བཅུ་བཞི་པ། ཕྱི་རོལ་མཆོད་པའི་ཆོ་ག― DTG010_Page_0473 ―
[མ་དཔེ་གཟིགས་ན་འདིར་གནོན།]
དེ་དག་འདོད་པའི་དོན་བསྒྲུབ་པའི་ཕྱིར་བར་ཆད་ཞི་བར་བྱ་བ་དང་མར་ངོའི་བཅུ་བཞི་ལ་འཁོར་ ― DTG010_Page_0474 ―
[མ་དཔེ་གཟིགས་ན་འདིར་གནོན།]
ལོ་ལ་ཡི་གེ་དང་ཐིག་ལེའི་གཟུགས་སུ་བཅོམ་ལྡན་འདས་མ་མཆོད་དེ། །དེ་ལ་མདུན་དུ་དག་པར་སྦྱངས་པའི་བདུད་རྩིས་མཎྜལ་བྱུགས་ལ་མེ་ཏོག་གི་ཚོམ་བུ་བྱས་ལ་དེའི་དབུས་སུ་མཆོག་གི་སྣོད་གཞག་པར་བྱའོ། །དེའི་སྟེང་ནས་མཉམ་པའི་སྣོད་ཆེ་བས་ཁ་བཅང་དེ་དབུས་སུ་བདེ་བྱེད་ཀྱི་མིག་གི་གྲྭའི་འཁོར་ལོའི་རྣམ་པ་ལ་བདུད་རྩི་དང་སྒྲོན་མའི་ཕྱེ་མ་ཆོ་གས་སྦྱངས་ཏེ་བཏབ་ལ། དེར་ལྕགས་གསུམ་ལས་བྱས་པའི་ཐུར་མས་ཆོས་འབྱུང་གི་ནང་དུ་སྣ་ཚོགས་རྡོ་རྗེས་བྲིས་པས་བསྐོར་ཏེ། བདག་མེད་མའི་རང་བཞིན་ཡི་གེ་དང་ཐིག་ལེར་བཅས་པ་རྡོ་རྗེའི་མཆོད་རྟེན་སྔགས་པས་བླ་མའི་མན་ངག་གིས་ཁ་ནུབ་ཏུ་བལྟས་ལ་བྲི་བར་བྱའོ། །དེ་ནས་དམ་ཚིག་ལ་ཡེ་ཤེས་གཞུག་པར་བྱ་སྟེ་མཆོད་པའི་རྫས་ལྔ་དང་ལ་དོད་པའི་ཡོན་ཏན་ལྔ་ཁྱད་པར་དུ་གྱུར་པ་དང༌། མཆོག་ཏུ་གྱུར་པའི་སྒྲོན་མ་དང་སྦྱངས་པའི་བདུད་རྩི་རྣམས་བཟའ་བ་དང་གསོལ་བ་དང་བྱོག་པ་དང་འཇིབ་པའོ། །ཡང་གླུ་དང་གར་དང་རོལ་མོའི་ཁྱད་པར་གྱིས་བསྐོར་བ་དང་ཕྱག་དང་བསྟོད་པས་ཀྱང་ཅི་ནུས་པས་ཡོངས་སུ་མཆོད་དོ། །དེའི་རྗེས་ལ་གཞོན་ནུ་མའམ། རྡོ་རྗེ་རྣལ་འབྱོར་མ་སྟེ་ནག་པོ་འམ་པྲི་ཡང་ཀུ་སྔོན་མོ་སྟེ་ཆོ་ག་བཞིན་མཆོད་ནས་མཆོག་ཏུ་གྱུར་པའི་སྟོན་མོ་དང་ཆང་ཡང་བཏུང་བར་བྱའོ། །དེ་ནས་འཐོར་འཐུང་བྱས་ལ་གོ་ལ་དང་ཡོན་ཕུལ་ལ་མཉམ་པར་བྱས་ལ་བཟོད་པ་མཛོད་ཅིག་ཅེས་བརྗོད་ལ་གཤེགས་པ་དང༌། བཅོམ་ལྡན་འདས་མའི་འཁོར་ལོ་ཡང་མུཿ་ཞེས་བརྗོད་ལ་གཤེགས་སུ་གསོལ་ཏེ་རང་ཉིད་སྟོན་མོ་བྱའོ། །དེ་དག་ནི་བདག་མེད་མའི་མན་ངག་ལས་ཕྱི་རོལ་མཆོད་པའི་ཆོ་ག་སྟེ་བཅུ་བཞི་པའོ།། །། |
