སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས།

---

^{[མ་དཔེ་གཟིགས་ན་འདིར་གནོན།]}

༈། །སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས་བཞུགས། དེ་བཞིན་ཐམས་ཅད་སྔར་གྱི་ཆོ་གས་སྟོང་པ་ཉིད་ཀྱི་རྗེས་ལ། སྟོང་ཆན་མོ་རབ་ཏུ་འཇོམས་མ་དཀར་མོ་ཞལ་གཅིག་ཕྱག་དྲུག་པ་སྟེ། གཡས་ཀྱི་ཕྱག་གསུམ་ན་གོ་རིམས་བཞིན་དུ་རལ་གྲི་དང༌། མདའ་དང་མཆོག་སྦྱིན་པའོ། །གཡོན་གྱི་ཕྱག་གསུམ་ན་གཞུ་དང༌། ཞགས་པ་དང་སྟ་རེའོ། །སྣ་ཚོགས་པའི་ཆ་བྱད་ཅན། ན་བཟའ་དང༌། རྒྱན་དང་དབུ་རྒྱན་དང་ལྡན་པ། གཟུགས་དང་ལང་ཚོ་དང་ལྡན་པ། སྒེག་པ་ལ་སོགས་པའི་ཡོན་ཏན་དང་ལྡན་པ། རྣམ་བར་སྣང་མཛད་ཀྱི་དབུ་རྒྱན་ཅན། ས་བོན་བྲུཾ་ཡིག་ལས་བྱུང་བའོ། །པདྨ་དང་ཟླ་བའི་འོད་ཅན་མོ། །སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས་རྫོགས་སོ།།