བརྗེད་བྱེད་ཀྱི་གདོན་ལས་ཐར་བར་བྱེད་པའི་མན་ངག།
ཡེ་ཤེས་རྡོ་རྗེ།
དཔལ་རྡོ་རྗེ་ཅན་ལ་ཕྱག་འཚལ་ལོ། །བརྗེད་བྱེད་ཀྱི་གདོན་ལས་ཐར་བར་འདོད་པས། སྔོན་དུ་འཇུག་པའི་དུས་དང༌། མཚན་མ་ཤེས་པར་བྱ་སྟེ། མི་དྲག་ཅིང་ཁྲོ་གཏུམ་ཅན་ལ་ཡར་ངོའི་ཚེས་གཉིས་དང༌། བཞི་དང། དགུ་དང༌། བཅུ་གཉིས་དང༌། མར་ངོའི་ཉེར་དགུ་ལ་སྔ་དྲོ་དང་སྲོད་ལ་འཇུག་གོ །ཞུགས་པའི་མཚན་མ་ནི་ཁ་ནས་སྦུ་བར་སྐྱུག་པ་དང༌། བརྒྱལ་བ་དང༌། རྡུལ་འབྱུང་བ་དང༌། མགོ་འཁོར་བ་དང༌། ལུས་ས་ལ་འགྱེལ་བ་རྣམས་ཡིན་ནོ། །དེ་ལས་ཐར་པའི་ཐབས་ནི་དུད་པ་དང༌། མེ་ཏོག་
དང། ཤ་བཙོས་དང༌། རྗེན་པ་དང༌། ཤུག་པ་དང༌། པུ་ཤེལ་ཙེ་དང༌། འབྲས་ཆན་དང་ལྡན་པའི་གཏོར་མ་སྦྱིན་ནོ། །དེ་ནས་དེའི་འོག་ཏུ་ནད་པ་ཁྲུས་བྱས་ཏེ། འབྲས་བུ་གསུམ་དང༌། ཚ་བ་གསུམ་སྲང་རེ། སྒོག་སྐྱ་བརྒྱ། ཡུངས་ཀར་སྟོང༌། ཏ་ལའི་ས་བོན་དང༌། བིལ་བའི་རྩ་བ་འདི་དག་ཆ་བསྙམས་ལ། ར་གཅིན་དང་ལྷན་ཅིག་ཏུ་བཏགས། མར་ཕུལ་བཞི་དང་བ་གཅིན་ཕུལ་བཅུ་དྲུག་གི་ནང་དུ་མེ་ཆུང་བས་བཙོས་ལ་སྔ་མ་བཞིན་དུ་བསྔགས་ཏེ་སྦྱོར་བ་བྱས་པས་ཐར་ངེས་སོ། །སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།