ན་མོ་བུདྡྷཱ་ཡའི་འགྲེལ་པ།
― DTG052_Page_0456 ―
[མ་དཔེ་གཟིགས་ན་འདིར་གནོན།]
ན་མོ་བུདྡྷཱ་ཡ། སྐྱེ་བ་མེད་ཅིང་འགག་པ་མེད། །གཟུགས་མེད་གཟུགས་དང་ལྡན་པའང་མེད། །འཁོར་མེད་མྱ་ངན་འདས་པའང་མེད། །ན་ཡི་ཡི་གེས་བརྗོད་པའོ། །མོ། གཏི་མུག་རྟག་ཏུ་འཇིག་པར་བྱེད། །ཐར་པ་གཅིག་བུ་ལེགས་པར་སྟེར། །བདུད་དང་ཉོན་མོངས་འཇོམས་པར་བྱེད། །ཡི་གེ་མ་ཡིས་བརྗོད་པའོ། །བུད། སངས་རྒྱས་ཀྱིས་ནི་ཕ་རོལ་གཤེགས། །སངས་རྒྱས་འགྲོ་བ་ཕན་པ་མེད། །སངས་རྒྱས་ཉོན་མོངས་དག་པ་ནི། །ཡི་གེ་བུད་ཀྱིས་བརྗོད་པའོ། །དྷཱ། ཆོས་རྣམས་ཐམས་ཅད་འཛིན་པ་ཡིས།། ཆོས་ཀྱི་དབྱིངས་དང་བཅས་པར་ནི། །ཆོས་རྣམས་ཉིད་ནི་ཆོས་ཀྱི་མཆོག །ཡི་གེ་དྷཱ་ཡིས་བརྗོད་པའོ། །ཡ། ཇི་ལྟར་གནས་པ་དེ་བཞིན་འཇིག །ཇི་ལྟར་འཇིག་པ་དེ་བཞིན་གནས། །ཇི་ལྟར་སྨྲས་པ་དེ་བཞིན་བྱེད། །ཡི་གེ་ཡ་ཡིས་བརྗོད་པའོ། །ན་མོ་བུདྡྷཱ་ཡའི་འགྲེལ་པ་རྫོགས་སོ།། །།