དེ་ཁོ་ན་ཉིད་གསལ་བར་བྱེད་པའི་སྒྲོན་མ།
ཀམྤ་ལ།
རྒྱ་གར་སྐད་དུ། ཏཏྟྭ་བྷཱ་སཱ་ཀ་ར་ཎ་དཱི་པ་ནཱ་མ། བོད་སྐད་དུ། དེ་ཁོ་ན་ཉིད་གསལ་བར་བྱེད་པའི་སྒྲོན་མ་ཞེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་
ཅད་ལ་ཕྱག་འཚལ་ལོ། །རྟོག་པ་ཀུན་ལས་ངེས་གྲོལ་གང༌། །མཚན་མེད་སྟོང་པའི་ངོ་བོ་ཅན། །དགེ་བ་དེ་ལ་ཕྱག་འཚལ་ནས། །དེ་ཉིད་གསལ་བ་བྲི་བར་བྱ། །ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་འདི་ལ་ཀུན་ནས་ཉོན་མོངས་པ་དང་རྣམ་པར་བྱང་བའི་སྒོ་ནས་ཤེས་པར་བྱས་ནས། དེ་ཁོང་དུ་ཆུད་པར་བྱ་བ་ཡིན་ན་ཡང་ཕལ་ཆེའི་སྤྱོད་ཡུལ་མ་ཡིན་པས་ཁོ་མོས་ནི་སྒྲ་ལས་འདས་པའི་རིམ་པ་འདི་བསྟན་ཏེ། དང་པོར་སེམས་མི་གཡོ་བར་འདུག་པ་སློབ་པར་འདོད་པས་ལུས་སེམས་ངལ་དུབ་མེད་པར་བྱས་ནས་གནས་བདེ་བར་གནས་པར་བྱའོ། །དེ་ནས་རང་གི་སྙིང་དབུས་སུ། །ཆུ་སྐྱེས་དཀར་པོ་འདབ་བཞིའི་དབུས། །པཾ་ནི་དཀར་པོ་བསམ་པར་བྱ། །བརྟན་གྱུར་རིམ་པས་སྒྲ་ལ་དམིགས། །དེ་ནས་པདྨ་འདབ་བརྒྱད་དང༌། །བརྒྱ་ཡི་བར་དུ་སྤྲོ་བསྡུ་བྱ། །དེ་ནས་མི་གཡོ་བརྟན་གྱུར་ནས། །དམ་པ་རྣམས་ལ་བསྙེན་བཀུར་གྱིས། །དེ་ཁོ་ན་གསལ་བར་བྱེད་པའི་སྒྲོན་མ་ཞེས་བྱ་བ་དཔལ་ཀམྤ་ལའི་ཡུམ་གྱིས་མཛད་པའི་རིམ་པ་རྫོགས་སོ།།