རྡོ་རྗེ་ལྕགས་སྒྲོག་མའི་སྒྲུབ་ཐབས།
རྒྱ་གར་སྐད་དུ། བཛྲ་ཤྲིཾ་ཁཱ་ལ་སཱ་དྷ་ནཾ། བོད་སྐད་དུ། རྡོ་རྗེ་ལྕགས་སྒྲོག་མའི་སྒྲུབ་ཐབས། རྡོ་རྗེ་ལྕགས་སྒྲོག་མ་ལ་ཕྱག་འཚལ་ལོ། །སྔར་བཤད་པའི་ཆོ་གའི་རིམ་པས། སྙིང་གར་ཟླ་བའི་དཀྱིལ་འཁོར་ལ་ཡི་གེ་ཧཱུཾ་ལྗང་གུའི་ཡེ་ཤེས་ངེས་པར་རྫོགས་པ་ལས་རྡོ་རྗེ་ལྕགས་སྒྲོག་མ་ཞལ་གསུམ་ཕྱག་དྲུག་མ་སྟེ། མཐིང་ནག་དང་དཀར་པོ་ནི་གཡས་པ་དང་ཅིག་ཤོས་ཀྱི་ཞལ་ལོ། །སྤྱན་གསུམ་མ་རྡོ་རྗེ་དང་རྡོ་རྗེ་དང་རྡོ་རྗེ་ལྕགས་ཐག་དང་མདའ་དང་ལྡན་པ་ནི་གཡས་པའི་ཕྱག་
གསུམ་མོ། །སྡིགས་མཛུབ་དང་ཞགས་པ་དང༌། གཞུ་དང་ལྡན་པ་ནི་གཡོན་པའི་ཕྱག་གསུམ་མོ། །སྐུ་མདོག་ལྗང་སེར་མ། ཞལ་ཅུང་ཟད་བཞད་པ་དང་ལྡན་པ། རྒྱན་ཐམས་ཅད་ཀྱིས་བརྒྱན་པ། མ་རུངས་པའི་སེམས་ཅན་གཏན་ནས་འཇོམས་པར་མཛད་པར་བདག་ཉིད་བསྒོམས་ལ་ཕྱག་རྒྱ་བཅིང་བར་བྱ་སྟེ། ལག་པ་གཉིས་སོ་སོར་རྡོ་རྗེ་ཁུ་ཚུར་དུ་བྱས་ལ་མཐེའུ་ཆུང་གཉིས་དང་མཛུབ་མོ་གཉིས་ཀྱང་ལྕགས་ཐག་གི་རྣམ་པར་མདུན་པར་བྱ་བའོ། །ཨོཾ་བཛྲ་ཤྲྀཾ་ཁ་ལེ་ཧཱུཾ་ཕཊ་སྭཱ་ཧཱ། ཞེས་བྱ་བ་ནི་བཟླས་པའི་སྔགས་སོ། །རྡོ་རྗེ་ལྕགས་སྒྲོག་མའི་སྒྲུབ་ཐབས་སོ།། །།མ་ལ་བའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །