སྟོབས་པོ་ཆེའི་སྒྲུབ་ཐབས།
རྒྱ་གར་སྐད་དུ། །མ་ཧཱ་བ་ལ་སཱ་དྷ་ནཾ། བོད་སྐད་དུ། །སྟོབས་པོ་ཆེའི་སྒྲུབ་ཐབས། །བཅོམ་ལྡན་འདས་སྟོབས་པོ་ཆེ་ལ་ཕྱག་འཚལ་ལོ། །སྔོན་དུ་བསྟན་པའི་ཆོགས་སྟོང་པ་ཉིད་དུ་བསྒོམས་པའི་རྗེས་སུ་པདྨ་དཀར་པོ་དང༌། ཉི་མ་ལ་ཧཱུཾ་ལས་བསྐྱེད་པའི་སྟོབས་པོ་ཆེ་ཞལ་གཅིག་ཕྱག་བཞི་པ། ཡན་ལག་ཐམས་ཅད་དམར་པོ། སྐྲ་ཁམ་པ་གྱེན་དུ་བགྲེང་བ། སྦྲུལ་གྱིས་བཅིངས་པ། ཕྱག་གཡས་ཀྱི་དང་པོ་ན་དབྱུག་པ་དཀར་པོ་བསྣམས་པ། གཡས་ཀྱི་གཉིས་པ་ན་རྔ་ཡབ་དཀར་པོ་བསྣམས་པ། ཕྱག་གཡོན་གྱི་དང་པོ་ན་ཕྱག་འཚལ་བའི་ཚུལ་དུ་བྱེད་པའི་ཕྱག་གོ །གཡོན་གྱི་ཕྱག་གཉིས་པ་ན་སྡིགས་མཛུབ་དང་བཅས་པའི་ཞགས་པའོ། །སྟག་གི་པགས་པའི་ཤམ་ཐབས་ཅན། སྤྲུལ་གྱི་རྒྱན་སྣ་ཚོགས་ཀྱིས་བརྒྱན་ཅིང་མཛེས་པ། གཡོན་བརྐྱང་བའི་ཞབས་ཅན། ཞལ་མཆེ་བ་གཅིག་པ་གཉིས་མའི་དཀྱིལ་འཁོར་འོད་ཀྱི་ཕྲེང་བ་དང་ལྡན་པ། དམ་ཚིག་སེམས་དཔར་བདག་ཉིད་རྫོགས་པར་བྱས་ལ། ཡེ་ཤེས་སེམས་དཔའ་དང་གཅིག་ཏུ་བྱས་ལ། འོད་དཔག་མེད་པས་དབུ་བརྒྱན་པར་བསམ་པར་བྱའོ། །དེ་ནས་སྔགས་བཟླས་པར་བྱའོ། །འདི་ལྟ་སྟེ། ཨོཾ་མ་ཧཱ་བ་ལ་སྭཱ་ཧཱ་ཞེས་བྱའོ། །སྟོབས་པོ་ཆེའི་
སྒྲུབ་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང༌། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་སོ། །