དེ་ཁོ་ན་ཉིད་བརྒྱད་པ། དཀྱིལ་འཁོར་གྱི་སྒྲུབ་པ།― DTG008_Page_0079 ―
[མ་དཔེ་གཟིགས་ན་འདིར་གནོན།]
དེ་མ་ཐག་ཏུ་དཀྱིལ་འཁོར་གྱི་སྒྲུབ་པ་བརྗོད་པར་བྱ་སྟེ། སྔགས་པ་ནུབ་ཏུ་ཁ་བལྟས་ནས་དཀྱིལ་འཁོར་གྱི་སྒྲུབ་པ་བརྩམ་པར་བྱའོ། །ཡེ་ཤེས་སེམས་དཔའི་ཐུགས་ཀའི་ས་བོན་གྱི་འོད་ཟེར་གྱིས་ནམ་མཁའ་ལ་གནས་པའི་དཀྱིལ་འཁོར་དྲངས་ནས་རང་གི་རིག་མའི་པདྨ་ལ་ཞུགས་པར་གྱུར་པར་བསམ་མོ། །ཞུ་བ་དེ་ལས་རང་གི་ས་བོན་གྱིས་རྡུལ་ཚོན་གྱི་དཀྱིལ་འཁོར་དུ་འཁོར་ལོའི་གཙོ་བོ་ལ་སོགས་པ་གོ་རིམས་བཞིན་དུ་སྤྲོ་བར་བྱའོ། །དེའི་འོག་ཏུ་མིག་ལ་སོགས་པ་བྱིན་གྱིས་བརླབས་ལ་མཆོད་པ་དང་བསྟོད་པ་དང༌། བདུད་རྩི་མྱང་བའི་བར་དུ་བྱའོ། །དཀྱིལ་འཁོར་གྱི་སྒྲུབ་པ་སྟེ་དེ་ཁོ་ན་ཉིད་བརྒྱད་པའོ།། །། |
