པདྨ་གར་གྱི་དབང་ཕྱུག་གི་སྒྲུབ་ཐབས།
― DTG075_Page_0360 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ་པདྨ་ནརྟེ་ཤྭ་ར་སཱ་དྷ་ནཾ། བོད་སྐད་དུ། པདྨ་གར་གྱི་དབང་ཕྱུག་གི་སྒྲུབ་ཐབས། །སྔར་བརྗོད་པའི་རིམ་པས་སྣ་ཚོགས་པདྨར་ཟླ་བ་ལ་ཡི་གེ་ཧྲཱིཿ་དམར་པོ་ཡོངས་སུ་གྱུར་པ་ལས། བདག་ཉིད་པདྨ་གར་གྱི་དབང་ཕྱུག་ཏུ་བསྒོམ་པར་བྱས་ཏེ། སེམས་དཔའི་སྐྱིལ་ཀྲུང་གིས་བཞུགས་པ། ཞལ་གཅིག་ཕྱག་གཉིས་པ་སྐུ་མདོག་དམར་པོ་རྒྱན་རྣམས་ཐམས་ཅད་ཀྱིས་བརྒྱན་པ་སྣང་བ་མཐའ་ཡས་དབུ་རྒྱན་དུ་བྱས་ཤིང༌། གཡོན་ངོས་ན་གོས་དཀར་མོས་ལེགས་པར་འཁྱུད་ཅིང་འཁྱུད་པའི་སྟངས་ཀྱིས་གནས་པའོ། །ཕྱག་གཡོན་པས་པདྨ་དམར་པོ་བསྣམས་པའོ། །ཕྱག་གཞན་གཡས་པ་ནི་གར་བྱེད་པའི་སྟངས་ཀྱིས་ཁབས་ཀྱི་ཕྱག་རྒྱར་ཁ་འབྱེད་པའོ། །དེ་ནས་ནི་ཨོཾ་དེ་བཞིན་གཤེགས་པ་རྣམས་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་རང་བཞིན་གྱི་བདག་ཉིད་ནི་ང་ཡིན་ནོ་ཞེས་སྔགས་བརྗོད་པར་བྱ་བའོ། །དེའི་རྗེས་ལ་ཕྱོགས་བརྒྱད་དུ་ལྷ་མོ་བརྒྱད་རྣམ་པར་བསམ་པར་བྱ་བའོ། །དེ་ལ་པདྨ་དམར་པོ་འདབ་མ་བརྒྱད་པའི་ཤར་གྱི་འདབ་མ་ལ་རྣམ་པར་གཟིགས་མ་པདྨ་དཀར་པོ་དང་དམར་པོ་འཛིན་པའོ། །ལྷོའི་འདབ་མ་ལ་སྒྲོལ་མ་ལྗང་གུ་ཤིང་སྔོན་པོ་དང་པདྨ་འཛིན་པའོ། །ནུབ་ཀྱི་འདབ་མ་ལ་རྔ་མ་འཁོར་ལོ་སེར་ |