བུམ་པ་དགྲམ་པའི་ཆོ་ག― DTG028_Page_0439 ―
[མ་དཔེ་གཟིགས་ན་འདིར་གནོན།]
༄། །དེ་ནས་སྔོན་དུ་ལྷག་གནས་བྱས་པའི་བུམ་པ་རྣམས་གཡས་སྐོར་གྱིས་དགྲམ་པ་ནི་དེ་རྣམས་ཀྱི་ནང་ནས་གཙོ་བོ་དང་རྣམ་རྒྱལ་གྱི་བུམ་པ་གཉིས་དཀྱིལ་འཁོར་གྱི་འཁོར་ལོ་ལ་གཡས་སྐོར་བྱས་ནས་མེ་རིའི་ཕྱི་རོལ་གྱི་ཤར་སྒོར་སྟན་ལ་བག་ཙམ་གཡས་སུ་བཞག །གཡོན་དུ་རིམ་པ་བཞིན་དུ་གཏུམ་པའི་དབང་ཕྱུག་མ་དང་ལས་ཐམས་ཅད་པའི་བུམ་པའི་ཆོམ་རྐུན་མ་སྟེ་གཉིས་གཡས་སྐོར་བྱས་ཏེ་ ― DTG028_Page_0440 ―
[མ་དཔེ་གཟིགས་ན་འདིར་གནོན།]
༄། །གཞག་གོ །ལྷོ་ཕྱོགས་སུ་གཡོན་དུ་ཙ་རྩི་ཀ་དང་གཡས་སུ་རི་མོ་ཅན་ནོ། །ནུབ་ཕྱོགས་ཀྱི་གཡོན་དུ་དུས་ཅན་མ་དང༌། གཡས་སུ་དགའ་བ་ཆེན་མོའོ། །བྱང་ཕྱོགས་ཀྱི་གཡོན་དུ་རིགས་ཀྱི་དབང་ཕྱུག་མ་དང༌། གཡས་སུ་དགའ་བའི་དབང་ཕྱུག་མའོ། །ཆོམ་རྐུན་མ་ལ་སོགས་པ་བཞི་འགའ་ཞིག་གི་མཚམས་སུ་འདོད་དེ། དེ་ལྟར་ན་མཚམས་བཞིའི་བུམ་པ་རྣམས་དང༌། མདའ་བཞི་ལ་དར་བཏགས་པ་རྣམས་ལས་ཐམས་ཅད་པའི་སྔགས་ཀྱིས་གཟུགས་སོ། །འདི་ནི་བུམ་པ་དགྲམ་པའི་ཆོ་གའོ།། །། |
