ཨཱཙཱརྱ་དཔའ་བོ་རྣམ་པར་སྣང་མཛད་ཀྱི་གླུ།
― DTG053_Page_0016 ―
[མ་དཔེ་གཟིགས་ན་འདིར་གནོན།]
སངས་རྒྱས་ལ་ཕྱག་འཚལ་ལོ། །ཀྱེ་ཡུལ་རྣམས་ཐམས་ཅད་ལྟ་འདོད་ན། །རི་པོ་ཆེན་པོའི་ཁ་ནས་ལྟོས། །ཆོས་རྣམས་ཐམས་ཅད་སྐྱེ་འགག་མེད། །རང་སེམས་རིག་ནང་རབ་རྩེ། །ཆུ་རྣམས་ཐམས་ཅད་འཐུང་འདོད་ན། །རྒྱ་མཚོ་ཆེན་པོའི་ཆུ་ལ་འཐུང༌། །སྐྱེ་མེད་བྱང་ཆུབ་སེམས་ཀྱི་ཆུ། །མཐའ་དབུས་མད་པའི་རྒྱ་མཚོ་ཆེ། །བརྟན་གཡོ་ཐམས་ཅད་བསྲེག་འདོད་ན། །འཇིག་པའི་དུས་ཀྱི་མེ་ཆེན་སྤོར། །རྣམ་རྟོག་བརྟན་གཡོ་ཐམས་ཅད་དེ། །ལྷུན་གྲུབ་ཡེ་ཤེས་སེམས་ཀྱི་མེ། །འཇིགས་མེད་བདེ་བའི་གནས་འདོད་ན། །དགོན་པ་ཆེན་པོའི་གནས་སུ་འདུག །འཁོར་བ་རྣམ་དག་བདེ་བའི་གནས། །བྱང་ཆུབ་སེམས་ནི་དགོན་པ་ཆེ། །ཨཱ་ཙཱཪྻ་དཔའ་བོ་རྣམ་བར་སྣང་མཛད་ཀྱི་གླུ་རྫོགས་སོ།།