རིག་པ་འཛིན་པའི་སྡེ་སྣོད་སོ་སོ་ནས་བསྡུས་པའི་འཇམ་དཔལ་དབྱངས་ཀྱི་སྒྲུབ་ཐབས།
རྒྱ་གར་སྐད་དུ། བིདྱཱ་དྷཱ་རཱ་པི་ཊ་ཀ་པྲ་ཏི་བ་ན་དྷཾ་མཉྫུ་གྷོ་ཥ་སཱ་དྷ་ནཾ། བོད་སྐད་དུ། རིག་པ་འཛིན་པའི་སྡེ་སྣོད་སོ་སོ་ནས་བསྡུས་པའི་འཇམ་དཔལ་དབྱངས་ཀྱི་སྒྲུབ་ཐབས། འཕགས་པ་འཇམ་དཔལ་ལ་ཕྱག་འཚལ་ལོ། །སྔགས་པས་དང་པོར་བྱ་བ་ནི། །སངས་རྒྱས་ལ་སོགས་མཆོག་རྣམས་མཆོད། །བསོད་ནམས་ཡོངས་སུ་བསྔོ་ལ་སོགས། །དེ་ནས་བྱམས་པ་ལ་སོགས་བསྒོམ། །སྙིང་གར་ཟླ་བའི་དབུས་གནས་པའི། །ཐིག་ལེ་སྔགས་པས་བསྒོམ་པར་བྱ། །ཉིན་མོར་བྱེད་པའི་འོད་འཕྲོ་བའི། །ཐིག་ལེ་ཁ་བ་དང་མཚུངས་འོད། །ཐིག་ལེ་དེ་ལས་འོད་ཟེར་བསམ། །བ་སྤུ་སོ་སོའི་ཁུང་ནས་འཐོན། །འགྲོ་ཀུན་མཐོ་གང་ལ་སོགས་པའི། །རིམ་པས་རྣམ་པར་གསལ་བར་བྱ། །དྷཱིཿ་ཡིག་དཀར་པོའི་གཟུགས་ཉིད་དུ། །ཐིག་ལེའི་ནང་གཏོགས་འོད་ཟེར་བལྟ། །དེ་ཀུན་ཡོངས་སུ་གྱུར་པ་ལས། །ཨ་ར་པ་ཙ་ན་རུ་བལྟ། །སྙིང་གར་ཟླ་བའི་དཀྱིལ་འཁོར་ལ། །དབུས་སུ་ཆུང་པའི་དྷཱིཿཡིག་བལྟ། །འོད་ཟེར་དག་གི་ཚོགས་འདི་ནི། །སྣ་ནས་ཕྱིར་ནི་འབྱུང་བར་བལྟ། །སེམས་ཅན་རྣམས་ནི་འཇམ་དབྱངས་དང༌། །མཚུངས་པར་འབྱུང་འཇུག་རླུང་གི་བལྟ། །ཕྱི་ནས་དྷཱིཿཡི་ཡི་གེ་ལ། །འདིར་ནི་ཡིད་ཀྱིས་བསྡུ་བར་བྱ། །ཨོཾ་ཡིག་དང་པོ་སྭཱ་ཧཱ་མཐའ། །སྔགས་ནི་ས་བོན་ཡི་གེ་བཟླས། །སྙིང་གའི་ཟླ་བ་ལ་གནས་པ། །སྟོན་ཀའི་ཟླ་བ་ལྟ་བུ་འོད། །རིག་པ་འཛིན་པའི་སྡེ་སྣོད་
སོ་སོ་ནས་བསྡུས་པའི་འཇམ་དབྱངས་ཀྱི་སྒྲུབ་ཐབས་རྫོགས་སོ།།