རིགས་པའི་སྦྱོར་བ་ཞེས་བྱ་བ།
རིན་ཆེན་རྡོ་རྗེ།
― DTG190_Page_0737 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཡུཀྟི་པྲ་ཡོ་ག་ནཱ་མ། བོད་སྐད་དུ། རིགས་པའི་སྦྱོར་བ་ཞེས་བྱ་བ། མགོན་པོ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་ཕྱག་འཚལ་ལོ། །རིག་བྱ་ཕྱིར་འགྲོ་ཀུན་རྣམ་མི་རྟོག །དེས་ན་དངོས་པོའི་ཚུལ་དངོས་པོ། དག་ཀྱང་ཡིན་ཏེ། །གསུམ་ཉིད་ཇི་ལྟར་གཉིས་མེད་ཡིན། །གལ་ཏེ་ཕྱི་རོལ་གྱུར་ན་བདེ་ན། །ཕྱི་རོལ་མ་ཡིན་རང་ཉིད་ནི། །གང་ཕྱིར་རིག་བྱ་མ་ཡིན་ཏེ། །ཉམས་མྱོང་ཁོན་རིག་པ་ཡིན། །གང་རྟོག་དེ་ནི་ཕྱི་རོལ་དོན། །དེ་མེད་ཕྱིར་ན་འདི་ཡོད་མིན། །རང་གི་བདག་ཉིད་ཡང་དག་རིག །དེ་ཕྱིར་འགྲོ་ཀུན་རྣམ་མི་རྟོག །དེས་ན་དངོས་པོའི་ཚུལ་དངོས་པོ། །རང་གཞན་ཁོ་ན་འོད་གསལ་བ། །གང་ཕྱིར་དངོས་པོའི་རིག་བྱ་ཡིན། །རང་ལས་གཞན་པ་རིགས་པ་མེད། །བདག་ནི་རྣམ་པར་རྟོག་པ་མིན། །གང་ཕྱིར་སྒྲ་དོན་རྣམ་རྟོག་སྟེ། །རང་གི་ངོ་བོའང་སྒྲ་དོན་མིན། །མུ་ལུས་རྣམ་པར་མི་རྟོག་བཞེད། །གང་ཚེ་ཕྱི་རོལ་རྟོག་པ་ནི། །བདེན་མིན་དངོས་པོ་མེད་པ། །དེ་ཚེ་མ་རིག་དོན་མེད་ཕྱིར། །མ་རིག་ཤིན་ཏུ་ཆོམ་རྐུན་ཡིན། །བདག་དང་བདག་གི་འདི་འདི་ཞེས། །འཛིན་པ་མ་རུང་ས་བོན་ཡིན། །རྣམ་པར་རྟོག་པ་འདི་ཀུན་ཉིད། །གང་ཚེ་སྙིང་པོ་མེད་པར་རྟོགས། །མ་རིག་ནུབ་གྱུར་དེའི་ཚེ། །དག་དང་ཡེ་ཤེས་གྲོལ་བ་ཡིན། །དེ་ནི་ཡིད་བཞིན་ནོར་བུར་འགྱུར། །རིགས་པའི་སྦྱོར་བ་འཇུག་པ་ཉིད། །ཁ་ཆེ་ཡུལ་གྱི་མཁས་པོ་ཆེན་པོ་དངོས་གྲུབ་བརྙེས་པ་བྲམ་ཟེའི་སློབ་དཔོན་ཆེན་པོ་རིན་ཆེན་རྡོ་རྗེའི་ཞལ་སྔ་ནས་ཀྱིས་མཛད་པ་རིགས་པའི་སྦྱོར་བ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་དཔལ་རབ་འབྱོར་ཞི་བའི་ཞལ་སྔ་ནས་དང༌། ཞུ་ཆེན་གྱི་ལོ་ཙཱ་བ་དགེ་སློང་ཏིང་ངེ་འཛིན་བཟང་པོས་བསྒྱུར་ཅིང་གཏན་ལ་ཕབ་པའོ།། །།
| 