དངོས་གཞིའི་རིམ་པ།

དམ་ཚིག་སེམས་དཔའི་མེ་ལྷའི་རིམ་པ།

[Full Size]

ནམ་མཁའི་ཁམས་སུ་བྷ་ག་བསམ། །དབུས་སུ་ཧཱུཾ་བསྐྱེད་མཆོད་རྟེན་བསམ། །ལས་དང་རྗེས་སུ་མཐུན་པ་ཡི། །དེ་ཡི་དབུས་སུ་ཐབ་ཁུང་བསམ། །དབུས་སུ་བཾ་བསྐྱེད་པདྨ་ལ། །དེ་དབུས་ཉི་མའི་དཀྱིལ་འཁོར་བསམ། །དེ་སྟེང་མངོན་པར་བྱང་ཆུབ་པས། །རྡོ་རྗེ་སེམས་དཔའ་ཡབ་ཡུམ་བསྒོམ། །འདོད་ཆགས་སྟོབས་ཀྱིས་འོད་དུ་ཞུ། །འོད་ལས་ཧཱུཾ་དང་རཾ་དུ་གྱུར། །དེ་གྱུར་མ་ལྷ་ཡབ་ཡུམ་བསམ། །ལས་དང་རྗེས་སུ་མཐུན་པའི་མདོག །ཞལ་གསུམ་པ་ལ་ཕྱག་དྲུག་པ། །རང་དང་འདྲ་བའི་ཤེས་རབ་འཁྱུད། །གཡས་ན་གུནྡྷེ་མཆོག་སྦྱིན་བསྣམས། །གཡོན་ན་སེའུ་འབྲུ་བགྲང་ཕྲེང་མཐའ། །གསུས་འདིར་རལ་པའི་དབུ་རྒྱན་ཅན། །རིགས་བདག་ཅོད་པན་མཆོད་ཕྱིར་ཐོགས། །དེ་ཡི་ཐུགས་ཀར་བསམ་པ་ནི། །སྣ་ཚོགས་པད་སྟེང་གྲུ་གསུམ་མེ། །དེ་ཡི་སྟེང་དུ་ཧཱུཾ་དང་ཛཿ། །ལྕེ་ལ་ཡི་གེ་རཾ་བསམ་མོ། །བསང་གཏོར་ནས་བརྩམས་ཕྱག་འཚལ་སོགས། །དེ་ལ་མཆོད་པ་དབུལ་བར་བྱའོ། །དམ་ཚིག་སེམས་དཔའི་མེ་ལྷའི་རིམ་པའོ། །

དམ་ཚིག་གི་མེ་ལྷ་ལ་ཡེ་ཤེས་ཀྱི་མེ་ལྷ་གཞུག་པའི་རིམ་པ།

[Full Size]

ཨོཾ་ཨགྣ་ཡེ་མ་ཧཱ་ཏེ་ཛ། སརྦ་ཀརྨཱ་བྲ་སཱ་དྷ་ཀ །ཀ་རུ་ཎི་ཀྲྀ་ཏ་སརྦ། ཨཱསྨིན་སནྣི་ཧི་ཏྭཱ་བྷ་བ་ཡེ་ཤེས་སེམས་དཔའ་དགུག་པའོ། །རང་གི་མདུན་དུ་བལྟས་ནས་ནི། བསང་གཏོར་ནས་བརྩམས་ཕྱག་འཚལ་མཐའ། །ཕྱག་ནས་རབ་ཏུ་བསྟིམ་པར་བྱ། །སྔགས་འདིས་དགྱེས་པར་བཞུགས་སུ་གསོལ། །སརྦཱ་ནྱཻ་པར་ཐན་ཙ་སི་ཏི་ཧཾ་ག་ཙ་ཧ་བྱ་བ་ཀ །ཨ་ཀ་མུ་ཡེ་ཐ་ཀ་ལེ། སརྦ་སིདྡྷི་ཀུ་རུ་ཤ་མེ་མེ་ཛཿཧཱུཾ་བཾ་ཧོཿ། །བཀའ་ལུང་གིས་གར་དང་ལྡན་པར་བསྐུལ་བར་བྱ། གཽ་རཱི་ལྕགས་ཀྱུས་བཀུག་ནས་ནི། ཙཽ་རཱི་མ་ཡིས་ཞགས་པས་གཞུག །ལྕགས་སྒྲོག་གིས་བསྡམས་བེ་ཏཱ་ལཱི། །དྲིལ་བུས་མཉེས་བྱེད་གྷསྨ་རཱི། །གཉིས་སུ་མེད་པར་བསྟིམས་ནས་ནི། །བསང་གཏོར་ནས་བརྩམས་མཆོད་པ་དབུལ། །དམ་ཚིག་གི་མེ་ལྷ་ལ་ཡེ་ཤེས་ཀྱི་མེ་ལྷ་གཞུག་པའི་རིམ་པའོ། །

མེ་ལྷ་མཆོད་པའི་རིམ་པ།

[Full Size]

དེ་ནས་ལས་དང་རྗེས་སུ་མཐུན་པའི་སྒྲུབ་པ་པོས་རྒྱུད་རྣམས་བསྒོམས་ནས་ནི། གཟར་བུ་གཉིས་ཀྱི་ནང་དུ་ནི། ཡི་དམ་ལྷ་ཡི་ས་བོན་བསམ། །གྲུ་མོ་གཉིས་སྤྲད་གཟར་བུ་བདུན། །སོ་སོའི་ལས་དང་མཐུན་པར་དབུལ། །རྒྱས་དང་ཞི་བ་པུཥྚིཾ་དང༌། །ཤཱནྟིཾ་ཀུ་རུ་ཞེས་པས་དབུལ། །དབང་དྲག་གཉིས་པ་

[Full Size]

བ་ཤཾ་དང༌། །ཤ་ཏྲཱུཾ་མ་རས་དབུལ་བར་བྱ། །དེ་ནི་དབུལ་བའི་རིམ་པ་བཤད་པར་བྱ་སྟེ། །ཨོཾ་ན་མཿ་ས་མནྟ་བུདྡྷཱ་ནཱཾ། ཨགྣ་ཡེ་སྭཱ་ཧཱ། པུ་ཎ་ཧི་མ་ནྟ། ཨགྣ་ཡེ་པུཥྚིཾ་ཀུ་རུ་སྭཱ་ཧཱ། ཞེས་པས་སོ། །གཞན་ནི་བླུགས་གཟར་གྱིས་དབུལ་བར་བྱའོ། །ཨོཾ་སརྦ་སཾ་བ་དེ་སྭཱ་ཧཱ། ཞོ་ཟན་གྱིའོ། །ཨོཾ་སརྦ་པཱ་པིཾ་ད་ཧ་ན་བཛྲ་ཡ་ཨ་མུ་ཀཾ་བྱ་སརྦ་པཱ་བཾ་ད་ཧ་ན་སྭཱ་ཧཱ། ཏིལ་གྱིའོ། །ཨོཾ་བཛྲ་ཨཱ་ཡུ་ཥེ་སྭཱ་ཧཱ། མེ་གྲུགས་པའི་དཱུར་བའི་འོ། །ཨོཾ་བཛྲཱ་ཡུ་ཥེ་སྭཱ་ཧཱ། འབྲས་མ་ཆག་པའི་འོ། །ཨོཾ་བཛྲཱ་པྲ་ཏི་ཧ་ཏ་བཛྲ་ཡེ་སྭཱ་ཧཱ། ཀུ་ཤའིའོ། ཨོཾ་བཛྲ་བ་ཛི་ཡེ་སྭཱ་ཧཱ། ལག་པན་གྱིའོ། །ཨོཾ་བཛྲ་མ་ཧཱ་བེ་ག་ཡེ་སྭཱ་ཧཱ། ནས་ཀྱིའོ། །ཨོཾ་མ་ཧཱ་བ་ལཱ་ཡ་སྭཱ་ཧཱ། སྲན་ཆེན་གྱིའོ། །ཨོཾ་བཛྲ་གྷསྨ་རི་སྭཱ་ཧཱ། གྲོའིའོ། །ཡམ་ཤིང་དབུལ་བའི་རིམ་པ་ནི། ཨོཾ་ཡ་ཛྙཱ་ཡ་སྭཱ་ཧཱ། ཨུ་དུམྺཱ་རའི་འོ། །ཨོཾ་བོ་དྷི་བྲྀ་ཀྵཱ་ཡ་སྭཱ་ཧཱ། བྱང་ཆུབ་ཀྱི་ཤིང་གིའོ། །ཨོཾ་བཛྲ་ན་ད་ཐཱ་ཡ་སྭཱ་ཧཱ། ནྱ་གྲོ་དྷའི་འོ། །ཨོཾ་བཛྲ་ཧ་ས་ཀ་རཱ་ཡ་སྭཱ་ཧཱ། ཨ་མྲའི་འོ། །དེ་ནས་ཨགྣ་ཡེ་པུཥྚིཾ་ཀུ་རུ་ཞེས་པས་མར་དགང་གཟར་ཁེངས་པ་སྟོང་ཡན་ཆད་དབུལ་བར་བྱའོ། །དེ་ནས་བསང་གཏོར་ནས་བརྩམས་ཏེ། མཆོད་ནས་མེ་ལྷ་ལ་བསྟོད་པ་བྱ། རྡོ་རྗེ་དྲིལ་འཛིན་དཔའ་བོ་ཡིས། །སྲིད་པའི་རང་བཞིན་ཚིགས་བཅད་བརྗོད། དེ་ཡན་ཆད་ནི་མེ་ལྷ་མཆོད་པའི་རིམ་པའོ། །

ལྷ་ཡི་སྦྱིན་སྲེག་གི་རིམ་པ།

[Full Size]

དེ་ནས་ལས་ཀུན་བྱེད་པའི་ཆུས། །མེ་ལྷ་བསང་གཏོར་ཐུགས་ཀ་རུ། །དཀྱིལ་འཁོར་འཁོར་ལོ་བསང་བར་བྱ། །ལས་དང་རྗེས་མཐུན་མེ་ཞལ་ཐབ། །བསངས་ནས་དེ་རུ་དབུལ་བར་བྱ། །ཛཿཧཱུཾ་བཾ་ཧོཿའི་བཀའ་ལུང་འདིས། །དཀྱིལ་འཁོར་ལྷ་ནི་དཀྱིལ་འཁོར་བསྟིམ། །བསང་གཏོར་ནས་བརྩམས་མཆོད་པ་དབུལ། །མཆོད་བསྟོད་བདུད་རྩི་མཐར་ཐུག་བྱ། །དེ་ནས་མར་གཟར་ཉི་ཤུ་རྩ་གཅིག་ཡན་ཆད་དབུལ་བར་བྱའོ། །དེ་ནས་ཞོ་ལ་སོགས་པའི་རྫས་རྣམས་ཕུལ་ལ། མར་གྱི་སྦྱིན་སྲེག་བརྒྱའམ་སྟོང་ལ་བརྒྱད་ཀྱིས་བཏགས་པ་དབུལ་བར་བྱའོ། །བསང་གཏོར་ནས་བརྩམས་མར་གྱིས་མཆོད། །བསྟོད་དེ་ཕྱག་འཚལ་གཤེགས་སུ་གསོལ། །རྡོ་རྗེ་དྲིལ་འཛིན་དཔའ་བོ་ཡིས། །རང་བཞིན་དག་གི་ཚིག་བཅད་བརྗོད། །

[Full Size]

ཡི་གེ་བརྒྱ་བས་བཟོད་པར་གསོལ། །མཐའ་རུ་མུཿ་བཏགས་སྙིང་གར་བསྡུ། །ལྷ་ཡི་སྦྱིན་སྲེག་གི་རིམ་པའོ། །

མེ་ལྷའི་མཆོད་པའི་རིམ་པ།

[Full Size]

དེ་ནས་བླུགས་གཟར་འབའ་ཞིག་གིས། །ལྷག་ནས་མེ་ལྷའི་མཆོད་པར་བྱ། །ཨོཾ་ཨགྣ་ཡེ་སྭཱ་ཧཱ། །ཞེས་པས་སོ། །དེ་ནས་རྫས་ཀུན་ཕུལ་བ་དང༌། དགང་གཟར་མར་གྱིས་བཀང་ནས་ནི། །དེ་ནས་སློབ་མས་མེ་ཏོག་བོར། །ལས་དང་མཐུན་པའི་ལེགས་པར་བརྗོད། །ཨོཾ་ཨགྣ་ཡེ་སྭཱ་ཧཱ། ཞེས་པས་དབུལ། །ཤནྟིཾ་ཀུ་རུ་ཞི་བ་ལ། རྒྱས་པ་པུཥྚིཾ་པ་ཤཾ་དབང༌། །ཞི་བའི་སྦྱིན་སྲེག་བྱེད་པའི་དུས་སུ་རྣལ་འབྱོར་པས་བྱ་བའི་རིམ་པ་ནི་འདི་དག་ཡིན་ཏེ། དང་པོར་ཐབ་ཁུང་གི་བྱེ་བྲག་བྱ་བ་དང༌། ཚད་དང་ཁ་དོག་དང༌། མཚན་མ་བྲི་བ་དང་དུས་དང་ཕྱོགས་དང༌། རྫས་ཀྱི་མཚན་ཉིད་དང༌། རྫས་བྱིན་གྱིས་བརླབ་པ་དང༌། རྣལ་འབྱོར་བསྐྱེད་པ་དང༌། ཡམ་ཤིང་གི་མཚན་ཉིད་དང༌། བུད་ཤིང་གི་མཚན་ཉིད་དང༌། མེ་སྤར་བའི་མཚན་ཉིད་དང༌། ཀུ་ཤ་དགྲམ་པ་དང༌། ཐབ་ཁུང་བྱིན་གྱིས་བརླབ་པ་དང༌། དེར་དམ་ཚིག་གི་མེ་ལྷ་བསྐྱེད་པ་དང༌། དེ་ལ་ཡེ་ཤེས་ཀྱི་མེ་ལྷ་སྤྱན་དྲང་བ་དང༌། བསང་གཏོར་དང༌། ཡང་དེར་བདག་ཉིད་ཀྱི་ལྷའི་འཁོར་ལོ་བསྐྱེད་པ་དང༌། དེ་ལ་ཡེ་ཤེས་ཀྱི་འཁོར་ལོ་དགུག་གཞུག་བྱ་བ་དང༌། དེར་དགང་བླུགས་ལ་སོགས་པ་དབུལ་བ་དང༌། མཆོད་པ་ལ་སོགས་པ་ཕུལ་ལ། ཡེ་ཤེས་ཀྱི་ལྷ་གཤེགས་སུ་གསོལ་ཏེ། དམ་ཚིག་གི་འཁོར་ལོ་བསྡུ་བ་དང༌། ཡང་མེ་ལྷ་ལ་མཆོད་པ་ལ་སོགས་པ་བྱ་སྟེ། ཡེ་ཤེས་ཀྱི་ལྷ་བསྐུལ་བ་དང༌། དམ་ཚིག་གི་མེ་ལྷ་བསྡུས་ལ། རྫས་ལྷག་མས་སྦྱིན་སྲེག་བྱ་སྟེ། བདག་ཉིད་ཅི་བདེར་གནས་པར་བྱའོ། །མངོན་སྤྱོད་ལ་ནི་མཱ་ར་ཡ། །མར་གྱི་སྦྱིན་སྲེག་བརྒྱ་རྩ་བརྒྱད། །མེ་ལྷའི་མཆོད་པ་བྱས་ནས་ནི། །མཆོད་པའི་ཞལ་བསིལ་གོང་མ་བཞིན། །སོ་རྩི་ན་བཟའ་ལ་སོགས་པས། །མེ་ལྷ་མཉེས་པར་བྱས་ནས་ནི། །རང་བཞིན་དག་པའི་ཚིགས་བཅད་བརྗོད། །མེ་ལྷ་ནམ་མཁར་གཤེགས་སུ་གསོལ། །མེ་ལྷའི་མཆོད་པའི་རིམ་པའོ། །ཟབ་མོའི་དོན་ནི་མན་ངག་ཡིན་པས་འདིར་མ་བསྟན། །ཀྱེ་ཡི་རྡོ་རྗེ་ཞེས་བྱ་བའི། །སྦྱིན་སྲེག་རིམ་པ་གསལ་བྱེད་པས། །དགེ་བ་ཐོབ་པ་གང་ཡིན་དེས། །མྱུར་བར་སེམས་ཅན་གྲོལ་གྱུར་

[Full Size]

ཅིག །སྦྱིན་སྲེག་གི་ཆོ་ག་མདོར་བསྡུས་པ། །སློབ་དཔོན་པོ་དྷི་གརྦྷས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཀ་མཱ་ལ་ཤྲཱི་དང༌། དགེ་སློང་ཤེས་རབ་སྐྱབས་ཀྱིས་བསྒྱུར། །