འཆི་བསླུ་བའི་སྒྲོལ་མའི་སྒྲུབ་ཐབས།
རྒྱ་གར་སྐད་དུ། མྲྀ་ཏྱུ་བཉྩ་ན་ཏཱ་རཱ་སཱ་དྷ་ནཾ། བོད་སྐད་དུ། འཆི་བ་སླུ་བའི་སྒྲོལ་མའི་སྒྲུབ་ཐབས། སྒྲོལ་མ་དཀར་མོ་ལ་ཕྱག་འཚལ་ལོ། །སྔོན་མ་བཞིན་དུ་སྟོང་པ་ཉིད་ཀྱི་མཐར་ཐུག་པར་བསྒོམས་ནས། ཆུ་སྐྱེས་དཀར་པོའི་དབུས་གནས་པའི། །ཏཱཾ་ཡིག་ལས་བྱུང་ཟླ་བའི་གདན། །རྡོ་རྗེ་སྐྱིལ་མོ་ཀྲུང་གིས་བཞུགས། །མཆོག་སྦྱིན་དང་ནི་ཨུཏྤལ་བསྣམས། །སྟོན་ཀའི་ཟླ་བ་ལྟ་བུའི་འོད། །ཟླ་བའི་སྟེང་ན་ཡང་དག་བཞུགས། །རྒྱན་རྣམས་ཐམས་ཅད་ཡོངས་སུ་རྫོགས། །བཅུ་དྲུག་ལོ་ཡི་སྐུ་ལྡན་རིམ། །སྙིང་གར་འཕགས་མ་སྒྲོལ་མ་བསྒོམ། །དེ་ཡི་འཁོར་ལོ་ཟླ་འོད་བཞིན། །རེའུ་མིག་བརྒྱད་ལ་ཡི་གེ་བརྒྱད། །མངོན་པར་ཡོངས་སུ་བསྐོར་གྱུར་ཏེ། །ཨོཾ་ཧཱ་གསལ་བྱེད་དབུས་གནས་པ། །བསྒྲུབ་བྱའི་མིང་ནི་ལྟེ་བར་བྱ། །མཁས་པས་པའི་རྩེ་གཅིག་ཡིད་ཀྱི་ནི། །ངེས་པར་བརྟན་པོས་ཟླ་དྲུག་བསྒོམ། །ཡི་གེ་བཅུ་ཡི་སྔགས་འདི་ནི། །མི་སྐྱོའི་ཡིད་ཀྱིས་བཟླས་པར་བྱ། །དེ་ལ་སྔགས་ནི་འདིའོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། །སྒྲོལ་མའི་འཁོར་ལོ་སྐོམ་པ་པོས། །ཟླ་བ་དྲུག་གིས་
ངེས་པར་ནི། །དངོས་གྲུབ་ཐམས་ཅད་ཐོབ་འགྱུར་ཞིང༌། །འཆི་བའི་སྐྱོན་གྱིས་མི་གོས་སོ། །འཆི་བ་སླུ་བའི་སྒྲོལ་མའི་སྒྲུབ་ཐབས་རྫོགས་སོ།། །