སྡེབ་སྦྱོར་རིན་ཆེན་འབྱུང་གནས་ཞེས་བྱ་བ།
རིན་ཆེན་འབྱུང་གནས་ཞི་བ།
སྡེབ་སྦྱོར་རིན་ཆེན་འབྱུང་གནས་སྟག་ཚང་ལོ་ཚ་བས་བསྒྱུར་བ་བཞུགས་སོ།། །།རྒྱ་གར་སྐད་དུ། ཙྪནྡ་རཏྣ་ཨ་ཀ་ར་ནཱ་མ། བོད་སྐད་དུ། སྡེབ་སྦྱོར་རིན་ཆེན་འབྱུང་གནས་ཞེས་བྱ་བ། འཕགས་པ་ངག་གི་དབང་ཕྱུག་ལ་ཕྱག་འཚལ་ལོ། །ནང་གི་མཚན་མོ་བཤེས་བྲལ་གྱི། །ནང་གི་ཐུབ་པ་ཉི་མ་ནི། །སྣང་བ་མཆོག་གི་བདག་ཉིད་ཅན། །རྒྱལ་བ་ཉི་མ་ལ་ཕྱག་འཚལ། །མདོར་བསྡུས་ཚིགས་བཅད་གསལ་བ་དང༌། མདོ་ཡིས་དཔེར་བརྗོད་བགྱིས་པ་དང༌། །མ་འདྲེས་རིམ་ལྡན་འདོན་སླད་དང༌། །ཚོགས་མཐར་སྡོད་རྣམས་ཡོན་ཏན་ཡིན། །ཚིགས་བཅད་རྐང་བཞི་དེ་ལ་ཡང༌། །བྲྀཏྟ་ཛཱ་ཏི་ཞེས་རྣམ་གཉིས། །ཡི་གེ་བགྲང་བ་བྲྀཏྟ་སྟེ། །ཕྱི་མོ་བགྲང་བ་ཛཱ་ཏི་ཡིན། །གསལ་བྱེད་རྣམས་ནི་སུམ་ཅུ་བདུན། །འདིར་ནི་དབྱངས་ཡིག་ཉི་ཤུ་གཉིས། །འདི་རྣམས་ཡི་གེ་ལྔ་བཅུ་དགུ། །དབྱངས་ཀྱི་ཡི་གེ་བགྲང་བར་བྱ། །ཡང་བ་ལ་ཡིན་དྲང་པོ་དབྱངས། །ཐུང་ངུའོ་ལེགས་བྱས་ནུས་བཤད་ལ། །ལྕི་བ་ག་ཡིན་འཁྱོག་པོ་ནི། །རྐང་པའི་མཐའ་རྣམས་ཕལ་ཆེར་ཏེ། །དབྱངས་དང་བྲལ་བའི་གསལ་བྱེད་ལས། །སྔ་མའང་ཤི་ན་ནུས་ནས་ཅི། །རིང་པོ་དང་ནི་པླུ་ཏ་འང༌། །
གར་བསྒྱུར་བུད་མེད་ལྷ་ཡི་ལུས། །དབང་པོ་མེ་ནུས་རྩེ་མོ་ཐོབ། །གསུམ་གྱི་ཐོག་མ་ལྕི་བ་བྷ། །དབུས་ལྕི་ཛ་ཡིན་མཐའ་ལྕི་ས། །ཐམས་ཅད་ལྕི་བ་མ་ཞེས་བྱ། །ཐོག་མ་ཡང་བ་ཡ་ཡིན་ཏེ། །དབུས་ཡང་ར་དང་མཐའ་སྔ་ཏ། །ཐམས་ཅད་ཡང་བ་ན་ཏེ་བརྒྱད། །ཐོག་མ་བར་མཐའ་ཀུན་ལྕི་བ། །བྷ་དང་ཛ་དང་ས་དང་མ། །ཐོག་མ་བར་མཐའ་ཀུན་ཡང་བ། །ཡ་དང་ར་དང་ཏ་དང་ནི། །བསྡུ་བའི་ཚིགས་བཅད་དོ། །དྲུག་པ་ནས་བརྩམས་རེ་རེ་འཕེལ། །རྐང་པས་སྡེབ་སྦྱོར་རྣམས་རྟོགས་བྱེད། །དབྱངས་སྒྲོག་རབ་དགའ་རྗེས་བསྔགས་དང༌། །བྲྀ་ཧ་ཏཱི་དང་འཕྲེང་ལྡན་དང༌། །དེ་བཞིན་གསུམ་བསྔགས་ཞེས་བྱའོ། །སྐྱེ་འགྲོ་ནུས་ལྡན་ལེགས་སྤྱོད་དང༌། །བསྟན་འཛིན་རྣམས་ལ་སོ་སོར་ནི། །རེ་རེའང་ཕྱི་མར་ཤིན་ཏུའོ། །བྱེད་ལྡན་དག་པའོ་རབ་དང་ཀུན། །རྣམ་དང་ལེགས་དང་ཤིན་ཏུ་དང༌། །ལྷག་པ་རྣམས་ལས་ཕྱི་མོ་ཡང༌། །དེ་ལྟར་དྲུག་བརྒྱད་རྟ་རྣམས་སོ། །མཉམ་དང་ཕྱེད་མཉམ་མི་མཉམ་ཞེས་བྱ་བ། བྲྀཏྟ་རྣམ་པ་གསུམ་དུ་རབ་བཤད་བྱ། །དེ་ནི་དབུས་ཕྲ་སོགས་དང་ཉེ་བཀྲ་སོགས། །ཁ་སྒོ་ལ་སོགས་རྣམས་དང་གོ་རིམས་བཞིན། །འདོད་པ་རྣམས་ཀྱི་གནས་པ་སྡོད། །འགྲམ་པའི་རྡུལ་སེལ་མིག་མཛེས་མ། །རྣ་བའི་ཨུཏྤལ་ཉམས་བྱེད་དང༌། །ཡོན་ཏན་ཟུང་བྱས་གཙུག་ན་བཟླས། །ཞབས་སེན་ཟེར་ལ་རབ་ཏུ་འདུད། །ཚོགས་ཆེན་སྟུག་པོར་གྱུར་པ་ལ། །གང་གི་རྒྱལ་མཚན་ཏོག་དག་གི །གྲགས་པ་འཕྲོ་བ་འདི་ཉིད་ནི། །ས་སྐྱོང་ཉིད་དུ་རྣམ་པར་བཤད། །རྐང་པ་རྣམས་ཀྱི་མཐའ་ལའོ། །བྷ་སོགས་ཨུཏ་ལ་དེ་ལྡན་ནོ། །རྐང་པ་སོ་སོ་རྣམས་ལ་ནི། །ལྕི་བ་བ་ཡིན་ཡང་བ་ཀ །གལ་ཏེ་ཏ་ཡ་དབུས་ཕྲ་བའོ། །གཞོན་ནུ་རོལ་པ་ཛ་ས་ག་༡་།ལྕི་ཡང་བཞི་པ་དེ་འདྲ་མཚུངས། ༢་།ལ་ག་བཞི་པ་དེ་གཞལ་དཔག་༣་།གལ་ཏེ། བྷ་ག་གཉིས་རྐང་བཀྲ། ༤་།གལ་ཏེ་མ་གཟུང་ཀློག་འཕྲེང༌། ༥་།བྷ་ལས་ཏ་དང་ལ་དང་ནི། །ག་རྣམས་ཡོད་པ་བྲམ་ཟེའི་བུ། ༡་།གལ་ཏེ་ར་ལས་ན་དང་ནི། །ས་དག་ཡོད་པ་གཤོལ་གདོང་ངོ༌། ༢་།ན་གཉིས་དང་ནི་མ་ཡོད་པ། །
ལག་འགྲོ་ཁྱེའུའི་བུ་ཡིན་ནོ། ༡། མ་དང་ས་དང་ཛ་དང་ག །༡༠་དག་པའི་སྣང་བར་ཤེས་པར་བྱ། ༢་།མ་དང་ན་དང་ཡ་རྣམས་ལས། །ལྕི་བ་ངེས་པར་འཁར་རྡར་བཤད། ༢་།ར་དང་ཛ་དང་ར་རྣམས་ནི། །ག་རྣམས་རྨ་བྱའི་འགྲོས་ཡིན་ནོ། །༤། གང་ལ་བྷ་དང་མ་དང་ས། །གང་ཡོད་དེ་ནི་གསེར་ལྡན་ནོ། ༥་།མ་དང་བྷ་དང་ས་དང་གས། །བསྐྱེད་མ་མྱོས་མར་ཤེས་པར་བྱ། ༡།ཏ་ལས་ཛ་གཉིས་ག་དང་ག །ཞེས་པ་འདི་ནི་ཉེ་ར་འཁོད་འགྱུར། ༢།གལ་ཏེ་ཏ་གཉིས་ཛ་དང་ནི། །ལྕི་གཉིས་དབང་པོའི་རྡོ་རྗེའོ། ༢།ཛ་དང་ཏ་དང་ཛ་དང་ནི། །ལྕི་གཉིས་ཉེ་དབང་རྡོ་རྗེའོ། །དེ་མ་ཐག་ཏུ་བརྗོད་ཟིན་མཚན་ཉིད་དག །སྣ་ཚོགས་རྟོག་པས་རྐང་པ་རྣམས་སུ་འགྱུར། །དེ་གཉིས་མཉན་འོས་ངལ་བསོའི་སྤྲོས་ལྡན་གང༌། །དེ་རྣམས་དྲན་པའི་དབང་པོས་ཉེར་བསྐྱེད་བཤད། ༥་།བྷ་གསུམ་ལས་ནི་ག་གཉིས་པ། །དེ་ནི་འདོད་པ་འཇོ་བའོ། ༦།མ་དང་བ་དང་ར་གཉིས་པ། །རིག་བྱེད་འཇིག་རྟེན་ཤཱ་ལི་ནཱི། ༧། གལ་ཏེ་མ་དང་བ་དང་ས། །ར་དང་བ་ནི་ཆུ་རླབས་འཕྲེང༌། ༨་།མ་དང་བ་དང་ན་དག་དང༌། །བ་ནི་བུང་བ་རོལ་པའོ། ༩་།ར་ལས་ཕ་རོལ་ན་དང་ནི། །ར་ལ་ག་རྣམས་ཤིང་རྟ་དྲེགས། ༡༠།ར་དང་ན་དང་བྷ་དང་ག །རྣམས་དང་ལྕི་བར་ལེགས་འོངས་སོ། ༡༡་།ན་དང་ན་དང་ས་དང་ག །ག་ཞེས་བྱ་བ་ཟླུམ་པོར་འགྱུར། ༡༢་།ན་དང་ན་དང་ར་དང་ལ། །ག་ཞེས་བྱ་བ་བཟང་ལྡན་ཉིད། ༡༣་།ར་དང་ཛ་དང་ར་དང་ནི། །ལ་དང་ལྕི་བ་དཀར་མོར་༡༡་བརྗོད། ༡༤་།ཛ་དང་ས་དང་ཏ་དང་ནི། །ག་ག་རྣམས་ནི་ཉེར་གནས་འགྱུར། ༡།ར་དང་ན་དང་བྷ་དང་སས། །རྒྱུ་ཞིང་འཁོར་བ་ཟླ་བའི་ལམ། ༢།ཛ་དང་ཏ་དང་ཛ་དང་ར། །འདི་ནི་རིགས་གནས་ཉིད་དུ་འདོད། ༡༢་།གང་ལ་ཏ་གཉིས་ཛ་དང་ར། །ངེས་པར་དབང་པོའི་རྒྱུད་དུ་འགྱུར། ༤་།ན་གཉིས་ག་དང་བ་ར་བ། །ནོར་དང་རིག་བྱེད་འདིར་སྦྱོར་བའོ། ༥།ཛ་སུ་ཛ་སུ་དུས་ཟུང་བ། །ཆུ་འཐོར་འགྲོ་བ་ཉིད་ཡིན་ནོ། ༦་།ས་ཡིག་ཆུ་གཏེར་བྱས་པ་ནི། །དེ་ནས་འགྲོ་བར་བྱེད་པའོ། ༧་།ན་དང་བྷ་དང་བྷ་དང་ནི། །ར་རྣམས་དལ་༡༢་མྱུར་ཡིན་པར་
སྨྲ། ༨་།ཡ་ཡིག་བཞི་པ་རྣམས་ཀྱིས་ནི། །ལག་འགྲོ་ལྟུང་བ་ཉིད་ཡིན་ནོ། ༩་།ར་ཡིག་བཞི་པ་དེ་ཉིད་ནི། །མེ་ཏོག་ཕྲེང་ཅན་ཅེས་གྲགས་སོ། ༡༠་།ས་དང་ཛ་དང་ས་དང་ས། །རྣམས་ཀྱིས་ཡི་གེ་ཉུང་ངུར་གྲགས། ༡༡་།མ་དང་ག་བ་ར་དག་པ། །མདའ་རྟས་སྣ་ཚོགས་ལྷ་མོའོ། ༡༢།མ་བ་ན་ཡ་ག་བ་སྟེ། །ཡན་ལག་མཚོ་ཡི་ཆུ་འཛིན་ཕྲེང༌། ༡༡༢།ན་ན་ར་ར་འདུས་པ་ནི། །དལ་གྱིས་འབབ་པ་ཉིད་ཡིན་ནོ། ༡༤་།ན་དང་ཛ་དང་ཛ་དང་ར། །ཡ་མུ་ན་རུ་ཐུབ་པ་སྨྲ། ༡༥་།གལ་ཏེ་འདིར་ནི་ན་དང་ཛ། །བྷ་ཡ་འཕྲེང་བ་གསར་བའོ། ༡་།མུ་དང་ན་དང་ཛ་ར་བ། །གསུམ་དང་ཕྱོགས་ཀྱི་རབ་༡༣་དགའ་ཅན། ༢་།ཛ་བ་ན་ཛ་ར་ཞེས་བྱ། །བཞི་དང་གཟའ་ཡིས་དགའ་མཛེས་ཡིན། ༣་།མ་བ་བྷ་ཏ་ཡ་རྣམས་ཏེ། །དེ་ཉིད་ངལ་བསོ་རྨ་བྱ་མྱོས། ༤་།ས་དང་ཛ་དང་ས་དང་ས། །ག་ནི་སྙན་པའི་དང་པར་བཤད། ༥་།གལ་ཏེ་ས་དང་ཛ་དང་ས། །ཛ་དང་ག་རྣམས་འཇམ་པའི་ངག་༢།མ་ག་བ་དང་ན་གཉིས་མ། །ལྔ་དང་དགུ་ཡིས་གནོད་མེད་ཡིན། ༢་།ན་ན་བ་དང་ཛ་ཛ་བ། །དབྱངས་རྣམས་གཞན་གྱིས་མི་ཐུབ་པོ། ༡༢་།ན་ན་བ་དང་ན་ན་བ། །དེ་རྣམས་མཚོན་ཆ་ཁ་འབུས་ཡིན། ༩་།ཏ་བྷ་ཛ་ཛ་ག་ག་དག ། དཔྱིད་ཀྱི་ཐིག་ལེར་ཤེས་པར་བྱ། ༥།ས་ལ་ཝ་ན་གཞན་ར་དག །ལྔ་དང་གཟའ་ཡིས་ནོར་འཛིན་ཡིན། ༡་།ཡང་བ་མ་ནུའི་མཐར་ལྕི་བ། །འདིར་ནི་རི་བོང་ཅན་གྱི་ཆ། ༢།འདི་ཉིད་རོ་དང་དགུས་ངལ་བསོར། །གྱུར་པ་གཞན་ནི་འཕྲེང་བའོ། ༣།དེ་བཞིན་ནོར་དང་ཐུབ་པ་ཡིས།། ངལ་བསོ་ཡོན་ཏན་ནོར་བུའི་ཚོགས། ༤་།ན་ན་ག་པ་ར་ར་བས། །བརྒྱད་དང་འཇིག་རྟེན་གྱིས་འཕྲེང་ལྡན། ༥་།ན་ཛ་བྷ་ཛ་ར་རྣམས་ནི། །རྣམ་པར་སྤེལ་འདི་རྒྱ་མཚོ་ཅན། ༡་།བྷ་ར་ཀ་ན་ན་ས་ལས། །ཐུབ་བུག་ཁྱུ་མཆོག་གླང་ཆེན་རྩེན། ༢་།གལ་ཏེ་ན་ཛ་བྷ་ཛ་ར། །ལྕི་དེ་དེ་ཚོ་ལེ་བརྒན་རྩི། ༡་།ཡ་མུ་ན་ས་བྷཱ་ལ་བ། །རོ་དྲག་ངལ་གསོ་གཙུག་ཕུད་ཅན། ༢་།ཛ་ས་ལ་བ་ན་ར་ར། །ནོར་དང་བཟང་སྣོད་ཡང་ལྡན་ནོ། ༣་།བྷ་ར་ན་བ་ནན་ག །ཕྱོགས་ཐུབ་འོད་མའི་འདབ་ལྷུང་བ། ༤་།ན་སུ་མ་བ་ཛ་ཛ་བ། །ར་ཆུ་དབྱངས་ལ་རི་དྭགས་མོ། །
༄༅། ༥་།མ་བ་ན་སུ་ར་ར་བ། །ཚོང་དུས་འཛིན་དེ་དལ་༡༧་གྱིས་གནོན། ༦་།གལ་ཏེ་ན་ཛ་བྷ་ཛ་ཛ། །ཡང་ལྕི་དེ་ཚེ་བུམ་པ་ཅན། ༢་།ན་ཛ་བ་ན་བྷུ་བྷ་བ། །ཐུབ་རོ་ཆུ་གཏེར་ཁུ་བྱུག་གོ །༡་།མ་ལྕི་བ་ན་སུ་ར་གཉིས། །བ་རྣམས་དབང་དུས་འཇིག་རྟེན་གྱིས། མེ་ཏོག་གཡོ་བའི་ཁྲི་ཤིང་ཡིན། ༢།འདིར་ནི་ན་དང་ན་དང་ར། །བཞི་སྒྲིགས་ལྕགས་ཀྱི་མདའ་རུ་བཤད། ༡་།ཡ་མུ་ན་དང་སུ་ར་དག །བ་རྣམས་དྲུག་དུས་མགྱོགས་འགྲོ་ཡིས། །སྤྲིན་རྣམས་སྒྲོག་ཅེས་བྱ་བར་འགྱུར། ༢་།གལ་ཏེ་མ་དང་ས་ཛ་སུ། །ཏ་ཏ་བ་རྣམས་ཉི་མ་དང། །རྟ་རྣམས་ཀྱིས་ནི་སྟག་རྣམ་རྩེན། ༡་།གལ་ཏེ་མ་ར་བ་ན་དང༌། །ན་བ་ཏ་སུ་རྣམས་ལ་ནི། །བདུན་ཏ་རོས་ཕྱི་ཞ་མཛེས་ཡིན། ༢་།ར་ཛ་ར་ཛ་ར་ཛ་དང༌། །ལྕི་དང་ཡང་བ་འདི་ལྟ་བུ། །ཟླུམ་པོ་ཞེས་ནི་བྱ་བར་འདོད། ༡་།མ་ར་བ་དང་ན་ན་བ། །ར་ར་བ་རྣམས་བདུན་གསུམ་གྱི། །སྡོད་པ་ཕྲེང་འཛིན་ཞེས་བྱར་འགྱུར། ༡་།གང་ལ་བྷ་ར་ན་བ་ཛ། །ས་ཛ་ས་ཕྱོགས་ཉི་མར་ནི། །ངལ་གསོ་འདི་ནི་ཟབ་མོའི་དབྱངས། ༡་།ན་ཛ་བྷ་ལ་བ་ཛ་དང༌། །ས་དང་ཛ་སུའང་འཕྲོག་བྱེད་དང༌། །ཉི་མར་ཐ་དད་རྟ་རོལ་པ། ༢་།འགལ་ཏེ་མ་མ་ག་བ་ན། །ལ་ཀ་ན་ན་ན་བ་རྣམས། །ནོར་དབང་ཕྱོགས་ཀྱིས་མྱོས་མ་རྩེན། །བྷ་ལྕི་བ་བ་ན་ན་བ། །བྷ་ཟུང་ན་ཡུ་རྣམས་ལ་མདའ། །དབྱངས་གཉིས་ངལ་གསོ་ལུས་ཕྲར་འགྱུར། ༡་།བྷ་ག་བ་དང་བྷ་ག་བ། །ན་ཟུང་ལ་ཀ་ན་ན་བ། །མདའ་མདའ་ནོར་དང་ཐུབ་པར་ནི། །སྡོང་པ་ཁྲུང་ཁྲུང་རྐང་ཡིན་ནོ། ༡་།མ་ཟུང་གབ་ན་ཟུང་དང༌། །ལ་ཀ་སུ་དང་ཛ་ཟུང་དང༌། །བ་རྣམས་ནོར་ལྷ་མྱོས་སྲེད་དང༌། །ཐུབ་པས་ལག་འགྲོ་རྣམ་བསྒྱིངས་སོ། །མ་ན་ནུ་དང་ན་ནུ་གཉིས། །ས་ག་བ་ཞེས་བྱ་རྣམས་ལ། །དགུ་དང་རོ་རོ་བྱེད་པར་ནི། །ངལ་བ་སོ་བཟློག་ཕྱོགས་འབབ་པར་འགྱུར། ༡་།འདི་རུ་རྒྱུན་ཆགས་དང་པོ་ནི། །ན་གཉིས་དེ་ནས་ར་བདུན་གྱི། །གཏུམ་པའི་ཆར་འབེབས་སུ་འགྱུར་རོ། །རྐང་པ་སོ་སོར་ར་འཕེལ་རྣམས། །འདིར་ནི་ཆུ་རྒྱུན་རྒྱ་མཾ་ཚོ་སྤྲུལཾ། །ཆར་སྤྲིན་རོལ་པའི་འབྱུང་གནས་དང༌། །ཤིན་ཏུ་
ཀླུ་བུས་དང་དུང་སོགས་སོ། །འདིར་ནི་ར་ཡིས་ཇི་ལྟ་བར། །ཡ་ཡིས་རྒྱུན་ཆགས་རབ་བསགས་ཏེ། །ན་ཟུང་དག་ལས་ཡ་རྣམས་ཀྱིས། །གཏུམ་པའི་ཆར་འབེབས་སོགས་ཇི་བཞིན། །མཉམ་པའི་བྲིཏྟ་རྣམས་སོ། ༡་།ཟུང་མིན་ས་གསུམ་ལག་དང༌། །གལ་ཏེ་ཟུང་ལ་བྷ་གསུམ་ལས། །གཟུང་ཅན་ནི་ཉེ་བཀྲར་སྨྲ། ༢་།བྷ་གསུམ་ཅན་ལས་ག་དག་སྟེ། །སླར་ནི་ན་ཛ་ཛ་ཡ་རྣམས། །གལ་ཏེ་ལྡན་གྱུར་མྱུར་བའི་དབུས། ༣་།ས་གསུམ་ཅན་ལ་ལྕི་བ་དང༌། །བྷ་གསུམ་ཅན་ལ་ག་དག་ནི། །གལ་ཏེ་ལྡན་ན་ཤུགས་ལྡན་མ། ༤་།ཟུང་མིན་ཏ་ཛར་ལྕིབ་བ། །ཟུང་ལས་མ་ས་ཛ་ལྕི་བ། །གང་ལ་ལྡན་དེ་བཟང་པོའི་སྣོད། ༥་།མི་མཉམ་པ་ཛ་ས་ལྕི་བ། །མཉམ་ལ་བྷ་ར་ན་ལྕི་བ། །གལ་ཏེ་ཌ་ན་ཏོག་ལྡན་མ། ༦་།ཟུང་མིན་ཏེ་ཟུང་ཛ་ལྕི་བ། །ཟུང་ལ་ཛ་ཏ་ཛ་ག་ལྕི། །གལ་ཏེ་ལྡན་ན་ཀུན་བསྒྲགས་སོ། ༧་།འདིར་ཡང་ཛ་ཏ་ཛ་ག་ག །ཏ་ཟུང་ཛ་ག་ལྕི་དེ་ནི། །བཟློག་པའི་ཀུན་བསྒྲགས་སྔ་མ་ཅན། ༨་།ས་གསུམ་ཅན་ལས་ལ་དང་ག །ན་བྷ་བྷ་ར་རྣམས་ཀྱང་ནི། །གལ་ཏེ་དེ་ཚེ་རི་དགས་འཕྱོང༌། ༧་།གལ་ཏེ་ན་ན་ར་ལ་ག །གལ་ཏེ་ན་ཛ་ཛ་ར་ནི། །དེ་ཡི་ཚེ་ན་གཞན་སྒོར་འདོད། ༡༠་།ཟུང་མིན་ན་ཟུང་ར་ཡ་དང༌། །ཟུང་ལ་ན་ཛ་ཛ་ར་ག །མེ་ཏོག་རྒྱས་པའི་རྩེ་མོར་བརྗོད། ༡༩་།ར་ཛ་ར་ཛ་དེ་བཞིན་དུ། །ཛ་ར་ཛ་ར་ག་རྣམས་ལས། །ཡ་བའི་སྒྲ་ལས་མ་ཏཱུས་ཡིན། །བུད་མེད་མཚུངས་བརྗོད་ནས་ལྡན་མ། ༡༢་།མི་མཉམ་བཅུ་དང་བཅུ་ནོར་ཡང༌། །ཅིག་ཤོས་བཅུ་དང་བཅུ་བཅུ་ཡང༌། །ཐ་མ་གཉིས་ཀ་ལྕིར་བྱས་པ། །རོལ་རྐང་རྣམ་སྤྲོ་གཙུག་ཕུད་ཅན། ༡༣།མཉམ་དང་མི་མཉམ་རྐང་པ་ཡིས། །ཡོངས་བརྗོད་ངེས་གནས་ངེས་བྲལ་བྱས། །འདབ་མར་བཀོད་བའི་ངེས་འདི་ནི། །རྐང་འཁྱོག་འགྲོས་ལྡན་འཐེང་པོ་དང༌། །མཚུངས་འདྲར་གྱུར་པ་འཐེང་པོར་བཾརྗོད། །ཕྱེད་མཉམ་པའི་བྲྀཏྟ་རྣམས་སོ། ༡་།རྐང་པ་ཡིག་བརྒྱད་དང་པོ་ལས། །ས་དང་ན་མིན་མཚོ་ལས་ནི། །ཡ་རུ་གྱུར་པ་ཁ་སྒོའོ། ༢་།རྐང་པ་ཟུང་དག་ཛ་ཡིག་གིས། །ཁ་སྒོ་ཕན་པ་ཞེས་པར་གྲགས། ༣།ཛ་ཡིས་ཟུང་མིན་བརྗོད་འདི་ནི། །ཟློག་པ་དང་པོ་ཅན་གྱི་དེའོ། ༤་།ན་ཡིག་སྦྱོར་ལས་ཁ་སྒོ་དེ། །གྱ་གྱུ་ཅན་དུ་ཤེས་པར་བྱ། །ཟུང་ལ་བདུན་པ་ཡང་གྱུར་བ། །དེ་ནི་ཐུབ་པས་ཡངས་མར་འདོད། ༦།ཐམས་ཅད་
ནས་དེ་དེ་ཉིད་དེའི། །མཚོ་ལས་བྷ་ཡིས་དེའི་ཡངས་མ། ༢་།ར་ཡིས་དེ་བཞིན་དེ་ལས་གཞན། ༢་།ན་ཡིག་གིས་ཀྱང་དེ་བཞིན་ཡབ། ༧་།ཏ་ཡིག་གིས་ཀྱང་དེ་ལྟ་ཉིད། ༡༠་།མ་ཡིག་གིས་ཀྱང་དེ་ལྟར་ལྟ། ༡༡་།དེ་ལས་གཞན་པའི་བླ་བྲེ་ཡིན། །རྐང་པ་ཀུན་ལ་ཐོག་མ་ལས། །ས་དང་ན་མིན་རྐང་ཟུང་གི །མཚོ་ལས་ཛ་དང་ཟུང་མིན་ལ། །ཕལ་ཆེར་ཇི་ལྟར་མཛེས་སྦྱོར་ལྟ། །ཁ་སྒོའི་བྱེ་བྲག་རྣམས་སོ། ༡་།རྐང་པ་དང་པོ་ཡིག་བརྒྱད་ཡིན། །འདི་ལས་ཕྱི་མར་རིམ་བཞིན་དུ། །བཞི་དང་མངོན་འཕེལ་དེ་དང་དེ། །སྣ་ཚོགས་རྣམ་བཀོད་ཡང་དག་མཛེས། །རྐང་པ་རྐང་པར་རོལ་སྒེག་ལྡན། །རྐང་བཞི་འཕེལ་དུ་མཁས་རྣམས་སྨྲ། ༢་།འདིར་ནི་རྐང་བཞི་འཕེལ་དེ་ལ། །ཀུན་ཡང་རྐང་མཐར་ག་དང་ག །རོལ་སྒེག་བཅས་ཕན་ངལ་གསོའི་འགྲོས། །འཇིག་རྟེན་དགའ་བསྐྱེད་ཨཱཾ་ལྡན་པའི། །པཱི་ཊར་གྱུར་དེ་ཀུན་ནས་བཅེར། ༣་།འདིར་ནི་ཡང་དག་ལྷུང་བ་ཡི། །རྐང་པ་རྣམས་ལམ་དང་པོ་ནི། །ཉེ་ལས་ཕ་རོལ་གནས་བྱས་ཀྱང༌། །དེ་ནས་དབུས་སུ་གནས་གྱུར་ལ། །ཅིག་ཤོས་གསུམ་རྣམས་གཡོ་མེད་པར། །དེས་གནས་མེ་ཏོག་ཁ་མ་བྱེ། ༤་།ཡང་དག་ཤིན་ཏུ་འདིར་ལྷུང་བའི། །རྐང་པ་དང་པོར་གྲགས་པ་དེ། །ཉེ་བའི་རྐང་པ་ཟུང་འདས་ལ། །ཅིག་ཤོས་རྐང་པ་གསུམ་རྣམས་ནི། །གཡོ་མེད་ངེས་གནས་ཡུད་ཙམ་རོལ། ༥་།འདིར་ནི་རྐང་པ་དང་པོ་ཡིས། །ཅིག་ཤོས་གཡོ་མེད་གསུམ་འདས་པར། །ལྷུང་འགྱུར་རྣམ་མང་རོལ་སྒེག་སྡོད། །མངོན་དགའ་བསྐྱེད་འདི་བདུད་རྩིའི་རྒྱུན། །རྐང་བཞི་འཕེལ་གྱི་བྱེ་བྲག་རྣམས་སོ། ༡་།སྔ་མ་ས་ཛ་ས་དང་ལ། །ན་ས་ཛ་ལྕི་དེ་མ་ཐག །དེ་ནས་བྷ་ན་ཛ་ལ་ག །དེ་ནས་ས་ཛ་ས་དང་ཛ། །ལྕི་འགྱུར་འདི་ནི་སྟེང་འགྲོ་ཉིད། ༢་།གསུམ་ནི་སྟེང་འགྲོ་དེ་འདྲར་འགྱུར། །གསུམ་པ་གཞན་དུ་ཤེས་བྱ་སྟེ། །ར་ན་བྷ་དང་ལྕི་བསྒྲིགས་པ། །དེ་འདྲ་དྲི་ཞིམ་ལན་དུ་བརྗོད། ༡༢་།གསུམ་པར་ན་ཟུངས་དག་འགྱུར། །རྐང་པ་ཞེས་བྱ་གཞན་གསུམ་ལ། །རབ་སྤྲོས་ཚིག་བཀོད་རོལ་སྒེག་ལྡན། །རོལ་པར་སྙན་ངག་མཁན་རྣམས་བཞེད། །སྟེང་འགྲོའི་བྱེ་ཕྲག་རྣམས་སོ། ༡་།དང་པོ་མ་ས་ཛ་བྷ་ལྕི། །དེ་ནས་
ས་ན་ཛ་ར་ག །ཕ་རོལ་ན་གཉིས་དང་ནི་ས། །དེ་ནས་ན་གསུམ་ཛ་ཡ་འདི། །ཉེ་བར་གནས་པའི་ངལ་འགྲོར་བརྗོད། ༢་།རྐང་པ་གསུམ་པར་ན་ཟུང་དང༌། །ས་དང་ན་ཟུངས་ཡིན་ལ། །གཞན་ཀུན་ངལ་འགྲོ་དང་འདྲ་བར། །རྐང་པར་གནས་པའི་མཚན་ཉིད་ཀྱི། །བསྒྲུབ་པ་སོ་སོར་ངེས་དེ་ནི། །སྙན་དངགས་མཁན་གྱིས་འཕེལ་ལྡན་བརྗོད། །གང་ཚེ་གསུམ་པར་ཏ་ཛར། །འདི་ཡི་དང་པོ་ངལ་གསོ་ཏེ། །གཞན་གསུམ་དལ་འགྲོ་དག་དང་ཚོགས། །མཚུངས་གྱུར་དག་པ་སྣང་ལྡན་གྱིས། །ཁྱད་པར་རབ་མཆོག་ལྡན་དུ་བརྗོད། །མི་མཉམ་པའི་བྲྀཏྟ་རྣམས་སོ། །བྲྀཏྟའི་རྣམ་པར་བརྟག་པར་བཤད་ཟིན་ཏེ། །ཕྱི་ནས་ཛཱ་ཏི་མངོན་བརྗོད་བྱ། །ཡང་བ་ཕྱི་མོ་གཅིག་ཡིན་ཏེ། །ལྕི་གཉིས་གསལ་བྱེད་དག་གིས་མིན། །བྷ་ཛ་ས་དང་ལྕི་བཟུང༌། །ཡང་བ་བཞི་ཚོགས་དེ་ལྔ་པོ། །ཕྱི་མོ་བཞི་པའོ་ཙ་ཡིན་ལ། །ཡང་བ་བཞི་པོ་ཁ་ཡང་ཡིན། །ཕྱི་མོ་གཅིག་གཉིས་ཀ་དང་ང༌། །འདབ་མ་འདབ་མར་ཚོགས་བརྒྱད་ས། །མི་མཉམ་རྣམས་ལ་ཛ་སྤངས་ཤིང༌། །ཕྱི་མོ་ཕྱེད་ལ་དྲུག་པ་ཀ །གཉིས་ཀའི་བརྒྱད་པ་ང་ཡིན་ལ། །ལྷག་མ་ཙ་རྣམས་འཕགས་མར་འགྱུར། ༣༡་།ཕྱེད་སྤང་དྲུག་པ་ཛའམ་ཁ། །ཁ་ལ་སྔོན་དུ་ཡང་བའི་སྡོད། །ཕ་རོལ་ཁ་ལ་དྲུག་པའི་མཐར། །འདབ་མ་ཕྱི་མར་བཞི་པའང༌། །ཟུང་མིན་རྐང་པ་ཙ་གསུམ་གྱིས། །རྫོགས་པ་དེ་ཚེ་འཕྲོད་པར་འགྱུར། ༢་།ཟུང་མིན་གཅིག་ཀྱང་རྫོགས་མིན་པ། །དེ་རྣམས་ཀྱི་ཚེ་ཡངས་མ་ཡིན། ༣་།གལ་ཏེ་གཉིས་པ་བཞི་པའི་ཚོགས། །ལྕི་གཉིས་དབུས་བཞུགས་ཛ་དག་བཤད།། ཕྱེད་པ་གཉིས་ལ་གྱུར་དེ་ཚེ། །ཀུན་ནས་གཡོ་བར་གྱུར་པ་ཡིན། ༡་།གལ་ཏེ་སྔ་ཕྱེད་འབའ་ཞིག་ཉིད། །གཡོ་བ་ཡིས་ནི་མཚན་ཉིད་གྱུར། །སླར་ཡང་ཕྱི་ཕྱེད་ལ་གྱུར་མིན། །དེ་ཚེ་དེ་སྒོ་གཡོ་བར་འགྱུར། ༥་།གང་ལ་བསྟན་པའི་གཡོ་མཚན་ཉིད། །སྔ་མ་ཕྱེད་ལ་སྤངས་ནས་ཀྱང༌། །ཕྱི་མར་གཅིག་པུར་བསྟན་ནས་བཞུགས། །དེ་ནི་ལུས་བསྟན་གཡོ་བའོ། ༡་།གང་དུ་འདབ་མ་གཉིས་ཀ་ཡང༌། །དྲུག་ཚོགས་ཛ་འམ་ཁ་ཡིག་གྱུར། །ཕྱེད་སྔ་བཞིན་དང་ལྷག་མ་ཡང༌། །སོ་སོར་ངེས་གྱུར་དེ་དབྱངས་འགྱུར། ༡་།གང་གི་འདབ་མ་གཉིས་ཀའི་ཡང༌། །དྲུག་པའི་
ཚོགས་ནི་ཀ་ཉིད་གྱུར། །ཕྱེད་ཕྱི་བཞིན་དང་ལྷག་ངེས་པ། །དེ་ནི་ཉེ་བའི་དབྱངས་སུ་སྨྲ། ༢་།གང་དུ་སྔ་ཕྱེད་དྲུག་གྱུར་ཀ །ཕྱི་ཕྱེད་ལ་ནི་ཛ་འམ་ཁ། །ལྷག་ངེས་འདབ་མ་ལོག་པ་ལས། །གྱུར་པ་དེ་ནི་མཆོག་དབྱངས་ཡིན། ༣་།འདབ་མ་འདབ་མར་བརྒྱད་རྣམས་ཙ། །དྲུག་པའི་ཚོགས་ནི་ཛ་འམ་ཁ། །ཕྱེད་སྔ་བཞིན་དང་ལྷག་སོ་སོར། །ངེས་དེ་འཕགས་པའི་དབྱངས་སུ་འགྱུར། །འཕགས་མའི་ཛཱ་ཏི་རྣམས་སོ། །ཟུང་མིན་དང་པོ་ད་གསུམ་པ། །ཟུང་ལ་ད་བཞི་ཕྱི་མ་ལ། །ར་ལ་ག་སྟེ་ཡང་བ་དྲུག །བར་མ་ཆད་དུ་མ་ཡིན་པ། །དེ་ནི་རོ་ལངས་ཅན་དུ་བརྗོད། ༡༢་།དང་པོ་རོ་ལངས་ཅན་ལྟ་བུ། །ཕྱི་མ་ར་ཡ་ཉེ་སྡེབ་སྦྱོར། །དང་པོ་རོ་ལངས་ཅན་མཚུངས་འདིར། །བྷ་ག་ག་མཐའ་ཀུན་ནས་སྲབ། །ཟུང་ཐོག་ད་ལས་ཕྱིས་ཛ་དང༌། །ལྷག་མ་སྔོན་འདྲ་རབ་འཕེལ་ཡིན། །ཟུང་མིན་དང་པོ་ཛ་ད་དག །ལྷག་མ་སྔོན་འདྲ་ཕྱི་འཕེལ་ཡིན། །ཟུང་མིན་ཆ་ནི་ཕྱི་འཕེལ་གྱི། །ཟུང་ཆ་རབ་འཕེལ་ཀུན་འཕེལ་ལོ། །ཀུན་འཕེལ་ཟུང་ནི་གཞན་མཐའ་ཅན། །ཟུང་མིན་རྐང་པས་མཛེས་རྒོད་མ། །རོ་ལངས་ཅན་གྱི་ཛཱ་ཏི་རྣམས་སོ། །རྐང་པ་རྐང་པར་ཆུ་གཏེར་ཙ། །ལྕི་མེད་མི་གཡོ་བརྟན་པའོ། །འདབ་ལས་ཡང་ཞིང་མཐའ་ལྕིག །ཕྱི་མོ་མཉམ་པ་ཉིད་ཡིན་ནོ། །ཙ་གཉིས་ལས་བྷ་ཉེར་བཀྲ་ཡིན། །ཙ་ལས་ཁའམ་ཛ་ཉིད་ནི། །ཁྱད་པར་ཚིགས་བཅད་ཉིད་ཡིན་ནོ། །ཕྱེད་ལས་ཁ་འམ་ཛ་ཉིད་ནི། །ནགས་ཁྲོད་གནས་པ་ཉིད་ཡིན་ནོ། །གལ་ཏེ་ཙ་ཞེས་བྱ་བ་ལས། །ས་གཉིས་པ་དེ་བཀྲ་བའོ། །བཤད་མ་ཐག་པའི་མཚན་ཉིད་རྟེན། །ཕྱི་མོ་མཉམ་སོགས་རྐང་པ་དཀྲུགས། །བྲྀཏྟའི་ཚད་རྣམས་རྟོགས་མེད་པ། །རྐང་དཀྲུགས་སུ་ནི་ཐུབ་པས་བརྗོད། །གང་གི་ཕྱེད་ལ་བརྒྱད་བརྒྱད་པ། །ཕྱི་མ་གཞན་ཀུན་ཡང་བ་ནི། །ཆུ་གཏེར་ནོར་བསྒྱུར་རྐང་པ་སྤྲོ། །དེ་ནི་ལུས་མེད་རྩེན་དུ་བརྗོད། །འདབ་རེར་བཅུ་བཅུ་བཅུ་ཡང་བ། །བཀོད་མཐར་ལྕི་བྱས་གསལ་མཛེས་མ། །ཛ་མེད་རང་གི་ཐོག་མིན་པར། །བྷ་བྲལ་ཙ་ད་ཀ་ད་ཀ །ཙ་གསུམ་ཛ་ག་ཞེས་དུམ་བུ། །ཕྱི་མོ་མཉམ་པའི་བྲྀཏྟ་རྣམས་སོ། །
ཛཱ་ཏི་རྣམས་བཤད་ཟིན་ཏོ།། །།བྲྀཏྟའི་དང་པོར་ཐམས་ཅད་ལྕི། །ལྕི་གཙོའི་འོག་ཡང་ཕྱི་རྣམས་འདྲ། །སྔ་མར་ལྕི་འདི་པྲསྟཱ་ར། །ཇི་སྲིད་ཐམས་ཅད་ཡང་དེ་སྲིད། །སྡེབ་སྦྱོར་སོ་སོར་ཉིས་འགྱུར་གྱི། །ཕྲེང་རིང་སྟེང་ལྕི་འོག་ཡང་བ། །ཉིས་འགྱུར་ལྕི་ཡང་ཚོགས་རྣམས་ཀྱིས། །རེ་རེར་རིམ་སྤེལ་པྲསྟཱ་ར། །འདི་འདྲ་འདི་ལྟ་ཅི་ཞེས་པས། །དེ་བཀོད་འབྲས་ལས་འདའ་མ་བྱ། །གཅིག་བཅས་མི་མཉམ་འདབ་མ་ལྕི། །འདིར་མཉམ་ཡང་འབྲས་ནཥྚའོ། །སྟེང་དུ་གཅིག་སོགས་རིམ་པས་ནི། །ཉིས་འགྱུར་བྲིས་ཏེ་ཡང་བའི་སྟེང༌།། བསྡོམས་པས་གཅིག་དང་བཅས་འདི་ལྟ། །ཉིད་ཡིན་ཅེས་པ་ཨུད་དིཥྚ། །གཟུགས་བཀོད་ཡི་གེའི་གྲངས་ཀྱིས་བསླངས། །མཉམ་པ་སྟེང་དུ་བཅུག་པ་ཡིས། །ལངས་པ་རིམ་པས་ཐུང་དུ་སྟེ། །བྲྀཏྟ་ཡང་མེད་གཅིག་ཡང་སོགས། །དང་པོར་གཟུགས་ནི་མ་བྱས་ཀྱང༌། །སྟེང་བཞུགས་གང་བྲི་དེ་ནས་འོག །གནས་པའི་རང་རང་འོག་མཉམ་བསྲེ། །བྲྀཏྟ་ཡང་མེད་གཅིག་ཡང་སོགས། །བྲྀཏྟ་རྣམས་ཀྱི་གྲངས་ཀྱི་གཟུགས། །ཟུང་གི་ཡི་གེའི་གྲངས་སུ་བསྒྱུར། །ཨུད་དིཥྚའི་ཨམ་ཀའི་མཐའ། །གཉིས་འགྱུར་ཡང་བའི་བྱ་བ་བསྡུ། །གྲངས་ཉིད་ཡི་གེས་བསྒྱུར་དེ་ནས། །དེ་ཕྱེད་དེ་ནས་གཉི་གའང་སྡོམ། །དང་པོར་ཡི་གེ་དབུས་ལྕི་ཡང༌། །དེ་ནས་ཕྱི་མ་རྣམས་ཡིན་ནོ། །ཡི་གེ་བྲྀཏྟ་གཉིས་ཀྱིས་བསྒྱུར། །གཅིག་དམན་ཨ་དྷྭ་འཕྲེང་དང་འོག །ལྕི་ཡང་རྣམས་ཀྱི་ས་དང་ནི། །དེ་ལ་བར་ཡང་མཚུངས་པའོ། །མཉམ་པའི་བྲྀཏྟ་རྣམས་ཀྱི་བྲསྟཱ་ར། །མཐའ་དག་ལ་རྟོགས་བྱེད་དྲུག་པོ་རྣམས་བཤད་ཟིན་ཏོ།། །།བྲྀ་ཏྟའམ་ཛཱ་ཏི་རེ་རེ་ལ། །ལྕི་ཡང་ཡི་གེ་ཕྱི་མོ་རྣམས། །གྲངས་ནི་ཤེས་པ་བརྗོད་བྱ་སྟེ། །དཔེར་བརྗོད་ཚིགས་བཅད་འདི་གཉིས་སོ། །གང་ཞིག་མཆོག་དང་གང་ཞིག་དམ་པའི་དོན། །མ་ལུས་དོན་དམ་ལས་འབྲས་རྟོགས་གྱུར་ཅིང༌། །སྐྱེ་བོ་གང་ཡང་དེར་ནི་བསྐྱེད་མཛད་པ། །སངས་རྒྱས་ཆོས་ཚོགས་དེ་རྣམས་རྒྱལ་གྱུར་ཅིག །རྒྱལ་ཆོས་ནང་ལས་རྒྱལ་བ་རྒྱལ་གྱུར་ཅིག །དེ་ཡི་ལྷན་ཅིག་སྤྱོད་མ་ཤེས་རབ་
ཀྱང། །གཉིས་ལས་ལྷག་མོས་ས་བོན་ལས་བྱུང་བ། །ལུས་ཅན་འཕགས་པའི་ཚོགས་ཀྱང་རྒྱལ་གྱུར་ཅིག །ཡང་བ་རྣམས་ཀྱི་ཡི་གེ་དོར། །ཕྱི་མོའི་ཡང་བ་དོར་མངའ་མ། །ཡི་གེ་དོར་བའི་ཕྱི་མོ་ཡང༌། །དེ་རྣམས་ཇི་སྙེད་འདིར་ལྕི་བ། །ལྕི་བའི་གྲངས་སོ། །ལྕི་བ་གཉིས་འགྱུར་གྱི་ཕྱི་མོ། །ཡི་གེ་གཉིས་འགྱུར་ཕྱི་མོས་སྤངས། །ལྕི་བ་བྲལ་བའི་ཡི་གེ་རྣམས། །ཇི་སྙེད་དེ་རྣམས་འདིར་ཡང་བ། །ཡང་བའི་གྲངས་སོ། །ཅི་ཡང་བསྡོམས་པ་ཇི་སྙེད་དེ། །ཕྱི་མོ་ལྕི་བྲལ་ཇི་སྙེད་དོ། །ཇི་སྙེད་ཕྱི་མོ་ཡང་བསྡོམས་འདབ། །དེ་སྙེད་འདིར་ནི་ཡི་གེ་རྣམས། །ཡི་གེའི་གྲངས་སོ། །ལྕི་བ་ཉིས་འགྱུར་ཡང་བ་བསྲེ། །ཡི་གེ་ཉིས་འགྱུར་ཡང་རྣམས་དོར། །ལྕི་བ་བསྲེས་པའི་ཡི་གེ་རྣམས། །ཇི་སྙེད་དེ་རྣམས་འདིར་ཕྱི་མོ། །ཕྱི་མོའི་གྲངས་སོ། །རྒྱལ་བའི་རིག་པ་འདི་ལ་བདག་དད་པའི། །བསོད་ནམས་གང་ཞིག་བདག་ལ་རབ་སྐྱེས་པ། །དེ་ཡིས་འགྲོ་རྣམས་དམ་པའི་ལམ་དང་ནི། །རིག་པ་མཆོག་ལ་རབ་ཏུ་དད་གྱུར་ཅིག །རྩོད་པའི་དུས་ཀྱི་ཐམས་ཅད་མཁྱེན་པ་རིན་ཆེན་འབྱུང་གནས་ཞི་བའི་ཞབས་ཀྱིས་མཛད་པའི་སྡེབ་སྦྱོར་རིན་ཆེན་འབྱུང་གནས་ཞེས་བྱ་བ་རྫོགས་སོ།། །།འདི་རང་འགྲེལ་དང་བཅས་པ་ལ་ཆོས་ལྡན་རས་པ་དང༌། ཡར་ལུང་པ་གྲགས་པ་རྒྱལ་མཚན་དང༌། ལོ་ཆེན་བྱད་རྩེ་བ་རྣམས་ཀྱིས་སུམ་རིམ་དུ་བསྒྱུར་བའི་མཐར། །ལོ་ཙཱ་བ་ནམ་མཁའ་བཟང་པོས་དག་པར་བསྒྱུར་བའི་རྩ་བ་རྣམས་ཀྱི་དཔེར་བརྗོད་སྟོན་པ་རྒྱུ་མཚན་དང་བཅས་པ། །སྡེབ་སྦྱོར་སོ་སོའི་རྐང་པའི་ཡིག་གྲངས་སུ་བྱས་འདུག་པས། །བོད་སྐད་ལ་ཤིན་ཏུ་མི་བདེ་བ་ཅིག་བྱུང་ཞིང༌། བོད་སྐད་ལ་ལ་སྡེབ་སྦྱོར་ཞིག་པས་ལྕི་ཡང་སོགས་ཀྱི་རིམ་པ་མི་དགོས་པ་བཞིན་དུ། ཡིག་གྲངས་ཀྱང་མི་དགོས། མདོའི་དཔེར་བརྗོད་སྟོན་པ་རྒྱ་སྐད་ཀྱི་དབང་དུ་བྱས་པ་ཡིན་པས། བོད་ལ་གོ་བདེ་ཞིང་གཟུང་སླ་བར། སྟག་ཚང་པ་ཤེས་རབ་རིན་ཆེན་གྱིས་བསྒྱུར་བའོ།། །།