དལ་འབྱོར་ཆེན་མོའི་སྒྲུབ་པ་བཅུད་ཀྱིས་ལེན་པ་ཞེས་བྱ་བ།
ཡེ་ཤེས་རྡོ་རྗེ།

---

^{[མ་དཔེ་གཟིགས་ན་འདིར་གནོན།]}

དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །འབྱོར་པའི་དོན་ཕུན་སུམ་ཚོགས་པ་བསྒྲུབ་པར་འདོད་པའི་སྒྲུབ་པ་པོ་དམ་ཚིག་དང་ལྡན་པས། རིལ་བ་སྤྱི་བླུགས་ཀྱི་ནང་དུ་ཆུ་དང་འོ་མས་བཀང་ལ་རྡོ་རྗེ་རྣམ་པར་འཇོམས་པའི་ལུགས་མའི་སྤྱི་བོ་ནས་སྦྲེང་ཞིང་གོང་ལྟར་ཤིན་ཏུ་སྙིང་པོ་བསྡུས་པ་ལ་བརྒྱ་ཕྲག་བཟླས་ཤིང་སྐྱ་རེངས་དང་པོ་ཤར་བའི་དུས་ན་བྱས་པས་རང་གི་འདོད་པ་དང་འབྱོར་པ་ཐམས་ཅད་ཕུན་སུམ་ཚོགས་པར་འགྱུར་རོ། །རྡོ་རྗེ་རྣམ་པར་འཇོམས་པ་སྐུ་མདོག་དཀར་པོར་དམིགས་ལ། ཡི་དམ་དུ་བྱས་ཏེ། གཞན་གྱིས་མ་མཐོང་བར་རང་རེས་བྱས་ན་ཉིན་རེ་ལ་གསེར་གྱི་དོང་ཙེ་བདུན་བརྒྱ་བདུན་བརྒྱ་སྦྱིན་པར་བྱེད་དོ། །གཙོ་བོའི་མདུན་དུ་རྣམ་ཐོས་སྲས་མདོག་དང་ཆ་ལུགས་ལེགས་པར་དམིགས་ལ་བྱའོ། །དལ་འབྱོར་ཆེན་མོའི་སྒྲུབ་པ་བཅུད་ཀྱིས་ལན་པ་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།