སྒྲོལ་མ་ཁྲོ་མོ་ལ་རྩ་བའི་སྔགས་ཀྱིས་བསྟོད་པ།
― DTG028_Page_0182 ―
[མ་དཔེ་གཟིགས་ན་འདིར་གནོན།]
༄། །རྒྱ་གར་སྐད་དུ། ཨུ་དྲེ་ཏཱ་རཱ་མཱུ་ལ་ཏནྟྲ་སྟོ་ཏྲ་ནཱ་མ། བོད་སྐད་དུ། །སྒྲོལ་མ་ཁྲོ་མོ་ལ་རྩ་བའི་སྔགས་ཀྱིས་བསྟོད་པ། ཇོ་མོ་བྱིན་རླབས་ཅན་ལ་ཕྱག་འཚལ་ལོ། །ཕྱག་འཚལ་རལ་པ་གཅིག་འཆང་ཁྲོ་མོ་ནི། །མི་རོ་དམར་པོའི་སྟེང་ན་བརྐྱང་བསྐུམ་བཞུགས། །རྒྱས་པའི་ལྷ་མོ་སྟག་དང་སྦྲུལ་གྱིས་བརྒྱན། །ཤིན་ཏུ་ཁྲོས་པས་གད་རྒྱངས་ཆེར་སྒྲོགས་པ། །གཡས་པས་རལ་གྲི་མཐིང་གསེར་རྩེ་ལ་མེ་འབར་ཞིང༌། །འོག་མ་གཅོད་བྱེད་གྲི་གུག་རབ་ཏུ་འཕྱར། །གཡོན་གྱི་དང་པོ་ཨུཏྤལ་རབ་རྒྱས་ཤིང༌། འོག་མ་ཐོད་པ་སྐྲ་བཅས་རཀྟས་བཀང༌། །རལ་བའི་ཐོར་ཅོག་དབུལ་རབ་ཏུ་མཛེས། །སྤྱན་གསུམ་ས་གསུམ་གཟིགས་པས་དྲི་མེད་ཚུལ། །མགོ་བོའི་ཐོད་ཕྲེང་སྐམ་རློན་སྤེལ་མས་མཛེས། །དེ་ལྟའི་གཟུགས་ནི་གཞན་མིན་བདག་ཉིད་དོ། །དཔལ་རལ་པ་གཅིག་མའི་རྩ་བའི་སྔགས་དོན་འགྱུར་དུ་བསྒྱུར་བའི་བསྟོད་པ་ཚིགས་སུ་བཅད་པ་རྐང་བ་བཅུ་གཉིས་པ་རྫོགས་སོ།། |
