འཕགས་མ་སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས།
― DTG077_Page_0435 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཨཱ་ཪྻ་མ་ཧཱ་ས་ཧ་སྲས་པྲ་མརད་ནཱི་སཱ་དྷ་ནཾ། བོད་སྐད་དུ། འཕགས་མ་སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས། འཕགས་མ་སྟོང་ཆེན་མོ་རབ་ཏུ་འཇོམས་མ་ལ་ཕྱག་འཚལ་ལོ། །སྔོན་དུ་གསུངས་པའི་ཆོ་གས་སྣ་ཚོགས་པདྨ་དང་ཟླ་བ་ལ་བྷཱུཾ་ཡིག་ལས་བྱུང་བའི་སྟོང་ཆེན་མོ་རབ་ཏུ་འཇོམས་པར་བདག་ཉིད་བསྒོམ་པར་བྱ་སྟེ། སྐུ་མདོག་དཀར་མོ་ཞལ་གཅིག་པ། ཕྱག་དྲུག་པ། གཡས་ཀྱི་ཕྱག་གསུམ་ན་རལ་གྲི་དང༌། མདའ་དང༌། མཆོག་སྦྱིན་གྱི་ཕྱག་རྒྱ་སྟེ། གཡོན་གྱི་ཕྱག་གསུམ་ན་གཞུ་དང་ཞགས་པ་དང༌། དགྲ་སྟའོ། །རྒྱན་སྣ་ཚོགས་པས་བརྒྱན་པ་ལ་ཚོ་གཞོན་ཞིང་སྒེག་པའི་སྐུ་ཉམས་དང་ལྡན་པ། རྣམ་པར་སྣང་མཛད་ཀྱི་དབུ་རྒྱན་ཅན་པདྨ་དང་ཟླ་བའི་གདན་ལ་བཞུགས་ཤིང་འོད་དང་ལྡན་པའོ། །འཕགས་མ་སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས་རྫོགས་སོ།།