རྡོ་རྗེའི་གླུ།
― DTG053_Page_0013 ―
[མ་དཔེ་གཟིགས་ན་འདིར་གནོན།]
སངས་རྒྱས་ལ་ཕྱག་འཚལ་ལོ། །ཀྱེ་བྲམ་ཟེ་རལ་ཅན་སྐྱེས་བུ་སད་གྷ་བ། །སངས་རྒྱས་ཡེ་ཤེས་དག་ལ་མོས་པར་གྱིས། །དེ་འདྲའི་སྐྱེས་བུའི་སེམས་ནི་དགའ་བ་ཡིན། །བརྟན་གཡོ་ཐམས་ཅད་དྲི་མེད་རིན་པོ་ཆེ། །མི་གནས་རང་བཞིན་བུར་བ་ཁྱོད་ནི་བསྒོམ། །ཡང་དག་བླ་མའི་མན་ངག་ནན་ཏན་གྱིས། །དེ་འདྲའི་སྐྱེས་བུའི་སེམས་ནི་དགའ་བ་ཡིན། །བརྟན་གཡོ་ཐམས་ཅད་དྲི་མེད་རིན་པོ་ཆེ། །མི་གནས་རང་བཞིན་བུང་བ་མ་སྐྱེས་པ། །རྨི་ལམ་བུད་མེད་དེ་བཞིན་མེད་པ་སྟེ། །དེ་འདྲའི་སྐྱེས་བུའི་སེམས་ནི་དགའ་བ་ཡིན། །བརྟན་གཡོ་ཐམས་ཅད་དྲི་མེད་རིན་པོ་ཆེ། །མི་གནས་རང་བཞིན་བུང་བ་དེ་ཤེས་ན། །ཚེ་འདི་ཉིད་ལ་སངས་རྒྱས་དངོས་གྲུབ་འགྲུབ། །དེ་འདྲའི་སྐྱེས་བུའི་སེམས་ནི་དགའ་བ་ཡིན། །བརྟན་གཡོ་ཐམས་ཅད་དྲི་མེད་རིན་པོ་ཆེ། །མི་གནས་པའི་དོན་ཐུགས་སུ་ཆུད་པ་བླ་མ་རྗེ་བཙུན་དྷི་ཥིཊ་ཛྙཱ་ནའི་ཞལ་སྔ་ནས་རྡོ་རྗེའི་གླུ་ཞེས་བྱ་བ་རྫོགས་སོ།།