འཇིག་རྟེན་གསུམ་ལས་རྣམ་པར་རྒྱལ་བའི་སྒྲུབ་ཐབས།
― DTG077_Page_0488 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཏྲཻ་ལོ་ཀྱ་བི་ཛ་ཡ་སཱ་དྷ་ནཾ། བོད་སྐད་དུ། འཇིག་རྟེན་གསུམ་ལས་རྣམས་པར་རྒྱལ་བའི་སྒྲུབ་ཐབས། །དཔལ་ལྡན་རྗེ་བཙུན་འཇིག་རྟེན་གསུམ་ལས་རྣམ་པར་རྒྱལ་བ་ལ་ཕྱག་འཚལ་ལོ། །འདིར་དང་པོ་མ་སྐྱེས་པེ་རྣམས་ལ་སྔོན་དུ་གསུངས་པའི་ཆོགས་ཉིད་མ་ལ་ཧཱུམ་ཡིག་ནག་པོ་ལས་སྐྱེས་པའི་རྗེས་བཙུན་འཇིག་རྟེན་གསུམ་ལས་རྣམ་པར་རྒྱལ་བ་སྐུ་མདོག་མཐིང་ནག་ཞལ་བཞི་བ། ཕྱག་བརྒྱད་པ། །ཞལ་དང་པོ་ཁྲོ་ཞིང་སྒེག་པ། །གཡས་པ་དྲག་པོ། གཡོན་པ་རྣམ་པར་འཇིགས་པ། རྒྱབ་ཞལ་དཔའ་བོའི་ཉམས་ཅན། །ཕྱག་གཉིས་ཀྱིས་རྡོ་རྗེ་དྲིལ་བུ་དང་བཅས་ཤིང༌། ཐུགས་ཀར་ཧཱུཾ་མཛད་ཀྱི་ཕྱག་རྒྱ་བསྣམས་པ། གཡས་ཀྱི་ཕྱག་རྣམས་ཀྱིས་རལ་གྲི་དང༌། ལྕགས་ཀྱུ་དང༌། མདའ་བསྣམས་པ། གཡོན་གྱི་ཕྱག་གསུམ་གྱིས་གཞུ་དང༌། ཞགས་པ་དང༌། རྡོ་རྗེ་བསྣམས་པ། ཞབས་གཡོན་བརྐྱང་བས་དབང་ཕྱུག་ཆེན་པོའི་མགོ་མནན་པ། ཞབས་གཡས་ཀྱིས་གཽ་རཱིའི་ནུ་མ་ཟུང་མནན་པ། སངས་རྒྱས་མེ་ཏོག་ཕྲེང་བ་ལ་སོགས་པ་སྣ་ཚོགས་པའི་རྒྱན་དང༌། ན་བཟའ་བསྣམས་པར་བདག་ཉིད་བསྒོམས་ནས། ཕྱག་རྒྱ་བཅིང་བར་བྱ་སྟེ། དེ་ལ་ཁུ་ཚུར་གཉིས་རྒྱབ་སྦྱར་ནས་མཐེའུ་ཆུང་
― DTG077_Page_0489 ―
[མ་དཔེ་གཟིགས་ན་འདིར་གནོན།]
ལྕགས་སྒྲོག་གི་རྣམ་པར་སྦྱར་བར་བྱའོ། །སྔགས་ནི། ཨོཾ་སུམྦྷ་ནི་སུམྦྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ། ཨཱ་ན་ཡ་ཧོ། བྷ་ག་བཱན་བིདྱཱ་རཱ་ཛ་ཧཱུཾ་ཕཊ། འཇིག་རྟེན་གསུམ་ལས་རྣམ་པར་རྒྱལ་བའི་སྒྲུབ་ཐབས་རྫོགས་སོ། །
| 
