ས་བརྟག་པའི་རིམ་པ།― DTG010_Page_0099 ―
[མ་དཔེ་གཟིགས་ན་འདིར་གནོན།]
དུས་དང་རྒྱུ་སྐར་ཤིས་པ་ལ། །སྔ་དྲོའི་དུས་སུ་ཡང་དག་པར། །དེ་ཉིད་མཁྱེན་པའི་གཙོ་བོ་ཡིས། །ས་ནི་ལེགས་པར་བརྟག་པར་བྱ། །བྲ་ཤིང་ཡུང་བ་རྣོ་ཤིང་རམས་ཤིང་རྣམས་ནི་སྤངས། །ཉུང་ནག་སྐུར་ཤིང་དོན་གྲུབ་གོ་བི་ད་ར་དང༌། །ས་རྩུབ་དག་དང་རི་སུལ་ཚྭ་སྒོ་ཚེར་མ་ཅན། །རུས་སྦལ་རྒྱབ་འདྲའི་ས་གཞི་ཡོངས་སུ་སྤང༌། །ཤར་ཕྱོགས་ནི་མ་པ་ལ་ཡི་ཐར་ཤིང་ཡོད་པ་དང༌། །ལྷོ་ཕྱོགས་པ་ལ་ཤ་ཡི་ཐང་ཤིང་ཡོད་པ་དང༌། །ནུབ་ཕྱོགས་ནྱ་གྲོ་དྷ་ཡི་ཐང་ཤིང་གནས་པ་དང༌། །བྱང་ཕྱོགས་བ་ཀུ་ལ་ཡི་ཐང་ཤིང་སྐྱེས་པ་ནི། །ས་ཕྱོགས་དེ་དག་ཡོངས་སུ་སྤང་བར་བྱ། །མེ་ཡི་མཚམས་སུ་ཀ་ཀུ་པ་ཡི་ཤིང་ལྡན་དང༌། །སྲིན་པོའི་མཚམས་སུ་བ་ལ་ཤ་ཡི་ཤིང་ ― DTG010_Page_0100 ―
[མ་དཔེ་གཟིགས་ན་འདིར་གནོན།]
གནས་སྤང་བར་བྱ། །དེ་བཞིན་རླུང་གི་མཚམས་སུ་པ་ལ་བྷ་ལིའི་ཤིང༌། །དབང་ལྡན་མཚམས་སུ་ཨུ་དུམྺཱ་རའི་ཤིང་བཅས་སྤང༌། །ཨ་ཤོ་ཀ་ནི་འབྲས་མེད་སྐམ་པོ་སྐམ་ཤིང་ས། །ཏ་མ་ལའི་ཤིང་ཚེར་མ་དུག་ཤིང་སྤང༌། །གསལ་ཤིང་ལ་སོགས་གདུག་པའི་ཤིང་རྣམས་ཡོངས་སུ་སྤང༌། །མི་མཉམ་ནག་པོ་གྲུ་བཞི་ཆུ་ཤིང་སྐྱེས་པ་དང༌། །ཆུ་ཤོལ་གང་རོལ་འོབས་ཅན་གཏིང་ཁུང་གཉེར་ལྡན་སྤང༌། །ལེགས་པར་གྲུ་བཞིར་བརྐོས་ནས་དེ་ཉིད་ས་ཡིས་དགང༌། །སྔོན་པས་དམའ་ན་ལེགས་པར་བརྟགས་ཏེ་སྤང་བར་བྱ། །མཉམ་པར་གང་སྟེ་མཐོ་ན་ས་གཞི་བཟང་པོར་བཤད། །དེ་ནི་ས་བརྟག་པའོ།། །། |
