རྡོ་རྗེ་གཱནྡྷཱ་རཱིའི་སྒྲུབ་ཐབས།
― DTG077_Page_0438 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་གནྡྷ་རཱི་སཱ་དྷ་ནཾ། བོད་སྐད་དུ། རྡོ་རྗེ་གནྡྷ་རིའི་སྒྲུབ་ཐབས། འཕགས་མ་རྡོ་རྗེ་གཱནྡྷཱ་རཱི་ལ་ཕྱག་འཚལ་ལོ། །རྡོ་རྗེ་གནྡྷ་རཱི་ནག་མོ་ཞལ་དྲུག་པ། ཕྱག་བཅུ་གཉིས་པ། དབུ་སྐྲ་ཁམ་པ་གྱེན་དུ་བརྫེས་ཤིང་ཞབས་གཡོན་བརྐྱང་པའོ། །ཞལ་མཆེ་བ་གཙིགས་པ། ཞལ་སོ་སོ་ལ་སྤྱན་གསུམ་གསུམ་པ། ཕྱག་གཡས་པ་དྲུག་ན་གོ་རིམས་བཞིན་དུ་རྡོ་རྗེ་དང༌། དྲིལ་བུ་དང༌། རལ་གྲི་དང༌། ཏྲི་ཤཱུལ་དང༌། མདའ་དང་འཁོར་ལོ་རྣམས་བསྣམས་པ། ཕྱག་གཡོན་པ་དྲུག་ན་ཁ་ཊྭཱཾ་ག་དང༌། ལྕགས་ཀྱུ་དང༌། གཞུ་དང༌། དགྲ་སྟ་དང༌། ཞགས་པ་དང༌། སྙིང་གར་སྡིགས་མཛུབ་འཕྱར་བའོ། །ཞལ་དང་པོ་ནི་ནག་པོའོ། །ཞལ་གཞན་རྣམས་ནི་ཁ་དོག་ལྔ་སྟེ། དཀར་པོ་དང༌། སེར་པོ་དང༌། དམར་པོ་དང༌། ལྗང་གུ་དང༌། སྔོན་པོའོ། །སྣ་ཚོགས་པདྨ་དང་ཉི་མའི་གདན་ལ་བཞུགས་པའོ། །བཟླ་བའི་སྔགས་ནི། ཨོཾ་ཧཱུཾ་ཧཱུཾ་ཧཱུཾ་སྭཱ་ཧཱ། ཞེས་སོ། །རྡོ་རྗེ་གནྡྷ་རཱིའི་སྒྲུབ་ཐབས་རྫོགས་སོ།།