ཁྲོ་གཉེར་ཅན་གྱི་སྒྲུབ་ཐབས།

---

^{[མ་དཔེ་གཟིགས་ན་འདིར་གནོན།]}

རྒྱ་གར་སྐད་དུ། བྷྲྀ་ཀུ་ཊི་སཱ་དྷ་ནཾ། བོད་སྐད་དུ། ཁྲོ་གཉེར་ཅན་གྱི་སྒྲུབ་ཐབས། སྔར་བཤད་པའི་རིམ་པས་ཡི་གེ་བྷྲུཾ་སེར་པོ་ཡོངས་

---

^{[མ་དཔེ་གཟིགས་ན་འདིར་གནོན།]}

སུ་གྱུར་པ་ལས་སྐུ་མདོག་སེར་མོ་སྤྱན་གསུམ་མ། ཞལ་གཅིག་ཕྱག་གཉིས་མ་གཞོན་ནུ་ལང་ཚོལ་བབ་པར་གྱུར་པ། མཆོག་སྦྱིན་པ་དང་ཕྲེང་བ་ནི་གཡས་པའི་ཕྱག་གིས་བསྣམས་པ། དབྱུ་གུ་གསུམ་པ་དང་རིལ་བ་སྤྱི་བླུགས་ནི་གཡོན་པའི་ཕྱག་གིས་བསྣམས་པ། སྣང་བ་མཐའ་ཡས་ཀྱིས་དབུ་བརྒྱན་པ། པདྨ་དང་ཟླ་བའི་གདན་ལ་བཞུགས་པའི་བཅོམ་ལྡན་འདས་མ་བསྒོམས་ལ་ཕྱག་རྒྱ་བཅིང་བར་བྱ་སྟེ། ལག་སོར་མཉམ་དུ་བརྐྱང་ལ་མཐེབ་སོར་གཉིས་ཀྱི་སེན་མོ་གཉིས་ཀ་གདབ་པར་བྱ་བའོ། །དེ་ནས་སྔགས་བཟླ་བར་བྱ་སྟེ། ཨོཾ་བྷྲྀ་ཀུ་ཊི་སྭཱ་ཧཱ། ཁྲོ་གཉེར་ཅན་གྱི་སྒྲུབ་ཐབས་སོ།། །།མ་ལ་པའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་པའོ། །