐམས་ཅད་ལ། །ཕན་པའི་ཚེ་དབང་འདི་སྦྱིན་ན། །དེ་ལས་ཕན་པའི་ནུས་མཐུ་མེད། །ཡི་གེ་བཟླས་པ་འཕྲུལ་ཆེན་ནི། །རྣམ་གསུམ་ཚུལ་གྱིས་མ་འཁྲུལ་བར། །སྔགས་བཟླས་ཆོ་ག་བར་མི་གཅད། །འདྲིས་གསལ་བརྟན་པ་མཆོག་གིས་བྱ། །ཨཱོཾ་ཨཱོཾ་ཨཱོཾ་ཨཱོཾ་ཨཱོཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཨཾ་ཨཾ་ཨཾ་ཨཾ་ཨཾ། སྭ་སྭ་སྭ་སྭ་སྭ། ཧཱ་ཧཱ་ཧཱ་ཧཱ་ཧཱ། བྷྲཱུྃ་བྷྲཱུྃ་བྷྲཱུྃ་བྷྲཱུྃ་བྷྲཱུྃ། བཱ་བཱ་བཱ་བཱ་བཱ། ཛྲཱ་ཛྲཱ་ཛྲཱ་ཛྲཱ་ཛྲཱ། ཨཱ་ཨཱ་ཨཱ་ཨཱ་ཨཱ། ཡུ་ཡུ་ཡུ་ཡུ་ཡུ། ཤཱེ་ཤཱེ་ཤཱེ་ཤཱེ་ཤཱེ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཨཱ་ཨཱ་ཨཱ་ཨཱ་ཨཱ། ཚེ་རྣམས་དབང་དུ་མ་གྱུར་ན། །བདེ་གཤེགས་ལྔ་ཡང་ཚེ་དཔག་མེད། །སྐུ་གསུང་ཐུགས་ཀྱི་གཟུགས་ཀྱིས་ནི། །ཕྱོགས་བཅུ་ནམ་མཁའི་ཁམས་བཀང་ནས། །ཕྱག་རྒྱ་མཚོན་ཆ་སྣ་ཚོགས་ཀྱིས། །འཇིག་རྟེན་ཕྱོགས་བཅུའི་བདུད་བཅོམ་ནས། །འགྲོ་དྲུག་ཚེ་རྣམས་དབང་དུ་སྡུད། །གཤོལ་དང་གཏུན་ཤིང་ཕྱག་རྒྱ་ཡིས། །འོག་གི་འཇིག་རྟེན་ཁམས་དཀྲུགས་ནས། །གཤིན་རྗེའི་གནས་ནས་ཚེ་བཀུག་ནས། །སྙིང་པོ་ལྔ་ལ་བསྡིམ་པར་བྱ། །ཕྱག་རྒྱ་འཁོར་ལོ་ཆེན་པོ་ཡིས། །སྟེང་གི་འཇིག་རྟེན་ཁམས་དཀྲུགས་ཏེ། །དབང་དྲག་ཆེན་པོ་ལ་སོགས་པའི། །བར་སྣང་བགེགས་རྣམས་རྒྱུ་བ་ལས། །ནྲྀ་ཚེ་དྲག་ཏུ་དགུག་པར་བྱའོ། །འཁོར་ལོའི་འབྲུ་ལ་བསྡིམ་པར་བྱ། ། ― DNG022_Page_0130 ―
[མ་དཔེ་གཟིགས་ན་འདིར་གནོན།]
དེ་ནས་ཡི་གེ་འབྲུ་ལྔ་སྟེ། །ནྲྀ་ཡི་གནས་ལྔར་བསྡིམ་པར་བྱ། །ཨཱོཾ་ཨཱཾཿཧཱུྃ། བཛྲ་ཀཱ་བཱ་ག་ཙ། བཛྲ་ར་ག་ཧཱུྃ། ཨཱོཾ་སརྦ་ཏ་ཐཱ་ག་ཏ་ནྲྀ། ཏ་ཡ་ཨ་དྷི་ཏིཥྛ་བཛྲ་སྭཱ་ཧཱ། ཕྱག་རྒྱ་བསྲུང་བའི་ཆོ་ག་སྟེ། །འབྲུ་གཅིག་མི་དམིགས་དབྱིངས་སུ་ཐིམ། །ཡིད་བཞིན་ནོར་བུ་རིན་པོ་ཆེ། །རྒྱན་དང་རིན་ཆེན་ཕྲེང་བས་བརྒྱན། །རིན་ཆེན་ལྔ་དང་སྨན་ལྔ་དང་། །འབྲུ་ལྔ་སྤོས་ལྔ་སྙིང་པོ་ལྔ། །གསང་མཁའ་རབ་ལྡན་བློ་ལྡན་པས། །ཡན་ལག་མ་ཉམས་གསང་སྔགས་བསྒོམ། །རྒྱན་ཆ་ལྔ་དང་ལྡན་བྱས་ནས། །དཀྱིལ་འཁོར་ཐམས་ཅད་འགྲུབ་པར་འགྱུར། །དེ་ནས་རིགས་ཀྱི་བུ་མཆོག་དེས། །ཡོ་བྱད་མ་ལུས་ལྡན་བྱས་ནས། །མཆོད་ཡོན་རྣམ་པ་སྣ་ཚོགས་ཀྱིས། །མཉེས་མཆོད་དངོས་གྲུབ་ཐོབ་པར་བྱ། །གདོད་ནས་བྱང་ཆུབ་སྙིང་པོ་ལ། །རྣམ་རྟོག་ལས་ཀྱིས་འཁོར་བ་རྣམས། །རྣལ་འབྱོར་དབང་ཕྱུག་ཐབས་མཁས་པས། །འཁོར་བའི་དྲ་བ་བཀྲལ་ནས་ནི། །ཡབ་ཡུམ་གཉིས་མེད་མཁའ་ལ་བསྒྲལ། །སྒྲུབ་པ་པོ་ཡི་ལས་སུ་ནི། །བརྟུལ་ཞུགས་བསྐྱེད་དེ་སྦྱོར་སྒྲོལ་བརྩམ། །དེ་དག་སྔགས་ཀྱི་དམ་ཚིག་སྟེ། །མིང་གིས་མི་བྱ་མི་རུང་ངོ་། །གལ་ཏེ་བྱས་ན་ལྟུང་བར་འགྱུར། །མ་བྱས་ན་ཡང་ལྟུང་བར་འགྱུར། །རབ་བརྟགས་བསྒོམ་སྟེ་བྱ་བར་གསུངས། །རབ་བསྐྱེད་སྤྱན་དྲངས་མཆོད་བྱས་ནས། །བསྙེན་པ་གཞུང་བཞིན་བརྩོན་པར་བྱའོ། །འབུམ་མམ་སུམ་འབུམ་བཟླས་ནས་ནི། །མ་བཏབ་བཞིན་དུ་ལས་རྣམས་འགྲུབ། །བསྒྲུབ་པའི་བར་ཆད་བྱེད་པ་དག །ཉིན་མཚན་གུང་ལ་རབ་བཀུག་སྟེ། །གཟུགས་ལ་ཕབ་སྟེ་བཅིངས་ལ་བཞག །ཏིང་འཛིན་བསར་ཏེ་རབ་ཏུ་གདབ། །མགོ་དང་ཙིཏྟ་ལྟེ་བ་ལ། །གསང་གནས་ཡན་ལག་བཞི་ལ་གདབ། །བདེན་པ་བདར་ཞིང་ཡང་ནས་ཡང་། །གྲུ་གསུམ་ཨེ་ཡི་དཀྱིལ་འཁོར་དུ། །བཅུ་གཉིས་སམ་ནི་རྩ་གཅིག་གིས། །སྐེད་ནས་བསྐོར་ལ་གནད་དུ་བརྡེག །གནན་ཅིང་གཟིར་བའང་དེ་བཞིན་ཏེ། །དེ་ ― DNG022_Page_0131 ―
[མ་དཔེ་གཟིགས་ན་འདིར་གནོན།]
ནས་ཚེ་ཡི་དངོས་གྲུབ་དག །ངེས་པ་ཉིད་དུ་བླང་བར་བྱ། །བདེར་གཤེགས་མཚན་བརྗོད་བཀྲ་ཤིས་གསོལ། །རོལ་མོ་ཡིད་འོང་མཉེས་མཆོད་འབུལ། །གཏོར་མ་ཚོགས་གསུམ་གནས་སུ་དགྱེ། །བསྡུ་དང་བསྲུང་བ་དེ་བཞིན་ཏེ། །རིགས་མ་བསྣུབ་པར་བསྐྱེད་པར་བྱ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། གཟི་བྱིན་ཚེ་གསང་བར་བསྒྲུབ་པའི་ལེའུ་སྟེ་སུམ་ཅུ་རྩ་བཞི་པའོ།། །།དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ། །ཨེ་མ་ཧོ་རྡོ་རྗེ་གསང་བའི་བདག །སེམས་ཅན་ཀུན་གྱི་སེམས་ཅན་པོ། །སངས་རྒྱས་ཀུན་གྱི་ཐུགས་ཀྱི་མཆོག །བྱང་ཆུབ་སེམས་ལ་ཕྱག་འཚལ་འདུད། །བདེར་གཤེགས་རོལ་པའི་མཛད་སྤྱོད་ཀྱིས། །དྲང་བའི་དོན་དུ་ཀུན་རྫོབ་དོན་བསྟན་ནས། །ངེས་པའི་དོན་དུ་བྱང་ཆུབ་སེམས་རྟོགས་བཞིན། །ཕྱི་རབས་དོན་དུ་བསྟན་དུ་གསོལ། །ཨ་ལ་ལ་ཧོ་ཞེས་བྱ་བས་ནི། གསོལ་བའི་དོན་བཅོམ་ལྡན་འདས་ཀྱི་ཐུགས་ཆུད་དོ། །ཆོས་ཉིད་བྱང་ཆུབ་སེམས་ཀྱི་དེ་ཁོ་ན་ཉིད་ལ་ཅུང་ཞིག་མཉམ་པར་བཞག་སྟེ། ཉོན་ཅིག་རྡོ་རྗེ་འདུས་པའི་གཙོ། དོན་དམ་བྱང་ཆུབ་སེམས་ཀྱི་དོན་ཞུས་པ་ཡ་མཚན་ཆེའོ། །བྱང་ཆུབ་སེམས་ཞེས་བྱ་བ་ནི། །ཐམས་ཅད་ཀུན་གྱི་རྒྱུ་འབྲས་ཏེ། །རྒྱུ་ལས་འབྲས་བུ་བཙལ་བའི་ཕྱིར། །ཀུན་རྫོབ་དོན་བསྟན་མིང་གྲིབ་ཅིང་། །འབྲས་བུ་དོན་དང་ལྡན་པ་སྟེ། །ཀུན་རྫོབ་ཀུན་ལ་མི་གནས་པས། །འབྲས་བུ་དོན་དམ་བྱང་ཆུབ་སེམས་ཉིད་སྦྱང་བར་བྱའོ། །ངེས་དོན་བཟོད་ནས་མ་སྐྱེས་རང་བཞིན་ནི། །རྣམ་པར་དག་པའི་ཡུམ་གྱི་ཚུལ། །མ་སྐྱེས་མི་འགག་ཐབས་ཀྱི་སྐུ། །རིག་པའི་རྒྱལ་པོ་རང་བྱུང་བས། །ཐམས་ཅད་མ་ལུས་དབང་དུ་སྡུད། །ཐབས་ཀྱི་རྒྱལ་པོ་བདག་གནས་པར། །འགྲོ་ཀུན་བླ་མེད་གནས་སུ་བསྒྲལ། །ཆོས་ཀུན་རྩ་བ་སེམས་ཡིན་པས། །བརྟགས་ཤིང་དོན་དུ་རང་སེམས་བཟང་། །སེམས་ཉིད་རྩ་བའི་དོན་རྟོགས་ཤིང་། །འགྱུར་མེད་ཀློང་དུ་དོན་མཉམ་ན། ། ― DNG022_Page_0132 ―
[མ་དཔེ་གཟིགས་ན་འདིར་གནོན།]
གཉིས་མེད་དོན་གསལ་ཏིང་འཛིན་ཏེ། །ལུས་ཀྱི་བསྒུལ་བསྐྱོད་ཕྱག་རྒྱ་ལ། །སྤྱོད་ཡུལ་ཀུན་ཏུ་དཀྱིལ་འཁོར་རོ། །བྱེད་སྤྱོད་ཐམས་ཅད་ཚོགས་གཉིས་འགྱུར། །ཕུར་པ་བྱང་ཆུབ་སེམས་ཀྱི་རྟགས། །བྱང་ཆུབ་སེམས་ཀྱི་ཕུར་པ་ཡིས། །སྲིད་གསུམ་འགྲོ་བ་གདར་ཤ་བཅད། །བྱང་ཆུབ་སེམས་ཀྱི་ཕུར་བུ་ཡིས། །མ་བཏབ་བཞིན་དུ་ལྷུན་གྱིས་གྲུབ། །མཉམ་པའི་རྒྱལ་པོ་རིག་པས་གདབ། །ཕུར་པ་ཆོས་ཉིད་དབྱིངས་ཀྱི་རྟགས། །བྱང་ཆུབ་སེམས་ཀྱི་ཕུར་པ་དེས། །གཞན་དུ་གདབ་པའི་གནས་མེད་དེ། །གཉིས་མེད་མ་བཅོས་ཆོས་དབྱིངས་ལ། །རང་རིག་བྱང་ཆུབ་སེམས་ཀྱིས་གདབ། །ཕུར་བུ་འཛིན་ཆགས་མྱ་ངན་འདས། །མ་རྟོགས་གཟུང་འཛིན་དངོས་དང་བྲལ། །དངོས་པོ་ཀུན་བྲལ་ཕུར་པ་ཡིས། །དངོས་པོ་ཕྱིན་ཅི་ལོག་ལ་གདབ། །དོན་ལ་གཉིས་མེད་མྱ་ངན་འདས། །གདབ་དང་མི་གདབ་གཉིས་ལས་འདས། །ཕུར་པ་སྐྱེ་བ་མེད་པའི་དོན། །མ་སྐྱེས་གདལ་བའི་ཕུར་པ་ཡིས། །དབྱིངས་ལ་བཏབ་པས་རིག་པར་ཤར། །སེམས་ལ་བཏབ་པས་དོན་དམ་རྟོགས། །ཁྱབ་གདལ་རང་བཞིན་ཕུར་པ་ཡིས། །སྣང་སྲིན་ཀུན་ལ་ཁྱབ་པར་གདབ། །དེ་ལྟར་རྟོགས་ན་ཐེབས་པ་ཡིན། །མངོན་སུམ་གྱུར་ན་ཕེབས་པ་ཡིན། །ཚིག་ལས་འདས་ན་སངས་རྒྱས་ཡིན། །གྲངས་ལས་འདས་ན་བརྗོད་དུ་མེད། །རང་བཞིན་ཕུར་པའི་དོན་ཉིད་ནི། །ཕུར་པ་བླ་མ་ཆེན་པོ་ཡིན། །ཕུར་པ་ཆོས་ཀྱི་དབྱིངས་ཞེས་བྱ། །ཕུར་ནི་སྐྱེ་བ་མེད་པའི་དབྱིངས། །པ་ནི་འགག་པ་མེད་པའི་དོན། །གཉིས་སུ་མེད་པས་མྱ་ངན་འདས། །ཕུར་ནི་ཐབས་ཀྱི་རྒྱལ་པོ་ཡིན། །པ་ནི་ཤེས་རབ་དག་པའི་དོན། །གཉིས་མེད་མཉམ་པས་རྡོ་རྗེའི་སྐུ། །ཕུར་པ་ཀུན་ཁྱབ་ནམ་མཁའ་འདྲ། །ཕུར་པ་ཀུན་གསལ་ཉི་ཟླ་འདྲ། །ཀུན་ལ་སྙོམས་པའི་ངོ་བོར་སྣང་། །ཆོས་ཀྱི་ཆོས་ཉིད་ཕུར་པ་ཡིན། །ནམ་མཁའི་མཚན་ཉིད་ཕུར་པ་ཡིན། །སེམས་ཀྱི་སེམས་ཉིད་ཕུར་པ་ཡིན། །ཕུར་པ་རྒྱུད་ཀྱི་རྒྱལ་པོ་ཡིན། །ཕུར་པ་ལུང་གི་བླ་མ་ཡིན། །ཕུར་པ་མན་ངག་ངེས་པའི་ ― DNG022_Page_0133 ―
[མ་དཔེ་གཟིགས་ན་འདིར་གནོན།]
དོན། །གཉིས་མེད་གསལ་བས་བསྐྱེད་པ་ཡིན། །ཁྲོ་བོ་ཕོ་ཉས་འཇིག་རྟེན་གང་། །འཕྲལ་ལ་གང་བ་མ་ཡིན་ཏེ། །ཡེ་ཉིད་ནས་ནི་གང་བར་གནས། །གསལ་བར་བྱས་པ་སྐྱེ་བ་ཡིན། །ཉམས་འོག་ཚུད་ན་བསྒྲལ་བ་ཡིན། །གཉིས་སུ་མེད་ན་སྦྱོར་བ་ཡིན། །ལྷངས་ཀྱིས་རྟོགས་ན་ཐེབས་པ་ཡིན། །ཐུགས་རྗེས་ཟིན་ན་དམ་ཚིག་ཡིན། །དེ་ལྟ་བུ་ཡི་དོན་ལྡན་ན། །འཁོར་བ་ངན་སོང་མྱ་ངན་ཟློས། །སྡུག་བསྔལ་བྱང་ཆུབ་མྱ་ངན་ཟློས། །སེམས་ཅན་སངས་རྒྱས་མྱ་ངན་ཟློས། །ཡུལ་ནི་དབྱིངས་སུ་མྱ་ངན་ཟློས། །མཁའ་ཡི་གཏུན་ཁུང་བདེར་གཤེགས་སུ། །རིགས་དྲུག་སེམས་ཅན་མྱ་ངན་ཟློས། །སེམས་ནི་ཆོས་ཉིད་མྱ་ངན་ཟློས། །ཐམས་ཅད་འབྱུང་རྒྱུ་སེམས་ཡིན་པས། །སེམས་ལས་མ་བྱུང་ཆོས་མེད་དོ། །སེམས་ཉིད་གྲོལ་བར་བྱ་བའི་ཕྱིར། །ཆོས་ཀྱི་བྱེ་བྲག་རྣམ་གྲངས་བསྟན་པར་ཟད། །གཉིས་མེད་སེམས་ཀྱི་རང་བཞིན་ནོ། །རྒྱུ་འབྲས་གཉིས་ལས་མྱ་ངན་འདས། །འཛིན་རྟོག་མེད་པའི་ཕུར་པ་ལ། །དབྱིབས་དང་ཁ་དོག་མི་གནས་ན། །གཟུགས་དང་ཁ་དོག་སོ་སོར་གྲགས། །ལོག་རྟོག་ཕྱིན་ཅི་ལོག་བཞིར་བཅིངས། །གཉིས་མེད་དོན་དུ་བྱང་ཆུབ་སེམས། །འཕོ་འགྱུར་མེད་པ་ཕུར་པའི་དོན། །མི་དམིགས་ནམ་མཁའི་ཀློང་དུ་བསྒྲུབ། །མ་ནོར་མ་བཅོས་དབྱིངས་ཉིད་ནི། །དེ་ནི་རང་བཞིན་ལྷུན་གྲུབ་གནས། །དེ་ལ་སེམས་ཀྱི་འབྲས་བུ་ནི། །རྒྱུ་མཆོག་འབྲས་བུ་ཡི་གེ་ཧཱུཾ། །གཉིས་མེད་མཚོན་པའི་ལམ་བཟང་པོ། །སྲིད་གསུམ་དབང་དུ་བསྡུས་ནས་ནི། །ཁམས་གསུམ་ཀུན་ལས་འདས་པར་བསམ། །དེ་ནི་བདག་གི་བྱང་ཆུབ་སེམས། །སྲིད་པ་གསུམ་ལ་དབང་བསྒྱུར་ཞིང་། །བཅོམ་ལྡན་འདས་དང་སྐལ་བ་གཅིག །བྱང་ཆུབ་སེམས་ནི་མངོན་སུམ་བསྟན། །ཐོག་མར་གཞལ་ཡས་བྱང་ཆུབ་སེམས། །དེ་ནི་རྒྱུ་འབྲས་མ་བཀག་ཆོས། །བསྒྲུབ་པའི་ཡེ་ཤེས་ཚོན་གང་བའོ། །གསང་བའི་སྔགས་ཀྱིས་བསྐྱེད་ནས་ནི། །སྐུ་དང་ལྡན་པར་ ― DNG022_Page_0134 ―
[མ་དཔེ་གཟིགས་ན་འདིར་གནོན།]
རབ་བརྒྱན་ཅིང་། །ཁམས་གསུམ་ཁྲོ་བོས་གང་བར་མཛད། །གཉིས་ལྡན་སྐུ་གསུང་ཐུགས་སུ་ལྡན། །སྐུ་ཡི་ཚོགས་ནི་རབ་བརྒྱན་ཏེ། །ཐུགས་ལ་འབར་བའི་སྲོག་ཀྱང་བཞུགས། །དབུ་ལ་རྫོགས་པའི་སངས་རྒྱས་བསྲུང་། །ཁྲོ་བོ་མང་པོས་གཟིར་མནན་ནས། །ཡུལ་ནི་རྣམ་པར་སྒྲོལ་བའི་ཐུགས། །སྲིད་གསུམ་ཁྲོ་བོར་རྟོགས་པའི་ངང་། །སྲིད་པ་གསུམ་ཡང་ཁེངས་ཞེས་བྱ། །དེ་ནས་ཕུར་པའི་བྱང་ཆུབ་སེམས། །རང་བྱུང་གཟུགས་མེད་ཀུན་ཁྱབ་པས། །རྒྱུ་འབྲས་གཉིས་ལས་མྱ་ངན་འདས། །ཁམས་གསུམ་ཡེ་ཤེས་བསྐྱེད་ནས་ནི། །རང་བྱུང་ཡེ་ཤེས་གསལ་བའི་རྟགས། །ཕུར་པ་ཡེ་ཤེས་ཁྲོ་བོ་ལ། །ཉི་ཟླ་རི་རབ་ཕུར་བུའི་རྒྱན། །ཤིན་ཏུ་བརྗིད་པའི་ཡེ་ཤེས་ཀྱིས། །ཁ་གཏིང་མེད་པའི་ཕུར་པ་ལ། །ཁྲོ་བོའི་ཚོགས་ཀྱིས་རབ་བརྒྱན་ནས། །རང་བྱུང་ཡེ་ཤེས་ཤར་བའི་ཕྱིར། །ཁམས་གསུམ་དབང་དུ་ཡང་དག་བསྒྲུབ། །ཁམས་གསུམ་གདུག་པ་བསྒྲལ་བའི་ཕྱིར། །དག་པའི་དབྱིངས་ལས་མ་གཡོས་ཀྱང་། །ཚམ་རྔམས་གཟི་བྱིན་གློག་ལྟར་འབར། །ཁམས་གསུམ་རྩ་དག་བཅད་པའི་ཕྱིར། །མེ་དཔུང་གསུམ་གྱིས་ཁམས་བསྲེགས་ཤིང་། །ལྷུན་གྱིས་གྲུབ་པའི་དཀྱིལ་འཁོར་ནས། །སྤྱན་དྲང་བཞུགས་གསོལ་དབྱེར་མེད་བསྡིམ། །གཉིས་མེད་གསུམ་གྱིས་ཁམས་བསྲེགས་ནས། །ཡེ་ཤེས་འབར་བའི་ཕྲིན་ལས་བསྒྲུབ། །ཁམས་གསུམ་དུས་གཅིག་དབང་བསྐུར་ནས། །རང་བྱུང་སྐུ་རུ་རྣམ་དག་ཅིང་། །རབ་ཏུ་སྲོག་གི་གོར་ཤར་ནས། །གཉིས་ལྡན་སྐུ་གསུང་ཐུགས་སུ་ལྡན། །མྱ་ངན་འདས་པའི་དབྱིངས་སུ་གསལ། །དུས་གཅིག་ལེ་བརྒན་འབར་བར་ལྡན། །སྙིང་ག་ལྕེ་སྟེང་སྤྱི་བོ་ནས། །ཡི་གེ་འབྲུ་གསུམ་འཕྲོ་འདུ་ལས། །སྐུ་གསུང་ཐུགས་སུ་བྱིན་བརླབ་དབང་ཡང་བསྐུར། །ཧཱུྃ་ཨོཾ་ཨཱཿ། རྣམ་པར་ཤེས་པ་ཡེ་ཤེས་མཆོག །རང་བྱུང་ཕུར་བུ་མྱ་ངན་འདས། །སྲོག་དང་དབུགས་ཀྱི་བྱིན་བརླབས་ནི། །ནམ་ ― DNG022_Page_0135 ―
[མ་དཔེ་གཟིགས་ན་འདིར་གནོན།]
མཁའ་ལྟ་བུའི་ངང་ཉིད་ལས། །གཉིས་མེད་དོན་གྱི་སྐུ་བྱུང་བས། །བྱང་ཆུབ་སེམས་ཀྱི་ཕུར་བུ་ཡིས། །སྣང་སྲིད་ཆོས་དབྱིངས་ངང་ཉིད་དུ། །མ་བཏབ་བཞིན་དུ་ལྷུན་གྱིས་གྲུབ། །སྣང་སྲིད་ཕུར་བུར་ཤར་བའི་ཕྱིར། །བདག་དང་ལག་པའི་མཆོག་རྣམས་ལ། །གཉིས་མེད་དབྱིངས་སུ་སྦྱོར་བའི་ཕྱིར། །ཡུམ་བཞིའི་ཕྱག་རྒྱས་བྱིན་བརླབས་ཏེ། །ལག་ཏུ་བླངས་ཏེ་དྲིལ་བས་ཀྱང་། །ཁམས་གསུམ་སྣང་བའི་དུག་རྣམས་ཏེ། །དག་པའི་དབྱིངས་སུ་བསྒྲལ་བའི་ཕྱིར། །དཔའ་བོ་འབྲུ་ལྔའི་འཕྲོ་འདུ་ཡིས། །ཕུར་བུའི་རི་རབ་ཕྱག་རྒྱ་སྟེ། །རྡོ་རྗེ་གཞོན་ནུའི་སྐུ་གསུང་ཐུགས། །རང་བྱུང་ཕུར་བུར་བྱིན་གྱིས་བརླབ། །རབ་ཏུ་སྡུག་བསྔལ་གསལ་བར་འགྱུར། །རྡོ་རྗེ་རབ་ཏུ་ཀཱི་ལ་ཡ། །དངོས་པོ་དབྱིངས་སུ་བསྒྲལ་བའི་ཕྱིར། །དྲག་ཏུ་གསོར་དྲིལ་བྱས་ནས་ཀྱང་། །ཆོས་སྐུ་ཡེ་ཤེས་ཤར་བའི་ཕྱིར། །སེམས་ཀྱི་ཡུལ་ནི་རྣམ་བསྒྲལ་ཏེ། །ཡེ་ཤེས་སྐུ་ཡིས་ཁྱབ་པར་གནས། །དེ་ནི་དེ་བཞིན་གཤེགས་པའི་མཐུ། །སྣང་སྲིད་ཕུར་བུར་ཤར་བ་ན། །མཁའ་ལ་དེ་བཞིན་རོལ་པའི་སྐུ། །ཆོས་དབྱིངས་ཐིག་ལེར་ཤར་བའི་ཕྱིར། །མ་ལུས་ཕུར་པས་འདེབས་ཞེས་བྱ། །གཉིས་མེད་དོན་གྱི་ངོ་བོ་ལས། །རྫོགས་ནས་རང་གར་གསལ་ཕྱིར་དུ། །བྱང་ཆུབ་སེམས་ཀྱི་ཁྱད་པར་གྱིས། །ཉོན་མོངས་སྡུག་བསྔལ་སྦྱང་བའི་ཕྱིར། །ཁམས་གསུམ་གསོལ་བར་བསྒྲལ་བར་བྱ། །ཉོན་མོངས་ཡེ་ཤེས་གནས་གྱུར་ཅིང་། །སྲིད་གསུམ་དབྱིངས་སུ་བསྒྲལ་བར་བྱ། །དེ་ནས་ཨ་ལས་རྣམ་དག་པའི། །སྲིད་པ་གསུམ་དུ་གསལ་འཚེར་ནས། །བདག་དང་ཕུར་བུ་བྱང་ཆུབ་སེམས། །སེམས་ཅན་ལུས་ལ་བསྡིམ་བྱས་ཏེ། །སྤྲོས་ཤིང་བསྡུས་པས་ཁྲུས་བྱས་ཏེ། །འཁོར་བ་གསུམ་ནི་མྱ་ངན་འདས། །དེ་ནས་ཡུམ་ཆེན་གཉིས་སུ་མེད། །གཉིས་མེད་དོན་གྱི་ངེས་པ་ལས། །བསྐྱེད་པ་མེད་པའི་རི་རབ་ཀྱིས། །དམིགས་པ་མེད་པའི་ཆོས་དབྱིངས་ལས། །མཁའ་ཡི་གཏུན་ཁུང་བདེ་གཤེགས་གནས། །གཏིང་དཔག་མེད་པའི་དབྱིངས་ཉིད་དུ། །གཡོས་ ― DNG022_Page_0136 ―
[མ་དཔེ་གཟིགས་ན་འདིར་གནོན།]
པ་མེད་པའི་ཡེ་ཤེས་ཀྱི། །ལྷ་ཡང་རུང་སྟེ་བསྒྲལ་བྱས་ནས། །སྲིད་གསུམ་ཕུར་པས་ཐེབས་ཞེས་བྱ། །སྣང་སྲིད་སྐྱེ་འགྲོ་ཕུར་བུའི་གཟུགས། །མཐོ་ནས་གཅིག་ཏུ་གྱུར་པས་ན། །ཧོ་ཞེས་རབ་ཏུ་དགའ་བ་ཡིས། །ཤིན་ཏུ་སྙིང་པོ་འདི་བརྗོད་དོ། །ཧཱུྃ་རང་བྱུང་མཆོག་སེམས་གསལ་ཕྱིར་དུ། །མཉམ་ཉིད་རྩལ་གྱིས་བདག་ཉིད་བསྒྲལ། །དེ་བཞིན་ཧཱུྃ་གིས་དྲངས་ནས་ཀྱང་། །ཕུར་བུ་གཟི་ལྡན་ཐོབ་འགྱུར་ཅིང་། །གཉིས་མེད་ཆོས་སྐུར་གཅིག་པའི་ཕྱིར། །ཡུལ་དེའི་སེམས་ནི་ཧཱུྃ་དུ་སྣང་། །འོད་དང་འོད་ཟེར་ཕུར་བུ་ལས། །བདག་ལ་འདུས་པས་ཚེ་རུ་ཐིམ། །དེ་གཉིས་མེད་ཀྱིས་བསྒྲལ་ཕྱིར་རོ། །བདག་གི་རྣམ་ཤེས་ཚོགས་བརྒྱད་ནས། །གང་ཞིག་གནས་པའི་མཆོག་རྣམས་ལ། །རྡོ་རྗེ་ཕུར་བུ་མང་ཤར་ནས། །དེ་ཡི་ཚོགས་བརྒྱད་དག་པར་བྱའོ། །ཁམས་གསུམ་ཆོས་ཉིད་གདར་བཅད་ཕྱིར། །ཁྲོ་མོ་འབར་བའི་གཏུན་ཁུང་དུ། །ཁྲོ་ཚོགས་འབར་བའི་ཐོ་ཚོགས་ཀྱིས། །རྡོ་རྗེ་ཐོ་བས་བརྡུང་བྱས་ནས། །ཁམས་གསུམ་མ་ལུས་བསྒྲལ་བར་འགྱུར། །རྟོག་འཛིན་མེད་པའི་དབང་ཕྱུག་དེས། །མཉམ་པའི་རྒྱལ་པོས་སྤགས་པར་བསྒྲལ། །ཤིན་ཏུ་གསོལ་བས་དགྱེས་བསྟར་ནས། །ཟ་བྱེད་ཀུན་ལ་བསྟབ་པར་མཛོད། །ཧ་ཧ་བགྱིས་པས་དགྱེས་པར་རོལ། །ཧཱུྃ་ཧཱུྃ་བགྱིས་པས་དབང་དུ་སྡུད། །ཁ་ཁ་བགྱིས་པས་ལྷག་མ་བཞེས། །བདག་དང་གསུམ་དུ་ལྡན་ནས་ཀྱང་། །བྱང་ཆུབ་སེམས་ཀྱི་དབང་སྤྲོས་པས། །ཕུང་པོ་རྡུལ་དུ་རློགས་ནས་ཀྱང་། །ཤ་ཁྲག་ཁམས་གསུམ་དག་པར་དམིགས། །ཧཱུྃ་གིས་རབ་ཏུ་ནམ་མཁའ་གང་། །ཕཊ་ཀྱིས་ཀུན་ཏུ་གཏོར་བྱས་ནས། །རྡོ་རྗེ་ཡེ་ཤེས་ཚོན་གང་གིས། །ཁམས་གསུམ་བྱང་ཆུབ་སེམས་བསྐྱེད་དང་། །འགྲོ་བ་མ་ལུས་དོན་བྱའི་ཕྱིར། །སྲིད་པའི་གདར་ཤ་བཅད་ནས་ཀྱང་། །སྤྱོད་པ་རྣམ་པ་བཅུ་དང་ལྡན། །ལྗང་གུ་ལས་ཀྱི་ས་བོན་ཏེ། །དམར་པོ་སྲོག་གི་ས་བོན་ཡིན། །མཐིང་ག་ཧེ་རུ་ཀ་ཡི་ཐུགས། །སྤྲོས་པས་ཐིག་ལེས་ནམ་མཁའ་ཁྱབ། ། ― DNG022_Page_0137 ―
[མ་དཔེ་གཟིགས་ན་འདིར་གནོན།]
ཐམས་ཅད་འདུས་པས་ཤིན་ཏུ་བརྗིད། །གྲུབ་ན་སེམས་ཀྱི་ཕུང་པོ་ཚོལ། །ཁམས་གསུམ་དུར་ཁྲོད་ཁྲག་ཡིན་ཏེ། །ཐུགས་རྗེ་ཆགས་པས་བསྒྲལ་བའི་ཕྱིར། །སྲིད་པའི་གདར་ཤ་བཅད་ནས་ཀྱང་། །སྤྱོད་པ་རྣམ་པ་བཅུ་དང་ལྡན། །བྱང་ཆུབ་སེམས་ཀྱི་གོལ་ས་བཅད། །གྲུབ་མཐའ་འདི་ལ་འཇིག་མཐའ་མེད། །དེ་ནི་མི་འགྱུར་བྱང་ཆུབ་སེམས། །མྱ་ངན་འདས་ལ་རྟག་པའོ། །སྒྲིབ་པ་མེད་པས་མཐར་ཕྱིན་ཏེ། །བཙལ་དུ་མེད་པས་ཡེ་ནས་གྲུབ། །བསམ་པ་ལས་ཀྱང་མྱ་ངན་འདས། །འཇིག་རྟེན་ཀུན་ལས་འདས་པས་ན། །འཛིན་དང་རྟོག་པ་རྣམས་སངས་ནས། །བྱང་ཆུབ་སེམས་ནི་སྐད་ཅིག་མ། །ལྷན་ནེ་བར་ཡང་བདག་ཉིད་སྦྱོར། །འཇིག་རྟེན་ཀུན་ལས་གྲུབ་པའི་རྒྱལ། །མི་ནུབ་པ་ཡི་རྟགས་བཅས་ཤིང་། །རྡོ་རྗེ་སེམས་དཔའི་མཁའ་ལ་ནུབ། །ནུབ་མཐའ་མེད་པས་ཤིན་ཏུ་སྤངས། །ཡིད་ནི་ཆོས་ཉིད་མྱ་ངན་འདས། །རྣམ་ཤེས་ཧཱུྃ་དུ་མྱ་ངན་འདས། །ཧཱུྃ་ཉིད་བྱང་ཆུབ་སེམས་ཀྱི་གཞི། །བྱང་ཆུབ་སེམས་ནི་ཕུར་པ་རུ། །སྲིད་གསུམ་མ་ལུས་མྱ་ངན་འདས། །ཕྱི་ནང་གསང་བས་བསྡུས་པའི་ཆོས་ཐམས་ཅད། མཐར་ཐུག་པ་བྱང་ཆུབ་སེམས་ཀྱི་རང་བཞིན་ཕུར་པས་ལྷུན་གྱིས་གྲུབ་པར་གྱུར་ཏོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ཕུར་བུ་བྱང་ཆུབ་སེམས་ཀྱི་དེ་ཁོ་ན་ཉིད་ཀྱི་ལེའུ་སྟེ་སུམ་ཅུ་རྩ་ལྔ་པའོ།། །།དེ་ནས་རྡོ་རྗེ་འདུས་པས་འདི་སྐད་ཅེས་གསོལ་ཏོ། །རྗེས་སུ་སྤྱོད་པའི་རྣལ་འབྱོར་པས། །ལས་དང་ལུས་ཀྱི་དབང་བཙན་ནས། །ཚེ་ཡི་དུས་བྱས་ལས་ཀྱིས་ལུས་སེམས་བྲལ་འགྱུར་ན། །ལུས་སེམས་གནས་སྦྱང་དགེ་བའི་སྟོངས་ནི་གང་། །ཞེས་གསོལ་བས། རྡོ་རྗེ་ཁྲོས་པས་བཀའ་སྩལ་པ་ནི། ལུས་སེམས་གནས་སྦྱང་དགེ་བའི་སྟོངས་བྱ་ན། །གང་ཞིག་ལུས་སེམས་བྲལ་འགྱུར་ན། །ཞག་གྲངས་བཞི་བཅུ་རྩ་དགུ་ཚུན་ཆད་དུ། །ལས་འདི་བྱས་ན་སྟོངས་སུ་འགྱུར། །རྣལ་འབྱོར་རྩལ་ཤུགས་ལྡན་པ་ཡིས། །སྣོད་ནི་ ― DNG022_Page_0138 ―
[མ་དཔེ་གཟིགས་ན་འདིར་གནོན།]
གཞལ་ཡས་བཅུད་ནི་ལྷ། །དངོས་སྣང་སྐུ་ལ་སྒྲ་གྲག་གསུང་། །རང་བཞིན་མེད་པ་ཐུགས་ཡིན་ཏེ། །སྐུ་གསུང་ཐུགས་སུ་གསལ་བ་དང་། །དེ་ཡི་བྱིན་རླབ་སྤྲུལ་པ་ཡིས། །འཇིག་རྟེན་དྲུག་གི་ཕྱོགས་བཀང་ནས། །ཨ་ནྲྀ་སུ་ཏྲི་པེ་དུ་ཛས། །རྒྱུད་དྲུག་གང་ན་གནས་ཀྱང་སེམས་དྲངས་ལ། །གསལ་བར་ཐུགས་རྗེས་ལུས་ལ་བསྡིམ། །དེ་བཞིན་ཡང་དུ་ཡང་དུ་བྱ། །རྣམ་རྟོག་ལུས་སུ་གསལ་བ་དེས། །བདེར་གཤེགས་རྒྱལ་བའི་དཀྱིལ་འཁོར་ལ། །ཕྱག་བཙལ་གསོལ་བཏབ་འཇུག་པར་བྱ། །དཀྱིལ་འཁོར་ལྷ་ཡི་ཚོགས་རྣམས་ཀུན། །གྷ་ན་སྦྱོར་བའི་གཟི་བྱིན་རྣམས། །དྲང་དོན་དེ་ལ་རབ་བསྡིམ་ནས། །རྣམ་རྟོག་ལུས་གནས་སྦྱངས་ཏེ། །གསེར་ཞུན་བཞིན་དུ་སེམས་གནས་པ། །ཉི་ཟླ་པདྨའི་དབུས་དམིགས་ཏེ། །སྤར་དང་འཕང་བའི་སྔགས་བརྗོད་དེ། །ཡབ་རྣམས་ཐུགས་བསྐུལ་རྡོ་རྗེའི་ལམ་བྱུང་སྟེ། །ཡུམ་རྣམས་གསང་བའི་དབྱིངས་སུ་འཁྱིལ། །དེ་ལས་ཕྱོགས་བཅུར་རབ་འཕྲོས་པས། །དུས་གསུམ་བདེར་གཤེགས་ཡབ་ཡུམ་རྣམས། །བསྐུལ་བའི་རང་བཞིན་ཐུགས་ཆུད་ནས། །གྷ་ན་ཆེན་པོའི་སྦྱོར་བ་མཛད། །སྦྱོར་བའི་འོད་ཟེར་ཚུར་འདུས་པས། །གསང་བའི་བྱང་ཆུབ་སེམས་དབང་བསྐུར། །དེ་ནས་ལྷ་རྣམས་ཚང་བའི་བསྟོད་བསྔགས་ཀྱི་དོན་བརྗོད་དེ། མ་སྤར་བཟློག་སྟེ་བརྗོད་པས་ནི། །ལྷ་རྣམས་ཀུན་གྱིས་གསང་དབང་བསྐུར། །དེ་ནས་བསྡུ་བའི་ས་བོན་གྱིས། །གཙོ་བོ་ཉིད་ཀྱི་ཐུགས་ཀར་བསྡུས། །རྡོ་རྗེ་ལམ་དྲངས་པདྨོའི་དཀྱིལ། །དབྱིངས་ནས་ཡི་གེ་ཕྱག་རྒྱའི་སྐུར་གསལ་ཏེ། །དེ་ལ་ཕན་པའི་དབང་རྣམས་ཀྱིས། །བཅུ་དྲུག་ཟླ་བ་རྫོགས་པ་ལྟར། །སྐུ་ཡི་ཆ་རྐྱེན་རྫོགས་པར་བསྐང་། །དེ་ནི་སེམས་སྦྱང་རིམ་པར་བཤད། །དེ་ཡི་ལུས་ལ་དཀྱིལ་འཁོར་རྫོགས་པར་གསལ། །བརྟུལ་ཞུགས་ཕྱག་ཚང་གིང་ཆེན་གྱིས། །རོ་ནི་རབ་ཏུ་བཤིག་གྱུར་ན། །གང་ནས་ཤ་རུས་ཁྲག་བཅས་ཀུན། །དུམ་བུ་དུམ་བུར་གཏུབ་ནས་ནི། ། ― DNG022_Page_0139 ―
[མ་དཔེ་གཟིགས་ན་འདིར་གནོན།]
དོན་རྟོགས་ལྷ་ཡི་ཚོགས་ལ་འབུལ། །དང་པོ་གཞུང་ལྡན་གནས་སུ་ནི། །གཟུགས་བརྙན་དམ་པ་མངོན་བཞེངས་ལ། །ལས་ཀྱི་རིམ་པ་རྫོགས་པ་དང་། །ཁྲོ་བོ་རོལ་པའི་སྟངས་སྟབས་དང་། །ཁྲོ་མོ་གསང་བའི་གར་ཚོགས་དང་། །ཕྲ་མེན་མགོ་བརྙན་འཇོ་ཚུལ་གྱིས། །རོ་དེ་ཉིད་ནི་བླང་བར་བྱ། །ཆུ་མཆོག་དག་གིས་བཀྲུས་ནས་ནི། །དྲི་ཡིས་བྱུག་སྟེ་རས་ཀྱིས་གྲིལ། །དེ་ལ་ལྷ་ཡི་སྙིང་པོ་དགོད། །སྲེག་ཁང་རིམ་པ་བཞི་བརྩེགས་ཏེ། །དང་པོ་བཾ་དབྱིབས་གཉིས་པ་ཨེ། །གསུམ་པ་ཡཱ་གཟུགས་བཞི་པ་མཱ། །དང་པོ་ལས་ཀྱི་ཉོན་མོངས་ཞི་བར་བྱ། །གཉིས་པ་ལས་ཀྱི་གཤེད་ལྕགས་དྲག་པོས་བསྒྲལ། །གསུམ་པ་ལས་ཀྱི་དཀྱིལ་འཁོར་དུ་བཅུག་སྟེ། །དབང་རྣམས་རྫོགས་པར་རོ་ལ་བསྐུར། །བཞི་པ་ཞི་ཁྲོའི་ལྷ་རྣམས་ཀུན། །དེ་ཡི་སྐུ་ལ་རྒྱས་པར་བསམ། །མེ་ཉིད་ཞལ་གྱི་ངོ་བོ་ཡི། །ཕྱི་ནང་གསང་བའི་མཆོད་པས་མཆོད། །བསྟོད་དེ་འདོད་ཡོན་གསོལ་བ་གདབ། །ཡང་ན་འབྱུང་བ་མེ་ཉིད་ལ། །དམ་ཚིག་མེ་ལྷ་བསྐྱེད་ནས་ནི། །ཡེ་ཤེས་མེ་ལྷ་སྤྱན་དྲང་མཚོན། །དེ་ཉིད་གཞལ་ཡས་ནང་དུ་ལྷ། །དེས་བསམ་སྤྱན་དྲངས་བཞུགས་གསོལ་མཆོད། །དེ་ནས་རོ་དེ་རབ་བཤིག་ནས། །ལྷ་རྣམས་ཀུན་ལ་བསྟོད་མཆོད་འབུལ། །དེ་བཞིན་ལུས་ཀྱི་གནས་འབྱོངས་ནས། །སེམས་ཉིད་སྦྱོང་བ་གོང་མ་བཞིན། །ཡང་ན་དཀྱིལ་འཁོར་མངོན་བཞེངས་ནས། །ལྷ་རྣམས་ཀུན་གྱི་གང་གནས་སུ། །རོ་བཤིག་དུར་ཁྲོད་རྫས་སུ་དབུལ། །ལྷ་རྣམས་སྤྱན་དྲང་མཆོད་བསྟོད་བསྐུལ། །སྙིང་པོ་བྱིན་དུས་རྣལ་འབྱོར་རོལ། །དེས་ནི་དངོས་གྲུབ་མཆོག་ཐོབ་འགྱུར། །དེ་ནས་ལས་རྣམས་རྫོགས་པར་བྱ། །སེམས་གནས་དཀྱིལ་འཁོར་དྲུག་ཏུ་ལྡན། །ངན་སོང་སྦྱོང་དང་མཚམས་དང་ནི། །གསལ་བའམ་སྙིང་པོ་སྦྱོར་དང་སྒྲོལ། །དབང་ལ་སོགས་པ་དྲུག་ཏུ་བྱ། །དེ་ལྟར་ལས་རྣམས་ཅི་བྱེད་ཀྱང་། །ཙིཏྟ་རྩ་ལག་ཡབ་ཡུམ་དང་། །སྒོ་ལྔའི་རྣམ་ཤེས་ཡུལ་བཅས་ ― DNG022_Page_0140 ―
[མ་དཔེ་གཟིགས་ན་འདིར་གནོན།]
པས། །སྲས་མཆོག་ཁྲོ་བོ་ཡབ་ཡུམ་མོ། །སྤྱི་གཙུག་གནས་བཞི་ཧཱུྃ་མཛད་འཁོར། །དཔྲལ་བའི་མཚོ་བཞི་རྣམ་རྒྱལ་འཁོར། །ལག་གཡས་ལྷུ་བཞི་དབྱུག་སྔོན་འཁོར། །ཆགས་བྱེད་སྲིད་བཞི་གཤིན་རྗེ་འཁོར། །རྐང་གཡས་ལྷུ་བཞི་མི་གཡོ་འཁོར། །གསང་བའི་གནས་བཞི་རྟ་མགྲིན་འཁོར། །རྐང་གཡོན་ལྷུ་བཞི་གཞན་གྱིས་མི་ཐུབ་འཁོར། །ཐུགས་ཀར་གནས་བཞི་བདུད་རྩི་འཁོར། །ལག་གཡོན་ལྷུ་བཞི་ཁམས་གསུམ་བསྐོར། །སྣམ་ཁུང་གནས་བཞི་སྟོབས་ཆེན་འཁོར། །ཡན་ལག་སྡེ་བཞི་སྒོ་མ་བཞི། །དེ་ལས་སོགས་པའི་རྫས་རྣམས་ཀུན། །དམ་ལ་བཏགས་པའི་དམ་ཅན་སྐོང་། །ཡང་ན་རྩ་བའི་རིམ་པ་ལ། །ཡང་ན་ཉོན་མོངས་རིམ་པ་ལའོ། །དེ་ལྟར་ལས་ཀྱི་སྟོངས་བྱས་ན། །ལུས་སེམས་བྲལ་བའི་གང་ཟག་དེ། །ཕྱིར་མི་ལྡོག་པའི་ས་ལ་གནས། །མངོན་སངས་རྒྱས་ལ་ཐེ་ ཚོམ་མེད། །ཅེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྣལ་འབྱོར་པ་སྒྲུབ་པ་པོ་དང་། གང་ཟག་གང་ཡང་ཚེའི་དུས་བྱས་ནས། དགེ་བའི་ལས་ཀྱི་སྟོངས་གདབ་པའི་ལེའུ་སྟེ་སུམ་ཅུ་རྩ་དྲུག་པའོ།། །།དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ། །ཨེ་མ་ཧོ། བདེ་གཤེགས་རྡོ་རྗེ་བདུད་རྩི་མཆོག་གི་བདག །བླང་དོར་མེད་པའི་མཛད་སྤྱོད་ཀྱིས། །དྲག་པོ་ཉོན་མོངས་ལ་ཞེན་པའི། །ཟག་བཅས་ལོངས་སྤྱོད་རྣམ་ལྔ་པོ། །ཟག་མེད་བདུད་རྩིར་རོལ་པ་དང་། །ཐུགས་རྗེ་གསལ་གྱི་མཛད་སྤྱོད་ཀྱིས། །འབྲུ་དང་སྨན་རྣམས་ཐམས་ཅད་ཀུན། །རྩ་བ་ཡན་ལག་བཅས་པ་ཀུན། །སངས་རྒྱས་སེམས་ཅན་ཀུན་གྱི་གསོས་སུ་མཛད་པའི་ཆེ། །རྗེས་སུ་འཇུག་པས་ཇི་ལྟར་བགྱི། །རྡོ་རྗེ་བདུད་རྩི་མཆོག་ལ་བདག་ཉན་འཚལ། །ཞེས་གསོལ་ཏེ། རྡོ་རྗེ་བདུད་རྩི་མཆོག་གིས་བཀའ་སྩལ་པ། །ཨེ་མ་ཧོ་རྡོ་རྗེ་འདུས་པའི་སྲས། །ཕྱི་རབས་རྣལ་འབྱོར་དོན་གྱི་ཕྱིར། །བདུད་རྩིའི་དོན་ཞུས་ ― DNG022_Page_0141 ―
[མ་དཔེ་གཟིགས་ན་འདིར་གནོན།]
པ་ཡ་མཚན་ཆེའོ། །བདུད་རྩིའི་དོན་ཉིད་བཤད་བྱ་ན། །ཉོན་མོངས་པ་ཡི་བདུད་ཉིད་ལ། །ཐུགས་རྗེ་ཆེན་པོའི་རྩི་བཏང་ན། །ཁྱབ་པའི་ཐུགས་རྗེ་ཆེན་པོ་ཡིས། །དབྱིངས་སུ་འཁྱིལ་བའི་བདུད་རྩིའི་དོན་ཉིད་དེ་ལ་བྱའོ། །ཀུན་རྫོབ་རྟགས་སུ་བསྒྲུབ་བྱ་ན། །ཀུན་རྫོབ་ཀྱིས་ནི་སྒྲུབ་པ་སྟེ། །སྲིད་གསུམ་བྷནྡྷ་བཟང་འཁོར་ཡུག །ཡེ་ནས་མ་བཅོས་རང་བཞིན་སྣོད། །དེ་ཡི་ནང་དུ་བླུགས་པའི་སྨན། །བཅུད་ཀྱི་རྩ་བ་ལོ་མ་རྣམས། །དབྱེར་མེད་ངང་དུ་བསོག་པར་བྱ། །དེ་ལ་ངེས་པའི་བསམ་པ་ཡིས། །ངེས་པ་ཉིད་དུ་བསྒྲུབ་པར་བྱ། །མི་ཕྱེད་དགུ་དང་ལྡན་པ་ཡིས། །བླ་མ་རྡོ་རྗེ་སློབ་དཔོན་གྱིས། །ཐམས་ཅད་མ་ལུས་དོན་བྱ་ཕྱིར། །བདུད་རྩི་དམ་པ་བསྒྲུབ་པར་བྱ། །རིན་ཆེན་རི་དང་སྨན་ལྗོངས་དང་། །རྩི་སྨན་འཁྲུངས་པའི་ས་ཕྱོགས་སམ། །ནགས་ཚལ་དྲ་བས་གཏིབས་པ་འམ། །ཡིད་འོང་མེ་ཏོག་རྒྱས་པར་བསྒྲུབ། །འཁོར་དུ་བྱ་བའི་རིམ་པ་ཡང་། །སྐྱོན་དྲུག་རྣམ་པར་སྤངས་པ་ཡིས། །ཉི་ཤུའམ་བཅུ་འམ་ཡང་ན་ཉི་ཤུ་ལྔ། །ཁྲིམས་དང་སྡོམ་པས་བཅིང་བ་མིན། །དང་པོ་ར་བའི་ཚེས་བརྒྱད་ལ། །དེར་ནི་བརྩམ་པའི་དུས་ཡིན་ཏེ། །རྟགས་ཀྱི་དོན་ཉིད་མཐོང་བ་འམ། །དུས་ནི་བཅུ་དྲུག་ཉིད་ལ་དོན། །ཡོ་བྱད་མ་ལུས་ལྡན་འགྱུར་ན། །འགྲུབ་འགྱུར་འདི་ལ་ཐེ་ཚོམ་མེད། །མ་ཚོགས་པས་ནི་སྒྲུབ་ཐག་རིང་། །དེ་བས་ཡོ་བྱད་ལྡན་པར་བྱ། །བཀྲ་ཤིས་མཆོག་ལྡན་བྷནྡྷ་ལྔ། །ཕྱི་ནང་གསང་བའི་རྩ་བརྒྱད་སྟོང་། །དབང་པོ་ར་སཱ་ཡ་ན་ཀུན། །སོ་སོའི་རིགས་དང་སྡོམ་ཕྱེ་ལ། །སྨན་གྱི་བསྲུང་མ་སོ་སོར་བསྡིམ། །དམ་རྫས་རྣམས་ཀྱི་རྟོག་པ་གཞོམ། །རིགས་ཀྱི་ཁ་དོག་དར་གྱིས་དགབ། །མཚན་ལྡན་བཀྲ་ཤིས་གཟུངས་ཐག་གདགས། །བཀོད་པ་རྒྱན་གྱི་དཀྱིལ་འཁོར་རོ། །དཀོན་མཆོག་དག་ལ་མཆོད་བྱ་ཡིན། །བསྒྲུབ་པའི་ཞག་གྲངས་འདི་ཙམ་པར། །བར་ཆད་བགེགས་རྣམས་བསལ་ཕྱིར་དུ། །ཕྱི་ནང་གསང་བའི་རྒྱུ་འགྲུལ་བསྡམས། །འབར་བ་མཚམས་ ― DNG022_Page_0142 ―
[མ་དཔེ་གཟིགས་ན་འདིར་གནོན།]
ཀྱི་དཀྱིལ་འཁོར་རོ། །ཉོན་མོངས་བག་ཆགས་གཞོམ་པའི་ཕྱིར། །འབུམ་ལྔའི་བཤགས་པ་བྱ་བ་སྟེ། །ངན་སོང་སྦྱོང་བའི་དཀྱིལ་འཁོར་རོ། །ཁྲོལ་བུ་ལ་ནི་འཁོར་ལོ་སྟེ། །གདུང་བཞིར་ཀ་བ་བརྒྱད་གཏོང་བའི། །བཞི་དང་བརྒྱད་དང་སྒོ་བཞིར་བཅས། །ཕྱེ་བའི་དུས་ན་བརྒྱད་ཆ་བཞི། །ཀ་བ་འཁོར་ལོ་པདྨ་རིན་ཆེན་སྒོ་བཞིར་བཅས། །གོང་བུའི་དུས་ན་ཟླ་གམ་ཁ་སྤྲོད་སྒོ་བཞིར་བཅས། །གཟུགས་བརྙན་འགྲོ་བ་འདུལ་བའི་དཀྱིལ་འཁོར་རོ། །རིགས་ལྔ་དང་ནི་དགུ་བཅུ་གསུམ། །གསང་ཆེན་རིགས་གཅིག་བསྙེན་པ་ཡིས། །དེས་ནི་ཁྲོལ་བུ་སྦྱངས་པ་སྟེ། །ཡེ་ཤེས་ལྔའི་འཕྲོ་འདུའི་བསྙེན་པས་ཕྱེ་མ་སྦྱོང་། །དགུ་པའི་སྔགས་ཀྱི་གོང་བུ་ལའོ། །འཕྲོ་འདུ་འཇུ་འདུལ་དཀྱིལ་འཁོར་རོ། །བསྟན་པ་ལྔ་ལ་མཁའ་ལྔའི་དབྱིངས། །དུང་བྱེད་ལྔ་ལ་གསང་བའི་མཚན་བྲིས་ལ། །བཙག་པའི་ཚགས་སྣོད་ཡབ་ཡུམ་སྟེ། །སྲང་ནི་ཐབས་དང་ཤེས་རབ་པོ། །བཙགས་བཏགས་བདུད་རྩི་འཁྱིལ་པའི་དཀྱིལ་འཁོར་རོ། །ཟླ་གམ་སྒོ་ཤར་བསྟན་པ་ལ། །པདྨ་འདབ་མ་བརྒྱད་བྲིས་ལ། །རྟ་མགྲིན་དབང་གི་དཀྱིལ་འཁོར་རོ། །དཀྱིལ་འཁོར་བླ་མེད་གདེང་ནི་དེ་ལྟར་བཤད། །བདག་ཉིད་ངང་དང་རང་བཞིན་གྱིས། །ལྟ་བའི་ཕུལ་དུ་བདུད་རྩི་ལྟ་སྟངས་ཡིན། །ལྟ་བའི་གདེང་ཆེན་ཉིད་ལ་ངེས་བཞག་ན། །ལྟ་བ་བླ་མེད་གདེང་ནི་དེ་ལྟར་བཤད། །དམ་རྫས་དག་ལ་བླང་དོར་མེད་པ་དང་། །གྷ་ན་དག་ལ་འཆིང་འགྲོལ་མེད་པ་དང་། །ཏ་ན་དག་ལ་སྐྱེ་ཤི་མེད་སྤྱད་པ། །སྤྱོད་པ་བླ་མེད་གདེང་ནི་དེ་ལྟར་བཤད། །སྤྱི་ཡི་དམ་ཚིག་བརྟག་པར་བྱ་བ་དང་། །ཁྱད་པར་དམ་ཚིག་བསྲུང་བ་དང་། །ལྷག་པའི་དམ་ཚིག་གནས་པར་བྱ་བ་དང་། །དམ་ཚིག་བླ་མེད་གདེང་ནི་དེ་ལྟར་བཤད། །ཞི་རྒྱས་དབང་དང་མངོན་སྤྱོད་དང་། །གནན་བཟློག་དྲུག་ཏུ་གཅིག་ཏུ་སྟེ། །ཕྲིན་ལས་བླ་མེད་གདེང་ནི་དེ་ལྟར་བཤད། །ཕྱེ་མ་ཁྲོལ་བུ་གོང་བུ་གང་ལ་ཡང་། །རྟགས་དྲུག་ ― DNG022_Page_0143 ―
[མ་དཔེ་གཟིགས་ན་འདིར་གནོན།]
མངོན་དུ་བྱུང་བྱུང་དུ། །གཞུང་ལས་འབྱུང་བ་བཞིན་བསྒྲུབས་ན། །བསྒྲུབ་པ་བླ་མེད་གདེང་ནི་འདི་ལྟར་བཤད། །བདུད་རྩི་ཆེན་པོའི་བུམ་པ་ཡིས། །ཕྱི་དང་ནང་དང་གསང་བའི་མཐར་ཐུག་དབང་། །འདོད་པ་དེ་ལ་རབ་སྦྱིན་པ། །དབང་མཆོག་བླ་མེད་གདེང་ནི་འདི་ལྟར་བཤད། །ཐུན་མོང་དང་ནི་ཐུན་མོང་མ་ཡིན་པ། །དོན་དམ་དང་ནི་ཀུན་རྫོབ་ཀྱི། །དངོས་གྲུབ་ཁྱད་པར་ཅན་ཡང་ཐོབ། །དངོས་གྲུབ་བླ་མེད་གདེང་ནི་དེ་ལྟར་བཤད། །བླ་ན་མེད་པའི་གདེང་བརྒྱད་ཀྱིས། །བདུད་རྩི་དམ་པ་མཆོག་བསྒྲུབ་ནས། །སངས་རྒྱས་མཆོད་ཅིང་རང་ཟོས་ན། །དངོས་གྲུབ་ཁྱད་པར་ཅན་ཡང་ཐོབ། །དམ་རྫས་སྨན་སྣ་རེ་རེ་ལ་ཡང་། །ཡོན་ཏན་བསམ་གྱིས་མི་ཁྱབ་ཅིང་། །བྱིན་རླབ་མཐུ་བྱིན་དེ་བཞིན་ནོ། །དེ་ཡི་ནུས་མཐུ་དཔག་ལས་འདས། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བདུད་རྩི་ཆེན་པོ་མཆོག་གི་བསྒྲུབ་པའི་ལེའུ་སྟེ་སུམ་ཅུ་བདུན་པའོ།། །།དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས། རྡོ་རྗེ་ཁྲོས་པའི་རྒྱལ་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ། བདེ་གཤེགས་ཁྲོས་པའི་རྒྱལ་པོ་ཆེ། །ཞི་རྒྱས་དབང་དང་མངོན་སྤྱོད་དང་། །སྦྱོར་དང་སྐོང་དང་བཟློག་པ་དང་། །གནན་དང་གཟིར་བའི་ཕྲིན་ལས་རྣམས། །ཕྱི་རབས་དོན་དུ་ཇི་ལྟར་བརྩམ། །ཀུན་མཁྱེན་ཁྱེད་ཀྱིས་བསྟན་དུ་གསོལ། །ཞེས་གསོལ་པས། ཁྲོས་པའི་རྒྱལ་པོས་བཀའ་སྩལ་པ་ནི། ཨ་ཧོ་རྡོ་རྗེ་འདུས་པའི་སྲས། །སེམས་ཅན་ཕྱི་རབས་གཞན་དོན་ཕྱིར། །ཕྲིན་ལས་དོན་ཞུས་ཡ་མཚན་ཆེ། །ཕྲིན་ལས་རིམ་པ་བསྟན་པ་ནི། །འཇིག་རྟེན་ཁམས་ནི་རབ་འབྱམས་ན། །རྨུགས་པར་གྱུར་པའི་སེམས་ཅན་ལ། །སྣ་ཚོགས་ལས་ཀྱིས་ཞི་བར་སྦྱར། །བཀྲ་ཤིས་བདེ་བའི་གནས་དག་ཏུ། །བཀྲ་ཤིས་མཚན་ལྡན་ཡུམ་མཆོག་གཟུང་། །རྡོ་རྗེ་འདུས་པར་བསམ་བྱ་ཞིང་། །དཀར་ལ་ཟླུམ་པའི་དཀྱིལ་འཁོར་ལ། །རྡོ་རྗེ་འོད་ཟེར་འཕྲོ་བས་རྒྱལ། །རིན་ཆེན་ ― DNG022_Page_0144 ―
[མ་དཔེ་གཟིགས་ན་འདིར་གནོན།]
ཁ་དོག་དཀར་པོ་འམ། །དཀར་པོའི་ཤིང་ལས་བྱས་པ་ཡི། །ཕུར་པ་ཟླུམ་པོ་དྲུག་བཏབ་སྟེ། །ཞི་བའི་ལྷ་ཚོགས་སྤྱན་དྲངས་ལ། །སྙིང་པོ་བྱམས་པས་མཆོད་སྦྱིན་བྱའོ། །ཡམ་ཤིང་དཀར་ལ་སྦར་བའི་མེ། །དཀར་ལ་མངར་བའི་རྫས་རྣམས་ཀྱིས། །ཞི་བའི་ཚུལ་དུ་སྦྱིན་བསྲེག་བྱ། །དངུལ་ཕྱེ་འབྲས་ཆེན་དཀར་པོ་ལ། །གཏོར་མ་བྱས་ཏེ་ཞི་བར་བྱ། །ས་ཡི་ཚོགས་ཀྱི་དཀྱིལ་འཁོར་དུ། །གཏི་མུག་ལས་ཀྱིས་འཆེལ་བ་རྣམས། །ཞི་བར་གྱུར་པའི་དབྱིངས་སུ་རོལ། །འདི་ནི་ཞི་བའི་ལས་སུ་བཤད། །འཇིག་རྟེན་ཁམས་ནི་རབ་འབྱམས་ན། །ཕོངས་གྱུར་པ་ཡི་སེམས་ཅན་ལ། །སྣ་ཚོགས་ལས་ཀྱིས་རྒྱས་པར་བྱ། །ཙནྡན་མེ་ཏོག་ནགས་ཚལ་དང་། །ཉམས་དགའ་སྐྱེད་མོའི་ཚལ་དུ་ནི། །ལྕུག་ཕྲན་མ་ཡི་ཡུམ་མཆོག་གཟུང་། །རིན་ཆེན་འདུས་པའི་བསམ་སྦྱོར་གྱིས། །སེར་པོ་གྲུ་བཞིའི་དཀྱིལ་འཁོར་ལ། །རིན་ཆེན་ཆུ་སྐྱེས་དག་གིས་བརྒྱན། །རིན་ཆེན་ཁ་དོག་སེར་པོ་འམ། །སེར་པོའི་ཤིང་ལས་བྱས་པ་ཡི། །ཕུར་པ་ཐུར་བཞི་བཏབ་པ་སྟེ། །རྒྱས་པའི་ལྷ་ཚོགས་སྤྱན་དྲངས་ནས། །བྱམས་པའི་སེམས་ཀྱིས་མཆོད་སྦྱིན་བྱ། །སེར་པོའི་ཤིང་ལས་སྦར་བའི་མེ། །ཁ་བའི་རོ་ལྡན་སེར་པོའི་རྫས། །རྒྱས་པའི་ཚུལ་གྱིས་སྦྱིན་བསྲེག་བྱ། །གསེར་ཕྱེ་འབྲས་ཆན་སེར་པོ་ལ། །གཏོར་མ་བྱས་ཏེ་རྒྱས་པར་བྱ། །མ་ཡི་ཚོགས་ཀྱི་དཀྱིལ་འཁོར་དུ། །ང་རྒྱལ་ལས་ཀྱིས་འཆེལ་རྣམས་ལ། །རྒྱས་པར་གྱུར་པས་དབྱིངས་སུ་རོལ། །འདི་ནི་རྒྱས་པའི་ལས་སུ་བཤད། །འཇིག་རྟེན་ཁམས་ནི་རབ་འབྱམས་ལ། །ཆགས་པར་གྱུར་པའི་སེམས་ཅན་ལ། །དབང་དུ་བྱ་བར་རབ་ཏུ་གསུངས། །ཟླ་མཚན་ཅན་ནམ་ཆུ་གླིང་དུ། །སྡོང་གཅིག་མ་ཡི་གཟུངས་མ་གཟུང་། །པདྨ་འདུས་པའི་བསམ་སྦྱོར་གྱིས། །ཟླ་གམ་དམར་པོའི་དཀྱིལ་འཁོར་ལ། །པདྨ་མདའ་གཞུ་འོད་ཀྱིས་བརྒྱན། །ཟངས་ལ་སོགས་པའི་རིན་ཆེན་ནམ། །དམར་བའི་ ― DNG022_Page_0145 ―
[མ་དཔེ་གཟིགས་ན་འདིར་གནོན།]
ཤིང་ལས་བྱས་པ་ཡིས། །ཕུར་པ་ཟླ་གམ་ལྔ་བཏབ་ལ། །དམར་སྨུག་འདྲ་བའི་ལྷ་ཚོགས་རྣམས། །རྡོ་རྗེ་དབྱིངས་ཕྱུག་སྤྱན་དྲངས་ཏེ། །དགའ་ཆགས་ཡིད་ཀྱིས་མཆོད་སྦྱིན་བྱ། །དམར་པོའི་ཤིང་ལས་སྦར་བའི་མེ། །སྐྱུར་ལ་མངར་བའི་རྫས་རྣམས་ཀྱིས། །དབང་གི་ཚུལ་དུ་སྦྱིན་བསྲེག་བྱ། །ཟངས་ཕྱེ་འབྲས་ཆན་དམར་པོ་ལ། །གཏོར་མ་བྱས་ཏེ་དབང་དུ་བསྡུས། །ཡ་ཡི་ཚོགས་ཀྱི་དཀྱིལ་འཁོར་དུ། །འདོད་ཆགས་ལས་ཀྱིས་འཆེལ་བ་རྣམས། །དབང་དུ་གྱུར་པས་དབྱིངས་སུ་རོལ། །འདི་ནི་དབང་གི་ལས་སུ་བཤད། །འཇིག་རྟེན་ཁམས་ནི་རབ་འབྱམས་ན། །ཤིན་ཏུ་གདུག་པའི་སེམས་ཅན་ལ། །དྲག་ཤུལ་སྤྱོད་པས་ལས་བྱ་སྟེ། །རྐང་གཅིག་ཤིང་ངམ་དུར་ཁྲོད་དུ། །རིགས་ངན་སྨེ་ཤ་མེས་རེག་གཟུང་། །ལས་རབ་འདུས་པའི་བསམ་སྦྱོར་གྱིས། །ནག་པོ་གྲུ་གསུམ་དཀྱིལ་འཁོར་ལ། །གཙང་ཐོད་རྒྱན་གྱིས་བརྒྱན་པར་བྱ། །ལྕགས་ལ་སོགས་པའི་རིན་ཆེན་ནམ། །ཚེར་མའི་ཤིང་ལས་བྱས་པ་ཡིས། །ཕུར་པ་ཟུར་གསུམ་དྲུག་བཏབ་སྟེ། །མཐིང་ནག་འབར་བའི་ལྷ་ཚོགས་རྣམས། །དྲག་པོས་འདུལ་ཕྱིར་སྤྱན་དྲངས་ཏེ། །བཏང་སྙོམས་ཁྲོས་པའི་མཆོད་སྦྱིན་བྱའོ། །ཚེར་མའི་ཤིང་ལས་སྦར་བའི་མེ། །དྲག་པོའི་ཚུལ་དུ་སྦྱིན་བསྲེག་བྱ། །ལྕགས་ཕྱེ་འབྲུ་ནག་ཤ་ཁྲག་ལ། །སྦྱར་བའི་གཏོར་མ་དྲག་ཤུལ་སྦྱང་། །ཨེ་ཡི་ཚོགས་ཀྱི་དཀྱིལ་འཁོར་དུ། །ཞེ་སྡང་ལས་ཀྱིས་འཆེལ་བ་རྣམས། །བརླག་པར་གྱུར་པས་དབྱིངས་སུ་རོལ། །འདི་ནི་དྲག་པོའི་ལས་སུ་བཤད། །ཆགས་པའི་དོན་དུ་སྦྱོར་བ་སྟེ། །དབང་པོ་ཡུལ་ལ་སྦྱོར་བ་དང་། །ཆོས་ཅན་ཆོས་ཉིད་སྦྱོར་བ་དང་། །ཤེས་པས་ཤེས་པར་བྱ་བའི་ཡུལ་ལ་སྦྱོར་བ་སྟེ། །ཆོས་རྣམས་སྐྱེ་བ་མེད་པར་སྦྱོར་བ་དང་། །ཆོས་ཉིད་སྐྱེ་བ་མེད་པར་སྦྱོར་བ་ལས། །རྡོ་རྗེ་གཞོན་ནུ་ཡབ་ཡུམ་སྐུར་བསྐྱེད་དེ། །ཡབ་ཡུམ་སྦྱོར་བས་ཁྲོ་བོ་ཁྲོ་མོར་བསྐྱེད། །ཁྲོ་བོ་ཁྲོ་མོ་སྦྱོར་བ་ལས། །ཕྲ་མེན་མངགས་ཐབས་བསྐྱེད་པར་བྱ། །ཡབ་ཡུམ་སྦྱོར་བ་ ― DNG022_Page_0146 ―
[མ་དཔེ་གཟིགས་ན་འདིར་གནོན།]
ལས་སྲས་མཆོག་ཡབ་ཡུམ་བསྐྱེད། སྒོ་མ་བཞིས་སྦྱོར་བའི་བརྡས་བསྐུལ་ཏེ། ཡབ་ཡུམ་ཐམས་ཅད་ཐབས་དང་ཤེས་རབ་གཉིས་སུ་མེད་པར་སྦྱོར་བ་དང་། མཚན་ལྡན་བཀྲ་ཤིས་ཡིད་འོང་གཟུངས་མ་ལ། །དྲི་རྩིས་སྐྱོན་སྦྱངས་གོས་དང་རྒྱན་ཕྲེང་གདགས། །རྣལ་འབྱོར་ཉིད་ལའང་དེ་བཞིན་ཏེ། །རྒྱན་གཟུངས་གསལ་གཡོན་སྤེལ་བྱས་ནས། །བདག་ཉིད་ལྷར་བསམ་གཟུངས་ཉིད་ཡུམ། །བདག་གི་ལུས་ཀྱི་གནས་རྣམས་སུ། །ཐབས་མཆོག་ཉི་ཤུ་རྩ་ལྔ་བསམ། །ཡུམ་ལ་ཤེས་རབ་མ་རྣམས་བསམ། །རང་བཞིན་གནས་ནས་དགུག་གཞུག་བསྡིམ། །མཆོད་དོན་གསོལ་བ་གདབ་བྱ་སྟེ། །ལྕགས་ཀྱུས་སྤྱན་དྲངས་ཞགས་པས་འཁྱུད། །ལྕགས་སྒྲོག་བསྡམས་ཏེ་དྲིལ་བུས་དགྱེས་པ་བསྐྱེད། །ཡབ་ཡུམ་དགྱེས་པའི་རོལ་མོ་དང་། །ལུས་ཀྱི་གནས་རྣམས་སྤྲད་པ་ནི། །ཡུམ་རྣམས་ཆོས་དབྱིངས་གཞལ་ཡས་སུ། །ཡབ་རྣམས་ཡེ་ཤེས་བྱང་ཆུབ་སེམས། །དམིགས་མེད་བདེ་བའི་སྦྱོར་བས་གཏིམ། །མ་ཆགས་མཉམ་པའི་དགྱེས་པ་མཆོག །བདག་དང་གཞན་གཉིས་མི་དབྱེ་བར། །སངས་རྒྱས་སེམས་ཅན་ཐམས་ཅད་ལ། །བདེ་ཆེན་བྱང་ཆུབ་སེམས་སུ་མཆོད་སྦྱིན་ཆེན་པོ་ཐིམ་བྱས་ནས། །ཆགས་པ་སྤྱད་ཀྱང་བླ་མེད་ཐོབ་པར་འགྱུར། །བཀའ་ལུང་གཏན་ཚིགས་ཚད་མར་མི་ལྡན་པར། །མཚན་མེད་གཟུངས་བཙལ་འདོད་ཆགས་དངོས་སྤྱོད་ན། །འབྲས་བུ་ཡུལ་མེད་ཡ་གའི་གཞི་དར་ནས། །ཚུལ་ཆོས་ཆགས་པ་སྤྱོད་པས་འཁོར་བའི་རྒྱུ། །འདི་ནི་སྦྱོར་བའི་ལས་སུ་བཤད། །སྲོག་གཅོད་ཕྱིར་ན་སྒྲོལ་བ་སྟེ། །སྣོད་དང་བཅུད་ཀྱིས་བསྡུས་པའི་ཆོས་རྣམས་དབྱིངས་ཉིད་ལ། །རིག་པ་བྱང་ཆུབ་སེམས་སུ་སྣང་བ་ཡེ་ཤེས་ཏེ། །གཉིས་སུ་མེད་པས་མཚོན་པ་མྱ་ངན་འདས། །དེ་ལྟར་རྟོགས་པས་ཁམས་གསུམ་ཐུན་མོང་དང་། །ཐུན་མོང་མ་ཡིན་ཐུགས་རྗེས་སྒྲོལ་བའོ། །སྣོད་ཀྱི་འཇིག་རྟེན་ཤེས་རབ་གཞལ་ཡས་ལ། །བཅུད་ཀྱིས་བསྡུས་པའི་ཁྲོ་བོར་ ― DNG022_Page_0147 ―
[མ་དཔེ་གཟིགས་ན་འདིར་གནོན།]
ཤར། །ཁམས་གསུམ་ཐུགས་རྗེས་ཐུན་མོང་དུ་བསྒྲལ་བའོ། །བསྟན་པ་ལ་གནོད་ཞིང་བཅུ་གནས་ནས་བླང་ཕྱིར། གཞུང་དང་ལྡན་པའི་རྣལ་འབྱོར་པས། །གནས་འཁོར་ཕུར་པ་ཡོ་བྱད་དུས་ལྡན་ཏེ། །གཟུགས་བརྙན་དམ་བཞེངས་ཏེ་ཏིང་འཛིན་རིག་པ་བསར། རང་བཞིན་མཆོད་བསྒྲུབ་རྒྱལ་བའི་བཀའ་ལ་བསྟེན། དམིགས་པའི་རྟེན་ནི་བཅས། དབབ་དབྲལ་གཟིར་བཏབ་གཏུབ་བསྟབ་རོལ་ཏེ། ཤེས་པའི་གནས་སྦྱངས་ནས་ནི། སྡིག་པ་སྤྱད་ཀྱང་ཡེ་ཤེས་འབར་བ་ལ། །བསྒྲལ་བར་བྱས་ཀྱང་ལྟུང་བར་མི་འགྱུར་རོ། །རྒྱལ་བའི་བཀའ་ལ་ནི་ཁུངས་ཕྱུང་། མཐུ་རྩལ་འདོད་པས་འཇིག་རྟེན་པའི་དྲེགས་པ་མཆོད། དོན་དང་མི་ལྡན་པར་སྒྲོལ་བའི་ལས་བྱས་ན། སྤྱོད་རྩིང་ཁེ་རྔམས་འཁོར་བའི་གཡང་སར་ལྷུང་། །འདི་ནི་སྒྲོལ་བའི་རིམ་པར་བཤད། །ཉམས་པའི་ཕྱིར་ན་བསྐང་བ་སྟེ། །དམ་རྫས་བདུད་རྩི་ལྔ་ལ་རྟེན་བཅས་ནས། །ཡི་གེ་དཔའ་བོ་འབྲུ་ལྔས་དངོས་པོ་དང་། མཚན་མའི་བག་ཆགས་སྦྱངས་ཏེ། ཕྱག་མཚན་འབར་བ་ལྔས་ནི། གཟུགས་སུ་སྣང་བའི་བག་ཆགས་སྦྱངས་ཏེ། དུག་ལྔའི་རྟེན་ཡེ་ཤེས་ལྔར་བསྒྲལ་ནས། རིགས་ལྔའི་ཐུགས་ཀྱི་རྒྱུད་བདུད་རྩི་ལྔས་དབང་བསྐུར་བས། བདེ་བར་གཤེགས་པ་སྐུ་གསུམ་གྱི་ངོ་བོར་བཞུགས་པ་རྣམས་ཀྱི་ཐུགས་དམ་བསྐང་སྟེ། དོན་དམ་པའི་བསྐང་བ་དང་། དགོངས་རྒྱུད་རྣམ་པར་དག་པའི་རྣལ་འབྱོར་པས། རྒྱུ་མཆོག་གི་སྐོངས་གྱུར་ཡང་། མཚམས་བཅད་ཕྲིན་གདགས་མེ་ཏོག་དོར་ཏེ། མིག་དབྱེ་ལྷ་ངོ་བསྟན། ཕུང་པོ་ཁམས་དང་སྐྱེ་མཆེད་དང་། །རྣམ་ཤེས་འབྱུང་བ་དམིགས་པ་ཡིས། །ལྷ་རྣམས་ཀྱི་ཐུགས་དམ་དབྱིངས་སུ་བསྐངས་ནས། ཀ་ཏ་རི་ནི་བྱིན་བརླབས་རལ་གྲི་འདི་དབང་བསྐུར། །རྒྱུ་ལྔའི་སྒོ་དགག་དུག་ལྔ་ཞེ་བཅད་དེ། །རྣམ་ཤེས་གནས་སྤར་དབང་བསྐུར་མི་ལྡོག་ས་ལ་དགོད། །ཤ་ཁྲག་ལ་སོགས་ཚོགས་ཀྱི་མཆོད་པར་འབུལ། །དེ་ཡི་དོན་ལྡན་རྣལ་ ― DNG022_Page_0148 ―
[མ་དཔེ་གཟིགས་ན་འདིར་གནོན།]
འབྱོར་པས། །སྲོག་བཅད་བསྒྲལ་བས་རྣམ་ཤེས་ཐུགས་དམ་བསྐངས། །དེ་ཡི་དོན་དང་མི་ལྡན་པའི། །མིང་ཙམ་འཛིན་པའི་རྣལ་འབྱོར་པས། །དགོངས་རྒྱུད་མི་གསལ་སྤྱོད་པའི་དོན་འཁྲུལ་ནས། །བསྐངས་ཀྱང་མི་སྐོངས་སླར་ཉིད་འཁོར་བའི་རྒྱུ། །འདི་ནི་བསྐང་བའི་རིམ་པར་བཤད། །ཡིད་གཉིས་ཟ་ཕྱིར་བཟློག་པ་ནི། །ཁམས་གསུམ་འཁོར་བའི་སེམས་ཅན་རྣམས། །མི་བདེའི་གནས་སུ་གཏིང་འཁྱམས་པས། །ཐུགས་རྗེ་ཉི་ཟེར་འདྲ་བ་ཡིས། །ལུས་སེམས་སྐུ་གསུང་ཐུགས་སུ་བཟློག་པའོ། །འདི་ནི་འཁོར་བ་རུ་བཟློག་པའོ། །མུ་སྟེགས་བལྟ་སྤྱོད་ལོག་པ་དང། །ཉན་ཐོས་ལ་སོགས་ལྟ་ཚོགས་དམན་པ་རྣམས། །སྔགས་པ་ལྟ་སྤྱོད་འཁྲུལ་པ་རྣམས། །བལྟ་བ་སྤྱོད་པ་བསྟུན་ཏེ་ཡ་ཆ་བར་ཁྲིད་པ་ནི། ལོག་དམན་འཁྲུལ་པ་རུ་བཟློག་པའོ། །བྱང་སེམས་སངས་རྒྱས་རྒྱུ་ཉིད་ལ། །ཉོན་མོངས་བདུད་ཀྱི་རྒྱུ་བྱས་ཕུང་པོའི་བདུད་དུ་སྨིན། །ལྷ་ཡི་བདུད་ཀྱིས་བར་དུ་གླགས་བཙལ་ནས། །འཆི་བདག་བདུད་ཀྱིས་བར་ཆད་བྱེད་པའི་ཚེ། །དོན་རིག་རྩལ་ཤུགས་ལྡན་པའི་རྣལ་འབྱོར་པས། །བཀའ་ཡི་གཞུང་དང་མཐུན་པའི་རྫས་བསགས་ཏེ། །རྒྱུ་མཆོག་མཚན་ལྡན་དག་ལ་རྟེན་བཅས་ནས། །སྲོག་བརྗེས་སེམས་སྤར་ཤ་ཁྲག་རྫས་ཀྱི་བཟློག །སྐད་ཅིག་ཙམ་ཡང་ལུས་སེམས་མ་བྲལ་བདེ་ཐོབ་དགེ་སྤྱོད་དེ། །དགེ་སྤྱོད་ཐབས་མེད་ནམས་ཀྱང་འཁོར་བའི་རྒྱུས་བཟློག་ནས། །དགེ་བ་སྐད་ཅིག་ཙམ་ཡང་སངས་རྒྱས་རྒྱུ། །དགེ་བའི་དོན་སད་རྩ་བའི་བཟློག་པའོ། །དམ་མེད་རྩལ་ཤུགས་མི་འཆང་རྣལ་འབྱོར་ཚུལ་སྤྱོད་པས། །དགེ་དོན་སད་མེད་གཞན་གྱི་རིགས་ཀྱི་གཉེར་ཕབ་ནས། །ཚིག་ཙམ་བསྟོད་པས་རང་གི་ཆེ་སྐྱེས་ཏེ། །དོན་དུ་ཤ་ལྤགས་འདོད་ཕྱིར་བཟློག་པ་བྱེད། །དམན་མཆོག་མཐུ་བྱིན་ཀུན་ཀྱང་ངས་བཟློག་ན། །འཇིག་རྟེན་རྐྱེན་དབང་ཅན་དག་སྨོས་ཅི་དགོས། །དེ་སྐད་ཟེར་ཞིང་བཟློག་པའི་ལས་བྱེད་ན། །མི་ ― DNG022_Page_0149 ―
[མ་དཔེ་གཟིགས་ན་འདིར་གནོན།]
བཟློག་རང་གིས་གཤེད་མར་འོང་སྟེ་འཁོར་བའི་རྒྱུ། །བཟློག་པའི་རིམ་པ་འདི་ལྟར་བཤད། །གནོད་བྱེད་ས་ལ་གནན་པ་ནི། །དོན་དམ་སེམས་ལ་གནོད་པ་ནི། །ཀུན་གཞི་རྣམ་པར་ཤེས་པ་ལ། །བག་ཆགས་གྲངས་རིམ་བཞི་གནས་པ། །ཕུང་པོ་ལ་གནས་ཚོགས་དྲུག་ཡུལ་ལ་མ་བཏང་བར། །བག་ཆགས་ཐམས་ཅད་མནན་ཏེ་ཀུན་གཞི་ངོ་བོར་གནས། །དེས་ནི་དོན་ཉིད་དོན་མཐོང་སྟེ། །དོན་དམ་བདེན་པའི་མནན་པའོ། །གནས་དང་དཀྱིལ་འཁོར་རྫས་དང་ཆོ་ག་ཐབས། །ཏིང་འཛིན་སྔགས་དང་ཕྱག་རྒྱས་བྱིན་བརླབས་ཏེ། །འགོག་བྱེད་བགེགས་རྣམས་གནན་བྱས་ན། །སྤོགས་པའི་ཐབས་མེད་དེ་ལ་ཐར་དུས་མེད། །ཀུན་རྫོབ་བདེན་པའི་གཞུང་དུ་མནན་པའོ། །དཀོན་མཆོག་བདེན་པའི་བཀའ་ལ་མི་བདེན་པར། །འཇིག་རྟེན་འདི་ཡི་དྲག་པོའི་དབང་བཟུང་ནས། །མཐུ་ཆེན་དྲེགས་པའི་ལྷ་ཀླུའི་གནས་རྣམས་སུ། །དེ་མཆོད་དེ་ལ་ལས་ཀྱི་མཐུ་ལྟོས་ཤིང་། །དེ་ལ་ལྷར་གསོལ་དགྲ་བགེགས་གནོད་བྱེད་པ། །དེ་ནི་འཇིག་རྟེན་ལོག་པའི་མནན་པ་སྟེ། །ཆོས་འགལ་ཡ་གའི་གཞི་སྟེ་དེ་མི་བྱ། །གནན་པའི་རིམ་པ་འདི་ལྟར་བཤད། །འགྲན་སེམས་ཅན་ལ་གཟིར་བ་ནི། །ཆོས་དབྱིངས་ཡེ་ཤེས་ཡེ་ནས་གནས་པ་ལ། །བག་ཆགས་ཉོན་མོངས་འགྲན་འཛུག་པ། །རིག་པའི་ཡེ་ཤེས་བསར་ཏེ་ཆོས་དབྱིངས་ངང་དུ་གཟིར། །མཐར་ཐུག་དོན་གྱི་གཟིར་བའོ། །དཔལ་ཆེན་འབར་བའི་ཆ་བྱད་ཀྱིས། །འགྲན་སེམས་རཱུ་ཏྲ་གཟིར་བ་ནི། །སྒྲིབ་གཉིས་བྱང་ནས་ཚོགས་གཉིས་རྫོགས། །འདི་ནི་རྟགས་ཀྱིས་གཟིར་བའོ། །རྣལ་འབྱོར་དབང་ཕྱུག་སྒྲུབ་པ་ལ། །འགྲན་སེམས་ཅན་གྱི་དགྲ་དང་བགེགས། །རས་སམ་གྲོ་གའམ་ཤིང་ཤུན་ལ། །མིང་ངམ་ཡང་ན་གཟུགས་བྲིས་ལ། །ཁྲག་འཐུང་ཐུགས་རྟགས་ཕུར་པས་གཟིར། །འདི་ནི་རྫས་ཀྱི་གཟིར་བའོ། །བདག་ཉིད་ཏིང་འཛིན་གདེང་ཞུགས་ལ། །འོག་ཏུ་གཞུག་ཅིང་ཀུན་ཏུ་གཟིར། །འདི་ནི་བསམ་སྦྱོར་ཀུན་ ― DNG022_Page_0150 ―
[མ་དཔེ་གཟིགས་ན་འདིར་གནོན།]
ཏུ་གཟིར་བའོ། །གཟིར་བའི་རིམ་པ་འདི་ལྟར་བཤད། །ཅེས་གསུངས་པས། ཕྱི་རབས་ཀྱི་རྣལ་འབྱོར་པས་བདག་གཞན་གྱི་དོན་ལས་བྱེད་པ་ལ་མགོ་མི་རྨོངས་པར་འགྱུར་རོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བདག་གཞན་གྱི་དོན་གྱི་ཕྲིན་ལས་རིམ་པར་ཕྱེ་བའི་ལེའུ་སྟེ་སུམ་ཅུ་རྩ་བརྒྱད་པའོ།། །།དེ་ནས་ཡང་རྡོ་རྗེ་འདུས་པའི་རྒྱལ་པོས། འདི་སྐད་ཅེས་གསོལ་ཏོ། །ཨེ་མ་ཧོ་བདེར་གཤེགས་ཏིང་འཛིན་མཆོག་གི་བདག །ས་ལ་སྤྱོད་པའི་རྣལ་འབྱོར་པས། །བཟའ་བཏུང་གོས་རྒྱན་བྱ་བྱེད་དང་། །སྤྱོད་པ་འགྲོ་ཉལ་འདུག་ལྡང་བའི། །རྒྱུན་ཏུ་ཏིང་འཛིན་ཇི་ལྟར་ལགས། །ཏིང་འཛིན་མཆོག་གིས་བཤད་དུ་གསོལ། །ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས། རྒྱུན་གྱི་ཏིང་འཛིན་ལ་མཉམ་པར་བཞག་སྟེ། འདི་སྐད་ཅེས་གསུངས་སོ། །ཨེ་མ་ཧོ་རྡོ་རྗེ་འདུས་པའི་སྲས། །ཟ་བ་རྒྱུན་གྱི་ཏིང་འཛིན་ནི། །གཙང་སྨེ་མེད་པར་ཟས་རྣམས་ཀུན། །སྣོད་ཆེན་དག་གི་ནང་དུ་བསོག །མདུན་དུ་བཞག་སྟེ་སེམས་བསྐྱེད་ནས། །བདག་ཉིད་ལྷ་ཡི་རྣལ་འབྱོར་གྱིས། །བསྐུལ་བ་གསུམ་གྱིས་དངོས་པོ་སྤྱོད། །བྱིན་བརླབས་གསལ་བཏབ་མཆོད་ཕུལ་ཕྲིན་ལས་བཅོལ། །བྱིན་བསྡུའི་བདག་རོལ་དངོས་གྲུབ་ཡིན། །ལྷག་མ་བྱིན་ཏེ་གཤེགས་སུ་གསོལ། །འགྲོ་བའི་དོན་དུ་སྨོན་ལམ་གདབ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཧཱུྃ་ཕཊ། ཧཱུྃ་རཾ་ཧཱུྃ་ཡཾ་ཧཱུྃ་ཁཾ། བྷྲཱུཾ་བྷནྡྷ་མ་ཨ་པ་མཎྜ་ལ། ཨོཾ་ཨཱཿཧཱུྃ་བ་ལིཾ་ཏ་པུ་ཙ་ཧཱུྃ། ཨཱོཾ་བཛྲ་ཀཱི་ལི་ཀཱི་ལ་ཡ། ཀྲོ་ཏ་ཀྲོ་ཏཱི་ཧ་ཧེ་ཕཊ་ས་མ་ཡ་ཛཿ། ཨཱོཾ་བཛྲ་ཛྙཱ་ན་མ་ཧཱ་པཱུ་ཙ་པཉྩ་བ་ལིཾ་ཏ་ཨ་མྲྀ་ཏ་རཀྟ་བོ་དྷི་ཙིཏྟ་མ་ཧཱ་ཨརྒྷཾ་པྲ་ཏཱི་ཛ་ཧོ། ཛཿཤྲི་བཱན་ཁ་རཾ་ཁཱ་ཧི། སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཧ་ཧ་ཧ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཤཱནྟིཾ་པུཥྚིཾ་བཱ་ཤཾ་མཱ་ར་ཡ་ཧཱུྃ་ཕཊ། ཨཱོཾ་བཛྲ་ཀཱི་ལཱི་ཀཱི་ལ་ཡ། ཨཱོཾ་ཨཱཿཧཱུྃ། ལོ་ཀ་པྲ་ཏི་པ་ན་དྷརྨ་ཏཱ་སིདྡྷི་ཧཱུཾ་ཨཱཿ། རཀྴ་ཡཀྴ་མ་མ་བྷྱོ་ཛ་པཱུཙྪ་ས་མ་ཡ་ཧཱུྃ་སྭཱ་ཧཱ། ཀཱ་ཡ་ཝཱ་ཀ་ཙིཏྟ་དྲྀ་ཤྱ་ཧོ་ཡ་ཧི་གཙྪ། ས་མ་ཡ་ཧོ། ― DNG022_Page_0151 ―
[མ་དཔེ་གཟིགས་ན་འདིར་གནོན།]
དགའ་ལྡན་ལྷ་ཡི་ཚོགས་ལ་ཕྱག་འཚལ་ལོ། །འབྱོར་ལྡན་ལོངས་སྤྱོད་སྤྱན་འཕེལ་རྒྱས། །སྦྱིན་པ་རྟག་ཏུ་ལོངས་སྤྱོད་ཅིང་། །སྒྲིབ་གཉིས་བྱང་ནས་ཚོགས་གཉིས་རྫོགས་པར་ཤོག །ཨ་ལ་ལ་ཧོ། བཏུང་བ་རྒྱུན་གྱི་ཏིང་འཛིན་ནི། །བརླན་དང་གཤེར་གྱིས་བསྡུས་པ་ཡི། །འབྲུ་བཅུད་ཛ་གད་ལ་སོགས་བཏུང་བ་ལ། །གདེང་ལྡན་དྲང་བའི་འཕྲོ་འདུ་ལས། །མ་མཱ་ཀི་ཡི་ཏིང་འཛིན་བསམ། །འབྱུང་བ་བཅུད་ལྡན་ཕྱག་རྒྱ་ཡིས། །ཨཱོཾ་བཛྲ་ཀཱི་ལི་ཀཱི་ལ་ཡ།་མཱ་མ་ཀི་ཏྲཱཾ་ཏྲཱཾ། ཧཱུྃ་བཛྲ་བཛྲ། དག་པྲ་བ་བ་ཡ་ནན་ཧཱུྃ་སྭཱ་ཧཱ། བསིལ་མངར་བདུད་རྩིའི་ངོ་བོར་བརླབས། །སྦོམ་པོ་དབང་མོ་ཐབས་དང་ཤེས་རབ་ཀྱིས། །རྩིར་གྱུར་སྨན་གྱི་འཕྲོ་འདུར་གསལ། །ལྷ་ཡི་ཚོགས་ལ་ཐིམ་པར་མཆོད། །ཨཱོཾ་ཨཱཾཿཧཱུྃ་གིས་བྱིན་བསྡུས་ཏེ། །རང་ཉིད་འཐུང་བས་སྒྲིབ་བྱང་ནས། །སྐུ་གསུང་ཐུགས་ཀྱི་གཟི་བྱིན་ཕེབ། །བགོ་བ་རྒྱུན་གྱི་ཏིང་འཛིན་ནི། །རེག་བྱ་བགོ་བའི་བྱེ་བྲག་རྣམས། །འཇམ་དང་རྩུབ་པ་གཉིས་མེད་པར། །གསལ་ལྡན་ཧོ་ཡི་འཕྲོ་འདུ་ཡིས། །གནྡྷེ་རེག་བྱའི་ལྷབ་ལྷུབ་ཅན། །ཨཱོཾ་བཛྲ་ཀཱི་ལི་ཀཱི་ལ་ཡ་གནྡྷེ་པཉྩཱ་ལི་ཀ་པཱུ་ཛ་ཧོ། ནད་མེད་ལང་ཚོ་བདེ་བ་དང་། །མཚན་གྱི་མེ་ཏོག་ཐོབ་པར་འགྱུར། །རྒྱན་ཕྲེང་རྒྱན་གྱི་ཏིང་འཛིན་ནི། །རྒྱན་དང་བྱེ་བྲག་ཐམས་ཅད་ལ། །ལེགས་དང་མི་ལེགས་དབྱེར་མེད་པར། །ངེས་ལྡན་ཏྲཾ་གི་འཕྲོ་འདུ་ལས། །མཱ་ལེ་རིན་ཆེན་ཕྲེང་ཐོགས་མ། །ཨཱོཾ་བཛྲ་ཀཱི་ལི་ཀཱི་ལ་ཡ། མཱ་ལེ་རཏྣ་པཱུ་ཛ་ས་མ་ཡ་ཧོ། བདེར་གཤེགས་སྲས་དང་བཅས་པ་མཆོད། །བྱིན་བསྡུས་ལྷག་མ་བདག་ཉིད་གདགས། །ཤ་བཀྲག་གསལ་ཞིང་མདངས་ཆགས་དང་། །དཔེ་བྱད་འབྲུ་རྣམས་ཐོབ་པར་འགྱུར། །བྱ་བྱེད་རྒྱུན་གྱི་ཏིང་འཛིན་ནི། །བྱ་དང་མི་བྱ་དབྱེར་མེད་པར། །མཁྱེན་ལྡན་ཧ་ཡི་འཕྲོ་འདུ་ལས། །བྱ་བ་མོ་ནི་ཆོས་ཀྱི་དབྱིངས། །བྱེད་པ་པོ་ནི་ཡེ་ཤེས་ཏེ། །བྱ་བྱེད་དབྱིངས་ལས་ཡེ་ཤེས་རོལ། །ཨཱོཾ་བཛྲ་ཀཱི་ལི་ཀཱི་ལ་ཡ། ཀརྨ་དྷརྨ་ཛྙཱ་ན་མཎྜ་ལ། པཱུ་ཛ་ ― DNG022_Page_0152 ―
[མ་དཔེ་གཟིགས་ན་འདིར་གནོན།]
ས་མ་ཡ་ཧོ། བྱ་བ་བྱེད་པས་དོན་དང་ལྡན། །སྤྱོད་པ་རྒྱུན་གྱི་ཏིང་འཛིན་ནི། །སྤྱད་པར་བྱ་བའི་རྫས་རྣམས་ཀུན། །ངེས་པར་ཏིང་འཛིན་རབ་གསལ་བས། །སྒྲིབ་སྦྱོང་ཕྱིར་ན་བཀོལ་བ་སྟེ། །སྤྱད་པས་ཚོགས་ཆེན་ཤེས་རབ་ཐོབ། །ཨཱོཾ་བཛྲ་ཀཱི་ལི་ཀཱི་ལ་ཡ་པྲཛྙཱ་གུ་ཧྱ་པཱུ་ཛ་ས་མ་ཡ་ཧོ། ཉལ་བ་རྒྱུན་གྱི་ཏིང་འཛིན་ནི། །བྱིང་རྨུགས་གཡེངས་དང་འཕྱོ་བ་སྤངས། །མྱོས་འཐིབ་གཉིད་ཀྱི་དགྲ་བཅོམ་སྟེ། །སེང་གེའི་ཉལ་ཐབས་རབ་ཏུ་བརྟག །གསལ་ལྡན་ཆེན་པོའི་ཏིང་འཛིན་དེ། །རྟག་ཆད་གོལ་སྒྲིབ་ཏིང་འཛིན་མཐའ་སྤངས་ཏེ། །བརྗོད་མེད་བསམ་མེད་བརྗོད་བསམ་ལས་འདས་པས། །ཆོས་དབྱིངས་བདེ་བ་ཆེན་པོའི་ངང་དུ་གསལ། །ཨཱོཾ་བཛྲ་ཀཱི་ལི་ཀཱི་ལ་ཡ་མ་ཧཱ་ཤུ་ནྱ་ཏཱ། དེས་ནི་དོན་དམ་ཚོགས་ཆེན་རྫོགས། །བལྟ་བ་རྒྱུན་གྱི་ཏིང་འཛིན་ནི། །དངོས་པོ་མཚན་མར་ལྡན་པ་མེད། །ངེས་དོན་ཆེན་པོའི་ཏིང་འཛིན་གྱིས། །ཆོས་ཉིད་སྐྱེ་བ་མེད་པ་ལས། །འགག་པ་མེད་པའི་སྐུ་བཞེངས་པའོ། །ཨཱོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཝཱ་ཀ་ཙིཏྟ་ས་མ་ཡ་ཧཱུྃ། ལུས་ངག་ཡིད་གསུམ་གྱི་སྐུ་གསུང་ཐུགས། །འགྲོ་བ་རྒྱུན་གྱི་ཏིང་འཛིན་ནི། །གྲུབ་ལྡན་ཆེན་པོའི་ཏིང་འཛིན་གྱིས། །དྲང་དོན་ཚད་མེད་ཕྱིར་ཉིད་འགྲོ་བ་སྟེ། །ངེས་དོན་དམིགས་མེད་འགྲོ་བའི་དོན་དུ་བརྟག །ཨཱོཾ་བཛྲ་ཀཱི་ལི་ཀཱི་ལ་ཡ་ཨཱེ་བཾ་མཱ་ཡཱ་དྷརྨ་ཀརྨ་ཧཱུྃ། འགྲོ་བ་འདུལ་ཕྱིར་གཤེགས་པ་སྟེ། །གཞན་གྱི་དོན་དུ་འགྲོ་བ་བདག་གི་དོན། །འདུག་པ་རྒྱུན་གྱི་ཏིང་འཛིན་ནི། །དཀྱིལ་འཁོར་རྫོགས་པའི་ཏིང་འཛིན་གྱིས། །བདག་ཉིད་སྟོན་པའི་རང་བཞིན་དེ། །གང་ན་གནས་པ་གནས་ཀྱི་མཆོག །ཉེར་གནས་འཁོར་ནི་རང་བཞིན་ཁྱད་པར་འགྲོ་བ་འདུལ་བའི་འཁོར། །བརྗོད་པ་ཐམས་ཅད་བསྟན་པ་དང་། །དེ་ལྟར་འཛོམ་པ་དུས་ཤེས་བྱའོ། །ཨཱོཾ་བཛྲ་ཀཱི་ལི་ཀཱི་ལ་ཡ་མཎྜ་ལ་ཧཱུྃ་ཧཱུྃ། དེས་ནི་ཕུན་སུམ་ཚོགས་པར་འདུག་པར་འགྱུར། །ཞེས་གསུངས་པས། ས་ལ་སྤྱོད་པའི་རྣལ་འབྱོར་པ་རྣམས། རྒྱུན་གྱི་ཏིང་འཛིན་ལས་སུ་རུང་སྟེ། ས་ལ་སྨིན་པར་གྱུར་ཏོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྒྱུན་གྱི་ཏིང་འཛིན་རིམ་པར་ ― DNG022_Page_0153 ―
[མ་དཔེ་གཟིགས་ན་འདིར་གནོན།]
ཕྱེ་བའི་ལེའུ་སྟེ་སུམ་ཅུ་དགུ་པའོ།། །།དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ། །ཨེ་མ་ཧོ་གསང་མཆོག་དེ་ཉིད་བདག །ས་ལ་སྤྱོད་པའི་རྣལ་འབྱོར་པས། །དེ་ཉིད་ཡོངས་སུ་རྟོགས་བྱའི་ཕྱིར། །དམིགས་པའི་མཚན་མ་ལ་བརྟེན་དེ་ཉིད་ཀྱིས། །སྒྲིབ་སྦྱང་ཚོགས་རྫོགས་འབྲས་བུ་རྫོགས་པར་བྱ་བའི་ཕྱིར། །དཀྱིལ་འཁོར་དང་ནི་མཎྜལ་དང་། །སྐུ་གཟུགས་དང་ནི་མཆོད་རྟེན་དང་། །གླེགས་བམ་དང་ནི་ཕྲེང་བ་དང་། །རྡོ་རྗེ་དང་ནི་དྲིལ་བུ་དང་། །མཆོད་རྫས་དང་ནི་རོལ་མོ་དང་། །འདི་རྣམས་དེ་ཉིད་ཇི་ལྟར་ལགས། །རྣལ་འབྱོར་དོན་དུ་བསྟན་དུ་གསོལ། །ཨ་ལ་ལ་ཧོ། ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་བསྐུལ་བའི་དོན་ཐུགས་སུ་ཆུད་དེ། དེ་ཁོ་ན་ཉིད་བཅུའི་ཏིང་འཛིན་ལ་མཉམ་པར་བཞག་སྟེ། འདི་སྐད་ཅེས་གསུངས་སོ། །ས་ལ་སྤྱོད་པའི་རྣལ་འབྱོར་པས། །དེ་ཉིད་དོན་ཞུས་ཨེ་མ་ཡ་མཚན་ཆེའོ། །དེ་ཉིད་དམ་པ་བསྟན་པར་བྱ། །དེ་ཡི་དཀྱིལ་འཁོར་དེ་ཉིད་ནི། །གཟུགས་བརྙན་སྤྱིའི་དཀྱིལ་འཁོར་བཞེངས་དང་ཏིང་འཛིན་བསྒོམ། །རང་བཞིན་དཀྱིལ་འཁོར་སྒྲུབ་པ་སྟེ། །ཡིད་དུ་འོང་བའི་གནས་དག་ཏུ། །རྡུལ་ཚོན་ཁ་བ་བབ་པ་བཞིན། །རེ་ཁཱ་གྲི་སོ་བསྒྲེང་བ་ལྟར། །གཞལ་ཡས་ཁང་ནི་ཚུལ་ལམ་དབྱིབས། །ལེགས་ཤིང་མཛེས་པར་བྲིས་པ་ནི། །གཟུགས་བརྙན་སྤྱི་ཡི་དཀྱིལ་འཁོར་རོ། །ལྷ་ཡི་གོ་བགོ་གནས་རྣམས་སུ། །སྐུ་གསུང་ཐུགས་ཀྱི་མཚན་མ་གང་། །བཀོད་ནས་མི་ཤེས་དྲང་ཕྱིར་བསྟན། །ལྷག་པ་གཟུགས་བརྙན་མངོན་བཞེངས་པའོ། །ནམ་མཁའི་དབྱིངས་ཀྱི་དབུས་གནས་པར། །ཏིང་འཛིན་སྙིང་པོ་ཆོ་ག་ཡིས། །གཞལ་ཡས་དམ་པ་བསམ་བྱ་བ། །གནས་ཀྱི་ཏིང་འཛིན་དཀྱིལ་འཁོར་རོ། །དེ་ཡི་བཞུགས་པའི་ས་གནས་སུ། །ཆོ་ག་གསུམ་མམ་ལྔ་ཉིད་ཀྱིས། །ལྷ་ཡི་རྣལ་འབྱོར་གདེང་ལྡན་དེ། །ངེས་པ་ཉིད་དུ་བསམ་པ་ཉིད། །ཏིང་འཛིན་དཀྱིལ་འཁོར་བསྒོམ་པ་སྟེ། །ཏིང་འཛིན་ཁྱད་པར་དཀྱིལ་འཁོར་རོ། །ཆོས་ཉིད་བདལ་བ་ཆེན་པོ་ལ། །རང་བྱུང་ཡེ་ཤེས་འཁོར་གྱིས་བརྒྱན། །དམིགས་ ― DNG022_Page_0154 ―
[མ་དཔེ་གཟིགས་ན་འདིར་གནོན།]
པར་གསལ་ཡང་དམིགས་མེད་པ། །རང་བཞིན་དོན་དམ་དཀྱིལ་འཁོར་རོ། །ཆོས་ཉིད་སྐྱེ་བ་མེད་པ་ལས། །ཁྲོ་བོའི་བསམ་པ་དྲང་དོན་དུ། །འགག་པ་མེད་པའི་ཕྱག་རྒྱར་བཞེངས། །བདེ་གཤེགས་བཞུགས་ཕྱག་མཆོད་སྒྲུབ་པ། །རང་བཞིན་དོན་དམ་དཀྱིལ་འཁོར་དེ། །རང་བཞིན་དོན་གྱིས་གནས་པ་ཡིན། །འདི་ནི་དཀྱིལ་འཁོར་འདི་ཉིད་དོ། །མཎྜལ་དེ་ཉིད་བརྟག་པ་ནི། །དགེ་དོན་མཎྜལ་རྩོམ་པ་བརྩོན་འགྲུས་ཏེ། །འབུ་སྲིན་སེམས་ཅན་བསལ་བ་བཟོད་པའི་མཆོག །ག་དར་བྱི་དོར་བྱང་ཆུབ་ཚུལ་ཁྲིམས་དེ། །སྨན་དང་དྲི་ཡི་སྐྱང་ནུལ་སྦྱིན་པ་ཡིན། །མེ་ཏོག་ཕུད་བུ་བཀོད་པ་ཤེས་རབ་བོ། །དེ་ཉིད་ལྷ་རུ་བསམ་པ་བསམ་གཏན་ཏེ། །སྤྱན་དྲང་བཞུགས་ཕྱག་མཆོད་བསྐོར་ཐབས་སུ་ཤེས། །སྒྲིབ་གཉིས་སྦྱངས་ནས་ཚོགས་གཉིས་རྫོགས་ཏེ་སྟོབས། །དེ་ཡི་འབྲས་བུ་ཐོབ་པ་ཡེ་ཤེས་སོ། །འགྲོ་བའི་དོན་དུ་ཤེས་པ་སྨོན་ལམ་ཉིད། །མཎྜལ་དོན་གྱིས་ཕ་རོལ་ཕྱིན་པ་རྫོགས་པར་འགྱུར། །དེ་ཕྱིར་མཎྜལ་དེ་ཉིད་དོན་ལ་བརྩོན་པར་འབད། །སྐུ་གཟུགས་ཀྱི་དེ་ཁོ་ན་ཉིད་ནི། ཟངས་ལྕགས་གསེར་དངུལ་ལ་སོགས་པ། །བཞུ་ནས་ལུགས་སུ་བླུགས་ཀྱང་རུང་། །དུར་ཁྲོད་ཚོན་རྩི་རྣམ་ལྔ་ཡིས། །ཁང་བུའི་ལོགས་སམ་ཐང་ཀ་ལ། །ཐབས་ལ་མཁས་པས་བྲིས་པ་འམ། །རྭ་དང་བ་སོ་ས་རྡོ་ཤིང་། །ཀུན་ལ་འབུར་དུ་བཏོད་པ་སྟེ། །མཁན་པོ་གང་ཡང་ཤེས་རབ་ལྡན་འགྱུར་བར། །ལེགས་ཤིང་དོད་ལ་ཚད་དང་ལྡན་པར་བྱ། །རང་འདོད་ལྷ་ཡི་གཟུགས་ཉིད་ལ། །ངེས་པའི་ཏིང་འཛིན་རྩེ་གཅིག་ཏུ། །ཡང་དག་པར་ནི་བསམ་བྱས་ནས། །སྐུ་ཕྱིས་སྐུ་ཁྲུས་གསོལ་བ་དང་། །དབུ་བཤད་སྙན་སྤབས་བསལ་ཏེ་སྤྱན་དབྱེ་ཤངས་སྤུ་བཏོག །ཚེམ་འདྲུ་ལྗགས་བཞར་ནས། །རང་བཞིན་གནས་ནས་སྤྱན་དྲང་བསྡིམ་ཕྱག་མཆོད་དེ་བསྒྲུབ་བྱས་ནས། །བཀུར་འོས་མཆོད་འོས་ཕྱག་བྱའི་གནས། །འཁོར་བ་མ་སྟོངས་བར་དུ་ནི། །ཞལ་བསྲོ་བཀྲ་ཤིས་དབང་བསྐུར་མངའ་གསོལ་ནས། །སྐུ་གཟུགས་མཆོད་པའི་རྟེན་དུ་དེ་ཉིད་བྱའོ། །མཆོད་རྟེན་གྱི་དེ་ཁོ་ན་ཉིད་ནི། དང་ ― DNG022_Page_0155 ―
[མ་དཔེ་གཟིགས་ན་འདིར་གནོན།]
པོར་དད་ལྡན་རྣལ་འབྱོར་དོན་སྤྱོད་པས། །གཟུགས་བརྙན་མཆོད་རྟེན་མངོན་བཞེངས་ན། །སྔགས་མཁན་རབ་ཀྱི་བློ་ལྡན་པས། །རྩེ་གཅིག་ཏིང་འཛིན་བྱ་བ་ནི། །འོག་གི་འགྲམ་བཏིང་དགེ་བ་བཅུ། །བང་རིམ་དང་པོ་དྲན་པ་ཉེར་གཞག་བཞི། །གཉིས་པ་ཡང་དག་སྤོང་པ་བཞི། །གསུམ་པ་རྫུ་འཕྲུལ་རྐང་པ་བཞི། །བཞི་པ་སྣང་བའི་དབང་པོ་བཞི། །བུམ་རྟེན་སྣང་བའི་དབང་པོ་ལྔ། །བུམ་པ་བྱང་ཆུབ་ཡན་ལག་བདུན། །སྲོག་ཤིང་མཁྱེན་པ་བཅུ་ཡིན་ཏེ། །འཁོར་ལོ་བཅུ་གསུམ་སྟོབས་བཅུ་ཉེར་གཞག་གསུམ། །ཆར་ཁེབས་སྐྱབས་ཆེན་ཐུགས་རྗེའི་བདག་ཉིད་དེ། །བྱ་རུ་ཐབས་དང་ཤེས་རབ་ལ། །ཏོག་ནི་མི་དམིགས་ཆོས་ཀྱི་སྐུ། །དྲིལ་བུ་ཆོས་ཉིད་སྟོང་པའི་སྒྲ། །དར་འཕྱངས་འཁོར་བའི་ཐབས་ལས་འདས། །རྒྱུ་འབྲས་ཆོས་ལས་གྲུབ་པའི་སྐུ་མཆོག་ལ། །སྐུ་ཕྱི་སྐུ་ཁྲུས་གསོལ་ཏེ་གཞལ་ཡས་བསམ། །དེ་ཉིད་མ་ནོར་བསམ་པའི་གཞལ་ཡས་སུ། །སྐུ་གསུམ་ངོ་བོ་གང་ཡང་རུང་བ་འམ། །འདི་ནི་སྤྲུལ་པའི་སྐུ་ཉིད་དེ། །སྤྱན་དྲང་བསྡིམ་མཆོད་དོན་གསོལ་གདབ། །ཕྱི་མཐའ་མུ་ཡི་བར་དུ་འམ། །འཁོར་བ་མཐའ་བརླགས་བར་དུ་ནི། །སྐུ་གདུང་མཆོད་པའི་རྟེན་དུ་བཞུགས། །གླེགས་བམ་དེ་ཉིད་བསྟན་པ་ནི། །གླེགས་བམ་ཐབས་དང་ཤེས་རབ་ལ། །ཤོག་བུ་ཐེག་པའི་ས་གཞི་སྟེ། །ཞི་གནས་ལྷག་མཐོང་ཞིང་ནི་རྒྱགས། །དབྱིངས་དང་ཡེ་ཤེས་ཁ་རྒྱགས་གཉིས། །ཐིག་ནི་མ་ནོར་བདེན་པའི་ལམ། །དམིགས་སྐོར་ཆོས་དབྱིངས་སྤྲོས་དང་བྲལ། །སྙུག་གུ་རིག་པའི་ཡེ་ཤེས་ཏེ། །བྱང་ཆུབ་སེམས་རྟགས་སྣག་ཚ་ཡིས། །ཡི་གེ་གསུང་གི་ཕྱག་རྒྱ་བྲི། །བྱེད་པ་པོ་ནི་དམ་ཚིག་ཅན། །ལེགས་ཤིང་ཚད་དང་ལྡན་བྱས་ནས། །སྔགས་མཁན་དམ་ཚིག་བློ་ཅན་གྱིས། །དུས་གསུམ་བཞུགས་པའི་སངས་རྒྱས་དེ། །གསུང་གི་དེ་ཉིད་བྱིན་བསྡུས་ནས། །གླེགས་བམ་ཉིད་ལ་བསྡིམ་པར་བྱ། །དེ་ཉིད་འཇིག་རྟེན་མ་སྟོངས་པར། །གནས་པར་བྱས་ཏེ་ཞལ་བསྲོས་ལ། །དེ་ཡི་དོན་བསྒྲགས་ཆོས་ཀྱི་ཆར་ཕབ་པས། །འགྲོ་བའི་ཤེས་བཀྲོལ་བདེ་གཤེགས་ ― DNG022_Page_0156 ―
[མ་དཔེ་གཟིགས་ན་འདིར་གནོན།]
གསུང་བརྙེས་ཏེ། །གླེགས་བམ་དེ་ཉིད་དུས་གསུམ་མཆོད་པའི་རྟེན་དུ་བཞུགས། །བགྲང་འཕྲེང་དེ་ཉིད་བསྟན་པ་ནི། །རག་ཤ་འམ་ནི་རང་སུ་ཡིས། །ཡང་ན་གདུག་པའི་ཚེར་མའི་ཤིང་། །ཕྲེང་བ་ཆེན་པོ་བརྒྱད་ཉིད་ནི། །བ་སུ་ཏ་འམ་རྒྱུས་ཆེན་ལ། །དགུ་སྒྲིལ་དག་ཏུ་བྱས་ནས་ནི། །བརྒྱུས་པའི་མདོ་ལ་བསྙེན་ཕུར་གདགས། །མཐེ་བོང་མཐེ་ཆུང་གཉིས་ཀྱིས་བགྲང་། །བདག་ཉིད་མི་ཕྱེད་དཔལ་ཡིན་ཏེ། །ཕུར་པ་སྲས་མཆོག་ཀཱི་ལ་ཡ། །ཕྲེང་བ་ཡི་གེ་བཅུ་དགུ་སྟེ། །ཕྲེང་ཐག་དབུགས་ཀྱི་རྟ་ཉིད་དོ། །ཕར་འགྲོ་བ་དང་ཚུར་འདུས་པ། །མགལ་མེ་ཀླད་ལ་བསྐོར་བ་འམ། །ལྕགས་ཀྱི་ཚ་ཚ་བརྡབས་པ་འམ། །གསེར་གྱི་བ་ཐག་གཟིངས་པ་བཞིན། །ཕར་འགྲོ་ཚུར་འདུ་རྒྱུན་མི་གཅད། །བགྲང་ཕྲེང་དེ་ཉིད་དོན་ལ་གནས་པར་བྱ། །རྡོ་རྗེའི་དེ་ཉིད་བསྟན་པ་ནི། །གནམ་ལྕགས་ཐོག་གི་ལྕགས་དག་གམ། །ཕལ་པའི་ལྕགས་ནི་གང་རུང་ངམ་ཡང་ན། །ཤིར་ཤིང་ལ་སོགས་གདུག་པའི་ཤིང་ཉིད་ལ། །རྡོ་རྗེ་རྩེ་མོ་ལྔ་པ་ནི། །ལྟེ་བ་པདྨ་གཉིས་བསྐོར་བྱ། །དེ་ལ་ངེས་པའི་བློ་ཅན་གྱིས། །ཐབས་ཀྱི་ཕྱག་རྒྱར་གསལ་བར་བསམ། །ལྟེ་བར་དཔལ་ཆེན་འབར་བ་ཉིད། །ཡར་གྱི་རྩེ་ལ་སྲས་མཆོག་ལྔ། །མར་གྱི་རྩེ་ལྔ་གསང་བའི་མཚན་ཉིད་དོ། །ཡར་འབུར་མར་འབུར་སྟེང་འོག་ཁྲོ་བོ་སྟེ། །པདྨ་བརྒྱད་ལ་ཕྱོགས་མཚམས་ཁྲོ་བོའོ། །ཧཱུྃ། ཡེ་ཤེས་འབར་བའི་རྡོ་རྗེ་འདི། །ཁྲོ་རྒྱལ་འབར་བའི་ཐབས་ཀྱི་སྐུ། །བདེ་ཆེན་ཡབ་ཡུམ་སྐུ་བཞུགས་པ། །དགྱེས་པ་མཆོག་གི་ཕྲིན་ལས་མཛད་དུ་གསོལ། །རྡོ་རྗེའི་དེ་ཉིད་རབ་ཏུ་གནས་པར་བརྟག །དྲིལ་བུའི་དེ་ཉིད་བསྟན་པ་ནི། །འཁར་བ་དང་ནི་ལྗོན་དམར་ལ། །དྲིལ་བུ་ཚད་དང་ལྡན་པར་བྱ། །རྣལ་འབྱོར་ངེས་པའི་བློ་ཅན་གྱིས། །དེ་ཉིད་ཤེས་རབ་རིག་པའི་གཞལ་ཡས་ཁང་། །རྣལ་འབྱོར་ཁྲོ་མོའི་དཀྱིལ་འཁོར་དགོད། །ལྟེ་བ་ཟླུམ་པོ་འཁོར་ལོ་རྒྱས་འདེབས་མ། །རྭ་ལྔ་རྒྱས་འདེབས་ཡུམ་ལྔ་སྟེ། །ལུང་ནི་བྷ་གའི་མཚན་ཉིད་ཡིན། ། ― DNG022_Page_0157 ―
[མ་དཔེ་གཟིགས་ན་འདིར་གནོན།]
སྤྱི་ཡི་རྩེ་དང་ལྕེ་ལ་ནི། །སྟེང་འོག་ཁྲོ་མོ་རྣམ་པར་བསམ། །པདྨ་འདབ་མ་བརྒྱད་པོ་ལ། །ཕྱོགས་མཚམས་ཁྲོ་མོ་རྣམ་པར་བསམས། །རང་བཞིན་ཤེས་རབ་ཁྲོ་ཚོགས་རྣམས། །རྡོ་རྗེ་དབྱུག་སྦྱུགས་པས་སྤྱན་དྲངས་ནས། །ཤེས་རབ་མ་ལ་བསྡིམ་མཆོད་བསྒྲུབ། །དེ་ཡི་སྒྲ་བསྒྲགས་དུས་གསུམ་རྒྱལ་བ་མཉེས། །འཁོར་བའི་སྒྲིབ་པ་དག་པར་འགྱུར། །ཧཱུཾ། ཤེས་རབ་ཆེན་པོའི་རང་བཞིན་དེ། །ཆོས་ཉིད་སྟོང་པ་ཆེན་པོའི་སྒྲས། །འཁོར་བའི་བག་ཆགས་ཟིལ་གྱིས་གནོན། །དུས་གསུམ་རྒྱལ་བ་ཀུན་ཀྱང་མཉེས། །དྲིལ་བུའི་དེ་ཉིད་མཆོག་ཏུ་བཤད། །མཆོད་རྫས་དེ་ཉིད་བསྟན་པ་ན། །ཕྱི་ནང་གསང་བའི་མཆོད་རྫས་གང་ལ་ཡང་། །དབུལ་གནས་འབུལ་བྱེད་དབུལ་བའི་རྫས། །ཕུལ་བས་སྒྲིབ་པ་གང་དག་འབྲས་བུ་གང་ཐོབ་དང་། །སྔགས་དང་ཕྱག་རྒྱ་ཏིང་འཛིན་དང་། །འདི་བརྒྱད་ལྡན་པ་མཆོད་པའི་དེ་ཉིད་དོན། །མཆོད་པ་དེ་ཉིད་དོན་ལ་བརྩོན་པས་འབད་པར་བྱའོ། །རོལ་མོའི་དེ་ཉིད་བསྟན་པ་ནི། །རྩེ་འཇོ་བྱེད་སྤྱོད་ལ་སོགས་དང་། །བླ་རེ་རྒྱལ་མཚན་འཕན་གདུགས་དང་། །བ་དན་དར་གྱི་ལྡ་ལྡི་དང་། །བྲོ་གར་གླུ་ཚོགས་ལ་སོགས་དང་། །འབུད་དང་བརྡུང་དང་གསིལ་དཀྲོལ་བརྡབ་པ་དང་། །སྡུག་མཛེས་མི་སྡུག་འཇིགས་པའི་བྱེ་བྲག་རྣམས། །ཐ་དད་སྣ་ཚོགས་དབུལ་བ་ཡང་། །ནམ་མཁའ་སྐྱེ་བ་མེད་པ་ལས། །མཚན་མའི་ཆོ་འཕྲུལ་འབྱུང་བ་ཡང་། །ཕུལ་བས་ཆོས་ཉིད་ངང་ལ་བཞེས། །རོལ་མོ་གཡེང་བའི་རྒྱུ་ཡིན་ཏེ། །མི་གཡེང་ཆོས་ཉིད་གླུར་གྱུར་ཡང་། །རོལ་མོའི་དེ་ཉིད་དོན་དམ་རྟོགས་པའོ། །དེ་ཉིད་བཅུ་ཡི་དོན་དམ་གང་རྟོགས་པ། །རྣལ་འབྱོར་དེ་ནི་ཤེས་རབ་ཅན། །མི་ཞེས་བྱ་བ་བདེར་གཤེགས་ཡིན། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། དེ་ཁོ་ན་ཉིད་བཅུའི་རིམ་པ་བསྟན་པའི་ལེའུ་སྟེ་བཞི་བཅུ་ཐམ་པའོ།། །།དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ། ། ― DNG022_Page_0158 ―
[མ་དཔེ་གཟིགས་ན་འདིར་གནོན།]
དམ་ཆོས་གཞུང་སྤྱོད་རྣལ་འབྱོར་ལ། །བར་ཆད་སྐུ་དགྲ་བྱུང་གྱུར་ན། །གཞན་ཉིད་སྐྲག་པར་བྱ་བའི་ཕྱིར། །ཐོག་དང་སེར་བ་དབབ་པ་དང་། །མི་ནད་ཕྱུགས་ནད་རྒྱུན་མི་འཆད་པར་བཏང་བ་དང་། །སྨྱོ་བ་དང་ནི་འབོག་པ་དང་། །མྱོས་པ་དང་ནི་རྒྱུག་པ་དང་། །འཐབ་ཏུ་གཞུག་དང་བསྐྲད་འགྱུར་ན། །ཐབས་དང་རིམ་པ་ཇི་ལྟར་ལགས། །དཔའ་བོ་ཁྱོད་ཀྱིས་བཤད་དུ་གསོལ། །ཞེས་གསོལ་པས། གསོལ་པ་ཐུགས་སུ་ཆུད་ནས། གཞན་སྐྲག་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་བཀའ་སྩལ་ཏོ། །དེ་ལ་ཐོག་དབབ་པར་འདོད་པས། ལྕགས་སྣ་ལྔ་ལ་དྲག་པོའི་ཕུར་པ་བྱས་ཏེ། ཀླུ་ནག་པོའི་གནས་སུ་དཀྱིལ་འཁོར་ནག་པོ་གྲུ་གསུམ་བྱས་ལ། འབྲས་ཀྱི་ཟན་ལ་ཀླུ་ནག་པོའི་གཟུགས་བྱས་ལ། ཀླུ་ཡི་རྒྱལ་པོ་དགུག་གཞུག་བསྡིམས་ནས། ཕུར་པ་རྡོ་རྗེ་འདུས་པའི་བསྙེན་པ་འབུམ་བྱས་ཏེ། ཀླུའི་རྒྱལ་པོ་དེ་ལ་བཏབ་ནས་ཀླུ་གནད་ལ་བོར་ནས་ཐོག་དུས་སུ་ཕེབས་པར་འགྱུར་རོ། །སེར་བ་དབབ་པར་འདོད་པས། ཤིར་ཤིང་ནག་པོ་ལ་ཕུར་པ་བྱས་ཏེ། འབྲས་སེར་པོའི་ཟན་ལ་ཁྱབ་འཇུག་གཟའི་རྒྱལ་པོའི་གཟུགས་བྱས་ལ། བདག་ཉིད་ལྷ་ཡི་རྣལ་འབྱོར་གྱི་གདེང་དང་ལྡན་པར་བྱས་ལ། ལྕེ་པོག་ནག་པོའི་དུད་པས་བདུག་ཅིང་། ཁྱབ་འཇུག་རྒྱུ་བའི་དུས་སུ། ཁྱབ་འཇུག་ཉིད་གཟུགས་ལ་ཕབ་སྟེ། ཕུར་པས་བཏབ་ནས་གནད་ལ་ཕབ་ན། སེར་བ་དུས་བཞིན་དུ་ཕེབས་པར་འགྱུར་རོ། །མི་ནད་གཏོང་བར་འདོད་པས། མི་གང་རིམས་ཀྱིས་ཤི་བའི་མཆོག་ཕུར་གཡས་ཐོགས་ལ། དབང་གི་དཀྱིལ་འཁོར་ཟླ་གམ་དམར་པོར་བྱས་ཏེ། རིམས་ཀྱིས་ཤི་བའི་རོ་རས་ལ་བྲམ་ཟེ་ནག་མོའི་མངལ་ཁྲག་གིས་མིང་རུས་བྲིས་ཏེ། ཟི་ར་ནག་པོའི་དུད་པས་བདུག་སྟེ། དགྲ་བགེགས་བཀུག་ལ་བསྡིམས་ནས། པདྨ་འདུས་པའི་བསྙེན་པ་འབུམ་བྱས་ཏེ། ཕུར་པས་བཏབ་ནས་དགྲ་བོའི་མལ་སར་སྦས་ན་མི་ནད་འབར་བར་འགྱུར་རོ། །ཕྱུགས་ནད་གཏོང་བར་འདོད་པས། སེང་ལྡེང་གི་ཕུར་པ་ཐོགས་ཏེ་ ― DNG022_Page_0159 ―
[མ་དཔེ་གཟིགས་ན་འདིར་གནོན།]
ཕྱུགས་ནད་ཀྱིས་ཤི་བའི་སྙིང་ཁྲག་གིས་མ་ཧེའམ། རྟ་མཆོག་གི་པགས་པ་ལ། ཕྱུགས་ནོར་ཀྱི་མིང་བྲིས་ནས་ཕུར་པ་བཏབ་སྟེ། ཕྱུགས་ལྷས་སམ་དྲེས་སུ་བཏབ་ན། ཕྱུགས་ནད་འབར་བར་འགྱུར་རོ། །སྨྱོ་བར་འདོད་པས་བྲམ་ཟེའི་མཆོག་ཕུར་གཡས་པ་ཐོགས་ལ། ནགས་ཚལ་ཆེན་པོའི་གནས་སུ་དཀྱིལ་འཁོར་ཆེན་པོ་སེར་པོ་གྲུ་བཞི་པ་གཅིག་ཏུ་བྱས་ཏེ། རྩྭ་ཀུན་མའི་ལོ་མ་ལ་གཟུགས་བྱས་ལ། དྷ་དུ་ར་ཡི་དུ་བས་བདུག་སྟེ། གཟུགས་ལ་ཕབ་ནས་ཕུར་པས་ལྕེ་ལ་བཏབ་སྟེ། ཡི་དྭགས་གནས་པའི་སར་མནན་ན། མི་དེ་སྨྱོ་བར་འགྱུར་རོ། །མྱོས་འབོག་པར་འདོད་ན། གསེར་ཤིང་ངམ་སྐྱེར་པའི་ཕུར་པ་ཐོགས་ཏེ། རས་སམ་གྲོ་ག་ལ་ཨ་གར་གྱི་ཁུ་བས་མིང་རུས་བྲིས་ལ། གོང་མ་བཞིན་ལས་བྱས་པས་འབྱུང་པོ་གནས་པའི་སར་སྦས་ན་མི་དེ་འབོག་པར་འགྱུར་རོ། །མྱོས་པར་བྱ་བ་འདོད་པས་རྒྱལ་རིགས་ཀྱི་མཆོག་ཕུར་གཡས་པ་ཐོགས་ཏེ། རི་བོ་འདུས་པའི་རྩེར་དཀྱིལ་འཁོར་དཀར་པོ་ཟླུམ་པོ་བྱས་ཏེ། དུག་ཤིང་གི་ལོ་མ་ལ་གཟུགས་བྱས་ཏེ། ཙནྡན་དཀར་པོའི་ཐང་ཆུས་མིང་བྲིས་ཏེ། མི་ཚིལ་གྱི་དུ་བས་བདུག་སྟེ། བུཌྜྷ་འདུས་པའི་བསྙེན་པ་འབུམ་བྱས་ནས། གཟུགས་ལ་ཕབ་ན། སྤྱི་གཙུག་ཏུ་ཕུར་པས་བཏབ་ནས། མ་མོའི་གནས་སུ་སྦས་ན། མི་དེ་ཤིན་ཏུ་ཡང་མྱོས་པར་འགྱུར་རོ། །ལྐུགས་པར་འདོད་པས། ཤུག་པའམ་འཇག་གི་ཕུར་པ་ཐོགས་ཏེ། གྲོ་གའམ་ཤིང་ཤུན་ལ་སྔགས་ལྐུགས་ནས་ཤི་བའི་ཀླད་ཁྲག་གིས་མིང་བྲིས་ཏེ། གོང་བཞིན་དུ་ཕུར་པས་ལྕེ་ལ་བཏབ་ནས། ས་བདག་གནས་པའི་སར་སྦས་ན། མི་དེ་ཤིན་ཏུ་ཡང་ལྐུགས་པར་འགྱུར་རོ། །གང་ཞིག་འཐབ་པར་འདོད་པས་ནི། དམངས་རིགས་ཀྱི་ཕུར་པ་གཡོན་པ་ཐོགས་ལ། ཤིང་རྐང་གཅིག་གི་གནས་སུ། དཀྱིལ་འཁོར་ནག་པོ་གྲུ་གསུམ་བྱས་ཏེ། ― DNG022_Page_0160 ―
[མ་དཔེ་གཟིགས་ན་འདིར་གནོན།]
འུག་པའི་པགས་པ་ལ། བྱ་རོག་གི་ཁྲག་གིས་ཁོ་དང་མཛའ་བའི་མིང་བྲིས་ཏེ། སྦྲུལ་དང་སྨིག་པ་ལྟོ་སྦྱར་བའི་བར་དུ་བཅུག་ལ། ཚོན་སྐུད་ཀྱིས་བཅིངས་ནས། རྡོ་སོལ་ནག་པོའི་མེས་བསྲོས་ཏེ། ལས་རབ་འདུས་པའི་བསྙེན་པ་འབུམ་བྱས་ལ། མིང་བྱང་གཉིས་ཀྱི་བར་དུ་ཕུར་པས་བཏབ་ལ། དུར་ཁྲོད་ཀྱི་ཤིང་རིངས་ལ་བཏགས་ལ། རླུང་ཆེན་པོ་ལ་ཕྱར་ན། མཛའ་བོ་དང་འཐབ་པར་འགྱུར་རོ། །བསྐྲད་པར་འདོད་པས། རྨ་ཤིང་གི་ཕུར་པ་ཐོགས་ཏེ། རླུང་གི་རྔ་མོའི་པགས་པ་ལ་རཀྟས་མིང་དང་། རུས་ཡུལ་ཁྱིམ་གྱི་མིང་བྲིས་ལ། གོང་བཞིན་དུ་ལས་བྱས་ཏེ། ཁྱིམ་གྱི་རྩིགས་རྨང་དུ་སྦས་ན། མི་དེ་ཡུལ་དབྱུང་བར་འགྱུར་རོ། །གཞན་སྐྲག་པ་ལས་ཀྱི་རིམ་པ་འདི་ནི། ལས་དང་པོ་པ་རྣམས་ཀྱི་སྤྱོད་ཡུལ་མ་ཡིན་ནོ། །ཏིང་ངེ་འཛིན་ལས་སུ་རུང་ཞིང་རྟགས་མཐོང་དྲོད་ཚད་ཟིན་པ་རྣམས་ཀྱིས་ནི། གདོན་མི་ཟ་བར་འགྱུར་རོ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། གཞན་སྐྲག་པར་བྱེད་པའི་རིམ་པ་བསྟན་པའི་ལེའུ་སྟེ་བཞི་བཅུ་རྩ་གཅིག་པའོ།། །།དེ་ནས་ཡང་རྡོ་རྗེ་འདུས་པ་ཡིས། འདི་སྐད་ཅེས་གསོལ་ཏོ། །ཀྱེ་མ་ཧོ་རྡོ་རྗེ་ཁྲོས་པའི་རྒྱལ། །རྡོ་རྗེ་ཕུར་པའི་དོན་བསྒྲུབ་པའི་ཚེ། །བདུག་དང་ཐུགས་སྐུལ་ཆགས་པ་རབ་བསྐྱེད་ཕྱིར། །ཉུང་དཀར་རྒྱལ་དང་གུ་གུལ་སྦྱར་དང་རཀྟ་བསྒྲུབ། །རྫས་སུ་འཚལ་བའི་མཚན་ཉིད་དེ། །དེ་ཡི་ཐབས་ནི་ཇི་ལྟར་ལགས། །ཞེས་གསོལ་པས། གསོལ་པའི་དོན་ཐུགས་སུ་ཆུད་ནས། འདི་སྐད་ཅེས་གསུངས་སོ། །ཉུང་དཀར་རྒྱལ་པོ་སྒྲུབ་འདོད་པས། །ཡིད་འོང་གནས་སུ་འདུག་ནས་ནི། །ཡལ་ག་མེད་པའི་བྷནྡྷ་བཤམས། །མཎྜལ་གྲུ་གསུམ་སྐྱང་ནུལ་བྱའོ། །གུ་གུལ་ཆུ་ཡི་ཁྱད་པར་སྦྱར། །ཡབ་ཡུམ་དྲི་ཆེན་དུར་ཁྲོད་ས། །ཁྲག་ཆེན་བཅས་པ་ས་བོན་བསྲེས། ། ― DNG022_Page_0161 ―
[མ་དཔེ་གཟིགས་ན་འདིར་གནོན།]
ཐབས་དང་ཤེས་རབ་ཆུས་བྲན་ཏེ། །མཐིང་ནག་དར་གྱིས་ཁ་བཀབ་ནས། །མཎྜལ་དབུས་སུ་དེ་བཞག་ནས། །མཆོད་པའི་བྱེ་བྲག་ཅི་འབྱོར་འབད། །བྷནྡྷ་ཁང་པ་ས་བོན་ལྷ། །བསྐྱེད་དང་སྤྱན་དྲང་རིམ་པར་མཆོད། །མཐེབ་མཛུབ་ཉི་ཟླའི་དཀྱིལ་འཁོར་འབར། །ཁྲོ་བོ་སྔོ་ནག་མཚོན་ཆ་འཛིན། །ཐུགས་ལས་འཐོན་ཞིང་བསྐུར་བརླབས་ནས། །གསང་སྔགས་འདི་ཉིད་འབུམ་དུ་བཟླས། །ཨཱོཾ་བཛྲ་ཀཱི་ལི་ཀཱི་ལ་ཡ་བཻ་ཏཱ་ལི་ཀྲོ་ཏཱི་མཎྜལ་རཀྴ་རཀྴ་ཧཱུྃ་ཕཊ། ཅེས་བཟླས་ཏེ། བྱུག་བདུག་དུས་དྲུག་ཚང་བར་བྱ། །བར་ཆད་བགེགས་རྣམས་དྲག་ཏུ་བསྐྲད། །ས་བོན་ཁ་འབུས་མྱུ་གུ་འཁྲུངས་པ་དང་། །སྒྲུབ་པོའི་གཡས་སུ་ཉེ་བ་ཡི། །གནས་སུ་གྲུ་གསུམ་ཐུར་དུ་བརྐོ། །ས་ཡི་རོ་ལྔ་བསལ་བ་ཡི། །དབྱར་ཟླ་ར་བའི་ཉ་ལ་ནི། །བཟང་པོའི་མཚམས་སུ་བྷན་དྷ་སྦའོ། །ཟླ་བ་ངོ་དྲུག་བར་དུ་ནི། །གསལ་གདབ་བཟླས་བརྗོད་བར་མི་གཅད། །སྟོན་ཟླ་ཐ་ཆུང་ཉ་ལ་བརྔའོ། །རུལ་དང་བམ་སུམས་མ་ཤོར་བར། །ཉི་གྲིབ་མཚམས་སུ་ལེགས་བསྐམས་ན། །གྲུབ་པའི་འབྲས་བུ་སྲན་མ་མ་ཤ་ཙམ། །དགུན་ཟླ་ར་བའི་ཉ་ལ་ཞལ་བསྲོ་དངོས་གྲུབ་བླང་། །དེ་ཡིས་བདེར་གཤེགས་ཐུགས་བསྐུལ་ཞིང་། །སྡང་དགྲ་གདོན་བགེགས་རྡུལ་དུ་རློགས། །རྣལ་འབྱོར་ལུས་སམ་མགུལ་དུ་གདགས། །རྟག་ཏུ་ལུས་ལ་བཅངས་པ་ལས། །གཡེལ་བར་བྱས་ན་མི་རུང་ངོ་། །གུ་གུལ་སྦྱར་བར་འདོད་པ་ཡིས། །དུར་ཁྲོད་ཆེན་པོ་རབ་དབེན་པར། །དཔྱིད་ཟླ་ར་བའི་ཉ་ལ་འཇུག །མཎྜལ་གྲུ་བཞི་གཅིག་བྱས་ལ། །བ་གླང་ལྕགས་ཀྱི་བྷན་དྷ་བཤམས། །རྭ་མིག་ཉ་མགོ་སྐྲ་སྤུའི་གཞོབ། །ཁྱི་སྤྱང་ཕག་གི་དྲི་ཆེན་དཀར། །སྐྱེ་སྣེའུ་ཡི་འབྲས་བུར་དུག་ཀྱི་ལྕེ་བ། །ཟི་ར་དྷ་དུ་ར་ལྕེ་པོག་མུ་ཟི་ཁྲག་ཆེན་དང་། །འཁྲིལ་ ― DNG022_Page_0162 ―
[མ་དཔེ་གཟིགས་ན་འདིར་གནོན།]
ཤིང་དྲི་སྤོད་བུཥྤ་མེ་ཏོག་ཐང་ཆུ་དང་། །འུག་མིག་ཁྲག་ཀླད་སྦྲང་རྩི་སྐེ་ཙེ་གཅན་གཟན་སྡེར་མོ་རྣམས། །ངེས་པར་བསགས་ཏེ་ཆ་སྙོམས་ལ། །ར་ཕོད་ལུག་ཕོད་བོང་རེང་བྱང་ཆུབ་སེམས་ཀྱིས་བྲན། །ཚོན་གྱི་སྐུད་པས་དམ་བཅིངས་ལ། །ཁ་རལ་མ་ཡི་ཞབས་མས་གྲིལ། །ཙནྡན་མེ་ལ་དྲོས་ཚད་བསྲོ། །མཎྜལ་དབུས་སུ་དེ་བཞག་ལ། །བ་སུ་ཏ་ཡི་གཟུངས་ཐག་གདགས། །བདག་གཙོ་ལྷ་མོ་བེ་ཏ་ལི། །བསམ་གཏན་གསལ་བར་རབ་ཞུགས་ཏེ། །པེ་ཏ་དྲག་མོ་འཁོར་ལོ་ཅན། །ཉི་མ་ཧཱུྃ་དང་ལྡན་པ་ལ། །སྤྱན་དྲང་བསྡིམ་མཆོད་རིམ་པར་བྱ། །དེ་ནས་བསྙེན་པ་འདི་བཟླས་ཏེ། །མ་གྲུབ་བར་དུ་རྒྱུན་མི་གཅད། །ཨཱོཾ་བཛྲ་ཀཱི་ལི་ཀཱི་ལ་ཡ་དྷུ་པེ་བེ་ཏཱ་ལི་མ་གུ་ལ་རྟ་ལ་རྟ་ལ་པྲ་རྟ་ལ་ཧཱུྃ་ཕཊ། དལ་མེད་རྒྱུན་དུ་བཟླས་པར་བྱ། །ཏིང་འཛིན་འདྲིས་ཤིང་འཕྲོ་འདུ་གསལ་བ་དང་། །འོད་དང་དྲི་དང་དུ་བ་འབྱུང་། །ཡང་ན་གྲོད་དྲོད་ཆ་བཟུང་སྟེ། །རྟགས་བྱུང་ནས་ནི་ངེས་བསམ་སྟེ། །ལྷ་ལ་མཆོད་དེ་ཐིག་ལེ་བྱ། །དེས་ནི་གཟི་བྱིན་ཐོབ་པར་བྱེད། །ལུས་ལ་བཅངས་ན་གདོན་བགེགས་འཇོམས། །དུད་བཏང་དགྲ་ལ་བདུག་གྱུར་ན། །ལྷ་དང་རྒྱབ་བརྟེན་འབྲལ་བར་འགྱུར། །རྟགས་རྣམས་མངོན་དུ་བྱུང་ནས་ནི། །རུལ་དང་སུམས་དང་མ་བམ་པར། །རི་ལུ་བྱས་ཏེ་རྣལ་འབྱོར་བཅང་། །གུ་གུལ་སྦྱར་བའི་རྫས་སུ་གསུངས། །རཀྟ་སྒྲུབ་པར་འདོད་པ་ཡིས། །ཆུ་གླིང་གནས་སུ་འདུག་ ནས་ནི། །མཎྜལ་དམར་པོ་ཟླ་གམ་བྱ། །དགུན་ཟླ་ར་བའི་ཉ་ལ་འཇུག །པདྨ་ཅན་གྱི་བྷན་དྷ་རུ། །གཞིའི་རཀྟ་དང་། རིགས་ཀྱི་རཀྟ་དང་། སྒྲོལ་བའི་རཀྟ་དང་། མེ་ཏོག་གི་རཀྟ་ལྔ་དང་། རྩིའི་རཀྟ་ལྔ་དང་། འབྲས་བུའི་རཀྟ་ལྔ་དང་། ཤིང་གི་རཀྟ་ལྔ་དང་། ཆུ་ཡི་རཀྟ་ལྔ་དང་། རཀྟ་ ― DNG022_Page_0163 ―
[མ་དཔེ་གཟིགས་ན་འདིར་གནོན།]
སུམ་ཅུ་སོ་གསུམ་བསོག །དེ་ལ་སྦྱོར་བའི་རཀྟས་བྲན། །ལེ་བརྒན་དར་གྱིས་ཁ་བཀབ་ནས། །སེང་ལྡེང་མེ་ལ་དྲོས་བསྲོས་ནས། །མཎྜལ་དབུས་སུ་དེ་བཞག་སྟེ། །བདག་གསལ་ཆགས་པའི་དབང་ཅན་བསམ། །དགུག་བསྡིམ་མཉེས་ནས་བསྙེན་པ་བྱ། །ཨཱོཾ་བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་རཱ་ག་ས་མ་ཡ་པཱུ་ཛ་ཧཱུྃ་ཕཊ། ཅེས་ནི་འབུམ་མམ་བྱེ་བ་བཟླས། །མངོན་དུ་ཁོལ་ལམ་རླངས་པ་ཕྱུར། །ཡང་ན་ལུད་དམ་འཕགས་པ་ནས། །ལྷ་ལ་མཆོད་དེ་བདག་ཉིད་བཏུང་། །ཆགས་པ་སྐྱེས་ཀྱིན་མདངས་ཀྱང་དམར། །ཁམས་གསུམ་མོ་ཡིས་པདྨའི་མདངས། །ཆགས་སྐྱེས་ནས་ནི་འབུལ་དུ་འོང་། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བྱུག་བརྡེག་བདུག་པའི་རྫས་བསྒྲུབ་པའི་ལེའུ་སྟེ་བཞི་བཅུ་གཉིས་པའོ།། །།དེ་ནས་ཡང་རྡོ་རྗེ་འདུས་པས། འདི་སྐད་ཅེས་གསོལ་ཏོ། །ཀྱེ་མ་ཧོ། བདེ་གཤེགས་བཅོམ་ལྡན་འདས། རྡོ་རྗེ་ཕུར་པ་གསང་བའི་རྒྱུད་འདི་ཉིད་ལ་བདག་ཅག་ལ་སོགས་པ་ཇི་ལྟར་གནས་པར་བགྱི། དེ་ལ་རྣལ་འབྱོར་དུ་བགྱི་བའི་གང་ཟག་དམ་པ་དེ་ལ་ཇི་ལྟར་བལྟ་བར་བགྱི། མ་དད་ཅིང་སྐུར་པའི་ཉེས་པ་ནི་གང་། སྔར་འདས་པའི་སངས་རྒྱས་ནི་གང་། གང་གི་རིང་ལ་བཤད། དེ་ལྟར་གྱི་བསྟན་པ་འདི་ཉིད་ལ། སྲིད་པ་གསུམ་ལ་དད་པ་ཅན་གང་གི་རིང་ལ་དར་བར་འགྱུར། ཕྱིའི་དུས་ན་སངས་རྒྱས་གང་གི་རིང་ལ་སྟོན་པར་འགྱུར། བདེ་བར་གཤེགས་པས་ལུང་བསྟན་ཅིང་བཤད་དུ་གསོལ། བཀའ་སྩལ་པ་ནི། རྡོ་རྗེ་འདུས་པའི་རྒྱལ་པོ། རྡོ་རྗེ་ཕུར་པ་གསང་བའི་རྒྱུད་ཆེན་པོ་འདི་རྒྱུད་ཐམས་ཅད་ཀྱི་རྒྱལ་པོའོ། །ལུང་ཐམས་ཅད་ཀྱི་སྤྱི་བོ། མན་ངག་ཐམས་ཅད་ཀྱི་འབྱུང་ཁུངས་སོ། ། ― DNG022_Page_0164 ―
[མ་དཔེ་གཟིགས་ན་འདིར་གནོན།]
ལྟ་བ་ཀུན་གྱི་ཡང་རྩེའོ། །སྤྱོད་པ་ཐམས་ཅད་ཀྱི་ལམ་མོ། །དམ་ཚིག་ཅན་གྱི་སྲུང་གནས་སོ། །ཕྲིན་ལས་ཐམས་ཅད་ཀྱི་རིམ་པའོ། །དཀྱིལ་འཁོར་ཐམས་ཅད་ཀྱི་ངོ་བོ་ཡིན་ཏེ། འོན་ཏང་ན་རྡོ་རྗེ་འདུས་པ་ཆེན་པོ། དཔེར་ན་ཡིད་བཞིན་གྱི་ནོར་བུ་དང་མཚུངས་སོ། །འོན་ཏང་ན་གསང་བའི་ཡི་གེ་འདི། གང་ན་གནས་པའི་ཕྱོགས་དེ་ན་ནི། རྡོ་རྗེ་ཁྲོས་པའི་རྒྱལ་པོ་ང་ཉིད་གནས་པར་ཤེས་པར་བྱའོ། །གནས་འཁོར་དེ་ཉིད་ན་འཇིག་རྟེན་པའི་དགོས་པ་ཕུན་སུམ་ཚོགས་པར་འབྱུང་བ་ཤེས་པར་བྱའོ། །དེ་བཞིན་གཤེགས་པའི་སྐུ་གསུང་ཐུགས་ཡོན་ཏན་ཕྲིན་ལས་ཡིན་པར་ཤེས་པར་བྱའོ། །འོན་ཏང་ན་གསང་བའི་རྒྱུད་ཆེན་པོ་འདི། རྒྱལ་མཚན་གྱི་རྩེ་མོ་ལ་བཏགས་ལ། རིམ་གྲོ་དང་བཀུར་སྡི་དང་། མཆོད་པ་ཕུ་དུད་དུ་བྱས་ཏེ། རྗེས་སུ་འཇུག་པའི་རྣལ་འབྱོར་པ་རྣམས་ཀྱིས། བྲི་བར་བྱའོ། །བཀླག་པར་བྱའོ། །མཉན་པར་བྱའོ། །བཅང་བར་བྱའོ། །མཆོད་པར་བྱའོ། །སེམས་པར་བྱའོ། །བསྒོམ་པར་བྱ། བསྒྲུབ་པར་བྱ། བཤད་པར་བྱ། ཀུན་ཆུབ་པར་བྱ། རྡོ་རྗེ་འདུས་པ་ཡང་རྡོ་རྗེ་ཕུར་པ་གསང་བའི་རྒྱུད་འདི་ལའང་རྣལ་འབྱོར་དུ་བགྱི་བའི་གང་ཟག་དམ་པ་དེ་ནི། ཁྱེད་ལ་སོགས་པ་རྣམས་ཀྱིས། དེ་སེམས་ཅན་ལྟ་བུར་མི་བལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དུ་བལྟའོ། །རྡོ་རྗེ་ཁྲོས་པ་ཉིད་དུ་བལྟའོ། །དེ་ཅི་ཡི་ཕྱིར་ཞེ་ན། ཡང་དག་པར་རྫོགས་པའི་སངས་རྒྱས་ང་ཉིད་དང་། སོ་སོ་མ་ཡིན་ཐ་མི་དད་པའི་ཕྱིར་རོ། །གཞན་ཡང་རྡོ་རྗེ་འདུས་པ་ཁྱོད་ཉིད་དང་འདྲ་བ་སྟེ། དེ་བཞིན་དུ་འདས་པ་དང་ད་ལྟ་དང་མ་འོངས་པ་རྣམས་དང་ཚུལ་མཐུན་དབྱེ་བ་མེད་པའོ། །ཡང་རྡོ་རྗེ་འདུས་པ་མ་དད་ཅིང་སྐུར་པའི་གང་ཟག་དེ་ནི། སྔོན་གྱི་རྒྱལ་བ་ལ་བྱ་བ་མ་བྱས་པར། ལུང་མ་བསྟན་པར་མ་ངེས་པའི་ ― DNG022_Page_0165 ―
[མ་དཔེ་གཟིགས་ན་འདིར་གནོན།]
བསམ་པ་ཅན། ཤིན་ཏུ་འཇོམས་པའི་སེམས་ཀྱི་བླ་མ་ལ་བཀུར་སྡི་མི་བྱེད་ཅིང་། ཟབ་མོའི་དོན་ལ་འགྲིབ་པས། དོན་དུ་གཉེར་བ་ཆུད་གསོན་ཅིང་ཕྱི་རོལ་གྱི་སྡེ་པའི་ཁར་གཏོང་བ། སྒྲིབ་པ་སྟུག་ཅིང་བསམ་པ་ལོག་པ་ཅན། ཡིད་གཉིས་ཟ་ཞིང་འཛུམས་པའི་བསམ་པ་ཅན། དེ་ལྟ་བུའི་རྣ་ལམ་དུ། འགྲོ་ཞིང་རྟོགས་པར་མི་འགྱུར་བས་སྐུར་ཅིང་སྨོད་དོ། །དེ་ཡི་ལས་ཀྱི་རྣམ་པར་སྨིན་པ་མི་བཟད་དེ། རྡོ་རྗེ་གསང་བའི་རྒྱུད་འདི་ལ་མ་དད་ཅིང་། སྐུར་པའི་དབང་གིས། དམྱལ་བའི་གནས་ན་ཡང་རྡོ་རྗེ་མི་བཟད་པར་བསྐལ་པ་གསུམ་དུ་སྐྱེས་སོ། །དེ་ཡང་ཚེ་འཕོས་ན་བྱོལ་སོང་གི་གནས་ནས་ཀྱང་། བཀོལ་སྤྱོད་ཅན་དུ་བསྐལ་པ་གསུམ་དུ་གནས་སོ། །དེ་ནས་ཚེ་འཕོས་ནས་ཡི་དྭགས་ཀྱི་ནང་ན་ཡང་། སྒྲིབ་པ་ཅན་གྱི་སྒྲིབ་པ་ཅན་དུ་བསྐལ་པ་གསུམ་དུ་གནས་སོ། །དེ་ནས་ཚེ་འཕོས་ནས་མིའི་ནང་ན་མཐའ་འཁོབ་སྡིག་པ་ཅན་སྤྱོད་པའི་གནས་སུ་བསྐལ་པ་གསུམ་དུ་གནས་སོ། །དེ་ནས་ཚེ་འཕོས་ནས་ལྷ་མ་ཡིན་གྱི་ནང་ན་ཡང་འཐབ་ཅིང་རྩོད་པ་ཅན་དུ་བསྐལ་པ་གསུམ་དུ་སྐྱེས་སོ། །དེ་ནས་ཚེ་འཕོས་ནས་ཀྱང་ལྷ་དབུལ་པོ་ཚེ་རིང་པོའི་གནས་སུ་བསྐལ་པ་གསུམ་དུ་སྐྱེས་ཏེ། བསྐལ་པ་ཆེན་པོ་བཅྭ་བརྒྱད་དུ་རྒྱུད་དྲུག་འཁོར་བའི་གནས་སུ་འཁྱམས་ནས། སངས་རྒྱས་ཀྱི་བསྟན་པ་ལ་མི་དད་པའི་ཚུལ་འཛིན་ཅིང་། དེ་ལྟ་བུ་དེ་ནི་རྣལ་འབྱོར་གྱི་དབང་ཕྱུག་ཆེན་པོས། ཐུགས་རྗེ་ཐབས་མཁས་པས་མཛད་སྤྱོད་ཀྱིས་བསྒྲལ་བར་བྱའོ། །རྡོ་རྗེ་འདུས་པའི་རྒྱལ་པོས། གསང་བའི་ཐེག་པ་འདི་འབྱུང་བ་ནི་ཤིན་ཏུ་ཡང་དཀོན་ནོ། །དཔེར་ན་ཨུ་དུམ་ཝ་རའི་མེ་ཏོག་འཇིག་རྟེན་དུ་བརྗོད་པ་དང་མཚུངས་ཏེ་གསང་བའི་ཐེག་པ་འདི་ནི་སྔོན་བྱུང་བའི་སངས་རྒྱས་འོད་སྲུང་ཆེན་པོས། འབྲས་བུ་རྡོ་རྗེ་ཐེག་པའི་ཆོས་ཉིད་ཀྱི་འཁོར་ལོ་བསྐོར་བ་དེའི་དུས་སུ། གསང་བའི་ཐེག་པ་འདི་ཡང་མ་བརྗོད་དོ། །དེ་ཅིའི་ཕྱིར་ཞེ་ན། དུས་དེའི་འགྲོ་བ་རྣམས་གསང་བའི་ཐེག་ ― DNG022_Page_0166 ―
[མ་དཔེ་གཟིགས་ན་འདིར་གནོན།]
པ་འདི་ཡི་སྣོད་དུ་གྱུར་པ་མེད་པའི་ཕྱིར་རོ། །དེ་བཞིན་དུ་སྔར་འདས་པའི་སངས་རྒྱས་བྱེ་བ་ཕྲག་དྲུག་ཅུ་རྩ་བཞིས་ཀྱང་གསང་བའི་ཐེག་པ་འདི་མ་བཤད་དོ། །སྔོན་ཐོག་མའི་བསྐལ་པ་ཀུན་བཀོད་ཅེས་བྱ་བ་བྱུང་བའི་ཚེ། སངས་རྒྱས་སྔོན་བྱུང་གི་རྒྱལ་པོ་བྱ་བ་དེའི་བསྟན་པ་ལ་རྒྱ་ཆེར་བསྒྲགས་ཏེ། ངེས་པའི་དོན་རྒྱ་ཆེར་སྤྱོད་དོ། །དེའི་ཚེ་འགྲོ་བ་རྣམས་གསང་བའི་ཐེག་པ་འདི་ལ་ཤིན་ཏུ་དད་པར་གྱུར་ཏེ། རྣམ་པར་གྲོལ་བའི་ལམ་ཆེན་པོ་ལ་བཀོད་དོ། །རྡོ་རྗེ་འདུས་པ་ཆེན་པོ། ད་ལྟར་གྱི་བསྟན་པ་འདི་ཉིད་ཀྱང་། ལུང་བསྟན་པའི་དད་པ་ཅན་ནི། ལྷའི་གནས་སུ་ནི་ལྷའི་དབང་པོ་བརྒྱ་བྱིན་ལ་སོགས་པས་སྤྱོད་པ་ལ། ཀླུའི་གནས་སུ་ནི་ཀླུའི་རྒྱལ་པོ་འཇོག་པོ་ལ་སོགས་པ་ལ། འཇམ་དཔལ་དང་སྤྱན་རས་གཟིགས་ཀྱིས་ལུང་བསྟན་ཅིང་རྒྱ་ཆེར་གྲགས་པར་འགྱུར་ལ། མིའི་གནས་སུ་ནི་ཛམ་བུའི་གླིང་གི་རྒྱལ་པོ་ཛ་ཞེས་བྱ་བ་ཚོགས་བསགས་པ་དེ་ལ། རི་མ་ལ་ཡ་ཞེས་བྱ་བར་ཕྱག་ན་རྡོ་རྗེས་ལུང་བསྟན་ཅིང་། དེས་ནི་མིའི་གནས་སུ་རྒྱ་ཆེར་སྤྱོད་པར་འགྱུར་རོ། །དེ་ཡང་སྐལ་བ་དང་ལྡན་པ་རྣམས་ཀྱིས་སྤྱོད་པར་འགྱུར་ཏེ། ཆེད་འགའ་ནི་དར། ཆེད་འགའ་ནི་ནུབ། ཆེད་འགའ་ནི་མངོན་དུ་བྱུང་། ཆེད་འགའ་ནི་གབ་ཅིང་སྦས། ལ་ལས་ནི་ཚུལ་བཞིན་དུ་སྦྱང་དེ་སྔགས་ཀྱི་མཐུ་སྟོབས་ཀྱང་རྙེད། ཕལ་ཆེར་འདྲ་ཚུལ་ལོག་པར་སྤྱོད་པས་ལྟུང་གནས་སུ་འགྱུར་བས། འགྲོ་བ་ལ་ལ་ནི་དད། ལ་ལ་ནི་མ་དད་སྟེ། དུས་ནམ་ཞིག་ན་སྙིགས་མ་ལྔའི་དུས་འོང་སྟེ། སྤྲུལ་པའི་སྐུས་བསྟན་པའི་ཚེ་ན་དར་ཞིང་རྒྱས་པར་འགྱུར་རོ། །རྡོ་རྗེ་འདུས་པའི་རྒྱལ་པོ་གསང་བའི་ཐེག་པ་འདི་ཉིད། ད་སྟེ་བསྐལ་པ་བྱེ་བ་འདས་པའི་འོག་ཏུ་བསྐལ་པ་མེ་ཏོག་བཀོད་པ་ཞེས་བྱ་བ་འབྱུང་བའི་ཚེ་ན། སངས་རྒྱས་འཇམ་པའི་དབྱངས་ཞེས་བྱ་བ། ད་ལྟར་ངང་ཚུལ་མཐུན་པ་ཞིག་འབྱུང་སྟེ། དེས་གསང་བའི་ཐེག་པ་འདི་རྒྱ་ཆེར་སྟོན་པར་འགྱུར་རོ། །སངས་རྒྱས་གཞན་གང་གིས་ཀྱང་གསང་བའི་ཐེག་པ་འདི་སྟོན་པར་མི་ ― DNG022_Page_0167 ―
[མ་དཔེ་གཟིགས་ན་འདིར་གནོན།]
འགྱུར་ཏེ། དེ་ཅིའི་ཕྱིར་ཞེ་ན། འགྲོ་བ་རྣམས་གསང་བ་འདི་ཉིད་ཀྱི་སྣོད་དུ་མ་གྱུར་པའི་ཕྱིར་རོ། །རྡོ་རྗེ་འདུས་པ་གསང་བའི་རྒྱུད་ཆེན་པོ་ལས། བཅངས་ཤིང་བསྐུར་བའི་སྐྱོན་ཡོན་དང་། དུས་གསུམ་གྱི་སངས་རྒྱས་གང་གིས་དུས་གང་ལ་གསུངས་པ་ཞུས་ལན་དུ་བསྟན་པའི་ལེའུ་སྟེ་བཞི་བཅུ་རྩ་གསུམ་པའོ།། །།དེ་ནས་ཡང་འདུས་པའི་འཁོར་ཚོགས་དང་། འཇིག་རྟེན་པའི་ཆོས་ཉན་པའི་འཁོར་རྣམས་ཀྱིས། མཆོད་པ་དུ་མས་ནི་མངོན་པར་མཆོད་ཅིང་ལན་སྟོང་དུ་བརྐྱང་ཕྱག་བཙལ་ནས། འདི་སྐད་ཅེས་གསོལ་ཏོ། །ཨེ་མ་ཧོ། བཞི་བཅོམ་དྲུག་ལྡན་འཁོར་བ་མྱ་ངན་འདས། །བདག་གཞན་གཉིས་ཀྱི་དཔལ་མངའ་ཞིང་། །ཕྱིན་ཅི་ལོག་བཞི་སྤངས་པས་ཁྱབ་པར་མཐུ་བྱིན་ཆེ། །གཟུང་འཛིན་རྣམ་སྤངས་མ་གཡོས་རྡོ་རྗེ་དེ། །དོན་རྟོགས་དྲང་དོན་ངེས་པའི་དོན་ཁྲོས་པའི་སྐུ་གསུང་ཐུགས། །སྟོན་པའི་བདག་ཉིད་དེ་ལ་ཕྱག་འཚལ་བསྟོད། །ཨེ་མ་ཧོ། དགྱེས་པ་ཆེན་པོ་ཡུམ་གྱི་མཁའ་ཀློང་ནས། །དུས་གསུམ་འདུ་འབྲལ་མེད་པར་སྦྱོར། །གཉིས་མེད་ཐིག་ལེ་བྱང་ཆུབ་དག་པའི་སྐུ། །གཉིས་མེད་བྱང་ཆུབ་སེམས་ཀྱི་འཕྲོ་འདུ་ལས། །བཀའ་ཡི་འཁོར་ལོ་གསང་བའི་འཁོར་ལ་བསྟོད། །ཨེ་མ་ཧོ། སངས་རྒྱས་ཀུན་གྱི་ཐུགས་ཀྱི་ཐུགས། །མི་ནུབ་ཆོས་སྲོག་དབང་པོ་འཛིན་བྱེད་པ། །སྨྲ་བའི་སེང་གེ་ཞུ་བའི་སྤོབས་པར་ལྡན། །སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ཉིད་ལ་འདུས། །རྡོ་རྗེ་འདུས་པ་དེ་ལ་ཕྱག་འཚལ་བསྟོད། །ཨེ་མ་ཧོ། སྐུ་གསུང་ཐུགས་ཀློང་གསུང་གི་ཆོས་མཆོག་བདུད་རྩི་ཆེ་དང་མཚུངས། །རྒྱུད་དང་ལུང་དང་མན་ངག་ཀུན་གྱི་མཛོད་དུ་བཞུགས། །འདས་དང་མ་བྱོན་ད་ལྟ་རྣལ་འབྱོར་བགྲོད་པའི་ལམ། །ཐེག་པ་ཀུན་ལས་འཕགས་པས་འོག་མ་ཟིལ་གྱིས་གནོན། །དོན་རྣམ་བདེན་པའི་མཛོད་ནི་དམིགས་པའི་སྒྲོན་མར་སྣང་། །བསྟན་པ་རྒྱ་མཚོའི་ཆོས་ ― DNG022_Page_0168 ―
[མ་དཔེ་གཟིགས་ན་འདིར་གནོན།]
ལ་ཕྱག་འཚལ་བསྟོད། །སྟོན་པའི་བཞུགས་པའི་གནས་མཆོག་ཁྱད་པར་ཅན། །བཀའ་ཡི་དམ་ཆོས་མ་ལུས་འབྱུང་བའི་གནས། །ཤེས་རབ་བྷ་ག་དུས་གསུམ་བཞུགས་པའི་གནས། །ཕྱི་ནང་གསང་གནས་དེ་ལ་ཕྱག་འཚལ་བསྟོད། །སྟོན་པ་གནས་འཁོར་དམ་ཆོས་འབྱུང་བའི་དུས། །འདས་དང་མ་བྱོན་ད་ལྟ་དང་། །མ་ངེས་དུས་ན་གང་འཚམས་པའི། །ཕུན་སུམ་ཚོགས་པའི་དུས་ལ་ཕྱག་འཚལ་བསྟོད། །ཅེས་མངོན་པར་བསྟོད་དོ། །དེ་ནས་ཡང་སངས་རྒྱས་འདུས་པ་ལ་སོགས་འཁོར་རྣམས་ཀྱིས། རྡོ་རྗེ་འདུས་པ་ལ་བསྒོ་བ་མཛད་དེ། རྡོ་རྗེ་འདུས་པ་ཁྱོད་ནི། བདེ་བར་གཤེགས་པས་བཀའ་སྩལ་པ། ཞུ་བ་སྤོབས་པ་དང་ལྡན་པ་སྟེ། ཕྱི་རབས་ཀྱི་རྣལ་འབྱོར་པའི་ཕྱིར། རྒྱུད་ཀྱི་དོན་བསྡུ་བར་གསོལ་ལོ། །ཞེས་རྣམ་པར་བསྐུལ་ལོ། །དེ་ནས་རྡོ་རྗེ་འདུས་པས་བསྐུལ་བའི་དོན་ཐུགས་སུ་ཆུད་དེ། གསོལ་བ་ནི། ཨེ་མ་ཧོ། བདེ་བར་གཤེགས་པ་བཅོམ་ལྡན་འདས། །ཕྱི་རབས་རྣལ་འབྱོར་དོན་གྱི་ཕྱིར། །རྡོ་རྗེ་གསང་བ་ཆེན་པོའི་རྒྱུད་ཀྱི་དོན་ཉིད་རབ་བསྡུས་ནས། །གནས་ཤིང་རྟོགས་པར་ཇི་ལྟར་བགྱི། །ཞེས་གསོལ་པས། ཞེས་བཀའ་སྩལ་པ། རྡོ་རྗེ་འདུས་པས་བརྒྱད་ཁྲི་བཞི་སྟོང་སྒོ་མོ་དང་། ཡན་ལག་བཅུ་གཉིས་སྡེ་སྣོད་དང་། བསྡུས་པའི་སྡེ་སྣོད་རྣམ་པ་གསུམ་དང་། ཐེག་པའི་བྱེ་བྲག་བསྟན་པ་ཡང་། བཀྲི་བའི་དོན་དུ་བསྟན་པ་སྟེ། ངེས་དོན་བསྡུས་པ་རྡོ་རྗེ་གསང་བའི་རྒྱུད་འདི་ཉིད། ཁྱོད་ལ་སོགས་དང་ད་ལྟར་ཕྱིས་འབྱུང་ཡང་། ལྟ་སྤྱོད་སྒྲུབ་དང་ཕྲིན་ལས་དཀྱིལ་འཁོར་དབང་དང་དམ་ཚིག་ཏིང་འཛིན་རྣམས། །རྡོ་རྗེ་གསང་བའི་རྒྱུད་ལས་གསལ་བས་ན། །ལམ་གྱི་ནང་ན་ཉེ་ལམ་དང་པོ་སྟེ། །རྡོ་རྗེ་འདུས་པ་ཁྱོད་ལ་གཏད། །གསང་བའི་རྒྱུད་འདི་ནུབ་པར་གྱུར་ཏ་རེ། །ཞེས་གསུངས་སོ། །དེ་ནས་རྡོ་རྗེ་འདུས་པ། ཤིན་ཏུ་ཡང་དགའ་བའི་ཡིད་གཡོས་ནས། རང་གི་གསང་བའི་རྡོ་རྗེ་ ― DNG022_Page_0169 ―
[མ་དཔེ་གཟིགས་ན་འདིར་གནོན།]
གནས་སུ་གསོར་ཞིང་། འདི་སྐད་ཅེས་དམ་བཅས་སོ། །ཨེ་མ་ཧོ། བདེ་གཤེགས་ཀུན་གྱི་གཙོ། ཀུན་གྱི་དོན་བསྡུས་ཏེ་རྡོ་རྗེ་གསང་བ་རྒྱུད་འདི་ལ། བདག་ལ་སོགས་པས་ད་ལྟ་ཕྱིས་སྤྱོད་པས། ལམ་གྱི་ནང་ན་ཉེ་ལམ་དམ་པ་བགྱིས་ཏེ། གང་དག་བལྟ་བ་ལ་དང་བས་རྒྱུད་འདིའི་བལྟ་བའི་ལམ་ལ་བལྟ་བར་བགྱིའོ། །གང་དག་སྤྱོད་པ་ལ་དགའ་བས། རྒྱུད་འདི་ཉིད་ཀྱི་སྤྱོད་པའི་ལམ་ལ་མངོན་པར་སྤྱོད་པར་བགྱིའོ། །གང་དག་སྒྲུབ་པ་ལ་མོས་པས། རྒྱུད་འདི་ཉིད་ཀྱི་སྒྲུབ་པའི་ལམ་ལ་མངོན་པར་བསྒྲུབ་པར་བགྱིའོ། །གང་དག་ཕྲིན་ལས་ལ་གུས་པས། རྒྱུད་འདི་ཉིད་ཀྱི་ཕྲིན་ལས་ཀྱི་ལམ་ལ་ཕྲིན་ལས་སུ་བྱའོ། །གང་དག་དཀྱིལ་འཁོར་བརྩམ་པས། རྒྱུད་འདི་ཉིད་ཀྱི་དཀྱིལ་འཁོར་གྱི་ལམ་ལ་མངོན་པར་རྟོགས་པར་བྱའོ། །གང་དག་དབང་ནོད་པར་སེམས་པས། རྒྱུད་འདི་ཉིད་དབང་གི་ལམ་ལ་མངོན་པར་ནོད་དོ། །གང་དག་དམ་ཚིག་བསྲུང་བའི་སེམས་ཡོད་པས་རྒྱུད་འདིའི་དམ་ཚིག་གི་ལམ་ལ་མངོན་པར་དཀའ་ཐུབ་ཏུ་གནས་པར་བྱའོ། །གང་དག་ཏིང་ངེ་འཛིན་ལ་མཉམ་པར་འཇོག་པར་འདོད་པས། རྒྱུད་འདིའི་ཏིང་ངེ་འཛིན་གྱི་ལམ་ལ་མངོན་པར་བསྒོམ་པར་བྱའོ། །འོན་ཏང་ན་བདག་དང་ཕྱིས་འབྱུང་བའི་རྣལ་འབྱོར་རྣམས་ཀྱིས། རྡོ་རྗེ་གསང་བའི་རྒྱུད་འདིའི་ཆོས་ཀྱི་སྲོག་ཤིང་མངོན་པར་གཟུག་གོ། །ཆོས་ཀྱི་རྔ་མངོན་པར་རྡུང་ངོ་། །ཆོས་ཀྱི་དུང་མངོན་པར་འབུད་དོ། །ཆོས་ཀྱི་ཆར་མངོན་པར་དབབ་པོ། །ཆོས་ཀྱི་འཁོར་ལོ་རྒྱུན་འཆད་མེད་པར་བསྐོར་བ་སྟེ། མི་ནུབ་པའི་རྒྱལ་མཚན་ཆེན་པོར་གནས་པར་བགྱིའོ། །ཞེས་དམ་བཅས་སོ། །དེ་ནས་འདུས་པའི་འཁོར་རྣམས་ཀྱིས། ཆོས་ཉིད་ལ་ཆོས་ཉིད་ཀྱི་རྩལ་བསྡམས་ཏེ། བཅོམ་ལྡན་འདས་ཉིད་ཀྱི་སྐུ་གསུང་ཐུགས་ལ་ཞུགས་ཏེ། མི་སྣང་བར་གྱུར་ཏོ། །བཅོམ་ལྡན་འདས་ཉིད་ནི་དགོངས་པ་ཆོས་ཀྱི་དབྱིངས་ལ་མནལ་ལོ། །རྒྱུད་ཀྱི་དོན་བསྡུས་པ་དེ་དག་ནི་རིན་པོ་ཆེན་པོ་གསེར་གྱི་གླེགས་བམ་ལ་བཻ་ཌཱུརྱ་ཞུན་མས་བྲིས་ནས། སྐུ་གསུང་ཐུགས་ཀྱི་སྤྲུལ་པ་གསུམ་གྱིས། སྲིད་པ་གསུམ་དུ་ཆོས་ཀྱི་ཆར་མངོན་པར་བབ་པས། ལྷ་དང་ཀླུ་དང་མིའི་རྣལ་འབྱོར་རྣམས། ཚོམ་བུའི་ལས་ལ་མ་ཆགས་པར་རིག་འཛིན་བྱང་ཆུབ་ཀྱི་ས་བླངས་སོ། །རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྒྱུད་ཡོངས་སུ་བཟུང་ཞིང་གཏད་པའི་ལེའུ་སྟེ་བཞི་བཅུ་རྩ་བཞི་པའོ།། །། རྡོ་རྗེ་ཕུར་པ་གསང་བའི་རྒྱུད་ཆེན་པོ་རྫོགས་སོ།། །། ཕུར་པ་གསང་བའི་དགོངས་རྒྱུད་ཆེན་པོ།― DNG022_Page_0170 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀཱི་ལ་ཡ་གུ་ཧྱ་ཨཱ་ཤ་ཡ་མ་ཧཱ་ཏནྟྲ། བོད་སྐད་དུ། ཕུར་པ་གསང་བའི་དགོངས་རྒྱུད་ཆེན་པོ། བཅོམ་ལྡན་འདས་རིགས་ལྔ་བདེ་བར་གཤེགས་པ་ཐམས་ཅད་ཀྱི་སྲས་འཇིགས་བྱེད་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཁྲོ་བོ་འཇིགས་བྱེད་ཀྱི་རྒྱལ་པོ་བཛྲ་ཀཱི་ལ་ཡ་དྲག་པོ་མཐིང་ནག་འབར་བའི་ནང་ནས་བཞེངས་ནས། གདུག་པ་ཅན་ཐམས་ཅད་འདུལ་བ་དང་། དྲེགས་པ་ཅན་དང་། སངས་རྒྱས་ཀྱི་བསྟན་པ་ལ་གནོད་པར་བྱེད་པ་ཐམས་ཅད་ཚར་གཅད་པའི་ཕྱིར་རབ་ཏུ་དྲག་པོ་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆོས་ཉིད་ཞི་བས་འདུལ་བའི་སྐབས་ལ་མ་བབ་སྟེ། ཐབས་མཁས་པའི་སྐུ་དྲག་པོའི་ཕྲིན་ལས་ཀྱིས་འདུལ་བར་གཟིགས་ནས། སྐུ་རབ་ཏུ་ཁྲོས་པ་མི་བཟད་པར་བསྟན་པའི་ཕྱིར། སྐུ་གསུང་ཐུགས་ལས་གསང་བའི་སྔགས་འདི་ཕྱུང་ངོ་། །ཨཱོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཕཊ། ཅེས་བརྗོད་པས། རབ་ཏུ་ཁྲོས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐྱེ་བ་མེད་པ་ལས་སྐྱེ་བའི་ཆོ་འཕྲུལ་དབུ་དགུ་ཕྱག་བཅྭ་བརྒྱད། ཞབས་བགྲད་པ། སྤྱན་བཟློག་པ། མཆེ་བ་གཙིགས་པ། སྐུ་གསུང་ཐུགས་ཤིན་ཏུ་མི་བཟད་པ་གཅིག་ཏུ་གྱུར་ཏོ། །རབ་ཏུ་མི་བཟད་པའི་ཐུགས་ཀ་ནས། ཐུགས་ཡེ་ཤེས་ཀྱི་ས་བོན་ལས། གསང་བའི་སྔགས་འདི་ཕྱུང་ངོ་། །ཨེ་རཾ་ཡཾ་ཁཾ། ཨེ་རཾ་ཡཾ་སུ་ཀེཾ། བྷྲཱུཾ་བྷནྡྷ་བྷྲཱུཾ། ཞེས་འདི་ལྟ་བུའི་ཆོ་འཕྲུལ་གྱི་སྣང་བ་ཆགས་ཤིང་། ཡེ་ཤེས་ཀྱི་ཆོ་འཕྲུལ་དུ་བསྒྱུར་ཏོ། །ཉིད་ཀྱིས་བྱིན་གྱིས་བརླབས་ནས། ཀརྨ་ཤྲཱི་ཧེ་རུ་ཀ་ཞེས་བརྗོད་པས། ཁྲོ་བོ་ཀརྨ་ཧེ་རུ་ཀ་སྐུ་མདོག་ལྗང་ནག །སྐུ་ཤིན་ཏུ་མི་བཟད་པ་འཐོན་ཏོ། །དེ་ནས་ཁྲོ་བོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཨེ་མ་ཧོ། བཅོམ་ལྡན་འདས་བཛྲ་ཀཱི་ལ་ཡ། དཔྱང་ཐག་ཆད་པའི་ངན་སོང་འཁོར་བ་ལ། །ཐུགས་རྗེས་བཟུང་ནས་ཆོ་འཕྲུལ་བསྟན་པ་འདི། །འདི་ལྟ་བུ་ཡི་ཆོ་འཕྲུལ་ངོ་མཚར་ཆེ། །འདི་ཡི་རྗེས་སུ་བསྒྲུབ་པའི་རྣལ་འབྱོར་པས། །སྟོང་པའི་དོན་རྟོགས་ཇི་ལྟར་ལགས། །ཨེ་ཞེས་བྱ་བ་ཇི་ལྟར་ ― DNG022_Page_0171 ―
[མ་དཔེ་གཟིགས་ན་འདིར་གནོན།]
ལགས། །རཾ་ཡཾ་ཁཾ་ར་སུ་ཀེཾ་བྷྲཱུཾ་བྷནྡྷ་བྷྲཱུཾ། འདི་ལྟ་བུའི་རྫུ་འཕྲུལ་ངོ་མཚར་ཅན། །ཀཱི་ལ་ཡ་ཡིས་ལུང་འདི་བསྟན་དུ་གསོལ། །བདེ་བར་གཤེགས་པས་ལུང་བསྟན་དུ་གསོལ། །ཞེས་གསོལ་པ་དང་། དེ་ནས་བཛྲ་ཀཱི་ལ་ཡས། ཀརྨ་ཧེ་རུ་ཀའི་ཚིག་གསན་ནས། འདི་སྐད་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །ང་ཡི་རྗེས་སུ་སྒྲུབ་པའི་རྣལ་འབྱོར་རྣམས། །དང་པོ་སྟོང་པ་ཉིད་དུ་བསྒོམ། །རྡོ་རྗེ་ཁྲོས་པས་ཞེ་སྡང་གཅོད། །ཐུགས་ནི་ཡང་དག་རྡོ་རྗེ་ཉིད། །སྟོང་པ་ཉིད་ཀྱི་ཡེ་ཤེས་ནི། །རྣམ་པར་མི་རྟོག་རྟོག་ལས་འདས། །དེ་བཞིན་ཉིད་དུ་བསྒོམ་པར་བྱ། །དེ་ནི་ཆོས་ཀྱི་སྐུ་ཉིད་ལ། །བཞིན་ནི་མ་ནོར་པ་ཡང་ཡིན། །ཉིད་ནི་བཅོས་སུ་མེད་པའོ། །མ་ཧཱ་ཤཱུ་ནྱ་ཏཱ་ཡིས་ནི། །རྟོག་པའི་དངོས་པོ་ཟིལ་གྱིས་གནོན། །མཚོན་ཆེན་སྔོན་པོ་འབར་བ་ཡི། །སྐུ་མི་མཚོན་པ་རྒྱུའི་ཏིང་འཛིན། །ཧཱུཾ་ཉིད་བྱང་ཆུབ་སེམས་རང་བཞིན། །རཾ། རཾ་ལས་མེ་ཡི་དཀྱིལ་འཁོར་གྱིས། །དངོས་པོར་སྣང་བའི་སྡུག་བསྔལ་བསལ། །དངོས་པོ་རྟག་པ་ཐེར་ཟུག་བསྲེག །ཡཾ། ཡཾ་ལས་རླུང་གི་དཀྱིལ་འཁོར་གྱིས། །ཉོན་མོངས་སྡུག་བསྔལ་ཡེ་ཤེས་རླུང་གིས་བསྐྱོད། །ཕྲིན་ལས་ཐོགས་པ་མེད་པས་དོན་ཡང་མཛད། །ཁཾ། ཁཾ་ལས་ཡེ་ཤེས་ཆུ་ཡི་དཀྱིལ་འཁོར་གྱིས། །ཉོན་མོངས་འཁོར་བའི་བག་ཆགས་ལྗན་ལྗིན་རྣམས། །དག་པ་ཡེ་ཤེས་ཆེན་པོའི་ཀློང་དུ་བཀྲུ། །ཨེ། ཨེ་ལས་ནམ་མཁའི་རང་བཞིན་དམིགས་པ་མེད། །བསྐལ་པ་འཁྲུག་ཞིག་འཁོར་བ་སྟོངས་པ་ལྟར། །ཆོས་ཉིད་མཉམ་པ་ཆེན་པོའི་ངང་དུ་བསྒོམ། །ཡཾ། ཡཾ་ལས་ཡེ་ཤེས་རླུང་གི་དཀྱིལ་འཁོར་གྱིས། །སྲ་མཁྲེགས་ཡེ་ཤེས་རྡོ་རྗེ་རྒྱ་གྲམ་གྱིས། །ཐམས་ཅད་འདེགས་པའི་སྟོབས་ཀྱིས་ཤུགས་དང་ལྡན། །ར། ར་ལས་རཀྟ་ཁྲག་གི་རྒྱ་མཚོ་སྟེ། །འཁྲུགས་པའི་ཀློང་དཀྱིལ་ཐུགས་རྗེ་ཆེན་པོའི་ངང་། །སྡུག་བསྔལ་དབང་འདུས་འབྲས་བུ་གཅིག་ཏུ་ཤར་བར་མཛད། །སུ། སུ་ལས་གསེར་གྱི་ས་གཞི་ཡིས། །ཐམས་ཅད་བརྟེན་ཅིང་འདེགས་པར་བྱེད། །ཀེཾ། ཀེཾ་ལས་ ― DNG022_Page_0172 ―
[མ་དཔེ་གཟིགས་ན་འདིར་གནོན།]
རུས་པ་འབར་བའི་རི་རབ་སྤུངས་པ་ལ། །རྒྱུད་དྲུག་རུས་པའི་ཕུང་པོ་རི་རབ་ལ། །འཁོར་བ་གནས་སུ་དག་ནས་ཆོ་འཕྲུལ་དངོས་སུ་བསྟན། །ཀེང་རུས་འབར་བའི་རི་རབ་བསྐྱེད་པར་བྱ། །བྷྲཱུཾ། བྷྲཱུཾ་ལས་ཡེ་ཤེས་འབར་བའི་གཞལ་ཡས་ཁང་། །ཕྱོགས་བཞི་མཚམས་བརྒྱད་བླ་འོག་ཁྱབ་པར་ནི། །ཕྱི་དང་ནང་མེད་ཁ་དོག་སོ་སོར་གསལ། །བྷནྡྷ་བྷྲཱུཾ། ཐོད་པ་སྐམ་རློན་ཡེ་ཤེས་དཀྱིལ་འཁོར་ལ། །མཐིང་ནག་རབ་ཏུ་འབར་བའི་གཞལ་ཡས་ཁང་། །ཡེ་ཤེས་ཆོ་འཕྲུལ་རྟོག་པ་གཞིལ་བའི་ལུང་། །དུར་ཁྲོད་དཀྱིལ་འཁོར་ཆེན་པོ་བསྐྱེད་པར་བྱ། །བྷནྡ་ཛྙཱ་ན་ཙཀྲ་མཎྜ་ལ་ཧཱུཾ། ཞེས་པས་བྷནྡའི་གཞལ་ཡས་ཁང་། །མཐིང་ནག་རབ་ཏུ་འབར་བ་ལ། །འབྲས་བུ་ལྷ་ལ་མངོན་དུ་ཤར་བར་མཛད་དོ། །དེ་ནས་ཡང་ཨོཾ་བཛྲ་ཀཱི་ལི་ཀཱི་ལ། དཱིཔྟ་ཙཀྲ་ཧ་ན་ཧ་ན་ཧཱུཾ། ཞེས་བརྗོད་པས། དེ་བཞིན་ཉིད་ཀྱི་ངང་ལས། ཡུམ་འཁོར་ལོ་རྒྱས་འདེབས་མ་མངོན་དུ་ཕྱུང་སྟེ། ཉིད་ཀྱི་སྐུ་ལ་འཁྲིལ་པའི་ཚུལ་དུ་བཞུགས་པར་གྱུར་ཏོ། །ནམ་མཁའི་དཀྱིལ་ནས་ཐིགས་པ་ཤར། །སྲོག་གི་གོ་རུ་ཤར་བ་དང་། །སྙིང་གི་དཀྱིལ་དུ་བསྒོམ་པར་བྱ། །སྟོང་གསུམ་ཡེ་ཤེས་གཞལ་ཡས་ཁང་། །ཐུགས་རྗེ་རྣམ་དག་མུན་སེལ་སྐྱོན་མི་གོས། །ཉི་ཟླ་པདྨའི་གདན་སྟེངས་སུ། །བྱང་ཆུབ་སེམས་ཀྱི་ཐིགས་པར་ཤར། །སྲོག་སེམས་གོ་རུ་ཤར་བས་རྡོ་རྗེ་གཞོན་ནུར་ཤར། །ཙིཏྟའི་གཞལ་ཡས་ཁང་དུ་ཡེ་ཤེས་སེམས་དཔའི་ཐུགས། །རྡོ་རྗེ་འཆང་གཟུང་བཟླས་པའི་ཡི་གེས་བསྐོར་བར་བསྒོམ། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམ་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཁམས་གསུམ་འཁོར་བའི་ཉོན་མོངས་སྡུག་བསྔལ་རྣམས། །ཐུགས་རྗེ་བྱང་ཆུབ་སེམས་སུ་བདག་དང་གཉིས་སུ་མེད་པར་བསྒྲལ། །དམ་ཚིག་སྙིང་རྗེས་བསྒྲལ་བས་བསད་མནན་མ་ཡིན་ནོ། །བདག་དང་ཁམས་གསུམ་བསྒྲལ་བའི་ལུས་ངག་ཡིད་གསུམ་ནི། །རྡོ་རྗེ་གཞོན་ནུའི་སྐུ་གསུང་ཐུགས་སུ་གཏམས། །བདག་དང་སྣང་སྲིད་རྣམ་པར་ཤེས་པའི་ཚོགས། །འདུས་མ་བྱས་ཉིད་རྡོ་རྗེ་དབྱེར་མེད་ ― DNG022_Page_0173 ―
[མ་དཔེ་གཟིགས་ན་འདིར་གནོན།]
བསྒོམ། །དེ་ནས་དྲེགས་པ་ཅན་ཐམས་ཅད་གཏི་མུག་གི་དབང་གིས། རྒྱུ་འབྲས་ཀྱི་དོན་མ་རྟོགས་ཤིང་། མཚན་མ་མེད་པའི་དོན་དང་རྣམ་པར་བྲལ། མཚན་མ་ཅན་ལ་ཞེན་ཅིང་ཆགས་པས། ངན་སོང་གསུམ་དུ་བསྐལ་པ་མང་པོར་སྡུག་བསྔལ་མི་བདེ་བ་སྣ་ཚོགས་ཉམས་སུ་མྱོང་ནས། ལས་ཀྱི་འབྲས་བུ་སྨིན་པས། ལས་ཀྱི་སྲིན་པོར་སྐྱེས་ནས་རྒྱུ་མཐུན་པའི་འབྲས་བུས་ཤིན་ཏུ་འཇིགས་ཤིང་རྨོངས། སེམས་ཅན་ཐམས་ཅད་ལ་གནོད་པར་བྱེད་པ། སྡུག་བསྔལ་དང་ཡིད་མི་བདེ་བ་དང་། སྲོག་དང་བྲལ་བར་བགྱིད། དེའི་དོན་ལ་ཐུགས་རྗེས་དགོངས་ནས། ཡབ་ཡུམ་གཉིས་སུ་མེད་པའི་བྱང་ཆུབ་ཀྱི་སེམས་ལས། ཨོཾ་བཛྲ་ཀཱི་ལི་ཀཱི་ལ་ཡ། ཧཱུཾ་ཧཱུཾ་ཧཱུཾ། ཛཿཛཿཛཿ། ཕཊ་ཕཊ་ཕཊ། ཀཱི་ལ་ཡ་ཏི་ར་བཾ། ཧཱུཾ་ཛཿཀཱི་ལ་ཡ་སོད་ཆོམ་གཏོགས། ཞེས་ཕྱོགས་བཅུའི་སངས་རྒྱས་ཐམས་ཅད་ཀྱི་ཐུགས་དམ་རྗེས་སུ་དྲན་པར་གྱུར། ཉིད་ཀྱི་སྐུ་ལས་ཀྱང་སྲས་མཆོག་གྲངས་མེད་པ་ཐོན་པར་གྱུར་ཏེ། ཕྱོགས་བཅུའི་དྲེགས་པ་ཅན་ཐམས་ཅད་བསྡུས་ནས་བསྒྲལ་བར་གྱུར་ཏོ། །ཡབ་ཡུམ་གཉིས་སུ་མེད་པའི་བྱང་ཆུབ་སེམས་ཀྱི་རང་བཞིན་ལས། ཧཱུཾ་ཀཱ་ར་དང་སྒྲ་འབྱིན་མ། །རྣམ་པར་རྒྱལ་དང་རྣམ་སྙེམས་མ། །དབྱུག་པ་སྔོན་པོ་སྡེར་མོ་དང་། །གཤིན་རྗེའི་གཤེད་པོ་དུར་ཁྲོད་མ། །མི་གཡོ་མགོན་པོ་གཏུན་ཁུང་མ། །རྟ་མགྲིན་རྒྱལ་པོ་གཏུམ་མོ་དང་། །ཏ་ཀི་རཱ་ཙ་མདའ་སྙེམས་མ། །བདུད་རྩི་འཁྱིལ་པ་རླུང་འབྱིན་མ། །ཁམས་གསུམ་རྣམ་རྒྱལ་གསོད་བྱེད་མ། །སྟོབས་པོ་ཆེ་དང་རྡོ་རྗེ་བསྐྱོད་མ་དང་། །གཉིས་སུ་མེད་པའི་སྤྲུལ་པའི་ཕྲ་མེན་ཡང་། །ཕག་མགོ་སྟག་མགོ་གཡག་མགོ་དང་། །ཤ་བ་གཟིག་དང་བྱི་ལའི་མགོ། །སྤྱང་མོའི་མགོ་དང་སེང་གེའི་མགོ། །དྲེད་དང་དོམ་གྱི་མགོ་རུ་བསྟན། །སྨིག་བུ་བྱ་རོག་བྱ་རྒོད་མགོ། །འུག་པ་ཁྲ་དང་པུ་ཤུད་མགོ། །ཁྲ་ཡི་མགོ་དང་ཕ་ཝང་མགོ། །སྲེ་མོའི་མགོ་དང་བྱི་བའི་མགོ། །ཡང་སྤྲུལ་སུམ་སྤྲུལ་གྲངས་མེད་ཀྱིས། །སྲིད་པའི་རླུང་ཡང་མི་ཐར་གཏམས། །དེ་ནས་བཅོམ་ལྡན་འདས་བཛྲ་ཀཱི་ལ་ཡས། འཇིག་རྟེན་གྱི་དྲེགས་པ་ཅན་གྱི་འབྲས་བུ་རྒྱ་མཚོ་ཙམ་དུ་རྔུབས་ནས་བཛྲ་ཀཱི་ ― DNG022_Page_0174 ―
[མ་དཔེ་གཟིགས་ན་འདིར་གནོན།]
ལ་ཡ་ཡི་འོད་ཟེར་སྐུ་ལ་བསྡིམ། དྲན་པ་རྙེད་དེ། བཛྲ་ཀཱི་ལ་ཡའི་ཡང་དག་པའི་བདེན་པ་མཐོང་ངོ་། །དེའི་ཚེ་བཛྲ་ཀཱི་ལ་ཡའི་འབངས་སུ་དམ་བཅས་མནའ་བོར་ནས། ལུས་ཁྲོ་བོ་རྣམས་ཀྱི་གདན་དུ་ཕུལ། ཕྱི་རབས་ཀྱི་རྣལ་འབྱོར་རྗེས་སུ་འཇུག་པའི་གྲོགས་དང་ཚོགས་བསྐྱང་བར་དམ་བཅས་སོ། །རྒྱལ་རྣམས་བཙོན་དུ་བཟུང་བ་ཡིས། །འབངས་རྣམས་ཆམས་ལ་ཕེབས་པར་འགྱུར། །དེའི་ཚེ་ཕྱོགས་སྐྱོང་བ་རྣམས། ཁྲོ་བོའི་ཞབས་འོག་ཏུ་ཞུགས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་ཀཱི་ལ་ཡ། གསང་བའི་དགོངས་རྒྱུད་ཆེན་པོ་ལས། དྲེགས་པ་ཅན་བཏུལ་བའི་ལེའུ་སྟེ་དང་པོའོ།། །།དེ་ནས་ཡང་བཅོམ་ལྡན་འདས་བཛྲ་ཀཱི་ལ་ཡ་ལ། འཁོར་རྣམས་ཀྱིས་འདི་སྐད་ཅེས་གསོལ་ཏོ། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པའི་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །གསུང་དང་ཐུགས་ཀྱང་དེ་བཞིན་ནོ། །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབས་སྩལ་དུ་གསོལ། །ཞེས་འཁོར་རྣམས་ཀྱིས་ཕྱི་ནང་གསང་བའི་མཆོད་པ་ཕུལ་ནས། ཕྱི་ནང་གསང་བའི་དབང་གསུམ་དང་། །སྐུ་གསུང་ཐུགས་ཀྱི་བྱིན་རླབས་ཀྱིས། །སྟོང་གསུམ་མ་ལུས་འོད་ཟེར་འཕྲོ། །ཐམས་ཅད་བྱང་ཆུབ་སེམས་སུ་གྱུར། །བསྡུས་པས་སྐུ་གསུང་སྟོབས་ཆེན་པོ། །སྐུ་གསུང་ཐུགས་སུ་དབང་བསྐུར་རོ། །ཀཱི་ལ་ཡ་གསང་བའི་དགོངས་རྒྱུད་ཆེན་པོ་ལས། དབང་གི་ལེའུ་སྟེ་གཉིས་པའོ།། །།དེ་ནས་ཡང་ཁྲོ་བོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་ཞུས་སོ། །ཀྱེ་བཅོམ་ལྡན་བཛྲ་ཀཱི་ལ་ཡ། །རྗེས་སུ་བསྒྲུབ་པའི་རྣལ་འབྱོར་པས། ། ― DNG022_Page_0175 ―
[མ་དཔེ་གཟིགས་ན་འདིར་གནོན།]
གནས་ནི་གང་དང་གང་དུ་བགྱི། །དཀྱིལ་འཁོར་རྣམ་གསུམ་སྐུ་གསུང་ཐུགས། །འདི་ཡི་དོན་རྣམས་ཇི་ལྟར་ལགས། །ཞེས་གསོལ་པ་དང་། དེ་ནས་བཛྲ་ཀཱི་ལ་ཡས། །གནས་ཀྱི་ཁྱད་པར་འདི་གསུངས་སོ། །ཉོན་ཅིག་ཀརྨ་ཧེ་རུ་ཀ །གནས་ཀྱི་ཁྱད་པར་བསྟན་པ་ནི། །ཕུར་བུ་བསྒྲུབ་པའི་གནས་རྣམས་ནི། །དུར་ཁྲོད་གནས་དང་ཤིང་གཅིག་དྲུང་། །རྒྱ་གྲམ་ལམ་དུ་བྱ་བ་དང་། །ངམ་གྲོག་གནས་དང་ཁང་སྟོང་དུ། །རྡོ་རྗེ་དྲག་པོའི་དཀྱིལ་འཁོར་བྱ། །ལས་ལ་ཕན་འདོགས་ཡོད་པ་དང་། །བསྒྲིམ་ཞིང་ཤུགས་ཀྱིས་ཏིང་འཛིན་གསལ། །དེ་ལ་ཐབས་དང་རྟགས་མེད་ན། །བདག་གི་གཟུགས་ཕུང་བརླག་པ་དང་། །ཚེ་དང་སྲོག་ལ་བར་ཆད་འོང་། །ནགས་ཚལ་ཆེན་པོ་ག་ན་བར། །དེར་ནི་ལེགས་པར་དཔྱད་པ་ནི། །ཀླུ་ཡི་མིག་དང་འབྱུང་པོའི་སྲང་། །ས་ཡི་བགེགས་དང་མ་རུངས་ས། །མི་ཤིས་པ་ཡི་ས་མིན་པར། །ལས་ཀྱི་བྱ་བའི་གཞུང་བརྩམས་ན། །བཀྲ་ཤིས་དོན་གྱི་གནས་ཡིན་པས། །ཡུན་རིང་བསྒྲུབ་ན་འགྲུབ་པར་འགྱུར། །མེ་ཏོག་གླིང་དང་རིན་ཆེན་རི། །དཔག་བསམ་ཤིང་དང་སྐད་སྙན་བྱ། །འབྲུ་སྣ་ཚོགས་དང་གནམ་ས་ལེགས། །དབྱིབས་ལེགས་ལུང་པ་རན་པ་ནི། །བཀྲ་ཤིས་གཞུང་བཟང་གནས་ཡིན་པས། །གནས་ཀྱི་དམ་པ་ཡིན་ཞེས་བཤད། །དྲག་པོའི་ལས་སུ་བྱ་བ་ལ། །དང་པོར་ཕུར་པ་སྒྲུབ་པའི་གནས། །ནགས་རི་ཚེར་མ་ཅན་གྱི་ཤིང་། །གཅན་གཟན་གདུག་པ་སྣ་ཚོགས་ཡོད། །གནམ་ནི་གྲི་མདའ་རལ་གྲིའི་ཤུལ། །ས་ནི་གྲུ་གསུམ་མེ་དཔུང་འདྲ། །ལོགས་ལ་དུར་ཁྲོད་གླིང་ཡོད་པ། །མཁས་པས་བརྟགས་ཏེ་བཙལ་བྱས་ན། །འདི་ནི་ཕུར་པའི་སྒྲུབ་གནས་ཡིན། །ཚེར་མ་ཅན་གྱི་ཤིང་དག་དང་། །དུག་ཤིང་གདུག་པ་ཡོད་པ་དང་། །བྲག་ལ་རད་རོད་མེད་པ་དང་། །གྲོག་པོ་གཏིང་ཟབ་ངན་པ་དང་། །སྟག་གི་སོ་འདྲ་སྦྲུལ་གྱི་ལྕེ། །སྡིག་པའི་རྭ་འདྲ་ཆུ་སྲིན་ཁ། །བན་གླང་སྣ་འཐབ་བྲག་ཆུའི་བར། །རྐང་གཅིག་ཤིང་དང་མ་རུངས་ས། །འདི་ནི་ཕུར་པ་གདབ་གནས་ཡིན། །བསད་པའི་གནས་སུ་བསྟན་པ་ནི། །སྔོན་ཆད་ ― DNG022_Page_0176 ―
[མ་དཔེ་གཟིགས་ན་འདིར་གནོན།]
ལྷ་མི་ཕུང་ས་དང་། །གཡུལ་བཀྱེ་བ་དང་མཚོན་འཐབ་དང་། །བསད་བཅད་ས་དང་མ་རུངས་ཤུལ། །སྲིན་པོ་བསྒྲལ་བའི་བཤའ་གཞི་དང་། །སྲོག་བཅད་བསད་པའི་ཁྲག་རྗེས་དང་། །གཡུལ་ངོ་བཤམས་པའི་ས་མཁར་བསྙིལ། །མང་པོ་བསད་པའི་ཕུང་བའི་ས། །བྲག་ནི་སྲིན་མོ་ངུ་བ་འདྲ། །རི་ནི་ཐལ་ཕུང་བསྙིལ་བ་འདྲ། །ལུང་པ་མེ་ཡིས་བསྲེགས་པ་འདྲ། །ཤིང་རྩི་རྐང་ཐང་འབྲོས་པ་འདྲ། །སྒང་གཤོངས་མི་རོ་སྦས་པ་འདྲ། །འདི་ནི་བརྡེག་ཅིང་བསྒྲལ་གནས་ཡིན། །སེམས་ལ་ཆོས་ཉིད་མི་གསལ་ཞིང་། །ཉམས་དང་ཏིང་འཛིན་གཡེལ་བས་ནི། །གནས་འདི་དག་ཏུ་ཡོངས་མི་བྱ། །ནམ་ཕུགས་རྣལ་འབྱོར་བདག་ལ་གནོད། །དེ་བས་གཞུང་དང་མཐུན་པ་ཡི། །བཀྲ་ཤིས་ས་ཡི་གནས་དག་ཏུ། །ཡུན་རིང་བསྲིངས་ན་གདོན་གཏོལ་མེད། །དམ་ཚིག་མ་ཉམས་ངེས་ཐུབ་དང་། །ཏིང་འཛིན་བརྟན་པའི་བློ་ཅན་གྱིས། །གནས་ནི་དེ་དང་དེ་དག་ཏུ། །ཆོ་གའི་ལས་འདི་བརྩམ་པར་བྱ། །ངེས་པར་འགྲུབ་པར་གདོན་མི་ཟ། །དེ་ལྟ་བུ་ཡི་ས་རྙེད་ནས། །ཡུལ་ས་དེ་ཡི་བདག་པོ་ལ། །བདེན་པས་བཀྲོལ་ལམ་ས་རིན་བཅལ། །དེ་ནས་ཞག་གྲངས་འདི་ཙམ་མམ། །དྲག་པོའི་ལས་འདི་མ་གྲུབ་པར། །གནས་འདི་རྣལ་འབྱོར་བདག་གཡར་བས། །གཏོར་མ་བྱིན་པ་འདི་ལོང་ལ། །མ་གྲུབ་བར་དུ་གཞན་དུ་དེངས། །བཀྲ་ཤིས་པ་ཡི་སྨོན་ལམ་གདབ། །དེ་སྐད་བྱས་ལ་གཏོར་མ་སྦྱིན། །བསྒོ་བའི་ལས་རྣམས་གཉེར་ཡང་གཏད། །དེ་ནས་གཞུང་བཞིན་དཀྱིལ་འཁོར་བརྩིག །ཁམས་གསུམ་སྲིད་གསུམ་དབང་དུ་བསྡུ་བའི་ཕྱིར། །རཀྟ་ཆགས་པའི་དབང་གིས་ཆག་ཆག་གདབ། །སྲིད་གསུམ་ཡེ་ནས་ཡེ་ཤེས་ཆེན་པོ་ལྔ། །གཏི་མུག་སོགས་པའི་དུག་ལྔ་གནས་སུ་གཞོམ་ཕྱིར་དུ། །དམ་རྫས་བདུད་རྩི་ལྔ་ཡིས་ཆག་ཆག་གདབ། །རིན་ཆེན་སྣ་ལྔའི་ཁ་དོག་ཚོན། །འབྲུ་ལྔས་བྱིན་གྱིས་བརླབ་ཅིང་བྲི་བར་བྱ། །ཐབས་དང་ཤེས་རབ་གཉིས་མེད་པའི། །བྱང་ཆུབ་སེམས་ཀྱི་ཐིག་གདབ་པོ། །འཁོར་ལོ་རྩིབས་བརྒྱད་ཐིག་ཏུ་གདབ། །དབུས་སུ་དྲག་པོ་གྲུ་གསུམ་ལ། །ཟླ་གམ་ ― DNG022_Page_0177 ―
[མ་དཔེ་གཟིགས་ན་འདིར་གནོན།]
དམར་པོ་དབང་གི་ཚུལ། །ཟླུམ་པོ་གྲུ་བཞི་ཞི་རྒྱས་སོ། །གྲུ་ཆད་བཞིས་ནི་རབ་ཏུ་བརྒྱན། །གྲུ་བཞི་སྒོ་ཁྱུད་བཞི་དང་ལྡན། །དྲེགས་པ་བཅུ་གཅིག་བསྣོལ་མར་བསྒོམ། །ཉི་ཟླ་པདྨའི་གདན་སྟེང་དུ། །དབུས་སུ་དྲེགས་པའི་གདན་དག་ལ། །བཛྲ་ཀུ་མཱ་ར་ཡང་བསྐྱེད། །ཤར་གྱི་འཁོར་ལོའི་རྩིབས་དག་ལ། །དྲི་ཟ་བསྣོལ་བའི་གདན་སྟེང་དུ། །རྣམ་པར་རྒྱལ་བ་ཡབ་ཡུམ་བསྐྱེད། །ཤར་ལྷོའི་འཁོར་ལོའི་རྩིབས་སྟེང་དུ། །མེ་ལྷ་བསྣོལ་བའི་གདན་དག་ལ། །དབྱུག་པ་སྔོན་པོ་ཡབ་ཡུམ་བསྐྱེད། །ལྷོ་ཕྱོགས་འཁོར་ལོའི་རྩིབས་སྟེང་དུ། །གཤིན་རྗེ་བསྣོལ་བའི་གདན་སྟེང་དུ། །གཤིན་རྗེ་གཤེད་པོ་ཡབ་ཡུམ་བསྐྱེད། །ལྷོ་ནུབ་འཁོར་ལོའི་རྩིབས་སྟེང་དུ། །བདེན་བྲལ་བསྣོལ་བའི་གདན་སྟེང་དུ། །མི་གཡོ་མགོན་པོ་ཡབ་ཡུམ་བསྐྱེད། །ནུབ་ཕྱོགས་འཁོར་ལོའི་རྩིབས་སྟེང་དུ། །ཀླུ་དབང་བསྣོལ་བའི་གདན་སྟེང་དུ། །རྟ་མགྲིན་རྒྱལ་པོ་ཡབ་ཡུམ་བསྐྱེད། །ནུབ་བྱང་འཁོར་ལོའི་རྩིབས་སྟེང་དུ། །རླུང་ལྷ་བསྣོལ་བའི་གདན་སྟེང་དུ། །གཞན་གྱིས་མི་ཐུབ་ཡབ་ཡུམ་བསྐྱེད། །བྱང་ཕྱོགས་འཁོར་ལོའི་རྩིབས་སྟེང་དུ། །གནོད་སྦྱིན་བསྣོལ་བའི་གདན་སྟེང་དུ། །བདུད་རྩི་འཁྱིལ་པ་ཡབ་ཡུམ་བསྐྱེད། །བྱང་ཤར་འཁོར་ལོའི་རྩིབས་སྟེང་དུ། །དབང་ལྡན་བསྣོལ་བའི་གདན་སྟེང་དུ། །ཁམས་གསུམ་རྣམ་རྒྱལ་ཡབ་ཡུམ་བསྐྱེད། །མདུན་དུ་ཚངས་པའི་གདན་སྟེང་དུ། །ཧཱུཾ་མཛད་ཡབ་ཡུམ་བསྐྱེད་པར་བྱ། །རྒྱབ་ཏུ་ས་བདག་གདན་ལ་ནི། །སྟོབས་ཆེན་ཡབ་ཡུམ་བསྐྱེད་པར་བྱ། །དེ་དག་གཡས་གཡོན་གཉིས་སུ་ནི། །ཕྲ་ཐབས་གཡས་ལ་ཕྲ་མེན་གཡོན། །ཡང་སྤྲུལ་སུམ་སྤྲུལ་བསྐྱེད་པར་བྱ། །སྒོ་བཞིར་སྒོ་མ་བཞི་དག་དགོད། །མཚན་དང་ལྡན་པའི་བྷན་དྷ་རུ། །སོ་སོའི་སྙིང་པོ་བྲིས་ལ་ནི། །དངོས་གྲུབ་རྟེན་ནི་ནུབ་ཏུ་གཞག །ཐོད་པའི་ཚལ་བུ་བཅུ་གཅིག་ཏུ། །ཚིལ་ཆེན་མེ་མར་བཅུ་གཅིག་བཏང་། །ཚིགས་སུ་བཅད་པའི་བསྟོད་པ་བྱ། །མཆོད་པའི་སྨོན་ལམ་བརྒྱ་དང་སྟོང་། །རཀྟ་མང་པོ་མཚོ་ལྟར་རློབས། །མཱཾ་ས་མང་པོ་རི་ལྟར་ ― DNG022_Page_0178 ―
[མ་དཔེ་གཟིགས་ན་འདིར་གནོན།]
སྤུང་། །ཤུན་ཆེན་གཡང་གཞི་སྤྲིན་ལྟར་གཏིབ། །ཞིང་ཕྲན་མང་པོ་འཕན་དུ་བཀྲམ། །གཞན་ཡང་རྒྱན་རྣམས་གཞུང་བཞིན་དགྲམ། །དེ་ལྟར་གསལ་བའི་དཀྱིལ་འཁོར་ནི། །སྒྲུབ་པའི་དཀྱིལ་འཁོར་དམ་པ་ཡིན། །མཎྜལ་འདོམ་གང་གྲུ་བཞི་ལ། །ཐིག་བཞི་བཏབ་པས་ལིང་ཚེ་དགུ། །དབུས་སུ་ཕོ་བྲང་དཀར་ཟླུམ་པོར། །ཡིག་འབྲུ་ཨ་རེ་ཚོན་གྱིས་བྲི། །སྙིང་པོའི་ཞབས་ལ་ཨ་རེ་གདགས། །ཞི་བའི་དཀྱིལ་འཁོར་དམ་པའོ། །མཎྜལ་འདོམ་གང་གྲུ་བཞི་ལ། །སྒོ་རྣམས་ཟུར་ལ་གཏད་པར་བྱ། །དབུས་སུ་འཁོར་ལོ་རྩིབས་བརྒྱད་ལ། །གྲུ་བཞི་སྒོ་རྣམས་སྒོ་ལ་གཏད། །ཡིག་འབྲུ་ཏྲཱཾ་སྭཱ་གང་རུང་དགོད། །ལྷ་སྙིང་ཞབས་ལ་ཏྲཱཾ་སྭཱ་གདགས། །རྒྱས་པའི་དཀྱིལ་འཁོར་དམ་པ་ལགས། །མཎྜལ་འདོམ་གང་གྲུ་བཞི་ལ། །པདྨ་འདབ་བརྒྱད་ཐིག་ཏུ་གདབ། །པདྨ་རེ་ལ་ཟླ་གམ་རེ། །སྟེང་དུ་ཡི་གེ་ཨཾ་རེ་དགོད། །ལྷ་སྙིང་ཞབས་ལ་ཨཾ་རེ་གདགས། །དབང་གི་དཀྱིལ་འཁོར་དམ་པའོ། །མཎྜལ་གྲུ་བཞི་འདོམ་གང་ལ། །འཁོར་ལོ་རྩིབས་བརྒྱད་ཐིག་ཏུ་གདབ། །འཁོར་ལོ་རེ་ལ་གྲུ་གསུམ་རེ། །ཡིག་འབྲུ་ཡིག་ཚོན་ཕཊ་རེ་དགོད། །ལྷ་སྙིང་ཞབས་ལ་ཕཊ་རེ་གདགས། །དྲག་པོའི་དཀྱིལ་འཁོར་དམ་པའོ། །སྒོ་རྣམས་སྒོ་ཁྱུད་ཀུན་དང་མཐུན། །བསྒྲུབ་པའི་དཀྱིལ་འཁོར་འབུར་དུ་གདོན། །ཁ་དོག་རིགས་དང་མཐུན་པར་བྲི། །སྒོ་ཡི་ཕྱི་ལོགས་སྣམ་བུ་ལ། །གྲུ་གསུམ་བརྒྱ་དང་རྩ་བརྒྱད་བྲི། །དུག་དང་གདུག་པའི་ཚེར་མ་ཅན། །ལྕགས་ཐག་ནག་པོས་བསྡམས་ལ་ནི། །ཡིག་འབྲུ་ཛྭ་ལ་རཾ་རྣམས་དགོད། །ཧོམ་ནག་དཀྱིལ་འཁོར་དམ་པའོ། །རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་གྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས། གནས་ཀྱི་མཚན་ཉིད་བསྟན་པ་དང་དཀྱིལ་འཁོར་གཏན་ལ་དབབ་པའི་ལེའུ་སྟེ་གསུམ་པའོ།། །།དེ་ནས་ཡང་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ལ། ཀརྨ་ཧེ་རུ་ཀས་འདི་སྐད་ཅེས་གསོལ་ཏོ། །ཀྱེ། བཅོམ་ལྡན་བཛྲ་ཀཱི་ལ་ཡ། །ལྷ་ལ་དབང་བསྐུར་ ― DNG022_Page_0179 ―
[མ་དཔེ་གཟིགས་ན་འདིར་གནོན།]
མི་འཚལ་ལམ། །བྱིན་གྱིས་བརླབ་ན་ཇི་ལྟར་བརླབ། །ཅེས་གསོལ་པ་དང་། བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །ཕྱོགས་བཅུའི་སངས་རྒྱས་སྤྱན་དྲངས་ལ། །མཆོད་བསྟོད་ཕྱག་འཚལ་གཞུང་བཞིན་བྱ། །གསོལ་གདབ་དབང་ཡང་ནོད་པར་བྱ། །སྐུ་དང་གསུང་དང་ཐུགས་དང་ནི། །ཡོན་ཏན་ཕྲིན་ལས་ལྔ་རུ་བསྐུར། །ཕྱོགས་བཅུའི་སྲོག་ལ་དབང་བསྐུར་ནས། །སྲོག་ནི་ཡེ་ཤེས་གྱུར་ནས་ནི། །ཁམས་གསུམ་སྒྲོལ་བའི་དབང་བསྐུར་རོ། །ཡ། ཕྱོགས་བཅུའི་སངས་རྒྱས་སྤྱན་དྲངས་ནས། །གཉིས་སུ་མེད་པར་བསྡིམས་བྱས་ནས། །བདག་ཉིད་གྲུབ་པའི་དཀྱིལ་འཁོར་ལ། །ཕྱི་ནང་གསང་བའི་མཆོད་པ་བརྩམ། །བདག་ཉིད་ཐུགས་ཀའི་འོད་ཟེར་ལས། །ལྷ་མོ་མང་པོ་སླར་འཐོན་ནས། །བདག་ལ་མཆོད་པ་བྱེད་པར་བསམ། །སྐུ་དང་གསུང་དང་ཐུགས་གསུམ་དུ། །རྣམ་སྣང་མི་བསྐྱོད་སྣང་མཐའ་ཡས། །འཁོར་ལོ་པདྨ་རྡོ་རྗེ་བུམ། །འབྲུ་གསུམ་པོ་ལ་ཡིག་འབྲུས་བསྐོར། །སྐུ་གསུང་ཐུགས་ཀྱི་ས་བོན་ལས། །བྱང་ཆུབ་སེམས་ཀྱི་འོད་ཟེར་འཕྲོས། །སྲིད་གསུམ་བྱང་ཆུབ་སེམས་སུ་བསྒྲལ། །བདེ་བར་གཤེགས་པའི་ཐུགས་དམ་བསྐང་། །སླར་འདུས་བདག་གི་གནས་སུ་ཐིམ། །ཐུགས་ནས་རིམ་པར་དབང་བསྐུར་བས། །བདག་ཉིད་ལྷུན་གྲུབ་སྐུ་གསུང་ཐུགས། །བདག་ཉིད་ཁྲོ་རྒྱལ་ཡིན་པའི་ཕྱིར། །སྐུ་ལས་ཡེ་ཤེས་འོད་ཟེར་འཕྲོ། །ཁམས་གསུམ་ཡེ་ནས་སངས་རྒྱས་ཡིན། །རྟོག་པའི་དབང་གིས་འཁོར་བ་རྣམས། །གཉིས་མེད་བྱང་ཆུབ་སེམས་སུ་བསྒྲལ། །སླར་འདུས་བདག་ལ་དབང་བསྐུར་རོ། །དར་གྱི་དེ་ནི་གཟུངས་ཐག་ལ། །དཀར་དམར་མཐིང་སེར་རིན་པོ་ཆེ། །བདག་དང་ཁྲོ་བོ་ཕུར་པ་རྫས། །སྐུ་གསུང་ཐུགས་ཀྱི་གནས་རྣམས་སུ། །རིགས་དང་སྦྱར་ཏེ་སྤྲོ་བསྡུ་བྱ། །རིན་པོ་ཆེ་ཡི་སྦུ་གུ་རུ། །རེ་རེ་ལ་ཡང་གསུམ་གསུམ་དགུར། །དབང་བསྐུར་བྱིན་གྱིས་བརླབ་པར་བྱའོ། །བུམ་པ་ལྔ་ལ་རྒྱན་ཆས་བརྒྱན། །སོ་སོའི་ལྷ་ཡི་སྙིང་པོ་ཡི། །ཞབས་ལ་དབའ་བོ་འབྲུ་ལྔ་གདགས། །ཉུང་དཀར་བཟླས་ལ་བསྡིམ་པར་ ― DNG022_Page_0180 ―
[མ་དཔེ་གཟིགས་ན་འདིར་གནོན།]
བྱ། །རྡོ་རྗེ་དྲིལ་བུ་རིན་པོ་ཆེ། །པོ་ཏི་ལ་སོགས་སོ་སོའི་སྔགས་ཀྱིས་བསྡིམ། །ཕྱི་དབང་དུས་སུ་སོ་སོའི་ཞབས་ལ་གདགས། །ཡུངས་ཀར་བཟླས་ལ་བསྡིམ་པར་བྱ། །རྣ་བའི་དབུས་ཀྱི་བཅུད་བསྡུས་རྩ་ལ་ནི། །ཡིག་འབྲུ་ཏྲཱཾ་བསྒོམ་སྤྲོ་བསྡུས་པས། །ཡེ་ཤེས་རིན་ཆེན་འབྱུང་ལྡན་བསྐྱེད་པར་བྱ། །པོ་ཏིས་དབང་བསྐུར་ཉན་པའི་དབང་། །ཐུགས་ནི་རིན་ཆེན་གཞལ་ཡས་ཁང་། །ཡི་དམ་ལྷ་ནི་གསལ་བསྒོམ་ལ། །ཡེ་ཤེས་ལྔ་ཡིས་དབང་བསྐུར་བས། །ཡི་དམ་ལྷ་ཉིད་ཞུ་བར་གྱུར། །གང་གིས་དབང་བསྐུར་སྒོམ་པའི་དབང་། །ལག་མཐིལ་ཉིད་ཀྱི་རྩ་ཉིད་ལ། །ལག་པའི་འཁོར་ལོ་གཞལ་ཡས་ཁང་། །ཡེ་ཤེས་ཚོན་གང་དོན་ཡོད་གྲུབ། །ཐུགས་ཀའི་རྒྱ་གྲམ་ཡིག་འབྲུ་ཧཱ། །ལས་ཀྱི་རིགས་ཀྱི་བཟླས་པས་བསྐོར། །རྡོ་རྗེ་རྒྱ་གྲམ་དབང་བསྐུར་ཡེ་ཤེས་སེམས་དཔའ་ཞུ། །ཕྲིན་ལས་དབང་བསྐུར་དམ་པ་ཡིན། །ལྕེ་དབུས་པདྨ་འདབ་བརྒྱད་ལ། །དབུས་སུ་སྣང་བ་མཐའ་ཡས་བསྐྱེད། །པདྨ་ཨཱཾ་ལ་བཟླས་པའི་ཡིག་འབྲུས་བསྐོར། །གསུང་རབ་དྲིལ་བུས་དབང་བསྐུར་ཡེ་ཤེས་སེམས་དཔའ་ཞུ། །བཤད་བཟླས་གཉིས་ཀྱི་དབང་བསྐུར་མཆོག་ཡིན་ནོ། །དབང་རྫས་རྣམས་ཀྱང་དེ་བཞིན་དུ། །མཁས་གོམས་གྲུབ་པས་དབང་བསྐུར་བྱ། །བསྙེན་པའི་དཀྱིལ་འཁོར་གཞུང་བཞིན་བྲི། །མཁས་པས་ལྷ་ཕུར་རིམ་པས་འགོད། །བྷན་དྷའི་ནང་དུ་བཟླས་ཉུང་བསགས། །ཕུར་པ་བཅུ་ལ་ཁྲོ་བཅུའི་སྙིང་པོ་བྲི། །ལོགས་ལ་སྙིང་པོ་དབལ་ལ་ལས་སྔགས་སོ། །བརྒྱ་མཚམས་སྟོང་མཚམས་མཆོད་བསྟོད་གཞུང་བཞིན་བྱ། །ཉུང་དཀར་རྒྱལ་པོས་དབང་བསྐུར་བྱིན་གྱིས་བརླབ། །བདག་ཉིད་རྩ་བའི་དཀྱིལ་འཁོར་གསལ་བསྒོམས་ལ། །ཕུར་པ་དར་གྱི་ཅོད་པན་གཟུངས་ཐག་གདགས། །རིན་པོ་ཆེ་ཡི་སྦུ་གུ་ཁོང་སྟོང་བྱང་ཆུབ་སེམས། །ལོགས་ལ་སྐུ་གསུང་ཐུགས་ཀྱི་ཡིག་འབྲུ་འཁྲིགས། །དེ་ཡི་རྩ་བ་ཡན་ལག་གསུམ་དུ་སྦྲེལ། །བྱང་ཆུབ་སེམས་རྩ་དང་ནི་ངག་དག་རྩ། །སེམས་གནས་དྲན་གཞི་ཙིཏྟའི་རྩ་ལ་འདྲེལ། །སྐུ་གསུང་ཐུགས་ཀྱི་འཕྲོ་འདུ་གྲངས་མེད་སྤྲོ། །རེ་རེ་ལ་ཡང་ ― DNG022_Page_0181 ―
[མ་དཔེ་གཟིགས་ན་འདིར་གནོན།]
གསུམ་གསུམ་མོ། །ཕྲ་མོའི་ཏིང་འཛིན་གསལ་བར་བྱ། །སྲན་མ་སྲན་ཆུང་ཉུང་དཀར་ཏིལ། །ཏིང་འཛིན་མི་གསལ་བཟླས་པ་བྱ། །བདུན་འབུམ་ཉི་ཁྲི་ཐེམ་པ་དང་། །ཕུར་པའི་རྟགས་རྣམས་དུས་སུ་འབྱུང་། །རྣལ་འབྱོར་དྲོད་དང་ལྡན་པར་འགྱུར། །དེ་ཡིས་དབང་རྣམས་རིམ་བཞིན་བསྐུར། །རྗེས་འཇུག་དབང་མཆོག་འདོད་པ་དེས། །དཀྱིལ་འཁོར་དམ་པ་བསྟན་པའི་ཕྱིར། །སློབ་དཔོན་ལུང་དང་ལྡན་པ་དེས། །བདུད་རྩི་ཁར་བླུག་མནའ་ཡིས་བསྒག །ཨ་མྲྀ་ཏ་ཡིས་ན་ར་ཀན། །བཟླས་པའི་ཆུ་ནི་ཁ་རུ་བླུག །གསང་བའི་དཀྱིལ་འཁོར་འདིར་ཞུགས་ནི། །ཁྱོད་ཀྱིས་གཞན་ལ་མ་སྨྲ་ཞིག །གལ་ཏེ་གཞན་ལ་སྨྲས་གྱུར་ན། །སྡུག་བསྔལ་ཆེན་པོས་ཐར་མི་འགྱུར། །སྲོག་ལ་བར་ཆད་མྱུར་དུ་འོང་། །སེམས་ཅན་དམྱལ་བ་ཆེན་པོར་སྐྱེ། །དེ་ལས་ཐར་པའི་དུས་མེད་འགྱུར། །ཁྱོད་ལ་དམ་ཚིག་དབོག་པ་ནི། །ཡི་དམ་ལྷ་ལ་རྟག་པར་གནས། །སྔགས་དང་ཕྱག་རྒྱ་རྒྱུན་མི་གཅོད། །བླ་མ་མིག་གི་འབྲས་ལྟར་བལྟ། །རྡོ་རྗེ་སྤུན་ལ་བརྩེ་གདུང་ཆེ། །གསང་བའི་མན་ངག་ཐབས་མཆོག་འདི། །སྣོད་ངན་གཞན་ལ་མི་སྤེལ་ལོ། །རྒྱུད་འདྲེལ་བློ་ཞེན་སྒྲུབ་ལ་ཞུགས། །སྦྱོར་སྒྲོལ་མཆོད་པ་རྒྱུན་མི་གཅོད། །རྫས་དང་ལག་ཆ་རྟག་ཏུ་ཆོངས། །བལྟ་བ་ནམ་མཁའ་བཅོས་པ་མེད། །སྤྱོད་པ་ས་གཞི་བཞིན་དུ་གྱིས། །དམ་ཚིག་འཇིགས་པའི་མཁར་བཞིན་སྲུངས། །གསང་བའི་སྡོམ་པ་འདའ་དཀའ་བ། །གསང་སྔགས་ཟབ་མོ་སྟོན་པའི་སློབ་དཔོན་ལ། །སྨད་སེམས་འཕྱ་སེམས་བྱས་ན་ནི། །དངོས་གྲུབ་མེད་ཅིང་དམྱལ་བར་ལྟུང་། །སྲོག་ལ་བར་ཆད་མྱུར་དུ་འོང་། །དེ་ལྟར་དམ་ཚིག་ཕོག་པ་དང་། །གསང་སྔགས་ཟབ་མོའི་དབང་མཆོག་འབྲས་བུ་ལ། །ལས་འཕྲོ་སྐལ་བར་ལྡན་དང་མི་ལྡན་པ། །ལུས་བཀྲུས་གོས་གཙང་བསྐོན་ལ་ཉལ་དུ་གཞུག །གསང་སྔགས་ཟབ་མོའི་སྒོར་ཞུགས་དབང་མཆོག་ཐོབ། །རྡོ་རྗེ་སློབ་དཔོན་ཕྱག་ཆ་གནང་གི་རྨི། །ཐུགས་ཀྱི་དངོས་གྲུབ་ཐོབ་པའི་རྟགས། །ལག་ཏུ་བ་དན་ཐོགས་པ་དང་། །ཀུན་གྱི་དམག་དཔོན་བྱེད་ཅིང་རྨི། །སྐུ་ལ་རྒྱན་ཆ་འདོགས་ཤིང་རྨི། །སྐུ་ཡི་དངོས་གྲུབ་ཐོབ་པའི་ ― DNG022_Page_0182 ―
[མ་དཔེ་གཟིགས་ན་འདིར་གནོན།]
རྟགས། །གསེར་གཡུ་ལུས་ལ་བཏགས་ཤིང་རྨི། །གཞན་ཡང་ཟངས་ལྕགས་རིན་པོ་ཆེ། །བདག་གིས་བཏགས་དང་འཆང་བ་རྨི། །ཡོན་ཏན་དངོས་གྲུབ་ཐོབ་པའི་རྟགས། །ལག་ཏུ་པདྨ་མེ་ཏོག་ཐོགས། །ཉི་དྲོ་ཟླ་གསལ་མེ་མཐོང་བ། །རྒྱ་མཚོ་ཆེན་པོ་བརྒལ་གྱིན་རྨི། །བདག་གི་ལུས་ཀྱང་བཤས་ནས་ནི། །ཤ་ཁྲག་མི་ཡིས་བགོས་ཀྱིན་རྨི། །གསུང་གི་དངོས་གྲུབ་ཐོབ་པའི་རྟགས། །མདའ་གཞུ་གོ་མཚོན་ཐོགས་པ་དང་། །རྩི་ཤིང་མང་པོ་བསྲེལ་བ་དང་། །ནམ་མཁའ་ལ་ནི་འཕུར་གྱིན་རྨི། །ཕྲིན་ལས་དངོས་གྲུབ་ཐོབ་པའི་རྟགས། །གསང་སྔགས་ཟབ་མོ་དབང་གི་འབྲས་བུ་ལ། །ལས་དང་སྐལ་བར་ལྡན་པའི་རིགས་ཀྱི་བུ་མཆོག་དེ། །བདག་ལུས་སྲོག་དང་ནོར་ལ་སོགས། །བུ་དང་ཆུང་མར་བཅས་པ་རྣམས། །ཞུམ་པ་མེད་པའི་སེམས་ཀྱིས་དབུལ། །རྡོ་རྗེ་རིགས་ཀྱི་ཡོན་ཡིན་ནོ། །བྲན་དང་བཅས་པའི་འདོད་ཡོན་ལྔ། །འཁོར་ལོ་ཅན་གྱི་ཡོན་ཡིན་ནོ། །རིན་ཆེན་སྣ་ལྔ་ལ་སོགས་དང་། །གླང་པོ་རྟ་དང་མ་ཧེར་བཅས། །རིན་ཆེན་རིགས་ཀྱི་ཡོན་ཡིན་ནོ། །མ་སྲིང་བུ་མོ་ཆུང་མ་དང་། །རབ་ཏུ་བརྒྱན་པ་དག་དང་ནི། །རྒོད་མ་ལ་སོགས་མོ་ཆགས་རྣམས། །པདྨའི་རིགས་ཀྱི་ཡོན་དུ་དབུལ། །རྟ་དང་མ་ཧེ་གླང་ཆེན་དང་། །རྫས་ཀྱི་བྱེ་བྲག་མང་པོ་བཀལ་བ་ནི། །ལས་ཀྱི་རིགས་ཀྱི་ཡོན་དུ་དབུལ། །སློབ་དཔོན་པདྨའི་ཁྲི་ལ་བཞུགས་སུ་གསོལ། །གསེར་ལ་སོགས་པ་རིན་པོ་ཆེ། །དར་གྱི་ཐུམ་པོར་བཅུག་ལ་ནི། །གཞན་ཡང་རྫས་རྣམས་ཅི་འབུལ་བ། །སློབ་དཔོན་ཉིད་ལ་གཏོར་ཏེ་དབུལ། །རྡོ་རྗེ་སློབ་དཔོན་ཐུགས་ཀ་ཡི། །ཡེ་ཤེས་སེམས་པ་ཉིད་ལ་ཕོག །འོད་ཟེར་དུ་ནི་འཕྲོས་པ་ལས། །སློབ་མ་ཡི་ནི་ཐུགས་ཀ་རུ། །ཡེ་ཤེས་སེམས་དཔའ་ཉིད་ལ་ཐིམ། །ཐིམ་པས་འོད་དུ་ཞུ་བར་གྱུར། །ཨ་ཁཾ་བཱི་ར་པཱུ་ཛ་ཧཱུཾ། དེ་སྐད་བརྗོད་ལ་བསྐོར་བ་བྱ། །དེ་ནས་དཀྱིལ་འཁོར་ཆེན་པོ་རུ། །དབང་གི་རིམ་པ་བསྐུར་བར་བྱ། །དང་པོ་རྒྱུ་འབྲས་མི་བསླུ་བསྟན། །དེ་ལྟར་འབུལ་བྱེད་སློབ་མ་ལ། །རྫོགས་པའི་ ― DNG022_Page_0183 ―
[མ་དཔེ་གཟིགས་ན་འདིར་གནོན།]
རིམ་པའི་དབང་བསྐུར་བྱ། །བུ་མོ་ལོ་གྲངས་ཉི་ཤུ་ལ། །ཕྱག་རྒྱའི་དཀྱིལ་འཁོར་གསལ་བཀོད་དེ། །ལན་གསུམ་ཚུལ་དུ་ནན་ཏན་བྱ། །གཉིས་སུ་མེད་པའི་བྱང་ཆུབ་སེམས། །ཞལ་བུ་ཀ་པཱ་ལ་རུ་བསམ། །ཐབས་དང་ཤེས་རབ་གཉིས་ཀྱིས་བླང་། །སྐུ་གསུང་ཐུགས་སུ་བསྐུར་བར་བྱའོ། །དངོས་གྲུབ་ཆེན་པོ་ཐོབ་པར་ངེས། །དངོས་གྲུབ་རྣམ་གཉིས་མི་ལྡོག་པ། །ཤེས་རབ་མ་ཡི་མཚན་བརྟག་པ། །སྐྲ་ནི་སེར་ལ་ལི་བ་དང་། །མིག་ལ་ཀྲི་ཀ་ཆགས་པ་དང་། །འབྲས་བུ་དཀར་ནག་ཕྱེད་པ་དང་། །སོ་ལ་སོ་ཞོ་ཆགས་པ་དང་། །རྐང་པའི་བྱིན་པ་ཕྲ་བ་དང་། །ལུས་ལ་དྲི་ཞིམ་ནད་ཀྱང་ཉུང་། །ནུ་མ་ཆུང་ལ་སྐེད་སྐབས་དོད། །སྐད་ཀྱང་ངང་བ་གཞོན་ནུ་འདྲ། །ལྕེ་འཇིབས་མ་མཆུ་སོ་ཡིས་འདྲུད། །ནུ་མ་མཉེ་ཞིང་ཁ་གཉིས་སྦྱར། །མཁའ་གསང་གཉིས་ནི་བྱིན་བརླབས་ལ། །ཨེ་སྟེང་ཉི་མ་པདྨ་བརྒྱད། །ཟླ་བ་རྡོ་རྗེ་རྩེ་ལྔ་ཨཱཿ། །སྟྭཾ་དང་ཧོ་ཡིས་བསྐུལ་ལ་ནི། །དེ་ལ་གཉིས་མེད་སྦྱོར་བར་བྱ། །པདྨ་ལ་ནི་རྡོ་རྗེ་ཞུགས། །རྡོ་རྗེའི་ལམ་ནས་པདྨར་འཁྱིལ། །བདེ་བ་གསལ་ཞིང་མི་དམིགས་པ། །བྱང་ཆུབ་སེམས་ཆུ་རབ་ཕབ་ནས། །གསང་བའི་ཕོ་བྲང་དབུས་སུ་ནི། །བདེ་བར་གཤེགས་པའི་སྐུ་རྣམས་བསྐྱེད། །སྐད་ཅིག་མ་ཡི་སྤྲོ་བསྡུས་ཞུ། །དཀར་འཚེར་བྱང་ཆུབ་སེམས་སུ་གྱུར། །བྱང་ཆུབ་སེམས་ནི་སྤྱན་དྲངས་ནས། །བྱང་ཆུབ་སེམས་ནི་བསག་པའི་སྣོད། །མཚན་དང་ལྡན་པའི་ཀ་པཱ་ལ། །སྐུ་གསུང་ཐུགས་ཀྱི་གནས་རྣམས་སུ། །དབང་བསྐུར་དངོས་གྲུབ་བསྡིམ་པར་བྱའོ། །གང་ཟག་རྣམས་ལ་བསྐུར་བ་ནི། །དུས་འདི་ཕན་ཆད་རྒྱལ་བའི་སྲས། །ངན་སོང་གསུམ་དུ་ལྟུང་མི་སྲིད། །ལྷ་དང་མི་ཡི་དབང་པོར་འགྱུར། །བསྐྱེད་རིམ་ལ་ནི་སེམས་ཞུགས་ནས། །བུམ་པའི་དབང་ཐོབ་སེམས་ཟིན་ནས། །ཐར་པའི་ལམ་ལས་ལྡོག་མི་སྲིད། །ཟབ་མོའི་དབང་ནི་ཐོབ་གྱུར་ནས། །རྡོ་རྗེ་སེམས་དཔའི་ མཚན་ཡོངས་སུ་རྫོགས་པའི་ས་ནོན་པ་ཞེས་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་ ― DNG022_Page_0184 ―
[མ་དཔེ་གཟིགས་ན་འདིར་གནོན།]
གསང་བའི་དགོངས་རྒྱུད་ལས། དབང་གི་ལེའུ་སྟེ་བཞི་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་གསང་མཆོག་བཛྲ་ཀཱི་ལ་ཡ། །སྲས་མཆོག་ཕུར་པའི་དཀྱིལ་འཁོར་གང་། །གསད་པ་ལས་ཀྱི་དཀྱིལ་འཁོར་གང་། །ཞེས་གསོལ་པ་དང་། ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །སྲས་མཆོག་ཕུར་པའི་དཀྱིལ་འཁོར་ནི། །ཡང་དག་ཉིད་དུ་ངས་བཤད་ཀྱི། །ལུས་ངག་ཡིད་ཀྱིས་གུས་པར་ཉོན། །ལས་ལ་སྦྱོར་བའི་དུས་སུ་ནི། །གསང་བ་ཡུམ་གྱི་དཀྱིལ་འཁོར་ལ། །མེ་འོད་འབར་བས་བསྐོར་བ་བྲི། །དབུས་སུ་གྲུ་གསུམ་མཐིང་ནག་ལ། །ཕྱི་རིམ་སྒོ་རྣམས་གཉིས་བརྩེགས་སུ། །ནང་རྣམས་ཕྱོགས་བཞི་མཚམས་བརྒྱད་ལ། །གྲུ་གསུམ་ཉི་ཤུ་རྩ་གཅིག་ལ། །སྲས་མཆོག་ཉི་ཤུ་རྩ་གཅིག་དགོད། །ཕྱི་རྣམས་ཕྱོགས་བཞི་མཚམས་བརྒྱད་དུ། །གྲུ་གསུམ་བརྒྱ་ནི་རྩ་བརྒྱད་ལ། །གནན་ཕུར་བརྒྱ་དང་རྩ་བརྒྱད་དགོད། །འདི་ནི་སྲས་མཆོག་དཀྱིལ་འཁོར་རོ། །གསད་པ་ལས་ཀྱི་དཀྱིལ་འཁོར་ནི། །དཀྱིལ་འཁོར་བྱང་ཤར་མཚམས་སུ་ནི། །འབྲུབ་ཁུང་ལས་ཀྱི་དཀྱིལ་འཁོར་བྲི། །ཧོམ་ཁུང་གྲུ་གསུམ་གདེངས་པ་ལ། །རྩེ་མོ་ལྷོ་ཡི་ཕྱོགས་སུ་བསྟན། །དུག་གི་ཆུ་ཡིས་ཆག་ཆག་གདབ། །རོ་བསྲེགས་སོལ་བས་ནག་པོར་བྱུག །བང་རིམ་གསུམ་དང་ལྡན་པར་བྱ། །ཧཱུཾ་དང་ཕཊ་ཀྱིས་བསྐོར་བ་བྲི། །ཉི་ཤུ་རྩ་བརྒྱད་རྩང་གིས་བསྐོར། །རྒྱ་གྲོག་དམར་པོའི་ཚང་དང་ནི། །མཚལ་ཁམས་ཆུ་ཡིས་ཁྱེར་བ་དང་། །སྲུབས་མའི་ལོ་མ་གངས་ཀྱི་དུམ་བུ་དང་། །དྲི་ཆེན་དྲི་ཆུ་བསེ་ཡི་རས་མ་དང་། །སོ་དོག་གཞི་བླང་ལིངྒ་ཐལ་སྐྱའི་མདོག །དཔྲལ་བར་རུས་བྲིས་སྙིང་གར་མིང་བྲིའོ། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ཧོམ་ཁུང་ནང་དུ་མགོ་བསྟན་ལ། །སྐྲ་བཤིག་སྒྲེན་མོར་ཕྱུང་བར་བསམ། །དེ་ནས་རྣལ་འབྱོར་ཏིང་འཛིན་ ― DNG022_Page_0185 ―
[མ་དཔེ་གཟིགས་ན་འདིར་གནོན།]
ཅན། །སྲིད་པའི་ཕུར་བུ་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །སྲིད་གསུམ་ཕུར་བུར་བསྒྲུབ་པའི་ཕྱིར། །སློབ་དཔོན་འཁོར་གནས་ཕུན་སུམ་ཚོགས། །འཚོ་བ་ཟས་དང་སྒྲུབ་རྫས་རྐྱེན་བཟློག་སྨན། །ཕྱི་ནང་རྒྱུ་འགྲུལ་མཚམས་ཀྱང་བཅད། །རྒྱུ་ལས་བྱུང་དང་རྐྱེན་ལས་བྱུང་། །བར་གཅོད་དངོས་གྲུབ་ཐོབ་དུ་མི་སྟེར་བར། །ཏིང་འཛིན་བསར་ལ་ཕྱི་མཚམས་ནང་མཚམས་བཅད། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་སྤྱན་དྲངས་ནས། །ཕྲ་ཐབས་ཡང་སྤྲུལ་སུམ་སྤྲུལ་དང་། །དམ་ལ་བཏགས་པའི་དམ་ཅན་རྣམས། །སྤྱན་དྲང་མཆོད་བསྟོད་གཞུང་བཞིན་བྱ། །བསྙེན་པ་བདུན་འབུམ་ཉི་ཁྲི་གདོན། །བྱེ་བ་ས་ཡས་གདོན་མི་ཟ། །མཆོད་པ་དུས་དྲུག་རྒྱུན་མི་གཅད། །དམ་ཅན་སྲུང་མ་འཁོར་བཅས་ལ། །དྲག་པོའི་གཏོར་མ་བྱིན་ནས་ནི། །གང་ལ་བྱ་བའི་ཕྲིན་ལས་བཅོལ། །མགྱོགས་བྱེད་ཡེ་ཤེས་ཕོ་ཉ་ཡིས། །ཏིང་འཛིན་བསར་ཏེ་གནས་ནས་དགུག །གཟིར་གནོན་དྲག་པོས་བསྣུན་པར་བྱ། །ལྷ་རྣམས་དྲག་པོའི་ལས་ལ་བསྐུལ། །ཐུགས་ལས་སྤྲུལ་པའི་ཕོ་ཉ་ནི། །ཕྲ་མེན་དྲག་པོའི་ལས་ལ་བསྐུལ། །ཏིང་འཛིན་བསར་ཏེ་ལས་ལ་བསྐུལ། །བཀའ་ཉན་ཕྲིན་ལས་ཕོ་ཉ་ཡིས། །དམ་ཅན་གནད་ཕབ་བསྐུལ་བ་ཡིས། །ཏིང་འཛིན་བསར་ཏེ་གནས་ནས་དགུག །གཟིར་གནོན་དྲག་པོས་བརྡུང་བར་བྱའོ། །སྔགས་དང་ཏིང་འཛིན་ཕྲིན་ལས་གསུམ། །དཀྱུས་དང་ཕྲིན་ལས་སྦྱར་བ་ནི། །སྐོར་ཚོམས་གསུམ་དུ་སྦྱར་བར་བྱའོ། །དུག་གཏོར་ཁྲག་དང་ཉུང་དཀར་གྱིས། །ལིངྒ་ལ་ནི་ཐུན་དུ་བྲབ། །འགོ་བའི་ལྷ་དང་བྲལ་བར་བྱའོ། །དུ་གུལ་ནག་པོའི་དུད་པས་བདུག །འབྲོས་ཀྱིས་མི་ཐར་གནད་གཟིར་བྱ། །སྟེང་ན་ཕུར་བུའི་སེར་དབབ་པ། །དྲོད་ཚད་གཏན་ལ་ཕེབས་པ་དང་། །བརྟུལ་ཞུགས་བསྐྱེད་དེ་གདབ་པར་བྱ། །དེ་བཞིན་གཤེགས་པ་ཐམས་ཅད་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ ― DNG022_Page_0186 ―
[མ་དཔེ་གཟིགས་ན་འདིར་གནོན།]
ལས། སྲས་མཆོག་ཕུར་པའི་དཀྱིལ་འཁོར་གྱི་ལེའུ་སྟེ་ལྔ་པའོ།། །།དེ་ནས་ཡང་ཀརྨ་ཧེ་རུ་ཀས་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །འཁོར་བ་དབྱིངས་སུ་བསྒྲལ་བའི་ཕྱིར། །སྲིད་གསུམ་ཕུར་པས་གདབ་པ་ལ། །ཕུར་པའི་རྒྱུ་ནི་ཅི་ལ་བགྱི། །དེ་ཡི་ཚད་ནི་ཇི་ལྟར་ལགས། །དེ་ཡི་ཡོན་ཏན་འབྱུང་བ་ཇི་ལྟར་ལགས། །གསང་བའི་བདག་པོས་ལུང་བསྟན་དུ་གསོལ། །བདེ་བར་གཤེགས་པས་ལུང་བསྟན་དུ་གསོལ། །ཞེས་ཞུས་པས། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །ཕུར་པའི་རྒྱུ་རྣམས་ངས་བཤད་ཀྱི། །དྲག་པོ་ལྕགས་ཀྱི་ཕུར་པ་ལ། །གྲི་ལྕགས་མདེའུ་རྙིང་རྟགས་ཕྱིན་དང་། །གནམ་ལྕགས་ཐོག་གི་ལྕགས་དག་དང་། །གཅོད་དང་རྣོ་དང་སྲ་ལ་སོགས། །སྟེང་དུ་སོར་གཅིག་རྒྱ་མདུད་བྱ། །རྐེད་པར་སོར་གཅིག་རྒྱ་མདུད་དོ། །ངོས་བརྒྱད་རིན་ཆེན་ཟུར་བརྒྱད་ལ། །ཁྲོ་རྒྱལ་གནས་པའི་གཞལ་ཡས་ཁང་། །བར་གྱི་རྒྱ་མདུད་བརྩེགས་མ་ལ། །ཐབས་དང་ཤེས་རབ་དབྱེར་མེད་དོ། །གཞལ་ཡས་རང་བཞིན་བརྩེགས་མར་གནས། །རྩེ་མོ་ཟུར་གསུམ་དྲག་པོར་བཤད། །དབང་ལ་ཟངས་ཀྱི་ཕུར་པའོ། །རྒྱས་པར་གསེར་ལ་སོགས་པ་སྟེ། །ཞི་བ་དངུལ་དང་ཙནྡན་ནོ། །རྩེ་མོའི་དབྱིབས་ནི་སོ་སོར་བསྟན། །གཞན་ཡང་ཚེར་མ་ཅན་གྱི་ཤིང་། །རབ་ཏུ་མི་སྲུན་གནས་དག་ནས། །གང་དག་སྐྱེས་པ་གང་ཡིན་དང་། །དུག་དང་གཅན་གཟན་གདུག་པ་ཅན། །རབ་ཏུ་གདུག་པའི་གནས་དག་ན། །སྐྱེས་པའི་ཤིང་མཆོག་ཚེར་མ་ཅན། །སྐྱེར་པ་དང་ནི་སེང་ལྡེང་དང་། །གང་དག་སྐྱེར་ལྡེང་མཛོ་མོ་ཤིང་། །རྩ་བའི་ལོགས་སུ་རྒྱ་མདུད་ལ། །རྩེ་མོའི་ལོགས་སུ་ཟུར་གསུམ་བྱ། །དབྱིབས་དང་ཁ་དོག་གོང་དང་མཐུན། །གཞན་ཡང་གདུག་པའི་ཚེར་མ་ཅན། །གོང་མ་དེ་རྣམས་མ་འབྱོར་ན། །གདུག་པའི་ཤིང་མཆོག་གང་རྙེད་པ། །ཏིང་ངེ་འཛིན་གྱིས་དཀྱིལ་འཁོར་ལ། །ཡིད་ལ་དྲན་ཞིང་གསལ་བསྒོམ་བྱ། །སྔགས་དང་བྱ་བ་མ་ནོར་ན། །དེས་ཀྱང་གྲུབ་པར་གཞུང་ལས་བཤད། ། ― DNG022_Page_0187 ―
[མ་དཔེ་གཟིགས་ན་འདིར་གནོན།]
འདི་དག་རིང་ཐུང་ཚད་བསྟན་པ། །སོར་བཞི་པ་དང་སོར་བརྒྱད་པ། །བཅུ་གཉིས་པ་དང་བཅྭ་བརྒྱད་པ། །དེ་ལས་ཐུང་བར་མ་གསུངས་ཏེ། །དེ་ལས་རིང་བར་ཡོངས་མ་བཤད། །སོར་བཞི་འབྱུང་བ་བཞི་ཡི་ཚད། །སོར་བརྒྱད་རྣམ་ཤེས་བརྒྱད་ཀྱི་ཚད། །བཅུ་གཉིས་སྐྱེ་མཆེད་བཅུ་གཉིས་ཚད། །བཅྭ་བརྒྱད་ཁམས་ནི་བཅྭ་བརྒྱད་ཚད། །རྟགས་དང་སྦྱར་ཏེ་དེ་རྣམས་བཤད། །རྟགས་ཕྱིན་པ་ཡི་ལྕགས་རྣམས་ལ། །དེ་ཡི་ཡོན་ཏན་བཤད་པ་ནི། །དཔེར་ན་ནགས་ཀྱི་སྡོང་པོ་ལ། །སྔོན་ཆད་བཅད་པའི་སྟྭ་རེ་དག །དེ་དག་ཆོད་པར་གྱུར་ན་ནི། །ཆོད་མི་ཆོད་ཀྱི་ཐེ་ཚོམ་མེད། །དེ་དག་སྔོན་ཆད་མ་བཅད་ན། །ཆོད་དམ་མི་ཆོད་ཡོངས་མ་ངེས། །དེ་བཞིན་རྒྱུ་ཡང་དེ་དང་འདྲ། །མདོར་ན་རྣལ་འབྱོར་རྩལ་མཆོག་གཅེས། །རེ་རེ་ལ་ཡང་སྐྱོན་མེད་དེ། །ཡོན་ཏན་ཡོད་པར་འདི་ལས་བསྟན། །ནག་པོ་ཤིང་གི་དུག་ཅན་ལ། །ཕུར་པ་བྱས་པའི་ཡོན་ཏན་ནི། །ནག་པོ་གཞན་གྱིས་མི་ཚུགས་ལ། །དུག་གིས་ཕ་རོལ་གསོད་པར་བྱེད། །ཚེར་མ་ཅན་གྱི་ཤིང་རྣམས་ལ། །ཕུར་པ་བྱས་པའི་ཡོན་ཏན་ནི། །སྐྱེར་པས་ཚེ་དང་ལོངས་སྤྱོད་འཕེལ། །མཛོ་མོས་དབང་དུ་བྱ་བ་འགྲུབ། །གཞན་ཡང་ཁ་དོག་རིགས་དང་སྦྱར། །མདོར་ན་བདེ་གཤེགས་ས་བོན་གྱི། །བྱིན་གྱིས་བརླབས་པ་གཅེས་པར་བཤད། །དེ་བས་ཀྱང་ནི་དམ་ཚིག་གཙོ། །རྣལ་འབྱོར་རྣམས་ལ་དམ་པ་བསྔགས། །དང་པོ་གཞུང་ལས་བྱུང་བ་བཞིན། །དེ་དག་མ་ནོར་བཤམ་པར་བྱ། །ཚོགས་པས་ཐེ་ཚོམ་མེད་ཅེས་བྱ། །བཤམས་པས་བྱ་བ་ཆུད་མ་ཟོས། །ཀུན་གྱི་རྒྱུ་ནི་བྱང་ཆུབ་སེམས། །བྱང་ཆུབ་སེམས་ནི་བསྔགས་པ་སྟེ། །རྒྱུ་ཡི་རྒྱལ་པོ་རང་ཤར་བའོ། །གཞན་ཡང་ཕུར་པའི་རྒྱུ་བསྟན་པ། །ཟངས་ལྕགས་འཁར་བ་གང་ཡོད་པ། །དེ་ཡང་དོད་ཅིང་ལེགས་པར་བྱ། །མ་དོད་པ་ཡི་སྐྱོན་རྣམས་ནི། །གར་དགར་བྱས་པས་ཚུལ་ལས་ཉམས། །སྟབ་ཆོལ་བྱས་པས་བཀའ་ལས་འགལ། །རྙེད་བཙན་བྱས་པས་བྱིན་རླབས་ཆུང་། །ཡོད་བཙན་བྱས་པས་བསྒོམ་མི་བདེ། །ངན་དགུར་བཤམས་ན་རྟོག་པར་འགྱུར། །ལེགས་པར་བཤམས་པ་ ― DNG022_Page_0188 ―
[མ་དཔེ་གཟིགས་ན་འདིར་གནོན།]
ཡི་རང་ཞིང་། །ཚོགས་པར་བཤམས་ན་གཞུང་དང་མཐུན། །དོད་པར་བྱས་ན་དང་བ་སྐྱེ། །བཀའ་བཞིན་བྱས་ན་བྱིན་རླབས་ཡོད། །མདོར་ན་རྟོགས་པ་གཙོ་བོ་ཡང་། །རྟོགས་པའི་དོན་ལ་མཐར་ཕྱིན་ན། །རྣམ་པར་མི་རྟོག་ཡོངས་མི་དགོས། །མ་རྟོགས་པ་ལ་འདི་དགོས་པས། །ལོག་པའི་ཕྱོགས་རྣམས་འདུལ་སླད་དུ། །འདི་ལ་རྒྱུ་བཤམས་འབྱུང་བ་ཡིན། །མི་རྟོག་པ་ལ་རྟོག་མི་དགོས། །རྣམ་པར་རྟོག་ལ་ཁྲོ་འདུལ་བཟང་། །ཉོན་མོངས་པ་ལ་གཉེན་པོས་འཇོམས། །རྟོག་པ་བསལ་བར་བཤམས་པ་གཅེས། །གཞན་ལ་ཚུགས་འདོད་གྲངས་མ་ལྟོས། །རྟགས་ཕྱིན་འདོད་ན་ཡུན་དུ་བསྲིངས། །དོན་ལ་རུབ་འདོད་མ་གཡེལ་གྱིས། །རིངས་པར་འདོད་ན་བརྩོན་འགྲུས་སྐྱེད། །དོན་འདི་ཡིད་ལ་བཞག་ནས་ཀྱང་། །སྔགས་པས་དེ་ལ་ནན་ཏན་སྐྱེད། །ཅེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས། ཕུར་པའི་རྒྱུ་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་ཀརྨ་ཧེ་རུ་ཀས། འདི་སྐད་ཅེས་ཞུས་སོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཕུར་པ་བསྐྱེད་པ་ཇི་ལྟར་བགྱི། །བྱིན་གྱིས་བརླབ་ན་ཇི་ལྟར་བརླབ། །བལྟ་བ་ཅི་ལ་དམིགས་པ་ལགས། །བདེ་བར་གཤེགས་པས་ལུང་བསྟན་དུ་གསོལ། །ཞེས་གླེངས་པས། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་གསུངས་སོ། ། ཉོན་ཅིག་ཀརྨ་ཧེ་རུ་ཀ །ཕུར་པ་དང་པོ་བསྐྱེད་པ་ནི། །མཚོན་པའི་ཕུར་པ་གཞལ་ཡས་ཁང་། །བདེ་གཤེགས་སྤྱན་དྲངས་གནས་ན་བཞུགས། །ཕྱི་ནང་གསང་བའི་མཆོད་པ་དབུལ། །འོད་ཞུ་བདག་གི་ཐུགས་ཀར་ཐིམ། །བྱང་སེམས་ཧཱུཾ་ནི་ཡུངས་འབྲུ་ཙམ། །ངག་དག་ལམ་ནས་གསུང་འཕྲོས་པས། །ལས་གཉིས་བྱས་ནས་རླུང་སྒྲོམ་ཞུགས། །སྐུ་ནས་རིམ་པར་དེ་བཞིན་དུ། །དུང་ཁང་ནང་ནས་གསང་ལམ་བརྒྱུད། །པདྨ་ལས་འཕྲོ་འོད་ཕུང་ལས། །སོ་སོའི་ཡིག་འབྲུ་ཕྱག་མཚན་གྱུར། །ཀཱི་ལ་ཡ་ཡི་སྔགས་བརྗོད་པས། །སྐྱེ་མེད་རྣམ་དག་ ― DNG022_Page_0189 ―
[མ་དཔེ་གཟིགས་ན་འདིར་གནོན།]
ཆོས་དབྱིངས་ལས། །སྐྱེ་བའི་ཆོ་འཕྲུལ་འཇིགས་པར་བསྟན་པ་ནི། །སངས་རྒྱས་འདུས་པའི་སྲས་མཆོག་ཀཱི་ལ་ཡ། །སྐུ་སྟོད་ཞལ་གསུམ་ཕྱག་དྲུག་ལ། །སྐུ་སྨད་ལྕགས་ཕུར་ཟུར་གསུམ་པོ། །རལ་པ་ཁམ་ནག་གྱེན་དུ་འབར། །སྟྭ་རེ་རྒྱ་གྲམ་ཁ་ཊྭཱཾ་ཕུར་པ་འཛིན། །དེ་ནི་སྲས་མཆོག་བསྐྱེད་པའོ། །བྱིན་གྱིས་བརླབ་པ་བསྟན་པ་ནི། །ཆོས་སྐུའི་དབྱིངས་ནས་སྤྲུལ་སྐུར་བཞེངས། །ཐུགས་ཀྱི་རྡོ་རྗེ་མི་འགྱུར་བ། །ཞེ་སྡང་རྩེ་གཅིག་ལྡན་པར་བརླབ། །དེ་ནས་ལོངས་སྤྱོད་རྫོགས་པའི་སྐུ། །རིགས་ཀྱི་ཁྲོ་ཚོགས་འཁོར་བཅས་བསྐྱེད། །ལྷ་གྲངས་བརྒྱད་ཅུ་རྩ་དྲུག་ལ། །སོ་སོའི་སྙིང་པོས་དབང་བསྐུར་བས། །རང་རང་སྐུ་ལ་འཇུག་པར་ནུས། །ལོངས་སྤྱོད་རྫོགས་སྐུར་བྱིན་གྱིས་བརླབ། །དེ་ནས་རིགས་ལྔར་བྱིན་བརླབས་ཏེ། །གནས་ལྔར་འབྲུ་ལྔ་བསྐྱེད་ལ་ནི། །སོ་སོའི་སྙིང་པོ་གནས་སུ་བསྡིམ། །རིགས་ལྔའི་དབང་བསྐུར་བྱིན་གྱིས་བརླབ། །སྐུ་གསུང་ཐུགས་སུ་བྱིན་བརླབས་པ། །རིགས་རྣམས་འདུས་པའི་ཁོངས་སུ་བརླབ། །དེ་ནས་ཐུགས་ཉིད་མི་འགྱུར་བར། །ཡེ་ཤེས་རྩེ་གཅིག་བྱིན་གྱིས་བརླབ། །ཟུར་གསུམ་ཕཊ་གསུམ་དྲག་པོའི་རྟགས། །ལོགས་གསུམ་ཧཱུཾ་གསུམ་དྲག་དལ་སྙོམས། །རི་རབ་ཚུལ་དུ་རབ་བརྗིད་པ། །སྐུ་ཡི་རྡོ་རྗེ་སྐུ་ཡི་སྟོབས། །སྐུ་སྟོབས་བརྗིད་པར་བྱིན་གྱིས་བརླབ། །གསུང་གི་རྡོ་རྗེ་གསུང་གི་སྟོབས། །གདངས་སྐད་དྲག་པོར་བྱིན་གྱིས་བརླབ། །ཐུགས་ཀྱི་རྡོ་རྗེ་ཐུགས་ཀྱི་སྟོབས། །འདོད་དགུར་བསྒྱུར་བར་བྱིན་གྱིས་བརླབ། །ཉུང་དཀར་ཁྲག་དང་གུ་གུལ་གྱིས། །བདུག་ཅིང་བྱུགས་ལ་གཟི་བྱིན་བསྐྱེད། །དེ་ནས་བདག་ཉིད་ཆེན་པོར་བྱིན་གྱིས་བརླབ། །ལག་པ་གཡས་པའི་མཐིལ་དུ་མ། །ཉི་མའི་དཀྱིལ་འཁོར་གྱུར་པའི་སྟེང་། །ཧཱུཾ་གཞག་ཀུན་ཏུ་བཟང་པོའི་མཁའ། །གཡོན་པའི་ཨ་ལས་ཟླ་དཀྱིལ་འཁོར། །ཨ་བཞག་ཀུན་ཏུ་བཟང་མོའི་མཁའ། །ཡབ་ཡུམ་ཐབས་དང་ཤེས་རབ་ལས། །གཉིས་མེད་བྱང་ཆུབ་སེམས་ལས་ནི། །གཡས་པའི་གུང་མོའི་སྟེང་དུ་ཨཱོཾ། །དེ་ལས་རྣམ་པར་སྣང་མཛད་དོ། །མཐེ་བོང་སྟེང་དུ་ཧཱུཾ་བསམས་ལ། །དེ་ལས་རྡོ་རྗེ་སེམས་ ― DNG022_Page_0190 ―
[མ་དཔེ་གཟིགས་ན་འདིར་གནོན།]
དཔའི་སྐུ། །མཛུབ་མོའི་སྟེང་དུ་ཏྲཱཾ་བསམ་སྟེ། །དེ་ལས་རིན་ཆེན་འབྱུང་ལྡན་སྐུ། །སྲིན་ལག་སྟེང་དུ་ཧཱ་བསམས་ལ། །དོན་ཡོད་གྲུབ་པའི་སྐུ་རུ་བསྐྱེད། །མཐེའུ་ཆུང་སྟེང་དུ་ཨཱཾ་བསམས་ལ། །དེ་ལས་སྣང་བ་མཐའ་ཡས་སྐུ། །སོ་སོའི་སྙིང་པོས་སྐུ་བསྐྱེད་ལ། །ཡབ་ཡུམ་ཐབས་དང་ཤེས་རབ་ལས། །ཐལ་མོ་མཉམ་སྦྱོར་བྱས་ལ་ནི། །ཨཱོཾ་དང་བཛྲ་ཨན་ཛ་ལི། །ཧཱུཾ་ཞེས་ཡོངས་སུ་བརྗོད་ནས་ནི། །སོར་མོ་ཅུང་ཟད་བསྣོལ་ནས་ནི། །བཛྲ་བན་དྷ་ཧཱུཾ་ཞེས་པས། །སོར་མོ་རབ་ཏུ་བསྣོལ་ཏེ་བསྡམ། །ས་མ་ཡ་ཧོ་སྟྭཾ་གྱིས་བསྐུལ། །ཕུར་པ་ལག་གཉིས་བར་དུ་གཞུག །དབུས་སུ་ཕུར་བུ་བཅུག་ལ་དྲིལ། །ཨཱོཾ་དང་བཛྲ་ཨཱ་བེ་ཤ་ཡས་བསྡིམ། །བདེ་གཤེགས་སྐུ་ནི་ཉུང་འབྲུ་ཙམ། །གྲངས་མེད་སྤྲོ་བསྡུས་ཕུར་ལ་ཐིམ། །བཛྲ་སཏྭ་རཱ་ཛ་ཧཱུཾ། །སྲས་མཆོག་རྡོ་རྗེ་ཕུར་པའི་ཐུགས། །རིགས་ལྔ་ཡབ་ཡུམ་སྦྱོར་བ་ཡིས། །བྱང་སེམས་སྲས་མཆོག་ཉིད་ལ་བསྡིམ། །སྟོང་གསུམ་ཁེངས་པའི་འོད་ཟེར་སྤྲོ། །གུ་གུལ་ནག་པོའི་དུད་པས་བདུག །ཁྱི་ཁྲག་ར་ཁྲག་རྣམས་ཀྱིས་བྱུག །དུག་སྣ་མང་པོ་རྣམས་ཀྱིས་བྱུག །བྱིན་བརླབ་གཟི་བྱིན་བསྐྱེད་ལ་ནི། །ཕུར་པ་སྲས་མཆོག་ཆེན་པོར་བསམ། །གྱེན་དུ་གསོར་ཞིང་འདི་སྐད་དོ། །ཧཱུཾ་བཞི་གསལ་འཕྲོ་ཧཱུཾ་བཞིའི་ཚོགས་ལས་བསྐྱེད། །དབུ་ལ་རྒྱ་མདུད་བསྟན་པ་ཐབས་ཀྱི་རྟགས། །རྩིབས་ལ་ཟུར་བརྒྱད་བསྟན་པ་ཁྲོ་བོ་བརྒྱད། །རིན་ཆེན་ཟུར་བརྒྱད་བསྟན་པ་ཁྲོ་མོ་བརྒྱད། །དབུས་སུ་རྒྱ་མདུད་བསྟན་པ་ཤེས་རབ་རྟགས། །རྩེ་མོ་ཟུར་གསུམ་བསྟན་པ་སྐུ་གསུང་ཐུགས་ཀྱི་རྟགས། །སྟེང་འོག་གཉིས་སུ་བསྟན་པས་ཁྲོ་བོ་གཉིས། །ཁོང་སྟོང་བྱང་ཆུབ་སེམས་ཀྱི་དཀྱིལ་འཁོར་ནས། །ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ། །མ་གཡོས་ཆེ་མཆོག་སྐུ་གསུང་ཐུགས་ཀྱི་བདག །སྡུག་བསྔལ་ལོག་པར་འཁྱམས་པའི་སེམས་ཅན་རྣམས། །ཐུགས་རྗེས་དབྱེར་མེད་དབྱིངས་སུ་སྒྲོལ་མཛད་པའི། །ཐབས་ཀྱིས་བསྒྲལ་བའི་སྐལ་དང་མི་ལྡན་ཀྱང་། །ཤུགས་ཀྱིས་བསྒྲལ་བའི་ཕྲིན་ལས་མཛད་དུ་གསོལ། །ཕྱི་ནང་གསང་བའི་ ― DNG022_Page_0191 ―
[མ་དཔེ་གཟིགས་ན་འདིར་གནོན།]
མཆོད་པ་དབུལ། །ལྟ་བ་གང་ལ་དམིགས་པ་ནི། །ཕུར་པ་སྲས་མཆོག་དམ་པའི་མཆོག །ཕུར་ནི་ཆོས་ཀྱི་དབྱིངས་ཉིད་ལ། །པ་ནི་རིག་པའི་ཡེ་ཤེས་ཡིན། །ཕུར་ནི་བདེ་བ་ཆེན་པོའི་ཀློང་། །པ་ནི་ཕ་རོལ་ཕྱིན་པ་ཉིད། །ཕུར་ནི་སྐུ་དང་ཐུགས་ཀྱི་དབྱིངས། །པ་ནི་སྐུ་གསུང་ཐུགས་སུ་ཤར། །ཕུར་ནི་མ་བཅོས་པ་ཡི་དབྱིངས། །པ་ནི་ཡེ་ཤེས་ཆེན་པོའོ། །ཕུར་ནི་སྐྱེ་བ་མེད་པའི་དབྱིངས། །པ་ནི་འགག་པ་མེད་པའི་དོན། །ཕུར་ནི་ཤེས་རབ་ཆགས་མེད་ཀློང་། །པ་ནི་ཐབས་མཆོག་འདོད་དགུར་བསྒྱུར། །ཕུར་ནི་ཀུན་ཏུ་བཟང་མོའི་མཁའ། །པ་ནི་རྒྱལ་བ་ཀུན་གྱི་ཡབ། །ཕུར་ནི་ཀུན་གཞི་བདེ་ཆེན་ཉིད། །པ་ནི་རྣམ་ཤེས་ཡེ་ཤེས་གསལ། །ཕུར་ནི་ཐིག་ལེ་ཆེན་པོ་ལ། །པ་ནི་ཡེ་ནས་མ་བཅོས་པའོ། །ལྟ་བའི་རྒྱལ་པོ་ངེས་པའི་དོན། །གདོད་ནས་མ་སྐྱེས་ཆོས་ཀྱི་དབྱིངས། །རྣམ་དག་མ་སྐྱེས་ཤེས་རབ་དབྱིངས། །དོན་ལ་དགོངས་པའི་ཆོ་འཕྲུལ་ནི། །སྙིང་རྗེ་ཆེན་པོའི་ཆོ་འཕྲུལ་ལོ། །རིག་པའི་རྒྱལ་པོ་རང་གནས་པས། །ཕྱི་ནང་སྣོད་བཅུད་རྣམ་པར་དག །ཐབས་ཀྱི་རྒྱལ་པོར་བདག་གྱུར་པས། །སྲིད་གསུམ་འཁོར་བ་དབྱིངས་སུ་སྒྲོལ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས། སྲས་མཆོག་གི་ཕུར་པ་བྱིན་གྱིས་བརླབ་པ་དང་ཕུར་པའི་ལྟ་བའི་ལེའུ་སྟེ་བདུན་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །སངས་རྒྱས་ཀུན་གྱི་ལས་ཆེན་པོ། །སྔོན་ཚེ་དྲེགས་པ་བཏུལ་བའི་དོན། །དེ་ལྟར་རྗེས་འཇུག་རྣལ་འབྱོར་པས། །དམིགས་ནི་གང་དང་གང་ལ་བགྱི། །བསྒྲལ་བའི་དམིགས་རྣམས་ཇི་ལྟར་ལགས། །གཉིས་མེད་གཙོ་ལ་བདག་ཞུ་འཚལ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །བསྒྲལ་བའི་དམིགས་རྣམས་བསྟན་པ་ནི། །ཀུན་ལ་བྱ་བར་གཞུང་ལས་མེད། །ཉམས་པར་གྱུར་ ― DNG022_Page_0192 ―
[མ་དཔེ་གཟིགས་ན་འདིར་གནོན།]
པ་བདུན་ཡོད་དེ། །དམ་ལས་ཉམས་དང་བཀའ་ལས་ཉམས། །དོན་ལས་ཉམས་དང་ལས་ཀྱིས་ཉམས། །མཚན་མས་ཉམས་དང་འདོད་པས་ཉམས། །ལོག་པས་ཉམས་པ་བདུན་པོ་ལ། །འདི་ལ་ཉམས་པ་ཞེས་བྱ་སྟེ། །དེ་དག་སོ་སོའི་མཚན་ཉིད་ནི། །དེ་ཡི་དོན་རྣམས་ངས་བཤད་ཀྱི། །སྲོག་ལས་ཉམས་པའི་མཚན་ཉིད་ནི། །ཕ་དང་མ་དང་མཁན་པོ་གསོད། །སློབ་མ་གསོད་དང་ངན་སེམས་ཅན། །འདི་ནི་ནམ་ཡང་ལྟུང་བས་ན། །བསྒྲལ་བའི་དམིགས་གཅིག་འདི་ཡིན་ནོ། །དོན་ལས་ཉམས་པའི་མཚན་ཉིད་ནི། །རྡོ་རྗེ་སློབ་དཔོན་བཀའ་བསླུས་དང་། །ངན་སེམས་དཔྱ་སེམས་བྱེད་པ་དང་། །སྔགས་དང་ཕྱག་རྒྱ་རྒྱུན་གཅོད་དང་། །གསང་བའི་མན་ངག་སྦས་པ་རྣམས། །སྣོད་མེད་རྣམས་ལ་སྟོན་པ་དང་། །འདི་ནི་ཉམས་པ་ཆེན་པོ་སྟེ། །འདི་ཡང་བསྒྲལ་བའི་དམིགས་གཅིག་ཡིན། །བཀའ་ལས་ཉམས་པའི་མཚན་ཉིད་ནི། །དམ་ལ་བཏགས་ན་སྐུ་མཚང་འདྲུ། །སྒྲུབ་ཟླར་སྦྲན་ན་ཁ་ཡོགས་འདོགས། །མན་ངག་བསྟན་ན་སྐུར་པ་འདེབས། །བདེན་པར་བསྟན་ན་ལོག་པར་ཁྲིད། །དོན་རྟགས་བསྟན་ན་གོལ་སར་འཛིན། །འདི་ནི་ཉམས་པ་ཆེན་པོ་སྟེ། །འདི་ལ་བསྒྲལ་བ་ལྷུར་ཡང་བརྩམ། །དོན་ལས་ཉམས་པའི་མཚན་ཉིད་ནི། །བྱ་རུ་མི་རུང་སྣ་ཚོགས་བྱེད། །རྫས་དང་ལག་ཆ་མངོན་དུ་འབྱིན། །ཏན་གཎ་སྦྱོར་བ་དངོས་སུ་བྱེད། །བལྟ་བ་ཏིང་འཛིན་རྒྱབ་ཏུ་བོར། །སྤྱོད་པ་བརླང་བོ་དང་དུ་ལེན། །ཁྲོ་གཏུམ་ང་རྒྱལ་རང་གར་གཏོང་། །དོན་གྱི་མན་ངག་ལོག་པར་གོ། །ཕ་རོལ་འདྲེན་ལ་ལོག་པའི་ཆོས། །ཕྱིན་ཅི་ལོག་གི་དོན་ལ་མཁས། །བཀའ་གཞུང་བོར་ནས་རྩོམ་པ་ཆེ། །ལོག་པར་སྤྱོད་པ་མཐའ་དག་ཡོད། །འདི་ནི་རཱུ་ཏྲ་དངོས་ཡིན་ཏེ། །མངོན་སྤྱོད་བསྒྲལ་ཀྱང་སྒྲིབ་མི་འོང་། །ལས་ཀྱིས་ཉམས་པའི་མཚན་ཉིད་ནི། །བདག་དང་སྐྱེས་གནས་མི་གཅིག་པར། །བསྒྲལ་བའི་ལས་ཀྱི་གློར་འོངས་ནས། །སྔོན་ཆད་འཁོན་འགྲས་ཡོངས་མེད་པར། །ཀླག་ལ་བབ་པར་དྲན་ནས་ཀྱང་། །ཞི་བ་དྲང་པོས་ ― DNG022_Page_0193 ―
[མ་དཔེ་གཟིགས་ན་འདིར་གནོན།]
མི་ཉན་པར། །ཉེས་མེད་གཞན་ལ་འཛུགས་པ་དང་། །དཔུང་པས་བསྙེམས་ནས་ཀླན་ཀ་ཚོལ། །ཁ་ལྕེ་རྒོད་ཅིང་བཞིན་ལྡོག་ནས། །བརྒལ་བ་མེད་པར་བདག་ལ་རྒོལ། །དབྲོག་རྙེད་མེད་པར་བདག་ལ་འཕྲོག །བདག་གིས་ཉེས་པ་མ་དྲན་ཅིང་། །བདག་གིས་བརྒལ་བར་མ་བསམས་ཀྱང་། །ལས་ཀྱིས་བདག་ལ་གནད་འཛུགས་ཤིང་། །བདག་ལ་མཐུ་དང་རྩལ་འདེད་པ། །ལས་ཀྱིས་ཉམས་པ་འདི་ཡིན་པས། །འདི་ནི་བསྒྲལ་བའི་དམིགས་གཅིག་ཡིན། །གཞན་ཡང་ལས་ཀྱིས་ཉམས་པ་ནི། །གལ་མི་ཆེ་བར་ཡ་ག་ཚོལ། །ཕན་པ་མེད་པར་བདག་ལ་འཚེ། །འོང་རྒྱུ་མེད་པར་སྒྲུབ་པར་འོང་། །ལས་ཀྱིས་ཉམས་པའི་རྟགས་ཡིན་པས། །འདི་ལ་བསྒྲལ་བ་ལྷུར་ཡང་བརྩམ། །ལས་ཀྱི་འཁོར་བ་སྡིག་མེད་བཤད། །མཚན་མས་ཉམས་པའི་མཚན་ཉིད་ནི། །ཆོས་ལ་ཕྱོགས་ཆར་འཛིན་པས་ཉམས། །བལྟ་བས་སྒོ་ཁྱུད་ཀྱང་ཁུད་བྱེད་པས་ཉམས། །རྣལ་འབྱོར་ཆེན་པོའི་ཐུགས་དཀྲུགས་ཉམས། །རང་བཞིན་མེད་པའི་ཆོས་བཤད་ཀྱང་། །མཚན་མ་ཅན་གྱི་ཆོས་བཟུང་ནས། །ལྷ་སྲིན་བྲན་དུ་ངས་འཁོལ་ལོ། །མཐུ་འགྲན་བྱེད་པ་སུ་ཞིག་ཡོད། །ང་ཡི་ཉམས་སུ་དཔལ་ཆེན་བྱུང་། །ང་ནི་ཁྲོ་བོའི་རྒྱལ་པོ་ཡིན། །གཞན་ཡང་ཁྲོ་ཞིང་འཚེ་ལ་སོགས། །འདི་ནི་མཚན་མས་ཉམས་པ་སྟེ། །བསྒྲལ་བར་བྱས་ཀྱང་དམ་མི་ཉམས། །ལོག་པར་གྱུར་པས་ཉམས་པ་ནི། །མཉན་ནས་གོ་རྟོགས་མེད་པ་རུ། །ལ་ལར་མཐུ་ཆེ་རྩལ་འདོད་པས། །ལས་ཀྱི་དོན་དུ་མཚན་མ་སྤྱོད། །སྡིག་པའི་ཕྱག་རྒྱར་མི་མགོ་ཐོགས། །རལ་པ་གསིག་ཅིང་སོ་གཙིགས་ནས། །དམར་གྱི་ཨརྒྷ་གློ་ལ་འདོགས། །ཞིང་གི་པགས་པ་ཕྲག་ལ་བཀལ། །སྒྲོ་བ་ནག་པོ་ཤ་དང་ཚིལ། །སྣོད་གང་ཁུར་ཞིང་ལོག་ཆོས་སྤྱོད། །སྤྱོད་པ་མ་ནོར་གཞུང་བོར་ནས། །བྱ་བར་མི་འཚམས་སྣ་ཚོགས་བྱེད། །ངོ་དང་གདོང་པ་ཁྲག་གིས་བྱུག །ཚུལ་འཆོས་དམ་འདྲལ་སྣ་ཚོགས་བྱེད། །ཐོ་ཆོར་སྤྱོད་ཅིང་དམ་མི་བསྲུང་། །སྤྱོད་པ་བརླང་པོས་བཀའ་གཞུང་སྨོད། ། ― DNG022_Page_0194 ―
[མ་དཔེ་གཟིགས་ན་འདིར་གནོན།]
སངས་རྒྱས་ཀུན་གྱི་ཞབས་འདྲེན་བྱེད། །རྣལ་འབྱོར་སྔགས་པའི་རྐང་ནས་འདྲེན། །དཔལ་ཆེན་ཁྲག་འཐུང་ཐུགས་ཁྲེལ་བསྐྱེད། །མ་མོ་མཁའ་འགྲོའི་གཟན་ཚོགས་བཀྲམ། །རྣལ་འབྱོར་ཡོངས་ཀྱི་སྨེ་བཙོག་བྱས། །འདི་ཡང་བསྒྲལ་བའི་དམིགས་གཅིག་ཡིན། །འདོད་པས་ཉམས་པའི་མཚན་ཉིད་ནི། །འདོད་ཆགས་ནོར་གྱིས་སྙིང་བྲུས་ནས། །ཤི་བར་ཤེས་ཀྱང་འདོད་པས་བརྒྱལ། །ཕུང་བར་རྟོགས་ཀྱང་སྔགས་འཆང་འཇོམས། །དུག་ཏུ་སྣང་ཡང་ལྟོ་རུ་ཟ། །གཉན་པོ་ཡིན་ཀྱང་ཐབས་ཀྱིས་སྨོད། །ཐོབ་ཏུ་འདོད་ནས་གསང་སྔགས་བརྐུ། །བཟའ་རུ་འདོད་ནས་རྣལ་འབྱོར་ཟ། །ཟས་སུ་སྒྲུབ་པོའི་ལོངས་སྤྱོད་རྐུ། །ནོར་དུ་གཞུང་སྤྱོད་རྣལ་འབྱོར་འཇོམས། །འདི་དག་འདོད་པས་ཉམས་པ་སྟེ། །འདི་དག་བསྒྲལ་ན་རྣལ་འབྱོར་བཙུན། །བཏུལ་ཞིང་ཚར་བཅད་བསྟན་པ་གཉན། །མེད་ཅིང་སྟོངས་ན་བར་ཆད་ཉུང་། །འདི་དག་བསྒྲལ་བར་མ་བྱས་ན། །མཐོ་རིས་འགྲིབ་ལ་དམྱལ་ཁམས་འཕེལ། །རྣལ་འབྱོར་དམ་ཅན་སྒྱིད་ལུག་ནས། །ཐེག་པ་ཆེན་པོའི་ཆོས་སྒོ་འགག །འདི་དག་བསྒྲལ་བར་བྱས་ན་ནི། །རྣལ་འབྱོར་བསྒྲུབ་ལ་བར་ཆད་མེད། །ཐེག་པ་ཆེན་པོའི་མཐུ་དར་བས། །ལེགས་པའི་ཡོན་ཏན་བརྗོད་ལས་འདས། །ཐབས་ཀྱི་ཐ་མ་ཐ་མ་ན། །ཏིང་ངེ་འཛིན་གྱི་རྩལ་ཆུང་ཡང་། །འདི་དག་བསྒྲལ་བ་བྱས་པ་ནི། །དམྱལ་བའི་གནས་སུ་ཡུན་ཐུང་འགྱུར། །ཀཱི་ལ་ཡ་གསང་བའི་དགོངས་རྒྱུད་ལས། བསྒྲལ་བའི་དམིགས་བསྟན་པའི་ལེའུ་སྟེ་བརྒྱད་པའོ།། །།དེ་ནས་ཡང་ཀརྨ་ཧེ་རུ་ཀས། འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །བསྒྲལ་བའི་དམིགས་ནི་དེ་ལགས་ན། །བརྡེག་པའི་དུས་ཚོད་ཇི་ལྟར་ལགས། །བདེ་བར་གཤེགས་པས་ལུང་བསྟན་དུ་གསོལ། །ཞེས་གསོལ་པ་དང་། བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །བརྡེག་པའི་དུས་ཚོད་བསྟན་པ་ནི། །གནམ་སྟོང་དང་ནི་ཚེས་བརྒྱད་དང་། །བཅྭ་ལྔ་ཉི་ཤུ་ ― DNG022_Page_0195 ―
[མ་དཔེ་གཟིགས་ན་འདིར་གནོན།]
གཉིས་ལ་བྱ། །མིག་དམར་ཕུར་བུའི་གཟའ་རྣམས་ཀྱང་། །བརྡེག་པའི་དུས་ལ་བབ་པར་བྱ། །དང་པོ་དཀྱིལ་འཁོར་གཞུང་བཙུག་ནས། །བསྙེན་བསྒྲུབ་ཆོ་ག་ཚང་བྱས་ལ། །འཛབ་གྲངས་བདུན་འབུམ་ཉི་ཁྲི་འདོན། །བཟླས་བརྗོད་ཉིན་མཚན་རྒྱུན་མི་གཅད། །རྟགས་དང་མཚན་མ་ཕྱིན་པ་དང་། །བརྡེག་པའི་དུས་ལ་བབ་པར་ཤེས། །ནམ་གྱི་གུང་དང་ཉི་མ་དྲོས། །དེ་ལ་བརྡེག་པར་རབ་ཏུ་ཤིས། །དུར་ཁྲོད་ཆེན་པོ་གང་ན་བར། །བསྒྲལ་བ་ལ་སོགས་གཞུང་བཞིན་བྱ། །རྒྱ་གྲམ་ལམ་ནི་གང་ན་བར། །བརྡེག་པ་ལ་སོགས་གཞུང་བཞིན་བྱ། འདི་དག་བརྡེག་པའི་དུས་ཚོད་ཀྱང་། །སྲོད་ལ་ཞུགས་ནས་ཐོ་རངས་ཁ། །འདི་དག་བརྡེག་པར་ཡོངས་མི་བྱ། །འདི་དག་བརྡེག་པར་བྱ་བ་ནི། །ཡུན་ནི་ལོ་ཟླ་ཙམ་དུ་བསྲིང་། །གྲངས་ནི་བྱེ་བ་འབུམ་དུ་བཟླས། །མཆོད་པ་དུས་དྲུག་རྒྱུན་མི་གཅད། །ཆོ་ག་བཟླས་བརྗོད་ཚང་བྱས་ནས། །དབང་པོ་མངོན་སུམ་ཁུགས་ན་རབ། །ཐ་མ་མིག་རྣོན་ལ་སོགས་པས། །དེར་ནི་ངེས་པར་འོང་བ་ཡིན། །གཞན་ཡང་བརྡེག་པའི་དུས་ཚོད་ནི། །དང་པོར་བསྒྲུབ་པར་ཁས་བླངས་ནས། །མ་ཐོན་བར་དུ་དུས་ཚོད་མིན། །གཞན་ཡང་བརྡེག་པའི་དུས་ཚོད་ནི། །ཏིང་འཛིན་འཕྲོ་འདུ་གསལ་བ་ཡིས། །བསྙེན་པ་བདུན་འབུམ་ཉི་ཁྲི་གདོན། །རབ་འབྲིང་གསུམ་གྱི་རྟགས་རྣམས་ཀུན། །དུས་དེར་མི་འབྱུང་མི་སྲིད་དོ། །བརྡེག་པའི་དུས་ཚོད་རབ་མཆོག་ཡིན། །བརྡེག་མི་དགོས་པར་ལྷུན་གྱིས་གྲུབ། །ཡང་ན་བརྡེག་པའི་དུས་ཚོད་ནི། །དམ་ཚིག་ཆེན་པོའི་དུས་ལ་བབ། །ལྷ་རྣམས་དྲག་པོའི་ལས་ལ་བསྐུལ། །ལྷ་སྙིང་གདགས་སྔགས་གཟིར་གནོན་དང་། །དྲང་ཞིང་བཀུག་ལ་དབབ་པ་དང་། །མཁས་ཤིང་གོམས་པས་མན་ངག་སྦྱར། །སྤྲུལ་པ་ཆེན་པོའི་དུས་ལ་བབ། །ཕྲ་མེན་དྲག་པོའི་ལས་ལ་བསྐུལ། །ལྷ་སྙིང་གདགས་སྔགས་གཟིར་གནོན་བྱ། །དྲང་ཞིང་བཀུག་ན་དབབ་པ་དང་། །མཁས་ཤིང་གོམས་པས་མན་ངག་སྦྱར། །བཀའ་ཉན་ཆེན་པོའི་དུས་ལ་བབ། །དམ་ཅན་གནད་དབབ་ལས་ལ་བསྐུལ། །ལྷ་སྙིང་གདགས་སྔགས་གཟིར་གནོན་བྱ། ། ― DNG022_Page_0196 ―
[མ་དཔེ་གཟིགས་ན་འདིར་གནོན།]
མཁས་ཤིང་གོམས་པས་མན་ངག་སྦྱར། །རྣལ་འབྱོར་རྒྱུད་གྲོལ་བློ་ཞེས་པས། །ཏིང་འཛིན་སྔགས་དང་ཕྲིན་ལས་ཀྱི། །གབ་སྦས་མན་ངག་སྦྱོར་ཤེས་ཤིང་། །མན་ངག་གསུམ་པོ་སྐོར་ཚོམས་ཀྱིས། །རིམ་གྱིས་དབང་མེད་གནད་ཕབ་ནས། །ཐུགས་རྗེ་ཆེན་པོའི་བྱིན་རླབས་ཀྱིས། །བསྒོ་བའི་བཀའ་རྣམས་ཉན་པར་བྱེད། །གལ་ཏེ་བཀའ་བཞིན་མ་བྱས་ན། །ཁོ་རང་མགོ་གས་སྙིང་ཚིག་གོ། །དེ་ཕྱིར་བླ་དགུག་ཕོ་ཉ་གཏང་། །ཞག་བདུན་གྱིས་ནི་ཁུག་པར་འགྱུར། །འདི་དག་བཏང་ནས་བརྡེག་པར་བྱ། །བླ་དགུག་ཕོ་ཉ་གཏང་བྱ་སྟེ། །ཧཱུཾ་དཔལ་གྱི་ཕོ་ཉ་ལས་མཁན་མོ། །དཀར་མོ་དུང་གི་མཆེ་བ་ཅན། །མཁའ་ལ་འབྱུང་བའི་མཛོད་འཁྱིལ་མ། །ལག་ན་སྤུ་གྲིས་སེམས་ཅན་སྒྲོལ། །ཞལ་དུ་སེམས་ཅན་སྙིང་ཁྲག་རྔུབ། །སྤྲུལ་པ་ཐོག་ཐོག་སེར་ཆེན་འབེབས། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་གཙོ་མོ་སྟེ། །བསྐལ་པ་བརྒྱད་ཁྲིའི་ཕ་རོལ་ནས། །དམ་ལས་འདས་པའི་བླ་འདྲེན་མ། །ཉམས་པའི་བླ་ལ་ནན་མ་ཆུང་། །ལྷོ་ཡི་ཕྱོགས་ནས་འབྱུང་བ་ནི། །ནག་མོ་ལྕགས་ཀྱི་ལན་ཚར་ཅན། །ཁྱུང་གི་ཁྲ་ཐོགས་གཡས་པ་ན། །བྷནྡྷ་གྲི་ཐོགས་གསོད་ལ་རྔམས། །ཚངས་པ་འཁྱིལ་པའི་ཆ་ལུགས་ཅན། །མི་སྡུག་མགོ་ལ་གཅེར་བུའི་ལུས། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་གཙོ་མོ་སྟེ། །བསྐལ་པ་བརྒྱད་ནས་བླ་འཚོལ་མ། །དཔག་ཚད་བྱེ་བར་སྲོག་དབུགས་འགུགས། །ཉམས་པའི་བླ་དང་སྲོག་ལ་ཡ། །ནུབ་ཀྱི་ཕྱོགས་ནས་འབྱུང་བ་ནི། །དམར་པོ་ཉི་མའི་འོད་འཕྲོ་མ། །གདུག་པ་འདུལ་བ་གྲང་བ་སེལ། །གསོད་ལ་རྔམ་པའི་ལས་ལ་བརྩོན། །མཆེ་གཙིགས་གཡང་གཞི་གོས་སུ་གོན། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་གཙོ་མོ་སྟེ། །རབ་ཏུ་མི་སྲུན་བླ་འགུགས་མ། །ཉམས་པའི་བླ་དང་སྲོག་ལ་ཡ། །བྱང་གི་ཕྱོགས་ནས་འབྱུང་བ་ནི། །ལྗང་ནག་འཁྱིལ་པའི་ཐོད་གདེངས་ཅན། །སེར་མོ་རལ་ཅན་འབུམ་གྱིས་བསྐོར། །ཕྱག་ན་རལ་གྲི་ནག་པོ་བསྣམས། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་ ― DNG022_Page_0197 ―
[མ་དཔེ་གཟིགས་ན་འདིར་གནོན།]
བརྒྱ་དྲུག་ཅུའི་གཙོ་མོ་སྟེ། །སྔོན་ནས་དགྲ་བོའི་བླ་འགུགས་མ། །ཉམས་པའི་བླ་དང་སྲོག་ལ་ཡ། །ནམ་མཁའི་ལྷ་མོ་ཕུར་པའི་ལྷ། །ལག་བརྒྱ་ལྕགས་ཀྱི་ཕུར་པ་འདྲིལ། །སྤྱན་བརྒྱ་ཁྲག་གིས་མཆི་མ་འཛག །ཞལ་བརྒྱ་གདུག་པའི་ངན་སྔགས་ཟློས། །ཚེམས་ཀྱིས་སྐྱེ་ཤི་རྩ་བ་ཆོད། །ཕུར་བུའི་ལས་མཁན་ཆེན་མོ་ལ། །རབ་ཏུ་མི་སྲུན་ལས་ལ་བརྩོན། །ཕོ་ཉ་མང་པོ་ཕྱོགས་བཅུར་འགྱེད། །རྡོ་རྗེ་སྐུ་གསུང་ཐུགས་ལས་སྤྲུལ། །ཉམས་པའི་བླ་དང་སྲོག་ལ་ཡ། །གཞན་ཡང་དམ་ལ་བཏགས་པ་རྣམས། །དེ་དག་ལས་ལ་བསྐུལ་བར་བྱའོ། །དེ་དག་མངོན་པར་ཁུགས་པ་དང་། །བསད་པའི་ལས་ལ་སྦྱར་བར་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས། བརྡེག་པའི་དུས་ཚོད་ཀྱི་ལེའུ་སྟེ་དགུ་པའོ།། །།དེ་ནས་ཡང་ཀརྨ་ཧེ་རུ་ཀས་བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དྲག་པོའི་ལས་ལ་འཇུག་བྱེད་པ། །དྲེགས་པ་ཉམས་པ་བདུན་པོ་ལ། །གང་དང་གང་དུ་གདབ་པར་བྱ། །ཞེས་ཞུས་པས། བཅོམ་ལྡན་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །གང་གིས་གང་ལ་གདབ་བསྟན་པ། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །བུཌྜྷ་འདུས་པའི་སྲས་མཆོག་ཀཱི་ལ་ཡ། །གཏི་མུག་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །མཐིང་ནག་གཅེར་བུ་ཁྲོ་གཏུམ་རལ་པ་ཅན། །དབུས་ཀྱི་དགྲ་བགེགས་ཁུག་ལ་རྡོ་རྗེ་ཕུར་པ་ཡིས། །ངག་འཁྱལ་རྫུན་དུ་སྨྲ་བའི་སྙིང་ལ་རྒྱོབ། །གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །རྡོ་རྗེ་འདུས་པའི་སྲས་མཆོག་ཀཱི་ལ་ཡ། །ཞེ་སྡང་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །དཀར་ནག་གཅེར་བུ་ཁྲོ་གཏུམ་རལ་པ་ཅན། །ཤར་གྱི་དགྲ་བགེགས་ཁུག་ལ་རྡོ་རྗེ་ཕུར་པ་ཡིས། །ཞེ་སྡང་འདོད་ཆགས་ཅན་གྱི་སྙིང་ལ་རྒྱོབ། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །རཏྣ་ ― DNG022_Page_0198 ―
[མ་དཔེ་གཟིགས་ན་འདིར་གནོན།]
འདུས་པའི་སྲས་མཆོག་ཀཱི་ལ་ཡ། །ང་རྒྱལ་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །སེར་ནག་གཅེར་བུ་ཁྲོ་གཏུམ་རལ་པ་ཅན། །ལྷོ་ཡི་དགྲ་བགེགས་ཁུག་ལ་རྡོ་རྗེ་ཕུར་པ་ཡིས། །སྲོག་གཅོད་ལོག་པར་ལྟ་བའི་སྙིང་ལ་རྒྱོབ། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །པདྨ་འདུས་པའི་སྲས་མཆོག་ཀཱི་ལ་ཡ། །འདོད་ཆགས་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །དམར་ནག་གཅེར་བུ་ཁྲོ་གཏུམ་རལ་པ་ཅན། །ནུབ་ཀྱི་དགྲ་བགེགས་ཁུག་ལ་རྡོ་རྗེ་ཕུར་པ་ཡིས། །ཕྲ་མ་མ་བྱིན་ལེན་པའི་སྙིང་ལ་ཐོབ། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །ཀརྨ་འདུས་པའི་སྲས་མཆོག་ཀཱི་ལ་ཡ། །ཕྲག་དོག་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །ལྗང་ནག་གཅེར་བུ་ཁྲོ་གཏུམ་རལ་པ་ཅན། །བྱང་གི་དགྲ་བགེགས་ཁུག་ལ་རྡོ་རྗེ་ཕུར་པ་ཡིས། །ངག་རྩུབ་གནོད་སེམས་ཅན་གྱི་སྙིང་ལ་རྒྱོབ། །ལྷ་རྣམས་དྲག་པོའི་ལས་ལ་བསྐུལ། །བྱང་ཆུབ་མཆོག་ཏུ་སེམས་བསྐྱེད་དེ། །དུས་གསུམ་རྒྱལ་བའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིགས་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཕྲ་མེན་དྲག་པོ་ལས་ལ་བསྐུལ། །དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་རྣམས་ཉན་པར་གྱིས། །དམ་ཅན་གནད་དབབ་ལས་ལ་བསྐུལ། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་ལྟར་དམ་བཅས་པའི། །ཁྱེད་ཀྱི་ཐུགས་ ― DNG022_Page_0199 ―
[མ་དཔེ་གཟིགས་ན་འདིར་གནོན།]
དམ་དུས་ལ་བབ། །མངོན་སྤྱོད་ཕྲིན་ལས་མྱུར་དུ་མཛོད། །ལས་སྔགས་སོ་སོས་གཟིར་གནོན་བྱ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །བཏབ་པའི་རྟིང་གནོན་མཚོན་གྱིས་གཏུབ། །ཁྲོ་བོས་མཚོན་ཆའི་ཆར་ཕབ་བསམ། །གདུག་ཅིང་སྡང་སེམས་ལྡན་པ་རྣམས། །ལྷ་འམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །བསྒྲལ་བ་རྣམས་ཀྱི་མཐུ་རྣམས་དང་། །རྫུ་འཕྲུལ་ལྡང་མི་ནུས་པར་བྱ། །རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འགལ་བྱེད་སྡིག་ཅན་དག །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་བསྒྲལ་བར་བྱའོ། །ཡཀྴ་ཀྲོ་ཏའི་ཞལ་དུ་ནི། །ཁམས་གསུམ་བསྒྲལ་བའི་མཆོད་པ་འབུལ། །ལྷ་རྣམས་དཀྱིལ་འཁོར་དམ་ཅན་ལྷ་སྲིན་རྣམས། །མ་ཉེས་དཔང་གཟུག་བདེན་པ་བདར་ལ་ནི། །ཆོས་ཉིད་བདེན་པ་གསང་སྔགས་བྱིན་རླབས་དང་། །སངས་རྒྱས་མཐུ་ཡིས་ཨ་བྷི་ཙརྻ་ཡི། །བརྣག་པ་དེ་དག་དཀར་ནག་མཚམས་སུ་གདབ། །སེམས་གནས་དྲན་གཞི་ཙིཏྟིའི་དཀྱིལ་ན་ནི། །ཚོན་གང་འོད་ཀྱི་ཀུན་གཞི་ལུང་མ་བསྟན། །ཕྱི་རྩ་ནང་རྩ་ཕྱི་ནང་གཉིས་ཀྱི་རྩ། །ཉོན་མོངས་ཡིད་དང་རྣམ་ཤེས་ཀུན་གཞི་གསུམ། །ཕྱི་རྒྱུ་ནང་གནས་ཕྱི་ནང་གཉིས་ཀར་རྒྱུ། །ཁྲག་རླངས་བྱེའུ་ནི་ལེབ་མའི་མགོ་ཙམ་ལ། །དེ་དཀྱིལ་ནྲྀ་དུད་ཏིལ་འབྲུ་ཙམ་ཡང་གནས། །རྩ་ཞོན་ཁྲག་རྒྱུ་དབུགས་ཀྱི་རྟ་བྱས་ནས། །དཀར་ནག་མཚམས་ཀྱི་རྩ་ཆེན་གསུམ་ལ་ནི། །དྲོད་ཚད་གཏན་ལ་ཕབ་པར་གདབ་བྱས་ནས། །སྲིད་པ་གསུམ་དང་ཁམས་གསུམ་དུ། །ཉོན་མོངས་འཁོར་བའི་ཆུ་རྒྱུན་འབབ། །མ་རིག་གནས་སུ་བསྒྲལ་ན་ཇི་ལྟར་བསྒྲལ། །བསྒྲལ་ཚེ་བ་རྒྱ་འདྲ་བས་གཏུམས་གནས་ ― DNG022_Page_0200 ―
[མ་དཔེ་གཟིགས་ན་འདིར་གནོན།]
པ། །དུག་གསུམ་རྒྱུ་ལ་ཨ་ཡི་གནས་ལེན་གདབ། །ཡེ་ཤེས་དྲག་པོའི་ལས་སྔགས་གནད་ལ་ཐེབས། །ཉོན་མོངས་རྒྱུ་ཉིད་གཏོར་གྱིས་འཕྲོས་པ་ལས། །ཡེ་ཤེས་འོད་ཟེར་ཆེན་པོར་གྱུར་འཕྲོས་ནས། །བདེ་གཤེགས་ཐུགས་དམ་བསྐངས་ནས་འགྲོ་བའི་དོན་ཀྱང་བྱས། །ཐམས་ཅད་ཨ་དཀར་བྱང་ཆུབ་སེམས་སུ་གྱུར། །བསྡུས་པས་གསེར་དངུལ་ཞི་གར་བླུགས་པ་བཞིན། །ཕུར་པའི་རྩེ་ཡི་ཨ་ནི་གནས་ལེན་དེས། །ཁབ་ལེན་རྡོ་ལ་ལྕགས་རྣམས་འདུ་བ་བཞིན། །བྱང་ཆུབ་སེམས་ཀྱི་རང་བཞིན་དཀར་ལ་འཚེར། །སྐུ་གསུང་ཐུགས་ཀྱི་གནས་སུ་བསྡིམ་པར་བྱ། །སྣང་སྲིད་ཚེ་བཅུད་ཚེ་ཡི་དངོས་གྲུབ་ཐོབ། །ཁམས་གསུམ་འཁོར་བའི་བག་ཆགས་གདར་ཤ་བཅད། །ཉོན་མོངས་འཁོར་བ་ཐམས་ཅད་དབྱིངས་སུ་བསྒྲལ། །རྡོ་རྗེ་ཕུར་པས་སྐྱེ་ཤི་རྩད་ནས་ཆོད། །དཔེར་ན་དྲི་མ་ཆུ་ཡིས་བཀྲུས་པ་བཞིན། །ཁམས་གསུམ་ཡེ་ཤེས་བྱང་ཆུབ་ཆུ་ཡིས་བཀྲུ། །ཚེ་ལུང་ཁྲུས་ལུང་སྒྲོལ་མཆོག་དམ་པ་ཡིན། །གཞན་ཡང་ཕུར་པའི་གནས་བསྟན་པ། །རྩ་གཅིག་བཅྭ་བརྒྱད་བཅུ་གཉིས་དང་། །བརྒྱད་དང་ལྔ་གསུམ་གཅིག་ཏུ་བསྟན། །གདབ་པའི་དམིགས་ནི་རེ་རེ་ལ། །རྩ་བྲན་རྟ་རྔ་ཙམ་གྱི་མགོ། །སྲན་ཙམ་འོད་ནག་དཀྱིལ་དུ་ནི། །ཁྲག་གི་ནྲྀ་ནི་ཏིལ་འབྲུ་ཙམ། །དེ་ལ་དམིགས་ལ་གདབ་པར་བྱ། །གཟུགས་མཐོང་ཉོན་མོངས་ཕྲག་དོག་སྐྱེས། །མཐོང་བྱེད་རྟེན་དང་དབྲལ་བའི་ཕྱིར། །མིག་གཉིས་ལ་ཡང་སྲས་མཆོག་སྟེ། །རྣ་ཐོས་ཉོན་མོངས་ཞེ་སྡང་སྐྱེས། །ཉན་བྱེད་རྟེན་དང་དབྲལ་བའི་ཕྱིར། །རྣ་བ་གཉིས་ལ་སྲས་མཆོག་རེ། །དྲི་ཚོར་ཉོན་མོངས་ང་རྒྱལ་སྐྱེས། །སྣོམ་བྱེད་རྟེན་དང་དབྲལ་བའི་ཕྱིར། །སྣ་བུག་གཉིས་ལ་སྲས་མཆོག་རེ། །རོ་ཚོར་ཉོན་མོངས་འདོད་ཆགས་སྐྱེ། །རོ་མྱོང་རྟེན་དང་དབྲལ་བའི་ཕྱིར། །ལྕེ་ཡི་དཀྱིལ་དུ་སྲས་མཆོག་རེ། །དབང་པོ་རྟེན་བྱེད་གཏི་མུག་གནས། །ཚེ་གནས་རྟེན་དང་དབྲལ་བའི་ཕྱིར། །དཔྲལ་བའི་དབྱེས་སུ་སྲས་མཆོག་གཅིག །ང་རྒྱལ་རྩད་ནས་གཅད་པའི་ཕྱིར། ། ཚིག་ཆད་དམ་ ― DNG022_Page_0201 ―
[མ་དཔེ་གཟིགས་ན་འདིར་གནོན།]
བྱ་བྱེད་རྟེན་དང་དབྲལ་བའི་ཕྱིར། །དཔུང་བ་གཉིས་ལ་སྲས་མཆོག་རེ། །སྲིད་པ་རྩད་ནས་གཅད་པའི་ཕྱིར། །གསང་བའི་གནས་སུ་སྲས་མཆོག་རེ། །གཏི་མུག་འཁོར་རྒྱུ་རྟེན་དབྲལ་ཕྱིར། །ལྟེ་བའི་དཀྱིལ་དུ་སྲས་མཆོག་རེ། །ཐམས་ཅད་སྙེགས་པར་བྱེད་པའི་རྒྱུ། །ཉོན་མོངས་སྙེགས་བྱེད་རྟེན་དབྲལ་ཕྱིར། །རྐེད་དཔྱི་གཉིས་ལ་སྲས་མཆོག་རེ། །ཁམས་གསུམ་འཁོར་བ་སྐྱེད་པའི་རྒྱུ། །འདོད་ཆགས་རྩད་ནས་གཅད་པའི་ཕྱིར། །ཕོ་མཚན་དཀྱིལ་དུ་སྲས་མཆོག་གཅིག །ཞེ་སྡང་རྩད་ནས་གཅད་པའི་ཕྱིར། །སྙིང་གི་དཀྱིལ་དུ་སྲས་མཆོག་གཅིག །སྲིད་གསུམ་རྩད་ནས་གཅད་པའི་ཕྱིར། །རྩ་ཆེན་གསུམ་ལ་སྲས་མཆོག་གསུམ། །དབང་པོའི་དྭངས་མ་མགོ་ཡིན་པས། །ཁྲོ་བོ་མཚོན་ཆའི་ཆར་ཕབ་ལ། །སྤྱི་བོའི་གཙུག་ཏུ་སྲས་མཆོག་གཅིག །མཐུ་དང་རྫུ་འཕྲུལ་འཕྲོག་པའི་ཕྱིར། །སྤྱི་བོའི་གཙུག་ནས་རྐང་མཐིལ་དུ། །སྲས་མཆོག་ཕུར་པ་ཕྱུང་ལ་ནི། །ཁམས་གསུམ་བསྒྲལ་བའི་མཆོད་པ་བྱའོ། །སྲན་ཙམ་འོད་ནག་དཀྱིལ་དུ་ནི། །ཁྲག་གི་ནྲྀ་ནི་ཏིལ་འབྲུ་ཙམ། །གནད་ས་དེ་རུ་ཀུན་ཁྱབ་པས། །ཀུན་ལ་དེ་བཞིན་དམིགས་ལ་གདབ། །གནད་སར་བཏབ་པ་རེ་རེ་ལ། །ཚེ་ལུང་ཁྲུས་ལུང་རྫོགས་པ་རེ། །བདག་དང་ཕུར་བུ་གཟས་པ་པོ། །སྐུ་གསུང་ཐུགས་སུ་གཉིས་མེད་བསྡིམ། །ཏིང་འཛིན་སྔགས་དང་ཕྲིན་ལས་གསུམ། །གབ་པའི་གདམས་པ་ཁོང་བཀྲར་བཤད། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས། སྲས་མཆོག་ཕུར་པ་གདབ་པའི་ལེའུ་སྟེ་བཅུ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །བདེ་བར་གཤེགས་པ་ཐམས་ཅད་ཀྱི། །སྐུ་གསུང་ཐུགས་ཀྱི་དཀྱིལ་འཁོར་ནས། །གསང་སྔགས་དམ་པ་ཇི་ལྟར་ལགས། །བསྐྱེད་པའི་སྔགས་ནི་ཇི་ལྟར་ལགས། །གསོད་པའི་སྔགས་ནི་ཇི་ལྟར་ལགས། །ཕྲིན་ལས་སྔགས་ནི་གང་དང་གང་། །གསང་སྔགས་བདག་པོས་ལུང་བསྟན་དུ་གསོལ། ། ― DNG022_Page_0202 ―
[མ་དཔེ་གཟིགས་ན་འདིར་གནོན།]
ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཀཱི་ལ་ཡ། །དང་པོ་སྟོང་པ་ཉིད་དུ་བསྒོམ། །དེ་རྗེས་མཚོན་པའི་ཡི་གེ་ཧཱུཾ། །འོད་འཕྲོས་བདེ་གཤེགས་དཀྱིལ་འཁོར་གསལ། །སྤྱན་དྲང་ཕྱག་འཚལ་བཞུགས་སུ་གསོལ། །དེ་ནས་ཕྱི་ནང་མཆོད་པ་འབུལ། །ཨཱོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་རྗེས་མཚོན་པའི་ཡི་གེ་ཧཱུཾ། ཧཱུཾ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཨཱོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཕཊ། རྩ་བས་དོན་བཞི་རིག་པར་བྱ། །ཨོཾ་བཛྲ་ཀཱི་ལི་ཀཱི་ལ་ཡ་དཱིཔྟ་ཙཀྲ་ཧ་ན་ཧཱུཾ་ཕཊ། ཡུམ་བསྐྱེད་པའི་སྔགས་སོ། །ས་མ་ཡ་སྟྭཾ། ས་མ་ཡ་ཧོ། ཛཿཧཱུཾ་བཾ་ཧོཿ། ཡབ་ཡུམ་བསྐུལ་བའི་སྔགས་སོ། །ཨེ་མ་སཱུརྱ་མཎྜ་ལ། ཡཾ་པདྨ་མཎྜ་ལ། ཨཾ་ཡུམ་གྱི་མཁའ་དབྱིངས་བྱིན་གྱིས་རློབས་པའི་སྔགས་སོ། །ཨ་ཙནྡྲ་མཎྜ་ལ། ཧཱུཾ་ཨཱོཾ་བཛྲ་ཨོཾ་ཨཱཿཧཱུཾ་སྭཱ་ཧཱ། ཡབ་ཀྱི་མཁའ་བྱིན་གྱིས་རློབས་པའི་སྔགས་སོ། །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཁྲོ་བོ་བསྐྱེད་པའི་ས་བོན་བྱང་ཆུབ་ཀྱི་སེམས་ཀྱི་སྔགས་སོ། །ཨཱོཾ་བཛྲ་ཀཱི་ལི་ཀི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ཕཊ་ཕཊ་ཕཊ། ཧཱུཾ་ཧཱུཾ་ཧཱུཾ། སྒྲོལ་ཆོམ་ཀཱི་ལ་ཡ་སོད་ཆོམ། ཛཿཧཱུཾ་བཾ་ཧོཿ། ཀཱི་ལི་ཀཱི་ལ་ཡ། སཱུརྱ་ཙནྡྲ་ཏི་ར་བཾ། ཨིནྡྲཱ་ཡ་ཏི་ར་བཾ། ཨགྣ་ཡེ་ཏི་ར་བཾ། ཡ་མཱ་ཡ་ཏི་ར་བཾ། ནཻཪྲྀ་ཏཱ་ཡ་ཏི་ར་བཾ། བ་རུ་ཎཱ་ཡ་ཏི་ར་བཾ། བཱ་ལ་པེ་ཏི་ར་བཾ། ཀུ་བེ་རཱ་ཡ་ཏི་ར་བཾ། ཨཱིཾ་ཤ་ནཱ་ཡ་ཏི་ར་བཾ། ཨ་དྷྭ་པྲྀ་ཐི་བི་ཏི་ར་བཾ། དྲེགས་པ་བཅུ་བསྒྲལ་བའི་སྔགས་སོ། །མ་སཱུརྱ་མཎྜ་ལ། པཾ་པདྨ་མཎྜ་ལ། ཨ་ཙནྡྲ་མཎྜ་ལ། དྲེགས་པ་ཅན་རྣམས་ཉི་ཟླ་པདྨ་སུམ་བརྩེགས་ཀྱིས་མནན་པའི་སྔགས་སོ། །ཨཱོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། ཨཱོཾ་བཛྲ་ཀྲོ་ཏ་བི་ཛ་ཡ་ཧཱུཾ། ཨཱོཾ་བཛྲ་ཀྲོ་ཏ་ནཱི་ལ་དཎྜ་ཧཱུཾ། ཨཱོཾ་བཛྲ་ཀྲོ་ཏ་ཡ་མཱནྟ་ཀ་ཧཱུཾ། ཨཱོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུཾ། ཨཱོཾ་བཛྲ་ཀྲོ་ཏ་ཧ་ཡ་གྲཱི་ཝ་ཧཱུཾ། ཨཱོཾ་བཛྲ་ཀྲོ་ཏ་ཨ་པཱ་ར་ཛི་ཏ་ཧཱུཾ། ཨཱོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལི་ཧཱུཾ། ཨཱོཾ་བཛྲ་ཀོ་ཏ་ཏྲཻ་ལོཀྱ་བི་ཛ་ཡ་ཧཱུཾ། ཨཱོཾ་བཛྲ་ཀྲོ་ཏ་མ་ཧཱ་བ་ལ་ཧཱུཾ། ཁྲོ་བོ་བཅུ་བསྐྱེད་ ― DNG022_Page_0203 ―
[མ་དཔེ་གཟིགས་ན་འདིར་གནོན།]
པའི་སྔགས་སོ། །ཨཱོཾ་བཛྲ་ཀྲོ་ཏཱི་ཤ་ཡ་ཏཱི་ཧཱུཾ། ཨཱོཾ་བཛྲ་ཀྲོ་ཏ་ལཱ་སེ་ཀི་ཧཱུཾ། ཨཱོཾ་བཛྲ་ཀྲོ་ཏཱ་ཏཱ་ཛ་ཧཱུཾ། ཨཱོཾ་བཛྲ་ཀྲོ་ཏཱི་ཤྨ་ཤཱ་ན་པ་ཏི་ཧཱུཾ། ཨཱོཾ་བཛྲ་ཀྲོ་ཏཱི་མུ་ས་ལཱི་ཧཱུཾ། ཨཱོཾ་བཛྲ་ཀྲོ་ཏཱི་ཙཎྜཱ་ལི་ཧཱུཾ། ཨཱོཾ་བཛྲ་ཀྲོ་ཏཱི་ཤ་བྱ་ཏི་ཧཱུཾ། ཨཱོཾ་བཛྲ་ཀྲོ་ཏཱི་ས་མི་ཏ་ཧཱུཾ། ཨཱོཾ་བཛྲ་ཀྲོ་ཏཱི་མ་ར་ཎཱི་ཧཱུཾ། ཨོཾ་བཛྲ་ཀྲོ་ཏི་ཙུན་ད་ཡ་ཏཱི་ཧཱུཾ། ཁྲོ་མོ་རྣམས་བསྐྱེད་པའི་སྔགས་སོ། །བཛྲ་སཱུ་ཀ་ར་མུ་ཁཱ་ཧེ། བཛྲ་ཨུ་པི་ཥ་མུ་ཁ་ཧེ། བཛྲ་བྱ་གྷྲ་མུ་ཁ་ཧེ། བཛྲ་གྲྀཌྷ་མུ་ཁཱི་ཧེ། བཛྲ་ཙ་མ་ར་མུ་ཁ་ཧེ། བཛྲ་དྲོ་ཎ་མུ་ཁཱི་ཧེ། བཛྲ་ཧ་རི་ཎ་ཀ་མུ་ཁ་ཧེ། བཛྲ་ཨཱུ་ལུ་ཀ་མུ་ཁཱི་ཧེ། བཛྲ་བྱ་གྷྲ་མུ་ཁ་ཧེ། བཛྲ་ཀཱ་ཀ་མུ་ཁཱི་ཧེ། བཛྲ་པི་ཌཱ་ལ་མུ་ཁ་ཧེ། བཛྲ་བཀྵ་ཏི་མུ་ཁ་ཧེ། བཛྲ་ཤྭ་ན་མུ་ཁ་ཧེ། བཛྲ་བ་ཏྲི་མུ་ཁཱི་ཧེ། བཛྲ་སིང་ཧ་མུ་ཁ་ཧེ། བཛྲ་ཏི་ཏཱི་ལ་མུ་ཁཱི་ཧེ། བཛྲ་ཏཀྵུ་མུ་ཁ་ཧེ། བཛྲ་ན་ཀུ་ལ་མུ་ཁ་ཧེ། བཛྲ་ཧ་རྀཀྵ་མུ་ཁ་ཧེ། བཛྲ་ཨཱུ་ཥི་ཀ་མུ་ཁཱི་ཧེ། དེ་ནི་ཕྲ་ཐབས་བསྐྱེད་པའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ། ཛྭ་ལ་ཛྭ་ལ་པྲ་ཛྭ་ལ་པྲ་ཛྭ་ལ་སྤུ་ཏ་སྤུ་ཏ་སརྦ་ན་ཤ་ས་ན་ཧཱུཾ་ཕཊ། དེ་ནི་སྐུའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་དུཥྚཱན་པཱཀ་ཤྲི་ཏ་ཤོ་དྷ་ཡ་ཧཱུཾ་ཕཊ། གསུང་གི་སྔགས་སོ། །ཨཱོཾ་བཛྲ་ཀཱི་ལ་ཡ། ཙིཏྟ་ཙིཏྟི་ཧཱུཾ་ཕཊ། དེ་ནི་ཐུགས་ཀྱི་སྔགས་སོ། །གརྫ་གརྫ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། པ་ཙ་པ་ཙ་ཧཱུཾ་ཕཊ། ད་ཧ་ད་ཧ་ཧཱུཾ་ཕཊ། བནྡྷ་བནྡྷ་ཧཱུཾ་ཕཊ། ཧུ་ལུ་ཧུ་ལུ་ཧཱུཾ་ཕཊ། ཏི་སྟ་ཏི་སྟ་ཧཱུཾ་ཕཊ། ཙྪིནྡྷ་ཙྪིནྡྷ་ཧཱུཾ་ཕཊ། བྷིནྡྷ་བྷིནྡྷ་ཧཱུཾ་ཕཊ། སྥོ་ཏ་སྥོ་ཏ་ཧཱུཾ་ཕཊ། ཁྲོ་བོ་བཅུའི་ཕྲིན་ལས་ཀྱི་སྔགས་སོ། །ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཧ་ས་ར་ཡ་ཧ་ཏ་ན་ཧཱུཾ་ཕཊ། ཤཱི་གྷྲིན་ཨཱ་ན་ཡ་ཧཱུཾ་ཕཊ། ཛྭ་ལ་པ་ལ་ཛྭ་ལ་པ་ལ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། བི་ད་ཡ་བི་ད་ཡ་ཧཱུཾ་ཕཊ། ཕྲ་ཐབས་ཡང་སྤྲུལ་རྣམས་ཀྱི་ཕྲིན་ལས་ཀྱི་སྔགས་སོ། །ཨཱོཾ་ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲཱ་ནཱན། ཨཱོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚཱན་མཱ་ར་ཡ་ཧཱུཾ་ཕཊ། ཀཱི་ལི་ཀཱི་ལ་ཡ། སརྦ་པཱ་པཾ། ཧཱུཾ་ཧཱུཾ་ཕཊ་ཕཊ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བཛྲ་ཀཱི་ལ་ཡ་དྷ་རོ་ཨཱཛྙ་པ་ཡ་ཏི། ཀཱ་ཡ་ཝཱ་ཀ་ཙིཏྟ། བཛྲ་ཀཱི་ལ་ཡ་ཧཱུཾ་ཕཊ། རྡོ་རྗེ་སྡེར་མོའི་སྔགས་སོ། ཨཱོཾ་ལཾ་ཧཱུཾ་ཡཾ་སྟྭཾ་བྷ་ནན་མོ་ཧ་གྷ་ཡ། ― DNG022_Page_0204 ―
[མ་དཔེ་གཟིགས་ན་འདིར་གནོན།]
བྷ་ག་བཱ་ན། ཧྲཱྀཿཤྟྲཱིཿབི་ཀྲི། བཛྲ་ཧཱུཾ་ཀཱ་ར་ཧཱུཾ་ཕཊ། ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོཿ། སརྦ་བིགྷྣཱན། བཛྲ་ཀཱི་ལི་ཀཱི་ལ་ཡ། བཛྲ་ཧཱུཾ་ཀཱ་ར་ཨ། ཕྲིན་ལས་ཐམས་ཅད་གྲུབ་པར་བྱེད་པའི་སྔགས་སོ། །ཧཱུཾ་པ་ར་བི་དྱན། ཙྪིནྡ་ཙྪིནྡ་ཧཱུཾ་ཕཊ། བནྡྷ་བིནྡྷ་ཧཱུཾ། གྲྀཧྞ་གྲྀཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བནྡྷ་བནྡྷ་ཧཱུཾ་ཕཊ། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏང་ཀ་ཏེ། ཛ་ཡེ་བི་ཛ་ཡེ། ཨ་ཙི་ད་ཏེ། ཨ་པ་ར་ཛི་ཏ། མ་ར་སཻ་ན་བྲ་མརྔྷ་ན་ཡེ་ཧཱུཾ་ཕཊ། གདབ་པའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་དུཥྚཱཾ་མཱ་ར་ཡ་ཧཱུཾ་ཕཊ། བདེ་བར་གཤེགས་པས་ལྕགས་ཕུར་དྲག་པོའི་ཕྲིན་ལས་ཀྱི་མི་བཟད་པ་དྲག་པོས་དབང་བསྐུར་བའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་ཨུ་ཙུསྨ་ཀྲོ་ཏ་ཡ་ཧཱུཾ་མཱ་ར་ཡ་ཧཱུཾ་ཕཊ། བདེ་བར་གཤེགས་པས་སྐྱེར་པའི་ཕུར་པ་རྒྱས་པ་མི་བཟད་པ་བསད་པ་དྲག་པོས་དབང་བསྐུར་བའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ། བིང་བིང་མཱ་ར་ཡ་ཧཱུཾ། བདེ་བར་གཤེགས་པས་མཆོག་ཕུར་ཞི་བའི་ཕྲིན་ལས་མི་བཟད་པ་བསད་པ་དྲག་པོས་དབང་བསྐུར་བའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་ཨཾ་ཀུ་ཤ་ཙནྡྷི་ཙནྡྷི་མཱ་ར་ཡ་ཧཱུཾ་ཕཊ། བདེ་བར་གཤེགས་པས་སེང་ལྡེང་གི་ཕུར་པ་དབང་གི་ཕྲིན་ལས་མི་བཟད་པ་བསད་པ་དྲག་པོས་དབང་བསྐུར་བའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་བྱཱ་གྲི་མུ་ཁ་མཱ་ར་ཡ་ཧཱུཾ་ཕཊ། བདེ་བར་གཤེགས་པས་བྱ་ཕུར་མངག་པའི་ཕྲིན་ལས་མི་བཟད་པ་བསད་པ་དྲག་པོས་དབང་བསྐུར་བའི་སྔགས་སོ། །ཨོཾ་བཛྲ་ཀཱི་ལི་ཀཱི་ལ་ཡ་ན་མ་ས་མནྟ་བི་ཤུདྡྷེ་བྷཻ་ར་བེ་མཱ་ར་ཡ་ཧཱུཾ་ཕཊ། བདེ་བར་གཤེགས་པས་ཙནྡན་གྱི་ཕུར་པ་ཟིལ་གྱིས་གནོན་པའི་མི་བཟད་པའི་བསད་པ་དྲག་པོས་དབང་བསྐུར་བའི་སྔགས་སོ། །ཨཱོཾ་མཱ་མ་པ་ཤཾ་ཀུ་རུ་མ་ཏ་མ་ཛྙཱ་ཀ་ར་ཨི་དཾ་དྷ་ཏི་མ་མ་ཀ་ར་མ་ཤཱི་གྷྲཾ་ཀཱ་ར་ཡ། ཁྲོ་བོ་མཚོན་ཆའི་སྔགས་སོ། །སརྦ་ཨཱ་ན་ཡ་ཧཱུཾ་ཕཊ། མཐུ་འཕྲོག་པའི་སྔགས་སོ། །ཏ་ཐཱ་ཡ་ཏ་ཐ་ཡ་ཧཱུཾ་ཕཊ། ཟིལ་གྱིས་གནན་ཅིང་ལྡང་མི་ནུས་པར་བྱ་ ― DNG022_Page_0205 ―
[མ་དཔེ་གཟིགས་ན་འདིར་གནོན།]
བའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ། བཛྲ་ཀྲོ་ཏ། ཁ་ཐམ་ཁ་ཐམ་ཁ་ཐམ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བཛྲ་ཀཱི་ལི་ཀཱི་ལ་ཡ་བཛྲ་ཡཀྴ་ཀྲོ་ཏ་ཁཱ་ཧི་ཁཱ་ཧི་བཛྲ་ཀྲོ་ཏ་ཁཱ་ཧི། ཧ་ཧ་ཧ། གཏུན་དུ་བརྡུང་ཞིང་བསྟབ་པའི་སྔགས་སོ། །ཨཱོཾ་ལཾ་ཧཱུཾ་ལཾ་ལ་སོགས་པ་ནི་གནན་པའི་སྔགས་སོ། །ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ཀྲོ་ཏ་ཕྱི་ནན། ཧ་ན་ཧ་ན་བཛྲ་ལ་སོགས་མིག་གི་རྣམ་པར་ཤེས་པ་གནན་པའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ་བཛྲ་ཀྲོ་ཏ་སེད་སཱུ་ནན། ག་ཤ་ཏྲག་ནན། ད་ཧ་ད་ཧ་བཛྲ། རྣ་བའི་རྣམ་པར་ཤེས་པ་གནན་སྔགས་སོ། །ཨོཾ་བཛྲ་ཀཱི་ལི་ཀཱི་ལ་ཡ། བཛྲ་ཀྲོ་ཏ་ཤུ་ལ་ཁ་ས་མེ་ནན། པ་ཙ་པ་ཙ་བཛྲ། ཨཱོཾ་བཛྲ་ཀཱི་ལི་ཀཱི་ལ་ཡ། ཨ་ར་ལི་ཚལ་པ་ཁ་ནན། ཛྭ་ལ་ཛྭ་ལ་བཛྲ། ཉོན་མོངས་པ་འབྱུང་བའི། ཉོས་ཉོས་འབྱུང་བ་བཞིན་དུ་ཡང་བྱུང་ཁུབ་ཀུམ་ནན་མ་ཐ་མ་ཐ་བཛྲ། བན་དྷ་བན་དྷ་བཛྲ། གོ་རོ་ཙ་ན་ནན། ཚལ་པ་ནན། ཚལ་པ་ནན། ཙྪིནྡྷ་ཙྪིནྡྷ་བཛྲ། ཙ་ན་ཐིལ་ནན། མུ་རུ་མུ་རུ་བཛྲ། ཁ་ར་ཕྲ་ཐུམ་ཁུམ་ནན། གྲྀཧྞ་གྲྀཧྞ་ཧཱུཾ་ལཾ། ལྷུ་གདུམ་ཤིག་ནན། བིནྡ་བིནྡ་ཧཱུཾ་ལཾ། ས་ཏ་སུ་ཧ་སུ་ཏ་ནན། སུ་རུ་སུ་རུ་ཧཱུཾ་ལཾ། ཀ་ཏང་ཀ་ཡེ་ཛ་ཡེ་བི་ཛ་ཡེ། ཨ་ཛི་ཏེ་ཨ་པ་ར་ཛི་ཏེ་མཱ་ར་སཻ་ན་པྲ་མརྔྷ་ནི་ཧཱུཾ་ཕཊ། ཨོཾ་ལཾ་ཧཱུཾ་ལཾ། མནན་ཕུར་བརྒྱ་རྩ་བརྒྱད་ཀྱིས་གནན་པའི་སྔགས་སོ། །ཨཱོཾ་བཛྲ་སཏྭ། ས་མ་ཡ་ཀཱི་ལི་ཀཱི་ལ་ཡ་ཧཱུཾ་ཕཊ། ས་མ་ཡ་ཧཱུཾ། ཐམས་ཅད་བཀའ་ཉན་པར་བྱེད་པའི་སྔགས་སོ། །དེ་ནས་ཨཱོཾ་ལཾ་ལ་སོགས་པའི་སྔགས་ནི་རི་བོ་ཆེན་པོའི་འོག་རྒྱ་མཚོ་ཆེན་པོའི་གཏིང་དུ་གནན་པའི་སྔགས་སོ། །ཀརྨ་སཏྭ་སཱུརྻ་ཙནྟྲ་ནན། བཅོམ་ལྡན་འདས་དོན་ཐམས་ཅད་གྲུབ་པར་བྱེད་པའི་སྔགས་སོ། །རཾ་ཛྭ་ལ་རཾ་སྥ་ར་ན་ཕཊ། ཅེས་མེ་བསྐྱེད་པའི་སྔགས་སོ། །ཨོཾ་བཛྲ་ཀཱི་ལི་ཀཱི་ལ་ཡ། བཛྲ་ཀྲོ་ཏ་ཛྙཱ་ན་ཛྭ་ལ་རཾ། ཛཿཧཱུཾ་བཾ་ཧོཿ། ཨེ་ཧྱེ་ཧི་མ་ཧཱ་ཀ་རུ་ཎི་ཀ་དཾ་ཤྱ་ཧོ། ས་མ་ཡ་ཧོ། ས་མ་ཡ་སྟྭཾ། ཡེ་ཤེས་ཀྱི་མེ་ལྷ་སྤྱན་དྲང་བའི་སྔགས་སོ། །བཛྲ་ཀཱི་ལི་ཀཱི་ལ་ཡ་ཛྙཱ་ན་ཨཀྣེ་དྷི་བ་ཛྭ་ལ་རཾ་ཧཱུཾ་ཕཊ། མེ་ལྷ་བསྐྱེད་པའི་སྔགས་སོ། །སྥ་ར་ན་ཕཊ། སྤྲོ་བའོ། །སཾ་ཧ་ར་ན་ཧཱུཾ། བསྡུ་བའོ། ། ― DNG022_Page_0206 ―
[མ་དཔེ་གཟིགས་ན་འདིར་གནོན།]
རཾ་སྐུ་སེད་བྱ་སད་ཧཱུཾ་ཀུ་ར་ཡེ་མོ་སད་སྐུ། མེ་བསྐྱིལ་བའི་སྔགས་སོ། །མན་མན་མན་ཏི་ཕུས། རྒྱུད་ལེ་ཕུས་སྤྱི་ཏི་ཁ་ལ་ཕུས། སརྦ་ས་ཕུས། མུ་ལེ་ཕུས། མེ་སྦར་བའི་སྔགས་སོ། །ཨོཾ་ཨཱཿཧཱུཾ་ཏྲི་དྷི་དྲི་ས་ཤི་རཾ། མ་མ་རཾ། ཉེར་ཉེར་རཾ། ཛྭ་ལ་རཾ། ཛྙཱ་ན་རཾ། ཨགྣེ་རཾ། ཨཱོཾ་བ་ཡ་བ་ཡུ། ས་ར་ན་ཡ། སྥ་ར་ན་ཡ། ལམ་ཕུ་ཡེ་སྭཱ་ཧཱ། མེའི་སྙིང་པོ་དྲང་བའི་སྔགས་སོ། །མེ་གཟི་བྱིན་བསྐྱེད་པའོ། །ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ཀྲོ་ཏ་ཨགྣེ་ཡེ་ཛྙཱ་ན་ཛྭ་ལ་རཾ། ས་མ་ཡ་སྟྭཾ། བཞུགས་སུ་གསོལ་བའི་སྔགས་སོ། །ཨཱོཾ་བཛྲ་ཀཱི་ལི་ཀཱི་ལ་ཡ། ཛྙཱ་ན་དེ་ཝ་ཨགྣེ་རཱ་ཙ། མཱ་ར་ཡ་ཛྭ་ལ་རཾ་ཁཱ་ཧི། ཨཱོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཕཊ། ཁ་རཾ་ཌཱ་ཀི་ཛྭ་ལ་རཾ་ཁཱ་ཧི། ཀྲོ་དྷ་རཾ་ཛྭ་ལ་རཾ་ཁཱ་ཧི། ཧ་ལ་རཾ་ཛྭ་ལ་རཾ་ཁཱ་ཧི། ཏོ་ཤ་རཾ་ཛྭ་ལ་རཾ་ཁཱ་ཧི། མ་མ་ཛྭ་ལ་རཾ་ཁཱ་ཧི། སྟམ་ཤམ་ཛྭ་ལ་རཾ་ཁཱ་ཧི། ཀྲོ་ཏཱི་ཁ་རཾ་ཛྭ་ལ་རཾ་ཁཱ་ཧི། ཡོ་གཱི་ཁ་རཾ་ཛྭ་ལ་རཾ་ཁཱ་ཧི། ཉོན་མོངས་པ་བསྒྲལ་བའི་ཕུང་པོ་ནི། དཀྱིལ་འཁོར་ལྷའི་ཞལ་དུ། ཀྲྀ་ཀྲོ་ཏི་ཁ་རཾ་ཛྭ་ལ་རཾ་ཁཱ་ཧི། མི་བཟད་པའི་རྫས་གདུག་པ་ཅན་དང་། རྣམ་རྟོག་གིས་མི་མཐུན་པའི་ཕྱོགས་བསྲེག་པའི་སྔགས་སོ། །བདེ་གཤེགས་སྐུ་གསུང་ཐུགས་ཀྱི་སྔགས། །བསྐྱེད་དང་རྫོགས་དང་ཡོངས་སུ་རྫོགས་པ་དང་། །དགུག་དང་དེ་བཞིན་བསྡིམ་པ་དང་། །བཅིང་དང་མཐུ་འཕྲོག་གཟིར་བ་དང་། །ཏིང་འཛིན་སྔགས་དང་ཕྲིན་ལས་གསུམ། །གབ་པའི་སྡོམ་པ་མན་ངག་འདིའི། །རྒྱུད་དཀྲུག་ལུང་གཅུས་བྱེ་བྲག་རྣམས། །བླ་མའི་ཐུགས་ལ་རག་ལུས་པས། །བླ་མ་མཉེས་ན་རིན་ཆེན་རྙེད། །རས་ཆོད་ཅན་ལ་རྒྱུད་ལུང་གཅུས། །རང་ཤེས་རིག་པ་མི་གཞུག་པ། །རྟོག་གེ་པ་ཡི་ལས་སྐལ་མིན། །བལྟ་བ་ཟབ་མོ་རྒྱང་དུ་བོར། །སྤྱོད་པ་བརླང་པོ་དང་དུ་བླངས། །གསང་སྔགས་ཟབ་མོ་བོན་དུ་གྱེར། །ང་རྒྱལ་གཏུམ་ཁྲོ་རང་གར་བྱེད། །བྱ་རུ་མི་རུང་སྣ་ཚོགས་བྱེད། །དམ་ཚིག་ཡིད་ལ་མི་དྲན་པས། །གང་ལ་བསམ་པ་མི་ ― DNG022_Page_0207 ―
[མ་དཔེ་གཟིགས་ན་འདིར་གནོན།]
འགྲུབ་ཅིང་། །བར་དུ་སྲོག་ལ་བར་ཆད་འབྱུང་། །དེ་ནས་རྡོ་རྗེ་དམྱལ་བར་ལྟུང་། །དེ་ལྟ་བུ་ནི་མ་ཡིན་ཏེ། །མང་དུ་ཐོས་ལ་ལས་ལ་མཁས། །རྒྱུད་འགྲེལ་བློ་ཞེན་སྒྲུབ་ལ་ཞུགས། །གདེང་ཅན་ལྡོག་མེད་སེམས་དང་ལྡན། །ཕྲག་དོག་མེད་ཅིང་ཁོང་ཁྲོ་མེད། །གཞན་ལ་རེ་བ་མི་འཇོག་ཅིང་། །རྩ་བ་ཡན་ལག་དམ་ཚིག་རྣམས། །མ་ཉམས་ངེས་ཐུབ་གཞུང་བཞིན་བསྲུང་། །དེ་ལྟ་བུ་ཡི་རྣལ་འབྱོར་དེས། །ལས་སུ་བྱ་བ་ཐམས་ཅད་འགྲུབ། །དང་པོར་ཤེས་རབ་རྣམ་གསུམ་གྱིས། །གཏན་ཚིགས་དོན་ལ་ཡིད་ཆེས་ནས། །དེ་ནས་དབང་གསུམ་རྫོགས་པ་དང་། །སྙིང་རྗེའི་སེམས་དང་ལྡན་པ་ཡིས། །ཁམས་གསུམ་འཁོར་བ་གཟུང་བར་བྱའོ། །སྦྱོར་སྒྲོལ་མ་བྱིན་ལེན་པ་དང་། །རྫུན་ཚིག་བརླང་པོ་སྤྱད་པར་བྱ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་མི་སྤང་ངོ་། །དྲི་ཆེན་དྲི་ཆུ་རཀྟ་དང་། །ཟིལ་པ་མཱཾ་ས་དང་དུ་བླང་། །ཕུང་པོ་ལྷ་དང་གཉིས་སུ་མེད། །སེམས་ནི་ཆོས་ཉིད་ངང་དུ་གནས། །ཐེག་པ་བསམ་ཡས་སེམས་ལ་གསལ། །ལྟ་བ་མི་འགྱུར་གདེང་དུ་འཇོག །སྒོམ་པ་མ་ཡེངས་དོན་རབ་གསལ། །དམ་ཚིག་ཉན་ཐོས་ཁྲིམས་བཞིན་བསྲུངས། །རྒྱུད་འགྲེལ་སྒྲུབ་ཐབས་ཀུན་ལ་མཁས། །རྫས་དང་ལག་ཆ་རྟག་ཏུ་འཆང་། །དོན་དང་མན་ངག་གཞུང་དུ་བསྒྲུབ། །ཐ་མ་ཕྱོགས་རབ་འཛིན་ལ་མཁས། །ཚུལ་དང་ངང་ཚུལ་བཟང་ལ་ཤིས། །སྦྱོར་སྒྲོལ་མཆོད་པ་རྒྱུན་མི་གཅོད། །རྣལ་འབྱོར་རྟོགས་ལྡན་དམ་པ་དེས། །ལས་སུ་བྱ་བ་ཀུན་རྫོགས་ནས། །འཛབ་ཟློས་གྲངས་མེད་རྒྱུན་འདོན་པས། །སྔགས་དང་ཕྱག་རྒྱ་མཐུ་བྱིན་ཆེ། །ལས་དང་བྱ་བ་གདོན་མི་ཟ། །ངེས་པར་བརྩམས་པས་ཅི་འདོད་འགྲུབ། །ལས་སུ་གཏོར་མ་གཞུང་སྲོང་ཞིང་། །ཅི་བགྱི་བཀའ་ཉན་འཁོལ་མཁས་པས། །ཅི་བཀོལ་ཕྲིན་ལས་སྒྲུབ་པར་བྱེད། །དྲག་ཤུལ་ཐབས་ཀྱི་ཕོ་ཉ་ནི། །རྫུ་འཕྲུལ་ཕྲིན་ལས་ཤུགས་ཀྱིས་འགྱེད། །རྣམ་རྟོག་མཚན་མ་ཐབས་ཀྱིས་འཇོམས། །དེ་ལྟར་བྱས་ན་འགྲུབ་པར་འགྱུར། །ཤེས་པའི་ནང་ན་ ― DNG022_Page_0208 ―
[མ་དཔེ་གཟིགས་ན་འདིར་གནོན།]
དམ་པ་ནི། །རྒྱུད་འགྲེལ་བློ་ཞེན་སྒྲུབ་ལ་ཞུགས། །ཡི་དམ་ལྷ་ལ་རྟག་གནས་པས། །དེ་ལ་རས་ཆོད་འབྱུང་མི་སྲིད། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ ལ་ཡ་གསང་བའི་དགོངས་རྒྱུད་ལས། གསང་བའི་སྔགས་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་ཁྲག་འཐུང་བཛྲ་ཀཱི་ལ་ཡ། །ཕྱག་རྒྱའི་བྱིན་རླབས་ཡོན་ཏན་དང་། །སྔགས་ཟློས་ཕྱག་རྒྱ་ཇི་ལྟར་ལགས། །ངེས་པའི་དོན་རྣམས་ཇི་ལྟར་འགྲུབ། །གསང་བའི་བདག་པོས་བསྟན་དུ་གསོལ། །ཞེས་གསོལ་པ་དང་། བཛྲ་ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །ཁྲོ་བོ་རྣམས་ཀྱི་ཕྱག་རྒྱ་དང་། །ཕྱག་རྒྱའི་ཡོན་ཏན་བཤད་པ་ནི། །ལག་གཡས་རྡོ་རྗེའི་ཕྱག་རྒྱར་བཅས། །གཡོན་པས་ཕུར་པ་བཅངས་ནས་སུ། །བརྐྱང་བསྐུམ་བགྲད་ནས་ཁྲོ་ཚུལ་གནས། །སྤྱན་བཟློག་མཆེ་གཙིགས་ཞལ་ཡང་གཉེར། །ཀུ་མཱ་ར་ཡི་ཕྱག་རྒྱ་ཡིན། །རྩ་བའི་སྔགས་ནི་དྲག་ཏུ་བཟླས། །ལས་སྔགས་ཞབས་ལ་བཏགས་པས་ནི། །མ་མོ་མཁའ་འགྲོ་དབང་དུ་སྡུད། །ལྷ་སྲིན་སྡེ་བརྒྱད་བྲན་དུ་འཁོལ། །སྲིད་པ་གསུམ་ཡང་ཟིལ་གྱིས་གནོན། །ཕན་གནོད་སྨོན་ལམ་འགྱུར་ཤོག་འགྲུབ། །འཁོར་ལོ་རྒྱས་འདེབས་ཕྱག་རྒྱ་ནི། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །འཁྲིལ་བའི་ཚུལ་གྱིས་སྟངས་སྟབས་མཛད། །ཡུམ་གྱི་གསང་སྔགས་དྲག་ཏུ་བཟླས། །བདེ་བར་གཤེགས་པ་ཐམས་ཅད་མཉེས། །དངོས་གྲུབ་ཆེན་པོ་ཐོབ་པར་ངེས། །གཡས་པ་དོར་ཞིང་གཡོན་པ་བགྲད། །ལག་གཡས་སྟྭ་རེ་གྱེན་དུ་ཕྱར། །གཡོན་པ་ཕུར་བུ་འདེབས་པའི་ཚུལ། །གཟུགས་ཕུང་གཅུ་ཞིང་ཟུར་མིག་བལྟ། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་པོ་བཟླས་པ་ནི། །སྲས་མཆོག་ཕུར་པའི་ཕྱག་རྒྱ་ཡིན། །སངས་རྒྱས་ཉིད་ཀྱང་བརྒྱལ་བར་འགྱུར། །དགྲ་ ― DNG022_Page_0209 ―
[མ་དཔེ་གཟིགས་ན་འདིར་གནོན།]
བགེགས་གཞན་ལྟ་སྨོས་ཅི་དགོས། །གཡོན་པ་མཛུབ་བསྒྲེང་སྙིང་གར་གཏད། །གཡས་པ་ཐལ་མོ་གྱེན་དུ་བསྒྲེང་། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །ཧཱུཾ་ཀཱ་ར་ཡི་ཕྱག་རྒྱ་ཡིན། །གསང་སྔགས་དྲག་ཏུ་བཟླས་པས་ནི། །དགྲ་བགེགས་གཞན་ལྟ་སྨོས་ཅི་དགོས། །སྲིད་གསུམ་མ་ལུས་དབང་དུ་སྡུད། །རྣམ་པར་རྒྱལ་བའི་ཕྱག་རྒྱ་ནི། །གཡོན་པ་མཛུབ་བསྒྲེང་སྙིང་གར་གཏད། །གཡས་པ་མཛུབ་བཀུག་ལྕགས་ཀྱུའི་ཚུལ། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །རླུང་དང་ཐོག་སེར་ཆུ་ཆེན་དང་། །གང་ལྟར་འདོད་པ་ཟློག་པར་བྱེད། །དབྱུག་པ་སྔོན་པོའི་ཕྱག་རྒྱ་ནི། །གཡོན་པ་མཛུབ་བསྒྲེང་སྙིང་གར་གཏད། །གཡས་པ་རྩེ་གསུམ་གྱེན་དུ་ཕྱར། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །རི་རབ་ཡུལ་མཁར་འཇིག་པ་དང་། །གང་ལ་དམིགས་པ་ཆོམ་པར་འགྱུར། །གཤིན་རྗེ་གཤེད་པོའི་ཕྱག་རྒྱ་ནི། །ལག་གཉིས་ཁུ་ཚུར་བཅངས་ལ་ནི། །གུང་གཉིས་སྤྲད་དེ་བསྒྲེང་བར་བྱ། །རྒྱབ་ཀྱི་ཚིགས་པ་མཛུབ་མོས་དཀྲི། །མཐེབ་གཉིས་གཤིབས་ཏེ་མདུན་བཞག་ལ། །ཁ་ཡི་ཚུལ་དུ་བྱས་ལ་ནི། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །གཞན་གྱི་སྨྱོ་འབོག་ཐུལ་བར་འགྱུར། །བསད་བཅད་དགུག་པ་ཐོགས་པ་མེད། །མི་གཡོ་མགོན་པོའི་ཕྱག་རྒྱ་ནི། །གཡས་པའི་མཐེ་བོང་མཐེ་ཆུང་བཀུག །མཛུབ་མོ་གུང་མོའི་སྲིན་ལག་བསྒྲེང་། །གཡོན་པ་ཕུར་པ་འདེབས་པའི་ཚུལ། །གཡས་པ་རལ་གྲི་འདེབས་པའི་ཚུལ། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །འཇིག་རྟེན་ལྷ་འདྲེ་འདར་ཞིང་སྔངས། །གང་ལ་མངགས་པའི་ཕྲིན་ལས་བྱེད། །གནོད་པ་བསྐྲད་ན་ ― DNG022_Page_0210 ―
[མ་དཔེ་གཟིགས་ན་འདིར་གནོན།]
མྱུར་དུ་ཞི། །རྟ་མགྲིན་རྒྱལ་པོའི་ཕྱག་རྒྱ་ནི། །མཐེའུ་ཆུང་གཉིས་ནི་ལུ་གུ་རྒྱུད། །མཛུབ་མོ་གཉིས་ནི་གཤིབས་བསྒྲེང་ལ། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །གདུག་པ་ཀླུ་ཡི་འཇིགས་ལས་ཐར། །མཛུབ་རིས་བྱས་པས་སེར་བ་བཟློག །བཟློག་པ་གང་ཡང་ཐོགས་ཆགས་མེད། །གཞན་གྱིས་མི་ཐུབ་ཕྱག་རྒྱ་ནི། །ལག་གཉིས་ཁུ་ཚུར་སོ་སོར་བཅངས། །རྒྱབ་སྤྲད་མཐེའུ་ཆུང་ལུ་གུ་རྒྱུད། །མཛུབ་གཉིས་རྩེ་མོ་སྤྲད་ནས་ནི། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །དམ་ཅན་གནད་ལ་ཕེབས་པ་དང་། །ལྷ་སྲིན་སྡེ་བརྒྱད་འདར་ཞིང་དྲེད། །མ་བཅོལ་བར་ཡང་ཕྲིན་ལས་མཛད། །བདུད་རྩི་འཁྱིལ་པའི་ཕྱག་རྒྱ་ནི། །ལག་པ་གཉིས་ཀྱི་མཐེ་བོང་གིས། །མཐེའུ་ཆུང་གཉིས་ཀྱི་རྩེ་མོ་མནན། །ལྷག་མ་གསུམ་པོ་དཔུང་མགོར་བསྣོལ། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །སངས་རྒྱས་འགྲོ་བའི་དོན་ལ་བསྐྱོད། །ལྷ་སྲིན་རྣམས་ནི་ལས་ལ་བསྐྱོད། །བགེགས་དང་འབྱུང་པོའི་གནོད་པ་སྐྱོབ་བསྐྱོད་ཀྱང་། །ངན་སོང་འཁོར་བ་གནས་ནས་སྐྱོབ་བསྐྱོད ། །ལས་དང་བྱ་བ་ཐམས་ཅད་འགྲུབ། །ཁམས་གསུམ་རྣམ་རྒྱལ་ཕྱག་རྒྱ་ནི། །ལག་གཉིས་ཁུ་ཚུར་བཅངས་ལ་ནི། །མཛུབ་གཉིས་བསྒྲེང་སྟེ་སྡིགས་མཛུབ་འཕྱར། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །བྲག་ལ་དམིགས་ན་བྲུལ་བར་འགྱུར། །ཆུ་ལ་དམིགས་ན་སྐམས་པར་འགྱུར། །མེ་ལ་དམིགས་ན་འཆི་བར་འགྱུར། །རླུང་ལ་དམིགས་ན་འཆད་པར་འགྱུར། །ཁམས་གསུམ་འཁོར་བ་ལས་རྒྱལ་འགྱུར། །སྟོབས་པོ་ཆེ་ཡི་ཕྱག་རྒྱ་ནི། །གཡོན་པ་ཕུར་བུ་འདེབས་པའི་ཚུལ། །གཡས་པ་གཏུན་ཤིང་ ― DNG022_Page_0211 ―
[མ་དཔེ་གཟིགས་ན་འདིར་གནོན།]
བརྡེག་པའི་ཚུལ། །གཟུགས་ཕུང་གཅུ་ཞིང་བརྐྱང་བསྐུམ་བགྲད། །སྤྱན་བཟློག་མཆེ་བ་གཙིགས་ནས་ནི། །གསང་སྔགས་དྲག་ཏུ་བཟླས་བྱས་ན། །ཐན་པ་བྱུང་ན་ཆར་པ་འབེབས། །ཆར་པ་ཆེས་ན་གཅོད་པར་བྱེད། །ཕན་གནོན་འགྱུར་ཤོག་སྟོབས་དང་ལྡན། །ཁྲོ་མོ་རྣམས་ཀྱི་ཕྱག་རྒྱ་ནི། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་གནས། །གསང་སྔགས་དྲག་ཏུ་བཟླས་བྱས་ན། །རྣལ་འབྱོར་རྗེས་འཇུག་དངོས་གྲུབ་ཐོབ། །ཐར་པའི་ལམ་ལས་ལྡོག་མི་སྲིད། །ལག་གཉིས་སོར་མོ་ནང་དུ་བསྣོལ། །ནང་དུ་ཕུར་པ་བཅུག་པ་ནི། །ཕུར་པ་བསྐྱེད་པའི་ཕྱག་རྒྱ་ཡིན། །མཐེབ་མཛུབ་གཉིས་ཀྱི་བར་དུ་ནི། །ཕུར་པ་བཅུག་ལ་ཡས་མར་མངག །ཕུར་པ་བསྐུལ་བའི་ཕྱག་རྒྱ་ཡིན། །ལག་གཉིས་ཐལ་མོ་སྦྱར་ནས་ནི། །ཕུར་པ་བཅུག་སྟེ་དྲིལ་བྱས་ན། །ཕུར་པ་འདྲིལ་བའི་ཕྱག་རྒྱ་ཡིན། །གཡོན་པ་ཁུ་ཚུར་བཅངས་ནས་གཏད། །གཡས་པ་ཐོ་བ་བརྡེག་པའི་ཚུལ། །ཕུར་པ་བརྡེག་པའི་ཕྱག་རྒྱ་ཡིན། །ལག་པ་གཉིས་ཀྱི་རྟིང་སྦྱར་ནས། །གུང་མོའི་རྩེ་མོ་སྤྲད་པ་ནི། །ཕུར་པ་དམ་ཚིག་ཕྱག་རྒྱ་ཡིན། །ལག་གཉིས་ཁུ་ཚུར་བཅངས་ནས་ནི། །མཛུབ་བཀུག་ལྕགས་ཀྱུའི་ཚུལ་དུ་བྱས། །འགུགས་ཤིང་འདྲེན་པའི་ཕྱག་རྒྱ་ཡིན། །གཡས་གཡོན་ལག་པ་སོར་མོ་བསྒྲེང་སྦྲེལ་ཡང་། །ཚིགས་ཆེན་བཀུག་ནས་ཐུར་དུ་བྱ། །མཐེ་བོང་གཤིབས་ནས་མདུན་བཞག་པ། །རི་རབ་ཀྱིས་གཟིར་ཕྱག་རྒྱ་ཡིན། །ལག་གཉིས་ཁུ་ཚུར་བཅངས་ནས་ནི། །མཛུབ་བསྒྲེང་དམིགས་ལ་གཏད་པ་ནི། །གཡས་པ་ཞགས་པ་འཕེན་ཚུལ་བྱ། །ཡན་ལག་བཅིངས་པའི་ཕྱག་རྒྱ་ཡིན། །གཡས་གཡོན་སོར་མོ་བསྣོལ་ལ་ནི། །བརྐྱང་སྟེ་ཁ་ནི་སྦུབ་པ་ནི། །གཟུགས་ལ་འབེབས་པའི་ཕྱག་རྒྱ་ཡིན། །ལག་གཉིས་ཁུ་ཚུར་བཅངས་ནས་ནི། །གུང་མོ་བསྒྲེང་ནས་རྩེ་སྤྲད་པ། །བརྡེག་པའི་ཚུལ་དུ་བྱས་པ་ནི། །བཀའ་བསྒོ་བྲན་བཞིན་ཉན་པའི་ཕྱག་རྒྱ་ཡིན། །ལག་གཉིས་མཐེ་བོ་མཐེའུ་ཆུང་མནན། ། ― DNG022_Page_0212 ―
[མ་དཔེ་གཟིགས་ན་འདིར་གནོན།]
སོར་མོ་གསུམ་པོ་གཤིབས་བསྒྲེང་ནས། །རལ་གྲི་འདེབས་པའི་ཚུལ་དུ་བྱས། །དགྲ་བགེགས་རྩད་ནས་གཅོད་པའི་ཕྱག་རྒྱ་ཡིན། །ཕྲ་ཐབས་ཡང་སྤྲུལ་སོ་སོ་རྣམས། །གཙོ་བོའི་ཕྱག་རྒྱ་ཇི་བཞིན་བྱ། །ངེས་པ་མེད་པ་རྒྱལ་བས་གསུངས། །གཞན་ཡང་ཕྱག་རྒྱ་ལ་སོགས་པ། །ཡང་ དག་རྟོགས་ན་ཀུན་ཀྱང་རྒྱ། །མ་རྟོགས་པ་ལ་རྟོག་པ་གཞིལ། །སྔགས་དང་ཏིང་འཛིན་མ་ནོར་ན། །ལས་དང་བྱ་བ་དེ་ཡིས་འགྲུབ། །ཏིང་འཛིན་ཞན་ན་གཞུང་དུ་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས། ཕྱག་རྒྱའི་ལེའུ་སྟེ་བཅུ་གཉིས་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །བདེ་གཤེགས་ཕྱག་རྒྱ་དེ་ལགས་ན། །རྣལ་འབྱོར་རྗེས་སུ་འཇུག་པ་ལ། །སྐུ་མདོག་ཕྱག་མཚན་ཇི་ལྟར་ལགས། །སོ་སོའི་བྱེ་བྲག་བསྟན་དུ་གསོལ། །བདེ་བར་གཤེགས་པས་ལུང་བསྟན་དུ་གསོལ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་ང་ཡི་རྗེས་འཇུག་རྣམས། །བསྐྱེད་རིམ་ཏིང་འཛིན་ཐབས་ནི་འདི་ཡིན་གྱི། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །ཀུ་མཱ་ར་ལ་བསྟོད་ཕྱག་འཚལ། །ང་ནི་ཁམས་གསུམ་འཁོར་བའི་ཡབ། །ཁམས་གསུམ་སྙིང་རྗེ་སྒྲོལ་མཆོག་སྟེ། །དབུ་གསུམ་གཡས་དཀར་གཡོན་དམར་དབུས་མཐིང་ནག །སྒེག་པ་དཔའ་བ་འཇིགས་སུ་རུང་བ་དང་། །རྒོད་དང་གཤེ་དང་འཇིགས་པར་བྱེད་པ་དང་། །སྙིང་རྗེ་རྔམས་དང་ཞི་བ་ལ་སོགས་པ། །སྐུ་ཡི་དངོས་པོ་ཤིན་ཏུ་བསྒྱུར་བ་ཡིས། །བདུད་བཞི་གཏན་ནས་འཇོམས་པས་དཔའ་དཔའ་འདྲ། །རྒྱན་དང་ཆ་ལུགས་ལྡན་པས་སྒེག་སྒེག་འདྲ། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །ཞལ་གཡས་དཀར་ལ་ ― DNG022_Page_0213 ―
[མ་དཔེ་གཟིགས་ན་འདིར་གནོན།]
བཞད་པས་རྒོད་རྒོད་འདྲ། །ཞལ་གཡོན་དམར་ལ་གདངས་པས་གཤེ་གཤེ་འདྲ། །ཞལ་དབུས་མཐིང་ལ་གནག་པས་ཁྲོ་ཁྲོ་འདྲ། །ཞལ་ནས་གདུག་རྩུབ་འབྱིན་པས་རྔམ་རྔམ་འདྲ། །རྒྱུད་དྲུག་ཐུགས་རྗེས་འཛིན་པས་སྙིང་རྗེ་ཆེ་ཆེ་འདྲ། །ཆོས་སྐུ་མཚན་མ་མེད་པས་ཞི་ཞི་འདྲ། །དེ་འདྲའི་ཁྲོ་བོ་འཇིགས་སྐུ་གཤེགས་སུ་གསོལ། །དེ་འདྲའི་ཁྲོ་བོ་འཇིགས་སྐུ་གཤེགས་ནས་ཀྱང་། །རྟགས་དང་མཚན་མ་བསྟན་པའི་ཕྱིར། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །རྡོ་རྗེ་རྩེ་ལྔས་རྒྱུད་ལྔའི་རྟོག་པ་སྒྲོལ། །མེ་དཔུང་འབར་བས་ཁམས་གསུམ་ཉོན་མོངས་བསྲེག །ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད། །རི་རབ་ཕུར་བུས་ཁམས་གསུམ་དབང་དུ་སྡུད། །འཁོར་ལོ་རྒྱས་འདེབས་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་གནས། །ཁྲོ་བོ་ཆེན་པོ་ཧཱུཾ་ཀཱ་ར། །དབུ་གསུམ་ཕྱག་ཀྱང་དྲུག་པ་སྟེ། །གཡས་དཀར་གཡོན་དམར་དབུས་སྔོན་ཞལ། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་གཉིས་བེ་ཅོན་སོག་ལེ་བསྣམས། །མཐའ་གཉིས་རི་རབ་ཕུར་བུ་བསྣམས། །ཐོད་པ་སྐམ་རློན་ཕྲེང་བས་བརྒྱན། །རྡོ་རྗེ་སྒྲ་འབྱིན་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་གནས། །ཁྲོ་བོ་ཆེན་པོ་རྣམ་པར་རྒྱལ། །དབུ་གསུམ་ཕྱག་དྲུག་ཞབས་བཞི་བགྲད། །གཡས་སྔོ་གཡོན་ལྗང་དབུས་དཀར་ཞལ། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་གཉིས་རྡོ་རྗེ་ལྕགས་ཀྱུ་བསྣམས། །མཐའ་གཉིས་རི་རབ་ཕུར་བུ་འདྲིལ། །རྡོ་རྗེ་མདའ་སྙེམས་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་བཞུགས། །ཁྲོ་བོ་ཆེན་པོ་དབྱུག་པ་སྔོ། །གཡས་དཀར་གཡོན་དམར་ ― DNG022_Page_0214 ―
[མ་དཔེ་གཟིགས་ན་འདིར་གནོན།]
དབུས་སྔོ་ཞལ། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་གཉིས་མེ་དབལ་དབྱུག་ཏོ་བསྣམས། །མཐའ་གཉིས་རི་རབ་ཕུར་པ་འདྲིལ། །རྡོ་རྗེ་སྡེར་མོ་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་གནས། །ཁྲོ་བོ་ཆེན་པོ་གཤིན་རྗེ་གཤེད། །གཡས་སྔོ་གཡོན་ལྗང་དབུས་སྔོ་ཞལ། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་གཉིས་དགྲ་སྟྭ་བེ་ཅོན་བསྣམས། །མཐའ་གཉིས་རི་རབ་ཕུར་པ་འདྲིལ། །རྡོ་རྗེ་དུར་ཁྲོད་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་ཡབ་ལ་སྟོབ། །གཙོ་ལ་འཁྲིལ་བའི་ཚུལ་དུ་གནས། །ཁྲོ་བོ་ཆེན་པོ་མི་གཡོ་མགོན། །གཡས་སྔོ་གཡོན་སྨུག་དབུས་ལྗང་ཞལ། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་མ་གཤོལ་དང་རལ་གྲི་བསྣམས། །མཐའ་གཉིས་རི་རབ་ཕུར་བུ་འདྲིལ། །རྡོ་རྗེ་གཏུན་ཁུང་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་གནས། །ཁྲོ་བོ་ཆེན་པོ་རྟ་མགྲིན་ནི། །གཡས་དཀར་གཡོན་སྔོ་དབུས་དམར་ཞལ། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་གཉིས་སྦྲུལ་ཞགས་ཁྲ་ཡང་བསྣམས། །མཐའ་གཉིས་རི་རབ་ཕུར་པ་འདྲིལ། །རྡོ་རྗེ་གཏུམ་མོ་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་བཞུགས། །ཁྲོ་བོ་གཞན་གྱིས་མི་ཐུབ་པ། །གཡས་སེར་གཡོན་དམར་དབུས་དམར་སྐྱ། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་གཉིས་བ་དན་རྔ་ཡབ་བསྣམས། །མཐའ་གཉིས་རི་རབ་ཕུར་པ་འདྲིལ། །རྡོ་རྗེ་མདའ་སྙེམས་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་ ― DNG022_Page_0215 ―
[མ་དཔེ་གཟིགས་ན་འདིར་གནོན།]
འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་བཞུགས། །ཁྲོ་བོ་ཆེན་པོ་བདུད་རྩི་འཁྱིལ་པ་ནི། །གཡས་སེར་གཡོན་དུད་དབུས་ལྗང་ཞལ། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་མ་རྒྱ་གྲམ་དབྱུག་ཏོ་བསྣམས། །མཐའ་གཉིས་རི་རབ་ཕུར་པ་འདྲིལ། །རྡོ་རྗེ་རླུང་འབྱིན་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་བཞུགས། །ཁྲོ་བོ་ཁམས་གསུམ་རྣམ་པར་རྒྱལ། །གཡས་དཀར་གཡོན་དམར་དབུས་ལྗང་སེར། །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་མ་ཏྲི་ཤཱུལ་མདའ་གཞུ་བསྣམས། །མཐའ་གཉིས་རི་རབ་ཕུར་པ་འདྲིལ། །རྡོ་རྗེ་གསོད་མ་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་བཞུགས། །ཁྲོ་བོ་ཆེན་པོ་སྟོབས་པོ་ཆེ། །གཡས་ནག་གཡོན་དམར་དབུས་དུད་ཀ །ཕྱག་དྲུག་གཡས་གཡོན་ཕྱག་མཚན་ནི། །དང་གཉིས་རྡོ་རྗེ་བྷནྡྷ་བསྣམས། །བར་གཉིས་གཏུན་ཤིང་མདུང་ཐུང་བསྣམས། །མཐའ་གཉིས་རི་རབ་ཕུར་པ་འདྲིལ། །རྡོ་རྗེ་བསྐྱོད་མ་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བའི་ཚུལ་དུ་བཞུགས། །ཕྲ་ཐབས་ཉི་ཤུའི་སྐུ་མདོག་ནི། །གཡས་གཡོན་རིགས་དང་སྦྱར་བར་བྱ། །ཕྲ་ཐབས་ཉི་ཤུའི་ཕྱག་རྒྱ་ནི། །གཙོ་བོ་རྣམས་ཀྱི་བར་མ་བྱིན། །ཤར་གྱི་སྒོ་མ་ལྕགས་ཀྱུ་སྐུ་མདོག་དཀར། །ལྷོ་ཡི་སྒོ་མ་ཞགས་པ་སྐུ་མདོག་སྔོ། །ནུབ་ཀྱི་སྒོ་མ་ལྕགས་སྒྲོག་སྐུ་མདོག་དམར། །བྱང་གི་སྒོ་མ་དྲིལ་བུ་སྐུ་མདོག་ལྗང་། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་ཀཱི་ལ་ཡ་གསང་བའི་དགོངས་རྒྱུད་ལས། སྐུ་མདོག་དང་ཕྱག་མཚན་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་ ― DNG022_Page_0216 ―
[མ་དཔེ་གཟིགས་ན་འདིར་གནོན།]
འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་བཛྲ་ཀཱི་ལ་ཡ། ལུས་འདི་དངོས་པོར་བལྟ་བ་ལ། །དངོས་པོ་གཞིལ་ན་ཇི་ལྟར་ལགས། །ཐུགས་ཉིད་ཡེ་ནས་མ་བཅོས་ཉིད། །གདུག་པ་འདུལ་བའི་སྐུར་བསྟན་པ། །བསྐྱེད་པའི་རིམ་པ་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །ལུས་འདི་དངོས་པོར་འཛིན་པ་ལ། །བདེ་གཤེགས་དཀྱིལ་འཁོར་བསྐྱེད་པར་བྱ། །གཡེང་བའི་སེམས་ཅན་དོན་དུ་བསྡུ། །བདེ་གཤེགས་དཀྱིལ་འཁོར་ལུས་ལ་བསྐྱེད། །ཕུང་པོ་ལྔ་ནི་གནས་སུ་དག །གཟུགས་ཀྱི་ཕུང་པོ་གནས་སུ་དག་པའི་ཕྱིར། །ནམ་མཁའི་རྩ་ལ་བུཌྜྷ་ཧེ་རུ་བསྐྱེད། །རྣམ་ཤེས་ཕུང་པོ་གནས་སུ་དག་པའི་ཕྱིར། །ས་ཡི་རྩ་ལ་བཛྲ་ཧེ་རུ་བསྐྱེད། །ཚོར་བའི་ཕུང་པོ་གནས་སུ་དག་པའི་ཕྱིར། །ཆུ་ཡི་རྩ་ལ་རཏྣ་ཧེ་རུ་བསྐྱེད། །འདུ་ཤེས་ཕུང་པོ་གནས་སུ་དག་པའི་ཕྱིར། །མེ་ཡི་རྩ་ལ་པདྨ་ཧེ་རུ་བསྐྱེད། །འདུ་བྱེད་ཕུང་པོ་གནས་སུ་དག་པའི་ཕྱིར། །རླུང་གི་རྩ་ལ་ཀརྨ་ཧེ་རུ་བསྐྱེད། །འབྱུང་བ་ལྔ་ནི་རྒྱལ་བའི་ཡུམ་ལྔའི་མཁའ། །དངོས་པོར་འཛིན་པ་གནས་སུ་དག་པའི་ཕྱིར། །བཅོམ་ལྡན་རྡོ་རྗེ་གཞོན་ནུའི་སྐུ་རུ་བསྐྱེད། །ཞེ་སྡང་གནས་སུ་དག་པའི་ཕྱིར། །རྣ་བའི་གནད་ཀྱི་རྩ་ལ་ནི། །ཁྲོ་བོ་ཆེན་པོ་རྣམ་པར་རྒྱལ་བ་བསྐྱེད། །ང་རྒྱལ་གནས་སུ་དག་པའི་ཕྱིར། །དཔུང་པའི་གནད་ཀྱི་རྩ་ལ་ནི། །ཁྲོ་བོ་གཤིན་རྗེའི་གཤེད་པོ་བསྐྱེད། །འདོད་ཆགས་གནས་སུ་དག་པའི་ཕྱིར། །ཕོ་མཚན་གནད་ཀྱི་རྩ་ལ་ནི། །ཁྲོ་བོ་རྟ་མགྲིན་བསྐྱེད་པར་བྱ། །ཕྲག་དོག་གནས་སུ་དག་པའི་ཕྱིར། །མིག་འབྲས་གནད་ཀྱི་རྩ་ལ་ནི། །ཁྲོ་བོ་བདུད་རྩི་འཁྱིལ་པ་བསྐྱེད། །རྫུན་དུ་སྨྲ་བ་གནས་སུ་དག་པའི་ཕྱིར། །ལྕེ་ཡི་གནད་ཀྱི་རྩ་ལ་ནི། །ཁྲོ་བོ་དབྱུག་པ་སྔོན་པོ་བསྐྱེད། །སྲོག་གཅོད་གནས་སུ་དག་པའི་ཕྱིར། །དཔུང་གཡོན་གནད་ཀྱི་རྩ་ལ་ནི། །ཁྲོ་བོ་མི་གཡོ་མགོན་པོ་བསྐྱེད། །མ་བྱིན་ལེན་པ་གནས་སུ་དག་པའི་ཕྱིར། །རྐང་མཐིལ་གནད་ཀྱི་རྩ་ལ་ནི། །ཁྲོ་བོ་གཞན་གྱིས་མི་ཐུབ་བསྐྱེད། །གནོད་ ― DNG022_Page_0217 ―
[མ་དཔེ་གཟིགས་ན་འདིར་གནོན།]
སེམས་གནས་སུ་དག་པའི་ཕྱིར། །རྐང་གཡོན་གནད་ཀྱི་རྩ་ལ་ནི། །ཁྲོ་བོ་ཁམས་གསུམ་རྣམ་རྒྱལ་བསྐྱེད། །ལོག་ལྟ་གནས་སུ་དག་པའི་ཕྱིར། །མིག་གཡོན་གནད་ཀྱི་རྩ་ལ་ནི། །ཁྲོ་བོ་ཧཱུཾ་ཀཱ་ར་ཡང་བསྐྱེད། །གཏི་མུག་གནས་སུ་དག་པའི་ཕྱིར། །ལྟེ་བ་གནད་ཀྱི་རྩ་ལ་ནི། །ཁྲོ་བོ་ཆེན་པོ་སྟོབས་ཆེན་བསྐྱེད། །བཏང་སྙོམས་བྱང་ཆུབ་སེམས་དང་ལྡན། །ཕྲ་མེན་ཕག་གི་མགོ་ཅན་བསྐྱེད། །གཡོ་སྒྱུ་བྱང་ཆུབ་སེམས་དང་ལྡན། །ཕྲ་མེན་སྨིན་བུའི་མགོ་ཅན་བསྐྱེད། །དཔའ་རྩལ་བྱང་ཆུབ་སེམས་དང་ལྡན། །ཕྲ་མེན་སྟག་གི་མགོ་ཅན་བསྐྱེད། །ཐོགས་མེད་བྱང་ཆུབ་སེམས་དང་ལྡན། །ཕྲ་མེན་བྱ་རྒོད་མགོ་ཅན་བསྐྱེད། །གཟི་བརྗིད་བྱང་ཆུབ་སེམས་དང་ལྡན། །ཕྲ་མེན་གཡག་གི་མགོ་ཅན་བསྐྱེད། །རང་རིག་བྱང་ཆུབ་སེམས་དང་ལྡན། །ཕྲ་མེན་བྱ་རོག་མགོ་ཅན་བསྐྱེད། །གཙང་མ་སྲོང་བྱེད་བྱང་ཆུབ་སེམས་དང་ལྡན། །ཕྲ་མེན་ཤ་བའི་མགོ་ཅན་བསྐྱེད། །ཕྲ་ལ་གཏིང་ཟབ་དོན་རྟོགས་བྱང་ཆུབ་སེམས་དང་ལྡན། །ཕྲ་མེན་འུག་པའི་མགོ་ཅན་བསྐྱེད། །འཁོར་བ་རྔམ་འཇོམས་བྱང་ཆུབ་སེམས་དང་ལྡན། །ཕྲ་མེན་གཟིག་གི་མགོ་ཅན་བསྐྱེད། །མི་ཚོར་འཇོམས་བྱེད་བྱང་ཆུབ་སེམས་དང་ལྡན། །ཕྲ་མེན་ཁྭ་ཡི་མགོ་ཅན་བསྐྱེད། །གཟེ་མྱུར་འཇོམས་བྱེད་བྱང་ཆུབ་སེམས་དང་ལྡན། །ཕྲ་མེན་བྱི་ལའི་མགོ་ཅན་བསྐྱེད། །ཐབས་མཁས་རྫུ་འཕྲུལ་བྱང་ཆུབ་སེམས་དང་ལྡན། །ཕྲ་མེན་པུ་ཤུད་མགོ་ཅན་བསྐྱེད། །རྔམ་མགྱོགས་གསོད་བྱེད་བྱང་ཆུབ་སེམས་དང་ལྡན། །ཕྲ་མེན་སྤྱང་མོའི་མགོ་ཅན་བསྐྱེད། །འཛིན་ཅིང་མགྱོགས་བྱེད་བྱང་ཆུབ་སེམས་དང་ལྡན། །ཕྲ་མེན་ཁྲ་ཡི་མགོ་ཅན་བསྐྱེད། །གཉེན་པོ་གཞལ་མེད་བྱང་ཆུབ་སེམས་དང་ལྡན། །ཕྲ་མེན་སེང་གེའི་མགོ་ཅན་བསྐྱེད། །ཤེས་རབ་ཐབས་མཁས་བྱང་ཆུབ་སེམས་དང་ལྡན། །ཕྲ་མེན་ཕ་ཝང་མགོ་ཅན་བསྐྱེད། །གཏུམ་ཤིང་གདུག་པ་བྱང་ཆུབ་སེམས་དང་ལྡན། །ཕྲ་མེན་དྲེད་ཀྱི་མགོ་ཅན་བསྐྱེད། །མགྱོགས་ཤིང་གཟེ་བ་བྱང་ཆུབ་སེམས་དང་ལྡན། །ཕྲ་མེན་ཟེར་མོའི་ ― DNG022_Page_0218 ―
[མ་དཔེ་གཟིགས་ན་འདིར་གནོན།]
མགོ་ཅན་བསྐྱེད། །རྩལ་ཆེན་ཐོགས་མེད་བྱང་ཆུབ་སེམས་དང་ལྡན། །ཕྲ་མེན་དོམ་གྱི་མགོ་ཅན་བསྐྱེད། །རྐུ་མཁས་སྒྲོལ་བྱེད་བྱང་ཆུབ་སེམས་དང་ལྡན། །ཕྲ་མེན་བྱི་བའི་མགོ་ཅན་བསྐྱེད། །ཡང་སྤྲུལ་སུམ་སྤྲུལ་རང་རང་གིས། །སྲིད་པ་རླུང་ཡང་མི་ཐར་གཏམས། །སྙིང་རྗེ་བྱང་ཆུབ་སེམས་དང་ལྡན། །རྐང་མཐིལ་གཡས་པ་ལྕགས་ཀྱུ་མ། །བྱམས་པ་བྱང་ཆུབ་སེམས་དང་ལྡན། །ལག་མཐིལ་གཡས་ལ་ཞགས་པ་མ། །དགའ་བ་བྱང་ཆུབ་སེམས་དང་ལྡན། །ལག་མཐིལ་གཡོན་པ་ལྕགས་སྒྲོག་མ། །བཏང་སྙོམས་བྱང་ཆུབ་སེམས་དང་ལྡན། །རྐང་མཐིལ་གཡོན་པ་དྲིལ་བུ་མ། །ལུས་འདི་དངོས་པོར་འཛིན་པ་རྣམས། །རྟོག་པའི་དབང་གིས་འཛིན་པ་ལས། །ལུས་འདི་ཡེ་ནས་མངོན་སངས་རྒྱས། །ཡེ་ནས་རྒྱལ་བའི་དཀྱིལ་འཁོར་ཡིན། །བསྐྱེད་ཀྱང་མི་དགོས་རང་བཞིན་གནས། །སྔགས་དྲན་སྙིང་པོ་བརྗོད་པ་ཙམ། །བདེ་གཤེགས་སྐུ་གསུང་ཐུགས་སུ་རྟོགས། །རྒྱ་མཚོར་ཉི་ཟླ་གཟའ་སྐར་ལྟར། །སྣང་ལ་རང་བཞིན་མེད་པར་རྟོགས། །ཐུགས་ནི་ཡེ་ནས་སྟོང་པ་ཉིད། །སྟོང་པ་ཉིད་ཀྱི་ཆོ་འཕྲུལ་ནི། །འགྲོ་བའི་དོན་ལ་དེ་བཞིན་གནས། །སྤྱན་དྲང་མཆོད་བསྟོད་བྱ་རུ་མེད། །ལྷངས་ཀྱིས་རྟོགས་ན་སྤྱན་དྲང་ཡིན། །གཉིས་སུ་མེད་ན་མཆོད་པ་ཡིན། །དེ་ཉིད་གུས་བརྩོན་བསྟོད་པ་ཡིན། །ཏིང་འཛིན་མི་གཏོང་སངས་རྒྱས་ཡིན། །སངས་རྒྱས་གཞན་ནས་བཙལ་དུ་མེད། །ཅེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས། ལུས་དངོས་པོར་བལྟ་བ་གནས་སུ་དག་པར་བྱ་བ་དང་། གདུག་པ་ཅན་བཏུལ་བའི་ལེའུ་སྟེ་བཅུ་བཞི་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཕྱོགས་བཅུའི་སངས་རྒྱས་ཐམས་ཅད་ལ། །མཆོད་ ― DNG022_Page_0219 ―
[མ་དཔེ་གཟིགས་ན་འདིར་གནོན།]
བྱིན་མཆོད་པ་མི་འཚལ་ལམ། །ཕྱི་མཆོད་ནང་མཆོད་གསང་མཆོད་གསུམ། །འདི་ཡི་དོན་རྣམས་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་བཛྲ་ཀཱི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །ཕྱི་མཆོད་ནང་མཆོད་གསང་མཆོད་གསུམ། །རྨད་དུ་བྱུང་བའི་མཆོད་སྦྱིན་ཞེས། །ཐོག་མར་བདག་ཉིད་རྟོགས་གོམས་བསྒྲལ། །ཏིང་འཛིན་བརྟན་པ་ཐོབ་ནས་ནི། །དེ་ནས་གཉིས་མེད་བློ་ཡིས་ནི། །བློ་ངན་སེམས་ཅན་སྙིང་རེ་རྗེ། །ཞིང་བཅུ་རྒྱུ་འབྲས་མི་ཤེས་པ། །བློ་ངན་འཇིག་རྟེན་ཡུན་དུ་འཁོར། །སྙིང་རྗེས་བཟུང་ཞིང་བསྒྲལ་བའི་ཐབས། །གཉིས་སུ་མེད་པར་བསྒྲལ་བར་བྱ། །གནས་ནི་ཡབ་ཡུམ་མཁའ་ལ་འཕང་། །གཉིས་མེད་བྱང་ཆུབ་སེམས་ཀྱི་དབང་བསྐུར་ཕྱིར། །འཁྲིལ་པའི་མཆོད་ཆེན་མཉམ་སྦྱོར་བས། །བསྒྲལ་བའི་རྣམ་ཤེས་ཧཱུཾ་གསལ་བསྒོམ། །ཡཾ་ལས་རླུང་གི་དཀྱིལ་འཁོར་བཏེག །ཛ་ཡི་ལྕགས་ཀྱུས་དགུག་བསྡིམ་བྱ། །བདག་གི་ཐུགས་ནས་ཁར་བཏོན་ལ། །ཤངས་ཀྱི་རླུང་སྒྲོམ་དུང་ཁང་ནང་། །སྐུ་གསུང་ཐུགས་ཀྱི་དབང་བསྐུར་བྱ། །སྒལ་ཚིགས་རྟ་བརྒྱུད་རྡོ་རྗེའི་ལམ། །ཡུམ་གྱི་གསང་བའི་མཁའ་ལ་སྤྲོས། །བདེ་གཤེགས་དཀྱིལ་འཁོར་བསྐྱེད་པར་བྱའོ། །ཡུམ་གྱི་མཁའ་གསང་དཀྱིལ་འཁོར་ལས། །སྤྲོས་པས་ཕྱོགས་བཅུའི་རྒྱལ་བ་མཆོད། །བསྡུས་པས་བདག་གི་ཐུགས་ཀར་ཐིམ། །སྐུ་དང་གསུང་དང་ཐུགས་གསུམ་དུ། །གནས་ནས་ཐིམ་ནས་རྡོ་རྗེའི་ལམ། །ཡུམ་གྱི་མཁའ་ལ་གང་བར་སྤྲོས། །ཡུམ་གྱི་མཁའ་གསང་དཀྱིལ་འཁོར་ལས། །རྒྱལ་བ་མཆོད་ཅིང་བདག་མཆོད་ལ། །དེ་ནས་མགལ་མེ་བསྐོར་བ་བཞིན། །ཡང་ནས་ཡང་དུ་སྤྲོ་བསྡུས་མཆོད། །བདག་ཉིད་མཉེས་པས་ཐམས་ཅད་མཉེས། །གསང་མཆོད་རྨད་དུ་བྱུང་ཞེས་པའོ། །ནང་མཆོད་རྨད་དུ་བྱུང་བ་ནི། །མཚན་དང་ལྡན་པའི་བྷནྡྷ་ལྔར། །དྲི་ཆེན་དྲི་ཆུ་རཀྟ་དང་། །མཱཾ་ས་བྱང་ཆུབ་སེམས་བཀོད་ལ། །དཔའ་བོ་འབྲུ་ལྔའི་འཕྲོ་འདུ་ཡིས། །སོ་སོའི་བཅུད་བསྡུས་ཕྱོགས་ཕྱོགས་ ― DNG022_Page_0220 ―
[མ་དཔེ་གཟིགས་ན་འདིར་གནོན།]
བསྡིམ། །ཐིམ་པས་འོད་དུ་ཞུ་བ་ལས། །ཨཱོཾ་ཨ་མྲྀ་ཏ་ཧྲཱྀ་ཧཱུཾ་ཐ་ཞེས་བརྗོད་པས། དཀར་འཚེར་བྱང་ཆུབ་སེམས་སུ་གྱུར། །ཡེ་ཤེས་ལྔ་རྫོགས་གྲུབ་པའི་རྫས། །བདེན་པའི་སྔགས་དང་བྱིན་བརླབས་རྫས། །ནུས་མཐུ་ངེས་པར་འབྱུང་བར་འགྱུར། །མཉམ་པའི་གྲུབ་རྫས་ཆེན་པོ་དག །འཁོར་གསུམ་ཡོངས་སུ་དག་པར་བསྔོ། །བདག་དང་མཉམ་པའི་ཚོགས་ལ་འབུལ། །གང་དང་གང་གིས་ཕུལ་མཆོད་ན། །རིགས་ལྔའི་དངོས་གྲུབ་ཐོབ་པར་ངེས། །རྡོ་རྗེའི་རིགས་ལ་སོགས་པ་ཡི། །རིགས་ལྔའི་དངོས་གྲུབ་ཐོབ་པར་འགྱུར། །ནང་མཆོད་རྨད་དུ་བྱུང་བའོ། །ཕྱི་མཆོད་རྨད་དུ་བྱུང་བ་ནི། །བདག་ཉིད་ལྷ་ཡི་སྐུར་བསྒོམས་ལ། །རིན་པོ་ཆེ་ཡི་སྣོད་དག་ཏུ། །འཚོ་བའི་ཟས་རིགས་ཅི་ཡང་རུང་། །འོག་ཏུ་ཡི་གེ་ཡཾ་བསམས་ལ། །རླུང་གི་དཀྱིལ་འཁོར་གཞུ་ལྟ་བུས། །རྒྱ་གྲམ་བ་དན་ཕྱར་བའོ། །རླུང་གི་ས་བོན་འཁྲིགས་པར་བསམ། །དེ་སྟེང་རཾ་ལས་མེའི་དཀྱིལ་འཁོར། །ཁ་དོག་དམར་པོ་འབར་བ་ལ། །མེ་ཡི་ས་བོན་འཁྲིགས་པར་བསམ། །དེ་སྟེང་ཨོཾ་ཨཱཿཧཱུཾ་སྭཱ་ཧཱ་ལྔ། སྥ་ར་ཎ་ཕཊ་ཀྱིས་རླུང་གཡོས་པས། མེ་སྦར་ཐམས་ཅད་དངོས་པོ་བསྲེགས། །ཧཱུཾ་ཉིད་དཀར་པོར་ཡོངས་སུ་གྱུར། །རྡོ་རྗེ་དཀར་པོ་གཅིག་གྱུར་ཏེ། །རྫས་ཀྱི་སྐྱོན་རྣམས་དག་པར་གྱུར། །དེ་ནས་ཨ་དཀར་གཅིག་ཏུ་གྱུར། །ཨ་ལས་འོད་ཟེར་སྤྲོས་པས་ནི། །སོ་སོའི་གནས་རྣམས་རིན་ཆེན་ཁང་། །དེ་དག་བྱིན་གྱིས་བརླབ་པར་བྱ། །རི་བོ་ཕང་ཕུང་རིན་ཆེན་ཕུང་པོར་བརླབ། །ཆུ་རྣམས་བདུད་རྩི་ཆེན་པོར་བརླབ། །རྩི་ཤིང་དཔག་བསམ་འདོད་དགུར་བརླབ། །སྒྲ་སྐད་མཆོད་བསྟོད་བྱེད་པར་བརླབ། །གོས་རྣམས་ལྷབ་ལྷུབ་བྱིན་གྱིས་བརླབ། །འགྲོ་བ་མཆོད་པའི་ལྷ་མོ་རྣམས། །རྒྱན་གྱིས་མཛེས་ཤིང་མཆོད་རྫས་ཐོགས། །བདེར་གཤེགས་རྣམས་ལ་མཆོད་བྱེད་བསམ། །སྔོན་དུ་ཅི་འཕྲད་ལ་སོགས་པ། །མེ་ཏོག་ཕུང་པོར་བྱིན་གྱིས་བརླབ། །མེ་ཏོག་ཕྲེང་བ་རབ་མཆོག་སྟེ། །བདེ་གཤེགས་རྣམས་ ― DNG022_Page_0221 ―
[མ་དཔེ་གཟིགས་ན་འདིར་གནོན།]
ལ་མཆོད་པར་བསྔོ། །རྨད་དུ་བྱུང་བའི་གཏོར་མ་ཡང་། །མཆོད་པའི་ལྷ་མོ་བཞི་རྣམས་སུ། །ཐམས་ཅད་བྱིན་གྱིས་བརླབ་པར་བྱ། །བྱིན་གྱིས་བརླབ་པའི་སྔགས་འདི་བརྗོད། །པཱུ་ཛ་སྥ་ར་ཎ་ཕཊ། བ་ལིཾ་བྷུཉྫ། ཛི་གྷྲ་ཕུལླ། དྷུཔྤེ་པུཥ྇་ཨཱ་ལོ་ཀེ་གྷནྡྷེ། པཱུཙྪ་སྥ་ར་ཎ་ཧཱུཾ། མཾ་ས་བིཾ་ག །ཨམྦ་སསྤ་ཀཛྫ་སཱ་དཱ། ཁནྟི་ཁུ་ཎི། ཕེ་ཌ་ག་ད་ཨ་ཀཱ་རོ་མུ་ཁཾ། སརྦ་དྷརྨཱ་ཎཱཾ། ཨཱདྱ་ནུཏྤ་ནྣ་ཏྭ་ཏ་ཨོཾ་ཨཱཿཧཱུཾ་སྭཱ་ཧཱ། ཏིང་འཛིན་སྔགས་དང་ཚིགས་སུ་བརྗོད། །སྐད་ཅིག་མི་དམིགས་ཆོས་ཉིད་བསྡིམ། །དེ་ལྟར་གཞུང་བྱེད་རྣལ་འབྱོར་དེ། །སྦྱིན་པའི་ཕ་རོལ་ཕྱིན་པར་འགྱུར། །དེ་ལ་དམ་དུ་བཅས་པ་ནི། །ཚུལ་ཁྲིམས་ཕ་རོལ་ཕྱིན་པར་འགྱུར། །དེ་ལ་བསམ་པ་ཡོངས་སུ་དག །བསམ་གཏན་ཕ་རོལ་ཕྱིན་པར་འགྱུར། །རྣལ་འབྱོར་དེ་ལ་བརྩོན་པ་ནི། །བརྩོན་འགྲུས་ཕ་རོལ་ཕྱིན་པར་འགྱུར། །དེ་ལ་ཡང་དག་དོན་དགོངས་པ། །ཤེས་རབ་ཕ་རོལ་ཕྱིན་པར་འགྱུར། །འཇིག་རྟེན་འདི་ལ་ཚེ་རིང་ཞིང་། །ནད་མེད་གནོད་པ་ཞི་བར་འགྱུར། །བུ་ལོན་ལན་ཆགས་བྲལ་བ་དང་། །ཕས་ཀྱི་རྒོལ་བ་ཚར་ཆོད་འགྱུར། །ལོངས་སྤྱོད་འབྱོར་པ་འཕེལ་བ་དང་། །འཇིག་རྟེན་འདི་ལ་བདེ་སྐྱིད་ཚོགས། །བསམ་པ་ཐམས་ཅད་འགྲུབ་པར་འགྱུར། །འཇིག་རྟེན་པ་དང་འཇིག་རྟེན་འདས། །དངོས་གྲུབ་ཆེན་པོ་ཐོབ་པར་འགྱུར། །དེ་ལྟ་བུ་ཡི་མཆོད་པ་དེ། །ཕྱི་ཡི་མཆོད་པ་དམ་པའོ། །ཀཱི་ལ་ཡ་གསང་བའི་དགོངས་རྒྱུད་ལས། ཕྱི་ནང་གསང་བའི་མཆོད་པ་བསྟན་པའི་ལེའུ་སྟེ་བཅྭ་ལྔ་པའོ།། །།དེ་ནས་ཡང་ལས་ཀྱི་རྒྱལ་པོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དཔྱང་ཐག་ཆད་པའི་ངན་ཁུང་འཁོར་བ་ལ། །ཐུགས་རྗེས་བཟུང་ནས་རྫུ་འཕྲུལ་བསྟན་པ་འདི། །འདི་ལྟ་བུ་ཡི་རྫུ་འཕྲུལ་ངོ་མཚར་ཆེ། །འདི་ཡི་རྗེས་སུ་བསྒྲུབ་པའི་རྣལ་འབྱོར་པས། །ལུང་བདུན་བསྐྱེད་པའི་དོན་ནི་ཇི་ལྟར་ལགས། །བདེ་བར་གཤེགས་པས་ལུང་བསྟན་དུ་གསོལ། །ཞེས་ ― DNG022_Page_0222 ―
[མ་དཔེ་གཟིགས་ན་འདིར་གནོན།]
གསོལ་པ་དང་། དེ་ནས་ཡང་བཛྲ་ཀཱི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །ང་ཡི་རྗེས་སུ་སྒྲུབ་པའི་རྣལ་འབྱོར་པས། །དང་པོ་ཀུན་གཞི་སྟོང་པ་ཉིད། །རྡོ་རྗེ་ཁྲོས་པས་ཞེ་སྡང་གཅོད། །ཐུགས་ནི་ཡང་དག་རྡོ་རྗེ་ཉིད། །སྟོང་པ་ཉིད་ཀྱི་ཡེ་ཤེས་ནི། །རྣམ་པར་མི་རྟོག་པ་ལས་འདས། །དེ་བཞིན་ཉིད་དུ་བསྒོམ་པར་བྱ། །དེ་རྗེས་མཚོན་པའི་རྒྱུ་བསྟན་པ། །ཡེ་ཤེས་མཚོན་པ་རྒྱུ་ཡི་ལུང་། །མཚོན་ཆེན་སྔོན་པོ་འབར་བ་ཡིས། །ཐུགས་ཀྱི་མཚོན་པ་རྒྱུ་ཡི་ཏིང་ངེ་འཛིན། །རང་རིག་ཅི་ཡང་མ་ཡིན་པ། །ཧཱུཾ་ཉིད་བྱང་ཆུབ་སེམས་སུ་བསྒོམ། །ཡེ་ཤེས་རྟོགས་པ་གཞིལ་བའི་ལུང་། །ས་བོན་དགུ་ཡིས་སྦྱོང་བསྐྱེད་ཡང་བྱེད་བྱ། །ནམ་མཁའི་དཀྱིལ་ནས་ཐིགས་པ་ཤར། །དེ་རྗེས་རྩ་བའི་དཀྱིལ་འཁོར་ནི། །དཀྱིལ་འཁོར་གཏན་ལ་དབབ་པའི་ལུང་། །སྲོག་གི་གོ་རུ་ཤར་བ་དང་། །ཀུན་རྫོབ་སྒྱུ་མར་སྣང་བ་ཡིས། །རིག་པ་སོ་སོར་གནས་གྱུར་པ། །སྲོག་སེམས་གོ་རུ་ཤར་བས་རྡོ་རྗེ་གཞོན་ནུར་ཤར། །ཐུགས་ནི་ཡེ་ཤེས་ལྔ་དང་ལྡན། །སྙིང་གི་གོ་རུ་བསྒོམ་པར་བྱའོ། །ཙིཏྟའི་གཞལ་ཡས་ཁང་དུ་ཡེ་ཤེས་སེམས་དཔའི་ཐུགས། །རྡོ་རྗེའི་ཆང་ཟུང་བཟླས་པའི་འབྲས་བུས་བསྐོར་བར་བསྒོམ། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །རང་རིག་ཡེ་ཤེས་སྒྱུ་མར་སྣང་བ་དང་། །རིག་པ་སོ་སོར་སྣང་བ་ཀུ་མཱ་རར་བསྒོམས་ལ། །སྙིང་རྗེ་བྱང་ཆུབ་སེམས་ནི་གཉིས་སུ་མེད། །ཤེས་རབ་དབྱིངས་ཀྱི་རྟགས་སུ་ཡུམ་ཉིད་བསྒོམ། །དམ་ཚིག་སྙིང་རྗེས་བསྒྲལ་བས་བསད་མནན་མ་ཡིན་ནོ། །ཕུང་པོ་རྡོ་རྗེས་གཏམས་བྱས་ནས། །བདག་དང་སྣང་སྲིད་བསྒྲལ་བའི་ལུས་ངག་ཡིད་གསུམ་ནི། །རིག་པ་སོ་སོར་སྣང་བ་སྐུ་གསུང་ཐུགས་སུ་ཤེས། །ཡེ་ཤེས་སྐུ་ལ་ཕྲ་མོ་མང་པོས་གཏམས། །རྣམ་པར་ཤེས་པ་རྡོ་རྗེར་བསྒོམ། །ལོག་རྟོག་སྒྱུ་མར་སྣང་བའི་བདག་དང་སེམས་ཅན་རྣམས། །བདག་དང་སྣང་སྲིད་རྣམ་པར་ཤེས་པའི་ཚོགས། །འདུས་མ་བྱས་ཀྱི་རྡོ་རྗེ་དབྱེར་མེད་བསྒོམ། ། ― DNG022_Page_0223 ―
[མ་དཔེ་གཟིགས་ན་འདིར་གནོན།]
ཀཱི་ལ་ཡ་གསང་བའི་དགོངས་རྒྱུད་ལས། བདག་རྩ་བའི་དཀྱིལ་འཁོར་གྱི་ལེའུ་སྟེ་བཅུ་དྲུག་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་ཞུས་སོ། །ཀྱེ་བཅོམ་ལྡན་བཛྲ་ཀཱི་ལ་ཡ། །སྣང་སྲིད་ཁྲོ་བོའི་དཀྱིལ་འཁོར་དུ། །ངོ་མཚར་ཆོ་འཕྲུལ་བསྟན་པ་འདི། །རྣལ་འབྱོར་རྗེས་སུ་འཇུག་པ་ལ། །བདེ་བར་གཤེགས་པས་ལུང་བསྟན་དུ་གསོལ། །ཞེས་གསོལ་པ་དང་། དེ་ནས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྗེས་སུ་འཇུག་པའི་རྣལ་འབྱོར་རྣམས། །ཀུ་མཱ་ར་རུ་ཡབ་ཡུམ་བསྒོམ། །མཁའ་གསང་གཉིས་ནི་བྱིན་བརླབས་ལ། །ཨེ་སྟེང་ཉི་མ་པདྨ་བརྒྱད། །ཟླ་བ་རྡོ་རྗེ་རྩེ་ལྔ་ཨཱ། །ཛཿཡིས་དཔུང་པ་གཡས་གཡོན་བཟུང་། །ཧཱུཾ་གིས་སྟོད་སྨད་འཁྱུད་ལ་ནི། །བཾ་གྱིས་ཐུགས་མཚན་སྦྱར་བའོ། །ཧོཿཡིས་དགྱེས་པ་བསྐྱེད་པར་བྱའོ། །སྟྭཾ་དང་ཧོ་ཡིས་བསྐུལ་པ་ནི། །དེ་ནས་གཉིས་མེད་སྦྱོར་བ་བྱ། །པདྨ་ལ་ནི་རྡོ་རྗེ་གཞུག །རྡོ་རྗེ་ལམ་ནས་པདྨོར་འཁྱིལ། །བདེ་བ་གསལ་ཞིང་མི་དམིགས་པ། །བྱང་ཆུབ་སེམས་སུ་རབ་ཕབ་ནས། །ཡབ་ཡུམ་གཉིས་མེད་བསྟབ་པས་དགྱེས། །ཐབས་དང་ཤེས་རབ་གཉིས་སུ་མེད། །མཉམ་པ་ཆེན་པོའི་ངང་ལ་བཞུགས། །བྱང་ཆུབ་སེམས་ནི་དཀར་ལ་འཚེར། །ཡུམ་གྱི་མཁའ་ལ་གང་བར་ལུད། །ཐོགས་མེད་འོད་ཟེར་ལན་གཅིག་སྤྲོས། །རྡོ་རྗེའི་བྲག་ཆེན་གཏམས་པའོ། །གཉིས་པ་སྲས་མཆོག་གྲངས་མེད་སྤྲོས། །ཞལ་གཅིག་ཕྱག་ཀྱང་གཉིས་པ་ལ། །ཐོ་བ་གཡས་ན་ལྕགས་ཀྱུ་གཡོན། །དྲེགས་པ་ཕོ་མོ་བཟུང་ཞིང་ནི། །གསང་སྔགས་དྲག་ཏུ་བཟླས་ལ་བརྡེག །ཕྱོགས་བཞི་མཚམས་བརྒྱད་སྟེང་འོག་བཅུར། །དྲེགས་པ་སྤྱི་ཆིངས་བསྣོལ་མར་དབབ། །གསུམ་པ་མེ་ཡི་འོད་ཟེར་སྤྲོ། །བཞི་པ་ཨ་ཡི་འོད་ཟེར་སྤྲོ། །ལྔ་པ་བཾ་གྱི་འོད་ཟེར་སྤྲོ། །དྲུག་པ་བྱང་སེམས་ཧཱུཾ་སྒྲིལ་བཅུ། །སྤྲོ་བ་ཡུམ་གྱི་མཁའ་ལ་སྤྲོ། །སྐྱེད་པ་ཡབ་ཀྱིས་བསྐྱེད་པར་བྱ། ། ― DNG022_Page_0224 ―
[མ་དཔེ་གཟིགས་ན་འདིར་གནོན།]
རང་རང་གསང་སྔགས་སྐུར་རྫོགས་པའོ། །སྣང་སྲིད་ཁྲོ་བོའི་དཀྱིལ་འཁོར་ལ། །ཡང་སྤྲུལ་སུམ་སྤྲུལ་གྲངས་མེད་ཀྱིས། །རླུང་ཡང་མི་ཐར་གཏམས་པའོ། །ཡེ་ཤེས་གཉིས་མེད་སྤྱན་དྲང་བསྡིམ། །ཀཱི་ལ་ཡ་ཡི་སྒྲ་ཆེན་ནི། །གསང་སྔགས་རབ་ཏུ་འབྲུག་སྟོང་ལྡིར། །ཁམས་གསུམ་སྲིད་གསུམ་དབང་དུ་སྡུད། །སྐྱེ་ཤི་འཁོར་བ་དབྱིངས་སུ་བསྒྲལ། །དྲེགས་པ་ཐམས་ཅད་མངོན་སྤྱོད་བསྒྲལ། །ཉོན་མོངས་བག་ཆགས་གདར་ཤ་བཅད། །ཀཱི་ལ་ཡ་གསང་བའི་དགོངས་རྒྱུད་ལས། ཕྱོགས་བཅུ་ཁྲོ་བོའི་དཀྱིལ་འཁོར་གཏན་ལ་དབབ་པའི་ལེའུ་སྟེ་བཅུ་བདུན་པའོ།། །།དེ་ནས་ཡང་བཛྲ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །སྲིད་པ་གསུམ་དང་ཁམས་གསུམ་དུ། །ཉོན་མོངས་འཁོར་བའི་ཆུ་རྒྱུན་འབབ། །མ་རིག་གནས་སུ་བསྒྲལ་ན་ཇི་ལྟར་བསྒྲལ། །བདེ་བར་གཤེགས་པས་ལུང་བསྟན་དུ་གསོལ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །སྲིད་པ་གསུམ་དང་ཁམས་གསུམ་དུ། །ཉོན་མོངས་འཁོར་བའི་ཆུ་རྒྱུན་བབས། །མ་རིག་གནས་སུ་བསྒྲལ་བ་ངས་བསྟན་གྱི། །རྣལ་འབྱོར་རྗེས་སུ་འཇུག་པ་རྣམས། །ཀུ་མཱ་ར་རུ་བདག་བསྒོམས་པས། །སྐུ་གསུང་ཐུགས་ཀྱི་འོད་ཟེར་བསྐུལ། །དབྱིངས་ལས་ཡེ་ཤེས་གཟུགས་ཀྱི་སྐུར་བཞེངས་ལ། །སྐུ་སྟོད་ཞལ་གསུམ་ཕྱག་དྲུག་ལ། །སྐུ་སྨད་ལྕགས་ཀྱི་ཕུར་པ་ཟུར་གསུམ་པ། །རྩེ་མོ་ཡེ་ཤེས་འོད་ཟེར་འཕྲོ། །གསལ་བ་རྣམ་གསུམ་ལྡན་པར་བྱ། །ཁྲུས་ལུང་རྣམ་གསུམ་རྫོགས་བྱས་ལ། །རྣམ་ཤེས་རྟེན་ནི་དག་པར་བྱ། །བྱང་ཆུབ་སེམས་ཀྱི་ ཕུར་པ་ཡིས། །གབ་པའི་མན་ངག་སྡོམ་པ་ཀློང་བཅུ་ཡིས། །གནད་ཆེན་བདུན་ལ་གདབ་པར་བྱ། །རེ་རེ་ལ་ཡང་རྩ་བརྒྱད་དོ། །ཐ་མ་རྩ་གཅིག་བདུན་དུའོ། །འབྱུང་བ་བཞི་དང་རྒྱུ་བཞི་ལ། །ཐོག་ ― DNG022_Page_0225 ―
[མ་དཔེ་གཟིགས་ན་འདིར་གནོན།]
བརྫིས་ཀློང་ཕབ་འགྱུར་མེད་ཀྱིས། །བཞིའི་མདོའི་དྭངས་མ་ཞེ་སྡང་རྩད་ནས་བཅད། །དབུགས་ཀྱི་རྟ་བསྒྲལ་ཕྲག་དོག་རྩད་ནས་བཅད། །སེམས་ཀྱི་ཡུལ་ཕྱུང་ང་རྒྱལ་རྩད་ནས་བཅད། །དྭངས་མའི་གནས་སླེབས་འདོད་ཆགས་རྩད་ནས་བཅད། །ཚེ་ཡི་རྟེན་དབྲལ་གཏི་མུག་རྩད་ནས་བཅད། །ཀུན་གྱི་གནས་བཅོམ་རྟེན་འདྲེལ་གཏིང་ཕྱུང་ལ། །ཁབ་ལེན་རྡོ་ལ་ལྕགས་རྣམས་འདུ་བ་ལྟར། །བཀྲག་མདངས་ཕྲོགས་ནས་ཚེ་ལུང་བསྟན་པར་བྱའོ། །ཚེ་ལུང་ལ་ཡང་རྣམ་གཉིས་ཏེ། །དུག་ལྔ་གནས་སུ་དག་པ་ཡེ་ཤེས་ལྔ། །རྣམ་ཤེས་གནས་སུ་དག་པས་རྒྱལ་བའི་སྲས་སུ་བྱ། །དེ་ཀ་ཁོ་ཡི་ཚེ་ལུང་བསྟན་པ་ཞེས་བྱའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། མན་ངག་ཕུར་གཅིག་མའི་ལེའུ་སྟེ་བཅྭ་བརྒྱད་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཆོས་རྣམས་ཐམས་ཅད་དངོས་མེད་པས། །གསལ་བ་རྣམ་གསུམ་གསལ་བྱས་ལ། །མངོན་སྤྱོད་བསྒྲལ་བ་མི་འགལ་ལམ། །ཞེས་གསོལ་པས། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །གསང་བ་མཆོག་གི་ཕྲིན་ལས་ཟབ་མོ་ལ། །ཉོན་མོངས་ཕྱིན་ཅི་ལོག་གི་དབང་བྱས་ཏེ། །སྙིང་རྗེ་བྱང་ཆུབ་སེམས་དང་མ་ལྡན་པར། །ཞེ་སྡང་དབང་གིས་ཁྲོ་བོའི་དཀྱིལ་འཁོར་བསྐྱེད། །ཐོས་བསམ་ཤེས་རབ་གསལ་བར་མ་གྱུར་པར། །གཏི་མུག་དབང་གིས་གསང་བའི་དོན་མ་རྟོགས། །གསང་སྔགས་གཉིས་མེད་ཡོན་ཏན་མ་རྟོགས་པར། །ང་རྒྱལ་དབང་གིས་བདག་ཉིད་གཅིག་པུར་བཟུང་། །ཁེངས་དྲག་དབང་གིས་སློབ་དཔོན་སྐུ་ལ་བསྡོས། །སྲི་ཞུ་ཆུང་བས་རྩ་བའི་དམ་ཚིག་ཉམས། །དཀྱིལ་འཁོར་གཅིག་པའི་རྣལ་འབྱོར་དམ་བསྲུང་ལ། །ཕྲག་དོག་དབང་གིས་བདག་བསྟོད་གཞན་ལ་སྨོད། །ཁེ་རྔམ་དབང་གིས་རས་ཆོད་ ― DNG022_Page_0226 ―
[མ་དཔེ་གཟིགས་ན་འདིར་གནོན།]
འདོད་དགུར་སྤྱོད། །གཞན་མཐོང་ཙམ་ན་སྙིང་ནས་སྐུར་འདེབས་ཤིང་། །གཉིས་མེད་དོན་དམ་ཟབ་མོ་རྒྱབ་ཏུ་བོར། །རྒྱུ་འབྲས་དོན་མ་རྟོགས་པས་ཞེ་སྡང་ཆེན་པོ་བསྐྱེད། །ང་ནི་ཐེག་ཆེན་ཁྲོ་བོའི་རྒྱལ་པོ་ཟེར། །སྤྱོད་པ་དཔའ་བརླངས་དང་དུ་བླངས། །ང་རྒྱལ་ཁྲོ་གཏུམ་རང་ཁར་གཏོང་། །གསང་སྔགས་ཟབ་མོའི་དོན་ལ་བོན་དུ་གྱེར། །ཐུགས་རྗེ་བྱང་ཆུབ་སེམས་དང་མི་ལྡན་པས། །ཁ་ལ་གནས་སྦྱོང་ཟེར་ཞིང་སྦྱོར་སྒྲོལ་བྱེད། །རྒྱུ་མཐུན་འབྲས་བུས་ལས་ཀྱི་སྲིན་པོར་སྐྱེས། །སྔགས་ཀྱི་བྱིན་གྱིས་བརླབས་ཀྱི་ལྷ་སྲིན་མཐུ་བོ་ཆེ། །འཇིག་རྟེན་ཁམས་སུ་མདངས་འཕྲོག་སྲོག་བཅད་ནས། །དེ་ཡི་རྣམ་སྨིན་རྡོ་རྗེ་དམྱལ་བར་སྐྱེ། །དེ་རྣམས་རྒྱུ་མཐུན་རྣམ་སྨིན་དེ་འདྲ་བས། །གསང་སྔགས་རྡོ་རྗེའི་རྣལ་འབྱོར་དེ་མ་ཡིན། །གསང་སྔགས་རྡོ་རྗེའི་རྣལ་འབྱོར་ཡང་དག་དོན། །ད་ལྟ་ཉིད་དུ་སྐུ་གསུང་ཐུགས་འདོད་ན། །ང་ཡི་ལུང་ཟབ་འདི་ལ་ཐོས་བསམ་ན། །མུན་པའི་ནང་དུ་རིན་ཆེན་སྟོར་བ་ནི། །སྒྲོན་མེ་བཏེགས་པས་རིན་ཆེན་རྙེད་པར་འགྱུར། །ང་ཡི་ལུང་ཟབ་འདི་ལ་ཐོས་བསམ་ན། །ད་ལྟ་ཉིད་དུ་སྐུ་གསུང་ཐུགས་ཉིད་དོ། །ལྟ་སྤྱོད་བརླང་པོ་སྤྱད་ན་ཚོགས་སུ་འགྱུར། །ང་ཡི་ལུང་ཟབ་འདི་ལ་ཐོས་བསམ་ན། །ལྕགས་ཀྱི་རིལ་བུ་ཆུར་བསྐྱུར་གཏིང་དུ་འགྲོ། །དེ་ཉིད་སྣོད་དུ་བྱས་པས་ཁ་རུ་འཕྱོ། །ལྟ་སྤྱོད་བརླང་པོ་སྤྱད་པས་ཚོགས་སུ་འགྱུར། །ང་ཡི་ལུང་ཟབ་འདི་ལ་ཐོས་བསམ་ན། །ནམ་མཁའ་སྟོང་པ་ཉིད་ལས་སྤྲིན་དང་ན་བུན་འབྱུང་། །འབྲུག་དང་ཁུ་རླངས་བདུད་རྩིའི་ཆར་པ་འབབ། །ས་གཞི་སྣུམ་ནས་ལོ་ཏོག་རྒྱས་པ་དང་། །འབྲས་བུ་སྨིན་ནས་སེམས་ཅན་གསོས་སུ་འགྱུར། །ལྟ་སྤྱོད་བརླང་པོ་སྤྱད་པས་ཚོགས་སུ་འགྱུར། །ང་ཡི་ལུང་ཟབ་འདི་ལ་ཐོས་བསམ་ནས། །སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས། །སྐྱེ་བའི་ཆོ་འཕྲུལ་ཅིར་ཡང་བསྟན་པ་ནི། །ཐུགས་ཉིད་ཞི་བའི་ངང་ཉིད་ལས། །སྐུ་ཉིད་ཁྲོ་བོའི་ ― DNG022_Page_0227 ―
[མ་དཔེ་གཟིགས་ན་འདིར་གནོན།]
ཆ་ལུགས་བསྟན། །སྣང་སྲིད་དཀྱིལ་འཁོར་རྣམ་གསུམ་ཡང་། །གཙོ་བོའི་དབྱིངས་ལས་ཡེ་ཤེས་གཅིག །རང་རིག་ཉིད་དུ་ཤེས་སྤྱད་ན། །མཐོ་ཡོར་ལས་ནི་མིར་ཤེས་བཞིན། །སྒྱུ་མ་ལྟ་བུའི་བློ་དང་ལྡན། །སྤྱོད་བཞིན་མ་ཆགས་ཆུ་ལ་ཉ། །མཁའ་ལ་བྱ་ལྟ་བུ་ཡི་ཚུལ་གྱིས་ནི། །སྐྱོན་མ་གོས་པར་ཚོགས་གཉིས་འགྱུར། །གདུལ་བྱའི་དབང་གིས་སངས་རྒྱས་བསྟན། །རང་རིག་ཡེ་ཤེས་གཉིས་མེད་གཞན་ནས་བཙལ་དུ་མེད། །རིག་པ་ཡུལ་གྱིས་མི་འཕྲོགས་རིག་འཛིན་ས། །རྒྱུ་དང་འབྲས་བུ་མཉམ་པས་མཐོང་གྲོལ་སྒམ་རྫས་ཀྱང་རྫོགས། །ནུས་མཐུ་གོ་ཕྱེ་རིག་པས་ཁྱབ་པའི་ཕྱིར། །གང་དུ་ནུས་པའི་མཐུར་ལྡན་མཐར་ཕྱིན་ཁོ་ནའོ། །རྒྱུ་འབྲས་དྲག་ཞན་མེད་པས་རོ་གཅིག་པས། །རྒྱ་མཚོ་ཆེན་པོར་ཉི་ཟླ་གཟའ་སྐར་ལྟར། །སྣང་ལ་རང་བཞིན་མེད་པས་གཞན་གྱི་གཟུགས། །དང་པོ་གང་ལ་བྱུང་བ་ཐ་དད་མ་ཡིན་ཏེ། །གཟུགས་སྣང་ཐམས་ཅད་དཀྱིལ་འཁོར་རྣམ་གསུམ་སྐུ། །གྲག་པ་ཐམས་ཅད་དཀྱིལ་འཁོར་རྣམ་གསུམ་གསུང་། །ཤེས་རིག་ཐམས་ཅད་དཀྱིལ་འཁོར་རྣམ་གསུམ་ཐུགས། །ང་ཡི་ལུང་ཟབ་འདི་ལ་ཐོས་བསམ་ན། །གཉིས་མེད་དོན་དེ་ཤེས་ན་ཡང་དག་དོན། །གསལ་བ་རྣམ་གསུམ་བཞིན་གྱི་གཟུགས་བརྙན་ལྟར། །ནམ་མཁའི་སྤྲིན་དང་ལུང་སྟོང་བྲག་ཆ་བཞིན། །གཉིས་མེད་སོ་སོ་མ་ཡིན་ཐ་དད་མེད། །དོན་དེ་ཤེས་ན་ཡིད་བཞིན་ནོར་བུ་རིན་པོ་ཆེ། །དེ་ཉིད་རྣལ་འབྱོར་གཉིས་མེད་དངོས་མེད་བསྒྲལ། །ཀཱི་ལ་ཡ་གསང་བའི་དགོངས་རྒྱུད་ལས། ལྟ་སྤྱོད་དངོས་མེད་ཀྱི་ལེའུ་སྟེ་བཅུ་དགུ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །བདེ་བར་གཤེགས་པའི་ལུང་ཟབ་ཐོས་བསམ་པས། །དེ་ཉིད་སངས་རྒྱས་སྐུ་གསུང་ཐུགས་ཉིད་དམ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་ ― DNG022_Page_0228 ―
[མ་དཔེ་གཟིགས་ན་འདིར་གནོན།]
འབྱོར་རྗེས་སུ་འཇུག་པ་རྣམས། །ནད་པ་ནད་ཀྱིས་ཉེན་པའི་སྡུག་བསྔལ་བ། །སྨན་པ་མཁས་བརྩོན་ཕྲད་ན་ནད་སེལ་ལྟར། །སྨན་པ་མཁས་མཆོག་གསོ་བར་བརྩོན་པ་ཡིས། །ནད་ཀྱི་གཉེན་པོ་བརླང་པོར་བསྟན་པ་ལས། །ནད་པས་མ་སྤྱད་ནད་ཀྱང་སེལ་མི་འགྱུར། །སྔགས་ཀྱི་བརྟུལ་ཞུགས་བསྒོམ་བསྒྲུབ་དེ་བཞིན་ནོ། །སྐྱེས་བུས་འགྲོས་ཀྱིས་རྟ་ཡི་ལམ་བཙལ་ན། །མདུར་གྱི་དཀྱུས་ཀྱིས་རྟ་ཡི་ལམ་བསྟན་ཀྱང་། །མ་བརྒྱུག་བར་དུ་དུས་སར་སླེབ་མི་འགྱུར། །སྔགས་ཀྱི་བརྟུལ་ཞུགས་བསྒོམ་བསྒྲུབ་དེ་བཞིན་ནོ། །དཔེར་ན་མི་གཅིག་སོ་ཀའི་ནགས་ཚལ་བསྲེག་འདོད་པས། །རྩྭ་དང་གཙུབ་ཤིང་ལག་གི་འདུ་བྱེད་ཤེས། །མ་བསྲུབས་བར་དུ་མེ་ནི་འབྱུང་མི་འགྱུར། །བསྲུབས་ནས་མེ་མཐོང་བར་དུ་འཕྲོ་མི་གཅད། །རྟགས་ཕྲན་ཙམ་ལ་ཡེངས་ནས་མེ་ཉིད་ཆད་པར་འགྱུར། །སྔགས་ཀྱི་བརྟུལ་ཞུགས་བསྒོམ་བསྒྲུབ་དེ་བཞིན་ནོ། །རི་ཀླུང་ཤོད་ནས་རི་བོ་ཆེན་པོའི་རྩེ་མོ་རུ། །ཀ་ལ་པིང་ཀའི་ཕྲུ་གུའི་སྒྲ་དབྱངས་ལྟར། །ཡུད་ཙམ་གྱིས་ནི་ནམ་འཕང་བཅད་ནས་སླེབས། །སྔགས་ཀྱི་བསྒོམ་བསྒྲུབ་བརྟུལ་ཞུགས་དེ་བཞིན་ནོ། །དཔེ་མང་རིག་པས་བཙུད་ན་ལུང་དང་འགལ། །དེ་བས་བླ་མའི་ལུང་དང་གདམས་ངག་ལ། །གདོང་ཅན་བཟློག་མེད་བསྒྲུབ་ན་འབྲས་བུ་མྱུར་དུ་རྙེད། །མཚན་མའི་བསྙེན་པའི་དུས་ཚོད་ནི། །རབ་ཀྱིས་ཟླ་བ་གཅིག་ན་འགྲུབ། །འབྲིང་གིས་ལོ་གཅིག་དག་ན་འགྲུབ། །ཐ་མས་ལོ་གསུམ་དག་ན་འགྲུབ། །ཕྱི་མའི་དུས་ལ་མི་སྡོད་པར། །ཚེ་གཅིག་འདི་ཉིད་དངོས་གྲུབ་རྣམ་གཉིས་ཐོབ། །བསྐྱེད་དང་རྫོགས་དང་རྫོགས་པ་ཆེན་པོ་ཡི། །མན་ངག་རྩེག་མ་གསུམ་གྱི་དོན་རྟོགས་རྣལ་འབྱོར་དེ། །ཏིང་འཛིན་མི་གཏོང་ད་ལྟར་སངས་རྒྱས་ཉིད། །གྲངས་ཀྱི་བསྙེན་པ་འབྲིང་ནི་བདུན་འབུམ་མམ། །རབ་ནི་ཉིན་ཞག་རེ་ལ་བཅུ་ཕྲག་བཅུ། །མི་ཚེ་གཉིས་ཀྱིས་ཕྱག་རྒྱའི་རིག་འཛིན་ས། །དངོས་གྲུབ་རྣམ་གཉིས་དུས་དེར་ཐོབ་པར་འགྱུར། །དུས་ཀྱི་བསྙེན་པ་ལོ་ཟླ་མ་ཡོལ་བར། །ཡང་གསང་ཐུགས་ཀྱི་དཀྱིལ་འཁོར་ ― DNG022_Page_0229 ―
[མ་དཔེ་གཟིགས་ན་འདིར་གནོན།]
ཞལ་ཕྱེ་ནས། །ཕྱི་ནང་གསང་བའི་དབང་གསུམ་རྫོགས་བྱས་ཤིང་། །བསྙེན་པ་གཞུང་བཞིན་དམ་ཚིག་མ་ཉམས་ན། །མི་ཚེ་གསུམ་གྱིས་ཕྱག་རྒྱའི་རིག་འཛིན་ས། །དངོས་གྲུབ་རྣམ་གཉིས་དུས་དེར་ཐོབ་པར་འགྱུར། །མཆོད་པ་ལོ་ཟླ་འདས་ན་ཉམས་པ་དང་། །རྡོ་རྗེ་སྤུན་གྱི་ནང་དུ་ཁོང་ཁྲོ་མནར་སེམས་ཉམས། །ངན་སེམས་དཔྱ་སེམས་ཁྲོ་སེམས་ཉམས་པ་ལ། །ལོ་ཟླ་དུས་སུ་ཉམས་སྐོངས་བཤགས་བརྩོན་བྱ། །ཕྱི་བཤགས་ནང་བཤགས་ཚོགས་ནི་བརྒྱ་རྩ་དབུལ། །དེ་ཡིས་ཉམས་སྐོངས་སོར་གསོལ་གོང་བཞིན་འགྱུར། །དུས་ལས་འདས་པས་ཉམས་པ་སྐོངས་མི་འགྱུར། །འབྲས་བུ་མེད་ཅིང་དེ་ཉིད་བརླག་པར་འགྱུར། །རྡོ་རྗེ་སྤུན་ལ་ངན་སེམས་དཔྱ་སེམས་པས། །དབུལ་པོའི་ནང་ནས་ལྐུགས་པ་མཛེ་ཅན་དག །ཁ་མིག་ཡོན་པོ་ཡན་ལག་མ་ཚང་པ། །དེ་ཉིད་བོར་ནས་དམྱལ་ཁམས་བཅུ་པོ་དག །ཡང་དག་དོན་དམ་གཉིས་མེད་མི་ཤེས་པས། །ད་ནི་ཐེག་ཆེན་སྦྱོར་སྒྲོལ་དངོས་པོར་བལྟ། །རྒྱུ་མཐུན་པ་ཡིས་གནོད་སྦྱིན་མཐུ་བོ་ཆེ། །མདངས་འཕྲོག་སྲོག་གཅོད་དེ་ཡི་ལས་རྫོགས་ནས། །དེ་ཉིད་བོར་ནས་དམྱལ་ཁམས་བཅུ་པོ་དག །དམ་ལོག་རྡོ་རྗེ་འཁུས་པའི་ཁོང་ཁྲོ་ཅན། །རྐྱེན་ལས་བྱུང་བའི་དམ་སྲིའི་ལུས་ལེན་དྲོད་ཉུལ་མ། །དངོས་གྲུབ་བར་དུ་གཅོད་པའི་བགེགས་བྱས་ནས། །བྲག་བར་ཕྱིར་མི་ཐོན་པའི་སྦྲུལ་དུ་སྐྱེ། །དེ་ཉིད་བོར་ནས་དམྱལ་ཁམས་བཅུ་པོ་དག །རྡོ་རྗེ་དམྱལ་བ་ཆེན་པོར་སྐྱེ་བར་འགྱུར། །ཀཱི་ལ་ཡ་གསང་བའི་དགོངས་རྒྱུད་ལས། སྔགས་ཀྱི་བརྟུལ་ཞུགས་ཀྱི་ལེའུ་སྟེ་ཉི་ཤུ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །རྣལ་འབྱོར་ལས་ནི་དང་པོ་ལ། །གཟུགས་བརྙན་དཀྱིལ་འཁོར་མི་འཚལ་ལམ། །བདེ་བར་གཤེགས་པས་ལུང་བསྟན་དུ་གསོལ། ཞེས་གསོལ་པ་དང་། ཉོན་ཅིག་ཀརྨ་ཧེ་རུ་ཀ །དེ་ཡི་དོན་རྣམས་ངས་ ― DNG022_Page_0230 ―
[མ་དཔེ་གཟིགས་ན་འདིར་གནོན།]
བཤད་ཀྱི། །རྣལ་འབྱོར་རྗེས་སུ་འཇུག་པ་རྣམས། །དཀྱིལ་འཁོར་འདོམ་གང་གྲུ་བཞི་ལ། །གྲུ་གསུམ་མཐིང་ནག་དྲག་པོའི་དབུས། །ཟླ་གམ་དམར་པོ་དབང་གི་རྟེན། །ཟླུམ་པོ་དཀར་པོ་ཞི་བ་ཉིད། །སེར་པོ་གྲུ་བཞི་རྒྱས་པའོ། །བར་ཁྱམས་སྒོ་བཞི་སྒོ་ཁྱུད་དང་། །དུག་ལྔའི་རྟེན་གྱི་རྫས་རྣམས་ལ། །ཡང་སྤྲུལ་རྟོད་ཅིང་ཟ་བའི་ཚུལ། །ཕྱོགས་བཞི་མཚམས་སུ་བྲི་བར་བྱ། །དར་ཚོན་སྣ་ལྔའི་འཕན་ཕྲན་གདགས། །མཆོད་པའི་ལྷ་མོ་བརྒྱད་ཀྱི་རྟགས། །སྒོ་རྣམས་དག་ལ་བྲི་བར་བྱ། །སྟོང་གསུམ་ཡེ་ཤེས་གཞལ་ཡས་ཁང་། །མཐིང་ནག་མེ་འབར་ཕུར་བུའི་ལྷ། །འོད་ཟེར་འབུམ་ཕྲག་བསམ་མི་ཁྱབ། །དེ་ལྟ་བུ་རུ་བསྐྱེད་པར་བྱ། །ཀཱི་ལ་ཡ་གསང་བའི་དགོངས་རྒྱུད་ལས། གཟུགས་བརྙན་གྱི་དཀྱིལ་འཁོར་གྱི་ལེའུ་སྟེ་ཉི་ཤུ་གཅིག་པའོ།། །།ཡང་ཀརྨ་ཧེ་རུ་ཀས། ཀྱེ་བཅོམ་ལྡན་བཛྲ་ཀཱི་ལ་ཡ། །ཕུང་པོ་ལྷ་ཡི་དཀྱིལ་འཁོར་ཡེ་ནས་མངོན་སངས་རྒྱས། །བརྙན་མའི་དཀྱིལ་འཁོར་དེ་ཉིད་མི་འགལ་ལམ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །ཕྲིན་ལས་རྣམ་བཞི་གཞལ་ཡས་ཁང་། །ཡོན་ཏན་ཡིད་བཞིན་དཀྱིལ་འཁོར་འདི། །བདེ་གཤེགས་ཐུགས་རྗེ་འབྱུང་བའི་ཤུལ། །སྣང་སྲིད་འཁོར་བ་བསྒྲལ་བའི་གནས། །རྣལ་འབྱོར་དངོས་གྲུབ་ཐོབ་པའི་ས། །དགྲ་བགེགས་དབང་དུ་སྡུད་པའི་ས། །བསྐྱེད་དང་སྤྱན་དྲང་གཉིས་མེད་བསྡིམ། །མཆོད་བསྟོད་ཡན་ལག་རྫོགས་བྱས་ན། །དངོས་གྲུབ་ཅི་འདོད་ཐོབ་པར་འགྱུར། །ཀཱི་ལ་ཡ་གསང་བའི་དགོངས་རྒྱུད་ལས། གཟུགས་བརྙན་དཀྱིལ་འཁོར་གྱི་ཡོན་ཏན་བསྟན་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ ― DNG022_Page_0231 ―
[མ་དཔེ་གཟིགས་ན་འདིར་གནོན།]
ལྡན་བཛྲ་ཀཱི་ལ་ཡ། །སྣང་སྲིད་ཡེ་ནས་སྐུ་གསུང་ཐུགས། །བདག་ཉིད་ཕུང་པོ་ཡེ་སངས་རྒྱས། །གཞན་ནས་སྤྱན་དྲངས་མཆོད་བསྟོད་མི་འགལ་ལམ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །གང་ལ་གང་ནས་ཇི་ལྟར་དུ། །གང་དུ་གང་ཕྱིར་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པའི་ཕྱིར། །ཀཱི་ལ་ཡ་ཡི་དངོས་གྲུབ་སྩོལ། །ཀཱི་ལ་ཡ་གསང་བའི་དགོངས་རྒྱུད་ལས། སྤྱན་དྲང་བའི་ལེའུ་སྟེ་ཉི་ཤུ་གསུམ་པའོ།། །།དེ་ནས་ཡང་ཀརྨ་ཧེ་རུ་ཀས། འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །བདེ་གཤེགས་ཐུགས་ཀྱི་གསང་སྔགས་འདི། །རྣལ་འབྱོར་རྗེས་སུ་འཇུག་པ་ལ། །འདི་ཡི་དོན་རྣམས་ཇི་ལྟར་ལགས། །བདེ་བར་གཤེགས་པས་ལུང་བསྟན་དུ་གསོལ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་རྗེས་སུ་འཇུག་པ་རྣམས། །རིག་པའི་རྒྱལ་པོ་གསང་སྔགས་འདི། །ཆོས་ཀྱི་སྐུ་ཡི་ངོ་བོ་ཡིན་པས་ན། །ཡེ་ཤེས་ལྔ་ཡི་སྒྲ་ཡིས་དུག་ལྔ་གནས་སུ་བསྲེག །དྲེགས་པ་འདུལ་མཛད་དུག་འདུལ་སྔགས་ཀྱི་སྒྲ། །སྔགས་ནི་བྱིན་རླབ་ཆེ་བས་སངས་རྒྱས་མཐུ། །ཆོས་ཉིད་བདེན་པའི་བྱིན་རླབ་གསང་སྔགས་འདིས། །སྨྲ་བཞིན་མ་ཡིན་ཡིད་ལ་བཟླས་མི་ཆད། །བུམ་པའི་ནང་དུ་མར་མེ་བཏང་བ་བཞིན། །རང་ལ་གསལ་ཞིང་གཞན་གྱིས་མཐོང་བ་མིན། །གླེན་པའི་བརྟུལ་ཞུགས་བརྩོན་འགྲུས་དྲག་པོ་ཡིས། །རྣམ་གསུམ་གསལ་ཞིང་སྔགས་སྒྲ་མ་ཉམས་པར། །མི་ཚིག་བར་མ་ཆོད་ཅིང་སེམས་གཡེང་མིན། །ཤེས་རབ་མེ་ལ་བརྩོན་འགྲུས་རླུང་གིས་བསྐྱོད། །དུག་གསུམ་གནས་སུ་བསྲེག་པས་སྐུ་གསུམ་འགྲུབ། །ཚེ་གཅིག་ཉིད་ལ་སྐུ་གསུང་ཐུགས་ཉིད་དོ། ། ― DNG022_Page_0232 ―
[མ་དཔེ་གཟིགས་ན་འདིར་གནོན།]
མཚམས་མེད་རིག་པས་ལོག་པས་དམྱལ་བར་ལྟུང་ངེས་པ། །རྣམ་གསུམ་གསལ་ཞིང་སྔགས་ཀྱི་འོད་ཟེར་སྤྲོ། །ཚུར་འདུས་གཉིས་སུ་མེད་པར་བསྡིམ་བྱས་ན། །གཞན་གྱི་རིག་པ་སྦྱོར་བ་ལྟ་ཅི་སྨོས། །ངན་སོང་དེ་ཡི་གནས་སུ་ལྟུང་མི་སྲིད། །ཐར་པའི་ལམ་ལ་རིག་པའི་མེ་ཏོག་བོར་འབར་ཡང་། །སྔགས་ཀྱི་སྒྲ་ལ་ཡན་ལག་བསམ་མི་ཁྱབ། །སྔགས་ཀྱི་སྒྲ་བཤད་བྱིན་ཉམས་དངོས་གྲུབ་ཡལ། །གསུང་གི་སྡོམ་པ་འཛིན་པའི་གསང་སྔགས་འདི། །དཀྱིལ་འཁོར་རྣམ་གཉིས་གཉིས་སུ་མེད། །བསྐྱེད་མི་དགོས་པར་རྫོགས་པའི་ལུང་། །མཐུ་དཔུང་འོད་ ཟེར་རབ་ཏུ་འབར། །བདེ་བར་གཤེགས་པའི་མཐུ་ནི་རང་གི་རིག་པའི་མཐུ། །གཞན་ལ་རེ་བ་འཇོག་པས་མཐུ་མི་རྙེད། །ཀཱི་ལ་ཡ་གསང་བའི་དགོངས་རྒྱུད་ལས། ཐུགས་ཀྱི་གསང་བ་སྔགས་ཀྱི་ལེའུ་སྟེ་ཉི་ཤུ་བཞི་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཉམས་པ་བདུན་པོ་བསྒྲལ་བ་ལ། །རྣལ་འབྱོར་རྗེས་སུ་འཇུག་པ་རྣམས། །རྣམ་ཤེས་རྟེན་ནི་ཇི་ལྟར་ལགས། །བདེ་བར་གཤེགས་པས་ལུང་བསྟན་དུ་གསོལ། ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བསྟན་གྱི། །འབྱུང་བ་བཞི་ནི་པདྨ་བཞི། །རྒྱུ་བཞི་རྩ་ཆེན་བཞི་པོ་དག །རྣམ་པར་ཤེས་པའི་རྟེན་ཅན་ཡིན། །དཀར་པོ་དམར་ནག་མཐིང་ག་སེར། །ཆོས་ཉིད་བྱང་ཆུབ་སེམས་ཀྱི་རྩ། །གཉིས་སུ་མེད་པའི་ཡེ་ཤེས་རྩ། །གློ་བུར་རྒྱུད་ལ་འཛིན་པའི་རྩ། །སྐྱོན་ཡོན་དབང་པོ་དང་བྱེད་རྩ། །ཁྲག་དྭངས་དབུགས་དྭངས་དབང་པོ་དྭངས། །རྩ་དྭངས་ཉིད་ལ་ཞེ་སྡང་རྒྱུ། །དེ་བཞིན་རིམ་པས་རྒྱུ་བའོ། །ཀུན་གཞི་ཡིད་དང་རྣམ་པར་ཤེས། །དབང་པོ་ལ་སོགས་དེ་བཞིན་རྒྱུ། །བཞི་མདོའི་དྭངས་མ་དག་ལ་ནི། །རྟ་རྔ་བཅུར་གཤགས་དཀར་པོ་ལ། །ཁྲག་དྭངས་དམར་པོ་བྱེའུ་ ― DNG022_Page_0233 ―
[མ་དཔེ་གཟིགས་ན་འདིར་གནོན།]
ལེབ་མགོ། །དེ་ལ་དབུགས་དྭངས་དྲོད་གནས་པ། །ཡོད་དེ་མི་མངོན་སེར་རླངས་ཙམ། །དེ་ལ་འོད་ཀྱི་དྭངས་མ་ཆགས། །ཁ་དོག་ལྔ་ཡི་སེམས་ཡུལ་རྒྱས། །དེ་ལ་ཚེ་ཡི་རྟེན་གནས་པ། །དཀར་པོ་བ་རྒྱ་བཅིངས་པའི་ཚུལ། །དེ་རྣམས་དབུས་ན་རྣམ་ཤེས་བཅུད། །སེམས་གནས་དྲན་གཞིའི་དྭངས་མ་ལ། །སེམས་ཅན་དྲན་གཞི་ཙིཏྟའི་དཀྱིལ། །ཚོན་གང་འོད་ཀྱི་ཐིག་ལེར་གནས། །ཀུན་གཞི་ཆ་ཕྲ་ཡིད་རིག་དང་། །རྣམ་ཤེས་བརྒྱད་དང་ཉོན་མོངས་ལྔ། །རྟོག་པ་ཐམས་ཅད་དེ་ཡི་ཆ་ལས་བྱུང་། །རྣམ་ཤེས་བཅུད་དང་དྲན་པའི་དྭངས་མ་ནི། །དབྱིངས་དང་ཡེ་ཤེས་དབྱེར་མེད་རང་བཞིན་གནས། །གློ་བུར་རྒྱུད་ལས་འཛིན་པའི་ལོག་རྟོག་གིས། །སྲིད་པ་གསུམ་དུ་འཁོར་ཞིང་རྒྱུད་དྲུག་སྨིན། །ཐོག་མ་མེད་པར་བསགས་པའི་བག་ཆགས་སྒྲིབ། །ཉོན་མོངས་རྒྱུ་མཐུན་རྣམ་སྨིན་འབྲས་བུ་ནི། །གོས་དྲེག་གདངས་བཞིན་བརྩེགས་ནས་མ་གྱག་གནས། །དེ་ཡི་ས་བོན་ལས་རྣམས་རིམ་བཞིན་འབྱུང་། །ལས་དབང་བཙན་པའི་མཐུ་ནི་ཟློག་པར་དཀའ། །གལ་ཏེ་ལས་དབང་བཙན་ཏེ་བཟློག་མེད་མིན། །དེ་བས་རྣལ་འབྱོར་རྗེས་འཇུག་བཟློག་མེད་མཐུས། །རྩྭ་ཁའི་མེ་ཤོར་ནགས་རི་བཅོམ་པ་བཞིན། །རྣམ་གསུམ་ཨ་ཡི་གནས་ལེན་བྱང་སེམས་ཀྱིས། །ཉོན་མོངས་རྟེན་ཅན་གནས་ནི་དུས་གཅིག་བཅོམ། །བསྐུལ་བ་ལས་ཀྱི་གསང་སྔགས་འདི། །གབ་པའི་མན་ངག་ཀློང་བཅུ་ཡིས། །གནད་ཆེན་བདུན་ལ་ཕུར་གཅིག་མས། །ཏིང་འཛིན་སྔགས་དང་ཕྲིན་ལས་ཀྱིས། །གསང་སྔགས་རབ་ཏུ་བཟླས་ཤིང་གདབ། །རེ་རེ་ལ་ཡང་རྩ་བརྒྱད་དོ། །ཐ་ན་རྩ་གཅིག་བདུན་དུའོ། །རྣམ་ཤེས་རྟེན་ནི་བརྟག་པར་གཅེས། །བསྐུལ་བ་ལས་ཀྱི་གསང་སྔགས་ལ། །ཡོན་ཏན་ཉི་ཤུ་གཅིག་རྫོགས་པ། །དྭངས་མ་བདུན་པོ་རིམ་བཞིན་དུ། །གབ་པའི་སྡོམ་པ་རིམ་བཞིན་བཟུང་། །གཟས་པའི་ཚེ་ཡི་རྟེན་ནི་ཕྲལ། །ཉོན་མོངས་ཀུན་གྱི་གནས་ཀྱང་བཅོམ། །གསང་སྔགས་ ― DNG022_Page_0234 ―
[མ་དཔེ་གཟིགས་ན་འདིར་གནོན།]
རབ་ཏུ་བཟླས་པའི་གབ་སྦས་དང་། །རྣམ་གསུམ་ཨ་ཡི་གནས་ལེན་བྱང་སེམས་ཀྱིས། །བླ་ཆེན་རྒྱུ་བའི་དྲོད་ཚད་དག་སྦྱར་ལ། །རྣམ་ཤེས་རྟེན་རྟོགས་ཚེ་རྟེན་ཕུར་བཏབ་ན། །དེ་ལ་མི་ཐེབས་མི་སྲིད་འགྱུར་བ་མེད། །ཚངས་པའི་ཚེ་དང་ལྡན་པ་མོད་ལ་འཇིག །མུན་མདའ་བཞིན་དུ་ཕྱོགས་ཚོད་འཕངས་པ་ཡིས། །ཐེབས་པར་མི་འགྱུར་རང་རྒྱུད་བསྲེག་པ་ལས། །གོང་མའི་དོན་དེ་དེ་ལྟར་དེ་བཞིན་ན། །སྐྱེ་བའི་སྒོ་ལྔ་རྣམ་ཤེས་ཚོགས་བརྒྱད་དང་། །དབང་པོའི་རྟེན་དང་མཐུ་ཕྲོག་ཟིལ་གནོན་རྣམས། །དྲག་པོའི་གདབ་དམིགས་དེར་འདུས་མང་ན་སྐྱོན། །ཀཱི་ལ་ཡ་གསང་བའི་དགོངས་རྒྱུད་ལས། ཉམས་པ་བདུན་པོ་བསྒྲལ་བའི་ལེའུ་སྟེ་ཉི་ཤུ་ལྔ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཉམས་པ་བསྒྲལ་བ་དེ་ལགས་ན། །བླ་ཆེན་རྒྱུ་བའི་དྲོད་ཚད་མི་འཚལ་ལམ། །ཞེས་གསོལ་པ་དང་། བཛྲ་ཀཱི་ལ་ཡས་འདི་སྐད་གསུངས་སོ། །རྣལ་འབྱོར་རྗེས་སུ་འཇུག་པ་རྣམས། །དེ་ཡི་དོན་རྣམས་ངས་བཤད་ཀྱི། །བླ་ཆེན་རྒྱུ་བའི་དྲོད་ཚད་དག་སྦྱར་བ། །འུ་ཁམས་ཇི་ཁམས་ཤང་ཁམས་དང་། །ཀུང་ཀེག་ཁམས་ལ་སོགས་ཏེ་བླ་ཆེན་རྣམས། །བ་གླང་ཤ་བ་ལུག་དང་ཉ། །དེ་རྣམས་སོ་སོར་རྒྱུ་བར་བཤད། །གཡག་དང་ར་དང་གླ་བ་གསུམ། །དེ་རྣམས་བླ་ཆེན་ཕྱི་རུ་རྒྱུ་བར་བཤད། །དེ་ཡི་དྲོད་ཚད་དག་སྦྱར་བ། །དང་པོའི་བླ་ནི་འཁོར་ཉུལ་བ། །བར་མའི་བླ་ནི་ཁུག་པའོ། །གསུམ་པའི་བླ་ནི་བུ་ལི་དྷ་ར་ཡ། །དང་པོ་གཉིས་པ་གསུམ་པ་ཡི། །ཁུགས་མ་ཁུགས་ཀྱི་དྲོད་ཚད་སྦྱར། །གཅིག་པ་གཉིས་པའི་དྲོད་ཚད་ལ། །ལྷ་དབྲལ་དགུག་བསྡིམ་བྱད་འཇུག་གོ། །གབ་སྦས་ཀློང་གི་མན་ངག་སྦྱར། །གསུམ་པའི་དྲོད་ཚད་རབ་སླེབ་ན། །བླ་ཕུར་བསྟུན་ལ་གདབ་པར་བྱ། །དྲོད་ཚད་ཞན་ན་བཏབ་ཕན་མེད། །རབ་ཏུ་སླེབ་ན་མ་བཏབ་འཆོར། །ཁུགས་མ་ཁུགས་ཀྱི་ ― DNG022_Page_0235 ―
[མ་དཔེ་གཟིགས་ན་འདིར་གནོན།]
དྲག་ཞན་དྲོད། །སྦྱར་ཏེ་དེ་བཞིན་བླ་ཕུར་གདབ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། བླ་ཆེན་རྒྱུ་བའི་དྲོད་ཚད་ཀྱི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །བླ་ཆེན་རྒྱུ་བ་དེ་ལགས་ན། །ལྷ་བྲལ་དགུག་བསྡིམ་བྱད་གཞུག་གི། །གབ་སྦས་ཀློང་གི་མན་ངག་འདི། །དེ་ཡི་དོན་རྣམས་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །བླ་ཆེན་རྒྱུ་བའི་དྲོད་ཚད་སླེབ། །ལུས་ལ་ལྷ་དབྲལ་གནས་ནས་དགུག །རྣམ་ཤེས་གཟུགས་བསྡིམ་བྱད་དུ་གཞུག །སྨྲ་སྨྱོ་ཐལ་བར་རློག་པར་བརྡེག །ཕུང་པོ་ཞལ་དུ་སྟོབ་དང་དྲུག །རེ་རེ་ལ་ཡང་དྲུག་དྲུག་སྟེ། །དང་པོ་ལྷ་དང་དབྲལ་བར་བྱ། །དམ་ཚིག་ཆེན་པོའི་དུས་ལ་བབ། །ལྷ་རྣམས་དྲག་པོའི་ལས་ལ་བསྐུལ། །སྤྲུལ་པ་ཆེན་པོའི་དུས་ལ་བབ། །ཕྲ་མེན་དྲག་པོའི་ལས་ལ་བསྐུལ། །ཕྱག་བརྙན་ཆེན་པོའི་དུས་ལ་བབ། །དམ་ཅན་གནད་དབབ་ལས་ལ་བསྐུལ། །དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རེངས་པར་ཁུག་ལ་གྲོགས་དང་བྲལ་བར་གྱིས། །ཕོ་ཉས་ལྷ་དབྲལ་དམ་པའོ། །ཕོ་ཉ་དྲག་པོ་དེ་བཞིན་བསྐུལ། །དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །ཕོབ་ཅིག་རྣམ་པར་གཟིར་བར་གྱིས། །ཕོ་ཉ་བཀུག་བསྡིམ་དམ་པའོ། །ཕོ་ཉ་དྲག་པོ་དེ་བཞིན་བསྐུལ། །དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་ཆིངས་ཤིག་རྣམ་པར་སྡོམ། །ཕོ་ཉས་བྱད་གཞུག་དམ་པའོ། །ཕོ་ཉ་དྲག་པོ་དེ་བཞིན་བསྐུལ། །དངོས་གྲུབ་བར་དུ་གཅོད་པའི་བགེགས། །གདུག་ཅིང་ ― DNG022_Page_0236 ―
[མ་དཔེ་གཟིགས་ན་འདིར་གནོན།]
སྡང་སེམས་བྱེད་པ་རྣམས། །རྣམ་པར་གཟིར་ལ་སྨྱོར་ཆུག་ཅིག །ཕོ་ཉས་སྨྱོར་གཞུག་དམ་པའོ། །ཕོ་ཉ་དྲག་པོ་དེ་བཞིན་བསྐུལ། །དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་བྱེད་པ་རྣམས། །རྒྱོབ་ཅིག་གཏོགས་ཤིག་ཐལ་བར་རློགས། །ཕོ་ཉས་རྟོགས་བྱེད་དམ་པའོ། །ཕོ་ཉ་དྲག་པོ་དེ་བཞིན་བསྐུལ། །དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་བྱེད་པ་རྣམས། །བསྟབ་པོ་དཔལ་ཆེན་ཞལ་དུ་བསྟབ། །བསྡིམ་མོ་ཡུམ་ཆེན་དབྱིངས་སུ་སྡིམ། །འཁོར་རྣམས་རོལ་ཅིག་ཁར་ཁཱ་ཧི། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ལྷ་བྲལ་དགུག་སྡིམ་བྱད་གཞུག་གི་ལེའུ་སྟེ་ཉི་ཤུ་བདུན་པའོ།། །།དེ་ནས་ཡང་ཀརྨ་ཧེ་རུ་ཀས། འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཕོ་ཉས་དགུག་བསྡིམ་དེ་ལགས་ན། །དྲག་པོ་རྫས་ཀྱི་དགུག་བསྡིམ་གང་། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །བླ་ཡི་དྲོད་ཚད་རབ་སླེབ་པ། །གུ་གུལ་སྦྱར་བར་དུད་པས་བདུག །རྫས་དྲག་ལྷ་བྲལ་དམ་པའོ། །ཉུང་དཀར་རྡོ་རྗེ་རྒྱལ་པོ་ལ། །བདུན་འབུམ་ཉི་ཁྲི་བཟླས་ཉུང་བྲབ། །དགུག་བསྡིམ་རྫས་དྲག་དམ་པའོ། །ཟངས་ཐག་མཉེན་པས་བཀྱིག་པ་དང་། །ལྕགས་སྒྲོག་དམ་པོར་གཞུག་པ་དང་། །སྔོན་དམར་རྫས་ཀྱིས་བཅིངས་པ་ནི། །རྫས་དྲག་བྱད་གཞུག་དམ་པའོ། །ཨ་ཤོག་པ་ཡི་འབྲས་བུ་དང་། །ལུག་མིག་གྲིབ་སྐམས་བྱས་པ་དང་། །བཟླས་ཉུང་གསུམ་དུ་བརྡེག་པ་ནི། །སྨྲ་སྦྱོར་གཞུག་པའི་རྫས་དྲག་དམ་པའོ། །ཁ་ཐམ་གྱིས་ནི་ཐོ་བ་དང་། །ཨཾ་ཀུ་ཤ་ཡིས་དཀར་ནག་དང་། །རྡོ་རྗེ་ཐོ་བས་བརྡུང་བ་ནི། །གཏོག་བྱེད་རྫས་དྲག་དམ་པའོ། །ལོ་ཟླ་ལོན་པའི་གཏོར་མ་དང་། །ལྕགས་ཕྱེ་ཟངས་ཕྱེ་རྡོ་ཕྱེ་དང་། །ཉུང་དཀར་ཁྲག་དང་སྙིང་སྣ་ཤ །དམ་རྫས་དྲག་པོ་བསྲེག་པ་ནི། །ལིངྒ་དག་དང་སྦྱར་ ― DNG022_Page_0237 ―
[མ་དཔེ་གཟིགས་ན་འདིར་གནོན།]
ལ་བསྟབ། །སྟོབ་བྱེད་རྫས་དྲག་དམ་པའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། རྫས་དྲག་པོས་ལྷ་དབྲལ་དགུག་བསྡིམ་བྱད་གཞུག་གི་ལེའུ་སྟེ་ཉི་ཤུ་བརྒྱད་པའོ།། །།དེ་ནས་ཡང་ཀརྨ་ཧེ་རུ་ཀས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །རྫས་དྲག་དགུག་བསྡིམ་དེ་ལགས་ན། །དྲག་པོ་སྔགས་ཀྱི་དགུག་བསྡིམ་གང་། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །བླ་ཡི་དྲོད་ཚད་རབ་ཏུ་སླེབ་པ་དང་། །ལྷ་དབྲལ་དྲག་པོའི་གསང་སྔགས་བཟླས། །རྩ་བརྒྱད་རྩ་གཅིག་ལྔ་བདུན་དུ། །གསང་སྔགས་ལྷ་དབྲལ་དམ་པའོ། །དགུག་བསྡིམ་དྲག་པོའི་གསང་སྔགས་ལ། །གོང་མ་དེ་བཞིན་དྲག་ཏུ་བཟླས། །གསང་སྔགས་དགུག་བསྡིམ་དམ་པའོ། །བྱད་གཞུག་དྲག་པོའི་གསང་སྔགས་ལ། །གོང་མ་དེ་བཞིན་དྲག་ཏུ་བཟླས། །གསང་སྔགས་བྱད་གཞུག་དམ་པའོ། །སྨྲ་སྨྱོ་དྲག་པོའི་གསང་སྔགས་ལ། །གོང་མ་དེ་བཞིན་དྲག་ཏུ་བཟླས། །གསང་སྔགས་སྨྲ་སྨྱོ་དམ་པའོ། །གཏོག་བྱེད་དྲག་པོ་གསང་སྔགས་ལ། །གོང་མ་དེ་བཞིན་དྲག་ཏུ་བཟླས། །གསང་སྔགས་གཏོག་བྱེད་དམ་པའོ། །སྟོབ་བྱེད་དྲག་པོའི་གསང་སྔགས་ལ། །གོང་མ་དེ་བཞིན་དྲག་ཏུ་བཟླས། །གསང་སྔགས་སྟོབ་བྱེད་དམ་པའོ། །ཀཱི་ལ་ཡ་གསང་བའི་དགོངས་རྒྱུད་ལས། གསང་སྔགས་དྲག་པོ་ལྷ་དབྲལ་དགུག་བསྡིམ་བྱད་གཞུག་གི་ལེའུ་སྟེ་ཉི་ཤུ་དགུ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །གསང་སྔགས་དགུག་བསྡིམ་དེ་ལགས་ན། །སྨོན་ལམ་དྲག་པོའི་དགུག་བསྡིམ་གང་། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །བླ་ཡི་དྲོད་ཚད་རབ་སླེབ་པ། །ལྷ་དབྲལ་སྨོན་ལམ་དྲག་པོ་གདབ། །རྣལ་ ― DNG022_Page_0238 ―
[མ་དཔེ་གཟིགས་ན་འདིར་གནོན།]
འབྱོར་རྗེས་སུ་འཇུག་པ་ཡིས། །བྱང་ཆུབ་མཆོག་ཏུ་སེམས་བསྐྱེད་ཅིང་། །དོན་དམ་ཀུན་རྫོབ་དེ་བཞིན་དུ། །མ་ནོར་བདེར་གཤེགས་རིགས་བཟུང་ནས། །དངོས་གྲུབ་བར་གཅོད་དགྲ་བགེགས་རྣམས། །རྣམ་གསུམ་དྲག་དལ་མངོན་སྤྱོད་སྒྲོལ། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་དམ་བཅས་མྱུར་དུ་སྒྲོལ། །ཁྱེད་རྣམས་འཚོ་བའི་ལྷ་ལྔ་དང་ཕྲོལ་ཅིག །ལྷ་དབྲལ་སྨོན་ལམ་དམ་པའོ། །དགུག་བསྡིམ་སྨོན་ལམ་དྲག་པོས་གདབ། །རྣལ་འབྱོར་རྗེས་སུ་འཇུག་པ་ཡིས། །བྱང་ཆུབ་མཆོག་ཏུ་སེམས་བསྐྱེད་ཅིང་། །དོན་དམ་ཀུན་རྫོབ་དེ་བཞིན་དུ། །མ་ནོར་བདེར་གཤེགས་རིགས་བཟུང་ནས། །དངོས་གྲུབ་བར་ཆོད་དགྲ་བགེགས་རྣམས། །རྣམ་གསུམ་དྲག་དལ་མངོན་སྤྱོད་སྒྲོལ། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་དམ་བཅས་མྱུར་དུ་སྒྲོལ། །ཁྱེད་རྣམས་རིངས་པར་ཛཿཧཱུཾ་བཾ་ཧོཿཡིས། །རྣམ་ཤེས་ལིངྒར་ཕོབ་ཅིག་གཉིས་མེད་བསྡིམ། །དགུག་བསྡིམ་སྨོན་ལམ་དྲག་པོས་གདབ། །བྱད་གཞུག་སྨོན་ལམ་དྲག་པོ་གདབ། །རྣལ་འབྱོར་རྗེས་སུ་འཇུག་པ་ཡིས། །བྱང་ཆུབ་མཆོག་ཏུ་སེམས་བསྐྱེད་ཅིང་། །དོན་དམ་ཀུན་རྫོབ་དེ་བཞིན་དུ། །མ་ནོར་བདེར་གཤེགས་རིགས་བཟུང་ནས། །དངོས་གྲུབ་བར་ཆོད་དགྲ་བགེགས་རྣམས། །རྣམ་གསུམ་དྲག་དལ་མངོན་སྤྱོད་སྒྲོལ། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་དམ་བཅས་མྱུར་དུ་སྒྲོལ། །ཡན་ལག་སྨད་ལྔ་གྲུ་གུར་སྐོང་། །གཟས་པ་མ་ནོར་བྱད་དུ་ཆུག །སྨོན་ལམ་བྱད་གཞུག་དྲག་པོ་དམ་པའོ། །གཟིར་ཏེ་སྨྱོར་གཞུག་སྨོན་ལམ་དྲག་པོས་གདབ། །རྣལ་འབྱོར་རྗེས་སུ་འཇུག་པའི་ཡིས། །བྱང་ཆུབ་མཆོག་ཏུ་སེམས་བསྐྱེད་ཅིང་། །དོན་དམ་ཀུན་རྫོབ་དེ་བཞིན་དུ། །མ་ནོར་བདེར་གཤེགས་རིགས་བཟུང་ནས། །དངོས་གྲུབ་བར་ཆོད་དགྲ་བགེགས་རྣམས། །རྣམ་གསུམ་དྲག་དལ་མངོན་སྤྱོད་སྒྲོལ། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་དམ་བཅས་མྱུར་དུ་སྒྲོལ། །ཉམས་པ་བདུན་པོ་གཟས་པ་འདི། །སྨྱོ་ ― DNG022_Page_0239 ―
[མ་དཔེ་གཟིགས་ན་འདིར་གནོན།]
རུ་སྨྲ་རུ་མྱོས་སུ་ཆུག །ཁོང་ནས་མེ་འབར་ཁ་ནས་ཁྲག །དྲག་ཏུ་སྐྱུག་ཅིང་ལྐུགས་སུ་ཆུག །སྨྲ་སྨྱོ་སྨོན་ལམ་དྲག་པོ་དམ་པའོ། །བརྟོག་བྱེད་སྨོན་ལམ་དྲག་པོ་གདབ། །རྣལ་འབྱོར་རྗེས་སུ་འཇུག་པ་ཡིས། །བྱང་ཆུབ་མཆོག་ཏུ་སེམས་བསྐྱེད་ཅིང་། །དོན་དམ་ཀུན་རྫོབ་དེ་བཞིན་དུ། །མ་ནོར་བདེར་གཤེགས་རིགས་བཟུང་ནས། །དངོས་གྲུབ་བར་ཆོད་བྱེད་པའི་བགེགས། །རྣམ་གསུམ་དྲག་དལ་མངོན་སྤྱོད་སྒྲོལ། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་དམ་བཅས་མྱུར་དུ་སྒྲོལ། །ཁྱེད་ཀྱིས་ཉམས་པའི་གཟས་པ་འདི། །ཕུང་པོ་ཐུལ་ཅིག་ལུས་ངག་རྡུལ་དུ་རློག །བརྟོག་བྱེད་སྨོན་ལམ་དྲག་པོ་དམ་པའོ། །སྟོབ་བྱེད་སྨོན་ལམ་དྲག་པོས་གདབ། །རྣལ་འབྱོར་རྗེས་སུ་འཇུག་པ་ཡིས། །བྱང་ཆུབ་མཆོག་ཏུ་སེམས་བསྐྱེད་ཅིང་། །དོན་དམ་ཀུན་རྫོབ་དེ་བཞིན་དུ། །མ་ནོར་བདེར་གཤེགས་རིགས་བཟུང་ནས། །དངོས་གྲུབ་བར་ཆོད་དགྲ་དང་བགེགས། །རྣམ་གསུམ་དྲག་དལ་མངོན་སྤྱོད་སྒྲོལ། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་དམ་བཅས་མྱུར་དུ་སྒྲོལ། །གཟས་པའི་ཤ་ཁྲག་གཟུགས་ཕུང་གསོལ། །བྷ་ག་བཱན་བཛྲ་ཀུ་མཱ་ར་སརྦ་པཱུ་ཛ་ཁཱ་ཧི་བུཌྜྷ་ས་མ་ཡ། ཀཱ་ལ་ཝཱ་ཀ་ཙིཏྟ་སིདྡྷི་ཧཱུཾ། སྟོབ་བྱེད་སྨོན་ལམ་དྲག་པོ་དམ་པའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། སྨོན་ལམ་དྲག་པོའི་ལེའུ་སྟེ་སུམ་ཅུ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དྲག་པོའི་སྨོན་ལམ་དེ་ལགས་ན། །ཏིང་འཛིན་དྲག་པོ་མི་འཚལ་ལམ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་རྣམས། །ཏིང་འཛིན་དྲག་པོ་ངས་བསྟན་གྱིས། །ལྷ་དབྲལ་ཏིང་འཛིན་བསྟན་པ་ནི། །བདག་ཉིད་རྩ་བའི་ཐུགས་ཀ་ནས། །ཛཿཧཱུཾ་བཾ་ཧོཿའི་ཕྱག་རྒྱ་བཞིས། །ཡེ་ཤེས་འོད་ཟེར་དྲག་པོ་ཕོག །ལྷ་རྣམས་བྱ་ནག་རྡོས་བདས་བཞིན། ། ― DNG022_Page_0240 ―
[མ་དཔེ་གཟིགས་ན་འདིར་གནོན།]
ཕྱོགས་བཞི་དག་ཏུ་འཐོར་བར་བསམ། །ལྷ་དབྲལ་ཏིང་འཛིན་དྲག་པོ་དམ་པའོ། །དེ་རྗེས་རྣམ་ཤེས་བཀུག་བསྡིམ་ཏིང་འཛིན་བྱ། །བདག་ཉིད་རྩ་བའི་ཐུགས་ཀ་ནས། །ཛཿཧཱུཾ་བཾ་ཧོཿའི་ཕྱག་རྒྱ་བཞིས། །འོད་ཟེར་དྲག་པོའི་ཚ་ཚར་བརྡབས། །གཟས་པའི་རྣམ་ཤེས་མི་འཆོར་བཀུག །ཆུ་དང་འོ་མ་འདྲེས་པ་འམ། །བྱེ་མ་མར་དཀར་ཐིམ་པ་བཞིན། །རྣམ་ཤེས་ལིངྒར་གཉིས་མེད་ཐིམ་པར་བསམ། །རྣམ་ཤེས་བཀུག་བསྡིམ་ཏིང་འཛིན་དྲག་པོ་དམ་པའོ། །བྱད་དུ་གཞུག་པའི་ཏིང་འཛིན་དྲག་པོ་ནི། །བདག་ཉིད་རྩ་བའི་ཐུགས་ཀ་ནས། །ཡེ་ཤེས་འོད་ཟེར་དྲག་པོ་འཕྲོས། །ཛ་ཧཱུཾ་བཾ་ཧོའི་ཕྱག་རྒྱ་བཞིས། །ཟངས་ཐག་ལྕགས་ཐག་བྱད་དུ་བཞུགས། །འགྱུར་མི་ཤེས་པར་གྲུ་གུ་ཐུལ། །འབྲུབ་ཁུང་དཀྱིལ་འཁོར་ནང་དུ་ནི། །གྲུ་གུ་བཞིན་དུ་བསྐོངས་པར་བསྒོམ། །བྱད་གཞུག་ཏིང་འཛིན་དྲག་པོ་དམ་པའོ། །གཟིར་གནོན་སྨྲ་སྨྱོའི་ཏིང་འཛིན་དྲག་པོ་ནི། །བདག་ཉིད་རྩ་བའི་ཐུགས་ཀ་ནས། །ཛ་ཧཱུཾ་བཾ་ཧོའི་ཕྱག་རྒྱ་བཞིས། །འོད་ཟེར་ཚ་ཚ་བརྡབས་བཞིན་གཟིར། །སྨྱོ་བ་སྨྲ་བ་མཚམས་མེད་པ། །ཐ་མར་མྱོས་ཤིང་ལྐུགས་པ་དང་། །ཁོང་ནས་མེ་འབར་ཁ་ནས་ཁྲག །འཕོངས་ནས་ངན་ཁྲག་འཛག་པར་བསྒོམ། །སྨྲ་སྨྱོའི་ཏིང་འཛིན་དྲག་པོ་དམ་པའོ། །གཏོགས་བྱེད་ཏིང་འཛིན་དྲག་པོ་ནི། །བདག་ཉིད་རྩ་བའི་ཐུགས་ཀ་ནས། །ཡེ་ཤེས་འོད་ཟེར་དྲག་པོ་ཡིས། །ཛ་ཧཱུཾ་བཾ་ཧོའི་ཕྱག་རྒྱ་བཞིས། །ཕོ་ཉ་ཐོ་བ་ཅན་དག་ནི། །གྲངས་མེད་འོད་ཟེར་བཅས་པ་བྱུང་། །གཟས་པའི་གཟུགས་ཀྱི་ཕུང་པོ་ནི། །ལུས་ངག་རྡུལ་དུ་སོང་བར་བསམ། །གཏོགས་བྱེད་ཏིང་འཛིན་དྲག་པོའོ། །སྟོབ་བྱེད་ཏིང་འཛིན་དྲག་པོ་ནི། །བདག་ཉིད་རྩ་བའི་ཐུགས་ཀ་ནས། །སྤྲུལ་པའི་ཕོ་ཉ་བསམ་མི་ཁྱབ། །དཀྱིལ་འཁོར་རྣམ་གསུམ་དེ་བཞིན་དུ། །འོད་ཟེར་སྤྲུལ་པ་གྲངས་མེད་ཀྱིས། །གཟས་པའི་དབང་པོ་བསྡུས་པ་དང་། །ཤ་ཁྲག་རུས་འཆའ་རྒྱུ་མ་གཟེད། །བསྟབ་པས་དེ་བཞིན་རོལ་པར་བསམ། ། ― DNG022_Page_0241 ―
[མ་དཔེ་གཟིགས་ན་འདིར་གནོན།]
སྟོབ་བྱེད་ཏིང་འཛིན་དྲག་པོ་དམ་པའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ལྷ་དབྲལ་དགུག་སྡིམ་ཏིང་འཛིན་གྱི་ལེའུ་སྟེ་སུམ་ཅུ་གཅིག་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ལྷ་རྣམས་དགུག་བསྡིམ་བྱད་གཞུག་དེ་ལགས་ན། །རྫས་དྲག་སྔགས་ཀྱི་ནུས་མཐུའི་བྱེ་བྲག་ནི། །སོ་སོའི་ནུས་མཐུ་བདེ་གཤེགས་བསྟན་དུ་གསོལ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །དེ་ཡི་དོན་རྣམས་ངས་བཤད་ཀྱི། །ཉུང་དཀར་རྒྱལ་པོ་རྫས་དྲག་དོན། །ཉུང་དཀར་ནང་ནས་ཟུར་བཞི་པ། །ཕྲིན་ལས་རྣམ་བཞི་རྫོགས་པའི་རྟགས། །ཕོ་མོ་གཉིས་ཀྱི་ཐོད་པ་རུ། །གོ་རོ་ཙ་ན་མ་བྲལ་བར། །ཐབས་དང་ཤེས་རབ་ཁ་སྦྱར་ལ། །བྷན་དྷའི་སྤྱི་བོ་བརྟོལ་ལ་ནི། །དེ་ཡི་ནང་དུ་ས་བཞག་ལུད། །མི་རོ་བསྲེགས་པའི་ཐལ་ཆེན་དང་། །ཉུང་དཀར་ས་བོན་གསུམ་དུ་སྦལ། །དཀྱིལ་འཁོར་རྣམ་གསུམ་རྩ་བའི་སྔགས། །བསྙེན་པ་ཞག་བདུན་བཟླས་བརྗོད་བྱ། །བརྒྱ་མཚམས་སྟོང་མཚམས་མཆོད་པ་ཡིས། །ཆུ་ལུད་དུ་ནི་བྲན་བཞིན་དབུལ། །ཏིང་འཛིན་སྔགས་དང་ཕྲིན་ལས་ཀྱིས། །ཁྱད་པར་མཆོད་པ་བདུད་རྩི་དང་། །ཕྱག་རྒྱའི་མཆོད་པ་གཞུང་བཞིན་བྱ། །འབྲས་བུ་མ་སྨིན་བར་དུ་དབུལ། །ཉུང་དཀར་ཁྱད་པར་ཐོབ་པར་འགྱུར། །ཉུང་དཀར་རྒྱལ་པོ་རྫས་དྲག་འདི། །གསང་སྔགས་བརྒྱའམ་སྟོང་ཙམ་དུ། །དམ་བཅས་ལུས་ལ་བཅངས་གྱུར་ན། །ལས་དབང་དག་ཀྱང་བཟློག་འགྱུར་ཅིང་། །བར་ཆད་རྐྱེན་གྱིས་ཚུགས་མི་འགྱུར། །ཡིད་ལ་དྲན་པས་སྨོན་ལམ་བཙན། །རིག་འཛིན་བྱང་ཆུབ་ས་གནོན་ཅིང་། །གང་ལ་མངགས་པས་ནུས་མཐུར་འགྱུར། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ཉུང་དཀར་རྒྱལ་པོའི་ལེའུ་སྟེ་སུམ་ཅུ་གཉིས་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། ཀྱེ་བཅོམ་ལྡན་ ― DNG022_Page_0242 ―
[མ་དཔེ་གཟིགས་ན་འདིར་གནོན།]
བཛྲ་ཀཱི་ལ་ཡ། །ཉུང་དཀར་རྫས་དྲག་དེ་ལགས་ན། །གུ་གུལ་སྦྱར་བའི་རྫས་དྲག་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །སུན་ཏྲི་ཀ་ཡི་ཐང་ཆུ་དང་། །མི་ཁྱི་གཉིས་ཀྱི་དྲི་མ་དང་། །སྤྱང་ཀུའི་ལ་དུ་རྟ་ཕུར་མོ། །སྨེ་བ་ལྔ་དང་ཟ་འོག་དང་། །འབོབ་ཚངས་མི་གཙང་སྣ་ཚོགས་སྦྱར། །འབྲོང་རུ་གཡས་ཀྱི་ནང་དུ་བླུག །ལམ་པོ་ཆེ་ཡི་བཞི་མདོ་རུ། །སྦྲ་ནག་ཕུབ་ལ་ཞག་བདུན་དུ། །གསང་སྔགས་བཟླས་ཤིང་མཆོད་པ་འབུལ། །ཁྱད་པར་འཕགས་པའི་དྲི་འབྱུང་སྟེ། །ཁྲོ་བོ་རྣམས་ཀྱིས་སྔོན་བྱུང་དྲན། །སྒྲུབ་རྫས་སེམས་བསྐྱེད་ཡིད་དྲན་གྱིས། །སྲས་མཆོག་ཁྲོ་བོ་གཟི་མདངས་བསྐྱེད། །བར་གཅོད་རྟེན་དང་དབྲལ་བར་འགྱུར། །རྣལ་འབྱོར་དམིགས་པ་གྲུབ་པའི་རྫས། །ཀཱི་ལ་ཡ་གསང་བའི་དགོངས་རྒྱུད་ལས། གུ་གུལ་སྦྱར་བ་རྫས་དྲག་གི་ལེའུ་སྟེ་སུམ་ཅུ་གསུམ་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་བཀའ་སྩལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །གུ་གུལ་རྫས་དྲག་དེ་ལགས་ན། །རཀྟའི་རྫས་དྲག་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། །མཱུ་ལ་རཀྟ་རྩ་བའི་ཁྲག །རྡོ་ཤིང་རྩི་ཐོག་དམར་པོ་བརྒྱ། །པདྨ་རཀྟ་ལྔ་བརྒྱ་དང་། །བསྒྲལ་བའི་མ་ཧཱ་རཀྟ་སྟོང་། །ན་ཆུང་མཚན་དང་ལྡན་པ་ཡི། །བྷནྡྷའི་ནང་དུ་རྫས་བླུག་ལ། །མཚན་ལྡན་གཞོན་ནུའི་པདྨས་བཅད། །བསྙེན་པ་ཞག་བདུན་བར་དུ་ནི། །སྐྱེས་པ་དར་མའི་རྡོ་རྗེ་ཡིས། །དཀྲུག་ཅིང་གསང་སྔགས་རྒྱུན་དུ་བཟླས། །འབྲུ་བཅུད་བདུད་རྩིའི་མཆོད་པ་འབུལ། །རཀྟ་ཁོལ་བའི་རྟགས་འབྱུང་སྟེ། །རྣལ་འབྱོར་རྣམས་ལ་རྒྱས་བཏབ་ན། །དངོས་གྲུབ་མྱུར་དུ་ཐོབ་པར་འགྱུར། །ལྷ་སྲིན་རྣམས་ཀྱང་བྲན་དུ་ཁོལ། །མ་མོ་མཁའ་འགྲོ་དབང་དུ་སྡུད། །དངོས་གྲུབ་སྒྲུབ་ལ་བར་མི་གཅོད། །སྲས་མཆོག་རྣམས་ཀྱང་དེ་བཞིན་དུ། །ཐུགས་དམ་ ― DNG022_Page_0243 ―
[མ་དཔེ་གཟིགས་ན་འདིར་གནོན།]
རྗེས་དྲན་གཟི་མདངས་བསྐྱེད། །གང་ལ་ནུས་མཐུ་མཐར་ཕྱིན་པའོ། །དབང་དུ་བསྡུས་པའི་རྫས་དྲག་སྟེ། །གང་ལ་དམིགས་པ་འགུགས་པར་བྱེད། །ཀཱི་ལ་ཡ་གསང་བའི་དགོངས་རྒྱུད་ལས། རཀྟ་རྫས་དྲག་གི་ལེའུ་སྟེ་སུམ་ཅུ་བཞི་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དཀྱིལ་འཁོར་རྣམ་པ་གསུམ་པོ་ལ། །ཕྱི་ནང་མཎྜལ་གསུམ་གྱི་དོན། །འདི་ཡི་དོན་རྣམས་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་རྣམས། །བྱིན་རླབ་གཞུང་བཞིན་གོང་ནས་འབྱུང་། །གཟུགས་བརྙན་དཀྱིལ་འཁོར་གཞུང་བཞིན་བྲི། །ཕུར་པ་བཅུ་གཅིག་སོ་སོ་ཡི། །ལོགས་ལ་ཐུགས་ཀྱི་སྙིང་པོ་བྲི། །དབལ་ལ་ཕྲིན་ལས་གསང་སྔགས་བྲི། །སྔགས་དང་ཏིང་འཛིན་ཕྲིན་ལས་ཀྱི། །རྫས་དྲག་གསུམ་གྱིས་བྱིན་གྱིས་བརླབ། །སོ་སོའི་གནས་ནས་བཀོད་ལ་ནི། །སྤྱན་དྲང་མཆོད་བསྟོད་གཉིས་མེད་བསྡིམ། །རྟགས་དང་དངོས་གྲུབ་ནོད་པའི་ཕྱིར། །འདི་རྣམས་སྒྲུབ་ཕུར་དམ་པ་ཡིན། །ཕུར་པ་ཉི་ཤུ་གོང་བཞིན་དུ། །ལོགས་དང་དབལ་ལ་སྙིང་པོ་བྲི། །སྔགས་དང་ཏིང་འཛིན་རྫས་དྲག་གསུམ། །བྱིན་བརླབ་སོ་སོའི་གནས་སུ་དགོད། །བྲན་དང་ཕོ་ཉ་དེ་བཞིན་དུ། །གོང་དུ་མངགས་པར་འགྲོ་བའི་ཕྱིར། །འདི་རྣམས་མངགས་ཕུར་དམ་པ་ཡིན། །སེང་ལྡེང་ཕུར་པ་སོར་བརྒྱད་ལ། །ལོགས་ལ་བཛྲ་གུ་ཡ་མནྟྲ་བྲི། །དབལ་ལ་ཀརྨ་གུ་ཡ་མནྟྲ་བྲི། །ཐུགས་ཀྱི་སྲས་མཆོག་དངོས་ལ་བསྡིམ། །མཚན་དང་ལྡན་པའི་བྷནྡྷ་རུ། །གྲུ་གསུམ་ཁ་རུ་བཞུགས་སུ་གསོལ། །ཏིང་འཛིན་སྔགས་དང་རྫས་དྲག་གསུམ། །འོག་མིན་གནས་ནས་སྤྱན་དྲང་བསྡིམ། །རྒྱུན་དུ་བསྙེན་པ་འབྲལ་མི་བྱ། །སྐུ་གསུང་ཐུགས་སུ་རྟག་པར་བསྙེན། །འདི་ནི་བསྙེན་ཕུར་དམ་པ་ཡིན། ། ― DNG022_Page_0244 ―
[མ་དཔེ་གཟིགས་ན་འདིར་གནོན།]
གཞན་ཡང་རྩ་གཅིག་རྩ་བརྒྱད་དམ། །སྔགས་དང་ཏིང་འཛིན་སྙིང་པོ་བྲི། །གོང་བཞིན་གྲུ་གསུམ་མཁའ་ལ་དགོད། །ལོག་པར་བལྟ་བའི་ཉམས་པ་ལ། །ཐུགས་རྗེ་དབྱེར་མེད་འདེབས་པའི་ཕྱིར། །འདི་ནི་གདབ་ཕུར་དམ་པ་ཡིན། །དཀྱིལ་འཁོར་རྣམ་གསུམ་དེ་བཞིན་ལ། །བདག་གི་ཐུགས་ཀའི་འོད་ཟེར་བསྐུལ། །སྔོན་གྱི་ཐུགས་དམ་རྗེས་དྲན་ཏེ། །རྔམ་པའི་ཚུལ་གྱིས་སྤྱན་དྲངས་ནས། །དཀྱིལ་འཁོར་རྣམ་གསུམ་གཉིས་མེད་བསྡིམ། །ཕྱི་ནང་གསང་བའི་མཆོད་བསྟོད་ནས། །ཏིང་འཛིན་མི་གཏོང་ཡུན་དུ་བསྲིངས། །སྐྱོ་ངལ་མེད་ན་སངས་རྒྱས་ཡིན། །སྔགས་དང་སྨོན་ལམ་མཐུ་བྱིན་ཆེ། །ལས་དང་བྱ་བ་གདོན་མི་ཟ། །ངེས་པར་བརྩམས་པས་ཅི་འདོད་འགྲུབ། །དངོས་གྲུབ་རྣམ་གཉིས་ཐོབ་པར་འགྱུར། །སྐུ་གསུང་ཐུགས་ཀྱི་དངོས་གྲུབ་འདི། །མ་བྱིན་པར་ཡང་རྒྱུན་དུ་བླང་། །རྡོ་རྗེ་གཞོན་ནུའི་རིག་འཛིན་ཡིན། །ཕྱི་ཡི་དཀྱིལ་འཁོར་རྣམ་གསུམ་དམ་པའི་མཆོག །ནང་གི་དཀྱིལ་འཁོར་རྣམ་གསུམ་ནི། །རྣལ་འབྱོར་རྗེས་སུ་འཇུག་པ་རྣམས། །དང་པོ་ཀུན་གཞི་སྟོང་པ་ཉིད་ཀྱི་ལུང་། །གཉིས་པས་འགྲོ་དོན་རྒྱུ་འབྲས་མཚམས་སྦྱོར་ལུང་། །གསུམ་པས་ཡེ་ཤེས་མཚོན་པ་རྒྱུ་ཡི་ལུང་། །དེ་རྗེས་ཡེ་ཤེས་རྟོག་པ་གཞིལ་བའི་ལུང་། །སྣང་སྲིད་དཀྱིལ་འཁོར་རྣམ་གསུམ་གཏན་ལ་དབབ། །བདག་གིས་བསྐྱེད་པའི་དཀྱིལ་འཁོར་རྣམ་གསུམ་དང་། །རང་བཞིན་དཀྱིལ་འཁོར་རྣམ་གསུམ་སྤྱན་དྲངས་ནས། །སྔགས་དང་ཏིང་འཛིན་གཉིས་སུ་མེད་པར་བསྡིམ། །ཕྱི་ནང་གསང་བའི་མཆོད་པ་རྒྱུན་དུ་འབུལ། །བཟླས་བརྗོད་བསྙེན་པ་རྒྱུན་དུ་དྲང་། །སྣང་སྲིད་དཀྱིལ་འཁོར་རྣམ་གསུམ་ཡང་། །གཙོ་བོའི་དབྱིངས་སུ་ཡེ་ནས་གཅིག །སོ་སོ་མ་ཡིན་གཉིས་སུ་མེད། །དེ་བཞིན་གཞུང་བྱེད་རྣལ་འབྱོར་ཡིན། །དེ་ལས་ལྡོག་མེད་སངས་རྒྱས་ཡིན། །ནང་གི་དཀྱིལ་འཁོར་རྣམ་གསུམ་དམ་པའོ། །ཀཱི་ལ་ཡ་གསང་བའི་དགོངས་རྒྱུད་ལས། ཕྱི་ནང་གི་ ― DNG022_Page_0245 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་རྣམ་གསུམ་གྱི་ལེའུ་སྟེ་སུམ་ཅུ་སོ་ལྔ་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །རྣལ་འབྱོར་གང་ཞིག་དངོས་གྲུབ་མྱུར་འདོད་པས། །ནང་རྟོགས་ནུབ་ཏུ་སྐུ་གསུང་ཐུགས་ཀྱི་དོན། །གསང་བའི་དཀྱིལ་འཁོར་རྣམ་གསུམ་དོན་ཅི་ལགས། །ཞེས་གསོལ་པས། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་རྣམས། །ནང་རྟོགས་ནུབ་ཏུ་སྐུ་གསུང་ཐུགས་ཀྱི་དོན། །གསང་བའི་དཀྱིལ་འཁོར་རྣམ་གསུམ་ངས་བསྟན་གྱི། །ལོག་པར་མ་གཡེལ་དོན་ལ་གུས་པར་ཉོན། །དང་པོར་ཤེས་རབ་རྣམ་གསུམ་གྱིས། །གཏན་ཚིགས་གཏན་ལ་མ་ཕེབས་པར། །རང་བཞིན་མེད་པར་མི་ཤེས་པས། །དངོས་པོ་མཚན་མའི་ཆོས་བཟུང་ནས། །ཐེག་ཆེན་ཁྲོ་བོའི་རྒྱལ་པོ་ཟེར། །དོན་དམ་ཟབ་མོ་རྒྱབ་ཏུ་བོར། །གསང་སྔགས་ཟབ་མོའི་དོན་ལ་བོན་དུ་གྱེར། །སྤྱོད་པ་འབའ་བརླང་དང་དུ་བླངས། །གཏི་མུག་དབང་བཙན་རྒྱུ་འབྲས་དོན་མ་རྟོགས། །ང་རྒྱལ་དབང་གིས་རློམ་སེམས་ཆེན་པོ་བསྐྱེད། །ཕྲག་དོག་དབང་གིས་བདག་བསྟོད་གཞན་སྨོད་བྱེད། །འདོད་ཆགས་དབང་གིས་སླུས་འདེབས་ཁྲེལ་འཛེམ་མེད། །ཞེ་སྡང་དབང་གིས་ཁྲོ་བོའི་དཀྱིལ་འཁོར་བསྐྱེད། །རྒྱུད་དང་སྒྲུབ་ཐབས་མན་ངག་བློར་མ་ཞན། །རས་ཆོད་ཐོད་རྒལ་ཚོགས་ཀྱི་དཔོན་བྱས་ནས། །ཚོགས་འདུས་རྫས་ལ་མི་ཡིན་མཆོད་རྫས་བསྒྲལ་བ་ཞེས། །བསྒྲལ་བ་དེ་ལ་ཕན་ཞེས་པཱུ་ཛ་ཁཱ་ཧི། །ལོང་བས་ལོང་བ་ཁྲིད་པས་ངམ་གྲོག་གཡང་སར་ལྷུང་། །རྣམ་སྨིན་ཟློག་པར་དཀའ་བ་སྙིང་རེ་རྗེ། །དེ་ལྟར་དེ་བཞིན་རྣལ་འབྱོར་དེ་མ་ཡིན། །གབ་སྦས་གུ་རུའི་གདམས་ངག་མེད་པ་རུ། །བཀའ་རྐུན་བཀའ་འཁྱལ་དཀྲུག་ཅིང་དམ་མི་བསྲུང་། །གཡོ་སྒྱུ་ཚུལ་འཆོས་བྱེད་པས་ཡོད་ཚུལ་སྟོན། །བསོད་ནམས་ཆེ་བ་དག་ལ་ཁུངས་ཕྱུང་ནས། །ཕ་རོལ་འདྲེན་ལ་བསླུས་འདེབས་ལོག་པའི་ཆོས། །རང་ལ་ཡིད་ཆེས་ ― DNG022_Page_0246 ―
[མ་དཔེ་གཟིགས་ན་འདིར་གནོན།]
མེད་པར་སྒྲུབ་གཞུང་ཕར་ལ་སྟོན། །བསྒྲུབས་ཀྱང་མགོ་འཁོར་དོན་མེད་ས་བོན་བསྲེགས། །རླན་ལ་མེ་བཙལ་མེ་ཉིད་སོས་མི་འགྱུར། །དེ་ལྟར་དེ་བཞིན་རྣལ་འབྱོར་དེ་མ་ཡིན། །ཚིག་གི་ཐེག་ཆེན་དོན་དུ་མི་སྤྱོད་པར། །ཚོགས་སོགས་ཕྲ་མོ་རྣམས་ལ་སུན་འབྱིན་སྐུར་པ་འདེབས། །སྔ་རབས་འདས་པའི་བདེ་བར་གཤེགས་པ་ཡང་། །དང་པོར་བྱང་ཆུབ་མཆོག་ཏུ་སེམས་བསྐྱེད་ནས། །བར་དུ་ཚོགས་བསགས་ཐ་མར་མངོན་སངས་རྒྱས། །འདབ་ཅན་རྗེས་སུ་འདབ་མེད་མཁའ་ལ་འཕྱོ་འདོད་པས། །ནུས་པའི་མཐུ་མེད་གཡང་ལ་ལྷུང་བར་འགྱུར། །དེ་ལྟར་དེ་བཞིན་རྣལ་འབྱོར་དེ་མ་ཡིན། །གསང་སྔགས་ཐེག་ཆེན་ཉིད་ལ་རིག་པའི་རྒྱུན་བཅད་ནས། །ཐེག་པ་འོག་མའི་ཆོས་ལ་ས་ཟིན་འཐས། །དེ་ལ་གསང་བ་བཤད་ན་སྐུར་འདེབས་དད་མི་སྐྱེ། །རྣམ་སྨིན་དབང་གིས་ཐེག་ཆེན་འཕྲད་མི་སྲིད། །བསྐལ་པ་ཆེན་པོར་འབད་རྩོལ་སངས་མི་རྒྱ། །སྣང་སྲིད་ཡེ་ནས་སངས་རྒྱས་ཡིན་པ་ལ། །མི་རྒོད་ལྟ་བུར་ལྕགས་སྒྲོག་བཅུག་པས་བསྡམས། །རང་གིས་རང་བཅིངས་འཁོར་རྒྱུ་སྨིན་པའི་ཆོས། །རྫ་བེའུ་སོ་མ་བཏང་བས་རླན་ཕྲད་འཇིག་པའི་ཉེན། །དེ་ལྟར་དེ་བཞིན་རྣལ་འབྱོར་དེ་མ་ཡིན། །ཐེག་པ་འོག་མའི་ཆོས་ལ་ལྕེ་སྦྱངས་ནས། །ལམ་དྲང་རྗེས་ཞུགས་པ་ཡི་རྣལ་འབྱོར་ལ། །སྒྲ་དང་ཚིག་གི་རིག་པ་བཙུད་ནས་ནི། །གསང་སྔགས་ཟབ་མོའི་ཆོས་ལ་སུན་ཕྱུང་ནས། །འབྲས་བུ་རྡོ་རྗེའི་ཆོས་ལ་སྐུར་པ་འདེབས། །གསང་སྔགས་དོན་ལ་མ་བརྟེན་འབྲས་བུ་ཐོབ་ཐབས་མེད། །བསྐལ་པ་སྟོང་དུ་རང་དོན་ཕྱལ་པར་གཏོང་། །རྩོད་པའི་ཚིག་རྒྱལ་རློམ་སེམས་འབྲས་བུ་མེད། །ཞབས་རྡོལ་སྣོད་དུ་བླུགས་ཀྱང་ཆགས་མི་སྲིད། །རྟོག་གེ་བ་དང་མིག་རྣོན་མཁན། །གསང་སྔགས་དངོས་གྲུབ་སྒྲུབ་པའི་བར་ཆོད་ཡིན། །དེ་ལྟར་དེ་བཞིན་རྣལ་འབྱོར་དེ་མ་ཡིན། །དེ་ལ་གསང་སྔགས་བཤད་ན་ཉམས་ཆེན་ཡིན། །དེ་ལྟར་དེ་བཞིན་རྣལ་འབྱོར་དེ་མ་ཡིན། །ནང་རྟོགས་ནུབ་ ― DNG022_Page_0247 ―
[མ་དཔེ་གཟིགས་ན་འདིར་གནོན།]
ནི་སྐུ་གསུང་ཐུགས་ཉིད་ནི། །རྣལ་འབྱོར་ཆེན་པོ་གདེང་ཆེན་ཟློག་མེད་ཀྱིས། །རྩ་བ་ཡན་ལག་དམ་ཚིག་མ་ཉམས་ངེས་ཐུབ་ན། །དབང་གསུམ་རྫོགས་པས་གཞན་ལ་རེ་མི་འཇོག །རེ་དོགས་གཉིས་དང་བྲལ་བའི་བྱང་སེམས་ཀྱིས། །བུཌྜྷ་རང་ཉིད་གཞན་ནས་བཙལ་དུ་མེད། །ཕུང་པོ་བྷྲཱུཾ་ལས་རིན་ཆེན་གཞལ་ཡས་ཁང་། །ཁོག་པ་དུར་ཁྲོད་ཆེན་པོའི་དཀྱིལ་འཁོར་རོ། །རིགས་ལྔ་འདུས་པའི་རྩ་ཆེན་ཙིཏྟ་ནི། །དྭངས་མ་དག་ནི་ཡེ་ནས་རྡོ་རྗེའི་ཐུགས། །རྡོ་རྗེ་གཞོན་ནུ་གདོད་ནས་རང་བྱུང་གནས། །སྲོག་དང་མ་བྲལ་ཡེ་ཤེས་སེམས་དཔའི་ཐུགས། །གློ་བ་མ་གཉིས་བུ་གཉིས་བཞི་ལ་ནི། །རྩ་བཞི་དག་ལ་འབྱུང་བའི་དྭངས་མ་བཞི། །གསང་བའི་ཡུམ་བཞི་གདོད་ནས་རང་བྱུང་གནས། །སུམ་མདོའི་རྩ་ལ་དེ་བཞིན་རིགས་ཀྱི་དྭངས། །ཁྲོ་བོའི་རྒྱལ་པོ་རྣམ་རྒྱལ་རང་བྱུང་གནས། །གཡས་ན་འབད་རྩོལ་བྱང་ཆུབ་སེམས། །གཡོན་ན་ཐོགས་མེད་བྱང་ཆུབ་སེམས། །མཆིན་པའི་རྩ་ལ་པདྨ་རིགས་ཀྱི་དྭངས། །ཁྲོ་ཆེན་རྟ་མགྲིན་རང་བྱུང་གནས། །གཡས་ན་གཟེ་མྱུར་བྱང་ཆུབ་སེམས། །གཡོན་ན་གསལ་བཀྲ་བྱང་ཆུབ་སེམས། །མཁྲིས་པའི་རྩ་ལ་ཡོན་ཏན་རིགས་ཀྱི་དྭངས། །གཤིན་རྗེའི་གཤེད་པོ་རང་བྱུང་གནས། །གཡས་ན་གཙང་མ་བྱང་ཆུབ་སེམས། །གཡོན་ན་མུན་མཐོང་བྱང་ཆུབ་སེམས། །གསང་བའི་རྩ་ལ་ཕྲིན་ལས་རིགས་ཀྱི་དྭངས། །བདུད་རྩི་འཁྱིལ་པ་རང་བྱུང་གནས། །གཡས་ན་གཉེན་པོ་བྱང་ཆུབ་སེམས། །གཡོན་ན་ཤེས་རིག་བྱང་ཆུབ་སེམས། །མཐོང་བྱེད་རྩ་ཡི་དྭངས་མ་ལ། །ཁམས་གསུམ་རྣམ་རྒྱལ་རང་བྱུང་གནས། །གཡས་ན་དཔའ་འདུལ་བྱང་ཆུབ་སེམས། །གཡོན་ན་གསོད་བྱེད་བྱང་ཆུབ་སེམས། །ཐོས་བྱེད་རྩ་ཡི་དྭངས་མ་ལ། །དབྱུག་པ་སྔོན་པོ་རང་བྱུང་གནས། །གཡས་ན་གཟི་བརྗིད་བྱང་ཆུབ་སེམས། །གཡོན་ན་རང་རིག་བྱང་ཆུབ་སེམས། །ཚོར་བྱེད་རྩ་ཡི་དྭངས་མ་ལ། །མི་གཡོ་མགོན་པོ་རང་བྱུང་གནས། །གཡས་ན་རྔམ་འཇོམས་བྱང་ཆུབ་སེམས། །གཡོན་ན་མི་ཚོར་བྱང་ཆུབ་སེམས། །མྱོང་བྱེད་རྩ་ཡི་དྭངས་མ་ལ། །ཏ་ཀི་ ― DNG022_Page_0248 ―
[མ་དཔེ་གཟིགས་ན་འདིར་གནོན།]
རཱ་ཙ་རང་བྱུང་གནས། །གཡས་ན་རྔམ་མགྱོགས་བྱང་ཆུབ་སེམས་འདི་འཇམ་དཔལ་དབྱངས་ཡིན་ལས་ཆེ། །གཡོན་ན་སྒྲོལ་བྱེད་བྱང་ཆུབ་སེམས། །ཚངས་པའི་རྩ་ཡི་དྭངས་མ་ལ། །ཁྲོ་བོ་ཧཱུཾ་ཆེན་རང་བྱུང་གནས། །གཡས་ན་བཏང་སྙོམས་བྱང་ཆུབ་སེམས། །གཡོན་ན་གཡོ་སྒྱུ་བྱང་ཆུབ་སེམས། །སྲིད་ལེན་རྩ་ཡི་དྭངས་མ་ལ། །ཁྲོ་བོ་སྟོབས་ཆེན་རང་བྱུང་གནས། །གཡས་ན་གཏུམ་བྱེད་བྱང་ཆུབ་སེམས། །གཡོན་ན་རྐུ་མཁས་བྱང་ཆུབ་སེམས། །རྩ་ཆེན་རྣམས་ཀྱི་དྭངས་མ་ནི། །ཤ་ཁྲག་རུས་པ་ཆུ་བ་ལེན། །རིན་ཆེན་གསེར་གྱི་སྡུ་གུའི་ནང་། །གསང་བའི་དཀྱིལ་འཁོར་རྣམ་གསུམ་རང་བྱུང་གནས། །མགོ་གཞུག་རྩ་བྲན་འཛམ་བལ་གཡེངས། །སྲས་མཆོག་ཚོན་གང་གྲངས་མེད་ཀྱིས། །འོད་ཟེར་རྣོ་མྱུར་ཆས་པར་གཏམས། །གསང་བའི་དཀྱིལ་འཁོར་རང་བྱུང་གནས། །མེ་མདག་བུས་པའི་འདབ་མ་བཞིན། །ལྷམ་མེ་ལྷང་ངེ་འོད་ཟེར་བཅས། །གུ་ཡ་མན་ཏྲའི་སྒྲ་ཆེན་སྒྲོགས། །ཤེལ་གྱི་བུམ་པར་རིན་ཆེན་བཅུག་པ་བཞིན། །ཕྱི་དང་ནང་མེད་ཀུན་ཏུ་མ་བསྒྲིབས་པར། །སྣང་ལ་རང་བཞིན་མེད་པ་བཞིན་གྱི་གཟུགས། །དེ་ལྟར་དེ་བཞིན་རྟོགས་པའི་རྣལ་འབྱོར་དེས། །བདག་མཆོད་ཀུན་མཉེས་ཐམས་ཅད་འགྲངས། །ཀུན་ལ་ཕན་པའི་ཟས་མཆོག་འདི། །ཐམས་ཅད་བཟའ་ཞིང་བརྒྱན་པར་བྱའོ། །གསོལ་བའི་ཟས་ནི་ཅི་ཡང་རུང་། །དང་པོ་རཾ་ཡཾ་ཁཾ་གིས་སྦྱངས། །ཨ་དཀར་འོད་དང་བཅས་པ་ལས། །གཡས་ཕྱོགས་འཁྱིལ་ཞིང་འཁོར་བར་བསམ། །འོད་ཟེར་དོན་གཉིས་བྱང་ཆུབ་སེམས། །ཡེ་ཤེས་བདུད་རྩི་གཉིས་མེད་བསྡིམ། །ཨ་མྲྀ་ཏ་ཡི་གསང་སྔགས་ཀྱིས། །འོད་ཞུ་བདུད་རྩི་ཆེན་པོར་གྱུར། །ཨཱོཾ་ས་མ་ཡ་ཨ་མྲྀ་ཏ་ཨོཾ་ཨཱཿཧཱུཾ་སྭཱ་ཧཱ། ཞེས་ལག་པ་ཡེ་ཤེས་ཕྲིན་ལས་ཧོམ་གཟར་གྱིས། །ཁ་ཡི་ཧོམ་ཁུང་དབྱིངས་ཀྱི་གཞལ་ཡས་སུ། །དབྱིངས་དང་ཡེ་ཤེས་གཉིས་མེད་མཆོད་པ་དབུལ། །མཉམ་པའི་གྲུབ་རྫས་ཡོངས་སུ་དག །བདག་དང་མཉམ་པའི་ཚོགས་ལ་དབུལ། །ལོངས་སྤྱོད་ལྔ་ལྡན་བདུད་རྩིའི་མཆོག ། ― DNG022_Page_0249 ―
[མ་དཔེ་གཟིགས་ན་འདིར་གནོན།]
གཉིས་མེད་ཡོངས་སུ་དག་པར་བསྔོ། །དཀྱིལ་འཁོར་ལ་ཡང་དཀྱིལ་འཁོར་ཐིམ། །ཆོས་ཉིད་ལ་ཡང་ཆོས་ཉིད་ཐིམ། །ཡེ་ཤེས་བདུད་རྩིས་དགྱེས་ཤིང་ཐིམ། །གཉིས་སུ་མེད་པའི་མཆོད་པ་ཡིས། །སྐུ་གསུང་ཐུགས་སུ་རྣམ་པར་དག །དམན་པའི་ཟས་ལ་བཟའ་མི་བྱ། །དེ་ལ་ལྡོག་མེད་མ་གཡེལ་ན། །ནང་རྟོགས་ནུབ་ནི་སྐུ་གསུང་ཐུགས། །དངོས་གྲུབ་ཆེན་པོའི་མཚན་ཆེན་པོ། །ཕ་རོལ་སྐྱེ་བ་ལེན་པ་པོར། །གསང་སྔགས་ཏིང་འཛིན་མ་གཡེངས་ན། །སྐུ་དང་གདུང་དང་འོད་དང་སྒྲ། །དོན་གྱི་རྟགས་དང་མཚན་མ་ཡང་། །སངས་རྒྱས་རྟགས་རྣམས་དུས་སུ་འབྱུང་། །གསང་བའི་དཀྱིལ་འཁོར་དམ་པ་ཡིན། །གཞན་ཡང་གསོལ་བའི་ལྷག་མ་ལ། །དང་པོ་སྦྱང་སྤེལ་གོང་བཞིན་དུ། །ཀུ་མཱ་ར་ཉིད་གསལ་བསྒོམས་ལ། །སྣང་སྲིད་དཀྱིལ་འཁོར་རྣམ་གསུམ་དུ། །ཏིང་འཛིན་སྔགས་ཀྱིས་རིམ་བཞིན་བསྐྱེད། །ཡེ་ཤེས་འོད་ཟེར་བསྐུལ་བས་ནི། །ངམས་པའི་ཚུལ་གྱིས་སྤྱན་དྲངས་ནས། །གསང་བའི་སྔགས་ཀྱིས་གཉིས་མེད་བསྡིམ། །བྲན་དང་ཕོ་ཉ་དེ་བཞིན་དུ། །རང་རང་སྙིང་པོས་སྤྱན་དྲངས་ནས། །བདུད་རྩི་གཏོར་མ་དབུལ་བར་བྱ། །དབུལ་བའི་གསང་སྔགས་རབ་བརྗོད་པས། །བདུད་རྩི་རྣམ་གསུམ་ཚིམ་པར་བསམ། །མཐིང་ནག་གྲུ་གསུམ་འབར་བའི་མཎྜལ་ན། །བཅོམ་ལྡན་རྡོ་རྗེ་གཞོན་ནུ་ཡབ་ཡུམ་དང་། །ཕྱོགས་བཅུ་ཁྲོ་རྒྱལ་ཡབ་ཡུམ་སྲས་མཆོག་ཟ་བྱེད་ཚོགས། །འཁོར་གྱི་དམ་ཅན་བྲན་དང་ཕོ་ཉ་ཚོགས། །དམ་རྫས་བདུད་རྩིའི་གཏོར་མ་འདི་འབུལ་བས། །བར་ཆད་མེད་ཅིང་གནོད་པ་ཞི་བ་དང་། །ལས་ཀྱི་འབྲས་བུ་བསམ་པ་འགྲུབ་པར་མཛོད། །དངོས་གྲུབ་རྣམ་གཉིས་ཚོགས་གཉིས་རྫོགས་གྱུར་ཅིག །བདེ་བར་གཤེགས་སོ་གཏན་དུ་མ་ལགས་པར། །ཐུགས་རྗེ་འགྲོ་དོན་རྩེ་གཅིག་མཛད་པར་ཧཱུཾ། །དངོས་གྲུབ་ཐོབ་པར་སྐད་ཅིག་མི་དམིགས་སམ། །རྣལ་འབྱོར་གང་ཞིག་ཚེ་རིང་འདོད་པ་དང་། །ནད་ཉུང་གནོད་པ་ཞི་ཞིང་ལན་ཆགས་ཁྱེར་བར་འདོད། །ཕས་ཀྱི་ ― DNG022_Page_0250 ―
[མ་དཔེ་གཟིགས་ན་འདིར་གནོན།]
རྒོལ་བ་ཚར་གཅོད་གནོད་པ་ཞི་བ་དང་། །ལོངས་སྤྱོད་འབྱོར་པ་འཕེལ་ཞིང་བསམ་པ་འགྲུབ་པ་དང་། །བར་ཆད་མེད་པར་དངོས་གྲུབ་རྣམ་གཉིས་ཐོབ། །ལེ་ལོ་མེད་པར་བརྩོན་པས་ཚོགས་གཉིས་རྫོགས་པར་འགྱུར། །ཞི་རྒྱས་དབང་དང་མངོན་སྤྱོད་དང་། །དགྲ་བགེགས་བསྐྲད་དང་དགུག་པ་དང་། །དེ་ལྟར་དེ་བཞིན་རྣལ་འབྱོར་དེས། །ཐོགས་པ་མེད་པར་ཐམས་ཅད་འགྲུབ། །ཀཱི་ལ་ཡ་གསང་བའི་དགོངས་རྒྱུད་ལས། རྒྱུན་གྱི་ཏིང་ངེ་འཛིན་གསང་བའི་དཀྱིལ་འཁོར་རྣམ་གསུམ་གྱི་ལེའུ་སྟེ་སུམ་ཅུ་དྲུག་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །བསྐུལ་བ་ལས་ཀྱི་གསང་སྔགས་ལ། །ཡོན་ཏན་ཉི་ཤུ་གཅིག་རྫོགས་པ། །དེ་ཡི་དོན་རྣམས་ཇི་ལྟར་ལགས། །བདེ་བར་གཤེགས་པས་ལུང་བསྟན་དུ་གསོལ། ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་རྗེས་སུ་འཇུག་པ་ལ། །དེ་ཡི་གསང་དོན་ངས་བསྟན་གྱི། །བཛྲ་གུ་ཡ་མནྟྲ་ལ། །གི་ཏི་ཝ་ཏི་དྷ་ར་ཡ། །ཀརྨ་གྷུ་ཡ་མནྟྲ་སྦྱར། །གསུམ་པ་མངོན་སྤྱོད་མ་ར་དགུག །འགུགས་བྱེད་མན་ངག་ཀློང་དུ་སྦྱར། །འགུགས་པ་དག་ཀྱང་ཐོགས་པ་མེད། །བཛྲ་གྷུ་ཡ་མནྟྲ་ལ། །ཙིཏྟ་ས་མ་དྷཱ་ར་ཡ། །ཀརྨ་གུ་ཡ་མནྟྲ་སྦྱར། །དྭངས་མ་གནས་ཀྱི་དྷ་ར་ཡ། །བཛྲ་གྷུ་ཡ་མནྟྲ་ལ། །ཏ་སུ་ཀོ་ར་དྷ་ར་ཡ། །ཀརྨ་གུ་ཡ་མནྟྲ་ལ། །དབུགས་ཀྱི་དྭངས་མ་དྷ་ར་ཡ། །བཛྲ་གྷུ་ཡ་མནྟྲ་ལ། །གིརྟི་ཝི་ཏི་དྷ་ར་ཡ། །ཀརྨ་གུ་ཡ་མནྟྲ་སྦྱར། །འོད་ཀྱི་དྭངས་མ་དྷ་ར་ཡ། །བཛྲ་གྷུ་ཡ་མནྟྲ་ལ། །ཀུ་སཱ་ལ་ཧི་དྷ་ར་ཡ། །ཀརྨ་གུ་ཡ་མནྟྲ་སྦྱར། །ཁྲག་གི་དྭངས་མ་དྷ་ར་ཡ། །བཛྲ་གྷུ་ལ་མནྟྲ་ལ། །ཀུ་ལི་ཁད་དེ་དྷ་ར་ཡ། །ཀརྨ་གྷུ་ཡ་མནྟྲ་སྦྱར། །དྲོད་ཀྱི་དྭངས་མ་དྷ་ར་ཡ། །བཛྲ་གྷུ་ཡ་མནྟྲ་ལ། །སུ་ཏྲི་ཀུ་ཏེ་ཤ་དྷ་ར་ཡ། །ཀརྨ་གྷུ་ཡ་མནྟྲ་སྦྱར། །འབྱུང་བའི་དྭངས་མ་དྷ་ར་ཡ། །བཛྲ་གྷུ་ཡ་མནྟྲ་ལ། །ལོ་མ་བུ་ཧི་དྷ་ར་ཡ། །ཀརྨ་གྷུ་ཡ་མནྟྲ་སྦྱར། ། ― DNG022_Page_0251 ―
[མ་དཔེ་གཟིགས་ན་འདིར་གནོན།]
དབང་དུ་སྡུད་པ་དྷ་ར་ཡ། །བཛྲ་གུ་ཧྱ་མནྟྲ་ལ། །སེ་འབྲུ་ར་ཤི་དྷ་ར་ཡ། །ཀརྨ་གུ་ཧྱ་མནྟྲ་སྦྱར། །དགུག་པ་མི་འཆོར་དྷ་ར་ཡ། །བཛྲ་གྷུ་ཡ་མནྟྲ་ལ། །ཀ་པ་ལ་དྷ་ར་ཡ། །ཀརྨ་གྷུ་ཡ་མནྟྲ་སྦྱར། །དབང་པོ་འདུ་རྟེན་དྷ་ར་ཡ། །བཛྲ་གུ་ཧྱ་མནྟྲ་ལ། །གུ་ཧྱ་ནྲེ་བུ་དྷ་ར་ཡ། །ཀརྨ་གུ་ཧྱ་མནྟྲ་སྦྱར། །བསྐྱེད་པར་བྱེད་པ་དྷ་ར་ཡ། །བཛྲ་གུ་ཡ་མནྟྲ་ལ། །ཀརྨ་གུ་ཡ་མནྟྲ་སྦྱར། །བསྐྱེད་པ་བྱེད་དང་རྟེན་འདྲེལ་དྷ་ར་ཡ། །བཛྲ་གུ་ཡ་མནྟྲ་ལ། །ཨུ་པ་ཏི་ཀོ་དྷ་ར་ཡ། །ཀརྨ་གུ་ཡ་མནྟྲ་སྦྱར། །འཁོར་བ་རྩད་གཅོད་དྷ་ར་ཡ། །བཛྲ་གྷུ་ཡ་མནྟྲ་ལ། །རྟེན་འདྲེལ་ཀརྨ་གྷུ་ཡ་མནྟྲ་ཡིས། །ལྷ་དབྲལ་དག་གི་ཀློང་དང་སྦྱར། །བཛྲ་གྷུ་ཡ་མནྟྲ་ལ། །ཀརྨ་འབེབས་པའི་གུ་ཡ་མནྟྲ་ཡིས། །དགུག་བསྡིམ་དག་གི་ཀློང་དང་སྦྱར། །བཛྲ་གྷུ་ཡ་མནྟྲ་ལ། །ཀརྨ་བྱད་གཞུག་གུ་ཡ་མནྟྲ་ཡིས། །བཅིང་བ་དག་གི་ཀློང་དང་སྦྱར། །བཛྲ་གྷུ་ཡ་མནྟྲ་ལ། །ཀརྨ་སྨྲ་སྨྱོ་གུ་ཡ་མནྟྲ་ཡིས། །སྨྲ་སྨྱོ་དག་ནི་ཀློང་དང་སྦྱར། །བཛྲ་གྷུ་ཡ་མནྟྲ་ལ། །ཀརྨ་གཏོགས་བྱེད་གྷུ་ཡ་མནྟྲ་ཡིས། །གཏོགས་བྱེད་དྲག་པོ་ཀློང་དང་སྦྱར། །བཛྲ་གྷུ་ཡ་མནྟྲ་ལ། །སྟོབ་བྱེད་ཀརྨ་གྷུ་ཡ་མནྟྲ་ཡིས། །སྟོབ་བྱེད་དྲག་པོའི་ཀློང་དང་སྦྱར། །བཛྲ་གུ་ཧྱ་མནྟྲ་ལ། །བྷི་ཧེ་ར་དྷི་ཙོ་ཕྲ་ལི་ཧི་ཏི། ཀརྨ་དྷ་དྷི་ཧེ་ཙུན་དྷ་ཧི། ཀརྨ་གྷུ་ཡ་མནྟྲ་སརྦ་མཱ་ར་ཡ། ཝི་ཧི་ཝི་ཧཱི་ལི། དེ་དག་ཀློང་དུ་སྦྱར་བ་ཡིས། །ཞག་བདུན་ཞག་བདུན་ཝི་ཧི་ལི་ཝི་ཧི་ལི། ཀློང་དྲུག་དེ་ལྟར་གདོན་མི་ཟ། །ཀ་པ་ལ་གྷུ་ཡ་མནྟྲ་ཡིས། ཙིཏྟ་དུ་ཧི་དེ་ལ་ཏྲི་ཧཱུཾ། དུན་ཏྲི་ཧ་ཏྲི་མཱ་ར་ཡ། ཞག་ཉི་ཤུ་རྩ་གཅིག་གིས་གདོན་མི་ཟ། བཛྲ་གྷུ་ཡ་མནྟྲ་ལ། ཀརྨ་གྷུ་ཡ་མནྟྲ། འདུ་ཧི་རི་ཏ་འདུ་ཧི་རི་ཏ། གཞན་གྱི་རིག་པ་སྦྱོར་བ་ཚུར་ཕྲོག་པ། ཞག་གསུམ་དག་ན་གདོན་མི་ཟ། བཛྲ་གུ་ཡ་མནྟྲ་ལ་ཀརྨ་གུ་ཡ་མནྟྲ་འབའ་ཧུ་ལ་དྷྲི་མ་པ་ཧུ་ལ་ཧྲིམ། གུ་ཡ་མནྟྲ་སྟོང་གིས་ནི། ཏྲི་དྷི་ལམ་ཏྲི་ཧྲི་ལམ། མཱ་ར་ཡ་སྲེག་པར་འགྱུར་རོ། །བཛྲ་གྷུ་ཡ་མནྟྲ་ལ། ཀརྨ་གུ་ཡ་མནྟྲ་ལམ་ལུ་ཧྲི་ནི་ཏི་ཧཱུཾ་ཧཱུཾ། ཉི་ཤུ་རྩ་གཅིག་མནྟྲ་ཡིས། བྷི་ཏ་ཧྲི་བྷི་ཏ་རེ། ཕྱིས་ ― DNG022_Page_0252 ―
[མ་དཔེ་གཟིགས་ན་འདིར་གནོན།]
ཀྱི་རྒྱུད་གཅོད་གདོན་མི་ཟ། ཧཱུཾ་ཧཱུཾ་ཧཱུཾ། བཛྲ་གུ་ཡ་མནྟྲ། ཀརྨ་གུ་ཡ་མནྟྲ་ཀ་བ་ཙ། ལན་གསུམ་བརྗོད་པས་གདོན་མི་ཟ། ཕཊ་ཕཊ་ཕཊ། ཛ་བི་ཏ། མོད་ལ་སྲོག་འཕྲོག་པར་འགྱུར། བྷུ་ཛ་དྷོ། བི་བ་དྷོ། དགྱེས་པར་དོན་སྒྲུབ་པའོ། །ཧཱུཾ་ཕཊ་གྷྲྀ་བ་ས་མ་ཡ། ཀརྨ་གྷུ་ཡ་མནྟྲ། ཨོཾ་ལཾ་ཛྷ་བི་དྷ་ར་ཡ། ཧཱུཾ་ལཾ་བཛྲ་མ་ཏི་ཛ། སྟྭ་མ་བྷ་ནན།རེངས་པར་འགྱུར་བར་གདོན་མི་ཟ། མོ་ཧ་གྷ་ཡ་མཱ་ར་ཏུ་དྷཱ་ར་ཡ། མྱུར་བར་སྦྱར་བའོ། །བྷ་ག་ཝཱ་ན་ད་བྲིམ་མ། མྱུར་བར་བཀའ་བསྒོ་པའོ། །ཧྲཱཾཿ རྵཱ ཿཝི་ཀྲི་ཤི་ཧི་གུང་བ། ཤྲཱི་བཛྲ་ཧཱུཾ་ཀ་ར། ཕུར་པ་འདུ་ཝི་ར་དྷི་འདུ་ཝི་རི་དྷ། དེ་ལ་སེམས་ཅན་ཐམས་ཅད་ཀྱི་ཚེ་ནི་སྲོག་ཡིན། སྲོག་གི་དབང་པོ་ནི་དྭངས་མ་ཡིན། དྭངས་མ་ནི་དབུགས་སོ། །དབུགས་ནི་གནད་བདུན་ནོ། །དེ་ནི་གཞིའོ། །དེ་རྣམས་ཀྱི་རྟ་ནི་དབུགས་སོ། །དབུགས་ཀྱི་རྟ་ནི་ཁྲག་ཡིན། ཁྲག་གི་རྟ་ནི་རྩའོ། །རྩ་ཐམས་ཅད་ཀྱི་གཞི་ནི་སྙིང་ངོ་། །སྙིང་གི་སྙིང་པོ་དྭངས་མ་བདུན་ནོ། །གུ་ཡ་མནྟྲ་བཛྲ་ཀརྨ་མནྟྲ་བྷ་ཏུ་དྷ་ཡ་དེ་ཧེ། གུ་ཧྱ་མནྟྲ་ཚེ་ཡི་དྭངས་མ་དྷ་ར་ཡ། །གུ་ཡ་མནྟྲ་སྲོག་གི་དྭངས་མ་དྷ་ར་ཡ། །གུ་ཡ་མནྟྲ་དབུགས་ཀྱི་དྭངས་མ་དྷ་ར་ཡ། །གུ་ཡ་མནྟྲ་འོད་ཀྱི་དྭངས་མ་དྷ་ར་ཡ། །གུ་ཡ་མནྟྲ་ཁྲག་གི་དྭངས་མ་དྷ་ར་ཡ། །གུ་ཡ་མནྟྲ་རྩ་ཡི་དྭངས་མ་དྷ་ར་ཡ། །གྷུ་ཡ་མནྟྲ་འབྱུང་བའི་དྭངས་མ་དྷ་ར་ཡ། །བཛྲ་གྷུ་ཡ་མནྟྲ་ལ། །ཀརྨ་གྷུ་ཡ་མནྟྲ་སྦྱར། །གསང་སྔགས་ཡོན་ཏན་ཉི་ཤུ་གཅིག་རྫོགས་པས། །དྭངས་མ་བདུན་ལ་སྦྱོར་བ་མེས། །ཞག་གསུམ་དག་གིས་གཟས་པ་འཇིག །ཀ་བཙས་ལུས་ངག་ཡིད་ཏྲི་དྷ་ར་ཡ། །སེས་ནི་དྷ་ར་ཡ། ནས་ནི་དྷ་ར་ཡ། སྲས་ནི་དྷ་ར་ཡ། མར་གྱིས་ནི་དྷ་ར་ཡ། རྡས་ཀྱིས་རྡ་ར་ཡ། སྦྱོར་བ་གསུམ་གྱི་དྷ་ར་ཡ། །སྒྲ་ཡི་ཡི་གེ་བཅུ་དྲུག་གིས། །ཛྭ་ལ་རཾ་ཝི་ཧི་ལི། ཞག་བདུན་གྱིས་ནི་དྷ་ར་ཡ། །སྒྲ་ཡི་ཡི་གེ་དགུ་དག་གིས། །དོན་གསུམ་དུ་ནི་ཤེས་པར་བྱ། །སྒྲ་ཡི་ཡི་གེ་བཅུ་གཅིག་གིས། །མནན་ཕུར་གྱིས་ནི་དྷ་ར་ཡ། །བཅུ་དྲུག་དག་གིས་ནི། བཛྲ་ཡཀྴ་ཀྲོ་ཏ་ཁཱ་ཧི་ནི་དྷ་ར་ཡ། ཛྭ་ལ་རཾ་ཝི་ཧི་ ― DNG022_Page_0253 ―
[མ་དཔེ་གཟིགས་ན་འདིར་གནོན།]
ལི། བཅུ་དྲུག་དག་གི་ནི་དང་སྦྱར་ཏེ། མུ་ཀ་ཧེ་ཡི་ཚོགས་རྣམས། ཛྭ་ལ་རཾ་བཛྲ་ཡཀྴ་ཀྲོ་ ཏ་ཁཱ་ཧི་ནི་དྷ་ར་ཡ། ཡི་གེ་དྲུག་པའི་བྱིན་བརླབས་སྙིང་པོ་ཉི་ཤུ་གཅིག་གིས། འཕང་བ་དྷ་ར་ཡ། ག་ན་ན་བ་དྷ་ར་ཡ། གདབ་པ་རྣམས་ཏྲི་ཨས་ད་རུ་ལས་དྷ་རུ་དྷ་ར་ཡ། ཀཱི་ལ་ཡ་གསང་བའི་དགོངས་རྒྱུད་ལས། བསྐུལ་བ་ལས་ཀྱི་གསང་སྔགས་ཀྱི་ལེའུ་སྟེ་སུམ་ཅུ་བདུན་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཕྲིན་ལས་གསང་སྔགས་དེ་ལགས་ན། །དྲག་པོ་ཧོམ་ནག་གིས་ནྲྀ་ཏྲི་བསྲེག་པ་ཇི་ལྟར་ལགས། ལུང་བསྟན་དུ་གསོལ་ཞེས་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །སྟོང་གསུམ་ཡེ་ཤེས་གཞལ་ཡས་ཁང་། །ཡེ་ཤེས་མེ་དཔུང་དབྱིངས་ནས་བཞེངས། །མེ་ཡི་སྙིང་པོ་སྐུ་དང་ཕྱག་རྒྱར་གསལ། །དཀྱིལ་འཁོར་རྣམ་གསུམ་མེ་སྐུ་དམར་པོ་ལ། །མེ་ཞལ་དམར་པོ་ཆོས་ཉིད་ཆེན་པོར་བརྡལ། །མེ་སོ་དམར་པོ་མི་མཐུན་ཕྱོགས་ལ་གཙིགས། །མེ་མིག་དམར་པོ་རྡུལ་གྱི་ཆ་དང་མཉམ། །མེ་ལག་དམར་པོ་ནམ་མཁའ་ཁྱབ་པ་ལ། །མེ་ཕུར་དམར་པོ་སྲིད་པ་གསུམ་ལ་འདེབས། །མེ་ཞལ་དམར་པོ་སྟོང་གསུམ་ཁྱབ་པ་ལ། །མེ་དཔུང་འབར་བས་འཁོར་བ་དབྱིངས་སུ་བསྲེག །མེ་སྐད་འབར་བ་འུར་འུར་ཆེམས་ཆེམས་སྒྲོག །ཐམས་ཅད་མ་ལུས་ཡེ་ཤེས་རྡོ་རྗེའི་མེ། །རྡོ་རྗེ་མེ་དཔུང་འབར་བ་ལ། །ལུས་ངག་ཡིད་གསུམ་བག་ཆགས་བསྲེག །རྡོ་རྗེ་ས་ཡི་མེ་ནི་དཀར་ནག་འབར། །ཞེ་སྡང་འཁོར་བའི་ཤ་རུས་བསྲེག་པར་བྱའོ། །རྡོ་རྗེ་ཆུ་ཡི་མེ་ནི་སྔོ་ནག་འབར། །ང་རྒྱལ་འཁོར་བའི་ཁྲག་ནི་ཛྭ་ལ་རཾ། །རྡོ་རྗེ་མེ་ཡི་མེ་ནི་དམར་ནག་འབར། །འདོད་ཆགས་འཁོར་བའི་དྲོད་ནི་ཛྭ་ལ་རཾ། །རྡོ་རྗེ་རླུང་གི་མེ་ནི་ལྗང་ནག་འབར། །ཕྲག་དོག་འཁོར་བའི་དབུགས་ནི་ཛྭ་ལ་རཾ། །རྡོ་རྗེ་ནམ་མཁའི་མེ་ནི་མཐིང་ནག་འབར། །གཏི་མུག་འཁོར་བའི་ཡིད་ནི་ཛྭ་ལ་རཾ། །ཡེ་ཤེས་ཀློང་ཡངས་ཧོམ་ཁུང་དུ། ། ― DNG022_Page_0254 ―
[མ་དཔེ་གཟིགས་ན་འདིར་གནོན།]
ཐུགས་རྗེ་འབར་བའི་མེ་སྦར་ནས། །རས་སམ་གྲོ་ག་ཤིང་ཤུན་ལ། །མཚན་མ་མིང་དུ་བཅས་ནས་བྲི། །དབང་པོ་མངོན་སུམ་བཅས་པ་གཏམ། །ཀློང་དྲུག་དག་གི་དགུག་བསྡིམ་བྱ། །སྟོད་ཀྱི་ཀློང་དང་སྨད་ཀྱི་ཀློང་། །འབྲུ་དགུ་དགོངས་དོན་གསུམ་དང་སྦྱར། །དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་བྱེད་པ་རྣམས། །བཀའ་ལས་འགལ་བྱེད་སྡིག་ཅན་འདི། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །བཅུ་དྲུག་དང་ནི་བསྒྲགས་ལ་ནི། །དྲག་པོའི་སྔགས་ཀྱིས་བསྲེག་པར་བྱ། །བསོད་ནམས་ཚོགས་སུ་བསྲེག་པ་དང་། །བསྟན་པ་གཉན་པོ་འཇིག་པ་བསྲེག །ཅེས་ཀཱི་ལ་ཡ་གསང་བའི་དགོངས་རྒྱུད་ལས། དྲག་པོ་ཧོམ་ནག་ནྲྀ་ཏྲི་རྣམ་གསུམ་གྱིས་བསྲེག་པའི་ལེའུ་སྟེ་སུམ་ཅུ་བརྒྱད་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དྲག་པོ་ཧོམ་ནག་བསྲེག་པ་དེ་ལགས་ན། །ཧོམ་གྱི་དཀྱིལ་འཁོར་ཇི་ལྟར་ལགས། །ཞེས་གསོལ་པ་དང་། ཉོན་ཅིག་ཀརྨ་ཧེ་རུ་ཀ །ཧོམ་གྱི་དཀྱིལ་འཁོར་གྲུ་བཞི་ལ། །ཧོམ་ལྔ་ཡ་ཐོག་བརྩེགས་མར་བརྩིགས། །གྲུ་བཞི་ཕྲིན་ལས་རྒྱས་པའི་ཧོམ། །ཚེ་དང་དབང་ཐང་རྒྱས་པའི་ཕྱིར། །བྷ་ག་ཡུམ་གྱི་མཁའ་ལ་བརྩིགས། །ཟླུམ་པོ་ཞི་བ་ཆེན་པོའི་ཧོམ། །དགྲ་བགེགས་མ་ལུས་ཞི་བའི་ཕྱིར། །མ་སྐྱེས་ཐིག་ལེ་ཆེན་པོར་བརྩིགས། །ཟླ་གམ་དམར་པོ་དབང་གི་ཧོམ། །དགྲ་བགེགས་དབང་དུ་བསྡུ་བའི་ཕྱིར། །སྟོང་གསུམ་ཡུམ་གྱི་མཁའ་ལ་བརྩིགས། །གྲུ་གསུམ་མཐིང་ནག་དྲག་པོའི་ཧོམ། །དགྲ་བགེགས་དུག་གསུམ་བསྲེག་པའི་ཕྱིར། །དུར་ཁྲོད་ཆེན་པོའི་ཀློང་དུ་བརྩིགས། །མེ་རི་ཁྲོ་བོ་འབར་བའི་ཧོམ། །དགྲ་བགེགས་མ་ལུས་བསྲེག་པའི་ཕྱིར། །དཀྱིལ་འཁོར་ལ་ནི་བྲི་བར་བྱ། །ཚེར་མ་ཅན་གྱི་ཤིང་རྣམས་དང་། །དུག་ཤིང་གདུག་པ་ཅན་རྣམས་དང་། ། ― DNG022_Page_0255 ―
[མ་དཔེ་གཟིགས་ན་འདིར་གནོན།]
གསང་བའི་ཤག་པ་བཅུ་གསུམ་ལ། །མཎྜལ་རྣམ་གསུམ་གསང་སྔགས་ལ། །ནྲྀ་ནི་བར་དུ་བཅུག་ལ་ནི། །མོ་ཧ་བྷ་ཡ་བྲི་བར་བྱ། །ལྕགས་ཐག་གིས་ནི་བསྡམས་ལ་ནི། །གྲུ་གསུམ་ནང་དུ་བཞུགས་སུ་གསོལ། །བཅུ་དྲུག་ནི་དང་བཅས་པ་ཡིས། །བརྒྱ་དང་སྟོང་དུ་སྲེག་ཕྱིར་བཤམས། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དྲག་པོ་ཧོམ་ནག་གི་ལེའུ་སྟེ་སུམ་ཅུ་དགུ་པའོ།། །།དེ་ནས་ཡང་ཀརྨ་ཧེ་རུ་ཀས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དྲག་པོ་ཧོམ་ནག་དཀྱིལ་འཁོར་དེ་ལགས་ན། །སྲེག་རྫས་བཅུ་དྲུག་གིས་བསྲེག་པ་ཡི། །དེ་ཡི་དོན་ནི་ཇི་ལྟར་ལགས། ལུང་བསྟན་དུ་གསོལ། ཞེས་གསོལ་པ་དང་། འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །བྷ་ཡི་སྒྲ་ནི་བྷི་ཤ་སྟ། །མི་ཤ་ཁྱི་ཤ་ར་དང་རྟ། །ནྲྀ་དང་གཉིས་སུ་བསྲེག་པ་ནི། །མོད་ལ་སྲོག་ནི་ཕྲོག་པར་གྱུར། །ཧེ་ནི་ཧེ་ཆེའི་ཚིལ་དང་རྐང་། །མི་ཁྱི་རྟ་སྤྱང་གླང་དྲེད་ཚིལ། །ནྲྀ་དང་གཉིས་སུ་བསྲེག་པས་ནི། །ཆོས་ཉིད་བདེན་པའི་བྱིན་རླབ་སངས་རྒྱས་མཐུས། །ཨ་བྷི་ཙཱརྱའི་གནག་པ་འདི་ཁོ་ན། །རྩ་བ་ཁ་སྐོང་མི་སྐོང་བར། །སྐོར་ཚོམས་དཀྱུས་སུ་མན་ངག་སྡེབས། །བདེ་གཤེགས་ཐུགས་དམ་སྐོང་བ་དང་། །རྣལ་འབྱོར་དངོས་གྲུབ་ཐོབ་པ་དང་། །དགྲ་བགེགས་གག་པས་མོད་ལ་འཆི། །ནྲྀ་དང་ཐལ་བ་སྦྲགས་ནས་ནི། །ཆུ་བདག་དག་ལ་གཏད་ན་ནི། །མཛེ་རིམས་དག་ཏུ་འགྲོ་བར་འགྱུར། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློག །ར་ནི་རཀྟ་ཆེན་པོ་སྟེ། །མི་ཁྱི་ར་སྤྱང་འཕར་བ་སྤྲེའུ། །ཆེན་པོ་གསུམ་ནི་རབ་མཆོག་སྟེ། །ནྲྀ་དང་སྦྲགས་ཏེ་བསྲེག་ནས་ནི། །དེ་ལྟར་དེ་བཞིན་རྗེས་སུ་བྱ། །ཁྲག་ནད་གཟེར་ནད་དག་གིས་འཆིའོ། །ཏེ་ནི་ཏི་ལའི་མར་ཁུ་སྟེ། །གང་གི་རྐང་མར་འབྲུ་མར་དང་། །ཚ་མར་ནི་དང་སྦྲགས་ལ་བསྲེག །དེ་ལྟར་དེ་ ― DNG022_Page_0256 ―
[མ་དཔེ་གཟིགས་ན་འདིར་གནོན།]
བཞིན་རྗེས་སུའོ། །ཚ་བའི་རིམས་ཀྱིས་འཆི་བར་འགྱུར། །རྩོ་ནི་རྩོ་མོ་ཉུང་མོ་དང་། །ཉུང་དཀར་ཉུང་ནག་སྐྱེ་ཚེ་ཏིལ། །ནྲྀ་དང་སྦྲགས་ཏེ་བསྲེག་ལ་ནི། །དེ་ལྟར་དེ་བཞིན་རྗེས་སུ་བྱའོ། །སྙིང་ནི་གས་ནས་འཆི་བར་འགྱུར། །ཕྲ་ནི་ཕྲ་དུག་དག་ཡིན་ཏེ། །ར་དུག་སྤྱང་དུག་རེ་དུག་བོང་དུག །བསེ་ཞོ་དང་ནི་སྦྲགས་ལ་བསྲེག །ལྐུགས་ནས་འཆི་བ་དག་ཏུ་འགྱུར། །ལི་ནི་ལི་ཁྲི་མཚལ་རྣམས་ཏེ། །ནྲྀ་དང་སྦྲགས་ལ་བསྲེག་པ་ནི། །དེ་ལྟར་དེ་བཞིན་རྗེས་སུ་བྱ། །སྐྱེ་བའི་རྒྱུ་སྦྱང་འཆད་པར་འགྱུར། །ཧི་ནི་ཧི་སྨན་ཆེན་པོ་སྟེ། །བདུད་རྩི་དབུལ་ཞིང་བསྲེག་པས་ནི། །དངོས་གྲུབ་ཆེན་པོ་ཐོབ་པར་འགྱུར། །ཀན་ནི་ཀན་རྡོ་ཆེན་པོ་ཞེས་བྱ་སྟེ། །ནྲྀ་དང་སྦྲགས་ཏེ་བསྲེག་པས་ནི། །ལུས་བསྲེག་གཏི་མུག་སངས་ནས་སུ། །སྐུ་ཡི་དངོས་གྲུབ་ཐོབ་པར་འགྱུར། །དེ་ལྟར་དེ་བཞིན་རྗེས་སུ་བྱའོ། །གཏལ་ནི་གཏའ་གཏོར་གཏོར་མ་སྟེ། །དམ་རྫས་ཚངས་པའི་གཏོར་མ་ལ། །ལོ་ཟླ་མཆོད་པའི་བྱེ་བྲག་རྫོགས། །བསྲེག་པས་སྦྱིན་པའི་ཕ་རོལ་ཕྱིན། །དེ་ལྟར་དེ་བཞིན་རྗེས་སུ་བྱ། །ཧེ་ནི་ཧེ་ཟ་ཟངས་ཕྱེ་སྟེ། །ནྲྀ་དང་སྦྲགས་ཏེ་བསྲེག་པས་ནི། །ངག་བསྲེག་བཀྲེས་སྐོམ་སངས་ནས་ནི། །གསུང་གི་དངོས་གྲུབ་ཐོབ་པར་འགྱུར། །དེ་ལྟར་དེ་བཞིན་རྗེས་སུ་བྱའོ། །བཙུན་ནི་བཙུན་ཆ་ལྕགས་ཕྱེ་སྟེ། །ནྲྀ་དང་སྦྲགས་ཏེ་བསྲེག་པས་ནི། །ཡིད་དང་ཚ་གྲང་བསྲེག་སངས་ནས། །ཐུགས་ཀྱི་དངོས་གྲུབ་ཐོབ་པར་འགྱུར། །དྷ་ནི་དྷ་ལ་གུ་གུལ་ཏེ། །བདུན་འབུམ་ཐོན་པའི་བཟླས་ཉུང་དང་། །ནྲྀ་དང་སྦྲགས་ཏེ་བསྲེག་པས་ནི། །དགྲ་བགེགས་རྟེན་དང་བྲལ་བར་འགྱུར། །དེ་ལྟར་དེ་བཞིན་རྗེས་སུ་བྱའོ། །ཧི་ནི་ཧི་ཤོག་པ་ཞེས་བྱ། །དྷ་དུ་ར་ཡི་འབྲས་བུ་དང་། །ལུག་མིག་པ་ཡི་མེ་ཏོག་དང་། །ནྲྀ་དང་སྦྲགས་ནས་བསྲེག་པས་ནི། །སྨྱོ་དང་བརྒྱལ་དང་འབོག་ནས་འཆི། །ཀ་ནི་ཀ་པཱ་ལ་ཞེས་བྱ། །ཀ་པཱ་ལ་ཡི་སྣོད་དག་ཏུ། །ཀ་ནི་ཕྲིན་ལས་ཆེན་པོ་སྟེ། །ཏིང་འཛིན་སྔགས་དང་ཕྲིན་ལས་གསུམ། །བརྟུལ་ཞུགས་བསྐྱེད་དེ་ཕྲིན་ལས་བྱ། །དེ་ལྟར་དེ་བཞིན་ ― DNG022_Page_0257 ―
[མ་དཔེ་གཟིགས་ན་འདིར་གནོན།]
རྗེས་སུ་བྱ། །ཀློང་དྲུག་དེ་ལྟར་གདོན་མི་ཟ། །ཞག་བདུན་ཙམ་གྱིས་ཝི་ཧི་ལི། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། བསྲེག་རྫས་བཅུ་དྲུག་གིས་ནྲྀ་བསྲེག་པའི་ལེའུ་སྟེ་བཞི་བཅུ་པའོ།། །།དེ་ནས་ཡང་ཀརྨ་ཧེ་རུ་ཀས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །སྒྲ་ནི་ཡི་གེ་དགུ་དག་ལ། །དོན་གསུམ་འགྲོལ་བ་ཇི་ལྟར་ལགས། །ཞེས་གསོལ་པ་དང་། རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །ཀ་ནི་ཕྲིན་ལས་ཆེན་པོ་སྟེ། །སྐུ་ཡི་སྙིང་པོ་དག་ཏུ་བཤད། །ཛ་ནི་འཛིན་ཅིང་འགུགས་པར་བྱེད། །གསུང་གི་སྙིང་པོ་དག་ཏུ་བཤད། །ཨ་ནི་འདེབས་པར་བྱེད་པ་ཡིན། །ཐུགས་ཀྱི་སྙིང་པོ་དག་ཏུ་བཤད། །མཱ་ར་བསད་པ་དྲག་པོའི་སྔགས། །ནྲྀ་ནི་སྒྲོལ་བར་བྱེད་པའོ། །ས་ནི་ནུས་པའི་མཆོག་ཡིན་ཏེ། །མཐུ་དབྲོག་སྲས་མཆོག་སྙིང་པོ་ཡིན། །ར་ནི་ཆགས་པ་དབང་དུ་སྡུད། །དབང་གི་སྲས་མཆོག་སྙིང་པོ་ཡིན། །པྲ་ནི་གཟིར་ཞིང་སྡིག་པ་སྟེ། །བསྡིགས་པའི་སྲས་མཆོག་སྙིང་པོ་ཡིན། །མར་ནི་སླར་ཡང་མི་ལྡང་སྟེ། །ཟིལ་གནོན་སྲས་མཆོག་སྙིང་པོ་ཡིན། །རྡ་ནི་མངག་པའི་ཕྲིན་ལས་ཏེ། །དགུག་པའི་སྲས་མཆོག་སྙིང་པོ་ཡིན། །སྟོད་ཀྱི་དྲུག་དང་སྨད་ཀྱི་དགུ། །དགུག་བསྡིམ་བསྲེག་དང་འཕང་བའོ། །དྲུག་དང་དགུ་དང་བཅུ་གཅིག་དང་། །ཡོན་ཏན་ཉི་ཤུ་གཅིག་ལས་སོགས། །ཁ་སྐོང་བ་དང་བསྐང་མི་དགོས། །སྙིང་པོ་ཉི་ཤུ་གཅིག་གིས་ནི། །འདོད་པའི་བྱ་བ་དོན་སྒྲུབ་པའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། སྒྲའི་ཡི་གེའི་དོན་དགྲོལ་བའི་ལེའུ་སྟེ་བཞི་བཅུ་གཅིག་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །དྲག་པོ་ཧོམ་ནག་དེ་ལགས་ན། །ཟོར་གྱི་ཕྲིན་ལས་ཇི་ལྟར་ལགས། །ཞེས་གསོལ་ནས། རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །དྲག་པོ་ཟོར་གྱི་དཀྱིལ་འཁོར་ལ། །ཐིག་དང་ཆག་ཆག་གཞུང་བཞིན་བྱ། ། ― DNG022_Page_0258 ―
[མ་དཔེ་གཟིགས་ན་འདིར་གནོན།]
དྲག་པོའི་མཎྜལ་གཞུང་བཞིན་བྲི། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །བཅོམ་ལྡན་དཔལ་ཆེན་རྡོ་རྗེ་གཞོན་ནུ་ལ། །སྤྲུལ་པའི་ཁྲོ་བོ་རྣམས་བྱུང་བ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་མོའི་དུས་ལ་བབ། །ཁྲོ་བོ་བཅུ་ཡི་ཕྱག་བརྙན་ཏེ། །མོན་མོ་འདི་ལྟར་ཡ་མཚན་ཅན། །མོན་མོའི་ལུས་ལ་ཕྲ་ཐབས་མགོ། །གཡས་པ་ཐབས་ཀྱི་ཕྱག་མཚན་ལ། །གཡོན་པ་ཟོར་གྱི་མདའ་འཕེན་མ། །ཕུར་བུའི་ཟོར་འཕེན་ཀྲོལ་ལོ་ལོ། །ཉུང་མོའི་ཟོར་འཕེན་སི་ལི་ལི། །མཚོན་ཟོར་མང་པོ་ཟངས་སེ་ཟང་། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །གནག་པའི་ཁོང་དུ་དུག་མདའ་སྤྱོས། །ཁྲོ་བོ་བཅུ་ཡི་ཕྱག་བརྙན་ཏེ། །མོན་མོ་འདི་ལྟར་ཡ་མཚན་ཅན། །མོན་མོའི་ལུས་ལ་ཕྲ་མེན་མགོ། །གཡས་པ་རྟགས་ཀྱི་ཕྱག་མཚན་ལ། །གཡོན་ན་ཟོར་གྱི་མདའ་འཕེན་མ། །དེ་ལྟར་དེ་བཞིན་རྗེས་སུ་བྱའོ། །དམ་ཚིག་དྲུག་གི་དུས་ལ་བབ། །བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་ལྟར་དམ་བཅས་པ། །ཁྱེད་ཀྱི་ཐུགས་དམ་དུས་ལ་བབ། །མངོན་སྤྱོད་ཕྲིན་ལས་མྱུར་དུ་མཛོད། །དམ་ཅན་གནད་ལ་ཕབ་ལ་བསྐུལ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དེ་ལྟར་དེ་བཞིན་རྗེས་སུ་བྱ། །རྡོ་རྗེ་གསང་བའི་བཀའ་ལས་ནི། །དེ་ལྟར་དེ་ཡི་རྗེས་སུ་བྱ། །སྨད་ཀྱི་སྟོད་དང་སྨད་ཀྱི་སྨད། །སྨད་ཀྱི་སྨད་ཀྱི་དང་པོ་དང་། །སྨད་ཀྱི་སྟོད་ཀྱི་དང་པོའི་སྨད། །དཀྱིལ་འཁོར་གསུམ་གྱི་སྦྱོར་ཁའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དྲག་པོ་ཟོར་གྱི་ལས་ཀྱི་ལེའུ་སྟེ་བཞི་བཅུ་གཉིས་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ལ་གསོལ་པ། ཀྱེ་བཅོམ་ལྡན་བཛྲ་ཀཱི་ལ་ཡ། །དྲག་པོ་ཟོར་གྱི་ཕྲིན་ལས་དེ་ལགས་ན། །དྲག་པོ་ཟོར་གྱི་དྲག་སྔགས་གང་། །ཞེས་གསོལ་པ་དང་། རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བསྟན་གྱི། །ཀ་ནི་སྐུ་ཡི་སྙིང་པོ་ཡིན། །གཟུགས་ ― DNG022_Page_0259 ―
[མ་དཔེ་གཟིགས་ན་འདིར་གནོན།]
ཅན་སྒྲོལ་བའི་དྲག་སྔགས་ཡིན། །ཛ་ནི་གསུང་གི་སྙིང་པོ་སྟེ། །ངག་ནི་སྒྲོལ་བའི་དྲག་སྔགས་ཡིན། །ཨ་ནི་ཐུགས་ཀྱི་སྙིང་པོ་ཡིན། །ཡིད་ནི་སྒྲོལ་བའི་དྲག་སྔགས་ཡིན། །མུ་ནི་མུ་ཀ་ཧེ་ཞེས་བྱ། །ཤྭ་ན་མ་ཡི་དྲག་སྔགས་ཡིན། །རུ་ནི་རཀྴ་སྲིན་མོ་སྟེ། །བདག་ཉིད་མ་ཡི་དྲག་སྔགས་ཡིན། །ས་ནི་བདུད་ཀྱི་བུ་མོ་ཡིན། །ནི་ནི་སྒྲོལ་བའི་དྲག་སྔགས་ཡིན། །ར་ནི་བཙན་གྱི་བུ་མོ་ཡིན། །ནི་ནི་སྒྲོལ་བའི་དྲག་སྔགས་ཡིན། །པྲ་ནི་གཟའ་ཡི་བུ་མོ་ཡིན། །ནི་ནི་སྒྲོལ་བའི་དྲག་སྔགས་ཡིན། །མར་ནི་ཀླུ་ཡི་བུ་མོ་ཡིན། །ནི་ནི་སྒྲོལ་བའི་དྲག་སྔགས་ཡིན། །རྡ་ནི་མིང་པོ་དག་ཡིན་ཏེ། །ནི་ནི་སྒྲོལ་བའི་དྲག་སྔགས་ཡིན། །སྨད་ཀྱི་སྟོད་ཀྱི་དྲག་སྔགས་དང་། །སྟོད་ཀྱི་བར་གྱི་དྲག་སྔགས་དང་། །སྒྲ་ཡི་ཡི་གེ་དགུ་དག་དང་། །དགྲ་ཡི་ཡི་གེ་བཅུ་གཅིག་གིས། །བསྐུལ་བ་ལས་ཀྱི་གསང་སྔགས་སྦྱར། །ཕུར་པ་ཟོར་གྱི་དྲག་སྔགས་སོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དྲག་པོ་ཟོར་གྱི་དྲག་སྔགས་ཀྱི་ལེའུ་སྟེ་བཞི་བཅུ་གསུམ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་གསོལ་པ། དྲག་པོ་ཟོར་གྱི་དྲག་སྔགས་དེ་ལགས་ན། །དྲག་པོ་ཟོར་གྱི་རྫས་རྣམས་ཇི་ལྟར་ལགས། །ཞེས་གསོལ་པ་དང་། རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བསྟན་གྱི། །ཉུང་དཀར་ཉུང་ནག་སྐེ་ཚེ་མཚེ། །གཉན་པོའི་ཁྲག་ཐུན་ཟོར་དག་ལ། །མཆེ་བ་ཅན་དང་མཆུ་གུག་ཁྲག །ཐུན་དུ་བྲབ་སྟེ་ཟོར་འཕངས་ན། །ཁྲག་གཟེར་ནད་ཀྱིས་འཆི་བར་འགྱུར། །ཉུང་དཀར་ཉུང་ནག་སྐེ་ཚེ་མཚེ། །མཛེ་ཕོའི་ཁྲག་ཐུན་ཟོར་འཕངས་ན། །མཛེ་རིམས་ནད་ཀྱིས་འཆི་བར་འགྱུར། །ཉུང་དཀར་ལ་སོགས་མི་ར་ཁྱི། །སྣ་ཚོགས་དུག་དང་ཁྲག་ཐུན་གྱིས། །ཁྱིམ་མམ་ཡུལ་ཕྱོགས་ཟོར་འཕངས་ན། །མྱོས་དང་རླབས་དང་ལྐུགས་ ནས་འཆི། །ཉུང་དཀར་ལ་སོགས་མི་ར་ཁྱི། །དྷ་དུ་ར་དང་ལུག་མིག་དང་། །སྣ་ཚོགས་དུག་དང་ཁྲག་ཐུན་གྱིས། །ཁྱིམ་མམ་ཡུལ་ཕྱོགས་ཟོར་འཕངས་ན། །སྨྱོ་འབོག་བརྒྱལ་ནད་འཆི་བར་འགྱུར། །འབྲུམ་ནག་ནད་ཀྱིས་ཤི་བའི་ཁྲག །ཉུང་དཀར་ ― DNG022_Page_0260 ―
[མ་དཔེ་གཟིགས་ན་འདིར་གནོན།]
དུག་དང་སྦྱར་བ་ཡིས། །ཁྱིམ་མམ་ཡུལ་ཕྱོགས་ཟོར་འཕངས་ན། །ཡུལ་ཁམས་འབྲུམ་ནག་ནད་ཀྱིས་འཆི། །མཁྲིས་ནད་རྩ་ཡི་ཁྲག་དང་ནི། །ཉུང་དཀར་ཉུངས་ནག་དུག་སྣ་ཚོགས། །ཁྱིམ་མམ་ཡུལ་ཕྱོགས་ཟོར་འཕངས་ན། །མཁྲིས་ནད་རིམས་གྱིས་འཆི་བར་འགྱུར། །ཉུང་དཀར་ཉུངས་ནག་སྐེ་ཚེ་མཚེ། །མུ་ཟི་ནག་པོ་ཁྲག་སྣ་ཚོགས། །ཁྱིམ་མམ་ཡུལ་ཕྱོགས་ཟོར་འཕངས་ན། །ཕོ་ལོག་གླང་ཐབས་ནད་ཀྱིས་འཆི་བར་འགྱུར། །མྱོས་རིམས་ཙིཏྟའི་ཁྲག་དང་ནི། །ཉུང་དཀར་ལ་སོགས་དུག་སྣ་ཚོགས། །ཁྱིམ་མམ་ཡུལ་ཕྱོགས་ཟོར་འཕངས་ན། །རིམས་ནད་ཆེན་པོས་འཆི་བར་འགྱུར། །ཡུལ་མཁར་ས་དང་མཚོན་ཕྱེ་དང་། །ལོ་ཟླར་བཤམས་པའི་གཏོར་མ་དང་། །ཉུང་དུག་ལ་སོགས་དམེ་ཁྲག་དང་། །ཁྱིམ་མམ་ཡུལ་ཕྱོགས་ཟོར་འཕངས་ན། །ཡུལ་མཁར་ཤོར་དང་དམེ་ཡིས་འཆི། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དྲག་པོ་ཟོར་གྱི་རྫས་ཀྱི་ལེའུ་སྟེ་བཞི་བཅུ་བཞི་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དྲག་པོ་ཟོར་གྱི་རྫས་རྣམས་དེ་ལགས་ན། །གནན་ཕུར་བརྒྱ་རྩ་བརྒྱད་ཀྱི་དོན་ནི་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བསྟན་གྱི། །དམ་ཚིག་དྲུག་གི་དུས་ལ་བབ། །སྨད་ཀྱི་སྟོད་ཀྱི་སྐོར་ཚོམས་དང་། །སྨད་ཀྱི་སྟོད་ཀྱི་བར་གྱི་སྐོར་ཚོམས་ཀྱིས། །བཛྲ་གུ་ཡ་མནྟྲ། ཀརྨ་གུ་ཡ་མནྟྲ། འདུ་ཧི་རི་ཏ་འཕྲོགས་བ་ཧུ་ལ་དྷི་མ། ལུས་ངག་ཡིད་གསུམ་ཝ་ཧི་ལི། །སྙིང་ཚིགས་ནས་ནི་འཆི་བར་འགྱུར། །ཧཱུཾ་བི་ཏ། ཕྱིས་གཞན་གྱི་རིགས་རྒྱུན་འཆད་དོ། །སྟོད་ཀྱི་སྐོར་ཚོམས་བར་དག་གིས། །བཅུ་གཅིག་དང་ནི་ཉི་ཤུ་དང་། །སྨད་ཀྱི་སྟོད་ཀྱི་ལས་སྔགས་དང་། །དུས་ལ་བབ་ནི་དྲུག་པོ་ཡིས། །གནད་ཆེན་རེ་ལ་བདུན་ཚོ་རེ། །སྟོད་ཀྱི་གུ་ཡ་མནྟྲ་བཅུ་གཅིག་ ― DNG022_Page_0261 ―
[མ་དཔེ་གཟིགས་ན་འདིར་གནོན།]
དང་། །སྨད་ཀྱི་སྟོད་ཀྱི་བར་གྱི་གུ་ཡ་མནྟྲ་ནི། །དྲུག་པོ་དག་ནི་བཏུ་བར་བྱ། །སྨད་ཀྱི་སྟོད་ཀྱི་ཀརྨ་མནྟྲ་ཡི། །བཅྭོ་བརྒྱད་དག་གིས་བྱིན་གྱིས་བརླབས། །ཁ་སྐོང་བ་དང་ཁ་མི་བསྐང་། །མན་ངག་གིས་ནི་བཏུ་བར་བྱ། །སྟོད་ཀྱི་སྨད་ཀྱི་བར་གྱི་མཐའ་བཏུལ་བྱ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། མནན་ཕུར་བརྒྱ་རྩ་བརྒྱད་ཀྱི་གདབ་པའི་ལེའུ་སྟེ་བཞི་བཅུ་ལྔ་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ། བརྒྱ་རྩ་བརྒྱད་གདབ་པ་དེ་ལགས་ན། །རྩ་བརྒྱད་མནན་ས་ཇི་ལྟར་ལགས། །ཞེས་གསོལ་པས། དེ་ཡི་དོན་རྣམས་ངས་བཤད་ཀྱི། །མནན་པ་རྩ་བརྒྱད་བཏབ་པ་དེ། །གཉན་པོའི་ཐོད་ཆེན་དག་ཏུ་ནི། །མནན་ཕུར་བརྒྱ་ནི་རྩ་བརྒྱད་ཀྱིས། །སྦྱོར་བ་གསུམ་གྱི་གུ་ཡ་མནྟྲ་ཡིས། །ཆུ་ཡི་མིག་ཏུ་མནན་ནས་ནི། །གནག་པ་དུ་ཚུད་མཛེ་རིམས་ཀྱིས། །རྩ་གཅིག་བདུན་གྱིས་ཐེ་ཚོམ་མེད། །ཕ་མེས་ཐོད་ཆེན་དག་ཏུ་ནི། །མནན་ཕུར་བརྒྱ་ནི་རྩ་བརྒྱད་ཀྱིས། །གུ་ཡ་མནྟྲ་སྦྱོར་བ་གསུམ། །ཆུ་ཡི་མིག་ཏུ་མནན་ན་ནི། །གནག་པ་དུ་ཚུད་མཛེ་རིམས་ཀྱིས། །རྩ་གཅིག་བདུན་གྱིས་ཐེ་ཚོམ་མེད། །རབས་ཆད་གླེན་ལྐུགས་ཐོད་པ་རུ། །མནན་ཕུར་བརྒྱ་ནི་རྩ་བརྒྱད་ཀྱིས། །གུ་ཡ་མནྟྲ་སྦྱོར་བ་གསུམ། །ཆུ་ཡི་མིག་གི་རྒྱ་མཚོའི་གཏིང་། །མནན་པར་དུ་ཚུད་བདུན་རྒྱུད་ཆད། །རྩ་གཅིག་བདུན་གྱིས་ཐེ་ཚོམ་མེད། །གཤེད་པོའི་ཐོད་པ་དག་ཏུ་ནི། །མནན་ཕུར་བརྒྱ་ནི་རྩ་བརྒྱད་ཀྱིས། །གུ་ཡ་མནྟྲ་སྦྱོར་བ་གསུམ། །དུར་གྱི་དཀྱིལ་དུ་མནན་ན་ནི། །མནན་པ་དུ་ཚུད་བདུན་རྒྱུད་ཆད། །རྩ་གཅིག་བདུན་གྱིས་ཐེ་ཚོམ་མེད། །གཉན་པོའི་ཐོད་པ་དག་ཏུ་ནི། །མནན་ཕུར་སྦྱོར་བ་གསུམ་གྱིས་གདབ། །མནན་པ་མཚེར་གྱི་འོག་ཏུ་མནན། །སྨས་ཕུང་འབྱུང་ཞིང་འཆི་བར་འགྱུར། །ཤི་མ་ཐོག་གི་མཛེ་ཅན་གྱི། །ཡ་མཁལ་མ་མཁལ་མ་བྲུལ་བ། །ཁ་ཡི་ནང་དུ་གནག་པ་ལ། །སྦྱོར་བ་གསུམ་གྱིས་ཐེམ་པར་གཞུག །དེ་ལྟར་དེ་བཞིན་རྗེས་བྱས་ནས། །རྩིག་རྨང་ནང་དུ་བཅུག་མནན་ན། །སྨས་ཕུང་ཆེན་པོ་བྱུང་ནས་ ― DNG022_Page_0262 ―
[མ་དཔེ་གཟིགས་ན་འདིར་གནོན།]
འཆི། །ཕོ་རོག་འུག་པའི་ཐོད་པ་རུ། །མནན་ཕུར་རྣམས་ལ་དེ་བཞིན་དུ། །སྐོར་ཚོམས་རྣམས་ཀྱི་མནྟྲ་ལ། །གནག་པའི་ཐེམ་ཡིག་བཅུག་ལ་ནི། །མནན་པའི་གནས་སུ་བཅུག་པས་ནི། །ཕྱིས་ཀྱི་རིགས་པ་རྒྱུན་བཅད་ནས། །དེ་ཡི་མཐུ་ཡང་ཐོབ་ནས་ནི། །གནག་པའི་སྔགས་པ་འཆི་བར་འགྱུར། །མཛེ་ཅན་ཐོད་པའི་ནང་དུ་ནི། །སྦྲུལ་གྱི་པགས་པ་ཐོད་པ་ལ། །སྐོར་ཚོམས་རྣམས་ཀྱི་མནྟྲ་ལ། །གནག་པའི་ཐེམ་ཡིག་བཅུག་ནས་ནི། །གནན་ཕུར་དེ་ལྟར་དེ་བཞིན་དུ། །ཀླུ་བཙན་གནས་སར་གནན་ན་ནི། །མཛེ་དང་ཕོ་ལོག་རྫིངས་པའི་ནད། །སྔགས་པའི་གནག་པ་འཇིག་པར་འགྱུར། །གླ་བ་ཝ་ཡི་ཐོད་པ་རུ། །གནན་ཕུར་རྣམས་ཀྱང་དེ་བཞིན་དུ། །སྐོར་ཚོམས་རྣམས་ཀྱི་མནྟྲ་ལ། །བཙུན་པ་གནག་པ་ཐེམ་ཡིག་གཞུག །དམུ་བདུད་གནས་པའི་སར་མནན་ན། །གནག་པའི་བཙུན་པ་བདུན་ཆད་འགྱུར། །སེང་གེ་དག་གི་ཐོད་པ་རུ། །གནན་ཕུར་རྣམས་ཀྱང་དེ་བཞིན་དུ། །སྐོར་ཚོམས་རྣམས་ཀྱི་མནྟྲ་ལ། །རྒྱལ་པོ་གནག་པ་ཐེམ་ཡིག་གཞུག །གསང་བདུད་གཡའ་བདུད་སར་མནན་ན། །རྒྱལ་པོའི་ཆད་པ་བཟློག་གྱུར་ནས། །རྒྱལ་པོའི་ལུས་ཀྱང་འཇིག་པར་འགྱུར། །སྤྱང་ཀི་གཅན་གྱི་ཐོད་པ་རུ། །གནག་ཕུར་རྣམས་ཀྱང་དེ་བཞིན་དུ། །སྐོར་ཚོམས་གསུམ་གྱི་མནྟྲ་ཡིས། །བློན་པོ་གནག་པ་ཐེམ་པར་གཞུག །ལྷ་ཁང་མཆོད་རྟེན་དུར་དཀྱིལ་དུ། །གནག་པའི་བློན་པོ་འཆི་བར་འགྱུར། །བྱི་ལ་འཕར་བ་ཁྲ་ཡི་ཐོད་པ་རུ། །མནན་ཕུར་དེ་ལྟར་དེ་བཞིན་དུ། །སྐོར་ཚོམས་རྣམས་ཀྱི་མནྟྲ་ལ། །སྐྱེས་པ་གནག་པའི་ཐེམ་ཡིག་གཞུག །མཛེ་ཅན་མགོ་ལྤགས་གྲིལ་ལ་ནི། །ཆུ་བདག་དག་ལ་གཏད་བྱས་ན། །སྐྱེས་པའི་ལུས་ཀྱང་མོད་ལ་འཇིག །དྲེའུ་དང་ཁྱི་ཡི་ཐོད་པ་རུ། །གནན་ཕུར་དེ་ལྟར་དེ་བཞིན་དུ། །སྐོར་ཚོམས་རྣམས་ཀྱི་མནྟྲ་ཡིས། །རྗེའུ་རིགས་གནག་པ་ཐེམ་ཡིག་གཞུག །ཁྱི་ལྤགས་མི་ལྤགས་གྲིལ་ནས་ནི། །ཀླུ་བདུད་ཀླུ་བཙན་སར་གནན་ན། །དེ་ཡི་ལུས་རྫིངས་འཆི་བར་འགྱུར། །གྲུམ་པ་ཁྱི་ནག་མི་ཡི་ཐོད་པ་རུ། །གནན་ཕུར་དེ་ ― DNG022_Page_0263 ―
[མ་དཔེ་གཟིགས་ན་འདིར་གནོན།]
ལྟར་དེ་བཞིན་དུ། །སྐོར་ཚོམས་རྣམས་ཀྱི་མནྟྲ་ལ། །བུད་མེད་གནག་པ་ཐེམ་ཡིག་གཞུག །ས་བདག་གནས་པའི་སར་མནན་ན། །ཞ་གྲུམ་སྨད་རྫིངས་འཆི་བར་འགྱུར། །སྤྲེའུ་ཟེར་མོའི་ཐོད་པ་རུ། །གནན་ཕུར་དེ་ལྟར་དེ་བཞིན་དུ། །སྐོར་ཚོམས་རྣམས་ཀྱིས་མནྟྲ་ལ། །བྱིས་པ་གནག་པ་ཐེམ་ཡིག་གཞུག །ཀླུ་སྲིན་གནས་པའི་སར་མནན་ན། །གནག་པའི་བྱིས་པའི་སྲོག་འཕྲོག་འགྱུར། །སྲིན་བྱ་སྲེག་པའི་ཐོད་པ་རུ། །གནན་ཕུར་དེ་ལྟར་དེ་བཞིན་དུ། །སྐོར་ཚོམས་རྣམས་ཀྱི་མནྟྲ་ལ། །ཕྲ་མ་གནག་པའི་ཐེམ་ཡིག་གཞུག །མཛེ་ཅན་ཐོད་པར་བཅུག་ལ་ནི། །མཛེ་ཅན་པགས་པས་གྲིལ་ནས་ནི། །རྒྱ་མཚོའི་གཏིང་ངམ་ཆུ་མིག་ཏུ། །ནག་པོ་ཀླུ་ལ་གཏད་བྱས་ནས། །ཁ་འཐམས་ལྕེ་ལྡེབས་རྫིངས་ནད་ཀྱིས། །གནག་པའི་ཕྲ་མ་མཛེ་ནད་ཀྱིས། །མྱུར་བར་འཆི་བ་ཐེ་ཚོམ་མེད། །སྟོད་ཀྱི་སྟོད་ཀྱི་སྐོར་ཚོམས་དང་། །སྨད་ཀྱི་དཀྱུས་ཀྱི་སྐོར་ཚོམས་ལ། །དེ་ལ་གསུམ་གསུམ་དབྱེ་བ་ཡི། །ཏིང་འཛིན་སྔགས་དང་ཕྲིན་ལས་ཀྱི། །སྒྲ་ཡི་ཡི་གེ་བཏུ་བར་བྱ། །གདབ་དང་བསྲེག་དང་འཕང་དང་གནན། །གདམས་ངག་གིས་ནི་བཏུས་ནས་ནི། །སྒྲ་ཡིས་བོད་ཅིང་དགུག་པ་དང་། །སྒྲ་ཡིས་གདབ་དང་བསྲེག་པ་དང་། །སྒྲ་ཡིས་འཕངས་ཤིང་མནན་པ་དང་། །དགོངས་པ་རླབས་ཆེན་འཁྲུག་པ་དང་། །ཕྲིན་ལས་ཟབ་མོ་ཐོག་བརྫིས་དང་། །བལྟ་བ་ཟབ་མོ་ཁྱབ་གདལ་དང་། །བསྒོམ་པའི་ཁོག་དང་དགོངས་པའི་དོན། །དོན་ནི་སོ་སོའི་བྱ་བ་སྒྲུབ། །ཁ་བསྐང་བ་དང་སྐོང་མི་དགོས། །ཁ་བསྐང་སྒྲུབ་ཐབས་བཅུ་བཞི་པ། །རེ་རེ་ལ་ཡང་ཐ་དད་སྟེ། །དེ་ཡིས་འདོད་པའི་བྱ་བ་སྒྲུབ། །སྒྲ་ཡི་ཡི་གེའི་ནང་ནས་ནི། །བསྐང་མི་དགོས་པའི་བྱ་བ་སྒྲུབ། །འདོད་པའི་བྱ་བ་ཟབ་མོ་ཡིན། །རྡོ་བ་གཉིས་ལས་བྲུས་ནས་ནི། །ཐོད་པ་ལ་སོགས་ཤོང་བར་བྲུ། །དེ་ཡི་ནང་དུ་རྫས་རྣམས་གཞུག །ཐོད་ཆེན་ལ་སོགས་ཐེམ་ཡིག་བྲི། །རྡོ་བ་དག་ལ་ཐེམ་ཡིག་བྲི། །སྦྱོར་བ་རྣམ་གསུམ་ཐེམ་པར་གཞུག །རྒྱ་སྐྱེགས་མཚལ་ཆེན་སྦྱར་ལ་ནི། །རྡོ་ཡི་གཟུགས་ནི་སྦལ་པར་བྱ། །སྦལ་པ་ ― DNG022_Page_0264 ―
[མ་དཔེ་གཟིགས་ན་འདིར་གནོན།]
ནག་པོ་དམར་ཐིག་ཅན། །ལ་ཆ་བསེ་ཡིས་བསྐུ་བར་བྱ། །ལྕགས་གཟེར་དག་གིས་གདབ་པར་བྱ། །ཀླུ་ཆེན་གནས་པའི་རྒྱ་མཚོ་འམ། །བྱང་དུ་བལྟས་པའི་ཀླུ་ཆེན་ལ། །དེ་ཡི་ནང་དུ་གནན་པར་བྱ། །ཏིང་འཛིན་སྔགས་དང་ཕྲིན་ལས་གསུམ། །སྨོན་ལམ་དྲག་པོས་གདབ་པར་བྱ། །གནག་པའི་གཟས་པ་དུ་ཚུད་པ། །དེ་རྣམས་ཐར་མེད་ལུས་སྲོག་འཇིག །རྡོ་རྗེ་སློབ་དཔོན་སྐུ་དགྲ་དང་། །རྣལ་འབྱོར་ཡོངས་ཀྱི་སྤྱི་དགྲ་དང་། །དཀོན་མཆོག་བསྟན་པ་འཇིག་པ་དང་། །དམ་ཚིག་ཉམས་པ་བདུན་པོ་དག །དེ་རྣམས་བསྒྲལ་ན་བསྟན་པ་གཉན། །བལྟ་སྤྱོད་བརླང་པོ་སྤྱད་ན་ཚོགས་སུ་འགྱུར། །ཕྲན་ཚེགས་ཙམ་ལ་བརླང་པོ་སྤྱད་གྱུར་ན། །རང་གི་སྲོག་ཟད་དམྱལ་བར་སྐྱེ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། མནན་ཕུར་རྩ་བརྒྱད་ཀྱི་ལེའུ་སྟེ་བཞི་བཅུ་དྲུག་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །མནན་ཕུར་བརྒྱ་ནི་རྩ་བརྒྱད་དེ་ལགས་ན། །དཀྱུས་ནི་སྨད་ཀྱི་སྟོད་དང་ནི། །སྨད་ཀྱི་སྨད་དང་སྐོར་ཚོམས་སུ། །གདབ་ཅིང་མནན་པ་དེ་ལགས་ན། །དཀྱུས་ནི་དབུ་ཞབས་དག་ཏུ་ནི། །གདབ་ཅིང་མནན་པ་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །ཕུར་པ་བདུན་ཚོ་རེ་རེ་ལ། །གུ་ཡ་མནྟྲ་གྲངས་ནི་ཐེམ་པ་དང་། །རྡོ་རྗེ་ཁྲོས་པ་ཞེས་སོགས་པས། །དྭངས་མ་གསང་སྒོ་ཆེན་པོ་ལ། །སྙིང་གི་གོ་རུ་བསྒོམ་པར་བྱ། །དེ་ལྟར་དེ་བཞིན་དེ་རྗེས་ལ། །སྙིང་རྗེས་བསྒྲལ་བའི་དམ་ཚིག་ནི། །དེ་སོགས་ཕུང་པོ་རྡོ་རྗེས་གཏམས། །ལུས་ངག་ཡིད་གསུམ་ཕུང་པོ་ལ། །རྣམ་པར་ཤེས་པ་རྡོ་རྗེར་ བསྒོམ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དཀྱུས་དབུ་ཞབས་ཀྱིས་ཕུང་པོ་མགོ་ཞབས་སུ་མནན་ཕུར་གདབ་པའི་ལེའུ་སྟེ་བཞི་བཅུ་བདུན་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཕུང་པོ་མགོ་གཞུག་མནན་ཕུར་བཏབ་པ་དེ་ལགས་ ― DNG022_Page_0265 ―
[མ་དཔེ་གཟིགས་ན་འདིར་གནོན།]
ན། །དཀྱུས་ནི་དབུ་ཞབས་དག་གིས་ནི། །སོ་སོར་གདབ་པ་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བསྟན་གྱི། །མནན་ཕུར་བདུན་ཚོ་རེ་རེ་ལ། །གུ་ཡ་མནྟྲ་དག་གིས་གཏེམ། །རྡོ་རྗེ་གཞོན་ནུའི་རིགས་སོགས་ནས། །ལུས་ངག་ཡིད་གསུམ་ཕུང་པོ་ལ། །ཡེ་ཤེས་ཁྲོ་བོ་གྲུབ་པར་བསྒོམ། །དེ་ལྟར་དེ་བཞིན་དེ་རྗེས་ལ། །ཁྲོ་བོ་ཧཱུཾ་མཛད་དག་གིས་ནི། །གྷི་ཏེ་ཝ་རི་དག་ཏུ་གདབ་མནན་བསྒོམ། །ཁྲོ་བོ་རྣམ་པར་རྒྱལ་བས་ནི། །ཀུ་ས་ལ་ཧི་གདབ་མཆན་བསྒོམ། །ཁྲོ་བོ་དབྱུག་སྔོན་དག་གིས་ནི། །ཨུ་པ་རི་ཀ་ར་ཏ་གདབ་མནན་བསྒོམ། །ཁྲོ་བོ་གཤིན་རྗེ་གཤེད་པོ་ཡིས། །ཀུ་བེ་ར་ལ་གདབ་མནན་བསྒོམ། །ཁྲོ་བོ་ཁམས་གསུམ་རྣམ་རྒྱལ་གྱིས། །ཏ་སུ་ཀོ་ར་གདབ་མནན་བསྒོམ། །ཁྲོ་བོ་མི་གཡོ་མགོན་པོ་ཡིས། ། སེའུ་ཤ་རི་སུཾ་འུ་ར་ཤི་གདབ་མནན་བསྒོམ། །ཁྲོ་བོ་རྟ་མགྲིན་དག་གིས་ནི། །ཀུ་ལི་ཁ་ཏེ་གདབ་མནན་བསྒོམ། །ཁྲོ་བོ་ཏ་ཀི་རཱ་ཙ་ཡིས། །སུ་ཏྲི་ཀུ་ཏྲེ་ཤ་ལ་གདབ་མནན་བསྒོམ། །ཁྲོ་བོ་བདུད་རྩི་འཁྱིལ་པ་ཡིས། །ཙིཏྟ་དག་ལ་གདབ་མནན་བསྒོམ། །ཁྲོ་བོ་སྟོབས་ཆེན་དག་གིས་ནི། །གུ་ཡ་དྲེ་པུ་གདབ་མནན་བསྒོམ། །སྲིན་མོ་རཀྴ་དག་གིས་ནི། །ལམ་བུ་ཧི་ལ་གདབ་མནན་བསྒོམ། །འདུས་པའི་གདབ་བྱ་གསུམ་གྱིས་ནི། །ཀ་པཱ་ལ་ཧཱུཾ་ཏུན་ཏྲི་ཏྲི་མཱ་ར་ཡ། གནག་པ་ཉི་ཤུ་རྩ་གཅིག་ནི། །ཀ་པཱ་ལ་ནི་གདབ་མནན་བསྒོམ། །གུ་ཡ་མནྟྲ་གཉིས་པོ་ཡིས། །བྷན་དྷ་སུ་ཏྲི་གདབ་མནན་བསྒོམ། །འདུ་ཧི་རི་ཏ་འདུ་ཧི་རི་ཏ། བ་ཧུ་ལ་ཧཱུ་བ་ཧཱུ་ལ་དྷྲྀ། སྨད་ཀྱི་སྨད་ཀྱི་གཏན་འཕོ་བ། །དེ་ལྟར་དེ་བཞིན་ཕྱག་རྒྱས་མནན། །ཡོན་ཏན་ཉི་ཤུ་གཅིག་རྫོགས་ཀྱི། །བྷི་ཏ་ཧྲིམ་བྷི་ཏ་ཧྲིམ། རྒྱུན་ཆོད་ཕྱིས་ནི་ལྡང་མི་སྲིད། །འབྲས་བུ་གསུམ་ནི་འཕངས་པ་ཡིས། །ཛ་བྷི་ཏ་ནི་མོད་ལའོ། །བི་ཧོ་གཉིས་པས་དོན་གྲུབ་པའོ། །དེ་ལྟར་དེ་བཞིན་པཱུཙྪ་ཧོ། །པཱུཙྪ་ལ་ཡང་རྣམ་གསུམ་དོན། །ཁམས་གསུམ་དུས་གཅིག་བསྒྲལ་མཆོད་དང་། །ཁམས་གསུམ་མ་དག་པ་ཡི་དོན། །གྲུ་བདག་རྡོ་རྗེ་སྨོན་ལམ་སེམས། །དྲག་པོ་ཧོམ་གྱི་མཆོད་པ་ནི། །སྒྲ་ཡི་ཡི་གེ་བཅུ་དྲུག་ ― DNG022_Page_0266 ―
[མ་དཔེ་གཟིགས་ན་འདིར་གནོན།]
ལ། །མཚན་མའི་མིང་དུ་བསྡུས་ལ་ནི། །རྡོ་རྗེ་མེ་དབལ་སྙིང་བསྲེག་གོ། །སྨད་ཀྱི་སྟོད་ཀྱི་དང་པོའི་དཀྱུས་ཚིག་དྲུག །སྨད་ཀྱི་སྟོད་ཀྱི་དཀྱུས་མཐར་གནས་བཞི། །སྨད་ཀྱི་སྟོད་ཀྱི་དཀྱུས་བར་དྲུག །སྙིང་པོ་ཉི་ཤུ་གཅིག་གི་དོན། །དགུག་བསྡིམ་དྲག་པོའི་ཕྲིན་ལས་བྱ། །མཐར་གནས་དཀྱུས་ཚིག་སྨོན་ལམ་གདབ། །སྨད་ཀྱི་སྟོད་ཀྱི་དང་པོའི་དཀྱུས་ཚིག་དྲུག །སྨད་ཀྱི་སྟོད་ཀྱི་དང་པོ་དཀྱུས་ཚིག་བཅུ་གཅིག །སྨད་ཀྱི་སྟོད་ཀྱི་བར་པའོ། །གསང་སྔགས་དཀྱུས་ཚིག་གཉིས་པ་ལ། །སྦྱོར་བ་གསུམ་གྱིས་གདབ་པར་བྱ། །གནད་བདུན་གཅིག་ཏུ་མན་ངག་སྦྱར། །སྨད་ཀྱི་སྨད་ཀྱི་མཐར་གནས་དཀྱུས་ཚིག་གསུམ། །སྔགས་དང་ཏིང་འཛིན་ཕྲིན་ལས་གསུམ། །འབྲས་བུ་གསུམ་ནི་འཕངས་པ་ཡིས། །ཛ་བི་ཏོ་ན་རྨོད་པ་ལོ་བི་ཏོ། །མཉེས་པར་དོན་གྲུབ་པའོ། །དེ་ལྟར་དེ་བཞིན་དུ་སྡུད་པའི་སྨད་ཀྱི་སྟོད་ཀྱི་དཀྱུས་ཚིག་དྲུག །སྨད་ཀྱི་སྟོད་ཀྱི་དཀྱུས་ཚིག་བབ་མ་དང་པོ་གཉིས། །སྨད་ཀྱི་སྨད་ཀྱི་དཀྱུས་ཚིག་མཐར་གནས་གཞི། །སྟོད་ཀྱི་སྐོར་ཚོམས་གསུམ་གསུམ་དག་ལ། །གསང་སྔགས་བཅུ་གཅིག་རེ་རེ་ལ། །སྐོར་ཚོམས་ལྔ་ཡི་གསང་སྔགས་ལ། །མཚན་མའི་མིང་དུ་བཅས་ལ་ནི། །རེ་རེ་ལ་ཡང་བཅུ་དྲུག་གོ། །བཅུ་དྲུག་རེ་ལ་བརྒྱ་ནི་རྩ་བརྒྱད་རྡོ་རྗེ་མེ་དབལ་སྙིང་བསྲེག་གོ། །སྨད་ཀྱི་སྨད་ཀྱི་དཀྱུས་ཚིག་ལྔ། །སྨོན་ལམ་དྲག་པོ་དེ་བཞིན་ནོ། །སྨད་ཀྱི་སྟོད་ཀྱི་དཀྱུས་ཚིག་དྲུག །སྟོད་ཀྱི་སྟོད་གསུམ་དཀྱུས་ཚིག་བཅུ་གཅིག་དང་། །སྟོད་ཀྱི་སྨད་གསུམ་སྟོད་ཀྱི་མཐར་གནས་བཞི། །རེ་རེ་ལ་ཡང་བཞི་བཞིར་སྦྲེལ། །ཟོར་གྱི་ཕྲིན་ལས་དེ་བཞིན་མན་ངག་སྦྱར། །སྟོད་ཀྱི་སྟོད་གསུམ་གསང་སྔགས་སོ་སོ་ལ། །དྲུག་དང་ཉི་ཤུ་གཅིག་རྫོགས་ཟོར། །དེ་ལྟར་དེ་བཞིན་མན་ངག་སྦྱར། །ཐུགས་ཀྱི་གསང་སྔགས་སྐུ་གསུང་ཐུགས། །དྲུག་ནི་གསང་སྔགས་དྲིལ་བ་ཡིས། །དེ་ལྟར་དེ་བཞིན་གདམས་ངག་བཞིན། །སྨད་ཀྱི་སྨད་ཀྱི་མཐར་གནས་མཚོན་པ་ནི། །དང་པོ་ཐུགས་ཀྱི་ས་བོན་དང་། །ཁམས་གསུམ་བསྒྲལ་བ་བྱང་སེམས་མཆོད་པ་དང་། །རྣམ་གསུམ་རྫོགས་པའི་ཆེར་གསང་བྱང་སེམས་ལུང་། ། ― DNG022_Page_0267 ―
[མ་དཔེ་གཟིགས་ན་འདིར་གནོན།]
གཉིས་པ་ཐུགས་ཀྱི་ས་བོན་ནི། །གསང་རྒྱུད་རྫོགས་རྒྱུད་བྱང་སེམས་རིན་པོ་ཆེ། །གསུམ་པ་ཐུགས་ཀྱི་ས་བོན་ནི། །སྐུ་མཆོག་རྒྱུན་གྱི་ཏིང་འཛིན་བྱང་ཆུབ་སེམས། །ལས་ཀྱི་མཐའ་བརྟུལ་དགུག་ཅིང་གདབ། །མནན་པ་རྩ་བརྒྱད་གདམས་ངག་སྦྱར། །དེ་ལྟར་དེ་བཞིན་ཇོར་ཁ་སྦྱར། །བྷ་ཧེ་ར་ཏེ་ཙོ་ལ་སོགས། །རྡོ་རྗེ་མེ་དབལ་སྙིང་བསྲེག་གོ། །སྨད་ཀྱི་ཡི་གེ་དྲུག་དང་དགུ། །སྟོད་ཀྱི་ཡི་གེ་དྲུག་པ་དང་། །སྦྱོར་བ་གསུམ་གྱི་མནྟྲ་ཡིས། །དོན་གསུམ་ལྔ་རུ་གཞུག་པར་བྱ། །སྨད་ཀྱི་སྟོད་ཀྱི་ཡི་གེ་དྲུག །ཀར་མའི་ཡི་གེ་རྒྱུན་དུ་དྲང་། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དཀྱུས་དབུ་ཞབས་སུ་གདབ་པའི་ལེའུ་སྟེ་བཞི་བཅུ་བརྒྱད་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དཀྱུས་ནི་དབུ་ཞབས་འདེབས་པ་དེ་ལགས་ན། །དཀྱུས་ནི་དབུ་ཞབས་གདབ་མནན་ཞེ་སྡང་རྒྱུ། །འབྲས་བུ་དམྱལ་བར་སྐྱེ་བ་མི་འགལ་ལམ། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །མཛད་སྤྱོད་ཐམས་ཅད་དངོས་པོ་མེད་པའི་ལུང་། །རྡོ་རྗེ་ཁྲོས་པས་ཞེ་སྡང་གཅོད། །དུག་སྡོང་རྩད་ནས་གཅོད་པའོ། །མཚོན་ཆེན་སྔོན་པོ་འབར་བ་ཡིས། །སྣང་སྲིད་ལུས་ངག་ཡིད་གསུམ་རྟོག་པ་ལ། །སྐུ་གསུང་ཐུགས་ཀྱི་མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པ་ཤར། །ནམ་མཁའ་གཏིང་མཐའ་མེད་པ་ཆོས་དབྱིངས་གཞལ་ཡས་ཁང་། །ཐིགས་པ་ལྟ་བུར་སྣང་སྲིད་དངོས་མེད་ཤར། །སྲོག་གི་གོ་རུ་ཤར་བ་དང་། །སྲིད་པའི་ལུས་ངག་ཡིད་གསུམ་སྐུ་གསུང་ཐུགས། །སེམས་རིག་ཕྱག་རྒྱའི་དཀྱིལ་འཁོར་ཡེ་ནས་ཡིན་པར་ཤར། །སྙིང་གི་དཀྱིལ་དུ་བསྒོམ་པར་བྱའོ། །སྲིད་པའི་རྟོག་ཚོགས་ཕུང་པོ་ནི། །ལུང་ནི་གསུམ་བརྒྱུད་རྡོ་རྗེ་བསྒོམ། །སྲིད་པའི་ལུས་ངག་ཡིད་གསུམ་སྐུ་གསུང་ཐུགས་སུ་བསྒྲལ། །འདོད་ཆགས་ཞེ་སྡང་སྐྱེས་ནས་གསད་གནན་མ་ཡིན་ནོ། །ཕུང་པོ་རྡོ་རྗེ་གཏམས་བྱས་ ― DNG022_Page_0268 ―
[མ་དཔེ་གཟིགས་ན་འདིར་གནོན།]
ནས། །སྲིད་པའི་ལུས་ངག་ཡིད་གསུམ་ཕུང་པོ་ནི། །ཡེ་ནས་རྡོ་རྗེའི་ཐུགས་ནི་ཡང་དག་གཏམས། །རྣམ་པར་ཤེས་པ་རྡོ་རྗེར་བསྒོམ། །བདག་དང་སྣང་སྲིད་རྣམ་པར་ཤེས་པའི་ཚོགས། །ཡེ་ནས་འདུས་མ་བྱས་ཀྱི་རྡོ་རྗེ་དབྱེར་མེད་བསྒོམ། །སངས་རྒྱས་མཛད་སྤྱོད་མ་འགགས་དབྱིངས་དང་ཡེ་ཤེས་ཉིད། །བལྟ་བ་ཟབ་མོ་ཁྱབ་གདལ་ནམ་མཁའ་ལྟར། །དགོངས་པ་ཟབ་མོ་བསྐལ་པའི་མེ་དཔུང་འཁྲུགས། །ཕྲིན་ལས་ཟབ་མོ་ཐོག་བརྫིས་ཀློང་ཕབ་ནས། །མཚོ་ལ་རླབ་བྱུང་ཆུ་ཡི་ངོ་བོར་གཅིག །བལྟ་སྤྱོད་བརླང་པོ་སྤྱད་ན་ཚོགས་སུ་འགྱུར། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། མཛད་སྤྱོད་དངོས་མེད་ཀྱི་ལུང་གི་ལེའུ་སྟེ་བཞི་བཅུ་དགུ་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །གཙོ་བོ་མཛད་སྤྱོད་དངོས་མེད་ལུང་གི་ལེའུ་དེ་ལགས་ན། །ཕྱོགས་བཅུ་ཁྲོ་བོའི་མཛད་སྤྱོད་དངོས་མེད་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བཤད་ཀྱི། །ག་རྫས་གདུག་པ་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་པའི་ཕྲིན་ལས་ཆགས་པ་མ་བཏང་བས། །དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །ཧ་ནས་ཨཱིཾནྡྲ་གདུག་པ་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་པའི་འཁོར་བ་བག་ཆགས་རྣམ་པར་རྒྱལ། །གདུག་པའི་དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །ད་ཧས་གདུག་པ་ཨགྣི་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་བའི་འཁོར་བ་བག་ཆགས་དབྱུག་པས་འཇོམས། །དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །པ་ཙས་གདུག་པ་ཡ་མ་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་པ་འཁོར་བའི་བག་ཆགས་གཤིན་རྗེ་གཤེད། །དབྱིངས་དང་ཡེ་ཤེས་ ― DNG022_Page_0269 ―
[མ་དཔེ་གཟིགས་ན་འདིར་གནོན།]
གཉིས་མེད་བྱང་ཆུབ་སེམས། །བན་དྷས་གདུག་པ་ནིཪྲྀ་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་པའི་འཁོར་བ་བག་ཆགས་མི་གཡོ་མགོན། །དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །ཧུ་ལུས་གདུག་པ་བ་རུ་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་པའི་བག་ཆགས་མྱུར་དྲག་འཇོམས། །རེངས་པའི་རྟ་མཆོག་ཕྲིན་ལས་བཞི། །དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །ཏིཥྛས་གདུག་པ་བ་ཡ་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་པའི་བག་ཆགས་བར་གཅོད་གཞན་མི་ཐུབ། །དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །ཧ་ནས་གདུག་པ་ཀུ་བེ་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་པའི་བག་ཆགས་ཡེ་ཤེས་བདུད་རྩིར་འཁྱིལ། །དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །ཙྪིནྡས་གདུག་པ་ཨིནྟྲ་ཏི་ར་བམ། །གཙོ་བོ་བཛྲ་ཛྙཱ་ན་ ཡིས། །གདུག་པའི་བག་ཆགས་ཁམས་གསུམ་རྣམ་པར་རྒྱལ། །དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །སྥོ་ཊས་གདུག་པ་ཨུ་ཏི་ཏི་ར་བམ། །གཙོ་བོ་བཛྲ་ཛྙཱ་ན་ཡིས། །གདུག་པའི་བག་ཆགས་གནས་སྟོབས་སྟོབས་པོ་ཆེ། །དབྱིངས་དང་ཡེ་ཤེས་གཉིས་མེད་བྱང་ཆུབ་སེམས། །གཙོ་བོ་བཛྲ་ཛྙཱ་ན་ཡིས། །མུ་ཁ་ཧེ་ཡི་རྟགས་དང་དོན། །བྱང་སེམས་ལུས་དང་ཡན་ལག་ཚུལ། །སྲིད་པ་ཡེ་ནས་སྐུ་གསུང་ཐུགས། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ཕྱོགས་བཅུ་ཁྲོ་བོ་མཛད་སྤྱོད་དངོས་མེད་ཀྱི་ལེའུ་སྟེ་ལྔ་བཅུ་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །ཁྲོ་བོའི་མཛད་སྤྱོད་དངོས་མེད་དེ་ལགས་ན། །ཐེག་པ་འོག་མའི་དངོས་མེད་སྒྱུ་མར་འདོད། །གཟུགས་སྟོང་སྟོང་གཟུགས་གཞན་ནི་མ་ཡིན་འདོད། །རང་བཞིན་མེད་པས་སྣང་སྟོང་དབྱེར་མེད་འདོད། །གཟུགས་ནས་རྣམ་པ་ཐམས་ཅད་མཁྱེན་པའི་བར། །ཆོས་ཉིད་སྟོང་པ་ཉིད་དུ་འོག་མས་འདོད། །སྣང་བ་སེམས་ཉིད་ཆོས་ཉིད་རང་རིག་འདོད། །བརྟགས་པས་དབེན་པའི་བཞིན་ལྟར་འདོད། །ཆོས་ཉིད་ཡོངས་སུ་གྲུབ་པ་འོག་མ་འདོད། །ཅེས་གསོལ་པས། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ ― DNG022_Page_0270 ―
[མ་དཔེ་གཟིགས་ན་འདིར་གནོན།]
ཅེས་བཀའ་སྩལ་ཏོ། །ཐེག་པ་འོག་མའི་སྒྱུ་མ་དེ་ཡིན་ཏེ། །བདེན་པ་གཉིས་ཀྱིས་སེམས་ཉིད་གཏན་ལ་དབབ། །སྒྱུ་མའི་བློ་ལྡན་བདེན་པ་དབྱེར་མེད་འདོད། །གཟུགས་སྟོང་སྟོང་གཟུགས་བདེན་པ་གཉིས། །གཟུགས་སྐུ་སྒྲ་རྟོག་སྐུ་གསུང་ཐུགས་ཉིད་དེ། །དེ་ཉིད་བདེན་པ་དབྱེར་མེད་ཡེ་ཡིན་འདོད། །རང་བཞིན་མེད་པས་སྣང་སྟོང་དབྱེར་མེད་པ། །དེ་ལྟར་དེ་བཞིན་བདེན་པ་དབྱེར་མེད་འདོད། །བདེན་པ་གཉིས་ཀྱིས་སྟོང་པའི་དོན་ཚོལ་བ། །མཉམ་པར་གནས་པའི་ཏིང་འཛིན་དབྱིངས་སུ་ལྟུང་། །ལངས་པས་ཀུན་རྫོབ་གང་དང་ཐ་དད་འདོད། །སྣང་བའི་སེམས་ཉིད་ཆོས་ཉིད་རང་རིག་པ། །ཆོས་ཉིད་སྐད་ཅིག་གྲགས་པ་ཡང་གྲངས་མའི་རྫས་ཉིད་དོ། །བརྟགས་པས་བདེན་པའི་ཆོས་ཉིད་ཡོངས་སུ་གྲུབ། །མ་བརྟགས་ཉམས་དགའི་ཆོས་ཉིད་ང་མི་འདོད། །སྣང་བའི་ཆོས་ཉིད་རང་རིག་ཡེ་ཤེས་ཡིན། །རང་རིག་བདེན་པ་དབྱེར་མེད་སྐུ་གསུང་ཐུགས། །གཟུགས་ནས་རྣམ་པ་ཐམས་ཅད་མཁྱེན་པའི་བར། །བདེན་པ་གཉིས་ཀྱིས་སྟོང་པའི་དོན་ཚོལ་བ། །བསྐལ་པ་གྲངས་མེད་ཀུན་ཏུ་འོད་ཀྱི་ས། །ང་ཡི་ལུང་འདི་གསང་བ་ཆེར་གསང་ཡང་གསང་ཐུགས། །སྣང་ཙམ་ཉིད་ན་རང་བཞིན་མེད་པ་དེ། །བདེན་པ་རང་བཞིན་མེད་པ་དབྱེར་མེད་དོ། །སྣང་སྲིད་ཡེ་ནས་སྐུ་གསུང་ཐུགས་ཉིད་དེ། །དེ་བཞིན་ཉིད་ཀྱི་གཟུགས་བརྙན་བདེན་པ་དབྱེར་མེད་དོ། །སྣང་སྲིད་ཡེ་ནས་གཙོ་བོའི་ཐུགས་ཉིད་དོ། །སྣང་ཙམ་ཉིད་ནས་བདེན་པ་དབྱེར་མེད་ཡིན། །སྣང་སྲིད་ཡེ་ནས་མཉམ་པ་ཆེན་པོ་སྟེ། །མཉམ་ཉིད་ཙམ་ན་བདེན་པ་དབྱེར་མེད་ཡིན། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། བདེན་པ་དབྱེར་མེད་ཀྱི་ལེའུ་སྟེ་ལྔ་བཅུ་གཅིག་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདེན་པ་དབྱེར་མེད་དེ་ལགས་ན། །གདབ་དང་གནན་བསྲེག་འཕང་བ་འདི། །ཞེ་སྡང་ལ་སོགས་ཉོན་མོངས་ལྔ། །དེ་ཡི་ཆ་ལས་གཏོགས་གྱུར་ན། །དངོས་པོ་དབྱེར་མེད་མི་འགལ་ ― DNG022_Page_0271 ―
[མ་དཔེ་གཟིགས་ན་འདིར་གནོན།]
ལམ། །ཞེས་གསོལ་པས། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་རྗེས་སུ་འཇུག་པ་ལ། །དེ་ཡི་དོན་རྣམས་ངས་བསྟན་གྱི། །ཞེ་སྡང་ལམ་དུ་ཞུགས་ནས་ནི། །ཞེ་སྡང་མ་སྤངས་གནས་སུ་དག །གཏི་མུག་ལམ་དུ་ཞུགས་ནས་ནི། །གཏི་མུག་མ་སྤངས་གནས་སུ་དག །ང་རྒྱལ་ལམ་དུ་ཞུགས་ནས་ནི། །ང་རྒྱལ་མ་སྤངས་གནས་སུ་དག །འདོད་ཆགས་ལམ་དུ་ཞུགས་ནས་ནི། །འདོད་ཆགས་མ་སྤངས་གནས་སུ་དག །ཕྲག་དོག་ལམ་དུ་ཞུགས་ནས་ནི། །ཕྲག་དོག་མ་སྤངས་གནས་སུ་དག །དེ་ལྟར་དེ་བཞིན་ལམ་ཞུགས་མ་སྤངས་གནས་སུ་དག །དངོས་མེད་བདེན་པ་དབྱེར་མེད་དོ། །རྩ་དྭངས་ཁྲག་དྭངས་དབུགས་དྭངས་དང་། །འོད་དྭངས་ཚེ་དྭངས་འབྱུང་བ་དྭངས། །ཞེ་སྡང་ལ་སོགས་དེ་བཞིན་རྒྱུ། །བྱང་ཆུབ་སེམས་སུ་གཉིས་མེད་བསྟན། །མ་སྤངས་གནས་སུ་དུག་ལྔ་དག །གཉེན་པོ་ལ་ནི་ལྟོས་མ་ཡིན། །དུག་ལྔ་ཁྲོ་བོའི་ཕུར་པ་ཡིས། །དུག་ལྔ་བྱང་སེམས་ཡེ་ཤེས་ལྔ། །ཞེ་སྡང་གཉེན་པོ་བྱམས་པ་ཡིན། །ཞེ་སྡང་ལ་སོགས་ བདོ་བའི་དུས། །མཐོ་ཡོར་ལ་ནི་མིར་ཤེས་ཚུལ། །མཛད་སྤྱོད་བདེན་པ་དབྱེར་མེད་དོན། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། མཛད་སྤྱོད་བདེན་པ་དབྱེར་མེད་ཀྱི་ལེའུ་སྟེ་ལྔ་བཅུ་གཉིས་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །མཛད་སྤྱོད་བདེན་པ་དབྱེར་མེད་དེ་ལགས་ན། །གསང་བ་རྒྱུད་ཀྱི་བསྒོམ་རྫོགས་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བསྐྱེད་པའི་རིམ་པ་བྱང་ཆུབ་སེམས། །བྱང་ཆུབ་སེམས་ནི་སེམས་ཉིད་དོན། །རྟག་དང་ཆད་དང་སེམས་ཉིད་ལ། །གཟུང་འཛིན་དྲན་རྟོག་སྟོང་ལྡན་དང་། །ཁ་དོག་དབྱིབས་བྲལ་ནམ་མཁའ་ལ། །དཀར་པོ་དམར་སེར་མཐིང་ལྗང་དང་། །གཟུང་དང་གདགས་སུ་ཡོངས་མེད་དེ། །སེར་བུ་དང་ནི་གཞའ་ཚོན་ལྟར། །སྣང་བ་ཐབས་ལ་གཏིང་མཐའ་མེད་པ་ཡུམ། །ཐམས་ཅད་ཐབས་དང་ཤེས་ ― DNG022_Page_0272 ―
[མ་དཔེ་གཟིགས་ན་འདིར་གནོན།]
རབ་མ་གྱུར་མེད། །མ་ལུས་མེད་པ་གཏན་ལ་ཇི་ལྟར་འབེབས། །ཡུལ་དང་རིག་པ་ཕར་ཤར་ཚུར་འཇུག་གཉིས། །ཕུང་པོ་ལྔ་དང་སངས་རྒྱས་ལྔ། །ཁམས་དང་སྐྱེ་མཆེད་དེ་བཞིན་དུ། །འགྲོ་ཉལ་འདུག་སྡོད་སྤྱོད་ལམ་རྣམ་བཞི་ལ། །སྤྱོད་དང་རོལ་དང་ལྷ་ཐིམ་དཀྱིལ་འཁོར་རོ། །ཏིང་འཛིན་གསུམ་དང་ཆོ་ག་གསུམ། །ཆོས་རྣམས་ཐམས་ཅད་སྐྱེ་མེད་གཅིག །ཐུགས་རྗེ་ཆེན་པོ་ཁྱབ་པ་ཆེ། །ཆོ་ག་གསུམ་ནི་སྤྲུལ་པའི་སྐུ། །འཇིག་དང་ཆགས་དང་སྲིད་པའི་ཚུལ། །མཐའ་དབུས་མེད་པའི་གཞལ་ཡས་ཁང་། །བཅས་དང་བཅོས་དང་སངས་རྒྱས་རྣམས། །གཞན་ནས་བྱུང་བ་མ་ཡིན་ཏེ། །ཁ་དོག་ལྔ་དང་ཕྲིན་ལས་ལྔ། །ཐམས་ཅད་སེམས་ཉིད་གཅིག་པ་སྟེ། །སེམས་ལས་ཇི་སྐྱེས་སངས་རྒྱས་སོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། གསང་བ་རྒྱུད་ཀྱི་བསྒོམ་རྫོགས་ཀྱི་ལེའུ་སྟེ་ལྔ་བཅུ་གསུམ་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གསང་བ་རྒྱུད་ཀྱི་བསྒོམ་རྫོགས་དེ་ལགས་ན། །ཆེར་གསང་ལུང་གི་བསྒོམ་རྫོགས་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྒྱལ་བའི་སྐུ་དང་འཇིག་ཚོགས་དང་། །མཚན་མར་སྣང་བའི་སྣང་སྲིད་ལས། །ཀུན་གཞི་ཀུན་ཏུ་བཟང་མོའི་མཁའ་ཀློང་དུ། །ཡིད་བྱུང་ཀུན་ཏུ་བཟང་པོའི་རོལ་པར་ཤར། །གཟུགས་སུ་སྣང་བའི་ལུས་ནི་སྐུ་རུ་ཤར། །སྒྲ་རུ་གྲག་པའི་ངག་ནི་གསུང་དུ་ཤར། །དྲན་རྟོག་ཤེས་རིག་ཡིད་ནི་ཐུགས་སུ་ཤར། །ནམ་མཁའ་ཡངས་པའི་མཁའ་དབྱིངས་ལ། །ཉི་ཟླ་གཟའ་སྐར་ཤར་བ་བཞིན། །ཀུན་གཞི་དབྱིངས་ལ་ཡིད་ནི་སྐུ་གསུང་ཐུགས། །ལུས་དང་ཡན་ལག་ཚུལ་དུ་ཤར། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལ། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་གྱུར་ཤར། །སངས་རྒྱས་ཀུན་གྱི་ཡེ་ཤེས་གསུང་། །ངང་ཉིད་རྡོ་རྗེ་ཆོས་དབྱིངས་ལ། །འབར་བའི་ཁྲོ་ ― DNG022_Page_0273 ―
[མ་དཔེ་གཟིགས་ན་འདིར་གནོན།]
བོ་མི་བཟད་པ། །གསུང་གི་དབྱིག་ཏུ་བདག་གྱུར་ཤར། །སངས་རྒྱས་ཀུན་གྱི་ཡེ་ཤེས་ཐུགས། །ངང་ཉིད་རྡོ་རྗེ་ཆོས་དབྱིངས་ལ། །འབར་བའི་ཁྲོ་བོ་མི་བཟད་པ། །ཐུགས་ཀྱི་དབྱིག་ཏུ་བདག་གྱུར་ཤར། །ཀུན་གཞི་མེ་ལོང་ལྟ་བུ་ལ། །ཡིད་ནི་བཞིན་གྱི་གཟུགས་བརྙན་ཤར། །ཀུན་གཞི་རྒྱ་མཚོ་ལྟ་བུ་ལ། །ཡིད་ནི་ཉི་ཟླ་གཟའ་སྐར་ཤར། །ཀུན་གཞི་ཀུན་ཏུ་བཟང་མོའི་མཁའ་དབྱིངས་ལ། །ཡིད་ནི་ཀུན་ཏུ་བཟང་པོའི་ཐུགས་ཀྱི་སྐུ་རུ་ཤར། །ཐུགས་ཀྱི་གསུང་དང་ཐུགས་ཀྱི་ཐུགས། །འཁོར་བ་མྱ་ངན་འདས་པའི་ཆོས། །བཀག་པ་མེད་པར་དུས་གཅིག་ཏུ། །སྐུ་གསུང་ཐུགས་སུ་རང་ལས་ཤར། །སྣང་བའི་རང་བཞིན་མེད་པར་ཤར། །ཡིད་དྲན་སྔགས་བརྗོད་ཙམ་ཡང་ལྟ་བར་མ་བསྙེགས་སོ། །ཀུན་གཞི་དབྱིངས་ལ་ཡིད་ནི་ཡེ་ཤེས་ཤར། །ཅི་སྤྱོད་རྣམ་རྟོག་མཚན་མ་ཅི་བྱུང་ཡང་། །འཁོར་བ་མྱ་ངན་འདས་པས་བྱང་ཆུབ་སེམས། །དབྱིངས་དང་ཡེ་ཤེས་གཉིས་མེད་སྐུ་གསུང་ཐུགས། །ཐུགས་ཀྱི་སྐུ་དང་ཐུགས་ཀྱི་གསུང་དུ་ཤར། །ཐུགས་ཀྱི་ཐུགས་ནི་ ཐམས་ཅད་དབྱེར་མེད་ཤར། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ཆེར་གསང་ལུང་གི་བསྒོམ་རྫོགས་ཀྱི་ལེའུ་སྟེ་ལྔ་བཅུ་བཞི་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཆེར་གསང་ལུང་གི་བསྒོམ་རྫོགས་དེ་ལགས་ན། །མན་ངག་ཡང་གསང་ཐུགས་ཀྱི་དཀྱིལ་འཁོར་ཇི་ལྟར་ལགས། །ཞེས་གསོལ་ཏོ། །བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །སྣང་བ་ཐམས་ཅད་ཡུལ་ཡིན་ཏེ། །ཡུལ་གྱི་རྣམ་པ་སེམས་ཡིན་ནོ། །ཅིར་སྣང་ཅིར་མཐོང་སེམས་ཡིན་པས། །སེམས་ལས་མ་གཏོགས་གང་ཡང་མེད། །སེམས་ནི་ཡང་གསང་ཐུགས་ཀྱི་དཀྱིལ་འཁོར་ཡིན། །ཡང་གསང་ཐུགས་ནི་ཆོས་ཀྱི་སྐུ། །སྣང་བའི་སེམས་ཉིད་ཡང་གསང་ཐུགས། །རྣམ་རྟོག་སྐྱེ་བའི་གཞི་མེད་པར། །རྣམ་རྟོག་ཉིད་ཀྱང་ཡང་གསང་ཐུགས། །རྣམ་རྟོག་ཡང་གསང་ཐུགས་ལ་འཆར་ནུབ་མེད། །སེམས་ཉིད་ ― DNG022_Page_0274 ―
[མ་དཔེ་གཟིགས་ན་འདིར་གནོན།]
ཡང་གསང་ཐུགས་ལ་ཡུལ་དང་ཡུལ་ཅན་མེད། །སེམས་ཀྱི་ངོ་བོ་ཡང་གསང་གཉིས་མེད་ལ། །ཉམས་སུ་ལེན་པའི་བསྒོམ་བྱ་སྒོམ་བྱེད་མེད། །ཡང་གསང་ཐུགས་ནི་རྡོ་རྗེ་ཕུར་པའོ། །ཕུར་ནི་ཀུན་གཞི་ཀུན་ཏུ་བཟང་མོ་ལ། །པ་ནི་ཡིད་དེ་ཀུན་ཏུ་བཟང་པོའོ། །ཕུར་ནི་ཀུན་གཞི་ཀུན་ཏུ་བཟང་མོ་ལ། །བུ་ནི་ཡིད་དེ་ཀུན་ཏུ་བཟང་པོའོ། །ཕུར་ནི་ཀུན་གཞི་ཀུན་ཏུ་བཟང་མོ་ལ། །བུ་ནི་ཡིད་དེ་ཀུན་ཏུ་བཟང་པོ་དཀྱིལ་འཁོར་རྣམ་གསུམ་མོ། །ཕུར་ནི་ཀུན་གཞི་ཐུགས་ཉིད་ལ། །བུ་ནི་སྐུ་དང་གསུང་ཉིད་དོ། །རྡོ་རྗེ་ཀུན་གཞི་ཀུན་ཏུ་བཟང་མོ་ལ། །ཁྲོས་པ་ཡིད་དེ་ཀུན་ཏུ་བཟང་པོའོ། །གཉིས་མེད་དུག་སྡོང་རྩད་གཅོད་ཞེ་སྡང་གཅོད། །སྣང་སྲིད་དཀྱིལ་འཁོར་རྣམ་གསུམ་ཡེ་ནས་ཐུགས་སུ་མཚོན། །གཉེན་པོ་མེད་པས་ཡེ་ནས་བསྲེགས། །ཀུན་གཞི་ཀུན་བཟང་ནམ་མཁའི་དཀྱིལ། །ཡིད་ནི་སྣང་སྲིད་ཡེ་ནས་ཐིགས་པ་ཤར། །ལུས་དང་ཡན་ལག་ཚུལ་དུ་སྲོག་གི་གོ་རུ་ཤར། །ཀུན་གཞི་སྟོང་པ་སྙིང་གི་དཀྱིལ་དུ་བསྒོམ་པར་བྱ། །དམ་ཚིག་ཀུན་ཏུ་བཟང་མོ་ཡིས། །ཡིད་ནི་སྙིང་རྗེ་ཐུགས་སུ་བསྒྲལ། །ཀུན་ཏུ་བཟང་པོ་ཡབ་ཡུམ་ཐུགས། །རོལ་བསད་མནན་པ་མ་ཡིན་ནོ། །སྣང་སྲིད་ལུས་ངག་ཡིད་གསུམ་ཕུང་པོ་ནི། །ཀུན་གཞི་ཀུན་ཏུ་བཟང་མོ་རྡོ་རྗེར་གཏམས། །རྣམ་པར་ཤེས་པ་ཡིད་ནི་ཀུན་ཏུ་བཟང་། །ཀུན་གཞི་ཀུན་ཏུ་བཟང་མོ་རྡོ་རྗེ་དབྱེར་མེད་བསྒོམ། །སྲིད་པ་ཡེ་ནས་ཕུར་བུ་རུ། །ཡང་གསང་ཐུགས་སུ་རྟོགས་པས་བསྒྲུབ། །ཡང་གསང་ཕུར་བུ་རྟོགས་པས་དབང་དང་དངོས་གྲུབ་བླངས། །རང་གི་སེམས་ཉིད་རྟོགས་པས་ཡེ་ཤེས་ཁྲོ་བོ་དག །རང་ལ་རང་ཉིད་སྤྱན་དྲངས་དྲང་དུ་མེད། །གཞན་ནས་སྤྱན་དྲང་མེད་པར་སེམས་ཉིད་རྟོགས་ནས་ནི། །རྟགས་དང་མཚན་མའི་བྱིན་རླབས་བཅུ་བཞི་འབྱུང་། །ཀཱི་ལ་ཡ་ཡི་དངོས་གྲུབ་མངོན་ཤེས་དྲུག་དག་འབྱུང་། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། མན་ངག་ཡང་གསང་ཐུགས་ཀྱི་དཀྱིལ་འཁོར་གྱི་ལེའུ་སྟེ་ལྔ་བཅུ་ལྔ་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་ ― DNG022_Page_0275 ―
[མ་དཔེ་གཟིགས་ན་འདིར་གནོན།]
གསོལ་ཏོ། །མན་ངག་ཡང་གསང་ཐུགས་ཀྱི་དཀྱིལ་འཁོར་དེ་ལགས་ན། །དམན་པ་རྣམས་ལ་དོན་འདི་ཇི་ལྟར་བསྟན། །ཞེས་གསོལ་པས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བྱ་བ་སྤྱོད་པ་རྣལ་འབྱོར་གསུམ། །དམན་པ་རྣམས་ཀྱིས་ཡང་དག་དོན། །གསང་སྔགས་བལྟ་བ་མར་སྙོགས་པས། །དངོས་གྲུབ་སྟེར་བ་མྱུར་དུ་ཐོབ། །བདེ་གཤེགས་ཐུགས་རྗེ་མི་འབྱུང་ན། །སེམས་ཅན་དོན་ནི་འབྱུང་མི་སྲིད། །བདེ་གཤེགས་བྱིན་རླབས་མི་འབྱུང་ན། །སེམས་ཅན་དངོས་གྲུབ་མི་ཐོབ་པས། །བསྐྱེད་དང་སྤྱན་དྲང་ཕྱག་འཚལ་དང་། །མཆོད་བསྟོད་ཆོ་ག་གཞུང་བཞིན་བྱ། །སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་ཕ་རོལ་ཕྱིན། །དེ་ལ་བཟློག་མེད་མ་ཡེངས་པས། །དངོས་གྲུབ་མྱུར་དུ་ཐོབ་པར་ངེས། །དེ་ཕྱིར་རྣལ་འབྱོར་གདེང་ཅན་བཟློག་མེད་ཀྱིས། །རྡོ་རྗེ་ཁྲོས་པ་འཁོར་བཅས་ཀྱིས། །དཀྱིལ་འཁོར་གསུམ་གྱི་བསྐྱེད་པ་ནི། །དེ་ལ་ཐབས་དང་ཐབས་ལ་བརྟེན། །དངོས་གྲུབ་རྣམ་པ་གཉིས་ཀྱི་དོན། །ཟླ་གཅིག་ལོ་གཅིག་ལོ་གསུམ་དང་། །རབ་འབྲིང་གསུམ་གྱི་རྟགས་རྣམས་ནི། །དུས་དེར་མི་འབྱུང་མི་སྲིད་དོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ཐབས་དམན་པ་ལ་བསྙེགས་པས་དངོས་གྲུབ་མྱུར་དུ་ཐོབ་པའི་ལེའུ་སྟེ་ལྔ་བཅུ་དྲུག་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཐབས་དམན་པ་ལ་སྙེགས་པས་དངོས་གྲུབ་མྱུར་དུ་ཐོབ་པ་དེ་ལགས་ན། དེ་ཡི་བསྐྱེད་པའི་རིམ་པ་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྡོ་རྗེ་ཁྲོས་པ་ཞེས་སོགས་པས། །རྣམ་པར་ཤེས་པ་རྡོ་རྗེར་བསྒོམ། །ཏིང་འཛིན་གསུམ་དང་ཆོ་ག་གསུམ། །བཞི་པ་དག་གིས་བསྐྱེད་པར་བྱ། །ཡབ་ཡུམ་མཁའ་གསང་བྱིན་བརླབས་ནས། །བསྒུལ་བསྐྱོད་བདེ་བའི་དྲོད་ཚད་ལས། །འོད་ཟེར་དྲུག་གིས་བྱ་བ་བསྒྲུབས། །ཨཱོཾ་དང་ཧཱུཾ་གཉིས་ཕཊ་དང་བཞི། །བར་དུ་མཚན་ཉིད་སོ་སོར་བཅུག །ཆོ་ག་ ― DNG022_Page_0276 ―
[མ་དཔེ་གཟིགས་ན་འདིར་གནོན།]
གསུམ་གྱིས་བཞི་པ་བསྐྱེད། །ཀརྨ་གུ་ཡ་མནྟྲ་ཡིས། །འདོད་པའི་བྱ་བ་སོ་སོར་བསྒྲུབ། །སྲིད་པའི་ཕུར་བུ་ཞེས་སོགས་པས། །བྱིན་བརླབས་བཅུ་གཅིག་བཞི་ཡང་སྲས་མཆོག་བསྐྱེད། །འོད་ཟེར་བཀུག་ནས་སྐུ་གསུང་ཐུགས། །གསང་ལམ་པདྨ་ལས་འཕྲོས་པས། །འོད་ཕུང་གུ་ཡ་ཐ་མར་གཏད། །དཀྱིལ་འཁོར་གསུམ་གྱི་བསྐྱེད་རིམ་ནི། །དང་པོ་ཐུན་དུ་བཅད་དེ་བསྒོམ། །ནུས་པ་གཞུག་དང་ནུས་པ་བསྐྱེད། །ནུས་པ་བརྟས་དང་ནུས་པ་ཐོབ། །ནུས་པ་བཞི་པ་ཐོབ་ནས་ནི། །གར་མཁན་ལག་པ་དེ་བཞིན་དུ། །གང་ལྟར་བྱས་པ་དེ་བཞིན་སྣང་། །སྣང་བའི་ནུས་པ་ཐོབ་པ་ནི། །གདམས་ངག་རིན་ཆེན་དག་ལས་འབྱུང་། །བྱིན་རླབས་བཅུ་བཞི་འབྱུང་བར་འགྱུར། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ཐབས་དམན་པ་ལ་བསྙེགས་པས་དངོས་གྲུབ་མྱུར་དུ་ཐོབ་པའི་བསྐྱེད་པའི་རིམ་པའི་ལེའུ་སྟེ་ལྔ་བཅུ་བདུན་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཐབས་དམན་པ་ལ་བསྙེགས་པའི་བསྐྱེད་པའི་རིམ་པས། །དངོས་གྲུབ་མྱུར་དུ་ཐོབ་པ་དེ་ལགས་ན། །དེ་ཡི་ཆོ་གའི་རིམ་པ་ཇི་ལྟར་ལགས། །ཞེས་གསོལ་པས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྡོ་རྗེ་ཁྲོས་པས་ཞེས་སོགས་ནས། །རྣམ་པར་ཤེས་པ་རྡོ་རྗེར་བསྒོམ། །རྩ་བའི་ཆོ་གའི་རིམ་པའོ། །ཨཱོཾ་དང་ཧཱུཾ་ཉིད་ཕཊ་དང་བཞི། །བར་དུ་མཚན་ཉིད་སོ་སོར་གཞུག །ཀརྨ་གུ་ཡ་མནྟྲ་ཡིས། །འདོད་པའི་བྱ་བ་དོན་གྲུབ་པས། །རྡོ་རྗེ་ཧེ་ཡི་བར་དུ་ནི། །མཚན་ཉིད་སོ་སོར་བཅུག་པ་དག །ཕྱོགས་བཅུ་ཆོ་གའི་རིམ་པའོ། །སྲིད་པའི་ཕུར་བུ་བསྒྲུབ་པ་ནས། །གཤེགས་སུ་གསོལ་བའི་བར་དུ་ནི། །བཅུ་གཅིག་རྩ་གཅིག་ཆོ་ག་ནི། །རྫས་ཀྱི་ཆོ་གའི་རིམ་པའོ། །སྲིད་པའི་ཕུར་བུ་བསྒྲུབ་པ་ནས། །གཤེགས་སུ་གསོལ་བའི་བར་གྱིས་ནི། །གང་ལ་གང་ནས་གང་དག་གང་དུ་གང་ཕྱིར་དུ། །སྤྱན་དྲང་ཆོ་གའི་རིམ་པའོ། །ཁྲོ་བོ་ཆེན་པོ་གཤེགས་ནས་ཀྱང་། །དངོས་གྲུབ་གསོལ་བའི་བར་གྱིས་ནི། །དངོས་ ― DNG022_Page_0277 ―
[མ་དཔེ་གཟིགས་ན་འདིར་གནོན།]
གྲུབ་རྣམ་པ་གཉིས་ཀྱི་དོན། །བསྡིམ་པའི་ཆོ་གའི་རིམ་པའོ། །དབང་དང་བྱིན་རླབ་འདིར་སྩོལ་ཅིག །འདོད་པའི་དོན་ལ་གསོལ་བཏབ་དང་། །དབང་དང་བྱིན་རླབ་ནོད་པའི་ཆོ་གའི་རིམ་པའོ། །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །བུཌྜྷའི་མཛད་སྤྱོད་ཕྲིན་ལས་ནི། །ཚད་མེད་བཞི་ནི་སྔོན་དུ་འགྲོ། །ཐེག་པ་ཆེན་པོར་མི་ཚུད་བཞིན། །བྱ་བ་སྤྱོད་པ་རྣལ་འབྱོར་དང་། །ཐབས་ཆེ་ཐབས་མང་ཐབས་མཁས་དང་། །ཐབས་མྱུར་ཆོ་གའི་རིམ་པའོ། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །འདོད་པའི་བྱ་བ་དོན་སྒྲུབ་གསོལ་གདབ་པ། །ལོངས་སྐུ་གཉིས་ཐིམ་སྲིད་པའི་ལྷ། །དབབ་པའི་ཆོ་གའི་རིམ་པའོ། །བཛྲ་མཀྴ་ཀྲོ་ཏ་ཁཱ་ཧི། རྩ་བ་གུ་ཡ་མནྟྲ་ལ། །མཆོད་པའི་བྱེ་བྲག་ཐམས་ཅད་ཀྱིས། །འདོད་བྱ་གཉིས་སུ་དབུལ་བར་བྱའོ། །མཆོད་པའི་ཆོ་གའི་རིམ་པའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ཐབས་དམན་པ་ལ་བསྙེགས་པའི་དངོས་གྲུབ་མྱུར་དུ་ཐོབ་པའི་ཆོ་གའི་རིམ་པའི་ལེའུ་སྟེ་ལྔ་བཅུ་བརྒྱད་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཆོ་གའི་རིམ་པ་དེ་ལགས་ན། །གཞལ་ཡས་ཁང་དུ་གསལ་བ་ཡི། །འདི་ཡི་དོན་རྟགས་ཇི་ལྟར་ལགས། །ཞེས་གསོལ་པས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །གཞལ་ཡས་གསལ་བའི་དོན་རྟགས་ནི། །གཞལ་ཡས་གྲུ་བཞིར་འབྱུང་བ་ནི། །ཚད་མེད་བཞི་ཡི་དོན་རྟགས་ཡིན། །ཕྱོགས་བཞིར་སྒོ་བཞི་འབྱུང་བ་ནི། །རྣམ་ཐར་ཡེ་ཤེས་དོན་རྟགས་ཡིན། །རྟ་བབས་ཡང་དག་སྤང་བ་བཞི། །ཡེ་ནས་རྣམ་པར་དག་པའི་དོན་རྟོགས་ཡིན། །དྲ་བ་དྲ་ཕྱེད་བརྒྱན་པ་ནི། །ཉོན་མོངས་ཆེ་ཆུང་གནས་སུ་དག་པའི་དོན་རྟགས་ཡིན། །ཞིང་སྨུག་ཀ་བ་བརྒྱད་བཏེགས་པ། །འཕགས་པའི་ལམ་བརྒྱད་དོན་རྟགས་ཡིན། །ཚངས་པའི་གདུང་ལྔ་བཀྱེ་བ་ནི། །དུག་ལྔ་གནས་སུ་དག་པའི་དོན་ ― DNG022_Page_0278 ―
[མ་དཔེ་གཟིགས་ན་འདིར་གནོན།]
རྟགས་ཡིན། །ཉི་ཟླའི་ཀ་གདན་ཀ་ཞུ་བྱས་པ་ནི། །ཐབས་དང་ཤེས་རབ་དོན་རྟགས་ཡིན། །ཞིང་གི་ཡ་མཁལ་མ་མཁལ་གྱིས། །ཡ་ཐེམ་མ་ཐེམ་བྱས་པ་ནི། །ཕ་མ་གནས་སུ་བསད་པའི་དོན་རྟགས་ཡིན། །སྦྲུལ་ནག་སྐྱེས་བུ་བྱས་པ་ནི། །འཁོར་བ་ཞེ་ལ་སྡང་བའི་དོན་རྟགས་ཡིན། །དུར་ཁྲོད་ཆེན་པོས་བརྒྱན་པ་ནི། །ཉོན་མོངས་ཆོ་འཕྲུལ་མངོན་དུ་ཕྱུང་། །ཡང་སྤྲུལ་སུམ་སྤྲུལ་སྟོད་ཅིང་ཟ་བའི་དོན་རྟགས་ཡིན། །འདོད་ཡོན་ལྷ་མོས་བརྒྱན་པ་ནི། །ལོངས་སྤྱོད་ལྔ་ལྡན་དོན་རྟགས་ཡིན། །རིན་ཆེན་ཕ་གུ་ལ་སོགས་བརྒྱན། །ཚུལ་ཁྲིམས་རྣམ་པར་དག་པའི་རྟགས། །རིན་ཆེན་ལྔ་ཡི་རྩིགས་པས་བརྒྱན་པ་ནི། །ཡེ་ཤེས་ལྔ་ཡི་དོན་རྟགས་ཡིན། །ཟུར་སྒོར་རྒྱལ་མཚན་བཞིས་བརྒྱན་ནི། །རྣམ་རྟོག་བདུད་ལས་རྒྱལ་བའི་དོན་རྟགས་ཡིན། །དཔག་བསམ་ཤིང་གིས་བརྒྱན་པ་ནི། །ཐུགས་རྗེ་ཡོངས་ལ་ཁྱབ་པའི་དོན་རྟགས་ཡིན། །རི་དྭགས་སཱ་རས་བརྒྱན་པ་ནི། །བྱང་ཆུབ་སེམས་དཔས་བསྐོར་བའི་དོན་རྟགས་ཡིན། །ཆོས་ཀྱི་འཁོར་ལོ་བསྐོར་བ་ནི། །ས་བཅུའི་བྱང་ཆུབ་སེམས་ཀྱིས་ནི། །ཆོས་ཀྱི་འཁོར་ལོ་བསྐོར་བའི་དོན་རྟགས་ཡིན། །ཞིང་གི་གདུགས་དང་འཕན་གྱིས་བརྒྱན་པ་ནི། །ས་ལ་གནས་པའི་བྱང་ཆུབ་སེམས་དཔའ་ལ། །སོ་སོ་ཡང་དག་དོན་ནི་སྟོན་པའི་རྟགས། །ནང་ནི་ཐོད་པའི་གཞལ་ཡས་ཁང་། །གཟུང་འཛིན་གཉིས་དང་བྲལ་བའི་དོན་རྟགས་ཡིན། །དབུས་སུ་གྲུ་གསུམ་མཐིང་ནག་བྱུང་བ་ནི། །ཆོས་ཀྱི་དབྱིངས་ཉིད་སྐྱེ་མེད་ལ། །སྐུ་གསུང་ཐུགས་གསུམ་འབྱུང་བའི་དོན་རྟགས་ཡིན། །ཟླ་གམ་དམར་པོ་གསུམ་དུ་བྱུང་བ་ནི། །སྲིད་གསུམ་དབང་དུ་སྡུད་པའི་དོན་རྟགས་ཡིན། །འཁོར་ལོ་རྩིབས་བརྒྱད་འབྱུང་བ་ནི། །དོན་གྱི་འཁོར་ལོ་རྒྱས་པར་བསྐོར་བའི་དོན་རྟགས་ཡིན། །དབུས་ཀྱི་ཕོ་བྲང་ཟླུམ་པོ་འབྱུང་བ་ནི། །སྐྱེ་མེད་ལྷུན་གྱིས་གྲུབ་པའི་དོན་རྟགས་ཡིན། །དཀར་པོ་ཟླུམ་པོ་བྱུང་བ་ནི། །ཞི་བ་ཆེན་པོའི་དོན་རྟགས་ཡིན། །སེར་པོ་གྲུ་བཞི་བྱུང་བ་ནི། །རྒྱས་པ་ཆེན་ ― DNG022_Page_0279 ―
[མ་དཔེ་གཟིགས་ན་འདིར་གནོན།]
པོའི་དོན་རྟགས་ཡིན། །རྡོ་རྗེ་ར་བས་བསྐོར་བ་ན། །ཐུགས་ནི་ཡང་དག་དོན་རྟགས་ཡིན། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དཀྱིལ་འཁོར་གཞལ་ཡས་ཁང་གི་དོན་རྟགས་ཀྱི་ལེའུ་སྟེ་ལྔ་བཅུ་དགུ་པའོ།། །།དེ་ནས་ཕྲིན་ལས་ཀྱི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དཀྱིལ་འཁོར་གཞལ་ཡས་ཁང་གི་དོན་རྟགས་དེ་ལགས་ན། །འོད་ཟེར་བསྐུལ་བའི་དོན་རྟགས་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་རྣམས། །དམ་ཚིག་སེམས་དཔས་འོད་ཟེར་སྤྲོ། །ཡེ་ཤེས་སེམས་དཔའི་ཐུགས་དམ་བསྐུལ། །ཐུགས་བསྐྱེད་ཐུགས་དམ་རྗེས་དྲན་ནས། །ངམས་པའི་ཚུལ་གྱིས་འོད་ཟེར་བཀྱེ། །དམ་ཚིག་མཁའ་ལ་རི་དྭགས་འགྲོགས་པ་བཞིན། །འོག་མིན་གནས་ནས་འོད་ཟེར་བསྐུལ་སྤྱན་དྲངས། །དམ་ཚིག་སེམས་དཔས་འོད་ཟེར་སྤྲོ། །ཡེ་ཤེས་སེམས་དཔའི་ཐུགས་དམ་བསྐུལ། །ཐུགས་བསྐྱེད་ཐུགས་དམ་རྗེས་དྲན་ནས། །ངམས་པའི་ཚུལ་གྱིས་འོད་ཟེར་བཀྱེ། །དམ་ཚིག་མཁའ་ལ་རི་དྭགས་འགྲོགས་པ་དང་། །མར་མེ་གཉིས་དག་གཅིག་ཏུ་བསྡོམ་པ་བཞིན། །དམ་ཚིག་འོད་ཟེར་བསྐུལ་བས་གཉིས་མེད་གཅིག་ཏུ་བབ། །དམ་ཚིག་སེམས་དཔས་འོད་ཟེར་སྤྲོ། །བདེ་བར་གཤེགས་པའི་ཐུགས་དམ་བསྐུལ། །ཐུགས་བསྐྱེད་ཐུགས་དམ་རྗེས་དྲན་ནས། །ངམས་པའི་ཚུལ་གྱིས་འོད་ཟེར་བཀྱེ། །སྔ་ཆུའི་སྟེང་དུ་ཕྱི་ཆུ་བབ་པ་བཞིན། །གཉིས་སུ་མེད་པར་མ་ཐོབ་བར་དུ་བསྐུལ། །དམ་ཚིག་སེམས་དཔས་འོད་ཟེར་སྤྲོ། །བདེ་བར་གཤེགས་པའི་ཐུགས་དམ་བསྐུལ། །ཐུགས་བསྐྱེད་ཐུགས་དམ་རྗེས་དྲན་ནས། །ངམས་པའི་ཚུལ་གྱིས་འོད་ཟེར་བཀྱེ། །དཀར་དམར་མཐིང་གསུམ་གནས་རྣམས་སུ། །སོ་མལ་ལྕགས་ལ་ངར་བླུད་བཞིན། །ཡོན་ཏན་གསུམ་དུ་བྱིན་རླབ་བསྐུལ། །དམ་ཚིག་སེམས་དཔས་འོད་ཟེར་སྤྲོ། །བདེ་བར་གཤེགས་པའི་ཐུགས་དམ་བསྐུལ། །ཐུགས་བསྐྱེད་ཐུགས་དམ་རྗེས་དྲན་ནས། །ངམས་པའི་ཚུལ་གྱིས་འོད་ ― DNG022_Page_0280 ―
[མ་དཔེ་གཟིགས་ན་འདིར་གནོན།]
ཟེར་བཀྱེ། །སོ་མལ་ལྕགས་ལ་ངར་བླུད་བཞིན། །དབང་དང་བྱིན་བརླབས་ནུས་པ་ཐོབ་པར་གྱུར། །དམ་ཚིག་སེམས་དཔའི་འོད་ཟེར་སྤྲོ། །བདེ་བར་གཤེགས་པའི་ཐུགས་དམ་བསྐུལ། །ཐུགས་བསྐྱེད་ཐུགས་དམ་རྗེས་དྲན་ནས། །ངམས་ནས་ཐུགས་ཀྱི་དཔལ་བེའུ་ནས། །བྱང་ཆུབ་སེམས་ཀྱི་འོད་སྤྲོས་པས། །སྲིན་མཐེབ་ཐབས་དང་ཤེས་རབ་ཀྱིས། །འབྲུ་གསུམ་སྒྲུབ་མཆོག་དངོས་གྲུབ་བླང་། །དམ་ཚིག་སེམས་དཔའི་འོད་ཟེར་སྤྲོ། །དེ་ལྟར་དེ་བཞིན་བདེར་གཤེགས་བསྐུལ། །བདེ་མཆོག་བདེ་སྦྱོར་བྷ་གའི་ཀློང་ཡངས་ནས། །རབ་དགྱེས་བྱང་ཆུབ་སེམས་ཀྱི་དངོས་གྲུབ་བསྐུལ། །དམ་ཚིག་སེམས་དཔས་འོད་ཟེར་སྤྲོ། །དེ་ལྟར་དེ་བཞིན་བྱང་སེམས་དགྱེ། །ཡེ་ཤེས་བདུད་རྩི་དམ་ཚིག་བདུད་རྩིར་ཐིམ། །འོད་ཞུ་གཉིས་མེད་ཁ་དོག་ལྔ་རུ་སྤྲོས། །འདོད་པའི་ཡོན་ཏན་ལྔ་ནི་ཆར་བཞིན་ཕབ། །དམ་རྫས་བདུད་རྩི་འབར་བའི་མཆོད་པ་དམ་པ་འདིས། །མཆོད་པའི་བྱེ་བྲག་རྣམས་ལ་མཆོད་པར་འབུལ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། འོད་ཟེར་བསྐུལ་བས་དངོས་གྲུབ་ཀྱི་ནུས་པ་མྱུར་དུ་ཐོབ་པའི་ལེའུ་སྟེ་དྲུག་ཅུ་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འོད་ཟེར་བསྐུལ་བས་དངོས་གྲུབ་ཀྱི། །ནུས་པ་མྱུར་དུ་ཐོབ་པ་དེ་ལགས་ན། །སངས་རྒྱས་ཀུན་གྱི་ཡབ་ཆེན་པོ། །རྣལ་འབྱོར་ལས་ནི་དང་པོ་ཡིས། །བདེ་བར་གཤེགས་པའི་ཞལ་མཐོང་བའི། །སྣང་བའི་ནུས་པ་ཇི་ལྟར་ཐོབ་པར་འགྱུར། །ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྣལ་འབྱོར་ལས་ནི་དང་པོ་ཡིས། །རྣལ་འབྱོར་སྣང་བའི་ནུས་པ་དང་པོ་ལ། །རེ་རེ་ལ་ཡང་བརྒྱ་བརྒྱ་ཡི། །དབུགས་དང་སྦྱར་ཏེ་འཕྲོ་འདུ་བྱ། །ཏིང་འཛིན་གསལ་བའི་གནས་གསུམ་དུ། །རྣལ་འབྱོར་སྣང་བའི་ནུས་པ་འཇུག་པར་འགྱུར། །རྣལ་འབྱོར་སྣང་བའི་ནུས་པ་གཉིས་པ་ལ། །རེ་རེ་ལ་ཡང་གསུམ་གསུམ་མོ། །དབུགས་ ― DNG022_Page_0281 ―
[མ་དཔེ་གཟིགས་ན་འདིར་གནོན།]
དང་སྦྱར་ཏེ་འཕྲོ་འདུ་བྱ། །ཏིང་འཛིན་གསལ་བས་གནས་གསུམ་དུ། །རྣལ་འབྱོར་སྣང་བའི་ནུས་པ་བསྐྱེད་པར་འགྱུར། །རྣལ་འབྱོར་སྣང་བའི་ནུས་པ་གསུམ་པ་ལ། །རེ་རེ་ལ་ཡང་རེ་རེའོ། །དབུགས་དང་སྦྱར་ཏེ་འཕྲོ་འདུ་བྱ། །ཏིང་འཛིན་གསལ་བའི་གནས་གཅིག་ཏུ། །རྣལ་འབྱོར་སྣང་བའི་ནུས་པ་བརྟས་པར་འགྱུར། །རྣལ་འབྱོར་སྣང་བའི་ནུས་པ་བཞི་པ་ལ། །ཕྱོགས་བཞི་མཚམས་བརྒྱད་བླ་འོག་བཅུར། །རེ་རེ་ལ་ཡང་གཏིང་མཐའ་མེད། །དབུགས་དང་སྦྱར་ཏེ་འཕྲོ་འདུ་བྱ། །ཏིང་འཛིན་གསལ་བ་རྒྱུན་མི་འཆད། །རྣལ་འབྱོར་སྣང་བའི་ནུས་པ་ཐོབ་པར་འགྱུར། །རིན་ཆེན་གླིང་དུ་ཕྱིན་པས་ས་རྡོ་ནུབ་པར་འགྱུར། །སྣང་བའི་ནུས་པ་ཐོབ་པས་སྣང་བ་ནུབ་པར་འགྱུར། །རྡོ་རྗེ་གཞོན་ ནུའི་རིག་འཛིན་པས། །ཕྱིར་མི་ལྡོག་པའི་ས་ཡང་གནོན། །ཡིད་བཞིན་ནོར་བུ་འདྲ་ལ་ཕྱག་འཚལ་བསྟོད། །ཅེས་ཀཱི་ལ་ཡ་གསང་བའི་དགོངས་རྒྱུད་ལས། བདེ་བར་གཤེགས་པ་ཞལ་མཐོང་བའི་སྣང་བའི་ནུས་པ་ཇི་ལྟར་ཐོབ་པའི་ལེའུ་སྟེ་དྲུག་ཅུ་གཅིག་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཉིད་བདེ་བར་གཤེགས་པའི་སྐུ་གསུང་ཐུགས་སུ་བྱས་ནས་དབང་དང་དངོས་གྲུབ་སླད་ཀྱིས་ཕ་རོལ་ལས་ནོད་པའི་དོན་ཇི་ལྟར་ལགས། ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བདེ་གཤེགས་སྣང་བའི་ནུས་པ་མ་ཐོབ་པར། །སྔོན་གྱི་ཐུགས་དམ་ཐུགས་བསྐྱེད་པས། །བདེར་གཤེགས་ཐུགས་རྗེའི་བྱིན་རླབ་འབྱུང་། །མར་མེ་གཅིག་ལས་གཉིས་ཀྱི་ཚུལ། །དཔལ་བེའུ་གསུམ་བརྒྱུད་གསང་ལམ་ནས། །པདྨ་ལས་འཕྲོས་སྲས་མཆོག་བྱུང་། །གཞལ་ཡས་ཁང་ལ་ལན་གསུམ་དུ། །བསྐོར་བ་བྱས་ཏེ་ཕྱག་བྱས་ལ། །པདྨ་དབང་གི་སྒོར་ཞུགས་ལ། །བསྐལ་པའི་མཐའ་ནས་བསྒྲུབས་པའི་ལྷ། །རིང་བའི་དུས་ནས་བསྙེན་པའི་ལྷ། །ཐུགས་དམ་གཅིག་ཅིང་དབྱར་དམ་སྐོང་། །སྐུ་གསུང་ཐུགས་ཀྱི་དངོས་གྲུབ་དང་། །གཉིས་སུ་མེད་པའི་དངོས་གྲུབ་ ― DNG022_Page_0282 ―
[མ་དཔེ་གཟིགས་ན་འདིར་གནོན།]
སྩོལ། །མཆོད་པ་ལན་གྲངས་བརྒྱ་སྟོང་དང་། །ཁྲི་འབུམ་བྱེ་བ་དབུལ་བར་བྱ། །གསང་སྔགས་ལན་གྲངས་བརྒྱ་སྟོང་དང་། །ཁྲི་འབུམ་བྱེ་བ་དབུལ་བར་བྱ། །དངོས་གྲུབ་བྱེ་བ་བརྒྱ་སྟོང་དང་། །ཁྲི་འབུམ་བྱེ་བ་བླངས་བྱས་ན། །བདེ་བར་གཤེགས་པའི་ཐུགས་རྗེ་འབྱུང་། །བདག་སྲས་གཞན་སྲས་དེ་བཞིན་དུ། །ཐབས་མཁས་ཐབས་མང་ཐབས་མྱུར་བས། །ཐབས་ཀྱི་སྤྱོད་པས་འགྲོ་དོན་དུ། །དབང་དང་བྱིན་རླབ་འདིར་གསོལ་པས། །ཡེ་ཤེས་ཁྲོ་བོ་གྲུབ་པར་འགྱུར། །སྐུ་གསུང་ཐུགས་ཀྱི་དངོས་གྲུབ་ཐོབ། །བདག་ལ་བསྡུ་ཞིང་འོད་དུ་ཐིམ། །དབང་དང་ བྱིན་རླབས་དངོས་གྲུབ་འབྱུང་། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དབང་དང་དངོས་གྲུབ་བླང་བའི་ལེའུ་སྟེ་དྲུག་ཅུ་གཉིས་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དབང་དང་དངོས་གྲུབ་བླང་བ་དེ་ལགས་ན། །དབང་དང་དངོས་གྲུབ་བླང་བའི་དུས། །དེ་ལ་བར་ཆོད་འཕྲོག་འཚེ་མི་འབྱུང་ངམ། །ཞེས་གསོལ་པས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྒྱུ་སྐར་མགོ་དང་རྒྱལ་སྐག་དང་། །བྱང་སེམས་ཕུར་པ་པ་ཝ་སངས། །ར་བ་བཞི་ཡི་སྐྱ་རེངས་གསུམ། །བདེ་གཤེགས་རིག་འཛིན་ཕོ་ཉ་གསུམ། །བདེ་བར་གཤེགས་པའི་རིག་འཛིན་གང་ན་གནས་པར་ཡང་། །དབང་དང་དངོས་གྲུབ་དུས་དེར་འབྱུང་བར་འགྱུར། །དབང་དང་དངོས་གྲུབ་སྒྲུབ་པའི་རྣལ་འབྱོར་ལ། །དམ་ལོག་དམ་སྲི་རུ་དྲ་ཡིས། །ཡེ་ཤེས་རྩལ་འཕང་མཐོན་པོ་སྒྲིབ། །དངོས་གྲུབ་འཕྲོག་ཅིང་འཚེ་བར་བྱེད། །དགེ་བའི་བསམ་པར་བར་ཆོད་བྱེད། །ཁྲོ་བོ་ཆེན་པོའི་ཆ་ལུགས་ ཀྱིས། །བར་ཆད་དྲག་ཏུ་བསྒྲལ་བར་བྱའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། དབང་དང་དངོས་གྲུབ་བླང་བའི་དུས་ཚོད་དང་། དམ་སྲི་བར་ཆོད་བསྒྲལ་བའི་དུས་ཀྱི་ལེའུ་སྟེ་དྲུག་ཅུ་གསུམ་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ། དབང་ ― DNG022_Page_0283 ―
[མ་དཔེ་གཟིགས་ན་འདིར་གནོན།]
དང་དངོས་གྲུབ་སྒྲུབ་པའི་རྣལ་འབྱོར་ལ། །དམ་སྲི་དམ་ལོག་རུ་དྲས་བར་ཆོད་བྱེད། །འདི་ཉིད་ཅི་ལས་གྱུར་པ་ཡིན་ཞེས་གསོལ། །བཅོམ་ལྡན་འདས་ཀྱིས་བཀའ་སྩལ་པ། རྣལ་འབྱོར་རྗེས་སུ་འཇུག་པ་ལ། །འདི་ཡི་དོན་རྣམས་ངས་བསྟན་གྱི། །ལྷ་སྐུ་ཕྱག་རྒྱ་ཆེན་པོ་བསྒོམ་ལས་གྱུར། །སངས་རྒྱས་མཛད་སྤྱོད་སྔོན་དུ་མ་བཟུང་བར། །དངོས་པོ་ཁྲོ་བོའི་དཀྱིལ་འཁོར་ཆེན་པོ་བསྐྱེད། །བདེ་གཤེགས་ཡི་དམ་གཅིག་བཟུང་བདེ་གཤེགས་ཀུན་གྱི་ངང་། །ཡི་དམ་བཟང་ངན་བདེ་བར་གཤེགས་ལ་ཕྱེ། །ཆོས་ལ་ཕྱོགས་ཆར་བཟུང་བས་དམ་ལོག་ཕྱོགས་ཆད་ཉམས། །ལྟ་བ་སྒོས་ཁུར་བཅད་པས་སངས་རྒྱས་དགོངས་མ་ལོངས། །ང་ནི་ཐེག་ཆེན་ཁྲོ་བོའི་རྒྱལ་པོ་ཡིན། །སྐུ་དང་ཡན་ལག་རགས་པས་འཇིགས་པར་བསྟན། །ཏིང་ངེ་འཛིན་གྱིས་སྟོང་གསུམ་ཁེངས་པར་སྤྲུལ། །དགུག་དང་བསྡིམ་དང་གཟིར་གནོན་དྲག་པོས་བརྡུང་། །འདྲེ་སྲིན་རྣམས་ཀྱང་ལྷ་རུ་བཟུང་སྟེ་བྲན་དུ་ཁོལ། །འདོང་ངོ་གཟས་པའི་ཤ་དང་ཁྲག་ལ་འདོང་། །སྲོག་ཆོད་དབུགས་ཕྲོགས་རྟགས་ནི་མྱུར་དུ་སྟོན། །མགོ་སྤྲུགས་སོ་གཙིགས་མིག་བཟློག་བྲང་བརྡུང་ཅིང་། །སངས་རྒྱས་མཛད་སྤྱོད་བོར་བས་དོན་མི་འགྲུབ། །འཇིག་རྟེན་འདི་ལ་ཕར་བས་ཚུར་གནོད་ཆེ། །ས་བོན་མེ་ཡིས་ཚིག་པ་ལ། །འབྲས་བུ་སྐྱེ་བ་ག་ལ་སྲིད། །སངས་རྒྱས་དགོངས་སྤྱོད་བོར་བ་ལས། །དངོས་གྲུབ་ཐོབ་པ་ག་ལ་སྲིད། །དེ་ཡི་རྒྱུ་མཐུན་འབྲས་བུ་འབྱུང་བ་ནི། །དམ་ལོག་དམ་སྲི་རུ་དྲ་གསུམ་དུ་སྨིན། །འཇིག་རྟེན་ཁམས་གསུམ་མདངས་འཕྲོག་སྲོག་གཅོད་ཅིང་། །རྣལ་འབྱོར་དངོས་གྲུབ་འཕྲོག་དང་བར་ཆོད་བྱེད། །སྔོན་གྱི་ལས་དབང་བཙན་པའི་མཐུ་ཡིས་ནི། །གཅིག་ལ་སྟོང་གསུམ་ཁེངས་པར་སྤྲུལ་ནས་ནི། །ཡི་དྭགས་འདྲེ་སྲིན་མཐུ་བོ་ཆེར་གྱུར་ནས། །འཇིག་རྟེན་ཁམས་གྱི་སྲོག་དང་དབུགས་ཀྱི་བདག །དགེ་བའི་ཕྱོགས་ལ་དད་པའི་བར་ཆོད་བྱེད། །འཇིག་རྟེན་ཁམས་ལ་གནོད་པ་ཤ་སྟག་གོ། །དེ་ཡི་རྣམ་སྨིན་དམྱལ་ཁམས་རྡོ་ ― DNG022_Page_0284 ―
[མ་དཔེ་གཟིགས་ན་འདིར་གནོན།]
རྗེར་བཅུ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ལྷའི་སྐུ་ཕྱག་རྒྱ་ཆེན་པོ་བསྒོམ་པས། དམ་སྲི་དམ་ལོག་རཱུ་ཏྲ་གསུམ་དུ་གྱུར་པའི་ལེའུ་སྟེ་དྲུག་ཅུ་བཞི་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ལྷའི་སྐུ་ཕྱག་རྒྱ་ཆེན་པོ་བསྒོམ་པ་ལས། །རཱུ་ཏྲ་དང་ནི་དམ་སྲིར་སྐྱེ་བ་དེ་ལགས་ན། །རྣལ་འབྱོར་རྗེས་སུ་འཇུག་པ་རྣམས། །ལྷ་སྐུ་ཕྱག་རྒྱ་ཆེན་པོ་བསྒོམ་པ་ཡིས། །སངས་རྒྱས་དགོངས་པ་བླང་བའི་དོན་ཇི་ལྟར་ལགས། ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་རྣམས། །སངས་རྒྱས་དགོངས་པ་བླང་བའི་དོན། །ལྷ་སྐུ་ཕྱག་རྒྱ་ཆེན་པོར་བསྒོམ། །རྒྱུད་དང་ལུང་དང་མན་ངག་དང་། །བསྐྱེད་དང་རྫོགས་དང་རྫོགས་པ་ཆེ། །གསང་བ་ཆེར་གསང་ཡང་གསང་ཐུགས། །གཅིག་ལ་གསུམ་རྫོགས་མ་རྟོགས་པར། །མུན་མདའ་བཞིན་དུ་ཕྱོགས་ཚོད་ཀྱིས། །སངས་རྒྱས་དགོངས་པ་ལོངས་མི་འགྱུར། །དང་པོར་ཤེས་རབ་རྣམ་གསུམ་གྱིས། །གཏན་ཚིགས་དོན་ལ་ཕེབས་བར་དཔྱད། །དེ་ནས་བླ་མ་དམ་པ་ལས། །གདམས་ངག་རིན་ཆེན་ཐོབ་བྱས་ལ། །ཐབས་མང་ཐབས་ཆེན་ཐབས་མཁས་ཐབས་མྱུར་བས། །ཐབས་ཀྱི་སྤྱོད་པས་འགྲོ་དོན་དུ། །ཚད་མེད་བཞི་ནི་སྔོན་དུ་འགྲོ། །བྱམས་དང་སྙིང་རྗེས་གང་འདུལ་བས། །སངས་རྒྱས་དགོངས་པ་ལོངས་པར་བྱ། །སངས་ རྒྱས་ཕྲིན་ལས་རྫོགས་མཛད་ནས། །སངས་རྒྱས་དགོངས་པ་ལོངས་པ་དང་། །དབང་དང་དངོས་གྲུབ་འབྱུང་བ་ཡིན། །སངས་རྒྱས་དགོངས་པ་ལོངས་པ་ལ། །ལྔ་བཅུ་གཅིག་ནས་ལྔ་ཡི་བར། །བཞི་པོ་དག་ནས་བླང་བར་བྱའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། སྐུ་ཕྱག་རྒྱ་ཆེན་པོ་བསྒོམ་པས། སངས་རྒྱས་ཀྱི་དགོངས་པ་ལོངས་པའི་ལེའུ་སྟེ་དྲུག་ཅུ་ལྔ་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ། རྣལ་འབྱོར་རྗེས་སུ་འཇུག་པ་ཡིས། །བདེ་ ― DNG022_Page_0285 ―
[མ་དཔེ་གཟིགས་ན་འདིར་གནོན།]
བར་གཤེགས་པ་ཐམས་ཅད་ལ། །ལོངས་སྤྱོད་ཚོགས་འབུལ་ཇི་ལྟར་བགྱི། །འདི་ཡི་དོན་རྣམས་བཤད་དུ་གསོལ། །ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། རྣལ་འབྱོར་རྗེས་སུ་འཇུག་པ་ཡིས། །གསང་བ་ཆེར་གསང་ཡང་གསང་ཐུགས། །བསྒོམ་པའི་ཁོག་གསུམ་དགོངས་དོན་སྦྱར། །ཀུན་ཏུ་བཟང་མོ་ཡུམ་གྱི་བྷ་ག་ལ། །རཀྟ་ཆགས་པ་ཆེན་པོ་མཚོ་ལྟར་འཁྱིལ། །དཔལ་ཆེན་རྡོ་རྗེ་གཞོན་ནུ་དབྱིངས་ནས་བཞེངས། །ཡུམ་ཆེན་འཁོར་བ་རྒྱས་འདེབས་སྐུ་ལ་འཁྲིལ། །ཕྱོགས་བཅུའི་ཁྲོ་རྒྱལ་ཚོགས་ནི་སྤྲིན་ལྟར་གཏིབས། །ཕྲ་ཐབས་ཡང་སྤྲུལ་ཚོགས་ནི་སྐར་ལྟར་འཁྲུག །ཅི་བགྱི་བཀའ་ཉན་ཚོགས་ནི་གློག་ལྟར་འགྱུ། །དམ་ཅན་རྒྱ་མཚོའི་ཚོགས་ནི་མུན་ལྟར་གཏིབས། །ཐུགས་དམ་དབྱིངས་ནས་བཞེངས་ཏེ་གཤེགས་སུ་གསོལ། །སྲིད་པའི་ཕུར་བུ་བསྒྲུབ་སོགས་ནས། །གཤེགས་སུ་གསོལ་བའི་བར་གྱིས་ནི། །བསྒོམ་པའི་ཁོག་གསུམ་དགོངས་དོན་སྦྱར། །ལོངས་སྤྱོད་ཚོགས་ཀྱི་ཞལ་ཟས་རི་ལྟར་སྤུངས། །ཞིང་ཆེན་གསར་རྙིང་ཚོགས་ནི་བྱེ་ལྟར་བཀྲམ། །མཱཾ་ས་ཙིཏྟའི་ཚོགས་ནི་རྫ་ལྟར་ལྷགས། །རཀྟ་མང་པོའི་ཚོགས་ནི་མཚོ་ལྟར་འཁྱིལ། །སྦྱང་བའི་ཡི་གེ་གསུམ་པོས་སྦྱང་། །སྤེལ་བའི་ཡི་གེ་ལྔ་པོས་སྤེལ་བས་ནི། །སོ་སོའི་བཅུད་བསྡུས་ལྷར་ཐིམ་པ། །བསྐྱིལ་བའི་སྙིང་པོ་དག་གིས་བསྐྱིལ། །ལོངས་སྤྱོད་བདུད་རྩི་ཆེན་པོར་གྱུར། །བླ་མེད་མཆོག་གི་མཆོད་པ་དམ་པ་འདི། །ཡེ་ཤེས་ལྔ་ཡི་འོད་ཟེར་རྣམ་པར་སྤྲོ། །འདོད་པའི་ཡོན་ཏན་ལྔ་ནི་ཆར་བཞིན་ཕབ། །དམ་རྫས་བདུད་རྩིའི་མཆོད་པ་དམ་པ་འདི། །བསྒོམ་པའི་ཁོག་དང་དགོངས་དོན་གསུམ། །ཏིང་འཛིན་སྔགས་དང་ཕྲིན་ལས་གསུམ། །མཆོད་པའི་བྱེ་བྲག་ཐམས་ཅད་ཀྱིས། །ཐམས་ཅད་དུ་ནི་དབུལ་བར་བྱ། །རྒྱལ་བ་མཉེས་ཏེ་དངོས་གྲུབ་ནི། །རྣལ་འབྱོར་པ་ཡིས་མྱུར་དུ་ཐོབ། །ཐེག་པ་ཆེན་པོ་སྨན་པའི་ས། །བསྐྱེད་རྫོགས་ཚོགས་སྦྱོར་མཐོང་བསྐལ་གཅིག །བསགས་ཐབས་ཚོགས་ཆེན་ཁྱད་ ― DNG022_Page_0286 ―
[མ་དཔེ་གཟིགས་ན་འདིར་གནོན།]
པར་གྱིས། །བསགས་བསྲེགས་དངོས་གྲུབ་རྣམ་གཉིས་ཐོབ། །ཅེས་ཀཱི་ལ་ཡ་གསང་བའི་དགོངས་རྒྱུད་ལས། ལོངས་སྤྱོད་ཚོགས་ཀྱི་མཆོད་པའི་ལེའུ་སྟེ་དྲུག་ཅུ་དྲུག་པའོ།། །།དེ་ནས་ཕྲིན་ལས་ཀྱི་རྒྱལ་པོས། འདི་སྐད་ཅེས་གསོལ་ཏོ། །རྣལ་འབྱོར་རྗེས་སུ་འཇུག་པ་ཡིས། །མོས་པའི་སྒོ་ནས་ཕྱག་བཙལ་བས། །དངོས་གྲུབ་ཐོབ་པའི་དོན་ཅི་ལགས། །ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། ཆོས་དང་ལོངས་སྐུ་སྤྲུལ་པ་ཡི། །གཞའ་ཚོན་ནམ་མཁའ་དབྱེར་མེད་བཞིན། །མོས་པའི་བསྙེན་བཀུར་དབུ་ལ་བཀོད། །ཕྱོགས་བཅུའི་རིགས་ཀྱི་གཙོ་ལ་ཕྱག་འཚལ་ལོ། །ཞེ་སྡང་ཚུལ་གྱིས་ཞེ་སྡང་འཇོམས་མཛད་པ། །རྡོ་རྗེ་གཞོན་ནུའི་སྐུ་ལ་ཕྱག་འཚལ་བསྟོད། །འདོད་ཆགས་ཚུལ་གྱིས་འདོད་ཆགས་གནས་སུ་དག །འཁོར་བ་རྒྱས་འདེབས་སྐུ་ལ་ཕྱག་འཚལ་བསྟོད། །རྨོངས་བྱེད་ཟ་བྱེད་ཆེ་འཕེལ་རྒྱས་འདེབས་མ། །གསང་བའི་ཡུམ་བཞི་ལ་ཡང་ཕྱག་འཚལ་བསྟོད། །ཐུགས་རྗེས་དྲག་སྙེམས་གདུག་པ་འདུལ་མཛད་པ། །འཇིགས་བྱེད་ཁྲོ་བོ་བཅུ་ལ་ཕྱག་འཚལ་བསྟོད། །ཁྲོ་བོའི་ཆགས་པ་ཐུགས་དམ་སྐོང་མཛད་མ། །འཇིགས་བྱེད་སྲིན་མོ་བཅུ་ལ་ཕྱག་འཚལ་བསྟོད། །ཕོ་ཉ་ཐོགས་པ་མེད་པར་རྒྱུག་པ་ཡི། །ཕྲ་ཐབས་ཉི་ཤུའི་ཚོགས་ལ་ཕྱག་འཚལ་ལོ། །དངོས་གྲུབ་བར་ཆད་དགྲ་བགེགས་འདུལ་བའི་ཕྱིར། །ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ། །ཡོན་ཏན་རྫོགས་པའི་སྐུ་ལ་ཕྱག་འཚལ་ལོ། །ནམ་མཁའི་ལུས་ཅན་གར་ཡང་ཐོགས་པ་མེད། །འདོད་པ་སྣ་ཚོགས་སྒྱུར་བའི་འཕྲུལ་མོ་ཆེ། །ཕྱི་ནང་མཁའ་འགྲོའི་ཚོགས་ལ་ཕྱག་འཚལ་ལོ། །རྣལ་འབྱོར་དངོས་གྲུབ་དོན་འདོད་པ། །དགོངས་དོན་གསུམ་གྱིས་བདེ་གཤེགས་ལ། །གསང་བ་ཆེར་གསང་ཡང་གསང་ཐུགས། །མོས་པའི་སྒོ་ནས་གདམས་ངག་གིས། །ཕྱག་བཙལ་དངོས་གྲུབ་མྱུར་དུ་ཐོབ། །ཅེས་ཀཱི་ལ་ཡ་གསང་བའི་དགོངས་རྒྱུད་ལས། མོས་སྒོ་ཕྱག་འཚལ་དངོས་གྲུབ་མྱུར་ ― DNG022_Page_0287 ―
[མ་དཔེ་གཟིགས་ན་འདིར་གནོན།]
དུ་ཐོབ་པའི་ལེའུ་སྟེ་དྲུག་ཅུ་བདུན་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ། ཕྱག་འཚལ་དོན་ནི་དེ་ལགས་ན། དགོངས་དོན་གསུམ་ལ་མོས་པའི་སྒོ་ནས་བསྟོད་པས། དངོས་གྲུབ་མྱུར་དུ་ཐོབ་པའི་དོན་ཇི་ལྟར་ལགས། ཞེས་གསོལ་པས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྣལ་འབྱོར་རྗེས་སུ་འཇུག་པ་ཡིས། །དགོངས་དོན་གསུམ་ལ་མོས་བསྟོད་པ། །གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །བཅོམ་ལྡན་དཔལ་ཆེན་རྡོ་རྗེ་གཞོན་ནུ་ནི། །སྐུ་མདོག་མཐིང་ནག་འཇིགས་པའི་ཚུལ་བསྟན་པ། །ཞལ་གསུམ་ཕྱག་དྲུག་ཞབས་བཞིར་བགྲད། །གཡས་དཀར་གཡོན་དམར་དབུས་མཐིང་ཞལ། །ཆོས་དང་ལོངས་སྤྱོད་སྤྲུལ་སྐུའི་རྟགས། །ཉོན་མོངས་བག་ཆགས་ཐམས་ཅད་ཞལ་དུ་རྔུབ་པའི་ཕྱིར། །ཞལ་ནས་ཁྲག་གི་རྦ་ཀློང་འཁྱིལ་པ་ཡིན། །དུག་གསུམ་རྩད་ནས་གཅོད་པའི་ཕྱིར། །མཆེ་བ་ཟང་ཡག་གཙིགས་པ་ཡིན། །བག་ཆགས་འཐོར་ཞིང་གཡེང་བའི་ཕྱིར། །ཤངས་ནས་རླུང་ནག་འཚུབས་མ་འཐོར་བ་ཡིན། །ཉོན་མོངས་བག་ཆགས་སྲེག་པའི་ཕྱིར། །སྤྱན་ནས་མེ་ཡི་ཕུང་པོ་འབར་བ་ཡིན། །ཕྲིན་ལས་ཐོགས་པ་མེད་པར་མཛད་པའི་ཕྱིར། །སྨིན་མཚམས་ཁྲོ་གཉེར་གློག་ཏུ་འགྱུ་བ་ཡིན། །ཁམས་གསུམ་སྲིད་གསུམ་ཟིལ་གྱིས་གནོན་པའི་ཕྱིར། །སྙན་ནས་བསྐལ་པའི་འབྲུག་སྟོང་ལྡིར་བ་ཡིན། །ཐུགས་རྗེའི་སྤྲུལ་པ་ཕྱོགས་བཅུར་འགྱེད་པའི་ཕྱིར། །དབུ་སྐྲ་རལ་པ་ཁམ་ནག་ཕྱོགས་བཅུར་འཁྱིལ་པ་ཡིན། །ཕྱག་དྲུག་གཡས་ཀྱི་དང་པོའི་ཕྱག་མཚན་ནི། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །ཕྱག་དྲུག་གཡས་ཀྱི་བར་པའི་ཕྱག་མཚན་ནི། །རྡོ་རྗེ་རྩེ་ལྔས་རྒྱུད་ལྔ་རབ་ཏུ་སྒྲོལ། །ཕྱག་དྲུག་གཡོན་གྱི་དང་པོའི་ཕྱག་མཚན་ནི། །མེ་དཔུང་འབར་བས་ཉོན་མོངས་ཁམས་གསུམ་བསྲེག །ཕྱག་དྲུག་གཡོན་གྱི་བར་མའི་ཕྱག་མཚན་ནི། །ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད། །ཕྱག་དྲུག་གཡས་གཡོན་ཐ་མའི་ཕྱག་མཚན་ནི། །རི་རབ་ཕུར་བུས་ ― DNG022_Page_0288 ―
[མ་དཔེ་གཟིགས་ན་འདིར་གནོན།]
ཁམས་གསུམ་དབང་དུ་སྡུད་པ་ཡིན། །བཛྲ་ཀུ་མཱ་ར་ཡི་རྒྱན་གྱི་ཆ་ལུགས་ནི། །གཏི་མུག་ལམ་དུ་ཞུགས་ནས་ནི། །གཏི་མུག་གནས་སུ་དག་བྱའི་ཕྱིར། །གླང་ཆེན་དག་གི་ལྤགས་བཤུས་ནས། །སྐུ་སྟོད་གླང་ཆེན་ན་བཟའ་གསོལ་པ་ཡིན། །ཞེ་སྡང་ལམ་དུ་ཞུགས་ནས་ནི། །ཞེ་སྡང་གནས་སུ་དག་པའི་ཕྱིར། །ཞེ་སྡང་སྦྲུལ་གྱི་ཆུན་པོ་ནི། །རྒྱལ་རིགས་རྗེའུ་རིགས་དམངས་རིགས་གདོལ་པའི་རིགས། །དབུ་རྒྱན་མགུར་ཆུ་སྙན་ཆ་ཕྱག་གདུབ་ཞབས་གདུབ་རྒྱན་གྱིས་བརྒྱན་པ་ཡིན། །ང་རྒྱལ་གནས་སུ་དག་བྱའི་ཕྱིར། །ང་རྒྱལ་སྟག་གི་ལྤགས་བཤུས་ནས། །སྐུ་སྨད་སྟག་གི་ཤམ་ཐབས་གསོལ་པ་ཡིན། །འདོད་ཆགས་ལམ་དུ་ཞུགས་ནས་ནི། །འདོད་ཆགས་གནས་སུ་དག་པའི་ཕྱིར། །དྲེགས་པ་བརྒྱད་ཀྱི་མགོ་བཅད་ནས། །སེ་རལ་ཁ་རུ་བརྒྱན་པ་ཡིན། །ཕྲག་དོག་ལམ་དུ་ཞུགས་ནས་ནི། །ཕྲག་དོག་མ་སྤངས་གནས་སུ་དག་པའི་ཕྱིར། །ཕྲག་དོག་མི་ཡི་ལྤགས་བཤུས་ནས། །སྐུ་ལ་ཞིང་ཆེན་གཡང་གཞིས་བརྒྱན་པ་ཡིན། །སྣང་སྲིད་ཐུགས་རྗེས་སྣུམ་པའི་ཕྱིར། །ཞག་གི་ཟོ་རིས་སྐུ་ལ་བརྒྱན་པ་ཡིན། །སྣང་སྲིད་ཐུགས་རྗེས་ཆགས་པ་མི་གཏོང་ཕྱིར། །རཀྟའི་ཐིག་ལེས་སྐུ་ལ་བརྒྱན་པ་ཡིན། །ཕྲིན་ལས་རྣམ་བཞི་རྫོགས་པའི་མཐར་ཕྱིན་ཕྱིར། །ཐལ་ཆེན་ཚོམ་བུས་སྐུ་ལ་བརྒྱན་པ་ཡིན། །དུས་གསུམ་འབྱུང་བའི་སངས་རྒྱས་ཡིན་པའི་ཕྱིར། །ཐོད་པ་སྐམ་རློན་ར་རིའི་ཕྲེང་བ་ཡིས། །དབུ་རྒྱན་སེ་རལ་ཁ་རུ་བརྒྱན་པ་ཡིན། །དྲེགས་པ་ཐམས་ཅད་དབང་དུ་སྡུད་པའི་ཕྱིར། །བརྐྱང་བསྐུམ་ཚུལ་གྱིས་ལྷ་ཆེན་ཕོ་མོ་གདན་དུ་བཏིང་བ་ཡིན། །འཁོར་བའི་བག་ཆགས་གཏིང་ནས་སྲེག་པའི་ཕྱིར། །སྐུ་ལ་བསྐལ་པའི་མེ་དཔུང་འབར་བ་ཡིན། །དེ་འདྲ་ཁྲོ་བོ་འཇིགས་ཚུལ་བསྟན་ལ་ཕྱག་འཚལ་བསྟོད། །དཔའ་བོ་ཁྱོད་ལ་ཕྱག་འཚལ་བསྟོད། །སྒེག་ཆེན་ཁྱོད་ལ་ཕྱག་འཚལ་བསྟོད། །བདུད་འདུལ་ཁྱོད་ལ་ཕྱག་འཚལ་བསྟོད། ། ― DNG022_Page_0289 ―
[མ་དཔེ་གཟིགས་ན་འདིར་གནོན།]
སྲིད་གསུམ་འཇོམས་པའི་ལྷ་ལ་ཕྱག་འཚལ་བསྟོད། །གསང་བ་ཆེར་གསང་ཡང་གསང་ཐུགས། །སྒོམ་པའི་ཁོག་དང་དགོངས་པའི་དོན། །ཕྱོགས་ཀྱི་དོན་དང་ལྡན་བསྟོད་ན། །མཐུ་འཕྲོག་དགུག་དང་བསྡིམ་པ་དང་། །གདབ་དང་གནན་བསྲེག་འཕང་བ་དང་། །གཉེན་པོ་སྟོབས་དང་འཇིག་ལས་ཐར། །གཉེན་པོ་གྲུབ་པས་གང་ཡང་འགྲུབ། །མོས་པས་བསྟོད་པས་དངོས་གྲུབ་མྱུར་དུ་ཐོབ། །ཅེས་ཀཱི་ལ་ཡ་གསང་བའི་དགོངས་རྒྱུད་ལས། མོས་པས་བསྟོད་པས་དངོས་གྲུབ་མྱུར་དུ་ཐོབ་པའི་ལེའུ་སྟེ་དྲུག་ཅུ་བརྒྱད་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ། གཙོ་བོ་ལ་མོས་པས་བསྟོད་པས་དངོས་གྲུབ་མྱུར་དུ་ཐོབ་པ་དེ་ལགས་ན། ཁྲོ་བོ་བཅུ་ལ་མོས་པས་བསྟོད་པའི་ཡོན་ཏན་བཤད་དུ་གསོལ། །ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། བསྐལ་པའི་མེ་ལྟར་འབར་བའི་ཀློང་དཀྱིལ་ནས། །ཕྲིན་ལས་གསུམ་གྱིས་བག་ཆགས་དབྱིངས་སུ་སྡུད། །ཁྲོ་རྒྱལ་ཧཱུཾ་ཀཱ་ར་ལ་ཕྱག་འཚལ་བསྟོད། །གསང་བའི་ཐུགས་མཆོག་འཁོར་བ་རྣམས་ལས་རྒྱལ། །ཁྲོ་རྒྱལ་རྣམ་པར་རྒྱལ་ལ་ཕྱག་འཚལ་བསྟོད། །འགྲོ་བའི་དོན་ལ་ཕྲིན་ལས་འཛོམས་བྱེད་པ། །ཁྲོ་རྒྱལ་དབྱུག་སྔོན་དག་ལ་ཕྱག་འཚལ་བསྟོད། །གཟུང་འཛིན་ལོག་རྟོག་འཆི་བདག་ཚར་གཅོད་པ། །ཁྲོ་རྒྱལ་གཤིན་རྗེ་གཤེད་ལ་ཕྱག་འཚལ་བསྟོད། །འཁོར་བའི་སྐྱོན་སྤངས་སྡུག་བསྔལ་མགོན་མཛད་པ། །ཁྲོ་རྒྱལ་མི་གཡོ་མགོན་ལ་ཕྱག་འཚལ་བསྟོད། །གདངས་སྐད་རྔམ་བཞད་ཚམ་རྔམས་ཕྱོགས་བཅུར་སྒྲོགས། །ཁྲོ་རྒྱལ་རྟ་མགྲིན་སྐུ་ལ་ཕྱག་འཚལ་བསྟོད། །ཐུགས་རྗེས་འགྲོ་དོན་ཆགས་པས་སྐྱོན་མི་གོས། །ཁྲོ་རྒྱལ་གཞན་གྱིས་མི་ཐུབ་པ་ལ་ཕྱག་འཚལ་བསྟོད། །འཁོར་བའི་བདུད་ལ་ཐུགས་རྗེའི་རྩི་གཏོང་བ། །ཁྲོ་རྒྱལ་བདུད་རྩི་འཁྱིལ་ལ་ཕྱག་འཚལ་བསྟོད། །ཁམས་གསུམ་འཁོར་བ་ཐུགས་རྗེས་བསྒྲལ་བས་རྒྱལ། །ཁྲོ་རྒྱལ་ ― DNG022_Page_0290 ―
[མ་དཔེ་གཟིགས་ན་འདིར་གནོན།]
ཁམས་གསུམ་རྣམ་རྒྱལ་སྐུ་ལ་ཕྱག་འཚལ་བསྟོད། །འཁོར་བ་ཐུགས་རྗེའི་སྟོབས་ཀྱིས་བླ་མེད་གནས་སུ་སྒྲོལ། །ཁྲོ་རྒྱལ་སྟོབས་པོ་ཆེ་ལ་ཕྱག་འཚལ་བསྟོད། །འཇིགས་བྱེད་རྔམ་པའི་ཁྲོ་རྒྱལ་ཡབ་ཡུམ་བཅུ། །འཁོར་བའི་བྱང་སེམས་ཕྲ་ཐབས་ཉི་ཤུའི་ཚོགས། །ཞལ་བགྲད་མཆེ་གཙིགས་སྤྱན་བཟློག་འགྱིང་བག་ཅན། །ཕྱག་དྲུག་འཇིགས་པའི་མཚོན་ཆ་སྣ་ཚོགས་བསྣམས། །དུར་ཁྲོད་ཆེན་པོའི་ཆས་བརྒྱད་སྒེག་ཕྱིར་བརྒྱན། །འཁོར་བའི་བག་ཆགས་སྲེག་ཕྱིར་སྐུ་ལ་མེ་ཡི་ཕུང་པོ་འབར། །བརྐྱང་བསྐུམ་ཚུལ་གྱིས་འགྱིང་བག་སྟངས་སྟབས་ཅན། །དྲེགས་པ་ཐམས་ཅད་དབང་སྡུད་ཕྱོགས་སྐྱོང་བཅུ་དག་མནན། །བདུད་འདུལ་དཔའ་བོ་ཁྱོད་ལ་ཕྱག་འཚལ་བསྟོད། །ཐབས་དང་ཤེས་རབ་སྐུ་ལ་ཕྱག་འཚལ་བསྟོད། །ཡེ་ཤེས་སྤྲུལ་པའི་སྐུ་ལ་ཕྱག་འཚལ་བསྟོད། །སྒོམ་པའི་ཁོག་དང་དགོངས་པའི་དོན། །གསང་བ་ཆེར་གསང་ཡང་གསང་ཐུགས། །དགོངས་དོན་གདམས་ངག་སྦྱར་བསྟོད་ནས། །ཐུན་མོང་སྟོབས་ཀྱིས་འཇིག་ལས་ཐར། །གཉེན་པོ་སྟོབས་དང་དངོས་གྲུབ་དག །མྱུར་དུ་ཐོབ་པར་ཐེ་ཚོམ་མེད། །ཅེས་ཀཱི་ལ་ཡ་གསང་བའི་དགོངས་དོན་ལས། ཁྲོ་བཅུ་ལ་མོས་པས་བསྟོད་པའི་ཡོན་ཏན་བསྟན་པའི་ལེའུ་སྟེ་དྲུག་ཅུ་དགུ་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །རྣལ་འབྱོར་རྗེས་སུ་འཇུག་པ་རྣམས། །ཕུར་པ་སྲས་མཆོག་བསྟོད་པ་ནི། །བྱིན་གྱིས་བརླབས་དང་གཟི་བྱིན་བསྐྱེད། །བཞེངས་སུ་གསོལ་དང་ལས་ལ་གཞུག །གྱེན་དུ་གསོར་ཞིང་ཀླད་ལ་བསྐོར། །ཧཱུཾ་བཞི་གསལ་འཕྲོ་ལ་སོགས་བདུན་པ་བཞིན། །ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ། །མ་གཡོས་ཆོས་མཆོག་སྐུ་གསུང་ཐུགས་ཀྱི་བདག །གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །བུཌྜྷ་འདུས་པའི་སྲས་མཆོག་ཀཱི་ལ་ཡ། །གཏི་མུག་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །གཏི་མུག་ཆེན་པོས་ ― DNG022_Page_0291 ―
[མ་དཔེ་གཟིགས་ན་འདིར་གནོན།]
གཏི་མུག་འཇོམས་མཛད་ལྷ་ལ་ཕྱག་འཚལ་བསྟོད། །གྲུ་གསུམ་དཀར་ནག་འབར་བའི་དཀྱིལ་འཁོར་ནས། །བཛྲ་འདུས་པའི་སྲས་མཆོག་ཀཱི་ལ་ཡ། །ཞེ་སྡང་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །ཞེ་སྡང་ཆེན་པོས་ཞེ་སྡང་འཇོམས་པའི་ལྷ་ལ་ཕྱག་འཚལ་བསྟོད། །གྲུ་གསུམ་སེར་ནག་འབར་བའི་དཀྱིལ་འཁོར་ནས། །རཏྣ་འདུས་པའི་སྲས་མཆོག་ཀཱི་ལ་ཡ། །ང་རྒྱལ་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །ང་རྒྱལ་ཆེན་པོས་ང་རྒྱལ་འཇོམས་མཛད་ལྷ་ལ་ཕྱག་འཚལ་བསྟོད། །གྲུ་གསུམ་དམར་ནག་འབར་བའི་དཀྱིལ་འཁོར་ནས། །པདྨ་འདུས་པའི་སྲས་མཆོག་ཀཱི་ལ་ཡ། །འདོད་ཆགས་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །འདོད་ཆགས་ཆེན་པོས་འདོད་ཆགས་འཇོམས་མཛད་ལྷ་ལ་ཕྱག་འཚལ་བསྟོད། །གྲུ་གསུམ་ལྗང་ནག་འབར་བའི་དཀྱིལ་འཁོར་ནས། །ཀརྨ་འདུས་པའི་སྲས་མཆོག་ཀཱི་ལ་ཡ། །ཕྲག་དོག་བདུད་འདུལ་ཁྲོས་པའི་རྒྱལ་པོ་དབྱིངས་ནས་བཞེངས། །ཕྲག་དོག་ཆེན་པོས་ཕྲག་དོག་འཇོམས་པའི་ལྷ་ལ་ཕྱག་འཚལ་བསྟོད། །ཕུར་པ་སྲས་མཆོག་བསྟོད་པ་ནི། །ཐུར་དུ་བསྟན་ལ་དྲག་ཏུ་གཟེར། །གདབ་པའི་སྲས་མཆོག་ཀཱི་ལ་ཡ། །དཱིཔྟ་ཙཀྲ་ཕུར་པའི་ལྷ། །མི་བཟད་དྲག་པོའི་ཕུར་པ་དྲུག་པོ་ཡང་། །དེ་ལྟར་དེ་བཞིན་རྗེས་སུའོ། །སྐུ་སྟོད་ཁྲོ་བོ་ཆེན་པོ་ལ། །ཞལ་གསུམ་ཕྱག་ཀྱང་དྲུག་པ་སྟེ། །ལྟེ་བ་མན་ཆད་ཆས་རྣམས་ནི། །པདྨ་རཱ་གའི་མདོག་འདྲ་བ། །དྲག་པོར་གྱུར་པའི་ཕུར་པ་སྟེ། །དགྲ་བགེགས་གཞན་ལྟ་སྨོས་ཅི་དགོས། །གདབ་དང་མངགས་དང་སྡིགས་ལ་སོགས། །བཏབ་ན་ལྷ་ཡང་བརླག་པར་འགྱུར། །རྟག་ཏུ་མཆོད་ཅིང་བཅངས་གྱུར་ན། །སྐུ་དང་གསུང་དང་ཐུགས་ཀྱི་སྟོབས། །སྟོབས་ཆེན་ཁྲོ་བོར་བདག་ གྱུར་ནས། །གཉེན་པོ་སྟོབས་ཀྱིས་འཇིགས་ལས་ཐར། །དེ་ཡི་ཡོན་ཏན་བསམ་མི་ཁྱབ། །ཅེས་ཀཱི་ལ་ཡ་གསང་བའི་དགོངས་རྒྱུད་ལས། སྲས་མཆོག་ཕུར་པ་ལ་མོས་པ་བསྟོད་པའི་ ― DNG022_Page_0292 ―
[མ་དཔེ་གཟིགས་ན་འདིར་གནོན།]
དོན་གྱི་ལེའུ་སྟེ་བདུན་ཅུ་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ། རྣལ་འབྱོར་རྗེས་སུ་འཇུག་པ་ཡིས། །ཕུར་པ་བཅངས་པའི་དོན་ནི་ཇི་ལྟར་ལགས། །ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། རྣལ་འབྱོར་རྗེས་སུ་འཇུག་པ་ཡིས། །རྡོ་རྗེ་ཕུར་པ་སྲས་མཆོག་ལ། །ཁྲག་དང་གུ་གུལ་སྐབས་སུ་བདུག །ཏིང་འཛིན་སྔགས་ནི་ཉིན་མཚན་དུ། །སུམ་སྟོང་སུམ་སྟོང་གདམས་ངག་སྦྱར། །རི་དྭགས་གོང་ཁུག་དག་ཏུ་གཞུག །དར་རམ་རས་ཀྱིས་དཀྲིས་ལ་སྦ། །དབྲལ་བར་མི་བྱ་ལུས་ལ་བཅངས། །དངོས་གྲུབ་བར་ཆོད་ཚུགས་མི་འགྱུར། །རི་ལ་བཏབ་ན་རི་ཡང་སྙིལ། །བྲག་ལ་བཏབ་ན་བྲག་ཀྱང་འགྲུམ། །མཚོ་ལ་བཏབ་ན་རྒྱ་མཚོ་སྐེམ། །ཆུ་བྲན་རྣམས་ལ་བཏབ་ན་སྐམ་པར་འགྱུར། །བསྲུང་བར་བཏབ་ན་ཐུབ་པར་འགྱུར། །བསྡིག་ན་དྲེད་ཅིང་གཟིར་བ་དང་། །གདབ་དང་མངགས་དང་སྡིགས་ལ་སོགས། །དགྲ་བགེགས་གཞན་ལྟ་སྨོས་ཅི་དགོས། །བཏབ་ན་ལྷ་ཡང་རླག་པར་འགྱུར། །དངོས་གྲུབ་མྱུར་དུ་ཐོབ་པར་འགྱུར། །དེ་ཡི་ཡོན་ཏན་བསམ་མི་ཁྱབ། །ཅེས་ཀཱི་ལ་ཡ་གསང་བའི་དགོངས་རྒྱུད་ལས། སྲས་མཆོག་ཕུར་པ་བཅངས་པའི་དོན་གྱི་ལེའུ་སྟེ་བདུན་ཅུ་གཅིག་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་གསོལ་པ། ཕུར་པ་བཅངས་པའི་དོན་ནི་དེ་ལགས་ན། །དགོངས་རྒྱུད་བཅངས་པའི་དོན་ནི་ཇི་ལྟར་ལགས། །ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། རྣལ་འབྱོར་རྗེས་སུ་འཇུག་པ་ཡིས། །གསང་བའི་དགོངས་རྒྱུད་ཆེན་པོ་འདི། །བཻ་ཌཱུརྻ་ཡི་གླེགས་བམ་ལ། །རིན་ཆེན་གསེར་གྱི་ཞུན་མས་བྲིས། །བསེ་སྒྲོམ་སྨུག་པོར་བཞུགས་སུ་གསོལ། །བྲིས་དང་བཅངས་དང་ཀློག་པ་དང་། །འཆད་དང་ཉན་དང་བསྒོམ་པ་དང་། །ཕྱི་ནང་གསང་བའི་མཆོད་ཕུལ་ནས། །རྗེས་སུ་ཡི་རངས་མོས་དད་པས། །ལྷ་དང་ཀླུ་དང་གནོད་སྦྱིན་དང་། ། ― DNG022_Page_0293 ―
[མ་དཔེ་གཟིགས་ན་འདིར་གནོན།]
དྲི་ཟ་སྲིན་པོ་མི་འམ་ཅི། །ལྟོ་འཕྱེ་ཆེ་དང་ནམ་མཁའ་ལྡིང་། །བྲན་དང་ཕོ་ཉ་མཁའ་འགྲོ་མས། །སྲུང་སྐྱོབ་ཅི་བསམ་སྒྲུབ་པར་བྱེད། །དངོས་གྲུབ་མ་ཐོབ་བར་དུ་ཡང་། །ངན་སོང་དག་ཏུ་སྐྱེ་མི་སྲིད། །ལྷ་དང་མི་དང་དབང་རྒྱལ་སྐྱེ། །སྐྱེ་བ་ངན་པས་བར་མི་ཆོད། །བརྟུལ་ཞུགས་ཆེ་ན་མྱུར་དག་ཏུ། །དངོས་གྲུབ་ཐེ་ཚོམ་མེད་པར་ བརྙེས། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། རྒྱུད་བཅངས་པའི་ལེའུ་སྟེ་བདུན་ཅུ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱིས་རྗེས་འཇུག་དོན་དུ། ཚིག་དང་ཡི་གེ་སྒྲའི་ཏིང་ངེ་འཛིན་ལ་སྙོམས་པར་ཞུགས་ཏེ། རྒྱུའི་ས་བོན་བཞི་བཅུ་གཉིས་སུ་གསུངས་སོ། །དེ་ནས་ཡང་། ཨ་ཨཱ། ཨི་ཨཱིཾ། ཨུ་ཨཱུ། ཨེ་ཨཻ། ཨོ་ཨཽ། རྀ་རཱྀ། ལྀ་ལཱྀ། ཨཾ་ཨཱཿ། སྒྲ་ཡི་ས་བོན་སྒྲ་ཡི་བོད། །དོན་ནི་སྒྲ་ལས་བྱུང་བའོ། །བཞི་བཅུ་གཉིས་དང་བཅུ་དྲུག་དག །སྒྲ་དོན་ཕྱི་མོ་དེ་ལས་དབྱུང་བར་བྱ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། ཚིག་དང་ཡི་གེ་སྒྲ་བྱུང་ཚུལ་བསྟན་པའི་ལེའུ་སྟེ་བདུན་ཅུ་གསུམ་པའོ།། །།དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྒྲ་ཡི་ས་བོན་བོད་ཅིང་སྒྲ་ལས་འབྱུང་བ་ཡི། །དེ་ཡི་དོན་དགྲོལ་བཤད་དུ་གསོལ། །ཞེས་གསོལ་པས། བཅོམ་ལྡན་འདས་ཀྱིས་བཞི་བཅུ་གཉིས་ཀྱི་ཡི་གེ་བཏུ་བའི་སྒྲའི་ཏིང་ངེ་འཛིན་ལ་སྙོམས་པར་ཞུགས་ཏེ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ལྔ་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ལ། །མེ་ཡི་བུ་ཡི་འོག་ཏུ་སྦྱར། །དང་པོའི་དང་པོ་ཉིད་དག་དང་། །མཐར་གནས་པ་ཡི་གསུམ་པ་དང་། །དེ་བཞིན་ཡང་ནི་དང་པོ་ལ། །དབྱངས་ཀྱི་གསུམ་པ་ཀུན་ཏུ་སྦྱར། །མཐར་གནས་པ་ཡི་གསུམ་པ་ལ། །དབྱངས་ཀྱི་གཉིས་པ་རབ་ཏུ་ལྡན། །མཐར་གནས་པ་ཡི་དང་པོའོ། །ཨུཥྨ་ཎ་ཡི་གསུམ་པ་དང་། །མཐར་གནས་པ་ཡི་གཉིས་པས་བསྡུས། །མཐར་གནས་པ་ཡི་བཞི་པ་བཏགས། །ལྔ་པའི་གསུམ་པ་གང་ཡིན་པར། །དབྱངས་ཀྱི་ ― DNG022_Page_0294 ―
[མ་དཔེ་གཟིགས་ན་འདིར་གནོན།]
གསུམ་པ་སྦྱར་བར་བྱ། །དང་པོའི་བཞི་པ་དག་ནི་བཏུ། །བཞི་པའི་ལྔ་པ་དག་ལ་ནི། །དང་པོའི་ལྔ་ཡི་ཐིག་ལེར་བྱས། །ལྔ་པ་ཡི་ནི་གསུམ་པ་ལ། །དང་པོའི་ལྔ་མཐར་ཐིག་ལེར་བྱས། །དབྱངས་ཡིག་དང་པོ་ཉིད་དག་དང་། །དབྱངས་ཀྱི་དགུ་པ་སྦྱར་བར་བྱ། །ལྔ་པའི་ལྔ་མཐར་ཐིག་ལེར་བྱས། །དབྱངས་ཡིག་གཉིས་པ་ཁོང་དུ་འགྲོ། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་སྦྱར་བར་བྱ། །དང་པོ་ལྔ་པ་ཐིག་ལེར་བྱས། །ལྔ་པའི་གཉིས་པ་སོར་བཞག་དང་། །གསུམ་པའི་གསུམ་པ་སོར་བཞག་དང་། །ཐུགས་ཀྱི་ གསུང་གི་གསང་སྔགས་ཡིན། །གནས་ངན་ལེན་པ་སྲེག་པའི་མཐུ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། རྩ་བའི་གསང་སྔགས་ཀྱི་ལེའུ་སྟེ་བདུན་ཅུ་བཞི་པའོ།། །།དེ་ནས་ཕྲིན་ལས་ཀྱི་རྒྱལ་པོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །རྩ་བའི་གསང་སྔགས་ཡི་གེ་བཏུ་བ་དེ་ལགས་ན། །དྲག་པོ་ཁྲོ་བོའི་ཡི་གེ་བཏུ་བ་ཇི་ལྟར་ལགས། །བདེ་བར་གཤེགས་པས་ལུང་བསྟན་དུ་གསོལ། ཞེས་ཞུས་པས། ཐོག་མར་ཨོཾ་དང་ཧཱུཾ་གཉིས་ཕཊ། །ལྔ་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ལ། །མེ་ཡི་བུ་ཡིས་གདན་དུ་བྱས། །དང་པོའི་གཉིས་པ་དག་དང་ནི། །དབྱངས་ཡིག་བཞི་དང་མེ་བུར་སྦྱར། །གསུམ་པ་ཡི་ནི་དང་པོའོ། །དྲག་པོའི་ཚིག་ཏུ་ཤེས་པར་བྱ། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་ལྡན་པར་བྱ། །དང་པོའི་ལྔ་པས་མཚན་པ་དང་། །དང་པོའི་དང་པོ་དག་དང་ནི། །མཐར་གནས་པ་ཡི་གཉིས་པ་དག །འདོད་པའི་བྱ་བ་དོན་སྒྲུབ་པའོ། །ཧཱུཾ་མཛད་མནྟྲའི་སྒྲ་ཡིག་གོ། །རྡོ་རྗེ་ཁྲོ་བོར་ཀུན་བཞི་ན། །ལྔ་པའི་གསུམ་པ་གང་ཡིན་དང་། །དབྱངས་ཡིག་གསུམ་པ་སྦྱར་བར་བྱ། །གཉིས་པའི་གསུམ་པ་གང་ཡིན་དང་། །དབྱངས་ཀྱི་གཉིས་པ་ལྡན་པར་བྱ། །དྲུག་པའི་དང་པོ་གང་ཡིན་པ། །རྣམ་རྒྱལ་མནྟྲའི་སྒྲ་ཡིག་གོ། །བཞི་པའི་ལྔ་པ་གང་ཡིན་དང་། །དབྱངས་ཀྱི་བཞི་པ་སྦྱར་བར་བྱ། །མཐར་ ― DNG022_Page_0295 ―
[མ་དཔེ་གཟིགས་ན་འདིར་གནོན།]
གནས་པ་ཡི་གསུམ་པ་དང་། །བཞི་པའི་གསུམ་པ་དག་དང་ནི། །གསུམ་པའི་ལྔ་པ་བསྡུས་ཏེ་བཞག །གསུམ་པའི་གསུམ་པ་ཉིད་དག་ལ། །དབྱངས་ཀྱི་གཉིས་པ་དེ་བཞིན་ནོ། །དབྱུག་སྔོན་མནྟྲའི་སྒྲ་ཡིག་གོ། །དྲུག་པ་ཡི་ནི་དང་པོ་དང་། །ལྔ་པ་ཡི་ནི་ལྔ་པ་ལ། །དབྱངས་ཡིག་གཉིས་པ་ཕྱེ་སྟེ་བཞག །བཞི་པའི་ལྔ་པ་བཏུས་ལ་ནི། །བཞི་པ་དང་པོ་སོར་བཞག་པ། །དང་པོ་ཡི་ནི་དང་པོའོ། །གཤིན་རྗེ་གཤེད་ཀྱི་མནྟྲའི་སྒྲ། །དབྱངས་ཀྱི་གཉིས་པ་ཉིད་དང་ནི། །དེ་ནས་ཡི་གེ་རྱ་ཉིད་དང་། །དབྱངས་ཀྱི་དང་པོ་དག་དང་ནི། །གཉིས་པའི་དང་པོ་གང་ཡིན་དང་། །མཐར་གནས་པ་ཡི་གསུམ་པ་དག །མི་གཡོ་མགོན་གྱི་སྒྲ་ཡིག་གོ། །ཨུཥྨ་ཎ་ཡི་བཞི་པ་དང་། །དབྱངས་ཀྱི་གཉིས་པ་སྦྱར་བ་སྟེ། །དྲུག་པའི་དང་པོ་གང་ཡིན་དང་། །དང་པོའི་གསུམ་པ་གང་ཡིན་དང་། །མེ་ཡི་བུ་ཡིས་གདབ་པར་བྱ། །དབྱངས་ཀྱི་གསུམ་པས་ཕྱེ་བ་ཡིན། །ལྔ་པའི་གསུམ་པ་གང་ཡིན་ལ། །དེ་ལ་དབྱངས་ཀྱི་གཉིས་པས་དབྱེ། །རྟ་མགྲིན་སྔགས་སུ་བཏུ་བའི་སྒྲ། །དབྱངས་ཀྱི་དང་པོ་གང་ཡིན་དང་། །ལྔ་པའི་དང་པོ་གང་ཡིན་དང་། །མཐར་གནས་པ་ཡི་གཉིས་པ་དང་། །དེ་ལ་དབྱངས་ཀྱི་གཉིས་པས་དབྱེ། །གཉིས་པའི་དང་པོ་གང་ཡིན་དང་། །དེ་ལ་དབྱངས་ཀྱི་གསུམ་པ་སྦྱར། །བཞི་པའི་དང་པོ་དབྱངས་ཡིག་གཉིས་པས་ཕྱེ། །མི་ཐུབ་མནྟྲ་སྒྲ་ཡིག་གོ། །དབྱངས་ཀྱི་དང་པོ་གང་ཡིན་དང་། །ལྔ་པའི་ལྔ་པ་དག་ལ་ནི། །མེ་ཡི་བུ་ཡིས་གདན་དུ་བྱས། །དབྱངས་ཡིག་གསུམ་པ་དང་ནི་བསྡུས། །བཞི་པའི་དང་པོ་གང་ཡིན་དང་། །དང་པོའི་ཉིད་ལ་དབྱངས་ལྔ་སྦྱར། །བཞི་པའི་ལྔ་པ་བསྡུས་ཏེ་བསྲེས། །གསུམ་པའི་གསུམ་པ་དག་དང་ནི། །དབྱངས་ཀྱི་གཉིས་པས་དབྱེ་བར་བྱ། །མཐར་གནས་པ་ཡི་གསུམ་པ་ལ། །དབྱངས་ཡིག་གསུམ་པ་ཁྱད་པར་ཕྱེ། །བདུད་རྩི་འཁྱིལ་པའི་མནྟྲའི་སྒྲ། །བཞི་པའི་དང་པོ་གང་ཡིན་དང་། །མེ་ཡི་བུ་ཡིས་གདན་དུ་བྱས། །དབྱངས་ཡིག་གསུམ་པ་སྦྱར་བར་བྱ། །གདན་དུ་དབྱངས་ཡིག་གཉིས་པས་གདབ། །དྲུག་པའི་གསུམ་པ་གང་ཡིན་དང་། །དབྱངས་ཡིག་ ― DNG022_Page_0296 ―
[མ་དཔེ་གཟིགས་ན་འདིར་གནོན།]
བཅུ་པ་དག་དང་ལྡན། །དང་པོའི་གསུམ་པས་གདབ་པར་བྱ། །ཡི་གེ་ཀྱི་ཉིད་དེ་ནས་བླངས། །ལྔ་པའི་གསུམ་པ་དག་ལ་ནི། །དབྱངས་ཀྱི་གཉིས་པ་གདན་དུ་བྱས། །དབྱངས་ཡིག་གསུམ་པས་ཁྱད་པར་བྱེད། །གཉིས་པའི་གསུམ་པ་ཉིད་དག་དང་། །དབྱངས་ཡིག་གཉིས་པས་ཁྱད་པར་དབྱེ། །དྲུག་པའི་དང་པོ་ཡང་དག་བླངས། །ཁམས་གསུམ་རྒྱལ་བའི་མནྟྲའི་སྒྲ། །ལྔ་པའི་ལྔ་པ་ཉིད་དང་ནི། །ཨུཥྨ་ཎ་ཡི་བཞི་པ་ལ། །དབྱངས་ཡིག་གཉིས་པས་རབ་ཏུ་དབྱེ། །ལྔ་པའི་གསུམ་པ་གང་ཡིན་དང་། །མཐར་གནས་པ་ཡི་གསུམ་པ་དང་། །སྟོབས་ཆེན་དག་གི་མནྟྲའི་སྒྲ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། བཏུ་བའི་ལེའུ་སྟེ་བདུན་ཅུ་ལྔ་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །དྲག་པོ་ཁྲོ་བོའི་ཡི་གེ་བཏུ་བ་དེ་ལགས་ན། །དྲག་པོ་ཁྲོ་བོ་རྣམས་ཀྱི་བྱ་བའི་དོན་སྒྲུབ་པ་ཇི་ལྟར་ལགས། བདེ་བར་གཤེགས་པས་ལུང་བསྟན་དུ་གསོལ། ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། དང་པོའི་དང་པོ་ཉིད་དག་དང་། །ལྔ་པའི་མཐར་གནས་སོར་བཞག་གཉིས། །བྲུ་ཤ་ཏྲ་པ་ཏྲའི་དོན་ལ་སྙོམས་པར་ཞུགས་ཏེ། ཨོཾ་དང་ཧཱུཾ་གཉིས་ཕཊ་དང་བཞི། །བར་དུ་མཚན་ཉིད་སོ་སོར་གཞུག །མཐར་གནས་པ་ཡི་གཉིས་པ་ལ། །དབྱངས་ཡིག་ལྔ་པ་སྦྱར་བར་བྱ། །དྷ་ར་ཡ། འདོད་པའི་བྱ་བ་དོན་སྒྲུབ་པའང་། །ཡི་གེ་ཉི་ཤུ་གསུམ་པ་ལ། །དབྱངས་ཡིག་ལྔ་པ་གཉིས་སུ་བཏགས། །དབྱངས་ཡིག་གསུམ་པ་བརྩེག་མའོ། །དབྱངས་ཡིག་གསུམ་པ་གཅིག་གཉིས་པ་དང་གསུམ། །དང་པོའི་དང་པོ་ཉིད་དག་དང་། །ལྔ་པའི་མཐར་གནས་གཉིས་ནི་སོར་བཞག་སོགས། །བྲུ་ཤ་ཏྲ་པ་ཏྲ་ཡི་རུ་དྷ་ར་ཡ། ཧཱུཾ་ཀཱ་ར་རུ་དྷ་ར་ཡ། འདོད་པའི་བྱ་བ་དོན་སྒྲུབ་པའང་། རུ་རྣམ་པར་རྒྱལ་བ་དང་། རུ་དབྱུག་པས་འཇོམས་པ་དང་། རུ་གཤིན་རྗེ་གཤེད་དང་། རུ་མི་གཡོ་མགོན་དང་། རུ་རྟ་མྱུར་དྲག་པོའི་ཕྲིན་ལས་ ― DNG022_Page_0297 ―
[མ་དཔེ་གཟིགས་ན་འདིར་གནོན།]
བཞི་དང་། རུ་མཐུས་མི་ཐུབ་པ་དང་། རུ་བདུད་རྩི་འཁྱིལ་པ་དང་། རུ་ཁམས་གསུམ་ལས་རྣམ་པར་རྒྱལ་བ་དང་། རུ་གནས་སྟོབས་པོ་ཆེ་དང་། རུའི་རྣམ་པར་སྨིན་པ་རྒྱ་མཚོ་ཙམ་ཞལ་དུ་རྔུབ་ནས་འོད་ཟེར་ལུས་ངག་ཡིད་ལ་བསྡིམ་པས། དྲན་པ་རྙེད་དེ། ལུས་དང་ངག་དང་ཡིད་དང་ཆོས་སྐྱོང་བའོ། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། གསང་སྔགས་ཕྲིན་ལས་ཀྱི་འདོད་པའི་བྱ་བའི་དོན་སྒྲུབ་པའི་ལེའུ་སྟེ་བདུན་ཅུ་དྲུག་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། གསང་སྔགས་ཕྲིན་ལས་འདོད་པའི་བྱ་བ་དོན་སྒྲུབ་དེ་ལགས་ན། ཡོན་ཏན་ཉི་ཤུ་གཅིག་རྫོགས་ཡི་གེ་བཏུ་བ་ལུང་བསྟན་དུ་གསོལ། ཞེས་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། དབྱངས་ཀྱི་ཡི་གེ་དང་པོ་ལ། །དབྱངས་ཡིག་བཅུ་པ་སྦྱར་བར་བྱ། །དབྱངས་ཡིག་གཉིས་པ་རབ་ཏུ་ལྡན། །ལྔ་པའི་མཐར་གནས་ཐིག་ལེར་བྱས། །མཐར་གནས་པ་ཡི་གསུམ་པ་ལ། །དང་པོའི་ལྔ་པ་ཐིག་ལེར་བྱས། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་གདགས་པར་བྱ། །དང་པོའི་ལྔ་པ་ཐིག་ལེར་སྦྱར། །མཐར་གནས་པ་ཡི་གསུམ་པ་ལ། །དང་པོའི་ལྔ་པ་ཐིག་ལེར་སྦྱར། །ཨུཥྨ་ཎ་ཡི་གསུམ་པ་ལ། །བཞི་པའི་དང་པོ་གདགས་པར་བྱ། །ལྔ་པའི་མཐར་གནས་སྦྱར་བར་བྱ། །ལྔ་པའི་བཞི་པ་སོར་བཞག་ལ། །བཞི་པའི་མཐར་གནས་གཉིས་སུ་བསྡུས། །ལྔ་པ་ཡི་ནི་མཐར་གནས་ལ། །དབྱངས་ཡིག་བཅུ་པ་སྦྱར་བར་བྱ། །ཨུཥྨ་ཎ་ཡི་བཞི་པ་སོར་བཞག་པའོ། །དབྱངས་ཡིག་གཉིས་པ་རབ་ལྡན་པ། །དང་པོའི་གསུམ་པ་སྦྱར་བར་བྱ། །མཐར་གནས་དང་པོ་སོར་བཞག་པའོ། །ལྔ་པའི་བཞི་པ་སོར་བཞག་དང་། །དང་པོའི་གསུམ་པ་སོར་བཞག་པའོ། །ལྔ་པ་ཡི་ནི་གསུམ་པ་ལ། །བཞི་པའི་མཐར་གནས་བསྡུ་བར་བྱ། །ཨུཥྨ་ཎ་ཡི་དང་པོ་ལ། །མེ་ཡི་བུ་ཡི་གདན་དུ་བྱས། །དབྱངས་ཡིག་གསུམ་པ་སྦྱར་བར་བྱ། །དང་པོའི་དང་པོ་ཉིད་དག་དང་། །མེ་ཡི་བུ་ཡི་གདན་དུ་བྱས། །དབྱངས་ ― DNG022_Page_0298 ―
[མ་དཔེ་གཟིགས་ན་འདིར་གནོན།]
ཡིག་གསུམ་པ་སྦྱར་བར་བྱ། །ལྔ་པ་ཡི་ནི་གསུམ་པ་ལ། །དབྱངས་ཡིག་གསུམ་པ་སྦྱར་བར་བྱ། །དང་པོའི་དང་པོ་ཉིད་དག་ལ། །མེ་ཡི་བུ་ཡིས་གདན་དུ་བྱ། །དབྱངས་ཡིག་གསུམ་པ་སྦྱར་བར་བྱ། །ཨུཥྨ་ཎ་ཡི་དང་པོ་ལ། །མེ་ཡི་བུ་ཡི་དབྱངས་ཡིག་གཉིས། །དབྱངས་ཀྱི་ཡི་གེ་གསུམ་པས་བརྒྱན། །ལྔ་པ་ཡི་ནི་གསུམ་པ་དང་། །གཉིས་པའི་གསུམ་པ་མེ་བུ་གདན། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་སྦྱར་བར་བྱ། །དང་པོའི་མཐར་གནས་ཐིག་ལེར་བྱས། །དང་པོའི་དང་པོ་མེ་བུ་སོར་བཞག་གཉིས། །ཨུཥྨ་ཎ་ཡི་བཞི་པ་སོར་བཞག་གཉིས། །དབྱངས་ཡིག་ལྔ་གཉིས་ཐིག་ལེར་བརྒྱན་པའོ། །ལྔ་པའི་གཉིས་པ་གཉིས་གཉིས་ལ། །གསུམ་པའི་གསུམ་པ་གཉིས་སུ་སྦྱར། །ལྔ་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་མེ་བུར་ལྡན། །དང་པོའི་དང་པོ་མཐར་གནས་གསུམ་པ་སོར་བཞག་ལ། །དབྱངས་ཡིག་གསུམ་པ་གཉིས་སུ་སྦྱར་བར་བྱ། །དང་པོའི་དང་པོ་གཉིས་དག་དང་། །དབྱངས་ཡིག་གསུམ་པ་སྦྱར་བའོ། །མཐར་གནས་གསུམ་པ་སོར་བཞག་ལ། །མཐར་གནས་དང་པོ་སོར་བཞག་པའོ། །རྡོ་རྗེའི་སྙིང་པོ་མ་ཡིན་པ། །ཕུར་པའི་སྙིང་པོ་བརྩེག་མའོ། །གཉིས་པའི་གསུམ་པ་སོར་བཞག་དང་། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་སྦྱར་བར་བྱ། །དང་པོའི་ལྔ་པ་ཐིག་ལེར་བརྒྱན། །ལྔ་པ་ཡི་ནི་གསུམ་པ་དང་། །དང་པོའི་ལྔ་པ་ཐིག་ལེར་བརྒྱན། །ཨུཥྨ་ཎ་ཡི་བཞི་པ་དབྱངས་ཡིག་བཅུ་པ་སྦྱར། །ཨུཥྨ་ཎ་ཡི་གསུམ་པ་མེ་བུར་དང་། །ལྔ་པའི་གསུམ་པ་སྦྱར་བའོ། །ལྔ་པ་ཡི་ནི་གསུམ་པ་དང་པོའི་བཞི་པ་དང་། །དབྱངས་ཡིག་གསུམ་པར་སྦྱར་བར་བྱ། །བཞི་པའི་མཐར་གནས་གཉིས་སུ་སྡུད། །རྡོ་རྗེ་ཕུར་པའི་སྙིང་པོ་དང་། །ཨུཥྨ་ཎ་ཡི་བཞི་པ་སོར་བཞག་གཉིས། །དབྱངས་ཡིག་ལྔ་པ་བཏགས་ལ་ནི། །དང་པོའི་མཐར་གནས་ཐིག་ལེར་བརྒྱན། །ལྔ་པའི་གཉིས་པ་གཉིས་དག་ལ། །གསུམ་པའི་དང་པོ་སོར་བཞག་གཉིས། །ལྔ་པའི་གསུམ་པའི་གཉིས་པའི་གསུམ་པ་ལ། །མེ་ཡི་བུ་ཡིས་གདན་དུ་བྱས། །ཨུཥྨ་ཎ་ཡི་བཞི་པ་སོར་བཞག་ ― DNG022_Page_0299 ―
[མ་དཔེ་གཟིགས་ན་འདིར་གནོན།]
གཉིས། །དབྱངས་ཡིག་ལྔ་པ་བཏགས་ལ་ནི། །དང་པོའི་ལྔ་པ་ཐིག་ལེར་བརྒྱན། །དང་པོའི་དང་པོ་སོར་བཞག་དང་། །མཐར་གནས་གཉིས་པ་སོར་བཞག་པའོ། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་གདགས་པར་བྱ། །དང་པོའི་ལྔ་པ་ཐིག་ལེར་བརྒྱན། །ལྔ་པའི་གཉིས་པ་སོར་བཞག་དང་། །གསུམ་པའི་དང་པོ་སོར་བཞག་པའོ། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་གདགས་པར་བྱ། །དང་པོའི་ལྔ་པ་ཐིག་ལེར་བརྒྱན། །དང་པོའི་དང་པོ་སོར་ བཞག་དང་། །མཐར་གནས་གཉིས་ལ་སོར་བཞག་པའོ། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་གདགས་པར་བྱ། །དང་པོའི་ལྔ་པ་ཐིག་ལེར་བརྒྱན། །ལྔ་པ་ཡི་ནི་གསུམ་པ་དང་། །དང་པོའི་ལྔ་པ་ཐིག་ལེར་བརྒྱན། །ཨུཥྨ་ཎ་ཡི་བཞི་པ་ལ། །དབྱངས་ཡིག་ལྔ་པ་གདགས་པར་བྱ། །དང་པོའི་ལྔ་པ་ཐིག་ལེས་བརྒྱན། །དབྱངས་ཡིག་དང་པོར་བཞག་པའོ། །སྦྱོར་བ་གསུམ་གསུམ་དག་གིས་ནི། །ཉི་ཤུ་གཅིག་གིས་བྱ་བ་སྒྲུབ། །ཅེས་ཀཱི་ལ་ཡ་གསང་བའི་དགོངས་རྒྱུད་ལས། ཡོན་ཏན་ཉི་ཤུ་གཅིག་གིས་བྱ་བ་སྒྲུབ་པའི་སྒྲ་ཡི་ཡི་གེ་བཏུ་བའི་ལེའུ་སྟེ་བདུན་ཅུ་བདུན་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཡོན་ཏན་ཉི་ཤུ་གཅིག་གིས་བྱ་བ་སྒྲུབ་པའི་ཡི་གེ་བཏུ་བ་དེ་ལགས་ན། མནན་ཕུར་གྱི་སྒྲའི་དོན་ཇི་ལྟར་ལགས་ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། དྲག་སྔགས་ཉི་ཤུ་རྩ་གཅིག་ལ། །ཡོན་ཏན་ཉི་ཤུ་གཅིག་གི་མཐུ། །སྒྲ་ཡི་སྦྱོར་བ་གསུམ་དག་གིས། །དོན་བཞི་སྦྱོར་བ་མེ་ཡིས་བསྲེག །དྲག་སྔགས་དྲུག་པའི་སྦྱོར་བའི་མཐུ། །སྨད་ཀྱི་སྟོད་ཀྱི་བདུན་པོའི་སྒྲ། །འདོད་པའི་བྱ་བ་བདུན་སྒྲའི་མཐུས། །དྲག་སྔགས་དྲུག་པོ་སྦྱངས་པའི་མཐུས། །འདོད་པའི་བྱ་བ་དྲུག་སྒྲའི་མཐུས། །བཅོ་བརྒྱད་དག་གི་དྲག་སྔགས་སྒྲ། །འདོད་པའི་བྱ་བ་ཉི་ཤུ་བརྒྱད། །རྣམ་གསུམ་སྒྲ་ཚིག་བྱིན་བརླབས་མཐུས། །ཚོར་བྱེད་དྲག་སྔགས་བདུན་བཏབ་ལ། །ཕྱི་ནན་ཕྱི་ནན་ ― DNG022_Page_0300 ―
[མ་དཔེ་གཟིགས་ན་འདིར་གནོན།]
མི་ཕྱིན་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །མཐོང་བྱེད་དྲག་སྔགས་བདུན་བཏབ་ལ། །སྲེད་སུ་ནན་ཤག་ཏྲག་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །ཐོས་བྱེད་དྲག་སྔགས་བདུན་བཏབ་ལ། །ཨ་ར་ལི་ཚལ་པ་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །རོ་བྱེད་དྲག་སྔགས་བདུན་བཏབ་པས། །ཤུ་ལ་ཁང་མེ་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །རེག་བྱེད་དྲག་སྔགས་བདུན་བཏབ་པ། །ཨ་ར་སུ་ཏྲི་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །ཞེ་སྡང་དྲན་རྟོག་དྲག་སྔགས་བདུན་བཏབ་པས། །ཀརྨ་ཙིཏྟ་ཛྭ་ར་ནི་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །ང་རྒྱལ་དྲག་སྔགས་བདུན་བཏབ་པས། །ཁེ་ར་པྲ་དུམ་ཁུམ་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །ཕྲག་དོག་དྲག་སྔགས་བདུན་བཏབ་པས། །ལྷུ་དུམ་ཤིག་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །འདོད་ཆགས་དྲག་སྔགས་བདུན་བཏབ་པས། །ཨ་ཏ་སུ་ཏྲི་སུ་ཏྲི་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །གཏི་མུག་དྲག་སྔགས་བདུན་བཏབ་པས། །བྷན་དྷ་ཀོ་རོ་ཙ་ན་ནན། སུས་ཀྱང་མི་ཕྱིན་པ་ཡི་སྒྲ། །རྣམ་གསུམ་སྒྲ་ཚིག་བྱིན་བརླབས་མཐུས། །གནད་གསུམ་དྲག་སྔགས་རེ་བཏབ་པས། །རྟེན་དག་གཉིས་པའི་བྱིན་བརླབས་སྒྲ། །མནན་ཕུར་བརྒྱ་ནི་རྩ་བརྒྱད་ཀྱིས། །འདོད་པའི་བྱ་བ་དོན་སྒྲུབ་པའོ། །ཀཱི་ལ་ཡ་གསང་བའི་དགོངས་རྒྱུད་ལས། སྒྲ་དོན་གྱི་ལེའུ་སྟེ་ བདུན་ཅུ་བརྒྱད་པའོ།། །།དེ་ནས་ཡང་སྟོབས་ཆེན་ཁྲོ་བོའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་ཀྱི་སྟོབས་ལས། ཁྲོ་བོ་མཚོན་ཆའི་དྲག་སྔགས་ཕྱུང་སྟེ། རྡོ་རྗེ་གསང་བའི་ཞེས་ཀརྨ་གསུམ་གྱི་སྒྲ་ཐོན་ཏོ། །ཕུར་པ་བདུན་ལ་ཉི་ཤུ་གཅིག །དྭངས་མ་གསུམ་ལ་སྦྱོར་བ་གསུམ། ། ― DNG022_Page_0301 ―
[མ་དཔེ་གཟིགས་ན་འདིར་གནོན།]
འདོད་པའི་བྱ་བ་བདུན་སྒྲུབ་པའོ། །གཏི་མུག་རྡོ་རྗེའི་ཕུར་པ་ཡིས། །སྟོབས་ཆེན་མ་མའི་དྲག་སྔགས་སྒྲས། །གཏི་མུག་རྩད་ནས་བཅད་པའི་མཐུ། །ཞེ་སྡང་རྡོ་རྗེའི་ཕུར་པ་ཡིས། །སྟོབས་ཆེན་པ་ཤའི་དྲག་སྔགས་སྒྲས། །ཞེ་སྡང་རྩད་ནས་བཅད་པའི་མཐུ། །ང་རྒྱལ་རྡོ་རྗེའི་ཕུར་པ་ཡིས། །སྟོབས་ཆེན་མ་ཏྲཾ་ཉ་ཡི་དྲག་སྔགས་ཀྱིས། །ང་རྒྱལ་རྩད་ནས་བཅད་པའི་མཐུ། །འདོད་ཆགས་རྡོ་རྗེའི་ཕུར་པ་ཡིས། །སྟོབས་ཆེན་ཀ་རིའི་དྲག་སྔགས་ཀྱིས། །འདོད་ཆགས་རྩད་ནས་བཅད་པའི་མཐུ། །ཕྲག་དོག་རྡོ་རྗེའི་ཕུར་པ་ཡིས། །སྟོབས་ཆེན་ཤཱི་གྷྲཾ་ཀཱ་ར་ཡ་ཡི་དྲག་སྔགས་ཀྱིས། །ཕྲག་དོག་རྩད་ནས་གཅོད་པའི་མཐུ། །སྐུ་གསུང་ཐུགས་ཀྱི་སྟོབས་པོ་ཆེ། །ཨི་ནན་གྱི་ནི་དྲག་སྔགས་སྒྲས། །བགེགས་ཆེན་རླག་པར་བྱེད་པའི་མཐུ། །དྷ་ཏི་མ་མའི་དྲག་སྔགས་སྒྲས། །རཱུ་ཏྲ་སྡེ་གསུམ་སྒྲལ་བའི་མཐུ། །ལུག་ངག་ཡིད་གསུམ་གནས་སུ་སྒྲལ་བའི་མཐུ། །ཚེ་ཡི་རྟེན་ཕྲལ་གནད་ཀྱང་གཅོད་པའི་མཐུ། །རྒྱུ་ཡི་གཙོ་བོ་རླུང་ཡིན་ཏེ། །རླུང་བགེགས་པ་ཡི་དྲག་སྔགས་འདིས། །མེ་ཆུ་ས་དང་ནམ་མཁའ་སོགས། །དེ་བཞིན་དེ་ལྟར་རིམ་བཞིན་འགག །ཚངས་པའི་ཚེ་དང་ལྡན་པ་ཡང་། །སྦྱོར་བ་གསུམ་གྱིས་འཇིག་པར་འགྱུར། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། སྟོབས་ཆེན་ཁྲོ་བོའི་ལེའུ་སྟེ་བདུན་ཅུ་དགུ་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བླ་འགུགས་ཕོ་ཉའི་དོན་ནི་ཇི་ལྟར་ལགས། །ཞེས་གསོལ་པས། ནག་པོའི་ཐོད་ཆེན་དག་ཏུ་ནི། །བྱ་རོག་འུག་པའི་དང་རུ་ལ། །གཟས་པའི་མིང་རུས་སྒྲོ་རྩར་གདགས། །ལྟག་སྤྲད་སྦྱར་ཏེ་ག་བུར་གཞུག །གསང་སྔགས་བདུན་པ་བྲིས་ལ་གདགས། །གསང་སྔགས་བདུན་པ་སྦྱོར་བ་གཉིས། །དྲུག་པའི་དང་པོ་སྦྱར་བར་བྱ། །གཟས་པའི་ཐིམ་པར་བཅུག་ལ་ནི། །ཞག་ནི་ཉི་ཤུ་རྩ་གཅིག་ཏུ། །ཐུན་དུ་བྲབ་ཅིང་ལུས་ལ་བསྡིམ། །ཕོ་ཉ་དྲུག་ཅུའི་གཙོ་མོ་སྟེ། །ནམ་མཁའི་ལྷ་མོ་ཕུར་པའི་ལྷ། །ཕོ་ཉ་ ― DNG022_Page_0302 ―
[མ་དཔེ་གཟིགས་ན་འདིར་གནོན།]
དྲུག་ཅུས་བླ་བཀུག་ནས། །ལག་བརྒྱ་ལྕགས་ཕུར་དཀར་ནག་མཚམས། །བདུན་པ་དྲུག་པའི་དང་པོ་ཡིས། །སྦྱོར་བ་གཉིས་དང་གསུམ་གྱིས་གདབ། །ཕུར་པའི་ལྷ་མོ་བླ་འགུགས་མ། །དཀར་མོ་དུང་གི་མཆེ་བ་ཅན། །ལག་བརྒྱ་ལྕགས་ཕུར་བརྒྱ་བསྒྲེལ་ཅིང་། །ཞལ་བརྒྱ་དྲག་སྔགས་དྲུག་དང་བདུན་པ་བཟླས་པར་བསམ། །དྲག་སྔགས་དྲུག་གི་འོད་ཟེར་སྔོན་དམར་འཕྲོས། །དུང་གི་སྤྱང་མོ་མགོ་དགུ་ཡིས། །གཟས་པའི་དོན་སྙིང་འདྲུ་བར་བསམ། །ག་བུའི་ནང་དུ་བཏབ་སྟེ་མནན། །ཕྲིན་ལས་མ་གྲུབ་འདི་ཡིས་སྤོགས། །དགུག་བསྡིམ་མ་ཁུགས་འདི་ཡིས་སྤོགས། །བླ་ཕུར་མ་ཐེབས་འདི་ཡིས་ཐེབས། །བླ་ཕུར་གདབ་པའི་ག་འུར་མནན། །བླ་ཕུར་དྲུག་ཅུ་ཕོ་ཉར་བཅས། །མནན་པ་རི་རབ་རྩེ་ལ་མནན། །རླུང་རྟ་དར་བས་ཕྲིན་ལས་གསོལ། །སྤོགས་པའི་ཆོ་ག་འདི་ཡིས་ནི། །ཉི་ཤུ་གཅིག་གིས་ཐེ་ཚོམ་མེད། །ཝི་ཧི་ལི་ཝི་ཧི་ལི། ཞེས་ཀཱི་ལ་ཡ་གསང་བའི་དགོངས་རྒྱུད་ལས། བླ་བཀུག་ཕོ་ཉ་སྤོགས་པའི་ལེའུ་སྟེ་བརྒྱད་ཅུ་པའོ།། །།དེ་ནས་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་བཛྲ་ཀཱི་ལ་ཡ། །རྣལ་འབྱོར་རྗེས་སུ་འཇུག་པ་ལ། །གཟུང་འཛིན་བཟློག་ནས་སངས་རྒྱས་སུ། །ཡང་དག་དགོངས་པ་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ། །གཟུགས་སོགས་འབྱུང་བ་བཞི་པོ་ཡང་། །ཉེ་བར་ལེན་པ་ལེན་བྱེད་ལྔ། །འཕེན་པར་བྱེད་པ་ལས་ཡིན་ཏེ། །སྦྱིན་པའི་འབྲས་བུ་རྒྱུ་དྲུག་ཏུ། །རྟེན་ཅིང་འདྲེལ་བའི་འཁོར་ལོ་བསྐོར། །དེ་ལ་ཟློག་ཐབས་ཡང་དག་དོན། །བསྐྱེད་པའི་རིམ་པ་ཡང་དག་དོན། །དེ་ལྟར་དེ་བཞིན་དཀྱིལ་འཁོར་ལྷ། །གཉིས་སུ་སྦྱོར་བ་གཅིག་ཏུ་གསལ། །ནུས་འཇུག་བསྐྱེད་དང་ལྟས་ཐོབ་པ། །ཨཱོཾ་དང་ཨཱཾཿདང་ཧཱུཾ་གིས་གཟུང་ལས་བཟློག །ཉོན་མོངས་སྒྲིབ་པ་ཕྱི་གཟུང་ཡུལ་ལས་འདས། །ཨཱོཾ་དང་ཨཱཾཿདང་ཧཱུཾ་གི་ངོ་བོ་ལས། །འཛིན་པའི་ཤེས་བྱའི་ ― DNG022_Page_0303 ―
[མ་དཔེ་གཟིགས་ན་འདིར་གནོན།]
སྒྲིབ་པའི་དོན་མ་ལོངས། །ཆོས་རྣམས་ཐམས་ཅད་སེམས་ཡིན་ཏེ། །སེམས་ཀྱི་རྣམ་པ་ལྷ་ཡི་སྐུ། །བདེ་གཤེགས་འཛིན་པ་གཉིས་སུ་རིག་པར་གསལ། །དེ་ཉིད་སངས་རྒྱས་དགོངས་མ་ལོངས། །ཕུང་པོ་ཁམས་དང་སྐྱེ་མཆེད་དང་། །བདེ་གཤེགས་དཀྱིལ་འཁོར་ཀློང་དུའོ། །ལུས་ངག་ཡིད་གསུམ་ཕུང་པོ་ཡང་། །དཀྱིལ་འཁོར་གསུམ་གྱི་ཀློང་དཀྱིལ་འཁོར། །སྣང་ལ་རང་བཞིན་མེད་པ་བཞིན་ལྟ་བུ། །ཁ་མིག་རྣ་བ་ཡན་ལག་གཟུང་འཛིན་གཉིས། །རང་བཞིན་མེད་པར་འཛིན་པ་ཙམ་ཡང་མིན། །མར་མེའི་འོད་ཀྱིས་མུན་པ་སེལ་འགྱུར་ཏེ། །ཕྱོགས་གཅིག་མུན་པ་སེལ་མི་འགྱུར། །འོད་ཆུང་མུན་པ་སེལ་མི་འགྱུར། །བཅུ་དྲུག་འོད་ཀྱིས་མུན་པ་སེལ། །ཐ་དད་རིན་ཆེན་རྙེད་འགྱུར་ཙམ། །དང་པོར་དེ་ལྟར་དེ་བཞིན་ནོ། །རིན་ཆེན་རང་ལས་རྟོགས་པས་རྙེད། །མུན་པའི་སྨག་ནི་ཚོན་ནག་བཞིན། །སྤྲིན་གྱིས་བསྒྲིབས་པའི་ཉི་མ་བཞིན། །རིན་ཆེན་ཐ་དད་དེ་བཞིན་ནོ། །སྤྲིན་མེད་ཉི་མ་ཤར་བའི་འོད། །ཉི་ཟེར་དྲོ་གསལ་བདེ་འབྲས་འབྱུང་། །རང་ལས་རིན་ཆེན་རྙེད་འགྱུར་ཏེ། །ཡང་གསང་ཐུགས་ལ་བདེ་འབྲས་འབྱུང་། །སྐུ་གཉིས་འགྲོ་དོན་བྱིན་རླབ་སྣང་། །འགྲོ་བ་རྣམས་ལ་བདེ་འབྲས་སྣང་། །རྒྱ་མཚོའི་ཁ་དང་རྒྱ་མཚོའི་གཏིང་། །རྐྱེན་གྱིས་དེ་ལྟར་དེ་བཞིན་དུ། །ཐ་དད་པ་དང་ཐ་མི་དད། །རིན་ཆེན་རྙེད་པ་དེ་བཞིན་ནོ། །ཡང་གསང་ཐུགས་ཀྱི་དཀྱིལ་འཁོར་ནི། །ཆོས་རྣམས་ཐམས་ཅད་སེམས་ཡིན་ཏེ། །སེམས་ཉིད་རྣམ་པར་ཤེས་པ་རྡོ་རྗེར་བསྒོམ། །ཆོས་དང་ཆོས་ཉིད་གཉིས་སུ་མེད། །ཆོས་རྣམས་ཐམས་ཅད་འཁོར་བ་དང་། །འཁོར་བ་ཉིད་ཀྱང་སེམས་ཡིན་པས། །སེམས་ཉིད་རྣམ་པར་ཤེས་པ་རྡོ་རྗེར་བསྒོམ། །འཁོར་བ་མྱ་ངན་འདས་པ་གཉིས་སུ་མེད། །ཆོས་རྣམས་ཐམས་ཅད་ཀུན་རྫོབ་སྟེ། །ཀུན་རྫོབ་ཉིད་ཀྱང་སེམས་ཡིན་ཏེ། །སེམས་ཉིད་རྣམ་པར་ཤེས་པ་རྡོ་རྗེར་བསྒོམ། །དོན་དམ་ཀུན་རྫོབ་གཉིས་སུ་མེད། །སངས་རྒྱས་སེམས་ཅན་དེ་བཞིན་ནོ། །གསང་བ་ཆེར་གསང་ཡང་གསང་ཐུགས། །གཉིས་ལ་རེ་རེ་གདམས་ངག་ནི། །འོད་ཀྱིས་མུན་པ་སེལ་མི་སེལ། །ཐ་དད་པ་དང་ཐ་མི་དད། །རིམ་བཞིན་རིན་ཆེན་ ― DNG022_Page_0304 ―
[མ་དཔེ་གཟིགས་ན་འདིར་གནོན།]
གདམས་ངག་འབྱུང་། །ཞེས་ཀཱི་ལ་ཡ་གསང་བའི་དགོངས་རྒྱུད་ལས། གཟུང་འཛིན་བཟློག་ནས་ཡང་དག་པའི་དགོངས་པ་བསྟན་པའི་ལེའུ་སྟེ་བརྒྱད་ཅུ་གཅིག་པའོ།། །།དེ་ནས་བཅོམ་ལྡན་འདས་བཛྲ་ཀཱི་ལ་ཡས། ཕྱོགས་བཅུའི་སངས་རྒྱས། ཕྲིན་ལས་ཀྱི་རྒྱལ་པོ་ཀརྨ་ཧེ་རུ་ཀ་ལ་སོགས་པ་ལ། དགོངས་རྒྱུད་གཏད་པ་ལ་བརྟན་པར་གཟུང་བའི་ཆེད་དུ་འདི་གསུངས་སོ། །ཆོས་རྣམས་ཐམས་ཅད་སྐྱེ་མེད་ལ། །རྟོག་པའི་དབང་གིས་སྡུག་བསྔལ་སྨིན། །དེ་དག་སྒྲོལ་བར་བྱ་བའི་ཕྱིར། །ལྗགས་ཀྱི་དབང་པོ་བཀྲམ་ནས་གསུངས། །རྗེས་འཇུག་རྣམས་ཀྱིས་བརྟན་པོར་ཟུང་། །འགྲོ་བ་ལས་ནི་དང་པོ་ཡིས། །དགོངས་རྒྱུད་ཡི་གེར་བྲིས་གྱུར་ནས། །ཀློག་དང་ཁ་ཏོན་བྱེད་པ་རྣམས། །སྒྲ་མེད་གནས་སུ་མི་སྐྱེ་བར། །དཀོན་མཆོག་སྒྲ་སྒྲོགས་གནས་སུ་སྐྱེ། །སྐྱེ་བ་ངན་པ་ལེན་པར་བོར། །རིམ་པས་བགྲོད་ནས་བྱང་ཆུབ་ཐོབ། །དགོངས་རྒྱུད་འདི་ལ་ཐོས་བསམས་ན། །རྗེས་འཇུག་ཐོགས་མེད་ཤེས་རབ་འགྱུར། །དགོངས་རྒྱུད་འདི་ལ་བཤད་གྱུར་ན། །སྐྱེ་བ་མ་བརྒྱུད་གནས་ལྔ་ལ། །འདི་ཡིས་འབྲས་བུ་འཕེལ་བར་འགྱུར། །དགོངས་རྒྱུད་འདི་ལ་བསྒོམ་གྱུར་ན། །ཚེ་འདི་ཉིད་ལ་ཕྱིར་མི་ལྡོག །མངོན་ཤེས་དྲུག་ནི་འཆར་བར་འགྱུར། །ཡིད་བཞིན་ནོར་བུ་རིན་ཆེན་ལ། །ཅི་འདོད་དོན་ནི་འབྱུང་བར་འགྱུར། །སྐུ་གསུང་ཐུགས་ཀྱི་གསང་རྒྱུད་ལས། །སྔ་རབས་ད་ལྟར་སླད་ཀྱིས་འབྱོན། །སངས་རྒྱས་འདི་ལས་འབྱུང་བ་ཡིན། །རྗེས་འཇུག་ལས་ནི་དང་པོ་ཡིས། །མཐོང་ཞིང་ཐོས་ན་རྟོགས་པར་འགྱུར། །འདི་ལ་མ་ཡེངས་དམ་ཚིག་ཆེ། །རྡོ་རྗེའི་ཐུགས་ལས་རྟོགས་གྱུར་ན། །ཐུགས་ཀྱི་སྐུ་དང་ཐུགས་ཀྱི་གསུང་། །བདེ་བར་གཤེགས་པས་རབ་བསྔགས་པས། །ཡོན་ཏན་ཐམས་ཅད་འདི་ལས་འབྱུང་། །དངོས་པོར་ལྟ་བའི་གསང་སྔགས་ཀྱང་། །འདི་ཉིད་བཟུང་ཞིང་བཀླགས་སྤྱད་ན། །དམ་པ་རྣམས་ཀྱི་དམ་པའི་མཆོག །དངོས་པོ་སྒྱུ་མ་ན་བུན་མཐོང་། །ལོངས་སྤྱོད་རྫོགས་པའི་སྐུ་དང་གསུང་ཐུགས་རྡོ་རྗེ་ལ་ རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ཀྱི་རྒྱལ་པོ་ཞེས་བྱ་བ།― DNG022_Page_0305 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་དྭེ་ཥ་པ་རི་ཤུཌྜྷ་རཱ་ཛ་ཏནྟྲ་ནཱ་མ། བོད་སྐད་དུ། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ཀྱི་རྒྱལ་པོ་ཞེས་བྱ་བ། བཅོམ་ལྡན་འདས་དཔལ་འཇིགས་བྱེད་ཀྱི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་སོ་སོ་མ་ཡིན་པའི་རང་བཞིན་ཏེ། དེ་ཉིད་ཀྱི་ངོ་བོས་མཐའ་དབུས་མེད་པའི་གསང་བ་ནས་དྲག་པོ་ཟུར་གསུམ་སྟེ། འཇིགས་བྱེད་དྲག་པོའི་རྒྱན་མང་པོས་བཀླུབས་པ། དེ་ཉིད་རིགས་དང་རྡོ་རྗེ་དང་གྲངས་དང་རྣམ་པ་ཐམས་ཅད་ཀྱི་ཁྱད་པར་དང་ལྡན་པ། ཡེ་ཤེས་ཀྱི་ཕུར་པའི་ངོ་བོར་བཞུགས་སོ། །དེ་ལ་བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་ཡེ་ཤེས་ཀྱི་ཕུར་པ་གསང་བ་འདི་ལྟ་བུ། ཨེ་མ་འཁོར། ཨེ་མ་ཧེ་རུ་ཀ་ལེགས་སོ་ལེགས་སོ། །སྙིང་རྗེ་ཆེན་པོ་བྱང་ཆུབ་ཀྱི་སེམས་ཆེན་པོ་དམ་ཚིག་ཆེན་པོ་སྙིང་པོ་རྡོ་རྗེ་ཕུར་པ་ཞེ་སྡང་ཡོངས་སུ་དག་པ་ཞེས་བྱ་བ་ཉོན་ཅིག །ཀརྨ་ཧེ་རུ་ཀས་གསོལ་པ། བྱང་ཆུབ་སེམས་འདི་སྙིང་རྗེ་ཇི་ལྟར་འགྱུར། །རྣལ་འབྱོར་དབང་ཕྱུག་ཇི་ལྟར་ལགས། །བཅོམ་ལྡན་འདས་ཀྱིས་གསུངས་པས། ལུས་དབུས་ཡེ་ཤེས་རོས་གང་བ། །མྱོང་བ་བྱང་ཆུབ་སེམས་སུ་བཤད། །ཕྱག་རྒྱ་ ― DNG022_Page_0306 ―
[མ་དཔེ་གཟིགས་ན་འདིར་གནོན།]
ཆེ་ལ་རབ་གནས་པ། །ཐིག་ལེ་དབུས་ནས་འདྲེན་པ་ནི། །རྣལ་འབྱོར་དབང་ཕྱུག་ཆེན་པོར་གསུངས། །ཀརྨ་ཧེ་རུ་ཀས་གསོལ་པ། །བཛྲ་ཞེས་པ་ཇི་ལྟར་འགྱུར། །དེ་ཡི་མཚན་ཉིད་ཇི་ལྟ་བུ། །ཀཱི་ལ་ཡ་ཞེས་ཅི་ཞིག་གསུངས། །བཅོམ་ལྡན་འདས་ཀྱིས་བཀའ་སྩལ་པ། །བཛྲ་ཞེས་པ་རྡོ་རྗེར་གསུངས། །ཀཱི་ལ་ཡ་ཞེས་ཕུར་པ་སྟེ། །རྡོ་རྗེ་ཕུར་པ་བདག་ཉིད་རྒྱུད། །ང་ཡིས་བཤད་ཀྱི་ཁྱོད་ཉོན་ཅིག །དགུག་དང་དབྲལ་དང་གསད་པ་དང་། །རེངས་པ་ཉིད་དང་བསྐྲད་པ་དང་། །སྡེ་དཔུང་ཕམ་དང་མངོན་སྤྱོད་པའོ། །ཇི་ལྟར་གསུངས་པའི་རིམ་པ་དག །བརྟུལ་ཞུགས་བཅས་པས་མཉན་པར་གྱིས། །ཡེ་ཤེས་ཆེན་པོ་ལུས་ལ་གནས། །ཀུན་ཏུ་རྟོག་པའི་འཆིང་བ་བཅོམ། །ལུས་ལ་ཡེ་ཤེས་སྐྱེད་མི་འགྱུར། །ཀརྨ་ཧེ་རུ་ཀས་གསོལ་པ། ཀྱེ་ཁྲག་འཐུང་གི་རྒྱལ་པོ་བཅོམ་ལྡན་འདས་ཉིད་ཀྱི་ལུས་ལ་བྱང་ཆུབ་སེམས་ཀྱི་གནས་སུ་མཆིས། བཅོམ་ལྡན་འདས་ཀྱིས་བཀའ་སྩལ་པ། རྟེན་གནས་སུམ་ཅུ་རྩ་གཉིས་པོ། །སུམ་ཅུ་རྩ་གཉིས་འདི་དག་ཀྱང་བྱང་ཆུབ་ཀྱི་སེམས་བདེ་བ་འཛག་པའི་མཚན་ཉིད་ཅན་ཁོ་ནའོ། །དེ་ལ་གཙོ་བོ་གསུམ་སྟེ། ལ་ལ་ནཱ་དང་། ར་ས་ནཱ་དང་། ཨ་བ་དྷཱུ་ཏཱིའོ། །ལ་ལ་ནཱ་ནི་གཡས་ཉིད་གནས། །ར་ས་ནཱ་ནི་གཡོན་དུ་ཤེས། །ཨ་བ་དྷཱུ་ཏཱི་དབུས་ན་འཛག །གཟུང་དང་བྲལ་ཞིང་དྲི་མ་མེད། །ཤིན་ཏུ་ཕྲ་བའི་བདག་ཉིད་ཅན། །ཨ་བྷི་དྱཱ་སུཀྵྨ་རཱུ་པཱ་དང་། དི་བྱཱ་དང་། བཱ་མཱ་དང་། བཱ་མི་ནཱི་དང་། ཀཱུ་ར་མ་ཛཱ་དང་། བྷཱ་བ་ཀཱི་དང་། ཤེ་ཀཱ་དང་། དོ་ཥཱ་དང་། ཥྚཱ་ཛཱ་དང་། མཱ་ཏ་རཱ་དང་། སརྦ་རཱི་དང་། ཤཱི་ཏ་དཱ་དང་། ཨུཥྨཱ་དང་། ལ་མ་ནཱ་དང་། ཨ་བ་དྷཱུ་ཏཱི་དང་། ར་ས་ནཱ་དང་། པྲ་བ་ཎཱ་དང་། ཀྲྀཥྚཱ་དང་། སུ་རཱུ་བི་ཎཱི་དང་། སཱ་མཱ་ནྱཱ་དང་། ཧེ་ཏུ་དཱ་ཡི་ཀཱ་དང་། བི་ཡོ་གཱ་དང་། པྲེ་མ་ཎཱི་དང་། སིཛྫཾ་དང་། སཱ་བ་ཀཱི་དང་། སུ་མ་ནཱ་སྟཱ་དང་། ཏྲྀ་བྲྀ་ཏྟཱ་དང་། ཀཱ་མ་ནཱི་དང་། གེ་ཧཱ་དང་། ཙཎྜ་ཀཱ་དང་། མཱ་ར་ད་རི་ཀཱའོ། །སུམ་ཅུ་རྩ་གཉིས་པོ་འདི་དག་ཁྲག་འཐུང་གི་རྒྱལ་པོས་ཇི་ལྟར་བལྟ། བཅོམ་ལྡན་འདས་ཁྲག་འཐུང་གི་རྒྱལ་པོས་བཀའ་སྩལ་པ། ཁམས་གསུམ་པོ་ནི་ཁུ་བའི་གཟུགས། ། ― DNG022_Page_0307 ―
[མ་དཔེ་གཟིགས་ན་འདིར་གནོན།]
དྲི་བྲལ་ཐིག་ལེའི་གཟུགས་ཅན་ཉིད། །རྟག་ཏུ་རྣམ་སྤངས་བདེ་བའི་གཟུགས། །ཕྱི་དང་ནང་གི་དབྱེ་བ་གསུམ། །ཨཱ་ལི་དང་ནི་ཀཱ་ལི་དང་། །ཟླ་བ་ཉི་མ་གཡས་དང་གཡོན། །ཐབས་དང་ཤེས་རབ་བདག་ཉིད་དོ། །ཆོས་ཀྱི་ཐིག་ལེ་དང་། ལོངས་སྤྱོད་ཀྱི་ཐིག་ལེ་དང་། སྤྲུལ་པའི་ཐིག་ལེ་དང་། བདེ་བ་ཆེན་པོའི་ཐིག་ལེའོ། །ཡི་གེ་བཞི་ནི། ཨེ་བཾ་མཱ་ཡཱ་འོ། །སྤྲུལ་པའི་རྟེན་ལ་ཐིག་བཞི་གནས། །ཤིང་ནི་དྲུག་ཅུ་རྩ་བཞིའོ། །ཆོས་ཀྱི་ཐིག་ལེ་ལ་བརྒྱད་དོ། །ལོངས་སྤྱོད་ཐིག་ལེ་ལ་བཅུ་དྲུག་གོ། །བདེ་བ་ཆེན་པོའི་ཐིག་ལེ་ནི་སུམ་ཅུ་རྩ་གཉིས་སོ། །མཚོན་པ་ནི་བཞི་སྟེ། སྣ་ཚོགས་དང་། སྨིན་པ་དང་། བཙིར་བ་དང་། བྲལ་བ་རྣམས་སོ། །གནས་ལུགས་ཀྱི་དེ་ཁོ་ན་ཉིད་བཞི་ནི། བདག་དང་སྔགས་ཀྱི་དེ་ཁོ་ན་ཉིད་དང་། ལྷ་དང་ཕུར་པའི་མཚན་ཉིད་ཀྱི་དེ་ཁོ་ན་ཉིད་དོ། །ས་བཞི་ནི། བདེ་བའི་ས་དང་། དྲི་མ་དང་བྲལ་བའི་ས་དང་། འབྲས་བུ་དང་བཅས་པའི་ས་དང་། ཐམས་ཅད་མཁྱེན་པའི་སའོ། །ཟླ་བ་དང་ཉི་མ་དང་ཨཱ་ལི་དང་ཀཱ་ལི་བཞི་རུ་ཡང་དག་པར་འཕོ་བའོ། །དེ་ལྟར་ཐམས་ཅད་ནི་བཞི་བཞི་དང་སྡེར་དབྱེ་བའོ། །སྤྲུལ་པའི་ཐིག་ལེ་སྦར་བས་ཐིག་ལེ་རྣམས་བསྲེགས་པས། བདེ་བ་ཆེན་པོའི་ཐིག་ལེ་འཛག་པས་ཕྱག་རྒྱ་ཆེན་པོ་བསྐྱེད་པ་ཉིད་དོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། བྱང་ཆུབ་སེམས་ཀྱི་ལེའུ་སྟེ་དང་པོའོ།། །།དེ་ནས་བྱིན་རླབ་སྔགས་ཀྱི་ལེའུ་བཤད་པར་བྱ་སྟེ། ཡི་དྭགས་རྣམས་ཀྱི་གཏོར་མའི་སྔགས་ནི། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཾ་ཨརྱ་ནུཏྤནྣ་ཏྭ་ཏ། ཨོཾ་ཨཱཿཧཱུཾ་ཕཊ་སྭཱ་ཧཱ། ཁྲག་འཐུང་རྣམས་ཀྱི་ས་བོན་ནི། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷ་ནཱཾ་བཾ་ཧཱུཾ་ཕཊ། རྡོ་རྗེ་གཞོན་ནུའི་སྙིང་པོའོ། །སྔགས་ཀྱི་ཚིག་ཐམས་ཅད་ལ་ཡི་གེ་ཨོཾ་ལ་སོགས་པ་དང་། སྭཱ་ཧཱ་ནི་མཐར་རོ། །ཧཱུཾ་དང་ཕཊ་ནི་བར་དུ་གཞུག་པའོ། །ཨོཾ་བཛྲ་ཀཱི་ལི་ཀཱི་ལ་ཡ་ཨ་ཀ་ཙ་ཌ་ཏ་བ་ཡ་ཤ་སྭཱ་ཧཱ། གནས་ནས་བསྐྲད་པའི་སྔགས་སོ། །ལྷ་མོ་རྣམས་ཀྱི་ས་བོན་ནི། ཨ་ཨ་ཨ་ཨ་ཨ་ཨ་ཨ་ཨ་ཨ་ཨ་ཨ། ས་བོན་ ― DNG022_Page_0308 ―
[མ་དཔེ་གཟིགས་ན་འདིར་གནོན།]
ནི་འདི་རྣམས་སོ། །ཨོཾ་བཛྲ་ཀྲོ་ཏ་ཧཱུཾ་ཀཱ་ར་གརྫ་གརྫ་ཧཱུཾ་ཕཊ་སྭཱ་ཧཱ། ཧཱུཾ་ཀཱ་ར་ན་ཏ་རི་བཛྲ་ཀཱི་ལ་ཡ་ཧཱུཾ་ཧཱུཾ་ཧཱུཾ་ཕཊ་ཕཊ། དངོས་གྲུབ་དོན་ནི་དབྱེ་བའོ། །སྔོན་དུ་བསྙེན་པ་ནི་སུམ་འབུམ་མོ། །དེར་བསྒྲུབ་བྱ་དེ་རྣམ་པར་བསམས་ཏེ་སྨན་ཆེན་པོ་དེས་བསྐོར་ནས་བསྒྲུབ་བྱ་ཐམས་ཅད་ཀྱི་གོ་བཅད་པར་འགྱུར་རོ། །རྡོ་རྗེ་སྨན་གྱི་ཆོ་གའོ། །ཚ་བའི་རིམས་ཀྱིས་ཐེབས་པར་འདོད་ན། གནོད་སྦྱིན་གྱི་ཤིང་ཨརྒ་ཏའི་འདབ་མ་ལ་དུག་དང་སྐྱེ་ཚེ་དང་ཤིང་ཙི་ཏྲ་ཀའི་ཁུ་བས་གདུག་པ་ཅན་གྱི་མིང་བྲིས་པ། དུར་ཁྲོད་ཀྱི་མེར་བཅུག་ལ་སྔགས་བཟླས་པ་ཁྲིར་བྱ་བ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཤ་ཏྲུཾ་བྷྲཱུཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཁྲི་རུ་བཟླས་པས་འགྲུབ་པའོ། །བུད་མེད་དབང་དུ་བྱ་བར་འདོད་པས། དཔྱིད་ཟླ་ར་བའི་ཡར་གྱི་ངོའི་ཚེས་བརྒྱད་ལ་ཤིང་ཨ་ཤྭ་ཀའི་དྲུང་དུ་གོས་དམར་པོ་གྱོན་ལ་ཤིང་མ་ག་ཏའི་ཀ་ཏ་ཡང་འབྲས་བུ་བཟའ་ཤིང་ཀམ་ཀི་ཙི་ཀའི་ཐིག་ལེ་བྱས་ཏེ་སྔགས་བཟླས་པ་ནི། ཨོཾ་ཨ་མ་ཡོ་གི་མི་ཧྲི་བྷ་ཤི་དྷ་རུ་སྭཱ་ཧཱ། ཁྲིས་ཁུགས་སོ། །དེ་ནས་དུད་འགྲོ་རྣམས་ཀྱི་སྙིང་པོ་དབྱེ་སྟེ། ཨོཾ་བཛྲ་ཀཱི་ལ་ཡ་བྷེ་ལུ་བ་ཨུཙྪཊ་ཏ་ཨུ་ཕཊ། ཞེས་བརྗོད་ནས་གླང་པོ་ཆེའི་མཆེ་བའི་ཕུར་བུ་དྲིལ་བས་གླང་རྒོད་འབྲོས་པར་འགྱུར་རོ། །ཨོཾ་བཛྲ་ཀཱི་ལ་ཡ་པ་དམ་མ་ཨུཙྪཊ་ཏ་ཧཱུཾ་ཕཊ་ཅེས་བརྗོད་པས། སྟག་གི་མཆེ་བ་གཡས་པའི་ཕུར་པ་དྲིལ་བས་སྟག་མི་གཟན་འབྲོས་པར་འགྱུར་རོ། །ཨོཾ་བཛྲ་ཀཱི་ལི་ཀཱི་ལ་ཡ་ཨི་ལི་མི་ལི་ཕུ་ཕུ་ཨུཙྪཊ་ཏ་ཧཱུཾ་ཕཊ། ཅེས་བརྗོད་ནས་སྦྲུལ་ཆེན་པོའི་མཆེ་བ་དྲིལ་བས། སྦྲུལ་མི་གཟན་འབྲོས་པར་འགྱུར་རོ། །གནོད་སྦྱིན་རྡོ་རྗེ་རྣོན་པོའི་ཕྱག་རྒྱ་བསྟན་ན། ཁྱི་རྒོད་འབྲོས་པར་འགྱུར་རོ། །རྡོ་རྗེ་རིན་ཆེན་ལས་རྣམས་ཀྱིས། །སོ་སོ་ཐ་དད་ལས་སོགས་བྱ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། སྔགས་ཀྱི་ལེའུ་སྟེ་ གཉིས་པའོ།། །།དེ་ནས་ཁྲག་འཐུང་འབར་བའི་ལེའུ་བཤད་པར་བྱ་སྟེ། དང་པོ་བྱམས་པ་བསྒོམ་བྱས་ཏེ། །གཉིས་པ་སྙིང་རྗེ་རྣམ་པར་བསྒོམ། །གསུམ་པ་དགའ་བ་བསྒོམ་པ་ཉིད། །བཏང་སྙོམས་ ― DNG022_Page_0309 ―
[མ་དཔེ་གཟིགས་ན་འདིར་གནོན།]
ཀུན་གྱི་མཇུག་ཏུའོ། །དེ་ནས་ཡང་ནི་འདི་ལྟར་ཏེ། །སྟོང་པའི་བདེ་བ་བྱང་ཆུབ་དང་། །གཉིས་པས་དངོས་པོ་ས་བོན་བསྡུས། །གསུམ་པས་ཁྲག་འཐུང་གཟུགས་རྫོགས་པའོ། །བཞི་པས་ཁྲོ་བོའི་དབང་པོ་དགོད། །རཾ་ནི་ཉི་མ་མངོན་དུ་བསྒོམ། །ཉི་མ་དེ་རུ་སྣ་ཚོགས་རྡོ་རྗེ་དངོས། །རྡོ་རྗེའི་དེ་ཉིད་བསྒོམ་པར་བྱ། །ར་བ་དང་ནི་ཐོག་གིས་བཅིངས། །དང་པོར་བསྒོམ་བྱ་དབང་ཕྱུག་ཆེན་པོ་ཉིད། །བློ་ལྡན་ཆོས་ཉིད་རང་བཞིན་ནོ། །རྣལ་འབྱོར་དེ་སྟེང་གནས་པ་ནི། །ཁྲག་འཐུང་འབར་བ་བསྒོམ་པར་བྱའོ། །རང་ཉིད་ཉི་མའི་སྙིང་པོ་བསྒོམ། །དངོས་པོ་དེ་ནི་ས་བོན་དཀྱིལ་འཁོར་རོ། །ཡི་གེ་ཧཱུཾ་བྱུང་འཇིགས་ཆེན་པོ། །ཤེས་རབ་རང་བཞིན་ཆེར་རྙེད་ཉིད། །ཁ་དོག་ནག་པོ་འཇིགས་ཆེན་པོ། །ཡི་གེ་ཧཱུཾ་ལས་རྡོ་རྗེ་བྱུང་། །རྡོ་རྗེ་ལྟེ་བའི་དབུས་ན་གནས། །ཧཱུཾ་ཉིད་ཡོངས་སུ་ཞུ་བ་ལས། །ཞེ་སྡང་བདག་པོར་རྣམ་པར་བསྒོམ། །ནག་པོ་ཆེན་པོ་རྡོ་རྗེ་ཀྱེ། །རྒྱན་རྣམས་ཀུན་གྱི་འཆང་བྱེད་པའི། །ལྷ་མོ་ལྔ་ཡིས་ཡང་དག་མཆོད། །ནག་མོ་ལག་ན་གཟུགས་འཛིན་མ། །ཆགས་པའི་ལག་ན་དྲི་འཛིན་མ། །འཇིགས་བྱེད་མ་ནི་སྒྲ་འཛིན་མ། །སྔོ་བསངས་མ་ནི་རོ་འཛིན་མ། །འཇིགས་ཆེན་མོ་ནི་འཁྱུད་བྱེད་མའོ། །ལྷ་མོ་ལྔ་ཡི་ཁྱད་པར་གྱིས། །བདེ་ཆེན་འཇིགས་པའི་གཟུགས་མཆོད་པའོ། །དཔའ་བོ་འཇིགས་པའི་གཟུགས་ཅན་ལ། །བསྡུས་ཏེ་སྙིང་གར་རབ་ཞུགས་པས། །རྣལ་འབྱོར་པ་བདག་ཞེ་སྡང་འགྱུར། །སྔོན་པོ་ཅུང་ཟད་དམར་མདངས་མདོག །རྡོ་རྗེ་ཁྲོས་པའི་གཟུགས་འཆང་ཞིང་། །དམར་ནག་རལ་པ་གྱེན་དུ་བརྫེས། །རྒྱན་ལྔ་ཡིས་ནི་རྣམ་པར་བརྒྱན། །རུས་པའི་འཁོར་ལོ་སྦྲུལ་གདུབ་དང་། །སྐྲ་ཡི་སྐེ་རགས་ཐལ་ཆེན་ཚོམ་བུ་དང་། །རཀྟའི་ཐིག་ལེས་རྣམ་བརྒྱན་པ། །འདི་དག་རྒྱན་ལྔར་རབ་ཏུ་གྲགས། །རྣམ་པར་དག་པ་ཁྲག་འཐུང་ལྔ། །ལོ་ནི་བཅུ་དྲུག་ལོན་པ་ཡི། །ལུས་འདྲ་ཁྲོས་པའི་ལྟ་སྟངས་མཛད། །གཡོན་གྱི་དང་པོ་མེ་དཔུང་སྟེ། །བར་པ་ཁ་ཊྭཱཾ་རྩེ་གསུམ་འཛིན། །གཡས་ན་རྡོ་རྗེ་ནག་པོ་སྟེ། །བར་པ་རྩེ་ལྔ་ཐུགས་ཀར་བསྟན། །ཐ་མ་རི་རབ་ཕུར་པ་བསྟན། །ཧཱུཾ་ ― DNG022_Page_0310 ―
[མ་དཔེ་གཟིགས་ན་འདིར་གནོན།]
ཕཊ་སྒྲོག་པའི་བདག་ཉིད་ཅན། །མགོན་པོ་དུར་ཁྲོད་ཁྲག་རློན་གསོལ། །ཁྲོ་རྒྱལ་ཁྲག་འཐུང་བཅུས་བསྐོར་ཞིང་། །མི་བཟད་གར་ཐབས་རོལ་པའི་ཚུལ། །ཤེས་རབ་རྡོ་རྗེ་རྒྱས་འདེབས་ནི། །ཆགས་པའི་ཚུལ་འཛིན་ཡབ་ལ་འཁྱུད། །གཡས་པ་ལྷ་མིན་རཀྟ་སྟོབ། །ཕྱག་དྲུག་ཞལ་གསུམ་འཇིགས་པའི་གཟུགས། །ཧཱུཾ་གསལ་ལྷ་ཡི་འཁོར་ལོ་རྫོགས། །ཞབས་འོག་དབང་ཕྱུག་ཆེན་པོ་མནན། །ངེས་པར་རྣམ་པར་བརྫིས་པའོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། ལྷ་ཉིད་ཀྱི་ལེའུ་སྟེ་གསུམ་པའོ།། །།དེ་ནས་དབང་བསྐུར་བའི་ལེའུ་བཤད་པར་བྱ་སྟེ། སྙིང་གར་འོད་ཟེར་འབར་འཕྲོ་འཁྲུག །ཕྱུང་བས་སྔོན་པོ་ལྕགས་ཀྱུའི་གཟུགས། །བདུད་རྩི་འཁྱིལ་པའི་ཕྱག་ན་གནས། །སྤྱན་འདྲེན་མཆོད་བསྟོད་དང་པོ་ཡིན། །འོག་མིན་སངས་རྒྱས་སྤྱན་དྲངས་ཏེ། །ནམ་མཁར་འཇིགས་པའི་གཟུགས་ཅན་བསམས། །དེ་ནས་ཁྲོ་མོ་ལྔས་མཆོད་དེ། །ཁྲག་འཐུང་རྗེས་སུ་བསྐུལ་ནས་ནི། །ཨོཾ་བཛྲ་ཀཱི་ལི་ཀཱི་ལ་ཡ་ཨ་བྷི་ཥིཉྩ་ཏུ་མཾ་སརྦ་བཛྲ་ཀ་ཐ། དེ་ནས་སངས་རྒྱས་ཐམས་ཅད་ནི། །ཁྲག་འཐུང་གཟུགས་སུ་གྱུར་ནས་ནི། །མཁའ་གསང་སྦྱོར་བའི་བྱིན་རླབ་ལས། །བྱང་ཆུབ་སེམས་དཔའ་སྤྱི་བོར་བསྐུར། །ལྷ་ཡི་དབང་བསྐུར་ཆགས་ཆེན་ལ། །གུར་གུམ་ཆར་དང་གླུས་བསྟོད་ནས། །མགོ་སྟེང་རང་གི་བདག་པོར་བཞུགས། །དེ་ལྟར་ཁྲག་འཐུང་སྐུར་རྫོགས་ནས། །ཐུན་མཚམས་བཞིར་ནི་བྱིན་གྱིས་རློབས། །བསྒོམ་པ་བྱས་ནས་ལངས་ནས་སུ། །ཁྲག་འཐུང་གཟུགས་སུ་གནས་པར་བྱའོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། ལྷ་ལ་དབང་བསྐུར་བའི་ལེའུ་སྟེ་བཞི་པའོ།། །།དེ་ནས་གནས་ཀྱི་ལེའུ་བཤད་པར་བྱ་སྟེ། ཤིང་གཅིག་དྲུང་དང་མ་རུངས་པ། །དུག་ཤིང་གདུག་པ་ཡོད་པ་དང་། །མ་བདུན་གནས་པའི་ཁྱིམ་རྣམས་དང་། །སྲོག་ཆགས་ར་དང་ཆུ་སྲིན་ཁ། །གཡུལ་ངོ་བཀྱེ་དང་མཚོན་ཕོག་དང་། །བསད་བཅད་པ་དང་མ་རུངས་པ། །འདི་ནི་དྲག་པོ་སྒྲུབ་པའི་གནས། །སྲིན་པོ་བསྒྲལ་བའི་ས་མཁར་དང་། །སྲོག་ཆགས་ ― DNG022_Page_0311 ―
[མ་དཔེ་གཟིགས་ན་འདིར་གནོན།]
བསད་པའི་ཁྲག་རྗེས་དང་། །མ་བདུན་འདུས་པའི་ས་དག་ཏུ། །ཞི་བ་སྒྲུབ་པའི་གནས་སུ་གསུངས། །མེ་ཏོག་འབྲས་བུ་ལྡན་པའི་རི། །གཅན་གཟན་གདུག་པ་ཡོད་པ་དང་། །ངང་པ་བཞད་དང་སྐད་སྙན་བྱ། །མཚོ་གླིང་དང་ནི་རྒྱལ་པོའི་གནས། །བྲམ་ཟེའི་ཁྱིམ་དང་མུ་སྟེགས་གྲོང་། །གླིང་བཟང་དག་དང་ལྷ་ཡི་གནས། །ལྷ་རྟེན་དྲུང་དང་དུར་ཁྲོད་དུ། །འདིར་ནི་རྒྱས་པ་བསྒྲུབ་པར་བྱའོ། །སྟག་གི་སོ་འདྲ་སྦྲུལ་གྱི་ལྕེ། །བྲག་ནི་སྲིན་མོའི་མགོ་བཅད་འདྲ། །ལུང་པ་ཟངས་རི་འདྲ་བ་དང་། །སྟོན་པའི་ཞབས་ཀྱིས་བཅགས་པའི་གནས། །འདི་རྣམས་བཀྲ་ཤིས་བདེ་བའི་གནས། །འདིར་ནི་དབང་གི་ལས་སྒྲུབ་གསུངས། །འདི་དག་གནས་ཀྱི་རིམ་པ་སྟེ། །ཕྱེ་བས་རྣམ་པ་བཞི་རྣམས་ནི། །སྒྲུབ་པའི་གནས་སུ་གསུངས་པའོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། གནས་བསྟན་པའི་ལེའུ་སྟེ་ལྔ་པའོ།། །།དེ་ནས་ཕུར་བུའི་རྒྱུ་བསྟན་པའི་ལེའུ་བཤད་པར་བྱ་སྟེ། ཀཱི་ལ་ཡ་ཡི་རྒྱུ་རྣམས་ནི། །རྣོ་ཞིང་གདུག་པའི་མཚོན་ཤིང་ལ། །ཟངས་སམ་ལྕགས་སམ་རིན་ཆེན་རྣམས། །བཀྲ་ཤིས་པ་ཡི་རྒྱུ་རུ་གསུངས། །དྲག་པོ་ལྕགས་ཀྱི་ཕུར་པ་ལ། །གྲི་ལྕགས་མདེའུ་རྙིང་རྟགས་ཕྱིན་དང་། །གནམ་ལྕགས་ཐོག་གི་ལྕགས་དག་དང་། །གཅོད་དང་རྣོ་དང་པྲ་ལ་སོགས། །ལྕགས་སྣ་ལྔ་པོ་དག་ལ་ནི། །དྲག་པོ་མི་བཟད་ཕུར་པ་བྱ། །བསོད་ནམས་ཅན་གྱི་རུས་པ་ལ། །ཀཱི་ལ་ཡ་ཡི་རྒྱུར་གསུངས་པའོ། །དབང་ལ་ཟངས་དམར་ཉིད་ཀྱིས་བྱའོ། །རྒྱས་པ་གསེར་ལ་སོགས་པས་བྱ། །ཞི་བ་ཙན་དན་དཀར་པོས་བྱ། །རྩེ་མོའི་དབྱིབས་ནི་སོ་སོར་བྱེད། །གཞན་ཡང་ཚེར་མ་ཅན་གྱི་ཤིང་། །རབ་ཏུ་མི་སྲུན་གནས་དག་ནས། །གང་དག་སྐྱེས་པ་གང་ཡིན་པ། །དུག་དང་བཙན་དུག་གནས་པ་དང། །རབ་ཏུ་གཏུམ་པའི་གནས་དག་ནས། །སྐྱེས་པའི་ཤིང་མཆོག་ཚེར་མ་ཅན། །གང་དག་སྐྱེར་ལྡེང་དུག་ཤིང་དང་། །སྲིན་པོའི་མཆོག་ཕུར་གཡས་པ་ལ། །རྩ་བའི་ལོགས་སུ་རྒྱ་མདུད་བྱའོ། །རྩེ་མོའི་ཕྱོགས་སུ་ཟུར་གསུམ་བྱ། །གཞུང་མཐུན་དེ་དག་མ་རྙེད་ན། །ཡི་གེ་གསུམ་གྱིས་བྱ་བར་གསུངས། ། ― DNG022_Page_0312 ―
[མ་དཔེ་གཟིགས་ན་འདིར་གནོན།]
དེ་དག་ཚད་ལ་མི་ལྡན་ཡང་། །ལས་རྣམས་འགྲུབ་པར་བཤད་པ་ཡིན། །སོར་བཞི་པ་དང་སོར་བརྒྱད་པ། །བཅུ་གཉིས་དག་ཏུ་གསུངས་པ་སྟེ། །དེ་བས་རིང་བར་མ་གསུངས་སོ། །ཐུང་བར་ཡང་ནི་ཡོངས་མ་གསུངས། །ཕུར་བུའི་ཚད་ཀྱི་དབྱེ་བ་ནི། །དགུག་པ་ཟངས་ཀྱི་ཕུར་བུ་ཡིན། །དབྱེ་བ་སེང་ལྡེང་ཕུར་པ་ཡིན། །བསྐྲད་པ་དུག་ཤིང་ཕུར་པའོ། །མཱ་ར་ཡ་ཡི་ལྕགས་ཕུར་ཉིད། །མནན་པ་གསེར་གྱི་ཕུར་བུས་བྱའོ། །ཕུར་བུ་དེ་རྣམས་རྒྱུ་རྣམས་ལ། །སོར་གཅིག་པ་ནི་རྒྱ་མདུད་བྱ། །སྟོད་ནི་ཟུར་བརྒྱད་མཚན་ཉིད་ལ། །སྨད་ནི་ཟུར་གསུམ་ཉིད་དུ་བྱ། །རི་རབ་ཆེ་ལྟར་བརྗིད་ཆགས་པ། །འབར་སྤྲིན་འཁྲུགས་པས་རྣམ་བརྒྱན་པས། །ཤིན་ཏུ་འཇིགས་པའི་ཚུལ་འཆང་ཞིང་། །གསལ་བ་ཕྱེ་བ་དེ་ཁོ་ནའོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། རྒྱུ་དང་ཚད་བསྟན་པའི་ལེའུ་སྟེ་དྲུག་པའོ།། །།དེ་ནས་བྱིན་གྱིས་རློབ་པའི་ལེའུ་བཤད་པར་བྱ་སྟེ། ཐོག་མར་སྐུ་གསུམ་དུ་བྱིན་གྱིས་བརླབ་པར་བྱའོ། །དང་པོ་སྟོང་པ་ཉིད་བསྒོམ་ནས། །ཆོས་སྐུར་བྱིན་གྱིས་རློབ་པའོ། །རྒྱ་མདུད་གཞལ་མེད་ཁང་དམིགས་ཏེ། །ཕྱོགས་བཞི་དབུས་དང་ལྔ་རྣམས་སུ། །རྣོ་མྱུར་ཡི་གེ་ཧཱུཾ་ལྔ་བཞག །དབུས་སུ་ཁྲག་འཐུང་འབར་བ་ཉིད། །ཤར་དུ་ཁམས་གསུམ་རྣམ་པར་རྒྱལ། །ལྷོ་རུ་གཤིན་རྗེ་གཤེད་པོ་ཉིད། །ནུབ་ཏུ་རྟ་མགྲིན་རྒྱལ་པོ་སྟེ། །བྱང་ཉིད་དུ་ནི་སྟོབས་པོ་ཆེ། །འདི་རྣམས་སོ་སོའི་སྙིང་པོ་དྲན་ཙམ་གྱིས་བསྐུལ་ཏེ། གཟུགས་དང་གཉིས་སུ་མེད་མཆོད་དེ། །དཀྱིལ་འཁོར་རྒྱས་པར་རབ་དམིགས་ཏེ། །ཕྱི་ནང་མཆོད་པ་མ་ལུས་འབུལ། །དེ་ནས་དམ་ཚིག་ཉིད་བསྐུལ་ནས། །གཉིས་སུ་མེད་པར་ལྷ་རྣམས་རྫོགས། །གསལ་བ་ལྷ་ཡི་དཀྱིལ་འཁོར་རོ། །ལོངས་སྤྱོད་རྫོགས་སྐུར་བྱིན་གྱིས་རློབ་པའོ། །དེ་ནས་སྲས་མཆོག་ཀཱི་ལ་ཡར་བསྐྱེད་པ་ནི། ལྟེ་བ་ཡན་ཆད་མཐིང་ནག་ལ། །དབུ་སྐྲ་ཁམ་ནག་གྱེན་དུ་འཁྱིལ། །སྦྲུལ་ནག་བརྒྱན་ཅིང་ཐོད་ཕྲེང་བཅིངས། །སྤྱན་གསུམ་པ་ནི་སྡང་མིག་བགྲད། །གཡོན་པའི་ཕུར་བུ་དག་ལ་གཟིགས། །མཆེ་བ་རྣམ་ ― DNG022_Page_0313 ―
[མ་དཔེ་གཟིགས་ན་འདིར་གནོན།]
པར་གཙིགས་པ་སྟེ། །རབ་ཏུ་རྔམ་པའི་ཞལ་དང་ལྡན། །དུར་ཁྲོད་མེ་དཔུང་དབུས་ན་འགྱིང་། །ལྟེ་བ་ཡན་ཆད་ཆས་རྣམས་ནི། །ལྕགས་ཀྱི་ཕུར་པ་ཟུར་གསུམ་པ། །ཨེ་ཡི་ནང་དུ་བརྟན་པར་བཞུགས། །ཕྱག་བཞི་གཡས་ཀྱི་དང་པོ་ན། །རྡོ་རྗེ་ཆེན་པོའི་དབྱུག་ཐོ་འཛིན། །དེ་འོག་རྡོ་རྗེ་རྒྱ་གྲམ་འཛིན། །གཡོན་གྱི་དང་པོ་ཁ་ཊྭཱཾ་འཁྲོལ། །ཁྲོ་བོས་བདུད་དཔུང་རྣམ་པར་འཇོམས། །དེ་འོག་ཕུར་པ་ཟུར་གསུམ་པ། །འདེབས་པའི་ཚུལ་དུ་འཛིན་པ་ཡིས། །ངན་སོང་གསུམ་དག་འཇིགས་བྱེད་པའོ། །སྟོབས་དང་མཐུ་དཔུང་རྩལ་ཆེན་དྲག །ཐམས་ཅད་འདུས་ཏེ་ལྷག་པར་འཇིགས། །ཐུགས་ལས་ཕྱུང་སྟེ་རྟག་པ་ཆེན་པོར་བཞུགས། །འདི་ནི་སྤྲུལ་སྐུའི་བྱིན་གྱིས་རློབ་པའོ། །བདེ་གཤེགས་ལྔ་རུ་བྱིན་རློབ་པ། །གནས་ལྔར་འབྲུ་ལྔ་གཞག་སྟེ་བརླབ། །སྐུ་གསུང་ཐུགས་སུ་བྱིན་བརླབ་པ། །སྤྱི་བོར་ཨོཾ་ལ་སྐེད་པར་ཧྲཱྀ། །རྩེ་མོར་ཕཊ་ནི་བསམ་པར་བྱའོ། །ཤེས་འོག་ཐུགས་ཀྱི་ཡེ་ཤེས་ནི། །རྩེ་གཅིག་པ་རུ་བྱིན་གྱིས་བརླབས། །ཟུར་གསུམ་དུ་ནི་ཕཊ་གསུམ་བཞག །ངོས་གསུམ་དུ་ནི་ཧཱུཾ་གསུམ་སྟེ། །དེ་ཡི་རིགས་རྣམས་སོ་སོའོ། །ཁྲོ་བོ་རྣམས་ཀྱིས་དབང་བསྐུར་ཏེ། །ཁྲོ་རྒྱལ་དཀྱིལ་འཁོར་ཕྱོགས་བཅུར་སྤྲོས། །བསྡུས་པས་གཟུགས་རྣམས་ཐམས་ཅད་ཀུན། །ཧཱུཾ་དང་ཕཊ་ཀྱི་སྒྲ་འབྱིན་པ། །སྐུ་ཡི་ཚོགས་ལ་རྣམ་པར་བསྡིམ། །བདག་ཉིད་བདག་ཉིད་ཆེན་པོ་ཡིན། །ཕུར་པ་ཡང་བདག་ཉིད་ཆེན་པོ་ཉིད་དུ་དབང་བསྐུར་ཞིང་བྱིན་གྱིས་བརླབ་པར་བྱ་སྟེ། ལག་པ་གཡས་པའི་སྟེང་དུ་མ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུཾ་བསམ། གཡོན་པར་ཨ་ལས་ཟླ་བའི་དཀྱིལ་འཁོར་དུ་ཨ་བསམ། གུང་མོ་ལ་ཨོཾ་བསམ། མཐེ་བོང་ལ་ཧཱུཾ། མཛུབ་མོ་ལ་ཏྲཱཾ། སྲིན་ལག་ལ་ཧྲི་བསམ། མཐེ་ཆུང་ལ་ཨ་བསམ། འདི་རྣམས་ཉི་ཟླའི་དཀྱིལ་འཁོར་གྱི་སྟེང་དུ་རྣམ་པར་གནས་པར་བསམ། དེ་ནས་རྡོ་རྗེ་ཐལ་མོ་མཉམ་པར་གཞག་པར་བྱ་སྟེ། ཨོཾ་བཛྲ་ཨཉྫ་ལི་ཧཱུཾ་ཞེས་བརྗོད་པས། སོར་མོ་ཅུང་ཟད་བསྣོལ་ཏེ། བཛྲ་བྷནྡྷ་ཧཱུཾ་ཞེས་བརྗོད་པས་སོར་མོ་རྒྱབ་སྦྱར་ཏེ་བསྡམ། དེ་ནས་ས་མ་ཡ་སྟྭཾ་ཞེས་བརྗོད་པས་ཕུར་པ་བླང་ཏེ་ལག་པར་བཅུག་ལ། ལག་པ་རྟིང་པ་ཕྱེ་སྟེ། ― DNG022_Page_0314 ―
[མ་དཔེ་གཟིགས་ན་འདིར་གནོན།]
མཐེ་བོང་གཉིས་དང་སྲིན་ལག་གཉིས་དང་མཐེའུ་ཆུང་གི་ཕྲག་ཏུ་བཅུག་ལ། མཐེ་བོང་ཡང་བསྒུལ་ཞིང་བསྦྲིལ་ལོ། །ཨོཾ་བཛྲ་ཨཱ་བེ་ཤ་ཡ་ཨ་ཞེས་བརྗོད་པས། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཡབ་ཡུམ་སྲས་དང་བཅས་པ་ཐམས་ཅད་ཞེ་སྡང་རྗེས་སུ་དྲན་པའི་སྐུ་ཡུངས་འབྲུ་ཙམ་གྲངས་མེད་པར་བསྡུ་ཞིང་བསྡིམ་མོ། །དེ་ནས་བྱིན་གྱིས་བརླབས་ཤིང་དབང་ཡང་བསྐུར་རོ། །གུ་གུལ་བདུག་ཅིང་ཉུང་དཀར་བརྡེག །ར་ཁྱི་ཁྲག་དང་གསུར་ཆེན་གྱིས། །སོ་སོའི་སྙིང་པོ་གདོན་ཅིང་བྱུག །བྱིན་བརླབ་དབང་བསྐུར་མཆོག་ཏུ་གསུངས། །བདེ་གཤེགས་རིན་ཆེན་གསལ་བ་ཡིས། །རྨད་བྱུང་བྱིན་གྱིས་བརླབ་པ་ཡི། །རིམ་པ་ཚུལ་སྦྱིན་ལ་སོགས་བྱ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། བྱིན་གྱིས་རློབ་པའི་ལེའུ་སྟེ་བདུན་པའོ།། །།དེ་ནས་ལྷ་རྣམས་ཡོངས་སུ་དག་པའི་ལེའུ་བཤད་པར་བྱ་སྟེ། ངེས་པའི་དངོས་པོ་ཐམས་ཅད་ཀུན། །ཀུན་ནས་དག་པར་བརྗོད་པའོ། །ཕུང་པོ་ལྔ་དང་དབང་པོ་དྲུག །སྐྱེ་མཆེད་དྲུག་དང་འབྱུང་ཆེན་ལྔ། །རང་བཞིན་གྱིས་ནི་རྣམ་པར་དག །ཉོན་མོངས་ཤེས་བྱའི་སྒྲིབ་པ་བྱང་། །རང་ཉིད་བདག་ཉིད་དག་པ་ཉིད། །དག་པ་གཞན་གྱིས་དགྲོལ་བ་མེད། །ཡུམ་གྱི་དངོས་པོ་དག་པའི་ཕྱིར། །རང་རིག་དག་པའི་བདེ་བ་བཟུང་། །གཟུགས་ལ་སོགས་པའི་ཡུལ་རྣམས་དང་། །ཕྱི་རོལ་དངོས་པོ་ཐམས་ཅད་ཀུན། །དངོས་པོ་ཀུན་ལས་དག་པ་སྟེ། །འདི་ལྟར་དག་པས་ཁྲག་འཐུང་ཁྲོ་རྒྱལ་ཉིད། །ཀྱེ་ཁྲོ་རྒྱལ་ཁྲག་འཐུང་གཙོ། །རྣམ་པར་མ་དག་པ་གང་ལགས། བཅོམ་ལྡན་འདས་ཁྲག་འཐུང་གཙོ་བོས་བཀའ་སྩལ་པ། གཟུགས་ལ་སོགས་པའོ། །དེ་ཅིའི་སླད་དུ་ཞེ་ན། གཟུང་བ་དང་འཛིན་པའི་དངོས་པོ་ལ་ཞེན་པའི་ཕྱིར་རོ། །ཀརྨ་ཧེ་རུ་ཀས་གསོལ་པ། ཁྲོ་བོའི་རྒྱལ་པོ་གཟུང་བ་དང་འཛིན་པ་གང་ལགས། ཁྲོ་བོའི་རྒྱལ་པོས་བཀའ་སྩལ་པ། །མིག་གིས་གཟུང་བར་བྱ་བ་དང་། །སྣ་ ― DNG022_Page_0315 ―
[མ་དཔེ་གཟིགས་ན་འདིར་གནོན།]
ཡིས་ཚོར་བར་བྱ་བ་དང་། །ལྕེས་ནི་རོ་ལ་མྱོང་བ་དང་། །དག་པ་དུག་མེད་བསྟེན་བྱ་ཉིད། །གཟུགས་ནི་རྣམ་པར་རྒྱལ་བའོ། །ཚོར་བ་གཤིན་རྗེའི་གཤེད་པོ་ཉིད། །འདུ་ཤེས་ཧ་ཡ་གྲཱི་བའོ། །འདུ་བྱེད་བདུད་རྩི་འཁྱིལ་པའོ། །རྣམ་ཤེས་ཕུང་པོ་ཞེ་སྡང་བདག །རུས་པ་དབྱུག་པ་སྔོན་པོ་སྟེ། །ཁྲག་ནི་མི་གཡོ་མགོན་པོའོ། །དྲོད་ནི་གཞན་གྱིས་མི་ཐུབ་པའོ། །དབུགས་ནི་ཁམས་གསུམ་རྣམ་རྒྱལ་ཉིད། །པགས་པ་ཁྲོ་བོ་སྟོབས་པོ་ཆེ། །རྩ་རྒྱུས་ཁྲོ་བོ་ཧཱུཾ་ཀཱ་ར། །རྣམ་པར་རྒྱལ་དང་གཤིན་རྗེའི་གཤེད། །ཧ་ཡ་གྲཱི་དང་བདུད་རྩི་འཁྱིལ། །དབྱུག་སྔོན་ཅན་དང་མི་གཡོ་མགོན། །གཞན་གྱིས་མི་ཐུབ་ཁམས་གསུམ་རྒྱལ། །ཧཱུཾ་ཀཱ་ར་དང་སྟོབས་པོ་ཆེ། །བསྐྱེད་པའི་རིམ་པ་ཉིད་ཀྱི་ཕྱོགས། །སྲིད་པ་རང་གི་ངོ་བོ་ཡིས། །ལྷ་འདི་རྣམས་ཀྱི་ངོ་བོར་གནས། །ཡུལ་གྱི་དངོས་པོར་སྣང་བ་ཡི། །གཟུགས་ཀྱི་རྡོ་རྗེ་སྙེམས་མ་ཉིད། །སྒྲ་ཡི་ཆ་ལ་སྒྲ་འབྱིན་མའོ། །དྲི་ལ་རྡོ་རྗེ་སྡེར་མོར་གསུངས། །རོ་ལ་དུར་ཁྲོད་བདག་མོར་གྲགས། །རེག་ལ་རྡོ་རྗེ་གཏུན་ཁུང་ཉིད། །ཆོས་ཁམས་རྡོ་རྗེ་མདའ་སྙེམས་མ། །རང་བཞིན་དངོས་པོ་དག་པ་སྟེ། །ཕྱི་ཡི་དངོས་པོ་རྡོ་རྗེ་རླུང་འབྱིན་མའོ། །ནང་གི་ཆ་ལ་རྡོ་རྗེ་གསོད་མའོ། །གོ་རོ་ཙ་ན་རྡོ་རྗེ་བསྐྱོད་ཆེན་མ། །ཕྱག་དྲུག་ཕ་རོལ་ཕྱིན་པ་དྲུག །ཞབས་བཞི་བདུད་བཞི་རྣམ་རྒྱལ་ཉིད། །ཁམས་གསུམ་རྣམ་པར་ཐར་པ་ཉིད། །རྡོ་རྗེ་གསུམ་ནི་སྤྱན་གསུམ་མོ། །ཆགས་པ་ཡིས་ནི་ལྷ་ཚོགས་ནི། །དབང་པོ་རྣམ་གསུམ་རྣམ་པར་གྲོལ། །འདི་ནི་ཕུང་པོ་རྣམ་པར་སྦྱངས། །གང་དང་གང་གིས་འཇིག་རྟེན་བཅིངས་གྱུར་པ། །དེ་ནི་བཅིངས་པ་ལས་དགྲོལ་ཏེ། །དེ་ཉིད་མི་ཤེས་འཇིག་རྟེན་གྲོལ་མ་ཡིན། །དེ་ཉིད་རྣམ་སྤངས་དངོས་གྲུབ་རྙེད་མི་འགྱུར། །དེ་ཕྱིར་དྲི་མེད་སྒྲ་མེད་གཟུགས་ཉིད་མེད། །རོ་དང་སེམས་ཀྱི་རྣམ་པར་དག་པ་མེད། །རེག་པ་མེད་ཅིང་ཆོས་ཀྱི་དངོས་པོ་མེད། །གནས་ལྔ་རང་བཞིན་དག་ པས་རྣམ་གྲོལ་ཉིད། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། རྣམ་པར་དག་པའི་ལེའུ་སྟེ་བརྒྱད་པའོ།། །།དེ་ནས་སློབ་ ― DNG022_Page_0316 ―
[མ་དཔེ་གཟིགས་ན་འདིར་གནོན།]
མ་ལ་དབང་བསྐུར་བའི་ལེའུ་བཤད་པར་བྱ་སྟེ། དང་པོར་ལྷ་ཡི་རྣལ་འབྱོར་འབད་པས་ཧཱུཾ་བཟླས་ནས། །ཕྱིས་ནི་དཀྱིལ་འཁོར་འཇིགས་པར་བྲི། །ཚལ་དང་སྐྱེ་བོ་མེད་གནས་དང་། །དུར་ཁྲོད་གནས་དང་མ་བདུན་ཁྱིམ། །དཀྱིལ་འཁོར་དམ་པ་རབ་ཏུ་བཞེངས། །རུས་པ་ལ་སོགས་དྲུག་ཚན་དམ་པ་དང་། །རིན་ཆེན་ལྔ་ཡི་ཕྱེ་མ་དང་། །ནས་དང་འབྲུ་ལ་སོགས་པའོ། །དེ་ནས་དཀྱིལ་འཁོར་ཁྲུ་གསུམ་དང་། །མཐེ་བོང་བདུན་གྱིས་ལེགས་པར་བྱ། །རྡོ་རྗེ་རིགས་ཀྱི་མཚན་མའོ། །རིག་མ་བཟང་པོ་རྣམ་པར་གཞུག །ཡང་ན་ཇི་ལྟར་གང་རྙེད་དེ། །ལོ་ནི་བཅུ་དྲུག་ལོན་པ་ཉིད། །གང་འདི་ཁུ་བར་ལྡན་འགྱུར་བ། །དེ་སྲིད་ཕྱག་རྒྱ་བསྟེན་པར་བྱ། །ཕྱག་རྒྱ་གདོང་ཡང་བཅིངས་པ་ལ། །ཐབས་ཀྱི་གདོང་ཡང་དེ་བཞིན་ནི། །པདྨ་རིན་ཆེན་བུ་གའི་རྩ། །རྡོ་རྗེ་ཁྲོས་པས་ཁ་དྲལ་ནས། །རིན་ཆེན་ཐིག་ལེ་དབུས་ན་དྲངས། །ཤི་ཥྱའི་ཁ་རུ་མུ་ཁ་འདྲེན། །རོ་མཉམ་བདེ་བའི་སྤྱོད་ཡུལ་ཉིད། །རྨི་ལམ་འདྲ་བ་ཁོ་ནར་འགྱུར། །དངོས་སུ་མཚན་ཉིད་མི་ཕྱེད་པ། །ཕྱག་རྒྱ་རྣལ་འབྱོར་འདི་ཡིས་འགྲུབ། །སྟོན་པས་དཀྱིལ་འཁོར་འདི་གསུངས་པ། །གྲུ་གསུམ་ཡང་དག་འབར་བ་ཉིད། །སྒོ་བཞི་གཟི་བརྗིད་ཆེན་པོ་སྟེ། །ཐོད་ཕྲེང་རྡོ་རྗེ་ར་བར་བཅས། །རྡོ་རྗེ་མེ་འོད་འབར་བར་ལྡན། །དོ་ཤལ་དོ་ཤལ་ཕྱེད་པས་བརྒྱན། །ཕྲེང་བ་སྣ་ཚོགས་རྔ་ཡབ་ལྡན། །ཞིང་གི་རྐང་ཆེན་བརྒྱད་ཀྱིས་བརྒྱན། །རྡོ་རྗེ་སྲད་བུ་མཉམ་པར་ལྡན། །མེ་ཏོག་སྣ་ཚོགས་ཉེ་བར་བརྒྱན། །བདུག་པ་མར་མེ་ཉེ་བར་བྲི། །བུམ་པ་བཅུ་གཅིག་སོགས་པར་ལྡན། །དེ་ཡང་ཡལ་ག་ལ་སོགས་བརྒྱན། །མགྲིན་པ་ཞིང་གིས་བཀབ་པ་དང་། །རིན་ཆེན་སྣ་ལྔ་ཡོངས་སུ་གཞུག །རྣམ་པར་རྒྱལ་བ་ཤར་དུ་སྦྱིན། །རང་འདོད་ཁྲག་འཐུང་གཟུགས་ཀྱིས་ནི། །དུར་ཁྲོད་སྐྲ་ཤད་མ་སྤྱད་པ། །སར་པ་ལེགས་པར་བཀལ་བ་དང་། །ཤིན་ཏུ་ཚད་མ་མཛེས་པ་ཡིས། །མཁས་པས་ཐིག་ལེར་ཐིག་གདབ་པོ། །འཁོར་ལོའི་བདག་པོའི་བཟླས་པ་འབུམ། །དཀྱིལ་འཁོར་གཞན་ ― DNG022_Page_0317 ―
[མ་དཔེ་གཟིགས་ན་འདིར་གནོན།]
གྱི་དེ་བཞིན་ཁྲི། །གོང་དུ་གསུངས་པའི་སྔགས་ཉིད་ཀྱིས། །མཁས་པས་ས་ཡི་བདག་པོ་སྦྱར། །གོང་གི་ཨ་སོགས་སྔགས་ཀྱིས་ནི། །དེ་ལ་གཏོར་མ་རྣམ་པར་སྦྱིན། །ཇི་ལྟར་བསམ་གཏན་དེ་བཞིན་འདིར། །བསྲུང་བ་ཇི་ལྟར་གསུངས་པ་ཉིད། །གང་ཞིག་དབང་ནི་རབ་ཕྱེ་བ། །རང་གི་དཀྱིལ་འཁོར་ཆོ་ག་བཞིན། །མཆོད་དང་གསོལ་བ་གདབ་པ་དང་། །ཇི་ལྟར་བཤད་པ་དེ་བཞིན་འདིར། །བསྲུང་བ་ཇི་ལྟར་གསུངས་པ་ཉིད། །དབང་ནི་རིམ་པས་སྦྱིན་པར་བྱ། །དབང་སྟེགས་རིམ་གཉིས་དཀྱིལ་འཁོར་བྲི། །དཀྱིལ་འཁོར་ཆེན་པོའི་དབུས་སུ་ནི། །རྡོ་རྗེ་ནག་པོའི་དཀྱིལ་འཁོར་བྲི། །བརྒྱ་བྱིན་ཕྱོགས་སུ་རྡོ་རྗེ་ཁ་ཊྭཱཾ་བྲི། །མེར་ནི་རྡོ་རྗེ་རིན་ཆེན་བྲི། །གཤིན་རྗེའི་ཕྱོགས་སུ་རྡོ་རྗེ་མདའ་ཉིད་བྲི། །བདེན་བྲལ་ཕྱོགས་སུ་རྡོ་རྗེ་གཞུ་ཉིད་བྲི། །ཆུ་བདག་ཕྱོགས་སུ་རྡོ་རྗེ་ཀྱོ་བ་བྲི། །རླུང་གི་ཕྱོགས་སུ་རྡོ་རྗེ་མེ་ཉིད་བྲི། །གནོད་སྦྱིན་ཕྱོགས་སུ་རྡོ་རྗེ་དབྱུག་ཐོ་བྲི། །དབང་ལྡན་ཕྱོགས་སུ་རྡོ་རྗེ་རྩེ་གསུམ་བྲི། །ཤར་སྟོད་དུ་ནི་རྡོ་རྗེ་ཐོད་པ་བྲི། །ནུབ་སྨད་དུ་ནི་རྡོ་རྗེ་རྐང་པ་བྲི། །ཤིན་ཏུ་འཇིགས་པའི་གཟུགས་ཅན་བྲི། །སོ་སོར་ཐར་པ་དང་པོ་སྦྱིན། །དེ་ནས་བྱང་ཆུབ་སྡོམ་ཆེན་སྦྱིན། །དེ་ནས་དབུ་མའི་ཆོས་རྣམས་བཤད། །མཐར་ནི་འབྲས་བུའི་ཐེག་ཆེན་གྱི། །དབང་སྦྱིན་འབྲས་བུའི་རྒྱུད་འདི་བཤད། །དེ་ནས་རྡོ་རྗེ་སྙེམས་བཅས་ནས། །རྐང་པ་གཡས་པ་བརྐྱང་བྱས་ནས། །ལག་གཉིས་ཕྱག་རྒྱ་ཆེན་པོར་སྦྱོར། །སློབ་དཔོན་དཀྱིལ་འཁོར་འཇུག་པ་ཉིད། །ཁྲུས་དང་གཙང་སྦྲ་དྲི་ཞིམ་ལུས། །སྣ་ཚོགས་རྒྱན་གྱིས་རྣམ་པར་བརྒྱན། །ཧཱུཾ་སྙེམས་བྱམས་པའི་སྒྲ་ཡང་སྒྲོགས། །ཧི་ཧི་འཇིགས་པའི་སྒོ་ཕྱི་ནས། །དཀྱིལ་འཁོར་ཆེན་པོར་གཞུག་པར་འགྱུར། །དེ་ལ་སློབ་དཔོན་མཚན་ཉིད་ནི། །ལུས་སེམས་གཟུང་བ་མེད་པའོ། །ཤ་དང་ཁྲག་ཀྱང་མེད་ཅིང་བཤང་གཅི་མེད། །སྐྱུག་བྲོ་རྨོངས་མེད་གཙང་སྦྲ་མེད། །ཆགས་མེད་སྡང་བ་མེད་པའོ། །སེར་སྣ་མེད་ཅིང་ཕྲག་དོག་མེད་པའོ། །རྒྱལ་མེད་ཕམ་པ་མེད་ ― DNG022_Page_0318 ―
[མ་དཔེ་གཟིགས་ན་འདིར་གནོན།]
པའོ། །ཁྲོ་བ་མེད་པའི་སློབ་དཔོན་གྱིས། །སློབ་མ་ལ་ནི་དབང་སྦྱིན་ནོ། །བུམ་པ་རྡོ་རྗེ་ཅོད་པན་དབང་། །རྡོ་རྗེ་དྲིལ་བུ་ཕུར་པ་རིན་ཆེན་དབང་། །མི་དབང་དེ་བཞིན་བདག་པོའི་དབང་། །མཐར་གྱིས་བཀྲ་ཤིས་བརྗོད་པའོ། །རིན་ཆེན་ཐིག་ལེ་སེམས་ དབང་ངོ་། །དབྱིངས་ཕྱུག་རྩ་ནས་དྲངས་ཏེ་བསྐུར། །ཡིད་བཞིན་པ་ནི་རིན་ཆེན་མཆོག །དབང་སྦྱིན་པ་ཡི་སློབ་མ་དེས། །དེར་ནི་འདི་རྣམས་མ་བྱིན་ན། །མི་བདེ་སྣ་ཚོགས་འབྱུང་བ་དང་། །མ་འོངས་མནར་མེད་འབྱུང་བ་ནི། །ཞེ་སྡང་བདག་པོ་ཉིད་ཀྱིས་གསུངས། །དེ་བས་འདི་རྣམས་དབུལ་བར་བྱའོ། །ཀཪྴ་པ་ན་སྟོང་རྣམས་དང་། །བུ་དང་ཆུང་མ་རྒྱན་གྱིས་བརྒྱན། །རིན་ཆེན་རྣམ་པ་སྣ་ཚོགས་དང་། །གཞན་ཡང་ཡིད་དུ་འོང་བའི་རྫས། །བྲན་ཕོ་བྲན་མོ་འཁོར་དང་བཅས། །དབང་བསྐུར་བླ་མ་དེ་ལ་དབུལ། །དེ་མེད་དབང་རྣམས་མི་ཐོབ་པོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། དབང་གི་རིམ་པའི་ལེའུ་སྟེ་དགུ་པའོ།། །།དེ་ནས་སྤྱོད་པའི་ལེའུ་བཤད་པར་བྱ་སྟེ། གང་གི་དངོས་གྲུབ་མཐར་འགྲོ་བ། །རྡོ་རྗེ་གཞོན་ནུའི་དངོས་གྲུབ་རྒྱུ། །སྒྲུབ་པ་པོ་ཡིས་བཅང་བྱ་བ། །རྣ་བར་རུས་པའི་རྣ་ཆ་ཉིད། །སྤྱི་བོར་རུས་པའི་འཁོར་ལོ་བཟང་། །ལག་པར་རུས་པའི་ཕྲེང་བ་ཉིད། །སྐེད་པར་སྐྲ་ཡིས་སྐེ་རགས་གཉིས་བསྐོར་བ། །རྐང་པར་དེ་བཞིན་རུས་གདུབ་དང་། །དཔུང་པའི་རྩ་བར་རུས་ཕྲེང་ཉིད། །མགྲིན་པར་རུས་པའི་ཕྲེང་བ་སྟེ། །བགོ་བ་གླང་ཆེན་པགས་པ་ཉིད། །ཁྲག་འཐུང་ཧེ་རུ་སྐྱེས་བུ་ཉིད། །སྤྱོད་པ་དངོས་གྲུབ་དོན་དུ་བྱེད། །སྨན་ཆེན་པོ་ནི་བཟའ་བར་བྱ། །རྡོ་རྗེའི་ཆུ་ཉིད་བཏུང་བར་བྱ། །རིམས་ཀྱི་ནད་ཀྱིས་འཆི་མི་འགྱུར། །མི་རོའི་སྐྲ་ཡིས་ཅོད་པན་བྱ། །ཧཱུཾ་ཟློས་ཁྲོ་བོའི་སྦྱོར་བ་ཅན། །ཁྲག་འཐུང་ལྔ་ཡི་ཐོད་པས་བརྒྱན། །བརྟུལ་ཞུགས་སྤྱོད་པ་རྣམ་པར་འཛིན། །ཐོད་པ་སོར་ལྔའི་ཚད་དུ་བྱ། །སྐྲ་ཡི་སྐེ་རགས་ཉིས་བསྐོར་ནི། །ཐབས་དང་ཤེས་རབ་རང་བཞིན་ཡིན། །ཐལ་རྒྱུ་ཞགས་མཆོག་ཕྱི་རུ་ཐོགས། །རྡོ་རྗེ་རྩེ་དགུ་བཟླས་ཕྱིར་ཐོགས། ། ― DNG022_Page_0319 ―
[མ་དཔེ་གཟིགས་ན་འདིར་གནོན།]
ཁ་ཊྭཱཾ་ཤེས་རབ་རང་བཞིན་ཏེ། །རྡོ་རྗེ་ཐོད་ཐོགས་བརྟུལ་ཞུགས་འཛིན། །སྐལ་མེད་རྣམས་ཀྱིས་དེ་མི་ཤེས། །བཟའ་དང་དེ་བཞིན་བཏུང་བ་ཉིད། །ཇི་ལྟར་རྙེད་པ་རབ་ཏུ་བཟའ། །བཟའ་དང་མི་བཟའ་དཔྱད་མི་བྱ། །བཟའ་བ་མ་ཡིན་ཐམས་ཅད་བཟའ། །གཙང་དང་བཙོག་པའི་རྣམ་རྟོག་མེད། །འགྲོ་དང་མི་འགྲོ་རྣམ་རྟོག་མེད། །ཕྱག་རྒྱ་རྙེད་པའི་སློབ་མ་ཡང་། །བླ་མ་ལ་ནི་སྔོན་ཕྱག་འཚལ། །དུར་ཁྲོད་ཤ་ཁྲག་ཟ་བྱེད་ཅིང་། །བརྟུལ་ཞུགས་ཆེན་པོས་རྒྱུ་བར་བྱ། །ཕྱག་ན་རྡོ་རྗེ་ཕུར་པ་འཛིན། །གུ་གུལ་ཁྲག་དང་ཤ་ཆེན་འཛིན། །ཉུང་དཀར་རྒྱལ་པོ་ཁྲག་ཆེན་བསྣམས། །གནོད་གདུག་རྣམ་གཉིས་བསྒྲལ་སླད་དུ། །རྣལ་འབྱོར་སྤྱོད་པ་སེང་གེ་ལྟ་བུར་བྱ། །འཇིགས་མེད་སྤྱོད་པ་མཆོག་ཏུ་གསུངས། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། སྤྱོད་པའི་ལེའུ་སྟེ་བཅུ་པའོ།། །།དེ་ནས་རཀྟས་བྱུགས་པ་གཟུགས། །མཐིང་ནག་གུར་ཆེན་རྒྱན་གྱིས་བརྒྱན། །འབྲུབ་ཁུང་མཚན་ཉིད་འདི་ལྟར་གསུངས། །གཞན་ཡང་སྒྲུབ་པའི་མཚན་ཉིད་ནི། །ལྷ་ཡི་དཀྱིལ་འཁོར་རྫོགས་པ་དང་། །ཕྱག་བརྙན་དཀྱིལ་འཁོར་དབང་བསྐུར་དང་། །ཕྱག་རྒྱའི་དཀྱིལ་འཁོར་རྫོགས་པ་དང་། །ཕྱག་བརྙན་རྣམས་ནི་བསྐུལ་བ་དང་། །སྙིང་པོ་བཟླས་བརྗོད་འདོན་པ་དང་། །བསྒྲུབ་པའི་ཆོ་ག་ཞེས་སུ་བཤད། །རྒྱས་འདེབས་མ་ཡིས་དོན་འདི་གསོལ། །དགུག་པའི་མཚན་ཉིད་ཇི་ལྟར་ལགས། །དགུག་པའི་མཚན་ཉིད་བཀའ་སྩལ་པ། །རླུང་གི་རྔ་མོའི་སྟེང་དུ་ནི། །ཟླ་བའི་དཀྱིལ་འཁོར་རྒྱ་གྲམ་བསམ། །དམར་སྨུག་རླུང་གི་ཚོགས་ཀྱིས་གཏམས། །དེ་ཡི་སྟེང་དུ་བསྒྲུབ་བྱ་ནི། །གཅེར་བུ་རལ་བསྙིལ་འདར་བ་བསམ། །རྡོ་རྗེ་ཁྲོ་བོས་སྐྲ་ནས་བཟུང་། །ལྕགས་ཀྱུ་འབར་བས་རབ་དྲངས་ཏེ། །དམར་སྨུག་འབར་བའི་རལ་པ་ཅན། །རྡོ་རྗེ་ཞགས་པས་འཛུད་པར་བསམ། །ནག་པོའི་ལྕགས་སྒྲོག་སྡང་སྒྲ་ཅན། །ཤིན་ཏུ་འབར་བས་བསྡམ་པར་མཛད། །སྔོ་སངས་དགྱེས་པའི་ཚུལ་བཞིན་གནས། །རྡུལ་ཕྲན་དྲིལ་བུའི་ཕྱག་རྒྱ་བསྟན། །དགུག་པའི་མཚན་ཉིད་འདི་ལྟར་བཤད། །རྒྱས་འདེབས་མ་ ― DNG022_Page_0320 ―
[མ་དཔེ་གཟིགས་ན་འདིར་གནོན།]
ཡིས་ཡང་གསོལ་པ། །དབྱེ་བའི་མཚན་ཉིད་ཇི་ལྟར་ལགས། །བྷ་གར་ལིངྒ་བཞག་ནས་ཀྱང་། །སྣ་རྩེ་རྡོ་རྗེས་བྲུད་ནས་ནི། །ཁྲོ་བོའི་རྒྱལ་པོས་བཀའ་སྩལ་པ། །ཁྭ་ཏ་འུག་པའི་སྙིང་ག་རུ། །ལྷ་དང་བསྒྲུབ་བྱ་རྣམ་པར་བསམ། །རྡོ་རྗེའི་རླུང་ཆེན་འཁྲུགས་ནས་ནི། །དེ་ནི་རྣམ་པར་འཐབ་པར་བསམ། །ནག་པོ་དུག་གཏོར་གཏོར་བས་ནི། །དེ་ཉིད་རྣམ་པར་དབྱེ་བར་བསམ། །དབྱེ་བའི་མཚན་ཉིད་འདི་ལྟར་གསུངས། །རྒྱས་འདེབས་མ་ཡིས་ཡང་ཞུས་པ། །རིན་ཆེན་པདྨ་ཁ་ཕྱེ་ནས། །བུམ་པ་རིན་ཆེན་ཕྱག་གིས་བཟུང་། །ཁྲོ་བོའི་རྒྱལ་པོས་བཀའ་སྩལ་པ། །སྤྱི་བོ་མགྲིན་པ་སྙིང་ག་དང་། །ལྟེ་བ་གསང་བ་རྐང་མཐིལ་དུ། །སྲས་མཆོག་ཕུར་པས་ཕུག་ནས་ནི། །ཁྲོ་བོའི་ཚོགས་ཀྱིས་སེམས་དྲངས་ཏེ། །བཀའ་ཉན་རྣམས་ཀྱིས་ཁྲག་འཐུངས་པས། །བསྒྲུབ་བྱ་དེ་ནི་བརྒྱལ་བར་འགྱུར། །ཕྱི་ཡི་གདབ་པ་དེ་ལྟར་བཤད། །རྒྱས་འདེབས་ཕྱག་རྒྱ་ཡང་དག་འཛིན། །ཁྲོ་རྒྱལ་ཁྱོད་ལ་དོན་འདི་ཞུའོ། །རྡོ་རྗེ་རིན་ཆེན་བཟུང་ནས་ནི། །རྒྱས་འདེབས་མ་ལ་དོན་འདི་བཤད། །ལྕགས་ཀྱུས་བསྒྲུབ་བྱ་བཀུག་ནས་ནི། །གཅེར་བུ་སྤྱིའུ་ཚུགས་འདར་བར་བསམ། །གསང་བའི་རྡོ་རྗེ་རྩེ་ལྔ་འོད་ཟེར་འབར། །སྤྱོད་པ་རིན་ཆེན་བཏབ་པ་ཡིས། །སངས་རྒྱས་ཡིན་ཡང་བརླག་པར་འགྱུར། །གསང་བའི་གདབ་པ་དེ་ལྟར་བཤད། །རྒྱས་འདེབས་མ་ཡིས་ཡང་ཞུས་པ། །བརྡུང་བའི་མཚན་ཉིད་ཇི་ལྟར་ལགས། །རི་དྭགས་ལྟེ་བ་མནན་ནས་ནི། །ཁྲོ་བོའི་རྒྱལ་པོས་བཀའ་སྩལ་པ། །མཐིང་ནག་འབར་བའི་གཏུན་ཁུང་དུ། །ལྷུ་དུམ་གྱུར་པའི་གཟུགས་དག་ལ། །སྨུག་ནག་ཁྲོ་བོ་ཐོ་བ་ཅན། །རྡུལ་ཕྲན་བཞུགས་པ་ཐམས་ཅད་ཀྱིས། །བརྡུངས་ཏེ་ཤ་ཁྲག་ཞལ་དུ་གསོལ། །དགྱེས་ཏེ་ཧ་ཧ་བཞད་མོར་བཅས། །དུམ་བུ་ཁྲག་འཐུང་ཚོགས་ལ་བསྟབ། །བརྡུང་བའི་མཚན་ཉིད་དེ་ལྟར་བཤད། །རྒྱས་འདེབས་མ་ཡིས་ཡང་ཞུས་པ། །གནས་སྤར་རིམ་པ་ཇི་ལྟར་ལགས། །ཁྲོ་བོའི་རྒྱལ་པོས་བཀའ་སྩོལ་ཅིག །མགྲིན་པའི་ ― DNG022_Page_0321 ―
[མ་དཔེ་གཟིགས་ན་འདིར་གནོན།]
ཐིག་ལེ་མནན་ནས་ནི། །རྒྱས་འདེབས་མ་ལ་བཀའ་སྩལ་པ། །རྡོ་རྗེ་རླུང་གི་རྔ་མོ་ལ། །ཟླ་བའི་དཀྱིལ་འཁོར་གནས་པར་བསམ། །སྲས་མཆོག་རྩེ་མོར་བསྡུས་པའོ། །བསྒྲུབ་བྱའི་སེམས་དེ་ཟླ་དཀྱིལ་བཞག །ཕཊ་ཀྱི་ཚོགས་ཀྱིས་རྣམ་པར་འཕང་། །འོག་མིན་བདེ་གཤེགས་སྤྱི་གཙུག་ནས། །ཧཱུཾ་གིས་བཞུ་སྟེ་རྡོ་རྗེའི་ལམ། །འཁོར་བཅས་རྡོ་རྗེའི་སྐུར་གྱུར་ནས། །དབང་བསྐུར་སངས་རྒྱས་སྲས་སུ་བྱས། །གནས་སྤར་རིམ་པ་དེ་ལྟར་བྱ། །ཁྲོ་མོ་ཆེན་མོས་ཡང་ཞུས་པ། །གསོ་བའི་མཚན་ཉིད་ཇི་ལྟར་ལགས། །ཁྲོ་བོའི་རྒྱལ་པོས་བཀའ་སྩོལ་ཅིག །ཉོན་ཅིག་ལྷ་མོ་རིན་ཆེན་མ། །དབུས་ཀྱི་ཐིག་ལེ་དྲངས་ནས་ནི། །འབར་བའི་གནས་སུ་ཐིམ་ནས་ནི། །རོ་མྱོང་བདེ་བའི་གཟུགས་ཅན་ནི། །བདག་ཉིད་གསོ་བར་གསུངས་པའོ། །བྷ་གའི་ཐིག་ལེ་དྲངས་ནས་ནི། །ཆུ་སྲིན་ཁ་རུ་ཐིམ་པར་ བསམ། །བ་ཐག་རྒྱུན་གྱི་ཐིག་ལེ་དག །ཟླ་བའི་དཀྱིལ་འཁོར་སྟེང་གནས་པའི། །ཐིག་ལེ་གཟི་བརྗིད་ཆེན་པོར་འབར། །འོད་ཟེར་སྤྲིན་ཕུང་རྣམ་པར་འཁྲུགས། །གཟི་བརྗིད་ཆེན་པོར་བརྟན་པར་བཞུགས། །ཕུར་པ་གསོ་བའི་མཚན་ཉིད་དོ། །པདྨ་ཐིག་ལེ་དྲངས་ནས་ནི། །བསྒྲུབ་བྱའི་ལྟེ་བའི་དབུས་སུ་བསྣུན། །བསྒྲུབ་བྱ་གསོ་བའི་མཚན་ཉིད་དོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། བསྒྲུབ་བྱའི་ལེའུ་སྟེ་བཅུ་གཅིག་པའོ།། །།དེ་ནས་ཐིག་ལེ་དབྱེ་བའི་ལེའུ་བཤད་པར་བྱ་སྟེ། གང་གིས་རྣམ་པར་ཤེས་ཙམ་གྱིས། །བསྒྲུབ་པའི་དངོས་གྲུབ་ཐོབ་པར་འགྱུར། །བསྒྲུབ་བྱའི་ལྟེ་བའི་རྩ་དག་ལ། །འཇིགས་པ་སྲིན་པོའི་གཟུགས་ཅན་བསམ། །སྙིང་གར་བྱིན་ཟའི་ས་བོན་ཉིད། །གཅེར་བུ་སྐྲ་གྲོལ་ཁྲག་སྐྱུག་ཅིང་། །འདར་ཞིང་སྤྱིའུ་ཚུགས་གནས་པར་བསམ། །བཤང་བ་རྡོ་རྗེའི་ལམ་དུ་ནི། །བདུད་རྩི་འཁྱིལ་པ་འཇིགས་པའི་གཟུགས། །བཤང་བའི་ལམ་དུ་ཕུག་ནས་ནི། །ཤ་ཁྲག་མནར་ཏེ་སྲིན་པོས་ཟོས། །མ་ཕུག་བར་ནི་མྱོང་མི་འགྱུར། །ཕུག་པས་དགའ་བ་འབྱིན་པའོ། །གང་ཡང་དམིགས་པ་སྐད་ཅིག་གིས། །ཡུད་ཙམ་གྱིས་ནི་ ― DNG022_Page_0322 ―
[མ་དཔེ་གཟིགས་ན་འདིར་གནོན།]
གསོད་པར་བྱེད། །རྒྱུད་འདི་ལ་ནི་སྦྱིན་སྲེག་མེད། །ཕྱག་རྒྱ་བཅིང་བར་བྱ་བའང་མེད། །རྒྱུད་འདི་བཀླགས་པས་གྲུབ་པ་ཡིན། །བསམ་གཏན་ཙམ་གྱིས་འགྲུབ་པར་འགྱུར། །རྣམ་རྟོག་མེད་པའི་རྣལ་འབྱོར་དག །བསྟན་པ་ལ་ནི་གནོད་བྱེད་དང་། །བླ་མ་ལ་ནི་སྨོད་བྱེད་པ། །བླ་མ་ཐུབ་པ་ལ་ཞུས་ནས། །སྙིང་རྗེས་གསད་པར་བྱ་བ་ལས། །གཞན་དུ་བྱ་བར་མ་གསུངས་སོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། ཐིག་ལེ་དབྱེ་བའི་ལེའུ་སྟེ་བཅུ་གཉིས་པའོ།། །།དེ་ནས་ལྟ་སྟངས་ཀྱི་ལེའུ་བཤད་པར་བྱའོ། །མཉམ་པ་མ་རུངས་དཔྲལ་བ་ཅན། །དཀྱིལ་འཁོར་བྱེད་པའི་བལྟ་བས་ནི། །གསོད་པའི་ལྟ་བ་མཆོག་ཏུ་བཤད། །པུས་མོ་ཟླུམ་པོར་བཙུགས་ནས་ནི། །དབང་གི་ལྟ་སྟངས་གཡོན་ན་གནས། །གཡས་པ་གཡོན་དུ་ལྡོག་ནས་ནི། །གཡོན་པའི་ཆ་ལ་རྣམ་པར་གཟིགས། །དབང་གི་བལྟ་བ་ཡིན་པར་བཤད། །དཔུང་པའི་འདུག་སྟངས་ལེགས་གནས་ནས། །མིག་ཕུར་གཉིས་ནི་ལྡོག་ནས་ནི། །སྣ་ཡི་རྩེ་མོར་བལྟ་བ་ནི། །རྒྱས་པའི་ལྟ་སྟངས་ཡིན་པར་བཤད། །མིག་ཕུར་གཉིས་ནི་ལེགས་བཞག་ནས། །དབུས་སུ་མཉམ་པོར་བལྟ་འདྲ་ནི། །ཞི་བའི་ལྟ་སྟངས་ཡིན་པར་བཤད། །འདི་ལ་འཁྲུག་པར་མི་བྱ་སྟེ། །འགྲུབ་འགྱུར་འདི་ལ་ཐེ་ཚོམ་མེད། །སངས་རྒྱས་རྫུ་འཕྲུལ་བསམ་མི་ཁྱབ། །ལྟ་སྟངས་ཆེན་པོ་འདི་ཡིས་ནི། །དྲེགས་པ་ཅན་རྣམས་བརྟན་པར་བཟུང་། །སེམས་ཅན་བྱ་བ་སྤང་ནས་ནི། །བྱ་བ་མ་ཡིན་ཐམས་ཅད་བྱ། །དེ་ལ་དམ་ཚིག་བཟའ་བ་དང་། །ན་དྷ་ག་ཧ་དང་པོ་དང་། །ཐ་ཡི་ཤ་དང་དང་པོའི་ཤ །ཞེ་སྡང་བདག་པོས་དངོས་གྲུབ་འགྲུབ། །ཐམས་ཅད་བདུད་རྩིའི་རང་བཞིན་ཏེ། །ལྟ་སྟངས་བཞི་ཡིས་ཀུན་བལྟས་ནས། །ཐམས་ཅད་ཀུན་ནས་བཟའ་བར་བྱའོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། ལྟ་སྟངས་ཀྱི་ ལེའུ་སྟེ་བཅུ་གསུམ་པའོ།། །།དེ་ནས་སྲིན་མོའི་ལེའུ་བཤད་པར་བྱའོ། །དང་པོ་བྱམས་པ་བསྒོམ་པར་བྱ། །གཉིས་པ་ལ་ནི་སྙིང་རྗེ་སྟེ། །གསུམ་ ― DNG022_Page_0323 ―
[མ་དཔེ་གཟིགས་ན་འདིར་གནོན།]
པར་དགའ་བ་མཆོག་ཏུ་གསུངས། །ཐམས་ཅད་ཐ་མར་བཏང་སྙོམས་ཏེ། །དེ་ནས་ཡང་ནི་འདི་ལྟ་སྟེ། །སྟོང་པའི་རིན་ཆེན་བྱང་ཆུབ་སེམས། །གཉིས་པ་ཨ་གཟུགས་ཉོན་མོངས་འཇོམས། །གསུམ་པ་རིན་ཆེན་གཟུགས་རྫོགས་པའོ། །བཞི་པ་རིན་ཆེན་ཕྲེང་བ་དགོད། །རཾ་ནི་ཉི་མ་རྣམ་པར་བསྒོམ། །ཉི་མ་སྣ་ཚོགས་རྡོ་རྗེའི་དངོས། །ར་བ་དྲ་བར་རབ་བཅིངས་ནས། །དང་པོ་བསྒོམ་བྱ་རླུང་ཉིད་དེ། །དེ་འོག་རིན་ཆེན་ས་གཞི་སྟེ། །བཞི་པ་ཐོད་པའི་གཞལ་ཡས་ཁང་། །ལྔ་པ་མེ་རི་སྨུག་ནག་འཐིབ། །དབུས་སུ་བསྒོམ་བྱ་རོ་ཉིད་དེ། །ཉི་ཟླ་རྣམ་གཉིས་དབུས་སུ་ནི། །དེ་ཡི་དབུས་སུ་ཨ་ཉིད་གནས། །ཨ་ལས་ཁ་ཊྭཱཾ་གར་བྱུང་སྟེ། །ཁ་ཊྭཱཾ་དབུས་ལ་ཨ་ཡིས་མཚན། །ནག་པོ་ཆེན་མོ་སྟོབས་ཆེན་མོ། །ཞུ་བ་ལས་ནི་འཁྲུངས་པའོ། །མེ་ཏོག་འབར་རུའི་དམར་སྤྱན་ཅན། །དམར་སེར་དབུ་སྐྲ་གྱེན་དུ་བརྫེས། །ཁ་ཊྭཱཾ་ཐོད་པ་ལག་ན་འཛིན། །རཀྟའི་ཞག་དང་ཐིག་ལེས་བརྒྱན། །རྒྱས་འདེབས་ནག་མོ་འཇིགས་ཆེན་མ། །ལྷ་མོ་འདི་བཅུས་བསྐོར་ཏེ་གནས། །སྟེང་དུ་ལྷ་མོ་སྒྲ་འབྱིན་གནས། །བརྒྱ་བྱིན་ཕྱོགས་སུ་སྙེམས་མ་གནས། །གཤིན་རྗེའི་ཕྱོགས་སུ་རྡོ་རྗེ་དུར་ཁྲོད་གནས། །ཆུ་བདག་ཕྱོགས་སུ་རྡོ་རྗེ་གཏུམ་ཆེན་གནས། །གནོད་སྦྱིན་ཕྱོགས་སུ་རྡོ་རྗེ་རླུང་འབྱིན་མ། །མེ་ལྷའི་ཕྱོགས་སུ་སྡེར་མོ་སྟེ། །བདེན་བྲལ་ཕྱོགས་སུ་རྡོ་རྗེ་གཏུན་ ཁུང་མ། །རླུང་ལྷའི་ཕྱོགས་སུ་རྡོ་རྗེ་མདའ་སྙེམས་མ། །དབང་ལྡན་ཕྱོགས་སུ་རྡོ་རྗེ་གསོད་ཆེན་མ། །ས་བདག་སྟེང་དུ་རྡོ་རྗེ་བསྐྱོད་ཆེན་མ། །ལྷ་མོ་འདི་རྣམས་བསྐོར་ཏེ་གནས། །ཧ་ཧ་སྒྲོག་པའི་བདག་ཉིད་ཅན། །འཇིགས་པའི་གཟུགས་ཅན་ལྷ་མོའི་ཚོགས། །སྲིན་མོའི་ཚོགས་ནི་དྲི་འཛིན་མོའོ། །མི་བཟད་སྲིན་མོའི་དཀྱིལ་འཁོར་ཕོ་བྲང་རྫོགས། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། རྡོ་རྗེ་སྲིན་མོའི་ལེའུ་སྟེ་བཅུ་བཞི་པའོ།། །།དེ་ནས་མེའི་མཚན་ཉིད་ཀྱི་ལེའུ་བཤད་པར་བྱ་སྟེ། མེ་ལ་རྣམ་པ་དུ་ཞིག་མཆིས། །ཁྲོ་བོའི་རྒྱལ་པོས་བཀའ་སྩོལ་ཅིག །རྒྱས་འདེབས་མ་ལ་དམ་འཁྱུད་ནས། །མེ་ཡི་མཚན་ཉིད་རྣམ་གཉིས་གསུངས། ། ― DNG022_Page_0324 ―
[མ་དཔེ་གཟིགས་ན་འདིར་གནོན།]
དེ་ལྟར་ཕྱི་དང་ནང་ཉིད་དོ། །ནང་གི་མཚན་ཉིད་ཇི་ལྟར་ལགས། །ལྷ་མོ་བདག་ནི་ཁྱེད་ལ་ཞུ། །ཉོན་ཅིག་ལྷ་མོ་རིན་ཆེན་མ། །ཀླུ་དབང་ཐིག་ལེ་བུག་ནས་ནི། །སྙིང་གར་རིན་ཆེན་འབར་བ་བསྟེན། །འབར་བ་བདག་གི་གཟུགས་ཅན་ཉིད། །དྲི་བྲལ་ཐིག་ལེའི་གོང་བུའོ། །ཕྲ་མོར་དམིགས་པའི་ཐིག་ལེ་ཉིད། །བརྟན་པར་བྱེད་པ་ཕྲ་མོའོ། །གསལ་བྱེད་འོད་ཀྱི་གཟུགས་ཅན་ཉིད། །ཐིག་ལེ་དབུས་ནས་འདྲེན་པ་ཉིད། །དྲི་བྲལ་དངོས་པོ་སྲེག་པའི་མཆོག །ནང་གི་སྦྱིན་སྲེག་དེ་ལྟར་གསུངས། །ཕྱི་ཡི་སྦྱིན་བསྲེག་ཇི་ལྟར་བྱ། །རྣལ་འབྱོར་མཉམ་གཞག་ཆོས་ཉིད་ཀྱིས། །དཀྱིལ་འཁོར་གཙོ་བོར་མངོན་སྤྲུལ་ནས། །མཆོད་པ་ལྔ་དང་ལྡན་པར་བྱ། །ཨོཾ་བཛྲ་པུཥ྇་ཨཱཿཧཱུཾ་སྭཱ་ཧཱ། ཨོཾ་བཛྲ་དྷཱུ་པེ་ཨཱཿཧཱུཾ་སྭཱ་ཧཱ། ཨོཾ་བཛྲ་དཱི་པཾ་ཨཱཿ་ཧཱུཾ་སྭཱ་ཧཱ། ཨོཾ་བཛྲ་གན་དྷི་ཨཱཿཧཱུཾ་སྭཱ་ཧཱ། ཨཱོཾ་བཛྲ་ནཻ་ཝི་དྱ་ཨཱཿཧཱུཾ་སྭཱ་ཧཱ། སྣ་ཚོགས་ཧཱུཾ་ནི་བརྗོད་པ་དང་། །མེ་ཏོག་ལ་སོགས་འབུལ་བ་ནི། །གོང་མའི་ཆོ་གའི་རིམ་པ་ཡིས། །མཆོད་པ་ཞབས་བསིལ་གོང་མ་བཞིན། །ཞི་བར་ཐབ་ཁུང་ཟླུམ་པོ་ཉིད། །རྒྱས་པ་ལ་ནི་གྲུ་བཞི་པ། །དབང་ཉིད་ལ་ནི་ཟླ་གམ་སྟེ། །བསད་པ་ལ་ནི་གྲུ་གསུམ་བརྗོད། །འདི་ཉིད་ལ་ནི་ལྷག་མ་བསྒྲུབ། །ཁྲུ་གང་དང་ནི་ཁྲུ་ཕྱེད་ཉིད། །ཞི་བའི་སྟེང་དང་འོག་ཏུ་ཡིན། །ཁྲུ་གང་དང་ནི་ཁྲུ་དོ་ཉིད། །རྒྱས་པའི་སྟེང་དང་འོག་ཏུ་བརྗོད། །སོར་ནི་ཉི་ཤུའམ་དེ་ཡི་ཕྱེད། །བསད་པའི་སྟེང་དང་འོག་ཏུ་ཡིན། །ཞི་བ་ཁ་དོག་དཀར་པོར་བསྒྱུར། །རྒྱས་པ་སེར་པོ་དེ་བཞིན་ནི། །བསད་པ་ལ་ནི་ཁ་དོག་ནག །དབང་ལ་དམར་པོར་རབ་ཏུ་གྲགས། །དེ་ལ་དེ་བཞིན་དེ་ལྟར་དགུག །བསད་པ་ཇི་ལྟར་སྲན་ལ་སོགས། །ཞི་བ་ཏིལ་དང་རྒྱས་པའོ། །བསད་པ་ཚེར་མ་དེ་བཞིན་ནི། །སྡང་ལ་ཚེར་མ་དེ་བཞིན་བརྗོད། །དབང་ལ་དགུག་པ་ཨུཏྤ་ལ། །ཞི་བ་འོ་མ་ཅན་གྱི་ཤིང་། །རྒྱས་ལ་གསེར་འདྲའི་ཤིང་ཉིད་དོ། །དབང་ལ་ཙནྡན་ཡམ་ཤིང་ཉིད། །གསོད་ལ་དུག་ཤིང་ནག་པོ་ཉིད། །ཨོཾ་ཨག་ན་ཡེ་མ་ཧཱ་ཙན་ཧེ་དེ་བ་རཱ་ཛ་སརྦ་ཀརྨ་ཕྲས་ཏ་ཀ །ཨ་ཀུ་རུ་བྱ་ཀྲི་ཏ་སརྦ་དྷ་ཨས་སི་སྨྲི་ན་ནི། ཧི་ཧི་ཏོ་ ― DNG022_Page_0325 ―
[མ་དཔེ་གཟིགས་ན་འདིར་གནོན།]
བྷ་ཝ། མེ་དགུག་པའོ། །ཁྲག་འཐུང་རྒྱལ་པོ་མཆོད་པ་ལ། །ལྷ་མོ་ཁྱོད་ནི་དབང་དུ་གྱུར། །ཆེ་གེ་བདག་ནི་དཀྱིལ་འཁོར་བྲི། །སརྦ་ནེ་ཙ་ཝ་སརྦ་ར་པཉྩ་པ་དྷི་ཏཾ་གྷཙྪ་ཝ་ཧཱ་བྷྱོ་བྷྱ་ཀྲ། ཨ་ག་པ་མི་པི། བྲ་ས་ཡཱ་ཐ་ཀ་ལེ། སརྦ་སིདྡྷི་ཀུ་རུ། མེ་དག་པར་བྱེད་པའི་སྔགས་སོ། །ཛཿཧཱུཾ་བཾ་ཧོཿཁཾ་བཾ། མཆོད་ཡོན་གྱི་སྔགས་སོ། །ཨོཾ་ནི་རི་ཏི་ཧཱུཾ་ཁཾ། ཞལ་བསིལ་བའི་སྔགས་སོ། །ཨོཾ་འདྲ་འདྲ། བ་ལིའི་སྔགས་སོ། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ ལས། མེའི་མཚན་ཉིད་ཀྱི་ལེའུ་སྟེ་བཅོ་ལྔ་པའོ།། །།དེ་ནས་གནན་པའི་ལེའུ་བཤད་པར་བྱ་སྟེ། ཕུང་བྱེད་ས་ལ་གཟུགས་བྱས་ཏེ། །དྲི་ཆེན་པོ་ཡིས་བྱུགས་ནས་སུ། །ར་མ་ཡ་ཡི་དུད་པས་བདུག །མེ་ཆེན་པོ་ཡི་དྲུང་དུ་བཞག །དུར་ཁྲོད་རོ་ཡི་ཤུན་ལྤགས་ལ། །འཁོར་ལོ་བཅུ་གཅིག་རྩིབས་མཆན་བྲི། །དབུས་སུ་བསྒྲུབ་བྱའི་མིང་གིས་བརྒྱན། །མཐར་ནི་མ་ཧཱ་པ་ཧར་ལྡན། །ཕོ་རོག་སྒྲོ་ཡི་རྨྱུ་གུ་ཡིས། །གདུག་པ་ཅན་གྱི་གཟུགས་བྲིས་ལ། །བྷན་དྷ་ཁ་སྦྱར་དབུས་སུ་གཞུག །ཁྲག་ཆེན་པོ་ཡིས་བྱུག་པར་བྱ། །གཟུགས་བརྙན་དེ་ཡི་སྙིང་གར་གཞུག །ཙནྡན་མེ་ལ་དྲོས་པར་བསྲོ། །ལམ་ཆེན་རྒྱ་གྲམ་དག་ཏུ་མནན། །རྡོ་རྗེ་ཁྲོས་པས་མནན་པར་བསམ། །ཙནྡན་ཤིང་གི་ཤུན་པ་ལ། །ཁྲག་ཆེན་པོ་ཡིས་མིང་བྲིས་ལ། །ཧ་དང་ཤ་དང་བཅས་པ་རུ། །གདུག་པའི་ཤིང་ལ་སྦྱིན་བསྲེག་བྱ། །བསྒྲུབ་བྱ་དེ་ནི་ཁྲིད་པར་འགྱུར། །གྲོག་མཁར་ས་དང་དྲི་ཆུ་དང་། །རྒྱ་མཚོའི་འགྲམ་གྱི་ས་དག་ལ། །གཟུགས་བརྙན་སོར་ནི་བཅུ་གཉིས་ལ། །དྷ་དུ་ར་ཡི་ཁུ་བས་བྱུག །ཙནྡན་སྨུག་པོའི་མེ་ཡིས་བསྲོ། །བདུད་རྩི་འཁྱིལ་པའི་སྦྱོར་བ་ཡིས། །དུམ་བུར་གཏུབས་ནས་སྦྱིན་བསྲེག་བྱ། །ཐལ་བ་རྒྱ་མཚོར་དོར་བསྐྱུར་ན། །ངེས་པ་ཁོ་ནར་སྨྱོ་བར་འགྱུར། །མཐིང་ནག་དཀྱིལ་འཁོར་དབུས་སུ་ནི། །བསྒྲུབ་བྱ་འདར་ཞིང་འཇིགས་པར་བསམ། །སྙིང་གར་བྱིན་ཟའི་ས་བོན་ཏེ། །རྡོ་རྗེ་ཁྲོ་བོ་འཇིགས་ཆེན་གྱིས། །ལྟེ་བ་སྙིང་ག་ཕུག་ནས་ནི། །ཁྲག་དང་རྒྱུ་མ་མནར་ ― DNG022_Page_0326 ―
[མ་དཔེ་གཟིགས་ན་འདིར་གནོན།]
བར་བསམ། །སྲིན་པོ་འཇིགས་པའི་གཟུགས་ཅན་གྱིས། །ཤ་ཁྲག་རྒྱུ་མ་ཟོས་པར་བསམ། །བྱིན་ཟའི་གཟུགས་ཅན་འབར་བ་ཡིས། །དེ་ནི་ངེས་པར་བསྲེག་པར་འགྱུར། །དེ་ནི་བསད་པའི་ལས་སུ་གསུངས། །ཁྱི་ཡི་ཁྲག་དང་རྔ་མོའི་ཤ །དུག་གི་མེ་ལ་བསྲེག་གྱུར་ན། །ངེས་པ་ཁོ་ནར་ཁུགས་པར་འགྱུར། །ཙིཏྟའི་ཁྲག་དང་དུར་ཁྲོད་ས། །ཤྭ་ནའི་རཀྟ་བསྲེས་པ་ཡིས། །གཟུགས་བརྙན་སོར་ནི་བཞི་པ་བྱ། །བྷན་དྷ་སྲུབས་མེད་ནང་དུ་གཞུག །མ་ཏ་ཁ་ཡི་ཁུ་བས་བྱུག །དུར་ཁྲོད་ཤིང་ལ་བསྲོས་གྱུར་ན། །བསྒྲུབ་བྱ་ཚ་བའི་རིམས་ཀྱིས་འདེབས། །དུར་ཁྲོད་དག་གི་སོལ་བ་ལ། །བསྒྲུབ་བྱའི་གཟུགས་བརྙན་ནག་པོར་བྱ། །ར་ཡི་ཁྲག་གིས་བྱུགས་ནས་ནི། །དུར་ཁྲོད་ཤིང་གི་མེ་ཡིས་བསྲོ། །ན་རའི་ཕུར་པ་ལྔ་པོས་བདུག །ཧིར་ཧིར་བཞད་ཅིང་ཐལ་བརྡབས་པས། །བསྒྲུབ་བྱའི་ལུས་ནི་འགས་པར་འགྱུར། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། མནན་པའི་ལེའུ་སྟེ་བཅུ་དྲུག་པའོ།། །།དེ་ནས་ཡང་ཚོགས་ཀྱི་ལེའུ་བཤད་པར་བྱ་སྟེ། བྷ་གར་ལིངྒ་རབ་གནས་ནས། །ཡང་ནས་ཡང་དུ་འོ་མཛད་ནས། །བདེ་ཆེན་མཉམ་པ་མྱོང་མཛད་དེ། །རྡོ་རྗེ་ཅན་གྱིས་བཟའ་བར་བསྟན། །ཚོགས་ཀྱི་དཀྱིལ་འཁོར་བཟའ་བར་ནི། །ཉོན་ཅིག་ལྷ་མོ་རིན་ཆེན་མ། །གང་དུ་ཟོས་པས་འདོད་དོན་ཀུན། །སྒྲུབ་པ་ཅན་གྱིས་དངོས་གྲུབ་འགྱུར། །དུར་ཁྲོད་རི་ཡི་བྱང་སྐྱོབས་དང་། །དེ་བཞིན་མི་མེད་གྲོང་ཁྱེར་དང་། །ཡང་ན་དབེན་པ་རྒྱ་མཚོའི་མཐར། །བཟའ་བ་འདི་ནི་རབ་ཏུ་བཟའ། །དེ་ལ་སྟན་དུ་བརྟག་པ་ནི། །རོ་ནི་གཟུགས་ཅན་བཅུ་གཅིག་དང་། །ཡང་ན་སྟག་གི་པགས་པ་དང་། །དུར་ཁྲོད་རས་ནི་དེ་བཞིན་ནོ། །དབུས་སུ་རྡོ་རྗེ་གཞོན་ནུའི་གཟུགས། །ཇི་ལྟར་སྣང་བཞིན་གནས་བཞེངས་ནས། །ཕྱོགས་དང་ཕྱོགས་བྲལ་དག་ཏུ་ཡང་། །ཁྲོ་བོ་བཅུ་རྣམས་ལེགས་པར་དགོད། །དམ་ཚིག་མ་ལི་ཏན་དྷ་ནམ། །སྟག་གི་པགས་པའི་སྟེང་དུ་བཟའ། །འབལ་ནས་རྒྱལ་པོའི་དྲི་ཆེན་པོ། །བཟའ་ ― DNG022_Page_0327 ―
[མ་དཔེ་གཟིགས་ན་འདིར་གནོན།]
བ་དེ་ཉིད་བཟའ་བ་ཉིད། །དེར་ནི་ཟོས་ནས་ཡང་དང་ཡང་། །སྲིན་མོའི་ཚོགས་ནི་མཆོད་པར་བྱ། །ཚོགས་ཀྱི་འཁོར་ལོ་སྒྲུབ་པར་འགྱུར། །སྐྱེས་པའི་ཐོད་པ་ཆ་གཅིག་པ། །ཆང་ནི་བཟང་པོས་ཡོངས་བཀང་སྟེ། །བླ་མ་ལ་དབུལ་སྐལ་ཆེན་པོ། །ཕྱག་བཙལ་ནས་ནི་རང་ཡང་བཏུང་། །པདྨའི་ལག་པས་བླང་བ་དང་། །དེ་ཉིད་ཀྱིས་ཀྱང་སླར་ལ་དབུལ། །ཡང་ནས་ཡང་དུ་བཏུད་ནས་ནི། །ཚོགས་ཀྱི་ཡུམ་གྱི་དོན་ཉིད་ཞུ། །འཇིགས་བྱེད་རྒྱལ་པོས་བཀའ་སྩལ་པ། །ཤིན་ཏུ་རིང་མིན་ཐུང་བ་མིན། །པདྨའི་རྣམ་པའི་འདབ་འདྲ་བ། །དེ་ཡི་དབུས་སུ་དྲི་ཞིམ་ལྡན། །རྡུལ་དང་དྲི་ཞིམ་ལྡན་གྱུར་པ། །རི་དྭགས་ལྟེ་བའི་དྲི་དང་མཚུངས། །པདྨ་ལ་ཡང་འདབ་མཆོག་དྲི། །སྐད་ཅིག་པདྨ་ལྟ་བུར་འབྱུང་། །དེ་ཡི་ག་བུར་སི་ཧླ་དག །ལག་པས་དྲི་བཟང་མཚོན་པར་བྱ། །ཨུཏྤ་ལ་ཡི་དྲིར་འགྱུར་ཞིང་། །ཨ་ག་རུ་ནི་ནག་པོར་མཚུངས། །དལ་ཞིང་མི་གཡོ་མ་ཉིད་དང་། །སྙན་པར་སྨྲ་ཞིང་ཡིད་འོང་བ། །སྐྲ་བཟང་དབུས་སུ་གཉེར་མ་གསུམ། །ཕལ་པས་པདྨ་ཅན་དུ་བརྗོད། །ལྷན་ཅིག་སྐྱེས་པའི་གཟུགས་འཛིན་ལ། །དེར་སྐྱེས་ནས་ནི་དངོས་གྲུབ་འགྱུར། །དེ་ནས་རྒྱས་འདེབས་རྣལ་འབྱོར་མས། །གསོལ་པ་ཁྲོ་བོའི་རྒྱལ་པོ་ཡིས། །སྨོན་ལམ་ཇི་ལྟར་གདབ་པར་བགྱི། །ཁྲོ་བོའི་རྒྱལ་པོས་བཀའ་སྩལ་པ། །ཁྲག་འཐུང་རིགས་སུ་སྐྱེས་པ་ཡི། །བསྙེམ་མེད་རྡོ་རྗེ་གཞོན་ནུ་ཉན། །བླ་མ་ལ་གུས་སྙིང་རྗེ་ལྡན། །སྐྱེ་ཤི་མེད་པར་འགྱུར་བར་ཤོག །ལག་ན་རྡོ་རྗེ་ཕུར་འཛིན་ཅིང་། །ཟབ་མོའི་ཆོས་ནི་ཀློག་པ་དང་། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །དེ་ནས་ལྷ་མོ་དགྱེས་ནས་ནི། །ཚིག་ནི་འདི་ཉིད་ཡང་ཞུས་པ། །སྐལ་མེད་སེམས་ཅན་གང་གིས་འདུལ། །ཁྲོ་བོའི་རྒྱལ་པོས་བཀའ་སྩལ་པ། །གསུམ་པ་རྩ་ཡི་སྦྱོར་བ་ཡིས། །གདུག་དང་བསད་དང་དབྱེ་བ་དང་། །ད་ཧའི་སྒྲ་ཡིས་འདུལ་བར་འགྱུར། །ལྷ་མོ་གཞན་གྱིས་འདུལ་མི་འགྱུར། །རྡོ་རྗེ་ཕུར་པ་ཞེ་སྡང་ཡོངས་སུ་ དག་པའི་རྒྱུད་ལས། ཚོགས་ཀྱི་ལེའུ་སྟེ་བཅུ་བདུན་པའོ།། །། ― DNG022_Page_0328 ―
[མ་དཔེ་གཟིགས་ན་འདིར་གནོན།]
དེ་ནས་ཡང་ཕྱག་རྒྱ་ཆེན་པོའི་ལེའུ་བཤད་པར་བྱ་སྟེ། ཐིག་ལེ་ཨེ་བཾ་རིན་ཆེན་གཟུགས། །དབུས་སུ་བཾ་གིས་རྒྱས་པར་བརྒྱན། །ཐིག་ལེའི་རིན་ཆེན་གནས་ཉིད་དོ། །སངས་རྒྱས་རིན་ཆེན་ཐིག་ལེའི་གཟུགས། །རྩ་རྣམས་ཀུན་ནས་དྲངས་ནས་ནི། །ཕྲ་བའི་བདག་ཉིད་སྙིང་གར་བསྒོམ། །ཕྲ་བ་བ་ཐག་ཚུལ་བཞིན་གནས། །ཤིན་ཏུ་འབིགས་པའི་བདེ་བའི་གཟུགས། །འབར་བའི་རྩ་རུ་ཐིམ་གྱུར་ཏེ། །ཡོ་གོཏྟ་ར་ཕྲ་བའི་གཟུགས། །གཏུམ་མིག་མར་ནི་བདེ་བ་ཅན། །ཀ་ཏར་ཡ་ན་པྲ་གཟུགས་ཏེ། །བདེ་བ་འཛིན་དུ་རྡོ་རྗེ་འཛིན། །ཕྲད་པ་ཐུབ་པའི་བདེ་བ་མཆོག །བྷ་གར་རིན་ཆེན་འདྲེན་པར་བྱེད། །པདྨ་རིན་ཆེན་རྩ་ཁ་ཕྱེད། །རིན་ཆེན་བདེ་བ་ཕྲ་བའི་གཟུགས། །ཐིག་ལེ་བདེ་བ་ཐིམ་གྱུར་ཏེ། །ཕྲ་མོའི་ཡེ་ཤེས་སྐྱེ་བར་འགྱུར། །ཐིག་ལེ་གང་བུའི་གཟུགས་ཅན་དེ། །རྡོ་རྗེ་ནོར་བུའི་རྩེ་མོར་འདྲེན། །བདེ་བ་ཕྲ་མོ་ཕྲད་པའོ། །འཁོར་ལོ་འབར་བ་དྲངས་པ་ཡིན། །ཤིན་ཏུ་བདེ་བའི་གཟུགས་ཅན་ནོ། །དང་པོ་བདེ་བའི་ཡེ་ཤེས་སོ། །འཁོར་ལོ་རིན་ཆེན་ལྟེ་དབུས་དྲངས། །གཏུམ་མོ་བདེ་བའི་གཟུགས་ཅན་ལ། །མཆོག་གི་ཡེ་ཤེས་དང་པོ་ཡིས། །སྙིང་གའི་དབུས་སུ་ཐིག་ལེ་འདྲེན། །རྩེ་གནས་བུ་ག་གསལ་བྱེད་པ། །ཐིག་ལེ་རིན་ཆེན་ཕྲེང་བར་གནས། །བདེ་བའི་ཡེ་ཤེས་གསང་མཛད་མཆོག །རིན་ཆེན་དབུགས་འདྲེན་གཉིས་པའོ། །འབར་བའི་ཐིག་ལེ་རིན་ཆེན་འདྲེན། །ཀ་ཧ་ཡ་ནར་ཐིག་ལེའི་གཟུགས། །རིན་ཆེན་བདེ་བ་མཆོག་གི་མཆོག །གསང་བའི་བདེ་བ་གསུམ་པར་གསུངས། །མཆོག་གི་ཡེ་ཤེས་སེལ་མཛད་པའི། །བུ་ག་རྩ་ཡི་ཐིག་ལེ་འདྲེན། །དབུས་སུ་ཕྲ་བའི་གཟུགས་ཅན་དེ། །ཐིག་ལེ་བ་ཐག་རྒྱུན་བཞིན་གནས། །ནཱ་ད་ཐམས་ཅད་ཐིམ་གྱུར་ནས། །མཐར་ཕྱིན་ཡེ་ཤེས་འབྲས་བུའི་མཆོག །ཕྱག་རྒྱ་ཆེན་པོ་སྐྱེ་བར་འགྱུར། །འཕར་དང་དགའ་དང་དགོད་པ་དང་། །ས་ལ་འདི་དག་ ― DNG022_Page_0329 ―
[མ་དཔེ་གཟིགས་ན་འདིར་གནོན།]
འབྱུང་བར་འགྱུར། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། ཕྱག་རྒྱའི་ལེའུ་སྟེ་བཅོ་བརྒྱད་པའོ།། །།དེ་ནས་མཚོན་པ་དབྱེ་བའི་ལེའུ་བཤད་པར་བྱ་སྟེ། གང་གིས་ངེས་པ་ཤེས་གྱུར་ནས། །གྲོགས་དང་བྲན་མོར་ཐེ་ཚོམ་མེད། །གང་གིས་སོར་མོ་གཅིག་སྟོན་པ། །ངེས་པར་ལེགས་པར་འོང་བ་ཡིན། །གཡོན་པའི་མཐེ་བོང་བཅས་པ་ལ། །བསྙུན་མེད་ཕྱག་རྒྱར་ཤེས་པར་བྱ། །གང་གིས་མཐེབ་སྲིན་སྟེར་བ་ལ། །དེ་ཡིས་ཐ་ཆུང་སྦྱིན་པར་བྱ། །གང་གིས་མཛུབ་མོ་སྟོན་པ་ལ། །དེ་ཡིས་འོག་མ་བསྟན་པར་བྱ། །གང་གིས་སྲིན་ལག་སྟོན་པ་ལ། །དེ་ཡིས་མགྲིན་པའི་རུས་ཕྲེང་བསྟན། །གང་གིས་སོ་ནི་སྟོན་པ་ལ། །དེ་ཡིས་དབྱུག་ཏོ་བསྟན་པར་བྱ། །གང་གིས་ནུ་མ་སྟོན་པ་ལ། །དེ་ཡིས་གསང་བའི་རྡོ་རྗེ་བསྟན། །གང་ཞིག་རུས་པ་སྟོན་པ་ལ། །དེ་ཡིས་ཁ་ནི་རབ་ཏུ་བསྟན། །གང་ཞིག་བྷྲྀ་གུ་སྟོན་པ་ལ། །དེ་ཡིས་སྤྱི་གཙུག་འཁོར་ལོ་དགྲོལ། །གང་ཞིག་ཁྲོ་གཉེར་སྟོན་པ་ལ། །དེ་ཡིས་ལག་མཐིལ་བསྟན་པར་བྱ། །གང་ཞིག་རྐང་མཐིལ་སྟོན་པ་ལ། །དེ་ཡིས་བརྩེ་བའི་མཚན་ཉིད་འཛིན། །རྡོ་རྗེ་ཕྱག་རྒྱའི་ལན་གྱིས་ནི། །བུས་ནི་དམ་ཚིག་ཤེས་པར་འགྱུར། །ཨེ་མ་ཧོ་བུ་ནི་སྙིང་རྗེ་ཆེ། །བརྟུལ་ཞུགས་ཕྱག་རྒྱར་ལྡན་པའི་མཆོག །དམ་ཚིག་དབང་གིས་སྲིན་མོ་འདུ། །རུས་ཆེན་ཕྲེང་བ་ཐོགས་ནས་ནི། །དེ་ལ་དབང་བསྐུར་བྱིན་རླབས་འགྱུར། །ཀྱེ་ཁྲག་འཐུང་གི་རྒྱལ་པོ་དེ་རྣམས་འདུ་བའི་གནས་གང་ལགས། ཁྲོ་བོའི་རྒྱལ་པོས་བཀའ་སྩལ་པ། གནས་དང་ཉེ་བའི་གནས་དང་། ཚནྡྷོ་དང་འདི་དཔྱད ། པྲ་བ་ནི་དང་། པུ་རྩེ་ཀ་དང་། ལི་ཧེད་ཏ་དང་འདི་དཔྱད། འདུ་བ་དང་ཉེ་བའི་འདུ་བ་དང་། དུར་ཁྲོད་དང་། ཉེ་བའི་དུར་ཁྲོད་དང་། འཐུང་སྤྱོད་དང་། ཉེ་བའི་འཐུང་སྤྱོད་ཉིད་དང་། འདི་རྣམས་ནི་སྲིན་མོ་འདུ་བའི་གནས་སོ། །འདུ་བའི་དུས་གང་ལགས། ཁྲོ་བོའི་རྒྱལ་པོས་བཀའ་སྩལ་པ། །ཡི་དྭགས་ཟླ་བ་ཕྱེད་བཅུ་ ― DNG022_Page_0330 ―
[མ་དཔེ་གཟིགས་ན་འདིར་གནོན།]
བཞི། །དེ་བཞིན་དུ་ཡང་བརྒྱད་པ་ཉིད། །རྩང་ཆེན་ཕུག་དང་མཚོན་བསྣུན་ཉིད། །ལྕེབས་དང་འདུན་པ་བཟའ་བར་བྱ། །ཁྲོ་བོ་རྣམ་རྟོག་རྣམ་སྤངས་ཏེ། །སྙིང་རྗེ་ལྡན་པའི་སེམས་ཀྱིས་ནི། །བསད་པའི་ཤ་ནི་བཟའ་བར་བྱ། །སྙིང་རྗེ་མེད་པས་དེ་མི་རུང་། །ཁྲོ་བ་སྤངས་པས་ཤ་རྣམས་ བཟའ། །མཚན་མ་རྣམས་ནི་རྟོག་མི་བྱ། །སྲིན་མོའི་ཚོགས་ལ་གཏོར་མ་སྦྱིན། །སྒྲུབ་པས་དངོས་གྲུབ་ཐོབ་པར་འགྱུར། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། མཚོན་བྱེད་ཀྱི་ལེའུ་སྟེ་བཅུ་དགུ་པའོ།། །།དེ་ནས་རིགས་བརྟག་པའི་ལེའུ་བཤད་པར་བྱ་སྟེ། རྒྱས་འདེབས་མ་ལ་དམ་འཁྱུད་ནས། །ཚེམས་ཀྱིས་མ་མཆུ་བཟུང་ནས་སུ། །རིགས་ཅན་རྣམས་ཀྱི་རིགས་གཟུགས་ཞུ། །འཁོར་ལོའི་གཙོ་བོས་བཀའ་སྩལ་པ། །ལུས་ཅན་རྣམས་ཀྱི་རིགས་བཤད་ཀྱི། །ལྷ་མོ་ཚུལ་ཅན་མཆོག་ཉོན་ཅིག །སྐྱེས་པ་བུད་མེད་གང་ཞིག་གི། །མཐེབ་སྲིན་གྱི་ནི་རྩ་བ་ལ། །རྡོ་རྗེ་ནག་པོ་རྩེ་དགུ་པ། །དེ་ཡི་རྩ་བར་དེ་གནས་པ། །རྡོ་རྗེ་རིག་ཆེན་མཆོག་ཏུ་བཤད། །དེ་ཡི་རྩ་བར་འཁོར་ལོའི་རིགས། །རིན་ཆེན་ཁ་གཉིས་གྱེས་པ་ནི། །རིན་པོ་ཆེ་ཡི་རིགས་སུ་གསུངས། །པདྨའི་སྡོང་པོ་ཆགས་པ་ནི། །པདྨའི་མེ་ཡི་སྡོང་པོའི་འོད། །དཔག་མེད་པ་ཡི་རིགས་ཉིད་དོ། །རྒྱ་གྲམ་རལ་གྲིས་མཚན་པ་ནི། །ལས་ཀྱི་རིགས་སུ་གསུངས་པ་ཡིན། །རྣལ་འབྱོར་གང་དག་ཁ་དོག་ནག །དེ་ཡི་ལྷ་ནི་ཞེ་སྡང་སྦྱིན། །རྣལ་འབྱོར་པ་གང་དཀར་པོ་ནི། །དེ་ཡི་ལྷ་ནི་གཏི་མུག་སྦྱིན། །རྣལ་འབྱོར་པ་གང་སེར་ཆེན་པོ། །དེ་ཡི་ལྷ་ནི་ང་རྒྱལ་སྦྱིན། །རྣལ་འབྱོར་པ་གང་ཧཱུཾ་སྔོ་ཆེ། །དེ་ཡི་ལྷ་ནི་ཕྲག་དོག་སྦྱིན། །རྣལ་འབྱོར་པ་གང་དཀར་དམར་ཉིད། །ཆགས་པའི་ལྷ་ནི་དེ་ལ་སྦྱིན། །རྣལ་འབྱོར་པ་གང་དཀར་སེར་ཆེ། །དེ་ལ་ཞེ་སྡང་ལྷ་སྦྱིན་ནོ། །བྱིས་པ་སྐྱེ་བོའི་རིགས་ཅན་ལ། །ང་རྒྱལ་མི་བཅག་ཐོ་མི་འཚམ། །ཀུན་རྫོབ་རིགས་སུ་གནས་ནས་ནི། །དེ་རྣམས་བདེ་གཤེགས་རིགས་སུ་འགྱུར། །བུད་མེད་ ― DNG022_Page_0331 ―
[མ་དཔེ་གཟིགས་ན་འདིར་གནོན།]
རྣམས་ཀྱིས་མཚན་མ་ནི། །ཇི་ལྟར་སྐྱེས་པ་དེ་བཞིན་ནོ། །ཁྲག་འཐུང་རྒྱལ་ལ་འཁྱུད་ནས་ནི། །ཕྲེང་བའི་རྒྱུ་རྣམས་གང་གང་ལགས། །རྒྱས་འདེབས་མ་ལ་འོ་བཏབ་ནས། །ཁྲོ་བོའི་རྒྱལ་པོས་བཀའ་སྩལ་པ། །བཟླས་པའི་ཡུལ་ནི་འདི་རྣམས་སོ། །ཤེལ་གྱིས་རེངས་པ་ཉིད་ལ་ཡིན། །དབང་ལ་ཙནྡན་དམར་པོ་ཉིད། །ལུང་ཐང་གིས་ནི་མངོན་སྤྱོད་ཉིད། །ནི་རཱཾ་ཤུ་ནི་སྡང་བ་ལ། །རྟ་ཡི་རུས་པས་སྐྲོད་པ་ཉིད། །བྲམ་ཟེའི་རུས་པས་དགུག་པ་ཉིད། །གླང་ཆེན་རུས་པས་སེར་བ་ལ། །མ་ཧེ་ཡིས་ཀྱང་བསད་པ་ལའོ། །རེངས་པས་འོ་མ་བཏུང་བ་ཉིད། །དབང་ལ་ར་ཡི་ཤ་ཟའོ། །བསད་པ་ལ་ནི་ཤྭ་ནའི་ཤ །དགུག་པ་ལ་ནི་བཞི་མཉམ་ཉིད། །སྲན་མ་ཡང་ནི་བྱ་བར་བརྗོད། །བསྐྲད་པ་ཉིད་ལ་གླང་པོར་བརྗོད། །ཐའི་ས་དང་། དང་པོའི་ས་དང་། ན་དང་པོ་དང་། ག་དང་པོ་དང་། ཧ་དང་པོ་ཉིད་ཀྱིས་དངོས་གྲུབ་རྒྱུད་ནི་འདི་འགྱུར་རོ། །བཟླས་པ་གྲུབ་པའི་འབྲས་བུ་ཇི་ལྟར་ལགས། །ཉོན་ཅིག་ལྷ་མོ་རིན་ཆེན་མ། །བཟླས་པས་གྲུབ་པའི་འབྲས་བུ་ནི། །སྒྲུབ་པོ་ནམ་མཁར་འགྲོ་བ་དང་། །ཕུར་པ་འཕར་དང་འཁྲོག་པ་དང་། །ནམ་མཁར་སྒྲ་སྙན་འབྱུང་བ་དང་། །སྒྲུབ་ཕུར་ད་ཧའི་སྒྲ་སྒྲོགས་དང་། །འོད་དང་དུ་བ་འབྱུང་བ་དང་། །བར་སྣང་དག་ཏུ་བརྟན་པར་གནས། །སྲིན་མོའི་ཚོགས་རྣམས་འདུ་བ་དང་། །བསྒྲུབ་པའི་མན་ངག་ཕུར་ཚོགས་བཅས། །གཏེར་རྣམས་ཡོད་པར་སྨྲ་བ་དང་། །དྲིལ་བས་རི་རབ་སྙིལ་བ་དང་། །མཚོ་གླིང་རྣམས་ནི་སྐམས་པ་དང་། །བཏབ་པས་ཉི་ཟླ་བརྟན་པར་ནུས། །འདི་རྣམས་བྱུང་བར་གྱུར་པ་དང་། །དེ་ནས་གཏོར་མ་སྦྱིན་པར་བྱ། །ད་ནུད་ཏ་ནན་སྭ་ཏ་ཡག་ཤ་ཀྲོ་དྷ་ཁཱ་ཧི་ཁཱ་ཧི། དེ་ནས་དཀྱིལ་འཁོར་མཐིང་ནག་བྲི། །ལྷ་རྣམས་བརྟན་པར་བྱས་ནས་ནི། །མཆོད་པ་རྫོགས་པ་རབ་ཕུལ་ནས། །ལྷ་རྣམས་སྒྲུབ་པའི་ཐུགས་ཀར་བསྡུ། །འདི་ནི་ དངོས་གྲུབ་པདྨར་གྱུར། །རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། ― DNG022_Page_0332 ―
[མ་དཔེ་གཟིགས་ན་འདིར་གནོན།]
རིགས་བརྟག་པའི་ལེའུ་སྟེ་ཉི་ཤུ་པའོ།། །།དེ་ནས་བྲིས་སྐུའི་ལེའུ་བཤད་པར་བྱ་སྟེ། ལྷ་མོ་ལ་ནི་དམ་འཁྱུད་ནས། །སྐྱེས་པའི་སྣ་རྩེ་གཞིབ་པར་བྱ། །ཚེམས་ཀྱིས་མ་མཆུ་བཟུང་ནས་ནི། །གནས་སྒྱུར་བྲུད་པ་གཙོ་བོར་མཛད། །མཉམ་སྦྱར་ཐིག་ལེ་དྲངས་ནས་ནི། །བདེ་བའི་རོ་མཉམ་བསྟར་ནས་ཀྱང་། །ཕྱག་རྒྱའི་བྱེ་བྲག་རབ་ཕྱེ་བ། །གྷུ་རུ་ཁྱོད་ལ་ཕྱག་འཚལ་འཁོར་ལོ་འཛིན། །འཕྱ་ཚིག་སྤང་ཕྱིར་རྣ་ཆ་འཛིན། །སྔགས་ཟློས་དོན་དུ་མགུལ་རྒྱན་འཛིན། །སྲོག་གཅོད་སྤང་ཕྱིར་ལག་གདུབ་འཛིན། །རྟག་ཏུ་ལུས་ལ་ཕྱག་རྒྱས་བཏབ། །དེ་ནས་རབ་ཏུ་བཞད་མཛད་ནས། །ལྷ་མོས་གཙོ་བོ་ལ་ཞུས་པ། །གཙོ་བོ་བདེ་བ་གང་གང་གིས། །རྡོ་རྗེ་གཞོན་ནུའི་བྲིས་སྐུ་བྲི། །བྱེད་པ་བདེ་བ་ཆེན་པོ་གསུངས། །ཁྲོ་བོའི་རྒྱལ་པོས་བཀའ་སྩལ་པ། །འདི་ནི་བྲིས་མཁན་དམ་ཚིག་ཅན། །སྒྲུབ་པ་པོ་ནི་དམ་ཚིག་ལྡན། །བྲིས་སྐུ་འཇིགས་པར་བྲི་བ་ཉིད། །སྐྱེས་པའི་ཐོད་པ་བཟང་པོ་ལྔར། །ཁ་དོག་སྣ་ལྔའི་ཚོན་གྱིས་དགང་། །མི་རོའི་སྐྲ་ཡི་པིར་ཉིད་ཀྱིས། །བྲིས་སྐུའི་མཆོག་ཉིད་བྲི་བར་བྱ། །གང་དག་སྐུད་པ་བཀལ་བ་ལ། །གང་དག་རས་སུ་འཐག་པ་དང་། །དེ་ཡང་དམ་ཚིག་ལྡན་པས་ནི། །བྱིན་གྱིས་བརླབ་པ་ཚུལ་བཞིན་བྱ། །ཤེས་རབ་ལྡན་པ་དེ་ཡིས་ནི། །ཟླ་བ་ཡར་ངོ་མར་ངོ་ཡི། །བཅུ་བཞི་པ་ལ་ཁྱིམ་དབེན་པར། །ཁྱེད་ན་མ་རུངས་སེམས་ཀྱིས་ནི། །ཁྲག་ནི་བག་ཙམ་འཐུང་བར་བྱ། །ལུས་ལ་ན་རའི་ཚིལ་གྱིས་བྱུག །དེ་ནས་གཅེར་བུར་གྱུར་པས་ནི། །འབག་པ་དང་ནི་དམ་འབག་པས། །དེ་ནས་དམ་ཚིག་ཤ་ཆེན་བཟའ། །བཞིན་བཟང་སྙིང་རྗེར་ལྡན་པ་དང་། །གཟུགས་དང་ལང་ཚོ་སྐལ་བཟང་མ། །མེ་ཏོག་བཅས་ཤིང་སྒྲུབ་པོ་དགའ། །རང་གི་ཕྱག་རྒྱ་གཡོན་དུ་གཞུག །བྲིས་སྐུ་འཇིགས་པ་བྲི་བར་བྱ། །རྡོ་རྗེ་ཕུར་པ་ཞེ་སྡང་ ཡོངས་སུ་དག་པའི་རྒྱུད་ལས། བྲིས་སྐུའི་ལེའུ་སྟེ་ཉི་ཤུ་རྩ་གཅིག་པའོ།། །། རྡོ་རྗེ་ཕུར་པ་གསང་བའི་སྔགས་རྒྱུད་འབྱུང་པོ་ཀུན་འདུལ།― DNG022_Page_0333 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་གུ་ཧྱ་མནྟྲ་ཏནྟྲ་སརྦ་བྷཱུ་ཏ་བྷི་ན། བོད་སྐད་དུ། རྡོ་རྗེ་ཕུར་པ་གསང་བའི་སྔགས་རྒྱུད་འབྱུང་པོ་ཀུན་འདུལ། བཅོམ་ལྡན་འདས་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཞེ་སྡང་རྡོ་རྗེ་ཟག་པ་མེད་པའི་ཏིང་ངེ་འཛིན་ལས་བཞེངས་ནས། འཇིག་རྟེན་གྱི་ཁམས་ཀྱི་འོག་མིན་ ― DNG022_Page_0334 ―
[མ་དཔེ་གཟིགས་ན་འདིར་གནོན།]
སུམ་ཅུ་རྩ་གསུམ་དུ་འབར་བའི་གཏུན་ཁུང་རྡོ་རྗེ་ཐོ་བ་རོལ་པའི་གཞལ་ཡས་ཁང་མངོན་པར་སྤྲུལ་ཏེ། འབྱུང་པོ་ཐམས་ཅད་ཟིལ་གྱིས་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཞལ་གསུམ་ལས། ཨཱོཾ་བཛྲ་ཀཱི་ལི་ཀཱི་ཡ་སརྦ་བིགྷྣཱཾ་བཾ་ཧཱུཾ་ཕཊ། ཞེས་བྱ་བ་བསྒྲགས་པ་ལས། འཇིག་རྟེན་གྱི་ཁམས་འདོད་པ་ཁམས་ཀྱི་གནས་རིས་སུ། འུར་འུར་དང་། མེར་མེར་དང་། ཤིག་ཤིག་དང་། ཐོར་ཐོར་དུ་གྱུར་ཏོ། །ཐུགས་ཀ་ནས་ཧཱུཾ་ཧཱུཾ་ཧཱུཾ། ཞེས་སྤྲོས་ཤིང་ཞལ་ནས་དྲག་པོའི་སྔགས་བརྗོད་པས། ཕྱོགས་བཅུར་ཕྱོགས་སྐྱོང་གི་གདན་ལ། འབར་བ་རོལ་པའི་ཁྲོ་བོ་ཆེན་པོ་བཅུ་གཤེགས་ཏེ་རྣམ་པར་གཏམས་སོ། །ཉིད་ཀྱི་སྙིང་པོ་བརྗོད་པས་སྤྲུལ་པ་དང་ཡང་སྤྲུལ་དང་། སུམ་སྤྲུལ་བསམ་གྱིས་མི་ཁྱབ་པ་འཇིག་རྟེན་གྱི་ཁམས་ཁེངས་པར་སྤྲུལ་ཏེ། འཇིག་རྟེན་གྱི་ཁམས་ཐམས་ཅད་ཀྱང་ཁྲོ་མོ་འབར་བའི་གཏུན་ཁུང་སྲིད་པའི་ཁྱམས་ཁང་བང་རིམ་གསུམ་དང་ལྡན་པར་སྤྲུལ་ཏེ། འདི་ལྟར་གྱི་སྣང་བ་འདི་ཆགས་ས། དེའི་ཚེ་དེ་མ་ཐག་རཱུ་ཏྲའི་སྡེ་དང་། དམ་ལོག་དང་། དམ་སྲི་ལ་སོགས་པ་ཁྱམས་ཁང་དུ་ཚུད་དེ། འབྲོས་བཞིན་དུ་ཐར་པའི་གནས་མེད་པར་ཐམས་ཅད་ཀྱང་ངུ་འབོད་ཆེན་པོའི་གནས་སུ་ལྷུང་སྟེ་གནས་སོ། །རྡོ་རྗེ་ཁྲོ་བོ་ཆེན་པོ་རྣམས་ཀྱང་སྤྲུལ་པ་དང་ཡང་སྤྲུལ་སུམ་སྤྲུལ་དུ་བཅས་ཏེ། ཀུན་ནས་འཁྲིགས་པ་ལས་ཤིན་ཏུ་ཤའི་ཕུང་པོ་ལ་སྦྲང་བུ་ལྡིང་ཞིང་འདུ་བ་ལྟར་གནས་པར་བྱས་སོ། །དེ་ལྟར་ཆོ་འཕྲུལ་ཆེན་པོ་ཀུན་ནས་འཁྲུགས་པ་ལས་དེ་མ་ཐག་པར་ཀརྨ་ཧེ་རུ་ཀ་རྡོ་རྗེ་ལས་ཞེས་བྱ་བ། རང་གི་གནས་འཁོར་གྱི་ནང་། ཕོ་བྲང་ནས་བཞེངས་ཏེ། ཞེ་སྡང་རྡོ་རྗེའི་དྲུང་དུ་འདུག་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་འཇིགས་བྱེད་ཆེན་པོ། འདོད་པའི་ཁམས་འདིར་འདི་ལྟ་བུའི་ཆོ་འཕྲུལ་སྟོན་པ་ཅིའི་རྒྱུ། ཅིའི་རྐྱེན་ལགས། ཞེ་སྡང་གི་བདག་པོས་བཀའ་སྩོལ་ཅིག །ཅེས་གསོལ་ཏོ། །བཅོམ་ལྡན་འདས་འཇིགས་བྱེད་ཆེན་པོས་བཀའ་སྩལ་པ། སེམས་དཔའ་ཆེན་པོ་རྡོ་རྗེ་ལས། མ་འོངས་པ་རྣམས་ལ་དོན་ཡོད་ ― DNG022_Page_0335 ―
[མ་དཔེ་གཟིགས་ན་འདིར་གནོན།]
པར་བྱ་བའི་ཕྱིར། འདི་ལྟར་ཆོ་འཕྲུལ་སྣང་བར་བྱས་ཏེ། འདྲི་བའི་དུས་ལ་བབ་པས་དྲིས་ཤིག །དྲིས་པ་ལེགས་སོ། །འཇིག་རྟེན་གྱི་ཁམས་འདིར་གང་དགེ་བ་སྲོག་དང་འདྲ་བ་ལ་བར་དུ་གཅོད་ཅིང་། དཀར་པོའི་ལས་རྣམ་པར་འགེགས་པར་བྱེད་པ་ཚར་གཅད་པའི་ཕྱིར། འཇིག་རྟེན་དུ་ཆོ་འཕྲུལ་བསྟན་པའོ། །སེམས་དཔའ་ཆེན་པོ་དམ་ལོག་དང་། དམ་སྲི་དང་། རཱུ་ཏྲའི་སྡེ་ཚར་གཅད་པའི་ཕྱིར་ཕུར་པ་གཏུན་ཁུང་རྡོ་རྗེ་ཐོ་བའི་རྒྱུད་ཅེས་བྱ་བ། འབར་བའི་ཁྲོ་བོ་རོལ་པའི་ལས་འདི་བཤད་པར་བྱ་སྟེ། དོན་ཡོད་པར་འགྱུར་བའི་ཕྱིར་གུས་པར་གྱིས་ལ་ཡིད་ལ་ཟུང་ཞིག །ཅེས་བཀའ་སྩལ་ཏོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་སེམས་དཔའ་ཆེན་པོ་རྡོ་རྗེ་ལས་ཀྱིས་གསོལ་པ། ཀྱེ་བཅོམ་ལྡན་འདས། དམ་ལོག་དམ་སྲི་རཱུ་ཏྲའི་སྡེ། །ཁུངས་ཀྱི་རྩད་ནི་ཇི་ལྟར་གཅད། །སྒྲུབ་ལ་བར་ཆོད་ཇི་ལྟར་བསྒྲལ། །ཁྲོ་བོའི་སྔགས་དང་དཀྱིལ་འཁོར་གང་། །གདུག་པ་བསྒྲལ་ཞིང་མནན་པའི་ལས། །འཇིགས་བྱེད་རོལ་པས་བསྟན་དུ་གསོལ། །ཅེས་གསོལ་ཏེ་གུས་པས་འདུན་ནོ། །དེ་ནས་འཇིགས་བྱེད་ཆེན་པོ་ཞེ་སྡང་རྡོ་རྗེས་བཀའ་སྩལ་པ། ང་སྔོན་དྲན་པ་ཐོག་མའི་ཚེ། །བསྐལ་པ་འབུམ་ཕྲག་འབུམ་སྔོན་དུ། །སངས་རྒྱས་འཇིག་རྟེན་སྒྲོན་མའི་དུས། །དགེ་སློང་ཐུབ་པར་དཀའ་བ་ལ། །ནག་པོ་ཐར་པས་གསང་དོན་ཞུས། །དེ་ཚེ་རྐུན་པོ་རྐུན་མོ་ནི། །མིང་སྲིང་གཉིས་ཀྱིས་ཕག་ཉན་བྱས། །རང་གི་སྒྲར་ཞུགས་ལོག་པར་བསྒྲུབས། །གཞན་ལ་ཚུལ་བརྗོད་ལོག་པར་སྨྲས། །དེ་ནས་ནག་པོ་རང་བག་པ། །དམ་ཚིག་ཉམས་པའི་སྒོར་ཞུགས་ནས། །གངས་ཀྱི་ཞུན་ཆུ་ཁོལ་མ་འཐུངས། །སྐྱེ་བ་དེ་འཕོས་སྡུག་བསྔལ་མྱོང་། །ཐུབ་པ་ཆེན་པོའི་ཞིང་ཁམས་སུ། །ལས་ཀྱི་དབང་གིས་འདོད་ཁམས་སྐྱེས། །རང་ཐག་རུ་དྲང་ནར་སོན་ཚེ། །མོས་པ་བྱས་ཤིང་འཁོར་དུ་འདུན། །རཱུ་ཏྲའི་སྐལ་བ་མ་མཆིས་ཏེ། །སྐལ་ ― DNG022_Page_0336 ―
[མ་དཔེ་གཟིགས་ན་འདིར་གནོན།]
ངན་ཞིང་བས་སས་ཀྱང་དཔྱང་ཐག་ཆད། །འདི་དག་དྲང་བའི་སྐལ་བ་མེད། །རྟག་ཏུ་འཁོར་འགྱུར་རྟག་ཏུ་གཞམ། །འདི་དག་ལང་ཀའི་གྲོང་གདལ་དུ། །སྲིན་པོ་ལང་ཀ་མགྲིན་བཅུའི་བུ། །དུང་བུ་མགྲིན་དང་ཁ་འབར་མ། །ཞེ་སྡང་མ་རུངས་རགས་པ་ཅན། །སྔོན་གྱི་ལས་ཀྱིས་མཚམས་སྦྱར་སྐྱེས། །བོང་བུ་ལྟ་བུའི་རྣ་བ་ཅན། །མི་ཡི་ཐོད་ཕོར་ལག་ན་ཐོགས། །སྤྲེའུའི་པགས་པ་གོས་སུ་གྱོན། །ཁ་ནས་དུད་པ་སྔོ་དམར་ཕྱུང་། །བུ་ཆུང་རྐུན་བུར་རྐུ་ཞིང་ཟ། །དུད་འགྲོ་ར་བརྐུས་ར་ཤ་ཟ། །ར་ལྤགས་ར་མགོ་བྲུངས་སུ་འཚེར། །སྦྱོར་ཏེ་སྲིན་མོ་བྲག་ཕུག་སྡོད། །ལུས་དང་མཉམ་པའི་རལ་པ་ལ། །མགོ་གསུམ་སྤྲུལ་ཞིང་རོ་དག་སྦེད། །བུ་ཆུང་ཕྱི་བ་ཉ་ཡི་མགོ། །ཕྲེང་བ་བགྲང་ཞིང་རླུང་ནག་དང་། །ཁ་ནས་མེ་འཕྲོ་ཆུ་གཞུང་ཞོན། །སྲོག་ཆགས་ཕྲ་མོ་ཀུན་གསོད་ཅིང་། །སྲོག་དང་དབུགས་ཀྱིས་འཚོ་བ་བྱེད། །སྔགས་ཀྱི་ནུས་པ་ལོག་པའི་མཐུས། །ལས་ཀྱི་སྲིན་པོའི་རིགས་སུ་གྲུབ། །གཤོག་པར་ལྡན་ཞིང་སོ་རྣོ་བ། །སྡེར་མོར་ལྡན་ཞིང་མི་ཕྱུགས་རྐུ། །གསང་སྔགས་དམ་ལས་གཏན་ལོག་པ། །དམ་པའི་སྲི་ཅན་བྱེད་པའི་དགྲར། །སྨོན་ལམ་ལྡན་ཞིང་སྔགས་ཚུལ་སྤྱོད། །མིང་ཡང་འབྲོག་ཏེའུ་ནག་པོ་དང་། །ནག་མོ་བྱ་ཡི་མགོ་ཅན་གྲགས། །དེ་དག་བུ་ཚ་མིང་སྲིང་དྲུག །མི་ཕྱུགས་ཕྲ་མོ་ཀུན་ཡང་རྐུ། །དགེ་བའི་རྣ་ཉན་བར་ཆད་བྱེད། །སྲོག་ཆགས་ཟ་བྱེད་དགེ་སྦྱོང་བརྫུ། །མིང་ཡང་སྐོར་བེར་འབལ་ཏེའུ་འདྲེ་བྱུང་དཀར་པོ་བེག་འབའ་ཏེའུ་འདྲེ། །ས་སྲིན་ཀླུ་སྲིན་དམ་སྲིར་གྲགས། །ཤོག་ཁམས་ཀྱང་མ་སྲིན་པོའི་ཡུལ་ཁམས་གནས། །འདོད་ཁམས་སྲིད་པ་ཐམས་ཅད་ཉུལ། །འཇིག་རྟེན་ཁམས་ཀུན་ཁྱབ་པར་འཚེ། །ཐོད་ཕྲེང་ཅན་དང་བཞིན་མི་སྡུག །བདུད་ཕོ་བདུད་མོའི་བུ་ཚ་ནི། །མིང་སྲིང་བཅུ་གཅིག་སྡེ་ཆེན་བཅས། །དེ་དག་སྤྲུལ་པ་བསམ་ཡས་པ། །འགོང་པོ་སྲོག་བདག་མངགས་པའི་ཕྱོགས། །སྤུན་དགུ་འགོང་པོའི་ཕྱོགས་སུ་བསྡུ། །འགོང་པོ་འགོང་མོ་དཔག་མེད་པས། །དགེ་བའི་བར་ཆོད་ ― DNG022_Page_0337 ―
[མ་དཔེ་གཟིགས་ན་འདིར་གནོན།]
བདུད་དུ་གྱུར། །སྲིད་པའི་བདེ་བ་ཕུང་བར་བསྒྱུར། །ཐར་ལམ་བགྲོད་པ་ལོག་པར་འདྲེན། །འདི་དག་ལོག་པ་རྣམ་གསུམ་སྟེ། །རྣལ་འབྱོར་ཐར་ལམ་གང་འདོད་པས། །འདི་དག་རྟག་ཏུ་བྲུབ་པར་བྱ། །ངན་པའི་ལུས་ངག་ལས་གྲུབ་པས། །ཡང་འབྱུང་འབྱུང་པོ་སྡུག་བསྔལ་མྱོང་། །ཐར་ལམ་གཏན་བྲལ་སྲིད་པར་དམྱལ། །རབ་ཏུ་སྙིང་རྗེ་དཔྱང་ཐག་ཆད། །བརླག་པར་བྱས་ན་ཡུད་ཙམ་བདེ། །དེ་ལྟར་ཤེས་པས་གནན་པར་བྱ། །ཞེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས། ལོག་པའི་ཁུངས་རྩད་བཅད་པའི་ལེའུ་སྟེ་གཉིས་པའོ།། །།དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ། རུ་དྲ་དམ་ལོག་དམ་སྲིའི་སྡེ། །རིམ་པས་དབང་བསྡུ་བསྒྲལ་གནན་བྱ། །སྟེང་ནས་ཁྲོ་བོ་ཧཱུཾ་ཀཱ་ར། །སྒྲ་འབྱིན་ཕག་དང་སྨིག་བུར་བཅས། །སྟེང་གི་ཚངས་པ་ཕོ་མོ་ཡང་། །གདན་དུ་བྱས་ནས་སྤྲུལ་པ་རྣམས། །དབང་དུ་འདུ་ཞིང་ཟིལ་གྱིས་གནོན། །ཨོཾ་བཛྲ་ཀྲོ་དྷ་ཧཱུཾ་ཀ་ར་ཧཱུཾ་གརྫ་གརྫ་ཧཱུཾ་ཕཊ། ཤར་ནས་ཁྲོ་བོ་རྣམ་པར་རྒྱལ། །རྣམ་སྙེམས་སྟག་དང་བྱ་རྒོད་བཅས། །ཤར་གྱི་དྲི་ཟ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོཾ་བཛྲ་ཀྲོ་ཏ་བི་ཛ་ཡ་ཧཱུཾ་ཧ་ན་ཧ་ན་ཧཱུཾ་ཕཊ། ཤར་ལྷོར་ཁྲོ་བོ་དབྱུག་སྔོན་པོ། །སྡེར་མོ་གཡག་དང་བྱ་རོག་བཅས། །ཤར་ལྷོར་མེ་ལྷ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ་ད་ཧ་ད་ཧ་ཧཱུཾ་ཕཊ། ལྷོ་ནས་ཁྲོ་བོ་གཤིན་རྗེའི་གཤེད། །དུར་ཁྲོད་ཤ་བ་འུག་པར་བཅས། །ལྷོ་ཕྱོགས་གཤིན་རྗེ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོཾ་བཛྲ་ཀྲོ་དྷ་ཡ་མཱན་ཏ་ཀ་ཧཱུཾ་པ་ཙ་པ་ཙ་ཧཱུཾ་ཕཊ། ལྷོ་ནུབ་ཁྲོ་བོ་མི་གཡོ་མགོན། །གཏུན་ཁུང་གཟིག་དང་ཁྭ་ཏར་བཅས། །ལྷོ་ནུབ་སྲིན་པོ་ཕོ་མོའི་བདག །གདན་དུ་གཟིར་བས་སྤྲུལ་པ་རྔམས། ། ― DNG022_Page_0338 ―
[མ་དཔེ་གཟིགས་ན་འདིར་གནོན།]
དབང་དུ་འདུས་ཤིང་ཟིལ་གྱིས་གནོན། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ་བན་དྷ་བན་དྷ་ཧཱུཾ་ཕཊ། ནུབ་ནས་ཁྲོ་བོ་རྟ་མཆོག་དཔལ། །གཏུམ་མོ་བྱི་ལ་པུ་ཤུད་བཅས། །ནུབ་ཕྱོགས་ཀླུ་རྒྱལ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཧུ་ལུ་ཧུ་ལུ་ཧཱུཾ་ཕཊ། ནུབ་བྱང་ཁྲོ་བོ་འདོད་པའི་རྒྱལ། །མདའ་སྙེམས་སྤྱང་མོ་ཁྲ་དང་བཅས། །ནུབ་བྱང་རླུང་ལྷ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོཾ་བཛྲ་ཀྲོ་ཏ་ཨ་པ་ར་ཙི་ཏ་ཧཱུཾ་ཏིཥྛ་ཏིཥྛ་ཧཱུཾ་ཕཊ། བྱང་ནས་ཁྲོ་བོ་བདུད་རྩི་འཁྱིལ། །རླུང་འབྱིན་སེང་གེ་ཕ་ཝང་བཅས། །བྱང་ཕྱོགས་གནོད་ཅིང་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུནྜ་ལི་ཧཱུཾ་ཙྪིན་དྷ་ཙྪིན་དྷ་ཧཱུཾ་ཕཊ། བྱང་ཤར་ཁྲོ་བོ་ཁམས་གསུམ་རྒྱལ། །གསོད་བྱེད་དྲེད་དང་སྲེ་མོར་བཅས། །བྱང་ཤར་དབང་ལྡན་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོཾ་བཛྲ་ཀྲོ་ཏ་ཏྲཻ་ལོཀྱ་བི་ཛ་ཡ་ཧཱུཾ་བྷིན་དྷ་བྷིན་དྷ་ཧཱུཾ་ཕཊ། འོག་ནས་ཁྲོ་བོ་སྟོབས་པོ་ཆེ། །བསྐྱོད་ཆེན་དོམ་དང་བྱི་བར་བཅས། །འོག་གི་ས་བདག་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ་སྥོ་ཊ་སྥོ་ཊ་ཧཱུཾ་ཕཊ། ཕྱོགས་བཞི་མཚམས་བཞི་སྟེང་འོག་བཅུ། །རྡོ་རྗེ་ཁྲོ་བོས་རྣམ་པར་གཏམས། །དབུས་སུ་མ་ཧཱ་དེ་བ་དང་། །རུ་དྲ་ཆེན་པོ་ཁྱོ་ཤུག་བསྣོལ། །བདག་ཉིད་རྡོ་རྗེ་གཞོན་ནུ་དང་། །འཁོར་ལོ་རྒྱས་འདེབས་དག་ཏུ་བྱ། །ཁྲོ་བོ་བཅུ་གཅིག་དཀྱིལ་འཁོར་དུ། །ཀུན་ཀྱང་མཐིང་ནག་རྔམ་པའི་སྐུ། །རྡོ་རྗེ་ཕུར་པ་ཐོད་ཁྲག་བསྣམས། །སྤྲུལ་པ་ལྕགས་ཀྱུ་ཕུར་པ་འདེབས། །རུ་དྲ་ཆེན་པོའི་སྡེ་དཔོན་རྣམས། །དབང་སྡུད་བྲན་དུ་གཟིར་ཅས་ཀྱང་། །དཔའ་རྟགས་དཔའ་བོའི་ཆས་བརྒྱད་ལྡན། །ས་གནོན་ཉི་ཟླ་པདྨ་ ― DNG022_Page_0339 ―
[མ་དཔེ་གཟིགས་ན་འདིར་གནོན།]
ཚོགས། །ཉོན་མོངས་སྲེག་པའི་མེ་དཔུང་འབར། །ཐབས་དང་ཤེས་རབ་ལྡན་པ་ལ། །མཚོན་ཆ་སྲས་མཆོག་ཕུར་པ་བསྐྱེད། །སྐུ་སྟོད་ཁྲོ་བོ་ཆེན་པོ་ལ། །སྐུ་སྨད་ཕུར་པ་ཟུར་གསུམ་མོ། །གཟས་པའི་སྙིང་དཀྱིལ་ཐེབས་པར་ བསྐྱེད། །ཅེས་གསུངས་སོ། །རྡོ་རྗེ་ཕུར་པའི་གསང་བའི་སྔགས་རྒྱུད་ལས། ལྷ་རྣམས་ཀྱི་རང་བཞིན་དང་རྩ་བའི་སྔགས་ཀྱི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཁྲག་འཐུང་ཆེན་པོ་བཛྲ་ཀཱི་ལ་ཡས་བཀའ་སྩལ་པ། ཡིད་འོང་དབེན་པའི་གནས་བཙལ་ཏེ། །རྫས་དང་ཡོ་བྱད་འཁོར་ལྡན་པས། །ཕྱི་དང་ནང་གི་མཚམས་ཀྱང་གཅད། །མཚན་དང་ལྡན་པའི་བྷན་དྷ་རུ། །ནས་ནག་སྔོན་མོ་བླུག་པར་བྱ། །ཕུར་བུ་བཅོ་ལྔ་དར་གྱིས་གྲིལ། །རྒྱུ་རྐྱེན་དབང་བསྐུར་བྱིན་བརླབ་བྱ། །ཐོག་མར་དངོས་གྲུབ་ཀུན་གྱི་གཞི། །བཞི་བཅུ་གཉིས་དང་ལྔ་བཅུ་བརྒྱད། །ཞི་དང་ཁྲོས་པ་རིགས་བརྒྱ་མཆོད། །འཛབ་དང་བསྟོད་པ་བསྐང་བཤགས་བྱ། །ཛ་གད་བདུད་རྩི་ལྷག་མ་ཡིས། །རྡོ་རྗེ་སྲིན་པོའི་དཀྱིལ་འཁོར་བརྩམ། །སྒྲུབ་པའི་དཀྱིལ་འཁོར་རྣམ་པ་གཉིས། །གང་ལ་མོས་དང་ཤིས་པ་བྲིས། །ཡེ་ཤེས་ཁྲོས་པ་བཅོ་ལྔ་དང་། །ཕོ་ཉ་དཔུང་ཚོགས་བཅས་པ་ཡི། །ཕུར་པ་དཀྱིལ་འཁོར་གནས་ལ་དགོད། །གདུག་ཅིང་རྩུབ་པ་གཟས་པའི་གཟུགས། །འདྲ་འབག་རྩ་དང་གཟུགས་སུ་བཅའ། །ཟག་པའི་རྫས་དང་དམེ་ཁྲག་བྱུག །ཡང་ན་ཆུ་སྣའི་འཇིམ་པས་བྱ། །མིང་དང་རུས་དང་སྲེག་ཡིག་གཞུག །སྨུག་ནག་དང་ནི་ཐལ་དཀར་བྱ། །ལྕགས་ཐག་བཏགས་ལ་ཨེ་ལ་གཏོད། །རྟ་མགྲིན་སྐུར་གནས་དཔང་བཙུགས་ཏེ། །སྲིད་པའི་བགེགས་ལ་ཞལ་ལྕེ་བཅད། །མཐིང་ནག་མེ་འབར་དཀྱིལ་འཁོར་དུ། །སྨུག་ནག་སྔོ་ནག་དམར་ནག་འབར། །འཇིགས་བྱེད་ཁྲོ་བོའི་སྤྲུལ་པས་དྲངས། །དཔལ་གྱི་ཕོ་ཉས་གནས་ནས་དགུག །སྒྲུབ་པའི་རྫས་དང་མཆོད་པ་དགོད། །བཅོ་ལྔ་ཁྲོ་བོ་མ་མོ་གསུམ། །བསྙེན་དང་བསྒྲུབ་པ་ཚུལ་བཞིན་བྱ། །མཚན་མ་མཐོང་ངམ་དུས་ ― DNG022_Page_0340 ―
[མ་དཔེ་གཟིགས་ན་འདིར་གནོན།]
བབ་ན། །ཕྲིན་ལས་དྲག་པོ་བརྩམ་པར་བྱ། །དྲག་པོའི་རྫས་དང་ཕུར་པ་དང་། །ལྷ་དང་སྔགས་ཀྱི་དགོངས་མཚོ་སྡེབ། །རྟ་མཆོག་སྐུར་གསལ་གནས་ནས་དགུག །དབང་དྲག་ཆས་སུ་ཞུགས་ནས་ཀྱང་། །གསུར་ཆེན་དུད་པ་སྒྲ་བཅས་ནས། །མ་མོ་འབོད་ཅིང་དམ་ལ་བསྡུ། །བཀྲག་མདངས་དབྲོག་ཅིང་ཚེ་ལུང་བྱ། །གནད་སྒོར་གདབ་ཅིང་ཁྲག་ཐུན་དབབ། །བྱང་གི་ཕོ་ཉས་ཤ་ཁྲག་བསྟབ། །བྱད་ཀྱི་མ་མོས་བྱད་དུ་གཞུག །ནུབ་ཀྱི་ཁྲོ་བོས་གནས་སྤར་ཏེ། །ལྷོ་སྒོ་སྲས་ཀྱིས་སེམས་ལུང་བསྟན། །ཉོན་མོངས་བསད་ནས་གསོ་བ་ཤར། །རྟག་པ་རྒྱུན་གྱི་ཡེ་ཤེས་བསྒོམ། །དེ་ལྟར་ཕྲིན་ལས་མཐར་ཕྱུང་ན། །ཚངས་པའི་ཚེ་ཡང་འཇིག་པར་འགྱུར། །ཞེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས། ཁྲོ་བོ་གསང་བའི་ ལས་ཉེ་བར་བསྒྲུབ་པའི་ལེའུ་སྟེ་བཞི་པའོ།། །། དེ་ནས་ཡང་ཞེ་སྡང་གི་བདག་པོ་དཔལ་རྡོ་རྗེ་གཞོན་ནུས་བཀའ་སྩལ་པ། ཨོཾ་བཛྲ་ཀཱི་ལི་ཀཱི་ལ་ཡ། ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ་སྥུ་ཊ་སྥུ་ཊ་ན་ས་པ་ན་ཡེ་ཧཱུཾ་ཕཊ། སརྦ་དུཥྚཱ་ན་ཧྲྀ་ད་ཡ་ཧཱུཾ་ཕཊ། ཙྪིནྡ་ཙྪིནྡ་ཧཱུཾ་ཕཊ། མཱ་ར་ཡ་མཱ་ར་ཡ་ཧཱུཾ་ཕཊ། སུ་རུ་སུ་རུ་པྲ་སུ་རུ་ཧཱུཾ་ཕཊ། བི་ད་ཡ་བིད་བིད་ཧཱུཾ་ཕཊ། ན་མཿས་མན་ཏ་བིད་བིད་ཧཱུཾ་ཕཊ། ཨུ་ཙུཥྨ་ཀྲོ་དྷ་ཧཱུཾ་ཕཊ། ན་མཿས་མན་ཏ་བི་ཤྭ་དྷ་ཡ་བེ་ར་བེ་ར་ཧཱུཾ་ཕཊ། ཨཾ་ཀུ་ཤ་ཙྪིནྡ་ཙྪིནྡ་ཧཱུཾ་ཕཊ། བྱཱ་གྷྲི་པ་ལ་ཤོ་ད་ཧྲྀ་ད་ཡ་ཧཱུཾ་ཕཊ། ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས། སྲས་མཆོག་རྩ་བའི་སྙིང་པོའི་ལེའུ་སྟེ་ལྔ་པའོ།། །།དེ་ནས་ཞེ་སྡང་གི་རྒྱལ་བས་བཀའ་སྩལ་པ། མཚམས་མེད་པ་ལ་མཚམས་ཀྱང་གཅད། །ཁྲོ་བཅུས་ཕྱོགས་བཅུར་ཕུར་པས་གཏམས། །ཁྲོ་བོ་འབར་བའི་ཐུགས་ཀ་ནས། །འཁོར་ལོ་རྩིབས་བརྒྱད་རེ་མིག་ལ། །ཉི་ཟླ་པདྨའི་གདན་སྟེང་ན། །ཡེ་ཤེས་སེམས་དཔའི་ཐུགས་ཀ་ནས། །ཀཱི་ལ་ཡ་ཡི་འོད་ཟེར་གྱིས། །ལྕགས་ཀྱི་ཚ་ཚ་བརྡབ་པ་ལྟར། ། ― DNG022_Page_0341 ―
[མ་དཔེ་གཟིགས་ན་འདིར་གནོན།]
གང་ལ་བབ་པ་རྡུལ་དུ་རླག །སྐོར་མཚམས་བཞི་དང་སྐོར་ཚོམས་གསུམ། །སྨད་ཀྱི་དཀྱུས་ཚིག་དྲག་པོ་ལས། །རཀྟ་ཚར་གསུམ་ཚར་ལྔ་སྦྲེང་། །རྔམ་པ་གློག་གི་དཀྱིལ་འཁོར་ནས། །རྡོ་རྗེ་རྫུ་འཕྲུལ་རྣམ་པར་འཕྲུལ། །དཔའ་བོ་ཁྲོ་བོ་འཇིགས་པར་བཅས། །རིག་སྔགས་དོན་ལ་ཡང་དག་སྦྱོར། །རཀྟའི་མཚོ་དང་ཀེང་རུས་རི། །མཱཾ་སའི་ཉོར་ཚོགས་ཞིང་ཆེན་གསུར། །རྔམ་པའི་མཁའ་འགྲོ་ཚོགས་ལ་བསྟབ། །རྡོ་རྗེ་ཁྲོ་རྒྱལ་ཧེ་རུ་ཀས། །གཏུམ་ཁྲོ་གདུག་པ་ཐབས་ཀྱིས་འདུལ། །འབར་བའི་དཀྱིལ་འཁོར་ཀུན་ལ་མཆོད། །ཧཱུཾ་མཛད་ཧཱུཾ་ལ་ཧོ་སྟེ་རོལ། །ཧཱུཾ་མཛད་ཧཱུཾ་གིས་ཐུགས་དམ་བསྐང་། །གར་དགུ་ཁྲོས་པའི་ཞལ་དུ་བསྟབ། །སྟོང་གསུམ་ཐམས་ཅད་ཕུར་པའི་ལྷ། །བདུད་འདུལ་ཁྲོ་བོའི་སྐུར་བསྟན་པ། །ཕྱོགས་བཅུ་དགྲ་བགེགས་ཐམས་ཅད་ཀུན། །དེངས་པར་མི་བྱེད་འདུག་གྱུར་ན། །ཐམས་ཅད་མ་ལུས་ཐེབས་པར་གདབ། །དམ་ལོག་དམ་སྲི་རཱུ་ཏྲའི་སྡེ། །འདི་དག་ཚར་ནི་མ་བཅད་ན། །སྒྲུབ་ལ་བར་ཆོད་མ་རུངས་བྱེད། །ཉམས་པ་བདུད་ནི་འདི་རྣམས་ཏེ། །དགྲ་དང་བགེགས་དང་བདུད་ཚོགས་ཀྱང་། །འདི་གསུམ་མ་ཐུལ་སྐུ་དགྲར་ལྡང་། །དེ་ཕྱིར་སྒྲུབ་པའི་རྣལ་འབྱོར་པས། །དམ་སྲི་གནན་ཅིང་དམ་ལོག་གསད། །རཱུ་ཏྲའི་སྡེ་རྣམས་གདུལ་བར་བྱ། །བཅུ་གཅིག་དཔལ་དང་ཕྱག་རྒྱ་བཞི། །ཡེ་ཤེས་ཁྲོ་བོ་བཅོ་ལྔའི་ཐུགས། །སྲོག་དང་ལྡན་པའི་ཡེ་ཤེས་སེམས། །འཁོར་དང་བཅས་པའི་བདག་པོ་བསྐྱེད། །རང་བཞིན་དཀྱིལ་འཁོར་དབྱེར་མེད་བསྡིམ། །གཟིར་གནོན་སྒྲོལ་བའི་སྐུ་རུ་བསྒོམ། །སྐུ་དང་གསུང་ཐུགས་སྲོག་དབང་བསྐུར། །ཞི་བ་བསྙེན་ཅིང་ཁྲོས་པ་བསྒྲུབ། །དངོས་གྲུབ་ཀུན་གྱི་གཞི་མ་ཡིན། །སྨན་རག་གཏོར་མ་ལ་སོགས་པ། །ཕྱི་ནང་གསང་བའི་མཆོད་པ་ཡིས། །ལོ་ཟླའི་དུས་སུ་བརྩོན་པར་འབད། །བསྙེན་པའི་བདུད་རྩིས་ཆག་ཆག་གདབ། །དཀྱིལ་འཁོར་བྱིན་གྱིས་རློབ་པར་འགྱུར། །རྣལ་འབྱོར་གང་ལ་མོས་པ་ནི། །འཇིགས་བྱེད་ ― DNG022_Page_0342 ―
[མ་དཔེ་གཟིགས་ན་འདིར་གནོན།]
ཨེ་ཡ་དཀྱིལ་འཁོར་བསྐྱེད། །རང་བཞིན་སྒྲུབ་ཕྱིར་བསྟོད་ཅིང་བསྐུལ། །ཞེས་ གསུངས་སོ། །ཀཱི་ལ་ཡ་གསང་བའི་སྔགས་རྒྱུད་ལས། བསྙེན་པའི་ལེའུ་སྟེ་དྲུག་པའོ།། །།དེ་ནས་ཞེ་སྡང་གི་བདག་པོ་རྡོ་རྗེ་གཞོན་ནུས་བཀའ་སྩལ་པ། གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །བཅོམ་ལྡན་དཔལ་ཆེན་རྡོ་རྗེ་གཞོན་ནུ་ནི། །དབུ་གསུམ་ཕྱག་དྲུག་ཞབས་བཞི་བརྐྱང་བསྐུམ་བགྲད། །རྒྱན་དང་ཆ་ལུགས་ལྡན་པས་སྒེག་སྒེག་འདྲ། །བདུད་བཞི་གཏན་དུ་བཅོམ་པས་དཔའ་དཔའ་འདྲ། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །ཞལ་གཡས་དཀར་ལ་བཞད་པས་རྒོད་རྒོད་འདྲ། །གཡོན་པ་དམར་ལ་གདངས་པས་གཤེ་གཤེ་འདྲ། །ཞལ་དབུས་མཐིང་ལ་རྔམས་པས་ཁྲོ་ཁྲོ་འདྲ། །རྒྱུ་དྲུག་སྤྱན་གྱིས་གཟིགས་པས་སྙིང་རྗེ་ཆེ་ཆེ་འདྲ། །དུག་གསུམ་ཞལ་དུ་རྔུབས་པས་རྔམ་རྔམ་འདྲ། །དེ་འདྲའི་ཁྲོ་བོ་འཇིགས་པའི་སྐུར་བསྟན་པས། །ཆོས་སྐུ་མཚན་མ་མེད་པས་ཞི་ཞི་འདྲ། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །རྡོ་རྗེ་རྩེ་ལྔས་རྒྱུད་ལྔ་གནས་སུ་སྒྲོལ། །མེ་དཔུང་འབར་བས་ཁམས་གསུམ་ཉེས་པ་སྲེག །ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད། །རི་རབ་ཕུར་བུས་ཁམས་གསུམ་རྡུལ་དུ་རློག །འཁོར་ལོ་རྒྱས་འདེབས་དཔལ་གྱི་སྐུ་ལ་འཁྲིལ། །ཁྲོ་བོ་ཁྲོ་མོ་རབ་འཇིགས་འབར་བའི་སྐུ། །སྐུ་ནི་མེ་དཔུང་འབར་བའི་ཀློང་ན་བཞུགས། །གསུང་ནི་དྲག་པོའི་སྒྲ་སྐད་འབྲུག་སྟོང་ལྡིར། །ཐུགས་ནི་མི་རྟོག་རྣམ་རྟོག་ཐམས་ཅད་འཇོམས། །དཔལ་ཆེན་རྡོ་རྗེ་གཞོན་ནུ་ཡབ་ཡུམ་ལ། །ཁྲོ་བོ་ཁྲོ་མོའི་ཚོགས་ཀྱིས་བསྐོར་བ་ནི། །ཧཱུཾ་ཆེན་མཐིང་ག་རྡོ་རྗེ་ཐོད་ཁྲག་དང་། །མདའ་གཞུ་རྡོ་རྗེ་རི་རབ་ཕུར་པ་འདྲིལ། །སྐུ་མདོག་མཐིང་ག་དཀར་དང་དམར་བའི་ཞལ། །ཞབས་བཞི་བྲག་སྟེང་ཉི་ཟླ་ཕོ་མོ་མནན། །སྒྲ་འབྱིན་ཕག་དང་སྨིག་བུ་འཁོར་གྱིས་བསྐོར། །རྣམ་རྒྱལ་དཀར་པོ་རྡོ་རྗེ་ཐོད་ཁྲག་དང་། །ཏྲི་ཤཱུལ་འཁོར་ལོ་རི་རབ་ཕུར་བུ་འདྲིལ། །ཞལ་མདོག་དཀར་དང་སྔོ་དང་དམར་ ― DNG022_Page_0343 ―
[མ་དཔེ་གཟིགས་ན་འདིར་གནོན།]
བའི་ཞལ། །ཞབས་བཞི་བྲག་སྟེང་བརྒྱ་བྱིན་ཕོ་མོ་མནན། །སྙེམས་མ་སྟག་དང་བྱ་རྒོད་འཁོར་གྱིས་བསྐོར། །གཤིན་རྗེ་སྔོན་པོ་རྡོ་རྗེ་ཐོད་ཁྲག་འཐུང་། །ནྲྀ་མགོ་དགྲ་སྟྭ་རི་རབ་ཕུར་བུ་འདྲིལ། །སྐུ་མདོག་སྔོན་པོ་དཀར་དང་དམར་བའི་ཞལ། །ཞབས་བཞི་བྲག་སྟེང་གཤིན་རྗེ་ཕོ་མོ་གནོན། །དུར་ཁྲོད་ཤ་བ་འུག་པའི་འཁོར་གྱིས་བསྐོར། །རྟ་མགྲིན་དམར་པོ་རྡོ་རྗེ་ཐོད་ཁྲག་དང་། །ཞགས་པ་སྤུ་གྲི་རི་རབ་ཕུར་བུ་འདྲིལ། །སྐུ་མདོག་དམར་པོ་སྔོ་དང་དཀར་བའི་ཞལ། །ཞབས་བཞི་བྲག་སྟེང་ཀླུ་དབང་ཕོ་མོ་མནན། །གཏུམ་མོ་བྱི་ལ་པུ་ཤུད་འཁོར་གྱིས་བསྐོར། །བདུད་རྩི་ལྗང་ནག་རྒྱ་གྲམ་དབྱུག་ཐོ་ཐོགས། །སྐུ་མདོག་ལྗང་ནག་དཀར་དང་དམར་བའི་ཞལ། །ཞབས་བཞི་བྲག་སྟེང་གནོད་སྦྱིན་ཕོ་མོ་མནན། །རླུང་འབྱིན་སེང་གེ་ཕ་ཝང་འཁོར་གྱིས་བསྐོར། །དབྱུག་པ་སྔོན་པོ་དཀར་དམར་སྔོ་བའི་ཞལ། །རྡོར་ཐོད་དབྱུག་པ་མེ་ཐབ་ཕུར་པ་འདྲིལ། །ཞབས་བཞི་བྲག་སྟེང་མེ་ལྷ་ཕོ་མོ་མནན། །སྡེར་མོ་གཡག་དང་བྱ་རོག་འཁོར་གྱིས་བསྐོར། །མི་གཡོ་ལྗང་སྔོན་རྡོ་རྗེ་ཐོད་ཁྲག་དང་། །རལ་གྲི་ཞགས་པ་རི་རབ་ཕུར་བུ་འདྲིལ། །སྐུ་མདོག་ལྗང་སྔོན་དཀར་དང་དམར་བའི་ཞལ། །ཞབས་བཞི་བྲག་སྟེང་བདེན་བྲལ་ཕོ་མོ་མནན། །གཏུན་ཁུང་གཟིགས་དང་ཁྭ་ཏ་འཁོར་གྱིས་བསྐོར། །གཞན་གྱིས་མི་ཐུབ་དམར་སྐྱ་རྡོ་རྗེ་ཐོགས། །རྔ་ཡབ་བྷན་དྷ་རི་རབ་ཕུར་པ་འདྲིལ། །སྐུ་མདོག་དམར་སྐྱ་དཀར་དང་དམར་བའི་ཞལ། །ཞབས་བཞི་བྲག་སྟེང་རླུང་ལྷ་ཕོ་མོ་མནན། །མདའ་སྙེམས་སྤྱང་ཀི་ཁྲ་ཡི་འཁོར་གྱིས་བསྐོར། །ཁམས་གསུམ་རྣམ་རྒྱལ་ཏྲི་ཤཱུལ་མདའ་དང་གཞུ། །སྐུ་མདོག་ལྗང་སེར་དཀར་དང་དམར་བའི་ཞལ། །ཞབས་བཞི་བྲག་སྟེང་དབང་ལྡན་ཕོ་མོ་མནན། །གསོད་བྱེད་དྲེད་དང་སྲེ་མོ་འཁོར་གྱིས་བསྐོར། །སྟོབས་ཆེན་དུད་ཁ་རྡོ་རྗེ་ཐོད་ཁྲག་འཐུང་། །ཞགས་པ་ཐོ་བ་རི་རབ་ཕུར་བུ་འདྲིལ། །སྐུ་མདོག་དུད་ཁ་དཀར་དང་དམར་བའི་ཞལ། །ཞབས་བཞི་བྲག་ ― DNG022_Page_0344 ―
[མ་དཔེ་གཟིགས་ན་འདིར་གནོན།]
སྟེང་ས་བདག་ཕོ་མོ་མནན། །སྐྱོང་བྱེད་དོམ་དང་བྱི་ལའི་འཁོར་གྱིས་བསྐོར། །ཁྲོ་རྒྱལ་ཀུན་ཀྱང་དུར་ཁྲོད་ཆས་ཀྱིས་བརྒྱན། །བསྐལ་པའི་མེ་ལྟར་འབར་བའི་ཀློང་ན་བཞུགས། །ཤར་གྱི་སྒོ་བ་དཀར་མོ་ལྷོ་སྒོ་སེར། །ནུབ་ཀྱི་སྒོ་བ་དམར་མོ་བྱང་སྒོ་ལྗང་། །བྱ་ཕུར་སྐྱེར་ཕུར་མཆོག་ཕུར་ལྕགས་ཕུར་བསྣམས། །ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་གཡོན། །རང་བྱུང་ཁྲོ་བོ་རྣམས་ཀྱི་མཐུ་དང་རྩལ། །བཛྲ་ཀཱི་ལ་ཡ་ཡི་དུས་ལ་བབ། །ལྷ་རྣམས་བསྟོད་ཅིང་ཐུགས་དམ་བསྐུལ། །སྲས་མཆོག་ཁྲོ་བོ་བཅོ་ལྔ་ཡིས། །བཏབ་ན་ལྷ་ཡང་རླག་པར་བྱེད། །སྲི་ཅན་རྡུལ་དུ་རློག་པའོ། །མི་བཟད་དྲུག་གི་འཁོར་དང་བཅས། །སྤྲུལ་པས་སྲིད་གསུམ་གཏམས་པར་བསྒོམ། །དེ་ནས་ཤེས་པ་འདུ་སར་གདབ། །བཏབ་ནས་བདེ་བའི་ས་ལ་དགོད། །ཅེས་གསུངས་སོ། །རྡོ་རྗེ་ཕུར་པ་གསང་ བའི་སྔགས་རྒྱུད་ལས། ཁྲོ་བོ་ལ་བསྟོད་པའི་ལེའུ་སྟེ་བདུན་པའོ།། །།དེ་ནས་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ། དེ་ནས་དཀྱིལ་འཁོར་ཡང་དག་བཤད། །ལུས་ནི་ལྷ་ཡི་དཀྱིལ་འཁོར་བསྒོམ། །ངག་ནི་གསང་སྔགས་དཀྱིལ་འཁོར་བསྒོམ། །སེམས་ནི་ཆོས་ཉིད་དཀྱིལ་འཁོར་བསྒོམ། །དབེན་པར་ས་སྦྱངས་མཎྜལ་བཅའ། །འཁོར་གནས་ཡོ་བྱད་བློ་ལྡན་པས། །ཁྲོ་མོ་ཡུམ་གྱི་གཏུན་ཁུང་བྲི། །གྲུ་གསུམ་རྩ་གཅིག་འབར་བ་ཙམ། །ཡང་ན་བཅུ་གཅིག་བདུན་ཡང་བྲི། །ལས་ཀྱི་དཀྱིལ་འཁོར་གྲུ་གསུམ་ཨེ། །རྡོ་བ་དག་གམ་ས་ལ་བྱ། །ལྕགས་སྣ་ལྔ་དང་དུག་ཤིང་དང་། །མི་དང་བྱ་ཡི་རུས་པ་ལ། །སྲས་མཆོག་ཕུར་པ་གཟི་ལྡན་བྱ། །གུ་གུལ་རཀྟ་ཡུངས་ཀར་གྱིས། །སྐུ་གསུང་ཐུགས་ཀྱི་གཟི་བྱིན་བསྐྱེད། །ཀ་པཱ་ལ་ཡི་གནས་བཞུགས་ནས། །རྡོ་རྗེ་ངག་གི་བཟླས་པ་བརྩམ། །སྐུ་དང་ཆོས་ཉིད་གསལ་ལྡན་པས། །བསྙེན་པ་གདེང་དང་ལྡན་པར་བྱ། །རྡོ་རྗེ་དཀྱིལ་འཁོར་མཆོད་བསྟོད་ཅིང་། །རང་རྒྱུད་དག་པར་བཤགས་ ― DNG022_Page_0345 ―
[མ་དཔེ་གཟིགས་ན་འདིར་གནོན།]
སྦྱང་བྱ། །འཕྲོ་འདུས་ཉེ་བར་བསྙེན་བྱ་སྟེ། །བདུན་འབུམ་ཉི་ཁྲིའི་གྲངས་རྫོགས་ནས། །རྡོ་རྗེ་ཁྲོ་བོ་རོལ་པ་བསྒྲུབ། །འཕར་དང་ལྡེག་འཁྲབ་བྲོ་བརྡུང་དང་། །ཉམས་དང་རྨི་ལྟས་བཟང་མཐོང་ནས། །སྐུ་གསུང་ཐུགས་ཀྱི་དངོས་གྲུབ་བླང་། །རང་རྒྱུད་བྱིན་དང་ལྡན་གྱུར་པས། །ཡེ་ཤེས་ལྔ་ཡི་དབང་བསྐུར་ཡང་། །རང་དང་གཞན་ལ་རྒྱས་བཏབ་སྟེ། །དབང་དང་བྱིན་བརླབ་ཚུལ་བཞིན་བྱ། །དེ་ནས་བདུད་དང་དགྲ་བགེགས་ལ། །རྡོ་རྗེ་ཁ་ཊྭཱཾ་རོལ་པ་བརྩམ། །ཞེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས། དཀྱིལ་འཁོར་སྒྲུབ་པའི་ལེའུ་སྟེ་བརྒྱད་པའོ།། །། དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ། གང་གིས་བར་གཅོད་ཚར་གཅད་ཕྱིར། །དམིགས་པའི་ཏིང་འཛིན་གསུམ་གསལ་བྱ། །ནྲྀ་སྲོག་ཅན་དང་ནཱ་སྲོག་ཅན། །ཏྲི་སྲོག་ལྡན་པ་བསྟན་པའི་དགྲ། །ཡིད་གཟུགས་ཅན་དང་གདོས་བཅས་གཟུགས། །དེ་ལ་དེ་བརྟེན་སྲོག་ཅེས་པས། །ཨ་ནྲྀ་སུ་ཏྲི་པྲེ་དུ་ལྡན། །རིགས་དྲུག་ས་བོན་གཟུང་བར་བྱ། །གང་ལ་བྱ་བའི་དམིགས་རྟེན་ནི། །འབྱུང་བའི་སྙིགས་མ་ཟགས་ལ་བྱ། །ཡང་ན་བླ་སྲོག་གནས་ལ་དབབ། །གཙོ་བོ་འཇག་མ་དམེ་ཁྲག་སོགས། །སྲིན་མོའི་ཁང་ས་ལ་སོགས་དང་། །ཤིང་ཤུན་ཞིང་རས་གང་ལྡན་ལ། །གང་ལ་བྱ་བའི་མིང་གཟུགས་བྲི། །སྲོག་གི་ཡི་གེ་གནད་སྔགས་བསྐོར། །དབྱེ་དགུག་བསྡིམ་དང་བྱད་དུ་གཞུག །སྨྲ་སྨྱོ་རྡུལ་དུ་བརླག་པར་བྱ། །འབར་བའི་ཨེ་དང་ཞལ་དུ་བསྟབ། །དེ་ལྟར་བྱས་ན་རཱུ་ཏྲའི་སྡེ། །བསྟན་པའི་དགྲ་གསུམ་དྲུངས་ནས་འབྱིན། །ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཧ་ས་ཡ་ར་ཧ་ཏ་ན་ཧཱུཾ་ཕཊ། ཤི་ཀྲིན་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། བི་ཏ་ཡ་བི་ཏ་ཡ་ཧཱུཾ་ཕཊ། ཅེས་གསུངས་སོ། །ཕུར་པ་གསང་བའི་སྔགས་རྒྱུད་ལས། སྒྲུབ་པའི་བར་ཆོད་རཱུ་ཏྲ་བསྒྲལ་བའི་ལེའུ་སྟེ་དགུ་པའོ།། །།དེ་ནས་ ― DNG022_Page_0346 ―
[མ་དཔེ་གཟིགས་ན་འདིར་གནོན།]
ཞེ་སྡང་གི་རྒྱལ་པོ་རྡོ་རྗེ་གཞོན་ནུས་དམ་ལོག་བསྒྲལ་བ་འདི་སྐད་ཅེས་བཀའ་སྩལ་ཏོ། །ཨོཾ་སུམ་ཏྲི་རཀྴ་མཱ་ར་ཡ་ནན་ས་རུ་རགྴ་ནན། པི་པི་ཏྲི་དམ་སྲི་ནན། འགོང་པོ་ཡ་ནམ་ཤོ་ནན། འབྱུང་པོ་ཡ་ནམ་ཤོ་ནན། ཛ་དགྲ་ནན། ཤོ་དགྲ་ནན། ཤོ་ནན། ཛ་ཛ་དེ་བ་བཛྲ་ཡ ཧྲཱཾ་ནན། འབྱུང་པོ་དུཥྚུན་མཱ་ར་ཡ་ཧ་ན་ཧ་ན་ཧཱུཾ་ཕཊ། པ་ར་བི་ཏན་ཙྪིན་དྷ་ཙྪིན་དྷ་ཧཱུཾ་ཕཊ། བིན་དྷ་བིན་དྷ་ཧཱུཾ་ཕཊ། གྲྀཧྞ་གྲྀཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བན་དྷ་བན་དྷ་ཧཱུཾ་ཕཊ། ཨོཾ་བཛྲ་རགྴ་ནཱ་ཙ་ཙིཏྟ་ཟུང་ཟུང་། ཁ་ལ་རགྴ་ཙད་ཙད། ཁ་རགྴ་རྨ་ཤ་ན་རྦད་སྟོ། འཁུ་ན་དུམ་བུ་ཤིག་ཤིག །འདའ་ན་རག་ཤ་ཙིཏྟ་ཕྱུང་རྦད། ལྡོག་ན་རག་ཤ་རྦད། སྡོམས་ཏིང་ཏིང་སྡོམས་ཟུང་ཟུང་། གཏུབས་གཏུབས་སྡོམས། རག་ཤ་ཙིཏྟ་གཏུབས། རཱ་ཙ་ཤག་ཐུམ་ཁ་ཏྲི་རྦད། ཙ་པུ་ཏྲི་ཏྲི་ཏྲི་ནན་སོད། བཛྲ་ཀྲོ་དྷ་རཱ་ཛ་སིདྡྷི་ཨ་མྲྀ་ཏ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ། བདུད་ཏྲི་མ་ཏྲི་ཐ་ཏྲི། ཤུ་ལ་ཏྲི་བཾ་ཏྲི་ཡ་མ་ཏྲི། ནཱ་ག་ཏྲི་ས་མ་ཏྲི་སུམ་ཏྲི་པུ་ཏྲི་ཨ་ཤ་ཏྲི། ཨ་ཤ་ཏྲི་རཱ་ཙ་ཏྲི། ཏྲི་ག་ནན་ཧུར་ཐུམས་ཛ། བཛྲ་ཨངྐུ་ཤ་ཡ་ཛ་ཛ། བཛྲ་ཨཱ་བེ་ཤ་ཡ་ཨ། ཨ་པ་སྟ་ཡ་དྷ་རོ་ཨ་ཛྷཱ་བ་ཡ་ཏི་ཨ། ཧཱུཾ་སྙིང་ཁྲག་ཙིཏྟ་གུ་ལུ་ནན། བཾ་ཙྪིན་ད་ཙྪིན་ད་སྲོག་རྦད། མཱ་ར་ཡ་སྙིང་རྩ་ཕྱུང་ཕྱུང་། སོ་ཤིག་སྲོག་རྦད། ཁ་ཁ་ཧ་ཧ་མཱ་ར་ཡ་ཧཱུཾ་ཧཱུཾ་ཕཊ་ཕཊ་རྦད་རྦད། ཧ་ན་ཧ་ན་བཛྲ་རུ་ཏྲི། སྲོག་ལ་དྲེང་དྲེང་ཛ་ཛ་ཐུམས་རིལ་ཤག །ད་ཧ་ད་ཧ་བཛྲ་སྲོག་ལ་དུན་དུན་ཐུམས་རིལ་ཤག །པ་ཙ་པ་ཙ་བཛྲ། ཙིཏྟ་རྦད་ཐུམས་རིལ་ཤག །མ་ཏ་མ་ཏ་བཛྲ། རྩལ་རྦད་ཐུམ་རིལ་ཤག །ཛྭ་ལ་ཛྭ་ལ་བཛྲ། སྲོག་ལ་ཧུར་ཐུམ། རིལ་ཤག །སུ་རུ་སུ་རུ་བཛྲ། ཁམ་ནན་ཐུམ་རིལ་ཤག །མུ་རུ་མུ་རུ་བཛྲ། མུ་རུ་མུ་རུ་བཛྲ། དུམ་ལིང་ཁས་ཐུམ་རིལ་ཤག །ཀ་ཏང་ཀ་ཡེ་བཛྲ་སྙིང་གཟེར་སྦུར་ནན་ཐུམ་རིལ་ཤག །ཛ་ཡེ་བི་ཛ་ཡེ་བཛྲ་རཱ་ཛ་ཏྲི་ཤུ་ལ་གཟིར་ནན་ཐུམ་རིལ་ཤག །ཨ་ཙི་ཏེ་ཨ་པ་ར་ཙི་ཏེ་བཛྲ་ཙ་ཏྲི་དུ་མེ་རུ་སྙིང་ལ་གཟེར། རྩ་སྦུར་ནན་སྲོག་ལ་དྲེང་དྲེང་། རྩལ་དུན་དུན་ཁམ་ཤག་ ― DNG022_Page_0347 ―
[མ་དཔེ་གཟིགས་ན་འདིར་གནོན།]
རྦད། མཱ་ར་སེན་པྲ་མརྡ་ནཱ་ཡ་བཛྲ་སརྦ་དུཥྚན་ཏྲིག་ནན་རཱ་ཛ་ཡ་མ་ཛ་ཧ་མ་ཤམ་ཏྲིག་ཧུར་ཐུམ་ཛ། དུ་མེ་མ་མ་སྲོག་ལ་གཟེར་ཐུམས་རིལ་ཤག །ཨོཾ་རྣི་དུ་རྣི་དུ་ཧཱུཾ་ཧཱུཾ་ཕཊ་ཕཊ། རཱ་ཛ་ནི་ཧཱུཾ་ཧཱུཾ་ཕཊ་ཕཊ། ཏྲི་ལིང་ཤམ། རོ་ལིང་ཤམ། ཁ་ཐུན་ཏྲི་ཐུན། བུར་ཏྲེ་ཛ་རག་ཤ་ནི་ཛ་ཛ། ཧཱུཾ་མ་མ་པ་ཤཾ་ཀུ་རུ་མ་ཏཾ་ཉ་ཀ་ར་ཨི་དན་དྷ་ཏི་མ་མ་ཤཱི་གྷྲཾ་ཀརྨ་ཀཱ་ར་ཡ། ཏྲིའུ་ཏྲིའུ་ཡ་ན་མོ་ཤ་ཛ། བཛྲ་མ་ར་ནི་ཏྲི་ཛ། ཏྲི་མཱ་ར་ཡ་ཛ། དམ་སྲི་ཏྲི་མཱ་ར་ཡ་ཛ། ནཱ་ག་རཱ་ཛ་སྟག་ཤ་ཛ། མ་ཀོ་ཤག་རྠམ་ནི། མཱ་ར་ཡ་ཧཱུཾ་ཕཊ། ཤ་ལུང་ནི་ཏི་སྟབ་ལ་ཨ་ཤོ་མ་བྷྱོ་བྷྱོ་ཧཱུཾ་ཧཱུཾ་ཕཊ་ཕཊ། རཱ་ཛ་ཐུམ་ཨ་ཏི་རྦད། རཱ་ཛ་ཟུང་ཨ་ཏི་རྦད། རཱ་ཛ་ཁ་ཆིངས་ལུས་སྟོམས་དུན་ཏྲི་པ་རི་པ་རི་སྟོམས། ཙིཏྟ་ཀེར་པ་ཤ་ཕག་པ་རཱ་ཛ་སྟོམས། རཱ་ཛ་ཤག་ཐུམ་ཁྲམ་ཁྲ་ནན། རཱ་ཛ་ཨ་ཀྲི་པ་ཀྲི་ན་སོད། ཐུམ་ཐུམ་རིལ་རིལ། ཐུམ་ཐུམ་རིལ། པ་ཚང་ཤིག་པ་ཚང་ཤིག །ཆིངས་སྟོམས་ས་མ་ཡ། རིག་རུ་ཐུམ་རིལ། བུ་རུ་ལུ་རུ་ལུ་རུ་ལུ་ཧཱུཾ་ཕཊ། རཱ་ཛ་སི་ཏི་ས་མ་ཡ་བྱིང་ཧཱུཾ་ཕཊ། རཱ་ཛ་ཨ་ཧོ་ཧཱུཾ་ཕཊ། ཤ་མ་རུ་ཏྲི་མ་ཧོ་ཛ། ཐུམ་རི་ལི་ལི། རུ་ལུ་རུ་ལུ་ས་མ་ཡ་སྟྭཾ། རཱ་ཛ་ས་མ་ཡ་གིང་ག་རག་པྲ་མ་ཤང་ཀ་དུ་རི་སྟོམས། ཙཀྲ་མཱ་ར་ཡ་ཆིངས་སྟོམས། ཨོཾ་བཛྲ་རག་ཤ་རཱ་ཙའི་ཙིཏྟ་ཟུང་ཟུང་། ཁམ་རག་ཤ་རྩད་རྩད། ཁ་རག་སྨ་ཤ་རྨད་སྟོམས། འཁུ་ན་དུམ་བུ་ཤིག་ཤིག་ཤིག་སྟོམས། འདའ་ན་རག་ཤ་ཙིཏྟ་ཕྱུང་རྦད། སྟོམས་ཟུང་བྷུཾ་སི་རག་ཤ་མ་རཎ་བྷྱོ། ཏྲི་རཱ་ཛ་ཨོཾ་ཨཾ་ཧཱུཾ་མཱ་ར་ཡ་སྟམ་བྷ་ནན་ནན། སྤྱི་ཏི་སྤྱི་ཏི་མ་སྙིང་ཁ་རག་ཛ་ཛ། ཨོཾ་ལཾ་ཧཱུཾ་ལཾ་སྟཾ་བྷ་ནན། མོ་ཧ་གྷ་ཡ་བྷ་གཱ་ཝཱན། ཤི་ཀྲི་བི་ཀྲི་བཛྲ་ཧཱུཾ་ཀཱ་ར་ཧཱུཾ་ཕཊ། བཛྲ་སུམ་ཏྲི་རག་ཤ་གཏུབས། ཙི་ཏྲི་མཱ་ར་ཡ་ཧཱུཾ་ཕཊ། ཁྱོད་དམ་ལས་ལྡོག་ན། སུ་ཏྲི་མཱ་ར་ཡ་ཧཱུཾ་ཕཊ། ས་རུ་ཀེ་པ་ཡ། སུ་ཏ་མཱ་ར་ཡ་ཧཱུཾ་ཕཊ། བཛྲ་སིག་ནན་སིག་ནན། མཱ་ར་ཡ་ཧཱུཾ་ཕཊ། ཏྲིག་ནན་ཧཱུཾ་ཕཊ། བཛྲ་དུག་ནན་ཧཱུཾ་ཕཊ། བཛྲ་ཙག་དུ་ཙག་དུ་སོད། ཙག་ཙག་ཡེར་ཡེར་སོད། ཐུམ་མྱོགས་སོད། རཾ་ཡཾ་ཏིང་བུ་སོད། བཛྲ་ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོཿ། རཱ་ཛ་ཙིཏྟ་ཟུང་ཟུང་ཁུག་ནན། དུམ་བུ་ ― DNG022_Page_0348 ―
[མ་དཔེ་གཟིགས་ན་འདིར་གནོན།]
ཤིག །ལྡོག་ན་རྦད། སྡི་པ་ནན། ཧེ་ལིང་ནན། ཙ་ཏྲི་རྦད། ཨ་ཏྲི་རྦད། མ་ཏྲི་རྦད། མ་ཉེ་ལ་རྦད། རཱ་ཛ་ཏྲིག་ནན་རཱ་ཛ་ཧུར་ཐུམས། པ་ཙད་འདྲི་མ་ཐིབ་ར་རཱ་ཛ་རྦ་སྦུར་སྲོག་ནན། སྙིང་གཟེར་བྲིང་ཤག་ཡ་མ་རྦད། སརྦ་བིགྷྣཱན། བཾ་ཧཱུཾ་ཕཊ། བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། བཛྲ་ཧཱུཾ་ཀཱ་ར་ཨ། དུ་མེ་ནཱ་ག་མོ་ཏྲིག་ནན་མེ་ཧུར་ཐུམས་ཛ། རུ་ཏྲི་ཏྲིག་ནན་རུ་ཧུ་ར་ཐུམས་ཛ། དུན་ཏྲི་པ་རི་པ་རི་ཙིཏྟ་གརྦ་ཤ་ཡག་པ་སོད། ཏྲི་ཙིཏྟ་གརྦ་ཤ་ཡག་པ་སོད། སྙན་ཙིཏྟ་གརྦ་ཤ་ཡག་ཤ་སོད། དུང་སྐྱེང་པ་ཏ་མཱ་ར་ཡ་ཧཱུཾ་ཕཊ། ཏིག་ཏིག་ཞོ་འཐུང་སྐྱུགས་སོད། ཚ་བང་མཛོད་བསྲེ་ན་མཱ་ར་ཡ་ཧཱུཾ་ཕཊ། ཆུ་ཧ་ན་ཏྲི་ཛ་ཡ་མ་ར་ན་བྱི་ཛ་ཡ་ཧཱུཾ་ཕཊ། ཤ་མ་ས་རུ་ཏྲི་རཱ་ཛ་ཨ་ཧོ་བྲུ་རྦད། རཱ་ཛ་ཆིངས་ཆིངས་གཏུབས་གཏུབས། འཁུ་ན་དུ་ཙིཏྟ་ཤིག །རག་ཤ་ཙིཏྟ་ཟུང་། རྨན་རྦད། ཐུབ་རྦད། རྦད་ཏི་དུམ་རྦད། ཡ་རྦད་ཡ་ཁྲ་རི་བྷ་ཤ་ཡ་ཛ། བཛྲ་ཤོ་ན་ས་མ་ཡ། ཡ་མ་ཤོ་ན་ས་མ་ཡ། ནཱ་ག་ཤོ་ན་ས་མ་ཡ། ཁ་རག་ཤོ་ན་ས་མ་ཡ། རྒྱལ་འགོང་རྒྱལ་ཚེ་ལ་མ་ཤ །དོ་མ་རོལ་ཁྲག་འཐུང་། སྙིང་ཁྲག་འབྱུང་པོ་ས་མ་ཡ་ཛ། བཛྲ་ཛ་ར་ཏྲིག་རོག་ཏ་འབྱུང་པོ་མཱ་ར་ཡ་སྙིང་ཁྲག་ཛཿཧཱུཾ་བཾ་ཧོཿ། བཛྲ་ཨཾ་ཀུ་ཤ་ཛ། འབྱུང་པོ་ཚེ་ལ་མ་ཤ་དོམ་རོལ་ཁྲག་འཐུང་། སྙིང་ཁྲག་འབྱུང་པོ་འབྱུང་པོ་པྲ་ཏི་པྲི་མོ་མ་ཤ་དོམ་ལ་ཁྲག་འཐུང་། རོ་ལ་ཁྲག་འཐུང་། སྙིང་ཁྲག་མ་ལ་མ་ལ་ཡེས་ཡེས་བྷྱོ་བྷྱོ་ཋྲི་ཋྲི་སྭཱ་ཧཱ། ཨོཾ་སརྦ་དུཥྚན་ཏི་ར་ཏི་ནན། རཱ་ཛ་ནན། རྦད་ནན། ཏྲི་ཧུར་ཐུམ་ཛ། མཱ་ར་ཡ་རྦད། ཏདྱ་ཐཱ་ཏདྱ་ཐཱ་ཧཱུཾ་ཕཊ། སརྦ་ཨཱ་ན་ཡ་ཧཱུཾ་ཕཊ། ནི་ཤ་ཀུ་རུ་ཡཾ། ཁ་སོད་དབང་རོལ་ཡམ། ཐོད་ཁྲག་སྤྱོས་ཤིག་ཙིཏྟ་ཀུ་ལུ་ནན། སྙིང་ཁྲག་སྤྱོས་ཤིག་ཙཀྲ་རཾ། རྣམ་ཤས་སྤྱོས་ཤིག་ཤོ་ན་རཾ། འདོད་ཆགས་སྤྱོས་ཤིག་སུ་ཏྲི་ཁ་རམ། གཟུགས་ཕུང་ཤིག་ཤིག །སུ་ནི་ཏྲི་ནི་ཡན་ལག་ཆིངས་ཤིག །ཨོཾ་སརྦ་ཛ་ནི་ཧཱུཾ་ཛ། ནྲྀ་ཏྲཾ་སུ་ཏྲི་ནི་ཧཱུཾ་ཛ། ཤན་ཏྲི་ནི་ཧཱུཾ་ཛ། ཀ་ཏྲི་ནི་ཧཱུཾ་ཛ། གན་ཏྲི་ནི་ཧཱུཾ་ཛ། གུཾ་གུཾ་གུཾ་སྲི་ཅན་ཛ་ཛ་ཧཱུཾ་ཕཊ། ཨོཾ་རྩ་ཧཱུཾ་ཀ་ཏེ་པུ་ར་ཙ་ཏེ་སྭཱ་ཧཱ། སྲི་ཅན་ནན། ― DNG022_Page_0349 ―
[མ་དཔེ་གཟིགས་ན་འདིར་གནོན།]
ར་ཛ་ནན། ཧེ་དུ་མ་བྷྱོ་ཀུ་ཀ་ཀ་རེ་ཛ་ཛ། ཧེ་དུ་པྲིད་པུ་ཀ་སྐྱེ་མི་སྐྱེ་སྭཱ་ཧཱ། ཨེ་ར་ལིག་ཤིན་ཤིག་ཧེ་རི་ཧ་ཏི་བྲ་མ་ལེ་ཤག་ཧེ་རི་ལིག་ཤ་ལི་ཤ་ལི་བྱི། ཐུཾ་ལེང་སྭཱ་ཧཱ། ཤ་ལི་བྷྱོ་ཐུཾ། ནག་ཚེ་ན་གུ་ཙེ་རྒུ་རུ་ཤད་ཏི་རྦད་རྦད། བཛྲ་བཛྲ་བཛྲ་བཛྲ། བཛྲ་བཛྲ་བཛྲ་བཛྲ་བཛྲ་བཛྲ་བཛྲ། ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ། བཛྲ་ཡག་ཤ་རག་ཤ་ཀྲོ་ཏ་ཁ་ཁ་ཁ། ཁཱ་ཧི་ཁཱ་ཧི་ཁཱ་ཧི། ཧ་ཧ་ཧ། ཧི་ཧི་ཧི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཅེས་གསུངས་སོ། །ཕུར་པ་གསང་བའི་སྔགས་རྒྱུད་ལས། དམ་ལོག་ དམ་སྲི་རཱུ་ཏྲའི་སྡེ་བསྒྲལ་བའི་དྲག་སྔགས་ཀྱི་ལེའུ་སྟེ་བཅུ་པའོ།། །།དེ་ནས་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་ལས་ཀྱི་སྦྱོར་ཐབས་བཀའ་སྩལ་པ། རྣལ་འབྱོར་དོན་དང་ལྡན་པ་ལ། །དམ་ལོག་དམ་སྲི་རཱུ་ཏྲའི་སྡེ། །གནས་དང་འཁོར་དང་ལོངས་སྤྱོད་དང་། །ཆགས་ནས་དབང་བྱེད་ཤུལ་འདྲེང་དང་། །འཁོར་དང་ལོངས་སྤྱོད་དབང་ཐང་དཔལ། །རྒྱས་སུ་མི་སྟེར་འཕེལ་བ་འགྲིབ། །དཀར་སྒྱུར་སྲ་རྩི་བྲི་སྲི་སྙབ་བྱེད་པ། །དེ་དག་དྲག་པོའི་ལས་འདིས་འདུལ། །འཇིག་རྟེན་གཞན་དུ་འཕང་ལ་བཏང་། །རྡོ་འམ་ས་ལ་འབྲུབ་ཁུང་བཅའ། །རྣོན་པོ་རྩང་གིས་བསྐོར་ནས་ཀྱང་། །ནང་དུ་འབྱུང་པོའི་གཟུགས་རྟེན་གཞག །ཁྱི་ཕག་སྤྲེའུ་དང་བྱི་ལའི་མགོ། །བགེགས་དང་འགོད་པའི་རཱུ་པ་གཞུག །འབྲོག་ཏེ་ནག་པོ་མགོ་དགུ་དང་། །དམ་སྲི་ནག་མོ་བྱ་མཆུ་མ། །བར་དུ་རྒྱལ་འགོང་སྤྲུལ་པ་བྲུབ། །བྱི་ཆིངས་ཚུལ་དུ་ལྟོ་སྦྱར་ནས། །བླ་ཤིང་ཤོ་མང་ཁུད་དུ་དྲིལ། །བླ་རྡོ་ཕ་བོང་ལོང་བུ་ལ། །མཚལ་གྱིས་ཕྱོགས་བཞིར་སྲོག་ཡིག་བྲིས། །སེ་བ་ཉ་ཐོད་སྡིག་པའི་རྭ། །བྱི་བའི་སྙིང་དང་སྤྱང་ཀིའི་བྲུན། །ལམ་ཆེན་རྒྱ་གྲམ་ས་དག་ནི། །ཞང་པོ་མ་དང་སྤྲུལ་པ་བུ། །འོག་གི་རྟ་དང་རྩེ་སའི་གནས། །བླ་གནས་ཡིན་ཏེ་བླ་ལ་དབབ། །རྒྱ་གྲོག་སྐེད་དམར་ཁང་ས་དང་། །ཆུ་སྣའི་འདག་པ་ལན་ཚྭ་དང་། །སྲུབ་ཀ་རྩྭ་ཡི་ལོ་མ་དང་། །གོང་གསུམ་ལུང་གནས་རྩི་འཇག་ལ། །གཟུག་བཅས་ཤིང་ཤུན་མིང་རུས་གཞུག །ཐལ་དཀར་བྱས་ཏེ་བྱད་ཐག་གདགས། ། ― DNG022_Page_0350 ―
[མ་དཔེ་གཟིགས་ན་འདིར་གནོན།]
གདབ་དང་སྲེག་དང་མནན་པ་ཡི། །རཱུ་པ་བྱེ་བྲག་སོ་སོར་སྦྱར། །འབྲུབ་ཁུང་ཐོད་པ་ཧོམ་ལ་གདགས། །རེ་བ་ཤུག་ཤིང་ཚེར་མས་དགབ། །དུས་གསུམ་དང་ནི་དུས་བཞི་དྲུག །གཤེད་མར་གྱུར་པའི་མཚོན་ཆ་ནི། །ལྕགས་སྣ་ལྔ་ཡི་ཕུར་བུ་དང་། །སྟག་པའི་བེང་དབྱུག་ཐོ་བ་དང་། །གོར་མ་ཤིང་ཕུར་རྡོ་རྗེ་དང་། །རལ་གྲི་འཁོར་ལོ་ལ་སོགས་པས། །དྲག་ཏུ་བརྡུང་ཞིང་བརྣག་པ་བྱ། །མོ་ལ་མདའ་ཐུན་ཟོར་གྱིས་བརྡེག །ཕོ་ལ་ཁྲག་ཐུན་གྲི་མཚོན་གདབ། །བདུན་དང་བདུན་གསུམ་གང་ནུས་པར། །མ་ཡེངས་བརྩོན་པས་བྲབ་པར་བྱ། །སྔགས་དྲུག་རྒྱལ་པོའི་ལས་སྦྱར་ཏེ། །གདབ་དང་མནན་བསྲེག་བཀར་བར་བྱེད། །ཅེས་གསུངས་སོ། །ཕུར་པ་གསང་བའི་སྔགས་རྒྱུད་ལས། ལས་སྦྱོར་ཐབས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་གདོན་ངོས་བཟུང་བའི་དོན་དུ་བཀའ་སྩལ་པ། སྲིད་པ་ཀུན་ལ་གནོད་པ་ཡི། །འགོང་པོ་ཕོ་མོ་འདི་དག་ནི། །རྣལ་འབྱོར་ཅན་ལ་ལྷ་སླུབས་འཇུག །ཕལ་པ་རྣམས་ལ་མི་སླུབ་འཇུག །བགེགས་དང་འགྲས་ལ་བགེགས་སླུབས་འཇུག །ཡུལ་བརྒྱུད་གང་ཟག་བརྒྱུད་པར་བྱེད། །སྐྱེ་བ་བརྒྱུད་དང་སྤྲུལ་པ་བརྒྱུད། །དངོས་པོ་བརྒྱུད་ནས་གནོད་པར་བྱེད། །རྐུ་ཞིང་ངོ་སྦེད་སྣ་ཚོགས་སྟོན། །འདི་དག་དྲག་ཏུ་གདོན་གྱུར་ན། །ཀླུ་བདུད་ཀླུ་བཙན་མེས་པོ་དང་། །མ་མོ་མཚོ་སྨན་མ་སྲུ་དང་། །དཀར་ནག་རྒྱལ་འགོང་བཅོས་པ་ཤིས། །རྒྱབ་རྟེན་ཕྲལ་ནས་སྣ་འདྲེན་བསད། །མི་དཀར་རྟ་དཀར་འབག་སེང་དང་། །ལྷ་ཁང་བྱུང་ན་དཀར་པོ་བཅོས། །མི་ནག་རྟ་ནག་དར་ནག་དང་། །ལྷ་ཁང་ནག་མཐོང་ནག་པོ་བཅོས། །རླན་དང་ན་ཀླུང་ཆུ་མིག་ཚན། །ཀོ་མོག་རྒྱ་མཚོ་ཀླུ་གཉན་བཅོས། །བྲག་རི་གཟར་པོ་རི་རྩེ་ཟང་། །བྲག་དམར་བཙན་བདུད་ཀླུ་ཡང་བཅོས། །གད་ཕུག་ཁང་སྟོང་ཐིགས་པ་ཅན། །ཁང་རུལ་དམ་ཅན་བསད་པ་རྩོམ། །སྦྲང་བུ་སྦུར་པ་བ་ལང་མཛོ། །གནག་མཐོང་ས་བདག་ས་སྲིན་བཅོས། །བྱ་དང་བུད་མེད་རལ་པ་ཅན། །ཁྱི་མོ་ནག་མོ་ ― DNG022_Page_0351 ―
[མ་དཔེ་གཟིགས་ན་འདིར་གནོན།]
དམ་ཅན་བསད། །རྟ་དང་བུ་ཆུང་སྤྲེའུ་དང་། །བྱི་ལ་བཙུན་པ་རྒྱལ་འགོང་བསད། །མ་སྨད་མིང་སྲིང་བུ་ཆུང་ཅན། །ཕོ་མོའི་གྲོགས་དང་རོག་སེ་འགྲས། །རྒྱལ་འགོང་ཕོ་མོ་སྲོག་རྩ་གཅད། །བཙུན་པ་སྤྲང་པོ་ངན་པའི་བཙོས། །བེག་ཏེ་ལྟོག་འགོང་དྲུང་ནས་གདོན། །དེ་ལ་སོགས་པ་དུད་འགྲོའི་ཚོགས། །འབྱུང་པོ་ལ་སོགས་ཐ་དད་རྫུ། །ངེས་པར་བརྟག་ལ་གནད་སྲོག་གཏེམ། །བེ་ཕུར་ཧོར་སྨུག་བྱ་ཡི་མཆུ། །སྤྲུལ་པར་བཅས་པ་རྡུལ་དུ་བརླག །སྤུན་གསུམ་སྤྲུལ་པར་བཅས་པ་ཡང་། །རྒྱབ་དང་ཕྲལ་ནས་བརླག་པར་བྱ། །ཀླུ་གདོན་གཉན་སོགས་བྲིད་ཅིང་བསྡིག །དཀོར་དུ་མངའ་གསོལ་འགོང་པོ་རྣམས། །དཀོར་འབོག་རྒྱལ་ཁྲིམས་ལ་ལ་བཀར། །བསྒྲུབ་པས་འཁོར་བྱུང་དམ་ལོག་བསླུས། །ཤི་སའི་འཁོར་ལོ་བསྐོར་ཞིང་མནན། །གསོ་བ་ཆུ་བོའི་གཞུང་ལ་བཏང་། །རྦད་པ་ཕྱིར་བསད་ལོག་འཁོར་བསྐོར། །སྨྱོ་འབོག་སྐར་ཆུ་ཡུངས་ཀར་དང་། །གུ་གུལ་བདུག་ཅིང་བྲབ་པར་བྱ། །སྡེ་གནོད་ནང་ནུབ་དུས་གསུམ་བརྡུང་། །དུས་དུས་གནད་ལ་ཕུར་བུ་གདབ། །ཕུང་པོ་བསྲེག་ཅིང་ཤ་ཁྲག་བསྟབ། །འཁྲུལ་པའི་རྟོག་གཞི་གནན་པར་བྱ། །མཆོད་རྟེན་ལྷ་ཁང་རྒྱ་གྲམ་ལམ། །རྣལ་འབྱོར་མལ་འོག་ཐེམ་སྒོ་དང་། །ཕྱུགས་ར་དྲེས་དང་མ་སྒྱེད་སོགས། །གང་ལ་གནོད་པའི་ལམ་གནས་སུ། །གནན་པ་བྱས་ན་ནུས་པ་འཇིག །ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ ལས། རྟགས་ཀྱིས་ངོས་བཟུང་ཞིང་ལས་ཀྱི་གནད་བཅད་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ། རས་སམ་གྲོ་ག་ཤོག་ཤོག་གམ། །ཞིང་རས་ལ་སོགས་འཁོར་ལོ་ཡི། །རྫས་ལ་སྲིད་པའི་ལྟོ་བ་བྲི། །གཅོད་པའི་འཁོར་ལོ་རྩིབས་བཞི་པ། །བསད་དང་མནན་དང་བཟློག་དང་བསྐྲད། །གསོ་དང་སྲུང་དང་ཤི་ས་དང་། །ཇི་ལྟར་དམིགས་པ་དེ་བཞིན་བྲི། །ཕོ་དང་མོ་ཡི་འཁོར་ལོ་བརྩམ། །སྔགས་དང་སྲོག་དང་མིང་ཡིག་དགོད། །བསྲུང་བ་རྡོ་རྗེ་ཁོང་པར་ ― DNG022_Page_0352 ―
[མ་དཔེ་གཟིགས་ན་འདིར་གནོན།]
བྲི། །བུ་སྨད་ནོར་ཕྱུག་གང་དམིགས་གདགས། །གུ་གུལ་མུ་ཟི་སྒོག་པ་སོགས། །སྨེ་རྫས་གདགས་ཤིང་དུད་པས་བསྐོར། །འབྱུང་པོ་ལྷ་ཡི་ཕྲ་མེན་བཅས། །སྲིད་གསུམ་ཁྱབ་ཅིང་ཉུལ་བྱེད་མ། །འདི་དག་མ་བཅོས་མ་བཀར་ན། །བྱས་པའི་ལས་རྣམས་དོན་མེད་འགྱུར། །འདི་དག་བཅོས་བཀར་སྤྲུལ་པ་བསྒྲལ། །འཇིག་རྟེན་ཁྱབ་ཅིང་དབང་བྱེད་པ། །དམ་ལོག་སྡེ་གསུམ་དངོས་པོའི་སྲོག །ཤི་ནས་རང་སྲོག་རང་གིས་བཅད། །སྲོག་དང་མིང་དང་ཤེས་པའི་རྟེན། །སྙིང་གི་དཀྱིལ་ན་གནས་པ་དེ། །ཕོ་གཡས་མོ་གཡོན་བསྐོར་བར་བསྒོམ། །འགུགས་པར་བྱེད་པ་ཧུར་ཐུམས་ཛ། །ཡ་མ་ཏྲིག་ནན་འབྲུ་བཞིས་གཟིར། །མཱ་ར་ཡ་རྦད་གཅོད་པའི་མཚོན། །དགུག་དང་བཅིང་དང་བསྡིམ་དང་གཞུག །བྲུབ་དང་རྩེག་དང་གཏོར་དང་བསྐྲད། །བསད་དང་བསྲེག་དང་གནན་དང་བཀར། །སྔགས་ཀྱིས་སོ་སོར་གང་དམིགས་པ། །སྐྱེས་བུ་ཤེས་རབ་རིག་པས་ཟུང་། །ཞེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས། སྲོག་གི་འཁོར་ལོ་བསྐོར་བའི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཞེ་སྡང་གི་རྒྱལ་པོ་དཔལ་རྡོ་རྗེ་གཞོན་ནུས། ལྷ་རྣམས་ལས་ལ་གཞུག་པ་འདི་གསུངས་སོ། །དང་པོ་དབྱིངས་ལས་ཡེ་ཤེས་བསྐྱེད། །སྟོང་བདག་མེད་པའི་སྙིང་རྗེ་བསྒོམ། །རིག་པ་གནས་པའི་སྒྱུ་འཕྲུལ་ཧཱུཾ། །རྟོག་པ་གཞིལ་ཅིང་གཞལ་ཡས་བསྐྱེད། །འབྲུབ་ཁུང་བྷ་ག་ཁྲོ་མོའི་གཏུན། །གསང་བ་ཡུམ་གྱི་དཀྱིལ་འཁོར་དུ། །འདི་ལྟར་སྣང་བ་རྣམ་པར་བསྒྱུར། །རྡོ་རྗེ་ཁྲོ་བོའི་གཏུན་ཚོགས་ཀྱང་། །གསང་བ་ཡབ་ཀྱི་ཕུར་པ་བསྐྱེད། །རྡོ་རྗེ་འཁོར་ལོའི་མཁའ་གསང་ནས། །འབར་བའི་ཁྲོ་བོ་ཕྱུང་ནས་ཀྱང་། །ཕྱོགས་བཅུར་དྲེགས་པའི་གདན་ལ་གདབ། །ཁྲོ་བོ་ཁྲོ་མོའི་མཁའ་ཀློང་ནས། །ཟ་བྱེད་འགུགས་པའི་ཕོ་ཉ་འགྱེད། །དཔའ་བོ་དཔའ་མོའི་སྦྱོར་མཚམས་ནས། །སྲས་མཆོག་རྡོ་རྗེ་ཁྲོ་བོ་བསྐྱེད། །དབང་བསྐུར་བྱིན་བརླབ་གཟི་བྱིན་བསྐྱེད། །དཀྱིལ་འཁོར་རྣམ་གསུམ་ལྷ་ཚོགས་ ― DNG022_Page_0353 ―
[མ་དཔེ་གཟིགས་ན་འདིར་གནོན།]
ལ། །སྤྱན་དྲང་བཞུགས་བསྡིམ་མཆོད་བསྟོད་བྱ། །སོ་སོའི་སྙིང་པོས་བསྙེན་བྱས་ཏེ། །ཐུགས་དམ་བསྐུལ་ཞིང་ཕོ་ཉ་འགྱེད། །ཡེ་ཤེས་སྤྲུལ་པ་ཕོ་ཉ་རྣམས། །མགྱོགས་བྱེད་ཐུགས་རྗེས་མངགས་པའི་གིང་། །སྲིད་གསུམ་ཐམས་ཅད་གང་བྱས་ཏེ། །སྲིད་པའི་ཁྱམས་ཁང་བཙོན་དོང་དུ། །རྡོ་རྗེ་ཕུར་པའི་གྲུ་ཆར་དབབ། །སྔགས་ཀྱི་འཁོར་ལོ་མེ་ལྟར་འབར། །ལྕགས་ཀྱི་ཚ་ཚ་བརྡབ་པ་བཞིན། །དྲུག་གི་ཕོ་ཉས་ལས་ལ་སྦྱར། །ཕྱག་རྒྱ་རྣམ་བཞིས་ཀུན་ཏུ་ཁྱབ། །དྲག་པོའི་རྩལ་ལྡན་ཀུན་གྱིས་གྲུབ། །བསོད་ནམས་ཚོགས་ཆེན་རྫོགས་པ་དང་། །སྔགས་གྲུབ་དབང་དང་ལྡན་པ་ལ། །འདུལ་སྡོམ་རྣམ་པར་དག་པས་ཀྱང་། །འདི་དག་ཚར་བཅད་དངོས་གྲུབ་ཐོབ། །དེ་དག་ལྡན་པར་མ་གྱུར་ཀྱང་། །འདི་དག་བསྒྲལ་ལས་མ་བྱས་ན། །དངོས་གྲུབ་བདུད་ཀྱི་ལག་ཏུ་ཤོར། །ཤིན་ཏུ་བརྩོན་པས་བསྒྲལ་བར་བྱ། །དུས་གསུམ་རྒྱུན་དུ་གསད་ཅིང་གནན། །དེ་ལྟར་བྱས་ན་འབྲས་བུ་ཐོབ། །ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་ རྒྱུད་ལས། ཕོ་ཉས་ཚར་བཅད་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས། སྲི་ཅན་དྲུངས་ནས་འབྱིན་པའི་ལས་བཀའ་སྩལ་ཏོ། །མི་ཡི་སྲིད་པ་དང་པོ་ལ། །དབུས་ཀྱི་རི་བོ་མཆོག་རབ་སྲིད། །རི་རབ་ཀྱི་ནི་དབུས་ནས་ཡར། །དཔག་བསམ་ཤིང་གི་ལྗོན་ཤིང་སྲིད། །དཔག་བསམ་ཤིང་གི་རྩེ་མོ་ལ། །བདུད་པོ་ཐོད་པའི་ཕྲེང་བ་དང་། །བདུད་མོ་ནག་མོ་བཞིན་མི་སྡུག །ཚོགས་པའི་མིང་སྲིང་བཅུ་གཅིག་ནི། །གང་ན་དཀར་པོའི་ལས་དར་ལ། །དེ་ན་ཕུང་བའི་སྲི་ཅན་ཏེ། །འདི་དག་རྣལ་འབྱོར་ཅན་གྱིས་གདུལ། །རྒྱལ་དང་བློན་དང་དམངས་དང་གསུམ། །དགྲ་སྲི་དམེ་སྲི་སྒོ་སྲི་དང་། །ཆུང་སྲི་དུར་སྲི་གོད་སྲི་དང་། །དམ་སྲི་དབྱལ་མོའི་གོང་སྲི་མནན། །རྒྱལ་པོ་ཕུང་བྱེད་ཕུང་སྲི་ནི། །རིགས་ངན་ཧོར་མོ་སྤྱི་རིངས་མགོར། །ཆོས་འཁོར་དབུས་སུ་གནན་པར་བྱ། །བློན་པོ་ཕུང་བའི་ཕུང་སྲི་ནི། །ཕ་ཝང་ནེ་ཙོ་སྤྲེ་ཐོད་དུ། །མདུན་ས་ཆེན་པོར་གནན་པར་བྱ། །དམངས་ ― DNG022_Page_0354 ―
[མ་དཔེ་གཟིགས་ན་འདིར་གནོན།]
རྣམས་ཕུང་བའི་ཕུང་སྲི་ནི། །སྤྲེའུ་མཛོ་རྟོ་ལ་ཐོད་པ་རུ། །ཡུལ་གྱི་དབུས་དང་ཡུལ་མདོར་མནན། །དགྲ་བོས་ཕུང་བའི་ཕུང་སྲི་ནི། །རྟ་དང་གཡག་དང་ར་ཐོད་ལ། །སོ་མཚམས་ལམ་གྱི་རྒྱ་གྲམ་གནན། །དམེ་ཡིས་ཕུང་བའི་ཕུང་སྲི་ནི། །གཡི་དང་གསའ་དང་སྤྱང་ཐོད་དུ། །གྲོང་བརྡལ་ཆེན་པོའི་དབུས་སུ་མནན། །སྒོ་སྒོ་སྲི་ཅན་ལངས་པ་ནི། །ཁྱི་དང་ཕག་པའི་ཐོད་པ་རུ། །གནས་པའི་སྒོ་མཐའི་ཐེམ་པར་མནན། །སྐྱེ་རྒྱུད་གཅོད་པའི་ཆུང་སྲི་ནི། །ཁྱི་ཕག་ཕྲུ་གུ་སྲེ་བྱའི་མགོར། །མ་གནས་མལ་གྱི་འོག་ཏུ་མནན། །རིགས་ཚན་གནས་པའི་དུར་སྲི་ནི། །སེ་བྱ་གྲུམ་པ་ཝ་ཐོད་དུ། །དུར་གྱི་འདབས་སུ་གནན་པར་བྱ། །རྣལ་འབྱོར་ཕོ་མོའི་དམ་སྲི་ནི། །མི་ཕག་ར་ཁྱིའི་སོག་པ་ལ། །མཆོད་རྟེན་དཀྱིལ་འཁོར་འོག་ཏུ་མནན། །དབྱལ་མོ་གོང་གི་སྲི་ཅན་ནི། །ཁྱི་དཀར་ཤ་བའི་ཐོད་པ་རུ། །ལམ་དང་ལ་བཙས་ཆེན་པོར་མནན། །ནོར་ཕྱུགས་གོད་འགྲམས་གོད་སྲི་ནི། །ལུ་གུ་བེའུ་རིའུ་ཐོད་དུ། །ནོར་ཕྱུགས་གནས་པའི་ར་བར་གནན། །ཕུང་བར་བྱེད་པའི་སྲི་ཅན་ནི། །ཚེ་རབས་སྔོན་གྱི་ལན་ཆགས་འདེད། །དུས་འདི་ཉིད་དུ་འབབ་པར་འགྱུར། །རྣལ་འབྱོར་རྣམས་ཀྱི་སྐུ་དགྲར་འགྱུར། །སྲི་ཅན་བསྒྲལ་བའི་ཞིང་ཡིན་པས། །གསང་བའི་གནས་སུ་འདུས་ཚོགས་ནས། །སློབ་དཔོན་སྐུ་ལ་ཕྱག་འཚལ་ཏེ། །གནོད་པར་བྱེད་པའི་ཕུང་སྲི་དང་། །སྡང་བར་བྱེད་པའི་དགྲ་བོ་གཉིས། །སྦྲགས་ཏེ་རྒྱ་གད་དྲག་པོས་བརྒལ། །སངས་རྒྱས་བསྟན་པ་ཁྱོད་ཀྱིས་བཤིག །དཀོན་མཆོག་དབུ་འཕང་ཁྱོད་ཀྱིས་སྨད། །དགེ་ལ་རྒྱབ་ཀྱིས་ཁྱོད་ཀྱིས་ཕྱོགས། །ཡོན་བདག་རྣམས་ལ་གནོད་པ་བྱས། །སྔགས་འཆང་རྣམས་ཀྱི་སྐུ་ལ་བསྡོས། །ཚེ་རབས་སྔ་མའི་ལན་ཆགས་པ། །སྡང་བར་བྱེད་དང་གནོད་པའི་བགེགས། །སྐད་ཅིག་ཙམ་གྱིས་ཕུང་བར་བྱ། །གྲུ་གསུམ་འབར་བ་འདིར་སྩོལ་བས། །ནོར་གྱིས་དོགས་པའི་མིང་རུས་འདི། །རྡོ་རྗེ་ཁྲོ་བོ་འཁོར་བཅས་ཀྱིས། །ཁྱེད་ཀྱིས་བྱིན་གྱིས་བརླབ་ཏུ་གསོལ། །སྲི་ཅན་འདི་ལས་འདྲེ་ ― DNG022_Page_0355 ―
[མ་དཔེ་གཟིགས་ན་འདིར་གནོན།]
ཆེ་མེད། །སྲི་ཅན་འདི་ལས་ཚེ་རིང་མེད། །ཚ་བའི་དབལ་དང་གསོན་གྱི་བདུད། །གཤིན་གྱི་ལྕགས་སུ་ཆེ་བའི་སྲི། །ཆུང་སྲི་རྒྱལ་བློན་དམངས་ཀྱི་སྲི། །རྗེ་ཁོལ་ཞང་པོ་ཚ་ཡི་སྲི། །ཕ་སྲི་བུ་སྲི་ཕུ་ནུའི་སྲི། །དགྲ་སྲི་དམེ་སྲི་ཡོད་མེད་སྲི། །དུར་སྲི་གོད་སྲི་སྒོ་སྲི་རྣམས། །སྲི་ཅན་མ་ལུས་གདུལ་བའི་ཕྱིར། །དཔལ་ཆེན་ཁྲོ་བོའི་སྐུར་བསྒོམས་ནས། །ཐམས་ཅད་རྡུལ་དུ་བརླག་པར་བྱ། །རྡོ་རྗེ་གཞོན་ནུས་ཕུར་གདབ་བྱ། །གཤིན་རྗེ་ནག་པོའི་ལྟོ་བར་གཞུག །ཡ་མ་རཱ་ཛའི་ཟས་སུ་སྦྱིན། །མ་མོ་རྣམས་ལ་མཆོད་པར་འབུལ། །ཕོ་ཉ་རྣམས་ཀྱིས་དགུག་འདྲེན་བྱ། །རི་རབ་ཆེན་པོའི་རྨང་དུ་སྦ། །གཤིན་བུ་རྗེ་ཡི་ལག་ཏུ་གཏད། །རྒྱ་མཚོ་ཆེན་པོའི་གཏིང་དུ་སྐྱུར། །མཚོན་ཆེན་འབར་བའི་རྩེ་མོས་བཅད། །རྡོ་རྗེ་ཕུར་པའི་དཔལ་གྱིས་གདབ། །ཡེ་ཤེས་རྣོན་པོའི་རྩེ་ལ་གཏོང་། །རག་ཏ་འབར་བའི་རྦ་ལ་གཡེངས། །ཡུངས་ཀར་གསེར་མདེའུ་འབེན་དུ་གཟུག །གུ་གུལ་སྦྱར་བའི་དུད་པས་བདུག །དུག་གི་གཏོར་མས་མྱོས་སུ་གཞུག །ལྕགས་ཕྱེ་ཟངས་ཕྱེའི་དཔལ་གྱིས་བཅད། །གཏུན་ཁུང་རྡོ་རྗེ་ཐོ་བས་བརྡུང་། །ཁྲོ་བོ་རོལ་པའི་ཚོགས་སུ་དབུལ། །ཕོ་མོའི་སྙིང་ལ་སྙིང་གཟེར་གདབ། །དེ་ལྟར་བྱས་ན་གདོན་མི་ཟ། །ལས་རྣམས་བརྩམ་པ་ཐམས་ཅད་འགྲུབ། །ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས། སྲི་གདོན་མནན་ཅིང་བྲུབ་པ་ལས་ཀྱི་ལེའུ་སྟེ་བཅོ་ལྔ་པའོ།། །།དེ་ནས་ཞེ་སྡང་གི་རྒྱལ་པོ་དཔལ་རྡོ་རྗེ་གཞོན་ནུས། སེམས་དཔའ་ཆེན་པོ་ལ། བསྟན་པ་བཟུང་བ་གཏད་པ་འདི་གསུངས་སོ། །ཀྱེ་ཀྱེ་གསང་བའི་བདག་པོ་དཔལ། །སེམས་དཔའ་ཆེན་པོའི་རིག་འཛིན་རྣམས། །བསྟན་པ་དུས་ཀྱི་ཐ་མའི་ཚེ། །ལྔ་བརྒྱ་དུས་ཀྱི་སྙིགས་མ་ལ། །སེམས་ཅན་ཉོན་མོངས་སྙིགས་མ་རྒྱས། །དེ་རུ་ལོག་པ་རྣམ་གསུམ་གྱི། །བསྟན་པ་དར་ཞིང་ཐར་ལམ་བགེགས། །རྣལ་འབྱོར་ཅན་རྣམས་སླུ་བར་བྱེད། །དངོས་གྲུབ་ཐོབ་པའི་བར་དུ་གཅོད། །སེམས་ཅན་ཁ་ལོ་ལོག་པར་སྒྱུར། །ཀུན་ཀྱང་མ་རུངས་ཕུང་བར་བྱེད། །དེ་ རྡོ་རྗེ་ཕུར་པ་གསང་བ་གདམས་ངག་ཅན་གྱི་རྒྱུད།― DNG022_Page_0356 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་གུ་ཧྱ་ཏནྟ་ཨུ་པ་དེ་ཤ །བོད་སྐད་དུ། རྡོ་རྗེ་ཕུར་པ་གསང་བ་གདམས་ངག་ཅན་གྱི་རྒྱུད། བཅོམ་ལྡན་འདས་དཔལ་བཛྲ་ཀཱི་ལ་ཡ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་རྡོ་རྗེ་གཞོན་ནུ་སྐུ་གསུང་ཐུགས་ཡོན་ཏན་ཕྲིན་ལས་ལྷུན་གྱིས་གྲུབ་པའི་བདག་ཉིད་སངས་རྒྱས་ཀུན་གྱི་ཡེ་ཤེས་སྐུ་ཅན་དེ། ཆོས་ཀྱི་དབྱིངས་ཀྱི་ངང་ཉིད་ལས། འབར་བའི་ཁྲོ་བོ་ཤིན་ཏུ་མི་ ― DNG022_Page_0357 ―
[མ་དཔེ་གཟིགས་ན་འདིར་གནོན།]
བཟད་པ། སྐུ་ཡི་དབྱིག་ཏུ་གྱུར་པར་བཞེངས་ཏེ། ཡེ་ཤེས་འབར་བའི་གཞལ་ཡས་ཁང་། རང་སྣང་གསལ་བའི་དཀྱིལ་འཁོར་གྲུ་གསུམ་ཨེའི་དཀྱིལ་འཁོར་ན། ཀེང་རུས་གསར་རྙིང་བརྩེགས་པའི་རི་རབ་ཀྱི་སྟེང་། མེ་རི་འབར་བའི་ཀློང་། རྡོ་རྗེ་བྲག་ཆེན་གཏམས་པའི་མཎྜལ་ན། རྒྱུ་རིན་པོ་ཆེ་དང་ཐོད་པ་གསར་རྙིང་ལས་གྲུབ་པ། དྲག་པོ་འབར་བའི་གཞལ་ཡས་ཁང་། རྩིབས་བརྒྱད་ལ་སྒོ་བཞི་པ་དུར་ཁྲོད་ཀྱི་རྒྱན་རྣམ་པ་སྣ་ཚོགས་པས་བཀླུབས་པར། བདུད་དང་ཕྱོགས་སྐྱོང་དང་ཉི་ཟླའི་གདན་ལ་རབ་ཏུ་བཞུགས་ཏེ། ཐུགས་ཀྱི་སྲས་མཆོག་བཛྲ་འདུས་པ་དང་། ཁྲོ་བོ་དང་། ཁྲོ་མོ་དང་། ཟ་བྱེད་དང་། གསོད་བྱེད་དང་། སྤྲུལ་པ་དང་། ཡང་སྤྲུལ་བརྗོད་ཀྱིས་མི་ལང་བ་དང་། གཞན་ཡང་དུར་ཁྲོད་ཀྱི་ཅེ་སྤྱང་དང་། ཟངས་ཀྱི་ཝ་མོ་དང་། ལྕགས་ཀྱི་སྤྱང་མོ་དང་། དུར་ཁྲོད་ཀྱི་ཁྱི་དང་། རྡོ་རྗེ་ལྷ་མོ་ཡ་བྱིན་དང་། དེ་བྱིན་དང་། ཆུ་བྱིན་དང་། ཕག་བྱིན་དང་། ནག་མོའི་ཚོགས་རེ་མ་ཏི་དང་། རེ་མ་ཛི་དང་། རེ་མ་ཛ་དང་། རེ་མ་ཛུ་དང་། གཞན་ཡང་དུར་ཁྲོད་ཀྱི་མ་བདུན་དང་། སྲིང་མོ་བཞི་དང་། སྐྱེས་མཆོག་ཕོ་མོ་དང་། རྡོ་རྗེ་རིགས་ཀྱི་མཁའ་འགྲོ་དང་། རིན་པོ་ཆེ་དང་། པདྨའི་རིགས་དང་། ལས་ཀྱི་རིགས་ཀྱི་མཁའ་འགྲོའི་ཚོགས་རབ་ཏུ་མང་པོ་དང་། ཐབས་ཅིག་ཏུ་བཞུགས་ཏེ། དེའི་ཚེ་ཐུགས་ཀྱི་སྲས་མཆོག་བཛྲ་ཀཱི་ལ་ཡ་འདིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མ་ཧོ། གུ་ཧྱ་བྷ་ག་ཝཱན། ཤྲཱི་བཛྲ་ཀུ་མཱ་ར་ན་མཿ། སརྦ་བིགྷྣཱན་བཾ་ཧཱུཾ་ཀཱི་ལ་ཡ་ཛཿཧཱུཾ་བཾ་ཧོཿ། ཨ་ལ་ལ་ཧོ་ཞེས་གསོལ་པས། བཅོམ་ལྡན་འདས་ཀྱིས་དྲག་པོ་ཆེན་པོའི་ཏིང་ངེ་འཛིན་གྱིས་སྲིད་པ་ཐམས་ཅད་རྡོ་རྗེར་གྲུབ་པར་མཛད་དེ། འབར་བའི་ཁྲོ་བོ་ཤ་སྟག་པས། གཏུམ་པ་དང་། རྔམ་པ་དང་། བརྟུལ་ཞུགས་ཀྱིས་གདུག་པའི་ཚོགས་རྣམས་དབང་དུ་བསྡུ་བ་དང་། ཚར་བཅད་ནས་སླར་ཆོས་ཀྱི་དབྱིངས་སུ་བསྡུ་བར་མཛད་དོ། །རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཐུགས་ཀྱི་སྲས་མཆོག་བཛྲ་ཀཱི་ལ་ཡས། བཅོམ་ལྡན་འདས་ལ་མཆོད་ཅིང་བསྟོད་ ― DNG022_Page_0358 ―
[མ་དཔེ་གཟིགས་ན་འདིར་གནོན།]
ནས། འདི་སྐད་ཅེས་གསོལ་ཏོ། །ཨེ་མ་ཧོ་བཅོམ་ལྡན་དཔལ་ཆེན་གྱིས། །གདམས་ངག་གསང་བའི་རྒྱུད་ཆེན་པོ། །མ་འོངས་པ་ཡི་དོན་ཆེད་དུ། །འཁོར་རྣམས་ལ་ནི་བཤད་དུ་གསོལ། །ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་བཛྲ་ཀཱི་ལ་ཡ། །སྙིང་རྗེས་བསྒྲལ་བའི་དམ་ཚིག་སྟེ། །བསད་ཅིང་མནན་པ་མ་ཡིན་ཏེ། །རྣམ་ཤེས་གནས་སུ་དག་ཕྱིར་བཤད། །ཅེས་གསུངས་སོ། །དེ་ནས་ཡང་བཀའ་སྩལ་པ། རྒྱུད་འདི་དམིགས་པའི་ཡུལ་དང་ནི། །སྒྲུབ་པའི་ཐབས་ཀྱི་རིམ་པ་དང་། །གྲུབ་པའི་འབྲས་བུ་དག་དང་གསུམ། །མན་ངག་བདག་གིས་བཤད་ཀྱི་ཉོན། །ཞེས་གསུངས་སོ། །རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས། གླེང་བསླང་བའི་ལེའུ་སྟེ་གཉིས་པའོ།། །།དེ་ནས་ཐུགས་ཀྱི་སྲས་མཆོག་དེས། །དེ་ཡི་དོན་ཉིད་ཡང་དག་ཞུས། །བཅོམ་ལྡན་འདས་ཀྱིས་བཀའ་སྩལ་པ། །རང་བཞིན་མ་བཅོས་གནས་པ་དེ། །མ་རྟོགས་གདུལ་བྱའི་ཞིང་དུ་དམིགས། །སྙིང་རྗེས་དམིགས་པར་བྱ་བ་ཡིན། །བསྒྲུབ་པར་བྱ་བའི་ཐབས་ལ་ཡང་། །གཞི་དང་དོན་གྱི་ཁོག་ཉིད་དང་། །སྲོག་དང་ཡེ་ཤེས་དབང་དང་ནི། །སྤྱན་འདྲེན་མཆོད་བསྙན་དངོས་གྲུབ་བླང་། །མཇུག་སྡུད་ལས་ཀྱི་ཁ་བསྐང་བའོ། །གྲུབ་པའི་འབྲས་བུ་ཆོས་སྐུ་དང་། །གཟུགས་སྐུ་རྒྱུན་གྱི་ཏིང་ངེ་འཛིན། །གཞི་ནི་ཕུན་སུམ་ཚོགས་པ་སྟེ། །བདག་ཉིད་གནས་དང་རྫས་དུས་ཏེ། །འཁོར་རྣམས་ཕུན་སུམ་ཚོགས་པའོ། །དཀྱིལ་འཁོར་རྣམ་པ་གསུམ་དག་ལས། །སྔོན་འགྲོའི་ལས་རྣམས་བྱ་བ་དང་། །དངོས་ལ་རྟེན་དང་བརྟེན་ནས་ཏེ། །འབྱུང་བ་ལྔ་དང་གཞལ་ཡས་ཁང་། །བདག་ཉིད་རྩ་བའི་ཕྱོགས་བཅུའི་ཁྲོ། །ཕུར་པ་རྫས་ཀྱི་དཀྱིལ་འཁོར་རོ། །ཁམས་གསུམ་སྲོག་ལ་དབང་བསྐུར་དང་། །དེ་ཡི་སྲོག་ཀྱང་ཡེ་ཤེས་ཏེ། །བདག་གིས་དཀྱིལ་འཁོར་གཉིས་ལ་བསྐུར། །དེ་ཡིས་འགྲོ་དྲུག་དག་ལའོ། །དུས་གསུམ་སངས་རྒྱས་ཐམས་ཅད་ཀྱིས། ། ― DNG022_Page_0359 ―
[མ་དཔེ་གཟིགས་ན་འདིར་གནོན།]
སྐུ་གསུང་ཐུགས་སུ་དབང་བསྐུར་བའི། །སྤྱན་དྲང་མཆོད་དང་བསྙེན་པ་དང་། །དངོས་གྲུབ་བཅུད་ནི་བླང་བ་སྟེ། །ཕྱག་དང་མཆོད་པ་གཏོར་མ་དང་། །བདུད་རྩི་རཀྟ་སྦྱོར་སྒྲོལ་ལོ། །ཚོགས་དང་ལྷག་མའི་ཆོ་ག་བརྒྱད། །བསྙེན་པ་ལྷ་དང་དམ་ཅན་དང་། །ངན་སྔགས་ཉེ་བར་བསྙེན་པའོ། །དངོས་གྲུབ་ཡེ་ཤེས་ལྷ་དང་ནི། །དགྲ་ལ་ཚེ་ལུང་ཁྲུས་ལུང་དང་། །སྒོ་བཞིའི་ཕུར་པ་མཚོ་བཞི་སྟེ། །ཡུམ་བརྒྱད་ལུས་ཀྱི་རྟེན་བརྒྱད་དང་། །ཁ་བཅུ་ཚོགས་བརྒྱད་ཞར་བྱུང་གཉིས། །གཉིས་ཀྱིས་དགེ་སྡིག་མ་མཉམ་གདབ། །མཚོན་གྱིས་གཏུབ་དང་ཐུན་གྱིས་བྲབ། །གནས་སྐབས་ངག་ནི་ཤས་པར་བྱ། །མནན་པ་ སྦྱིན་སྲེག་ཐུན་དང་གསུམ། །ལས་ཀྱི་མཇུག་ནི་བསྡུ་བར་བྱ། །ཞེས་གསུངས་སོ། །རྡོ་རྗེ་ཕུར་པ་གསང་བའི་རྒྱུད་ལས། གདམས་ངག་གི་ཁོག་དོན་བསྟན་པའི་ལེའུ་སྟེ་གསུམ་པའོ།། །།དེ་ནས་ཐུགས་ཀྱི་སྲས་མཆོག་དེས། །དཀྱིལ་འཁོར་རྣམ་གསུམ་རིམ་པར་ཞུས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པ་ཤར། །སྙིང་གི་གོ་རུ་བསྒོམ་པར་བྱ། །ཧཱུཾ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། བཛྲ་ཨེ་ཡཾ། ར་སུཾ་ཀེཾ་རཾ་བྷྲཱུཾ། བྷྲཱུཾ་བི་ཤྭ་བི་ཤུདྡྷེ་ཛྙཱ་ན་ཙཀྲ་མཎྜལ་ཨེ་བྷྲཱུཾ། ཛཿཧཱུཾ་བཾ་ཧོཿ། ཧཱུཾ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཧཱུཾ་རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་བུའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །ཧཱུཾ་ཧཱུཾ། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུཾ། བྷནྡྷ་བྷནྡྷ་ཧཱུཾ་ཕཊ། ཨོཾ་བཛྲ་ ― DNG022_Page_0360 ―
[མ་དཔེ་གཟིགས་ན་འདིར་གནོན།]
ཀྲོ་ཏ་ཧ་ཡ་གྲཱི་བ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཙྪིནྡ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ། བྷིནྡྷ་བྷིནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། ཛཿཧཱུཾ་བཾ་ཧོཿ། བྷིནྡྷ་ཡ་བིང་བིང་ཧཱུཾ་ཕཊ། ན་མཿས་མནྟ་ཧྲིང་ཧྲིང་ཧཱུཾ་ཕཊ། སུ་རུ་སུ་རུ་པྲ་སུ་རུ་ཧཱུཾ་ཕཊ། མཱ་ར་ཡ་མཱ་ར་ཡ་ཧཱུཾ་ཕཊ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །ཧཱུཾ་ས་མ་ཡ་ཏིཥྛ་ལྷན། ཨོཾ་བུཌྜྷ་ཀཱི་ལི་ཀཱི་ལ་ཡ་བཛྲ། ཛྭ་ལ་ཛྭ་ལ་པྲ་ཛྭ་ལ་སརྦ་ན་པ་ན་པ་ཡ་ཧཱུཾ་ཕཊ། ཨོཾ་པདྨ་ཀཱི་ལི་ཀཱི་ལ་ཡ་བཱཀ་བཛྲཱ་ནཱན། སརྦ་དུཥྚཱན་ཧྲི་ཤོ་དྷ་ཡ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ཙིཏྟ་བཛྲཱ་ནཱན། ཙིཏྟ་ཙིཏྟ་ཧཱུཾ་ཕཊ། བེ་ཏ་ལཱི་ས་མན་ཏ་ལ་རཀྵ་ཧཱུཾ་ཕཊ། མ་གུ་ཏ་ལ་པྲ་ཏ་ལ་ཏ་ལ་ནི་ཧཱུཾ་ཕཊ། མ་ཧཱ་རཀྟ་ཛྭ་ལ་ནི་ཧཱུཾ་ཕཊ། རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས། དཀྱིལ་འཁོར་རྣམ་གསུམ་བསྐྱེད་པའི་ལེའུ་སྟེ་བཞི་པའོ།། །།དེ་ནས་ཐུགས་ཀྱི་སྲས་མཆོག་དེས། །སྲོག་དང་ཡེ་ཤེས་དབང་བསྐུར་ཞུས། །བཅོམ་ལྡན་འདས་ཀྱིས་བཀའ་སྩལ་པ། །ཐབས་ཀྱིས་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པ། །དབང་དང་བྱིན་རླབ་འདིར་གསོལ་ཅིག །ཧཱུཾ་སྥ་ར་ཎ་ཧཱུཾ་ཕཊ། ཧཱུཾ་སཾ་ཧ་ར་ཎ་ཧཱུཾ། ཨ་ནྀ་སུ་ཏྲི་པྲེ་དུ། སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཨོཾ་སྥ་ར་ཎ་ཕཊ། ཨ་སཾ་ཧ་ར་ཎ་ཧཱུཾ། ཨཱཿསྥ་ར་ཎ་ཕཊ། སཾ་ཧ་ར་ཎ་ཧཱུཾ། ཧཱུཾ་སྥ་ར་ཎ་ཕཊ། སཾ་ཧ་ར་ཎ་ ཧཱུཾ། ཞེས་གསུངས་སོ། །རྡོ་རྗེ་ཕུར་པ་གསང་བ་མན་ངག་གི་རྒྱུད་ལས། ཁམས་གསུམ་སྲོག་ལ་དབང་བསྐུར་བ་དང་། སྲོག་ཡེ་ཤེས་སུ་དབང་བསྐུར་བའི་ལེའུ་སྟེ་ལྔ་པའོ།། །།དེ་ནས་ཐུགས་ཀྱི་སྲས་མཆོག་བཛྲ་ཀཱི་ལ་ཡས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྤྱན་དྲང་མཆོད་པའི་རིམ་པ་ ― DNG022_Page_0361 ―
[མ་དཔེ་གཟིགས་ན་འདིར་གནོན།]
སོགས། །བདེ་བར་གཤེགས་པས་བཤད་དུ་གསོལ། །ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩལ་དུ་གསོལ། །ཛཿཧཱུཾ་བཾ་ཧོཿ། ཨ་ཏི་པུ་ཧོ། པྲ་ཏཱི་ཙྪ་ཧོ། ཨོཾ་བཛྲ་ཀཱི་ལི་ཀཱི་ལ་ཡ་པཱུ་ཛ་མེགྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། པུཥ྇། དྷཱུ་པེ། ཨཱ་ལོ་ཀེ། གྷནྡྷེ། དམ་ཚིག་ཆེན་པོའི་དུས་ལ་བབ། །བ་ལིཾ་གཏོར་མ་བཞེས་སུ་གསོལ། །སྤྲུལ་པ་ཆེན་པོའི་དུས་ལ་བབ། །བ་ལིཾ་གཏོར་མ་བཞེས་སུ་གསོལ། །ཕྱག་བརྙན་ཆེན་པོའི་དུས་ལ་བབ། །བ་ལིཾ་གཏོར་མ་བཞེས་སུ་གསོལ། །ཤྭ་ན་མུ་ཁའི་དུས་ལ་བབ། །བ་ལིཾ་གཏོར་མ་བཞེས་སུ་གསོལ། །ས་བདག་ཆེན་མོའི་དུས་ལ་བབ། །བ་ལིཾ་གཏོར་མ་བཞེས་སུ་གསོལ། །བདག་ཉིད་ཆེན་མོའི་དུས་ལ་བབ། །བ་ལིཾ་གཏོར་མ་བཞེས་སུ་གསོལ། །ཁྱེད་ཀྱི་དམ་ཚིག་དུས་ལ་བབ། །བ་ལིཾ་གཏོར་མ་བཞེས་སུ་གསོལ། །མཐུ་རྩལ་འབྱུང་བའི་དུས་ལ་བབ། །བ་ལིཾ་གཏོར་མ་བཞེས་སུ་གསོལ། །དམ་ཚིག་ཆེན་པོའི་དུས་ལ་བབ། །བདུད་རྩི་སྨན་གྱི་མཆོད་པ་བཞེས། །སྤྲུལ་པ་ཆེན་པོའི་དུས་ལ་བབ། །བདུད་རྩི་སྨན་གྱི་མཆོད་པ་བཞེས། །ཕྱག་བརྙན་ཆེན་པོའི་དུས་ལ་བབ། །བདུད་རྩི་སྨན་གྱི་མཆོད་པ་བཞེས། །ཤྭ་ན་མུ་ཁའི་དུས་ལ་བབ། །བདུད་རྩི་སྨན་གྱི་མཆོད་པ་བཞེས། །ས་བདག་ཆེན་མོའི་དུས་ལ་བབ། །བདུད་རྩི་སྨན་གྱི་མཆོད་པ་བཞེས། །བདག་ཉིད་ཆེན་མོའི་དུས་ལ་བབ། །བདུད་རྩི་སྨན་གྱི་མཆོད་པ་བཞེས། །ཁྱེད་ཀྱི་དམ་ཚིག་དུས་ལ་བབ། །བདུད་རྩི་སྨན་གྱི་མཆོད་པ་བཞེས། །མཐུ་རྩལ་འབྱུང་བའི་དུས་ལ་བབ། །བདུད་རྩི་སྨན་གྱི་མཆོད་པ་བཞེས། །དངོས་གྲུབ་བར་ཆོད་བྱེད་པའི་བགེགས། །དངོས་གྲུབ་བར་ཆོད་བྱེད་པའི་དགྲ། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ ― DNG022_Page_0362 ―
[མ་དཔེ་གཟིགས་ན་འདིར་གནོན།]
ཆིངས། །རྟོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་པས་ན། །བསྒོ་བའི་བཀའ་འདི་ཉན་པར་གྱིས། །མ་ཧཱ་རཀྟ་ཁཱ་ཧི། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །མ་ཧཱ་རཀྟ་ཁཱ་ཧི། གདུག་ཅིང་སྡང་སེམས་ལྡན་པ་རྣམས། །ལྷ་འམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མ་ཧཱ་རཀྟ་ཁཱ་ཧི། ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བསྒྲལ་བར་བྱའོ། །ཁ་ཐམ། ཁ་ཐམ། དམ་ཚིག་ཆེན་པོའི་དུས་ལ་བབ། །ཚོགས་ཀྱི་མཆོད་པ་བཞེས་སུ་གསོལ། །སྤྲུལ་པ་ཆེན་པོའི་དུས་ལ་བབ། །ཚོགས་ཀྱི་མཆོད་པ་བཞེས་སུ་གསོལ། །ཕྱག་བརྙན་ཆེན་པོའི་དུས་ལ་བབ། །ཚོགས་ཀྱི་མཆོད་པ་བཞེས་སུ་གསོལ། །ཤྭ་ན་མུ་ཁའི་དུས་ལ་བབ། །ཚོགས་ཀྱི་མཆོད་པ་བཞེས་སུ་གསོལ། །ས་བདག་ཆེན་མོའི་དུས་ལ་བབ། །ཚོགས་ཀྱི་མཆོད་པ་བཞེས་སུ་གསོལ། །བདག་ཉིད་ཆེན་མོའི་དུས་ལ་བབ། །ཚོགས་ཀྱི་མཆོད་པ་བཞེས་སུ་གསོལ། །ཁྱེད་ཀྱི་དམ་ཚིག་དུས་ལ་བབ། །ཚོགས་ཀྱི་མཆོད་པ་བཞེས་སུ་གསོལ། །མཐུ་རྩལ་འབྱུང་བའི་དུས་ལ་བབ། །ཚོགས་ཀྱི་མཆོད་པ་བཞེས་སུ་གསོལ། །ཤྭ་ན་མུ་ཁའི་དུས་ལ་བབ། །ལྷག་མའི་གཏོར་མ་བཞེས་སུ་གསོལ། །བཀའ་ཡི་གཏོར་མ་འདི་བཞེས་ལ། །རྣལ་འབྱོར་བར་ཆད་བསྲུང་དུ་གསོལ། །ས་བདག་ཆེན་མོའི་དུས་ལ་བབ། །ལྷག་མའི་གཏོར་མ་བཞེས་སུ་གསོལ། །བཀའ་ཡི་གཏོར་མ་འདི་བཞེས་ལ། །རྣལ་འབྱོར་བར་ཆད་བསྲུང་དུ་གསོལ། །བདག་ཉིད་ཆེན་མོའི་དུས་ལ་བབ། །ལྷག་མའི་གཏོར་མ་བཞེས་སུ་གསོལ། །བཀའ་ཡི་གཏོར་མ་ ― DNG022_Page_0363 ―
[མ་དཔེ་གཟིགས་ན་འདིར་གནོན།]
འདི་བཞེས་ལ། །རྣལ་འབྱོར་བར་ཆད་བསྲུང་དུ་གསོལ། །ཞེས་གསུངས་སོ། །རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས། སྤྱན་དྲངས་ཤིང་མཆོད་པའི་ལེའུ་སྟེ་དྲུག་པའོ།། །།དེ་ནས་ཐུགས་ཀྱི་སྲས་མཆོག་དེས། །བསྙེན་པའི་དོན་རྣམས་ཞུས་པ་ལས། །བཅོམ་ལྡན་འདས་ཀྱིས་བཀའ་སྩལ་པ། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷ་ནཱན་བཾ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། ཀ་ཏཾ་ཀ་ཡེ་ཛ་ཡེ་བི་ཛ་ཡེ། ཨ་ཙི་ཏེ་ཨ་པ་ར་ཙི་ཏེ་མ་ར་ས་ན་པྲ་མརྔྷ་ན་ཡ་ཧཱུཾ་ཕཊ། ཧ་ས་ཡ་ར་ཧྀ་ད་ཡ་ན་ཧཱུཾ་ཕཊ། ཨཱ་བེ་ཤ་ཡ། ཨཱ་བེ་ཤ་ཡ་ཧཱུཾ་ཕཊ། ཤི་ཀྲིན་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། བིནྡྷ་ཡ་བིནྡྷ་ཡ་ཧཱུཾ་ཕཊ། རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །ཅེས་གསུངས་སོ། །རྡོ་རྗེ་ཕུར་པ་གསང་བ་མན་ངག་གི་རྒྱུད་ལས། བསྙེན་པ་རྣམ་པ་གསུམ་བསྟན་པའི་ལེའུ་སྟེ་བདུན་པའོ།། །།དེ་ནས་ཐུགས་ཀྱི་སྲས་མཆོག་དེས། །སྒྲུབ་པ་ཆེན་པོའི་དུས་རྣམས་ཞུས། །བཅོམ་ལྡན་འདས་ཀྱིས་བཀའ་སྩལ་པ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་འབྱུང་བའི་དུས་ལ་བབ། །བདག་ཅག་རྣལ་འབྱོར་སྒྲུབ་པ་པོ། །བྱང་ཆུབ་མཆོག་ཏུ་སེམས་བསྐྱེད་ནས། །དུས་གསུམ་རྒྱལ་བའི་གདུང་གསོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབ་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་ ― DNG022_Page_0364 ―
[མ་དཔེ་གཟིགས་ན་འདིར་གནོན།]
རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨོཾ་ལཾ་ཧཱུཾ་ཡཾ་སྟཾ་བྷ་ཡ་ནན། མོ་ཧ་གྷ་ཡ་བྷ་ག་བཱན་ཤྲི་ཀྲི་བི་ཀྲི། བཛྲ་ཧཱུཾ་ཀཱ་ར་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོཿ། སརྦ་བིགྷྣཱན། བཛྲ་ཀཱི་ལ་ཡ་ཧཱུཾ་ཕཊ། བཛྲ་ཧཱུཾ་ཀཱ་ར་ཨ་ཨ། ཨཱ་ཝེ་ཤ་ཡ་ཨ་ཨ། ཞེས་གསུངས་སོ། །རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས། ཚེ་ལུང་ཁྲུས་ལུང་གི་དགོངས་པ་ཕུལ་ཏུ་ཕྱུང་སྟེ་གདབ་པའི་ལེའུ་སྟེ་བརྒྱད་པའོ།། །།དེ་ནས་ཐུགས་ཀྱི་སྲས་མཆོག་དེས། །ཕྲིན་ལས་རྣམ་བཞིའི་དོན་རྣམས་ཞུས། །བཅོམ་ལྡན་འདས་ཀྱིས་བཀའ་སྩལ་པ། །ཤར་ནས་ཞི་བའི་ཕྲིན་ལས་མཛད། །སྐྱེ་ཀའི་མགོ་ཅན་དུས་ལ་བབ། །དགྲ་བགེགས་ཀུན་གྱི་རུས་པའི་མཚོ། །ཀླད་པའི་རྒྱས་སུ་ཀཱི་ལ་ཡ། །ཨོཾ་བཛྲ་ཀཱི་ལི་ཀཱི་ལ་ཡ་བྷིནྡྷ་ཡ་བིང་བིང་ཧཱུཾ་ཧཱུཾ་ཕཊ། ལྷོ་ནས་རྒྱས་པའི་ཕྲིན་ལས་མཛད། །སྲིན་བྱའི་མགོ་ཅན་དུས་ལ་བབ། །དགྲ་བགེགས་ཀུན་གྱི་དབུགས་ཀྱི་མཚོ། །གློ་བའི་དཀྱིལ་དུ་ཀཱི་ལ་ཡ། །ཨོཾ་བཛྲ་ཀཱི་ལི་ཀཱི་ལ་ན་མཿས་མནྟ་ཧྲིཾ་ཧྲིཾ་ཧཱུཾ་ཧཱུཾ་ཕཊ། ནུབ་ནས་དབང་གི་ཕྲིན་ལས་མཛད། །ཁྲ་ཡི་མགོ་ཅན་དུས་ལ་བབ། །དགྲ་བགེགས་ཀུན་གྱི་ཁྲག་གི་མཚོ། །མཆིན་པའི་དཀྱིལ་དུ་ཀཱི་ལ་ཡ། །ཨོཾ་བཛྲ་ཀཱི་ལི་ཀཱི་ལ་ཡ། སུ་རུ་སུ་རུ་པྲ་སུ་རུ་ཧཱུཾ་ཕཊ། བྱང་ནས་དྲག་པོའི་ཕྲིན་ལས་མཛད། །པུ་ཤུད་མགོ་ཅན་དུས་ལ་བབ། །དགྲ་བགེགས་ཀུན་གྱི་ཤ་ཡི་མཚོ། །མཁལ་མ་གཉིས་ལ་མཱ་ར་ཡ། །ཨོཾ་བཛྲ་ཀཱི་ལི་ཀཱི་ལ་ཡ། མཱ་ར་ཡ་མཱ་ར་ཡ་ཧཱུཾ་ཕཊ། རྡོ་རྗེ་ཕུར་པ་རྩ་བ་མན་ངག་གི་རྒྱུད་ལས། ཕྲིན་ལས་ རྣམ་བཞིའི་ཕུར་པའི་ལེའུ་སྟེ་དགུ་པའོ།། །། དེ་ནས་ཐུགས་ཀྱི་སྲས་མཆོག་དེས། །ལུས་ཀྱི་རྟེན་ལ་གདབ་པ་ཞུས། །བཅོམ་ལྡན་འདས་ཀྱིས་བཀའ་སྩལ་པ། །དངོས་གྲུབ་བར་ཆོད་བྱེད་པའི་བགེགས། །དངོས་གྲུབ་ ― DNG022_Page_0365 ―
[མ་དཔེ་གཟིགས་ན་འདིར་གནོན།]
བར་ཆད་བྱེད་པའི་དགྲ། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །རྟོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་བྱོས། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་འདི་ཉན་པར་གྱིས། །ཧཱུཾ་པ་ར་བིད་ཏན། ཚིནྡྷ་ཚིནྡྷ་ཧཱུཾ་ཕཊ། བྷིནྡྷ་བྷིནྡྷ་ཧཱུཾ་ཕཊ། གྲྀ་ཧྣ་གྲྀ་ཧྣ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བྷནྡྷ་བྷནྡྷ་ཧཱུཾ་ཕཊ། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། ཁྲོ་མོ་བརྒྱད་ཀྱིས་གདབ་པའི་ལེའུ་སྟེ་བཅུ་པའོ།། །། དེ་ནས་ཐུགས་ཀྱི་སྲས་མཆོག་དེས། །ཚོགས་བརྒྱད་དག་ལ་གདབ་པ་ཞུས། །བཅོམ་ལྡན་འདས་ཀྱིས་བཀའ་སྩལ་པ། །བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཅི་བཞིན་དམ་བཅས་པས། །མངོན་སྤྱོད་ཕྲིན་ལས་མྱུར་བར་མཛོད། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏང་ཀ་ཡེ་ཛ་ཡེ་བི་ཛ་ཡེ། ཨ་ཙི་ཏེ་ཨ་པ་རཱ་ཙི་ཏེ། མ་ར་སེ་ན་པྲ་མརྔྷ་ན་ཡེ་ཧཱུཾ་ཕཊ། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། ཁྲོ་བོ་བཅུའི་ཕུར་པ་གདབ་པའི་ལེའུ་སྟེ་བཅུ་གཅིག་པའོ།། །། དེ་ནས་ཐུགས་ཀྱི་སྲས་མཆོག་དེས། །དགེ་སྡིག་མ་སྙོམ་གདབ་པ་ཞུས། །བཅོམ་ལྡན་འདས་ཀྱིས་བཀའ་སྩལ་པ། །གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། སརྦ་ཨཱ་ན་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཅེས་གསུངས་སོ། །རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། ཡུམ་གྱིས་གདབ་པའི་རིམ་པའི་ལེའུ་སྟེ་བཅུ་ ― DNG022_Page_0366 ―
[མ་དཔེ་གཟིགས་ན་འདིར་གནོན།]
གཉིས་པའོ།། །།དེ་ནས་ཐུགས་ཀྱི་སྲས་མཆོག་དེས། །ཐུན་གྱིས་བྲབ་པའི་ལས་རྣམས་ཞུས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་ བཀའ་ལས་འདའ་མ་བྱེད། །ཧཱུཾ་མ་མ་པ་ཤཾ་ཀུ་རུ་མ་ཏང་ཉ་ཀ་ར་ཨི་ནན་དྷ་ཏི་མ་མ་ཀརྨ་ཤྲི་ཀྲང་ཀ་ར་ཡེ་ཧཱུཾ་ཕཊ། ཨོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾ་གརྫ་གརྫ་ཧཱུཾ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨཱརྱ་ཨ་ཙ་ལི་ཧཱུཾ། བྷནྡྷ་བྷནྡྷ་ཧཱུཾ་ཕཊ། ཨོཾ་བཛྲ་ཀྲོ་ཏ་ཧ་ཡ་གྲཱི་བ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཙྪིནྡ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། བྷིནྡྷ་བྷིནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། ཐུན་གྱི་ལེའུ་སྟེ་བཅུ་གསུམ་པའོ།། །།དེ་ནས་ཐུགས་ཀྱི་སྲས་མཆོག་དེས། །མན་ངག་གབ་པའི་དོན་ཞུས་པས། །བཅོམ་ལྡན་འདས་ཀྱིས་བཀའ་སྩལ་པ། །ད་ལྟར་དེ་ལྔ་དག་ལ་ཡང་། །དང་པོ་ལྷ་དང་དབྲལ་བ་དང་། །གཉིས་དང་གསུམ་དང་བཞི་རྣམས་ནི། །ཀུན་གྱི་མགོ་ལ་གདགས་པར་བྱ། །ལྔ་པ་རྡུལ་དུ་བརླག་པ་དང་། །མཚོན་གྱིས་གཏུབ་དང་ཐུན་གྱིས་བྲབ། །ཀུན་གྱིས་ཁོང་ཁྲག་གདགས་པར་བྱ། །མཇུག་ཏུ་ཞལ་དུ་གདབ་བྱ་བ། །བདག་ཉིད་ཆེན་པོའི་དུས་ལ་བབ། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་ནི་ཉན་པར་གྱིས། །བིནྡྷ་ཡ་བིནྡྷ་ཡ་ཧཱུཾ་ཕཊ། བཛྲ་ཡཀྵ་ཀྲོ་དྷ་ཁཱ་ཧི་ཧ་ཧ། ཆོས་ཉིད་ ― DNG022_Page_0367 ―
[མ་དཔེ་གཟིགས་ན་འདིར་གནོན།]
ཀྱི་བདེན་པའོ། །ཆོས་ཉིད་ཀྱི་བྱིན་གྱིས་བརླབས་སོ། །གསང་སྔགས་ཀྱི་མཐུའོ། །ཨ་བྷི་ཙཱརྱའི་དུས་ལ་བབ་པ་རྣམས་ཀྱིས་བརྣག་པའོ། །ཨོཾ་བཛྲ་ཀཱི་ལི་ཀཱི་ལ་ཡ་ཉི་ཤུ་རྩ་གཅིག་བཟླས་སོ། །ཧཱུཾ་ཧཱུཾ་ཞེས་པ་ཉི་ཤུ་རྩ་གཅིག་བཟླ་བར་བྱའོ། །དཀར་ནག་གི་མཚམས་སུའོ། །ཀཱི་ལི་ཀཱི་ལ་ཡ་ཞེས་བརྒྱ་རྩ་བརྒྱད་བཟླས་པ་བྱའོ། །དཀར་ནག་གི་མཚམས་སུའོ། །ཧཱུཾ་ཧཱུཾ་ཕཊ་ཕཊ། ཅེས་བཟླས་པ་བྱའོ། །ཞེས་གསུངས་སོ། །རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། གབ་པའི་དོན་གཏན་ལ་དབབ་པའི་ལེའུ་སྟེ་བཅུ་བཞི་པའོ།། །།དེ་ནས་ཐུགས་ཀྱི་སྲས་མཆོག་དེས། །དབང་རྣམས་བསྐུར་བའི་རིམ་པ་ཞུས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་སློབ་དཔོན་རབ་མཆོག་གིས། །བཀྲ་ཤིས་གཞུང་མཐུན་ཉམས་དགའི་གནས། །བཤགས་སྐོང་ལ་སོགས་ས་ཆོག་དང་། །དཀྱིལ་འཁོར་མཆོད་བུམ་ལ་བརྟེན་པའི། །གཞུང་བསྲང་བསྙེན་པའི་ཆོ་ག་བྱ། །སྟ་གོན་ལྷ་བསྐྱེད་ཆོག་གཞུང་བསྲང་། །གསོལ་གདབ་གནང་ཞིང་མཎྜལ་འབུལ། །སོ་ཤིང་དོར་ནས་ཆོས་བཤད་ཅིང་། །སྲུང་སྐུད་གདགས་དང་ཀུ་ཤ་རྨི་ལམ་བརྟག །དེ་ནས་ཐིག་དང་ཚོན་བྲི་ཞིང་། །རྒྱན་དང་རྫས་དགོད་ལས་གཞུང་བསྲང་། །གདོང་གཡོགས་གསོལ་གདབ་འཇུག་པར་ཞུ། །ལྷ་ལ་གསོལ་གདབ་མེ་ཏོག་དབུལ། །དྲིས་ལན་ཡོན་ཀྱང་ཁས་སུ་བླང་། །དཀྱིལ་འཁོར་བསྐོར་ལ་བགེགས་བསྐྲད་ཅིང་། །དམ་ཆུ་བླུད་ནས་དམ་ཚིག་དབོབ། །མེ་ཏོག་དོར་ལ་ལྷ་དབོག་ཅིང་། །གསང་བའི་མཚན་གདགས་དྲི་བ་བྱ། །བསྡིམ་དང་ཡེ་ཤེས་དབབ་དགྲོལ་བསྡིམ། །དབང་གི་སྟེགས་འདུག་གུས་དང་ལྡན། །དབང་བསྐུར་བ་ནི་བུམ་པ་དང་། །དབུ་རྒྱན་རྡོ་རྗེ་དྲིལ་བུ་སྟེ། །སངས་རྒྱས་ཡབ་ཡུམ་ལ་སོགས་ལྷ། །དུར་ཁྲོད་ཆས་བརྒྱད་འདོད་ཡོན་ལྔ། །ཡེ་ཤེས་དབང་བསྐུར་བྱིན་གྱིས་བརླབ། །བཀྲ་ཤིས་ ― DNG022_Page_0368 ―
[མ་དཔེ་གཟིགས་ན་འདིར་གནོན།]
བརྗོད་ཅིང་སྨོན་ལམ་གདབ། །ཡོན་དབུལ་དགེ་བའི་རྩ་བ་བསྔོ། །དབང་དང་བྱིན་བརླབ་འདིར་སྩོལ་འགྱུར། །ཞེས་གསུངས་སོ། །རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། རིན་ཆེན་དབང་གི་ཕྲེང་བའི་ལེའུ་སྟེ་བཅོ་ལྔ་པའོ།། །།དེ་ནས་ཐུགས་ཀྱི་སྲས་མཆོག་དེས། །འཛབ་དགོངས་རྒྱུན་གྱི་ཏིང་འཛིན་ཞུས། །བཅོམ་ལྡན་འདས་ཀྱིས་བཀའ་སྩལ་པ། །ཀཱི་ལ་ཡ་ཡི་བསྙེན་པ་དང་། །མཚན་མ་རྟགས་ཀྱི་བསྙེན་པ་སྟེ། །བསྐྱེད་དང་རྫོགས་པའི་རིམ་གཉིས་ལས། །རྫོགས་པའི་རིམ་པ་རྣམ་བཞིའི་དོན། །རྨུགས་ན་ཆོས་ཉིད་ཨ་དཀར་ལ། །གཏད་ལ་རང་སེམས་བཟུང་བས་བཟླས། །དེས་ནི་ཏིང་འཛིན་ཟིན་པར་འགྱུར། །རྒོད་ན་སྐྱེ་མེད་བདེ་བ་ཆེ། །དབུགས་དང་ཤེས་པ་ཡིག་འབྲུར་འགྲོགས། །ཕར་འཕྲོས་ཡུལ་སྟོངས་འདུས་པ་བདེ། །འཕྲ་ན་བདེ་ཆེན་བསྐོར་ལྡོག་ཅིང་། །བྱ་འཕུར་མཁའ་ལ་བདེ་བ་ལྟར། །ཚུར་བསྡིམས་བསྐོར་ཞིང་ལྡོག་སྟེ་བཟླས། །ཕྱེད་ན་ཁྲོ་བོའི་བཟླས་པ་ནི། །ཏིང་ངེ་འཛིན་དང་ལྡན་པས་བཟླས། །མཚན་མ་ཅན་གྱི་བཟླས་པ་ནི། །མགལ་མེ་གླད་ལ་བསྐོར་བ་བཞིན། །གསེར་གྱི་བ་ཐག་གཟིངས་པ་དང་། །བུང་ཚང་བཤིག་པ་ཇི་བཞིན་དུ། །མགར་གྱི་ཚྭ་ཚྭ་གདབ་པ་ལྟར། །ཡང་ན་དབྱངས་དང་ཕྲིན་ལས་དང་། །ཆོས་ཉིད་ནུས་པ་ལྡན་པར་བྱ། །ཞེས་གསུངས་སོ། །རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། འཛབ་ཀྱི་དགོངས་པའི་ལེའུ་སྟེ་བཅུ་དྲུག་པའོ།། །།དེ་ནས་ཐུགས་ཀྱི་སྲས་མཆོག་དེས། །མནན་བསྲེག་འཕང་བའི་དོན་རྣམས་ཞུས། །བཅོམ་ལྡན་འདས་ཀྱིས་བཀའ་སྩལ་པ། །སྦྱིན་སྲེག་ཐབ་ཁུང་གྲུ་གསུམ་དུ། །ཚེར་མ་ཅན་གྱི་ཤིང་རྣམས་བཙེར། །མཆོད་པའི་རྫས་དང་སྲེག་པའི་རྫས། །གཏོར་མ་དག་དང་ལིངྒར་བཅས། །དྲག་པོའི་ཆ་ལུགས་རྫོགས་བྱས་ཏེ། །མཚམས་གཅོད་དགུག་གཞུག་བསྡིམ་ནས་ནི། །ཧོམ་ཁུང་མཐིང་ནག་གཞལ་ཡས་སུ། །མེ་ལྷ་དམར་སེར་ཕུར་པ་ ― DNG022_Page_0369 ―
[མ་དཔེ་གཟིགས་ན་འདིར་གནོན།]
འཛིན། །དགུག་ཅིང་མཆོད་དང་བསྟོད་བྱས་ལ། །ལྟོ་བར་རྩིབས་བརྒྱད་གཞལ་ཡས་ཁང་། །ལྷ་ཚོགས་བསྐྱེད་པའི་ཆོ་ག་གཞུང་། །སྤྱན་དྲང་མཆོད་དང་སྲེག་རྫས་དབུལ། །གཤེགས་ཤིང་མཇུག་གི་ལས་རྣམས་བྱ། །སྦྱིན་སྲེག་དག་གི་རིམ་པའོ། །མནན་པའི་འཁོར་ལོ་བཅས་ནས་ནི། །ཏིང་འཛིན་ཆོ་ག་གོང་ལྟར་ཏེ། །ལྷ་རྣམས་ཀུན་ཀྱང་རྟ་མགྲིན་བསྒྱུར། །ཨོཾ་བཛྲ་ཀྲཱི་ལི་ཀཱི་ལ་ཡ་ཧ་ཡ་གྲཱི་ཝ་ཧུ་ལུ་ཧུ་ལུ་སརྦ་བིགྷྣཱན་བཾ་ཧཱུཾ་ཕཊ། འོད་འཕྲོས་བསམ་གྱིས་མི་ཁྱབ་པས། །དགུག་དང་བསྡིམ་སྟེ་བཅིང་བྱས་ནས། །མཚན་ངན་ཐོད་པར་བཅུག་ལ་བཏབ། །ཐུན་སྔགས་བྲབ་སྟེ་མནན་བྱས་ལ། །རིམ་པར་གཡོགས་ཏེ་སྔགས་ཀྱིས་མནན། །འཕང་བ་ཐུན་གྱི་ལས་རྣམས་ནི། །རྫས་དང་སྔགས་དང་ཏིང་ངེ་འཛིན། །དེ་ལྡན་པས་ནི་བྱ་བར་བཤད། །གཞན་ཡང་ནཱ་ག་ཀླུ་འདུལ་དང་། །ཚེ་དང་བྱིན་རླབ་ལ་སོགས་པ། །ཀུན་ཀྱང་འདི་ཡིས་འགྲུབ་པར་བྱེད། །ཅེས་གསུངས་སོ། །རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། ལས་ཀྱི་མཇུག་བསྡུ་བའི་ལེའུ་སྟེ་བཅུ་བདུན་པའོ།། །།དེ་ནས་འདུས་པའི་ཚོགས་ཀྱིས་ཀྱང་། །བཅོམ་ལྡན་འདས་ལ་རབ་བསྟོད་པ། །ཨེ་མ་ཧོ། ཆོས་ཀྱི་དབྱིངས་ལས་འབར་བའི་སྐུར་སྣང་ཞིང་། །སངས་རྒྱས་ཀུན་དང་ཡེ་ཤེས་རྫོགས་པའི་སྐུ། །རྒྱལ་བའི་སྤྲུལ་སྐུ་ཕྲིན་ལས་རྫོགས་མཛད་ཅིང་། །དཔའ་སྒེག་འཇིགས་པའི་སྐུ་ལ་ཕྱག་འཚལ་འདུད། །ཅེས་བསྟོད་དོ། །བཅོམ་ལྡན་འདས་ཀྱིས་སྡུད་པ་པོ་ལ་བཀའ་སྩལ་པ། ཉོན་ཅིག་ཟུང་ཞིག་ཀཱི་ལ་ཡ། །སྙིང་པོ་བསྡུས་པ་མན་ངག་རྒྱུད། །རྡོ་རྗེ་ཕུར་པ་གསང་བའི་དོན། །ཁྱོད་ཉིད་ལ་ནི་གཏད་པར་བྱའོ། །ཞེས་གསུངས་སོ། །རྡོ་རྗེ་ཕུར་པ་གསང་བ་མན་ངག་གི་རྒྱུད་ལས། སྟོན་པ་ལ་བསྟོད་པ་དང་། སྡུད་པ་པོ་ལ་གཏད་པའི་ལེའུ་སྟེ་བཅོ་ བརྒྱད་པའོ།། །།རྡོ་རྗེ་ཕུར་པ་རྩ་བ་མན་ངག་གི་རྒྱུད་གདམས་ངག་གི་བཅུད་སྟོན་པར་བྱེད་པ་རྫོགས་སོ།། །། ཕུར་བུ་བཅུ་གཉིས་འབྱུང་བའི་རྒྱུད་ཆེན་པོ་བསྟན་པ།― DNG022_Page_0370 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཀཱི་ལ་ཡ་དྷ་ཤ་དྭ་ཡ་ཏནྟྲ་མ་ཧཱ་ཡ་ན། བོད་སྐད་དུ། ཕུར་བུ་བཅུ་གཉིས་འབྱུང་བའི་རྒྱུད་ཆེན་པོ་བསྟན་པའོ། །བཅོམ་ལྡན་འདས་འཇིགས་བྱེད་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཁྲོ་བོ་འཇིགས་བྱེད་ཀྱི་རྒྱལ་པོ། བཛྲ་ཀཱི་ལ་ཡ་དྲག་པོ་མཐིང་ནག་འབར་བའི་གནས་ན་བཞུགས་ནས། གདུག་པ་ཅན་ཐམས་ཅད་འདུལ་བ། དྲེགས་པ་ཅན་ཐམས་ཅད་ཚར་བཅད་པའི་ཕྱིར། རབ་ཏུ་དྲག་པོ་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱིས་བྱིན་རླབ་ལས། ཀརྨ་ཧེ་རུ་ཀ་ཞེས་བརྗོད་པས། ཁྲོ་བོ་ཀརྨ་ཧེ་རུ་ཀ །སྐུ་ལྗང་ནག་ཤིན་ཏུ་མི་བཟད་པ་བཏོན་ནས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་འདས། ཆོས་ཐམས་ཅད་ཞི་བའི་ཏིང་ངེ་འཛིན་གྱིས་མི་འདུལ་ན། ཐུགས་རྗེ་གང་གིས་འདུལ་བའི་དུས་ལ་བབ་པར་ཤེས་པ་ལགས། གང་གིས་འདུལ་བའི་དུས་ལ་བབ་པར་གཟིགས་པ་ལགས། ཁྲོ་བོ་ཆེན་པོས་ལུང་བསྟན་དུ་གསོལ། བདེ་བར་གཤེགས་པ་ལུང་བསྟན་དུ་གསོལ། ཐབས་མཁས་པའི་བདག་ཉིད་ཅན། དེའི་དུས་ལ་བབ་པ་ལགས་སོ། །ཕྲིན་ལས་ཀྱི་མངའ་བདག་ཅེས་གསོལ་པ་དང་། དཔལ་བཛྲ་ཀཱི་ལ་ཡས་ཨེ་ཧྱེ་ཧི་ཤ་ཧཱུཾ་ཞེས་བརྗོད་པས། ནམ་མཁའི་གཏོས་ཀྱི་ཕྱོགས་རིས་མེད་པ། ཆོས་ཉིད་བདེ་བའི་རོ་བདལ་བ་བསྐྱེད་དོ། །ཡཾ་ཀརྨ་རཀྴ་ཧཱུཾ་ཞེས་བརྗོད་པས། རྡོ་རྗེ་རླུང་ནག་འཚུབས་མས་དབང་དུ་བསྡུས་ཤིང་བྱིན་གྱིས་བརླབས་ནས་རྒྱས་བཏབ་པས། ཕྲིན་ལས་ཐོགས་པ་མེད་པའི་དོན་མཛད། མ་ཧཱ་རཀྟ་ཛྭ་ལ་མཎྜ་ལ་ཞེས་བརྗོད་པས། ཁྲག་གི་རྒྱ་མཚོ་གཏིང་དཔག་མེད་པས། སྡུག་བསྔལ་དབང་དུ་བསྡུས་ནས། འབྲས་བུ་གཅིག་གི་རང་བཞིན་དུ་ཤར་བར་མཛད། །ཀེང་ནི་རི་ཛྭ་ལ་མཎྜལ་ཞེས་བརྗོད་པས་འཁོར་བ་གནས་སུ་དག་པ་དང་། ཆོ་འཕྲུལ་མངོན་པར་འདུ་མཛད་པའི་ཕྱིར། ཀེང་རུས་ཀྱི་རི་རབ་ཏུ་གྱུར། བྷན་དྷ་ཛྙཱ་ན་ཙཀྲ་ཛྭ་ལ་མཎྜལ་ཞེས་བརྗོད་པས། བྷན་དྷའི་གཞལ་ཡས་ཁང་གྲུ་གསུམ་མཐིང་ནག་རབ་ཏུ་འབར་བ་གཅིག་ཏུ་གྱུར། དེ་ནས་ཁྲོ་བོ་ཀརྨ་ཧེ་རུ་ཀས། བཅོམ་ལྡན་ ― DNG022_Page_0371 ―
[མ་དཔེ་གཟིགས་ན་འདིར་གནོན།]
འདས་ལ་འདི་སྐད་ཅེས་གསོལ་ཏོ། །ཨེ་མ་ཧོ། བཅོམ་ལྡན་འདས་ཐུགས་རྗེ་དཔྱང་ཐག་ཆད་ཅིང་ངན་སོང་འཁོར་བར་སྐྱེས་ངེས་པ་ལ། འདི་ལྟར་རྫུ་འཕྲུལ་བསྟན་པ་ངོ་མཚར་ཆེའོ། །འདི་ལྟ་བུའི་ངོ་མཚར་བསྟན་པ་ངོ་མཚར་ཆེའོ། །འདིའི་རྗེས་སུ་སྒྲུབ་པའི་རྣལ་འབྱོར་པས། གནས་ནི་གང་དང་གང་དུ་བསྟན། དམིགས་པ་ནི་གང་དང་གང་ལ་བགྱི། རྣལ་འབྱོར་རྒྱུ་དང་ལྡན་པར་བྱ། ཕུར་པའི་རྒྱུ་ནི་གང་དང་གང་ལགས། ཕུར་པ་བསྒོམ་པ་ཅི་ལྟར་སྒོམ། བྱིན་གྱིས་བརླབ་པ་ཅི་ལྟར་རླབ། བརྡེག་པའི་དུས་ཚོད་གང་ལ་བབ་པ་ལགས། དམ་ཚིག་གང་དུ་བསྟན་པ་ལགས། ལྟ་བ་ཅི་ལ་དམིགས་པ་ལགས། ཡོ་བྱད་དང་རྫས་གང་འཚལ། རྟགས་དུ་ནས་འབྱུང་། འདི་བརྩམ་པའི་དགོས་ཆེད་དང་། ཡོན་ཏན་ཅི་ཐོབ། བཅོམ་ལྡན་འདས་ཀྱིས་བཤད་ཅིང་ལུང་བསྟན་དུ་གསོལ། ཀཱི་ལ་ཡ་ཡིས་བཀའ་སྩལ་པ། །ཉོན་ཅིག་ཀརྨ་ཧེ་རུ་ཀ །ཕུར་པ་བསྒྲུབ་པའི་གནས་རྣམས་ནི། །ཡང་དག་དོན་དུ་བཤད་པར་བྱ། །དང་པོར་གཞུང་དང་ལྡན་བྱས་ནས། །དུར་ཁྲོད་གནས་དང་ཤིང་གཅིག་དྲུང་། །རྒྱ་གྲམ་ལམ་དུ་བྱ་བ་དང་། །འབྱུང་པོ་མང་པོ་གང་ཡོད་སར། །དྲག་པོའི་ལས་འདི་བྱ་བར་གྱིས། །ལས་ལ་ཕན་འདོགས་ཡོད་པ་དང་། །གྲིམས་འབྱིན་ཤུགས་ཀྱིས་ཏིང་འཛིན་ལེགས། །དེ་ལ་ཐབས་དང་རྟགས་མེད་ན། །བདག་གི་གཟུགས་ཕུང་རླག་པ་དང་། །ཚེ་དང་སྲོག་གི་བར་ཆད་འོང་། །ནགས་ཚལ་ཆེན་པོའི་ནང་ན་བ། །དེར་ནི་ལེགས་པར་དཔྱད་པ་ཡིས། །ཀླུ་ཡི་མིག་དང་འབྱུང་པོའི་སྲང་། །ས་ཡི་བགེགས་དང་མ་རུངས་པ། །ཚ་སྒོ་དམྱལ་བའི་རྒྱུ་མེད་པར། །ལས་ཀྱི་བྱ་བ་གཞུང་བརྩམས་ནས། །བཀྲ་ཤིས་དོན་གྱི་གནས་ཡིན་པས། །སྒྲུབ་ཡུན་རིང་ན་བཀྲ་ཤིས་སོ། །མེ་ཏོག་གླིང་དང་རིན་ཆེན་རི། །དཔག་བསམ་ཤིང་དང་སྐད་སྙན་བྱ། །འབྲུ་སྣ་ཚོགས་དང་གནམ་ས་ལེགས། །དབྱིབས་ལེགས་ལུང་པ་རན་པར་ནི། །བཀྲ་ཤིས་གཞུང་བསྲང་ཡུན་རིང་བས། །གནས་ཀྱི་དམ་པ་ཡིན་ཞེས་བཤད། །དྲག་པོའི་ལས་སུ་བྱ་བ་ལ། །དང་པོར་ཕུར་པ་སྒྲུབ་པའི་གནས། །ནགས་རི་ཚེར་མ་ཅན་གྱི་ཤིང་། །གཅན་གཟན་ ― DNG022_Page_0372 ―
[མ་དཔེ་གཟིགས་ན་འདིར་གནོན།]
གདུག་པ་སྣ་ཚོགས་ཡོད། །གནམ་ནི་གྲི་འདྲ་རལ་གྲིའི་ཤུལ། །ས་ནི་གྲུ་གསུམ་མེ་དཔུང་འབར། །ལེགས་ལ་དུར་ཁྲོད་གླིང་ཡོད་པ། །མཁས་པས་བརྟགས་ཏེ་བཙལ་བྱས་ན། །ད་ནི་ཕུར་པའི་སྒྲུབ་གནས་ཡིན། །ཚེར་མ་ཅན་གྱི་ཤིང་དག་དང་། །དུག་ཤིང་གདུག་པ་ཡོད་པ་དང་། །བྲག་ལ་ར་རོད་མང་བ་དང་། །གྲོག་པོ་མང་པོ་གཏིང་ཟབས་དང་། །སྟག་གི་སོ་འདྲ་སྦྲུལ་གྱི་ལྕེ། །སྡིག་པའི་རྭ་འདྲ་ཆུ་སྲིན་ཁ། །བན་གླང་སྣ་འཐབ་བྲག་ཆུའི་བར། །རྐང་གཅིག་ཤིང་དང་མ་རུངས་པ། །སྔོན་ཆད་ལྷ་མི་ཕུང་ས་དང་། །གཡུལ་བཀྱེ་བ་དང་མཚོན་འཐབ་དང་། །བསད་བཅད་པ་དང་མ་རུངས་དུས། །སྲིན་པོ་བསྒྲལ་བའི་བཅས་གཞི་དང་། །སྲོག་ཆགས་བསྒྲལ་བའི་ཁྲག་རྗེས་དང་། །གཡུལ་ངོ་བགོས་པའི་ས་མཁར་རྙིང་། །མང་པོར་བསད་ཅིང་ཕུང་པའི་ས། །བྲག་ནི་སྲིན་མོ་ངུས་པ་འདྲ། །རི་ནི་ཐལ་ཕུང་བསྙིལ་བ་འདྲ། །ལུང་པ་མེ་ཡིས་བསྲེགས་འདྲ་བ། །ཤིང་རྩི་རྐང་ཐང་བྲོས་འདྲ་བ། །སྒང་དེའུ་མི་རོ་སྦས་འདྲ་བ། །འདི་ནི་བརྡེག་ཅིང་བསྒྲལ་གནས་ཡིན། །སེམས་ལ་ཆོས་ཉིད་མི་གསལ་ཞིང་། །ཉམས་དང་ཏིང་འཛིན་གཡེལ་བས་ནི། །གནས་འདི་དག་ཏུ་ཡོངས་མི་བྱ། །ནམ་ཕུགས་རྣལ་འབྱོར་དག་ལ་འགྱོད། །དེ་བས་གཞུང་དང་མཐུན་པ་ཡི། །བཀྲ་ཤིས་པ་ཡི་གནས་དག་ཏུ། །ཡུན་རིངས་བསྲིངས་ན་གནས་རྟོལ་མེད། །དམ་ཚིག་མ་ཉམས་ངེས་ཐུབ་དང་། །ཏིང་འཛིན་བརྟན་པའི་བློ་ཆེན་གྱིས། །གནས་ནི་དེ་དང་དེ་དག་ཏུ། །ཆོ་གའི་ལས་ནི་བརྩམས་བྱས་ན། །ངེས་པར་གྲུབ་ན་གདོན་རྡོལ་མེད། །དེ་ལྟ་བུ་ཡི་ས་རྙེད་ན། །དང་པོར་བྱིན་བརླབས་མཚམས་བཅད་ནས། །མ་རུངས་ཡོད་ན་གཏོར་མ་སྦྱིན། །དེ་བས་ཞག་གྲངས་འདི་ཙམ་མམ། །དྲག་པོའི་ལས་འདི་མ་འགྲུབ་པར། །གནས་འདིར་རྣལ་འབྱོར་བདག་གནས་པས། །གཏོར་མ་བྱིན་པ་འདི་ལོང་ལ། །མ་འགྲུབ་བར་དུ་གཞན་དུ་དེངས། །དེ་སྐད་བྱས་ལ་གཏོར་མ་སྦྱིན། །བསྒོ་བའི་ཚིག་རྣམས་བསྒོ་བར་བྱ། །དེ་ནས་དཀྱིལ་འཁོར་གཞུང་བཞིན་བརྩིགས། །དམ་ ― DNG022_Page_0373 ―
[མ་དཔེ་གཟིགས་ན་འདིར་གནོན།]
རྫས་ཆག་ཆག་གཞུང་བཞིན་གདབ། །ཁ་དོག་ཚོན་རྣམས་དགྱེ་བྱས་ནས། །དབུས་སུ་དྲག་པོ་གྲུ་གསུམ་བྲི། །མཐའ་མ་མཚོན་གྱི་འཁོར་ལོ་ལ། །ཁྲོ་བོ་རྣམས་ཀྱང་རིམ་བཞིན་དགོད། །དེ་བཞིན་བརྒྱད་དང་བརྒྱད་དུ་བསྟན། །བཞི་པོ་དག་ཏུ་གང་བསྟན་དང་། །ཉི་ཤུ་རྩ་བརྒྱད་ལ་སོགས་པ། །མཁས་པས་གཞུང་བཞིན་དགོད་པར་བྱ། །གཞན་ཡང་ཕུར་པའི་རྫས་དགོད་པ། །འོག་ནས་འབྱུང་བས་ཤེས་པར་བྱ། །དེ་ཕྱི་མཚན་དང་ལྡན་པ་དང་། །ཞག་གྲངས་ཚང་བའི་སྒྲུབ་རྫས་བཞི། །ཡོ་བྱད་ཚོགས་པར་མཆོག་ཏུ་བྱ། །གནས་རྣམས་འདི་དག་ཡོན་ཏན་ནི། །མྱུར་བ་འགྲུབ་དང་ཤུགས་འབྱིན་དང་། །ངན་པའི་ལས་ཀྱིས་ངན་པ་འགྲུབ། །དོན་ལ་ཐེ་ཚོམ་མེད་པར་ནི། །ངན་པའི་གནས་སུ་འགྲུབ་པར་བཤད། །བཀྲ་ཤིས་བཟང་པོའི་གནས་སུ་ནི། །ཡུན་རིང་བསྲིངས་ན་ཕུང་འཚེངས་མེད། །དོན་ལ་ངེས་ཀྱང་འགྲུབ་པར་བཤད། །བཟང་ངན་གནས་ཀྱི་ཆ་དབྱེ་བ། །བདག་གི་རྟོགས་པའི་ཚད་དང་སྦྱར། །རྟོགས་པ་ཆུང་ན་བཟང་པོ་བདམ། །ཏིང་འཛིན་ཟབ་ན་ངན་པ་བདམ། །མྱུར་བར་ཐོགས་པ་མེད་པར་ནི། །གང་ལ་དམིགས་པ་འགྲུབ་ཅེས་ བཤད། །འདི་ནི་ཕུར་པ་གནས་བསྟན་པའི་ལེའུ་དང་པོའོ།། །།བསྒྲལ་བའི་དམིགས་རྣམས་བསྟན་པ་ནི། །ཀུན་ལ་བྱ་བ་གཞུང་ལ་མེད། །ཉམས་པར་གྱུར་པ་བདུན་ཡོད་དེ། །སྲོག་ལས་ཉམས་དང་དམ་ལས་ཉམས། །བཀའ་ལས་ཉམས་དང་དོན་ལས་ཉམས། །ལས་ཀྱིས་ཉམས་དང་མཚན་མས་ཉམས། །འདོད་པ་འགྱུར་བས་ཉམས་པ་ནི། །འདི་ལ་ཉམས་པ་ཞེས་བྱ་སྟེ། །དེ་དག་སོ་སོའི་མཚན་ཉིད་ནི། །སྲོག་ལས་ཉམས་པའི་མཚན་ཉིད་ནི། །ཕ་དང་མ་དང་མཁན་པོ་གསོད། །སློབ་མ་གསོད་དང་ནང་དམེ་ཅན། །འདི་ནི་ནམས་ཀྱང་ལྟུང་བས་ན། །བསྒྲལ་བའི་དམིགས་ནི་འདི་ཡིན་ནོ། །དམ་ལས་ཉམས་པའི་མཚན་ཉིད་ནི། །རྡོ་རྗེ་སློབ་དཔོན་བཀའ་བསླུ་དང་། །ངན་སེམས་འཕྱ་སེམས་བྱེད་པ་དང་། །སྔགས་དང་ཕྱག་རྒྱ་རྒྱུན་གཅོད་དང་། །གསང་བའི་མན་ངག་གཞན་ལ་སྤེལ། །འདི་ནི་ཉམས་པ་ཆེན་པོ་སྟེ། །འདི་ནི་བསྒྲལ་བའི་དམིགས་གཅིག་ཡིན། ། ― DNG022_Page_0374 ―
[མ་དཔེ་གཟིགས་ན་འདིར་གནོན།]
བཀའ་ལས་ཉམས་པའི་མཚན་ཉིད་ནི། །དམ་ལ་བཏགས་ན་རྐུ་མཚང་འབྲུ། །སྒྲུབ་ལ་སྦྲན་ན་ཡ་ག་འདོགས། །མན་ངག་བསྟན་ན་སྐུར་པ་འདེབས། །བདེན་པར་བསྟན་ན་ལོག་པར་ཁྲིད། །དོན་རྟགས་བསྟན་ན་གོལ་བར་འཛིན། །འདི་ནི་ཉམས་པའི་དམ་པ་སྟེ། །འདི་ལ་བསྒྲལ་བ་ལྷུར་ཡང་བརྩམ། །འདི་དག་བསྒྲལ་བའི་ཕྲིན་ལས་ནི། །གཞུང་ཀུན་ལས་ནི་གསལ་བར་འབྱུང་། །དོན་ལས་ཉམས་པའི་མཚན་ཉིད་ནི། །བྱ་རུ་མི་རུང་སྣ་ཚོགས་བྱེད། །རྫས་དང་ལག་ཆ་མངོན་དུ་འཛིན། །རྟན་གན་སྦྱོར་སྒྲོལ་དངོས་པོར་སྤྱོད། །ལྟ་བའི་ཏིང་འཛིན་རྒྱབ་ཏུ་བོར། །སྤྱོད་པ་དཔའ་བརླངས་དང་དུ་ལེན། །ཁྲོ་གཏུམ་ང་རྒྱལ་རང་གར་གཏོང་། །དོན་གྱི་མན་ངག་ལོག་པར་གོ། །ཕ་རོལ་ལོག་པར་འདྲེན་པའི་ཆོས། །ཕྱིན་ཅི་ལོག་གི་དོན་ལ་མཁས། །བཀའ་གཞུང་བོར་ལ་རྫོབ་པ་ཆེ། །ལོག་པར་སྤྱོད་པ་མཐའ་དག་ཡོད། །འདི་ནི་རཱུ་ཏྲ་དངོས་ཡིན་ཏེ། །མངོན་སྤྱོད་བསྒྲལ་ཀྱང་མི་སྐྱོན་ནོ། །ལས་ཀྱིས་ཉམས་པའི་མཚན་ཉིད་ནི། །བདག་དང་སྐྱེ་གནས་མི་གཅིག་པར། །བསྒྲལ་བའི་ལས་ཀྱི་གློར་འོངས་ནས། །སྔོན་ཆད་མཁན་འཁོན་ཡོངས་མེད་པར། །གླགས་ལ་བབ་པར་དྲན་ནས་ཀྱང་། །ཞི་བ་དྲག་པོས་མི་ཉན་པར། །ཉེས་མེད་གཞན་ལ་འཛུགས་པ་དང་། །དཔུང་པ་སྙོགས་ལ་ཀླན་ཀ་ཚོལ། །ཁ་ལྕེ་རྒོད་ཅིང་བཞིན་མདོག་བཟློག །བརྒལ་ས་མེད་ཅིང་བདག་ལ་རྒོལ། །ཕྲོག་མི་དགོས་པར་བདག་ལ་ཕྲོག །བདག་གིས་ཉེས་པར་མ་དྲན་ཞིང་། །བདག་གིས་བརྒལ་བར་མ་བསམས་ཀྱང་། །ལས་ཀྱིས་བདག་ལ་གནད་འཛུགས་ཤིང་། །བདག་ལ་མཐུ་དང་རྩལ་འདེད་པ། །ལས་ཀྱིས་ཉམས་པ་འདི་ཡིན་ནོ། །གཞན་ཡང་ལས་ཀྱིས་ཉམས་པ་ནི། །གལ་མི་ཆེ་བར་ཀླན་ཀ་ཚོལ། །ཕན་རྒྱུ་མེད་པར་བདག་ལ་འཚེ། །འོང་རྒྱུ་མེད་པར་བསྒྲུབ་སར་འོང་། །ལས་ཀྱིས་ཉམས་པའི་རྟགས་ཡིན་པས། །འདི་ནི་ནམ་ཡང་བསྒྲལ་དགོས་པས། །ལས་ཀྱིས་འཁོར་བས་སྡིག་མེད་བཤད། །མཚན་མས་ཉམས་པའི་མཚན་ཉིད་ནི། །ཆོས་ལ་ཕྱོགས་ཆར་བཟུང་བས་ཉམས། །ལྟ་བ་སྒོས་ཁུར་བཅས་པས་ཉམས། །དམ་ཅན་ཡོངས་ལ་ཐུགས་དཀྲུག་ཅིང་། །རང་བཞིན་ ― DNG022_Page_0375 ―
[མ་དཔེ་གཟིགས་ན་འདིར་གནོན།]
མེད་པའི་ཆོས་བཤད་ཀྱང་། །མཚན་མ་ཅན་གྱི་ཆོས་བཟུང་ནས། །ལྷ་སྲིན་བྲན་དུ་ངས་འཁོལ་ལོ། །མཐུ་འགྲན་བྱེད་པ་སུ་ཞིག་ཡོད། །ང་ཡི་ཉམས་སུ་དཔལ་ཆེན་བྱུང་། །ང་ནི་ཁྲོ་བོའི་རྒྱལ་པོ་ཡིན། །གཞན་ལ་ཁྲོ་ཞིང་འཚེ་ལ་སོགས། །འདི་ནི་མཚན་མས་ཉམས་པ་སྟེ། །བསྒྲལ་བ་བྱས་ཀྱང་དམ་མི་ཉམས། །འདོད་པར་གྱུར་པས་ཉམས་པ་ནི། །དེ་ཡི་མཚན་ཉིད་བཤད་བྱ་བ། །ཉན་པ་གོ་རྟོགས་གསལ་མེད་པར། །ལ་ལར་མཐུ་ཆེ་བཙན་འདོད་པས། །ལས་ཀྱི་དོན་དུ་མཚན་མ་སྤྱོད། །སྡིག་པའི་ཕྱག་རྒྱར་མི་མགོ་ཐོགས། །རལ་པ་བསིག་ཅིང་སོ་གཙིགས་བྱེད། །དམར་གྱི་གཏོར་མ་གློ་ལ་ཐོགས། །ཞིང་གི་པགས་པ་ཕྲག་ལ་བཀལ། །སྒྲོ་བ་ནག་པོ་ཤ་དང་ཚིལ། །སྣོད་བཀང་ཁུར་ཞིང་ལོག་ཆོས་སྤྱོད། །སྤྱོད་པའི་དོན་ཀུན་གཞུང་བོར་ནས། །བྱ་བ་མི་འཚམ་སྣ་ཚོགས་བྱེད། །ངོ་དང་གདོང་པ་ཁྲག་གིས་བྱུགས། །ཚུལ་འགལ་དམ་འདྲལ་སྣ་ཚོགས་བྱེད། །ཐོ་ཅོར་སྤྱོད་ཅིང་དམ་མི་བསྲུང་། །སྤྱོད་པ་བརླང་པོས་བཀའ་གཞུང་སྨད། །སངས་རྒྱས་ཀུན་གྱི་ཞབས་འདྲེན་བྱས། །རྣལ་འབྱོར་སྔགས་པའི་རྐང་ནས་དྲངས། །དཔལ་ཆེན་འབར་བ་ཐུགས་ཁྲལ་བསྐྱེད། །མ་མོ་མཁའ་འགྲོ་གཟན་ཚོགས་བཀྲམ། །རྣལ་འབྱོར་ཡོངས་ལ་དམེ་བཙོག་བྱས། །གཞན་ཡང་མཚན་ཉིད་གང་ཡིན་པ། །འདོད་པས་ཉམས་པའི་མཚན་ཉིད་ནི། །འདོད་ཆགས་ནོར་གྱིས་བསླུས་པ་དང་། །ཤི་བར་ཤེས་ཀྱང་འདོད་པས་བརྒྱལ། །ཕུད་པར་ཤེས་ཀྱང་སྔགས་འཆང་འཇོམས། །དུག་ཏུ་སྣང་ཡང་ལྟོ་རུ་ཟ། །གཉན་པ་ཡིན་ཀྱང་ཐབས་ཀྱིས་སྨོད། །བཙུན་པ་ཡིན་ཀྱང་དམས་པར་ཤོམ། །ཐོབ་ཏུ་འདོད་ན་གསང་སྔགས་རྐུ། །བཟའ་རུ་ཡོད་ན་རྣལ་འབྱོར་ཟ། །ཟས་སུ་སྒྲུབ་པའི་ལོངས་སྤྱོད་རྐུ། །ནོར་དུ་གཞུང་སྤྱོད་རྣལ་འབྱོར་འཇོམས། །འདི་དག་འདོད་པས་ཉམས་པ་སྟེ། །འདི་དག་བསྒྲལ་ན་རྣལ་འབྱོར་བཙུན། །བཏུལ་ཞིང་ཚར་བཅད་བསྟན་པ་གཉན། །མེད་ཅིང་སྟོངས་ན་བར་ཆད་ཉུང་། །འདི་དག་བསྒྲལ་བར་མ་བྱས་ན། །མཐོ་རིས་འགྲིབས་ལ་དམྱལ་ཁམས་འཕེལ། །རྣལ་འབྱོར་དམ་ཅན་སྒྱིད་ལུགས་ནས། །ཐེག་པ་ཆེན་པོའི་ཆོས་ ― DNG022_Page_0376 ―
[མ་དཔེ་གཟིགས་ན་འདིར་གནོན།]
སྒོ་འགག །འདི་དག་བསྒྲལ་བར་བྱས་ན་ནི། །རྣལ་འབྱོར་བསྒྲུབ་ལ་བར་ཆད་མེད། །ཐེག་པ་ཆེན་པོའི་མཐུ་དར་བས། །ལེགས་པའི་ཡོན་ཏན་བརྗོད་ལས་འདས། །ཐབས་ཀྱི་ཐ་མའི་ཐ་མ་ནི། །ཏིང་ངེ་འཛིན་གྱི་རྩལ་ཆུང་ན། །འདི་དག་བསྒྲལ་བར་བྱས་ན་ནི། །དམྱལ་བའི་གནས་སུ་ཡུན་ཐུང་འགྱུར། །འདི་ནི་བསྒྲལ་བ་དམིགས་བསྟན་ལེའུ་གཉིས་པའོ།། །།རྣལ་འབྱོར་གང་དག་གིས་བྱ་བ། །འདི་དག་ཉིད་དུ་བཤད་པ་སྟེ། །དང་པོ་ཤེས་རབ་རྣམ་གསུམ་གྱིས། །གཏན་ཚིགས་དོན་ལ་ཡིད་ཆེས་ནས། །དེ་ནས་ངེས་པར་དབང་ཐོབ་སྟེ། །སྙིང་རྗེའི་སེམས་དང་ལྡན་པ་ཡིས། །ཁམས་གསུམ་འཁོར་བ་གཟུང་བར་བྱ། །དོན་འདི་དག་དང་མི་ལྡན་ཞིང་། །ངེས་པའི་ལུང་རྣམས་མ་ཐོབ་དང་། །མཁས་ལ་སྒྲོ་སྐུར་འདོགས་པ་དང་། །གསང་སྔགས་ཐེག་ཆེན་སྐུར་འདེབས་དང་། །རང་ཤེས་སྤྱད་ཚིག་ཚུལ་གནས་དང་། །དམ་ཚིག་ཉམས་པར་གྱུར་པ་དང་། །དོན་མེད་ཕྱལ་བར་གཏོང་བ་རྣམས། །འདི་ནི་རྣལ་འབྱོར་མ་ཡིན་ཏེ། །ལོག་པའི་ལམ་དུ་ཤེས་པར་བྱ། །དེ་ཡིས་སྤྱད་ཀྱང་ཡོངས་མི་གྲུབ། །སླར་ལ་རང་སེམས་རླག་པ་དང་། །འབྲས་བུ་མནར་མེད་དམྱལ་བར་སྐྱེ། །འདི་དག་རྩོམ་པའི་རྣལ་འབྱོར་པས། །རིགས་ཀྱི་རྣལ་འབྱོར་གྲལ་དུ་སྨོས། །ཐེག་པ་བསམ་ཡས་སེམས་ལ་གསལ། །བལྟ་བ་ཕྱོགས་མེད་གདེང་དུ་འཇོག །བསྒོམ་པ་མ་ཡེངས་གསེར་ཕུར་འདེབས། །དམ་ཚིག་ཉན་ཐོས་ཁྲིམས་བཞིན་བསྲུང་། །རྒྱུ་དང་སྒྲུབ་ཐབས་མཐའ་དག་འཆང་། །ཕྱོགས་སུ་འཇིག་རྟེན་མཁས་པ་བརྟེན། །རྫས་དང་ལག་ཆ་རྟགས་སུ་འཆང་། །དོན་དང་མན་ངག་གཞུང་དུ་བསྒྲུབ། །ཚུལ་ལྡན་ངང་ཚུལ་བཟང་ལ་ཤིས། །སྦྱོར་སྒྲོལ་མཆོད་པ་རྒྱུན་ཆད་མེད། །ཕུང་པོ་ལྷ་དང་གཉིས་མེད་མཆོད། །སེམས་ནི་ཆོས་ཉིད་ངང་ལ་གནས། །རྣལ་འབྱོར་རྟགས་ལྡན་དམ་པ་དེས། །ལས་སུ་བྱ་བ་ཀུན་རྫོགས་ནས། །འཛབ་བཟླས་གྲངས་མེད་རྒྱུན་འདོན་པས། །སྔགས་དང་ཕྱག་རྒྱ་མཐུ་བྱིན་ཆེ། །ལས་དང་བྱ་བ་གདོན་མི་ཟ། །ངེས་པར་བརྩམས་པས་དགོས་པ་འགྲུབ། །དམར་གྱི་གཏོར་མ་ ― DNG022_Page_0377 ―
[མ་དཔེ་གཟིགས་ན་འདིར་གནོན།]
གཞུང་བསྲང་ཞིང་། །ཅི་བགྱི་བཀའ་ཉན་འཁོལ་མཁས་པས། །དགར་ཞིང་དགུག་པ་བྱ་བར་ཤིས། །དྲག་ཤུལ་ཐབས་ཀྱི་ཕོ་ཉ་ནི། །རྫུ་འཕྲུལ་ཤུགས་ལས་ཐབས་ཀྱིས་འགྱེད། །རྣམ་རྟོག་མཚན་མ་ལས་ཀྱིས་འགྲུབ། །དེ་དག་བྱས་ན་ཆུད་མི་ཟ། །ཤེས་པའི་ནང་ན་དམ་པ་ནི། །རྒྱུད་ལ་བློ་ཞེན་སྒྲུབ་ལ་ཞུགས། །ཡི་དམ་ལྷ་ལ་རྟགས་གནས་ན། །དེ་ལ་བར་ཆད་ཡོངས་མི་འབྱུང་། །གལ་ཏེ་འབྱུང་བར་གྱུར་ན་ཡང་། །དེ་ལ་རེག་པ་ཙམ་གྱིས་འགྲུབ། །གཞན་གྱི་ལས་འདི་བརྩམ་པ་ཡི། །རྣལ་འབྱོར་པ་ནི་གང་ཡིན་ན། །ཕྲིན་ལས་བྱེ་བྲག་ཕྱེད་པ་དང་། །རྣམ་རྟོག་མཚན་མ་སྤངས་པ་དང་། །གཙང་སྨེ་མེད་པར་སྤྱོད་པ་དང་། །བླང་དོར་མེད་པར་སྒྲུབ་པ་ཡིས། །གང་ལ་དམིགས་པ་འགྲུབ་པར་བྱེད། །ཕུན་སུམ་ཚོགས་པ་གསུམ་ལྡན་ཞིང་། །དུས་ཚོད་གྲངས་སུ་བསྟན་པ་ཤེས། །ཉ་དང་ཤི་ཀ་ཚེས་བརྒྱད་ལ། །དྲག་པོའི་ལས་ལ་རབ་བརྩོན་པས། །ལས་སུ་བྱ་བ་དེ་བྱས་ཏེ། །མ་མོ་མཁའ་འགྲོ་བཀའ་ཉན་ཚོགས། །དེ་ཡིས་བཀོལ་ན་བྲན་བཞིན་ཉན། །དེ་ཡིས་བཀོལ་ན་བུ་བཞིན་སྒྲུབ། །དེ་ཡིས་བྱ་བ་ཆུད་མ་ཟོས། །ཚེ་དང་ལོངས་སྤྱོད་འབྱོར་པ་དང་། །ལེགས་པ་ཀུན་རྫོགས་དངོས་གྲུབ་སྟེར། །དེ་ཡིས་ཡིད་ལ་བསམས་པ་བཞིན། །ཅི་འདོད་རང་ལ་འབྱུང་བར་འགྱུར། །གཞན་ཡང་འཇིག་རྟེན་བསམ་པ་དག །ཕན་པ་དང་ནི་གནོད་པ་གཉིས། །གཞན་ལ་ཕན་ཅིང་སྒྲུབ་འདོད་ན། །སད་དང་སེར་བ་བཅད་པ་དང་། །ཆར་ཆུ་དུས་སུ་ཕེབས་པ་དང་། །མི་ནད་ཕྱུགས་ནད་ཆད་ལ་སོགས། །དེ་ཡི་གཏན་ ཚིགས་འདི་ལ་གནས། །གཞན་ལ་གནོད་པའི་རྒྱུ་བཙལ་ན། །དབྱར་སྟོན་གཉིས་ལ་གནོད་བྱ་བ། །སད་དང་སེར་གཏོང་གཏན་ཚིགས་དང་། །ཤྭ་དང་ཆུ་དང་ཐོག་གཏོང་བ། །དབྱར་དགུན་མི་ནད་རིམས་གཏོང་བ། །བུ་ཚ་རབས་ཆད་ཚེ་ཐུང་བ། །དེ་ཡི་གཏན་ཚིག་འདི་ན་ཡོད། །དེ་ལྟར་གཏན་ཚིགས་སུས་ཤེས་པ། །རྣལ་འབྱོར་དོན་དང་ལྡན་པ་སྟེ། །འདི་ནི་བརྩམ་པར་བྱ་བར་གསུངས། །རྣལ་འབྱོར་ཅི་ལྡན་བརྩམ་པའི་ལེའུ་ ― DNG022_Page_0378 ―
[མ་དཔེ་གཟིགས་ན་འདིར་གནོན།]
གསུམ་པའོ།། །།ཀཱི་ལ་ཡ་ཡི་རྒྱུད་རྣམས་ནི། །གང་དང་གང་ལ་བྱ་བ་དག །དོན་དང་གཏན་ཚིགས་འདིར་ཞིབ་སྟེ། །མཆོག་ཏུ་བསྔགས་པ་འདི་ལས་འབྱུང་། །ལྕགས་སམ་ཟངས་སམ་གང་རྙེད་པ། །དྲག་པོའི་ལྕགས་ཀྱི་ཕུར་པ་ལ། །གྲི་ལྕགས་མདེའུ་རྙིང་རྟགས་ཕྱིན་དང་། །གནམ་ལྕགས་ཐོག་གི་ལྕགས་དག་དང་། །གཅོད་དང་རྣོ་དང་སྲ་ལ་སོགས། །ལྕགས་སྣ་ལྔ་པོ་དག་ལས་ནི། །ཁྲོ་རྒྱལ་གནས་པའི་རྒྱ་མདུད་དང་། །གཞལ་ཡས་ཁང་གི་རྟགས་སུ་བྱ། །ལོགས་བརྒྱད་ཁྲོ་མོ་བརྒྱད་པོ་ལ། །བར་གྱི་རྒྱ་མདུད་བརྩེག་པ་ལ། །ཐབས་དང་ཤེས་རབ་དབྱེར་མེད་དོ། །གཞལ་ཡས་ཁང་རང་བརྩེག་མར་གནས། །རྩེ་མོ་ཟུར་གསུམ་འཇོམས་པའི་ཚུལ། །དྲག་པོ་རྐྱེན་གྱིས་ཡང་དག་བཤད། །དབང་ལ་ཟངས་ཀྱི་ཕུར་པ་དང་། །རྒྱས་པ་གསེར་ལ་སོགས་པ་དང་། །ཞི་བ་ཙནྡན་དཀར་པོ་དག །རྩེ་མོ་དབྱིབས་ནི་སོ་སོར་འབར། །བྱ་བའི་ཚད་རྣམས་མཐུན་པར་བཤད། །གཞན་ཡང་ཚེར་མ་ཅན་གྱི་ཤིང་། །རབ་ཏུ་མི་སྲུན་གནས་དག་ནས། །གང་དག་སྐྱེས་པ་གང་ཡིན་དང་། །དུག་དང་གཅན་གཟན་གདུག་པ་དང་། །རབ་ཏུ་གཏུམ་པའི་གནས་དག་ནས། །སྐྱེས་པའི་ཤིང་མཆོག་ཚེར་མ་ཅན། །སྐྱེར་ང་དང་ནི་སིང་ལྡིང་དང་། །གང་དག་སྐྱེར་ལྡིང་མཛོ་མོ་ཤིང་། །རྩ་བའི་ལོགས་སུ་རྒྱ་མདུད་བྱ། །རྩེ་མོའི་ལོགས་སུ་ཟུར་གསུམ་བྱ། །དབྱིབས་དང་ཁ་དོག་གོང་དང་མཐུན། །གཞན་ཡང་གདུག་པའི་ཚེར་མ་ཅན། །གོང་མ་དེ་དག་མ་འབྱོར་ན། །གང་རྙེད་པ་ལ་བྱ་བར་བཤད། །གཞུང་དང་མཐུན་པ་རྙེད་ན་ལེགས། །དེ་དག་གང་ཡང་མ་རྙེད་ན། །ཏིང་ངེ་འཛིན་གྱིས་དཀྱིལ་འཁོར་ལྷ། །ཡིད་ལ་དྲན་ཞིང་གསལ་བསྒོམ་ནས། །སྔགས་དང་བྱ་བ་མ་ནོར་ན། །དེས་ཀྱང་བྱ་བར་གཞུང་ལས་བཤད། །དེ་དག་རིང་ཐུང་ཚད་བསྟན་པ། །སོར་བཞི་པ་དང་སོར་བརྒྱད་པ། །བཅུ་གཉིས་དག་ཏུ་བཤད་པ་སྟེ། །དེ་ལས་ཐུང་བར་མ་གསུངས་ཤིང་། །དེ་ལས་རིང་བར་ཡང་མ་བསྟན། །སོར་བཞི་འབྱུང་བ་བཞི་ཡི་ཚད། །སོར་བརྒྱད་རྣམ་ཤེས་བརྒྱད་ཀྱི་ཚད། །བཅུ་གཉིས་སྐྱེ་མཆེད་བཅུ་གཉིས་ཏེ། །རྟགས་དང་ ― DNG022_Page_0379 ―
[མ་དཔེ་གཟིགས་ན་འདིར་གནོན།]
སྦྱར་ཏེ་དེ་རྣམས་བསྟན། །རྟགས་ཕྱིན་པ་ཡི་ལྕགས་རྣམས་ཀྱིས། །དེ་ཡི་ཡོན་ཏན་བཤད་པ་ནི། །དཔེར་ན་ནགས་ཀྱི་སྡོང་པོ་ལ། །སྔོན་ཆད་བཅད་པའི་སྟྭ་རེ་དག །དེ་དག་ཡོད་པར་གྱུར་ན་ནི། །ཆོད་མི་ཆོད་ཀྱི་ཐེ་ཚོམ་མེད། །དེ་དག་སྔོན་ཆད་མ་བཅད་པས། །ཆོད་དམ་མི་ཆོད་ཡོངས་མ་ངེས། །དེ་བཞིན་རྒྱུ་ཡང་དེ་དང་འདྲ། །མདོར་ན་རྣལ་འབྱོར་རྩལ་མཆོག་གཅེས། །རེ་ཞིག་དེ་ཡང་སྐྱོན་མེད་དེ། །ཡོན་ཏན་ཡོད་པར་འདི་ལས་བསྟན། །ནག་པོའི་ཤིང་གི་དུག་ཅན་ལས། །ཕུར་པ་བྱས་པའི་ཕན་ཡོན་ནི། །ནག་པོ་གཞན་གྱིས་མི་ཚུགས་ལ། །དུག་གིས་ཕ་རོལ་གསོད་པར་བྱེད། །ཚེར་མ་ཅན་གྱི་ཤིང་རྣམས་ནི། །སྐྱེར་པས་ཚེ་དང་ལོངས་སྤྱོད་འཕེལ། །མཛོ་མོས་དབང་དུ་བྱ་བ་འགྲུབ། །གཞན་ཡང་ཁ་དོག་རིགས་སུ་སྦྱར། །མདོར་ན་བདེ་གཤེགས་ས་བོན་གྱིས། །བྱིན་གྱིས་བརླབ་པ་གཅེས་པར་བཤད། །དེ་བས་ཀྱང་ནི་དམ་ཚིག་གཙོ། །རྣལ་འབྱོར་རྣམས་ལ་དམ་པར་བསྔགས། །དང་པོར་གཞུང་ལས་བསྟན་པ་བཞིན། །དེ་དག་མ་ནོར་བཤམ་པར་བྱ། །ཚོགས་པས་ཐེ་ཚོམ་མེད་ཅེས་བྱ། །བཤམས་པས་བྱ་བ་ཆུད་མི་ཟོས། །ཀུན་གྱི་རྒྱུ་ནི་བྱང་ཆུབ་སེམས། །བྱང་ཆུབ་སེམས་ནི་བསྔགས་པ་སྟེ། །རྒྱུ་ནི་རྒྱལ་པོར་རང་ཤར་བའོ། །གཞན་ཡང་ཕུར་པའི་རྒྱུ་བསྟན་པ། །ཟངས་ལྕགས་འཁར་བ་གང་ཡོད་པར། །དེ་ཡང་དོད་ཅིང་ལེགས་པར་བྱ། །མ་དོད་པ་ཡི་སྐྱོན་རྣམས་ནི། །གང་དགར་བྱས་ན་ཚུལ་ལས་ཉམས། །སྟམ་ཅོལ་བྱས་ན་བཀའ་ལས་འགལ། །རྙེད་བཙན་བྱས་ན་བྱིན་རླབ་ཆུང་། །ཡོད་བཙན་བྱས་ན་སྒོམ་མི་བདེ། །ངན་དགུར་བཤམས་ན་རྟོག་པར་འགྱུར། །ལེགས་པར་བྱས་ན་ཡི་རང་ཞིང་། །ཚོགས་པར་བསགས་ན་གཞུང་དང་མཐུན། །དད་པར་བྱས་ན་དང་བ་སྐྱེ། །བཀའ་བཞིན་བྱས་ན་བྱིན་རླབས་ཡོད། །མདོར་ན་རྟོགས་པ་གཙོ་བོ་ཡིན། །རྟོགས་པའི་དོན་ལ་མཐར་ཕྱིན་ན། །རྣམ་རྟོག་ལས་འདི་ཡོངས་མི་དགོས། །མ་རྟོགས་པ་ལ་འདི་དགོས་པས། །ལོག་པའི་ཕྱོགས་རྣམས་འདུལ་སླད་དུ། །འདི་ལ་རྒྱུ་བཤམ་འབྱུང་བ་ཡིན། ། ― DNG022_Page_0380 ―
[མ་དཔེ་གཟིགས་ན་འདིར་གནོན།]
མི་རྟོག་པ་ལ་རྟོག་མི་དགོས། །རྣམ་པར་རྟོག་ལ་ཁྲོ་འདུལ་བཟང་། །ཉོན་མོངས་པ་ལ་གཉེན་པོ་འཇེབས། །རྟོག་པ་བསལ་བར་བཤམ་པ་གཅེས། །གཞན་ལ་ཚུགས་ན་གྲངས་མང་ཟློས། །རྟགས་ཕྱིན་འདོད་ན་ཡུན་དུ་བསྲིང་། །དོན་ལ་རུབ་ན་མ་ཡེངས་ཀྱིས། །རིངས་པར་འདོད་ན་བརྩོན་འགྲུས་སྐྱེད། །དོན་འདི་ཡིད་ལ་བཞག་ནས་ཀྱང་། །སྔགས་པས་དེ་ལ་ནན་ཏན་སྐྱེད། །འདི་ནི་ཕུར་པའི་རྒྱུ་བསྟན་པའི་ལེའུ་སྟེ་བཞི་པའོ།། །།ཕུར་པ་ཇི་ལྟར་བསྒོམ་པ་ཡི། །དོན་འདི་ཡང་དག་བསྟན་པ་ནི། །ངེས་པ་ཉིད་དུ་བཤད་བྱ་སྟེ། །བྱིན་གྱིས་བརླབ་པའི་ཐབས་ལ་ནི། །ངེས་པར་རྣམ་པ་ལྔ་ཡོད་དེ། །གཉིས་སུ་མེད་པར་བྱིན་བརླབ་དང་། །ཁྲོ་བོ་ཆེན་པོར་བྱིན་བརླབ་དང་། །ཤིན་ཏུ་བརྗིད་ཆེ་བྱིན་བརླབ་དང་། །ཕུར་པ་རྫས་སུ་བྱིན་བརླབ་དང་། །མཐུ་དཔུང་ཆེ་བར་བྱིན་བརླབ་པའོ། །ཨོཾ་བཛྲ་ཀཱི་ལི་ཀཱི་ལ་ཡ་ཀཱི་ལ་ཡ། ཧཱུཾ་ཧཱུཾ་ཧ་ཧེ་ཕཊ། ཛཿབྷྱོ་རུ་ལུ་མཱ་ར་ཡ་ཕཊ། དེ་ལ་ལག་པ་གཏིང་སྦྱར་ནས། །སོར་བཅུའི་བར་དུ་ཕུར་པ་བཅུག །བཅུ་ཡིས་བྱིན་བརླབ་ཚུལ་བཞིན་བྱ། །ཧཱུཾ་ཧཱུཾ་ཀཱི་ལ་ཡ་སརྦ་བི་ནཱ་ཡ་ཀ་སརྦ་ཏ་ཐཱ་ག་ཏ་ཧ་ཧི་ཁཱ་ཧི་ཧཱུཾ་ཕཊ། དེ་ནས་བྱིན་གྱིས་བརླབ་པར་བྱ། །ལྕགས་སམ་ཤིང་ངམ་གང་ཡིན་པ། །ཁྱི་ཁྲག་ར་ཁྲག་གིས་བྱུགས་ལ། །དུག་དང་མ་རུངས་པས་ཀྱང་བྱུག །ཧཱུཾ་དང་ཛཿདང་ཕཊ་ལ་སོགས། །སྤྲོ་བསྡུ་ཚུལ་བཞིན་བྱས་ནས་ཀྱང་། །བྱིན་བརླབ་བསམ་རྒྱུད་ངེས་པ་བཞག །ཡང་ན་བྱིན་བརླབ་ངེས་པ་ནི། །དབུ་ཡི་རྒྱ་མདུད་ཆོས་ཀྱི་སྐུ། །བར་གྱི་རྒྱ་མདུད་ལོངས་སྤྱོད་རྫོགས། །རྩེ་མོ་སྤྲུལ་པའི་སྐུ་ཡིན་ཏེ། །ཁྲོ་རྒྱལ་དཔལ་ཆེན་ཡབ་ཡུམ་དང་། །འཁོར་གྱི་དཀྱིལ་འཁོར་གསལ་བཀོད་དང་། །ཕོ་ཉ་ཡང་སྤྲུལ་ལ་སོགས་པ། །ཅི་བགྱི་ལ་སོགས་རིམ་བཞིན་སྤྲོ། །འབར་འཐུང་སྔགས་ཀྱི་རྒྱལ་པོ་ཡིས། །ངེས་པར་ལེགས་པའི་ཕུར་པ་ལ། །ཡང་དག་བརྟན་པས་བྱིན་གྱིས་བརླབས། །རྣལ་འབྱོར་སྔགས་ཀྱི་བློ་ལྡན་པས། །དམ་པའི་དོན་དུ་གཞུང་བསྲང་ནས། །དྲག་པོས་བཟླས་ལ་ཡིད་རྩོམ་བྱ། །ངེས་པར་ ― DNG022_Page_0381 ―
[མ་དཔེ་གཟིགས་ན་འདིར་གནོན།]
སྙིང་པོ་འབྲུ་བཀོད་དེ། །ཆོ་ག་གསུམ་གྱི་སྦྱོར་བ་ཡིས། །ཙ་ན་ཀ་ཙམ་དགོད་པར་བྱ། །རིམ་པས་འཕྲོ་བ་མང་པོ་ཡིས། །སྟོང་གསུམ་འཇིག་རྟེན་ཕུར་པས་བརླབ། །མཐའ་ཡས་སེམས་ཅན་ལ་སོགས་པ། །བསྒྲལ་བའི་དངོས་པོ་གང་ཡིན་པ། །རཾ་ཡཾ་ཁཾ་གིས་བསྲེགས་སྦྱངས་ནས། །རྣམ་ཤེས་སྙིང་གི་དཀྱིལ་འཁོར་དུ། །བྱང་ཆུབ་སེམས་ཀྱི་རྩེ་གཏད་དེ། །དཀར་ནག་མཚམས་སུ་བརྒྱབ་ནས་ཀྱང་། །དགེ་སྡིག་ལས་ཀྱི་གཤག་ཕྱེ་སྟེ། །རྣམ་པར་རྟོག་པའི་སྡིག་སྦྱངས་ནས། །མཎྜལ་འོད་ཀྱི་འདུལ་སྦྱོང་གིས། །དུག་གསུམ་རིམ་པར་བཅོམས་ནས་ཀྱང་། །ཧ་ཏ་ཁ་ཡིས་བརྔམ་པ་བྱས། །གསེར་ཞུན་བཞིན་དུ་སེམས་གནས་པ། །འཕྲོ་བའི་དགོངས་པས་བཏེགས་ནུས་ཀྱང་། །གཉིས་མེད་ཡུམ་གྱི་མཁའ་ལ་བསྡིམ། །ངེས་པར་རིམ་ གྱིས་སྲས་བྱས་ལ། །ཨོཾ་ཨཱཿཧཱུཾ་གིས་བྱིན་བརླབས་ཏེ། །སྐུ་གསུང་ཐུགས་སུ་གསལ་བྱས་ནས། །ཕྱིར་ཡང་ངན་སོང་སྒོ་གསུམ་བཅད། །རྣམ་རྟོག་བསྒྲལ་བའི་ཞིང་བཅུར་བརླགས། །བསྒྲལ་བ་དབྱིངས་དང་ཡེ་ཤེས་ཏེ། །དོན་དུ་ཐབས་དང་ཤེས་རབ་ལ། །ཆོས་ཀྱི་སྐུ་ཡི་བྱིན་རླབས་ཀྱིས། །རྣམ་པར་དག་པའི་ངང་དུ་བསྒོམ། །འདི་ནི་ཕུར་པ་བསྒོམ་པའི་ལེའུ་ལྔ་པའོ།། །།བྱིན་གྱིས་བརླབ་པ་བསྟན་པ་ནི། །རྒྱ་མདུད་རྩ་བའི་ལོགས་སུ་ནི། །ཆོས་ཀྱི་སྐུ་ཡི་ཁྲོ་བོར་བརླབ། །ལོགས་བརྒྱད་ཁྲོ་མོ་བརྒྱད་ཡིན་ཏེ། །བར་གྱི་རྒྱ་མདུད་ལོངས་སྤྱོད་རྫོགས། །རྩེ་མོ་སྤྲུལ་པའི་སྐུར་བརླབ་སྟེ། །དོན་དུ་མངའ་གསོལ་འདི་སྐད་དོ། །ཧཱུཾ་བཞི་གསལ་འཕྲོ་ཧཱུཾ་ལས་བཞི་ཚོགས་བརྒྱད། །དབུ་ལ་རྒྱ་མདུད་བསྟན་པས་ཁྲོ་རྒྱལ་བཅུ། །རྩིབས་ལ་ལོགས་བརྒྱད་བསྟན་པས་ཁྲོ་མོ་བརྒྱད། །རྩེ་མོ་ཟུར་གསུམ་བསྟན་པས་སྐུ་གསུང་ཐུགས། །ཁོང་སྟོང་བྱང་ཆུབ་སེམས་ཀྱི་ཐིག་ལེ་ལས། །ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ། །ཡོན་ཏན་རྫོགས་པའི་སྐུ་ལ་ཕྱག་འཚལ་ལོ། །མ་གཡོས་ཆོས་མཆོག་སྐུ་གསུང་ཐུགས་ཀྱི་བདག །སྡུག་བསྔལ་ལོག་པར་འཁྱམས་པའི་སེམས་ཅན་རྣམས། །ཐུགས་རྗེས་བྱེ་བྲག་དབྱིངས་སུ་སྒྲོལ་མཛད་པ། །ཐབས་ཀྱིས་ ― DNG022_Page_0382 ―
[མ་དཔེ་གཟིགས་ན་འདིར་གནོན།]
བསྒྲལ་བའི་སྐལ་དང་མི་ལྡན་ཡང་། །ཤུགས་ཀྱིས་བསྒྲལ་བའི་ཕྲིན་ལས་མཛད་དུ་གསོལ། །ཨོཾ་བཛྲ་གྷ་གྷ་ཏ་ཡ། སརྦ་པཱ་པཾ་ཀཱི་ལ་ཡ་དྷ་རོ། ཨཱ་ཛྙཱ་པཱ་ཡ་ཏི། ཀཱ་ཡ་ཝཱ་ཀ་ཙིཏྟ་ཧཱུཾ་ཧཱུཾ་ཕཊ་ཕཊ། །བྱིན་བརླབ་མཚམས་བཅད་དྲག་པོ་ཡིས། །དབང་བསྡུས་ཡོངས་སུ་སྤང་བར་བྱ། །ཐབས་ལ་མཁས་པའི་བྱིན་རླབ་ཀྱིས། །ཡོངས་ཀྱིས་བསྡུ་ཞིང་གཟིར་བ་དང་། །ཐབས་ཀྱིས་དབང་དུ་བྱ་བའི་ཕྱིར། །འབར་བའི་ཐུགས་རྗེས་མཚམས་བཅད་དོ། །འདི་ནི་ཕུར་བུ་བྱིན་བརླབ་ཀྱི་ལེའུ་དྲུག་པའོ།། །།བརྡེག་པའི་དུས་ཚོད་བསྟན་པ་ནི། །གནམ་སྟོང་དང་ནི་ཚེས་བརྒྱད་ལ། །བཅོ་ལྔ་ཉི་ཤུ་གཉིས་ལ་བྱ། །མིག་དམར་ཕུར་བུ་གཟའ་རྣམས་ཀུན། །བརྡེག་པའི་དུས་ལ་བབ་པར་ཤེས། །དང་པོ་དཀྱིལ་འཁོར་གཞུང་བཙུགས་ཏེ། །བསྙེན་བསྒྲུབ་ཆོ་ག་ཚང་བྱས་ནས། །འཛབ་གྲངས་བསྙེན་པ་འབུམ་དུ་གདོན། །བཟླས་བརྗོད་ཉིན་མཚན་བར་མི་གཅད། །རྟགས་དང་མཚན་མ་ཕྱིན་པ་དང་། །བརྡེག་པའི་དུས་ལ་བབ་པར་ཤེས། །ནམ་གྱི་གུང་དང་ཉི་མ་དྲོས། །དེ་ལ་བརྡེག་པར་རབ་ཏུ་ཤིས། །དུར་ཁྲོད་ཆེན་པོ་གང་ན་བར། །བསྒྲལ་བ་ལ་སོགས་ཚུལ་བཞིན་བྱ། །རྒྱ་གྲམ་ལམ་གྱི་གང་ན་བར། །བརྡེག་པ་ལ་སོགས་ཚུལ་བཞིན་བྱ། །འདི་དག་བརྡེག་པའི་དུས་ཚོད་ཀྱང་། །སྲོད་ལ་ཞུགས་པས་ཐོ་རངས་ཁ། །འདི་དག་བརྡེག་པར་ཡོངས་མི་བྱ། །འདི་དག་བརྡེག་པར་བྱ་བ་ནི། །ཡུན་ནི་ལོ་དང་ཟླ་ཙམ་བསྲིང་། །གྲངས་ནི་བྱེ་བ་འབུམ་དུ་བཟླས། །མཆོད་པ་དུས་དྲུག་རྒྱུན་མི་གཅད། །ཆོ་ག་བཟླས་བརྗོད་ཚང་བྱས་ནས། །དབང་པོ་མངོན་པར་ཁུག་ན་རབ། །ཐ་ན་མིག་རྣོན་ལ་སོགས་པས། །དེར་ནི་ངེས་པར་འོང་བ་ཡིན། །བྱ་བ་ལ་སོགས་མཚན་མ་ལ། །བརྡེག་པའི་དུས་ཚོད་ཡིན་པར་ནི། །རྣལ་འབྱོར་པས་ནི་ཤེས་པར་བྱ། །གཞན་ཡང་བརྡེག་པའི་དུས་ཚོད་ནི། །དང་པོར་བསྒྲུབ་པ་ཁས་བླངས་པ། །མ་ཐོན་བར་དུ་དུས་ཚོད་མིན། །ཚད་ནས་བརྡག་པའི་དུས་ཚོད་ནི། །བླ་དགུག་པ་ཡི་ཕོ་ཉ་ལ། །འདི་དག་ ― DNG022_Page_0383 ―
[མ་དཔེ་གཟིགས་ན་འདིར་གནོན།]
བཏང་ནས་བརྡེག་བྱ་སྟེ། །ཧཱུཾ། དཔལ་གྱི་ཕོ་ཉ་ལས་མཁན་མོ། །དམར་མོ་དཀར་ཡང་དུང་གི་མཆེ་བ་ཅན། །མཁའ་ལ་འབྱུང་བའི་མཛོད་བསྐྱིལ་མ། །ལག་ན་སེམས་ཅན་སྲོག་གཅོད་མ། །ཞལ་ནི་སེམས་ཅན་ཡོངས་སུ་གསོལ། །བསྐལ་པའི་ཐོག་ཐོག་ཆར་བར་འབེབས། །བསྐལ་པ་བརྒྱད་ཀྱི་ཕ་རོལ་ན། །དམ་ཉམས་དགྲ་བོའི་བླ་འདྲེན་མ། །དགྲ་བོའི་བླ་ལ་ནན་མ་ཆུང་། །ནག་མོ་ལྕགས་ཀྱི་ལན་ཚར་ཅན། །ཁྱུང་གི་ཁ་ཐོགས་གཡས་པ་ན། །བྷནྡྷ་གྲི་ཐོགས་གསོད་ལ་རྔམས། །ཚངས་པ་བསྐྱིལ་བའི་ཆ་ལུགས་ཅན། །མི་སྡུག་མགོ་ལ་གཅེར་བུའི་ལུས། །བསྐལ་པ་བརྒྱད་ནས་བླ་ཚོལ་ཚོལ། །དཔག་ཚད་བརྒྱད་ནས་སྲོག་འགུགས་འགུགས། །དགྲ་བོའི་བླ་དང་སྲོག་ལ་ཡ། །དམར་མོ་ཆེན་མོ་མེ་འགྲོ་མ། །གདུག་པ་འདུལ་བ་གང་བ་ལས། །གསོད་ལ་རྔམ་པ་ལས་ལ་བཙོན། །མཆེ་གཙིགས་གཡང་གཞི་གོས་སུ་གྱོན། །རབ་ཏུ་མི་སྲུན་བླ་འགུགས་པ། །དམ་ཉམས་དགྲ་ལ་ས་མ་ཡ། །ལྗང་ནག་བསྒྱིངས་པའི་ཐོད་གདེངས་ཅན། །སེར་མོ་རལ་ཅན་འབུམ་གྱིས་བསྐོར། །སྔོན་ནས་དགྲ་བོའི་བླ་འགུགས་མ། །གང་ལ་བྱ་བ་གྲུབ་པར་བྱོས། །ནམ་མཁའི་ལྷ་མོ་ཕུར་པའི་ལྷ། །ལག་བརྒྱ་གཟུགས་ཀྱི་ཕུར་པ་འདྲིལ། །སྤྱན་བརྒྱ་ཁྲག་གིས་མཆི་མ་འཛག །ཞལ་བརྒྱ་གདུག་པའི་སྔགས་ཟོར་ཟློ། །ཚེམས་ཀྱིས་སྐྱེ་ཤི་རྩད་ཀྱང་ཆོད། །ཕུར་པའི་ལས་མཁན་ཆེན་མོ་ལ། །རབ་ཏུ་མི་སྲུན་ལས་ལ་བརྩོན། །གང་ལ་བྱ་བ་གྲུབ་པར་བྱོས། །གཞན་ཡང་ཕོ་ཉ་གྲངས་མེད་ཀུན། །དེ་དག་ལས་ལ་གཏང་བར་བྱ། །དེ་དག་མངོན་པར་ཁུགས་པ་དང་། །ཏིང་འཛིན་རབ་འབྲིང་གསུམ་དུ་བྱ། །རབ་ཀྱིས་མངོན་དུ་ཁུག་པར་བྱ། །འབྲིང་གིས་ལིངྒ་འགུལ་བར་བྱས། །ཐམས་ཅད་ཉམས་དང་རྟགས་ཙམ་འོང་། །གཟོད་ཅིག་བརྡག་པའི་དུས་ཚོད་ཡིན། །དེ་རྣམས་མེད་པར་དུས་ཚོད་མིན། །ཆོ་ག་ཚང་བར་གྱུར་ན་ནི། །བརྡེག་པའི་དུས་ཚོད་ཡིན་པར་ནི། །དུས་ལ་བབ་པར་ཤེས་པར་བྱ། །འདི་ནི་བརྡེག་པའི་དུས་ཚོད་ཀྱི་ལེའུ་བདུན་པའོ།། །།དམ་ཚིག་གང་ཡིན་བསྟན་པ་ནི། ། ― DNG022_Page_0384 ―
[མ་དཔེ་གཟིགས་ན་འདིར་གནོན།]
གཞི་ནི་དམ་ཚིག་གཙོ་བོ་སྟེ། །དམ་ཚིག་མ་ཉམས་གཞུང་ཚུགས་ན། །འདི་དག་འགྲུབ་པར་འགྱུར་བར་བཤད། །ཉམས་པར་གྱུར་པས་མི་འགྲུབ་སྟེ། །སླར་ལ་རང་ཉིད་རླག་པར་འགྱུར། །སྐུ་ཡི་དམ་ཚིག་འདའ་དཀའ་བའི། །གསུང་གི་དམ་ཚིག་བར་མི་གཅད། །ཐུགས་ཀྱི་དམ་ཚིག་གསང་ཐུབ་པས། །ལས་ནི་བརྩམས་ནས་འགྲུབ་ཅེས་ནི། །དཔའ་བོ་ཁྲོ་བོས་ཡང་དག་བཤད། །དམ་ཚིག་དག་པ་འདི་ཡིས་ནི། །རྒྱལ་བ་མཉེས་ཏེ་དངོས་གྲུབ་ཐོབ། །བཀའ་བཞིན་སྤྱོད་ལ་གཞུང་བཞིན་བསྒྲུབ། །ངེས་པའི་དམ་ཚིག་དམ་པ་ཡིན། །ངེས་པའི་དམ་ཚིག་བསྟན་པར་ནི། །ཡང་དག་རྒྱལ་པོས་ ཡང་དག་གསུངས། །འདི་ནི་དམ་ཚིག་བསྟན་པའི་ལེའུ་བརྒྱད་པའོ།། །།ལྟ་བ་ཅི་ལ་དམིགས་པ་ནི། །ཡང་དག་ཉིད་དུ་བསྟན་བྱ་སྟེ། །ལྟ་བའི་རྒྱལ་པོ་ངེས་པའི་དབྱིངས། །གཟོད་ནས་མ་སྐྱེས་སེམས་ཀྱི་དབྱིངས། །རྣམ་པར་དག་པ་ཡུམ་གྱི་ཚུལ། །མ་སྐྱེས་མི་འགག་ཐབས་ཀྱི་སྐུ། །རིག་པའི་རྒྱལ་པོ་རང་བྱུང་བས། །ཐམས་ཅད་མ་ལུས་དབང་དུ་སྡུད། །ཐབས་ཀྱི་རྒྱལ་པོར་བདག་གནས་པས། །འགྲོ་ཀུན་བླ་ན་མེད་པར་སྒྲོལ། །ཆོས་ཀྱི་རྩ་བ་སེམས་ཡིན་པས། །བརྟག་པའི་དོན་དུ་རང་སེམས་བཟང་། །རང་གི་སེམས་ཀྱི་དོན་རྟོགས་ཤིང་། །མཉམ་པའི་རྒྱལ་པོ་ཀློང་གྱུར་ན། །ཞལ་ནས་གསུངས་པ་ཐམས་ཅད་དང་། །ཚིག་ཏུ་བརྗོད་པ་བསྟེན་པ་ལ། །ཐུགས་ལ་དགོངས་པ་ཏིང་འཛིན་ཏེ། །ཕྱག་གིས་བསྒྱུར་བ་ཕྱག་རྒྱ་སྟེ། །ཕུར་པའི་ཕྱག་རྒྱ་ལྔ་རུ་བཤད། །ཕུར་པ་དམ་ཚིག་ཕྱག་རྒྱ་ནི། །ལག་པ་གཉིས་ཀྱི་རྟིང་སྦྱར་ནས། །གུང་མོ་རྩེ་སྤྲད་དྲག་ཏུ་གཟིར། །དེ་ནི་ཕུར་བུའི་དམ་ཚིག་རྒྱ། །ཆང་པས་སོར་བརྒྱད་རིམ་པས་བཟུང་། །གུང་མོ་རྩེ་མོ་མན་ཆད་ལ། །ཕུར་པ་བརྡེག་པའི་ཕྱག་རྒྱ་ཡིན། །ལག་པ་གཉིས་ནི་ཐལ་སྦྱར་ནས། །གུང་མོ་རྩེ་སྤྲད་མཐེའུ་ཆུང་བརྒྱད། །སྲིན་ལག་མཛུབ་མོ་རྒྱབ་བསྣོལ་ཏེ། །མཐེ་བོ་གཤིབས་ཏེ་རབ་ཏུ་དྲིལ། །འདི་ནི་ཕུར་པ་དྲིལ་བའི་རྒྱ། །ལག་པ་གཉིས་ཀྱི་རྟིང་སྤྲད་ནས། ། ― DNG022_Page_0385 ―
[མ་དཔེ་གཟིགས་ན་འདིར་གནོན།]
སོར་བཅུ་ཁྲོ་བཅུར་བྱིན་བརླབས་ཏེ། །སྲས་མཆོག་དཀྱིལ་དུ་གཞག་ནས་ནི། །བྱིན་གྱིས་བརླབ་པ་བྱས་ན་ནི། །ཕུར་པ་བྱིན་གྱིས་བརླབས་པའི་རྒྱ། །མཐེབ་མཛུབ་གཉིས་ཀྱི་བར་དུ་ནི། །ཕུར་པ་བཅུག་ལ་ཡར་འཕངས་པས། །བབས་པས་བརྡེག་པའི་གཟུགས་ལ་བསྐུལ། །འདི་ནི་ཕུར་པ་བསྐུལ་བའི་རྒྱའོ། །དོན་དུ་ཕྱག་རྒྱ་ལ་སོགས་པ། །ཡང་དག་རྟོགས་ན་ཀུན་ཡང་རྒྱ། །མ་རྟོགས་མཚན་མས་རྟོག་པའི་ཞིང་། །རྟོག་པའི་རྒྱུ་ཉིད་ཆོས་ཉིད་ལ། །འཁོར་བའི་རྒྱུ་ཉིད་བྱང་ཆུབ་སྟེ། །བསད་པ་འབའ་ཞིག་ལས་སུ་རུང་། །རྣམ་རྟོག་སེམས་ཅན་ཀུན་བསད་ན། །དམ་པའི་བདེ་གཤེགས་ཀུན་མཉེས་ཏེ། །ངེས་པར་ལེགས་པའི་དགོངས་པ་འཕེལ། །སངས་རྒྱས་བཀའ་ལས་དེ་ལྟར་འབྱུང་། །དམ་པ་སེམས་ཀྱི་རང་བཞིན་པའོ། །ལྟ་བ་འདི་ལ་དམིགས་པས་བྱ། །འདི་ནི་ལྟ་བ་དམིགས་པའི་ལེའུ་དགུ་པའོ།། །། ཡོ་བྱད་རྫས་རྣམས་བསྟན་པ་ནི། །སྤྱང་དུག་ལ་སོགས་དུག་རྣམས་ཀྱི། །དྲག་པོས་བསྒྲལ་ཕྱིར་བསད་པར་འབྱུང་། །ཁྱད་པར་ལ་སོགས་གཏོར་མ་ནི། །མཁའ་འགྲོ་སྐུལ་ཕྱིར་དགོད་པར་འབྱུང་། །ཟངས་ལྕགས་མཆོག་ཏུ་ཚེར་མ་ཅན། །དྲག་པོས་གདུལ་ཕྱིར་གོང་བཞིན་བཤམ། །རྐང་རྗེས་ས་དང་དྲི་མ་རྣམས། །ངེས་པར་ཡོད་ན་བཟང་བར་བསྟན། །གཞན་ཡང་ཕུར་པའི་རྫས་རྣམས་ཀུན། །གོང་ནས་འབྱུང་བ་དེ་ཤེས་བྱ། །འདི་ནི་ཡོ་བྱད་རྫས་ཀྱི་ལེའུ་བཅུ་པའོ།། །། རྟགས་ཀྱི་ཞག་གྲངས་བསྟན་པ་ནི། །ཁྱད་པར་བསྙེན་པ་གཞུང་བཙུགས་ཏེ། །བཀའ་ཡི་བསྒྲུབ་པ་ཚུལ་བཞིན་དུ། །གཞུང་ལས་འབྱུང་བ་དེ་བྱས་ན། །རབ་ཀྱིས་ཟླ་བ་གཅིག་གིས་འགྲུབ། །རྟགས་ནི་ཞག་བདུན་ཉིད་ཀྱིས་འགྲུབ། །འབྲིང་པོས་ལོ་གཅིག་བྱས་ན་འགྲུབ། །རྟགས་ནི་ཟླ་བ་ཕྱེད་ན་ཕྱིན། །ཐ་མས་ལོ་གསུམ་ཚུན་ཆད་ཀྱིས། །འགྲུབ་པར་འགྱུར་ཏེ་གདོན་མི་ཟ། །རྟགས་ནི་ལོ་དུས་དག་ན་འགྱུར། །ཡན་ལག་བསྐུམ་པའི་ནད་ལ་སོགས། །རྟགས་རྣམས་ཀུན་ནི་ཚུལ་བཞིན་འབྱུང་། །འདི་ནི་ཕུར་པ་རྟགས་བསྟན་པའི་ལེའུ་བཅུ་གཅིག་པའོ།། །།འདི་ ― DNG022_Page_0386 ―
[མ་དཔེ་གཟིགས་ན་འདིར་གནོན།]
བརྩམས་དགོས་ཆེད་ཡོན་ཏན་ནི། །སེམས་ཅན་གང་ཟག་ཕལ་པ་དག །རས་ཆོད་བྱེད་པའི་ཚུལ་ལས་ཉམས། །བཀའ་འགལ་བྱེད་ཅིང་དཀྱིལ་འཁོར་འདྲལ། །མ་ཉེས་འཇོམས་ཤིང་སྐུར་པ་འདེབས། །དེ་ལ་འདི་བརྩམས་དགོས་ཆེད་ཡོད། །དོན་འདི་མ་ནོར་གང་སྤྱོད་པ། །ཀཱི་ལ་ཡ་ཡི་ཡོན་ཏན་ནི། །ཚེ་རིང་ནད་ཀྱང་མེད་པ་དང་། །དཔལ་དང་འབྱོར་པ་འཕེལ་བ་དང་། །གདོན་དང་འབྱུང་པོ་ཐུལ་བ་དང་། །ལྷ་སྲིན་མཐུ་ཆེན་ཀུན་འཁོལ་དང་། །དྲེགས་པ་དབང་ཕྱུག་བཀའ་ཉན་དང་། །ཅི་བགྱི་ལ་སོགས་བྲན་བཞིན་འཁོར། །འཇིག་རྟེན་འདིར་ཡང་ཀུན་བསམ་འགྲུབ། །གཞན་ཡང་ཡོན་ཏན་བརྗོད་མི་ལང་། །འཇིག་རྟེན་ཕ་རོལ་དག་ཏུ་ཡང་། །བསྒྲལ་བ་དག་ཀྱང་མཐོ་རིས་ཐོབ། །བདག་ཀྱང་བྱང་ཆུབ་གཉིས་སུ་མེད། །བསམ་པ་འབྱོར་པའི་ཤེས་རབ་ལགས། །ཆོས་ཀྱི་སྐུ་དང་དབྱེར་མེད་ན། །ངན་སོང་གསུམ་པོ་སྒོ་བཀག་ནས། །ཐར་པ་བདེ་བའི་གནས་ཀྱང་འདྲེན། །སྡིག་ཅན་བསད་ན་ལས་ངན་བཅད། །དམ་ཉམས་བསྒྲལ་ན་བཀའ་གཞུང་བརྟན། །ཕྱོགས་སྤྱོད་ཡིན་ནམ་ལོག་བསྒྲལ་ན་དཀྱིལ་འཁོར་བརྟན། །སྐུ་དགྲ་བསྒྲལ་ན་བར་ཆད་ཆུང་། །དེ་ནས་ཡོན་ཏན་ཐོབ་པ་ཡིན། །དེས་ན་ལེགས་པ་ཀུན་འཕེལ་ཏེ། །འབྲས་བུ་ངེས་པར་ཆུད་མི་ཟ། །བླ་མེད་གོ་འཕང་ཐབས་ཀྱང་ཆེ། །ཁྲོ་བོའི་རྒྱལ་པོ་ཐབས་མཁས་པས། །བསྒྲལ་བས་ལས་རྣམས་བྱང་བར་འགྱུར། །དཔའ་བོ་ཆེན་པོས་ཡང་དག་བཤད། །འདི་དག་ཡོན་ཏན་བསྟན་པ་ནི། །རིག་འཛིན་རྣམ་གསུམ་འདི་ལས་འགྲུབ། །དཔལ་ལྡན་དད་པའི་འབྱོར་པས་འགྲུབ། །ལེགས་པའི་ལས་རྣམས་ཀུན་རྫོགས་ཏེ། །གཞན་ཡང་འདོད་པའི་ཡོན་ཏན་རྣམས། །ཡིད་ལ་དམིགས་པ་བཞིན་དུ་འགྲུབ། །འདི་ནི་བརྩམས་པའི་དགོས་ཆེད་དང་། ཡོན་ཏན་ཅི་ཐོབ་བསྟན་པའི་ལེའུ་བཅུ་གཉིས་པའོ།། །། དེ་སྐད་ཅེས་བཅོམ་ལྡན་འདས་དཔལ་ཀཱི་ལ་ཡས་བཀའ་སྩལ་ནས། དེ་ནས་ཀརྨ་ཧེ་རུ་ཀས། ཕྱི་ནང་གསང་བའི་མཆོད་པས་ རྡོ་རྗེ་ཕུར་པ་བཅུ་གཉིས་ཀྱི་རྒྱུད།― DNG022_Page_0387 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་དྭི་པ་ཤ་ཏནྟྲ། བོད་སྐད་དུ། རྡོ་རྗེ་ཕུར་པ་བཅུ་གཉིས་ཀྱི་རྒྱུད། རིགས་ལྔའི་བདེ་བར་གཤེགས་པ་ཐམས་ཅད་ཀྱི་སྲས། བཅོམ་ལྡན་འདས་འཇིགས་བྱེད་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འཇིགས་བྱེད་ཆེན་པོ་བཛྲ་ཀཱི་ལ་ཡ་དང་། ཀུན་གཞི་ཀུན་ཏུ་བཟང་མོ་བཙུན་མོ་ཡུམ་གྱི་གྷ་ག་ལ་ཡིད་ཀུན་ཏུ་བཟང་པོ་ཡེ་ཤེས་འཁོར་དང་བཅས་པ་རྣམས། དབྱིངས་ཡེ་ཤེས་གཉིས་སུ་མེད་པར་ལྷུན་གྱིས་གྲུབ་པར་གནས་པར་བཞུགས་སོ། །དྲག་པོ་མཐིང་ནག་འབར་བའི་ནང་ནས། བཅོམ་ལྡན་བཛྲ་ཀཱི་ལ་ཡ་བཞེངས་ནས། ཆོས་ཉིད་ཞི་བས་འདུལ་བའི་སྐབས་ལ་མ་བབ་སྟེ། མཚན་མ་མེད་པ་དང་བྲལ། མཚན་མ་ཅན་ལ་ཞེན་ཆགས་པས། གདུག་པ་ཅན་དྲེགས་པ་ཅན་དུ་སྨིན་ཏེ་སེམས་ཅན་ཐམས་ཅད་ལ་གནོད་ཅིང་འཚེ། སངས་རྒྱས་ཀྱི་བསྟན་ལ་གནོད་པ་ཐམས་ཅད་ཚར་གཅད་པའི་ཕྱིར་མི་གཡོ་བ་རབ་ཏུ་དྲག་པོའི་དཔུང་རྣམ་པར་ཟློག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐབས་མཁས་པའི་དྲག་པོའི་ཕྲིན་ལས་ཀྱིས་འདུལ་བར་གཟིགས་ནས། སྐུ་རབ་ཏུ་ཁྲོས་པ་མི་བཟད་པ་བསྟན་པའི་ཕྱིར། སྐུ་གསུང་ཐུགས་ལས་གསང་སྔགས་འདི་བྱུང་ངོ་། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ཅེས་བརྗོད་པས་ཐུན་མོང་མ་ཡིན་པའི་གནས་ནས། ཁྲོ་བོའི་དཀྱིལ་འཁོར་དུ་མངོན་པར་སྤྲུལ་ལོ། །ཅིའི་ཕྱིར་ཞེ་ན། ལྷ་དང་། ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། ཡི་དྭགས་དང་། ཤ་ཟ་དང་། དྲི་ཟ་དང་། འབྱུང་པོ་དང་། སྐེམ་བྱེད་དང་། བརྗེད་བྱེད་དང་། སྨྱོ་བྱེད་དང་། ལྷ་ཆེན་པོ་དང་། ཕྱོགས་སྐྱོང་བ་བཅུ་དང་། མཁའ་འགྲོ་མ་ལ་སོགས་པ་རྣམས་ཐམས་ཅད་གཏི་མུག་གི་དབང་གིས་ ― DNG022_Page_0388 ―
[མ་དཔེ་གཟིགས་ན་འདིར་གནོན།]
ལས་རྒྱུ་འབྲས་ཀྱི་དོན་མ་རྟོགས་ཤིང་། མཚན་མ་མེད་པ་དང་བྲལ། མཚན་མ་ཅན་ལ་མངོན་པར་ཆགས་པས། ངན་སོང་གསུམ་དུ་ཡང་བསྐལ་པ་མང་པོར་སྡུག་བསྔལ་ཞིང་། མི་བདེ་བ་མང་པོ་ཉམས་སུ་མྱོང་ཞིང་། ལས་ཀྱི་འབྲས་བུས་ལས་ཀྱི་སྲིན་པོར་སྐྱེས་ནས། རྒྱུ་མཐུན་པའི་དབང་གིས་ཤིན་ཏུ་འཇིགས་ཤིང་རྔམ་པ་དང་། མི་སྡུག་པ་དང་། དྲི་ང་བ་དང་། དྲེགས་པ་ཅན་ལ་སོགས་པའི་གཟུགས་སུ་བྱུང་ནས། སེམས་ཅན་ཐམས་ཅད་ལ་འཚེ་བར་བགྱིད། མདངས་འཕྲོག་པར་བགྱིད། གནོད་པར་བགྱིད། དྲེད་སྐད་འདོན་པར་བྱེད། ཡིད་མི་བདེ་བ་མང་པོར་བགྱིད། འཁྲུག་པར་བྱེད། མྱ་ངན་དུ་བྱེད། སྲོག་དང་བྲལ་བར་བྱེད། འཇོམས་པར་བྱེད་པ་རྣམས་ལ་ཞི་བས་ཕན་པར་མི་འགྱུར་ཏེ། དབུ་དགུ་པ། ཕྱག་བཅོ་བརྒྱད་པ་ཞབས་བགྲད། སྤྱན་བཟློག །མཆེ་བ་གཙིགས་པ། སྐུ་གསུང་ཐུགས་མི་བཟད་པ་གཅིག་ཏུ་གྱུར་ཏོ། །གསང་བའི་སྔགས་བཅུ་གཉིས་ཕྱུང་ནས་ཀྱང་། སྦྱང་སྒྱུར་ཡེ་ཤེས་ཀྱི་ཆོ་འཕྲུལ་དུ་གྱུར་ཏོ། །ཉིད་ཀྱི་སྐུ་ལས་དཱིཔྟ་ཙཀྲ་ཞེས་འཁོར་ལོ་རྒྱས་འདེབས་མ་གཡོན་ཕྱོགས་སུ་འཐོན་ཏོ། །ཡབ་ཡུབ་གཉིས་སུ་མེད་པའི་བྱང་ཆུབ་སེམས་ལས་སྲས་མཆོག་རྡོ་རྗེ་ཐོ་བ་ལྕགས་ཀྱུ་ཐོགས་པ་གྲངས་མེད་པས། ཨོཾ་བཛྲ་ཀཱི་ལི་ཀཱི་ལ་ཡ་ཛ་ཛ་ཧཱུཾ་ཧཱུཾ་ཕཊ་ཕཊ། ཏི་ར་བཾ་ཀཱི་ལ་ཡ། སོད་ཆོམ། གཏོགས། ཐབས་ཤེས་རབ་ལས། ཆ་འཛིན་ཉི་ཤུ་བྱུང་། དེ་ལས་ཆ་འཛིན་གྲངས་མེད་པ་བྱུང་སྟེ། གདུག་པ་ཅན་བསྒྲལ་ཏེ། རྩ་བ་དབྱིངས་དང་ཡེ་ཤེས་ལས་ཆ་འཛིན་ཉི་ཤུ་བྱུང་། དབྱིངས་དང་ཡེ་ཤེས་གཉིས་སུ་མེད་པའི་བྱང་ཆུབ་ཀྱི་སེམས་ཉི་ཤུ་བྱུང་། དེ་ལས་བྱང་ཆུབ་ཀྱི་སེམས་གྲངས་མེད་བསམ་གྱིས་མི་ཁྱབ་པ་བྱུང་སྟེ། ཡིད་ལ་དྲན་པའི་སྙིང་པོ་བརྗོད་པ་ཙམ་གྱིས། ཉི་ཟེར་ལ་སེར་བ་འབབ་པ་བཞིན་དུ་སྤྲུལ་པའི་སྐུ་བྱུང་སྟེ། གདགས་ཤིང་བསྒྲལ་ལོ། །དེ་ནས་འཇིགས་བྱེད་དྲེགས་པའི་བདག་པོ་རྒྱ་མཚོ་ཙམ་ཞལ་དུ་རྔུབས་སོ། །དེ་ནས་བཛྲ་ཀཱི་ལ་ཡའི་འོད་ཟེར་ལུས་ལ་ ― DNG022_Page_0389 ―
[མ་དཔེ་གཟིགས་ན་འདིར་གནོན།]
བསྡིམ་པ་ལ། བསྒྲལ་འབོག་བཅོམ་པ་བརྒྱལ་བ་སངས་ཏེ། དྲན་པ་རྙེད་དེ་བཛྲ་ཀཱི་ལ་ཡའི་ཡང་དག་པའི་བདེན་པ་མཐོང་ངོ་། །དེའི་གདུག་པ་ཅན་དབྱིངས་དང་ཡེ་ཤེས་གཉིས་སུ་མེད་པར་བཅུག་པ་དེའི་ཚེ་དེའི་དུས་སུ། ཕྱོགས་བཅུའི་ཡེ་ཤེས་ཀྱི་ཁྲོ་བོ་དང་། དབྱིངས་དང་ཁྲོ་མོ་ལས་དབྱིངས་དང་ཡེ་ཤེས་གཉིས་སུ་མེད་པའི་བྱང་ཆུབ་ཀྱི་སེམས། གཏི་མུག་བྱང་ཆུབ་ཀྱི་སེམས་ལ་སོགས་པའི་མཚན་ཉིད་ཐོབ་པའོ། །འཇིགས་བྱེད་ཆེན་པོའི་བྱིན་རླབས་ལས། ཀརྨ་ཤྲཱི་ཧེ་རུ་ཀ་ཞེས་པས། ཁྲོ་བོ་ཀརྨ་ཧེ་རུ་ཀ་སྐུ་ལྗང་ནག །སྐུ་གསུང་ཐུགས་ཉིད་ལས་མི་གཞན་པ་འཐོན་ཏོ། །ཐུགས་ཀ་ནས་ཀྱང་སྲས་མཆོག་སྟོད་ཞལ་གསུམ་ཕྱག་དྲུག་པ་ལ། སྨད་ལྕགས་ཕུར་ཟུར་གསུམ་པ་གྲངས་མེད་པ་ཐོན་ཏོ། །སྔོན་གྱི་ཐུགས་དམ་གྱི་དབང་གིས། ཕྱོགས་བཅུའི་སངས་རྒྱས་རྣམས་ཀྱང་རྗེས་སུ་དྲན་ནས་གདུག་པ་ཅན་ཚར་བཅད་དེ། དེའི་ཚེ་འཇིགས་བྱེད་ཆེན་པོ་དང་། ཁྲོ་བོ་རྣམས་ཀྱིས་ལུས་གདན་དུ་ཕུལ་ལོ། །ཡིད་ཕྱི་རབས་ཀྱི་རྗེས་འཇུག་གི་ཚོགས་ཀྱི་གྲོགས་དང་ཆོས་སྐྱོང་བའི་བསྲུང་མར་དམ་བཅས་ཏེ། རྒྱལ་པོ་བཙོན་དུ་བཟུང་ན་དམངས་ཆམ་ལ་ཕེབས་ཏེ། དབང་མེད་དད་པས་བསྡུས་པའི་འཁོར་རོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀཱི་ལ་ཡ་བཅུ་གཉིས་ཀྱི་ཏནྟྲ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཀརྨ་ཧེ་རུ་ཀས་བཅོམ་ལྡན་འདས་འཇིགས་བྱེད་ཆེན་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ། བཅོམ་ལྡན་བཛྲ་ཀཱི་ལ་ཡ། དཔྱང་ཐག་ཆད་པའི་བློ་ངན་འཁོར་བ་ལ། ཐུགས་རྗེས་བཟུང་ནས་ཆོ་འཕྲུལ་བསྟན་པ་འདི་ལྟ་བུའི་རྫུ་འཕྲུལ་ངོ་མཚར་ཆེ། དེའི་རྗེས་སུ་སྒྲུབ་པའི་རྣལ་འབྱོར་པས། དེ་ལྟར་དེ་བཞིན་ཡང་དག་དོན། །གསང་བའི་བདག་པོས་བསྟན་དུ་གསོལ། །ཞེས་གསོལ་པས། དེ་ནས་ཀཱི་ལ་ཡའི་བདག་པོས། སྐུ་གསུང་ཐུགས་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་གྱི་དེ་བཞིན་གཤེགས་པ་རྣམས་ལ། རྗེས་སུ་འཇུག་པའི་རྣལ་འབྱོར་རྣམས། །ཡང་དག་དོན་ནི་ངས་བསྟན་གྱི། །གསང་སྔགས་ ― DNG022_Page_0390 ―
[མ་དཔེ་གཟིགས་ན་འདིར་གནོན།]
ཡང་དག་དོན་དམ་ནི། །ཐེག་པ་གསུམ་ནི་རྒྱབ་ཀྱིས་ཕྱོགས། །སྐལ་བ་ཆུང་བ་སྣོད་མེད་དེ། །དཀའ་ཐུབ་བསྡམས་ཤིང་དམ་ཚིག་མེད། །དོན་གྱི་གསང་སྔགས་མིང་དུ་མི་བསྒྲག་ཅིང་། །ཉེ་ལམ་གོལ་ཏེ་དོན་ལས་འགྱང་། །ཨེ་མ་ཧོ་རྒྱུད་འདི་རྟོགས་པར་དཀའ། །བསམ་པ་མཆོག་ཏུ་གྱུར་པའོ། །དབྱིངས་ཉིད་རིག་པ་རྒྱུན་མི་གཅད། །རྟོག་པ་བོར་པའི་ཕ་རོལ་ན། །རྟོག་མེད་བཙལ་བས་མི་རྙེད་པས། །རྟོག་དང་མ་རྟོག་གཉིས་མེད་ལ། །ཡང་དག་དོན་གྱི་སྙིང་པོ་ནི། །བདེ་བར་གཤེགས་པས་མི་གཟིགས་སོ། །ཀུན་ཀྱང་བྱང་ཆུབ་སྙིང་པོ་བས། །སངས་རྒྱས་གཞན་ནས་བཙལ་དུ་མེད། །རྡོ་རྗེ་ཁྲོས་པས་ཞེ་སྡང་གཅོད། །རྣམ་པར་ཤེས་པ་རྡོ་རྗེར་བསྒོམ། །དེ་བཞིན་ཉིད་ནི་བརྡལ་པའོ། །སྟོང་ཉིད་ཡེ་ཤེས་དག་པ་ལ། །གཟུགས་སྐུ་རྣམ་གཉིས་བྱིན་རླབ་ཅན། །འདི་ནི་རང་བཞིན་དག་པའོ། །འདི་ནི་དོན་དམ་ནས་བསྔགས་ཏེ། །དོན་དམ་བློ་ཡི་སྤྱོད་ཡུལ་མིན། །རང་བཞིན་སྣོད་མིན་གསང་བས་གྲུབ། །སངས་རྒྱས་ཕྱི་སླད་མི་རེ་བས། །སྔ་མ་སྦྱངས་པའི་མཁྱེན་རབ་ཅན། །རང་ལས་སངས་རྒྱས་ཡེ་ཤེས་རྟོགས། །ཆོས་ཉིད་བདེན་པའི་བྱིན་རླབ་མཐུས། །ཐབས་མང་ཐབས་མཁས་ཐབས་མྱུར་བས། །ཐབས་ཀྱི་སྤྱོད་པས་འགྲོ་དོན་དུ། །གསང་སྔགས་འབའ་ཤ་དཱིཔྟ་ཐ་དང་། །རྡོ་རྗེ་ཁྲོས་པ་ཞེས་སོགས་ནས། །མཐར་གནས་ཐུགས་ཀྱི་ས་བོན་བར་དག་གིས། །རྣལ་འབྱོར་དགོངས་དོན་སློང་བར་བྱ། །ཡང་དག་དབྱིག་གི་གཏེར་བྲུས་ལ། །ཞིང་རབ་གཤིན་ལ་ས་བོན་གདབ། །གླེན་པའི་བརྟུལ་ཞུགས་དྲག་པོ་དང་། །བྷུ་སུ་ཀུ་ཡི་སྤྱོད་པ་ཡིས། །བདེན་རྫུན་ལེ་ལོར་དོགས་དང་། །ཐེ་ཚོམ་མེད་ན་ཀུན་གྱིས་གྲུབ། །སྙིང་རྗེས་བསྒྲལ་བའི་དམ་ཚིག་ནི། །དམ་ཚིག་ཆེན་པོའི་དུས་ལ་བབ། །སྐུ་གསུང་ཐུགས་ཀྱི་དམ་ཚིག་ནི། །རེ་རེ་ལ་ཡང་གསུམ་གསུམ་མོ། །མ་དང་བུ་མོ་ཆུང་མ་དང་། །རབ་ཏུ་བརྒྱན་པ་དག་དང་ནི། །ངག་སྙན་ཚིག་མཚོན་མ་ཤོར་བ། །སྣོད་ངན་གསང་བ་མི་སྤེལ་ ― DNG022_Page_0391 ―
[མ་དཔེ་གཟིགས་ན་འདིར་གནོན།]
བ། །སེམས་བསྐྱེད་ང་རྒྱལ་མ་ཡེངས་པ། །གསང་སྔགས་དམ་ལས་མི་འདའ་བས། །དོན་དམ་སེམས་བསྐྱེད་སྲོག་དང་མི་འབྲལ་ལ། །རྫུན་ཚིག་བརླང་པོར་སྨ་བ་དང་། །སྦྱོར་སྒྲོལ་མ་བྱིན་ལེན་པ་དང་། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་མི་སྤང་ངོ་། །དྲི་ཆེན་དྲི་ཆུ་རཀྟ་དང་། །མཱཾ་ས་ཟིལ་པས་བརྒྱན་པར་བྱའོ། །དོན་དམ་ཀུན་རྫོབ་ཕྱིན་ཅི་ལོག །གནང་བཀག་གཉིས་ནི་བདེར་གསུངས་པ། །རྒྱུད་དང་ལུང་དང་མན་ངག་དང་། །རབ་འབྲིང་གསུམ་དུ་བཤད་པར་བྱ། །ཐུགས་སྐུ་མཚོན་ཆེན་སྔོན་པོ་འབར་བ་ཡིས། །སྣང་བ་ཡེ་ཤེས་ཆོ་འཕྲུལ་གསུམ་གྱིས་སྦྱངས། །ཕྱི་ནང་ཡེ་ཤེས་ཆོ་འཕྲུལ་གསུམ་གྱིས་སྦྱངས། །ཕྱི་ནང་ཡེ་ཤེས་རྟོག་པ་གཞིལ་བར་འགྱུར། །ཨ་ཧཱུཾ་རཾ་ཡཾ་ཁཾ། ཨེ་ཡཾ་ར་སུཾ་ཀེཾ་བྷན་དྷ་བྷྲཱུཾ། རཾ་ཁྲོ་བོའི་དཀྱིལ་འཁོར་དུ་མངོན་པར་འདུ་མཛད་པ་ནི། ཞིང་ཁམས་འབར་བའི་ཀློང་དཀྱིལ་ན། །རྡོ་རྗེ་གཞོན་ནུ་རྒྱས་འདེབས་མོ། །ཧཱུཾ་ཀཱ་ར་དང་སྒྲ་འབྱིན་མ། །རྣམ་པར་རྒྱལ་དང་རྣམ་སྙེམས་མ། །དབྱུག་པ་སྔོན་པོ་སྡེར་མོ་དང་། །གཤིན་རྗེའི་གཤེད་པོ་དུར་ཁྲོད་མ། །མི་གཡོ་མགོན་པོ་གཏུན་ཁུང་མ། །རྟ་མགྲིན་རྒྱལ་པོ་གཏུམ་མོ་མ། །གཞན་གྱིས་མི་ཐུབ་མདའ་སྙེམས་མ། །བདུད་རྩི་འཁྱིལ་པ་རླུང་འབྱིན་མ། །ཁམས་གསུམ་རྣམ་རྒྱལ་གསོད་མ་དང་། །སྟོབས་པོ་ཆེ་དང་བསྐྱོད་མ་དང་། །གཉིས་སུ་མེད་པའི་སྤྲུལ་པ་ཕྲ་མེན་དང་། །ཕག་མགོ་གཡག་མགོ་སྟག་མགོ་དང་། །ཤ་བ་གཟིག་དང་བྱི་ལའི་མགོ། །སྤྱང་མོའི་མགོ་དང་སེང་གེའི་མགོ། །དྲེད་མོ་དོམ་གྱི་མགོ་རུ་བསྟན། །སྨིག་བུ་བྱ་རོག་བྱ་རྒོད་མགོ། །འུག་པ་ཁྭ་ཏ་པུ་ཤུད་མགོ། །ཁྲ་ཡི་མགོ་དང་ཕ་ཝང་མགོ། །སྲེ་མོའི་མགོ་དང་བྱི་བའི་མགོ། །ཡང་སྤྲུལ་སུམ་སྤྲུལ་གྲངས་མེད་ཀྱིས། །སྲིད་པ་རླུང་ཡང་མི་འཆོར་གཏམས། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས། ཀཱི་ལ་ཡ་བཅུ་གཉིས་ཀྱི་ཏནྟྲ་ལས། ཡང་དག་པའི་དོན་གྱི་དགོངས་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་འཇིགས་བྱེད་ཆེན་པོས། ― DNG022_Page_0392 ―
[མ་དཔེ་གཟིགས་ན་འདིར་གནོན།]
རྡོ་རྗེ་གསང་སྔགས་དྲག་པོའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། །དེ་བཞིན་གཤེགས་པ་ཐམས་ཅད་དང་། འཁོར་གྱི་བྱང་ཆུབ་སེམས་དཔའ་རྗེས་འཇུག་རྣམས། ཨེ་མ་ཧོ་སངས་རྒྱས་ཐམས་ཅད་ཀྱི། །བླ་ན་མེད་པའི་བྱང་ཆུབ་སེམས། །འདའ་དཀའ་དེ་བཞིན་མི་ཤིགས་པ། །འདའ་བར་མི་མཛད་དམ་ཚིག་ཅན། །ཕྱོགས་བཅུ་དུས་གསུམ་རང་བཞིན་དག །དེ་བཞིན་གཤེགས་པའི་ངོ་བོ་ཉིད། །རང་གི་རྟོག་པ་ཕྲ་རྒྱས་ཀྱིས། །སོ་སོར་སྨིན་ཅིང་སྡུག་བསྔལ་བ། །གྲོལ་བར་བྱ་ཕྱིར་བླ་མེད་རྣམས། །བསྟན་ཕྱིར་རྫོགས་ལོངས་སྤྲུལ་པར་མཛད། །འོག་མིན་བཙུན་མོའི་བྷ་ག་ནས། །དྲག་པོ་མཐིང་ནག་འབར་བ་བཞེངས། །མགོན་པོ་བདག་ཉིད་ཆེན་པོ་བས། །རྡོ་རྗེ་གསང་སྔགས་འཁོར་ལོ་བསྐོར། །སྔགས་ཀྱི་དབང་པོ་བཀྲམ་ནས་ནི། །ཀུན་གྱི་དོན་དུ་གསུངས་པ་འདི། །དེ་བཞིན་གཤེགས་པ་ཐམས་ཅད་དང་། །འཁོར་གྱི་བྱང་ཆུབ་སེམས་དཔའ་དང་། །རྣལ་འབྱོར་རྗེས་འཇུག་བརྟན་པོར་བཟུང་། །ནམ་མཁའ་མཐའ་མེད་ཆོས་དབྱིངས་གཞལ་ཡས་ཁང་། །ཐིགས་པ་ལྟ་བུར་སྣང་སྲིད་དངོས་མེད་ཤར། །སྲོག་སེམས་གོ་རུ་རྡོ་རྗེ་གཞོན་ནུར་ཤར། །སྣང་སྲིད་ཕུང་པོ་རྡོ་རྗེར་ཡང་དག་གཏམས། །གསང་སྔགས་དོན་གྱི་དང་པོ་ལ། །དཀྱུས་ཚིག་འབྲུ་ཚིག་དོན་ཚིག་དང་། །དཀྱུས་ཚིག་གཉིས་དང་འབྲུ་ཚིག་དགུ། །དོན་ཚིག་བརྒྱད་དང་མན་ངག་ནི། །རིན་ཆེན་དག་ལ་བྲི་བར་བྱ། །དང་པོ་གཉིས་མེད་བྱང་སེམས་ལྡན། །གཉིས་པས་རིགས་ནི་སོ་སོར་བསྟན། །གསུམ་པས་དྲག་པོའི་འཛབ་དགོངས་བསྟན། །བཞི་པས་སྐུ་གསུང་ཐུགས་སུ་བསྟན། །དོན་དེ་ཤེས་པའི་རྣལ་འབྱོར་པས། །བཟླས་པའི་ལས་ལ་འཇུག་པར་བྱ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཨོཾ་ ― DNG022_Page_0393 ―
[མ་དཔེ་གཟིགས་ན་འདིར་གནོན།]
བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། ཨོཾ་དཱིཔྟ་ཙཀྲ་ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཤྭ་ཡ་བྱེ་ཏི་ཧཱུཾ་ཕཊ། ཨོཾ་བཛྲ་ཀྲོ་དྷཱི་ལཱ་སྱ་མུ་ཁ་ཧཱུཾ་ཕཊ། ཨོཾ་བཛྲ་ཀྲོ་དྷཱི་དྲ་ཏྲེ་ཛ་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཏྲ་ན་བ་རི་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཛ་ལ་རི་རི་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཛ་ཡ་ཧི་ཧི་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཤ་ཡ་ཏི་ཧཱུཾ་ཕཊ། ཨོཾ་བཛྲ་ཀྲོ་དྷཱི་བ་ཡ་བེ་ཧཱུཾ་ཕཊ། ཨོཾ་བཛྲ་ཀྲོ་དྷཱི་མ་ར་ན་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཙུན་དེ་ཧཱུཾ་ཕཊ། གརྫ་གརྫ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། ད་ཧ་ད་ཧ་ཧཱུཾ་ཕཊ། པ་ཙ་པ་ཙ་ཧཱུཾ་ཕཊ། བྷནྡྷ་བྷནྡྷ་ཧཱུཾ་ཕཊ། ཧུ་ལུ་ཧུ་ལུ་ཧཱུཾ་ཕཊ། ཏིཥྛ་ཏིཥྛ་ཧཱུཾ་ཕཊ། ཙྪིནྡྷ་ཙྪིནྡྷ་ཧཱུཾ་ཕཊ། བིནྡྷ་བིནྡྷ་ཧཱུཾ་ཕཊ། སྥོ་ཊ་སྥོ་ཊ་ཧཱུཾ་ཕཊ། བཛྲ་ཨུ་ཀ་མུ་ཁ་ཧེ། བཛྲ་བྱཱ་གྷྲི་མུ་ཁ་ཧེ། བཛྲ་ཙ་ཏེ་མུ་ཁ་ཧེ། བཛྲ་ཧ་རི་མུ་ཁ་ཧེ། བཛྲ་བྱ་རི་མུ་ཁ་ཧེ། བཛྲ་ཙ་ལ་མུ་ཁ་ཧེ། བཛྲ་ཤྭ་ན་མུ་ཁ་ཧེ། བཛྲ་སིང་ཧ་མུ་ཁ་ཧེ། བཛྲ་ཤ་ཏ་མུ་ཁ་ཧེ། བཛྲ་རགྴ་མུ་ཁ་ཧེ། བཛྲ་ཡགྴ་མུ་ཁ་ཧེ། བཛྲ་གྲྀ་བྷ་མུ་ཁ་ཧེ། བཛྲ་ཀཾ་ཀཱ་མུ་ཁ་ཧེ། བཛྲ་ཧུ་ལུ་མུ་ཁ་ཧེ། བཛྲ་བ་ཡ་ཏ་མུ་ཁ་ཧེ། བཛྲ་བི་ཤ་མུ་ཁ་ཧེ། བཛྲ་ཙ་ར་མུ་ཁ་ཧེ། བཛྲ་ན་ཀུ་ལ་མུ་ཁ་ཧེ། བཛྲ་ཏི་ཏི་མུ་ཁ་ཧེ། བཛྲ་ཀ་སི་ཀ་མུ་ཁ་ཧེ། སཱུརྱ་ཙནྡྲ་ཡེ། ཨིནྡྲཱ་ཡ། ཨགྣ་ཡེ། ཡ་མ་ཡེ། ནེ་རྀ་ཏི། བ་རུ་ན། བ་ཡ་བེ། ཀུ་བེ་ར། ཨིནྡྲཱ་ཡ། ཨུ་ཏི་ཤན་རེ། ཏི་ར་བཾ། ཨོཾ་ཨཱཿཧཱུཾ། ཨ་མྲྀ་ཏ་ཀུཎྜ་ལི་ཧཱུཾ། ན་མཿསརྦ་ཏ་ཐཱ་ག་ཏ་པཉྩ་ཨ་མྲྀ་ཏ་ཁཱ་ཧི། ཨོཾ་བཛྲ་ཀཱི་ལི་ཀཱི་ལ་ཡ། ཨོཾ་བུད་དྷ་ཀཱི་ལི་ཀཱི་ལ་ཡ། ཨོཾ་རཏྣ་ཀཱི་ལི་ཀཱི་ལ་ཡ། ཨོཾ་པདྨ་ཀཱི་ལི་ཀཱི་ལ་ཡ། ཨོཾ་ཀརྨ་ཀཱི་ལི་ཀཱི་ལ་ཡ། སུམྦྷ་ནི་སུམྦྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ་ཕཊ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ་ཕཊ། བྷ་ག་བཱན་བིདྱ་རཱ་ཛ་ཡ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ་སརྦ་ན་ས་བ་ནི་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། སརྦ་དུཥྚཱན་བཀ་ཧྲི་ཤོ་དྷ་ཡ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། ཚིནྡྷ་ཚིནྡྷ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་དུཥྚན་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་པུ་རུ་པུ་རུ་ཨུ་ཙུ་སྨ་མ་ཧཱ་ཀྲོ་དྷཱ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་བིང་སིང་ཧཱུཾ་ཕཊ། ཨོཾ་བཛྲ་ཀཱི་ལི་ ― DNG022_Page_0394 ―
[མ་དཔེ་གཟིགས་ན་འདིར་གནོན།]
ཀཱི་ལ་ཡ་ཨུ་ཙུ་ཤ་ཚིནྡྷ་ཚིནྡྷ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ཀྲོ་དྷ་མུ་ཀ་མཱ་ར་ཡ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ན་མཿས་མནྟ་བུ་ཤུད་དེ་བེ་ར་བེ་ར་ཧཱུཾ་ཕཊ། ཨོཾ་ལཾ་ཧཱུཾ་ལཾ་སྟྭཾ་བྷ་ནན། མོ་ཧ་གྷ་ཡ་བྷ་ག་བཱན། ཤི་ཀྲི་བི་ཀྲི་ཤྲཱི་བཛྲ་ཧཱུཾ་ཀཱ་ར་ཧཱུཾ་ཧཱུཾ་ཕཊ་ཕཊ། བཛྲ་ཀཱི་ལི་ཀཱི་ལ་ཡ་ཛ་ཧཱུཾ་ཕཊ། སརྦ་བིགྷྣཱན། བཛྲ་ཀཱི་ལ་ཡ་ཧཱུཾ་ཧཱུཾ་ཕཊ་ཕཊ། བཛྲ་ཧཱུཾ་ཀཱ་ར་ཧཱུཾ་ཕཊ། ཧཱུཾ་ཀཱ་ར་ཨ། ཧཱུཾ་པ་ར་སི་ཏ་ད་ཧཱུཾ་ཕཊ། ཚིནྡྷ་ཚིནྡྷ་ཧཱུཾ་ཕཊ། བིནྡྷ་བིནྡྷ་ཧཱུཾ་ཕཊ། གྲྀ་ཧྞ་གྲྀ་ཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བནྡྷ་བནྡྷ་ཧཱུཾ་ཕཊ། ཏ་ཐཱ་ག་ཏ་ཡ་ཧཱུཾ་ཕཊ། ཧ་ས་ཡ་ར་ན་ད་ཧ་ཏ་ན་ཧཱུཾ་ཕཊ། ཤཱི་གྷྲཾ་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། བིད་ད་ཡ་བིད་ད་ཡ་ཧཱུཾ་ཕཊ། ཨོཾ་ན་མཿས་མནྟ། ཀཱ་ཡ་བཱ་ཀ་ཙིཏྟ་བཛྲཱ་ཎཱཾ། གྷ་གྷཱ་གྷཱ་ཏ་ཡ་སརྦ་དུཥྚཱཾ་ཕཊ། ཀཱི་ལི་ཀཱི་ལ་ཡ། སརྦ་པཱ་པཾ་ཧཱུཾ་ཕཊ། ཧཱུཾ་ཧཱུཾ་བཛྲ་ཀཱི་ལ་ཡ་བཛྲ་དྷ་ར་ཨཱཛྙཱ་པ་ཡ་ཏི། སརྦ་བིགྷྣཱཾ་ཀཱ་ཡ་པཱ་ཀ་ཙིཏྟ། བཛྲ་ཀཱི་ལ་ཡ་ཧཱུཾ་ཕཊ། ཤཱནྟིཾ་ཀུ་རུ་སྭཱ་ཧཱ། པུཥྚིཾ་ཀུ་རུ་སྭཱ་ཧཱ། བ་ཤཾ་ཀུ་རུ་སྭཱ་ཧཱ། མཱ་ར་ཡ་ཀུ་རུ་སྭཱ་ཧཱ། ཌཱ་ཀྐིར་ཛྭ་ལ་རཾ་ཁཱ་ཧི། ཀྲོ་དྷ་རཾ་ཛྭ་ལ་ཁ་རཾ་ཁཱ་ཧི། ཧ་ལ་རཾ་ཛྭ་ལ་རཾ་ཁཱ་ཧི། རཾ་རཾ་ཏྭཾ་ཤཾ་ཛྭ་ལ་རཾ་ཁཱ་ཧི། ཡོ་གཱི་ཁ་རཾ་ཛྭ་ལ་རཾ་ཁཱ་ཧི། ཨེ་ཧྱེ་ཧི་བྷ་ག་བཱན། མ་ཧཱ་ཀཱ་རུ་ཎི་ཀ་དྲྀ་ཤྱ། ས་མ་ཡ་ཧོ། ས་མ་ཡ་སྟཾ། ཨོཾ་ཨཱཿཧཱུཾ་སྭཱ་ཧཱ་ཧཱུཾ་ཧཱུཾ་བཛྲ་ཙིཏྟ་ཧཱུཾ། ཨ་ཨ་བཛྲཱི་ས་མནྟ་བྷ་ཏྲཱི་ཧཱུཾ། བཛྲ་བྷནྡྷ་ཨཱ་ཡུ་ཨ་བཛྲ་པྲ་བ་ཤ་ཡ། ཨཱ་བེ་ཤ་ཡ་ཨ་ཨ་ཧ་ན་ཧ་ན། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏང་ཀ་ཡེ་བཛྲ། ཛ་ཡེ་བི་ཛ་ཡེ། ཨ་ཙི་ཏེ། མ་ར་སེ་ན་པྲ་མ་ར་ད་ནི་ཡེ་ཧཱུཾ་ཕཊ། ཧཱུཾ་མ་མ་ནི་ཀུ་མ་ཏྲཾ་བྱ། ཀ་ར་ཨི་ནན། ད་ཏྲི་མ་མ་ཀརྨ་ཤྲི་ཀྲཾ་ཀ་རེ་ཡེ། སརྦ་ཨཱ་ན་ཡ་ཧཱུཾ་ཕཊ། ཏ་ཐཱ་ཡ་ཧཱུཾ་ཕཊ། ཁ་ཐཾ་ཁ་ཐཾ་ཁ་ཐཾ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བཛྲ་ཡགྴ་ཀྲོ་དྷ་ཁཱ་ཧི་ཁཱ་ཧི། ཧ་ཧ་ཧ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧཱུཾ་ཕཊ་ཧཱུཾ་ཕཊ་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ― DNG022_Page_0395 ―
[མ་དཔེ་གཟིགས་ན་འདིར་གནོན།]
ང་ནི་བདུད་ཀྱི་བདུད་བདག་གསང་སྔགས་འདི། །རྡོ་རྗེ་འཛིན་འགུགས་འབེབས་པའི་སྒྲོལ་བའི་མཐུ། །རྡོ་རྗེ་འཛིན་འགུགས་དཀྱུས་ཚིག་ཨེ་ཀ་ནི། །ཨོཾ་ན་མ་གསང་སྔགས་ཀྱིས། ཕྱོགས་བཅུའི་བདེ་གཤེགས་ཐུགས་ཀྱི་གསང་སྔགས་ཀྱིས། །བྱིན་རླབ་ཆོས་ཉིད་བདེན་པའི་མཐུས། །རྡོ་རྗེ་སྡེར་མོའི་དཀྱུས་ཚིག་གསང་སྔགས་ཀྱིས། །གདུག་པའི་ལུས་ངག་ཡིད་གསུམ་སྙིང་གར་མནན་པའི་མཐུ། །རྡོ་རྗེ་འཛིན་འགུགས་དཀྱུས་ཚིག་ཏྲི་ཡི་གསང་སྔགས་ཀྱིས། །གདུག་པའི་དབང་པོ་འདུ་རྟེན་ཀླད་པ་བརྒྱ་ཚལ་འགས་པའི་མཐུ། །རྡོ་རྗེ་འཛིན་འགུགས་དཀྱུས་ཚིག་ཙ་རའི་གསང་སྔགས་ཀྱིས། །གདུག་པ་ཐམས་ཅད་དབང་པོ་རྣམ་ཤེས་བསྡམས་ཤིང་སྒྲོལ་བའི་མཐུ། །རྡོ་རྗེ་འཛིན་འགུགས་དཀྱུས་ཚིག་པཉྩའི་གསང་སྔགས་ཀྱིས། །གདུག་པའི་སྙིང་ནས་འདེབས་པར་བྱེད་པའི་མཐུ། །རྡོ་རྗེ་སྡེར་མོའི་དཀྱུས་ཚིག་ཆ་ཡི་གསང་སྔགས་ཀྱིས། །གདུག་པ་ཐམས་ཅད་རྩ་སྦུབ་བཙིར་ཞིང་ཁྲག་སྐྱུགས་སྒྲོལ་བའི་མཐུ། །རྡོ་རྗེ་འཛིན་འགུགས་དཀྱུས་ཚིག་ཙིཏྟའི་གསང་སྔགས་ཀྱིས། །ཐུགས་ཀྱི་གསང་སྔགས་དབང་དུ་བསྡུས་ནས་གཉིས་མེད་འདེབས་པའི་ཚུལ། །རྡོ་རྗེ་སྡེར་མོ་དཀྱུས་ཚིག་ཙ་ཡི་གསང་སྔགས་ཀྱིས། །ཚེ་དང་བསོད་ནམས་དཔལ་དང་གཟི་བརྗིད་ཐུགས་ཀྱི་དངོས་གྲུབ་ཐོབ་པའི་མཐུ། །རྡོ་རྗེ་འཛིན་འགུགས་དཀྱུས་ཚིག་དུ་ཝའི་གསང་སྔགས་ཀྱིས། །གདུག་པ་ཐམས་ཅད་དབང་མེད་འཚིར་པའི་མཐུ། །རྡོ་རྗེ་སྡེར་མོའི་དཀྱུས་ཚིག་ཤྲིན་ཛའི་གསང་སྔགས་ཀྱིས། །སྐུ་གསུང་ཐུགས་ཀྱི་དངོས་གྲུབ་ཐོབ་པའི་མཐུ། །རྡོ་རྗེ་སྡེར་མོ་དཀྱུས་ཚིག་སྤྲིན་ཛ་ཨེ་ཀའི་གསང་སྔགས་ཀྱིས། །རྡོ་རྗེ་ཕུར་པ་གཟི་བྱིན་བསྐྱེད་ཅིང་དབང་དུ་བསྡུས་ནས་སྒྲོལ་བའི་མཐུ། །བདུད་ཀྱི་བདུད་ཆེན་བདུད་ཀྱི་ཡུམ་བཞིའི་གསང་སྔགས་འདི། །ཕྲིན་ལས་དཀྱུས་ཚིག་ཨེ་ཀའི་གསང་སྔགས་ཀྱིས། །གདུག་པ་དགས་ཤིང་ཡན་ལག་གནོན་པའི་མཐུ། །ཕྲིན་ལས་དཀྱུས་ཚིག་ར་ཡི་གསང་སྔགས་ཀྱིས། །གདུག་པའི་དབང་པོ་བཅིང་ཞིང་གནོན་པའི་མཐུ། །ཕྲིན་ལས་དཀྱུས་ཚིག་ཏྲི་ཡི་གསང་སྔགས་རྣམ་ཤེས་སྡོམ་ཞིང་གནོན་པའི་མཐུ། །ཕྲིན་ ― DNG022_Page_0396 ―
[མ་དཔེ་གཟིགས་ན་འདིར་གནོན།]
ལས་དཀྱུས་ཚིག་ཙ་རའི་གསང་སྔགས་ཀྱིས། །གདུག་པའི་གཟུགས་ཕུང་རྡུལ་དུ་བརླག་ཅིང་གནན་པའི་མཐུ། །ཕྲིན་ལས་དཀྱུས་ཚིག་པཉྩའི་གསང་སྔགས་ཀྱིས། །བཅོམ་ལྡན་འདས་བདུད་བདག་བཀའ་བསྒོ་ཉན་པའི་མཐུ། །ཕྲིན་ལས་དཀྱུས་ཚིག་ཚ་ཡི་གསང་སྔགས་ཀྱིས། །ཁྲོ་རྒྱལ་བྱིན་བརླབ་མི་གཡོ་བ་ཡི་སྔགས། །དབང་དུ་བསྡུས་ནས་དྲག་ཏུ་མནན་སྒྲོལ་མཐུ། །ང་ནི་བདུད་ཀྱི་བདུད་བདག་སྟེ། །བདུད་ཀུན་གྱི་ནི་བདུད་ཆེན་པོ། །དབུ་དགུ་ཕྱག་ཀྱང་བཅོ་བརྒྱད་པོ། །གཡས་པ་དགུ་ནི་ཟ་བྱེད་དགུ། །གཡོན་པ་དགུ་ནི་གསོད་བྱེད་དགུ། །ཕྲ་མེན་ཕྱག་ནས་འོད་ཟེར་འཕྲོ། །ཤིན་ཏུ་མི་སྲུན་གཏུམ་བག་ཅན། །སྣང་བའི་དུག་ལྔ་རབ་ཏུ་འབར། །ཀཱི་ལ་ཡ་ཡི་སྒྲ་སྒྲོགས་པས། །གཡོས་སོ་རབ་ཏུ་གཡོས་སོ། །ཤིན་ཏུ་རབ་ཏུ་གཡོས་སོ་གཡོས་པར་གྱུར་ཏོ། །འཇིག་རྟེན་གྱི་དྲེགས་པ་ཐམས་ཅད་བརྒྱལ་བ་སངས་ནས་རབ་ཏུ་སྐྲག་པར་གྱུར་ནས། འཇིགས་བྱེད་ཆེན་པོའི་བདུད་བདག་གི། །ཞབས་ལ་སྤྱི་བོས་ཕྱག་འཚལ་ནས། སྐྱབས་སུ་གསོལ་ཏེ་མགྲིན་གཅིག་ཏུ་འདི་སྐད་ཅེས་སྨྲས་ཏེ། རྡོ་རྗེ་བདུད་བདག་འཇིགས་བྱེད་ཀྱི། །ཕུར་པའི་འོད་ཟེར་རབ་ཏུ་འབར། །ཁྲོ་བོའི་མེ་དཔུང་འབར་བ་ཡིས། །འཇིགས་ཚུལ་འཆང་བའི་ཁྱད་པར་ཅན། །དབུ་མངས་རྩུབ་པའི་སྒྲ་སྒྲོགས་ཤིང་། །ཕྱག་མངས་འཇིགས་པའི་མཚོན་ཆ་བསྣམས། །འཇིག་རྟེན་ཁམས་ཀུན་ངེས་བཀང་ནས། །ཁྲོ་གཉེར་ཞལ་གདངས་ངར་སྐད་ཀྱིས། །འཇིག་རྟེན་ཁམས་ཀུན་འབྲུག་སྟོང་སྒྲོག །རྒོད་དང་གཤེ་དང་ཟ་བྱེད་པ། །དོན་དང་རྟགས་དང་ལྡན་པ་ཡི། །འབར་བའི་རྒྱན་ཆ་མཚོན་ཆ་འཆང་། །བསྐལ་པ་ཞིག་པའི་སྲིད་རྩེ་འབར། །འཇིག་རྟེན་ཐལ་བར་རླག་མཛད་པ། །དཔའ་བོ་ཁྱོད་ལ་སྐྱབས་སུ་མཆི། །བདུད་བདག་ཁྱོད་ལ་སྐྱབས་སུ་མཆི། །ཁྲོ་རྒྱལ་ཁྱོད་ལ་སྐྱབས་སུ་མཆི། །ཐུགས་རྗེ་ཆེན་པོས་གཟུང་དུ་གསོལ། །ནན་ཏན་ཐུགས་རྗེས་མ་བཟུང་ན། །མགོ་དང་ལུས་ཀྱང་གས་སུ་བགྱི། །མེ་ལྕེ་ཕྲེང་བས་བསྲེག་པར་བགྱིད། །དེ་ཕྱིར་བདག་ཅག་ཐུགས་རྗེས་བཟུང་། ། ― DNG022_Page_0397 ―
[མ་དཔེ་གཟིགས་ན་འདིར་གནོན།]
ཞེས་དྲེགས་པ་ཅན་རྣམས་མཐུན་པར་སྐྱབས་སུ་གསོལ་ནས། མ་དང་སྲིང་མོ་དང་ཆུང་མ་དང་བྲན་མོ་དང་། རིལ་ཕུལ་རེ་སྲས་སུ་གསོལ་ཏེ། གདན་དང་གྲོགས་སྐྱོང་སྟེ། ཆོས་སྐྱོང་བའི་སྲུང་མར་དབང་མེད་དད་པས་བསྡུས་སོ། །སྙིང་རྗེས་བསྒྲལ་བའི་དམ་ཚིག་ནི། །གསད་ཅིང་གནན་པ་མ་ཡིན་ཏེ། །ཀུན་ལ་ཁྱབ་པ་མ་ཡིན་ནོ། །སྲོག་དོན་བཀའ་དམ་ལས་ཀྱིས་ཉམས། །མཚན་མས་ཉམས་དང་འདོད་པས་ཉམས། །འདི་བདུན་སྤང་སྟེ་ཡང་དག་དོན། །བསྒྲུབ་ན་ངེས་པར་འགྲུབ་པའོ། །སྲོག་ལས་ཉམས་པའི་མཚན་ཉིད་ནི། །ཕ་དང་མ་ནི་སློབ་དཔོན་ལ། །འགལ་བ་བསྒྲལ་བ་དམ་པར་བཤད། །དོན་ལས་ཉམས་པའི་མཚན་ཉིད་ནི། །གསང་བ་ལ་སོགས་སྨྲ་ཞིང་སྤེལ། །བཀའ་ལས་ཉམས་པ་འདི་ལྟ་སྟེ། །སྐུར་འདེབས་ལོག་པར་འཁྲིད་ལ་སོགས། །སྦྱོར་སྒྲོལ་ལ་སོགས་གསང་བ་རྣམས། །མངོན་དུ་བྱེད་པ་དམ་པའི་བདུད། །ཡ་ག་ལ་སོགས་སྐུ་ལ་བསྡོ། །བདག་ལ་མཐུ་དང་རྩལ་འདོད་པ། །ལས་ཀྱིས་ཉམས་པ་དབང་མེད་བསྒྲལ། །སྐྱེ་བ་མེད་པའི་ཆོས་བཤད་ཀྱང་། །མཚན་མའི་ཆོས་ལ་ཞེན་པ་སོགས། །མཚན་མ་ཉམས་ཏེ་ཤིན་ཏུ་བསྒྲལ། །རྟག་ཏུ་ཞེན་ཆགས་ཟས་ལ་སོགས། །འདོད་པས་ཉམས་ཏེ་བསྒྲལ་བ་ཡིན། །དེ་ནས་ཀཱི་ལ་ཡའི་བདག་པོ་ལ། འཁོར་རྣམས་ཀྱིས་མགྲིན་གཅིག་ཏུ་གསོལ་པ། ཀཱི་ལ་ཡ་ཡི་བདག་པོ་ལགས། །བསྒྲལ་མ་བསྒྲལ་གྱི་སྐྱོན་ཡོན་ཇི་ལྟར་ལགས། །དེ་དག་བསྒྲལ་ན་རྣལ་འབྱོར་བཙུན། །བདུད་རྣམས་བཏུལ་ན་བསྟན་པ་གཉན། །མེད་པར་བསྒྲལ་ན་བར་ཆད་ཉུང་། །མ་བསྒྲལ་སྐྱོན་ནི་དམྱལ་ཁམས་འཕེལ། །མ་བཏུལ་བར་ཆད་བསམ་མི་ཁྱབ། །ཆོས་ཉིད་བདེན་པ་གསང་སྔགས་བྱིན་རླབས་དང་། །ཐུགས་རྗེ་ཆེན་པོ་སངས་རྒྱས་མཐུ་ཡིས་ནི། །ཨ་བྷི་ཙཱརྱ་གནག་པ་འདི་ཁོ་ནའོ། །ཞེས་ཀཱི་ལ་ཡ་བཅུ་གཉིས་ཀྱི་ཏནྟྲ་ལས། རྡོ་རྗེ་གསང་སྔགས་དྲུག་པོའི་ལེའུ་སྟེ་གསུམ་པའོ།། །།དེ་ནས་འཇིགས་བྱེད་ཆེན་པོ་རྡོ་རྗེ་ཕྲ་མོའི་དཀྱིལ་འཁོར་ཆེན་པོའི་ཏིང་ངེ་འཛིན་ལ་སྙོམས་ ― DNG022_Page_0398 ―
[མ་དཔེ་གཟིགས་ན་འདིར་གནོན།]
པར་ཞུགས་ནས། རྟགས་ཀྱི་དམ་པས་བཀའ་སྩལ་པ། །ཨེ་མ་ཧོ་རིགས་ཀྱི་ཁྱད་པར་ཅན། །བྱང་ཆུབ་སེམས་ཀྱི་ཕུར་པ་ལ། །ཕྲིན་ལས་རྣམ་བཞིའི་དཀྱིལ་འཁོར་ལ། །འཁོར་ལོ་བར་ཁྱམས་སྒོ་ཁྱུད་བཅས། །ཤེལ་གྱི་དཀྱིལ་འཁོར་བཅས་པ་ལ། །བདུད་ཀྱི་བདུད་བདག་ཁྲོ་བོ་རྣམས། །རྒྱས་འདེབས་ལ་སོགས་ཁྲོ་མོ་རྣམས། །སྟག་གཡག་ལ་སོགས་ཟ་བྱེད་ཚོགས། །གསོད་བྱེད་ལ་སོགས་ཕྲ་མེན་ཚོགས། །ལྕགས་ཀྱུ་ལ་སོགས་དམ་ལ་བཏགས། །གཞལ་ཡས་ཁང་གི་སྒོར་གནས་སོ། །ལྷོ་ནུབ་ཧོམ་ལྔ་ཡང་དགོད་ལ། །ཕྱི་ནང་གསང་བའི་ཧོམ་ཤིང་ལ། །བསྲེག་རྫས་རྣམས་དང་བརྣག་པའོ། །ཤར་ལྷོར་ཕྲིན་ལས་ཟོར་དཀྱིལ་འཁོར། །མདའ་བཅུ་ལྟས་ངན་སྒྲོ་བཞི་ལ། །ཁྲོ་བཅུའི་སྙིང་པོ་གསལ་བྲིས་ལ། །ཐུན་ཁུང་ཕུར་བདུན་སྐྱེར་མདའ་གཞུ། །ནུབ་བྱང་ཐོད་པའི་མནན་དཀྱིལ་འཁོར། །གདབ་ཕུར་བརྒྱ་ནི་རྩ་བརྒྱད་དེ། །གྲུ་གསུམ་ཨེ་ལ་ཐུན་དུ་དབབ། །བྱང་ཤར་བརྣག་པ་བསྒྲལ་དཀྱིལ་འཁོར། །གྲུ་གསུམ་བང་རིམ་གཉིས་པ་བྲུས། །བརྣག་པའི་རྣམ་ཤེས་དགུག་བསྡིམ་བྱའོ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཆོས་སྐྱོང་དམ་ཅན་དུས་ལ་བབ། །བྲན་དང་ཕོ་ཉ་དེ་བཞིན་བསྐུལ། །སྔོན་དུ་བསྒྲལ་བ་ཉམས་པ་བདུན། །སྔགས་དང་ཏིང་འཛིན་ཕྲིན་ལས་གསུམ། །དཀྱུས་དང་སྦྱར་ལ་གདབ་པར་བྱ། །རབ་འབྲིང་གསུམ་གྱི་རྟགས་བྱུང་ན། །དམ་ཚིག་དྲུག་གི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་སོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་བཞིན་བཤིག་ནས་ཀྱང་། ། ― DNG022_Page_0399 ―
[མ་དཔེ་གཟིགས་ན་འདིར་གནོན།]
སྡུག་བསྔལ་ཉམས་སུ་མྱོང་བར་མཛོད། །དཀར་ནག་མཚམས་ཀྱི་གནད་ཆེན་ལ། །སོ་སོར་གདབ་དང་དྲིལ་ལ་གདབ། །དགུག་ཅིང་གདབ་དང་བསྲེག་པའོ། །ཞི་རྒྱས་དབང་དང་མངོན་སྤྱོད་དང་། །དྲི་དང་ས་ཡི་ཆོ་གའོ། །ཟློག་དང་རེ་རེ་དྲུག་དྲུག་གོ། །ཟླུམ་པོའི་དཀྱིལ་འཁོར་རྩིབས་བརྒྱད་ལ། །ལྷ་རྣམས་འཁོར་བཅས་སྤྱན་དྲངས་ཏེ། །མཆོད་རྫས་ཐམས་ཅད་དཀར་པོར་བྱ། །སྔགས་དང་ཏིང་འཛིན་ཕྲིན་ལས་རྣམས། །བསྒོམ་ན་ཐམས་ཅད་ཞི་བར་འགྱུར། །ཐོག་མེད་བསགས་པའི་སྡིག་སྒྲིབ་དང་། །གདུག་པ་ཅན་གྱི་དགྲ་བགེགས་རྣམས། །ཐམས་ཅད་མ་ལུས་ཞི་བར་འགྱུར། །འདི་ནི་ཞི་བའི་ལས་ཞེས་བྱ། །དཀྱིལ་འཁོར་ཧོམ་ཁུང་ཟླུམ་པོ་ལ། །རྡོ་རྗེ་པདྨོས་བརྒྱན་པར་བྱའོ། །བསྲེག་རྫས་དཀར་པོ་མཆོད་བྱས་ནས། །ལྷ་རྣམས་འཁོར་བཅས་ཞི་བར་འགྱུར། །ཆོས་ཉིད་བདེན་པའི་བྱིན་རླབས་མཐུས། །རྣམ་རྟོག་སེམས་འཁྲུག་ཞི་བར་འགྱུར། །འདི་ནི་ཞི་བའི་ཧོམ་ཞེས་བྱ། །དངུལ་ལམ་དཀར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་ཟླུམ། །ཁོང་སེང་བྱང་སེམས་གཞལ་ཡས་ཁང་། །ལོགས་ལ་ཞི་བའི་ལྷ་བསྒོམས་ལ། །བཏང་བས་ཐམས་ཅད་ཞི་བར་འགྱུར། །ཞི་བར་མ་གྱུར་གང་ཡང་མེད། །ཞི་མཛད་ལྷ་ལ་ཕྱག་འཚལ་ལོ། །ཏིང་འཛིན་སྔགས་དང་ཞི་བ་གསུམ། །ཆོས་ཉིད་བདེན་པའི་བྱིན་བརླབས་མཐུས། །ཐམས་ཅད་མ་ལུས་ཞི་བར་འགྱུར། །ཞི་བའི་ཕུར་གདབ་ཅེས་བྱའོ། །དངུལ་དང་འབྲས་ཆན་འོ་མ་ཞོ། །གཏོར་མ་དཀར་པོ་རྒྱན་དཀར་པོ། །སྔགས་དང་ཏིང་འཛིན་ཕྲིན་ལས་གསུམ། །ཆོས་ཉིད་བདེན་པའི་བྱིན་བརླབས་མཐུས། །ཞི་བར་བསྒོམ་ཞིང་གཏོར་བྱས་ན། །དགྲ་བགེགས་དངོས་ལྟ་ཞི་བར་འགྱུར། །ལྷ་དང་ཕོ་ཉ་ཞི་བར་འགྱུར། །ཞི་བའི་གཏོར་མ་ཞེས་བྱའོ། །ལྷ་ཡི་དཀྱིལ་འཁོར་ཆེན་པོ་རུ། །ལྷ་ཡི་བསྙེན་པ་རྫོགས་བསྒོམས་ལ། །ལྷ་རྣམས་གསང་སྔགས་ཞི་བར་སྦྱོར། །འབྲས་ཆེན་འོ་མ་ཞོ་མར་གཉིས། །ཙནྡན་རྒྱ་ཤུག་སོལ་ཏོག་དཀར། །བལ་ཏོག་མེ་ཏོག་སྣ་ཚོགས་དཀར། །རེ་རེ་གསང་སྔགས་རྩ་བརྒྱད་སྦྱོར། །སྦྱོར་བའི་ ― DNG022_Page_0400 ―
[མ་དཔེ་གཟིགས་ན་འདིར་གནོན།]
ལྷ་གྲངས་རེ་རེ་ལ། །སྡིག་སྒྲིབ་སྡིག་པ་ཞི་བར་འགྱུར། །དེ་ལྟར་དེ་བཞིན་སྨོན་ལམ་གདབ། །དེ་ནི་གསང་སྔགས་སྦྱོར་བའི་ལས། །རྗེས་སུ་འཇུག་པའི་རྣལ་འབྱོར་པས། །ཞི་བའི་སྦྱིན་སྲེག་རྩ་བརྒྱད་ཀྱི། །ལྷ་རྣམས་ཞི་ཞིང་ཤིས་པ་་། །རྒོལ་བར་སེམས་དཔའ་ཞི་བ་དང་། །གདུག་པས་ཟིན་པ་ཞི་བ་དང་། །སླད་ཀྱི་བར་ཆད་བྱ་སེམས་ཞི། །འདི་དང་གཞན་དུ་བདེ་མཆོག་ཐོབ། །སྦྱིན་བསྲེག་སྦྱིན་པའི་ཕ་རོལ་ཕྱིན། །ཚོགས་ཆེན་ཚོགས་གཉིས་རྫོགས་པར་འགྱུར། །ཞི་བ་གྲུབ་པའི་ཡོན་ཏན་ནོ། །གྲུ་བཞིའི་དཀྱིལ་འཁོར་རྩིབས་བརྒྱད་པ། །ལྷ་རྣམས་འཁོར་བཅས་སྤྱན་དྲངས་ཏེ། །མཆོད་རྫས་སེར་པོ་མེ་ཏོག་སེར། །ཆས་གོས་ཐམས་ཅད་སེར་པོར་བགོས། །ལྷ་རྣམས་ཐམས་ཅད་སེར་པོར་བསྒོམ། །བདག་ཉིད་ང་རྒྱལ་རྡོ་རྗེ་བསྒོམ། །ཀུན་ཏུ་བཟང་མོའི་ཆོས་དབྱིངས་ལ། །ཀུན་ཏུ་བཟང་པོའི་གཟི་བརྗིད་ཀྱིས། །བདག་ཉིད་ལྷ་རྣམས་གཉིས་མེད་བསྒོམ། །དེ་ནི་རྒྱས་པའི་ལས་ཞེས་བྱའོ། །ཧོམ་ཁུང་གྲུ་བཞི་འབར་བ་ལ། །རྡོ་རྗེ་འཁོར་ལོས་བརྒྱན་པར་བྱ། །ཧོམ་ཤིང་སེར་པོའི་ཤིང་རྣམས་ལ། །གསེར་གྱི་ཐག་པས་བཅིངས་བྱས་ལ། །ལྷ་རྣམས་བསྐྱེད་དང་སྤྱན་དྲངས་ལ། །དེ་རུ་བྱིན་མཆོད་བསྲེག་པར་བྱ། །རྒྱས་པའི་དཀྱིལ་འཁོར་ཧོམ་ཞེས་བྱ། །གསེར་རམ་སེར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་བཞི། །ཁོང་སེང་བྱང་སེམས་གཞལ་ཡས་ཁང་། །ལོགས་ལ་རྒྱས་པའི་ལྷ་བསྒོམས་ལ། །བཏབ་པས་ཐམས་ཅད་རྒྱས་པར་འགྱུར། །རྒྱས་པར་མ་གྱུར་གང་ཡང་མེད། །རྒྱས་མཛད་ལྷ་ལ་ཕྱག་འཚལ་ལོ། །ཏིང་འཛིན་སྔགས་དང་ཕྲིན་ལས་གསུམ། །ཆོས་ཉིད་བདེན་པའི་བྱིན་བརླབས་མཐུས། །ཐམས་ཅད་མ་ལུས་རྒྱས་པར་ཐེབས། །རྒྱས་པའི་ཕུར་པ་གདབ་རྩེས་བྱའོ། །གསེར་རམ་སེར་པོའི་ཕྱེ་མ་དག །མེ་ཏོག་སེར་པོ་སྣ་ཚོགས་ཕྱེ། །སེར་པོའི་འབྲུ་སྣ་མང་སྦྱར་ལ། །རྒྱས་པར་གྱུར་པའི་གཏོར་མ་སྟེ། །གཏོར་བས་ཐམས་ཅད་རྒྱས་པར་འགྱུར། །རྒྱས་པར་མ་གྱུར་གང་ཡང་མེད། །འདི་ནི་རྒྱས་པའི་གཏོར་མའོ། །རྒྱས་པའི་དཀྱིལ་འཁོར་ཆེན་པོ་རུ། །ལྷ་རྣམས་དཀྱིལ་འཁོར་བསྙེན་ ― DNG022_Page_0401 ―
[མ་དཔེ་གཟིགས་ན་འདིར་གནོན།]
རྫོགས་ནས། །ལྷ་རྣམས་གསང་སྔགས་རྒྱས་པར་སྦྱོར། །ཉུང་དཀར་མེ་ཏོག་སྡོང་ཤིང་སེར། །རེ་རེ་གསང་སྔགས་རྩ་བརྒྱད་སྦྱོར། །བསྲེག་རྫས་ཧོམ་དུ་བསྲེག་པ་ན། །ཐམས་ཅད་མ་ལུས་རྒྱས་པར་འགྱུར། །རྒྱས་པའི་གསང་སྔགས་སྦྱོར་བ་ལས། །རྗེས་སུ་འཇུག་པའི་རྣལ་འབྱོར་པས། །རྒྱས་པའི་སྦྱིན་བསྲེག་རྩ་བརྒྱད་ཀྱིས། །ཆོས་ཉིད་བདེན་པའི་གསང་སྔགས་བྱིན་རླབས་མཐུས། །ལྷ་དང་རྣལ་འབྱོར་གཟི་བྱིན་བྱིན་རླབས་རྒྱས། །དཔལ་དང་ཚེ་དང་བསོད་ནམས་རྒྱས། །དོན་དམ་ཀུན་རྫོབ་ལོངས་སྤྱོད་རྒྱས། །རྒྱུ་དང་འབྲས་བུ་བསོད་ནམས་ཚོགས་ཆེན་རྒྱས། །འདི་ནི་རྒྱས་པའི་ཡོན་ཏན་ནོ། །ཟླ་གམ་དཀྱིལ་འཁོར་རྩིབས་བརྒྱད་པར། །ལྷ་བསྐྱེད་དཀྱིལ་འཁོར་སྤྱན་དྲངས་ནས། །མཆོད་པ་ལ་སོགས་གཞུང་བཞིན་བྱ། །ལྷ་རྣམས་གོ་རིམ་དམར་པོར་བསྒོམ། །ཆས་གོས་དམར་པོ་རྣམ་པ་ལྔ། །ཁྲོ་བོ་ཆེན་པོའི་བྱིན་རླབས་ཀྱིས། །རྡོ་རྗེ་ཕྲ་མེན་མ་མངགས་ནས། །མ་དང་བུ་ལ་བྱམས་པའི་ཚུལ། །ཐམས་ཅད་དབང་དུ་བསྡུས་ནས་འགྲུབ། །འདི་ནི་དབང་གི་ལས་ཞེས་བྱའོ། །ཧོམ་གྱི་དཀྱིལ་འཁོར་ཟླ་གམ་ལ། །རྡོ་རྗེ་ཞགས་པས་བརྒྱན་པར་བྱ། །སེང་ལྡེང་མཛོ་མོ་གླང་འཁལ་བ། །གཞན་ཡང་ཤིང་རྩི་དམར་པོ་རྣམས། །ཧོམ་ཤིང་ཐག་དམར་བཀྱིགས་པ་ནི། །རྣམ་རྟོག་གནག་པ་གཉིས་བསྲེག་ན། །ཅི་བསྒོ་བཀའ་ཉན་དབང་དུ་འདུས། །འདི་ནི་དབང་གི་ཧོམ་ཞེས་བྱའོ། །ཟངས་སམ་དམར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གཉིས། །ཁོང་སེང་བྱང་སེམས་གཞལ་ཡས་ཁང་། །ལོགས་ལ་དབང་གི་ལྷ་བསྒོམས་ལ། །བཏབ་པས་ཐམས་ཅད་དབང་དུ་འདུས། །དབང་དུ་མ་འདུས་གང་ཡང་མེད། །དབང་མཛད་ལྷ་ལ་ཕྱག་འཚལ་ལོ། །འདི་ནི་དབང་གི་ཕུར་པ་གདབ་པའི་ལས་སོ། །ཟངས་ཕྱེ་ཤིང་དམར་གོང་དམར་ཕྱེ། །འབྲས་ཆེན་དམར་པོ་མེ་ཏོག་དམར་པོའི་ཕྱེ། །བུ་རམ་ཆུ་ཡིས་སྦྱར་ལ་གཏོར། །ཁྲོ་བོ་ཆེན་པོའི་བྱིན་རླབ་ཀྱིས། །ཕྲ་མེན་ཚོགས་ཀྱིས་བཀུག་ནས་ནི། །ཅི་བསྒོ་བཀའ་ཉན་དབང་དུ་འདུ། །དབང་གི་གཏོར་མའི་ལས་ཞེས་བྱའོ། ། ― DNG022_Page_0402 ―
[མ་དཔེ་གཟིགས་ན་འདིར་གནོན།]
དབང་གི་དཀྱིལ་འཁོར་ཆེན་པོ་རུ། །ལྷ་དབང་དཀྱིལ་འཁོར་བསྙེན་རྫོགས་ནས། །ལྷ་རྣམས་གསང་སྔགས་དབང་དུ་སྦྱོར། །ཟངས་མེ་སེང་ལྡེང་མཛོ་མོ་མེ། །ཉུང་དམར་ཁ་དོག་དམར་པོའི་འབྲུ། །རེ་རེ་གསང་སྔགས་རྩ་བརྒྱད་སྦྱོར། །བསྲེག་རྫས་ཧོམ་དུ་ཕུལ་བསྲེགས་ན། །ཆོས་ཉིད་བདེན་པའི་བྱིན་རླབས་སངས་རྒྱས་མཐུས། །གཉིས་སུ་མེད་པའི་བྱིན་རླབས་ཀྱིས། །སྲིད་གསུམ་ཁམས་གསུམ་དབང་དུ་འདུས། །མི་མཐུན་རྟོག་སྒྲིབ་དབང་དུ་འདུས། །བདག་དང་གཞན་གྱི་ཐ་མི་དད། །ཀུན་བཟང་ཡབ་ཡུམ་གཉིས་མེད་ཀྱིས། །ཐམས་ཅད་དབང་གི་རང་བཞིན་ནི། །དབང་གི་གྲུབ་པའི་ཡོན་ཏན་ནོ། །དཀྱིལ་འཁོར་འཁོར་ལོ་རྩིབས་བརྒྱད་ལ། །དེ་ལ་གྲུ་གསུམ་རེ་རེའོ། །བར་ཁྱམས་སྒོ་ཁྱུད་ལྡན་པར་བྱ། །ལྷ་རྣམས་དཀྱིལ་འཁོར་བསྐྱེད་སྤྱན་དྲངས། །གཉིས་སུ་མེད་པར་བསྡིམ་བྱས་ལ། །ཤ་ཁྲག་དམར་གྱི་མཆོད་བྱས་ལ། །བསྙེན་བསྒྲུབ་རྫོགས་པར་བསྐྱལ་བར་བྱ། །ཕུར་པ་བཞི་བཅུ་རྩ་དྲུག་ལ། །རང་རང་སྙིང་པོ་བྲིས་ལ་ནི། །དཀྱིལ་འཁོར་གོ་ནས་དགོད་པར་བྱ། །སྔགས་དང་ཏིང་འཛིན་ཕྲིན་ལས་ཀྱིས། །ཕྲ་མེན་ཚོགས་ནི་རྦད་པར་བྱ། །དེ་ཡིས་ལས་རྣམས་འགྲུབ་པར་འགྱུར། །འདི་ནི་དྲག་པོའི་ལས་ཞེས་བྱའོ། །ཧོམ་ཁུང་གྲུ་གསུམ་ཉིས་བརྩེགས་ལ། །ཐོད་པ་མེ་རིས་བརྒྱན་པར་བྱ། །གསང་བའི་རྫས་ནི་བཅུ་གསུམ་དང་། །གདུག་པ་ཅན་གྱི་ཚེར་དུག་ཤིང་། །ལྕགས་ཐག་བསྡམས་ལ་གཟུག་པར་བྱ། །ཕུར་པ་བརྒྱ་ནི་རྩ་བ་རྒྱ་བརྒྱད་ཀྱིས། །མཐའ་མ་བསྐོར་ལ་དགོད་པར་བྱ། །མིང་བྱང་ཡུགས་ས་མོ་ཡི་སྐྲར། །བརྒྱུས་ལ་མཐའ་མ་བསྐོར་ལ་གཞག །མི་རྟ་ཁྱི་སྤྱང་ཤག་པ་ཡང་གླང་དྲེད་སྤྲེའུ། །བསེ་ཞོ་དུག་དུང་སྣ་ཚོགས་དང་། །ལན་ཚྭ་ཚ་མར་ཉུང་ནག་དང་། །སྐྱེ་ཚེ་ལྡོང་རོས་གུ་གུལ་དང་། །ལྕགས་ཕྱེ་ཟངས་ཕྱེ་རྡོ་ཕྱེ་དང་། །བཙོས་པའི་ཤ་དང་བསྲེག་པའི་གསུར། །དྲི་ཡི་ཚིལ་དང་སྐྱེ་བའི་རྒྱུ། །རྡོ་རྗེ་གླུ་ཡི་དབྱངས་བླངས་ནས། །ལན་གྲངས་བརྒྱ་དང་སྟོང་དུ་དབུལ་བར་བྱའོ། །ལྷ་རྣམས་གསང་སྔགས་མ་འགྲུབ་པར། །གནག་པ་ཐེམ་ ― DNG022_Page_0403 ―
[མ་དཔེ་གཟིགས་ན་འདིར་གནོན།]
པར་བཅུག་པ་ནི། །གཟུགས་དང་མིང་རུས་བསྲེག་པར་བྱ། །དུག་གསུམ་འབྱུང་པོ་ཤ་ཁྲག་བཀང་། །གསོལ་ཏེ་ཐམས་ཅད་རྒྱས་པར་མཛོད། །ཧོམ་དུ་བསྲེག་ན་མོད་ལ་འཆི། །འདི་ནི་དྲག་པོའི་ཧོམ་གྱི་ལས་སོ། །ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ཁོང་སེང་བྱང་སེམས་གཞལ་ཡས་ཁང་། །ལོགས་ལ་དྲག་པོའི་ལྷ་བསྒོམས་ལ། །བཏབ་པས་ཐམས་ཅད་རླག་པར་འགྱུར། །རླག་པར་མ་གྱུར་གང་ཡང་མེད། །རླག་མཛད་ལྷ་ལ་ཕྲག་འཚལ་ལོ། །ཁྲོ་བོ་ཁྲོ་མོ་ཕྲ་མེན་ཚོགས། །གནག་པའི་གཟུགས་དང་མིང་རུས་ལ། །དྲག་ཏུ་བསྐུལ་ལ་གདབ་པར་བྱ། །གནད་གཅོད་སྲོག་དང་ཕྲལ་བར་འགྱུར། །འདི་ནི་དྲག་པོའི་ཕུར་པ་གདབ་པའི་ལས་སོ། །སྣ་ཚོགས་དུག་གི་ཕྱེ་མ་དང་། །ཉུང་ནག་སྐེ་ཚེ་ཏིལ་ནག་དང་། །གདུག་པའི་ཚེར་མ་ཕྱེ་མ་དང་། །སྲན་ཆན་བྲ་ཆན་ལྕགས་ཕྱེ་དང་། །ཤ་ཁྲག་གཏོར་མར་བསྲེགས་པ་ནི། །རྡོ་ནག་ཕྱེ་རུ་བསྲེས་ལ་གཏོར། །ཁྲོ་བོ་ཆེན་པོའི་བྱིན་རླབ་ཀྱིས། །ཕྲ་མེན་ཚོགས་ཀྱིས་བཀུག་ནས་ནི། །གདུག་པ་ཅན་རྣམས་རླག་པར་བྱེད། །དྲག་པོའི་གཏོར་མའི་ལས་ཞེས་བྱའོ། །དྲག་པོའི་དཀྱིལ་འཁོར་ཆེན་པོ་རུ། །ལྷ་ཡི་དཀྱིལ་འཁོར་བསྙེན་རྫོགས་ནས། །ལྷ་རྣམས་གསང་སྔགས་དྲག་པོར་སྦྱོར། །ལྕགས་ཕྱེ་དུག་ཕྱེ་ཉུང་ནག་གི། །རེ་རེ་གསང་སྔགས་རྩ་བརྒྱད་སྦྱོར། །གཟས་པར་ཐེམ་པར་བཅུག་ལ་བསྲེག །རྡོ་རྗེ་མེ་དབལ་སྙིང་བསྲེག་གོ། །ཆོས་ཉིད་བདེན་པའི་བྱིན་རླབས་ཀྱིས། །གཟས་པའི་རྣམ་ཤེས་ཚེ་རྟེན་ནི། །བྱ་སྒྲོ་མེ་ཡིས་བསྲེག་བཞིན་ཚིག །འདི་ནི་དྲག་པོའི་སྦྱོར་བའི་ལས་ཞེས་བྱ། །རྗེས་སུ་འཇུག་པའི་རྣལ་འབྱོར་པས། །དྲག་པོའི་སྦྱིན་བསྲེག་རྩ་བརྒྱད་ཀྱིས། །ཆོས་ཉིད་བདེན་པའི་བྱིན་རླབས་མཐུས། །བར་ཆོད་བགེགས་རྣམས་རླག་པ་དང་། །གནག་པ་ཚ་བའི་ནད་ཀྱིས་འཆི། །སྨྱོ་འབོག་བརྒྱལ་ནད་བགེགས་རྣམས་ཐར། །གཟས་པའི་གནད་བདུན་ཚེ་རྟེན་བསྲེག །རྣལ་འབྱོར་གྱུར་ཤོག་དངོས་གྲུབ་ཐོབ། །དྲག་པོ་འགྲུབ་པའི་ཡོན་ཏན་ནོ། །ཕྲིན་ལས་རྣམ་བཞིའི་ ― DNG022_Page_0404 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་ལ། །ཧོམ་ལྔ་ཡང་དོག་རྩེ་མོར་བརྩིགས། །ཁ་དོག་རིག་དང་མཐུན་པར་བརྩིག །གདུག་པ་ཅན་གྱི་ཧོམ་ཤིང་ལ། །ལྕགས་ཐག་གིས་ནི་བསྐོར་ལ་གཟུགས། །ཀཱི་ལ་ཡ་ནི་ཉི་ཤུ་གཅིག །སྙིང་པོ་ཉི་ཤུ་གཅིག་གིས་བསྡུས། །ལན་གྲངས་ཉི་ཤུ་གཅིག་ཏུ་ནི། །གཡས་བསྐོར་གཡོན་བསྐོར་ཕུར་བསྐོར་ལ། །ཕུར་པའི་འོད་ཟེར་སྟོང་ཁམས་ཁེངས། །གསང་སྔགས་འབྲུག་སྟོང་སྒྲོགས་པར་བསྒོམ། །མགྱོགས་བྱེད་ཡེ་ཤེས་ཕོ་ཉ་འགྱེད། །བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་ཐུགས་དམ་དུས་ལ་བབ། །སྔོན་ཆད་ཇི་ལྟར་དམ་བཅས་པ། །མངོན་སྤྱོད་ཕྲིན་ལས་མྱུར་དུ་མཛོད། །གསང་བའི་ཡུམ་བཞིའི་གསང་སྔགས་ཀྱིས། །ལྷ་རྣམས་གསང་སྔགས་བསྡུས་ཏེ་དགུག །སྡེར་མོའི་སྔགས་ཀྱིས་དགུག་ཅིང་གཟིར། །བྲན་དང་ཕོ་ཉས་དགུག་ཅིང་བསྡིམ། །དེ་ནས་བཏབ་པའི་ལས་བྱས་ལ། །གནད་ལ་དབབ་ནི་བརྒྱད་དག་ལ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་ནི། །རྡོ་རྗེ་མེ་དབལ་སྙིང་བསྲེག་གོ། །ལུས་ངག་རྡུལ་ཕྲན་བཞིན་དུ་རློག །ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་རླབས་སོ། །སངས་རྒྱས་ཀྱི་མཐུའོ། །ཨ་བྷི་ཙརྱའི་དུས་ལ་བབ་པོ། །བརྣག་པ་འདི་ཁོ་ན་ལའོ། །རྡོ་རྗེ་མེ་དབལ་གྱིས་སྙིང་བསྲེག་ཅིང་། སྐོར་ཚོམས་རེ་ཞིང་བཅུ་དྲུག་དག །རྩ་བརྒྱད་དག་ཏུ་དབུལ་བར་བྱ། །གསང་སྔགས་གནག་པ་ཐེམས་པར་ འགྱུར། །གནག་པ་འདོད་པའི་བྱ་བ་འགྲུབ། །ཅེས་ཀཱི་ལ་ཡ་བཅུ་གཉིས་ཀྱི་ཏནྟྲ་ལས། རྡོ་རྗེ་ཕྲ་མོའི་དཀྱིལ་འཁོར་ཆེན་པོའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་རྡོ་རྗེ་འཇིགས་བྱེད་ཆེན་པོས་མཆོད་པའི་སྤྲིན་མངོན་པར་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྗེས་འཇུག་གི་དོན་དུ་མཆོད་པ་དང་། བསྟོད་པའི་དཀྱིལ་འཁོར་འདི་གསུངས་སོ། །བདག་པོའི་ཕྱག་རྒྱ་མཉམ་བཞག་ལ། །མི་དམིགས་ ― DNG022_Page_0405 ―
[མ་དཔེ་གཟིགས་ན་འདིར་གནོན།]
ཐུགས་ཀྱི་དཀྱིལ་འཁོར་ལས། །ལྷ་རྣམས་དཀྱིལ་འཁོར་སྤྱན་དྲང་ངོ་། །སྲིད་པའི་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་གསོལ། །ལྷ་རྣམས་དཀྱིལ་འཁོར་ཐམས་ཅད་ལ། །སྤྱན་དྲང་ཕྱག་འཚལ་མཆོད་བསྟོད་བྱ། །དངོས་གྲུབ་རྣམ་གཉིས་འཐོབ་བྱའི་ཕྱིར། །དཀྱིལ་འཁོར་ཐམས་ཅད་མཉེས་མཆོད་དོ། །བདག་གི་ཐུགས་ཀའི་འོད་ཟེར་ལས། །མཆོད་པའི་ལྷ་མོ་སྤྲིན་ཚོགས་ཙམ། །ནམ་མཁའ་ཁེངས་པའི་ཆར་བཞིན་བབ། །བདག་ལ་མཆོད་པ་བྱེད་པར་བསམ། །གཏོར་མ་ཚོགས་མཆོད་རྫས་ལ་ཡང་། །སྦྱར་བའི་ཡི་གེས་སྦྱང་བར་བྱ། །སྤེལ་བའི་ཡི་གེས་སྤེལ་ལ་ནི། །ཐོད་པའི་སྣོད་ནི་འཇིག་རྟེན་ཁེངས། །བདུད་རྩི་ཆེན་པོའི་འོད་ཟེར་ལས། །ཡེ་ཤེས་ལྔ་ཡི་འོད་ཟེར་འཕྲོ། །འདོད་ཡོན་ལྔ་དང་ལྷ་མོ་བརྒྱད། །ནམ་མཁའ་ཁེངས་པའི་སྤྲིན་ཚོགས་ལས། །བར་སྣང་ཁེངས་པའི་ཆར་བཞིན་བབ། །དཀྱིལ་འཁོར་ལྷ་ཚོགས་ཐམས་ཅད་ལ། །མཆོད་པའི་སྔགས་ཀྱིས་དབུལ་བར་བྱ། །ཐོག་མར་རྟོགས་གོམ་བདག་ཉིད་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་སེམས་ཅན་ཡུན་དུ་འཁོར། །གཉིས་སུ་མེད་པར་བསྒྲལ་བར་བྱའོ། །དེ་བཞིན་ཉིད་དུ་གནས་བཅས་ཏེ། །ཐུགས་རྗེ་ཆེན་པོ་འབྱུང་བར་བྱེད། །འཚོ་བའི་ཟས་ནི་བྱིན་བརླབས་ནས། །ཧོམ་གཟར་ཧོམ་ཁུང་དཀྱིལ་འཁོར་མཆོད། །བདག་མཆོད་ཀུན་འགྲངས་ཐམས་ཅད་མཉེས། །ཀུན་ལ་ཕན་པའི་སྨན་ཡིན་པས། །ཐམས་ཅད་བཟའ་ཞིང་བརྒྱན་པར་བྱའོ། །དཀྱིལ་འཁོར་ལྷ་རྣམས་མཉེས་གྱུར་ན། །ཉེས་པ་ཐམས་ཅད་རྣམ་པར་དག །དངོས་གྲུབ་རབ་མཆོག་ཐོབ་པར་འགྱུར། །ལྷ་ཚོགས་དཀྱིལ་འཁོར་དམ་ཚིག་ཅན། །སྤྱན་དྲངས་པ་ལ་སྦྱིན་པར་བྱ། །བདུད་རྩི་ལྔ་དང་ཤ་ལྔ་ལ། །མཆོད་དང་བཤགས་དང་དགུག་བསྡིམ་དང་། །བཀུག་ནས་རྡོ་རྗེ་ཕུར་པས་གདབ། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། ། ― DNG022_Page_0406 ―
[མ་དཔེ་གཟིགས་ན་འདིར་གནོན།]
ལྷ་ཡང་རུང་སྟེ་བསྒྲལ་བར་བྱའོ། །ཁ་ཐམ་གྱིས་ནི་རྡུལ་དུ་བརླག །དཀྱིལ་འཁོར་ལྷ་ཚོགས་ཐམས་ཅད་ལ། །ཤ་ཁྲག་མཚན་མ་མིང་བཅས་བསྟབ། །ཧ་ཧ་དཀྱིལ་འཁོར་མཉེས་པར་འགྱུར། །ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །དཀྱིལ་འཁོར་འཁོར་བཅས་སྤྱན་དྲངས་ནས། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷཾ་རྒྱ་མཚོར་འཁྱིལ། །མཁའ་འགྲོ་འབར་བའི་ཚོགས་བཅས་རྣམས། །མ་ལུས་གཤེགས་ནས་བསྣམ་དུ་གསོལ། །མཆོད་པའི་ཡོ་བྱད་ཐམས་ཅད་ནི། །ནག་པོར་བྱས་ཏེ་དབུལ་བར་བྱ། །བྲན་དང་ཕོ་ཉ་བཀའ་ཉན་ཚོགས། །དམ་ཅན་ཚོགས་ལ་བསྟབ་པ་ནི། །སྐྲ་བཤིག་གཅེར་བུར་ཕྱུང་ལ་ནི། །ཐལ་བ་རཀྟ་ཞག་གིས་མཚན། །ཁྲོ་བོའི་ཆ་ལུགས་བཟུང་ནས་ནི། །ཁ་ནས་ཁྲག་དང་ཞག་འཛག་པ། །ལག་པར་ཐོད་ཁྲག་ཐོགས་ནས་ནི། །ཧི་ཧི་དགོད་ཅིང་སྤྱུགས་པས་འབོད། །སོ་སོ་རྔམས་ཀྱི་མིང་ནས་འབོད། །གནག་པ་བོས་ནས་ཞལ་དུ་བསྟབ། །སྲིན་མོ་རྣམས་ནི་ཚོགས་ཀྱི་བདག །ཧེ་རུ་ཀ་ལ་ཕྱག་འཚལ་བསྟོད། །འཁྲིལ་བའི་མཆོད་ཆེན་མཉམ་སྦྱོར་བས། །མཁའ་དབྱིངས་བྷ་ག་ཀློང་ཡངས་ནས། །བྱང་ཆུབ་སེམས་ནི་མཆོད་པར་སྤྲོ། །ཕྱོགས་བཅུའི་ལྷ་རྣམས་སྐུ་གསུང་ཐུགས། །མཆོད་པ་ཕུལ་བས་མཉེས་རབ་མཆོག །རྒྱལ་བ་མཉེས་པས་དངོས་གྲུབ་ཐོབ། །སྟོང་གསུམ་སྟོང་གི་འཇིག་རྟེན་ན། །ཞི་བའི་དཀྱིལ་འཁོར་ཟླུམ་པོ་ལ། །མཁའ་ཀློང་མེ་དཔུང་གཞལ་ཡས་ཁང་། །ཀུན་གཞི་ཀུན་ཏུ་བཟང་མོའི་མཁའ། །འདི་ཡང་ང་ཡི་གཞལ་ཡས་ཁང་། །སྔགས་དྲན་ཡེ་ནས་བདེ་གཤེགས་སྐུ། །ཡིད་ནི་ཀུན་བཟང་རང་ལ་ཤར། །མཁའ་ཀློང་མེ་དཔུང་དབྱིངས་ནས་བཞེངས། །མེ་ཡི་སྙིང་པོ་སྐུ་དང་ཕྱག་རྒྱར་གསལ། །གཉིས་མེད་རྟོགས་པ་ཆོས་སྐུ་ཡིན། །བྱང་ཆུབ་སེམས་ནི་ཁྱབ་པའི་སྐུ། །འཇིགས་བྱེད་རྔམ་པ་ཁྲོ་རྒྱལ་སྐུ། །དཔལ་ཆེན་འཇིགས་བྱེད་སྐུ་ཡི་མཆོག ། ― DNG022_Page_0407 ―
[མ་དཔེ་གཟིགས་ན་འདིར་གནོན།]
ཞི་བའི་སྐུ་ཡི་མཆོད་ཆེན་ཡིན། །མཆོད་པ་ཆེན་པོ་མཆོད་པ་ཆེ། །འདི་ཡང་ང་ཡི་སྐུ་ཡི་མཆོག །བདག་གིས་བདག་མཆོད་ཀུན་མཉེས་མཆོད། །སྟོང་གསུམ་སྟོང་གི་འཇིག་རྟེན་ན། །ཞི་བའི་དཀྱིལ་འཁོར་ཟླུམ་པོ་ལ། །མཁའ་ཀློང་མེ་དཔུང་འབར་བའི་གཞལ་ཡས་ཁང་། །ཀུན་གཞི་ཀུན་ཏུ་བཟང་མོའི་མཁའ། །འདི་ཡང་ང་ཡི་གཞལ་ཡས་ཁང་། །སྔགས་དྲན་ཡེ་ནས་བདེ་གཤེགས་གསུང་། །ཡིད་ནི་ཀུན་ཏུ་བཟང་པོ་རང་ལ་ཤར། །མཁའ་ཀློང་མེ་དཔུང་དབྱིངས་ནས་བཞེངས། །མེ་དཔུང་གདངས་སྐད་དབྱིངས་ནས་སྒྲོགས། །རྔམས་པའི་ང་རོ་ཁྲོ་བོའི་གསུང་། །སྙིང་པོ་འབྲུ་དགུ་བསྙེན་པའི་གསུང་། །སྤྲུལ་པའི་བརྡའ་ཚིག་མ་མོའི་གསུང་། །སྣ་ཚོགས་མི་ལས་གསུང་མཆོག་སྟེ། །ཞི་བའི་གསུང་གི་མཆོད་པ་ཡིན། །མཆོད་པ་ཆེན་པོ་མཆོད་པ་ཆེ། །འདི་ཡང་ང་ཡི་གསུང་གི་མཆོག །བདག་གིས་བདག་མཆོད་ཀུན་མཉེས་མཆོད། །སྟོང་གསུམ་སྟོང་གི་འཇིག་རྟེན་ན། །ཞི་བའི་དཀྱིལ་འཁོར་ཟླུམ་པོ་ལ། །མཁའ་ཀློང་མེ་དཔུང་གཞལ་ཡས་ཁང་། །ཀུན་གཞི་ཀུན་ཏུ་བཟང་མོའི་མཁའ། །འདི་ཡང་ང་ཡི་གཞལ་ཡས་ཁང་། །སྔགས་དྲན་ཡེ་ནས་བདེ་གཤེགས་ཐུགས། །ཡིད་ནི་ཀུན་ཏུ་བཟང་པོ་རང་ལ་ཤར། །མཁའ་ཀློང་མེ་དཔུང་དབྱིངས་ནས་བཞེངས། །ཙིཏྟ་གཞལ་ཡས་གསུམ་རྒྱུད་ཐུགས། །ཕྱི་དྲོ་ནང་བཞི་ལྷ་ཡི་ཐུགས་ལ་ལྟོས། །དབྱིངས་དང་ཡེ་ཤེས་གཉིས་མེད་ཐུགས། །ཀུན་བཟང་ཡབ་ཡུམ་རོལ་པས་མཆོད། །ཞི་བའི་ཐུགས་ཀྱི་མཆོད་པ་ཡིན། །མཆོད་པ་ཆེན་པོ་མཆོད་པ་ཆེ། །འདི་ཡང་ང་ཡི་ཐུགས་ཀྱི་མཆོད། །བདག་གིས་བདག་མཆོད་ཐམས་ཅད་མཉེས། །སྟོང་གསུམ་སྟོང་གི་འཇིག་རྟེན་ན། །རྒྱས་པའི་དཀྱིལ་འཁོར་གྲུ་བཞི་ལ། །མཁའ་ཀློང་མེ་དཔུང་ལ་སོགས་ནས། །དབང་དང་མངོན་སྤྱོད་བར་དག་གི། །དེ་ལྟར་དེ་བཞིན་དེ་རྗེས་ལས། །རྒྱས་དབང་མངོན་སྤྱོད་མཆོད་པ་ཆེ། །སྐུ་གསུང་ཐུགས་ཀྱི་མཆོད་ཆེན་པོ། །དེ་ནི་ཁྲོ་བོའི་དཀྱིལ་ ― DNG022_Page_0408 ―
[མ་དཔེ་གཟིགས་ན་འདིར་གནོན།]
འཁོར་ལ། །བདག་གིས་བདག་ལ་འདི་བསྟོད་པ། །ཧཱུཾ། སྐྱེ་མེད་རྣམ་དག་ཆོས་དབྱིངས་ལས། །སྐྱེ་བའི་ཆོ་འཕྲུལ་བསྟན་པ་ནི། །ཐུགས་རྗེ་ཆེན་པོ་ཐབས་མཁས་པ། །ང་ནི་བདུད་ཀྱི་བདུད་བདག་སྟེ། །བདུད་ཀུན་གྱི་ནི་བདུད་ཆེན་པོ། །གདུག་པ་འདུལ་ཕྱིར་སྐུར་སྤྲུལ་པ། །ཕྱི་ནང་བདུད་རྣམས་རྣམ་པར་འཇོམས། །འཇིགས་བྱེད་ཆེ་ལ་ཕྱག་འཚལ་ལོ། །ཧེ་རུ་ཀ་ལ་ཕྱག་འཚལ་ལོ། །སྲིད་གསུམ་འཇོམས་མཛད་ལྷ་ལ་ཕྱག་འཚལ་ལོ། །བརྗིད་པ་ཆེན་པོ་ཉིད་མཉེས་གྱུར། །སྔགས་ཀྱི་སྤྱོད་པ་འདི་གསུངས་སོ། །ཇི་བཞིན་གསུངས་པའི་དབང་སོགས་ལྡན། །བྱང་ཆུབ་སྤྱོད་པས་རྣམ་པར་སྦྱོར། །བྱང་ཆུབ་སེམས་ནི་མ་སྤངས་ཤིག །རྡོ་རྗེ་ཕྱག་རྒྱ་ལ་སོགས་པ། །དམ་པའི་ཆོས་ཀྱང་མི་སྨོད་ཅིང་། །མི་ཤེས་པ་འམ་བླུན་པོ་འམ། །གསང་བ་བསྟན་པར་བྱ་བ་ནི། །ང་བདག་ཡོངས་སུ་སྤོངས་པ་ནི། །དཀའ་ཐུབ་ཀྱིས་ཀྱང་གཟིར་བར་བྱས། །རྟག་ཏུ་སྡོམ་པ་བསྐྱངས་པ་སྟེ། །བདུད་རྩི་ལྔ་དང་དཀོན་མཆོག་ལ་གནོད་བསྒྲལ་བར་བྱ། །གསང་སྔགས་བུད་མེད་འདོད་པ་རྣམས། །བྱང་ཆུབ་སེམས་ནི་བླང་བར་བྱ། །རྫུན་ཚིག་བརླང་པོ་གསང་དོན་སྨྲ། །སྦྱོར་སྒྲོལ་མཆོད་པ་གཞུང་དུ་སྨྲ། །ཉམས་བདུན་མ་བཏང་བསྒྲལ་བར་བྱ། །གསང་བའི་མཆོད་པ་ཆེན་པོ་ནི། །གོམས་ལམ་ཏིང་འཛིན་བརྟན་པ་ཐོབ། །གསང་སྔགས་ཐབས་ཆེན་ཐབས་མྱུར་བས། །ཐབས་ཀྱི་སྤྱོད་པས་འགྲོ་དོན་དུ། །དེ་ནས་མ་ཏྲཾ་གྱིང་ལ་གཏད་པ། ཉོན་མོངས་འཁོར་བའི་སེམས་ཅན་འདི། །བསྒྲལ་བ་ཆེན་པོའི་ལས་སུ་རུང་། །དཔལ་ཆེན་ཞལ་དུ་བསྟབ་པོ་ཁཱ་ཧི། །ཁྲོ་བོ་ཁྲོ་མོའི་ཚོགས་ལ་བསྔོ། །སེམས་ཅན་འདུལ་བའི་སྐལ་དུ་བཞེས། །ཏ་ན་ཆེན་པོའི་ཞིང་དུ་སྦྱོར། །གྱིང་ཆེན་རྡོ་རྗེའི་ཕྱག་ཏུ་འབུལ། །ཡེ་ཤེས་རྒྱ་མཚོར་བཞེས་སུ་གསོལ། །དེ་ནས་མ་ཏྲཾ་སྡིག་ཅན་དེ། །དཀྱིལ་འཁོར་ཆེན་པོར་དྲངས་ནས་ནི། །ཐར་པའི་ལམ་བྱང་དཀྱིལ་འཁོར་འདིར། །དྲེད་པ་ཅན་དག་འོངས་པ་ལྟར། །སྐལ་བར་ལྡན་པའི་ ― DNG022_Page_0409 ―
[མ་དཔེ་གཟིགས་ན་འདིར་གནོན།]
སེམས་ཅན་ཁྱོད། །བདེ་བར་འོངས་སོ་ལེགས་སོ་འོངས། །ཁྱོད་ནི་བསོད་ནམས་སྐལ་བར་ལྡན། །བདེ་གཤེགས་ཐུགས་རྗེས་སྒྲོལ་མཁས་པས། །བློ་ངན་འཇིག་རྟེན་སྙིང་རེ་རྗེ། །གཉིས་སུ་མེད་པར་བསྒྲལ་བར་སྣང་། །ཐབས་དང་ཤེས་རབ་རྣམས་ཀྱིས་ཀྱང་། །དེ་ནས་གྱིང་གིས་བསྟབ་པར་བྱ། །སྐུ་གསུང་ཐུགས་ཀྱི་དཀྱིལ་འཁོར་ལྷ་ཚོགས་རྣམས། །ཨེ་ཧི་ཨེ་ཧི་ཚུར་བྱོན་འཁོར་དང་བཅས། །ཛཿཧཱུཾ་བཾ་ཧོཿསྤྱན་འདྲེན་གཤེགས་སུ་གསོལ། །ཀཱི་ལི་ཀཱི་ལ་ཡ་དགའ་བའི་བཞད་མོས་བཀང་ངོ་། །བདེ་འགྲོ་བདེ་མཆོག་ཨ་ཧོ་སུ་ཁ་ཤཾ་པ་ར། །ཏི་ཤ་ཞེས་ནི་སློབ་མའི་ཚུལ་ཅིག་སྣང་གནད་ཡང་བར་མཛོད། །རོལ་ཅིག་དགོངས་ཤིག་འདོད་པའི་ཏི་ར་ཁ་ཁ་ཁཱ་ཧི། སྦྱིན་ནོ་བསྐུལ་ལོ་ད་ར་ད་ར་ཧ་ར་ཧ་ར། ཟོ་ཞིག་ངོ་མཚར་མཆོག་ཏུ་བསྟབ་པོ་ཁ་ཁ་ཁཱ་ཧི། ཟླ་བ་ལ་སོགས་དམར་ཆེན་སྙིང་པོ་ལྔ། །མཱཾ་ས་ལ་སོགས་རོ་མཆོག་དཔའ་བོ་མཆོག །མ་ཙ་མེ་ཙ་རཀྟ་རུ་དྷི་ར་ཁཱ་ཧི། ཉེ་བའི་བསྒྲུབ་པའི་མ་ལུས་བསྒྲུབ་འཚལ་གྱིས། །དྲི་མེད་གཟི་ལྡན་མཆོག་གི་མཆོད་པ་སྦྱར་བ་འདི། །ཡེ་ཤེས་ཚོགས་རྣམས་དགྱེས་ཤིང་བཞེས་སུ་གསོལ། །དེ་ནས་རྣལ་འབྱོར་གྱིང་ཆེན་གྱིས། །མ་ཏྲཾ་ལ་ཡང་སྡང་མིག་བལྟ། །ཞབས་བགྲད་མཛུབ་གཡོན་གཏད་དེ་ནི། །ཡེ་ཤེས་མཁའ་ལྡིང་སྡེར་ཆེན་གྱིས། །འཁོར་བའི་བྱེ་ཕྲུག་བླང་བ་ནི། །བུ་ཕྲུག་མ་ལ་གཟན་སྟེར་བཞིན། །འདུས་པ་ཆེན་པོའི་ཚོགས་ཀུན་དགྱེས། །དཀྱིལ་འཁོར་ཆེན་པོའི་སྟེང་དུ་གཞག །གཉིས་མེད་ཡེ་ཤེས་དཀྱིལ་འཁོར་དུ། །འདུས་ཤིང་ཚོགས་ཀྱི་དཀྱིལ་འཁོར་བསྟན། །སུ་དག་ཕྱིན་པ་ཕྱིར་མི་ལྡོག་པར་ངེས། །སྦྱངས་པའི་སྔགས་ཀྱིས་སྦྱང་བར་བྱ། །ཁྲུས་ལུང་རྣམ་གསུམ་རྫོགས་བྱས་ལས། །ཁྲོ་བོ་ཕྲ་མེན་ཕོ་ཉ་བསྐུལ། །ཁྱོད་ནི་ཕོ་ཉ་གྱིང་ཀ་ར། །ཀ་དང་སྔོན་པོ་འདི་ལོང་ལ། །ཨ་བྷི་ཙརྱ་གནས་བསྟོད་དེ། །དཀྱིལ་འཁོར་གསང་བར་དབང་བསྐུར་ཅིག །ཡེ་ཤེས་རྣོ་དབལ་མཚོན་ཆ་འདི། །ཉོན་མོངས་སྡིག་གཅོད་རལ་གྲི་སྟེ། །འཁོར་བའི་རྩ་བ་དྲུངས་ནས་ཕྱུང་། ། ― DNG022_Page_0410 ―
[མ་དཔེ་གཟིགས་ན་འདིར་གནོན།]
ཙིཏྟ་དྲངས་ནས་བྷནྡྷའི་སྣོད་དུ་བསྩལ། །སྡིག་ཅན་ཤེས་པ་ཡི་གེ་ཧཱུཾ་དུ་བསྒོམ། །སྥ་ར་ཕཊ་ཀྱིས་དོན་གཉིས་བྱས། །ཧ་ར་ཧཱུཾ་གིས་ཐུགས་ཀར་འདུས། །རྡོ་རྗེ་ཐུགས་སུ་དབང་མཆོག་བསྐུར། །གསུང་དང་སྐུ་ནས་དེ་བཞིན་དུ། །དུང་ཁང་གསང་ལམ་རྡོ་རྗེའི་ལམ། །པདྨ་ལས་འཕྲོས་བྱང་ཆུབ་སེམས། །ལྷ་རྣམས་དཀྱིལ་འཁོར་སྐུར་རྫོགས་པར། །གསང་བའི་སྔགས་ཀྱིས་བསྐྱེད་པར་བྱའོ། །ལྷ་རྣམས་དཀྱིལ་འཁོར་གནས་གསུམ་ནས། །སྐུ་གསུང་ཐུགས་ཀྱི་འོད་ཟེར་སྤྲོ། །དཀྱིལ་འཁོར་བདེ་གཤེགས་ཐམས་ཅད་མཆོད། །དོན་གཉིས་བྱས་ཤིང་ཚུར་འདུས་ནས། །མགལ་མེ་བཞིན་དུ་བདག་ལ་མཆོད། །ཐུགས་ནས་སྐུ་གསུང་རིམ་བཞིན་དུ། །གསང་བའི་ལམ་བྱུང་རྡོ་རྗེའི་ལམ། །བྱང་སེམས་བྷ་གའི་དཀྱིལ་འཁོར་ཐིམ། །ལྷ་རྣམས་འོད་ཞུ་བྱང་སེམས་ཀྱི། །བྱང་ཆུབ་སེམས་ཀྱི་ཐིག་ལེ་ནི། །ཙ་ན་ཀ་ཡི་འབྲུ་ཙམ་ལ། །ཀཱི་ལ་ཡ་ཡི་གསང་སྔགས་ཀྱིས། །རྡོ་རྗེ་གཞོན་ནུ་ཚོན་གང་བ། །བྷ་གའི་གཞལ་ཡས་ཁང་ནས་ནི། །ཕྱག་རྒྱ་བཞི་ཡིས་སྤྱན་དྲངས་ནས། །འོག་ཏུ་ཡཾ་ལས་རླུང་དཀྱིལ་འཁོར། །བཏེགས་ནས་འོག་མིན་གནས་སུ་དྲངས། །རིགས་ལྔ་ཡབ་ཡུམ་ལྷུམས་སུ་དྲངས། །རྡོ་རྗེ་སེམས་ནི་རླུང་ལྟ་བུ། །གང་དག་བསྒྲལ་ནས་རྡོ་རྗེའི་ཚེ། །དེ་ཉིད་སྲས་ཀྱི་དང་པོ་ནི། །རྡོ་རྗེ་སེམས་དཔར་ཁྱོད་ཉིད་འགྱུར། །ཐབས་ལ་མཁས་པས་མཆོད་པ་སྟེ། །ཏ་ན་ག་ཎ་སྦྱོར་བ་མཆོད་ཆེན་པོ། །སྐྲ་ནི་ཁམ་པ་གྱེན་དུ་བརྫེས། །བྲང་ཐག་སྨ་ལ་གསུས་པ་འབོར། །ཚིགས་བཞི་སྦོམ་ལ་རྡུམ་པ་དང་། །རྐང་པ་བསྣོལ་ཕྲ་ཞེང་ཆེ་ཞིང་། །དྲི་དྲེག་མ་ཡིན་ཤ་དྲེག་ཆགས། །མིག་ནི་ཤེལ་ལ་འབྲས་བུ་སྟེར། །ཉམས་བདུན་ཞིང་བཅུ་དེ་དང་མཉམ། །ལྐུགས་པས་བྱོལ་སོང་ཇི་བཞིན་ཏེ། །དཀྱིལ་འཁོར་ཆེན་པོར་བཅུག་ནས་བསྒྲལ། །གོང་བཞིན་དེ་ལྟར་དེ་བཞིན་བྱའོ། །མཆོད་པ་ཆེན་པོས་རྒྱལ་བ་མཉེས། །ཐུན་མོང་དངོས་གྲུབ་ཅི་འདོད་བྱ། །དངོས་གྲུབ་ཡོན་ཏན་འདི་ལ་བླང་། །ཏ་ན་ག་ཎ་མཆོད་ཆེན་པོ། །ཞེས་ཀཱི་ལ་ཡ་ ― DNG022_Page_0411 ―
[མ་དཔེ་གཟིགས་ན་འདིར་གནོན།]
བཅུ་གཉིས་ཀྱི་ཏནྟྲ་ལས། མཆོད་པའི་སྤྲིན་མངོན་པར་བྱ་བ་ཞེས་བྱ་བའི་ལེའུ་སྟེ་ལྔ་པའོ།། །།དེ་ནས་རྗེས་འཇུག་གི་དོན་དུ་དབང་བསྐུར་བ་དམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འཁོར་རྣམས་ལ་བཀའ་སྩལ་པ། རྡོ་རྗེ་གཞོན་ནུའི་རིག་འཛིན་རྣམས། །སྲིད་པའི་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་གསུམ་བྱིན་རླབས་འདིར་གསོལ་ཅིག །དོན་དམ་བློ་ཡི་སྤྱོད་ཡུལ་མིན། །བརྟག་པར་དཀའ་ལ་དཔག་ཏུ་མེད། །འདི་ནི་རང་བྱུང་བཅོམ་ལྡན་འདས། །ཕྲ་མོ་བཞི་ཡི་སྦྱོར་བ་ལས། །ཡང་དག་དབྱིངས་ནས་རོལ་པ་ལས། །ཐབས་དང་ཤེས་རབ་ལྡན་པས་ན། །སྟོང་པ་ལས་ནི་སྐུ་རུ་བྱུང་། །འགྲོ་བའི་དོན་མཛད་བདག་པོ་ཡིས། །དབང་བསྐུར་དངོས་གྲུབ་ཅི་འདོད་འབྱུང་། །ཞིང་ས་འདྲུ་རློག་ཆུ་ལུད་རྐྱེན། །དེ་ལས་འབྲས་བུ་འབྱུང་བ་བཞིན། །ལོ་གསུམ་སྣོད་བཅུད་བརྟགས་པ་ལ། །ཡང་དག་དབྱིག་གི་གཏེར་བྲུས་ནས། །ཞིང་རབ་གཤིན་ལས་ས་བོན་གདབ། །ནམ་མཁའ་ས་གཞི་པདྨ་བརྒྱད། །ནགས་ཚལ་མེ་ཏོག་གླིང་ཆགས་པ། །རིན་ཆེན་སྣ་ལྔའི་ལུང་པ་དང་། །རིན་པོ་ཆེ་ཡི་ཕུང་པོ་དང་། །བཀྲ་ཤིས་པ་ཡི་གནས་དག་ཏུ། །ས་རིན་བཙལ་ཏེ་བླང་བྱས་ལ། །མཎྜལ་འདོམ་གང་གྲུ་བཞི་ལ། །གསང་རྫས་གསུམ་གྱི་བྱིན་གྱིས་བརླབ། །ཐབས་དང་ཤེས་རབ་གཉིས་མེད་ལས། །བྱང་ཆུབ་སེམས་ཀྱི་ཐིག་གདབ་པའོ། །ཚོན་རྩི་ཡེ་ཤེས་ལྔ་དག་ཏུ། །བྱིན་གྱིས་བརླབ་ལ་བྲི་བར་བྱ། །ཞི་རྒྱས་དབང་དང་མངོན་སྤྱོད་དང་། །བཟློག་དང་སོ་སོར་བྲི་བ་ནི། །དྲག་ནག་དབང་དམར་རྒྱས་སེར་ཞིང་། །དཀར་པོ་སེར་པོ་བར་ཁྱམས་སེར། །སྒོ་བཞི་རིགས་དང་གནག་པའོ། །ལེའུ་ཚེ་དགུ་ཡི་ཟླུམ་པོ་དཀར། །སྒོ་རྣམས་ཟུར་གཏད་གྲུ་ ― DNG022_Page_0412 ―
[མ་དཔེ་གཟིགས་ན་འདིར་གནོན།]
བཞི་སེར། །པདྨ་ཟླ་གམ་དམར་པོ་དག །གྲུ་གསུམ་འཁོར་ལོ་ནག་པོ་ལ། །འབྲུ་ཚིག་སོ་སོར་དགོད་པའོ། །སློབ་དཔོན་འཁོར་གནས་ཕུན་སུམ་ཚོགས། །འཚོ་བ་ཟས་དང་རྐྱེན་བཟློག་སྨན། །སྒྲུབ་རྫས་གསང་བའི་དམ་རྫས་སོ། །སྣོད་དུ་རུང་བའི་ཆོ་ག་བྱ། །དཀྱིལ་འཁོར་དམ་པར་གཞུག་ཕྱིར་དུ། །ཕྱི་དབང་དུས་སུ་ཁྲུས་བྱས་ལ། །དེ་ནས་དཀྱིལ་འཁོར་གཞུག་ཕྱིར་དུ། །འཕྲིན་ལན་གནང་ནས་གཞུག་ཡོན་དབུལ། །དར་དཀར་ཡོལ་དྲེས་ཕྱི་རོལ་ནས། །བསྐྱེད་རིམ་རྫོགས་པའི་བླ་མ་ལ། །མེ་ཏོག་དག་ནི་འཕང་བར་བྱ། །མེ་ཏོག་གང་ལ་ཕག་པ་དེ། །བསྐལ་པའི་མཐའ་དང་རིང་བའི་དུས། །ལས་དང་སྐལ་བར་འཇོམས་པའི་ལྷ། །སྔགས་དང་ཕྱག་རྒྱས་སེམས་བསྐྱེད་དོ། །དོན་དམ་ཀུན་རྫོབ་དེ་བཞིན་ནོ། །མིག་དབྱེ་ཨ་མྲྀ་ཁ་རུ་བླུད། །རྒྱུ་འབྲས་མི་བསླུ་དམ་ཡང་དགག །བསྙེན་པའི་གནང་བའི་དབང་ཐོབ་ནས། །མངོན་ཤེས་ཡི་གེ་འབྲུ་བརྒྱད་ལ། །རིན་ཆེན་བསྟན་པའི་གཞུང་བཞིན་དུ། །བསྒོམ་བསྒྲུབ་གསལ་བ་ཅི་ནུས་བྱ། །ཧ་ཅང་སྒྲ་ཆེར་མ་ཡིན་ཆུང་བར་གྱིས། །གུག་སྐྱེད་ཀླད་ཀོར་ཚེག་པར་མ་ཉམས་པ། །སྨྲ་བཞིན་མ་ཡིན་ཧ་ཅང་གཡེང་བ་མིན། །རྣམ་གསུམ་གཅིག་ཏུ་ཡིད་ལ་དྲག་གསལ་བ། །བསྒོམ་བསྒྲུབ་གསལ་བ་ཅི་ནུས་བྱ། །ཡེ་ཤེས་སེམས་དཔའི་ཐུགས་ཀ་ནས། །བྱང་ཆུབ་སེམས་ཀྱི་སེམས་དཔའ་ཡང་། །སྐུ་གསུང་ཐུགས་ཀྱི་གནས་གསུམ་ནས། །དབང་བསྐུར་གསང་ལམ་ཡབ་ཡུམ་གཉིས། །ཐབས་དང་ཤེས་རབ་གཉིས་སུ་མེད། །གསང་ལམ་ཁ་ནས་སྲས་མཆོག་བཏོན། །གཞལ་ཡས་ཁང་ལ་ལན་གསུམ་དུ། །བསྐོར་བ་བྱས་ནས་ལན་གསུམ་དུ། །པདྨ་དབང་སྒོ་སྒོར་ཞུགས་ནས། །དབང་དང་དངོས་གྲུབ་བླང་བར་བྱ། །དཀྱིལ་འཁོར་ལྷ་རྣམས་ལུས་ལ་གཞུག །སྐུ་གསུང་ཐུགས་ཀྱི་དབང་ཐོབ་འགྱུར། །ཀ་པཱ་ལ་ཡི་དབང་བསྐུར་བས། །དུར་ཁྲོད་ཧེ་རུ་ཀ་ཡི་དབང་ཐོབ་འགྱུར། །མཱཾ་ས་རཀྟས་དབང་བསྐུར་བས། །དུར་ཁྲོད་མཁའ་འགྲོའི་ཚོགས་ལ་དབང་བསྐུར་ཐོབ། །བདུད་རྩི་ཆེན་ ― DNG022_Page_0413 ―
[མ་དཔེ་གཟིགས་ན་འདིར་གནོན།]
པོས་དབང་བསྐུར་བས། །འཆི་མེད་སྲོག་སྦུགས་དམ་ཡང་བརྟན་པ་ཐོབ། །བྱང་ཆུབ་སེམས་ཀྱི་མར་མེས་དབང་བསྐུར་བས། །སྣང་བ་ཡེ་ཤེས་རང་ཤར་དངོས་གྲུབ་ཐོབ་པར་འགྱུར། །རྡོ་རྗེ་དྲིལ་བུས་དབང་བསྐུར་བས། །ཐབས་དང་ཤེས་རབ་གཉིས་མེད་དབང་ཐོབ་འགྱུར། །དངོས་གྲུབ་རྟེན་ནི་ལྔ་དག་སྟེ། །བདུད་རྩི་སྐུ་གསུང་ཐུགས་ཀྱི་དངོས་གྲུབ་རྟེན། །ཤར་དུ་རྡོ་རྗེ་ཚེ་ཡི་དངོས་གྲུབ་རྟེན། །ཟླ་ཕྲོམ་ཟླ་རྒྱས་གོ་རོ་ཙ་ནའོ། །ལྷོ་རུ་རིན་ཆེན་འབར་བའི་དངོས་གྲུབ་རྟེན། །མཱཾ་ས་མེ་ས་ཟླ་རྒྱས་མུར་གོད་བ་སུ་ཏ། །ནུབ་ཏུ་ཟླ་གམ་དབང་གི་དངོས་གྲུབ་རྟེན། །རཀྟ་རུག་ཏི་བ་སུ་ཏ། །བྱང་དུ་ཕྲིན་ལས་གྲུ་གསུམ་དངོས་གྲུབ་རྟེན། །འབྲུ་བཅུད་བདུད་རྩི་ཟླ་ཕྲོམ་རྣམས། །རིགས་དང་སྦྱར་ཏེ་ཕྱོགས་ཕྱོགས་དགོད། །ཞི་རྒྱས་དབང་དང་མངོན་སྤྱོད་ཀྱི། །ཕུར་པ་བཞི་ཡང་གདགས་པར་བྱ། །རྡོ་རྗེ་གཞོན་ནུའི་རིག་འཛིན་རྣམས། །དབང་དང་དངོས་གྲུབ་བླང་བར་བྱ། །ཤེས་རབ་མ་ཡི་མཚན་བརྟག་པ། །སྐྲ་ནི་སེར་ལ་ལི་བ་དང་། །མིག་ལ་སྒྲི་ག་ཆགས་པ་དང་། །རྐང་པ་རྒྱུ་མ་ཕྲ་བ་དང་། །ལུས་ལ་དྲི་ཞིམ་ནད་མེད་དང་། །ནུ་མ་ཆུང་ཞིང་སྐེད་སྐབས་དོད། །སྐད་ཀྱང་ངང་པ་གཞོན་པ་འདྲ། །རྡོ་རྗེ་ལྷ་མོར་བྱིན་བརླབ་ནས། །ཨེ་སྡི་ཉི་མ་པདྨ་བརྒྱད། །ཟླ་བ་རྡོ་རྗེ་རྩེ་ལྔ་ལ། །སྟྭཾ་དང་ཧོ་ཡིས་བསྐུལ་བ་ནི། །དེ་ནས་གཉིས་མེད་སྦྱར་བ་བྱ། །པདྨོ་ལ་ནི་རྡོ་རྗེ་གཞུག །བྱང་ཆུབ་སེམས་ནི་པདྨོར་འཁྱིལ། །བདེ་བ་གསལ་ཞིང་མི་དམིགས་པ། །བྱང་ཆུབ་སེམས་ཆུ་རབ་ཕབ་ནས། །གསང་བའི་ཕོ་བྲང་དབུས་སུ་ནི། །བདེ་བར་གཤེགས་པའི་སྐུ་རྣམས་བསྐྱེད། །སྤྲོ་བསྡུས་བྱང་སེམས་འོད་དུ་ཞུ། །དཀར་འཚེར་བྱང་ཆུབ་སེམས་སུ་ཞུ། །བྱང་ཆུབ་སེམས་ནི་སྤྱན་དྲངས་ནས། །བྱང་ཆུབ་སེམས་དབང་ནོད་པ་ལ། །ཡ་རྐན་མ་རྐན་ཟླ་དཀྱིལ་འཁོར། །ལྕེ་དབུས་པདྨ་འདབ་བརྒྱད་དེ། །དབང་བསྐུར་དངོས་གྲུབ་བསྡིམ་པར་བྱ། །དུས་འདི་ཕན་ཆད་རྒྱལ་བའི་སྲས། །ངན་སོང་གསུམ་དུ་ལྟུང་མི་སྲིད། །ལྷ་དང་མི་ཡི་དབང་རྒྱལ་བསྐྱེད། །བསྐྱེད་རིམ་ ― DNG022_Page_0414 ―
[མ་དཔེ་གཟིགས་ན་འདིར་གནོན།]
ལ་ནི་སེམས་ཞུགས་ནས། །ནུས་པའི་དབང་ཐོབ་སེམས་ཟིན་ནས། །ཐར་པའི་ལམ་ནས་ཟློག་མི་སྲིད། །ཟབ་མོའི་དབང་ཡང་ཐོབ་གྱུར་ནས། །རྡོ་རྗེ་སེམས་དཔའ་མཚན་ཡོངས་སུ་རྫོགས་པའི་ས་ནོན་པའོ། །ཞེས་ཀཱི་ལ་ཡ་བཅུ་གཉིས་ཀྱི་ཏནྟྲ་ལས། དབང་བསྐུར་དམ་པའི་ལེའུ་སྟེ་དྲུག་པའོ།། །།དེ་ནས་སྣང་སྲིད་ལྷའི་དཀྱིལ་འཁོར་ལ་ཐུགས་ཡེ་ཤེས་གཅིག་ལ་ཡེ་ཤེས་ཀྱི་བྱེ་བྲག་མཚན་ཉིད་རྣམ་པར་དབྱེ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྗེས་འཇུག་གི་དོན་དུ་འདི་གསུངས་སོ། །སེམས་གཡེང་སེམས་འཛིན་སྣང་བ་བསྒྱུར། །གཏིང་མཐའ་མེད་པར་གཞལ་ཡས་ཁང་། །སྣང་སྲིད་ཡེ་ནས་སྐུ་གསུང་ཐུགས། །འཇིགས་བྱེད་རྡོ་རྗེ་ཀུ་མཱ་ར། །ང་ནི་ཁམས་གསུམ་འཁོར་བའི་ཡབ། །སྲིད་གསུམ་སྒྲོལ་མཛད་རྡོ་རྗེ་ཐུགས། །དཀར་དང་དམར་དང་དུད་ཁའི་ཞལ། །དཔའ་བོ་སྒེག་པ་འཇིགས་སུ་རུང་། །རྒོད་དང་གཤེ་དང་འཇིགས་པར་སྟོན། །སྙིང་རྗེ་རྔམ་དང་ཞི་བ་ལ་སོགས་པ། །བདུད་བཞི་གདན་དུ་བཏིང་བས་དཔའ་དཔའ་འདྲ། །དུར་ཁྲོད་ཆས་བརྒྱད་ལྡན་པས་སྒེག་སྒེག་འདྲ། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །ཞལ་གཡས་དཀར་ལ་གཞད་པས་དགོད་དགོད་འདྲ། །ཞལ་གཡོན་དམར་ལ་གདངས་པས་གཤེ་གཤེ་འདྲ། །ཞལ་དབུས་མཐིང་ལ་གནག་པས་ཁྲོ་ཁྲོ་འདྲ། །ཞལ་ནས་གདུབ་རྩུབ་འབྱིན་པས་རྔམ་རྔམ་འདྲ། །རྒྱུད་དྲུག་ཐུགས་རྗེས་ཟིན་པས་སྙིང་རྗེ་འདྲ། །ཆོས་སྐུ་མཚན་མ་མེད་པས་ཞི་ཞི་འདྲ། །དེ་འདྲའི་ཁྲོ་བོ་འཇིགས་པའི་ཚུལ་བསྟན་པ། །རྟགས་དང་མཚན་མ་བསྟན་པའི་ཕྱིར། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །རྡོ་རྗེ་རྩེ་ལྔས་དུག་ལྔ་རབ་ཏུ་སྒྲོལ། །མེ་དཔུང་འབར་བས་ཁམས་གསུམ་ཉོན་མོངས་སྲེག །ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད། །རི་རབ་ཕུར་པས་ཁམས་གསུམ་དབང་དུ་སྡུད། །འཁོར་ལོ་རྒྱས་འདེབས་ཆོས་ཀྱི་དབྱིངས། །གཡས་པ་ཐབས་ཀྱི་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ ― DNG022_Page_0415 ―
[མ་དཔེ་གཟིགས་ན་འདིར་གནོན།]
ལ་འཁྲིལ་བའི་ཚུལ་དུ་གནས། །བསྐལ་པའི་མེ་ལྟར་འབར་བའི་ཀློང་དཀྱིལ་ནས། །གདུག་པ་འདུལ་མཛད་ཁྲོ་བོ་བཅུ། །ཧཱུཾ་ཀཱ་ར་དང་རྣམ་པར་རྒྱལ། །དབྱུག་པ་སྔོན་པོ་གཤིན་རྗེའི་གཤེད། །མི་གཡོ་མགོན་པོ་རྟ་མགྲིན་རྒྱལ། །གཞན་གྱིས་མི་ཐུབ་བདུད་རྩི་འཁྱིལ། །ཁམས་གསུམ་རྣམ་རྒྱལ་སྟོབས་པོ་ཆེ། །ཞལ་གསུམ་ཕྱག་དྲུག་ཞབས་བཞི་བརྐྱང་བསྐུམ་བགྲད། །གཡས་དཀར་གཡོན་དམར་དབུས་སྔོ་ཞལ། །གཡས་སྔོ་གཡོན་ལྗང་དབུས་དཀར་ཞལ། །གཡས་དཀར་གཡོན་དམར་དབུས་སྔོ་ཞལ། །གཡས་སྔོ་གཡོན་ལྗང་དབུས་མཐིང་ཞལ། །གཡས་སྔོ་གཡོན་སྨུག་དབུས་ལྗང་གནག །གཡས་དཀར་གཡོན་སྔོ་དབུས་དམར་ཞལ། །གཡས་སེར་གཡོན་དམར་དབུས་ལྗང་ཞལ། །གཡས་སེར་གཡོན་དུད་དབུས་ལྗང་ཞལ། །གཡས་དཀར་གཡོན་དམར་དབུས་ལྗང་སེར། །གཡས་དཀར་གཡོན་དམར་དབུས་དུད་ཞལ། །འཁོར་ལོ་མདའ་གཞུ་ཏྲི་ཤཱུལ་ལྕགས་ཀྱུ་དང་། །མེ་དབལ་དབྱུག་ཏོ་དགྲ་སྟྭ་བེ་ཅོན་དང་། །གཤོལ་མདའ་རལ་གྲི་སྦྲུལ་ཞགས་ལྕགས་སྒྲོག་དང་། །བ་དན་རྔ་ཡབ་རྒྱ་གྲམ་དབྱུག་ཏོ་དང་། །ཏྲི་ཤཱུལ་མདའ་གཞུ་ཐོ་བ་སོག་མདུང་རྣམས། །དང་པོ་གཉིས་བྷནྡྷ་ཐ་མ་གཉིས་ཕུར་བུ་བསྣམས། །དོན་རྟགས་གསུམ་དང་ལྔ་དང་བརྒྱད། །གསུམ་དང་གཉིས་དང་དོན་རྟགས་གཅིག །དུར་ཁྲོད་ཆེན་པོའི་ཆས་ཀྱིས་བརྒྱན། །ཀུན་ཏུ་བཟང་པོ་ཆོས་ཀྱི་དབྱིངས། །གཡས་པ་ཐབས་ཀྱིས་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །གཙོ་ལ་འཁྲིལ་བར་བཞུགས་པའོ། །ཕྲ་མེན་ཉི་ཤུའི་ཕྱག་མཚན་ནི། །གཙོ་བོ་རྣམས་ཀྱི་བར་མའོ། །ཞལ་ནི་གཡས་གཡོན་རིགས་དང་སྦྱར། །ལྕགས་ཀྱུ་ཞགས་པ་ལྕགས་སྒྲོག་དྲིལ། །སྐུ་མདོག་རིགས་དང་སྦྱར་བའོ། །ཡང་སྤྲུལ་ཕྱག་མཚན་སྒོ་བཞི་ཡིས། །འདོད་པའི་བྱ་བ་དོན་སྒྲུབ་པའོ། །སུམ་སྤྲུལ་སྟོད་ཅིང་ཟ་བའོ། །ཟ་བྱེད་ཤས་ཆེར་ཟ་བའོ། །གསོད་བྱེད་ཤས་ཆེར་གསོད་པའོ། །དུག་གསུམ་བསྒྲལ་བའི་ཁོག་པ་ལ། །སྒྲུབ་པའི་རྒྱལ་པོའི་ ― DNG022_Page_0416 ―
[མ་དཔེ་གཟིགས་ན་འདིར་གནོན།]
གཞལ་ཡས་ཁང་། །གཞལ་ཡས་ཁང་གི་ཕྱོགས་བཅུ་ནས། །མཉམ་ཉིད་ཕྱོགས་ཉིད་རྟོགས་གྱུར་ན། །བསྒུལ་བསིགས་ཐམས་ཅད་ཕྱག་རྒྱ་ཡིན། །ཐུགས་དམ་ཕྲིན་ལས་མཚོན་པའི་ཕྱག་རྒྱའོ། །ལག་པ་ཐལ་སྦྱར་གྱེན་དུ་བསྒྲེང་། །རྐང་པ་བགྲད་ནས་བརྐྱང་བསྐུམ་དུ། །གོམ་པའི་སྟབས་ཀྱིས་གར་བྱེད་ཅིང་། །གསང་སྔགས་ལས་སྔགས་ལན་གསུམ་དུ། །དྲག་ཏུ་བཟླ་ཞིང་སྡང་མིག་བལྟ། །ཕན་ཚུན་ཡས་མར་སྡང་མིག་གིས། །རེ་རེ་ལ་ཡང་གསུམ་གསུམ་དུ། །རྐན་སྒྲ་ལྗགས་འདྲིལ་ལན་གསུམ་གྱིས། །དངོས་གྲུབ་ཐོབ་དང་ཟིལ་གྱིས་གནོན། །རཱུ་ཏྲ་བསྒྲལ་བའི་ཁོག་པ་ལ། །བསྒྲུབ་པའི་རྒྱལ་པོའི་གཞལ་ཡས་ཁང་། །གཞལ་ཡས་ཁང་གི་ཕོ་བྲང་ཕྱོགས་བཅུ་རུ། །དེ་ལྟར་དེ་བཞིན་གསང་སྔགས་སོ། །བྱ་བ་དེས་ཀྱང་འགྲུབ་པའོ། །ཏིང་འཛིན་ཞན་ན་གཞུང་དུ་བྱའོ། །ཞེས་ཀཱི་ལ་ཡ་བཅུ་གཉིས་ཀྱི་ཏན་ཏྲ་ལས། མཚན་ཉིད་རྣམ་པར་དབྱེ་བའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་རྡོ་རྗེ་གཞོན་ནུ་དཔལ་ཁྲག་འཐུང་རྔམས་པ་ཆེན་པོས་གདུག་པ་ཅན་བསྒྲལ་བའི་ཕྱིར། བསད་པ་ལས་ཀྱི་དཀྱིལ་འཁོར་གྱི་ཏིང་ངེ་འཛིན་ལ་སྙོམས་པར་ཞུགས་ཏེ་ཕྲིན་ལས་ཕུན་སུམ་ཚོགས་པ་འདི་གསུངས་སོ། །ཁྲོ་བོ་རོལ་པའི་ཆ་བྱད་དང་། །ལུང་པ་གྲུ་གསུམ་ཟླ་གམ་དབྱིབས། །ནགས་རི་ཚེར་མ་ཅན་གྱི་ཤིང་། །དུར་ཁྲོད་ཆེན་པོའི་གླིང་ཡོད་པར། །སྒྲུབ་པའི་དཀྱིལ་འཁོར་བྲི་བར་བྱ། །ཁྲོ་བོའི་དཀྱིལ་འཁོར་བསྒོམ་ལ་ནི། །ཕུར་པ་བྱིན་གྱིས་བརླབ་པར་བྱ། །ནང་གི་བྱང་སེམས་གཞལ་ཡས་ཁང་། །གཞལ་ཡས་ཁང་ནི་གསུམ་བརྩེགས་ལ། །སྟེང་འོག་སྐེད་པའི་གནས་གནས་སུ། །བཞི་བཅུ་རྩ་དྲུག་གསལ་བསྒོམས་ལ། །བསྐྱེད་ལ་བདེ་གཤེགས་གཞུག་པར་བྱ། །ཀཱི་ལ་ཡ་ནི་ཉི་ཤུ་གཅིག །གྲངས་འཛིན་ཉི་ཤུ་གཅིག་གིས་ནི། །ཕུར་པ་བསྐྱེད་ཅིང་གཟི་བྱིན་བསྐྱེད། །ཉི་ཤུ་གཅིག་གིས་འོད་ཟེར་འཕྲོ། །མགར་གྱི་ཚྭ་ཚྭ་རྣོ་མྱུར་ཆས། །ཡུངས་ཀར་རྒྱལ་པོས་བརྡེག་པར་བྱ། །གུ་གུལ་ཚིལ་ཆེན་བདུག་བྱུག་ལ། །རཀྟས་བྱུགས་ལ་ཨེ་ཡིས་ ― DNG022_Page_0417 ―
[མ་དཔེ་གཟིགས་ན་འདིར་གནོན།]
གདབ། །བརྒྱ་མཚམས་བསྟོད་མཚམས་མཆོད་པ་འབུལ། །བསྟོད་དང་བསྡིམ་དང་ཕན་གནོད་སྨོན་ལམ་གདབ། །བྱང་ཤར་མཚམས་ཀྱི་དཀྱིལ་འཁོར་ལ། །གྲུ་གསུམ་མཐུར་དུ་བྲུས་པ་ཡི། །བརྣག་པ་དེ་ཁོ་ན་གཞུག་པར་བྱ། །བརྒྱ་བརྒྱད་གཟུགས་ནི་དེ་ཡི་ནང་། །མགོ་ནི་ལྷོ་ནུབ་མཐུར་དུ་བསྟན། །དཔྲལ་སྙིང་རུས་དང་མིང་གཞུག་ལ། །སྙིང་གའི་ནྲྀ་སྟེ་ཛ་བཞག་ལ། །འོད་ཟེར་ལྕགས་ཀྱུས་དྲངས་ནས་ནི། །བརྣག་པའི་གཟུགས་ལ་བསྡིམ་པར་བྱ། །དབབ་པའི་སྔགས་ཀྱིས་བསྡིམ་བྱས་ལ། །ཕྱག་རྒྱ་བཞི་ཡི་རང་བཞིན་གྱིས། །དགུག་ཅིང་གདབ་བརྡེག་ཡང་ནས་ཡང་། །ཕྲིན་ལས་དྲུག་དང་སྔགས་དྲུག་དང་། །བདག་ཉིད་ལས་ཀྱི་ལྷར་ཞུགས་ནས། །ལུས་ནི་སུམ་བརྒྱུད་འབྲུ་དགུ་ལས། །ཕུར་པའི་ཁྲོ་བོ་སྐུ་ཕྱུང་ནས། །བདེ་གཤེགས་འཇིགས་ཚོགས་ཡན་ཆད་དུ། །གསེར་གྱི་བ་ཐག་གཟིངས་པ་ཡིས། །རྡོ་རྗེ་ཕུར་པའི་ལྷར་ཐིམ་བྱ། །འབུམ་ཕྲག་གཅིག་གམ་ས་ཡ་འམ། །བྱེ་བ་བཟླས་ཏེ་དབང་བསྐུར་ནས། །ཏིང་འཛིན་བསྙེན་པ་རྫོགས་བྱས་ཏེ། །གྱུར་ཤོག་དངོས་གྲུབ་ཐོབ་པར་འགྱུར། །དྲག་པོའི་ཕྲིན་ལས་འཇུག་པ་ཡིས། །འབྲུ་དགུའི་ཕུར་པ་སྐུར་ཕྱུང་ལ། །ཕྱོགས་བཅུ་དག་ཏུ་ཁྱབ་པའི་སྐུ། །ཁྲོ་སྐུ་ལྕགས་ཕུར་ཟུར་གསུམ་པོ། །མགར་གྱི་ཚྭ་ཚྭ་རྣོ་མྱུར་ཆས། །ཉི་ཟེར་སེར་བ་བབས་པ་བཞིན། །གནག་པའི་སྟེང་དུ་བབས་པར་བསམ། །ཕྱག་རྒྱ་བཞི་ཡིས་བཀུག་བསྡིམ་བྱ། །གསང་སྔགས་དྲག་སྔགས་ཡང་ནས་ཡང་། །དམ་ཚིག་ཆེན་པོའི་དུས་ལ་བབ། །མགྱོགས་བྱེད་ཡེ་ཤེས་ཕོ་ཉ་ཡིས། །དེ་ལྟར་དེ་བཞིན་དགུག་བསྡིམ་བྱ། །སྤྲུལ་པ་ཆེན་པོའི་དུས་ལ་བབ། །ཐུགས་རྗེ་སྤྲུལ་པའི་ཕོ་ཉའོ། །ཕྱག་བརྙན་ཆེན་པོའི་དུས་ལ་བབ། །ཟ་བྱེད་གསོད་བྱེད་ཕོ་ཉའོ། །ཤྭ་ན་མུ་ཁའི་དུས་ལ་བབ། །ཤྭ་ན་བཞི་ཡི་ཕོ་ཉའོ། །བདག་ཉིད་ཆེན་མོའི་དུས་ལ་བབ། །རེ་ཏི་མཆེད་བཞིའི་ཕོ་ཉའོ། །ས་བདག་ཆེན་མོའི་དུས་ལ་བབ། །ཚ་བའི་མ་མོ་བཞི་ཡི་ཕོ་ཉའོ། །ཡང་ནས་ཡང་དུ་དགུག་བསྡིམ་བྱ། །སོ་སོའི་དྲག་སྔགས་བསྡིམ་པར་བྱ། །ཁྲག་ཟོར་དུག་ཟོར་ཉུང་ཟོར་བརྡེག །དགུ་གི་ ― DNG022_Page_0418 ―
[མ་དཔེ་གཟིགས་ན་འདིར་གནོན།]
གཏོར་མ་ཟ་རུ་གཞུག །ཕྲ་མེན་རྣམས་དང་མགྱོགས་མ་རྣམས། །གློ་སྙིང་ཟ་ཞིང་དབང་པོ་འཐོབ། །བསྟོད་ཅིང་བྱ་བའི་ཏིང་འཛིན་བསར། །དངོས་གྲུབ་བར་དུ་གཅོད་པའི་བགེགས། །གདུག་ཅིང་སྡང་སེམས་བྱེད་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་རྣམས་ཉན་པར་གྱིས། །མཐུ་དབྲོག་གུ་གུལ་གྲོགས་དང་བྲལ། །མངག་གཞུག་བསྙེན་ཕུར་དབབ་པ་དང་། །དབང་དུ་བསྡུ་བ་སྔོན་དམར་བཅིངས། །སྡིག་ཕུར་ཁ་ཐམ་ཐོ་བས་བརྡུང་། །ཟིལ་གནོན་དྷ་མདའ་དུག་ཀྱང་དུ་ལུག་མིག་སྨྲ། །རྟགས་ཕྱིན་དྲག་པོའི་དམ་རྫས་བསྒོ་བའི་བཀའ་ཉན་བྱེད། །གབ་སྦས་གླང་གི་རུས་སྦལ་ཡན་ལག་འདྲ། །གདབ་པའི་རིན་ཆེན་དག་ལ་བྲི། །རྟགས་ཕྱིན་དྲག་པོའི་ཕུར་པ་ཡིས། །ཚེ་ཡི་དྭངས་མའི་རྟེན་ཕྲལ་ནས། །གཏི་མུག་རྩད་ནས་གཅོད་པའི་མཐུ། །མཐུ་དབྲོག་ཕུར་པ་སྲས་མཆོག་གིས། །ཁྲག་གི་དྭངས་མ་གནང་སླེབ་ནས། །འདོད་ཆགས་རྩད་ནས་གཅོད་པའི་མཐུ། །མངགས་པའི་སྲས་མཆོག་ཕུར་པ་ཡིས། །དབུགས་ཀྱི་དྭངས་མའི་རྟ་ཕྲལ་ནས། །ཕྲག་དོག་རྩད་ནས་གཅོད་པའི་མཐུ། །བསྡིག་པའི་ཕུར་པ་སྲས་མཆོག་གིས། །འོད་མདངས་ཀྱང་དང་སེམས་ཀྱི་གནས་སྐབས་ནས། །ང་རྒྱལ་རྩད་ནས་གཅོད་པའི་མཐུ། །ཟིལ་གནོན་སྲས་མཆོག་ཕུར་པ་ཡིས། །རྩ་དང་ཀུན་གཞིའི་རྟེན་ཕྲལ་ནས། །ཞེ་སྡང་རྩད་ནས་གཅོད་པའི་མཐུ། །དབང་གི་སྲས་མཆོག་ཕུར་པ་ཡིས། །རྒྱུ་བཞི་གནད་ནས་བསྲེག་པའི་མཐུ། །བསྙེན་པའི་སྲས་མཆོག་ཕུར་པ་ཡིས། །འབྱུང་བ་ཀུན་གྱི་རྟེན་འདྲེལ་བསྲེག་པའི་མཐུ། །ཨ་ཤོག་པ་ཡི་རྒྱ་དེབ་བརྩེགས་འདྲ་ལ། །གནང་བདུན་གཅིག་ཏུ་དྲིལ་བ་ལས། །སོ་མལ་ལྕགས་མདའ་སྲ་རྣོ་ཡིས། །སྐད་ཅིག་མ་ཡིས་དྲངས་ཡོད་ཀྱིས། །དུས་གཅིག་ཐོག་རྫས་གླང་ཕག་རླང་ཕབ་གནད་སླེབ་པས། །ཀུན་གྱི་དྲན་བྲལ་ཚེ་ལུང་རྣམ་པ་གཉིས། །བརྣག་པའི་ཚེ་ལུང་འོག་མིན་གནས་ ― DNG022_Page_0419 ―
[མ་དཔེ་གཟིགས་ན་འདིར་གནོན།]
གསུམ་མོ། །བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་ཐུགས་དམ་དུས་ལ་བབ། །སྔོན་ཆད་ཇི་བཞིན་དམ་བཅས་པ། །མངོན་སྤྱོད་ཕྲིན་ལས་མྱུར་དུ་མཛོད། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོའི་བྱིན་རླབ་ཀྱིས། །ཡུད་ཙམ་གྱིས་ནི་འདིར་བཀུག་ནས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །གདུག་ཅིང་སྡང་སེམས་ལྡན་པ་རྣམས། །ལྷ་ འམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ན། །ལྷ་ཡང་རུང་སྟེ་བསྒྲལ་བར་བྱའོ། །ཞེས་ཀཱི་ལ་ཡ་བཅུ་གཉིས་ཀྱི་ཏན་ཏྲ་ལས། གསང་བ་ལས་ཀྱི་དཀྱིལ་འཁོར་གྱི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་བདུད་བདག་ཆེན་པོས་སྒྲོལ་བ། ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་ཀྱི་སྦྱོར་བའི་ལས་འདི་གསུངས་སོ། །རྗེས་འཇུག་རྒྱུད་འདི་ནན་ཏན་དུ། །ས་གཞི་ལེགས་པར་བརྟག་བྱས་ལ། །འབར་བའི་ཏིང་འཛིན་བསར་ལ་བསྒོམ། །བདག་ཉིད་ཏིང་འཛིན་དམ་ཚིག་སྡོམ་པ་ཆགས། །དངོས་གྲུབ་བར་ཆོད་དགྲ་བགེགས་རྣམས། །སྙིང་རྗེས་བསྒྲལ་བའི་དམ་ཚིག་ནི། །གསད་ཅིང་མནན་པ་མ་ཡིན་ཏེ། །ཕྲ་མོའི་སྦྱོར་བ་ཏིང་འཛིན་བསྒོམ། །བདག་དང་ཁྲོ་བོ་ཕུར་པ་རྫས། །སྐུ་གསུང་ཐུགས་ཀྱི་གནས་རྣམས་སུ། །སྐྱེ་མེད་མཚོན་པའི་ཏིང་འཛིན་བསྒོམ། །རྣམ་གསུམ་དག་ལ་སྐྱེ་མེད་མཚོན། །དེ་གསུམ་སྐྱེ་མེད་མཚོན་འཕྲོས་པས། །སྲིད་པ་གསུམ་དུ་གསལ་འཚེར་ནས། །ཉེས་བྱས་གསུམ་པོ་བསྲེག་པ་ནི། །འདི་ནི་བྱང་ཆུབ་སེམས་ཀྱི་ཁྲུས། །ཕྲིན་ལས་གསང་སྔགས་སྒྲོལ་བའི་ཁྲུས། །ཨེ་ཀ་ར་དང་མཐར་གནས་སོ། །ཨེ་ཀ་ར་ཡི་ཨེ་ཀ་ར། །ཨེ་ཀ་ར་ཡིས་དབུས་མ་གནས། །ཨེ་ཀ་ར་ཡི་མཐར་གནས་སོ། །ཨེ་ཀའི་དོན་ཚིག་ཨེ་ཀའི་གསང་སྔགས་ཀྱིས། །ཆོས་ཉིད་བདེན་པའི་གསང་སྔགས་ ― DNG022_Page_0420 ―
[མ་དཔེ་གཟིགས་ན་འདིར་གནོན།]
སྒྲོལ་བའི་མཐུས། །སྐུ་ཡི་བྱང་ཆུབ་སེམས་ཀྱིས་ལུས་ནི་རྣམ་དག་ཁྲུས། །ཨེ་ཀ་ར་ཡི་དོན་ཚིག་ཙ་ཡི་གསང་སྔགས་ཀྱིས། །ལུས་ངག་ཡིད་གསུམ་བྱང་ཆུབ་སེམས་ཀྱི་ཁྲུས། །ཨེ་ཀ་ར་ཡི་དོན་ཚིག་ར་ཡི་གསང་སྔགས་ཀྱིས། །ཐུགས་ཀྱི་བྱང་ཆུབ་སེམས་ནི་ཡིད་ནི་རྣམ་དག་ཁྲུས། །ཨེ་ཀ་ར་ཡི་དོན་ཚིག་པཉྩའི་གསང་སྔགས་ཀྱིས། །བཅོམ་ལྡན་འདས་བཀའ་དྲི་མ་དག་པའི་ཁྲུས། །ཨེ་ཀ་ར་ཡི་དོན་ཚིག་ཏྲི་ཡི་གསང་སྔགས་ཀྱིས། །གསུང་གི་བྱང་ཆུབ་སེམས་ནི་ངག་གི་རྣམ་དག་ཁྲུས། །ཨེ་ཀ་ར་ཡི་དོན་ཚིག་ཚ་ཡི་གསང་སྔགས་ཀྱིས། །བག་ཆགས་ཐབས་ནི་བྱང་ཆུབ་སེམས་ཀྱི་ཁྲུས། །ཨེ་ཀ་ར་ཡི་དོན་ཚིག་ཏ་ཡི་གསང་སྔགས་ཀྱིས། །ཤེས་རབ་དམིགས་མེད་བྱང་ཆུབ་སེམས་ཀྱི་ཁྲུས། །ཨེ་ཀ་ར་ཡི་དོན་ཚིག་དེ་ཝའི་གསང་སྔགས་ཀྱིས། །ཕུར་པ་བྱང་ཆུབ་སེམས་ཀྱི་གནད་བདུན་དྲི་མའི་ཁྲུས། །ཨེ་ཀ་ར་ཡི་དོན་ཚིག་རྩ་བརྒྱའི་གསང་སྔགས་ཀྱིས། །ཐུགས་ཀྱི་ཕྲིན་ལས་བྱང་སེམས་རྣམ་གསུམ་ཁྲུས། །ཨེ་ཀ་ར་ཡི་དོན་ཚིག་སྤྲིན་ཛའི་གསང་སྔགས་ཀྱིས། །ཚད་མེད་སྒོ་མ་གསང་ཡུམ་བྱང་སེམས་ཁྲུས། །ཨེ་ཀ་ར་ཡི་སྤྲིན་དོན་ཚིག་ཨེ་ཀའི་གསང་སྔགས་ཀྱིས། །རྡོ་རྗེ་ཕུར་པ་དགྲ་ཡི་བག་ཆགས་བྱང་སེམས་ཁྲུས། །ཨེ་ཀ་ར་ཡི་སྤྲིན་རིན་དོན་ཚིག་གསང་སྔགས་ཀྱིས། །དགྲ་བགེགས་མནན་གཟིར་ཐམས་ཅད་བྱང་ཆུབ་སེམས་ཀྱི་ཁྲུས། །ཨེ་ཀ་ར་ཡི་སྤྲིན་ཏྲིའི་དོན་ཚིག་གིས། །རྡོ་རྗེ་ཕུར་པ་ཐུགས་ཀྱི་བྱང་སེམས་ཀྱིས། །སྲིད་གསུམ་བསྒྲལ་བའི་དྲག་ཏུ་བྱང་སེམས་ཁྲུས། །ཨེ་ཀ་ར་ཡི་སྤྲིན་ཙ་ར་ཡི་དོན་ཚིག་གིས། །རྡོ་རྗེ་གཞོན་ནུ་ཐུགས་ཀྱི་ཕྲིན་ལས་ཀྱིས། །ཆགས་པ་དབང་དུ་བསྡུས་ནས་སྒྲོལ་བའི་བྱང་སེམས་ཁྲུས། །ཨེ་ཀ་སྤྲིན་གྱི་པཉྩའི་དོན་ཚིག་གསང་སྔགས་ཀྱིས། །ཐུགས་ཀྱི་ཐུགས་ནི་ཕྲིན་ལས་ཆགས་པ་ཡིས། །ཆོས་རྣམས་ཐམས་ཅད་སྐྱེ་བ་མེད་པའི་ཁྲུས། །ཨེ་ཀ་ར་ཡི་དོན་ཚིག་ཨེ་ཀ་ར་ཡི་གསང་སྔགས་ཀྱིས། །ཆོས་ཉིད་བདེན་པའི་གསང་སྔགས་བྱིན་རླབ་ ― DNG022_Page_0421 ―
[མ་དཔེ་གཟིགས་ན་འདིར་གནོན།]
མཐུས། །བརྣག་པའི་རི་བོ་ཡེ་ཤེས་ལྔ་ཡིས་མནན། །ཙ་རའི་དོན་ཚིག་གསང་སྔགས་ཀྱིས། །རྩ་བརྒྱད་ཕུར་པས་བརྣག་པ་མནན། །ར་ཡི་དོན་ཚིག་གསང་སྔགས་ཀྱིས། །རི་བོའི་འོག་ཏུ་ཐུགས་ནི་བྱང་ཆུབ་སེམས་ཀྱིས་མནན། །པཉྩའི་དོན་ཚིག་གསང་སྔགས་ཀྱིས། །བདུད་བདག་བཅོམ་ལྡན་འཇིགས་བྱེད་ཀྱིས། །བྲན་དང་ལྷ་འདྲེ་གདུག་པ་བཀའ་བསྒོ་ཉན། །ཏྲི་ཡི་དོན་ཚིག་གསང་སྔགས་ཀྱིས། །གདུག་པ་ཅན་ལ་གཏད་མནན་པའོ། །སད་དང་ཙ་ཡི་དོན་ཚིག་གཉིས་ཀྱི་གསང་སྔགས་ཀྱིས། །གནག་པ་ཐབས་དང་ཤེས་རབ་གཉིས་མེད་མནན། །ཙརྱའི་དོན་ཚིག་གསང་སྔགས་ཀྱིས། །རྡོ་རྗེ་ཁྲོ་བོའི་ཕུར་པ་ཡིས། །ཕྲིན་ལས་ཆགས་པས་དབང་དུ་བསྐུལ་ནས་བཏབ། །བསྐལ་པར་མི་འབྱུང་མནན་པའི་གསང་སྔགས་སོ། །དེ་བའི་དོན་ཚིག་གསང་སྔགས་ཀྱིས། །མནན་ཕུར་གསོ་ཞིང་གཟི་བྱིན་བསྐྱེད། །ཨེ་ཀའི་སྤྲིན་གྱི་དོན་ཚིག་གསང་སྔགས་ཀྱིས། །གཟུང་ཞིང་བསྡམ་བརྡེག་མནན་པའི་གསང་སྔགས་ཀྱི་མཐུའོ། །སྤྲིན་རའི་དོན་ཚིག་གི་གསང་སྔགས་ཀྱིས། །ཁྲོ་བོ་ཕུར་པས་ཐུགས་དབང་དྲག་ཏུ་བསྒྲལ་ཞིང་མནན། །སྤྲིན་ཏྲིའི་དོན་ཚིག་གསང་སྔགས་ཀྱིས། །དཀྱིལ་འཁོར་རྣམ་གསུམ་ཐུགས་ནི་ཡང་དག་གིས། །ཕྲིན་ལས་ཆགས་པས་དབང་བསྡུས་དྲག་བསྐུལ་མནན། །སྤྲིན་དག་པཉྩ་དོན་ཚིག་གསང་སྔགས་ཀྱིས། །ཐུགས་ཀྱི་ཕྲིན་ལས་ཆགས་པས་དབང་སྡུད་སྐྱེ་བ་མེད་པར་མནན། །ཨེ་ཀའི་དོན་ཚིག་གསང་སྔགས་ཀྱིས། །ཡིད་དང་ཞེ་སྡང་མ་རིག་གནས་སུ་བསྒྲལ་བའི་མཐུ། །ཙ་རའི་དོན་ཚིག་གསང་སྔགས་ཀྱིས། །གནག་པའི་ཚེ་རྟེན་འཁོར་བ་རྩད་གཅོད་མཐུ། །ར་ཡི་དོན་ཚིག་གསང་སྔགས་ཀྱིས། །ཉོན་མོངས་ཡིད་ཀྱི་བག་ཆགས་འདོད་ཆགས་རྩད་ནས་གཅད། །ཏྲི་ཡི་དོན་ཚིག་གསང་སྔགས་ཀྱིས། །བག་ཆགས་སོ་བཞི་གཏི་མུག་རྩད་ནས་གཅད། །པཉྩའི་དོན་ཚིག་གསང་སྔགས་ཀྱིས། །བཅོམ་ལྡན་བདུད་བདག་སྐུ་ནི་མྱུར་བསྐུལ་མཐུ། །ཚ་ཡི་དོན་ཚིག་གསང་སྔགས་ཀྱིས། །དཔལ་ཆེན་རྡོ་རྗེ་ཁྲོ་བོ་ཐབས་དང་ཤེས་རབ་དང་། ། ― DNG022_Page_0422 ―
[མ་དཔེ་གཟིགས་ན་འདིར་གནོན།]
ཧཱུྃ་གིས་ཕྲིན་ལས་དབང་སྡུད་ཚེ་རྟེན་རྣམ་ཤེས་བསྲེག །ས་ཏའི་སཔྟ་ཡང་དོན་ཚིག་གསང་སྔགས་ཀྱིས། །སྐུ་སྟོད་སྐུ་སྨད་ཁྲོ་བོ་ལྕགས་ཕུར་ལ། །རྣོ་མྱུར་ཆས་པའི་བར་སྣང་སེར་བབས་བཞིན། །རྩ་བརྒྱའི་དོན་ཚིག་གསང་སྔགས་ཀྱིས། །གསང་བ་ཡུམ་བཞི་བཟུང་ཞིང་བསྡམ་རྟེན་མཐུ། །དེ་བའི་དོན་ཚིག་གསང་སྔགས་ཀྱིས། །བརྣག་པ་མནན་ཅིང་རབ་གཟིར་ཏེ། །རྡོ་རྗེ་ཕུར་པས་དབང་སྡུད་བསྐུལ་སྒྲོལ་མཐུ། །སྤྲིན་ཛའི་དོན་ཚིག་གསང་སྔགས་ཀྱིས། །རྡོ་རྗེ་ཁྲོ་བོ་ཕྲིན་ལས་ཀྱི། །ཆགས་པས་དབང་དུ་བསྡུས་ནས་དྲག་ཏུ་བསྒྲལ། །སྤྲིན་ཛའི་ཨེ་ཀའི་དོན་ཚིག་གསང་སྔགས་ཀྱིས། །ཆོས་རྣམས་ཐམས་ཅད་སྐྱེ་མེད་ངང་དུ་སྒྲོལ་བའི་མཐུ། །དཀྱུས་ཚིག་དོན་ཚིག་འཕེལ་འགྲིབ་ནི། །རེ་རེ་ལ་ཡང་གདམ་པར་བྱ། །ཨེ་ཀའི་དམ་ཚིག་གསང་སྔགས་ཀྱིས། །ཆོས་ཉིད་བདེན་པའི་བྱིན་བརླབས་མཐུས། །ཡན་ལག་བཅིངས་པའི་གནད་བརྡེག་གཟེར། །ར་ཡི་དོན་ཚིག་གསང་སྔགས་ཀྱིས། །སེམས་དྲན་མྱོས་བྱེད་གནད་བསྡིག་ཟོར། །པཉྩའི་དོན་ཚིག་གསང་སྔགས་ཀྱིས། །བཅོམ་ལྡན་བདུད་བདག་གང་གདོན་བཀའ་བསྒོ་གནད་བརྡེག་གོ། །ཏྲི་ཡའི་དོན་ཚིག་གསང་སྔགས་ཀྱིས། །དབང་པོ་རྣམ་ཤེས་བསྡམ་བརྡེག་ཟོར་གྱི་མཐུ། །ཚ་ཡི་དོན་ཚིག་གསང་སྔགས་ཀྱིས། །ཐབས་དང་ཤེས་རབ་རབ་ཏུ་ལུས་བཤིག་གནད་བརྡེག་ཟོར། །ཙ་རའི་དོན་ཚིག་གསང་སྔགས་ཀྱིས། །གནག་པའི་སྙིང་ཁྲག་གཙོ་བོའི་གནད་བརྡེག་ཟོར། །པ་རའི་དོན་ཚིག་གསང་སྔགས་ཀྱིས། །དཔལ་ཆེན་རྡོ་རྗེ་ཁྲོ་བོའི་ཐུགས་ཀྱི་ཕྲིན་ལས་ཀྱི། །ཆགས་པས་དབང་སྡུད་བསྐུལ་བསྒྲལ་ཚེ་རྟེན་གནད་བརྡེག་ཟོར། །དེ་ཝའི་དོན་ཚིག་གསང་སྔགས་ཀྱིས། །གཟུང་ཞིང་བསྡམ་བརྡེག་གནད་བརྡེག་ཟོར། །རྩ་བརྒྱའི་དོན་ཚིག་གསང་སྔགས་ཀྱིས། །བཅུ་གཅིག་མདའ་ཕུར་གནད་བདུན་རྩ་བརྒྱད་ཟོར། །སྤྲིན་ཛ་དོན་ཚིག་གསང་སྔགས་ཀྱིས། །གནག་པ་མནན་བརྡེག་གནད་ ― DNG022_Page_0423 ―
[མ་དཔེ་གཟིགས་ན་འདིར་གནོན།]
བརྡེག་ཟོར། །རྡོ་རྗེ་ཕུར་པས་ཁྲག་རྦལ་ནི་ཁྲག་ཟོར། །སྤྲིན་ཛ་ཨེ་ཡི་དོན་ཚིག་གསང་སྔགས་ཀྱིས། །རྡོ་རྗེ་ཁྲོ་བོ་ཐུགས་ཀྱི་ཕྲིན་ལས་ཀྱིས། །བག་ཆགས་ཕུང་པོ་སྐྱེ་མེད་ངང་དུ་བསྒྲལ་བའི་ཕྱིར། །ཨེ་ཀ་ཨེ་ཀའི་དོན་ཚིག་གསང་སྔགས་ཀྱིས། །ཆོས་ཉིད་བདེན་པའི་བྱིན་རླབས་མཐུ། །བརྣག་པའི་ལུས་དང་གཏི་མུག་བསྲེག །རྣལ་འབྱོར་སྐུ་ཡི་དངོས་གྲུབ་ཐོབ་པའི་མཐུས། །ར་ཡི་དོན་ཚིག་གསང་སྔགས་ཀྱིས། །བརྣག་པའི་ཡིད་དང་ཚ་གྲང་བསྲེག །རྣལ་འབྱོར་ཐུགས་ཀྱི་དངོས་གྲུབ་ཐོབ། །པཉྩའི་དོན་ཚིག་གསང་སྔགས་ཀྱིས། །བདེན་པའི་བྱིན་རླབ་སངས་རྒྱས་མཐུ་ཡིས་ནི། །བཀའ་བསྒོ་མྱུར་དུ་བསྲེག་ཅིང་གནག་པའི་ནི་རྦལ་བསྲེག་པའི་མཐུ། །ར་ཙའི་དོན་ཚིག་གསང་སྔགས་ཀྱིས། །རྣམ་ཤེས་བཅུད་དང་ཚེ་ཡི་རྟེན་བསྲེག་མཐུ། །དྲི་ཡི་དོན་ཚིག་གསང་སྔགས་ཀྱིས། །གནག་པའི་ངག་དང་བཀྲེས་སྐོམ་བསྲེག །རྣལ་འབྱོར་གསུང་གི་དངོས་གྲུབ་ཐོབ་པའི་མཐུ། །ཚ་ཡི་དོན་ཚིག་གསང་སྔགས་ཀྱིས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཡེ་ཤེས་མེ་འབར་བས། །རྡོ་རྗེ་མེ་དབལ་སྙིང་བསྲེག་མཐུ། །པ་རའི་དོན་ཚིག་གསང་སྔགས་ཀྱིས། །དཔལ་ཆེན་ཁྲོ་བོ་ཐུགས་ཀྱི་ཕྲིན་ལས་ཀྱིས། །ཆགས་པ་མི་གཏོང་དབང་སྡུད་རྟག་ཏུ་བསྲེག །དེ་ཝའི་དོན་ཚིག་གསང་སྔགས་ཀྱིས། །གཟུང་ཞིང་བསྡམ་བཏག་རྡོ་རྗེ་མེ་དབལ་སྙིང་བསྲེག་མཐུ། །རྩ་བརྒྱའི་དོན་ཚིག་གསང་སྔགས་ཀྱིས། །རྡོ་རྗེ་ཕུར་པའི་མེ་བསྐལ་ཞིག །མེ་དཔུང་དུག་སྡོང་བསྲེག་པའི་མཐུ། །སྤྲིན་ཛའི་དོན་ཚིག་གསང་སྔགས་ཀྱིས། །གནག་པ་མནན་གཟིར་རྡོ་རྗེ་ཡེ་ཤེས་མེ་ཡིས་བསྲེག །སྤྲིན་ཛའི་ཨེ་ཀའི་དོན་ཚིག་གསང་སྔགས་ཀྱིས། །རྡོ་རྗེ་ཕུར་པའི་མེ་དབལ་སྙིང་ཁྲག་བསྲེག །སྤྲིན་ཛ་ར་ཡི་དོན་ཚིག་གསང་སྔགས་ཀྱིས། །ཐུགས་ཀྱི་ཕྲིན་ལས་ཆགས་པའི་དབང་སྡུད་བསྲེག །སྤྲིན་ཛ་ཏྲི་ཡི་དོན་ཚིག་གསང་སྔགས་ཀྱིས། །མི་རྟོག་ཡེ་ཤེས་མེ་ཡིས་རྟོག་པའི་དུག་སྡོང་བསྲེག །ཨེ་ཀ་ར་ལ་འབྲུ་ཚིག་གཉིས་གཉིས་སོ། །དྲི་ལ་དོན་ཚིག་གཉིས་དང་འབྲུ་ཚིག་ལྔ། །ཙ་རིལ་འབྲུ་ཚིག་ལྔ་དང་དོན་ཚིག་གཉིས། ། ― DNG022_Page_0424 ―
[མ་དཔེ་གཟིགས་ན་འདིར་གནོན།]
པཉྩའི་འབྲུ་ཚིག་བཞི་དང་དོན་ཚིག་གཅིག །ཚ་ཡི་བ་ར་དོན་ཚིག་གཉིས་དང་འབྲུ་ཚིག་གཉིས་གཉིས་སོ། །རྩ་བརྒྱད་འབྲུ་ཚིག་བཅུ་གསུམ་དོན་ཚིག་དགུ། །དི་པ་ལ་དོན་ཚིག་གསུམ་དང་འབྲུ་ཚིག་དགུ། །སྤྲིན་ཛ་ལ་ནི་འབྲུ་ཚིག་བཞི། །སྤྲིན་ཛ་ཨེ་ཀ་ལ་དོན་ཚིག་གཉིས་དང་འབྲུ་ཚིག་དྲུག །སྤྲིན་ར་དོན་ཚིག་གཉིས་དང་འབྲུ་ཚིག་ལྔ། །སྤྲིན་ཏྲི་དོན་ཚིག་གཉིས་དང་འབྲུ་ཚིག་དྲུག །མཐར་གནས་སྤྲིན་ཛ་ཙ་རའི་དོན་ཚིག་ལྔ་དང་འབྲུ་ཚིག་བཅུ་གསུམ་མོ། །རྡོ་རྗེ་ཐུགས་ཀྱི་ཕྲིན་ལས་གསང་སྔགས་ཀྱིས། །ཁྱབ་པའི་དྲག་སྔགས་སྦྱོར་བ་ལ། །ཙན་དུག་སྦྱོར་བ་མེ་དང་འདྲ། །གནག་པའི་སྦྱོར་བ་དུག་སྡོང་ཚེ་རྟེན་བསྲེག །གདམས་པ་རིན་ཆེན་དག་ལ་བྲིས། །ཨེ་ཀའི་དབུས་མ་ནི་དཀྱུས་ནི་སྐོར་ཚོམས་ལ། །ཨེ་ཀའི་དཀྱུས་ཚིག་གསང་སྔགས་ནི། །ཁྱབ་པའི་སྦྱོར་བ་ཆེན་པོའི་དོན། །ཕ་རོལ་ཕྱིན་པ་གྲོལ་བའོ། །ར་ཡི་དཀྱུས་ཚིག་གསང་སྔགས་ཀྱིས། །ཆོས་ཉིད་བདེན་པའི་བྱིན་རླབས་མཐུ། །ཞེ་སྡང་སྒོ་ལ་ཚེ་ལ་གནད་གཅོད་མཐུ། །ཏྲི་ཡི་དཀྱུས་ཚིག་གསང་སྔགས་ཀྱིས། །ཕྲག་དོག་སྒོ་ལ་ཚེ་གནད་འདྲེལ། །ཙ་རའི་དཀྱུས་ཚིག་གསང་སྔགས་ཀྱིས། །ང་རྒྱལ་ཆེ་ལ་ཚེ་གནད་འདྲེལ། །ཚ་ཡིས་དཀྱུས་ཚིག་གསང་སྔགས་ཀྱིས། །གཏི་མུག་སྒོ་དག་ཚེ་གནད་འདྲེལ། །པཉྩའི་དཀྱུས་ཚིག་གསང་སྔགས་ཀྱིས། །གཏི་མུག་སྒོ་དག་ཚེ་གནད་འདྲེལ། །པཉྩའི་དཀྱུས་ཚིག་གསང་སྔགས་ཀྱིས། །འདོད་ཆགས་སྒོ་དག་ཚེ་ཡི་གནད་གཅོད་འདྲེལ། །སྐོར་ཚོམས་དཀྱུས་ཚིག་རྩ་བརྒྱད་ལ། །དོན་གྱི་དཀྱུས་ཚིག་ཨེ་ཀའི་ས། །ཨེ་ཀའི་གསང་སྔགས་སྐོར་ཚོམས་གསང་སྔགས་ཀྱིས། །སྦྱོར་བ་ཨེ་ཀར་སྦྱར་བྱས་ནས། །གྲོགས་བྲལ་ཁྲག་དང་མེ་དབལ་ཁྲག་དཀྱུག་གནད། །ཆོས་ཉིད་བདེན་པའི་བྱིན་རླབས་མཐུ། །འདོད་པའི་བྱ་བ་དོན་འགྲུབ་པའོ། །ར་ཡི་དཀྱུས་ཚིག་གསང་སྔགས་ཀྱིས། །དབབ་པའི་སྙིང་གཟེར་དབྱུག་གདངས་མེ་དབལ་སྙིང་གཟེར་གནད། །འདོད་པའི་བྱ་བ་དོན་འགྲུབ་པོ། །ཏྲི་ཡི་དཀྱུས་ཚིག་གསང་སྔགས་ཀྱིས། །ཙ་དང་ཡན་ལག་མེ་དབལ་ ― DNG022_Page_0425 ―
[མ་དཔེ་གཟིགས་ན་འདིར་གནོན།]
བཅིང་བའི་གནད། །སྐོར་ཚོམས་ཨེ་ཀའི་དཀྱུས་ཚིག་གསང་སྔགས་ཀྱིས། །གཟིར་གནོན་སེམས་དང་མེ་དབལ་སྙིང་ཁྲག་སྤྱོ་བའི་གནད། །ཙི་རིའི་དཀྱུས་ཚིག་གསང་སྔགས་ཀྱིས། །སྨྱོ་དང་མེ་དབལ་རྣམ་ཤེས་སྡོམས་པའི་གནད། །ཚ་བའི་དཀྱུས་ཚིག་གསང་སྔགས་ཀྱིས། །སྟོབས་བྱེད་ཚེ་བརྟེན་མེ་དབལ་སྲོག་རྩ་གཅོད་པའི་གནད། །ཡང་སྙིང་བདུན་གྱི་དོན་བཞི་རེ་རེ་དྲུག །ཐུན་འཕང་མེ་དབལ་གནད་བདུན་དགུག་བསྡིམ་ལ། །དགུག་ཐུལ་བསྡམས་གཟེར་སྨྱོས་བརྒྱལ་ཤ་རུས་རུལ། །གནག་པ་མེ་དབལ་འབྱུང་ལྔ་རིམ་བཞིན་འགེགས་པའི་མཐུ། །ཨེ་ཀའི་མཐར་གནས་ཨེ་ཀའི་དཀྱུས་ཚིག་གསང་སྔགས་ཀྱིས། །ཚོར་བྱེད་རྣམ་ཤེས་རྟེན་ལ་དབབ། །ཡུམ་བཞི་འཛིན་བྱེད་གསང་སྔགས་ཀྱིས། །སྦྱོར་བ་བཅོ་ལྔ་གནད་རེའོ། །ར་ཡི་དཀྱུས་ཚིག་གསང་སྔགས་ཀྱིས། །མཐོང་ཤེས་རྣམ་ཤེས་རྟེན་ལ་དབབ། །ཏྲི་ཡི་དཀྱུས་ཚིག་གསང་སྔགས་ཀྱིས། །ཐོས་བྱེད་རྣམ་ཤེས་རྟེན་ལ་དབབ། །ཙ་རའི་དཀྱུས་ཚིག་གསང་སྔགས་ཀྱིས། །རྟེན་བྱེད་རྣམ་ཤེས་རྟེན་ལ་གདབ། །པཉྩའི་དཀྱུས་ཚིག་གསང་སྔགས་ཀྱིས། །མྱོང་བྱེད་རྣམ་ཤེས་རྟེན་ལ་དབབ། །ཚ་ཡི་དཀྱུས་ཚིག་གསང་སྔགས་ཀྱིས། །འཁོར་རྒྱུ་རྣམ་ཤེས་རྟེན་ལ་གདབ། །པ་ཏའི་དཀྱུས་ཚིག་གསང་སྔགས་དང་། །སྤྲིན་ཛའི་གསང་སྔགས་བར་གྱིས་ནི། །བྲན་དང་ཕོ་ཉ་སྦྱོར་བའོ། །མཐར་གནས་དབུས་མ་ན་ཡི་གསང་སྔགས་ཀྱིས། །མཐུ་དབྲོག་ཟིལ་གྱིས་གནོན་པར་བྱེད། །མཐར་གནས་དཀྱུས་ནི་སྐོར་གསུམ་གྱིས། །རྡོ་རྗེ་མེ་དབལ་གཟིར་གནོན་སྒྲོལ་མཆོད་དང་། །སྐུར་སྟོན་བྱང་སེམས་རིན་ཆེན་རྣམ་གསུམ་དོན། །བཅོ་བརྒྱད་ཉི་ཤུ་གཅིག་དང་གནད་བདུན་པ། །མནན་པའི་རྒྱུ་དང་སྐུ་མཆོག་ཕན་གནོད་སྨོན་ལམ་མོ། །ཞེས་ཀཱི་ལ་ཡ་བཅུ་གཉིས་ཀྱི་ཏན་ཏྲ་ལས། སྔགས་ཀྱི་སྦྱོར་བའི་ལེའུ་སྟེ་དགུ་པའོ།། །། དེ་ནས་ཡང་བཅོམ་ལྡན་འདས་བཛྲ་ཀཱི་ལ་ཡས་རྗེས་འཇུག་གི་དོན་དུ་ཚིག་དང་ཡི་གེ་སྒྲའི་ཏིང་ངེ་འཛིན་ལ་སྙོམས་པར་ཞུགས་ཏེ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ ― DNG022_Page_0426 ―
[མ་དཔེ་གཟིགས་ན་འདིར་གནོན།]
ར་ལ་ཝ། ཤ་ཥ་ས་ཧ། ཀྵ། ཨ་ཨཱ། ཨི་ཨཱིཾ། ཨུ་ཨུ། རྀ་རཱྀ། ལྀ་ལཱི། ཨེ་ཨཻ། ཨོ་ཨཽ། ཨཾ་ཨ། འཁུམ་པར་བྱེད་དང་སྡུད་པ་དང་། །ཁོང་དུ་འགྲོ་དང་སྦྱོར་བའོ། །ལྷག་མ་གཉིས་དང་རྭ་བོ་གཉིས། །ཟླ་ཚེས་ཐིག་ལེ་ངག་ཡིད་དང་། །རིང་དང་ཐུང་དང་དྲག་ཞན་དང་། །རྩེ་མོ་སྐེད་པ་རྩ་བ་དང་། །སྒྲ་ཡིག་སྒྲ་ཡིག་བོད་ཅིང་དྲང་བར་བྱའོ། །ཡི་མེད་དྭ་བོ་སྐབས་དང་སྦྱར། །སྒྲ་ཡི་ས་བོན་སྒྲ་ཡི་བོད། །དོན་ནི་སྒྲ་ལས་བྱུང་བ་སྟེ། །སྒྲ་དོན་ཕྱི་མོ་དེ་ལས་དྲངས། །ཟླ་ཚེས་ཐིག་ལེ་གདགས་ཡིག་དང་། །ཞེས་ཀཱི་ལ་ཡ་བཅུ་གཉིས་ཀྱི་ཏན་ཏྲ་ལས། ཚིག་དང་ཡི་གེ་སྔགས་ཀྱི་སྒྲའི་ལེའུ་སྟེ་བཅུ་པའོ།། །།དེ་ནས་ཡང་བཅོམ་ལྡན་འདས་ཆོས་ཉིད་ཀྱི་བདེན་པའི་བྱིན་རླབས་ཀྱིས་ཏིང་ངེ་འཛིན་ལ་སྙོམས་པར་ཞུགས་ཏེ། སངས་རྒྱས་ཀྱི་ཕྲིན་ལས་རྫོགས་པར་མཛད་པས། ཐབས་ཀྱི་སྤྱོད་པས་འགྲོ་བའི་དོན་འདི་གསུངས་སོ། །སྣང་བ་ཐམས་ཅད་ཡུལ་ཡིན་ཏེ། །ཡུལ་གྱི་རྣམ་པ་སེམས་ཡིན་པས། །སེམས་ལས་མ་གཏོགས་གང་ཡང་མེད། །སེམས་ནི་ཡང་གསང་ཐུགས་ཀྱི་དཀྱིལ་འཁོར་ཡིན། །རྣམ་རྟོག་སྐྱེ་བའི་གཞི་མེད་པར། །རྣམ་རྟོག་ཉིད་ཀྱང་ཡང་གསང་ཐུགས། །འཁོར་བ་མྱ་ངན་འདས་པའི་ཆོས། །ཐམས་ཅད་ཀུན་གྱི་དངོས་གཞི་སྟེ། །གཉིས་སུ་འབྱུང་བ་གང་ཞེ་ན། །རྟོགས་དང་མ་རྟོགས་བྱུང་བས་ན། །སེམས་ཅན་སངས་རྒྱས་གཉིས་མེད་ལ། །འཁོར་བ་སྔའམ་མྱང་འདས་སྔ། །མྱང་འདས་སྔ་ན་འཁོར་བ་མིན། །འོན་ཏེ་འཁོར་བ་སྔ་གྱུར་ན། །རང་རྡོལ་བྱུང་ངམ་ཐ་དད་བྱུང་། །ཉི་མ་གྲིབ་སོའི་རང་བཞིན་ནམ། །མོ་གཤམ་བུ་དང་རི་བོང་རྭ། །མེ་དང་དུ་བ་དེ་བཞིན་པས། །དེ་ལྟར་དེ་བཞིན་རྩོད་གཞི་རྟོགས། །དཀའ་སྤྱད་ཐེག་ཆེན་རིགས་ཅན་གྱིས། །རྒྱུ་དང་གོམས་དང་འབྲས་བུ་འབྱུང་། །ཅི་ཕྱིར་འཁོར་བ་ཡུལ་ལ་ཤོར། །སངས་རྒྱས་སེམས་ཅན་དེ་བཞིན་པས། །ཉི་མའི་ངོ་ལ་མུན་པའི་གཞི་མེད་ལྟར། །འཁོར་འདས་བྱང་ཆུབ་སེམས་ཀྱི་རང་བཞིན་ནོ། །འཁོར་འདས་བྱང་སེམས་རང་བྱུང་གཞན་ལ་མེད། །རིན་ཆེན་གླིང་དུ་ཕྱིན་པས་གཞན་ལ་བཙལ་མི་ ― DNG022_Page_0427 ―
[མ་དཔེ་གཟིགས་ན་འདིར་གནོན།]
དགོས། །རིག་པ་ཁོང་ནས་ཤར་བས་སངས་རྒྱས་ད་ལྟ་ཉིད། །སེམས་རྟོགས་ཡེ་བསྒོམ་བསྒོམ་མེད་ཡེངས་སུ་མེད། །ཡེངས་སུ་མེད་པས་འདྲེང་ཐག་སྐྱོན། །བསྒོམ་མེད་ཡེངས་དང་མ་ཡེངས་མེད་ཉིད་ན། །ད་ལྟ་ཉིད་ན་ཐམས་ཅད་མཁྱེན་པའི་རིགས། །ནུས་པ་ཐོབ་པས་བསྒོམ་དང་མི་བསྒོམ་གཉིས། །དེ་ལྟར་དེ་བཞིན་གདམས་པ་རིན་ཆེན་དག་ལ་བྲི། །ནང་རྟོགས་ན་ནང་སངས་རྒྱས་ནུབ་རྟོགས་ན་ནུབ་སངས་རྒྱས། །སངས་རྒྱས་གཞན་ནས་བཙལ་མི་དགོས། །བསྒོམ་མེད་དགོས་འདོད་རྣམ་རྟོག་སྤང་དུ་མེད། །བདེན་པའི་བྱིན་རླབས་མཐུ་སྟེ་གཞན་ནས་བྱུང་བ་མེད། །བདེན་པའི་བྱིན་བརླབས་ཡང་དག་བསྟན་བསྲུང་མཐུ། །ཐབས་ཀྱི་ཕྲིན་ལས་འགྲོ་དོན་རྫོགས་མཛད་མཐུ། །སངས་རྒྱས་དངོས་གྲུབ་བར་ཆོད་བསྒྲལ་བར་བྱའོ། །སྟག་དང་སྟག་ཕྲུག་གཉིས་ཆར་རྩལ་མ་ཤོར། །དགུག་གདབ་མནན་འཕང་བསྲེག་པའི་མཐུ། །དཀྱིལ་འཁོར་གྲུ་གསུམ་ཟླ་གམ་འཁོར་ལོ་དང་། །གྲུ་ཆད་ཟླ་གམ་བར་ཁྱམས་སྒོ་ཁྱུད་དང་། །ཐོད་པའི་ཐུན་དང་རྩ་བའི་ལྷ་སྔགས་བྲན་དང་ཕོ་ཉའི་སྔགས། །ཁྲག་ཟོར་ཡུངས་ཟོར་དུག་ཟོར་དང་། །གཏོར་ཟོར་རྟིང་ལ་ཕུར་ཟོར་དང་། །ཐུན་ཟོར་མཐུ་དབྲོག་ཟིལ་གནན་དང་། །ཁམས་གསུམ་བསྒྲལ་བའི་མཆོད་པ་བྱའོ། །མདའ་གཞུ་ཐལ་ཆེན་ཁྲག་ཆེན་བྱུག །ཐོད་ཁྲག་ཐུན་ནི་ཕྱར་བར་བྱ། །དམ་ཚིག་བརྒྱད་ཀྱི་དུས་ལ་བབ། །ལས་ཀྱིས་མནར་བའི་བྱུར་ངན་ལས་ཟད་འདི། །དྲག་པོའི་ཕྲིན་ལས་ཤུགས་ཀྱིས་མི་བསྒྲལ་དུ། །བསྟན་པ་འཇིགས་པའི་ཆོས་འཁོར་རློག །དྲག་པོར་གྱུར་པའི་ཁྲག་ཟོར་འདི། །སྙིང་ཁྲག་སྤྱོས་ཤིག་གུ་ལུ་ན། །རྣམ་ཤེས་སྡོམས་ཤིག་ཤ་ན་རམ། །སྲོག་རྩ་ཆོད་ཅིག་པུ་ཏྲི་རམ། །ཕོག་པར་རྒྱོབ་ཅིག་སྙིང་གི་དཀྱིལ། །གནད་དུ་རྒྱོབ་ཅིག་སྲོག་པ་རྩ། །གནག་པའི་ཁོང་དུ་ཁྲག་ཐུན་ཁྲག་ཟོར་སྤྱོས། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །བདུད་བདག་འཇིགས་བྱེད་ཆེན་པོ་དང་། །ཡུམ་ཆེན་འཁོར་ལོ་རྒྱས་འདེབས་མ། །གཉིས་སུ་མེད་པའི་བྱིན་རླབ་ལས། །གདུག་པ་འདུལ་མཛད་ཁྲོ་བོ་ཁྲོ་མོ་བྱུང་། །ཁྲོ་བོ་ ― DNG022_Page_0428 ―
[མ་དཔེ་གཟིགས་ན་འདིར་གནོན།]
ཁྲོ་མོའི་བྱིན་རླབ་ལས། །སྤྲུལ་པའི་མགོ་བརྙན་རྣམས་བྱུང་བ། །ད་ནི་ཟོར་གྱི་ལས་མཛོད་ཅིག །ཕྱོགས་བཅུའི་ཟོར་ལ་མངའ་མཛད་པས། །ཕྱོགས་བཅུའི་ཁྲོ་བོའི་ཕྱག་བརྙན་དེ། །བུད་མེད་འདི་ལྟར་ཡ་མཚན་ཅན། །བུད་མེད་ལུས་ལ་ཁྲ་ཐབས་མགོ། །ཁྲ་ཐབས་མགོ་ཅན་བྱང་སེམས་ཕྱག་རྒྱ་མོ། །ཕྲ་མེན་མགོ་ཅན་མ་ནི་བྱང་སེམས་ཕྲ་མེན་མ། །གཡས་པ་རང་རྟགས་ཞིང་མཆོག་གཞུ། །གཡོན་པ་ལྟས་ངན་མདེའུ་ཕུར། །གཡོན་བདུངས་གཡས་དྲངས་ཐུགས་ཀར་བཀང་། །གནག་པའི་གནད་ལ་ཐུན་ཟོར་ཡ། །དེ་ལྟར་དེ་རྗེས་དེ་བཞིན་ནོ། །བདེན་པའི་བྱིན་རླབས་ཟོར་གྱི་མཐུ། །གུ་ལུས་ཁྲག་སྐྱུག་རྒྱུ་གཟེར་མཐུ། །ཤྭ་རམ་གྱིས་ནི་སྨྱོ་འབོག་སྐྱུགས་པའི་མཐུ། །པུ་ཏྲི་རམ་གྱིས་སྲོག་དང་བྲལ་བའི་མཐུ། །འབའ་ལིས་སྙིང་ནི་ཞགས་པར་བྱེད་པའི་མཐུ། །ཀི་ལིས་གནད་འདུས་ཚེ་རྟེན་བདུན་རྒྱུད་གཅད་པའི་མཐུ། །མཐུ་དབྲོག་ཟིལ་གནོན་རིག་པའི་རྒྱུན་གཅོད་མཐུ། །ཁམས་གསུམ་བསྒྲལ་ཚོད་དཀྱུས་དོན་བཅུ་གཅིག་མཐུ། །སྟག་དང་སྟག་ཕྲུག་རྩལ་མ་ཤོར་བའི་མཐུ། །བལྟ་སྤྱོད་བརླང་པོ་སྤྱད་ན་ཚོགས་སུ་འགྱུར། །གསང་བའི་དཀྱིལ་འཁོར་རྣམ་གསུམ་དང་། །སྐུ་མཆོག་རྒྱུན་གྱི་སྤྱོད་པ་རྣམ་བཞི་ཡིས། །ཤེས་པའི་རྒྱུད་དང་གོམ་པའི་ལམ། །ཁ་ཚར་ཁ་ཉིན་ད་ལྟའི་ཤེས་པ་བཞིན། །འཆད་དང་ཉན་དང་བསྒོམ་དང་འདོན། །མེ་ཡི་གཞལ་ཡས་ཁང་ན་གནས་ཀྱང་དེ་ལྟར་དེ་བཞིན་ནོ། །ཤེས་པའི་བག་ཆགས་གོམས་པས་གང་ལྟར་བྱས་པའི་མཐུ། །མདའ་མདེའུ་གཞུ་དང་སྐྱེས་བུའི་མཐུ། །གང་ལྟར་བྱས་པའི་འདོད་པ་དེ་བཞིན་དུ། །དབུས་མའི་དྲག་པོ་དྲུག་གི་སྦྱོར་བའི་ཕྲིན་ལས་ཀྱིས། །ཆོས་ཉིད་བདེན་པའི་བྱིན་རླབས་མཐུ། །གང་ལ་བྱ་བ་འདོད་པའི་དོན་གྲུབ་པའོ། །སྐོར་ཚོམས་ལྔ་ལྔའི་མཚན་ཉིད་གསང་སྔགས་དང་། །བྲན་དང་ཕོ་ཉ་གང་ལ་དམིགས་པའི་སྔགས། །བདུན་འབུམ་བསྙེན་པ་ཐོན་ནས་འདོད་པའི་བྱ་བ་འགྲུབ། །ཨེ་ཀ་དབུས་མ་གནས་པའི་གསང་སྔགས་དྲུག །ཨེ་ཀའི་གསང་སྔགས་སྦྱོར་བའི་མཐུ། ། ― DNG022_Page_0429 ―
[མ་དཔེ་གཟིགས་ན་འདིར་གནོན།]
བདེ་བར་གཤེགས་པའི་ཟོར་གྱི་མཐུ། །སྐོར་ཚོམས་ལྔ་ཡིས་གསང་སྔགས་ལ། །བྲན་དང་ཕོ་ཉའི་གསང་སྔགས་འདུས། །ཨེ་ཀའི་གསང་སྔགས་དྲག་པོའི་བསྡུས་ལ་གདབ། །གནད་ས་རེ་རེ་ཕུར་པ་བདུན་ཚོ་ལ། །ཕུར་པ་རེ་ལ་གཟིར་གནོན་རེ། །འཛིན་ཅིང་འགུགས་པའི་སྔགས་ཀྱིས་གཟིར་ཅིང་གདབ། །ཡུམ་བཞིའི་སྔགས་དང་ཕྱག་རྒྱས་མནན། །གནད་རེར་དེ་ལྟར་བདུན་བདུན་གྱིས། །འཛིན་འགུགས་གསང་སྔགས་དམ་པ་ནི། །བདེ་གཤེགས་ཐུགས་ཀྱི་གསང་སྔགས་ཡང་ཞུན་མཐུ། །བཅོ་བརྒྱད་གནད་རེར་བདུན་གྱིས་གནག་པ་ཚེ་རྟེན་འབྲལ་བར་བྱེད། །ཨེ་ཀའི་དབུས་མ་ནི་ཨེ་ཀའི་གསང་སྔགས་ནི། །ཐུགས་ཀྱི་གསང་སྔགས་ཨེ་ཀའི་གསང་སྔགས་དང་། །འཛིན་ཅིང་འགུགས་པའི་རྡོ་རྗེ་ཡུམ་བཞིའི་སྔགས། །སྦྱོར་བ་བཞི་ཡི་གནག་པའི་སྔགས། །ཞེ་སྡང་ཉམས་དང་སྙིང་ཡང་འགས་ནས་འཆི། །ཨེ་ཀ་དབུ་མ་ར་ཡི་གསང་སྔགས་ལ། །ཐོག་མ་ཐུགས་ཀྱི་འཛིན་འགུགས་རྡོ་རྗེ་ཡུམ་བཞིའི་སྔགས། །སྦྱོར་བཞིས་གནག་པ་ཕྲག་དོག་ནང་བསྐུམ་འཆི། །ཨེ་ཀ་དབུས་མ་ཏྲི་ཡི་གསང་སྔགས་ལ། །ཐོག་མ་ཐུགས་ཀྱི་འཛིན་འགུགས་རྡོ་རྗེ་ཡུམ་བཞིའི་སྔགས། །སྦྱོར་བཞིས་གནག་པ་ང་རྒྱལ་ལག་བསྐུམ་འཆི། །ཨེ་ཀའི་དབུས་མའི་ཙ་རའི་གསང་སྔགས་ལ། །ཐོག་མ་ཐུགས་ཀྱི་གསང་སྔགས་འཛིན་འགུག་རྡོ་རྗེ་ཡུམ་བཞིའི་སྔགས། །སྦྱོར་བཞིས་གནག་པ་འདོད་ཆགས་ཆུ་འགག་འཆི། །ཨེ་ཀའི་དབུས་མ་པཉྩ་གསང་སྔགས་ལ། །ཨེ་ཀར་བུས་མ་ན་ཡི་གསང་སྔགས་དང་། །ཐོག་མ་ཐུགས་ཀྱི་འཛིན་འགུགས་རྡོ་རྗེ་ཡུམ་བཞིའི་སྔགས། །སྦྱོར་བཞིས་གཏི་མུག་གླད་འཁོར་མགོ་འགས་འཆི། །ཨེ་ཀའི་མཐར་གནས་ཨེ་ཀའི་གསང་སྔགས་ལ། །ཨེ་ཀའི་ཨེ་ཀའི་ཀར་མའི་གསང་སྔགས་དང་། །ཐོག་མ་ཐུགས་ཀྱི་འཛིན་འགུགས་རྡོ་རྗེ་ཡུམ་བཞིའི་སྔགས། །གནག་པ་དྲི་འགགས་ཚ་བའི་ནད་ཀྱིས་འཆི། ། ― DNG022_Page_0430 ―
[མ་དཔེ་གཟིགས་ན་འདིར་གནོན།]
ཨེ་ཀའི་མཐར་གནས་ར་ཡི་གསང་སྔགས་ལ། །ཨེ་ཀའི་ཨེ་ཀའི་ཀར་མའི་གསང་སྔགས་དང་། །ཐུགས་ཀྱི་འཛིན་འགུགས་རྡོ་རྗེ་ཡུམ་བཞིའི་སྔགས། །གནག་པའི་གཟུགས་འགས་མཁྲིས་ནད་ནད་ཀྱིས་འཆི་བར་འགྱུར། །ཨེ་ཀའི་མཐར་གནས་ཏྲི་ཡི་གསང་སྔགས་ལ། །ཨེ་ཀའི་ཨེ་ཀའི་ཀར་མའི་གསང་སྔགས་དང་། །ཐོག་མ་ཐུགས་ཀྱི་འཛིན་འགུགས་འདེབས་པའི་རྡོ་རྗེ་ཡུམ་བཞིའི་སྔགས། །དགྲ་བགེགས་རྣ་གཟེར་ནད་ཀྱིས་འཆི་བར་འགྱུར། །ཨེ་ཀའི་མཐར་གནས་ཙ་ཏྲ་རིའི་གསང་སྔགས་ལ། །ཨེ་ཀའི་ཨེ་ཀའི་ཀར་མའི་གསང་སྔགས་དང་། །ཐོག་མ་ཐུགས་ཀྱི་འཛིན་འགུགས་འདེབས་པ་རྡོ་རྗེ་ཡུམ་བཞིའི་སྔགས། །ལུས་འཛིང་ལུས་འཇིག་རླུང་འགག་ནད་ཀྱིས་འཆི་བར་འགྱུར། །ཨེ་ཀའི་པཉྩ་མཐར་གནས་གསང་སྔགས་ལ། །ཨེ་ཀའི་ཨེ་ཀའི་ཀར་མའི་གསང་སྔགས་དང་། །ཐོག་མ་ཐུགས་ཀྱི་གསང་སྔགས་འཛིན་འགུགས་ཡུམ་བཞིའི་སྔགས། །སྨྱོ་འབོག་བརྒྱལ་ནད་ལྐུགས་ནས་འཆི་བར་འགྱུར། །ཨེ་ཀའི་མཐར་གནས་ཚ་ཡི་གསང་སྔགས་ལ། །ཨེ་ཀའི་ཨེ་ཀའི་ཀར་མའི་གསང་སྔགས་དང་། །ཐུགས་ཀྱི་འཛིན་འགུགས་འདེབས་པའི་རྡོ་རྗེ་ཡུམ་བཞིའི་སྔགས། །སྐྱེ་བའི་རྒྱུན་བཅད་ཆུ་འགག་ནད་ཀྱིས་འཆི་བར་འགྱུར། །མཐར་གནས་ཨེ་ཀའི་གསང་སྔགས་ལ། །ཨེ་ཀའི་ཨེ་ཀའི་གསང་སྔགས་དང་། །ཐུགས་ཀྱི་འཛིན་འགུགས་འདེབས་པའི་རྡོ་རྗེ་ཕུར་པ་ཡིས། །དབང་པོ་རྟེན་མགོ་ཀླད་པ་འགས་ནས་འཆི། །མཐར་གནས་ཨུཥྨ་ཎ་ཡི་གསང་སྔགས་ལ། །ཨེ་ཀའི་ཨེ་ཀའི་ཀར་མའི་གསང་སྔགས་དང་། །ཐུགས་ཀྱི་འཛིན་འགུགས་འདེབས་པའི་རྡོ་རྗེ་ཡུམ་བཞིའི་སྔགས། །ཆེ་སྲི་ཆུང་སྲི་གོད་སྲི་དང་། །ལྷ་འདྲེ་གདུག་པ་ཅན་གྱི་རིགས་རྒྱུད་རྩད་བཅད་ན། །དེ་ཡི་མཐུ་འཕྲོག་ཟིལ་གནོན་ ― DNG022_Page_0431 ―
[མ་དཔེ་གཟིགས་ན་འདིར་གནོན།]
བསླང་མི་སྲིད། །མཐར་གནས་ཨེ་མཐར་དབུས་མ་ནས། །གསང་སྔགས་གསུམ་ལ་དཀྱིལ་འཁོར་གསུམ། །ཨེ་ཀའི་ཨེ་ཀའི་ཀར་མའི་གསང་སྔགས་དང་། །ཐུགས་ཀྱི་འཛིན་འགུགས་འདེབས་པའི་རྡོ་རྗེ་ཡུམ་བཞིའི་སྔགས། །ཕུར་པ་བཅུ་གཅིག་སྙིང་པོ་བྲིས་སྔགས་བཏབ། །ཐོག་དང་སེར་བ་ཆུ་ཆེན་ཟློག་པར་འགྱུར། །རྒྱལ་པོའི་ཕོ་བྲང་མཁར་བཏབ་འཇིག་པར་འགྱུར། །གང་ལ་དམིགས་པའི་རི་འགྱེལ་བྲག་གྲུམ་འགྱུར། །ཆོས་ཉིད་བདེན་པའི་གསང་སྔགས་བྱིན་རླབས་མཐུ། །གང་ལ་བཏབ་ཀྱང་ཐོགས་མེད་ཐེབས་པའི་མཐུ། །ཞེས་ཀཱི་ལ་ཡ་བཅུ་གཉིས་ཀྱི་ཏན་ཏྲ་ལས། ཆོས་ཉིད་བདེན་པའི་གསང་སྔགས་དང་ཕྲིན་ལས་རྫོགས་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་བཅོམ་ལྡན་འདས་བདུད་བདག་ཆེན་པོས་བདུད་རྣམ་པར་བཅོམ་ནས་འབྲས་བུ་མཐར་ཐུག་པའི་ཏིང་ངེ་འཛིན་ལ་སྙོམས་པར་ཞུགས་ནས། འབྲས་བུ་ཏན་ཏྲ་ཡོངས་སུ་གཏད་པ་ལ་ཆེད་དུ་བཟུང་བ་འདི་གསུངས་ཏེ། རྫོགས་པའི་སངས་རྒྱས་ཀུན་གྱི་གསང་། །བདེ་གཤེགས་དངོས་གཞི་མ་གཟིགས་སོ། །རང་བཞིན་སྦས་པ་གབ་པ་དང་། །རྒྱུད་ལུང་མན་ངག་གསང་ཕྱིར་གཅུས། །རིན་ཆེན་དག་ལ་བྲི་བར་བྱ། །རྟོག་གེ་པ་ཡི་སྤྱོད་ཡུལ་མིན། །ཀུན་གྱིས་དངོས་གཞི་རྟོག་པར་ཤོར། །གཟུགས་སོགས་འབྱུང་བ་བཞི་པོ་ཡང་། །ཉེ་བར་ལེན་པ་ལེན་བྱེད་ལྔ། །འཕེན་པར་བྱེད་པ་ལས་ཡིན་པས། །སྨིན་པའི་འབྲས་བུ་རྒྱུ་དྲུག་ཏུ། །རྟེན་ཅིང་འདྲེལ་པའི་འཁོར་ལོ་བསྐོར། །དེ་ལས་བཟློག་ཐབས་ཡང་དག་དོན། །བསྐྱེད་པའི་རིམ་པ་ཡང་དག་དོན། །དེ་ལྟར་དེ་བཞིན་དཀྱིལ་འཁོར་ལྷ། །གཉིས་སུ་འབྱོར་པ་གཅིག་ཏུ་གསལ། །ནུས་འཇུག་སྐྱེས་པ་ལྟས་ཐོབ་པ། །ཨོཾ་ཨཱཿཧཱུྃ་གིས་གཟུངས་ལ་སོགས། །ཉོན་མོངས་སྒྲིབ་པ་ཕྱི་གཟུང་ཡུལ་ལས་འདས། །ཨོཾ་དང་ཨཾཿདང་ཧཱུྃ་གི་ངོ་བོ་ལས། །འཛིན་པ་ཤེས་བྱའི་སྒྲིབ་པ་དོན་མ་ལོངས། ། ― DNG022_Page_0432 ―
[མ་དཔེ་གཟིགས་ན་འདིར་གནོན།]
ཆོས་རྣམས་ཐམས་ཅད་སེམས་ཡིན་ཏེ། །སེམས་ཀྱི་རྣམ་པ་ལྷ་ཡི་སྐུ། །བདེ་གཤེགས་གཉིས་སུ་འཛིན་པའི་རིག་པ་གསལ། །དེ་ཉིད་སངས་རྒྱས་དགོངས་མ་ལོངས། །ཕུང་པོ་ཁམས་དང་སྐྱེ་མཆེད་དང་། །བདེ་གཤེགས་དཀྱིལ་འཁོར་ཀློང་དུའོ། །ལུས་ངག་ཡིད་གསུམ་ཕུར་པ་འམ། །དཀྱིལ་འཁོར་གསུམ་གྱི་ཀློང་དཀྱིལ་འཁོར། །སྣང་ལ་རང་བཞིན་མེད་པའི་འཇའ་ལྟ་བུ། །ཁ་མིག་རྣ་བ་ཡན་ལག་གཟུང་འཛིན་གཉིས། །རང་བཞིན་མེད་པར་འཛིན་པ་ཡང་གསང་མིན། །མར་མེའི་འོད་ཀྱིས་མུན་པ་གསལ་འགྱུར་ཏེ། །ཕྱོགས་གཅིག་མུན་པ་སེལ་མི་འགྱུར། །འོད་ཆུང་མུན་པ་སེལ་མི་འགྱུར། །བཅུ་དྲུག་འོད་ཀྱིས་མུན་པ་སེལ། །ཐ་དད་རིན་ཆེན་རྙེད་གྱུར་ཙམ། །དང་པོ་དེ་ལྟར་དེ་བཞིན་ནོ། །རིན་ཆེན་རང་ལ་རྟོགས་པ་རྙེད། །མུན་པའི་སྨག་ནི་མཚོ་ནག་བཞིན། །སྤྲིན་གྱིས་བསྒྲིབས་པའི་ཉི་མ་ལྟར། །རིན་ཆེན་ཐ་དད་དེ་བཞིན་ནོ། །སྤྲིན་མེད་ཉི་མ་ཤར་བའི་འོད། །ཉི་ཟེར་དྲོ་གསལ་བདེ་འབྲས་འབྱུང་། །རང་ལ་རིན་ཆེན་རྙེད་གྱུར་ཏེ། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །གཟུགས་སྐུ་རྣམ་གཉིས་འབྱུང་བའོ། །དག་དང་མ་དག་འགྲོ་དོན་ནི། །སྐད་ཅིག་མ་ནི་ཕྲིན་ལས་བཞི། །སྐུ་གཉིས་འགྲོ་དོན་བྱིན་རླབ་སྣང་། །འགྲོ་བ་རྣམས་ལ་བདེ་འབྲས་སྣང་། །རྒྱ་མཚོའི་ཁ་དང་རྒྱ་མཚོའི་གཏིང་། །རྐྱེན་གྱིས་དེ་ལྟར་དེ་བཞིན་དུ། །ཐ་དད་པ་དང་ཐ་དད་མིན། །རིན་ཆེན་རྙེད་པ་དེ་བཞིན་ནོ། །ཡང་གསང་ཐུགས་ཀྱི་དཀྱིལ་འཁོར་ནི། །ཆོས་རྣམས་ཐམས་ཅད་སེམས་ཡིན་ནོ། །སེམས་ཉིད་རྣམ་པར་ཤེས་པ་རྡོ་རྗེར་བསྒོམ། །ཆོས་ཅན་ཆོས་ཉིད་གཉིས་སུ་མེད། །ཆོས་རྣམས་ཐམས་ཅད་འཁོར་བ་ལ། །འཁོར་བ་ཉིད་ཀྱང་སེམས་ཡིན་པས། །སེམས་ཉིད་རྣམ་པར་ཤེས་པ་རྡོ་རྗེར་བསྒོམ། །འཁོར་འདས་ཀུན་རྫོབ་སེམས་ཉིད་པས། །དོན་དམ་ཀུན་རྫོབ་གཉིས་སུ་མེད། །སངས་རྒྱས་སེམས་ཅན་དེ་བཞིན་ནོ། །གསང་བ་ཆེར་གསང་ཡང་གསང་ཐུགས། །གཉིས་ ― DNG022_Page_0433 ―
[མ་དཔེ་གཟིགས་ན་འདིར་གནོན།]
ལ་གདམས་ངག་རེ་རེ་ནི། །འོད་ཀྱིས་མུན་པ་སེལ་མི་སེལ། །ཐ་དད་པ་དང་ཐ་མི་དད། །རིམ་བཞིན་རིན་ཆེན་གདམས་ངག་འབྱུང་། །ཆོས་རྣམས་ཐམས་ཅད་སྐྱེ་མེད་ལ། །རྟོག་པའི་དབང་གིས་སྡུག་བསྔལ་སྨིན། །དེ་དག་འགྲོལ་བར་བྱ་བའི་ཕྱིར། །འོག་མིན་གཙོ་མོའི་བྷ་ག་ནས། །དྲག་པོ་འཇིགས་བྱེད་བདུད་བདག་བཞེངས། །མགོན་པོ་བདག་ཉིད་ཆེན་པོ་ངས། །ཐམས་ཅད་རྒྱུད་ཀྱི་རྒྱུད་བརྟག་དཀའ། །ལྗགས་ཀྱི་དབང་པོ་བཀྲམ་ནས་ནི། །ཀུན་གྱི་དོན་དུ་གསུངས་པ་ཡིན། །རྗེས་འཇུག་རྣམས་ཀྱིས་བརྟན་པོར་ཟུང་། །འགྲོ་བ་ལས་ནི་དང་པོ་ཡིས། །རྡོ་རྗེའི་རྒྱུད་འདི་བྲིས་གྱུར་ནས། །ཀློག་དང་ཁ་ཏོན་བྱེད་པ་རྣམས། །སྒྲ་མེད་གནས་སུ་མི་སྐྱེ་བར། །དཀོན་མཆོག་སྒྲ་སྒྲོགས་གནས་སུ་སྐྱེ། །སྐྱེ་བ་ངན་པ་ལེན་པ་བོར། །རིམ་པར་བགྲོད་ནས་བྱང་ཆུབ་ཐོབ། །རྡོ་རྗེ་རྒྱུད་འདི་ཐོས་བསམ་ན། །རྗེས་འཇུག་ཐོགས་མེད་ཤེས་རབ་འགྱུར། །རྡོ་རྗེ་རྒྱུད་འདི་བཤད་གྱུར་ན། །སྐྱེ་བ་མང་བརྒྱུད་གནས་ལྔ་ལ། །འདི་ཡིས་འབྲས་བུ་འཕེལ་བར་འགྱུར། །རྡོ་རྗེ་རྒྱུད་ལ་བསྒོམ་གྱུར་ན། །ཚེ་འདི་ཉིད་ལ་ཕྱིར་མི་ལྡོག །མངོན་ཤེས་དྲུག་ནི་འཆར་བར་འགྱུར། །ཡིད་བཞིན་ནོར་བུ་རིན་ཆེན་ལ། །ཅི་འདོད་དོན་ནི་འབྱུང་བར་འགྱུར། །ཀཱི་ལ་ཡ་སྤྲིན་ཛ་ཏནྟྲ་ཀ་པ་ཙ། །སྔ་རབས་ད་ལྟ་སླད་ཀྱིས་འབྱོན། །སངས་རྒྱས་འདི་ལས་བྱུང་བ་ཡིན། །རྒྱུད་ཀུན་གྱི་ནི་གསང་སྔགས་སྒྲོན་གསལ་འདི། །རྗེས་འཇུག་ལས་ནི་དང་པོ་ཡིས། །མཐོང་ཞིང་ཐོས་ན་རྟོགས་པར་འགྱུར། །འདི་ལ་མ་ཡེངས་དམ་ཚིག་ཆེ། །རྡོ་རྗེ་ཐུགས་ཀྱི་ལས་སྐྱེས་རྟོགས་གྱུར་ན། །ཐུགས་ཀྱི་སྐུ་དང་ཐུགས་ཀྱི་གསུང་། །བདེ་བར་གཤེགས་པས་རབ་བསྔགས་པས། །ཡོན་ཏན་ཐམས་ཅད་འདི་ལས་འབྱུང་། །དངོས་པོར་བལྟ་བའི་གསང་སྔགས་ཀྱང་། །འདི་ཉིད་གཟུང་ཞིང་གསང་སྤྱད་ན། །དམ་པ་རྣམས་ཀྱི་དམ་པའི་མཆོག །དངོས་པོ་སྒྱུ་མ་ན་བུན་མཐོང་། །ལོངས་སྤྱོད་རྫོགས་པའི་སྐུ་དང་གསུང་ཐུགས་རྡོ་རྗེ་ལ་ཞུགས་ནས་གཉིས་སུ་མེད་པར་ཏིང་ངེ་འཛིན་ལས་བཞེངས་ཏེ། སྡུད་པ་པོ་ཐུགས་རྡོ་རྗེ་ལ་གཉིས་སུ་མེད་པར་ཞུགས་ཏེ། གཅིག་པར་རང་བཞིན་དུ་མཉམ་ཞིང་དབྱེར་མེད་པར་གྱུར་ཏེ་མི་སྣང་བར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་ཀཱི་ལ་ཡ་བཅུ་གཉིས་ཀྱི་ཏནྟྲ་ལས། འབྲས་བུ་མཐར་ཐུག་པར་ཡོངས་སུ་གཏད་པའི་ལེའུ་སྟེ་བཅུ་གཉིས་པའོ།། །། ཡུམ་གཟུངས་མའི་དངོས་གྲུབ་ཆེན་པོའི་རྒྱུད།― DNG022_Page_0434 ―
[མ་དཔེ་གཟིགས་ན་འདིར་གནོན།]
མ་མོ་སྲིད་པའི་རྫོངས་ཡུམ་ཆེན་མོ། རྒྱ་གར་སྐད་དུ། ཀ་མ་ལ་དེ་བཱི་སིཌྜྷ་མ་ཧཱ་ཏནྟྲ། བོད་སྐད་དུ། ཡུམ་གཟུངས་མའི་དངོས་གྲུབ་ཆེན་པོའི་རྒྱུད། བཅོམ་ལྡན་འདས་དཔལ་ཧེ་རུ་ཀ་ལ་ཕྱག་འཚལ་ལོ། །སྔོན་འདས་པའི་དུས་མ་བྱུང་བའི་སྔོན་རོལ་ན། རི་རབ་རིའི་རྩེ་ལྷ་གཡུང་དྲུང་གི་གནས་ན། བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། དཔལ་ཧེ་རུ་ཀས། སྲིད་པ་ཐམས་ཅད་ཡུམ་གྱི་བྷ་ག་ལ་ཤར་བར་མཁྱེན་ནས། ཡུམ་ཆེན་མོ་ཉིད་བཞི་མུ་ཁ་ལེའི་མཁའ་བདེ་བ་ཆེན་པོའི་ཀློང་ནས། ཐིག་ལེ་ཆེན་པོའི་ཚུལ་དུ་བཞེངས་ཏེ། རྡོ་རྗེ་གསང་བའི་ཐུགས་ཀ་ནས། ཧཱུཾ་དཀར་པོ་ཞིག་ལས། གསང་བ་དགྱེས་པའི་འཕྲོ་འདུ་རྒྱུན་མི་འཆད་པར་བཀྱེ་བ་ལས། ཡུམ་ཆེན་མོ་ཉིད་བཞི་མུ་ཁ་ལེའི་བྷ་ག་ལ་དགྱེས་པ་ཆེན་པོར་ཐིམ་པར་མཛད་དོ། །ཡུམ་ཆེན་མོ་ཉིད་བཞི་མུ་ཁ་ལེ་དགྱེས་པ་ཆེན་པོར་ཐིམ་ནས། པདྨའི་འདབ་མ་རྒྱས་པར་མཛད་དོ། །པདྨའི་འདབ་མ་རྒྱས་པར་མཛད་པས་སྟོང་གི་འཇིག་རྟེན་གྱི་ཁམས་ཁེབས་པར་མཛད་དོ། །སྟོང་གི་འཇིག་རྟེན་གྱི་ཁམས་ན། རཀྟར་ཆགས་པ་ཐམས་ཅད་གཡོས་པར་གྱུར་ཏོ། །དེས་སྲིད་པའི་འཇིག་རྟེན་གྱི་ཁམས་ན། རྡོ་རྗེར་གྱུར་པ་ཐམས་ཅད་རྡོ་རྗེའི་རྩ་བ་བཏེགས་པར་གྱུར་ཏེ། ཆགས་པའི་སེམས་གཡོས་ནས། ཤིན་ཏུ་ངོ་མཚར་སྐྱེས་ནས། རྫུ་འཕྲུལ་གྱི་ཤུགས་ཀྱིས་ཆགས་པའི་གཞི་མོ་ག་ལ་བ་དེར་དོང་ངོ་། །དོང་ནས་བྷ་གའི་དཀྱིལ་འཁོར་ཆགས་པའི་ནང་དུ་ཕྱིན་ཏེ། ལྡང་ཡང་སྔངས་ནས་གུས་པས་བསྐོར་ཏེ་ཕྱག་འཚལ་བ་ནི། གཡུང་དྲུང་ལྷའི་གཙོ་བོ། གནོད་འདུལ་ལྷའི་རྒྱལ་པོ་ལ་སོགས་པ། ལྷ་གཡུང་དྲུང་གི་ཚོགས་དང་། གཡུང་དྲུང་ལྷའི་རྒྱལ་མོ། སྲིད་པའི་ཕྲ་མེན་རྒྱ་མཚོ་ལ་སོགས་པ། མ་མོ་བཅུ་བཞིའི་དཀྱིལ་འཁོར་དང་། སྲིད་པ་སྨན་མོའི་རིགས། ལྷ་མོ་ཚོགས་ཀྱི་རྗེ་མོ་ལ་སོགས་པ། སྨན་མོའི་ཚོགས་ཐམས་ཅད་དང་། གཞན་ཡང་པདྨ་བྷ་ག་ལ་སོགས་པ་ཐམས་ཅད་ཆགས་པའི་མདངས་བྱུང་ནས་བསྐོར་ཞིང་ཕྱག་འཚལ་བ་དང་། བསྟོད་པ་བགྱིས་པ་ལས་ཡུམ་ ― DNG022_Page_0435 ―
[མ་དཔེ་གཟིགས་ན་འདིར་གནོན།]
ཆེན་མོ་ཉིད་བཞི་མུ་ཁ་ལེའི་བྷ་ག་ལས། རྟག་པའི་རྒྱལ་མོ་རྣམ་སྣང་གསལ་ལ་སོགས་ཏེ། ཡེ་ཤེས་ཀྱི་མཁའ་འགྲོ་མ་ལྔའི་དཀྱིལ་འཁོར་ཐོན་པར་གྱུར་ཏོ། །དེ་ནས་ཡུམ་ཆེན་མོས་བཅོམ་ལྡན་འདས་འཇིགས་བྱེད་ཆེན་པོ་ལ་གཟིགས་ཏེ། སྤྱན་གྱིས་བརྡའ་ཞིག་མཛད་ནས། ཞལ་འཛུམ་པ་ཕྱུང་བ་དང་། དེ་ནས་བཅོམ་ལྡན་འདས་ཡུམ་གྱི་བྷ་ག་ལ་སྐུ་ཕྱེད་ནུབ་ཙམ་དུ་བཞེངས་ཏེ། རྣམ་པར་ཐར་པའི་དབུ་གསུམ་དུ་ཕྱུང་ནས། གཡུང་དྲུང་ལྷའི་རྒྱལ་པོ་ལྷ་གནོད་འདུལ་ལ་གཟིགས་ནས། འཛུམ་པར་མཛད་པ་དང་། དེ་ནས་བཅོམ་ལྡན་འདས་ཀྱི་བྱིན་གྱིས་བརླབས་ཀྱིས། ལྷ་གནོད་འདུལ་སྟན་ལ་འདུག་པར་གྱུར་ཏེ། དེ་ནས་ཆགས་པའི་ཡིད་ཅན། དེ་དག་ཐམས་ཅད་ཕྱོགས་ཕྱོགས་སུ་གནས་པར་གྱུར་ཏོ། །དེ་ནས་ཡུམ་ཆེན་མོས་ལྷ་གནོད་འདུལ་ལ་གཟིགས་ནས། ལྗགས་ཀྱིས་བརྡའ་ཞིག་མཛད་པ་ལས། དེ་ནས་ལྷ་གནོད་འདུལ་སྟན་ལས་ལངས་ཏེ། བཅོམ་ལྡན་འདས་ལ་ལན་སྟོང་དུ་བརྐྱང་ཕྱག་འཚལ་ཞིང་། བག་བཞི་ས་ལ་བརྡབས་ནས་གསོལ་པ། འབྱུང་བ་ལྔ་ལ་སོགས་པ་ཡི། །མེ་ལ་སོགས་པ་ཇི་ལྟར་འབྱུང་། །སྲིད་པའི་འཇིག་རྟེན་ཐམས་ཅད་ན། །ཕོ་དང་མོ་ཡི་མཚན་ཉིད་ནི། །ཐབས་དང་ཤེས་རབ་སུ་ལས་གྱེས། །སེམས་ཉིད་རྟག་ཆད་ཅི་ལ་བགྱི། །ཡེ་ཤེས་ལྔ་ཉིད་གང་ནས་ཤར། །སྤྲུལ་པ་མང་པོ་གང་ནས་ཤར། །སྐྱེ་མེད་ཆོས་དབྱིངས་ཅི་ལ་ཟེར། །ཡུམ་གྱི་མཁའ་ཞེས་ཇི་ལྟ་བུ། །མངལ་ལ་སོགས་པ་མི་འཚལ་ན། །བླང་དོར་མེད་པ་གང་གིས་སྒྲུབ། །སྲིད་པའི་བཅའ་གཞི་ཇི་སྙེད་ཀུན། །རབས་རྒྱུད་རྩ་བ་ཅི་ལྟར་ལགས། །དམ་ཚིག་ལུང་ནོད་མཆི་བའི་ཚེ། །སྲོག་ལས་དྲང་ན་ཇི་ལྟར་ལགས། །འཇིག་རྟེན་འདིར་སྒྲུབ་ཇི་ལྟར་བསྐུལ། །དུས་མིན་འཆི་བ་གང་གིས་བསྐང་། །ཡང་དག་རྫོགས་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །ཡང་དག་རྫོགས་ཀྱིས་བཀའ་སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །རྣལ་འབྱོར་རྣམས་ཀྱི་ལས་དབང་མཆོག །མ་མོ་རྣམས་ཀྱི་གཏན་ཚིགས་སུ། །སྲིད་པ་ཀུན་གྱི་བཅའ་གཞི་རྣམས། །ཡང་ ― DNG022_Page_0436 ―
[མ་དཔེ་གཟིགས་ན་འདིར་གནོན།]
དག་ཉིད་དུ་བཤད་པར་བྱའོ། །དེ་ལ་ད་ནི་མ་མོ་བཅུ་བཞིའི་རྗེ་མོ་བཤད་པར་བྱ་སྟེ། ཡུམ་ཆེན་མོ་ཉིད་བཞི་མུ་ཁ་ལེ་ཞེས་བྱ་བ་སྐུའི་ཁྱོན་ད་ལྟར་གྱི་རི་རབ་གླིང་བཞི་ཙམ་ཡོད་པ། དབུ་གཅིག་ལ་ཞལ་རྣམ་པ་ལྔར་སྣང་བ། ཕྱག་བཞི་པ་ཞབས་རྣམ་པ་བརྒྱད་དུ་བསྟན་པ། ཙིཏྟ་རྩ་བ་གཅིག་ལ་རྩེ་མོ་རྣམ་པ་ལྔར་འབར་བ། ཤར་ཕྱོགས་ཀྱི་ཞབས་གཉིས་ཀྱི་བར་ན་གསང་བའི་མཁའ་གྲང་ལ་འདྲེད་པ། ཤེལ་གྱི་བྷ་ག་ལ་རྡོ་རྗེའི་གེ་སར་ཅན་ནོ། །ལྷོ་ཕྱོགས་ཀྱི་ཞབས་གཉིས་ཀྱི་བར་ན། གསང་བའི་མཁའ་དྲོ་ལ་འཇམ་པ། ཀེ་ཀེ་རུའི་བྷ་ག་ལ་རིན་པོ་ཆེའི་གེ་སར་ཅན་ནོ། །ནུབ་ཕྱོགས་ཀྱི་ཞབས་གཉིས་ཀྱི་བར་ན། གསང་བའི་མཁའ་གཤེར་ལ་རླན་པ། པདྨའི་བྷ་ག་ལ་བྱེ་རུའི་གེ་སར་ཅན་ནོ། །བྱང་ཕྱོགས་ཀྱི་ཞབས་གཉིས་ཀྱི་བར་ན། གསང་བའི་མཁའ་རྩུབ་ལ་གྲང་བ་སྟེ། གེ་སར་གྱི་དབལ་ཅན་ནོ། །དེ་ལྟར་མཁའ་བཞིས་སྐུ་ལ་བརྒྱན་པ། མཁའ་བཞིས་ཀློང་སྐུ་གཏིང་ཁུང་དུ་སྡུད་པ་ནི། གཡུའི་བདེ་ཀློང་ལ་ཆགས་པའི་གེ་སར་ཅན་ནོ། །ཟངས་ཀྱི་པདྨ་འདབ་མ་སྟོང་དང་ལྡན་པ་གཅིག་ཡོད་དེ། དེ་ལ་ཞལ་རྣམ་པ་ལྔ་ལ། ཤར་ཕྱོགས་ཀྱི་ཞལ་དཀར་ལ་འཚེར་བ། མཆེ་བ་གཙིགས་པའི་ནང་ནས། ཤེལ་གྱི་རྡོ་རྗེ་རྩེ་དགུ་འཛིན་པས། འབྱུང་བ་སར་བྱིན་གྱིས་བརླབས་ཏེ། རྡོ་རྗེའི་རིགས་སུ་གྱུར་ཏོ། །ལྷོ་ཕྱོགས་ཀྱི་ཞལ་སྔོ་ལ་གདངས་པ། མཆེ་བ་གཙིགས་པའི་ནང་ནས། ཀེ་ཀེ་རུ་འབར་བ་དགུ་འཛིན་པས། འབྱུང་བ་མེར་བྱིན་གྱིས་བརླབས་ཏེ། རིན་པོ་ཆེའི་རིགས་སུ་གྱུར་ཏོ། །ནུབ་ཕྱོགས་ཀྱི་ཞལ་དམར་ལ་གདངས་པ། མཆེ་བ་གཙིགས་པའི་ནང་ནས། པདྨ་དགུ་བརྩེགས་བཟུང་བས། འབྱུང་བ་ཆུར་བྱིན་གྱིས་བརླབས་པ་པདྨའི་རིགས་སུ་གྱུར་ཏོ། །བྱང་ཕྱོགས་ཞལ་ལྗང་ལ་གདངས་པ། མཆེ་བ་གཙིགས་པའི་ནང་ནས། རྡོ་རྗེ་རྒྱ་གྲམ་དགུ་བརྩེགས་བཟུང་བས། འབྱུང་བ་རླུང་དུ་བྱིན་གྱིས་བརླབས་ཏེ། ལས་ཀྱི་རིགས་སུ་གྱུར་ཏོ། །དཀྱིལ་གྱི་ཞལ་ཅིར་ཡང་འགྱུར་བ། མཆེ་བ་གཙིགས་ ― DNG022_Page_0437 ―
[མ་དཔེ་གཟིགས་ན་འདིར་གནོན།]
པའི་ནང་ནས། གསེར་གྱི་འཁོར་ལོ་རྩིབས་སྟོང་དང་ལྡན་པ་བཟུང་བས། ནམ་མཁར་བྱིན་གྱིས་བརླབས་ཏེ། དེ་བཞིན་གཤེགས་པའི་རིགས་སུ་གྱུར་ཏོ། །འབྱུང་བ་ལྔ་ཡང་དེ་ལྟར་བསྐྱེད་དོ། །རིགས་ལྔའི་སངས་རྒྱས་དེར་བྱུང་ངོ་། །ཞལ་སོ་སོ་ཡིན་པས་ན་རལ་པ་སོ་སོའི་རིགས་དང་ལྡན་པར་སྣང་ངོ་། །ཙིཏྟ་གཅིག་ལ་རྩེ་མོ་ལྔར་སྣང་བ་ཡང་། རྩེ་མོ་ལྔ་ལས་རིགས་ལྔའི་ཡེ་ཤེས་ལྔ་ཡང་དེ་ལས་ཤར་ཏོ། །རྩ་བ་གཅིག་ལ་ཆོས་སྐྱེ་བ་མེད་པའི་དབྱིངས་ཀྱང་དེ་ལས་འདུས་ཏེ། མི་ནུབ་པའི་རྒྱལ་མཚན་ཞེས་ཀྱང་གྲགས་སོ། །རྩེ་མོ་ལྔར་འབར་བ་ལས་སྲོག་གིས་བསྡུས་པའི་ཀུན་གཞི་ལ་སོགས་པའི་དྲན་པ་ཐམས་ཅད་ཀྱང་དེ་ལས་བྱུང་བའོ། །རྩ་བ་གཅིག་ལས་སེམས་ཅན་གྱི་སེམས་རྟག་པ་ཆེན་པོ་ཡང་དེ་ལས་བྱུང་ངོ་། །དེ་ལ་མཁའ་བཞི་ལས་ཤར་ཕྱོགས་ཀྱི་གསང་བའི་མཁའ་གྲང་ལ་འདྲེད་པས། དགུན་དུ་བྱིན་གྱིས་བརླབས་སོ། །བྱང་ཕྱོགས་ཀྱི་གསང་བའི་མཁའ་རྩུབ་ལ་གྲང་བས། དཔྱིད་དུ་བྱིན་གྱིས་བརླབས་སོ། །ནུབ་ཕྱོགས་ཀྱི་གསང་བའི་མཁའ་གཤེར་ལ་རླན་པས་དབྱར་དུ་བྱིན་གྱིས་བརླབས་སོ། །ལྷོ་ཕྱོགས་ཀྱི་གསང་བའི་མཁའ་དྲོ་ལ་འཇམ་པ་ནི། སྟོན་དུ་བྱིན་གྱིས་བརླབས་སོ། །དུས་བཞི་ཡང་དེ་ལྟར་ཆ་བསྙམས་སོ། །སྐུ་སྟོད་ཀྱི་ཞལ་ནས་འབྱུང་བ་རིགས་ལྔའི་སངས་རྒྱས་རྣམས། སྐུ་སྨད་གསང་བའི་བྷ་ག་ལ། སྦྱོར་བའི་ཚུལ་དུ་སྐུ་ཕྱེད་ནུབ་ཙམ་དུ་བཞུགས་པས། སྐྱེ་བ་རིགས་སོ་སོ་ཡང་དེར་འདུས་སོ། །ཕྱག་བཞི་ལ་གཡས་གཡོན་གྱི་དང་པོ་གཉིས་ཀྱིས་ཁོལ་མོ་བཅུ་བཞིའི་གཙོ་མོ་སྲིད་པ་བདེ་འགྲོ་མ་དང་། ཉི་ཟླ་ཐོད་ཕྲེང་མ་གཉིས་ཀྱི་ཙིཏྟ་བཟུང་བ། གཡས་གཡོན་ཐ་མ་གཉིས་ཀྱིས་ཁྲོས་པའི་དབང་མོ་ཆེ་བཞིའི་སྙིང་ནས་བཟུང་བ། སྦས་པའི་ཕྱག་གཉིས་ཀྱིས་བདུད་རྩི་རྣམ་པ་ལྔ་ལ་ལོངས་སྤྱོད་མངོན་དུ་མཛད་པ། ཞབས་བརྒྱད་ཀྱིས་དབྱིངས་ཕྱུག་མ་བཞི་དང་། ཐུགས་ཀྱི་དགྱེས་སྡེ་ཆེན་མོ་བཞིའི་སྙིང་ག་ནས་བརྫིས་པ། དབུས་ཀྱི་ཞལ་དཔྲལ་བའི་དབྱེས་ནས། མིག་ཟུར་གསུམ་པ་གཅིག་གིས་བལྟས་པས། མ་མོ་བཅུ་བཞིའི་ཁོལ་མོ་ ― DNG022_Page_0438 ―
[མ་དཔེ་གཟིགས་ན་འདིར་གནོན།]
སྲིད་པ་ཆགས་བྱེད་མ་དང་། ཤན་ཤན་ནེའུ་དང་། ཨེ་ཀ་ཙ་ཏི་ལ་སོགས་པ་འདར་ལྕུག་ལྕུག་བྱེད་པ། དཀྱིལ་གྱི་ཞལ་ནས་རྐན་སྒྲ་བརྡབས་པས། ཧེ་རུ་ཀ་སྣི་ལ་སོགས་པ་སྟེ། སྲིད་པའི་དམན་མོ་ལ་སོགས་པའི་སྙིང་རྩར་གྱིས་འབྱིན་པ་སྟེ་མ་མོ་དབང་དུ་ཡང་དེས་སྡུད་དོ། །དབུས་ཀྱི་ཞལ་གྱི་ནི་མཁའ་ཡེལ་ཡེལ་བར་རྫོགས་པས། སྲིད་པ་གསུམ་གྱི་གཙོ་མོ་ཡང་དེར་རྫོགས་སོ། །སྐུ་གསང་བའི་བྷ་ག་ལ། ཡུམ་གྱི་མཁའ་བདེ་བ་ཆེན་པོའི་ཀློང་ཞེས་བྱའོ། །སྐུ་རྟག་པ་ཆེན་པོ་གཡུང་དྲུང་དུ་བཞུགས་པས། སྐྱེ་ཤི་ལས་འདས་པ་ཞེས་ཀྱང་དེ་ལ་བྱའོ། །དེ་ལ་སྡུག་བསྔལ་མི་འབྱུང་བས་མྱ་ངན་ལས་འདས་པ་ཞེས་ཀྱང་དེ་ལ་བྱའོ། །དེ་ལ་བླང་དོར་མེད་པས་ཀུན་ཏུ་བཟང་མོ་ཞེས་བྱའོ། །རྣམ་པར་ཤེས་པ་ཐམས་ཅད་ཀྱི་བཅུད་ལེན་པས། ཤེས་རབ་ཀྱི་ཕ་རོལ་ཏུ་ཕྱིན་མ་ཞེས་བྱའོ། །འབྱུང་བ་ལྔ་སྐུ་ལ་རྫོགས་པས། འབྱུང་བའི་རྒྱལ་མོ་ཞེས་ཀྱང་བྱའོ། །དུས་བཞི་དབྱིངས་ལས་ཤར་བས་དུས་བཞི་ཆ་སྙོམས་མ་ཞེས་ཀྱང་དེ་ལ་བྱའོ། །སྐུ་སྟོད་ནས་འབྱུང་བ་རིགས་ཀྱི་སངས་རྒྱས་རྣམས། སྐུ་སྨད་གསང་བའི་བྷ་ག་ལ་རྔུབས་བཞུགས་པས། རིགས་ཀྱི་ཡུམ་ཞེས་ཀྱང་བྱའོ། །སྦས་པའི་ཕྱག་གཉིས་ནས་བདུད་རྩི་རྣམ་པ་ལྔའི་བཅུད་འཛག་པ་མངོན་སུམ་དུ་མཛད་པས། བདུད་རྩིའི་རྒྱལ་མོ་ཞེས་ཀྱང་བྱའོ། །སྣང་སྲིད་ཐམས་ཅད་ཆོམ་གཏན་ཡང་ལ་འབེབས་པས། སྲིད་པའི་རྒྱལ་མོ་ཞེས་ཀྱང་བྱའོ། །སྐུ་ལུས་གཅིག་ལ་མཚན་དགུ་མ་ཞེས་བྱའོ། །དེ་ལ་ཐུགས་ལས་དྲངས་པའི་སྙིང་པོ་ནི། ཉིད་བཞི་མུ་ཁ་ལེ། ཀྲོ་དྷཱི་ཤྭ་རཱི། བྷ་ག་པདྨརྱ། བདེ་ཀློང་འདུས་འདུས་ན་སྙིང་ཛ་ཤ་ཡུ་ཏི་ཧཱུཾ་བྷྱོ། ཞེས་བྱའོ། །དེ་ལྟར་བདག་ཉིད་བསྒོམ་པ་ནི། དང་པོར་དེ་བཞིན་ཉིད་ཀྱི་ཏིང་ངེ་འཛིན་གསལ་བར་བསྒོམ་ལ་ཐུགས་ཀ་ནས་ཡི་གེ་ཨོཾ་དཀར་པོ་གཅིག་ལ། ཡེ་ཤེས་ལྔའི་གཞལ་མེད་ཁང་། ཆོས་ཀྱི་དབྱིངས་ལྟར་ཁྱབ་བརྡལ་བའི་དབྱིངས་སུ། བདག་ཉིད་བླ་ན་མེད་པའི་ཏིང་ངེ་འཛིན་དུ་ཞུགས་ལ། སྙིང་གར་མུ་ཁ་ལེ་ལས། ཡེ་ཤེས་ཚོགས་ཀྱི་རྗེ་མོ་བསྒོམ། ― DNG022_Page_0439 ―
[མ་དཔེ་གཟིགས་ན་འདིར་གནོན།]
མིག་གཡས་པར་ཧ་ལས་མཁའ་འགྲོ་མ་རྣམ་སྣང་གསལ་བསྒོམ། མིག་གཡོན་པར་ཧ་ལས་མཁའ་འགྲོ་མ་འོད་གསལ་འབར་བསྒོམ། རྣ་བ་གཡས་པ་ལ་ཧ་ལས་མཁའ་འགྲོ་གཉེན་གསལ་འབར་མ་བསྒོམ། རྣ་བ་གཡོན་པ་ཧ་ལས་མཁའ་འགྲོ་མ་ཡང་གསལ་གཡོས་བསྒོམ། སྣ་ལ་ཧ་ལས་མཁའ་འགྲོ་མ་བཀྲག་གསལ་མཉམ་བསྒོམ། སྐུ་མདོག་ཕྱག་མཚན་ནི་འོག་གི་ཚིག་བཤད་དང་སྦྱར་རོ། །ཡང་མ་མོ་ཞེས་བྱ་བ་ནི། མ་ནི་རྒྱལ་བ་ཀུན་གྱི་ཡབ། །མོ་ནི་སྣང་སྲིད་ཀུན་གྱི་མ། །མ་ནི་སྐྱེ་བ་མེད་པའི་དབྱིངས། །མོ་ནི་འགག་པ་མེད་པའི་ཀློང་། །མ་ནི་ཐབས་མཆོག་འདོད་མེད་མཁའ། །མོ་ནི་ཤེས་རབ་ཆགས་མེད་ཀློང་། །དེ་ལྟ་བུ་ཡི་ཡུམ་ཆེན་མོ། །སྐུ་སྟོད་ཞལ་ནས་འབྱུང་བའི་སངས་རྒྱས་དང་། སྐུ་སྨད་ཀྱི་བྷ་ག་སྦྱོར་བ་མཛད་པའི་བུ་མོ་ལྔ་ཡོད་དེ། གཅིག་ནི་རྟག་པའི་རྒྱལ་མོ་རྣམ་སྣང་གསལ་ཞེས་བྱ་སྟེ། མདོག་དཀར་མོ་ལ་ཤེལ་གྱི་རལ་པ་ཅན། གསང་བའི་མཁའ་ཤེལ་གྱི་གའུར་འཁྱིལ་པ། མ་ཆགས་པའི་ཐབས་ལ་རོལ་པའོ། །གཅིག་ནི་རྟག་པའི་རྒྱལ་མོ་འོད་གསལ་འབར་ཞེས་བྱ་སྟེ། སྐུ་མདོག་སྔོན་པོ་ལ་རིན་པོ་ཆེའི་རལ་པ་ཅན་ནོ། །གསང་བའི་མཁའ་ལ་རིན་པོ་ཆེའི་གའུར་འཁྱིལ་པ། མི་ལེན་པའི་ཐབས་ལ་རོལ་པའོ། །གཅིག་ནི་རྟག་པའི་རྒྱལ་མོ་གཉེན་གསལ་མ་ཞེས་བྱ་སྟེ། སྐུ་མདོག་དམར་པོ་བྱེ་རུའི་ལན་ཕྲན་ཅན། གསང་བའི་མཁའ་བྱེ་རུའི་གའུར་བསྐྱིལ་བ། གཉིས་སུ་མེད་པའི་ཐབས་ལ་རོལ་པའོ། །གཅིག་ནི་རྟག་པའི་རྒྱལ་པོ་མོ་ཡང་གསལ་གཡོས་ཞེས་བྱ་སྟེ། སྐུ་མདོག་ལྗང་གུ་ལ་རྡོ་རྗེའི་ལན་ཕྲན་ཅན་ནོ། །གསང་བའི་མཁའ་རྡོ་རྗེའི་གའུར་བསྐྱིལ་བ། གྲུབ་པའི་ཐབས་ལ་རོལ་པའོ། །གཅིག་ནི་རྟག་པའི་རྒྱལ་མོ་བཀྲག་གསལ་མཉམ་ཞེས་བྱ་སྟེ། སྐུ་མདོག་ཅིར་ཡང་འགྱུར་བ་ལ་གཡུའི་རལ་པ་ཅན་ནོ། །གསང་བའི་མཁའ་གཡུའི་གའུར་བསྐྱིལ་བ། གཉིས་མེད་བརྟེན་པའི་ཐབས་ལ་རོལ་པའོ། །འདི་ལྔ་ནི་མཁའ་བཞི་དབྱིངས་དང་ལྔ་ཞེས་བྱ་སྟེ། རིགས་ཀྱི་ཡུམ་ལྔ་ ― DNG022_Page_0440 ―
[མ་དཔེ་གཟིགས་ན་འདིར་གནོན།]
ཞེས་བྱ་བ་འདི་ལྔ་ཡིན། སེམས་ཅན་དུས་ཆེན་པོ་ལ་བབ་པ་ཡང་འདི་ལྔས་དབང་བྱེད་དེ། ཚེའི་བདག་མོ་ཆེན་མོ་ཡང་འདི་ལྔ་ཡིན་ནོ། །སྲོག་ལས་དྲངས་པའི་སྙིང་པོ་ནི། གྷི་ས་མུ་རན་ཧཱུཾ་ཧ། ཛ་ལ་པ་རཾ་ཧ། བི་ཤ་སན་ཏི་ཧ། བི་ཡཾ་ཡཾ་ཏི་ཧ། མ་ཧཱ་ལཾ་ཏེ་ཧ། མ་མོ་རྣམས་ཀྱི་གཙོ་མོའི་ཡང་གཙོ་མོ། གཏན་ཚིགས་ཀྱི་ལེའུ་སྟེ་དང་པོའོ།། །།གནོད་འདུལ་ལྷ་ཡིས་ཡང་གསོལ་པ། །སྲིད་པའི་དཀྱིལ་འཁོར་བསྒོམ་པ་དང་། །བདག་ཉིད་ཕྱག་རྒྱར་བསྐྱེད་བྱ་བ། །འབྱུང་དང་འཇུག་པའི་མཚན་ཉིད་ལས། །ཇི་ལྟར་བདག་གིས་ནན་ཏན་བགྱི། །མངོན་རྫོགས་ཡབ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །མངོན་རྫོགས་དཔལ་གྱིས་བཀའ་སྩལ་པ། །འབྱུང་དང་འཇུག་པའི་མཚན་ཉིད་ལས། །ཇི་ལྟར་དཀྱིལ་འཁོར་ལྷ་བསྐྱེད་པ། །ངས་བསྟན་པ་ལ་གདོན་མི་ཟ། །ཉོན་ཅིག་གདོན་འདུལ་ལྷ་ཡི་གཙོ། །འབྱུང་བ་སྤྲོ་བའི་ངོ་བོ་དང་། །འཇུག་པ་བསྡུ་བའི་མཚན་ཉིད་ནི། །ས་བོན་གྱིས་ནི་བསྟན་པར་བྱ། །བདག་ཉིད་ཐིག་ལེ་མཉམ་སྦྱར་ནས། །རྣམ་གསུམ་རིམ་གྱིས་ཏིང་འཛིན་བསྒོམ། །དམིགས་མེད་ཏིང་འཛིན་རྣམ་དག་ཅིང་། །སྐྱེ་མེད་ཆོས་ཀྱི་དབྱིངས་སུ་ཐིམ། །དམིགས་མེད་མ་ཆགས་ས་བོན་གྱིས། །དེ་བཞིན་ཉིད་དུ་རྣམ་པར་གྲགས། །སྙིང་རྗེ་ནམ་མཁའི་ངོ་བོ་ལ། །བླང་དོར་མེད་པར་སྣང་བ་ནི། །མཚམས་སུ་སྦྱོར་བའི་ས་བོན་གྱིས། །ཀུན་ཏུ་སྣང་ཞེས་གྲགས་པ་ཡིན། །བདག་ཉིད་རླུང་ལས་གྱུར་པ་ཡི། །འོག་གི་ཕྱོགས་སུ་ས་བོན་བརྟན། །བདག་གི་ཆུ་ལས་གྱུར་པ་ཡི། །དེ་ཡི་སྟེང་དུ་ས་བོན་བརྟན། །བདག་གི་ས་ལས་གྱུར་པ་ཡི། །ས་བོན་ལས་ནི་སྤྲིས་མར་བརྟན། །བདག་གི་མེ་ལས་གྱུར་པ་ཡི། །ས་བོན་ལས་ནི་དྲོད་དུ་ལྡན། །བདག་གི་ནམ་མཁའི་ངོ་བོ་ལ། །ས་བོན་ལས་ནི་སྣང་སྲིད་བསྒོམ། །དབྱིངས་ལས་འབྱུང་ལྔས་རྒྱུ་བསྐྱེད་དེ། །མཁའ་ལ་རླུང་བརྟེན་འགྲོ་ལྔར་ལྡན། །བདག་ཉིད་ཧཱུཾ་དུ་གསལ་བ་ལས། །ས་བོན་གྱིས་ནི་དཀྱིལ་འཁོར་བསྒོམ། །འཁོར་ལོའི་ས་བོན་གྱིས་སྦྱངས་ནས། །རྩིབས་བརྒྱད་ ― DNG022_Page_0441 ―
[མ་དཔེ་གཟིགས་ན་འདིར་གནོན།]
པ་རུ་རྣམ་པར་གསལ། །གདན་གྱི་ས་བོན་གྱིས་སྦྱངས་ནས། །རྩིབས་བརྒྱད་སྟེང་དུ་བཅུ་བཞི་བསྒྱེལ། །དཀྱིལ་དུ་རྒྱ་མཚོ་ཐོད་ཕྲེང་གཉིས། །ཤར་དང་ནུབ་ཏུ་མགོ་བསྣོལ་བའོ། །སྒྲོལ་བྱེད་དཀར་མོ་མིག་གཅིག་གཉིས། །བརྒྱ་བྱིན་ཕྱོགས་སུ་མགོ་བསྣོལ་བའོ། །དབང་སྡུད་ནག་མོ་རལ་གཅིག་གཉིས། །གཤིན་རྗེའི་ཕྱོགས་སུ་མགོ་བསྣོལ་བའོ། །བདུད་རྩི་བྱེད་དང་མ་མོ་གཉིས། །ཆུ་བདག་ཕྱོགས་སུ་མགོ་བསྣོལ་བའོ། །གནས་སྤྲུལ་སེར་མོ་ལས་མཁན་གཉིས། །གནོད་སྦྱིན་ཕྱོགས་སུ་མགོ་བསྟན་པའོ། །རྒྱན་གྱི་རྒྱལ་མོ་མེ་ལྷའི་ཕྱོགས། །དབྱིངས་ཕྱུག་མ་ནི་བདེན་བྲལ་ཕྱོགས། །བདག་ཉིད་མ་ནི་རླུང་ལྷའི་ཕྱོགས། །གཅིག་པུ་མ་ནི་དབང་ལྡན་ཕྱོགས། །རིམ་གྲོ་སྐྱེད་ཕྱིར་འཁོར་རྣམས་བསྒྱེལ། །བྷ་ག་བཅུ་བཞིའི་གདན་སྟེངས་ནས། །བདག་ཉིད་བྱང་ཆུབ་ཐིག་ལེ་ལས། །སྙིང་པོ་ཡེ་ཤེས་མངོན་དུ་ཤར། །བྱེད་པ་པོ་ནི་ཀུན་ཏུ་བཟང་། །རྣམ་པར་ཐར་པའི་དབུར་ལྡན་ཞིང་། །ཡེ་ཤེས་དྲུག་གི་ཕྱག་རྒྱ་ཅན། །མཚན་དང་དཔེ་བྱད་ཡང་དག་ལྡན། །རྫུ་འཕྲུལ་བཞི་ཡི་ཞབས་ཀྱིས་བཞུགས། །བདག་གི་གཟུགས་ཀྱི་ངོ་བོ་ལ། །རྣལ་འབྱོར་ཉིད་གཞི་བདེ་མཆོག་མ། །བྱ་བ་མོ་ནི་ཆོས་ཀྱི་དབྱིངས། །ཆོས་ཉིད་རྟག་པ་ཐུགས་ཀྱི་དཀྱིལ། །འོད་ཟེར་ལྔ་པོ་རྩེ་ནས་འཕྲོ། །འབྱུང་བ་ལྔ་ཡི་ཞལ་མངའ་ཞིང་། །ཡེ་ཤེས་དྲུག་གི་ཕྱག་རྒྱ་ཅན། །ཕྱོགས་མཚམས་གནོན་པའི་ཞབས་བརྒྱད་ཀྱིས། །མ་གཤེགས་པར་ནི་སྲིད་པར་བྱོན། །དུས་བཞི་འཆར་བའི་བྷ་ག་ལས། །སྐྱེ་བ་མེད་པའི་ཀློང་དུ་ཐིམ། །སྲིད་པ་གསུམ་གྱིས་སྐུ་བརྒྱན་ཅིང་། །སྤྱི་དཔལ་མཆོག་ལ་འདི་སྐད་གསུངས། །ཧཱུཾ་ཡེ་ཤེས་སྙིང་པོ་བླ་ན་མེད། །བླ་མེད་ཁྲག་འཐུང་དཔལ་གྱི་དཔལ། །འཇིགས་བྱེད་གསང་བའི་རྡོ་རྗེ་ནི། །མཁའ་ཀློང་ཀུན་གྱི་གཏེར་ལགས་ཀྱི། །མཁའ་ཀློང་བདེ་བའི་ལམ་མཆོག་ནི། །སྐྱེ་འགྲོ་ཡོངས་ཀྱི་ཐར་པའི་ལམ། །སངས་རྒྱས་ཡོངས་ཀྱི་རེ་སྐོང་ཕྱིར། །ཐར་ལམ་བདེ་བའི་ལམ་མཆོག་ནི། །འཛུམ་པའི་མདངས་ཀྱིས་འབུལ་ལགས་ན། ། ― DNG022_Page_0442 ―
[མ་དཔེ་གཟིགས་ན་འདིར་གནོན།]
དགྱེས་པའི་རྡོ་རྗེ་གསོར་ནས་ཀྱང་། །རེ་སྐོང་བདུད་རྩིའི་ཆར་ཆེན་ཕོབ། །ཧོ། ཧཱུཾ་མཉམ་བཞག་ཡེ་ཤེས་པདྨའི་དབྱིངས། །འབྱུང་གནས་སྐྱེ་འགྲོ་ཐར་པའི་ལམ། །རིན་ཆེན་དཀྱིལ་འཇམ་ཀློང་ཡངས་སུ། །སྤྱི་དཔལ་རྡོ་རྗེ་གསང་བའི་གཏེར། །རེ་སྐོང་བདུད་རྩིའི་ཆར་ཆེན་ཕོབ། །ཧོ། ཧཱུཾ་བྷ་ག་པདྨའི་དཀྱིལ་འཁོར་འདིར། །འདབ་བརྒྱད་ས་ཡི་དཀྱིལ་འཁོར་ལྡན། །ཕྱི་ལྕགས་ནང་རྟེན་སྒོ་འཕར་བཅས། །རིན་ཆེན་དཀྱིལ་འཇམ་གདན་སྟེང་ནས། །བླ་མེད་འཕྲུལ་གྱི་ལྡེ་མིག་གིས། །ལྕགས་དཀྲོལ་གདན་ཕྱེ་གདན་ལ་བཞུགས། །རིན་ཆེན་བརྩེགས་པའི་གའུ་རུ། །བླ་མེད་ཁྲག་འཐུང་སྐུ་བསིལ་ནས། །བདུད་རྩི་ཆེན་པོའི་བུམ་པ་ཡིས། །སྲིད་གསུམ་འགྲོ་བའི་བག་ཆགས་བཀྲུས། །ཧཱུཾ་མི་དམིགས་པ་ལ་དམིགས་པ་ཆེ། །མ་ཆགས་པ་ལ་ཆགས་པ་བདེ། །ཐར་ལམ་བདེ་བ་བྷ་གའི་དབྱིངས། །བླང་དོར་མེད་པའི་ཀློང་ཡངས་སུ། །སྲིད་པའི་བག་ཆགས་བཀྲུ་བའི་ཕྱིར། །སྤྱི་དཔལ་བླ་ན་མེད་པ་ཡིས། །གསང་བའི་དོན་ལྡན་ལྡེ་མིག་གིས། །རྣམ་པར་ཐར་པའི་སྒོ་ཕྱེ་ནས། །ཡེ་ཤེས་ཆུ་བོས་ཁྲུས་ཆེན་མཛོད། །ཨཱོཾ་ཐབས་ལས་དབྱིངས་བྱུང་ཐར་པའི་ལམ། །དབྱིངས་ལས་ཐབས་བཞེངས་བླ་མེད་སྐུ། །བླ་མེད་དབྱིངས་དང་ཡེ་ཤེས་སྦྱོར་བ་ན། །བདུད་རྩི་ཆེན་པོའི་ཆར་ཆེན་སྲིད་པར་སྤྲོ། །ཕྱོགས་བཅུའི་རྒྱལ་བ་མཉེས་པའི་མཆོད་པར་སྤྲོ། །རྣལ་འབྱོར་མཁའ་འགྲོ་སྐོང་བའི་ཚོགས་སུ་སྤྲོ། །འགྲོ་བ་རིགས་དྲུག་སྒྲིབ་པ་སྦྱོང་བའི་ཕྱག་རྒྱ་ཆེན་པོར་སྤྲོ། །མུ་སྟེགས་བདུད་འདུལ་ཁྲོ་རྒྱལ་ཚོགས་སུ་སྤྲོ། །སྡུག་བསྔལ་ཟ་བྱེད་བདུད་རྩིའི་ཆར་ཆེན་སྤྲོ། །དབང་པོ་གསལ་བྱེད་ཡེ་ཤེས་སྒྲོན་མར་སྤྲོ། །འདོད་ཆགས་ཚིམས་བྱེད་གསང་བའི་སེམས་སུ་སྤྲོ། །ཧོ། ཧཱུཾ་བྱང་ཆུབ་སེམས་ཀྱི་ཐིག་ལེ་ལས། །མ་བཀག་ལྷུན་གྱིས་རྫོགས་པ་ན། །ཐམས་ཅད་ཐིག་ལེ་ཉིད་ཀྱི་ངང་། །ཞེས་གླེངས་ཏེ། གཉིས་སུ་མེད་པར་གྱུར་ཏོ། །གཉིས་མེད་སྦྱོར་བའི་ཐིག་ལེ་ཆེ། །གཉིས་མེད་སྦྱོར་བའི་འོད་ཟེར་ལས། །འབྱུང་བ་ལྔ་ཡི་འཕྲོ་འདུ་བྱུང་། ། ― DNG022_Page_0443 ―
[མ་དཔེ་གཟིགས་ན་འདིར་གནོན།]
བདག་གི་ས་ཡི་ངོ་བོ་ལས། །ས་བོན་ལས་ནི་སྐུར་བསྐྱེད་པ། །མཁའ་འགྲོ་བརྟན་འབར་སེམས་མའི་མཆོག །མི་འཇིགས་པ་ཡི་དབུ་གསུམ་གྱིས། །དུག་གསུམ་དབྱིངས་སུ་སྒོ་འབྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །སྦྱིན་པ་ཆེན་པོ་རྟག་ཏུ་གཏོང་། །མཚོན་དུ་མེད་པའི་སྐུ་མདོག་ལ། །དཀར་ལ་དང་བའི་ན་བཟའ་གསོལ། །རྫུ་འཕྲུལ་བཞི་ཡི་ཞབས་དག་གིས། །ས་བདག་གདན་ལ་བརྐྱང་བསྐུམ་བཞུགས། །བདག་གི་རླུང་ལས་གྱུར་པ་ཡི། །ས་བོན་ལས་ནི་སྐུར་བསྐྱེད་པ། །མཁའ་འགྲོ་ཡང་གསལ་སེམས་མའི་མཆོག །ཐོགས་པ་མེད་པའི་དབུ་གསུམ་གྱིས། །ཁམས་གསུམ་ཐིག་ལེར་སྒོ་འབྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །སྦྱིན་པ་ཆེན་པོ་རྟག་ཏུ་གཏོང་། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་ལྗང་གུ་བཻ་ཌཱུརྱ། །རྫུ་འཕྲུལ་བཞི་ཡི་ཞབས་དག་གིས། །གནོད་སྦྱིན་གདན་ལ་བརྐྱང་བསྐུམ་བཞུགས། །བདག་གི་ཆུ་ལས་གྱུར་པ་ཡི། །ས་བོན་ལས་ནི་སྐུར་བསྐྱེད་པ། །མཁའ་འགྲོ་གཉེན་གསལ་སེམས་མའི་མཆོག །རོལ་པ་ཆེན་པོའི་དབུ་གསུམ་གྱིས། །དུག་གསུམ་དབྱིངས་སུ་སྒྲོལ་བྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །སྦྱིན་པ་ཆེན་པོ་རྟག་ཏུ་གཏོང་། །མཚོན་དུ་མེད་པའི་སྐུ་མདོག་ལ། །དམར་མོ་དབང་གི་ན་བཟས་བརྒྱན། །རྫུ་འཕྲུལ་བཞི་ཡི་ཞབས་དག་གིས། །ཆུ་བདག་གདན་ལ་བརྐྱང་བསྐུམ་བཞུགས། །བདག་གི་མེ་ལས་གྱུར་པ་ཡི། །ས་བོན་ལས་ནི་སྐུར་བསྐྱེད་པ། །མཁའ་འགྲོ་འོད་གསལ་སེམས་མའི་མཆོག །སྟོབས་ལྡན་མཆོག་གི་དབུ་གསུམ་གྱིས། །སྲིད་གསུམ་ཐིག་ལེའི་སྒོ་འབྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །སྦྱིན་པ་ཆེན་པོ་རྟག་ཏུ་གཏོང་། །མཚོན་དུ་མེད་པའི་སྐུ་མདོག་ལ། །རིན་ཆེན་སྔོན་པོའི་ན་བཟས་བརྒྱན། །རྫུ་འཕྲུལ་བཞི་ཡི་ཞབས་དག་གིས། །གཤིན་རྗེའི་གདན་ལ་བརྐྱང་བསྐུམ་བཞུགས། །བདག་གི་བཀྲག་ལས་གྱུར་པ་ཡི། །ས་བོན་ལས་ནི་སྐུར་བསྐྱེད་པ། །མཁའ་འགྲོ་བཀྲག་གསལ་སེམས་མའི་མཆོག །མི་འགྱུར་བ་ཡི་དབུ་གསུམ་ལ། །སྐྱེ་ ― DNG022_Page_0444 ―
[མ་དཔེ་གཟིགས་ན་འདིར་གནོན།]
འགྲོ་མཁའ་ལ་སྒོ་འབྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །མི་བཟད་པ་ཡི་སྦྱིན་པ་གཏོང་། །ཅིར་ཡང་འགྱུར་བའི་སྐུ་མདོག་ལ། །བཙོ་མ་གསེར་གྱི་ན་བཟའ་གསོལ། །རྫུ་འཕྲུལ་བཞི་ཡི་ཞབས་དག་གིས། །བརྒྱ་བྱིན་གདན་ལ་བརྐྱང་བསྐུམ་བཞུགས། །བདག་གི་གསང་བའི་ཐིག་ལེ་ལས། །ས་བོན་ལས་ནི་སྐུར་བསྐྱེད་པ། །བླ་ན་མེད་པའི་ཡབ་ཡུམ་གཉིས། །སྦྱོར་བའི་གདན་དུ་དྲུག་པོ་འདིང་། །བདག་གི་འོད་ཆེན་སྣ་ཚོགས་ལས། །ས་བོན་ལས་ནི་སྐུར་བསྐྱེད་པ། །དཔལ་འབར་ཁྲོ་མོ་ཉིད་ཀྱི་སྐུ། །བདག་གི་དྭངས་མ་བཞི་པོ་ལས། །ས་བོན་ལས་ནི་སྐུར་བསྐྱེད་པ། །གསང་བའི་ཡུམ་བཞི་ཉིད་ཀྱི་སྐུ། །བདག་གི་དྭངས་མ་བརྒྱད་པོ་ལས། །ས་བོན་ལས་ནི་སྐུར་བསྐྱེད་པ། །ཁམས་གསུམ་བརྡར་གཅོད་ཉིད་ཀྱི་སྐུ། །བདག་གི་བདེ་ཆེན་གསང་བ་ལས། །ས་བོན་ལས་ནི་སྐུར་བསྐྱེད་པ། །དུག་གསུམ་དབང་སྡུད་ཉིད་ཀྱི་སྐུ། །བདག་གི་དཔག་བསམ་ཤིང་བུ་ལས། །ས་བོན་ལས་ནི་སྐུར་བསྐྱེད་པ། །སྐྱེ་ཤི་རྩད་གཅོད་ཉིད་ཀྱི་སྐུ། །བདག་གི་ཟངས་ཀྱི་སྦུ་གུ་ལས། །ས་བོན་ལས་ནི་སྐུར་བསྐྱེད་པ། །པདྨེ་ཤྭ་རཱི་དབང་གི་སྐུ། །བདག་གི་སྲིད་པའི་མདོ་བསྡུས་པའི། །ས་བོན་ལས་ནི་སྐུར་བསྐྱེད་པ། །ཡག་ཤ་ཁྲོ་མཆོག་ཉིད་ཀྱི་སྐུ། །བདག་གི་དབང་པོ་མདོ་བསྡུས་ལས། །ས་བོན་ལས་ནི་སྐུར་བསྐྱེད་པ། །རག་ཤ་ཀྲོ་ཏཱི་ཤྭ་རཱིའི་སྐུ། །གཡས་གཡོན་ཐབས་དང་ཤེས་རབ་ལས། །ས་བོན་ལས་ནི་སྐུར་བསྐྱེད་པ། །ཀྲོཾ་ཏཱི་ཤྭ་རཱི་ས་མ་ཡ། །བདག་གི་སྲིད་པ་འཇུག་བྱེད་པའི། །ས་བོན་ལས་ནི་སྐུར་བསྐྱེད་པ། །གྷུ་ཡ་ཀྲོ་ཏཱི་ཤྭ་རཱིའི་སྐུ། །དེ་ལྟར་རྟག་ཏུ་བསྒོམ་པ་ནི། །བྱེད་པ་པོ་དང་བྱ་བ་མོ། །ཕ་མ་མེད་པའི་ཕོ་མོ་གཉིས། །སྲིད་པའི་སྔོན་དུ་བྱུང་བ་ཡིན། །སངས་རྒྱས་ཉིད་ལས་ཤིན་ཏུ་བགྲེས། །ལྔ་ལས་གྱུར་པའི་བུད་མེད་ལྔ། །གཉེན་མེད་སྐྱིད་པའི་གཡུང་དྲུང་ཡིན། །བསྐྱེད་པའི་ཁྲོ་མོ་བཅུ་གསུམ་ནི། །ཅིར་མི་འོང་གི་སྤུན་དྲུག་སྟེ། །རུས་མེད་སྤུན་དྲུག་བཅུ་གསུམ་ ― DNG022_Page_0445 ―
[མ་དཔེ་གཟིགས་ན་འདིར་གནོན།]
ཡིན། །མཚོན་དུ་མེད་པའི་ནམ་མཁའ་ལ། །གཟའ་སྐར་མང་པོ་ཤར་བ་ལྟར། །བྱང་ཆུབ་སེམས་ཀྱི་ཐིག་ལེ་ལས། །རོལ་པའི་ཕྱག་རྒྱ་ཅིར་ཡང་སྣང་། །སྐྱེ་འགག་མེད་པའི་དབྱིངས་སུ་ཐིམ། །གསང་ཆེན་བདེ་བའི་ཐིག་ལེ་ལས། །བྷ་གའི་སྟེང་དུ་ལིངྒ་སྤྲོ། །རྩེ་ནས་ཐིམ་ཞིང་དཀྱིལ་འཁོར་སྤྲོ། །ངས་གསུངས་པ་ལ་ཐེ་ཚོམ་མེད། །དཀྱིལ་འཁོར་བསྐྱེད་པའི་བཅའ་གཞི། སྦས་པའི་ཐིག་ལེའི་ལེའུ་སྟེ་གཉིས་པའོ།། །།གནོད་འདུལ་ལྷ་ཡིས་ཡང་གསོལ་པ། །སྐྱེ་འགྲོ་སེམས་ཅན་ཐམས་ཅད་ཀུན། །རྣམ་རྟོག་ནད་ཀྱིས་ཟིན་པ་ལ། །བདུད་རྩིའི་སྨན་ཆེན་ཇི་ལྟར་གཏོང་། །ངོ་མཚར་ལྷ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །བླ་མེད་དཔལ་གྱིས་བཀའ་སྩལ་པ། །རྟོག་པའི་ནད་གཞིལ་སྨན་ཆེན་པོ། །ངས་གསུངས་པ་ལ་གདོན་མི་ཟ། །ཉོན་ཅིག་གཡུང་དྲུང་ཡང་དག་པ། །རྒྱུ་གཅིག་དང་ནི་རྐྱེན་གཉིས་ལས། །ས་བོན་ལས་ནི་རྣམ་སྦྱངས་པ། །སྤྲོ་བསྡུ་བྱས་པས་དྲི་མཆོག་འགྱུར། །དུག་གསུམ་ནད་ཀྱི་གཉེན་པོ་ཡིན། །རྒྱུ་གཉིས་དང་ནི་རྐྱེན་གསུམ་ལས། །ས་བོན་གྱིས་ནི་རྣམ་སྦྱངས་པ། །སྤྲོ་བསྡུ་དུ་བར་འཐུལ་བས་ནི། །ཉོན་མོངས་ལྔ་ཡི་ནད་རྣམས་འབྱང་། །རྒྱུ་གསུམ་དང་ནི་རྐྱེན་ལྔ་ལས། །ས་བོན་གྱིས་ནི་ཡང་དག་སྦྱངས། །སྤྲོ་བསྡུ་གཡོས་པར་གྱུར་པ་ལ། །རྣམ་ཤེས་བརྒྱད་ནི་ཀུན་དུ་རྒྱུ། །འཇུག་པའི་ནད་རྣམས་ཞི་བར་བྱེད། །བདག་གི་དྲི་མ་ཆེན་པོ་ལ། །ས་བོན་གྱིས་ནི་རྣམ་སྦྱངས་པ། །ཟོས་ན་ཡོན་ཏན་རྣམ་གཉིས་ལྡན། །དངོས་གྲུབ་ཆེན་པོ་གཏི་མུག་ཡིན། །བདག་གི་མཱཾ་ས་ཆེན་པོ་ལ། །ས་བོན་གྱིས་ནི་རྣམ་སྦྱངས་པས། །ཟོས་ན་ཡོན་ཏན་རྣམ་གཉིས་ལྡན། །དངོས་གྲུབ་ཆེན་པོ་ང་རྒྱལ་ཡིན། །བདག་གི་ཁྲག་ལས་གྱུར་པ་ཡི། །ས་བོན་གྱིས་ནི་རྣམ་སྦྱངས་པ། །ཟོས་ན་ཡོན་ཏན་རྣམ་གཉིས་ལྡན། །དངོས་གྲུབ་ཆེན་པོ་འདོད་ཆགས་ཡིན། །བདག་གི་དྲི་ཆུ་ལས་གྱུར་པ། །ས་བོན་གྱིས་ནི་རྣམ་སྦྱངས་པ། །ཟོས་ ― DNG022_Page_0446 ―
[མ་དཔེ་གཟིགས་ན་འདིར་གནོན།]
ན་ཡོན་ཏན་རྣམ་གཉིས་ལྡན། །དངོས་གྲུབ་ཆེན་པོ་ཕྲག་དོག་ཡིན། །བདག་གི་གསང་བའི་ས་བོན་ལ། །ས་བོན་གྱིས་ནི་རྣམ་སྦྱངས་ཏེ། །ཐོས་ན་ཡོན་ཏན་རྣམ་གཉིས་ལྡན། །དངོས་གྲུབ་ཆེན་པོ་ཞེ་སྡང་ཡིན། །ཀུན་འདུས་གཅིག་ཏུ་གྱུར་པ་དང་། །ཕྲ་མོ་སྟོང་དང་སྦོམ་པོ་བརྒྱད། །བསྡུས་ལ་གོང་བུར་དྲིལ་བ་ལས། །བསྡུ་བའི་སྔགས་ཀྱིས་རྣམ་སྦྱངས་ཏེ། །སྤྲོ་བསྡུས་འོད་དུ་འབར་བ་ནི། །ཐབས་དང་ཤེས་རབ་ཕྱག་རྒྱ་ཡིས། །ཟོས་ན་དཔལ་ཆེན་དངོས་གྲུབ་ཐོབ། །མཁའ་འགྲོ་མ་རྣམས་བཀུར་སྡིར་བྱེད། །རྒྱུ་གསུམ་རྐྱེན་ལྔའི་བདུད་རྩི་ཆེན་པོ་སྟེ། །སྣང་བ་ཆེན་པོ་སྣང་སྲིད་འཆར་བའི་རྒྱུ། །དུས་གསུམ་རྒྱལ་བ་ཀུན་གྱི་འབྱུང་གནས་ཏེ། །མཁའ་འགྲོ་དམ་ཅན་ཀུན་གྱི་སྲོག་གི་རྒྱུ། །རང་བྱུང་བདུད་རྩི་ཆེན་པོའི་འབྱུང་གནས་ཡིན། །རང་བྱུང་རྣམ་དག་ཉིད་ཀྱི་སྐུ་གསུང་ཐུགས། །བདུད་རྩི་ཆེན་པོ་སྟོང་པ་ཉིད་བཞུགས་པས། །དུག་གསུམ་རྣམ་རྟོག་ནད་ཀྱི་གཉེན་པོ་ཡིན། །ཐེག་ཆེན་ས་གཞི་ཆེན་པོ་ལས། །རྩི་མཆོག་མང་པོ་ཀུན་སྐྱེས་ཏེ། །སྐྱེ་འགྲོའི་གསོས་སུ་གྱུར་པ་ལྟར། །བདག་ཉིད་བདུད་རྩིའི་དཀྱིལ་འཁོར་ལས། །སྲོག་གིས་བསྡུས་པའི་སེམས་ཅན་ཀུན། །རྣམ་རྟོག་ནད་ཀྱི་གསོས་སུ་ཆེ། །རྒྱུ་གསུམ་རྐྱེན་ལྔའི་བདུད་རྩི་སྟེ། །མ་རིག་བརྒྱལ་བའི་དོང་ཞེས་བྱ། །དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔའ་དང་ལྷ་གནོད་འདུལ་ལ་སོགས་པ་དང་། འཁོར་དེར་འདུས་པ་རྣམས། བདུད་རྩིའི་དཀྱིལ་འཁོར་གྱིས་གཏན་དུ་ཚིམ་ནས། ལང་ཚོའི་དངོས་གྲུབ་ཐོབ་བོ། །གཡུང་དྲུང་ལྷ་ཡིས་ཡང་གསོལ་པ། །སྲིད་པའི་སེམས་ཅན་ཐམས་ཅད་ཀུན། །འདོད་ཆགས་ཀྱིས་ནི་ཁམས་གསུམ་འཁོར། །ཞེ་སྡང་གིས་ནི་ངན་སོང་ལྷུང་། །དེ་ལས་ནན་ཏན་ཇི་ལྟར་བགྱི། །ཉག་གཅིག་ཡབ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །ཉག་གཅིག་ཡབ་ཀྱིས་བཀའ་སྩལ་པ། །ཇི་ལྟར་ཆགས་སྡང་རྣམ་པ་གཉིས། །དངོས་གྲུབ་ཆེན་པོར་ངས་བཤད་ཀྱི། །ཉོན་ཅིག་གཡུང་དྲུང་ཡང་དག་པ། །ཞེ་སྡང་ཆེན་པོའི་ཏིང་འཛིན་གྱིས། །ཕ་དང་ཕུ་བོ་མེས་པོ་དང་། །ལྷ་དང་བྲམ་ཟེ་མུ་སྟེགས་དང་། ། ― DNG022_Page_0447 ―
[མ་དཔེ་གཟིགས་ན་འདིར་གནོན།]
བྲན་དང་གཡོག་པོ་ལ་སོགས་པའི། །ཞིང་བཅུ་རྟག་ཏུ་ལྡན་པ་ལ། །ཕུང་པོ་བསད་དེ་སྙིང་ཕྱུང་ན། །དངོས་གྲུབ་ཡ་མཚན་ཆེན་པོར་འགྱུར། །འདོད་ཆགས་ཆེན་པོའི་ཏིང་འཛིན་གྱིས། །མ་དང་སྲིང་མོ་བུ་མོ་དང་། །ལྷ་མོ་ཀླུ་མོ་རིགས་ངན་མོ། །བྲན་མོ་གཡོག་མོ་ལ་སོགས་ཏེ། །གདོལ་པ་མོ་དང་ཕྱལ་པ་དང་། །ཚུལ་དགུར་སྦྱར་ན་དངོས་གྲུབ་ཐོབ། །ཅེས་བཀའ་སྩལ་པ་དང་། ལྷ་གཡུང་དྲུང་ལ་སོགས་པ་ཡ་མཚན་དུ་གྱུར་ནས། དངངས་ཏེ་ཅང་མི་སྨྲ་བ་དང་། འཁོར་གྱི་གཙོ་བོ་རྡོ་རྗེ་སེམས་དཔའ་སྟན་ལས་ལངས་ཏེ། ཡེ་ཤེས་བཞིའི་བརྐྱང་ཕྱག་ཕྱོགས་བཞིར་བཙལ་ནས། བག་བཞི་ས་ལ་བརྡབས་ཏེ། ལུས་བརྐྱང་ནས། རྒྱལ་བ་རྫོགས་པའི་ཞབས་སྤྱི་བོར་བླངས་ཏེ། དངོས་གྲུབ་མྱུར་དུ་འདོད་པའི་ཕྱིར། ཕྱག་རྒྱ་བཅས་ནས་གསོལ་པ། ཕ་དང་ཉེ་བའི་ཞིང་བཅུ་དག །བསད་ན་དངོས་གྲུབ་ཐོབ་པ་ཡི། །ཞེ་སྡང་ཆེན་པོའི་ཏིང་འཛིན་དང་། །མ་དང་ཉེ་བ་ཕྱལ་པ་དག །སྦྱར་ན་དངོས་གྲུབ་ཐོབ་པ་ཡི། །འདོད་ཆགས་ཆེན་པོའི་ཏིང་འཛིན་གྱིས། །དངོས་གྲུབ་ཆེན་པོ་བདག་འཚལ་ན། །སྤྱི་དཔལ་ཆེན་པོས་བཤད་དུ་གསོལ། །ཞེས་ཞུས་ཏེ། ལུས་ས་ལ་ལན་སྟོང་དུ་བརྡབས་པ་དང་། སྲིད་པ་ཐམས་ཅད་དུས་གཅིག་ཏུ་གཡོས་ཏེ། འཁོར་ཐམས་ཅད་དུས་གཅིག་ཏུ་ཁམས་འཁྲུགས་ནས་ཐམས་ཅད་བག་བཞི་ས་ལ་རྡེབས་ཤིང་ཡ་མཚན་ནོ། །སྤྱི་དཔལ་ཆེན་པོ་ཡ་མཚན་ནོ། །རྡོ་རྗེ་སེམས་དཔའ་ཡ་མཚན་ནོ། །ཞེས་མགྲིན་གཅིག་ཏུ་སྨྲས་ནས། པདྨ་ཁ་འབུས་པ་ལྟར་སོར་བཅུ་སྤྱི་བོ་ལ་བླངས་ཏེ། མིག་མི་ལྡོག་པར་མངོན་རྫོགས་རྒྱལ་པོ་ལ་རྟོག་གོ། །དེ་ནས་དེ་ལྟ་བུའི་སྤྱོད་པ་ཐུགས་སུ་གསོལ་ནས། འཁོར་ཐམས་ཅད་ལ་དགྱེས་པའི་ཡེ་ཤེས་ཀྱི་མདངས་ཀྱིས་གཟིགས་ཏེ་བཀའ་སྩལ་པ། རྡོ་རྗེའི་འཁོར་ལ་གདུང་བ་དང་། །སེམས་ཅན་ཀུན་ལ་སྙིང་བརྩེའི་ཕྱིར། །རྡོ་རྗེ་སེམས་དཔས་ཞུས་པ་ལེགས། །ཀུན་ཀྱང་དྲན་པ་གནས་སུ་སྡུས། །སྲིད་པ་ཐམས་ཅད་བདེ་ལ་བཀོད། །ངས་ཀྱང་བདུད་རྩིའི་སྙིང་པོ་སྦྱིན། །འདུ་ན་ས་མ་ཡ་ལྷན་སྟྭཾ། ཞེས་གསུངས་པ་ལས། འཁོར་ ― DNG022_Page_0448 ―
[མ་དཔེ་གཟིགས་ན་འདིར་གནོན།]
ཐམས་ཅད་སེམས་རྣལ་དུ་ཕེབས་སོ། །སྲིད་པ་ཐམས་ཅད་དུས་གཅིག་ཏུ་བདེ། རྣ་བའི་དབང་པོ་བླགས་ནས། རྡོ་རྗེ་སེམས་དཔའི་ཕྱག་རྒྱའི་རྗེས་སུ་ཞུགས་ནས་འཁོར་ཀུན་ཉན་ཏོ། །དེ་ནས་སྤྱི་དཔལ་ཆེན་པོས་བཀའ་སྩལ་པ། གཉེན་སྡུག་དང་ནི་ཞིང་བཅུ་ལ། །བསད་པའི་ཕྱིར་ན་ཞེ་སྡང་བསྒོམ། །སྦྱང་བ་གསུམ་གྱི་ས་བོན་གྱིས། །སྦྱངས་ན་སྲིད་པའི་བག་ཆགས་འབྱང་། །ལྔ་ཡི་ཚོམ་བུའི་ས་བོན་གྱིས། །སྒོ་ལྔ་བཅད་ན་འཆོར་བ་མེད། །སྙིང་བརྩེ་བ་ཡི་ཤུགས་དག་གིས། །བསྡུས་ནས་རྒྱལ་བའི་རིལ་བུ་སྦྱིན། །སྒོ་འབྱེད་པ་ཡི་ས་བོན་གྱིས། །བྷོ་དྷི་ཙིཏྟའི་སྒོ་ཕྱེས་ནས། །རྣ་བརྒྱུད་བྱིན་པས་སེམས་བཞུ་སྟེ། ། མས་ཡར་ཀྱང་མ་ཤར་བཟློག་པའི་ས་བོན་གྱིས། །སྤྲོས་ཏེ་འབྲུ་བཅུའི་སྙིང་པོ་སྦྱིན། །ཆུ་དང་འོ་མ་བསྲེས་པ་བཞིན། །མྱ་ངན་ཟློ་བའི་ཕྱག་རྒྱ་ཡིས། །བཅིངས་ནས་བདེ་སྐྱིད་གཡུང་དྲུང་སྦྱིན། །རྐྱེན་ལྔའི་སྒོ་འབྱེད་ས་བོན་གྱིས། །རི་རབ་ཆེན་པོའི་སྒོ་ཕྱེ་སྟེ། །ལྷ་མོ་ལྔ་ཡི་ཕྱག་རྒྱ་ཡིས། །ལྕགས་ཀྱུའི་ཕྱག་རྒྱས་བསྡམས་ནས་སུ། །རྒྱུ་གཅིག་དབྱིངས་ནས་བྱུང་ནས་ནི། །མཚམས་སུ་སྦྱོར་བའི་ས་བོན་གྱིས། །ཡེ་ཤེས་གཡུང་དྲུང་བརྡལ་བ་ལས། །སྤྱི་དཔལ་ཆེན་པོས་མཚམས་སྦྱར་ནས། །གསེར་དང་དངུལ་དུ་བསྲེས་པ་བཞིན། །སྡིག་པ་བྱས་ཀྱང་ཡེ་ཤེས་འབར། །ཡང་ན་དཀྱིལ་འཁོར་གསལ་བཀྲམ་སྟེ། །ཕུང་པོ་མངོན་སྤྱོད་ལྷ་ལ་མཆོད། །རྩ་བ་གསང་བའི་བྷ་ག་ལ། །མཚམས་སུ་སྦྱོར་བའི་ས་བོན་གྱིས། །སྲས་སུ་བསྐྱེད་ན་བསོད་ནམས་མཆོག །བསྐལ་པའི་མེ་དཔུང་འབར་བ་ཡིས། །སྲིད་པའི་བུད་ཤིང་སྲེག་པ་ལྟར། །ཡེ་ཤེས་མེ་དཔུང་འབར་བ་ཡིས། །འགྲོ་བ་ཀུན་གྱི་བག་ཆགས་བསྲེག །མེ་ལ་ཤིང་ནི་བསྣན་པ་ལྟར། །སྡིག་པ་བྱས་ཀྱང་ཡེ་ཤེས་འབར། །མ་དང་སྲིང་མོ་ཕྱལ་པ་དང་། །སྦྱོར་བའི་ཕྱིར་ནི་འདོད་ཆགས་བསྒོམ། །ལྔ་ཡི་ས་བོན་རྣམ་ལྔ་ལས། །གཅིག་ལ་ལྔ་ལྔར་ཚོམ་བུར་སྦྱོར། །ལམ་དུ་བདེ་བའི་ས་བོན་གྱིས། །བྷ་ག་ལ་ནི་འདབ་མ་བརྒྱད། །གདན་དུ་བདེ་བའི་ས་བོན་གྱིས། །ཀློང་ལ་འཁོར་ལོ་རྩིབས་སུ་བཅས། ། ― DNG022_Page_0449 ―
[མ་དཔེ་གཟིགས་ན་འདིར་གནོན།]
ལས་ཀྱི་ས་བོན་གཡས་གཡོན་གྱི། །དབུ་ལ་མཁའ་འགྲོ་ལྔ་པོ་ཉིད། །དྲིལ་བུའི་ས་བོན་རྐང་མཐིལ་ལ། །ཞགས་པའི་ས་བོན་ལག་གཉིས་ལའོ། །བདག་ཉིད་སྙིང་པོའི་བརྟན་པའི་སྐུ། །གནས་ལྔ་རལ་གྲིའི་ས་བོན་ལྔ། །གཅིག་ལ་མཁའ་འགྲོ་ལྔ་ལྔས་བསྐོར། །འདྲེན་པའི་ས་བོན་སྒལ་ཚིགས་ལ། །དགྱེས་པའི་ས་བོན་གཡས་དང་གཡོན། །བསྡིམ་པའི་ས་བོན་གསང་བ་ལ། །ལྕགས་ཀྱུའི་ས་བོན་རྐང་གཉིས་ལ། །ལྕགས་སྒྲོག་ས་བོན་ལག་གཉིས་ལ། །བསྐྱོད་པའི་ས་བོན་མཚམས་སུ་སྟེ། །སྤྲོས་ནས་གཉིས་སུ་མེད་པའི་ཚེ། །སྤྲོས་ནས་མཚམས་སུ་སྤྲོས་བསྡིམ་སྟེ། །མཆོད་པ་བཞི་ཡི་ས་བོན་གྱིས། །སྟོང་ཁམས་བཀང་སྟེ་མཉེས་མཆོད་ལ། །རིགས་དྲུག་འགྲོ་བའི་སྡིག་སྦྱོངས་ནས། །འཇུག་པའི་ས་བོན་ཆེན་པོ་ཡིས། །བསྡུས་ནས་ཀུན་བཟང་མཁའ་ལ་བསྡིམ། །གཏིང་དཔག་མེད་པའི་རྒྱ་མཚོ་ལས། །ཆུ་བྲན་མཐའ་དག་འདུ་བ་ལྟར། །བྱ་བྱེད་གཉིས་ཀྱི་ཀློང་དཀྱིལ་དུ། །མ་སྲིང་ལ་སོགས་ཀླུ་མོ་དང་། །གདོལ་པ་རིགས་ངན་ཕྱལ་པ་ལ། །ཚུལ་དགུར་སྦྱར་ན་བསོད་ནམས་མཆོག །ཅེས་བཀའ་སྩལ་པས། འཁོར་ཐམས་ཅད་ཆགས་སྡང་གི་དངོས་གྲུབ་ཐོབ། ཏ་ན་ག་ཎའི་བཅའ་གཞིའོ། །རྡོ་རྗེ་སེམས་དཔས་ཡང་གསོལ་པ། །མངོན་སྤྱོད་མཆོད་པ་ཆེན་པོ་སྟེ། །ཇི་ལྟར་བདག་གིས་ནན་ཏན་བགྱི། །སྤྱི་དཔལ་མཆོག་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །རྒྱལ་པོ་བདེ་བས་བཀའ་སྩལ་པ། །དེ་ཕྱིར་ཉོན་ཅིག་རྡོ་རྗེ་སེམས། །མངོན་སྤྱོད་མཆོད་པ་སྣ་ཚོགས་ཏེ། །བདག་ཉིད་མཁའ་འགྲོའི་དཀྱིལ་འཁོར་ལྡན། །རྒྱན་དང་བགོ་བའི་ལོངས་སྤྱོད་ལ། །འདོམ་གང་འོད་ཀྱི་ས་བོན་གྱིས། །སྦྱངས་ན་དཀྱིལ་འཁོར་མཉེས་པ་ཡི། །བཟའ་དང་བཅའ་བའི་ལོངས་སྤྱོད་ལ། །སྲེག་པའི་ས་བོན་མཐར་བཞག་ལ། །བདུད་རྩིའི་ས་བོན་མཆོད་སྦྱངས་ཏེ། །མཉེས་ཤིང་དགྱེས་པའི་ལོངས་སྤྱོད་ཀྱིས། །མཆོད་ཅིང་ཟོས་ན་དཀྱིལ་འཁོར་མཉེས། །བཏུང་བས་ཚིམ་པའི་ལོངས་སྤྱོད་ལ། །སྲེག་པའི་ས་བོན་གྱིས་སྦྱངས་ ― DNG022_Page_0450 ―
[མ་དཔེ་གཟིགས་ན་འདིར་གནོན།]
ཏེ། །ཆུ་ཡི་ས་བོན་ཆེན་པོ་ཡིས། །སྦྱངས་ཏེ་འཐུང་ན་དཀྱིལ་འཁོར་མཉེས། །ཕར་བཏང་བ་དང་ཚུར་ལེན་པ། །ཕོ་དང་མོ་ཡི་ས་བོན་གྱིས། །སྦྱངས་ན་ཐབས་དང་ཤེས་རབ་ཐོབ། །མཆོད་པ་འོད་ཀྱི་ས་བོན་སྤྲོ། །རྟགས་ཀ་དང་ནི་ཏ་ཏོ་ཏ་ཡོ་ལ་དང་། །ཐབས་དང་ཤེས་རབ་ས་བོན་གྱིས། །སྦྱངས་ན་སྡིག་སྦྱང་ཉེས་པ་མེད། །འདི་ལྟར་བྱས་ན་འཕགས་པ་མཉེས། །མངོན་སྤྱོད་མཆོད་པ་ཆེན་པོ་ཡིས། །ཆོས་ཀྱི་རང་བཞིན་དངོས་མེད་སྟེ། །དངོས་མེད་ཡི་གེ་སྟོང་པས་སྦྱངས། །སྟོང་ཉིད་སྟོང་པ་ཡེ་ནས་དབེན། །སྤྲོས་པའི་སྣོད་ཀྱང་དངོས་ཀྱིས་སྟོང་། །རྣམ་པར་སྨིན་པ་སྟོང་པས་མེད། །བྱེད་པ་པོ་དང་བྱ་བ་མོ། །གདོད་ནས་སྟོང་པའི་འབྲས་བུ་ལེན། །རྟོགས་པས་སྟོང་པའི་འབྲས་བུ་ལེན། །ལེགས་དང་ཉེས་པ་གཉིས་སུ་མེད། །ཐིག་ལེ་ཆེན་པོ་ལེན་པ་མེད། །གདོད་ནས་ལེགས་པའི་རྒྱལ་པོ་ཡིན། །དེ་སྐད་བཀའ་སྩལ་པ་དང་། རྡོ་རྗེ་སེམས་དཔའ་ལ་སོགས་པ་འཁོར་དང་བཅས་པ། འཁོར་ཀུན་ཕུན་སུམ་ཚོགས་པ་ཀུན། སྟོང་པའི་འབྲས་བུ་ལ་སེམས་མི་ཡེངས་པར་རྟོགས་སོ། །དེ་ནས་ལྷ་གནོད་འདུལ་སྟན་ལས་ལངས་ཏེ། སྤྱི་དཔལ་ཆེན་པོའི་ཞབས་ལ་འཇུས་ནས། མོས་པ་ཆེན་པོས་གསོལ་པ། དགོངས་ཤིག་ཡེ་ཤེས་བདེ་ཆེན་ལྷ། །སྲིད་པ་འཁྲུག་པའི་རྟོག་པ་ཡིས། །སེམས་ཀྱི་འཁྲུལ་པ་ཅི་མཆིས་པ། །ཞབས་ལ་སྤྱི་བོས་གཏུག་གྱུར་ནས། །སྟོང་པ་ཆེན་པོར་བཟོད་པར་གསོལ། །འབྲས་བུ་ཆེན་པོར་བཟོད་པར་གསོལ། །བྱང་ཆུབ་ཆེན་པོར་བཟོད་པར་གསོལ། །ཐིག་ལེ་ཆེན་པོར་བཟོད་པར་གསོལ། །དེ་ནས་མི་དམིགས་པའི་ཚངས་པ་ཆེན་པོ་ཐོབ་བོ། །དེ་ནས་རྡོ་རྗེ་སེམས་དཔའ་དེ་ལངས་ནས་སྐུ་ལ་སྦྲུལ་བཞིན་འཁྲིལ་ཏེ། མཛེས་པ་ཆེན་པོས་མཆོད་པ་བྱས། །ཕྱི་དབང་ཆེན་པོ་བདག་ལ་སྩོལ། །ནང་དབང་ཆེན་པོ་བདག་ལ་སྩོལ། །གསང་དབང་ཆེན་པོ་བདག་ལ་སྩོལ། །ཞེས་ཞུས་པ་དང་། སྤྱི་དཔལ་ཆེན་པོས་བཀའ་སྩལ་པ། །ཕྱི་དང་ནང་དང་གསང་བ་ཡི། །ང་ཡི་གསང་རྒྱུད་ཆེན་པོ་འདི། །ཕྱོགས་ ― DNG022_Page_0451 ―
[མ་དཔེ་གཟིགས་ན་འདིར་གནོན།]
བཅུ་སངས་རྒྱས་ཐམས་ཅད་ལ། །གསང་བ་འདི་ལས་མི་མངའ་བས། །གསང་བའི་གསང་ཆེན་གསང་བའི་གཏེར། །གསང་བ་མཆོག་གི་སྤྱོད་པ་འདི། །རྡོ་རྗེ་སེམས་དཔའ་ཁྱོད་ལ་གཏད། །འགྲོ་བ་ཀུན་ལ་སྙིང་བརྩེའི་ཕྱིར། །ང་ཡི་སྤྱོད་པ་མཐའ་དག་དང་། །ང་ཡི་བྱིན་རླབས་ཆེན་པོ་རྣམས། །རྡོ་རྗེ་སེམས་དཔའ་ཁྱོད་ཀྱིས་ཟུང་། །དེ་ནས་རྡོ་རྗེ་སེམས་དཔའ་ཁྱོད། །གསང་བ་ཀུན་གྱི་བྱེད་པ་པོ། །གསང་བའི་གསང་ཆེན་གསང་བའི་བདག །སྐུ་དང་གསུང་དང་ཐུགས་གསང་བའི། །གསང་བའི་དཔལ་དུ་དབང་བསྐུར་རོ། །སངས་རྒྱས་ཀུན་གྱི་དགོངས་པ་སྟེ། །རྣལ་འབྱོར་ཀུན་ལ་བདེ་སྦྱིན་པ། །རྡོ་རྗེ་སེམས་དཔའ་ཁྱོད་ཀྱིས་ཟུང་། །གྷུ་ཡ་མ་ཧཱ་རཱ་ཛ་ས་མ་ཡ་ཨ་ལ་ལ་ཧོ། ཞེས་གནང་བ་དང་། དེ་ནས་རྡོ་རྗེ་སེམས་དཔའ་དེས། རྒྱན་དང་ཆ་ལུགས་ཀུན་བཀྲོལ་ཏེ། །སྤྱི་དཔལ་མཆོག་ལ་མངོན་པར་གཏོར། །གསང་དབང་ཆེན་པོ་སྩོལ་བའི་ཕྱིར། །སྙིང་དང་སྙིང་གི་གྲོགས་མོ་དེ། །སྤྱི་དཔལ་མཆོག་ལ་ཡོན་དུ་འབུལ། །རྒྱན་དང་ཆ་ལུགས་མང་པོ་ཀུན། །གསང་དབང་གནང་ནས་ཡོན་དུ་བཞེས། །རྡོ་རྗེ་སེམས་དཔས་ཡང་གསོལ་པ། །ས་མ་ཡ་ཞེས་བགྱི་བ་གང་། །ས་མ་ཡ་ལ་དུ་ཞིག་མཆི། །ས་མ་ཡ་ཡི་དོན་རྣམས་གང་། །དེ་སྐད་ཞུས་པ་གསན་ནས་ཀྱང་། །ཉག་གཅིག་ཡབ་ཀྱིས་བཀའ་སྩལ་པ། །ས་མ་ཡ་ཞེས་བྱ་བ་ནི། །འདའ་བར་དཀའ་བའི་དམ་ཚིག་གོ། །དམ་ཚིག་གྲངས་ལ་བསམ་མི་ཁྱབ། །བསྡུ་ན་རྣམ་པ་གསུམ་ཡིན་ནོ། །རྡོ་རྗེ་སེམས་དཔས་ཡང་གསོལ་པ། །ས་མ་ཡ་ཞེས་བཀའ་སྩལ་པ། །ཇི་ལྟར་བདག་གིས་ནན་ཏན་བགྱི། །ཉག་གཅིག་ཡབ་ལ་བདག་ཉན་འཚལ། །དེ་སྐད་ཞུས་པ་གསན་ནས་ཀྱང་། །ཉག་གཅིག་ཡབ་ཀྱིས་བཀའ་སྩལ་པ། །སྟོན་པ་བདེ་གཤེགས་ཀུན་གྱི་དཔལ། །སྐུ་ཡི་ཕྱག་རྒྱ་མི་སྤང་ཞིང་། །བསྒོ་བའི་ཚིག་རྣམས་ཉན་པར་བྱ། །རྡོ་རྗེ་སྤུན་ལ་གདུང་བ་སྐྱེད། །འདི་ནི་ལུས་ཀྱི་ས་མ་ཡ། །བསྐྱེད་རྫོགས་ས་བོན་རྒྱུན་མི་གཅོད། །རྒྱལ་པོའི་ ― DNG022_Page_0452 ―
[མ་དཔེ་གཟིགས་ན་འདིར་གནོན།]
ཕྱག་རྒྱ་གསལ་བར་བསྒོམ། །འདི་ནི་ངག་གི་ས་མ་ཡ། །གསང་བའི་སྙིང་པོ་ངེས་པའི་དོན། །སྣོད་ངན་རྣམས་ལ་སྤེལ་བ་མིན། །འདི་ནི་ཙི་ཏྟའི་ས་མ་ཡ། །ག་ན་ཏ་ནའི་འབྲས་བུ་ལྔ། །སྤང་བར་མི་བྱ་སྤྱད་པ་ཡིན། །འདི་ནི་ཡན་ལག་ས་མ་ཡ། །དམིགས་མེད་སྤྱོད་པ་མཐའ་དག་ཀུན། །འགྲོ་དོན་རྫོགས་པའི་ས་མ་ཡ། །ས་མ་ཡ་ནི་རྡོ་རྗེ་ཆེ། །འདའ་བར་མི་མཛད་རྡོ་རྗེའི་དམ། །བཅོལ་བའི་ལས་རྣམས་བྱེད་པ་ཡིན། །མཁའ་འགྲོ་རྣམ་གསུམ་ས་མ་ཡ། །ཞེས་དཔལ་ཆེན་པོས་བཤད་དོ། །དེ་སྐད་བཀའ་སྩལ་པ་དང་། རྡོ་རྗེ་སེམས་དཔའ་དང་རིགས་ཀྱི་སངས་རྒྱས་རྣམས་ནི་གསང་བའི་བདག་པོར་གྱུར། འཁོར་མང་པོ་ནི་གཡུང་དྲུང་གི་དངོས་གྲུབ་ཐོབ་ནས། གསང་བ་དགྱེས་པའི་དམ་ཚིག་ཅན་དུ་གྱུར་ཏོ། །རྣལ་འབྱོར་གྱི་རྒྱུད་ལུང་ཆེན་པོ། ཀ་མ་ལ་དེ་བཱི་སིདྡྷི་མ་ཧཱ་ཏན་ཏྲ་ལས། བདུད་རྩི་ཆེན་པོའི་བཅའ་གཞི་དང་། ཏིང་ངེ་འཛིན་ཕུན་སུམ་ཚོགས་ པའི་བཅའ་གཞི། རིན་པོ་ཆེ་གཏེར་གྱི་ལེའུ་སྟེ་གསུམ་པའོ།། །།གནོད་འདུལ་ལྷ་ཡིས་ཡང་གསོལ་པ། །འཇིག་རྟེན་དབང་ཆེན་འདི་རྣམས་ཀུན། །བསྐུལ་བའི་ཆོ་ག་ཇི་ལྟར་ལགས། །མངོན་རྫོགས་ཡབ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །རྫོགས་སངས་རྒྱས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །ངས་གསུངས་པ་ལ་གདོན་མི་ཟ། །འཇིག་རྟེན་དབང་ཆེན་འདི་རྣམས་ཀུན། །འཇིག་རྟེན་འདིར་བསྐུལ་འདི་སྐད་དོ། །ཧཱུཾ་སྣང་སྲིད་ཐམས་ཅད་ཡུམ་གྱི་བྷ་གའི་ཀློང་། །དུས་གསུམ་བདེར་གཤེགས་འབྱུང་བ་ལྔ་ཡི་ངང་། །སྐྱེ་འགྲོ་མ་ལུས་འབྱུང་བ་ལྔ་ལ་རྫོགས། །འདས་དང་མ་བྱོན་འབྱུང་བ་ལྔ་ཡི་དབྱིངས། །འབྱུང་བ་ལྔ་ཉིད་ཡུམ་གྱི་བྷ་གའི་ཀློང་། །བདེ་ཆེན་ཡུམ་གྱི་ཀློང་ལ་ཕྱག་འཚལ་ལོ། །ཧཱུཾ་ཁམས་གསུམ་ཐམས་ཅད་ཡུམ་གྱི་བྷ་གའི་བརྒྱན་ཡང་ཀློང་། །སྣང་སྲིད་ཐམས་ཅད་འཁོར་ལོ་རྩིབས་བཞི་པོ། ། ― DNG022_Page_0453 ―
[མ་དཔེ་གཟིགས་ན་འདིར་གནོན།]
གྲུ་ཆད་སྒོ་བཞི་བྷ་གའི་ཚུལ་དུ་བརྒྱན། །འབྱུང་བ་ལྔ་ཡི་རྒྱལ་མོ་སྐུ་བསྐྱོད་ཅིག །ཧཱུཾ་འཁོར་ལོ་འབར་བའི་ལྟེ་དབུས་སུ། །ཡ་བདུད་བསྒྱེལ་བའི་གདན་སྟེངས་སུ། །ཡུམ་གྱི་རྒྱལ་མོ་སྤྱན་དྲངས་ཏེ། །བཞི་ཟུར་ཞབས་བརྒྱད་ཕྱོགས་མཚམས་གནོན། །མཁའ་བཞི་བདེ་ཀློང་གཅིག་ཏུ་འཁྱིལ། །མཁའ་ལ་དུས་བཞིའི་ཆ་སྙོམས་མ། །དབུ་གཅིག་ཞལ་ལྔ་སྲིད་པ་གསལ། །ཞལ་ནས་འབྱུང་བ་ལྔ་འཆར་མ། །ཕྱག་དྲུག་ཕྱག་རྒྱ་སྣ་ཚོགས་བསྣམས། །དང་པོ་རྡོ་རྗེ་དྲིལ་བུ་དང་། །བར་མ་དྲིལ་ཞགས་བྷནྡྷ་དམར། །ཐ་མ་བདུད་རྩི་གཡང་གཞི་ལྡན། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སྣ་ཚོགས་ཤིན་ཏུ་འབར། །འཁོར་ལོ་འབར་བའི་ལྟེ་བ་ལ། །ཚོགས་ཀྱི་གཙོ་མོར་གཤེགས་སུ་གསོལ། །ཧཱུཾ་ཤར་ཕྱོགས་འཁོར་ལོའི་རྩིབས་སྟེང་ན། །ས་བདག་བསྒྱེལ་བའི་གདན་སྟེངས་སུ། །ཤར་གྱི་མཁའ་འགྲོ་སེང་གེའི་གདོང་། །རྟག་པའི་རྒྱལ་མོ་རྣམ་སྣང་གསལ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་དཀར་པོ་ཤེལ་ལྟར་དཀར། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་རྡོ་རྗེ་བྷནྡྷ་འབར། །བར་མ་དགྲ་སྟྭ་གཏུན་ཤིང་བརྡེག །ཐ་མ་སེང་གེའི་མཆོག་ཆེན་སྙོད། །འབྱུང་བ་ས་ཡི་མངའ་བདག་མོ། །འགྲོ་བའི་རུས་ལ་མངའ་མཛད་མ། །རུས་པའི་བདག་མོར་གཤེགས་སུ་གསོལ། །ཧཱུཾ་བྱང་ཕྱོགས་འཁོར་ལོའི་རྩིབས་སྟེང་ན། །གནོད་སྦྱིན་བསྒྱེལ་བའི་གདན་སྟེངས་སུ། །བྱང་གི་མཁའ་འགྲོ་ཁྱུང་ཆེན་གདོང་། །རྟག་པའི་རྒྱལ་མོ་ཡང་གསལ་གཡོས། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་ལྗང་གུ་ཤིན་ཏུ་འབར། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་བྷནྡྷ་རྒྱ་གྲམ་བསྣམས། །བར་མ་དབྱུག་ཆེན་རྒྱུ་ཕྲེང་འདྲེན། །ཐ་མ་སྤྱང་མོའི་ཞིང་ཆུང་སྙོད། །འབྱུང་བ་རླུང་ལ་དབང་སྒྱུར་ཞིང་། །འགྲོ་བའི་དབུགས་ལ་མངའ་མཛད་མ། །དབུགས་ཀྱི་བདག་མོར་གཤེགས་སུ་གསོལ། །ཧཱུཾ་ནུབ་ཕྱོགས་འཁོར་ལོའི་རྩིབས་སྟེང་ན། །ཆུ་བདག་བསྒྱེལ་བའི་གདན་སྟེངས་སུ། །ནུབ་ཀྱི་མཁའ་འགྲོ་སུད་ཀའི་གདོང་། །རྟག་པའི་ ― DNG022_Page_0454 ―
[མ་དཔེ་གཟིགས་ན་འདིར་གནོན།]
རྒྱལ་མོ་གཉན་གསལ་མ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་དམར་པོ་དབང་གིས་མཛེས། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་པུད་ཀ་བྷན་དམར་འབར། །བར་པ་ཞགས་པ་ཏྲི་ཤཱུ་ལ་དྲིལ་བུ་ཡང་། །ཐ་མ་ཞིང་ཆུང་ཅེ་སྤྱང་སྙོད། །འབྱུང་བ་ཆུ་ལ་དབང་སྒྱུར་ཞིང་། །འགྲོ་བའི་ཁྲག་ལ་མངའ་མཛད་མ། །ཁྲག་གི་བདག་མོར་གཤེགས་སུ་གསོལ། །ཧཱུཾ་ལྷོ་ཕྱོགས་འཁོར་ལོའི་རྩིབས་སྟེང་ན། །གཤིན་རྗེ་བསྒྱེལ་བའི་གདན་སྟེངས་སུ། །ལྷོ་ཡི་མཁའ་འགྲོ་བན་གླང་གདོང་། །རྟག་པའི་རྒྱལ་མོ་འོད་གསལ་འབར། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སྔོན་པོ་བཻ་ཌཱུརྱ། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་རིན་ཆེན་བྷནྡྷ་དམར། །བར་མ་མེ་སྦལ་དབྱུག་ཏོ་བསྣམས། །ཐ་མ་སྟག་མོའི་ཞིང་ཆུང་སྙོད། །འབྱུང་བ་མེ་ལ་དབང་སྒྱུར་ཞིང་། །འགྲོ་བའི་དྲོད་ལ་མངའ་མཛད་མ། །དྲོད་ཀྱི་བདག་མོར་གཤེགས་སུ་གསོལ། །ཧཱུཾ་དཀྱིལ་འཁོར་འཁོར་ལོའི་ལྟེ་བ་ལ། །བརྒྱ་བྱིན་བསྒྱེལ་བའི་གདན་སྟེངས་སུ། །ནམ་མཁའི་མཁའ་འགྲོ་རྡོ་རྗེ་མཆུ། །རྟག་པའི་རྒྱལ་མོ་བཀྲག་གསལ་མཉམ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སེར་པོ་བཙོ་མ་གསོལ། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་འཁོར་ལོ་བྷནྡྷ་དམར། །བར་མ་རྒྱལ་མཚན་སྤུ་གྲི་བསྣམས། །ཐ་མ་འུག་པའི་ཞིང་ཆུང་སྙོད། །ནམ་མཁའ་སྟོང་ལ་དབང་སྒྱུར་ཞིང་། །འགྲོ་བའི་བཀྲག་ལ་མངའ་མཛད་མ། །བཀྲག་གི་བདག་མོར་གཤེགས་སུ་གསོལ། །ཀུན་ཀྱང་ཡེ་ཤེས་མཁའ་འགྲོ་མ། །མཆེ་བ་ཅན་ལ་གཙིགས་ཤིང་བཞད། །འཇིགས་ཚུལ་ཅན་ལ་སྙིང་རྗེར་ལྡན། །ཡེ་ཤེས་དྲུག་དང་ལྡན་པ་སྟེ། །ཕ་རོལ་ཕྱིན་པ་དེ་བཞིན་གཤེགས། །སེམས་ཅན་ཀུན་ལ་ཐུགས་བརྩེའི་ཕྱིར། །འགྲོ་ལ་ཕན་ཕྱིར་གཤེགས་སུ་གསོལ། །ད་ནི་མ་མོ་དབང་དུ་བསྡུ་བ་དང་བཀོལ་བའི་ཐབས་འཆད་དེ། ཉོན་ཅིག་གནོད་འདུལ་ལྷ་ཡི་གཙོ། ། ― DNG022_Page_0455 ―
[མ་དཔེ་གཟིགས་ན་འདིར་གནོན།]
གཙོ་མོ་ལ་སོགས་དྲུག་པོ་ནི། །བདག་ཉིད་ཆེན་པོར་བསྒོམ་པར་བྱ། །བཅུ་བཞི་མན་ཆད་གདན་དུ་གདིང་། །བདག་ཉིད་ཆེ་བར་བསྒོམ་པར་བྱའོ། །མ་ནི་དགྱེས་ཆེན་རྟག་པའི་མཁའ། །མོ་ནི་བདེ་ཆེན་ལོངས་སྤྱོད་རྫོགས། །མ་ནི་རྟག་ཆེན་གཡུང་དྲུང་མཁའ། །མོ་ནི་ཤེས་རབ་ཆགས་མེད་ཀློང་། །མ་ནི་སྐུ་གསུང་ཐུགས་ཀྱི་མཁའ། །མོ་ནི་ལུས་ངག་ཡིད་གསུམ་ཀློང་། །མ་ནི་རྒྱལ་བ་ཀུན་གྱི་མཁའ། །མོ་ནི་སྣང་སྲིད་ཀུན་གྱི་ཀློང་། །མ་ནི་སྐྱེ་བ་མེད་པའི་མཁའ། །མོ་ནི་འགག་པ་མེད་པའི་ཀློང་། །མ་ནི་ཐབས་མཆོག་འདོད་པའི་མཁའ། །མོ་ནི་ཤེས་རབ་ཆགས་མེད་ཀློང་། །མ་ནི་ནམ་མཁའི་དབྱིངས་ཉིད་མཁའ། །མོ་ནི་སེམས་ཀྱི་སེམས་ཉིད་ཀློང་། །མ་ནི་ཆོས་ཀྱི་དབྱིངས་ཉིད་མཁའ། །མོ་ནི་བྷ་གའི་དབྱིངས་ཉིད་ཀློང་། །མ་ནི་ཀུན་གཞི་བདེ་ཆེན་དབྱིངས། །མོ་ནི་རྣམ་ཤེས་ཧཱུཾ་ཆེན་འབར། །མཁའ་ཀློང་དབྱིངས་སུ་བདག་བསྒོམ་ཞིང་། །ཐིག་ལེ་ཆེན་པོར་ཀློང་བརྟན་ནས། །ལུས་ལ་མ་མོ་དབང་དུ་བསྡུ། །ཞེས་འབྱུང་སྟེ། དེ་ལ་མ་མོ་དབང་དུ་ཇི་ལྟར་བསྡུ་ན་ཚིག་དང་དོན་འདི་སྐད་དོ། །ཡེ་ཤེས་ཐིག་ལེ་ཆེན་པོ་ཡི། །གསང་ཆེན་བདེ་བའི་ལམ་མཆོག་དང་། །མན་ངག་རྫོགས་པའི་དཀྱིལ་འཁོར་ལ། །ཡང་གསང་མ་མོ་དྲུག་པོ་དེ། །ཆགས་པའི་གདན་དུ་གདིང་བར་བྱ། །འོད་ཆེན་ཁ་དོག་སྣ་ཚོགས་ཀྱིས། །སྲིད་པ་བདེ་འགྲོ་ཆེན་མོ་དང་། །ཉི་ཟླ་ཐོད་ཕྲེང་གདན་དུ་བཏིང་། །ཐིག་ལེ་ཆེན་པོའི་རྒྱན་བཞི་ཡིས། །ཁྲོས་པའི་དབང་ཆེན་བཞི་པོ་དག །ཆགས་པའི་གདན་དུ་གདིང་བར་བྱ། །སྲིད་པའི་དྭངས་མ་བརྒྱད་པོ་ལས། །སྦས་པའི་མ་མོ་བཞི་པོ་དང་། །ཐུགས་ཀྱི་དགྱེས་སྡེ་བཞི་རྣམས་དག །མངོན་སུམ་གདན་དུ་གདིང་བར་བྱ། །བདེ་ཆེན་གསང་བའི་དཀྱིལ་འཁོར་གྱིས། །སྲིད་པ་ཆགས་བྱེད་སྤུན་གཉིས་ནི། །མངོན་སུམ་གདན་དུ་གདིང་བར་བྱ། །སྲིད་པ་རང་ལུགས་གཉུག་མ་ཡིས། །ཨེ་ཀ་ཙ་ཏི་སྤུན་དྲུག་མནན། །ཆགས་པའི་དབང་ཆེན་དམར་པོ་ཡིས། །འདོད་ཁམས་གཙོ་མོ་སྤུན་གཉིས་ ― DNG022_Page_0456 ―
[མ་དཔེ་གཟིགས་ན་འདིར་གནོན།]
མནན། །སྲིད་པ་སྤྱི་ཡི་མདོ་སྡུད་ཀྱིས། །ནམ་མཁའ་རྒྱལ་མོ་སྤུན་གཉིས་མནན། །དབང་མོ་སྤྱི་ཡི་མདོ་གསལ་གྱིས། །སྲིན་མོ་ཆེན་མོ་བདུན་རྣམས་མནན། །གཡས་གཡོན་ཐབས་དང་ཤེས་རབ་ཀྱིས། །དམག་གི་རྒྱལ་མོ་སྤུན་བཞི་མནན། །སྲིད་པ་འཇུག་བྱེད་ཕྲ་མོ་ཡིས། །ཉི་ཤུ་རྩ་བརྒྱད་གན་རྐྱལ་མནན། །དེ་ལྟར་གདན་དུ་གདིང་བྱ་བ། །སྙིང་འདྲེན་ཕྱག་རྒྱ་བཅས་ནས་སུ། །དྲག་པོ་སྔགས་ཀྱིས་གནན་པར་བྱ། །ཧཱུཾ་མུཾ་ཁ་ལ་ཧ་ཧ་ཧ་ཧ་བྷ་ད་ནན་ཀྲོ་ཏཱི་ཤྭ་རཱི་ནན། སུརྱ་པདྨ་ཁ་རག་སྲིང་འགྲོ་ནན་ནན། མུ་ཏིང་ཤན་ཏིང་དུན་ཏྲི། དན་ཏྲི་ནན། ཏ་ཀེམ་ཏ་ཀེམ་ནི་ལ་ཏན་ཏྲ་ནན། མ་མ་ཀ་བྷྱོ་ཧཱུཾ་ནན། མ་མ་དུཥྚན་ནན། མ་མ་དུཥྚན་པདྨ་རཀྟ། པྲ་བི་ཤ་ནན་ཕཊ། ཞེས་བརྗོད་པ་ཡིས། སྟན་གྱི་རྒྱུ་རྣམས་བསྒྱེལ་ནས་ནི། །བདུད་རྩི་དམར་ཆེན་ཁར་བླུག་གོ། །ཨཱོཾ་བཛྲ་ཨ་མྲྀ་ཏ་ཨུ་ཊ། ཙིཏྟ་ནན། ཏྲ་ཏ་ཕཊ། དེ་ནི་སྲོག་འཕྲོག་པའི་ཐབས་ཡིན་ཏེ། གདན་གྱི་སྙིང་ཁྲག་ཞལ་དུ་རྔུབ། །ལྕེ་ཡི་སྟེང་དུ་གསལ་བར་བཞག །དེ་ནས་གདན་ནས་བཀྱེ་ནས་སུ། །སྒྲུབ་པའི་ལས་རྣམས་བྱེད་པར་བསྒོམ། །ཆེ་བའི་ང་རྒྱལ་འདི་སྐད་བསྐྱེད། །ཧཱུཾ་ང་ནི་ཁྲག་འཐུང་ཀུན་གྱི་རྗེ། །ང་ནི་མ་མོ་ཀུན་གྱི་ཡབ། །ང་ནི་སྲིད་གསུམ་སྙིང་རྗེའི་མཆོག །ང་ནི་མ་མོ་ཀུན་གྱི་རྗེ། །ཐམས་ཅད་ཀུན་གྱི་སྙིང་ཁྲག་བདག །ཁྱོད་ཀྱི་སྙིང་ཁྲག་ང་ལ་ཡོད། །ང་ཡི་ལས་བཅོལ་ཁྱོད་ཀྱིས་སྒྲུབས། །ཛཿཧཱུཾ་ཏི་མཾ་བྷྱོ་རཾ་མ་མ་བྷྱོ་མ་མ་བྷྱོ་རུ་ལུ་རུ་ལུ་རག་མོ་བྷྱོ། ཡེ་ཤེས་རྩལ་འཕང་ཐིག་ལེ་ཡི། །བསྒོམ་བྱའི་མ་མོ་བཅུ་གསུམ་ལ། །དྲུག་ཅུ་རྩ་བརྒྱད་དཀྱིལ་འཁོར་རྫོགས། །ཞེས་བྱུང་སྟེ། བདག་ཉིད་བླ་ན་མེད་པའི་ཏིང་ངེ་འཛིན་གསལ་བར་བྱས་ལ། སེམས་ལས་བསྐྱེད་པའི་མ་མོ་བཅུ་གསུམ་དང་། མ་མོ་དྲུག་ཅུ་རྩ་བརྒྱད་ཀྱི་སྲོག་གི་སྙིང་པོ་བསྡུས་ལ་འཁོར་དུ་བཞག་གོ། །དེ་ནས་རྣལ་འབྱོར་ཚོགས་ཀྱི་མཆོད་པ་གཞུང་བཞིན་བཤམས་ལ། སྣ་ལ་ཡེ་ཤེས་ལས་བསྐྱེད་པའི་མཁའ་འགྲོ་རྣམས་མཆོད། ཧཱུཾ་ཐིག་ལེ་ ― DNG022_Page_0457 ―
[མ་དཔེ་གཟིགས་ན་འདིར་གནོན།]
དབྱིངས་ལས་བསྐྱེད་པའི་ཁྲོ་རྒྱལ་ཡུམ། །ཡེ་ཤེས་ཐུགས་ལས་སྤྲུལ་ཏེ་ཁྲོ་མོའི་སྐུར་སྟོན་པ། །གཉིས་མེད་ཧ་ཧ་བཞད་ཅིང་རྔམ་པའི་ཧཱུཾ་སྒྲ་འབྱིན། །མཆེ་བ་དམར་པོ་གཙིགས་ནས་སྙིང་འདྲེན་རྐན་སྒྲ་ཅན། །སྐྱེ་ཤི་རྩ་བ་བཅད་ནས་བདེ་ཀློང་དབྱིངས་ལ་སྡུད། །སྐུ་དང་སྐུ་མདོག་ཁྲོ་མོར་བཞུགས་ཤིང་དབང་ཆེན་དཀྱིལ་འཁོར་རྫོགས། །ཕྱག་ནས་སྤྲུལ་པ་གཏོང་ཞིང་དུག་གསུམ་དབྱིངས་ལ་སྦྱོར། །མ་ཚོགས་འཁོར་དུ་བསྡུས་ནས་བྷ་གའི་མངའ་མཛད་མ། །དྲུག་ཅུ་རྩ་བརྒྱད་ཚོགས་ལ་ཡབ་ཀྱི་རྔམ་པའི་སྒྲ་ཕྱུང་ཞིང་། །ཧཱུཾ་སྲིད་གསུམ་འཁོར་ལོ་རྫོགས་པའི་ཐིག་ལེ་ལ། །དགྱེས་པའི་བཞད་སྒྲ་རོལ་པའི་ཚུལ་བཞིན་མཛད། །རྒྱུ་ལས་བསྐྱེད་པའི་བདུད་རྩི་ལྔ་པོ་འདི། །རྣམ་རྟོག་གཞོམ་ཕྱིར་སྐུ་ལ་ཐིམ་པར་མཛོད། །ཧཱུཾ་ཧ་ཧེ་མ་མ་བྷྱོ་རུ་ལུ་རུ་ལུ་ཧཱུཾ་རུ་ལུ་བྷྱོ་བྷྱོ་ཨ་ལ་ལ་ཨཱོཾ་ཧ་ཧོ། སྐུ་ལས་བསྐྱེད་ནས་བསྟོད་ནས་སུ། །འཁོར་གྱི་དྲུག་པོ་སྤྱན་དྲང་ངོ་། །ཧཱུཾ་མ་མོ་ཆེན་མོའི་དཀྱིལ་འཁོར་ནས། །ཀུན་འབྱུང་དཀྱིལ་འཁོར་མངའ་བདག་མོ། །བཞི་ཟུར་ཞབས་བརྒྱད་ཞལ་ལྔ་འབར། །མཁའ་བཞི་བདེ་ཀློང་དབྱིངས་ལ་གསལ། །མཁའ་ལ་སྲོག་གི་མངའ་མཛད་མ། །དཀྱིལ་འཁོར་གཙོ་མོར་བཞུགས་སུ་གསོལ། །ཧཱུཾ་མ་མོ་ཆེན་མོ་རྒྱུ་བདག་མོ། །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ཤར་གྱི་མཁའ་འགྲོ་མ། །ཧཱུཾ་མ་མོ་ཆེན་མོ་དབུགས་ཀྱི་བདག །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་བྱང་གི་མཁའ་འགྲོ་མ། །ཧཱུཾ་མ་མོ་ཆེན་མོ་རླན་བདག་མོ། །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ནུབ་ཀྱི་མཁའ་འགྲོ་མ། །ཧཱུཾ་མ་མོ་ཆེན་མོ་དྲོད་བདག་མོ། །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ལྷོ་ཡི་མཁའ་འགྲོ་མ། །ཧཱུཾ་མ་མོ་ཆེན་མོ་བཀྲག་གི་བདག །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ནམ་མཁའི་མཁའ་འགྲོ་མ། །ཡང་སྦས་དྲུག་གི་དཀྱིལ་འཁོར་ནས། །ཐུགས་དམ་ཆེན་པོ་རྗེས་དགོངས་ཏེ། །བཅོལ་བའི་ལས་རྣམས་འགྲུབ་པར་མཛོད། །དེ་ནས་བཅུ་བཞི་མན་ ― DNG022_Page_0458 ―
[མ་དཔེ་གཟིགས་ན་འདིར་གནོན།]
ཆད་དང་། །རང་ལུགས་རྒྱུད་བཞིན་བསྐུལ་བར་བྱ། །མ་མོ་དཀྱིལ་འཁོར་ཐམས་ཅད་དང་། དབང་བསྐུར་བ་དང་ཡང་གསང་ཐུགས་ཀྱི་ཚོགས་ཀྱི་ལེའུ་སྟེ་བཞི་པའོ།། །།དེ་ནས་མ་མོ་ཕྱག་རྒྱ་རྣམས། །འབྲུ་ལྔའི་དོན་དུ་ངས་བསྟན་གྱི། །ཉོན་ཅིག་གནོད་འདུལ་ལྷ་ཡི་གཙོ། །ཨ་ལ་ལ་ཧོ། ས་མ་ཡ་ཧཱུཾ་ཧ་ཧེ་སྟྭཾ། ལག་གི་འདུ་བྱེད་བསྒོམ་པ་ནི། །གཡས་གཡོན་ཐབས་དང་ཤེས་རབ་ལས། །རྡོ་རྗེ་གར་དུ་བསྒོམ་པ་ལས། །ཤེས་རབ་མཆོག་གི་སྙིང་གར་བསྟན། །སྦོམ་པོ་དབང་མོ་རྩེ་སྤྲད་དེ། །ཐབས་ཀྱི་ཕྱོགས་མཚམས་བསྐོར་བ་ལས། །མ་མོ་ཚོགས་ཀྱི་རྒྱལ་མོའི་རྒྱ། །རྡོ་རྗེ་སྡེར་མོ་དམ་བསྣོལ་ཏེ། །ཨཱོཾ་བསྒྲེང་སྤྱི་བོར་རྒྱ་བཅིངས་པ། །མ་མོ་རྡོ་རྗེ་རུས་པའི་རྒྱུ། །རྡོ་རྗེ་ཁུ་ཚུར་བཅངས་པ་ལས། །ཧཱུཾ་དང་ཧ་གཉིས་རྩེ་བསྡུས་ནས། །འབྲུ་གསུམ་བརྒྱང་ནས་གཤོག་པའི་ཚུལ། །ན་ར་ཧ་སར་བཟུང་བ་ནི། །མ་མོ་རྡོ་རྗེ་དབུགས་ཀྱི་རྒྱ། །རྡོ་རྗེ་ཁུ་ཚུར་བཅངས་པ་ལ། །ཨཱོཾ་དང་ཧ་གཉིས་རྒྱབ་བསྣོལ་འཁྱུད། །འབྲུ་གསུམ་རྩེ་སྤྲོད་སྐུ་གསུང་ཐུགས། །བཞད་པའི་ཐད་ཀར་བཟུང་བ་ནི། །མ་མོ་རྡོ་རྗེ་ཁྲག་གི་རྒྱ། །རྡོ་རྗེ་ཁུ་ཚུར་དམ་བཅིངས་ཏེ། །ཧ་གཉིས་རྩེ་སྤྲད་གྱེན་དུ་བསྒྲེང་། །ཨཱོཾ་གཉིས་རྩེ་སྤྲད་ཐད་ཀར་བརྐྱང་། །སྭ་གཉིས་རྩེ་སྤྲད་ཐུར་དུ་བརྐྱང་། །འབྲུ་གཉིས་སོ་སོར་དམ་བསྣོལ་ནས། །འགུ་ཡའི་ཐད་ཀར་བཟུང་བ་ནི། །མ་མོ་རྡོ་རྗེ་མེ་ཡི་རྒྱ། །རྡོ་རྗེ་ཁུ་ཚུར་བཅིངས་པ་ལས། །ཨོཾ་གཉིས་རྒྱབ་བསྣོལ་ལུ་གུ་རྒྱུད། །འབྲུ་གསུམ་སོ་སོར་རྩེ་མནན་ཏེ། །ཧཱུཾ་གཉིས་དྲག་ཏུ་གཡོབ་པ་ནི། །མ་མོ་རྡོ་རྗེ་བཀྲག་གི་རྒྱ། །རྡོ་རྗེ་ཐལ་མོ་བརྐྱང་བ་ཡི། །ཐབས་ཀྱི་ཨོཾ་དང་ཧ་གཉིས་ལས། །ཤེས་རབ་ཧཱུཾ་གིས་བསྟེན་པར་བྱ། །ཤེས་རབ་ཨཱོཾ་དང་ཧ་གཉིས་ལས། །ཐབས་ཀྱི་ཧཱུཾ་གིས་བསྟེན་པར་བྱ། །ཤེས་རབ་ཨཱོཾ་དང་ཧཱུཾ་བརྐྱང་བ། །ཐབས་ཀྱི་ཨཱོཾ་དང་སྭ་བཀན་ནས། །སེམས་ཀྱི་དཀྱིལ་འཁོར་མནན་བཀན་པ། །མ་མོ་ཡེ་ཤེས་མཁའ་འགྲོ་ཡི། །རྡོ་རྗེ་ཚོགས་ཆེན་རྫོགས་པ་ཡི། །ཕྱག་ ― DNG022_Page_0459 ―
[མ་དཔེ་གཟིགས་ན་འདིར་གནོན།]
རྒྱ་ཡིན་ཞེས་དཔའ་བོས་བཤད། །གནོད་འདུལ་ལྷ་ཡིས་ཡང་གསོལ་པ། །སེམས་ཉིད་འཇིག་རྟེན་ཟླ་བ་ཡི། །ཕྱག་རྒྱ་ཆེན་པོ་ཇི་ལྟར་ལགས། །དབང་ཕྱུག་གཙོ་ལ་བདག་ཉན་འཚལ། །རྫོགས་པའི་སངས་རྒྱས་བཀའ་སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །ཐིག་ལེ་ཆེན་པོའི་ཕྱག་རྒྱ་ནི། །རྡོ་རྗེ་ཁུ་ཚུར་ཁ་སྤྲད་དེ། །ཤེས་རབ་མཆོག་གི་ཕྱོགས་གནས་སུ། །ཨཱོཾ་ཨཾ་ཧ་གསུམ་རྩེ་སྤྲད་ནས། །རྣམ་པར་ཐར་པའི་སྒོ་གསུམ་རྒྱ། །ཐབས་མཆོག་སྤྱོད་པའི་ཕྱོགས་ནས་སུ། ཨཱོཾ་ཨཾ་ཧ་གསུམ་རྩེ་སྤྲད་པ། །སྐུ་གསུང་ཐུགས་ཀྱི་རྡོ་རྗེའི་རྒྱ། །ཐབས་ཀྱི་ཧཱུཾ་གི་སྒོ་གསུམ་ནི། །རང་རིག་ཡེ་ཤེས་ཕྱག་རྒྱ་ཡིན། །ཤེས་རབ་སྭ་ཡི་སྐུ་གསུང་ཐུགས། །ཐིག་ལེ་བྱང་ཆུབ་སེམས་ཀྱི་རྒྱ། །ཤེས་རབ་ཧཱུཾ་གི་རྩེ་མོ་རུ། །ཐབས་ཀྱི་སྭ་ཡི་སྦྱོར་མནན་ནས། །ཐབས་དང་ཤེས་རབ་ཕྱག་རྒྱ་ཞེས། །ཡང་དག་རྫོགས་ཀྱིས་ངེས་པར་བཤད། །ཐིག་ལེ་ཆེན་པོའི་རྒྱ་བཅིངས་ནས། །མ་ཧཱ་སུ་ཁར་བསྡམས་ནས་སུ། །བླ་ན་མེད་པར་གསལ་གྱུར་ན། །དུས་གསུམ་ཉེས་དམིགས་སེལ་བར་ངེས། །ངས་གསུངས་པ་ལ་ཐེ་ཚོམ་མེད། །དུས་གསུམ་མགོན་པོས་དེ་སྐད་བཤད། །དཀྱིལ་འཁོར་བསྒོམ་པ་དང་། སྐུ་མདོག་ཕྱག་ མཚན་བསྟན་པ་དང་། ཕྱག་རྒྱ་སྒྲུབ་པར་བསྟན་པའི་ལེའུ་སྟེ་ལྔ་པའོ།། །།གནོད་འདུལ་ལྷ་ཡིས་ཡང་གསོལ་པ། །འཇིག་རྟེན་འདི་ན་དབང་བགྱིད་པའི། །རིམ་པ་གང་དང་གང་ལགས་པ། །ཡང་དག་རྫོགས་ལ་བདག་ཉན་འཚལ། །ཡང་དག་བསྒྲུབ་པས་བཀའ་སྩལ་པ། །ཉོན་ཅིག་གཡུང་དྲུང་ལྷ་ཡི་གཙོ། །འདི་ལྟར་འཇིག་རྟེན་གང་བྱེད་པ། །ངས་བསྟན་པ་ལ་ཐེ་ཚོམ་མེད། །འབྱུང་བ་ལྔ་ལས་བསྐྱེད་པ་ནི་ཀུན་ཏུ་བཟང་མོ། དབང་བསྒྱུར་བ་ནི་བུ་མོ་སྤུན་ལྔ། ཆ་སྙོམ་མ་ནི་སྲིད་པ་བདེ་འགྲོ་མ། འབྱུང་བ་ལྔ་ཡི་ཉུལ་ལེན་མ་ནི་ཆགས་འཛིན་སྤུན་གཉིས་སོ། །དུས་བཞི་རྫོགས་པར་བྱེད་པ་ནི་ཀུན་ཏུ་བཟང་མོ། དུས་བཞི་ལ་དབང་བྱེད་པ་ནི་བུ་མོ་སྤུན་ ― DNG022_Page_0460 ―
[མ་དཔེ་གཟིགས་ན་འདིར་གནོན།]
ལྔ་དང་ཉི་ཟླ་ཐོད་ཕྲེང་ཅན་ནོ། །ཆ་སྙོམས་མ་ནི་ཁྲོས་པའི་དབང་མོ་ཆེན་མོ་བཞི་དང་ཐུགས་ཀྱི་དགྱེས་སྡེ་བཞིའོ། །དུས་བཞི་ཉུལ་ལེན་མ་ནི། ཕྱག་ཡ་བདུད་ཀྱི་ཆུང་མའོ། །མ་མོ་རང་རང་བཀོལ་ཐབས་ནི། ཡུམ་ཆེན་མོ་མཁའ་ལ་རྒྱུ་བའི་མ་མོ་གསུམ་དང་། དབྱིངས་ལས་ཤར་བའི་མ་མོ་གསུམ་དང་། ཡི་དམ་བསྒོམ་ལེགས་མ་དང་བདུན་འཁོལ་ལོ། །དེས་སྲིད་པ་བདེ་འགྲོ་མ་འཁོལ་ལོ། །དེས་རྡོ་རྗེ་ཉི་མ་ཁྲོས་པའི་དབང་མོ་ཆེ་འཁོལ་ལོ། །དེས་སྲིད་པ་ཆགས་བྱེད་མ་འཁོལ་ལོ། །དེས་ཨེ་ཀ་ཙ་ཏི་ལ་སོགས་པ་དང་མ་མོ་བདུན་འཁོལ་ལོ། །དེས་འདོད་ཁམས་ལྷ་ཡི་གཙོ་མོ་དང་། རྡོ་རྗེ་གར་གྱི་དབང་ཕྱུག་མ་གཉིས་འཁོལ་ལོ། །དེས་ནི་ནམ་མཁའི་རྒྱལ་མོ་དང་གླིང་བཞི་སྤྱི་ཕུད་གཉིས་འཁོལ་ལོ། །བུ་མོ་སྤུན་ལྔ་ནི་སྲིད་པ་ཐམས་ཅད་ལ་དབང་བྱེད་དེ། རྟག་པའི་རྒྱལ་མོ་བཀྲག་གསལ་མཉམ་གྱིས་ནི། ཉི་མ་ཐོད་ཕྲེང་ཅན་འཁོལ་ལོ། །དེས་ནི་སྲིད་པ་ཆ་སྙོམས་མ་འཁོལ་ལོ། །དེས་ནི་ས་བདག་པདྨ་ཐོད་ཕྲེང་མ་འཁོལ་ལོ། །དེས་ནི་ཨེ་ཀ་ཙ་ར་འདུལ་ལོ། །འདི་རྣམས་ནི་དབུས་ཀྱི་ཉུལ་ལེ་མ་སྟེ། ནམ་གྱི་གུང་ལ་རྒྱུའོ། །རྟག་པའི་རྒྱལ་པོ་རྣམ་སྣང་གསལ་གྱིས་ནི། ཁམས་གསུམ་ཁྲོས་པའི་དབང་མོ་ཆེ་འདུལ་ལོ། །དེས་ནི་དཀར་མོ་མིག་གཅིག་མ་འཁོལ་ལོ། །དེས་ནི་རྒྱན་གྱི་རྒྱལ་མོ་འཁོལ་ལོ། །དེས་ནི་གྲུ་འདེགས་མ་ཧ་ར་ཏིང་དཀར་མོ་འཁོལ་ལོ། །དེས་ནི་དམག་གི་རྒྱལ་མོ་མཆེ་བ་ཅན་འཁོལ་ལོ། །དེས་ནི་སྲིང་མོ་བཞི་སྟེ་གླིང་བཞི་སྤྱི་འགྲོ་མ་འཁོལ་ལོ། །དེ་རྣམས་ནི་ཤར་གྱི་ཉུལ་བྱེད་མ་སྟེ་སྲོད་ལ་རྒྱུག་གོ། །རྟག་པའི་རྒྱལ་མོ་འོད་གསལ་མས་ནི། སྲིད་པ་བདེ་སྦྱོར་ཁྲོས་པའི་དབང་མོ་ཆེ་འཁོལ་ལོ། །དེས་ནི་ཐུགས་ཀྱི་དགྱེས་སྡེ་ནག་མོ་རལ་པ་གཅིག་མ་འཁོལ་ལོ། །དེས་ནི་དབང་ཕྱུག་མ་འཁོལ་ལོ། །དེས་ནི་གྲུ་འདེགས་མདུན་ཏིང་ནག་མོ་འཁོལ་ལོ། །དེས་དམག་གི་རྒྱལ་མོ་ནག་མོ་གཡལ་མ་འཁོལ་ལོ། །དེས་སྲིང་མོ་ནག་མོ་མཁའ་ལ་ཁྱུང་ལྡིང་མ་འཁོལ་ལོ། །འདི་རྣམས་ནི་ལྷོའི་ ― DNG022_Page_0461 ―
[མ་དཔེ་གཟིགས་ན་འདིར་གནོན།]
ཉུལ་བྱེད་མ་སྟེ། ནམ་གྱི་དབྱིངས་ལ་རྒྱུག་གོ། །རྟག་པའི་རྒྱལ་མོ་གཉེན་གསལ་མས་ནི། རྡོ་རྗེ་ཉི་མ་ཁྲོས་པའི་དབང་མོ་ཆེ་འཁོལ་ལོ། །དེས་ཐུགས་ཀྱི་དགྱེས་སྡེ་མ་མོ་དབང་བསྒྱུར་མ་འཁོལ་ལོ། །དེས་བདག་ཉིད་མ་འཁོལ་ལོ། །དེས་གྲུ་འདེགས་མ་ཤན་ཏིང་དམར་མོ་འཁོལ་ལོ། །དེས་དམག་གི་རྒྱལ་མོ་དཀར་མོ་མཆུ་འཇིབ་མ་འཁོལ་ལོ། །དེས་སྲིང་མོ་དཀར་མོ་གཡག་ཐོད་འཁོལ་ལོ། །འདི་རྣམས་ནི་ནུབ་ཀྱི་ཉུལ་བྱེད་མ་སྟེ། ནམ་གུང་ལ་རྒྱུག་གོ། །རྟག་པའི་རྒྱལ་མོ་ཡང་གསལ་གཡོས་ཀྱིས་ནི། པདྨ་ཁྲག་འཐུང་ཁྲོས་པའི་དབང་མོ་ཆེ་འཁོལ་ལོ། །དེས་ཐུགས་ཀྱི་དགྱེས་སྡེ་སེར་མོ་ལས་མཁན་མ་འཁོལ་ལོ། །དེས་གཅིག་པུ་མ་འཁོལ་ལོ། །དེས་གྲུ་འདེགས་མ་གྲུབ་ཏིང་སེར་མོ་འཁོལ་ལོ། །དེས་དམག་གི་རྒྱལ་མོ་སེར་མོ་རྐང་ལྡག་མ་འཁོལ་ལོ། །དེས་སྲིང་མོ་ནག་མོ་སྡེར་ཆེན་མ་འཁོལ་ལོ། །འདི་རྣམས་ནི་བྱང་གི་རྒྱུག་བྱེད་མ་སྟེ། ནམ་གྱི་ཐོ་རངས་རྒྱུག་གོ། །ཡུམ་ཆེན་མོ་ནི་ཉིན་མཚན་མེད་པར་གཟིགས་ཏེ། ཕྱོགས་བཞི་མཚམས་བརྒྱད་ཀུན་ལ་མངའ་མཛད་དོ། །སྤྱི་དཔལ་ནི་ཡུམ་ཆེན་མོ་རྟག་པའི་རྒྱལ་མོ་ལྔ་ལ་སོགས་པའོ། །མ་མོར་གྲགས་པ་ཀུན་ལ་མངའ་མཛད་དོ། །རྟག་པའི་རྒྱལ་མོ་ལྔས་མ་མོ་ཆེན་མོ་བདུན་འདུལ་ལོ། །དེས་སྲིད་པ་བདེ་འགྲོ་མ་དང་ཉི་མ་ཐོད་ཕྲེང་ཅན་གཉིས་འདུལ་ལ། དེས་ཁྲོས་པའི་དབང་མོ་ཆེ་འདུལ་ལོ། །དེས་ཐུགས་ཀྱི་དགྱེས་སྡེ་མོ་བཞི་འདུལ་ལོ། །དེས་སྦས་པའི་མ་མོ་བཞི་འདུལ་ལོ། །དེས་སྲིད་པ་ཆགས་བྱེད་མ་དང་ཆ་སྙོམས་གཉིས་འདུལ། དེས་སྲིན་མོ་བདུན་འདུལ། དེས་ཨེ་ཀ་ཙ་ཏི་སྤུན་དྲུག་འདུལ། དེས་འདོད་ཁམས་ལྷ་མོའི་གཙོ་མོ་ནི་མཚན་སྤུན་བདུན་འདུལ། དེས་རྡོ་རྗེ་གར་གྱི་དབང་ཕྱུག་སྤུན་བདུན་འདུལ། །དེས་དམག་གི་རྒྱལ་མོ་སྤུན་བཞི་འདུལ། དེས་སྲིང་མོ་བཞི་འདུལ། དེ་ལྟར་ནང་འཁྲུག་ན་ཡང་། ཐ་མ་ནས་ནི་རིམ་བཞིན་ཏེ། །གཙོ་མོ་བཅོས་ན་ཀུན་ཀྱང་བདེ། །དམན་མོ་ལྔ་བཅུ་རྩ་ལྔ་སོ་སོའི་དབང་ཚད་དོ། །སེམས་ལས་ ― DNG022_Page_0462 ―
[མ་དཔེ་གཟིགས་ན་འདིར་གནོན།]
བསྐྱེད་པའི་མ་མོ་བཅུ་གསུམ་མནན་པ་དང་། དྲུག་ཅུ་རྩ་བརྒྱད་ཀྱི་ཚོགས་ཞེས་བྱའོ། །མ་མོ་སོ་སོའི་དབང་གི་རིམ་པ་སྟེ་ལེའུ་དྲུག་པའོ།། །།གནོད་འདུལ་ལྷ་ཡིས་ཡང་གསོལ་པ། །བཅུ་བཞི་ཞེས་བགྱི་རྗེ་དང་ཁོལ། །རབས་རྒྱུད་རྩ་བ་ཇི་ལྟར་ལགས། །འགུགས་དང་འདྲེན་པའི་སྔགས་རྣམས་གང་། །རྣལ་འབྱོར་མཆོག་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །རྣལ་འབྱོར་མཆོག་གིས་བཀའ་སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །བཅུ་བཞི་ལ་སོགས་རྗེ་ཁོལ་གྱི། །རབས་རྒྱུད་འགུགས་འདྲེན་སྔགས་རྣམས་ཀུན། །གཏན་ཚིགས་རྩ་བ་སྦས་པ་རྣམས། །གཏན་ཚིགས་རྩ་བ་གཏན་ལ་དབབ། །དེ་ལ་རི་རབ་གླིང་བཞི་ནི་གོང་དུ་ཆགས་པ་རང་ལུགས་སུ་ཡོད། ཉི་མ་དགུ་བརྒྱ་རྩ་གཅིག་དང་། ཟླ་བ་དགུ་བརྒྱ་རྩ་གཅིག་གི། ཉི་ཟླ་སྟོང་དང་རྩ་གཉིས་ཀྱིས། རི་རབ་ཀྱི་ཕྱི་རོལ་གང་ན་གནས་པའི་སྣང་སྲིད་ཐམས་ཅད་རིལ་ཚིགས་ནས་ཅི་ཡང་མི་སྣང་བ་ལས། རི་རབ་ཀྱི་ནང་རིང་ཐུང་དུ་དཔག་བསམ་གྱི་ཤིང་ཡོངས་འདུ་ས་བརྟོལ་ཞེས་བྱ་བ་ཡོད་པ་ལས། ཤིང་གི་རྩེ་མོ་རི་རབ་ཀྱི་བུམ་པའི་ནང་ན། ཡུམ་ཆེན་མོ་སྲིད་པ་བདེ་འགྲོ་ཁམས་གསུམ་ཡུམ་མཆོག་མ་ཞེས་བྱ་བ་སྐུ་མདོག་མཐིང་གར་བཞུགས་ཤིང་། དབུ་དང་ཕྱག་དང་སྤྱན་ཅིར་ཡང་སྟོན་པ། རིན་པོ་ཆེ་རྣམ་པ་སྣ་ཚོགས་ཀྱིས་བརྒྱན་པ་ཅན། སྦས་པའི་སྤྱན་གཉིས་ནས། གཡས་ནས་ནི་ཁྲག་གི་མཆི་མ། གཡོན་ནས་བདུད་རྩིའི་མཆི་མ། སྦས་པའི་ཞལ་ནས་འབྲས་བུ་རྣམ་པ་ལྔའི་བཅུད་འཛག་པ། སྦས་པའི་ཕྱག་གཉིས་ལ་གཡས་པས་སྲིད་པ་ཐམས་ཅད་ཀྱི་རྩེ་ནས་འཛིན་པ། གཡོན་པས་འོག་གི་རྡོ་རྗེའི་གདན་འཛིན་པ། སྦས་པའི་ཞབས་གཉིས་ཀྱིས། གཡས་པས་འཇིག་རྟེན་གྱི་དབང་པོ་ཆེ་ཐམས་ཅད་ཀྱི་སྙིང་བརྫིས་པ། གཡོན་པས་འཇིག་རྟེན་གྱི་དབང་མོ་ཆེ་ཐམས་ཅད་ཀྱི་སྙིང་རྩ་མནན་པ། གསང་བའི་མཁའ་གེ་སར་གྱི་དཀྱིལ་ནས། སྣང་ ― DNG022_Page_0463 ―
[མ་དཔེ་གཟིགས་ན་འདིར་གནོན།]
སྲིད་ཐམས་ཅད་ཀྱི་འཕེལ་འགྲིབ་མཛད་པ། ཡེ་ཤེས་ཀྱི་གནས་རང་ལས་ཤར་བ་ལས་མ་གཏོགས་པ་ཀུན་ནམ་མཁའི་གཏིང་ཁུང་དུ་སྡུད་པ། སྤྱི་བོའི་གཙུག་ན་ཁྲག་གི་རལ་པ་གཅིག་གིས། སྲིད་པའི་མ་མོ་ཐམས་ཅད་དབང་དུ་སྡུད་པ། རི་རབ་ཀྱི་རྩེ་བུམ་པའི་ནང་ན་བཞུགས་སོ། །དེའི་ཁོལ་མོ་སྲིད་པ་ཆགས་བྱེད་མ་དང་། སྲིད་པ་ཆ་སྙོམས་མ་གཉིས་ཤིང་གི་སྐེད་པར་གནས་སོ། །ཡུམ་ཆེན་མོ་འཁོལ་པོ་སྲིད་པ་ཞིག་འཛིན་དང་། སྲིད་པ་བྱན་བྱེད་གཉིས། ཤིང་གི་རྩ་བ་ན་གནས་ཏེ། རི་རབ་ཀྱི་ཕྱི་རོལ་ན་སྣང་ཞིང་སྲིད་པ་རིལ་ཚིགས་ནས་མི་སྣང་བ་ལ། སྲིད་པ་བདེ་འགྲོ་མས་ཉི་ཟླ་དབང་དུ་སྡུད་པའི་ཕྱིར་འབྱུང་བ་ལྔའི་དྲོད་ལས་སྤྲུལ་པའི་བུ་མོ་མདོག་དཀར་ལ་གཡུའི་རལ་པ་ཅན་དཔྲལ་བའི་དབྱེས་ན་མིག་ཟུར་གསུམ་པ་གཅིག་ཡོད་པ། ལྕགས་དང་ཟངས་ཀྱི་གྲི་ཞགས་ལ་སྙིང་བརྒྱུས་པའི་ཞགས་པ་འཕེན་པ་ཞིག་སྐྱེས་པས། དེས་ཉི་ཟླ་སྟོང་ཐོད་དང་ཕྲེང་བར་བཅིངས་ནས། ཉི་ཟླ་ཟུང་གཅིག་བཏང་བ་ལས། གཟོད་སྲིད་པ་ཆ་སྙོམས་མོ། །དེ་ནས་ཡུམ་བདེ་འགྲོ་མས་ཕྱི་རོལ་གྱི་སྣང་སྲིད་ཐམས་ཅད་ཕྱུང་ངོ་། །དེ་ནས་དཀར་མོ་ཉི་ཟླའི་ཐོད་ཕྲེང་ཅན་དེ་ང་ཉིད་ནི་གསང་བར་བཟུང་། རབ་ཏུ་གསང་ཞིང་སྦས་པ་ལས། མུ་སྟེགས་ཀཱ་ལ་ཆེན་པོ་ཞེས་བྱ་བ་རི་རབ་ཀྱི་འོག་རྒྱ་མཚོའི་གཏིང་ན་གནས་པས་མཐོང་སྟེ། བྱི་བའི་ལོ་ལ་ཡིད་ཀྱི་སྦྱོར་བ་གཅིག་བྱས་པ་ལས། གླང་གི་ལོ་ལ་བུ་མོ་སྤུན་བཞི་སྐྱེས་པ་དང་། ཁོལ་མོ་སྲིད་པ་ཆ་སྙོམས་མས་ལྟེ་བ་བཅད་དེ། བུ་མོ་སྤུན་བཞིའི་མིང་ཡང་མས་བཏགས་ཏེ། དབྱིངས་ཕྱུག་མ་དང་། རྒྱན་གྱི་རྒྱལ་མོ་དང་། བདག་ཉིད་མ་དང་། གཅིག་པུ་མ་དང་བཞིར་བཏགས་སོ། །མིང་ཡང་ཆེས་ཏེ་དེ་བཞིས་སྲིད་པ་ཕུང་པ་དང་འདྲ་བ་ལན་ཅིག་བྱས་སོ། །དེ་ནས་ང་ཉིད་ཡེ་ཤེས་སྤྲུལ་པ་དང་། །སྲིད་པ་བདེ་འགྲོ་རྣམ་གཉིས་ཀྱིས། །ཡིད་ཀྱི་སྤྲུལ་པ་བཀྱེ་ནས་སུ། །འཇིག་རྟེན་ཕུང་བྱེད་དེ་བཞི་ཡི། །མངལ་ལ་སོགས་པ་དབང་དུ་བསྡུས། །ཧཱུཾ་ལས་ ― DNG022_Page_0464 ―
[མ་དཔེ་གཟིགས་ན་འདིར་གནོན།]
སྤྲུལ་པའི་མ་མོ་བཞི། །དེ་བཞི་ལས་ཀྱིས་བསྐྱེད་བྱས་སོ། །དེ་བཞིའི་མ་སྲིད་པ་ཆགས་བྱེད་མས་བྱས་སོ། །ཕྱི་མོ་དང་མས་མིང་བཏགས་ཏེ། རྡོ་རྗེ་ཉི་མ་ཁྲོས་པའི་དབང་མོ་ཆེ་དང་། རྡོ་རྗེ་པདྨ་ཁྲག་འཐུང་ཁྲོས་པའི་དབང་མོ་ཆེ་དང་། སྲིད་པ་བདེ་སྦྱོར་ཁྲོས་པའི་དབང་མོ་ཆེ་དང་། རྡོ་རྗེ་ཁམས་གསུམ་ཚོགས་བྱེད་ཁྲོས་པའི་དབང་མོ་ཆེ་དང་བཞིར་བཏགས་སོ། །མིང་ལེགས་ནས་བུ་མོ་དེ་བཞི་ལས་མ་བཞི་དབང་དུ་བསྡུས་སོ། །དེ་ནས་སྲིད་པ་བདེ་བ་ལ་བཀོད་དོ། །སྤྲུལ་པའི་བུ་མོ་དེ་བཞི་དང་། །རིགས་ཀྱི་འབྱུང་བ་བཞི་པོ་རུ། །དཔག་བསམ་ཤིང་གི་ཡལ་ག་ལ། །འབྲུག་གི་ལོ་ལ་རྩེད་འཇོ་བ། །མུ་སྟེགས་ཀཱ་ལས་ཚོར་ནས་སུ། །སྡིག་ཆེན་དམོད་པའི་མཚོན་ཆ་ཡིས། །མཛའ་ནས་རྒྱུག་པ་ཁྱེད་ཅག་རྣམས། །ནལ་བུ་ལྟོ་རུ་ཆུད་ནས་སུ། །ངོ་ཚའི་བུ་ཡང་སྦེད་པར་ཤོག །ཅེས་དམོས་པ་དང་། དམོད་པ་སྡིགས་ཏེ། སྦྲུལ་གྱི་ལོ་ལ་བུ་མོ་སྤུན་བཞི་སྐྱེས་པ་དང་། ཡང་ཁོལ་མོ་སྲིད་པ་ཆགས་བྱེད་མས་ལྟེ་བ་བཅད་དོ། །དེ་ནས་མ་བཞི་ངོ་ཚ་ནས། རི་རབ་ཀྱི་ངོས་བཞིར་བསྐུངས་ཏེ་བཞག་པ་ལས། རྟའི་ལོ་ལ་བལྟ་བས་མི་བྲ་བའི་བུད་མེད་རྫུ་འཕྲུལ་ཆེ་ཞིང་མཚན་དང་ལྡན་པ་བཞི་དཔལ་ཆེན་པོས་གཟིགས་ནས། ཐུགས་ཀྱི་དགྱེས་སྡེ་གསང་བའི་ཡང་ཕྱི་མོར་བཟུང་ངོ་། །དཀར་མོ་མིག་གཅིག་དགྱེས་འདེབས་མ་དང་། ནག་མོ་རལ་ཆེན་རྨོངས་བྱེད་མ་དང་། དམར་མོ་དབང་སྒྱུར་ཟ་བྱེད་མ་དང་། སེར་མོ་ལས་མཁན་ཚེ་འཕེལ་མ། ཞེས་ཐུགས་ལས་མཚན་ཡང་བཏགས་སོ། །མ་མོ་བཅུ་བཞིའི་རབས་རྒྱུད་ཀྱི་ལེའུ་སྟེ་བདུན་པའོ།། །།དེ་ནས་དེ་རྣམས་ཀྱི་ཁོལ་མོ་སྲིད་པ་ཆགས་བྱེད་མ་དང་། ཁོལ་མོ་སྲིད་པ་ཞིག་འཛིན་གཉིས། ཁྱིའི་ལོ་ལ་དཔྱིད་ཟླ་ར་བའི་ཉ་ལ་ཁྱོ་ཤུག་ཏུ་འདུས་པ་དང་། ཕག་གི་ལོའི་དཔྱིད་ཟླ་ར་བའི་ཉ་ལ་བུ་ཁྱེའུ་གཅིག་སྐྱེས་ཏེ། ཇོ་མོ་ཉི་མ་ཐོད་ཕྲེང་གིས་སྐོས་རྗེ་དྲངས་དཀར་དུ་མིང་བཏགས་ཏེ། བློན་པོར་བསྐོས་སོ། །དེ་ནས་དྲང་དཀར་དང་སྲིད་པ་ཆ་སྙོམས་མ་སྲུ་མཚན་གཉིས་ ― DNG022_Page_0465 ―
[མ་དཔེ་གཟིགས་ན་འདིར་གནོན།]
ཁྱོ་ཤུག་ཏུ་འདུས་ཏེ། སྲིད་པ་ཆ་སྙོམས་སོ། །དེ་གཉིས་ལས་བུ་མོ་སྤུན་དྲུག་སྐྱེས་ཏེ། བཞི་ནི་ཁྲོས་པའི་དབང་མོ་ཆེ་བཞིའི་བློན་པོ་རྒྱལ་པོ་ཆེན་པོ་བཞིའི་ཆུང་མར་བླངས་ཏེ། རྗེ་མོས་རི་རབ་ཀྱི་གྲུ་བཞི་ནས་འདེགས་སུ་བཅུག་སྟེ། གྲུ་འདེགས་ཆེན་མོ་བཞིར་མིང་བཏགས་སོ། །བུ་མོ་ཆུང་སྤུན་གཉིས་ལ་གཅིག་ནི་སྲིད་པ་ཕྱ་མཁན་གྱིས་ཆུང་མར་བླངས་སོ། །ཇོ་མོ་ཉི་མ་ཐོད་ཕྲེང་གིས་ཧེ་རུ་ཀ་མིང་བཏགས་ནས། སྲིད་པའི་ཕྱ་བྱན་མོ་ཡང་མཁན་མོ་བྱེད་དུ་བཅུག་གོ། །དེའི་བུ་མོ་ཐ་ཆུང་ཨེ་ཀ་ཙ་ར་ནི། དབྱིངས་ཕྱུག་མ་སྤུན་བཞི་ཡི་འཁོར་ན་གནས་སོ། །དེ་ནས་རྒྱལ་པོ་ཆེན་པོ་བཞི་ལས་བུ་མོ་སྤུན་བཞི་སྐྱེས་ཏེ། དཀར་མོ་མཆེ་བ་ཅན། ནག་མོ་ཁ་ཡལ་མ། དམར་མོ་མཆུ་འཇིབ་མ། སེར་མོ་རྐང་ལྡག་མམ་བཞི་སྐྱེས་ཏེ། དེ་བཞི་ཐུགས་ཀྱི་དགྱེས་སྡེ་མོ་བཞིའི་ཁོལ་མོར་ཐོབ་སྟེ། དམག་གི་རྒྱལ་མོར་བསྐོས་སོ། །དེ་ནས་ཁྲོས་པའི་དབང་མོ་ཆེ་བཞིའི་ཁོལ་མོ་ཨེ་ཀ་ཙ་ཏི་ཤུགས་ནི་བློན་པོ། ལྷ་ཆེན་མོ་བདུན་གྱི་མ། སྲིང་མོ་ཆེན་མོ་བདུན་གྱིས་འཇིག་རྟེན་དུ་རབ་ཏུ་གནོད་པ་ལས། ཡུམ་ཆེན་མོ་ཐུགས་ལས་སྤྲུལ་པ། དབྱིངས་ལས་ཤར་བའི་མ་མོ་གསུམ་དང་། མཁའ་ལ་རྒྱུ་བའི་མ་མོ་གསུམ་དང་། གསང་བ་བསྡུས་པའི་མ་མོ་གཅིག་སྟེ་ཐུགས་ཀྱི་སྤྲུལ་པའི་མ་མོ་བདུན་གྱིས། སྲིན་མོ་བདུན་བཏུལ་ལོ། །དེ་ནས་གཙོ་མོ་བཅུ་བཞི་ལས། རྒྱན་གྱི་རྒྱལ་མོ་འོད་ཅན་སྤུན་བཞི་བྱ་བ་མངགས་ནས། བུ་མོས་མའི་དབང་ཕྲོགས་ཏེ། དབང་ཡང་མེད་མཐུ་ཡང་ཆུང་སྟེ། ཞེང་ན་ཤ་སྟག་བྱེད་དོ། །དེ་ནས་རྒྱན་གྱི་རྒྱལ་མོ་དང་། ཁོལ་བོ་ཕྱ་ཡ་བདུད་གཉིས། བྱི་བའི་ལོ་ལ་བྱི་བྱས་པའི་བུ། གླང་གི་ལོ་ལ་ཡར་ལ་ཤོད་ཀྱི་སྐྱེས་ཏོ་རེ་དང་། འདོད་པ་ཁམས་ཀྱི་གཙོ་མོ་གཉིས་མཚེ་མར་སྐྱེས་སོ། །དེ་ནས་ཡར་ལ་ཤོད་ཀྱི་སྐྱེས་ཏོ་རེ་དང་། ཇོ་མོ་ན་ཡང་ཇོ་མོ། སྲུ་མོ་ན་ཡང་སྲུ་མོ། བདག་ཉིད་མ་ཞེས་བྱ་བ་གཉིས། ཤིང་ན་བྱིས་ལེའི་རྩེ་མོར། རྟའི་ལོ་ལ་ཚེས་བཅོ་ལྔ་ལ་མཛའ་ན་རྒྱུག་སྟེ། ནང་པར་སོ་སོར་གྱེས་ནས་ཕྱིན་པས་སྲུ་མོའི་རྟིང་པ་ལ་ཁྲག་ཐིགས་གཅིག་འདུག་པ་མཐོང་ ― DNG022_Page_0466 ―
[མ་དཔེ་གཟིགས་ན་འདིར་གནོན།]
སྟེ། མི་གཙང་བའི་སེམས་སྐྱེས་ནས། མཆིལ་མ་གཅིག་བསྐྱུར་བ་དང་། ཁྲག་གི་སྟེང་དུ་སོང་སྟེ། ཁྲག་དང་མཆིལ་མ་འདྲེས་པས་བུ་ཚ་མིང་སྲིང་གཉིས་མཚེ་མར་སྐྱེས་ཏེ། ལུག་གི་ལོའི་ཚེས་བཅུ་བཞི་ལ་གནམ་གྱིད་ཁྱིལ་ང་དཀར་པོ་སྐྱེས། ཚེས་བཅོ་ལྔ་ལ་ས་བདག་པདྨ་ཕྲེང་སྐྱེས། དེ་ནས་ཡང་དབྱིངས་ཕྱུག་མ་དང་། ཡར་ལ་ཤོད་ཀྱི་སྐྱེས་ཏོ་རེ་དང་གཉིས་སྤྲེའུ་ལོ་ལ་བྱི་བགྱིས་པའི་བུ། བྱའི་ལོ་ལ་མིང་སྲིང་གཉིས་མཚེ་མར་སྐྱེས་ཏེ། མིང་པོ་ནི་ཤར་ཕྱོགས་ཀྱི་ཤེལ་སེང་གེ། སྲིང་མོ་ནི་པདྨ་གར་གྱི་དབང་ཕྱུག་མ་ཡིན་ནོ། །དེ་ནས་ཡ་བདུད་དང་། ཨེ་ཀ་ཙ་ཏི་ཁྱོ་ཤུག་གཉིས་ལས། བུ་མོ་སྤུན་གཉིས་སྐྱེས་ཏེ། ཆེ་བ་ནི་འཇིག་རྟེན་སྲིད་འདེགས་ཞེས་བྱ་བ་ནམ་མཁའི་རྒྱལ་མོའོ། །ཆུང་ངུ་ནི་གླིང་བཞི་སྤྱི་ཕུད་མ་ཞེས་བྱ་སྟེ། འཇིག་རྟེན་དབང་སྡུད་མའོ། །སྲིད་པ་ཆ་སྙོམས་མ་ནི་ཧེ་རུ་ཀ་སྣི་ར་ཞེས་བྱ། སྲིད་པ་ཆགས་བྱེད་མ་ནི་ལྷ་མོ་ཚོགས་ཀྱི་རྗེ་མོ་ཞེས་བྱ། ཨེ་ཀ་ཙ་ཏི་ནི་མི་ཡོངས་ཀྱི་བདག་མོ་ཆེ་ཞེས་བྱ། གྲུ་འདེགས་མ་ཆེན་མོ་བཞི་ནི། ཧར་ཏིང་དཀར་མོ་དང་། དུན་ཏིང་ནག་མོ་དང་། ཤན་ཏིང་དམར་མོ་དང་། གྲུབ་ཏིང་སེར་མོ་དང་བཞིའོ། །མ་མོའི་དཀྱིལ་འཁོར་ཆེན་མོ་བརྒྱད་ལ། ཡུམ་སྲིད་པ་བདེ་འགྲོ་མ་ནི། ཡོངས་སུ་རྫོགས་པ་གྲུབ་ལྡན་མཆོག་གི་དཀྱིལ་འཁོར་ཞེས་བྱའོ། །དཀར་མོ་མིག་གཅིག་མ་ནི་ཉི་ཟླ་སྟོང་གི་དཀྱིལ་འཁོར་ཞེས་བྱའོ། །ཁྲོས་པའི་དབང་མོ་ཆེ་བཞི་ནི། སྙིང་རྗེ་བྱམས་མའི་དཀྱིལ་འཁོར་རོ། །དཀར་མོ་མིག་གཅིག་མ་ལ་སོགས་པ་བཞི་ནི། གསང་བ་དགྱེས་པའི་དཀྱིལ་འཁོར་རོ། །དབྱིངས་ཕྱུག་མ་བཞི་ནི། །ཕུང་བྱེད་སྦས་པའི་དཀྱིལ་འཁོར་རོ། །ཡང་རྣམ་པ་གཅིག་ཏུ་ཡུམ་ཆེན་མོ་བཞི་དང་། ཉི་ཟླ་ཐོད་ཕྲེང་ཅན་ནི་ཡོངས་སུ་རྫོགས་པ་ཏིང་ངེ་འཛིན་གྱི་དཀྱིལ་འཁོར་ཏོ། །དཔལ་ཆེན་པོ་དང་གཉིས་སུ་མེད་དོ། །ཁྲོས་པའི་དབང་མོ་ཆེ་བཞི་ནི། སྐྱེ་འགྲོ་ཡོངས་སུ་སྐྱོད་པའི་དཀྱིལ་འཁོར་ཏེ། བདུད་རྩི་བུམ་པ་གང་དང་འདྲའོ། །ཐུགས་ཀྱི་དགྱེས་སྡེ་ཆེན་མོ་བཞི་ནི། གེ་སར་ཡོངས་ཀྱི་དཀྱིལ་འཁོར་ཞེས་བྱ་སྟེ། གསང་བའི་རོ་ཆགས་འཛིན་ཀུན་གྱི་བདག་མོ་ཡིན་ནོ། །དེ་རྣམས་ ― DNG022_Page_0467 ―
[མ་དཔེ་གཟིགས་ན་འདིར་གནོན།]
ཀྱི་ཁོལ་མོ་མ་ཚོགས་བརྒྱད་དེ། སྲིད་པ་ཆགས་བྱེད་མ་ནི། ཆགས་འཛིན་མའི་ཚོགས་སོ། །སྲིད་པ་ཆ་སྙོམས་མ་ནི། སྙོམས་བྱེད་ཆེན་མོའི་ཚོགས་སོ། །སྲིད་པ་གྲུ་འདེགས་མ་ནི་གླིང་བཞི་སྤྱི་འགྲོ་མའི་ཚོགས་སོ། །ཨེ་ཀ་ཙ་ཏི་ནི་ཕོ་ཉ་ཀུན་གྱི་ཚོགས་སོ། །དམག་གི་རྒྱལ་མོ་བཞི་ནི་དྲི་ཟ་ལ་སོགས་པ་རིགས་སོ་སོ་ཡོངས་ཀྱི་ཚོགས་སོ། །ཨེ་ཀ་ཙ་ཏི་དང་། འདོད་ཁམས་ལྷའི་གཙོ་མོ་ནི། བུད་མེད་ནག་མོའི་ཚོགས་སོ། །རྡོ་རྗེ་གར་གྱི་དབང་ཕྱུག་མ་དང་། རྡོ་རྗེ་གར་གྱི་དབང་ཕྱུག་མ་གཉིས་ནི། ཉུལ་བྱེད་ཆེན་མོའི་ཚོགས་སོ། །རིན་ཆེན་སྲིད་འདེགས་མ་དང་། གླིང་བཞི་སྤྱི་ཕུད་མ་གཉིས་ནི། སྨན་ཕྲན་ཀུན་གྱི་ཚོགས་སོ། །དེ་ལ་ཨེ་ཀ་ཙ་ཏིའི་ནུ་མོ་ཨེ་ཀ་ཙ་རས་བསམ་པས། ཇོ་མོའི་ནང་ན་ཡང་བདག་གི་ཇོ་མོ་གུད་སང་དབང་ཆུང་སྟེ་བདག་ཀྱང་ཁོལ་མོའི་ནང་ན་གུད་པར་དབང་ཆུང་བས། ངན་ཐབས་ཤིག་བྱའོ་སྙམ་པ་ལས། ཇོ་མོ་གཅིག་པུ་མས་བྱི་སྣ་བྱས་ཏེ། རྒྱ་མཚོའི་གཏིང་ནས་ཆུ་སྲིན་གྱི་རྒྱལ་པོ། ཀུམྦྷི་ར་མ་ཀ་ར་ཞེས་བྱ་བ་བཀུག་ནས། དུག་ཤིང་གདུག་པ་ཅན་ཅིག་གི་ཕག་ཏུ། སྟག་གི་ལོ་ལ་ཉལ་པོ་བྱེད་དུ་བཅུག་པའི་བུ། ཡོས་བུའི་ལོ་ལ་མིང་སྲིང་གཉིས་སྐྱེས་ཏེ། མིང་པོ་དཀར་པོ་མིག་གཅིག་པ་སྐྱེས། སྲིང་མོ་ནག་མོ་ཁྲག་འཛག་མ་སྐྱེས་ནས། ནད་གཏོང་བར་གྱུར་ཏོ། །དེ་ནས་མིང་པོས་མའི་གཟི་མདངས་ཕྲོགས། འཇིག་རྟེན་ཡོངས་ཀྱི་མཐུ་ཡང་རྐུ་བར་བྱེད་པ་ལས། སྲུ་མོ་ཨེ་ཀ་ཙ་ཏིས་ཚོར་ཏེ། ཇོ་མོ་ཁྲོས་པའི་དབང་མོ་ཆེ་བཞི་ལ་ཞུས་ནས། རྗེ་འབངས་ལྔས་བསྒྲལ་བ་ལས། ལུས་གཅིག་གི་ནང་ནས་ཙིཏྟ་བཅུ་ཕྱུང་བ་ལས། གཅིག་ནི་སྙིང་གི་བདག་མོ་ལ་ཕུལ་དགུ་ལས་གསུམ་རྒྱལ་ཐེའུ་ཁྲ་བོ་དང་ཏྲི་ཤ་ཁ་དང་། རྐན་ཐོབ་ཏོ་གསུམ་སྟེ་རྒྱལ་པོའི་སྲིད་ལ་གནོད། གསུམ་པས་བར་ཐེའུ་སྨུག་པོ་དང་། ལེགས་ཐེའུ་ཁྲ་བོ་དང་། ས་ཐེའུ་ནག་པོ་དང་གསུམ་གྱིས་མི་ཡོངས་ལ་གནོད་དོ། །གསུམ་ཕྱོགས་ཕྱོགས་སུ་གྱུར་ཏེ། བྲག་སྲིན་དང་། ཤིང་སྲིན་དང་། ཆུ་སྲིན་དང་གསུམ་དུ་གྱུར། དགུ་ཀའི་རྐང་པ་ཡ་རེ་བཅག་ནས། གནམ་ཁྱི་དཀར་པོ་ཁོལ་དུ་བཅུག་གོ། །དེ་ནས་འབྲུག་གི་ལོ་ལ། ཨེ་ཀ་ཙ་ར་མ་ ― DNG022_Page_0468 ―
[མ་དཔེ་གཟིགས་ན་འདིར་གནོན།]
མངལ་མི་བདེ་བས་མཉེར་བཙིར་བ་ལས། གདོང་སོག་པོ་ལ། མིག་ལོང་བ། ལུས་སྤྱང་ཀི་ལ་ཁོག་པ་ལ་སྙིང་གསུམ་ཡོད་པ་གཅིག་སྐྱེས་པ་ལས། འདི་ནི་སུ་ལ་ཡང་ཆ་མེད་པས་དགྲའི་སྙིང་འབྱིན་པ། བྱམས་པའི་ལན་ལྡོན་པར་འོངས་ཏེ། ལས་སུ་རུང་ངོ་སྙམ་ནས། དགའ་ཞིང་འདུག་པ་ལས། གཙོ་མོ་ཉི་མ་ཐོད་ཕྲེང་ཅན་གྱིས་ཚོར་ཏེ། སྙིང་གཉིས་ཁར་བཅུག་སྟེ། ཤེལ་གེ་ལ་ཁོལ་པོར་བྱིན་ཏེ་བཏང་ངོ་། །ཕོ་རྒྱུད་མོ་རྒྱུད་ཀྱི་གཏན་ཚིགས་ཏེ་ལེའུ་བརྒྱད་པའོ།། །། འགུགསཤིང་འདྲེན་པའི་སྔགས་རྣམས་ནི། །ཡང་དག་ཉིད་དུ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །ཨཱོཾ་ཀྲོ་ཏཱི་ཤྭ་རཱི་བྷ་ག་པདྨརྱ་ཧཱུཾ་ཧཱུཾ་ཕཊ། བཛྲ་ཤཱནྟིཾ་པདྨ་ཀ་རུ་ཏི་བྷྱོ། ཨཱོཾ་མུ་ཏྲི་ནི། ཨ་ཤན་ཏྲི་ནི། བ་ག་དུན་ཏྲི་ནི། ཁུ་མུན་དུན་ཏྲི་ནི། ཨཱོཾ་སཱུརྱ་བི་ཏོ་ཨ་ཏོ་ཡེ། བཛྲ་པདྨ་གྲིཌྷ་ཨ་ཏོ་ཡེ། བཛྲ་ཁ་རག་བི་ཏ་ཨ་ཏོ་ཡེ། བཛྲ་སྲིའི་གྲོ་བི་ཏོ་ཨ་ཏོ་ཡེ། ཨཱོཾ་བཛྲ་ཀེཾ་ཀེཾ། བཛྲ་ཏ་ཀེཾ། བཛྲ་ཏ་ཀེཾ། བཛྲ་ནི་ལ། བཛྲ་ནི་ལ། བཛྲ་ལན་ཏ། བཛྲ་ལན་ཏ། བཛྲ་ཟ་འགྲམ་མུ་རཾ་ཤྩ། ཨཱོཾ་བཛྲ་ཁ་རག་སྙིང་ཁ་རག་སྙིང་། ཏྲག་རགྴ། ཁ་མུན་མ་ཏྲག་རགྴ། ཏྲག་རགྴ་མུ་ཏྲ་བན། ཁ་མུན་པ་ཏྲ་བན། ཁ་མུན་པ་ཏྲ་པ་ཏྲ་རགྴ། པྲ་བན་པྲ་ཀ་ར་ཏིཥྛ་བྷྱོ། པྲ་བན་ཀ་ར་ཏི་བྷྱོ། པྲ་གི་ཝཾ་གི་ཤ་བྷྱོ། བྷྱོ་ཧཱུཾ་ཀ་རི་ཀ །བ་རོད་ད་རོད། ནི་ལ་ཆུ་རྣི་ཏ་ཁ་ཊྭཱཾ་ཀ་ད་ལ་ཙ་པ་ལ། པད་མ་ཙན་ད། མ་གུར་རག་ཏོ། དིཾ་སཾ་དཾ་སཾ། ཨེ་ཨ་རཱ་ལླི། ནུ་པི་རུ་ལུ་ཏུ་པི་རུ་ལུ་རུ་ལུ་བྷྱོ། ཏྲག་རགྴ། ཏྲག་རགྴ། ཨཱོཾ་ཨི་ཏིཾ་བྷྱོ། བི་ཏིཾ་བྷྱོ། མུན་ཏིང་བྷྱོ། ཨཱོཾ་བཛྲ་ཧ་ར་ཏེཾ་བྷྱོ། དུན་ཏིང་བྷྱོ། ཤན་ཏིང་བྷྱོ། གྲུབ་ཏིང་བྷྱོ། ཏེ་བཾ་ཏེ་ཐང་བྷྱོ། ཨ་པ་ར་གན་དྷ་བྷྱོ་བྷྱོ། ད་ལ་དུ་ན་བྷྱོ། དེ་ནི་མ་མ་ཡ་ས་བྷྱོ། ཉི་ཤུ་རྩ་བརྒྱད་གཞན་དང་སྦྱར། །དེས་ནི་མ་མོ་འགུགས་འདྲེན་འགྱུར། །དེ་སྐད་དཔའ་བོས་ཡང་དག་བཤད། །མ་མོ་གསང་སྔགས་ཀྱི་ལེའུ་སྟེ་དགུ་པའོ།། །།གཡུང་དྲུང་ལྷ་ཡིས་ཡང་གསོལ་པ། །སྲིད་པའི་དབང་ཆེན་འདི་རྣམས་ཀུན། །བསྙེན་བསྒྲུབ་བརྗོད་ན་ཇི་ལྟར་བགྱི། །མངོན་སངས་རྒྱས་ལ་བདག་ཉན་འཚལ། །དེ་སྐད་གསོལ་པ་གསན་ ― DNG022_Page_0469 ―
[མ་དཔེ་གཟིགས་ན་འདིར་གནོན།]
ནས་ཀྱང་། །ཡང་དག་རྫོགས་ཀྱིས་བཀའ་སྩལ་པ། །བསྙེན་བསྒྲུབ་བསྐུལ་བའི་ཚིག་རྣམས་ཀུན། །ངས་གསུང་བ་ལ་ཐེ་ཚོམ་མེད། །ཉོན་ཅིག་གཡུང་དྲུང་ཡང་དག་པ། །ཧཱུཾ་སྲིད་པ་བདེ་འགྲོ་ཁམས་གསུམ་ཀུན་གྱི་ཡུམ་མཆོག་སྟེ། །ཕྲ་མེན་རྒྱ་མཚོ་སྐུ་བསྐྱོད་ཅིག །རྣལ་འབྱོར་ཆེན་མོའི་སྐུ་སྤྲུལ་པ། །སྤྱན་གཉིས་ཁྲོས་པའི་ཚུལ་མངའ་ཞིང་། །ཞི་བའི་སྐུ་ལ་སྣང་སྲིད་གསལ། །སྤྲུལ་པའི་སྐུ་ལ་ཞབས་བརྒྱད་འབར། །དྲུག་ནི་རྒྱུ་དྲུག་སྒོ་ཡང་གཅོད། །གཅིག་ནི་ཀླུ་ཡི་ཁམས་སུ་འཆར། །གཅིག་ནི་བདུད་དང་མུ་སྟེགས་གནོན། །རྣམ་པར་ཤེས་པའི་ཡུལ་དྲུག་ལས། །སྤྱན་དྲུག་མངོན་པར་ཤར་བ་ནི། །སྤྱན་གསུམ་གྱེན་དུ་གཟིགས་པས་ནི། །རྣམ་པར་ཐར་པའི་སྒོ་འབྱེད་ཅིང་། །སེམས་ཅན་སྐྱེ་ཤིའི་ལམ་ཡང་སྟོན། །སྤྱན་གསུམ་ཐུར་དུ་གཟིགས་པ་ལས། །སྲིད་པ་གསུམ་ཆར་ཐལ་བར་རློག །དེ་ནས་སླར་ཡང་སྐྱེད་པར་བྱེད། །གཡས་ཀྱི་ཞལ་བཞད་ཐུགས་རྗེ་ཆེ། གཡོན་གྱི་ཞལ་བཞད་དབང་དུ་སྡུད། །དབུས་ཀྱི་ཞལ་བགྲད་དྲག་ཤུལ་ཆེ། །རྡོ་རྗེའི་མཆེ་བ་གཙིགས་པ་ཡིས། །སྲིད་པའི་འགྲན་ཟླ་ཆེམ་ཆེམ་གསོལ། །རྣལ་འབྱོར་གསང་བའི་བྷ་ག་ལས། །སྲིད་པ་གསུམ་ཆར་འཆང་བར་བྱེད། །ལྷ་ལ་སོགས་ཏེ་མཐའ་ཡས་མཆོག །བདུད་དང་གནོད་སྦྱིན་ལ་སོགས་ཏེ། །གཤིན་རྗེ་ཕོ་མོ་ཀུན་རྣམས་འདིར། །རྣལ་འབྱོར་སྐུ་ཡི་གཡས་ཕྱོགས་ན། །ལས་ཀྱི་མ་མོ་བཅུ་གསུམ་འཆར། །ཕོ་ཉ་ཕྱག་བརྙན་ཐབས་ཀྱིས་འགྱེད། །གཡོན་གྱི་ཕྱོགས་ནས་འཆར་བ་ནི། །རྣལ་འབྱོར་སྐུ་ཡི་སུམ་ཆ་ལས། །ངེས་པའི་མ་མོ་དགུ་སྦས་ཤིང་། །ཐམས་ཅད་ཀུན་ལ་ཆད་པར་བརྩོན། །ཡུམ་གྱི་ཞབས་ཀྱི་གཡས་ཕྱོགས་ནས། །འདོད་པའི་མ་མོ་བརྒྱད་མནན་ཏེ། །འཇིག་རྟེན་ཀུན་ལ་སྨན་པར་མཛད། །ཡུམ་གྱི་ཞབས་ཀྱི་གཡོན་ཕྱོགས་ནས། །བཀའ་སྡོད་ཉི་ཤུ་རྩ་བརྒྱད་མནན། །རྣལ་འབྱོར་ཀུན་གྱི་ལས་རྣམས་སྒྲུབ། །སྲིད་པའི་མ་མོ་ཐམས་ཅད་ཀུན། །རྣལ་འབྱོར་སྐུ་ཡི་ཁྱོན་དུ་རྫོགས། །མ་མོའི་ཐུགས་ཀྱི་ཐིག་ལེ་ལས། །རྡོ་རྗེ་ཁ་ཊྭཱཾ་གཞུ་བདུངས་ཞིང་། །ཤེས་རབ་ཡེ་ཤེས་མདེའུ་རྩེ་ལས། །སྤྲོས་པའི་ཐིག་ལེ་དགུ་ ― DNG022_Page_0470 ―
[མ་དཔེ་གཟིགས་ན་འདིར་གནོན།]
འཕེན་མ། །ངེས་པའི་བདེ་ཀློང་གཅིག་ཏུ་འཁྱིལ། །ཧེ་རཱུ་ཧཱུཾ་སྲས་འཁོར་དུ་བཞག །མཐིང་ནག་འབར་བའི་འཕྲོ་འདུ་ཡིས། །ཐམས་ཅད་འགྲོལ་ཞིང་དབང་དུ་སྡུད། །ཞི་བའི་སྐུ་ལ་ཐུགས་རྗེ་ཆེ། །ཡེ་ཤེས་སྤྲུལ་པའི་ཕྱག་དྲུག་ལས། །གཡས་ཀྱི་དང་པོ་འཁོར་ལོ་བསྐོར། །གསང་སྔགས་བཀའ་རྣམས་སྒྲོགས་པའི་དོན། །གཡོན་པ་རིན་ཆེན་སྲིད་དབང་སྡུད། །བསྐུར། སྲིད་པའི་འཇིག་རྟེན་གནས་ལ་འཕེན། །གཡས་ཀྱི་བར་པས་གཡང་གཞི་རྡེབ། །བདུད་དང་མུ་སྟེགས་རྡུལ་དུ་རློག །གཡོན་པས་བྷན་དྷ་དམར་བསྐྱིལ་ཅིང་། །བུད་མེད་མང་པོ་དབང་དུ་སྡུད། །གཡས་ཀྱི་ཐ་མ་ཚེ་འཛིན་ཅིང་། །རྣལ་འབྱོར་ཀུན་ལ་དངོས་གྲུབ་འབེབས། །གཡོན་པས་ལྕགས་ཀྱུ་དགུ་བསྣམས་ཤིང་། །དམ་ཉམས་ཀུན་དང་དགྲ་བགེགས་དང་། །བཀའ་ལས་འདའ་བའི་སྙིང་རྩ་འདྲེན། །སྤྱི་གཙུག་སྤྲུལ་པའི་འཕྲོ་འདུ་ཡིས། །སྟོང་གསུམ་འཇིག་རྟེན་བྷྱོ་བཟློག་མཛད། །བདག་ཅག་ཡེ་ཤེས་རྩལ་འཆང་གིས། །ངེས་པའི་དམ་འཆང་རྟོགས་པའི་མཐུས། །མན་ངག་ཐུགས་ཀྱི་རྒྱུད་བསྐུལ་པས། །སྐད་ཅིག་ཡུད་ཙམ་དབྱིངས་ནས་བཞེངས། །སྲིད་པ་གསུམ་དང་གླིང་བཞི་ཡང་། །ཐང་གཅིག་ཡུད་ལ་འཇིག་པར་མཛད། །ཁྱད་པར་ཡེ་ཤེས་ཉི་ཟླའི་སྤྱན། །གཡས་ཀྱི་སྤྱན་གྱིས་སྲིད་པ་གསལ། །གཡོན་གྱི་སྤྱན་གྱིས་སྦྱོར་བ་མཛད། །རྡོ་རྗེའི་སྨིན་མ་གཡེངས་པ་ཡི། །མུ་སྟེགས་ཡག་ཤིའི་སྙིང་ཡང་འདྲེན། །མ་མོ་ཁྱོད་ཀྱི་མཚན་ཉིད་ནི། །བྱང་ཆུབ་སེམས་མ་ཞེས་སུ་གྲགས། །ཡང་དག་གསང་བའི་མཚན་ཉིད་ནི། །སངས་རྒྱས་ཁྲོས་པའི་རྒྱལ་མོ་ལ། །བདེ་ཀློང་ཀུན་གྱི་གཙོ་ཞེས་གྲགས། །རྣལ་འབྱོར་གསང་བའི་དཀྱིལ་འཁོར་དུ། །གསང་བ་ཐབས་ཀྱི་འཕྲོ་འདུ་ཡིས། །ཡུམ་གྱི་ཐུགས་དམ་དེར་བསྐངས་ལ། །སྐུ་ནི་མི་བསྐྱོད་འདིར་བཞུགས་ལ། །འཁོར་གྱི་བློན་མོ་སྐུ་བསྐྱོད་ལ། །བཅོལ་བའི་ལས་རྣམས་འགྲུབ་པར་མཛོད། །ཅེས་ཚོགས་ལ་སྤྱན་དྲང་བ་ནི། མ་མོ་ཕྲ་མེན་རྒྱ་མཚོ་མའོ། །གསང་བའི་མཆོད་པ་དང་ ― DNG022_Page_0471 ―
[མ་དཔེ་གཟིགས་ན་འདིར་གནོན།]
ལྡན་པར་བྱས་ཏེ། བསྐུལ་བ་ནི། ཧཱུཾ་ལྷ་མོ་ཆེན་མོ་རྣལ་འབྱོར་མ། །ཀུན་གཞི་ཡོངས་ཀྱི་དབང་ཕྱུག་མ། །སྣང་སྲིད་ཀུན་ལ་དབང་སྒྱུར་ཞིང་། །སྐྱེ་འགྲོ་ཡོངས་ཀྱི་དབུགས་འཕྲོག་མ། །དུང་ཆེན་ཕྱག་ན་བསྣམས་ཤིང་འོ་དོད་ཆེན་པོས་འདེབས། །གཤིན་རྗེ་བྲན་དུ་འཁོལ་ཞིང་འཇིག་རྟེན་མེ་ཡིས་འགེངས། །འགྲོ་བའི་ཚེ་དཔལ་འཕྲོག་ཅིང་བོ་དྷི་ཙིཏྟའི་བདག །སྒྲོལ་བ་དོན་དུ་གཉེར་ཞིང་དབང་ཕྱུག་ཀུན་དང་སྦྱོར། །སྲིད་གསུམ་སྤྲུལ་པས་འགེངས་ཤིང་བདུད་དཔུང་རྡུལ་དུ་རློག །གཡང་གཞི་གོས་སུ་གོན་ནས་ཁ་ཊྭཱཾ་གཡབ་མོས་འབེབས། །སྐུ་མདོག་ཁྲོ་མོར་བཞུགས་ཤིང་ཁྲག་དང་ཞག་གིས་བརྒྱན། །སྤུ་གྲི་ཕྱག་ན་བསྣམས་ཤིང་ཀུན་གྱི་སྙིང་འབྱིན་མ། །ཞིང་ཆེན་གདན་ལ་བཞུགས་ཤིང་རྣལ་འབྱོར་གྲོགས་མཛད་མ། །མཱང་ས་ཟས་སུ་ཟ་ཞིང་ཙིཏྟའི་ཞགས་པ་འཕེན། །ཉི་ཟླ་ཐོད་དུ་བཅིངས་ནས་སྟོང་གསུམ་བདེ་ལ་བཀོད། །བདུད་ཀྱི་བུ་སྨད་འཁོལ་ཞིང་ང་རྒྱལ་དྲག་ཤུལ་ཆེ། །དུང་ཆེན་སྣོད་དུ་སྙིང་དང་ཁྲག་ཏུ་སྦྱར་བ་འདི། །ཁྱོད་ཀྱི་སྐུ་ལ་བསྡིམས་པས་བཅོལ་བའི་ལས་རྣམས་འགྲུབ་པར་མཛོད། །ཅེས་བྱ་བ་ནི་ཉི་ཟླ་ཐོད་ཕྲེང་ཅན་ནོ། །རྒྱུ་བསྒྲལ་བ་ཀུན་གྱི་ཙིཏྟའི་བདག་མོ་ཡང་ཡིན། ཐམས་ཅད་ཀུན་གྱི་སྙིང་ལ་ཡང་དབང་ངོ་། །ཧཱུཾ་རྣལ་འབྱོར་ཁྲོས་པའི་དབང་མོ་ཆེ། །ཉི་མ་སྟོང་གི་གཟི་མདངས་ཅན། །སྟོང་གསུམ་འཇིག་རྟེན་གཟི་འཕྲོག་མ། །སྲིད་པ་སྒྲོལ་མ་གཤེགས་སུ་གསོལ། །ཧཱུཾ་རྣལ་འབྱོར་ཁྲོས་པའི་དབང་མོ་ཆེ། །པདྨ་སྟོང་གིས་དབུ་བརྒྱན་ཅིང་། །གེ་སར་འབུམ་གྱི་ཁྲག་འཐུང་མ། །དབང་ཕྱུག་རྒྱལ་མོ་གཤེགས་སུ་གསོལ། །ཧཱུཾ་རྣལ་འབྱོར་ཁྲོས་པའི་དབང་མོ་ཆེ། །ཁམས་གསུམ་འཚོ་བྱེད་བདུད་རྩི་སྦྱོར། །འཇིག་རྟེན་སྨྲ་མཆོག་ཀུན་གྱི་གསོས། །བདུད་རྩིའི་རྒྱལ་མོ་གཤེགས་སུ་གསོལ། །ཧཱུཾ་རྣལ་འབྱོར་ཁྲོས་པའི་དབང་མོ་ཆེ། །བྷ་ག་ཡོངས་ལ་མངའ་མཛད་མ། །གནས་ལམ་ཐམས་ཅད་སྟོངས་མཛད་མ། །ཐར་པའི་ལམ་མཆོག་གཤེགས་སུ་གསོལ། །ཞེས་བརྗོད་དེ་རྣལ་འབྱོར་ཚོགས་ལ་མཆོད་པ་འབུལ་ ― DNG022_Page_0472 ―
[མ་དཔེ་གཟིགས་ན་འདིར་གནོན།]
པ་ནི་ཁྲོས་པའི་དབང་ཆེན་བཞིའོ། །བྷ་ག་འབུམ་ལ་མངའ་མཛད་མ། །དབྱིངས་ཕྱུག་རྒྱལ་མོ་གཤེགས་སུ་གསོལ། །འཇིག་རྟེན་ཡོངས་ཀྱི་རྒྱན་མཛད་མ། །རྒྱན་གྱི་རྒྱལ་མོ་གཤེགས་སུ་གསོལ། །བདག་ཉིད་ལྷག་ལྷག་བཞད་མཛད་མ། །བདག་ཉིད་ཆེན་མོ་གཤེགས་སུ་གསོལ། །སྟོང་གསུམ་འཇིག་རྟེན་རྒྱུག་འགྲོ་མ། །གཅིག་པུ་ཡུམ་མཆོག་གཤེགས་སུ་གསོལ། །ཞེས་བསྐུལ་པ་ནི་སྦས་པའི་མ་བཞིའོ། །ཧཱུཾ་རི་རབ་གླིང་བཞིའི་ཤར་ཕྱོགས་ནས། །ཤར་གྱི་དཀར་མོ་མིག་གཅིག་མ། །ན་བཟའ་བྱ་རྒོད་ཐུལ་པ་ལ། །གཡུ་ཡི་དྲིལ་བུ་འབུམ་གྱིས་བརྒྱན། །དུང་གི་ལན་ཚར་མཆེ་བ་ལ། །རིན་ཆེན་ཤེལ་གྱི་ཐོད་གདེངས་ཅན། །དཀར་མོ་སྒེག་མ་འབུམ་གྱིས་བསྐོར། །སྲིད་གསུམ་ཤར་ལ་མངའ་མཛད་མ། །འདིར་བྱོན་དམ་སྐོང་ཕྲིན་ལས་མཛོད། །ཧཱུཾ་རི་རབ་གླིང་བཞིའི་ལྷོ་ཕྱོགས་ནས། །ལྷོ་ཡི་ནག་མོ་མཆེ་བ་ཅན། །ན་བཟའ་གཡང་གཞི་གོ་བྲུ་ལ། །གསེར་གྱི་དྲིལ་བུ་འབུམ་གྱིས་བསྐོར། །ལྕགས་ཀྱི་ལན་ཚར་མཆེ་བ་ལ། །གསེར་གཡུ་སྤེལ་བའི་ཐོད་གདེངས་ཅན། །ནག་མོ་སྒེག་མ་འབུམ་གྱིས་བསྐོར། །སྲིད་གསུམ་ལྷོ་ལ་མངའ་མཛད་མ། །འདིར་བྱོན་དམ་སྐོང་ཕྲིན་ལས་མཛོད། །ཧཱུཾ་རི་རབ་གླིང་བཞིའི་ནུབ་ཕྱོགས་ནས། །ནུབ་ཀྱི་དམར་མོ་དབང་སྡུད་མ། །ན་བཟའ་ཆུ་སྲིན་གཡང་གཞི་ལ། །སྦྲུལ་ནག་འབུམ་གྱི་གདེངས་ཀ་ཅན། །གཡུ་ཡི་ལན་ཚར་མཆེ་བ་ལ། །བྱེ་རུ་དམར་པོའི་ཐོད་གདེངས་ཅན། །དམར་མོ་སྒེག་མ་འབུམ་གྱིས་བསྐོར། །སྲིད་གསུམ་ནུབ་ལ་མངའ་མཛད་མ། །འདིར་བྱོན་དམ་སྐོང་ཕྲིན་ལས་མཛོད། །ཧཱུཾ་རི་རབ་གླིང་བཞིའི་བྱང་ཕྱོགས་ནས། །བྱང་གི་སེར་མོ་ལས་མཁན་མ། །ན་བཟའ་རྨ་བྱའི་ཐུལ་པ་ལ། །མཐིང་གི་གོ་ཅོག་ཡ་བས་བསྐོར། །གསེར་གྱི་ལན་ཚར་མཆེ་བ་ལ། །ཐོད་སྐམ་འབར་བའི་ཐོད་གདེངས་ཅན། །ལྗང་ནག་སྒེག་མ་འབུམ་གྱིས་བསྐོར། །སྲིད་གསུམ་བྱང་ལ་མངའ་མཛད་མ། །འདིར་བྱོན་དམ་སྐོང་ཕྲིན་ལས་མཛོད། །གླིང་བཞི་རྒྱལ་མོ་གསང་བའི་གཟུངས། །ཐུ་བ་གཡས་པ་དམག་གིས་ ― DNG022_Page_0473 ―
[མ་དཔེ་གཟིགས་ན་འདིར་གནོན།]
བཀང་། །རྣལ་འབྱོར་ཀུན་གྱི་དགྲ་འདུལ་མ། །ཐུ་བ་གཡོན་པ་རིན་པོ་ཆེ། །སྒྲུབ་པ་པོ་ལ་རྟགས་འབྱིན་མ། །ཕྱག་མ་གཡས་ན་གཡང་གཞི་རྡེབ། །ཁམས་གསུམ་རྡུལ་དུ་བརླག་ནས་སུ། །བདུད་དང་མུ་སྟེགས་སྙིང་འབྱིན་མ། །ཕྱག་མ་གཡོན་ན་བྷནྡྷ་བསྐོར། །མ་མོ་ཐམས་ཅད་དབང་དུ་སྡུད། །རལ་པ་ཅན་གྱི་འཁོར་སྐྱོང་མ། །འདིར་བྱོན་དམ་སྐོང་ཕྲིན་ལས་མཛོད། །ཅེས་སྤྱན་དྲངས་ཤིང་འབྱོར་ཚོགས་ཀྱི་མཆོད་པ་འབུལ་ཞིང་། ལས་བསྒོ་ཞིང་བརྣག་པ་བཅོལ་བ་ནི་ཐུགས་ཀྱི་དགྱེས་སྡེ་གསང་བའི་ཡང་ཕྱི་མོ་བཞིའོ། །འདི་བཞི་ནི་ཅི་བཅོལ་བའི་ལས་ཡིད་བཞིན་དུ་འགྲུབ་ལ། ལྷུར་ཡང་ཚེ་དང་སྲིའུ་ལ་མཁས་ཤིང་དགྲ་ལ་འཇེབས་ཤིང་གསང་བའི་འཕྲལ་ལ་རྣོའོ། །དེ་ཡན་ཆད་ནི་མ་མོ་བཅུ་བཞི་བསྐུལ་བའི་ལེའུ་སྟེ་ བཅུ་པའོ།། །།ད་ནི་སྲིད་པའི་དམན་མོ་རྣམས་བསྐུལ་བར་བྱ་སྟེ། ཧཱུཾ་སྲིན་མོ་ཆེན་མོ་ཤམ་ཤམ་མོ། །ཨ་ཕྱི་ཆེན་མོ་མི་བཟད་མ། །གོས་སུ་ཞིང་ཆེན་ལྤགས་རློན་གོན། །མཐའ་མ་བྷནྡྷ་སྟོང་གིས་བསྐོར། །གཡས་ན་ཞིང་ཆེན་སོར་ཕྲེང་བགྲང་། །གཡོན་པས་མི་མགོའི་ཕོར་པ་རུ། །སྙིང་ཁྲག་སྙིང་ཚིལ་གཏུབ་ནས་སུ། །རང་གིས་རང་ལ་ཐིམ་པར་སྟོབ། །གཡང་གཞི་རུ་མཚོན་ཕྱར་ནས་སུ། །བདུད་དང་མུ་སྟེགས་ཐལ་བར་རླག །འཇིག་རྟེན་ཐམས་ཅད་སྒྲོལ་བར་བྱེད། །སྲིད་པ་གསུམ་གྱི་ཕུད་ཉུལ་ཞིང་། །དེ་ནས་གཙོ་མོ་དབྱིངས་སུ་མཆོད། །ལས་སུ་བཅོལ་ན་ཀུན་ཀྱང་འགྲུབ། །འདིར་བྱོན་དམ་སྐོང་ཕྲིན་ལས་མཛོད། །ཅེས་བསྐུལ་པ་ནི་ཨ་ཕྱི་ཆེན་མོ་སྟེ་སྲིད་པ་ཆགས་བྱེད་མའོ། །ཧཱུཾ་ཁྱིམ་བདག་ཆེན་མོའི་རྣལ་འབྱོར་མ། །རྣལ་འབྱོར་ཆེན་མོ་ཁང་བདག་མོ། །ཁྱིམ་བདག་ཆེན་མོ་ཐིག་ལེ་དགུ། །ཡེ་ཤེས་ངང་གིས་རོལ་པ་ལས། །ཕྱག་ན་རྩེ་གསུམ་འབར་བ་བསྣམས། །ཁྲག་འཐུང་ཡབ་ཡུམ་ཀུན་ལ་དབང་སྒྱུར་ཞིང་། །མཐུ་ཆེན་རྣལ་འབྱོར་ཀུན་ལ་གྲོགས་མཛད་མ། །དུང་ཆེན་ཁྲག་གིས་སྐུ་ལ་ཐིམ་པར་མཛོད། །ཁྱོད་ཀྱི་འཁོར་ནི་རབ་ཏུ་མི་བསྒྲུངས་ཏེ། །སྒྲ་སྙན་ཡིད་འཕྲོག་བྱེད་པའི་མ་མོ་ཁྱོད། །འདོད་པ་ལྔ་ལ་དད་ཅིང་མཐུ་ཆེན་ ― DNG022_Page_0474 ―
[མ་དཔེ་གཟིགས་ན་འདིར་གནོན།]
རབ་ཏུ་བསྐུལ། །ཁྲག་གིས་རླན་པར་འདོད་ཅིང་ཐམས་ཅད་དབང་དུ་སྡུད། །དྲག་ཤུལ་གཏུམ་མོ་རབ་ཏུ་སྡང་བྱེད་མ། །ཀུན་གྱི་ཡིད་ལ་གནས་ཤིང་རབ་ཏུ་མཐུ་ཆེན་བསྐུལ། །མེ་ཡི་བསྐལ་པ་སྟོང་ཞིང་སྙིང་རྗེའི་ལམ་ལ་སྦྱོར། །གསོད་པ་དོན་དུ་གཉེར་ཞིང་ཁྲོ་བོ་ཀུན་དང་སྦྱོར། །བདུད་ཀྱི་བུ་སྨད་འཁོར་ཞིང་ང་རྒྱལ་དྲག་ཤུལ་ཅན། །འོ་དོད་ཆེན་པོས་འདེབས་ཤིང་ཞལ་གདངས་མཆེ་བ་གཙིགས། །དགྲ་སྙིང་ཚལ་པར་འགེམས་པ་མ་མོ་ཁྱོད་ཀྱི་འཁོར། །དམ་ཚིག་དུས་ལ་བབ་ཀྱི་གཤེགས་སུ་གསོལ། །ཞེས་ལས་གཉེན་པོ་བཅོལ་བ་ནི་སྦས་པའི་མ་མོ་སྟེ་སྲིད་པ་ཆ་སྙོམས་མའོ། །ཧཱུཾ་རྣལ་འབྱོར་ཆེན་མོ་སྲིད་པའི་བདག །ཨེ་ཀ་ཙ་ཏི་རལ་གཅིག་མ། །མིག་གཅིག་མ་ལ་ཀར་ཤམ་མདོག །རང་ཆས་སྤྲིན་དཀར་གོ་ཟུ་ལ། །འཇའ་ཚོན་འབར་བའི་མཐའ་ཆགས་ཅན། །ལག་ན་ཁ་ཊྭཱཾ་ག་ཡི་མཚོན་ཐོགས་ཤིང་། །ཟ་འོག་ཞབས་མའི་དབུ་རྒྱན་ཅན། །བསྟན་པ་ཙམ་གྱིས་ཁམས་གསུམ་རྨོངས་བྱེད་མ། །བརྡབ་པ་ཙམ་གྱིས་ཐེའུ་རང་འགོང་པོའི་བླ་གཅོག་མ། །འདིར་བྱོན་དམ་སྐོང་ཕྲིན་ལས་གཉེན་པོ་མཛོད། །ཅེས་བྱ་བ་ནི་ཨེ་ཀ་ཙ་ཏི་མའོ། །ད་ནི་མ་མོ་བདུན་བསྐུལ་བར་བྱ་སྟེ། ཧཱུཾ་རྒྱལ་ཆེན་བདུན་གྱི་ཆུང་མ་སྟེ། །རྒྱ་མཚོ་ཆེན་པོའི་དཀྱིལ་འཁོར་ནས། །དཔལ་ལྡན་ཤུགས་སྒྲོལ་གཙོ་མོ་སྟེ། །ནག་མོ་ཆེན་མོ་རལ་པ་ཅན། །རི་རབ་སྙིལ་བའི་རྔམས་སྟབས་ཅན། །ཁ་ནས་མེ་འབར་རྒྱ་མཚོ་སྐེམ། །རྡོ་རྗེ་ཀུན་གྲགས་གཤེགས་སུ་གསོལ། །ཧཱུཾ་ཁྲོ་མོ་རྔམས་པའི་དཀྱིལ་འཁོར་ནས། །མཛེས་པའི་ཚུལ་གྱིས་འོད་འཕྲོ་མ། །འཇིག་རྟེན་འཆི་བདག་གཟི་འཕྲོག་མ། །ཀུན་ཏུ་བཟང་མོ་གཤེགས་སུ་གསོལ། །ཧཱུཾ་ཕྱག་རྒྱ་འབར་བའི་དཀྱིལ་འཁོར་ནས། །ནམ་མཁའ་སྟོང་ལ་དབང་སྒྱུར་ཞིང་། །བདུད་དཔུང་དྲེགས་སྙེམས་ཀུན་འདུལ་མ། །རྡོ་རྗེ་གྲགས་སྙེམས་གཤེགས་སུ་གསོལ། །ཧཱུཾ་དམ་ཚིག་ཆེན་མོའི་དཀྱིལ་འཁོར་ནས། །ཕོ་ཉ་མོ་སྟེ་དྲུག་ཅུའི་གཙོ། །ཤ་ཆེན་ཁྲག་ལ་ལོངས་སྤྱོད་ཅིང་། །གདུག་པ་མ་ལུས་ཀུན་འདུལ་བ། །རྡོ་རྗེ་ཆེན་མོ་ཡེ་ཤེས་མཆོག །དམ་ཚིག་ཚུལ་བཞིན་གཤེགས་སུ་གསོལ། །ཧཱུཾ་ཁྲག་གི་རྒྱ་མཚོའི་དཀྱིལ་འཁོར་ནས། །ཁྲོ་མོ་ ― DNG022_Page_0475 ―
[མ་དཔེ་གཟིགས་ན་འདིར་གནོན།]
གཏུམ་བྱེད་ཟ་བྱེད་མ། །རྡོ་རྗེ་དྲ་བའི་ཕྲེང་ཐོགས་ཤིང་། །བྱང་ཕྱོགས་རང་གི་འཁོར་འདུལ་མ། །རྡོ་རྗེ་འོད་ཚོགས་གཤེགས་སུ་གསོལ། །ཧཱུཾ། འོད་ཕུང་འཁྲིགས་པའི་དཀྱིལ་འཁོར་ནས། །ཞགས་པ་སྟོང་གི་གདེངས་ལྡན་ཞིང་། །འབྱུང་པོ་མ་ལུས་འཆིང་མཛད་མ། །རྡོ་རྗེ་གསལ་འཕྲོ་གཤེགས་སུ་གསོལ། །ཧཱུཾ་དབང་ཕྱུག་ཆེན་པོའི་དཀྱིལ་འཁོར་ནས། །ལྕགས་ཀྱུ་འབར་བའི་འཕྲོ་འདུ་ཅན། །དམ་ཚིག་ཉམས་རྣམས་སྒྲོལ་བྱེད་ཅིང་། །བཀའ་ལས་འདས་པའི་སྙིང་འབྱིན་མ། །རྡོ་རྗེ་གཡུ་སྒྲོན་གཤེགས་སུ་གསོལ། །ཞེས་བྱ་བ་ནི་མ་མོ་ཆེན་མོ་བདུན་ནོ། །ཧཱུཾ་ལྷ་མོ་ཆེན་མོ་རྣལ་འབྱོར་མ། །རིན་ཆེན་སྲིད་འདེགས་མཛེས་པའི་ཟ་མ་ཏོག །མདོག་བཟང་སྔོན་མོ་རལ་པ་ཅན། །རང་ཆས་མུ་ཏིག་གོ་ཟུ་ལ། །གསེར་དང་གཡུ་ཡི་ཕྲ་བཀྱེ་སྟེ། །མཐའ་མ་རིན་ཆེན་འབར་བས་བསྐོར། །གཡས་ན་གཡུ་ཡི་ཟ་མ་ཏོག །གཡོན་ན་དུང་གི་ཟོར་བ་བསྣམས། །ཁྱོད་ནི་སྲིད་པའི་མ་མོ་སྟེ། །ཚེ་གཡང་སྡུས་ཤིག་རིན་ཆེན་སྲིད་འདེགས་མ། །ཧཱུཾ་སྒྲུབ་པའི་མ་མོ་ཆེན་མོ་སྟེ། །བདུད་ཀྱི་ལྕམ་མོ་གཤིན་རྗེ་མ། །མདོག་བཟང་ནག་མོ་རལ་པ་ཅན། །རལ་པའི་ཟང་བུ་མུན་ནག་གཏིབས། །ལྕགས་ཀྱི་ལུས་ལ་ཟངས་ཀྱི་ཞབས་མ་ཅན། །རྫུ་འཕྲུལ་རྐང་པ་མཆོག་དང་ལྡན། །གཡས་པ་གཤིན་རྗེའི་ཁྲམ་བམ་བསྣམས། །གཡོན་པས་བདུད་ཀྱི་ཤོ་རྡེའུ་དཀར་ནག་འགྲེམས། །མཆན་ན་ནད་ཀྱི་རྐྱལ་པ་སྦེད། །ཁྱོད་ཀྱི་འཇིག་རྟེན་བྱོལ་བཟློག་མཁན། །ཁྲམ་ཁ་ཕྱིས་ལ་ཤོ་རྡེའུ་སྦོས། །ནད་ཁ་ཆིངས་ལ་དལ་ཁ་སྒྱུར། །ཧཱུཾ་རྣལ་འབྱོར་འཇིག་རྟེན་དབང་ཕྱུག་མ། །མདོག་བཟང་དཀར་མོ་རལ་པ་ཅན། །ཁྱོད་ནི་གླིང་བཞི་སྤྱི་འགྲོ་སྟེ། །རང་ཆས་དར་དཀར་གོ་ཟུ་ལ། །གཡུ་བྲན་འབར་བའི་མཐའ་ཆགས་ཅན། །གསེར་གྱི་གོང་ལེབ་འབར་བ་ལ། །གཡུ་ཡི་ཅོད་པན་འོད་འཕྲོ་མ། །རྫུ་འཕྲུལ་རྐང་པས་ཕྱོགས་བཅུར་ཕྱིན། །གཡས་ཀྱི་ལག་ན་ཐོགས་པ་ནི། །གསེར་གྱི་ལྕག་ཡུ་འབར་བ་ལ། །གཡུ་ཡི་ལྕག་འབྲས་འགྱུར་བ་བཏགས། །གནམ་ལ་བསྐོར་བས་བདུད་དཔུང་འཇོམས། །ས་ལ་བརྡབ་པས་དགྲ་བགེགས་སྒྲོལ། ། ― DNG022_Page_0476 ―
[མ་དཔེ་གཟིགས་ན་འདིར་གནོན།]
གཞན་གྱིས་རྦད་པར་མ་ཉན་པར། །བཅོལ་བའི་ལས་རྣམས་གྲུབ་པར་མཛོད། །ཅེས་ནང་གི་དམ་རྫས་དང་ལྡན་པར་བྱས་ལ་ལས་བཅོལ་ལོ། །ཧཱུཾ་རྡོ་རྗེ་གར་གྱི་དབང་ཕྱུག་མ། །དབུ་བརྒྱ་མ་ལ་སྤྱན་སྟོང་མ། །འཇིགས་ཚུལ་རྔམས་པའི་ཆ་བྱད་ཅན། །ཕྲིན་ལས་འབྱུང་པོ་ཀུན་འདུལ་མ། །རྡོ་རྗེ་སྒེག་ཆེན་གཤེགས་སུ་གསོལ། །ཧཱུཾ་པདྨ་གར་གྱི་དབང་ཕྱུག་མ། །ས་བདག་ཆེན་མོ་པདྨ་ཕྲེང་། །ལག་ན་ཐོད་པ་ཁྲག་གིས་བཀང་། །གྲོང་རྣམས་ཀུན་ལ་འཐོར་བྱེད་མ། །ས་བདག་ཆེན་མོ་གཤེགས་སུ་གསོལ། །ཞེས་ལས་བཅོལ་བ་ནི་རྡོ་རྗེ་གར་གྱི་དབང་ཕྱུག་མ་དང་པདྨ་གར་གྱི་དབང་ཕྱུག་མའོ། །ད་ནི་རྒྱལ་པོ་ཆེན་པོ་བཞི་ཡི་ཆུང་མ་དང་བུ་མོ་ཡང་བསྐུལ་བར་བྱ་སྟེ། ཧཱུཾ་རི་རབ་གླིང་བཞིའི་གྲུ་འདེགས་མ། །ཧར་ཏིང་དཀར་མོ་ཆེན་མོ་སྟེ། །བྱང་ཤར་མཚམས་ཀྱི་གྲུ་འདེགས་མ། །དུན་ཏིང་ནག་མོ་ཆེན་མོ་སྟེ། །ཤར་ལྷོ་མཚམས་ཀྱི་གྲུ་འདེགས་མ། །ཤན་ཏིང་དམར་མོ་ཆེན་མོ་སྟེ། །ལྷོ་ནུབ་མཚམས་ཀྱི་གྲུ་འདེགས་མ། །གྲུབ་ཏིང་སེར་མོ་ཆེན་མོ་སྟེ། །ནུབ་བྱང་མཚམས་ཀྱི་གྲུ་འདེགས་མ། །མཚན་ནི་གྲུ་འདེགས་ཆེན་མོ་སྟེ། །རྒྱལ་མཚན་གཟུངས་མས་ལས་མཛོད་ཅིག །ཧཱུཾ་དམག་གི་རྒྱལ་མོ་ཆེན་མོ་སྟེ། །ཤར་གྱི་དཀར་མོ་མཆེ་གཙིགས་མ། །ལྷོ་ཡི་ནག་མོ་ཁ་ཡལ་མ། །ནུབ་ཀྱི་དམར་མོ་མཆུ་འཇིབ་མ། །བྱང་གི་སེར་མོ་རྐང་ལྡག་མ། །རིགས་བཞིའི་དམག་དཔུང་འཁོར་གྱིས་བསྐོར། །དམག་གི་རྒྱལ་མོ་གཤེགས་སུ་གསོལ། །ཧཱུཾ་གླིང་བཞི་མགྱོགས་མ་ལྷ་ཡི་སྲིང་། །ཤར་གྱི་མགྱོགས་མ་གཤེགས་སུ་གསོལ། །མཁའ་ལ་ཁྱུང་ལྡིང་གཤིན་རྗེའི་སྲིང་། །ལྷོ་ཡི་མགྱོགས་མ་གཤེགས་སུ་གསོལ། །དཀར་མོ་གཡག་ཐོད་ཀླུ་ཡི་སྲིང་། །ནུབ་ཀྱི་མགྱོགས་མ་གཤེགས་སུ་གསོལ། །ནག་མོ་སྡེར་ཆེན་གནོད་སྦྱིན་སྲིང་། །བྱང་གི་མགྱོགས་མ་གཤེགས་སུ་གསོལ། །ཞེས་བྱ་བ་ནི་ལས་ཀྱི་སྲིང་མོ་བཞིའོ། །འདི་ཡན་ཆད་གྲུབ་པའི་རྣལ་འབྱོར་མ་རྣམས་ཀྱི་ལས་བྱང་དང་། བསྐུལ་ཚིག་གི་ལེའུ་སྟེ་ ― DNG022_Page_0477 ―
[མ་དཔེ་གཟིགས་ན་འདིར་གནོན།]
བཅུ་གཅིག་པའོ།། །།གཡུང་དྲུང་ལྷ་ཡིས་ཡང་གསོལ་པ། །འཇིག་རྟེན་དབང་ཆེན་ཇི་སྙེད་ཀུན། །སྲིད་པའི་མི་ལ་སྨན་སླད་དུ། །ཚུལ་བཞིན་སྒྲུབ་པ་ཇི་ལྟར་བགྱི། །རྫས་དང་མཐུན་པ་ཅི་ལ་བརྟེན། །རྟགས་དང་དུས་ཚིགས་ཇི་ལྟར་འབྱུང་། །རྫོགས་སངས་རྒྱས་ལ་བདག་ཉན་འཚལ། །རྫོགས་སངས་རྒྱས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །དབེན་པ་གཉན་ཞིང་ཉམས་དགའ་བར། །ཅི་འབྱོར་ཡོ་བྱད་གཞུང་སོགས་ལ། །པདྨའི་མཚན་དང་ལྡན་པ་ཡི། །རིགས་སུ་གྱུར་པའི་ཡུམ་གསུམ་ཡང་། །སྒྲུབ་པའི་དོན་དུ་གཞག་པར་བྱ། །རྫས་སུ་གྱུར་པའི་ཡོ་བྱད་དག །ཙིཏྟ་བཅུ་གཅིག་ཡང་དག་ལྡན། །བྷནྡྷ་ལྕང་ལོ་ལྡན་པ་རུ། །པདྨའི་རིགས་སུ་གྱུར་པ་ཡི། །མཚན་དང་ལྡན་པའི་རཀྟས་བཀང་། །ཚིལ་ཆེན་མར་མེ་ཁག་ལྔར་བཏང་། །གསུར་ཆེན་དུད་པ་རྒྱུན་མི་གཅད། །གསར་རྙིང་ཞིང་གི་གཤོག་པ་བཀྲམ། །ཅི་འབྱོར་ཡོ་བྱད་ཕུན་ཚོགས་ལ། །བདུན་གསུམ་ཚུལ་བཞིན་བསྒྲིམ་པར་བྱ། །རྒྱན་དང་ཆས་གོས་ལ་སོགས་པ། །ཤུན་ཆེན་རལ་ཀ་གཙོ་བོ་ལ། །སྲིད་པ་སྤྱི་བླུག་ཞྭ་བགོས་ཏེ། །རྩེ་ལྔ་འབར་བའི་ཕྱག་ཆ་བསྣམས། །ཕྲེང་བ་ཆེན་པོ་དེ་བཞིན་བགྲང་། །ཡུམ་ཡང་གཡང་གཞིའི་སླག་པ་ལ། །རྩེ་གསུམ་འབར་བའི་གཡབ་མོ་ཐོགས། །ཕྲེང་བ་ཆེན་པོ་གཙོ་དང་མཐུན། །དངོས་གྲུབ་ཞལ་བུ་རིན་ཆེན་རིགས། །དར་དཀར་ཁ་བཅད་དེ་བཞིན་བཞག །རྡོ་རྗེ་རིགས་ལྡན་རྟགས་སུ་གསོལ། །བདག་ཉིད་མན་ངག་ཧེ་རུ་ཀ །ཡུམ་ཡང་སྲིད་པ་བདེ་འགྲོ་མ། །གཉིས་སུ་མེད་པར་བསྒོམས་བྱས་ཏེ། །རཀྟ་ལ་ནི་སྲོག་སྙིང་དྲངས། །བཛྲ་ཤཱནྟིཾ་པདྨ་ག་རུ་ཏི་བྷྱོ། སྙིང་གི་དཀྱིལ་ནས་དྲངས་ནས་སུ། །མངོན་སུམ་འོང་བར་བསམ་པ་ནི། །སྐུ་མདོག་དཀར་མོ་ལ་ཉི་མ་ཟླ་བ་འབུམ་གྱིས་ཐོད་དང་ཕྲེང་བར་བྱས་པ། དཔྲལ་བའི་དབྱེས་ནས་མིག་ཟུར་གསུམ་པ་གཅིག་ཡོད་པ། གསང་བའི་ཕྱག་གཉིས་ཀྱིས་སྲིད་པའི་པདྨ་ཐམས་ཅད་ཀྱི་གེ་སར་བཟུང་བ། ལྕགས་དང་ཟངས་ཀྱི་དྲིལ་ཞགས་ལ་སྙིང་བརྒྱུས་པའི་ཕྲེང་བ་ཐོགས་པ། མིག་གཡས་ནས་ཁྲག་གི་མཆི་མ་ ― DNG022_Page_0478 ―
[མ་དཔེ་གཟིགས་ན་འདིར་གནོན།]
འཛག་པས། ཐམས་ཅད་དབང་དུ་སྡུད་པ། མིག་གཡོན་པ་ནས་བདུད་རྩིའི་ཆུ་མིག་འཛག་པས་སེམས་ཅན་ཐམས་ཅད་ཀྱི་གསོས་བྱེད་པ། མིག་དབུས་མ་ནས་རིན་པོ་ཆེ་རྣམ་པ་སྣ་ཚོགས་ཀྱི་རྫི་མ་འཐོར་བ། གཡུ་ཡི་རལ་པ་ཅན་ནོ། །བཟོད་པ་གསོལ་ཞིང་བསྟོད་དབྱངས་སྙན་པོས་བསྐུལ་པ་ནི། ཧཱུཾ་ཆེ་ཞེས་ཆེན་མོ་གསང་བའི་གཟུང་། །ཐིག་ལེ་སྦྱོར་བའི་ཡུམ་གཅིག་མ། །དཀར་མོ་ཉི་མའི་ཐོད་ཕྲེང་ཅན། །གྲུ་གསུམ་འབར་བའི་མིག་གཅིག་མ། །གཡུ་ཡི་རལ་པས་སྲིད་པ་སྒྲོལ། །ཆགས་པའི་ཕྱག་གིས་པདྨ་འཛིན། །རིན་ཆེན་མཆི་མ་སྐྱེ་འགྲོའི་གསོས། །ཙིཏྟའི་ཞགས་པས་མུ་སྟེགས་སྒྲོལ། །ཐིག་ལེ་གསང་བའི་ཡུམ་གཅིག་མ། །སྔོན་ཆད་སྦྱོར་མཛད་ཇི་བཞིན་དུ། །བདག་དང་གཉིས་སུ་མེད་པར་སྦྱོར། །ཞེས་བྱ་ཞིང་གསང་བའི་གཟུངས་མར་བྱའོ་ཞེས་དམ་བཅས་ན་ཞག་བདུན་ན་ཟླ་བ་གཅིག་ལྷུང་ངོ་། །བཅུ་བཞི་ན་ཉི་མ་གཅིག་ལྷུང་ངོ་། །ཞག་ཉི་ཤུ་རྩ་གཅིག་ལ་དངོས་གྲུབ་ཀྱི་བྷནྡྷར་སྙིང་གཏུབས་པ་དང་། རཀྟ་བསྲེས་པས་གང་འོང་ངོ་། །དེ་མིན་པ་གཞན་དག་ཀྱང་འོང་ངོ་། །ཅི་ལྟར་བྱུང་ཡང་མཚན་མ་སྤངས། ཉི་ཤུ་རྩ་གཅིག་ལ་སྐུ་མངོན་དུ་འོང་ངོ་། །དེར་བདག་ཉིད་ཏིང་ངེ་འཛིན་གསལ་བར་བྱས་ལ། གེ་སར་གྱི་རཀྟ་དབང་དུ་བསྡུས་ཏེ། སྦྱོར་བའི་ཕྱག་རྒྱ་བཅིངས་པ་དང་། ཟླ་གམ་འབུལ་ཞིང་སྦྱོར་བའི་ཚུལ་སྟོན་ཏོ། །བདག་ཆགས་པ་མ་སྐྱེས་པ་དང་། མོ་རྐང་དཀྲིས་བོར་ནས། མཛེས་པ་དང་ཆས་ཏེ་སྦྱོར་བ་འབུལ་ལོ། །དེར་མངོན་དུ་སྦྱར་ཏེ། གསང་བའི་སེམས་དང་དངོས་གྲུབ་ལྔར་འབྱུང་བ་རྣམས་བསྲེས་ལ། སྣ་ལ་བདག་ཉིད་མཆོད་པར་བྱ། དེ་ནས་སྒྲུབ་པའི་གྲོགས་མོ་ལ་སྦྱིན། དེ་ནས་མ་མོ་གཞན་ལའང་སྦྱིན། དེ་ནས་ཐ་ཚིག་དམ་བསྲེས་ཏེ་གསང་བའི་གཟུངས་མར་དམ་ལུང་སྩལ་ལོ། །དེ་ནས་ཕྲག་དོག་སྤང་བའི་ཕྱིར། །སྒྲུབ་ཟླ་གསུམ་ཆར་སྦྱར་ནས་སུ། །སྒྲུབ་ཟླ་སོ་སོའི་དམ་བསྲེའོ། །དེ་ནས་སླན་ཆད་ཅི་བྱ་ཡང་མི་འགལ་ཏེ། བསམ་དགུ་འོང་ངོ་། །གྲུབ་པའི་ཡོན་ཏན་ནི་མ་མོ་གཞན་ལྟ་ཅི་སྨོས་ཏེ། ཁྲོས་པའི་དབང་མོ་ཆེ་བཞི་དང་། ཐུགས་གསང་བའི་ཕྱི་མོ་ཡང་ ― DNG022_Page_0479 ―
[མ་དཔེ་གཟིགས་ན་འདིར་གནོན།]
སྲིང་གི་ཚུལ་དུ་ལས་བྱེད་བསྐུལ་ན་བྲན་བཞིན་དུ་བསྒོ་བ་ཉན་ནོ། །ཧེ་རུ་ཀ་སྣིས་སྐུ་མན་ཆད་བསྐྱེད་པ་ཙམ་གྱིས་འདར་ལྕུག་ལྕུག་རྒྱུག་ཏེ་འོང་ངོ་། །འཇིག་རྟེན་འདིའི་བསམ་པ་ནི་ཆེ་ཕྲ་ལ་མི་འགྲུབ་པ་མེད་དོ། །འདི་སྒྲུབ་པའི་དུས་སུ། དང་པོ་གཏོར་མ་རྣམ་གསུམ་གཏང་། བཤགས་སྦྱང་བྱ། ཚེ་རབས་ཀྱི་ལན་ཆགས་ལ་གཏོར་མ་གཏང་། དམ་བསྐང་བར་བགྱི། འདི་ནི་ཉི་ཟླ་ཐོད་ཕྲེང་ཅན་གྱི་སྒྲུབ་ཐབས་སོ། །སྲིད་པ་བདེ་འགྲོ་མའི་སྒྲུབ་ཐབས་ནི་མྱ་ངན་ལས་འདས་ཏེ། འགྲོ་བའི་དོན་ཐུགས་རྗེའི་འོད་ཀྱིས་མཛད་པས། བསྒོམ་པའི་མ་མོ་ཡིན་ནོ། །དབེན་ལ་གཉན་པའི་གནས་སུ་ནི། །རིགས་བཞིའི་ཡུམ་དང་ལྡན་བྱས་ཏེ། །ཡོ་བྱད་བཞི་ཡང་དེ་བཞིན་བཤམ། །གསར་པ་ཞིང་གི་མཆོག་མ་བཤམ། །རིགས་བཞིའི་བྷནྡྷ་ཡང་དག་ལྡན། །ཞིང་གི་དུད་པ་རྒྱུན་མི་གཅད། །མཆོག་གི་ཕུར་བུ་བཞི་ཡང་དྲིལ། །དུང་ཆེན་ཕྲེང་བ་ཡང་དག་བགྲང་། །སྟག་ལྤགས་གཡང་གཞི་གོས་སུ་གྱོན། །ཤུན་ཆེན་གཡང་གཞི་དེ་བཞིན་གསོལ། །རྒྱུ་མ་དྲིལ་བའི་ཞགས་པ་སྡོག །ཆུ་དང་མ་འདྲེས་དྭངས་མའི་ཁྲག །དམ་རྫས་རྣམ་པ་སྣ་ཚོགས་པའོ། །རྩེ་གསུམ་གཡབ་མོ་ཐོགས་ནས་སུ། །བསྒྲུབ་ཅིང་བརྟེན་པའི་ལྷ་མོའོ། །རྡོ་རྗེ་ཉི་མ་ཁྲོས་པའི་དབང་མོ་ཆེ་ནི། རྡོ་རྗེའི་རིགས་ལ་དབང་བྱེད་མ། སྐུ་མདོག་དཀར་མོ་ལ་གཡུའི་རལ་པ་ཅན། སྤྱན་གསུམ་རྡོ་རྗེའི་མཆེ་བ་གཙིགས་པ། གསང་བའི་མཁའ་ལ་རྡོ་རྗེའི་ག་འུར་འཁྱིལ་པ། མ་ཆགས་པའི་སྦྱོར་བས་སྲིད་པ་འཁྱུད་པ། ཕྱག་གཡས་ན་རྡོ་རྗེ་རྩེ་གསུམ་བསྣམས་པ། གཡོན་པ་ན་ཞིང་གི་གཡབ་མོ་བསྣམས་ཤིང་། བདུད་དང་མུ་སྟེགས་དབང་དུ་སྡུད་པ། མ་རྒྱན་གྱི་རྒྱལ་མོ་ལ་ཁྲོས་པའི་ཚུལ་སྟོན་ཅིང་སྦྱོར་བའི་མདངས་ཅན་ནོ། །རྡོ་རྗེ་ཁམས་གསུམ་ཁྲོས་པའི་དབང་མོ་ཆེ་ནི། རིན་ཆེན་རིགས་ཀྱི་དབང་མོ་ཆེ་སྟེ། སྐུ་མདོག་སྔོན་མོ་ལ། ནོར་བུ་རིན་པོ་ཆེའི་རལ་པ་ཅན། སྤྱན་གསུམ་རིན་པོ་ཆེའི་མཆེ་བ་གཙིགས་པས། འོད་ཟེར་སྔོན་པོ་ཕྱོགས་བཅུར་འཕྲོ་བ། གསང་བའི་མཁའ་རིན་པོ་ཆེའི་ག་འུར་ ― DNG022_Page_0480 ―
[མ་དཔེ་གཟིགས་ན་འདིར་གནོན།]
བསྐྱིལ་བ། རྒྱུ་མ་བསྒྲིལ་བའི་ཞགས་པ་འཕེན་པས། བདུད་དང་མུ་སྟེགས་འཆིང་བ། མ་དབྱིངས་ཕྱུག་མ་ལ་འཁྲོས་པའི་ཚུལ་སྟོན་ཅིང་སྦྱོར་བའི་མདངས་ཅན་དེ། རིན་པོ་ཆེ་རིགས་ཀྱི་བདག་མོ་ཡིན་ནོ། །རྡོ་རྗེ་པདྨ་ཁྲོས་པའི་དབང་མོ་ཆེ་ནི། པདྨ་རིགས་ཀྱི་དབང་མོ་ཆེ་སྟེ། སྐུ་མདོག་དམར་མོ་བསེའི་ལན་ཕྲན་ཅན། སྤྱན་གསུམ་བྱེ་རུའི་མཆེ་བ་གཙིགས་པ། གསང་བའི་མཁའ་བྱ་རུའི་ག་འུར་བསྐྱིལ་བ། འོད་ཟེར་དམར་པོས་ནུབ་ཕྱོགས་དབང་དུ་སྡུད་པ། ཁྲག་གི་དྭངས་མ་འཐོར་ཞིང་བདུད་དང་མུ་སྟེགས་ཀྱི་སྙིང་འབྱིན་པ། གཉིས་སུ་མེད་པའི་སྦྱོར་བས་སྲིད་པ་ལ་འཁྱུད་པ། མ་བདག་ཉིད་མ་ལ་ཁྲོས་པའི་ཚུལ་སྟོན་ཅིང་སྦྱོར་བའི་མདངས་ཅན་ནོ། །རྡོ་རྗེ་སྲིད་པའི་བདེ་སྦྱོར་ཁྲོས་པའི་དབང་མོ་ཆེ་ནི། ལས་ཀྱི་རིགས་ཀྱི་དབང་མོ་ཆེ་སྟེ། སྐུ་མདོག་ལྗང་གུ་ལ་རྡོ་རྗེ་དྲིལ་བུའི་རལ་པ་ཅན། སྤྱན་གསུམ་རྡོ་རྗེ་རྒྱ་གྲམ་གྱི་མཆེ་བ་ཅན། འོད་ཟེར་ལྗང་གུས་བྱང་ཕྱོགས་དབང་དུ་སྡུད་པ། ལག་པ་ན་གཡང་གཞི་རྡེབ་པས། བདུད་དང་མུ་སྟེགས་ཀྱི་མགོ་གཅོད་པ། གསང་བའི་མཁའ་བསེའི་ག་འུར་བསྐྱིལ་བ། གྲུབ་པའི་སྦྱོར་བས་ཁམས་གསུམ་དབང་དུ་སྡུད་པ། མ་གཅིག་མ་ལ་ཁྲོས་པའི་ཚུལ་སྟོན་ཅིང་སྦྱོར་བའི་མདངས་ཅན་ནོ། །བཟོད་པ་གསོལ་ཞིང་དབྱངས་སྙན་པོས་བསྐུལ་བ་ནི། ཧཱུཾ་ཆེ་ཞེས་ཁྲོས་པའི་དབང་མོ་ཆེ། །སྐུ་མདོག་དཀར་མོ་གཡུ་ཡི་རལ་པ་ཅན། །སྤྱན་གསུམ་རྡོ་རྗེའི་མཆེ་བ་གཙིགས། །ཞིང་གི་གཡབ་མོས་མུ་སྟེགས་སྒྲོལ། །ཤེལ་གྱི་ག་འུར་གནས་རིགས་འཆའ། །གཉིས་མེད་སྦྱོར་བས་ཁམས་གསུམ་འཁྱུད། །སྦྱོར་བའི་མདངས་ཀྱིས་ཀུན་ལ་ཁྱབ། །ཡུམ་ལ་ཁྲོ་ཞིང་སྲིད་པའི་གསོས། །བདག་དང་གཉིས་སུ་མེད་པར་སྦྱོར། །ཧཱུཾ་ཆེ་ཞེས་ཁྲོས་པའི་དབང་མོ་ཆེ། །སྐུ་མདོག་སེར་མོ་རིན་ཆེན་རལ་པ་ཅན། །སྤྱན་གསུམ་རིན་ཆེན་མཆེ་བ་གཙིགས། །རྒྱུ་མ་མཁལ་བའི་ཞགས་དྲིལ་གྱིས། །བདུད་དང་མུ་སྟེགས་ཐམས་ཅད་འཆིང་། །རིན་ཆེན་ག་འུར་གནས་རིགས་འཆའ། །མི་ལེན་སྦྱོར་བས་སྲིད་པ་འཁྱུད། །སྦྱོར་བའི་མདངས་ཀྱིས་ཀུན་ལ་ཁྱབ། །ཡུམ་ལ་ཁྲོ་ཞིང་ཀུན་ལ་ཁྱབ། ། ― DNG022_Page_0481 ―
[མ་དཔེ་གཟིགས་ན་འདིར་གནོན།]
བདག་དང་གཉིས་སུ་མེད་པར་སྦྱོར། །ཧཱུཾ་ཆེ་ཞེས་ཁྲོས་པའི་དབང་མོ་ཆེ། །སྐུ་མདོག་དམར་མོ་བསེ་ཡི་རལ་པ་ཅན། །སྤྱན་གསུམ་བྱི་རུའི་མཆེ་གཙིགས་མ། །ཁྲག་གི་དྭངས་མས་བདུད་དཔུང་འཇོམས། །བྱི་རུའི་ག་འུར་གནས་རིགས་འཆལ། །གཉིས་མེད་སྦྱོར་བས་ཁམས་གསུམ་འཁྱུད། །ཡུམ་ལ་ཁྲོ་ཞིང་རྣལ་འབྱོར་སྐྱོང་། །བདག་དང་གཉིས་སུ་མེད་པར་སྦྱོར། །ཧཱུཾ་ཆེ་ཞེས་ཁྲོས་པའི་དབང་མོ་ཆེ། སྐུ་མདོག་ལྗང་གུ་སྒེག་མ་ལ། །རྡོ་རྗེ་དྲིལ་བུའི་རལ་པ་ཅན། །སྤྱན་གསུམ་མཆེ་བ་རྒྱ་གྲམ་གཏམས། །ཁ་ཊྭཱཾ་གཡང་གཞིས་མུ་སྟེགས་སྒྲོལ། །རྡོ་རྗེ་ག་འུར་གནས་རིགས་བཅའ། །གྲུབ་པའི་སྦྱོར་བས་འཇིག་རྟེན་འཁྱུད། །སྦྱོར་བའི་མདངས་ཀྱིས་ཀུན་ལ་ཁྱབ། །ཡུམ་ལ་ཁྲོ་ཞིང་སེམས་ཅན་སྐྱོང་། །བདག་དང་གཉིས་སུ་མེད་པར་སྦྱོར། །ཞེས་བསྐུལ་ལོ། །སྒྲུབ་པ་ལ་ཞུགས་པ་དང་རྒྱུ་གཅིག་བསྒྲལ། ཞག་གསུམ་ནས་གཅིག་བསྒྲལ། ཞག་བདུན་ན་གཅིག་བསྒྲལ། ཞག་བཅུ་གཅིག་གི་ནུབ་མོ་གསང་བའི་ཡུམ་དུ་དམ་བཅའ། གསུམ་གྱི་ནུབ་མོ་སྒྲ་ཆེན་པོ་འབྱུང་ཞིང་། མེ་ཆེན་པོ་འབར་རོ། །བདུན་གྱི་ནུབ་མོ་ནམ་མཁའ་ལ་སྣ་ཚོགས་པའི་རལ་པ་ཐིབས་སེ་འབྱུང་ངོ་། །དེ་ལྟ་བུ་དག་བྱུང་བ་དང་། བདག་ཉིད་དཔལ་གྱི་ཏིང་ངེ་འཛིན། །དབུ་དགུ་ཕྱག་ནི་བཅོ་བརྒྱད་སྟེ། །ཞབས་བརྒྱད་ལྷ་ལ་དེ་བཞིན་བརྫིས། །ཕྱག་ན་མཚོན་ཆ་སྣ་ཚོགས་བསྣམས། །ཞིང་གི་ན་བཟའ་རློན་པ་ལ། །སྦྲུལ་དང་ཐོད་པས་ཡང་དག་བརྒྱན། །དབང་གི་ངང་ལས་བསྙེན་པ་བྱ། །དགུ་ལ་མངོན་དུ་བྱུང་བ་དང་། །བདག་ཉིད་དཔའ་བོ་སྒེག་པ་ཡི། །ཏིང་ངེ་འཛིན་དུ་གསལ་བ་དང་། །འཛུམ་པའི་མདངས་ཀྱིས་པདྨ་བསྡུ། །དེ་ནས་ལྷ་མོས་ཆགས་སེམས་ཀྱིས། །གཉིས་སུ་མེད་པའི་སྦྱོར་བ་འབུལ། །གུས་པའི་ཚིག་གི་སྙན་སྒྲོགས་པ། །དཔའ་བོ་སྒེག་པ་ཡེ་ཤེས་སྐུ། །རྡོ་རྗེ་གསང་བའི་དཀྱིལ་འཁོར་དུ། །པདྨ་གསང་བའི་མཆོད་འབུལ་གྱི། །དགྱེས་པ་ཆེན་པོའི་ངང་ཉིད་ལས། །ཆགས་པ་ཆེན་པོས་བྱིན་གྱིས་རློབས། །དེ་སྐད་བསྟོད་ནས་སྦྱོར་བ་འབུལ། །དེར་ནི་བདག་དང་མངོན་སྦྱོར་ཏེ། །དྲོད་ཀྱིས་བྱང་ཆུབ་སེམས་ཉིད་དང་། །རཀྟའི་དྭངས་མ་བསྲེས་ནས་སུ། །སྣ་ལ་བདག་ཉིད་ ― DNG022_Page_0482 ―
[མ་དཔེ་གཟིགས་ན་འདིར་གནོན།]
གཙོ་མོ་མཆོད། །དེ་ནས་སྒྲུབ་ཟླ་བཞི་ཆར་སྦྱིན། །དེ་ནས་སྒྲུབ་པའི་མ་མོར་སྦྱིན། །དེ་ནས་དམ་བསྲེ་མནའ་བསྒག་ནས། །རྟོག་པའི་ཕྲག་དོག་སྤང་བའི་ཕྱིར། །སྒྲུབ་ཟླ་བཞི་དང་བདག་སྦྱར་ཏེ། །ཀུན་དང་དམ་བསྲེ་མནའ་བསྒག་གོ། །གཏོར་མ་གཞན་ནི་གོང་མ་བཞིན། །འདི་འགྲུབ་ན་འཇིག་རྟེན་གྱི་ཁམས་བསམ་པ་ཐམས་ཅད་ཡིད་བཞིན་དུ་འགྲུབ་ལ། ལྷུར་ཡང་ཚེ་དང་སྲིའུ་ལ་མཁས་སོ། །མ་མོ་འོག་ནས་འབྱུང་བ་ལྟ་སྨོས་ཀྱང་ཅི་དགོས་མ་མོ་བཞི་ཡང་བྲན་མོར་འཁོལ་ལོ། །དེ་ནི་ཁྲོས་པའི་དབང་མོ་ཆེ་བཞིའི་སྒྲུབ་ཐབས་སོ། །དེ་བཞིའི་མ་བཞི་སྒྲུབ་ཏུ་སྐྱོན་ཅི་སྟེ། སྤྱིར་བུ་མོ་བཞི་བསྒྲུབ་ན་བུ་མོས་མ་འཁོལ་བས། སྒྲུབ་ལྷག་པར་མི་དགོས་སོ། །ད་ནི་ཐུགས་ཀྱི་དགྱེས་མ་བཞིའི་སྒྲུབ་པ་འབྱུང་སྟེ། དེ་ནི་རྟའི་ལོ་ལ་ཚེས་བདུན་ལ་བཤམ། བརྒྱད་ལ་འཇུག་སྟེ། ཉའི་བར་དུ་བསྒྲུབ་པར་བྱའོ། །དེའི་ཡོ་བྱད་བཙལ་བ། དཀར་མོ་མིག་གཅིག་བྷནྡྷ་ནི། །ཟླུམ་པོ་པདྨ་ཆགས་པ་དང་། །འཇམ་ལ་རི་མོ་ཉུང་བ་སྟེ། །གཙུག་ཏུ་བུ་ག་བྱུང་བ་དེ། །དཀར་མོ་ཆེན་མོའི་ཕྱག་ན་བསྣམས། །ལྗོན་ཤིང་ལྕང་ལོས་རབ་ཏུ་བརྒྱན། །ལྗོན་ཤིང་ལྟ་བུའི་རྩ་ཡོད་པ། །མ་མོ་ཆེན་མོའི་ཕྱག་ན་བསྣམས། །པདྨ་འདབ་བརྒྱད་རྩར་བྲིས་པ། །ཨ་དཀར་གཙུག་ན་ཡོད་པ་ནི། །མ་མོ་དབང་སྒྱུར་ཕྱག་ན་བསྣམས། །དུམ་བུ་གཉིས་སུ་འདུག་པ་ལ། །རྡོ་རྗེ་རྒྱ་གྲམ་རྩར་བྲིས་པ། །སེར་མོ་ལས་མཁན་ཕྱག་ན་བསྣམས། །གཙུག་སྲུབས་ནང་དུ་རུབ་པ་ལས། །རྩ་རྣམས་གཙུག་དུ་བཅིངས་པ་ལ། །ཧཱུཾ་ཆེན་དགུར་ནི་འབར་བ་སྟེ། །དཔལ་ཆེན་ཉིད་ཀྱི་ཕྱག་ན་བསྣམས། །ཞེས་འབྱུང་སྟེ། བྷནྡྷ་དེ་ལྔ་ལྡན་པ་དང་། །ཤེལ་གྱི་རྒྱ་བཞི་ཡང་དག་བསོགས། །གཉན་པོ་ཆས་སུ་ཞུགས་པ་དང་། །གཞན་ཡང་དམ་རྫས་སྣ་ཚོགས་པའོ། །སླག་པ་ཆེན་པོ་གཙོ་བོ་སྟེ། །ཞྭ་དཀར་པོས་ཡང་དབུ་བརྒྱན་ནོ། །འཇིག་རྟེན་གཟུངས་བཞིའི་རིགས་བསྟན་པ། །ཤ་མདོག་དཀར་ལ་མདོག་བཟང་བ། །སོ་ཚགས་དམ་ལ་སྨིན་དཀྱུས་རིང་། །དཀར་མོ་མིག་གཅིག་ཚུལ་དུ་སྣང་། །བརྩོན་འགྲུས་ ― DNG022_Page_0483 ―
[མ་དཔེ་གཟིགས་ན་འདིར་གནོན།]
ཅན་ལ་དྲག་ཤུལ་ཆེ། །རལ་པ་ཅན་ལ་ཧ་རིའི་མིག །ནག་མོ་རལ་པ་ཅན་ལྟར་སྣང་། །ཤ་མདོག་དམར་ལ་མདངས་སྡུག་པ། །སྨྲ་བ་སྙན་ལ་འགྲོ་བ་སྡུག །དམར་མོ་དབང་སྡུད་ཚུལ་དུ་སྣང་། །སུག་བཞི་རིང་ལ་མཆེ་བ་རྣོ། །ཤ་མདོག་སྔོ་ལ་བརྟུལ་ཞུགས་ཆེ། །སེར་མོ་ལས་མཁན་ཚུལ་དུ་སྣང་། །ཡུམ་བཞིའི་གཟུངས་དང་ལྡན་བྱས་ཏེ། །ཡུམ་བཞིའི་བསྙེན་པ་སོ་སོར་བགྲང་། །བདག་ཉིད་མན་ངག་སེམས་ལྡན་པས། །བཞི་ཆར་བསྙེན་པ་གཅིག་ཏུ་དྲངས། །བརྟན་དབྱངས་སྙན་པོས་བསྐུལ་བ་ནི། །ཧཱུཾ་ཤར་གྱི་དཀར་མོ་མིག་གཅིག་མ། །ན་བཟའ་ཚིལ་ཆེན་དུད་པ་ལ། །བྷནྡྷ་རློན་པའི་དྲིལ་བུས་བརྒྱན། །ལན་ཕྲན་ཞག་གིས་འདྲིལ་བ་ལ། །དུང་གི་མཆེ་བ་གཙིགས་པ་ཡིས། །ཤར་ཕྱོགས་སྲིད་གསུམ་ཕུར་པས་འདེབས། །དུང་ཆེན་འབར་བའི་ཐོད་གདེངས་ཅན། །ཞག་གི་ལན་ཕྲན་བསིགས་པ་ཡིས། །སྟེང་དུ་ཡ་བདུད་བཏུལ་ཞིང་འཆིང་། །བར་དུ་བརྒྱ་བྱིན་ཕུང་བར་བྱེད། །འོག་ཏུ་དམྱལ་ཁམས་སྟོངས་པར་བྱེད། །མ་གཡེལ་ཐིག་ལེ་གསང་བའི་གཟུངས། །ཧཱུཾ་རི་རབ་གླིང་བཞིའི་ལྷོ་ཕྱོགས་ན། །ནག་མོ་ཆེན་པོ་མཆེ་བ་ཅན། །ན་བཟའ་ཞིང་ལྤགས་གོ་ཟུ་ལ། །བྷནྡྷ་སྐམ་པའི་དྲིལ་བུས་བརྒྱན། །རྡོ་རྗེའི་ལན་ཕྲན་རིན་ཆེན་བརྒྱན། །ལྕགས་ཀྱི་མཆེ་བ་གཙིགས་པ་ཡིས། །ལྷོ་ཕྱོགས་སྲིད་གསུམ་ཕུར་པས་འདེབས། །ཤེས་རབ་ཐབས་ཀྱི་ཐོད་གདེངས་ཅན། །དྲི་ཆེན་ལན་ཕྲན་བསིགས་པ་ཡིས། །སྟེང་དུ་མ་ཧཱ་དེ་བ་འཆིང་། །བར་དུ་གཤིན་རྗེ་ཕུང་བར་བྱེད། །འོག་ཏུ་བྱོལ་སོང་སྟོངས་པར་བྱེད། །མ་གཡེལ་ཐིག་ལེ་གསང་བའི་གཟུངས། །ཧཱུཾ་རི་རབ་གླིང་བཞིའི་ནུབ་ཕྱོགས་ནས། །དམར་མོ་ཆེན་མོ་དབང་སྒྱུར་མ། །ན་བཟའ་རཀྟའི་གོ་ཟུ་ལ། །སྦྲུལ་ནག་འཁྲིགས་པའི་ཆུན་འཕྱངས་ཅན། །པདྨ་རཀྟའི་ལན་ཕྲན་ཅན། །མཆེ་བ་དཀར་པོ་གཙིགས་པ་ཡི། །ནུབ་ཀྱི་སྲིད་གསུམ་ཕུར་པས་འདེབས། །མི་ཁྲག་འབར་བའི་ཐོད་གདེངས་ཅན། །རཀྟའི་ལན་ཕྲན་བསིགས་པ་ཡི། །སྟེང་དུ་ཚངས་པ་ཆེན་པོ་འཆིངས། །བར་དུ་ཀླུ་ཡི་ནད་རིགས་འཇོམས། །འོག་ཏུ་ཡི་དྭགས་སྟོངས་ ― DNG022_Page_0484 ―
[མ་དཔེ་གཟིགས་ན་འདིར་གནོན།]
པར་བྱེད། །མ་གཡེལ་ཐིག་ལེ་གསང་བའི་གཟུངས། །ཧཱུཾ་རི་རབ་གླིང་བཞིའི་བྱང་ཕྱོགས་ན། །སེར་མོ་ཆེན་མོ་ལས་མཁན་མོ། །མཛེས་པའི་ན་བཟའ་ཆེན་མོ་ནི། །མཱཾ་ས་རློན་པའི་ཐུལ་པ་ལ། །དྲི་ཆུ་ཁོལ་མའི་ཡ་བས་བསྐོར། །ལན་ཕྲན་དྲི་ཆུ་འབར་བར་འགྱུར། །གསེར་གྱི་མཆེ་བ་གཙིགས་པ་ཡིས། །བྱང་ཕྱོགས་སྲིད་གསུམ་ཕུར་པས་འདེབས། །མཱང་ས་སྤུངས་པའི་ཐོད་གདེངས་ཅན། །དྲི་ཆུའི་ལན་ཕྲན་བསིགས་པ་ཡིས། །སྟེང་དུ་ཚོགས་ཀྱི་བདག་པོ་བཅིངས། །བར་དུ་གནོད་སྦྱིན་ཕུང་བར་བྱེད། །འོག་ཏུ་བགེགས་རིགས་སྟོངས་པར་བྱེད། །མ་གཡེལ་ཐིག་ལེ་གསང་བའི་གཟུངས། །གླིང་བཞི་གསང་བའི་གཟུངས་གཅིག་མ། །བདུད་རྩི་རྣམ་ལྔ་དབུ་ལ་རྫོགས། །གཡས་ན་གཡང་གཞི་རུ་མཚོན་གྱིས། །ཐམས་ཅད་གནམ་ལྕགས་ཆེན་པོས་འདེབས། །མུ་སྟེགས་ནག་པོའི་སྙིང་འབྱིན་མ། །གཡོན་ན་བྷནྡྷ་ཁྲག་འཛག་པས། །བུད་མེད་ཐམས་ཅད་དབང་དུ་སྡུད། །རལ་པ་ཅན་གྱི་འཁོར་སྐྱོང་མ། །འབུམ་ཕྲག་ཡངས་པའི་འཁོར་མངའ་ཞིང་། །སྒྲུབ་པ་པོ་ལ་བརྩེར་དགོངས་མ། །འདིར་བྱོན་སྒྲུབ་པའི་རྟགས་ཕྱུང་ཤིག །ཅེས་བསྐུལ་བ་དང་། ཞག་བཞིའི་ནུབ་མོ་དངོས་གྲུབ་ཀྱི་རྟགས་དང་པོ། རཀྟ་དང་། ཚིལ་ཆེན་དང་། མཆོག་གཏུབ་པ་བྷནྡྷ་དང་བཞིའོ། །དགུའི་ནུབ་མོ་བྷནྡྷ་པདྨ་རཀྟ་དང་། སྣང་སྲིད་སྦྱོར་བའི་བྱང་ཆུབ་སེམས་ལ་སོགས་པ་བདུད་རྩི་རྣམ་པ་ལྔ་དང་ལྡན་ནས་ཡར་འོང་ངོ་། །དགའ་བ་མ་སྐྱེས་པར་མྱུར་དུ་ལོངས་སྤྱད་དོ། །དེའི་ནུབ་མོ་རྒྱུ་བཞི་ཡང་དེར་བསྒྲལ་ལོ། །བདུན་གྱི་ནུབ་མོ་བཞི་ཆར་སྐུ་མངོན་དུ་སྟོན་པ་ནི་རྒྱན་དང་ཆ་ལུགས་སུ་ལྡན་པ། ཤིན་ཏུ་ཡིད་གཅུགས་པ་དང་ལྡན་པའི་ལྷ་མོ་བཞི་འོང་ངོ་། །བདག་མན་ངག་གི་ཏིང་ངེ་འཛིན་གསལ་བར་བསྒོམ། སྟེགས་པའི་མདངས་ཕྱུང་སྟེ། གེ་སར་གྱི་རཀྟ་དབང་དུ་སྡུད་ལ། པདྨའི་ནང་དུ་རྡོ་རྗེ་གསོར་བའི་ཕྱག་རྒྱ་བཅས་ལ། རིམ་པ་བཞིན་དུ་ཟླ་གམ་འབྱེད་ཅིང་སྦྱོར་བ་འབུལ་ལོ། །དེ་ལྟར་སྦྱར་ཏེ་གོང་མ་བཞིན་དུ་བགྱིའོ། །དེ་ནས་ཕྱི་དེ་ནུབ་མོ། མཆོག་ཕྲན་ཆས་སུ་སྩལ་བ་བསྒྲལ་བ་དང་། ཁམས་ ― DNG022_Page_0485 ―
[མ་དཔེ་གཟིགས་ན་འདིར་གནོན།]
གསུམ་བསྒྲལ་བའི་དངོས་གྲུབ་ཀྱང་དེར་སྟེར་རོ། །འདི་བཞི་ནི་འགོ་ལ་ཕྲག་དོག་ཆུང་། དབང་ཆེ་ལ་གསང་བ་དམ་ལ་རུབ་སྟེ། བསམ་དགུ་ཡིད་བཞིན་དུ་འགྲུབ་པ་ཡིན་པས། གསང་བའི་དགྱེས་སྡེ་མོར་ལུང་སྩལ་ཏེ་བཞག་གོ། །དེ་མན་ཆད་ཅི་བྱ་ཡང་མི་དགོས་ཏེ། སྦྱོར་བ་ཡང་དུས་སུ་འབུལ་ལོ། །ལས་ཀྱང་ཚུལ་བཞིན་དུ་བྱེད་དོ། །སྒྲུབ་པ་ལ་འཇུག་པའི་ཚུལ་ནི་གོང་མ་དང་འདྲའོ། །འདི་ནི་ཐུགས་ཀྱི་དགྱེས་སྡེ་མོ་གསང་བའི་ཡང་ཕྱི་མོ་བཞིའི་སྒྲུབ་ཐབས་སོ། །འདི་ཡན་ཆད་ཀྱི་མ་མོ་གྲུབ་ན། ཚེ་འདིའི་ཡོན་ཏན་གྱིས་ལྟ་ཅི་སྨོས། ཕུང་པོ་འཇིག་པའི་དུས་སུ་ཡང་། གླུ་དབྱངས་དང་རོལ་མོ་ལ་སོགས་པ་འོད་དང་རྟགས་མང་པོས་བསུ་ནས། བདེ་བ་ཅན་གྱི་གནས་སུ་སྒྲུབ་མི་དགོས་པར་སྐྱེལ་ལོ། །འདི་ཡན་ཆད་ཀྱི་མ་མོ་གྲུབ་ན། འདི་མན་ཆད་ཀྱི་མ་མོ་ཐམས་ཅད་རང་བཞིན་གྲུབ་པས་འོག་མ་ལྷག་པར་སྒྲུབ་མི་དགོས་སོ། །འདི་ནི་མ་མོའི་གཙོ་མོ་རྣམས་ཀྱི་སྒྲུབ་པའི་ཐབས་ཀྱི་ལེའུ་སྟེ་བཅུ་གཉིས་པའོ།། །།དེ་ནས་མ་བདུན་སྒྲུབ་པར་འདོད་ན། གནས་དུར་ཁྲོད་དུ་སོང་ལ། ཡུམ་རྡོ་རྗེ་རིགས་ཀྱི་མཚན་དང་ལྡན་པ་གསུམ། དབང་རྫོགས་པའི་སློབ་དཔོན་གཉིས་དང་གིང་གཅིག་གིས་བསྒྲུབ་སྟེ། བྷནྡྷ་མཚན་དང་ལྡན་པ་སྐམ་པོ་བདུན་གྱི་གསུམ་དུ་བདུད་རྩི་རྣམ་པ་ལྔ་མ་བསྒྲུབ་པའི་སྐམ་པོ་སྩལ། གསུམ་དུ་འཇིག་རྟེན་གྱི་སྨན་སྣ་ཚོགས་པ་སྩལ། གཅིག་ཏུ་བྱང་ཆུབ་ཀྱི་སེམས་དང་རཀྟ་ཉིད་ཚེ་སྩལ། བྷནྡྷ་རིན་པོ་ཆེ་མཚན་དང་ལྡན་པ་གཅིག་ཏུ་བདུད་རྩི་ཨ་མྲྀ་ཏ་སྩལ། ཤེལ་ལྡིང་དཀར་ནག་གསུམ། ཙ་ར་ནག་པོ་གསུམ། ཤེལ་དཀར་པོ་གཅིག །ཀུ་ཀུ་ར་དཀར་པོ་གཅིག །ནམ་མཁའ་ལྡིང་གཅིག །མཆོག་ཆེན་གྱི་སྨན་བམ་སྦྲམ་པོ་གཅིག །ཆས་གོས་ཐམས་ཅད་ནག་པོར་བསྒྱུར་ཏེ། གསུར་ཆེན་དུད་པ་རྒྱུན་མི་གཅད་པ་ཕྱུང་ལ། འཛབ་དྲང་བ་དང་། ཞག་བདུན་ན་སྒྲ་ཆེན་པོ་འབྱུང་། དེར་རྒྱུ་ཟུང་གཅིག་བསྒྲལ་ལ་མཆོད་པ་བྱ། མའི་ཚུལ་དུ་བསྙེན། ཞག་དགུ་ན་མི་སྡུག་པའི་ཆོ་འཕྲུལ་སྣ་ཚོགས་འོང་། དེར་ཟུང་གཅིག་བསྒྲལ། ཞག་བཅུ་གཉིས་ན་ཉིན་མཚན་འབྱུང་སྟེ། དེར་ཟུང་གཅིག་བསྒྲལ། སྲིང་མོའི་ཚུལ་དུ་བརྟེན། བཅོ་ལྔ་ལ་མ་མོ་བདུན་ཆར་མངོན་དུ་ཕྱུང་ ― DNG022_Page_0486 ―
[མ་དཔེ་གཟིགས་ན་འདིར་གནོན།]
བ་དག་དམ་མ་ཉམས་ན་མཛེས་པ་དང་ལྡན་པར་འོང་། ཉམས་ན་ནག་མོ་རལ་པ་ཅན་མེས་ཚིག་ཚིག་བྱེད་པ། མཆེ་བ་དམར་ཚར་རེ་འདུག་པར་འོང་སྟེ། བདག་མན་ངག་གི་ཏིང་ངེ་འཛིན་གསལ་ན་དབང་དུ་བསྡུ། མི་གསལ་ན་བཟོད་པར་གསོལ་ཏེ། བསྐང་བར་བྱ། མན་ངག་དང་ལྡན་ན་དང་པོ་མི་སྡུག་པ་ལས་ཀྱང་སྡུག་པའོ། །དང་པོ་ནས་སྡུག་ན་པདྨ་དབང་དུ་བསྡུས་ལ། ང་རྒྱལ་བསྐྱེད་དེ། སྲུ་མོའི་ཚུལ་དུ་བསྟེན་ནོ། །དེར་ཕྱག་འཚལ་ཞིང་འོ་ན་དཔོན་ཟེར་ཞིང་འོ་བྱེད་དོ། །དེ་ནས་པདྨའི་རཀྟ་ཧཱུཾ་གིས་རྔུབས་པ་དང་། རྒྱན་བོར་ཏེ་གཟུངས་མ་གསུམ་དང་བཅུར་བྱས་ཏེ། མེལ་ཚེ་ཐུན་རེ་ལ་གཉིས་གཉིས་ཀྱིས་སྦྱོར་བ་འབུལ། སྣ་ལ་གཙོ་མོ་དང་སྦྱོར། དེ་ནས་འཁོར་དང་སྦྱར་རོ། །དེ་ནས་ཡོ་བྱད་སྣ་ཚོགས་དང་། སྦྱོར་བའི་བྱང་ཆུབ་སེམས་གཉིས་གཉིས་ཀྱིས་འདོད་པ་བཞིན་དུ་དམ་བསྲེས་ཏེ། ང་ཡི་བརྣག་པའི་ལས་རྣམས་ཀུན། །བཀའ་ཡང་སྒྲུབ་ཅེས་ཕོ་བྲང་སླས། །བྲན་མོ་ཡིན་པས་མནའ་མ་ཟ། །ཞེས་ལུང་སྩལ་ལོ། །དེ་ཕྱིན་ཆད་བྲན་མོ་བཞིན་དུ་ལས་བྱེད་དོ། །ད་ནི་སྦས་པའི་མ་བཞི་བསྒྲུབ་པར་བྱ་སྟེ། ཡོ་བྱད་གོང་མ་ཀུན་གྱི་སྟེང་དུ། ཞིང་གི་གཡང་གཞི། ཞིང་གི་རྒྱུ་ཞགས། སྲིད་པ་སྤྱི་བླུགས་ཀྱི་ཞྭ་རལ་པ་ཅན། དུང་ཆེན་དང་། བྱེ་རུ་དང་། གསེར་གཡུས་བརྒྱན་པ། ཞིང་ཆེན་གྱི་རྫ་རྔ་ཐོགས་ཏེ་བསྒྲུབས་པ་དང་། རྟགས་གོང་མ་དང་མཐུན། སྒྲུབ་པའི་ཐབས་གོང་མ་དང་ཚུལ་གཅིག །ཡོན་ཏན་ནི་མ་བདུན་མན་ཆད་ཀུན་འཁོལ་ལོ། །དེས་བསམ་པ་འགྲུབ། ལྷུར་ཡང་དགྲ་ལ་རྦད་པ་བཟང་ངོ་། །ད་ནི་ཨེ་ཀ་ཙ་ཏི་བསྒྲུབ་པར་བྱ་སྟེ། སྟེགས་བུ་གྲུ་བཞི་པ་གཅིག་གི་སྟེང་དུ། གྲ་ཕྱིར་གཙང་མ་གཅིག་བཏིང་ལ། དམ་རྫས་རྣམ་པ་སྣ་ཚོགས་པའི་དམར་གཏོར་གཅིག་གི་ནང་དུ། སྨན་གྷི་ཧཾ་སྩལ། དར་དམར་པོ་ཁ་གཅིག་གིས་བཅད་ལ་ཁ་ནུབ་ཕྱོགས་སུ་བལྟས་ཏེ། ཞག་བདུན་དུ་བསྙེན་པ་བགྱིས་ལ། ཡུམ་མཚན་དང་ལྡན་པ་ལ་དབབ་པོ། །བསྐུལ་པ་ནི། ཧཱུཾ་སྲིད་པའི་བྱན་མོ་གཡར་དམ་ཅན། །སྐྱེ་འགྲོ་རལ་གཅིག་འཇིག་རྟེན་སྒྲོལ། །མིག་ནས་ཁྲག་འཐོར་ ― DNG022_Page_0487 ―
[མ་དཔེ་གཟིགས་ན་འདིར་གནོན།]
སྟོང་ཁམས་བསྲེག །ཁ་ནས་མེ་འབར་རྒྱ་མཚོ་སྐེམས། །མ་བྱུང་བ་ཡི་དུས་མཐའ་ནས། །འཇིག་རྟེན་ལས་ཀྱི་དབང་བསྒྱུར་ཏེ། །སེམས་ཅན་དོན་ལ་རབ་ཏུ་བརྩོན། །སྙིང་རྗེ་བྱམས་པའི་དཀྱིལ་འཁོར་དུ། །བརྩེ་བའི་ཤུགས་ཀྱིས་གཤེགས་སུ་གསོལ། །ཞེས་བསྐུལ་པ་དང་། ཡུམ་མཚན་དང་ལྡན་པ་ལ་ཕབ་སྟེ་དྲིས་ན། སྣང་སྲིད་ཀྱི་གཏམ་སྨྲའོ། །ད་ནི་མ་མོ་སྤུན་གཉིས་སྒྲུབ་པ་བསྟན་ཏེ། ཧཱུཾ་མ་མོ་ཆེན་མོ་ཡལ་གམ་ཅན། །ནམ་མཁའི་དབྱིངས་ཀྱི་དཔལ་མོ་བཙན། །གནམ་ཕྱེད་གོས་སུ་གོན་པ་མོ། །ས་ཕྱེད་གདན་དུ་བཏིང་བའི་བདག །འཁོར་ནི་གནམ་སྨན་འབུམ་གྱིས་བསྐོར། །ཆིབས་སུ་གསེར་གྱི་ཤ་བ་ཆིབས། །མགོ་ལ་གཡུ་ཡི་རྭ་བཅུ་འབར། །ཕྱག་ན་གསེར་གྱི་དྲིལ་ཞགས་བསྣམས། །བདུད་དང་མུ་སྟེགས་དབང་དུ་སྡུད། །ཆེ་ཞེས་སྲིང་གཅིག་མ་གཡེལ་ཞིག །ད་ནི་ནུ་མོ་ཆུང་ངུ་བསྐུལ་ལོ། །ཧཱུཾ་མ་མོ་ཆེན་མོ་ཡལ་གམ་ཅན། །དུན་ཏིང་གཡུ་ཡི་གོ་ལྕོག་ལ། །གསེར་དང་གཡུ་ཡི་ཅོད་པན་ཅན། །གཡུ་ཡི་དྲིལ་ཞགས་འབུམ་གྱིས་བརྒྱན། །ཆིབས་སུ་དུང་ཤ་དཀར་པོ་བཅིབས། །ཁས་བླངས་དམ་བཅའ་བསྙེལ་ལམ་ཅི། །བསྐུལ་ལོ་མ་བཞེངས་ད་ཚུལ་བྱོན། །གསེར་སྐྱེམས་གར་བུ་དེ་ཡི་རྟེན། །བྱེས་ཡུལ་གར་འགྲོ་ཡང་བསམ་པ་འགྲུབ་པོ། །ཧཱུཾ་ཧེ་དུན་ཏེ་ཧཱུཾ། འདི་གསུམ་ནང་དུ་མི་བསྟེན་བཅོས་དཀའ། མ་མོ་ཕྱི་མ་རྣམས་ནི་ཞལ་ནས་གསུངས་པའི་སྒྲུབ་ཐབས་ཡོད་ན་ཕྲག་དོག་ཆེ་ལ་བཅོས་དཀའ་སྟེ། བློ་ཆུང་རྣམས་ཀྱི་དོན་དུ་མི་རུང་སྟེ་འདིར་མ་གསུངས་སོ། །སྒྲུབ་ཐབས་ཐ་མའི་ལེའུ་སྟེ་བཅུ་གསུམ་པའོ།། །།ད་ནི་མ་མོ་དབང་དུ་སྡུད་པའི་ལེའུ་འཆད་དེ། གནོད་འདུལ་ལྷ་ཡིས་ཡང་གསོལ་པ། །ཡེ་ཤེས་རང་བཞིན་སྨན་མོ་རྣམས། །རྟོགས་པས་ཇི་ལྟར་དབང་དུ་བསྡུ། །མན་ངག་ངེས་བསྟན་ཇི་ལྟར་ལགས། །རྫོགས་སངས་རྒྱས་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །ཉག་གཅིག་ཡབ་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །ཡུལ་དང་དྭངས་ ― DNG022_Page_0488 ―
[མ་དཔེ་གཟིགས་ན་འདིར་གནོན།]
མ་རྩ་རྣམས་ལས། །རིགས་ཀྱི་མ་མོ་ལ་སོགས་ཏེ། །གུ་ཧྱ་གསང་བའི་ཡུམ་བཞི་དང་། །རྐྱེན་གྱི་མ་སྲིང་བསྒོམ་པར་བྱ། །དེས་ནི་མ་མོ་དབང་དུ་སྡུད། །དབང་དུ་སྡུད་པའི་ལེའུ་སྟེ་བཅུ་བཞི་པའོ།། །།གནོད་འདུལ་ལྷ་ཡིས་ཡང་གསོལ་པ། །འཇིག་རྟེན་དབང་ཆེན་འདི་རྣམས་ཀུན། །སྲོག་ཆགས་ཀུན་ལ་གནོད་བགྱིད་པས། །བསྐང་བའི་ཆོ་ག་ཇི་ལྟར་ལགས། །འཇིག་རྟེན་མགོན་ལ་བདག་མཉན་འཚལ། །དེ་སྐད་གསོལ་པ་གསན་ནས་ཀྱང་། །འཇིག་རྟེན་མགོན་གྱིས་བཀའ་སྩལ་པ། །ཉོན་ཅིག་གནོད་འདུལ་ཡང་དག་པ། །སརྦ་རཱུ་པས་ཐམས་ཅད་བསྐང་། །བསྐང་བཟློག་ཆེན་པོའི་ལས་ཞེས་བྱ། །མ་ཧཱ་ཤན་ཏི་མི་གཡོ་རྫོགས། །ཞི་རྒྱས་ཆེན་པོའི་ལས་ཞེས་བྱ། །ངས་གསུངས་པ་ལ་གདོན་མི་ཟ། །དེ་ལ་སརྦ་རཱུ་པའི་ཐབས་གཉིས་ཏེ། །སྣ་ཚོགས་པ་ཡི་འབྲུ་སྣ་ལ། །ངར་ཕྱེ་དྲེ་གང་བཏག་ནས་སུ། །སྣང་སྲིད་གཟུགས་སུ་བྱས་ནས་ནི། །དཔའ་བོ་འབྲུ་ལྔའི་བྱིན་རླབས་ཀྱིས། །རྣམ་ཤེས་ཚང་བར་བསྒོམ་བྱས་ཏེ། །སྣ་ཚོགས་སྤྱན་གཟིགས་དཀོར་ཆས་བརྒྱན། །ཁམས་གསུམ་སེམས་ཅན་ཐམས་ཅད་ལ། །ལུས་ངག་གླུད་དུ་བསྔོས་བྱིན་ཏེ། །ཚེ་དཔལ་ཕོ་ཉས་བཀུག་བྱེད་པ། །དེ་ནི་ཕྱི་ཡི་ཆོ་ག་ཡིན། །གྷུ་མ་སརྦ་རཱུ་པ་ནི། །ཉི་ཤུ་རྩ་གཅིག་འབྲུ་སྣ་ལ། །ངར་ཕྱེ་དྲེ་གསུམ་བཅལ་ནས་ནི། །རིན་ཆེན་སྣ་ཚོགས་ཕྱེ་བདར་ཏེ། །སུམ་ཆ་གཅིག་ལ་རི་རབ་གཟུགས། །རིགས་སུ་མཐུན་པའི་ཁ་དོག་བྱ། །དེ་ནས་ངར་ཕྱེ་གསུམ་ཆ་ལ། །གཅན་གཟན་རྒྱལ་པོ་དྲུག་གི་གཟུགས། །དཀར་ལ་མཛེས་དང་ལྡན་པར་བྱ། །རྩལ་གྱི་རྒྱལ་པོ་དྲུག་པོ་ལ། །མཛེས་ལྡན་གཡེར་གྱི་རྒྱན་གྱིས་བརྒྱན། །སྲོག་ཆགས་གཙོ་བོ་དྲུག་པོ་ཞོན། །ཤུགས་ཀྱི་རྒྱལ་པོ་དྲུག་པོ་ལ། །ཁ་དོག་ལྡན་ཞིང་རྒྱན་ཆས་བརྒྱན། །འདོད་ཆགས་གཙོ་བོ་དྲུག་པོ་ཞོན། །འདོད་ཆགས་གཙོ་བོ་དྲུག་པོ་ལ། །སྣ་ཚོགས་རྒྱན་གྱིས་བརྒྱན་པའོ། །སེམས་ཅན་རྒྱལ་པོ་དེ་དག་ཀུན། །སྤྱན་གཟིགས་དཀོར་ཆས་ཡང་དག་ལྡན། །རི་རབ་བང་རིམ་དང་པོ་ ― DNG022_Page_0489 ―
[མ་དཔེ་གཟིགས་ན་འདིར་གནོན།]
ལའོ། །གཙོ་མོ་དྲུག་ལ་དབུལ་བར་བྱའོ། །དེ་ནས་ངར་ཕྱེ་སུམ་ཆ་ལ། །གླང་ཆེན་གཟུགས་ནི་བཅུ་བཞི་དང་། །སྟག་གཟིག་ལ་སོགས་བཅུ་བཞི་དང་། །མདངས་ལྡན་བྱ་ཡི་གཟུགས་ཅན་དང་། །འདབ་ཆགས་རྒྱལ་པོ་བཅུ་བཞི་དང་། །དཀར་མོ་ཀུ་ཀུ་ར་ཙའི་གཟུགས། །སྲོག་ཆགས་གཟུགས་ནི་དེ་དག་ཀུན། །རི་རབ་བང་རིམ་བར་མ་ལའོ། །མ་མོ་བཅུ་བཞིའི་རྫས་ཡིན་ནོ། །དེ་ནས་ངར་ཕྱེ་སུམ་ཆ་ལ། །སྣང་སྲིད་སེམས་ཅན་གཟུགས་སུ་བྱས། །སྣ་ཚོགས་ཁ་དོག་ཡང་དག་ལྡན། །རི་རབ་བང་རིམ་ཐ་མར་བཞག །སྣ་ཚོགས་ཟས་དང་གོས་སུ་ལྡན། །སྲིད་པ་ཆགས་བྱེད་ལ་སོགས་ཏེ། །སྨན་མོར་གྲགས་པ་ཀུན་གྱི་རྫས། །རི་རབ་བུམ་པའི་རྩེ་མོ་ལ། །སྣ་ཚོགས་དར་གྱི་རྒྱལ་མཚན་ལྔ། །གྲུ་བཞི་དབུས་དང་ལྔ་ལའོ། །དཀྱིལ་དུ་དམར་པོ་དར་གྱི་གདུགས། །གསེར་སྐྱེམས་ཕྲ་མན་སྐྱོགས་ལྔ་སྟེ། །དབུས་སུ་བསྭེ་ཡི་བྱའོ་གང་། །སྟེགས་བུ་གྲུ་བཞི་དྲི་ཞིམ་ལྡན། །རཀྟ་ཛ་གད་མཎྜ་ལ། །སྣ་ཚོགས་མེ་ཏོག་གཅལ་བཀྲམ་སྟེ། །དེ་ཡི་སྟེང་དུ་གཏོར་མ་བཞག །དེ་ལས་པགས་པའི་མཎྜལ་ལ། །རྫས་དང་ལྡན་པའི་དམར་གཏོར་བཤམ། །དབུས་སུ་དཔལ་གྱི་མཚན་པ་ལ། །མདའ་དང་དར་སྣ་རྒྱུ་ཞགས་ལྡན། །ཕུད་དང་རཀྟ་སྨན་སྦྱར་བའོ། །སྔགས་མཁན་ཆས་སུ་བྱ་བ་ནི། །དམར་པོ་ནག་པོ་སྔོན་པོ་གཟུང་། །ཞག་གསུམ་བསྙེན་པ་བྱས་ནས་ནི། །བླ་མེད་ཏིང་འཛིན་གསལ་བར་བྱ། །ཡང་ན་ཆེ་མཆོག་ཧེ་རུ་ཀ །སྐུ་མདོག་མཐིང་ནག་རལ་པ་ཅན། །དབུ་གསུམ་པ་ལ་ཕྱག་ཀྱང་དྲུག །དབུས་མཐིང་གཡས་དཀར་གཡོན་དམར་ཏེ། །གཡས་ཀྱི་དང་པོ་རྡོ་རྗེ་ལ། །བར་མ་ཞིང་གི་དབྱུག་པ་ལ། །ཐ་མ་སྦྲུལ་གྱི་ཞགས་པ་ཡིས། །ཁམས་གསུམ་མ་མོ་དབང་དུ་སྡུད། །གཡོན་གྱི་དང་པོ་བྷནྡྷ་ལ། །བར་མ་ཞིང་གི་གཡབ་མོ་ལས། །མ་མོ་ཐམས་ཅད་འགུགས་འདྲེན་པའོ། །ཐ་མ་དུང་ཆེན་གའུ་ལ། །གནམ་ལྕགས་གཟེར་གྱིས་གདམས་པ་ཡིས། །མི་ཕྱུགས་གཉིས་ཀའི་ཚེ་དང་གཡང་། །ཡི་གེ་ཧཱུཾ་དུ་སྡུད་པ་སྟེ། །ཡུམ་ཡང་དུག་གསུམ་དབང་སྡུད་ ― DNG022_Page_0490 ―
[མ་དཔེ་གཟིགས་ན་འདིར་གནོན།]
མ། །རྒྱན་དང་ཆ་ལུགས་གཙོ་དང་འདྲ། །གཉིས་སུ་མེད་པར་མཆོད་པ་འབུལ། །དཔལ་ཆེ་མཆོག་ཧེ་རུ་ཀ་དང་དབང་མཆོག་ཧེ་རུ་ཀ་ཡབ་ཡུམ་འདུད་པའི་མཆོད་པ་འབུལ་བར་བསམ་ལ། ཕྲ་མེན་ཡན་ཆད་འཁོར་དུ་བཞག་པའི་བསྙེན་པ་ནི། ཧཱུཾ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་སྟྭཾ། ཧ་ཧེ་ཕཊ། མ་མ་ཡོ་གཱི་ནི་རུ་ལུ་རུ་ལུ་བྷྱོ། ཞག་གསུམ་བར་དུ་འབུམ་བཟླས་ཤིང་། །དེ་ནས་བསྐང་བཟློག་གཏོར་མ་གཏང་། །གོང་དུ་སྤགས་པའི་དམར་གཏོར་ལ། །ཆེ་མཆོག་ཧེ་རུ་ལ་སོགས་པ། །དཔལ་གྱི་འཁོར་ཚོགས་མཆོག་ཏུ་མཆོད། །ཧཱུཾ་བཅོམ་ལྡན་ཆེ་མཆོག་ཧེ་རུ་ཀ །མཐིང་ནག་འཇིགས་པའི་ཆ་ལུགས་ཅན། །དཀར་ནག་དམར་བའི་ཞལ་མངའ་བ། །ཕྱག་དྲུག་ཕྱག་ཆས་སྐྱེ་ཤི་སྒྲོལ། །སྦྲུལ་ཆེན་ཞགས་པས་མ་ཚོགས་བཀུག །གཡང་གཞི་གཡང་མོས་ཐམས་ཅད་འདུལ། །དུག་གསུམ་དབང་དུ་སྡུད་པའོ། །ཡུམ་དང་གཉིས་སུ་མེད་པ་སྟེ། །ཁྲོ་བོའི་ཚོགས་ཀྱིས་མཆོད་པ་སྟེ། །ཐུགས་རྗེས་དབྱིངས་ནས་རོལ་པར་མཛོད། །ཅེས་བསྟོད་པ་ལ་སོགས་པ་དང་དཔལ་གྱི་ཚོགས་གཞུང་བཞིན་མཆོད། བཤགས་སྦྱངས་བགྱིས་ནས་ཕྲིན་ལས་བཅོལ་ལོ། །དེ་ནས་མ་མོ་རྣམས་ཀྱི་སྲོག་གི་སྙིང་པོ་བསྡུས་ཏེ། ཨ་མྲྀ་ཏ་ལ་བདེན་པ་བདར། །བདག་ཉིད་ཆེ་བའི་ང་རྒྱལ་བསྐྱེད། །ཧཱུཾ་ང་ནི་ཁྲག་འཐུང་ཆེན་པོ་སྟེ། །ཁམས་གསུམ་སྙིང་ཁྲག་ཀུན་གྱི་བདག །ང་ནི་དུས་འཆའ་ཆེན་པོ་སྟེ། །ཁམས་གསུམ་ཀེང་རུས་དུར་ཁྲོད་བདག །ང་ནི་ཤ་ཟ་ཆེན་མོ་སྟེ། །ཁམས་གསུམ་མཱཾ་ས་ཀུན་གྱི་བདག །ང་ནི་སྐྱེ་འགྲོ་དབུགས་ཀྱི་བདག །ང་ནི་སྐྱེ་འགྲོའི་བཀྲག་གི་བདག །མ་མོ་ཀུན་གྱི་རེ་གནས་ཡིན། །མ་ཚོགས་བསྐང་བཟློག་གཏོར་མ་ལོང་། །ཚེ་དང་དབང་ཐང་མངོན་པར་སྤེལ། །སྤོས་རྒོད་དུད་པ་བཏང་ནས་ཀྱང་། །གཏོར་མ་བསྔོ་བ་འདི་སྐད་དོ། །ཧཱུཾ་མ་ཚོགས་ནི་གཉན་མཆོད་ཕྱིར། །འབྲུ་སྣ་ནི་མང་པོ་དང་། །རིན་ཆེན་ནི་སྣ་ཚོགས་ལས། །གླིང་བཞི་ཡི་གཏོར་མ་ལ། །སྲོག་ཆགས་ནི་མང་པོས་བསྐོར། །ཀུན་ཀྱང་ནི་རིན་པོ་ཆེའི། །རྒྱན་དང་ནི་ཆ་ལུགས་ལྡན། །འཇིག་རྟེན་ནི་ཟས་ ― DNG022_Page_0491 ―
[མ་དཔེ་གཟིགས་ན་འདིར་གནོན།]
ཀྱིས་བསྐོར། །དཀོན་པ་ཡི་རྫས་ཀྱིས་བརྒྱན། །མུ་མེན་གྱི་སྟེགས་བུ་ལ། །རིན་ཆེན་ནི་གཅལ་བཀྲམ་སྟེ། །བྱེ་རུ་ཡི་སྐས་བཙུགས་ནས། །སྤོས་ཀྱི་ནི་ས་གཞི་ལ། །དབང་གི་ནི་དཀྱིལ་འཁོར་ལྡན། །དར་དཀར་གྱི་ཡོལ་དྲེས་ནས། །གསལ་བ་ཡི་མེ་བུས་ནས། །རྒྱལ་མཚན་ནི་སྣ་ཚོགས་བཙུགས། །ལེ་བརྒན་ནི་གདུགས་ཀྱིས་བཀབ། །དུད་པ་ནི་གཉན་ཕྱུང་ཞིང་། །གསེར་གྱི་ནི་སྐྱེམས་བལྟམས་ཏེ། །ཚེ་སྲོག་གི་སྐྱིན་དུ་འབུལ། །ཆུས་སྲིད་ཀྱི་གླུད་དུ་འབུལ། །ལོངས་སྤྱོད་ཀྱི་སྐྱིན་དུ་འབུལ། །འདིར་བྱོན་ནི་གླུད་བཞེས་ཤིག །ཧཱུཾ་རི་རབ་གླིང་བཞིའི་དཀྱིལ་འཁོར་ནས། །འཇིག་རྟེན་ཡོངས་ཀྱི་མངའ་བདག་མོ། །མ་མོའི་ཚོགས་ཀྱི་རྒྱལ་མོ་སྟེ། །སྲིད་གསུམ་ཡོངས་ལ་མངའ་མཛད་མོ། །སྐྱེ་འགྲོ་ཡོངས་ཀྱི་ཟ་བྱེད་མ། །ན་བཟའ་སྟོང་གསུམ་གཡང་གཞི་ལ། །ཐོད་རློན་མང་པོའི་ཕྲེང་བ་ཅན། །ལག་ན་སྙིང་གི་ལོངས་སྤྱོད་མོ། །འདིར་བྱོན་ཚེ་སྲོག་གླུད་བཞེས་ཤིག །མདོས་བདག་ཆེན་མོ་མདོས་བཞེས་ཤིག །རྡོ་རྗེ་རིགས་ཀྱི་རྒྱལ་མོ་སྟེ། །ཤར་ཕྱོགས་ཁམས་ཀྱི་མངའ་བདག་མོ། །དཀར་མོ་སྤྲིན་ཆེན་གོ་ཟུ་ལ། །ལག་ན་གསེར་གྱི་སྤུ་གྲི་ཐོགས། །སྲིད་པ་གསུམ་གྱི་རུས་འཆའ་མ། །འདིར་བྱོན་ཚེ་སྲོག་གླུད་བཞེས་ཤིག །མདོས་བདག་ཆེན་མོ་མདོས་བཞེས་ཤིག །ཧཱུཾ་རིན་ཆེན་རིགས་ཀྱི་རྒྱལ་མོ་སྟེ། །ལྷོ་ཕྱོགས་ས་ཁམས་མངའ་བདག་མོ། །ནག་མོ་གཡུ་ཡི་གོ་ཟུ་ཅན། །བསྐལ་པ་མེ་ཡི་འོད་འབར་ཞིང་། །ཕྱག་ན་མེ་ཡི་དཀྱིལ་འཁོར་ཐོགས། །སྲིད་པ་གསུམ་གྱི་དྲོད་འབེབས་ཏེ། །སྐྱེ་འགྲོ་ཀུན་གྱི་ཚེ་འཕྲོག་མ། །འདིར་བྱོན་ཚེ་སྲོག་གླུད་བཞེས་ཤིག །མདོས་བདག་ཆེན་མོ་མདོས་བཞེས་ཤིག །ཧཱུཾ་པདྨ་རིགས་ཀྱི་རྒྱལ་མོ་སྟེ། །ནུབ་ཕྱོགས་ཁམས་ཀྱི་མངའ་བདག་མོ། །དམར་པོ་ཁྲག་གི་གོ་ཟུ་ལ། །ལག་ན་ཐོད་པ་ཁྲག་གིས་བཀང་། །སྐྱེ་འགྲོ་ཀུན་གྱི་ཁྲག་འཐུང་མ། །འདིར་བྱོན་ཚེ་སྲོག་གླུད་བཞེས་ཤིག །མདོས་བདག་ཆེན་མོ་མདོས་བཞེས་ཤིག །ཧཱུཾ་ལས་ཀྱི་རིགས་ཀྱི་རྒྱལ་མོ་སྟེ། །བྱང་ཕྱོགས་ཁམས་ཀྱི་མངའ་བདག་ ― DNG022_Page_0492 ―
[མ་དཔེ་གཟིགས་ན་འདིར་གནོན།]
མོ། །ལག་ན་ནེའུ་ལེའི་རྐྱལ་པ་ཐོགས། །སེར་པོ་རླུང་གི་གོ་ཟུ་ཅན། །སྐྱེ་འགྲོ་ཀུན་གྱི་དབུགས་འཕྲོག་མ། །འདིར་བྱོན་ཚེ་སྲོག་གླུད་བཞེས་ཤིག །མདོས་བདག་ཆེན་མོ་མདོས་བཞེས་ཤིག །ཧཱུཾ་ནམ་མཁའི་རིགས་ཀྱི་རྒྱལ་མོ་སྟེ། །འཇིག་རྟེན་ཡོངས་ཀྱི་མངའ་བདག་མོ། །མཐིང་ནག་ནམ་མཁའི་གོ་ཟུ་ཅན། །གསེར་གྱི་དྲིལ་ཞགས་བསྡོག་ཅིང་འཕེན། །སྐྱེ་འགྲོ་ཀུན་གྱི་བཀྲག་འཕྲོག་མ། །འདིར་བྱོན་ཚེ་སྲོག་གླུད་བཞེས་ཤིག །མདོས་བདག་ཆེན་མོ་མདོས་བཞེས་ཤིག །ཧཱུཾ་རི་རབ་གླིང་བཞིའི་ཟོམ་རྩེ་ནས། །སྣང་སྲིད་སྲོག་གི་ཕུང་སོགས་བདག །སྐུ་མདོག་མཐིང་ག་ཆེན་མོ་ལ། །དབུ་དང་སྤྱན་ནི་ཅིར་ཡང་སྟོན། །རིན་ཆེན་རལ་པ་སྣ་ཚོགས་ཀྱིས། །སྣང་སྲིད་ཁ་དོག་གསལ་མཛད་མ། །སྤྱན་གཉིས་མཛེས་པའི་མཆི་མ་ཡིས། །གཡས་པས་སྣང་སྲིད་དབང་དུ་སྡུད། །གཡོན་པས་སྐྱེ་འགྲོའི་གསོས་མཛད་མ། །ལྔ་བཅུ་རྩ་བདུན་རྗེ་མོ་སྟེ། །སྐྱེ་འགྲོ་ཀུན་གྱི་མངའ་མཛད་མ། །མ་མོ་ཆེན་མོ་གཤེགས་ནས་ཀྱང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆེ་ཞེས་ཆེན་མོ་དཀར་མོ་སྟེ། །ཉི་ཟླ་སྟོང་གི་ཐོད་ཕྲེང་ཅན། །ལྕགས་དང་ཟངས་ཀྱི་དྲིལ་ཞགས་ལ། །སྙིང་གི་ཞགས་པ་བསྡོག་ཅིང་འཕེན། །སྤྲུལ་པ་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆེ་ཞེས་དཀར་མོ་ཉི་མའི་མདངས། །སྲིད་པ་གསུམ་ཅར་སྒྲོལ་མཛད་མ། །ལག་ན་ཤེལ་གྱི་སྤུ་གྲི་ཐོགས། །ཁྲོས་པའི་རྒྱལ་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆེ་ཞེས་ནག་མོ་ཁྲག་འཐུང་མ། །སྲིད་པ་གསུམ་ཆར་དབང་དུ་སྡུད། །ལག་ན་ཐོད་པ་ཁྲག་གིས་བཀང་། །ཁྲོས་པའི་རྒྱལ་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆེ་ཞེས་དམར་མོ་བདུད་རྩིའི་བདག །སྲིད་ ― DNG022_Page_0493 ―
[མ་དཔེ་གཟིགས་ན་འདིར་གནོན།]
པ་གསུམ་གྱི་གསོས་མཛད་མ། །ལག་ན་བདུད་རྩིའི་བུམ་པ་བསྣམས། །ཁྲོས་པའི་རྒྱལ་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆེ་ཞེས་ལྗང་ནག་གནས་ཉུལ་མ། །སྲིད་པ་གསུམ་ཆར་གསང་བར་སྦྱོར། །ལག་ན་ཞིང་ལྤགས་རྒྱལ་མཚན་ཐོགས། །ཁྲོས་པའི་རྒྱལ་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་མཚན་ནི་སྲིད་པ་རྒྱན་བྱེད་མ། །ལག་ན་སྐྲ་ཡི་ཞགས་པ་ཐོགས། །ཕུང་བྱེད་ནག་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་མཚན་ནི་དབྱིངས་ཕྱུག་ཆེན་མོ་སྟེ། །ལག་ན་མི་ཡི་དབྱུག་པ་ཐོགས། །ཕུང་བྱེད་ནག་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་མཚན་ནི་གཅིག་པུ་ཆེན་མོ་སྟེ། །ལག་ན་མི་ཡི་གཡང་གཞི་རྡེབས། །ཕུང་བྱེད་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་གླིང་བཞི་མགྱོགས་མའི་དཀྱིལ་འཁོར་ནས། །སྲིད་པ་ཤར་གྱི་མངའ་བདག་མོ། །དཀར་མོ་ཆེན་མོ་མིག་གཅིག་མོ། །ལག་ན་བྷནྡྷ་ཟླུམ་པོ་ཐོགས། །སྐྱེ་བར་བྱེད་པའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་སྲིད་པ་ལྷོ་ཡི་མངའ་བདག་མོ། །ནག་མོ་ཆེན་པོ་མཆེ་བ་ཅན། །ལག་ན་བྷནྡྷ་སུལ་མང་ཐོགས། །སྲིད་པར་བྱེད་པའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་སྲིད་པ་ནུབ་ཀྱི་མངའ་བདག་མོ། །དམར་མོ་དབང་གི་རྒྱལ་མོ་ལ། །ལག་ན་བྷནྡྷ་ལྕང་ལོ་ཅན། །འཆིང་བར་བྱེད་པའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་སྲིད་པ་བྱང་གི་མངའ་བདག་མོ། །སེར་མོ་ཆེན་མོ་ལས་ཀྱི་གཙོ། །ལག་ན་བྷནྡྷ་རྒྱ་གྲམ་ ― DNG022_Page_0494 ―
[མ་དཔེ་གཟིགས་ན་འདིར་གནོན།]
ཐོགས། །ལེན་པར་བྱེད་པའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ད་དེའི་ཁོལ་མོ་ལ་བསྔོ་བར་བྱ་སྟེ། ཧཱུཾ་སྲིད་པ་ཡོངས་ཀྱི་ཟ་བ་མོ། །ཤན་ཤན་ནེའུ་ལེ་ཚོགས་ཀྱི་རྗེ། །གོས་སུ་མི་ལྤགས་རློན་པ་གྱོན། །མཐའ་མ་མི་མགོ་སྟོང་གིས་བསྐོར། །སྲིད་པ་ཀུན་གྱི་བདག་ཉིད་མ། །ཟངས་སྐོངས་ན་ཚའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཧ་ལ་ཧ་ལའི་གདོང་བརྒྱ་མོ། །སྲིད་པ་ཀུན་གྱི་ཁྱིམ་བདག་མོ། །སྟག་ལྤགས་གཡང་གཞི་གོས་སུ་གོན། །ཧེ་རུ་ཀ་སྣིའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་འཇིག་རྟེན་ཀུན་གྱི་བྱན་མཁན་མོ། །སྤྲིན་དཀར་མཛེས་པའི་གོ་ཟུ་ཅན། །ལག་ན་མི་ཡི་པགས་པ་ཐོགས། །ཨེ་ཀ་ཙ་ཏིའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆ་བྱད་སྔོན་མོ་ཆེན་མོ་ལ། །མུ་ཏིག་ཁུ་འཕང་གོ་ཟུ་ལ། །ཚེ་དང་གཡང་ལ་རྐུ་འཕྲོག་བྱེད། །ནམ་མཁའི་རྒྱལ་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆ་བྱད་ཆེན་མོ་དཀར་མོ་ལ། །ལག་ན་ལྕགས་ཀྱུ་འབར་བ་ཐོགས། །གླིང་བཞི་ཉུལ་བྱེད་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་རི་རབ་གླིང་བཞིའི་གྲུ་འདེགས་མ། །ཆ་བྱད་དཀར་མོ་སྒེག་མ་ལ། །ལག་ན་རྡོ་རྗེ་ཁ་ཊྭཱཾ་ཐོགས། །ཧར་ཏིང་དཀར་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆ་བྱད་ནག་མོ་སྒེག་མ་ལ། །ལག་ན་མེ་ཡི་འཁོར་ལོ་ཐོགས། །དུན་ཏིང་ནག་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆ་བྱད་དམར་མོ་སྒེག་མ་ལ། །ལག་ན་ཆུ་ཡི་འཁོར་ལོ་ཐོགས། །ཤན་ཏིང་དམར་མོའི་མིང་ནས་ཕྱུང་། ། ― DNG022_Page_0495 ―
[མ་དཔེ་གཟིགས་ན་འདིར་གནོན།]
མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཆ་བྱད་སེར་མོ་སྒེག་མ་ལ། །ལག་ན་རླུང་གི་འཁོར་ལོ་ཐོགས། །གྲུབ་ཏིང་སེར་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་དམག་གི་རྒྱལ་མོ་ཆེན་མོ་སྟེ། །རིགས་བཞི་དམག་དཔུང་འཁོར་གྱིས་བསྐོར། །ཁ་རྗེ་ཟ་ཁའི་བདག་མོ་སྟེ། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་དངོས་པོ་ཆ་བྱད་ནག་མོ་ལ། །འཇིགས་སུ་རུང་བའི་རལ་པ་ཅན། །སྐུ་སྟོད་སྟག་ལྤགས་གཡང་གཞི་ལ། །སྐུ་སྨད་ཟངས་ཀྱི་ཞབས་མ་ཅན། །མི་ཕྱུགས་གསོད་པའི་ཁྲམ་བམ་ཐོགས། །ཁྱོད་ནི་འདོད་ཁམས་གཙོ་མོ་སྟེ། །གཤིན་རྗེ་མ་ཆེན་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ལྷ་ཆེན་བརྒྱད་ཀྱི་མ་ཆེན་མོ། །སྲིན་མོ་ཆེན་མོ་རྐམ་མོ་དང་། །སྲིན་མོ་རབ་ཏུ་བསྐུལ་མ་དང་། །སྲིན་མོ་ཆེན་མོ་ཕོར་ཐོགས་མ། །སྲིན་མོ་ཆེན་མོ་དྲི་འདོད་དང་། །སྲིན་མོ་ཆེན་མོ་གཡང་གཞི་མ། །སྲིན་མོ་ཆེན་མོ་གསོད་བྱེད་མ། །སྲིན་མོ་ཆེན་མོ་ཤ་ཟ་མོ། །འཇིག་རྟེན་ཁམས་གསུམ་འཁྲུག་བྱེད་ཅིང་། །སྲོག་ཆགས་ཀུན་ལ་གནོད་བྱེད་ལ། །མཁལ་མ་སྙིང་དང་ནང་ཁྲོལ་གྱིས། །སྙིམ་པ་ཤིན་ཏུ་བཀང་ནས་སུ། །རང་གིས་རང་ལ་ཐིམ་པར་སྟོན། །ཟ་ཞིང་རྣམ་པ་ཀུན་ཏུ་རྒྱུག །མ་བདུད་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་ཤར་ཕྱོགས་ཁམས་ནས་ཀུན་ཏུ་རྒྱུག །མི་མགོའི་ཕོར་པ་ཁྲག་གིས་བཀང་། །གྲང་སྒོར་འཐོར་ཞིང་ནད་འབེབས་མ། །མ་བདུད་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་གླིང་བཞི་ཀུན་ཏུ་རྒྱུག་འགྲོ་སྟེ། །ས་འོག་ཀུན་ནས་སྣོམ་བྱེད་མ། །འཇིག་རྟེན་མི་བཟད་ཟ་བ་མོ། །ས་བདག་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་ ― DNG022_Page_0496 ―
[མ་དཔེ་གཟིགས་ན་འདིར་གནོན།]
གླུད་བཞེས་ཤིག །ཧཱུཾ་ནག་མོ་ཆེན་མོ་ཧལ་ཧལ་མོ། །ཐབ་དང་གཞོབ་ཀྱི་བསྡོང་ཟླ་མོ། །མ་ཡམས་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་གླིང་བཞི་ཀུན་གྱི་རྒྱུག་འགྲོ་མ། །ཕྱོགས་བཞི་དག་ན་སྲིང་མོར་གྲགས། །སྲིང་མོ་ཆེན་མོ་ཕོ་ཉའི་ཚུལ། །ཕོ་ཉ་ཆེན་མོ་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཧཱུཾ་གཞན་ཡང་དབང་ཕྱུག་མ་དང་བརྟན་མ་ཡང་བརྗོད། གཏོར་མ་ཡང་གཏོང་། འཁར་རྔ་རྡུང་སྟེ། གླུ་སྙན་པོའི་དབྱངས་ཀྱང་བླངས་ནས་སུ། དུར་ཁྲོད་དང་ནི་རི་རྩེར་བསྐྱལ། །མན་ངག་ལྡན་པས་ཚེ་དཔལ་དྲངས། །དེས་ནི་བསམ་པ་ཡིད་བཞིན་འགྲུབ། །དེ་སྐད་ཅེས་ནི་བཀའ་སྩལ་ ནས། །ལྷ་རྣམས་འཆི་བས་འཇིགས་འགྱུར་ཏེ། །རབ་ཏུ་དངངས་ནས་སྐྲག་གྱུར་ནས། །གནོད་འདུལ་ལྷ་ཡིས་འདི་སྐད་གསོལ། །ལྷ་ལ་སྲོག་ནི་མཆིས་གྱུར་ན། །འདི་བསྟེན་ཆོ་གའི་ཕན་ཡོན་དང་། །འཇིག་རྟེན་མི་ལ་ཇི་ལྟར་བསྒྲགས། །ཡང་དག་རྫོགས་ཀྱིས་བཀའ་སྩལ་པ། །འདི་བསྟེན་ཕན་ཡོན་བསམ་མི་ཁྱབ། །འཇིག་རྟེན་མི་ལ་སྒྲོགས་པ་ནི། །ལྷ་མོ་ཡོངས་འཁྱུད་བདེ་བའི་སྐལ། །ལྷ་རྣམས་ཁྱེད་ཀྱིས་བསྒྲགས་མི་དགོས། །གླིང་བཞི་སྤྱི་མདོས་ཆེན་མོའི་ལེའུ་སྟེ་བཅོ་ལྔ་པའོ།། །།གནོད་འདུལ་ལྷ་ཡིས་ཡང་གསོལ་པ། །ཆོ་ག་འདི་བསྟེན་ཕན་ཡོན་གང་། །ཡང་དག་རྫོགས་ཀྱིས་བཤད་དུ་གསོལ། །ཡང་དག་རྫོགས་ཀྱིས་བཀའ་སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །ལྷ་རྣམས་སྲོག་ནི་འཇིག་གྱུར་ན། །སྲོག་ཆགས་གཞན་ལྟ་སྨོས་ཅི་དགོས། །སྲིད་གསུམ་དབང་ཆེན་འདི་བསྐངས་ན། །དུས་མིན་འཆི་བ་ཟློག་པར་འགྱུར། །དུས་ལ་བབ་པའང་བསྣུར་བར་ངེས། །འཇིག་རྟེན་ལོངས་སྤྱོད་བརྟན་པར་འགྱུར། །རབས་རྒྱུད་ཆད་པའི་ལྷ་དང་མི། །ཆོ་ག་འདི་ལ་རྟེན་བྱེད་ན། །སྤུན་བཞི་བུ་མིས་འདུ་བར་ངེས། །ཆོ་ག་འདི་ལ་རྟེན་བྱེད་ན། །འཆི་བདག་ཞགས་པས་ཟིན་ངེས་ན། ། ― DNG022_Page_0497 ―
[མ་དཔེ་གཟིགས་ན་འདིར་གནོན།]
ཞགས་པ་ནག་པོ་ཆད་ནས་སུ། །སྨྱོ་འབོག་ཉིད་ཀྱང་རྣམ་པར་འཇིག །ཚེ་རིང་བདེ་བ་ཕུན་སུམ་ཚོགས། །འཇིག་རྟེན་འདི་ན་བདེ་སྐྱིད་དེ། །རིག་འཛིན་ས་ལ་དེ་བཞིན་གནས། །ཆོ་ག་འདི་ལ་རྟེན་བྱེད་ན། །བྲན་གཡོག་འགབ་རྣམས་འཕེལ་བར་འགྱུར། །གཞན་མ་རྣམས་ཀྱིས་བཀུར་སྡི་ཞིང་། །རྒྱལ་པོ་ལྟ་བུར་ཆེ་བར་འགྱུར། །ཆོ་ག་འདི་ལ་རྟེན་བྱེད་པ། །དབུལ་པོ་ནོར་ཕྱུགས་འཕེལ་བ་དང་། །སྐྱིད་པ་རྟག་ཅིང་བསམ་པ་འགྲུབ། །དབྱིག་ལ་སོགས་པ་རྟག་ཏུ་རྙེད། །དམངས་པོས་ཕྱོགས་བཞིར་ཡུལ་ཡང་ཟིན། །དེས་ན་མྱ་ངན་སྡུག་བསྔལ་མེད། །ཕ་རོལ་དམག་ དཔུང་རྣམ་པར་འཇིགས། །ལོ་ཕྱུགས་རྟག་ཏུ་ལེགས་པར་འགྱུར། །ཆོ་ག་འདི་ལ་རྟེན་བྱེད་ན། །འཇིག་རྟེན་དབང་ཆེན་ཐམས་ཅད་ཀྱིས། །བྱང་ཆུབ་སེམས་ལྟར་བཀུར་སྡི་ཞིང་། །ཚེ་དང་ཆུས་སྲིད་འཕེལ་བ་དང་། །བསྒོ་བའི་ཚིག་རྣམས་བྲན་བཞིན་ཉན། །འདི་ཡི་ཡོན་ཏན་བསོད་ནམས་ཀྱིས། །ཕྱི་མའི་དངོས་གྲུབ་མཆོག་ཡིན་ཏེ། །བསོད་ནམས་ཉིད་དུ་གོང་ན་མེད། །འདི་ལ་ཡོན་ཏན་བརྗོད་མི་ལང་། །དེ་སྐད་གསུངས་པས་ལྷ་རྣམས་དགའོ། །མདོས་ཀྱི་ཕན་ཡོན་གྱི་ལེའུ་སྟེ་བཅུ་དྲུག་པའོ།། །།གནོད་འདུལ་ལྷ་ཡིས་ཡང་གསོལ་པ། །དབང་ཆེན་མོ་རྣམས་བསྐང་བ་ཡིས། །དབང་བྱེད་ཕོ་ལ་མི་འཚལ་ལམ། །རྫོགས་སངས་རྒྱས་ཀྱིས་བཀའ་སྩལ་པ། །འདོད་ཆགས་ང་རྒྱལ་ཆེ་བ་ཡི། །ཞེ་སྡང་བྱེད་ལ་དབང་མོ་ཆེ། །སྲིད་པའི་མོ་ཡིས་འཇིག་རྟེན་བསྐྱེད། །འདི་བསྐང་བསྐང་བཟློག་ཆོ་ག་རྫོགས། །དེ་ནས་ཕོ་རིགས་བཅོས་འདོད་ན། །སྟེགས་བུ་གོང་འཕང་མཐོ་དམན་བྱེད། །ཆོ་གའི་རྫས་ནི་འདི་ལྟར་རོ། །འབྲུ་སྣ་བཅུ་གསུམ་དང་ཕྱེ་ལ། །རིན་ཆེན་སྣ་བརྒྱད་བདར་ནས་ཀྱང་། །རྒྱལ་པོ་ཆེན་པོའི་གཟུགས་སུ་བྱ། །དབང་པོ་ཡན་ལག་རིན་པོ་ཆེ། །གསལ་བྱེད་བརྒྱད་ཀྱང་དེ་བཞིན་བཞག །སྣ་ལྔ་དར་གྱི་ཚོམ་བུ་ལྔ། །ལུས་དང་ཡན་ལག་ཡང་དག་བརྒྱན། །བདུད་དང་དྲང་དཀར་ཆེན་པོ་དང་། །དེ་བ་ནོར་གྱི་བདག་པོ་སྟེ། །གཤིན་རྗེ་རུ་དྲའི་རྫས་ཡིན་ཏེ། །སྐྱེས་ཏོ་རེ་ལའང་དེ་བཞིན་ནོ། །དྲེ་ཆ་ ― DNG022_Page_0498 ―
[མ་དཔེ་གཟིགས་ན་འདིར་གནོན།]
གསང་ཕྱེ་དྲེ་བཞི་ལ། །མཁར་ཐབས་མདའ་ཡིས་རྣམ་པར་བརྒྱན། །སླེའུ་དར་དཀར་དགུ་ཡི་རྐྱེན། །དེ་བཞིན་ཤ་དང་རིན་ཆེན་ཆང་། །དཀར་གླུད་རྐྱེན་དང་ཆས་པ་འདི། །དཀར་པོ་དེ་ལ་དེ་བཞིན་ནོ། །དྲེ་ཆ་གསང་ཕྱེ་ཟླ་གམ་ལ། །ཟ་འོག་མདའ་ཡིས་རྣམ་པར་བརྒྱན། །ལེ་བརྒན་ལེབ་བཟང་མདའ་ཡིས་བརྒྱན། །དེ་བཞིན་རིན་ཆེན་ཤ་དང་ཆང་། །བསེ་གླུད་རྒྱན་དང་ཆས་པ་འདི། །བྱང་ཤར་མཚམས་སུ་དེ་བཞིན་ནོ། །ནས་དང་ཡུངས་ཀར་དོན་གྱི་རྒྱན། །སྲིད་པ་ཀུན་ལ་དེ་བཞིན་ཏེ། །འབྱུང་པོ་ཕལ་ལ་རྨེ་གཏོར་བྱེད། །དེ་ཚེ་འདི་སྐད་བརྗོད་པར་བྱ། །ཀྱེ་དཔག་བསམ་ཤིང་གི་སྐེད་པ་ན། །གསེར་མཁར་དེ་ནི་སེར་པོ་ལ། །གསེར་སྒོ་དེ་ནི་ཐིབས་སེ་ཐིབ། །གཡུ་པད་ནི་སྔོན་པོས་བསྐོར། །དེ་ཡི་ནི་བདག་པོ་སྟེ། །སྐོས་རྗེ་ནི་དྲང་དཀར་ལ། །སྐོས་མཁན་ནི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །གསེར་མཁར་ནི་དབུ་རྩེ་ནས། །རིན་ཆེན་ནི་སྟེགས་བུ་ལ། །ལྕགས་ཀྱི་ནི་མུ་ཁྱུད་ཅན། །དེ་ཡི་སྟེང་ན་ནི། །སྲིད་པ་ནི་དྲང་དཀར་བ། །ཞིག་འཛིན་ནི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །རིམ་པ་ནི་བཅུ་གསུམ་ལ། །གནམ་གྱི་ནི་སྟེང་ཤེད་ན། །ལྕགས་མཁར་ནི་སྔོན་པོ་ལ། །གསེར་གྱི་ནི་མཐའ་བསྐོར་ཞིང་། །ཟངས་ཀྱི་ནི་སྒོ་གསལ་བ། །དེ་ཡི་ནི་བདག་པོ་སྟེ། །དབང་ཕྱུག་ནི་ཆེན་པོ་སྟེ། །མ་ཧཱ་ནི་ཤྭ་རིའི་དག །ནག་པོ་ནི་ཆེན་པོ་སྟེ། །ཡ་བདུད་ནི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །དེ་ཡི་ནི་གླིང་ཕྲན་ལ། །ཡར་གྱི་ནི་ཡ་རལ་ཤོད། །བདུད་པས་ནི་ཐབས་མཁས་ཏེ། །བདུད་པས་ནི་ཤུགས་དྲག་སྟེ། །འགྲོ་བ་ནི་ཀུན་གྱི་བདུད། །འགྲོ་བ་ཡི་ཚེ་དཔལ་འཕྲོག །སྐྱེས་བུ་ནི་སྐྱེས་ཏོ་རེ། །ཡ་བདུད་རྒྱལ་ཐེའུ་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཀྱེ་ལྷོ་ཕྱོགས་གླིང་ན་གནས་པ་སྟེ། ། ― DNG022_Page_0499 ―
[མ་དཔེ་གཟིགས་ན་འདིར་གནོན།]
རུས་མཁར་གླིང་དགུའི་བདག་པོ་སྟེ། །འཆི་བདག་ཀུན་གྱི་ཁྲམ་འདེབས་མ། །གཤིན་རྗེའི་རྒྱལ་པོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །གནམ་གྱི་མཐོངས་ན་གནས་པ་སྟེ། །འཛམ་བུའི་གླིང་གི་ནོར་གྱི་བདག །མ་ཧཱ་དེ་བ་ལྷ་ཆེན་པོ། །བཙུན་མོ་ཨུ་མ་དེ་བཱི་བཅས། །ནོར་ལྷ་ཆེན་པོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །བྱང་ཕྱོགས་གནམ་གྱི་མཐོངས་ན་གནས་པ་སྟེ། །དུང་མཁར་དེ་ནི་དཀར་པོ་ལ། །གཡུ་ཡི་ནི་མཐའ་བསྐོར་ཏེ། །བསེ་ཡི་སྒོ་བསྩལ་བ། །དེ་ཡི་ནི་བདག་པོ་སྟེ། །ཁྱབ་འཇུག་དུང་གི་ཐོར་ཚུགས་ཅན། །གནམ་ལྷ་དཀར་པོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །བྱང་ཤར་གྱི་མཚམས་ཤེད་ནས། །བསེ་མཁར་ནི་གླིང་དགུ་ན། །དངུལ་གྱིས་ནི་མཐའ་བསྐོར་ཞིང་། །ལྕགས་ཀྱི་ནི་སྒོ་བསྩལ་བ། །དེ་ཡི་ནི་བདག་པོ་སྟེ། །ཤར་ཕྱོགས་གནམ་ས་ཕྱེད་ཀྱི་བདག །ཚངས་ཐུར་ལུས་ལ་ཐོར་ཚུགས་ཅན། །བཙན་འགོང་རྒྱལ་པོའི་མིང་ནས་ཕྱུང་། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ས་བཙན་རོལ་པ་སྐྱ་རོལ་པོ། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །བཙན་ལ་སོགས་པ་དེ་བཞིན་ནོ། །ད་ནི་མ་ཧཱ་ཤན་ཏིང་གི་ཆོ་ག་བཤད་པར་བྱ་སྟེ། གཙང་ཕྱེ་ཁལ་ཕྱེད་ལ། ཇི་ལྟར་འདོད་པའི་གཟུགས་བྱས་ཏེ། །དཀོར་ཆ་སྤྱན་གཟིགས་ཡང་དག་ལྡན། །དེ་ནི་ཕྱི་རྒྱུད་ཤནྟིཾ་ངོ་། །དེ་ལ་འཇིག་རྟེན་ཤས་བསྐངས་ཏེ། །དམར་གཏོར་དམ་རྫས་ལྡན་པ་ནི། །ཤནྟིཾ་གསང་བའི་ཆོ་གའོ། །བསྙེན་པའི་གནས་ནི་དབེན་ས་རུ། །གྲུ་བཞི་སྤོས་ཆུའི་མཎྜལ་ལ། །ཟས་ཀྱིས་སྟེང་དུ་གང་བ་སྟེ། །བསྔོས་ནས་དེ་བཞིན་གཞག་པར་བྱ། །མིང་རྒྱུད་མཐུན་ཏེ་དཀར་པོའི་གོས། །གསང་བ་མཐུན་ཏེ་གཉིས་ཀར་འདྲ། །འདི་བརྩམ་བསམ་པ་མ་འགྲུབ་ན། །འཇིག་རྟེན་དབང་ཆེན་ཕུང་བར་འགྱུར། །ལས་རྣམས་ཀུན་གྱི་བརྣག་པ་སྟེ། །ཆོ་ག་ ― DNG022_Page_0500 ―
[མ་དཔེ་གཟིགས་ན་འདིར་གནོན།]
རྫོགས་ལུང་ཆེན་པོ་སྟེ། །གང་གིས་རྟོགས་པ་དངོས་གྲུབ་སྟེ། །ངས་གསུངས་པ་ལ་ཐེ་ཚོམ་མེད། །དེ་སྐད་ཅེས་ནི་བཀའ་སྩལ་པས། །འཇིག་རྟེན་དབང་ཆེན་མངོན་པར་དགའ། །ལྷ་རྣམས་ཐམས་ཅད་མཐུ་སྐྱེས་ནས། །སེམས་ཅན་ཀུན་ལ་ཕན་པར་བསྒྲུབས། །དམ་ཚིག་མཐའ་ལ་གནས་པར་འགྱུར། །ཕོ་མདོས་ཀྱི་ལེའུ་སྟེ་བཅུ་བདུན་པའོ།། །།གནོད་འདུལ་ལྷ་ཡིས་ཡང་གསོལ་པ། །འགུགས་དང་འདྲེན་པའི་ལས་རྣམས་དེ། །ཕོ་ཉའི་ལས་རྣམས་བདག་ཉན་འཚལ། །ཡང་དག་རྫོགས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །སྲིད་གསུམ་བཏུལ་བའི་ཕོ་ཉ་ནི། །བདག་ཉིད་མན་ངག་ལྡན་བྱས་ཏེ། །སེམས་ཀྱི་དཀྱིལ་ནས་བསྐུལ་བ་ནི། །ཧཱུཾ་དཔལ་གྱི་ཕོ་ཉ་བཀའ་སྡོད་མ། །ཁྱུང་གི་ཁྲ་ཆེན་ལྡིང་བ་ལ། །ལྕགས་ཀྱི་མི་མོ་ཁྱུང་མོ་ཞོན། །མགོ་བོ་གསུམ་ལ་ལག་དྲུག་མ། །གཡས་ན་རྡོ་རྗེ་ཁ་ཊྭཱཾ་ག །བར་མ་སྤུ་གྲིས་སྲིད་གསུམ་སྒྲོལ། །ཐ་མ་དྲིལ་ཞགས་མུ་སྟེགས་འཆིང་། །གཡོན་པ་བྷནྡྷ་རཀྟ་འབར། །བར་མ་འཁོར་ལོ་བསྐལ་པའི་མེ། །ཐ་མ་ལྕགས་ཀྱུའི་འདུ་འཕྲོ་ཅན། །གནས་ནི་དུར་ཁྲོད་དཀྱིལ་ན་བཅས། །བསྐུངས་ནི་ཐུགས་ཀྱི་དབུས་ན་བསྐུངས། །བཏོན་ནི་ལྗགས་ཀྱི་རྩེ་ནས་བཏོན། །འགྱེད་ནི་དམ་ཉམས་དགྲ་ལ་འགྱེད། །དབང་ནི་སྲིད་པ་གསུམ་ལ་དབང་། །ཟ་ནི་སྐྱེ་འགྲོ་ཡོངས་ལ་ཟ། །ཉུལ་ནི་གླིང་བཞི་ཀུན་ལ་ཉུལ། །བང་ནི་གློག་བས་ངེས་པར་མགྱོགས། །རྦད་ནི་དངོས་པོ་གཅིག་ལ་རྦད། །རྒྱལ་པོ་ཆེན་པོས་བདུད་དཔུང་འཇོམས། །ཚམ་རྔམས་ཆེན་པོས་དགྲ་བགེགས་སྒྲོལ། །ང་རྒྱལ་ཆེན་པོས་མུ་སྟེགས་འདུལ། །རྫུ་འཕྲུལ་ཆེན་པོས་རི་རབ་བསྙིལ། །ཁྱོད་ནི་སྲིད་གསུམ་སྒྲོལ་བྱེད་མ། །ལན་འགའ་དྲག་ཏུ་བསྐུལ་བའི་ཚེ། །གང་ལ་བྱ་བ་སྒྲོལ་བར་བྱོས། །དེ་ཡི་ཕོ་ཉ་བཀའ་སྡོད་མ། །དཀར་མོ་ཉི་མའི་ཐོད་ཕྲེང་ཅན། །ཕྱག་དྲུག་གྲུ་གསུམ་སྤྱན་མིག་ལ། །མགོ་ལ་ཚིལ་གྱི་ཡིབ་ཞུ་གྱོན། །མཚན་ནི་སྤྲིན་དཀར་གོ་ལྕོག་ཅན། །ཕྱག་གཉིས་པདྨ་སྟོང་བཟུང་ཞིང་། །མཚན་ནི་ ― DNG022_Page_0501 ―
[མ་དཔེ་གཟིགས་ན་འདིར་གནོན།]
འཇིག་རྟེན་དབང་སྡུད་མ། །གཡས་ན་མི་ཡི་རྒྱུ་ཞགས་འཕེན། །བདུད་དང་མུ་སྟེགས་བཅིངས་མཛད་མ། །མཚན་ནི་སྦྲུལ་ཆེན་ཞགས་པ་ཅན། །གཡོན་གྱི་དང་པོ་བསྣམས་པ་ནི། །མི་མགོ་རློན་པའི་ཐོད་པ་རུ། །མི་ཁྲག་དྲོན་མོས་བཀང་ནས་སུ། །རྣམ་ལྔའི་བཅུད་དང་བསྲེས་ནས་འཐོར། །སྒྲུབ་པ་པོ་ལ་དངོས་གྲུབ་འབེབས། །མཚན་ནི་བདུད་རྩི་ལོངས་སྤྱོད་མ། །གཡས་ཀྱི་བར་མས་བསྣམས་པ་ནི། །མི་ཡི་རུས་པའི་ཕུར་བུ་འདྲིལ། །དགྲ་བགེགས་གནོན་པའི་ལས་ལ་བརྩོན། །མཚན་ནི་གསང་བའི་མཆོག་ཕུར་ཅན། །གཡོན་གྱི་ཐ་མར་བསྣམས་པ་ནི། །ལྕགས་དང་ཟངས་ཀྱི་དྲིལ་ཞགས་ལ། །མི་སྙིང་བརྒྱུས་པའི་ཞགས་པ་ཡིས། །སྲིད་པ་གསུམ་ཅར་འཆིང་མཛད་མ། །མཚན་ནི་གསེར་གྱི་དྲིལ་ཞགས་ཅན། །སྤྲུལ་པའི་ཕྱག་བརྙན་རྡེབ་པ་ཡིས། །མི་ལྤགས་རློན་པའི་གཡབ་མོ་ཡིས། །ཁམས་གསུམ་རྡུལ་དུ་བརླག་མཛད་མ། །མཚན་ནི་གཡང་གཞི་རུ་མཚོན་ཅན། །སྐུ་ལ་མི་ལྤགས་རློན་པ་གསོལ། །སྟོང་ཁམས་ཐམས་ཅད་མྱོས་མཛད་མ། །མཚན་ནི་ཞིང་གི་ན་བཟའ་ཅན། །ཁ་ནས་མི་ཁྲག་རློན་པ་འཐོར། །སྟོང་ཁམས་ཐམས་ཅད་སྲེག་མཛད་དེ། །མཚན་ནི་ཁ་ནས་མེ་འབར་མ། །སྐུ་ལ་མི་མགོ་སེ་རལ་ཁ། །སྐྱེ་ འགྲོ་ཐམས་ཅད་བསྐངས་མཛད་མ། །མཚན་ནི་མེ་ཏོག་ཆུན་འཕྱང་ཅན། །འབར་བ་གཏུམ་ཆེན་ཁྲོ་བོ་འདུལ། །ཁྲོ་རྒྱལ་ཆེན་མོ་གཤིན་རྗེའི་གཤེད། །བཀའ་ཡི་ཕོ་ཉ་མགྱོགས་མ་སྟེ། །ང་རྒྱལ་ཅན་རྣམས་དབང་དུ་སྡུད། །གང་ལ་བྱ་བ་རྡུལ་དུ་རློག །འདི་ནི་ཕོ་ཉའི་གཙོ་མོ་སྟེ། །བཅོལ་བའི་ལས་རྣམས་གྲུབ་པར་མཛོད། །ངས་གསུངས་པ་ལ་ཐེ་ཚོམ་མེད། །ཕོ་ཉ་ཆེན་མོའི་ལེའུ་སྟེ་བཅོ་བརྒྱད་པའོ།། །།གནོད་འདུལ་ལྷ་ཡིས་ཡང་གསོལ་པ། །སྲིད་པའི་དབང་ཆེན་འདི་རྣམས་ཀུན། །སྲོག་གིས་བསྐང་ན་ཇི་ལྟར་སྐོང་། །ཉག་གཅིག་ཡབ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །ཉག་གཅིག་ཡབ་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །སྲིད་པའི་དབང་ཆེན་འདི་རྣམས་ ― DNG022_Page_0502 ―
[མ་དཔེ་གཟིགས་ན་འདིར་གནོན།]
ཀུན། །སྲོག་གིས་བསྐང་བ་འདི་སྐད་དོ། །ཧཱུཾ་གཙོ་མོ་ཡུམ་གྱི་མངོན་སྡོད་མ། །སྤྱི་གཙུག་གཡུ་ཡི་རྡོ་རྗེ་རྩེ་དགུ་འབར། །གཡུ་ཡི་རལ་པས་སྟོང་གསུམ་ཁྱབ། །གཡས་ཀྱི་ཕྱག་ན་རིགས་ལྔའི་སངས་རྒྱས་བསྣམས། །གཡོན་གྱི་ཕྱག་ན་བདུད་རྩི་ལྔ་ཡི་ལོངས་སྤྱོད་འབྱེད། །ཡེ་ཤེས་རོལ་པའི་སྤྱན་གྱིས་ཀུན་ཏུ་གཟིགས། །ཁམས་གསུམ་སྲིད་པ་གསུམ་ལ་མངའ་མཛད་མ། །རྟག་ཏུ་དབང་ཕྱུག་ཆེན་མོ་གྲོགས་མཛོད་ཅིག །བལྟས་པས་མི་མཐོང་གཅིག་ཀྱང་མེད། །བསྐང་ངོ་བསྐལ་པའི་ཐུགས་དམ་བསྐང་། །ཤར་གྱི་ཕྱོགས་ཀྱི་མངའ་བདག་མོ། །འབྱུང་བ་ས་ལ་དབང་སྒྱུར་ཞིང་། །འགྲོ་བའི་རུས་ལ་མངའ་མཛད་མ། །འདི་ཡི་རུས་པས་ཐུགས་དམ་བསྐང་། །མཐུན་པའི་རྫས་ཆེན་འདི་འབུལ་གྱི། །བཅོལ་བའི་ལས་རྣམས་འགྲུབ་པར་མཛོད། །ལྷོ་ཡི་ཕྱོགས་ཀྱི་མངའ་བདག་མོ། །འབྱུང་བ་ཆུ་ལ་དབང་སྒྱུར་ཞིང་། །འགྲོ་བའི་ཁྲག་ལ་མངའ་མཛད་མ། །འདི་ཡི་ཁྲག་གིས་བསྐང་བྱས་ན། །མཐུན་པའི་རྫས་ཆེན་ངས་འབུལ་གྱི། །བཅོལ་བའི་ལས་རྣམས་འགྲུབ་པར་མཛོད། །ནུབ་ཀྱི་ཕྱོགས་ཀྱི་མངའ་བདག་མོ། །འབྱུང་བ་མེ་ལ་དབང་སྒྱུར་ཞིང་། །འགྲོ་བའི་དྲོད་ལ་མངའ་མཛད་མ། །འདི་ཡི་དྲོད་ཀྱིས་བསྐང་བྱས་ན། །མཐུན་པའི་རྫས་ཆེན་ངས་འབུལ་གྱི། །བཅོལ་བའི་ལས་རྣམས་འགྲུབ་པར་མཛོད། །བྱང་ཕྱོགས་ཁམས་ཀྱི་མངའ་བདག་མོ། །འབྱུང་བ་རླུང་ལ་དབང་སྒྱུར་ཞིང་། །འགྲོ་བའི་དབུགས་ལ་མངའ་མཛད་མ། །འདི་ཡི་དབུགས་ཀྱིས་བསྐང་བྱས་ན། །མཐུན་པའི་རྫས་ཆེན་ངས་འབུལ་གྱི། །བཅོལ་བའི་ལས་རྣམས་འགྲུབ་པར་མཛོད། །ནམ་མཁའི་རིགས་ཀྱི་རྒྱལ་མོ་སྟེ། །ནམ་མཁའ་སྟོང་ལ་དབང་སྒྱུར་ཞིང་། །འགྲོ་བའི་བཀྲག་ལ་མངའ་མཛད་མ། །འདི་ཡི་བཀྲག་གིས་བསྐང་བྱས་ན། །མཐུན་པའི་རྫས་ཆེན་ངས་འབུལ་གྱི། །བཅོལ་བའི་ལས་རྣམས་འགྲུབ་པར་མཛོན། །རྒྱུ་བསྒྲལ་བའི་ཕུང་པོ་ཡིས་ཡེ་ཤེས་ཀྱི་མཁའ་འགྲོ་མ་ལྔ་དང་གཙོ་བོ་ཡབ་ཡུམ་བསྐང་ངོ་། །ད་ནི་མདོས་བདག་གི་མ་མོ་རྣམས་བསྐང་བ་ནི། སྲིད་པ་བདེ་འགྲོ་ཁམས་གསུམ་ཀུན་གྱི་ཡུམ་མཆོག་སྟེ། །སྐུ་མདོག་ ― DNG022_Page_0503 ―
[མ་དཔེ་གཟིགས་ན་འདིར་གནོན།]
མཐིང་ག་ཆེན་མོ་ལ། །དབུ་དང་ཞལ་གྱིས་སྟོང་ཁམས་ཁེངས། །རིན་ཆེན་རལ་པས་སྣང་སྲིད་གསལ། །ཁྱོད་ནི་འདོད་ཁམས་གཙོ་མོ་སྟེ། །ཕུད་ཀྱི་བདག་མོའི་ཐུགས་དམ་བསྐང་། །ཡེ་ཤེས་ཚོགས་ཀྱི་རྗེ་མོ་སྟེ། །གཉིས་སུ་མེད་པར་ཕུད་ཀྱི་བདག །བཅོལ་བའི་ལས་རྣམས་འགྲུབ་པར་མཛོད། །དཔག་བསམ་ཤིང་གི་ཡལ་ག་ལ། །དཀར་མོ་གཡག་ཐོད་རལ་གཅིག་མ། །ཉི་ཟླ་སྟོང་གི་ཐོད་ཕྲེང་ཅན། །དཔག་ཚད་བརྒྱད་ཁྲི་བཞི་སྟོང་ནས། །ཁྲག་གི་དྲི་སྣོམས་དམར་གྱི་རོ་མྱོང་མ། །རལ་པའི་ཟར་བུ་གཡོན་ནས་གཅིག་ཏུ་འཁྱིལ། །སྲིད་པའི་ས་གཞི་གཡོ་ཞིང་ཁེངས་མཛད་མ། །གཡས་ན་ལྕགས་དང་ཟངས་ཀྱི་དྲིལ་ཞགས་ལ། །སྙིང་གི་ཞགས་པ་བསྡོག་ཅིང་འཕེན། །གཡོན་ན་བྷནྡྷ་མགོ་བཅད་ཁྲག་འཛག་མ། །ཚངས་པ་ལ་སོགས་ལྷ་ཆེན་བརྒྱད་ཀྱི་མགོ་བཅད་མ། །ཉི་ཟླ་སྟོང་གི་དབུ་ལ་བརྒྱན་ཅིང་ཀླུབས། །སྣང་སྲིད་སྙིང་གི་བདག་མོ་སྟེ། །འདི་ཡི་སྙིང་གིས་བསྐང་བྱས་ལ། །མཐུན་པའི་རྫས་ཆེན་ངས་འབུལ་གྱི། །ང་ཡིས་ལས་བཅོལ་འགྲུབ་པར་མཛོད། །ཆེ་ཞེ་དཀར་མོ་ཉི་མའི་མདངས། །དཀར་མོ་རལ་གཅིག་ཐུགས་དམ་བསྐང་། །ཆེ་ཞེ་ཉི་མ་ཁྲོས་པའི་དབང་མོ་ཆེ། །ཁམས་གསུམ་ཐམས་ཅད་གསལ་མཛད་མ། །བསྐང་ངོ་བསྐལ་པའི་ཐུགས་དམ་བསྐང་། །ཆེ་ཞེ་ཁམས་གསུམ་ཁྲོས་པའི་དབང་མོ་ཆེ། །ཁམས་གསུམ་གསང་བར་ཐམས་ཅད་སྦྱོར། །བསྐང་ངོ་བསྐལ་པའི་ཐུགས་དམ་བསྐང་། །སྲིད་པ་བདེ་སྦྱོར་ཁྲོས་པའི་དབང་མོ་ཆེ། །སྲིད་པ་ཐམས་ཅད་བདེ་ལ་སྦྱོར། །ཆེ་ཞེ་ཁམས་གསུམ་ཁྲོས་པའི་དབང་མོ་ཆེ། །ཁམས་གསུམ་ཐམས་ཅད་དབང་དུ་སྡུད། །ཆེ་ཞེ་བདེ་སྦྱོར་ཁྲོས་པའི་དབང་མོ་ཆེ། །སྲིད་པ་ཐམས་ཅད་བདེ་ལ་སྦྱོར། །བསྐང་ངོ་བསྐལ་པའི་ཐུགས་དམ་བསྐང་། །སྣང་སྲིད་ཀུན་གྱི་རྒྱན་མཛད་མ། །རྒྱན་གྱི་རྒྱལ་མོའི་ཐུགས་དམ་བསྐང་། །མཚན་ནི་དབྱིངས་ཕྱུག་རྒྱལ་མོ་སྟེ། །དབྱིངས་ཕྱུག་རྒྱལ་མོའི་ཐུགས་དམ་བསྐང་། །བདག་ཉིད་ལྷག་ལྷག་བཞད་མཛད་མ། །བདག་ཉིད་ཆེན་མོའི་ཐུགས་དམ་བསྐང་། །མཚན་ནི་གཅིག་པུ་ཆེན་མོ་སྟེ། །ལག་ན་ཞིང་གི་གཡང་གཞི་ ― DNG022_Page_0504 ―
[མ་དཔེ་གཟིགས་ན་འདིར་གནོན།]
ཐོགས། །བསྐང་ངོ་བསྐལ་པའི་ཐུགས་དམ་བསྐང་། །ད་ནི་ཐུགས་ཀྱི་དགྱེས་སྡེ་མོ། །འགྲུབ་པའི་རྟགས་ཕྱུང་། རྟག་ཏུ་དབང་ཕྱུག་ཆེན་མོའི་གྲོགས། །སྲིད་གཅིག་ཤར་གྱི་མངའ་བདག་མོ། །དཀར་མོ་མིག་གཅིག་རལ་པ་ཅན། །འཁོར་ནི་དཀར་མོ་འབུམ་སྡེས་བསྐོར། །བསྐང་ངོ་བསྐལ་པའི་ཐུགས་དམ་བསྐང་། །སྲིད་པ་ལྷོ་ཡི་མངའ་བདག་མོ། །ནག་མོ་ཆེན་མོ་རལ་པ་ཅན། །འཁོར་ནི་ནག་མོ་འབུམ་སྡེར་བཅས། །བསྐང་ངོ་བསྐལ་པའི་ཐུགས་དམ་བསྐང་། །སྲིད་པ་ནུབ་ཀྱི་མངའ་བདག་མོ། །དམར་མོ་དབང་གི་རྒྱལ་མོ་སྟེ། །འཁོར་ནི་དམར་མོ་འབུམ་སྡེར་བཅས། །བསྐང་ངོ་བསྐལ་པའི་ཐུགས་དམ་བསྐང་། །སྲིད་པ་བྱང་གི་བདག་མོ་སྟེ། །སེར་མོ་ཆེན་མོ་ལས་ཀྱི་གཙོ། །འཁོར་ནི་སེར་མོ་འབུམ་སྡེར་བཅས། །ཐུགས་དམ་གཉེན་པོ་བདག་བསྐང་གི། །བསྐངས་ལ་འབྲས་བུ་མཆིས་པར་མཛོད། །དེ་ཡན་ཆད་ནི་མ་མོ་བཅུ་བཞིའི་སྐོང་ཐབས་སོ།། །།སྐབས་འདིར་ཨ་ཕྱི་ཆེན་མོ་ཡང་མཆོད་པར་འབྱུང་བའི་དོན་གྱིས་སྦྱར་རོ། །ད་ནི་དེའི་ཁོལ་མོ་རྣམས་ཤ་ཁྲག་དམར་དང་ཨ་མྲྀ་ཏས་བསྐང་བར་བྱས་ཏེ། སྲིད་པ་ཀུན་གྱི་ཁྱིམ་བདག་མོ། །ཧེ་རུ་ཀས་སྣིའི་ཐུགས་དམ་བསྐང་། །ཧར་ཏིང་དཀར་མོའི་ཐུགས་དམ་བསྐང་། །དུན་ཏིང་ནག་མོའི་ཐུགས་དམ་བསྐང་། །ཤན་ཏིང་དམར་མོའི་ཐུགས་དམ་བསྐང་། །གྲུབ་ཏིང་སེར་མོའི་ཐུགས་དམ་བསྐང་། །སྲིད་པའི་གྲུ་འདེགས་ཆེན་མོ་བཞི། །བཅོལ་བའི་ལས་རྣམས་འགྲུབ་པར་མཛོད། །དམག་གི་རྒྱལ་མོ་ཆེན་མོ་བཞི། །ཤར་གྱི་དཀར་མོ་མཆེ་གཙིགས་མ། །བསྐང་ངོ་བསྐལ་པའི་ཐུགས་དམ་བསྐང་། །ལྷོ་ཡི་ནག་མོ་ཁ་རླན་མ། །ནུབ་ཀྱི་དམར་མོ་མཆུ་འཇིབ་མ། །བྱང་གི་སེར་མོ་རྐང་ལྡག་མ། །རིགས་བཞི་དམག་དཔུང་འཁོར་གྱིས་བསྐོར། །ཐུགས་དམ་གཉེན་པོ་བདག་སྐོངས་ཤིག །བཅོལ་བའི་ལས་རྣམས་འགྲུབ་པར་མཛོད། །ཨེ་ཀ་ཛ་ཊི་དཔལ་གྱི་ཡུམ། །ལྕགས་ཀྱི་སོ་ལ་ཟངས་ཀྱི་སྐྲ། །སྣ་ཚོགས་ཞལ་ལ་ཞིང་སྒྲོལ་མ། །ཐུགས་དམ་གཉན་པོ་བདག་གིས་བསྐང་། །བཅོལ་བའི་ལས་རྣམས་འགྲུབ་པར་མཛོད། །ཨེ་ཀ་ཛ་ཏིའི་ཐུགས་དམ་བསྐང་། ། ― DNG022_Page_0505 ―
[མ་དཔེ་གཟིགས་ན་འདིར་གནོན།]
སྲིད་པའི་མ་མོ་བཞི་ཡི་ཐུགས་དམ་བསྐང་། །སྲིང་མོ་ཆེན་མོ་ཡུམ་གྱི་ཐུགས་དམ་བསྐང་། །མ་མོར་གྲགས་པ་ཀུན་གྱི་ཐུགས་དམ་བསྐང་། །དེ་ལྟར་ནང་གི་དམ་རྫས་དང་ལྡན་པར་བྱས་ཏེ། ཤེལ་སྨུག་པོའམ་ནམ་མཁའ་ལྡིང་ལ་སོགས་པ་རྒྱུ་གང་བསྒྲལ་ཡང་རུང་སྟེ། འབྱུང་བ་ཆེན་པོ་ལྔ་ཡིས་ཡེ་ཤེས་ཀྱི་ཁྲོ་མོ་ལྔ་དང་གཙོ་མོ་བསྐང་ངོ་། །ཤ་ཁྲག་དམར་དང་ཏིང་ངེ་འཛིན་གྱིས། འཁོར་གྱི་མ་མོའི་ཐུགས་དམ་བསྐང་ངོ་། །སྒྲུབ་པ་པོ་ཡི་བསམ་པ་ཡིད་བཞིན་དུ་འགྲུབ་པར་ངེས་སོ། །ངས་གསུངས་པ་ལ་ཐེ་ཚོམ་མེད་ཅེས་ཧེ་རུ་ཀས་བཤད་དོ། །ལེའུ་སྟེ་བཅུ་དགུ་པའོ།། །།གནོད་འདུལ་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་ཅིང་། །ལུ་གུ་རྒྱུད་ལ་འགལ་བྱེད་ཅིང་། །སེམས་ཅན་ཀུན་ལ་གནོད་བགྱིད་པའི། །རྟག་ཏུ་གདུག་པའི་སེམས་གྱུར་ལ། །ནན་ཏུར་ལས་རྣམས་ཇི་ལྟར་འཚལ། །རྫོགས་སངས་རྒྱས་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །ངོ་མཚར་ལྷ་ཡིས་བཀའ་སྩལ་པ། །རྟག་ཏུ་གདུག་པའི་སེམས་གྱུར་ཏེ། །སེམས་ཅན་ཀུན་ལ་གནོད་པ་ལ། །ནན་ཏུར་ལས་རྣམས་ངས་བསྟན་གྱིས། །ཉོན་ཅིག་གཡུང་དྲུང་ཡང་དག་པ། །ཇི་ལྟར་ཡིད་འཐད་གནས་སུ་ནི། །དཀྱིལ་འཁོར་མཚན་དང་ལྡན་པ་དང་། །དབང་གི་དཀྱིལ་འཁོར་ཁ་སྤྲོད་ལ། །དབུས་སུ་ཀུན་ཏུ་བཟང་མོའི་མཁའ། །མཛུབ་གསུམ་པ་ལ་དྲག་པོར་བྲིས། །ཟེ་བ་སོར་བཞི་ཆ་སྙོམས་ལ། །འགུགས་དང་སྤར་འཕང་སྔགས་ཀྱིས་བརྒྱན། །དབང་གི་དཀྱིལ་འཁོར་ཁ་རན་ལ། །གནན་དང་འཕང་བའི་སྔགས་ཀྱིས་བསྐོར། །དེ་ནས་ཁ་རན་གྲུ་བཞི་ནི། །སོར་བརྒྱད་པ་ཡི་ཚད་དུ་བྱ། །རྡོ་རྗེ་པདྨ་སྤེལ་མར་བྲི། །དེ་ནས་མཎྜལ་བརྒྱད་པོ་ལ། །འོད་ཕུང་ཐོད་པའི་ཕྲེང་བས་བརྒྱན། །སྒོ་བཞི་མཁའ་བཞིས་བརྒྱན་པར་བསམ། །དེ་ནས་རྫས་ཀྱི་ངོ་བོ་ནི། །རྒྱུ་ཡི་གཙོ་བོ་དགུ་བསོགས་ཏེ། །གྲུབ་པའི་རྣལ་འབྱོར་དགུ་རྦད་པ། །གཉིས་ལ་ཆགས་འཛིན་སྤུན་གཉིས་བྲི། །བདུན་ལ་མ་བདུན་སྔགས་བྲིས་ལ། །དྲག་པོའི་ཁ་རན་བསྐོར་བ་ ― DNG022_Page_0506 ―
[མ་དཔེ་གཟིགས་ན་འདིར་གནོན།]
བཞག །དབང་དང་དྲག་པོར་ལྡན་པ་ཡི། །ལྕགས་ཟངས་ཤིང་བུ་གང་ཡང་རུང་། །དབང་དྲག་ཕུར་པ་དགུ་པོ་ལ། །མགོ་ལ་མཁའ་འགྲོ་ལྔ་ལྔ་བཞག །ངོས་ལ་རྣལ་འབྱོར་བཅུ་བཞི་བསྒོམ། །སྐེད་པར་ཆགས་འཛིན་ལ་སོགས་བསམ། །རྩེ་མོར་མ་བདུན་བསམ་ནས་སུ། །དམིགས་པའི་དངོས་པོ་གང་ཡང་རུང་། །དཀར་ནག་དཀྱིལ་དུ་བརྒྱབ་ནས་སུ། །དགེ་སྡིག་ལས་ཀྱི་མཚམས་ཕྱེ་ནས། །དྭངས་མའི་དངོས་པོ་ཐམས་ཅད་ཀུན། །གཏུབ་ནས་མ་མོས་ཟོས་པར་བསམ། །དེ་ལྟར་བརྒྱབ་ན་ལྷ་ཡང་འཆི། །དང་པོ་བདག་ཉིད་བསྒོམ་བྱ་བ། །ཕྲ་མེན་རྒྱ་མཚོ་ཉིད་ཀྱི་སྐུ། །དབང་དྲག་སྐུ་མདོག་ནག་མོ་ལ། །དབུ་གཅིག་ཞལ་ལྔ་འཇིགས་པའི་སྐུ། །དབུ་ལ་མཁའ་འགྲོ་ལྔ་བསྒོམས་ཤིང་། །མཆེ་བ་ཅན་ལ་གཙིགས་ཤིང་བཞད། །མ་མོ་ཐམས་ཅད་དབྱིངས་ནས་འགྱེད། །ཕྱག་ན་དབང་དྲག་ཕུར་པ་འདྲིལ། །འདྲེན་དང་མནན་དང་སྤར་འཕང་བའི། །སྔགས་རྣམས་དྲག་ཏུ་བཟླས་ནས་སུ། །རྣལ་འབྱོར་མ་རྣམས་རྦད་ནས་སུ། །གང་ལ་བྱ་བའི་དངོས་པོ་དེ། །དབང་དྲག་དཀྱིལ་དུ་བཟུང་ནས་ནི། །རྣམ་ཤེས་དབྱིངས་སུ་བརྒྱབ་པ་དང་། །དགེ་སྡིག་ལས་རྣམས་སྦྱངས་ནས་སུ། །ལྷུ་གཟུགས་ཕྲལ་ཏེ་ཟོས་བསམ་ན། །རྡོ་རྗེའི་བྲག་ཀྱང་འཇིག་པར་འགྱུར། །ངས་གསུངས་པ་ལ་ཐེ་ཚོམ་མེད། །ཅེས་བཀའ་སྩལ་བ་དང་། དེ་ནས་རིགས་ལྔའི་སངས་རྒྱས་རྣམས་དང་། འཁོར་དེ་ན་གནས་པ་རྣམས་ཀྱི་གཙོ་བོ་རྡོ་རྗེ་སེམས་དཔའ་སྟན་ལས་ལངས་ཏེ་གར་གྱི་བརྡའ་ཕྱག་འཚལ་ནས། འདི་སྐད་ཅེས་གསོལ་ཏོ། །དབང་དྲག་དཀྱིལ་འཁོར་བྱིན་བརླབས་དང་། །དབང་དྲག་ཕུར་པའི་ཆོ་འཕྲུལ་དང་། །འདྲེན་གནོན་འཕང་བ་སྔགས་ཀྱི་མཐུ། །མགོན་པོ་ཆེན་པོས་བསྟན་དུ་གསོལ། །དེ་སྐད་གསོལ་པ་གསན་ནས་ཀྱང་། །ཅི་ཡང་མི་གསུང་བར་དབང་དྲག་གི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་ལ་ཞུགས་བཞིན། བཛྲ་བོ་དྷི་ཛྭ་ལ་མཎྜལ་བ་ག་རཱུ་ཏྲ་བྷ་ག་ཏྲ་ཏ། ཀྲོ་ཏ་བམ་ཀཱི་ལ་ཡ་ཛ་ཧཱུཾ། ནན་སྥ་ ― DNG022_Page_0507 ―
[མ་དཔེ་གཟིགས་ན་འདིར་གནོན།]
ར་ན་ཡཾ། ཕཊ་ཙིཏྟ་སུ་ཁཾ། ཞེས་གསུངས་པས། ཁམས་གསུམ་ཐམས་ཅད་མཁའ་གྲུ་གསུམ་གདེངས་པའི་དཀྱིལ་འཁོར། གཏིང་དཔག་མེད་པའི་གཞལ་ཡས་ཁང་། དབང་དྲག་གི་དཀྱིལ་འཁོར་དུ་གྱུར་ནས། དབང་དྲག་གི་ཕུར་བུ་ཡེ་ཤེས་ཀྱི་མཁའ་འགྲོ་རྣམས་ཀྱིས་བརྒྱབ་པས། སྟེང་ནས་ཆར་དུ་འབེབས་པས། དབང་དྲག་བདེ་བའི་གཏིང་ཁུང་དུ། རྡོ་རྗེ་སེམས་དཔའ་ལ་སོགས་ཏེ། རིགས་ལྔའི་སངས་རྒྱས་དང་། ལྷ་གནོད་འདུལ་ཁ་སྦུབ་ཏུ་བརྒྱལ། དབང་དྲག་གི་དཀྱིལ་འཁོར་གྱི་གདེངས་ཀར། སྲིད་པའི་དབང་ཆེན་མང་པོ་ནི་གན་རྐྱལ་དུ་བརྒྱལ་ཏེ་སྙིང་དཀར་ནག་གི་མཚམས་སུ་ཕུར་བུ་ཕོག་སྟེ། དགེ་སྡིག་གི་ཤན་ཕྱེས་ནས། སེམས་ཀྱི་ཡེ་ཤེས་སུ་བྱིན་གྱིས་བརླབས་སོ། །དེ་ལྟར་ཐམས་ཅད་བརྒྱལ་བ་སངས་པ་དང་། འདི་སྐད་ཅེས་ནི་གླུ་བླངས་སོ། །དབང་དྲག་དཀྱིལ་འཁོར་ཡུམ་གྱི་མཁའ། །མཁའ་ཡི་དཀྱིལ་འཁོར་བདེ་གཤེགས་གནས། །གཏིང་དཔག་མེད་པའི་གཞལ་ཡས་སུ། །དབྱིངས་ནས་དབང་དྲག་ཕུར་བུ་ཡིས། །རྡོ་རྗེ་སེམས་དཔའ་ལ་སོགས་ཀུན། །རང་རྒྱུད་སྙིང་ནས་དྲངས་ནས་སུ། །དབང་དྲག་མཁའ་ལ་བཞག་ནས་ཀྱང་། །སླན་ཆད་གསང་བའི་དབྱིངས་སུ་སྦྱོར། །གུ་ཧྱ་བྷ་ག་ས་མ་ཡ་སྟྭཾ་ལཾ་མཾ་མ་ཧཱ་ཙིཏྟ་ཧོ། ཞེས་གསུངས་པ་དང་། བརྒྱལ་བ་ཐམས་ཅད་དྲན་པ་སླར་རྙེད་ནས། དབང་དྲག་གི་དཀྱིལ་འཁོར་ན། འདར་ཡེད་ཡེད་འདུག་པ་རང་རང་གིས་ཚོར། དེ་ནས་རྡོ་རྗེ་སེམས་དཔའ་ལ་སོགས་པས་གསོལ་པ། དཀྱིལ་འཁོར་ཆེན་པོ་ཨ་ལ་ལ། །དབང་དྲག་དཀྱིལ་འཁོར་བདེ་བའི་མཆོག །གསང་སྔགས་ཆེན་པོ་ཨ་ལ་ལ། །འདྲེ་གདོན་སྤར་འཕང་ཆོ་འཕྲུལ་ཆེ། །མཚོན་ཆ་ཆེན་པོ་ཨ་ལ་ལ། །དབང་དྲག་ཕུར་བུས་དགེ་སྡིག་སྦྱོངས། །ཁྲག་འཐུང་ཆེན་པོ་ཨ་ལ་ལ། །བླ་མེད་ཁྲག་འཐུང་ཆེ་བཙན་མཆོག །མཁའ་འགྲོ་ཆེན་པོ་ཨ་ལ་ལ། །ཡེ་ཤེས་མཁའ་འགྲོ་སྤྲུལ་པའི་མཆོག །ཅེས་སྨྲས་སོ། །རྡོ་རྗེ་སེམས་དཔས་ཡང་གསོལ་པ། རྫུ་འཕྲུལ་ཐམས་ཅད་ཀྱི་མཆོག །མུ་སྟེགས་ཐམས་ཅད་ཀྱི་གཉེན་པོ་ ― DNG022_Page_0508 ―
[མ་དཔེ་གཟིགས་ན་འདིར་གནོན།]
བདག་ཉིད་ལགས་ཏེ། བདག་གི་མིང་ཡང་རྡོ་རྗེ་སེམས་དཔའ་བཏགས་པ་ལགས་བླ་མེད་བཅོམ་ལྡནའདས་ཀྱི་སྤྱན་སྔར། དབང་དྲག་གི་དཀྱིལ་འཁོར་ཆེན་པོ་རུ་ཆོ་འཕྲུལ་གྱིས། བདག་ཀྱང་བརྒྱལ་བར་གྱུར་ན། མི་མཐུན་གཞན་སྨོས་ཀྱང་ཅི་འཚལ། །དབང་དྲག་དཀྱིལ་འཁོར་ཆེན་པོ་འདི། །དུས་གསུམ་དག་ཏུ་མི་འགྱུར་བར། །བསྟེན་པ་ཉིད་དུ་བདག་ཉིད་བགྱིད། །གསང་བ་མཆོག་ཀྱང་དེ་བཞིན་འཛིན། །ཞེས་གསོལ་ཏོ། །དེ་ནས་དབང་དྲག་གི་དཀྱིལ་འཁོར་ཆེན་པོའི་ཆོ་འཕྲུལ་གྱིས། མུ་སྟེགས་ཀཱ་ལ་ ཆེན་པོ་གདན་དུ་བཏིང་བར་གྱུར་ཏོ། །སྒྲུབ་པའི་བར་དུ་གཅོད་ཅིང་རྣལ་འབྱོར་གྱི་དགྲ་བགེགས་གནོན་པའི་ལེའུ་སྟེ་ཉི་ཤུ་པའོ།། །།གཡུང་དྲུང་ལྷ་ཡིས་ཡང་གསོལ་པ། །རྡོ་རྗེ་རྒྱལ་པོས་བཀའ་སྩལ་པའི། །རྒྱུད་ལུང་ཆེན་པོ་འདི་དག་ལ། །སྐྱེ་བོ་གང་ཞིག་ཡིད་རང་སྟེ། །མོས་པས་དངོས་གྲུབ་ཅི་ལྟར་འགྱུར། །གང་ཞིག་འདི་ལ་མ་དད་པའི། །སྐུར་པ་འདེབས་པའི་སྐྱེ་བོ་ལ། །རྣམ་སྨིན་ཆད་པ་ཇི་ལྟ་བུ། །ངོ་མཚར་ལྷ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །ཡང་དག་རྫོགས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །ངས་གསུངས་པ་ཡི་ལུང་འདི་ལ། །སྐྱེ་བོ་གང་ཞིག་བརྩོན་འགྲུས་པ། །ལུས་འདི་ཉིད་ཀྱིས་སྲིད་པ་བརྗེ། །ཚེ་འདི་ཉིད་ལ་དགོངས་པ་རྫོགས། །རྒྱལ་པོ་བཞིན་དུ་ཆེ་བར་ངེས། །ངས་གསུངས་པ་ཡི་དོན་འདི་ལ། །རྣལ་འབྱོར་གང་ཞིག་དད་མོས་པ། །སྲིད་གསུམ་དབང་ཆེན་ཐམས་ཅད་ལ། །ཤེས་རབ་མིག་གིས་བལྟས་པའི་ཚེ། །སྲིད་གསུམ་དཀྱིལ་འཁོར་རྫོགས་པར་མཐོང་། །དེ་ལ་རིམ་གྲོ་མཆོད་པར་བྱེད། །བསྒོ་བའི་ཚིག་རྣམས་བྲན་བཞིན་ཉན། །ངས་གསུངས་པ་ཡི་ལུང་འདི་ལ། །གང་ཞིག་སྐུར་པ་འདེབས་པ་དེ། །དམ་སྲི་དམར་པོར་སྐྱེ་བར་ངེས། །དབང་ཆེན་ཀུན་གྱིས་སྡིག་མཐོང་ནས། །ཚེ་འདི་ཉིད་ལ་སྨྱོ་འབོག་ཅིང་། །དུས་མིན་པ་རུ་སྲོག་ཟད་ངེས། །ངས་གསུངས་པ་ཡི་ལུང་འདི་ལ། །དོན་མེད་ཕྱལ་པར་སྒྲོགས་པ་དེ། །དམྱལ་བ་རྡོ་རྗེར་ལྷུང་ནས་ཀྱང་། །ཐར་པའི་དུས་མེད་འོ་དོད་འབོད། །སླན་ཆད་སྡོམ་ཞེས་སྨྲ་བར་ངེས། ། ― DNG022_Page_0509 ―
[མ་དཔེ་གཟིགས་ན་འདིར་གནོན།]
ངས་གསུངས་པ་ཡི་ལུང་འདི་ལ། །མི་དད་སྤངས་པའི་སེམས་ཅན་ལ། །གཤིན་རྗེའི་ཞགས་པས་བཟུང་ནས་སུ། །ཉེས་དམིགས་ཁྲམ་ལ་བཏབ་ནས་སུ། །ཚོགས་ཀྱི་བདག་ལ་ཕུལ་ནས་ཀྱང་། །ལྷུ་གཟུགས་ཐམས་ཅད་འདྲེལ་བར་ངེས། །ངས་གསུངས་པ་ཡི་ལུང་འདི་ལ། །སྐྱེ་བོ་གང་ཞིག་དད་མོས་པ། །འཇིག་རྟེན་འདི་ཡི་ཡོན་ཏན་ཡང་། །ཡིད་བཞིན་ནོར་བུ་འབར་བ་བཞིན། །འཇིག་རྟེན་ཕྱི་མའི་དངོས་གྲུབ་དང་། །ཐར་པ་བདེ་བའི་འབྲས་བུ་ཡིས། །རིག་འཛིན་ས་ལ་གདོན་མི་ཟ། །སྐྱེ་འགག་མེད་པའི་དངོས་གྲུབ་ཀྱིས། །མི་འགྱུར་རྡོ་རྗེའི་དངོས་གྲུབ་ཐོབ། །ངས་གསུངས་པ་ལ་ཐེ་ཚོམ་མེད། །དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔའ་ལ་སོགས་ཏེ། རིགས་ལྔའི་སངས་རྒྱས་དང་། སྲིད་པ་ཕྲ་མེན་རྒྱ་མཚོ་ལ་སོགས་ཏེ། མ་མོ་སྟོང་གི་ཚོགས་དང་། ལྷ་ཆེན་པོ་གནོད་འདུལ་ལ་སོགས་ཏེ། ལྷ་གཡུང་དྲུང་གི་རིགས་མང་པོ་དང་། རྡོ་རྗེ་གཞོན་ནུ་མོ་ལ་སོགས་ཏེ། རིག་འཛིན་གྱི་བུད་མེད་རབ་ཏུ་མང་པོ་དང་། ཧེ་རུ་ཀ་སྣི་ལ་སོགས་ཏེ། འཇིག་རྟེན་གྱི་མ་མོ་དབང་མོ་ཆེ་མང་པོ་དང་། འཇིག་རྟེན་དབང་ཆེན་རབ་ཏུ་མང་པོ་རྣམས་ཀྱང་། གུས་པས་ཡི་རངས་ཏེ། ཐར་པ་བདེ་བ་ཆེན་པོ་ཐོབ་ནས། ཨ་ལ་ལའི་སྒྲ་བྱུང་སྟེ། རིག་འཛིན་གྱི་དམ་ཚིག་ཅན་དུ་གྱུར་ཏོ། །འཇིགས་བྱེད་དཔལ་གྱི་ཞལ་སྔ་ནས། དམོད་བཙུག་པའི་ལེའུ་སྟེ་ཉི་ཤུ་པའོ།། །། སྲིད་པའི་རྫོང་ལུང་ཆེན་མོ་རྫོགས་སོ།། །། ཆོ་ག་ལུང་བསྟན་རྫོགས་པ་འདི། །གང་གིས་རྙེད་པ་དངོས་གྲུབ་སྟེ། །མ་ཉམས་དག་ན་བསམ་པ་འགྲུབ། །དམ་ཚིག་གཙང་ན་རྙེད་པར་འགྱུར། །སྲིད་པ་གསང་བའི་རྫོང་ལུང་འདི། །འགྲོ་བའི་དོན་ལ་དགའ་བ་དང་། །ཐེག་པ་ཆེན་པོར་གཙོར་ལེན་ཅིང་། །རྡོ་རྗེ་སློབ་དཔོན་མཆོད་བྱེད་ཅིང་། །ལུ་གུ་རྒྱུད་ལ་བརྩེ་སྡོམ་པའི། །སྐལ་ལྡན་དེ་དང་འཕྲད་པར་ཤོག །རྒྱུད་གཏད་པའི་ལེའུ་སྟེ་ཉི་ཤུ་རྩ་གཅིག་པའོ།། །།གནོད་འདུལ་ལྷ་ཡིས་ཡང་གསོལ་པ། །འགྲོ་བའི་ཚེ་མཆོག་བསྡུ་བ་དང་། །རྣལ་འབྱོར་རྣམས་ལ་ཕན་གདགས་ཕྱིར། །མངོན་རྫོགས་ཡབ་ལ་བདག་ཉན་འཚལ། །མངོན་རྫོགས་ཡབ་ཀྱིས་བཀའ་ ― DNG022_Page_0510 ―
[མ་དཔེ་གཟིགས་ན་འདིར་གནོན།]
སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །རྣལ་འབྱོར་པ་ཡི་ཚེ་མཆོག་ནི། །ཡང་དག་ཉིད་དུ་ངས་བཤད་དོ། །དེ་ལ་ཚེ་ལུང་རྣམ་པ་མང་མཆིས་ཀྱང་། །ལུང་ལས་མན་ངག་ཏུ་བསྒྲུབ་པས། །མི་འཕྲོགས་པ་རྡོ་རྗེ་ངེས་པའི་ཚེ། །འཕེལ་འགྲིབ་རྟེན་གྱི་ཚེ་དང་གཉིས་སོ། །དེ་ལ་མི་འཕྲོགས་པ་རྡོ་རྗེ་ངེས་པའི་ཚེ་ལ། སྒྲུབ་པ་ཆེན་པོའི་དུས་ལ་བབ་མ་བབ་བསྟན་པ་དང་། དུས་ལ་བབ་ན་རིགས་ལྔ་གང་དུ་འགྲོ། ཡང་སྒྲུབ་པའི་ཐབས་དང་། ཡོན་བདག་ལ་རྒྱས་པར་བྱ་བ་དང་། བསྒྲུབ་ནས་གཏམས་པའི་ས་དང་། སྔགས་མཁན་ཉིད་ལ་སྒྲུབ་པ་དང་ལྔའོ། །དེ་ལ་བསྒྲུབ་པ་ཆེན་པོའི་དུས་ལ་བབ་མ་བབ་བརྟག་པ་ནི། ལུས་གར་ལེན་གནས་གང་དུ་འགྲོ་བ་བསྒོམས་པས་ཐག་བཅད། དུས་ལ་བབ་ན་སྒྲུབ་པའི་ཐབས་ནི། བདག་ཨཱ་ཡུརྫྙཱ་ན་བིནྡུ་ཨ་ཡི་ཐུགས་གསལ་བ་དང་། ཚེ་ཡི་རིགས་ཨཱ་ཡུརྫྙཱ་ན་ཛར་གསལ་བ་གཉིས། བིནྡུ་ཡའི་ཐུགས་གསང་བ་བྱང་ཆུབ་སེམས་དཀར་ལ་འཚེར་བ་དང་། བིན་དུ་ཛ་ཏའི་ཐུགས་གསང་བྱང་ཆུབ་ཀྱི་སེམས་དམར་ལ་དྭངས་པ་བསྐྱེད་པའི་བྱང་ཆུབ་ཀྱི་སེམས་འཕྲོ་འདུ་ལས། གསེར་དངུལ་བསྲེས་པ་ཞུན་བྱས་པའི་ཁ་དོག་འདྲ་བའི། འོད་ཟེར་གྱིས་རིགས་ལྔའི་གནས་སུ་ཁྱབ་པར་བྱས་ཏེ། རིགས་ལྔ་ཐམས་ཅད་ཆགས་པའི་སེམས་བསྐྱེད་དོ། །གསང་བ་དགྱེས་པ་བསྐྱེད་ནས་བདེ་བའི་མཆོད་པ་ཕུལ་ལོ། །རིགས་ལྔ་ཞེས་བྱ་བ་ནི་མཁའ་བཞི་དབྱིངས་དང་ལྔ་སྟེ། དུང་ཅན་གྱི་མཁའ་དང་། བན་གླང་ཅན་གྱི་མཁའ་དང་། པདྨ་ཅན་གྱི་མཁའ་དང་། རི་མོ་ཅན་གྱི་མཁའ་དང་བཞིའོ། །དབྱིངས་ནི་གསང་བ་བདེ་བའི་ཡུམ་གྲོགས་མོའི་རྒྱལ་མོའོ། །དུས་ཆེན་མོ་ལ་བབ་ཀྱང་འདི་ལྔའི་མཁར་འགྲོ་བ་ལས་མ་གཏོགས་པ་གཞན་མེད་པས་འདི་ལྔ་ལ་གསང་བ་བདེ་བའི་མཆོད་པ་ཕུལ་ཏེ། ཐུགས་དམ་བསྐང་ལ། ཡེ་ཤེས་ཀྱི་འཕྲོ་འདུ་བསྣུར་བ་ནི། སྒྲུབ་བསྣུར་བའི་ཐབས་སོ། །དེ་ལ་བསྐུལ་པའི་ཚིག་འདི་སྐད་དོ། །ཨ་ནི་མ་སྐྱེས་སྐུ་ཉིད་ལས། །གསང་བ་བདེ་བའི་དོན་བྱུང་བ། །རྡོ་རྗེ་ལ་གནས་པདྨོར་བསྐྱིལ། །མ་ཆགས་མི་ལྡན་འཕྲོ་འདུ་ཡིས། །ཡུམ་གྱི་ཐུགས་དམ་དེས་བསྐངས་ལ། །འགྲོ་བའི་ཚེ་དཔལ་ ― DNG022_Page_0511 ―
[མ་དཔེ་གཟིགས་ན་འདིར་གནོན།]
བརྟན་པར་མཛོད། །བདེ་བ་རྒྱས་འདེབས་ཚེ་ནི་རྡོ་རྗེ་བརྟན། །བདེ་བ་རྨོངས་བྱེད་ཚེ་འདི་པདྨར་བསྟེན། །བདེ་བ་ཟ་བྱེད་ཚེ་འདི་ངེས་པར་སྤེལ། །བདེ་བ་ཚེ་འཕེལ་འགྲོ་བའི་རེ་བ་སྐོང་། །བདེ་ཀློང་ཡངས་པ་སྲིད་པ་ཀུན་གྱི་ཡུམ། །གང་འདིར་དུས་ལ་བབ་ཀྱང་མཁས་པས་སླར་སྒྱུར་ཅིག །དེ་ལ་ཉམས་བསྣུར་ལ་གདགས་པའི་སར་ནི་སླར་མཁའ་དབྱིངས་དང་ལྔ་ཉིད་གསང་བའི་འཕྲོ་འདུ་དབང་གི་དཀྱིལ་འཁོར་བསྐྱེད་ལ་གདམས་སོ། །དེ་ལ་བསྐུལ་ཚིག་ནི། ཤར་ཕྱོགས་བདེ་ཀློང་ཕོ་བྲང་ནས། །ངེས་པའི་ཚེ་ལ་དབང་བསྐུར་ཞིང་། །སྐུ་མདོག་དཀར་མོ་སྒེག་མ་ལ། །སྤྱན་གསུམ་དུང་གི་ལན་ཚར་ཅན། །འོད་ཟེར་དཀར་པོ་ཕྱོགས་བཅུར་འཕྲོ། །མ་ཆགས་ཐབས་ལ་མངོན་པར་རོལ། །གསང་བའི་མཁའ་ལ་ཤེལ་གྱི་གའུ་བསྐྱིལ། །གཡས་ཀྱི་ཕྱག་ན་རྡོ་རྗེ་རྩེ་དགུ་བསྣམས། །གཡོན་གྱི་ཕྱག་ནི་གའུ་ཉིད་ལ་བརྟེན། །རྡོ་རྗེ་རྩེ་གསུམ་ཤར་ཕྱོགས་དབང་དུ་སྡུད། །ཤེལ་གྱི་ག་འུར་ངེས་པའི་ཚེ་གདམས་སོ། །ལྷོ་ཕྱོགས་བདེ་ཀློང་ཕོ་བྲང་ནས། །ངེས་པའི་ཚེ་ལ་དབང་སྒྱུར་མ། །སྐུ་མདོག་སྔོན་མོ་སྒེག་མ་ལ། །ནོར་བུ་རིན་ཆེན་ལན་ཕྲན་ཅན། །སྤྱན་གསུམ་མཆེ་བ་གཙིགས་མཛད་མ། །འོད་ཟེར་སྔོན་པོ་ཕྱོགས་བཅུར་འཕྲོ། །གཉིས་སུ་མེད་པའི་ཐབས་ལ་རོལ། །གསང་བའི་མཁའ་ལ་རིན་ཆེན་གའུ་བསྐྱིལ། །གཡས་ཀྱི་ཕྱག་ན་ནོར་བུ་རིན་ཆེན་ཀེ་ཀེ་རུ། །གཡོན་པ་གའུ་ཉིད་ལ་བརྟེན། །ནོར་བུ་རིན་ཆེན་ཀེ་ཀེ་རུ། །ལྷོ་ཕྱོགས་འཛམ་གླིང་དབང་དུ་སྡུད། །རིན་ཆེན་གའུར་ངེས་པའི་ཚེ་གདམས་སོ། །ནུབ་ཕྱོགས་བདེ་ཀློང་ཕོ་བྲང་ནས། །ངེས་པའི་ཚེ་ལ་དབང་སྒྱུར་མ། །སྐུ་མདོག་དམར་པོ་བསྒྱིངས་པ་ལ། །སྤྱན་གསུམ་བྱེ་རུའི་ལན་ཕྲན་ཅན། །འོད་ཟེར་དམར་པོ་ཕྱོགས་བཅུར་འཕྲོ། །མི་ལེན་ཐབས་ལ་མངོན་པར་རོལ། །གསང་བའི་མཁའ་ལ་བྱི་རུའི་གའུར་བསྐྱིལ། །གཡས་ཀྱི་ཕྱག་ན་པདྨའི་གའུ་བརྩེགས་པ་བསྣམས། །གཡོན་གྱི་ཕྱག་ན་གའུ་ཉིད་ལ་བརྟེན། །པདྨ་དགུ་བརྩེགས་ནུབ་ཕྱོགས་དབང་དུ་སྡུད། །བྱུ་རུའི་གའུར་ངེས་པའི་ཚེ་གདམས་སོ། །བྱང་ཕྱོགས་བདེ་ཀློང་ཕོ་བྲང་ནས། །ངེས་པའི་ཚེ་ལ་དབང་བསྒྱུར་ཞིང་། །སྐུ་མདོག་ལྗང་གུ་སྒེག་མ་ལ། ། ― DNG022_Page_0512 ―
[མ་དཔེ་གཟིགས་ན་འདིར་གནོན།]
སྤྱན་གསུམ་རྡོ་རྗེའི་ལན་ཕྲན་ཅན། །འོད་ཟེར་ལྗང་གུ་ཕྱོགས་བཅུར་འཕྲོ། །གྲུབ་པའི་ཐབས་ལ་མངོན་པར་རོལ། །གསང་བའི་མཁའ་ལ་རྡོ་རྗེའི་གའུ་བསྐྱིལ། །གཡས་ཀྱི་ཕྱག་ན་རྡོ་རྗེ་བསྣམས། །གཡོན་པ་གའུ་ཉིད་ལ་བརྟེན། །རྡོ་རྗེ་རྒྱ་གྲམ་བྱང་ཕྱོགས་དབང་དུ་སྡུད། །རྡོ་རྗེའི་ག་འུར་ངེས་པའི་ཚེ་གདམས་སོ། །སྟེང་འོག་བདེ་ཀློང་ཕོ་བྲང་ནས། །ངེས་པའི་ཚེ་ལ་མངའ་མཛད་མ། །ཅིར་ཡང་འགྱུར་བའི་སྐུ་མདོག་ལ། །སྤྱན་གསུམ་ལན་ཕྲན་ཅིར་ཡང་འཕྲོ། །ཆེད་འགའ་གཡུ་ཡི་རལ་པ་ཅན། །འོད་ཟེར་སྣ་ཚོགས་གླིང་བཞིར་འཕྲོ། །གཉིས་མེད་བརྟེན་པའི་ཐབས་ལ་ངེས་པར་རོལ། །གསང་བའི་མཁའ་ལ་གཡུ་ཡི་གའུ་བསྐྱིལ། །གཡས་ཀྱི་ཕྱག་ན་རུ་མཚོན་ཤིང་བསྣམས་ཤིང་། །གཡོན་པ་བྷནྡྷ་རཀྟས་བཀང་ནས་གའུ་ཉིད་ལ་བརྟེན། །རུ་མདུང་ཞིང་གི་གཡང་གཞིས་སྣང་སྲིད་ཐམས་ཅད་དབང་དུ་སྡུད། །གཡུ་ཡི་གའུར་ངེས་པའི་ཚེ་གདམས་སོ། །དེ་ནས་པདྨ་དབང་དུ་བསྡུས་ལ། སྙིང་པོའི་གའུ་ཕྱེས་ཏེ། ངེས་པའི་བྱང་ཆུབ་སེམས་ལ་གདམས་སོ། །དངོས་གྲུབ་ནི་གསང་བར་ནོད་དོ། །དེ་ནི་ཚེ་གདམས་པའོ། །ཚེ་ཡོན་བདག་ལ་རྒྱས་པར་བྱ་བ་ནི། ཕོ་ལ་ཨ་དཀར་པོ། མོ་ལ་ཨཾ་དམར་སྐྱས་བྱིན་གྱིས་བརླབས་ལ། ཐབས་དང་ཤེས་རབ་ཀྱི་འཕྲོ་འདུ་ལྕེ་ལ་དབབ། དེ་ནས་ཚེ་རྟགས་མངོན་པར་བསྡིམ། དེར་བསྡིམས་ནས་རྟགས་དང་མཚན་མ་སྣ་ཚོགས་སུ་སྣང་། དེར་སྣང་ཞིང་གསལ་བའི་ངོ་བོར་འབྱུང་། དེ་ལ་འཁོར་ཀྱང་དེ་བཞིན་ཏེ། །ཡི་གེ་བརྒྱད་ཀྱང་འཁོར་བར་བཞག །ལས་ཀྱི་བུམ་པར་སྡིམ་པར་བྱེད། །དེས་ནི་ཕུང་པོ་ཡང་དག་རྒྱས། །གཟུགས་ནི་རྡོ་རྗེ་རི་རབ་པས། །ཆེ་བར་བྱིན་གྱིས་བརླབས་ནས་སུ། །ཅིས་ཀྱང་མི་འཇིགས་བརྟན་པར་བསྒོམ། །དེ་ནི་རྒྱས་པར་བྱ་བའོ། །ཚེ་སྔགས་མཁན་ལ་བསྐུ་བ་ནི། །བདག་ཉིད་ཆེ་བའི་ལྷར་བསམ་སྟེ། །འོད་ཀྱི་འཕྲོ་འདུ་ཡང་བསམ་ལ། །རྒྱུན་མི་འཆད་པར་གྱེས་པ་ཡིས། །དབྱིངས་ལ་སོགས་པའི་ཐུགས་དམ་བསྐང་། །ངེས་པ་ཉིད་དུ་གཉིས་སུ་གསལ་བ་ ― DNG022_Page_0513 ―
[མ་དཔེ་གཟིགས་ན་འདིར་གནོན།]
ལས། ཨ་དང་ཨེ་གཉིས་རྒྱུན་མི་འཆད་པར་གྱེས་པས། མཁའ་བཞི་དབྱིངས་དང་ལྔ་ཡི་ཐུགས་དམ་བསྐང་། །གཅིག་ནས་གཅིག་ཏུ་གནས་གྱུར་ཏེ། །འདྲེན་པའི་ཕྱག་རྒྱས་གསལ་བར་དྲངས། །གསང་བ་ཉིད་དུ་འདུ་བར་བསྒོམ། །བདག་ཉིད་རིན་ཆེན་དཀྱིལ་འཁོར་དུ། །ཐུགས་ཀའི་ངོ་བོ་གསལ་བསྒོམ་སྟེ། །ཤེས་རབ་དབང་གི་མཆོད་པ་འབུལ། །དྭངས་མའི་ལམ་དུ་བྱུང་ནས་ནི། །ཡེ་ཤེས་སྲས་སུ་བཞག་ནས་ནི། །ཡེ་ཤེས་སྦས་པའི་ཚེ་ཞེས་བྱ། །ཚིག་ཏུ་ཡང་། ཁྲོ་བོའི་ཐུགས་ལས་བསྐྱེད་པའི་འཕྲོ་འདུ་ནི། །ཨཱ་ཡུརྫྙཱ་ན་བིན་དུ་ཨ་ནི་ཐབས་ཀྱི་སྐུ། །ཨཱ་ཡུརྫྙཱ་ན་བིན་དུ་ཛ་ནི་ཤེས་རབ་གསལ། །ཐབས་ཀྱི་རང་བཞིན་སྐུ་མདོག་དཀར་བ་ལ། །ཡུམ་གྱི་ཚོམ་དུ་འོད་ལམ་ལམ། །གཡས་ན་རྡོ་རྗེ་ཐུགས་ཀར་གསོར། །གཡོན་པ་མཁའ་ལ་ཆགས་པའི་གཡབ་མོ་འདོར། །ཡུམ་གྱི་སྐུ་མདོག་ལེ་བརྒན་ལ། །དགྱེས་པའི་རྟགས་སུ་གསེར་གྱི་འོད་ཟེར་འཕྲོ། །ཕྱག་གཡོན་རྡོ་རྗེ་གའུ་བསྣམས། །གཡས་ན་ལེ་བརྒན་གཡབ་མོ་འདོར་། །སྲིད་པ་དབང་སྡུད་ཡབ་ཀྱི་ཐུགས་ཀར་སྡིམས་ཤིག་བིན་དུ་ཛ། དེ་ལྟར་ཐུགས་ལ་མཆོད་པ་ཕུལ་ནས། དཔལ་གྱི་འཁོར་ཚོགས་ཀྱིས་བསྐོར་ཏེ་བཞག །འཕེལ་འགྲིབ་བརྟན་པའི་ཚེ་ལ་དོན་ལ་རྣམ་པ་ལྔ་སྟེ། བརྟན་པའི་ཚེ་ཉམས་མ་ཉམས་པ་བརྟག་པ་དང་། ཉམས་ན་དགུག་པའི་ཐབས། ཁུགས་ནས་བསྐུར་བ་དང་རྒྱས་པར་བྱ་བ་དང་བརྟན་པར་བྱ་བའོ། །དེ་ལ་ཚེ་ཉམས་མ་ཉམས་བརྟག་པ་ནི། པྲ་དང་མཚན་མ་ལྟས་དང་མོ་ཕྱྭ་ཡན་ཆད་ཀྱིས་བརྟག་གོ། །ཉམས་ན་འགུགས་པའི་ཐབས་ནི་བདག་ཉིད་དབང་གི་ཧེ་རུ་ཀར་བསྒོམ་ལ་ཐུགས་ཀར་ཡེ་ཤེས་ཀྱི་འོད་ཟེར་སྤྲོས་ལ། ཚེ་ཡི་མ་མོ་རྣམས་བསྐུལ་ཏེ་དགུག་གོ། །དགུག་པའི་དངོས་པོ་ནི་ཡི་གེ་ནྲྀ་ལས་ཧཱུཾ་དུ་དམིགས་ཏེ། ལྕགས་ཀྱུའི་ཕྱག་རྒྱས་དྲང་ངོ་། །ཧཱུཾ་ཤར་ཕྱོགས་བྷ་གའི་ཀློང་ཡངས་སུ། །འབྱུང་བའི་ལག་ཏུ་ཚེ་ཉམས་པ། །དྲི་ཟའི་ལག་ཏུ་དཔལ་ཉམས་པ། །དེ་ཡི་ཕོ་ཉ་བསྐྱོད་མཛད་དེ། །སྐུ་མདོག་སེར་སྐྱ་སྤྱན་གསུམ་རལ་པ་ཅན། །ཕྱག་མ་གཡས་ན་ལྕགས་ཀྱུ་དགུས་གཏམས་ཤིང་། ། ― DNG022_Page_0514 ―
[མ་དཔེ་གཟིགས་ན་འདིར་གནོན།]
གཡོན་པ་གར་སྟབས་གཡབ་འདོར་མ། །འབྱུང་པོའི་ལག་ནས་ཚེ་དྲོངས་ལ། །དྲི་ཟའི་ལག་ནས་དཔལ་སྐྱོབས་ཤིག །ལྷོ་ཕྱོགས་བྷ་གའི་ཀློང་ཡངས་སུ། །གཤིན་རྗེའི་ལག་ཏུ་ཚེ་ཉམས་པ། །སྲིན་པོའི་ལག་ཏུ་དཔལ་ཕྲོགས་ཀྱང་། །དེ་ཡི་ཕོ་ཉ་བསྐྱོད་མཛད་དེ། །སྐུ་མདོག་སྔོན་མོ་སྤྱན་གསུམ་རལ་པ་ཅན། །གཡས་ཀྱི་ཕྱག་ན་ལྕགས་ཀྱུ་དགུས་གཏམས་ཤིང་། །གཡོན་པ་གར་ཐབས་གཡབ་འདོར་མ། །གཤིན་རྗེའི་ལག་ནས་ཚེ་དྲོངས་ལ། །སྲིན་པོའི་ལག་ནས་དཔལ་སྐྱོབས་ཤིག །ནུབ་ཕྱོགས་བྷ་ག་ཀློང་ཡངས་སུ། །ཀླུ་ཡི་ལག་ཏུ་ཚེ་ཉམས་པ། །ཡི་དྭགས་ལག་ཏུ་དཔལ་ཕྲོགས་ན། །དེ་ཡི་ཕོ་ཉ་བསྐྱོད་མཛད་དེ། །སྐུ་མདོག་མཚལ་དུ་སྤྱན་གསུམ་རལ་པ་ཅན། །གཡས་ཀྱི་ཕྱག་ན་ལྕགས་ཀྱུ་དགུས་གཏམས་ཤིང་། །གཡོན་པ་གར་སྟབ་གཡབ་འདོར་མ། །ཀླུ་ཡི་ལག་ནས་ཚེ་དྲོངས་ལ། །ཡི་དྭགས་ལག་ནས་དཔལ་སྐྱོབས་ཤིག །བྱང་ཕྱོགས་བྷ་གའི་ཀློང་ཡངས་སུ། །གནོད་སྦྱིན་ལག་ཏུ་ཚེ་ཉམས་པ། །བགེགས་ཀྱི་ལག་ཏུ་དཔལ་ཕྲོགས་ན། །དེ་ཡི་ཕོ་ཉ་བསྐྱོད་མཛད་མ། །སྐུ་མདོག་ལྗང་གུ་སྤྱན་གསུམ་རལ་པ་ཅན། །གཡས་ཀྱི་ཕྱག་ན་དྲིལ་བུ་དགུས་གཏམས་ཤིང་། །གཡོན་པ་གར་ཐབས་གཡབ་འདོར་མ། །གནོད་སྦྱིན་ལག་ནས་ཚེ་དྲོངས་ལ། །བགེགས་ཀྱི་ལག་ནས་དཔལ་སྐྱོབས་ཤིག །སྟེང་གི་བྷ་ག་ཀློང་ཡངས་སུ། །ཡ་བདུད་ལག་ནས་ཚེ་ཉམས་པ། །རྒྱལ་འགོང་ལག་ཏུ་དཔལ་ཕྲོགས་ན། །དེ་ཡི་ཕོ་ཉ་བསྐྱོད་མཛད་དེ། །སྐུ་མདོག་དམར་པོ་ཁྲག་གི་རལ་པ་ཅན། །ཉི་ཟླ་སྤྱན་དུ་མཛད་པའི་མཐུ་མོ་ཆེ། །གཡས་ཀྱི་ཕྱག་ན་ཞིང་གི་གཡང་གཞི་བསྣམས། །གཡོན་ན་ཚངས་པའི་མགོ་བཅད་ཁྲག་འཛག་བསྣམས། །ཡ་བདུད་ལག་ནས་ཚེ་དྲོངས་ལ། །བགེགས་ཀྱི་ལག་ནས་དཔལ་སྐྱོབས་ཤིག །འོག་ཕྱོགས་བྷ་གའི་ཀློང་ཡངས་སུ། །ས་བདག་ལག་ནས་ཚེ་ཉམས་པ། །མ་བདུད་ལག་ཏུ་དཔལ་ཕྲོགས་ཀྱང་། །དེ་ཡི་ཕོ་ཉ་བསྐྱོད་མཛད་མ། །ནག་མོ་ཆེན་མོ་རལ་པ་ཅན། །གཡས་ཀྱི་ཕྱག་ན་ཏྲི་ཤཱུལ་རུ་མདུང་བསྣམས། །གཡོན་པས་བྷནྡྷ་རཀྟས་བཀང་བ་བསྣམས། །ས་བདག་ ― DNG022_Page_0515 ―
[མ་དཔེ་གཟིགས་ན་འདིར་གནོན།]
ལག་ནས་ཚེ་དྲོངས་ལ། །མ་བདུད་ལག་ནས་དཔལ་སྐྱོབས་ཤིག །མཚམས་བཞི་བྷ་ག་ཟུར་བཞི་ལ། །བཙན་འགོང་གནས་ནས་ཚེ་ཉམས་པ། །འབྲོག་སྲིན་ལག་ཏུ་དཔལ་ཕྲོགས་ཀྱང་། །དེ་ཡི་ཕོ་ཉ་བསྐྱོད་མཛད་མ། །རིན་ཆེན་སྲིད་འདེགས་མཛེས་པའི་ཟ་མ་ཏོག །གཡོན་ན་དུང་གི་ཟོ་བ་ཐོགས། །གཡོན་ན་གཡུ་ཡི་ཟ་མ་ཏོག །བཙན་འགོང་ལག་ནས་ཚེ་དྲོངས་ལ། །འབྲོག་སྲིན་ལག་ནས་དཔལ་སྐྱོབས་ཤིག །ཨོཾ་བཛྲ་ཡཀྴ་བྷནྡྷ་རཀྟ་བཛྲ་ཕཊ། ཧཱུཾ་ནྲྀ་ཧཱུཾ་ནྲྀ་ཧཱུཾ་ཧཱུཾ་ནྲྀ་ཛ་ཕཊ། དེ་ནས་ཉམས་དང་སྦྱར་ཏེ་ཁུགས་པ་དང་། ཚེ་བརྟན་པར་བྱ་སྟེ། འཕེལ་འགྲིབ་ཀྱི་ཚེ་རྟེན་ལ་བསྡུས་ཏེ། ཚེ་རྟེན་ཅི་ཡང་རུང་བ་གཅིག་ལ་བསྡིམས། དེ་ནས་བཛྲ་ཤིང་གི་གི་རི་གི་རི་ཞེས་བརྗོད་དོ། །ཚེ་རྡོ་རྗེའི་གུར་དུ་གྱུར་པས་བསྒོམ་མོ། །དེ་ཡི་ནང་དུ་ཚེ་ཧཱུཾ་མཐིང་སྐྱར་དམིགས་ཏེ། ཁྲོ་བོ་ཧ་ཡ་གྲཱི་ཝས་བསྲུང་བར་བསྒོམ། གུར་གྱི་ཕྱི་རོལ་དུ་མགོ་བརྙན་མ་བརྒྱད་བསྒོམ་ལ། རྒྱས་གདབ་པའི་ཚིག་བཤད་བྱས་ལ་རྒྱས་གདབ་པོ། །ཚིག་ཏུ་ཡང་། སྲིད་པ་རྒྱས་འདེབས་དབང་ཕྱུག་ང་ཡི་རྒྱ། །དེ་ནས་གཉིས་མེད་རོལ་པའི་བདེ་མཆོག་ཡུམ་གྱི་རྒྱ། །དེ་ནས་མཁའ་འགྲོ་གྲུབ་པའི་རྒྱ། །རང་བྱུང་རྒྱས་གདེབ་ལས་མཁན་རྒྱས་ཐོབ་ཤིག །ཅེས་བརྗོད་ལ་ལས་མཁན་མོས་རྒྱས་གདབ་པོ། །རྒྱས་པར་བྱ་བ་ནི་ཚེ་དཔའ་བོ་འབྲུ་ལྔར་དམིགས་ལ་ཕུང་པོ་ལྔ་ལ་བསྡུས་ཏེ། དེ་ནས་རྒྱ་གྲམ་གྱིས་གོ་བགོ། དེ་ནས་རྡོ་རྗེ་རྐྱང་པས་བཀའ་ནན་བྱ། དེའི་སྔགས་ནི། སརྦ་མཻ་ཏྲི་ཏྲི་ཀཱ་པཱ་ཙི་ན་བི། དུང་པུར་ཏེ་རོ་ཏ་རག་ཧཱུཾ་ཧཱུཾ། བསྐུལ་པ་ནི་ངེས་པའི་ཚེ་དང་མཐུན་ནོ། །རྡོ་རྗེ་ཚེའི་ལེའུ་སྟེ་ཉི་ཤུ་རྩ་གཉིས་པའོ།། །།གནོད་འདུལ་ལྷ་ཡིས་ཡང་གསོལ་པ། །སྲིད་པའི་དབང་ཆེན་ཐབས་ཀྱི་ནི། །དགྲ་བགེགས་ཐུན་ལ་དབབ་པའི་ལས། །མངོན་རྫོགས་ཡབ་ལ་བདག་ཉན་འཚལ། །རྫོགས་སངས་རྒྱས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །དགྲ་བགེགས་ཐུན་ཟོར་དབབ་པ་དང་། །དེ་ཡི་བསྐུལ་ཚིག་འདི་སྐད་དོ། །ཧཱུཾ་གསེར་གྱི་ནམ་མཁའ་སེར་པོ་ཕྱང་དཀྱིལ་ན། །གསེར་མཚོ་ཡེ་མོ་ཕྱང་དེ་བྱང་ཞིག་ནས། །གསེར་མཁར་ ― DNG022_Page_0516 ―
[མ་དཔེ་གཟིགས་ན་འདིར་གནོན།]
སེར་པོ་ཕྱང་དཀྱིལ་ནས། །མངའ་བདག་རྗེ་མོ་སུ་བཞུགས་ན། །གནམ་གྱི་གཙོ་མོ་གསེར་གྱི་རྒྱལ་མོ་བཞུགས། །ཕྱག་ན་གསེར་ཕུར་སེར་པོ་བསྣམས། །ནན་ཏུར་དགྲ་ལ་འཕེན་པའི་ཚེ། །གསེར་གྱི་ཕུར་བུ་བདུན་བདུན་འཕེན། །གཅིག་ནི་དཔྲལ་བའི་མཚམས་སུ་བརྡེག །ཚེ་དང་སྲོག་གི་རྟེན་ཕྲལ་མ། །གཅིག་ནི་མིག་གི་དཀྱིལ་དུ་བརྡེག །ལྟ་བ་ཀུན་གྱི་བཅུད་འཕྲོག་མ། །གཅིག་ནི་ལྕེ་ཡི་དཀྱིལ་དུ་བརྡེག །སྨྲ་བ་ངག་གི་དབང་སྡུད་མ། །གཅིག་ནི་དཔུང་མགོ་གཉིས་ལ་བརྡེག །སྟོབས་ཆེན་ཀུན་གྱི་རྩལ་འཕྲོག་མ། །གཅིག་ནི་སྙིང་གི་དཀྱིལ་དུ་བརྡེག །ཚེ་སྲོག་གཉིས་ཀྱི་དབང་སྡུད་མ། །གཅིག་ནི་ཕོ་མཚན་དཀྱིལ་དུ་བརྡེག །སྐྱེ་ཤི་གཉིས་ཀྱི་རབས་གཅོད་མ། །གཅིག་ནི་པུས་མོའི་དཀྱིལ་དུ་བརྡེག །འགྲོ་བ་ཀུན་གྱི་དབང་སྡུད་མ། །གཡུ་ཡི་ནམ་མཁའ་སྔོན་པོ་ཕྱང་ངེ་ཕྱང་། །མངའ་བདག་རྗེ་མོ་སུ་བཞུགས་ན། །ནམ་མཁའ་གཡུ་ཡི་གཡུ་སྐུ་བཞུགས། །ཕྱག་ན་གཡུ་ཡི་ཟོར་བ་སྔོན་པོ་བསྣམས། །དངུལ་གྱི་ནམ་མཁའ་དཀར་པོ་ཕྱང་ངེ་ཕྱང་། །མངའ་བདག་རྗེ་མོ་སུ་བཞུགས་ན། །དངུལ་གྱི་བཙུན་མོ་མ་བླ་བཞུགས། །ཕྱག་ན་དངུལ་ཟོར་དཀར་མོ་བསྣམས། །ཟངས་ཀྱི་ནམ་མཁའ་དམར་པོ་ཕྱང་ངེ་ཕྱང་། །མངའ་བདག་རྗེ་མོ་སུ་བཞུགས་ན། །ཟངས་ཀྱི་རྡོ་རྗེ་དམར་མོ་བཞུགས། །ཕྱག་ན་ཟངས་ཟོར་དམར་པོ་བསྣམས། །ལྕགས་ཀྱི་ནམ་མཁའ་སྔོན་པོ་ཕྱང་དཀྱིལ་ན། །དུག་མཚོ་ནག་པོ་ཕྱང་དཀྱིལ་ན། །མངའ་བདག་རྗེ་མོ་སུ་བཞུགས་ན། །སྲོག་གི་བདུད་མོ་ཆེན་མོ་བཞུགས། །སྡེར་མཆུ་མང་པོས་རྩ་རྒྱུས་འདྲེན། །སྙིང་གི་རྩ་ཆེན་དཀྲུག་ཅིང་ཟ། །མ་མོ་མཁའ་འགྲོ་ལས་ཀྱི་དུས། །སྟག་གི་མགོ་ཅན་མ་མོ་ནི། །རུས་མགོ་སུམ་བརྒྱ་དྲུག་ཅུ་འདྲལ། །འཐོག་ཅིང་འགྱེད་པའི་མ་མོ་ཡིན། །ལས་མཁན་ཆེན་མོ་ལས་མཛོད་ཅིག །རྒྱུད་བདག་ཆེན་མོས་རྒྱུད་བསྐུལ་ཅིག །མ་མོ་ཟོར་མཁན་ཆེན་མོ་ནི། །ཙིནྡ་མ་ནིའི་སྔགས་ཟློ་ཞིང་། །མུ་སྟེགས་ཕུང་པོ་བཤིག་བྱེད་མ། །འཇོམས་མ་ཆེན་མོ་ཡིད་འཕྲོག་ ― DNG022_Page_0517 ―
[མ་དཔེ་གཟིགས་ན་འདིར་གནོན།]
ཡིན། །འདོད་ཆགས་ཁྲག་གི་དཀྱིལ་འཁོར་ནས། །མ་མོ་ཟོར་མཁན་སྟོང་གིས་བསྐོར། །ནན་ཏར་གཡོས་པའི་དུས་བྱུང་ན། །ཡ་བླ་བདུད་ཀྱང་མི་ཆེའོ། །མ་བླ་བདུད་མོ་མི་ཆེའོ། །བཙན་ལ་ཁ་བཞི་ག་ལ་ཆེ། །མགྱོགས་མ་སྡེ་བརྒྱད་ག་ལ་ཆེ། །གནམ་ཐེའུ་དཀར་པོ་ག་ལ་ཆེ། །གྲི་བོ་གྲི་མོ་ག་ལ་ཆེ། །མ་མོ་མཁའ་འགྲོ་ལས་ཀྱི་དུས། །རུས་པའི་ཕུར་བུ་བདུན་བདུན་འཕེན། །ཡ་བླ་བདུད་ཀྱང་མི་ཆེའོ། །འཐབ་བྲལ་གནས་ནས་ཞགས་ཐོགས་མ། །སུམ་བརྒྱ་སྤྲུལ་པས་འགྱེད་པ་ཡི། །ཕོ་ཉ་སུམ་བརྒྱ་དྲུག་ཅུ་ལ། །མངག་པ་རྡོ་རྗེ་ལས་མཛོད་ཅིག །གཞན་འཕྲུལ་དབང་བྱེད་གནས་སུ་འཕེན། །རྣལ་འབྱོར་དམ་སྲི་དམ་བྲལ་གྱི། །ཡ་བླ་བདུད་ཀྱང་མི་ཆེའོ། །མ་བླ་བདུད་ཀྱང་མི་ཆེའོ། །གནམ་ཟོར་ཆེན་མོ་བཅུ་གསུམ་གྱིས། །བགེགས་ཀྱི་ཁོང་ཁྲག་དཀྲུག་ཅིང་ཟ། །ས་ཟོར་ཆེན་མོ་བཅུ་གསུམ་གྱིས། །དགྲ་པོའི་སྙིང་ཁྲག་དཀྲུག་ཅིང་འཐུང་། །དེ་ལྟར་ཟོར་གྱི་བདག་མོ་དང་། །མི་ནད་རིམས་ཀྱི་བདག་མོ་དང་། །རྟ་ཡི་ཁྲག་དང་བོང་བུའི་ཁྲག །ར་ཡི་ཁྲག་དང་གསེར་བརྡར་བའི། །གཡུ་བརྡར་ཆང་དང་ཕུད་ཀྱི་ནས། །ཉུང་དཀར་བླངས་ལ་སྔགས་འདི་བཟླས། །ཧཱུཾ་སྙིང་བྷྱོ། སྙིང་ངན་པ་རུ་ཏཾ། ཁོང་ཁྲག་ཏུ་བི་ར་རྟ་སརྦ་ན་སྭཱ་ཧཱ། ཡང་ན་བརྒྱ་བདུན་བཟླས། ཡང་ན་ཉི་ཤུ་རྩ་བདུན་བཟླས། ཡང་ན་བཅུ་བདུན་བཟླས་པར་བྱ། །ཆོ་ག་འདི་བསྟེན་ཕན་ཡོན་གང་། །སྲིད་པ་གསུམ་ཡང་ཐལ་བར་རླག །ལྷ་རྣམས་ཀུན་ཀྱང་འདར་ཞིང་གཡོ། །བདུད་དང་སྲིན་པོ་ཐལ་རླག་ན། །མ་ལུས་དགྲ་བགེགས་སྨོས་ཅི་དགོས། །མ་མོ་གསེར་ཟོར་གྱི་ལེའུ་སྟེ་ཉི་ཤུ་རྩ་གསུམ་པའོ།། །།གནོད་འདུལ་ལྷ་ཡིས་ཡང་གསོལ་པ། །སྒྲུབ་ལ་བར་ཆད་བྱེད་པ་དང་། །བསྟན་པ་གཉན་པོ་བཤིག་པ་དང་། །དགེ་བའི་བཤེས་གཉེན་སྐུ་དགྲ་ལ། །མ་མོའི་ཁྲག་ཟོར་བཏང་བ་ནི། །མངོན་རྫོགས་ཡབ་ལ་བདག་ཉན་འཚལ། །རྫོགས་སངས་རྒྱས་ཀྱིས་བཀའ་སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །བསྟན་པ་འཇིག་དང་བར་ཆོད་ལ། །སྐུ་དགྲ་གྱུར་པ་བསྒྲལ་བ་ནི། །ཡང་དག་ ― DNG022_Page_0518 ―
[མ་དཔེ་གཟིགས་ན་འདིར་གནོན།]
ཉིད་དུ་ངས་བཤད་དོ། །དེ་ལ་དང་པོ་ཁྲག་ཟོར་ཇི་ལྟར་བཏང་བ་ནི། །དངུལ་སྐྱོགས་དཀར་པོར་ཤ་རུས་སྦྱར་བ་བཞག །གཡུ་སྐྱོགས་སྔོན་པོར་དབུགས་དང་དྲི་ཆུ་བཞག །ཟངས་སྐྱོགས་དམར་པོར་རཀྟ་སྣ་ལྔ་སྦྱར་ལ་བཞག །ལྕགས་སྐྱོགས་སྔོན་པོར་དྲོང་དང་མཱང་ས་དྲི་དར་བཞག །གསེར་སྐྱོགས་སེར་པོར་བཀྲག་དང་མདངས་དང་ཤ་ཆེན་བཞག །སྐྱེ་ཚེ་དང་ལན་ཚྭ་དང་། ཉུང་ནག་ལ་སོགས་པ་གང་བྱ་བ་སྨོད་ཅིང་སྩལ་ལོ། །དེ་ལ་བསྐུལ་པའི་ཚིག་འདི་སྐད་དོ། །ཧཱུཾ་དངུལ་སྐྱོགས་དཀར་པོ་རུ། །བདུད་རྩི་སྐྱེམས་སྦྱར་ནས། །དམར་ཆེན་ཁྲག་བླུགས་ཤིང་། །ཟོར་རོ་ཤར་དུ་ཟོར། །འཕང་ངོ་ཤར་དུ་འཕང་། །མ་མོ་ཤར་གྱི་མངའ་བདག་མོ། །ཤར་བདུད་ཆོམས་ཤིག་རྣམ་སྣང་གསལ། །བཙན་ལ་སྒྱུར་ཅིག་རྡོ་རྗེ་དབང་མོ་ཆེ། །དགྲ་བོ་ཆོམས་ཤིག་སྦས་པའི་མ་མོའི་ཚོགས། །གཡུ་སྐྱོགས་སྔོན་པོ་རུ། །བདུད་རྩི་ཆུ་སྦྱར་ཅིང་། །དམར་ཆེན་ཁྲག་བླུགས་ཏེ། །ཟོར་རོ་བྱང་དུ་ཟོར། །འཕང་ངོ་བྱང་དུ་འཕང་། །བྱང་གི་མ་མོ་བྷྱོ། །བྱང་བདུད་ཆོམས་ཤིག་ཡང་གསལ་གཡོས། །བཙན་ཁ་སྒྱུར་ཅིག་ལས་ཀྱི་དབང་མོ་ཆེ། །དགྲ་བོ་ཆོམས་ཤིག་སྦས་པའི་མ་མོ་ཚོགས། །ཟངས་སྐྱོགས་དམར་པོ་རུ། །བདུད་རྩི་རཀྟ་སྦྱར། །དམར་ཆེན་ཁྲག་བླུགས་ཤིང་། །ཟོར་རོ་ནུབ་ཏུ་ཟོར། །འཕང་ངོ་ནུབ་ཏུ་འཕང་། །མ་མོ་ནུབ་ཀྱི་མ་མོ་བྷྱོ། །ནུབ་བདུད་ཆོམས་ཤིག་གཉེན་གསལ་མ། །བཙན་ཁ་སྒྱུར་ཅིག་པདྨ་དབང་མོ་ཆེ། །དགྲ་བོ་ཆོམས་ཤིག་སྦས་པའི་མ་མོའི་ཚོགས། །ལྕགས་སྐྱོགས་ནག་པོ་རུ། །བདུད་རྩི་མཱཾ་ས་སྦྱར། །དམར་ཆེན་ཁྲག་བླུགས་ཏེ། །ཟོར་རོ་ལྷོ་རུ་ཟོར། །འཕང་ངོ་ལྷོ་རུ་འཕང་། །མ་མོ་ལྷོ་ཡི་མ་མོ་བྷྱོ། །ལྷོ་བདུད་ཆོམས་ཤིག་འོད་གསལ་འབར། །བཙན་ཁ་སྒྱུར་ཅིག་རིན་ཆེན་དབང་མོ་ཆེ། །དགྲ་བོ་ཆོམས་ཤིག་སྦས་པའི་མ་མོའི་ཚོགས། །གསེར་སྐྱོགས་སེར་པོ་རུ། །བདུད་རྩི་ཆེན་པོ་སྦྱར། །དམར་ཆེན་ཁྲག་བླུགས་ཏེ། །ཟོར་རོ་འོག་དང་སྟེང་དུ་ཟོར། །འཕང་ངོ་སྟེང་དང་འོག་ཏུ་འཕང་། །མ་མོ་སྟེང་འོག་མ་མོ་བྷྱོ། །ཡ་བདུད་ཆོམས་ཤིག་བཀྲགས་གསལ་མཉམ། །མ་བདུད་ཆོམས་ཤིག་ ― DNG022_Page_0519 ―
[མ་དཔེ་གཟིགས་ན་འདིར་གནོན།]
རྒྱ་མཚོ་མ། །བཙན་ཁ་སྒྱུར་ཅིག་ཉི་ཟླ་ཐོད་ཕྲེང་ཅན། །དགྲ་བགེགས་ཆོམས་ཤིག་རྩ་བརྒྱད་མ། །ཤར་དུ་ཟོར་བཏང་རྒྱལ་རིགས་དགྲ་བོ་བསད། །བྱང་དུ་ཟོར་བཏང་རྗེ་རིགས་དགྲ་བོ་བསད། །ནུབ་ཏུ་ཟོར་བཏང་དམངས་རིགས་དགྲ་བོ་བསད། །ལྷོ་རུ་ཟོར་བཏང་གདོལ་པའི་དགྲ་བོ་བསད། །སྟེང་དུ་ཟོར་བཏང་མུ་སྟེགས་དགྲ་བོ་བསད། །གཞན་ཡང་མ་མོར་གྲགས་པ་ཀུན་བསྐུལ་ལོ། །དུག་སྣ་ཚོགས་དང་སྦྱར་ན་རིམས་ནད་དུ་འགྱུར་རོ། །དམར་དང་སྦྱར་ན་དམར་ནད་སྣ་ཚོགས་སུ་འགྱུར་རོ། །འཇིག་རྟེན་ན་དབང་ཆེ་བ་མཐུ་ཆེ་བ་ཡང་སྒྲོལ་བར་ངེས་ན། མ་ལུས་དགྲ་བགེགས་ལ་སྨོས་ཀྱང་ཅི་དགོས། མ་མོ་ཁྲག་ཟོར་གྱི་ལེའུ་སྟེ་ཉི་ཤུ་རྩ་བཞི་པའོ།། །།ད་ནི་མ་མོའི་ཐུན་ཟོར་བྱུང་སྟེ། དཀྱིལ་འཁོར་ལེའུ་ཚེ་དགུ་རུ་བྱས་ལ། དེ་ལ་འཁོར་ལོ་རྩིབས་བརྒྱད་བྲིའོ། །ཕུར་བུ་བཅུ་གཅིག་རྫས་སུ་འགོད་དོ། །ལྕགས་ཕུར་བཞི་ཡང་འགོད་དོ། །དེ་ལ་ཁྲག་ཆེན་དགུ་ཡི་ནང་དུ་ཟན་ཟུར་གསུམ་པ་བཅུ་གསུམ་བྱས་ལ། ཟན་གྱི་ཚད་ནི་སོར་གཉིས་པར་བྱས་ལ། དེ་ལ་རྩེ་མོར་ཉུང་ནག་རྩེ་མོ་མ་ཉམས་པ་རེ་རེ་གཟུག་གོ། །དེ་ནས་བསེ་ཁབས་ཀྱི་ནང་དུ་ཤིང་ཙནྡན་གྱི་རིགས་ནི་ངོས་སུ་བཞག །ཤུག་པའི་རིགས་ཀྱི་ཤུན་པ་ལ། དགྲ་བོའི་རུས་སམ་གཟུགས་བཅས་ལ། བསེ་ཁབས་ཀྱི་ནང་དུ་སྩལ། དེའི་ནང་དུ་བྱའི་སྙིང་ཀླད་པ་དང་། ཁྲའི་མཆུ་བསེ་ཁབས་ཀྱི་ནང་དུ་བསྩལ་ལོ། །དེའི་ནང་དུ་ར་དུག་པ་དང་སྤྱང་ཚེར་བ་ཡང་བསྩལ་ལོ། །དུག་སྦྲུལ་དང་གཡབ་མོ་མགོ་སྤ་ཀུན་ཀྱང་བླུགས་སོ། །བདག་ཉིད་ཆེ་མཆོག་ཧེ་རུ་ཀར་བསྒོམ། སྐུ་ལ་ཐོད་པ་སྐམ་རློན་སེ་རལ་ཁར་བརྒྱན་པ། ཞབས་སྟོང་བགྲད་པ་སྟག་ལྤགས་ཀྱི་ཤམ་ཐབས་ཅན། སྦྲུལ་ནག་སྟོང་གིས་ལྷུ་ཚིགས་བརྒྱན་པ། ཕྱག་སྟོང་གདེངས་པ། དབུ་སྐྲ་ཁམ་ནག་གྱེན་དུ་འཁྱིལ་པ། མཆེ་བ་གཙིགས་པ་རྐན་སྒྲ་རྡེབ་པ། ལྗགས་འདྲིལ་བ། གཏུམ་གཏུམ་རྔམ་རྔམ་འདྲ་བ་གཅིག་ཏུ་རང་བསྒོམ་མོ། །དེ་བསྐུལ་ཚིག་འདི་སྐད་དོ། །ཧཱུཾ་ཁྲོ་མཆོག་ཡབ་ཀྱི་རྒྱལ་པོ་ནི། །ཐོད་ཕྲེང་འབར་བའི་སེ་རལ་ ― DNG022_Page_0520 ―
[མ་དཔེ་གཟིགས་ན་འདིར་གནོན།]
ཅན། །ཞབས་ནི་རྒྱ་མཚོའི་གཏིང་དུ་བགྲད། །བརྒྱ་ཚར་གཅིག་གིས་ཚངས་པ་ཕོ་མོ་གནོན། །བརྒྱ་ཚར་གཅིག་གིས་ལྷ་ཆེན་ཕོ་མོ་གནོན། །བརྒྱ་ཚར་གཅིག་གིས་གནོད་སྦྱིན་ཕོ་མོ་གནོན། །བརྒྱ་ཚར་གཅིག་ནི་ཁྱབ་འཇུག་ཕོ་མོ་གནོན། །བརྒྱ་ཚར་གཅིག་ནི་བརྒྱ་བྱིན་ཕོ་མོ་གནོན། །བརྒྱ་ཚར་གཅིག་ནི་སྲིན་པོ་ཕོ་མོ་གནོན། །བརྒྱ་ཚར་གཅིག་ནི་བརྟན་མ་ཕོ་མོ་གནོན། །བརྒྱ་ཚར་གཅིག་ནི་དབང་ལྡན་ཕོ་མོ་གནོན། །བརྒྱ་ཚར་གཅིག་ནི་གྲི་སྲི་ཕོ་མོ་གནོན། །བརྒྱ་ཚར་གཅིག་ནི་ཚར་བའི་ཕོ་མོ་གནོན། །བརྒྱ་ཚར་གཅིག་ནི་ལྕགས་ཀྱུ་ཐོགས། །བརྒྱ་ཚར་གཅིག་ནི་རལ་གྲི་ཐོགས། །བརྒྱ་ཚར་གཅིག་ནི་མཚོན་གྱི་རྒྱལ་པོ་འཁོར་ལོ་ཐོགས། །བརྒྱ་ཚར་གཅིག་ནི་རྡོ་རྗེ་ཕུར་པ་འདྲིལ། །བརྒྱ་ཚར་གཅིག་ནི་ལྕགས་སྣ་ལྔའི་ཕུར་པ་འདྲིལ། །བརྒྱ་ཚར་གཅིག་ནི་བྷནྡྷ་བསྣམས། །བརྒྱ་ཚར་གཅིག་ནི་རཀྟ་ལྕང་ལོ་བསྣམས། །བརྒྱ་ཚར་གཅིག་ནི་ཤ་ཆེན་ཞལ་དུ་བསྟབ། །བརྒྱ་ཚར་གཅིག་ནི་རྡོ་རྗེ་མགོ་ཕུར་འདྲིལ། །བརྒྱ་ཚར་གཅིག་ནི་ཙནྡན་བིང་ཆེན་གསོར། །དེ་ལ་དམར་གྱི་ཨརྒྷ་སྦྲེང་ཞིང་སྩལ་ལ། སྙིང་པོ་འདི་སྐད་བརྗོད་དོ། །མ་མ་རུ་རུ་ཏྲག་ཤིག །མ་མ་རུ་རུ་བྷྱོ། རུ་རུ་མ་གུར་ལེན་བྷྱོ། །མ་མོའི་སྙིང་པོ་དེ་སྐད་བརྒྱ་རྩ་བརྒྱད་བཟླས། ཞལ་བརྒྱ་ནས་སྔགས་བཟླས་པ་ནི། གནམ་རྨུགས་ནས་ཡང་རྨུགས། ཞལ་བརྒྱ་ནས་སྔགས་བཟླས་པ་ནི། ཀུན་ཏུ་འུར་འུར་ཆེམ་ཆེམ་རབ་ཏུ་ཆེམ། བསེ་ཁབ་རང་གི་རྡོག་པས་མནན་ལ། ཞབས་སྟོང་དུ་བསམ་ལ་མནན་ནོ། །དཀར་དམར་གཡབ་འདོར་རས་ཁབ་ལ་བཀལ་ལ། བརྟེན་ཅིང་བསྐུལ་ལོ། །བུད་མེད་ཁ་རལ་མའི་སྐྲས་དྲང་ཞིང་བསྐུལ་ལོ། །ཕ྄ཊ་ཕ྄ཊ་ཕ྄ཊ་ཕ྄ཊ། ཕ྄ཊ་ཕ྄ཊ་ཕ྄ཊ་ཕ྄ཊ། ཕ྄ཊ་ཕ྄ཊ་ཕ྄ཊ་ཕ྄ཊ། ཨཱོཾ་ཨཱོཾ་ཨཱོཾ་ཨཱོཾ། ཨཱོཾ་ཨཱོཾ་ཨཱོཾ་ཨཱོཾ། ཨཱོཾ་ཨཱོཾ་ཨཱོཾ་ཨཱོཾ། ཨཱོཾ་བྷྱོ་རི་ཨོཾ་བྷྱོ་རི། ཨའུ་ཨའུ་ཨའུ། ཨའུ་ཨའུ་ཨའུ། ཨཱོཾ་བི་ར་ཤ་ཧོ། ཨོཾ་བི་ར་ཤ་ཧོ། ཨོཾ་བི་ར་ཤ་ཧོ། ཨོཾ་བི་ར་ཤ་ཧོ། ཨོཾ་བི་ར་ཤ་ཧོ། ཨོཾ་བི་ར་ཤ་ཧོ། ཨོཾ་བི་ར་ཤ་ཧོ། ཨོཾ་སྣར་ནི། ཨོཾ་སྣར་ནི། ཨོཾ་སྣར་ནི། ཨོཾ་སྣར་ནི། ཨོཾ་སྣར་ནི། ཨོཾ་སྣར་ནི། ཨོཾ་སྣར་ནི། ཨོཾ་ ― DNG022_Page_0521 ―
[མ་དཔེ་གཟིགས་ན་འདིར་གནོན།]
པྲ་ལ་ནི། ཨོཾ་པྲ་ལ་ནི། ཨོཾ་པྲ་ལ་ནི། ཨོཾ་པྲ་ལ་ནི། ཨོཾ་པྲ་ལ་ནི། ཨོཾ་པྲ་ལ་ནི། ཨོཾ་པྲ་ལ་ནི། ཨོཾ་པྲ་ལ་ནི། ཨོཾ་པྲ་ལ་ནི། པྲ་མོ་ཁ། པྲ་མོ་ཁ། པྲ་མོ་ཁ། ཧབ་ཧབ་ཧབ། ཧབ་ཧབ་ཧབ། ཧབ་ཧབ། ཧུབ་ཧུབ་ཧུབ། ཧུབ་ཧུབ་ཧུབ། ཧུབ་ཧུབ། ཚལ་ཚལ་ཚལ། ཚལ་ཚལ་ཚལ། ཤི་ཁྲམ་ཤི་ཁྲམ་ཤི་ཁྲམ་ཤི་ཁྲམ་ཤི་ཁྲམ། ཀུར་ཤ་ཀུར་ཤ །ཕྲོམ་རྒྱལ་ན། ཕྲོམ་རྒྱལ་ན། ཕྲོམ་རྒྱལ་ན། ཕྲོམ་རྒྱལ་ན། གཟེར་ན། གཟེར་ན། གཟེར་ན། ཨ་ན་ཡོད། ཨ་ན་ཡོད། ཨ་ན་ཡོད། ཨ་ན་ཡོད། དུ་བན་ཙ་དུ། དུ་བན་ཙ་དུ། དུ་བན་ཙ་དུ། ཨ་སུ་པུ་རུ། ཨ་སུ་པུ་རུ། ཨ་བུན་ཏ། ཨ་བུན་ཏ། ཨ་བུན་ཏ། ཨ་བུན་ཏ། ཨ་བུན་ཏ། ག་སའི་མཆུ། ག་སའི་མཆུ། ག་སའི་མཆུ། ཕག་མོའི་མཆེ་བ་ཅན། ཕག་མོའི་མཆེ་བ་ཅན། སྐྱུང་ཀའི་མཆུ་ཅན་མ། སྐྱུང་ཀའི་མཆུ་ཅན་མ། མ་མོའི་ཐུན་ཟོར་གྱི་ལེའུ་སྟེ་ཉི་ཤུ་རྩ་ལྔ་པའོ།། །།གནོད་འདུལ་ལྷ་ཡིས་ཡང་གསོལ་པ། །བསྟན་པ་གཉན་པོ་བཤིགས་པ་དང་། །དགེ་བའི་བཤེས་གཉེན་སྐུ་དགྲ་ལ། །བསྒྲལ་བའི་ལས་རྣམས་མ་བསྟན་པ། །སངས་རྒྱས་བཀའ་འདི་མི་བཙན་ཞིང་། །མུ་སྟེགས་ལོག་པ་མཐུ་དར་བས། །རྣལ་འབྱོར་སྒྲུབ་པོ་དམན་པར་ངེས། །འདི་དག་རྣམས་ལ་ཕན་གདགས་ཕྱིར། །དགྲ་བོ་བསྒྲལ་བའི་ལས་བྱ་ན། །དང་པོ་ལྷ་དང་ཇི་ལྟར་འབྲལ། །མངོན་རྫོགས་ཡབ་ལ་བདག་ཉན་འཚལ། །ཡང་དག་རྫོགས་པས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །མངོན་རྫོགས་རྒྱལ་པོས་བཀའ་སྩལ་པ། །སྒྲུབ་ལ་བར་ཆོད་བྱེད་པ་དང་། །རྣལ་འབྱོར་དགྲ་དང་དམ་འདྲལ་ལ། །དགྲ་བོ་ལྷ་དབྲལ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །དྲག་པོའི་ལས་འདི་མ་བསྟན་ན། །ལོག་པའི་ལམ་ལ་བློ་འཇུག་པས། །དོན་དམ་ཉིད་དུ་ངས་བསྟན་གྱི། །དང་པོ་དབང་བསྐུར་བཀའ་ཐོབ་ཅིང་། །ལུང་འདི་ཉན་ཞིང་བསྒོམ་བསྒྲུབ་སྟེ། །འདི་ཡི་རྟགས་དང་དངོས་གྲུབ་དང་། །ལས་ལ་བྱ་བ་དབང་ཐོབ་ནས། །ཐུགས་རྗེའི་དཔྱང་ཐག་ཆད་པ་དང་། །ངན་སོང་གནས་སུ་སྐྱེ་ངེས་ལ། །ཆོ་གའི་ལས་འདི་བྱ་ཐབས་ནི། ། ― DNG022_Page_0522 ―
[མ་དཔེ་གཟིགས་ན་འདིར་གནོན།]
བྱ་རོག་དང་རུ་གཡས་པ་དང་། །འུག་པའི་དང་རུ་གཡོན་པ་ལ། །ཤོག་བུ་གྲུ་བཞི་ཚོན་གང་གཉིས། །གཅིག་ལ་དགྲ་པོའི་མིང་རུས་བྲི། །གཅིག་ལ་དགྲ་བོའི་ཕོ་ལྷ་བྲི། །དང་རུ་གཉིས་ལ་གྲོ་གས་གླན། །བྱ་རོག་སྒྲོ་ཡི་རྩེ་ལ་གདགས། །དགྲ་བོ་ནང་འཐབ་ཏུ་གཞུག་པ་ནི། ། སྔགས་མིང་རྣམས་ནི་བྲི་ལ་བཞག །དགྲ་བོའི་མིང་འོག་འུག་པས་གནོན། །བྱ་རོག་གིས་ནི་ཕོ་ལྷ་གནོན། །ཤོག་ཤོག་ཚོན་གང་གྲུ་བཞི་ལ། །འོག་ནས་འབྱུང་བའི་སྔགས་བྲིས་ལ། །བྱ་རོག་འུག་པའི་བར་དུ་གཞག །ཚོན་སྐུད་སྣ་ལྔས་བཅིང་ནས་ནི། །ཤིང་རིང་རྩེ་ལ་བཏགས་ནས་ནི། །རླུང་པོ་ཆེ་ལ་འཐབ་ཏུ་གཞུག །བདག་ཉིད་ཆེ་མཆོག་སྐུར་བསྒོམ་ལ། །ཁར་ནི་སྔགས་ནི་ཅི་མང་བཟླས། །མ་མ་ཏྲ་ག་ར་མ་ར་ཁྱེད་མ་ཏྲག་ར་མ་ར་ཡ། ཡུངས་ཀར་སྐྱེ་ཚེ་ཏིལ་ནག་ལ། །སྔགས་བརྒྱ་རྩ་བརྒྱད་བཟླས་ནས་ནི། །སྒྲོ་གཉིས་ཀྱི་ནི་སྟེང་དུ་གཏོར། །དེ་ལ་བསྐུལ་ཚིག་འདི་སྐད་དོ། །ཁ་ཁ་མུ་ཁ་མཐུ་མོ་ཆེ། །མཐིང་ནག་ཆེན་མོ་རལ་པ་ཅན། །རྟག་པར་ཟས་སུ་ཤ་ཟ་ཞིང་། །རོལ་ཅིག་ཁུག་ཅིག་ཕྲ་མེན་མ། །ཉིན་གྱི་ལས་མཛད་བྱ་རོག་མ། །བྷནྡྷ་གྲི་ཐོད་རོལ་རྔམ་མ། །ཕྲིན་ལས་མྱུར་མགྱོགས་དྲག་ཤུལ་ཆེ། །གཞན་གྱིས་མི་ཚུགས་སྐུ་མདོག་གནག །ཉིན་གྱི་ལས་མཛད་རྣལ་འབྱོར་མ། །ཉིན་གྱི་ཚེ་ཡི་ཕུང་པོ་ཆོམས། །དམ་ཉམས་དགྲ་བོ་འདི་དག་གི། །ཕྲག་པ་གཡས་ཀྱི་ཕོ་ལྷ་ཕྲོལ། །མཚན་གྱི་ལས་མཛད་འུག་པ་མ། །སྙིང་འབྱིན་གྲི་ཐོགས་གསོད་ལ་རྔམས། །ཕྲིན་ལས་མྱུར་མཛད་དྲག་ཤུལ་ཆེ། །ཡོན་ཏན་མཐའ་རྒྱས་སྐུ་མདོག་སེར། །ཕྲིན་ལས་བདུད་འདུལ་གནས་རིགས་སྟོང་། །མཚན་གྱི་ལས་མཛད་རྣལ་འབྱོར་མ། །མཚན་གྱི་ཚེ་ཡི་ཕུང་པོ་ཆོམས། །དམ་ཉམས་དགྲ་བོ་འདི་དག་གི། །ཕྲག་པ་གཡོན་པའི་ཕོ་ལྷ་ཕྲོལ། །རྩངས་པ་འཐབ་པའི་གྱོད་བར་ལ། །ཆུ་ཡི་ཉ་རྣམས་གཏོར་བ་བཞིན། །ཐུགས་རྗེའི་ཚམ་རྔམས་དྲག་ཤུལ་གྱིས། །འཛིན་རྟོག་ངང་ལས་འཐབ་པར་དུ། །དགྲ་བོའི་ལུས་ཀྱི་ཕོ་ལྷ་གཏོར། །གཅིག་ལ་གཅིག་གཤེད་དེ་གཤེད་ ― DNG022_Page_0523 ―
[མ་དཔེ་གཟིགས་ན་འདིར་གནོན།]
གཉིས། །གཤེད་ཀྱིས་གཤེད་རྒྱོབ་ཁ་ཁ་མ། །གཉེན་པོར་རྟགས་ཕྱུང་ཧུ་ལུ་མ། །གཉིས་མེད་འཐབ་པའི་སྤྲུལ་པ་ལས། །ཧ་ཧའི་ང་རྒྱལ་བདུད་དཔུང་བསྒྲལ། །རྒྱོབ་རྒྱོབ་ཚམ་རྔམས་ལྷ་ཆེན་བརྒྱལ། །སྲིད་པ་མེས་སྲེགས་དམ་ཚིག་ཉམས་པ་འདི། །མ་འདའ་ལས་ཀྱིས་སྒྲོལ་ཅིག་བྱ་རོག་མ། །སྟོང་གསུམ་ཆུས་བཀྲུས་བཀའ་ལས་འདའ་བྱེད་འདི། །མ་བཏང་ཕོ་ལྷ་ཕྲོལ་ཅིག་འུག་པ་མ། །རླུང་ནག་རྫུ་འཕྲུལ་སྟོབས་ཀྱིས་ཐུགས་དམ་བསྐུལ། །ཕྲ་མེན་མཁའ་འགྲོ་འཐབ་པའི་གྱོད་བར་དུ། །རབ་ཏུ་དགྲ་བགེགས་གཏན་ནས་རློགས། །ཕུང་པོ་དུར་ཁྲོད་བརྒྱད་ཀྱི་སྣུམ་རྩི་མཛོད། །ནང་གྲོལ་མཐར་བྱེད་ཡུམ་གྱི་ནན་བཞུགས་གྱིས། །ཕོ་ལྷ་གནམ་དུ་འཕོངས་ལ་ཐུགས་སུ་འཕོ། །ཚེ་དཔལ་རྟག་ཏུ་སྡུས་ལ་དངོས་གྲུབ་བླངས། །ཞིང་ལྤགས་རྟགས་སུ་གསོལ་ལ་དཔའ་མཚན་མཛོད། །མ་ཚོགས་འབར་བ་ཀུན་ཀྱང་ཆེས་འདར་ནས། །དང་པོ་ཞི་བས་འདུལ་བའི་གཏམ་སྨྲས་པ། །དམ་ཉམས་དགྲ་བོ་བསྲུང་པའི་ཕོ་ལྷ་གང་། །ཡེ་ཤེས་ལྷ་ཞིག་ཡིན་ན་འདི་བསྒྲལ་དགོས། །འདི་ལ་བསྒྲལ་བའི་ལས་རྣམས་མ་བྱས་ན། །དམ་ཚིག་ཉམས་པས་རྡོ་རྗེ་དམྱལ་བར་འགྲོ། །དམ་ཉམས་དགྲ་བོ་བསྲུང་བའི་ཕོ་ལྷ་གང་། །འཇིག་རྟེན་དྲེགས་པ་ཡིན་ན་ཤིན་ཏུ་ལགས། །འདི་ལ་ཆགས་ཤིང་སྲུངས་ན་གཉིས་ཀ་བསྒྲལ། །མ་མ་ཏྲག་ཏྲ། ཁ་ཁ་ཁ་ཁཱ་ཧི་ལ། ས་མ་ཡ་དཾཥྚ། ས་མ་ཡ་དཾཥྚ། ཞེས་བརྗོད་ཅིང་རང་བཞིན་གྱི་མ་མོའི་བསྐུལ་ཚིག་བརྗོད་དོ། །རྔམས་པ་དང་། མཆོངས་པ་དང་། བྲང་བརྡུང་བ་དང་། ཡན་ལག་བརྡབ་པ་ལ་སོགས་པ་བྱས་ན་དགྲ་བོ་ལྷ་དང་ཕྲལ་བར་འགྱུར་རོ། །དགྲ་བོ་ནང་འཐབ་དུ་གཞུག་ན་ཡང་དེ་དང་འདྲའོ། །དེ་ལས་ཡང་མཐའ་ཕུང་དུ་གཞུག་ན། ལྷ་འདྲེ་གང་མི་སྲུན་པ་གཅིག་གི་མིང་ཤོག་ཤོག་ཚོན་གང་པ་གཅིག་ལ་བྲིས་ལ་བྱ་རོག་དང་རུ་ལ་གདགས། དགྲ་བོའི་མིང་རུས་ཤོག་ཤོག་ཚོན་གང་པ་གཅིག་ལ་བྲིས་ལ། འུག་པའི་དང་རུ་ལ་གདགས། དང་རུ་དེ་གཉིས་ཤིང་རིངས་ལ་བཏགས་ལ་འཐབས་སུ་གཞུག་པའི་སྔགས་དང་། ཆོ་ག་གོང་མ་བཞིན་དུ་བྱས་ན་མཐའ་ཕུང་དུ་ ― DNG022_Page_0524 ―
[མ་དཔེ་གཟིགས་ན་འདིར་གནོན།]
འཛུད་དོ། །སྔགས་གྲྭ་ཟུར་ཆག་ཏུ་མི་རུང་ངོ་། །དགྲ་བོ་ལྷ་དང་འབྲལ་བའི་ལས་ཀྱི་ལེའུ་སྟེ་ཉི་ཤུ་རྩ་དྲུག་པའོ།། །།ཡང་མ་མོའི་ཐུན་རྣམ་པ་མང་པོའི་ལེའུ་ལས། གཡའ་མ་སྔོན་པོ་ཆག་གང་ལ། །དགྲ་བོའི་མིང་དང་གཟུགས་བྲིས་ལ། །ཕོ་ཉ་གཏོང་ཞིང་དེར་བསྡིམས་ལ། །འབྲུག་ཤིང་དག་གམ་ལྕགས་ལ་ནི། །མ་མོ་རྡོ་རྗེ་ཕུང་སྒྲོལ་ལ། །སྐུ་མདོག་ནག་མོ་ཆེན་མོ་ལ། །ཆིབས་སུ་སེ་རུ་ཞོན་པ་གཅིག །ཏིང་ངེ་འཛིན་གྱིས་གསལ་བར་བསྒོམ། །འོག་ནས་འབྱུང་བའི་སྔགས་བཟླས་ཤིང་། །དགྲ་བོའི་གཟུགས་ལ་བརྡེག་ནས་ནི། །བསྙེན་པ་ཞག་བདུན་བཙུགས་ནས་ནི། །བསྐུལ་ཚིག་གཞུང་བཞིན་བསྐུལ་ནས་ནི། །རྟགས་ཀྱང་ཞག་བདུན་ཉིད་ཀྱིས་སོ། །སྙིང་པོ་རཀྟ་ལས་ནི་དྲངས། །ཏྲག་རཀྴ་མུ་ཏྲ་མྱུར་བྷྱོ། རུ་ལུ་རུ་ལུ་ཧཱུཾ་བྷྱོ་ཞེས་དེ་བཟླས་ཏེ། དེ་ནི་སྲོག་གི་སྙིང་པོའོ། །སྲོག་ཤིང་མོ་ཡི་དམ་རྫས་ཡིན། །སྔགས་ཟུར་མ་ཆག་པར་བཟླས་ན། མཐའ་ཕུང་སྟེ་འོང་ངོ་། །དེ་ཡི་བསྐུལ་ཚིག་འདི་སྐད་དོ། །མཐིང་ནག་ཆེན་མོ་རལ་པ་ཅན། །ཟ་བྱེད་ཆེན་མོ་ལྕེ་འབེབས་མ། །རླུང་དང་བུ་ཡུག་ཆིབས་སུ་བཅིབས། །སྐུ་གཅིག་མི་བཟད་རལ་པ་ཅན། །ཟས་སུ་སེམས་ ཅན་གསོན་ཟ་མ། །ཆེ་ཞེ་ཆེན་མོ་སྐུ་གཅིག་མ། །ནང་ཡང་སེམས་ཅན་འབུམ་ཟ་མ། །སྲིད་པ་ཟ་བར་བྱེད་པ་སྐྱེ་བའི་རྒྱུན་གཅོད་མ། །ཁམས་གསུམ་སྒྲོལ་མཛད་སྟོང་ཁམས་རབས་གཅོད་མ། །གང་ལ་དམིགས་པའི་དགྲ་བོ་ལ། །མ་མོ་ལས་ཀྱི་ཐུན་ཅིག་དབབ་ཏུ་གསོལ། །མ་མོའི་ཐུན་གྱི་ལེའུ་སྟེ་ཉི་ཤུ་རྩ་བདུན་པའོ།། །།ཡང་མ་མོའི་ཐུན་ལེའུ་གསུམ་པ་ལས། ཆུ་གཙང་མ་དང་ཁྲག་བསྲེས་ལ། མོན་ནམ་རབས་ཆད་ཀྱི་ཐོད་པར་བླུགས་ལ། རང་བུད་མེད་ནག་མོ་རལ་པ་ཅན་དུ་བསྒོམ། བག་ཕྱེ་དང་ཁྲག་བསྲེས་པས་དེའི་ཁ་བཅད་ལ། ཚོན་སྐུད་ཀྱིས་ཁ་བཅིངས་ལ། སྙིང་པོ་འདི་བརྒྱ་རྩ་བརྒྱད་བཟླ་ཞིང་། ཞག་བདུན་དུ་བསྙེན་པ་བཙུགས་ཏེ། ཏྲག་རག་ཤ་མུ་ཏྲ་སྙིང་ཁ་རག་བྷྱོ། རུ་ལུ་ཞེས་བྱ་སྟེ། དགྲ་བོའི་མཁར་གྱི་སྤེའུ་དང་། ― DNG022_Page_0525 ―
[མ་དཔེ་གཟིགས་ན་འདིར་གནོན།]
ཁྱིམ་ལ་གཏོར་ན་ཞག་གསུམ་གྱིས་འཇིག །གང་ལ་དམིགས་པའི་ཡུལ་ཕྱོགས་སུ་གཏོར་ན་མཐར་ཕུང་སྟེ་འགྲོའོ། །དེའི་བསྐུལ་ཚིག་འདི་སྐད་དོ། །ལྕགས་ཁང་ཆེན་མོ་ཁ་འབར་མ། །ལྕགས་ཀྱི་རལ་པ་བསིགས་པ་ཡིས། །མཚམས་ཀྱི་འབྱུང་པོ་ཀུན་འདུལ་མ། །དབུ་ནི་ཕྲ་མེན་འབར་བའི་དབུ། །དེ་ཡི་སྒྲ་སྐད་ཆེན་མོ་ལ། །མི་སྙན་སྒྲ་ཡི་ང་རོ་འབྱིན། །དཔྲལ་བ་གཡས་ནས་དབུ་བྱུང་བ། །མེ་ཤིང་བསྐལ་པ་རི་བོའི་དབུ། །གུང་མོ་གཡས་ནས་དབུ་བྱུང་བ། །རྫུ་འཕྲུལ་སྟོང་གིས་གཏམས་པའི་དབུ། །ལྟག་པའི་བདུད་སྒོར་དབུ་བྱུང་བ། །ཆུ་བོ་ཀློང་ཆེན་འདྲིལ་བའི་དབུ། །གུང་མོ་གཡོན་ནས་དབུ་བྱུང་བ། །རོ་སྟོད་རླུང་གི་དབུ་ལ་རོ་སྨད་མེ་ཡི་དབུ། །ནུ་མ་གཡས་ནས་དབུ་བྱུང་བ། །ལྕགས་ཀྱི་སྤྱང་མོ་ཁ་གདངས་མ། །ནུ་མ་གཡོན་ནས་དབུ་བྱུང་བ། །རྔམ་པའི་སེང་གེ་སྟབས་མཆོངས་ཅན། །ལྕགས་ཀྱི་དྲེད་མོ་ང་རོ་གདོང་། །ལྕགས་ཀྱི་འབྲུག་ནི་མཆེ་བ་གཙིགས། །རེ་འགའ་འབྲུག་ཀྱང་ཚལ་ཚལ་བྱེད། །གང་དུ་མངགས་པར་རྒྱུག་སྟེ་འགྲོ། །ཡིད་ལ་བརྣག་པའི་དགྲ་བོ་ལ། །ལས་ཀྱི་ཐུན་ཅིག་ད་བྱ་ཡིས། །སྙིང་གི་དཀྱིལ་དུ་ཐོད་མདའ་ཡ། །ནོར་གྱི་དབྱིག་ཏུ་ཐོད་མདའ་ཡ། །ཡུལ་མཁར་ཁྱིམ་ལ་ཐོད་མདའ་ཡ། །ཞེས་བརྗོད་ལ་སྔགས་གོང་མ་ཡང་ བཟླས་སོ། །མ་མོའི་ཐོད་ཐུན་གྱི་ལེའུ་སྟེ་ཉི་ཤུ་རྩ་བརྒྱད་པའོ།། །།ཡང་མ་མོ་ཐུན་གྱི་ལེའུ་བཞི་པ་ལས། བདག་ཉིད་ཆེ་མཆོག་ཧེ་རུ་ཀ །པདྨ་ཧེ་རུ་ཀ་ཁོ་བོ་གང་ཡང་རུང་བ་གཅིག་ཏུ་བསྒོམ་ལ། མི་མགོ་སྐམ་པོ་གཅིག་གི་ནང་དུ་གཏོར་མ་བླུགས་ལ། དཔྱིད་བྱ་ནག་མོའི་མིག་དང་ཁྲག་བསྲེས་ལ་གཏོར་མ་བྱ། དབྱར་མེ་ཏོག་དང་ཁྲག་བསྲེས་ལ་གཏོར་མ་བྱ། སྟོན་འབྲུ་སྣ་ཚོགས་དང་ཁྲག་བསྲེས་ལ་གཏོར་མ་བྱ། དགུན་ཤིང་ཟི་རིའི་མར་མེ་དང་ཁྲག་བསྲེས་ལ་གཏོར་མ་བྱ། དེ་ལ་བསྐུལ་ཚིག་འདི་སྐད་དོ། །ཧཱུཾ་དཔྱིད་ཀྱི་རྒྱལ་མོར་གཤེགས་པའི་ཚེ། །ག་ཤ་དེ་བའི་དུར་ཁྲོད་གནས་ཉུལ་མ། །དབྱར་གྱི་རྒྱལ་མོར་གཤེགས་པའི་ཚེ། །བྷ་ག་ཧྲི་ཏི་མཁའ་ལ་ཆར་འབེབས་མ། །སྟོན་ ― DNG022_Page_0526 ―
[མ་དཔེ་གཟིགས་ན་འདིར་གནོན།]
གྱི་རྒྱལ་མོར་གཤེགས་པའི་ཚེ། །ཨེ་ཀ་ཙ་ཏི་རལ་གཅིག་མ། །ཕྱག་ན་གསེར་གྱི་ཟོར་བ་བསྣམས། །འབྲས་བུ་ལོ་ཐོག་བཅུད་ལེན་མ། །དགུན་གྱི་རྒྱལ་མོར་གཤེགས་པའི་ཚེ། །མེ་ཟ་བྲག་གྱོན་རྒྱ་མཚོ་གཏིང་སྐེམས་མ། །ཁམས་གསུམ་མ་ལུས་དབང་དུ་བསྡུད། །དགྲ་བགེགས་མ་ལུས་དམྱལ་ཐག་གཅོད། །གང་ལ་བྱ་བ་རྟགས་ཕྱུང་ལ། །དཀྱིལ་འཁོར་གཉན་པོ་འདི་བསྟན་གྱིས། །འགལ་བྱེད་དགྲ་བགེགས་རྡུལ་དུ་རློག །ཅེས་བྱས་ལ་དུས་སུ་བསྐུལ་ཞིང་བསྒྲུབ་སྟེ། ཞིང་ལྤགས་ལ་དགྲ་བོའི་མིང་དང་གཟུགས་བྲིས་གཏོར་མའི་ནང་དུ་དཀྲུག་ཅིང་བཅུག་ལ། ཤ་རུས་ཟ་བའི་སྙིང་པོ་འདི་བཟླས་སོ། །སྙིང་ཟའི་ཚེ་ལ་མ་ཤ་རོ་ལ་ཁྲག་འཐུང་ཀ་ཤི་གི་ཤ་ཤ་ཀྲི་ཁྲིང་རོ་ལ་ཁྲག་འཐུང་། ཀང་ཐིང་ཀང་ཤ་ཡ། ཡཾ་ཏར་བར་ཧཾ་ཤ་ལ་ཀྱེ་ཀྱང་། ཁྲ་ཧེ་ཁྲ་ཧེ། རུ་ལུ་རུ་ལུ་བྷྱོ། འདི་ཤ་རུས་ཟ་བའི་སྙིང་པོའི་སྔགས་སོ། །གྲྭ་ཟུར་མ་ཆག་པར་བཟླས་ལ། རང་གི་སྲིན་ལག་གཡོན་པ་ལ་ཁྲག་བྱུང་སྟེ་དཔྲལ་བའི་དབྱེས་སུ་བྱུགས་ལ། དགྲ་བོའི་གཟུགས་ཀྱང་གཏོར་མར་བསྲེས་ཤིང་ཉི་མ་ནུབ་ཁར་བཏང་ན་རྒྱུད་ལ་འཆད་དོ། །མ་མོའི་ཐུན་ལེའུ་སྟེ་ཉི་ཤུ་རྩ་དགུ་པའོ།། །།ཡང་ཐུན་ལེའུ་ལྔ་པ་ལས། བདག་ཁྲོ་བོ་ཆེན་པོའི་བདག་ཉིད་དུ་བསྒོམ་ལ། བྱི་ལ་བྲ་བའི་མཇུག་སྤུ་དང་། དགྲ་བོའི་མིང་བྱང་ར་རོག་པོའི་རྭ་རུ་བླུགས་ལ། ཁྲག་སྣ་ཚོགས་དང་བསྲེས་བཞིན་རེ་མ་ཏི་ལ་གཉེར་དུ་གཏད་དོ། །དེ་ལ་སྔགས་ནི། རེ་མ་ཏི་རཀྟ་བྷྱོ་རུ་ལུ་རུ་ལུ་ཞེས་མང་དུ་བཟླས་ལ། སྔགས་འདི་གྲྭ་ཟུར་མ་ཆག་པར་བཟླས་ལ། བསྐུལ་ཚིག་འདི་སྐད་བརྗོད་དོ། །ཧཱུཾ་སྲིད་པ་གསུམ་གྱི་རྩེ་མོ་ནས། །འཁོར་ལོ་ཆེན་པོ་དྲེད་གདོང་མ། །ཆིབས་སུ་སེམས་ཅན་གང་བཅིབས་ན། །ལྕགས་ཀྱི་དྲེའུ་རྟ་རྐང་གསུམ་བཅིབས། །སྤུ་ནི་ལྕགས་ཀྱུ་བསྒྲིལ་མར་གཏིབ། །ལུས་པོ་གཅིག་ལ་དྲེད་མགོ་དགུ། །སྭོ་ནི་རལ་གྲི་བརྒྱ་བརྒྱ་འབར། །བྲང་ནི་ཆུ་གྲི་གཞིབས་པས་གཏམས། །གང་ལ་མངགས་པར་རྒྱུག་ཅིང་འགྲོ། །སྟེང་གི་ཕྱོགས་སུ་མངགས་པའི་ཚེ། ། ― DNG022_Page_0527 ―
[མ་དཔེ་གཟིགས་ན་འདིར་གནོན།]
གནམ་གྱི་སྟེང་གི་ལྷ་བྲན་ཀྱང་། །གཅིག་ཀྱང་མ་ལུས་དམྱལ་ཐག་གཅོད། །དྲེའུ་སྐད་ཐང་གཅིག་གནམ་དུ་བཏོན་པས་ནི། །སྲིད་པའི་མེས་པོ་ཚངས་པ་ཡང་། །ཐལ་བ་བཞིན་དུ་དཔྱད་ཁོང་མེད། །དྲེའུ་སྐད་ཐང་གཅིག་ས་ལ་བཏོན་པ་ནི། །རྒྱ་མཚོ་ཀུན་ཀྱང་གཏིང་ནས་སྐེམས། །དྲེའུ་རྡོག་ཐང་གསུམ་ས་ལ་བརྡབ་པ་ནི། །སྲིད་པ་གསུམ་ཡང་རྩེ་ནས་བསྙིལ། །རི་རབ་ཀུན་ཀྱང་རྨང་ནས་འཇིལ། །ཁྱོད་ནི་དཔལ་གྱི་ཕོ་ཉ་སྟེ། །རྡུངས་ཤིག་ ལྷོགས་ཤིག་རྡུལ་དུ་རློག །ཅེས་བརྗོད་ལ་ཉིད་ཀྱང་ཆེ་བའི་ང་རྒྱལ་བསྐྱེད་ལ། ཞེ་སྡང་དྲག་པོས་སྙིང་རྗེ་མ་བསྐྱེད་པར་ཞག་གྲངས་མང་དུ་བསྙེན་པ་བཙུགས་ན། ལས་མྱུར་བར་འགྲུབ་པོ། །མ་མོའི་ཐུན་ལེའུ་སྟེ་སུམ་ཅུ་པའོ།། །།ཡང་མ་མོའི་ཐུན་ལ་ལེའུ་དྲུག་པ་ལས། འབྲུ་ནག་པོ་ལ་སྦྲུལ་གྱི་གཟུགས་བྱས་ལ་དགྲ་བོ་གང་ཡིན་པའི་སྙིང་པོ་དང་། ཀླུ་ནག་པོའི་སྙིང་པོ་གཉིས་བསྲེས་ལ། སྦྲུལ་གྱི་ཁོག་པར་བཅུག་ལ། དེ་དགྲ་བོའི་ཕ་མྱེས་ཀྱི་ཐོད་པའི་ནང་དུ་བཅུག་ལ། ཀླུ་ནག་པོ་གནས་པའི་ཆུ་མིག་ཏུ་བསྐྱལ་ན། དགྲ་བོ་མཐའ་རླག་སྟེ་འགྲོའོ། །སྙིང་པོ་ནི། ནཱ་ག་བེ་ནི། ནཱ་ག་བེ་ནི། ན་ག་རཱ་ཛ་ཚ་ཧ་ཧ་ཕཊ། བདག་ཉིད་ཀྱང་སྔགས་བཟླས་ཤིང་ལུས་བསྲུང་། མོན་ནམ་རབས་ཆད་ཀྱི་ཐོད་པར་དགྲ་བོའི་དུར་དུ་གཞུག །དགྲ་བོའི་ཕ་མྱེས་ཀྱི་རོ་རྙེད་ན་མགོ་བོ་ཆུ་མིག་ཀླུ་ནག་པོ་གནས་པའི་ས་རུ་བསྐྱལ། རྗེ་ངར་གཉིས་ཀྱང་སྨད་ཀྱི་ཤ་རུས་གཅིག་རྡེབས་ལ་རླུང་ཆེན་པོའི་སར་ཕྱར་ན་ལེགས། དེ་མིན་ན་དེར་སྦས་ན་རབས་ཆད་པར་ངེས་སོ། །དེ་ལ་བསྐུལ་ཚིག་འདི་སྐད་དོ། །ཞབས་ཀྱི་འཁོར་ལོ་ལས་ནི་གསེར་གྱི་རྒྱལ་མོ་སྟེ། །གཡུ་ཡི་མེ་ཏོག་ནལ་ནལ་འཕྲོ། །རྟ་བྲོ་དང་ནི་ཆེམ་སྒྲ་དང་། །གནམ་གྱི་མཐོངས་ཀུན་སྒྲ་ཡིས་གང་། །ཕྱོགས་བཅུའི་འཇིག་རྟེན་ཀུན་ཀྱང་ཁྱབ། །སྙིང་པོ་དུང་དང་ཧ་ཡིན་ཏེ། །འདི་ལྟ་བུ་ཡི་སྐུ་བྱུང་སྟེ། །ལས་མ་གྲུབ་པར་ཀུན་ཀྱང་རྒྱུག །ཀླུ་རྒྱལ་ཀུན་གྱི་གཤེད་བཞི་མ། །སྐུ་ལ་ན་བཟའ་ཅི་གསོལ་ན། །ཀླུ་རྒྱལ་འབྲུག་གི་སླག་པ་གསོལ། །ཆུ་སྲིན་འབུམ་གྱི་ཤམ་ཐབས་གསོལ། །ཕྱག་ན་ལྕགས་ཀྱུ་འབར་བ་བསྣམས། །ཀླུ་རྒྱལ་ ― DNG022_Page_0528 ―
[མ་དཔེ་གཟིགས་ན་འདིར་གནོན།]
ཀུན་གྱི་སྙིང་ནས་འདྲེན། །ཟས་སུ་ཀླུ་ཡི་ཤ་ལ་ཟ། །སྐོམ་དུ་ཀླུ་ཡི་ཁྲག་ལ་འཐུང་། །གོས་སུ་ཀླུ་ཡི་པགས་པ་གོན། །གལ་ཏེ་ལས་འདི་མ་བྱས་ན། །ཀླུ་རྣམས་ཀུན་ཀྱང་ཐལ་བར་རློགས། །སྙིང་པོ། ཨ་ཙ་ལ་བྷྱོ་རུ་ལུ་ཧཱུཾ། ཞེས་བརྗོད་ལ་ལག་པའི་སོར་མོ་གདེངས་ལ། བྱ་བཞིན་འདབ་མ་ཅན་དུ་བྱས་ནས། ལུང་པ་ཁ་བྱང་དྲང་པོར་བལྟས་པ་ལ་ཆུ་མིག་ཀྱང་ཁ་བྱང་དྲང་པོར་བལྟས་པར་ཆུ་མདོག་ནག་ལ་གཏིང་རིང་པར་རྐང་པ་གཉིས་བཅུག་སྟེ། ཁ་བྱའི་མཆུ་སྐྱེས་པ་བཞིན་དུ་བྱས་ལ། གོང་ནས་འབྱུང་བ་བཞིན་དུ་ཐོད་པ་ཁ་རུ་བཟུང་ལ་ལག་པས་མ་རེག་པར་ཆུ་མིག་དུ་བོར་ན་ལས་ལྡོག་མི་སྲིད་དོ། །ནད་ནི་མཛེ་ནད་ཀྱིས་འཛིན་ཏོ། །མ་མོའི་ཐུན་ལེའུ་སྟེ་སུམ་ཅུ་གཅིག་པའོ།། །།ཡང་མ་མོ་ཐུན་ལེའུ་བདུན་པ་ལས། གྲོ་གའམ་ཤིང་ཤུན་ལ་དགྲ་བོའི་མིང་བྱང་བྲིས་ལ། བདག་ཉིད་ཀྱང་ཁྲོ་བོ་ཆེན་པོའི་སྐུར་བསྒོམས་ལ་ཀླུ་སྲིན་གནས་པའི་ས་རུ་བཅུག་ལ། རྐང་པས་མནན་ལ། སྔགས་ནི། གོང་དུ་མ་བྷྱོ་རཱ་ཙ་ཏ་རུ་ལུ་རུ་ལུ་ཞེས་བརྗོད་ལ། གྲངས་མང་དུ་བཟླས་ལ། ཚིག་ཏུ་ཡང་དམ་ཉམས་པ་འདིའི་མཆན་གྱི་བུ་ཕྲོགས་ཤིག་ཡན་ལག་སྐུམས་ཤིག་ཅེས་བརྗོད་ལ་བསྐུལ་ཚིག་འདི་བརྗོད་དོ། །གཡུ་ཡི་འཁོར་ལོའི་རྩིབས་སྟེང་ནས། །མི་བཟད་འབར་བའི་སྐུ་བྱུང་བ། །སྲིད་པ་ཆེན་མོ་རྒྱ་མཚོ་བཞིན། །དེ་ལ་ཞབས་ནི་དགོད་པར་བྱེད། །དེ་ཡི་སྐུ་རྒྱན་བཤད་པ་ནི། །བ་སྤུ་ཉག་མ་རེ་རེ་ལ། །སྐུ་ཡི་དཀྱིལ་འཁོར་ཡིན་པར་བཤད། །སྤྱན་གྱི་རྫི་མ་རེ་རེ་ལས། །མ་མོའི་སྤྲུལ་པ་འབུམ་འབུམ་འགྱེད། །ཞབས་ཀྱིས་ལྷ་སྲིན་ཀུན་མནན་ཏེ། །ཕྱག་དང་ཞབས་ཀྱི་སྤྲུལ་པ་ལས། །རལ་གྲི་དམར་པོ་རེ་རེ་བྱུང་། །ཕྱོགས་བཅུ་མ་ལུས་ཐམས་ཅད་ནི། །རིན་ཆེན་གཏེར་གྱིས་ཀུན་བཀང་སྟེ། །སྲིད་པའི་སེམས་ཅན་མ་ལུས་པ། །ཐམས་ཅད་ཀུན་གྱི་ སྙིང་ནས་འདྲེན། །དེ་ནས་བྱང་ཆུབ་ལམ་ཆེན་པོ། །བཅོལ་བའི་ལས་དེར་འགྲོ་བར་ངེས། །གང་ལ་བྱ་བ་གྲུབ་པར་བྱས། །མ་མོའི་ཐུན་ལེའུ་སྟེ་སུམ་ཅུ་གཉིས་པའོ།། །།ཡང་མ་མོའི་ཐུན་ལེའུ་བརྒྱད་པ་ ― DNG022_Page_0529 ―
[མ་དཔེ་གཟིགས་ན་འདིར་གནོན།]
ལས། ཆོ་ག་འདིའི་དཔྱད་ལ་འབྲས་ཆང་གྲོ་ཆང་ཆུ་ཆང་དང་། ས་ལ་སྐྱེས་པའི་དུག་སྣ་ཚོགས། གླང་པོ་ཆེན་པོའི་མཚན་མ་དང་། འདི་རྣམས་ཆང་གི་ནང་དུ་བླུག །བསེ་གཞོང་ཁ་བཅད་ཀྱི་ནང་དུ་བླུགས་ལ། ཡི་གེ་བརྒྱ་རྩ་བརྒྱད་བྲིས་ལ་བླུགས་ལ། དེའི་ནང་དུ་རྩི་སྨན་སྦྱར་བ་སྣ་ཚོགས་བླུགས་ལ། ཞག་གསུམ་བསྙེན་པ་བཙུགས་ལ། དགྲ་བོ་དངོས་ཡོད་ན་ཁང་པ་ལ་ཕོག་པར་བྱ། ཐག་རིང་ན་ཡུལ་ཕྱོགས་སུ་གཏོར་ལ་བཏང་། སྙིང་ པོ། ཤ་ར་མ་པེ་ཤ་རུ་སོ་བཾ་ཤ་ཧཱུཾ་ཕཊ། ཅེས་བརྗོད་ཅིང་གྲངས་མང་དུ་བཟླས་ལ། བསྐུལ་ཚིག་འདི་སྐད་དོ། །ནག་མོ་གསུམ་མིག་རྡོ་རྗེ་གདོང་། །གཡང་གཞི་གོས་སུ་གོན་པའི་རྫུ་འཕྲུལ་ཅན། །མཆེ་གཙིགས་རྐན་སྒྲས་སྲིད་གསུམ་ཟ། །ནད་ཀྱི་རྐྱལ་པ་གཡས་ན་ཐོགས། །ཚོན་གྱི་གྲུ་གུ་གཡོན་ན་ཐོགས། །མ་ཚོགས་རྔམ་པས་སྲིད་གསུམ་འཇིག །ཐམས་ཅད་མ་ལུས་རླག་པར་མཛོད། །ཅེས་བརྗོད་ན་ལས་ནུས་སོ། །ལས་འདི་ལན་གཅིག་མ་བཀྲོལ་ན། རང་རྒྱུད་མེད་པར་འོང་ངོ་། །མ་མོའི་ཐུན་ལེའུ་སྟེ་སུམ་ཅུ་གསུམ་མོ།། །།ཡང་མ་མོ་ཐུན་ལེའུ་དགུ་པ་ལས། དགྲ་བོ་བསད་པའི་ཆོ་ག་རྣམ་པ་གཅིག་ལ། དོང་ཆག་གང་གྲུ་གསུམ་པ་གཅིག་བརྐོས་ལ། ནང་དུ་རྒྱ་སོལ་གྱིས་དགང་། སྤྱང་ཚེར་བ་ལ་དགྲ་བོའི་མིང་དང་གཟུགས་བྲིས་ལ། མི་ཤི་བའི་ལག་པ་གཡས་པའི་ནང་དུ་བཅུག་ལ་དོང་གི་ནང་དུ་གཞུག །ཤ་རུས་ཟ་བའི་སྔགས་ཚིག་ནི། མ་ཤ་བྱ་བ་བཟླས་ལ་ཉུང་དཀར་ལ་ཞག་གསུམ་བསྙེན་པ་བཙུགས་ལ། བསྐུལ་ཚིག་འདི་བརྗོད་པར་བྱ་སྟེ། སྲིན་མོ་ལྕགས་ཀྱི་དྲེའུ་རྟ་རྐང་གསུམ་མ། །རྩུབ་ཅིང་གཏུམ་ལ་གཏུམ་ཁྲོ་ཆེ། །དབུ་གསུམ་གཙུག་ཕུད་གཅིག་ཏུ་བསྡུས། །གཡུ་ཡི་འཁོར་ལོ་རྩིབས་སྟོང་འབྱུང་། །དེ་ཡི་སྐུ་རྒྱན་ཡོད་པ་ནི། །གསེར་གྱི་གོ་ཟུ་གཡུ་ཡི་ཐིགས་གདབ་པས། །བ་སྤུ་ཉག་མ་རེ་རེས་ཟད་མཛད་དེ། །ལྕགས་ཀྱི་མཆེ་བ་ཐགས་བཟངས་ཅན། །གསེར་གྱི་ཕུར་པ་ལ་སོགས་པས། །ཞབས་ནི་རྒྱ་མཚོའི་གཏིང་དུ་བསྐྱོད། །ཕྱག་ཀུན་སྤྱི་བོའི་གཙུག་ཏུ་འབྱུང་། །ཞབས་ནི་རེ་རེ་འབྱུང་བ་ཡང་། །ལྕགས་ཀྱི་དྲེའུ་རྟ་རྐང་གསུམ་པོ། །རྐང་པ་གསུམ་པོས་སྲིད་ ― DNG022_Page_0530 ―
[མ་དཔེ་གཟིགས་ན་འདིར་གནོན།]
གསུམ་གནོན། །ཕྱག་ཆར་སྲིན་པོའི་ཐགས་བཟངས་ཐོགས། །རྒྱན་དུ་མི་ཡི་པགས་པས་བརྒྱན། །ཟས་སུ་དམ་ཉམས་ཤ་ལ་ཟ། །སྐོམ་དུ་དམ་ཉམས་ཁྲག་ལ་འཐུང་། །དམ་ཉམས་དགྲ་བོ་རྒྱན་དུ་བྱས། །ཕན་དེ་བཤེས་གཉེན་དགེ་བསྙེན་དང་། །བུད་མེད་ཕྲེང་ཐོགས་གང་ཡང་རུང་། །བདག་ལ་དགྲ་བྱ་དམྱལ་ཐག་ གཅོད། །ཅེས་བསྐུལ་ན་ལས་ཆུད་མི་ཟའོ། །མ་མོའི་ཐུན་ལེའུ་སྟེ་སུམ་ཅུ་རྩ་བཞི་པའོ།། །།ད་ནི་མ་མོ་ཁྲག་སྐེམས་ཀྱི་ཆོ་ག་བཤད་པར་བྱ་སྟེ། ཡོ་བྱད་ལ་བྱ་ཤ་ཟན་སྣ་ཚོགས་ཀྱི་མགོ་བོ་དང་སྡེར་མོ། གཅན་གཟན་སྣ་ཚོགས་ཀྱི་མགོ་བོ་དང་སྡེར་མོ། སྐམ་ལ་གནས་པ་དང་། གཤེར་ལ་གནས་པའི་ཁྲག་སྣ་ཚོགས་ཚང་བ། མི་གྲིར་ཤི་བའི་བམ་ཚོགས་ཚགས་བྱས་ལ། དང་པོ་གནས་བརྟག་པར་བྱ་སྟེ། དུར་ཁྲོད་གནས་དང་ཤིང་གཅིག་དྲུང་། །བྲག་ནག་རྨོག་མགོ་མགུལ་ཆད་དང་། །ཆུ་བོའི་འགྲམ་མམ་རོལ་མཚོའི་ངོགས། །བྱ་རྒོད་འུག་པ་ཕོ་རོག་དང་། །ཤ་ཟན་བྱ་ཡི་ཚང་ཡོད་པར། །ཀང་ཀ་དུར་ཁྲོད་བྱ་གནས་པར། །གནས་ཁང་བཟང་པོ་ཡོད་ན་ལེགས། །མེད་ན་ཁང་བཟངས་སྦྲ་ཕུབ་ལ། །གཞུང་ནས་འབྱུང་བའི་དཀྱིལ་འཁོར་བརྩིག །དུར་ཁྲོད་འབར་བའི་ཐིག་གདབ་ལ། །ཁ་དོག་སྣ་ལྔའི་ཚོན་རྩི་བཀྱེ། །དཀྱིལ་འཁོར་གྲུ་གསུམ་སུམ་བརྩེགས་ལ། །དབུས་ཀྱི་མཐིང་ནག་གྲུ་གསུམ་ལ། །མ་མོ་བསྣོལ་བའི་གདན་སྟེང་ན། །ཆེ་མཆོག་ཡབ་ཡུམ་བརྩེག་མར་འགོད། །མཐའ་མ་ཧེ་རུ་མ་བདུན་འགོད། །ཐོད་པའི་ཕྲེང་བས་མཐའ་མ་བསྐོར། །རྒྱན་དང་ཆས་གོས་ནག་པོར་བསྒྱུར། །དུར་ཁྲོད་རྒྱན་དང་བྷནྡྷ་བཀྲམ། །ཡུམ་ཡང་མཐིང་ག་མདངས་མདོག་ཕྱེད། །གཉེར་མ་གྱེན་འགྲེང་ཡོད་པ་བཙལ། །སྣོད་ཀྱང་འཁར་གཞོང་ཟངས་གཞོང་དང་། །ལྕགས་ལ་སོགས་པ་གང་ཡོད་པར། །འབྲུ་ཁལ་གཅིག་ལ་གཏོར་མ་བྱ། །ནང་དུ་དབང་པོ་རྣམ་ལྔ་དང་། །བ་སུ་ཏ་ཡིས་མཐའ་མ་བསྐོར། །ཁྲག་སྣ་ཚོགས་པ་དེར་བླུགས་ལ། །དར་ཕྱེ་གཅིག་ཟན་ལ་སོགས་པར། །དམ་ཉམས་དགྲ་བོའི་གཟུགས་བྱས་ ― DNG022_Page_0531 ―
[མ་དཔེ་གཟིགས་ན་འདིར་གནོན།]
ལ། །མིང་རུས་སྙིང་གར་བསླན་ནས་ཀྱང་། །གཏོར་མའི་དབུས་སུ་གཞག་པར་བྱ། །དེ་ནས་དཀྱིལ་འཁོར་འཁོར་ལོ་ཡི། །ཕྱོགས་སུ་རང་གཞན་གནས་བྱས་ནས། །རྫས་རྒོད་སྨན་བརླབས་གཞན་བཞིན་བྱ། །སྒྲུབ་པ་ནང་ལ་ཞུགས་ནས་ཀྱང་། །བདག་ཉིད་དཀྱིལ་འཁོར་གསལ་བསྒོམས་ཏེ། །ལས་ཀྱི་གཞུང་བསྲང་འཛབ་བཟླས་ནས། །མཆོད་པ་དུས་དྲུག་དབུལ་བར་བྱ། །ཐུགས་དམ་ཤེལ་དང་བྱ་ཡིས་བསྐང་། །ཙ་ར་རོག་པོས་སྨོན་བཙུགས་ཏེ། །ཀུ་ཀུ་ར་ལ་དབང་ཐང་བསྒྲལ། །བསྐུལ་ཅིང་ཕོ་ཉ་བཏང་ནས་ནི། །ཤེས་པ་དགུག་ཅིང་གཟུགས་ལ་བསྡིམ། །མ་མོ་མཁའ་འགྲོ་དབང་ཕྱུག་མ། །ཅི་བགྱི་བཀའ་ཉན་ལ་སོགས་པས། །དེ་ཡི་ཤ་ཁྲག་ཟོས་པར་བསྒོམ། །གཡབ་ནག་བརྡབ་ཅིང་སླེ་འུས་བརྡབ། །དམར་གྱི་ཨརྒྷ་རྒྱུན་མེད་སྦྲེང་། །བཅོལ་དང་བཤགས་པ་ནུས་ཚད་བྱ། །འཛབ་དང་བསྙེན་པ་ཚང་བར་བཟླས། །ཉེས་པ་མེད་པའི་འོ་དོད་འབོད། །ཤ་ལག་ཟ་བའི་སྔགས་ཀྱང་བཟླས། །ཡང་ན་དུས་གསུམ་རུབ་པར་བཟླས། །བཅོལ་ཅིང་བསྐུལ་བ་གོང་མ་བཞིན། །ཕོ་ཉ་བཏང་བ་གོང་བཞིན་བྱ། །དགུག་ཅིང་འགུགས་འདྲེན་སྔགས་ཀྱིས་བྱ། །དེ་བཞིན་ལན་གྲངས་ཅི་མང་དུ། །ཟླ་བ་ཕྱེད་དུ་ལས་བྱས་ན། །འབབ་འགྱུར་འདི་ལ་གདོན་མི་ཟ། །གཏོར་མ་ཆུ་དང་མེ་ལ་བཏང་། །ཞི་ནས་དམ་ཚིག་གཞུང་དུ་བསྲུང་། །འདིས་ནི་ཤ་ཁྲག་སྐེམ་པར་བྱེད། །མ་མོ་ཤ་ཁྲག་སྐེམ་པར་བྱེད་པའི་ལེའུ་སྟེ་སུམ་ཅུ་རྩ་ལྔ་པའོ།། །།རིམས་ནད་བཏང་བའི་ཆོ་ག་ལ། དང་པོ་གནས་བརྟག་པར་བྱ་སྟེ། རིའི་རྩེ་མོ་བྱུང་རྒྱལ་དུ་ཡོད་པ། རིའི་ཁ་ནས་བལྟས་ན་ཀུན་མཐོང་བ། སྟོད་རལ་པ་བརྙིལ་པ་འདྲ་བ། བར་སྟག་རིས་བཏོད་པ་འདྲ་བ། ཞོལ་གྱི་བྲག་མཚོན་ཆ་ཐོགས་པ་འདྲ་བ། ཆུ་མཚམས་ནས་བབ་ན་ཡང་ལེགས་སོ། །ཞབས་ན་ཡི་དྭགས་ཀྱི་གནས་ཡོད་པ། དེ་ལྟ་བུར་སོང་ལ་ཡུམ་སྐྲ་ལྕང་ལོར་ཡོད་པ། ཡིད་ཙམ་སེར་བ། མདོག་དམར་བ་སྭོ་རྣོ་བ། བལྟས་པས་བྱང་ཆུབ་ཀྱི་སེམས་རིག་པ། གཟུགས་བརྗིད་བག་ཏུ་འགྲོ་བ་ཞིག་ཁྲིད་ལ། དཀྱིལ་འཁོར་གཞུང་ནས་འབྱུང་བ་བཞིན་ ― DNG022_Page_0532 ―
[མ་དཔེ་གཟིགས་ན་འདིར་གནོན།]
དུ་བརྩེགས་ལ། བདག་ཉིད་ཆེ་མཆོག་ཏུ་བསྒོམས་ལ། ལས་དང་ཆོ་ག་ཚང་བར་བྱས་ལ། མ་མོ་དབང་ཚད་རིམ་པར་བསྐུལ་ཞིང་རིམས་ནད་ཐོང་ཅིག་པར་བསྒོས་ན་ནད་སྣ་ཚོགས་པ་འབྱུང་ངོ་། །ཡང་ན་བདག་ཆེ་མཆོག་གིས་ཡེ་ཤེས་ཀྱི་མ་མོ་བསྐུལ། ཡེ་ཤེས་ཀྱི་མ་མོས་རང་བཞིན་གྱི་མ་མོ་བསྐུལ། རང་བཞིན་གྱི་མ་མོས་སྲིད་པའི་མ་མོ་བསྐུལ། སྲིད་པའི་མ་མོས་ཨེ་ཀ་ཙ་ཏི་རྦད་དེ། ཨེ་ཀ་ཙ་ཏིས་ནག་མོ་རེ་མ་ཏི་བསྐུལ་ནས། ཨེ་ཀ་ར་ཤ་ནག་མོ་རག་མོ་ཡགྴ་བྷྱོ། རུ་ལུ་རུ་ལུ་བྷྱོ། མ་མོ་ཏྲག་རཀྴ་མུ་ཏྲ་མ་ཏྲ་མ་བྷྱོ། ཞེས་གྲངས་མང་དུ་བཟླས་པས་གླིང་བཞིའི་ཡུལ་གང་ཡིན་པར་གླང་རིམས་དང་། འཁྲུ་བག་གི་རིམས་སྣ་ཚོགས་ཡོང་ངོ་། །དེ་ནས་ཡང་བདུད་ཀྱི་བུ་མོ་དམར་སྐྱ་སྐེམ་བྱེད་མིག་གཅིག་མ་རྦད་དེ། རལ་ནག་བསིགས་ཤིག་དེ་རིང་ལྷ་མོ་ཨུ་མ། དི་རིང་ས་མ་ཡ་བྷྱོ། སྙིང་ཟ་བ་ཙི་ལ་མ་ཤ་རོ་ལ་ཁྲག་འཐུང་ཀང་ཀ་ཤ་ཡ། ཏར་བར་ལ་ཧོ། ཤ་ལ་ཀ་ལ་ཀ་ཀིང་གྲང་དེ་རུ་ལུ་བྷྱོ། ཞེས་རྦད་པས། མི་ཡུལ་གླིང་བཞི་གང་ཡིན་པར་འཁྲུ་བག་གི་ནད་དང་གླང་ཐབས་ཀྱི་ནད་སྣ་ཚོགས་འོང་ངོ་། །དེ་ནས་ཕྱུགས་ནད་སྣ་ཚོགས་བཏང་བ་ནི། རལ་གཅིག་མར་བསྒོམས་ལ། ལྷ་མོ་ནམ་གྲུ་མ་རྦད་ཅིང་བསྐུལ་ཚིག་འདི་སྐད་དོ། །ནམ་གྲུ་ཁྱོད་ཀྱི་ཆོ་དང་འབྲང་། །མཚན་ནི་ཡང་དག་བཤད་བྱ་བ། །ནོར་བུའི་རང་བཞིན་ཁྱོད་ཀྱི་ལུས། །རྒྱབ་ནི་འཛམ་བུ་ཆུ་བོའི་གསེར། །ཁྱོད་ཀྱི་གདོང་པ་དངུལ་ཡིན་ཏེ། །ལྟོ་བའི་ངོས་ནི་རྡོ་རྗེ་མཁྲེགས། །མིང་ནི་མཛོད་དང་མཛོད་སྲུང་བྱེད། །ཁྱོད་ཀྱི་མ་ནི་ཀུན་ཏུ་འགྲོ། །ཁྱོད་ཀྱི་ཕ་ནི་རླུང་ཞེས་བྱ། །བྷ་ག་ཧྲི་ཏྲི་ནད་ཀྱི་བདག །ལྷ་ཡུལ་དག་ཏུ་འཁྲུངས་པ་ཡིན། །ན་མོ་བཛྲ་པཱ་ཎེ་ནི་སི། ཙི་ལི་ཙི་ལི། བྷིན་དྷི་བྷིན་དྷི། མུན་ཙ་མུན་ཙ། ཧི་པ་ལ་ཏེ་ན་སྭཱ་ཧཱ། ཞེས་བརྗོད་ཅིང་བསྐུལ་ན་ཕྱུགས་ནད་སྣ་ཚོགས་འོང་ངོ་། །དེ་ནས་ཕ་རོལ་པོའི་གནོད་ཚུལ་ལ་ནད་སྣ་བཅད་པར་བྱེད་ན། བཛྲ་པཱ་ཎྀ་རད་ན་པ་ཡ་ཏི་སྭཱ་ཧཱ། དེ་བ་ས་མནྟ་པ་ཡ་ཏི་སྭཱ་ཧཱ། ཤི་ཤ་ཡ་ས་མན་ཏ་བ་ཡ་ཏི་སྭཱ་ཧཱ། ཞེས་བརྗོད་ཅིང་ནམ་གྲུའི་མཚན་དང་ཆོ་འབྲང་ནོད་ཅིང་། གྲོ་ག་ལ་བྲིས་ནས་དགྲ་བོ་ལ་བཏབ་ན། ཡུལ་དེར་ཞི་ ― DNG022_Page_0533 ―
[མ་དཔེ་གཟིགས་ན་འདིར་གནོན།]
བ་དང་བཀྲ་ཤིས་པར་འགྱུར་རོ། །མི་ནད་ཕྱུགས་ནད་ལ་སོགས་ཏེ། ནད་ཐམས་ཅད་མི་འོང་ངོ་། །དེ་ནས་ཀྱང་བཛྲ་ཧེ་རུ་ཀར་བསྒོམས་ལ། ཨེ་ཀ་ཛ་ཏི་རལ་གཅིག་མ་རྦད་དེ། ཏྲག་རག་ཤ་ཁ་མུན་ཏྲ་ཛ་ཏིག་སྣ་ས་མ་ཡ་བྷྱོ། བམ་རིལ་ཤན་ཤོག་དུན་བྷྱོ། སྙིང་ཁ་རག་སྙིང་ཁ་རག་རམ་སྲོག་བམ་རིལ་བྷྱོ་རྦད་པས་དགྲ་བོ་བརྒྱལ་ནད་ཀྱིས་འདེབས་པར་འགྱུར་རོ། །ཡང་ཁྲོ་བོ་དེ་བསྒོམས་ལ། རི་རབ་གླིང་བཞིར་དབང་བསྒྱུར་བ། བཛྲ་དུར་ཁ་ཏི་གླིང་བཞི་མ་རྦད་དེ། གྲུ་མ་གུམ་བུའི་བཾ་བ་རི་བུར་པ་གོ་ཧྲི། འུ་ཤིག་དགྲ་དགྲུད་འདི་ལིང་བྲ་ཤིང་གློ་སྙིང་ཕྱུང་། ཀྲུ་མ་ལ་ཀང་ཀ་རང་ཕྱོད་རྣོ་ལ་ཐིམ། པྲ་ལིང་ཙ་ཚར་བུ་ཤིང་རྡུམ་བུ་བཅད་པར་བྱའོ། །ཞེས་གྲོ་གའམ་ཤིང་ལ་རི་མོ་བྲིས་ཀྱང་རུང་སྟེ། དུར་ཁྲོད་ཀྱི་ས་ལ་གཟུགས་སྨུག་ནག་ཏུ་བྱས་ལ་རྦད་ན། དགྲ་བོ་ལ་རིམས་ནད་ཀྱི་ཀླད་གཟེར་དང་ཡན་ལག་བཅིངས་པར་འགྱུར་རོ། །དེ་ནས་ཡང་ཁྲོ་བོ་བསྒོམས་ཏེ། རྫོང་གི་ལྷ་མོ་རལ་པ་དགུ་པ་རྦད་དོ། །ཀྲོང་ཀྲོང་བ་ཏི་བར་ཀློང་ཁུ་ཁུ་ཐ་ཏ་ཐ་ཏ། ཁ་ཁ་དུར་དུར་དུར། མོ་ཁཾ་ཁཾ་ཁཾ་རུ་ཁཾ། བདུད་ཀྱིས་ཁཾ་ལ་རུ་རུ། དམ་དམ་ཤ །བདུད་ཀྱི་སྲོག་ལེ་ཡ་རཾ་ཡ་རཾ་ཞེས་རྦད་པས། བདུད་ཉིད་ཀྱང་འཆི་བར་འགྱུར་ན་དགྲ་ལྟ་ཅི་སྨོས། དེ་ནས་ཡང་ཁྲོ་བོར་བསྒོམས་ནས། གངས་རིའི་བུ་མོ་སྤྱན་གཅིག་མ་རྦད་ན། ཨ་ལི་དུ་དུན་ཀི་རུ་ཀ་ལིང་དབུགས་ལོང་། ཕྱུང་ཤིག་ཤིག །སྲོག་བཾ་པ་ཏི་བཾ་ཞེས་རྦད་པས། དགྲ་བོའི་ཡུལ་ཕྱོགས་སུ་ནད་བཏང་ངོ་། །ཡང་ཁྲོ་བོར་བསྒོམས་ལ། རྡོ་རྗེ་ཤུགས་སྒྲོལ་མ་རྦད་དོ། །ནཱ་ནཱ་ནཱ་ཤུན་རྩིན་འདུ་ཤེད་ཤེད་ཏིས་ཏ་རྦད་དམ་བྷྲཱུཾ་རིལ་རིལ། ལི་ལི་བྷྱོ་རུ་ལུ་རུ་ལུ་ཧཱུཾ་བྷྱོ་ཧཱུཾ། དགྲ་བོ་ནད་སྣ་ཚོགས་ཀྱིས་འཆི་བར་འགྱུར་རོ། །མན་ངག་དེ་དང་ལྡན་པ་ཡང་། །མ་ཡེངས་བསྒོམས་པས་སྒྲུབ་བརྩོན་པ། །དམ་ཚིག་མ་ཉམས་ཡོ་བྱད་ལྡན། །དམ་རྫས་མཆོག་དང་གཞུང་ བཅུག་པས། །རིམས་དང་ནད་རྣམས་ཅི་དགར་གཏོང་། །སྟོང་གསུམ་ཉམས་པ་ཕུང་བར་འགྱུར། །བསྐུལ་ཚིག་གཞུང་ན་ཡོད་པ་བཏང་། །རིམས་ནད་བཏང་བའི་ལེའུ་སྟེ་སུམ་ཅུ་རྩ་དྲུག་པའོ།། །།གནོད་འདུལ་ལྷ་ཡིས་ཡང་གསོལ་པ། །ལས་རྣམས་དྲག་པོ་འདི་བརྩམ་ ― DNG022_Page_0534 ―
[མ་དཔེ་གཟིགས་ན་འདིར་གནོན།]
པ། །ཀུན་ལ་བྱ་བ་འབྱུང་ལགས་སམ། །མངོན་རྫོགས་ཡབ་ལ་བདག་ཉན་འཚལ། །མངོན་རྫོགས་ཡབ་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །ངོ་མཚར་ལྷ་ཡིས་བཀའ་སྩལ་པ། །ལས་རྣམས་བརྩམས་པའི་དམིགས་བསྟན་པ། །ཡང་དག་ཉིད་དུ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །བསྒྲལ་བའི་ལས་འདི་བརྩམས་པ་ཡང་། །ཀུན་ལ་བྱ་བར་མ་གསུངས་ཏེ། །མཚན་དང་ལྡན་པའི་སྐྱེས་བུ་ཡང་། །གཞུང་དང་ལྡན་པའི་སྐྱེས་བུ་དང་། །དོན་དང་ལྡན་པའི་དགེ་འདུན་དང་། །ལུང་དང་ལྡན་པའི་མཁན་སློབ་དང་། །ཆོས་དང་ལྡན་པའི་རྒྱལ་པོ་དང་། །ཁྲིམས་དང་ལྡན་པའི་བྲམ་ཟེ་དང་། །རྟགས་དང་ལྡན་པའི་བུད་མེད་ལ། །ལས་འདི་བརྩམ་པར་ཡོངས་མ་གསུངས། །བརྩམས་ཀྱང་མི་འགྲུབ་བདག་ཉིད་ཕུང་། །གཞན་གྱི་དོན་ནི་གཉེར་བ་དང་། །རོགས་འདྲེལ་དོན་དུ་བརྩམ་པ་དང་། །རང་ནོར་རང་གིས་བླང་བ་དང་། །རིངས་པར་ཟ་བར་བསྐོས་པ་དང་། །ཉམ་ཐག་ཕོངས་པར་གྱུར་པ་དང་། །མ་རྟོགས་གླེན་པའི་མཚན་ཉིད་ལ། །ལས་འདི་བརྩམས་པར་ངས་མ་གསུངས། །བརྩམས་ཀྱང་སྡིག་སྒྲིབ་ཆེ་བར་འགྱུར། །ལན་པ་རང་གིས་ཆེ་བ་དང་། །མཁན་འཁོན་ཕྲན་ཚེགས་ཡོད་པ་དང་། །ཁ་སྙད་ཆགས་པ་ཕྲ་མོ་དང་། །ཆད་དབང་གདོན་བསླུས་བཀའ་སྩལ་པར། །ལས་འདི་བརྩམ་པར་ངས་མ་གསུངས། །བརྩམས་ཀྱང་སྡིག་སྒྲིབ་ཆེ་བར་འགྱུར། །ལན་པ་རང་གིས་ཆེ་བ་ལ། །བརྩམས་ན་ངན་སོང་གསུམ་དུ་ལྷུང་། །འདི་དག་བརྩམས་པའི་མཚན་ཉིད་ནི། །མཚམས་མེད་ལྔ་པོ་བྱེད་པ་དང་། །ཐེག་པ་ཆེན་པོ་སྨོད་པ་དང་། །བསྟན་པ་གཉན་པོ་བཤིགས་པ་དང་། །སྔ་རབས་ཚད་མའི་སྐུ་དགྲ་དང་། །བཀའ་རྐུན་འགལ་བར་བྱེད་པ་དང་། །ཆ་ཡོད་བཞིན་དུ་འཇོམས་ཆེ་དང་། །རང་ཆོག་ཡོད་ཀྱང་གཞན་ལ་འཕྲོག །མ་ཉེས་ཡོངས་ཀྱི་གཉའ་བ་གནོན། །ཉམ་ཐག་ཀུན་ལ་སྙིང་རྗེ་མེད། །སྡིག་པའི་ཕྱོགས་བསྟོད་དགེ་བ་སྨོད། །ཡོན་ཏན་ཅན་དང་མཁས་པ་གསོད། །རྣལ་འབྱོར་བར་ཆོད་རྐུ་འཕྲོག་བྱེད། །ཕུད་དང་སྒྲུབ་པའི་ལོངས་སྤྱོད་ཟ། །སྙིང་ ― DNG022_Page_0535 ―
[མ་དཔེ་གཟིགས་ན་འདིར་གནོན།]
ནས་ཟ་བར་ཤོམས་པ་དང་། །ཁྲེལ་འཛེམ་ངོ་ཚ་བྲལ་བ་དང་། །རྒྱལ་ཁམས་ནག་པོར་བྱེད་པ་དང་། །བདག་དང་ཡོངས་ལ་འཛུག་པ་དང་། །ཞི་བར་སྨྲས་ཀྱང་མི་ཉན་པ། །བདེན་པར་བཀྲོལ་ཀྱང་མི་གོ་བ། །འདི་དག་བསྒྲལ་བའི་རྒྱུ་ཡིན་པས། །ཕྲིན་ལས་དུས་ལ་བབ་པ་ཡིས། །བསྒྲལ་བའི་ཞིང་བཅུར་གྱུར་པ་སྟེ། །ཞེ་སྡང་མེ་ལྟར་འབར་ཏེ་གཅིག །ཕྲག་དོག་རླུང་ལྟར་འཚུབས་ཏེ་གཉིས། །འདོད་ཆགས་ཆུ་ལྟར་གཏམས་ཏེ་གསུམ། །གཏི་མུག་རི་ལྟར་སྤུངས་ཏེ་བཞི། །ང་རྒྱལ་བསེ་ལྟར་ཁེངས་ཏེ་ལྔ། །སེར་སྣ་རྩི་ལྟར་འབྱར་ཏེ་དྲུག །གཏུམ་ཁྲོ་ཁྲོ་ཆུ་འདྲ་སྟེ་བདུན། །གསོད་གཅོད་སྲིན་པོ་འདྲ་སྟེ་བརྒྱད། །འཕྲོག་རློམ་སྲིན་པོ་འདྲ་སྟེ་དགུ། །ཆོས་ལོག་ཁ་དཔོན་བྱེད་དང་བཅུ། །འདི་དག་བསྒྲལ་བའི་དམིགས་ཡིན་ཏེ། །འདི་དག་བསྒྲལ་བར་མ་བརྩམས་ན། །སྙིང་རྗེའི་དམ་ཚིག་ཉམས་པར་འགྱུར། །ངན་སོང་སྐྱེ་ཞིང་དམྱལ་བར་འགྱུར། །བླ་མེད་ཐར་ལམ་སྟོངས་པར་འགྱུར། །འདི་དག་བསྒྲལ་བའི་ལས་བརྩམས་ན། །རྣལ་འབྱོར་མཐུ་སྟོབས་མཐུ་དཔུང་བཙན། །སྒྲུབ་ལ་བར་ཆད་བྱེད་པ་མེད། །ལས་ངན་འཕྲོ་བཅད་དམྱལ་ཡུན་ཐུང་། །བླ་མེད་ཐར་པའི་བདེ་སྒོ་ཕྱེད། །ངན་སོང་འཁོར་བ་གཏིང་ནས་སྦྱངས། །བསྟན་པ་སྲུངས་ཤིང་གང་ཟག་བཙུན། །ངེས་པར་ལེགས་པའི་དགོངས་པ་འགྲུབ། །བསྒྲལ་བའི་དམིགས་བསྟན་པའི་ལེའུ་སྟེ་སུམ་ཅུ་རྩ་བརྒྱད་པའོ།། །།གནོད་འདུལ་ལྷ་ཡིས་ཡང་གསོལ་པ། །བསྒྲལ་བའི་ལས་རྣམས་བརྩམས་པ་ཡང་། །རྣལ་འབྱོར་མཐའ་དག་གང་ཟག་གི། །ཀུན་གྱིས་བརྩམས་ན་འགྲུབ་མི་འགྱུར། །མངོན་རྫོགས་ཡབ་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །ཉག་གཅིག་ཡབ་ཀྱིས་བཀའ་སྩལ་པ། །རྣལ་འབྱོར་གང་ཟག་མཐའ་དག་གིས། །བསྒྲལ་བའི་ལས་རྣམས་འགྲུབ་མི་འགྱུར། །ངེས་པ་ཉིད་དུ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །རྣལ་འབྱོར་གང་ཟག་སྣ་དགུ་དང་། །ཀུན་གྱིས་བརྩམ་པར་མ་གསུངས་ཏེ། །ཐོས་པ་ཆུང་ལ་མན་ངག་མེད། །འཛིན་རྟོག་ཆེ་དང་བློ་སྡང་བས། ། ― DNG022_Page_0536 ―
[མ་དཔེ་གཟིགས་ན་འདིར་གནོན།]
ལས་འདི་བརྩམས་ཀྱང་མི་འགྲུབ་པས། །རྟོག་པའི་ནད་ཀྱིས་རང་ལ་འཇུག །དམ་ཚིག་ཉམས་དང་བཀའ་གཅོག་པས། །སྡིག་པ་ཅན་དང་བཅས་པ་ཡིས། །འགྲུབ་པ་མེད་པས་མི་བསྒྲུབ་པས། །དེས་ནི་ཕ་རོལ་མི་སོད་སྟེ། །ཡི་མུག་ཆོས་ལ་དད་མི་སྐྱེ། །དམ་རྫས་མ་ཚོགས་རྫས་དང་བྲལ། །བསྒོམས་ལ་མི་བརྩོན་རས་ཆོད་བྱེད། །ཀློང་དུ་མ་གྱུར་བསྙོན་ཐབས་བྱེད། །ལས་འདི་བརྩམས་ཀྱང་མི་འགྲུབ་སྟེ། །རང་གི་འབྲས་བུ་རླག་པར་བྱེད། །ཆོས་ཉིད་བློ་ལ་མ་ཞུགས་ཤིང་། །བལྟ་བ་ཆུང་བས་འཁུ་འཕྲིག་ཟོས། །བཀའ་རྟགས་ཕྱག་རྒྱ་མ་བྱིན་ཞིང་། །དབང་བསྐུར་གནང་བ་མ་ཐོབ་པས། །ལས་འདི་བརྩམས་ཀྱང་མི་འགྲུབ་པས། །ཚེ་དང་སྲོག་གི་བར་ཆད་འོང་། །ཉམས་དང་སྡིག་ལ་མི་འཛེམ་པས། །སྙིང་རྗེའི་ལམ་དང་བྲལ་བ་ཡིས། །བརྩམས་ཀྱང་འབྲས་བུ་ཐོབ་མི་འགྱུར། །དད་པ་ཆུང་དང་ཐེག་པ་དམན། །སློབ་དཔོན་མེད་དང་བཀའ་བརྟོན་པ། །དེས་ནི་གདོན་རྟོལ་མེད་པ་ཙམ། །འཁུ་འཕྲིག་ཆེ་དང་ཚོར་རྐྱེན་དང་། །སྐྱོ་རྐྱེན་སུན་རྐྱེན་སུར་ལུད་ཀྱིས། །ལས་འདི་བརྩམས་ཀྱང་མི་འགྲུབ་སྟེ། །སླར་ཡང་ལོག་ཆོས་ཡིན་ཞེས་འདོགས། །གཏིང་ནས་ཐག་བཅད་མི་འགྲུབ་པས། །འཕྱོར་དང་སྒྲ་འོད་ཆེ་འདོད་པས། །ལས་འདི་བརྩམས་ཀྱང་མི་འགྲུབ་སྟེ། །སླར་ལ་སྐྱོན་ཅན་ཡོད་ཞེས་བསྐུར། །བསྒོམ་དང་སྒྲུབ་པ་ཡུན་ཐུང་ཞིང་། །ཞག་གྲངས་ལོ་ཟླར་མི་བསྲིང་བས། །བསྙེན་དང་འཛབ་ཀྱི་གྲངས་ཉུང་བས། །བྱས་ཀྱང་ལས་འདི་མི་འགྲུབ་སྟེ། །སླར་ཡང་སྐྱོ་སེམས་སྐྱེ་བར་འགྱུར། །ཕུད་དང་མཆོད་པ་མི་འབུལ་ཞིང་། །དམ་རྫས་གཙོ་རུ་མི་ལེན་པས། །བྱས་ཀྱང་ལས་འདི་མི་འགྲུབ་སྟེ། །སླར་ཡང་སྨན་མོའི་བཀའ་ཆད་འོང་། །ཆོ་གའི་ལས་འདི་བརྩམས་པ་ཡང་། །ཐོས་པ་ཆེ་དང་མན་ངག་ཐོབ། །འཛིན་རྟོག་ཆུང་དང་བློ་སྟོབས་ཆེ། །བརྟུལ་ཞུགས་ཆེན་པོར་ལྡན་པ་ཡིས། །ལས་འདི་བརྩམས་ན་འགྲུབ་འགྱུར་ཏེ། །རྟོག་པའི་གང་གིས་མི་ཚོགས་ཏེ། །དམ་ཚིག་མ་ཉམས་བཀའ་བརྟན་དང་། །སྡིག་ཅན་མ་ཡིན་གྲིམས་འབྱིན་དང་། །བཅང་ཙམ་མ་ཡིན་ཤུགས་ཕྱུང་ན། །རྩོལ་ཞིང་བརྩམས་པ་འགྲུབ་པར་ ― DNG022_Page_0537 ―
[མ་དཔེ་གཟིགས་ན་འདིར་གནོན།]
འགྱུར། །སྤྱད་ཅིང་བཀོལ་བས་ཉན་པར་འགྱུར། །དེས་ནི་བསྒྲལ་བའི་ལས་འགྲུབ་ཅིང་། །ཡིད་རང་ཆོས་ལ་དད་པ་སྐྱེད། །དམ་རྫས་བདུད་རྩི་སྨན་ཚོགས་དང་། །རྫས་དང་ལག་ཆ་མ་བྲལ་ཞིང་། །བསྒོམ་ལ་བརྩོན་པ་ངང་རིང་ཞིང་། །རས་ཆོད་ཐུག་ཐུབ་མ་ཡིན་པར། །ཡིད་ཆེས་ལག་ལེན་དོན་འདྲེངས་ལ། །ཆོས་ཉིད་མཉམ་པའི་ཀློང་གྱུར་ཏེ། །ལས་དང་བརྩམས་པ་གོ་འབྱེད་པས། །དེས་ནི་བརྩམས་ཀྱང་འགྲུབ་པར་འགྱུར། །རང་གི་འབྲས་བུ་མི་སྒྲིབ་ཅིང་། །བསྒྲལ་བ་ངེས་ཀྱང་མཐོ་རིས་ཐོབ། །ཆོས་ཉིད་ཟབ་མོར་བློ་ཞུགས་ཤིང་། །ལྟ་བ་མཐོན་པོས་ས་ཆོད་སྟེ། །སེམས་ཀྱི་འཁུ་འཕྲིག་མ་ཚོར་ཞིང་། །རྡོ་རྗེ་སློབ་དཔོན་བློ་ལྡན་ལ། །ཆོས་ལ་དད་པས་ལུང་ཐོབ་པོ། །བཀའ་རྟགས་ཕྱག་རྒྱ་བྱིན་པ་དང་། །དབང་བསྐུར་གནང་བ་ཐོབ་པ་ཡིས། །ལས་འདི་བརྩམས་ན་འགྲུབ་འགྱུར་ཏེ། །ཚེ་སྲོག་བར་ཆད་མི་འོང་སྟེ། །ཕ་རོལ་དམིགས་ཏེ་བསྒྲལ་བར་ངེས། །ཉམས་དང་མ་འདྲེས་དམ་ཚིག་གཙང་། །སྡིག་ཆེན་རྣམས་དང་མི་འགྲོགས་ཤིང་། །སྙིང་རྗེའི་ལམ་དང་མ་བྲལ་བས། །བརྩམས་ན་འབྲས་བུ་ཐོབ་པ་ཡིན། །དད་པ་ཆེ་དང་ཐེག་པ་མཐོ། །སློབ་དཔོན་རིམ་པས་གཉན་པ་དང་། །དེས་ནི་འགྲུབ་པར་ཐེ་ཚོམ་མེད། །སེམས་ཀྱི་འཁུ་འཕྲིག་ཆུང་བ་དང་། །ཚོར་རྐྱེན་སྐྱོ་རྐྱེན་མི་བྱེད་ཅིང་། །སུམ་སྐྱེན་སུར་ལུད་མེད་པ་ཡི། །བྲག་ལ་ཕུར་པ་བཏབ་འདྲ་བས། །ལས་འདི་བརྩོན་ན་འགྲུབ་འགྱུར་ཏེ། །ཚེ་སྲོག་བར་ཆོད་མི་འོང་སྟེ། །མན་ངག་ཡིན་ཞེས་འདི་ལ་བསྔགས། །གཏིང་ནས་ཐག་བཅད་སྒྲུབ་པ་དང་། །འཕྱོར་དང་སྒྲ་རུ་མི་གཏོང་བས། །ཆེ་འབྱིན་ཁེངས་པ་སྤངས་ནས་ནི། །གསང་ཞིང་བསྒྲུབ་ལ་བརྩོན་པ་དང་། །མ་ཡེངས་འཛབ་བཟླས་བརྩོན་པ་ཡིས། །ལས་འདི་བརྩམས་ན་འགྲུབ་འགྱུར་ཏེ། །རྣལ་འབྱོར་ཀུན་ཀྱང་བཙུན་པར་བྱེད། །བསྒོམ་དང་སྒྲུབ་པ་ཡུན་རིང་ཞིང་། །ཞག་གྲངས་ལོ་ཟླ་གྲངས་མང་བར། །བསྙེན་དང་འཛབ་བཟླས་གྲངས་མང་བ། །བྱས་ན་ལས་འདི་འགྲུབ་འགྱུར་ཏེ། །འགྱོད་སེམས་མེད་ཅིང་བཙུན་པར་འགྱུར། །ཕུད་དང་གཙང་མའི་མཆོད་ཕུལ་ནས། །སོ་སོའི་དམ་རྫས་གཙོར་ལེན་པས། །བྱས་ན་ལས་འདི་འགྲུབ་པར་འགྱུར། །དམན་མོའི་ཆད་པ་མི་འོང་ཞིང་། །གང་ཡིན་བཀའ་བསྒོ་བྲན་ ― DNG022_Page_0538 ―
[མ་དཔེ་གཟིགས་ན་འདིར་གནོན།]
བཞིན་ཉན། །སྐྱོན་ཡོན་གཉིས་ཀའི་དོན་འདི་ཡིན། །ཀུན་ལ་བསྟན་པར་མི་བྱ་ཞིང་། །སྣ་དགུས་བྱ་བར་ངས་མ་ གསུངས། །རྣལ་འབྱོར་སྐྱོན་ཡོན་གྱི་ལེའུ་སྟེ་སུམ་ཅུ་རྩ་དགུ་པའོ།། །།གནོད་འདུལ་ལྷ་ཡིས་ཡང་གསོལ་པ། །གཙོ་རུ་དམ་ཚིག་བསྟན་པ་དང་། །དམ་ཚིག་ཉམས་པའི་སྐྱོན་རྣམས་དང་། །དམ་ཚིག་བསྲུང་བའི་ཡོན་ཏན་དང་། །དམ་ཚིག་བསྲུང་བའི་རིམ་པ་རྣམས། །དེ་ཡི་ཕན་ཡོན་བསྟན་པ་རྣམས། །མངོན་རྫོགས་ཡབ་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩོལ་ཅིག །མངོན་རྫོགས་རྒྱལ་པོས་བཤད་དུ་གསོལ། །དེ་སྐད་གསོལ་པ་གསན་ནས་སུ། །ཉག་གཅིག་ཡབ་ཀྱིས་བཀའ་སྩལ་པ། །དམ་ཚིག་མཆོག་ཏུ་བསྟན་པ་དང་། །བསྲུང་ཉམས་རིམས་པ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །དམ་ཚིག་འདི་ནི་མཆོག་ཏུ་བསྟན། །དམ་ཚིག་དམ་ཚིག་འདི་དག་ལ། །སྔ་རབས་འདས་པའི་སངས་རྒྱས་ཀྱང་། །དམ་ཚིག་འདི་ལ་བརྟེན་ནས་འགྲུབ། །ད་ལྟར་བཞུགས་པའི་སངས་རྒྱས་ཀྱང་། །དམ་ཚིག་འདི་ལ་བརྟེན་ནས་འགྲུབ། །སླད་ཀྱིས་འབྱོན་པའི་སངས་རྒྱས་ཀྱང་། །དམ་ཚིག་འདི་ལ་བརྟེན་ནས་འགྲུབ། །དེ་ཕྱིར་དམ་ཚིག་ཐེག་ཆེན་འདི། །ཕྱི་རབས་སྔགས་འཆང་ངེས་པར་བསྲུངས། །དམ་ཚིག་འདི་ནི་ས་གཞི་འདྲ། །ས་ལ་སྐྱེ་འཁྲུངས་ཀུན་སྐྱེ་ལྟར། །དམ་ཚིག་ས་གཞི་དམ་པ་ལ། །སྐུ་དང་ཡེ་ཤེས་སྐྱེད་པར་བྱེད། །རྩ་བའི་དམ་ཚིག་གསུམ་པོ་དང་། །ཡན་ལག་དམ་ཚིག་ལྔ་རྣམས་ལ། །མ་འདས་བསྲུང་ན་སངས་རྒྱས་ཡིན། །དེ་ལས་འདའ་ན་སེམས་ཅན་ཡིན། །དམ་ཚིག་གཞུང་བཞིན་བསྲུང་བ་ལ། །མ་མོ་རྣམས་ཀྱང་བསྒོ་བ་ཉན། །གལ་ཏེ་བསྒོ་བ་མི་ཉན་ན། །མ་མོ་ཉིད་ཀྱང་རླག་པར་ངེས། །ལྷ་ཡང་འདའ་ན་རྨོངས་འགྱུར་ན། །རྣལ་འབྱོར་འདས་པ་སྨོས་ཅི་དགོས། །དམ་ཚིག་འདི་ནི་གཙོ་ཡིན་ཞེས། །ཀུན་བཟང་ལྷ་ཡིས་ཡང་དག་བཤད། །འདའ་བར་དཀའ་བའི་དམ་ཚིག་གི། །དམ་ཚིག་བསྟན་པའི་ལེའུ་སྟེ་བཞི་བཅུ་པའོ།། །།འདི་དག་ཉམས་པའི་སྐྱོན་བསྟན་པ། །དམ་ཚིག་ཉམས་པའི་སྔ་རྟགས་ནི། །བྱ་རུ་མི་རུང་སྣ་ཚོགས་བྱེད། །སློབ་དཔོན་བཀའ་བསླུ་སྨོད་བྱེད་དང་། །ལུ་གུ་རྒྱུད་ལ་དབྱེན་བཏང་བ། །འདི་དག་ ― DNG022_Page_0539 ―
[མ་དཔེ་གཟིགས་ན་འདིར་གནོན།]
ཉམས་པའི་སྔ་རྟགས་ཡིན། །སྔགས་དང་ཕྱག་རྒྱ་རྒྱུན་བཅད་ནས། །གཞན་ནས་དངོས་གྲུབ་ཐོབ་འདོད་པ། །འདི་ཡང་ཉམས་པའི་སྔ་རྟགས་ཡིན། །ལུང་དང་གསང་བའི་མན་ངག་རྣམས། །ཐོས་ནས་ཡིད་ལ་མ་འགྲོགས་ཤིང་། །བློ་ལ་འདུག་པའི་ཡུལ་མེད་པས། །ཡོད་མ་ཐག་ཏུ་སྟོན་ཅིང་འཆད། །འདི་ཡང་ཉམས་པའི་སྔ་རྟགས་ཡིན། །ཟང་ཟིང་ནོར་གྱི་མཐོང་འདོད་ཀྱི། །སྣོད་མེད་ཀུན་ལ་སྤེལ་བྱས་ན། །འདི་ཡང་ཉམས་པའི་སྔ་རྟགས་ཡིན། །རྫས་དང་ལག་ཆ་མངོན་ཐོགས་ནས། །ཕ་རོལ་གཞན་ལ་སྡིག་བྱེད་ན། །དེ་ཡང་ཉམས་པའི་སྔ་རྟགས་ཡིན། །ཤ་ཁྲག་གཏོར་མ་མངོན་སུམ་དུ། །མི་ནག་མང་པོའི་སར་བསྐྱོད་ན། །འདི་ཡང་ཉམས་པའི་སྔ་རྟགས་ཡིན། །དུར་ཁྲོད་དབེན་སར་མི་བསྒྲུབ་པར། །གྲོང་ཁྱེར་ནང་དང་རི་ངོས་སུ། །རྔ་སྒྲ་བྷྱོ་ཡི་སྒྲ་འདོན་ན། །འདི་ཡང་ཉམས་པའི་སྔ་རྟགས་ཡིན། །མན་ངག་གཏིང་ནས་མ་ཐོན་ཞིང་། །རྟགས་དང་མཚན་མ་མ་བྱིན་པར། །ཨག་ཚར་ཁ་ཡིས་ངོམས་སྐྱེན་ན། །འདི་ཡང་ཉམས་པའི་སྔ་རྟགས་ཡིན། །དུས་སུ་བྱུང་བ་མ་གཏོགས་པ། །སྣ་ལ་ཁྲག་ཕྱུང་ངོར་བྱུགས་ནས། །མི་ནག་དཀྱིལ་དུ་བྲང་བརྡུང་བ། །འདི་ཡང་ཉམས་པའི་སྔ་རྟགས་ཡིན། །རིག་པའི་ཐབས་དང་མི་ལྡན་པར། །ཁ་ནས་ལྷ་སྲིན་གཉན་པོ་འབོད། །འདི་ཡང་ཉམས་པའི་སྔ་རྟགས་ཡིན། །མཚན་དང་ལྡན་པའི་གཟུངས་མ་ལ། །འཕྲད་ནས་སྦྱོར་བ་མ་བརྩམས་ན། །འདི་ཡང་ཉམས་པའི་སྔ་རྟགས་ཡིན། །ལས་ངན་སྐྱོན་ཅན་མཚངས་ཕོགས་ནས། །བསྒྲལ་བའི་ཞིང་བཅུ་མ་བསྒྲལ་ན། །འདི་ཡང་ཉམས་པའི་སྔ་རྟགས་ཡིན། །དམ་ཚིག་ཉམས་པའི་སྐྱོན་རྣམས་ནི། །རྩ་བའི་དམ་ཚིག་གསུམ་ཉམས་ན། །རྡོ་རྗེ་དམྱལ་བར་སྐྱེ་བར་འགྱུར། །དེ་ལ་སྡུག་བསྔལ་བཟོད་གླག་མེད། །མཆོད་པ་དུས་དྲུག་མ་ཕུལ་ཏེ། །ལས་ཀྱི་ཕྱག་རྒྱ་མ་བསྲུངས་ན། །འདི་ཡང་ཉམས་པའི་སྔ་རྟགས་ཡིན། །དེ་ནས་བསྐལ་པ་འདོད་མི་སྲིད། །ཡན་ལག་དམ་ཚིག་ལྔ་ཉམས་ན། །འདིར་ཡང་ཉེས་པ་སྣ་བཅུ་འོང་། །ཕྱིས་ཀྱང་ན་རག་དམྱལ་བར་སྐྱེ། །མགོ་ནས་ཐོ་བ་ཐོགས་པས་བརྡུང་། །ལོགས་ནས་སྟྭ་རེ་ཐོགས་པས་གཅོད། །ཞབས་ནས་ ― DNG022_Page_0540 ―
[མ་དཔེ་གཟིགས་ན་འདིར་གནོན།]
མཚོན་དང་རལ་གྲི་ཐོགས། །སྤྱོད་པའི་དམ་ཚིག་ཉམས་པ་འདི། །འདིར་ཡང་ནད་དང་སྡུག་བསྔལ་ཆེ། །མཛེ་དང་ནད་ངན་སྣ་ཚོགས་འོང་། །མ་ཚོགས་སྟོང་གིས་སྙིང་ཁྲག་ལེན། །ཤ་ཟན་སྟོང་གིས་ཤ་རུས་འབྲལ། །རང་བཞིན་མ་མོ་བཅུ་བཞི་ཡང་། །དམ་ཚིག་ཉམས་པའི་བདུད་དུ་བབས། །མ་མོ་ཀུན་ཀྱང་གཤེད་དུ་འོང་། །ཚེ་དང་སྲོག་གི་བར་ཆད་འོང་། །འཆི་འཕོ་དམྱལ་བའི་གནས་སུ་སྐྱེ། །དམ་ཚིག་འདི་ལ་མ་གནས་ན། །བརྩམ་པ་མི་འགྲུབ་མྱ་ངན་སྣོན། །བསྒྲུབས་ཀྱང་དངོས་གྲུབ་རྟགས་མི་འོང་། །བཀའ་གསང་དམ་ཚིག་གཞུང་བོར་ནས། །ཕྱི་ནང་སྡེ་སྣོད་མཐའ་དག་དང་། །རྒྱུད་དང་ཏན་ཏྲ་ཅི་བཤད་ཀྱང་། །དེ་ཡིས་འགྲུབ་པར་ངས་མ་གསུངས། །ལྷར་ཡང་རང་སེམས་བརླག་ཏ་རེ། །དམ་ཚིག་ ཉམས་པའི་སྐྱོན་བསྟན་པའི་ལེའུ་སྟེ་བཞི་བཅུ་རྩ་གཅིག་པའོ།། །།དམ་ཚིག་བསྲུང་བའི་ཡོན་ཏན་ནི། །ཅི་བསམ་ལས་རྣམས་འགྲུབ་གྱུར་ཏེ། །མཁའ་ལ་འགྲོ་ན་བྱ་བཞིན་འཕུར། །ཆུ་ལ་འཛུལ་ན་ཉ་བཞིན་འཕྱོ། །སྔགས་ཀྱི་དངོས་གྲུབ་ཅི་འདོད་སྟེར། །རིག་འཛིན་རྣམ་གསུམ་གང་བསྒྲུབ་འགྲུབ། །རང་བཞིན་མ་མོ་རང་བཞིན་བྱམས། །སྲིད་པའི་མ་མོ་བྲན་བཞིན་ཉན། །ཅི་བགྱིས་བཀའ་ཉན་འཁོར་བཞིན་འཁོལ། །མཁའ་འགྲོ་མ་ཆེན་འཁོར་བཞིན་འདུ། །དངོས་གྲུབ་རྣམ་གསུམ་རིམ་བཞིན་ཐོབ། །ཚེ་དཔལ་དབང་ཐང་བསོད་ནམས་འཕེལ། །འབྱོར་པ་ཀུན་ཚོགས་ལོངས་སྤྱོད་ལྡན། །མ་སྲིང་ཀུན་ཀྱང་རྗེ་བཞིན་ཁུར། །དགྲ་བགེགས་ཀུན་ཀྱང་གཞོབ་བཞིན་འདུལ། །བསྟན་པ་ཀུན་ཀྱང་རང་བཞིན་རྒྱས། །དམ་ཚིག་འདི་དག་གཙོར་ལེན་པས། །འགྲུབ་པར་འགྱུར་བ་གདོན་མི་ཟ། །ཀུན་ཏུ་བཟང་པོ་ཡང་དག་བཞིན། །སངས་རྒྱས་ཀུན་གྱི་གཙོ་ཆེན་ཡིན། །རྒྱལ་བ་ཀུན་གྱི་ལམ་ཡིན་ཞེས། །ཀུན་ཏུ་བཟང་པོས་ཡང་དག་ བཤད། །དམ་ཚིག་བསྲུང་བའི་ཡོན་ཏན་བསྟན་པའི་ལེའུ་སྟེ་བཞི་བཅུ་རྩ་གཉིས་པའོ།། །།དམ་ཚིག་བསྲུང་བའི་རིམ་པ་ནི། །རྡོ་རྗེ་སློབ་དཔོན་བཀའ་ཉན་ཞིང་། །མན་ངག་སྟོན་པ་ཁུར་བྱེད་ཅིང་། །རྡོ་རྗེ་རྒྱལ་པོ་ཕ་ལྟར་ཁུར། ། ― DNG022_Page_0541 ―
[མ་དཔེ་གཟིགས་ན་འདིར་གནོན།]
ཡུམ་གྱི་དབང་མོ་མ་ལྟར་བཀུར། །རྒྱལ་ཐེབས་ཀརྨ་བུ་ལྟར་བཀུར། །མཆེད་དང་ལྕམ་དྲལ་བུ་ལྟར་བཀུར། །བསྟན་པ་དོན་བཞིན་གཞུང་སྙོགས་ན། །འདི་ཡང་བསྲུང་བའི་རིམ་པ་ཡིན། །ཉིན་དང་མཚན་དུ་དུས་མེད་པར། །སྔགས་དང་ཕྱག་རྒྱ་རྒྱུན་མེད་པར། །མ་ཡེངས་གསང་བའི་དོན་བརྩོན་ན། །འདི་ཡང་བསྲུང་བའི་རིམ་པ་ཡིན། །གསང་ཐུབ་མན་ངག་འཚོ་མཁས་དང་། །ཡུན་དུ་བརྟེན་པ་ངེས་ཆེ་བ། །འདི་ཡང་བསྲུང་བའི་རིམ་པ་ཡིན། །ཉན་བསམ་ཐོས་པ་རྒྱ་བསྐྱེད་ནས། །འདུ་འཛིའི་དབང་དུ་མི་གཏོང་བར། །རྟག་ཏུ་སྒྲུབ་ལ་བརྩོན་བྱེད་ན། །འདི་ཡང་བསྲུང་བའི་རིམ་པ་ཡིན། །གབ་པའི་གསང་བ་གཏིང་ཕྱིན་ཅིང་། །སྦས་པའི་གསང་བའི་གཞུང་ཐུབ་ན། །འདི་ཡང་བསྲུང་བའི་རིམ་པ་ཡིན། །སློབ་དཔོན་མཉེས་པ་ཕུལ་བྱས་ན། །དབང་རྣམས་རིམ་པར་ནོད་བྱེད་པ། །འདི་ཡང་བསྲུང་བའི་རིམ་པ་ཡིན། །དམ་རྫས་ཡོ་བྱད་ཚོགས་བྱས་ནས། །གཞུང་བཞིན་མ་ནོར་སྒྲུབ་བྱེད་ན། །འདི་ཡང་བསྲུང་བའི་རིམ་པ་ཡིན། །ཕ་རོལ་དམ་ཉམས་དགྲ་བོ་ལ། །ཁ་ཆོས་སྨོན་འཇུག་མི་ཟེར་བར། །གསང་ཞིང་འདུག་ནས་ལས་བརྩམ་པ། །འདི་ཡང་བསྲུང་བའི་རིམ་པ་ཡིན། །དཀྱིལ་འཁོར་བརྩོན་འགྲུས་ཤུགས་ཕྱུང་ནས། །མི་ནག་བཅའ་ཁར་མི་གཏོང་ན། །འདི་ཡང་བསྲུང་བའི་རིམ་པ་ཡིན། །མཚན་དང་ལྡན་པའི་གཟུངས་མ་ལ། །བྱིན་རླབས་སྦྱོར་བ་རྩོམ་བྱེད་ན། །འདི་ཡང་བསྲུང་བའི་རིམ་པ་ཡིན། །བསྒྲལ་བའི་ཞིང་བཅུར་གྱུར་པ་ལ། །དཔྱང་ཐག་ཆད་པ་བསྒྲལ་བ་ནི། །འདི་ཡང་བསྲུང་བའི་རིམ་པ་ཡིན། །མཆོད་པ་དུས་དྲུག་རྣམས་སུ་འབུལ། །ལས་ཀྱི་ཕྱག་རྒྱ་གཞུང་བསྲང་ན། །འདི་ཡང་བསྲུང་བའི་རིམ་པ་ཡིན། །དུར་ཁྲོད་དབེན་སར་སྒྲུབ་བྱེད་ཅིང་། །རྟགས་དང་མཚན་མ་མངོན་སུམ་དུ། །མ་ཕྱིན་བར་དུ་མི་གཏོང་ན། །འདི་ཡང་བསྲུང་བའི་རིམ་པ་ཡིན། །གཞན་ལ་ཕྱར་འཚོང་མི་བྱེད་ཅིང་། །གཅོམ་བསྐྱུངས་ཡོན་ཏན་ཚོགས་སྦེད་ན། །འདི་ཡང་བསྲུང་བའི་རིམ་པ་ཡིན། །གཞན་ཡང་ཡོན་ ཏན་མཐའ་དག་པ། །གཞུང་ནས་བསྟན་པ་ཀུན་སྤྱོད་ན། །འདི་ཡང་བསྲུང་བའི་རིམ་པ་ཡིན། །དམ་ཚིག་བསྲུང་བའི་ལེའུ་སྟེ་བཞི་བཅུ་རྩ་གསུམ་པའོ།། །། ― DNG022_Page_0542 ―
[མ་དཔེ་གཟིགས་ན་འདིར་གནོན།]
གནོད་འདུལ་ལྷ་ཡིས་ཡང་གསོལ་པ། །མ་མོའི་སྦྱིན་སྲེག་ཇི་ལྟར་འབུལ། །ཉག་གཅིག་ཡབ་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །ངོ་མཚར་ལྷ་ཡིས་བཀའ་སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །དང་པོ་ཕུན་སུམ་ཚོགས་ལྡན་ནས། །རྫས་དང་ཡོ་བྱད་ཚོགས་བྱས་ཏེ། །ཞི་རྒྱས་དབང་དང་མངོན་སྤྱོད་དང་། །ཕྲིན་ལས་རྣམ་བཞི་གང་བྱེད་པ། །རྫས་དང་ཁ་དོག་དེ་བཞིན་བསྒྱུར། །ཧོམ་ཁུང་ཡུམ་གྱི་གཞལ་ཡས་སུ། །ཧོམ་ཤིང་ཡབ་ཀྱི་མཁའ་བརྫངས་ཏེ། །གཉིས་སུ་མེད་པར་མེ་སྦར་ནས། །ཡེ་ཤེས་རང་བཞིན་དམན་མོ་རྣམས། །ཆོ་ག་གོང་ནས་འབྱུང་བ་བཞིན། །མེ་དཔུང་འབར་བའི་གཞལ་ཡས་སུ། །སྤྱན་དྲང་ཕྱག་འཚལ་བཞུགས་སུ་གསོལ། །རྫས་དང་ཡོ་བྱད་ཀུན་ཐོགས་ལ། །མཆོད་པ་འབུལ་བ་འདི་སྐད་དོ། །ཧཱུཾ་ཀུན་ཏུ་བཟང་མོ་ཡུམ་གྱི་མཁའ་དབྱིངས་སུ། །ཀུན་ཏུ་བཟང་པོ་ཡབ་ཀྱི་ཤིང་བརྫངས་ནས། །གཉིས་མེད་བྱང་ཆུབ་སེམས་ཀྱི་མེ་སྦར་ལ། །ཆེ་མཆོག་ཧེ་རུ་སྤྱན་དྲངས་གདན་ལ་བཞེངས། །འབར་བ་མེ་ཡི་གཞལ་ཡས་ནང་དུ་བཞུགས། །དམ་རྫས་བདུད་རྩི་འབར་བའི་མཆོད་པ་འབུལ། །སྐྱེ་མེད་བྱང་ཆུབ་སེམས་ཀྱི་མཆོད་པ་བཞེས། །ཡབ་ཡུབ་གཉིས་སུ་མེད་པའི་མེ་སྦར་ལ། །ཡུམ་གྱི་རྒྱལ་མོ་སྤྱན་དྲངས་གདན་ལ་བཞེངས། །བཞི་ཟུར་ཞབས་བརྒྱད་འབར་བས་ཕྱོགས་མཚམས་གནོན། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །དམ་རྫས་བདུད་རྩི་སྨན་གྱི་མཆོད་པ་འབུལ། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་པ་བཞེས། །སྐྱེ་མེད་ཆོས་ཀྱི་དབྱིངས་ཀྱི་དངོས་གྲུབ་སྩོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་པ་བཞེས། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་གཉིས་མེད་སེམས་ཀྱི་མེ་སྦར་ཏེ། ། ― DNG022_Page_0543 ―
[མ་དཔེ་གཟིགས་ན་འདིར་གནོན།]
རྟག་པའི་རྒྱལ་མོ་འདིར་གཤེགས་གདན་ལ་བཞེངས། །ཤ་རུས་བདག་མོ་རྣམ་སྣང་གསལ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་པ་བཞེས། །འབྱུང་བ་ས་ཡི་དངོས་གྲུབ་སྩལ་དུ་གསོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་པ་བཞེས། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་གཉིས་མེད་སེམས་ཀྱི་མེ་སྦར་ཏེ། །རྟག་པའི་རྒྱལ་མོ་འདིར་གཤེགས་གདན་ལ་བཞེངས། །དབུགས་ཀྱི་བདག་མོ་མ་མོ་ཡང་གསལ་གསོལ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་དམ་རྫས་བདུད་རྩི་མཆོད་པ་བཞེས། །འབྱུང་བ་རླུང་གི་དངོས་གྲུབ་སྩལ་དུ་གསོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་པ་བཞེས། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་གཉིས་མེད་སེམས་ཀྱི་མེ་སྦར་ཏེ། །རྟག་པའི་རྒྱལ་མོ་སྤྱན་འདྲེན་གདན་ལ་བཞེངས། །ཁྲག་གི་བདག་མོ་མ་མོ་གཉེན་གསལ་འབར། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་པ་འབུལ། །འབྱུང་བ་ཆུ་ཡི་དངོས་གྲུབ་སྩལ་དུ་གསོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་གཉིས་མེད་སེམས་ཀྱི་མེ་སྦར་ལ། །རྟག་པའི་རྒྱལ་མོ་སྤྱན་འདྲེན་གདན་ལ་བཞེངས། །དྲོད་ཀྱི་བདག་མོ་མ་མོ་འོད་གསལ་འབར། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །འབྱུང་བ་མེ་ཡི་དངོས་གྲུབ་སྩལ་དུ་གསོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་གཉིས་མེད་སེམས་ཀྱི་མེ་སྦར་ལ། ། ― DNG022_Page_0544 ―
[མ་དཔེ་གཟིགས་ན་འདིར་གནོན།]
སྲིད་པའི་རྒྱལ་མོ་སྤྱན་འདྲེན་གདན་ལ་བཞུགས། །བཀྲག་དང་མདངས་ཀྱི་བདག་མོ་བཀྲག་གསལ་མཉམ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །འབྱུང་བ་ནམ་མཁའི་བཀྲག་མདངས་དངོས་གྲུབ་སྩོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་གཉིས་མེད་མཁའ་དབྱིངས་འབར་བའི་ཧོམ། །གཉིས་མེད་བྱང་ཆུབ་སེམས་ཀྱི་མེ་སྦར་ཏེ། །རང་བཞིན་མ་མོ་སྤྱན་འདྲེན་གདན་ལ་བཞུགས། །ཡོངས་ཀྱི་མ་མོ་ཕྲ་མེན་རྒྱ་མཚོ་མ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །སྲིད་པའི་དབང་སྒྱུར་དངོས་གྲུབ་སྩལ་དུ་གསོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་མཁའ་དབྱིངས་འདྲེལ་བ་འབར་བའི་ཧོམ། །གཉིས་མེད་བྱང་ཆུབ་སེམས་ཀྱི་མེ་སྦར་ཏེ། །རང་བཞིན་མ་མོ་སྤྱན་འདྲེན་གདན་ལ་བཞུགས། །དབང་སྒྱུར་མ་མོ་སྤྱན་འདྲེན་གདན་ལ་བཞེངས། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །གླིང་བཞི་དབང་སྒྱུར་དངོས་གྲུབ་སྩལ་དུ་གསོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་མཁའ་འབྱིངས་འདྲེལ་བའི་ཧོམ་ཁུང་དུ། །གཉིས་མེད་བྱང་ཆུབ་སེམས་ཀྱི་མེ་སྦར་ཏེ། །ཁྲོས་པའི་རྒྱལ་མོ་སྤྱན་འདྲེན་གདན་ལ་བཞེངས། །རྡོ་རྗེ་ཉི་མ་ཁྲོས་པའི་དབང་མོ་ཆེ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །མ་བཞི་དབང་སྒྱུར་དངོས་གྲུབ་སྩལ་དུ་གསོལ། ། ― DNG022_Page_0545 ―
[མ་དཔེ་གཟིགས་ན་འདིར་གནོན།]
ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །པདྨ་ཁྲག་འཐུང་ཁྲོས་པའི་དབང་མོ་ཆེ། །རྡོ་རྗེ་པདྨ་ཁྲོས་པའི་དབང་མོ་ཆེ། །རྡོ་རྗེ་ཁམས་གསུམ་ཁྲོས་པའི་དབང་མོ་ཆེ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །མ་བཞི་དབང་སྒྱུར་དངོས་གྲུབ་སྩལ་དུ་གསོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་མཁའ་འབྱིངས་འདྲེལ་པའི་ཧོམ་ཁུང་དུ། །གཉིས་མེད་བྱང་ཆུབ་སེམས་ཀྱི་མེ་སྦར་ཏེ། །ཕུང་ཕྱེད་མ་བཞི་སྤྱན་འདྲེན་གདན་ལ་བཞེངས། །ཕྲ་མེན་སྦས་པའི་མ་མོ་དབྱིངས་ཕྱུག་མ། །ཕུང་བྱེད་སྦས་པའི་མ་མོ་གཅིག་པུ་མ། །ཕུང་བྱེད་སྦས་པའི་མ་མོ་རྒྱན་གྱི་རྒྱལ། །ཕུང་བྱེད་སྦས་པའི་མ་མོ་བདག་ཉིད་མ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་དབྱིངས་དང་འདྲེལ་བ་འབར་བའི་ཧོམ། །གཉིས་མེད་བྱང་ཆུབ་སེམས་ཀྱི་མེ་སྦར་ཏེ། །གསང་བའི་དགྱེས་སྡེ་སྤྱན་འདྲེན་གདན་ལ་བཞུགས། །དཀར་མོ་མིག་གཅིག་རྒྱས་འདེབས་མ། །ནག་མོ་རལ་གཅིག་རྨོངས་མཛད་མ། །ནུབ་ཀྱི་དམར་མོ་ཕུང་བྱེད་མ། །བྱང་གི་སེར་མོ་ལས་མཁན་མ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །བྱང་ཆུབ་སེམས་ཀྱི་དངོས་གྲུབ་སྩལ་དུ་གསོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་མཁའ་དབྱིངས་འདྲེལ་བའི་ཧོམ་ཁུང་དུ། །སྲིད་པའི་རྒྱལ་མོ་སྤྱན་འདྲེན་གདན་ལ་བཞུགས། །ཨ་ཕྱི་ཆེན་མོ་སྲིད་པ་ཆགས་བྱེད་མ། །སྲིད་པ་ཆ་སྙོམས་མ་མོ་ཤམ་ ― DNG022_Page_0546 ―
[མ་དཔེ་གཟིགས་ན་འདིར་གནོན།]
ཤམ་མོ། །སྲིད་པ་ཆགས་བྱེད་ཨེ་ཀ་ཛ་ཏི་མ། །ནམ་མཁའ་དབྱིངས་ཀྱི་རྡོ་རྗེ་དཔལ་མོ་བཙན། །སྲིང་གཅིག་ཆེན་མོ་མ་མོ་འཕྲུལ་མོ་ཆེ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །ཁམས་གསུམ་སྲིད་པ་གསུམ་གྱི་དངོས་གྲུབ་སྩོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་མཁའ་དབྱིངས་འདྲེལ་བའི་ཧོམ་ཁུང་དུ། །གཉིས་མེད་བྱང་ཆུབ་སེམས་ཀྱི་མེ་སྦར་ཏེ། །དམན་མོ་མ་བདུན་སྤྱན་འདྲེན་གདན་ལ་བཞུགས། །རྡོ་རྗེ་ཀུན་གྲགས་སྤྱན་འདྲེན་གཤེགས་སུ་གསོལ། །ཀུན་ཏུ་བཟང་མོ་སྤྱན་འདྲེན་གཤེགས་སུ་གསོལ། །རྡོ་རྗེ་ཀུན་གསལ་སྤྱན་འདྲེན་གཤེགས་སུ་གསོལ། །རྡོ་རྗེ་ཡེ་ཤེས་མཆོག་མ་སྤྱན་འདྲེན་གཤེགས་སུ་གསོལ། །རྡོ་རྗེ་འོད་ཆགས་སྤྱན་འདྲེན་གཤེགས་སུ་གསོལ། །རྡོ་རྗེ་གསལ་འཕྲོ་སྤྱན་འདྲེན་གཤེགས་སུ་གསོལ། །རྡོ་རྗེ་གཡུ་སྒྲོན་སྤྱན་འདྲེན་གཤེགས་སུ་གསོལ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །སྲིད་པ་དམན་མོ་སྤྱན་འདྲེན་གདན་ལ་བཞེངས། །རིན་ཆེན་སྲིད་འདེགས་མ་མོ་མཐུ་མོ་ཆེ། །ནག་མོ་ཁྲག་འཛག་མ་མོ་མཐུ་མོ་ཆེ། །གླིང་བཞི་སྤྱི་འགྲོ་མ་མོ་མཐུ་མོ་ཆེ། །རྡོ་རྗེ་སྒེག་མོ་མཐུ་མོ་ཆེ། །པདྨ་གར་གྱི་དབང་ཕྱུག་མཐུ་ཆེན་མ། །ས་བདག་ཆེན་མོ་པདྨ་ཕྲེང་། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། ། ― DNG022_Page_0547 ―
[མ་དཔེ་གཟིགས་ན་འདིར་གནོན།]
རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་གཉིས་མེད་འདྲེལ་བ་འབར་བའི་ཧོམ། །གཉིས་མེད་བྱང་ཆུབ་སེམས་ཀྱི་མེ་སྦར་ཏེ། །གྲུ་འདེགས་བཞི་རྣམས་སྤྱན་འདྲེན་གདན་ལ་བཞུགས། །བྱང་ཤར་ཤན་ཏིང་དཀར་མོ་གཤེགས་སུ་གསོལ། །ཤར་ལྷོ་དུན་ཏིང་ནག་མོ་གཤེགས་སུ་གསོལ། །ལྷོ་ནུབ་ཧར་ཏིང་དམར་མོ་གཤེགས་སུ་གསོལ། །ནུབ་བྱང་གྲུབ་ཏིང་སེར་ལྗང་གཤེགས་སུ་གསོལ། །འབར་བ་མེ་ཡི་གཞལ་ཡས་ནང་དུ་བཞུགས་སུ་གསོལ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡབ་ཡུམ་མཁའ་དབྱིངས་འདྲེལ་བ་འབར་བའི་ཧོམ། །གཉིས་མེད་བྱང་ཆུབ་སེམས་ཀྱི་མེ་སྦར་ཏེ། །དམག་གི་རྒྱལ་མོ་སྤྱན་འདྲེན་གདན་ལ་བཞེངས། །ཤར་གྱི་དཀར་མོ་མིག་གཅིག་མ། །ལྷོ་ཡི་ནག་མོ་ཁ་ཡལ་མ། །ནུབ་ཀྱི་དམར་མོ་མཆུ་འཇིབ་མ། །བྱང་གི་སེར་མོ་རྐང་ལྡག་མ། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །སྲིང་མོ་བཞི་རྣམས་སྤྱན་འདྲེན་གདན་ལ་བཞེངས། །གླིང་བཞི་མགྱོགས་མ་ལྷ་ཡི་སྲིང་མོ་དང་། །མཁའ་ལ་ཁྱུང་ལྡིང་གཤིན་རྗེའི་སྲིང་མོ་དང་། །དམར་མོ་གཡག་ཐོད་ཀླུ་ཡི་སྲིང་མོ་དང་། །ནག་མོ་སྡེར་ཆེན་གནོད་སྦྱིན་སྲིང་མོ་དང་། །འབར་བ་མེ་ཡི་གཞལ་ཡས་ནང་དུ་བཞུགས། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ ― DNG022_Page_0548 ―
[མ་དཔེ་གཟིགས་ན་འདིར་གནོན།]
ཉམས་དམ་བསྐངས་མཐུ་དང་དངོས་གྲུབ་སྩོལ། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །རྒྱུད་ལྔ་བག་ཆགས་མ་ལུས་ཀུན་སྦྱངས་ཏེ། །སྨན་དང་བདུད་རྩི་དམ་རྫས་མཆོད་འབུལ་གྱི། །དམ་ཉམས་དམ་བསྐངས་མཐུ་དང་དངོས་གྲུབ་སྩོལ། །ཉི་ཤུ་རྩ་བརྒྱད་ཀྱི་མཆོད་པ་གཞན་དང་མཐུན་ནོ། །སྦྱིན་བསྲེག་མཆོད་པའི་ལེའུ་སྟེ་བཞི་བཅུ་རྩ་བཞི་པའོ།། །།གནོད་འདུལ་ལྷ་ཡིས་ཡང་གསོལ་པ། །མ་མོ་སྒྲུབ་པའི་གཟུངས་མ་ལ། །ག་ཎའི་སྦྱོར་བ་ཇི་ལྟར་བགྱི། །མངོན་རྫོགས་ཡབ་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །ཡང་དག་རྫོགས་ཀྱིས་བཀའ་སྩལ་པ། །གཟུངས་མ་སྦྱོར་བའི་མཚན་ཉིད་ནི། །ཡང་དག་ཉིད་དུ་ངས་བཤད་ཀྱི། །ཉོན་ཅིག་གཡུང་དྲུང་ཡང་དག་པ། །གང་བསྒྲུབ་གཟུངས་མའི་མཚན་ཉིད་ལ། །སོ་སོའི་མཚན་ཡོད་རྙེད་ནས་ནི། །དགོན་པ་ཆེན་པོར་བརྩམ་པར་བྱ། །ཆོ་གའི་ལས་རྣམས་རྫོགས་ནས་ཀྱང་། །སྦྱོར་བའི་ལས་རྣམས་བརྩམ་པ་ནི། །གཡོན་ཕྱོགས་དག་ཏུ་ཡུམ་བཞག་ལ། །དང་པོ་སྤྱན་དང་ཞལ་གྱི་བརྡའ། །མིག་བཙུམ་མཆུ་སྨེད་བརྡ་བྱས་ལ། །གཞན་ཡང་བརྡའ་སྐད་སྣ་ཚོགས་སྨྲས། །དེ་ནས་ཡུམ་གྱི་སྤྱན་སྲིངས་ནས། །ཡབ་ལ་ཆགས་པའི་སྙོམ་བག་བྱ། །དེ་ནས་ཡབ་ཀྱིས་གསོས་པ་བསྐྱེད། །ནུ་མ་མཉེ་ཞིང་མཆན་ཁུང་བརྡེག །ཡུམ་གྱི་ཆགས་པས་ཡིད་གཡོས་ནས། །ཡབ་ཡུམ་མཁའ་དབྱིངས་བྱིན་གྱིས་བརླབ། །ཡུམ་གྱི་གནས་ལྔ་དག་ཏུ་ནི། །ཚོམ་བུ་ཉི་ཤུ་རྩ་ལྔ་དགོད། །ཛཿཞེས་དཔུང་ནས་གཟུང་བར་བྱ། །ཧཱུཾ་ཞེས་གཉའ་ནས་འཁྱུད་པར་བྱ། །བཾ་ཞེས་སྟོད་སྨད་བསྡམ་པར་བྱ། །ཧོཿཡིས་ཡབ་ཡུམ་བསྒུལ་བསྐྱོད་ནས། །བཛྲ་དྷྲྀག་གིས་ཕུལ་ནས་ཀྱང་། །ཧཱུཾ་གིས་བྱང་ཆུབ་སེམས་བསྐྱེད་དེ། །དགྱེས་པའི་རོ་རྣམས་བཏང་ནས་ནི། །དཀར་དམར་འདྲེས་པའི་སེམས་དག་ལ། །དཀྱིལ་འཁོར་ལྷ་ལ་གསལ་མཆོད་ཅིང་། །བདག་ཉིད་དངོས་གྲུབ་དམ་པར་བླང་། །འདི་ནི་སྦྱོར་བའི་ལུང་ཞེས་ ― DNG022_Page_0549 ―
[མ་དཔེ་གཟིགས་ན་འདིར་གནོན།]
བསྟན། །ག་ཎ་སྦྱོར་བའི་ལེའུ་སྟེ་བཞི་བཅུ་རྩ་ལྔ་པའོ།། །།གནོད་འདུལ་ལྷ་ཡིས་ཡང་གསོལ་པ། །ཐུགས་དམ་བསྐང་བའི་རྒྱུ་རྣམས་ལ། །བསྒྲལ་བའི་ལས་རྣམས་ཅི་ལྟར་བགྱི། །མངོན་རྫོགས་ཡབ་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །ངོ་མཚར་ལྷ་ཡིས་བཀའ་སྩལ་པ། །ཐུགས་དམ་བསྐང་བའི་སེམས་ཅན་ལ། །ཏ་ན་བསྒྲལ་བ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །ཁམས་གསུམ་འཁོར་བའི་སེམས་ཅན་འདི། །མ་སྐྱེས་ཕྱིར་ན་བསད་མི་རིགས། །སེམས་ཅན་འཁོར་བ་ཕུང་པོར་འཁོར། །དམྱལ་བར་འཁྱམས་པ་རྟོག་པས་འཁྱམས། །ཕུང་པོ་ཆོས་ཀྱི་དབྱིངས་སུ་བསྒྲལ། །ཆོས་ཀྱི་དབྱིངས་ལ་མ་ཞེས་བྱ། །རྟོག་པ་ཡེ་ཤེས་མཆོག་བྱ་བསྒྲལ། །ཡེ་ཤེས་མཆོག་ལ་མོ་ཞེས་བྱ། །མ་མོའི་དཀྱིལ་འཁོར་གསལ་བཀོད་ནས། །བསྒྲལ་ན་སྐྱོན་མེད་བདེ་ཆེན་ཐོབ། །མཐའ་ཡས་སེམས་ཅན་ཐམས་ཅད་ནི། །སྐྱེས་ཀྱང་ཡུམ་ལྔའི་མཁའ་ལ་སྐྱེས། །གནས་ཀྱང་འབྱུང་ལྔའི་མཁའ་ལ་གནས། །འཆི་ཡང་འབྱུང་ལྔའི་མཁའ་ལ་འཆི། །དོན་ལ་བསྒྲལ་དང་མ་བསྒྲལ་མེད། །བསྒྲལ་བར་བསྟན་པ་རོལ་པ་ཡིན། །རོལ་པར་བསྟན་པ་ཕྲིན་ལས་ཡིན། །ཕྲིན་ལས་འབྱུང་པོ་ཚར་བཅད་ནས། །སྐྱེ་མེད་ཆོས་སྐུའི་དངོས་གྲུབ་ལེན། །དེས་ན་བསྒྲལ་བ་གཙོ་ཞེས་བསྔགས། །དང་པོར་སེམས་ཅན་གང་བསྒྲལ་བ། །འཁོར་བར་ཞེ་བཅད་རྒྱས་གདབ་བྱ། །རྒྱས་གདབ་བྱས་ནས་རྣམ་རྟོག་བྲལ། །རྣམ་རྟོག་བྲལ་ན་ཆོས་ཉིད་རྟོགས། །དེས་ན་ལུས་ལ་དཀྱིལ་འཁོར་དགོད། །དཀྱིལ་འཁོར་བཀོད་ན་བདེ་ཆེན་ཐོབ། །དེ་ནས་མ་མོའི་ཐུགས་དམ་བསྐང་། །ཐུགས་དམ་བསྐང་ན་དགྱེས་པ་བསྐྱེད། །དགྱེས་པ་བསྐྱེད་ན་མཉམ་ཉིད་ཐོབ། །དེ་ནས་ཡོངས་ལ་བསྟབ་པ་བྱ། །བསྟབས་པས་བདུད་དང་དགྲ་བགེགས་བཅོམ། །བདུད་བགེགས་བཅོམ་ནས་བསམ་པ་འགྲུབ། །དེས་ན་རྒྱུ་དྲུག་སྲོག་རྩ་གཅོད། །སྲོག་རྩ་བཅད་ནས་འཁོར་བ་སྟོངས། །དེ་ནས་ཙིཏྟ་སེམས་བླངས་ནས། །སངས་རྒྱས་སྲས་སུ་ཡཾ་གིས་ ― DNG022_Page_0550 ―
[མ་དཔེ་གཟིགས་ན་འདིར་གནོན།]
འཕང་། །སྔགས་ཀྱིས་ངན་སོང་སྒོ་བཅད་ནས། །བྱིན་བརླབ་དབང་བསྐུར་སྲས་སུ་བསྐྱེད། །འདི་ནི་བསྒྲལ་བའི་ལུང་ཞེས་བཤད། །ཏ་ན་བསྒྲལ་བའི་ལེའུ་སྟེ་བཞི་བཅུ་རྩ་དྲུག་པའོ།། །།གནོད་འདུལ་ལྷ་ཡིས་ཡང་གསོལ་པ། །ཡེ་ཤེས་རང་བཞིན་དམན་མོ་ལ། །ཟ་བྱེད་བསྟབ་པ་ཅི་ལྟར་བགྱི། །ངོ་མཚར་ལྷ་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །མངོན་རྫོགས་རྒྱལ་པོས་བཀའ་སྩལ་པ། །ཡེ་ཤེས་རང་བཞིན་དམན་མོ་ལ། །ཟ་བྱེད་བསྟབ་པ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །རྣམ་རྟོག་དགྲ་བགེགས་བསྟབ་པའི་ཕྱིར། །དེ་ཡི་བསྐུལ་ཚིག་འདི་སྐད་དོ། །ཧཱུཾ་ཡེ་ཤེས་མ་མོ་ཞལ་ཕྱེས་ཤིག །རྣལ་འབྱོར་ཚོགས་ཀྱི་རྗེ་མོ་ལ། །ཡུམ་གྱི་རྒྱལ་མོ་མུ་ཁ་ལེ། །འགྲོ་བ་ཡོངས་ཀྱི་སྐྱེ་གནས་ཡིན། །ཐམས་ཅད་ཡོངས་ཀྱི་ཚེ་སྲོག་བདག །བཞི་ཟུར་ཞབས་བརྒྱད་ཕྱོགས་མཚམས་གནོན། །དབུ་གཅིག་ཞལ་ལྔ་གདེངས་པ་ལ། །རྣལ་འབྱོར་དགྲ་བགེགས་ཞལ་དུ་བསྟབ། །དུག་གསུམ་མ་ལུས་སྟོངས་པར་མཛོད། །རྟག་པའི་རྒྱལ་མོ་ཞལ་ཕྱེས་ཤིག །ཤ་རུས་བདག་མོ་རྣམ་སྣང་གསལ། །དགྲ་བགེགས་ཤ་རུས་འདི་བཞེས་ལ། །རྣལ་འབྱོར་ཤ་རུས་སྐྱེད་པར་མཛོད། །རྟག་པའི་རྒྱལ་མོ་ཞལ་ཕྱེས་ཤིག །དབུགས་ཀྱི་བདག་མོ་ཞལ་ཕྱེས་ཤིག །དགྲ་བགེགས་སྲོག་དབུགས་འདི་བཞེས་ལ། །རྣལ་འབྱོར་སྲོག་དབུགས་བརྟན་པར་མཛོད། །རྟག་པའི་རྒྱལ་མོ་ཞལ་ཕྱེས་ཤིག །ཁྲག་གི་བདག་མོ་གཉན་གསལ་མ། །དགྲ་བགེགས་ཁྲག་རྣམས་འདི་བཞེས་ལ། །རྣལ་འབྱོར་ཁྲག་རྣམས་འཕེལ་བར་མཛོད། །དྲོད་ཀྱི་བདག་མོ་འོད་གསལ་འབར། །དགྲ་བགེགས་རྣམས་ཀྱི་དྲོད་བཞེས་ལ། །བདག་གི་དྲོད་རྣམས་འཕེལ་པར་མཛོད། །རྟག་པའི་རྒྱལ་མོ་ཞལ་ཕྱེས་ཤིག །བཀྲག་གསལ་བདག་མོ་བཀྲག་གསལ་འབར། །དགྲ་བགེགས་བཀྲག་མདངས་འདི་བཞེས་ལ། །རྣལ་འབྱོར་བཀྲག་མདངས་འཕེལ་བར་མཛོད། །རང་ ― DNG022_Page_0551 ―
[མ་དཔེ་གཟིགས་ན་འདིར་གནོན།]
བཞིན་མ་མོ་ཞལ་ཕྱེས་ཤིག །ཕྲ་མེན་རྒྱ་མཚོ་ཞལ་ཕྱེས་ཤིག །དགྲ་བགེགས་ཕུང་པོ་ཞལ་དུ་བསྟབ། །བདག་གི་ཕུང་པོ་ནད་མེད་མཛོད། །རང་བཞིན་མ་མོ་ཞལ་ཕྱེས་ཤིག །ཉི་ཟླ་ཐོད་ཕྲེང་ཞལ་ཕྱེས་ཤིག །དབང་ཕྱུག་མ་མོ་ཞལ་ཕྱེས་ཤིག །དགྲ་བགེགས་རྣམ་ཤེས་ཞལ་དུ་བསྟབ། །བདག་གི་རྣམ་ཤེས་གསལ་བར་མཛོད། །རང་བཞིན་མ་མོ་ཞལ་ཕྱེས་ཤིག །ཕུང་བྱེད་མ་བཞི་ཞལ་ཕྱེས་ཤིག །དབྱིངས་ཕྱུག་མ་མོ་ཞལ་ཕྱེས་ཤིག །རྒྱན་གྱི་རྒྱལ་མོ་ཞལ་ཕྱེས་ཤིག །བདག་ཉིད་མ་མོ་ཞལ་ཕྱེས་ཤིག །གཅིག་པུ་མ་མོ་ཞལ་ཕྱེས་ཤིག །དགྲ་བགེགས་ཡན་ལག་ཞལ་དུ་བསྟབ། །བདག་གི་ཡན་ལག་བདེ་བར་མཛོད། །རང་བཞིན་མ་མོ་ཞལ་ཕྱེས་ཤིག །ཁྲོས་པའི་མ་མོ་ཞལ་ཕྱེས་ཤིག །རྡོ་རྗེ་ཉི་མ་ཞལ་ཕྱེས་ཤིག །པདྨ་ཁྲག་འཐུང་ཞལ་ཕྱེས་ཤིག །རྡོ་རྗེ་སྲིད་གསུམ་ཞལ་ཕྱེས་ཤིག །རྡོ་རྗེ་ཁམས་འཚོགས་ཞལ་ཕྱེས་ཤིག །ཁྲོས་པའི་རྒྱལ་མོ་བཞི་ཡི་ཞལ་དུ་བསྟབ། །དགྲ་བགེགས་གཟུགས་བཞི་ཞལ་དུ་བསྟབ། །བདག་གི་གཟུགས་བཞི་བདེ་བར་མཛོད། །རང་བཞིན་མ་མོ་ཞལ་ཕྱེས་ཤིག །ཐུགས་ཀྱི་དགྱེས་སྡེ་ཞལ་ཕྱེས་ཤིག །དཀར་མོ་མིག་གཅིག་ཞལ་ཕྱེས་ཤིག །ནག་མོ་རལ་གཅིག་ཞལ་ཕྱེས་ཤིག །དམར་མོ་དབང་སྡུད་ཞལ་ཕྱེས་ཤིག །སེར་མོ་ལས་མཁན་ཞལ་ཕྱེས་ཤིག །དགྲ་བགེགས་ཡུལ་གཞི་ཞལ་དུ་བསྟབ། །བདག་གི་ཡུལ་གཞི་བདེ་བར་མཛོད། །སྲིད་པའི་སྨན་མོ་ཞལ་ཕྱེས་ཤིག །སྲིད་པ་ཆགས་བྱེད་ཞལ་ཕྱེས་ཤིག །སྲིད་པ་ཆ་སྙོམས་ཞལ་ཕྱེས་ཤིག །ཨེ་ཀ་ཛ་ཏི་ཞལ་ཕྱེས་ཤིག །མ་མོ་སྤུན་གཉིས་ཞལ་ཕྱེས་ཤིག །མ་མོ་བདུན་རྣམས་ཞལ་ཕྱེས་ཤིག །རྡོ་རྗེ་ཀུན་གྲགས་ཞལ་ཕྱེས་ཤིག །རྡོ་རྗེ་ཀུན་གསལ་ཞལ་ཕྱེས་ཤིག །ཀུན་ཏུ་བཟང་མོ་ཞལ་ཕྱེས་ཤིག །རྡོ་རྗེ་ཀུན་གསལ་ཞལ་ཕྱེས་ཤིག །རྡོ་རྗེ་ཡེ་ཤེས་ཞལ་ཕྱེས་ཤིག །རྡོ་རྗེ་འོད་ཆགས་ཞལ་ཕྱེས་ཤིག །རྡོ་རྗེ་འོད་འཕྲོ་ཞལ་ཕྱེས་ཤིག །རྡོ་རྗེ་གཡུ་སྒྲོན་ཞལ་ཕྱེས་ཤིག །རིན་ཆེན་སྲིད་འདེགས་ཞལ་ཕྱེས་ཤིག ། ― DNG022_Page_0552 ―
[མ་དཔེ་གཟིགས་ན་འདིར་གནོན།]
ནག་མོ་ཁྲག་འཛག་ཞལ་ཕྱེས་ཤིག །གླིང་བཞི་སྤྱི་འགྲོ་ཞལ་ཕྱེས་ཤིག །རྡོ་རྗེ་སྒེགས་མོ་ཞལ་ཕྱེས་ཤིག །པདྨ་དབང་ཕྱུག་ཞལ་ཕྱེས་ཤིག །ས་བདག་ཆེན་མོ་ཞལ་ཕྱེས་ཤིག །ཧར་ཏིང་དཀར་མོ་ཞལ་ཕྱེས་ཤིག །དུན་ཏིང་ནག་མོ་ཞལ་ཕྱེས་ཤིག །ཤན་ཏིང་དམར་མོ་ཞལ་ཕྱེས་ཤིག །གྲུབ་ཏིང་སེར་མོ་ཞལ་ཕྱེས་ཤིག །གྲུ་འདེགས་རྒྱལ་མོ་ཞལ་ཕྱེས་ཤིག །དཀར་མོ་མཆེ་གཙིག་ཞལ་ཕྱེས་ཤིག །ནག་མོ་ཁ་ཧལ་ཞལ་ཕྱེས་ཤིག །དམར་མོ་མཆུ་འཇིབ་ཞལ་ཕྱེས་ཤིག །སེར་མོ་རྐང་ལྡག་ཞལ་ཕྱེས་ཤིག །དམག་གི་རྒྱལ་མོ་ཞལ་ཕྱེས་ཤིག །ལྷ་ཡི་སྲིང་མོ་ཞལ་ཕྱེས་ཤིག །གཤིན་རྗེའི་སྲིང་མོ་ཞལ་ཕྱེས་ཤིག །ཀླུ་ཡི་སྲིང་མོ་ཞལ་ཕྱེས་ཤིག །གནོད་སྦྱིན་སྲིང་མོ་ཞལ་ཕྱེས་ཤིག །སྲིང་མོ་ཆེན་མོ་བཞི་རྣམས་ཞལ་ཕྱེས་ཤིག །ཉི་ཤུ་རྩ་བརྒྱད་ཞལ་ཕྱེས་ཤིག །འདི་དག་ཞལ་ཕྱེ་གཞན་དང་མཐུན་། །སྨན་མོ་ལྔ་བཅུ་རྩ་བརྒྱད་ལ། །དགྲ་བགེགས་ནང་རོལ་སྒལ་ཚིགས་རྣམས། །སྨན་མོའི་ཚོགས་ཀྱི་ཞལ་དུ་བསྟབ། །བདག་གི་ཕྱི་ནང་བདེ་བར་མཛོད། །རོལ་ཅིག་སྤྲུལ་ཅིག་མ་མོའི་ཚོགས། །ཆིངས་ཤིག་སྡོམས་ཤིག་མ་མོའི་ཚོགས། །ཛཱ་ཛཱ་ཛཱ་ཡིས་དམ་དུ་སྡུས། །ཕཊ་ཕཊ་ཕཊ་ཀྱིས་རོལ་པར་མཛོད། །ཁ་ཁ་ཁཱ་ཡིས་ཞལ་དུ་བཞེས། །ཁམས་གསུམ་དགྲ་བགེགས་སྟོངས་པར་མཛོད། །སྒྲུབ་ལ་བར་ཆད་བྱེད་པ་རྣམས། །ཐལ་བ་བཞིན་དུ་མེད་པར་གྱིས། །ས་མ་ཡ་མཱ་ར་ཡ་ཁཱ་ཧི་ཞེས་བརྗོད་དོ། །ཟ་བྱེད་བསྟབ་པའི་ལེའུ་སྟེ་བཞི་བཅུ་རྩ་བདུན་པའོ།། །།དེ་ནས་ཡབ་མངོན་རྫོགས་ཀྱི་རྒྱལ་པོས། བལྟ་བའི་མན་ངག་གི་ལེའུ་འདི་བཤད་དོ། །ཕུང་པོ་ཁམས་དང་སྐྱེ་མཆེད་ཀྱང་། །ཡེ་ནས་སངས་རྒྱས་ཡིན་པའི་ཕྱིར། །ཀུན་རྫོབ་ཙམ་གྱི་མཚན་མ་རུ། །ཆོས་སྐུ་མཚན་མར་བརྟགས་པ་སྟེ། །ཡེ་ཤེས་རང་གནས་རོལ་པ་ཡིན། །ཕྱི་ནང་སྣོད་བཅུད་མ་ལུས་ཀྱང་། །ཀུན་ཏུ་བཟང་མོའི་དབྱིངས་ཀྱི་རྒྱན། །ཀུན་ཏུ་བཟང་པོའི་ཐུགས་ཀྱི་རྒྱན། །ཀུན་བཟང་ཡབ་ཡུམ་རོལ་པ་ལས། །ཕྱི་ནང་མ་ལུས་ཐམས་ཅད་སངས་རྒྱས་སོ། །མཐའ་ལ་ ― DNG022_Page_0553 ―
[མ་དཔེ་གཟིགས་ན་འདིར་གནོན།]
ཐུག་པ་མེད་པས་དབྱིངས་ལ་བྲི་བ་མེད། །དབྱིངས་ལ་གཡོ་བ་མེད་པས་ཆོས་སྐུ་འགྱུར་བ་མེད། །དོན་དམ་དབྱིངས་སུ་བལྟས་པས་ལྟས་དགུ་དེ་དག་གསལ། །ཐམས་ཅད་སེམས་སུ་རྟོགས་པས་གང་བསྒྲུབ་ལྷུན་གྱིས་གྲུབ། །རྣམ་རྟོག་མིང་ཡང་མེད་པས་གང་བསྒྲལ་གཅིག་མི་ལྟས། །ཐབས་མཁས་རོལ་པ་ཡིན་པས་འཁོར་བའི་སྐྱོན་མ་གོས། །ཐུགས་རྗེ་བྱང་ཆུབ་ཡིན་པས་ཐར་པ་བདེ་ཆེན་ཐོབ། །ཀུན་གྱི་བདག་ཉིད་ཡིན་པས་མ་མོའི་རང་བཞིན་འཁོར། །བདེ་ཆེན་རྒྱལ་པོ་ཡིན་པས་འཁོར་གྱི་རྗེ་བོ་ཡིན། །ཐམས་ཅད་བདག་ལ་བྱུང་བས་ཀུན་གྱི་བདག་པོ་ཡིན། །ང་རྒྱལ་གདེང་དུ་ཆེ་བས་འགྲོ་དྲུག་ཐབས་ཀྱིས་འདུལ། །ཐུགས་མཆོག་ཐུགས་སྒྲས་ཁམས་གསུམ་ཡོངས་སུ་ལྡིར། །ཐུགས་རྗེའི་བྱམས་ལྡན་ཉི་མའི་འོད་བཞིན་ཤར། །མི་རྟོག་གཉེན་པོ་ཐབས་ཀྱི་རྒྱལ་པོ་འབྱུང་། །འཁོར་བའི་གཉེན་པོ་རང་བྱུང་སངས་རྒྱས་ཏེ། །བདག་དང་སེམས་ཅན་ཐམས་ཅད་ཆོས་ཀྱིས་བྱ་བའི་སྐུ་རུ་གཅིག །མི་རྟོག་ཐབས་ཀྱིས་གཉེན་པོ་འདི་ཡི་དོན་རྟོགས་ན། །མ་མོས་གདུལ་བར་བྱ་བ་གཞན་ན་མེད། །འཁོར་བ་མྱ་ངན་འདས་པའི་དོན་རྟོགས་ན། །དགྲ་བགེགས་བསྒྲལ་ཞིང་ཚར་བཅད་བྱ་མི་དགོས། །ཡེ་འབྱམས་མཚན་མེད་ཀློང་གི་དབང་རྫོགས་ན། །རྒྱལ་བྱེད་རྟགས་ཀྱི་ཕྱག་རྒྱ་སྒྲུབ་མི་དགོས། །ཕྲིན་ལས་བྱ་བཙལ་ཀློང་ཡངས་ཡེ་ནས་འདས། །བསྒོམ་བསྒྲུབ་དཀྱིལ་འཁོར་བྱ་བ་ཅི་ཡང་མེད། །འདི་ལྟར་མན་ངག་རྟོགས་པ་གདེང་གྱུར་ན། །བསྒྲུབས་ཀྱང་སྐྱོན་མེད་མ་བསྒྲུབས་འགལ་བ་མེད། །བསྒོམ་ཀྱང་སྐྱོན་མེད་མ་བསྒོམས་འགལ་བ་མེད། །བསྒྲལ་ཀྱང་སྐྱོན་མེད་མ་བསྒྲལ་འགལ་བ་མེད། །བསམ་དུ་མེད་དེ་ཆོས་སྐུ་ནམ་མཁའ་འདྲ། །སྒོམ་དུ་མེད་དེ་རང་བྱུང་ཀློང་ནས་ཤར། །བདེ་འབྱམས་དབྱིངས་ཕྱུག་ཡུམ་གྱི་རྒྱལ་མོ་ཡིན། །མ་བཀག་ཅི་བདེར་ཡན་བཀྱེ་ཡབ་ཀྱི་མཁའ། །སེམས་ལ་གང་ཡང་མི་རྟོག་རང་བྱུང་སྐུ། །ཐབས་ལས་གང་ཡང་མ་འགགས་མ་བཅོས་སྐུ། །དོན་ལ་གང་ཡང་མི་རྟོག་ཆོས་ཀྱི་སྐུ། །ཆོས་ཀྱི་སྐུ་ལ་སྐྱེ་ཤི་གཡོས་པ་མེད། །འཕོ་འགྱུར་མེད་པའི་ཀློང་ལ་བཙལ་ཞིང་བསྒྲུབ་དུ་མེད། །ཡེ་ཤེས་བྱང་ཆུབ་ ― DNG022_Page_0554 ―
[མ་དཔེ་གཟིགས་ན་འདིར་གནོན།]
སེམས་སུ་བདག་རྟོགས་ན། །འདུ་འཛི་བྱིས་པའི་རྩེད་མོས་ཅི་ཞིག་བྱ། །མི་འདའ་ཀློང་གི་དམ་ཚིག་སྲུང་བྱེད་ན། །ཉོན་མོངས་བདེ་སྡུག་མྱ་ངན་ཅི་ལ་སྤྱད། །ཐབས་མཁས་རོལ་པའི་ཏིང་འཛིན་ཤར་བ་ལས། །ཕུང་པོ་འབད་རྩོལ་རྩོལ་བསྒྲུབ་ཅི་ལ་བྱ། །ཕྱི་ནང་སྣོད་བཅུད་ཐིག་ལེར་སངས་རྒྱས་ན། །གཞན་ནས་བཙལ་ཞིང་སྨིན་དུ་གཅིག་ཀྱང་མེད། །ལྟ་བ་མན་ངག་གི་ལེའུ་སྟེ་བཞི་བཅུ་རྩ་བརྒྱད་པའོ།། །།དེ་ནས་ཡབ་མངོན་རྫོགས་རྒྱལ་པོས། བདེ་ཆེན་བྱང་ཆུབ་སེམས་ཀྱི་ལེའུ་འདི་བཤད་དོ། །འདི་སྐད་ཅེས་གསུངས་སོ། །སྣོད་ཀྱི་འཇིག་རྟེན་མ་བཀག་ཡུམ་གྱི་དབྱིངས། །བཅུད་ཀྱི་འཇིག་རྟེན་མ་བཀག་ཡབ་ཀྱི་མཁའ། །ཡབ་ཡུམ་མཁའ་དབྱིངས་ཡེ་ནས་རོལ་པ་ལས། །བདེ་ཆེན་བྱང་ཆུབ་སེམས་སུ་ཡེ་ནས་སངས་རྒྱས་སོ། །ཕུང་པོ་ཁམས་དང་སྐྱེ་མཆེད་མ་ལུས་པ། །མ་མོའི་ཚོགས་ཀྱི་དཀྱིལ་འཁོར་ཡེ་ནས་ཡིན། །ཡིན་པའི་དོན་ལ་རིག་པ་གསལ་དགོད་ན། །བདེ་ཆེན་བྱང་ཆུབ་སེམས་སུ་ཡེ་ནས་སངས་རྒྱས་སོ། །སེམས་དང་ཡེ་ཤེས་དུས་གཅིག་སངས་རྒྱས་ན། །རྟག་པའི་ཡེ་ཤེས་སེམས་ཀྱིས་སངས་རྒྱས་ཀུན་རྟོགས་ན། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །འཁོར་བའི་རྒྱུ་ཉིད་ཐར་པའི་ལམ་གྱི་སྐས། །སྡུག་བསྔལ་རྒྱུ་ཉིད་ཆོས་ཉིད་བྱང་ཆུབ་སེམས། །མ་སྤངས་ལྷུན་གྱིས་གྲུབ་པའི་དོན་རྟོགས་ན། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །ཆོས་ཉིད་ཀུན་ཏུ་བཟང་པོའི་རིག་པ་ལ། །འཁོར་བ་དང་ནི་མྱ་ངན་འདས་པ་མཉམ། །སངས་རྒྱས་སེམས་ཅན་སེམས་ཉིད་གཅིག་ཏུ་མཉམ། །རྟོགས་དང་མ་རྟོགས་སྒྱུ་མའི་ངང་དུ་མཉམ། །རིག་དང་མ་རིག་ཆོས་ཀྱི་སྐུ་དང་མཉམ། །མཉམ་ཉིད་རྒྱལ་པོའི་དོན་ལ་མ་ཡེངས་ན། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །ཉོན་མོངས་དུག་ལྔ་ཡེ་ཤེས་ལྔ་རུ་སྣང་། །འབྱུང་བ་ལྔ་པོ་ཆོས་ཀྱི་དབྱིངས་སུ་མཉམ། །དབྱིངས་དང་ཡེ་ཤེས་འདྲེལ་པའི་དོན་རྟོགས་ན། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །ཡེ་ཤེས་ ― DNG022_Page_0555 ―
[མ་དཔེ་གཟིགས་ན་འདིར་གནོན།]
མ་མོ་རང་བཞིན་མ་མོ་དང་། །སྨན་མོ་ལ་སོགས་མང་པོའི་ཚོགས་བརྗོད་ཀྱང་། །བདག་གིས་བྱིན་བརླབས་མ་མོར་སྣང་བ་ལས། །གཞན་ནས་མ་མོར་གྲུབ་པ་ཅི་ཡང་མེད། །བདག་སྣང་གཞན་འཁེལ་ཀུན་ཏུ་བདག་ཡིན་ཏེ། །བདག་ཉིད་གཡོས་ན་ཕྱི་ནང་སྣོད་བཅུད་གཡོས། །ཀུན་གྱི་ཆེ་བཙན་འགྲན་གྱིས་དོ་མེད་པས། །ཡང་ལ་ཐོགས་མེད་བདེ་འབྱམས་རྒྱལ་པོ་ལ། །བདེ་ཆེན་བྱང་ཆུབ་སེམས་སུ་སངས་རྒྱས་སོ། །བདེ་ཆེན་ངང་ལ་འཛིན་རྟོག་བརྗོད་དུ་མེད། །བདེ་ཆེན་བྱང་ཆུབ་སེམས་སུ་སངས་རྒྱས་པའི་ལེའུ་སྟེ་བཞི་བཅུ་རྩ་དགུ་པའོ།། །།དེ་ནས་ཡབ་མངོན་རྫོགས་རྒྱལ་པོས། རྒྱུད་ཡོངས་སུ་བཟུང་བ་འདི་བཤད་དེ། འདི་སྐད་ཅེས་གསུངས་སོ། །གསང་ཐུབ་བཀའ་བརྟན་ངེས་པ་དང་། །བདེན་པར་སྨྲ་ཞིང་ཡིད་མི་འགྱུར། །དེས་ནི་རྒྱུད་འདི་གཟུང་བར་བྱ། །བརྟགས་ཤིང་རྒྱུད་འཆང་བརྩོན་འགྲུས་ཆེ། །དྲང་ལ་སེམས་བྱམས་གཡོ་སྒྱུ་ཆུང་། །དེས་ནི་རྒྱུད་འདི་གཟུང་བར་བྱ། །མཛངས་ལ་ཤེས་པ་གསལ་བ་དང་། །བརྟགས་ཤིང་བྱ་བ་མ་ནོར་བ། །དེས་ནི་རྒྱུད་འདི་གཟུང་བར་བྱ། །གཟུང་ཐུབ་དྲགས་ཐུབ་ཁོངས་ཡངས་ཤིང་། །ལེ་ལོ་བར་ཆད་སྐྱོན་སྤངས་ལ། །དེས་ནི་རྒྱུད་འདི་གཟུང་བར་བྱ། །གཞུང་བླ་མ་དང་ཚིག་འཇོམ་པའི་དོན་གྱིས། །སྤྱོད་པ་ཐོགས་ཆགས་མེད་པ་དང་། །དམ་ཚིག་སྤངས་ལེན་མེད་པ་ཡིས། །རྒྱུད་འདི་ཡོངས་སུ་གཟུང་བར་བྱ། །ཉན་ཅིང་བསྒྲུབ་ལ་བརྩོན་པ་དང་། །འདུ་འཛིའི་དབང་དུ་མི་གཏོང་བས། །བརྣག་ཐུབ་བཟོད་ཆེ་ངེས་པ་དང་། །ཡོངས་ལ་མི་གནོད་ཚུལ་སུན་པས། །རྒྱུད་འདི་ཡོངས་སུ་གཟུང་བར་བྱ། །ལུང་མེད་པས་ཀྱང་མི་གཏོང་ཞིང་། །སློབ་དཔོན་རིག་པ་སྟོང་འདུ་བ། །དེས་ནི་ཡོངས་སུ་གཟུང་བར་བྱ། །རང་ཤེས་མུ་ཅོར་མི་བྱེད་ཅིང་། །བརྟགས་ཤིང་ལས་རྣམས་བརྩོན་བྱེད་པ། །དེས་ནི་རྒྱུད་འདི་གཟུང་བར་བྱ། །རྣལ་འབྱོར་སྨན་དང་མི་འབྲལ་ཞིང་། །རྫས་དང་ལག་ཆ་མ་ཐོགས་པ། །རྒྱུད་འདི་ཡོངས་སུ་གཟུང་བར་བྱ། །དད་པ་སྐྱོ་ངལ་མེད་པ་དང་། །སྐྱོ་མེད་དུབ་པ་མེད་པ་ཡིས། །རྒྱུད་འདི་ཡོངས་སུ་གཟུང་བར་བྱ། །དབང་བསྐུར་གནང་བ་ལུང་ཐོབ་ཅིང་། །རྟོགས་ཤིང་ཤེས་པ་ཕྱོགས་འབྱམས་པས། །རྒྱུད་འདི་ཡོངས་ ― DNG022_Page_0556 ―
[མ་དཔེ་གཟིགས་ན་འདིར་གནོན།]
སུ་གཟུང་བར་བྱ། །བརྟགས་ན་བླ་མའི་ལུང་ཡོད་ཅིང་། །བསྙེན་ན་ནུས་པའི་མཐུ་ཡོད་པས། །རྒྱུད་འདི་ཡོངས་སུ་གཟུང་བར་བྱ། །རྒྱུད་ཡོངས་སུ་གཟུང་བའི་ལེའུ་སྟེ་ལྔ་བཅུ་པའོ།། །།དེ་ནས་ལྷ་གནོད་འདུལ་གྱིས་གསོལ་པ། ཡབ་གཅིག་ལགས། སྣོད་དེ་དང་མི་ལྡན་པས། བཟུང་དུ་རུང་ལགས་སམ། ཞེས་གསོལ་པས། མངོན་རྫོགས་རྒྱལ་པོས་བཀའ་སྩལ་པ། སྣོད་དེ་དང་མི་ལྡན་པ། དྷརྨ་སྣང་འཚོང་བྱེད་པ་དང་། ཆོས་དཔེའི་ཚོངས་པ་བྱེད་པ་དང་། མན་ངག་ཟང་ཐལ་དུ་སྨྲ་བ་དང་། བལྟ་བའི་གདེང་མེད་པ་དང་། སྤྱོད་པས་མ་ཟིན་པ་དང་། སྒྲུབ་པ་གཞུང་མ་ཚུགས་པས། རྒྱུད་འདི་བཅངས་ཀྱང་སེང་གེའི་འོ་མ་དང་འདྲ་སྟེ། བདག་ཕུང་གཞན་རླག་གཉིས་ཀ་འགལ། །མཛེ་དང་རིམས་ཀྱི་བསྐལ་པ་འབྱུང་། །བྱ་རུ་མི་རུང་སྣ་དགུ་བྱེད། །འབྲས་བུ་མནར་མེད་པར་སྐྱེ་བས། །དེས་ན་མ་མོ་སྲིད་པའི་རྒྱུད་ལུང་འདི། །ཀུན་གྱི་ཐུན་མོང་མ་ཡིན་ཏེ། །སྣོད་མེད་རྣམས་ཀྱིས་བཅངས་གྱུར་ན། །བདག་དང་འགྲོ་བ་གཞན་ཀུན་བརླག །དེས་ན་འདི་ནི་གསང་བའི་རྒྱུད། །ཅེས་བསྟན་ཏོ། །དེ་ནས་ལྷ་གནོད་འདུལ་གྱིས་གསོལ་པ། མ་མོའི་དཀྱིལ་འཁོར་ཇི་ལྟར་བསྡུ། །ཞེས་གསོལ་པ་དང་། ཡབ་མངོན་རྫོགས་ཀྱི་རྒྱལ་པོས་བཀའ་སྩལ་པ། མ་མོའི་དཀྱིལ་འཁོར་བསྡུ་བ་ནི། །དང་པོ་བསྐྱེད་པའི་རིམ་པ་བཞིན། །རིམ་བཞིན་རིམ་པས་གཙོ་ལ་བསྡུ། །ཞེས་བཀའ་སྩལ་ཏོ། །རྒྱུད་འདི་སྣོད་མེད་ལ་བསྟན་པའི་སྐྱོན་དང་། དཀྱིལ་འཁོར་བསྡུ་བའི་ལེའུ་སྟེ་ལྔ་བཅུ་གཅིག་པའོ།། །།དེ་ནས་མངོན་རྫོགས་ཀྱི་རྒྱལ་པོས། ལྷ་གནོད་འདུལ་ལ་བཀའ་སྩལ་པ། བསྟན་པའི་སྙིང་པོ་དམ་པ་འདི། །རྒྱུད་དང་ལུང་དང་མན་ངག་དང་། །ཕྱོགས་དང་གལ་པོར་བསྟན་པ་ཡི། །མ་མོ་སྲིད་པའི་རྒྱུད་ལུང་ཆེན་པོ་འདི། །དེ་བ་གནོད་འདུལ་ཁྱོད་ཀྱིས་བསྡུས། །འཇིག་རྟེན་གསུམ་དུ་གྲགས་པར་གྱིས། །བལྟ་སྤྱོད་སྒྲུབ་པ་ཚང་བ་ཡི། །མ་མོ་སྲིད་པའི་ཏནྟྲ་འདི། །དེ་བ་གནོད་འདུལ་ཁྱོད་ཀྱིས་ཟུང་། །རྩ་བ་གསུམ་དུ་སྦས་པར་གྱིས། །ཞེས་བཀའ་སྩལ་པས། གསེར་གྱིས་གླེགས་བམ་དུ་བྲིས་ནས། སྲིད་པ་རྒྱུད་ལུང་གི་རྒྱུད་ཕྱི་མ་ཁ་འབར་ནག་པོ་ལས་རྒྱ་མཚོའི་རྒྱུད་ཅེས་བྱ་བ།― DNG022_Page_0557 ―
[མ་དཔེ་གཟིགས་ན་འདིར་གནོན།]
དཔལ་ཁྲག་འཐུང་གི་རྒྱལ་པོ་དང་། ཡུམ་རིག་པའི་རྒྱལ་མོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པའི་ཐུགས་རྗེ་ཆེན་པོའི་བྱིན་གྱིས་བརླབས་པ་ལས། སངས་རྒྱས་སྟོང་རྩ་གཅིག་འཇིག་རྟེན་དུ་འབྱུང་བས་ན། སྔར་འདས་པའི་སངས་རྒྱས་རབས་བདུན་དང་། བརྒྱད་པ་ཤཱཀྱ་ཐུབ་པའི་བསྟན་པ་ལ། བར་གྱི་བསྐལ་པ་བརྒྱད་ཅུ་རུ་འབྱུང་སྟེ། དེ་ཡང་སྟོང་གསུམ་དུ་གནས་པ་ལས། སྟོང་ཆུང་ངུ་དང་། སྟོང་བར་མ་དང་། སྟོང་སྤྱི་ཕུད་དོ། །དེ་ཡང་དེ་བཞིན་གཤེགས་པའི་ཐུགས་རྗེའི་སྣང་བ་ལས། རིའི་རྒྱལ་པོ་རི་རབ་གཅིག་གི་དོན་བཤད་ན། ཤེས་རབ་ཆེན་པོའི་རྒྱུ་ལས་རླུང་རྡོ་རྗེ་རྒྱ་གྲམ་གཡས་སུ་འཁྱིལ་ཅིང་འཚུབས་པ་ལས། དབུས་རྡོ་རྗེ་རྒྱ་གྲམ་ལ། མཐའ་མ་གཞུ་འོད་མའི་དབྱིབས་ལྟར་གནས་པ། སྟེང་འོག་དང་ཕྱོགས་མཚམས་སུ་དཔག་ཚད་ས་ཡ་དྲུག་འབུམ་ཡོད་པ། ཐུགས་རྗེའི་བྱིན་གྱིས་བརླབས་ལས། རིན་པོ་ཆེའི་ ― DNG022_Page_0558 ―
[མ་དཔེ་གཟིགས་ན་འདིར་གནོན།]
ཆར་གྱི་རྒྱུན་གཉའ་ཤིང་ཙམ་ནམ་མཁའ་ལ་བབས་པས། ཆུའི་དཀྱིལ་འཁོར་ཟླུམ་པོ་འབུམ་ཕྲག་གཅིག་ཏུ་ཆགས་ཏེ། ཤེས་རབ་ཀྱི་རླུང་དང་སྙིང་རྗེའི་ཆུ་གཉིས་བསྲུབས་པ་ལས། དབང་ཆེན་གསེར་གྱི་ས་གཞི་དཔག་ཚད་ཁྲི་དྲུག་སྟོང་བར་ཆགས་ཏེ། དེའི་སྟེང་དུ་རི་རབ་དང་གླིང་བཞིར་གནས་པ་ནི། རིའི་རྒྱལ་པོ་རི་རབ་ནི་རྒྱུ་རིན་པོ་ཆེ་སྣ་ལྔ་ལས་གྲུབ་སྟེ། རྒྱ་མཚོ་ལ་མར་དཔག་ཚད་བརྒྱད་ཁྲི་ནུབ་པ། ཡར་དཔག་ཚད་བརྒྱད་ཁྲི་ཡོད་པ། མཆུར་དཔག་ཚད་འབུམ་དྲུག་ཁྲི་ཡོད་པ། ཞེང་དུ་དཔག་ཚད་བརྒྱད་ཁྲི། མཐའ་སྐོར་དུ་དཔག་ཚད་སུམ་འབུམ་ཉི་ཁྲི་ཡོད་པ། དེ་ལ་གསེར་གྱི་རི་བདུན་གྱིས་བསྐོར་ལེགས་ཏེ། གཉའ་ཤིང་འཛིན་ལ་དཔག་ཚད་བཞི་ཁྲི་ཡོད་པ། གཤོལ་མདའ་འཛིན་ལ་ཉི་ཁྲི། སེང་ལྡེང་ཅན་ལ་ཁྲི། ལྟ་ན་སྡུག་ལ་ལྔ་སྟོང་། རྟ་རྣ་འཛིན་ལ་ཉིས་བརྒྱ་ལྔ་བཅུ། མུ་ཁྱུད་འཛིན་ལ་བརྒྱ་ཉི་ཤུ་རྩ་ལྔ། རྣམ་མདུད་འཛིན་ལ་དྲུག་ཅུ་རྩ་ཕྱེད་དང་གསུམ་ཡོད། གླིང་ཆེན་པོ་བཞི་ནི། ཤར་གྱི་ལུས་འཕགས་པོ་དཔག་ཚད་སུམ་བརྒྱ་ལྔ་བཅུ་པ། བ་གླང་སྤྱོད་ནི་སྟོང་ཕྲག་ཕྱེད་དང་བརྒྱད། སྒྲ་མི་སྙན་ནི་སྟོང་ཕྲག་དྲུག །འཛམ་བུ་གླིང་གི་ངོས་གསུམ་ལ་སྟོང་ཕྲག་གཉིས་གཉིས་གནས་པ་སྟེ། དེའི་བར་གྱི་གླིང་བརྒྱད་ནི། ལུས་དང་ལུས་འཕགས་སྒྲ་མི་སྙན། །སྒྲ་མི་སྙན་གྱི་ཟླ་དང་ནི། །རྔ་ཡབ་དང་ནི་རྔ་ཡབ་གཞན། །གཡོ་ལྡན་དང་ནི་ལམ་མཆོག་འགྲོ། །སྟོང་ཕྲག་ཕྱེད་དང་གཉིས་གཉིས་གནས། །རི་རབ་བུམ་པའི་སྟེང་ན་ནི། །སུམ་ཅུ་རྩ་གསུམ་ལྷ་རྣམས་ཀྱི། །གྲོང་ཁྱེར་ལྟ་ན་སྡུག་ཅེས་བྱ། །མཆུར་དཔག་ཚད་ཉིས་སྟོང་ལྔ་བརྒྱ་ལ། །ཞེང་དུ་དེ་ཡི་ཚད་དུ་གནས། །མཐའ་སྐོར་དཔག་ཚད་ཉི་ཁྲི་ཡོད་པ། གསེར་གྱི་ར་བས་བསྐོར་ཏེ། ར་བའི་དཔང་དུ་དཔག་ཚད་ཕྱེད་དང་གསུམ་ཡོད་པ། གྲོང་ཁྱེར་དེ་ལ་སྒོ་སྟོང་དུ་གཅིག་གིས་མ་ལོངས་པ་ཡོད་དོ། །མེ་ཏོག་མན་ད་ར་བའི་གཅལ་བཀྲམ་པ། མནན་ན་ནེམ་ལ་བཏེག་ན་འཕར་བ་ལ་ལོངས་སྤྱོད་དོ། །དེའི་སྟེང་དཔག་ཚད་ཕྱེད་དང་བཞི་ན། ཁང་བཟང་རྣམ་པར་རྒྱལ་བ་ཞེས་བྱ་བ་ཡོད་དེ། མཆུ་ཞེང་དུ་དཔག་ཚད་བརྒྱ་ལྔ་བཅུ་ཡོད་པ། མཐའ་སྐོར་དུ་ ― DNG022_Page_0559 ―
[མ་དཔེ་གཟིགས་ན་འདིར་གནོན།]
དཔག་ཚད་སྟོང་ཡོད་པ། དེའི་ཐེམ་སྐས་དང་། ཀ་ལོ་དང་། ཀ་རྒྱན་དང་། གདུང་དང་། དྲལ་བུ། ཐམས་ཅད་གསེར་དང་། དངུལ་དང་། བཻ་ཌཱུརྱ་དང་། ཤེལ་ལས་གྲུབ་པའོ། །དེ་ལ་གསེར་གྱི་ཀ་བ་སུམ་ཅུ་རྩ་གཉིས། གཡུ་ཡི་ལྕོག་དང་སུམ་ཅུ་རྩ་གསུམ་གནས་ཏེ། བ་གམ་རེ་རེའི་ནང་ན་ཀ་བ་སུམ་ཅུ་རྩ་གཉིས། གཡུའི་ལྕོག་ལ་ལྷའི་དབང་པོ་བརྒྱ་བྱིན་གནས་སོ། །གྲོང་ཁྱེར་དེའི་སྒོ་ན་གླང་པོ་ཆེ་རབ་བརྟན་ཞེས་བྱ་བ་ཡོད་དེ། དེ་ལ་གསེར་གྱི་མགོ་སུམ་ཅུ་རྩ་གཉིས། གཡུའི་མགོ་བོ་དང་སུམ་ཅུ་རྩ་གསུམ་ཡོད་པ། དེ་ནི་ལྷའི་དབང་པོ་བརྒྱ་བྱིན་གྱིས་བསྐྱོད་ཅིང་བཞོན་པའི་གླང་ཡིན་ཏེ། མཐའ་སྐོར་ལ་དཔག་ཚད་སྟོང་ཡོད། གྲོང་ཁྱེར་དེའི་ཤར་ཕྱོགས་ན་ཤིང་ཀེ་ཀེ་རུ་ཙནྡན་ཞེས་བྱ་བ་ཡོད་དེ། དེའི་རྩ་ན་གླང་པོ་ཆེ་ས་སྲུང་ཞེས་བྱ་བ། ཁ་རླངས་ཀྱིས་ལྷ་མ་ཡིན་གྱི་རྒྱལ་པོ་རི་ནག་པོ་ཐལ་བ་རྡུལ་དུ་རླག་པ་དང་། སྣ་ནས་འོད་མའི་རལ་གྲི་ཆུ་ཞེང་རྒྱང་གྲགས་ཡོད་པས། ལྷ་མ་ཡིན་གྱི་གཡུལ་ཐམས་ཅད་འཇོམས་པར་བྱེད་པ་ཡིན་ནོ། །ལྷའི་དབང་པོ་བརྒྱ་བྱིན་གྱི་ཤར་ལྷོ་མཚམས་ན། ཆོས་བཟང་ལྷའི་མདུན་ས་ཞེས་བྱ་བ་ཡོད་དེ། མཆུ་ཞེང་དུ་དཔག་ཚད་སུམ་བརྒྱ་ལ། མཐའ་སྐོར་དུ་དཔག་ཚད་དགུ་བརྒྱ་ཡོད་དོ། །རྒྱན་ནི་གོང་དང་འདྲ་ལ། དེ་ནི་ལྷའི་མདུན་ས་ཡིན་ནོ། །དེ་ན་ལྷ་གྲགས་ལྡན་མཆོག་སྐྱོང་ཞེས་བྱ་བ་གནས་ཏེ། མིག་གཡས་གཡོན་གཉིས་ཉི་མ་དང་ཟླ་བ་རུ་གནས་ཏེ། དེའི་འོད་ཟེར་གྱིས་ལྷ་ཐམས་ཅད་ཀྱི་མདུན་མ་སྡུད་པ། ཐུགས་ཀ་ནས་བདུད་རྩིའི་བུམ་པ་དཔག་ཚད་བཅུ་གཉིས་པ་གཅིག་གི་ནང་ནས། ལྷ་རྣམས་ལ་བདུད་རྩིའི་ལོངས་སྤྱོད་འགྱེད་པ་ཞིག་ཡོད་དོ། །ལྷོ་ནུབ་མཚམས་ན་ཤིང་སྣ་ཚོགས་ཀྱི་ཚལ་ཞེས་བྱ་བ་ཡོད་དེ། མཆུ་ཞེང་དཔག་ཚད་ཉིས་བརྒྱ་ལྔ་བཅུ་ལ། མཐའ་སྐོར་དུ་དཔག་ཚད་སྟོང་ཡོད་པར་བདུད་རྩིའི་ཁྲུས་ཀྱི་རྫིང་བུ་ཡང་ཡོད་དེ། ཤིང་རྟ་ཆེན་པོའི་སྟེང་ན་ལྷའི་རྒྱལ་པོ་མདོག་བཟང་ཞེས་བྱ་བ་གནས་ཏེ། ལྷའི་བུ་མོ་ཨུཏྤ་ལ་ཞེས་བྱ་བས། ལྷའི་རྒྱལ་པོ་ལ་ཁྲུས་བྱེད་ཅིང་མེ་ཏོག་མན་ད་ར་བ་ཞེས་བྱ་བ། མཆུ་ཞེང་དུ་རྒྱང་གྲགས་རེ་ཡོད་པའི་མཆོད་པ་འབུལ་ལོ། ། ― DNG022_Page_0560 ―
[མ་དཔེ་གཟིགས་ན་འདིར་གནོན།]
ནུབ་བྱང་གི་མཚམས་ན་ས་གཞི་བཟང་པོ་ཞེས་བྱ་བ་ཡོད་དེ། མཆུ་ཞེང་དུ་དཔག་ཚད་ཉིས་བརྒྱ་ལྔ་བཅུ་ཡོད་པ། མཐའ་སྐོར་དུ་སྟོང་ཡོད་པ། དེ་ན་ཀླུའི་རྒྱལ་པོ་བརྗིད་གནོན་ཞེས་བྱ་བ་གནས་ཏེ། འཁོར་ལྷའི་གྲོང་ཁྱེར་བདུན་གྱིས་བསྐོར་བ། ས་གཞི་དེ་ལས་ཡིད་བཞིན་གྱི་བདུད་རྩིའི་ལོངས་སྤྱོད་ནང་ནུབ་དུ་མི་འདྲ་བ་བརྒྱ་བརྒྱ་རེ་སྤྲུལ་པའོ། །བྱང་ཤར་མཚམས་ན་རྩུབ་འགྱུར་གྱི་ཚལ་ཞེས་བྱ་བ་ཡོད་དེ། མཆུ་ཞེང་དུ་དཔག་ཚད་བཞི་བརྒྱ་ལྔ་བཅུ་ཡོད་པ། དཔངས་སུ་དཔག་ཚད་བརྒྱ་བརྒྱ་ཡོད་པ། དེ་ན་གནོད་སྦྱིན་ལྕང་ལོ་ཅན་གྱི་བདག་པོ་ཞེས་བྱ་བ་ཡོད་དེ། དེའི་སྤྱི་བོ་ནས་མཚོན་ཆའི་འཁོར་ལོའི་ཆར་ལྷ་མ་ཡིན་ལ་འབེབས་པའོ། །ནུབ་ཕྱོགས་ན་འདྲེས་པའི་ཚལ་ཞེས་བྱ་བ་ཡོད་དེ། དེ་ན་ཆུ་བདག་གི་རྒྱལ་པོ་མ་ག་ཏ་ཞེས་བྱ་བ་གནས་པས། ཤིང་ཨ་ཤྭ་ཀ་ཞེས་བྱ་བ་ལ་ལྷའི་བུ་ཕོ་དང་། བུ་མོ་ཐམས་ཅད་བརྫུས་ནས་སྐྱེས་ཏེ། ལོངས་སྤྱོད་མི་འདྲ་བ་སྣ་ཚོགས་ཀྱིས་མཆོད་པར་བྱེད་དོ། །བྱང་ཕྱོགས་ན་དགའ་བའི་ཚལ་ཞེས་བྱ་བ་ཡོད་དེ། གནོད་སྦྱིན་གྱི་རྒྱལ་པོ་དགའ་བ་ཞེས་བྱ་བ་ཡོད་དེ། ལྷའི་བུ་མོ་མང་པོ་ལ་མིག་བལྟས་པ་ཙམ་གྱིས་འཁྲིག་པའི་དགའ་བས་ཚིམ་པ་ཡོད་དོ། །བྱང་ཕྱོགས་ན་ཤིང་ཡོངས་འདུ་ས་བརྟོལ་ཞེས་བྱ་བའི་ཚལ་ཡོད་དེ། རྩ་བ་དཔག་ཚད་ལྔ་ཐུར་དུ་ཟུགས་པ། འཕང་དུ་དཔག་ཚད་བརྒྱ་ཡོད་པ། ཡལ་ག་ལ་དཔག་ཚད་ལྔ་བཅུ་ཡོད་པ། མཐའ་སྐོར་དུ་དཔག་ཚད་སུམ་བརྒྱ་ལྔ་བཅུ་ཡོད་པ། དེ་ན་ལྷའི་བུ་སྲིད་པ་བྱན་མཁན་ཞེས་བྱ་བ་གནས་ཏེ། བདུད་རྩི་དེ་ལ་ལྷ་ཐམས་ཅད་ཀྱིས་ལོངས་སྤྱོད་བྱེད་དོ། །ཤིང་དེའི་རྩ་བ་ན་ཨ་མོ་ལི་གའི་རྡོ་ལེབ་ཅེས་བྱ་བའི་ཚལ་གནས་ཏེ། མཆུ་ཞེང་དུ་དཔག་ཚད་ལྔ་བཅུ། མཐའ་སྐོར་དུ་ཉིས་བརྒྱ་ཡོད་པ། དེ་ནས་ལྷའི་མགར་བ་བི་ཤྭ་ཀར་མ་བྱ་བ་ཡོད་དེ། ཉི་མ་མེ་ཤེལ་ལས་ཉི་མའི་འཁོར་ལོ་བརྡུངས་ཏེ། ལྷ་མ་ཡིན་གྱི་དབང་པོ་ཐགས་ཟངས་རིས་ཀྱི་སྐེད་པ་གཅོད་པ། ཟླ་བ་ཆུ་ཤེལ་ཞེས་བྱ་བས་ལྷའི་སྨས་མ་ཐམས་ཅད་གསོ་བར་བྱེད་པའོ། །ཤར་ཕྱོགས་གསེར་གྱི་རི་གཉའ་ཤིང་ ― DNG022_Page_0561 ―
[མ་དཔེ་གཟིགས་ན་འདིར་གནོན།]
འཛིན་གྱི་ཁ་ན། རྒྱལ་པོ་ཡུལ་འཁོར་སྲུང་གི་ཕོ་བྲང་། ཤེལ་དཀར་པོ་ལས་གྲུབ་པ། མཆུ་ཞེང་དུ་དཔག་ཚད་ལྔ་བཅུ་ཡོད་པ། མཐའ་སྐོར་དུ་ཉིས་བརྒྱ་ཡོད་པའོ། །ལྷོ་ཕྱོགས་ན་འཕགས་སྐྱེས་པོའི་ཕོ་བྲང་། བཻ་ཌཱུརྱ་ལས་གྲུབ་པ། མཆུ་ཞེང་དཔག་ཚད་ཉིས་བརྒྱ་ལྔ་བཅུ་ཡོད་པ། མཐའ་སྐོར་དུ་དཔག་ཚད་སྟོང་ཡོད་པ། ནུབ་ཕྱོགས་ན་སྤྱན་མིག་བཟང་གི་ཕོ་བྲང་། པདྨ་རཱ་ག་དམར་པོ་ལས་གྲུབ་པ། མཆུ་ཞེང་དུ་དཔག་ཚད་ཉིས་བརྒྱ་ལྔ་བཅུ་པ། མཐའ་སྐོར་སྟོང་ཡོད་པ། བྱང་ཕྱོགས་ན་རྣམ་ཐོས་སྲས་ཀྱི་ཕོ་བྲང་། ཨིན་དྲ་ནཱི་ལ་ལས་གྲུབ་པ། མཆུ་ཞེང་དུ་དཔག་ཚད་སུམ་བརྒྱ་དྲུག་ཅུ་ལ། མཐའ་སྐོར་དུ་སྟོང་ལྔ་བརྒྱ་ཡོད་པའོ། །ཁང་བུ་དེ་རྣམས་ལས། ཤར་ཕྱོགས་ཀྱི་ཕོ་བྲང་ན་བང་མཛོད་གསུམ་ཡོད་པ། ལྷོ་ཕྱོགས་ན་བཞི་ཡོད་པ། ནུབ་ཕྱོགས་ན་དྲུག་ཡོད་པ། བྱང་ཕྱོགས་ན་བདུན་ཡོད་པ། ཤར་ཕྱོགས་ཀྱི་རྒྱལ་པོ་དྲི་ཟའི་འཚོ་སྐྱོང་། ལྷོ་ཕྱོགས་ནི་གཤིན་རྗེའི་འཚོ་སྐྱོང་། ནུབ་ཕྱོགས་ཀླུའི་འཚོ་སྐྱོང་། བྱང་ཕྱོགས་གནོད་སྦྱིན་གྱི་འཚོ་སྐྱོང་། རྒྱལ་པོ་སྡེ་བཞི་པོ་དེ་དག་གིས་རང་བཞིན་གྱིས་བསྟན་པ་སྐྱོང་ཚུལ་དུ་གནས་སོ། །སྲིད་པ་ཆགས་ལུགས་ཀྱི་གླེང་གཞིའི་ལེའུ་སྟེ་དང་པོའོ།། །།ནང་བཅུད་ཀྱི་འཇིག་རྟེན་གྱི་གླེང་གཞི་འདི་ལྟ་སྟེ། འདོད་ཁམས་གནས་རིགས་ཉི་ཤུ། གཟུགས་ཁམས་གནས་རིགས་བཅུ་བདུན། གཟུགས་མེད་པ་ནི་བཞིའོ། །འདོད་ཁམས་ཀྱི་བྱེ་བྲག་འདི་ལྟ་སྟེ། དེ་ལ་དང་པོ་དམྱལ་བའི་སྡུག་བསྔལ་བརྒྱད་ནི། ཡང་སོས་དང་ནི་ཐིག་ནག་དང་། །བསྡུས་འཇོམས་དང་ནི་ངུ་འབོད་གཉིས། །མནར་མེད་མནར་མེད་ཆེན་པོ་དང་། །ཚ་བ་དང་ནི་རབ་ཏུ་ཚ། །དམྱལ་ཁམས་བརྒྱད་པོ་འདི་དག་ནི། །ཐར་པར་དཀའ་བར་བསྟན་པའོ། །བྱོལ་སོང་ལ་ཡང་འདི་ལྟ་སྟེ། །གནས་ན་གནས་དང་འཐོར་བའོ། །ཡི་དྭགས་ཕྱི་སྒྲིབ་ནང་སྒྲིབ་ཅན། །ངན་སོང་གནས་བཅུའི་དོན་ཡིན་ན། །མཐོ་རིས་གནས་བཅུའི་དོན་ནི་འདི་ལྟ་སྟེ། །ཤེས་རབ་ཚུལ་ཁྲིམས་ཁྱད་པར་ལས། །མི་དང་ ― DNG022_Page_0562 ―
[མ་དཔེ་གཟིགས་ན་འདིར་གནོན།]
ལྷ་ཡི་འབྲས་བུ་སྨིན། །ཚེ་དང་ཁྲུ་ཚད་ལ་སོགས་ཀུན། །དང་པོ་དཔག་ཏུ་མེད་པ་ནས། །ལོ་བཅུ་ཁྲུ་ཕྱེད་བར་དུ་ནི། །འཕེལ་འགྲིབ་མཚོན་ཆ་བཞིན་དུ་འགྱུར། །རེ་ཞིག་བསྟན་པ་འདི་ཉིད་ལ། །འཛམ་བུ་གླིང་དུ་ཁྲུ་བཞི་སྟེ། །ཤ་མདོག་སྔོ་ལ་བྱད་དབྱིབས་ནི། །སོག་ཁ་ལྟ་བུར་གནས་པ་སྟེ། །ཤར་གྱི་ལུས་འཕགས་པོ་དག་ནི། །ཁྲུ་བརྒྱད་པ་རུ་གནས་པ་སྟེ། །ཤ་མདོག་དཀར་ལ་ཟླ་གམ་དབྱིབས། །བ་གླང་སྤྱོད་ན་བཅུ་དྲུག་ལ། །དབྱིབས་ནི་ཟླུམ་ལ་བྱད་མདོག་དམར། །སྒྲ་མི་སྙན་ན་སུམ་ཅུ་གཉིས། །གྲུ་བཞིའི་དབྱིངས་ལ་ཤ་མདོག་སེར། །ལྷ་ཡི་རིགས་དྲུག་བྱེ་བྲག་ནི། །རྒྱལ་ཆེན་རིགས་བཞི་རྒྱང་གྲག་གཉིས། །སུམ་ཅུ་རྩ་གསུམ་རྒྱང་གྲག་བཞི། །མཐའ་བྲལ་དཔག་ཚད་གཅིག་ཡིན་ཏེ། །དགའ་ལྡན་འཕྲུལ་དགའ་དཔག་ཚད་གཉིས། །གཞན་འཕྲུལ་དབང་བྱེད་ཕྱེད་དང་གཉིས། །གཟུགས་ཁམས་བཅུ་བདུན་འདི་ལྟ་སྟེ། །ཚངས་རིས་དཔག་ཚད་གཉིས་པ་སྟེ། །མདུན་ན་འདོན་ནི་གསུམ་པ་སྟེ། །ཚངས་ཆེན་དཔག་ཚད་ཕྱེད་དང་གསུམ། །འོད་ཆུང་དཔག་ཚད་ཕྱེད་དང་གཉིས། །ཚད་མེད་འོད་ནི་ཕྱེད་དང་བཞི། །འོད་གསལ་དཔག་ཚད་བརྒྱད་པ་སྟེ། །དགེ་ཆུང་བཅུ་དྲུག་དག་ཏུ་འདོད། །ཚད་མེད་དགེ་ནི་སུམ་ཅུ་གཉིས། །དགེ་རྒྱས་དྲུག་ཅུ་རྩ་བཞི་པའོ། །སྤྲིན་མེད་བརྒྱ་ནི་ཉི་ཤུ་ལྔ། །བསོད་ནམས་སྐྱེས་ནི་ཉིས་བརྒྱ་ལྔ་བཅུ་པའོ། །འབྲས་བུ་ཆེ་ནི་སུམ་བརྒྱ་ཉི་ཤུའོ། །མི་ཆེ་བ་ནི་སྟོང་དུ་འདོད། །མི་གདུང་བ་ནི་ཉིས་སྟོང་སྟེ། །གྱ་ནོམ་སྣང་ནི་བཞི་སྟོང་ངོ་། །ཤིན་ཏུ་མཐོང་བ་བརྒྱད་སྟོང་བ། །འོག་མིན་ཁྲི་ནི་དྲུག་སྟོང་ངོ་། །གཟུགས་མེད་པ་ཡི་ལྷ་རྣམས་ནི། །ནམ་མཁའ་མཐའ་ཡས་སྐྱེ་མཆེད་དང་། །རྣམ་ཤེས་མཐའ་ཡས་སྐྱེ་མཆེད་དང་། །ཅི་ཡང་མེད་པའི་སྐྱེ་ མཆེད་དང་། །ཡོད་མིན་མེད་མིན་སྐྱེ་མཆེད་དོ། །བཅུད་ཀྱི་འཇིག་རྟེན་བསྟན་པའི་ལེའུ་སྟེ་གཉིས་པའོ།། །།སྤྲུལ་པའི་གནས་ལུགས་འདི་ལྟ་སྟེ། ཕྱི་སྣོད་ལོ་ཀ་རི་རབ་ཀྱི། སྟེང་ན་ཀླུའི་རྒྱལ་པོ་རིགས་བཞིའི་ཁྲི་ལ། ― DNG022_Page_0563 ―
[མ་དཔེ་གཟིགས་ན་འདིར་གནོན།]
རྣམ་པར་རྒྱལ་བའི་ཁང་བཟང་ནས། གཉིས་འགྱུར་གྱེན་དུ་འཕགས་པ་ནི། ཡུམ་མུ་ཁ་ལེའི་ཞལ་གྱི་སྟེང་ན། བཅོམ་ལྡན་འདས་ཆེ་མཆོག་ཧེ་རུ་ཀ །དབུ་དགུ་ཕྱག་བཅྭོ་བརྒྱད། ཞབས་བརྒྱད་དུ་གཏམས་པ། ཁྲོ་ཚུལ་དྲུག་ཅུ་རྩ་བཞི་དང་ལྡན་པ་སྟེ། དེ་ལ་དྲ་བས་བརྒྱན་པའི་འཁོར་ལོ་ནི་འདི་ལྟ་སྟེ། ཆེ་མཆོག་དབུ་ཡི་འཁོར་ལོ་ལ། སྤྱི་དཔལ་ཁྲོ་བོ་བཅུ་ལྡན་ཏེ། ཁྲོ་བོ་ཆེན་པོ་གྲྭ་གར་བི་ལའི་ལའི་རྒྱལ་པོ་དང་། ཁྲོ་བོ་ཆེན་པོ་རིན་པོ་ཆེ་འཇིགས་བྱེད་དང་། ཁྲོ་བོ་ཆེན་པོ་པདྨ་གར་གྱི་དབང་ཕྱུག་དང་། ཁྲོ་རྒྱལ་གར་མཛད་རྒྱལ་པོ་དང་། ཁྲོ་བོ་ཆེན་པོ་སྲེག་པའི་འོད་ཆེན་དང་། ཁྲོ་བོ་ཆེན་པོ་སྲིན་པོ་འཇོམས་བྱེད་དང་། ཁྲོ་བོ་ཆེན་པོ་སྐྱོད་བྱེད་རྒྱལ་པོ་དང་། ཁྲོ་ཆེན་འཇིགས་བྱེད་སྐྱབས་ཀྱི་རྒྱལ་པོ་དང་། ཁྲོ་ཆེན་གསོད་བྱེད་རྒྱལ་པོ་དང་། ཁྲོ་ཆེན་འཇིགས་བྱེད་རྒྱལ་པོ་རྣམས་ཀྱིས་བསྐོར་བའོ། །ཆེ་མཆོག་ཧེ་རུ་ཀའི་གསུང་གི་འཁོར་ལོ་ལ། གདེང་ཆེན་ཁྲོ་བོས་བསྐོར་བ་ནི་འདི་ལྟ་སྟེ། ཁྲོ་ཆེན་འཇིགས་བྱེད་ཧཱུཾ་སྒྲ་ཅན་དང་། ཁྲོ་ཆེན་གནོད་མཛེས་རྒྱལ་པོ་དང་། ཁྲོ་རྒྱལ་མེ་ལོང་སྣང་བྱེད་དང་། ཁྲོ་རྒྱལ་ཡོན་ཏན་སྙིང་པོ་དང་། ཁྲོ་ཆེན་གཟི་ལྡན་འབར་བ་ཅན་དང་། ཁྲོ་ཆེན་ལྷུན་གྲུབ་སྣང་བྱེད་དང་། ཁྲོ་ཆེན་མེའི་འཁོར་ལོ་ཅན་དང་། ཁྲོ་ཆེན་ཟ་བྱེད་བརྟུལ་ཞུགས་ཅན་དང་། ཁྲོ་ཆེན་སྐྱོད་བྱེད་རླུང་གི་བང་བ་ཅན་དང་། ཁྲོ་ཆེན་གཟི་ལྡན་འབར་བ་རྣམས་ཀྱིས་བསྐོར་བའོ། །འཇིགས་བྱེད་ཆེན་པོའི་ཐུགས་ཀྱི་འཁོར་ལོ་ལ་བསྐོར་བ་ནི། གསང་ཆེན་ཁྲོ་བོ་བཅུ་སྟེ། ཁྲོ་ཆེན་ཧཱུཾ་ཀཱ་ར་དང་། ཁྲོ་ཆེན་རྣམ་པར་རྒྱལ་བ་དང་། དབྱུག་པ་སྔོན་པོ་དང་། གཤིན་རྗེ་གཤེད་པོ་དང་། མི་གཡོ་མགོན་པོ་དང་། རྟ་མཆོག་དཔལ་དང་། གཞན་གྱིས་མི་ཐུབ་པ་དང་། བདུད་རྩི་འཁྱིལ་པ་དང་། ཁམས་གསུམ་རྣམ་པར་རྒྱལ་བ་དང་། སྟོབས་པོ་ཆེ་རྣམས་ཀྱིས་བསྐོར་བའོ། །འཇིགས་བྱེད་ཆེན་པོའི་ཡོན་ཏན་གྱི་འཁོར་ལོ་ལ་རྫོགས་ཆེན་གྱི་ཁྲོ་བོ་བཅུས་བསྐོར་བ་ནི་འདི་ལྟ་སྟེ། ཁྲོ་ཆེན་བིཥྞུ་འཇོམས་པའི་རྒྱལ་པོ་དང་། ཁྲོ་ཆེན་སྟོབས་བཟང་འཇིགས་བྱེད་མགོན་དང་། ཁྲོ་ཆེན་གཟི་ལྡན་འོད་ཟེར་ཅན་དང་། ཁྲོ་ཆེན་འཇིག་རྟེན་འོད་ ― DNG022_Page_0564 ―
[མ་དཔེ་གཟིགས་ན་འདིར་གནོན།]
ཟེར་གྱིས་འགེངས་པ་དང་། ཁྲོ་ཆེན་སྟོང་ཁྲི་ཁྱབ་བྱེད་དང་། ཁྲོ་ཆེན་ཧཱུཾ་སྒྲ་ཅན་དང་། ཁྲོ་ཆེན་ཁམས་གསུམ་ཤུགས་སྒྲོལ་དང་། ཁྲོ་བོ་ཆེན་པོ་འཇིགས་བྱེད་སྐར་མདའ་གདོང་དང་། ཁྲོ་བོ་ཆེན་པོ་མེ་ཁྱེར་གློག་མ་སྤྲིན་དང་། ཁྲོ་བོ་ཆེན་པོ་ནམ་མཁའི་མདངས་ཕྲོགས་ལ་སོགས་པས་བསྐོར་བའོ། །མངོན་རྫོགས་རྒྱལ་པོའི་སྒལ་ཚིགས་ཀྱི་འཁོར་ལོ་ལ་གནས་པ་ནི་འདི་ལྟ་སྟེ། དཀར་པོ་མིག་གཅིག་ཞེ་སྡང་ཅན་དང་། ཁྱབ་འཇུག་འཁོར་ལོ་ཞེ་སྡང་ཅན་དང་། བརྒྱ་བྱིན་སེར་སྐྱ་ཞེ་སྡང་ཅན་དང་། སྐོས་རྗེ་དྲང་དཀར་གཏི་མུག་ཅན་དང་། ཀཱ་ལ་ཡཀྴ་གཏི་མུག་ཅན་དང་། འབྱུང་རིགས་སྤུན་དགུ་གཏི་མུག་ཅན་དང་། ས་བདག་ཕག་མགོ་འདོད་ཆགས་ཅན། ཀླུ་བདག་དྲེགས་པ་འདོད་ཆགས་ཅན་དང་། ནོར་ལྷ་ཆེན་པོ་འདོད་ཆགས་ཅན། རྒྱལ་ཆེན་རིགས་བཞི་ང་རྒྱལ་ཅན་དང་། གཤིན་རྗེ་འཇོམས་བྱེད་ང་རྒྱལ་ཅན། རཱུ་ཏྲ་གདུག་རྩུབ་ང་རྒྱལ་ཅན་ནོ། །ཚངས་པ་ཆེན་པོ་ཕྲག་དོག་ཅན་དང་། བྷྲྀཾ་གི་རི་ཏི་ཕྲག་དོག་ཅན་དང་། དགའ་བྱེད་དབང་ཕྱུག་ཕྲག་དོག་ཅན་དང་། བྱང་སྤྲིན་དམར་པོ་གཡོ་སྒྱུ་ཅན་ཏེ་བཅུ་དྲུག་གནས་སོ། །སངས་རྒྱས་ཁྲོས་པའི་རྒྱལ་མོའི་ཆ་ལུགས་ནི་འདི་ལྟ་སྟེ། སྐུ་ཤིན་ཏུ་བརྗིད་པ་རི་རབ་ལྟ་བུ་ལ་ཞབས་བརྒྱད་ཀྱིས་ཀླུ་བརྒྱད་བརྫིས་པའོ། །འོག་གཞི་རུ་སྦལ་ཁོག་པའི་བྲག་གཏམས་པ། ཕྱག་དྲུག་ཕྱག་ཆས་འགྲོ་བ་རིགས་དྲུག་གི་སྐྱེ་ཤི་སྒྲོལ་བ། སྤྱན་གཉིས་ཁྲག་དང་། རིན་པོ་ཆེའི་མཆི་མ་འཐོར་བ། སྤྱི་བོའི་གཙུག་ནས་ཁྲག་གི་རལ་པས་སྟོང་གསུམ་དབང་དུ་སྡུད་པ། གསང་བའི་མཁའ་བཞི་དབུས་དང་ལྔ་ལས་དུས་བཞི་ཆ་སྙོམས་ཤིང་འབྱུང་བ་ལྔ་དབང་དུ་སྡུད་པ། མཐིང་ནག་ནམ་མཁའི་གོ་ཟུ་ལ། གཞའ་ཚོན་སྣ་ལྔའི་ཆ་ག་བཏགས་པ། དེ་ལྟ་བུའི་ཡུམ་ལས་སྤྲུལ་པའི་འཁོར་གྱིས་བསྐོར་བ་ནི་འདི་ལྟ་སྟེ། དབུ་ལ་ཡུལ་གྱི་དཀར་མོ་བཅུ་གསུམ་གྱིས་བསྐོར་བ་ནི་འདི་ལྟ་སྟེ། འབྱུང་བ་ལྔ་ལས་ཤར་བའི་བུ་མོ་ལྔ་དང་། ཐོག་མཐའ་མེད་པའི་ཡུམ་མཆོག་ཉིད་དང་། མཁའ་ལ་རྒྱུ་བའི་མ་མོ་གསུམ་དང་། དབྱིངས་ལས་ཤར་བའི་བུ་མོ་གསུམ་དང་། ཡི་དམ་ ― DNG022_Page_0565 ―
[མ་དཔེ་གཟིགས་ན་འདིར་གནོན།]
བསྒོམ་ལེགས་མ་དང་མ་མོ་བདུན་ཏེ་བཅུ་གསུམ་གྱིས་བསྐོར་བའོ། །ཐུགས་ལ་ནག་མོ་བཅོ་བརྒྱད་ཀྱིས་བརྒྱན་པ་ནི་འདི་ལྟ་སྟེ། ཤེས་རབ་ཆེན་པོ་ལས་གྱུར་པ་ཕྲ་མེན་རྒྱ་མཚོ་དང་། སྙིང་རྗེ་ཆེན་པོ་ལས་གྱུར་པ་ཉི་ཟླ་ཐོད་ཕྲེང་དང་། ཡེ་ཤེས་བཞིའི་ཟེར་ལས་གྱུར་པའི་ཁྲོས་པའི་དབང་ཆེན་བཞི་དང་། དྭངས་མ་བཞི་ལས་གྱུར་པའི་སྦས་པའི་མ་བཞི་དང་། ཡུལ་བཞི་ལས་ཤར་པའི་ཐུགས་ཀྱི་དགྱེས་སྡེ་བཞི་དང་། དུས་བཞི་དབྱིངས་ལས་ཤར་བའི་རྒྱལ་མོ་བཞིས་བསྐོར་བའོ། །ཡུམ་གྱི་ཆགས་པ་ལྟེ་བའི་འཁོར་ལོ་ལ་བསྐོར་བ་ནི་འདི་ལྟ་སྟེ། སྐྱེད་བྱེད་ཆེན་མོ་ཞེས་བྱ་སྟེ། སྲིད་པ་ཆགས་བྱེད་མ་དང་། ཉུལ་བྱེད་ཆེན་མོ་ཞེས་བྱ་སྟེ། ནམ་མཁའི་རྒྱལ་མོ་དང་། འཇོམས་བྱེད་ཆེན་མོ་ཞེས་བྱ་སྟེ། གླིང་བཞི་སྤྱི་ཕུད་མ་དང་། ཆགས་བྱེད་ཆེན་མོ་ཞེས་བྱ་སྟེ། འདོད་ཁམས་ནེ་མཚན་དང་། འཛིན་བྱེད་ཆེན་མོ་ཞེས་བྱ་སྟེ། ཨེ་ཀ་ཙ་ཏི་སྤུན་དྲུག་དང་། ཟ་བྱེད་ཆེན་མོ་ཞེས་བྱ་སྟེ། སྲིན་མོ་བདུན་དང་། གདུག་བྱེད་ཆེན་མོ་ཞེས་བྱ་སྟེ། ལས་ཀྱི་སྲིང་བཞི་དང་། ཕོ་ཉ་ཆེན་མོ་ཞེས་བྱ་སྟེ། དམག་གི་རྒྱལ་མོ་བཞི་དང་། ལས་བྱེད་ཆེན་མོ་ཞེས་བྱ་སྟེ། དབང་ཕྱུག་མའི་ཚོགས་ཀྱིས་བསྐོར་བའོ། །ཁྱབ་པ་སྤྱི་རྒྱུག་གི་ཕོ་ཉ་ནི་འདི་ལྟ་སྟེ། ཤར་ཕྱོགས་དུང་གི་མ་མོ་དྲུག་ཅུ་དང་། ལྷོ་ཕྱོགས་མཐིང་གི་མ་མོ་དྲུག་ཅུ་དང་། ནུབ་ཕྱོགས་ཟངས་ཀྱི་མ་མོ་དྲུག་ཅུ་དང་། བྱང་ཕྱོགས་གསེར་གྱི་མ་མོ་དྲུག་ཅུ་དང་། སྟེང་ལྕགས་ཀྱི་མ་མོ་དྲུག་ཅུ་དང་། འོག་བྱི་རུའི་མ་མོ་དྲུག་ཅུ་སྟེ་རྡོ་རྗེ་གུར་གྱི་ཕྱི་རོལ་ན་གནས་སོ། །སྤྲུལ་པ་གནས་ལུགས་ཀྱི་ལེའུ་སྟེ་གསུམ་པའོ།། །།དེ་ནས་ཡབ་མངོན་རྫོགས་རྒྱལ་པོ་ལ་སྤྱན་གཡོན་པ་ཕབ་པའི་བརྡ་ཞིག་མཛད་ནས། ལྗགས་གཡས་ནས་གཡོན་དུ་དྲིལ་བའི་བརྡ་ཞིག་མཛད་དེ་བསྐུལ་བ་ལས། མངོན་རྫོགས་རྒྱལ་པོས་ཅང་མི་གསུང་བར་ཡུམ་གྱི་མཁའ་ལ་ཡི་གེ་ཕྱེད་དང་དྲུག་ཏུ་ཞུ་བ་ལས། འབྲུ་བཅུའི་སྙིང་པོའི་སྒྲ་ཡིས་ཡུམ་གྱི་སྣམ་ཞལ་དུ་ཐོན་ཏེ། སྤྲུལ་པའི་བྱ་ཁྱུང་བཅུའི་རྒྱན་དུ་སྟོན་ནས། དུར་ཁྲོད་གཡང་གཞི་རུ་མཚོན་ཕྱར། རྡོ་རྗེ་རྩེ་དགུས་ས་དགུ་གནོན་པའི་ ― DNG022_Page_0566 ―
[མ་དཔེ་གཟིགས་ན་འདིར་གནོན།]
བརྗིད་སྟོན། འབྲུ་བཅུའི་སྙིང་པོས་ས་བཅུ་རིམ་གྱིས་བགྲོད་པའི་མཛད་པ་ལ་བཙུད་སྟེ་བཞུགས་པ་ལ། དེ་ནས་རི་རབ་ཆེན་པོའི་སྟེང་ན་ཚལ་བརྒྱད་ཉུལ་བར་བྱེད་པའི། ཡུམ་ཕྲ་མེན་རྒྱ་མཚོའི་ཐུགས་ཀ་ནས། སངས་རྒྱས་ཐམས་ཅད་ཀྱི་སྤྲུལ་པ་ཕྱག་ན་རྡོ་རྗེའི་སྐུ་བཏོན་ཏེ། རྡོ་རྗེ་རྒྱ་གྲམ་བྲག་གི་གདན་སྟེང་ནས་མི་ཞུམ་པའི་བརྗིད་བག་གིས་གྱད་ཀྱི་སྐྱིལ་མོ་ཀྲུང་དུ་བཞུགས་ཏེ། རྡོ་རྗེ་རྩེ་ལྔ་འབར་བའི་ཕྱག་མཚན་ལ། འཁོར་ལོ་འབར་བའི་རྩིབས་བཞི་མུ་ཁྱུད་དབུ་ལ་ལན་ལྔ་རུ་བསྐོར་ཏེ། དུག་ལྔ་འཇོམས་པར་བྱེད་པའི་ཡེ་ཤེས་ལྔའི་དོན་དགོངས་པས་ཞུས་པ་ལས། མངོན་རྫོགས་རྒྱལ་པོས་ཡི་གེ་ཧ་ལྔའི་དོན་གསུངས་ཏེ། བི་ས་མུ་རན་ཧཱུཾ་ཧ། ཛྭ་ལ་པ་ར་མ་ཧ། བི་ཤ་སན་ཏེ་ཧ། མ་ཧཱ་ལང་ཏེ་ཧ། བི་ཡང་ཡང་ཏེ་ཧ། དེ་ནས་ཕྱག་ན་རྡོ་རྗེས་ལྷ་མ་ཡིན་གྱི་རྒྱལ་པོ་ཐགས་ཟངས་རིས་ཀྱིས་ཉོན་མོངས་པའི་བག་ཆགས་ལྔ། འབྱུང་བ་ལྔའི་བག་ཆགས་ཀྱིས་སྦྱང་བར་མཁྱེན་ནས། དེ་ནས་ཕྱག་ན་རྡོ་རྗེས་རཱུ་ཏྲའི་ཙིཏྟ་བཅུ་གཅིག་རིན་པོ་ཆེའི་འོད་འབར་བར་སྤྲུལ་ནས། མངོན་རྫོགས་རྒྱལ་པོ་ལ་བསྟབས་ནས་ཕུལ་ལོ། །དེ་ནས་ཕྱག་ན་རྡོ་རྗེ་ལྕང་ལོ་ཅན་གྱི་ཚལ་ན་བཞུགས་པ་ལ་ལྷོའི་འཛམ་བུ་གླིང་གི་ནུབ་ཕྱོགས་རི་ནག་པོ་ཧ་ས་ཞེས་བྱ་བ་ལ། སྤྱན་རས་གཟིགས་དབང་ཕྱུག་གི་སྤྲུལ་པ། ཁྱེའུ་མཻ་ཏྲི་ཆུང་ངུ་ཞེས་བྱ་བ། སྲིད་པའི་ཕོ་རྒྱུད་མོ་རྒྱུད་ཐམས་ཅད་སྐྱེ་བའི་རིགས་སོ་སོར་འབྱེད་ཤེས་པ་ཞིག་བྱུང་སྟེ། དེས་ཕྱག་ན་རྡོ་རྗེ་ལ་ཞུས་ཏེ། ལུང་བཞི་མན་ངག་མཁྱེན་པའི་སྟོན་པ་པོ། །ད་ལྟ་དགོངས་སྤྱོད་འབྲས་བུ་ཇི་སྙམ་བྱེད། །ཅེས་ཞུས་པ་ལ། ཕྱག་ན་རྡོ་རྗེས་ལན་གསུངས་པ། སྣང་སྲིད་སོ་སོར་འབྱེད་པའི་རིག་པ་ཅན། །ལུང་བཞི་དོན་གྱི་གཏན་ཚིགས་འདི་ལྟ་སྟེ། །མན་ངག་ཉིད་ན་ཚིག་གི་དོན་ཅི་ཡོད། །ཁྱེའུ་མཻ་ཏྲི་ཆུང་ངུས་གསོལ་པ། ལུང་བཞི་དོན་གྱི་གཏན་ཚིགས་ཇི་ལྟར་ལགས། དེ་ནས་ཕྱག་ན་རྡོ་རྗེས་གསུངས་པ། ལུང་བཞི་དོན་གྱི་གཏན་ཚིགས་འདི་ལྟ་སྟེ། གནས་པ་རྩའི་ལུང་། བཀོད་པ་ཐིག་ལེའི་ལུང་། གཡོ་བ་རླུང་གི་ལུང་། རིག་པ་སེམས་ཀྱི་ལུང་དང་བཞི་རུ་བཤད་དོ། །དེ་ནས་ཁྱེའུ་ ― DNG022_Page_0567 ―
[མ་དཔེ་གཟིགས་ན་འདིར་གནོན།]
མཻ་ཏྲི་ཆུང་ངུས་བཤད་པ། མན་ངག་ཉིད་ན་ཚིག་གི་དོན་ཡོད་པ། །ཚིག་གི་དོན་གཅིག་རྒྱལ་བས་བཤད་དུ་གསོལ། །ཞེས་ཞུས་པ་ལ། དེ་ནས་ཕྱག་ན་རྡོ་རྗེས་གསུངས་པ། རྒྱུད་ཀྱི་དོན་འདི་མན་ངག་ཉིད་དུ་དགྲོལ། །མན་ངག་དོན་གྱི་ངོ་བོ་འདི་ལྟ་སྟེ། །པྲ་ཁྲིད་ལག་ཆ་གབ་པ་སྡེ་གསུམ་དང་། །མ་བཞི་གཅོད་པའི་འཁོར་ལོ་ཉིད་དུ་བཤད། །མཻ་ཏྲི་ཆུང་ངུས་གསོལ་པ། གབ་པ་སྡེ་གསུམ་དོན་ནི་ཇི་ལྟ་བུ། །མ་བཞི་གཅོད་པའི་འཁོར་ལོ་ཇི་ལྟར་ལགས། །ཞེས་བསྙད་པ་ལ། ཕྱག་ན་རྡོ་རྗེས་གསུངས་པ། གབ་པ་སྡེ་གསུམ་དོན་ནི་འདི་ལྟ་སྟེ། གཏིང་དཔག་མེད་པའི་འཁོར་ལོ་ལ་གབ་པ་དང་། བསྲེག་པ་མེའི་འཁོར་ལོ་ལ་གབ་པ་དང་། མཁའ་ཀློང་ཐུན་གྱི་འཁོར་ལོ་ལ་གབ་པ་དང་། གཅོད་པ་འཁྲུལ་འཁོར་ལས་ལ་གབ་པ་དང་བཞི་རུ་བཤད། གཙོ་འཁོར་གླེང་དུ་བསླང་བའི་ལེའུ་སྟེ་བཞི་པའོ།། །།སྤྲུལ་པ་རྒྱན་གྱི་དོན་ནི་འདི་ལྟ་སྟེ། །རཱུ་ཏྲ་བསྒྲལ་བའི་ས་གཞི་ལ། །ཁྲག་གི་རྒྱ་མཚོ་གྲུ་གསུམ་སྟེ། །ལྷ་མ་ཡིན་གྱི་གཟུགས་སྣང་སྟེ། །སྲོག་རྩ་དམར་པོ་སྤྱི་ནས་དྲངས། །རྡོ་རྗེ་སྤྲུལ་པ་བྱ་ཁྱུང་གིས། །བསྒྲལ་བའི་ཚུལ་དུ་གནས་པ་སྟེ། །དེ་ནས་ཆེ་མཆོག་ཧེ་རུ་ཀས། །ཡུམ་གྱི་དབུ་རུ་སྐུ་སྟོན་ཏེ། །དབུ་ཡི་སྤྲུལ་པའི་ཕོ་བྲང་ལ། །ལྷ་སྲིན་ལ་སྩོགས་སྤྲུལ་བྱས་ནས། །ཨོཾ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་ཧཱུཾ། ལི་ཁྲ་ཁ་དུར་ཛ་དུར་ཕཊ། ཡབ་ཀྱི་ཐུགས་ལས་འོད་འཕྲོས་པས། །འོག་གི་ཡུམ་ལ་བསྐུལ་བྱས་པས། །ཡུམ་གྱི་སྤྲུལ་པས་ལྷ་སྲིན་བསྐུལ། །ཁྲི་ཕྲག་འབུམ་གྱི་འཕྲོ་འདུ་བྱས། །སྤྲུལ་པའི་ཕོ་ཉ་ལས་ལ་མངགས། །ཐགས་ཟང་རིས་ཀྱི་འཁོར་རྣམས་བསྡུས། །སྲོག་རྩ་དམར་པོ་སྤྱི་ནས་དྲངས། །ཨོཾ་ཤྲཱི་ཧེ་རུ་ཀ་ཀྲོ་ཏཱི་རཱ་ཛ་དུར་ཛ་ཛ། དྲངས་ནས་ཞལ་དུ་བསྡིམ་པར་བྱ། །ཁོང་དུ་བསྒྲལ་བའི་ལས་བྱ་སྟེ། །བཅུ་དྲུག་འཁོར་ལོས་གཏུབ་པར་བྱ། །ཏྲི་ཏ་ཁ་ཏི་རུ་ཙ་ཁད་དྷཱ་ཏུ་པི་ནི་ལ་ཆུམ་ཙཀྲ་རྦད་ཕཊ། བསྒྲལ་ཐབས་དགུ་ཡི་སྔགས་ཀྱིས་གཞོམ། ཁ་ཐུན་སྙིང་ལ་ཡམ། ཛྭ་ལ་རཾ་ཁ་ཐུན་རྦད། ལི་ཀྲ་ཧཱུཾ། ཁ་ཊ་ཕཊ། ― DNG022_Page_0568 ―
[མ་དཔེ་གཟིགས་ན་འདིར་གནོན།]
དུར་ཡ་ཕཊ། རུ་སི་ཕཊ། ལི་ཀྲ་ཛ་ཛ་ཧཱུཾ། ཏ་ཀྲ་ཏ་ཀྲ་ཧཱུཾ་ཕཊ། ལྷུ་དུམ་ཕྲལ་ལ་བསྟབས་པས་མཉེས། །གཏིང་དཔག་མེད་པའི་གཉེན་པོ་སྒྲུབ་པའོ། །མ་མོ་ཀྲོ་ཏཱི་ཤྭ་རཱི་རུ་ལུ་རུ་ལུ་ཛ་ཛ་བྷྱོ། མ་མོ་ལི་ཏ་ཁྲག་ལ་བྷྱོ་རྣི་ལ་ཛ་ཧཱུཾ་ཕཊ། ཀྲོ་ཏི་ལི་ཙ་ལ་མ་ཐུམ། རྣི་ལ་ཛ་ཤ་ལ་བྷྱོ། རུས་ལ་ཆོམ། དུག་ཏྲི་ཙ་ལ་ཡཾ་ཡཾ་ཕཊ། འབོད་པ་རྦད་པ་བསད་པ་གསུམ། །ཁྱམས་གསུམ་དག་ལ་གསལ་བར་དགོད། །བཞི་པ་དྲེགས་པའི་ཁྱམས་སུ་གསལ། །དབང་བོའི་རས་ལ་འཁོར་ལོ་བཅའ། །དེ་ནས་འཁོར་ལོ་བསྐྱེད་བྱ་སྟེ། །ཧཱུཾ་བསྐྱེད་མ་བསྐྱེད་ནྲྀ་རུ་བསྐྱེད། །བདུད་རྩིའི་གཏོར་མས་མཆོད་བྱས་ཏེ། །རྦད་པའི་སྔགས་ཀྱིས་ནྲྀ་ལ་དགུག །བསད་པའི་དྲེགས་པས་བསྒྲལ་བྱས་ཏེ། །སྲིན་པོའི་ཤུན་ལ་འཁོར་ལོ་བཅའ། །དྲེགས་པའི་རལ་པས་བཏགས་ནས་ནི། །མུན་པའི་སྟོང་ལ་བཏགས་ནས་ནི། །ཁྲག་མཚོ་གསུམ་གྱི་དཀྱིལ་དུ་བཞག །མཚོ་ཡི་འཁོར་ལོའི་སྒྲུབ་པའོ། །ཨོཾ་ནཱ་ག་རཱ་ཙ་ཛ་ཛ། ཨིན་ཏྲ་ཡེ་ཛ་ཛ། ཨག་ནེ་ཡེ་ཛ་ཛ། བག་ཤ་ཡེ་ཛ་ཛ། བྲི་གཞི་རུས་སྦལ་པགས་པ་ལ། །ཐིག་ལེ་བཞི་ལ་རང་སྔགས་བསྐོར། །རྩ་བའི་སྔགས་ཀྱིས་བསྐྱེད་བྱས་ཏེ། །སྤྱན་དྲངས་པ་ཡི་བསྙེན་པ་ནི། །རྒྱལ་བའི་ཐུགས་ལས་འོད་སྤྲོས་ཏེ། །རིགས་བཞི་སྤྲུལ་པའི་སྲོག་སྙིང་དྲང་། །དམ་ཚིག་ཀླུ་ལ་བསྡིམ་བྱས་ཏེ། །དཀར་གསུམ་རྫས་ཀྱིས་མཉེས་པར་བྱ། །མནའ་བསྒག་དམ་དབོག་ལས་བཅོལ་བྱ། །རིགས་བཞི་ཀླུ་ཡི་སྒྲུབ་པའོ། །དྷྲིཥྚ་རཥྚཱ་ཡ། བི་རུ་དྷཱ་ཀཱ་ཡ། ཨ་དྷི་པ་ཏ་ཡེ། བཻ་ཤྲཱ་མ་ཎཱ་ཡ་ཛ་ཧཱུཾ་ཛ་ཧཱུཾ་ཛ་ཧཱུཾ་ཛ་ཧཱུཾ། ཤར་ཕྱོགས་དཀར་པོ་ཟླ་གམ་སྟེ། །ལྷོ་ནི་སེར་པོ་སོག་ཁ་ལ། །ནུབ་ནི་དམར་པོ་ཟླུམ་པོའོ། །བྱང་ནི་ལྗང་གུ་གྲུ་བཞི་ཡིན། །བུམ་པའི་ནང་དུ་བསྐྱེད་བྱ་བ། །ཧཱུཾ་སྭཱ། ཨཾ་ཧཱ། རྒྱལ་ཆེན་རིགས་བཞི་རིམ་བཞིན་བསྐྱེད། །དཀར་པོ་རྡོར་འཛིན་རྣམ་སྣང་རྒྱ། །སེར་པོ་རལ་གྲི་རིན་ཆེན་རྒྱ། །དམར་པོ་པད་འཛིན་མཐའ་ཡས་རྒྱ། །ལྗང་གུ་རྒྱ་གྲམ་གྲུབ་པའི་རྒྱ། །སྤྱན་དྲངས་བསྡིམ་ལ་མཆོད་པའི་རྒྱ། །བསྒོ་བའི་ཚིག་གིས་ལས་བཅོལ་བྱ། །གཉེན་པོ་རྒྱལ་ཆེན་བཞི་ཡི་ ― DNG022_Page_0569 ―
[མ་དཔེ་གཟིགས་ན་འདིར་གནོན།]
སྒྲུབ་པའོ། །དྷྲིཥྚ་རཥྚཱ་མ་རཱ་ཛ་ཙཀྲ་ཕཊ། བི་རུ་དྷཱ་ཀཱ་ཡ་རཱ་ཛ་ཙཀྲ་ཕཊ། ཨ་དྷི་པ་ཏ་ཡེ་རཱ་ཛ་ཙཀྲ་ཕཊ། བཻ་ཤྲཱ་མ་ཎཱ་ཡ་རཱ་ཛ་ཙཀྲ་ཕཊ། ཡུམ་གྱི་སྤྱན་གསུམ་གྱེན་དུ་གཟིགས། །གཙོ་བོའི་ཐུགས་ལ་བསྐུལ་བྱས་ཏེ། །ཀྲོ་ཏཱི་ཤྭ་རཱི་ཧཱུཾ་ཧོ་ས་མ་ཡ་ཕཊ། གཙོ་བོའི་སྤྱན་གསུམ་གྱེན་དུ་གཟིགས། །ཤྲཱི་ཧེ་རུ་ཀ་ཏྲི་ཏོ་ཕཊ། འཁོར་ལོ་དང་པོ་བསྐོར་བྱས་ཏེ། །གོང་མའི་སྔགས་ཀྱིས་བསྐུལ་བྱས་པས། །རྒྱལ་ཆེན་བཞི་ཡི་སྲོག་རྩ་བསྐུལ། །གྲངས་ནི་སྟོང་རྩ་བཞི་ཡིས་སོ། །ཌྷྲྀཥྚ་རཥྚ། ནཱ་ག་ཏ་ཡེ་རཱ་ཙ་ཐུ་ལུམ་ར་ཡ་བཱི་རུ་ཌྷ་ཀ །ཨིནྡྲཱ་ཡ་ཡེ། ཐུ་ལུམ་ར་ཡ། ཨ་ཏི་ཨག་ནེ་པ་ཏ་ཡེ་ཡེ་ཐུ་ལུམ་ར་ཡ། བཻ་ཤྲཱ་མ་ཎ་ཡེ་ཐུ་ལུམ་ར་ཡ། འཁོར་ལོ་གཉིས་པ་བསྐོར་བའི་དོན། །རྒྱལ་ཆེན་བཞི་ཡི་སྦྱོར་བ་ཡིས། །ཀླུ་རྒྱལ་བཞི་ལ་ཙཀྲ་བསྐོར། །ནཱ་ག་རཱ་ཙ་ཏྲི་ཏ་རྣི་ཞུ་ཞུ་ཐུཾ། ཨིན་ཏྲ་ཡེ་རྣི་ལ་སྡྱ་སྡྱ ། ཨག་ནེ་ཡེ་རྣི་ལ་ཉག་ཉག །རག་ཤ་ཡེ་རྣི་ལ་སྤུར་སྤུར། །ཡ་ཨ་ཏས་ཏ་དུག་གསུམ་རྣི་རུ་བསྒྲལ། །གཉིས་པས་རྟེན་ཆེན་བསྐམ་པར་བྱ། །གསུམ་པས་ཁྲག་གི་ལེའུ་བསྡུ། །ཐ་མས་རྩ་ཆེན་བཞི་པོ་གཅོད། །བསྐོར་བ་གསུམ་གྱི་སྒྲུབ་པའོ། །ཆུ་དང་ས་ལ་ཕོ་བྲང་བརྟག །མིག་དང་རྣ་བ་སྣ་དང་ཡིད། །ཉམས་ནི་ཤིན་ཏུ་བརྟག་པར་བྱ། །ཅི་ཡང་མེད་ན་གཞན་དུ་སྤོ། །དེས་ནི་མཚན་ཉིད་བརྟག་པར་བྱའོ། །ཨོཾ་བཛྲ་ཀྲོ་ཏ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། སྟོང་པའི་ངང་ལས་རྟ་མཆོག་བསྐྱེད། །ཧཱུཾ་ཡིས་བདུད་རྩི་སྦྱང་བྱས་ཏེ། །སྔགས་ཀྱིས་མཆོད་ཏེ་བཟླས་པ་བྱ། །སྟོང་རྩ་བརྒྱད་དུ་བསྙེན་པ་བྱ། །བཛྲ་ཛཿཧཱུཾ་བཾ་ཧོཿ། ག་རུ་ཊ་པཱུ་ཙ་སྭཱ་ཧཱ། ཨོཾ་པ་ཁྲི་སྭཱ་ཧཱ། སྟོང་རྩ་བརྒྱད་བརྒྱད་བཟླས་པ་ཡིས། །ཀླུ་ཡི་གཟི་བྱིན་འཕྲོག་པར་བྱེད། །ཡི་གེ་རུམ་ནི་ངང་ཉིད་ལས། །སྤྲུལ་པ་གསེར་གྱི་མདོག་ཅན་ནི། །མཆུ་སྡེར་གནམ་ལྕགས་ཕྱར་འདྲར་བསྐྱེད། །ནཱ་ག་རཱ་ཙ། ཨོཾ་བཛྲ་ཀྲོ་ཏ་ག་རུ་ཊ། མ་ཧཱ་ག་རུ་ཊ། ཨ་མྲྀ་ཏ་ག་རུ་ཊ། མ་ཧཱ་ཙིཏྟ་ག་རུ་ཊ། ཁྱུང་གི་སྤྲུལ་པས་གཙོ་བོ་མ་དྲོས་པ་བསྐུལ་བྱས་ཏེ། སྦྲུལ་མགོ་བདུན་པ་ལྕགས་ཀྱི་གའུ་ཡི་ནང་དུ་བཅུག་སྟེ། འཚེ་བའི་འཁོར་ལོའི་སྟེང་དུ་བཞག །ཀླུ་སྨན་སྣ་ཚོགས་ཀྱིས་མཆོད། །སྔགས་ཀྱི་འཕྲོ་འདུ་ཁྲི་ཕྲག་ལྔ་རུ་བྱ། །ཀླུ་ཆེན་སྤྱི་ཡི་ ― DNG022_Page_0570 ―
[མ་དཔེ་གཟིགས་ན་འདིར་གནོན།]
སྔགས་ཀྱི་འཕྲོ་འདུ་བྱ། །ཨོཾ་ནཱ་ག་རཱ་ཙ་བ་སུ་ཀི་མཾ་ཛ་ཛ་ཛ་ཧཱུཾ་ཕཊ་སྭཱ་ཧཱ། རྒྱལ་པོ་མ་དྲོས་པ་བསད་པའི་དྲག་སྔགས་ནི། ནཱ་ག་དུ་ན་དུ་ན་ནཱ་ག་ཤ་ན་དུ། ཧི་ལི་ཧི་ལི་ནཱ་ག་འདུས་འདུས། རུས་སྦལ་ནག་པོའི་འཇུག་སྒོ་ནས། །ཀླུ་གདུག་ཟེར་གྱིས་དྲེགས་པ་བསྒྲལ། །ནག་པོ་བཾ་ཙི་ཙི་རྒྱས་དྲག་ཐུལ་སྙིང་ལ་གུལ་གུལ། མྱག་མྱག་རྩ་བཞི་སྐུམས། ཤན་ཤན་ནི་སྲོག་ལ་ཤན་ཐུ་སོད་སྭཱ་ཧཱ། རིགས་བཞི་ཀླུ་ཡི་དྲེགས་པའི་རྩ་བཞི་གཞོམ་པའོ། །དེ་ནས་འཁོར་ལོ་གསུམ་གྱི་རྗེས་ལ་སྦྱོར་བ་གསུམ་གྱི་དྲག་སྔགས་ཀྱི་སྦྱོར་བའོ། །གྲུབ་པའི་རྟགས་ཀྱི་བྱེ་བྲག་ནི། །གདུག་པ་གཉན་གྱི་གྲུབ་རྟགས་དང་། །གནོད་སྦྱིན་རྒྱལ་པོའི་གྲུབ་རྟགས་དང་། །གཟའ་རྒོད་དྲེགས་པའི་གྲུབ་རྟགས་དང་། །རིགས་བཞི་ཀླུ་ཡི་གྲུབ་རྟགས་དང་། །རུས་སྦལ་ནག་པོའི་གྲུབ་རྟགས་དང་། །གྲུབ་པའི་རྟགས་རྣམས་གང་འཕྲད་ཀྱང་། །གང་ཡིན་ཕྱོགས་ནས་ལས་རྣམས་བརྩམ། །ཁ་འབར་ནག་པོའི་བརྟག་པའོ། །མ་མ་རུ་ལུ་ཏིཥྛ་ནན། གཉན་གྱི་གཞལ་ཡས་འཁོར་ལོ་དང་། །ཡུམ་གྱི་སྦྱོར་བའི་མཁའ་དང་སྦྱར། །ཡུམ་གྱི་ཞབས་བརྒྱད་ཀླུ་ལ་བརྫིས། །ཡུམ་གྱི་དབུ་བཞི་ཡབ་ཀྱིས་བརྫིས། །ཁྱུང་གི་གཤོགས་པས་རྒྱ་མཚོ་རླབས། །རུས་སྦལ་ནག་པོའི་ཁོག་པ་གཤགས། །པ་ཁྲི་ཁ་ས་གུར་ཁ་རུ་ཁད་ཀན་ཕཊ། ཏ་ཀྲ་དུ་ཁན་དྷ་ཕཊ། ཁྱུང་གཤོག་རལ་གྲི་འབར་བས་གཤགས། །སྲིན་མོ་དམར་པོའི་གཟུགས་ཉིད་ལ། །གཉན་གྱི་ཁ་རླངས་དུག་མདའ་འབར། །ཁྲག་མདའ་མཛེ་ཡི་དུག་རླབས་འབབ། །གཉན་གྱི་ལྟོ་བ་དཀྲུགས་པ་དང་། །རུས་སྦལ་ཁོག་པ་གཤགས་པའོ། །པ་ཀྲི་སྭཱ་ཧཱ། ནཱ་ག་རཱ་ཙ་ཛཿ། ནཱ་ག་ཨིན་དྲ་ཛཿ། ནཱ་ག་ཨག་ནེ་ཛཿ། ནཱ་ག་བག་ཤ་ཛཿ། རིགས་བཞིའི་སྲོག་སྙིང་སྦྲུལ་དུ་དྲང་། །ཀླུ་རིགས་བཞི་ཡི་སྲོག་དྲང་བའོ། །ཀླུ་རྒྱལ་རིགས་བཞིའི་ངན་སྔགས་ཀྱིས། །ལྕགས་ཀྱི་མདོ་སྟོད་ནག་པོ་བཅད། །སྤུ་གྲི་ཀླད་ལ་བསྐོར་བྱས་ཏེ། །ན་ད་དུ་ན་རྦད། ན་ད་རྦད། མ་ཀྲི་ད་རྦད། མ་གྲཾ་བྱ་ཨོཾ་རྦད། གཡུ་འབྲུག་སྔོན་མོ་མེ་རུ་འབར། །སེང་ཕྲུག་འབར་བའི་ཁོག་པར་གཞུག །མདོ་སྟོད་ ― DNG022_Page_0571 ―
[མ་དཔེ་གཟིགས་ན་འདིར་གནོན།]
ནག་པོ་བཅད་པའོ། །གཟའ་རྒོད་གཉན་རྒོད་ཁོག་པར་ཞུགས། །གཟའ་ཡི་དྲེགས་པ་ཞལ་དུ་བཅོམ། །ཤ་ལ་ཧུར། ཁྲག་ལ་ཐུམ། རུས་ལ་ཆོམ། གཟའ་ཡི་དྲེགས་པ་བསྒྲལ་བའོ། །ཡུམ་དང་ཁྱུང་གི་སེང་གེས་བསྒྲལ། །པྲ་ཀྲི་ཁ་ས་ཆེམ་ཆེམ། མ་མ་ཀྲོ་ཏ་ལི་ཙ་ཐུམ་ཁ་ད་ཁ་ད་ཕཊ། ཞེ་སྡང་རུས་པ་གཏི་མུག་ཤ །འདོད་ཆགས་ཁྲག་གི་ཕུང་པོ་ཞིག །སེང་གེ་བསྒྲལ་བའི་ངན་ཐབས་སོ། །ལོག་ནོན་ཐུགས་ཀྱི་ཙཀྲ་བསྐོར་བ་ནི། །བདག་ཉིད་གཟི་བརྗིད་ཆེན་པོའི་སྐུར་གསལ་ཏེ། །དབུ་ལ་ཐོགས་པ་མེད་པས་བརྒྱན་པའོ། །པླཀྵའི་ཤིང་ལ་རྡོ་རྗེའི་སྐུ་བསྟན་པ། །བརྒྱད་ཅུ་རྩ་གསུམ་སྤྲུལ་པ་བཀོད་ནས་ནི། །ཕྱག་ན་འདྲིལ་ཞིང་རང་སྔགས་འཁོར་ལོ་བསྐོར། །ཨོཾ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་ཙཀྲ་དྷྲིཥྚ་རཥྚཱ་རྦད། བྷུ་རུ་བི་རུ་དྷ་ཀཱ་ཡ་ཏ་ཀྲ་ཡེ་རྦད། ཨ་ཨ་བྷི་པ་ཏ་ཡ་བྷི་པ་ཏི་ཡེ་རྦད། བཻ་བཻ་ཤྲ་མཎཱ་ཡ་ཤྭ་ར་མ་ན་ཡེ་རྦད། རྒྱལ་ཆེན་དབུ་ཡི་འཁོར་ལོ་བསྐོར། །རྒྱལ་ཆེན་རིགས་བཞིའི་བྱིན་བརླབས་ཀྱིས། །ཀླུ་རྒྱལ་བཞི་ཡི་འཁོར་ལོ་བསྐོར། །ཨོཾ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་བྷྲྀཥྚ་རཥྚཱ་རྦད། བྷུ་རུ་ཏ་ཏྲ་ཡེ་རྦད། ཨི་ཏི་པ་ཏི་ཡེ་རྦད། བཻ་ཤྲ་ར་མ་ན་ཡེ་རྦད། ནཱ་ག་རཱ་ཙ་རྦད། ནཱ་ག་རཱ་ཙ་རྦད། ཨིན་ཏྲཱ་ཡ་རྦད། ཨ་ཏི་པ་ཏ་ཡེ་རྦད། ཨག་ནེ་ཡེ་རྦད། བག་ཤ་ཡེ་རྦད། རེ་རེ་ལ་ཡང་སྟོང་རྩ་བརྒྱད། །ཀླུ་རྒྱལ་བཞི་ཡི་སྦྱོར་བ་ཡིས། །དྲེགས་པ་ཅན་ལ་འཁོར་ལོ་བསྐོར། །ཧཱུཾ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་ནཱ་ག་རཱ་ཙ། ཆེ་གེ་མོའི་ཤ་ལ་ཙཀྲ་ཙཀྲ་རྦད། ཨིན་ཏྲ་ཡེ་ཆེ་གེ་མོའི་རྩ་ལ། ཙཀྲ་ཙཀྲ་རྦད། ཨག་ན་ཡེ་ཆེ་གེ་མོའི་ཁྲག་ལ་ཡ། ཙཀྲ་ཙཀྲ་རྦད། བག་ཤཱ་ཡ་ཆེ་གེ་མོའི་སྲོག་ལ། ཙཀྲ་ཙཀྲ་རྦད། རུས་སྦལ་ནག་པོའི་འཇུག་སྒོ་བཞི། །ཀླུ་རྒྱལ་གདུག་པའི་སྔགས་ཀྱིས་གཞོམ། །རེ་རེ་ལ་ཡང་ཁྲི་ཁྲིའོ། །ལོག་ནོན་ཕུར་ནག་གི་སྒྲུབ་པའོ། །བྱོལ་སོང་གཙོ་བོ་བཞི་དང་། གདུག་པ་མགོ་མངས་དང་། རུས་སྦལ་ནག་པོ་དང་། གནོད་སྦྱིན་གྱི་གཙོ་བོ་ཁྱབ་འཇུག་ཆེན་པོ་རྣམས་དང་། རྔམ་ཞིང་ལྡོག་པའི་དུས་ལ་བབ་སྲིད་ན། དེའི་ནུས་པ་མནན་པའི་ཐབས་ནི་འདི་ལྟ་སྟེ། གང་དུ་དམིགས་པའི་ས་ ― DNG022_Page_0572 ―
[མ་དཔེ་གཟིགས་ན་འདིར་གནོན།]
དེ་རུ། །ཀེང་རུས་རི་རབ་མེ་དཔུང་དབུས་ཉིད་དུ། །རྡོ་རྗེ་སྤྲུལ་པའི་ལྷ་དང་ཆེ་མཆོག་ཡབ་ཡུམ་བསྐྱེད། །ཁྲག་མདའ་ནག་པོ་སྔགས་ཀྱི་དུག་ཟེར་འདིས། །པྲ་ཀྲི་ཁ་ས། ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི། དྷྲིཥྚ་རཥྚཱ་ཡ། བི་རུ་ཌྷ་ཀ་ཡ། ཨ་དྷི་པ་ཏ་ཡེ། བཻ་ཤྲཱ་མ་ཎཱ་ཡ། རགྴ་ཁྲག་ཐུན། མྱོགས་མྱོགས། དེས་དེད་དཔོན་བཞི་གཟིར་བའོ། །ནཱ་ག་རཱ་ཙ། ཨིནྡྲ་ཡེ། ཨག་ན་ཡེ། བྷཀྵ་ཡེ། ཟི་ར་ཁ་ཐུན་ཁྲག་ལ་དུན་ཏིང་བྷྱོ། བྱོལ་སོང་གི་གཙོ་བོ་བཞི་མྱོས་ཤིང་རླག་པར་འགྱུར་རོ། །བཀྴུ་ག་ཀུ་ར་པ་ཧི་ཁྲག་ལ་རྦད། གདུག་པ་མགོ་མངས་མྱོས་པར་འགྱུར་རོ། །ཨོཾ་རཱ་ཧུ་ལ་ཛ་བྲིང་། དུན་ཀྱུང་ཁྲཾ་ཁྲཾ་ཀླུང་ཁྲག་ལ་ཤཾ་ཤཾ་སྭཱ་ཧཱ། ག་ལ་ཧུར་ཧུར། རཱ་ཧུ་ལ་རླགས་པར་འགྱུར་རོ། །དུག་ཏི་ཉུངས་སྭཱ་ཧཱ། གློག་མ་སྲིན་མྱོས་པར་འགྱུར་རོ། །རྒྱན་གྱི་སྤྲུལ་པར་བསྒོམ་ཞིང་ནམ་མཁའ་གསེགས་སུ་བཅད། ཕོ་བྲང་གནས་སར་ཧཱུཾ་སུཾ་རཾ། རྡོ་རྗེའི་གུར་དང་རི་རབ་མེ་དཔུང་འབར་བར་བསམ། འཁྱམས་པ་བཟློག་པའོ། །ཧཱུཾ། བཅོམ་ལྡན་དཔལ་ཆེན་ཧེ་རུ་ཀ །མཐིང་ནག་འཇིགས་པའི་ཆ་ལུགས་ཅན། །ཁྲོ་ཚུལ་དྲུག་ཅུ་རྩ་གཉིས་ལྡན། །ཁྲོ་བོ་ལྔ་བཅུ་རྩ་དྲུག་སྐུ་ཡི་ཁྱོན་དུ་རྫོགས། །ཞབས་བརྒྱད་རྣམ་ཐར་ཡུམ་གྱི་དབུ་ལ་བརྫིས། །ཕྱག་དྲུག་མཚོན་ཆས་སྐྱེ་ཤི་རྩད་ནས་གཅོད། །དྲེགས་པ་འཇོམས་པའི་ཕྲིན་ལས་མཛད་དུ་གསོལ། །སྣང་སྲིད་ལྷུན་རྫོགས་ཀུན་ཏུ་བཟང་མོའི་སྐུ། །ནམ་མཁའ་མཐིང་ནག་རྒྱན་གྱི་གོ་ཟུ་གསོལ། །ཡུལ་དང་དྭངས་མ་རྩ་ཡི་མཁའ་འགྲོ་རྣམས། །ཡུམ་ཆེན་སྐུ་ཡི་ཁྱོན་དུ་རང་བཞིན་རྫོགས། །ཞབས་བརྒྱད་ཀླུ་ཆེན་བརྒྱད་ལ་ཐབས་ཀྱིས་བརྫིས། །ཕྱག་དྲུག་སྤྲུལ་པས་གསང་སྔགས་སྤྲོ་བར་མཛད། །སངས་རྒྱས་ཁྲོས་པའི་རྒྱལ་མོ་སྐུ་བསྐྱོད་ཅིག །ཧཱུཾ་བྱ་ཆེན་འདི་ཡི་དཔྲལ་བ་ནི། །རི་རབ་བུམ་པའི་གཏོས་དང་མཉམ། །དབུ་ལ་གཡུ་ཡི་རྭ་འབར་བ། །ནམ་མཁའི་ཁམས་ཀྱི་གཏོས་སུ་སླེབ། །ཞབས་ཀྱིས་ཀླུ་དྲུག་དྲེགས་པ་འདྲེན། །སྤྱན་ནི་ཉི་ཟླ་འབར་བ་སྟེ། །ཀླུ་བརྒྱད་ཟིལ་གྱིས་གནོན་པར་བྱེད། །གཡུ་ ― DNG022_Page_0573 ―
[མ་དཔེ་གཟིགས་ན་འདིར་གནོན།]
སྡེར་ལྕགས་ཀྱུ་འབར་བ་ཡིས། །ཐགས་ཟངས་རིས་ཀྱི་སྙིང་ནས་འདྲེན། །ཁ་རླངས་ན་བུན་བཞིན་དུ་ཆགས། །དུང་གི་གཤོག་འདབ་འབར་བ་ལས། །གཡུ་ཡི་གཤོག་རྩེ་འོད་འཕྲོ་འབར། །ཐགས་ཟངས་རིས་ཀྱི་མགོ་བོ་གཅོད། །གཡས་ཀྱི་གཤོག་པ་བརྐྱང་བ་ཡིས། །ལྷ་ཡི་དབང་པོའི་གནས་ལ་ཁྱབ། །གཡོན་གྱི་གཤོག་པ་བརླབ་པ་ཡིས། །གསེར་གྱི་ས་གཞི་འབར་བ་གཤོག །ལྷོ་ནས་གཡུ་འབྲུག་འབར་བ་འཁྱུག །ལྗགས་ལ་གློག་འཁྱུག་ལྗིབས་སེ་ལྗིབ། །ལྗགས་ཀྱི་རྩེ་ལ་ཐོག་ཆེན་འབེབས། །སྤྱན་ནས་ལྕགས་ཀྱི་སེར་ཆེན་འབེབས། །ཤངས་ནས་བུ་ཡུག་འཚུབ་མར་འཐོར། །ཙིཏྟ་ཐུགས་ཀྱི་གསང་སྒོ་ནས། །ཟུར་ཕུད་ལྔ་ཡི་ཆོ་ འཕྲུལ་འགྱེད། །དཀར་མོ་བཅུ་གསུམ་དབྱིངས་ནས་བཞེངས། །ཐུགས་ལས་བཅོ་བརྒྱད་ཆོ་འཕྲུལ་འགྱེད། །གཡས་ནས་ཁྲོ་བོའི་རོལ་པ་མཛད། །གཡོན་ནས་མ་མོའི་འོད་ཟེར་འཕྲོ། །སྤྲུལ་པ་ཕྲ་ཐབས་སྣ་ཚོགས་མཛད། །དྲེགས་པ་བཅུ་དྲུག་གནས་ནས་བསྐྱོད། །མངགས་པ་ཕོ་ཉའི་ལས་བྱའོ། །ཁ་འབར་ནག་པོ་ལས་རྒྱ་མཚོའི་རྒྱུད་ལས། འཁོར་ལོ་ལ་དབབ་པའི་ལེའུ་སྟེ་ལྔ་པའོ།། །།མེ་ལ་སོགས་པའི་དོན་བཤད་པ། །ས་ཡི་མཎྜལ་སྦྱངས་པ་རུ། །རྒྱལ་མོ་ལྔ་ཡི་ཞལ་བྱ་སྟེ། །ཤར་ཕྱོགས་སེང་གེ་བགྲད་པའི་ཞལ། །དབུས་སུ་ཧོམ་ཁུང་མཐིང་ནག་བྱ། །ལྷོ་རུ་གླང་ཆེན་བརྗིད་པའི་ཞལ། །དབུས་སུ་རིན་ཆེན་འབར་བར་བྱ། །ནུབ་ཏུ་རྨ་བྱ་མཛེས་པའི་ཞལ། །དབུས་སུ་པདྨ་འོད་ཅན་བྱ། །བྱང་དུ་ཁྱུང་ཆེན་འབར་བའི་ཞལ། །སྲིན་པོ་ཁ་གདེངས་དབུས་སུ་བྱ། །དབུས་སུ་རྡོ་རྗེ་གདེངས་པའི་ཞལ། །གསེར་གྱི་འཁོར་ལོ་རྩིབས་བཞིར་བྱ། །གཟས་པའི་དུག་ལྔའི་མཚན་བྱང་ནི། །སྙིང་ཆེན་ལྔ་ཡི་ནང་དུ་གཞུག །ཁ་དོག་ལྔ་ཡི་དར་གྱིས་གྲིལ། །རྣོག་པ་ཐུར་དུ་བསྟན་ལ་བསྲེག །ཞག་གསུམ་དག་གི་བར་དག་ཏུ། །ཆེ་མཆོག་སྐུ་ཡི་ཐུགས་ཀ་ནས། །རྟེན་གྱི་ཕུར་པ་ལྔ་པོ་ལ། །རྒྱལ་མོ་ལྔ་རུ་བསྐྱེད་བྱ་སྟེ། །ཡེ་ཤེས་སྤྱན་དྲང་གཉིས་མེད་སྦྱར། །རཀྟ་བདུད་རྩིས་མཉེས་བྱས་ཏེ། །ཡུམ་ལྔའི་བསྙེན་པ་དུས་གཅིག་དྲངས། །གི་ས་མུ་ར་ཧཱུཾ་ཧ། བི་ཤ་ས་ན་ཏི་ཧཱུཾ། ཛྭ་ལ་པ་རཾ་ཧཱུཾ་ཧ་ཨ། ― DNG022_Page_0574 ―
[མ་དཔེ་གཟིགས་ན་འདིར་གནོན།]
མ་ཧཱ་ལཾ་ཏེ་ཧཱུཾ་ཧ། བི་ཡང་ཡང་ཏེ་ཧཱུཾ་ཧ། སྟོང་རྩ་བརྒྱད་བརྒྱད་བཟླས་པ་བྱ། །དེ་ནས་ཕོ་ཉའི་ལས་བྱ་སྟེ། །ཧཱུཾ་ཤར་གྱི་ཕྱོགས་ནས་བསྐུལ་བ་ནི། །དུང་གི་གླང་པོ་ཆེན་པོ་ལ། །ཡར་རྐན་གནམ་ལ་མར་རྐན་ས། །མཆེ་བ་གངས་རི་རྣོན་པོ་འདྲ། །དེ་འདྲའི་སེམས་ཅན་ཆེན་པོ་ལ། །མ་མོ་ཤེལ་གྱི་མདངས་ཅན་ཞོན། །ས་འདྲིལ་ཆེན་མོ་ཤ་ནས་འདྲིལ། །ཧཱུཾ་ལྷོ་ཡི་ཕྱོགས་ནས་བསྐུལ་བ་ནི། །ཡིད་བཞིན་སྔོན་པོའི་རྟ་ཕོ་ལ། །ཡར་རྐན་མེ་ལ་མར་རྐན་དྲོད། །མཆེ་བ་མེ་ཟོར་དམར་པོ་ལ། །ལྕེ་ནི་མུན་གྱི་གློག་པས་གསལ། །དེ་འདྲའི་སེམས་ཅན་ཆེན་པོ་ལ། །མ་མོ་མེ་ཡི་མདངས་ཅན་ཞོན། །མེ་འདྲིལ་ཆེན་མོ་དྲོད་ནས་འདྲིལ། །ཧཱུཾ་ནུབ་ཀྱི་ཕྱོགས་ནས་བསྐུལ་བ་ནི། །ཡིད་འོང་རྨ་བྱའི་རྟ་ཕོ་ལ། །ཡར་རྐན་རྦ་ལ་མར་རྐན་ཆུ། །མཆེ་བ་ཆུ་གྲི་གཏམས་པ་འདྲ། །དེ་འདྲའི་སེམས་ཅན་ཆེན་པོ་ལ། །མ་མོ་ཆུ་ཡི་མདངས་ཅན་ཞོན། །ཁྱོད་ནི་ཆུ་འདྲིལ་ཆེན་མོ་སྟེ། །ཆུ་འདྲིལ་ཆེན་མོ་ཁྲག་ནས་འདྲིལ། །ཧཱུཾ་བྱང་གི་ཕྱོགས་ནས་བསྐུལ་བ་ནི། །གར་མཁན་ཤང་ཤང་རྟ་ཕོ་ལ། །ཡར་རྐན་རླུང་ལ་མར་རྐན་མེ། །མཆེ་བ་ཉི་ཟེར་འཛིངས་པ་འདྲ། །ལྕེ་ནི་མུན་གྱི་གློག་པས་གསལ། །དེ་འདྲའི་སེམས་ཅན་ཆེན་པོ་ལ། །མ་མོ་རླུང་གི་མདངས་ཅན་ཞོན། །ཁྱོད་ནི་རླུང་འདྲིལ་ཆེན་མོ་སྟེ། །རླུང་འདྲིལ་ཆེན་མོ་དབུགས་ནས་འདྲིལ། །ཧཱུཾ་དབུས་ཀྱི་རི་བོ་ཁོང་སེང་ལ། །གསེར་གྱི་སེང་གེ་ཆེན་པོ་ལ། །ཡར་རྐན་བྲག་ལ་མར་རྐན་རྡོ། །མཆེ་བ་ཁྲོ་ཆུང་གཏམས་པ་འདྲ། །དེ་འདྲའི་སེམས་ཅན་ཆེན་པོ་ལ། །མ་མོ་ནམ་མཁའི་མདོག་ཅན་ཞོན། །ཁྱོད་ནི་གནམ་འདྲིལ་ཆེན་མོ་སྟེ། །གནམ་འདྲིལ་ཆེན་མོ་བཀྲག་ནས་འདྲིལ། །ཙིཏྟ་ལྔ་ཡི་རྟེན་ལ་བསྡིམ། །རྒྱལ་མོ་ལྔ་ཡི་ཕུར་པས་གདབ། །ཤར་དུ་རྒྱ་ཤུག་དཀར་པོ་ལ། །ལྷོ་རུ་ཙནྡན་དམར་པོ་གཅིག །ནུབ་ཏུ་འོམ་བུ་སྟར་བུ་སྟེ། །བྱང་དུ་ཚེར་མ་ཅན་གྱི་ཤིང་། །དབུས་སུ་བླག་ཤ་སེང་ལྡེང་ངོ་། །ཙང་ག་ལི་ལས་མེ་བླངས་ཏེ། །སྦར་ཏེ་རཾ་ལས་མེ་ལྷ་བསྐྱེད། །ཨག་ནི་དེ་བས་མེ་ལྷ་མཆོད། །མེ་ལྷ་དེ་ཡི་ལྟོ་བ་རུ། །ཧ་ལས་ས་ཡི་ལྷ་མོ་བསྐྱེད། ། ― DNG022_Page_0575 ―
[མ་དཔེ་གཟིགས་ན་འདིར་གནོན།]
འབྲུ་ནག་སྲན་མའི་ཆན་དག་ལས། །ཆུ་དང་མ་འདྲེས་དྭངས་མའི་ཁྲག །ལིངྒའི་དུམ་བུ་ཤ་ཆེན་དང་། །མར་གྱི་དགང་བླུགས་དག་ལ་བསྲེག །གི་ས་མུ་རན་ཧཱུཾ་ཧ། ཆེ་གེ་མོའི་ཤ་ལ་ཁཱ་ཧི། ཡལ་ག་མེད་ལས་མེ་བླངས་ཏེ། །རཾ་ལས་མེ་ལྷ་གོང་བཞིན་བསྐྱེད། །ཧ་ལས་མེ་ཡི་ལྷ་མོ་སྟེ། །བསྲེག་རྫས་གང་དང་ལྡན་པའོ། །ཛྭ་ལ་པ་རཾ་ཧཱུཾ་ཧ། ཆེ་གེ་མོའི་དྲོད་ལ་ཁཱ་ཧི། གྲངས་ནི་གོང་མ་བཞིན་དུ་བཤད། །སྡོང་གཅིག་མ་ལས་མེ་བླངས་ཏེ། །ཧ་ལས་ཆུ་ཡི་ལྷ་མོ་བསྐྱེད། །བསྲེག་པའི་རྫས་ནི་གོང་མ་བཞིན། །བི་ཤ་སན་ཏི་ཧ། ཆེ་གེ་མོའི་ཁྲག་ལ་ཁཱ་ཧི། གྲངས་ནི་གོང་བཞིན་ལྡན་པ་སྟེ། །མེས་རེག་མ་ལས་མེ་བླངས་ཏེ། །མེ་ལྷ་གོང་བཞིན་བསྐྱེད་བྱས་ཏེ། །བསྲེག་རྫས་གོང་དང་ལྡན་པ་ཡིས། །བི་ཡང་ཡང་ཏེ་ཧ། ཆེ་གེ་མོའི་དབུགས་ལ་ཁཱ་ཧི། གྲངས་ཀྱི་ཐུན་ཚོད་གོང་མ་བཞིན། །རྒྱལ་པོའི་ཁྱིམ་ནས་མེ་བླངས་ལ། །རཾ་ལས་གོང་བཞིན་བསྐྱེད་བྱས་ཏེ། །ཧ་ལས་ནམ་མཁའི་ལྷ་མོ་བསྐྱེད། །མ་ཧཱ་ལང་ཏེ་ཧ། ཆེ་གེ་མོའི་ཁྲག་ལ་ཁཱ་ཧི། ཐལ་བ་ཚོམ་བུ་ལྔ་པོ་དེ། །ཁ་དོག་ལྔ་ཡི་དལ་གྱིས་གཏུམས། །གོང་གི་ཡུམ་ལྔའི་སྙིང་པོ་ལ། །ཙཀྲ་ལྔ་ཡི་མཐའ་རྒྱས་ཅན། །རྒྱ་མཚོའི་རྨངས་ལ་འཁོར་ལོ་བསྐོར། །པྲ་ཁྲིད་ཆ་ལག་གབ་པ་སྡེ་གསུམ་ལས་བསྲེག་པ་མེའི་འཁོར་ལོ་ལ་གབ་པའི་ལེའུ་སྟེ་དྲུག་པའོ།། །།མཁའ་ཀློང་རྣམ་དག་ཡུམ་གྱི་བྷ་ག་ལས། །རྒྱུ་བཞི་ནད་ཀྱི་ཆར་པ་འབེབས་མཛད་མ། །ཐུགས་ལས་མྱོས་པའི་སྤྲིན་དུ་འབར། །ཞལ་ནས་གཅོད་པའི་རྣོ་རུ་སྣང་། །སྤྲུལ་པ་དུ་མའི་སྨས་མདའ་འབེབས། །གསང་བ་ཁྲག་གི་ནད་མདའ་འབར། །དང་པོ་མ་བཞི་སྙིང་ལས་བྱུང་། །བདུན་ནི་ཞལ་ནས་བྱུང་བ་སྟེ། །ཆགས་པའི་ལྟེ་བ་ཉིད་ལས་སྤྲུལ། །གསང་བ་ནས་ནི་རེ་མ་ཏི། །སྐད་ཅིག་མ་ལས་ཆེ་མཆོག་སྟེ། །འཁོར་ལོ་རྩིབས་བཞི་ཉི་ཟླར་བཅས། །ཆེ་མཆོག་བསྙེན་པ་རྫོགས་བྱས་ནས། །དེ་ནས་ཤར་དུ་འཁོར་ལོ་ལ། །ལྕགས་ཁང་འབར་བའི་སྟེང་དུ་བཞག །གཙོ་བོའི་ཐུགས་ལས་འོད་ཟེར་འཕྲོས་པས། མུ་ཏྲི་ནི་རྦད། ཤན་ཏྲི་ནི་རྦད། བྷ་ག་དུན་ཏྲི་རྦད། ཁ་མུན་དན་ཏྲི་ནི་རྦད། སྙིང་ཀོར་ ― DNG022_Page_0576 ―
[མ་དཔེ་གཟིགས་ན་འདིར་གནོན།]
ནད་ཀྱི་སྤྲིན་དུ་འབར། །ཧཱུཾ་ཀ་རི་ཀ་རྦད། བ་དོར་བ་དོར་རྦད། ནི་ལ་ཆུ་རྣི་ཏ་རྦད། ཁ་ཊྭཱཾ་ག་ཀ་ཛྭ་ལ་ཛྭ་ལ་ཙ་པ་ལ་རྦད། མ་གུ་རག་ཏོ་རྦད། དང་སམ་དིང་སམ་རྦད། ཨེ་ཨ་ར་ལེ་རྦད། མཚོན་ཆའི་འཁོར་ལོ་ཆར་བཞིན་དབབ། །ཟང་འགྲམ་མུ་རཾ་པྲཾ་རྦད། གསུམ་པ་དུ་བའི་མཚོན་སྤྲིན་འཁྲིགས། །ནུ་པི་རུ་ལུ་རུ་ལུ་ཏྲག་ཤ་རྦད། བཞི་པ་ཁྲག་གི་ནད་མདའ་འབར། །དེ་ནས་གྲུབ་པའི་རྟགས་བསྟན་པ། །མིག་དང་རྣ་བ་སྣ་དང་ཡིད། །གཞའ་ཚོན་ལྟ་བུ་དང་པོའི་རྟགས། །སྤུ་རིས་བྱུང་ན་གཉིས་པ་སྟེ། །སྦྲུལ་དུ་འཁྱིལ་ན་གསུམ་པའོ། །དམར་ལ་གདངས་ན་བཞི་པར་བཤད། །མཐོ་བར་རྩུབ་ན་དང་པོ་སྟེ། །ཐུང་བར་རྩུབ་ན་གཉིས་པའོ། །འཇམ་ལ་རིང་ན་གསུམ་པ་ཡིན། །འཁོར་བའི་སྒྲ་ནི་བཞི་པར་ བཤད། །དྲི་ཞིམ་ངད་ལྡན་དང་པོ་ཡིན། །སར་ཟིང་བྱུང་ན་གཉིས་པ་སྟེ། །འཇའ་རིས་ལྟ་བུ་གསུམ་པར་ཤེས། །སྨན་དྲི་དང་ལྡན་ཐ་མའི་རྟགས། །དགའ་བ་དང་པོ་འཐབས་ན་གཉིས། །འཚིག་ན་གསུམ་པ་འཚོ་ན་བཞི། །པྲ་ཁྲིད་ཀྱི་ཆ་ལག་ལས་ཐུགས་ལས་གབ་པའི་འཁོར་ལོའི་ལེའུ་སྟེ་བདུན་པའོ།། །།ལྕགས་ཁང་གྲུ་གསུམ་འབར་བའི་སྟེང་། །དུར་ཁྲོད་རས་ཀྱི་ས་གཞི་ལ། །རུ་སྦལ་ནག་པོའི་གཟུགས་སུ་བྲི། །དེ་སྟེང་དྲེགས་པའི་གཟུགས་བཞག་སྟེ། །དྲེགས་པའི་ཡན་ལག་བཞི་པོ་ལ། །འབྱུང་བ་བཞི་ཡི་འཁོར་ལོ་དགོད། །འཁོར་ལོའི་སྟེང་དུ་བསྐྱེད་བྱ་བ། །ཀླུ་ཆེན་བཞི་ཡི་གཟུགས་སུ་བྱ། །དེ་སྟེང་སྦས་པའི་མ་བཞི་དགོད། །ཡུམ་གྱི་ཞབས་བརྒྱད་འབར་བ་ཡིས། །མ་ཆེན་བཞི་ཡི་དབུ་ནས་བརྫིས། །དབུ་ལ་ཡབ་ཀྱིས་དབུ་བརྒྱན་པ། །ཡབ་ཀྱི་ཕྱག་ན་བསྣམས་པ་ནི། །པླཀྵའི་ཤིང་ལ་རྡོ་རྗེའི་གཟུགས། །ཕྱག་ན་འདྲིལ་ཞིང་འཁོར་ལོ་བསྐོར། །ཨོཾ་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་མུ་ཏྲི་ནི་རྦད། ཤན་ཏྲི་ནི་རྦད། བྷ་ག་དུན་ཏྲི་ནི་རྦད། ཁ་མུན་དུན་ཏྲི་ནི་རྦད། ཡབ་ཡུམ་འོད་ཟེར་འབར་བ་ཡིས། །མ་བཞིའི་ཐུགས་ལས་རྒྱུད་བསྐུལ་པས། །རུས་སྦལ་ཁོག་པའི་འཇུག་སྒོ་བཞིར། །ཡིག་འབྲུ་ནད་ཀྱི་མཚོན་སྤྲིན་ནི། །སོལ་དུམ་ཚྭ་ཚྭ་འཁྲུག་པ་ལྟར། ། མ་མོ་ལམ་རྒྱུད་ལུང་ཞེས་བྱ་བ།― DNG022_Page_0577 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། མ་མ་ཏན་ཏྲ་ཙེ་ཏྲ་མརྒེ་ནཱ་མ། བོད་སྐད་དུ། མ་མོ་ལམ་རྒྱུད་ལུང་ཞེས་བྱ་བ། ཡུམ་མུ་ཁ་ལེ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་ཞུགས་ཏེ། དེའི་ཚེ་ནམ་མཁའ་ལས་སྒྲ་ཆེན་པོ་སྣ་ཚོགས་པ་དང་གཟུགས་སྣ་ཚོགས་པ་བྱུང་སྟེ། འཇིག་རྟེན་གྱི་མུ་ཁ་ལེ་ལ་སོགས་པ་ལས་ལ་གནས་པའི་མཁའ་འགྲོ་མའི་ཚོགས་ཐམས་ཅད་དང་། རིག་པ་ཏིང་ངེ་འཛིན་གྱི་ ― DNG022_Page_0578 ―
[མ་དཔེ་གཟིགས་ན་འདིར་གནོན།]
མུ་ཁ་ལེ་ལ་སོགས་པའི་རྩ་ལ་གནས་པའི་མཁའ་འགྲོ་མ་ཐམས་ཅད་དང་། ཡེ་ཤེས་ཀྱི་མུ་ཁ་ལེ་ལ་སོགས་པའི་འབྲས་བུ་ལ་གནས་པའི་མཁའ་འགྲོ་མ་ཐམས་ཅད་དང་། འཕགས་པ་སྤྱན་རས་གཟིགས་ལ་སོགས་པ་བྱང་ཆུབ་སེམས་དཔའ་ཐམས་ཅད་དང་། ཀུན་དགའ་བོ་ལ་སོགས་པ་ཉན་ཐོས་དང་རང་རྒྱལ་བ་ཐམས་ཅད་དང་། མི་མཇེད་ཀྱི་བདག་པོ་ཚངས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་ལ་སོགས་ཏེ་ལྷ་ཐམས་ཅད་དང་། སྒྲ་གཅན་ལ་སོགས་ལྷ་མ་ཡིན་ཐམས་ཅད་དང་། ཉི་མ་ལ་སོགས་པ་གཟའ་ཐམས་ཅད་དང་། སྨིན་དྲུག་ལ་སོགས་པ་སྐར་མ་ཐམས་ཅད་དང་། ཧ་རི་ཀ་ལ་སོགས་ཏེ་གནོད་སྦྱིན་ཐམས་ཅད་དང་། ལང་ཀ་མགྲིན་བཅུ་ལ་སོགས་ཏེ་སྲིན་པོ་ཐམས་ཅད་དང་། གཞན་ཡང་ལྷ་མ་སྲིན་སྡེ་བརྒྱད་དང་། ལྷ་འདྲེ་གཉན་བཅུ་ལས་ཀྱི་རྫུ་འཕྲུལ་གྱི་མཐུ་དང་ལྡན་པ་ཐམས་ཅད་སྒྲ་དང་གཟུགས་དེས་བསྐུལ་ནས་ཡུམ་ཆེན་མོ་མུ་ཁ་ལེ་དང་། ཡབ་མངོན་རྫོགས་ལྷའི་ཐད་དུ་འདུས་པར་གྱུར་ཏོ། །དེ་ནས་འཇིག་རྟེན་པ་ཀུན་གྱི་ཡབ་དང་ཡུམ་གྱི་སྐུ་མདོག་དང་རྒྱན་ལ་སོགས་པ་དེ་དག་གིས་འཇིགས་ཤིང་སྐྲག་སྟེ་འདར་ཞིང་དངངས་བཞིན་དུ་འཁོད་དོ། །ལྷ་དང་བྱང་ཆུབ་སེམས་དཔའ་རྣམས་ནི། ཡབ་དང་ཡུམ་ལ་ངོ་མཚར་ཆེར་སྐྱེས་ཏེ། ལྷ་ལ་སོགས་པའི་མཆོད་པ་སྣ་ཚོགས་པས་མཆོད་དེ། ཀུན་གྱིས་བསྐོར་བ་ལན་གསུམ་བྱས་ནས་གནས་སོ། །དེ་ནས་ཡང་ནམ་མཁའ་ལས་སེམས་ཅན་མ་མོས་འདུལ་བ་སྤྱི་མཐུན་གྱི་སྨོན་ལམ་དང་། ལས་དང་ཏ་ཐཱ་ག་ཏའི་ཐུགས་རྗེའི་སྤྲུལ་པའི་ངང་ཉིད་ཀྱིས་སྒྲ་ཆེན་པོ་སྣ་ཚོགས་བྱུང་ནས། ཡབ་མངོན་རྫོགས་ལྷ་ཡི་རྒྱལ་པོ་བསྐུལ་ལོ། །དེའི་ཚེ་འཇིག་རྟེན་འདིར་ཡང་ས་ཆེར་གཡོས་ཏེ་སེམས་ཅན་ལོང་བས་གཟུགས་མཐོང་བ་ལ་སོགས་བཀྲ་ཤིས་པ་སྣ་ཚོགས་ཀྱང་བྱུང་ངོ་། །དེ་ནས་ཡབ་ཀྱིས་ཡུམ་ལ་སེམས་ཅན་གྱི་དུག་གསུམ་རྣམ་པར་སྦྱང་བ་ཞེས་བྱ་བའི་བསྐོར་བ་ལན་གསུམ་བྱས་ཏེ། ཧ་ཧ་དང་ཧེ་ཧེ་ལ་སོགས་པའི་རོལ་པའི་གསུང་དང་ཡུམ་ཆེན་མོ་མུ་ཁ་ལེ་ལ་གསོལ་པ། མ་མོས་འདུལ་བའི་སེམས་ཅན་ལ། །མ་མོའི་སྲིད་པ་བཀའ་སྩལ་ན། །མ་མོས་འདུལ་བའི་སེམས་ཅན་ལ། །མ་མོ་བགྲོད་པའི་ལམ་དང་ཡང་། ། ― DNG022_Page_0579 ―
[མ་དཔེ་གཟིགས་ན་འདིར་གནོན།]
དེ་བཞིན་མ་མོ་བརྟེན་པ་ཡིས། །མ་མོ་ཐོབ་པའི་འབྲས་བུ་དང་། །ས་དང་ལམ་དང་འབྲས་བུ་ཡི། །རྟགས་དང་ཚད་དང་ངོ་བོ་དང་། །དེ་ཡིས་སྤང་བའི་རྣམ་རྟོག་དང་། །དེ་ལ་བར་དུ་གཅོད་པའི་བདུད། །མ་མོ་ལ་འཇུག་གང་ཟག་དང་། །འདི་རྣམས་ཁྱོད་ཀྱིས་བཤད་དུ་གསོལ། །དེ་ནས་ཡུམ་ཆེན་མོས་གནས་དེར་འདུས་པའི་འཁོར་དེ་དག་ལ་འདི་སྐད་ཅེས་གསུངས་སོ། །གསང་བ་ལས་ཀྱང་ཆེར་གསང་བ་ཤིན་ཏུ་གསང་བའི་ཡང་གསང་བ། ཟབ་པ་རབ་ཏུ་ཟབ་པ་ཀུན་ཏུ་ཟབ་པ་ཟབ་པའི་ཡང་ཟབ་པ། ཕྲ་བ་ཀུན་ཏུ་ཕྲ་བ། ཀུན་ནས་ཕྲ་བའི་ཡང་ཕྲ་བ་དང་། གྲོལ་བ་ཡེ་ནས་གྲོལ་བ། ངེས་པར་གྲོལ་བ་གྲོལ་བའི་ཡང་གྲོལ་བ་སྟེ། གསང་སྔགས་མ་མོའི་དབང་བཞི་དང་། བཅུ་དྲུག་གི་རང་བཞིན་གྱི་མ་མོ་བཞི་དང་། བཅུ་དྲུག་ལ་སོགས་པ་དང་། ང་ཡིས་བཤད་ཀྱིས་ལེགས་པར་ཉོན་ལ་ཡིད་ལ་ཟུང་ཞིག །གལ་ཏེ་ངས་གསང་སྔགས་མ་མོ་བཤད་དམ་ཤེས་སམ། ལེ་ལོའམ་གྲགས་པའམ། སྙོམ་ལས་ལ་སོགས་པས་ཚུལ་མ་ཡིན་པར་བཤད་ན་མཁའ་འགྲོ་ཁྲོས་པའི་བར་ཆོད་ཅེས་བྱ་སྟེ། ང་ཡི་མགོ་ཚལ་པ་བརྒྱ་དང་སྙིང་དུམ་བུ་སྟོང་དང་། ལྕེ་དུས་ཀྱི་མེས་ཚིག་སྟེ་ཤི་ནས་ན་རག་ཏུ་འཚེད་པར་འགྱུར་ལ། དེ་བཞིན་དུ་ཁྱེད་ཀྱང་ངའི་བཀའ་གནང་བ་ཐོབ་པར་བྱ་བའི་ཕྱིར་བཻ་ཌཱུརྱ་ལ་སོགས་པའི་མེ་ཏོག་དབུལ་བ་དང་། བསོད་ནམས་དང་ཡེ་ཤེས་ཀྱི་ཚོགས་བསག་པའི་ཕྱིར་གླེང་གཞི་དང་། གཞུང་དང་། རྗེས་སུ་ཡི་རང་བའི་ཚོགས་ཀྱི་འཁོར་ལོ་བསྐོར་བ་དང་བར་གཅོད་ཉེ་བར་ཞི་བ་དང་། གནས་སྐབས་ཀྱི་དམ་ཚིག་ཉམས་པ་བསྐང་བའི་ཕྱིར། གཏོར་མ་དང་མཎྜལ་ཚུལ་བཞིན་དུ་བྱས་ཏེ་ལུས་ཙོག་པུར་འདུག་ནས། སེམས་མ་ཡེངས་པར་རྣ་བ་གཏད་དེ། ངག་བསྒྲིམས་ཏེ་ཉོན་ལ། དེ་ལྟར་མཉན་ཞིང་གོ་བས་དགའ་བ་དང་སྒྲུབ་པ་ལྷུར་བྱས་ན་དངོས་གྲུབ་ཐམས་ཅད་འབྱུང་བར་ངེས་པའོ། །ཁྱོད་ཀྱིས་དེ་ལྟར་མ་བྱས་ན་གོང་གི་མཁའ་འགྲོ་ཁྲོས་པའི་ཆད་པས་མགོ་ཚལ་པ་བརྒྱ་དང་། སྙིང་དུམ་བུ་སྟོང་དང་། ལུས་སེམས་གཞན་དུས་ཀྱི་མེས་ཚིག་སྟེ་ན་རག་ཏུ་སྲེག་པར་འགྱུར་རོ་ཞེས་གསུངས་ནས། ཐམས་ཅད་སྣོད་དུ་རུང་ ― DNG022_Page_0580 ―
[མ་དཔེ་གཟིགས་ན་འདིར་གནོན།]
བ་ཞེས་བྱ་བའི་དབང་བསྐུར་ནས། ལམ་རྣམ་པར་དབྱེ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཏིང་ངེ་འཛིན་དེའི་མཐུས་ལམ་དབུའི་གཙུག་ནས། མ་མོའི་ལུས་ཀྱི་དབང་གི་ལམ་རྣམ་པར་སྤྱོད་པ་ཞེས་བྱ་བའི་སྒྲ་དང་འོད་ཟེར་དཀར་པོ་བྱུང་ངོ་། །དེ་བཞིན་དུ་མགྲིན་པའི་གླིང་བུ་གསེར་གྱི་བུམ་པ་ལས་ངག་གི་དབང་གི་ལམ་རྣམ་པར་སྤྱོད་པ་ཞེས་བྱ་བའི་འོད་ཟེར་དམར་པོ་དམར་པོ་འདྲ་བ་སྒྲ་དང་བཅས་པ་བྱུང་ངོ་། །ཐུགས་ཀའི་དཔལ་གྱི་བེའུ་ལས་སེམས་ཀྱི་དབང་གི་ལམ་རྣམ་པར་འབྱེད་པ་ཞེས་བྱ་བའི་འོད་ཟེར་ཁ་དོག་ནག་པོ་ནག་པོ་འདྲ་བར་སྒྲ་དང་བཅས་པ་བྱུང་ངོ་། །སྐུའི་ལྟེ་བ་ལས་ཀྱང་ཡེ་ཤེས་ཀྱི་དབང་གི་ལམ་རྣམ་པར་འབྱེད་པ་ཞེས་བྱ་བའི་འོད་ཟེར་དམར་སེར་དམར་སེར་འདྲ་བ་བྱུང་ཏེ་མ་མོའི་ལམ་ལ་སོགས་པ་བཀའ་སྩལ་པ། ཉོན་ཅིག་སྐལ་ལྡན་དད་པ་ཅན། །ལས་དང་སྨོན་ལམ་མཐུ་བཙན་པའི། །བརྟན་པའི་སེམས་ལྡན་བརྟུལ་ཞུགས་ཅན། །ཕ་རོལ་ཕྱིན་བཅུ་ལ་སོགས་པའི། །ཐུན་མོངས་བསྲུང་བྱའི་ཚུལ་ཁྲིམས་ལྡན། །ཁྱད་པར་གསང་སྔགས་མ་མོ་ཡི། །བསྲུང་བའི་དམ་ཚིག་ལྡན་པ་ཡིས། །བགྲོད་པའི་ལམ་ནི་འདི་ལྟར་ཡིན། །སྐུ་ཡི་ལམ་དང་འདྲེལ་པ་ཡི། །མ་མོ་བསྐྱེད་པའི་རིམ་པ་སྟེ། །དེ་ཡང་རེ་ཞིག་རྣམ་པ་བཞི། །གསང་བ་གཟུགས་བརྙན་གྱི་བསྐྱེད་དང་། །ཆེར་གསང་དག་པ་སྐྱེད་པའི་བསྐྱེད། །ཤིན་ཏུ་གསང་བ་རང་བཞིན་གྱིས། །དག་པའི་མ་མོ་ལམ་ཡིན་ཏེ། །གསང་བའི་ཡང་དག་གསང་བ་ནི། །གསང་བ་བསྐྱེད་པའི་དཀྱིལ་འཁོར་ཡིན། །དེ་ཡང་འདི་ལྟར་ཤེས་པར་བྱ། །གནས་བཞིར་ས་ལ་བྱས་པ་ཡི། །ཤར་ཕྱོགས་འཁོར་ལོའི་རྩིབས་སྟེང་སོགས། །རང་བཞིན་མ་མོ་ཐ་དད་པ། །དེ་ལ་བསྒོམ་བསྒྲུབ་བཟླས་པ་ནི། །རང་གི་གཟུགས་བརྙན་ཡིན་པས་ན། །གཟུགས་བརྙན་དམ་པས་བསྐྱེད་པ་སྟེ། །འདི་ཡིས་རྣམ་རྟོག་རགས་པ་འགེགས། །སྨན་མོ་ལྔ་བཅུའི་རང་བཞིན་ཏེ། །ཚོགས་ཀྱི་ལམ་ཞེས་དེ་ལ་གྲགས། །བསྐྱེད་པ་དག་པའི་དཀྱིལ་འཁོར་ནི། །རང་གི་ལུས་ཀྱི་གནས་རྣམས་སུ། ། ― DNG022_Page_0581 ―
[མ་དཔེ་གཟིགས་ན་འདིར་གནོན།]
མ་མོ་རང་རང་ས་བོན་ལས། །མ་མོ་རང་རང་སྐུར་བསྐྱེད་དེ། །ལུས་ནི་འདོམ་གང་གྲུ་བཞི་སྟེ། །གཡས་གཡོན་སྟེང་འོག་སྒོ་ལ་སོགས། །བདུད་རྩི་ལྔ་དང་མཚོན་སྣ་ལྔ། །ཡང་ན་ཁ་དོག་རྣམ་པ་ལྔ། །ཀ་བ་བརྒྱད་ནི་རྐང་བརྒྱད་དེ། །རྒྱུས་པ་ཐིག་གི་རང་བཞིན་ཡིན། །ཉིང་ལག་དུར་ཁྲོད་རང་བཞིན་ལ། །ཡན་ལག་དེ་བཞིན་རྒྱན་དུ་ཤེས། །ཡི་གེ་ལས་བསྐྱེད་བསྐྱེད་པར་གྲགས། །འདི་ཡིས་གཟུགས་བརྙན་རྣམ་རྟོག་འཇོམས། །མ་མོ་བཅུ་བཞིའི་རང་བཞིན་ཏེ། །སྦྱོར་བའི་ལམ་གྱི་ཆ་གཉིས་ཏེ། །དྲོད་དང་རྩེ་མོ་ཡིན་པར་འདོད། །རང་བཞིན་དག་པའི་བསྐྱེད་པ་ནི། །རང་གི་ལུས་ཀྱི་གནས་རྣམས་སུ། །རང་གི་སྣང་བའི་དག་པ་ལས། །རང་གི་ཁམས་དང་ཕུང་པོ་དང་། །འབྱུང་བ་རྣམ་པ་འགགས་པ་དང་། །མ་མོ་སྐུ་ཡི་སྣང་བར་གསལ། །ཕུང་པོ་ལ་སོགས་དག་པ་ན། །མ་མོ་དག་པའི་དཀྱིལ་འཁོར་ཡིན། །མ་མོ་ཡེ་ནས་རང་བཞིན་གནས། །དེ་ལ་རང་བཞིན་བསྐྱེད་པར་གྲགས། །གོང་གི་བསྐྱེད་པའི་དག་པ་ལ། །ཕུང་པོ་ལ་སོགས་རིམ་དེ་ལ། །རང་རང་མིང་གི་ཡི་གེར་བསམ། །དེ་ལ་མ་མོ་མཁས་པར་འདོད། །འདི་ནི་དབྱིངས་ཀྱི་ཡུམ་དྲུག་སྟེ། །སྦྱོར་བའི་ལམ་གྱི་ཆ་གཉིས་ཏེ། །བཟོད་པ་དང་ནི་ཆོས་ཀྱི་མཆོག །དེ་ནས་གསང་བའི་བསྐྱེད་པ་ནི། །རང་གི་ཙིཏྟའི་གཞལ་ཡས་སུ། །མ་མོ་བདུན་ཅུ་རྩ་བརྒྱད་སྣང་། །རང་བཞིན་དག་པའི་དཀྱིལ་འཁོར་འཛོམ། །མུ་ཁ་ལེ་ཡི་རང་བཞིན་ཏེ། །མཐོང་བའི་ལམ་གྱི་བདག་ཉིད་ཡིན། །དེ་ལྟར་ལམ་གསུམ་བགྲོད་པ་ནི། །མ་མོ་བསྐྱེད་པའི་རིམ་པ་ཡིན། །དེ་ལྟར་གྱུར་པ་གང་ལ་ཡང་། །མཁས་པས་འདི་ལྟར་ཤེས་པར་བྱ། །ཚོགས་ཀྱི་ལམ་ལ་ལམ་བཞི་སྟེ། །ཏིང་ངེ་འཛིན་ལ་སོགས་པས་ནི། །རང་གསལ་ཡེ་ཤེས་ལ་སྦྱོར་བས། །ཚོགས་ཀྱི་ལམ་གྱི་སྦྱོར་ལམ་ཡིན། །རྣམ་རྟོག་གང་གིས་མ་བསྐྱོད་པ། །ཚོགས་ཀྱི་བར་ཆད་མེད་པའི་ལམ། །རང་གསལ་ཡེ་ཤེས་ཟངས་ཀར་སྐྱེས། །ཚོགས་ཀྱི་གྲོལ་ལམ་ཡིན་པར་འདོད། །གང་ལས་ཡེ་ཤེས་ཁྱད་པར་འཕགས། །ཚོགས་ཀྱི་ཁྱད་པར་ལམ་དུ་འདོད། ། ― DNG022_Page_0582 ―
[མ་དཔེ་གཟིགས་ན་འདིར་གནོན།]
སྦྱོར་ལམ་མཐོང་ལམ་དེ་བཞིན་ནོ། །དེ་ལྟར་བསྐྱེད་པའི་རིམ་དེ་ཡང་། །འདི་ལྟར་མཁས་པས་ཤེས་པར་བྱ། །སེམས་ཅན་རང་སེམས་གོལ་བ་ལས། །ཐེག་པའི་རིམ་པ་དུ་མ་དང་། །སྣང་བ་དུ་མར་རང་སེམས་སྣང་། །མུ་སྟེགས་ཅན་ལ་ཆད་པ་དང་། །རྟག་པའི་རང་བཞིན་རང་སེམས་སྣང་། །ཉན་ཐོས་འདི་ལྟར་སྣང་བ་ལ། །ཕྲ་རབ་རྡུལ་དུ་རང་སེམས་སྣང་། །རང་རྒྱལ་རྟེན་ཅིང་འདྲེལ་པ་རུ། །རང་སེམས་གོལ་བར་སྣང་བ་ཡིས། །ཐེག་ཆེན་འབྱུང་བཞི་རྒྱུ་འབྲས་ཀྱིས། །སྒྱུ་མའི་སྣོད་བཅུད་སྣང་བར་འདོད། །ཀྲི་ཡ་དང་ནི་ཡོ་ག་གཉིས། །ཏིང་འཛིན་སྔགས་དང་ཕྱག་རྒྱ་ལས། །ལྷ་དང་གཞལ་ཡས་ཁང་པར་འདོད། །ཐབས་དང་ཆེ་བའི་བདེ་བའི་ཆ་གཉིས་ཏེ། །དེ་ལྟར་མུ་སྟེགས་ཅན་ལྟ་ནས། །གསང་སྔགས་ཐབས་ཀྱི་འདོད་པའི་བར། །ངེས་པར་རང་སེམས་གོལ་བ་སྟེ། །ཤེས་རབ་རྣལ་འབྱོར་མ་མོ་ཡིས། །རང་སེམས་གོལ་ས་ལས་གྲོལ་བ། །སྣོད་ཀྱི་འཇིག་རྟེན་གཞལ་ཡས་ཁང་། །རིན་ཆེན་སྣ་ལྔ་ལས་གྲུབ་པའི། །ཁང་པ་རྩེགས་པ་གཉིས་འགྱུར་ཅན། །གསལ་ཞིང་དག་ལ་རང་བཞིན་མེད། །རང་བཞིན་ལྷུན་གྲུབ་ཡེ་ནས་གསལ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་དང་ཡང་དག་ལྡན། །དུར་ཁྲོད་བརྒྱད་དང་ཤིང་བརྒྱད་དང་། །ཕྱོགས་སྐྱོང་བརྒྱད་དང་ཀླུ་བརྒྱད་དང་། །ཆར་པ་སྤྲིན་བརྒྱད་དེ་བཞིན་ཏེ། །དྲ་བ་དྲ་བ་ཕྱེད་པ་དང་། །ཁ་ཁྱེར་དང་ནི་ལྷ་མོ་ལྔ། །གཞན་ཡང་རྒྱན་གྱི་རྣམ་པ་ཀུན། །རྫོགས་པར་རང་གི་སེམས་སྣང་བ། །འདི་ནི་ཤེས་རབ་མ་མོའོ། །སྣོད་ཀྱི་སྣང་བ་དག་པ་སྟེ། །དཔེར་ན་སྦྲུལ་གྱི་སྣང་བ་ལ། །ཐག་པའི་སྣང་བར་སྣང་བ་བཞིན། །ངམ་གློགས་གཡང་སར་སྣང་བ་ལས། །གཞལ་ཡས་ཁང་དུ་སྣང་བར་འདོད། །དེ་བཞིན་བཅུད་ཀྱི་སེམས་ཅན་ཀྱང་། །རྒྱལ་རིགས་མུ་ཁ་ལེར་སྣང་། །བྲམ་ཟེའི་རིགས་ནི་མ་མོ་དྲུག །རྗེ་རིགས་མ་མོ་བཅུ་བཞི་ལ། །དམངས་རིགས་སྨན་མོའི་རིགས་སུ་སྣང་། །རྒྱལ་རིགས་ལ་སོགས་བུ་དང་ཚ། །མུ་ཁ་ལེ་ལ་སོགས་པ་ཡི། །རང་རང་ཐུགས་ཀྱི་ཉི་མ་ལས། ། ― DNG022_Page_0583 ―
[མ་དཔེ་གཟིགས་ན་འདིར་གནོན།]
ཡེ་ཤེས་སེམས་མ་ཏིང་འཛིན་སེམས། །མ་མོ་གཉིས་སུ་སྣང་བ་ན། །རང་སེམས་མ་མོར་གྱུར་པ་སྟེ། །དེ་ཚེ་བཅུད་ཀྱི་སྣང་བ་དག །དེ་ལྟར་སྣང་བ་མ་དག་པས། །ཚིག་ཏུ་སྣ་ཚོགས་སྨྲ་བྱེད་པ། །འདི་ནི་རང་དམ་རང་གིས་འདས། །མཐོང་བའི་ཆོས་ལ་དམྱལ་སོགས་འཚེད། །དཔེར་ན་ཆུ་ཡི་སྒྲ་ཙམ་གྱིས། །སྐོམ་པའི་གདུང་བ་སེལ་བ་མེད། །དེ་བཞིན་སྒྲ་དང་ཐ་སྙད་ཀྱིས། །དངོས་པོའི་དེ་ཉིད་རྟོགས་མ་ཡིན། །དེ་ལྟར་སྣོད་བཅུད་དག་པ་ཡང་། །ངེས་པར་ཀུན་ལ་སྣང་བ་མིན། །གཞལ་ཡས་ཁང་གི་མཚན་ཉིད་ཀྱང་། །ཇི་ལྟར་གནས་པར་ཤེས་གྱུར་ཅིང་། །རྒྱན་ལ་སོགས་པའི་མཚན་ཉིད་ཀྱང་། །ཇི་ལྟར་ཤེས་པ་དེ་ལྟར་ཡང་། །ཕུང་པོ་ཁམས་ལ་སོགས་པ་ཡི། །དག་པ་སྒྱུ་མའི་རང་བཞིན་ཅན། །སྣང་ལ་རང་བཞིན་མེད་པ་ལ། །གསལ་ལ་རྟོག་པ་མེད་པ་རུ། །ཤེས་པ་དག་ལ་མ་མོར་སྣང་། །དེ་ཡང་སེམས་གནས་རིམ་པ་ལ། །མ་བརྟེན་སྣང་བར་མི་འགྱུར་ཏེ། །སྒོམ་པའི་ཐུན་དང་མཚམས་དང་ཡང་། །བྱིང་བ་དང་ནི་རྒོད་པ་དང་། །སེམས་ཀྱི་སྒྲ་རྣམས་ཤེས་བྱ་ལ། །དེ་ཙམ་སེམས་ཀྱི་གནས་ས་བཙལ། །དེ་ལྟར་མ་བྱས་རང་ཉོན་མོངས། །འདི་དང་ཕྱི་མ་འབྲས་བུ་མེད། །མན་ངག་ཐབས་ཀྱི་ཡན་ལག་རྫོགས། །རང་སེམས་ངེས་པར་མ་མོར་སྣང་། །དེ་ཚེ་སངས་རྒྱས་སེམས་ཅན་མེད། །འཁོར་དང་མྱ་ངན་འདས་པ་མེད། །མ་མོ་རྫོགས་པ་དེ་བཞིན་ཏེ། །རྫོགས་ཆེན་བྱ་བྲལ་རྫོགས་པ་ལས། །མ་མོ་བསྐྱེད་པ་ཇི་བཞིན་དུ། །ཐབས་དང་མན་ངག་མཁས་པས་སྦྱར། །དེ་ལྟར་གཟུགས་བརྙན་ལ་སོགས་པ། །དབང་པོ་རབ་འབྲིང་རིམ་པར་གསུངས། །དེ་ནས་བསྐྱེད་པའི་བྱེད་པ་ཡང་། །སྐྱེ་གནས་ཀྱི་ནི་རྣམ་པ་བཞི། །ཡབ་དང་ཡུམ་གྱི་མཁའ་ལས་ནི། །སྦྱོར་བའི་བྱང་སེམས་དཀར་དམར་ལས། །གཟུགས་བརྙན་མ་མོའི་སྐུ་བསྐྱེད་པ། །གཟུགས་བརྙན་གྱིས་ནི་མངལ་སྐྱེས་ཡིན། །ཡི་གེ་ལས་ནི་མ་མོར་གྱུར། །གཟུགས་བརྙན་གྱིས་ནི་དྲོད་སྐྱེས་ཡིན། །ཡི་གེ་ ― DNG022_Page_0584 ―
[མ་དཔེ་གཟིགས་ན་འདིར་གནོན།]
ལས་ནི་ཕྱག་མཚན་ཏེ། །ཕྱག་མཚན་ལས་ནི་མ་མོའི་སྐུ། །སྒོང་སྐྱེས་ཚུལ་གྱིས་མ་མོའི་སྐུའོ། །སྐད་ཅིག་ལས་ནི་མ་མོའི་སྐུ། །བརྫུས་སྐྱེས་ཚུལ་གྱི་མ་མོ་ཡིན། །སྐྱེ་བ་རྣམ་བཞི་འཁོར་བ་སྟེ། །འཁོར་བའི་རྒྱུད་འདི་གཅད་པའི་ཕྱིར། །མ་མོ་སྐྱེ་བ་རྣམ་བཞིར་གསུངས། །སྲིད་པ་བར་དོར་ལས་དང་པོ། །ལྷ་དང་དམྱལ་བ་རྒྱུན་གཅད་ཕྱིར། །མ་མོ་བརྫུས་སྐྱེས་གསུངས་པ་ཡིན། །མི་དང་དུད་འགྲོ་ཕལ་ཆེར་དང་། །ཚངས་པའི་སྒོ་ང་ལུགས་བཅུག་ལ། །གནོད་སྦྱིན་ཕལ་ཆེར་རྒྱུན་གཅད་ཕྱིར། །མ་མོ་མངལ་ནས་བསྐྱེད་པ་བསྟན། །བྱ་དང་ཟེར་མོ་ལ་སོགས་པ། །དེ་བཞིན་ཚངས་པའི་སྒོང་ང་དག །རྒྱུན་གཅོད་མ་མོའི་སྒོང་སྐྱེས་གསུངས། །ཤིག་དང་སྲོ་མ་སྲིན་བུ་སོགས། །རྒྱུད་གཅད་མ་མོའི་དྲོད་སྐྱེས་བསྟན། །དེ་ལྟར་སྐྱེ་བ་རྣམ་བཞི་ཡང་། །བརྫུས་སྐྱེས་མ་མོ་མུ་ཁ་ལེ། །ཡང་ནི་མ་མོ་དྲོད་གཤེར་ལས། །བཅུ་བཞི་མ་མོ་སྒོང་སྐྱེས་ལས། །ལྔ་བཅུ་མངལ་ནས་སྐྱེ་བར་འདོད། །འདི་ཡང་དབང་པོ་རབ་འབྲིང་ལ། །རབ་ཀྱིས་ཕྱི་དང་ནང་གཉིས་བསྒོམ། །འབྲིང་གིས་ནང་གི་ལྷ་རྣམས་བསྒོམ། །ཐ་མ་དབུས་ཀྱི་ཡབ་ཡུམ་ལ། །དེ་ནས་སྐུ་ཡི་ཆ་ནས་ནི། །ཐ་མ་སྤྱན་ལ་སེམས་གཏད་དེ། །དེ་ལ་སེམས་གནས་རྟགས་བྱུང་ན། །ཟླ་བ་ཚེས་ནས་འཕེལ་བ་བཞིན། །ནང་ནས་ཕྱི་རུ་རྫོགས་པར་བསྒོམ། །བརྫུས་སྐྱེས་ལ་སོགས་ཀུན་ལ་ཁྱབ། །དེ་ལྟར་མ་མོའི་བསྒོམ་པ་ལ། །སེམས་བཟུང་ཡན་ལག་བསམ་མི་ཁྱབ། །དེ་ལྟར་མ་མོའི་ལམ་གསུམ་ལས། །མ་མོ་བཞི་པོའི་ལམ་བྱུང་སྟེ། །ཟབ་པ་མ་མོའི་རྩ་ཡིན་ཏེ། །རབ་ཏུ་ཟབ་པ་རླུང་ཡིན་ལ། །ཀུན་ཏུ་ཟབ་པ་ཐིག་ལེ་ཡིན། །ཟབ་པའི་ཟབ་པ་བྱང་ཆུབ་སེམས། །དེ་དག་རྫོགས་པའི་རིམ་པ་ཡི། །མུ་ཁ་ལེ་ལ་སོགས་པ་ཡིན། །བསྒོམ་པའི་ལམ་དུ་ཤེས་པར་བྱ། །དེ་དག་རིམ་པར་དབྱེ་བར་བྱ། །དང་པོ་རྩ་ལ་རྣམ་པ་བཞི། །སྙིགས་མའི་རྩ་ནི་དྭངས་མ་དག །བདུན་ཅུ་རྩ་གཉིས་ཡིན་པ་སྟེ། །བརྒྱ་དང་ཉི་ཤུ་དྭངས་མའི་རྩ། །དྭངས་མ་ལ་ནི་དྭངས་མའི་ ― DNG022_Page_0585 ―
[མ་དཔེ་གཟིགས་ན་འདིར་གནོན།]
རྩ། །སུམ་ཅུ་རྩ་གཉིས་ཡིན་པར་འདོད། །སྙིང་པོའི་རྩ་ནི་རྣམ་པ་གསུམ། །དེ་ཡང་མ་མོ་རིགས་བཞི་ཡིན། །སྙིགས་མའི་རྩ་ལ་བད་མཁྲིས་གནས། །དྭངས་མའི་རྩ་ན་རྐང་དང་ཚིལ། །དྭངས་མའི་དྭངས་མ་བྱང་ཆུབ་སེམས། །སྙིང་པོའི་རྩ་ན་སྐུ་གསུང་ཐུགས། །དཔེར་ན་ཤིང་གི་མྱུ་གུ་ལས། །སྡོང་པོ་ཡན་ལག་ལ་སོགས་སྐྱེས། །དེ་བཞིན་སྙིང་པོའི་རྩ་ལས་ནི། །འཁོར་ལོ་དང་ནི་ཐིག་ལེ་ཆགས། །ལྟེ་བར་ཡེ་ཤེས་ཐིག་ལེ་ནི། །གཞོམ་མེད་ཨཾ་གི་རྣམ་པ་ལས། །འཁོར་ལོ་དྲུག་ཅུ་རྩ་བཞིར་ཆགས། །ཐབས་དང་ཤེས་རབ་དྭངས་མ་ལས། །ཕྲ་མོའི་དྭངས་མ་དྲུག་ཅུ་བཞི། །སྤྲུལ་པའི་སྐུ་ཡི་ཚུལ་ཅན་གནས། །སྙིང་གར་གཞོམ་མེད་ཧཱུཾ་གི་ཚུལ། །འབྱུང་བའི་དྭངས་མ་ལྔ་འདུས་ཚུལ། །དེ་ལས་འདབ་བརྒྱད་འཁོར་ལོའི་ཚུལ། །རྣམ་ཤེས་དྭངས་མ་བརྒྱད་ཀྱི་དངོས། །ཆོས་ཀྱི་སྐུ་ཡི་ཚུལ་ཅན་ནོ། །མགྲིན་པར་ཨཾ་གི་རང་བཞིན་ལས། །ཕུང་པོ་ལྔ་ཡི་དྭངས་མ་འདུས། །དེ་ལས་འདབ་མ་བཅུ་དྲུག་ཚུལ། །རོ་ཡི་དྭངས་མ་བཅུ་དྲུག་འདུས། །ལོངས་སྤྱོད་རྫོགས་པའི་སྐུ་ཡི་ཚུལ། །སྤྱི་བོར་ཨོཾ་གྱི་རྣམ་པ་ལ། །བྱང་སེམས་དཀར་དམར་རྣམ་པ་ལས། །བད་མཁྲིས་དྭངས་མ་སུམ་ཅུ་གཉིས། །བདེ་བ་ཆེན་པོའི་སྐུ་ཡི་ཚུལ། །འཁོར་ལོ་བཞི་ལ་སྐུ་བཞི་གནས། །དེ་ལྟར་རྩ་རྣམས་འཁོར་ལོ་རྣམས། །ཤེས་ན་རྩ་དང་འཁོར་ལོ་ལ། །རང་སེམས་གནས་ཏེ་བསྐྱེད་རིམས་འགགས། །རྩ་ཡི་བསྒོམ་པའི་ལམ་དུ་འདོད། །རླུང་ནི་རིགས་གཅིག་རིགས་གཉིས་གསུམ། །རིགས་བཞི་ནས་བཟུང་ཉི་ཁྲིའི་བར། །རྩ་ཡི་ལམ་བྱུང་སྣ་རུ་བགྲང་། །དགག་པ་ལ་ཡང་རྩ་རུ་ཤེས་པ་སྟེ། །རྫོགས་པའི་རིམ་པ་འདི་དག་ལ། །བླ་མའི་མན་ངག་མ་རྙེད་ན། །སེམས་གནས་རྙེད་པར་མི་འགྱུར་རོ། །དེ་ལྟར་རྩ་དང་རླུང་ལ་ཡང་། །དབང་པོ་རབ་འབྲིང་ཕྱེ་བ་ཡིས། །ཉིན་མཚན་བསྒོམ་པ་བསམ་མི་ཁྱབ། །ཐིག་ལེ་ཧཱུཾ་ལས་ཙིཏྟར་གྱུར། །སྙིང་ནི་རྩེ་བཟློག་མགྲིན་པ་ནས། །སྲོག་གི་སྐར་ཁུང་ཁ་ཕྱེ་ནས། །དེར་དམིགས་ཐིག་ལེའི་རྣལ་འབྱོར་ཡིན། །གསང་བའི་རྡོ་རྗེ་ ― DNG022_Page_0586 ―
[མ་དཔེ་གཟིགས་ན་འདིར་གནོན།]
པདྨ་ཡི། །བྷ་ག་འམ་ནི་ཟེ་འབྲུ་ལ། །བྱང་སེམས་དཀར་དམར་སྒོམ་བྱེད་པ། །བྱང་ཆུབ་སེམས་ཀྱི་སྒོམ་ལམ་ཡིན། །རྩ་ནས་བྱང་ཆུབ་སེམས་ཀྱི་བར། །དེ་དག་ཀུན་གྱི་མཚན་ཉིད་ཀྱང་། །མཁས་པས་ཤེས་པར་བྱ་བ་སྟེ། །མཚན་ཉིད་ངེས་ཚིག་ལས་དང་ཚུལ། །དབྱེ་བ་ལ་སོགས་རྣམ་པ་བཅུ། །མཚན་ཉིད་རྒྱས་པར་ཤེས་པར་བྱ། །དེ་དག་སྒོམ་པའི་ལམ་ཡིན་ཏེ། །རྩ་ནི་སྒོམ་པའི་སྦྱོར་ལམ་ཡིན། །རླུང་ནི་སྒོམ་པའི་བར་ཆད་མེད། །ཐིག་ལེས་རྣམ་པར་གྲོལ་བ་སྟེ། །བྱང་སེམས་ཁྱད་པར་ལམ་ཡིན་པས། །མཁས་པས་རྫོགས་ལ་ནན་ཏན་བྱ། །རྫོགས་པ་ལས་སུ་རུང་བ་ན། །དེ་ལ་བསྐྱེད་པ་དགག་སྒྲུབ་མེད། །རང་སེམས་རྫོགས་པར་སྣང་ཙམ་ན། །བསྐྱེད་པའི་མ་མོ་མིང་ཡང་མེད། །དེ་ཕྱིར་བསྐྱེད་པ་གོལ་ས་ཡིན། །རྫོགས་པའི་ལམ་གྱི་ཚུལ་ལ་ཡང་། །སྐྱེ་བ་བཞི་ཡི་རིམ་པར་སྦྱར། །རྩ་དང་རླུང་གི་ཐིག་ལེ་ལས། །ཡེ་ཤེས་རྒྱན་གྱི་རྣམ་པ་སྟེ། །རྩ་ནི་རྩི་སྐྱ་ལྟ་བུ་ལ། །ཡི་གེ་ཟིལ་པ་ལྟ་བུར་གནས། །ལྟེ་བར་ཀ་ཡི་སྡེ་ཚན་ལ། །སྤྱི་བོ་དང་ནི་མགྲིན་པ་རུ། །ཨ་ཡི་སྡེ་ཚན་རྣམ་པར་གནས། །སྙིང་གར་ཨ་གཅིག་གཞན་མ་ཀ །ལྟེ་བར་ཤེས་རབ་ངོ་བོ་ལས། །སྙིང་གར་ཐབས་ཀྱི་སྦྱོར་བས་བརྒྱན། །མགྲིན་པ་ཡུམ་གྱི་རང་བཞིན་ལ། །སྤྱི་བོར་ཡབ་ཀྱི་རྒྱན་གྱིས་བརྒྱན། །ཐབས་དང་ཤེས་རབ་ཁ་སྦྱོར་ལས། །མ་མོ་རང་གསལ་ཡེ་ཤེས་ཆ། །ཡབ་དང་ཡུམ་གྱི་ཁ་སྦྱར་བ། །མ་མོ་ལྷུན་གྲུབ་ཆོས་ཀྱི་ཆ། །སྙིགས་མའི་རྩ་རྣམས་འགྲོ་འདོད་ཀྱི། །རྩ་བ་འཇོངས་མོ་ལྟ་བུ་ལ། །སྦོམ་ཕྲ་བད་མཁྲིས་རྩ་ལས་ཤེས། །བརྒྱ་དང་ཉི་ཤུ་དར་དཀར་གྱི། །སྐུད་པ་ཙམ་དུ་ངེས་པ་ཡིན། །དབྱིབས་ནི་པདྨ་འཁོར་ལོ་འདྲ། །སུམ་ཅུ་རྩ་གཉིས་དར་དཀར་གྱི། །རྩ་བ་ཕྲ་སྟེ་རིང་ཐུང་ཡང་། །སོར་གཉིས་མཁས་པས་ཤེས་པར་བྱ། །སྙིང་པོའི་རྩ་ནི་ཡུངས་ཀར་ཙམ། །ཚངས་པའི་བུ་ག་ནས་སོར་གཉིས། །སྐྱེས་ནས་སྣ་རྩེའི་བར་དུ་གནས། །དབུ་མ་ཤིང་གི་རྣམ་པ་ལ། །གཡས་གཡོན་སྦྲུལ་གྱི་རྣམ་པར་གནས། །གོ་རོ་ཙ་ན་ ― DNG022_Page_0587 ―
[མ་དཔེ་གཟིགས་ན་འདིར་གནོན།]
དབུས་ན་གནས། །མགྲིན་པའི་གླིང་དུ་ནས་དེ་བཞིན། །སྒལ་ཚིགས་དབྱུག་པ་ལ་བརྟེན་གནས། །འདི་དག་གནས་པའི་ཚུལ་རྣམས་ཀྱང་། །སངས་རྒྱས་སྒོམ་ཏེ་མ་མཛད་ལ། །སེམས་ཅན་སྒྲིན་ཏེ་མ་བཅོས་པས། །རང་བཞིན་གནས་ཏེ་མ་མོར་འདོད། །རང་བཞིན་མ་མོའི་དོན་རྟོགས་ནས། །བསྐྱེད་པའི་མ་མོ་གོལ་དང་སྒྲིབ། །རླུང་ལ་སོགས་པ་ཀུན་ལ་སྦྱར། །དེ་དག་སྒོམ་ལམ་ཡིན་པར་བཤད། །དེ་ནས་འབྲས་བུའི་ལམ་བཤད་དེ། །སྒོམ་ལམ་ངག་དབང་རང་བཞིན་ལས། །འབྲས་ལམ་སེམས་ཀྱི་ངོ་བོ་ཐོབ། །ཕྲ་བ་དང་པོའི་བདེ་བ་སྟེ། །ཀུན་ཏུ་ཕྲ་བ་མཆོག་གི་བདེ། །ཀུན་ནས་ཕྲ་བ་བདེ་བྲལ་བདེ། །ཕྲ་བའི་ཕྲ་བ་ལྷན་ཅིག་བདེ། །འདི་དག་འབྲས་བུའི་ལམ་ཡིན་ཏེ། །དང་པོ་བདེ་བ་མུ་ཁ་ལེ། །གཉིས་པ་གཡང་ས་མ་མོ་དྲུག །གསུམ་པ་མ་མོ་བཅུ་བཞི་སྟེ། །བཞི་པ་ལྔ་བཅུ་ཡིན་པར་འདོད། །འདོད་ཆགས་ཆེན་པོ་གཅིག་ཉིད་ལ། །བདེ་བའི་བྱེ་བྲག་བཞི་རུ་བྱུང་། །རྡོ་རྗེའི་རྩ་བར་ཕྱིན་པ་ལ། །དང་པོའི་བདེ་བར་འདོད་པ་ཡིན། །རྡོ་རྗེའི་སྐེད་པར་ཕྱིན་པ་ལས། །མཆོག་གི་བདེ་བར་འདོད་པ་ཡིན། །བྷ་གའི་ནང་དུ་གཉིས་པ་དང་། །གསུམ་པ་བསྐྱོད་པའི་བདེ་བ་ཡིན། །མ་མོའི་རང་བཞིན་དེ་ཤེས་ན། །ཟབ་མོའི་མ་མོའི་གོལ་ས་སྟེ། །དེ་ལ་གནས་པ་ཡོད་མ་ཡིན། །ཇི་ལྟར་སྣང་ཞིང་སྲིད་པ་ནས། །རྡོ་རྗེ་པདྨ་སྤྱོད་པའི་བར། །ཐམས་ཅད་མ་མོར་རང་གསལ་ཏེ། །དེ་ལྟར་རྟོགས་ན་དངོས་གྲུབ་ཉེ། །རང་གསལ་མ་མོ་མ་རྟོགས་པས། །མ་མོར་སྨྲ་བ་ཐང་རེ་ཆད། །མ་མོར་སྤྱོད་པ་སྙིང་རེ་རྗེ། །དེ་ལ་སེམས་གནས་རིམ་པ་ཡང་། །བདེ་བ་དང་པོ་ནས་བཟུང་ནས། །རིམ་གྱིས་རང་སེམས་བདེ་བ་རུ། །གནས་ཀྱི་བར་དུ་གོམས་པར་བསླབ། །གོམས་ནས་རང་སེམས་ བདེ་བ་སྟེ། །བདེ་ལམ་མ་མོ་ཡིན་པར་ངེས། །མཚན་མའི་རྣམ་རྟོག་དེ་ལ་མེད། །རྣམ་རྟོག་གསུམ་ལས་གྲོལ་བས་ན། །དེ་ལས་གྲོལ་བའི་མ་མོར་འདོད། །འཇིག་རྟེན་ཆགས་པ་ལ་སོགས་པ། །སྤོང་བའི་སེམས་བཅུ་དེ་ལ་ཡོད། །དེ་དག་འབྲས་ ― DNG022_Page_0588 ―
[མ་དཔེ་གཟིགས་ན་འདིར་གནོན།]
བུའི་ལམ་ལ་ཡང་། །སྦྱོར་ལམ་ལ་སོགས་གོང་དང་འདྲ། །མ་མོ་ལམ་རྒྱུད་ལུང་ལས། སྔོན་དུ་འགྲོ་བའི་ལམ་བསྟན་པའི་ལེའུ་སྟེ་དང་པོའོ།། །།དེ་ནས་དྲུག་པ་རྣམ་གྲོལ་ལམ། །གྲོལ་བ་མེ་ལོང་ཡེ་ཤེས་ཏེ། །དག་ཅིང་གསལ་ལ་རྙོག་པ་མེད། །ཡེ་ནས་གྲོལ་བ་མཉམ་པ་ཉིད། །བླང་དང་དོར་བའི་ཆོས་རྣམས་མེད། །ངེས་པར་གྲོལ་བ་སོ་སོར་རྟོགས། །གོལ་དང་དངོས་ཀྱི་ཆོས་རྣམས་ནི། །སོ་སོར་རྟོགས་པའི་ངེས་པའོ། །གྲོལ་བའི་གྲོལ་བ་དག་པ་ན། །བྱ་བ་ནན་ཏན་ཡེ་ཤེས་ཏེ། །ཆོས་དབྱིངས་ཡེ་ཤེས་བྱ་བ་ཡིན། །དེ་ལ་ནན་ཏན་ཡེ་ཤེས་ཡིན། །དེ་ལྟར་ཡེ་ཤེས་ལྔ་ཡི་ངང་། །གྲོལ་བའི་མ་མོ་ཡིན་པར་གསུངས། །ཆུ་ནི་ཡེ་ནས་དྭངས་པ་ལས། །གློ་བུར་རྙོག་མས་དྭངས་མ་ཡིན། །དེ་བཞིན་རང་གི་སེམས་ཉིད་ཀྱང་། །ཡེ་ནས་གྲོལ་བའི་རང་བཞིན་པས། །གྲོལ་བའི་མ་མོ་ཡིན་པར་བཤད། །དེ་ལྟར་གྲོལ་བའི་མ་མོ་ལ། །བླང་བར་བྱ་བ་ཡེ་ནས་མེད། །དོར་བའང་ཡེ་ནས་ཡོད་མ་ཡིན། །བླང་དོར་མེད་པའི་ངོ་བོ་སྟེ། །མ་བཅོས་རང་ བཞིན་ལྷུན་གྱིས་གྲུབ། །བྱ་བཙལ་བྲལ་བའི་སྟོང་པ་ཉིད། །མ་མོ་ཀུན་གྱི་ཡང་རྗེ་མོ། །འདི་ལས་སྐུ་ལ་སོགས་པར་སྣང་། །སྣང་ཙམ་ཉིད་ན་སྣང་བ་མེད། །སྣང་བ་མེད་ལས་སྣང་བ་མཚར། །སྐྱེ་བ་མེད་ལས་སྐྱེས་པ་མེད། །དེ་ལྟའི་མ་མོ་གྲོལ་ལམ་ལ། །མཁས་པས་དང་པོ་བླ་མ་ལས། །མན་ངག་བཙལ་ཏེ་གཏན་ལ་དབབ། །དེ་ནས་མོས་པ་ཡིད་ལ་བྱ། །མོས་པའི་ཡིད་ནི་རྣམ་རྟོག་སྟེ། །འདི་ཉིད་འགགས་པས་འདི་ཉིད་ཐོབ། །འདི་ཉིད་རྟོག་བྲལ་ལྷུན་གྱིས་གྲུབ། །མ་མོ་ལྷུན་གྱིས་གྲུབ་པའི་སྐུ། །འདི་ཐོབ་བྱ་བའི་འབྲས་བུ་མེད། །འདི་རྟོགས་རྟོགས་པའི་བྱ་བ་མེད། །འདི་དག་མ་མོའི་རང་གནས་ཡིན། །དེ་ལ་ཡིད་ཆེས་ནན་ཏན་གྱིས། །མ་མོ་ལམ་རྒྱུད་ལུང་ལས། གྲོལ་བའི་ལམ་བསྟན་པའི་ལེའུ་སྟེ་གཉིས་པའོ།། །།དེ་ནས་མ་མོའི་ས་བསྟན་པ། །རྣམ་རྟོག་ལས་ ― DNG022_Page_0589 ―
[མ་དཔེ་གཟིགས་ན་འདིར་གནོན།]
ཀྱིས་མི་ཤིགས་པའི། །ཕྱིར་ན་མ་མོའི་ས་ཞེས་བྱ། །དེ་ནི་ས་ཡི་མཚན་ཉིད་དེ། །འཇིག་རྟེན་འདས་པའི་ཡོན་ཏན་ཀུན། །བརྟེན་མིན་སྐྱེ་བའི་ཕྱི་རིམ་མམ། །ཡང་ན་གོང་མ་གོང་མ་ཡིས། །མཚན་ཉིད་བརྟེན་པའི་ཕྱིར་ན་ནི། །ས་ཡི་མཚན་ཉིད་ལས་བྱུང་བས། །བརྟན་པས་ས་ཡི་ལས་སུ་གསུངས། །སྲ་བ་ས་ཡི་མཚན་ཉིད་དེ། །དེ་ལྟར་སྐྱེས་བུས་ཤེས་གྱུར་ན། །མ་མོའི་ས་ལ་མཁས་པ་ཡིན། །ས་ལ་མཁས་པར་མ་འོངས་ན། །བརྟན་དང་སྲ་བར་མི་འགྱུར་ཏེ། །དེ་ལྟར་ས་ལ་མི་གནས་པར། །མ་མོ་སྒྲུབ་པ་སྙིང་རེ་རྗེ། །རེ་ཞིག་ས་ལ་རྣམ་པ་གསུམ། །འཇིག་རྟེན་རིག་འཛིན་ས་དང་ཡང་། །མ་མོ་བྱ་བྲལ་རྫོགས་པའི་ས། །འཇིག་རྟེན་འདས་པའི་རིག་འཛིན་ས། །དེ་ལྟར་ས་ནི་རྣམ་པ་གསུམ། །བཅུ་བདུན་ས་ཡི་རང་བཞིན་འདོད། །འཇིག་རྟེན་རིག་འཛིན་ས་ལ་གཉིས། །ཚོགས་ཀྱི་རིག་འཛིན་ས་དང་ཡང་། །སྦྱོར་བ་རིག་འཛིན་ས་དང་གཉིས། །རང་གི་སེམས་ཀྱི་ཆ་གཉིས་ཏེ། །སེམས་ནི་སྣ་ཚོགས་བག་ཆགས་ཏེ། །བག་ཆགས་དག་ནི་སེམས་ཀྱི་ཆ། །བེམ་པོ་མ་ཡིན་སེམས་སུ་འདོད། །ཡེ་ཤེས་ཆ་གཉིས་ས་གཉིས་ཡིན། །འཇིག་རྟེན་འདས་པའི་རིག་འཛིན་ས། །བཅུ་པོའི་རང་བཞིན་ངེས་པ་སྟེ། །རབ་ཏུ་དགའ་དང་དྲི་མ་མེད། །འོད་བྱེད་པ་དང་འོད་འཕྲོ་དང་། །སྦྱང་དཀའ་དྲུག་པ་རིང་དུ་སོང་། །བདུན་པ་མི་གཡོ་ལེགས་པའི་བློ། །དེ་བཞིན་དགུ་དང་བཅུ་པའི་བར། །རིག་འཛིན་ས་བཅུ་ཡིན་པར་གསུངས། །བྱ་བྲལ་རྫོགས་པའི་ས་ལྔ་སྟེ། །མི་འགྱུར་ཆོས་ཉིད་དབྱིངས་ཀྱི་ས། །དང་པོ་ས་ཡི་རང་བཞིན་ནི། །མེ་ལོང་ཡེ་ཤེས་དག་པའི་ས། །བྱ་བྲལ་རྫོགས་པའི་ས་གཉིས་སོ། །བླང་དོར་བྲལ་བ་མཉམ་པའི་ས། །གསུམ་པ་ཡིན་ཏེ་གོལ་དང་དངོས། །སོ་སོར་རྟོགས་པ་ས་བཞི་ཡིན། །བྱ་བ་ནན་ཏན་སྲ་ཞིང་བརྟན། །ལྔ་པ་ས་ཡི་རང་བཞིན་ཡིན། །དེ་ལྟར་ལྔ་དང་བཅུ་དང་གཉིས། །ས་ཡི་རང་བཞིན་དེ་དག་ཀྱང་། །ཐ་དད་ཡོད་པ་མ་ཡིན་ཏེ། །རང་སེམས་དག་པའི་ཆ་ལས་ནི། །ས་ཡི་རིམ་པ་འབྱུང་འགྱུར་ཏེ། །རང་སེམས་དག་ ― DNG022_Page_0590 ―
[མ་དཔེ་གཟིགས་ན་འདིར་གནོན།]
པའི་ཆ་མེད་པར། །ས་ཡི་རང་བཞིན་གང་འདོད་པ། །དེ་ནི་དམུ་ཅོར་སྨྲ་བ་ཡིན། །ས་དང་སེམས་སུ་དབྱེ་བ་ཡང་། །ནམ་ཡང་ཡོད་པ་མ་ཡིན་ནོ། །ཤེས་ཤིང་རིག་པའི་ཕྱིར་ན་སེམས། །སྲ་ཞིང་བརྟན་པའི་ཕྱིར་ན་ས། །འགྲོ་ཞིང་བགྲོད་པའི་ཕྱིར་ན་ལམ། །དེ་ཙམ་དེ་ཡི་ཆ་ལ་ནི། །ས་དང་ལམ་གྱི་ཐ་སྙད་ བཏགས། །དོན་དམ་གང་ཡང་ཡོད་མ་ཡིན། །ཡོད་ན་གོང་མ་འབྱུང་མི་འགྱུར། །འོག་མ་ཉིད་ཀྱང་དེ་བཞིན་ནོ། །དེ་དག་ས་ཡི་རིམ་པའོ། །མ་མོ་ལམ་རྒྱུད་ལུང་ལས། མ་མོའི་ས་བསྟན་པའི་ལེའུ་སྟེ་གསུམ་པའོ།། །།དེ་ནས་ཡང་དག་རབ་བཤད་པ། །མ་མོའི་འབྲས་བུའི་རིམ་པ་ཡང་། །རྣམ་པ་ལྔ་རུ་དབྱེ་བ་ལས། །ཚོགས་ལམ་དབང་གི་འབྲས་བུ་སྟེ། །སྦྱོར་ལམ་ཚོགས་ཀྱི་འབྲས་བུ་ཡིན། །མཐོང་ལམ་སྦྱོར་བའི་འབྲས་བུ་ཡིན། །སྒོམ་ལམ་མཐོང་བའི་འབྲས་བུ་ལ། །སྒོམ་པའི་འབྲས་བུ་འབྲས་བུའི་ལམ། །འབྲས་བུའི་ལམ་གྱི་འབྲས་བུ་ནི། །བྱ་བྲལ་རྫོགས་པ་ཡིན་པར་འདོད། །འདི་ནི་ལམ་གྱི་འབྲས་བུ་སྟེ། །སྔ་མ་རྒྱུ་སྟེ་ཕྱི་མ་ལམ། །འབྲས་བུ་ཡིན་པར་ཐམས་ཅད་འདོད། །ལམ་འབྲས་རྒྱུ་འབྲས་ཇི་བཞིན་དུ། །ས་ཡི་རྒྱུ་འབྲས་དེ་བཞིན་ཏེ། །མཚན་ཉིད་འབྲས་བུ་བཞི་བཅུ་གཉིས། །འབྲས་བུ་འདི་དག་ཐམས་ཅད་ཀྱང་། །རང་གི་སེམས་ཀྱི་ཆ་ཡིན་ཏེ། །སེམས་ལས་གཞན་པའི་རྒྱུ་འབྲས་ནི། །གང་ཡང་ཡོད་པ་མ་ཡིན་ནོ། །དེ་ལྟར་འབྲས་བུ་འདོད་པས་ཀྱང་། །སེམས་ཀྱི་མན་ངག་བཙལ་བར་བྱ། །སེམས་ཀྱི་མན་ངག་རྙེད་གྱུར་ན། །འབྲས་བུ་ཐ་སྙད་བཏགས་པ་ཙམ། །སེམས་ལས་གཞན་པ་གང་ཡང་མེད། །དེ་ལྟར་སེམས་རྟོགས་འབྲས་བུ་ནི། །ཐོབ་བྱ་ནམ་ཡང་ཡོད་མ་ཡིན། །ཐོབ་བྱ་མེད་པའི་འབྲས་བུ་ནི། །རང་རིག་རང་གསལ་ཡེ་ནས་གྲུབ། །འདི་ནི་འབྲས་རབ་རང་བཞིན་དག །དག་པ་མེད་ལས་དག་པའི་ཚུལ། །སྐྱེ་བ་མེད་ལས་སྐྱེས་པའི་ཚུལ། །སྣང་བ་མེད་ལས་སྣང་བའི་ཚུལ། །ཚུལ་ལ་བཏགས་ནས་འབྲས་བུར་བཏགས། །བཏགས་པ་ཡོད་པ་མ་ ― DNG022_Page_0591 ―
[མ་དཔེ་གཟིགས་ན་འདིར་གནོན།]
ཡིན་ཏེ། །མན་ངག་ཅན་གྱིས་ཤེས་པར་བྱ། །མ་མོའི་འབྲས་བུ་བསྟན་པ་སྟེ། །དེ་ལས་གཞན་པའི་སྨྲ་བ་དག །བུད་མེད་ཚུལ་ལས་གྲུབ་པ་ཡིས། །མ་མོའི་གཟུགས་ལ་མ་མོར་འདོད། །རྒྱན་ལ་སོགས་པ་དེ་བཞིན་འདོད། །དེ་ནི་མི་ཤེས་མུན་པས་བསྒྲིབས། །གཟུགས་ནི་མ་མོ་མ་ཡིན་ཏེ། །ཐམས་ཅད་སེམས་སུ་རང་བཞིན་ཕྱིར། །གཟུགས་ཀྱི་མ་མོ་གོལ་བ་ཡིན། །གཟུགས་ནི་སེམས་ཀྱི་སྣང་བ་སྟེ། །དཔེར་ན་བྱད་ཀྱི་གཟུགས་བརྙན་བཞིན། །དེ་ལྟར་རྒྱུ་འབྲས་གང་འདོད་ཀྱང་། །སེམས་ཀྱི་རྩ་བ་བྱང་ཆུབ་སེམས། །སྐྱེ་མེད་སྟོང་པའི་རྩ་བ་བཙལ། །རྩ་བ་རྙེད་ན་རྩེ་མོ་ཉམས། །འབྲས་ཐོབ་འབྲས་བུའི་ཁྱད་པར་འབྱུང་། །འབྱུང་བ་མེད་ལས་འབྱུང་བ་མཚར། །ཐོབ་པ་མེད་ལས་ཐོབ་པ་མཚར། །རིག་པ་མེད་ལས་ རང་རིག་མཚར། །གསལ་བ་མེད་ལས་རང་གསལ་མཚར། །དེ་ལྟའི་འབྲས་རབ་དམ་པ་འདི། །འབྲས་ཐོབ་འབྲས་བུའི་ནང་ན་ཐོབ། །མ་མོ་ལམ་རྒྱུད་ལུང་ལས། མ་མོའི་འབྲས་བུ་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་དག་རབ་བཤད་པ། །ས་དང་ལམ་གྱི་ངོ་བོ་ནི། །དྲན་པ་ཉེར་གཞག་བཞི་དང་ཡང་། །སྤོང་བ་བཞི་དང་རྫུ་འཕྲུལ་གྱི། །རྐང་པ་བཞི་དང་ཚོགས་ལམ་གྱི། །མཚན་ཉིད་ཡིན་པར་འདོད་པའོ། །ངོ་བོ་སེམས་ཀྱི་རང་བཞིན་ཡིན། །དེ་ཡང་འདི་ལྟར་ཤེས་པར་བྱ། །ལུས་དྲན་ཉེ་བར་གཞག་པ་ཡང་། །མ་མོ་ལུས་དྲན་ཉེར་གཞག་སྟེ། །མི་བརྗེད་ཕྱིར་ན་དྲན་པ་སྟེ། །ཀུན་ལ་ཚུལ་འདི་ཤེས་པར་བྱ། །སྦྱོར་བའི་ལམ་གྱི་མཚན་ཉིད་བཅུ། །དབང་པོ་ལྔ་དང་སྟོབས་ལྔ་སྟེ། །ངོ་བོ་སེམས་ལས་གཞན་མ་ཡིན། །མཐོང་བའི་ལམ་ལ་བདུན་ཡིན་ལ། །བསྒོམ་པའི་ལམ་ཡང་ལྔ་ཡིན་ཏེ། །འབྲས་བུ་ལམ་གྱི་མཚན་ཉིད་ནི། །གསུམ་དུ་མཁས་པས་ཤེས་པར་བྱ། །བྱ་བྲལ་རྫོགས་པའི་མཚན་ཉིད་ནི། །སྟོང་པ་མ་བཅོས་ལྷུན་གྲུབ་ཡིན། །མ་མོའི་མཚན་ཉིད་རྟོགས་པ་ལ། །མཚན་མ་མི་འབྱུང་གང་ཡང་མེད། །དཔེར་ན་མེ་ལས་དུ་བ་བཞིན། །དུ་བས་མཚོན་པའི་མེ་དང་ནི། ། ― DNG022_Page_0592 ―
[མ་དཔེ་གཟིགས་ན་འདིར་གནོན།]
མཚན་མས་མཚན་པའི་མཚན་ཉིད་དང་། །གོལ་ས་གང་ཡང་ཡོད་མ་ཡིན། །དེ་བས་དང་པོའི་མཚན་ཉིད་ལ། །མཁས་པས་ནན་ཏན་བྱ་བ་ཡིན། །མཚན་ཉིད་ལས་ནི་མཚན་མ་འབྱུང་། །མཚན་མའི་སྒོ་ནས་མཚན་ཉིད་ལ། །གནས་པ་ཡིན་པར་རྟོགས་པ་སྐྱེ། །རྟོགས་པས་སྒྲོ་དང་སྐུར་པ་སྤོང་། །སྤངས་པས་ངན་འགྲོ་སྲིད་ལམ་སྒྲོལ། །མཚན་མ་མེད་པའི་མཚན་ཉིད་ནི། །པི་ལུ་ར་དང་པི་ཐ་ར། །མུ་སྟེགས་པ་ཡི་སྒྲུབ་པ་ཡིན། །མཚན་ཉིད་དབྱེ་བ་དེ་ལྟར་ཏེ། །སྤྱི་ཡི་མཚན་ཉིད་འདི་ལྟར་ཡིན། །མ་ནུ་ས་རའི་དོན་མ་རྟོགས། །རང་སེམས་གོལ་བའི་སྣང་བ་ལས། །སྒྱུ་མ་རང་གསལ་ཡུལ་ལ་རོལ། །རང་རང་སྒྱུ་མར་སྣང་བ་ལ། །གོང་མ་གོང་མས་གཞལ་བ་ན། །འོག་མ་འོག་མས་མེད་པར་སྣང་། །མེད་པ་སྣང་དུ་མི་རུང་སྟེ། །གོལ་བས་ཡོད་པ་ལྟ་བུར་སྣང་། །སྨིག་རྒྱུ་འཛིན་པའི་ཤེས་པ་བཞིན། །མེད་པ་སྣང་བས་ངོ་མཚར་ཏེ། །གྲོལ་བ་ཤེས་པས་ངོ་མཚར་རོ། །གོལ་བའི་ངོ་མཚར་དམན་པ་ནི། །ལས་ཀྱི་ཆོ་འཕྲུལ་ངོ་མཚར་ཏེ། །གོལ་བ་ཁྱད་པར་ངོ་མཚར་ཆེ། །བླ་མའི་མན་ངག་ངོ་མཚར་ཆེ། །མ་མོ་བསྐྱེད་དང་རྫོགས་པ་དང་། །རྫོགས་ཆེན་ཡང་ནི་གོལ་བ་སྟེ། །ཏིང་འཛིན་ཆོ་འཕྲུལ་ངོ་མཚར་ཆེ། །ཏིང་འཛིན་ཆོ་འཕྲུལ་ངོ་མཚར་ཅན། །དྲི་ཟའི་གྲོང་ཁྱེར་ཇི་བཞིན་དུ། །སྣང་སྟེ་མེད་པ་ཁོ་ནའོ། །དེ་ལྟར་མེད་པའི་ཏིང་འཛིན་ལ། །བསྒོམ་དང་བཟླས་པས་ཅི་ཞིག་བྱ། །མེད་པས་ཡོངས་གྲུབ་འགྱུར་བ་ན། །བླ་མའི་མན་ངག་ཅི་ལ་དགོས། །དེ་དག་རིག་པ་བདེན་མོད་ཀྱིས། །རེ་ཞིག་འདི་ལྟར་ཤེས་པར་བྱ། །མེད་པ་གསུང་བ་གཉིས་པ་ལ། །རེ་ཞིག་ཡོད་པ་གཉིས་པ་ཡིན། །གོལ་བ་དངོས་པོ་གཉིས་པ་ལ། །དངོས་པོའི་གནས་པ་བཞི་པ་སྟེ། །གོལ་བའི་དངོས་པོར་མི་འགྱུར་ཞིང་། །མེད་པས་ཡོད་པར་མི་འགྱུར་ཀྱང་། །མཛུབ་མོས་ཟླ་བ་སྟོན་པ་ལྟར། །ཡོད་པའི་མཚན་ཉིད་ཚོལ་བ་ལྟར། །མེད་པ་ཐབས་ཀྱི་ཡན་ལག་ཡིན། །དངོས་པོའི་གནས་ཐབས་ཚོལ་བ་ལས། །གོལ་བ་ཐབས་ཀྱི་བྱེ་བྲག་ཡིན། །དཔེར་ན་སཱ་ལུའི་ས་བོན་ལས། །སཱ་ལུའི་ ― DNG022_Page_0593 ―
[མ་དཔེ་གཟིགས་ན་འདིར་གནོན།]
འབྲས་བུ་འབྱུང་བ་ལ། །ས་གཞི་དང་ནི་ལུད་དང་ཆུ། །རྨོད་པ་ལ་སོགས་རིམ་པ་ཀུན། །སཱ་ལུའི་འབྲས་བུར་མི་འགྱུར་ཏེ། །སཱ་ལུའི་རྒྱུ་ལས་ས་ལུ་ཡི། །འབྲས་བུ་འབྱུང་བའི་ཐབས་སུ་སྣང་། །དེ་བཞིན་རྟོག་བཅས་གསུམ་པ་ཡང་། །བཞི་པོ་རྟོགས་མེད་འབྱུང་པའི་རྟགས། །ཡིན་པར་འདས་པའི་སངས་རྒྱས་གསུངས། །ཇི་ལྟར་སྣང་བའི་རྣམ་རྟོག་འདི། །སྐྱེ་བའི་རིམ་པ་མ་བཀག་པར། །རྣམ་རྟོག་མྱོས་པའི་སེམས་འདི་ཡིས། །སྟོང་པ་ལྷུན་གྲུབ་ཇི་ལྟར་རྟོགས། །དེ་ཕྱིར་བསྐྱེད་པ་མེད་པ་ཡོད། །ཡོད་པ་ཟབ་པ་མ་ཡིན་ཏེ། །དོན་བྱེད་མི་ནུས་མེད་དང་འདྲ། །མེད་པས་དམན་པ་མ་ཡིན་ཏེ། །དོན་བྱེད་ཕྱིར་ན་ཡོད་ཀྱང་འདྲ། །བསྐྱེད་པའི་རྣམ་རྟོག་ཕྲ་བ་འདི། །རྫོགས་པའི་རིམ་པས་མ་བསལ་བར། །སྐྱེ་མེད་རྟོགས་པར་མི་འགྱུར་ཏེ། །སྐྱེད་པའི་རྟོག་པས་ཉམས་ཕྱིར་རོ། །རྫོགས་དང་རྫོགས་ཆེན་དེ་བཞིན་ཏེ། །རྣམ་རྟོག་རླུང་འདི་མ་འགགས་བར། །ཡེ་ཤེས་མེ་འདི་འབར་མི་འགྱུར། །ཡེ་ཤེས་མེ་འདི་མ་འབར་ན། །མ་རིག་མུན་སེལ་མི་འགྱུར་ཏེ། །མ་རིག་མུན་པ་མ་བསལ་བར། །རང་རིག་རང་གསལ་རང་ལས་འབྱུང་། །རང་རིག་རང་གིས་མ་གསལ་བར། །སྐུ་ལ་སོགས་པའི་ཐ་སྙད་མེད། །དཔེར་ན་བུ་གའི་རླུང་མ་བཀག །མར་མེ་འབར་བར་མི་འགྱུར་ལ། །མར་མེ་འབར་བར་མ་གྱུར་ན། །མུན་པ་བསལ་བར་མི་འགྱུར་རོ། །བསྐྱེད་པའི་རིམ་པར་མི་གནས་ཀྱང་། །སྦྱིན་པའི་ཚོགས་ལ་འབད་དེ་བསླབ། །དེ་ཡིས་རང་སེམས་སྨིན་པར་འགྱུར། །སྨིན་པས་རྣམ་རྟོག་ཉེར་ཞི་ནས། །བསྐྱེད་པའི་རིམ་པར་ལེགས་གནས་འགྱུར། །ལམ་གྱི་ངོ་བོ་དེ་ལྟ་བུ། །གང་གིས་མི་ཤེས་དམུ་ཅོར་དུ། །ཐབས་དང་བྲལ་བའི་སྟོང་པ་ནི། །ནམ་མཁའི་གོས་ཅན་འདོད་པ་ཡིན། །མ་མོ་ལམ་རྒྱུད་ ལུང་ལས། ལམ་གྱི་མཚན་ཉིད་བསྟན་པའི་ལེའུ་སྟེ་ལྔ་པའོ།། །།དེ་ནས་མ་མོའི་ས་དང་ལམ། །འབྲས་བུའི་རྟགས་ནི་བཤད་པར་བྱ། །སྦྱིན་དང་ཚུལ་ཁྲིམས་ལ་སོགས་ཀྱིས། །ས་ཡི་མཚན་ཉིད་དེ་དག་ལ། །འཁོར་གསུམ་ ― DNG022_Page_0594 ―
[མ་དཔེ་གཟིགས་ན་འདིར་གནོན།]
རྣམ་པར་དག་པ་སོགས། །ས་བཅུའི་རྟགས་སུ་ཤེས་པར་བྱ། །བྱམས་དང་སྙིང་རྗེ་དང་པོའི་རྟགས། །དགའ་དང་བཏང་སྙོམས་འཇིག་རྟེན་གྱི། །རིག་འཛིན་ས་ནི་གཉིས་པའི་རྟགས། །གསེར་གྱི་ས་གཞི་མནན་ན་ནེམ། །བཏེགས་ན་འཕར་པ་ལ་སོགས་པ། །བྱ་བྲལ་ལྷུན་གྲུབ་ས་ཡི་རྟགས། །དེ་ལྟར་ས་ཡི་རྟགས་བསྟན་ནས། །འབྲས་བུའི་རྟགས་ནི་འདི་ལྟ་སྟེ། །དང་པོར་སྣང་བ་འགགས་པ་ལས། །བསྐྱེད་པའི་རིམ་པ་གང་སྣང་བ། །མ་མོ་བསྐྱེད་པའི་རྟགས་ཡིན་ཏེ། །བསྐྱེད་པ་ལ་སོགས་སྣང་བ་འགགས། །རྫོགས་པའི་ཚུལ་དུ་གང་སྣང་བ། །དེ་ནི་མ་མོའི་འབྲས་བུའི་རྟགས། །རྟོགས་པའི་སྣང་བ་ལ་སོགས་འགགས། །རྫོགས་པ་ཆེན་པོར་གང་སྣང་བ། །རྫོགས་པ་ཆེན་པོའི་འབྲས་བུའི་རྟགས། །བླང་དོར་གང་ཡང་མེད་པ་སྟེ། །བྱ་བྲལ་རྫོགས་པའི་འབྲས་བུའི་རྟགས། །དེ་ལྟར་འབྲས་བུའི་རྟགས་བཤད་ནས། །ལམ་གྱི་རྟགས་ནི་འདི་ལྟར་ཏེ། །དང་པོ་ཚོགས་ཀྱི་ལམ་རྟགས་ཀྱང་། །ཐུན་མོང་བརྒྱད་དང་ཐུན་མོང་མིན། །བཞི་ནི་ངེས་པར་སྐྱེ་བ་སྟེ། །ཚོགས་ཀྱི་ལམ་ལ་ཡེ་གནས་ན། །ལུས་ལ་ཕྱི་ནང་སྲིན་འབུ་མེད། །སྐྲ་དཀར་མེད་དེ་མཐོན་མཐིང་འདྲ། །གཉེར་མ་མེད་དེ་ལོ་བརྒྱ་ཐུབ། །ཁམས་ཀྱི་ཟས་བྲལ་གཉིད་མེད་སོགས། །ཐུན་མོང་རྟགས་བརྒྱད་འབྱུང་བའོ། །ལུས་ལ་དྲོད་དང་རྔུལ་ལ་སོགས། །ཐུན་མོང་མ་ཡིན་རྟགས་རྣམས་འབྱུང་། །དེ་བཞིན་སྦྱོར་བའི་ལམ་རྟགས་ནི། །ཐུན་མོང་བརྒྱད་དང་ཐུན་མོང་མིན། །བཞི་སྟེ་བཅུ་གཉིས་ངེས་པར་འབྱུང་། །མཐོང་ལམ་ཐུན་མོང་རྟགས་རྣམས་དང་། །ཐུན་མོང་མ་ཡིན་རྟགས་རྣམས་ནི། །མཐོང་བའི་ལམ་གྱི་མཚན་ཉིད་བཞིན། །ཇི་ལྟར་འཇིག་རྟེན་སྣང་བ་བཞི། །དང་པོ་སྤྲིན་གྱི་རྣམ་པ་ལ། །གཉིས་པ་དུ་བ་ལྟ་བུ་སྟེ། །གསུམ་པ་གློག་གི་རྣམ་པ་ལ། །བཞི་པ་མར་མེ་ལྟ་བུར་སྣང་། །དེ་རྣམས་མཐོང་བའི་ལམ་རྟགས་སོ། །ཐུན་མོང་རྟགས་རྣམས་ཀུན་ལ་སྦྱར། །དེ་ནས་སྒོམ་པའི་ལམ་རྣམས་ནི། །བསྒོམ་པ་ལམ་གྱི་མཚན་ཉིད་ནི། །ཇི་ལྟར་བསྒོམ་པ་གནས་གྱུར་པ། ། ― DNG022_Page_0595 ―
[མ་དཔེ་གཟིགས་ན་འདིར་གནོན།]
ལམ་གྱི་མཚན་ཉིད་དེ་ཉིད་དུ། །ཇི་ལྟར་འཇིག་རྟེན་གྲགས་པ་སྣང་། །དང་པོར་སྤྲིན་གྱི་རྣམ་པ་སྟེ། །གཉིས་པ་དུ་བ་ལྟ་བུ་ལ། །གསུམ་པ་གློག་གི་རྣམ་པ་ལ། །བཞི་པ་མར་མེ་ལྟ་བུར་སྣང་། །དེ་ནི་སྒོམ་པའི་ལམ་རྟགས་སོ། །དེ་ནས་འབྲས་བུའི་ལམ་རྟགས་ཀྱང་། །རེ་ཞིག་འདི་ལྟར་ཤེས་པར་བྱ། །འབྲས་བུ་ལམ་གྱི་མཚན་ཉིད་ལ། །སེམས་ནི་ངེས་པར་གནས་པས་ན། །འབྲས་བུ་ལམ་གྱི་ངོ་བོ་རུ། །ཕྱི་དང་ནང་དུ་སྣང་བ་མཐོང་། །དང་པོར་སྤྲིན་གྱི་རྣམ་པར་མཐོང་། །གཉིས་པ་དུ་བ་ལྟ་བུ་སྟེ། །གསུམ་པ་སྲིན་བུ་མེ་ཁྱེར་ལ། །བཞི་པ་མར་མེ་ལྟ་བུ་སྟེ། །དོན་དང་འདྲེལ་པའི་རྟགས་ཡིན་ནོ། །བྱ་བྲལ་རྫོགས་པའི་ལམ་རྟགས་ནི། །ཇི་ལྟར་འདི་ལྟར་སྣང་བ་ཀུན། །བྱ་བྲལ་ལམ་གྱི་མཚན་ཉིད་དེ། །སྟོང་པ་ནམ་མཁའ་ལྟ་བུར་སྣང་། །དེ་ལྟར་རྒྱུད་ན་བྱ་བྲལ་རྫོགས། །དངོས་པོར་སྨྲས་པ་ཡོད་མ་ཡིན། །དངོས་པོར་འདོད་པས་དངོས་མ་གྲུབ། །དངོས་མེད་དངོས་པོའི་དངོས་སྟོབས་ཡིན། །མཚན་མ་སྟོང་པར་སྣང་བའི་ཚེ། །ཕྱི་དང་ནང་གི་ཆོས་རྣམས་ཀུན། །སྟོང་པ་ཉིད་དུ་གྱུར་རམ་ཅི། །འགྲོ་བ་རོལ་པ་རྣམ་འཇིག་ཅིང་། །འཁོར་བའི་དོང་སྤྲུག་འགྱུར་རམ་ཅི། །ད་ནི་དེ་ལྟར་མ་ཡིན་ཏེ། །ཕྱི་དང་ནང་དུ་སྣང་བ་ཡང་། །རང་གི་སེམས་ཀྱི་སྣང་བ་སྟེ། །སྣང་བ་ལོགས་ན་ཡོད་མ་ཡིན། །དཔེར་ན་སྐར་ཁུང་ཁང་པ་དང་། །ར་བ་ལ་སོགས་སྣང་བ་ཡང་། །ཐབ་ཀྱི་མེ་ཡི་སྣང་བ་སྟེ། །མེ་ཉིད་མེད་པར་གྱུར་པ་ན། །མེ་ཡི་སྣང་བ་མེད་པར་འགྱུར། །ཇི་སྲིད་མེ་ནི་ཡོད་བར་དུ། །མེ་ཡི་སྣང་བ་ཡོད་པར་འགྱུར། །དེ་ཕྱིར་རང་སེམས་རྟོག་པས་སྟོང་། །ཕྱི་ནང་དངོས་པོ་དེ་བཞིན་སྟོང་། །རང་སེམས་སྟོང་པར་མ་གྱུར་ན། །ཕྱི་ནང་སྟོང་པར་མི་འགྱུར་རོ། །རང་སེམས་སྟོང་པར་གྱུར་པའི་ཚེ། །ཕྱི་དང་ནང་དུ་སྣང་བ་ཡི། །རང་གི་རྟོག་པས་སྟོང་པ་ལས། །ཆད་ལྟའི་སྟོང་པ་དེ་མ་ཡིན། །རང་གི་རྟོག་པས་སྟོང་པའི་ཕྱིར། །ཕྱི་ནང་ཆོས་ནི་མེད་པ་ཡིན། །ཕྱི་ནང་ཆོས་རྣམས་མེད་ཡོད་ཀྱང་པའི་ཕྱིར། །འགྲོ་བའི་རོལ་པ་མི་འཇིག་ཅིང་། །འཁོར་བ་དོང་སྤྲུག་མི་འགྱུར་རོ། །དཔེར་ན་མིག་གིས་གཟུགས་ལ་བལྟས། །དེ་ནི་གཟུགས་སུ་སྣང་བ་སྟེ། །མིག་གཟུགས་གཟུགས་ཀྱི་སྣང་བས་སྟོང་། ། ― DNG022_Page_0596 ―
[མ་དཔེ་གཟིགས་ན་འདིར་གནོན།]
གཟུགས་ཀྱི་སྣང་བས་སྟོང་པ་ལས། །ཕྱི་ན་གཟུགས་མེད་མ་ཡིན་ནོ། །དེ་བཞིན་རང་སེམས་རྟོག་པས་སྟོང་། །ཕྱི་ནང་ཆོས་ནི་མེད་མ་ཡིན། །འདི་ནི་མཚན་ཉིད་རྒྱལ་པོ་ཡིན། །རང་སེམས་མར་མེ་ལྟར་སྣང་སོགས། །དངོས་པོའི་མཚན་མར་གསུངས་པ་ཡིན། །སྐུ་ལ་སོགས་པ་སྣ་ཚོགས་འབྱུང་། །མངོན་པར་ཤེས་པ་དྲུག་སྐྱེས་ཏེ། །སྔོན་གྱི་གནས་ནི་ཤེས་པ་དང་། །གཞན་གྱི་སེམས་ཀྱང་ཤེས་པ་དང་། །འཆི་འཕོ་དང་ནི་སྐྱེ་བ་དང་། །རྫུ་འཕྲུལ་གྱི་ནི་མངོན་ཤེས་དང་། །གཞན་ཡང་མངོན་པར་ཤེས་པ་ཡང་། །མིག་གིས་འཇིག་རྟེན་གཟུགས་རྣམས་ནི། །སྐད་ཅིག་གཅིག་ལ་མཐོང་བ་དང་། །རྣ་བས་སྒྲ་ནི་སྣ་ཚོགས་ཐོས། །སྣ་ཡིས་སྣ་ཚོགས་དྲི་ཚོར་ཞིང་། །ལྕེ་ཡིས་སྣ་ཚོགས་རོ་ མྱོང་ཞིང་། །ལུས་ཀྱིས་རེག་བྱ་རྟོགས་པར་འགྱུར། །དེ་དག་རྟགས་ཀྱི་རིམ་པའོ། །མ་མོའི་རྒྱུད་ལུང་ལས། མ་མོའི་རྟགས་བསྟན་པའི་ལེའུ་སྟེ་དྲུག་པའོ།། །།དེ་ལྟར་མ་མོའི་རྟགས་བསྟན་པ། །ལམ་ཐོབ་པ་ཡི་ཚད་བཤད་པ། །མཉམ་གཞག་དང་ནི་རྗེས་ཐོབ་སྟེ། །རྗེས་ཐོབ་འགྲོ་དང་ཟ་དང་ཉལ། །ཀུན་ཏུ་བཟང་མོའི་གཟུགས་བརྙན་གྱིས། །བསྐྱེད་པའི་རིམ་པའི་སྣང་བ་སྟེ། །ཚོགས་ཀྱི་ལམ་གྱི་མཐར་ཕྱིན་ཚད། །དེ་བཞིན་དག་པས་བསྐྱེད་པ་ལ། །འགྲོ་འདུག་ལ་སོགས་ལ་སེམས་པ། །སྦྱོར་བའི་ལམ་གྱི་མཐར་ཕྱིན་ཚད། །དེ་ལས་སེམས་ནི་ཁྱད་འཕགས་ཏེ། །དག་པ་རང་བཞིན་བསྐྱེད་པ་ལ། །ཉིན་མཚན་རྟག་ཏུ་སེམས་གནས་པ། །སྦྱོར་ལམ་ཆ་གཉིས་མཐར་ཕྱིན་ཚད། །ཡིན་པ་ཉིད་དུ་ཐེ་ཙོམ་མེད། །བསྐྱེད་པ་ཙིཏྟའི་དཀྱིལ་འཁོར་ལ། །ལོ་དང་བསྐལ་པར་སེམས་གནས་པ། །མཐོང་བའི་ལམ་གྱི་མཐར་ཕྱིན་ཚད། །རྩ་དང་རླུང་སོགས་ངོ་བོ་རུ། །རྟག་ཏུ་མི་འགྱུར་སེམས་གནས་པ། །སྒོམ་པའི་ལམ་གྱི་མཐར་ཕྱིན་ཚད། །ཡིན་པ་ཉིད་དུ་རྣམ་པར་འདོད། །རང་སེམས་རྟག་ཏུ་གང་གནས་པ། །འབྲས་བུ་ལམ་གྱི་མཐར་ཕྱིན་ཚད། །ཡིན་པ་ཉིད་དུ་ཐེ་ཚོམ་མེད། །བྱ་བྲལ་རྫོགས་པའི་ངོ་བོ་རུ། །ཇི་སྲིད་འཁོར་བ་སྟོངས་ ― DNG022_Page_0597 ―
[མ་དཔེ་གཟིགས་ན་འདིར་གནོན།]
ཀྱི་བར། །ཡེ་ཤེས་དང་དུ་གནས་པ་དེ། །བྱ་བྲལ་རྫོགས་པའི་མཐར་ཕྱིན་ཚད། །ཡིན་པ་ཉིད་དུ་ཤེས་པར་བྱ། །དེ་ལྟར་ཚད་དང་མི་ལྡན་པས། །རང་འདོད་བསམ་པ་སྣ་ཚོགས་ཀྱིས། །ལས་ལ་སོགས་པ་ཁས་འཆེས་ཤིང་། །སྒྲོ་དང་སྐུར་པའི་མཐའ་ལ་གནས། །འདི་ནི་ལོག་ལྟ་མ་རུངས་པ། །མཐོང་བའི་ཆོས་ལ་དམྱལ་སོགས་འཚེད། །དེ་བས་ལམ་དང་ལམ་གྱི་ཚད། །མན་ངག་ཅན་ལས་ཤེས་པར་བྱ། །མན་ངག་ཡོད་ན་བསམ་གཏན་བྱ། །མེད་ན་འབད་མེད་བཟླས་སོགས་བྱ། །ཐ་མལ་པ་ཡི་སྤྱོད་པ་ལ། །སྐད་ཅིག་གནས་པར་མ་གསུངས་སོ། །དཔེར་ན་རྒྱལ་པོའི་རྒྱལ་བུ་ཡང་། །རྒྱལ་བུའི་བྱ་བ་ཁོ་ན་ལས། །རིགས་ངན་བྱ་བ་སྤངས་ནས་གནས། །འདི་བཞིན་མ་མོའི་ལམ་འདི་ནི། །འཇིག་རྟེན་ལམ་གཞན་བགྲོད་མ་ཡིན། །ལམ་གཞན་བགྲོད་དང་སྐྱེ་བ་མེད། །དེ་བས་འབད་པ་ཐམས་ཅད་ཀྱིས། །མ་མོའི་ལམ་ལ་ནན་ཏན་བྱ། །དེ་བས་རང་ལ་ལམ་རྣམས་སྐྱེ། །སྐྱེས་ཚུལ་ཚད་དུ་ཕྱིན་པ་དང་། །འབྲས་བུ་རང་བྱུང་ཐོབ་པར་འགྱུར། །རང་བྱུང་སངས་རྒྱས་མཚན་ཉིད་དེ། །དེ་བས་མ་མོ་ལ་སོགས་ སངས་རྒྱས་དང་། །ཐ་དད་མེད་པས་གང་ཡང་མེད། །དེ་ནི་མཐར་ཕྱིན་འབྲས་བུའི་ཚད། །ཡིན་ཏེ་རྟོགས་ལ་སོགས་པ་ཀུན། །བརྟན་དང་སྲ་བའི་ས་ཡི་ཡང་། །མཐར་ཕྱིན་པ་ཡི་ཚད་ཡིན་ནོ། །སྟོང་པ་ནམ་མཁའ་ལྟ་བུར་སྣང་། །མཚན་མ་མཐར་ཕྱིན་པ་ཡི་ཚད། །ཡིན་ནོ་དེ་ལྟར་ནན་ཏན་གྱིས། །དེ་དག་མཐར་ཕྱིན་པ་ཡི་ཡིན། །མ་མོ་ལམ་རྒྱུད་ལུང་ལས། མཐར་ཕྱིན་པའི་ཚད་བསྟན་པའི་ལེའུ་སྟེ་བདུན་པའོ།། །།དེ་ནས་ཡང་དག་རབ་བཤད་པ། །དེ་ཡིས་སྤང་བའི་རྣམ་རྟོག་ཀྱང་། །འདི་ལྟར་ཤེས་པར་བྱ་བ་སྟེ། །མཐོང་བའི་ལམ་ལས་སྤང་བ་ནི། །ཇི་ལྟར་འཇིག་རྟེན་གྲགས་པ་དང་། །མདོ་སྡེ་ཀྲྀ་ཡ་ཡོ་ག་དང་། །གཉི་ག་རྒྱུ་དང་ཐབས་ཀྱི་ནི། །ལམ་རྣམས་འདི་ལྟར་རྣམ་རྟོག་སྟེ། །དེ་དག་སྤངས་ནས་མ་མོ་ཡི། །མཐོང་བའི་ལམ་ན་གང་གནས་པ། །སྤོང་བ་དང་པོ་ཡིན་པར་ངེས། །མ་མོ་མཐོང་བའི་ལམ་པ་ཡི། །མཉམ་གཞག་རྗེས་ ― DNG022_Page_0598 ―
[མ་དཔེ་གཟིགས་ན་འདིར་གནོན།]
ཐོབ་མ་ལུས་པ། །སྦྱོར་བའི་ལམ་གྱི་རྣམ་རྟོག་སྟེ། །རྣམ་རྟོག་དེ་ཉིད་སྤངས་ནས་ཀྱང་། །སྦྱོར་བའི་ལམ་ཉིད་ཉམས་སུ་བླང་། །ཐུན་མོང་རྣམ་རྟོག་འོག་མ་བཞིན། །དེ་ནི་སྦྱོར་ལས་སྤང་བྱའོ། །སྦྱོར་བའི་ལམ་གྱི་མཚན་ཉིད་གང་། །མཐོང་བའི་ལམ་པའི་རྣམ་རྟོག་ལས། །མཐོང་བའི་ལམ་པས་དེ་ཉིད་སྤང་། །རྣམ་རྟོག་གཉིས་པས་ཐུན་མོང་སྟེ། །ཐུན་མོང་ཡིན་ཕྱིར་གཉིས་ཀ་སྤང་། །མཐོང་བའི་ལམ་གྱི་མཚན་ཉིད་གང་། །སྒོམ་པའི་ལམ་པའི་རྣམ་རྟོག་ཡིན། །རྟོག་པ་ཡིན་ཕྱིར་དེ་ཉིད་སྤང་། །རྣམ་རྟོག་གསུམ་ནི་ཐུན་མོང་ལ། །གསུམ་པོ་དེ་ཉིད་སྤང་བར་གསུངས། །སྒོམ་པའི་ལམ་གྱི་མཚན་ཉིད་གང་། །འབྲས་བུའི་ལམ་གྱི་རྣམ་རྟོག་སྟེ། །འབྲས་བུའི་ལམ་པས་དེ་ཉིད་སྤང་། །འབྲས་བུའི་ལམ་སྤོང་ཐུན་མོང་བཞི། །སྤང་བ་རུ་ནི་སངས་རྒྱས་གསུངས། །འབྲས་བུའི་ལམ་གྱི་མཚན་ཉིད་ནི། །བྱ་བྲལ་རྫོགས་པའི་རྣམ་རྟོག་ཡིན། །བྱ་བྲལ་རྫོགས་པས་དེ་ཉིད་སྤང་། །ཐུན་མོང་ལྔ་ཡང་དེ་བཞིན་ནོ། །སྤང་བར་བྱ་བའི་རྣམ་རྟོག་ཀྱང་། །ཡོད་ནས་སྤང་ངམ་མེད་ནས་སྤོང་། །གོང་མས་འོག་མ་ཇི་ལྟར་སྤོང་། །དེ་ལྟར་འདི་དག་ཤེས་པར་བྱ། །རྣམ་པར་རྟོག་པའི་ངོ་བོ་ཡང་། །ཡེ་ནས་ཡོད་པ་མ་ཡིན་ཏེ། །དཔེར་ན་འཇིག་རྟེན་གྲགས་པ་ཡང་། །ཀ་བ་རྩིགས་པ་རེ་ལྡེ་སོགས། །ཕྱི་རུ་སྣང་བ་དེ་དག་དང་། །སྐྱེས་པ་བུད་མེད་མ་ནིང་སོགས། །ནང་དུ་སྣང་བ་དེ་དག་ནི། །ཚོགས་ཀྱི་ལམ་པའི་རྣམ་རྟོག་ལས། །དེ་དག་ཡེ་ནས་ཡོད་མ་ཡིན། །རང་སེམས་གོལ་བའི་སྣང་བ་སྟེ། །སེམས་དང་མེད་དེ་གོལ་ནས་སེམས། །གོལ་ས་སད་ན་སེམས་མེད་སྟེ། །སྣང་བ་ཡེ་ནས་ཡོད་མ་ཡིན། །དེ་ལྟར་མེད་པར་རྟོགས་པ་ལ། །སྤོང་བའི་ཐ་སྙད་བཏགས་པ་སྟེ། །སྤང་བ་དངོས་སུ་མ་ཡིན་ནོ། །མེད་ལ་རྟོགས་ནས་སྤོང་ཡོད་ན། །མེད་པ་སྤང་དུ་མི་འདོད་སྟེ། །གཉིས་ཀ་དངོས་པོ་ཡིན་པའི་ཕྱིར། །མེད་པ་ལ་ཡང་སྤང་བ་མེད། །མེད་ལས་ཡོད་པ་ལྟར་སྣང་བ། །དེ་དག་རྟོགས་པ་ལ་སྤོང་ཞེས། ། ― DNG022_Page_0599 ―
[མ་དཔེ་གཟིགས་ན་འདིར་གནོན།]
རྣམ་པར་འདྲེན་པ་རྣམས་ཀྱིས་གསུངས། །མཐོང་བས་བསྐྱེད་པའི་རིམ་པ་ཡང་། །སྦྱོར་བའི་ལམ་པའི་རྣམ་རྟོག་ལ། །ཚོགས་ཀྱིས་བསྐྱེད་པའི་རིམ་དེ་ཡང་། །དངོས་སུ་ཡོད་པ་མ་ཡིན་ཏེ། །རང་སེམས་སྣང་བ་དག་པ་ལ། །བསྐྱེད་པའི་མ་མོ་སྐུ་ལྟར་སྣང་། །སྣང་སྟེ་སྣང་ལ་རང་བཞིན་མེད། །མེད་པ་དངོས་སུ་སྤང་བ་མེད། །མེད་པ་རྟོགས་ལ་སྤོང་ཞེས་བཏགས། །བཏགས་པ་ནམ་ཡང་ཡོད་མ་ཡིན། །དེ་ལྟར་སྦྱོར་བའི་ལམ་དེ་ཡང་། །མཐོང་བའི་ལམ་གྱི་རྣམ་རྟོག་སྟེ། །སྤོང་བ་ལ་སོགས་དེ་བཞིན་ནོ། །གོང་མ་རྣམས་དང་དེ་བཞིན་སྦྱར། །གནས་སྐབས་རང་སེམས་གོལ་བ་སྟེ། །དེ་ཡང་རེ་ཞིག་གོལ་ས་བཙལ། །སེམས་བཟུང་ཡན་ལག་བསམ་མི་ཁྱབ། །གོལ་ས་བསམ་གྱིས་མི་ཁྱབ་བོ། །གོང་མས་འོག་མ་སྤོང་བ་ཡང་། །འོག་མའི་རྣམ་རྟོག་འགགས་ཙམ་ན། །གོང་མའི་རྣམ་པར་རྟོག་པ་སྟེ། །དེ་ཡི་ཆ་ཙམ་ལ་དངོས་ནས། །གོང་མའི་ཡེ་ཤེས་སྣང་བ་ཡི། །འོག་མའི་རྣམ་རྟོག་སྤང་ཞེས་བཏགས། །མ་མོའི་དངོས་པོ་རང་གནས་ལ། །སྤོང་དང་རྣམ་རྟོག་ཐ་སྙད་མེད། །རང་སེམས་གོལ་བའི་བྱེ་བྲག་ལ། །རྣམ་རྟོག་སྤང་ཞེས་གྲགས་པ་ཡིན། །དོན་དམ་པ་ཡི་མཚན་ཉིད་ནི། །རྣམ་རྟོག་ཉིད་ནི་མ་མོ་ལ། །མ་མོ་ཉིད་ནི་རྣམ་རྟོག་ཡིན། །དེ་ལྟར་རྟོགས་ན་གྲོལ་བ་ལས། །གཞན་པའི་ལྟ་བས་གྲོལ་བ་མེད། །གྲོལ་བ་ཞེས་པ་ཐ་སྙད་དེ། །ཐ་སྙད་སྤང་བ་རང་གསལ་ཡིན། །དེ་དག་ཤེས་རབ་མ་མོ་ཡིས། །རྣམ་རྟོག་སྤོང་བའི་མཚན་ཉིད་དོ། །མ་མོ་ལམ་རྒྱུད་ལུང་ལས། རྣམ་པར་རྟོག་པ་སྤང་བའི་ཚུལ་བསྟན་པའི་ལེའུ་སྟེ་བརྒྱད་པའོ།། །།དེ་ནས་ཡང་དག་རབ་བཤད་པ། །དེ་ལ་བར་དུ་གཅོད་པའི་བདུད། །མཁས་པས་འདི་ལྟར་ཤེས་པར་བྱ། །བདུད་ནི་རྣམ་པ་བཞི་ཡིན་ཏེ། །འདོད་ཆགས་ཞེ་སྡང་ལ་སོགས་པ། །ཕལ་པ་ཉོན་མོངས་བདུད་ཡིན་ཏེ། །འདོད་ཆགས་ཆེན་པོ་ལ་སོགས་པ། །མ་མོ་རང་གསལ་བྱ་བྲལ་རྫོགས། །ཇི་ལྟར་གོལ་བའི་མ་མོ་དེ། །བླ་མ་ལྷ་ཡི་བུ་ཡི་བདུད། །སྐྱེ་མེད་དོན་ལ་གང་གོལ་བ། །སྐྱེ་བ་ཡིན་ཕྱིར་འཆི་བདག་བདུད། ། ― DNG022_Page_0600 ―
[མ་དཔེ་གཟིགས་ན་འདིར་གནོན།]
སྟོང་པ་གཅིག་ལས་གང་གོལ་ནས། །སྣ་ཚོགས་དུ་མར་གང་འཛིན་པ། །དེ་ནི་ཕུང་པོའི་བདུད་དུ་གྲགས། །དེ་དག་བདུད་བཞིའི་ངོ་བོ་སྟེ། །ཚོགས་ཀྱི་ལམ་ལ་བདུད་བཞི་སྟེ། །ཚོགས་ཀྱི་སྐབས་ཀྱི་ཉོན་མོངས་དྲུག །ཉོན་མོངས་པ་ཡི་བདུད་ཡིན་ཏེ། །ཉོན་མོངས་བདུད་ཀྱང་མ་བྲལ་ན། །རང་སེམས་བདེ་བར་མི་འགྱུར་རོ། །ཚོགས་ཀྱི་ཉེར་ལེན་ཕུང་པོ་སོགས། །ཕུང་པོའི་བདུད་དུ་རིག་པར་བྱ། །ཚོགས་ཀྱི་གོལ་སྒྲིབ་གང་སྟོན་པ། །བླ་མ་ལྷ་ཡི་བུ་ཡི་བདུད། །ཚོགས་ལམ་དམ་པར་སྐྱེ་བ་མེད། །སྐྱེ་བ་མེད་ལས་གང་སྐྱེས་པ། །འཆི་བདག་བདུད་དུ་རིག་པར་བྱ། །དེ་ལྟ་བུ་ཡི་བདུད་བཞི་བྱུང་བ་ཡང་། །ལྷ་ཡི་བུ་ཡི་བདུད་ཡིན་པས། །དད་པ་དང་ནི་རྩོལ་བ་དང་། །གསེར་དངུལ་ལ་སོགས་རིན་ཆེན་དང་། །རྟ་དང་གླང་པོ་ལ་སོགས་པས། །ལྷ་ཡི་བུ་ཡི་བདུད་སྤངས་ཏེ། །བླ་མ་དམ་པ་རྟག་ཏུ་བསྟེན། །མན་ངག་གཏེར་གྱི་རྩ་བ་བཅད། །བདུད་ཀྱི་འཇིགས་པ་རྟག་ཏུ་སྤང་། །འཇིགས་པའི་བདུད་བཞི་གཞོམ་པ་ཡང་། །དམ་པའི་བླ་མ་ལས་ཤེས་བྱ། །དེ་ནས་སྦྱོར་བའི་བདུད་བཞི་ཡང་། །སྦྱོར་བའི་སྐབས་ཀྱི་ཉོན་མོངས་དྲུག །ཉོན་མོངས་པ་ཡི་བདུད་དུ་གྲགས། །སྦྱོར་བའི་ལམ་གྱི་གོལ་བ་ནི། །སྟོན་པ་བླ་མ་ལྷ་ཡི་བདུད། །ཉོན་མོངས་སྐྱེ་བ་ཡང་དེ་ཉིད། །སྦྱོར་ལམ་ཟབ་མོ་སྐྱེ་བ་མེད། །སྐྱེ་བ་མེད་ལས་སྐྱེ་བར་གོལ། །འདི་དག་འཆི་བདག་བདུད་ཡིན་ཏེ། །འདི་ཡང་འདི་ལས་བྱུང་བ་ཡིན། །སྦྱོར་བའི་ལམ་གྱི་ཉེར་ལེན་སོགས། །རྣམ་རྟོག་དུ་མ་ཕུང་པོའི་བདུད། །དེ་ཡང་ལྷ་ཡི་བུ་ལས་བྱུང་། །དེ་ལྟར་བདུད་ཀྱི་རྩ་བ་ཡང་། །ལྷ་ཡི་བུ་ཡི་བདུད་ཡིན་པས། །མིག་དང་འདྲ་བའི་བླ་མ་ལ། །མོས་པ་དང་བ་ལ་སོགས་བྱ། །བདུད་ཀྱི་འཇིགས་པས་སྐྲག་པར་བྱ། །སྐྲག་ནས་བདུད་གཞོམ་བདེ་ཐབས་བཙལ། །དེ་ནས་མཐོང་བའི་བདུད་བཞི་ཡང་། །མཐོང་བའི་གོལ་བ་གང་སྟོན་པ། །བླ་མ་འདྲ་བས་ལྷ་ཡི་བདུད། །འཕྲལ་དུ་དགའ་བདེ་ལྷ་དང་འདྲ། །བདེ་ལ་བར་ཆོད་བདུད་དུ་འགྱུར། །དེ་ལས་ཉོན་མོངས་ ― DNG022_Page_0601 ―
[མ་དཔེ་གཟིགས་ན་འདིར་གནོན།]
བདུད་འབྱུང་སྟེ། །གོལ་ལམ་གྲུབ་པ་སེམས་ཉོན་མོངས། །ཉོན་མོངས་པ་ཡི་བདུད་དུ་འགྱུར། །སྡུག་བསྔལ་བསྐྱེད་པ་ཉོན་མོངས་ཏེ། །དགེ་ལ་བར་དུ་གཅོད་པས་བདུད། །འདི་ཡང་བདུད་ཀྱི་རྩ་བ་སྟེ། །ཉོན་མོངས་དབང་གི་གསུམ་པོ་འབྱུང་། །དེ་ལྟར་གྱུར་པའི་ཉོན་མོངས་འདི། །ནམ་ཡང་མི་གཞོམ་མ་ཡིན་ནོ། །དེས་བསྟན་ལམ་གོལ་དུ་མ་ནི། །ཕུང་པོའི་བདུད་དུ་ངེས་པ་སྟེ། །དུ་མ་འདུས་པས་ཕུང་པོ་སྟེ། །དེ་ཡི་བར་དུ་གཅོད་པས་བདུད། །བདུད་དེ་མྱུར་དུ་མ་བཅོམ་ན། །འཁོར་བར་སྐྱེ་བ་སྐད་ཅིག་མེད། །དེས་བསྟན་གོལ་བས་སྐྱེ་བ་སྟེ། །འདི་ནི་འཆི་བདག་བདུད་ཡིན་ནོ། །སྐྱེ་མེད་མ་རྟོགས་འཆི་བ་སྟེ། །ཚེ་ལ་བར་ཆོད་བདུད་ཡིན་ནོ། །སྐྱེ་མེད་ཆོས་ལ་གནས་གྱུར་ན། །འཆི་བདག་བདུད་ནི་སྤྲེ་དང་འདྲ། །དེ་ནི་མཐོང་བའི་བདུད་བཞི་ཡིན། །དེ་ནས་སྒོམ་ལམ་བདུད་བཞི་ཡང་། །སྒོམ་པའི་ལམ་ལ་གོལ་བ་སྟོན། །བསླུ་བའི་བླ་མ་ལྷ་ཡི་བདུད། །དེ་ཡིས་བསྟན་པས་སེམས་ཉོན་མོངས། །ཉོན་མོངས་བདུད་དུ་ཤེས་པར་བྱ། །ཉོན་མོངས་དབང་གིས་འཆི་བ་འབྱུང་། །དེ་ནི་འཆི་བདག་བདུད་ཡིན་ནོ། །སྒོམ་པའི་ལམ་གྱི་ཉེར་ལེན་ནི། །དེ་ཉིད་ཕུང་པོའི་བདུད་ཡིན་ཏེ། །ཕུང་པོ་མ་གཏོགས་བདུད་གཞན་ནི། །ནམ་ཡང་ཡོད་པ་མ་ཡིན་ནོ། །དེ་ལྟར་བདུད་ཀྱི་རྩ་བ་ནི། །ཕུང་པོའི་བདུད་དུ་ངེས་པ་ཡིན། །བདུད་མ་བཅོམ་པར་ས་དང་ལམ། །ནམ་ཡང་བགྲོད་པར་མི་འགྱུར་རོ། །དེ་ནས་འབྲས་བུའི་བདུད་བཞི་ཡང་། །འབྲས་བུ་གོལ་བར་གང་སྟོན་པའི། །གསོག་པའི་བླ་མ་ལྷ་ཡི་བདུད། །དེ་ལྟར་འབྲས་ལམ་བསྒྲུབ་པ་ལས། །སེམས་ཅན་ཉོན་མོངས་ཉོན་མོངས་བདུད། །དེས་ནི་སྐྱེ་བའི་གཡང་སར་ལྷུང་། །འཆི་བདག་བདུད་དུ་ངེས་པའོ། །དེ་ཡི་སྣ་ཚོགས་དུ་མ་ཡིས། །ཕུང་པོའི་བདུད་དུ་ངེས་པའོ། །དེ་ནི་འབྲས་བུའི་བདུད་བཞིའོ། །བྱ་བྲལ་རྫོགས་པའི་བདུད་བཞི་ནི། །བྱ་བྲལ་རྫོགས་པ་གོལ་བ་རུ། །སྟོན་པ་ལྷ་ཡི་བུ་ཡི་བདུད། །དེ་ལས་སེམས་པ་སེམས་ཉོན་མོངས། །ཉོན་མོངས་པ་ཡི་བདུད་ཡིན་ཏེ། །ཉོན་མོངས་དུ་མ་ཕུང་པོའི་བདུད། །ཕུང་པོས་འཇིགས་པ་འཆི་བདག་བདུད། །འདི་ནི་འབྱུང་བའི་བདུད་ ― DNG022_Page_0602 ―
[མ་དཔེ་གཟིགས་ན་འདིར་གནོན།]
བཞི་སྟེ། །བདུད་བཞི་བཅོམ་པར་མ་བྱས་ན། །མ་མོའི་མཚན་མ་རྙེད་མི་འགྱུར། །མ་མོ་མ་རྙེད་བདེ་མི་རྙེད། །སྟོང་པ་མ་རྙེད་དངོས་མི་རྙེད། །ཉེ་བར་འཚོ་བས་སྲོག་ཡིན་ཏེ། །སྲོག་ལ་བར་དུ་གཅོད་པས་བདུད། །འཇིགས་ཤིང་སྐྲག་པར་བྱེད་པས་བདུད། །ལྷུང་ཞིང་བར་དུ་གཅོད་པས་བདུད། །ལམ་ལོག་གཡང་སར་འཁྲིད་པས་བདུད། །རང་རིག་རང་གསལ་འཇོམས་པས་བདུད། །ཡེ་ཤེས་སྒྲོན་མ་གསོད་པས་བདུད། །དེ་ལྟའི་བདུད་ཀྱིས་མ་འཇིགས་པར། །བདུད་ཀྱི་མཚན་ཉིད་ཤེས་པར་བྱ། །བྱ་བྲལ་ལྷུན་རྫོགས་རང་རིག་ལས། །རང་སེམས་གོལ་བས་བདུད་ལྟར་སྣང་། །སེམས་ལས་གཞན་པའི་བདུད་དག་ནི། །གང་ཡང་ཡོད་པ་མ་ཡིན་ནོ། །དཔེར་ན་སྨན་དང་སྔགས་དག་ལས། །སྐྱེས་པ་དང་ནི་བུད་མེད་སྣང་། །དེ་བཞིན་རང་སེམས་གོལ་བ་ལས། །འཆི་བདག་ལ་སོགས་བདུད་ལྟར་སྣང་། །སྣང་ཡང་སེམས་ལས་གཞན་མེད་ཀྱིས། །རང་གི་གོལ་བའི་སེམས་བཅོམ་ན། །བདུད་ཀྱི་ཕུང་པོ་འཇིགས་པར་འགྱུར། །དེ་ཕྱིར་བདུད་འཇོམས་མཐུ་དང་རྩལ། །སུ་ལའང་ཡོད་པ་མ་ཡིན་གྱི། །བླ་མ་དམ་པ་རྟག་ཏུ་བསྟེན། །དམ་པའི་དོན་ལ་ཡིད་ཆེས་བྱ། །དམན་པའི་ལྟ་བ་དོར་བར་བྱ། །མཆོག་གི་ལྟ་བ་དང་དུ་བླང་། །མ་རིག་མུན་པ་རབ་བསལ་བྱ། །དེ་ལྟར་ཤེས་ན་བདུད་ལ་ནི། །སྐྱེས་བུས་འཇིགས་པར་མི་བྱའོ། །བདུད་མེད་རང་གི་སེམས་ཡིན་ན། །དེ་ལས་འཇིགས་པ་སུ་ཞིག་སྐྱེ། །དེ་ལྟར་མཚན་ཉིད་མ་ཤེས་ཤིང་། །རྟོགས་པར་ཡང་ནི་མ་གྱུར་ན། །མི་འཇིགས་པ་ཡང་མ་ཡིན་ལ། །མི་གནོད་པ་ཡང་མ་ཡིན་ནོ། །དེས་ན་བྱ་བྲལ་ལྷུན་གྲུབ་ལས། །རང་སེམས་བདུད་དུ་ཇི་ལྟར་འགྱུར། །རང་སེམས་ཡེ་ནས་སྟོང་པ་སྟེ། །དེར་རྟོགས་རྐྱེན་དང་ཡང་མི་འཕྲད། །གོལ་བའི་རྐྱེན་དང་དེར་འཕྲད་པས། །དེ་ལྟར་རང་སེམས་བདུད་དུ་སྣང་། །རྟོགས་པའི་རྐྱེན་ནི་རྣམ་པ་བཞི། །དམ་པའི་རྒྱུད་དོན་དེ་དང་གཅིག །བླ་མ་དམ་པ་དེ་དང་གཉིས། །དམ་པའི་རྡོ་རྗེ་སྤུན་དང་གསུམ། །མན་ངག་དམ་པ་དེ་དང་བཞི། །འདི་བཞི་རྟོགས་ ― DNG022_Page_0603 ―
[མ་དཔེ་གཟིགས་ན་འདིར་གནོན།]
པའི་རྐྱེན་བཞི་སྟེ། །འདི་དང་མ་འཕྲད་རང་སེམས་གོལ། །གོལ་བའི་རྐྱེན་དང་ཡེ་ནས་འཕྲད། །དེ་ཡང་རྣམ་པ་བཞི་ཡིན་ཏེ། །བདག་དང་རྟོག་པ་རིལ་པོ་སོགས། །དེར་འཛིན་ལོག་པའི་ཤེས་པ་ནི། །འདི་ནི་ལོག་པའི་རྒྱུད་དོན་ཏེ། །ཡེ་ནས་ཡོད་པར་རྒྱལ་བས་གསུངས། །ཕ་དང་མ་དང་དགྲ་དང་གཉེན། །འདི་ནི་ལོག་པའི་བླ་མ་སྟེ། །འཁོར་བ་ཐོག་མེད་དུས་ནས་ཡོད། །སྤུན་དང་ཆུང་མ་ལ་སོགས་པ། །འདི་དག་ལོག་པ་རྡོ་རྗེའི་སྤུན། །དང་པོ་ཉིད་ནས་ཡོད་པའོ། །མི་ཆོས་བླ་མའི་ཆོས་རྣམས་ནི། །དེ་དག་གོལ་བའི་མན་ངག་སྟེ། །ཡེ་ནས་ཡོད་པ་དེ་ཉིད་ཤེས། །དེ་ལྟར་གོལ་བའི་རྐྱེན་བཞི་ནི། །དང་པོ་ཉིད་ནས་ཡོད་པ་སྟེ། །དཔེར་ན་ལུས་དང་གྲིབ་མ་བཞིན། །གོལ་བའི་རྐྱེན་གྱིས་རང་སེམས་གོལ། །རང་སེམས་གོལ་བས་འཇིགས་པ་སྟེ། །འཇིགས་དང་སྐྲག་དང་རང་སེམས་བདུད། །དེ་ལྟར་མ་ཤེས་མ་མོ་བསྒྲུབ། །བསྒྲུབས་ཀྱང་མ་མོ་མི་འགྲུབ་སྟེ། །ནམ་མཁའི་མེ་ཏོག་ཚོལ་བ་བཞིན། །དེ་དག་ངལ་བ་དོན་མེད་ཡིན། །དེ་བས་འབད་དང་ཐམས་ཅད་ཀྱིས། །དམ་པའི་རྒྱུད་ཀྱི་རྗེས་འབྲང་ཞིང་། །བླ་མ་དམ་པ་རྟག་ཏུ་བསྟེན། །དེ་ལས་མན་ངག་དམ་པ་བཙལ། །དམ་པའི་གྲོགས་ཀྱང་རྟག་ཏུ་འགྲོག །འདི་ནི་རང་སེམས་རྟོགས་པའི་རྐྱེན། །རྐྱེན་བཞི་ཡིན་པར་ང་ཡིས་གསུངས། །དེ་ལྟར་སེམས་ཉིད་རྟོགས་པ་ན། །བདུད་ཅེས་བྱ་བ་མིང་ཡང་མེད། །འཇིགས་པ་ལ་སོགས་དེ་བཞིན་ནོ། །གཉེན་ཅེས་བྱ་བ་མིང་ཡང་མེད། །དགྲ་བོ་ལ་སོགས་དེ་བཞིན་ནོ། །དེ་ལྟར་བླ་མ་དམ་པ་ལས། །རང་སེམས་རྟོགས་པའི་རྣལ་འབྱོར་པས། །དགྲ་དང་བདུད་ཀྱི་སྡེ་དང་སྟོབས། །རང་སེམས་ངང་གིས་འཇིག་པར་འགྱུར། །དཔེར་ན་སྒྱུ་མའི་སྦྱོར་བ་ཤེས། །སྒྱུ་མར་སྣང་ཡང་ཡང་དག་གི། །རྟོག་པ་ལོག་ནས་སྒྱུ་མར་འཛིན། །དེ་བཞིན་བདུད་ཀྱི་མན་ངག་ཤེས། །རེ་ཞིག་བདུད་དུ་སྣང་བྱེད་ཀྱང་། །ཐ་དད་བདུད་ཀྱི་ཞེན་པ་ལོག །རང་སེམས་བདུད་དུ་སྣང་བ་འཛིན། །རང་སེམས་བདུད་དུ་ཤེས་པ་ལས། །ཐ་དད་བདུད་ཀྱི་འཇིགས་དང་བྲལ། །བདུད་ཀྱི་འཇིགས་པ་མ་སྐྱེས་ན། ། ― DNG022_Page_0604 ―
[མ་དཔེ་གཟིགས་ན་འདིར་གནོན།]
དངོས་གྲུབ་ཉེ་བའི་རྒྱུ་རུ་འགྱུར། །དེ་དག་བདུད་ཀྱི་བྱེ་བྲག་གོ། །མ་མོ་ལམ་ རྒྱུད་ལུང་ལས། མ་མོ་ལམ་གྱི་བདུད་བསྟན་པའི་ལེའུ་སྟེ་དགུ་པའོ།། །།དེ་ནས་མ་མོ་འཇུག་པ་ཡི། །གང་ཟག་ལེགས་པར་བཤད་བྱ་བ། །ཡེ་ཤེས་མ་མོ་བསྒོམ་བྱ་བའི། །གང་ཟག་འདི་ལྟར་ཤེས་པར་བྱ། །དད་དང་བརྩོན་འགྲུས་ཆེ་བ་དང་། །ངོ་ཚ་ཤེས་ཤིང་ཁྲེལ་ཡོད་དང་། །མི་དགེའི་བྱ་བ་ཀུན་སྡོམ་ཞིང་། །ལུས་ངག་དགེ་ལ་དམ་ཚིག་སྡོམ། །བྱང་སེམས་སྙིང་རྗེ་དགའ་སེམས་ལྡན། །དུས་དྲུག་དམ་ཚིག་གཏན་དུ་བསྲུང་། །དཀོན་མཆོག་སྤྱི་ཆད་དང་དུ་ལེན། །དམན་པ་རྣམས་ལ་སྙིང་རྗེ་ལྡན། །དྲེགས་པ་ང་རྒྱལ་གདུལ་དཀའ་འདུལ། །ཕ་རོལ་ཕྱིན་བཅུ་རྒྱུད་ལ་སྐྱེས། །རིག་པའི་བརྟུལ་ཞུགས་མངོན་དུ་བྱ། །གཏོར་མ་མཎྜལ་རྟག་ཏུ་བྱེད། །བླ་མ་མཉེས་པའི་ཐབས་ལ་མཁས། །རྡོ་རྗེ་སྤུན་ལ་དགའ་སེམས་ཆེ། །བུད་མེད་ཚོགས་ལ་སྨོད་མི་བྱ། །མ་མོའི་དམ་ཚིག་དབང་རྣམས་ཐོབ། །རྒྱ་ཆེན་ཆོས་ལ་མོས་པ་བསྐྱེད། །བློ་གྲོས་ཟབ་ཅིང་རྒྱ་ཆེ་ལ། །མན་ངག་མཐའ་རུ་ཕྱིན་པ་ཡིས། །གང་ཟག་ཡེ་ཤེས་ལམ་ལ་འཇུག །ལས་ཀྱི་མ་མོ་སྒྲུབ་པ་ཡི། །གང་ཟག་མཚན་ཉིད་འདི་ལྟར་བརྟགས། །འཇིགས་མེད་སྙིང་སྟོབས་ཆེ་བ་ཡིས། །ལུས་སེམས་ངག་ནི་རིག་པ་དང་། །སྙིང་རྗེ་ཤས་ཆུང་གསོད་ལ་དགའ། །རྣམ་རྟོག་ཤས་ཆུང་གཉིད་ཡང་ཆུང། །མ་ཞུམས་པ་ལ་འཇིགས་པ་མེད། །གསོད་ལ་དགའ་ཞིང་ཤ་ཁྲག་ལ། །རྟག་ཏུ་རོལ་པར་བྱེད་པ་དང་། །དུར་ཁྲོད་ངམ་གྲོག་ལ་སོགས་པའི། །གནས་ལ་དགའ་ཞིང་སྡུག་སྲན་ཆེ། །མ་མོའི་དམ་རྫས་ཚོལ་བ་ལ། །ཉིན་མཚན་སྲོག་ཀྱང་འདོར་བར་བྱེད། །ལས་ཀྱི་མ་མོའི་མཚན་ཉིད་མཁས། །བསྙེན་དང་བསྒྲུབ་པ་ལ་སོགས་པའི། །ལས་ཀྱི་སྒྲུབ་པ་ཀུན་ལ་མཁས། །སྲོག་དང་ཐུན་གྱི་ལས་སོགས་པའི། །ལས་ཀྱི་ཁ་ཚར་ཀུན་ལ་མཁས། །མ་མོ་སྤྱི་དང་བྱེ་བྲག་གི། །དམ་ཚིག་རྟག་ཏུ་བསྲུང་ལ་བརྩོན། །རྟག་ཏུ་གནས་སུ་རྒྱན་རྒྱུ་འཁྲུལ་འགྲམས་ཤིང་། །མཆོད་དང་གཏོར་མ་རྒྱུན་མི་གཅོད། ། ― DNG022_Page_0605 ―
[མ་དཔེ་གཟིགས་ན་འདིར་གནོན།]
མ་མོ་རྒྱུ་བའི་དུས་ཤེས་ཤིང་། །རྒྱུ་བའི་དུས་སུ་གཏོར་མ་གཏོང་། །ཐུན་ཡང་དབབ་པ་ཤེས་པ་དང་། །ཟླ་བ་དྲུག་དང་ལོ་གཅིག་གམ། །ལོ་གསུམ་སྟན་ནི་དྲོད་མི་ཡལ། །སྦྲིད་དང་མི་ཚིག་བར་མི་གཅོད། །ཐུན་གྱི་སྐབས་སུ་གཉིད་དེ་བཞིན། །བྲང་བརྡུང་འོ་དོད་རྟག་ཏུ་འབོད། །ཆོ་ངེས་སེམས་འཁྲུག་འཆི་མ་གཏོང་། །དུར་ཁྲོད་ཆས་ལ་དགའ་ཞིང་རོལ། །ཆ་ལུགས་བདུད་དང་སྲིན་པོ་འདྲ། །ཤ་རྩ་ནག་ལ་རལ་པ་ཁམ། །མངོན་སྤྱོད་ལས་ཀྱི་མན་ངག་གི། །བླ་མ་རྟག་ཏུ་བསྙེན་ཅིང་བསྟེན། །དད་དང་བརྩོན་འགྲུས་ཆེ་བ་ལ། །གཡེང་དང་བློ་རྒོད་སེམས་མེད་པ། །ལས་ཀྱི་མ་མོ་བསྒྲུབ་པ་ཡི། །གང་ཟག་འདི་ནི་ཡིན་པར་གསུངས། །དེ་ལྟར་གྱུར་པའི་གང་ཟག་གིས། །གསད་གསོ་ལས་ཀྱི་རིམ་པ་དང་། །དབབ་གཅད་ལས་ཀྱི་མཐའ་རྣམས་ཀྱིས། །འགྲུབ་པར་འདི་ལ་ཐེ་ཚོམ་མེད། །ཐེ་ཙོམ་སྤང་བའི་ལས་རྣམས་ནི། །འགྲུབ་པར་མཁས་པས་ཤེས་པར་བྱ། །དེ་དག་མ་མོ་སྒྲུབ་པ་ཡིས། །གང་ཟག་མཚན་ཉིད་བསྟན་པའོ། །གང་ཟག་མཚན་ཉིད་མ་ཤེས་ཤིང་། །མཚན་ཉིད་མི་ལྡན་སློབ་མ་ལ། །མ་མོའི་སྒྲུབ་པ་སྟོན་བྱེད་པ། །དེ་ཡི་བླ་མ་དམུ་ཅོར་ཏེ། །སློབ་དཔོན་ཕུང་སྟེ་སློབ་མ་ཕུང་། །གཉིས་ཀ་ཕུང་བྱེད་དམྱལ་བར་སྐྱེ། །དཔེར་ན་སེང་གེའི་འོ་མ་ཡང་། །རིན་ཆེན་སྣོད་དུ་བཞོ་བྱ་ཞིང་། །རྫ་དང་ཁམ་ཕྱིའི་སྣོད་དུ་མིན། །རྫ་མ་ཆག་ལ་འོ་མ་འབོ། །དེ་བཞིན་གསང་བའི་མ་མོ་ཡི། །མན་ངག་སྙིང་ཁུ་ཀུན་ལ་མིན། །ཕྱལ་པའི་མན་ངག་ཝ་དང་འདྲ། །མ་མོ་ལམ་རྒྱུད་ལུང་ལས། གང་ཟག་བསྟན་པའི་ལེའུ་སྟེ་བཅུ་པའོ།། །།དེ་ནས་མ་མོ་བསྒོམ་པ་དང་། །ལས་ཀྱི་མ་མོ་སྒྲུབ་པ་ཡི། །ཐུན་དང་ཐུན་མཚམས་འདི་ལྟ་སྟེ། །བུད་མེད་བལ་ནི་སྐྱེན་པ་དྲུག །ཡུད་ཙམ་ཡིན་ཏེ་ཡུད་ཙམ་དྲུག །སྐད་ཅིག་ཡིན་ཏེ་སྐད་ཅིག་དྲུག །ཐང་གཅིག་ཡིན་ཏེ་ཐང་གཅིག་དྲུག །དང་པོ་ཐུན་དུ་མཁས་པས་བཟུང་། །མཚམས་ནི་ཐུན་པས་རིང་དུ་བྱ། །གསལ་ལ་རྣམ་པར་མ་འདྲེས་པ། །དང་པོའི་ཐུན་ལ་སེམས་ཟིན་ན། །གཉིས་པའི་ཐུན་ལ་ཐང་གཅིག་ནི། །ཉིས་ ― DNG022_Page_0606 ―
[མ་དཔེ་གཟིགས་ན་འདིར་གནོན།]
འགྱུར་གྱིས་ནི་རིང་བར་བྱ། །མཚམས་ཀྱང་ཐུན་དང་མཉམ་པར་བྱ། །དེ་ལ་རྟོག་མེད་སེམས་གནས་ན། །དེ་ཡི་ཉིས་འགྱུར་ཐུན་ལ་བསམ། །མཚམས་ནི་ཕྱེད་ཀྱིས་རིང་བར་བསམ། །དེ་བཞིན་རང་གསལ་སེམས་གནས་ན། །དེ་ཡི་སུན་འགྱུར་ཐུན་དུ་བསམ། །མཚམས་ནི་ཐང་གཅིག་བཅུ་རུ་བྱ། །དེ་ལ་རང་རིག་རང་གསལ་ན། །ཐུན་ནི་བཞི་འགྱུར་གྱུར་པ་སྟེ། །དེ་ལ་མཚམས་ཀྱི་མིང་ཡང་མེད། །ཐོ་རངས་སྐྱ་རེངས་ཤར་ཙམ་ནས། །དགོངས་ཀ་འམ་ནི་སྲོས་ཀྱི་བར། །རང་སེམས་ཡུལ་ལ་གནས་པར་འབྱུང་། །ནམ་སྲོས་ཐུན་ནི་སྐད་ཅིག་སྟེ། །ཉིན་མཚན་ཐུན་ནི་ཕྱེད་པར་འགྱུར། །དེ་ནས་ཟླ་བ་ཕྱེད་དང་གཅིག །དེ་ནས་ཟླ་བའི་ཐུན་འཕེལ་ནས། །ལོ་ཡི་ཐུན་དང་ལོ་འཕེལ་དང་། །བསྐལ་པའི་བར་དུ་ཐུན་འཕེལ་ཏེ། །ཚེས་གཅིག་ལ་ནི་རང་སེམས་ཐོབ། །དང་པོ་ཐང་གཅིག་བཅུ་ཡི་ཐུན། །དེ་ཡང་ཉིན་ཐུན་བཞི་ཡི་ཚུལ། །ཐོ་རངས་དང་ནི་ཉི་ཤར་མཚམས། །ཟན་ཟོས་ནས་ནི་ཉིན་ཕྱེད་བར། །ཐུན་གཉིས་པ་ཡི་མཚམས་ཡིན་ཏེ། །ཉིན་ཕྱེད་ནས་ནི་ཉི་མ་རྒས། །གསུམ་པའི་ཐུན་མཚམས་ཡིན་པར་འདོད། །དེ་ལྟར་འགྱུར་བའི་ཐུན་བཞི་ཡང་། །མ་མོ་བཞི་ཡི་རང་བཞིན་ཏེ། །ཐུན་གཉིས་པ་ལ་སོགས་པ་ཡང་། །ཐུན་བཞི་ཀུན་ལ་སྦྱར་བར་བྱ། །ཐུན་དེར་བསྒོམ་པའི་སྦྱོར་བ་ཡང་། །མན་ངག་ཅན་གྱིས་འདི་ལྟར་བྱ། །མན་ངག་ལེགས་པར་ཐོབ་པ་དང་། །ཁྱད་པར་ཅན་གྱི་གནས་བཙལ་ཏེ། །བར་ཆད་གང་ཡང་མེད་པའི་གནས། །བདེ་ཞིང་འཇམ་པའི་སྟན་ལ་ཡང་། །ལེགས་པའི་གོས་དང་ཟས་བཤམས་ལ། །ངལ་དུབ་སྐྱོ་བའི་སེམས་སྤངས་ཏེ། །གཉིད་དང་མྱོས་པ་མ་ཡིན་པ། །ལུས་ངག་སེམས་ནི་བདེ་བ་དང་། །གཞན་གྱིས་གཡེངས་པར་མ་ཡིན་པར། །རང་སེམས་དུལ་ཞིང་གནས་པ་ཡིས། །དུས་གསུམ་སྟན་ལ་ལེགས་འདུག་སྟེ། །དང་པོར་ལུས་སེམས་ཆ་ལ་དབབ། །དེ་ནས་དམིགས་པའི་དཀྱིལ་འཁོར་ལ། ། ― DNG022_Page_0607 ―
[མ་དཔེ་གཟིགས་ན་འདིར་གནོན།]
རང་གི་སེམས་ནི་བབ་ཀྱིས་གཏད། །མགལ་མེ་ཡི་ནི་འཁོར་ལོ་ལྟར། །ཡུལ་ལ་རབ་ཏུ་རྒྱུག་པའི་སེམས། །དེ་ཉིད་ལས་ནི་བཟློག་ནས་སུ། །དམིགས་པའི་ཡུལ་ལ་རང་བབ་གཏད། །དེ་ལྟར་ཡང་ཡང་བསྒོམ་པ་ཡང་། །ཏིང་འཛིན་སེམས་ཀྱི་བདུད་གཉིས་འབྱུང་། །བྱིང་བ་རང་སེམས་སྣུབ་པའི་བདུད། །རྒོད་པ་རང་སེམས་ཁྲིད་པའི་བདུད། །དེ་ལྟར་གྱུར་པའི་བདུད་གཉིས་ནི། །མཁས་པས་འདི་ལྟར་བསལ་བར་བྱ། །གཉིད་དང་རྨུགས་པ་འཐིབས་པ་གསུམ། །འདི་ནི་བྱིང་བའི་རྣམ་གྲངས་ཏེ། །ཆེན་པོ་འབྲིང་དང་ཆུང་ངུ་སྟེ། །དེ་དག་དགུ་རུ་རིམ་པས་དབྱེ། །འདི་ནི་བསལ་བའང་རྣམ་གསུམ་སྟེ། །ཆེན་པོ་བསྐོར་བ་བྱས་པས་སེལ། །འབྲིང་པོ་བྱད་ལ་ཆུ་གཏོར་ཏེ། །ཆུང་ངུ་ལུས་བསིགས་མིག་ཕྱེ་སེལ། །དེ་ནས་རྒོད་པ་བཅུམ་པ་ཡང་། །ཆེ་འབྲིང་གོང་བཞིན་ཤེས་བྱ་སྟེ། །ཆེན་པོ་འཇིགས་པ་ཆེན་པོས་བསལ། །འབྲིང་པོ་སྤྲོ་བ་ཆེན་པོས་ཏེ། །ཆུང་ངུ་ཤེས་པ་བསྒྲིམས་པས་སེལ། །དེ་ལྟར་བྱས་ན་མ་མོ་འགྲུབ། །དེ་ལྟར་མ་གྱུར་གོལ་བས་ནི། །འབྲས་བུ་མི་འབྱུང་རང་རྒྱུད་རླག །དཔེར་ན་རལ་གྲིའི་འཁྲུལ་འཁོར་བཞིན། །དེ་བས་འབད་མེད་ནན་ཏན་བྱ། །དཔའ་བོ་དག་གམ་རིག་འཛིན་གྱིས། །བསྲེགས་བཅད་བརྡར་བའི་གསེར་བཞིན་དུ། །ཡོངས་སུ་བརྟག་ནས་མ་མོའི་ལམ། །བླང་བར་བྱ་ཡིས་མོས་པ་འམ། །དད་པ་ཙམ་གྱིས་འཇུག་པ་མིན། །ཞུགས་ན་ཕུང་བ་ཁོ་ན་སྟེ། །འཇིག་རྟེན་འདི་རུ་བཀྲ་མི་ཤིས། །མ་མོ་འཁོར་གྱིས་ཕྱག་མི་ཟེར། །མ་མོའི་ཆོས་ལ་སྐུར་པ་འདེབས། །ཟབ་མོའི་དོན་ཡང་འདོར་བར་བྱེད། །ལས་ཀྱི་མ་མོ་ཁ་གཏིང་འཁྲུག །འཇིག་རྟེན་དག་ཏུ་རིམས་དང་ནད། །ཐོག་དང་སེར་བ་ས་གཡོས་སོགས། །བཀྲ་མི་ཤིས་པའི་རྟགས་རྣམས་འབྱུང་། །དེ་བས་འབད་མེད་བླ་མ་བཀུར། །བླ་མ་ལས་ནི་མན་ངག་འབྱུང་། །མན་ངག་ལས་ནི་ལམ་དང་ས། །སྐྱེ་བ་ཉིད་དུ་ཐེ་ཚོམ་མེད། །མ་མོ་ལམ་རྒྱུད་ལུང་ལས། ཡེ་ཤེས་མ་མོ་བསྒོམ་པའི་ཐུན་བསྟན་པའི་ལེའུ་སྟེ་བཅུ་གཅིག་པའོ།། །། ― DNG022_Page_0608 ―
[མ་དཔེ་གཟིགས་ན་འདིར་གནོན།]
དེ་ནས་ལས་ཀྱི་མ་མོ་ཡི། །ཐུན་མཚམས་འདི་ལྟར་ཤེས་བྱ་སྟེ། །ཉིན་ཐུན་སྤོངས་པ་གང་ཡིན་པ། །ལས་ཀྱི་མ་མོ་ཐུན་ཚོད་སྤྱད། །བྱེ་བྲག་འདི་ལྟར་ཤེས་པར་བྱ། །ནམ་སྲོས་སྲོད་ནི་འཁོར་གྱི་བར། །དམུ་དང་སྨན་མོ་ཕལ་ཆེར་རྒྱུ། །ཐུན་མཚམས་དང་པོ་ཡིན་པར་ངེས། །སྲོད་ནས་ནམ་གྱི་འཇིང་གི་བར། །བཙན་དང་སྨན་མོ་ཐམས་ཅད་རྒྱུ། །ཐུན་མཚམས་གཉིས་པ་ཡིན་པར་འདོད། །འཇིང་ནས་ནམ་ཕྱེད་བར་དུ་ཡང་། །བདུད་དང་བཅུ་བཞི་རྒྱུ་བའི་དུས། །ཐུན་མཚམས་གསུམ་པ་ཡིན་པར་གསུངས། །ནམ་ཕྱེད་ནས་ནི་ཐོ་རངས་བར། །རྒྱལ་པོ་དང་ནི་མ་མོ་དྲུག །རྒྱུ་བའི་དུས་དེ་ཐུན་བཞི་པ། །དེ་ལྟར་རྒྱུ་བའི་ཐུན་བཞི་ནི། །ལས་ཀྱི་མ་མོའི་ཐུན་དང་མཚམས། །ཐུན་དང་རང་སེམས་མ་ཡེངས་པར། །སྔགས་དང་ཏིང་འཛིན་བར་མི་གཅད། །ལས་ཀྱི་མ་མོ་སྒྲུབ་པ་དང་། །བཀྲ་ཤིས་ཉིན་མོའི་དུས་སྤངས་ནས། །མཚན་མོ་བར་གཅོད་དུས་ཡིན་ཏེ། །ཉིན་མོ་བཀྲ་ཤིས་ལ་སོགས་པ། །མཚན་མོ་ཡི་དྭགས་གདོན་གྱི་དུས། །དུས་དེར་བསྒྲུབ་ན་ཉེ་བར་འགྲུབ། །དཔེར་ན་མི་ལ་བདུད་འགྲོ་ན། །རྐུན་མ་ལ་སོགས་ནུབ་མོ་འགྲོ། །གཞན་ནི་ཉིན་མོ་དོན་གྲུབ་སྟེ། །ཝ་སོགས་མཚན་མོ་དོན་འགྲུབ་ལྟར། །ཡེ་ཤེས་མ་མོ་ཉིན་མོ་བསྒོམ། །ལས་ཀྱི་མ་མོ་མཚན་མོ་བསྒྲུབ། །དངོས་གྲུབ་སོ་སོ་མྱུར་ཕྱིར་རོ། །དེ་ལྟར་མཚན་མོའི་དུས་དེ་ཡང་། །དུས་ནི་བཞི་རུ་ཤེས་བྱ་སྟེ། །དང་པོ་བསྙེན་པའི་དུས་སུ་ཡང་། །སྒྲུབ་པ་ཡི་ནི་དེ་བཞིན་དུས། །ལས་ཀྱི་དུས་དང་ལས་ཀྱི་ལྔ། །དུས་བཞིར་ཐུན་ཡང་བཞི་པ་སྟེ། །དེ་ཡི་འོག་མའི་ཐུན་རྣམས་ལ། །ཉིན་མོ་སྤོང་བ་མཚན་མོའི་དུས། །ཉིན་མོ་དམ་ཚིག་ཉམས་པར་འགྱུར། །དེ་ཡང་རྒྱུ་བའི་དུས་སུ་ཡང་། །གང་ལ་ངལ་བ་དོན་མེད་ཡིན། །བསྙེན་པའི་དུས་བཞིའི་མ་མོ་སྟེ། །དམིགས་ནས་སྔགས་ཀྱི་བར་མི་གཅད། །གླལ་ཀྱང་མ་ཤོར་བསྒྲུབས་པ་ཡིས། །མ་མོ་རང་དབང་མེད་པར་འགུགས། །རང་དབང་མེད་པར་རྣམ་པ་མང་། །སྔགས་དང་རྫས་དང་ཏིང་འཛིན་དང་། །ཚིག་དང་ ― DNG022_Page_0609 ―
[མ་དཔེ་གཟིགས་ན་འདིར་གནོན།]
མན་ངག་ཐུན་ལ་སོགས། །འདི་ནི་ཐུན་གྱི་རང་དབང་མེད། །སྒྲུབ་པའི་སྐབས་སུ་ཐ་དད་སྤོངས། །ལས་ཀྱི་སྐབས་སུ་དགྲ་ལ་སྟེ། །ལྷག་མའི་སྐབས་སུ་མེ་ལྷ་ཡིན། །མ་མོ་ལམ་རྒྱུད་ལུང་ལས། ལས་ཀྱི་མ་མོའི་ཐུན་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་བཤད་བྱ་བ། །མ་མོ་ལས་ཀྱི་རྫུ་འཕྲུལ་ནི། །མཁས་པས་འདི་ལྟར་ཤེས་པར་བྱ། །རྡོ་རྗེ་མེ་ཡི་རྫུ་འཕྲུལ་ནི། །མུ་ཟི་སྦྱོར་བ་མཁས་པ་ཡིས། །རྡོ་རྗེ་ལས་ཀུན་མེ་ལ་རེག །རྡོ་རྗེ་མེ་རུ་འབར་བར་ངེས། །མི་མཐོང་བ་ཡི་རྫུ་འཕྲུལ་ནི། །འུག་པ་མ་ཉམས་བུམ་པར་འཇུག །ལམ་གྱི་སུམ་མདོར་དོང་བྲུས་ཏེ། །མི་ཡིས་མི་མཐོང་ནམ་ཕྱེད་སྦ། །དེ་ནས་རོ་དེ་རུལ་བ་དང་། །མི་ཡིས་མ་མཐོང་བར་བླངས་ནས། །རང་གི་མི་བལྟ་ལག་པ་ཡིས། །རུས་པ་གང་ཉིད་བརྡར་བྱས་ནས། །རང་གི་དཔྲལ་བར་བསྐུས་བྱས་ན། །སུས་ཀྱང་མཐོང་བར་མི་འགྱུར་རོ། །དེ་ནས་སྤྱི་རུ་འོད་དབྱུང་བར། །འདབ་ཆགས་དངུལ་བྱའི་སྦྱོར་བ་ལས། །གང་དུ་འགྲོ་དང་ཇི་ཙམ་འདོད། །འོད་ནི་ངེས་པར་འབྱུང་བའོ། །ཁང་བའི་ནང་དུ་འོད་འདོད་ན། །གསལ་བའི་འོད་ཟེར་དང་བའི་རྡོ། །དེ་ལས་འོད་ནི་སྔོན་དམར་འབྱུང་། །མ་མོ་འོད་ཀྱི་རྫུ་འཕྲུལ་ལོ། །འབྲས་བུ་མཆོག་གི་ཁུ་བ་ཡིས། །ཤོག་གུ་དག་ལ་ཡི་གེ་འམ། །རང་གི་ཅི་འདོད་གཟུགས་བྲིས་ལ། །དེ་ནས་ཕྱི་བདར་ལེགས་པར་བྱ། །ནག་པོ་མཚུར་གྱི་ཆུ་ནས་དབྱུང་། །གང་འདོད་ཡི་གེའི་གཟུགས་རྣམས་འབྱུང་། །དེ་ནི་ཡི་གེའི་རྫུ་འཕྲུལ་ཡིན། །ཤིང་གི་ཕུར་པ་དག་ལ་ནི། །རྩེ་མོར་རྫས་ཀྱི་རྡོ་རྗེ་བཅུག །རྒྱ་མདུད་བར་མར་མེ་གཞོབ་སྐུ། །རྡོ་དང་ལྕགས་དང་ཤིང་ལ་སོགས། །གང་ལ་བཏབ་པ་ཐེབས་པ་སྟེ། །རྒྱ་མདུད་མཚམས་སུ་གདོན་མི་ཟ། །དེ་ནི་ཕུར་པའི་རྫུ་འཕྲུལ་ཏེ། །རང་གཞན་ཕུར་པས་བཏབ་པ་ནི། །ཧེ་རུ་ཀ་དང་རིག་འཛིན་འགྲུབ། །གཞན་གྱིས་གྲུབ་པ་མ་ཡིན་ནོ། །ཕུར་པ་མེ་ཡི་རྫུ་འཕྲུལ་ནི། །ཆུ་ཤིང་སྙིང་པོ་མ་ཉམས་པ། ། ― DNG022_Page_0610 ―
[མ་དཔེ་གཟིགས་ན་འདིར་གནོན།]
དེ་ལས་ཕུར་པའི་གཟུགས་བྱས་ཏེ། །དར་དམར་རས་ཀྱིས་གྲིལ་བྱས་ཏེ། །སྣང་བ་གང་ཡང་མེད་པ་ཡི། །མུན་པར་ཕུར་པ་དེ་བཞག་ན། །ངེས་པར་མེ་རུ་སྣང་བ་སྟེ། །སྣང་བ་དག་ལས་མ་ཡིན་ནོ། །དེ་དག་མ་མོའི་རྫུ་འཕྲུལ་ཏེ། །ཐམས་ཅད་རྫས་ཀྱི་སྦྱོར་བ་སྟེ། །རྫུ་འཕྲུལ་ཡིན་ཕྱིར་རྟོག་པ་མེད། །འཇིགས་པ་འབྱུང་བས་མཐུ་རུ་བསྟན། །འཇིགས་ལས་རྣམ་རྟོག་སྐྲག་པ་འབྱུང་། །རྣམ་རྟོག་སྐྲག་ལས་གདོན་འཇུག་སྟེ། །གདོན་ལས་ནད་ཞུགས་ན་ནས་འཆི། །འཆི་བ་མཐུ་ཡི་དངོས་གྲུབ་ཡིན། །གཞན་ཡང་སྔགས་ཀྱི་རྫུ་འཕྲུལ་དང་། །སྔགས་དང་རྫས་ཀྱི་རྫུ་འཕྲུལ་དང་། །ཟོར་བྱས་རྫུ་འཕྲུལ་ལ་སོགས་པ། །མན་ངག་ཅན་ལས་ཤེས་པར་བྱ། །དེ་ལྟར་རྫུ་འཕྲུལ་བསྟན་པས་ཀྱང་། །མུ་སྟེགས་རྫུ་འཕྲུལ་ང་རྒྱལ་བཅག །མ་མོ་ལམ་རྒྱུད་ལུང་ལས། མ་མོའི་རྫུ་འཕྲུལ་བསྟན་པའི་ལེའུ་སྟེ་བཅུ་གསུམ་པའོ།། །།དེ་ལྟར་ལམ་གྱི་རྒྱུད་ལུང་ལས། །ལེའུ་བཅུ་གསུམ་གསུངས་པ་ཡི། །མ་མོ་སྤྱི་ཡི་དོན་དེ་ཡང་། །བཅུ་དྲུག་བར་དུ་གསུངས་པའི་དོན། །ཡེ་ཤེས་མ་མོ་བསྒོམ་པ་ཡི། །སྤྱི་དང་བྱེ་བྲག་གཉིས་ཀ་ཡིན། །ལས་ཀྱི་མ་མོའི་སྒྲུབ་པ་ཡི། །སྤྱི་དང་བྱེ་བྲག་གཉིས་ཀ་ཡིན། །ཐུན་མོང་བཤད་པར་ཤེས་བྱ་ཡི། །སྒོམ་དང་སྒྲུབ་པར་བྱེད་པ་ལ། །མ་མོ་སྤྱི་དང་བྱེ་བྲག་ལ། །དབྱེ་བ་ཡོད་པ་མ་ཡིན་ནོ། །སྤྱི་ནི་མ་མོ་སྤྱི་སྒྲུབ་སྟེ། །བྱེ་བྲག་བྱེ་བྲག་སྒྲུབ་པ་ཡིན། །བསྒྲུབ་པར་བྱ་བ་མ་མོ་ལ། །སྒྲུབ་པར་བྱེད་པས་སྒྲུབ་ཐབས་ཡིན། །སྒྲུབ་ཐབས་མན་ངག་དོན་ལས་ཤེས། །མན་ངག་བླ་མའི་ཞལ་ལ་རག །ཞལ་ནི་ཐུགས་ཀྱི་དཀྱིལ་ནས་འབྱུང་། །དེ་བས་མ་མོ་སྒྲུབ་འདོད་ན། །བླ་མའི་ཐུགས་བཟུང་ཐབས་ལ་འབད། །ཐུགས་བཟུང་ཐབས་ནི་འདི་ལྟ་སྟེ། །རང་གི་རང་རྒྱལ་རིགས་དང་ཆེ། །ཁེ་དང་གྲགས་པ་ལ་སོགས་སྤང་། །རང་གི་རྫས་དང་ལོངས་སྤྱོད་དང་། །བུ་དང་ཆུང་མ་ནོར་གྱི་དབྱིག །རང་གི་ལུས་དང་ཡིད་ཀྱིས་ ― DNG022_Page_0611 ―
[མ་དཔེ་གཟིགས་ན་འདིར་གནོན།]
ཀྱང་། །དེ་ཡིས་ཐུགས་བསྲུང་ལེགས་པར་བྱ། །འགྲོ་དང་འདུག་པའི་སྤྱོད་ལམ་ལ། །སྐྱེལ་དང་བསུ་དང་གདན་བསྟབ་དང་། །ཟས་ཀྱི་ཕུད་ཕུལ་བགས་ཀྱིས་བལྟ། །མདོར་ན་དེ་དང་ཅི་མཐུན་བྱ། །མཁས་པས་བྱེ་བྲག་ཤེས་པར་བྱ། །གཞན་ཡང་བླ་མའི་གཉེན་འདུན་དང་། །རྫས་དང་ལོངས་སྤྱོད་ཐམས་ཅད་ལ། །མཁས་པས་འདི་ལྟར་ཤེས་པར་བྱ། །གཉེན་འདུན་བུ་དང་ཆུང་མ་ལ། །ཇོ་བོའམ་ཡི་དམ་ལྷ་ཡི་ཚུལ། །དེ་ལ་མཆོད་དང་བསྙེན་དང་བཀུར། །བླ་མའི་གཉེན་དག་དེ་བཞིན་ཏེ། །བླ་མ་དེ་ལས་ཁྱད་པར་འཕགས། །བླ་མའི་རྫས་ནི་དུག་བཞིན་དུ། །སྤྱད་དུ་མི་རུང་རེག་མི་རུང་། །གྱག་དུ་མི་རུང་སྟོར་མི་རུང་། །དེ་ལྟར་སྤྱོད་ན་དམ་ཚིག་ལྡན། །དམ་ཚིག་སྔགས་ཀྱི་ས་གཞི་ཡིན། །དེ་ལས་བསྒོམས་བསྒྲུབས་དངོས་གྲུབ་འབྱུང་། །གསང་སྔགས་སྤྱོད་པའི་རྣལ་འབྱོར་པས། །བག་མ་གསར་པའི་ཚུལ་བཞིན་དུ། །དེ་ལྟར་སྤྱད་ན་དམ་ཚིག་ལྡན། །སྒོམ་སྒྲུབ་དུས་སུ་རྣལ་འབྱོར་པས། །བྱ་རྣམས་མནོངས་པའི་ཚུལ་བཞིན་དུ། །བླ་མ་བསྟེན་པའི་རྣལ་འབྱོར་པས། །རང་གི་མིག་གི་འབྲས་བུ་བཞིན། །མིག་གི་འབྲས་བུ་གཅེས་པ་བཞིན། །མན་ངག་དམ་པ་དེ་བས་འཕངས། །མན་ངག་དོན་ལ་སྒྲུབ་འདོད་ན། །རྫས་དང་ཡོ་བྱད་ཆགས་མི་བྱ། །རྫས་དང་ཡོ་བྱད་བཙལ་དཀའ་ཞིང་། །རྙེད་ནས་རང་ལ་ཕངས་པ་ལྟར། །མན་ངག་དམ་པ་བཙལ་དཀའ་ཞིང་། །རྙེད་ནས་སྤེལ་བ་དེ་བས་དཀའ། །བུ་དང་ཆུང་མ་སྙིང་སྡུག་སྟེ། །རྡོ་རྗེ་མཁའ་འགྲོ་དེ་བས་སྡུག །ཟས་དང་རྫས་ཀྱིས་ཚིམ་པ་ལས། །ལུས་སེམས་བདེ་བར་སྣང་བ་སྟེ། །གཉིས་མེད་ཡེ་ཤེས་རོ་རྟོགས་ན། །དེ་ཡི་བདེ་བ་དེ་ཡིས་འཕེལ། །བདེ་བ་བླ་མ་ལས་རྟོགས་ཕྱིར། །དམ་པའི་བླ་མ་རྟག་ཏུ་བསྟེན། །མ་མོ་ལམ་རྒྱུད་ལུང་ལས། ཐམས་ ཅད་མ་མོ་སྤྱི་དང་བྱེ་བྲག་ཏུ་བསྟན་པའི་ལེའུ་སྟེ་བཅུ་བཞི་པའོ།། །། རྒྱ་གར་གྱི་མཁས་གྲུབ་གུ་ཧྱ་གསང་བ་དང་འབྲོག་མིས་བསྒྱུར་བའོ།། །། རྫོགས་སྷོ།། །། སྔགས་ཀྱི་སྲུང་མ་དཔལ་ཨེ་ཀ་ཛཱ་ཊཱིའི་རྒྱུད་ཅེས་བྱ་བ།― DNG022_Page_0612 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཨེ་ཀ་ཛཱ་ཏི་སྙིང་ཁ་རག་མོ་ཏྲག་རཀྴ་མ་ཧཱ་ཀྲོ་དྷཱི་ཀཱ་ལཱི་ཏནྟྲ་ནཱ་མ། བོད་སྐད་དུ། སྔགས་ཀྱི་སྲུང་མ་དཔལ་ཨེ་ཀ་ཛཱ་ཊཱིའི་རྒྱུད་ཅེས་བྱ་བ། བཅོམ་ལྡན་འདས་རྡོ་རྗེ་ཧེ་རུ་ཀའི་རྒྱལ་པོ་ལ་ཕྱག་འཚལ་ལོ། །སྔོན་འདས་པའི་དུས་མ་བྱུང་བའི་སྔོན་རོལ་ན། རི་རབ་རིའི་རྩེ་མོ་ལྷ་གཡུང་དྲུང་གི་གནས་ན། བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པའི་དཔལ་ཧེ་རུ་ཀ་ཡིས། སྲིད་པ་ཐམས་ཅད་ཡུལ་གྱི་མཁའ་ལས་ཤར་བར་མཁྱེན་ནས། ཡུམ་ཆེན་མོ་ཉིད་བཞི་མུ་ཁ་ལེའི་བདེ་བ་ཆེན་པོའི་ཀློང་གསང་བའི་གནས་ནས། ཐིག་ལེ་ཆེན་པོའི་ཚུལ་དུ་བཞེངས་ནས། རྡོ་རྗེ་གསང་བའི་ཐུགས་ཀ་ནས། ཧཱུཾ་དཀར་པོ་བཞི་ལས་གསང་བའི་དགྱེས་པའི་འཕྲོ་འདུ་རྒྱུན་མི་འཆད་པར་བཀྱེ་བ་ལས། མུ་ཁ་ལེའི་བྷ་གར་དགྱེས་པ་ཆེན་པོས་ཐིམ་པར་མཛད་དོ། །ཡུམ་ཆེན་མོ་ཉིད་བཞི་མུ་ཁ་ལེ་དགྱེས་པ་ཆེན་པོས་ཐིམ་པར་མཛད་ནས། པདྨའི་འདབ་མ་རྒྱས་པར་མཛད་དོ། །པདྨའི་འདབ་མ་རྒྱས་པར་གྱུར་པས་སྣང་སྲིད་ཐམས་ཅད་རྡོ་རྗེར་རྩ་བ་བཏེགས་པར་གྱུར་ཏེ། ཆགས་པའི་སེམས་གཡོས་ནས་ཤིན་ཏུ་ངོ་མཚར་སྐྱེས་ནས། རྫུ་འཕྲུལ་གྱི་ཡུལ་གྱི་ཤུགས་ཀྱིས་ཆགས་པའི་གཞི་མ་ག་ལ་བ་དེར་དོང་ངོ་། །དོང་ནས་བྷ་གའི་དཀྱིལ་འཁོར་ཆགས་པའི་གནས་སུ་ཕྱིན་ནས། བསྔགས་ནས་སོ་སོ་ནས་གུས་པར་ཕྱག་འཚལ་བ་ནི། གཡུང་དྲུང་ལྷའི་གཙོ་བོ་གནོད་འདུལ་ལྷའི་རྒྱལ་པོ་ལ་སོགས་པ། ལྷ་གཡུང་དྲུང་གི་ཚོགས་དང་གཡུང་དྲུང་ལྷའི་རྒྱལ་པོ་སྲིད་པའི་ཕྲ་མེན་རྒྱ་མཚོ་མ་ལ་སོགས་པ། མ་མོ་བཅུ་བཞིའི་དཀྱིལ་འཁོར་དང་། སྲིད་པའི་སྨན་མོའི་ཚོགས་སམ། ལྷའི་ཚོགས་ཀྱི་རྗེ་ལ་སོགས་པ་མ་མོའི་ཚོགས་ཐམས་ཅད་དང་། གཞན་ཡང་པདྨའི་བྷ་ག་ལ་སོགས་པ་ཐམས་ཅད་ཆགས་པའི་མདངས་ཕྱུང་ནས། བསྐོར་ཞིང་ཕྱག་འཚལ་བ་དང་། བསྟོད་པ་བགྱིས་པ་ལས་ཡུམ་ཆེན་མོ་ཉིད་བཞི་མུ་ཁ་ལེའི་བྷ་ག་ལས། རྟག་པའི་རྒྱལ་མོ་རྣམ་སྣང་གསལ་ལ་སོགས་ཏེ་ཡེ་ཤེས་ཀྱི་མཁའ་འགྲོ་མ་ལྔའི་དཀྱིལ་འཁོར་འཐོན་པར་ ― DNG022_Page_0613 ―
[མ་དཔེ་གཟིགས་ན་འདིར་གནོན།]
གྱུར་ཏོ། །དེ་ནས་ཡུམ་ཆེན་མུ་ཁ་ལེས། བཅོམ་ལྡན་འདས་འཇིགས་བྱེད་ཆེན་པོ་རྡོ་རྗེ་ཧེ་རུ་ཀ་ལ་གཟིགས་ནས། སྤྱན་གྱི་བརྡ་ཞིག་མཛད་ནས་ཞལ་གྱི་འཛུམ་པ་ཕྱུང་བ་དང་། དེ་ནས་བཅོམ་ལྡན་འདས་རྡོ་རྗེ་ཧེ་རུ་ཀ་ཡུམ་གྱི་བྷ་ག་ལས་སྐུ་ཕྱེད་ནུབ་ཙམ་དུ་བཞེངས་ཏེ། རྣམ་པར་ཐར་པའི་དབུ་གསུམ་ཕྱུང་ནས། གཡུང་དྲུང་ལྷའི་རྒྱལ་པོ་ལྷ་གནོད་འདུལ་ལ་གཟིགས་ནས། ཞལ་འཛུམ་པ་མཛད་པ་དང་། དེ་ནས་བཅོམ་ལྡན་འདས་ཀྱི་བྱིན་གྱིས་བརླབས་ཀྱིས་གནོད་འདུལ་སྟན་ལ་འདུག་པར་གྱུར་ཏོ། །དེ་ནས་ཆགས་པའི་ཡིད་ཅན་དེ་དག་ཕྱོགས་ཕྱོགས་སུ་ས་ལ་གནས་པར་གྱུར་ཏོ། །དེ་ནས་ཡུམ་ཆེན་མོས་ལྷ་གདོན་འདུལ་ལ་གཟིགས་ནས་ལྗགས་ཀྱི་བརྡ་ཞིག་མཛད་པ་ལས། དེ་ནས་ལྷ་གདོན་འདུལ་སྟན་ལས་ལངས་ནས། བཅོམ་ལྡན་འདས་ལ་ལན་བརྒྱ་སྟོང་བརྐྱང་ཕྱག་འཚལ་ཞིང་། བག་བཞི་ས་ལ་བརྡབས་ནས་གསོལ་པ། འབྱུང་བ་ལྔ་ལ་སོགས་པ་ཡི། །མི་ལ་སོགས་པ་ཇི་ལྟར་ལགས། །ས་ལ་སོགས་པ་ཇི་ལྟར་ལགས། །སྲིད་པའི་འཇིག་རྟེན་ཐམས་ཅད་ལ། །ཕོ་དང་མོ་ཡི་མཚན་ཉིད་ནི། །གང་ཞིག་སུ་ལ་བགྱིས་པ་སྟེ། །ཐབས་དང་ཤེས་རབ་སུ་ལ་བགྱི། །སེམས་ཀྱི་རྟག་ཆད་ཇི་ལྟར་བགྱི། །ཡེ་ཤེས་མང་པོ་གང་ལས་བྱུང་། །ཡེ་ཤེས་ལྔ་ཉིད་གང་ལས་ཤར། །སྤྲུལ་པ་མང་པོ་གང་ལས་ཤར། །སྐྱེ་མེད་ཆོས་དབྱིངས་ཅི་ལ་བགྱི། །ཡུམ་གྱི་མཁའ་ཞེས་ཇི་ལྟ་བུ། །མངལ་ལ་སོགས་པ་མི་འཚལ་ན། །བླང་དོར་མེད་པ་གང་གིས་འགྲུབ། །སྲིད་པའི་དབང་ཆེན་དེ་སྙེད་ཀུན། །རབས་རྒྱུད་རྩ་བ་ཇི་ལྟར་ལགས། །དམ་ཚིག་ལུང་མནོས་མཆི་བའི་ཚེ། །སྲོག་ལས་དྲང་བ་ཇི་ལྟར་ལགས། །འཇིག་རྟེན་འདིར་འགྲུབ་ཇི་ལྟར་བསྐུལ། །དུས་མིན་འཆི་ན་གང་གིས་བསྐང་། །ཡང་དག་རྫོགས་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །ཡང་དག་རྫོགས་ཀྱིས་བཀའ་སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །རྣལ་འབྱོར་རྣམས་ཀྱི་ལས་དབང་མཆོག །མ་མོ་ ― DNG022_Page_0614 ―
[མ་དཔེ་གཟིགས་ན་འདིར་གནོན།]
རྣམས་ཀྱི་གཏན་ཚིགས་སུ། །སྲིད་པ་ཀུན་གྱི་བཅའ་གཞི་རྣམས། །ཡང་དག་ཉིད་དུ་བཤད་པར་བྱ། །དེ་ལ་ད་ནི་མ་མོ་བཅུ་བཞིའི་རྗེ་མོ་བཤད་པར་བྱ་སྟེ། ཡུམ་ཆེན་མོ་ཉིད་བཞི་མུ་ཁ་ལེ་ཞེས་བྱ་བ། སྐུའི་ཁྱོན་ད་ལྟར་གྱི་རི་རབ་གླིང་བཞི་ཙམ་ཡོད་པ། དབུ་བཞི་ཞལ་རྣམ་པ་ལྔར་སྣང་བ། ཕྱག་བཞི་འཇིགས་པའི་མཚོན་ཆ་ཐོགས་པ། ཞབས་རྣམ་པ་བརྒྱད་དུ་གཏམས་པ། ཙིཏྟའི་རྩ་བ་གཅིག་ལ་རྩེ་མོ་རྣམ་པ་ལྔར་འབར་བ། ཤར་གྱི་ཞབས་གཉིས་ཀྱི་བར་ནས་གསང་བའི་མཁའ་གྲང་ལ་འདྲེད་པ། ཤེལ་གྱི་བྷ་ག་ལ་རྡོ་རྗེའི་གེ་སར་ཅན་ནོ། །ལྷོའི་ཞབས་གཉིས་ཀྱི་བར་ནས་གསང་བའི་མཁའ་དྲོ་ལ་འཇམ་པ་ཀེ་ཀེ་རུའི་བྷ་ག་ལ་རིན་པོ་ཆེའི་གེ་སར་ཅན་ནོ། །ནུབ་ཀྱི་ཞབས་གཉིས་ཀྱི་བར་ནས་གསང་བའི་མཁའ་གཤེར་ལ་བརླན་པ་པདྨའི་བྷ་ག་ལ་བྱི་རུའི་གེ་སར་ཅན་ནོ། །བྱང་གི་ཞབས་གཉིས་ཀྱི་བར་ནས་གསང་བའི་མཁའ་རྩུབ་ལ་གྲང་བ་སྟེ་གེ་སར་དབལ་དེ་ལྟར་གསང་བའི་མཁའ་བཞིས་སྐུ་བརྒྱན་པས། དེ་བཞིའི་ཀློང་སྐུའི་གཏིང་ཁུང་དུ་བསྡུས་པ་ནི་གཡུའི་བདེ་ཀློང་ལ་ཆགས་པའི་གེ་སར་ཅན་ནོ། །ཟངས་མའི་རལ་པ་འདབ་མ་སྟོང་དང་ལྡན་པ་ཞིག་ཡོད་དོ། །དེ་ལ་ཞལ་རྣམ་པ་ལྔ་ལས་ཤར་གྱི་ཞལ་དཀར་ལ་འཚེར་བ་མཆེ་བ་གཙིགས་པའི་ནང་ནས། ཤེལ་གྱི་རྡོ་རྗེ་རྩེ་དགུ་པ་འཛིན་པས་འབྱུང་བ་ས་རུ་བྱིན་གྱིས་བརླབས་ཏེ་རྡོ་རྗེའི་རིགས་སུ་གྱུར་ཏོ། །ལྷོ་ཕྱོགས་ཀྱི་ཞལ་རང་བཞིན་སྔོ་ལ་དྭངས་པ་མཆེ་བ་གཙིགས་པའི་ནང་ནས། ཀེ་ཀེ་རུ་འབར་བ་དགུ་འཛིན་པས། འབྱུང་བ་མེ་རུ་བྱིན་གྱིས་བརླབས་ཏེ། རིན་པོ་ཆེའི་རིགས་སུ་གྱུར་ཏོ། །ནུབ་ཕྱོགས་ཀྱི་ཞལ་རང་བཞིན་དམར་ལ་གདངས་པ་མཆེ་བ་གཙིགས་པའི་ནང་ནས་པདྨ་དགུ་བརྩེགས་བཟུང་བས། འབྱུང་བ་ཆུར་བྱིན་གྱིས་བརླབས་ཏེ། པདྨའི་རིགས་སུ་གྱུར་ཏོ། །བྱང་ཕྱོགས་ཀྱི་ཞལ་རང་བཞིན་ལྗང་ལ་ལྡེམ་པ་མཆེ་བ་གཙིགས་པའི་ནང་ནས། རྡོ་རྗེ་རྒྱ་གྲམ་དགུ་བརྩེགས་བཟུང་བས། འབྱུང་བ་རླུང་དུ་བྱིན་གྱིས་བརླབས་ཏེ་ལས་ཀྱི་རིགས་སུ་གྱུར་ཏོ། །ཐམས་ཅད་དེ་ལྟ་བུའི་དཀྱིལ་འཁོར་དུ་གྱུར་པས། ― DNG022_Page_0615 ―
[མ་དཔེ་གཟིགས་ན་འདིར་གནོན།]
དབུས་ཀྱི་ཞལ་རང་བཞིན་སེར་ལ་ལྡེམ་པའམ་ཅིར་ཡང་འགྱུར་བ་མཆེ་བ་གཙིགས་པའི་ནང་ནས། གསེར་གྱི་འཁོར་ལོ་རྩིབས་སྟོང་དང་ལྡན་པ་ཞིག་བཟུང་བས་འབྱུང་བ་ནམ་མཁར་བྱིན་གྱིས་བརླབས་ཏེ། དེ་བཞིན་གཤེགས་པའི་རིགས་སུ་གྱུར་ཏོ། །འབྱུང་བ་ལྔ་ཡང་དེ་ལྟར་བསྐྱེད་དོ། །རིགས་ལྔའི་སངས་རྒྱས་ཀྱང་དེར་བྱུང་ངོ་། །ཞལ་སོ་སོའི་བར་བར་ནས་རལ་པ་སོ་སོའི་རིགས་དང་མཐུན་པར་སྣང་ངོ་། །ཙིཏྟ་རྩ་བ་གཅིག་ལ་རྩེ་མོ་ལྔ་སྣང་བས་རྩེ་མོ་ལྔ་ལས་རིགས་ལྔའི་ཡེ་ཤེས་ལྔ་ཡང་དེ་ལས་ཤར་རོ། །རྩ་བ་གཅིག་ལས་ཆོས་སྐྱེ་བ་མེད་པའི་དབྱིངས་ཀྱང་དེ་ལས་འདུས་ཏེ། མི་ནུབ་པའི་རྒྱལ་མཚན་ཞེས་ཀྱང་དེ་ལ་གྲགས་སོ། །ཤར་ཕྱོགས་ཀྱི་གསང་བའི་མཁའ་གྲང་ལ་འདྲེད་པས་དགུན་དུ་བྱིན་གྱིས་བརླབས་སོ། །བྱང་ཕྱོགས་ཀྱི་གསང་བའི་མཁའ་རྩུབ་ལ་གྲང་བས་དཔྱིད་དུ་བྱིན་གྱིས་བརླབས་སོ། །ནུབ་ཕྱོགས་ཀྱི་གསང་བའི་མཁའ་གཤེར་ལ་བརླན་པས་དབྱར་དུ་བྱིན་གྱིས་བརླབས་སོ། །ལྷོ་ཕྱོགས་ཀྱི་གསང་བའི་མཁའ་དྲོ་ལ་འཇམ་པས་སྟོན་དུ་བྱིན་གྱིས་བརླབས་སོ། །དུས་བཞི་ཡང་དེ་ལྟར་ཆགས་སོ། །ཆ་ཡང་དེ་ལྟར་མཉམ་མོ། །སྐུ་སྟོད་ཀྱི་ཞལ་ནས་འབྱུང་བའི་རིགས་ལྔ་ཧེ་རུ་ཀའི་སངས་རྒྱས་རྣམས། སྐུ་སྨད་གསང་བའི་བྷ་ག་ལ་སྦྱོར་བའི་ཚུལ་དུ་སྐུ་ཕྱེད་ནུབ་ཙམ་བཞུགས་པས་སྐྱེ་བ་རིགས་སོ་སོ་དེ་ལྟར་ཐོན་ཏོ། །རིགས་སོ་སོར་བཏུལ་བ་ཡང་དེ་ལྟར་བཏུལ་ལོ། །ཕྱག་བཞི་ལ་གཡས་གཡོན་དང་པོ་གཉིས་ཀྱིས་མ་མོ་བཅུ་བཞིའི་གཙོ་བོ་སྲིད་པ་བདེ་འགྲོ་མ་དང་། ཉི་ཟླའི་ཐོད་ཕྲེང་ཅན་གཉིས་ཀྱི་སྙིང་རྩ་བཟུང་བ། གཡས་གཡོན་ཐ་མ་གཉིས་ཀྱིས་ཁྲོས་པའི་དབང་མོ་ཆེ་གཉིས་ཀྱི་སྙིང་རྩ་བཟུང་བ། སྦས་པའི་ཕྱག་གཉིས་ཀྱིས་བདུད་རྩི་རྣམ་པ་ལྔའི་ལོངས་སྤྱོད་མངོན་དུ་མཛད་པ། ཞབས་བརྒྱད་ཀྱིས་དབྱིངས་ཀྱི་མ་བཞི་དང་། ཐུགས་ཀྱི་དགྱེས་སྡེ་མོ་བཞིའི་སྙིང་བརྫིས་པ། དབུས་ཀྱི་ཞལ་དཔྲལ་བའི་དབྱེས་ནས་མིག་ཟུར་གསུམ་པ་གཅིག་གིས་གཟིགས་པས། མ་མོ་བཅུ་བཞིའི་ཁོལ་མོ་སྲིད་པ་ཆགས་བྱེད་མ་དང་། ཤན་ཤན་ནེའུ་དང་། ཨེ་ཀ་ཛཱ་ཊི་ ― DNG022_Page_0616 ―
[མ་དཔེ་གཟིགས་ན་འདིར་གནོན།]
རལ་གཅིག་མ་ལ་སོགས་པ་འདར་ལྕུག་ལྕུག་བྱེད་པ། དབུས་ཀྱི་ཞལ་ནས་རྐན་སྒྲ་བརྡབས་པས་ཧེ་རུ་ཀས་ནྲྀ་ལ་སོགས་ཏེ་སྲིད་པའི་མ་མོ་ཐམས་ཅད་ཀྱི་སྙིང་ཙར་གྱིས་འབྱིན་པས། མ་མོ་དབང་དུ་ཡང་དེར་འདུས་སོ། །དབུས་ཀྱི་ཞལ་གྱིས་ནི་མཁའ་ཡེལ་ཡེལ་རྫོགས། སྲིད་པ་གསུམ་གྱི་རྩེ་མོ་ཡང་དེར་རྫོགས་སོ། །སྐུ་གསང་བའི་བྷ་ག་ལ་ཡུམ་གྱི་མཁའ་བདེ་བ་ཆེན་པོ་ཀློང་ཞེས་ཀྱང་དེ་ལ་བྱའོ། །སྐུ་རྟག་པ་ཆེན་པོ་གཡུང་དྲུང་དུ་བཞུགས་པ་ལ། སྐྱེ་ཤི་ལས་འདས་པ་ཞེས་ཀྱང་དེ་ལ་བྱའོ། །དེ་ལ་སྡུག་བསྔལ་མི་འབྱུང་བས་མྱ་ངན་ལས་འདས་མ་ཞེས་ཀྱང་དེ་ལ་བྱའོ། །དེ་ལྟ་བུ་ལ་བླང་དོར་མེད་པས་ཀུན་ཏུ་བཟང་མོ་ཞེས་ཀྱང་དེ་ལ་བྱའོ། །རྣམ་པར་ཤེས་པ་ཐམས་ཅད་ཀྱི་བཅུད་ལེན་པས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཀྱང་དེ་ལ་བྱའོ། །འབྱུང་བ་ལྔ་སྐུ་ལ་རྫོགས་པས་འབྱུང་བའི་རྒྱལ་མོ་ཞེས་ཀྱང་དེ་ལ་བྱའོ། །དུས་བཞི་དབྱིངས་ལ་ཤར་བས། དུས་བཞི་ཆ་སྙོམས་མ་ཞེས་ཀྱང་དེ་ལ་བྱའོ། །སྐུ་སྟོད་ཀྱི་ཞལ་ནས་འབྱུང་བ་རིགས་ལྔའི་སངས་རྒྱས་རྣམས་སྐུ་སྨད་ནས་བྱུང་བའི་གསང་བའི་བྷ་ག་ལ་བཞུགས་པས་རིགས་ཀྱི་ཡུམ་ཞེས་ཀྱང་དེ་ལ་བྱའོ། །སྦས་པའི་ཕྱག་གཉིས་ལས་བདུད་རྩི་རྣམ་པ་ལྔའི་ལོངས་སྤྱོད་མངོན་དུ་མཛད་པས་བདུད་རྩིའི་རྒྱལ་མོ་ཞེས་ཀྱང་དེ་ལ་བྱའོ། །སྣང་སྲིད་ཐམས་ཅད་གཏན་ལ་འབེབས་པས་སྲིད་པའི་རྒྱལ་མོ་ཞེས་ཀྱང་དེ་ལ་བྱའོ། །སྐུ་གཅིག་མཚན་དགུ་མ་ཞེས་ཀྱང་དེ་ལ་བྱའོ། །དེ་ལ་ཐུགས་ལས་དྲང་བའི་སྙིང་པོ་ནི། ཉིད་བཞི་མུ་ཁ་ལེ་ཀྲོ་དྷཱི་ཤྭ་རཱི་བྷ་ག་པད་མརྱ་བདེ་ཀློང་འདུས་འདུས་སྙིང་ལ་ཛ་ཤ་ཡུ་ཏི་ཧཱུཾ་བྷྱོ་བྷྱོ། ཡང་མ་མོ་ཞེས་བྱ་བ་ནི། མ་ནི་རྒྱལ་བ་ཀུན་གྱི་ཡུམ། །མོ་ནི་སྲིད་པ་ཀུན་གྱི་མ། །མ་ནི་སྐྱེ་བ་མེད་པའི་དབྱིངས། །མོ་ནི་འགག་པ་མེད་པའི་ཀློང་། །མ་ནི་ཐབས་མཆོག་རྟོག་མེད་མཁའ། །མོ་ནི་ཤེས་རབ་ཆགས་མེད་ཀློང་། །དེ་ལྟ་བུའི་ཡུམ་ཆེན་མོ་ལ་སྐུ་སྟོད་ནས་འབྱུང་བའི་རིགས་ལྔའི་སངས་རྒྱས་དང་། སྐུ་སྨད་ཀྱི་བྷ་གར་སྦྱོར་བ་མཛད་པའི་ ― DNG022_Page_0617 ―
[མ་དཔེ་གཟིགས་ན་འདིར་གནོན།]
སྲས་མོ་ལྔ་ཡོད་དེ། གཅིག་ནི་རྟག་པའི་རྒྱལ་མོ་རྣམ་སྣང་གསལ་ཞེས་བྱ་སྟེ། སྐུ་མདོག་དཀར་མོ་ལ་ཤེལ་གྱི་རལ་པ་ཅན་གསང་བའི་མཁའ་ཤེལ་གྱི་གའུར་འཁྱིལ་པ། མ་ཆགས་པའི་ཐབས་ལ་རོལ་པའོ། །གཅིག་ནི་རྟག་པའི་རྒྱལ་མོ་འོད་གསལ་འབར་བ་ཞེས་བྱ་སྟེ། སྐུ་མདོག་སྔོན་མོ་ལ་རིན་པོ་ཆེའི་ལན་ཕྲན་ཅན། གསང་བའི་མཁའ་རིན་པོ་ཆེའི་གའུར་འཁྱིལ་པ། མི་ལེན་པའི་ཐབས་ལ་རོལ་པའོ། །གཅིག་ནི་རྟག་པའི་རྒྱལ་མོ་གཉེན་གསལ་མ་ཞེས་ཀྱང་བྱ་སྟེ། སྐུ་མདོག་དམར་མོ་བྱུ་རུའི་ལན་ཕྲན་ཅན། གསང་བའི་མཁའ་བྱུ་རུའི་གའུར་འཁྱིལ་པ། གཉིས་སུ་མེད་པའི་ཐབས་ལ་རོལ་པའོ། །གཅིག་ནི་རྟག་པའི་རྒྱལ་མོ་ཡང་གསལ་གཡོས་ཞེས་ཀྱང་བྱ་སྟེ། སྐུ་མདོག་ལྗང་གུ་ལ་རྡོ་རྗེ་ལན་ཕྲན་ཅན་གསང་བའི་མཁའ་རྡོ་རྗེ་གའུར་འཁྱིལ་པ། མ་ཆགས་པའི་ཐབས་ལ་རོལ་པའོ། །གཅིག་ནི་རྟག་པའི་རྒྱལ་མོ་བཀྲག་གསལ་མ་ཞེས་ཀྱང་བྱ་སྟེ། སྐུ་མདོག་ཅིར་ཡང་འགྱུར་བ་ལ་གཡུའི་ལན་ཕྲན་ཅན། གསང་བའི་མཁའ་གཡུའི་གའུར་འཁྱིལ་པ། གཉིས་མེད་བརྟེན་པའི་ཐབས་ལ་རོལ་པའོ། །འདི་ལྔ་ནི་མཁའ་བཞི་དབྱིངས་དང་ལྔ་ཞེས་ཀྱང་བྱ་སྟེ། རིགས་ཀྱི་ཡུམ་ལྔ་བྱ་བ་ཡང་འདི་ལྔ་ཡིན། སེམས་ཅན་དུས་ཆེན་པོ་ལ་བབས་པ་ཡང་འདི་ལྔས་དབང་བྱེད་དོ། །སྲོག་ལས་དྲང་བའི་སྙིང་པོ་ནི། གྲི་སྭ་མུ་ཧཱུཾ་ཧ། ཛཱ་ལ་པ་རཾ་ཧ། བྱི་ཤས་ན་ཏི་ཧ། བྷི་ཡཾ་ཡཾ་ཧེ་ཧ། མ་ཧཱ་ལཾ་ཏེ་ཧ། དེ་ལྟར་བདག་ཉིད་བསྒོམ་པ་ནི། དང་པོར་དེ་བཞིན་ཉིད་ཀྱི་ཏིང་ངེ་འཛིན་གསལ་བར་བསྒོམ་པ་ནི། ཐུགས་ཀ་ནས་ཡི་གེ་ཨོཾ་དཀར་པོ་གཅིག་ལས་ཡེ་ཤེས་ལྔའི་གཞལ་ཡས་ཁང་ཆོས་ཀྱི་དབྱིངས་ཁྱབ་བརྡལ་བའི་དབུས་སུ། བདག་ཉིད་བླ་ན་མེད་པའི་ཏིང་ངེ་འཛིན་དུ་ཞུགས་ལ། སྙིང་གར་མུ་ལེ་ལས་ཡེ་ཤེས་ཚོགས་ཀྱི་རྗེ་མོ་བསྒོམ། མིག་གཡས་པ་ཧ་ལས་མཁའ་འགྲོ་མ་རྣམ་སྣང་གསལ་བར་བསྒོམ་མོ། །མིག་གཡོན་པ་ཧ་ལས་མཁའ་འགྲོ་མ་འོད་གསལ་བར་བསྒོམ་མོ། །རྣ་བ་གཡས་པར་ཧ་ལས་མཁའ་འགྲོ་མ་གཉེན་གསལ་འབར་ ― DNG022_Page_0618 ―
[མ་དཔེ་གཟིགས་ན་འདིར་གནོན།]
བར་བསྒོམ་མོ། །རྣ་བ་གཡོན་པ་ཧ་ལས་མཁའ་འགྲོ་མ་ཡང་གསལ་གཡོས་བསྒོམ། སྣ་ལ་ཧ་ལས་མཁའ་འགྲོ་མ་བཀྲག་གསལ་མཉམ་བསྒོམ། སྐུ་མདོག་དང་ཕྱག་མཚན་འོག་གི་ཚིག་བཤད་དང་སྦྱར། མ་མོ་རྣམས་ཀྱི་ཇོ་མོ་སྟེ་ཡང་གསང་ཐིག་ལེ་གཏན་ཚིགས་ཀྱི་ལེའུ་སྟེ་དང་པོའོ།། །།གནོད་འདུལ་ལྷ་ཡིས་ཡང་གསོལ་པ། །སྲིད་པའི་དཀྱིལ་འཁོར་བསྒོམ་པ་དང་། །བདག་ཉིད་ཕྱག་རྒྱར་བསྐྱེད་བྱ་བ། །འབྱུང་དང་འཇུག་པའི་མཚན་ཉིད་ལས། །ཇི་ལྟར་བདག་ཉིད་ནན་ཏན་བགྱི། །མངོན་རྫོགས་དཔལ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །མངོན་རྫོགས་ཡབ་ཀྱིས་བཀའ་སྩལ་པ། །འབྱུང་དང་འཇུག་པའི་མཚན་ཉིད་ལས། །ཇི་ལྟར་དཀྱིལ་འཁོར་བསྐྱེད་བྱ་བ། །ངས་བསྟན་པ་ལ་གདོན་མི་ཟ། །ཉོན་ཅིག་གདོན་འདུལ་ལྷ་ཡི་གཙོ། །འཇུག་དང་བསྡུ་བའི་མཚན་ཉིད་དེ། །ས་བོན་གྱིས་ནི་བརྟན་པར་བྱ། །བདག་ཉིད་ཐིག་ལེ་མཉམ་སྦྱར་ནས། །རྣམ་གསུམརིམ་གྱིས་ཏིང་འཛིན་བསྒོམ། །དམིགས་མེད་ཏིང་འཛིན་རྣམ་དག་གིས། །སྐྱེ་མེད་ཆོས་ཉིད་དབྱིངས་སུ་ཐིམ། །དམིགས་མེད་མ་ཆགས་ས་བོན་གྱིས། །དེ་བཞིན་ཉིད་དུ་རྣམ་པར་གྲགས། །སྙིང་རྗེ་ནམ་མཁའི་ངོ་བོ་ལྟར། །བླང་དོར་མེད་པར་སྣང་བ་ཡི། །མཚམས་སུ་སྦྱོར་བའི་ས་བོན་གྱིས། །ཀུན་ཏུ་སྣང་ཞེས་གྲགས་པ་ཡིན། །བདག་གི་རླུང་ལས་གྱུར་པ་ཡིས། །འོག་གི་ཕྱོགས་སུ་ས་བོན་བརྟེན། །བདག་གི་ཆུ་ལས་གྱུར་པ་ཡི། །དེ་ཡི་སྟེང་དུ་ས་བོན་བརྟེན། །བདག་གི་ས་ལས་གྱུར་པ་ཡིས། །ས་བོན་ལ་ནི་སྤྲིས་མ་བརྟན། །བདག་གི་མེ་ལས་གྱུར་པ་ཡི། །ས་བོན་ལ་ནི་དྲོད་དུ་ལྡན། །བདག་གི་ནམ་མཁའི་ངོ་བོ་ལས། །ས་བོན་གསུམ་གྱིས་སྣང་སྲིད་བསྒོམ། །དབྱིངས་ལས་འབྱུང་ལྔ་རྒྱུར་བསྐྱེད་དེ། །མཁའ་ལ་རླུང་བརྟན་འགྲོ་ལྔའི་གནས། །བྷ་ག་ཉིད་དུ་གསལ་བ་ལས། །ས་བོན་གྱིས་ནི་དཀྱིལ་འཁོར་བསྒོམ། ། ― DNG022_Page_0619 ―
[མ་དཔེ་གཟིགས་ན་འདིར་གནོན།]
འཁོར་ལོ་ས་བོན་གྱིས་སྦྱངས་པས། །རྩིབས་བརྒྱད་ས་རུ་རྣམ་པར་གྲགས། །གདན་གྱི་ས་བོན་རྣམ་སྦྱངས་ནས། །རྩིབས་བརྒྱད་སྟེང་དུ་བཅུ་བཞི་བསྒྱེལ། །དཀྱིལ་དུ་རྒྱ་མཚོ་ཐོད་ཕྲེང་གཉིས། །ཤར་དང་ནུབ་ཏུ་མགོ་བསྟན་པའོ། །སྒྲོལ་བྱེད་དཀར་མོ་མིག་གཅིག་གཉིས། །བརྒྱ་བྱིན་ཕྱོགས་སུ་མགོ་བསྟན་པའོ། །དབང་སྡུད་ནག་པོ་རལ་གཅིག་གཉིས། །གཤིན་རྗེ་ཕྱོགས་སུ་མགོ་བསྟན་པའོ། །བདུད་རྩི་བྱེད་དང་དམར་མོ་གཉིས། །ཆུ་བདག་ཕྱོགས་སུ་མགོ་བསྟན་པའོ། །གནས་འཕྲུལ་སེར་མོ་ལས་མཁན་གཉིས། །གནོད་སྦྱིན་ཕྱོགས་སུ་མགོ་བསྟན་པའོ། །རྒྱན་གྱི་རྒྱལ་མོ་མེ་ཡི་ཕྱོགས། །དབྱིངས་ཕྱུག་མ་ནི་བདེན་བྲལ་ཕྱོགས། །བདག་ཉིད་མ་ནི་རླུང་གི་ཕྱོགས། །གཅིག་པུ་མ་ནི་དབང་ལྡན་ཕྱོགས། །རིམ་གྲོ་སྐྱེད་ཕྱིར་འཁོར་རྣམས་བསྒྱེལ། །བྷ་ག་བཅུ་བཞིའི་གདན་སྟེང་ན། །བདག་ཉིད་བྱང་ཆུབ་ཐིག་ལེ་ལས། །སྙིང་པོ་ཡིས་ནི་མངོན་དུ་ཤར། །བྱེད་པ་པོ་ནི་ཀུན་ཏུ་བཟང་། །རྣམ་པར་ཐར་པའི་དབུར་ལྡན་ཞིང་། །ཡེ་ཤེས་དྲུག་གི་ཕྱག་རྒྱར་བཅས། །མཚན་དང་དཔེ་བྱད་དང་ཡང་ལྡན། །རྫུ་འཕྲུལ་བཞི་ཡི་ཞབས་དང་ལྡན། །བདག་གི་གཟུགས་ཀྱི་ངོ་བོ་ལས། །རྣལ་འབྱོར་ཉིད་བཞི་བདེ་མཆོག་མ། །བྱ་བ་མོ་ནི་ཆོས་ཀྱི་དབྱིངས། །ཆོས་ཉིད་རྟག་པ་ཐུགས་ཀྱི་དཀྱིལ། །འོད་ཟེར་ལྔ་པོ་རྩེ་ནས་འཕྲོ། །འབྱུང་བ་ལྔ་ཡི་ཞལ་མངའ་ཞིང་། །ཡེ་ཤེས་དྲུག་གི་ཕྱག་རྒྱར་བཅས། །ཕྱོགས་མཚམས་གནོན་པའི་ཞབས་བརྒྱད་ཀྱིས། །མ་གཤེགས་པར་ནི་སྲིད་པར་ཕྱིན། །དུས་བཞི་འཆར་བའི་བྷ་ག་ལ། །སྐྱེ་ཤི་མེད་པའི་ཀློང་དུ་ཐིམ། །སྲིད་པ་གསུམ་གྱིས་སྐུར་བརྒྱན་ཅིང་། །སྤྱི་དཔལ་མཆོག་ལ་འདི་སྐད་གསུངས། །ཡེ་ཤེས་སྙིང་པོ་བླ་ན་མེད། །བླ་མེད་ཁྲག་འཐུང་དཔལ་གྱི་དཔལ། །འཇིགས་བྱེད་གསང་བའི་རྡོ་རྗེ་ནི། །མཁའ་ཀློང་ཀུན་གྱི་གཏེར་ལགས་ཏེ། །མཁའ་ཀློང་བདེ་བའི་ལམ་མཆོག་ ― DNG022_Page_0620 ―
[མ་དཔེ་གཟིགས་ན་འདིར་གནོན།]
ནི། །སྐྱེ་འགྲོ་ཡོངས་ཀྱི་ཐར་པའི་ལམ། །སངས་རྒྱས་ཡོངས་ཀྱི་རེ་སྐོང་ཕྱིར། །ཐར་ལམ་བདེ་བའི་ལོངས་སྤྱོད་ནི། །འཛུམ་པའི་མདངས་ཀྱིས་འབུལ་ལགས་ཀྱི། །དགྱེས་པའི་རྡོ་རྗེ་གསོར་ནས་ཀྱང་། །རེ་སྐོང་བདུད་རྩིའི་ཆར་ཆེན་ཕོབ་ཧོ། །ཧཱུཾ། མཉམ་བཞག་ཡེ་ཤེས་པདྨའི་དབྱིངས། །འབྱུང་གནས་སྐྱེ་འགྲོ་ཐར་པའི་ལམ། །རིན་ཆེན་དཀྱིལ་འཇམ་ཀློང་ཡངས་སུ། །སྤྱི་དཔལ་རྡོ་རྗེ་གསང་བའི་གཏེར། །རེ་སྐོང་བདུད་རྩིའི་ཆར་ཆེན་ཕོབ། །ཧཱུཾ། བྷ་ག་པདྨའི་དཀྱིལ་འཁོར་འདིར། །འདབ་བརྒྱད་མཛེས་པའི་དཀྱིལ་འཁོར་ལྡན། །ཕྱི་ལྕགས་ནང་རྟེན་སྒོ་འཕར་བཅས། །རིན་ཆེན་དཀྱིལ་འཇམ་སྟན་བཏིང་སྟེ། །བླ་མེད་འཕྲུལ་གྱི་ལྡེ་མིག་གིས། །ལྕགས་ཁྲོལ་གདན་ཕྱེ་གདན་ལ་བཞུགས། །རིན་ཆེན་བརྩེགས་པའི་གའུ་རུ། །བླ་མེད་ཁྲག་འཐུང་སྐུ་བསིལ་ནས། །བདུད་རྩི་ཆེན་པོའི་བུམ་པ་ཡིས། །སྲིད་གསུམ་འགྲོ་བའི་བག་ཆགས་བཀྲུས། །ཧཱུཾ། མི་དམིགས་པ་ལ་དམིགས་པ་ཆེ། །མ་ཆགས་པ་ལ་ཆགས་པ་ཆེ། །ཐར་ལམ་བདེ་བ་བྷ་གའི་དབྱིངས། །བླང་དོར་མེད་པའི་ཀློང་ཡངས་སུ། །སྲིད་པའི་བག་ཆགས་བཀྲུ་བའི་ཕྱིར། །སྤྱི་དཔལ་བླ་ན་མེད་པ་ཡི། །གསང་བའི་དོན་ལྡན་ལྡེ་མིག་གིས། །རྣམ་པར་ཐར་པའི་སྒོ་ཕྱེ་སྟེ། །ཡེ་ཤེས་ཆུ་བོས་ཁྲུས་ཆེན་མཛོད། །ཨོཾ། ཐབས་ལས་དབྱིངས་བྱུང་ཐར་པའི་ལམ། །དབྱིངས་ལས་ཐབས་བཞེངས་བླ་མེད་སྐུ། །བླ་མེད་དབྱིངས་དང་ཡེ་ཤེས་སྦྱོར་བ་ལས། །བདུད་རྩི་ཆེན་པོའི་ཆར་ཆེན་སྲིད་པར་སྤྲོ། །ཕྱོགས་བཅུའི་རྒྱལ་བ་མཉེས་པའི་མཆོད་པར་སྤྲོ། །རྣལ་འབྱོར་མཁའ་འགྲོ་སྐོང་བའི་ཚོགས་སུ་སྤྲོ། །འགྲོ་བ་རིགས་དྲུག་སྒྲིབ་པ་སྦྱོང་བའི་ཕྱག་རྒྱ་ཆེན་པོར་སྤྲོ། །མུ་སྟེགས་བདུད་འདུལ་ཁྲོ་རྒྱལ་ཚོགས་སུ་སྤྲོ། །སྡུག་བསྔལ་ཟད་བྱེད་བདུད་རྩིའི་ཆར་ཆེན་སྤྲོ། །དབང་པོ་གསལ་བྱེད་ཡེ་ཤེས་སྒྲོན་མར་སྤྲོ། །འདོད་ཆགས་ཚིམས་བྱེད་གསང་ ― DNG022_Page_0621 ―
[མ་དཔེ་གཟིགས་ན་འདིར་གནོན།]
བའི་སེམས་སུ་སྤྲོ། །ཧཱུཾ། བྱང་ཆུབ་སེམས་ཀྱི་ཐིག་ལེ་ལས། །མ་འགགས་ལྷུན་གྱིས་རྫོགས་པས་ན། །ཐམས་ཅད་བྱང་ཆུབ་ཉིད་ཀྱི་ངང་། །ཞེས་གླེངས་ཏེ་གཉིས་སུ་མེད་པར་གྱུར་ཏོ། །གཉིས་མེད་སྦྱོར་བའི་ཐིག་ལེ་ཆེ། །གཉིས་མེད་སྦྱོར་བའི་འོད་ཟེར་ལས། །འབྱུང་བ་ལྔ་ཡི་འཕྲོ་འདུ་བྱུང་། །བདག་གི་ས་ཡི་ངོ་བོ་ལས། །ས་བོན་ལས་ནི་སྐུར་བསྐྱེད་པ། །མཁའ་འགྲོ་བརྟན་འབར་སེམས་མའི་མཆོག །མི་འཇིགས་པ་ཡི་དབུ་གསུམ་གྱིས། །དུག་གསུམ་དབྱིངས་སུ་སྒྲོལ་བྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །སྦྱིན་པ་ཆེན་པོ་རྟག་ཏུ་གཏོང་། །མཚོན་དུ་མེད་པའི་སྐུ་མདོག་ལས། །དཀར་ལ་དག་པའི་ན་བཟའ་གསོལ། །རྫུ་འཕྲུལ་བཞི་ཡི་ཞབས་དག་གིས། །ས་བདག་གདན་ལ་བརྐྱང་བསྐུམ་བཞུགས། །བདག་གི་རླུང་ལས་གྱུར་པ་ཡི། །ས་བོན་ལས་ནི་སྐུར་བསྐྱེད་པ། །མཁའ་འགྲོ་ཡང་གསལ་སེམས་མའི་མཆོག །ཐོགས་པ་མེད་པའི་དབུ་གསུམ་གྱིས། །ཁམས་གསུམ་དབྱིངས་སུ་སྒྲོལ་བྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །སྦྱིན་པ་ཆེན་པོ་རྟག་ཏུ་གཏོང་། །སྣ་ཚོགས་འགྱུར་བའི་སྐུ་མདོག་ལས། །ལྗང་གུ་ན་བཟའ་བཻ་ཌཱུརྱ། །རྫུ་འཕྲུལ་བཞི་ཡི་ཞབས་དག་གིས། །གནོད་སྦྱིན་གདན་ལ་བརྐྱང་བསྐུམ་བཞུགས། །བདག་གི་ཆུ་ལས་གྱུར་པ་ཡི། །ས་བོན་ལས་ནི་སྐུ་བསྐྱེད་ལས། །མཁའ་འགྲོ་གཉེན་གསལ་སེམས་མའི་མཆོག །རོལ་པ་ཆེན་པོའི་དབུ་གསུམ་གྱིས། །དུག་གསུམ་དབྱིངས་སུ་སྒྲོལ་བྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ལས། །སྦྱིན་པ་ཆེན་པོ་རྟག་ཏུ་གཏོང་། །མཚོན་དུ་མེད་པའི་སྐུ་མཆོག་ལས། །དམར་པོ་དབང་གི་ན་བཟས་བརྒྱན། །རྫུ་འཕྲུལ་བཞི་ཡི་ཞབས་དག་གིས། །ཆུ་བདག་གདན་ལ་བརྐྱང་བསྐུམ་བཞུགས། །བདག་གི་མེ་ལས་གྱུར་པ་ཡི། །ས་བོན་ལས་ནི་སྐུར་བསྐྱེད་པ། །མཁའ་འགྲོ་འོད་གསལ་སེམས་མའི་མཆོག །སྟོབས་ལྡན་མཆོག་གི་དབུ་གསུམ་གྱིས། །སྲིད་གསུམ་ཐིག་ལེར་སྒྲོལ་བྱེད་ཅིང་། །ཕ་རོལ་ཕྱིན་དྲུག་ཕྱག་རྒྱ་ ― DNG022_Page_0622 ―
[མ་དཔེ་གཟིགས་ན་འདིར་གནོན།]
ལས། །སྦྱིན་པ་ཆེན་པོ་རྟག་ཏུ་གཏོང་། །མཚོན་དུ་མེད་པའི་སྐུ་མཆོག་ལས། །རིན་ཆེན་སྔོན་མོའི་ན་བཟས་བརྒྱན། །རྫུ་འཕྲུལ་བཞི་ཡི་ཞབས་དག་གིས། །གཤིན་རྗེའི་གདན་ལ་བརྐྱང་བསྐུམ་བཞུགས། །བདག་གི་བཀྲག་ལས་གྱུར་པ་ཡི། །ས་བོན་ལས་ནི་སྐུར་བསྐྱེད་པ། །མཁའ་འགྲོ་བཀྲག་གསལ་སེམས་མའི་མཆོག །མི་འགྱུར་བ་ཡི་དབུ་གསུམ་གྱིས། །སྐྱེ་འགྲོ་མཁའ་ལ་སྒྲོལ་བྱེད་མ། །ཕ་རོལ་ཕྱིན་དྲུག་ཕྱག་རྒྱ་ལས། །མི་བཟད་པ་ཡི་སྦྱིན་པ་གཏོང་། །ཅིར་ཡང་འགྱུར་བའི་སྐུ་མདོག་ལ། །བཙོ་མ་གསེར་གྱི་ན་བཟའ་གསོལ། །རྫུ་འཕྲུལ་བཞི་ཡི་ཞབས་དག་གིས། །བརྒྱ་བྱིན་གདན་ལ་བརྐྱང་བསྐུམ་བཞུགས། །བདག་གི་གབ་པའི་ཐིག་ལེ་ལས། །ས་བོན་ལས་ནི་སྐུར་བསྐྱེད་པ། །བླ་ན་མེད་པའི་ཡབ་ཡུམ་གྱིས། །སྦྱོར་བའི་གནས་སུ་དྲུག་པོ་བཏིང་། །བདག་གི་འོད་ཟེར་སྣ་ཚོགས་ལས། །ས་བོན་ལས་ནི་སྐུར་བསྐྱེད་པ། །དཔལ་འབར་ཁྲོ་མོ་ཉིད་ཀྱི་སྐུ། །བདག་གི་དྭངས་མ་བཞི་པོ་ལས། །ས་བོན་ལས་ནི་སྐུར་བསྐྱེད་པ། །གསང་བའི་ཡུམ་བཞི་ཉིད་ཀྱི་སྐུ། །བདག་གི་དྭངས་མ་བརྒྱད་པོ་ལས། །ས་བོན་ལས་ནི་སྐུར་བསྐྱེད་པ། །ཁམས་གསུམ་གདར་གཅོད་ཉིད་ཀྱི་སྐུ། །བདག་གི་བདེ་ཆེན་གསང་བ་ལས། །ས་བོན་ལས་ནི་སྐུར་བསྐྱེད་པ། །དུག་གསུམ་དབང་སྡུད་ཉིད་ཀྱི་སྐུ། །བདག་གི་དཔག་བསམ་ཤིང་བུ་ལས། །ས་བོན་ལས་ནི་སྐུར་བསྐྱེད་པ། །སྐྱེ་ཤི་རྩད་གཅོད་ཉིད་ཀྱི་སྐུ། །གཡང་གཞི་དག་གི་གདན་སྟེང་ན། །བདག་གི་བདེ་ཆེན་གསང་བ་ལས། །ས་བོན་ལས་ནི་སྐུར་བསྐྱེད་པ། །པདྨ་ཤཱན་ཏིང་དབང་གི་སྐུ། །འདོད་ཁམས་ཆེན་མོ་གཙོ་མོ་ཡུམ། །བདག་གི་སྲིད་པའི་མདོ་སྡུད་ལས། །ས་བོན་ལས་ནི་སྐུར་བསྐྱེད་པ། །ཡཀྵ་ཁྲོ་མཆོག་ཉིད་ཀྱི་སྐུ། །བདག་གི་དབང་པོའི་མདོ་སྡུད་ལས། །ས་བོན་ལས་ནི་སྐུར་བསྐྱེད་པ། །ཡཀྵ་ཀྲོ་དྷཱི་ཤྭ་རཱིའི་སྐུ། །གཡས་གཡོན་ཐབས་དང་ཤེས་ ― DNG022_Page_0623 ―
[མ་དཔེ་གཟིགས་ན་འདིར་གནོན།]
རབ་ལས། །ས་བོན་ལས་ནི་སྐུར་བསྐྱེད་པ། །ཀྲོ་དྷཱི་ཤྭ་རཱི་ས་མ་ཡ། །བདག་གི་སྲིད་པ་འཇུག་བྱེད་ལས། །ས་བོན་ལས་ནི་སྐུར་བསྐྱེད་པ། །གུ་ཧྱ་ཀྲོ་དྷཱི་ཤྭ་རཱིའི་སྐུ། །དེ་ལྟར་རྟག་ཏུ་བསྒོམ་པ་ནི། །བྱེད་པ་པོ་དང་བྱ་བ་མོ། །ཕ་མ་མེད་པའི་ཕོ་མོ་གཉིས། །སྲིད་པའི་སྔོན་དུ་བྱུང་བ་ཡིན། །སངས་རྒྱས་པས་ནི་ཤིན་ཏུ་བགྲེས། །ལྔ་ལས་གྱུར་པའི་བུད་མེད་ལྔ། །གཉེན་མེད་སྲིད་པའི་གཡུང་དྲུང་ཡིན། །བསྐྱེད་པའི་ཁྲོ་མོ་བཅུ་གསུམ་ནི། །ཅི་ཡང་མི་འོང་སྤུན་དྲུག་སྟེ། །རུས་མེད་སྤུན་དྲུག་བཅུ་གསུམ་ཡིན། །མཚོན་དུ་མེད་པའི་ནམ་མཁའ་ལས། །གཟའ་སྐར་མང་པོ་འབར་བ་ལྟར། །བྱང་ཆུབ་སེམས་ཀྱི་ཐིག་ལེ་ལས། །རིག་པའི་ཕྱག་རྒྱ་ཅིར་ཡང་སྣང་། །སྐྱེ་འགག་མེད་པའི་དབྱིངས་སུ་ཐིམ། །གསང་ཆེན་བདེ་བའི་རྡོ་རྗེ་ལས། །བྷ་གའི་དཀྱིལ་དུ་ལིངྒ་སྤྲོ། །རྩེ་ནས་བསྡིམ་ཞིང་དཀྱིལ་འཁོར་བསྒྱུར། །ངས་གསུངས་པ་ལ་ཐེ་ཚོམ་མེད། །དཀྱིལ་འཁོར་བསྐྱེད་པའི་བཅའ་གཞི་གབ་པའི་ཐིག་ལེའི་ལེའུ་སྟེ་གཉིས་པའོ།། །།གདོན་འདུལ་ལྷ་ཡིས་ཡང་གསོལ་པ། །འགྲོ་བ་སེམས་ཅན་ཐམས་ཅད་ཀུན། །རྟོག་པའི་ནད་ཀྱིས་ཟིན་པ་ལ། །བདུད་རྩི་སྨན་གཏང་ཇི་ལྟར་ལགས། །ངོ་མཚར་ལྷ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །བླ་མེད་དཔལ་གྱིས་བཀའ་སྩལ་པ། །རྟོག་པའི་ནད་གཞིལ་སྨན་ཆེན་པོ། །ངས་བསྟན་པ་ལ་ཐེ་ཚོམ་མེད། །ངས་བསྟན་པ་ལ་གདོན་མི་ཟ། །ཉོན་ཅིག་གཡུང་དྲུང་ཡང་དག་པ། །རྒྱུ་གཅིག་དང་ནི་རྐྱེན་གཉིས་ལས། །ས་བོན་གྱིས་ནི་རྣམ་སྦྱངས་པ། །སྟོང་གསུམ་སྦྱངས་པས་དྲི་མཆོག་འགྱུར། །དུག་གསུམ་ནད་ཀྱི་གཉེན་པོ་ཡིན། །རྒྱུ་གཉིས་དང་ནི་རྐྱེན་གཉིས་ལས། །ས་བོན་གྱིས་ནི་རྣམ་སྦྱངས་པ། །སྤྲོ་བསྡུ་དུ་བ་འཐུལ་བ་དང་། །འགྲོ་འདུལ་རྣམ་རྟོག་ཐམས་ཅད་འདུལ། །ཉོན་མོངས་ལྔ་ཡི་ནད་རྣམས་ཞི། །རྒྱུ་གསུམ་དང་ནི་རྐྱེན་ལྔ་ལས། །ས་བོན་གྱིས་ནི་ཡང་དག་ ― DNG022_Page_0624 ―
[མ་དཔེ་གཟིགས་ན་འདིར་གནོན།]
སྦྱངས། །སྤྲོ་བསྡུ་གཡོས་པར་གྱུར་པ་ནི། །རྣམ་ཤེས་བརྒྱད་ནི་ཀུན་ཏུ་རྒྱུ། །འཇིགས་པའི་ནད་རྣམས་ཞི་བར་བྱེད། །བདག་གི་དྲི་མ་ཆེན་པོ་ལས། །ས་བོན་གྱིས་ནི་རྣམ་སྦྱངས་ཏེ། །ཟོས་ན་ཡོན་ཏན་གཉིས་དང་ལྡན། །དངོས་གྲུབ་ཆེན་པོ་གཏི་མུག་ཡིན། །བདག་གི་དངོས་པོ་མཱཾ་ས་ལས། །ས་བོན་གྱིས་ནི་རྣམ་སྦྱངས་ཏེ། །ཟོས་ན་ཡོན་ཏན་གཉིས་དང་ལྡན། །དངོས་གྲུབ་ཆེན་པོ་ང་རྒྱལ་ཡིན། །བདག་གི་ཁྲག་ལས་གྱུར་པ་ཡི། །ས་བོན་གྱིས་ནི་རྣམ་སྦྱངས་པ། །ཟོས་ན་ཡོན་ཏན་གཉིས་དང་ལྡན། །དངོས་གྲུབ་ཆེན་པོ་འདོད་ཆགས་ཡིན། །བདག་གི་དྲི་ཆུ་ལས་གྱུར་པའི། །ས་བོན་གྱིས་ནི་རྣམ་སྦྱངས་ཏེ། །ཟོས་ན་ཡོན་ཏན་གཉིས་དང་ལྡན། །དངོས་གྲུབ་ཆེན་པོ་ཕྲག་དོག་ཡིན། །བདག་གི་གསང་བའི་ས་བོན་ལས། །ས་བོན་གྱིས་ནི་རྣམ་སྦྱངས་ཏེ། །ཟོས་ན་ཡོན་ཏན་གཉིས་དང་ལྡན། །དངོས་གྲུབ་ཆེན་པོ་ཞེ་སྡང་ཡིན། །ཀུན་འདུས་གཅིག་ཏུ་གྱུར་པ་ཡིན། །ཕྲ་མོ་སྟོང་དང་སྦོམ་པོ་བརྒྱད། །བཏུས་ནས་གོང་བུར་དྲིལ་བ་ལས། །བསྡུས་པའི་ས་བོན་གྱིས་སྦྱངས་པ། །སྤྲོ་བསྡུ་འོད་དུ་གྱུར་པས་ན། །ཐབས་དང་ཤེས་རབ་ཕྱག་རྒྱ་ལས། །ཟོས་ན་དཔལ་ཆེན་དངོས་གྲུབ་ཐོབ། །མཁའ་འགྲོ་མ་རྣམས་མགུ་བར་བྱེད། །རྒྱུ་གསུམ་རྐྱེན་ལྔ་བདུད་རྩི་ཆེན་པོ་ལས། །སྣང་བ་ཆེན་པོ་སྣང་སྲིད་འཆར་བའི་རྒྱུ། །དུས་གསུམ་རྒྱལ་བ་ཀུན་གྱི་འབྱུང་གནས་ཏེ། །མཁའ་འགྲོ་དམ་ཅན་ཀུན་གྱི་སྲོག་གི་རྒྱུན། །རང་བཞིན་བདུད་རྩི་ཆེན་པོའི་འབྱུང་གནས་ཡིན། །རང་བྱུང་རྣམ་དག་ཉིད་ཀྱི་སྐུ་གསུང་ཐུགས། །བདུད་རྩི་ཆེན་པོ་སྟོང་པ་ཉིད་བཞུགས་པས། །དུག་གསུམ་རྟོག་པ་ནད་ཀྱི་གཉེན་པོ་ཡིན། །ཐེག་ཆེན་ས་གཞི་ཆེན་པོ་ལས། །རྩི་མཆོག་མང་པོ་ཀུན་སྐྱེས་ཏེ། །འགྲོ་བའི་གསོས་སུ་གྱུར་པ་ལྟར། །བདག་ཉིད་བདུད་རྩི་ཆེན་པོའི་དཀྱིལ་འཁོར་ལས། །སྲོག་གིས་བསྡུས་པའི་སེམས་ཅན་ཐམས་ཅད་ཀུན། །རྣམ་རྟོག་ནད་ཀྱི་གསོས་སུ་ཆེ། །རྒྱུ་གསུམ་རྐྱེན་ལྔའི་བདུད་རྩི་སྟེ། །མ་རིག་དམྱལ་བའི་དོང་ཞེས་བྱ། ། ― DNG022_Page_0625 ―
[མ་དཔེ་གཟིགས་ན་འདིར་གནོན།]
དེ་སྐད་ཅེས་ནི་བཀའ་སྩལ་པས། རྡོ་རྗེ་སེམས་དཔའ་དང་ལྷ་གདོན་འདུལ་ལ་སོགས་ཏེ་འཁོར་དེར་འདུས་པ་རྣམས་བདུད་རྩིའི་དཀྱིལ་འཁོར་གྱིས་གཏན་དུ་ཚིམས་ནས་མི་འཆི་བའི་དངོས་གྲུབ་ཐོབ་བོ། །བདུད་རྩི་ཆེན་པོ་ལྔས་རྣམ་པར་རྟོག་པའི་མཚན་མ་བཅོམས་ནས། ཆོས་ཉིད་དུ་གྱུར་པའི་བདུད་རྩིའི་བཅའ་གཞིའི་ལེའུ་སྟེ་གསུམ་པའོ།། །།གཡུང་དྲུང་ལྷ་ཡིས་ཡང་གསོལ་པ། །སྲིད་པའི་སེམས་ཅན་ཐམས་ཅད། །འདོད་ཆགས་ཀྱིས་ནི་ཁམས་གསུམ་འཁོར། །ཞེ་སྡང་གིས་ནི་ངན་སོང་ལྟུང་། །དེ་ལ་ཇི་ལྟར་ནན་ཏན་བགྱི། །ཉག་གཅིག་ཡབ་ལ་བདག་ཉན་འཚལ། །གཙོ་བོ་ཡབ་ཀྱིས་བཀའ་སྩལ་པ། །ཇི་ལྟར་ཆགས་སྡང་རྣམ་པ་གཉིས། །དངོས་གྲུབ་ཆེན་པོར་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །ཞེ་སྡང་ཆེན་པོའི་ཏིང་འཛིན་གྱིས། །ཕ་དང་ཁུ་བོ་མེས་པོ་དང་། །ལྷ་དང་བྲམ་ཟེ་མུ་སྟེགས་དང་། །བྲན་དང་གཡོག་པོ་ལ་སོགས་ཏེ། །ཞིང་བཅུ་དག་ཏུ་བསྟན་པ་ལ། །ཕུང་པོ་བསད་དེ་སྙིང་ཕྱུང་ན། །དངོས་གྲུབ་ཡ་མཚན་ཆེན་པོར་འགྱུར། །འདོད་ཆགས་ཆེན་པོའི་ཏིང་འཛིན་གྱིས། །མ་དང་བུ་མོ་སྲིང་མོ་རྣམས། །ལྷ་མོ་ཀླུ་མོ་རིགས་ངན་རྣམས། །བྲན་མོ་གཡོག་མོ་ལ་སོགས་ཏེ། །གདོལ་པ་མོ་དང་ཕྱལ་བ་ལ། །ཚུལ་དགུར་སྦྱར་ན་དངོས་གྲུབ་འཐོབ། །ཅེས་བཀའ་སྩལ་པ་དང་། གཡུང་དྲུང་ལྷ་སོགས་ཡ་མཚན་དུ་གྱུར་ནས། སྔངས་ཏེ་ཅི་ཡང་མི་སྨྲ་བར། འཁོར་དེ་དག་ལས་འཁོར་གྱི་གཙོ་བོ་དཔལ་རྡོ་རྗེ་སེམས་དཔའ་སྟན་ལས་ལངས་ཏེ། ཡེ་ཤེས་བཞིའི་བརྐྱང་ཕྱག་ཕྱོགས་བཞིར་འཚལ་ཏེ། བག་བཞི་ས་ལ་བརྡབས་ནས་ལུས་བརྐྱངས་ཏེ། རྒྱལ་པོ་རྫོགས་པའི་ཞབས་སྤྱི་བོས་བླངས་ཏེ། དངོས་གྲུབ་མྱུར་བར་འདོད་པའི་ཕྱིར་ཕྱག་རྒྱ་བཅས་ནས་གསོལ་པ། ཕ་དང་ཉེ་བཞི་ཞིང་བཅུ་དག །བསད་ན་དངོས་གྲུབ་ཐོབ་པ་ཡི། །ཞེ་སྡང་ཆེན་པོའི་ཏིང་འཛིན་ལ། །ཞིང་བཅུ་བསད་ན་དངོས་གྲུབ་ཐོབ། །རྟོག་པ་སྣ་ཚོགས་ལས་བྱའོ། །མ་དང་ཉེ་བ་ཕྱལ་པ་དང་། །སྦྱོར་ན་དངོས་གྲུབ་ཐོབ་པ་ཡི། ། ― DNG022_Page_0626 ―
[མ་དཔེ་གཟིགས་ན་འདིར་གནོན།]
འདོད་ཆགས་ཆེན་པོའི་ཏིང་འཛིན་གྱི། །དངོས་གྲུབ་ཆེན་པོ་བདག་འཚལ་ན། །སྤྱི་དཔལ་ཆེན་པོས་བསྟན་དུ་གསོལ། །ཞེས་ཞུས་ཏེ་ལུས་ས་ལ་ལན་སྟོང་དུ་བརྡབ་པ་དང་། སྲིད་པ་ཐམས་ཅད་དུས་གཅིག་ཏུ་གཡོས་ཏེ་འཁོར་ཐམས་ཅད་དུས་གཅིག་ཏུ་ཁམས་འཁྲུགས་ནས། ཐམས་ཅད་བག་བཞི་ས་ལ་བརྡབས་ནས་ཡ་མཚན་ཏོ། །སྤྱི་དཔལ་ཆེན་པོ་ཡ་མཚན་ཏོ། །ཞེས་ཚིག་སྨྲས་པས། པདྨ་ཁ་འབུས་པ་ལྟར་སོར་མོ་བཅུ་སྤྱི་བོར་བླངས་ནས། མིག་མི་ལྡོག་པར་མངོན་རྫོགས་རྒྱལ་པོ་ལ་རྟོག་གོ། །དེ་ནས་དེ་ལྟ་བུའི་སྤྱོད་པ་ཐུགས་སུ་ཆུད་ནས། འཁོར་ཐམས་ཅད་ལ་དགྱེས་པ་ཡེ་ཤེས་ཀྱི་མདངས་ཀྱིས་གཟིགས་ཏེ་བཀའ་སྩལ་པ། རྡོ་རྗེ་འཁོར་ལ་གདུང་བ་དང་། །སེམས་ཅན་ཀུན་ལ་ཐུགས་བརྩེའི་ཕྱིར། །རྡོ་རྗེ་སེམས་དཔའ་ཞུས་པ་ལེགས། །ཀུན་ཀྱང་དྲན་པ་གནས་སུ་སྡུས། །སྲིད་པ་ཐམས་ཅད་བདེ་ལ་འཁོད། །ངས་ཀྱང་བདུད་རྩིའི་སྙིང་པོ་སྦྱིན། །འདུ་ན་ས་མ་ཡ་ལྷན་སྟྭམ། །ཞེས་བརྗོད་པས་འཁོར་ཀུན་སེམས་རྣལ་དུ་ཕེབ་པ་དང་། སྲིད་པ་ཐམས་ཅད་དུས་གཅིག་ཏུ་བདེའོ། །རྣ་བའི་དབང་པོ་བླགས་ནས། རྡོ་རྗེ་སེམས་དཔའི་ཕྱག་རྒྱའི་རྗེས་སུ་ཞུགས་ནས་གུས་པས་ཉན་ཏོ། །དེ་ནས་སྤྱི་དཔལ་ཆེན་པོས་བཀའ་སྩལ་པ། གཉེན་སྡུག་དང་ནི་ཞིང་བཅུ་པ། །བསད་པའི་ཕྱིར་ནི་ཞེ་སྡང་བསྒོམ། །སྦྱང་བ་གསུམ་གྱིས་རྣམ་སྦྱངས་པས། །སྲིད་པའི་བག་ཆགས་མ་ལུས་འབྱང་། །ལྔ་ཡི་ཚོགས་སུ་ས་བོན་གྱིས། །སྒོ་ལྔ་བཀག་ན་ཚོར་བ་མེད། །སྙིང་བརྩེ་བ་ཡི་ཤུགས་དག་གིས། །བསྡུས་ནས་རྒྱལ་བའི་རི་ལུ་བཞིན། །སྒོ་འབྱེད་པ་ཡི་ས་བོན་གྱིས། །བོ་དྷི་ཙིཏྟའི་སྒོ་ཕྱེ་ནས། །རྣ་བརྒྱུད་བྱིན་པས་སེམས་ཞུ་སྟེ། །མས་ཡར་བཟློག་པའི་ས་བོན་གྱིས། །སྦར་ཏེ་འབྲུ་བཞི་བཅུ་ཡང་ས་བོན་གྱིས། །ཆུ་དང་འོ་མ་འདྲེས་པ་བཞིན། །མྱ་ངན་འདའ་བའི་ཕྱག་རྒྱ་ཡིས། །བཅིངས་ན་བདེ་སྐྱིད་སྦྱིན་ཡང་གཡུང་དྲུང་འབྱིན། །རྐྱེན་ལྔ་སྒོ་འབྱེད་ས་བོན་གྱིས། །རི་རབ་ཆེན་ ― DNG022_Page_0627 ―
[མ་དཔེ་གཟིགས་ན་འདིར་གནོན།]
པོའི་སྒོ་ཕྱེ་སྟེ། །ལྷ་མོ་ལྔ་ཡི་ཕྱག་རྒྱ་ཡིས། །ལྕགས་ཀྱུའི་ཕྱག་རྒྱས་བསྡམས་ནས་སུ། །རྒྱུ་གཅིག་དབྱིངས་ནས་ཕྱུངས་ནས་སུ། །མཚམས་སྦྱོར་བ་ཡི་ས་བོན་གྱིས། །ཡེ་ཤེས་གཡུང་དྲུང་བརྡལ་བ་ལ། །སྤྱི་དཔལ་ཆེན་པོས་མཚམས་སྦྱར་ནས། །གསེར་དང་དངུལ་དུ་བསྲེས་པ་བཞིན། །སྡིག་པ་སྤྱད་ཀྱང་ཡེ་ཤེས་འབར། །ཡང་ན་དཀྱིལ་འཁོར་གསལ་སྤྲོས་ཏེ། །ཕུང་པོས་མངོན་རྫོགས་ལྷ་ལ་མཆོད། །རྩ་བ་གསང་བའི་བྷ་ག་ལ། །མཚམས་སུ་སྦྱོར་བའི་ས་བོན་གྱིས། །སྲས་སུ་བསྐྱེད་ན་བསོད་ནམས་མཆོག །བསྐལ་པའི་མེ་དཔུང་འབར་བ་ཡིས། །སྲིད་པའི་བུད་ཤིང་བསྲེགས་པ་ལྟར། །ཡེ་ཤེས་མེ་དཔུང་འབར་བ་ཡིས། །འགྲོ་བ་ཀུན་གྱི་བག་ཆགས་བསྲེགས། །མེ་ལ་ཤིང་གིས་བསྣན་པ་ལྟར། །སྡིག་པ་སྤྱད་ཀྱང་ཡེ་ཤེས་འབར། །མ་སྲིང་དང་ནི་ཕྱལ་པ་དང་། །སྦྱོར་བའི་ཕྱིར་ནི་འདོད་ཆགས་བསྒོམ། །ལྷ་ལྔ་ཡི་ས་བོན་རྣམ་ལྔ་ལས་ཀྱང་ཡི་ས་བོན་གནས་ལྔ་དང་། །གཅིག་ལ་ལྔ་ཡི་ཚོམ་བུར་སྦྱར། །ལན་ལམ་ཡང་དུ་བདེ་བའི་ས་བོན་གྱིས། །བྷ་ག་ལ་ནི་འདབ་མ་བརྒྱད་པདྨས་བརྒྱན། །སྟན་དུ་བདེ་བའི་ས་བོན་གྱིས། །ཀློང་ནས་འཁོར་ལོའི་རྩིབས་སུ་བཅས། །ལས་ཀྱི་ས་བོན་གཡས་གཡོན་ལ། །དབུ་ལ་མཁའ་འགྲོ་ལྔ་པོ་ཉིད། །དྲིལ་བུའི་ས་བོན་རྐང་གཉིས་ལ། །ཞགས་པའི་ས་བོན་ལག་གཉིས་པོར། །བདག་ཉིད་སྙིང་པོ་བརྟན་པའི་སྐུ། །གནས་ལྔར་རལ་གྲིའི་ས་བོན་ལྔ། །གཅིག་ལ་མཁའ་འགྲོ་ལྔ་ལྔས་བསྐོར། །འདྲེན་པའི་ས་བོན་སྒལ་ཚིགས་ལ། །དགྱེ་བའི་ས་བོན་གཡས་གཡོན་ལ། །བསྡིམ་པའི་ས་བོན་གསང་བ་ལ། །ལྕགས་ཀྱུའི་ས་བོན་རྐང་གཉིས་ལ། །ལྕགས་སྒྲོག་ས་བོན་ལག་གཉིས་ལ། །བསྐྱོད་པའི་ས་བོན་མཚམས་སུ་སྟེ། །སྤྲོས་ནས་གཉིས་སུ་མེད་པའི་ཚེ། །མཆོད་པ་ཅི་ཡི་ས་བོན་གྱིས། །སྟོང་ཁམས་ བཀང་ནས་མཉེས་མཆོད་ལ། །རིགས་དྲུག་འགྲོ་བའི་སྡིག་སྦྱངས་ནས། །འཇུག་པའི་ས་བོན་ཆེན་པོ་ཡིས། །བརྫུས་ནས་ཀུན་བཟང་མཁའ་ལ་བསྡིམ། །གཏིང་དཔག་མེད་པའི་རྒྱ་མཚོ་ལ། ། ― DNG022_Page_0628 ―
[མ་དཔེ་གཟིགས་ན་འདིར་གནོན།]
ཆུ་བྲན་མཐའ་དག་འདུ་བ་ལྟར། །བྱ་བྱེད་གཉིས་ཀྱི་ཀློང་དཀྱིལ་དུ། །མ་སྲིང་ལ་སོགས་ཀླུ་མོ་དང་། །གདོལ་པ་རིགས་ངན་ཕྱལ་པ་དག །ཚུར་དགུར་སྦྱོར་ན་དངོས་གྲུབ་མཆོག །ཅེས་བཀའ་སྩལ་པ་དང་། འཁོར་ཐམས་ཅད་ཀྱིས་ཆགས་སྡང་གི་དངོས་གྲུབ་ཐོབ་བོ། །ཏ་ན་ག་ཎའི་བཅའ་གཞིའི་ལེའུ་སྟེ་བཞི་པའོ།། །།རྡོ་རྗེ་སེམས་དཔས་ཡང་གསོལ་པ། །མངོན་སྤྱོད་མཆོད་པ་ཆེན་པོ་དག །ཇི་ལྟར་བདག་གིས་ནན་ཏན་བགྱི། །སྤྱི་དཔལ་མཆོག་ལ་བདག་ཉན་འཚལ། །རྒྱལ་པོ་བདེ་བས་བཀའ་སྩལ་པ། །དེ་ཕྱིར་ཉོན་ཅིག་རྡོ་རྗེ་སེམས། །མངོན་སྤྱོད་མཆོད་པ་སྣ་ཚོགས་ཏེ། །བདག་ཉིད་མཁའ་འགྲོའི་དཀྱིལ་འཁོར་ལྡན། །རྒྱན་དང་བགོ་བའི་ལོངས་སྤྱོད་ལ། །འདོམ་གང་འོད་ཀྱི་ས་བོན་གྱིས། །སྦྱངས་ན་དཀྱིལ་འཁོར་མཉེས་པ་ཡིན། །བཟའ་དང་བཅའ་བའི་ལོངས་སྤྱོད་ལ། །སྲེག་པའི་ས་བོན་མཐར་བཞག་ལ། །བདུད་རྩིའི་ས་བོན་མཆོག་སྦྱངས་ཏེ། །མཉེས་ཤིང་དགྱེས་པའི་ས་བོན་གྱིས། །མཆོད་ཅིང་ཟོས་ན་དཀྱིལ་འཁོར་མཉེས། །བཏུང་བས་ཚིམས་པའི་ལོངས་སྤྱོད་ལ། །སྲེག་པའི་ས་བོན་གྱིས་སྦྱངས་ཏེ། །ཆུ་ཡི་ས་བོན་ཆེན་པོ་ཡིས། །སྦྱངས་ཏེ་འཐུངས་ན་དཀྱིལ་འཁོར་དགྱེས། །ཕར་གཏོང་བ་དང་ཚུར་ལེན་པ། །ཕོ་དང་མོ་ཡི་ས་བོན་གྱིས། །སྦྱངས་ན་ཐབས་དང་ཤེས་རབ་ཐོབ། །མཆོད་པ་ཉིད་ཀྱི་དཀྱིལ་འཁོར་སྤྲོ། །རྟགས་ཀ་ནི་དང་ཐད་དོད་ལ། །ཐབས་དང་ཤེས་རབ་ས་བོན་གྱིས། །སྦྱངས་ན་སྡིག་བྱང་ཉེས་པ་མེད། །འདི་ལྟར་བྱས་ན་འཕགས་པ་མཉེས། །མངོན་སྤྱོད་མཆོད་པ་ཆེན་པོ་ཡིན། །ཆོས་ཀྱི་རང་བཞིན་དངོས་མེད་དེ། །དངོས་མེད་ཡི་གེ་སྟོང་པས་སྦྱངས། །སྟོང་ཉིད་སྟོང་པ་ཡེ་ནས་དབེན། །བསགས་པའི་སྣོད་ཀྱང་དངོས་པོས་སྟོང་། །རྣམ་པར་སྨིན་པ་སྟོང་པས་མེད། །བྱེད་པ་པོ་དང་བྱ་བ་མོ། །གདོད་ནས་སྟོང་པའི་འབྲས་བུ་ཡིན། །རྟོགས་པས་སྟོང་པའི་འབྲས་བུ་ལེན། ། ― DNG022_Page_0629 ―
[མ་དཔེ་གཟིགས་ན་འདིར་གནོན།]
ལེགས་དང་ཉེས་པ་གཉིས་མེད་དེ། །ཐིག་ལེ་ཆེན་པོ་ལེན་པ་མེད། །གདོད་ནས་ལེན་པའི་རྒྱལ་པོ་ཡིན། །དེ་སྐད་ཅེས་བཀའ་སྩལ་པས། རྡོ་རྗེ་སེམས་དཔའ་ལ་སོགས་པ་འཁོར་ཕུན་སུམ་ཚོགས་པ་ཀུན། སྟོང་པའི་འབྲས་བུ་ལ་སེམས་མི་ཡེངས་པར་རྟོག་གོ། །དེ་ནས་གནོད་འདུལ་ལྷ་སྟན་ལས་ལངས་ཏེ། སྤྱི་དཔལ་ཆེན་པོའི་ཞབས་ལ་འཇུས་ནས། མོས་པ་ཆེན་པོས་གསོལ་པ། དགོངས་ཤིག་བདེ་ཆེན་ཡེ་ཤེས་ལྷ། །སྲིད་པ་འཁྲུགས་པའི་རྟོག་པ་ཡིས། །སེམས་ཀྱི་འཁྲུགས་པ་ཅི་མཆིས་པ། །ཞབས་ལ་སྤྱི་བོས་གཏུགས་ནས་སུ། །སྟོང་པ་ཆེན་པོར་བཟོད་པར་གསོལ། །འབྲས་བུ་ཆེན་པོར་བཟོད་པར་གསོལ། །བྱང་ཆུབ་ཆེན་པོར་བཟོད་པར་གསོལ། །ཐིག་ལེ་ཆེན་པོར་བཟོད་པར་གསོལ། །དེ་ནས་མི་དམིགས་པའི་ཚངས་པ་ཆེན་པོ་ཐོབ། དེ་ནས་རྡོ་རྗེ་སེམས་དཔའ་དེས། །ལངས་ནས་སྐུ་ལ་སྦྲུལ་ལྟར་འཁྲིལ། །མཛེས་པ་ཆེན་པོའི་མཆོད་པ་བྱས། །ཕྱི་དབང་ཆེན་པོ་བདག་ལ་སྩོལ། །ནང་དབང་ཆེན་པོ་བདག་ལ་སྩོལ། །གསང་དབང་ཆེན་པོ་བདག་ལ་སྩོལ། །ཞེས་ཞུས་པ་དང་། སྤྱི་དཔལ་ཆེན་པོས་བཀའ་སྩལ་པ། །ཕྱི་དང་ནང་དང་གསང་བ་ཡི། །ང་ཡི་གསང་རྒྱུད་ཆེན་པོ་འདི། །ཕྱོགས་བཅུའི་སངས་རྒྱས་ཐམས་ཅད་ལ། །གསང་བ་འདི་ལས་མི་མངའ་བས། །གསང་བའི་གསང་ཆེན་གསང་བའི་གཏེར། །གསང་བ་མཆོག་གི་སྤྱོད་པ་འདི། །རྡོ་རྗེ་སེམས་དཔའ་ཁྱེད་ལ་གཏད། །འགྲོ་བ་ཀུན་ལ་སྙིང་བརྩེའི་ཕྱིར། །ང་ཡི་སྤྱོད་པ་ཐ་དག་དང་། །ང་ཡི་བྱིན་རླབ་ཆེན་པོ་རྣམས། །རྡོ་རྗེ་སེམས་དཔའ་ཁྱོད་ཀྱིས་ཟུང་། །དེ་ནས་རྡོ་རྗེ་སེམས་དཔའ་ཁྱོད། །གསང་བ་ཀུན་གྱི་བྱེད་པ་པོ། །གསང་བའི་གསང་ཆེན་གསང་བའི་བདག །སྐུ་དང་གསུང་དང་ཐུགས་གསང་བ། །གསང་བའི་དཔལ་དུ་དབང་བསྐུར་རོ། །སངས་རྒྱས་ཀུན་གྱི་དགོངས་པ་སྟེ། །རྣལ་འབྱོར་ཀུན་ལ་བདེ་སྦྱིན་པ། །རྡོ་རྗེ་སེམས་དཔའ་ཁྱོད་ཀྱིས་ཟུང་། །གུ་ཡ་མ་ཧཱ་རཱ་ཛ་ ― DNG022_Page_0630 ―
[མ་དཔེ་གཟིགས་ན་འདིར་གནོན།]
ས་མ་ཡ་ཨ་ལ་ལ་ཧོ། ཞེས་གནང་བ་དང་། དེ་ནས་རྡོ་རྗེ་སེམས་དཔའ་དེས། །རྒྱན་དང་ཆ་ལུགས་བཀྲོལ་བྱས་ཏེ། །སྤྱི་དཔལ་མཆོག་ལ་མངོན་པར་གཏོར། །གསང་དབང་ཆེན་པོ་སྩལ་བའི་ཕྱིར། །སྙིང་དང་སྙིང་གི་གྲོགས་མོ་དེ། །སྤྱི་དཔལ་མཆོག་ལ་ཡོན་དུ་འབུལ། །རྒྱན་དང་ཆ་ལུགས་མང་པོ་ཀུན། །གསང་དབང་གནང་ནས་ཡོན་དུ་བཞེས། །མངོན་སྤྱོད་མཆོད་པ་ཆེན་པོའི་ལེའུ་སྟེ་ལྔ་པའོ།། །། རྡོ་རྗེ་སེམས་དཔས་ཡང་གསོལ་པ། །ས་མ་ཡ་ཞེས་བགྱི་བ་གང་། །ས་མ་ཡ་ལ་དུ་ཞིག་མཆིས། །ས་མ་ཡ་ལ་དོན་རྣམས་གང་། །དེ་སྐད་ཅེས་ཞུས་པ་གསན་ནས་ཀྱང་། །ཉག་གཅིག་ཡབ་ཀྱིས་བཀའ་སྩལ་པ། །ས་མ་ཡ་ཞེས་བྱ་བ་ནི། །འདའ་བར་དཀའ་བའི་དམ་ཚིག་གོ། །དམ་ཚིག་གྲངས་ལ་བསམ་མི་ཁྱབ། །བསྡུས་ན་རྣམ་པ་གསུམ་ཡིན་ནོ། །རྡོ་རྗེ་སེམས་དཔའ་ཡང་གསོལ་པ། །ས་མ་ཡ་ཞེས་བཀའ་སྩལ་པ། །ཇི་ལྟར་བདག་གིས་ནན་ཏན་བགྱི། །ཉག་གཅིག་ཡབ་ལ་བདག་ཉན་འཚལ། །ཉོན་ཅིག་དཔལ་ལྡན་རྡོ་རྗེ་སེམས། །སྟོན་པ་བདེ་གཤེགས་ཀུན་གྱི་དཔལ། །སྐུ་ཡི་ཕྱག་རྒྱ་མི་སྤང་ཞིང་། །བསྒོ་བའི་ཚིག་རྣམས་མཉན་པར་བྱ། །རྡོ་རྗེ་སྤུན་ལ་གདུང་བ་སྐྱེད། །འདི་ནི་ལུས་ཀྱི་ས་མ་ཡ། །བསྐྱེད་རྫོགས་ས་བོན་རྒྱུན་མི་གཅད། །རྒྱལ་པོ་ཕྱག་རྒྱ་གསལ་བར་བསྒོམ། །འདི་ནི་ངག་གི་ས་མ་ཡ། །གསང་བའི་སྙིང་པོ་ངེས་པའི་དོན། །སྣོད་ངན་རྣམས་ལ་སྤེལ་བ་མིན། །འདི་ནི་ཙིཏྟའི་ས་མ་ཡ། །ཏན་གན་དང་ནི་འབྲས་བུ་ལྔ། །སྤང་བར་མི་བྱ་སྤྱད་པར་བྱ། །འདི་ནི་ཡན་ལག་ས་མ་ཡ། །དམིགས་མེད་སྤྱོད་པ་མཐའ་དག་ཀུན། །འགྲོ་དོན་རྫོགས་པའི་ས་མ་ཡ། །ས་མ་ཡ་ནི་རྡོ་རྗེ་ཆེ། །འདའ་བར་མི་བྱེད་རྡོ་རྗེའི་དམ། །བཅོལ་བའི་ལས་རྣམས་བྱེད་པ་ནི། །མཁའ་འགྲོ་རྣམ་གསུམ་ས་མ་ཡ། །ཞེས་དཔའ་བོས་བཤད་དོ། །དེ་སྐད་སྤྱི་དཔལ་ཆེན་པོས་བཀའ་སྩལ་པས། ། ― DNG022_Page_0631 ―
[མ་དཔེ་གཟིགས་ན་འདིར་གནོན།]
འཁོར་ཐམས་ཅད་ཡི་རངས་ཏེ། རྡོ་རྗེ་སེམས་དཔའ་དང་། རིགས་ལྔའི་སངས་རྒྱས་རྣམས་ནི། གསང་བའི་བདག་པོར་གྱུར། འཁོར་མང་པོས་ནི་གཡུང་དྲུང་གི་དངོས་གྲུབ་ཐོབ་ནས། གསང་བ་དགྱེས་པའི་དམ་ཚིག་ཅན་དུ་གྱུར་ཏོ། །གསང་བ་བཅའ་གཞིའི་ལེའུ་སྟེ་དྲུག་པའོ།། །། རྣལ་འབྱོར་གྱི་རྒྱུད་ལུང་ཆེན་པོ་ཀ་མ་ལ་དི་བཱི་སིདྡྷི་མ་ཧཱ་ཏན་ཏྲ་ལས། དཀྱིལ་འཁོར་བསྐྱེད་པ་དང་། བདུད་རྩི་ཆེན་པོའི་བཅའ་གཞི་དང་། ཏིང་ངེ་འཛིན་ཕུན་སུམ་ཚོགས་པའི་གཞི་དང་། ས་མ་ཡའི་བཅའ་གཞི་སྟེ་རིན་པོ་ཆེ་གཏེར་གྱི་ལེའུ་སྟེ་བདུན་པའོ།། །།གདོན་འདུལ་ལྷ་ཡིས་ཡང་གསོལ་པ། །སྲིད་པའི་དབང་ཅན་མ་མོ་རྣམས། །སྤྱན་རྣམས་དྲང་ན་གང་ནས་དྲང་། །དབང་དུ་བསྡུ་ན་ཅི་ལྟར་བསྡུ། །ལས་ལ་བཀོལ་ན་ཇི་ལྟར་བཀོལ། །ཚོགས་ཀྱི་མཆོད་པ་ཇི་ལྟར་འབུལ། །དེ་སྐད་ཞུས་པ་གསན་ནས་ཀྱང་། །རྫོགས་སངས་རྒྱས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །ལས་རྣམས་འོག་མ་འདི་ལྟར་བྱ། །ཧཱུཾ་སྲིད་པ་ཐམས་ཅད་ཡུམ་གྱི་བྷ་གའི་ཀློང་། །དུས་གསུམ་བདེ་གཤེགས་འབྱུང་བ་ལྔ་ཡི་ངང་། །སྐྱེ་འགྲོ་མ་ལུས་འབྱུང་བ་ལྔ་ལ་རྫོགས། །འདས་དང་མ་འདས་འབྱུང་བ་ལྔ་ཡི་དབྱིངས། །འབྱུང་བ་ལྔ་ཉིད་བྷ་ག་ཡུམ་གྱི་ཀློང་། །བདེ་ཆེན་ཡུམ་གྱི་ཀློང་ལ་ཕྱག་འཚལ་ལོ། །ཧཱུྃ་ཁམས་གསུམ་ཐམས་ཅད་ཡུམ་གྱི་བྷ་གའི་རྒྱན། །སྣང་སྲིད་ཐམས་ཅད་འཁོར་ལོ་རྩིབས་བཞི་པ། །གྲུ་ཆད་སྒོ་བཞི་བྷ་གའི་ཚུལ་དུ་བརྒྱན། །འབྱུང་བ་ལྔ་ཡི་རྒྱལ་མོ་སྐུ་སྐྱོད་ཅིག །འཁོར་ལོ་འབར་བའི་ལྟེ་དབུས་སུ། །ཡ་བདུད་བསྒྱེལ་བའི་གདན་སྟེང་དུ། །ཡུམ་གྱི་རྒྱལ་མོ་སྤྱན་འདྲེན་ཏེ། །ཟུར་བཞི་ཞབས་བརྒྱད་ཕྱོགས་མཚམས་གནོན། །མཁའ་བཞི་བདེ་ཀློང་གཅིག་ཏུ་འཁྱིལ། །མཁའ་ལ་དུས་བཞིའི་ཆ་བསྙམ་མ། །དབུ་གཅིག་ཞལ་ལྔ་སྲིད་པར་གསལ། །ཞལ་ནས་འབྱུང་བ་ལྔ་འཆར་མ། །ཕྱག་དྲུག་ཕྱག་ཆ་སྣ་ཚོགས་བསྣམས། །དང་པོར་རྡོ་རྗེ་དྲིལ་བུ་དང་། །བར་མ་ཞགས་པ་བྷནྡྷ་འབར། ། ― DNG022_Page_0632 ―
[མ་དཔེ་གཟིགས་ན་འདིར་གནོན།]
ཐ་མ་བདུད་རྩི་གཡང་གཞི་འབར། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སྣ་ཚོགས་ཤིན་ཏུ་འབར། །འཁོར་ལོ་འབར་བའི་རྩེ་མོ་ལ། །ཚོགས་ཀྱི་བདག་མོ་གཤེགས་སུ་གསོལ། །ཧཱུཾ་ཤར་ཕྱོགས་འཁོར་ལོའི་རྩིབས་སྟེངས་སུ། །ས་བདག་བསྒྱེལ་བའི་གདན་སྟེངས་སུ། །ཤར་གྱི་མཁའ་འགྲོ་སེང་གེའི་གདོང་། །རྟག་པའི་རྒྱལ་མོ་རྣམ་སྣང་གསལ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་དཀར་མོ་ཤེལ་ལྟར་དག །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་རྡོ་རྗེ་བྷནྡྷ་འབར། །བར་མ་དགྲ་སྟྭ་གཏུན་ཤིང་བརྡེག །ཐ་མ་སེང་གེ་མཆོག་ཆེན་སྙོད། །འབྱུང་བ་ས་ཡི་མངའ་བདག་མོ། །འགྲོ་བའི་རུས་ལ་མངའ་མཛད་མ། །རུས་པའི་བདག་མོ་གཤེགས་སུ་གསོལ། །ཧཱུཾ་བྱང་ཕྱོགས་འཁོར་ལོའི་རྩིབས་སྟེངས་སུ། །གནོད་སྦྱིན་བསྒྱེལ་བའི་གདན་སྟེངས་སུ། །བྱང་གི་མཁའ་འགྲོ་ཁྱུང་ཆེན་གདོང་། །རྟག་པའི་རྒྱལ་མོ་ཡང་གསལ་གཡོས། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་ལྗང་གུ་ཤིན་ཏུ་འབར། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་རྒྱ་གྲམ་བྷནྡྷ་འབར། །བར་མ་ཁྱུང་ཆེན་རྒྱུ་ཕྲེང་འདྲེན། །ཐ་མ་སྤྱང་མོ་ཞིང་ཆུང་སྙོད། །འབྱུང་བ་རླུང་གི་མངའ་བདག་མོ། །འགྲོ་བའི་དབུགས་ལ་མངའ་མཛད་མ། །དབུགས་ཀྱི་བདག་མོ་བཞུགས་སུ་གསོལ། །ནུབ་ཕྱོགས་འཁོར་ལོའི་རྩིབས་སྟེངས་སུ། །ཆུ་བདག་བསྒྱེལ་བའི་གདན་སྟེངས་སུ། །ནུབ་ཀྱི་མཁའ་འགྲོ་དུར་བྱ་གདོང་། །རྟག་པའི་རྒྱལ་མོ་གཉེན་གསལ་མོ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་དམར་པོ་དབང་གིས་མཛེས། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་པདྨ་བྷནྡྷ་བསྣམས། །བར་མ་ཞགས་པ་ཏྲི་ཤུ་ལ། །ཐ་མ་ཅེ་སྤྱང་ཞིང་ཆུང་སྙོད། །འབྱུང་བ་ཆུ་ལ་མངའ་མཛད་མ། །འགྲོ་བའི་ཁྲག་ལ་མངའ་མཛད་མ། །ཁྲག་གི་བདག་མོ་ ― DNG022_Page_0633 ―
[མ་དཔེ་གཟིགས་ན་འདིར་གནོན།]
བཞུགས་སུ་གསོལ། །ཧཱུཾ་ལྷོ་ཕྱོགས་འཁོར་ལོའི་རྩིབས་སྟེངས་སུ། །གཤིན་རྗེ་བསྒྱེལ་བའི་གདན་སྟེངས་སུ། །ལྷོ་ཡི་མཁའ་འགྲོ་བན་གླང་གདོང་། །རྟག་པའི་རྒྱལ་མོ་འོད་གསལ་མོ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སྔོན་མོ་བཻ་ཌཱུརྱ། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་རིན་ཆེན་བྷནྡྷ་འབར། །བར་མ་མེ་དབལ་དབྱུག་ཏོ་བསྣམས། །ཐ་མ་སྟག་མོ་ཞིང་ཆུང་སྙོད། །འབྱུང་བ་མེ་ལ་མངའ་མཛད་མ། །འགྲོ་བའི་དྲོད་ལ་མངའ་མཛད་མ། །དྲོད་ཀྱི་བདག་མོ་བཞུགས་སུ་གསོལ། །ཧཱུཾ་དཀྱིལ་འཁོར་འཁོར་ལོའི་རྩིབས་སྟེངས་སུ། །བརྒྱ་བྱིན་བསྒྱེལ་བའི་གདན་སྟེངས་སུ། །ནམ་མཁའི་མཁའ་འགྲོ་རྡོ་རྗེའི་མཆུ། །རྟག་པའི་རྒྱལ་མོ་བཀྲག་གསལ་མཉམ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སེར་པོ་བཙོ་མ་གསེར། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་འཁོར་ལོ་བྷནྡྷ་འབར། །བར་མ་རྒྱལ་མཚན་སྤུ་གྲི་འཛིན། །ཐ་མ་འུག་པ་ཞིང་ཆུང་སྙོད། །ནམ་མཁའ་སྟོང་ལ་དབང་བསྒྱུར་མ། །འགྲོ་བའི་བཀྲག་ལ་མངའ་མཛད་མ། །བཀྲག་གི་བདག་མོ་བཞུགས་སུ་གསོལ། །ཀུན་ཀྱང་ཡེ་ཤེས་མཁའ་འགྲོ་མ། །མཆེ་བ་ཅན་ལ་གཙིགས་ཤིང་ཧ་ཧ་བཞད། །འཇིགས་ཚུལ་ཆེ་ལ་སྙིང་རྗེར་ལྡན། །ཡེ་ཤེས་དྲུག་དང་ལྡན་པ་སྟེ། །ཕ་རོལ་ཕྱིན་པ་དེ་བཞིན་གཤེགས། །སེམས་ཅན་ཀུན་ལ་སྙིང་བརྩེའི་ཕྱིར། །འགྲོ་ལ་ཕན་ཕྱིར་གཤེགས་སུ་གསོལ། །ད་ནི་མ་མོ་དབང་དུ་བསྡུ་བའི་བསྐུལ་ཐབས་བསྟེན་ཏེ། ཉོན་ཅིག་གདོན་འདུལ་ལྷ་ཡི་གཙོ། །གཙོ་མོ་ལ་སོགས་དྲུག་པོ་ནི། །བདག་ཉིད་ཆེན་པོར་བསྒོམ་པར་བྱ། །བཅུ་བཞི་མན་ཆད་གདན་དུ་འདིང་། །བདག་ཉིད་ཆེན་པོ་བསྒོམ་པར་བྱ། །མ་ནི་དགྱེས་ཆེན་རྟག་པའི་མཁའ། །མོ་ནི་བདེ་ཆེན་ལོངས་སྤྱོད་ཀློང་། །མ་ནི་རྟག་ཆེན་གཡུང་དྲུང་མཁའ། །མོ་ནི་ཆགས་མེད་བྱང་ཆུབ་ཀློང་། །མ་ནི་སྐུ་གསུང་ཐུགས་ཀྱི་མཁའ། །མོ་ནི་ལུས་ངག་ ― DNG022_Page_0634 ―
[མ་དཔེ་གཟིགས་ན་འདིར་གནོན།]
ཡིད་གསུམ་ཀློང་། །མ་ནི་རྒྱལ་བ་ཀུན་གྱི་མཁའ། །མོ་ནི་སྲིད་པ་ཀུན་གྱི་ཀློང་། །མ་ནི་སྐྱེ་བ་མེད་པའི་མཁའ། །མོ་ནི་འགག་པ་མེད་པའི་ཀློང་། །མ་ནི་ཐབས་མཆོག་གནོད་མེད་མཁའ། །མོ་ནི་ཤེས་རབ་ཆགས་མེད་ཀློང་། །མ་ནི་མཁའ་ཡི་དབྱིངས་ཉིད་མཁའ། །མོ་ནི་སེམས་ཀྱི་སེམས་ཉིད་ཀློང་། །མ་ནི་ཆོས་ཀྱི་ཆོས་ཉིད་མཁའ། །མོ་ནི་བྷ་ག་དབྱིངས་ཉིད་ཀློང་། །དེ་ལ་མ་མོ་ལུས་ལ་ཇི་ལྟར་དབང་དུ་བསྡུ་ཞེ་ན། ཚིག་དང་དོན་དུ་འདི་སྐད་སྟོན། །ཡེ་ཤེས་ཐིག་ལེ་ཆེན་པོ་དང་། །གསང་ཆེན་བདེ་བའི་སྲས་མཆོག་དང་། །མན་ངག་རྫོགས་པའི་དཀྱིལ་འཁོར་ལ། །ཡང་གསང་མ་མོ་དྲུག་མོ་དེ། །ཆགས་པའི་གདན་དུ་བསྒོམ་པར་བྱ། །འོད་ཆེན་ཁ་དོག་སྣ་ཚོགས་ཀྱིས། །སྲིད་པ་བདེ་འགྲོ་ཆེན་མོ་དང་། །ཉི་ཟླ་ཐོད་ཕྲེང་གདན་དུ་བཏིང་། །ཐིག་ལེ་ཆེན་པོ་རྒྱན་བཞི་ཡིས། །ཁྲོས་པའི་དབང་ཆེན་བཞི་པོ་དང་། །ཆགས་པའི་གདན་དུ་གདིང་བར་བྱ། །སྲིད་པའི་དྭངས་མ་བརྒྱད་པོ་ལས། །སྦས་པའི་མ་མོ་བཞི་པོ་དང་། །ཐུགས་ཀྱི་དགྱེས་སྡེ་བཞི་རྣམས་ཀྱང་། །མངོན་སུམ་གདན་དུ་གདིང་བར་བྱ། །བདེ་ཆེན་གསང་བའི་དཀྱིལ་འཁོར་དུ། །སྲིད་པ་ཆགས་བྱེད་སྤུན་གཉིས་མནན། །སྲིད་པ་རང་ལུས་གཉུག་མ་ཡིས། །ཨེ་ཀ་ཙ་ཏི་སྤུན་དྲུག་མནན། །ཆགས་པའི་ཡུམ་ཆེན་དམར་མོ་ཡིས། །འདོད་ཆགས་གཙོ་མོ་སྤུན་གཉིས་མནན། །སྲིད་པ་གསུམ་གྱི་མདོར་སྡུད་ཀྱིས། །ནམ་མཁའི་རྒྱལ་མོ་སྤུན་བཞི་མནན། །དབང་པོ་སྤྱི་ཡི་མདོ་གསལ་གྱིས། །སྲིད་པའི་མ་ཆེན་བདུན་རྣམས་མནན། །གཡས་གཡོན་ཐབས་དང་ཤེས་རབ་ཀྱིས། །དམག་གི་རྒྱལ་མོ་སྤུན་བཞི་མནན། །སྲིད་པ་འཇུག་བྱེད་ཕོ་མོ་ཡིས། །ཉི་ཤུ་རྩ་བརྒྱད་གན་རྐྱལ་མནན། །དེ་ལྟར་གདན་དུ་གདིང་བར་བྱ། །སྙིང་འདྲེན་ཕྱག་རྒྱ་བཅིངས་ནས་སུ། །དྲག་པོའི་སྔགས་ཀྱིས་གནན་པར་བྱ། །ཧཱུཾ་མུ་ཁ་ལེ་ཧ་ན་ཧ་ན་ཧཱུཾ་ཧ་ཧེ་ཕཊ། ཀྲོ་དྷཱི་ཤྭ་རཱི་བྷ་ག་ཤནྟིང་ནན་སཱུརྱ་པདྨ་ཁ་རག་སྲིང་འགྲོ་ནན་ནན། སུ་ཏྲི་དུན་ཏྲི་དན་ཏྲི་ནན་ནན། མ་དུཥྚཱན་ཕཊ། ཀེ་ཏ་ཀོ་ནི་ལ་ལང་ཏྲ་ནན་མ་མོ་བྷྱོ་ཧཱུཾ་ཕཊ་ནན། ― DNG022_Page_0635 ―
[མ་དཔེ་གཟིགས་ན་འདིར་གནོན།]
མ་མ་དུཥྚཱན་ཕཊ། པདྨ་རཀྟ་པྲ་བེ་ཤ་ནན་ཕཊ། ནན་ནན། དེ་སྐད་ཅེས་ནི་བརྗོད་པ་ཡིས། །གདན་གྱི་རྒྱུ་རྣམས་བསྐྱེད་པ་ཡི། །བདུད་རྩི་དམར་ཆེན་ཁར་བླུགས་སོ། །ཨོཾ་བཛྲ་ཨ་མྲྀ་ཏ་ཨུ་ཙིཏྟ་ནན། འདི་ནི་སྲོག་འཕྲོག་པའི་སྔགས་ཡིན་ཏེ། གདན་གྱི་སྙིང་ཁྲག་ཞལ་དུ་རྔུབ། །ལྕེ་ཡི་སྟེང་དུ་གསལ་བར་བཞག །དེ་ནས་གདན་ལས་བཀྱེ་ནས་སུ། །སྒྲུབ་པའི་ལས་རྣམས་བྱེད་པར་བསྒོམ། །ཆེ་བའི་ང་རྒྱལ་འདི་སྐད་བསྐྱེད། །ཧཱུཾ་ང་ནི་ཁྲག་འཐུང་ཀུན་གྱི་རྗེ། །ང་ནི་ཁྲོ་བོ་ཀུན་གྱི་ཡབ། །ང་ནི་སྲིད་གསུམ་སྙིང་རྗེའི་བདག །ང་ནི་མ་མོ་ཀུན་གྱི་རྗེ། །ཐམས་ཅད་ཀུན་གྱི་སྙིང་ཁྲག་བདག །ཁྱེད་ཀྱི་སྙིང་ཁྲག་ང་ལ་ཡོད། །ང་ཡི་ལས་རྣམས་ཁྱོད་ཀྱིས་སྒྲུབས། །ཛ་ཧཱུཾ་དུ་རི་མ་མ་བྷྱོ་མ་མ་བྷྱོ། མ་མ་བྷྱོ་རུ་ལུ་རུ་ལུ་རག་མོ་བྷྱོ། ཧཱུཾ་ཡེ་ཤེས་རྩལ་འཕང་ཐིག་ལེ་ཡིས། །བསྒོམ་བྱ་མ་མོ་བཅུ་གསུམ་ལ། །དྲུག་ཅུ་རྩ་བརྒྱད་དཀྱིལ་འཁོར་རྫོགས། །ཞེས་འབྱུང་སྟེ་བདག་ཉིད་བླ་ན་མེད་པའི་ཏིང་ངེ་འཛིན་དུ་གསལ་བར་བྱས་ལ། སེམས་ལས་སྐྱེས་པའི་མ་མོ་བཅུ་གསུམ་དང་། མ་མོ་དྲུག་ཅུ་རྩ་བརྒྱད་ཀྱི་སྲོག་གི་སྙིང་པོ་བསྡུས་ལ་འཁོར་དུ་བཞག་གོ། །དེ་ནས་རྣལ་འབྱོར་གྱིས་མཆོད་པ་གཞུང་བཞིན་བཤམས་ལ། སྣ་ལ་ཡེ་ཤེས་ལྔ་ལས་བསྐྱེད་པའི་མ་མོ་མཆོད་དོ། །ཧཱུཾ་ཐིག་ལེ་དབྱིངས་ལས་བསྐྱེད་པའི་ཁྲོ་རྒྱལ་ཡུམ། །ཡེ་ཤེས་ཐུགས་ལས་སྐྱེས་པའི་ཁྲོ་མོའི་སྐུར་སྟོན་པ། །གཉིས་མེད་ཧ་ཧ་བཞད་ཅིང་རྔམ་པའི་སྒྲ་ཡིས་ཧཱུཾ་སྒྲ་འབྱིན། །མཆེ་བ་དམར་པོ་གཙིགས་ནས་སྙིང་འདྲེན་རྐན་སྒྲ་ཅན། །སྐྱེ་ཤི་རྩ་བ་བཅད་ནས་བདེ་ཀློང་ཐུགས་ལ་བསྡུ། །ཀུན་ཀྱང་སྐུ་མདོག་ཁྲོ་མོར་བཞུགས་ཤིང་དབང་ཆེན་དཀྱིལ་འཁོར་རྫོགས། །ཕྱག་ནས་སྤྲུལ་པ་གཏོང་ཞིང་དུག་གསུམ་དབྱིངས་སུ་སྦྱོར། །མ་ཚོགས་འཁོར་དུ་བསྡུས་ནས་བྷ་ག་མངའ་མཛད་མ། །དྲུག་ཅུ་རྩ་བརྒྱད་ཚོགས་ཀྱི་དུས་ལ་བབ་ཀྱིས་རྔམས་པའི་མདངས་ཕྱུང་ཞིག །སྲིད་པའི་དཀྱིལ་འཁོར་རྫོགས་པའི་ཐིག་ལེ་ཆེ། །དགྱེས་པ་བཞད་པའི་སྒྲ་སྒྲོགས་རོལ་པ་ཚུལ་བཞིན་མཛོད། །རྒྱུ་ལས་ ― DNG022_Page_0636 ―
[མ་དཔེ་གཟིགས་ན་འདིར་གནོན།]
བསྐྱེད་པའི་བདུད་རྩི་ཆེན་པོ་འདི། །རྣམ་རྟོག་གཞོམ་ཕྱིར་ཁྱེད་ཀྱི་སྐུ་ལ་ཐིམ་པར་མཛོད། །ཧ་ཧཱུཾ་ཧེ་མ་བྷྱོ་བྷྱོ། རུ་ལུ་རུ་ལུ་ཧཱུཾ་རུ་ལུ་རུ་ལུ་བྷྱོ་ཨ་ལ་ལ་ཧོ། ཨོཾ་ཧ་ཧོ། སྐུ་ལས་བསྐྱེད་པ་སྟོན་ནས་སུ། །འཁོར་གྱི་དྲུག་པོ་སྤྱན་དྲང་ངོ་། །ཧཱུཾ་མ་མོ་ཆེན་མོ་ཚོགས་ཀྱི་དཀྱིལ་འཁོར་ནས། །ཀུན་འབྱུང་དཀྱིལ་འཁོར་མངའ་བདག་མོ། །བཞི་ཟུར་ཞབས་བརྒྱད་ཞལ་ལྔར་འབར། །མཁའ་ལ་སྲོག་གི་མངའ་མཛད་མ། །དཀྱིལ་འཁོར་གཙོ་མོ་བཞུགས་སུ་གསོལ། །ཧཱུཾ་མ་མོ་ཆེན་མོ་རྒྱུ་བདག་མོ། །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ཤར་གྱི་མཁའ་འགྲོ་མ། །ཧཱུཾ་མ་མོ་ཆེན་མོ་དབུགས་བདག་མོ། །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་བྱང་གི་མཁའ་འགྲོ་མ། །ཧཱུཾ་མ་མོ་ཆེན་མོ་རླན་བདག་མོ། །ཧཱུཾ། སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ནུབ་ཀྱི་མཁའ་འགྲོ་མ། །ཧཱུཾ་མ་མོ་ཆེན་མོ་དྲོད་བདག་མོ། །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ལྷོ་ཡི་མཁའ་འགྲོ་མ། །ཧཱུཾ་མ་མོ་ཆེན་མོ་བཀྲག་གི་བདག །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ནམ་མཁའི་མཁའ་འགྲོ་མ། །ཡང་སྦས་དྲུག་གི་དཀྱིལ་འཁོར་རྣམས། །ཐུགས་དམ་ཆེན་པོ་རྗེས་དགོངས་ཏེ། །བཅོལ་བའི་ལས་རྣམས་གྲུབ་པར་མཛོད། །དེ་ནས་བཅུ་བཞི་མན་ཆད་ཀྱང་། །རང་རྒྱུད་ལུགས་བཞིན་བསྐུལ་བར་བྱ། །མ་མོ་བཀོལ་ཐབས་དང་དབང་དུ་བསྡུ་བ་དང་ཚོགས་ཀྱི་ལེའུ་སྟེ་བརྒྱད་པའོ།། །།གནོད་འདུལ་ལྷ་ཡིས་ཡང་གསོལ་པ། །མ་མོ་ཀུན་གྱི་ཕྱག་རྒྱ་རྣམས། །དོན་དུ་ཇི་ལྟར་འཚལ་བར་བགྱི། །རྫོགས་སངས་རྒྱས་ཀྱིས་བཀའ་སྩལ་པ། །མ་མོ་རྣམས་ཀྱི་ཕྱག་རྒྱ་རྣམས། །འབྲུ་ལྔའི་དོན་དུ་ངས་བསྟན་པ། །ཉོན་ཅིག་གནོད་འདུལ་ལྷ་ཡི་གཙོ། །ཨ་ལ་ལ་ཧོ། ས་མ་ཡ་ཧཱུཾ་ཧ་ཧེ་སྟྭཾ། ལག་གི་འདུ་བྱེད་བསྒོམ་པ་ནི། །གཡས་གཡོན་ཐབས་དང་ཤེས་རབ་ལས། །རྡོ་རྗེ་གང་དུ་བསྐོར་བ་ལས། ། ― DNG022_Page_0637 ―
[མ་དཔེ་གཟིགས་ན་འདིར་གནོན།]
ཤེས་རབ་མཆོག་གི་སྙིང་གར་བསྟན། །སྦོམ་པོ་དབང་མོ་རྩེ་སྤྲད་དེ། །ཐབས་ཀྱིས་ཕྱོགས་མཚམས་བསྐོར་བ་ནི། །མ་མོའི་ཚོགས་ཀྱི་རྒྱལ་མོའི་རྒྱ། །རྡོ་རྗེ་སྡེར་མོ་དམ་བསྣོལ་དེ། །རྡོ་རྗེ་ཁུ་ཚུར་རྒྱ་བཅིངས་ལ། །མ་མོ་རྡོ་རྗེ་རུས་པའི་རྒྱ། །རྡོ་རྗེ་ཁུ་ཚུར་བཅིངས་པ་ལས། །ཧཱུཾ་དང་ཧ་གཉིས་རྩེ་སྤྲད་དེ། །འབྲུ་གསུམ་བརྐྱང་ནས་གཤོག་པའི་ཚུལ། །ན་ར་ཧ་སར་བཟུང་བ་ནི། །མ་མོ་རྡོ་རྗེ་དབུགས་ཀྱི་རྒྱ། །རྡོ་རྗེ་ཁུ་ཚུར་བཅིངས་པ་ལས། །ཨོཾ་དང་སྭ་གཉིས་རྒྱབ་བསྣོལ་འཁྱུད། །འབྲུ་གསུམ་རྩེ་སྤྲད་སྐུ་གསུང་ཐུགས། །བཞད་པའི་ཐད་ཀར་བཟུང་བ་ནི། །མ་མོ་རྡོ་རྗེ་ཁྲག་གི་རྒྱ། །རྡོ་རྗེ་ཁུ་ཚུར་དམ་བཅིངས་ནས། །ཧ་ཧ་རྩེ་སྤྲད་གྱེན་དུ་བསྒྲེང་། །ཨོཾ་གཉིས་རྩེ་སྤྲད་ཐད་ཀར་བརྒྱད། །སྭ་བསྒྲེང་རྩེ་སྤྲད་ཐུར་དུ་བརྒྱང་། །འབྲུ་གཉིས་སོ་སོ་དམ་བསྣོལ་ནས། །གུ་ཡ་ཐུགས་ཀར་བཟུང་བ་ནི། །མ་མོ་རྡོ་རྗེ་མེ་ཡི་རྒྱ། །རྡོ་རྗེ་ཁུ་ཚུར་བཅིངས་པ་ལས། །ཨོཾ་གཉིས་རྒྱབ་བསྣོལ་ལུ་གུ་རྒྱུད། །འབྲུ་གསུམ་སོ་སོ་རྩེ་སྤྲད་དེ། །ཧཱུཾ་གཉིས་དྲག་ཏུ་གཡོབ་པ་ནི། །མ་མོ་རྡོ་རྗེ་བཀྲག་གི་རྒྱ། །ཐབས་ཀྱི་ཨོཾ་དང་ཧ་གཉིས་ལས། །ཤེས་རབ་སྭ་ཡིས་བརྟེན་པར་བྱ། །ཤེས་རབ་ཨོཾ་དང་ཧ་གཉིས་ལས། །ཐབས་ཀྱི་ཧཱུཾ་གིས་བརྟེན་པར་བྱ། །ཤེས་རབ་ཨོཾ་དང་ཧཱུཾ་བརྒྱད་སྟེ། །རྡོ་རྗེ་ཐལ་མོ་བརྐྱང་བ་ལས། །ཐབས་ཀྱི་ཨོཾ་དང་སྭས་བཀན་པ། །སེམས་ཀྱི་དཀྱིལ་དུ་མནན་བཀབ་པ། །མ་མོ་ཡེ་ཤེས་མཁའ་འགྲོའི་མཆོག །རྡོ་རྗེ་མཁའ་འགྲོ་ས་ཆེན་ཀུན་རྫོགས་པའི། །ཕྱག་རྒྱ་ཡིན་པར་དཔའ་བོས་བཤད། །གཙོ་མོ་རྣམས་ཀྱི་ཕྱག་རྒྱའི་ལེའུ་སྟེ་དགུ་པའོ།། །།གདོན་འདུལ་ལྷ་ཡིས་ཡང་གསོལ་པ། །སེམས་ཉིད་འཇིག་རྟེན་ལ་བཟླས་པའི། །ཕྱག་རྒྱ་ཆེན་པོ་ཇི་ལྟར་ལགས། །དབང་ཕྱུག་གཙོ་ཡིས་བཀའ་སྩལ་པ། །ཉོན་ཅིག་གདོན་འདུལ་ལྷ་ཡི་གཙོ། །ཐིག་ལེ་ཆེན་པོའི་ཕྱག་རྒྱ་ནི། །རྡོ་རྗེ་ཁུ་ཚུར་ཁ་སྤྲད་དེ། །ཤེས་རབ་མཆོག་གི་ཕྱོགས་ནས་སུ། །ཨོཾ་ཨཾ་ཧ་གསུམ་རྩེ་སྤྲད་པ། །རྣམ་པར་ ― DNG022_Page_0638 ―
[མ་དཔེ་གཟིགས་ན་འདིར་གནོན།]
ཐར་པའི་སྒོ་གསུམ་རྒྱ། །ཐབས་མཆོག་བསྐྱོད་པའི་ཕྱོགས་གནས་སུ། །ཨོཾ་ཨཾ་ཧ་གསུམ་རྩེ་སྤྲད་པའི། །སྐུ་གསུང་ཐུགས་ཀྱི་རྡོ་རྗེའི་རྒྱ། །ཐབས་ཀྱི་ཧཱུཾ་གི་སྒོ་གསུམ་ནི། །རང་གི་ཡེ་ཤེས་ཕྱག་རྒྱ་ཡིན། །ཤེས་རབ་སྭ་ཡིས་སྐུ་གསུང་ཐུགས། །ཐིག་ལེ་བྱང་ཆུབ་སེམས་ཀྱི་རྒྱ། །ཤེས་རབ་ཧཱུཾ་གི་རྩེ་མོ་རུ། །ཐབས་ཀྱི་སྭ་ནི་ཕྱིར་བསྟན་པ། །ཐབས་དང་ཤེས་རབ་ཕྱག་རྒྱ་ནི། །ཡང་དག་རྫོགས་ཀྱིས་ངེས་པར་བཤད། །ཐིག་ལེ་ཆེན་པོའི་རྒྱ་བཅིངས་ནས། །མ་ཧཱ་སུ་ཁར་བསྡམ་ནས་སུ། །བླ་ན་མེད་པར་གསལ་འགྱུར་ན། །དུག་གསུམ་ཉེས་དམིགས་སེལ་བར་ངེས། །ངས་གསུངས་པ་ལ་ཐེ་ཚོམ་མེད། །དུས་གསུམ་མགོན་པོས་འདི་སྐད་གསུངས། །སེམས་ལ་བཟླ་བའི་ཕྱག་རྒྱའི་ལེའུ་སྟེ་བཅུ་པའོ།། །།གདོན་འདུལ་ལྷ་ཡིས་ཡང་གསོལ་པ། །གཙོ་མོ་རྣམས་ཀྱི་ཕྱག་རྒྱ་བསྟན་ལགས་ན། །བཅུ་བཞི་ཞེས་ནི་བགྱི་བ་ཡི། །ཕྱག་རྒྱ་རྣམས་ནི་ཇི་ལྟར་ལགས། །བཀའ་སྩལ་པ། ཉོན་ཅིག་གཡུང་དྲུང་ཡང་དག་པ། །བཅུ་བཞི་པ་ཞེས་བྱ་བ་ཡི། །ཕྱག་རྒྱ་རྣམས་ནི་ངས་བསྟན་ནོ། །གཡས་གཡོན་ཐབས་དང་ཤེས་རབ་ལས། །ཤེས་རབ་མཆོག་གི་སྙིང་གར་བསྟན། །ཤེས་རབ་ཕྱོགས་མཚམས་བསྐོར་བ་ནི། །ཕྲ་མེན་རྒྱ་མཚོ་ཚོགས་ཀྱི་རྒྱ། །རྡོ་རྗེ་སྡེར་མོ་བརྐྱང་བ་ལ། །ཧ་གཉིས་རྩེ་སྤྲད་ཕྲེང་བའི་ཚུལ། །འབྲུ་བརྒྱད་ཕྱར་ནས་གདེངས་པ་ནི། །འདི་གཉིས་ཉི་ཟླ་ཐོད་ཕྲེང་རྒྱ། །ཐབས་ཀྱི་ཨོཾ་ནི་གྱེན་དུ་བསྒྲེང་། །ཨོཾ་དང་སྭ་དང་ཨཾ་དང་ཧ། །ཨོཾ་ལ་སྦྱར་ཏེ་ཟུར་ཅན་དུ། །རྟོགས་པའི་ཚུལ་དུ་ཕྱར་བ་དང་། །ཤེས་རབ་ཐལ་མོ་དྲང་བརྐྱང་ནས། །དགུ་ཡི་ཁང་ཡང་བརྐྱང་བ་ནི། །རྡོ་རྗེ་ཉི་མ་ཁྲོས་པའི་རྒྱ། །ཨོཾ་ཨཾ་སྭ་གསུམ་རྩེ་སྤྲད་དེ། །བསྣོལ་ཏེ་དམ་དུ་བསྡམས་པ་ཡི། །ཧཱུཾ་དང་ཧ་གཉིས་རྩེ་སྤྲད་དེ། །སྙིང་གའི་ཐད་ཀར་བཟུང་བ་ནི། །ཁམས་གསུམ་འཚོ་བྱེད་ཁྲོས་པའི་རྒྱ། །རྡོ་རྗེ་འཁོར་བ་བསྡུས་པ་ལས། །ཧཱུཾ་དང་ཧ་གཉིས་གཏོར་བའི་ཚུལ། །པདྨ་ཁྲག་འཐུང་ཁྲོས་པའི་རྒྱ། །ཐབས་ཀྱི་རྡོ་རྗེ་ཐལ་མོ་ ― DNG022_Page_0639 ―
[མ་དཔེ་གཟིགས་ན་འདིར་གནོན།]
གཉིས། །ཕྱར་ཏེ་དྲག་ཏུ་རྒྱབ་པ་ནི། །སྲིད་གསུམ་བདེ་སྦྱོར་ཁྲོས་པའི་རྒྱ། །རྡོ་རྗེ་ཐལ་མོ་ཕྱར་ནས་ནི། །གདོང་དང་དཔྲལ་བར་རབ་གཏུགས་ཏེ། །གུས་པའི་ཚུལ་གྱིས་ལུས་བཏུད་པ། །འདི་ནི་མ་བཞིའི་ཕྱག་རྒྱའོ། །ཧ་དང་ཧཱུཾ་གཉིས་ཞགས་པའི་ཚུལ། །ཕྱི་མ་ཕྱོགས་བཞིར་བརྐྱང་བ་ནི། །འདི་ནི་རྒྱན་གྱི་རྒྱལ་མོའི་རྒྱ། །ཐབས་ཀྱི་ཕྱག་རྒྱ་ཁུ་ཚུར་བཅས། །རྒྱག་པའི་ཐབས་སུ་ཕྱར་བ་ནི། །འདི་ནི་དབྱིངས་ཕྱུག་ཆེན་མོའི་རྒྱ། །རྡོ་རྗེ་ཐལ་མོ་སྦྱར་ནས་ནི། །སྐུ་ཡི་ཐད་ཀར་བཟུང་བ་ནི། །འདི་ནི་བདག་ཉིད་ཆེན་མོའི་རྒྱ། །གཡས་གཡོན་སོ་སོར་བརྐྱང་ནས་ནི། །ཧ་དང་ཧཱུཾ་གཉིས་རྩེ་སྤྲད་དེ། །གཤོག་པའི་ཚུལ་དུ་བརྐྱང་བ་ནི། །འདི་ནི་དབྱིངས་ཕྱུག་ཆེན་མོའི་རྒྱ། །ཡི་གེ་འབྲུ་ལྔ་རྩེ་སྤྲད་ནས། །རྡོ་རྗེ་ཐོད་པའི་ཚུལ་དུ་བྱ། །འདི་ནི་དཀར་མོ་མིག་གཅིག་རྒྱ། །དཔའ་བོ་འབྲུ་ལྔ་དམ་བསྣོལ་ཏེ། །ཧ་གཉིས་བརྩེགས་ཏེ་ཧཱུཾ་ལ་གཏད། །ཐོད་པ་སུལ་མང་ཚུལ་དུ་བྱ། །འདི་ནི་ནག་མོ་རལ་གཅིག་རྒྱ། །ཡི་གེ་འབྲུ་ལྔ་དམ་བསྣོལ་ཏེ། །ཧ་གཉིས་བརྩེགས་ལ་ཧཱུཾ་ལ་གཏད། །རྩེ་མོ་སོ་སོར་ཕྱར་བ་ནི། །ཐོད་པ་ལྕང་ལོའི་ཚུལ་དུ་བྱ། །འདི་ནི་དམར་མོ་དབང་བསྒྱུར་རྒྱ། །ཐབས་དང་ཤེས་རབ་རྒྱ་བསྣོལ་ཏེ། །ཧཱུཾ་དང་ཧ་གཉིས་རྩེ་ སྤྲད་དེ། །རྡོ་རྗེ་ཐོད་པའི་ཚུལ་དུ་བྱ། །འདི་ནི་སེར་མོ་ལས་མཁན་རྒྱ། །མ་མོ་བཅུ་བཞིའི་ཕྱག་རྒྱའི་ལེའུ་སྟེ་བཅུ་གཅིག་པའོ།། །།གདོན་འདུལ་ལྷ་ཡིས་ཡང་གསོལ་པ། །འཇིག་རྟེན་འདི་ཡི་དབང་བགྱིད་པ། །རིམ་པ་གང་དང་གང་ལ་གསོལ། །ཡང་དག་རྫོགས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ལྷ་ཡི་གཙོ། །འཇིག་རྟེན་ཇི་ལྟར་དབང་བགྱིད་པ། །ངས་བསྟན་པ་ལ་སེམས་ཐུད་ཅིག །འབྱུང་བ་ལྔ་ལས་བསྐྱེད་པ་ནི། །ཀུན་ཏུ་བཟང་མོའི་དབང་བསྒྱུར་བ་ནི་བུ་མོ་སྤུན་ལྔ། ཆ་སྙོམས་མ་ནི་སྲིད་པའི་བདེ་འགྲོ་མའོ། །འབྱུང་བ་ལྔའི་ཉུ་ལེ་མ་ནི་ཆགས་འཛིན་སྤུན་གཉིས་སོ། །དུས་བཞི་རྫོགས་པར་བྱེད་པ་ནི་ཀུན་ཏུ་བཟང་མོའོ། །དུས་བཞི་ལ་དབང་བྱེད་བུ་མོ་སྤུན་ ― DNG022_Page_0640 ―
[མ་དཔེ་གཟིགས་ན་འདིར་གནོན།]
ལྔའོ། །དུས་བཞི་ཉུ་ལེ་མ་ཆེན་མོ་ནི་ཕྱ་ཡ་བདུད་ཀྱི་ཆུང་མའོ། །མ་མོ་རང་རང་གིས་བཀོལ་ཐབས་ནི་ཡུམ་ཆེན་མོ་ཉིད་ཀྱིས་མཁའ་ལ་རྒྱུ་བའི་མ་མོ་གསུམ་དང་། དབྱིངས་ལས་ཤར་བའི་མ་མོ་གསུམ་དང་། ཡི་དམ་བསྒོམ་ལེགས་མ་མོ་དང་བདུན་འཁོལ་ལོ། །དེས་སྲིད་པ་བདེ་འགྲོ་མ་འཁོལ་ལོ། །དེས་རྡོ་རྗེ་ཉི་མ་ཁྲོས་པའི་དབང་མོ་ཆེ་དང་། པདྨ་ཁྲག་འཐུང་ཁྲོས་པའི་དབང་མོ་ཆེ་འཁོལ་ལོ། །དེས་སྲིད་པ་ཆགས་བྱེད་མ་འཁོལ་ལོ། །དེས་ཨེ་ཀ་ཛ་ཊི་ལ་སོགས་པ་མ་མོ་བདུན་འཁོལ་ལོ། །དེས་འདོད་ཁམས་ལྷ་ཡི་གཙོ་མོ་དང་། རྡོ་རྗེ་གར་གྱི་དབང་ཕྱུག་མ་གཉིས་འཁོལ་ལོ། །དེས་ནམ་མཁའི་རྒྱལ་མོ་དང་གླིང་བཞི་སྤྱི་ཕུད་མ་འཁོལ་ལོ། །བུ་མོ་སྤུན་ལྔ་ནི་སྲིད་པ་ཐམས་ཅད་ལ་དབང་བྱེད་དོ། །རྟག་པའི་རྒྱལ་མོ་བཀྲག་གསལ་མཉམ་གྱིས་ནི་ཉི་མའི་ཐོད་ཕྲེང་ཅན་འཁོལ་ལོ། །དེས་སྲིད་པ་ཆ་སྙོམས་མ་འཁོལ་ལོ། །དེས་ནི་ས་བདག་པདྨ་ཐོད་ཕྲེང་འཁོལ་ལོ། །དེས་ཨེ་ཀ་ཙ་ར་མ་འཁོལ་ལོ། །དེ་རྣམས་ནི་དབུས་ཀྱི་ཉུ་ལེ་སྟེ་ནམ་གྱི་གུང་ལ་རྒྱུ། རྟག་པའི་རྒྱལ་མོ་རྣམ་སྣང་གསལ་གྱིས་ནི་ཁམས་གསུམ་ཆགས་བྱེད་ཁྲོས་པའི་དབང་མོ་ཆེ་འཁོལ་ལོ། །དེས་དཀར་མོ་མིག་གཅིག་མ་འཁོལ་ལོ། །དེས་རྒྱན་གྱི་རྒྱལ་མོ་འཁོལ་ལོ། །དེས་གྲུ་འདེགས་མ་ཧར་ཏིང་དཀར་མོ་འཁོལ་ལོ། །དེས་དམག་གི་རྒྱལ་མོ་དཀར་མོ་མཆེ་བ་ཅན་འཁོལ་ལོ། །དེས་སྲིང་མོ་བཞི་སྟེ་གླིང་བཞི་སྤྱི་འགྲོ་མ་འཁོལ་ལོ། །འདི་རྣམས་ནི་ཤར་གྱི་ཉུ་ལེ་མ་སྟེ་ནམ་གྱི་སྲོད་ལ་རྒྱུའོ། །རྟག་པའི་རྒྱལ་མོ་འོད་གསལ་འབར་གྱིས་ནི། སྲིད་པ་བདེ་སྦྱོར་ཁྲོས་པའི་དབང་མོ་ཆེ་འཁོལ་ལོ། །དེས་ཐུགས་ཀྱི་དགྱེས་སྡེ་མ་ནག་མོ་རལ་པ་ཅན་འཁོལ་ལོ། །དེས་དབྱིངས་ཕྱུག་མ་འཁོལ་ལོ། །དེས་གྲུ་འདེགས་མ་དུན་ཏིང་ནག་མོ་འཁོལ་ལོ། །དེས་དམག་གི་རྒྱལ་མོ་ཁ་བླན་མ་འཁོལ་ལོ། །དེས་སྲིང་མོ་མཁའ་ལ་ཁྱུང་ལྡིང་མ་འཁོལ་ལོ། །འདི་རྣམས་ནི་ལྷོའི་ཉུ་ལེ་མ་སྟེ་ནམ་ ― DNG022_Page_0641 ―
[མ་དཔེ་གཟིགས་ན་འདིར་གནོན།]
གྱི་འཇིང་ལ་རྒྱུའོ། །རྟག་པའི་རྒྱལ་མོ་གཉེན་གསལ་མས་ནི། རྡོ་རྗེ་ཉི་མ་ཁྲོས་པའི་དབང་མོ་ཆེ་འཁོལ་ལོ། །དེས་ཐུགས་ཀྱི་དགྱེས་སྡེ་དམར་མོ་དབང་བསྒྱུར་མ་འཁོལ་ལོ། །དེས་བདག་ཉིད་མ་འཁོལ་ལོ། །དེས་གྲུ་འདེགས་མ་ཤནྟིང་དམར་མོ་འཁོལ་ལོ། །དེས་དམག་གི་རྒྱལ་མོ་མཆུ་འཇིབ་མ་འཁོལ་ལོ། །དེས་དམར་མོ་གཡག་ཐོད་ཅན་འཁོལ་ལོ། །དེ་རྣམས་ནི་ནུབ་ཀྱི་ཉུ་ལེ་མ་སྟེ་ནམ་གྱི་གུང་ལ་རྒྱུའོ། །རྟག་པའི་རྒྱལ་མོ་ཡང་གསལ་གཡོས་ཀྱིས་ནི། པདྨ་ཁྲག་འཐུང་ཁྲོས་པའི་དབང་མོ་ཆེ་འཁོལ་ལོ། །དེས་ཐུགས་ཀྱི་དགྱེས་སྡེ་སེར་མོ་ལས་མཁན་མ་འཁོལ་ལོ། །དེས་གྲུ་འདེགས་མ་གྲུབ་ཏིང་སེར་མོ་འཁོལ་ལོ། །དེས་དམག་གི་རྒྱལ་མོ་སེར་མོ་རྐང་ལྡག་མ་འཁོལ་ལོ། །དེ་རྣམས་ནི་བྱང་གི་ཉུ་ལེ་མ་སྟེ་ནས་ཀྱི་ཐོ་རངས་རྒྱུའོ། །ཡུམ་ཆེན་མོ་ཉིད་ནི་ཉིན་མཚན་ཕྱེད་པར་གཟིགས་ཏེ། ཕྱོགས་བཞི་མཚམས་བརྒྱད་ཀུན་ལ་མངའ་མཛད་དོ། །སྤྱི་དབང་ནི་ཡུམ་ཆེན་མོས་རྟག་པའི་རྒྱལ་མོ་ལྔ་ལ་སོགས་པ་མ་མོར་གྲགས་པ་དང་། སྲིད་པ་ཀུན་ལ་མངའ་མཛད་དེ། རྟག་པའི་རྒྱལ་མོ་ལྔས་མ་མོ་ཆེན་མོ་བདུན་འཁོལ་ལོ། །དེས་སྲིད་པའི་བདེ་འགྲོ་མ་དང་། ཉི་མའི་ཐོད་ཕྲེང་ཅན་འཁོལ་ལོ། །དེས་ཁྲོས་པའི་དབང་མོ་ཆེ་བཞི་འདུལ་ལོ། །དེས་ཐུགས་ཀྱི་དགྱེས་སྡེ་མོ་བཞི་འདུལ་ལོ། །དེས་སྦས་པའི་མ་བཞི་འདུལ་ལོ། །དེས་སྲིད་པ་ཆགས་བྱེད་ཆ་སྙོམས་མ་གཉིས་འདུལ་ལོ། །དེས་ཨེ་ཀ་ཛཱ་ཏི་སྤུན་དྲུག་འདུལ་ལོ། །དེས་མ་བདུན་འདུལ་ལོ། །དེས་འདོད་ཁམས་ལྷ་ཡི་གཙོ་མོ་ནེ་ཚན་འདུལ་ལོ། །དེས་རྡོ་རྗེ་གར་གྱི་དབང་ཕྱུག་མ་སྤུན་བདུན་འདུལ་ལོ། །དེས་དམག་གི་རྒྱལ་མོ་སྤུན་བཞི་འདུལ་ལོ། །དེ་ལྟར་ནང་འཁྲུགས་ནའང་ཐ་མ་ནས་རིམ་བཞིན་ཏེ། གཙོ་མོ་བཅོས་ན་ཀུན་ཀྱང་བདེ། །མ་མོ་ལྔ་བཅུ་རྩ་ལྔའི་སོ་སོའི་དབང་ཚད་དོ། །སེམས་ལས་སྐྱེས་པའི་མ་མོ་བཅུ་བཞི་རྣམས་བསྣོན་པ་དེ་དག་ལ་དྲུག་ཅུ་རྩ་བརྒྱད་ཀྱི་ཚོགས་ཞེས་བྱའོ། །མ་མོ་སོ་སོའི་དབང་ཚད་ཀྱི་རིམ་པའི་ལེའུ་སྟེ་ ― DNG022_Page_0642 ―
[མ་དཔེ་གཟིགས་ན་འདིར་གནོན།]
བཅུ་གཉིས་པའོ།། །།གདོན་འདུལ་ལྷ་ཡིས་ཡང་གསོལ་པ། །བཅུ་བཞི་ཞེས་ནི་བགྱི་བ་དེའི། །རབས་རྒྱུད་རྩ་བ་ཇི་ལྟར་ལགས། །འགུགས་དང་འདྲེན་པའི་སྔགས་རྣམས་ནི། །རྣལ་འབྱོར་མཆོག་ལ་བདག་ཉན་འཚལ། །བཀའ་སྩལ་པ། ཉོན་ཅིག་གདོན་འདུལ་ལྷ་ཡི་གཙོ། །བཅུ་བཞི་མན་ཆད་རྗེ་ཁོལ་གྱི། །རབས་རྒྱུད་འགུགས་འདྲེན་སྔགས་རྣམས་ཀུན། །གཏན་ཚིགས་རྩ་བ་སྦས་པ་རྣམས། །ད་ལྟ་ཉིད་དུ་གཏན་ལ་དབབ། །དེ་ལ་རི་རབ་གླིང་བཞི་གང་དུ་ཆགས་པས་རང་ལུགས་སུ་ཡོད་པར་ཟད། ཉི་མ་དགུ་བརྒྱ་རྩ་གཅིག་དང་། ཟླ་བ་དགུ་བརྒྱ་རྩ་གཅིག་སྟེ། ཉི་ཟླ་སྟོང་རྩ་གཉིས་ཀྱིས་རི་རབ་ཀྱི་ཕྱི་རོལ་ན་གནས་པའི་སྣང་སྲིད་ཐམས་ཅད་ཚིག་ནས། ཅི་ཡང་མི་གནས་པ་ལས་རི་རབ་ཀྱི་ནང་རིང་ཐུང་དུ་དཔག་བསམ་གྱི་ཤིང་ཡོངས་འདུ་ས་བརྟོལ་ཞེས་ཀྱང་བྱ་བ་ཡོད་པ་ལ། ཤིང་གི་རྩེ་མོ་རི་རབ་ཀྱི་བུམ་པའི་ནང་ན་ཡུམ་ཆེན་མོ་སྲིད་པའི་བདེ་འགྲོ་མའམ། ཁམས་གསུམ་ཡུམ་མཆོག་མ་ཞེས་བྱ་བ་སྐུ་མདོག་མཐིང་གར་བཞུགས་པ། དབུ་དང་ཕྱག་དང་ཞབས་ཅིར་ཡང་སྟོན་ལ། རིན་པོ་ཆེ་སྣ་ཚོགས་ཀྱི་རལ་པ་ཅན། སྦས་པའི་སྤྱན་གཉིས་ལ། གཡས་པ་ནས་ཁྲག་གི་མཆི་མ། གཡོན་པ་ནས་བདུད་རྩིའི་མཆི་མ། སྦས་པའི་ཞལ་ནས་འབྲས་བུ་རྣམ་པ་ལྔའི་བཅུད་འཛག་པ། སྦས་པའི་ཕྱག་གཉིས་ལ། གཡས་པས་སྲིད་པ་ཐམས་ཅད་ཀྱི་རྩེ་ནས་བཟུང་བ། གཡོན་པས་རྡོ་རྗེ་གདན་ལ་ཐུགས་པ་ཡན་ཆད་བཟུང་བའོ། །སྦས་པའི་ཞབས་གཉིས་ཀྱིས། གཡས་པས་འཇིག་རྟེན་གྱི་དབང་ཆེན་ཐམས་ཅད་ཀྱི་སྙིང་བརྫིས་པ། གཡོན་པས་འཇིག་རྟེན་གྱི་དབང་ཆེན་མོ་ཐམས་ཅད་ཀྱི་སྙིང་རྩ་མནན་པ། གསང་བའི་མཁའ་གེ་སར་གྱི་དཀྱིལ་འཁོར་ནས་སྣང་སྲིད་ཐམས་ཅད་འཕེལ་འགྲིབ་མཛད་པ། ཡེ་ཤེས་ཀྱི་གནས་རང་ལ་ཤར་བ་ལས་མ་གཏོགས་པ་ཀུན་མཁའི་གཏིང་དུ་སྡུད་པ། སྤྱི་གཙུག་ནས་ཁྲག་གི་རལ་པ་གཅིག་གིས་སྲིད་པའི་མ་མོ་ཐམས་ཅད་དབང་དུ་སྡུད་པ། རི་རབ་ཀྱི་རྩེ་མོའི་བུམ་པའི་དབུས་ན་ ― DNG022_Page_0643 ―
[མ་དཔེ་གཟིགས་ན་འདིར་གནོན།]
བཞུགས་སོ། །དེའི་ཁོལ་མོ་སྲིད་པ་ཆགས་བྱེད་མ་དང་ཆ་སྙོམས་མ་གཉིས་ཤིང་གི་སྐེད་པ་ན་གནས་སོ། །ཡུམ་ཆེན་མོའི་ཁོལ་མོ་སྲིད་པ་ཞིག་འཛིན་དང་། སྲིད་པའི་བྱིན་མཁན་གཉིས་ཤིང་གི་རྩ་བ་ན་གནས་ཏེ། རི་རབ་ཀྱི་ཕྱི་རོལ་དུ་གནས་པའི་སྣང་སྲིད་ཀྱི་སྐྱེ་འགྲོ་ཐམས་ཅད་ཚིག་ནས་མི་སྣང་བ་ལས། སྲིད་པའི་བདེ་འགྲོ་མས་ཉི་ཟླ་དབང་དུ་བསྡུ་བའི་ཕྱིར། འབྱུང་བ་ལྔའི་འོད་ལས་བྱུང་བའི་བུ་མོ་མདོག་དཀར་མོ་ལ་གཡུའི་རལ་པ་ཅན། དཔྲལ་བའི་དབྱེས་ན་མིག་ཟུར་གསུམ་པ་གཅིག་ཡོད་པ། ལྕགས་དང་ཟངས་ཀྱི་མཁར་ནག་ལ་སྙིང་བརྒྱུས་པའི་ཞགས་པ་འཕེན་པ་གཅིག་སྐྱེས་པས། དེས་ཉི་ཟླ་སྟོང་ཐོད་དང་ཕྲེང་བར་བཅིངས་ནས། ཉི་ཟླ་ཟུང་གཅིག་བཏང་བ་ལས། གདོད་སྲིད་པ་ཆ་བསྙམས་སོ། །དེ་ནས་ཡུམ་བདེ་འགྲོ་མས་ཕྱི་རོལ་གྱི་སྣང་སྲིད་ཐམས་ཅད་ཕྱུང་ངོ་། །དེ་ནས་དཀར་མོ་ཉི་ཟླའི་ཐོད་ཕྲེང་ཅན་དེ་ཉིད་ཕྱི་ནི་གསང་བར་བསྡུས་ཏེ་རབ་ཏུ་གསང་ཞིང་སྦས་པ་ལ། མུ་སྟེགས་ཀཱ་ལ་ཆེན་པོ་བྱ་བ། རི་རབ་ཀྱི་འོག་རྒྱ་མཚོའི་གཏིང་ན་གནས་པ་དེས་མཐོང་ངོ་། །བྱི་བའི་ལོ་ལ་ཡིད་ཀྱི་སྦྱོར་བ་གཅིག་བྱས་པ་ལས། གླང་གི་ལོ་ལ་བུ་མོ་སྤུན་བཞི་སྐྱེས་པ་དང་། ཁོལ་མོ་སྲིད་པ་ཆ་སྙོམས་ཀྱིས་ལྟེ་བ་བཅད་དོ། །བུ་མོ་དེ་བཞིའི་མིང་མ་ཡིས་བཏགས་སོ། །དབྱིངས་ཕྱུག་མ་དང་། རྒྱན་གྱི་རྒྱལ་མོ་དང་། བདག་ཉིད་མ་དང་། གཅིག་པུ་མ་བཞིར་བཏགས་སོ། །དེ་ཡང་མིང་ཆེས་ནས། དེ་བཞིས་སྲིད་པ་ཕུང་བ་དང་འདྲ་བར་ལན་གཅིག་བྱས་སོ། །དེ་ནས་ང་ཉིད་ཀྱིས་ཡེ་ཤེས་ཡིད་ཀྱི་སྤྲུལ་པ་བཀྱེ་ནས་སུ། འཇིག་རྟེན་ཕུང་བྱེད་བཞི་ཡི་མངལ་ལ་སོགས་པ་དབང་དུ་བསྡུས། །ཧཱུཾ་ལས་སྤྲུལ་པའི་བུ་མོ་བཞི། །དེ་བཞི་ལས་ནི་བསྐྱེད་བྱས་ཏེ། །དེ་བཞིའི་མ་སྲིད་པ་ཆགས་བྱེད་མས་བྱས་སོ། །ཕྱི་མོ་དང་ཚམས་མིང་བཏགས་ཏེ། །རྡོ་རྗེ་ཉི་མ་ཁྲོས་པའི་དབང་མོ་ཆེ་དང་། རྡོ་རྗེ་པདྨ་ཁྲོས་པའི་དབང་མོ་ཆེ་དང་། རྡོ་རྗེ་བདེ་སྦྱོར་ཁྲོས་པའི་དབང་མོ་ཆེ་དང་། རྡོ་རྗེ་ཁམས་གསུམ་རྫོགས་བྱེད་ཁྲོས་པའི་དབང་མོ་ཆེ་དང་། དེ་ལྟར་བཞིར་མིང་བཏགས་སོ། །མིང་དེ་ལེགས་ ― DNG022_Page_0644 ―
[མ་དཔེ་གཟིགས་ན་འདིར་གནོན།]
ནས། བུ་མོ་དེ་བཞིས་མ་ལས་ཀྱང་བཞི་དབང་དུ་བསྡུས་སོ། །དེས་སྲིད་པ་བདེ་ལ་བཀོད་དོ། །སྤྲུལ་པའི་བུ་མོ་དེ་བཞི་དང་། །རིགས་ཀྱི་འབྱུང་བ་བཞི་པོ་རུ། །དཔག་བསམ་ཤིང་གི་ཡལ་ག་ལ། །འབྲུག་གི་ལོ་ལ་རྩེད་འཇོ་བྱས་པས། མུ་སྟེགས་ཀཱ་ལས་ཚོར་ནས་སུ། །སྡིག་ཆེན་དམོད་པའི་མཚོན་ཆ་ནི། །མཛའ་ན་རྒྱུག་པ་ཁྱེད་ཅག་རྣམས། །ནལ་བུ་ལྟོ་རུ་ཞུགས་ནས་སུ། །ངོ་ཚའི་བུ་ཡང་སྦེད་པར་ཤོག །ཅེས་དམོད་མོ་དམོས་སོ། །དམོད་མོ་དེས་སྡིགས་ཏེ་སྦྲུལ་གྱི་ལོར་བུ་མོ་སྤུན་བཞི་དུས་གཅིག་སྐྱེས། ཁོལ་མོ་སྲིད་པ་ཆགས་བྱེད་ཀྱིས་ལྟེ་བ་བཅད་དོ། །དེ་ནས་མ་བཞི་ངོ་ཚ་ནས་རི་རབ་ཀྱི་ངོས་བཞིར་བསྐུངས་ཏེ་བཞག་པ་ལ། རྟའི་ལོ་ལ་བལྟ་བས་མི་བྲ་བའི་བུད་མེད་རྫུ་འཕྲུལ་ཆེ་ཞིང་མཚན་དང་ལྡན་པ་བཞི་ཞིག་གདའ། དེ་སྤྱི་དཔལ་ཆེན་པོའི་སྤྱན་གྱིས་གཟིགས་ནས། ཐུགས་ཀྱི་དགྱེས་སྡེ་མོ་གསང་བའི་བྱི་མོ་བཞིར་བཟུང་ངོ་། །དཀར་མོ་མིག་གཅིག་རྒྱས་འདེབས་མ་དང་། ནག་མོ་རལ་གཅིག་རྨོངས་བྱེད་མ་དང་། །དམར་མོ་དབང་བསྒྱུར་ཟ་བྱེད་མ་དང་། སེར་མོ་ལས་མཁན་ཚེ་འཕེལ་མ་ཞེས་ཐུགས་ལས་མིང་དང་མཚན་བཏགས་སོ། །མ་མོ་བཅུ་བཞིའི་རབས་རྒྱུད་ཀྱི་ལེའུ་སྟེ་བཅུ་གསུམ་པའོ།། །།དེ་ནས་རྡོ་རྗེ་རྣལ་འབྱོར་མ་དེ་རྣམས་ཀྱི་ཁོལ་མོ་སྲིད་པ་ཆགས་བྱེད་མ་དང་། ཁོལ་པོ་སྲིད་པ་ཞིག་འཛིན་གཉིས་ཁྱི་ལོ་དཔྱིད་ཟླ་ར་བའི་ངོ་ལ་ཁྱོ་ཤུག་ཏུ་འདུས་པ་ལས། ཕག་གི་ལོ་དཔྱིད་ཟླ་ར་བའི་ཉ་ལ་བུ་ཁྱེའུ་གཅིག་སྐྱེས་ཏེ། ཇོ་མོ་ཉི་ཟླའི་ཐོད་ཕྲེང་ཅན་གྱིས་སྐོས་རྗེ་དྲང་ཀར་དུ་མིང་བཏགས་ཏེ་བློན་པོར་བསྐོས་སོ། །དེ་ནས་སྐོས་རྗེ་དྲང་ཀར་དང་སྲིད་པའི་ཆ་སྙོམས་མ་གཉིས་ཁྱོ་ཤུག་ཏུ་འདུས་ཏེ། སྲིད་པ་ཆ་བསྙམས་སོ། །དེ་གཉིས་ལ་བུ་མོ་སྤུན་དྲུག་སྐྱེས་ཏེ་བཞི་ནི་ཁྲོས་པའི་དབང་མོ་ཆེ་བློན་པོ་རྒྱལ་པོ་ཆེན་པོ་བཞིའི་ཆུང་མར་བླངས་ཏེ། ཇོ་མོས་རི་རབ་ཀྱི་གྲྭ་འདེགས་སུ་བཅུག་སྟེ། གྲུ་འདེགས་མ་ཆེན་མོ་བཞིར་མིང་བཏགས་སོ། །བུ་མོ་ཆུང་ངུ་སྤུན་གཉིས་ལ། གཅིག་ནི་སྲིད་པ་བྱན་མཁན་གྱི་ཆུང་མར་བླངས་སོ། །ཇོ་མོ་ཉི་ཟླའི་ཐོད་ཕྲེང་གིས་ཧེ་རུ་ཀ་སྣིར་མིང་བཏགས་ ― DNG022_Page_0645 ―
[མ་དཔེ་གཟིགས་ན་འདིར་གནོན།]
སོ། །སྲིད་པའི་བྱན་བྱེད་དུ་བཅུག་གོ། །དེའི་ནུ་མོ་ཐ་ཆུང་ཨེ་ཀ་ཛཱ་ཊི་ནི་དབྱིངས་ཕྱུག་མ་སྤུན་བཞིའི་འཁོར་ན་གནས་སོ། །དེ་ནས་རྒྱལ་པོ་ཆེན་པོ་བཞི་ལས། བུ་མོ་སྤུན་བཞི་སྐྱེས་ཏེ། དཀར་མོ་མཆེ་བ་ཅན་དང་། ནག་མོ་ཁ་བླན་མ་དང་། དམར་མོ་མཆུ་འཇིབ་མ་དང་། སེར་མོ་རྐང་ལྡག་མ་དང་བཞི་སྐྱེས་ཏེ། དེ་བཞི་ནི་ཐུགས་ཀྱི་དགྱེས་སྡེ་མོ་བཞིའི་འཁོལ་མོ་སྟེ། དམག་གི་རྒྱལ་མོར་བསྐོས་སོ། །དེ་ནས་ཁྲོས་པའི་དབང་མོ་ཆེ་བཞིའི་ཁོལ་མོ། ཨེ་ཀ་ཛ་ཊཱི་ཤུགས་ཀྱི་བློན་པོ་ལྷ་ཆེན་པོ་བདུན་གྱི་ཆུང་མ་དང་སྲིན་མོ་ཆེན་མོ་བདུན་པོ་དེ་འཇིག་རྟེན་དུ་གནོད་པ་ལ། ཡུམ་ཆེན་མོའི་ཐུགས་ཀྱི་སྤྲུལ་པ་ལས། དབྱིངས་ལས་ཤར་བའི་མ་མོ་གསུམ་དང་། མཁའ་ལ་རྒྱུ་བའི་མ་མོ་གསུམ་དང་། གསང་བས་བསྡུས་པའི་མ་མོ་གཅིག་སྟེ། ཐུགས་ཀྱི་སྤྲུལ་པའི་མ་མོ་བདུན་གྱིས་སྲིན་མོ་བདུན་པོ་བཏུལ་ལོ། །དེ་ནས་གཙོ་མོ་བཞི་ལས་རྒྱན་གྱི་རྒྱལ་མོ་སྤུན་བཞི་མངགས་ནས། བུ་མོས་མའི་བཀྲག་དང་གཟི་མདངས་འཕྲོག་སྟེ་དབང་ཡང་མེད་མཐུ་ཡང་ཆུང་ལ། ཞེ་ངན་ཤ་སྟག་བྱེད་ན་དེ་ནས་རྒྱན་གྱི་རྒྱལ་མོ་དང་། ཁོལ་པོ་ཕྱྭ་ཡ་བདུད་གཉིས་བྱི་བའི་ལོ་ལ་བྱི་བགྱིས་པའི་བུ། གླང་གི་ལོ་ལ་ཡར་ལ་ཤོད་ཀྱི་སྐྱེས་ཏོ་རེ་དང་། འདོད་ཁམས་ལྷའི་གཙོ་མོ་མིང་སྲིང་གཉིས་སྐྱེས་སོ། །དེ་ཡང་ཡར་ལ་ཤོད་ཀྱི་སྐྱེས་ཏོ་རེ་དང་། ཇོ་མོ་ན་ཡང་ཇོ་མོ། སྲུ་མོ་ན་ཡང་སྲུ་མོ། བདག་ཉིད་མ་ཞེས་བྱ་བ་གཉིས། ཤིང་ན་བྱིས་ལེའི་རྩེ་མོར་རྟའི་ལོ་ཚེས་བཅོ་ལྔ་ལ་མཛའ་ན་བརྒྱུགས་ཏེ་ནང་པར་སོ་སོར་གྱེས་པ་ལས། སྲུ་མོའི་རྟིང་པ་ལ་ཁྲག་ཅིག་འདུག་པ་མཐོང་སྟེ། མི་གཙང་བའི་སེམས་སྐྱེས་ཏེ་མཆིལ་མ་གཅིག་བསྐྱུར་བ་ལས། ཁྲག་དང་མཆིལ་མ་འདྲེས་པའི་བུ་མིང་སྲིང་གཉིས་མཚེ་མར་སྐྱེས་ཏེ། ལུག་གི་ལོ་ཚེས་བཅུ་བཞི་ལ་གནམ་གྱི་ལྷ་དཀར་པོ་སྐྱེས་སོ། །ཚེས་བཅོ་ལྔ་ལས་ས་བདག་པདྨ་ཕྲེང་སྐྱེས་སོ། །དེ་ཡང་དབྱིངས་ཕྱུག་མ་དང་། ཡང་ལྷ་ཤོད་ཀྱི་སྐྱེས་ཏོ་རེ་གཉིས་སྤྲེའུའི་ལོ་ལ་བྱི་བགྱིས་པའི་བུ། བྱའི་ལོ་ལ་མིང་སྲིང་གཉིས་སྐྱེས་ཏེ་མིང་པོ་ཤར་གྱི་སེང་གེ་འོད་ ― DNG022_Page_0646 ―
[མ་དཔེ་གཟིགས་ན་འདིར་གནོན།]
འཕྲོག་དང་། སྲིང་མོ་པདྨ་གར་གྱི་དབང་ཕྱུག་མ་ཡིན་ནོ། །དེ་ནས་ཡང་བདུད་དང་ཨེ་ཀ་ཛཱ་ཏི་གཉིས་ལ། བུ་མོ་སྤུན་གཉིས་སྐྱེས་ཏེ། ཆེ་བ་ནི་རིན་ཆེན་སྲིད་འདེགས་མ་ཞེས་ཀྱང་བྱ་ནམ་མཁའི་རྒྱལ་མོའོ། །ཆུང་ངུ་ནི་གླིང་བཞི་སྤྱི་ཕུད་མ་ཞེས་ཀྱང་བྱ། འཇིག་རྟེན་དབང་ཕྱུག་མ་ཞེས་ཀྱང་བྱ། སྲིད་པ་ཆ་སྙོམ་མ་ནི་ཧེ་རུ་ཀ་སྣིར་ཞེས་ཀྱང་བྱའོ། །སྲིད་པ་ཆགས་བྱེད་མ་ནི་ལྷ་མོ་ཚོགས་ཀྱི་བདག་མོ་ཞེས་བྱའོ། །ཨེ་ཀ་ཛཱ་ཊིའི་མིང་ཡོངས་ཀྱི་ཚོགས་ཀྱི་བདག་མོ་ཞེས་བྱའོ། །གྲུ་འདེགས་མ་ཆེན་མོ་བཞི་ནི་ཧར་ཏིང་དཀར་མོ་དང་། དུན་ཏིང་ནག་མོ་དང་། ཤན་ཏིང་དམར་མོ་དང་། གྲུབ་ཏིང་སེར་མོ་དང་བཞིའོ། །མ་མོའི་དཀྱིལ་འཁོར་ཆེན་པོ་བརྒྱད་ལ། ཡུམ་སྲིད་པ་བདེ་འགྲོ་མ་ནི། ཡོངས་སུ་རྫོགས་པའི་གྲུབ་ལྡན་མ་ཚོགས་ཀྱི་དཀྱིལ་འཁོར་ཞེས་བྱའོ། །དཀར་མོ་ཉི་མའི་ཐོད་ཕྲེང་ཅན་ནི་ཐོད་ཕྲེང་གི་དཀྱིལ་འཁོར་ཞེས་བྱའོ། །ཁྲོས་པའི་དབང་མོ་ཆེ་བཞི་ནི། སྙིང་རྗེ་བྱམས་པའི་དཀྱིལ་འཁོར་རོ། །དཀར་མོ་མིག་གཅིག་མ་ལ་སོགས་པ་བཞི་ནི། གསང་བ་དགྱེས་པའི་དཀྱིལ་འཁོར་རོ། །དབྱིངས་ཕྱུག་མ་བཞི་ནི། ཕུང་བྱེད་སྦས་པའི་དཀྱིལ་འཁོར་རོ། །ཡང་རྣམ་པ་གཅིག་ཏུ་ཡུམ་ཆེན་མོ་དང་། དཀར་མོ་ཉི་མའི་ཐོད་ཕྲེང་ཅན་གཉིས་ནི་ཡོངས་སུ་རྫོགས་པའི་འཇིག་རྟེན་ཀུན་གྱི་དཀྱིལ་འཁོར་ཏེ། སྤྱི་དཔལ་ཆེན་པོ་དང་གཉིས་སུ་མེད་དོ། །ཁྲོས་པའི་དབང་མོ་ཆེ་བཞི་ནི། འགྲོ་བ་ཡོངས་སུ་སྐྱོང་བའི་དཀྱིལ་འཁོར་ཏེ། བདུད་རྩིའི་བུམ་པ་འདྲའོ། །ཐུགས་ཀྱི་དགྱེས་སྡེ་མོ་བཞི་ནི། གེ་སར་ཡོངས་ཀྱི་དཀྱིལ་འཁོར་ཞེས། གསང་བའི་དྲོད་ཆགས་འཛིན་པའི་བདག་མོ་ཡིན་ནོ། །དེ་རྣམས་ཀྱི་ཁོལ་མོའི་ཚོགས་བརྒྱད་ནི། སྲིད་པ་ཆགས་བྱེད་མ་ནི་ཆགས་འཛིན་མའི་ཚོགས་སོ། །སྲིད་པ་ཆ་སྙོམ་མ་ནི་སྙེམ་བྱེད་ཆེན་པོའི་ཚོགས་སོ། །སྲིད་པ་གྲུ་འདེགས་མ་ནི་གླིང་བཞི་ཕུད་ཉུལ་མའི་ཚོགས་སོ། །ཨེ་ཀ་ཛཱ་ཊི་ཕོ་ཉ་ཀུན་གྱི་ཚོགས་སོ། །དམག་གི་རྒྱལ་མོ་བཞི་ནི་དྲི་ཟ་ལ་སོགས་པ་རིགས་སོ་སོའི་ཚོགས་སོ། །འདོད་ཁམས་ལྷའི་ ― DNG022_Page_0647 ―
[མ་དཔེ་གཟིགས་ན་འདིར་གནོན།]
གཙོ་མོ་ནི་བུད་མེད་ནག་མོའི་ཚོགས་སོ། །རྡོ་རྗེ་གར་གྱི་དབང་ཕྱུག་མ་དང་། པདྨ་གར་གྱི་དབང་ཕྱུག་མ་གཉིས་ནི་ཉུ་ལེའི་ཚོགས་སོ། །རིན་ཆེན་སྲིད་འདེགས་མ་དང་། གླིང་བཞི་སྤྱི་ཕུད་མ་ནི་སྨན་ཕྲན་ཀུན་གྱི་གཙོ་མོའི་ཚོགས་སོ། །དེ་ལ་ཨེ་ཀ་ཛཱ་ཊིའི་ནུ་མོ་ཨེ་ཀ་ཙ་རས་བསམས་ནས། ཇོ་མོ་ཀུན་གྱི་ནང་ནས་ཡང་བདག་གི་ཇོ་མོ་ཁུད་པར་དབང་ཆུང་བས། ཁོལ་མོ་ཀུན་གྱི་ནང་ན་ཡང་བདག་ཁུད་པར་དབང་ཆུང་བས། ངན་ཐབས་ཤིག་བྱ་སྙམ་ནས། ཇོ་མོ་གཅིག་པུ་མས་བྱི་སྣ་བྱས་ཏེ། རྒྱ་མཚོའི་གཏིང་ན་ཆུ་སྲིན་གྱི་རྒྱལ་པོ་ཀུམྦྷི་ར་མ་ཧཱ་སཏྭ་ཞེས་ཀྱང་བྱ། མ་ཀ་ར་ཞེས་ཀྱང་བྱ་བ་གཅིག་བཀུག་ནས། དུག་ཤིང་གདུག་པ་ཅན་གྱི་ཕག་ཏུ་སྟག་གི་ལོ་ལ་ཉལ་པོ་བྱེད་དུ་བཅུག་པའི་བུ་ཕོ་མོ་ནི། ཡོས་བུའི་ལོ་ལ་མིང་པོ་དཀར་པོ་མིག་གཅིག་པ་སྐྱེས། སྲིང་མོ་ནག་མོ་ཁྲག་འཛག་མ་སྐྱེས་ཏེ་ནད་གཏོང་བའོ། །དེ་ནས་མིང་པོས་མའི་གཟི་མདངས་ཕྲོགས་ན། འཇིག་རྟེན་ཡོངས་ཀྱི་མཐུ་རྐུ་བར་བདོག་བསམ་གཟས་པ་ལས། སྲུ་མོ་ཨེ་ཀ་ཛཱ་ཊིས་ཚོར་ཏེ། ཇོ་མོ་ཁྲོས་པའི་དབང་མོ་ཆེ་རྣམས་ལ་ཞུས་པས། རྗེ་འབངས་ལྔས་བསྒྲལ་བ་ལས། ལུས་གཅིག་གི་ནང་ནས་ཙིཏྟ་བཅུ་ཕྱུང་བ་ལས། གཅིག་སྙིང་གི་བདག་མོ་ལ་ཕུལ། དགུ་ལ་གསུམ་ནི་རྒྱལ་ཐེའུ་ཁྲ་བོ་དང་། ཏྲི་ཤང་ཀ་ར་དང་། དཀར་ཐོར་ཐོར་དང་གསུམ་ནི་རྒྱལ་པོའི་རིགས་ལ་གནོད། གསུམ་ལ་བར་ཐེའུ་སྨུག་པོ་དང་། ལེགས་ཐེའུ་ཁྲ་བོ་དང་། ས་ཐེའུ་ནག་པོ་གསུམ་ནི་མི་ཡོངས་ལ་གནོད་དོ། །གསུམ་ནི་ཕྱོགས་སུ་གྱུར་ཏེ། བྲག་སྲིན་དང་། ཆུ་སྲིན་དང་། ཤིང་སྲིན་དང་གསུམ་དུ་གྱུར་ཏོ། །དགུ་ཀ་རྐང་པ་ཡ་རེ་བཅག་ནས་གནམ་ཁྱི་དཀར་པོ་འཁོལ་དུ་བཅུག་གོ། །དེ་ནས་འབྲུག་གི་ལོ་ལ་ཨེ་ཀ་ཛ་ར་མངལ་མ་བདེ་ནས། མཉེས་བཙིར་བ་དང་། གདོང་སོག་པོ་ལ་མིག་ལོང་བ། ལུས་ཀྱང་སྤྱང་ཀི་ལ་ཁོག་པ་ལ་སྙིང་གསུམ་ཡོད་པ་གཅིག་སྐྱེས་པ་ལས། འདི་སུ་ཡང་ཆ་མེད་དོ་སྙམ་ནས་དགྲ་བོའི་སྙིང་འབྱིན། བྱམས་ཀྱི་ལན་ལྡོན་པར་འོང་སྟེ། ལས་སུ་རུང་ངོ་སྙམ་ནས་དགའ་ཞིང་མགུ་བས། ― DNG022_Page_0648 ―
[མ་དཔེ་གཟིགས་ན་འདིར་གནོན།]
ཇོ་མོ་ཉི་མའི་ཐོད་ཕྲེང་ཅན་གྱིས་ཚོར་ནས། སྙིང་གཉིས་ཁར་རྔུབས་ནས། ཤར་གིང་ལ་ཁོལ་བོར་བྱིན་ཏེ་བཏང་ངོ་། །ཕོ་རྒྱུད་མོ་རྒྱུད་ཀྱི་གཏན་ཚིགས་ཀྱི་ལེའུ་སྟེ་བཅུ་བཞི་པའོ།། །།གཡུང་དྲུང་ལྷ་ཡིས་ཡང་གསོལ་པ། །དགུག་ཅིང་འདྲེན་པར་བྱེད་པ་ནི། །མ་མོ་རྣམས་ཀྱི་གསང་སྔགས་ཏེ། །རྫོགས་སངས་རྒྱས་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །རྫོགས་སངས་རྒྱས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །དགུག་ཅིང་འདྲེན་པའི་སྔགས་རྣམས་ཀུན། །ཡང་དག་ཉིད་དུ་ངས་བསྟན་གྱི། །གཡུང་དྲུང་ལྷ་ཡི་དབང་པོ་ཐུད། །ཨོཾ་བཛྲ་ཀྲོ་དྷཱི་ཤྭ་རཱི་བྷ་ག་པདྨ་རྱ་ཧཱུཾ་ཧཱུཾ། ཨོཾ་བཛྲ་ཤཱནྟིཾ་པདྨ་ཀ་རུ་ཏིང་བྷྱོ། ཨོཾ་མུ་ཏྲི་ནི་བྷྱོ། ཨོཾ་ཤནྟྲི་ནི་བྷྱོ། བྷ་ག་དུན་ཏྲི་ནི་བྷྱོ། ཁ་མུན་དན་ཏྲི་ནི་བྷྱོ། ཨོཾ་བཛྲ་སཱུརྱ་བི་ཏོ་ཨ་ཏོ་ཡེ། ཨོཾ་བཛྲ་པདྨ་བི་ཏོ་ཨ་ཏོ་ཡེ། ཨོཾ་བཛྲ་ཁ་རག་བི་ཏོ་ཨ་ཏོ་ཡེ། ཨོཾ་བཛྲ་སྲིད་འགྲོ་བི་ཏོ་ཨ་ཏོ་ཡེ། ཨོཾ་བཛྲ་ཨ་ཀེཾ་ཨ་ཀེཾ་བྷྱོ། ཨོཾ་བཛྲ་ཏ་ཀེཾ་ཀ་ཀེཾ་བྷྱོ། ཨོཾ་བཛྲ་ནཱི་ལ་ནཱི་ལ་བྷྱོ། ཨོཾ་བཛྲ་ལནྟ་ལནྟ་བྷྱོ། ཨོཾ་བཛྲ་ཛ་ཏྲཾ་མུ་རཾ་ཤྭ། བཛྲ་ཁ་རག་སྙིང་ཁ་རག་མ་བྷྱོ། ཏྲག་རཀྴ་ཏྲག་རཀྴ་བྷྱོ། ཏྲག་རཀྴ་ཁ་མུན་ཏྲ་སཾ་ཁ་མུན་ཏྲ་བ་རཀྴ་བྷྱོ། པྲ་ཀ་རཱ་ཏིཥྛ་བྷྱོ། པྲ་པྲི་གྷིར་ཁཾ་གི་བེང་གི་ཤ་བྷྱོ། བྷྱོ་ཧཱུཾ་ཀ་རཾ་ཡང་རོ་ཀ །བ་རོད་དྷ་རོད། ནི་ལ་ཆུ་མི་ཧ། ཁ་ཊྭཱཾ་རཾ་ཡང་ག །ད་ལ་ཙ་ལ། པདྨ་ཙནྡྷ། མགུ་ར་ག་ཨ་ནུ་རཀྟོ་ཏོ། དིང་ཏིང་ཡང་སཾ་དིང་སཾ། ཨེ་དྷི་ལ་ཨཱ་རལླི། བུ་བྱི་རུ་ལུ་རུ་ལུ་བྷྱོ། ཏྲག་རཀྴ་ཏྲག་རཀྴ་བྷྱོ། ཨ་ཏིང་བྷྱོ། བྱི་ཏིང་བྷྱོ། སུ་ཏིང་བྷྱོ། མུ་ཏིང་བྷྱོ། བཛྲ་ཤཱནྟིཾ་བྷྱོ། དུནྟིཾ་བྷྱོ། ཧ་ར་ཏིང་བྷྱོ། གྲུབ་ཏིང་བྷྱོ། ཏེ་བཾ་ཡང་བྷྱོ། ཨ་བ་རྟ་ལ་བྷྱོ། དྷ་ལ་དུ་ན་བྷྱོ། དི་ལ་མ་མ་ཡ་བྷྱོ་དྷི་ན་མ་མོ་ལས་ལ་ཡང་། མ་ནུ་རཀྑ་སཱི་བྷྱོ། བྲ་ཧྨ་ཎཱི་བྷྱོ། རོའུ་ཏྲཱི་བྷྱོ། ཀོའུ་མཱ་རཱི་བྷྱོ། བིཥྞ་བཻ་བྷྱོ། ཨིནྟྲ་ཎཱི་བྷྱོ། སིངྒ་ལཱི་བྷྱོ། ཨ་མྲྀ་ཏཱ་བྷྱོ། སོའུ་མྱ་བྷྱོ། དཎྜ་དཾ་བྷྱོ། རཀྵ་ཤ་སཱི་བྷྱོ། བྷཀྵ་སཱི་བྷྱོ། ར་ཏྲི་བཛྲ་བྷྱོ། རུ་དྷཱི་ར་མརྟཱ་བྷྱོ། ཨེ་ཀ་ཙ་རི་ཎཱི་བྷྱོ། མ་ནོ་ཧ་རཾ་བྷྱོ། སིདྡྷི་བྷྱོ། བ་ཡ་བཱི་བྷྱོ། མ་ཧཱ་མཱ་ར་ཎ་བྷྱོ། བཛྲ་ཨགྣི་བྷྱོ། ཝ་ར་ཧཱི་བྷྱོ། མུཎྜི་བྷྱོ། སུ་ཏ་ ― DNG022_Page_0649 ―
[མ་དཔེ་གཟིགས་ན་འདིར་གནོན།]
ནི་བྷྱོ། བ་རུ་ཎཱི་བྷྱོ། མ་ཧཱ་ཀ་ལཱི་བྷྱོ། ཙ་ཀ་ལཱི་བྷྱོ། ཀུམྦྷ་ཀ ཧྭཱཾ་བྷྱོ། ལཾ་བོ་དར་བྷྱོ། འདིས་ནི་མ་མོའི་འགུགས་འདྲེན་འགྱུར། །དེ་སྐད་དཔའ་བོས་ཡང་དག་བཤད། །མ་མོ་འགུགས་འདྲེན་དང་ཐུན་སྔགས་ཀྱི་ལེའུ་སྟེ་བཅོ་ལྔ་པའོ།། །།གདོན་འདུལ་ལྷ་ཡིས་ཡང་གསོལ་པ། །སྲིད་པའི་དབང་ཆེན་འདི་རྣམས་ཀུན། །བསྙེན་བསྒྲུབ་བགྱིད་ན་ཇི་ལྟར་བགྱི། །བཀའ་སྩལ་པ། བསྙེན་ཅིང་བསྒྲུབ་པའི་ཚིག་རྣམས་ཀུན། །ངས་གསུངས་པ་ལ་ཐེ་ཚོམ་མེད། །ཉོན་ཅིག་གཡང་དྲུང་ཡང་དག་གཙོ། །ཧཱུཾ་སྲིད་པའི་བདེ་འགྲོ་ཁམས་གསུམ་ཀུན་གྱི་ཡུམ་མཆོག་སྟེ། །ཕྲ་མེན་རྒྱ་མཚོ་སྐུ་སྐྱོད་ཅིག །རྣལ་འབྱོར་ཆེན་པོའི་སྤྲུལ་པའི་མ། །སྤྱན་གཉིས་ཁྲོས་པའི་ཚུལ་མངའ་ཞིང་། །ཞི་བའི་སྐུ་ལ་སྣང་སྲིད་གསལ། །སྤྲུལ་པའི་སྐུ་ལ་ཞབས་བརྒྱད་འབར། །དྲུག་ནི་རྒྱུ་དྲུག་སྒོ་ཡང་གནོན། །གཅིག་ནི་ཀླུ་ཡི་ཕྱོགས་སུ་འཆར། །གཅིག་ནི་བདུད་དང་མུ་སྟེགས་གནོན། །རྣམ་པར་ཤེས་པ་ཡུལ་དྲུག་ལས། །སྤྱན་དྲུག་མངོན་པར་ཤར་བ་ལས། །སྤྱན་གསུམ་གྱེན་དུ་གཟིགས་པ་ཡིས། །རྣམ་པར་ཐར་པའི་སྒོ་ཡང་འབྱེད། །སེམས་ཅན་སྐྱེ་ཤིའི་ལམ་ཡང་སྟོན། །སྤྱན་གསུམ་ཐུར་དུ་གཟིགས་པ་ཡིས། །སྲིད་པ་གསུམ་ཆར་ཐལ་བར་རློག །དེ་ལས་སླར་ཡང་སྐྱེད་པར་བྱེད། །གཡས་ཀྱི་ཞལ་བཞད་ཐུགས་རྗེ་ཆེ། །གཡོན་གྱི་ཞལ་བཞད་དབང་དུ་སྡུད། །རྡོ་རྗེ་མཆེ་བ་གཙིགས་པ་ཡིས། །སྲིད་གསུམ་འགྲན་ཟླ་ཆེམ་ཆེམ་གསོལ། །རྣལ་འབྱོར་གསང་བའི་བྷ་ག་ལ། །སྲིད་པ་གསུམ་ཆར་འཆར་བར་མཛད། །ལྷ་ཆེན་ལ་སོགས་མཐའ་ཡས་མཆོག །བདུད་དང་གནོད་སྦྱིན་ལ་སོགས་ཏེ། །གཤིན་རྗེ་སྲིན་པོ་ཀུན་རྣམས་འདར། །ཡུམ་གྱི་སྐུ་ཡི་གཡས་ཕྱོགས་སུ། །ལས་ཀྱི་མ་མོ་བཅུ་དྲུག་འཆར། །ཕོ་ཉ་བཀའ་ཉན་ཐབས་ཀྱིས་འགྱེད། །གཡོན་གྱི་ཕྱོགས་ནས་འཆར་བ་ནི། །རྣལ་འབྱོར་སྐུ་ཡི་སུམ་ཆ་ལ། །ངེས་པའི་མ་མོ་དགུ་རྣམས་ནི། །ཐམས་ཅད་སྐུ་ལ་མཆོད་པར་བརྩོན། །ཡུམ་གྱི་ཞབས་ཀྱི་གཡས་ཕྱོགས་སུ། །འདོད་པའི་མ་མོ་བརྒྱད་ ― DNG022_Page_0650 ―
[མ་དཔེ་གཟིགས་ན་འདིར་གནོན།]
མནན་ཏེ། །འཇིག་རྟེན་ཀུན་ལ་སྨན་པར་མཛད། །ཡུམ་གྱི་ཞབས་ཀྱི་གཡོན་ཕྱོགས་སུ། །བཀའ་སྡོད་ཉི་ཤུ་རྩ་བརྒྱད་མནན། །རྣལ་འབྱོར་ཀུན་གྱི་ལས་རྣམས་བསྒྲུབ། །སྲིད་པའི་མ་མོ་ཐམས་ཅད་ཀུན། །རྣལ་འབྱོར་སྐུ་ཡི་ཁྱོན་དུ་རྫོགས། །མ་མོ་ཀུན་གྱི་ཐིག་ལེ་ལས། །རྡོ་རྗེ་ཁ་ཊྭཱཾ་གཞུ་བདུངས་པས། །ཤེས་རབ་ཡེ་ཤེས་མདེའུ་རྩེ་ལས། །སྤྲུལ་པའི་ཐིག་ལེ་མ་མོ་དགུ་འཕེན་མ། །ངེས་པའི་བདེ་ཀློང་གཅིག་ཏུ་འཁྱིལ། །ཧེ་རུ་ཧཱུཾ་སྲས་འཁོར་དུ་བཞག །མཐིང་ནག་འབར་བའི་ཁྲོ་བོ་ཡིས། །ཐམས་ཅད་སྒྲོལ་ཞིང་དབང་དུ་སྡུད། །ཞི་བའི་སྐུ་ལ་ཐུགས་རྗེ་ཆེ། །ཡེ་ཤེས་སྤྲུལ་པའི་ཕྱག་དྲུག་ལས། །གཡས་ཀྱི་དང་པོ་འཁོར་ལོར་བསྐོར། །གསང་སྔགས་བཀའ་རྣམས་སྒྲོག་བའི་དོན། །གཡོན་པ་རིན་ཆེན་སྲིད་དབང་སྒྱུར། །སྲིད་པའི་འཇིག་རྟེན་གནས་ལ་འབེབས། །གཡས་ཀྱི་བར་མ་གཡང་གཞི་བརྟན། །བདུད་དང་མུ་སྟེགས་རྡུལ་དུ་རློག །གཡོན་པ་བྷནྡྷ་དམར་སྐྱིལ་ཅིང་། །བུད་མེད་མང་པོ་དབང་དུ་སྡུད། །གཡས་པ་ཐ་མ་ཚེ་འཛིན་ཅིང་། །རྣལ་འབྱོར་ཀུན་ལ་དངོས་གྲུབ་འབེབས། །གཡོན་པ་ལྕགས་ཀྱུ་དགུས་གཏམས་པས། །དམ་ཉམས་ཀུན་དང་དགྲ་བགེགས་ཀྱི། །བཀའ་ལས་འདས་པའི་སྙིང་རྩ་འདྲེན། །སྤྱི་གཙུག་སྤྲུལ་པའི་འཕྲོ་འདུ་ཡིས། །སྟོང་གསུམ་འཇིག་རྟེན་བྷྱོ་བཟློག་མཛད། །བདག་ཅག་ཡེ་ཤེས་རྩལ་འཆང་ཞིང་། །ངེས་པའི་དོན་དང་རྟོགས་པའི་མཐུ། །མན་ངག་ཐུགས་ཀྱིས་རྒྱུད་བསྐུལ་བར། །སྐད་ཅིག་ཡུད་ཙམ་དབྱིངས་ནས་བཞེངས། །སྲིད་པ་གསུམ་དང་གླིང་བཞི་ཡང་། །ཐང་གཅིག་ཡུད་ཙམ་འཇིག་པར་མཛད། །ཁྱད་པར་ཡེ་ཤེས་ཉི་ཟླའི་སྤྱན། །གཡས་ཀྱི་སྤྱན་གྱིས་སྲིད་པ་གསལ། །གཡོན་གྱི་སྤྱན་གྱིས་སྦྱོར་བར་མཛད། །རྡོ་རྗེ་སྨིན་མ་གཡེངས་པ་ཡིས། །མུ་སྟེགས་ཡཀྴའི་སྙིང་ལ་འགེམས། །མ་མོ་ཁྱེད་ཀྱི་མཚན་ཉིད་ནི། །བྱང་ཆུབ་སེམས་མ་ཞེས་སུ་གྲགས། །ཡང་དག་གསང་བའི་མཚན་ཉིད་ནི། ། ― DNG022_Page_0651 ―
[མ་དཔེ་གཟིགས་ན་འདིར་གནོན།]
སངས་རྒྱས་ཁྲོས་པའི་རྒྱལ་མོ་ལགས། །བདེ་ཀློང་ཀུན་གྱི་གཙོ་མོ་ཞེས་སུ་གྲགས། །རྣལ་འབྱོར་གསང་བའི་དཀྱིལ་འཁོར་དུ། །གསང་བ་ཐབས་ཀྱི་འཕྲོ་འདུ་ཡིས། །ཡུམ་གྱི་ཐུགས་དམ་འདིས་བསྐངས་ལ། །སྐུ་ནི་མི་བསྐྱོད་འདིར་བཞུགས་ཏེ། །འཁོར་གྱི་བློན་མོ་ཀུན་བསྐྱོད་མ། །བཅོལ་བའི་ལས་རྣམས་གྲུབ་པར་མཛོད། །ཅེས་ཚོགས་ལ་སྤྱན་དྲང་བ་ནི། ཕྲ་མེན་རྒྱ་མཚོ་ལའོ། །གསང་བའི་མཆོད་པ་དང་ལྡན་པར་བྱས་ཏེ་བསྐུལ་བ་ནི། ཧཱུཾ་ལྷ་མོ་ཆེན་མོ་རྣལ་འབྱོར་མ། །ཀུན་གཞི་ཡོངས་ཀྱི་དབང་ཕྱུག་མ། །སྣང་སྲིད་ཀུན་ལ་དབང་སྒྱུར་མ། །སྐྱེ་འགྲོ་ཡོངས་ཀྱི་དབུགས་འཕྲོག་མ། །དུང་ཆེན་ཕྱག་ན་བསྣམས་ཤིང་འོ་དོད་ཆེན་པོ་འདེབས། །གཤིན་རྗེ་བྲན་དུ་འཁོལ་ཞིང་འཇིག་རྟེན་མེ་ཡིས་སྲེག །འགྲོ་བའི་ཚེ་དཔལ་འཕྲོག་ཅིང་བྱང་ཆུབ་སེམས་ཀྱི་བདག །སྒྲོལ་བ་དོན་དུ་གཉེར་ཞིང་དབང་ཕྱུག་ཀུན་དང་སྦྱོར། །སྲིད་གསུམ་སྤྲུལ་པས་འགེངས་ཤིང་བདུད་དཔུང་རྡུལ་དུ་རློག །གཡང་གཞི་གོས་སུ་གྱོན་ཞིང་ཁ་ཊྭཱཾ་གཡབ་མོས་འདེབས། །སྐུ་མདོག་ཁྲོ་མོར་བཞུགས་ཤིང་ཁྲག་དང་ཞག་གིས་བརྒྱན། །སྤུ་གྲི་ཕྱག་ན་བསྣམས་ཤིང་ཀུན་གྱི་སྙིང་འབྱིན་མ། །ཞིང་ཆེན་གདན་ལ་བཞུགས་ཤིང་རྣལ་འབྱོར་གྲོགས་མཛད་མ། །མཱཾ་ས་ཟས་སུ་ཟ་ཞིང་ཙིཏྟའི་ཞགས་པ་འཕེན། །ཉི་ཟླ་ཐོད་དུ་བཅིངས་ཤིང་སྟོང་གསུམ་བདེ་ལ་འགོད། །བདུད་ཀྱི་བུ་སྨད་འཁོལ་ཞིང་ང་རྒྱལ་དྲག་ཤུལ་ཆེ། །དུང་ཆེན་སྣོད་དུ་དམར་ཆེན་ཁྲག་དང་སྙིང་དུ་བསྲེས་པ་འདི། །ཁྱེད་ཀྱི་སྐུ་ལ་བསྡིམ་པས་བཅོལ་བའི་ལས་མཛོད་ཅིག །ཅེས་བྱ་བས་བསྐུལ་བ་ནི་ཉི་མའི་ཐོད་ཕྲེང་ཅན་ནོ། །རྒྱུ་བསྒྲལ་བ་ཀུན་གྱི་བདག་མོ་ཡིན་ནོ། །དེ་ཀུན་གྱི་སྙིང་ལ་ཡང་དབང་ངོ་། །ཧཱུཾ་རྣལ་འབྱོར་ཁྲོས་པའི་དབང་མོ་ཆེ། །ཉི་མ་སྟོང་གི་གཟི་མདངས་ཅན། །སྟོང་གསུམ་འཇིག་རྟེན་འོད་ཟེར་འཕྲོ། །སྲིད་པ་སྒྲོལ་མ་གཤེགས་སུ་གསོལ། །ཧཱུཾ་རྣལ་འབྱོར་ཁྲོས་པའི་དབང་མོ་ཆེ། །པདྨ་སྟོང་གིས་སྐུ་བརྒྱན་ཅིང་། །གེ་སར་འབུམ་གྱི་ཁྲག་འཐུང་མ། །དབང་ཕྱུག་ཆེན་མོ་གཤེགས་སུ་གསོལ། ། ― DNG022_Page_0652 ―
[མ་དཔེ་གཟིགས་ན་འདིར་གནོན།]
ཧཱུཾ་རྣལ་འབྱོར་ཁྲོས་པའི་དབང་མོ་ཆེ། །ཁམས་གསུམ་རྫོགས་བྱེད་བདུད་རྩི་སྦྱོར། །འཇིག་རྟེན་སྨན་མཆོག་ཀུན་གྱི་གསོས། །བདུད་རྩིའི་རྒྱལ་མོ་གཤེགས་སུ་གསོལ། །ཧཱུཾ་རྣལ་འབྱོར་ཁྲོས་པའི་དབང་མོ་ཆེ། །བྷ་ག་ཡོངས་ལ་མངའ་མཛད་མ། །གནས་ལམ་ཐམས་ཅད་སྟོངས་པར་མཛད། །ཐར་པའི་ལམ་སྟོན་གཤེགས་སུ་གསོལ། །ཞེས་བརྗོད་ལ་རྣལ་འབྱོར་ཚོགས་ཀྱི་མཆོད་པ་འབུལ་བ་ནི། ཁྲོས་པའི་དབང་མོ་ཆེ་བཞིའོ། །བྷ་ག་འབུམ་ཡང་མངའ་མཛད་མ། །དབྱིངས་ཕྱུག་རྒྱལ་མོ་གཤེགས་སུ་གསོལ། །འཇིག་རྟེན་ཡོངས་ཀྱི་རྒྱན་མཛད་མ། །རྒྱན་གྱི་རྒྱལ་མོ་གཤེགས་སུ་གསོལ། །བདག་ཉིད་ལྷག་ལྷག་བཞད་མཛད་མ། །བདག་ཉིད་ཆེན་མོ་གཤེགས་སུ་གསོལ། །གཅིག་པུ་སྟོང་ཁམས་རྒྱུ་མཛད་མ། །གཅིག་པུ་ཡུམ་མཆོག་གཤེགས་སུ་གསོལ། །ཞེས་བསྐུལ་བ་ནི་སྦས་པའི་མ་བཞིའོ། །ཧཱུཾ་རི་རབ་གླིང་བཞིའི་ཤར་ཕྱོགས་ནས། །ཤར་གྱི་དཀར་མོ་མིག་གཅིག་མ། །ན་བཟའ་བྱ་རྒོད་ཐུལ་པ་ལ། །གཡུ་ཡི་དྲིལ་བུ་འབུམ་གྱིས་བརྒྱན། །དུང་གི་ལན་ཚར་མཆེ་བ་ལ། །རིན་ཆེན་ཤེལ་གྱི་ཐོད་གདེངས་ཅན། །དཀར་མོ་སྒེག་མོ་འབུམ་གྱིས་བསྐོར། །སྲིད་པ་ཤར་ལ་མངའ་མཛད་མ། །འདིར་སྤྱོན་དམ་སྐོང་ཕྲིན་ལས་མཛོད། །ཧཱུཾ་རི་རབ་གླིང་བཞིའི་ལྷོ་ཕྱོགས་ནས། །ལྷོ་ཡི་ནག་མོ་མཆེ་བ་ཅན། །ན་བཟའ་ཞིང་གི་གོ་ཟུ་ལ། །གཡུ་ཡི་དྲིལ་བུ་འབུམ་གྱིས་བརྒྱན། །ལྕགས་ཀྱི་ལན་ཚར་མཆེ་བ་ཅན། །གསེར་གཡུ་སྤེལ་བའི་ཐོད་གདེངས་ཅན། །ནག་མོ་སྒེག་མོ་འབུམ་གྱིས་བསྐོར། །སྲིད་པ་ལྷོ་ལ་མངའ་མཛད་མ། །འདིར་སྤྱོན་དམ་སྐོང་ཕྲིན་ལས་མཛོད། །ཧཱུཾ་རི་རབ་གླིང་བཞིའི་ནུབ་ཕྱོགས་ནས། །ནུབ་ཀྱི་དམར་མོ་དབང་སྒྱུར་མ། །ན་བཟའ་ཆུ་སྲིན་གཡང་གཞི་ལ། །སྦྲུལ་ནག་སྟོང་གི་གདེངས་ཀ་ཅན། །གཡུ་ཡི་ལན་ཚར་མཆེ་བ་ཅན། །བྱི་རུ་དམར་པོའི་ཐོད་གདེངས་ཅན། །དམར་མོ་སྒེག་མོ་འབུམ་གྱིས་བསྐོར། །སྲིད་གསུམ་ནུབ་ལ་མངའ་མཛད་མ། །འདིར་ ― DNG022_Page_0653 ―
[མ་དཔེ་གཟིགས་ན་འདིར་གནོན།]
སྤྱོན་དམ་སྐོང་ཕྲིན་ལས་མཛོད། །ཧཱུཾ་རི་རབ་གླིང་བཞིའི་བྱང་ཕྱོགས་ནས། །བྱང་གི་སེར་མོ་ལས་མཁན་མ། །ན་བཟའ་རྨ་བྱའི་ཐུལ་བ་ལ། །མཐིང་གི་གོ་ཅོག་ཡ་བས་བསྐོར། །གསེར་གྱི་ལན་ཚར་མཆེ་བ་ཅན། །ཐོད་སྐམ་འབར་བའི་ཐོད་གདེངས་ཅན། །ལྗང་ནག་སྒེག་མ་འབུམ་གྱིས་བསྐོར། །སྲིད་པ་བྱང་ལ་མངའ་མཛད་མ། །འདིར་སྤྱོན་དམ་སྐོང་ཕྲིན་ལས་མཛོད། །གླིང་བཞིའི་རྒྱལ་མོ་གསང་བའི་གཟུངས། །ཐུ་བ་གཡས་པ་དམག་གིས་བཀང་། །རྣལ་འབྱོར་ཀུན་གྱི་དགྲ་འདུལ་མ། །ཐུ་བ་གཡོན་པ་རིན་པོ་ཆེ། །སྒྲུབ་པ་པོ་ལ་རྟགས་འབྱིན་མ། །གཡས་ཀྱི་ཕྱག་ན་གཡང་གཞི་རྡེབ། །ཁམས་གསུམ་རྡུལ་དུ་བརླགས་ནས་སུ། །གཡོན་པ་བྷནྡྷ་ཐོད་པས་སྐོང་། །མ་མོ་ཐམས་ཅད་དབང་དུ་སྡུད། །རལ་པ་ཅན་གྱི་འཁོར་སྐྱོང་མ། །འདིར་སྤྱོན་དམ་སྐོང་ཕྲིན་ལས་མཛོད། །ཅེས་འབྱོར་ཚོགས་ཀྱི་མཆོད་པ་ལ་སྤྱན་དྲངས་ལ། བཀའ་བཞིན་བརྣག་པ་བཅོལ་བ་ནི། །ཐུགས་ཀྱི་དགྱེས་སྡེ་མོ་བཞི་དང་། །གསང་བའི་ཡང་བྱི་མོ་བཞིའོ། །འདི་བཞི་ལ་བཅོལ་བ་ཡིད་བཞིན་དུ་ འགྲུབ་བོ། །ལྷུར་ཡང་ཚེ་དང་སྲིའུ་ལ་མཁས་ཤིང་གསང་བ་འབྲལ་ཡང་རྣོ། །དེ་ཡན་ཆད་ཀྱིས་མ་མོ་བཅུ་བཞིའི་བསྐུལ་ཚིག་གི་ལེའུ་སྟེ་བཅུ་དྲུག་པའོ།། །།ད་ནི་སྲིད་པའི་སྨན་མོ་རྣམས་བསྐུལ་ཏེ། ཧཱུཾ་ཨ་ཕྱི་ཆེན་མོ་ཤམ་ཤམ་མོ། །སྲིན་མོ་ཆེན་མོ་མི་བཟད་མ། །ཡོངས་འདུ་ས་བརྟོལ་གནས་མཆོག་ནས། །སྲིད་པ་ཆགས་བྱེད་གཤེགས་སུ་གསོལ། །གོས་སུ་ཞིང་ཆེན་ལྤགས་རློན་ལ། །ཐ་མ་བྷནྡྷ་སྟོང་གིས་བསྐོར། །ཕྱག་གཡས་ཞིང་ཆེན་སོར་ཕྲེང་བགྲང་། །གཡོན་ན་མི་མགོའི་ཕོར་པ་རུ། །སྙིང་ཁྲག་སྙིང་ཚིལ་གཏུབས་ནས་སུ། །རང་གིས་རང་ལ་ཐིམ་པར་སྟོབ། །གཡང་གཞིའི་རུ་མཚོན་ཕྱར་ནས་སུ། །བདུད་དང་མུ་སྟེགས་ཐལ་བར་རློག །འཇིག་རྟེན་ཐམས་ཅད་སྒྲོལ་བར་བྱེད། །སྲིད་པ་གསུམ་གྱི་ཕུད་ཉུལ་མ། །དེ་ནི་ཇོ་མོ་ཉིད་ལ་མཆོད། །ལས་སུ་བཅོལ་ན་ཀུན་ཀྱང་འགྲུབ། །འདིར་སྤྱོན་དམ་སྐོང་ཕྲིན་ལས་མཛོད། །ཅེས་བསྐུལ་བ་ནི་ཨ་ཕྱི་ཆེན་མོ་སྟེ་སྲིད་པ་ཆགས་བྱེད་མའོ། །ཧཱུཾ་ཁྱིམ་བདག་ཆེན་མོ་རྣལ་འབྱོར་སྲིད་པའི་བདག །སྲིད་པའི་ ― DNG022_Page_0654 ―
[མ་དཔེ་གཟིགས་ན་འདིར་གནོན།]
ཆ་སྙོམས་གཤེགས་སུ་གསོལ། །རྣལ་འབྱོར་ཆེན་མོ་ཁྱིམ་བདག་མོ། །ཁྱིམ་བདག་ཆེན་མོ་ཐིག་ལེ་དགུ། །ཡེ་ཤེས་ལྔ་ཡི་རོལ་པ་ལས། །ཕྱག་ན་རྩེ་གསུམ་འབར་བ་བསྣམས། །ཁྲག་འཐུང་ཡབ་ཡུམ་ཀུན་ལ་དབང་སྒྱུར་ཞིང་། །མཐུ་ཆེན་རྣལ་འབྱོར་ཀུན་གྱི་གྲོགས་མཛད་མ། །དུང་ཆེན་སྐུ་ལ་ཐིམ་པར་མཛོད། །ཁྱེད་ཀྱི་འཁོར་ནི་རབ་ཏུ་མི་བསྒྲུངས་ཏེ། །སྒྲ་སྙན་ཡིད་འཕྲོག་མ་མོ་ཁྱེད་ཀྱི་འཁོར། །འདོད་པ་ལྔ་ལ་འདོད་ཅིང་རོལ་ཞིང་བསྐུལ། །ཁྲག་གིས་རླན་པར་འདོད་ཅིང་དབང་དུ་སྡུད། །དྲག་ཤུལ་གཏུམ་མོ་རབ་ཏུ་རྨོངས་བྱེད་མ། །ཀུན་གྱི་ཡིད་ལ་འདོད་ཅིང་རབ་ཏུ་མཐུ་ཆེན་བསྐུལ། །མེ་ཡི་བསྐལ་པ་གཏོང་ཞིང་མཐུ་ཆེན་གཤིན་རྗེའི་ལམ་ལས་སྒྲོལ། །གསོད་པ་དོན་དུ་གཉེར་ཞིང་ཁྲོ་བོ་ཀུན་དང་སྦྱོར། །བདུད་ཀྱི་བུ་མོ་འཁོལ་ཞིང་ང་རྒྱལ་དྲག་ཤུལ་ཆེ། །འོ་དོད་ཆེན་པོས་འདེབས་ཤིང་ཞལ་གདངས་མཆེ་བ་གཙིགས། །དགྲ་སྙིང་ཚལ་པར་འགེམས་བྱེད་མ་མོ་ཁྱེད་ཀྱི་མཐུ། །དམ་ཚིག་དུས་ལ་བབ་ཀྱི་གཤེགས་སུ་གསོལ། །ཞེས་ལས་གཉན་པོ་བཅོལ་བ་ནི། སྦས་པའི་མ་མོ་སྟེ་སྲིད་པ་ཆ་སྙོམས་མའོ། །ཧཱུཾ་རྣལ་འབྱོར་ཆེན་མོ་སྲིད་པའི་བདག །ཨེ་ཀ་ཛཱ་ཊི་རལ་གཅིག་མ། །ཕྱི་མོ་སྲིད་པ་ཆགས་བྱེད་ཡིན། །མེས་པོ་སྲིད་པ་ཞིག་འཛིན་ཡིན། །ཕ་ནི་སྐོས་རྗེ་དྲང་དཀར་ཡིན། །མ་ནི་སྲིད་པ་ཆ་སྙོམ་མོ། །སྲིད་པའི་བྱན་མོར་དབང་ཡང་བསྐུར། །ཕོ་ཉའི་ཚོགས་ཀྱི་བདག་མོ་སྟེ། །མིག་གཅིག་མ་ལ་དཀར་ཤམ་མདོག །རང་ཆས་སྤྲིན་དཀར་གོ་ཟུ་ལ། །འཇའ་ཚོན་འབར་བའི་མཐའ་ཆགས་ཅན། །ལག་ན་ཁ་ཊྭཱཾ་མཚོན་ཐོགས་ཤིང་། །ཟ་འོག་ཞབས་མའི་གཡུ་རྒྱན་ཅན། །བསྟན་པ་ཙམ་གྱིས་ཁམས་གསུམ་རྨོངས་བྱེད་མ། །བརྡབ་པ་ཙམ་གྱིས་ཐེའུ་རང་འགོང་པོའི་བརླ་རྐང་གཅོག །འདིར་སྤྱོན་དམ་སྐོང་ཕྲིན་ལས་མཛོད། །ཅེས་ལས་བཅོལ་པ་ནི་ཨེ་ཀ་ཛཱ་ཊིའོ། །ད་ནི་མ་བདུན་བསྐུལ་ཏེ། ཧཱུཾ་རྒྱ་མཚོ་ཆེན་པོའི་དཀྱིལ་འཁོར་ནས། །དཔལ་ལྡན་ཤུགས་འགྲོའི་གཙོ་མོ་སྟེ། །ནག་མོ་ ― DNG022_Page_0655 ―
[མ་དཔེ་གཟིགས་ན་འདིར་གནོན།]
ཆེན་མོ་རལ་པ་ཅན། །རི་རབ་བསྙིལ་བའི་རྔམ་སྟབས་ཅན། །ཁ་ནས་མེ་འབར་རྒྱ་མཚོ་སྐེམས། །རྡོ་རྗེ་ཀུན་གྲགས་གཤེགས་སུ་གསོལ། །ཧཱུཾ་ཁྲོ་མོ་རྔམ་པའི་དཀྱིལ་འཁོར་ནས། །མཛེས་པའི་ཚུལ་གྱིས་འོད་འཕྲོ་ཞིང་། །འཇིག་རྟེན་འཆི་བདག་འོད་འཕྲོ་མ། །ཀུན་ཏུ་བཟང་མོ་གཤེགས་སུ་གསོལ། །ཧཱུཾ་ཕྱག་རྒྱ་འབར་བ་ཆེན་པོའི་དཀྱིལ་འཁོར་ནས། །ནམ་མཁའ་སྟོང་ལ་དབང་སྒྱུར་ཞིང་། །བདུད་དཔུང་དྲག་སྙེམ་ཀུན་འདུལ་མ། །རྡོ་རྗེ་དྲག་སྙེམས་གཤེགས་སུ་གསོལ། །ཧཱུཾ་དམ་ཚིག་ཆེན་པོའི་དཀྱིལ་འཁོར་ནས། །ཕོ་ཉ་དྲུག་ཅུའི་གཙོ་མོ་སྟེ། །ཤ་ཆེན་ཁྲག་ལ་ལོངས་སྤྱོད་ཅིང་། །གདུག་པ་མ་ལུས་ཀུན་འདུལ་མ། །རྡོ་རྗེ་འཆང་མོ་ཡེ་ཤེས་མཆོག །དམ་ཚིག་ཚུལ་བཞིན་གཤེགས་སུ་གསོལ། །ཧཱུཾ་ཁྲག་གི་རྒྱ་མཚོའི་དཀྱིལ་འཁོར་ནས། །ཁྲོ་མོ་གཏུམ་ཆེན་ཟ་བྱེད་མ། །རྡོ་རྗེ་དྲ་བའི་ཕྲེང་ཐོགས་མ། །བྱང་ཕྱོགས་རང་གི་འཁོར་འདུལ་བ། །རྡོ་རྗེ་འོད་ཆགས་གཤེགས་སུ་གསོལ། །ཧཱུཾ་འོད་ཕུང་འཁྲིགས་པའི་དཀྱིལ་འཁོར་ནས། །ཞགས་པ་སྟོང་གི་གདེངས་ལྡན་ཞིང་། །འབྱུང་པོ་མ་ལུས་འཆིང་མཛད་མ། །རྡོ་རྗེ་གསལ་འཕྲོ་གཤེགས་སུ་གསོལ། །ཧཱུཾ་དབང་ཕྱུག་ཆེན་པོའི་དཀྱིལ་འཁོར་ནས། །ལྕགས་ཀྱུ་འབར་བའི་འཕྲོ་འདུ་ཅན། །དམ་ཚིག་ཉམས་པའི་སྙིང་སྲེག་མ། །བཀའ་ལས་འདས་པའི་སྙིང་འབྱིན་མ། །རྡོ་རྗེ་གཡུ་སྒྲོན་གཤེགས་སུ་གསོལ། །ཞེས་བྱ་བ་ནི་མ་མོ་ཆེན་མོ་བདུན་ནོ། །ཧཱུཾ་ལྷ་མོ་ཆེན་མོ་རྣལ་འབྱོར་མ། །རིན་ཆེན་སྲིད་འདེགས་མཛེས་པའི་མཆོག །མདོག་བཟང་སྔོན་མོ་རལ་པ་ཅན། །རང་ཆས་མུ་ཏིག་གོ་ཟུ་ལ། །གསེར་དང་གཡུ་ཡི་འཕྲ་བཀྱེ་ཞིང་། །ཐ་མ་རིན་ཆེན་འབར་བས་བསྐོར། །གཡས་ན་གཡུ་ཡི་ཟ་མ་ཏོག །གཡོན་ན་དུང་གི་ཟོ་བ་ཐོགས། །ཁྱེད་ནི་སྲིད་པའི་མ་མོ་སྟེ། །ཚེ་གཡང་སྡུས་ཤིག་རིན་ཆེན་སྲིད་འདེགས་མ། །ཧཱུཾ་གྲུབ་པའི་རྣལ་འབྱོར་ཆེན་མོ་ནི། །བདུད་ཀྱི་སྲིང་མོ་གཤིན་རྗེའི་མ། །མདོག་བཟང་ནག་མོ་རལ་པ་ཅན། །རལ་པའི་ ― DNG022_Page_0656 ―
[མ་དཔེ་གཟིགས་ན་འདིར་གནོན།]
ཟར་བུས་མུན་ནག་གཏིབས། །ལྕགས་ཀྱི་ལུས་ལ་ཟངས་ཀྱི་འདབ་མ་ཅན། །རྫུ་འཕྲུལ་བཞི་ཡི་ཞབས་དང་ལྡན། །ལག་པ་གཡས་ན་གཤིན་རྗེའི་ཁྲམ་བམ་ཐོགས། །གཡོན་ན་བདུད་ཀྱི་ཤོད་རྡེའུ་དཀར་ནག་འགྲེམས། །མཆན་ན་ནད་ཀྱི་རྐྱལ་པ་སྦེད། །ཁྱོད་ནི་འཇིག་རྟེན་བྷྱོ་བཟློག་མཁན། །ཁྲམ་ཁ་ཕྱིས་ལ་ཤྭ་རྡེལ་སྦོས། །ནད་ཁ་ཆིངས་ལ་དལ་ཁ་སྒྱུར། །ཧཱུཾ་རྣལ་འབྱོར་འཇིག་རྟེན་དབང་ཕྱུག་མ། །མདོག་བཟང་དཀར་མོ་རལ་པ་ཅན། །ཁྱེད་ནི་གླིང་བཞི་སྤྱི་འགྲོ་སྟེ། །རང་ཆས་དར་དཀར་གོ་ཟུ་ལ། །གཡུ་བྲན་འབར་བའི་མཐའ་ཆག་ཅན། །གསེར་གྱི་གོང་ལག་འབར་བ་ལ། །གཡུ་ཡི་ཅོད་པན་འོད་འཕྲོ་མ། །རྫུ་འཕྲུལ་རྐང་པས་ཕྱོགས་བཅུར་ཕྱིན། །གཡས་ཀྱི་ཕྱག་ན་བསྣམས་པ་ནི། །གསེར་གྱི་ལྕག་ཡུ་འབར་བ་ལ། །གཡུ་ཡི་ལྕག་འབྲས་འགྱུར་བ་བཏགས། །གནམ་ལ་བསྐོར་བས་བདུད་དཔུང་འཇོམས། །ས་ལ་བརྡབས་པས་དགྲ་བགེགས་སྒྲོལ། །གཞན་གྱིས་རྦད་ཀྱང་མ་ཉན་པར། །བཅོལ་བའི་ལས་རྣམས་གྲུབ་པར་མཛོད། །ཅེས་ནང་གི་རྫས་ལྔ་དང་ལྡན་པར་བྱས་ལ། ལས་བཅོལ་བ་ནི་ནམ་མཁའི་རྒྱལ་མོ་ནེ་མཚན་ནོ། །ཧཱུཾ་རྡོ་རྗེ་གར་གྱི་དབང་ཕྱུག་མ། །དབུ་བརྒྱ་མ་ལ་སྤྱན་སྟོང་མ། །འཇིགས་ཚུལ་རྔམ་པའི་ཆ་བྱད་ཅན། །ཕྲིན་ལས་འབྱུང་པོ་ཀུན་འདུལ་མ། །རྡོ་རྗེ་སྒེག་མ་གཤེགས་སུ་གསོལ། །ཧཱུཾ་པདྨ་གར་གྱི་དབང་ཕྱུག་མ། །ས་བདག་ཆེན་མོ་པདྨ་ཕྲེང་། །ལག་ན་ཐོད་པ་ཁྲག་གིས་བཀང་། །གྲོང་རྣམས་ཀུན་ལ་འཐོར་བྱེད་མ། །ས་བདག་ཆེན་མོ་གཤེགས་སུ་གསོལ། །ཞེས་ལས་བཅོལ་བ་ནི། རྡོ་རྗེ་གར་གྱི་དབང་ཕྱུག་མ་དང་། པདྨ་གར་གྱི་དབང་ཕྱུག་མའོ། །ད་ནི་རྒྱལ་པོ་ཆེན་པོ་བཞིའི་ཆུང་མ་དང་། །བུ་མོ་བཞི་ཡང་བསྐུལ་བར་བྱ་སྟེ། ཧཱུཾ་རི་རབ་གླིང་བཞིའི་གྲུ་འདེགས་མ། །ཧར་ཏིང་དཀར་མོ་ཆེན་མོ་སྟེ། །བྱང་ཤར་མཚམས་ཀྱི་གྲུ་འདེགས་མ། །དུན་ཏིང་ནག་མོ་ཆེན་མོ་སྟེ། །ཤར་ལྷོ་མཚམས་ཀྱི་གྲུ་འདེགས་མ། ། ― DNG022_Page_0657 ―
[མ་དཔེ་གཟིགས་ན་འདིར་གནོན།]
ཤན་ཏིང་དམར་མོ་ཆེན་མོ་སྟེ། །ལྷོ་ནུབ་མཚམས་ཀྱི་གྲུ་འདེགས་མ། །གྲུབ་ཏིང་ལྗང་སེར་ཆེན་མོ་སྟེ། །ནུབ་བྱང་མཚམས་ཀྱི་གྲུ་འདེགས་མ། །མཚམས་ཀྱི་གྲུ་འདེགས་ཆེན་མོ་ལ། །རྒྱལ་ཆེན་གཟུངས་མ་ལས་མཛོད་ཅིག །ཧཱུཾ་དམག་གི་རྒྱལ་མོ་ཆེན་མོ་སྟེ། །ཤར་གྱི་དཀར་མོ་མཆེ་བ་གཙིགས། །ལྷོ་ཡི་ནག་མོ་ཁ་རླན་མ། །ནུབ་ཀྱི་དམར་མོ་མཆུ་འཇིབ་མ། །བྱང་གི་སེར་མོ་རྐང་ལྡག་མ། །རིགས་བཞི་དམག་དཔུང་མང་པོས་བསྐོར། །སྲིང་མོ་ཆེན་མོ་འདིར་སྤྱོན་ཅིག །ཧཱུཾ་གླིང་བཞི་མགྱོགས་མ་ལྷ་ཡི་སྲིང་། །ཤར་གྱི་མགྱོགས་མ་གཤེགས་སུ་གསོལ། །མཁའ་ལ་ཁྱུང་ལྡིང་གཤིན་རྗེའི་སྲིང་། །ལྷོ་ཡི་མགྱོགས་མ་གཤེགས་སུ་གསོལ། །དམར་མོ་གཡག་ཐོད་ཀླུ་ཡི་སྲིང་། །ནུབ་ཀྱི་མགྱོགས་མ་གཤེགས་སུ་གསོལ། །ནག་མོ་སྡེར་ཆེན་གནོད་སྦྱིན་སྲིང་། །བྱང་གི་མགྱོགས་མ་གཤེགས་སུ་གསོལ། །ཅེས་བྱ་བ་ནི་ལས་ཀྱི་སྲིང་མོ་བཞིའོ། །ལས་བྱང་དང་བསྐུལ་ཚིག་གི་ལེའུ་སྟེ་བཅུ་བདུན་པའོ།། །།གཡུང་དྲུང་ལྷ་ཡིས་ཡང་གསོལ་པ། །འཇིག་རྟེན་དབང་ཅན་ཇི་སྙེད་ཀུན། །སྲིད་པ་མི་ལ་སྨན་སླད་དུ། །ཚུལ་བཞིན་བསྒྲུབ་ན་ཇི་ལྟར་སྒྲུབ། །རྫས་དང་མཐུན་རྫས་ཅི་ལ་བརྟེན། །རྟགས་དང་དུས་ཚིག་ཇི་ལྟར་འབྱུང་། །གསོལ་པ་ལ། བཀའ་སྩལ་པ། ཉོན་ཅིག་གཡུང་དྲུང་ཡང་དག་པ། །དབེན་ལ་གཉན་ཅིང་ཉམས་དགའ་བར། །པདྨའི་མཚན་དང་ལྡན་པ་ཡི། །རིགས་སུ་ལྡན་པའི་ཡུམ་གསུམ་ཡང་། །བསྒྲུབ་པའི་དོན་ཕྱིར་གཞག་པར་བྱ། །རྫས་སུ་གྱུར་པའི་ཡོ་བྱད་ཀྱང་། །ཙིཏྟ་བཅུ་གཅིག་ཡང་དག་ལྡན། །བྷནྡྷ་ལྕང་ལོར་ལྡན་པ་ནི། །པདྨའི་རིགས་སུ་གྱུར་པ་ཡི། །མཚན་དང་ལྡན་པའི་རཀྟས་དགང་། །གསུར་ཆེན་དུད་པ་རྒྱུན་མི་གཅད། །ཐིག་ལེ་མེ་མར་ཁ་དགུ་གཏང་། །གསར་རྙིང་ཞིང་གི་མཆོད་པ་དགྲམ། །ཅི་འབྱོར་ཡོ་བྱད་གསུམ་བསོགས་ལ། །བདུན་གསུམ་ཚུལ་བཞིན་བསྐུལ་བར་བྱ། །རྒྱན་དང་ཆས་གོས་ལ་སོགས་པ། །ཤུན་ཆེན་རས་ག་གཙོ་བོ་ལ། །སྲིད་པ་སྤྱི་བླུགས་ཞྭ་གྱོན་ཏེ། །རྩེ་ལྔ་འབར་བའི་ཕྱག་རྒྱ་བསྣམས། ། ― DNG022_Page_0658 ―
[མ་དཔེ་གཟིགས་ན་འདིར་གནོན།]
ཕྲེང་བ་ཆེན་པོ་དེ་བཞིན་བགྲང་། །ཡུམ་ཆེན་གཡང་གཞིའི་སླག་པ་ལ། །རྩེ་གསུམ་འབར་བའི་གཡབ་མོ་ཐོགས། །ཕྲེང་བ་ཆེན་པོ་གཙོ་དང་མཐུན། །དངོས་གྲུབ་ཞལ་བུ་རིན་ཆེན་རིགས། །དར་དཀར་ཁ་བཅད་དེ་བཞིན་བཞག །རྡོ་རྗེའི་རིགས་ལྡན་རྟགས་སུ་གསོལ། །བདག་ཉིད་མན་ངག་ཧེ་རུ་ཀ །ཡུམ་ཡང་སྲིད་པ་བདེ་འགྲོ་མ། །གཉིས་སུ་མེད་པར་བསྒོམ་བྱས་ཏེ། །རཀྟ་ལས་ནི་སྲིད་པ་ཡི། །སྙིང་གི་དཀྱིལ་ནས་དྲངས་ནས་སུ། །མངོན་དུ་འོང་བར་བསམ་པ་ནི། །མདོག་དཀར་མོ་ལ་ཉི་མ་དང་ཟླ་བ་འབུམ་ནི་ཐོད་ཕྲེང་བྱས་ཤིང་དཔྲལ་བའི་དབྱེས་ན་མིག་ཟུར་གསུམ་པ་གཅིག་ཡོད་པ། སྦས་པའི་ཕྱག་གཉིས་ཀྱིས་སྲིད་པའི་པདྨ་ཐམས་ཅད་ཀྱི་གེ་སར་བཟུང་བ། ལྕགས་དང་ཟངས་ཀྱི་དྲིལ་ཞགས་ལ་མི་སྙིང་བརྒྱུས་པའི་ཞགས་པ་འཕེན་པ། མིག་གཉིས་ནས་རིན་པོ་ཆེ་སྣ་ཚོགས་ཀྱི་མཆི་མ་འཐོར་བ། གཡུའི་རལ་པ་ཅན་ལ། མཆོད་པ་གསོལ་ཞིང་བསྟོད་དབྱངས་སྙན་པོས་བསྐུལ་བ་ནི། ཧཱུཾ་ཆེ་ཞེས་ཆེན་མོ་གསང་བའི་གཟུངས། །ཐིག་ལེ་སྦྱོར་བའི་ཡུམ་གཅིག་མ། །དཀར་མོ་ཉི་ཟླའི་ཐོད་ཕྲེང་ཅན། །གྲུ་གསུམ་འབར་བའི་མིག་གཅིག་མ། །གཡུ་ཡི་རལ་པས་སྲིད་པ་སྒྲོལ། །སྦས་པའི་ཕྱག་གཉིས་ཆགས་པའི་པདྨ་འཛིན། །རིན་ཆེན་མཆི་མ་སྐྱེ་འགྲོའི་གསོ། །ཙིཏྟའི་ཞགས་པས་མུ་སྟེགས་སྒྲོལ། །ཐིག་ལེ་གསང་བའི་ཡུམ་གཅིག་མ། །སྔོན་མཆོད་སྦྱོར་མཛད་ཅི་བཞིན་དུ། །བདག་དང་གཉིས་མེད་སྦྱོར་བྱ་ཞིང་། །གསང་བའི་གཟུངས་སུ་རབ་བྱའོ། །ཞེས་དམ་བཅས་ལ། གྲངས་ནི་ཞག་བདུན་ན་ཟླ་བ་གཅིག་བསྟུང་ངོ་། །བཅུ་བཞི་ན་ཉི་མ་གཅིག་བསྟུང་ངོ་། །ཉི་ཤུ་རྩ་གཅིག་ན་དངོས་གྲུབ་ཀྱི་བྷནྡྷར་སྙིང་གཏུབས་པ་དང་རཀྟ་བསྲེས་པས་གང་བ་འོང་ངོ་། །དེ་མེད་ན་གཞན་དག་ཀྱང་འོང་ངོ་། །ཅི་བྱུང་ཡང་མཚན་མ་སྤང་ངོ་། །ཉི་ཤུ་གཉིས་ན་སྐུ་མངོན་དུ་འབྱུང་ངོ་། །དེར་ཏིང་ངེ་འཛིན་གསལ་བར་བྱས་ལ། གེ་སར་ཀྱི་རཀྟ་དབང་དུ་བསྡུས་ཏེ། སྦྱོར་བའི་ཕྱག་རྒྱ་བཅིངས་ལ། ཟླ་གམ་དབུལ་ཞིང་སྦྱོར་བའི་ཚུལ་དུ་སྟོན་ཏོ། །བདག་རྟོག་པ་མ་སྐྱེས་ན། མོས་རྐང་ ― DNG022_Page_0659 ―
[མ་དཔེ་གཟིགས་ན་འདིར་གནོན།]
དཀྲིས་བོར་ནས་མཛེས་པ་དང་ཆགས་པས་ཚུར་སྦྱོར་བ་དབུལ་ལོ། །དེར་མངོན་དུ་སྦྱར་ཏེ། གསང་བའི་བྱང་ཆུབ་སེམས་དེས། སྣ་ལ་བདག་ཉིད་ལ་མཆོད་པར་བྱ། དེ་ནས་སྒྲུབ་གྲོགས་ལ་སྦྱིན། དེ་ནས་ཐ་ཚིག་དང་དམ་བསྲེས་ལ། གསང་བའི་གཟུངས་མར་དམ་བསྩལ་ལོ། །དེ་ནས་ཕྲག་དོག་སྤང་བའི་ཕྱིར། །སྒྲུབ་ཟླ་གསུམ་ཆར་སྦྱར་ནས་སུ། །སྒྲུབ་ཟླ་སོ་སོར་དམ་བསྲེའོ། །དེ་ཕན་ཆད་ཅི་ཡང་མི་དགོས་སོ། །བསྒྲུབ་པའི་ཡོན་ཏན་ནི། མ་མོ་གཞན་ལྟ་ཅི་སྨོས་ཏེ། ཁྲོས་པའི་དབང་མོ་ཆེ་བཞི་དང་། ཧེ་རུ་ཀ་ནྲྀ་མན་ཆད་འདར་ལྕུག་ལྕུག་བསྐྱོད་ཙམ་ན་རྒྱུག་ནས་འོང་ངོ་། །འཇིག་རྟེན་འདིར་བསམ་པ་གཅེས་སྤྲས་མི་འགྲུབ་མི་སྲིད་དོ། །འདི་སྒྲུབ་པའི་དུས་སུ། དང་པོ་གཏོར་མ་རྣམ་པ་གསུམ་བཏང་ངོ་། །བཤགས་སྦྱང་བྱ། ཚེ་རབས་ཀྱི་ལན་ཆགས་ཀྱི་གཏོར་མ་ཡང་བཏང་ངོ་། །དམ་སྐོངས་བགྱི་དང་ཉི་ཟླ་ཐོད་ཕྲེང་ཅན་གྱི་སྒྲུབ་ཐབས་སོ། །སྲིད་པ་བདེ་འགྲོ་མ་སྒྲུབ་པ་ནི་མྱ་ངན་ལས་འདས་པ་སྟེ། འགྲོ་བའི་དོན་སྦྱོར་ཐུགས་རྗེའི་འོད་ཀྱིས་མཛད་པས་སྒྲུབ་པའི་མ་མོ་ཡིན་ནོ། །དབེན་ལ་གཉན་པའི་གནས་སུ། རིགས་བཞིའི་ཡུམ་དང་ལྡན་པ་སྟེ། །ཡོ་བྱད་བཞི་ཡང་དེ་བཞིན་བཤམ། །གསང་བ་ཞིང་གི་མཆོད་པ་བཤམ། །རིགས་བཞི་བྷནྡྷ་ཡང་དག་ལྡན། །ཞིང་གི་དུད་པ་རྒྱུན་མི་གཅད། །མཆོག་གི་ཕུར་པ་བཞི་ཡང་དྲིལ། །དུང་ཆེན་ཕྲེང་བ་ཡང་དག་ལྡན། །ཤུན་ཆེན་དབུ་རྒྱན་དེ་བཞིན་གསོལ། །རྟག་པར་གཡང་གཞི་གོས་སུ་གོན། །རྒྱུ་མ་བསྒྲིལ་བའི་ཞགས་བསྡོག་ལ། །ཆུ་དང་མ་འདྲེས་དྭངས་མའི་ཁྲག །དམ་རྫས་རྣམ་པ་སྣ་ཚོགས་པ། །རྩེ་གསུམ་གཡབ་མོ་ཐོགས་ནས་སུ། །སྒྲུབ་ཅིང་བརྟེན་པའི་མ་མོ་ནི། །རྡོ་རྗེ་ཉི་མ་ཁྲོས་པའི་དབང་མོ་ཆེ། །རྡོ་རྗེ་རིགས་ཀྱི་མ་མོ་སྟེ། །སྐུ་མདོག་དཀར་མོ་གཡུ་ཡི་རལ་པ་ཅན། །སྤྱན་གསུམ་རྡོ་རྗེ་མཆེ་བ་གཙིགས་པ། གསང་བའི་མཁའ་ཤེལ་གྱི་གའུར་འཁྱིལ་པ། མ་ཆགས་པའི་སྦྱོར་བས་སྲིད་པ་འཁྱུད་པ། ཕྱག་གཡས་ན་རྡོ་རྗེ་རྩེ་དགུ་པ་བསྣམས་པ། གཡོན་པ་ཞིང་གི་གཡབ་མོ་བསྣམས་ཤིང་། བདུད་དང་མུ་སྟེགས་དབང་དུ་སྡུད་པ། རྒྱན་ ― DNG022_Page_0660 ―
[མ་དཔེ་གཟིགས་ན་འདིར་གནོན།]
གྱི་རྒྱལ་མོ་ལ་ཁྲོས་པའི་ཚུལ་སྟོན་པ། སྦྱོར་བའི་མདངས་ཅན་ནོ། །རྡོ་རྗེ་སྲིད་པའི་བདེ་སྦྱོར་ཁྲོས་པའི་དབང་མོ་ཆེ་ནི། རིན་ཆེན་རིགས་ཀྱི་མ་མོ་སྟེ། སྐུ་མདོག་སྔོན་མོ་ལ། སྤྱན་གསུམ་རིན་པོ་ཆེའི་མཆེ་བ་གཙིགས་པ། འོད་ཟེར་སྔོན་པོ་ཕྱོགས་བཅུར་འཕྲོས་པའོ། །གསང་བའི་མཁའ་རིན་པོ་ཆེའི་གའུར་འཁྱིལ་པའོ། །རྒྱུ་མ་བསྒྲིལ་བའི་ཞགས་པ་འཛིན་པས་བདུད་དང་མུ་སྟེགས་འཆིང་བ། མ་དབྱིངས་ཕྱུག་མ་ལ་ཁྲོས་པའི་ཚུལ་སྟོན་པ། སྦྱོར་བའི་མདངས་ཅན་ནོ། །རྡོ་རྗེ་པདྨ་ཁྲོས་པའི་དབང་མོ་ཆེ་ནི། པདྨ་རིགས་ཀྱི་བདག་མོ་སྟེ། སྐུ་མདོག་དམར་མོ་ལ་བསེའི་རལ་པ་ཅན། སྤྱན་གསུམ་ཞལ་གསུམ་བྱུ་རུའི་མཆེ་བ་གཙིགས་པ། གསང་བའི་མཁའ་བྱུ་རུའི་གའུར་འཁྱིལ་པའོ། །འོད་ཟེར་དམར་པོས་ནུབ་ཕྱོགས་དབང་དུ་སྡུད་པ་ཁྲག་གི་དྭངས་མ་འཐོར་ཞིང་བདུད་དང་མུ་སྟེགས་ཀྱི་སྙིང་འབྱིན་མ། གཉིས་མེད་སྦྱོར་བས་སྲིད་པ་འཁྱུད་པ། བདག་ཉིད་མ་ལ་ཁྲོས་པའི་ཚུལ་སྟོན་མ། སྦྱོར་བའི་མདངས་ཅན་ནོ། །རྡོ་རྗེ་ཁམས་གསུམ་རྫོགས་བྱེད་ཁྲོས་པའི་དབང་བྱེད་དེ། སྐུ་མདོག་ལྗང་གུ་ལ་རྡོ་རྗེ་དྲིལ་བུའི་རལ་པ་ཅན། སྤྱན་གསུམ་རྡོ་རྗེ་རྒྱ་གྲམ་གྱི་མཆེ་བ་གཙིགས་པ། འོད་ཟེར་ལྗང་གུས་བྱང་ཕྱོགས་དབང་དུ་སྡུད་པ། ལག་པས་གཡང་གཞི་རྡེབ་ཅིང་བདུད་དང་མུ་སྟེགས་ཀྱི་མགོ་གཅོག་པ། གསང་བའི་མཁའ་བསེའི་གའུར་འཁྱིལ་པ་ལ། གྲུབ་པའི་སྦྱོར་བས་ཁམས་གསུམ་འཁྱུད་པ། མ་གཅིག་པུ་མ་ལ་ཁྲོས་པའི་ཚུལ་སྟོན་པ། སྦྱོར་བའི་མདངས་ཅན་ནོ། །སྤྱོད་པ་གསལ་ཞིང་དབྱངས་སྙན་པས་བསྐུལ་ཞིང་དབང་དུ་བྱ་བ་ནི། ཧཱུཾ་ཆེ་ཞེས་ཁྲོས་པའི་དབང་མོ་ཆེ། །སྐུ་མདོག་དཀར་མོ་གཡུ་ཡི་རལ་པ་ཅན། །སྤྱན་གསུམ་རྡོ་རྗེའི་མཆེ་བ་གཙིགས། །ཞིང་ཆེན་གཡབ་མོས་མུ་སྟེགས་སྒྲོལ། །ཤེལ་གྱི་ག་འུར་གནས་རིས་འཆང་། །གཉིས་མེད་སྦྱོར་བས་ཁམས་གསུམ་འཁྱུད། །སྦྱོར་བའི་མདངས་ཀྱིས་ཀུན་ལ་ཁྱབ། །ཡུམ་ལ་ཁྲོས་ཞིང་སྲིད་པ་གཡོས། །བདག་དང་གཉིས་སུ་མེད་པར་སྦྱོར། །ཧཱུཾ་ཆེ་ཞེས་ཁྲོས་པའི་དབང་མོ་ ― DNG022_Page_0661 ―
[མ་དཔེ་གཟིགས་ན་འདིར་གནོན།]
ཆེ། །སྐུ་མདོག་སྔོན་མོ་རིན་ཆེན་རལ་པ་ཅན། །སྤྱན་གསུམ་རིན་ཆེན་མཆེ་བ་གཙིགས། །རྒྱུ་མ་བསྒྲིལ་བའི་དྲིལ་ཞགས་ཀྱིས། །བདུད་དང་མུ་སྟེགས་ཐམས་ཅད་འཆིང་། །རིན་ཆེན་ག་འུར་གནས་རིས་འཆའ། །མི་ལེན་སྦྱོར་བས་འཇིག་རྟེན་འཁྱུད། །སྦྱོར་བའི་མདངས་ཀྱིས་ཀུན་ལ་ཁྱབ། །ཡུམ་ལ་ཁྲོས་ཤིང་ཀུན་ལ་བྱམས། །བདག་དང་གཉིས་སུ་མེད་པར་སྦྱོར། །ཧཱུཾ་ཆེ་ཞེས་ཁྲོས་པའི་དབང་མོ་ཆེ། །སྐུ་མདོག་དམར་མོ་བསེ་ཡི་རལ་པ་ཅན། །སྤྱན་གསུམ་བྱུ་རུའི་མཆེ་བ་གཙིགས། །ཁྲག་གི་དྭངས་མས་བདུད་དཔུང་སྒྲོལ། །བྱི་རུའི་ག་འུར་གནས་རིས་བཅའ། །བདག་མེད་སྦྱོར་བས་སྟོང་གསུམ་འཁྱུད། །སྦྱོར་བའི་མདངས་ཀྱིས་ཀུན་ལ་ཁྱབ། །ཡུམ་ལ་ཁྲོས་ཤིང་རྣལ་འབྱོར་སྐྱོང་། །བདག་དང་གཉིས་སུ་མེད་པར་སྦྱོར། །ཧཱུཾ་ཆེ་ཞེས་ཁྲོས་པའི་དབང་མོ་ཆེ། །སྐུ་མདོག་ལྗང་གུ་བསྒྱིངས་པ་ལ། །རྡོ་རྗེ་དྲིལ་བུའི་རལ་པ་ཅན། །སྤྱན་གསུམ་མཆེ་བ་རྒྱ་གྲམ་གཏམས། །ཁ་ཊྭཱཾ་གཡབ་མོས་མུ་སྟེགས་སྒྲོལ། །རྡོ་རྗེ་ག་འུར་གནས་རིས་འཆའ། །གྲུབ་བའི་སྦྱོར་བས་འཇིག་རྟེན་འཁྱུད། །སྦྱོར་བའི་མདངས་ཀྱིས་ཀུན་ལ་ཁྱབ། །ཡུམ་ལ་ཁྲོས་ཤིང་སེམས་ཅན་སྐྱོང་། །བདག་དང་གཉིས་སུ་མེད་པར་སྦྱོར། །ཞེས་བསྐུལ་བ་ནི། ཁྲོས་པའི་དབང་མོ་ཆེ་བཞི་སྟེ། སྒྲུབ་པ་ལ་ཞུགས་པའི་ནུབ་མོ་རྒྱུ་གཅིག་བསྒྲལ། ཞག་གསུམ་ན་གཅིག་བསྒྲལ། བདུན་ན་གཅིག་བསྒྲལ། ཞག་དགུ་ན་གཅིག་བསྒྲལ། བཅུ་བཞི་ན་གཅིག་བསྒྲལ། གཅིག་གི་ནུབ་མོ་གསང་བའི་ཡུམ་དུ་དམ་བཅའ། གསུམ་གྱི་ནུབ་མོ་སྒྲ་ཆེན་པོ་འབྱུང་ཞིང་མེ་ཆེན་པོ་འབར་རོ། །བདུན་གྱི་ནུབ་མོ་ནམ་མཁའ་ལ་སྣ་ཚོགས་པའི་རོལ་པས་ཐིབས་སེ་འབྱུང་ངོ་། །དེ་ལྟ་བུ་དག་བྱུང་བ་དང་། བདག་དཔལ་ཆེན་པོ་དབུ་དགུ་ཕྱག་བཅོ་བརྒྱད་པ། ཞབས་བརྒྱད་ཀྱིས་ལྷ་ཆེན་པོ་བརྒྱད་དེ་བཞིན་བརྫིས་པ། ཕྱག་ན་མཚོན་ཆ་སྣ་ཚོགས་བསྣམས་པ། ཞིང་གི་ན་བཟའ་རློན་པ་དང་། སྦྲུལ་ནག་གི་ཆུན་པོ་དང་། ཐོད་པས་བརྒྱན་པར་གསལ་བའི་ངང་ལས་བསྙེན་པ་བྱ། གཉིས་སུ་མེད་པའི་སྦྱོར་བ་དབུལ། དགུ་ལ་མངོན་དུ་ ― DNG022_Page_0662 ―
[མ་དཔེ་གཟིགས་ན་འདིར་གནོན།]
བྱུང་བ་དང་། བདག་ཉིད་དཔའ་བོ་སྒེག་པོའི་ཏིང་ངེ་འཛིན་དུ་གསལ་བ་དང་། འཛུམ་པའི་མདངས་ཀྱིས་པདྨ་དབང་དུ་བསྡུས་ལ། དེ་ནས་ལྷ་མོ་ཆགས་སེམས་ཀྱིས། །གཉིས་སུ་མེད་པའི་སྦྱོར་བ་དབུལ། །གུས་པའི་ཚིག་ཏུ་སྙན་སྒྲོགས་པ། །དཔའ་བོ་ཆེན་པོ་ཡེ་ཤེས་སྐུ། །རྡོ་རྗེ་གསང་བའི་དཀྱིལ་འཁོར་དུ། །པདྨ་གསང་བའི་མཆོད་འབུལ་གྱི། །དགྱེས་པ་ཆེན་པོའི་ངང་ཉིད་ཀྱིས། །ཆགས་པ་ཆེན་པོའི་བྱིན་རློབས་ཤིག །དེ་སྐད་བསྟོད་དེ་སྦྱོར་བ་འབུལ། །དེ་ནས་བདག་དང་མངོན་སྦྱོར་ལ། །དྲོད་ཀྱིས་བྱང་ཆུབ་སེམས་ཉིད་དང་། །རཀྟའི་དྭངས་མ་བསྲེས་ནས་སུ། །སྣ་ལ་བདག་ཉིད་གཙོ་ལ་མཆོད། །དེ་ནས་སྒྲུབ་ཟླ་བཞི་ལ་སྦྱིན། །ཀུན་ཀྱང་དམ་བསྲེས་མནས་བསྒག་གོ། །དེ་ནས་བསྒྲུབས་པའི་མ་མོ་ལ་སྦྱིན། དེ་ནས་དམ་བསྲེས་མནས་བསྒག་ནས། །རྟོག་པའི་ཕྲག་དོག་སྤང་བའི་ཕྱིར། །སྒྲུབ་ཟླ་བཞི་དང་བདག་སྦྱར་ཏེ་དམ་བསྲེའོ། །གཏོར་མ་བཞི་ནི་གོང་མ་བཞིན། འདི་གྲུབ་ན་འཇིག་རྟེན་དུ་བསམ་པ་ཐམས་ཅད་ཡིད་བཞིན་དུ་འགྲུབ་ལ། ལྷུར་ཡང་ཚེ་རིང་བ་དང་། སྲིའུ་ལ་མཁས་སོ། །མ་མོ་འོག་ནས་འབྱུང་བ་ལྟ་སྨོས་ཀྱང་ཅི་དགོས། སྒྲུབ་ཟླ་བཞི་དང་མ་བཞི་ཡང་བྲན་མོར་འཁོལ་ལོ། །འདི་ནི་ཁྲོས་པའི་དབང་མོ་ཆེ་བཞིའི་སྒྲུབ་ཐབས་སོ། །འདི་བཞིའི་མ་ནི་བསྒྲུབ་ཏུ་སྐྱོན་ཆེ་སྟེ། ཅི་བུ་མོ་བཞི་གྲུབ་ན། བུ་མོས་མ་འཁོལ་བས་བསྒྲུབ་ལྷག་པར་མི་དགོས་སོ། །ད་ནི་ཐུགས་ཀྱི་དགྱེས་སྡེ་མོ་བཞིའི་སྒྲུབ་ཐབས་འབྱུང་སྟེ། རྟའི་ལོ་ཚེས་བདུན་ལ་སྒྲུབ་པ་བཤམ། བརྒྱད་ལ་འཇུག་སྟེ། ཉའི་བར་དུ་བསྒྲུབ། སྒྲུབ་པའི་ཡོ་བྱད་དུ་འཚམས་པ། དཀར་མོ་མིག་གཅིག་མའི་བྷནྡྷ་ནི་ཟླུམ་ལ་པདྨ་ཆགས་པ། འཇམ་པོ་རི་མོ་ཉུང་བ་སྟེ། །གཙུག་ཏུ་བུ་གུ་བྱུང་བ་ནི། །དཀར་མོ་ཆེན་མོའི་ཕྱག་ན་བསྣམས། །ལྗོན་རིས་ལྕང་ལོས་རབ་ཏུ་བརྒྱན། །ལྗོན་ཤིང་ལྟ་བུའི་རྩེ་མོ་ཡོད་པ་ནི། །ནག་མོ་ཆེན་མོའི་ཕྱག་ན་བསྣམས། །པདྨ་འདབ་བརྒྱད་རྩར་བྲིས་ལ། །ཨ་དཀར་གཙུག་ན་ཡོད་ ― DNG022_Page_0663 ―
[མ་དཔེ་གཟིགས་ན་འདིར་གནོན།]
པ་ནི། །དམར་མོ་དབང་ཕྱུག་ཕྱག་ན་བསྣམས། །དུམ་བུ་གཉིས་སུ་འདུག་པ་ལ། །རྡོ་རྗེ་རྒྱ་གྲམ་རྩར་འདུག་པ། །སེར་མོ་ལས་མཁན་ཕྱག་ན་བསྣམས། །གཙུག་སྲུབ་ནང་དུ་རུབ་པ་ལས། །རྩ་རྣམས་གཙུག་ཏུ་བཅིངས་པ་ལ། །ཧཱུཾ་ཆེན་དགུར་ནི་འབར་བ་སྟེ། །དཔལ་ཆེན་ཉིད་ཀྱི་ཕྱག་ན་བསྣམས། །ཞེས་འབྱུང་སྟེ། བྷནྡྷ་དེ་ལྔ་ཡང་དག་ལྡན། །ཤེལ་གྱི་རྒྱུ་བཞི་ཡང་དག་བསོགས། །སྙན་པོ་ཆས་སུ་སྩལ་བ་དང་། །གཞན་ཡང་དམ་རྫས་སྣ་ཚོགས་པ། །སླགས་པ་ཆེན་པོ་གཙོ་བོ་ལ། །ཞྭ་དཀར་པོ་ཡང་དབུ་བརྒྱན་ནོ། །འཇིག་རྟེན་གཟུངས་མའི་རིགས་བསྟན་པ། །ཤ་མདོག་དཀར་ལ་མདངས་བཟང་མ། །སོ་ཐགས་བཟང་ལ་མིག་དཀྱུས་རིང་། །དཀར་མོ་མིག་གཅིག་ཚུལ་དུ་སྣང་། །བརྩོན་འགྲུས་ཅན་ལ་དྲག་ཤུལ་ཆེ། །རལ་པ་ཅན་ལ་ཧ་རའི་མིག །ནག་མོ་རལ་ཅན་ཚུལ་དུ་སྣང་། །ཤ་མདོག་དཀར་ལ་མདངས་སྡུག་པ། །སྨྲས་ན་སྙན་ལ་འགྲོ་ན་ལྡེམ། །དམར་མོ་དབང་སྡུད་ཚུལ་དུ་སྣང་། །ཟུར་བཞི་རིང་ལ་མཆེ་བ་རྣོ། །ཤ་མདོག་སྔོ་ལ་བརྟུལ་ཞུགས་ཆེ། །སེར་མོ་ལས་མཁན་ཚུལ་དུ་སྣང་། །ཡུམ་བཞིའི་གཟུངས་སུ་ལྡན་བྱས་ཏེ། །ཡུམ་བཞིས་བསྙེན་པ་སོ་སོར་བགྲང་། །བདག་ཉིད་མན་ངག་སེམས་ལྡན་པས། །བཞི་ཆའི་བསྙེན་པ་གཅིག་ཏུ་བགྲང་། །བརྟན་དབྱངས་སྙན་པོས་བསྐུལ་བ་ནི། །ཧཱུཾ་ཤར་གྱི་དཀར་མོ་མིག་གཅིག་མ། །ན་བཟའ་ཚིལ་ཆེན་གོ་ཟུ་གསོལ། །བྷནྡྷ་རློན་པའི་དྲིལ་བུས་བརྒྱན། །ལན་ཕྲན་ཞག་གིས་འཁྱིལ་པ་ལ། །དུང་གི་མཆེ་བ་གཙིགས་པ་ཡིས། །ཤར་གྱི་སྲིད་གསུམ་ཕུར་བུས་འདེབས། །རིན་ཆེན་ཤེལ་གྱི་ཐོད་གདེངས་ཅན། །ཞག་གི་ལན་ཕྲན་གསིགས་པ་ཡིས། །སྟེང་དུ་ཡ་བདུད་གདུལ་ཞིང་འཆིང་། །བར་དུ་བརྒྱ་བྱིན་ཕུང་བར་བྱེད། །འོག་ཏུ་དམྱལ་ཁམས་སྟོངས་པར་བྱེད། །མ་གཡེལ་ཐུགས་རྗེ་གསང་བའི་གཟུངས། །ཧཱུཾ་རི་རབ་གླིང་བཞིའི་ལྷོ་ཕྱོགས་ན། །མ་མོ་ཆེན་མོ་མཆེ་བ་ཅན། །ན་བཟའ་མི་ལྤགས་གོ་ཟུ་ལ། །བྷནྡྷ་མང་པོའི་དྲིལ་བུས་བརྒྱན། །རྡོ་རྗེའི་ལན་ཕྲན་དྲིལ་ཆེན་འཁྲོལ། །ལྕགས་ཀྱི་མཆེ་ ― DNG022_Page_0664 ―
[མ་དཔེ་གཟིགས་ན་འདིར་གནོན།]
བ་གཙིགས་པ་ཡིས། །ལྷོ་ཕྱོགས་སྲིད་གསུམ་ཕུར་འདེབས་མ། །གསེར་གཡུ་སྤེལ་བའི་ཐོད་གདེངས་ཅན། །དྲིལ་ཆེན་ལན་ཕྲན་གསིགས་པ་ཡིས། །སྟེང་དུ་མ་ཧཱ་དེ་བ་བཅིངས། །བར་དུ་གཤིན་རྗེ་ཕུང་བར་བྱེད། །མ་གཡེལ་ཐིག་ལེ་གསང་བའི་གཟུངས། །ཧཱུཾ་རི་རབ་གླིང་བཞིའི་ནུབ་ཕྱོགས་སུ། །དམར་མོ་ཆེན་མོ་དབང་བསྒྱུར་མ། །ན་བཟའ་རཀྟའི་གོ་ཟུ་ལ། །སྦྲུལ་ནག་འཁྲིལ་བའི་ཆུན་འཕྱངས་ནས། །པདྨ་རཀྟའི་ལན་ཕྲན་ལ། །མཆེ་བ་དམར་པོ་གཙིགས་པ་ཡིས། །ནུབ་ཕྱོགས་སྲིད་གསུམ་ཕུར་འདེབས་མ། །མི་ཁྲག་རློན་པའི་ཐོད་གདེངས་ཅན། །རཀྟའི་ལན་ཕྲན་གསིགས་པ་ཡིས། །སྟེང་དུ་ཚངས་པ་ཆེན་པོ་འཆིང་། །བར་དུ་འཆི་བདག་ཕུང་བར་བྱེད། །འོག་ཏུ་ཡི་དྭགས་སྟོངས་པར་བྱེད། །མ་གཡེལ་ཐུགས་རྗེ་གསང་བའི་གཟུངས། །ཧཱུཾ་རི་རབ་གླིང་བཞིའི་བྱང་ཕྱོགས་ན། །སེར་མོ་ཆེན་མོ་ལས་མཁན་མ། །མཛེས་པའི་ན་བཟའ་ཆེན་མོ་ནི། །མཱཾ་ས་ཆེན་པོའི་ཐུལ་བ་ཅན། །དྲི་ཆུ་ཁོལ་མའི་ཡ་བས་བསྐོར། །ལན་ཕྲན་དྲི་ཆུ་འབར་བ་འཕྱུར། །གསེར་གྱི་མཆེ་བ་གཙིགས་པ་ཡིས། །བྱང་ཕྱོགས་སྲིད་གསུམ་ཕུར་འདེབས་མ། །མཱཾ་ས་སྤུངས་པའི་ཐོད་གདེངས་ཅན། །དྲི་ཆུའི་ལན་ཕྲན་གསིགས་པ་ཡིས། །སྟེང་དུ་ཚོགས་ཀྱི་བདག་པོ་བཅིངས། །བར་དུ་གནོད་སྦྱིན་ཕུང་བར་བྱེད། །འོག་ཏུ་བགེགས་རིགས་སྟོངས་པར་བྱེད། །མ་གཡེལ་ཐིག་ལེ་གསང་བའི་གཟུངས། །གླིང་བཞི་གསང་བའི་གཟུངས་གཅིག་མ། །བདུད་རྩི་རྣམ་ལྔ་དབུ་ལ་རྫོགས། །གཡས་ན་གཡང་གཞིའི་རུ་མཚོན་གྱིས། །ཐམས་ཅད་གནས་ཕྱག་ཆེན་པོས་འདེགས། །མུ་སྟེགས་ནག་པོའི་སྙིང་འབྱིན་མ། །གཡོན་ན་བྷནྡྷ་ཁྲག་འཛག་པས། །བུད་མེད་ཐམས་ཅད་དབང་དུ་སྡུད། །བཤན་པ་བྲན་གྱི་འཁོར་སྐྱོང་མ། །འབུམ་ཕྲག་ཡངས་པའི་འཁོར་མངའ་ཞིང་། །སྒྲུབ་པ་པོ་ལ་བརྩེར་དགོངས་མ། །འདིར་སྤྱོན་སྒྲུབ་ ― DNG022_Page_0665 ―
[མ་དཔེ་གཟིགས་ན་འདིར་གནོན།]
པའི་ལས་མཛོད་ཅིག །ཅེས་བསྐུལ་བ་ན། ཞག་བཞིའི་ནུབ་མོ་དངོས་གྲུབ་ཀྱི་རྟགས། དང་པོ་རཀྟ་ཚིལ་ཆེན་དང་། མཆོག་ཏུ་རྟག་པའི་བྷནྡྷ་བཞིའོ། །དགུའི་ནུབ་མོ་བྷནྡྷར་པདྨ་རཀྟ་དང་སྣང་སྲིད་ཀྱི་སྨན་སྦྱར་བའི་བྱང་ཆུབ་ཀྱི་སེམས་ལ་སོགས་པའི་བདུད་རྩི་རྣམ་པ་ལྔ་བསྲེས་པ་གང་འོང་སྟེ། དགའ་བ་མི་བསྐྱེད་པར་མྱུར་དུ་ལོངས་སྤྱོད་དོ། །དེའི་ནུབ་མོ་རྒྱུ་བཞི་ཡང་དེར་བསྒྲལ་ལོ། །བདུན་གྱི་ནུབ་མོ་བཞི་ཆར་སྐུ་མངོན་དུ་འབྱུང་ངོ་། །རྒྱན་དང་ཆ་ལུགས་སུ་ལྡན་པ་ཤིན་ཏུ་ཡིད་དུ་འཇུག་པའི་ལྷ་མོ་བཞི་འོང་ངོ་། །བདག་མན་ངག་གི་ཏིང་ངེ་འཛིན་གསལ་བར་བསྒོམ་ལ་བདེ་བའི་མདངས་ཕྱུང་ལ། གེ་སར་གྱི་རཀྟ་དབང་དུ་བསྡུས་ལ། པདྨའི་ནང་དུ་རྡོ་རྗེ་འཇུག་པའི་ཕྱག་རྒྱ་བཅིངས་ལ། རིམ་པ་བཞིན་དུ་ཟླ་གམ་ཕྱེད་ཅིང་སྦྱོར་བ་དབུལ་ལོ། །གོང་མའི་སྒྲུབ་པའི་ལྷ་མོ་བཞིན་དུ་ཚུལ་དེ་བཞིན་དུ་བགྱི། དེ་ནས་དེའི་ཕྱི་དེ་ནུབ་མོ་མཆོག་ཕྲན་ཆས་སུ་སྩལ་བ་བསྒྲལ་བ་དང་། ཁམས་གསུམ་བསྒྲལ་བའི་དངོས་གྲུབ་ཀྱང་སྟེར་རོ། །འདི་བཞི་ནི་འགོ་ལ་ཕྲག་དོག་ཆུང་ལ་དབང་ཆེ་བ་གསང་བའི་དམ་ཐུབ་སྟེ། བསམ་དགུ་ཡིད་བཞིན་དུ་འགྲུབ་སྟེ། གསང་བའི་དགྱེས་སྡེ་མོར་ལུང་སྩལ་ཏེ་བཞག་གོ། །དེ་སླན་ཆད་ཅི་བྱ་ཡང་མི་དགོས་ཏེ། སྦྱོར་བ་ཡང་དུས་སུ་འབུལ་ཏེ། ལས་ཀྱང་ཚུལ་བཞིན་དུ་བྱེད་དོ། །སྒྲུབ་པ་པོ་ལ་འདི་ཡན་ཆད་ཀྱི་མ་མོ་གྲུབ་ན། ཚེ་འདིའི་ཡོན་ཏན་ལྟ་ཅི་སྨོས། ཕུང་པོ་འཇིག་པའི་དུས་སུ་ཡང་། གླུ་དབྱངས་དང་རོལ་མོ་ལ་སོགས་པས། འོད་དང་རྟགས་བཟང་པོ་དང་། ནམ་མཁའ་ལས་སྒྲ་འོད་དང་། རོལ་མོ་སིལ་སྙན་ལ་སོགས་པས་བསུས་ནས། བདེ་བ་ཅན་གྱི་ཞིང་ཁམས་སུ་སྒྲུབ་མི་དགོས་པར་འོག་མིན་དུ་སྐྱེལ་ལོ། །འདི་ཡན་ཆད་ཀྱི་མ་མོ་གྲུབ་ན། མ་མོ་འོག་མ་ཐམས་ཅད་རང་བཞིན་གྱིས་འདུ་བ་དང་། ལྷག་པར་སྒྲུབ་མི་དགོས་སོ། །འདི་ནི་མ་མོ་གཙོ་མོ་རྣམས་ཀྱི་སྒྲུབ་ཐབས་ཀྱི་ལེའུ་སྟེ་བཅོ་བརྒྱད་པའོ།། །།དེ་ནས་མ་བདུན་སྒྲུབ་པར་འདོད་ན། གནས་དུར་ཁྲོད་དུ་སོང་ལ། ཡུམ་རྡོ་རྗེའི་རིགས་ ― DNG022_Page_0666 ―
[མ་དཔེ་གཟིགས་ན་འདིར་གནོན།]
ཀྱི་མཚན་དང་ལྡན་པ་གསུམ་དབང་གི་སློབ་དཔོན་གཉིས་ཀྱིས་བསྒྲུབ་སྟེ། བྷནྡྷ་མཚན་དང་ལྡན་པ་བདུན་གྱི་གསུམ་དུ་བདུད་རྩི་རྣམ་པ་ལྔ་མ་བསྒྲུབས་པའི་རློན་པ་སྩལ། གསུམ་དུ་འཇིག་རྟེན་པའི་སྨན་སྣ་ཚོགས་སྩལ། གཅིག་ཏུ་བྱང་ཆུབ་སེམས་དང་རཀྟ་སྩལ། བྷནྡྷ་རིན་པ་ཆ་མཚན་ལྡན་གྱི་ནང་དུ་བདུད་རྩི་ཨ་མྲྀ་ཏ་སྩལ། ཤེལ་ལྡིང་ནག་གསུམ་ཤེལ་དཀར་པོ་གཅིག །ཙ་ར་ནག་པོ་གཅིག་ཀུ་ཀུ་རཱ་ཙ་དཀར་པོ་གཅིག་ནམ་མཁའ་ལྡིང་གཅིག་དང་མཆོག་ཆེན་པོ་ཡོད་དམ། སྨད་སྦྲེམ་པོ་གཅིག་བཅས། ཆས་གོས་ཐམས་ཅད་ནག་པོར་བསྒྱུར་ཏེ། གསུར་གྱི་དུད་པ་རྒྱུན་མི་གཅད་པར་བཏང་ངོ་། །འཛབ་དྲང་བ་དང་། ཞག་བདུན་ན་སྒྲ་ཆེན་པོ་གཅིག་འབྱུང་སྟེ། དེར་རྒྱུ་ཟུང་གཅིག་བསྒྲལ་ཏེ་མཆོད་པ་བྱ། མའི་ཚུལ་དུ་བརྟེན། ཞག་དགུ་ན་མི་སྡུག་པའི་ཆོ་འཕྲུལ་སྣ་ཚོགས་འབྱུང་ངོ་། །དེར་ཟུང་གཅིག་བསྒྲལ་ལ། ཞག་བཅུ་གཉིས་ན་ཉིན་མཚན་དུ་འབྱུང་སྟེ། དེར་ཟུང་གཅིག་བསྒྲལ་ནས་སྲིང་མོའི་ཚུལ་དུ་བསྟེན། ཞག་བཅོ་ལྔ་ན་བདུན་ཆར་སྐུ་མངོན་དུ་འབྱུང་ངོ་། །བདག་ཅག་དམ་མ་ཉམས་ན་མཛེས་པ་དང་ཆས་དང་ལྡན་པར་འོང་ངོ་། །དམ་ཉམས་ན་ནག་མོ་རལ་པ་ཅན་བདུན་མེས་ཚིག་ཚིག་བྱེད་པ་ལ། མཆེ་བ་དམར་ཙ་རེ་འདུག་པར་འོང་ངོ་། །མན་ངག་གསལ་ན་བདག་ཉིད་ཀྱི་དབང་དུ་བསྡུ། མི་གསལ་ན་བཟོད་པར་གསོལ་ཏེ་བསྐང་ངོ་། །བདག་མན་ངག་དང་ལྡན་ན་དང་པོར་མི་སྡུག་པ་ལས་ཀྱང་སྡུག་པ་སྟོན་ཏེ། གདོད་མ་ནས་སྡུག་ན་པདྨ་དབང་དུ་བསྡུས་ལ་ང་རྒྱལ་བསྐྱེད་ལ་སྲུ་མོའི་ཚུལ་དུ་བསྟེན་ནོ། །དེ་ལྟར་ཕྱག་འཚལ་ཞིང་དཔོན་ཟེར་ནས་མི་སྡུག་མི་བྱེད་དོ། །དེ་ནས་པདྨ་རཀྟ་ཧཱུཾ་གིས་བསྡུས་ནས་རྒྱན་བོར་ནས་གསུམ་དང་བཅུར་སྦྱར་ཏེ། མེ་ལ་ཚེ་ཐུན་རེ་ལ་ལན་གཉིས་གཉིས་འབུལ་ལོ། །སྣ་ལ་གཙོ་མོ་དང་སྦྱར་རོ། །དེ་ནས་ཡོ་དང་སྦྱར་བའི་བྱང་ཆུབ་ཀྱི་སེམས་ཉི་ཚེར་མ་འདོད་པ་བཞིན་དུ་དམ་བསྲེས་ཏེ། ངའི་བརྣག་པའི་ལས་རྣམས་ཀུན་ཡང་སྒྲུབས་ཤིག་པར་ལུང་སྩལ་ལོ། །བྲན་དང་སླས་དང་བྲན་མོ་དང་། བྱི་མོ་ཡིན་པར་མནའ་བོར་ཞེས་ལུང་སྩལ་ ― DNG022_Page_0667 ―
[མ་དཔེ་གཟིགས་ན་འདིར་གནོན།]
ལོ། །དེ་ཕྱིན་ཆད་བྲན་བཞིན་དུ་ལས་བྱེད་དོ། །ད་ནི་སྦས་པའི་མ་མོ་བསྒྲུབ་པར་བྱའོ། །ཡོ་བྱད་གོང་མ་ཀུན་གྱི་སྟེང་དུ་ཞིང་གི་རྒྱུ་ཞགས་གཅིག །སྲིད་པ་སྤྱི་བླུགས་ཀྱི་ཞྭ་རལ་པ་ཅན་དུང་ཆེན་བྱེ་རུ་དང་གསེར་གཡུས་བརྒྱན་པ་གཅིག །ཞིང་ཆེན་གྱི་རྫས་རྫ་རྔ་ཡང་ལྔ་ཐོགས་ནས་བསྒྲུབ་ན་རྟགས་གོང་མ་དང་མཐུན་ནོ། །སྒྲུབ་པའི་ཐབས་གོང་མ་དང་མཐུན། ཡོན་ཏན་ནི་མ་བདུན་མན་ཆད་འཁོལ་ལོ། །བསམ་པ་ཐམས་ཅད་འགྲུབ། ལྷུར་ཡང་དགྲ་ལ་རྦད་པ་བཟང་ངོ་། །ད་ནི་ཨེ་ཀ་ཛཱ་ཊིའི་བསྒྲུབ་པ་བྱ་སྟེ། སྟེགས་བུ་གྲུ་བཞི་པ་གཅིག་གི་སྟེང་དུ་གྲ་ཕྱིང་གཅིག་བཏིང་ལ། དམ་རྫས་སྣ་ཚོགས་པའི་གཏོར་མ་ཆ་གཅིག་གི་ནང་དུ་སྨན་གྷི་ཝང་སྩལ་ཏེ། དར་དམར་པོ་ཁ་ཚོན་གང་གིས་ཁ་བཅད། ཁ་ནུབ་ཕྱོགས་སུ་བསྟན་ཏེ། ཞག་བདུན་དུ་བསྙེན་པ་བགྱིས་ལ། ཡུམ་མཚན་དང་ལྡན་པ་ལ་དབབ་བོ། །བསྐུལ་བ་ནི། ཧཱུཾ་སྲིད་པའི་མ་མོ་ཡལ་གམ་ཅན། །སྐྱེ་འགྲོ་རལ་གཅིག་འཇིག་རྟེན་སྒྲོལ། །མི་ནག་ཁྲག་འཛག་སྟོང་ཁམས་བསྲེག །ཁ་ནས་མེ་འབར་རྒྱ་མཚོ་སྐེམས། །མ་བྱུང་བ་ཡི་དུས་མཐའ་ནས། །འཇིག་རྟེན་ལས་ཀྱི་དབང་བསྒྱུར་ཏེ། །སེམས་ཅན་དོན་ལ་རབ་ཏུ་བརྩོན། །སྙིང་རྗེ་བྱམས་པའི་དཀྱིལ་འཁོར་དུ། །བརྩེ་བའི་ཤུགས་ཀྱིས་གཤེགས་སུ་གསོལ། །ཞེས་བསྐུལ་ལ་ཡུམ་ལ་ཕབས་ཏེ་དྲིས་ན་སྣང་སྲིད་ཀྱི་གཏམ་སྨྲའོ། །ད་ནི་བུ་མོ་སྤུན་གཉིས་བསྒྲུབ་པར་བྱ་སྟེ། བསྐུལ་བ་ནི། ཧཱུཾ་མ་མོ་ཆེན་མོ་ཡལ་གམ་ཅན། །ནམ་མཁའི་དབྱིངས་ཀྱི་དཔལ་མོ་བཙན། །གནམ་ཕྱེད་གོས་སུ་གྱོན་པ་མོ། །ས་ཕྱེད་སྟན་དུ་འདིང་བའི་བདག །འཁོར་ནི་གནམ་སྨན་འབུམ་གྱིས་བསྐོར། །ཆིབས་སུ་གསེར་གྱི་ཤ་ཕོ་བཅིབས། །མགོ་ལ་གཡུ་ཡི་རྭ་བཅུ་འབར། །ཕྱག་ན་གསེར་གྱི་དྲིལ་ཞགས་བསྣམས། །བདུད་དང་མུ་སྟེགས་དབང་དུ་སྡུད། །ཆེ་ཞེ་སྲིང་གཅིག་མ་གཡེལ་ཅིག །ད་ནི་བུ་མོ་ཆུང་ངུ་བསྒྲུབ་པར་བྱ་སྟེ། ཧཱུཾ་མ་མོ་མ་གཡེལ་ཡལ་གམ་ཅན། །དན་ཏིང་གཡུ་ཡི་གོ་ཅོག་ལ། །གསེར་དང་གཡུ་ ― DNG022_Page_0668 ―
[མ་དཔེ་གཟིགས་ན་འདིར་གནོན།]
ཡི་ཅོད་པན་ཅན། །གཡུ་ཡི་དྲིལ་སྙན་འབུམ་གྱིས་བརྒྱན། །ཆིབས་སུ་དུང་ཤ་དཀར་པོ་ཆིབས། །ཁས་བླངས་ཧཱུཾ་ཧེ་དུན་སྟེ་དམ་བཅས་བསྙེལ་ལམ་ཅི། །བསྐུལ་ན་མ་བཞུགས་ད་ཚུར་བྱོན། །ཞེས་བསྐུལ། འདི་ནི་མ་མོ་གསེར་གྱི་སྒྲུབ་པའོ། །གསེར་རམ་གཡུ་བདར་བའི་ཕུད་ཀྱིས་གསོས་ནས་བརྟེན་ན། བྱེས་ཡུལ་མདོ་གཙང་གར་འགྲོ་ཡང་། བསམ་པ་ཡིད་བཞིན་དུ་འགྲུབ་བོ། །དུང་རེ་དུང་རེ་ཧཱུཾ། འདི་ནང་དུ་བརྟེན་ན་བཅོས་དཀའ། མ་མོ་ཕྱི་མ་རྣམས་ནི་ཞལ་ནས་གསུངས་པའི་སྒྲུབ་ཐབས་ཡོད་ན་ཕྲག་དོག་ཆེ་ལ་བཅོས་དཀའ་སྟེ། བློ་ཆུང་རྣམས་ཀྱི་དོན་དུ་མི་རུང་བས། འདིར་མ་གསུངས་སོ། །དམན་མོ་རྣམས་ཀྱི་སྒྲུབ་ཐབས་ཀྱི་ལེའུ་སྟེ་བཅུ་དགུ་པའོ།། །།ད་ནི་མ་མོ་དབང་དུ་བསྡུ་བའི་ཐབས་བཤད་དེ། གདོན་འདུལ་ལྷ་ཡིས་ཡང་གསོལ་པ། །འཇིག་རྟེན་དབང་ཅན་མ་མོ་རྣམས། །དབང་དུ་བསྡུ་ན་ཇི་ལྟར་བསྡུ། །ཞུས་པ་ལ། ཉག་གཅིག་ཡབ་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །ཡུལ་དང་དྭངས་མ་རྩ་རྣམས་ལ། །རིགས་ཀྱི་མ་མོ་ལ་སོགས་ཏེ། །གུ་ཧྱ་གསང་བའི་ཡུམ་བཞི་དང་། །རྐྱེན་གྱི་མ་སྲིང་བསྒོམ་པར་བྱ། །དེས་ནི་མ་མོ་དབང་སྡུད་དོ། །དབང་དུ་བསྡུ་བའི་ལེའུ་སྟེ། །གནོད་འདུལ་ལྷ་ཡིས་ཡང་གསོལ་པ། །སྲིད་པའི་དབང་ཆེན་འདི་རྣམས་ཀུན། །སྲོག་གི་སྐོང་བ་ཇི་ལྟར་བསྐང་། །ཉག་གཅིག་ཡབ་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །ཡང་དག་གཟིགས་ཀྱིས་བཀའ་སྩལ་པ། །ཉོན་ཅིག་གནོད་འདུལ་ལྷ་ཡི་གཙོ། །ངས་གསུངས་པ་ལ་ཐེ་ཚོམ་མེད། །འཇིག་རྟེན་དབང་ཆེན་འདི་རྣམས་ཀུན། །སྲོག་གི་སྐོང་བ་འདི་རྣམས་སོ། །ཧཱུཾ་གཙོ་མོ་ཡུམ་གྱིས་མངོན་སྤྱོད་པ། །སྤྱི་གཙུག་གཡུ་ཡི་རྡོ་རྗེ་རྩེ་དགུ་འབར། །གཡུ་ཡི་རལ་པས་སྟོང་གསུམ་ཁྱབ། །གཡས་ཀྱི་ཕྱག་ན་རིགས་ལྔའི་སངས་རྒྱས་བསྣམས། །གཡོན་གྱི་ཕྱག་ན་བདུད་རྩི་ལྔ་ཡི་ལོངས་ ― DNG022_Page_0669 ―
[མ་དཔེ་གཟིགས་ན་འདིར་གནོན།]
སྤྱོད་བགྱེད། །ཡེ་ཤེས་རོལ་པའི་སྤྱན་གྱིས་ཀུན་ཏུ་གཟིགས། །ཁམས་གསུམ་སྲིད་པ་གསུམ་ལ་མངའ་མཛད་མ། །རྟག་ཏུ་དབང་ཕྱུག་ཆེན་མོ་གྲོགས་མཛོད་ཅིག །བལྟས་པས་མི་མཐོང་གཅིག་ཀྱང་མེད། །བསྐང་ངོ་བསྐལ་པའི་ཐུགས་དམ་བསྐང་། །ཧཱུཾ་ཤར་གྱི་ཕྱོགས་ཀྱི་མངའ་བདག་མོ། །འབྱུང་བ་ས་ལ་དབང་སྒྱུར་ཞིང་། །འགྲོ་བའི་རུས་ལ་མངའ་མཛད་མ། །འདི་ཡི་རུས་པས་བསྐང་བྱས་ནས། །མཐུན་པའི་རྫས་ཆེན་ངས་འབུལ་གྱི། །བཅོལ་བའི་ཕྲིན་ལས་འགྲུབ་པར་མཛོད། །ཧཱུཾ་ལྷོ་ཡི་ཕྱོགས་ཀྱི་མངའ་བདག་མོ། །འབྱུང་བ་ཆུ་ལ་དབང་སྒྱུར་ཞིང་། །འགྲོ་བའི་ཁྲག་ལ་མངའ་མཛད་མ། །འདི་ཡི་ཁྲག་གིས་བསྐང་བྱས་ནས། །མཐུན་པའི་རྫས་ཆེན་ངས་འབུལ་གྱི། །བཅོལ་བའི་ཕྲིན་ལས་འགྲུབ་པར་མཛོད། །ཧཱུཾ་ནུབ་ཕྱོགས་ཁམས་ཀྱི་མངའ་བདག་མོ། །འབྱུང་བ་མེ་ལ་དབང་སྒྱུར་མ། །འགྲོ་བའི་དྲོད་ལ་མངའ་མཛད་མ། །འདི་ཡི་དྲོད་ཀྱིས་བསྐང་བྱས་ནས། །མཐུན་པའི་རྫས་ཆེན་ངས་འབུལ་གྱི། །བཅོལ་བའི་ལས་རྣམས་འགྲུབ་པར་མཛོད། །ཧཱུཾ་བྱང་གི་ཁམས་ཀྱི་མངའ་བདག་མོ། །འབྱུང་བ་རླུང་ལ་དབང་སྒྱུར་ཞིང་། །འགྲོ་བའི་དབུགས་ལ་མངའ་མཛད་མ། །འདི་ཡི་དབུགས་ཀྱིས་བསྐང་བྱས་ནས། །མཐུན་པའི་རྫས་ཆེན་ངས་འབུལ་གྱི། །ང་ཡིས་བཅོལ་བ་འགྲུབ་པར་གྱིས། །ཧཱུཾ་ནམ་མཁའི་རིགས་ཀྱི་རྒྱལ་མོ་སྟེ། །ནམ་མཁའ་སྟོང་ལ་དབང་སྒྱུར་ཞིང་། །འགྲོ་བའི་བཀྲག་ལ་མངའ་མཛད་མ། །འདི་ཡི་བཀྲག་གིས་བསྐང་བྱས་ནས། །མཐུན་པའི་རྫས་ཆེན་ངས་འབུལ་གྱི། །བཅོལ་བའི་ལས་རྣམས་འགྲུབ་པར་མཛོད། །རྒྱུ་བསྒྲལ་བའི་འབྱུང་བ་ཆེན་པོ་ལྔས་ཡེ་ཤེས་ལྔའི་མཁའ་འགྲོ་མ་དང་གཙོ་བོ་ཡབ་ཡུམ་བསྐང་ངོ་། །ད་ནི་འདོད་ཁམས་ཀྱི་ལྷ་མོ་རྣམས་བསྐང་བ་ནི། ཧཱུཾ་སྲིད་པའི་བདེ་འགྲོ་ཁམས་གསུམ་ཀུན་གྱི་ཡུམ་མཆོག་སྟེ། །སྐུ་མདོག་མཐིང་ནག་ཆེན་མོ་ལ། །དབུ་དང་ཞལ་གྱིས་སྟོང་ཁམས་ཁེངས། །རིན་ཆེན་རལ་པས་སྣང་སྲིད་གསལ། །ཁྱེད་ནི་འདོད་ཁམས་གཙོ་མོ་སྟེ། །ཕུད་ཀྱི་ ― DNG022_Page_0670 ―
[མ་དཔེ་གཟིགས་ན་འདིར་གནོན།]
བདག་མོའི་ཐུགས་དམ་བསྐང་། །དཔག་བསམ་ཤིང་གི་ཡལ་ག་ལ། །དཀར་མོ་གཡག་ཐོད་རལ་པ་ཅན། །ཉི་ཟླ་སྟོང་གི་ཐོད་ཕྲེང་ཅན། །དཔག་ཚད་བརྒྱད་ཁྲི་བཞི་སྟོང་ནས། །ཁྲག་གི་དྲི་སྣོམ་དམར་གྱི་རོ་མྱོང་མ། །རལ་པའི་ཟུར་ཕུད་གཡོན་ནས་གཅིག་ཏུ་འཁྱིལ། །སྲིད་པའི་ས་གཞི་གཡོ་ཞིང་ཁེབས་མཛད་མ། །ལག་པ་གཡས་ནས་ལྕགས་དང་ཟངས་ཀྱི་དྲིལ་ཞགས་ལ། །སྙིང་གི་ཞགས་པ་སྡོག་ཅིང་འཕེན། །ལག་པ་གཡོན་པ་བྷནྡྷ་མགོ་བཅད་བཅུ་བར་འཛད། །ཚངས་པ་ལ་སོགས་ལྷ་ཆེན་བརྒྱད་ཀྱི་མགོ་བཅད་ནས། །ཉི་ཟླ་སྟོང་གིས་སྐུ་ལ་བརྒྱན་ཅིང་བཀླུབས། །སྣང་སྲིད་སྙིང་གི་བདག་མོ་སྟེ། །འདི་ཡི་སྙིང་གིས་བསྐང་བྱས་པའི། །མཐུན་པའི་རྫས་ཆེན་ངས་འབུལ་གྱི། །ང་ཡི་ལས་བཅོལ་གྲུབ་པར་མཛོད། །ཆེ་ཞེ་དཀར་མོ་ཉི་མའི་མདངས། །དཀར་མོ་རལ་གཅིག་ཐུགས་དམ་བསྐང་། །ཆེ་ཞེ་རྡོ་རྗེ་ཉི་མ་ཁྲོས་པའི་དབང་མོ་ཆེ། །ཁམས་གསུམ་ཐམས་ཅད་གསལ་མཛད་མ། །བསྐང་ངོ་བསྐལ་པའི་ཐུགས་དམ་བསྐང་། །ཆེ་ཞེ་ཁམས་གསུམ་རྫོགས་བྱེད་ཁྲོས་པའི་དབང་མོ་ཆེ། །ཁམས་གསུམ་ཐམས་ཅད་གསང་བར་སྦྱོར། །མཐུན་པའི་རྫས་ཆེན་ངས་འབུལ་གྱི། །བསྐང་ངོ་བསྐལ་པའི་ཐུགས་དམ་བསྐང་། །ཆེ་ཞེ་ཆེན་མོ་དམར་མོ་རལ་གཅིག་མ། །སྲིད་པའི་བདེ་སྦྱོར་ཁྲོས་པའི་དབང་མོ་ཆེ། །ཁམས་གསུམ་ཐམས་ཅད་དབང་དུ་སྡུད། །མཐུན་པའི་རྫས་ཆེན་ངས་འབུལ་གྱི། །ང་ཡི་ལས་བཅོལ་གྲུབ་པར་མཛོད། །བསྐང་ངོ་བསྐལ་པའི་ཐུགས་དམ་བསྐང་། །ཆེ་ཞེ་པདྨ་ཁྲོས་པའི་དབང་མོ་ཆེ། །སྲིད་པ་ཐམས་ཅད་བདེ་ལ་བཀོད། །མཐུན་པའི་རྫས་ཆེན་ངས་འབུལ་གྱི། །ང་ཡི་ལས་བཅོལ་གྲུབ་པར་མཛོད། །བསྐང་ངོ་བསྐལ་པའི་ཐུགས་དམ་བསྐང་། །སྣང་སྲིད་ཀུན་གྱི་རྒྱན་མཛད་མ། །རྒྱན་གྱི་རྒྱལ་མོའི་ཐུགས་དམ་བསྐང་། །བདག་ཉིད་ལྷག་ལྷག་བཞད་མཛད་མ། །བདག་ཉིད་ཆེན་པོའི་ཐུགས་དམ་བསྐང་། །མཚན་ནི་དབྱིངས་ཕྱུག་ཆེན་མོ་སྟེ། །ལག་ན་མི་ ― DNG022_Page_0671 ―
[མ་དཔེ་གཟིགས་ན་འདིར་གནོན།]
མགོ་ཐོད་པ་ཐོགས། །བསྐང་ངོ་བསྐལ་པའི་ཐུགས་དམ་བསྐང་། །མཚན་ནི་གཅིག་པུ་ཆེན་མོ་ལ། །ལག་ན་མི་ཡི་གཡང་གཞི་ཐོགས། །བསྐང་ངོ་བསྐལ་པའི་ཐུགས་དམ་བསྐང་། །ཐུགས་ཀྱི་དགྱེས་སྡེ་ཆེན་མོ་སྟེ། །གསང་བའི་མན་ངག་ཡང་བྱི་མོ། །སྒྲུབ་པ་པོ་ལ་རྟགས་ཕྱུང་ཞིག །རྟག་ཏུ་དབང་ཕྱུག་ཆེན་མོས་གྲོགས་མཛོད་ཅིག །སྲིད་པ་ཤར་གྱི་བདག་མོ་སྟེ། །དཀར་མོ་མིག་གཅིག་རལ་པ་ཅན། །ཤར་གྱི་དཀར་མོ་འབུམ་སྡེ་བཅས། །བསྐང་ངོ་བསྐལ་པའི་ཐུགས་དམ་བསྐང་། །སྲིད་པ་ལྷོ་ཡི་བདག་མོ་སྟེ། །ནག་མོ་ཆེན་མོ་མཆེ་བ་ཅན། །འཁོར་ནི་ནག་མོ་འབུམ་སྡེར་བཅས། །བསྐང་ངོ་བསྐལ་པའི་ཐུགས་དམ་བསྐང་། །སྲིད་པ་ནུབ་ཀྱི་བདག་མོ་སྟེ། །དམར་མོ་ཆེན་མོ་དབང་སྒྱུར་མ། །འཁོར་ནི་དམར་མོ་འབུམ་སྡེར་བཅས། །ཐུགས་དམ་གཉེན་པོ་བདག་བསྐང་གི། །བཅོལ་བའི་ཕྲིན་ལས་གྲུབ་པར་མཛོད། །སྲིད་པ་བྱང་གི་བདག་མོ་སྟེ། །སེར་མོ་ཆེན་མོ་ལས་ཀྱི་གཙོ། །བྱང་ཕྱོགས་སེར་མོ་འབུམ་སྡེར་བཅས། །ཐུགས་དམ་གཉན་པོ་བདག་བསྐང་གི། །བཅོལ་བའི་ལས་རྣམས་གྲུབ་པར་མཛོད། །དེ་ཡན་ཆད་ནི་མ་མོ་བཅུ་བཞིའི་སྐོང་ཐབས་སོ། །ད་ནི་ཁོལ་མོ་རྣམས་ཤ་ཁྲག་དང་ཨ་མྲྀ་ཏས་བསྐང་སྟེ། །སྲིད་པ་ཀུན་གྱི་ཁྱིམ་བདག་མོ། །ཧེ་རུ་ཀ་སྣིའི་ཐུགས་དམ་བསྐང་། །ཧར་ཏིང་དཀར་མོའི་ཐུགས་དམ་བསྐང་། །དུན་ཏིང་ནག་མོའི་ཐུགས་དམ་བསྐང་། །ཤན་ཏིང་དམར་མོའི་ཐུགས་དམ་བསྐང་། །གྲུབ་ཏིང་སེར་མོའི་ཐུགས་དམ་བསྐང་། །སྲིད་པ་གྲུ་འདེགས་ཆེན་མོ་ཡིས། །བཅོལ་བའི་ལས་རྣམས་གྲུབ་པར་མཛོད། །དམག་གི་རྒྱལ་མོ་ཆེན་མོ་བཞི། །དཀར་མོ་མཆེ་གཙིགས་ཆེན་མོ་དང་། །ནག་མོ་ཆེན་མོ་ཁ་བླན་མ། །དམར་མོ་ཆེན་མོ་མཆུ་འཇིབ་མ། །སེར་མོ་ཆེན་མོ་རྐང་ལྡག་མ། །རིགས་བཞི་དམག་དཔུང་འཁོར་གྱིས་བསྐོར། །ཐུགས་དམ་གཉན་པོ་བདག་གིས་བསྐང་། །བཅོལ་བའི་ལས་རྣམས་གྲུབ་པར་མཛོད། །ཨེ་ཀ་ཛཱ་ཊིའི་ཐུགས་ ― DNG022_Page_0672 ―
[མ་དཔེ་གཟིགས་ན་འདིར་གནོན།]
དམ་བསྐང་། །སྲིད་པའི་མ་བདུན་ཐུགས་དམ་གཉན་པོ་བདག་བསྐང་ངོ་། །མ་མོར་གྲགས་པ་ཀུན་གྱི་ཐུགས་དམ་གཉན་པོ་བདག་བསྐང་ངོ་། །དེ་ལྟར་ནང་གི་དམ་རྫས་དང་ལྡན་པར་བྱས་ལ། ཤེལ་སྨུག་པོའམ་མཁའ་ལྡིང་ལ་སོགས་པ་རྒྱུ་གང་བསྒྲལ་ཡང་རུང་། འབྱུང་བ་ཆེན་པོ་ལྔ་ཡིས་ཡེ་ཤེས་ཀྱི་མཁའ་འགྲོ་མ་ལྔ་དང་གཙོ་མོ་བསྐང་། ཤ་ཁྲག་དམར་དང་ཨ་མྲྀ་ཏས་འཁོར་གྱི་མ་མོ་ཐུགས་དམ་བསྐངས་ན། སྒྲུབ་པ་པོའི་ བསམ་པ་ཡིད་བཞིན་དུ་འགྲུབ་ཅེས་དཔལ་ཧེ་རུ་ཀས་བཤད་དོ། །མ་མོའི་ཐུགས་དམ་བསྐང་བའི་ལེའུ་སྟེ་ཉི་ཤུ་པའོ།། །།གདོན་འདུལ་ལྷ་ཡིས་ཡང་གསོལ་པ། །དབང་ཅན་མོ་རྣམས་བསྐང་བས་ཟློག་པ་དང་། །བསམ་པ་ཐམས་ཅད་འགྲུབ་པ་དེ་ལགས་ན། །དབང་ཅན་པོ་རྣམས་ཇི་ལྟར་བསྐང་། །དེ་སྐད་གསོལ་པས་བཀའ་སྩལ་པ། །དེ་ནས་ཕོ་རིགས་མཆོད་འདོད་ན། །སྟེགས་བུ་གོ་འཕང་མཐོ་དམན་དབྱེ། །ཆོ་ག་རྫས་ནི་འདི་དག་གོ། །འབྲུ་སྣ་བཅུ་གསུམ་དར་ཕྱེ་དང་། །རིན་ཆེན་སྣ་བརྒྱད་བརྡར་ནས་སུ། །རྒྱལ་པོ་ཆེན་པོའི་གཟུགས་སུ་བྱ། །དེ་ཡི་ལག་པ་གཡས་གཡོན་རིན་པོ་ཆེ། །གསལ་བྱེད་བརྒྱད་ཀྱང་དེ་བཞིན་ནོ། །འབྲུ་སྣ་དར་སྣ་ཚོམ་བུ་ལྡན། །ལུས་དང་ཡན་ལག་དེ་བཞིན་བརྒྱན། །བདུད་དང་དྲང་དཀར་ཆེན་པོ་དང་། །དེ་བ་ནོར་གྱི་བདག་པོ་དང་། །གཤིན་རྗེ་རུ་དྲའི་རྫས་ཡིན་ཏེ། །སྐྱེས་ཏོ་རེ་ཡང་དེ་བཞིན་ནོ། །འབྲུ་སྣ་གསང་ཕྱེ་དྲེ་བཞི་ལ། །མཁར་ཐབས་མདའ་ཡིས་རྣམ་པར་བརྒྱན། །སླེའུ་བཟང་དར་དཀར་མདའ་དགུ་ཡི་རྐྱེན་ཡང་ཡིས་བསྐྱོན། །དེ་བཞིན་ཤ་དང་རིན་ཆེན་ཆང་། །དཀར་གླུད་རྐྱེན་དང་བཅས་པ་ཡིན། །དཀར་པོ་ཆེ་ལ་དེ་བཞིན་ནོ། །དྲེ་གསུམ་གསང་ཕྱིའི་ཟླ་གམ་ལ། །ཟ་འོག་མདའ་ཡིས་རྣམ་པར་བརྒྱན། །ལེ་བརྒན་སླེའུ་བཟང་སེར་བཀྲའི་རྐྱེན། །དེ་བཞིན་ཤ་དང་རིན་ཆེན་ཆང་། །གསེར་གླུད་རྒྱན་དང་བཅས་པ་ཡིན། །བྱང་ཤར་མཚམས་སུ་ཡང་དེ་བཞིན་ནོ། །ནས་དང་ཉུང་དཀར་དོན་གྱིས་བརྒྱན། །སྲིད་པ་ཀུན་ལ་དེ་བཞིན་ ― DNG022_Page_0673 ―
[མ་དཔེ་གཟིགས་ན་འདིར་གནོན།]
ཏེ། །འབྱུང་པོ་རྣམས་ལ་དམེ་གཏོར་སྦྱིན། །དེ་སྐད་བགྱི་བ་གསོག་པ་ལ། །དེ་ཚེ་དེ་ལ་འདི་སྐད་བརྗོད། །དཔག་བསམ་ཤིང་གི་སྐེད་པ་ལ། །གསེར་མཁར་ནི་སེར་པོ་ལ། །གསེར་སྒོ་ནི་ཐིབས་སེ་ཐིབ། །གཡུ་ཡི་བད་ནི་སྔོན་པོས་བསྐོར། །དེ་ཡི་ནི་བདག་པོ་སྟེ། །སྐོས་རྗེ་ནི་དྲང་དཀར་ཞིག །སྐོས་མཁན་ནི་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །གླུད་མཁན་ནི་གླུད་ལ་གཤེགས། །གསེར་མཁར་ནི་རྩེ་དགུ་ནས། །རིན་ཆེན་ནི་སྟེགས་བུ་ལ། །ལྕགས་ཀྱི་ནི་སྒོ་ཁྱུད་ཅན། །དེ་ཡི་སྟེང་ནའོ། །སྲིད་པ་ནི་དྲང་དཀར་གྱི། །ཞིག་འཛིན་ནི་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །རིམ་པ་ནི་བཅུ་གསུམ་ལ། །རི་རབ་ནི་རིམ་པ་ལ། །གནམ་གྱི་ཡང་སྟེང་ཤེད་ན། །ལྕགས་མཁར་ནི་སྔོན་པོ་ལ། །གསེར་གྱི་ནི་བད་བསྐོར་ཞིང་། །ཟངས་ཀྱི་ནི་སྒོ་སྩལ་པ། །དེ་ཡི་ནི་བདག་པོ་བ། །དབང་ཕྱུག་ནི་ཆེན་པོ་ལ། །མ་ཧཱ་ནི་ཤྭ་ར་ཞིག །ཡ་བདུད་ནི་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །དེ་ཡི་ནི་གླིང་ཕྲ་ནན། །ཀ་ལི་ནི་ཡ་ར་ལ་ཤོད། །བདུད་པས་ནི་ཐབས་མཁས་ཏེ། །བདུད་པས་ནི་དྲག་ཤུལ་ཆེ། །འགྲོ་བ་ནི་ཀུན་གྱི་བདུད། །འགྲོ་བའི་ཚེ་དཔལ་འཕྲོག །སྐྱེས་བུ་ནི་སྐྱེས་ཏོ་རེ། །ཡ་བདུད་རྒྱལ་ཐེབས་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །ལྷོ་ཕྱོགས་ནི་གླིང་ཁམས་ན། །རུས་མཁར་ནི་གླིང་དགུ་ན། །དེ་ཡི་ནི་བདག་པོ་བ། །ཤི་བདུད་ཀྱི་ཁྲམ་འདེབས་པ། །གཤིན་རྗེ་ཡི་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །གླུད་མཁན་ནི་གླུད་ལ་གཤེགས། །འཛམ་གླིང་ནི་ནོར་གྱི་བདག །མ་ཧཱ་དེ་བ་ལྷ་ཆེན་པོ། །བཙུན་མོ་ཨུ་མ་འཁོར་དང་བཅས། །ནོར་ལྷ་ཆེན་པོ་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །གནམ་གྱི་ནི་ཡར་སྟེང་ན། །དུང་མཁར་དཀར་པོ་ལ། །གཡུ་ཡི་བད་བསྐོར་བ། །བསེ་ཡི་སྒོ་སྩལ་ཏེ། །དེ་ཡི་ནི་བདག་པོ་བ། །ཁྱབ་འཇུག་དུང་གི་ཐོར་ཚུགས་ཅན། །གནམ་ལྷ་དཀར་པོའི་མིང་ནས་ཕྱུང་། ། ― DNG022_Page_0674 ―
[མ་དཔེ་གཟིགས་ན་འདིར་གནོན།]
མདོས་མཁན་ནི་མདོས་ལ་གཤེགས། །བྱང་ཤར་ནི་མཚམས་ཤེད་ན། །བསེ་མཁར་ནི་ཁྲ་བོ་ལ། །དུང་གི་ནི་བད་བསྐོར་བ། །ལྕགས་ཀྱི་ནི་སྒོ་སྩལ་ཏེ། །དེ་ཡི་ནི་བདག་པོ་བ། །ཤར་ཕྱོགས་གནམ་ས་ཕྱེད་ཀྱི་བདག །ཚངས་ཐུར་ལུས་ལ་ཐོར་ཚུགས་མགོ། །བཙན་འགོང་རྒྱལ་པོའི་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །ཤར་ཕྱོགས་ནི་ཕ་གི་ན། །དུང་མཁར་ནི་མགོ་དགུ་ལ། །བསེ་ཡི་ནི་སྒོ་སྩལ་ཅན། །ཤར་ཕྱོགས་གནམ་ས་ཕྱེད་ཀྱི་བདག །ཚངས་ཐུར་ལུས་ལ་ཐོར་ཚུགས་མགོ། །ཤར་ཕྱོགས་རྒྱལ་པོའི་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །བསེ་བཙན་རོང་པོ་རྒྱ་མངས་རོལ། །བཙན་ནི་རྒྱལ་པོའི་མིང་ནས་ཕྱུང་། །མདོས་མཁན་ནི་མདོས་ལ་གཤེགས། །བཙན་ལ་སོགས་པ་དེ་བཞིན་ནོ། །ད་ནི་མ་ཧཱ་ཤན་ཏིང་གི་ཆོ་ག་བཤད་དེ། གསང་ཕྱེ་གཙང་མ་ཁལ་ཕྱེད་ལ། །ཇི་ལྟར་འདོད་པའི་གཟུགས་བྱས་ལ། །དཀོར་ཆ་སྤྱན་གཟིགས་ཡང་དག་ལྡན། །དེ་ནི་ཕྱི་རྒྱུད་ཤན་ཏིང་ངོ་། །དེ་ལ་འཇིག་རྟེན་ཤས་བསྐོར་ཏེ། །དམར་གཏོར་དམ་རྫས་ལྡན་པ་ནི། །ཤན་ཏིང་ནང་གི་ཆོ་གའོ། །གཉན་ས་དང་ནི་ས་དབེན་པར། །གྲུ་བཞི་སྤོས་ཆུས་མཎྜལ་ལ། །ཟས་ཀྱིས་སྟེགས་བུ་གང་བར་བྱ། །ལས་དང་ཕན་ཡོན་གོང་མ་བཞིན། །བསྔོས་ནས་དར་སྦྲ་བཤུས་ཏེ་བཞག །ཕྱི་རྒྱུད་མཐུན་ཏེ་དཀར་པོ་ཡིན། །གསང་བ་མཐུན་ཏེ་གཉིས་ཀ་འདྲ། །འདི་སྩལ་བསམ་པ་མ་འགྲུབ་ན། །འཇིག་རྟེན་དབང་ངམ་རལ་ཅན་གྱུར། །ལས་རྣམས་ཀུན་གྱི་བརྣག་པ་སྟེ། །ཆོ་ག་ལུང་ཆེན་རྫོགས་པ་འདི། །ངས་གསུངས་པ་ལ་ཐེ་ཚོམ་མེད། །དེ་སྐད་ཅེས་ནི་བཀའ་སྩལ་ནས། །འཇིག་རྟེན་དབང་ཅན་མངོན་པར་དགའ། །ལྷ་རྣམས་ཀུན་ཡང་མཐུ་སྐྱེས་ནས། །སེམས་ཅན་ཀུན་ལ་ཕན་པ་བསྒྲུབས། །དམ་ཚིག་མཐའ་ནི་དེ་བཞིན་གནས། །ཕོ་མདོས་རྣམས་ཀྱི་ལེའུ་སྟེ་ཉི་ཤུ་གཅིག་པའོ།། །།གནོད་འདུལ་ལྷ་ཡིས་ཡང་གསོལ་པ། །འགུགས་དང་འདྲེན་པའི་ལས་རྣམས་ ― DNG022_Page_0675 ―
[མ་དཔེ་གཟིགས་ན་འདིར་གནོན།]
ནི། །ཕོ་ཉའི་ལས་རྣམས་བདག་ཉན་འཚལ། །རྫོགས་སངས་རྒྱས་ཀྱིས་བཀའ་སྩལ་པ། །ཉོན་ཅིག་གཡུང་དྲུང་ཡང་དག་པ། །སྲིད་གསུམ་འདུལ་བའི་ཕོ་ཉ་ནི། །བདག་ཉིད་མན་ངག་ལྡན་བྱས་ཏེ། །སེམས་ཀྱི་དཀྱིལ་ནས་བསྐུལ་བ་ནི། །ཧཱུཾ་དཔལ་གྱི་ཕོ་ཉ་བཀའ་སྡོད་མ། །ཁྱུང་གི་ཁྲ་ཆེན་ལྡིངས་པ་ལ། །ལྕགས་ཀྱི་མི་མོ་ཁྱུང་མགོ་ཅན། །མགོ་གསུམ་མ་ལ་ལག་དྲུག་མ། །གཡས་ན་རྡོ་རྗེ་ཁ་ཊྭཱཾ་ག །བར་མ་སྤུ་གྲིས་སྲིད་གསུལ་སྒྲོལ། །ཐ་མ་དྲིལ་ཞགས་མུ་སྟེགས་འཆིང་། །གཡོན་པ་བྷནྡྷ་རཀྟས་བཀང་། །བར་མ་འཁོར་ལོ་བསྐལ་པའི་མེ། །ཐ་མ་ལྕགས་ཀྱུ་འཕྲོ་འདུ་ཅན། །གནས་ནི་དུར་ཁྲོད་དཀྱིལ་ན་གནས། །བསྐུངས་ནི་ཐུགས་ཀྱི་དཀྱིལ་དུ་བསྐུངས། །བཏོན་ནི་ལྗགས་ཀྱི་རྩེ་ལ་བཏོན། །འགྱེད་ནི་དམ་ཉམས་དགྲ་ལ་འགྱེད། །དབང་ནི་སྲིད་པ་གསུམ་ལ་བྱེད། །ཟ་ནི་སྐྱེ་འགྲོ་ཡོངས་ལ་ཟ། །ཉུལ་ནི་གླིང་བཞི་ཁྱབ་པར་ཉུལ། །བང་ནི་ངེས་པར་གློག་བས་མགྱོགས། །རྦོད་ནི་དངོས་པོ་གཅིག་ལ་རྦོད། །ཀྱལ་ཀ་ཆེན་པོས་བདུད་དཔུང་འཇོམས། །ཚམ་རྔམས་ཆེན་པོས་བགེགས་རིགས་སྒྲོལ། །ང་རྒྱལ་ཆེན་པོས་མུ་སྟེགས་འདུལ། །རྫུ་འཕྲུལ་ཆེན་པོས་རི་རབ་བསྙིལ། །ཁྱེད་ནི་སྲིད་གསུམ་སྒྲོལ་བྱེད་པས། །ཆེད་འགའ་དྲག་ཤུལ་བསྐུལ་བའི་ཚེ། །གང་ལ་བྱ་བ་འགྲུབ་པར་བྱོས། །དེ་ཡི་བཀའ་སྡོད་ཕོ་ཉ་མ། །དཀར་མོ་ཉི་མའི་ཐོད་ཕྲེང་ཅན། །ཕྱག་དྲུག་ཟུར་གསུམ་མིག་གཅིག་མ། །དྲིལ་བུ་དབུ་གསུམ་བྱུང་བ་ནི། །མགོ་ལ་ཚིལ་གྱི་ཡི་བཞུ་ཅན། །མཚན་ནི་སྤྲིན་དཀར་གོ་ཅོག་ཅན། །ཕྱག་གཉིས་པདྨ་སྟོང་བཟུང་ཞིང་། །མཚན་ནི་འཇིག་རྟེན་ཀུན་འདུལ་མ། །གཡས་ན་ཞིང་གི་རྒྱུ་ཞགས་འཕེན། །བདུད་དང་མུ་སྟེགས་འཆིང་བྱེད་མ། །མཚན་ནི་དབྱིངས་ཕྱུག་ཆེན་མོ་མ། །གཡོན་གྱི་དང་པོར་བསྣམས་པ་ནི། །མི་མགོ་རློན་པའི་ཕོར་པ་རུ། །མི་ཁྲག་རློན་པ་ནང་སྩལ་ཞིང་། །བདུད་རྩི་བཅུད་དང་བསྲེས་ནས་འཐོར། །དྲོངས་ཤིག་དགྲ་བགེགས་རྡུལ་དུ་རློག །མཚན་ནི་བདུད་རྩི་ལོངས་སྤྱོད་མ། །གཡས་ཀྱི་ཕྱག་ན་བསྣམས་པ་ནི། །མི་ཡི་རུས་ ― DNG022_Page_0676 ―
[མ་དཔེ་གཟིགས་ན་འདིར་གནོན།]
པའི་ཕུར་བུ་འདྲིལ། །དགྲ་བགེགས་མནན་པའི་ལས་མཛད་མ། །མཚན་ནི་རྡོ་རྗེ་གསང་བའི་མཆོག་ཕུར་ཅན། །གཡོན་གྱི་ཕྱག་ན་བསྣམས་པ་ནི། །ཟངས་དང་ལྕགས་ཀྱི་དྲིལ་ཞགས་ལ། །མི་སྙིང་བརྒྱུས་པའི་ཞགས་པ་འཕེན། །སྲིད་པ་གསུམ་ཆར་འཆིང་བར་མཛད། །མཚན་ནི་གསེར་གྱི་དྲིལ་ཞགས་ལ། །སྤྲུལ་པའི་འཕྲོ་འདུ་མང་པོ་ཅན། །གཡས་གཡོན་གྲོལ་བའི་གཡབ་མོ་ཡིས། །ཁམས་གསུམ་རྡུལ་དུ་བརླགས་མཛད་མ། །མཚན་ནི་གཡང་གཞི་རུ་མཚོན་ཅན། །ན་བཟའ་མི་ལྤགས་རློན་པ་ལ། །སྟོང་ཁམས་ཐམས་ཅད་འཆིང་མཛད་མ། །དགྲ་བགེགས་ཐམས་ཅད་རྡུལ་དུ་རློག །མཚན་ནི་ཞིང་གི་ན་བཟའ་ཅན། །ཁ་ནས་མི་ཁྲག་རློན་པ་འཐོར། །སྟོང་ཁམས་ཐམས་ཅད་སྲེག་མཛད་མ། །མཚན་ནི་ཁ་ནས་མེ་འབར་མ། །སྐུ་ལ་མི་མགོ་སེ་རལ་ཁ། །སྐྱེ་འགྲོ་ཐམས་ཅད་སྐྱོང་མཛད་མ། །མཚན་ནི་མེ་ཏོག་ཆུན་འཕྱངས་ཅན། །འབར་གཏུམ་ཆེན་མོ་ཁྲོ་མོའི་ཚུལ། །ཁྲོ་རྒྱལ་ཆེན་པོ་གཤིན་རྗེའི་གཤེད། །བཀའ་ཡི་ཕོ་ཉ་མགྱོགས་མའི་ཚོགས། །ང་རྒྱལ་ཅན་རྣམས་དབང་དུ་སྡུད། །གང་ལ་བྱ་བ་རྡུལ་དུ་རློག །འདི་གཉིས་ཕོ་ཉའི་གཙོ་མོ་སྟེ། །བཅོལ་བའི་ལས་རྣམས་འགྲུབ་པར་མཛོད། །མཚན་ནི་མེ་འབར་ཆེན་མོ་ལ། །ལག་ན་མེ་ཡི་དཀྱིལ་འཁོར་ཐོགས། །དགྲ་བགེགས་མ་ལུས་སྲེག་པར་མཛད། །ཐར་པའི་དུས་མེད་འོ་དོད་འབོད། །སླན་ཆད་སྡོམ་ཞེས་སྨྲ་བ་དེས། །མ་བཏང་མྱུར་དུ་ལ་མོར་ཁུག །ཕོ་ཉ་ཆེན་མོ་དྲུག་ཅུའི་གཙོ། །ཨེ་ཀ་ཛཱ་ཊི་རལ་གཅིག་མ། །རལ་པའི་ཟར་བུས་སྲིད་གསུམ་སྡུད། །ཟ་འོག་ཞབས་མའི་དབུ་རྒྱན་ཅན། །གནམ་ལ་བསྐོར་བས་བདུད་དཔུང་རླག་མཛད་མ། །ས་ལ་བརྡབས་པས་དམ་སྲི་འབྱུང་པོའི་བརླ་གཅོག་མ། །བསྒྲུབ་པའི་དགྲ་བགེགས་མ་ལུས་ཐུལ། །མཚན་ནི་ཁྱིམ་བདག་ཆེན་མོ་ལ། །ཆིབས་སུ་རླུང་འཚུབ་མདུར་གྱིས་བསྐྱོད། །དྲོངས་ཤིག་ཁུག་ཅིག་ཨངྐུ་ཤ །བསྒྲུབ་པའི་བར་ཆད་བྱེད་པ་དང་། །དངོས་གྲུབ་བར་ཆོད་བྱེད་པ་དང་། །སྒྲུབ་པ་པོ་ཡི་མཐུ་འཕྲོག་རྣམས། །དྲོངས་ ― DNG022_Page_0677 ―
[མ་དཔེ་གཟིགས་ན་འདིར་གནོན།]
ཤིག་ཁུག་ཅིག་ཨངྐུ་ཤ །སྒྲོལ་བདག་ཆེན་མོ་ད་ཚུར་སྤྱོན། །མཐུ་ཆེན་དམ་ཅན་ད་ཚུར་སྤྱོན། །ངས་གསུངས་པ་ལ་ཐེ་ཚོམ་མེད། །ཅེས་ལས་ལ་བསྐུལ་བར་བྱའོ། །ཕོ་ཉ་ཆེན་མོའི་ལེའུ་སྟེ་ཉི་ཤུ་གཉིས་པའོ།། །།གདོན་འདུལ་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་དང་། །ལུ་གུ་རྒྱུད་ལ་འགལ་བྱེད་ཅིང་། །སེམས་ཅན་ཀུན་ལ་གནོད་བགྱིད་དང་། །རྟག་ཏུ་གདུག་སེམས་གྱུར་པ་ལ། །ནན་ཏུར་ལས་རྣམས་ཇི་ལྟར་འཚལ། །དེ་སྐད་གསོལ་པ་གསན་ནས་ཀྱང་། །ངོ་མཚར་ལྷ་ཡིས་བཀའ་སྩལ་པ། །རྟག་ཏུ་གདུག་པའི་སེམས་གྱུར་པས། །སེམས་ཅན་ཀུན་ལ་གནོད་པ་ལ། །ནན་ཏུར་ལས་རྣམས་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །འདི་ཡི་ཕུར་པའི་དཀྱིལ་འཁོར་ནི། །ཇི་ལྟར་ཡིད་འཐད་གནས་སུ་ནི། །དཀྱིལ་འཁོར་ཚད་དང་ལྡན་པ་ལ། །དབང་གི་དཀྱིལ་འཁོར་ཁ་སྤྲད་ལ། །དབུས་སུ་ཀུན་ཏུ་བཟང་མོའི་མཁའ། །མཛུབ་གསུམ་པ་ལ་དྲག་པོར་བྲི། །ཟེ་བ་སོར་བཞི་ཆ་སྙོམས་ལ། །དགུག་དང་སྤོར་འཕང་སྔགས་ཀྱིས་འགེངས། །དབང་གི་དཀྱིལ་འཁོར་ཁ་རན་ལ། །མནན་དང་འཕང་བའི་སྔགས་ཀྱིས་བསྐོར། །དེ་ནས་ཁ་རན་གྲུ་བཞི་ལ། །སོར་ལྔ་པ་ཡི་ཚད་དུ་བྱ། །རྡོ་རྗེ་པདྨ་སྦྲེལ་མར་བྲིས། །དེ་ནས་མཎྜལ་རྒྱས་པ་ལ། །འོད་ཕུང་ཐོད་པའི་ཕྲེང་བས་བརྒྱན། །སྒོ་བཞི་མཁའ་བཞིས་བརྒྱན་པར་བསམ། །དེ་ནས་རྫས་ཀྱི་ངོ་བོ་ཡང་། །རྒྱུ་ཡི་གཙོ་བོར་དགུ་གསོགས་ཏེ། །གྲུབ་པའི་རྣལ་འབྱོར་དགུ་རྦད་པ། །གཉིས་ལ་ཆགས་འཛིན་སྤུན་གཉིས་བྲི། །བདུན་ལ་མ་བདུན་སྔགས་བྲིས་ཏེ། །དྲག་པོ་ཁ་རན་འཁོར་བར་བཞག །དབང་དང་དྲག་པོར་ལྡན་པ་ཡི། །ལྕགས་ཟངས་ཤིང་ནི་གང་ཡང་རུང་། །དབང་དྲག་ཕུར་པ་དགུ་པོ་ལ། །མགོ་ལ་མཁའ་འགྲོ་ལྔ་ལྔ་བསམ། །ངོས་ལ་རྣལ་འབྱོར་བཅུ་བཞི་བསྒོམ། །སྐེད་པར་ཆགས་འཛིན་ལ་སོགས་བསམ། །རྩེ་མོར་ཕཊ་སོགས་མ་བདུན་ཀྱར་བསམ་ནས་སུ། །དམིགས་པའི་དངོས་པོ་གང་ཡང་རུང་། །དཀར་ནག་དཀྱིལ་དུ་བརྒྱབ་ནས་སུ། །དགེ་སྡིག་ལས་ཀྱི་མཚམས་ཕྱེ་ནས། །དྭངས་མའི་དངོས་པོ་ཐམས་ཅད་ཀུན། །རྔུབས་ ― DNG022_Page_0678 ―
[མ་དཔེ་གཟིགས་ན་འདིར་གནོན།]
ནས་མ་མོས་ཟོས་པར་བསམ། །དེ་ལྟར་བརྒྱབ་ན་ལྷ་ཡང་འཆི། །དངོས་པོར་བདག་ཉིད་བསྒོམ་བྱ་བ། །ཕྲ་མེན་རྒྱ་མཚོ་ཉིད་ཀྱི་སྐུ། །དབང་དྲག་སྐུ་མདོག་ཆེན་མོ་ལ། །དབུ་གཅིག་ཞལ་ལྔ་འཇིགས་པའི་སྐུ། །དབུ་ལ་མཁའ་འགྲོ་ལྔ་བསྒོམས་ཤིང་། །མཆེ་བ་ཅན་ལ་གཙིགས་ཤིང་བཞད། །མ་མོ་ཐམས་ཅད་དབྱིངས་ནས་འགྱེད། །ཕྱག་ན་དབང་དྲག་ཕུར་བུ་འཕེན། །འདྲེན་དང་མནན་དང་སྦར་བ་ཡི། །སྔགས་རྣམས་རབ་ཏུ་བཟླས་ནས་སུ། །རྣལ་འབྱོར་མ་རྣམས་རྦད་ནས་ནི། །ཕོ་ཉ་བསྐུལ་བར་བྱས་ནས་སུ། །གང་ལ་བྱ་བའི་དངོས་པོ་དེ། །དབང་དྲག་དཀྱིལ་དུ་བཟུང་ནས་སུ། །དཀར་ནག་དཀྱིལ་དུ་བརྒྱབ་ནས་སུ། །རྣམ་ཤེས་དབྱིངས་སུ་བསྡུས་པ་དང་། །དགེ་སྡིག་ལས་རྣམས་སྦྱངས་ནས་སུ། །ལྷུ་གཟུགས་ཕྲལ་ཏེ་ཟོས་བསམ་ན། །རྡོ་རྗེའི་བྲག་ཀྱང་འཇིག་པར་འགྱུར། །ངས་གསུངས་པ་ལ་ཐེ་ཚོམ་མེད། །ཅེས་བཀའ་སྩལ་པ་དང་། དེ་ནས་རིགས་ལྔའི་སངས་རྒྱས་འཁོར་དེ་ན་གནས་པ། རྡོ་རྗེ་སེམས་དཔའ་སྟན་ལས་ལངས་ཏེ། གར་གྱི་བརྡའ་ཕྱག་འཚལ་ནས། འདི་སྐད་གསོལ་ཏོ། །དབང་དྲག་དཀྱིལ་འཁོར་བྱིན་རླབས་དང་། །དབང་དྲག་ཕུར་པའི་ཆོ་འཕྲུལ་དང་། །འདྲེན་མནན་སྤར་འཕང་སྔགས་ཀྱི་མཐུ། །མགོན་པོ་ཆེན་པོས་བསྟན་དུ་གསོལ། །དེ་སྐད་རྡོ་རྗེ་སེམས་དཔས་གསོལ་པ་གསན་ནས། ཅང་མི་གསུང་བར་དབང་དྲག་གི་ཏིང་ངེ་འཛིན་ལ་ཞུགས་སོ། །ཏིང་ངེ་འཛིན་ལ་ཞུགས་པ་ལས། བཛྲ་བྷནྡྷ་ཛྭ་ལ་མཎྜལ་བྷ་ག་རུ་ཏྲ། བྷ་ག་ཏྲ་ཐ། དྲ་དྲོ་སྟྭཾ་བཾ་ཀཱི་ལ་ཡ། ཛཿཧཱུཾ་ནན། སྥ་ར་ཎ་ཡ། ཙིཏྟ་སུ་ཁ་ཧཱུཾ། ཞེས་གསུངས་པ་དང་། ཁམས་གསུམ་ཐམས་ཅད་མཁའ་གྲུ་གསུམ་གདེངས་པའི་དཀྱིལ་འཁོར། གཏིང་དཔག་མེད་པའི་གཞལ་ཡས་ཁང་། དབང་དྲག་གི་དཀྱིལ་འཁོར་དུ་གྱུར་ནས། དབང་དྲག་གི་ཕུར་པ་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་བརྒྱབ་པས། སྟེང་ན་ཆར་དུ་བབ་སྟེ། དབང་དྲག་གདེངས་པའི་གཏིང་ཁུང་དུ། རྡོ་རྗེ་སེམས་དཔའ་ལ་སོགས་ཏེ། རིགས་ལྔ་དང་ལྷ་གདོན་འདུལ་ཁ་བུབ་ཏུ་བརྒྱལ། དབང་དྲག་གི་དཀྱིལ་འཁོར་གདེངས་ཀར་ ― DNG022_Page_0679 ―
[མ་དཔེ་གཟིགས་ན་འདིར་གནོན།]
སྲིད་པའི་མ་མོ་དབང་ཅན་གྱི་ཚོགས་གན་རྐྱལ་དུ་བསྒྱེལ་ཏེ། སྙིང་དཀར་ནག་གི་མཚམས་སུ་ཕུར་བུ་ཕོག་སྟེ། དགེ་སྡིག་གི་ཤན་ཐང་ཕྱེ་ནས། བྱང་ཆུབ་ཀྱི་སེམས་སུ་བྱིན་གྱིས་བརླབས་སོ། །དེ་ལྟར་ཐམས་ཅད་བརྒྱལ་སངས་པ་དང་། འདི་སྐད་ཅེས་གླུ་བླངས་སོ། །དབང་དྲག་དཀྱིལ་འཁོར་ཡུམ་གྱི་མཁའ། །ནམ་མཁའི་དཀྱིལ་འཁོར་བདེ་གཤེགས་གནས། །གཏིང་དཔག་མེད་པའི་གཞལ་ཡས་སུ། །དབྱིངས་ནས་དབང་དྲག་ཕུར་བུ་ཡིས། །རྡོ་རྗེ་སེམས་དཔའ་ལ་སོགས་ཀུན། །རང་རྒྱུད་སྙིང་ལས་དྲངས་ནས་སུ། །དབང་དྲག་མཁའ་ལ་བཞག་ནས་ཀྱང་། །སླན་ཆད་གསང་བའི་དབྱིངས་སུ་སྦྱོར། །གུ་ཧྱ་བྷ་ག་ས་མ་ཡ་སྟྭཾ་ལཾ་ལཾ་མ་ཧཱ་ཙིཏྟ་ཧོ། །ཞེས་གསུངས་པས། བརྒྱལ་བ་ཐམས་ཅད་སླར་དྲན་པ་རྙེད་ནས། དབང་དྲག་གི་དཀྱིལ་འཁོར་ན་འདར་ཡེད་ཡེད་འདུག་པ་ཚོར་རོ། །དེ་ནས་རྡོ་རྗེ་སེམས་དཔའ་ལ་སོགས་པས། དཀྱིལ་འཁོར་ཆེན་པོ་ཨ་ལ་ལ། །དབང་དྲག་དཀྱིལ་འཁོར་བདེ་བའི་མཆོག །གསང་སྔགས་ཆེན་པོ་ཨ་ལ་ལ། །འདྲེན་གནོན་སྦར་འཕང་ཆོ་འཕྲུལ་ཆེ། །མཚོན་ཆ་ཆེན་པོ་ཨ་ལ་ལ། །དབང་དྲག་ཕུར་བུ་དགེ་སྡིག་སྦྱོང་། །ཁྲག་འཐུང་ཆེན་པོ་ཨ་ལ་ལ། །བླ་མེད་ཁྲག་འཐུང་རྗེ་བཙན་མཆོག །མཁའ་འགྲོ་ཆེན་པོ་ཨ་ལ་ལ། །ཡེ་ཤེས་མཁའ་འགྲོ་སྤྲུལ་པའི་མཆོག །ཅེས་སྨྲས་སོ། །རྡོ་རྗེ་སེམས་དཔས་ཡང་གསོལ་པ། རྫུ་འཕྲུལ་ཐམས་ཅད་ཀྱི་མཆོག །མུ་སྟེགས་ཐམས་ཅད་ཀྱི་གཉེན་པོ་བདག་ཉིད་ལགས་ཏེ། བདག་གི་མིང་ཡང་རྡོ་རྗེ་སེམས་དཔར་བཏགས་པ་ལགས་ན། འདིར་བླ་མེད་བཅོམ་ལྡན་འདས་ཀྱི་སྤྱན་སྔར་དབང་དྲག་གི་དཀྱིལ་འཁོར་ཆེན་པོའི་ཆོ་འཕྲུལ་གྱིས་བདག་ཀྱང་བརྒྱལ་ན། མི་མཐུན་པ་གཞན་ལྟ་སྨོས་ཀྱང་ཅི་འཚལ། དབང་དྲག་དཀྱིལ་འཁོར་ཆེན་པོ་འདི། །དུས་གསུམ་མི་འགྱུར་བའི་བདག་ཉིད། །གསང་བ་མཆོག་ཀྱང་དེ་བཞིན་འཛིན། །ཞེས་གསོལ་ཏོ། །དེ་ནས་དབང་དྲག་གི་དཀྱིལ་འཁོར་ཆེན་པོའི་ཆོ་འཕྲུལ་གྱིས་མུ་སྟེགས་ཀཱ་ལ་ཆེན་པོ་ཡང་གཏན་དུ་ནོན་པར་གྱུར་ཏོ། །རྣལ་འབྱོར་གྱི་དགྲ་བགེགས་མནན་པའི་ལེའུ་སྟེ་ཉེར་གསུམ་པའོ།། །། ― DNG022_Page_0680 ―
[མ་དཔེ་གཟིགས་ན་འདིར་གནོན།]
དེ་ནས་སྦྱིན་བསྲེག་བྱ་སྟེ། ཤར་ལྷོ་མཚམས་སུ་ཐབ་ཁུང་བཅས་ལ་གདུག་པའི་ཤིང་ལ་མེ་སྦར་ལ། དཀྱིལ་འཁོར་གྱི་ལྷ་ཐམས་ཅད་དམ། ཡང་ན་ལྷ་གཅིག་གམ་གཉིས་ལ་བསྲེག་རྫས་དབུལ་ཏེ། སྦྱིན་བསྲེག་ལན་གྲངས་མང་བར་བྱ་སྟེ། ཐབ་དང་རྫས་ལ་སོགས་པ་ནི། སྦྱིན་བསྲེག་གི་ཆོ་ག་མན་ངག་ལས་ཤེས་སོ། །ལས་མ་གྲུབ་ན་ལན་གསུམ་བར་དུ་བསྐྱར་ལ་བྱའོ། །ནད་གཅད་པ་དང་། ཆར་དབབ་པ་དང་། བསམ་རྫོགས་བདེ་བ་དང་། ཁྲག་སྐེམ་མན་ངག་ལ་སོགས་པའི་ལས་ཕྲ་མོའི་འཕྱོང་ཐམས་ཅད་གདགས་པར་བྱའོ། །ལས་འདི་དག་ནི་གང་ལ་སྦྱར་ན་འགྲུབ་པ། ཊྟྲྀ། གདོན་འདུལ་ལྷ་ཡིས་ཡང་གསོལ་པ། །མ་མོ་སྤྱི་བསྐུལ་ཇི་ལྟར་འཚལ། །ཡང་དག་རྫོགས་ཀྱིས་བཀའ་སྩལ་པ། །མ་མོ་སྤྱི་བསྐུལ་འདི་ལྟར་བསྐུལ། །ཧཱུཾ་བསམ་འཕེལ་ནོར་བུ་རིན་པོ་ཆེ། །མ་བཞག་ད་ནི་འདོད་དགུར་སྤེལ། །ནང་གི་རིན་ཆེན་སྣ་ལྔ་ལ། །སྤྱི་ཡི་བེའུ་ལུག་རྐང་འགྲོས་ལ། །མཆོད་རྫས་འབྲུ་ལ་ལོ་ཏོག་རྒྱས་པར་སྤེལ། །ཐང་གཅིག་ཡུད་ཙམ་འདུས་ཚོགས་གཅིག །ཉི་ཟེར་འོད་ཆགས་འཕྲུལ་མོ་ཆེ། །མཉམ་ཉིད་བསྐུལ་བ་ཅི་སྟེ་བཞག །མ་གཡེལ་མ་གཡེལ་མ་ཡི་ཚོགས། །གོང་གསུམ་ལྕུག་ཕྲན་རླུང་གིས་བསྐྱོད་པ་བཞིན། །གུམ་གུམ་ཆུམ་ཆུམ་ལས་ལ་འདུས། །ཡུན་རིངས་དུས་ནས་བརྟེན་པའི་ལྷ། །རྟག་ཏུ་མིང་དང་མཁན་ལས་བོད་ཅི་འཚལ། །མ་འདའ་མ་འདའ་དམ་མ་འདའ། །མ་འཕང་མ་འཕང་ལྷ་མ་འཕང་། །ཁྱུང་ཆེན་སྐུ་ལ་གཤོག་རྫོགས་མ། །ཁཾ་ཁཾ་ཚིག་ཚིག་གློག་རེ་འགྱུ། །མེ་སྟག་འབར་བའི་འཕྲོ་འདུ་ཅན། །བོས་ཤིང་དེ་ནི་སྙན་མ་སྲ། །བསྙེན་ཅིང་དེ་ནི་གོང་མ་གཡེལ། །འདྲིས་ཤིང་དེ་ནི་མཐུ་མ་ཆུང་། །གཟུངས་མར་བགྱིས་ན་བརྩེ་མ་ཆུང་། །འགྲོགས་ཤིང་དེ་ནི་གཞུང་མ་ངན། །ལྷ་མ་བདུད་ལྟར་གྲགས་མ་དང་། །རྗེ་མོར་བགྱིའོ་རྗེ་མ་ངན། །ཇོ་མོར་བགྱིའོ་དབང་མ་རློམ། །མ་རུ་བགྱི་འོ་ཚ་མ་དྲག །སྲིང་མོར་བགྱི་ན་གདུང་མ་ཆུང་། །དགྲ་བླར་བགྱིས་ན་མཐུ་མ་ཆུང་། །གཟུངས་མར་བགྱིས་ན་བརྩེ་ ― DNG022_Page_0681 ―
[མ་དཔེ་གཟིགས་ན་འདིར་གནོན།]
མ་ཆུང་། །མཛའ་མོར་བགྱིས་ན་རྗེད་མ་ངན། །གྲོགས་མོར་བགྱིས་ན་གཞུང་མ་ངན། །བྲན་མོར་བགྱིས་ན་ཡེངས་མ་ངན། །ཁོལ་མོར་བགྱིས་ན་སྙིང་མ་རིང་། །བདག་ཅག་སེམས་ཅན་ལས་ཀྱིས་མནར་བ་ལས། །རེ་ལྟོས་དཔུང་གཉེན་ཁྱེད་ལས་མི་བཞུགས་ན། །ཁྱེད་ལ་ཐུགས་རྗེ་མི་མངའ་འམ། །བདག་ལ་གཡར་དམ་མ་མཆིས་སམ། །ཕྱོགས་བཅུའི་འཇིག་རྟེན་འདས་པ་ན། །རྣལ་འབྱོར་རྗེས་སུ་གསོབ་པ་མང་མོད་ཀྱང་། །རྩེ་གཅིག་སྒྲུབ་པའི་མིང་པོ་བདག་ཙམ་དཀོན། །མ་གཡེལ་མ་གཡེལ་སྲུང་མའི་ཚོགས། །གཡེལ་གྱིས་དོགས་ནས་རྫས་ལ་བརྟེན། །འདས་ཀྱིས་དོགས་ནས་འཛབ་ལ་འདྲེན། །ཇི་ལྟར་དུར་ཁྲོད་གཉན་པོ་རུ། །དམར་གྱི་ཨརྒྷ་རྒྱ་མཚོར་བསྐྱིལ། །ཙིཏྟ་མང་པོ་རྫ་ལྟར་ལྷག །མཱཾ་ས་ཤ་ཆེན་ཕུང་པོར་སྤུངས། །ཇི་ལྟར་གསང་ཆེན་གཉན་པོ་རུ། །རྫས་ཀྱི་མཆོད་པ་གཉན་བཀྲམ་ཞིང་། །དམ་ཅན་དམ་ལ་གསོལ་བ་ཡིས། །དེ་ཚེ་ཁས་བླངས་དམ་བཅས་བཞིན། །བཅོལ་བའི་ལས་རྣམས་གྲུབ་པར་མཛོད། །བུ་མེད་བུ་ལྟར་ངང་མ་ཐུང་། །དྭ་ཕྲུག་བུ་ལྟར་ཤེད་མ་ཆུང་། །དུས་ལ་བབ་པོ་ས་མ་ཡ། །ས་མ་ཡ་བྷྱོ་བྷྱོ་བྷྱོ། མ་མོ་སྤྱི་བསྐུལ་གྱི་ལེའུ་སྟེ་ཉེར་བཞི་པའོ།། །།གཡུང་དྲུང་ལྷ་ཡིས་ཡང་གསོལ་པ། །མ་མོ་གསང་ཆེན་དཀྱིལ་འཁོར་ལས། །སྒྲུབ་པའི་རྩལ་གྱི་དབང་བསྐུར་བ། །བདག་གིས་ནན་ཏན་ཇི་ལྟར་བསྐྱེད། །རྫོགས་སངས་རྒྱས་ལ་བདག་ཉན་འཚལ། །ཉོན་ཅིག་གཡུང་དྲུང་ཡང་དག་པ། །སྒྲུབ་པའི་ལས་ཀྱི་དབང་རྣམས་ནི། །ངས་གསུངས་པ་ལ་ནན་ཏན་སྐྱེད། །ཅེས་བཀའ་སྩལ་པ་དང་། གཡུང་དྲུང་ལྷ་ཡིས་ཡང་གསོལ་པ། །ཕྱི་དབང་ཆེན་པོ་བདག་ལ་སྩོལ། །ནང་དབང་ཆེན་པོ་བདག་ལ་སྩོལ། །གསང་དབང་ཆེན་པོ་བདག་ལ་སྩོལ། །དེ་སྐད་ཞུས་པ་གསན་ནས་ཀྱང་། །རྫོགས་སངས་རྒྱས་ཀྱིས་བཀའ་སྩལ་པ། །ཕྱི་ནང་གསང་བའི་དབང་རྣམས་ནི། །ང་ཡི་ཐུགས་ཀྱི་རྒྱུད་ལ་གནས། །ང་ཡི་ཐུགས་ཀྱི་གསང་རྒྱུད་འདི། །དེང་ནས་བཟུང་སྟེ་ཁྱེད་ལ་གཏད། །ཁྱེད་ཀྱི་སེམས་ལ་བརྣག་པར་གྱིས། །ལྕང་ལོར་ལྡན་པའི་ ― DNG022_Page_0682 ―
[མ་དཔེ་གཟིགས་ན་འདིར་གནོན།]
བྷནྡྷ་འདི། །ང་ཡི་ལག་ཏུ་བཟུང་ནས་ནི། །སྣོད་ལྡན་ཁྱོད་ལ་དབང་བསྐུར་རོ། །བྷནྡྷ་མཛེས་པའི་དཀྱིལ་འཁོར་དུ། །བདེ་ཆེན་གསང་བའི་དབང་བསྐུར་བ། །ལྟག་སྤྲོད་ཟུར་གསུམ་བདེ་ཆེན་འདི། །མ་མོ་ཐམས་ཅད་བསྒྲུབ་བྱའི་ཕྱིར། །བདུད་རྣམས་ཟིལ་གྱིས་མནན་པ་དང་། །རྐྱེན་གདུག་དབང་དུ་བསྡུ་བའི་ཕྱིར། །སྒྲོལ་བྱེད་ཆེན་མོའི་དབང་ཐོབ་ཤོག །དུང་ཆེན་དག་གིས་དབང་བསྐུར་བས། །སྣང་སྲིད་ཐམས་ཅད་བསྒྲགས་པ་དང་། །དེང་ནི་ཡོན་བདག་བུ་ཁྱེད་ཀྱང་། །ཆོས་ཀྱི་དབྱིངས་ཀྱི་སྒྲ་སྒྲོགས་ཤོག །མ་མོ་སྒྲུབ་པའི་དབང་ཐོབ་ཤོག །ཞིང་ཆེན་དག་གིས་དབང་བསྐུར་བས། །ཞིང་གི་ཁྱད་པར་འདྲེལ་བ་བཞག །བདུད་བཞི་གཡབས་ཀྱིས་བོར་ནས་ནི། །ཧཱུཾ་གི་མེ་ཆེན་འབར་བ་ཡིས། །བདུད་བགེགས་ཞི་བར་བསྲེག་པ་བཞིན། །འབར་བྱེད་ཆེན་མོའི་དབང་ཐོབ་ཤོག །རྔ་ཆེན་དག་གིས་དབང་བསྐུར་བས། །རྔ་ནི་གསང་བ་ཡུམ་གྱི་ངང་། །ཤེས་རབ་ཐབས་ཀྱི་སྒྲ་སྒྲོགས་པས། །ཐབས་ཀྱི་ཕྱག་རྒྱ་བསྐྱོད་ནས་ནི། །རྔ་ཡི་བྱེ་བྲག་འདི་ལས་འབྱུང་། །གསང་བ་རྔ་ཡི་དབང་ཐོབ་ཤོག །ཞིང་མཆོག་དག་གིས་དབང་བསྐུར་བས། །ཐོར་ཏོ་རྒྱ་མདུད་ཁྲོ་བོ་བརྒྱད། །ཐུགས་ཀྱི་སྤྲུལ་པ་དགུ་ཡང་འགྱེད། །སྐེད་པར་ཡང་ནི་རྒྱ་མདུད་ལ། །གསང་བའི་མ་མོ་བརྒྱད་འབྱུང་ཞིང་། །ཐུགས་ཀྱི་འོད་ཟེར་ཕྱོགས་བཅུར་འགྱེད། །རྩེ་མོ་དག་གི་ཟུར་གསུམ་དམ། །སྲིད་པའི་མ་མོ་དབང་དུ་སྡུད། །ཁམས་གསུམ་ཐམས་ཅད་དབང་དུ་སྡུད། །ཟིལ་གྱིས་གནོན་པའི་དབང་ཐོབ་ཤོག །རཀྟ་མཱཾ་སས་དབང་བསྐུར་བས། །མ་མོ་གསང་ཆེན་དགྱེས་པ་འདི། །སྒྲོལ་གིང་ཆེན་པོ་སྐར་ལྟར་བཀྲམ། །རཀྟའི་རྒྱ་མཚོ་མཚོ་ལྟར་རློབས། །མ་མོ་སྒྲུབ་པའི་དབང་ཐོབ་ཤོག །ཚིལ་ཆེན་དུད་པ་གསུར་གྱི་དབང་བསྐུར་བས། །སྲིད་པ་ཐམས་ཅད་དྲི་མནམ་ཞིང་། །དྲི་ཡི་མཆོད་པ་དམ་པ་འདིས། །གསང་བའི་མ་མོ་དྲི་ལ་དད། །གསུར་དང་དྲི་ལ་སྣོམ་པ་མོ། །ཇི་ལྟར་གང་དུ་བཅོལ་བ་བཞིན། །སྒྲུབ་པའི་ལས་རྣམས་གྲུབ་པ་བཞིན། །ལས་ཀྱི་དབང་རྣམས་ ― DNG022_Page_0683 ―
[མ་དཔེ་གཟིགས་ན་འདིར་གནོན།]
གྲུབ་ནས་ནི། །དཔའ་བོ་ཆེན་པོའི་སྤྱན་སྔ་རུ། །འཁུ་ལྡོག་བྲན་ལྟར་མི་བྱེད་ཅིང་། །སེམས་ཀྱི་དག་པ་ཉེར་བཞག་ཅིང་། །མ་མོའི་ལས་དབང་འདིར་བསྐུར་བས། །སྒྲུབ་པའི་བྲན་ཕོ་བྲན་མོ་བཞིན། །ལས་དབང་ཆེན་པོ་ཐོབ་པར་ཤོག །སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། སརྦ་ཏ་ཐཱ་ག་ཏ་བཱཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། སརྦ་ཏ་ཐཱ་ག་ཏ་ཨ་ནུ་རཱ་ག་བཛྲ་སྭ་བྷཱ་ཝ་ཨཱདྨ་ཀོ྅ཧཾ། མ་མོ་གསང་ཆེན་འདུས་པ་འདིར། །སྙིང་པོ་ལྔ་ཡི་དབང་བསྐུར་བས། །དེ་རིང་ཕན་ཆད་བུ་ཁྱོད་ཀྱི། །ཚེ་ཡང་ཤིན་ཏུ་རིང་བ་དང་། །དངོས་པོ་གཟི་ཆེན་ཐོབ་པའི་ཕྱིར། །རང་རྟགས་གསང་བས་དབང་བསྐུར་རོ། །འདི་ནི་མ་མོ་རང་རྟགས་ཀྱི། །དབང་ཆེན་ལགས་ཏེ་དབང་གི་མཆོག །སྒྲོལ་མ་ཆེན་པོའི་དྲག་ཤུལ་གྱིས། །བདུད་བཞི་ཟིལ་གྱིས་གནོན་པ་དང་། །རྐྱེན་དབང་ཐབས་ཀྱིས་གདུལ་བ་དང་། །དེ་ཕྱིར་གསང་ཆེན་དཀྱིལ་འཁོར་རྒྱུད། །མན་ངག་བཅུད་ཀྱི་དོན་བསྟན་པ། །ཀུན་གྱི་ཐུན་མོང་མ་ལགས་ཏེ། །འདི་བསྟན་ཀུན་ལ་བཤད་གྱུར་ན། །ས་བོན་སད་ཀྱིས་བསད་པ་བཞིན་དུ་འགྱུར། །སྣོད་ངན་ཞབས་སུ་ཟགས་པ་དང་། །ནས་ངན་ཚིག་པ་བཞིན་དུ་འགྲོ། །དེ་ཡི་དོན་གྱིས་མི་སྤེལ་ཏེ། །རང་གི་སེམས་ལ་བཅངས་པ་ན། །དངོས་གྲུབ་གཉིས་ཀྱང་རྟག་ཏུ་ཐོབ། །མཐུ་དང་གཟི་བརྗིད་ཐམས་ཅད་འཕེལ། །དངོས་གྲུབ་ཆེན་པོ་ཐོབ་པར་འགྱུར། །ཞེས་བཀའ་སྩལ་ཏོ། །མན་ངག་དབང་གི་ལེའུ་སྟེ་ཉེར་ལྔ་ པའོ།། །།གདོན་འདུལ་ལྷ་ཡིས་ཡང་གསོལ་པ། །མ་མོ་ངོས་འཛིན་ཇི་ལྟར་ལགས། །མངོན་རྫོགས་ཡབ་ཀྱིས་བཀའ་སྩལ་པ། །མ་མོ་ངོས་བཟུང་འདི་ལྟར་བཟུང་། །སེམས་ཉིད་མ་བཅོས་མུ་ཁ་ལེ། །སེམས་ལས་སྐྱེས་པའི་བུ་མོ་བཅུ་གསུམ་དང་། །དབྱིངས་ལས་སྐྱེས་པའི་མ་མོ་བཅུ་བཞི་དང་། །ཡེ་ཤེས་མ་མོ་ཉི་ཤུའོ། །སྣང་སྲིད་ཀུན་ཁྱབ་ཤྭ་རི་མ། །ཐམས་ཅད་སྐོང་བའི་ཡུམ་ཆེན་ལྔ། །དགྲ་རྣམས་སྒྲོལ་བའི་ཤུགས་སྒྲོལ་ ― DNG022_Page_0684 ―
[མ་དཔེ་གཟིགས་ན་འདིར་གནོན།]
དྲུག །དྲག་ཤུལ་དབང་ཆེན་མ་མོ་བདུན། །གནོད་བྱེད་སྙིང་གཅོད་སྲིན་མོ་བརྒྱད། །བཀའ་སྡོད་བློན་མོ་ཆེན་མོ་དགུ། །ཡང་གབ་དབང་གི་རྒྱལ་མོ་བཞི། །སེམས་ལས་སྐྱེས་པའི་མ་མོ་བཞི། །དམ་ལ་གནས་པའི་སྲིང་མོ་བཞི། །ཡིད་ལ་གདུང་བའི་མཛའ་ན་བཞི། །ལུས་ལས་སྐྱེས་བའི་བུ་མོ་བཞི། །མ་མོ་ཀུན་གྱི་གཙོ་མོ་བཞི། །བདུད་རྩི་སྒྲུབ་པའི་རྒྱལ་མོ་བཞི། །ཕུར་བུ་སྒྲུབ་པའི་བློན་མོ་བཞི། །མ་མོ་ཐུན་གྱི་བདག་མོ་བཞི། །ལས་ལ་གཤིན་པའི་བྲན་མོ་བཞི། །ངར་དབུགས་འཕྲོག་པའི་ལྷ་མོ་བཞི། །མ་མོ་རྩ་ཁྲོ་བདག་མོ་བཞི། །དགྲ་བོའི་སྙིང་འཕྲོག་ལྷ་མོ་བཞི། །ཀུན་གཞི་གནས་སྒྱུར་བུ་གཅིག་མ། །གླིང་བཞི་གནས་སྒྱུར་དྲག་མོ་རྒྱལ། །སྟོང་གསུམ་དབང་བསྒྱུར་ཛ་ཛ་ཤྭ་རི་མ། །དགྲ་བོ་དབང་བསྒྱུར་དཔལ་ལྡན་རེ་མ་ཏི། །འཇིག་རྟེན་དབང་ཅན་སྨན་མོའི་ཚོགས། །གཤིན་རྗེའི་ལྕམ་མོ་ཉི་ཤུ་གཅིག །ལས་མཁན་མ་མོ་བརྒྱད་ཅུ་གཅིག །བྱང་ཤར་མཚམས་ཀྱི་སྲིང་གཅིག་མ། །ཐུགས་ཀྱི་སྤྲུལ་པ་ནག་མོ་བདུན། །ཚོགས་ཀྱི་ནག་མོ་ཉི་ཁྲིའི་ཚོགས། །སྐུ་ཡི་སྤྲུལ་པ་དཀར་མོ་བདུན། །ཚོགས་ཀྱི་དཀར་མོ་ཉི་ཁྲིའི་ཚོགས། །གསུང་གི་སྤྲུལ་པ་དམར་མོ་བདུན། །ཚོགས་ཀྱི་དམར་མོ་ཉི་ཁྲིའི་ཚོགས། །ཡོན་ཏན་མ་མོ་སེར་ནག་བདུན། །ཚོགས་ཀྱི་སེར་མོ་ཉི་ཁྲིའི་ཚོགས། །ཕྲིན་ལས་མ་མོ་ལྗང་ནག་བདུན། །ཚོགས་ཀྱི་ལྗང་ནག་ཉི་ཁྲིའི་ཚོགས། །མ་མོ་ ངོས་འཛིན་གྱི་ལེའུ་སྟེ་ཉེར་དྲུག་པའོ།། །།གཡུང་དྲུང་ལྷ་ཡིས་ཡང་གསོལ་པ། །སྣང་སྲིད་ཐིག་ལེ་ཇི་ལྟར་བསྡུ། །མངོན་རྫོགས་ཡབ་ཀྱིས་བཀའ་སྩལ་པ། །སྣང་སྲིད་ཐིག་ལེ་འདི་ལྟར་བསྡུ། །དེ་ཡང་གང་ཞེ་ན། ཡིད་དང་ཀུན་གཞི་དང་རྣམ་པར་ཤེས་པ་ལས། མ་མོ་ཐིག་ལེ་དགུར་གསལ་ཏེ། མ་མོ་ལྷུན་གྱིས་རྫོགས་པའི་ཐིག་ལེ་དང་། །མ་མོ་གནས་ཀྱི་ཐིག་ལེ་དང་། །མ་མོ་ལུང་གི་ཐིག་ལེ་དང་། །མ་མོ་སྒྲུབ་པའི་ཐིག་ལེ་དང་། །མ་མོ་སྤྲུལ་པའི་ཐིག་ལེ་དང་། ། ― DNG022_Page_0685 ―
[མ་དཔེ་གཟིགས་ན་འདིར་གནོན།]
མ་མོ་ཐབས་ཀྱི་ཐིག་ལེའོ། །མ་མོ་ཤེས་རབ་ཀྱི་ཐིག་ལེ་དང་། མ་མོ་སྐུ་གསུང་ཐུགས་ཀྱི་ཐིག་ལེ་དང་མ་མོ་བྱང་ཆུབ་སེམས་ཀྱི་ཐིག་ལེའོ། །ཀུན་ནས་བཟླུམ་པའི་ཐིག་ལེ་ཞེས་ཀྱང་བྱ། ཀློང་ཡངས་པ་ཡི་ཐིག་ལེ་ཞེས་ཀྱང་བྱ། བརྗོད་དུ་མེད་པའི་ཡེ་ཤེས་ཀྱི་ཐིག་ལེ་ཞེས་ཀྱང་བྱ། མ་ནོར་བ་ཞེས་ཀྱང་བྱ། གཏན་ལ་འབེབས་པ་ཞེས་ཀྱང་བྱ། མ་བཅོས་པ་ཞེས་ཀྱང་བྱ། རྒྱུ་རྐྱེན་མེད་པ་ཞེས་ཀྱང་བྱ། མ་འགགས་པ་ཞེས་ཀྱང་བྱ། ཡེ་གནས་ཆེན་པོར་གནས་སོ། །མ་མོ་སྣང་སྲིད་ཀྱི་ཐིག་ལེའི་ལེའུ་སྟེ་ཉེར་བདུན་པའོ།། །། རྩ་བའི་རྒྱུད་རྫོགས་སོ།། །།གནོད་འདུལ་ལྷ་ཡིས་ཡང་གསོལ་པ། །སེམས་ཅན་ཀུན་ལ་ཕན་གདགས་ཕྱིར། །བསྒོམ་པའི་དོན་ལ་བདག་ཉན་འཚལ། །མངོན་རྫོགས་རྒྱལ་པོས་བཀའ་སྩལ་པ། །བསྒོམ་པའི་དོན་དུ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །ངས་གསུངས་པ་ལ་སེམས་མ་ཡེངས། །དེ་ལ་དང་པོ་སྣང་སྲིད་ཐམས་ཅད་མ་བྱུང་མ་སྐྱེས་པར་བསྒོམ། དེ་ནས་ཀུན་ཏུ་སྣང་བའི་ཏིང་ངེ་འཛིན་སྙིང་རྗེ་ནམ་མཁའི་ངོ་བོ་ལྟར་སྣང་ལ་རང་བཞིན་མེད་པར་བསྒོམ། དེ་ནས་རྒྱུའི་ཏིང་ངེ་འཛིན་ཡི་གེ་ཨོཾ་དཀར་པོ་བཀྲ་ས་ལེར་བསྒོམ། ཨོཾ་དེ་ལས་འོད་ཟེར་འཕྲོས་པས། འཕགས་པའི་ཐུགས་རྒྱུད་བསྐུལ། འགྲོ་བ་མ་ནུའི་དོན་བྱས་ནས་སླར་འདུས་པ་ལས་ཡེ་ཤེས་ལྔར་གྱུར་པར་བསྒོམ། ཡེ་ཤེས་ལྔའི་འོད་ཟེར་འཕྲོས་པས། ཨེ་ཧཾ་མཾ་ལཾ་ཡཾ་སུཾ་བྲུཾ། ཞེས་བརྗོད་པས། ཡི་གེ་དེ་རྣམས་རིན་པོ་ཆེ་སྟར་ལ་བརྒྱུས་པ་བཞིན་དཀར་ཀྲིགས་སེ་བསྒོམ་མོ། །དེ་ནས་ཨེ་བྷ་ག་མཎྜ་ལ་ཞེས་བརྗོད་པས། ཡི་གེ་ཨེ་ལས་གསེར་གྱི་འཁོར་ལོ་རྩིབས་སྟོང་དང་ལྡན་པ་གཅིག་ཏུ་གྱུར་ནས། སྣང་སྲིད་ཀུན་ལ་ཁྱབ་པར་བསྒོམ། དེའི་བྱིན་བརླབས་ལས་འོག་གི་ཕྱོགས་སུ་ཏྲི་ཏྲི་ཞེས་བརྗོད་པས། རླུང་ནག་གི་འཚུབས་མ་ལ་རྡོ་རྗེ་རྒྱ་གྲམ་གྱིས་ཁ་བཅད་པ་ཅིག་བསྒོམ་མོ། །དེའི་སྟེང་དུ་རཀྟ་མཎྜལ་ཞེས་བརྗོད་པས། རཀྟའི་རྒྱ་མཚོ་མཐའ་དང་དབུས་མེད་པ། དམར་ཆིལ་ཆིལ་གྱུར་པར་བསྒོམ། དེའི་སྟེང་དུ་བཛྲ་སུ་ ― DNG022_Page_0686 ―
[མ་དཔེ་གཟིགས་ན་འདིར་གནོན།]
ཞེས་བརྗོད་པས་གསེར་གྱི་ས་གཞི་མཚོ་ལ་དར་ཆགས་པའམ། འོ་མ་ལ་སྤྲིས་མ་ཆགས་པའི་ཚུལ་དུ་ཁད་ཀྱིས་ཆགས་པར་བསྒོམ་མོ། །དེའི་སྟེང་དུ་ཨགྣི་མཎྜལ་ཞེས་བརྗོད་པས། འབྱུང་བ་མེའི་དཀྱིལ་འཁོར་གྱིས་འབྱུང་བ་ཐམས་ཅད་བསྙམས་ཏེ། རླུང་ལངས་པ་བཞིན་དུ་ཉལ་གྱིས་བཏང་བར་བསྒོམ་མོ། །དེའི་སྟེང་དུ་སུ་ལས་སུ་བཛྲ་མེ་ཞེས་བརྗོད་པས། རི་རབ་རིན་པོ་ཆེ་སྣ་ལྔ་ལས་གྲུབ་པ། ཤར་ཤེལ་དཀར་ལྟར་དཀར་བ། ལྷོ་བཻ་ཌཱུརྱ་ལྟར་སྔོ་བ། ནུབ་པདྨ་རཱ་ག་ལྟར་དམར་བ། བྱང་ཨིནྡྲ་ནཱི་ལ་ལྟར་ལྗང་བ། དབུས་སུ་གསེར་ལྟར་སེར་བ། དཔག་ཚད་བརྒྱད་ཁྲི་བཞི་སྟོང་ཕྱིན་པ། ཁ་སོག་ཁ་གྱེན་དུ་བྱུང་བས་ནམ་མཁའ་མཐའ་ཡས་སྐྱེ་མཆེད་འཕང་བཅད་པར་བསྒོམ་མོ། །དེའི་སྟེང་དུ་མ་དམར་མོ་གཅིག་ཏུ་གསལ་བ་དེའི་སྟེང་དུ་བྷྲཱུཾ་སྨུག་ནག་གཅིག་གསལ་བར་བསྒོམ་མོ། །དེ་ལས་འོད་ཟེར་འཕྲོས་པས། ལས་གཉིས་བྱས། སླར་འདུས་པ་ལས་བྲུཾ་བི་ཤྭ་བི་ཤུདྡྷེ་ཛྙཱ་ན་ཙཀྲ་བྷནྡྷ་བྷྲཱུཾ་ཞེས་བརྗོད་པས་ཡེ་ཤེས་ཀྱི་གཞལ་མེད་ཁང་གྲུ་བཞི་སྒོ་བཞི་དང་ལྡན་པ། སྒོ་ཁྱུད་དང་རྟ་བབས་སུ་བཅས་པར་བསྒོམ་མོ། །གཞལ་ཡས་ཁང་དེའི་ནང་ཡང་། དུར་ཁྲོད་ཀྱི་རྒྱན་མང་པོས་བརྒྱན་པར་བསྒོམ་མོ། །དེའི་སྟེང་དུ་མ་དམར་མོ་གཅིག་བསྒོམ་མོ། །དེ་ལས་མ་སཱུརྱ་མཎྜལ་ཞེས་བརྗོད་པས། ཉི་མའི་དཀྱིལ་འཁོར་དུ་གྱུར་པར་བསྒོམ་མོ། །དེའི་སྟེང་དུ་ཨ་དཀར་པོ་གཅིག་ལས། ཨ་ཙནྡྲ་མཎྜལ་ཞེས་བརྗོད་པས། ཟླ་བའི་དཀྱིལ་འཁོར་དུ་གྱུར་པར་བསྒོམ་མོ། །ཉི་ཟླའི་སྟེང་དུ་ཙཀྲ་མཎྜལ་ཞེས་བརྗོད་པས། འཁོར་ལོ་རྩིབས་བཞི་པ་ཅིག་ཏུ་གྱུར་པར་བསྒོམ་མོ། །དེའི་སྟེང་དུ་མ་ཧཱ་དེ་བ་ཕོ་མོ་བསྣོལ་ལ། ཨུ་མ་དེ་ཝ་ཁ་ཊྭཱཾ་ག་ཏི་ར་བཾ་ཞེས་བརྗོད་པས། དབང་ཕྱུག་ཆེན་པོ་གན་རྐྱལ་དུ་བསྒྱེལ་ནས། གདན་དུ་བཏིང་བར་བསྒོམ་མོ། །དེའི་སྟེང་དུ་གཡུའི་ཡི་གེ་ཨཱོཾ་དཀར་བཀྲ་བ་དེ་ས་ལེར་བསྒོམ། ཨཱོཾ་དེ་ལས་འཕྲོས་འདུས་པ་ལས། བྱང་ཆུབ་སེམས་སུ་གྱུར་པར་བསྒོམ་མོ། །དེ་ཡང་སྣང་སྲིད་ ― DNG022_Page_0687 ―
[མ་དཔེ་གཟིགས་ན་འདིར་གནོན།]
སེམས་མོ་ཙམ་ཡང་མ་གཡོས་པའི་ཐིག་ལེར་བསྒོམ་མོ། །ཐིག་ལེ་དེ་ལས། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་ཧཱུཾ། ཞེས་བརྗོད་པས། བླ་མེད་ཧེ་རུ་ཀའི་སྐུར་གྱུར་པའི་ས་མཱ་ཏི་ལས་ལྕོགས་ཚད་དུ་དབུ་དགུ་ཕྱག་བཅོ་བརྒྱད་པར་བསྒོམ་མོ། །དེ་ལྟར་མི་གསལ་ན་སྐུ་མདོག་མཐིང་ནག་ལ་དབུ་གསུམ་ཕྱག་དྲུག་པ་ཞབས་རྣམ་པ་བཞིར་གཏམས་པར་བསྒོམ་མོ། །གཤོག་པ་བཞིར་བརྐྱང་བ། གླང་པོ་ཆེའི་ཀོ་རློན་གྱིས་སྟོད་གཡོགས་པ། ཞིང་ལྤགས་གཡང་གཞི་དང་། ཐོད་རློན་གྱི་ཕྲེང་བ་ཚར་གསུམ་གྱིས་བརྒྱན་པ། ཀླུ་རིགས་བཞིས་སྐུ་ལ་བརྒྱན་པ། མཚན་མ་རྣམ་གསུམ་གྱིས་མཚན་པ། སྟག་ལྤགས་ཀྱི་ཤམ་ཐབས་བརྒྱན་པ། ཞལ་གཡས་དཀར་གཡོན་དམར་བ། དབུས་སྐུ་དང་མཐུན་པ། གཡས་དང་པོ་རྡོ་རྗེ་རྩེ་དགུ་པ་ཐོགས་པ། གཡས་བར་མ་ན་རལ་གྲི་བསྣམས་པ། གཡས་ཐ་མ་ན་ཞགས་པ་ཐོགས་པ། གཡོན་དང་པོ་ན་དྲིལ་བུ་བསྣམས་པ། བར་མ་ན་རྔེའུ་ཆུང་། ཐ་མ་ན་དགྲ་སྟྭ་ཐོགས་པར་བསྒོམ་མོ། །དེ་ལྟར་གསལ་བ་དང་། གཡོན་གྱི་ཕྱོགས་སུ་གུ་ཧྱ་ཀྲོ་དྷཱི་ཤྭ་རཱི་ཧཱུཾ་ཞེས་བརྗོད་པས། ལུས་ལས་གྲིབ་མ་བྱུང་བའི་ཚུལ་དུ་ཡུམ་ཉིད་གསང་བའི་ཡུམ་ཆེན་མོར་སལ་གྱིས་གྱུར་པར་བསྒོམ་མོ། །སྐུ་མདོག་དང་རྒྱན་ཆས་ནི་གཙོ་བོ་དང་མཐུན། དེ་ལྟར་གསལ་བ་དང་། ཞལ་ལྔ་ཕྱག་དྲུག་པ། གཡས་དང་པོ་དྲིལ་བུ་བསྣམས་པ། གཡོན་དང་པོ་བྷནྡྷ་རཀྟས་བཀང་བ་ཐོགས་པ། གཡས་བར་མ་ན་ཞགས་པ་ཐོགས་པ། གཡས་ཐ་མ་ན་བདུད་རྩི་རྣམ་པ་ལྔ་བསྣམས་པ། གཡོན་བར་མ་ན་ལྟག་སྤྲོད་ཀྱི་རྔ་བསྣམས་པ། གཡོན་ཐ་མ་ན་གཡང་གཞི་བསྣམས་པ། ཞབས་རྣམ་པ་བརྒྱད་དང་ལྡན་པ་རུ་གསལ་བར་བསྒོམ། དེ་ནས་ཡབ་ཡུམ་གཉིས་སུ་མེད་པའི་བརྡས་བསྐུལ་ནས་སྦྱོར་བ་མཛད་པའི་བྱང་ཆུབ་ཀྱི་སེམས་འོད་ཟེར་འཕྲོས་པས། ལྕགས་ཀྱུར་གྱུར་ཏེ་ཛཿཧཱུཾ་བཾ་ཧོཿ། ཀྭ་ཤ་ཤྭ་རཱི་ཏི་ར་བཾ་མུ་ཏ་ཏི་ར་བཾ། ཤན་ཏིང་ཏི་ར་བཾ། དུན་ཏིང་ཏི་ར་བཾ། སཱུརྱ་ཏི་ར་བཾ། པདྨ་བོ་དྷི་ཏི་ ― DNG022_Page_0688 ―
[མ་དཔེ་གཟིགས་ན་འདིར་གནོན།]
ར་བཾ། ཁ་རཾ་བ་དི་ཏི་ར་བཾ། སྲིང་འགྲོ་ཏི་ར་བཾ། བཛྲ་ཀེཾ་ར་ཀེཾ་ནཱི་ལ་དནྡྲ་ཏི་ར་བཾ་ནན། ཞེས་བརྗོད་པས། གན་རྐྱལ་དུ་ལིང་ལིང་བསྒྱེལ་ནས། གདན་དུ་ཕྱོགས་ཕྱོགས་སུ་བཏིང་བར་བསྒོམ་མོ། །ཡབ་ཡུམ་གཉིས་སུ་མེད་པའི་བྱང་ཆུབ་ཀྱི་སེམས་ལས་ཡི་གེ་ཧ་རེ་གསལ་བར་བསྒོམ། ཡི་གེ་ཧ་འཕྲོ་འདུས་པ་ལས། བྱང་ཆུབ་སེམས་སུ་གྱུར་པ་བསྒོམ་མོ། །ཤར་ཕྱོགས་འཁོར་ལོའི་རྩིབས་སྟེངས་སུ། སྒྲོལ་བྱེད་མ་དང་དཀར་མོ་མིག་གཅིག་བསྣོལ་བའི་གདན་སྟེངས་སུ། བྱང་ཆུབ་ཀྱི་སེམས་ལས་ཡི་གེ་ཧ་ལས་གྲི་པོ་མུ་ཧ་དྷྲིག །ཅེས་བརྗོད་པས། རྟག་པའི་རྒྱལ་མོ་རྣམ་སྣང་གསལ་གྱི་སྐུར་གྱུར་ཏེ། སྐུ་མདོག་དཀར་མོ་ལ་དབུ་གསུམ་ཕྱག་དྲུག་པར་བསྒོམ་མོ། །གཡས་དང་པོ་རྡོ་རྗེ། གཡོན་དང་པོ་བྷནྡྷ་རཀྟས་བཀང་བ། གཡས་བར་མ་ན་དགྲ་སྟྭ། གཡོན་བར་མ་ན་གཏུན་ཤིང་བརྡེག་པའི་ཚུལ་སྟོན་པ། གཡས་ཐ་མ་ན་སེང་གེ་བསྣམས་པ། གཡོན་ཐ་མ་ན་མཆོག་ཆེན་པོ་སྙོད་པར་བསྒོམ་མོ། །བྱང་ཕྱོགས་འཁོར་ལོའི་རྩིབས་སྟེངས་སུ། དབང་སྡུད་མ་དང་རལ་གཅིག་མ་གཉིས་བསྣོལ་བའི་གདན་སྟེངས་སུ། བྱང་ཆུབ་སེམས་ལས་ཡི་གེ་ཧ་ལས། བི་ཡང་ཡང་ཏེ་ཧ་དྷྲིག །ཅེས་བརྗོད་པས། མཁའ་འགྲོ་ཡང་གསལ་གཡོས་ཀྱི་སྐུར་སལ་གྱིས་གྱུར་ཏེ། སྐུ་མདོག་ལྗང་གུ་ལ་དབུ་གསུམ་ཕྱག་དྲུག་པར་གྱུར་ཏེ། གཡས་དང་པོ་ན་རྡོ་རྗེ་རྒྱ་གྲམ་བསྣམས་པ། གཡོན་དང་པོ་ན་བྷནྡྷ་བསྣམས་པ། གཡས་བར་མ་ན་དབྱུག་ཆེན་བསྣམས་པ། གཡོན་བར་མ་ན་རྒྱུ་ཕྲེང་འདྲེན་པ་བསྣམས་པ། གཡས་ཐ་མ་ན་སྤྱང་མོ་འཛིན་པ། གཡོན་ཐ་མ་ན་ཞིང་ཆུང་བཟུང་ནས་སྙོད་པར་བསྒོམ་མོ། །ནུབ་ཕྱོགས་འཁོར་ལོའི་རྩིབས་སྟེངས་སུ། བདུད་རྩི་མོ་དང་དམར་མོ་གཉིས་བསྣོལ་བའི་གདན་སྟེངས་སུ། བྱང་ཆུབ་སེམས་ལས་ཡི་གེ་ཧ་ལས་བི་ཤྭ་སན་ཏི་ཧ་ཞེས་བརྗོད་པས་མཁའ་འགྲོ་གཉེན་གསལ་མར་གྱུར་ཏེ། སྐུ་མདོག་དམར་མོ་ལ་ཞལ་གསུམ་ཕྱག་དྲུག་པར་བསྒོམ་མོ། །གཡས་དང་པོ་ན་པདྨ་བསྣམས་པ། གཡོན་ ― DNG022_Page_0689 ―
[མ་དཔེ་གཟིགས་ན་འདིར་གནོན།]
དང་པོ་ན་བྷནྡྷ་བསྣམས་པ། གཡས་བར་པ་ན་ཞགས་པ་བསྣམས་པ། གཡོན་བར་མ་ཏྲི་ཤཱུལ་ལ། གཡས་ཐ་མ་ཅེ་སྤྱང་འཛིན་པ། གཡོན་ཐ་མ་ན་ཞིང་ཆེན་ཐོགས་ནས་སྙོད་པར་བསྒོམ་མོ། །ལྷོ་ཕྱོགས་འཁོར་ལོའི་རྩིབས་སྟེངས་སུ། དབང་སྡུད་མ་དང་རལ་གཅིག་གཉིས་བསྣོལ་བའི་སྟེང་དུ། བྱང་ཆུབ་སེམས་ལས་ཡི་གེ་ཧ་ལས་ཛྭ་རཾ་པཾ་དྷྲིག །ཅེས་བརྗོད་པས་མཁའ་འགྲོ་འོད་གསལ་འབར་གྱི་སྐུར་གྱུར་ཏེ། སྐུ་མདོག་སྔོན་མོ་ལ་དབུ་གསུམ་ཕྱག་དྲུག་པར་བསྒོམ་མོ། །གཡས་དང་པོ་ན་རིན་པོ་ཆེ། གཡོན་དང་པོ་ན་བྷནྡྷ་དང་། གཡས་བར་མ་ན་མེ་དཔུང་འབར་བ། གཡོན་བར་མ་ན་དབྱུག་ཏོ། གཡས་ཐ་མ་ན་སྟག་མོ་འཛིན་པ། གཡོན་ཐ་མ་ན་ཞིང་སྦྲམ་པོ་བཟུང་ནས་སྙོད་པར་བསྒོམ་མོ། །འཁོར་ལོ་ལྟེ་བའི་དབུས་ཀྱི་དཀྱིལ་ན། དཔལ་ཆེན་པོ་བསྒོམ་པའི་གཡས་སུ་མ་མོ་རྒྱ་མཚོ་མ་དང་ཉི་ཟླའི་ཕྲེང་ཅན་གཉིས་བསྒྱེལ་བའི་སྟེང་དུ། བྱང་ཆུབ་སེམས་ལས་ཡི་གེ་ཧ་ལས་མ་ཧཱ་ལམ་ཏེ་ཧ་དྷྲིག །ཅེས་བརྗོད་པས། མ་མོ་བཀྲག་གསལ་མར་སལ་གྱིས་གྱུར་ཏེ། སྐུ་མདོག་སེར་མོ་ལ་དབུ་གསུམ་ཕྱག་དྲུག་པར་བསྒོམ་མོ། །གཡས་དང་པོ་ན་འཁོར་ལོ། གཡོན་དང་པོ་ན་བྷནྡྷ་དང་། གཡས་བར་མ་ན་རྒྱལ་མཚན། གཡོན་བར་མ་ན་སྤུ་གྲི། གཡས་ཐ་མ་ན་འུག་པ་འཛིན་པ། གཡོན་ཐ་མ་ན་ཞིང་ཆུང་སྙོད་པར་བསྒོམ་མོ། །དེ་ནས་བདག་ཉིད་དཔལ་ཆེན་པོའི་ཐུགས་རིན་པོ་ཆེ་སྨུག་པོ་གུར་ཕུབ་པ་འདྲ་བའི་ནང་ན། དྭངས་མ་བཞི་ཡོད་དེ། རྩའི་དྭངས་མ་དང་། ཁྲག་གི་དྭངས་མ་དང་། དབུགས་ཀྱི་དྭངས་མ་དང་། དྭངས་མའི་དྭངས་མ་དང་བཞི་ལས། ཤར་ལྷོའི་མཚམས་སུ། རྒྱན་གྱི་རྒྱལ་མོ་བསྒྱེལ་བའི་སྟེང་དུ་རྩའི་དྭངས་མ་ལས་ཀ་མ་ཤྭ་རཱི་ཧ་དྷྲིག །ཅེས་བརྗོད་པས། གསང་བའི་ཡུམ་རྒྱས་འདེབས་མར་སལ་གྱིས་གྱུར་ཏེ། སྐུ་མདོག་དམར་སྐྱ་ལ་སྐུ་ཕྱག་གིས་གང་བ། ཞལ་སྤྱན་གྱིས་གང་བ་ཅིག་བསྒོམ་མོ། །ལྷོ་ནུབ་ཏུ་དབྱིངས་ཕྱུག་མ་བསྒྱེལ་བའི་སྟེང་དུ། ཁྲག་གི་དྭངས་མ་ལས་ཀཱ་མ་ཤྭ་རཱི་ཧ་དྷྲིག་ཅེས་བརྗོད་པས། ཡུམ་ཟ་བྱེད་མའི་ ― DNG022_Page_0690 ―
[མ་དཔེ་གཟིགས་ན་འདིར་གནོན།]
སྐུ་སལ་གྱིས་གྱུར་ཏེ། སྐུ་མདོག་མཐིང་ནག་ལ་སྐུ་དབུགས་ཀྱིས་གང་བ་ཕྱག་ཞག་གིས་གང་བ་ཅིག་བསྒོམ་མོ། །ནུབ་བྱང་དུ་བདག་ཉིད་མ་བསྒྱེལ་བའི་སྟེང་དུ། དབུགས་ཀྱི་དྭངས་མ་ལས་ཀཱ་མ་ཤྭ་རཱི་ཧ་དྷྲིག་ཅེས་བརྗོད་པས། ཡུམ་རྨོངས་བྱེད་མར་སལ་གྱིས་གྱུར་ཏེ། སྐུ་མདོག་དམར་མོ་ལ་སྐུ་ལུས་ཁྲག་གིས་གང་བ། ཕྱག་རླུང་གིས་གང་བ་ཅིག་བསྒོམ་མོ། །བྱང་ཤར་དུ་གཅིག་པུ་མ་བསྒྱེལ་བའི་གདན་སྟེངས་སུ། འོད་ཀྱི་དྭངས་མ་ལས་ཀཱ་མ་ཤྭ་རཱི་ཧ་དྷྲིག་ཅེས་བརྗོད་པས། ཡུམ་ཚེ་འཕེལ་མར་སལ་གྱིས་གྱུར་ཏེ། སྐུ་མདོག་ལྗང་གུ་ལ་བད་ཀན་གྱིས་གང་བ་ཕྱག་ཆུ་སེར་གྱིས་གང་བར་གྱུར་ཏེ། དེ་ལྟར་གསལ་བ་དང་། ཡང་བྱང་ཆུབ་སེམས་ལས་འོད་ཟེར་འཕྲོས་འདུས་པ་ལས། ཛཿཧཱུཾ་བཾ་ཧོཿ། མ་མོ་བྷྱོ་ཕཊ་ནན། མ་མ་སུ་ཏྲ་ཕཊ། ནན། མ་མ་རཀྟ་པྲ་ཝེ་ཤ་ན་ནན་ཏི་ཏ་བཾ། ཞེས་བརྗོད་པས། སྲིད་པའི་དབང་ཆེན་རྣམས་ཁ་སྦུབ་གན་རྐྱལ་དུ་བསྒྱེལ་བར་བསྒོམ་མོ། །ཡང་བྱང་ཆུབ་སེམས་ལས་སྦས་པའི་མ་བཞི་དང་། དགྱེས་སྡེ་མོ་བཞི་དང་བརྒྱད་བསྒྱེལ་བའི་གདན་སྟེངས་སུ། བདག་ཉིད་རྣམ་པར་ཤེས་པའི་ཚོགས་བརྒྱད་ལས། ཀཱ་མ་ལ་ཤྭ་རཱི་ཧ་ཞེས་བརྗོད་པས། ཡུམ་ཁམས་གསུམ་གདར་གཅོད་མར་སལ་གྱིས་གྱུར་ཏེ་སྐུ་མདོག་དཀར་བཀྲ་མར་བཞུགས་པ་ཞལ་གཅིག་ཕྱག་གཉིས་པ་ཞལ་རྔམས་པའི་མཆེ་བ་གཙིགས་པ། ཕྱག་ན་འུག་པ་དང་ཁྱུང་ལ་སོགས་པའི་རྦོད་གཏོང་བསྣམས་པར་བསྒོམ། ཨེ་ཀ་ཛཱ་ཊི་སྤུན་དྲུག་བསྒྱེལ་བའི་གདན་སྟེངས་སུ། བདག་གི་རྒྱུད་རྒྱུ་མ་ཡང་པ་ལས་ཀཱ་མ་ལ་ཤྭ་རཱི་ཧ་དྷྲིག་ཅེས་བརྗོད་པས། སྐྱེ་ཤི་རྩད་གཅོད་མར་སལ་གྱིས་གྱུར་ཏེ། སྐུ་མདོག་དམར་བཀྲར་བཞུགས་པ། ཞལ་གཅིག་ཕྱག་གཉིས་པ། ཞལ་རྔམས་པའི་མཆེ་བ་གཙིགས་པ། ཕྱག་ན་མཚོན་ཆ་སྣ་ཚོགས་པ་བསྣམས་པར་བསྒོམ་མོ། །སྲིད་པ་ཆག་བྱེད་མ་སྤུན་གཉིས་བསྒྱེལ་བའི་གདན་དུ། གསང་བའི་བྱང་ཆུབ་སེམས་ལས། ཀཱ་མ་ལ་ཤྭ་རཱི་ཧ་དྷྲིག་ཅེས་བརྗོད་པས། དུག་གསུམ་དབང་དུ་སྡུད་མར་སལ་གྱིས་གྱུར་ཏེ། ― DNG022_Page_0691 ―
[མ་དཔེ་གཟིགས་ན་འདིར་གནོན།]
སྐུ་མདོག་དཀར་བཀྲ་ལ་ཞལ་གཅིག་ཕྱག་གཉིས་པ་ལ། ཞལ་གདངས་པའི་མཆེ་བ་གཙིགས་པ། ཕྱག་ན་རྦོད་གཏོང་གི་ཕྱག་མཚན་བསྣམས་པར་བསྒོམ་མོ། །འདོད་པའི་ཁམས་ཀྱི་གཙོ་མོ་སྤུན་གཉིས་བསྒྱེལ་བའི་གདན་སྟེངས་སུ། སྲོག་གི་རྩ་བ་ལས་ཀཱ་མ་ལ་ཤྭ་རཱི་ཧ་ཞེས་བརྗོད་པས། པདྨ་ཀྲོ་དྷཱི་ཤྭ་རཱི་མར་གྱུར་ཏེ། སྐུ་མདོག་དམར་མོ་ལ་ཞལ་གཅིག་ཕྱག་གཉིས་པར་བསྒོམ་མོ། །ནམ་མཁའི་རྒྱལ་མོ་སྤུན་གཉིས་བསྒྱེལ་བའི་གདན་སྟེངས་སུ་ཙིཏྟ་ལས་ཀཱ་མ་ལ་ཤྭ་རཱི་ཧ་ཞེས་བརྗོད་པས། ཡཀྴ་ཀྲོ་དྷཱི་ཤྭ་རཱི་མར་སལ་གྱིས་གྱུར་ཏེ། སྐུ་མདོག་སྨུག་ནག་ལ་ཞལ་གཅིག་ཕྱག་གཉིས་པར་བསྒོམ་མོ། །མ་བདུན་བསྒྱེལ་བའི་གདན་སྟེངས་སུ། ཡིད་ཀྱི་རྣམ་པར་ཤེས་པ་ལས་ཀཱ་མ་ལ་ཤྭ་རཱི་ཧ་ཞེས་བརྗོད་པས། རཀྴ་ཀྲོ་དྷཱི་ཤྭ་རཱི་མར་སལ་གྱིས་གྱུར་ཏེ། སྐུ་མདོག་སྔོན་མོ་ཞལ་གཅིག་ཕྱག་གཉིས་པར་བསྒོམ་མོ། །དམག་གི་རྒྱལ་མོ་བཞི་བསྒྱེལ་བའི་གདན་སྟེངས་སུ། ཐབས་དང་ཤེས་རབ་ལས་ཀཱ་མ་ལ་ཤྭ་རཱི་ཧ་ཞེས་བརྗོད་པས། ས་མ་ཡ་ཀྲོ་དྷཱི་ཤྭ་རཱི་མར་སལ་གྱིས་གྱུར་ཏེ། སྐུ་མདོག་དམར་མོ་ཞལ་གཅིག་ཕྱག་གཉིས་པར་བསྒོམ་མོ། །སྲིང་བཞི་བསྒྱེལ་བའི་གདན་སྟེངས་སུ། སྟེང་འོག་གཤང་ལམ་སྒོ་བཞི་ལས། ཨོཾ་ཀཱ་མ་ལ་ཤྭ་རཱི་ཧ་དྷྲིག །ཅེས་བརྗོད་པས་བི་ཤྭ་ཀྲོ་དྷཱི་ཤྭ་རཱི་མའི་སྐུར་བསྐྱེད། སྐུ་མདོག་ལྗང་ནག་ལ་ཞལ་གཅིག་ཕྱག་ཀྱང་གཉིས་པར་བསྒོམ། ཉི་ཤུ་རྩ་བརྒྱད་བསྒྱེལ་བའི་གདན་སྟེངས་སུ། ཉོན་མོངས་པའི་ཡིད་ལས་ཀཱ་མ་ལ་ཤྭ་རཱི་ཧ་ཞེས་བརྗོད་པས། གུ་ཧྱ་ཀྲོ་དྷཱི་ཤྭ་རཱི་མར་སལ་གྱིས་གྱུར་ཏེ། སྐུ་མདོག་དཀར་བཀྲ་ལ་ཞལ་གཅིག་ཕྱག་གཉིས་པར་བསྒོམ་མོ། །དེ་ལྟར་དཔལ་ཆེན་པོ་ཡབ་ཡུམ་དང་། ཐུགས་རྗེ་ཡེ་ཤེས་ཀྱི་གསང་བ་བྱང་ཆུབ་སེམས་ལས་བསྐྱེད་པའི་མ་མོ་བརྒྱད་གསལ་བ་དང་། རྣལ་འབྱོར་ཚོགས་ཀྱི་མཆོད་པ་ཕུལ་ལ། འཛབ་དྲང་བ་ནི། ཨོཾ་ཤྲཱི་ཧེ་རུ་ཀ་ཀྲོ་དྷཱི་ཤྭ་རཱི་ཧྼི་རཾ་ལཾ་མ་མ་ཡོ་གི་ནཱི། རུ་ལུ་རུ་ལུ་བྷྱོ་ཕཊ། ཅེས་བརྗོད་དེ། དེ་ལྟར་བསྒོམས་ཤིང་བཟླས་བརྗོད་ཉིས་བརྒྱ་སུམ་འབུམ་བཟླས་སོ། །དེ་ལྟར་བྱས་ན་མ་མོ་དབང་དུ་དེས་འདུས་པར་སྡུད་ལ། བཀོལ་བ་ཡང་དེས་བཀོལ་ལ་འགྲུབ་པ་ཡང་དེས་ ― DNG022_Page_0692 ―
[མ་དཔེ་གཟིགས་ན་འདིར་གནོན།]
འགྲུབ་བོ། །ཅེས་དཔལ་ཆེན་པོས་བཀའ་སྩལ་ཏེ། འཁོར་རྣམས་སྤྲོ་བར་གྱུར་ཏོ། །བསྒོམ་པའི་ལེའུ་སྟེ་ཉེར་བརྒྱད་པའོ།། །།རྡོ་རྗེ་སེམས་དཔས་ཡང་གསོལ་པ། །མ་མོ་འབྱུང་བའི་རྒྱུ་ཞེས་གང་ལ་བྱ། །མངོན་རྫོགས་དཔལ་ལ་བདག་ཕྱག་འཚལ། །མངོན་རྫོགས་དཔལ་གྱིས་བཀའ་སྩོལ་ཅིག །མངོན་རྫོགས་དཔལ་གྱིས་བཀའ་སྩལ་པ། །ཉོན་ཅིག་རྡོ་རྗེ་སེམས་དཔའ་གཙོ། །མ་མོ་འབྱུང་བའི་རྒྱུ་ཞེས་པ། །བརྟེན་པའི་གླུ་དང་དབྱངས་ལས་འབྱུང་། །བདག་གིས་འདི་སྐད་བརྗོད་པར་བྱ། །ཧཱུཾ་མ་གཡེལ་མ་གཡེལ་ཐུགས་རྗེ་ཅན། །མ་གཡེལ་མ་གཡེལ་སྲུང་མའི་ཚོགས། །ཀུན་ཏུ་བཟང་མོ་ཡུམ་གྱི་དབྱིངས། །མ་མོ་བོད་པའི་གླུ་ལེན་ཅིང་། །སྒྲ་ནི་སྟོང་གསུམ་ཁྱབ་པར་སྒྲོགས། །བསྒྲུབ་ནི་ཡེ་ཤེས་ཐིག་ལེ་བསྒྲུབ། །བརྟེན་ནི་ཧེ་རུ་ཀ་ཡི་གནས་སུ་བརྟེན། །དུར་ཁྲོད་ཆེན་པོའི་གནས་འདི་རུ། །ཤ་ཆེན་གསུར་ནི་དྲི་ཞིམ་ཞིང་། །དུས་འདི་ཉིད་དུ་ཕྲིན་ལས་མཛོད། །མཱཾ་ས་ཆེན་པོ་རི་ལྟར་སྤུངས། །རཀྟའི་རྒྱ་མཚོ་མཚོ་ལྟར་རློབས། །རུས་པའི་ཕུང་པོ་རི་ལྟར་སྤུངས། །དྲི་ཆུ་མང་པོ་ཆུ་ལྟར་འབྲུབ། །མ་མོ་ཆེན་མོ་སྤྲིན་ལྟར་གཏིབས། །ཕོ་ཉ་མང་པོ་སྐར་ལྟར་འཁྲུག །སུམ་བརྒྱ་དྲུག་ཅུའི་དཀྱིལ་འཁོར་འབྱུང་། །དེ་ནི་མ་མོ་སྒྲུབ་པའི་གླུ། །ཡིད་ཙམ་གདུང་ལ་བཤུག་པ་བླང་། །ཞེས་བཀའ་སྩལ་ཏོ། །མ་མོ་གླུའི་ལེའུ་སྟེ་ཉེར་དགུ་པའོ།། །།གནོད་འདུལ་ལྷ་ཡིས་ཡང་གསོལ་པ། །སེམས་ཅན་ཀུན་ལ་ཕན་གདགས་ཕྱིར། །ཚེ་སྲོག་ཉམས་པ་ཇི་ལྟར་གསོ། །ཡང་དག་རྫོགས་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩལ་པ། །སེམས་ཅན་ཀུན་ལ་ཕན་གདགས་ཕྱིར། །ཚེ་སྲོག་ཉམས་པ་གསོ་བ་དང་། །གསོ་བའི་ཆོ་ག་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །སྟེགས་ ― DNG022_Page_0693 ―
[མ་དཔེ་གཟིགས་ན་འདིར་གནོན།]
བུ་མདའ་གང་གྲུ་བཞི་ལ། །འཁོར་ལོ་རྩིབས་བརྒྱད་དེ་དབུས་ན། །པདྨ་ཆེན་པོ་འདབ་བརྒྱད་བྲི། །པདྨ་ཆེན་པོ་དེ་དབུས་སུ། །རིན་ཆེན་འབར་བ་ཟུར་བརྒྱད་བྲི། །དེ་དབུས་ཟླ་གམ་དམར་པོ་བྲི། །བྷནྡྷ་མཚན་དང་ལྡན་པ་བཞག །རིན་ཆེན་འབར་བ་ཟུར་བརྒྱད་ལ། །ལྔ་ལ་ཉི་ཟླ་ཡང་རྟག་པའི་རྒྱལ་མོ་ལྔ། །གཉིས་ལ་སྨེ་ཤ་པྲ་མོ་ཧ། །པདྨ་ཆེན་པོ་འདབ་བརྒྱད་ལ། །ཕྱོགས་བཞིར་ཁྲོས་པའི་དབང་ཆེན་བསྐྱེད། །མཚམས་སུ་གསང་བའི་ཡུམ་བཞི་འགོད། །འཁོར་ལོ་ཆེན་པོའི་རྩིབས་བརྒྱད་ལ། །ཕྱོགས་བཞིར་ཕྱག་རྒྱ་ཆེན་པོ་བཞི། །གཉིས་པར་ཐོད་ཕྲེང་རྒྱ་མཚོ་དགོད། །གཅིག་ལ་ཚེ་ཡི་སྙིང་པོ་བྲི། །སྨན་མོ་ཕྱི་མ་དོན་གྱིས་སྦྱར། །དཀྱིལ་འཁོར་དེ་ཡི་ཕྱི་རིམ་དུ། །བཀྲ་ཤིས་རྟགས་བརྒྱད་བྲི་བར་བྱ། །སྒོ་བཞིར་ཁྲོ་བོ་བཞི་ཡང་དགོད། །ཚིལ་ཆེན་མེ་མར་རྒྱུན་མི་གཅད། །ལང་ཚོའི་སྒྲུབ་པ་འདི་ལྟར་བྱ། །ཤིང་བལ་བུ་དང་། བྲག་ཏྲོད་དང་བྲག་ཏོ་ཡང་། མར་དང་། ཨ་མྲྀ་ཏ་དང་། འདི་རྣམས་དངུལ་བུམ་དུ་བླུག་ནས་དར་དམར་པོས་མགུལ་དུ་དཀྲིས་ལ། གཟུངས་ཐག་དར་དམར་ལེའུ་དཀར་དམར་ཟུང་གཅིག་གིས་བཏགས་ལ། དཀྱིལ་འཁོར་གྱི་དབུས་སུ་བཞག་ལ། གཟུངས་ཐག་དམར་པོ་ཡུམ་གྱིས་གཟུང་། དཀར་པོ་ཡབ་ཀྱིས་གཟུང་། ཞག་དགུར་བསྙེན་པ་བྱ་ཞིང་། རྟག་པའི་རྒྱལ་མོ་ལྔ་བསྐུལ་ཞིང་བསྒྲུབ་པོ། །དེ་ནས་རང་རང་གི་སྙིང་པོ་བཟླས། ཡང་ན་ཚེའི་སྙིང་པོ་དང་གཞུང་གཞན་ནས་འབྱུང་བའི་སྙིང་པོ་ཡང་གཞུང་བཞིན་དུ་བཟླས་བརྗོད་བགྱིའོ། །དུས་དེར་བར་ཆོད་འབྱུང་བས་མཚམས་ཡང་ནས་ཡང་དུ་བཅད་དོ། །དེ་སྒྲུབ་པའི་སྔགས་འདིའོ། །ཨོཾ་ཨ་མྲྀ་ཏ་ཤ་ན་དུ་ན་བུབ་བུདྡྷེ་སྭཱ་ཧཱ། ཨཱ་ཡུ་ཨུ་ཧ་ཡ། ཞེས་རྟག་ཏུ་བཟླས་སོ། །དངོས་གྲུབ་བླང་བའི་སྔགས་གསང་བ་འདིའོ། །ཨོཾ་བྷ་བྷ་ལ་ཧཾ་ཨ་ཨ་ཛྙཱ་ན་སའི་སིབ་ཡང་ཚེ་སྒྲུབ་པའི་ལེའུ་སྟེ་སུམ་ཅུ་པའོ།། །།གནོད་འདུལ་ལྷ་ཡིས་ཡང་གསོལ་པ། །སེམས་ཅན་ཀུན་ལ་ཕན་གདགས་ཕྱིར། །རིམས་ནད་གཅོད་པའི་ཆོ་ག་གང་། །མངོན་ ― DNG022_Page_0694 ―
[མ་དཔེ་གཟིགས་ན་འདིར་གནོན།]
རྫོགས་ཡབ་ལ་བདག་ཉན་འཚལ། །མངོན་རྫོགས་ཡབ་ཀྱིས་བཀའ་སྩལ་པ། །སེམས་ཅན་ཀུན་ལ་ཕན་གདགས་ཕྱིར། །རིམས་ནད་གཅོད་པའི་ཆོ་ག་ནི། །ཡང་དག་ཉིད་དུ་ངས་བཤད་ཀྱི། །ཉོན་ཅིག་གནོད་འདུལ་ལྷ་ཡི་གཙོ། །ངས་བསྟན་པ་ལ་ཐེ་ཚོམ་མེད། །རིམས་ནད་གཅོད་པའི་ཆོ་ག་ནི། །རེ་མ་ཏི་བསྒྲུབས་ལ་ཐལ་ཆེན་དང་ཡུངས་ཀར་དང་། ཙ་རའི་ཁྲག་དང་། རོ་སོལ་དང་འདི་རྣམས་བསྲེས་ལ། དེ་གདབ་པའི་བརྣག་པའི་སྔགས་འདིའོ། །ཨོཾ་ས་སི་རུ་རུ་ཕུ་རུ་ན་མ་ར། སེཾ་འུ་ར་བ་མ་སུ། པུ་ཏ་ན་བྷྱོ། ཞེས་ཉི་ཤུ་རྩ་གཅིག་བཟླས་ལ། རིམས་ནད་ཡོད་པའི་ཕྱོགས་སུ་གཏོར་རོ། །ཕྱོགས་བཅུར་ཡང་གཏོར་རོ། །ཕྱི་མ་དུར་ཁྲོད་དུ་གཏོར་རོ། །ཆུ་ལ་ཡང་གཏོར་རོ། །དེས་རིམས་ནད་ཆད་པར་འགྱུར་རོ། །རིམས་ནད་བཅད་པའི་ལེའུ་སྟེ་སོ་གཅིག་པའོ།། །། གནོད་འདུལ་ལྷ་ཡིས་ཡང་གསོལ་པ། །མ་ནུ་ཀུན་ལ་ཕན་གདགས་ཕྱིར། །ཆར་དུ་དབབ་པའི་ཆོ་ག་ནི། །རྫོགས་སངས་རྒྱས་ལ་བདག་ཉན་འཚལ། །རྫོགས་སངས་རྒྱས་ཀྱིས་བཀའ་སྩལ་པ། །མ་ནུ་ཀུན་ལ་ཕན་གདགས་པའི། །ཆར་དུ་བབ་པ་ངས་བསྟན་གྱི། །ཉོན་ཅིག་གནོད་འདུལ་ལྷ་ཡི་གཙོ། །ངས་བསྟན་པ་ལ་ཐེ་ཚོམ་མེད། །ཆར་དུ་དབབ་པ་ནི། སྲོ་ལོ་དང་། མོན་སྲན་དང་། ཟིད་བུ་དང་། དེ་རྣམས་བསྲེས་ལ། དེ་ནས་སླ་ངའི་ནང་དུ་ཆུ་བླུགས་ལ། སྔགས་ཀྱིས་རྫས་དེ་ལ་བཏབ་ལ། ཆུ་དེ་ལ་བླུགས་ལ་ཕྱོགས་བཅུར་གཏོར་རོ། །གནམ་ལ་ཡང་གཏོར་ཞིང་སྔགས་འདིས་གདབ་བོ། །ཨོཾ་སུ་བ་བེ་བས། ན་མ་ཁ་ཁ་ཆུ་ད་རི། བོ་སུ་རབས་ཏྲ་དུ་ཡ་ཧ་ལ་སྭཱ་ཧཱ། ཞེས་བཟླས་ཤིང་གཏོར་རོ། །ཡང་ཁ་སྲན་ཆུ་མིག་བཟང་པོར་རྫས་དེ་བླུགས་ལ། ནཱ་ག་རཱ་ཛ་ས་མ་ཡ། ཞེས་དྲང་ཞིང་། གོང་གི་སྔགས་དེ་བཟླས་ཤིང་ཆུ་བཅུ་ནས་གནམ་ལ་ཡང་གཏོར་རོ། །ཐེ་ཚོམ་མེད་པར་འགྲུབ་བོ། །ཆར་དབབ་པའི་ལེའུ་སྟེ་སོ་གཉིས་པའོ།། །། ― DNG022_Page_0695 ―
[མ་དཔེ་གཟིགས་ན་འདིར་གནོན།]
གཡུང་དྲུང་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་དང་། །ལུ་གུ་རྒྱུད་ལ་འགལ་བྱེད་དང་། །རྟག་ཏུ་གདུག་པའི་སེམས་གྱུར་པ། །སེམས་ལུས་སོ་སོར་དབྲལ་བའི་ཕྱིར། །ལྷ་དང་དབྱེ་བ་ཇི་ལྟར་ལགས། །རྫོགས་སངས་རྒྱས་ལ་བདག་ཉན་འཚལ། །རྫོགས་སངས་རྒྱས་ཀྱིས་བཀའ་སྩལ་པ། །བསྟན་པ་གཉན་པོ་འཇིག་བྱེད་དང་། །ལུ་གུ་རྒྱུད་ལ་འགལ་བྱེད་དང་། །དྲག་ཏུ་གདུག་པའི་སེམས་གྱུར་ཏེ། །ལུས་སེམས་སོ་སོར་དབྲལ་བའི་ཕྱིར། །དབྱེ་བའི་ལས་རྣམས་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །དགྲ་བོ་ལྷ་དང་དབྲལ་བའི་ཕྱིར། །བྱ་རོག་འུག་པའི་གུང་རུ་ལ། །ཨ་དང་ནྲྀ་ཡི་མིང་བྲིས་ལ། །དམེ་བ་རྐང་གི་དྲེག་པ་གླན། །ཤོག་ཤོག་ཚོན་རེ་གྲུ་བཞི་ལ། །ལྷ་དང་མི་ཡི་མིང་བྲིས་ལ། །ཚོན་སྐུད་སྣ་ལྔས་བྱད་དུ་གཞུག །རྐང་དུ་ཛ་དུང་བཅུག་ནས་ནི། །འགའ་ཏི་ཕྱིན་ཕྱོགས་དག་ཏུ་བསྟན། །དུར་ར་ནག་པོ་དྲ་རྐང་བསྡམ། །མཎྜ་ལ་ཡི་དར་གྱིས་དཀྲིས། །ཨ་ནྲྀ་པ་རའི་ཐག་པས་བཅིངས། །ད་ར་པ་ཏིའི་རུས་པས་གདགས། །སྤ་མ་དག་གིས་དུད་པས་བདུག །པྲིག་ཤའི་ཤིང་ལ་བཏགས་ནས་ཀྱང་། །རླུང་ལ་ཕྱར་ཏེ་སྡང་མིག་བལྟ། །ཨ་ཏི་ར་ཡི་ལྕགས་ཀྱིས་གདབ། །རྦ་ན་ཏ་ཡི་དུད་པས་བདུག །ཙ་ར་ཏ་ཡི་མདའ་ཡིས་བརྡེག །ཀུ་ས་ར་ཡི་མགུལ་དུ་གདགས། །མ་ལ་ཏ་ཡི་སྒྲོམ་ནས་ཕྱུང་། །ལྕེ་འབར་མ་ཡི་སྙིང་པོ་བཟླས། །རྣར་ཉན་ཕྲ་མའི་གཟུགས་བྲིས་ལ། །ལྷ་དང་མི་ཡི་བར་དུ་གཞུག །མཱ་ར་ཡ་ཡི་སྔགས་ཀྱིས་དབྱེ། །མཚོན་ཆའི་ཕྱག་རྒྱ་བཅིངས་ནས་ནི། །གཟུགས་ཀྱི་བར་དུ་བརྡེག་པར་བྱ། །རཀྴ་རུ་ཏྲའི་སྔགས་ཀྱིས་གདབ། །ལྕགས་ཀྱུའི་ཕྱག་རྒྱ་གཉིས་བཅིངས་ནས། །ཨང་ཀུ་ཤ་ཡི་སྔགས་ཀྱིས་དྲང་། །ཞགས་པའི་ཕྱག་རྒྱ་གཉིས་བཅིངས་ལ། །བཱ་ཤ་ཧཱུཾ་གི་སྔགས་ཀྱིས་བཅིངས། །ལྕགས་སྒྲོག་ཕྱག་རྒྱ་གཉིས་བཅིངས་ལ། །སྥོ་ཊ་བཾ་གྱི་སྔགས་ཀྱིས་བསྡམ། ། ― DNG022_Page_0696 ―
[མ་དཔེ་གཟིགས་ན་འདིར་གནོན།]
དྲིལ་བུའི་ཕྱག་རྒྱ་གཉིས་བཅིངས་ནས། །གྷཎྜ་ཧོ་ཡི་སྔགས་ཀྱིས་སྤར། །བདག་ཉིད་ཆེན་པོའི་སྐུར་བསྒོམས་ཏེ། །ཕོ་ཉ་དྲུག་རྣམས་གཏན་ལ་དབབ། །གོང་མའི་ལས་རྣམས་སྦྱར་ཏེ་བྱ། །དེས་ནི་མཚན་མ་འབྱུང་བར་འགྱུར། །དེས་ཀྱང་མཚན་མ་མ་བྱུང་ན། ། ད་ར་པ་ཏི་ཡང་འདའ་ཏ་པ་ཡི་སོག་པ་ལ། །མ་ལ་ཏ་ཡི་ཁྲག་གིས་བྲིས། །ཏ་ན་ག་ནའི་དོང་དུ་གཞུག །ཆེ་མཆོག་ཡབ་ཡུམ་བསྒོམས་ནས་ནི། །སྨན་མོའི་སྔགས་དང་ཕྱག་རྒྱས་གདབ། །བསྐུལ་བའི་ཕྲིན་ལས་གཞུང་བཞིན་བྱ། །མ་མོ་དབྱེ་བྱེད་ཀྱི་ལེའུ་སྟེ་སོ་གསུམ་པའོ།། །། གཡུང་དྲུང་ལྷ་ཡིས་ཡང་གསོལ་པ། །དམ་ལས་འདས་པའི་སྔགས་ཟེར་དང་། །མཚན་མ་ངན་པའི་རྫུ་འཕྲུལ་དང་། །བདག་དང་སྔགས་བཟློག་བྱུང་བ་རྣམས། །བཟློག་པའི་ཆོ་ག་ཇི་ལྟར་ལགས། །མངོན་སངས་རྒྱས་ལ་བདག་ཉན་འཚལ། །བཀའ་སྩལ་པ། བདག་ལ་སྔགས་བཟློག་བྱུང་བ་རྣམས། །བཟློག་པའི་ཆོ་ག་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །ངས་བསྟན་པ་ལ་ཐེ་ཚོམ་མེད། །བཟློག་པའི་ཆོ་ག་འདི་ལྟར་བྱ། །འཁོར་བ་ལས་བྱས་པའི་པར་བུའི་ནང་དུ་ཡི་གེ་བྷྱོ་ཉི་ཤུ་རྩ་བརྒྱད་བྲིས་ལ། དེའི་ནང་དུ་དགྲ་བོའི་མིང་བྱང་གཞུག །བྷནྡྷ་དུམ་བུ་བརྒྱད་པ་གཅིག་གི་ནང་དུ་དགྲ་བོའི་མིང་དང་བྷྱོ་ཉི་ཤུ་རྩ་བརྒྱད་བྲིས་ལ། གང་ཡིན་པའི་མིང་རུས་གཞུག །དེ་ནས་པར་བུ་དང་བྷནྡྷ་གཉིས་ལ་སྔགས་འདི་བཏབ་ལ། མིང་བྱང་ལ་ཡང་གདབ་བོ། །བཟློག་པའི་ངན་སྔགས་ནི། ཨོཾ་བ་ར་མི་ར་ན། ད་ས་རི་ག་ཤ་དུ་ལ་ཧཱུཾ་བྷྱོ་བྷྱོ། ཞེས་བརྗོད་དེ། དེ་ནས་ཡང་པར་བུའི་ནང་དུ་དྲི་ཆེན་བཅུག་ནས། དྲི་ཆུས་གཏོར་ལ་སྔགས་ཏེ་བཟླས་ན་ངན་སྔགས་ཟློག་པར་འགྱུར་རོ། །མཚན་མ་ངན་པའི་རྫུ་འཕྲུལ་ཟློག་པར་འགྱུར། ངན་སྔགས་པར་བུས་བཟློག་པའི་ལེའུ་སྟེ་སོ་བཞི་པའོ།། །།གནོད་འདུལ་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་པ་ལ། །ངན་སྔགས་པར་བུ་ཇི་ལྟར་འཚལ། །མངོན་རྫོགས་ཡབ་ཀྱིས་བཀའ་སྩལ་པ། །བསྟན་ ― DNG022_Page_0697 ―
[མ་དཔེ་གཟིགས་ན་འདིར་གནོན།]
པ་གཉན་པོ་འཇིག་བྱེད་ཅིང་། །ལུ་གུ་རྒྱུད་ལས་འགལ་བྱེད་དང་། །སེམས་ཅན་ཀུན་ལ་གནོད་བྱེད་པ། །ངན་སྔགས་པར་བུ་འདི་བཤད་ཀྱི། །ཉོན་ཅིག་གནོད་འདུལ་ལྷ་ཡི་གཙོ། །ངན་སྔགས་པར་བུ་འདི་ལྟར་བྱ། །མངའ་གསོལ་བྱས་པའི་པར་བུ་རུ། །དགྲ་བོའི་མིང་བྱང་བྱས་ཏེ་གཞུག །མ་བདུན་སྔགས་ནི་སྟོང་བཟླས་ཤིང་། །མིང་བྱང་དེ་ལ་བརྡེག་པར་བྱ། །དེ་ནས་ཐལ་ཆེན་ཡུངས་ཀར་བསྲེས་པ་ཡིས། །ལན་ཁྲི་བཟླས་ནས་པར་བུར་གདབ། །གང་ལ་བྱ་བ་དེ་དམིགས་ལ། །གསལ་བར་བསྒོམ་སྟེ་ཕྱག་བཙལ་ནས། །བསྒྱུར་ན་དགྲ་བོ་ཕུང་བར་འགྱུར། །དེ་ཡི་མོད་ལ་རྟགས་འོང་ངོ་། །ངན་སྔགས་ལ། ཏ་ར་ཏུ་ར། བུ་བེ་པེ་ཏེ། བ་ན་མུ་ལ་བཛྲ། བ་ཡ་བྷྱོ་བྷྱོ་མ་མ་ཛི་ཏ་ཁ་རག་མ་ར་ཎ་མ་ར་ཎ་ བྷྱོ་བྷྱོ། ངན་སྔགས་པར་བུས་བསད་པའི་ལེའུ་སྟེ་སོ་ལྔ་པའོ།། །།གཡུང་དྲུང་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་ཅིང་། །ལུ་གུ་རྒྱུད་ལས་འགལ་བྱེད་དང་། །སེམས་ཅན་ཀུན་ལ་གནོད་བྱེད་པ། །བདག་ལ་སྡང་སེམས་བྱེད་པ་ལ། །པར་བུར་མནན་པའི་ལས་ཐབས་ནི། །རྟག་ཆེན་ཡབ་ལ་བདག་ཉན་འཚལ། །རྟག་ཆེན་ཡབ་ཀྱིས་བཀའ་སྩོལ་ཅིག །དེ་ལྟར་གསོལ་བ་གསན་ནས་ཀྱང་། །བསྟན་པ་གཉན་པོ་འཇིག་བྱེད་དང་། །ལུ་གུ་རྒྱུད་ལས་འགལ་བྱེད་ཅིང་། །སེམས་ཅན་ཀུན་ལ་གནོད་བྱེད་པ། །བདག་ལ་ངན་སེམས་བྱེད་པ་ལ། །པར་བུས་མནན་པ་ངས་བསྟན་གྱི། །ཉོན་ཅིག་གཡུང་དྲུང་ལྷ་ཡི་གཙོ། །པར་བུ་མནན་ལས་འདི་ལྟར་བྱ། །ཁམ་ས་ལ་སོགས་སྦྱིན་མོ་ལ། །སླུ་གུའི་ཚུལ་དུ་བྱས་པ་ལ། །ནང་དུ་ཐལ་ཆེན་བླུགས་ནས་སུ། །དེ་ཡི་ནང་དུ་དགྲ་གཟུགས་གཞུག །དེ་ཡི་རུས་པ་ལོ་དང་སྲིད་པའི་འབྲས་བུ་དང་། །ཡ་ཆ་མ་ཆ་བར་དུ་དང་། །དེ་རྣམས་བསྲེས་ལ། ཏིལ་ནག་པོ་དང་། སྐྱེ་ཚེ་དང་། བེའུ་རྣ་དང་། དེ་རྣམས་བླུགས་ནས། མི་ཁྲག་གིས་སྦྲུས་ལ། གཟུགས་བྱས་ལ་མིང་རུས་དང་། རུས་ཀྱི་ལྷ་དང་བཅས་ཏེ། པར་བུ་གང་ ― DNG022_Page_0698 ―
[མ་དཔེ་གཟིགས་ན་འདིར་གནོན།]
རུང་གི་ནང་དུ་བཅུག་ལ། ཁ་སྦུབ་ལ་ཁ་རྩི་སྐྱས་དྲེས་ན། ལྐུགས་ཤིང་ཁ་སྦུབ་སྟེ་འཆིའོ། །རྟོགས་པའི་དབང་དུ་མཛད་ནས་ཕྱག་རྒྱས་མནན་ནོ། །མནན་པའི་སྔགས་ལ། ཨོཾ་གྲ་བ་བུ་དེ་ཡག་མོ་ཁུག་སོད། ད་ལ་བུཾ་བུཾ། མ་ར་ཎ་པྲ་བེ་ཤ་ཕཊ་ནན། ཆོ་ག་ ཡང་སྭས། པར་བུས་མནན་པའི་ལེའུ་སྟེ་སོ་དྲུག་པའོ།། །།གཡུང་དྲུང་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་དང་། །ལུ་གུ་རྒྱུད་ལས་འགལ་བྱེད་ཅིང་། །སེམས་ཅན་ཀུན་ལ་གནོད་བྱེད་པ། །བདག་ལ་སྡང་སེམས་བྱེད་པ་རྣམས། །སྲོག་རྩ་བསྐམ་ན་ཇི་ལྟར་སྐམ། །སྙིང་རྩ་དྲངས་ན་ཇི་ལྟར་དྲངས། །རྫོགས་སངས་རྒྱས་ལ་བདག་ཉན་འཚལ། །རྫོགས་སངས་རྒྱས་ཀྱིས་བཀའ་སྩལ་པ། །བསྟན་པ་གཉན་པོ་འཇིག་བྱེད་གང་། །སྲོག་རྩ་སྐམ་པ་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །ངས་བསྟན་པ་ལ་ཐེ་ཚོམ་མེད། །སྲོག་རྩ་བསྐམ་ན་འདི་ལྟར་སྐམ། །ཞིང་ཆེན་རས་ལ་གཟུགས་བྲིས་ལ། །སྙིང་གར་མནན་པའི་སྔགས་བྲིས་ལ། །ཟངས་ཀྱི་སྦུ་གུའི་ནང་དུ་གཞུག །དེ་ནས་མ་མོ་སྲོག་ལ་རྦད་པ་ནི་འདི་སྐད་དོ། །ཧཱུཾ་ཁམས་གསུམ་རྒྱལ་མོ་དབང་གི་སྲིད་ཀྱི་གཞི། །གསང་བ་ཡུམ་ལ་དབང་བསྒྱུར་རྒྱས་འདེབས་མ། །གསང་བའི་ཐིག་བཞིས་གནས་བཞི་འཇོམས་བྱེད་མ། །དཀར་མོ་དམར་མོ་སྔོན་མོ་སེར་མོ་བཞི། །ཙིཏྟ་སྨུག་ཆེན་གནས་འདྲེན་མ། །མ་མོ་ཆེན་མོ་འདྲེན་མོ་བཞི། །དཀར་མོ་རྐུན་མོའི་ཚོགས་ནི་གནས་ནས་རྒྱུ། །རྔམ་བག་ཡུད་ཙམ་སྣ་ལ་རོལ་མཛད་མ། །ཁྱེད་ཀྱི་ཕྲིན་ལས་སྐལ་བའི་ངོ་ལོངས་ཤིག །ཤ་རུས་གཏད་པའི་གནས་སྐལ་མ་རུ་ལོང་། །ཧཱུཾ་ཀྲ་ག་ཤ་ཀྲམ་ཧཱུཾ། སྔོན་མོ་རྨོངས་མོས་འདྲེན་བྱེད་ཙིཏྟ་དྲོངས། །སྙིང་དང་ཁྲག་བསྲེས་ཞིམ་དགུའི་ཟས་ལ་རོལ། །གཏང་ཤ་རུས་ལ་གནས་བཞི་ཟས་ལ་གཏང་། །ཁ་རམ་ཏྲག་གྲམ་ཧཱུཾ། དམར་མོ་སྦོས་མོས་ཙིཏྟ་སྨུག་ཆེན་དྲོངས། །རྩ་བཞི་དྲོད་བཞི་ ― DNG022_Page_0699 ―
[མ་དཔེ་གཟིགས་ན་འདིར་གནོན།]
གནས་བཞི་དབྱིངས་སུ་སྤོར། །གཏད་པར་གནས་བཞི་ངོས་ལས་ཁྲག་ཆེན་ཐོབ། །གསོ་མཛད་སྦྱོར་མཛད་ཐུགས་རྗེའི་དབྱིངས་སུ་སྡུད། །མ་བཏང་མ་གཡེལ་མྱུར་དུ་ཤིག །ཏི་ཏ་ཀྲཾ་མ་ཧཱ་ལ་བྷྱོ། མ་ཧཱ་མ་རཀྟ་ལ་གྲཾ་ཧྲི་ནི་ལ་གྲཾ་ཧཱུཾ། སེར་མོ་བྱང་ཆུབ་ཚེ་འདྲེན་མས་ནི་མཐིང་ག་ཧཱུཾ་གི་ཀློང་ནས་དྲོངས། །དཀར་མོ་དབྱིངས་ཀྱི་ཐིག་ལེ་མས་ནི་གནས་ནས་སྤོར། །རྩ་བཞི་དྲོད་ཀྱི་གནས་ནས་སྒྱུར། །ཁྲག་ཆེན་འཁྱིལ་པའི་གནས་ནས་སྒྲོལ། །གསང་བའི་མ་བཞིའི་ཕྲིན་ལས་ནི། །བསད་པའི་དགྲ་བགེགས་ད་ལྟ་རུ། །ཁུག་ཅིག་རྒྱོབ་ཅིག་འབར་མ་བཞི། །དྲོངས་ཤིག་སྟོབས་ཤིག་མཚན་ཆེན་སྟོབས། །གསང་བའི་དབྱིངས་ནས་ད་ལྟར་དྲིལ། །མ་ཧཱ་རཀྟ་ལ་རཾ། མ་ཧཱ་ཙིཏྟ་ལ་བྷྱོ། མ་ཧཱ་མཱཾ་ས་ལ་ཡ། མ་ཧཱ་རཀྟ་ཤ་མ་ཤ་ལ་ཡ་ཀྲཾ། དེ་ལྟར་གསང་བའི་མ་བཞི་ལ་དྲིལ་ལོ། །དེ་ནས་འབར་མ་དགུ་རྦད་དེ་འདི་སྐད་དོ། །ཧཱུཾ་ནང་གི་འབར་མ་ཁྲག་འཐུང་ལྔ། །རྩ་བཞི་དྲོད་ལ་དབང་སྒྱུར་མ། །ཚེ་གསུམ་འབར་མ་ད་ཚུར་སྤྱོན། །ཁྲག་འཐུང་ཀློང་ནས་ལྗགས་འདྲིལ་མ། །ཡུལ་གཞི་འགས་མ་ད་ཚུར་སྤྱོན། །རྣམ་ཤེས་འདྲེན་པའི་གད་རྒྱངས་ཅན། །སྙིང་འདྲེན་མ་མོ་ད་ཚུར་སྤྱོན། །ཀུན་གཞི་སྡུད་པའི་ཚུལ་མཁན་མོ། །མྱོས་བྱེད་མ་མོ་ད་ཚུར་བྱོན། །མ་བཞི་ཀློང་ནས་ཁྲག་ཆེན་འཐོར། །གསལ་འཛིན་འབར་མ་ཀློང་དགུ་མོ། །ཡུམ་ཆེན་འབར་མ་ད་ཚུར་སྤྱོན། །ཀློང་ན་གནས་པའི་འབར་མ་ལྔ། །གནོད་པའི་དགྲ་བགེགས་ཀློང་ནས་དྲོངས། །འཁྲུག་བྱེད་མ་མོ་བྱོལ་མཁན་མོ། །ཀློང་ན་གནས་པའི་འབར་མ་ལྔ། །ཀློང་ནས་ནི་ཀློང་དུ་རྒྱོབ། །གནས་ནས་ནི་གནས་སུ་སྦྱོར། །མ་ཧཱ་ཙིཏྟ་སྥ་ར་ཎ་ཕཊ། མ་ཧཱ་རཀྟ་བྷྱོ། མ་ཧཱ་མཱཾ་ས་ལ་བྷྱོ། མ་ཧཱ་ཏྲག་ཤ་ལ་ཙིཏྟ་ཁཱ་ཧི། འདི་ལྔ་ནི་སྦས་པའི་མ་བཞི་དང་། ཡང་སྦས་ཀྱི་མ་མོ་གཅིག་སྟེ་ལྔའོ། །དེ་ལྔ་ནི་ཡེ་ཤེས་ཀྱི་འཕྲོ་འདུ་མ་ལྔའོ། །དེ་ནས་ཕྱིའི་མ་མོ་བཞི་བསྐུལ་བ་ནི་འདི་སྐད་དོ། །ཧཱུཾ་ཕྱི་རིམ་མ་མོ་འབར་མ་བཞི། །རྩ་བཞི་ཀློང་ནས་རྒྱ་གྲམ་འཕྱོ། །དཀར་མོ་འདེབས་མཁན་ཚེ་འཕྲོག་མ། །སེར་མོ་འདེབས་མཁན་གཟི་འཕྲོག་མ། །དམར་ ― DNG022_Page_0700 ―
[མ་དཔེ་གཟིགས་ན་འདིར་གནོན།]
མོ་འདེབས་མཁན་དབང་འཕྲོག་མ། །སྔོན་མོ་འདེབས་མཁན་སྲོག་འཕྲོག་མ། །ཕྱི་རིམ་འདྲེན་པའི་འབར་མ་བཞི། །འཁྲུག་བྱེད་མ་མོ་ལས་ལ་བབ། །གཡུལ་བཞི་མ་ཡི་ལས་ལ་བབ། །འཇིགས་བྱེད་མ་མོ་འབར་མ་བཞི། །ཀློང་ནས་དྲིལ་ཏེ་ངང་སྤྱོད་མཛོད། །གཞན་ལས་འཇོམས་བྱེད་གཡུལ་བཤམ་མོ། །རྦོད་གཏོང་མ་མོ་འབར་མ་དགུ། །ཤ་རུ་གནོད་བྱེད་དྲོངས་ལས་ཤོག །གཏད་པའི་གནས་སུ་འཕྲུལ་ཆེན་འགྱེད། །སྙིང་འདྲེན་མ་མོའི་དུས་ལ་བབ། །སྲོག་རྩ་སྐམ་པའི་དུས་ལ་བབ། །པྲ་མ་ཏྲག་ཤ་གྲཾ། ཤ་ཏིང་ལ་ལ་ཀྲཾ། ཎ་ར་རཀྟ་ལ་བྷྱོ། མ་ཧཱ་མཱཾ་ས་ལ་བྷྱོ། མ་ཧཱ་རཀྟ་ལ་བྷྱོ། མ་ཧཱ་ཤཱན་ཏིང་བྷྱོ། དེ་མ་དེ་ས་ཨཾ། མ་ཧཱ་ན་ཧེ་ཏྲཾ། ད་ར་ད་ར་ནི་ཧཱུཾ། ཞེས་བརྗོད། དྲག་ཏུ་བཟླས་སོ། །རྟག་ཏུ་བཟླས་པའི་སྙིང་པོ་ནི། ཨ་ཧཱུཾ་ཏྲག་ཤ་ཀྲཾ་ཙིཏྟ་ཀྲཾ་མ་ཧཱ་ལ་བྷྱོ་མ་ཧཱ་རཀྟ་ཀྲཾ། མ་ཧཱ་མཱཾ་ས་ལ་ཀྲཾ། ཧྲི་ཏི་ལ་ཀྲཾ། འདི་གསང་བའི་མ་བཞི་བརྣག་པའི་སྔགས་ཏེ། དུས་དང་རྣམ་པ་མེད་པར་བཟླས་ན། དགྲ་བོའི་སྙིང་ཡང་མངོན་དུ་འབྱུང་ངོ་། །སྲོག་རྩ་སྐམ་ པའི་ལེའུ་སྟེ་སོ་བདུན་པའོ།། །།གནོད་འདུལ་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་ལ། །སྲོག་རྩ་བསྐམ་ན་ཇི་ལྟར་སྐམ། །ཡང་དག་རྫོགས་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩལ་པ། །བསྟན་པ་གཉན་པོ་འཇིག་བྱེད་ཅིང་། །ལུ་གུ་རྒྱུད་ལས་འགལ་བྱེད་པ། །སེམས་ཅན་ཀུན་ལ་གནོད་བྱེད་དང་། །བདག་ལ་སྡང་སེམས་བྱེད་པ་རྣམས། །སྲོག་རྩ་སྐམ་པ་ངས་བསྟན་གྱི། །ཉོན་ཅིག་གནོད་འདུལ་ལྷ་ཡི་གཙོ། །ངས་བསྟན་པ་ལ་ཐེ་ཚོམ་མེད། །སྲོག་རྩ་བསྐམ་ན་འདི་ལྟར་སྐམ། །དུར་ཁྲོད་ཀྱི་རས་ལ་གཟུགས་བྱས་ལ། འཇག་མ་ལ་བྱས་པའི་གཟུགས་ཀྱི་ནང་དུ་བཅུག་སྟེ། དེ་ནས་ཨ་ཕྱི་ཆེན་མོ་བསྒོམ་པ་ནི། མདོག་ནག་མོ་ཞིང་ཆེན་གྱི་སླག་པ་གསོལ་བ། ཞིང་ཆེན་གྱི་བྷནྡྷ་དམར་པོས་ཐ་མ་བསྐོར་བ། ཕྱག་གཡས་ན་ཞིང་ཆེན་གྱི་སོར་ཕྲེང་འདྲེན་པ། གཡོན་པ་ན་མི་ ― DNG022_Page_0701 ―
[མ་དཔེ་གཟིགས་ན་འདིར་གནོན།]
མགོ་རློན་པའི་ཕོ་རུ་ན། མིའི་སྙིང་དང་ཚིལ་བུ་གཏུབས་ནས་བཀང་བ་གསོལ་བར་བསྒོམ་མོ། །དེ་ལྟར་གསལ་བ་དང་། འདི་སྐད་ཅེས་བསྐུལ་ལོ། །ཧཱུཾ་སྲིན་མོ་ཆེན་མོ་ཤམ་ཤམ་མོ། །གོས་སུ་ཞིང་ཆེན་པགས་པ་གོན། །ཐ་མ་བྷནྡྷ་སྟོང་གིས་བསྐོར། །ཨ་ཕྱི་ཆེན་མོ་མི་བཟད་མ། །སྐུ་མདོག་སྔོ་ནག་མཆེ་བ་ཅན། །བརྗིད་པའི་དབུ་ལ་སྤྱན་རེ་མངའ། །གོས་སུ་ཞིང་ཆེན་པགས་པ་གསོལ། །ཐ་མ་མི་མགོ་སྟོང་གིས་བསྐོར། །གཡས་ན་ཞིང་གི་སོར་ཕྲེང་བགྲང་། །གཡོན་ན་མི་མགོའི་ཕོར་བུ་རུ། །མི་ཁྲག་སྙིང་ཚིལ་གཏུབས་ནས་གསོལ། །རང་ལ་རང་ནི་ཐིམ་པར་སྟོབས། །ཞལ་གདངས་མཆེ་བ་གཙིགས་པ་ཡིས། །མ་མོ་ཐམས་ཅད་འདར་ཞིང་འདུད། །གཡང་གཞི་རུ་མཚོན་ཕྱར་ནས་སུ། །བདུད་དང་མུ་སྟེགས་ཐལ་བར་རློག །འཇིག་རྟེན་ཐམས་ཅད་བརླག་པར་བྱེད། །སྲིད་པ་གསུམ་ལ་ཕུད་ཉུལ་མ། །དེ་ནི་ཇོ་མོ་ཉིད་ལ་མཆོད། །བཅོལ་ན་ཀུན་ཀྱང་འགྲུབ་པར་བྱེད། །དགྲ་སྲོག་དམར་པོ་རྩད་ནས་ཆོད། །འདིར་སྤྱོན་དམ་སྐོང་ཕྲིན་ལས་མཛོད། །སྙིང་ཁྲག་མཆོད་པ་འདི་བཞེས་ལ། །དགྲ་བོའི་སྲོག་རྩ་དྲང་དུ་གསོལ། །དགྲ་བོའི་སྲོག་རྩ་སྐམ་དུ་གསོལ། །ཞེས་བསྐུལ་ཞིང་སྔགས་འདི་གདབ་པོ། །ཨོཾ་བཛྲ་མུ་རཾ་ཤང་། ཟ་འདྲམ་མུ་རཾ་ཤང་། ཧཱུཾ་ཁྲག་ར་གྲཾ་ཐུམ་རི་ལི་རི་ལི་རྦད། ཅེས་པ་བཟླས་ཤིང་ཞག་གསུམ་གྱི་བར་དུ་མི་ཚིག་གིས་བར་མ་ཆོད་པར་བྱའོ། །དེ་ནས་གཟུགས་ཀྱི་ཁ་བྲག་ནས་སྔགས་གདབ་པོ། །ལས་འདི་མི་འགྲུབ་མི་སྲིད་དོ། །ཐེ་ཚོམ་མ་བྱེད་ཅིག་པའོ། །དེ་ནས་གསང་བའི་ལྷ་མོ་ལ་འདི་སྐད་དོ། །ཧཱུཾ་ཐིག་ལེ་དབྱིངས་ནས་བསྐྱེད་པའི་ཁྲོ་རྒྱལ་ཡུམ། །དཔལ་ཆེན་ཐུགས་ལས་བསྐྱེད་པའི་ཁྲོ་མོའི་སྐུར་སྟོན་པ། །སྲིད་པ་རྩད་གཅོད་དབང་གི་སྐུ། །མཆེ་བ་གཙིགས་ནས་སྲོག་རྩ་འདྲེན། །སྐྱེ་ཤི་རྩད་བཅད་བདེ་ཀློང་ཐུགས་ལ་སྡུད། །ཕྱག་ནས་སྤྲུལ་པ་གཏོང་ཞིང་དུག་གསུམ་དབྱིངས་སུ་སྡུད། །མ་ཚོགས་དབང་དུ་སྡུད་ཅིང་བྷ་གའི་མངའ་མཛད་མ། །དགྲ་བོའི་སྲོག་རྩ་སྐེམ་ཕྱིར་འདིར་གཤེགས་ ― DNG022_Page_0702 ―
[མ་དཔེ་གཟིགས་ན་འདིར་གནོན།]
ཤིག །ཁྲག་རྩ་སྲོག་གཏུབ་མཆོད་པ་འདི་བཞེས་ལ། །དགྲ་བོ་འདི་ཡི་སྲོག་རྩ་གནས་སུ་སྐོམས། །ཧ་ཧོ་དེ་བྷྱོ་རུ་རུ་ལུ་རུ་ལུ་བྷྱོ་བྷྱོ། ཙིཏྟ་ལ་བྷྱོ་བྷྱོ། མ་ཧཱ་རཀྟ་ལ་བྷྱོ། ཞེས་ཁ་བྲག་ནས་གདབ་བོ། །རྩ་རྣམས་བསྐམ་པའི་ལེའུ་སྟེ་སོ་བརྒྱད་པའོ།། །།གནོད་འདུལ་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་ལ། །རྩ་རྣམས་བསྐམ་ན་ཇི་ལྟར་སྐམ། །རྫོགས་སངས་རྒྱས་ལ་བདག་ཉན་འཚལ། །བསྟན་པ་གཉན་པོ་འཇིག་བྱེད་ལ། །རྩ་རྣམས་སྐམ་པ་ངས་བསྟན་གྱི། །ཉོན་ཅིག་གནོད་འདུལ་ལྷ་ཡི་གཙོ། །ངས་བསྟན་པ་ལ་ཐེ་ཚོམ་མེད། །དེ་ལ་སྐྱེ་ཚེ་དང་། ཉུང་ནག་དང་། ཏིལ་ནག་པོ་དང་། ཐལ་ཆེན་དང་བསྲེས་ལ། ལྕེ་པོག་གིས་སྦྲུས་ལ་དེའི་གཟུགས་བྱས་ཏེ། ཤོག་ཤོག་ཚོན་གང་བ་བརྒྱད་ལ། གཅིག་ལ། མ་ནེ་ཏྲེ་ནི་བྷྱོ། ཞེས་བྲིས་ལ་རྩེའུ་ཆུང་གཡས་པ་ལ་གླན། གཅིག་ལ། ཨ་ཤན་ཏྲི་ནི་བྷྱོ། ཞེས་བྲིས་ལ་རྩེའུ་ཆུང་གཡོན་པ་ལ་གླན། གཅིག་ལ། བྷ་ག་དུན་ཏྲི་བྷྱོ། ཞེས་བྲིས་ལ། ཨ་སོར་ལི་ཀ་གཡས་ལ་གླན། གཅིག་ལ། ག་མུན་ཏན་ཏྲི་ན་བྷྱོ། ཞེས་བྲིས་ལ། ཨ་སོར་ལི་ཀ་གཡོན་ལ་གླན་ནོ། །གཅིག་ལ། བཛྲ་ཏ་ཀེཾ་བཛྲ་ཏ་ཀེཾ་བྷྱོ། ཞེས་བྲིས་ལ་ལོང་རྩ་གཡས་ལ་གླན། གཅིག་ལ། བཛྲ་ཏ་ཀེཾ་བཛྲ་ཏ་ཀེཾ་བྷྱོ། ཞེས་བྲིས་ལ་ལོང་རྩ་གཡོན་ལ་གླན་ནོ། །གཅིག་ལ། བཛྲ་ནི་ལ་བཛྲ་ནི་ལ་བྷྱོ། ཞེས་བྲིས་ལ་སྲོག་གི་ཁུང་དུ་གླན་ནོ། །གཅིག་ལ། བཛྲ་ལནྡ་བཛྲ་ལནྡ་བྷྱོ། ཞེས་བྲིས་ལ་ཁ་བྲག་ཏུ་གླན་ནོ། །དེ་ནས་སྙིང་ཁྲག་དང་སྙིང་རྩ་བསྲེས་པའི་མཆོད་པ་ཐོགས་ལ་འདི་སྐད་བསྐུལ་ལོ། །ཧཱུཾ་མ་མོ་ཆེན་མོ་མེ་འབར་མ། །བྷ་ག་འབུམ་གྱི་མངའ་མཛད་མ། །དབྱིངས་ཕྱུག་ཆེན་མོ་གཤེགས་སུ་གསོལ། །སྡང་བའི་དགྲ་བོ་ལས་ངན་པོའི། །རྩ་རྣམས་གནས་སུ་སྐམ་པའི་ཕྱིར། །འདི་ཡི་རྩེའུ་ཆུང་གཡས་པ་དྲོངས། །སྙིང་ཁྲག་མཆོད་པ་འདི་བཞེས་ལ། །བཅོལ་བའི་ལས་རྣམས་གྲུབ་པར་མཛོད། །མ་ནེ་ཏྲེ་ནེ་བྷྱོ། ཧཱུཾ་མ་མོ་ཆེན་མོ་ ― DNG022_Page_0703 ―
[མ་དཔེ་གཟིགས་ན་འདིར་གནོན།]
མེ་འབར་མ། །འཇིག་རྟེན་ཡོངས་ཀྱི་རྒྱན་མཛད་མ། །རྒྱན་གྱི་རྒྱལ་མོ་གཤེགས་སུ་གསོལ། །སྡང་བའི་དགྲ་བོ་ལས་ངན་པོའི། །རྩ་རྣམས་གནས་སུ་སྐམ་པའི་ཕྱིར། །འདི་ཡི་རྩེའུ་ཆུང་གཡོན་པ་དྲོངས། །ཨ་ཤན་ཏི་ནི་ས་མ་ཡ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར་མ། །བདག་ཉིད་ལྷག་ལྷག་བཞད་མཛད་མ། །བདག་ཉིད་ཆེན་མོ་གཤེགས་སུ་གསོལ། །སྡང་བའི་དགྲ་བོ་ལས་ངན་པོའི། །རྩ་རྣམས་གནས་སུ་སྐམ་པའི་ཕྱིར། །ཨ་སོ་ལོ་ཀ་གཡས་པ་དྲོངས། །སྙིང་ཁྲག་མཆོད་པ་འདི་བཞེས་ལ། །བཅོལ་བའི་ལས་རྣམས་གྲུབ་པར་མཛོད། །བྷ་ག་དུན་ཏྲི་ནི་ས་མ་ཡ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར་མ། །སྟོང་ཁམས་གཅིག་ཏུ་རྒྱུག་འགྲོ་མ། །གཅིག་པུ་ཡུམ་མཆོག་གཤེགས་སུ་གསོལ། །སྡང་བའི་དགྲ་བོ་ལས་ངན་པོའི། །རྩ་རྣམས་གནས་སུ་སྐམ་པའི་ཕྱིར། །ཨ་སོ་ལི་ཀ་གཡོན་པ་དྲོངས། །སྙིང་ཁྲག་མཆོད་པ་འདི་བཞེས་ལ། །བཅོལ་བའི་ལས་རྣམས་གྲུབ་པར་མཛོད། །ག་མུན་ཏན་ཏྲི་ནི་ས་མ་ཡ་བྷྱོ་བྷྱོ། ཏྲག་རཀྴ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར་མ། །དཀར་མོ་མིག་གཅིག་མཆེ་བ་ཅན། །ཤར་གྱི་གླིང་ནས་གཤེགས་སུ་གསོལ། །སྡང་བའི་དགྲ་བོ་ལས་ངན་པོའི། །རྩ་རྣམས་གནས་སུ་སྐམ་པའི་ཕྱིར། །འདི་ཡི་ལོང་རྩ་གཡས་པ་དྲོངས། །སྙིང་ཁྲག་མཆོད་པ་འདི་བཞེས་ལ། །བཅོལ་བའི་ལས་རྣམས་གྲུབ་པར་མཛོད། །བཛྲ་ཏ་ཀེཾ་བཛྲ་ཏ་ཀེཾ་ས་མ་ཡ་བྷྱོ་བྷྱོ་ཏྲག་རཀྴ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར་མ། །ནག་མོ་ཆེན་པོ་རལ་པ་ཅན། །ལྷོ་ཡི་གླིང་ནས་གཤེགས་སུ་གསོལ། །སྡང་བའི་དགྲ་བོ་ལས་ངན་པོའི། །རྩ་རྣམས་གནས་སུ་སྐམ་པའི་ཕྱིར། །འདི་ཡི་ལོང་རྩ་གཡོན་པ་དྲོངས། །སྙིང་ཁྲག་མཆོད་པ་འདི་བཞེས་ལ། །བཅོལ་བའི་ལས་རྣམས་གྲུབ་པར་མཛོད། །བཛྲ་ཏ་ཀེཾ་བཛྲ་ཏ་ཀེཾ་ས་མ་ཡ་བྷྱོ་བྷྱོ་ཏྲག་རཀྴ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར་མ། །དམར་མོ་ཆེན་མོ་དབང་དུ་སྡུད། །ནུབ་ཀྱི་གླིང་ནས་གཤེགས་སུ་གསོལ། །སྡང་བའི་དགྲ་བོ་ལས་ངན་པོའི། །རྩ་རྣམས་གནས་སུ་སྐམ་པའི་ ― DNG022_Page_0704 ―
[མ་དཔེ་གཟིགས་ན་འདིར་གནོན།]
ཕྱིར། །སྲོག་པ་རྩ་ལ་དམར་མོས་གཞིབས། །དགྲ་སྲོག་དམར་པོ་རྩད་ནས་ཆོད། །དམར་གྱི་མཆོད་པ་འདི་བཞེས་ལ། །བཅོལ་བའི་ལས་རྣམས་གྲུབ་པར་མཛོད། །བཛྲ་ནི་ལ་བཛྲ་ནི་ལ་བྷྱོ་བྷྱོ་ཏྲག་རཀྴ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར་མ། །སེར་མོ་ཆེན་མོ་ལས་མཁན་མོ། །བྱང་གི་གླིང་ནས་གཤེགས་སུ་གསོལ། །སྡང་བའི་དགྲ་བོ་ལས་ངན་པོའི། །གསང་བའི་གནས་སུ་སྐམ་པའི་ཕྱིར། །དགྲ་བོ་འདི་ཡི་ཚིག་ནག་གསང་བ་དྲོངས། །དམར་ཆེན་ མཆོད་པ་འདི་བཞེས་ལ། །བཅོལ་བའི་ལས་རྣམས་གྲུབ་པར་མཛོད། །བཛྲ་ལནྡ་བཛྲ་ལནྡ། ས་མ་ཡ་བྷྱོ་བྷྱོ། ཏྲག་རཀྴ་ས་མ་ཡ་བྷྱོ་བྷྱོ། སྔགས་ལ། ཏྲག་རཀྴ་ཁ་ཐཾ། སྙིང་ཁ་རག་ས་ར་མ་ཏི། དུ་ར་ཏ་ཏི་བྷྱོ་ཛ་ཧཱུཾ་ཛ་ནི་ཛ། བ་ར་བ་ར་བི་ཛ། ཀ་ཏཾ་ཀ་རི་ཛ་ཛ། ཞེས་དུས་དང་རྣམ་པ་མེད་པར་བཟླས་སོ། །ཡང་རྩ་སྐམ་པའི་ལེའུ་སྟེ་སོ་དགུ་པའོ།། །།གནོད་འདུལ་ལྷ་ཡིས་ཡང་གསོལ་པ། །བདག་ལ་སྡང་སེམས་བྱེད་པ་ལ། །རྟག་ཏུ་བཟླས་པའི་ཐུན་སྔགས་གང་། །ངོ་མཚར་ལྷ་ལ་བདག་ཉན་འཚལ། །ངོ་མཚར་ལྷ་ཡིས་བཀའ་སྩལ་པ། །མ་མོའི་ཐུན་སྔགས་ངས་བསྟན་གྱི། །ཉོན་ཅིག་གནོད་འདུལ་ལྷ་ཡི་གཙོ། །གསང་བའི་ཐུན་སྔགས་འདི་བཟླས་སོ། །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་ཧཱུཾ། གུ་ཧྱ་ཛྙཱ་ན་ཀྲོ་དྷཱི་ཤྭ་རཱི་སྟྭཾ། ཨོཾ་རུ་ལུ་རུ་ལུ་ཧཱུཾ་མ་བྷྱོ་ཕཊ། མ་ར་ཎ་ཙིཏྟ་ཁ། ཉིད་བཞི་མུ་ཁ་ལེ་ཀྲོ་དྷཱི་ཤྭ་རཱི་བྷ་ག་པདྨ་རྱ་བདེ་གློང་འདུས་འདུས་ན་སྙིང་ཛ་ཤ་ཡུ་ཏི་ཧཱུཾ་བྷྱོ་བྷྱོ། ཨོཾ་རུ་ལུ་རུ་ལུ་ཧཱུཾ་བྷྱོ་ཕཊ། སྙིང་ཁ་རག་རྩ་ཏ་རྦད། ཏྲག་རཀྴ་གྲཾ། མ་ཧཱ་མ་བྷྱོ། མ་ཧཱ་མ་བྷྱོ། མ་ཧཱ་རཀྴ་གྲཾ། ཧྲི་ནི་ལ་བྷྱོ། ཐུཾ་རི་ལི་རི་ལི་རྦད། ཙིཏྟ་བུཾ་རྦད། གིས་སྭ་མུ་ཧཱུཾ་ཧ། རུ་ལུ་རུ་ལུ་ཧཱུཾ་བྷྱོ། ཙིཏྟ་ཁ་ཙིཏྟ་ཁ་རཀྴ་ཁ། ཙིཏྟ་རཀྴ་ཁའི། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཛྭ་ལ་པ་རཾ་ཧ། རུ་ལུ་རུ་ལུ་ཧཱུཾ་བྷྱོ། ཙིན་ཏ་ཙིན་ཏ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་ཁ་ཙིཏྟ་ཁ་རཀྴ་ལི་རྦད། བྱི་ཤྭ་སན་ཏི་ཧ། རུ་ལུ་རུ་ལུ་ཧཱུཾ་བྷྱོ། ས་མ་ཡ་ཙིཏྟ་ ― DNG022_Page_0705 ―
[མ་དཔེ་གཟིགས་ན་འདིར་གནོན།]
ཁ་ཙིཏྟ་ཁ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། བྱི་ཡཾ་ཡཾ་རེ་ཧ། རུ་ལུ་རུ་ལུ་ཧཱུཾ་བྷྱོ་ཧཱུཾ། ཀརྨ་མ་ཧཱ་ཙིཏྟ་ཁ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། མ་ཧཱ་ལཾ་ད་ཧ། རུ་ལུ་རུ་ལུ་ཧཱུཾ་བྷྱོ། ཙིཏྟ་ཡ་ཙིཏྟ་ཁ། མ་ཧཱ་མཱཾ་ས་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་བཛྲ་ཀྲོ་དྷཱི་ཤྭ་རཱི་བྷ་ག་པདྨ་རྱ། རུ་ལུ་རུ་ལུ་ཧཱུཾ་ཙིཏྟ་ཁ་སྙིང་ཁ་རག །ཏྲག་རཀྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཨོཾ་བཛྲ་ཀྲོ་དྷཱི་ཤན་ཏིང་། པདྨ་ཀ་རུ་ཏིང་། རུ་ལུ་རུ་ལུ་ཧཱུཾ་བྷྱོ། ཙིཏྟ་ཁ་སྙིང་ཁ་རག །ཏྲག་རཀྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་མུ་ནེ་ཏྲི་ནི་བྷྱོ། ཙིཏྟ་ཁ་རག །སྙིང་ཁ་རག །ཏྲག་རཀྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་ཤན་ཏི་ནི་བྷྱོ། ཙིཏྟ་ཁ་སྙིང་ཁ་རག་ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་བྷ་ག་དུན་ཏི་ནི་བྷྱོ། ཙིཏྟ་ཁ་སྙིང་ཁ་རག་ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་ནཱ་ག་མུན་དན་ཏྲི་བྷྱོ། ཙིཏྟ་ཁ་ལ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཨོཾ་རི་ལི་ལི་རྦད། ཐུཾ་རི་ལི་ལི་རྦད། ཨོཾ་བཛྲ་ཀེཾ་བཛྲ་ཀེཾ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྴ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་བཛྲ་ཏ་ཀེཾ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། བཛྲ་ནི་ལ་བཛྲ་ནི་ལ་ཙིཏྟ་ཁ། སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ― DNG022_Page_0706 ―
[མ་དཔེ་གཟིགས་ན་འདིར་གནོན།]
བཛྲ་ལནྡ་བཛྲ་ལནྡ་ཙིཏྟ་ལའི་སྙིང་ཁ་རག་ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་བཛྲ་སཱུརྱ་བྱི་ཏ་ཨ་ཏོ་ཡེ། ཙིཏྟ་ཁ་སྙིང་ཁ་རག་ཏྲག་རཀྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། བཛྲ་པདྨ་བྱི་ཏ་ཨ་ཧོ་ལི། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། བཛྲ་ཁ་རག་བྷྱོ་ཏི་ཡེ་ཨ་ཏོ་མེ། ཙིཏྟ་ཁ་སྙིང་ཁ་རག །རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། བཛྲ་སྲིང་འགྲོ་བྷྱོ་ཏ་ཡེ། ཙིཏྟ་ཁ་སྙིང་ཁ་རག་ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་བཛྲ་ཟ་འགྲཾ་མུ་རང་ཤྭང་། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་བཛྲ་ཁ་རག །སྙིང་ཁ་རག །ཏྲག་རགྴ་གྲཾ། མ་ཧཱ་མཱ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཏྲག་རགྴ་ཏྲག་རགྴ་ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཏྲག་རགྴ་མུ་དྲ་བན། ཁ་མུན་དྲ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། རྦད་ཁ་མུན་དྲ་བ་དྲ་བ། ཏྲག་རགྴ་ཙིཏྟ་ཁ། སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་ལ་རྦད། པྲ་བན་པྲ་ཀ་ར་ཏིཥྚ་བྷྱོ། ཙིཏྟ་ཁ། སྙིང་ཁ་རག །ཏྲག་རཀྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། པྲ་གི་ཝང་ཤྭ་བྷྱོ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཏིང་རྣམ་དང་སམ་ཨེ་ཨར་ལི་ནུ། བི་རུ་ལུ་རུ་ལུ་བྷྱོ། ཙིཏྟ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཐུཾ་རི་ལི་ལི་རྦད། ཏྲག་རགྴ་ཏྲག་རགྴ་ཙིཏྟ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཏྲག་རགྴ་ཏྲག་རགྴ་ཙིཏྟ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨོཾ་ཨ་ཏི་བྷྱོ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ ― DNG022_Page_0707 ―
[མ་དཔེ་གཟིགས་ན་འདིར་གནོན།]
ལ་ཡ། མ་ཧཱ་རཀྟ་ལ་གྲཾ། ཐུཾ་རི་ལི་ལི་རྦད། ཧེ་བང་ཏེ་བྷྱོ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། སྤྱི་ཏིང་བྷྱོ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། བུ་ཏི་བྷྱོ་ཙི་ཏྲ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། མུ་ཏིང་བྷྱོ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། བཛྲ་ཏི་ཏང་བྷྱོ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། དུན་ཏིང་བྷྱོ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཐུཾ་རི་ལི་ལི་རྦད། ཤན་ཏེང་བྷྱོ། ཙིཏྟ་ཁ། སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། གྲུབ་ཏིང་བྷྱོ། ཙིཏྟ་ཁ། སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། པི་པང་ཏི་པང་བྷྱོ། ཙིཏྟ་ཁ། སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཨ་ཏ་ཡ་ཏ་ལ་བྷྱོ། ཙིཏྟ་ཁ། སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ད་ལ་དུན་བྷྱོ། ཙིཏྟ་ཁ་སྙིང་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་ཧ་ར་ཏ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། འདི་ན་མ་མ་གཡས་བྷྱོ། ཙིཏྟ་ཁ་རག །ཏྲག་རགྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། མ་ནུ་རཀྑ་སཱི་ལ་སོགས་པའི་དབང་ཕྱུག་མའི་སྔགས་ཚང་བར་བཏང་། ཙིཏྟ་ཁ་སྙིང་ཁ་རག །ཏྲག་རཀྴ་གྲཾ། མ་ཧཱ་མཱཾ་ས་ལ་ཡ། མ་ཧཱ་རཀྟ་ལ་གྲཾ། ཙིཏྟ་རྦད། ཐུཾ་རི་ལི་ལི་རྦད། ཏྲག་རགྴ་ཁ་མུན་ད་བྷྱོ་རུ་ལུ། ཧེ་མོ་ཨ་ལོ་ཙིཏྟ་ན་མ་བྷྱོ་བྷྱོ་རུ་ལུ། ― DNG022_Page_0708 ―
[མ་དཔེ་གཟིགས་ན་འདིར་གནོན།]
ཧེ་མོ་ཡ་བྷྱོ་རུ་ལུ་ཡ་མ་ན་ཤན་ཀྲོ་དྷ་བྷྱོ་རུ་ལུ། སྙིང་ཁ་རག་སྲོག་ཐུན་བྷྱོ། རུ་ལུ་མ་བྷྱོ་སྲིང་བྷྱོ། རུ་ལུ་མ་བྷྱོ། ཐུན་བྷྱོ། བཛྲ་སྙིང་མགོ་ཆོད། ཏིལ་ཁ་ལ་ཟ་མུན་ལ་ད་ན་ཏིང་རྦད། ཡུན་ད་ན་ཏིང་རྦད། ད་ར་རཾ་རྦད། ཐིམས་དྷ་ར་རྦད། ཤ་ཁྲག་ཐིག་སྣ་རྦད། ཚལ་པ་དུམ་བུ་ཁྲག་ཏི་རྦད། སྨད་ན་ནི་རྦད། ཤག་ཏི་ཤག་ཏི་རྦད། རྦ་ན་རྦ་ན་རྦད། དུམ་བུ་དུམ་བུ་ཚལ་པ་ཚལ་པ་རྦད། རཀྴ་རཀྴ་རུ་ཏྲ་རྦད། སྙིང་ནག་སྙིང་ནག་སྲོག་རྩ་རྦད། ཚལ་པ་ཚལ་པ་ཏེ་ནེ་རྦད། བང་རིལ་དཾ་པ་དུཾ་བུ་དཱིཔྟ་ཙཀྲ་རྦད། ཤི་ཙ་ཙ་རུ་ཐུཾ་ལིང་གུཾ་གུཾ་ཐུཾ་ལིང་རྦད། སརྦ་ཀུན་ཙ་ར་ལིང་ མུག་རྦད། ཙ་ར་ལིང་། མ་མ་རཀྴ་རུ་ཏྲ་རྦད། ཅེས་དྲག་ཏུ་བཟླས་ཤིང་། དུག་སྣ་ཚོགས་ཁྲག་ཏུ་སྦྱར་བར་བཏབ་ལ། དགྲ་བོའི་ཁྱིམ་ལ་ཕོག་པར་གཏོར་རོ། །དགྲ་བོ་ཐག་རིང་ན་ཡུལ་ཕྱོགས་སུ་གཏོར་རོ། །མ་མོ་ཐུན་སྔགས་ཀྱི་ལེའུ་སྟེ་བཞི་བཅུ་པའོ།། །།གཡུང་དྲུང་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་རྣམས། །དབང་དུ་བསྡུ་བ་ཇི་ལྟར་ལགས། །རྫོགས་སངས་རྒྱས་ཀྱིས་བཀའ་སྩལ་པ། །སྡང་སེམས་བྱེད་པའི་དགྲ་བོ་རྣམས། །དབང་དུ་བསྡུ་བ་ངས་བསྟན་གྱི། །གྲོ་ག་ལ་དགྲ་བོའི་མིང་རུས་བྲིས་ལ། རི་དྭགས་ཆུར་འཛུལ་གྱི་མིག་དང་། ཉ་ཐང་ལ་རྒྱུག་པའི་གཤོག་པ། ཆུ་ཉི་མ་མེད་པ་དང་། དེ་བསྲེས་ལ་ཡུངས་ཀར་དང་ཐལ་ཆེན་ལ་སྔགས་ཀྱིས་བཏབ་ལ། ཁྱིམ་མམ་ཡུལ་ཕྱོགས་སུ་གཏོར། མིང་བྱང་ལ་ཡང་གཏོར་ལ། མིང་བྱང་དོག་པས་བཅིངས་ལ། རྐང་པའི་བར་དུ་བཞག་གོ། །ངན་སྔགས་ལ། པ་ར་ཙེ་ན། མ་མ་བ་ཏ་ན། ལབ་ལཾ་དུ་ཧཱུཾ། ཆེ་གེ་མོ་དབང་དུ་སྡུས་ཤིག་སྭཱ་ཧཱ། བཛྲ་ནི་ལ་སྙིང་ཁ་རག་ཏྲག་རཀྴ་ཧྲི་ཧྲི་དབང་དུ་སྡུས་ཤིག་ཅེས་དྲག་ཏུ་བཟླས་སོ། །དགྲ་བོ་དབང་དུ་བསྡུ་བའི་ལེའུ་སྟེ་ཞེ་གཅིག་པའོ།། །།རྡོ་རྗེ་སེམས་དཔས་ཡང་གསོལ་པ། །བསྟན་པ་འཇིག་པའི་དགྲ་བོ་རྣམས། །ཕུར་བུས་གདབ་པ་ཇི་ ― DNG022_Page_0709 ―
[མ་དཔེ་གཟིགས་ན་འདིར་གནོན།]
ལྟར་གདབ། །སྤྱི་དཔལ་མཆོག་གིས་བཀའ་སྩོལ་ཅིག །སྤྱི་དཔལ་མཆོག་གིས་བཀའ་སྩལ་པ། །བདག་ལ་སྡང་སེམས་བྱེད་པའི་དགྲ་བོ་རྣམས། །ཕུར་བུས་གདབ་པ་ངས་བསྟན་གྱི། །ཉོན་ཅིག་རྡོ་རྗེ་སེམས་དཔའི་དཔལ། །མཆོག་ཆེན་པོ་བསྒྲལ་བའི་དཔའ་ཐུར་གཡས་པ་ལ། སོར་གཅིག་པ་དང་སོར་གསུམ་པ་དང་། སོར་ལྔ་པ་དང་། སོར་བརྒྱད་པ་དང་། སོར་བཅུ་གཉིས་པ་བྱས་ཏེ། དེ་རྣམས་ཀྱང་མགོ་རྒྱ་མདུད་ཟུར་བརྒྱད་པར་བྱས་ལ། དེའི་འོག་མ་ཡང་ཟུར་གསུམ་པར་བཞག་གོ། །སྐེད་པ་རྒྱ་མདུད་ཟུར་གསུམ་པར་བྱ། རྩེ་ཟུར་གསུམ་ཆུ་སྲིན་གྱི་ཁ་ནས་དབྱུང་བར་བྱའོ། །དེ་ནས་སོར་གཅིག་པར་བྱས་པའི་སྤྱི་བོར་གསང་བའི་ཧེ་རུ་ཀ་དགོད། སྐེད་པ་རྒྱ་མདུད་ལ་གསང་བའི་ཁྲོ་མོ་དགོད། སྟོད་ཀྱི་བཅུམ་གཞོགས་ལ་གསང་བའི་མ་བཞི་དགོད། རྩེ་མོ་ལ་ཨེ་ཀ་ཛཱ་ཊི་དགོད། དེ་ནས་མདུན་གྱི་དཀྱིལ་འཁོར་ཨེའི་སྟེང་དུ་བཞུགས་སུ་གསོལ། དེ་ནས་བྱིན་གྱིས་བརླབ་པ་དང་དབང་བསྐུར་བར་བྱ། དེ་ནས་དྲིལ་ཞིང་འདི་སྐད་བརྗོད་དེ། གུ་ཧྱ་ཤྲཱི་ཧེ་རུ་ཀ་ཧཱུཾ། གུ་ཧྱ་ཀྲོ་དྷཱི་ཤྭ་རཱི་སྟྭཾ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ཡ་ཕཊ། ཅེས་བཟླས་ཤིང་། གང་ལ་དམིགས་པ་དེའི་དཀར་ནག་མཚམས་ལ་བརྡེག་གོ། །ཕུར་བུ་སོར་གསུམ་པ་ལ། སྤྱི་བོར་འཇིགས་བྱེད་ཀྱི་ཧེ་རུ་ཀ་དགོད། རྒྱ་མདུད་འོག་མ་ལ་ཡུམ་ཆེན་ཉིད་བཞི་མུ་ཁ་ལེ་དགོད། སྟོད་ཀྱི་བཅུམ་གཞོགས་ལ་ཁྲོས་པའི་དབང་མོ་ཆེ་བཞི་དགོད། རྩེ་མོ་ལ་ཧཱུཾ་གསུམ་དགོད། དེ་ནས་མདུན་གྱི་ཉི་མའི་དཀྱིལ་འཁོར་དུ་བཞུགས་སུ་གསོལ། བྱིན་གྱིས་བརླབ་པར་བྱ། དབང་ཡང་བསྐུར། དེ་ནས་འདི་སྐད་དོ། །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་ཛྙཱ་ན་ཀྲོ་དྷཱི་ཤྭ་རཱི་སྟྭཾ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ཡ་ཧཱུཾ་ཕཊ། དེ་ནས་ཕུར་པ་སོར་ལྔ་པ་ལ། སྤྱི་བོར་དཔལ་ཆེན་པོ་དགོད། སྐེད་པའི་རྒྱ་མདུད་ལ་ཡུམ་བཀྲག་གསལ་མཉམ་དགོད། སྟོད་ཀྱི་བཅུམ་གཞོགས་ལ་ཡུམ་ཆེན་མོ་བཞི་དགོད། རྩེ་མོ་ལ་ཛ་དམར་པོ་དགོད། དེ་མདུན་གྱི་ནམ་མཁའ་ལ་བཞུགས་ ― DNG022_Page_0710 ―
[མ་དཔེ་གཟིགས་ན་འདིར་གནོན།]
སུ་གསོལ། བྱིན་གྱིས་བརླབ་པ་དང་། དབང་བསྐུར་བ་དང་། འདི་སྐད་བརྗོད། ཨོཾ་ཤྲཱི་ཧེ་རུ་ཀ་གྲི་སྭ་མུ་ཧཱུཾ་ཧ། མ་ཧཱ་ལཾ་ཏེ་ཧ། བཛྲ་ལ་བར་རཾ་ཧ། བྱི་ཤྭ་སནྟི་ཧ། བྱི་ཡ་ཡཾ་ཏེ་ཧ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ན་ཧཱུཾ་ཕཊ། དེ་ནས་ཕུར་པ་སོར་བརྒྱད་པ་ལ་སྤྱི་བོར་ཧེ་རུ་ཀ་དགོད། སྐེད་པ་རྒྱ་མདུད་ལ་ཡུམ་སྲིད་པའི་བདེ་འགྲོ་མ་དགོད། སྟོད་ཀྱི་བཅུམ་གཞོགས་ལ་དབྱིངས་ཕྱུག་མ་བཞི་དགོད། རྩེ་མོའི་ངོས་སུ་ཁྲོས་པའི་དབང་མོ་ཆེ་བཞི་དགོད། དེ་ནས་མདུན་གྱི་ནམ་མཁའ་ལ་བཞུགས་སུ་གསོལ། བྱིན་གྱིས་བརླབ་པ་དང་དབང་བསྐུར་བ་འདི་སྐད་དོ། །ཨོཾ་ཤྲཱི་ཧེ་རུ་ཀ་ཀྲོ་དྷཱི་ཤྭ་རཱི་བྷ་ག་པདྨརྱ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ན་ཕཊ། ཨོཾ་མུ་ན་ཏྲི་ནི། ཨ་ཤན་ཏྲི་ནི། བྷ་ག་དུན་ཏི། ག་མུནྡ་ཏྲི། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ན་ཧཱུཾ་ཕཊ། ཨོཾ་སཱུརྱ་པདྨ་ཁ་རག་སྲིད་འགྲོ་མ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ན་ཧཱུཾ་ཕཊ། དེ་ནས་ཕུར་པ་སོར་བཅུ་གཉིས་པ་ལ་གོང་མའི་སྟེང་དུ་ཐུགས་ཀྱི་དགྱེས་སྡེ་མོ་བཞི་བསྣན་ལ་དགོད་དོ། །དེ་ནས་མ་མོ་རྣམས་སྤྱན་དྲང་བ་དང་། བཞུགས་སུ་གསོལ་བ་དང་གཉིས་སུ་མེད་པར་བསྡིམ་པ་དང་མཆོད་པ་དབུལ་བ་དང་། དངོས་གྲུབ་གསོལ་བ་ལ་སོགས་པ་བྱས་ལ། དེ་ནས་འཛབ་ལ་ཞུགས་ལ་བར་བར་དུ་གཏོར་ཚོགས་ཀྱི་མཆོད་པ་འབུལ། ཐམས་ཅད་ཐུགས་དམ་བསྐུལ། ཕྲིན་ལས་བཅོལ། གསང་བའི་ཐུགས་ཀ་ནས། ཛ་འདི་འདྲ་བ་སྤྲོ་ཞིང་མནན་སྔགས་དང་། དགྲ་བོའི་སྲོག་གི་སྙིང་པོ་དང་བཅས་པ་དྲང་ཞིང་དགུག་གོ། །རྟགས་དང་མཚན་མ་མ་བྱུང་གི་བར་དུ་དེ་ལྟར་བྱའོ། །དེ་ནས་རྟགས་དང་མཚན་མ་བྱུང་བ་དང་། མྱུར་དུ་ཕུར་པ་གདབ་པར་བྱ་སྟེ། ཕུར་པ་རྣམས་གནས་སུ་གདབ་པར་བྱ་སྟེ། འདེབས་སྟངས་རྣམ་པ་བཞིས་གདབ་པོ། དེ་ནས་གནན་པར་བྱའོ། །ཕུར་པའི་ལེའུ་སྟེ་ཞེ་གཉིས་པའོ།། །།གནོད་འདུལ་ལྷ་ཡིས་ཡང་གསོལ་པ། །བདག་ལ་སྡང་སེམས་བྱེད་པ་རྣམས། །དཔུང་བཤིག་པ་ཡི་ ― DNG022_Page_0711 ―
[མ་དཔེ་གཟིགས་ན་འདིར་གནོན།]
ཆོ་ག་དག །ཡང་དག་རྫོགས་ལ་བདག་ཉན་འཚལ། །ཡང་དག་རྫོགས་ཀྱིས་བཀའ་སྩལ་པ། །སྡང་བར་བྱེད་པའི་དགྲ་བོ་རྣམས། །དཔུང་བཤིག་པ་ཡི་ཆོ་ག་ནི། །ད་ལྟ་ཉིད་དུ་ངས་བསྟན་གྱི། །སྡང་བའི་དགྲ་བོའི་དཔུང་བཤིག་པའི། །ལས་ཀྱི་འོག་འདི་ལྟར་བྱ། །ཁྲབ་ཕུབ་གྱོན་ལ། རྒྱལ་མཚན་གཅིག་དང་། མདུང་དར་ལྕེ་ཅན་གཅིག་དང་གཉིས་ཐོགས་ལ། རྒྱལ་མཚན་གྱི་རྩེ་མོར། ཨོཾ་བཛྲ་ཀྲོ་དྷཱི་ཤྭ་རཱི་བྷ་ག་པདྨརྱ་ཧཱུཾ་ཧཱུཾ་བྷྱོ་བྷྱོ། ས་མ་ཡ་ཤིག་ཅེས་བྲིའོ། །མགུལ་པར་ཨོཾ་ཤན་ཏིང་པདྨ་ག་རུ་ཏི་བྷྱོ་བྷྱོ་ས་མ་ཡ་ཤིག་ཅེས་བྲིའོ། །ཤར་ཕྱོགས་སུ་ཨོཾ་མུནྟྲི་བྷྱོ་བྷྱོ་ས་མ་ཡ་ཤིག་ཅེས་བྲིའོ། །ལྷོ་ཕྱོགས་སུ་ཨོཾ་ཨ་ཤན་ཏྲི་ནི་བྷྱོ་བྷྱོ་ས་མ་ཡ་ཤིག་ཅེས་བྲིའོ། །ནུབ་ཕྱོགས་སུ་ཨོཾ་བྷ་ག་དུན་ཏྲི་བྷྱོ་བྷྱོ་ས་མ་ཡ་ཤིག་ཅེས་བྲིའོ། །བྱང་ཕྱོགས་སུ་ཨོཾ་ག་མུན་དནྟྲི་ནི་བྷྱོ་བྷྱོ་ས་མ་ཡ་ཤིག་ཅེས་བྲིའོ། །དེ་ནས་སྐེད་པའི་ཤར་ཕྱོགས་སུ། ཨོཾ་བཛྲ་སཱུརྱ་བྷྱོ་ཨ་ཏོ་ཡེ་བྷྱོ་བྷྱོ་ས་མ་ཡ་ཤིག་ཅེས་བྲིའོ། །ལྷོ་ཕྱོགས་སུ་ཨོཾ་བཛྲ་པདྨ་བྷྱོ་ཏོ་ཡེ་བྷྱོ་བྷྱོ་ས་མ་ཡ་ཤིག་ཅེས་བྲིའོ། །ནུབ་ཕྱོགས་སུ་ཨོཾ་བཛྲ་ཁ་རག་བྷྱོ་ཏོ་ཨ་ཏོ་ཡེ་བྷྱོ་བྷྱོ་ས་མ་ཡ་ཤིག་ཅེས་བྲིའོ། །བྱང་ཕྱོགས་སུ་ཨོཾ་བཛྲ་སྲིད་འགྲོ་བྷྱོ་ཏོ་ཨ་ཏོ་ཡེ་བྷྱོ་བྷྱོ་ས་མ་ཡ་ཤིག་ཅེས་བྲིའོ། །དེ་ནས་སྐེད་སྨད་དུ་ཤར་ཕྱོགས་སུ། ཨོཾ་བཛྲ་ཀེཾ་བྷྱོ་བྷྱོ་ས་མ་ཡ་ཤིག་ཅེས་བྲིའོ། །ལྷོ་ཕྱོགས་སུ་བཛྲ་ཏ་ཀེཾ་བཛྲ་ཏ་ཀེཾ་བྷྱོ་བྷྱོ་ས་མ་ཡ་ཤིག་ཅེས་བྲིའོ། །ནུབ་ཏུ་ཨོཾ་བཛྲ་ནི་ལ་ཏ་བཛྲ་ནི་ལ་ཏ་བྷྱོ་བྷྱོ་ས་མ་ཡ་ཤིག་ཅེས་བྲིའོ། །བྱང་དུ་ཨོཾ་བཛྲ་ལནྡ་བྷྱོ་བྷྱོ་ས་མ་ཡ་ཤིག་ཅེས་བྲིའོ། །དར་ལ་སྐུར་བྱས་ཏེ་རྒྱལ་མཚན་དུ་བྱས་ན་ཡང་བཟང་། དེ་ནས་མདུང་དར་གྱི་རྩེ་མོ་ལ་སྲིད་པའི་མ་མོ་རྣམས་ཀྱི་སྙིང་པོ་བྲི་སྟེ། དར་གྱི་ལྕེ་རུ་ལྔ་བཅུ་གཅིག་པ་བྱས་ལ། དང་པོ་ལ་ཨོཾ་བཛྲ་ཟ་འགྲམ་མུ་ར་ཤྭ་བཛྲ་ཟ་འགྲམ་མུ་ར་ཤྭང་ཅེས་བྲིའོ། །དེའི་འོག་མ་ལ་ཨོཾ་བཛྲ་སྙིང་ཁ་རག་ཅེས་བྲིའོ། །དེའི་འོག་མ་ལ་སྙིང་ཏྲག་རཀྴ་ཏྲག་རཀྴ་ཅེས་བྲིའོ། །དེའི་འོག་མ་ལ་ཁ་མུན་ཙག་ཤ་ཞེས་བྲིའོ། །དེའི་འོག་ ― DNG022_Page_0712 ―
[མ་དཔེ་གཟིགས་ན་འདིར་གནོན།]
མ་ལ་ཏྲག་རགྴ་མུ་ཏྲ་ལ་མུ་ཏྲ་ས་ཏྲ་པ་པ་ཏྲག་ཤ་བྷྱོ་ཞེས་བྲིའོ། །དེའི་འོག་མ་ལ་སྲ་བན་པྲ་ཀ་ར་ན་གར་ཏྲི་དྲ་བྷྱོ་ཞེས་བྲིའོ། །དེའི་འོག་མ་ལ་བྲང་གི་ཝང་གི་ཤྭང་བྷྱོ་ཞེས་བྲིའོ། །དེའི་འོག་ཏུ་བྷྱོ་ཧཱུཾ་ཀ་རི་ཀ་པ་རོད་དོ་རོད་བྷྱོ་ཞེས་བྲིའོ། །དེའི་འོག་ཏུ་ནི་མ་ཆུ་མི་ཀཾ་ཁ་ཏང་བྷྱོ་ཞེས་བྲིའོ། །དེའི་འོག་མ་ལ་བ་ལ་ཛ་ཁ་བྷྱོ་ཞེས་བྲིའོ། །དེའི་འོག་མ་ལ་པདྨ་བ་ལ་ཙན་ད་མ་གུར་རཀྟོ་བྷྱོ་ཞེས་བྲིའོ། །དེའི་འོག་མ་ལ་ཏིང་སཾ་བྷྱོ་ཞེས་བྲིའོ། །དེའི་འོག་མ་ལ་ཨ་ཏིང་བྷྱོ་ཞེས་བྲིའོ། །དེའི་འོག་མ་ལ་ཧེ་ཏ་ཏིང་བྷྱོ་ཞེས་བྲིའོ། །དེའི་འོག་ཏུ་བྷྱོ་རི་བྷྱོ་ཞེས་བྲིའོ། །དེའི་འོག་མ་ལ་ཕུར་ཏིང་བྷྱོ་ཞེས་བྲིའོ། །དེའི་འོག་ཏུ་མུ་ཏིང་བྷྱོ་ཞེས་བྲིའོ། །དེའི་འོག་ཏུ་བཛྲ་ཤཱནྟིཾ་བྷྱོ་ཞེས་བྲིའོ། །དེའི་འོག་ཏུ་དུན་ཏིང་བྷྱོ་ཞེས་བྲིའོ། །དེའི་འོག་ཏུ་གྲུབ་ཏིང་བྷྱོ་ཞེས་བྲིའོ། །དེའི་འོག་མ་ལ་ཧར་ཏིང་བྷྱོ་ཞེས་བྲིའོ། །དེའི་འོག་ཏུ་ཧེ་པད་ཏི་པད་བྷྱོ་ཞེས་བྲིའོ། །དེའི་འོག་ཏུ་ཨ་ཡ་ཏ་ལ་བྷྱོ་ཞེས་བྲིའོ། །དེའི་འོག་ཏུ་དལ་དུ་ན་བྷྱོ་ཞེས་བྲིའོ། །དེའི་འོག་ཏུ་འདི་ནི་མ་མ་གཡས་བྷྱོ་ཞེས་བྲིའོ། །དེའི་འོག་ཏུ་མ་ནུ་རཀྴ་སཱི་བྷྱོ་ཞེས་བྲིའོ། །དེའི་འོག་ཏུ་བྲཧྨ་ཎཱི་བྷྱོ་ཞེས་བྲིའོ། །དེའི་འོག་ཏུ་རོའུ་ཏྲཱི་བྷྱོ་ཞེས་བྲིའོ། །དེའི་འོག་ཏུ་བིཥྞ་པེ་བྷྱོ་ཞེས་བྲིའོ། །དེའི་འོག་མ་ལ་ཀོའུ་མ་རཱི་བྷྱོ་ཞེས་བྲིའོ། །དེའི་འོག་ཏུ་ཨིནྡྲ་ཎཱི་བྷྱོ་ཞེས་བྲིའོ། །དེའི་འོག་མ་བཛྲ་པིར་ག་ལ་བྷྱོ་ཞེས་བྲིའོ། །དེའི་འོག་ཏུ་ཨ་མྲྀ་ཏ་བྷྱོ་ཞེས་བྲིའོ། །དེའི་འོག་ཏུ་སོའུ་མྱ་བྷྱོ་ཞེས་བྲིའོ། །དེའི་འོག་ཏུ་དཎྜ་དཾ་བྷྱོ་བྲི། དེའི་འོག་ཏུ་རཀྴ་སཱི་བྷྱོ་བྲི། དེའི་འོག་ཏུ་བཀྵ་སཱི་བྷྱོ་བྲི། དེའི་འོག་ཏུ་ར་ཏཱི་བཛྲ་བྷྱོ་བྲི། དེའི་འོག་ཏུ་ཟིར་ཡཏྟ་བྷྱོ་བྲི། དེའི་འོག་ཏུ་ཨེ་ཀ་ཙ་ར་ཎཱི་བྷྱོ་བྲི། དེའི་འོག་ཏུ་མ་ནོ་ཧ་ར་བྷྱོ་བྲི། དེའི་འོག་ཏུ་སིདྡྷི་ཀ་བྷྱོ་བྲི། དེའི་འོག་ཏུ་བཱ་ཡ་བེ་བྷྱོ་བྲི། དེའི་འོག་ཏུ་མ་ཧཱ་མ་ར་ཎཱི་བྷྱོ་བྲི། དེའི་འོག་ཏུ་ཨ་བྷྱོ་བྲི། དེའི་འོག་ཏུ་བཱ་ར་ཧཱི་བྷྱོ་བྲི། དེའི་འོག་ཏུ་ཙ་མུཎྜི་བྷྱོ་ཞེས་བྲི། དེའི་འོག་ཏུ་སུ་ཏ་ནི་བྷྱོ་བྲི། དེའི་འོག་ཏུ་བཱ་རུ་ཎཱི་བྷྱོ་བྲི། དེའི་འོག་ཏུ་མ་ཧཱ་ཀཱ་ལཱི་བྷྱོ་བྲི། དེའི་འོག་ཏུ་ཙ་ཀཱ་ལ་བཛྲ་བྷྱོ་བྲི། དེའི་འོག་ ― DNG022_Page_0713 ―
[མ་དཔེ་གཟིགས་ན་འདིར་གནོན།]
ཏུ་ཀུཾ་བྷ་ཀརྣ་བྷྱོ་བྲི། དེའི་འོག་ཏུ་བཛྲ་ལཾ་བོ་ད་ར་མ་བྷྱོ་ཞེས་བྲི། དེ་ནས་དགྲ་བོ་གང་ན་འདུག་པའི་ས་ཕྱོགས་སུ་ཁ་བལྟས་པས། མ་བདུན་སྲིང་བཞི་ཡང་བསྐུལ། ནམ་མཁའི་རྒྱལ་མོ་ཡང་བསྐུལ་ལོ། །སྔགས་དྲུག་ཅུ་རྩ་བརྒྱད་ཀྱང་བཟླས། མ་མ་རུ་ལུ་རུ་ལུ་བྷྱོ། ཏྲག་ཤ་ཏྲག་ཤ་ཏྲག་ཙིཏྟ་ཁ་ཐུཾ་ཁ་རག་བྷྱོ། ཤིག་ཤིག་ཅེས་དུས་དང་རྣམ་པ་མེད་པར་བཟླས་སོ། །དེ་ནས་དགྲ་བོའི་ཡུལ་ཕྱོགས་སུ་རྒྱལ་མཚན་གདབ་བོ། །མདུང་གིས་ཀྱང་གདབ་པའི་ཚུལ་བསྟན་ནོ། །དེས་འགྲུབ་བོ། །དགྲ་བོའི་དཔུང་བཤིག་པའི་ལེའུ་སྟེ་ཞེ་གསུམ་པའོ།། །།གནོད་འདུལ་ལྷ་ཡིས་ཡང་གསོལ་པ། །བདག་ལ་སྡང་སེམས་བྱེད་པ་རྣམས། །ཡུལ་ནས་དབྱུང་བ་ཇི་ལྟར་དབྱུང་། །ཡང་དག་རྫོགས་ཀྱིས་བཀའ་སྩལ་པ། །བདག་ལ་སྡང་སེམས་བྱེད་པའི་དགྲ་བོ་དེ། །ཡུལ་ནས་དབྱུང་བའི་ཆོ་ག་ནི། །གཏན་ཚིགས་རྩ་བ་གཏན་ལ་དབབ། །ཉོན་ཅིག་གདོན་འདུལ་ལྷ་ཡི་གཙོ། །ངས་བསྟན་པ་ལ་ཐེ་ཚོམ་མེད། །མི་མང་པོ་ཕུང་བའི་རེའུ་ཤུལ་གྱི་ས་དང་། སྦུབ་མའི་ལོ་མ་དང་། ཇུ་ཙིའི་ཕུབ་མ་དང་། ཐལ་ཆེན་དང་དེ་རྣམས་བསྲེས་ལ། རྔ་མོའི་སྙིང་དང་། ཁྱི་དང་སྤྱང་ཀིའི་ཁྲག་གིས་སྦྲུས་ལ་གཟུགས་བྱས་ཏེ། གྲོ་ག་ལ་མིང་རུས་བྲིས། མགོ་རུ་ཧཱུཾ་བྲི། མཇུག་ཏུ་ཕཊ་བྲིས་ལ་བྲང་དུ་གླན། ཙིཏྟ་མ་ར་ཎ་ཤག་ཙིཏྟ་མ་ར་ཎ་ཁ། ཐུཾ་རི་ལི་ལི་རྦད་ཅེས་བྲིས་ལ་སྙིང་གར་གླན། ཡཾ་ནག་པོ་བདུན་བྲིས་ལ་ཁ་བྲག་ཏུ་གླན། དེ་ནས་གྲོ་བའི་ནང་དུ་བཅུག་ལ་བསྡམ་རྒྱ་གྲམ་གྱི་ཕྱག་རྒྱ་བཅས་ལ། སྔགས་འདི་ལན་ཉི་ཤུ་རྩ་གཅིག་བཟླས་ན་མྱོས་ཤིང་དབྱུང་བར་འགྱུར་རོ། །སྔགས་ལ། བ་རི་ཏ་ན་ཐོ་ན་བུད། ན་མ་ལ་ཤྭ་སྭཱ་ཧཱ། ཡཾ་ཐེག་ཡཾ་ཞེས་བཟླས་ཤིང་མཐུན་པའི་རླུང་ལ་བསྐུར་ཏེ་བཏང་ན། ཡུལ་ནས་དབྱུང་བར་ཐེ་ཚོམ་མེད་དོ། །དགྲ་བོ་ཡུལ་ནས་དབྱུང་བའི་ལེའུ་སྟེ་ཞེ་བཞི་པའོ།། །།གཡུང་དྲུང་ལྷ་ཡིས་ཡང་གསོལ་པ། །བདག་ལ་སྡང་སེམས་བྱེད་པ་རྣམས། །མ་མོས་ཁ་བཅིང་ཇི་ལྟར་བགྱི། །རྫོགས་སངས་རྒྱས་ཀྱིས་བཀའ་སྩལ་པ། ། ― DNG022_Page_0714 ―
[མ་དཔེ་གཟིགས་ན་འདིར་གནོན།]
བསྟན་པ་གཉན་པོ་འཇིག་བྱེད་དང་། །སྡང་སེམས་བྱེད་པའི་དགྲ་བོ་རྣམས། །མ་མོས་ཁ་བཅིང་བ་ལ། མི་འཕན་པོ་ཕྱུག་པོའི་ཐོད་པ་ལ་རྨྱུག་མའི་སྤྲ་ཚིལ་ཀླད་པར་བརྫིས་ལ། ཐོད་པའི་ཁར་བཅུག་ལ། དོག་པ་སྔོན་དམར་གྱིས་ཁ་བཅིངས་ལ། ཆུ་སྲིན་གྱི་ཕྱག་རྒྱ་བཅས་ལ། ཕྱོགས་བཞིར་བསྒྱུར་ཞིང་བསྟན་ལ། བརྣག་པའི་སྔགས་འདི་བཟླས་སོ། །ཨོཾ་ནཾ་ར་རྣལ། སྲིད་པ་ཚུགས་ཤྭ་ལ་མེད་ཐུལ་ས་ཐུ་ལྕགས་ཀྱི་པུ་ཐེད་སྭཱ་ཧཱ། ཞེས་བཟླས་སོ། །ཕྱག་རྒྱ་བསྒྱུར་རོ། །བཟློག་པའི་ཚེ་ན་མཆིལ་མ་རང་གི་ཁོང་པར་མི་གཏང་བར་བྱའོ། །ལས་འདིས་བདག་ལ་དགྲ་མི་སྲིད་དོ། །དེས་དགྲ་བོ་སྟོང་ཡང་ཁ་བཅིང་བར་འགྱུར་རོ། །ཁ་བཅིང་གི་ལེའུ་སྟེ་ཞེ་ལྔ་པའོ།། །།གཡུང་དྲུང་ལྷ་ཡིས་ཡང་གསོལ་པ། །བསྟན་པ་གཉན་པོ་འཇིག་བྱེད་ལ། །ནན་ཏུར་ལས་རྣམས་ཇི་ལྟར་འཚལ། །རྫོགས་སངས་རྒྱས་ཀྱིས་བཀའ་སྩལ་པ། །རྟག་ཏུ་གདུག་པའི་སེམས་གྱུར་ལ། །ནན་ཏུར་ལས་རྣམས་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །ཇི་ལྟར་ཡིད་འཐད་གནས་སུ་ནི། །འབྲུ་སྣ་ཚོགས་པའི་མི་གཟུགས་ལ། །མཁར་ཐབས་མདའ་ཡིས་བརྒྱན་པ་ནི། །ལེའུ་བཟང་དར་དཀར་ཆས་ཀྱིས་བརྒྱན། །ཡོ་བྱད་ཚོགས་པའི་སྡེར་ཆ་དང་། །ཟ་འོག་མདའ་ཡིས་རྣམ་པར་བརྒྱན། །སླེའུ་བཟང་སླེའུ་རིས་སྦྲ་ཡི་རྐྱེན། །རིན་ཆེན་སྣ་བདུན་རྒྱན་གྱིས་བརྒྱན། །མ་ཧཱ་ཤཱནྟིཾ་གཞུང་བཞིན་བརྗོད། །ཕོ་རིགས་རྣམས་ལ་གཞུང་བཞིན་བསྔོ། །དེ་ནས་གཞུང་བཞིན་བསྔོས་པ་དང་། །སོལ་བའི་དོང་ཁྲུ་གང་པའི་ནང་དུ། གླུད་ཕྱི་རྒན་དུ་མནན་ལ། དེའི་སྟེང་དུ་དགྲ་གང་ཡིན་པར་སོག་ལ་གཟུགས་བྲིས་ལ་ཁ་སྦུབ་ཏུ་མནན་ནོ། །དེའི་སྟེང་དུ་རྡོ་རྗེ་རྒྱ་གྲམ་གྱིས་མནན་ནོ། །དེ་ནས་དགྲ་བོའི་མིང་ནས་བོས་ཏེ་གཏོང་ངོ་། །ལས་མྱུར་དུ་གྲུབ་པའི་ལེའུ་སྟེ་ཞེ་དྲུག་པའོ།། །།རྨྱུག་རྒོད་ལ་དཔག་བསམ་ཤིང་གི་གཟུགས་བྱས་ལ། གྲོ་ག་ལ་དགྲའི་གཟུགས་བྱས་ལ་ ― DNG022_Page_0715 ―
[མ་དཔེ་གཟིགས་ན་འདིར་གནོན།]
སྙིང་གར་ཁྲག་གིས་མིང་བྲིས་ཏེ། གསེར་གཡུ་གཉིས་སྐོས་རྗེ་དྲང་དཀར་ལ་བསྔོས་ལ། དེ་ནས་མནྡ་ལའི་དར་དུ་གཏུམས་ལ། གོང་དུ་བསྟན་པའི་གཟུགས་དང་འདའ་ར་པ་ཏིས་གདགས་སོ། །ཨ་ཏི་པ་རིའི་ཐག་པས་བཅིང་ངོ་། །འོ་དོད་དྲག་ཏུ་འབོད་དོ། །དེས་སྨྱོ་རྒོད་དྲག་པོས་ཐེབ་ཏུ་གཞུག་པའི་ལེའུ་སྟེ་ཞེ་བདུན་པའོ།། །།ལྕགས་དང་གསེར་བསྲེས་ལ། ཁོལ་པོ་ཞིག་འཛིན་ལ་བསྔོས་ལ། གོང་དུ་བསྟན་པའི་གཟུགས་དང་། བསྔོས་པའི་ཡས་སྟགས་བསྲེག་ལ། རུས་སྦལ་གྱི་ཤུན་པར་གཏུམས་ལ། ཡ་ར་ཏའི་དོང་དུ་གཞུག་གོ། །ཡེ་ཤེས་རྗེ་མོའི་སྔགས་ཀྱིས་གདབ་པོ། །དེས་དབང་པོ་མི་གསལ་བ་དང་། དིག་པ་དང་། ལྐུགས་པར་བྱེད་པའི་ལེའུ་སྟེ་ཞེ་བརྒྱད་པའོ།། །། ལྕགས་དང་ཟངས་དང་། གསེར་དང་གསུམ་བརྡར་ལ་ཡ་བདུད་ཆེན་པོ་དག་ལ་བསྔོ། གོང་དུ་བསྟན་པའི་གཟུགས་དང་། བསྔོས་པའི་ཡས་སྟགས་བསྲེས་ལ། མུ་ལ་ཡའི་དོང་དུ་གཞུག །ཆེ་མཆོག་རྟགས་ཀྱི་ཕྱག་རྒྱས་གདབ། དེས་ནི་གློ་བུར་དུ་འཆི་བའི་ལེའུ་སྟེ་ཞེ་དགུ་པའོ།། །། འབྲུ་སྣ་ཚོགས་ཀྱི་ཟན་དག་ལ། །གླིང་ཕྲན་བཅུ་གཉིས་ཟླ་བྲིས་ལ། །སྤྱན་གཟིགས་དཀོར་ཆས་རྣམ་པར་བརྒྱན། །ཡར་ལ་ཤོད་ཀྱི་སྐྱེས་ཏོ་རེས། །རེངས་པའི་ལེའུ་སྟེ་ལྔ་བཅུ་པའོ།། །། འཇག་མ་དག་ལ་གཟུགས་བྱས་ཏེ། །དགྲ་ཡི་མིང་རུས་སྙིང་གར་གླན། །ཟན་ལ་ཟ་ཚུལ་བྱེད་དུ་གཞུག །འོ་དོད་ཆེན་པོ་དྲག་ཏུ་འབོད། །དེ་ལྟར་བྱས་ན་ཐུམ་བུར་འོང་བའི་ལེའུ་སྟེ་ང་གཅིག་པའོ།། །།རུས་པ་སྣ་ཚོགས་སྤུངས་པ་ལ། །གཤིན་རྗེའི་རྒྱལ་པོ་དག་ལ་བསྔོ། །ཡས་སྟགས་གསེབ་ཏུ་ཁམ་ས་ལ། །དགྲ་བོའི་གཟུགས་བྱས་སྙིང་གར་མིང་རུས་བྲིས། །ཁ་སྦུབ་བསྒྱེལ་ལ་མདའ་འགེངས་ཚུལ་དུ་བྱ། །ཅི་ཡང་རུང་བའི་ཤིང་ལྤགས་བསྐོན། །གཤིན་རྗེ་ནག་པོའི་སྔགས་ཀྱིས་གདབ། །དེས་ནི་གྲིར་འཆི་བའི་ལེའུ་སྟེ་ང་གཉིས་པའོ།། །།མི་ནོར་དུ་བཏགས་པ་སྣ་ཚོགས་ཀྱི། །དཀྱིལ་དུ་རྩྭ་ལ་གཟུགས་ ― DNG022_Page_0716 ―
[མ་དཔེ་གཟིགས་ན་འདིར་གནོན།]
བྱས་ལ། །གྲོ་ག་དག་ལ་མིང་རུས་བྲིས། །ས་ལ་ཨུ་མ་དེ་བཱིའི་གཟུགས་བྱས་ལ། ཨུ་མ་དེ་བཱིའི་གཟུགས་སྟེང་བསྐྱོན། འདོད་ཆགས་སྤྱོད་པའི་ཚུལ་དུ་བྱའོ། །མ་ཨེ་བ་ནིར་རྦད་ཛ་མཱ་ར་ཎ་ཕཊ་བྱ་བའི་སྔགས་ཀྱིས་གདབ། དེས་ནི་མཁལ་སྐེད་ན་བ་དང་། ཕོ་མཚན་སྐྲངས་པ་དང་། ཆུ་འགགས་ནས་འཆིའོ། །དུང་དང་གསེར་གཡུ་བསེ་དང་མཚལ། ཡས་སྟགས་སྣ་ཚོགས་སྤྱན་གཟིགས་དཀོར་ཆ་དང་། དགྲ་བོའི་མིང་བྱང་བྲིས་པ་ལ། ར་ཏི་དམར་པོའི་པགས་པས་གཏུམས། པ་ཏི་པ་མ་ར་ཎ་བཟླས་ཏེ་གདབ་པར་བྱའོ། །དེས་ནི་མྱུར་དུ་སྦོས་པར་འགྱུར་རོ། །བསེ་དུང་ལྕགས་དང་དགྲ་བོའི་མིང་རུས་བསྲེ། །རྫ་མ་ནག་པོའི་ནང་དུ་གཞུག །པ་ཏི་མ་ར་ན་ཡི་སྔགས་ཀྱིས་གདབ། །སྦས་ཤིང་གཏད་ན་རྦབ་དང་གཡང་དུ་འཆིའོ། །ཆོ་ག་བྱེད་པའི་དུས་སུ། བདག་ཉིད་མུ་ཁ་ལེའི་ཏིང་ངེ་འཛིན་ནམ་དབང་ཆེན་གྱི་ཏིང་ངེ་འཛིན་དུ་ཞུགས་ལ། གཞུང་བཞིན་དུ་བསྐུལ་ཞིང་ལས་བཅོལ་ལོ། །ཕོ་རིགས་ཕྱི་མ་ལ་གཏད་པའི་ལས་བཅོལ་བ་ནི་ཡོད་ན། འཁུ་ལྡོག་ཆེ་ལ་རྒྱབ་འགྱུར་བས། འདིར་མ་གསུངས་སོ། །བདུད་ལ་གཏད་པའི་ལེའུ་སྟེ་ང་གསུམ་པའོ།། །། གནོད་འདུལ་ལྷ་ཡིས་ཡང་གསོལ་པ། །སེང་གེའི་ཕྲུ་གུ་ནང་འཛིངས་པའི། །རྨི་ལམ་བཟློག་ན་ཇི་ལྟར་བཟློག །གསད་པའི་ཐབས་ནི་ཇི་ལྟར་ལགས། །ཡང་དག་རྫོགས་ལ་བདག་ཉན་འཚལ། །བཀའ་སྩལ་པ། ཉོན་ཅིག་གནོད་འདུལ་ལྷ་ཡི་གཙོ། །རྨི་ལམ་བཟློག་པར་འདི་ལྟར་བྱ། །ལྷམ་གྱི་ནང་གི་འབོབ་ཕྱུང་ལ་ཡང་ས་ལ་བརྡབ། བེར་རྒ་དང་ཕུ་འདུད་ཡང་ས་ལ་བརྡབ་བོ། །དེ་གསུམ་བརྡབ་པའི་སྔགས་ལ། ཨོཾ་མྱེ་ཨུ་ལ་མ་སྭཱ་ཧཱ། མྱི་ཏི་མཱ་ར་ཡ་ཏི་ནས། དེས་ཟློག་གོ། །གསད་པའི་ཐབས་ནི། ཁྲག་དུང་ཕོར་གང་གི་ནང་དུ་ཁྱི་རུས་དང་། ཝ་རུས་དང་། ཕག་རུས་དང་། ཀུན་བསྲེས་ལ་སྲོད་འཁོར་ཙམ་ན་ཁྱིམ་ལ་གཏོར་ཞིང་སྔགས་འདི་བཟླས་སོ། །མདུ་མ་ནུར། རག་མ་ནོར། ཀུ་རུ་ ― DNG022_Page_0717 ―
[མ་དཔེ་གཟིགས་ན་འདིར་གནོན།]
ཐུཾ་རྦད། དུན་ཏིང་ས་མ་ཡ་མ་ཤ་ཁ་ཁ་མུ་ཁ་ལེ་རྦད། བར་མ་ཁྱུང་ཏིང་ཧེད། ཅེས་བརྒྱ་རྩ་བརྒྱད་བཟླས། ཡུ་ན་ཤ་ཁྲག་ལྡབས། ཁམ་ལེ། ཁ་མ་ལེ་རྦད། ཁ་མུ་ལོ་ཏིང་ཏིང་རྦད། ཨི་ཏིང་ཡ་རྦད། ཅེས་བརྗོད་ན། ཉམས་ནས་ཟླ་བ་ལ་ཡང་རྩལ་ཟླ་ལ་རྐྱེན་འོང་ངོ་། །སེང་གེའི་ཕྲུ་གུ་འཛིངས་པའི་རྨི་ལྟས་བཟློག་པ་དང་གསད་པའི་ཐབས་ཀྱི་ལེའུ་སྟེ་ང་བཞི་པའོ།། །།རྡོ་རྗེ་སེམས་དཔས་ཡང་གསོལ་པ། །སེམས་ཅན་དུས་མིན་འཆི་བ་རྣམས། །དེ་ལ་བཟློག་པ་ཇི་ལྟར་བཟློག །བསྐང་བའི་གནས་ལྔ་ཇི་ལྟར་ལགས། །ཡང་དག་རྫོགས་ཀྱིས་བཀའ་སྩོལ་ཅིག །ཡང་དག་རྫོགས་ཀྱིས་བཀའ་སྩལ་པ། །སེམས་ཅན་དུས་མིན་འཆི་བ་དེ། །བསྐང་བའི་གནས་ལྔ་འདི་རྣམས་སོ། །ཧཱུཾ་སྣང་སྲིད་ཐམས་ཅད་ཡུམ་གྱི་བྷ་ག་སྟེ། །དུས་གསུམ་བདེ་གཤེགས་ཡུམ་གྱི་ཀློང་ནས་བསྐྱེད། །དབུས་ཀྱི་ཆེ་མཆོག་སྐུ་དང་གཉིས་མེད་བཞུགས། །མུ་མཐར་ཁྱབ་པའི་ཐུགས་དམ་བདག་སྐོང་ནས། །དབང་དང་དངོས་གྲུབ་སྩལ་དུ་གསོལ། །ཤར་ཕྱོགས་རྡོ་རྗེ་རིགས་ཀྱི་གཙོ། །རྡོ་རྗེ་དབྱིངས་ཕྱུག་མི་ཕྱེད་མ། །བསྐང་ངོ་བསྐལ་པའི་ཐུགས་དམ་བསྐང་། །ལྷོ་ཕྱོགས་རིན་ཆེན་རིགས་ཀྱི་གཙོ། །རིན་ཆེན་དབྱིངས་ཕྱུག་མི་ཕྱེད་མ། །བསྐང་ངོ་བསྐལ་པའི་ཐུགས་དམ་བསྐང་། ། ནུབ་ཕྱོགས་པདྨ་རིགས་ཀྱི་གཙོ། །པདྨ་དབྱིངས་ཕྱུག་མི་ཕྱེད་མ། །བསྐང་ངོ་ བསྐལ་པའི་ཐུགས་དམ་བསྐང་། །བྱང་ཕྱོགས་ལས་ཀྱི་རིགས་ཀྱི་གཙོ། །ལས་ཀྱི་དབྱིངས་ཕྱུག་མི་ཕྱེད་མ། །བསྐང་ངོ་བསྐལ་པའི་ཐུགས་དམ་བསྐང་། །དབྱིངས་ཀྱི་མ་ཆེན་བརྒྱད་རྣམས་དང་། །ཡུལ་གྱི་མ་མོ་བརྒྱད་རྣམས་ཀྱང་། །བསྐང་ངོ་བསྐལ་པའི་ཐུགས་དམ་བསྐང་། །བསྐང་བའི་ལེའུ་སྟེ་ང་ལྔ་པའོ།། །།རྡོ་རྗེ་སེམས་དཔས་ཡང་གསོལ་པ། །དམ་ལས་འདས་པའི་སྔགས་གཟེར་དང་། །འཇིག་རྟེན་མཚན་མ་བྱོལ་བ་དང་། །ལྷ་འདྲེ་རྫུ་འཕྲུལ་དྲག་གཡོས་དང་། །ངན་སྔགས་རྫུ་འཕྲུལ་ཅི་ལྟར་བཟློག །རྫོགས་སངས་རྒྱས་ ― DNG022_Page_0718 ―
[མ་དཔེ་གཟིགས་ན་འདིར་གནོན།]
ཀྱིས་བཀའ་སྩལ་པ། །དམ་ཚིག་འདས་པའི་སྔགས་གཟེར་དང་། །འཇིག་རྟེན་མཚན་མ་བྱོལ་བ་དང་། །དྲག་པོར་གཡོས་པའི་རྫུ་འཕྲུལ་རྣམས། །བཟློག་པའི་ལས་རྣམས་ངས་བསྟན་གྱི། །ཉོན་ཅིག་རྡོ་རྗེ་སེམས་དཔའི་གཙོ། །ངན་སྔགས་ཕུར་བུས་བཟློག་པའི་ཕྱིར། །གཏན་ཚིགས་མན་ངག་འདི་གསུངས་སོ། །པ་ཀོ་འདྲ་བའི་མཎྜལ་གཞུང་བཞིན་བྱ། །ཚ་ཚ་ཅ་ཏི་མང་དུ་གདབ། །ཕྱི་ཡི་བཤགས་པ་གཞུང་བཞིན་བྱ། །དེ་ནས་གསང་བའི་མཚམས་བཅད་དེ། །ལས་ཀྱི་དཀྱིལ་འཁོར་གཞུང་བཞིན་བྱ། །ནང་གི་སརྦ་རཱུ་པ་བཏང་། །བསྐང་གསོ་སྤང་སྐོང་མང་དུ་གདོན། །བསྐང་བའི་གནས་ལྔ་གཞུང་བཞིན་བྱ། །མ་ཧཱ་ཤན་ཏིང་ཆོ་ག་བྱ། །མ་མོར་གྲགས་པ་ཀུན་ཀྱང་བསྐང་། །ཡོ་བྱད་ནག་པོ་གཞུང་བཞིན་བཏང་། །རྟགས་དང་མཚན་མ་ཞིབ་ཏུ་བརྟག །རྟགས་དང་མཚན་མ་བསྟན་པ་དང་། །བསྐང་བཟློག་ཆོ་ག་བརྩམ་པར་བྱ། །དེས་ནི་མཚན་མ་ཟློག་པར་འགྱུར། །དེ་ནས་བསྐྱར་ཏེ་ཡང་གསུང་བ། །བསྐང་བ་དེས་ཀྱང་མ་བསྐངས་ན། །དབང་གི་རྒྱལ་པོའི་སྐུར་བསྒོམས་ལ། །རྩ་བ་གང་ཡིན་མ་མོ་དེ། །ཀུ་ཤ་དག་ལ་གཟུགས་བྱས་ལ། །འདའ་ར་པ་ཏིའི་རྒྱུ་མས་གདགས། །ཡེ་ཤེས་མ་མོ་ཆེན་མོ་བཞི། །ཆེ་མཆོག་ཧེ་རུའི་སྐུར་བསྒོམ་སྟེ། །མགོ་ལུས་བསྣོལ་ཏེ་གདན་དུ་བཏིང་། །དེས་ནི་ངན་སྔགས་བཟློག་པར་འགྱུར། །གལ་ཏེ་ལས་སུ་མ་གྲུབ་ན། །བརྟགས་ཏེ་རྩ་བ་གང་ཡིན་པ། །ཤོག་ཤོག་དག་ལ་གཟུགས་བྱས་ཏེ། །མཆོག་གི་ཕུར་བུ་གསང་བར་བརྡེག །སྨན་མོ་ལྔ་བཅུ་རྩ་གསུམ་ཡང་། །འཇག་མ་དག་ལ་གཟུགས་བྱས་ཏེ། །ཟངས་ཀྱི་ཕུར་བུ་དམར་པོས་བརྡེག །དབུས་ཀྱི་མ་མོ་བཅུ་གསུམ་ཡང་། །ཞིང་གི་ཤུན་པ་རས་མ་ལ། །ཁྲག་དང་མཚལ་གྱིས་གཟུགས་བྲིས་ཏེ། །གསེར་རམ་སེར་པོའི་ཕུར་བུས་གདབ། །དེས་ནི་ངན་སྔགས་ཟློག་པར་འགྱུར། །གལ་ཏེ་ལས་སུ་མ་གྱུར་ན། །དབུས་ཀྱི་ཆེ་མཆོག་ཡབ་ཡུམ་གཉིས། །སྤྲ་ ― DNG022_Page_0719 ―
[མ་དཔེ་གཟིགས་ན་འདིར་གནོན།]
ཚིལ་དག་ལ་གཟུགས་བྱས་ཏེ། །ལྕགས་སམ་ནག་པོའི་ཕུར་བུ་ཡིས། །ཐུགས་ཀ་ཉིད་དུ་གདབ་པར་བྱ། །ལས་རྣམས་འགྲུབ་པར་གདོན་མི་ཟ། །ཀཱི་ལ་ཡ་ཡི་སྔགས་ བརྗོད་ལ། །ཆོས་ཉིད་དབྱིངས་སུ་གདབ་པར་བྱ། །ཆེ་མཆོག་རྟགས་ཀྱི་ཕྱག་རྒྱས་གདབ་པའོ། །ངན་སྔགས་ཕུར་བུས་བཟློག་པའི་ལེའུ་སྟེ་ང་དྲུག་པའོ།། །།གཡུང་དྲུང་ལྷ་ཡིས་ཡང་གསོལ་པ། །དབང་པོའི་ཐིག་ལེ་ཉམས་པ་དང་། །ཐིག་ལེའི་སྤྱོད་པ་ཉམས་པ་རྣམས། །མྱུར་དུ་བཟློག་ཅིང་གསད་པའི་ཕྱིར། །ཡང་དག་རྫོགས་ལ་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །ཡང་དག་རྫོགས་ཀྱིས་བཀའ་སྩལ་པ། །རྒྱང་ལ་བཟློག་ཅིང་གསད་པའི་ཕྱིར། །ངེས་པའི་མན་ངག་འདི་བསྟན་གྱི། །ཉོན་ཅིག་གཡུང་དྲུང་ཡང་དག་པ། །རྟགས་དང་མཚན་མ་བྱུང་བའི་ཚེ། །བསྡམས་པའི་ཕྱག་རྒྱ་བཀྲོལ་ནས་ནི། །དགྲ་དེའི་ཡུལ་ཕྱོགས་བསྟན་ནས་ནི། །གྲོ་ག་ཤིང་ཤུན་ར་སོག་ལ། །མི་དེའི་མིང་བྱང་བྲིས་ནས་ནི། །དེ་ཡི་ལག་ཏུ་བསྐུར་ནས་ནི། །ཤུགས་སྒྲོལ་མ་ཡི་སྔགས་ཀྱིས་གདབ། །ཁྲག་དང་དུག་གི་གཏོར་མ་ཡང་། །རབས་ཆད་ཐོད་པར་བཤམས་ནས་ཀྱང་། །ཡུལ་ས་དེ་ཡི་ཕྱོགས་སུ་གཏོར། །ལས་རྣམས་གྲུབ་པར་གདོན་མི་ཟ། །སྙིང་གི་ཕུར་བུ་ཕྱུང་ནས་ནི། །ཨ་མྲྀ་ཏ་ཡིས་མཆོད་བྱས་ནས། །དམ་རྫས་གཙང་མའི་གཏོར་མ་ལ། །ཀུ་ས་ར་ཡི་རཀྟས་སྦྲེང་། །གང་ཡིན་དེ་ཡི་ཕྱོགས་སུ་ཁ་བལྟས་ལ། །གཙོ་འཁོར་གཞུང་བཞིན་བསྐུལ་ནས་ནི། །ལུས་ཀྱང་བསིག་ཅིང་ཕྱག་རྒྱ་བསྟན། །བདག་ཉིད་དབང་གི་སྐུར་བསྒོམས་ཏེ། །དབང་དྲག་ཕྱག་རྒྱ་བཅིངས་ནས་ནི། །གཟུགས་དེ་ཉིད་ལ་ཚམ་རྔམས་བྱ། །དྲག་ཤུལ་དབང་གིས་བསྐྱོད་ལ་བཏང་། ། དེ་ལྟར་དྲག་ཤུལ་གྱིས་སྨན་མོ་རྣམས་དབང་དུ་བསྡུས་ལ་བཏང་བས་ལས་མི་འགྲུབ་མི་སྲིད་དོ། །འདི་ནི་རམྦུ་གུ་ཡ་ཙནྡྲའི་ཐུགས་ཀྱི་མན་ངག་གོ། ། བསྡམས་པའི་ཕྱག་རྒྱ་བཀྲོལ་ནས་ནི། །པྲིཀྵའི་ལྕགས་ཀྱིས་གདབ་ནས་ནི། །བིང་ ― DNG022_Page_0720 ―
[མ་དཔེ་གཟིགས་ན་འདིར་གནོན།]
གི་ཕྱག་རྒྱ་བཅིངས་ནས་ཀྱང་། །རྡོ་རྗེ་གནོད་འགྲོས་གོམས་པ་ཡིས། །ཕྱོགས་དེར་དྲག་ཏུ་བདུན་འགྲོའོ། །ཡབ་ཡུམ་སྔགས་ཀྱིས་བཏབ་ནས་ནི། །བིང་གི་ཕྱག་རྒྱ་དྲག་བསྒྱུར་ན། །དེ་ནི་མོད་ལ་ལས་རྣམས་འགྲུབ། །ལན་གསུམ་བྱས་ན་ན་བར་འགྱུར། །ལན་ལྔ་བྱས་ན་འཆི་བར་འགྱུར། །ལན་གསུམ་དྲག་ཏུ་དྲིལ་ནས་ནི། །སྙིང་གི་ཕུར་བུ་ཕྱུང་ནས་ཀྱང་། །སྤྱི་བོའི་གཙུག་ཏུ་གདབ་པར་བྱ། །ལྕགས་སྣ་ལྔ་ཡི་ཕུར་བུ་ལ། །དབང་དྲག་ལས་རྣམས་གཞུང་བཞིན་བྱ། །དེས་ནི་ངེས་པར་གདོན་མི་ཟ། །མོན་ནམ་རབས་ཆད་ཐོད་པ་ལ། །ནང་དུ་མ་བདུན་སྙིང་པོ་བྲི། །སྤྱི་གཙུག་ཉི་ཟླ་ཐོད་ཕྲེང་བྲི། །ཆགས་འཛིན་སྤུན་གཉིས་རྣ་ལྟག་བྲི། །ཚོན་སྐུད་གཉིས་ཀྱིས་མིག་ནས་གདགས། །རཀྟ་རུ་ཏིའི་སྔགས་ཀྱིས་གདབ། །བིང་གི་ཕྱག་རྒྱ་གཉིས་བཀྲོལ་ཏེ། །དྲག་ཏུ་བསྐུལ་ཏེ་འཕང་ལ་བཏང་། །ལས་རྣམས་འགྲུབ་པར་གདོན་མི་ཟ། །ཞིང་གི་ཤ་ཚིལ་རས་རོས་ཀྱིས། །མ་མོ་རྣམས་ལ་གཏང་རག་གཏང་། །ངན་སྔགས་པར་བུས་བསད་པའི་ལེའུ་སྟེ་ང་བདུན་པའོ།། །།གཡུང་དྲུང་ལྷ་ཡིས་ཡང་གསོལ་པ། །རྟག་ཏུ་གདུག་པའི་སེམས་གྱུར་ལ། །ནན་ཏུར་ལས་རྣམས་ཇི་ལྟར་འཚལ། །ངོ་མཚར་ལྷ་ཡིས་བཀའ་སྩལ་པ། །བསྟན་པ་གཉན་པོ་འཇིག་བྱེད་དང་། །ལུ་གུ་རྒྱུད་ལས་འགལ་བྱེད་དང་། །རྟག་ཏུ་གདུག་པའི་སེམས་གྱུར་ལ། །ནན་ཏུར་ལས་རྣམས་ངས་བསྟན་གྱི། །ཉོན་ཅིག་གཡུང་དྲུང་ཡང་དག་པ། །སྲོག་ལུས་རྩ་རྣམས་སྐམ་པའི་ཕྱིར། །ར་སོག་གྲོ་ག་ཤིང་ཤུན་ནམ། །གཡམ་པ་སྔོན་པོའི་ངོས་དག་ལ། །ར་ཁྲག་ཁྱི་ཁྲག་སོལ་བ་ཡིས། །དགྲ་བོའི་གཟུགས་ནི་བྲིས་ནས་ནི། །ཚེར་མ་ཅན་གྱི་ཤིང་རྣམས་ལ། །རྫས་ཀྱི་པྲྀཀྵའི་ཤིང་བུ་ལ། །ར་ལྟེ་དམར་པོའི་ལྕགས་འབྲས་གདགས། །དགྲ་བོའི་གཟུགས་ལ་བརྡེག་པར་བྱ། །ཡང་ན་ཏ་ཀི་པ་ཡི་ཤུན་པ་ལ། །ནས་གུ་རུ་ཏ་ཡིས་བྲིས། །མགོ་ལ་མཁའ་ ― DNG022_Page_0721 ―
[མ་དཔེ་གཟིགས་ན་འདིར་གནོན།]
འགྲོ་ལྔ་བོ་བྲི། །ཙ་ར་མ་ཏི་ཏ་ཡིས་བྲིས། །ལྟེ་བར་ཆགས་འཛིན་སྤུན་གཉིས་བྲི། །རྐང་པ་གཉིས་ལ་མ་བདུན་བྲི། །གཡས་ཀྱི་དུམ་བུ་བཞི་པོ་ལ། །ཕུང་བྱེད་སྦས་པའི་མ་བཞི་བྲི། །གཡོན་གྱི་དམ་བུ་བཞི་པོ་ལ། །ཁྲོས་པའི་དབང་ཆེན་བཞི་པོ་བྲི། །གསང་བའི་ཡུམ་བཞི་ཀླད་པའི་རྒྱས། །ཉི་ཟླ་ཐོད་ཕྲེང་སྙིང་གི་དཀྱིལ། །ཕྲ་མེན་རྒྱ་མཚོ་མཁལ་མ་ལ། །ཡེ་ཤེས་ཚོགས་ཀྱི་རྗེ་མོ་ནི། །ཕུད་ཀྱི་གཙོ་མོར་བཞུགས་སུ་གསོལ། །ཕྱི་མ་དམན་མོའི་ཚོགས་རྣམས་ནི། །གདུང་རྩིབ་ཁར་དང་གོ་རི་ལའོ། །ཨ་ཕྱི་ཆེན་མོའི་རྒྱུངས་པ་ལའོ། །དུས་དྲུག་རྒྱུ་བའི་དགྲ་བོ་ནི། །ཤ་བ་སྙན་དང་བ་གླང་ངོ་། །འདི་ནི་ནམ་གྱི་གུང་ལ་རྒྱུ། །རྟ་དང་ལུག་དང་ར་དང་གསུམ། །དེ་ནི་ཉི་མའི་གུང་ལ་རྒྱུ་བའོ། །རྗེ་ཁོལ་དྲུག་ཅུ་རྩ་བདུན་ནི། །དུས་དྲུག་རྒྱུ་བ་དེ་བཞིན་ནོ། །མྱུར་དུ་བསྒྲལ་བའི་ངན་སྔགས་རྣམས། །གོང་གི་སྔགས་རྣམས་བཟླས་པ་ཡིས། །དགྲ་བོའི་གཟུགས་ལ་བརྡེག་པར་བྱ། །གཡོན་གྱིས་རྨེ་ལག་བཅད་ནས་ནི། །རང་གི་དཔྲལ་བའི་དབྱེས་སུ་བཞག །བདུད་ཀྱི་ཆས་སུ་ཞུགས་ནས་ནི། །སྐྲ་བཤིག་མིག་ནས་མཆི་མ་ཕྱུང་། །དེ་ཕྱོགས་ཉིད་དུ་ཁ་བསྟན་ནས། །ང་རོ་དྲག་ཏུ་བསྒྲགས་ནས་སུ། །གསང་བའི་ཕྱག་རྒྱ་སྡིགས་མཛུབ་ཀྱིས། །སྔགས་འདི་དྲག་ཏུ་བཟླས་ལ་བརྡེག །སྙིང་ལ་ཟ་བའི་རྩིམ་ཤ་རོལ། །ཁྲག་འཐུང་ཀང་ཀ་ཤ་ཟན། ཡཾ་རཾ་པར་ལ་རྟོ། ཤལ་བྱི། ཞེས་བརྡེག་གོ། །ཞིང་ལྤགས་གཡང་གཞི་དང་མ་བྲལ་བ་བདུན་ཡང་བླ་རེར་གདགས་སོ། །ཞིང་གི་གུར་ཐབས་དང་། ཞིང་གི་རྦད་ཕུར་དང་། མཆོག་ཕྲན་ཡང་དགྲམ་མོ། །ཙིཏྟའི་ཕོ་ལོང་དང་། མི་དབང་གི་འབྲས་བུ་དང་། མཚལ་ཆེན་བཏབ་པའི་རཀྟ་དང་། སྣེལ་གྲིར་ཤི་བའི་འདོང་མོ་དང་། སྦྲུལ་ནག་ལ་སོགས་པས་བརྒྱན་ནོ། །བྱང་ཆུབ་སེམས་དང་ཙིཏྟ་ཕྲུག་པར་བྱའོ། །ལྷོ་ཕྱོགས་ཀྱི་བྷནྡྷར། གླང་པོ་ཆེའི་འབྲས་བུ་གཅིག་དང་ཙིཏྟ་གཅིག་གིས་རཏྣ་སམ་བྷ་བའི་ཐུགས་དམ་བསྐང་ངོ་། །ནུབ་ཕྱོགས་ཀྱི་བྷནྡྷར་རྨ་བྱའམ་བྱ་མཚལ་ལུའི་འབྲས་བུ་དང་། བུད་མེད་ ― DNG022_Page_0722 ―
[མ་དཔེ་གཟིགས་ན་འདིར་གནོན།]
སྐྲ་སེར་ལ་ལི་བའི་རཀྟ་གཅིག་གིས་པདྨ་ཧེ་རུ་ཀའི་ཐུགས་དམ་བསྐང་ངོ་། །བྱང་ཕྱོགས་སུ་ཤང་ཤང་ངམ། ཕ་ཝང་གི་འབྲས་བུ་གཅིག་དང་ཅིར་ཡང་རུང་བའི་ཙིཏྟ་གཅིག་གིས་དོན་ཡོད་གྲུབ་པའི་ཐུག་དམ་བསྐང་ངོ་། །ཤར་ཕྱོགས་སུ་བྷནྡྷར་གླང་པོ་ཆེའམ་རྟ་སྔོན་པོ་ཞིག་གི་འབྲས་བུ་གཅིག་གིས་རྡོ་རྗེ་སེམས་དཔའི་ཐུགས་དམ་བསྐང་ངོ་། །དབུས་ཀྱི་བྷནྡྷར་དྲི་ཆེན་དང་། ཁྱི་དཀར་པོ་གཅིག་གི་འབྲས་བུས་རྣམ་པར་སྣང་མཛད་ཀྱི་ཐུགས་དམ་ བསྐང་ངོ་། །གཟུགས་དང་མིང་རུས་ལྡན་པར་བརྟག །རྩིབས་ཆ་དབུས་དང་ལྔ་ལ་འགོད། །ཙིཏྟ་དཔེའུ་ཆུང་གི་ལེའུ་སྟེ་ང་བརྒྱད་པའོ།། །།བྷནྡྷ་བཅོ་བརྒྱད་མེད་དུ་མི་རུང་ངོ་། །ཁྲག་སྣ་སྟོང་རྩ་བརྒྱད་མེད་ན་ཡང་། བརྒྱ་བཅོ་བརྒྱད་མེད་དུ་མི་རུང་ངོ་། །ཤ་སྣ་ཚོགས་སྟོང་རྩ་བརྒྱད་མེད་ན་ཡང་། བརྒྱ་རྩ་བརྒྱད་མེད་དུ་མི་རུང་ངོ་། །སྨན་སྣ་སྟོང་རྩ་བརྒྱད་མེད་ན་ཡང་། བརྒྱ་རྩ་བརྒྱད་མེད་དུ་མི་རུང་ངོ་། །གསུར་ཆེན་གྱི་དུ་བ་ཡང་མི་འཆད་པར་གཏང་ངོ་། །གཟུངས་མ་མཚན་དང་ལྡན་པ་བརྒྱད་མེད་ན་ཡང་། བཞི་མེད་དུ་མི་རུང་ངོ་། །དགོངས་པ་མཁན་གཅིག །སྐྱེས་བུ་སྔགས་མཁན་ངར་ཅན་གཅིག །དཀྱིལ་འཁོར་གྱི་གྲྭ་བཞིར་ཁམ་རྒྱ་ཆེན་མོའི་སྙིང་པོ་བྲི། དཀྱིལ་འཁོར་གྱི་མུ་རན་ལ་ལོང་བ་རྒྱབ་སྦྲེལ་བྲིའོ། །ཡང་སྤྲུལ་དང་བཅས་པར་བྱ། ཕུར་པ་བརྒྱ་རྩ་བརྒྱད་ཀྱིས་དཀྱིལ་འཁོར་གྱི་མཐའ་མ་བསྐོར། མདའ་བཞི་ཡང་བར་ཁྱམས་ལ་གཟུག་བྷནྡྷ་བཞི་དགོད། དེའི་བར་ཁྱམས་བཞི་རུ་གསེར་ཕྱེ་མེ་ལོང་བཞི་དགོད། དཀྱིལ་འཁོར་རྒྱན་གྱིས་བརྒྱན་ནོ། །དཔལ་ཆེན་པོ་རྩ་བཞི་ལས་བསྐྱེད་དེ། ནང་རྟགས་ཕྱིར་ཤར་བས་སྨེ་བ་དཀར་ནག་ཏུ་བྱུང་སྟེ། སྨེ་བ་མདངས་ཀྱི་མ་མོ་ཞེས་བྱའོ། །དྲག་པོ་ཕུར་བུ་ལ་སྔགས་ནི། མ་མ་ཏྲག་ཨེ་ཀཾ་རུ་ལུ་ཞེས་བཏབ་པོ། །གུ་ཧྱ་གཏེར་གྱི་ལེའུ་སྟེ་ང་དགུ་པའོ།། །།དེ་ནས་ཡུམ་སྦས་ལ་མཚམས་བཅད། ཡུམ་རྣམས་བདུད་རྩིའི་ཆུས་བཀྲུས་ལ། མདེའུ་སྦྲང་མ་དར་ལེ་བརྒན་གྱིས་མགུལ་ ― DNG022_Page_0723 ―
[མ་དཔེ་གཟིགས་ན་འདིར་གནོན།]
ཆིངས་བྱས་ལ། ཡུམ་གྱི་དཔུང་པ་ནས་བཟུང་ལ། ཐེ་ཙོམ་སྤང་སྟེ་ཡང་རྨ་བཅོམ་ལྡན་འདས་དང་དགོངས་སྤྱོད་གཅིག་ཏུ་བཞུགས་སོ། །མ་ལྟར་དབང་མ་བྱེད། དབྱིངས་ལས་ཡེ་ཤེས་སྦྱོར། སྲིང་ལྟར་ལྷས་མ་དམ། གྲོགས་ལྟར་འཕྲག་མ་དོག །མཛའ་མོ་ལྟར་གཞུང་མ་ངན། བྲན་ལྟར་སྙིང་མ་རིང་། དེ་ནས་དཀྱིལ་འཁོར་གྱི་གྲྭ་བཞིར་དབང་བསྐུར་ལ་བཞག །དང་པོའི་ནུབ་མོ་བཤགས་པ་བྱ། དེ་ཕྱི་དེའི་ནུབ་མོ་བར་ཆད་ཀྱིས་མི་ཚུགས་པར་བྱ་བའི་ཕྱིར། ཕུར་པ་བརྒྱ་རྩ་བརྒྱད་ཀྱི་དཀྱིལ་འཁོར་བཞེངས་སུ་གསོལ། དེའི་ཕྱི་དེའི་ནུབ་མོ་ནམ་མཁའ་ལྡིང་གཅིག་གིས་ཐུགས་དམ་བསྐང་། དེའི་ཕྱི་དེའི་ནུབ་མོ་ཙ་རས་བཟློག །དེའི་ཕྱི་དེའི་ནུབ་མོ་ལུག་སྨུག་པོས་ཐུགས་དམ་བསྐང་། ཡུམ་གྱི་དཔུང་ཁ་ནས་བཟུང་ལ་ཐེ་ཙོམ་རྨའོ། །ཁར་སང་ཁར་ཉིན་སྔུན། མ་རུ་ངོ་མ་ཤེས་སྲིང་དུ་ངོ་མ་ཤེས། གྲོགས་སུ་ངོ་མ་ཤེས། མཛའ་མོར་ངོ་མ་ཤེས། བྲན་མོར་ངོ་མ་ཤེས། མ་རུ་ནི་ངོ་ཤེས་ན། དབྱིངས་དང་ཡེ་ཤེས་ལྡན། གྲོགས་སུ་ངོ་ཤེས་ན། བརྩེ་བའི་གཞུང་དང་ལྡན། མིང་པོར་ནི་ངོ་ཤེས་ན། གཟི་བརྗིད་ཆོས་དང་ལྡན། རྗེ་རུ་ནི་ངོ་ཤེས་ན། དབྱིངས་སུ་ནི་འབངས་སུ་མཆི། དེ་ནས་ཡབ་མངོན་རྫོགས་ཀྱི་རྒྱལ་པོས་སྲིན་ལག་ནས་བཟུང་སྟེ། ཡུམ་གྱི་བྷ་ག་དབང་དུ་བསྡུས་ལ། སྤྱན་དྲང་སྟེ་དགུང་བཞིའི་ནུབ་མོ་ཤེལ་དཀར་པོ་ཡ་སངས་ཀྱིས་དཀར་མོ་རྣམས་ཀྱི་ཐུགས་དམ་བསྐང་། དེ་ནས་ཁྱི་ནག་པོ་ཤེལ་མིག་གིས་མཚོ་སྨན་དང་ཀླུ་རྣམས་ཀྱི་ཐུགས་དམ་བསྐང་། པྲ་དབབ་པ་ཡང་ཡུམ་བདུད་རྩིའི་ཆུས་བཀྲུས། རཀྟའི་ཐིག་ལེ་གདབ། སྲིན་ལག་ལ་སྐུད་པ་ནག་པོ་གཅིག་གིས་གདགས། གུང་མོ་ལ་སྐུད་པ་དཀར་པོས་གདགས་ལ་བཟུང་། པྲ་དབབ་པའི་ཡུམ་མཚམས་བཅད། དེ་ནས་ཡུངས་ཀར་ལ་བསྔགས་ལ་སྤྱི་བོ་ནས་པྲ་དབབ་པའི་སྙིང་པོ་འདི་ཡང་བཟླས་སོ། །ཏྲག་རགྴ་མུ་དྲ་མུ་དྲ། རུ་ལུ་རུ་ལུ་རག་མོ་ཛཱ་ཛཱ། ཁ་ལ་མ་ཏི་བྲུཾ་སྙིང་ཁ་རག་བྷྱོ། རུ་ལུ་རུ་ལུ་ཁ་རཾ་རཀྴ་ནི་ཐུམ་རི་ལི། ཤུ་ནི་ཏ་རྦད་བྲུཾ། གཞུང་ལས་འབྱུང་བའི་མ་མོའི་ ― DNG022_Page_0724 ―
[མ་དཔེ་གཟིགས་ན་འདིར་གནོན།]
སྙིང་པོ་མཆེད། ཕྱོགས་ཕྱོགས་སུ་ལྷ་དབོག །འཛབ་དབབ་པོ། །པྲ་དབབ་པ་ཡུམ་པདྨའི་སྟེང་དུ་བཞག་ལ་ཕྱོགས་ཕྱོགས་སུ་དབང་བསྐུར་རོ། །དེ་ནས་པྲ་ཕེབས་པ་དང་། དངོས་གྲུབ་ལུགས་བཞིན་བཤམས་ལ། བདུད་རྩིའི་བདག་ཡིན་པས། བསྙེན་བསྒྲུབ་བདུད་རྩིའི་འཛབ་བགྲང་ངོ་། །དེ་ནས་ཡང་སྲིན་ལག་ནས་བཟུང་སྟེ་པྲ་དབབ་བོ། །འཇིག་རྟེན་སྔ་མའི་གཏམ་ཁྱེར་ནས་འོང་ངོ་། །རལ་གཅིག་མ་ཡིན་པས་སྙིང་པོ་ནས་དྲང་ངོ་། །ཏྲག་རཀྴ་མུ་ཏྲ་རུ་ལུ་བྲུཾ། ཨོཾ་ཤྲཱི་མཉྫུ་དཱིཔྟ་ཙཀྲ་བྲུཾ། དེ་ནས་སྔགས་མཁན་གྱིས་ཞབས་གཡོན་པའི་མཐེ་བོང་ལ་བཏགས་ལ། ལུང་གིས་ཟིན་པར་བྱས་ན་ལྷ་སྲིན་སྡེ་བརྒྱད་གང་ལ་བཀོལ་བ་ཡང་འགྲུབ་བོ། །པྲ་དབབ་པའི་ལེའུ་སྟེ་དྲུག་ཅུ་པའོ།། །། ཏ་ན་སྒྲོལ་བའི་ལུང་གིས་མ་རྣམས་ཀྱི་ཐུགས་དམ་སྐོངས། ག་ན་སྦྱོར་བའི་ལུང་གིས་འཕགས་པ་རྣམས་ཀྱི་ཐུགས་དམ་སྐོངས། སྦྱོར་སྒྲོལ་གཉིས་སུ་མེད་པར་བལྟའོ། །སྦྱོར་སྒྲོལ་གྱི་ལེའུ་སྟེ་རེ་གཅིག་པའོ།། །། དབང་དུ་བསྡུ་བ་ཡང་གཉིས་ཏེ། ནམ་མཁས་འབྱུང་བ་དབང་དུ་བསྡུ་བ་དང་། ཆོས་ཉིད་ཀྱིས་ཆོས་ཅན་དབང་དུ་བསྡུ་བ་དང་། སེམས་ཀྱིས་སྲིད་པ་དབང་དུ་བསྡུ་བ་དང་། སྤྱོད་པས་དབང་དུ་བསྡུ་བ་དང་། བལྟ་བས་དབང་དུ་བསྡུ་བའོ། །དབང་དུ་གང་བསྡུ་ན། མ་མོ་དོན་གྱི་ལྷ་དགུ་དབང་དུ་བསྡུའོ། །མ་མོ་འཁོར་ལ་མི་གཟན་པར་དབང་དུ་བསྡུ་བ་དང་། བདག་མ་མོའི་དབང་དུ་མི་འགྲོ་བ་དང་། མ་མོ་བདག་གི་དབང་དུ་འདུ་བར་བསྡུའོ། །དབང་དུ་བསྡུ་བའི་ལེའུ་སྟེ་རེ་གཉིས་པའོ།། །།ཆོས་དང་ནམ་མཁའ་གཉིས་སུ་མེད། ནམ་མཁས་འབྱུང་བ་བཞི་ལ་ཤི་ས་བསྟན་པ་དང་། བྱང་ཆུབ་ཀྱི་སེམས་བདག་དཔལ་ཆེན་པོས་སྲིད་པ་གསུམ་ཤི་ས་བསྟན་པ་དང་། དེ་གཉིས་ནི་བལྟ་བས་ཤི་ས་བསྟན་པའོ། །སྤྱོད་པས་ཤི་ས་བསྟན་པ་ནི། ཧེ་རུ་ཀ་ཉིད་ཀྱི་སྨེ་བ་དཀར་ནག་ལས་བསྐྱེད་ནས། ཕྱི་རབས་ ― DNG022_Page_0725 ―
[མ་དཔེ་གཟིགས་ན་འདིར་གནོན།]
ཀྱི་རྣལ་འབྱོར་པ་རྣམས་བསྟན་པ་བསྲུང་བར་དམ་བཅས་པའི་ཆེད་དུ། འཇིག་རྟེན་གྱི་མ་མོ་བཀའ་སྲུང་དུ་བཞག་གོ། །ཕྲིན་ལས་ཀྱི་ཤི་ས་བསྟན་པ་ནི་བདག་ཉིད་ཏིང་ངེ་འཛིན་ལ་གནས་ཏེ། ཨོཾ་བཛྲ་ཤྲཱི་ཧེ་རུ་ཀ་མ་ཧཱ་ལཾ་ཏེ་ཧ་ཧཱུཾ་ཕཊ། ཅེས་བརྗོད་པས་སྐུ་ཆེ་ལ་ཡན་ལག་རགས་པ་ཆུ་ལས་ཆུ་བུར་རྡོལ་བའི་ཚུལ་དུ་ལྷག་གིས་བསྐྱེད་པས། དེའི་ཞལ་ནས། མ་མ་རག་པ་མ་ལིང་ཐུམ་རྦད་ཛ་ཛ། ཞེས་བརྗོད་པས། ཡང་གསང་གི་མ་མོ་དྲུག་དང་། ཡང་གབ་དབང་གི་རྒྱལ་མོ་བཞི་པོ་དེ། བྱ་མདུན་དུ་ནམ་མཁའ་ལས་བབས་པ་བཞིན་ནམ། ཉ་བྱེ་ཚན་ལ་བསྐྱུར་བ་བཞིན་དུ་གྱུར་ཏེ། ཅི་བཀའ་སྩལ། འཇིག་རྟེན་ཉམས་ཞིང་འཁྲུགས་པ་ཅི་མཆིས་ཟེར་རོ། །དེ་ལྟར་སྐྲག་ཅིང་སྔངས་པ་ནི། འཆི་ས་བསྟན་པའི་ལེའུ་སྟེ་རེ་གསུམ་པའོ།། །།དཔལ་ཆེན་པོའི་བྱང་ཆུབ་སེམས་རིན་པོ་ཆེའི་སྒྲོམ་ལས། ཐུགས་ཀྱི་རྩ་བཞི་ཕྱོགས་བཞིར་གྱེས་པ་ཡང་། དར་དཀར་གྱི་སྐུད་པ་གསེར་གྱི་སྦུ་གུ་ནས་ཙམ་གཅིག་གནས་པ་ལས། སྙིང་ཁ་རག་རྦད་ཛ་ཛ་ཞེས་བརྗོད་པས། ཐུགས་ཀྱི་རྩ་ལས་འཐོན་ནས་ཕྲིན་ལས་ཀྱི་དོན་མཛད་པའི་མ་མོ་སྐུ་མདོག་དཀར་མོ་གངས་རི་ལ་ཉི་མ་ཤར་བ་འདྲ་བ་ཕྱག་གཡས་ན་སྙིང་དང་ཁྲག་བསྣམས་པ། གཡོན་མདའ་གཞུ་ཐོགས་པ་མདུན་དྲང་པོར་བན་གླང་དཀར་པོ་བཅིབས་ཏེ་ཉི་ཟེར་འབུམ་གྱིས་བརྒྱན་པ། ཟླ་ཚེས་སྟོང་གིས་བརྒྱན་པ་ཞིག་བྱུང་བས། ཅི་བཀའ་སྩལ། ཞེས་ཟེར་ནས་མདུན་ན་འདུག་གོ། །སྲིང་མོ་དཀར་མོ་དུང་ལོང་ཅན་ཞེས་བྱའོ། །ལྷོ་ཕྱོགས་ཀྱི་རྩ་བཻ་ཌཱུརྱ་འདྲ་བའི་སྒོ་ནས། སྐུ་ནས་ཙམ་ལས། མ་མོ་སྙིང་དུན་ལོང་སྲོག་རྩ་བྷྱོ་ཞེས་བརྗོད་པས། ངོས་གཡོན་དུ་སྐུ་མདོག་སྔོན་མོ་ཆུ་གླང་འབར་མ་ལ་ཆིབས་པ། སྐུ་དང་ཡན་ལག་སྦྲུལ་ནག་འབར་བས་ནི་བརྒྱན། ཟངས་ཀྱི་དྲ་བ་མིག་མངས་གཅིག་ནི་ཆིབས་ཀྱི་ཕྱི་ལོང་ལ་བཏགས། ཕྱག་གཡས་ན་ལྕགས་ཀྱི་གསེར་སེ་གབ་ཀྱང་མ་ཆེན་པོ་གཅིག་ཐོགས་པ། གཡོན་འཕྲུལ་གྱི་མེ་ལོང་གཅིག་བསྣམས་པ། སྐུ་ལ་རྨ་བྱའི་ཐུལ་པ་གཅིག་གསོལ་བ། ཡིད་ཀྱི་དྲ་བ་བརྒྱ་སྟོང་ ― DNG022_Page_0726 ―
[མ་དཔེ་གཟིགས་ན་འདིར་གནོན།]
གིས་འཇིག་རྟེན་གྱི་ཁམས་གཡོགས་པ། སྤྱན་གཡས་གཡོན་གཉིས་ཉི་ཟླ་འཁྱིལ་པ་ཙམ། ཅི་བཀའ་སྩལ་ཟེར་ནས་མདུན་དུ་འདུག་གོ། །ནུབ་ཕྱོགས་ཀྱི་རྩ་དར་ལེ་བརྒན་གྱི་ལྕེའུ་འདྲ་བ་སྐུ་ནས་ཙམ་གཅིག་ལས། དྷརྨ་ར་ཙ་རཀྴ་ཛ་ཛ། ཞེས་བརྗོད་པས། སྐུ་མདོག་དམར་མོ་མེ་ལྕེ་མཆེད་པ་འདྲ་བ་ཟངས་ཀྱི་དྲེའུ་རྟ་སྨུག་པོ་ལ་རྔ་རྔོག་ལྕགས་ཀྱིས་བྱས་པ། ཆེ་ཆུང་གི་ཚད་དཔག་ཚད་བརྒྱད་ཁྲི་སྟོང་ཡོད་པ་ཞིག་ཞོན་ནས། སྐུ་ལ་ལེ་བརྒན་དམར་པོ་གསོལ་བ། ཟངས་ཀྱི་ཞགས་པ་འདོམ་དགུ་བརྒྱ་བརྒྱད་ཁྲི་བཞི་སྟོང་ཡོད་པ་སྔ་གོང་ལ་བཏགས་པ་ཡིད་ཀྱི་དྲ་བ་བརྒྱ་སྟོང་གིས་འཇིག་རྟེན་གྱི་ཁམས་གཡོགས་པ། སྐུ་རགས་སྦྲུལ་གྱི་ཞགས་པས་བཅིངས་པ། ཕྱག་ན་དུག་གི་གའུ་གཅིག་ནི་བསྣམས། ཅི་བཀའ་སྩལ་ཞེས་ཟེར་ཞིང་། མདུན་ནས་ཡེ་རེ་འདུག་གོ། །བྱང་ཕྱོགས་ཀྱི་རྩ་ལྗང་གུ་ནས་ཙམ་ལས། རུ་ཏྲ་མ་མ་ཐུན་ཛ་ཛ། ཞེས་བརྗོད་པས། ངོས་བྱང་མདུན་དུ་སྐུ་མདོག་ལྗང་སེར་རལ་པ་སྤྱི་བོར་བཅིངས་པ། སྤྱན་འབར་བ། སྐུ་ཁྲོ་མོར་བཞུགས་པ། སྐུའི་ཆ་ལུགས་འབར་བ། སྐྱེས་བུའི་ཆས་སུ་ཞུགས་པ། ཟབ་སླག་དམར་བཀྲ་ལ། ལྕགས་ཀྱི་སྟག་རལ་གྱིས་བརྒྱན་པ། ལྕགས་ཀྱི་དྲེའུ་རྟ་ནག་གུ་ལ། རྔ་རྔོག་ཟངས་སུ་འདུག་པ། ཟབས་སུ་ཆག་གང་ཁྲུ་བཞི་ཡོད་པ་མགྱོགས་པའི་ཚད་གློག་བས་མྱུར་བ་ཅིག་ལ་ཞོན་ནས་བསྭེའི་སྒ་བསྟད་པ། ལག་པ་གཡས་ན་སྤུ་གྲི། ལག་པ་གཡོན་ན་སྦྲུལ་ཞགས། དུང་ཁྲག་བསྣམས་པ་གཅིག་བྱོན་ནས། ཅི་བཀའ་སྩལ་ཟེར་ནས་མདུན་ན་འདུག་གོ། །མ་མོ་ལས་ལ་གཟུད་པའི་ལེའུ་སྟེ་རེ་བཞི་པའོ།། །། མ་མོ་མཚན་གྱི་རྣམ་གྲངས་ལ། བཟླས་པ་ལས་ཀྱི་སྔགས་ཀྱིས་སོ། །ཡུམ་ཆེན་མོ་སེམས་ཀྱི་བུ་གཅིག་མ་ནི། ཡུམ་རྡོ་རྗེ་རྫོགས་བྱེད་མ་བྱ་སྟེ། ཡུམ་ཆེན་མོ་ཉིད་དོ། །དཀར་མོ་དབུ་དགུ་མའི་མཚན་གསོལ་པ། རྒྱ་གར་སྐད་དུ། དཀར་མོ་རེ་མ་ཏི། སཾ་སྐྲི་ཏའི་སྐད་དུ། མ་སར་དབང་ཕྱུག་རྡོ་རྗེ། ས་མན་ཛ་ཞེས་བྱའོ། །བོད་སྐད་དུ། ― DNG022_Page_0727 ―
[མ་དཔེ་གཟིགས་ན་འདིར་གནོན།]
དཀར་མོ་དབུ་དགུ་མ་ཞེས་བྱའོ། །གསང་བའི་མཚན་གསོལ་བ། རྡོ་རྗེ་ལྕམ་གཅིག་པདྨ་བསིལ་ཞེས་བྱའོ། །བཟླས་པ་ལས་ཀྱི་སྔགས་ནི། ཏྲག་ཁ་མུནྟྲ་བྷྱོ་རུ་ལུ་ཧེ་མོ་ཨ་ལོ་ཙིཏྟ་ན་མ་ལ་བྷྱོ་རུ་ལུ་ཧེ་མོ་ཡ་བྷྱོ་རུ་ལུ། ནཱ་ག་དནྟ་ཧེ་མོ་ཡ་བྷྱོ་རུ་ལུ། ཡན་ན་ཤ་ཀྲོ་ཏ་རུ་ལུ། སྙིང་ཁ་རག་སོགས་ཐུན་བྷྱོ་རུ་ལུ། མ་བྷྱོ་སྲིང་བྷྱོ་ཐུན་བྷྱོ། མཚོ་སྨན་རྒྱལ་མོའི་མཚན་གསོལ་པ། རྒྱ་གར་སྐད་དུ། ཨཱརྱ་རེ་མ་ཏི་ཞེས་བྱའོ། །སཾ་སྐྲི་ཏའི་སྐད་དུ། འོད་དེའི་སྲིང་མོ་ཞེས་བྱ། བོད་སྐད་དུ། མཚོ་སྨན་ཆེན་མོ་དཔལ་ལྡན་ཞེས་བྱའོ། །གསང་བའི་མཚན་གསོལ་བ། གཉན་གྱི་ཡུམ་གཅིག་ཀླུ་འབུམ་བསིལ་ཞེས་བྱའོ། །བཟླས་པ་ལས་ཀྱི་སྔགས་ནི། བཛྲ་སྙིང་མགོ་ཆོད་ཏིང་ཁ་ཛ་ལ་མུན་ལོ་དན་ཏི་རྦད། ཡུ་ན་ད་འདི་རྦད་དར་དམ་རྦད། ཐིམ་རམ་རྦད། ཤ་འཁྲུགས་ཏིག་སྣ་རྦད། སྲིད་པའི་བུ་མོའི་མཚན་གསོལ་བ། རྒྱ་གར་སྐད་དུ། འགུ་ཡ་རེ་མ་ཏི་ཞེས་བྱའོ། །སཾ་སྐྲི་ཏའི་སྐད་དུ། སྨུག་ནག་དབུ་ལྔ་མ་ཞེས་བྱའོ། །བོད་སྐད་དུ། སྲིད་པའི་བུ་མོ་ཞེས་བྱའོ། །གསང་བའི་མཚན་གསོལ་བ། ནམ་མཁའི་མཁའ་འགྲོ་དབྱིངས་རུབ་བསིལ་ཞེས་བྱའོ། །བཟླས་པ་ལས་ཀྱི་སྔགས་ནི། བམ་ཚལ་པ་དུམ་བུ་ཁྲག་ཏི་རྦད། སྣ་མ་ནི་རྦད། ཤན་ཏིང་ཤན་ཏིང་རྦད། རྦ་ན་རྦ་ན་རྦད། དུཾ་བུ་དུཾ་བུ་ཚལ་པ་རྦད། རཀྴ་རཀྴ་རུ་དྲ་རྦད། སྙིང་ནག་སྙིང་སྲོག་རྩ་རྦད། ཚལ་པ་ཚལ་པ་ཏི་ནི་རྦད། བཾ་རིལ་དམ་པ། དུམ་བུ་དཱིཔྟ་ཙཀྲ་རྦད། དུར་ཁྲོད་མ་མོ་ཙ་མུན་ཏྲིའི་མཚན་གསོལ་བ། རྒྱ་གར་སྐད་དུ། ཀིང་ཀ་ར་མོ་ཞེས་བྱའོ། །སཾ་སྐྲི་ཏའི་སྐད་དུ། རྡོ་རྗེ་ཟླ་བ་རླུང་སྒྲོལ་མ་ཞེས་བྱའོ། །བོད་སྐད་དུ། ཤྲཱི་ཛ་མུནྟྲ་ཞེས་བྱའོ། །གསང་བའི་མཚན་གསོལ་བ། རྡོ་རྗེ་སྒྲོན་མ་རྡོ་རྗེ་མཁའ་མཆོག་ཅེས་བྱའོ། །བཟླས་པ་ལས་ཀྱི་སྔགས་ནི། ཤྲཱི་རཱ་ཙ་ཙ་རུ་ཐུན་ལུང་། གུམ་ཐུམ་ན་ལིང་གུམ་ཐུམ་རྦད། ཤ་སྦང་ཀུག་ཚར་ལིང་མུགས་རྦད། མྱོགས་རྦད། མྱོགས་རྦད། ཙ་ར་ལིང་མ་མ་རཀྴ་རུ་ཏྲ་རྦད། ཅེས་བརྗོད་དོ། །མཚན་དང་བཟླས་པ་ལས་སྔགས་ཀྱི་ལེའུ་སྟེ་རེ་ལྔ་པའོ།། །།བུད་མེད་སྣེལ་གྲིར་ཤི་བའི་སོར་རྟ་ཡང་ ― DNG022_Page_0728 ―
[མ་དཔེ་གཟིགས་ན་འདིར་གནོན།]
འདོང་མོ་དང་། མོན་རབས་ཆད་ཀྱི་ཐོད་པ་དང་། སྤྱང་ཐོད་ཕག་ཐོད། གུ་གུལ་ནག་པོ་དང་། དུག་སྣ་ཚོགས་དེ་རྣམས་དགྲ་བོའི་ཁྱིམ་གྱི་སྒོ་ནས་བཅལ་བའི་རྐང་འདོམ་བཅུ་གསུམ་བཅལ་བའི་ས་དེར། གཟའ་མིག་དམར་གྱི་ནུབ་མོ། ནམ་གུང་ཕར་ཕྱེད་ཚུར་ཕྱེད་ན་མགོ་སླེའུ་རས་ཀྱིས་འཕུར་ལ་ཁང་གསེང་དུ་སྦས་ནས། ནང་དུ་མིང་རུས་བཅུག་སྟེ། སྙིང་པོ་གོང་མ་ཀུན་བཟླས་ལ། ཁང་ཕྱི་བསྐོར་ན་རྟ་གཡག་འཐབ་པ་བཞིན་དུ་རྟགས་མོད་ལ་འོང་ངོ་། །ཟླ་གསང་ནག་པོ་མན་ངག་གི་ལེའུ་བཅུད་ཀྱི་སྙིང་ཁུའོ། །གོང་གི་མཇུག་སྡུད། འོག་གི་མགོ་འདྲེན་པའོ། །ཟླ་གསང་མན་ངག་བསྟན་པའི་ལེའུ་སྟེ་རེ་དྲུག་པའོ།། །། རྟགས་ནི་ནམ་མཁའི་དབྱིངས་ནས་སྐུ་མདོག་དཀར་མོ། དབུ་དགུ་མར་སྟོན་ཏེ། དེ་ལྟར་ངོ་མ་ཤེས་ན་ཡང་། རང་གི་མདངས་དཀར་ལ། མིག་སྤྲིན་དཀར་དུ་འདུག་ལ། ཆགས་པ་གཡོན་གྲུབ་པའི་རྟགས་ཡིན་ནོ། །སེམས་ཅན་སྨྱོ་འདྲེ་དང་། འབོག་འདྲེ་དང་། སྙིང་འགས་པར་བྱེད་པ་དང་། དབང་པོ་སྡོམ་པ་དང་། ཡན་ལག་ཕྲ་རུ་འཇུག་པ་དང་། ཡིད་འགག་པར་བྱེད་པ་དང་། ཡང་ཤི་དང་ཡང་སོས་ཀྱི་ནད་ཡིན་ཏེ། འཇིག་རྟེན་སྔ་མ་ལ་དམྱལ་བའི་གྲོགས་རྡོ་རྗེ་ཡང་བྱེད་དང་། ཐིག་ལེའི་སྤྱོད་པ་ཉམས་པ་ཡིན་པས་དེའི་གཉེན་པོ་རང་གི་སེམས་ཀྱི་ཆད་པ་བྱུང་བ་ཡིན་པས། ཐོད་ཕྲེང་ཅན་དང་ཚངས་པ་ཕོ་ཉར་གཏོང་བ་ཡིན་པས། དེའི་ནད་ཀྱི་གཏན་ཚིགས་དེ་ཡིན་ནོ། །གྲུབ་རྟགས་དང་དམ་ཚིག་དམྱལ་བའི་ལེའུ་སྟེ་རེ་བདུན་པའོ།། །།འཇམ་དཔལ་ཡ་མ་རཱ་ཙའི་གསང་ཐུན་འདི་ཡང་། རྣལ་འབྱོར་པ་ཤེས་རབ་ཟབ་མོ་རྣམས་ཀྱི་དོན་ཆེད་དང་། དཔལ་གཟི་བྱིན་བསྐྱེད་པ་དང་། ཕྲིན་ལས་བཅོལ་བ་དང་། དཀོན་མཆོག་གི་དབུ་འཕང་བསྟོད་པ་དང་། གཙུག་ལག་ཁང་དང་། དབེན་རིས་བསྲུང་བ་དང་། བསྟན་པ་བསྲུང་བའི་དོན་དུ་གསང་བ་ཐུགས་ཀྱི་རེག་ཆོད་དོ། །ཨོཾ་ཤྲཱི་མཉྫུ་ཡ་མ་རཱ་ཙ་ཨེ་ཀ་ཛ་ཊི། ཏྲག་རཀྴ་མུ་ཏྲ། ཁ་མུནྟྲ་མ་རུ་ལུ་རུ་ལུ་བྷྱོ། རག་མོ་ཛ་ཛ། ― DNG022_Page_0729 ―
[མ་དཔེ་གཟིགས་ན་འདིར་གནོན།]
ཨེ་ཀཾ་ཁ་ལ་མ་ཏི་བྷྱོ། དགྲ་བོ་ནྲྀ་མཱ་ར་ཡ་ཛ་ཛ་དུ་མཱ་ར་ཡ། མ་ར་དུ་ཡ། ཡ་མ་སྙིང་། ཡ་མ་ཁྲག །ཡ་མ་དུ། ཡ་མ་རྦད། ཚལ་པ་བམ་རིལ། དཾ་པ་དུཾ་བུ་མཱ་ར་ཙ་ཡ་ཧཱུཾ་ཕཊ་བརྗོད་དོ། །ཙིཏྟའི་ཡང་སྙིང་མཚོ་སྨན་གྱི་ཐུན་འདི་ཡང་། ཡས་སྟགས་ནི་ཐོད་པ་བྱ་རོག་རྗེས་དྲུག་པར་དུག་སྣ་ཚོགས་དང་། དམེ་ཁྲག་རྣམ་གསུམ། ཁྱི་ནག་པོ་ཤེལ་མིག་གི་ཁྲག་སྩལ། ཡུངས་ཀར་ལ་བསྔགས་ཤིང་། ས་མ་ཡ་དགྲ་བོའི་སྙིང་ལིང་རྦུད། ས་མ་ཡ་ས་མ་ཡ་དགྲ་བོའི་སྙིང་ཀཱི་ལི་ཀཱི་ལི་ལ་རྦུད། ས་མ་ཡ་དགྲ་བོའི་སྙིང་རཀྴ་ཙིཏྟ་རྦུད། ས་མ་ཡ་དགྲ་བོའི་སྙིང་ཁྲག་ཚལ་རྦད། ས་མ་ཡ་དགྲ་བོའི་སྙིང་ཧུར་བུ་ཧུར་རྦད། ས་མ་ཡ་གནས་གནས་ཐིབས་ཐིབས་རྦུད། ས་མ་ཡ་དགྲ་བོའི་སྙིང་ཁྲག་ཙིཏྟ་རྦུད། ས་མ་ཡ་དགྲ་བོའི་སྙིང་རྩ་སྲོག་རྩ་ཙིཏྟ་རྦུད། ས་མ་ཡ་དགྲ་བོ་ནིར་སོད། མཱ་ར་ཡ་ཙིཏྟ་བཾ་རི་ལི་ལི་རྦུད། ཅེས་བཟླས། འདིས་ཟིན་པའི་ནད་ནི་བྱིང་ནད་དང་། མཛེ་ནད་དང་། ཕོལ་མིག་དང་། སྨྱོ་ཞིང་འབོག་པར་འོང་ངོ་། །དཀར་མོ་དབུ་དགུ་མའི་ཐུན་ནི་དམེ་ཁྲག་རྣམ་པ་གསུམ་བྷནྡྷའི་ནང་དུ་སྩལ། ཏྲག་རཀྴ་མུ་དྲ་སྙིང་ཁ་རག་རྦད། སྡྱ་ཐུམ་རི་ལི་ལི་བྷྱོ། ཏྲག་རགྴ་མུ་དྲ་སྙིང་ཁ་རག །གོ་རོ་ཙ་ན་རྦད། སྙིང་རྩ་སྲོག་རྩ་རྦད། མ་མ་སྙིང་རཀྟ་ཐུན་བྷྱོ། མ་མ་རཱ་ཙ་ཡ་ཡ་ཐུན་བྷྱོ་ནྲྀ་སྲོག་རྦད། ཆུམ་ཐུམ་རི་ལི་ལི་དུན་ཡ་མ་སྙིང་མཱ་ར་ཡ་ཧཱུཾ་ཕཊ། ནད་སྙིང་འགས་པ་དང་། གཟེར་བ་དང་། ཡན་ལག་འབྲལ་བར་བྱེད་དོ། །སྲིད་པའི་བུ་མོའི་ཐུན་ནི། བྷནྡྷ་ལ་ཨེ་ཁྲམ་བརྒྱ་རྩ་བརྒྱད་བྲིའོ། །གླང་པོ་ཆེའི་མཆེ་བ་དང་། དམེ་ཁྲག་གསུམ་དང་། ས་ལ་སྐྱེས་པའི་དུག་སྣ་ཚོགས་བྷནྡྷར་སྩལ། དྷར་མ་ཤང་ཀི་རི་ཨུ་ཀུ་རུ་ཧཱུཾ་ཕཊ། དང་ས་པ་ལིང་མུ་ལིང་དུ་རུ་དུ་རུ་ཧཱུཾ་ཕཊ། ཀརྨ་ཙནྟྲ་མུ་ཏིང་དུ་རུ་དུ་ཧཱུཾ་ཕཊ། དུག་སྔགས་སོ། །རཀྴ་མུ་རུ་མུ་རུ་རུ་ལུ་རུ་ལུ་ཧཱུཾ་ཕཊ། ཚབ་པ་ལ་ནི་ཤི་དགྲ་བོ་ལ་སྭཱ་ཧཱ། པདྨ་ནིར་ཏ་ར་ཏི་རུ་རེའུ་མ་ཏི་བྷྱོ། ཨོཾ་ཏདྱ་ཐཱ་དུ་ཧུ་རོ་ཧུ་བེ། ཙི་ཏི་བ་ཏི་སི་ཏི་ར་ཧོ་རུ། རུ་རུ་རུ་སོ། ཨེ་བི་ཤཾ་པྲ་བེ་ཤཾ། བེ་ཤབ་རུ་བོ། ཤ་ ― DNG022_Page_0730 ―
[མ་དཔེ་གཟིགས་ན་འདིར་གནོན།]
ཀ་ཁ་ཐུན་བྷྱོ། དུན་ཏིང་ཁ་ཐུན་བྷྱོ། འདིས་ཟིན་པ་ན་འགག་ནད་དང་། ཆུ་སོ་འགག་པ་དང་། སྦོས་ནད་དང་། སྐྱིགས་འདྲེན་པ་ལྟར་འོང་ངོ་། །ཛ་མུནྟྲིའི་ཐུན་གྱི་ཡས་སྟགས་ནི། ཁྲག་སྣ་གསུམ་དང་། བོང་ང་ནག་པོ་དང་། སྤྱང་ཀིའི་ཁྲག་དང་། བུ་མོ་གཞོན་པའི་མངལ་ཁྲག་དང་། སྙིང་ཁྲག་སྣ་ཚོགས་སྩལ། བྲ་བོ་དང་སྲན་མ་ལ་ཟན་ཟུར་གསུམ་དུ་བྱས་ལ། དེའི་ནང་དུ་དགྲ་བོའི་མིང་རུས་བཅུག་ལ་དེར་སྩལ། སྔགས་ནི། རུ་དྲ་རྦད། རཀྴ་རྦད། མ་མ་སྙིང་རྦད། ཙིཏྟ་རྦད། ཁ་དུ་མ་རྦད། མཱ་ར་ཡ་རྦད། བལ་ཕྱུག་བལ་ཕྱུག་མ་མ་ཐུན་ཐུན། ནུར་སོད། ནིར་རི་ནི་པ་བ་རུ་རྦད། ནད་ནི་ཀླད་གཟེར་དང་། རྒྱུ་འཁྲིལ་དང་། མྱོས་ནད་དུ་འོང་། ནམ་གུང་དང་། ཉིན་གུང་དང་། གནམ་སྟེང་ལ་བཟླའོ། །སོ་སོའི་དགྲ་བོའི་གཟུགས་ལ་གནས་བཞིར་ཕུར་བུ་བཏབ་ལ་ཐུན་སྦྲེང་ངོ་། །ཤིན་ཏུ་རྒྱུད་ཀྱི་ངན་སྔགས་ཞེས་ཀྱང་བྱ། ཐུགས་ཀྱི་རེག་ཆོད་ཅེས་ཀྱང་བྱའོ། །ཡུངས་ཀར་གྱིས་བྲབ་གུ་གུལ་གྱིས་བདུག་གོ། །ཐུན་བསྒྲུབ་པའི་ལེའུ་སྟེ་རེ་བརྒྱད་པའོ།། །།དེ་ནས་ཐོད་པའི་ཁྲག་དཀར་དམར་དུ་འདྲེས་ན། ཡབ་ཡུམ་གཉིས་སུ་མེད་པའི་དངོས་གྲུབ་ཐོབ་པ་ཡིན་ནོ། །ཐོད་པའི་ཁྲག་བོ་ན་སྒྲིབ་པ་ཡིན་ནོ། །བཤགས་པ་བྱ། ཐོད་པ་འགུལ་ཞིང་ལྡེག་ན་ཕོ་ཉ་རྣམས་ཀྱི་དངོས་གྲུབ་ཐོབ་པ་ཡིན་ནོ། །ཁོལ་ཞིང་རླངས་པ་བྱུང་ན་ཁྲོ་བོ་ཞེ་སྡང་ཅན་གྱི་དངོས་གྲུབ་ཐོབ་པ་ཡིན་ནོ། །དེ་ལས་ནག་པོར་གྱུར་ན་ཆོས་ཀྱི་དབྱིངས་ཀྱི་དངོས་གྲུབ་ཐོབ་པ་ཡིན་ནོ། །ཐུན་གྲུབ་རྟགས་ཀྱི་ལེའུ་སྟེ་རེ་དགུ་པའོ།། །།རབས་ཆད་ཐོད་པ་གང་ཡང་རུང་། གཟུགས་བཅུག་ཁ་བཅད་རྒྱས་གདབ་བོ། །མཚལ་གྱི་སྲུབས་སུ་རི་བདུན་བྲི། སྙིང་པོ་འབོད་རྦད་བྲིའོ། །སྤྱི་བོར་མུ་ཁ་ལེ་ཡང་བྲིའོ། །དེ་གར་འཇུག་པར་ཡུངས་ཀར་ལ་བསྔགས་ཤིང་རས་སུ་འཕུར་བ་ལམ་རྒྱ་གྲམ་དུ་སྦས་ན་གྲིར་འཆིའོ། །བང་སོའི་ཟུར་རམ་དུར་མཆད་དམ་བྲག་གམ། ལ་བཙས་གང་ཡང་རུང་། ― DNG022_Page_0731 ―
[མ་དཔེ་གཟིགས་ན་འདིར་གནོན།]
ཀླུའམ་གདུག་པ་ཅན་ཡོད་པའི་སར་ཆུ་མིག་བྲམ་ཅན་དུ་སྦ། དུས་ཉི་མ་ཕྱེད་ལ་བྱ། དེ་ལྟར་བྱས་ན་རྟགས་ཀྱང་མྱུར། །དེས་ཀྱང་འགྲུབ་པར་མ་གྱུར་ན། །ཕྱུང་ལ་གཏན་པའི་སྟེང་དུ་བཞག །ས་ཕུག་ནང་དུ་རེ་བ་གདིང་། །ཆུ་ཡིས་བྲན་ལ་སྙིང་པོ་བཟླས། །སོ་དང་སེའུ་དང་ཡུགས་བོར་ན། །བསྲེས་ལ་ཞིབ་ཏུ་བརྡུང་བར་བྱ། །ཕག་པའི་ཐོད་པར་བླུག་ ནས་ནི། །རྒྱ་མཚོ་ཆེན་པོའི་ནང་དུ་བསྐྱུར། །ནམ་ཡང་ཐར་པར་མི་བྱའོ། །ཕྲིན་ལས་རྦོད་གཏོང་མནན་པའི་ལེའུ་སྟེ་བདུན་ཅུ་པའོ།། །།དཔལ་ཆེན་ཧེ་རུ་ཀ་ལ་ཕྱག་འཚལ་ལོ། །སྐྱེ་མེད་རྣམ་དག་ནམ་མཁའ་དག་པ་ནས། །སྣང་ལ་མ་འགགས་སྣ་ཚོགས་གཟུགས་སུ་ཤར། །སྐྱེ་བའི་ཆོ་འཕྲུལ་འབར་བའི་སྐུར་བསྟན་པ། །ཧཱུཾ་ལས་བསྐྱེད་པའི་དཔལ་ཆེན་ཧེ་རུ་ཀ །ཡེ་ཤེས་ཐུགས་ཀྱི་ཁྱད་པར་ཆེན་པོ་ལས། །འཇིག་རྟེན་ཁམས་ན་རབ་འབྱམས་མ་ལུས་ཀུན། །རཾ་ཡཾ་ཁཾ་ནི་འཕྲོ་འདུས་བསྲེགས་སྦྱངས་བཀྲུས། །སྟེང་འོག་ཕྱོགས་མཚམས་འཁོར་ལོ་པདྨར་གནས། །ཨོཾ་སརྦ་ཏ་ཐཱ་ག་ཏ་བུཌྜྷ་གནྡྷེ་ལམ་པདྨ་དྷ་ར་ཨ་བྷི་ཥིཉྩ། གྲུ་གསུམ་མཐིང་ནག་འབར་བའི་ནམ་མཁའ་ལས། །འཐོར་བྱེད་རླུང་ནག་ཚོགས་ཀྱི་རྒྱ་གྲམ་གཏམས། །ཆགས་བྱེད་རཀྟ་ཚོགས་ཀྱི་རྦ་ཀློང་འཁྱིལ། །ཀེང་རུས་འབར་བའི་རི་རབ་མི་བཟད་བརྩེགས། །ས་གཞི་རྡོ་རྗེ་རྒྱ་གྲམ་གཅལ་བཀྲམ་སྟེ། །ཞིང་ཆེན་གསར་རྙིང་གཏམས་པས་མཐའ་དབུས་བརྡལ། །ཨེ་ཡཾ་ཁཾ་སུཾ་བྲུཾ། མི་བཟད་སྨུག་ནག་འབར་བའི་གཞལ་ཡས་ནི། །ཆུ་སྲིན་བྱེ་བ་ས་ཡའི་ཐོད་པ་ལས། །མི་བཟད་དུར་ཁྲོད་འབར་བའི་རྩིགས་རྨང་བྱས། །དྲེགས་པའི་ཐོད་དགུ་འབར་བའི་རྩིགས་པས་བརྩིགས། །གནམ་ལྕགས་དུར་མོ་འབར་བའི་གཟེར་ཆེན་བཏབ། །རིན་ཆེན་མཆོག་གིས་ཟུར་བཞི་མཛེས་པར་བརྒྱན། །གཡུ་འོད་སྔོན་པོ་འབར་བའི་ཁ་བད་ཅན། །མུ་ཁྱུད་གནམ་ལྕགས་འབར་བའི་རི་ཡིས་བསྐོར། །བྲུཾ་བི་ཤྭ་བི་ཤུདྡྷེ་ཛྙཱ་ན་ཙཀྲ་ཧཱུཾ། མཐིང་ནག་གྲུ་གསུམ་འབར་བའི་དཀྱིལ་འཁོར་དུ། །ཟླ་གམ་དབང་ཆེན་ ― DNG022_Page_0732 ―
[མ་དཔེ་གཟིགས་ན་འདིར་གནོན།]
འབར་བའི་མཎྜ་ལ། གྲུ་ཆད་གྲུ་བཞི་སྒོ་ཁྱུད་བཞི་དང་ལྡན། །ཐོད་ཕྲེང་རྡོ་རྗེ་ར་བ་མེ་དཔུང་འབར། །ཛྙཱ་ན་བཛྲ་ཛྭ་ལ་མནྜ་ལ་ཧཱུཾ། ཞིང་ཆེན་ཞིང་ཆུང་མང་པོ་གཅལ་དུ་བཀྲམ། །མཆོག་ཆེན་མཆོག་ཕྲན་མང་པོ་གདན་དུ་བཏིང་། །ཐེའུ་དྲང་དགུ་བརྒྱ་མང་པོའི་གབ་ཚེ་ལ། །ལྷ་སྲིན་སྡེ་བརྒྱད་མང་པོའི་ནང་རྟེན་ཅན། །ནིཪྲྀ་ཏྱ་ནི་རི་ཏི་ར་བཾ། ཨིན་དྲ་ཏི་ར་བཾ། དེ་བ་ཏི་ར་བཾ། རཀྴ་ཏི་ར་བཾ། རུ་ཏྲ་མཎྜ་ལ་ཧཱུཾ། དུར་ཁྲོད་དབྱིངས་ནས་ཕྱག་རྒྱའི་སྐུར་གསལ་བ། །མདོག་བཟང་ནག་མོ་རལ་པའི་དབུ་རྒྱན་ཅན། །རྒྱན་དང་ཆ་ལུགས་སྣ་ཚོགས་འཇིགས་པས་བརྒྱན། །རླུང་ནག་འཚུབ་མའི་ནང་ན་སྐུ་ཡི་ཕྱག་རྒྱར་གསལ། །ཨོཾ་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུཾ་བྷྱོ་ཛ་ཛ། ཏིང་ངེ་འཛིན་དང་གཞལ་ཡས་ཁང་གི་ལེའུ་སྟེ་དོན་གཅིག་པའོ།། །།དཔལ་ལྡན་ལྷ་མོ་འགྲོ་ཀུན་བྱམས་མ་ཁྱོད། །སེམས་ཅན་ལ་ནི་བྱམས་མགོན་མ་དང་འདྲ། །མི་བསླུ་དམ་ཚིག་རྗེས་སུ་དགོངས་མཛད་དེ། །བདག་ལ་བརྩེར་དགོངས་གནས་འདི་ཉིད་དུ་སྤྱོན། །ཛཿཧཱུཾ་བཾ་ཧོཿ། ཨེ་ཧྱེ་ཧི་མ་མ་ཏྲག་རུ་དྲ་མ་མ་ས་མ་ཡ་བྷྱོ། རུ་ལུ་རུ་ལུ་ཧཱུཾ་ཛཿ། དད་པ་དང་ནི་དམ་ཚིག་གིས། །མ་གཅིག་ལྷ་མོ་སྤྱན་འདྲེན་ན། །བྱང་ཤར་མཚམས་ནས་གཤེགས་སུ་གསོལ། །འཇིགས་བྱེད་ཆེན་མོ་གཤེགས་སུ་གསོལ། །སྤྱོད་པ་རླབས་ཆེན་གཤེགས་སུ་གསོལ། །ཤུགས་དྲག་མཐུ་ཆེན་གཤེགས་སུ་གསོལ། །ཁྱབ་འགྲོ་རྩལ་ཆེན་གཤེགས་སུ་གསོལ། །དགྲ་བགེགས་འདུལ་བྱེད་གཤེགས་སུ་གསོལ། །ཡོན་བདག་འཆི་བདག་བཟློག་ཕྱིར་གཤེགས་སུ་གསོལ། །ཁྲག་འཐུང་ཆེན་མོ་གཤེགས་སུ་གསོལ། །འཇིག་རྟེན་འཁྲུགས་བྱེད་གཤེགས་སུ་གསོལ། །བདུད་ཀྱི་ཡུམ་གཅིག་གཤེགས་སུ་གསོལ། །གཤིན་རྗེའི་ལྕམ་གཅིག་གཤེགས་སུ་གསོལ། །འདོད་ཁམས་དབང་ཕྱུག་གཤེགས་སུ་གསོལ། །འཚུབ་མ་སྟོང་འཁྱིལ་ནང་བཞུགས་གཤེགས་སུ་གསོལ། །གཡས་ཀྱི་ཕྱག་གིས་རླུང་འཚུབ་བསྣམས་པ་ནི། ། ― DNG022_Page_0733 ―
[མ་དཔེ་གཟིགས་ན་འདིར་གནོན།]
རླུང་ནག་ནང་ནས་རལ་གྲི་ཕྱུང་བའི་ཚུལ། །དགྲ་བོ་ཆེ་གེ་མོ་ཡི་རྩད་གཅོད་མ། །དམ་ཚིག་བཞིན་དུ་གཤེགས་སུ་གསོལ། །གཡོན་ན་ནེའུ་ལེའི་རྐྱལ་པ་ཐོགས་པ་ནི། །མི་མགོ་བཅད་པ་སྦས་པའི་སྣོད། །དགྲ་བོ་ཆེ་གེ་མོ་ཡི་དྲུང་འབྱིན་མ། །དམ་ཚིག་བཞིན་དུ་གཤེགས་སུ་གསོལ། །སྔོན་ཚེ་དཔལ་ཆེན་ཧེ་རུ་ཀའི། །སྤྱན་སྔར་ཁས་བླངས་དམ་བཅས་པའི། །མ་རུ་ཙེ་ཡི་སྒོ་འགྲམ་དུ། །ཁས་བླངས་མནས་བོར་ད་སྐུལ་ཅིག །དམ་ཚིག་བཞིན་དུ་གཤེགས་སུ་གསོལ། །ཛཿཧཱུཾ་བཾ་ཧོཿ། ཨེ་ཧྱེ་ཧི་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུཾ་བྷྱོ་ཛ་ཛ། ཨཱ་གཙྪ་ཡ་ཨཱ་གཙྪ་ཡ་ཧཱུཾ། ཁྱེད་ནི་འདོད་ཁམས་འཕྲུལ་མོ་ཆེ། །ང་ནི་རྣལ་འབྱོར་སྒྲུབ་པ་པོ། །ཟས་ངན་མཱཾ་ས་ཟ་ཟ་ཞིང་། །སྐོམ་ངན་རཀྟ་འཐུང་འཐུང་གི། །སྣོད་ངན་བྷནྡྷ་ཐོགས་ཐོགས་ཀྱི། །གནས་ངན་བྲག་ཕུག་རྒྱུ་རྒྱུ་ཡི། །གོས་ངན་གཡང་གཞི་གྱོན་གྱོན་གྱི། །མཚོན་ངན་ཕུར་བུ་འདེབས་འདེབས་ཀྱི། །ལས་ངན་དགྲ་བགེགས་སྒྲོལ་སྒྲོལ་གྱི། །དམ་ཚིག་དུས་ལ་བབ་ཀྱི་གཤེགས་སུ་གསོལ། །ཛཿཧཱུཾ་བཾ་ཧོཿ། ཨེ་ཧྱེ་ཧི་ཏདྱ་ཐཱ། རུ་རུ་བ་རི་དྷ་བ་རོ་ས་རུ་རུ་རོ་རུ་པོ་དྷ་བ་ཧོ་ས་སི་ཧཱུཾ་ཛ། འཁོར་བ་མྱ་ངན་འདས་པ་གཉིས་ལ་དབང་བསྒྱུར་ཞིང་། །སྔོན་ཚེ་དཔལ་ཆེན་ཧེ་རུ་ཀའི། །སྤྱན་སྔར་ཁས་བླངས་དམ་བཅས་པའི། །རྣལ་འབྱོར་བདག་གི་ལས་རྣམས་གྲུབ་པར་མཛོད། །ནག་མོ་རེ་མ་ཏི་ལ་ཕྱག་འཚལ་ལོ། །མ་མོ་ཁྱེད་ལ་མཆོད་པ་འབུལ་བ་ནི། །དགྲ་བོ་ཆེ་གེ་མོ་འདི་ལགས་ཏེ། །ཕུང་པོ་ལྔ་དང་འབྱུང་བ་ལྔ། །ཡུལ་དྲུག་དབང་དྲུག་རྣམ་ཤེས་དྲུག །ཁམས་དང་སྐྱེ་མཆེད་བཅས་པ་ནི། །མ་ལུས་བཞེས་ནས་བསྣམས་སུ་གསོལ། །མ་མོ་དམ་བཅས་འདིར་སྤྱོན་ཤ་ལ་སྤྱོན། །འབྱུང་པོ་འབྱུང་མོའི་ཤ་ནི་ཟན་ལས་ཞིམ། །མ་མོ་དམ་བཅས་འདིར་སྤྱོན་ཁྲག་ལ་སྤྱོན། །འབྱུང་ཕོ་འབྱུང་མོའི་ཁྲག་ནི་ཆང་ལས་ཞིམ། །མ་མོ་དམ་བཅས་འདིར་སྤྱོན་རུས་ལ་སྤྱོན། །འབྱུང་ཕོ་འབྱུང་མོའི་རུས་པ་མར་ལས་ཞིམ། །ཤ་ཁྲག་རུས་པའི་དམ་ ― DNG022_Page_0734 ―
[མ་དཔེ་གཟིགས་ན་འདིར་གནོན།]
རྫས་འདི་གསོལ་ལ། །བདག་གིས་བརྣག་པའི་ལས་འདི་མཐར་ཕྱུང་ཞིག །རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུཾ་བྷྱོ་ཛ་ཛ། ཁ་རཾ་བ་ལ་བ་ཏི་མ་བཾ་མ་བཾ་མ་ཁཱ་ཧི་ཁཱ་ཧི་ཁཱ་ཧི། དགྲ་བོའི་སྙིང་ཙིཏྟ་ཁཱ་ཧི་མཱཾ་ས་ཁཱ་ཧི་རཀྟ་ཁཱ་ཧི། ནི་རི་ཏི་ཁཱ་ཧི། བ་སུ་ཏ་ཁཱ་ཧི། གཟུགས་ཕུང་དབང་པོ་ལྔ་གསོལ་ལོ། །རོལ་ཅིག་མངོན་དུ་མཛོད་ཅིག །མ་བྷྱོ་རུ་རུ་ཁཱ་ཧི་མའོ་མའོ། །སྤྱན་དྲང་བ་དང་ཕྱག་འཚལ་བའི་ལེའུ་སྟེ་དོན་གཉིས་པའོ།། །།མ་མོ་ཁྱོད་ལ་མཐོལ་བཤགས་གསོལ་བ་ནི། །བདག་ཅག་རྣལ་འབྱོར་སྒྲུབ་པ་པོས། །ཐོག་མ་མེད་པའི་དུས་མཐའ་ནས། །མཚམས་མེད་ལྔ་དང་མི་དགེ་བཅུ། །མདོར་ན་སྡིག་པ་ཅི་མཆིས་པ། །དེ་དག་བདག་གིས་སོ་སོར་བཤགས། །ཨོཾ་བཛྲ་སཏྭ་ས་མ་ཡ་སོགས་བྱ། །མ་མོ་ཁྱོད་ལ་དངོས་གྲུབ་སློང་བ་ནི། །དགྲ་བོ་ཆེ་གེ་མོ་ནི་འདི་ལགས་ཏེ། །དུས་བཏབ་སྟུངས་ལ་ཚེ་འདིའི་འདུ་བྱེད་སྐུམ། །གཟུགས་ཕུང་ཆོམས་ལ་ཡིད་ཕུང་ཆིངས། །འཁོར་ཤིག་ཚང་དཀྲུག་ལས་མཛོད་ཅིག །ངས་ཀྱང་དམ་ལས་མི་འདའོ། །ཁྱོད་ཀྱང་དམ་ལས་མ་འདའ་ཞིག །མའོ་མའོ། །མ་ཤོད་མ་ཤོད། ཙ་པ་ལ་ཙ་པ་ལ། ཧི་ལི་ཧི་ལི། རུ་རུ་བྷྱོ། གསོལ་ཅིག་རོལ་ཅིག །མངོན་དུ་མཛོད་ཅིག །མ་དུས་གདབ་སྟུངས་ལ་ཚེ་འདིའི་འདུ་བྱེད་སྐུམ། ས་མ་ཡ་ས་མ་ཡ། ཧ་ན་ཧ་སྟྭཾ། གིང་ཀ་ར་གིང་ཀ་ར་ལས་མཛོད་ཅིག །མ་མོ་ཁྱེད་ལ་ཕྲིན་ལས་བཅོལ་བ་ནི། །དགྲ་བོ་ཆེ་གེ་མོ་འདི་ལགས་ཏེ། ཀྱེ་མའོ་ནད་ཀྱི་བདག་མོ་ནི། །གཤིན་རྗེ་ཁམས་ཀྱི་སྲིང་གཅིག་མ། །འཇིགས་པའི་ལན་བུ་གཅིག་མ་སྟེ། །རོ་ཉེ་མཛེས་པས་རྣམ་པར་བརྒྱན། །ཆ་ལུགས་མ་ལུས་འཆང་བྱེད་མ། །རྐང་སྒྲོག་ལྕགས་ཀྱིས་རབ་ཏུ་དཀྲིས། །ཕྱིན་ཕྱོགས་དྲེའུའི་ཕ་ལ་ཞོན། །འབྱུང་པོ་ཕལ་ཆེན་ཀུན་གྱིས་མཐོང་། །འབྱུང་པོ་ཕལ་ཆེན་ཤ་ལ་ཆེམ་ཆེམ་ཟ། །མི་ཁྲག་ཆང་གིས་ར་རོ་མྱོས། །མཚན་མོ་རྦད་པས་དཔག་ཚད་དགྲ་རྣམས་ཟ། །ལོངས་ ― DNG022_Page_0735 ―
[མ་དཔེ་གཟིགས་ན་འདིར་གནོན།]
ཤིག་དེ་ནི་དགྲ་རྣམས་ལོངས། །རལ་པ་འབར་བས་སྟོངས་ཁམས་སྔངས། །དགྲ་རྣམས་ཁྲག་གིས་སྐོམ་གྱི་རྒྱ་མཚོར་བསྐྱིལ། །དགྲ་རྣམས་ཤ་ནི་ཁྱེད་ཀྱི་རྒྱགས་མིད་ཅིག །ཕོངས་པས་དགྲ་ཡི་སེམས་འདྲེན་མ། །དུས་ལ་བབ་ཀྱི་ད་ཟོ་ཞིག །ཀྱེ་མ་རིམས་ཀྱི་རྐྱེན་མོ་ཆེན་མོ་སྟེ། །འཚུབ་མ་སྟོང་འཁྱིལ་བྱེད་པ་མ་མོ་ཁྱེད་ཀྱི་མཐུ། །ཤིང་ལོ་རླུང་ཁྱེར་ས་ལ་མ་རིག་ང་ལ་ཡོད། །སྙིང་རྩ་མ་ཉམས་སྐམ་པ་ང་ལ་ཡོད། །མི་དབང་འབྲས་བུ་སྐམ་པ་ང་ལ་ཡོད། །འཆི་ཁའི་མཚལ་ཏིག་སྐམ་པ་ང་ལ་ཡོད། །མ་མོ་རྟོག་པའི་དབང་གིས་ཐང་གཅིག་མི་བཀྲེས་སམ། །འཛར་བའི་སྣོད་དུ་བྱས་པའི་དགྲ་བོ་ཁྲིད་དེ་ཤོག །མ་མོ་ཁྱེད་ཀྱི་མཐུ་ཡི་ཁྱད་པར་ནི། །ཤིག་ཤིག་གཏོགས་སྤྱོད་བཤིགས་པ་བྱང་ཆུབ་ལམ། །གཏུབས་ཤིག་དམྱལ་བ་སྒྱུ་མ་ཁྱད་པར་གྱིས། །གཏུབས་ཤིག་མ་མོ་ཁྱེད་ཀྱི་མཐུ་དང་དབལ་སོ་ནི། །ཐབས་མཆོག་སྙིང་རྗེའི་བྱིན་རླབས་ཀྱིས། །རི་མཆོག་རྩ་བའི་བྲག་ཕུག་ཏུ། །ཀ་ར་བཱི་རའི་རྒྱུ་ལྕགས་ཀྱི། །རུས་པ་ཕུང་བར་བཤིག་པར་མཛོད། །མ་མོ་དམ་ཚིག་ལས་མཛོད་ཅིག །ཨོཾ་ཏདྱ་ཐཱ་རུ་རུ་བི་ཏིཥྛ་བ་ཏོ་སི། རུ་རུ་རོ་རུ། བཻ་ར་དྷ་བ་ཏོ་སི་སྭཱ་ཧཱ། ཏདྱ་ཐཱ་རུ་རུ་བི་ཏིཥྛ་བ་ཏོ་སི། རུ་རུ་རོ་རུ་བི་ཏིཥྛ་བ་ཏོ་སི་ཧཱུཾ་ཛ། སྙིང་པོ་འདི་ལན་དྲུག་ཅུ་བརྗོད། རལ་ཆེན་ལན་བདུན་བརྡབ། གདུང་བའི་ང་རོ་ཕྱུང་། འབོད་པའི་བརྡས་བོད། ཡུན་གྱིས་མ་མོ་ཁྱེད་ལ་གསོལ་བ་འདེབས་ན། བདག་ཅག་གིས་བཅོལ་བའི་ལས་རྣམས་གུད་མཆིས་ན། བསམ་པ་ཙམ་གྱིས་གྲུབ་པར་མཛོད་ཅིག །མ་མོ་ཁྱོད་ཉིད་བདག་གིས་འགྲུབ་གྱུར་ཅིག །ཕྲིན་ལས་བཅོལ་ཞིང་ཐུགས་དམ་སྐོང་བའི་ལེའུ་སྟེ་དོན་གསུམ་པའོ།། །།ཆོ་ག་འདིའི་ཐབས་ནི་བྱ་རོག་འུག་པའི་དང་རུ་ལ། ཤོག་ཤོག་གྲུ་བཞི་ཚོན་རེ་བ་གཉིས་གཅིག་ལ་མིང་བྲི། གཅིག་ལ་དགྲའི་བླ་བྲི། ཁྱི་ཁྲག་དང་ར་ཁྲག་གིས་གླན། བར་དུ་ཤོག་བུ་གྲུ་བཞི་པ་གཅིག་ལ། ཨ་ནྲྀ་ཏྲག་རཀྴ་ཕྱེ། བྱ་བ་བྲིས་ལ་བར་དུ་གཞུག །རྩ་བ་ཚོན་སྐུད་ཀྱིས་ ― DNG022_Page_0736 ―
[མ་དཔེ་གཟིགས་ན་འདིར་གནོན།]
དཀྲི། ཡང་ཤོག་གུ་གསུམ་ག་ཐི་གུས་བཏགས་ལ་སྔགས་བར་དུ་གཞུག །མ་མ་ཏྲག་རཀྴ་མཱ་ར་ཡ་ཕྱེ། ཞེས་བརྗོད་ལ། ཡུངས་ཀར་ལ་གདབ། རླུང་ཆེན་པོ་ལ་ཕྱར་རོ། །ལས་བྱང་དུ་འབྱུང་བ་བཞིན་བསྐུལ་ཞིང་ལས་བཅོལ་ལོ། །ལྷ་དང་དབྲལ་བར་ཡང་བྱེད་དོ། །ནང་འཐབ་ཏུ་གཞུག་ན་ཡང་གྲུབ་བོ། །ཡང་ན་ཤོག་ཤོག་གཅིག་ལ་དགྲ་བོའི་མིང་བྲི། གཅིག་ལ་ལྷ་འདྲེ་མི་སྲུན་པའི་མིང་བྲིས་ལ་བར་དུ་སྔགས་གཞུག །ཤིང་རིང་པོ་ལ་བཏགས་ལ། རླུང་ཆེན་པོ་ལ་ཕྱར་ན་མཐར་ཕུང་བར་འགྱུར་རོ། །ཤོག་ཤོག་གྲུ་བཞི་ཚོན་གང་པ་ལ། ར་རོག་པོའི་ཁྲག་གིས་དགྲ་བོའི་མིང་བྲི། སྙིང་པོ་ནི་ཤོག་ཤོག་ཚོན་གང་བ་གཅིག་ལ། ཁྱི་རྒྱ་བོའི་ཁྲག་གིས་དགྲ་བོའི་བླ་བྲི། སྐྱེར་མདའ་ཟུང་གཅིག་ལ། གཅིག་ལ་བྱ་རོག་གི་སྒྲོས་བསྒྲོན། གཅིག་ལ་འུག་པའི་གོང་རུའི་སྒྲོས་བསྒྲོན། འུག་པས་བསྒྲོན་པའི་མདའ་ནི་སེར་བཀྲར་བྲིའོ། །བྱ་རོག་གིས་བསྒྲོན་པའི་མདའ་ནི་ནག་པོ་ལྡིང་ནག་ཏུ་བྲིའོ། །མདའ་དེ་གཉིས་ལ་བྱ་རོག་གིས་བསྒྲོན་པའི་མདའ་ལ་བྱ་རོག་གི་གོང་རུ་མདའ་ཚད་མ་གཅིག་གདགས་སོ། །ཤོག་ཤོག་ཚོན་གང་པ་གཅིག་ལ་ཁྲག་གིས་བྲིས་ལ་བྱ་རོག་གི་གུང་རུ་ལ་གདགས་སོ། །འུག་པའི་གོང་རུ་ནི་མདའ་ཁྲ་བོ་ལ་གདགས་སོ། །ཤོག་ཤོག་ཚོན་གང་གྲུ་བཞི་པ་གཅིག་ལ་ཁྱི་ཁྲག་གིས་བྲིས་པ་ནི་འུག་པའི་གོང་རུ་ལ་གདགས་སོ། །དེ་གཉིས་འཐབ་ཏུ་གཞུག་པའི་སྔགས་ནི། ཨོཾ་མ་མ་ཏྲག་རུ་དྲ་མཱ་ར་ཡ་ཕྱེ། མ་མ་ཏྲག་ཁ་ལྡིང་། ཏྲག་ཁྲག་ཁ་ལྡིང་། ཏྲག་བྷྱོ་རུ་ལུ་རུ་ལུ། ས་སེར་དང་ཡུངས་ཀར་ཡུངས་ནག་བསྲེས་ལ་སྔགས་བརྒྱ་རྩ་བརྒྱད་བཟླས་ཏེ། ཤོག་ཤོག་དང་གུང་རུ་གཉིས་ལ་བརྡེག་གོ། །དེ་ནི་དགྲ་དང་དགྲ་བླ་དབྲལ་བའི་སྔགས་ཡིན་ནོ། །མཁའ་ལྡིང་ནང་འཐབ་ཏུ་གཞུག་པའི་སྔགས་ཀྱང་ཡིན་ནོ། །གནས་ནི་ལྷ་འདྲེ་མི་སྲུན་པའམ། བྲག་ཕུག་དགོན་པར་བྱའོ། །བསྙེན་པ་ཞག་བདུན་གྱི་བར་དུ་བཙུགས་ལ། ཇི་ལྟ་བུའི་དགྲ་བླ་བཟང་པོ་ཡང་ ― DNG022_Page_0737 ―
[མ་དཔེ་གཟིགས་ན་འདིར་གནོན།]
འོང་ངོ་། །རྟགས་དང་སྦྱར་ལ་བསྲེག་པའི་རྫས་ལྔས་བདུག་ཅིང་དབྱེའོ། །དབྱེ་བ་གསུམ་གྱི་ལེའུ་སྟེ་དོན་བཞི་པའོ།། །།ཡང་རྣམ་པ་གཅིག་ལ་དོང་ཁྲུ་གང་གྲུ་གསུམ་པ་ཞིག་བརྐོས་ལ་ནང་དུ་རྒྱ་སོལ་གྱིས་བཀང་ལ། ལྷང་ཚར་ལ་དགྲ་བོའི་མིང་དང་གཟུགས་བྲིས་ནས། མི་ཤི་བའི་ལག་པ་གཡས་པར་བཅུག་ལ། དོང་གི་དཀྱིལ་དུ་བཅུག་ལ། ཤ་རུས་ཟ་བའི་སྙིང་པོ་ཉུང་དཀར་ལ་ལན་བདུན་བཟླས་ཏེ། ཞག་བདུན་བསྙེན་པ་བཙུགས་ཏེ། སྲིན་མོ་ཡི་དྭགས་ལྕགས་ཀྱི་རྐང་གསུམ་མ་རྦད་ཅིང་། དོང་ཁ་མཚོན་རྣོན་པོས་བཅད་དེ། ཕོ་ཉ་རྣམས་ཀྱི་སྙིང་པོ་དྲག་ཏུ་བཟླས་ཤིང་། ཡུངས་ཀར་གྱིས་བྲབ་ཕོ་ཉ་ཡང་བཏང་། ལྕགས་ཀྱི་ཕུར་བུ་སོར་གསུམ་པ་གཅིག་སྙིང་གར་བཏབ་ལ། དོན་མ་གྲུབ་ཀྱི་བར་དུ་མ་དབྱུང་ཅིག་པར་བསྒོ། ནམ་ཕར་ཕྱེད་ཚུར་ཕྱེད་ན་དོང་ཁ་བསུབས་ལ་དམོད་བཙུགས་ཏེ་མནན་པའི་ལས་བྱའོ། །རྡོ་རྗེ་ཅན་ཡིན་ཡང་གདོན་མི་ཟ་བར་ངེས་སོ། །དཀོན་མཆོག་གསུམ་གྱི་བསྟན་པ་འཇིག་ངེས་པ་ལ་བྱའོ། །གཞན་བབ་ཅོལ་དུ་མི་བྱའོ། །བྱས་ན་སྡིག་ཆེའོ། །ཡང་ན་གཡམ་པོ་སྔོན་པོ་ལ་དགྲ་བོའི་མིང་དང་གཟུགས་བྲིས་ལ། ཤིང་སྲིང་ཤའི་ལྕགས་ཀྱིས་དགྲ་བོའི་གཟུགས་ལ་བརྡེག་ཅིང་། མ་མོ་རྡོ་རྗེ་གསུམ་སྒྲོལ་མ་ཞེས་བྱ་བ། མདོག་ནག་པོར་འདུག་པ་སེར་བུ་ལ་ཞོན་པ་གཅིག་བསྒོམས་ལ། མ་མ་ཏྲག་རཀྴ་མུ་དྲ་མུ། རུ་ལུ་རུ་ལུ་ཧཱུཾ་བྷྱོ་ཧཱུཾ། ཞེས་བརྗོད་ཅིང་བརྡེག་ན་ཞག་བདུན་ན་རྟགས་འོང་ངོ་། །ཡང་ན་མི་ཁོག་སྐམ་པོའི་ནང་དུ་གཏོར་མ་བཤམ་སྟེ། གཏོར་མ་བཤམས་པའི་ཐབས་ལ། དཔྱིད་བྱ་ནག་མོའི་མིག་ལ་གཏོར་མ་བྱ། དབྱར་མེ་ཏོག་སྣ་ཚོགས་དང་། ཁྲག་བསྲེས་ལ་གཏོར་མ་བྱ། སྟོན་འབྲུ་ཚོགས་དང་ཁྲག་བསྲེས་ལ་གཏོར་མ་བྱ། དགུན་ནི་ཤིང་སུ་རུའི་ཐལ་བ་དང་། ཐལ་ཆེན་དང་ཁྲག་བསྲེས་ལ་གཏོར་མ་བྱ། དུས་བཞི་དང་སྦྱར་ཏེ། གཏོར་མའི་ནང་དུ་ཞིང་ལྤགས་ལ་དགྲ་བོའི་གཟུགས་དང་མིང་རུས་བྲིས་ལ། ཤ་རུས་ཟ་བའི་ ― DNG022_Page_0738 ―
[མ་དཔེ་གཟིགས་ན་འདིར་གནོན།]
སྙིང་པོ་འདི་བཟླས་སོ། །སྙིང་ལ་ཟ་བརྩི་མ་ཤ །རོལ་ཁྲག་འཐུང་ཀང་ཀ་ཤ །ཟན་ཡང་ཏང་པ་ལ་རོ། །ཤ་ལ་ཁྱི་སྤྱང་ཀྲ་ཧེ། ཀྲ་ཧེ་བཛྲ་བྷནྡྷ་བྷྱོ་རུ་ལུ་བྷྱོ། ཞེས་བཟླས་སོ། །དམེ་ལག་ལ་ཁྲག་ཕྱུངས་ལ་རང་གི་དཔྲལ་བའི་དབྱེས་སུ་བྱུགས་ཏེ། དབང་ཆེན་གྱི་ཏིང་ངེ་འཛིན་དུ་ཞུགས་ལ་བསྒོམ་ཞིང་བསྐུལ་ནས་གཏོར་མ་ཉི་མ་ནུབ་ཀར་བཏང་ན་རྒྱུན་འཆད་པར་འགྱུར་རོ། །དུས་བཞི་གསུང་སྒྲོལ་མས་བསད་པའི་ལེའུ་སྟེ་དོན་ལྔ་པའོ།། །།ཡང་ན་རབས་ཆད་ཀྱི་ཐོད་པར་ཆུ་གཙང་མ་དང་ཁྲག་བསྲེས་ཏེ་བླུག་ལ་སྙིང་པོ་ནུས་ཚད་བཟླས་ནས། ཁྱིམ་མམ་མཁར་ལ་གཏོར་ན་ཞག་བདུན་ན་རྟགས་འོང་ངོ་། །ཡུལ་ཕྱོགས་སུ་གཏོར་ན་ཡུལ་དུ་མི་དགེ་བ་སྣ་ཚོགས་འོང་ངོ་། །ཏྲག་རཀྴ་མུ་ཏྲ་སྙིང་ཁ་རག་མ་བྷྱོ་ཧཱུཾ། ཞེས་བརྗོད་དེ་ཐོད་པ་འཕང་ངོ་། །ཡང་ན་རབས་ཆད་ཀྱི་ཐོད་པའི་ནང་དུ་ཁྲག་སྣ་ཚོགས་དང་། དུག་སྣ་ཚོགས་ལ་ཡུངས་ཀར་བསྲེས་ཏེ་བླུག་ལ་བག་ཟན་གྱིས་ཁ་བཅད་ནས་མིག་ལྟག་ནས་ཚོན་སྐུད་ཀྱིས་བཏགས་ལ། བདག་ཨེ་ཀ་ཛཱ་ཊིའི་ཏིང་ངེ་འཛིན་དུ་ཞུགས་ལ་ཚོན་སྐུད་བདག་གི་སོས་བཟུང་ལ། དགྲ་བོའི་ཡུལ་ཕྱོགས་སུ་ཁ་བལྟས་ཏེ། སྔགས་འདི་དྲག་ཏུ་བཟླས་སོ། །མ་མ་ཏྲག་རཀྴ་རུ་ཏྲ་མ་བྷྱོ། ཞེས་བརྗོད་ལ། གང་ལ་དམིགས་པའི་ཁྱིམ་དང་། ཡུལ་དང་མཁར་ལ་བརྒྱབ་ན་མཐའ་ཕུང་སྟེ་འོང་ངོ་། །ཆོ་ག་འདི་གཉིས་ནི་དཀོན་མཆོག་གསུམ་གྱི་སྐུ་དགྲ་དར་བའི་དགྲ་བོའམ་རྒྱལ་ཁམས་ཡོངས་ཕུང་བར་བྱེད་པའི་ལྷ་འདྲེ་མི་སྲུན་པའམ། བསྟན་པ་འཇིག་ཅིང་སྤྱན་མིག་འཛལ་བའི་རུ་དྲ་ལ་བྱའོ། །ཐོད་པ་དཀར་ནག་གིས་བསད་པའི་ལེའུ་སྟེ་དོན་དྲུག་པའོ།། །། ཡང་ཕུད་གཙང་མར་བྱས་ལ། ལྷ་བཤོས་ཟུར་གསུམ་པ་གསུམ་བྱས་ལ། དཀར་པོ་གཅིག །དམར་པོ་གཅིག །ནག་པོ་གཅིག་བྱ། མདོག་དང་སྦྱར་ཏེ་ཕུར་བུ་སེན་གང་པ་གསུམ་གཟུག་གོ། །གཞོང་སྒོར་ཅིག་གི་ནང་དུ། སྲན་མ་ཕུལ་གང་། བྲ་བོ་ཕུལ་གང་། སོ་བ་ ― DNG022_Page_0739 ―
[མ་དཔེ་གཟིགས་ན་འདིར་གནོན།]
མཆུ་རིང་ཕུལ་གང་། ཕུལ་གསུམ་བླུག་ལ་སྦྱོར་བ་དང་། དེ་རེ་རེའི་སྟེང་དུ་ལྷ་བཤོས་རེ་རེ་བཞག །ཏིང་ངེ་འཛིན་གསུམ་གྱིས་བསྐྱེད་དེ། ལས་ཀྱི་ལྷ་ཧ་ཡ་གྲཱི་བ་གསལ་བར་བསྒོམ། སྲིང་མོ་བཞི་དབང་དུ་བསྡུས་ལ་ལས་ལ་བཏང་ངོ་། །ཕོ་ཉ་ཕྱི་མ་ཡང་བཏང་ངོ་། །ཕོ་ཉ་བཏང་བའི་རྗེས་ལ་རྒྱས་པའི་ལྷ་བཤོས་སེར་པོ་ཡང་བཏང་ངོ་། །ཆོས་འཁོར་འཇིག་པའི་དགྲ་བོ་དང་། ཕ་ཚན་ཆེན་པོ་ཤི་ཁ་དབྱེ་བ་ལ་བྱའོ། །མདོས་ཕུར་སོར་དྲུག་གིས་བསད་པའི་ལེའུ་སྟེ་དོན་བདུན་པའོ།། །། མ་མོ་སྲོག་འཛིན་པའི་ཐབས་ལ་དྲུག་སྟེ། གང་ཞེ་ན་ཆོས་ཐམས་ཅད་ཀྱི་སྲོག་ནི་མ་མོས་འཛིན། མ་མོའི་སྲོག་ནི་དམ་ཚིག་གིས་འཛིན། དམ་ཚིག་གི་སྲོག་ནི་ལུང་གིས་འཛིན། ལུང་གི་སྲོག་ནི་མན་ངག་གིས་འཛིན། མན་ངག་གི་སྲོག་ནི་སྒོམ་པས་འཛིན། སྒོམ་པའི་སྲོག་ནི་ལྟ་བས་འཛིན། མ་མོ་ལྟ་བས་ལ་བཟླ་བའི་ཐབས་ནི། སྣང་སྲིད་ཀྱི་ཆོས་ཐམས་ཅད་བརྟན་མ་བཅུ་གཉིས་སུ་ལ་བཟླ། བཅུ་གཉིས་ཡང་ལྷོའི་སྐྱི་མཐིང་གཡའ་མ་སྐྱོང་དུ་ལ་བཟླ། དེ་དབང་ཕྱུག་མ་ཉི་ཤུ་རྩ་བརྒྱད་དུ་ལ་བཟླ། དེ་ལྟར་རིམ་བཞིན་དུ་ཡུམ་མུ་ཁ་ལེར་ལ་བཟླ། མུ་ཁ་ལེ་སེམས་ཉིད་ལ་ལ་བཟླ། སེམས་ནི་རྒྱུ་རྐྱེན་མེད་པའོ། །མ་མོ་སྲོག་འཛིན་གྱི་ལེའུ་སྟེ་དོན་བརྒྱད་པའོ།། །།དེ་ཁོ་ན་ཉིད་རྣམ་པ་ལྔ་ལ། མ་མོའི་དེ་ཁོ་ན་ཉིད་དང་། དངོས་གཞིའི་དེ་ཁོ་ན་ཉིད་དང་། གཉིས་ཏེ་གང་ཞེ་ན། སྣང་སྲིད་ཆགས་པར་བྱེད་པ་ཡང་ཀུན་གཞི། སྣང་སྲིད་འབྱུང་བར་བྱེད་པ་ཡང་ཀུན་གཞིའོ། །སྙིང་པོ་དེ་ཁོ་ན་ཉིད་དང་། སྙིང་པོ་ལ་བཞི་སྟེ། སྙིང་པོའི་རྒྱུ་དང་རྒྱུའི་སྙིང་པོ་དང་། རྒྱུའི་ཆོས་ཉིད་ལས་ཡི་གེ་གང་ཡང་རུང་བས་བསྐྱེད་པའོ། །རྩ་བའི་སྔགས་ལ། ཨོཾ་ཨཱཿཧཱུཾ་གང་བྱུང་བ་སྐུ་བསྐྱེད་པའོ། །རྩ་བའི་སྔགས་ལ། ཨོཾ་རུ་ལུ་རུ་ལུ་ཧཱུཾ་བྷྱོ། སྲོག་གི་སྙིང་པོའོ། །རྩ་བའི་སྔགས་ལ། སྙིང་ཁ་རག་སྙིང་ཁ་རག་ཙིཏྟ་རྦད་ཐུན་བྷྱོ། བྱ་བ་ནི་བརྡེག་པའི་སྔགས་སོ། །དེ་ཁོ་ན་ཉིད་རྣམ་པ་ལྔའི་ ― DNG022_Page_0740 ―
[མ་དཔེ་གཟིགས་ན་འདིར་གནོན།]
ལེའུ་སྟེ་དོན་དགུའོ།། །།རྫས་ཀྱི་དེ་ཁོ་ན་ཉིད་ལ་གསུམ་སྟེ། སྒྲུབ་པའི་རྫས་དང་། བསྙེན་པའི་རྫས་དང་། མཆོད་པའི་རྫས་དང་གསུམ་མོ། །བསྟེན་སྟངས་ཀྱི་དེ་ཁོ་ན་ཉིད་ལ་བདུན་ཏེ། ཚོགས་ཀྱི་རྗེ་མོ་ལྟར་བསྟེན། ཡུམ་ལྔ་མའི་ཚུལ་དུ་བསྟེན། སྒྲོལ་གིང་མ་བཞི་ཕྲ་མེན་རྒྱ་མཚོ་མ་དང་ལྔ་ནི་ཆུང་མ་ལྟར་བསྟེན་ནོ། །མཇུག་སྒྲོལ་མ་བཞི་མཛའ་མོ་ལྟར་བསྟེན་ནོ། །དངོས་གསང་བའི་ཡུམ་བཞི་དང་འོག་གི་སྒྲོལ་བྱེད་མ་གཉིས་ཏེ་དྲུག་ནི་བྱི་མོ་ལྟར་བསྟེན་ནོ། །ཤུགས་འགྲོ་མ་བཞི་རྒྱལ་མོ་དང་བློན་མོ་རྣམས་ནི་སྲིང་མོ་ལྟར་བསྟེན་ནོ། །དྲག་ཤུལ་གྱིས་དབང་དུ་བསྡུ་བ་མན་ཆད་བྲན་མངགས་པའི་ཚུལ་གྱིས་བསྟེན་ནོ། །གསེར་གྱི་སྲོག་རྩ་སྒོ་གཅོད་པའི་ལེའུ་སྟེ་བརྒྱད་ཅུ་པའོ།། །།དགོས་ཆེད་བཅོ་ལྔ་དང་། དང་པོ་མ་མོ་གང་ནས་བྱུང་བ་ཤེས་པར་བྱ་བ་དང་། གང་ནས་བྱུང་བའི་ལོ་རྒྱུས་ནི། འོག་མ་ཁོ་ནར་ཞི་བ་ཐིག་ལེའི་བཞེངས་ནས་མར་བྱུང་ངོ་། །བྱུང་ནས་སྲོག་ཟིན་པར་བྱ་བ་ལ་གསུམ་སྟེ། མ་མོ་ལུས་ཀྱི་སྲོག་ནི་ཕྱག་རྒྱས་བཟུང་སྟེ། ངག་གི་སྲོག་གི་སྲོག་ནི་སྔགས་ཀྱིས་བཟུང་། སེམས་ཀྱི་སྲོག་ནི་ཏིང་ངེ་འཛིན་གྱིས་བཟུང་། སྲོག་ཟིན་ནས་ཇི་ལྟར་བཀོལ་བ་ལ་གསུམ་སྟེ། སྲོག་བཟུང་ནས་བཀོལ་བ་དང་། བསྟེན་སྟངས་བཞིན་དུ་བཀོལ་བ་དང་། གོང་དུ་བསྟན་པ་བཞིན་དུ་ཏིང་ངེ་འཛིན་དང་དབང་ཆེན་གྱི་དཀྱིལ་འཁོར་དུ་བསྒོམ་ལ་བཀོལ་བའོ། །མ་མོའི་ཤི་ས་བསྟན་པ་ལ་གསུམ་སྟེ། དམ་ཚིག་མ་བསྲུངས་པས་འཆི་བ་དང་། ལས་གཞུང་བཞིན་མ་བསྒྲུབས་པས་འཆི་བ་དང་། ཏིང་ངེ་འཛིན་ལ་ལེ་ལོ་བྱས་པས་འཆི་བའོ། །མ་མོའི་དཀྱིལ་འཁོར་བསྟེན་པ་ལ་གཉིས་ཏེ། དཀྱིལ་ཆོས་ཀྱི་དབྱིངས་ལ་འཁོར་རང་གི་རིག་པས་བསྐོར་བས་དཀྱིལ་འཁོར། དཀྱིལ་ཚོགས་ཀྱི་རྗེ་མོ་ལ་འཁོར་སྣང་སྲིད་མ་མོས་བསྐོར་བས་དཀྱིལ་འཁོར། གཞན་དཔེའུ་ཆུང་ཞིབ་ཏུ་བརྟག་གོ། །གསེར་གྱི་སྲོག་ཐིག་ ― DNG022_Page_0741 ―
[མ་དཔེ་གཟིགས་ན་འདིར་གནོན།]
བསྟན་པའི་ལེའུ་སྟེ་གྱ་གཅིག་པའོ།། །།མ་མོ་བསྒྲུབ་པར་བྱ་བའི་ཚད་བསྟན་པ་དང་། དང་པོར་ས་དང་། མཚམས་དང་། གཟུངས་མ་དང་། ཐིག་སྐུད་དང་། ཚོན་དང་། ཞལ་ཟས་ལ་སོགས་པ་བྱིན་གྱིས་བརླབ་བོ། །དེ་ནས་བསྒྲུབ་པའི་དཀྱིལ་འཁོར་གཞུང་བཞིན་བྱ་ལ་བྲིའོ། །སྒྲུབ་པ་ལ་གཉིས་ཏེ། རང་བཞིན་གྱི་སྒྲུབ་པ་དང་། གཟུགས་བརྙན་གྱི་སྒྲུབ་པའོ། །རང་བཞིན་ལ་གཉིས་ཏེ། ཕྲ་མེན་རྒྱ་མཚོ་དང་། དབྱིངས་ཀྱི་ཡུམ་ལྔའོ། །འོ་ན་ཕྲ་མེན་རྒྱ་མཚོ་ལ་སྒྲུབ་དུ་མེད་ཟེར་ཏེ་བསྒྲུབ་ཏུ་ཡོད། སྐད་ཅིག་ཀྱང་འདི་ལས་འདའ་མི་རུང་བས། རྒྱུན་དུ་བསྒྲུབ་པའི་ལྷ་ཡིན་ནོ། །ནོར་སྒྲུབ་གནོད་སྦྱིན་སྟོབས་བཟང་གི་སྒྲུབ་ཐབས་ནི། དཀྱིལ་འཁོར་ཟླུམ་པོ་ཁྲུ་གང་གཅིག་ལ། ཟླ་གམ་གཅིག་པར་བྱས་ལ། དེའི་སྟེང་དུ་བྷནྡྷ་ལྕང་ལོ་ཅན་གཅིག་དམ་རྫས་བདུད་རྩི་ཚང་བར་བླུགས་ལ་ཞིང་གི་གཡབ་མོས་ཁ་བཅད་ལ། སྙིང་པོ་གཞུང་ལས་བྱུང་བ་བཞིན་དྲང་ཞིང་བསྒྲུབ་པོ། །བརྒྱ་བྱིན་སྲིང་མོ་སྒྲུབ་པ་ནི། དཀྱིལ་འཁོར་ཁྲུ་གང་གྲུ་གསུམ་པ་གཅིག་བྱས་ལ། དབུས་སུ་ཟླ་གམ་གཅིག་པར་བྱས་ལ། ཁམ་ཕོར་གཅིག་ཏུ་གངས་ཀྱི་ཆུ་དང་། བྱ་རྒོད་ཀྱི་ཤ་དང་། ཤེལ་དང་། ནས་དཀར་མོ་འབྲུ་དགུ་བླུགས་ལ། ཨཱ་པྲ་བེ་ཤ་བྱ་བའི་འཛབ་མང་དུ་དྲང་ངོ་། །གཞན་ཀུན་གོང་མར་བས་སོ། །ཚངས་པའི་ཆུང་མ་སྒྲུབ་པ་ནི། མ་ཏྲང་གི་ཐོད་པར་བརྩེགས་པ་དཔྲལ་བར་ཟླ་གམ་བྱས་ལ། བྷནྡྷ་མཚན་ལྡན་གཅིག་གི་ནང་དུ་བདུད་རྩི་ལྔ་བསགས་ལ་ཁ་ཤིང་ཤུན་གྱིས་བཅད་ལ། བྲཱཧྨ་ཎཱི་བྱ་བའི་སྙིང་པོ་བཟླས་སོ། །ཡོན་ཏན་ནི་སྲིང་མོ་བརྒྱད་འདུལ་ལོ། །ཕོ་ཉ་དྲུག་ཅུའི་གཙོ་མོ་སྟེ། རྡོ་རྗེ་ཁྱུང་གི་མགོ་ཅན་སྒྲུབ་པ་ནི། ཐོད་པའི་དབུས་སུ་དཔྲལ་བར་ཟླ་གམ་བྲི། བྷནྡྷ་མཚན་དང་ལྡན་པར་རཀྟ་དང་དྲི་ཆུ་བསྲེས་ཏེ། ནང་དུ་ཨ་མྲྀ་ཏ་བླུགས་ལ་སྙིང་པོ་བཟླས་ཤིང་བསྒྲུབ་བོ། །ཡོན་ཏན་འོག་མ་ཀུན་འཁོལ་ལོ། །ཨེ་ཀ་ཛ་ཊི་རལ་དགུ་མ་སྒྲུབ་པ་གོང་མ་དང་མཐུན། སྲིད་པ་ཆགས་བྱེད་མ་སྒྲུབ་པ་ནི། སྟེགས་བུ་ཁྲུ་གང་པ་ལ་པདྨ་འདབ་མ་བཞི་པར་བྱས་ལ། ཁམ་ཕོར་ནང་དུ་ ― DNG022_Page_0742 ―
[མ་དཔེ་གཟིགས་ན་འདིར་གནོན།]
བྱ་རྒོད་ཀྱི་ཚིལ་ལམ། ཆུབས་བུའམ་མཚལ་སྤོས་གསེར་གཡུ་ལ་སོགས་པ་བླུགས་ལ་བསྒྲུབ་པོ། །ཡོན་ཏན་ནི་སྨན་མོ་ཐམས་ཅད་དབང་དུ་སྡུད་ཅིང་འཁོལ་ལོ། །བརྟན་མ་བཅུ་གཉིས་བསྒྲུབ་པ་ནི། ས་གཙང་མར་གྲྭ་ཕྱིང་ལ་སོགས་པ་བཏིང་ལ། འབྱོར་ཚད་བསགས་ལ་བསྒྲུབ་པོ། །སྙིང་པོ་བཟླས་ཤིང་བརྟེན་ན་ཡོན་ཏན་ནི་ཀུན་མཐུན་ནོ། །གྲུབ་པའི་ཡོན་ཏན་ནི་དགྲ་ལ་འཇེབས་སོ། །རང་བཞིན་གཉིས་བསྒྲུབ་པའི་དཀྱིལ་འཁོར་བཅུ་དགུ་སྟེ་རྩ་གཅིག་གོ། །གསང་བ་བསྒྲུབ་པའི་ལེའུ་ སྟེ་གྱ་གཉིས་པའོ།། །།མ་མོའི་གསང་མཚན་བསྟན་པ་དང་། ཡུམ་ལྔ་ནི་ཀུན་ཏུ་རྒྱུ་ཞིང་འཁྱམས་སོ། །རྡོ་རྗེ་དབྱིངས་ཀྱི་ཡུམ་མཆོག་མ། སྒྲོལ་གིང་མ་བཞི་ལ། རྡོ་རྗེ་བདེ་མཆོག་མ། རྡོ་རྗེ་འོད་འབར་མ། རྡོ་རྗེ་བདེ་སྦྱོར་མ། རྡོ་རྗེ་བདུད་རྩི་རྒྱལ་མོ། སྟེང་འོག་གི་སྒྲོལ་གིང་མ་ནི་རྡོ་རྗེ་བདེ་འདེགས་མ། རྡོ་རྗེ་བདེ་སྒྲུབ་མ། ཤུགས་སྒྲོལ་མ་དྲུག་ནི། རྡོ་རྗེ་གསང་བའི་གཟུགས་འཛིན་མ། རྡོ་རྗེ་བདེ་སྐྱོང་མ། རྡོ་རྗེ་བདེ་བརྩེགས་མ། རྡོ་རྗེ་གཟུང་འཛིན་མ། རྡོ་རྗེ་དཔལ་གྱི་ཡུམ་གཅིག་མ། རྡོ་རྗེ་འཁོར་སྐྱོང་མ། འཇུག་སྒྲོལ་མ་དྲུག་ལ། རྡོ་རྗེ་དབྱིངས་ཀྱི་གཏེར་ལྡན་མ། རྡོ་རྗེ་བདེ་འབྱམས་དཔལ་གྱི་མཆོག །རྡོ་རྗེ་བདེ་བ་རྒྱས་འདེབས་མ། རྡོ་རྗེ་བདེ་བ་ཟ་བྱེད་མ། རྡོ་རྗེ་བདེ་བ་ཚེ་འཕེལ་མ། རྡོ་རྗེ་གསང་བའི་གཟུང་གཅིག་མ། རྡོ་རྗེ་བདེ་སྦྱོར་མ། རྡོ་རྗེ་ཡུམ་གཅིག་མ། རྡོ་རྗེ་གཙུག་གི་རྒྱན་གཅིག་མ། རྡོ་རྗེ་དྲག་མོ། རྡོ་རྗེ་རྒྱན་གཅིག་མ། རྡོ་རྗེ་མེ་ཏོག་གཟུང་གཅིག་མ། རྡོ་རྗེ་ གསང་བའི་དབྱིངས་ཕྱུག་མ། རྡོ་རྗེ་ཐོགས་མེད་མ། རྡོ་རྗེ་གར་གྱི་དབང་ཕྱུག་མ། རྡོ་རྗེ་ནམ་མཁའི་ཁམས་ཀྱི་དབང་ཕྱུག་མ། རྡོ་རྗེ་ཀུན་ཏུ་བཟང་མོ། རྡོ་རྗེ་ཀུན་གྲགས་མ། རྡོ་རྗེ་ཀུན་བཟང་མ། རྡོ་རྗེ་གསལ་འཕྲོ་མ། རྡོ་རྗེ་བདེ་མཆོག་མ། རྡོ་རྗེ་ཟ་བ་མོ། རྡོ་རྗེ་སྡེར་མོ། རྡོ་རྗེ་ཐོབ་མོ། རྡོ་རྗེ་འཇིག་རྟེན་དབང་སྡུད་མ། གསང་བ་རྡོ་རྗེ་ཡུམ། རྡོ་རྗེ་འཇིག་རྟེན་གཟུང་འཛིན་མ། བསམ་འཕེལ་གསང་མཚན་གྱི་ལེའུ་སྟེ་གྱ་གསུམ་པའོ།། །།དམ་ཚིག་དབོག་པར་བྱིན་པ་དང་དབང་དུ་བསྡུ་བའི་ལེའུ་ལ། ཨ་ ― DNG022_Page_0743 ―
[མ་དཔེ་གཟིགས་ན་འདིར་གནོན།]
མྲྀ་ཏ་ཁར་བླུགས་ལ་སྔགས་པ་ལྟ་བུའོ། །མ་མོ་འཁྲུགས་པ་བཅོས་པའི་ཐབས་བསྟན་པ། མི་བདེ་བ་སྣ་ཚོགས་གང་བྱུང་ཡང་། བསྐང་རྫས་བཞིན་དུ་རིམ་པས་བཅོས། གོང་མ་བསྐངས་པས་འོག་མ་བདེ། དེ་ནས་ལས་ལ་གཟུད་པ་ལ་གསུམ་སྟེ། མ་མོ་གསང་བའི་ལས་ལ་གཟུད་པ་དང་། དམ་བཅས་ལས་ལ་གཟུད་པ་དང་། བཅོལ་བའི་ལས་ལ་གཟུད་པའོ། །མན་ངག་རྣམ་པ་གསུམ་ལ། དང་པོ་མ་མོ་གང་ནས་བྱུང་བའི་མན་ངག་དང་། གང་ནས་ཀྱང་མ་བྱུང་བདག་ཉིད་ལས་ལ་བྱུང་བ་སྟེ། ཕུང་པོ་ལྔ་ཡབ་ལྔ། འབྱུང་བ་ལྔ་ཡུམ་ལྔ། རྣམ་པར་ཤེས་པའི་ཚོགས་བརྒྱད་ཀེའུ་རིམ་བརྒྱད། དེའི་ཡུལ་སིངྷ་མ་བརྒྱད། ཡན་ལག་བཞི་ལྷ་མོ་བཞི། ཚེའུ་སག་ནེའུ་སག་ཁྲོ་བོ་ཁྲོ་མོ། སྒལ་ཚིགས་དབང་ཕྱུག་ཉི་ཤུ་རྩ་བརྒྱད། བདག་གི་ཀུན་གཞི་རྣམ་པར་ཤེས་པ་ལས། ཚེ་བདག་ཆེན་མོ་གསང་བའི་གཟུངས་ཉིད་བསྐྱེད། ཁྲག་གི་དྭངས་མ་དབུགས་ཀྱི་དྭངས་མ། དྲོད་ཀྱི་དྭངས་མ་རྣམ་པར་ཤེས་པའི་དྭངས་མ་ལས། མཇུག་སྒྲོལ་མ་བཞི་བསྐྱེད། རྣམ་པར་ཤེས་པའི་ཚོགས་བརྒྱད་ཀྱི་དྭངས་མ་ལས། སྒྲོལ་གིང་མ་བཞི་ཤུགས་སྒྲོལ་མ་བཞི་སྟེ་བརྒྱད་བསྐྱེད། བདག་གི་གསང་བའི་བྱང་ཆུབ་སེམས་ལས་སྲིད་པ་ཆགས་འཛིན་སྤུན་གཉིས་བསྐྱེད། བདག་གི་སྒལ་ཚིགས་ལས་ཨེ་ཀ་ཛཱ་ཊི་སྤུན་དྲུག་བསྐྱེད། བདག་གི་སྲོག་རྩ་ལས་འདོད་ཁམས་གཙོ་མོ་སྤུན་གཉིས་བསྐྱེད། བདག་གི་ལྟེ་བ་ལས་སྟེང་འོག་གི་སྒྲོལ་གིང་མ་གཉིས་བསྐྱེད། བདག་གི་ཡིད་ཀྱི་རྣམ་པར་ཤེས་པ་ལས་སྲིན་མོ་བརྒྱད་བསྐྱེད། རྐང་ལག་གཡས་གཡོན་ལས་དམག་གི་རྒྱལ་མོ་བཞི་བསྐྱེད། སྟེང་འོག་གི་གཤང་ལམ་སྒོ་བཞི་ལས། ལས་ཀྱི་སྲིན་མོ་བཞི་བསྐྱེད། བདག་གི་མཁལ་མ་གཡས་གཡོན་ལས། པདྨ་གར་གྱི་དབང་ཕྱུག་མ། རྡོ་རྗེ་གར་གྱི་དབང་ཕྱུག་མ་དང་གཉིས་བསྐྱེད། མཁྲིས་པ་ལས་ནག་མོ་ཁྲག་འཛག་མ་བསྐྱེད། ལག་མགོ་རྐང་མགོ་གཉིས་ཏེ་བཞི་བཞི་ལས་ཕོ་ཉ་ཆེན་མོ་བཞི་བསྐྱེད། བདག་གི་ཉོན་མོངས་པའི་ཡིད་ལས་བརྟན་མ་བཅུ་གཉིས་བསྐྱེད། དང་པོ་གང་ལས་ ― DNG022_Page_0744 ―
[མ་དཔེ་གཟིགས་ན་འདིར་གནོན།]
མ་མོ་བྱུང་ན་བདག་ཉིད་ལས་བྱུང་ངོ་། །དེ་ལྟར་བྱུང་བའི་མན་ངག་གོ། །མ་མོ་འབྱུང་བའི་རྒྱུ་དང་གསང་བའི་ལས་ལ་གཟུད་པའི་ལེའུ་སྟེ་གྱ་བཞི་པའོ།། །།དང་པོར་གསང་བའི་ལས་ལ་གཟུད། དུར་ཁྲོད་ཞིང་ལ་ཕོ་ཉ་བཏང་ཞིང་གཟུད། བར་དུ་དམ་བཅའ་ཞིང་ལས་ལ་གཟུད་པ་ནི་ཇོ་མོར་བཟུང་ན་ཇོ་མོར་གཟུད་དོ། །ཐ་མར་བཅོལ་བའི་ལས་ལ་གཟུད་པ་ནི། དགྲ་བོའི་ལུས་ལ་གཟུད་པ་ཡིན་ཏེ། ཀུན་གཞི་ལ་སྤྲུལ་བདག་ཆེན་མོ་དང་། ཚེ་བདག་ཆེན་མོ་གཉིས་ལས་ལ་གཟུད་དོ། །དེས་ཀུན་གཞི་ཉམས་སུ་གཞུག་གོ། །ཐ་མར་མཇུག་བསྡུ་བའི་མན་ངག་ནི། སྣང་སྲིད་ཀྱི་ཆོས་ཐམས་ཅད་ཉོན་མོངས་པའི་ཡིད་ལ་བསྡུའོ། །དེ་ལས་རིམ་པས་ཀུན་གཞི་ལ་བསྡུ། ཀུན་གཞི་སྐྱེ་བ་མེད་པའི་ངང་ངོ་། །ཐིག་ལེ་རྣམ་པ་གསུམ་ལ། དབྱིངས་དང་རིག་པ་གཉིས་མེད་དང་། ཐབས་དང་ཤེས་རབ་གཉིས་མེད་དང་། །དེ་ནི་མ་མོའི་ཐིག་ལེའོ། །གྲུབ་པའི་ཐིག་ལེ་ནི་ཆོས་ཐམས་ཅད་རང་བཞིན་ལྷུན་གྱིས་གྲུབ་ཅིང་རྩོལ་སེམས་དང་བྲལ་བ་སྟེ། ཡེ་ནས་བཅོས་སུ་མེད་པའི་ཀློང་ཆེན་པོ་ཡིན་ནོ། །ལེན་པའི་ཐིག་ལེ་ནི། ཐིག་ནི་བདག་གི་ཀུན་གཞི་བྱང་ཆུབ་སེམས་ཡིན། ལེ་ནི་རང་རིག་པའི་ཡོན་ཏན་ཡིན། གཉིས་སུ་མེད་པའི་ངང་ལས་འཇིགས་བྱེད་འབར་བའི་སྐུ་དུར་ཁྲོད་ཆས་ཀྱིས་གདུག་པ་ཅན་འདུལ་བ། རྒྱན་དང་ཆ་ལུགས་སུ་སྣང་བ་ལས། རྡོ་ཁབ་ལེན་ལ་ལྕགས་རྣམས་འདུ་ཚུལ་དུ། མ་མོ་ཐམས་ཅད་འདར་ཞིང་འདུད། རྒྱལ་མོ་བརྒྱད་ཅུ་རྩ་བཞི་བྲན་དུ་འཁོལ། བློན་མོ་དགུ་ནི་ཕོ་ཉ་བཞིན་དུ་འགྱེད། འཇིག་རྟེན་གྱི་ཆོས་ཐམས་ཅད་གསལ་བར་སྟོན། མ་མོ་འབུམ་ལ་སོགས་པ་ནི། ཅི་བགྱི་ཟེར་ཞིང་བཀའ་སྡོད་དོ། །མ་མོ་བཀོལ་བའི་ལུགས་ཀྱིས་ནི། གཙོ་མོ་ནི་ཚོགས་ཀྱི་རྗེ་མོ་བཞིན་དུ་བཀོལ། མ་མོ་བཅུ་གསུམ་ཆུང་མ་བཞིན་དུ་བཀོལ། བྷ་གའི་ཁ་སྲུང་མ་ལ་སོགས་པ་དྲུག་ནི་ཁོལ་མོ་བཞིན་དུ་བཀོལ། ཚེ་བདག་ཆེན་མོ་ལ་སོགས་བུ་མོ་བཞིན་དུ་བཀོལ། བརྟན་མ་བཅུ་གཉིས་སུམ་གསུམ་བཀྲ་ཡང་དྲ་བཞིན་དུ་བཀོལ། དྲག་ ― DNG022_Page_0745 ―
[མ་དཔེ་གཟིགས་ན་འདིར་གནོན།]
ཤུལ་གྱིས་དབང་དུ་བསྡུ་བའི་མ་བདུན་ནི་བྱི་མོའི་ཚུལ་དུ་བཀོལ་ལོ། །འཇིག་རྟེན་ལས་འདས་པ་ཆེན་པོ་ལས་ནི་བྱུང་། འཇིག་རྟེན་ལ་ནི་གནས་ཏེ། དེ་གང་ལས་བྱུང་ན་མ་མོའི་ལེའུ་སྟེ་སྟོང་ཕྲག་དྲུག་ཅུ་རྩ་ལྔ་ལས། མན་ངག་གི་ལེའུ། འཇིག་རྟེན་ལས་འདས་པའི་ལེའུ་བརྒྱ་ཉི་ཤུ་རྩ་གཉིས་བྱུང་ངོ་། །མ་མོ་དབང་དུ་བསྡུ་ཞིང་བཀོལ་ཐབས་བསྟན་པའི་ལེའུ་སྟེ་གྱ་ལྔ་པའོ།། །།ཏིང་ངེ་འཛིན་རྣམ་གསུམ་བསྐྱེད་པ་ལ། དེ་བཞིན་ཉིད་ཀྱི་ཏིང་ངེ་འཛིན་བསྐྱེད་པ། དེ་བཞིན་ཉིད་ཀྱི་རང་བཞིན་ནི། དམིགས་མེད་ཡུམ་གྱི་ངང་དུ་གསལ། ཁྱབ་གདལ་དོན་ནི་རྫོགས་པར་ལྡན། །མ་ཧཱ་ཤཱུ་ནྱ་ཏཱ་ཛྙཱ་ན་མཎྜ་ལ་ཧཱུཾ། ཀུན་ཏུ་སྣང་བའི་ཏིང་ངེ་འཛིན་ནི། རིག་པའི་ཡེ་ཤེས་བདེ་ཆེན་མཁའ། །ཀུན་ཏུ་སྣང་སྲིད་ཁྱབ་པར་གསལ། །གཉིས་མེད་ལྷུན་གྱིས་གྲུབ་པའི་མཆོག །དྷརྨ་དྷཱ་ཏུ་མཎྜ་ལ་ཧཱུཾ། དེ་ནས་རྒྱུའི་ཏིང་ངེ་འཛིན་གྱིས། དབང་ཆེན་ཡུམ་གྱི་དཀྱིལ་འཁོར་བསྐྱེད། །གཉིས་སུ་མེད་པའི་མཁའ་དབྱིངས་ལས། །བྱང་ཆུབ་སེམས་ཀྱི་སྤྲིན་ཚོགས་གཏིབས། །བདེ་མཆོག་ཡིད་བཞིན་ཆར་དུ་འབེབས། །ཐམས་ཅད་མ་ལུས་བསྐྱེད་པའི་རྒྱུ། །རིན་ཆེན་འབར་བའི་འོད་ཟེར་ལས། །དབང་ཆེན་དཀྱིལ་འཁོར་འབྱུང་བའི་རྒྱུ། །ཨེ་རཾ་མཾ་ལཾ་བྲུཾ། གྲུ་གསུམ་མཐིང་ནག་འབར་བའི་ནམ་མཁའ་ལ། །འཐོར་བྱེད་རླུང་ནག་ཚོགས་ནི་རྒྱ་གྲམ་གཏམས། །ཆགས་པའི་རཀྟ་རྦ་ཀློང་ཀྱི་ལི་ལི། །ཞིང་ཆེན་གཏམས་པའི་ས་གཞི་མཐའ་དབུས་བརྡལ། །ཀེང་རུས་འབར་བའི་རི་རབ་གཞལ་ཡས་ནི། །ཆུ་སྲིན་བྱེ་བ་ས་ཡའི་ཐོད་པ་ལ། །མི་བཟད་དུར་ཁྲོད་འབར་བའི་རྩིགས་རྨང་བྱས། །འབར་བའི་ཐོད་དགུ་རྩིག་པས་མཁར་དུ་བརྩིགས། །གནམ་ལྕགས་དུར་མོ་འབར་བའི་གཟེར་ཆེན་གདབ། །རིན་ཆེན་མཆོག་གིས་ཟུར་བཞི་མཛེས་པར་བརྒྱན། །གཡུ་འོད་སྔོན་པོ་འབར་བའི་ཁ་བད་ཅན། །མུ་ཁྱུད་གནམ་ལྕགས་འབར་བའི་རི་ཡིས་བསྐོར། །སུམ་བྷན་དྷ་བྷན་དྷ་རཀྴ་རཀྴ་ཏིར་བཾ། ད་ནི་གདན་ཁྲི་བསྐྱེད་དེ། མཐིང་ནག་འབར་བའི་གཞལ་ཡས་འདིར། །ཞིང་ཆེན་ཞིང་ཆུང་གཅལ་དུ་བཀྲམ། །མཆོག་ཕྲན་མང་པོ་གདན་དུ་བཏིང་། །ཐེའུ་བྲང་དགུ་བརྒྱའི་ ― DNG022_Page_0746 ―
[མ་དཔེ་གཟིགས་ན་འདིར་གནོན།]
གབ་ཚེ་ལ། །ལྷ་སྲིན་ཀུན་གྱི་ནང་ཚངས་ཅན། །ནྲྀ་ཏི་ར་བཾ། ཨ་ཀྲ་ཏི་ར་བཾ། རཀྴ་ཏི་ར་བཾ། ད་ནི་ཕྱག་བྱ་སྟེ། མི་མངོན་མཁའ་དབྱིངས་སྨུག་པོའི་དཀྱིལ་འཁོར་ན། །སྐུ་ལ་ཉག་གཅིག་སྤྲུལ་པ་དྲུག་ལ་བཀའ་ཉན་སྟོང་། །བཀའ་ཉན་རེ་ལས་ཕྱག་བརྙན་འབུམ། །སྣང་སྲིད་བདག་ལ་ཕྱག་འཚལ་ལོ། །དབྱར་བཞིན་ནམ་མཁའི་ཁམས་ན་རྒྱུག །འབྲུག་དང་གློག་གི་བདག་མོ་མཛད། །ལྕེ་དང་བུ་ཡུག་འབེབས་མཛད་མ། །གློག་མ་ སྲིན་ལ་ཕྱག་འཚལ་ལོ། །དཔྱིད་བཞིན་ཀུན་ལ་དྲོད་འབེབས་མ། །ཆུ་བོ་ཀུན་གྱི་སྣ་འདྲེན་མ། །ཆུ་བོ་ཀུན་གྱི་གཞུང་འབྱམས་མ། །ནག་མོའི་གཙོ་ལ་ཕྱག་འཚལ་ལོ། །སྟོན་བཞིན་འབྲས་བུ་སྨིན་མཛད་མ། །སྤང་པོ་དེ་ནི་ཁ་སེར་ལ། །འབྲུ་དང་ལོ་ཡི་བཅུད་ལེན་མ། །མི་རྣམས་ཀུན་གྱི་དཔལ་འཕྲོག་ཅིང་། །གློག་འགྱུ་མ་ལ་ཕྱག་འཚལ་ལོ། །དགུན་བཞིན་རྒྱ་མཚོའི་གཏིང་ན་བཞུགས། །ཁམས་གསུམ་ཀུན་གྱི་རྒྱས་འདེབས་མ། །ཀླུ་བྲན་ཀུན་གྱི་དགྱེས་སྡེ་མོ། །གློག་འགྱུ་མ་ལ་ཕྱག་འཚལ་ལོ། །རྡོ་རྗེ་དྲི་ཆུ་བདུད་རྩི་མཆོག །པཉྩ་ཨ་མྲྀ་ཏ་དང་སྦྱར། །དམ་རྫས་སྙིང་གི་ཁྲག་ཆེན་པོ། །བསྲེ་བའི་མཆོག་སྟེ་སྲོག་གི་སྙིང་། །མ་ཧཱ་ཀུ་ཀུ་ཡ། ས་མ་ཡ་པཉྩ་ས་མ་ཡ། མ་ཧཱ་ཨ་མྲྀ་ཏ་ས་མ་ཡ། ཏིང་ངེ་འཛིན་རྣམ་གསུམ་གྱི་ལེའུ་སྟེ་གྱ་དྲུག་པའོ།། །།ད་ནི་མཆོད་པ་འབུལ་བ་སྟེ། སྨུག་ནག་འཇིགས་པའི་རྒྱལ་མོ་བཞེངས་སུ་གསོལ། །ནག་མོ་མི་བཟད་རྒྱ་མཚོ་བཞེངས་སུ་གསོལ། །ཕྱག་བརྙན་རྐང་དྲུག་མཛེས་མ་བཞེངས་སུ་གསོལ། །མདོག་བཟང་ནག་མོ་མཐུ་ཆེན་བཞེངས་སུ་གསོལ། །ཨེ་ཧྱེ་ཧི་ཚུར་སྤྱོན་འཁོར་དང་བཅས། །ཛཿཧཱུཾ་བཾ་ཧོཿ། སྤྱན་འདྲེན་མ་ལུས་གཤེགས་སུ་གསོལ། །མ་གཅིག་ཆེན་མོ་འདིར་སྤྱོན་ཤ་ལ་སྤྱོན། །འབྱུང་པོ་འབྱུང་མོའི་ཤ་ནི་ཟན་ལས་ཞིམ། །འབྱུང་པོ་འབྱུང་མོའི་ཁྲག་ནི་ཆང་བས་ཞིམ། །མ་གཅིག་ཆེན་མོ་འདིར་སྤྱོན་ཁྲག་ལ་སྤྱོན། །འབྱུང་པོ་འབྱུང་མོའི་རུས་པ་མར་བས་ཞིམ། །མ་གཅིག་ཆེན་མོ་འདིར་སྤྱོན་རུས་ལ་སྤྱོན། །བདག་གིས་བརྣག་པའི་ལས་འདི་ ― DNG022_Page_0747 ―
[མ་དཔེ་གཟིགས་ན་འདིར་གནོན།]
མཐར་ཕྱུང་ཞིག །ད་ལྟ་ཉིད་དུ་རྟགས་དང་མཚན་མ་ཕྱུང་། །ཁ་ཁ་དུང་མ་ཏི་རུ་ལུ་བྷྱོ། ད་ནི་སྨན་མཆོད་བྱ་སྟེ། རང་བྱུང་བདུད་རྩི་དམ་རྫས་ལྔ། །གདོད་ནས་དག་པ་བདུད་རྩིའི་མཆོག །རྩ་བ་བརྒྱད་ལ་ལོ་མ་སྟོང་། །སངས་རྒྱས་སྟོང་གི་དངོས་གྲུབ་ལེན། །དམར་ཆེན་མཚོ་དང་མཱཾ་ས་དྲི། །ག་བུར་ཤེལ་དང་སྤོས་ཕོར་དྲི། །སངས་རྒྱས་སྟོང་གི་ཐུགས་དམ་སྟེ། །རྣལ་འབྱོར་ཡོངས་ཀྱི་དམ་ཚིག་གོ། །དམ་ཚིག་སྦྱིན་པ་ཆེན་པོ་འདི། །སྦྱིན་ནོ་བསྟབ་བོ་བསྐུལ་དུ་གསོལ། །དམ་རྫས་བདུད་རྩི་ཆེན་པོ་འདི། །མ་ཚོགས་སྟོང་གི་འཁོར་ལ་མཆོད་པ་འབུལ། །འདུལ་བའི་ལྷ་མོ་མཐུ་མོ་ཆེ། །དུས་ལ་རུབ་ཅིང་དམ་མ་འཕྲང་། །དབང་ཕྱུག་ཆེན་མོ་ཀུན་གྱི་སྲིང་། །རྣལ་འབྱོར་ཡོངས་ཀྱི་མ་གཅིག་མ། །མཚན་བཟང་ནག་མོ་རེ་མ་ཏི། །མ་ཚོགས་སྟོང་གི་འཁོར་ཚོགས་ལ། །རྣམ་དག་བདུད་རྩི་དམ་རྫས་མཉེས་མཆོད་འབུལ། །ཐུགས་རྗེ་བརྩེ་དགོངས་དབང་དང་དངོས་གྲུབ་གསོལ། །བར་དེར་མ་མོའི་འཛབ་ནི་ནུབ་ཚད་བགྲང་། །སྤྱན་དྲང་བ་དང་མཆོད་པའི་ལེའུ་སྟེ་གྱ་བདུན་པའོ།། །།ད་ནི་རྔ་བརྡུངས་ལ་མ་མོ་ཐམས་ཅད་བསྐུལ་ལོ། །མ་གཡེལ་མ་འདའ་སྲིང་གཅིག་མ། །མ་ཡི་ནང་ནས་མ་གཅིག་མ། །དམ་ཉམས་ཀུན་གྱི་བདུད་གཅོད་མ། །དམ་ལ་གནས་པའི་ཚེ་འཛིན་མ། །སྟོང་ཁམས་ཀུན་གྱི་ཉུལ་ལེ་མ། །ནད་བདག་མོ་དང་རིམས་བདག་མོ། །ཆིབས་སུ་དྲེའུ་རྟ་རྐང་གསུམ་ཆིབས། །དྲ་བ་དགུ་ཡི་ལན་ཕྲན་ཅན། །བྱུ་རུ་དམར་པོའི་རྒྱན་སྲབ་ཅན། །ཉིན་བཞིན་ཁྱོ་དགུ་སྐུངས་སུ་སྦེད། །མཚན་མོར་དུར་ཁྲོད་ཁྱབ་པར་ཉུལ། །རྣལ་འབྱོར་མཐའ་དག་ཚོགས་ཁང་འགྲིམ། །རྣལ་འབྱོར་དམ་ཚིག་གཙང་མི་གཙང་། །མཆེད་ལྕམ་བརྩེ་གདུང་ཆེ་འམ་ཆུང་། །སློབ་དཔོན་ཏིང་འཛིན་དྲོད་ཉུལ་མ། །ལེགས་ཉེས་སྟངས་འཛིན་དམ་ཚིག་རྗེས་གཅོད་མ། །ཉིད་ཀྱི་མདོག་ནི་མཐིང་ནག་ལ། །རལ་པའི་ཟར་བུ་གཡས་ནས་གཡོན་དུ་འཁྱིལ། །ཞལ་ནས་མི་ཁྲག་རྟ་ཁྲག་འཛག །མིག་ནས་ཁྲག་འཛག་ཟུ་ལུ་ལུ། །ལྕགས་ཀྱི་དྲེའུ་རྟ་རྐང་གསུམ་བསྐྱོད་པའི་ཚེ། །དཔག་ཚད་བརྒྱད་ཁྲི་བཞི་སྟོང་ཡང་། ། ― DNG022_Page_0748 ―
[མ་དཔེ་གཟིགས་ན་འདིར་གནོན།]
མཚན་མོ་གཅིག་ལ་ཁྱབ་པར་གཅོད། །རྣལ་འབྱོར་ཆེན་མོ་ཨ་ལ་ལ། །དབང་ཕྱུག་ཆེན་མོ་ཨ་ལ་ལ། །ཁྱོད་ཀྱི་ལག་པ་གཡས་པ་ན། །བདུད་ཀྱི་ཁྲམ་བམ་རེ་རེ་ཐོགས། །སྐྱེ་འགྲོ་དབུགས་སུ་སྣང་བ་ཀུན། །སང་ཕོད་དེང་སང་སུ་འཆི་བ། །དོ་གཅིག་རྡེའུ་ཤོད་ནག་པོ་འགྲེམས། །ཁྱེད་ཀྱི་མཆན་ཁུང་གཡས་པ་ན། །བྱང་དམར་དཀྱུས་ཀྱི་བམ་པོ་སྦེད། །སང་ཕོད་དེང་སང་སུ་འཆི་བ། །དོ་གཅིག་བྱང་དམར་དཀྱུས་ལ་འདེབས། །ཁྱེད་ཀྱི་མཆན་ཁུང་གཡོན་པ་ན། །ནད་ཀྱི་རྐྱལ་པ་སྔོན་དམར་ལ། །སྦྲུལ་ནག་བརྒྱ་ཡི་ཁ་ཆིངས་ཅན། །ལྔ་བརྒྱ་དུས་ཀྱི་སྙིགས་མ་ལ། །གསང་སྔགས་བོན་དུ་གྱེར་བའི་དུས། །རྣལ་འབྱོར་གྲོང་བསྙེན་བྱེད་པའི་དུས། །དེ་ཚེ་སྲིད་པའི་མ་མོ་འཁྲུགས། །དེ་ཚེ་ཁྱེད་ཀྱི་རྟགས་བསྟན་པ། །ཁྱེད་ཀྱི་ཁ་རླངས་སེར་པོ་ཡིས། །སྟོང་ཁམས་ཐམས་ཅད་འགེངས་བྱེད་ཅིང་། །བུད་མེད་སེར་མོས་ས་གཞི་འགེངས། །ཆེ་ཞེས་མཁྲིས་ཆེན་ཤ་ཡ་གཏོད། །ནམ་མཁའི་མཐོངས་ན་ཁྱོད་གནས་པ། །ནམ་མཁའི་དབྱིངས་ཀྱི་དཔལ་མོ་བཙན། །སེམས་ཅན་ཀུན་གྱི་ལམ་སྟོན་པ། །བར་སྣང་ཁམས་ན་བཞུགས་པའི་ཚེ། །བྷ་ག་ཧྲི་སྡི་མཁའ་ལ་ཆར་འབེབས་མ། །འབྱུང་བ་ལྔ་ཡི་ཆ་སྙོམས་མ། །འཛམ་གླིང་འབྲས་བུའི་བཅུད་ལེན་མ། །དེ་ཡང་དཔལ་ལྡན་རེ་མ་ཏི། །རི་རབ་ཟོམ་ལ་བཞུགས་པའི་ཚེ། །མེ་ཟ་མ་ལ་བྲག་གྱོན་མ། །པུ་ཏྲ་ཀུན་གྱི་ཚེ་འཛིན་མ། །དེ་ཡང་བྱང་ཤར་རེ་མ་ཏི། །འབར་མ་ཉུལ་བྱེད་གཙོ་མོ་ནི། །འབར་མ་ཉི་མའི་ཞགས་པ་ཅན། །ཕུད་ལྷག་ཉུལ་ཞིང་སྒྲུབ་མཆོག་སྐྱོང་། །དེ་ཡང་དཔལ་ལྡན་རེ་མ་ཏི། །ཧཱུཾ་དབང་ཕྱུག་ཉི་ཤུ་རྩ་བརྒྱད་ནང་ན་བཞུགས་པའི་ཚེ། །མི་སྲིན་གཡག་མགོ་ཐོད་རློན་འཆང་། །ཁ་ཆུ་སྙག་ཅིང་སྒྲུབ་མཆོག་སྐྱོང་། །དེ་ཡང་དཔལ་ལྡན་རེ་མ་ཏི། །མ་བརྒྱད་གཙོ་མོ་མཛད་པའི་ཚེ། །ཨེ་ཀ་ཛཱ་ཊི་རལ་གཅིག་མ། །རྣལ་འབྱོར་ཏིང་འཛིན་དྲོད་ཉུལ་མ། །དེ་ཡང་དཔལ་ལྡན་རེ་མ་ཏི། །ཆེ་ཞེ་ཆེན་མོ་མཐུ་མོ་ཆེ། །ཆེ་ཞེ་ཆེན་མོ་དུས་ལ་བབ། །ཕྲིན་ལས་བཅོལ་ཞིང་ངེས་ཚིག་གི་ལེའུ་སྟེ་གྱ་བརྒྱད་པའོ།། །། བྱང་ཤར་མཚམས་ཀྱི་སྲིང་གཅིག་མ། །བསེ་ཡི་གདོང་ལ་གཡུ་ཡི་སྤྱན། །ཟ་འོག་དཀར་བཀྲའི་སླག་ ― DNG022_Page_0749 ―
[མ་དཔེ་གཟིགས་ན་འདིར་གནོན།]
པ་ཅན། །དཔུང་རྡུམ་རེ་ལྡེའི་སྨད་དཀྲིས་གསོལ། །གཡུ་ཡི་ལྡེ་ཤྭོ་བརྒྱ་ལ་རྩེ། །ཆིབས་སུ་དྲེའུ་རྟ་རྐང་གསུམ་ཆིབས། །ལག་ན་ལྕགས་ཕུར་སྟོང་འདྲིལ་མ། །ནད་དང་རིམས་ཀྱི་བདག་མོ་ཁྱོད། །མིང་ནས་བོས་ན་མི་གསན་ནམ། །དམ་ཚིག་བསྲུངས་ན་མི་དགྱེས་སམ། །བདུད་ཀྱི་ཡུལ་དུ་དམག་འདྲེན་ན། །སྲིང་གཅིག་རེ་ཏི་དམ་ལ་འདུ། །དགྲ་བགེགས་མ་ལུས་རྡུལ་དུ་རློག །མ་རུ་ང་བྷྱོ། དེ་ལྟར་བྱས་ན་གང་ལ་དམིགས་པ་ལ་མི་འགྲུབ་མི་སྲིད་དོ། །རེ་ཏི་བྱང་ཤར་སྲིང་གཅིག་གི་ལེའུ་སྟེ་གྱ་དགུ་པའོ།། །།རང་སྒྲོལ་གྱི་སྔགས་དང་ཕྱག་རྒྱ་ལ། བསྒོམ་ཞིང་དབང་དུ་བྱ་བ་ནི། །ཨོཾ་བཛྲ་རྦད་ཏན། ཏ་ར་མ་རྦད། བྱིན་གྱིས་རླབས་པའི་སྔགས་ལ། ཨོཾ་བཛྲ་དྷ་ར་རྦད། ཤཾ་དྷ་ར་རྦད། ཁཾ་རིལ་རྦད། ཨོཾ་བཛྲ་མུག་ཐིག་ཐིག་རྦད། ཨོཾ་པུ་ཏྲ་ཀྵ་ནི་ཐིབ། པྲ་ཏི་ཛྙཱ་ན་དྷ་ར་ཐིམ། ཨོཾ་བཛྲ་སུ་བ་རིལ་རྦད། ཕྲ་ཏི་བ་ར་པུ་བ་ཙཀྲ་རྦད། ཨོཾ་བཛྲ་དྷ་ར་སྡིབ། ཨོཾ་བཛྲ་སྙིང་མགོ་ཆོད། ཁ་ལ་ཟ་མུ་ལོ་དན་ཏིང་། ཡུ་ཏི་དན་ཏིང་དྷ་ར་ཡ་རྦད། དབང་པོ་ལྔ་ལ་དེ་སྐད་བརྗོད་ལ་བཏང་། སྒོ་དབྱེ་བའི་ཕོ་ཉ་བཏང་། ཤར་ཕྱོགས་ནམ་མཁའི་དཀྱིལ་ཡངས་སུ། །སྤྲིན་གྱི་སྙིང་པོ་དུ་རུ་ཁ། །དབུ་སྟོང་ཕྱག་སྟོང་ཞབས་བརྒྱ་མ། །ཕྱག་གཡས་རྒྱུ་དྲུག་ཙིཏྟ་བསྣམས། །ཕྱག་གཡོན་རྡོ་རྗེ་སྣ་ཚོགས་བསྣམས། །མཆན་ཁུང་གཡས་ཀྱི་སྒོ་ཕྱེ་ལ། །ཙིཏྟ་དབྱུང་བའི་དུས་ལ་བབ། །དམར་འབྱིན་ཆེན་མོ་ད་ཚུར་བྱོན། །ཐར་ལམ་སྟོན་པའི་དུས་ལ་བབ། །ཨོཾ་བཛྲ་ཁྲག་ཏི་སྣར་བ་རྦད། ལྷོ་ཕྱོགས་ནམ་མཁའི་དཀྱིལ་ཡངས་ནས། །ཆུ་ཡི་སྙིང་པོ་ན་ཚེ་མ། །ཆུ་སྲིན་འབར་བའི་ཁ་ནས་ནི། །འོད་ཟེར་མང་པོ་སྟོང་འཕྲོས་པས། །འོད་ཟེར་མང་པོའི་འཕྲོ་འདུ་ཡིས། །མཆན་ཁུང་གཡོན་གྱི་སྒོ་ཕྱེ་ལ། །ཙིཏྟ་དབྱུང་བའི་དུས་ལ་བབ། །དམར་འབྱིན་ཆེན་མོ་ད་ཚུར་སྤྱོན། །ཐར་ལམ་སྟོན་པའི་དུས་ལ་བབ། ཨོཾ་བཛྲ་ཙཀྲ་རུ་ཏི་ད་ར་རྦད། ― DNG022_Page_0750 ―
[མ་དཔེ་གཟིགས་ན་འདིར་གནོན།]
སྙིང་རྩ་ཆོད། ནུབ་ཕྱོགས་ནམ་མཁའི་དཀྱིལ་ཡངས་སུ། །ནག་མོ་མཁའ་ལ་དབང་ཕྱུག་མཚོ། །རི་རབ་ངོས་ལ་སྐུ་རྟེན་འཆའ། །རྒྱ་མཚོའི་སྟེང་དུ་རྐང་བརྐྱང་ནས། །ཕྱག་གིས་སྟོང་ཁམས་ཡོངས་ལ་ཉུལ། །ནུབ་ཕྱོགས་དབུགས་ཀྱི་སྒོ་ཕྱེ་ལ། །ཙིཏྟ་དབྱུང་བའི་དུས་ལ་བབ། །དམར་འབྱིན་ཆེན་མོ་ད་ཚུར་སྤྱོན། །ཐར་ལམ་སྟོན་པའི་དུས་ལ་བབ། །ཨོཾ་བཛྲ་ག་ཤུཛྫཾ་ཏ་ར་ཧྲཱྀ་ཡ་བཛྲ་ཧཱུཾ་ཕཊ། བྱང་ཕྱོགས་ནམ་མཁའི་དཀྱིལ་ཡངས་སུ། །དབང་དྲག་རལ་པ་འཇོམས་མཛད་མ། །རལ་པ་མང་པོ་གཏིང་འཕྲོས་པས། །རལ་པ་མང་པོའི་འཕྲོ་འདུ་ཡིས། །བྱང་ཕྱོགས་ལྕགས་ཀྱི་སྒོ་ཕྱེས་ལ། །ཙིཏྟ་དབྱུང་བའི་དུས་ལ་བབ། །དམར་འབྱིན་ཆེན་མོ་ད་ཚུར་སྤྱོན། །ཐར་ལམ་སྟོན་པའི་དུས་ལ་བབ། །ཨོཾ་བཛྲ་མི་རེ་ཤུ་བ་དུ་ཀ་ར་ཁུག་བ་ར་རྦད། ལག་པ་གཡས་པའི་སོར་མོ་གསུམ། ལྕགས་ཀྱི་སྤྱང་མོ་མགོ་དགུ་གཅིག་ཏུ་བསམ་ལ། མཆན་ཁུང་གཡས་པའི་རྩིབ་མ་ཡར་གཉིས་མར་གཉིས་བར་དུ་གཙུགས་ལ་གདབ། ལག་པ་གཡོན་གྱི་སོར་མོ་གསུམ་ལ་འཛིན་པའི་ལྕགས་ཀྱུར་བསམ་ལ། མཆན་ཁུང་གཡོན་གྱི་རྩིབ་མའི་གོ་བར་དུ་བཙུགས་ལ་སྔགས་གདབ། ལྗགས་ཀྱི་སྟེང་ནས་རྡོ་རྗེ་ལྕགས་ཀྱུ་གྲངས་མེད་པ་ཅིག་འཕྲོས་པས་ཕུང་པོ་བསྒྲལ་བའི་ཕོ་ཉར་གྱུར་ཏེ། ལྗགས་ཀྱི་སྟེང་དུ་ཙིཏྟ་དམར་པོ་སུལ་གསུམ་དྲང་ངོ་། །དེ་འཕྲོས་ཧ་དམར་པོ་གཅིག་ཏུ་གྱུར་ཏེ། ཡེ་ཤེས་ཀྱི་གཞལ་ཡས་ཁང་ལས། བྷ་གའི་དཀྱིལ་དུ་ཙིཏྟ་ཟུར་གསུམ་དྲངས་པར་བསམ་མོ། །དུར་ཁྲོད་ཀྱི་སྒོ་བཞི་ཕྱེ་ནས། དབང་པོ་ལྔ་དབྱུང་བའི་སྔགས་ནི། བཛྲ་ཀ་རུ། གློ་བ་མ་ལྔ་བུ་ལྔ་དང་ཡང་ཕྲལ་ལོ། །སྙིང་ཁར་ཁྲག་རྦད། སྡྱ་ཐུཾ་རི་ལི་ལི་འབྲུ་ཏི་ས་ཏི་མཉྫ་ཆོད། དར་སྨུགས་དར་ཁུམས་དར་ཆོད། སྣང་སྲིད་རང་སྒྲོལ་གྱི་ལེའུ་སྟེ་དགུ་ བཅུ་པའོ།། །།མ་མོ་བྷྱོ། རུ་ལུ་རུ་ལུ་སྙིང་ཁ་རག །སྙིང་ཁ་རག །མ་རཀྴ་མ་རཀྴ། རག་མོ་སྙིང་ཁྲག་མ་ཐུན་ཐུན་ཏྲག་ ― DNG022_Page_0751 ―
[མ་དཔེ་གཟིགས་ན་འདིར་གནོན།]
རཀྴ་མ་སྙིང་རེ་ཀེམ་མ་མ་རུ་ལུ་རུ་ལུ་བྷྱོ་བྷྱོ་སྙིང་ཁ་རག་ས་མ་ཡ་དམ་དམ་ཛ་ཛ། གྲོ་མ་ཙ་ལ་གྲོ་མ་ཙ་ལ། དགྲ་བོ་ནྲྀ་མཱ་ར་ཡ་ཙ། མ་མ་ནི་སྙིང་རྩ་ལ་ཐུན་ཐུན། སྙིང་ཁྲག་མ་ཐུན། ཤ་ཏིཥྚ་མ་མ་སྙིང་ལ་ཡ་བྷྱོ། མ་མ་ཤ་ཤ་མ་མ་ཧྲི་ཧྲི། ས་མ་ཡ་ས་མ་ཡ། དགྲ་བོ་ནྲྀ་མཱ་ར་ཡ་སོད་སོད། མ་ཙིཏྟ་ཛྭ་ལ་རཾ། སྙིང་ལ་ཙིཏྟ་མ་རིལ། སྡྱ་ཐུཾ་རིལ་བྷྱོ། རག་མོ་སྙིང་རྩ་ལ་བྷྱོ། རག་མོ་རག་མོ། རུ་རུ་རོ་རུ་ཙ་པ་ལ། དགྲ་བོ་སྙིང་ཁ་རག་མ་བྷྱོ། ཙབ་ཙབ་བྷྱོ། ཁྲག་ལ་མུ་ཤ་ལ་བྷྱོ། རུ་རུ་སྙིང་ཁྲག་ཁ་ལ་རཀྴ་ནི་རྦད། ཐུཾ་རི་ལི་ལི་སྙིང་ལ་རཀྴ་ནི། ཤ་རི་སྟ་རྦད། ཐུཾ་རི་ལི་ལི། ནི་ཤ་གུ་རུ་རཀྟ་ཁ་རཾ། ཀུ་ནི་ཀུ་རུ་ཁ་རཾ། ཏྲག་རཀྴ་མུ་ཏྲ་སྙིང་ཁ་རག་མ་བྷྱོ། ལི་ས་ཏྲི་ནན། ཨུང་ཏི་མ་ནན། ཤལ་མ་ཏི་ནན། ཡ་མ་ཏི་ནན། རཀྴ་ཙཀྲ་མ་ནི་ཧཱུཾ། རཏྣ་ཙཀྲ་མ་ནི་ཧཱུཾ།ཀརྨ་ཙཀྲ་མ་ནི་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་མཱ་མཱ་མཱ་མཱ། ལི་ལི་ལི་ལི། དུང་དུང་དུང་དུང་། བྷྱོ་བྷྱོ་བྷྱོ་བྷྱོ། དཱིཔ་ཏ་ཙཀྲ་ནི་ཧཱུཾ། མ་དཱིཔྟ་ཙཀྲ་ནི་ཧཱུཾ། བཾ་ནྲི་ར་ར་ཧཱུཾ། ཡ་བ་ཏཱི་བ་ཏ་ཙཀྲ་ནི་ཧཱུཾ། ར་པ་པ་རི་ནི་བྱི་ལེན་ཁ་ཁྱུང་ཆོ། ཕྲ་ཕུད་པོ་ནི་ཆོ། ལྡི་བ་ཐ་སེ་ནི་ཆོ། མ་མ་ལི་ལི་དུང་བྷྱོ། ཤ་བ་རི་ནི་བྷྱོ། བཾ་སུ་ཏྲི་ནི་བྷྱོ། སྙིང་ཁ་རག་བྷྱོ། སུ་རི་ཁ་རཾ་བྷྱོ། མ་མོ་སྟོང་རྩ་བརྒྱད་སྤྱི་དྲིལ་བའི་ལེའུ་སྟེ་གོ་གཅིག་པའོ།། །། རི་བཾ་ཕྱི་བཾ་ནིར་ཏི་ཡ་ཧཱུཾ། ལཾ་ནིར་ཏི་ཡ་ཧཱུཾ། ཙིཏྟ་ནིར་ཏི་ཡ་ཧཱུཾ། ཙཀྲ་ནིར་ཏི་ཡ་ཧཱུཾ། ལ་ཤུན་ནིར་ཏི་ཡ་ཧཱུཾ། ལིང་གང་ཏི་སད། དུ་པ་སི་ཏི་སད། ཐ་ཏིང་པ་ར་སད། པ་སྙིགས་ཏི་སད། རཀྴ་ཏིང་ནི་རུ་བ་བུ། རཾ་པ་རི་རུབ། ཉག་ཏིཥྨ་ཤཾ། ལྗོ་མ་རིས་ཤཾ། མྱོས་ཏ་རཾ། ཁ་རཾ། ཏི་རཾ་རོ་ཏི་མ་ཤཾ། ཤི་ལི་གི་ནི་ཧཱུཾ་ཁ་རཾ་གཱ་ནི་ཧཱུཾ། ཤ་ཀ་ནི་ཧཱུཾ། པྲ་བ་གི་རྣ་ཧཱུཾ། ཙི་ཏྲ་གཱ་ནི་ཧཱུཾ། ཡཾ་ཡཾ་ཡཾ་ཡཾ་ཡཾ། གི་ནི་ལུཾ་པོ་རི་ཡཾ། སོ་རོག་མ་ཏི་ཡཾ། བྱི་ལི་མ་ཡཾ། ཀྲང་གྲི་མ་ཡཾ་ཁ་རུ་བ་ཏི་རཾ། གུཾ་གུཾ་གུཾ་གུཾ་གུཾ་གུཾ། མ་གུཾ་མ་གུཾ་མ་གུཾ་མ་གུཾ་མ་གུཾ་མ་གུཾ། སྣ་རོག་པྲ་ཏི་རཾ། ཤ་རཾ་པྲ་ཏི་རཾ། སྨུག་པོ་ཡ་མ་རཾ། ལེབ་ཏེ་མ་རཾ། ཤིང་ཁ་རུབ་རི་རཾ། ཤ་ཀ་མ་རཾ། སྤྱི་ཟླུགས་མ་རཾ་གྲི་ཐོགས་མ་རཾ། ལཾ་ལཾ་ལཾ་ལཾ། བཾ་བཾ་བཾ་བཾ། ― DNG022_Page_0752 ―
[མ་དཔེ་གཟིགས་ན་འདིར་གནོན།]
ཛཾ་མ་རེ་མ་བཾ། སྨ་ནི་ར་ཏིན་ཡ་བཾ་བཾ། གཾ་ཤུ་ཏོ་བཾ་བཾ། བྲུཾ་ཛ་ཏི་བཾ་བཾ། རུལ་རུལ་རུལ་རུལ། ཧཱུཾ་ཧཱུཾ་ཧཱུཾ་ཧཱུཾ། བྷྱོ་བྷྱོ་བྷྱོ་བྷྱོ། གིང་ན་རི་བ་ཛཱ་ནི་བཾ་གུར་བ་ནི་བཾ། ཕྱི་རྩ་རབ་རི་བཾ་བཾ། པ་ཏྲི་ཡི་ལི། དུང་དུང་། ཨོཾ་ཡུ་བ་བ་ཡ་ཏ་དོད་ཉ་རེ་མ་རཾ། ཤཾ་ཀ་ལ་རམ་རམ། མ་ཀུ་མ་ལ་ན་མ་ཏྲི་མ་ན་མ་ལ་མ་ཀུ་ཆན། བྱེ་སྣེ་མ་མ་རོ་མོ་ཁཾ། ཀགྒཾ་ཀོ་མ་ལ། ཤི་མ་མ་ཀྲ་རོ་ང་། བྷྱོ་བྷྱོ་བྷྱོ་བྷྱོ། སྙིང་ཁྲག་ཚལ་པ། ཀང་ཀ་རི་བྷྱོ། ལི་ན་ཏི་མ་བྷྱོ། པྲ་མ་ནི་བྷྱོ། སིཾ་ཁ་རོ་བྷྱོ། སྣ་རོག་མ་བྷྱོ། ཕྱག་གཡོས་མ་བྷྱོ། ཤནྟིཾ་མ་བྷྱོ། གྲུབ་ཏིང་མ་བྷྱོ། སྲུབ་རིང་བཾ་བཾ། དུན་ཏིང་དབུགས་འཕྲོག་མ་བྷྱོ། ཤེན་མ་རྣ་བཾ་བཾ། ཨོཾ་དུང་། ཧཱུཾ་དུང་། ཕཊ་དུང་། སྐྱེ་འགྲོ་ཀུན་ལ་མངའ་མཛད་མ་དུང་དུང་། མ་མ་དུང་། སྔགས་འདི་འཛབ་ཏུ་བཟླས་སོ། །མ་མོས་བསད་པའི་དུག་སྔགས་ཀྱི་ལེའུ་སྟེ་གོ་གཉིས་པའོ།། །།མཚན་གྱི་རྣམ་གྲངས་བསྟན་པ་ནི། །སྲིད་པ་ལས་ཀྱི་མ་མོ་དང་། །བདེ་འགྲོ་ལས་ཀྱི་མ་མོ་དང་། །མཁས་པ་ལས་ཀྱི་མ་མོ་དང་། །རྒྱུའི་བདེ་འགྲོ་ལས་ཀྱི་མ་མོ་དང་། སྲས་ཀྱི་དབང་དུ་བསྡུ་བའི་ལས་ཀྱི་མ་མོ་དང་། གྲགས་མ་ལས་ཀྱི་མ་མོ་དང་། ཀྲང་ཀྲི་ལས་ཀྱི་མ་མོ་དང་། ཡང་གསལ་གཡོས་ལས་ཀྱི་མ་མོ་དང་། ཤུ་བ་བཾ་ཆེན་ལས་ཀྱི་མ་མོ་དང་། །འཇུག་པ་ལས་ཀྱི་མ་མོ་དང་། །འཕེན་པ་ལས་ཀྱི་མ་མོ་དང་། །བཛྲ་དབང་ཕྱུག་ལས་ཀྱི་མ་མོ་དང་། །ལག་པ་གཅོད་པ་ལས་ཀྱི་མ་མོ་དང་། །དོན་ལ་མཁས་པ་ལས་ཀྱི་མ་མོ་དང་། །མཁའ་ལ་འགྲོ་བ་ལས་ཀྱི་མ་མོ་དང་། །དབྱིངས་ནས་ཤར་བ་ལས་ཀྱི་མ་མོ་དང་། །གདུག་པ་འདུལ་བ་ལས་ཀྱི་མ་མོ་དང་། །རྒྱུ་མ་འདྲེན་པ་ལས་ཀྱི་མ་མོ་དང་། །རོ་ལ་དགའ་བ་ལས་ཀྱི་མ་མོ་དང་། །ནང་ཀ་གཏོར་བ་ལས་ཀྱི་མ་མོ་དང་། །ཁྲག་ཚིལ་འཇིབ་པའི་ལས་ཀྱི་མ་མོ་དང་། །སྣ་སྲིད་ཉུལ་བ་ལས་ཀྱི་མ་མོ་དང་། །མངལ་ནས་འདྲེན་པའི་ལས་ཀྱི་མ་མོ་དང་། །ཕུར་པ་འདྲེན་པའི་ལས་ཀྱི་མ་མོ་དང་། །དབུགས་ལ་མངའ་མཛད་ལས་ཀྱི་མ་མོ་དང་། །གཙོ་ལ་སྟོབ་པའི་ལས་ཀྱི་མ་མོ་དང་། །ནག་མོ་ཤ་ཟན་ལས་ ― DNG022_Page_0753 ―
[མ་དཔེ་གཟིགས་ན་འདིར་གནོན།]
ཀྱི་མ་མོ་དང་། །དཀར་མོ་ཤ་ཟན་ལས་ཀྱི་མ་མོ་དང་། །སྔོན་མོ་དྲོད་ལེན་ལས་ཀྱི་མ་མོ་དང་། །སྤྱི་འདུལ་ལས་ཀྱི་མ་མོ་དང་། །སྲིན་མོ་འཇིགས་བྱེད་ལས་ཀྱི་མ་མོ་དང་། །གླིང་བཞི་འཇིགས་བྱེད་ལས་ཀྱི་མ་མོ་དང་། །གནོད་སྦྱིན་འཇིགས་བྱེད་ལས་ཀྱི་མ་མོ་དང་། །རལ་གཅིག་འཇིགས་བྱེད་ལས་ཀྱི་མ་མོ་དང་། །རྔམ་པའི་འཇིགས་བྱེད་ལས་ཀྱི་མ་མོ་དང་། །ཤ་ཟན་ཁྲག་འཐུང་འཇིགས་བྱེད་ལས་ཀྱི་མ་མོ་དང་། །རུས་པ་འཇིགས་བྱེད་དམ་སྲི་འཇིགས་བྱེད་ལས་ཀྱི་མ་མོ་དང་། །ཁྲག་ལ་འཐུང་བྱེད་རྔམ་པའི་འཇིགས་བྱེད་ལས་ཀྱི་མ་མོ་དང་། །ཕྱག་བརྙན་གཙོ་མོ་ལས་ཀྱི་མ་མོ་དང་། །བུད་མེད་གཟུགས་ཅན་འཇིགས་བྱེད་ལས་ཀྱི་མ་མོ་དང་། །ལྕགས་སྤྱང་མགོ་དགུ་ལས་ཀྱི་མ་མོ་དང་། །མི་མོ་ཡེ་ཤེས་མཁའ་ལྡན་ལས་ཀྱི་མ་མོ་དང་། །ལྕགས་ཀྱི་བྱ་ཁྲ་ལས་ཀྱི་མ་མོ་དང་། །དབང་བྱེད་ཁ་འབར་ལས་ཀྱི་མ་མོ་དང་། །གཤིན་རྗེ་ཁ་འབར་ལས་ཀྱི་མ་མོ་དང་། །རྒྱ་ཡུལ་སྤྱན་འདྲེན་ལས་ཀྱི་མ་མོ་དང་། །གཡུའི་རལ་ཅན་ལས་ཀྱི་མ་མོ་དང་། །གཅེར་བུར་རྒྱུག་པ་ལས་ཀྱི་མ་མོ་དང་། །ཚིག་གི་དོན་སྲུང་ལས་ཀྱི་མ་མོ་དང་། །མཆེ་གཙིགས་སྣ་གཅོད་ལས་ཀྱི་མ་མོ་དང་། །ཚལ་པར་གཏོང་བ་ལས་ཀྱི་མ་མོ་དང་། །རྐན་རྡེབ་ཕྲིན་ལས་ལས་ཀྱི་མ་མོ་དང་། །བུ་མོ་མཛའ་ན་ལས་ཀྱི་མ་མོ་དང་། །ཤྭ་རེ་ཛ་ཛ་ལས་ཀྱི་མ་མོ་དང་། །དམག་གི་རྒྱལ་མོ་ལས་ཀྱི་མ་མོ་དང་། །དགྲ་བླའི་རྒྱལ་མོ་ལས་ཀྱི་མ་མོ་དང་། །བག་ཆགས་ཐལ་བར་རློག་པའི་ལས་ཀྱི་མ་མོ་དང་། །དམ་ཚིག་གཉན་པོ་ཚུལ་བཞིན་བསྲུང་བ་ལས་ཀྱི་མ་མོ་དང་། །ཐུགས་དམ་གཉན་པོ་བསྐུལ་བ་ལས་ཀྱི་མ་མོ་དང་། །ཆ་ལུགས་སྟོན་པ་ལས་ཀྱི་མ་མོ་དང་། །གྲུབ་པ་ལྷ་མོ་ལས་ཀྱི་མ་མོ་དང་། །ཕྲིན་ལས་མཛད་པ་ལས་ཀྱི་མ་མོ་དང་། །མཁའ་ལྡིང་གསེར་ཙམ་ལས་ཀྱི་མ་མོ་དང་། །གླིང་གཏར་ལས་ཀྱི་མ་མོ་དང་། །ཁྲོ་གཉེར་སྲོག་བདག་ལས་ཀྱི་མ་མོ་དང་། །ཤ་ཟ་སྲོག་བདག་ལས་ཀྱི་མ་མོ་དང་། །སྨེ་ཤ་སྲོག་བདག་ལས་ཀྱི་མ་མོ་དང་། །རོ་ལང་རྔམ་བྱེད་སྲོག་བདག་ལས་ཀྱི་མ་མོ་དང་། །ད་ར་སྲིད་བདག་ལས་ཀྱི་མ་མོ་དང་། ། ― DNG022_Page_0754 ―
[མ་དཔེ་གཟིགས་ན་འདིར་གནོན།]
ད་ར་དབུགས་ལེན་ལས་ཀྱི་མ་མོ་དང་། །ད་ར་ཡིད་འཕྲོག་ལས་ཀྱི་མ་མོ་དང་། །ཁྱབ་གདལ་ཕོ་ཉ་ལས་ཀྱི་མ་མོ་དང་། །མ་མོ་ལ་ལའི་ལག་ན་རྒྱུ་ཞགས་འཆིང་། །ལ་ལའི་ལག་ན་ཐོད་ཕྲེང་འཛིན། །ལ་ལའི་ལག་ན་ཞིང་ཆུང་བ་སུ་འདྲེན། །ལ་ལ་མེ་ཁྱེར་རྒྱ་མཚོ་སྐེམས། །ལ་ལ་འགུགས་བྱེད་ཉམས་པ་འཛིན། །ལ་ལ་སྦྲུལ་ནག་ཞགས་པ་འཛིན། །ལ་ལ་ཕོ་ཉ་འགུགས་ཤིང་འདྲེན། །སྲིད་པའི་བུ་གཅིག་མ་དང་རྒྱ་བུ་གཅིག །གཤིན་རྗེའི་ལྕམ་མོ་དཔལ་གྱི་ཕྱག་བརྙན་ཁྲག་གི་དྲི་སྣོམ་དང་། །གཤིན་རྗེའི་སྲིང་མོ་ལྕགས་ཀྱི་སྤྱང་མོ་མགོ་དགུ་མ་དང་། ཡ་མཱན་ལྕམ་མོ་ཡེ་ཤེས་མཁའ་ལྡིང་མི་མོའི་དཔལ་དང་། ཡ་མཱན་ལྕམ་མོ་སྲིང་གཅིག་ཁ་འབར་མ་དང་། ཡ་མཱན་ལྕམ་མོ་བྱིས་པ་རྣམས་ཀྱི་དུར་བྱེད་མ་དང་། ཡ་མཱན་ལྕམ་མོ་སྲིད་པ་བདེ་འགྲོ་མ་དང་། ཡ་མཱན་ལྕམ་མོ་ལས་ཀྱི་བདེ་འགྲོ་མ་དང་། ཡ་མཱན་ལྕམ་མོ་ནམ་མཁའི་བདེ་འགྲོ་མ་དང་། ཡ་མཱན་ལྕམ་མོ་སྔས་ཀྱི་བདེ་འགྲོ་མ་དང་། གཤིན་རྗེའི་ལྕམ་མོ་ཀྲང་ཀྲི་ཡང་གསལ་གཡོས་དང་། ཡ་མཱན་ལྕམ་མོ་བན་ཆེན་ཤུ་བའི་ཡང་གསལ་གཡོས་དང་། གཤིན་རྗེའི་ལྕམ་མོ་ལས་ལ་འཇུག་པའི་ཡང་གསལ་གཡོས་དང་། གཤིན་རྗེའི་ལྕམ་མོ་ཙིཏྟ་འཕེན་པའི་ཡང་གསལ་གཡོས་དང་། གཤིན་རྗེའི་ལྕམ་མོ་གྲགས་མ་ཡང་གསལ་གཡོས་དང་། ཡ་མཱན་ལྕམ་མོ་མངལ་ནས་འདྲེན་དང་། གཤིན་རྗེའི་ལྕམ་མོ་རོ་ལ་དགའ་བའི་ལེན་པ་དང་། གཤིན་རྗེའི་ལྕམ་མོ་ཁྲག་གི་ཚིལ་ཆེན་དང་། གཤིན་རྗེའི་ལྕམ་མོ་རྒྱུ་མ་འདྲེན་པ་དང་། གཤིན་རྗེའི་ལྕམ་མོ་དགྲ་བགེགས་ལེན་པ་དང་། གཤིན་རྗེའི་ལྕམ་མོ་སྣང་སྲིད་སྤྱི་ཕུད་མ་དང་། གཤིན་རྗེའི་ལྕམ་མོ་མ་མོ་སྤྱི་ཕུད་མ་དང་། གཤིན་རྗེའི་ལྕམ་མོ་སྤྱི་ཕུད་མ་དང་། གཤིན་རྗེའི་ལྕམ་མོ་ལས་ཀྱི་དབང་དུ་བསྡུ་བའི་སྤྱི་ཕུད་མ་དང་། གཤིན་རྗེའི་ལྕམ་མོ་གྲགས་པ་སྤྱི་ཕུད་མ་དང་། མཚོ་སྨན་རྒྱལ་མོ་དང་ཉི་ཤུ་གཅིག །དབྱིངས་ཀྱི་བཀའ་སྡོད་བློན་མོ་གཅིག་པུ་མ། །ཡེ་ཤེས་ ― DNG022_Page_0755 ―
[མ་དཔེ་གཟིགས་ན་འདིར་གནོན།]
བཀའ་སྡོད་བློན་པོ་བེ་ཏ་ལི། །གཤིན་རྗེའི་བཀའ་སྡོད་བློན་མོ་སྣང་སྲིད་སྤྱི་ཕུད་མ། །སེམས་ལས་སྐྱེས་པའི་བཀའ་སྡོད་བློན་མོ་ཡང་གསལ་གཡོས། །ཐུགས་དམ་སྐོང་བའི་བཀའ་སྡོད་བཀྲག་གསལ་མཉམ། །ཤུགས་སྒྲོལ་བཀའ་སྡོད་ཁྲག་འཐུང་མ། །དྲག་ཤུལ་བཀའ་སྡོད་བློན་མོ་དྲུག་ཅུ་གཙོ། །གནོད་སྦྱིན་སྙིང་གཅོད་འབར་མ་མེ་ཁྱེར་གློག་ཕྲེང་འཛིན་ཏེ་དགུའོ། །མ་མོ་རྣམས་ཀྱི་བློན་མོ་རེ་མ་ཏིའོ། །མ་མོ་བྱུང་བ་བསྟན་པའི་ལེའུ་སྟེ་གོ་གསུམ་པའོ།། །།ཧཱུཾ་ཕོ་བྲང་རིན་ཆེན་གཞལ་ཡས་ཁང་། །ཕོ་བྲང་འབྱམས་ཀླས་སྤྲིན་གཏིབས་ཤིང་། །ཕོ་བྲང་རིན་ཆེན་གསལ་སྒོ་ལ། །རིན་ཆེན་མཛེས་པའི་རྒྱན་ལྷབ་ལྷུབ། །ཤར་ལྷོ་ནུབ་བྱང་སྒོ་བཞི་ན། །འཇིགས་པ་བཞི་ཡིས་སྒོ་བཀག་ཀྱང་། །མགྱོགས་མ་བཞི་ཡིས་སྒོ་ཕྱེ་ཤིག །ཁཾ་བྲུཾ་པྲ་བེ་ཤ་ཤག །ཅེས་བརྗོད་པས་སྒོ་དབྱེ། ཧཱུཾ་ཡང་དག་གསང་བའི་དཀྱིལ་འཁོར་དུ། །སངས་རྒྱས་ཡེ་ཤེས་བདེ་ཆེན་ལྷ། །ཡབ་ཡུམ་སྲས་དང་འཁོར་བཅས་རྣམས། །རིགས་ཀྱི་ལྷར་ནི་རྣམ་རྟོགས་ཤིང་། །གཉིས་མེད་དོན་གྱིས་འདྲེལ་བ་ལ། །མི་ཕྱེད་དད་པས་ཕྱག་འཚལ་ལོ། །ཧཱུཾ་ཡང་དག་གསང་བའི་དཀྱིལ་འཁོར་འདིར། །རྡོ་རྗེ་སློབ་དཔོན་ཡེ་ཤེས་ལྷ། །བཀའ་དྲིན་རྗེས་སུ་དྲན་པའི་ཕྱིར། །གུས་པའི་ཚུལ་གྱིས་ཕྱག་འཚལ་ལོ། །ཧཱུཾ་ཡང་དག་གསང་བའི་དཀྱིལ་འཁོར་འདིར། །དམ་ཚིག་གཟུངས་ཀྱིས་འདྲེལ་བའི་མཆོག །མ་བུའི་འདུ་ཤེས་ཉེར་བཞག་ནས། །གདུང་བའི་ཚུལ་གྱིས་ཕྱག་འཚལ་ལོ། །ཨ་ལ་ལ་ཧོ། ཞེས་ཕྱག་འཚལ་ལོ། །ཧཱུཾ་དགོངས་ཤིག་ཡེ་ཤེས་མངོན་རྫོགས་ལྷ། །ཡབ་ཡུམ་འཁོར་དང་བཅས་པ་རྣམས། །བདག་ཅག་རྣལ་འབྱོར་སྒྲུབ་པ་ལ། །དགྱེས་ཤིང་བརྟན་པས་མདངས་ཕྱུང་ཞིག །བྱམས་པ་ཕྱོགས་མེད་སྤྱན་གྱིས་གཟིགས། །འཁོར་བའི་སེམས་ཅན་བདག་ཅག་རྣམས། །མ་རིག་འཁྲུལ་པའི་རང་བདག་གིས། །གཟུང་འཛིན་གཉིས་སུ་བཟུང་བས་ནོངས། །སྡིག་ལ་མི་འཛེམ་མི་དགེ་སྣ་ཚོགས་ ― DNG022_Page_0756 ―
[མ་དཔེ་གཟིགས་ན་འདིར་གནོན།]
སྤྱད། །དྲི་མ་ངན་པས་ན་བུན་བཞིན་དུ་གཏིབས་ཤིང་མཆིས། །མི་གསང་མི་འཆབ་ཡེ་ཤེས་ལྷ་ལ་མཐོལ། །ཡེ་ཤེས་ལྷ་ཡིས་བཟོད་པར་བཞེས། །ཨ་ལ་ལ་ཧོ། བརྡའ་སྒོ་དབྱེ་ཞིང་བཤགས་པ་བྱ་བའི་ལེའུ་སྟེ་གོ་བཞི་པའོ།། །།ཧཱུཾ་རིན་ཆེན་ཨིནྡྲ་ནཱི་ལའི་བུམ་པ་རུ། །འབྲུ་བཅུད་སྟོང་ལ་སྦྱར་བའི་འཛའ་གད་དཔའ་བོས་བལྟམ། །གཉིས་མེད་བྱང་ཆུབ་སེམས་ཀྱི་རང་བཞིན་ཏེ། །འཐུངས་པས་ཚིམ་པའི་ལོངས་སྤྱོད་ཆེན་པོ་འདིས། །མཆོད་ནི་ཡེ་ཤེས་ལྷ་ལ་མཆོད། །སྐོང་ནི་མ་མོའི་ཐུགས་དམ་སྐོངས། །འབུལ་ནི་སློབ་དཔོན་ལྷ་ལ་འབུལ། །ཨ་ལ་ལ་སྟེ་བཞེས་སུ་གསོལ། །མདུན་དུ་དྲང་ངོ་། །ཧཱུཾ་གཞོང་པ་ཟླ་གམ་དཀྱིལ་འཁོར་དུ། །ཚེ་དང་གལ་གཉིས་མཐུན་སྡེབས་ཤིང་། །དཀར་གྱི་ཐིག་དགྱེ་དམར་གྱི་གུར་ཕུབ་པའི། །ལོངས་སྤྱོད་མཆོད་པ་ཆེན་པོ་འདིས། །འཕགས་པ་མཆོད་ལ་མ་མོ་སྐོངས། །ཨ་ལ་ལ་ཧོ། ཧཱུཾ་རཀྟ་ཁྲག་གི་རྒྱ་མཚོའི་ཐིག་ལེ་དང་། །སྣང་སྲིད་ཁྲག་གི་རྦ་རླབས་ཀྱི་ལི་ལི། །མཁའ་དབྱིངས་རྒྱལ་བ་མ་ལུས་མཆོད་པ་དང་། །འཕགས་པ་མཆོད་ལ་མ་མོ་མཁའ་འགྲོའི་ཐུགས་དམ་སྐོངས། །ཨ་ལ་ལ་ཧོ། ཞེས་བརྗོད་ལ་དྲང་ངོ་། །འཛའ་གད་གཏོར་མ་རཀྟ་དྲང་བའི་ལེའུ་སྟེ་གོ་ལྔ་པའོ།། །།ཧཱུཾ་རྡོ་རྗེ་རྒྱལ་ཐེབས་ཡབ་ཡུམ་ལངས་ལ། རྡོ་རྗེ་རྒྱལ་པོ་ལ་རྒྱན་ཆས་གསོལ་བ་འདི་སྐད་དོ། །ཧཱུཾ་གསང་བ་ཆེན་པོའི་དཀྱིལ་འཁོར་འདིར། །རབ་ཞི་མཚན་མོའི་དུས་ནི་འདི་ཉིད་དུ། །རྡོ་རྗེ་རྒྱལ་པོ་མངའ་གསོལ་ལོ། །ཐེག་པ་ཀུན་ལས་དཔགས་པ་དང་། །མ་མོ་དབང་དུ་བསྡུ་བའི་ཕྱིར། །ཞིང་ཆེན་རས་ག་འདི་གསོལ་བས། །མི་འཁོར་ཆོས་ཉིད་རྒྱན་དུ་ཤོག །ཨོཾ་གུ་ཡ་སིདྡྷི་ཧཱུཾ། ཞེས་སྐུ་ལ་གསོལ་ལོ། །དབུ་རྒྱན་མཆོག་གིས་མངའ་གསོལ་ལོ། །ཐེག་པ་ཡོངས་ལས་དཔགས་པ་དང་། །སྲིད་གསུམ་དབང་དུ་བསྡུ་བའི་ཕྱིར། །སྲིད་ ― DNG022_Page_0757 ―
[མ་དཔེ་གཟིགས་ན་འདིར་གནོན།]
པ་སྤྱི་བླུགས་དབུ་ཞྭ་འདི་གསོལ་བས། །སྲིད་པའི་དབང་ཆེན་རྣམས་ལ་དབང་སྒྱུར་ཤོག །ཨོཾ་གུ་ཡ་ཧེ་ཧེ། ཞེས་བརྗོད་ལ་དབུ་ལ་གསོལ་ལོ། །དེ་ནས་ཞིང་གི་སོར་ཕྲེང་དབུ་ལ་མངའ་གསོལ་བ་འདི་སྐད་དོ། །ཕྲེང་བ་ཆེན་པོས་མངའ་གསོལ་ལོ། །ཐེག་པ་ཡོངས་ལས་འཕགས་པ་དང་། །མ་མོའི་སྲོག་སྙིང་དྲང་བའི་ཕྱིར། །ཞིང་གི་སོར་ཕྲེང་འདི་འབུལ་བས། །མ་མོ་རྣམས་ལ་དབང་སྒྱུར་ཤོག །ཨོཾ་གུ་ཧྱ་མ་མ་རཀྟ་ཧཱུཾ་ཕྱག་ཏུ་དབུལ་ལོ། །ཕྱག་རྒྱ་ཆེན་པོས་མངའ་གསོལ་ལོ། །བདུད་དང་མུ་སྟེགས་འདུལ་བ་དང་། །མ་མོ་གཡབ་ཀྱིས་གཡབ་པའི་ཕྱིར། །རྩེ་ལྔ་འབར་བའི་ཕྱག་རྒྱ་འདི་སྣོམས་ལ། །བདུད་དང་མུ་སྟེགས་དབང་དུ་སྡུད། །ཨོཾ་གུ་ཧྱ་མ་མ། ཞེས་བརྗོད་དབུལ་ལོ། །སྟག་ལྤགས་གཡང་གཞི་མངའ་གསོལ་ལོ། །བདུད་བཞི་རྡུལ་དུ་རློག་པ་དང་། །ཕྲིན་ལས་རྣམ་བཞི་སྒྲུབ་པའི་ཕྱིར། །སྟག་ལྤགས་གཡང་གཞི་འདི་གསོལ་བས། །དཔའ་བརྟུལ་ཟ་བྱེད་ཆས་དང་ལྡན་པར་ཤོག །ཨོཾ་གུ་ཧྱ་བྱཱ་གྷྲ་ཧཱུཾ། ཞེས་སྐུ་ལ་གསོལ། དེ་ནས་ཡུམ་ལ་རྒྱན་ཆས་གསོལ་བ་ཡབ་དང་མཐུན། དེ་ནས་ལས་ཀྱི་ཀར་མས་རྒྱལ་ཐེབས་ལ་རྒྱན་ཆས་གསུམ་གསོལ་ཏེ་འདི་སྐད་དོ། །ཧཱུཾ་བཀའ་གསང་དམ་པའི་གནས་མཆོག་འདིར། །རྡོ་རྗེ་རྒྱལ་ཐེབས་གསན་ཅིང་དགོངས་སུ་གསོལ། །རྡོ་རྗེ་རྒྱལ་པོ་བསྙེལ་ཅིང་བསྙེལ་བའི་ཚེ། །ཐུགས་དམ་འཕྲོ་ནས་བཟུང་ནས་བསྐང་བའི་ཕྱིར། །རྒྱན་ཆས་གསུམ་གྱིས་མངའ་གསོལ་ལོ། །ཞྭ་དཀར་ཚིལ་ཆེན་དབུ་རྒྱན་དང་། །མཆོག་གི་ཕུར་བུ་གཅིག་པ་དང་། །དུང་ཆེན་ཕྲེང་བས་དབང་བསྐུར་རོ། །རྒྱན་ཆས་གསུམ་གྱིས་མངའ་གསོལ་བས། །བདུད་དང་མུ་སྟེགས་རྡུལ་དུ་རློགས། །དེ་ནས་མཆེད་བྱིངས་ལ་མཚན་མ་གང་བ་ ― DNG022_Page_0758 ―
[མ་དཔེ་གཟིགས་ན་འདིར་གནོན།]
འདི་སྐད་དོ། །ཧཱུཾ་དུར་ཁྲོད་ཆེན་པོའི་གནས་བརྒྱད་དང་། །ཡེ་ཤེས་ཆེན་པོའི་ཀློང་དཀྱིལ་ནས། །དཔལ་ཆེན་ཀུན་དང་གཅིག་པ་དང་། །མ་མོ་ཐམས་ཅད་སྒྲུབ་པ་དང་། །མཁའ་འགྲོ་དབང་དུ་བསྡུ་བའི་ཕྱིར། །ཐལ་ཆེན་མཚན་མ་དཔྲལ་བར་གདབ། །མཚན་མ་དཔྲལ་བར་མི་གདབ་ཏུ། །དཔལ་ཆེན་ཉིད་དང་རང་རྟགས་གཅིག །པདྨ་རཀྟའི་མཚན་མ་འདི། །སྨིན་མཚམས་བར་དུ་ཐིག་ལེར་དགོད། །ཞག་གི་སོར་རིས་ཁ་འགྲམ་ལ། །བདུད་རྩི་རཀྟ་ཐུགས་ཀ་ལ། །ཨོཾ་དཀར་སིང་ཧ་སིང་ཧ་ཞེས། །ཀུན་གྱིས་དིར་རེ་བཟླས་ཤིང་ཀུན་ལ་གདབ་བོ། །རྡོ་རྗེ་རྒྱལ་པོ་རྒྱལ་ཐེབས་མངའ་གསོལ་ཞིང་མཆོད་ལ་མཚན་མ་གདབ་པའི་ལེའུ་སྟེ་གོ་དྲུག་པ་རྫོགས་སོ།། །། རྒྱ་གར་གྱི་མཁན་པོ་དྷ་ན་སཾ་སྐྲི་ཏ་དང་། བོད་ཀྱི་ལོཙྪ་བ་འབྲོག་མི་དཔལ་གྱི་ཡེ་ཤེས་དང་གནུབས་ཀྱིས་བསྒྱུར་བའོ། །བསྟན་པ་བསྲུང་བའི་མན་ངག་ཐུགས་ཀྱི་ཡང་སྙིང་མ་མོ་འབུམ་ཏིག་ལེའུ་རྩ་བ་ལ་སུམ་ཅུ་སོ་གཉིས་ཕྱི་མ་ལ་ལེའུ་བརྒྱ་ཞེ་གཉིས་སོ། །དཔལ་གྱི་ཡང་འགྲུབ་རྡོ་རྗེ་གཤོག་རྒོད་རྩལ་གྱིས་རྒྱ་བོད་གཉིས་ཀྱིས་གཏུགས་ས་བུཌྜྷ་ཡབ་སྲས་ལ། དཀའ་བ་སྣ་ཚོགས་བསྡོས་ནས་ཞུས་པའི་བཀའ། ཀུན་དང་ཐུན་མོང་མ་ཡིན་རབ་ཏུ་གསང་བའི་རྒྱུད་ལུང་རྫོགས་སོ།། །། གནུབས་རིན་པོ་ཆེ་སངས་རྒྱས་ཡེ་ཤེས་ནས་རིམ་པར་བརྒྱུད་དོ།། །། |
