ཛཾ་བྷ་ལའི་སྒྲུབ་ཐབས།
― DTG077_Page_0477 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཛཾ་བྷ་ལ་སཱ་དྷ་ནཾ། བོད་སྐད་དུ། ཛཾ་བྷ་ལའི་སྒྲུབ་ཐབས། ཛཾ་བྷ་ལ་ལ་ཕྱག་འཚལ་ལོ། །སྟོང་པ་ཉིད་བསྒོམས་པའི་རྗེས་ལ། ཉི་མ་ལ་ཛཾ་ཡིག་ལས་སྐྱེས་པའི་ཛཾ་བྷ་ལ་སེར་པོ་ཞལ་གསུམ་པ་ཕྱག་དྲུག་པ་མི་བསྐྱོད་པས་རལ་པའི་ཅོད་པན་ཅན། ཕྱག་གཡས་པ་གསུམ་ན་མ་ཏུ་ལུང་ག་དག་དང་ལྕགས་ཀྱུ་དང་མདའ་བསྣམས་པ། གཡོན་གྱི་ཕྱག་དང་པོས་རྩིབས་ལོགས་གཡོན་དུ་གནས་པའི་ཤེས་རབ་མ་ལ་འཁྱུད་པ། གཞན་དག་གིས་ཞགས་པ་དང་བཅས་པའི་སྲེ་མོང་དང༌། གཞུ་བཀང་བའི་བདག་ཉིད་དུ་བསྐྱེད་ནས། མདུན་དུ་དེའི་སྐུ་བསམས་ཤིང་ལྷག་པར་གནས་ནས་དེའི་སྤྱི་བོར་རྡོ་རྗེ་འཛིན་པ་ཆེན་པོ་བསྒོམས་ལ། དེ་ལ་རབ་ཏུ་བཅུག་ཅིང་དབང་བསྐུར་ནས། རྡོ་རྗེའི་ཆུ་ཁྱོར་བ་བརྒྱ་རྩ་བརྒྱད་རྩ་བརྒྱད་བླུད་པར་བྱའོ། །ཨོཾ་ཛཾ་བྷ་ལ་ཛ་ལེནྡྲ་ཡེ་སྭཱ་ཧཱ། ཞེས་པ་ནི་སྔགས་སོ། །བར་གྱི་མན་ངག་ཛཾ་བྷ་ལའི་སྒྲུབ་ཐབས་རྫོགས་སོ།།