སཱཙྪ་གདབ་པའི་མན་ངག།
ཆོས་ཀྱི་ཞབས།

---

^{[མ་དཔེ་གཟིགས་ན་འདིར་གནོན།]}

༄། །སཱཙྪ་གདབ་པའི་མན་ངག་ལ་དང་པོ་འཇིམ་པ་བྱས་ནས་མདུན་དུ་བཞག་སྟེ། རང་ཉིད་ལྷག་པའི་ལྷར་བསམས་ལ། ཚད་མེད་པ་བཞི་བསྒོམ་པར་བྱའོ། །དེ་ནས་ཆོས་ཉིད་རྣམ་པར་དག་པའི་སྔགས་ཀྱིས་འཇིམ་པ་མི་དམིགས་པར་བསྒོམས་ལ། ཆོ་ག་གསུམ་གྱིས་ཧེ་རུ་ཀ་ཡབ་ཡུམ་གྱི་སྐུར་བསྐྱེད་དོ། །དེ་ནས་སྙིང་གའི་ཧྲཱིཿའམ་ཧཱུཾ་གི་འོད་ཟེར་གྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བཀུག་ལ། །ཧེ་རུ་ཀ་ཡབ་ཡུམ་ལ་བསྟིམ་པར་བྱ། དེ་ནས་ཡབ་ཡུམ་སྙོམས་པར་ཞུགས་པ་ལས་འོད་དུ་ཞུ་སྟེ། བྱང་ཆུབ་ཀྱི་སེམས་སུ་གནས་པ་ལས་ཧེ་རུ་ཀའི་སྙིང་པོ་ཉི་ཤུ་རྩ་གཅིག་གིས་བྱིན་གྱིས་བརླབས་ཏེ། ཡང་དེ་ཉིད་ཀྱིས་གདབ་པར་བྱའོ། །སཱཙྪ་རེ་རེ་ཡང་ཧེ་

---

^{[མ་དཔེ་གཟིགས་ན་འདིར་གནོན།]}

༄། །རུ་ཀ་རེ་རེ་བསམས་ལ། དེ་རེ་རེ་ལས་ཧེ་རུ་ཀ་མང་པོ་སྤྲོ་བ་དང༌། བསྡུ་བ་བྱས་པ་ལས། བདག་དང་གཞན་གྱི་དོན་རྫོགས་པར་བསམ་མོ། །དེ་ནས་རྟེན་འབྲེལ་གྱི་སྔགས་ཀྱིས་མཇུག་བསྡུའོ།།