འཕགས་པ་སྤྱན་རས་གཟིགས་དབང་ཕྱུག་གི་སྒྲུབ་ཐབས་བརྒྱ་རྩ་བརྒྱད་པ།
རྒྱ་གར་སྐད་དུ། ཨཥྚོཏྟ་རཱ་ས་ཏ་ཨཱཪྻཱ་བ་ལོ་ཀེ་ཏེ་ཤྭ་ར་སཱ་དྷ་ནཾ། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་གི་སྒྲུབ་ཐབས་བརྒྱ་རྩ་བརྒྱད་པ།། རྗེ་བཙུན་ཐུགས་རྗེ་ཆེན་པོ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །གང་གིས་ཆོགས་གཉིས་རབ་བསགས་པས། །དེ་ཉིད་ཟབ་མོ་མངོན་གཟིགས་ཏེ། །བརྩེ་བས་འགྲོ་ལ་སྣ་ཚོགས་ཐབས། །སྟོན་མཛད་འཇིག་རྟེན་གསུམ་མགོན་འདུད། །སྟོང་ཉིད་སྙིང་རྗེ་ལས་བྱུང་བ། །རྣམ་ལྔ་བྱང་ཆུབ་ཆེ་བདག་ཉིད། །སྐུ་གསུང་ཐུགས་ཀྱི་ཐུགས་དག་པ། །འཇིག་རྟེན་མགོན་པོ་མཁས་པས་སྒྲུབ། །པདྨོ་ཟླ་དབུས་གཞོན་ནུའི་སྐུ། །སྐྱིལ་ཀྲུང་ཕྱེད་བརྐྱང་འགྱིང་བག་བརྟན། །ཟླ་བ་རྒྱས་པའི་ཞལ་མཛེས་ལས། །ས་གསུམ་བདག་གིར་མཛད་གཟིགས་པའོ།། མཆོག་སྦྱིན་པདྨོའི་གཡས་དང་གཡོན། །རྒྱལ་བའི་ཅོད་པན་རིན་ཆེན་བརྒྱན། །འོད་དཔག་མེད་ཀྱིས་སྤྱི་གཙུག་མཛེས། །དེ་ཡི་ཐུགས་ནི་པདྨར་རྒྱས། །ཧྲཱིཿཡིག་རང་སེམས་འོད་གསལ་བ། །ས་གསུམ་སྦྱོང་མཛད་ཡི་གེ་བཞི། །འཁོར་ལོ་རྣམ་གསུམ་དམ་ཚིག་བཞི། །སྒྱུ་མ་བྲག་ཅ་མཁའ་འདྲའོ། །ཐུགས་རྗེ་ཆེན་བོ་ཁརས་པཱ་ཎའི་སྒྲུབ་ཐབས་ཚིགས་སུ་བཅས་པ་བཞི་པ་རྫོགས་སོ།།