 གྲུབ་དབང་རྫོགས་ཆེན་པའི་ལུགས་ཀྱི་ཆོས་སྤྱོད།ཕྱོགས་བསྒྲིགས་པ། མཁན་བསམ་འཕེལ་ནོར་བུ།Nitartha Internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། སྔོན་འགྲོ་ཆོས་སྤྱོད་ཐར་ལམ་དཀར་པོ།༄༅། །ཧྲཱི༔ སྔོན་ཚེ་དེ་བཞིན་གཤེགས་པ་གཙུག་ཏོར་ཅན། །འཕགས་པའི་ཡུལ་དུ་གྲུབ་ཆེན་ཀུ་ཀུ་རི། །ཁ་བ་ཅན་དུ་དཔལ་ལྡན་ཐང་པ་ཞེས། །པདྨ་རིག་འཛིན་ཞབས་ལ་གསོལ་བ་འདེབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། ། ༄༅། །སྔོན་འགྲོ་ཆོས་སྤྱོད་ཐར་ལམ་དཀར་པོ་ཞེས་བྱ་བ་བཞུགས་སོ།། སྐྱབས་ཡུལ་ནི། ཨོཾཿཨཱཿཧཱུྃ། །མདུན་གྱི་ནམ་མཁའ་རྣམ་དག་ཞིང་ཁམས་མཆོག །ངོ་མཚར་བཀོད་རབ་འབར་བ་ཁྱོན་ཡོངས་དབུས། །རིན་ཆེན་ཁྲི་རྐངཔད་ཉི་ཟླ་གདན་སྟེང། བླ་མ་ཨོ་རྒྱན་སྐུ་གསུམ་ཀུན་བཟང་ལ། །སྐྱབས་གནས་མ་ལུས་རྣམས་ཀྱིས་བསྐོར་བར་དམིགས། །མགོན་པོ་དེ་དག་མདུན་དུ་བདག་ཉིད་བཅས། །འགྲོ་རྣམས་བྱང་ཆུབ་བར་དུ་གུས་སྐྱབས་མཆི། །སྐྱབས་སུ་འགྲོ་བ་ནི། །ན་མོ་སངས་རྒྱས་ཆོས་དང་དགེ་འདུན་གསུམ་ལ་སྐྱབས་སུ་མཆིའོ། །བླ་མ་ཡི་དམ་མཁའ་འགྲོ་གསུམ་ལ་སྐྱབས་སུ་མཆིའོ། །ཆོས་སྐུ་ལོངས་སྐུ་སྤྲུལ་སྐུ་གསུམ་ལ་སྐྱབས་སུ་མཆིའོ། །ངོ་བོ་རང་བཞིན་ཐུགས་རྗེ་གསུམ་ལ་སྐྱབས་སུ་མཆིའོ། །བླ་མ་སངས་རྒྱས་ཆོས་ཀྱི་སྐུ་ལ་སྐྱབས་སུ་མཆིའོ། །བླ་མ་ལོངས་སྤྱོད་རྫོགས་པའི་སྐུ་ལ་སྐྱབས་སུ་མཆིའོ། །བླ་མ་ཐུགས་རྗེ་སྤྲུལ་པའི་སྐུ་ལ་སྐྱབས་སུ་མཆིའོ། །རྩ་བའི་བླ་མ་བཀའ་དྲིན་ཅན་ལ་སྐྱབས་སུ་མཆིའོ། །བརྒྱུད་པའི་བླ་མ་བྱིན་རླབས་ཅན་ལ་སྐྱབས་སུ་མཆིའོ། །འདྲེན་པའི་བླ་མ་ཐུགས་རྗེ་ཅན་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་ལྷ་ཚོགས་རྣམས་ལ་སྐྱབས་སུ་མཆིའོ། །དཔའ་བོ་མཁའ་འགྲོ་ཆོས་སྐྱོང་རྣམས་ལ་སྐྱབས་སུ་མཆིའོ། །དེ་ནས་སེམས་བསྐྱེད་པ་ནི། དེང་བཟང་བྱང་ཆུབ་མ་ཐོབ་བར། །འགྲོ་དྲུག་སེམས་ཅན་ཐམས་ཅད་ལ། །མ་དང་བུ་ཡི་འདུ་ཤེས་ཀྱིས། །མ་བསྒྲལ་བསྒྲལ་དང་མ་གྲོལ་གྲོལ། །དབུགས་དབྱུང་མྱ་ངན་འདས་ལ་འགོད། །སྨོན་འཇུག་བྱང་ཆུབ་སེམས་བསྐྱེད་དོ། །དེ་ནས་སྡོམ་པ་བཟུང་པ་ནི། ཧོཿ སྔོན་གྱི་རྒྱལ་བ་ཐམས་ཅད་ཀྱིས། །སྡོམ་པ་ལ་ནི་གནས་པ་ལྟར། །བདག་གི་ལུས་ངག་ཡིད་གསུམ་གྱིས། །གནོད་པ་སྤངས་ཤིང་དགེ་བ་བསྒྲུབ། །དགེ་བསྙེན་དགེ་ཚུལ་དགེ་སློང་སོགས། །སོ་སོར་ཐར་བའི་སྡོམ་པ་ལ། །བདག་ནི་རྒྱུན་དུ་གནས་ཤིང་བསྲུང་། །སྡོམ་པ་ཡིས་ནི་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་རྣམ་པ་གསུམ། །ནམ་ཡང་བདག་གི་མི་སྤང་ངོ་། །དཀོན་མཆོག་གསུམ་བཟུང་མི་བཏང་བསྒྲུབ། །བླ་མ་ཡི་དམ་མི་སྤང་ངོ་། །སངས་རྒྱས་དཀོན་མཆོག་དམ་ཚིག་ཏུ། །ཡང་དག་སྙིང་པོའི་དོན་ལ་འཇུག །དམ་ཆོས་དཀོན་མཆོག་དམ་ཚིག་ཏུ། །ཐེག་པའི་ཆོས་རྣམས་ངོ་བོ་དྲིལ། །དགེ་འདུན་དཀོན་ཅོག་དམ་ཚིག་ཏུ། །རིག་པ་དྲི་མེད་དོན་ལ་བལྟ། །བླ་མ་ཡི་དམ་དམ་ཚིག་ཏུ། །རང་སེམས་གཙང་མ་དཔང་པོར་འཛུག །རྡོ་རྗེ་རིགས་ཀྱི་དམ་ཚིག་ཏུ། །རྡོ་རྗེ་དྲིལ་བུའི་ཕྱག་རྒྱ་དང། །བྱང་ཆུབ་སེམས་ནི་སྤང་མི་བྱ། །རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །པདྨ་རིགས་ཀྱི་དམ་ཚིག་ཏུ། །ཐེག་པ་གསུམ་གྱི་ཆོས་རྣམས་བཤད། །ལས་ཀྱི་རིགས་ཀྱི་དམ་ཚིག་ཏུ། །འགྲོ་བའི་དོན་ལ་བརྩོན་པར་བྱ། །དེ་བཞིན་རིགས་ཀྱི་དམ་ཚིག་ཏུ། །དཀྱིལ་འཁོར་གསུམ་དང་འབྲལ་མི་བྱ། །བདག་ནི་དཔལ་ཆེན་རིགས་མཆོག་སྟེ། །མི་འདའ་རྡོ་རྗེའི་དམ་ལ་གནས། །སེམས་ཅན་ཀུན་གྱི་དོན་གྱིས་ཕྱིར། །བདག་གི་སྡོམ་པ་རྣམ་དག་ཤོག །རྡོ་རྗེ་སེམས་དཔའི་སྒོམ་བཟླས་ནི། བདག་གིི་སྤྱི་གཙུག་པད་དཀར་ཟླ་གདན་སྟེང་དུ་ཧཱུྃ་དཀར་ལས་བྱུང་རྡོ་རྗེ་སེམས། །དཀར་གསལ་ཤེལ་མདོག་ཞལ་གཅིག་འཛུམ་བཅས་རྡོ་རྗེ་དྲིལ་བུ་འཛིན་ཞིང་སྐྱིལ་ཀྲུང་བཞུགས། །ཐོར་ཚུགས་རིན་ཆེན་རྒྱན་ལྡན་གནས་གསུམ་འབྲུ་གསུམ་ཐུགས་དཀར་ཟླ་དཀྱིལ་ཧཱུྃ་དཀར་མཐར། །ཡིག་བརྒྱའི་སྔགས་འཁོར་དང་བཅས་བདུད་རྩི་བབས་པས་རང་གི་ནད་གདོན་སྡིག་སྒྲིབ་དག་པར་གྱུར། །ཨོཾ་བཛྲ་ས་ཏྭ་ས་མ་ཡཿ མ་ནུ་པཱ་ལ་ཡཿ བཛྲ་ས་ཏྭ་ཏྭེ་ནོ་པ་ཏིཥྛཿདྲྀ་ཌྷོ་མེ་བྷ་ཝཿ སུ་ཏོཥྱོ་མེ་བྷ་ཝཿ སུ་པོ་ཥྱོ་མེ་བྷ་ཝཿ ཨ་ནུ་རཀྟོ་མེ་བྷ་ཝཿ སརྦ་སདྡྷི་མྨེ་པྲ་ཡཙྪཿ སརྦ་ཀརྨསུ་ཙ་མེཿཙིཏྟཾ་ཤྲཱི་ཡཿཀུ་རུ་ཧཱུྃ། ཧ་ཧ་ཧ་ཧ་ཧོཿབྷ་ག་ཝནཿསརྦ་ཏ་ཐཱ་ག་ཏཿབཛྲ་མཱ་མེ་མུཉྩཿ བཛྲི་བྷཝཿ མ་ཧ་ས་མ་ཡ་ས་ཏྭ་ཨཱཿ ཡིག་བརྒྱའི་མཐར། ཨོཾ་བཛྲ་ས་ཏྭ་ཧཱུྃ། ཞེས་ཡང་སྙིང་ཅི་ནུས་བཟླས་བར་བྱའོ། །བཤགས་སྨོན་ནི། ཨོཾ་དང་པོ་བདག་དང་ཁམས་གསུམ་སེམས་ཅན་རྣམས། །ཡུལ་ལ་ཆགས་པ་སྐྱེ་བར་མི་བགྱིད་སྟེ། །ཕ་དང་མ་ལ་བརྟེན་ནས་གཟུགས་སུ་སྣང། །རང་དབང་མེད་པར་འཇིག་རྟེན་གནས་འདི་མཐོང། །མ་རིག་ཆུང་ཞིང་གཞོན་པའི་དུས་མཚམས་ནས། །གཏི་མུག་དབང་གིས་དགེ་སྡིག་དོན་མ་རྟོགས། །འདོད་ཆགས་དབང་གིས་ཕ་རོལ་འཁོར་བར་འཁྱམས། །ཞེ་སྡང་དབང་གིས་སྡིག་པའི་ལས་རྣམས་བགྱིས། །ངན་སོང་གསུམ་དུ་འགྲོ་བའི་རྒྱུ་བསགས་ཏེ། །མནོ་བསམ་ཤེས་ནས་ཆོས་ལ་སྐྱམམས་སུ་མཆི། །དང་བས་ཉ་སྟོང་དུས་དྲུག་སྒོར་ཞུགས་ཏེ། །ཉ་སྟོང་ཚེས་བརྒྱད་དུས་ཁྲིམས་མནོས་པ་ལས། །དེ་ལ་ཉམས་པའི་སྐྱོན་ལྟ་མ་མཆིས་ན། །ཉ་སྟོང་ཚུལ་བཞིན་བསྲུང་བའི་དགེ་བསྙེན་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །སྦྱངས་པའི་ཡོན་ཏན་བཅུ་གཉིས་སྒོར་ཞུགས་ཏེ། །ཉན་ཐོས་སྡོམ་པ་ཚུལ་བཞིན་མནོས་པ་ལས། །རྩ་བ་བཞི་དང་ཡན་ལག་དྲུག་ལ་སོགས། །ཉིས་བརྒྱ་ལྔ་བཅུའི་འདུལ་ཁྲིམས་ཚུལ་བཞིན་བསྲུང། །དེ་ལ་ཉམས་པའི་སྐྱོན་ལྟ་མ་མཆིས་ན། །ཉན་ཐོས་འདུལ་ཁྲིམས་བསྲུང་བའི་དགེ་སློང་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །རྟེན་འབྲེལ་བཅུ་གཉིས་བསྒྲུབ་པའི་སྒོར་ཞུགས་ཏེ། །རང་རྒྱལ་སྡོམ་པ་ཚུལ་བཞིན་མནོས་པ་ལས། །འཁོར་བ་རང་བཞིན་མེད་པར་མངོན་རྟོགས་ཤིང། །སྣང་སྲིད་སྒྱུ་མ་ལྟ་བུར་ཤེས་པས་ན། །དེ་ལ་ཉམས་པའི་སྐྱོན་ལྟ་མ་མཆིས་ན། །རང་རྒྱལ་སྡོམ་པ་བསྲུང་བའི་གང་ཟག་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །ཐེག་ཆེན་བྱང་ཆུབ་སེམས་ཀྱི་སྒོར་ཞུགས་ཏེ། །བྱུང་ཆུབ་སེམས་དཔའི་སྡོམ་པ་མནོས་པ་ལས། །སྨོན་འཇུག་ཀུན་རྫོབ་དོན་དམ་བྱང་ཆུབ་སེམས། །སྡོམ་པ་ཉི་ཤུའི་ཚུལ་ཁྲིམས་སྐྱོན་མ་མཆིས། །དེ་ལ་ཉམས་པའི་སྐྱོན་ལྟ་མ་མཆིས་ན། །སྡོམ་བརྩོན་ཚུལ་བཞིན་བསྲུང་བའི་དགེ་སློང་ལ། །ཉམས་པ་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །དག་པ་རྣམ་པ་གསུམ་གྱི་སྒོར་ཞུགས་ཏེ། །ཀྲི་ཡའི་དམ་ཚིག་ཚུལ་བཞིན་མནོས་པ་ལས། །དཀོན་ཅོག་གསུམ་དང་རྡོ་རྗེ་སློབ་དཔོན་དང་། །རྡོ་རྗེ་སྤུན་དང་རྡོ་རྗེ་མིང་སྲིང་དང་། །དེ་བཞིན་རང་གི་སྔགས་དང་ཕྱག་བརྒྱ་ལ། །དེ་ལ་ཉམས་པའི་སྐྱོན་ལྟ་མ་མཆིས་ན། །ཀྲི་ཡའི་དམ་ཚིག་བསྲུང་བའི་རྣལ་འབྱོར་ལ། །དམ་ཉམས་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །ལྟ་སྤྱོད་རྣམ་པ་གཉིས་ཀྱི་སྒོར་ཞུགས་ཏེ། །ཨུ་པ་ཡ་ཡི་དམ་ཚིག་མནོས་པ་ལས། །ཕྱག་རྒྱ་སྔགས་དང་མན་ངག་བསྒྲུབ་པའི་མཐའ། །དེ་ལ་ཉམས་པའི་སྐྱོན་ལྟ་མ་མཆིས་ན། །ལྟ་སྤྱོད་ཨུ་པ་བསྲུང་བའི་རྣལ་འབྱོར་ལ། །དམ་ཉམས་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །ཕྱག་རྒྱ་རྣམ་པ་བཞི་ཡི་སྒོར་ཞུགས་ཏེ། །ཡོ་གའི་དམ་ཚིག་ཚུལ་བཞིན་མནོས་པ་ལས། །དཀོན་ཅོག་གསུམ་དང་དེ་འཁོར་བྱང་ཆུབ་སེམས། །རྡོ་རྗེ་སློབ་དཔོན་མཆེད་དང་ལྕམ་དྲལ་དང་། །དབང་ཐོབ་རྣལ་འབྱོར་གཞན་ལ་མི་སྨོད་ཅིང་། །རང་རྟག་ཕྱག་རྒྱ་རྟག་ཏུ་བསྲུང་བ་ལ། །དེ་ལ་ཉམས་པའི་སྐྱོན་ལྟ་མ་མཆིས་་ན། །ཡོ་གའི་དམ་ཚིག་བསྲུང་བའི་རྣལ་འབྱོར་ལ། །དམ་ཉམས་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །ཐབས་དང་ཤེས་རབ་གཉིས་ཀྱི་སྒོར་ཞུགས་ཏེ། །མ་ཧཱ་ཡོ་གའི་དམ་ཚིག་མནོས་པ་ལས། །འཁོར་བ་དང་ནི་མྱ་ངན་འདས་པའི་ཆོས། །ཡབ་ལྔ་དང་ནི་ཡུམ་ལྔར་སྦྱོར་བ་ན། །རྒྱ་བས་དམ་ཚིག་མཆོག་ཏུ་གསུངས་པ་ལས། །དེ་ལ་ཉམས་པའི་སྐྱོན་ལྟ་མ་མཆིས་ན། །མ་ཧཱ་ཡོ་ག་བསྲུང་བའི་རྣལ་འབྱོར་ལ། །དམ་ཉམས་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །དབྱིངས་དང་ཡེ་ཤེས་གཉིས་ཀྱི་སྒོར་ཞུགས་ཏེ། །ཨ་ནུ་ཡོ་གའི་དམ་ཚིག་མནོས་པ་ལས། །ཕྱི་ནང་སྣང་སྲིད་དུས་གསུམ་ཐམས་ཅད་ཀུན། །རང་རིགས་ཡེ་ཤེས་དབྱིངས་ལས་མི་གཞན་ཏེ། །རྡོ་རྗེ་དྲིལ་བུའི་ཕྱག་རྒྱ་འཆང་བྱེད་ཅིང་། །དེ་ལ་ཉམས་པའི་སྐྱོན་ལྟ་མ་མཆིས་ན། །ཨ་ནུ་ཡོ་ག་བསྲུང་བའི་རྣལ་འབྱོར་ལ། །དམ་ཉམས་བཀའ་ཡི་ཆད་པ་བྱུང་ན་བཤགས། །དེ་ནས་ཡར་ལ་བློ་སེམས་ཆེར་བསྐྱེད་ནས། །ཁྱབ་གདལ་ཆེན་པོ་ཐེག་པའི་སྒོར་ཞུགས་ཏེ། །ཨ་ཏི་ཡོ་གའི་དམ་ཚིག་མནོས་པ་ལས། །མེད་པའི་དམ་ཚིག་དང་ནི་ཕྱལ་བ་དང་། །གཅིག་པའི་དམ་ཚིག་དང་ནི་ལྷུན་གྱིས་རྫོགས། །གྲངས་དང་ཕྱོགས་ལས་འདས་པའི་དམ་ཚིག་ལས། །རྒྱལ་བ་རྣམས་ཀྱིས་དམ་ཚིག་མཆོག་ཏུ་གསུངས། །བསྲུང་མཚམས་མེད་པས་མེད་པའི་དམ་ཚིག་ལ། །གཟུང་དང་འཛིན་པ་མེད་པས་ཕྱལ་བ་ཡིན། །ཐམས་ཅད་སེམས་སུ་འདུས་པ་གཅིག་པུ་ཡིན། །ལྷག་མ་མེད་པར་རྫོགས་པ་ལྷུན་གྱིས་རྫོགས། །དེ་ལ་ཉམས་པའི་སྐྱོན་ལྟ་མ་མཆིས་ན། །ཨ་ཏི་ཡོ་ག་བསྲུང་བའི་རྣལ་འབྱོར་ལ། །དམ་ཉམས་བཀའ་ཡི་ཆད་པ་བྱུང་ན་བཤགས། །སྡེ་སྣོད་རྣམ་པ་གསུམ་གྱི་བསྲུང་བྱ་ནི། །ཚུལ་ཁྲིམས་རྣམ་པར་དག་པར་འདུལ་མཐར་ཕྱིན། །རང་དབང་མངོན་དུ་གྱུར་པ་མངོན་མཐར་ཕྱིན། །ཤེས་རབ་རྣམ་དག་མདོ་སྡེ་མཐའ་རུ་ཕྱིན། །ཕྱི་ཡི་ལྷ་སྲིན་སྡེ་བརྒྱད་སྲུང་མ་རྣམས། །དམ་ཚིག་ཉམས་པར་གྱུར་ན་མཐོལ་ལོ་བཤགས། །ཀྲི་ཡོག་རྣམ་པ་གསུམ་གྱི་བསྲུང་བྱ་ནི། །དག་པ་རྣམ་གསུམ་ཀྲི་ཡ་མཐའ་རུ་ཕྱིན། །ལྟ་སྤྱོད་རྣམ་གཉིས་ཨུ་པ་མཐའ་རུ་ཕྱིན། །སུམ་ཅུ་ལྷ་ཡི་སྐུར་གསལ་རྣལ་འབྱོར་མཐའ། །དཔའ་མགོན་ལ་སོགས་སྲུང་མ་དམ་ཚིག་ཅན། །དམ་ཚིག་ཉམས་པར་གྱུར་ན་མཐོལ་ལོ་བཤགས། །ཡོ་ག་རྣམ་པ་གསུམ་གྱི་བསྲུང་བྱ་ནི། །རྩ་བ་ཡན་ལག་བསྲུང་ན་རྣལ་འབྱོར་ཆེ། །བསྒྲུབ་པ་ཁྱད་པར་དམ་ཚིག་ཨ་ནུའི་མཐའ། །ལྷག་པའི་དམ་ཚིག་རྣམ་བཞི་རྫོགས་ཆེན་པ། །ནང་དང་གསང་བའི་ལྷ་སྲིན་སྡེ་བརྒྱད་རྣམས། །དམ་ཚིག་ཉམས་པར་གྱུར་ན་མཐོལ་ལོ་བཤགས། །མཚན་ཉིད་སྡེ་སྣོད་གསུམ་ལ་ཐེག་པ་གསུམ། །ཕྱི་པ་ཐུབ་པའི་རྒྱུད་ལ་ཀྲི་ཡོག་གསུམ། །ནང་པ་ཐབས་ཀྱི་རྒྱུད་ལ་ཡོ་ག་གསུམ། །ཐེག་པ་རིམ་པ་དགུ་ཡི་ལྷ་ཚོགས་རྣམས། །ལྟ་སྤྱོད་འབྲེལ་པར་སྤྱོད་བའི་རྣལ་འབྱོར་ལ། །མཁའ་འགྲོ་བཀའ་ཡི་ཆད་པ་ཅི་སྟེ་གཅོད། །དབང་ཕྱུག་ཐུགས་ཀྱི་སྤྲུལ་པ་ཅི་སྟེ་འགྱེད། །རྒྱུ་འབྲས་མ་སྤངས་དགེ་བ་དང་དུ་བླངས། །སྡིག་པ་མ་སྤྱད་རྣམ་པར་སྨིན་ལ་འཛེམས། །བཀའ་གཞུང་མ་བོར་རྒྱུད་ལུང་མན་ངག་འབྲེལ། །ཡལ་བར་མ་དོར་གཞུང་བཞིན་དང་དུ་བླངས། །ལུས་ངག་ཡིད་གསུམ་བཏུད་ནས་གསང་སྔགས་ཆོས། །བསྒོམ་བསྒྲུབ་སྤྱོད་པའི་རྣལ་འབྱོར་དབང་ཕྱུག་ལ། །དམ་ཚིག་ཉམས་པར་གྱུར་ན་མཐོལ་ལོ་བཤགས། །རྩ་བ་ཡན་ལག་ཕམ་ལྟུང་ཉེས་བྱས་དང། །སྦོམ་པོ་ཕྲ་མོ་ལ་སོགས་ཉེས་སྐྱོན་རྣམས། །སྐྱོན་དུ་གྱུར་པ་ཐམས་ཅད་ཚངས་པར་མཛོད། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཡེ་ཤེས་ལྷ་ལ་རྣམ་རྟོག་མི་མངའ་ཡང། །དེ་འཁོར་བཀའ་ཡི་སྲུང་མ་དམ་ཚིག་ཅན། །ཐུགས་དང་འགལ་བ་གྱུར་ན་བཟོད་པར་གསོལ། །ཡུན་གྱི་སྒྲིབ་པ་མཆིས་ན་སྒྲིབ་པ་སྦྱོངས། །འཕྲལ་གྱི་རྐྱེན་གེགས་མཆིས་ན་རྐྱེན་གེགས་བཟློག །ཚངས་པ་མཆོག་གི་དངོས་གྲུབ་སྩལ་དུ་གསོལ། །བསྡུ་ན་འདིས་འཐུས། ཨོཾ་རྗེ་བཙུན་བླ་མ་རྣམས་ཀྱི་སྤྱན་ལམ་དུ། །ཡོ་བྱད་འབྱོར་ཚོགས་ཆུང་བ་འཐོལ་ལོ་བཤགས། །ཡི་དམ་ལྷ་ཚོགས་རྣམས་ཀྱི་སྤྱན་ལམ་དུ། །མངོན་རྟོགས་སྤོང་ལེན་བགྱིས་པ་མཐོལ་ལོ་བཤགས། །མཁའ་གྲོ་སྡེ་བཞི་རྣམས་ཀྱི་སྤྱན་ལམ་དུ། །ཁས་བླངས་དམ་བཅས་ཉམས་པ་མཐོལ་ལོ་བཤགས། །ཆོས་སྐྱོང་སྲུང་མ་རྣམས་ཀྱི་སྤྱན་ལམ་དུ། །གཏོར་མ་ལོ་ཟླར་འགྱངས་པ་མཐོལ་ལོ་བཤགས། །དུས་གསུམ་ཕ་མ་རྣམས་ཀྱི་སྤྱན་ལམདུ། །དྲིན་ལ་ལན་གྱིས་མ་ལོན་མཐོལ་ལོ་བཤགས། །མཆེད་དང་ལྕམ་དྲལ་རྣམས་ཀྱི་སྤྱན་ལམ་དུ། །དམ་ཚིག་བརྩེ་གདུང་ཆུང་བ་མཐོལ་ལོ་བཤགས། །འགྲོ་དྲུག་སེམས་ཅན་རྣམས་ཀྱི་སྤྱན་ལམ་དུ། །སྙིང་རྗེ་ཕན་སེམས་ཆུང་བ་མཐོལ་ལོ་བཤགས། །སོ་སོར་ཐར་པ་རྣམས་ཀྱི་སྡོམ་པ་དང། །བྱུང་ཆུབ་སེམས་དཔའ་རྣམས་ཀྱི་བསླབ་པ་དང། །རིག་པ་འཛིན་པ་སྔགས་ཀྱི་དམ་ཚིག་སོགས། །བསྲུང་བསྒྲུབ་རྟོགས་པར་བྱ་བ་ཐམས་ཅད་ལས། །ཉམས་པར་གྱུར་པ་ཐམས་ཅད་མཐོལ་ལོ་བཤགས། །མི་འཆབ་མི་སྦེད་སླན་ཆད་སྡོམ་པར་བགྱིད། །དུས་གསུམ་བསགས་པའི་སྡིག་སྒྲིབ་མཐོལ་ལོ་བཤགས། །ཚངས་པར་མཛད་ནས་སྐུ་གསུང་ཐུགས་ལ་སོགས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཅེས་དྲི་མེད་བཤགས་རྒྱུད་ལས་བྱུང་བ་ལྟར་བྱས་ལ་རྡོར་སེམས་འོད་དུ་ཞུ་ནས་རང་ལ་ཐིམ་བར་བསམས། མཎྜལ་ནི། ཨོཾ་ཨཱཿཧཱུྃ་རིན་ཅེན་མཎྜལ་གསེར་གཡུས་བརྒྱན་པ་འདི། །བླ་མ་ཐུགས་རྗེ་སྤྲུལ་པའི་སྐུ་ལ་འབུལ། །རང་ལུས་མཎྜལ་དབང་པོས་བརྒྱན་པ་འདི། །བླ་མ་ལོངས་སྤྱོད་རྫོགས་པའི་སྐུ་ལ་འབུལ། །ཆོས་དབྱིངས་མཎྜལ་རིག་པས་བརྒྱན་པ་འདི། །བླ་མ་སངས་རྒྱས་ཆོས་ཀྱི་སྐུ་ལ་འབུལ། །ཨོཾ་གུ་རུ་རཏྣ་མཎྜལ་པཱུ་ཙ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཨ་ཧཱུྃ། བླ་མའི་རྣལ་འབྱོར་ནི། དངོས་འཛིན་བྲལ་བ་རང་བཞིན་སྟོང་པའི་ངང་། །རང་ཉིད་ཡི་དམ་ལྷར་གསལ་སྤྱི་བོའི་གཙུག །གེ་སར་པད་སྡོང་འདབ་མ་སྟོང་ལྡན་སྟེང། །ཉི་ཟླའི་གདན་དབུས་བླ་མ་པདྨ་འབྱུང། །སྐུ་གསུམ་ཀུན་བཟང་ངོ་བོར་བཞུགས་པ་ལ། །རྒྱལ་བ་དགོངས་རྒྱུད་རིག་འཛིན་བརྡ་བརྒྱུད་རྣམས། །ཐོ་བརྩེགས་རྣམ་པར་སྟེང་གི་ཆ་ལ་བཞུགས། །གང་ཟག་སྙན་བརྒྱུད་གཏེར་ཆོས་སྨོན་ལམ་བརྒྱུད། །མཁའ་འགྲོ་གཏད་རྒྱ་བརྒྱུད་པ་ལ་སོགས་པ། །རྒྱ་བོད་རིག་འཛིན་གྲུབ་ཐོབ་རྩ་གསུམ་རྣམས། །ཁྲོམ་ཚོགས་ལྟར་ལ་སྤྲིན་ཕུང་འཁྲིགས་པ་བཞིན། །གཟི་བརྗིད་འོད་ཕུང་འབར་ཞིང་བཞུགས་བ་ཡི། །གནས་གསུམ་ཨོཾ་ཨཱཿཧཱུྃ་གིས་མཚན་པ་ལས། །འོད་འཕྲོས་ཨོ་རྒྱན་སྐུ་གསུམ་བཀའ་བརྒྱུད་བཅས། །རེ་ལྟོས་མ་ལུས་སྤྱན་དྲངས་གཉིས་མེད་བསྟིམ། །གདུང་ཤུགས་མོས་པས་རྩེ་གཅིག་གསོལ་བ་འདེབས། །ཨོཾ་ཨཱཿཧཱུྃ་ཆོས་སྐུ་ཀུན་བཟང་ཡབ་ཡུམ་ལ་གསོལ་བ་འདེབས། །གདོད་མའི་གནས་ལུགས་རྟོགས་པར་བྱིན་གྱིས་རློབསས། །དྲུག་པ་རྡོ་རྗེ་འཆང་ཆེན་ལ་གསོལ་བ་འདེབས། །རང་བྱུང་ལྷུན་གྲུབ་རྟོགས་པར་བྱིན་གྱིས་རློབས། །སྟོན་པ་རྡོ་རྗེ་སེམས་དཔའ་ལ་གསོལ་བ་འདེབས། །སྐྱེ་འགག་སྤྲོས་དང་བྲལ་བར་བྱིན་གྱིས་རློབས། །རིག་འཛིན་དགའ་རབ་རྡོ་རྗེ་ལ་གསོལ་བ་འདེབས། །སྒྱུ་ལུས་འོད་གསལ་དུ་གྲོལ་བར་བྱིན་གྱིས་རློབས། །མཁས་པ་ཤྲཱི་སིངྷ་ལ་གསོལ་བ་འདེབས། །ཚད་བཞི་མཐའ་རུ་ཕྱིན་པར་བྱིན་གྱིས་རློབས། །སློབ་དཔོན་པདྨ་ཡབ་ཡུམ་ལ་གསོལ་བ་འདེབས། །རིག་པའི་རྩལ་དབང་ཐོབ་པར་བྱིན་གྱིས་རློབས། །བི་མ་ལ་སོགས་རྒྱ་གར་རིག་འཛིན་བརྒྱད། །སྐ་ཅོག་ཞང་སོགས་རྗེ་འབངས་ཉི་ཤུ་ལྔ། །གཏེར་སྟོན་བརྒྱ་རྩ་ཆོས་བདག་ལས་ཅན་སོགས། །རྩ་བརྒྱུད་བླ་མ་རྣམས་ལ་གསོལ་བ་འདེབས། །ཉམས་རྟོགས་ཡེ་ཤེས་སུ་འཆར་བར་བྱིན་གྱིས་རློབས། །ན་མོཿརྗེ་བླ་མ་སངས་རྒྱས་ཆོས་ཀྱི་སྐུ་ལ་གསོལ་བ་འདེབས། །མ་རིག་མུན་པ་སེལ་བར་བྱིན་གྱིས་རློབས། །བླ་མ་ལོངས་སྤྱོད་རྫོགས་པའི་སྐུ་ལ་གསོལ་བ་འདེབས། །ཏིང་འཛིན་རྒྱུད་ལ་སྐྱེ་བར་བྱིན་གྱིས་རློབས། །བླ་མ་ཐུགས་རྗེ་སྤྲུལ་པའི་སྐུ་ལ་གསོལ་བ་འདེབས། །ཉམས་དང་རྟོགས་པ་འཆར་བར་བྱིན་གྱིས་རློབས། །བླ་མ་རྒྱལ་བ་རྒྱ་མཚོའི་སྐུ་ལ་གསོལ་བ་འདེབས། །བདག་གཞན་དོན་གཉིས་འགྲུབ་པར་བྱིན་གྱིས་རློབས། །བླ་མའི་སྐུ་ལ་གསོལ་བ་འདེབས། །ལུས་ལ་བདེ་དྲོད་འབར་བར་བྱིན་གྱིས་རློབས། །འཆི་མེད་ཚེ་ཡི་དངོས་གྲུབ་སྩོལ། །བླ་མའི་གསུང་ལ་གསོལ་བ་འདེབས། །ངག་ལ་ནུས་པ་འབྱུང་བར་བྱིན་གྱིས་རློབས། །ཚངས་པའི་དབྱངས་ཀྱི་དངོས་གྲུབ་སྩོལ། །བླ་མའི་ཐུགས་ལ་གསོལ་བ་འདེབས། །སེམས་ལ་རྟོགས་པ་འཆར་བར་བྱིན་གྱིས་རློབས། །ཕྱག་རྒྱ་ཆེན་པོའི་དངོས་གྲུབ་སྩོལ། །ཡོན་ཏན་ཕྲིན་ལས་རྫོགས་ལ་གསོལ་བ་འདེབས། །དབང་བཞི་ཡོངས་རྫོགས་བྱིན་གྱིས་རློབས། །ཕྲིན་ལས་རྣམ་ཞིའི་དངོས་གྲུབ་སྩལ་དུ་གསོལ། །ཨོཾ་ཨཱཿཧཱུྃ་ཆོས་སྐུ་སྣང་བ་མཐའ་ཡས་མཆོག་ལ་གསོལ་བ་འདེབས་སོ་བྱིན་གྱིས་རློབས་ཤིག །ལོངས་སྐུ་ཐུགས་རྗེ་ཆེན་པོ་མཆོག་ལ་གསོལ་བ་འདེབས་སོ་བྱིན་གྱིས་རློབས་ཤིག །སྤྲུལ་སྐུ་པདྨ་འབྱུང་གནས་མཆོག་ལ་གསོལ་བ་འདེབས་སོ་བྱིན་གྱིས་རློབས་ཤིག །མཁའ་འགྲོ་ཡེ་ཤེས་མཚོ་རྒྱལ་མཆོག་ལ་གསོལ་བ་འདེབས་སོ་བྱིན་གྱིས་རློབས་ཤིག །རིག་འཛིན་རྗེ་འབངས་ཉི་ཤུ་ལྔ་ལ་གསོལ་བ་འདེབས་སོ་བྱིན་གྱིས་རློབས་ཤིག །གཏེར་སྟོན་མཆོག་གཉིས་གླིང་པ་བརྒྱད་ལ་གསོལ་བ་འདེབས་སོ་བྱིན་གྱིས་རློབས་ཤིག །ཟབ་གཏེར་དབང་ཕྱུག་བརྒྱ་རྩ་བརྒྱད་ལ་གསོལ་བ་འདེབས་སོ་བྱིན་གྱིས་རློབས་ཤིག །དུས་གསུམ་འགྲོ་འདུལ་གཏེར་སྟོན་རྣམས་ལ་གསོལ་བ་འདེབས་སོ་བྱིན་གྱིས་རློབས་ཤིག །ཆོས་བདག་རྩ་བརྒྱུད་བླ་མ་རྣམས་ལ་གསོལ་བ་འདེབས་སོ་བྱིན་གྱིས་རློབས་ཤིག །དྲིན་ཅན་རྩ་བའི་བླ་མའི་ཞབས་ལ་གསོལ་བ་འདེབས་སོ་བྱིན་གྱིས་རློབས་ཤིག །ཡི་དམ་ཞི་དྲག་དཀྱིལ་འཁོར་ལྷ་ལ་གསོལ་བ་འདེབས་སོ་བྱིན་གྱིས་རློབས་ཤིག །དཔའ་བོ་མཁའ་འགྲོ་བསྟན་སྲུང་རྣམས་ལ་གསོལ་བ་འདེབས་སོ་བྱིན་གྱིས་རློབས་ཤིག །སྐབས་འདིར་བླ་རྫོགས་ཐུགས་གསུམ་སོགས་ཀྱི་གསོལ་འདེབས་རིགས་རྣམས་ཀྱང་འདོན་ཞིང་མཐར། ཨེ་མ་ཧོ། རྩ་གསུམ་དཀོན་མཆོག་ཀུན་རྣམས་འདུས་བའི་བདག །འཁྲུལ་མེད་རང་བྱུང་ཡེ་སངས་རྒྱས་པའི་མགོན། །ཡོན་ཏན་ལྷུན་གྲུབ་བླ་མ་དབང་གི་རྒྱལ། །སྐྱེ་འཆི་འཇིགས་བྲལ་གུ་རུ་པདྨ་འབྱུང། །བདག་གི་དད་པ་བརྟན་པོས་ཁྱོད་དྲན་ནས། །གདུང་ཤུགས་དྲག་པོས་སྙིང་ནས་གསོལ་བ་འདེབས། །ཐུགས་རྗེ་མ་གཡེལ་བྱིན་བརླབས་མཐུ་དཔུང་བསྐྱེད། །བྱིན་བརླབས་དབང་དང་དངོས་གྲུབ་མ་ལུས་པ། །དུས་འདིར་དད་ལྡན་བུ་ལ་རྩལ་དུ་གསོལ། །ཚེ་འདིར་འཁྲུལ་སྣང་སྒྱུ་མའི་རྫུན་ཁུང་རྡིབ། །ངེས་འབྱུང་སྐྱོ་ཤེས་རང་སེམས་རིག་པ་སད། །ཉམས་རྟོགས་ཡེ་ཤེས་རང་རིག་ངོ་བོར་རྫོགས། །ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས། །དབང་བཞི་ལེན་པ་ནི། སརྦ་སིདྡྷི་ཕ་ལ་ཧཱུྃ། སྐྱབས་ཡུལ་ཐམས་ཅད་རྩ་བའི་བླ་མར་ཐིམ། །བྱིན་བརླབས་ཕུང་པོ་བླ་མའི་གནས་བཞི་ལས། །འོད་ཟེར་ཡེ་ཤེས་ཨོཾ་དཀར་ཨཱཿདམར་དང་། །ཧཱུྃ་མཐིང་ཧྲཱིཿལྗང་ལ་སོགས་རྣམ་པར་བྱོན། །བདག་གི་གནས་བཞིར་ཐིམ་ནས་སྒྲིབ་བཞི་དག །དབང་བཞི་རྫོགས་ནས་དགའ་བཞིའི་ཡེ་ཤེས་སྐྱེས། །སངས་རྒྱས་སྐུ་བཞིའི་འབྲས་བུ་ཐོབ་གྱུར་ཏེ། །བླ་མ་སྤྱི་བོར་བྱོན་ནས་རང་ལ་ཐིམ། །ཐུགས་ཡིད་དབྱེར་མེད་གྱུར་ཏེ་རང་གི་སེམས། །མ་བཅོས་སྤྲོས་བྲལ་ཆོས་སྐུ་སྐྱེ་མེད་ཨཿ རྣམ་དཀར་དགེ་ཚོགས་བསོད་ནམས་སྙིང་བོ་འདི། །དམིགས་མཐའ་བྲལ་བའི་སེམས་ཅན་ཀུན་ལ་བསྔོ། །ཡང་གསང་རྡོ་རྗེ་ཐེག་པའི་དོན་རྟོགས་ནས། །རིགས་བདག་བླ་མའི་གོ་འཕང་ཐོབ་པར་ཤོག །ཅེས་འདོན་བསྒོམ་བསྒྲག་མར་བྱའོ། །ཆོས་འདོན་བློ་དམན་རྣམས་ཀྱི་དོན་དུ་ཕུཎྡྷ་བིཏྱཱ་དྷ་རས་སྦྱར་བའོ། ། རྫོགས་ཆེན་མཁའ་འགྲོ་སྙིང་ཐིག་གི་གསོལ་འདེབས།༄༅། །རྫོགས་ཆེན་མཁའ་འགྲོ་སྙིང་ཐིག་གི་གསོལ་འདེབས་བཞུགས་སོ། ། རྫོགས་ཆེན་མཁའ་འགྲོ་སྙིང་ཐིག་གི་གསོལ་འདེབས་ནི། ན་མོ་གུ་རུ་དངོས་མེད་མཐའ་བྲལ་ཀ་དག་ཆོས་ཀྱི་སྐུ། །རང་རིག་གསལ་སྟོང་ལྷུན་གྲུབ་ལོངས་སྤྱོད་རྫོགས། །ཀུན་ཁྱབ་སྣ་ཚོགས་ཤར་གྲོལ་སྤྲུལ་པའི་སྐུ། །དུས་གསུམ་རང་རིག་བླ་མ་རྣམས་ལ་འདུད། །དམིགས་མེད་ཆོས་དབྱིངས་དག་པའི་ཕོ་བྲང་ནས། །ཀུན་བཟང་ཡབ་ཡུམ་གཉིས་ལ་གསོལ་བ་འདེབས། །ངོ་བོ་ཀ་དག་རྟོགས་པར་བྱིན་གྱིས་རློབས། །ལྷུན་གྲུབ་རང་གསལ་འོད་ཀྱི་ཕོ་བྲང་ནས། །ལོངས་སྐུ་ཞི་ཁྲོའི་ཚོགས་ལ་གསོལ་བ་འདེབས། །རིག་པ་སྐུ་རུ་སྨིན་པར་བྱིན་གྱིས་རློབས། །ཐུགས་རྗེ་ཕྱོགས་རིས་མེད་པའི་ཕོ་བྲང་ནས། །སྤྲུལ་སྐུ་རྡོ་རྗེ་འཆང་ལ་གསོལ་བ་འདེབས། །སྣང་སེམས་འཛིན་པ་སྟོང་པར་བྱིན་གྱིས་རློབས། །དུར་ཁྲོད་མེ་རི་འབར་བའི་ཕོ་བྲང་ནས། །དགའ་རབ་རྡོ་རྗེ་ཉིད་ལ་གསོལ་བ་འདེབས། ཆོས་ཉིད་དོན་དང་ལྡན་པར་བྱིན་གྱིས་རློབས། །དུར་ཁྲོད་སོ་ས་གླིང་གི་ཕོ་བྲང་ནས། །ཤྲཱི་སིངྷ་ཉིད་ལ་གསོལ་བ་འདེབས། །བདེ་ཆེན་འདུ་འབྲལ་མེད་པར་བྱིན་གྱིས་རློབས། །པདྨ་འོད་ཀྱི་གཞལ་ཡས་ཕོ་བྲང་ནས། །ཨོ་རྒྱན་པདྨ་ཡབ་ཡུམ་ལ་གསོལ་བ་འདེབས། །འབད་མེད་གཞན་དོན་འབྱུང་བར་བྱིན་གྱིས་རློབས། །བསོད་ནམས་ལས་འཕྲོ་ལྡན་པའི་ཕོ་བྲང་ནས། །གཏེར་སྟོན་ལས་འབྲེལ་རྩལ་ལ་གསོལ་བ་འདེབས། །ཟབ་གསང་དངོས་གྲུབ་འབྱུང་བར་བྱིན་གྱིས་རློབས། །ཡེ་ནས་སངས་རྒྱས་ཆོས་སྐུའི་ཕོ་བྲང་ནས། །ཀློང་ཆེན་རབ་འབྱམས་བཟང་པོ་ལ་གསོལ་བ་འདེབས། །འོད་གསལ་སྙིང་པོའི་དོན་རྟོགས་བྱིན་གྱིས་རློབས། །སྣང་སྟོང་འོད་དུ་འབར་བའི་ཕོ་བྲང་ནས། །ཡེ་ཤེས་རབ་འབྱམས་ཉིད་ལ་གསོལ་བ་འདེབས། །སྣང་བཞི་གོང་དུ་བགྲོད་པར་བྱིན་གྱིས་རློབས། །ཡང་དབེན་ཏིང་འཛིན་བརྟན་པའི་ཕོ་བྲང་དུ། །མཁས་གྲུབ་བསམ་གཏན་པ་ལ་གསོལ་བ་འདེབས། །སྣང་སྲིད་ཆོས་སྐུར་འཆར་བར་བྱིན་གྱིས་རློབས། །བྱར་མེད་བདེ་ཆེན་ལྷུན་གྲུབ་ཕོ་བྲང་དུ། །གྲུབ་ཆེན་སྦྱིན་པ་བཟང་པོ་ལ་གསོལ་བ་འདེབས། །གནས་ལུགས་མངོན་དུ་རྟོགས་པར་བྱིན་གྱིས་རློབས། །འགྱུར་མེད་བསྟན་པ་རིན་ཆེན་ཕོ་བྲང་དུ། །རྫོགས་ཆེན་ཤཱཀྱའི་མཚན་ལ་གསོལ་བ་འདེབས། །གསལ་སྟོང་མངོན་དུ་གྱུར་པར་བྱིན་གྱིས་རློབས། །ཚོགས་གཉིས་ནོར་བུ་སྤུངས་པའི་ཕོ་བྲང་དུ། །བསོད་ནམས་རིན་ཆེན་ཞབས་ལ་གསོལ་བ་འདེབས། །འོད་གསལ་རྫོགས་ཆེན་འབྱོང་བར་བྱིན་གྱིས་རློབས། །བྱ་ཁྱུང་གསང་སྔགས་ལྷུན་གྲུབ་ཕོ་བྲང་དུ། །ངག་དབང་པདྨ་ཉིད་ལ་གསོལ་བ་འདེབས། །གསང་སྔགས་དངོས་གྲུབ་ཐོབ་པར་བྱིན་གྱིས་རློབས། །ཡང་གསང་སྒྲུབ་པ་མཐར་ཕྱིན་ཕོ་བྲང་ནས། །རྫོགས་ཆེན་བསོད་ནམས་དབང་པོ་ལ་གསོལ་བ་འདེབས། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །རྣམ་ཀུན་ཟག་མེད་བདེ་ཆེན་ཕོ་བྲང་དུ། །རིག་འཛིན་ཆོས་ཀྱི་རྒྱལ་མཚོ་ལ་གསོལ་བ་འདེབས། །འབྲེལ་ཚད་དོན་དང་ལྡན་པར་བྱིན་གྱིས་རློབས། །ཆོས་དབྱིངས་ཁྱབ་གདལ་ལྷུན་གྲུབ་ཕོ་བྲང་ནས། །གྲུབ་ཐོབ་པདྨ་རིག་འཛིན་ལ་གསོལ་བ་འདེབས། །ཀ་དག་ཡེ་གྲོལ་རྟོགས་པར་བྱིན་གྱིས་རློབས། །གར་བཞུགས་ཆོས་འཁོར་བསྐོར་བའི་ཕོ་བྲང་ནས། །འདྲེན་མཆོག་ནམ་མཁའ་འོད་གསལ་ལ་གསོལ་བ་འདེབས། །རང་རིག་བླ་མར་རྟོགས་པར་བྱིན་གྱིས་རློབས། ༈ །བཀའ་གཏེར་རྒྱུད་སྡེ་རྒྱ་མཚོའི་ཕོ་བྲང་ནས། །ཁྱབ་བདག་ཐེག་མཆོག་བསྟན་འཛིན་ལ་གསོལ་བ་འདེབས། །སྨིན་གྲོལ་གཞན་དོན་འབྱུང་བར་བྱིན་གྱིས་རློབས། །ཨོ་རྒྱན་བསམ་གཏན་གླིང་གི་ཕོ་བྲང་ནས། །སྤྲུལ་སྐུ་གསང་སྔགས་བསྟན་འཛིན་ལ་གསོལ་བ་འདེབས། །ཉམས་རྟོགས་རྒྱུད་ལ་སྐྱེ་བར་བྱིན་གྱིས་རློབས། །ཡང་ན་ནམ་མཁའ་འོད་གསལ་ནས་འདི་ལྟར་ཡང་བརྒྱུད། ༈ །གསང་ཆེན་སྨིན་གྲོལ་ཆོས་ཀྱི་ཕོ་བྲང་ནས། པདྨ་ཀུན་གྲོལ་རྣམ་རྒྱལ་ལ་གསོལ་བ་འདེབས། །མཆོག་ཐུན་དངོས་གྲུབ་ཐོབ་པར་བྱིན་གྱིས་རློབས། །ཟབ་རྒྱས་བཀའ་གཏེར་གདམས་པའི་ཆོས་མཛོད་ནས། །འཇིག་མེད་པདྨ་རྣམ་རྒྱལ་ལ་གསོལ་བ་འདེབས། །བློ་འདས་རང་རིག་རྟོགས་པར་བྱིན་གྱིསརློབས། །ངེས་དོན་ཟབ་གསང་སྙིང་པོའི་ཕོ་བྲང་ནས། །དུས་གསུམ་རྩ་བརྒྱུད་བླ་མ་ལ་གསོལ་བ་འདེབས། །འཁོར་འདས་རང་གྲོལ་རྟོགས་པར་བྱིན་གྱིས་རློབས། །སྤྱིི་གཙུག་འཇའ་འོད་འབར་བའི་ཕོ་བྲང་ནས། །རྩ་བའི་བླ་མ་རྗེ་ལ་གསོལ་བ་འདེབས། །རྫོགས་ཆེན་ཆོས་ཉིད་རྟོགས་པར་བྱིན་གྱིས་རློབས། རང་ལུས་རྣམ་པར་དག་པའི་ཕོ་བྲང་ནས། །ཞི་ཁྲོ་ཌཱཀྐིའི་ཚོགས་ལ་གསོལ་བ་འདེབས། །རྐྱེན་ངན་བར་ཆད་ཞི་བར་བྱིན་གྱིས་རློབས། །གཏེར་གནས་ཕྲ་མོ་བྲག་གི་ཕོ་བྲང་ནས། མཁའ་འགྲོ་སྙིང་ཐིག་ཉིད་ལ་གསོལ་བ་འདེབས། ཕུང་པོ་ལྷག་མེད་དུ་འགྲུབ་པར་བྱིན་གྱིས་རློབས། །རྫོགས་ཆེན་མཁའ་འགྲོ་སྙིང་ཐིག་གི་གསོལ་འདེབས་འདི་པདྨ་ལས་འབྲེལ་རྩལ་གྱིས། ཟབ་ཆོས་གཏེར་ནས་གདན་དྲངས་པའི་དུས་སུ་མཛད་པ་ལས། བླ་བརྒྱུད་རྣམས་རིམ་པར་ཁ་བཀང་པའོ། ། སྟོན་པའི་མཛད་པ་བཅུ་གཉིས།སྟོན་པའི་མཛད་པ་བཅུ་གཉིས་ནི། ཐབས་མཁས་ཐུགས་རྗེ་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོ་ཁྱོད་ལ་ཕྱག་འཚལ་ལོ། །གང་གི་དང་པོར་བྱང་ཆུབ་ཐུགས་བསྐྱེད་ནས། །བསོད་ནམས་ཡེ་ཤེས་ཚོགས་གཉིས་རྫོགས་མཛད་ཅིང་། །དུས་འདིར་མཛད་པ་རྒྱ་ཆེན་འགྲོ་བ་ཡི། །མགོན་གྱུར་ཁྱོད་ལ་བདག་གིས་བསྟོད་པར་བགྱི། །ལྷ་རྣམས་དོན་མཛད་འདུལ་བའི་དུས་མཁྱེན་ནས། །ལྷ་ལས་བབས་ནས་གླང་ཆེན་ལྟར་གཤེགས་ཤིང་། །རིགས་ལ་གཟིགས་ནས་ལྷ་མོ་སྒྱུ་འཕྲུལ་མའི། །ལྷུམས་སུ་ཞུགས་པར་མཛད་ལ་ཕྱག་འཚལ་ལོ། །ཟླ་བ་བཅུ་རྫོགས་ཤཱཀྱའི་སྲས་པོ་ནི། །བཀྲ་ཤིས་ལུམྦིའི་ཚལ་དུ་བལྟམས་པའི་ཚེ། ། ཚངས་དང་བརྒྱ་བྱིན་གྱིས་བཏུམཚན་མཆོག་ནི། །བྱང་ཆུབ་རིགས་སུ་ངེས་མཛད་ཕྱག་འཚལ་ལོ། །གཞོན་ནུ་སྟོབས་ལྡན་མི་ཡི་སེངྒེ་དེས། །ཨགྷ་མ་གྷ་དྷར་ནི་སྒྱུ་རྩལ་བསྟན། །སྐྱེ་བོ་དྲེགས་པ་ཅན་རྣམས་ཚར་བཅད་ནས། །འགྲན་ཟླ་མེད་པར་མཛད་ལ་ཕྱག་འཚལ་ལོ། །ཿཾིག་རྟན་ཆོས་དང་མཐུན་པར་བྱ་བ་དང་། །ཁ་ནམ་ཐོ་སྤང་ཕྱིར་བཙུན་མོ་ཡི། །འཁོར་དང་ལྡན་མཛད་ཐབས་ལ་མཁས་པ་ཡིས། །རྒྱལ་སྲིད་སྐྱོང་བར་མཛད་ལ་ཕྱག་འཚལ་ལོ། །འཁོར་བའི་བྱ་བར་སྙིང་པོར་མེད་གཟིགས་ནས། །ཁྱིམ་ནས་བྱུང་སྟེ་མཁའ་ལ་གཤེགས་ནས་ཀྱང་། །མཆོད་རྟེན་རྣམ་དག་དྲུང་དུ་ཉིད་ལས་ཉིད། །རབ་ཏུ་བྱུང་བར་མཛད་ལ་ཕྱག་འཚལ་ལོ། །བརྩོན་པས་བྱང་ཆུབ་སྒྲུབ་པར་དགོངས་ནས་ནི། །ནཻ་རཉྫ་ནའི་འགྲམ་དུ་ལོ་དྲུག་ཏུ། །དཀའ་བ་སྤྱད་མཛད་བརྩོན་འགྲུས་མཐར་ཕྱིན་པས། །བསམ་གཏན་མཆོག་བརྙེས་མཛད་ལ་ཕྱག་འཚལ་ལོ། །ཐོག་མ་མེད་ནས་འབད་པ་དོན་ཡོད་ཕྱིར། །མ་གྷ་དྷ་ཡི་བྱང་ཆུབ་ཤིང་དྲུང་དུ། །སྐྱིལ་ཀྲུང་མི་གཡོ་མངོན་པར་སངས་རྒྱས་ནས། །བྱང་ཆུང་རྫོགས་པར་མཛད་ལ་ཕྱག་འཚལ་ལོ། །ཐུགས་རྗེས་འགྲོ་ལ་མྱུར་དུ་གཟིགས་ནས་ནི། །ཝ་ར་ཎ་སི་ལ་སོགས་གནས་མཆོག་ཏུ། །ཆོས་ཀྱི་འཁོར་ལོ་བསྐོར་ནས་གདུལ་བྱ་རྣམས། །ཐེག་པ་གསུམ་ལ་འགོད་མཛད་ཕྱག་འཚལ་ལོ། །གཞན་གྱིས་རྒོལ་བ་ངན་པ་ཚར་བཅད་ཕྱིར། །མུ་སྲེགས་སྟོན་པ་དྲུག་དང་ལྷས་བྱིན་སོགས། །འཁོར་མོ་འཇིག་གི་ཡུལ་དུ་བདུད་རྣམས་བརུལ། །ཐུབ་པ་གཡུལ་ལས་རྒྱལ་ལ་ཕྱག་འཚལ་ལོ། །སྲིད་པ་གསུམ་ན་དཔེ་མེད་ཡོན་ཏན་གྱི། །མཉན་དུ་ཡོད་པར་ཆོ་འཕྲུལ་ཆེན་པོ་བསྟན། །ལྷ་མི་འགྲོ་བ་ཀུན་གྱིས་རབ་མཆོད་པ། །བསྟན་པ་རྒྱས་པར་མཛད་ལ་ཕྱག་འཚལ་ལོ། །ལེ་ལོ་ཅན་རྣམས་ཆོས་ལ་བསྐུལ་བྱའི་ཕྱིར། །རྩ་མཆོག་གྲོང་གིས་གཞི་གཙང་མ་རུ། །འཅི་མེད་རྡོ་རྗེ་ལྟ་བུའི་སྐུ་གཤེགས་ནས། །མྱ་ངན་འདའ་བར་མཛད་ལ་ཕྱག་འཚལ་ལོ། །ཡང་དག་ཉིད་དུ་འཇིག་པ་མེད་ཕྱིར་དང་། །མ་འོངས་སེམས་ཅད་བསོད་ནམས་ཐོབ་བྱའི་ཕྱིར། །དེ་ཉིད་དུ་ནི་རིང་བསྲེལ་མང་སྤྲུལ་ནས། །སྐུ་གདུང་ཆ་བརྒྱད་མཛད་ལ་ཕྱག་འཚལ་ལོ།། ༑ །།གང་ཚེ་རྐང་གཉིས་གཙོ་བོ་ཁྱོད་བསྟམས་ཚེ། །ས་ཆེ་འདི་ལ་གོམ་པ་བདུན་པོར་ནས། །ང་ནི་འཇིག་རྟན་འདི་ན་མཆོག་ཅེས་གསུངས། །དེ་ཚེ་མཁས་པ་ཁྱོད་ལ་ཕྱག་འཚལ་ལོ། །དང་པོ་དགའ་ལྡན་ལྷ་ཡི་ཡུལ་ནས་བྱོན། །རྒྱལ་པོའི་ཁབ་ཏུ་ཡུམ་གྱི་ལྷུམས་སུ་བཞུགས། །ལུམྦི་ནི་ཡི་ཚལ་དུ་ཐུབ་པ་བསྟམས། །བཅོམ་ལྡན་ལྷ་ཡི་ལྷ་ལ་ཕྱག་འཚལ་ལོ། །གཞལ་ཡས་ཁང་དུ་མ་མ་བརྒྱད་བཞིས་མཆོད། །ཤཱཀྱའི་གྲོང་དུ་གཞོན་ནུས་རོལ་རྩེད་མཛད། །སེར་སྐྱའི་གནས་སུ་ས་འཚོ་ཁབ་རུ་བཞེས། །སྲིད་གསུམ་མཚུངས་མེད་སྐུ་ལ་ཕྱག་འཚལ་ལོ། །གྲོང་ཁྱེར་སྒོ་བཞིར་སྐྱོ་བའི་ཚུལ་བསྟན་ནས། །མཆོད་རྟེན་རྣམ་དག་དྲུག་དུ་དབུ་སྐྲ་བསིལ། །ནཻ་རཉྫ་ནའི་འགྲམ་དུ་དཀའ་ཐུབ་མཛད། །སྒྲིབ་གཉིས་སྐྱོན་དང་པྲལ་ལ་ཕྱག་འཚལ་ལོ། །་རྒྱལ་པོའི་ཁབ་ཏུ་གླང་ཆེན་སྨྱོན་བ་བཏུལ། །ཡངས་བ་ཅན་དུ་སྤྲེའུས་སྦྲང་རྩི་ཕུལ། །མ་ག་དྷ་རུ་ཐུབ་པ་མངོན་སངས་རྒྱས། །མཁྱེན་པའི་ཡེ་ཤེས་འབར་ལ་ཕྱག་འཚལ་ལོ། །ཝ་ར་ཎ་སིར་ཆོས་ཀྱི་འཁོར་ལོ་བསྐོར། །ཛེ་ཏའི་ཚལ་དུ་ཆོ་འཕྲིལ་ཆེན་པོ་བསྟན། །རྩ་མཆོག་གྲོང་དུ་དགོངས་པ་མྱ་ངན་འདས། །ཐུགས་ནི་ནམ་མཁའ་འདྲ་ལ་ཕྱག་འཚལ་ལོ། །འདི་ལྟར་བསྟན་པའི་བདག་པོ་བཅོམ་ལྡན་འདས། །མཛད་པའི་ཚུལ་ལ་མདོ་ཙམ་བསྟན་བ་ཡི། །དགེ་བས་འགྲོ་བ་ཀུན་གྱི་སྤྱོད་པ་ཡང་། །བདེ་གཤེགས་ཉིད་ཀྱི་མཛད་དང་མཚུངས་པར་ཤོག ། ཐིག་མའི་སངས་རྒྱས་་་་་ཨོཾ་ཨཱཿཧཱུྃ། །ཐོག་མའི་སངས་རྒྱས་ཀུན་བཟང་སྣང་མཐའ་ཡས། །གངས་ཆེན་མགོན་པོ་ཁ་སར་པ་ཎི་དང་། །འཇའ་ལུས་སྣང་སྲིད་དབང་སྡུད་པདྨ་འབྱུང་། །ཡེ་ཤེས་མཚོ་རྒྱལ་ཏིང་འཛིན་བཟང་པོ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །ཧཱུྃ་ནག་མེ་འབར་ཆོས་ཀྱི་རྒྱ་མཚོའི་ཞབས། །པདྨ་རིག་འཛིན་ནམ་མཁའི་མཚན་ཅན་སོགས། །བརྒྱུད་ལྡན་བླ་མ་རྩ་བའི་བླ་མ་དང་། །རྩ་གསུམ་དམ་ཅན་སྲུང་མའི་ཚོགས་བཅས་ལ། །གསོལ་བ༴ །ཀ་དག་ལྷུན་གྲུབ་གཞི་ཐོག་ཕེབས་པ་དང་། །ཁྲེག་ཆོད་ཐོད་རྒལ་ལམ་ལ་རྩལ་འབྱོར་ནས། །སྐུ་དང་ཡེ་ཤེས་དབྱེར་མེད་མངོན་གྱུར་ཏེ། །མཐའ་ཡས་འགྲོ་ཀུན་སྤྲུལ་པས་འདྲེན་པར་ཤོག །ཀཱ་ཡ་ཝཀྐཱ་ཙི་ཏྟ་སིདྡྷི་ཧཱུཾ། ཞེས་དང་། ཧཱུྃ་ཨོ་རྒྱན་ཡུལ་གྱི་ནུབ་བྱང་མཚམས། །པདྨ་གེ་སར་སྡོང་པོ་ལ། །ཡ་མཚན་མཆོག་གི་དངོས་གྲུབ་བརྙེས། །པདྨ་འབྱུང་གནས་ཞེས་སུ་གྲགས། །འཁོར་དུ་མཁའ་འགྲོ་མང་པོས་བསྐོར། །ཁྱེད་ཀྱི་རྗེས་སུ་བདག་བསྒྲུབ་ཀྱིས། །བྱིན་གྱིས་བརླབ་ཕྱིར་གཤེགས་སུ་གསོལ། །གུ་རུ་པདྨ་སིདྡྷི་ཧཱུྃ། ། གསོལ་འདེབས་ལེའུ་བདུན་མ།༄༅། །གསོལ་འདེབས་ལེའུ་བདུན་མ་དང་བསམ་པ་ལྷུན་གྲུབ་རྟེན་བསྐྱེད་དང་བཅས་པ་བཞུགས་སོ། ། ན་མོ་གུ་རུ་ཨོ་རྒྱན་རིན་པོ་ཆེའི་གསོལ་འདེབས་སྤྱིའི་རྟེན་བསྐྱེད་ལ། ཐོགས་མར་སྐྱབས་སུ་འགྲོ་བ་ནི། ན་མོཿ བླ་མ་བདེ་གཤེགས་འདུས་པའི་སྐུ༔ དཀོན་མཆོག་གསུམ་གྱི་རང་བཞིན་ལ༔ བདག་དང་འགྲོ་དྲུག་སེམས་ཅན་རྣམས༔ བྱང་ཆུབ་བར་དུ་སྐྱབས་སུ་མཆི༔ སེམས་བསྐྱེད་ནི། སེམས་བསྐྱེད་འགྲོ་བ་ཀུན་དོན་དུ༔ བླ་མ་སངས་རྒྱས་བསྒྲུབས་ནས་ནི༔ གང་ལ་ངང་འདུལ་ཕྲིན་ལས་ཀྱིས༔ འགྲོ་བ་བསྒྲལ་བར་དམ་བཅའོ༔ ཡན་ལག་བདུན་པ་ནི། བླ་མ་ཡི་དམ་མཁའ་འགྲོ་གཤེགས༔ ཉི་ཟླ་པདྨའི་གདན་ལ་བཞུགས༔ ལུས་ངག་ཡིད་གསུམ་གུས་ཕྱག་འཚལ༔ ཕྱི་ནང་གསང་བའི་མཆོད་པ་འབུལ༔ ཉམས་ཅག་སྡིག་སྦྲིབ་མཐོལ་ཞིང་བཤགས༔ གསང་སྔགས་བསྒྲུབས་ལ་རྗེས་ཡི་རང༔ སྨིན་འགྲོ་གསང་སྔགས་ཆོས་འཁོར་བསྐོར༔ མྱ་ངན་མི་འདའ་བཞུགས་སུ་གསོལ༔ སྙིང་པོ་སེམས་ཅན་དོན་དུ་བསྔོ༔ ཡང་དག་རྡོ་རྗེའི་དོན་རྟོགས་ཤོག༔ རྟེན་བསྐྱེད་དངོས་ནི། མདུན་གྱི་ནམ་མཁར་འོག་ལྔའི་ཀློང་༔ སེང་ཁྲི་པདྨ་ཉི་ཟླའི་སྟེང་༔ སྐུ་གསུམ་རྒྱལ་བ་འདུས་པའི་དངོས༔ རྩ་བའི་བླ་མ་པདྨ་འབྱུང་༔ དཀར་དམར་མདངས་ལྡན་ཞི་ཁྲོའི་ཉམས༔ པད་ཞཱ་གསང་ཕོད་ཆོས་གོས་དང་༔ ཟ་འོག་བེར་སྨུག་བརྗིད་པར་གསོལ༔ ཕྱག་གཡས་རྡོ་རྗེ་རྩེ་ལྔ་དང་༔ གཡོན་པས་བྷནྡྷ་ཚེ་བུམ་བསྣམས༔ གྲུ་མོ་ག་ཡོན་ན་ཁ་ཏྭཱྂ་འཆང་༔ རྡོ་རྗེའི་སྐྱིལ་ཀྲུང་དང་བཅས་ཏེ༔ སྐུ་གསུང་ཐུགས་ཀྱི་དཀྱིལ་འཁོར་ལས༔ རྩ་གསུམ་ཆོས་གསུང་རབ་འབྱམས་ཀུན༔ འཕྲོ་འདུའི་གཟི་བྱིན་ལམ་མེ་བ༔ མངོན་སུམ་བཞིན་དུ་བཞུགས་པར་གྱུར༔ ཅེས་གསལ་གཏབ་ལ། ༈ སློབ་དཔོན་སངས་རྒྱས་གཉིས་པའི་གསོལ་འདེབས་ལེའུ་བདུན་མ་བཞུགས་སོ། །ཨེ་མ་ཧོཿ སྤྲོས་བྲལ་ཆོས་ཀྱི་དབྱིངས་ཀྱི་ཞིང་ཁམས་སུ༔ ཆོས་ཉིད་དུས་གསུམ་སྐྱེ་འགག་མེད་པའི་ངང་༔ བྱ་བྲག་ལྷུན་རྫོགས་བདེ་བ་ཆེན་པོའི་སྐུ༔ ནམ་མཁའ་བཞིན་དུ་ཐུགས་རྗེ་ཕྱོགས་རིས་མེད༔ བླ་མ་ཆོས་ཀྱི་སྐུ་ལ་གསོལ་བ་འདེབས༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ བདེ་ཆེན་ལྷུན་གྱིས་གྲུབ་པའི་ཞིང་ཁམས་སུ༔ སྐུ་གསུང་ཐུགས་དང་ཡོན་ཏན་འཕྲིན་ལས་ཀྱི༔ ཡེ་ཤེས་ལྔ་ལྡན་བདེ་བར་གཤེགས་པའི་སྐུ༔ ཐུགས་རྗེའི་བྱེ་བྲག་སྣ་ཚོགས་སོ་སོར་སྟོན༔ བླ་མ་ལོངས་སྤྱོད་རྫོགས་སྐུ་ལ་གསོལ་བ་འདེབས༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ མི་བརྗེད་འཇིག་རྟེན་དག་པའི་ཞིང་ཁམས་སུ༔ ཐུགས་རྗེ་ཆེན་པོས་འགྲོ་བའི་དོན་ལ་བྱོན༔ གང་ལ་གང་འདུལ་ཐབས་ཀྱིས་འགྲོ་དོན་མཛད༔ འདས་དང་མ་བྱོན་ད་ལྟ་དུས་གསུམ་གྱི༔ བླ་མ་སྤྲུལ་པའི་སྐུ་ལ་གསོལ་བ་འདེབས༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ ཆོས་སྐུ་ཀུན་ཏུ་བཟང་པོ་ལ་གསོལ་བ་འདེབས༔ ལོངས་སྐུ་རྒྱལ་བ་རིགས་ལྔ་ལ༴ སྤྲུལ་སྐུ་རིགས་གསུམ་མགོན་པོ་ལ༴ ཡང་སྤྲུལ་དགའ་རབ་རྡོ་རྗེ་ལ༴ སློབ་དཔོན་འཇམ་དཔལ་བཤེས་གཉེན་ལ༴ རིག་འཛིན་ཤྲཱི་སིངྷ་ལ༴ པཎ་ཆེན་བི་མ་མི་ཏྲ་ལ༴ རྒྱལ་སྲས་པདྨ་འབྱུང་གནས་ལ༴ ཆོས་རྒྱལ་ཁྲི་སྲོང་ལྡེའུ་བཙན་ལ༴ མཁའ་འགྲོ་ཡེ་ཤེས་མཚོ་རྒྱལ་ལ༴ དགེ་སློང་ནམ་མཁའི་སྙིང་པོ་ལ༴ སྣ་ནམ་རྡོ་རྗེ་བདུད་འཇོམས་ལ༴ ལྷ་སྲས་མུ་ཁྲི་བཙན་པོ་ལ༴ སྤྲུལ་སྐུ་བཟང་པོ་གྲགས་པ་ལ༴ རིག་འཛིན་དངོས་གྲུབ་རྒྱལ་མཚན་ལ༴ ཀུན་སྤངས་དོན་ཡོད་རྒྱལ་མཚན་ལ༴ བརྒྱུད་འཛིན་བསོད་ནམས་མཆོག་བཟང་ལ༴ གྲུབ་ཆེན་ཐང་སྟོང་རྒྱལ་པོ་ལ༴ མཚུངས་མེད་དངོས་གྲུབ་དཔལ་ལྡན་ལ༴ དྲིན་ཅན་ཀུན་དགའ་བཟང་པོ་ལ༴ མི་འགྱུར་ལས་འཕྲོ་གླིང་པ་ལ༴ རྒྱལ་དབང་རིན་ཆེན་ཕུན་ཚོགས་ལ༴ སྤྲུལ་སྐུ་ནམ་མཁའ་བརྒྱ་བྱིན་ལ༴ མཁས་གྲུབ་མདོ་སྔགས་བསྟན་འཛིན་ལ༴ རིག་འཛིན་ཕྲིན་ལས་ལྷུན་གྲུབ་ལ༴ ཆོས་རྒྱལ་གཏེར་བདག་གླིང་པ་ལ༴ དུས་གསུམ་རྩ་བརྒྱུད་བླ་མ་ལ༴ ཡི་དམ་སྒྲུབ་ཆེན་བཀའ་བརྒྱུད་ལ༴ མ་མོ་མཁའ་འགྲོའི་ལྷ་ཚོགས་ལ༴ ཆོས་སྐྱོང་མ་མགོན་ལྕམ་དྲལ་ལ༴ འདི་ཕྱི་བར་དོ་གསུམ་དུ་བྱིན་གྱིས་རློབས། །འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་དུ་གསོལ། །སྐྱེ་མེད་སྙིང་པོ་ལོན་པར་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། ༈ །སྲོང་འཁོར། ཨེ་མ་ཧོཿ སངས་རྒྱས་བསྟན་པ་རྨད་བྱུང་བསམ་ཡས་ལ༔ ཁྱད་པར་འཕགས་པའི་བསྟན་པ་རྣམ་གསུམ་བྱོན༔ སངས་རྒྱས་ཤཱཀྱ་ཐུབ་པའི་ཞིང་ཁམས་འདིར༔ གསག་སྔགས་རྡོ་རྗེ་ཐེག་པའི་བསྟན་པ་བྱོན༔ བསྟན་པ་རིན་པོ་ཆེ་ལ་གསོལ་བ་འདེབས༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ འོག་མིན་ལྷུན་གྱིས་གྲུབ་པའི་ཕོ་བྲང་དུ༔ དུས་གསུམ་བདེ་བར་གཤེགས་བའི་དགོངས་པ་ཡིས༔ མ་ཏྲཾ་རུ་ཊ་བཀའ་སྒོ་ལོག་བ་ལས༔ འགྲོ་དྲུག་སེམས་ཅན་སྡུག་བསྔལ་ཉམ་ཐག་གཟིགས༔ ཐུགས་རྗེ་ངོ་མཚར་ཅན་ལ༴ ཨོ་རྒྱན༴ ལྕང་ལོ་ཅན་གྱི་ཕོ་བྲང་དམ་པ་རུ༔ དེ་བཞིན་གཤེགས་པ་ཐམས་ཅད་བཀའ་བགྲོས་མཛད༔ ཞི་རྒྱས་དབང་དྲག་ཕྲིན་ལས་རྣམ་བཞི་ཡིས༔ ལོག་པ་བདུད་ཀྱི་བསྟན་པ་འདུལ་བར་མཛད༔ དུས་གསུམ་བདེ་གཤེགས་རྣམས་ལ་གསོལ༴ ཨོ་རྒྱན༴ རི་བོ་མ་ལ་ཡ་གནམ་ལྕགས་འབར་བའི་རྩེར༔ བདུད་པོ་མ་ཏྲཾ་རུ་ཊ་དྲག་པོས་བསྒྲལ༔ སྲིན་མོ་མ་ཚོགས་རྣམས་ལ་སྦྱོར་བ་མཛད༔ གསང་སྔགས་བསྟན་པ་དང་པོ་དེ་ནས་བྱོན༔ གདུལ་བྱ་ཁྱད་པར་ཅན་ལ་གསོལ༴ ཨོ་རྒྱན༴ འོག་མིན་ཆོས་ཀྱི་དབྱིངས་ཀྱི་ཕོ་བྲང་དུ༔ དུས་གསུམ་སྐྱེ་འགག་མེད་པ་ཆོས་ཀྱི་སྐུ༔ ཆོས་རྣམས་རྣམ་དག་ཡེ་ནས་ལྷུན་གྱིས་གྲུབ༔ སངས་རྒྱས་ཐམས་ཅད་ཐུགས་ལས་བསྐྱེད་པའི་ཡབ༔ ཆོས་སྐུ་ཀུན་ཏུ་བཟང་པོ་ལ་གསོལ༴ ཨོ་རྒྱན༴ བདེ་ཆེན་ལྷུན་གྱིས་གྲུབ་པའི་ཞིང་ཁམས་སུ༔ གཏི་མུག་རྣམ་དག་མེ་ལོང་ཡེ་ཤེས་ངང་༔ རྣམ་པར་སྣང་མཛད་ལོངས་སྤྱོད་རྫོགས་པའི་སྐུ༔ སྐུ་ཡི་རིགས་མཆོག་རིགས་ཀྱི་འཁོར་གྱིས་བསྐོར༔ བུདྡྷ་རིགས་ཀྱི་ལྷ་ཚོགས་ལ་གསོལ༴ ཨོ་རྒྱན༴ ཤར་ཕྱོགས་མངོན་པར་དགའ་བའི་ཞིང་ཁམས་སུ༔ ཞེ་སྡང་རྣམ་དག་སྟོང་ཉིད་ཡེ་ཤེས་ངང་༔ རྡོ་རྗེ་སེམས་དཔའ་ལོངས་སྤྱོད་རྫོགས་པའི་སྐུ༔ ཐུགས་ཀྱི་རིགས་མཆོག་རིགས་ཀྱི་འཁོར་གྱིས་བསྐོར༔ རྡོ་རྗེ་རིགས་ཀྱི་ལྷ་ཚོགས་ལ་གསོལ༴ ཨོ་རྒྱན༴ ལྷོ་ཕྱོགས་དཔལ་ལྡན་མཛེས་པའི་ཞིང་ཁམས་སུ༔ ང་རྒྱལ་རྣམ་དག་མཉམ་ཉིད་ཡེ་ཤེས་ངང་༔ རིན་ཆེན་འབྱུང་གནས་ལོངས་སྤྱོད་རྫོགས་པའི་སྐུ༔ ཡོན་ཏན་རིགས་མཆོག་རིགས་ཀྱི་འཁོར་གྱིས་བསྐོར༔ རིན་ཆེན་རིགས་ཀྱི་ལྷ་ཚོགས་ལ་གསོལ༴ ཨོ་རྒྱན༴ ནུས་ཕྱོགས་བདེ་བ་ཅན་གྱི་ཞིང་ཁམས་སུ༔ འདོད་ཆགས་རྣམ་དག་སོར་རྟོགས་ཡེ་ཤེས་ངང་༔ སྣང་བ་མཐའ་ཡས་ལོངས་སྤྱོད་རྫོགས་པའི་སྐུ༔ གསུང་གི་རིགས་མཆོག་རིགས་ཀྱི་འཁོར་གྱིས་བསྐོར༔ པདྨ་རིགས་ཀྱི་ལྷ་ཚོགས་ལ་གསོལ༴ ཨོ་རྒྱན༴ བྱང་ཕྱོགས་ལས་རབ་རྫོགས་པའི་ཞིང་ཁམས་སུ༔ ཕྲག་དོག་རྣམ་དག་བྱ་གྲུབ་ཡེ་ཤེས་ངང་༔ དོན་ཡོད་གྲུབ་པ་ལོགས་སྤྱོད་རྫོགས་པའི་སྐུ༔ ཕྲིན་ལས་རིགས་མཆོག་རིགས་ཀྱི་འཁོར་གྱིས་བསྐོར༔ ཀརྨ་རིགས་ཀྱི་ལྷ་ཚོགས་ལ༴ ཨོ་རྒྱན༴ ཆོས་དབྱིངས་རོལ་བའི་གཞལ་ཡས་ཆེན་པོ་ན༔ ཉོན་མོངས་དུག་ལྔ་བརྗིས་པའི་གདན་སྟིང་དུ༔ ཁྲོ་བོའི་རྒྱལ་པོ་ཆེ་མཆོག་ཧེ་རུ་ཀ༔ རིགས་ལྔ་བདེ་གཤེགས་འདུས་པའི་འཁོར་གྱིས་བསྐོར༔ ཀུན་བཟང་ཧེ་རུ་ཀའི་ལྷ་ཚོགས་ལ༴ ཨོ་རྒྱན༴ ཐུགས་རྗེ་རོལ་པའི་གཞལ་ཡས་ཆེན་པོ་ན༔ མ་བདུད་དྲེགས་པ་བརྫིས་པའི་གདན་སྟེང་དུ༔ མངོན་རྫོགས་རྒྱལ་པོ་ཆེ་མཆོག་ཧེ་རུ་ཀ༔ ཡེ་ཤེས་ལས་གྲུབ་མ་མོའི་འཁོར་གྱིས་བསྐོར༔ ཆེ་མཆོག་མ་མོའི་ལྷ་ཚོགས༴ ཨོ་རྒྱན༴ མཐིང་ནག་གྲུ་གསུམ་འབར་བའི་གཞལ་ཡས་ན༔ མ་ཏྲཾ་རུ་ཊ་བརྫིས་པའི་གདན་སྟེང་དུ༔ ཐུགས་ཀྱི་བདག་ཉིད་བཛྲ་ཧེ་རུ་ཀ །ཁྲག་འཐུང་ཁྲོ་བོ་འབར་བའི་འཁོར་གྱིས་བསྐོར༔ དཔལ་ཆེན་ཧེ་རུ་ཀའི་ལྷ་ཚོགས་ལ་གསོལ༴ ཨོ་རྒྱན༴ མཐིང་ནག་ཨེ་ལས་དྲག་པོའི་གཞལ་ཡས་ན༔ གཤིན་རྗེ་ཆུ་གླང་བརྫིས་པའི་གདན་སྟེང་དུ༔ འཇམ་དཔལ་ཡ་མཱནྟ་ཀ་གཤིན་རྗེའི་གཤེད༔ གཤེད་པོ་ཁྲོ་བོ་དྲེགས་པའི་འཁོར་གྱིས་བསྐོར༔ གཤིན་རྗེ་གཤེད་པོའི་ལྷ་ཚོགས་ལ་གསོལ༴ ཨོ་རྒྱན༴ དམར་ནག་གྲུ་གསུམ་དབང་གི་གཞལ་ཡས་ན༔ བདུད་ནག་ཕོ་མོ་བརྫིས་པའི་གདན་སྟེང་དུ༔ དབང་གི་རྒྱལ་པོ་པདྨ་ཧེ་རུ་ཀ༔ པདྨ་རིགས་ཀྱི་ཁྲོ་བོ་རྣམས་ཀྱིས་བསྐོར༔ རྟ་མགྲིན་དབང་གི་ལྷ་ཚོགས་ལ་གསོལ༴ ཨོ་རྒྱན༴ བསྐལ་པ་མེ་ལྟར་འབར་བའི་གཞལ་ཡས་ན༔ ཕོ་བདུད་དྲེགས་པ་བརྫེས་པའི་གདན་སྟེང་དུ༔ དཔལ་ཆེན་རྡོ་རྗེ་གཞོན་ནུ་དཔའ་བོའི་སྐུ༔ བདུད་འདུལ་ཁྲོ་བཅུ་ཁྲ་ཐབས་འཁོར་གྱིས་བསྐོར༔ རྡོ་རྗེ་ཕུར་བའི་ལྷ་ཚོགས་ལ་གསོལ༴ ཨོ་རྒྱན༴ པདྨ་དབང་གི་གཞའ་ཡས་ཆེན་པོ་ན༔ མ་ཆགས་པདྨ་འབར་བའི་གདན་སྟེང་དུ༔ བཅོམ་ལྡན་མགོན་པོ་ཡེ་ཤེས་ཚེ་དཔག་མེད༔ འཆི་མེད་ཚེ་ཡི་ལྷ་ཚོགས་རྣམས་ཀྱིས་བསྐོར༔ རྡོ་རྗེ་ཚེ་ཡི་ལྷ་ཚོགས་ལ་གསོལ༴ ཨོ་རྒྱན༴ དུར་ཁྲོད་རྔམ་བརྗིད་རོལ་པའི་གཞལ་ཡས་ན༔ ཏི་ར་གན་རྐྱལ་བརྫིས་པའི་གདན་སྟེང་དུ༔ ཡུམ་ཆེན་ཁྲོ་མོ་རྡོ་རྗེ་ཕག་མོའི་སྐུ༔ མ་མོ་མཁའ་འགྲོས་ལྷ་ཚོགས་འཁོར་གྱིས་བསྐོར༔ རྡོ་རྗེ་རྣལ་འབྱོར་མའི་ལྷ་ཚོགས་ལ་གསོལ༴ ཨོ་རྒྱན༴ རྒྱ་གར་རྡོ་རྗེ་གདན་གྱི་ཕོ་བྲང་དུ༔ རྒྱུ་འབྲས་བདེན་པས་འགྲོ་བའི་དོན་མཛད་ཅིང་༔ སྡེ་སྣོད་གསུམ་གྱི་བསྟན་པའི་རྒྱལ་མཚན་བཙུགས༔ ཉན་ཐོས་བྱང་ཆུབ་སེམས་དཔའི་འཁོར་གྱིས་བསྐོར༔ སྤྲུལ་སྐུ་ཤཱཀྱ་ཐུབ་པ་ལ་གསོལ༴ ཨོ་རྒྱན༴ དྷ་ན་ཀོ་ཤ་ཀླུ་ཡི་ཕོ་བྲང་དུ༔ ཐུགས་རྗེའི་སྟོབས་ཀྱིས་འགྲོ་བའི་དོན་ལ་བྱོན༔ རྒྱལ་བའི་དགོངས་པ་འགྲོ་དྲུག་རང་གྲོལ་མཛད༔ མཁའ་འགྲོ་སྡེ་ལྔ་མ་མོའི་འཁོར་གྱིས་བསྐོར༔ སྤྲུལ་སྐུ་དགའ་རབ་རྡོ་རྗེ་ལ་གསོལ༴ ཨོ་རྒྱན༴ རྒྱ་ནག་རི་བོ་རྩེ་ལྔའི་ཕོ་བྲང་དུ༔ སངས་རྒྱས་སྐུ་ཡི་སྤྲུལ་པ་འཇམ་དཔལ་དབྱངས༔ སྟེང་འོག་ཕྱོགས་བཞིར་སྐུ་ཡི་འགྲོ་དོན་མཛད༔ སྐུ་ཡི་བྱང་ཆུབ་སེམས་དཔའི་འཁོར་གྱིས་བསྐོར༔ འཕགས་པ་འཇམ་དཔལ་གྱི་ལྷ་ཚོགས་ལ་གསོལ༴ ཨོ་རྒྱན༴ གནས་ཆེན་རི་བོ་ཏ་ལའི་ཕོ་བྲང་དུ༔ སངས་རྒྱས་ཐུགས་ཀྱི་སྤྲུལ་བ་རྡོ་རྗེ་འཛིན༔ སྟེང་འོག་ཕྱོགས་བཞིར་ཐུགས་ཀྱིས་འགྲོ་དོན་མཛད༔ ཐུགས་ཀྱི་བྱང་ཆུབ་སེམས་དཔའི་འཁོར་གྱིས་བསྐོར༔ ཕྱག་ན་རྡོ་རྗེའི་ལྷ་ཚོགས་ལ་གསོལ༴ ཨོ་རྒྱན༴ སྟེང་ཕྱོགས་རྣམ་པར་རྒྱལ་བའི་ཁང་བཟང་དུ༔ འཕགས་པ་འཇམ་དཔལ་ཐུགས་ཀྱི་དགོངས་པ་ཡིས༔ ལྷ་དབང་བརྒྱ་བྱིན་གནས་སུ་གསང་སྔགས་བྱོན༔ ཚོམ་བུ་འབུམ་དང་བཅས་ཏེ་མངོན་སངས་རྒྱས༔ ལྷ་ཡི་རིག་འཛིན་རྣམས་ལ་གསོལ༴ ཨོ་རྒྱན༴ འོག་ཕྱོགས་རྒྱ་མཚོ་ཆེན་པོའི་གཏིང་རུམ་དུ༔ སྤྱན་རས་གཟིགས་དབང་ཐུགས་ཀྱི་དགོངས་པ་ཡིས༔ ཀླུ་རྒྱལ་འཇོག་པོའི་གནས་སུ་གསང་སྔགས་བྱོན༔ ཚོམ་བུ་འབུམ་དང་བཅས་ཏེ་མངོན་སངས་རྒྱས༔ ཀླུ་ཡི་རིག་འཛིན་རྣམས་ལ་གསོལ༴ ཨོ་རྒྱན༴ རི་རྒྱལ་མེ་རི་འབར་བའི་རྩེ་མོ་རུ༔ ཕྱག་ན་རྡོ་རྗེའི་ཐུགས་ཀྱི་དགོངས་པ་ཡིས༔ རྒྱལ་པོ་ཛཿཡི་གནས་སུ་གསང་སྔགས་བྱོན༔ གང་ཟག་ལས་ཅན་མ་ལུས་བྱང་ཆུབ་ཐོབ༔ མི་ཡི་རིག་འཛིན་རྣམས་ལ་གསོལ༴ ཨོ་རྒྱན༴ ནུབ་ཕྱོགས་ཨོ་རྒྱན་དབང་གི་ཕོ་བྲང་དུ༔ བདེ་གཤེགས་སྐུ་གསུག་ཐུགས་ཀྱི་སྤྲུལ་པ་སྟེ༔ འཛམ་བུའི་གླིང་དུ་འགྲོ་བའི་དོན་ལ་བྱོན༔་ རིག་འཛིན་མཁའ་འགྲོ་མང་པོའི་འཁོར་གྱིས་བསྐོར༔ པདྨ་འབྱུང་གནས་ཀྱི་ལྷ་ཚོགས་ལ་གསོལ༴ ཨོ་རྒྱན༴ ཆོས་སྐུ་ལོངས་སྐུ་སྤྲུལ་སྐུ་ཡང་སྤྲུལ་དང་༔ འདས་དང་མ་བྱོན་ད་ལྟ་དུས་གསུམ་གྱི༔ ཕྱོགས་བཅུའི་སངས་རྒྱས་རིག་འཛིན་བྱང་སེམས་ལ༔ བདག་ཅག་ལུས་ངག་ཡིད་གསུམ་གུས་པ་ཡིས༔ ཡིད་གཉིས་ཐེ་ཚོམ་མེད་པར་གསོལ༴ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ ༈ ཐོ་རངས། ཨེ་མ་ཧོ༔ འདི་ནས་ཉི་མ་ལྷོ་ནུབ་མཚམས་ཤེད་ན༔ གནས་ཆེན་རྡོ་རྗེ་གདན་གྱི་ནུབ་བྱང་མཚམས༔ རྔ་ཡབ་གླིང་ཕྲན་ཟ་བྱེད་སྲིན་པོའི་ཡུལ༔ དུས་གསུམ་སངས་རྒྱས་རྣམས་ཀྱིས་བྱིན་བརླབས་པའི༔ གླིང་མཆོག་ཁྱད་པར་ཅན་ལ་གསོལ་བ་འདེབས༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ ཧཱུྃ༔ སྔོན་གྱི་བསྐལ་པ་དང་པོ་འདས་པའི་དུས༔ མ་ཏྲཾ་རུ་ཊ་བསྒྲལ་བའི་རྫས་བརྒྱད་ལ༔ གསང་སྔགས་འབྱོན་པའི་གནས་བརྒྱད་བྱིན་གྱིས་བརླབས༔ ཙི་ཏ་ཨོ་རྒྱན་གནས་སུ་བབས་པ་ལས༔ རྟེན་འབྲེལ་ཁྱད་པར་ཅན་ལ་གསོལ༔ ཨོ་རྒྱན༴ རྡོ་རྗེ་ཕག་མོས་བྱིན་གྱིས་བརླབས་པའི་གནས༔ མ་མོ་མཁའ་འགྲོ་ཐམས་ཅད་འདུ་བའི་གླིང་༔ གསང་སྔགས་བརྡ་ཡི་རང་སྒྲ་དི་རི་རི༔ གནས་དེར་ཕྱིན་པ་ཙམ་གྱིས་བྱང་ཆུབ་ཐོབ༔ གནས་མཆོག་ཁྱད་པར་ཅན་ལ་གསོལ༴ ཨོ་རྒྱན༴ ཟངས་མདོག་དཔལ་གྱི་རི་བོ་ཙཏྟིའི་དབྱིབས༔ རྩ་བ་ཀླུ་ཡི་རྒྱལ་པོའི་གནས་སུ་ཟུག༔ སྐེད་པ་ལྷུན་ཆགས་མཁའ་འགྲོའི་གནས་ན་བརྗིད༔ རྩེ་མོ་ཚངས་པའི་འཇིག་རྟེན་སྙེགས་པ་འདྲ༔ རི་རྒྱལ་ཁྱད་པར་ཅན་ལ་གསོལ་༴ ཨོ་རྒྱན༴ དཔལ་གྱི་རི་བོ་འབར་བའི་རྩེ་མོ་ན༔ ཤར་ཕྱོགས་ཤེལ་ལ་ལྷོ་ཕྱོགས་བཻཌཱུཪྱ༔ ནུབ་ཕྱོགས་རཱ་ག་བྱང་ཕྱོགས་ཨིནྡྲའི་མདོག༔ ཕྱི་ནང་མེད་པར་གསལ་བའི་གཞལ་ཡས་ཁང༔ ཕོ་བྲང་ཁྱད་པར་ཅན་ལ་གསོལ༴ ཨོ་རྒྱན༴ གཞལ་ཡས་ཆེན་པོའི་ཕྱོགས་བཞི་མཚམས་བརྒྱད་དང་༔ སྟེང་འོག་ཐགས་ཅད་རིན་པོ་ཆེ་ལས་གྲུབ༔ ཁྱམས་དང་གྲུ་ཆད་གློར་བུར་རིགས་བཞི་ཡང་༔ ཕྲིན་ལས་བཞི་ཡི་ཁ་དོག་སོ་སོར་གསལ༔ ལྷུན་གྲུབ་གཞལ་ཡས་ཁང་ལ་གསོལ༴ ཨོ་རྒྱན༴ རྩིག་པ་འདོད་སྣམ་ཕ་གུ་དྲྭ་བ་དང་༔ དྲྭ་བྱེད་མདའ་ཡབ་རིན་ཆེན་སྣ་ལྔ་གསལ༔ སྒོ་བཞི་རྟ་བབས་ཆོས་འཁོར་རྒྱན་རྣམས་ཀུན༔ སྣ་ཚོགས་རིན་པོ་ཆེ་ཡིས་མཛེས་པར་བརྒྱན༔ རིན་ཆེན་གཞལ་ཡས་ཁང་ལ་གསོལ༴ ཨོ་རྒྱན༴ དཔག་བསམ་ཤིང་དང་བདུད་རྩིའི་ཆུ་མིག་དང་༔ འཇའ་ཚོན་སྣ་ལྔས་ཕྱི་ནང་སྤྲིན་ལྟར་གཏིབས༔ མེ་ཏོག་པདྨའི་འོད་ཀྱིས་བར་སྣང་ཁེངས༔ གནས་དེ་དྲན་པ་རྩམ་གྱིས་བདེ་ཆེན་ཐོབ༔ པདྨ་འོད་ཀྱི་གཞལ་ཡས་ལ་གསོལ༴ ཨོ་རྒྱན༴ གཞལ་ཡས་ཆེན་པོ་དེ་ཡི་ནང་ཤེད་ན༔ རིན་ཆེན་ཟུར་བརྒྱད་ཉི་མ་ཟླ་བའི་གདན༔ མ་ཆགས་པདྨ་འབར་བའི་སྡོང་པོ་ལ༔ པདྨ་འབྱུང་གནས་བདེ་གཤེགས་འདུས་པའི་སྐུ༔ རང་བྱུང་སྤྲུལ་པའི་སྐུ་ལ་གསོལ༴ ཨོ་རྒྱན༴ ཞི་རྒྱས་དབང་དྲག་དོན་ལ་དགོངས་པའི་ཕྱིར༔ སྐུ་མདོག་ཕྱག་མཚན་རྒྱན་རྣམས་མ་ངེས་ཀྱང་༔ ཉི་མ་སྟོང་གི་འོད་ལས་གཟི་མདངས་ཆེ༔ རི་རྒྱལ་ལྷུན་པོ་བས་ཀྱང་བརྗིད་རེ་ཆེ༔ ཡ་མཚན་སྤྲུལ་པའི་སྐུ་ལ་གསོལ༴ ཨོ་རྒྱན༴ ཐུགས་ཀྱི་སྤྲུལ་པས་འཇིག་རྟེན་ཁྱབ་པར་འགྱེད༔ སྤྱན་རྩ་ཉི་ཟླ་ལྟ་བུར་འཁྱིལ་ཞིང་གཟིགས༔ ནམ་མཁའི་གློག་ལས་ཐུགས་རྗེའི་ཕྲིན་ལས་མྱུར༔ དགོངས་པ་ཟབ་མོ་ནམ་མཁའི་ཀློང་དང་མཉམ༔ ཐུགས་རྗེ་ཁྱད་པར་ཅན་ལ་གསོལ༴ ཨོ་རྒྱན༴ འགྲོ་ལ་བརྩེ་བའི་ཐབས་ཀྱིས་འགྲོ་དོན་མཛད༔ ཞལ་འཛུམ་མཛེས་པའི་མདངས་ལྡན་ཡ་ལ་ལ༔ འབྲུག་སྟོང་ལྡིང་བས་གསུང་གི་གདངས་སྒྲ་ཆེ༔ གསང་སྔགས་ཟབ་མོའི་ཆོས་སྒྲ་དི་རི་རི༔ ཚངས་པའི་གསུངས་དབྱངས་སྒྲོགས་ལ་གསོལ༴ ཨོ་རྒྱན༴ སྤྲུལ་སྐུ་ཆེན་པོའི་ཕྱོགས་བཞི་མཚམས་བརྒྱད་ན༔ ལོག་པའི་དགྲ་བགེགས་བརྫིས་པའི་གདན་སྟེང་དུ༔ སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི༔ རིགས་ལྔ་བདེ་གཤེགས་བདུད་འདུལ་ཁྲོ་བོའི་ཚོགས༔ སྒྲུབ་ཆེན་བཀའ་བརྒྱད་ཀྱི་ལྷ་ཚོགས་ལ་གསོལ༴ ཨོ་རྒྱན༴ ཕྱོགས་བཞི་པདྨ་འདབ་བཞིའི་གདན་སྟེང་དུ༔ རིགས་བཞིའི་གིང་དང་མཁའ་འགྲོ་སྡེ་བཞིའི་ཚོགས༔ ཐམས་ཅད་མ་ལུས་དུར་ཁྲོད་ཆས་དང་ལྡན༔ མཛེས་པའི་རྒྱན་ལྡན་རོལ་པའི་སྟབས་སུ་བཞུགས༔ ཡེ་ཤེས་མཁའ་འགྲོ་ཡབ་ཡུམ་ལ་གསོལ༴ ཨོ་རྒྱན༴ གཞལ་ཡས་ཆེན་པོའི་ཕྱོགས་བཞིའི་བར་ཁྱམས་དང་༔ གྲུ་ཆད་གློ་འབུར་རིག་འཛིན་མཁའ་འགྲོས་ཁེངས༔ ལྷ་དང་ལྷ་མོ་མང་པོ་སྤྲིན་ལྟར་གཏིབས༔ ཕྱི་ནང་གསང་བའི་མཆོད་པ་སྣ་ཚོགས་འབུལ༔ མ་མོ་མཁའ་འགྲོའི་ལྷ་ཚོགས་ལ་གསོལ༴ ཨོ་རྒྱན༴ རིན་ཆེན་གཞལ་ཡས་ཁང་གི་འདོད་སྣམ་ལ༔ མཆོད་པའི་ལྷ་མོ་ཆར་སྤྲིན་ལྟ་བུར་གཏིབས༔ འདོད་ཡོན་དྲུག་གི་མཆོད་པས་འཇིག་རྟེན་ཁེངས༔ ཀུན་ཏུ་བཟང་པོའི་མཆོད་པས་བདེ་གཤེགས་མཆོད༔ ཡོན་ཏན་ཀུན་འབྱུང་གི་ལྷ་ཚོགས་ལ་གསོལ༴ ཨོ་རྒྱན༴ གཞལ་ཡས་ཆེན་པོའི་ཕྱོགས་ཀྱི་སྒོ་བཞི་ན༔ རྒྱལ་ཆེན་སྡེ་བཞི་བསྒོ་བའི་བཀའ་ཉན་མཛད༔ ལྷ་སྲིན་སྡེ་བརྒྱད་བྲན་དང་ཕོ་ཉར་འགྱེད༔ བདུད་དང་མུ་སྟེགས་རྡུལ་ཕྲན་བཞིན་དུ་འདུལ༔ ཆོས་སྐྱོང་སྲུང་མའི་ལྷ་ཚོགས་ལ་གསོལ༴ ཨོ་རྒྱན༴ ཧཱུྃ༔ བཞེངས་ཤིག་པདྨ་འབྱུང་གནས་མཁའ་འགྲོའི་ཚོགས༔ དགོངས་ཤིག་ཕྱོགས་བཅུ་དུས་གསུམ་བདེ་གཤེགས་རྣམས༔ རྗེ་བཙུན་ཆེན་པོ་པདྨ་ཐོད་ཕྲེང་རྩལ༔ རིག་འཛིན་མཁའ་འགྲོའི་གནས་ནས་གཤེགས་སུ་གསོལ༔ དབུ་སྐྲ་མཛེས་པའི་ཐོར་ཚུགས་ཤིགས་སེ་ཤིག༔ རིན་ཆེན་རྒྱན་ཆ་མང་པོ་སི་ལི་ལི༔ དུར་ཁྲོད་རུས་པའི་རྒྱན་ཆ་ཁྲོ་ལོ་ལོ༔ སྒྲ་དང་རོལ་མོ་མང་པོ་འུ་རུ་རུ༔ ཡི་དམ་ལྷ་ཚོགས་ཧཱུྃ་སྒྲ་དི་རི་རི༔ མཁའ་འགྲོ་སྡེ་ལྔས་གར་བྱེད་ཤིགས་སེ་ཤིག༔ གིང་ཆེན་དཔལ་བོས་བྲོ་བརྡུང་ཁྲབས་སེ་ཁྲབ༔ མ་མོ་མཁའ་འགྲོ་སྤྲིན་ལྟར་ཐིབས་སེ་ཐིབ༔ ཆོས་སྐྱོང་སྡེ་བརྒྱད་ལས་བྱེད་ཁྱུགས་སེ་ཁྱུག༔ ཞུབ་ཆེན་སྟོང་གི་སྒྲ་སྐད་སི་ལི་ལི༔ གཡས་ན་ཕོ་རྒྱུད་ཐམས་ཅད་ཤ་ར་ར༔ གཡོན་ན་མོ་རྒྱུད་ཐམས་ཅད་ཤ་ར་ར༔ བར་སྣང་ཐམས་ཅད་དར་གདུགས་ལྷབས་སེ་ལྷབ༔ དྲི་ཞིམ་སྤོས་ཀྱི་ངད་ལྡང་ཐུ་ལུ་ལུ༔ མཁའ་འགྲོ་གསང་བའི་བརྡ་སྐད་དི་རི་རི༔ གིང་ཆེན་དཔའ་བོའི་བཤུགས་གླུ་ཀྱུ་རུ་རུ༔ ཧཱུྃ་གི་སྣང་གླུ་མང་པོ་དི་རི་རི༔ ཕཊ་ཀྱི་བརྡ་སྐད་དྲག་པོ་སངས་སེ་སང་༔ བདག་དང་འགྲོ་དྲུག་སེམས་ཅན་ཐམས་ཅད་ལ༔ ཐུགས་རྗེས་གཟིགས་ལ་གནས་འདིར་གཤེགས་སུ་གསོལ༔ གནས་འདིར་ཐུགས་རྗེས་དགོངས་ཏེ་གཤེགས་ནས་ཀྱང་༔ བདག་གིས་བྱང་ཆུབ་སྙིང་པོ་མ་ཐོབ་བར༔ བགེགས་དང་ལོག་འདྲེན་བར་ཆད་འདུལ་བ་དང་༔ མཆོག་དང་ཐུན་མོང་དངོས་གྲུབ་སྩལ་དུ་གསོལ༔ འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་དུ་གསོལ༔ ༈ ནམ་ལངས། ཨེ་མ་ཧོ༔ སྤྲོས་བྲལ་བདེ་ཆེན་རྒྱལ་བ་ཀུན་ཏུ་བཟང་༔ རིགས་ལྔའི་སངས་རྒྱས་དྲུག་པ་རྡོ་རྗེ་འཆང་༔ འགྲོ་དྲུག་དོན་མཛད་བྱང་ཆུབ་སེམས་དཔའི་སྐུ༔ ཆོས་སྐུ་ལོངས་སྐུ་སྤྲུལ་སྐུ་རྣམ་པ་གསུམ༔ རྒྱལ་བ་དགོངས་པའི་བརྒྱུད་པ་ལ་གསོལ་བ་འདེབས༔ ཨོ་རྒྱན་པདྨ་འབྱུང༴ གྲགས་ལྡན་མཆོག་སྐྱོང་གནོན་སྦྱིན་སྐར་མདའ་གདོང་༔ བློ་གྲོས་ཐབས་ལྡན་ཀླུ་རྒྱལ་འཇོག་པོ་དང་༔ དྲི་མེད་གྲགས་པ་ལས་ཅན་རྒྱལ་པོ་ཛ༔ རིག་འཛིན་ལྷ་དབང་བརྒྱ་བྱིན་ལ་སོགས་ཏེ༔ རིག་འཛིན་རིག་པའི་བརྒྱུད་པ་ལ་གསོལ༴ ཨོ་རྒྱན༴ ཆོས་སྐུ་ཀུན་ཏུ་བཟང་པོའིི་དགོངས་པ་ཡིས༔ རྡོ་རྗེ་སེམས་དཔའ་དགའ་རབ་རྡོ་རྗེ་དང་༔ ཤྲཱི་སིངྷའི་རབ་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ རྫོགས་ཆེན་བརྒྱུད་པའི་བླ་མ་ལ་གསོལ༴ ཨོ་རྒྱན༴ རྒྱལ་བ་ཆོས་ཀྱི་སྐུ་ཡི་དགོངས་པ་ཡིས༔ བདེ་གཤེགས་རིགས་ལྔ་རིགས་གསུམ་མགོན་པོ་དང་༔ སངས་རྒྱས་གསང་བའི་བར་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ སྒྱུ་འཕྲུལ་བརྒྱུད་པའི་བླ་མ་ལ་གསོལ༴ ཨོ་རྒྱན༴ འཇམ་དཔལ་ཡ་མཱནྟ་ཀའི་དགོངས་པ་ཡིས༔ སློབ་དཔོན་ཆེན་པོ་འཇམ་དཔལ་བཤེས་གཉེན་དང་༔ རོ་ལངས་བདེ་བའི་བར་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱིས༔ སྐུ་ཡི་བརྒྱུད་པའི་བླ་མ་ལ་གསོལ༴ ཨོ་རྒྱན༴ པདྨ་ཧེ་རུ་ཀ་ཡི་དགོངས་པ་ཡིས༔ དབང་གི་ལྷ་མོ་ནཱ་ག་རྫུ་ན་དང་༔ པདྨ་འབྱུང་གནས་བར་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ གསུང་གི་བརྒྱུད་པའི་བླ་མ་ལ་གསོལ༴ ཨོ་རྒྱན༴ བཛྲ་ཧེ་རུ་ཀ་ཡི་དགོངས་པ་ཡིས༔ དགའ་རབ་རྡོ་རྗེ་འཇམ་དཔལ་བཤེས་གཉེན་དང་༔ ཧཱུྃ་ཆེན་ཀ་རའི་བར་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ ཐུགས་ཀྱི་བརྒྱུད་པའི་བླ་མ་ལ་གསོལ༴ ཨོ་རྒྱན༴ ཆེ་མཆོག་ཧེ་རུ་ཀ་ཡི་དགོངས་པ་ཡིས༔ སྤྲུལ་བའི་མཁའ་འགྲོ་རིག་འཛིན་མང་པོ་དང་༔ མི་འགྱུར་ནམ་མཁའི་བར་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ ཡོན་ཏན་བརྒྱུད་པའི་བླ་མ་ལ་གསོལ༴ ཨོ་རྒྱན༴ དཔལ་ཆེན་རྡོ་རྗེ་གཞོན་ནུའི་དགོངས་པ་ཡིས༔ ལྷུན་གྲུབ་ཕྱག་རྒྱ་ཆེན་པོའི་རིག་འཛིན་དང་༔ རྡོ་རྗེ་ཐོད་ཕྲེང་རྩལ་ལ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ ཕྲིན་ལས་བརྒྱུད་པའི་བླ་མ་ལ་གསོལ༴ ཨོ་རྒྱན༴ མངོན་རྫོགས་རྒྱལ་པོ་ཆེ་མཆོག་ཧེ་རུ་ཀ༔ མ་རྒྱུད་ལྷ་མོ་ཡོངས་འཁྱུད་བདེ་མ་དང་༔ དྷ་ན་སྐྲཾའི་བར་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ སྲིད་པ་མ་རྒྱུད་ཀྱི་བླ་མ་ལ་གསོལ༴ ཨོ་རྒྱན༴ བཅོམ་ལྡན་དྲེགས་པ་ཀུན་འདུལ་དགོངས་པ་ཡིས༔ རཾ་བུ་གུ་ཧྱ་ཙནྡྲའི་ཐུགས་བརྒྱུད་ནས༔ ཤཱཀྱ་སེངྒེའི་བར་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ མཆོད་བསྟོད་བརྒྱུད་པའི་བླ་མ་ལ་གསོལ༴ ཨོ་རྒྱན༴ དཔལ་ཆེན་སྟོབས་ལྡན་ནག་པོའི་དགོངས་པ་ཡིས༔ སློབ་དཔོན་ཤཱནྟིང་གརྦྷའི་ཐུགས་བརྒྱུད་ནས༔ རྡོ་རྗེ་གྲོ་ལོད་རྩལ་ལ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ དྲག་སྔགས་བརྒྱུད་པའི་བླ་མ་ལ་གསོལ༴ ཨོ་རྒྱན༴ མགོན་པོ་ཚེ་དཔག་མེད་ཀྱི་དགོངས་པ་ཡིས༔ ལྷ་མོ་ཙཎྜ་ལི་ལ་ཐུགས་བརྒྱུད་ནས༔ འཆི་མེད་པདྨ་འབྱུང་གནས་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ ཚེ་ཡི་རིག་འཛིན་རྣམས་ལ་གསོལ༴ ཨོ་རྒྱན༴ རྡོ་རྗེ་ཕག་མོའི་ཐུགས་ཀྱི་དགོངས་པ་ཡིས༔ མཁའ་འགྲོ་སེངྒའི་གདོང་ཅན་ཐུགས་བརྒྱུད་ནས༔ རྡོ་རྗེ་དྲག་བོ་རྩལ་ལ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ གསང་སྔགས་མ་བརྒྱུད་ཀྱི་བླ་མ་ལ་གསོལ༴ ཨོ་རྒྱན༴ རྡོ་རྗེ་ཁྲག་འཐུང་ཐུགས་ཀྱི་དགོངས་པ་ཡིས༔ སྤྲུལ་སྐུ་པདྨ་འབྱུང་གནས་ཐུགས་བརྒྱུད་ནས༔ འཛམ་གླིང་བོད་ཀྱི་ལས་ཅན་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ གསང་སྔགས་འདུས་བརྒྱུད་ཀྱི་བླ་མ་ལ་གསོལ༴ ཨོ་རྒྱན༴ འདས་པའི་སངས་རྒྱས་རྣམས་ཀྱི་དགོངས་པ་ཡིས༔ སངས་རྒྱས་ཤཱཀྱ་ཐུབ་པའི་ཐུགས་བརྒྱུད་ནས༔ བོདྷི་ས་ཏྭའི་བར་དུ་བྱིན་བརླབས་ཏེ༔ འདས་དང་མ་བྱོན་ད་ལྟ་དུས་གསུམ་གྱི༔ རྒྱུ་འབྲས་དོན་སྟོན་གྱི་བླ་མ་ལ་གསོལ༴ ཨོ་རྒྱན༴ རིག་འཛིན་བྱང་ཆུབ་སེམས་དཔའི་དགོངས་པ་ཡིས༔ གང་ཟག་ལས་ཅན་རྣམས་ལ་བྱིན་བརླབས་ཏེ༔ དུས་ཚོད་འདི་ནས་ལྔ་བརྒྱ་ཐ་མའི་བར༔ གསང་སྔགས་བཀའ་བཞིན་བསྒྲུབ་པའི་དམ་ཚིག་ཅན༔ གང་ཟག་སྙན་ཁུངས་བརྒྱུད་པ་ལ་གསོལ༴ ཨོ་རྒྱན༴ འདི་ལྟར་མིག་གི་ཡུལ་དུ་སྣང་བ་ཡི༔ ཕྱི་ནང་སྣོད་བཅུད་དངོས་པོ་ཐམས་ཅད་ཀུན༔ སྣང་ཡང་བདག་འཛིན་མེད་པའི་ངང་ལ་ཞོག༔ གཟུང་འཛིན་དག་པ་གསལ་སྟོང་ལྷ་ཡི་སྐུ༔ འདོད་ཆགས་རང་གྲོལ་གྱི་བླ་མ་ལ་གསོལ༴ ཨོ་རྒྱན༴ འདི་ལྟར་རྣ་བའི་ཡུལ་དུ་གྲགས་པ་ཡི༔ སྙན་དང་མི་སྙན་འཛིན་པའི་སྒྲ་རྣམས་ཀུན༔ གྲགས་སྟོང་བསམ་མནོ་བྲལ་པའི་ངང་ལ་ཞོག༔ གྲགས་སྟོང་སྐྱེ་འགག་མེད་པ་རྒྱལ་བའིགསུང་༔ གྲགས་སྟོང་རྒྱལ་བའི་གསུང་ལ་གསོལ༴ ཨོ་རྒྱན༴ འདི་ལྟར་ཡིད་ཀྱི་ཡུལ་དུ་འགྱུ་བ་ཡི༔ ཉོན་མོངས་དུག་ལྔའི་རྟོག་པ་ཅི་ཤར་ཡང་༔ སྔོན་བསུ་རྗེས་དཔྱོད་བློ་ཡིས་བཅོས་མི་གཞུག༔ འགྱུ་བ་རང་སར་བཞག་པས་ཆོས་སྐུར་གྲོལ༔ རིག་པ་རང་གྲོལ་གྱི་བླ་མ་ལ་གསོལ༴ ཨོ་རྒྱན༴ ཕྱི་ལྟར་གཟུང་བའི་ཡུལ་སྣང་དག་པ་དང་༔ ནང་ལྟར་འཛིན་པའི་སེམས་ཉིད་གྲོལ་བ་དང་༔ བར་དུ་འོད་གསལ་རང་ངོ་ཤེས་པ་རུ༔ དུས་གསུམ་བདེ་གཤེགས་རྣམས་ཀྱི་ཐུགས་རྗེ་ཡིས༔ བདག་འདྲའི་རང་རྒྱུད་གྲོལ་བར་བྱིན་གྱིས་རློབས༔ ༈ དགོང་མོ། ཨེ་མ་ཧོ༔ ལྷོ་ནུབ་རྔ་ཡབ་གླིང་ཕྲན་སྲིད་པོའི་ཡུལ༔ སིནྡྷཱུ་རྒྱ་མཚོ་རོལ་པའི་མཚོ་གླིང་དུ༔ ཀླུ་རྒྱལ་འཇོག་པོ་གནས་པའི་ཁང་སྟེང་དུ༔ པདྨ་འབར་བའི་སྡོང་པོའི་རྩེ་ལས་འཁྲུངས༔ རང་བྱུང་ངོ་མཚར་ཅན་ལ་གསོལ་བ་འདེབས༔ ཨོ་རྒྱན༴ ཕ་དང་མ་མེད་ཁྱེའུ་སྤྲུལ་པའི་སྐུ༔ རྒྱུ་མེད་རྐྱེན་མེད་རྒྱ་མཚོའི་ཀློང་ལས་བྱོན༔ མ་རིག་ལོག་པའི་སེམས་ཅན་འདྲེན་པའི་དཔལ༔ བདེ་གཤེགས་སྐུ་གསུང་ཐུགས་ཀྱི་སྤྲུལ་པ་སྟེ༔ སྤྲུལ་སྐུ་མཚོ་སྐྱེས་རྡོ་རྗེ་ལ་གསོལ༴ ཨོ་རྒྱན༴ ལས་ཅན་རྒྱལ་པོ་ཨིནྡྲ་བྷུ་ཏི་ཡིས༔ རྒྱ་མཚོ་ཆེན་པོའི་གླིང་ནས་རྙེད་དེ་བྱོན༔ དད་པས་སྤྱན་དྲངས་རྒྱལ་པོར་མངའ་གསོལ་མཛད༔ རྒྱལ་སྲིད་ཆོས་ཀྱི་ཁྲིམས་ཀྱིས་བདེ་ལ་བཀོད༔ རྒྱལ་པོ་ཐོར་ཅོག་ཅན་ལ་གསོལ༴ ཨོ་རྒྱན༴ ལྷོ་ཕྱོགས་བསིལ་བ་ཚལ་གྱི་དུར་ཁྲོད་དུ༔ རྒྱལ་སྲིད་སྤངས་ནས་བརྟུལ་ཞུགས་སྤྱོད་པ་མཛད༔ ཏ་ན་ག་ནའི་སྦྱོར་སྒྲོལ་དགོངས་པ་ཡིས༔ མ་མོ་མཁའ་འགྲོ་ཐམས་ཅད་དབང་དུ་བསྡུས༔ ཤཱནྟ་རཀྵི་ཏ་ལ་གསོལ༴ ཨོ་རྒྱན༴ ཕྱོགས་བཞིའི་དུར་ཁྲོད་ཀུན་ཏུ་སྤྱོད་པ་མཛད༔ ཡེ་ཤེས་མཁའ་འགྲོ་རྣམས་ཀྱིས་བྱིན་གྱིས་བརླབས༔ རྡོ་རྗེ་ཕག་མོའི་ཞལ་མཐོང་དངོས་གྲུབ་ཐོབ༔ ནམ་མཁའི་གཟའ་ཆེན་ཐམས་ཅད་བྲན་དུ་བཀོལ༔ རྡོ་རྗེ་དྲག་པོ་རྩལ་ལ་གསོལ༴ ཨོ་རྒྱན༴ བྲག་དམར་བྱ་ཁྱུང་ཚལ་གྱི་ཀེའུ་ཚང་དུ༔ སློབ་དཔོན་པྲ་བྷ་ཧ་སྟིའི་སྤྱན་སྔར་བྱོན༔ རྣལ་འབྱོར་ཡོ་གའི་ཆོས་ལ་སྦྱངས་པ་མཛད༔ ཡོ་གའི་ལྷ་ཚོགས་རྣམས་ཀྱི་ཞལ་གཟིགས་པའི༔ ཤཱཀྱ་སེངྒེའི་སྐུ་ལ་གསོལ༴ ཨོ་རྒྱན༴ རྒྱ་གར་ཡུལ་གྱི་ཕྱོགས་བཞིའི་གནས་ཆེན་དུ༔ རིག་འཛིན་གྲུབ་ཐོབ་མང་པོའི་སྤྱན་སྔར་བྱོན༔ ཡོ་ག་རྣམ་གསུམ་ཆོས་ལ་སྦྱངས་བ་མཛད༔ མཚན་ཉིད་རྒྱུ་ཡི་ཆོས་ཀྱི་སྒྲོ་འདོགས་བཅད༔ མཁས་པ་བློ་ལྡན་མཆོག་སྲེད་ལ་གསོལ༴ ཨོ་རྒྱན༴ བྲག་ཕུག་མཱ་ར་ཏི་ཀའི་ཀེའུ་ཚང་དུ༔ འཆི་མེད་ཚེ་ཡི་རིག་འཛིན་བསྒྲུབས་པའི་ཚེ༔ མགོན་པོ་ཚེ་དཔག་མེད་ཀྱིས་བྱིན་གྱིས་བརླབས༔ སྐྱེ་འཆི་མེད་པ་རྡོ་རྗེའི་ལུས་སུ་གྱུར༔ འཆི་མེད་པདྨ་འབྱུང་གནས་ལ་གསོལ༴ ཨོ་རྒྱན༴ ཟ་ཧོར་རྒྱལ་ཁམས་འདུལ་དུ་གཤེགས་པའི་ཚེ༔ མ་རིག་འཁྲུལ་པའི་སེམས་ཅན་ཆོས་ལ་བཙུད༔ ཡ་མཚན་རྨད་དུ་བྱུང་བའི་རྫུ་འཕྲུལ་བསྟན༔ རྒྱལ་ཁམས་ཐམས་ཅད་ཆོས་ཀྱིས་གང་བར་མཛད༔ པདྨ་སམྦྷའི་སྐུ་ལ་གསོལ༴ ཨོ་རྒྱན༴ ཨོ་རྒྱན་རྒྱལ་ཁམས་འདུལ་དུ་གཤེགས་པའི་ཚེ༔ གཤེད་མས་མེ་ཡི་དབུས་སུ་བསྲེགས་པ་ན༔ མེ་དཔུང་མཚོ་རུ་བསྒྱུར་ཏེ་རྫུ་འཕྲུལ་བསྟན༔ ཨིནྡྲ་བྷཱུ་ཏི་བྱང་ཆུབ་ལམ་ལ་བཀོད༔ སྲས་མཆོག་པདྨ་བརྩེགས་ལ་སོགས༔ རང་བྱུང་མཆོད་རྟེན་དྲུང་དུ་བཞུགས་པའི་ཚེ༔ མ་མོ་མཁའ་འགྲོ་ཆོས་སྐྱོང་འཁོར་གྱིས་བསྐོར༔ གུ་རུ་ཉི་མ་འོད་ཟེར་ལ་གསོལ༴ ཨོ་རྒྱན༴ ལྷོ་ཕྱོགས་རྒྱ་གར་ཡུལ་དུ་གཤེགས་པའི་ཚེ༔ མཁའ་འགྲོ་བདུད་འདུལ་མ་ཡིས་བྱིན་གྱིས་བརླབས༔ མུ་སྟེགས་སྟོན་པ་ལྔ་བརྒྱའི་རྩོད་པ་བཟློག༔ ངན་སྔགས་བདག་པོ་མུ་སྟེགས་ཐོག་གིས་བསྒྲལ༔ འཕགས་པ་སེངྒེ་སྒྲ་སྒྲོགས་ལ་གསོལ༴ ཨོ་རྒྱན༴ བལ་ཡུལ་ཡང་ལེ་ཤོད་ཀྱི་བྲག་ཕུག་ཏུ༔ ཡང་དག་བདེ་ཆེན་སྙིང་པོ་བསྒྲུབས་པའི་ཚེ༔ བར་ཆད་བགེགས་རྣམས་རྡོ་རྗེ་ཕུར་པས་བསྒྲལ༔ ཕྱག་རྒྱ་ཆེན་པོའི་དངོས་གྲུབ་གནས་དེར་ཐོབ༔ རྡོ་རྗེ་ཐོད་ཕྲེང་རྩལ་ལ་གསོལ༴ ཨོ་རྒྱན༴ བྱང་ཕྱོགས་རྒྱལ་པོའི་དོན་ལ་བྱོན་པའི་ཚེ༔ བོད་ཀྱི་གནོད་སྦྱིན་ཐམས་ཅད་དམ་ལ་བཏགས༔ བསམ་ཡས་མངའ་གསོལ་རྒྱལ་པོའི་དགོངས་པ་བསྒྲུབས༔ བོད་ཡུལ་ཐམས་ཅད་ཆོས་ཀྱིས་གང་བར་མཛད༔ སྤྲུལ་སྐུ་པདྨ་འབྱུང་གནས་ལ་གསོལ༴ ཨོ་རྒྱན༴ བསམ་ཡས་མཆིམས་ཕུའི་བྲག་དམར་ཀེའུ་ཚང་དུ༔ སྒྲུབ་ཆེན་བཀའ་བརྒྱད་གསང་སྔགས་དཀྱིལ་འཁོར་དུ༔ ལས་ཅན་རྒྱལ་པོ་རྗེ་འབངས་སྨིན་པར་མཛད༔ གསང་སྔགས་འབྲས་བུའི་ཐེག་པ་རྒྱས་པར་མཛད༔ བཀའ་དྲིན་བསམ་ལས་འདས་ལ་གསོལ༴ ཨོ་རྒྱན༴ སྟག་ཚང་སེངྒེ་བསམ་འགྲུབ་ཀེའུ་ཚང་དུ༔ གདུག་པའི་མུ་སྟེགས་བདུད་དང་དམ་སྲི་བཏུལ༔ གནས་ཆེན་གངས་བྲག་རྣམས་ལ་གཏེར་ཆེན་སྦས༔ མ་འོངས་སྙིགས་མའི་སེམས་ཅན་ཐུགས་རྗེས་གཟིགས༔ རྡོ་རྗེ་གྲོ་ལོད་རྩལ་ལ་གསོལ༴ ཨོ་རྒྱན༴ བོད་ཀྱི་གངས་ཆེན་བཞི་ལ་སྒྲུབ་ཁང་མཛད༔ བྲག་ཕུག་ཆེན་པོ་བརྒྱད་ལ་ཡང་དཔེན་མཛད༔ ཕྱོགས་བཞིའི་བྲག་ལ་སྤྲུལ་སྐུའི་ཞབས་རྗེས་བཞག༔ གྲགས་པའི་མཚོ་ཆེན་བཞི་ལ་ཕྱག་རྗེས་བཞག༔ འགྲོ་དྲུག་སྒྲིབ་སྦྱོང་མཛད་ལ་གསོལ༴ ཨོ་རྒྱན༴ ལྷོ་ཕྱོགས་མོན་ཁའི་བྲག་ལ་སྐུ་རྗེས་བཞག༔ སྐུ་ཚབ་གཏེར་ལྔ་བོད་ཀྱི་དོན་ལ་བཞག༔ སངས་རྒྱས་བསྟན་པ་མཐའ་རུ་རྒྱས་པར་མཛད༔ བོད་ཀྱི་ལྷ་གཅིག་འགྲོ་བ་ཡོངས་ཀྱི་དཔལ༔ ཐུགས་རྗེ་ཁྱད་པར་ཅན་ལ་གསོལ༴ ཨོ་རྒྱན༴ ལྷོ་ནུབ་རྔ་ཡབ་གླིང་ཕྲན་དཔལ་རིའི་རྩེར༔ རིག་འཛིན་མཁའ་འགྲོ་མང་པོའི་རྒྱལ་པོ་མཛད༔ ཤ་ཟ་སྲིད་པོ་ཐམས་ཅད་དམ་ལ་བཏགས༔ བོད་ལ་རྒྱུན་ཆད་མེད་པར་ཐུགས་རྗེས་གཟིགས༔ དྲིན་ཆེན་སྤྲུལ་པའི་སྐུ་ལ་གསོལ༴ ཨོ་རྒྱན༴ ལྔ་བརྒྱའི་ཐ་མར་བོད་ཀྱི་སེམས་ཅན་ལ༔ ལས་ངན་དབང་གིས་སྡུག་བསྔལ་རྒྱུན་ཆད་མེད༔ ཁྱོད་ཀྱི་རྣམ་ཐར་དྲན་ཅིང་གསོལ་བ་འདེབས༔ བདག་དང་འགྲོ་དྲུག་སེམས་ཅན་ཐམས་ཅད་ལ༔ ཐུགས་རྗེས་གཟིགས་ལ་བྱིན་གྱིས་བརླབས་ཏུ་གསོལ་༔ ༈ ནམ་གུང་། ཨེ་མ་ཧོ༔ ནུབ་ཕྱོགས་བདེ་བ་ཅན་གྱི་ཞིང་ཁམས་སུ༔ མགོན་པོ་ཚེ་དཔག་མེད་ཀྱི་ཐུགས་རྗེ་ཡིས༔ འཛམ་བུའི་གླིང་དུ་འགྲོ་བའི་དོན་ལ་དགོངས༔ ཕྱོགས་བཅུའི་སངས་རྒྱས་ཀུན་གྱིས་བྱིན་བརླབས་པའི༔ དུས་གསུམ་བདེ་གཤེགས་རྣམས་ལ་གསོལ༴ ཨོ་རྒྱན༴ སིནྡྷུ་རྒྱ་མཚོ་རོལ་པའི་མཚོ་གླིང་དུ༔ མེ་ཏོག་པདྨ་འབར་བའི་སྡོང་པོ་ལ༔ ཕ་དང་མ་མེད་རང་བྱུང་ཤུགས་ལས་བྱུང་༔ རྒྱུན་མེད་རྐྱེན་མེད་འགྲོ་བའི་དོན་ལ་བྱོན༔ རང་བྱུང་ངོ་མཚར་ཅན་ལ་གསོལ༴ ཨོ་རྒྱན༴ སངས་རྒྱས་ཀུན་གྱི་སྐུ་ཡི་སྤྲུལ་པ་སྟེ༔ རང་བྱུང་མཚན་དང་དཔེ་བྱད་ལྡན་པར་བྱོན༔ ཉི་མ་སྟོང་གི་འོད་ལས་གཟི་མདངས་ཆེ༔ ཁྱོད་ཀྱི་སྤྲུལ་པས་འཇིག་རྟེན་ཁྱབ་པར་འགྱེད༔ ཡ་མཚན་སྤྲུལ་བའི་སྐུ་ལ་གསོལ༴ ཨོ་རྒྱན༴ སངས་རྒྱས་ཀུན་གྱི་གསུང་གི་སྤྲུལ་པ་སྟེ༔ མ་ཆགས་པདྨའི་སྡོང་པོའི་རྩེ་ལས་འཁྲུངས༔ འབྲུག་ཆེན་སྟོང་གི་སྒྲ་བས་གསུང་གདངས་ཆེ༔ འགྲོ་བའི་དོན་དུ་ཐེག་ཆེན་ཆོས་སྒྲ་སྒྲོགས༔ འབྲུག་ལྟར་སྒྲོགས་པའི་གསུང་ལ་གསོལ༴ ཨོ་རྒྱན༴ སངས་རྒྱས་ཀུན་གྱི་ཐུགས་ཀྱི་སྤྲུལ་པ་སྟེ༔ རྒྱ་མཚོ་གཏིང་མཐའ་མེད་པའི་ཀློང་ལས་སྐྱེས༔ ནམ་མཁའི་གློག་ལས་ཐུགས་རྗེའི་ཕྲིན་ལས་མྱུར༔ དགོངས་པ་ཟབ་མོ་ནམ་མཁའི་མཐའ་དང་མཉམ༔ ཅིར་ཡང་ས་ལེའི་ཐུགས་ལ་གསོལ༴ ཨོ་རྒྱན༴ འགྲོ་བའི་དོན་དུ་ཡོད་བཞིན་ནོར་བུའི་སྐུ༔ ཁྱོད་ཀྱི་མཚན་ཐོས་ཙམ་གྱིས་སྡུག་བསྔལ་སེལ༔ འཇའ་ཚོན་བཞིན་དུ་ཡོན་ཏན་སོ་སོར་གསལ༔ སྐད་ཅིག་དྲན་པས་བྱང་ཆུབ་ལམ་སྣ་འདྲེན༔ ཡོན་ཏན་ཀུན་འབྱུང་ཁྱོད་ལ་གསོལ༴ ཨོ་རྒྱན༴ ཐུགས་རྗེའི་ཕྲིན་ལས་དབང་གིས་དོན་མཛད་པའི༔ ཞི་རྒྱས་དབང་དྲག་ཕྲིན་ལས་རྣམ་བཞི་ཡིས༔ ཉོན་མོངས་གདུལ་དཀའི་སེམས་ཅན་ཐབས་ཀྱིས་འདུལ༔ ནམ་མཁའི་སྐར་ལྟར་ཕྲིན་ལས་བསམ་མི་ཁྱབ༔ ཕྲིན་ལས་རྒྱ་མཚོའི་རླབས་ལ་གསོལ༴ ཨོ་རྒྱན༴ སྟེང་འོག་ཕྱོགས་བཞིར་འགྲོ་བའི་དོན་མཛད་ཀྱང་༔ བོད་ཡུལ་ཁ་བ་ཅན་དུ་ཐུགས་རྗེས་གཟིགས༔ བོད་ཀྱི་མངའ་བདག་རྗེ་འབངས་ཐམས་ཅད་ལ༔ དུས་གསུམ་རྒྱུན་ཆད་མེད་པར་བྱིན་གྱིས་རློབས༔ འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་དུ་གསོལ༔ ༈ ང་ཡི་རྗེས་འཇུག་འཁོར་བ་སྤོང་འདོད་རྣམས༔ དད་གུས་མོས་པས་རྒྱུན་དུ་གསོལ་བ་ཐོབ༔ རྩེ་གཅིག་གདུང་བའི་དབྱངས་ནི་འདི་ལྟར་སྟེ༔ ཁྱེའུ་ཕ་མར་འབོད་འདྲའི་གདུང་དབྱངས་ལ༔ པི་ཝཾ་གླིང་བུའི་གདངས་ལྟར་སྙན་པ་ཡིས༔ ཉིན་མཚན་དུས་དྲུག་རྣམས་སུ་གསོལ་བ་ཐོབ༔ ཅེས་གསུངས་སྔོན་གྱི་ཐུགས་དམ་ཞལ་བཞེས་བཞིན། །འདི་མན་སྨིན་གླིང་སྤར་མ་སོགས་སུ་མི་འབྱུང་ཡང་ཁྲི་སྲོང་རྣམ་འཕྲུལ་དཔལ་བཀྲ་ཤིས་སྟོབས་རྒྱལ་གྱིས་མཛད། གུས་ཤིང་གདུང་ཤུགས་དྲག་པོས་གསོལ་འདེབས་བུར། །ཀྱེ་མ་ཐུགས་རྗེས་གཟིགས་ཤིག་མ་ཧཱ་གུ་རུ། །བྱིན་གྱིས་རློབས་ཤིག་རྗེ་བཙུན་ཐོད་ཕྲེང་རྩལ། །བར་ཆད་ཀུན་སོལ་བདུད་འདུལ་དྲག་པོ་རྩལ། །དངོས་གྲུབ་མཆོག་སྩོལ་ཨོ་རྒྱན་རིན་པོ་ཆེ། །ད་ལྟ་རྩོད་དུས་ལྔ་བརྒྱའི་སྙིགས་དུས་འདིར། །འབྱུང་པོས་རྒྱུད་དཀྲུགས་སྐྱེ་བོས་ལོག་པར་འཚེ། །མཐའ་ཡི་དམག་དཔུང་ནད་མཚོན་མུ་གེ་སོགས། །བྱུང་དང་ལྟས་ངན་གནོན་པ་ཀུན་ཞི་ཞིང་། །རྒྱལ་བའི་བསྟན་དང་ཁྱད་པར་ཐེག་དགུའི་སྲོལ། །དེར་འཛིན་ཚོགས་རྣམས་དར་སྨིན་རྒྱས་གྱུར་ཅིག །ཕུན་ཚོགས་བསམ་ཡས་ལྷུ་གྲུབ་ཕོ་བྲང་གནས། །པདྨ་འབྱུང་གནས་ལམ་ཟབ་ཆོས་སྟོན་པ། །ཐེག་ཆེན་རྒྱལ་སྲིད་རིན་ཆེན་བདུན་ལྡན་ཆོས། །སྐལ་ལྡན་ལས་ཅན་དག་པ་རྣམ་ལྔའི་འཁོར། །འོད་དཀར་རྒྱལ་གྱིས་གང་བའི་བཀྲ་ཤིས་དུས། །དེང་འདིར་བསམ་པ་ལྷུན་གྲུབ་བཀྲ་ཤིས་ཤོག ༈ །ཨེ་མ་ཧོ༔ ནུབ་ཕྱོགས་བདེ་བ་ཅན་གྱི་ཞིང་ཁམས་སུ༔ སྣང་བ་མཐའ་ཡས་ཐུགས་རྗེའི་བྱིན་རླབས་གཡོས༔ སྤྲུལ་སྐུ་པདྨ་འབྱུང་གནས་བྱིན་བརླབས་ཏེ༔ འཛམ་བུའི་གླིང་དུ་འགྲོ་བའི་དོན་ལ་བྱོན༔ འགྲོ་དོན་རྒྱུན་ཆད་མེད་པའི་ཐུགས་རྗེ་ཅན༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ རྒྱལ་པོ་ཁྲི་སྲོང་ལྡེའུ་བཙན་མན་ཆད་ནས༔ ཆོས་རྒྱལ་གདུང་བརྒྱུད་མཐའ་ལ་མ་སྟོངས་བར༔ དུས་གསུམ་རྒྱུན་ཆད་མེད་པར་བྱིན་གྱིས་རློབས༔ བོད་ཀྱི་ཆོས་སྐྱོང་རྒྱལ་པོའི་གཉེན་གཅིག་པུ༔ རྒྱལ་པོ་ཆོས་སྤྱོད་སྐྱོང་བའི་ཐུགས་རྗེ་ཅན༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ སྐུ་ནི་ལྷོ་ནུབ་སྲིན་པོའི་ཁ་གནོན་མཛད༔ ཐུགས་རྗེས་བོད་ཀྱི་སེམས་ཅན་ཡོངས་ལ་གཟིགས༔ མ་རིག་ལོག་པའི་སེམས་ཅན་འདྲེན་པའི་དཔལ༔ ཉོན་མོངས་གདུལ་དཀའི་སེམས་ཅན་ཐབས་ཀྱིས་འདུལ༔ བརྩེ་གདུང་རྒྱུན་ཆད་མེད་པའི་ཐུགས་རྗེ་ཅན༔ ཨོ་རྒྱན་པདྨ་འབྱུང་གནས་ལ༴ བསམ་པ་ལྷུན་གྱིས༴ དུས་ངན་སྙིགས་མའི་མཐའ་ལ་ཐུག་པའི་ཚེ༔ ནངས་རེ་དགོངས་རེ་བོད་ཀྱི་དོན་ལ་བྱོན༔ ཉི་ཟེར་འཆར་སྡུད་མདངས་ལ་བཅིབས་ཏེ་བྱོན༔ ཡར་ངོ་ཚེས་བཅུའི་དུས་སུ་དངོས་སུ་བྱོན༔ འགྲོ་དོན་སྟོབས་ཆེན་མཛད་པའི་ཐུགས་རྗེ་ཅན༔ ཨོ་རྒྱན་པདྨ་འབྱུང་༴ བསམ་པ་ལྷུན༴ ལྔ་བརྒྱའི་ཐ་མ་རྩོད་དུས་སྙིགས་མ་ལ༔ སེམས་ཅན་ཐམས་ཅད་ཉོན་མོངས་དུག་ལྔ་རགས༔ ཉོན་མོངས་དུག་ལྔ་རང་རྒྱུད་སྤྱོད་པའི་ཚེ༔ དེ་འདྲའི་དུས་ན་གུ་རུའི་ཐུགས་རྗེས་སྐྱོབས༔ དད་ལྡན་མཐོ་རིས་འདྲེན་པའི་ཐུགས་རྗེ་ཅན༔ ཨོ་རྒྱན་པདྨ་འབྱུང་༴ བསམ་པ་ལྷུན༴ ཧོར་སོག་འཇིགས་པའི་དམག་གིས་མཐའ་བསྐོར་ནས༔ ཆོས་འཁོར་གཉན་པོ་འཇིག་ལ་ཐུག་པའི་ཚེ༔ ཡིད་གཉིས་ཐེ་ཚོམ་མེད་པར་གསོལ་བ་འདེབས༔ ཨོ་རྒྱན་ལྷ་སྲིན་སྡེ་བརྒྱད་འཁོར་དང་བཅས༔ ཧོར་སོག་དམག་དཔུང་བཟློག་པར་ཐེ་ཚོམ་མེད༔ ཨོ་རྒྱན་པདྨ་འབྱུང་༴ བསམ་པ་ལྷུན༴ སེམས་ཅན་སྒྱུ་ལུས་འཇིག་པའི་ནད་བྱུང་ཚེ༔ མི་བཟོད་སྡུག་བསྔལ་ནད་ཀྱིས་ཉེན་པ་ན༔ ཡིད་གཉིས་ཐེ་ཚོམ་མེད་པར་གསོལ་བ་འདེབས༔ ཨོ་རྒྱན་སྨན་གྱི་བླ་དང་དབྱེར་མེད་པས༔ ཚེ་ཟད་མ་ཡིན་བར་ཆད་ངེས་པར་སེལ༔ ཨོ་རྒྱན་པདྨ་འབྱུང་༴ བསམ་པ་ལྷུན༴ འབྱུང་བ་དགྲར་ལངས་ས་བཅུད་ཉམས་པའི་ཚེ༔ སེམས་ཅན་མུ་གེའི་ནད་ཀྱིས་ཉེན་པ་ན༔ ཡིད་གཉིས་ཐེ་ཚོམ༴ ཨོ་རྒྱན་མཁའ་འགྲོ་ནོར་ལྷའི་ཚོགས་དང་བཅས༔ དབུལ་ཕོངས་བཀྲེས་སྐོམས་སེལ་བར་ཐེ་ཚོམ་མེད༔ ཨོ་རྒྱན་པདྨ་འབྱུང་༴ བསམ་པ་ལྷུན༴ ལས་ཅན་འགྲོ་བའི་དོན་དུ་གཏེར་འདོན་ན༔ དམ་ཚིག་ཟོལ་ཟོག་མེད་པའི་དཔའ་གདིང་གིས༔ ཡིད་གཉིས་ཐེ་ཚོམ་མེད༴ ཨོ་རྒྱན་ཡི་དམ་ལྷ་དང་དབྱེར་མེད་པས༔ ཕ་ནོར་བུ་ཡིས་ལོན་པར་ཐེ་ཚོམ་མེད༔ ཨོ་རྒྱན་པདྨ་འབྱུང་༴ བསམ་པ་ལྷུན༴ སྦས་ཡུལ་ནགས་ཁྲོད་དབེན་ས་སྙོགས་པའི་ཚེ༔ ཁ་ཆར་བུ་ཡུག་འཚུབས་ཤིང་ལམ་འགགས་ན༔ ཡིད་གཉིས་ཐེ་ཚོམ་མེད༴ ཨོ་རྒྱན་གཞི་བདག་གཉན་པོའི་འཁོར་གྱིས་བསྐོར༔ ཆོས་མཛད་ལམ་སྣ་འདྲེན་པར་ཐེ་ཚོམ་མེད༔ ཨོ་རྒྱན་པདྨ་འབྱུང་༴ བསམ་པ་ལྷུན༴ སྟག་གཟིག་དོམ་དྲེད་དུག་སྦྲུལ་མཆེ་བ་ཅན༔ འབྲོག་ཆེན་འཇིགས་པའི་འཕྲང་ལ་འགྲིམས་པའི་ཚེ༔ ཡིད་གཉིས་ཐེ་ཚོམ༴ ཨོ་རྒྱན་དཔའ་བོ་གིང་དང་སྲུང་མར་བཅས༔ གདུག་པའི་སེམས་ཅན་སྐྲོད་པར་ཐེ་ཚོམ་མེད༔ ཨོ་རྒྱན་པདྨ་འབྱུང་༴ བསམ་པ་ལྷུན༴ ས་ཆུ་མེ་རླུང་འབྱུང་བའི་བར་ཆད་ཀྱིས༔ སྒྱུ་ལུས་གཡར་པོ་འཇིག་ལ་ཐུག་པའི་ཚེ༔ ཡིད་གཉིས་ཐེ་ཚོམ་༴ ཨོ་རྒྱན་འབྱུང་བ་བཞི་ཡི་ལྷ་མོར་བཅས༔ འབྱུང་བ་རང་སར་ཞི་བར་ཐེ་ཚོམ་མེད༔ ཨོ་རྒྱན་པདྨ་འབྱུང་༴ བསམ་པ་ལྷུན༴ ལམ་སྲང་འཇིགས་པའི་འཕྲང་ལ་འགྲིམས་པའི་ཚེ༔ བསད་ཁྱེར་ཇག་པ་ཆོམ་པོས་ཉེན་པ་ན༔ ཡིད་གཉིས་ཐེ་ཚོམ༴ ཨོ་རྒྱན་ཕྱག་རྒྱ་བཞི་ཡི་དགོངས་པར་ལྡན༔ ཙོ་ར་མི་རྒོད་རྔམ་སེམས་བརླག་པར་བྱེད༔ ཨོ་རྒྱན་པདྨ་འབྱུང་༴ བསམ་པ་ལྷུན༴ གང་ཞིག་གཤེད་མའི་དམག་གིས་མཐའ་བསྐོར་ནས༔ མཚོན་ཆ་རྣོན་པོས་འདེབས་ཤིང་ཉེན་པ་ན༔ ཡིད་གཉིས་ཐེ་ཚོམ༴ ཨོ་རྒྱན་རྡོ་རྗེའི་གུར་དང་ལྡན་པ་ཡིས༔ གཤེད་མ་བྲེད་ཅིང་མཚོན་ཆ་འཐོར་བར་འགྱུར༔ ཨོ་རྒྱན་པདྨ་འབྱུང་༴ བསམ་པ་ལྷུན༴ ནམ་ཞིག་ཚེ་ཟད་འཆི་བའི་དུས་བྱུང་ཚེ༔ གནད་གཅོད་སྡུག་བསྔལ་དྲག་པོས་ཉེན་པ་ན༔ ཡིད་གཉིས་ཐེ་ཚོམ༴ ཨོ་རྒྱན་སྣང་བ་མཐའ་ཡས་སྤྲུལ་པ་སྟེ༔ བདེ་བ་ཅན་གྱི་ཞིང་དུ་ངེས་པར་སྐྱེ༔ ཨོ་རྒྱན་པདྨ་འབྱུང་༴ བསམ་པ་ལྷུན༴ སྒྱུ་ལུས་གཡར་པོ་ཞིག་པའི་བར་དོ་རུ༔ འཁྲུལ་སྣང་ཉིང་འཁྲུལ་སྡུག་བསྔལ་ཉེན་པ་ན༔ ཡིད་གཉིས་ཐེ་ཚོམ༴ ཨོ་རྒྱན་དུས་གསུམ་མཁྱེན་པའི་ཐུགས་རྗེ་ཡིས༔ འཁྲུལ་སྣང་རང་སར་གྲོལ་བར་ཐེ་ཚོམ་མེད༔ ཨོ་རྒྱན་པདྨ་འབྱུང་༴ བསམ་པ་ལྷུན༴ གཞན་ཡང་ལས་དང་རྐྱེན་གྱི་དབང་གྱུར་ཏེ༔ འཁྲུལ་སྣང་དངོས་པོར་ཞེན་ཅིང་སྡུག་བསྔལ་ན༔ ཡིད་གཉིས་ཐེ་ཚོམ༴ ཨོ་རྒྱན་བདེ་ཆེན་རྒྱལ་པོའི་ངོ་བོ་སྟེ༔ སྡུག་བསྔལ་འཁྲུལ་པ་རྩད་ནས་གཞིག་པར་བྱེད༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ འགྲོ་དྲུག་སྡུག་བསྔལ་ཆེན་པོས་ཉེན་པ་དང་༔ ཁྱད་པར་བོད་ཀྱི་རྗེ་འབངས་སྡུག་བསྔལ་ན༔ དད་གུས་མོས་པའི་གདུང་ཤུགས་དྲག་པོ་ཡིས༔ ཡིད་གཉིས་ཐེ་ཚོམ་མེད་པར་གསོལ་བ་འདེབས༔ ཨོ་རྒྱན་ཐུགས་རྗེས་འཕོ་འགྱུར་མེད་པར་གཟིགས༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ ཞེས་གསོལ་འདེབས་ལེའུ་བདུན་མ་བསམ་པ་ལྷུན་གྲུབ་མ་དང་བཅས་འདི་ལ་སྔར་གྱི་དཔེ་རྙིང་དང་། ཕྱིས་སུ་བཅོས་བགྱིས་པ་སོགས་ཚིག་ཟུར་འདྲ་མིན་མང་དུ་སྣང་ནའང་། འདིར་འོག་མིན་ཨོ་རྒྱན་སྨིན་གྲོལ་གླིང་གི་ཆོས་སྤྱོད་སྤར་མ་ཇི་ལྟ་བར་བྲིས་པ་སརྦ་དཱ་སུ་ཤྲེ་ཡོ་བྟ་བ་ཏུ། །གཞན་ཡང་ཚིག་བདུན་གསོལ་འདེབས་དང་། བར་ཆད་ལམ་སེལ་སོགས་གཏེར་ཀ་སྔ་ཕྱི་ལས་བྱུང་བ་དང་། དམ་པ་གོང་མའི་རྡོ་རྗེའི་གསུང་ཚོགས་བྱིན་རླབས་ཅན་གྱི་གསོལ་འདེབས་གང་རིགས་མོས་གུས་གདུང་ཤུགས་དྲག་པོས་བྱ། དེ་ཙམ་མི་ནུས་ན་བླ་མ་སྐུ་གསུམ་དང་། བསམ་པ་ལྷུན་གྲུབ་ཁོ་ནས་ཀྱང་ཆོག །གང་ལྟར་ཡང་མཇུག་ཏུ་ཐུགས་རྒྱུད་བསྐུལ་བའི་ཕྱིར་བཛྲ་གུ་རུའི་བཟླས་པ་ཅི་ནུས་བྱས་མཐར། བླ་མའི་གནས་གསུམ་འབྲུ་གསུམ་ལས༔ འོད་ཟེར་རིམ་དང་གཅིག་ཆར་འཕྲོས༔ བདག་གིས་གནས་གསུམ་ཐིམ་པ་ཡིས༔ དབང་བཞི་ཐོབ་ཅིང་སྒྲིབ་བཞི་དག༔ ལམ་བཞི་བསྒོམ་པའི་སྣོད་དུ་གྱུར༔ མཐར་ནི་རང་ཐིམ་དབྱེར་མེད་དང་༔ བློ་འདས་ཆོས་སྐུའི་རང་ཞལ་བལྟ༔ དགེ་བ་འདི་ཡིས་མྱུར་དུ་བདག །ཨོ་རྒྱན་བླ་མ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་སོགས་བསྔོ་སྨོན་གྱིས་རྒྱས་གདབ་བོ། །ཞེས་པའང་སྤྲུལ་པའི་གཏེར་ཆེན་མཆོག་གྱུར་བདེ་ཆེན་གླིང་པའི་ཐུགས་དམ་ཞལ་འདོན་དུ་འདི་ལྟར་བྲིས་ཞེས་བཀའ་སྩལ་བ་ལྟར། མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པའི་སྡེས་བྲིས་པ་དགེ་ལེགས་སུ་གྱུར་ཅིག། ༈ །།སྐྱབས་གནས་ཀུན་འདུས་ཀྱི་ངོ་བོ། །མཁྱེན་བརྩེ་ནུས་པའི་བདག་ཉིད། །དྲིན་ཆེན་མཚོ་སྐྱེས་རྡོ་རྗེ། །སྙིང་ནས་གསོལ་བ་འདེབས་སོ། །རྟག་ཏུ་དབྱེར་མེད་ཐུགས་རྗེས། །བདག་རྒྱུད་བྱིན་གྱིས་རློབས་ཤིག །ཅེས་གཏེར་བདག་གླིང་པས་སོ། །སརྦ་དཱ་ཀ་ལྱཱ་ཎི་བྷ་བ་ཏུ།། །། ཧྲཱིཿ དཀོན་མཆོག་རྩ་གསུམ་་་་་་ཧྲཱིཿ དཀོན་མཆོག་རྩ་གསུམ་བདེ་གཤེགས་ཀུན་འདུས་པ། །མ་ལུས་འགྲོ་བའི་སྐྱབས་མགོན་པདྨ་འབྱུང་། །གསོལ་བ་འདེབས་སོ་གུ་རུ་རིན་པོ་ཆེ། །བསམ་པ་ལྷུན་གྱིས་འགྲུབ་པར་བྱིན་གྱིས་རློབས། །ནད་གདོན་བར་ཆད་ཞུ་བར་མཛད་པ་དང་། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །གསོལ་འདེབས་བསམ་པ་མྱུར་འགྲུབ་མ་ནི། ཨེ་མ་ཧོ༔ མཚོ་དབུས་གེ་སར་པདྨའི་སྡོང་པོ་ལ། །སྐུ་ལྔ་ཡེ་ཤེས་ལྷུན་གྱིས་གྲུབ་པའི་ལྷ། །རང་བྱུང་ཆེན་པོ་པདྨ་ཡབ་ཡུམ་ནི། །མཁའ་འགྲོའི་སྤྲིན་ཕུང་འཁྲིགས་ལ་གསོལ་བ་འདེབས། །བསམ་པ་མྱུར་དུ་འགྲུབ་པར་བྱིན་གྱིས་རློབས༔ ལས་ངན་སྤྱད་པའི་རྣམ་སྨིན་མཐུས་བསྐྱེད་པའི། །ནད་གདོན་བར་གཅོད་དམག་འཁྲུག་མུ་གེའི་ཚོགས། །ཁྱོད་ཞལ་དྲན་པའི་མོད་ལ་ཟད་བྱེད་པའི། །ཞལ་བཞེས་སྙིང་ནས་བསྐུལ་ལོ་ཨོརྒྱན་རྗེ༔ བསམ་པ་མྱུར་དུ་འགྲུབ་པར་བྱིན་གྱིས་རློབས། །དད་དང་ཚུལ་ཁྲིམས་གཏོང་ལ་གོམས་པ་དང་། །ཐོས་པས་རྒྱུད་གྲོལ་ཁྲེལ་ཡོད་ངོ་ཚ་ཤེས། །ཤེས་རབ་ཕུན་སུམ་ཚོགས་པའི་ནོར་བདུན་པོ། །སེམས་ཅན་ཀུན་གྱི་རྒྱུད་ལ་རང་ཞུགས་ནས། །འཇིག་རྟེན་བདེ་སྐྱིད་ལྡན་པར་དབུགས་འབྱིན་མཛོད། །བསམ་པ་མྱུར་དུ༴ གང་ལ་ནད་དང་སྡུག་བསྔལ་མི་འདོད་རྐྱེན། །འབྱུང་པོའི་གདོན་དང་རྒྱལ་པོའི་ཆད་པ་དང་། །མེ་ཆུ་གཅན་གཟན་ལམ་འཕྲང་འཇིགས་པ་ཆེ། །ཚེ་ཡི་ཕ་མཐར་བཏུགས་པའི་གནས་སྐབས་ཀུན། །སྐྱབས་དང་རེ་ས་གཞན་དུ་མ་མཆིས་པས། །ཐུགས་རྗེས་ཟུངས་ཤིག་གུ་རུ་ཨོ་རྒྱན་རྗེ། །བསམ་པ་མྱུར་དུ་འགྲུབ་པར་བྱིན་གྱིས་རློབས། །ཨོ་རྒྱན་རིན་པོ་ཆེ་ལ་གསོལ་བ་འདེབས། །འགལ་རྐྱེན་བར་ཆད་མི་འབྱུང་ཞིང་། །མཐུན་རྐྱེན་བསམ་པ་འགྲུབ་པ་དང་། །མཆོག་དང་མཐུན་མོང་དངོས་གྲུབ་སྩོལ། །སངས་རྒྱས་ཀུན་འདུས་པདྨ་ཐོད་ཕྲེང་གིས། །བདག་སོགས་རྗེས་བཟུང་ཚེ་རབས་ཐམས་ཅད་དུ། །འགལ་རྐྱེན་ཀུན་ཞི་བསམ་དོན་མྱུར་འགྲུབ་ནས། །མཐའ་ཐུག་པདྨ་འོད་དུ་སྐྱེ་བར་ཤོག ། བླ་བརྒྱུད་གསོལ་འདེབས་བྱིན་རླབས་སྤྲིན་ཕུང་།༄༅། །བླ་མ་བརྒྱུད་པའི་གསོལ་འདེབས་བྱིན་རླབས་སྤྲིན་ཕུང་བཞུགས་སོ། ། ཀུན་བཟང་རྡོར་སེམས་དགའ་རབ་ཤྲཱི་སེང་། །ཨུ་རྒྱན་པདྨ་རྗེ་འབངས་ཉི་ཤུ་ལྔ། །བཀའ་གཏེར་བརྒྱུད་ལྡན་རྩ་བའི་བླ་མ་སོགས། །འདྲེན་མཆོག་ཡབ་སྲས་རྣམས་ལ་གསོལ་བ་འདེབས། །སྡོམ་བརྩོན་དམ་པ་དཔལ་ལྡན་ཞི་བ་འཚོ། །བརྟུལ་ཞུགས་གྲུབ་པ་པདྨ་འབྱུང་གནས་དཔལ། །བློ་གསལ་དབང་པོ་བི་མ་མི་ཏྲ་སོགས། །རྙིང་མའི་རྒྱལ་བ་རྣམས་ལ་གསོལ་བ་འདེབས། །བདེ་བར་གཤེགས་པའི་རིང་ལུགས་བླ་ན་མེད། །ཞུས་ཆེན་བསྒྱུར་བྱེད་མཆན་བུའི་གནས་འདུག་པའི། །སྐད་གཉིས་སྨྲ་བ་བཻ་རོ་ཀ་ཅོག་སོགས། །ལོ་ཙཱ་སྐྱེས་ཆེན་རྣམས་ལ་གསོལ་བ་འདེབས། །མི་ཡི་བདག་པོ་ཆོས་བཞིན་ས་སྐྱོང་བ། །རྣམ་དཔྱོད་བློ་གྲོས་དེས་པས་འགྲོ་བ་འདུལ། །དཔའ་མཛད་ཚོགས་བཅས་མེས་དབོན་རྣམ་གསུམ་སོགས། །རྒྱལ་བློན་བྱང་སེམས་རྣམས་ལ་གསོལ་བ་འདེབས། །རྒྱལ་བ་ཀུན་གྱི་ཡེ་ཤེས་གཅིག་བསྡུས་པ། །མཁྱེན་རབ་ཆོས་ཀྱི་ཉི་མ་འབྱམས་སུ་ཀླས། །ཀློང་ཆེན་རབ་འབྱམས་ཞབས་ལ་གསོལ་བ་འདེབས། །ཕྱོགས་མེད་ཤེས་རབ་མཆོག་གི་དངོས་གྲུབ་སྩོལ། །འཛམ་གླིང་མཛེས་པའི་རྒྱན་ཅིག་ངུར་སྨྲིག་འཆང་། །བཤད་སྒྲུབ་བསྟན་པའི་མངའ་བདག་ཐམས་ཅད་མཁྱེན། །ཁམས་གསུམ་འགྲོ་བའི་མགོན་པོ་རྒྱལ་དབང་མཆོག །ངག་དབང་བློ་བཟང་རྒྱ་མཚོར་གསོལ་བ་འདེབས། །བསྐལ་བཟང་སངས་རྒྱས་སྟོང་གི་རིགས་ཀྱི་བདག །ནུས་ལྡན་རྡོ་རྗེ་ཧཱུྃ་ཆེན་ཀཱ་ར་སོགས། །འགྲོ་འདུལ་དག་པའི་སྐུ་མཆོག་བསམ་མི་ཁྱབ། །བདུད་འདུལ་རྡོ་རྗེའི་ཞབས་ལ་གསོལ་བ་འདེབས། །གདོད་ནས་རྣམ་དག་ཀུན་ཁྱབ་རིག་པའི་གཤིས། །མཚན་འཛིན་འཁྲུལ་བའི་སྦུབས་ལས་རབ་གྲོལ་ཞིང་། །འགྱུར་མེད་བདེན་དོན་གནས་ལུགས་མངོན་སུམ་དུ། །ཡོངས་གཟིགས་རྡོ་རྗེ་འཛིན་ལ་གསོལ་བ་འདེབས། །བསམ་ཡས་ཆོས་ཚུལ་རྒྱ་མཚོའི་འབྱུང་གནས་མཆོག །བཀའ་གཏེར་དག་སྣང་གདམས་པའི་ཆོས་མཛོད་འཆང་། །ཐུགས་རྗེ་ཚད་མེད་ཕན་བདེའི་མཆོག་སྦྱིན་མཁན། །ཀརྨ་ཆགས་མེད་ཞབས་ལ་གསོལ་བ་འདེབས། །ཧྲཱིཿ སྔོན་ཚེ་དེ་བཞིན་གཤེགས་པ་གཙུག་ཏོར་ཅན། །འཕགས་པའི་ཡུལ་དུ་གྲུབ་ཆེན་ཀུ་ཀུ་རི། །ཁ་བ་ཅན་དུ་དཔལ་ལྡན་ཐང་བ་ཞེས། །པདྨ་རིག་འཛིན་ཞབས་ལ་གསོལ་བ་འདེབས། །ལུང་རིགས་མན་ངག་རྩལ་གསུམ་རབ་རྫོགས་ཤིང་། །འཆད་རྩོད་སྤོབས་པའི་ང་རོའི་སྒྲ་སྐད་ཀྱི། །ལོག་སྨྲའི་གཅན་གཟན་མཐའ་དག་ཟིལ་གནོན་པའི། །རབ་འབྱམས་སྨྲ་བའི་སེང་གེར་གསོལ་བ་འདེབས། ཧྲཱིཿ སྔོན་ཚེ་འཕགས་པ་སེམས་ཉིད་ངལ་གསོ་ཞེས། །ཐུབ་པའི་སྤྱན་སྔར་དགྲ་བཅོམ་བློ་གྲོས་གྲགས། །གུ་རུའི་དྲུང་དུ་ལོ་ཆེན་ཀླུ་ཡི་དབང་། །མ་འོངས་སངས་རྒྱས་སོ་བདུན་གྲགས་པོ་ཆེ། །ཉི་མ་གྲགས་པའི་ཞབས་ལ་གསོལ་བ་འདེབས། །བཀའ་གསང་ཐེག་པའི་སྙིང་པོ་རྫོགས་པ་ཆེའི། །བསྟན་འཛིན་ཟླ་མེད་པདྨ་རིག་འཛིན་གྱི། །ཕྲིན་ལས་ནོར་བུ་བཤད་སྒྲུབ་རྒྱལ་མཚན་རྩེར། །འཛིན་མཛད་ནམ་མཁའ་འོད་གསལ་ལ་གསོལ་བ་འདེབས། །ཤེས་བྱ་ཀུན་གཟིགས་པན་ཆེན་བི་མ་ལ། །རྩོད་པའི་དུས་འདིར་མཆོག་གི་སློབ་དཔོན་དུ། །ཡོངས་བཞེངས་སྔ་འགྱུར་བསྟན་པའི་ཉི་མ་མཆོག །འགྱུར་མེད་ཐེག་མཆོག་ཞབས་ལ་གསོལ་བ་འདེབས། །རབ་འབྱམས་ཕྱོགས་དུས་རྒྱལ་བ་སྲས་བཅས་ཀྱི། །མཁྱེན་བརྩེ་ནུས་པའི་སྤྱི་གཟུགས་རྣམ་འདྲེན་མཆོག །དཀྱིལ་འཁོར་རྒྱ་མཚོའི་ཁྱབ་བདག་རྡོ་རྗེ་འཆང། །ཐེག་མཆོག་བསྟན་པའི་རྒྱལ་མཚན་ལ་གསོལ་བ་འདེབས། །སྔོན་ཚེ་རྣལ་འབྱོར་དབང་ཕྱུག་ནུས་ལྡན་པ། །བར་དུ་པདྨའི་རྒྱལ་ཚབ་བདུད་འདུལ་གླིང། །སྙིགས་དུས་བསྟན་འགྲོའི་མགོན་པོ་རྫོགས་ཆེན་པ། །ཀུན་གྲོལ་རྣམ་རྒྱལ་ཞབས་ལ་གསོལ་བ་འདེབས། །རྗེ་དཔོན་བླ་མའི་ཐུགས་བསྐྱེད་སྐྱ་རེངས་ཀྱིས། །ཉེར་དྲངས་བསྟན་འགྲོའི་རྒུད་མུན་སེལ་བའི་ཉི། །པད་འབྱུང་བི་མ་ལ་དངོས་ཆོས་ཀྱི་རྗེ། །ཨ་ཏི་བསྟན་པའི་རྒྱལ་མཚན་ལ་གསོལ་བ་འདེབས། །དུས་གསུམ་རྒྱལ་བའི་དགོངས་ཀློང་ནམ་མཁའ་ལ། །སྲིད་པའི་སྨག་རུམ་སེལ་མཛད་ཐུགས་རྗེའི་འོད། །ཕྱོགས་བྲལ་ཕྱོགས་མེད་གསལ་མཛད་རྫོགས་ཆེན་པ། །པདྨ་གསང་སྔགས་བསྟན་འཛིན་ལ་གསོལ་བ་འདེབས། །ཤེས་བྱ་ཀུན་མཁྱེན་འགྲོ་ལ་རྗེས་བརྩེའི་གཏེར། །དྲི་མེད་འོད་ཟེར་ཡང་སྤྲུལ་ཐུགས་གཏེར་མཛོད། །འོད་གསལ་ཀློང་ཆེན་ནམ་མཁའི་རྣལ་འབྱོར་པ། །འཇིགས་མེད་གླིང་པའི་ཞབས་ལ་གསོལ་བ་འདེབས། །རྒྱལ་བ་དཀོན་མཆོག་ཀུན་གྱི་ངོ་བོ་ཉིད། །བྱ་བྲལ་ནམ་མཁའི་རྣལ་འབྱོར་ཀློང་ཡངས་པ། །འཁོར་འདས་ཟག་མེད་དགོངས་པར་འུབ་ཆུབ་པའི། །ཆོས་དབྱིངས་དྲི་མེད་རྩལ་ལ་གསོལ་བ་འདེབས། །འཁོར་འདས་ཆོས་ཀུན་གདོད་མའི་དབྱིངས་གཞིར་རྫོགས། །རྣམ་བཞིའི་ལས་ཀུན་སྒྱུ་མའི་གར་དུ་འབྱོངས། །དུས་གསུམ་ཀུན་ཏུ་བསྟན་འགྲོའི་ཕན་བདེ་སྤེལ། །ནམ་མཁའ་ཚེ་དབང་ཞབས་ལ་གསོལ་བ་འདེབས། །རྔ་ཡབ་གླིང་ནས་པདྨ་འབྱུང་གནས་ཀྱིས། །རིག་འཛིན་ཐེག་མཆོག་རྒྱ་མཚོར་མཚན་གསོལ་ཞིང་། །བཀའ་གཏེར་བསྟན་པའི་བདག་པོར་དབང་བསྐུར་བ། །མི་འགྱུར་ཕན་བདེ་རྒྱ་མཚོར་གསོལ་བ་འདེབས། །དུས་གསུམ་ཀུན་མཁྱེན་པདྨ་འབྱུང་གནས་རྗེའི། །ཟབ་གཏེར་བདག་པོར་མངའ་གསོལ་འཁོར་ལོས་བསྒྱུར། །སངས་རྒྱས་གླིང་པའི་ཡང་སྤྲུལ་སྦས་ཚུལ་འཆང། །ཀུན་བཟང་གཞན་ཕན་ཞབས་ལ་གསོལ་བ་འདེབས། །དུས་གསུམ་རྒྱལ་བའི་སྤྱི་གཟུགས་པདྨ་འབྱུང། །འཇའ་ལུས་རྡོ་རྗེའི་སྐུ་བརྙེས་བི་མ་ལ། །དབྱེར་མེད་ཐུགས་རྗེ་གཅིག་བསྡུས་སྤྲུལ་པའི་སྐུ། །མི་འགྱུར་ནམ་མཁའི་རྡོ་རྗེར་གསོལ་བ་འདེབས། །འཕགས་པ་འཇིག་བརྟེན་དབང་ཕྱུག་ཐུགས་བསྐྱེད་ལས། །ལྔ་བརྡོའི་མུན་སེལ་ཐེག་མཆོག་སྒྲོན་མེ་མཆོག །འབྲེལ་ཚད་དོན་ལྡན་གྲུབ་པའི་དབང་ཕྱུག་མཆོག །ནམ་མཁའ་ཆོས་ཀྱི་རྒྱ་མཚོར་གསོལ་བ་འདེབས། །རྒྱལ་ཀུན་སྤྱི་གཟུགས་པདྨ་ཐོད་ཕྲེང་དང། །དབྱེར་མེད་གར་དབང་ཐུགས་མཆོག་སེམས་དཔའ་རྩལ། །བསམ་བཞིན་བསྟན་འགྲོར་རྗེས་ཆགས་སྤྲུལ་པའི་སྐུ། །ཀུན་བཟང་བསྟན་པའི་ཉི་མར་གསོལ་བ་འདེབས། །རྒྱལ་བ་རྒྱ་མཚོ་ཡེ་ཤེས་གཅིག་བསྡུས་པ། །མཚོ་སྐྱེས་རྡོ་རྗེའི་ངོ་བོ་དབྱེར་མེད་པའི། །བཀའ་དྲིན་མཉམ་མེད་དྲིན་ཆེན་བླ་མ་མཆོག །རིག་འཛིན་བཟང་པོའི་ཞབས་ལ་གསོལ་བ་འདེབས། །ལྔ་བརྡོའི་འགྲོ་ལ་དུས་གསུམ་རྒྱལ་བ་ལས། །ཐུགས་རྗེ་ཆེས་ལྷག་པད་འབྱུང་ཡབ་ཡུམ་དང། །ལྷ་ཡི་མེ་ཏོག་ཐུགས་རྗེ་གཅིག་བསྡུས་སྐུ། །པདྨ་འགྲོ་འདུལ་རྩལ་ལ་གསོལ་བ་འདེབས། །བསྟན་འགྲོའི་ཉི་མ་ཕན་བདེའི་གྲགས་སྙན་དབྱངས། །གངས་ལྗོངས་བདེ་བྱེད་པདྨོ་མཛེས་པའི་རྒྱན། །ལས་རབ་རྩལ་དངོས་གྲུབ་པའི་རིག་པ་འཛིན། །ཀློང་ཆེན་རོལ་པ་རྩལ་ལ་གསོལ་བ་འདེབས། །སྟོབས་ལྡན་རྡོ་རྗེ་ཟླ་འོད་གཞོན་ནུ་ཡི། །ཐུགས་བསྐྱེད་དུས་སྨིན་ཟབ་གཏེར་གདམས་པའི་མཛོད། །འཁོར་འདས་ཡོངས་གྲོལ་བརྟུལ་ཞུགས་རྩལ་ཆེན་རྫོགས། །ཟླ་བའི་འོད་ཟེར་ཞབས་ལ་གསོལ་བ་འདེབས། །འཕགས་པ་འཇིག་རྟེན་དབང་ཕྱུག་ཐུགས་རྗེའི་འཕྲུལ། །འགྲོ་བ་ཐར་གླིང་བསྒྲོད་པའི་དཔོན་མཆོག །འབྲེལ་ཚད་དོན་ལྡན་ཀློང་ཆེན་རྣལ་འབྱོར་པ། །འཇིགས་མེད་རྒྱལ་པའི་མྱུ་གུར་གསོལ་བ་འདེབས། །དྲི་མེད་མཁྱེན་པའི་ལྷ་ལམ་ཡངས་པ་ནས། །བརྩེ་བའི་སྙིང་རྗེའི་འོད་སྟོང་འབར་བའི་གཟིས། །འགྲོ་རྣམས་མུན་པའི་སྨག་རུམ་སེལ་མཛད་པ། །ཐུབ་བསྟན་ཆོས་ཀྱི་རྡོ་རྗེར་གསོལ་བ་འདེབས། །རྩ་གསུམ་ཀུན་འདུས་ཨོ་རྒྱན་ཐོད་ཕྲེང་རྩལ། །ཞིང་འདིའི་འགྲོ་མགོན་འཇིགས་བྲལ་ཆོས་ཀྱི་རྗེ། །བྱུང་ཆུབ་ཆེན་པོར་སྤྱོར་བའི་དེད་དཔོན་ཆེ། །རྡོ་རྗེ་འཛིན་པ་ཁྱེད་ལ་གསོལ་བ་འདེབས། ཁ་བསྐང་དགོས །འོག་མིན་ཆོས་ཀྱི་དབྱིངས་ཀྱི་ཕོ་བྲང་དུ། །དུས་གསུམ་སངས་རྒྱས་ཀུན་གྱི་ངོ་བོ་ཉིད། །རང་སེམས་ཆོས་སྐུ་མངོན་སུམ་སྟོན་མཛད་པའི། །རྩ་བའི་བླ་མའི་ཞབས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ངེས་འབྱུང་སྐྱོ་ཤས་དག་སྣང་མོས་གུས་ལྡན། །སོ་ཐར་བྱང་སེམས་རིག་པ་འཛིན་པ་ཡི། །སྡོམ་གསུམ་དམ་ཚིག་ཉམས་ཆགས་སོར་ཆུད་ནས། །རྒྱལ་བསྟན་སྙིང་པོའི་ཉམས་ལེན་མཐར་ཕྱིན་ཤོག །རང་རིག་གདོད་ནས་དག་ཅིངསྤྲོས་བྲལ་ཡང། །རང་གསལ་མ་འགག་རང་བཞིན་ལྷུན་གྲུབ་དང། །རང་བབས་མ་ཡེངས་མི་སྒོམས་ལྷུག་པ་ཡི། །རང་བཞིན་གདོད་མའི་གནས་ལུགས་མངོན་གྱུར་ཤོག། །། གྲུབ་དབང་རྫོགས་ཆེན་རིན་པོ་ཆེའི་སྐྱེ་བརྒྱད་གསོལ་འདེབས།༄༅། །གྲུབ་དབང་རྫོགས་ཆེན་རིན་པོ་ཆེའི་སྐྱེ་བརྒྱུད་གསོལ་འདེབས་བཞུགས་སོ། ། དུས་གསུམ་སྐྱེ་འགགས་མེད་པར་ཆོས་ཉིད་ཀྱང་། སེམས་ཅན་ཁམས་ལ་གཟུགས་སྐུ་རྣམ་གཉིས་སུ། སྣང་བའི་ངོ་མཚར་བདེ་གཤེགས་གཙུག་གཏོར་ཅན། །མཚན་གྱིས་ངན་སོང་སྒྲོལ་ལ་གསོལ་བ་འདེབས། །རྒྱུད་སྡེ་རྒྱ་མཚོའི་མངའ་བདག་ཀུ་ཀུ་རི། །འཕོ་ཆེན་རྡོ་རྗེའི་ས་བརྙེས་བི་མ་ལ། །སྤྲོས་བྲལ་ཕྱག་རྒྱ་ཆེན་པོ་ས་ར་ཧ། །བསྟན་པའི་ཆུ་འགོ་གསུམ་ལ་གསོལ་བ་འདེབས། །ལྷ་སྲིན་བྲན་ཁོལ་རླངས་དཔལ་ཤྲྀ་སེང་། །འཁྲུལ་སྣང་བྲག་རི་སྙིལ་བ་དཀོན་མཆོག་འབྱུང་། །རྒྱལ་བསྟན་ཉིན་མོར་བྱེད་པའི་ཁྲི་རལ་ཞབས། །བསྟན་པའི་རྩ་ལག་གསུམ་ལ་གསོལ་བ་འདེབས། །གཏི་མུག་ལམ་སློང་གྲུབ་ཆེན་ཕག་ཚང་པ། །མི་ལ་བཞད་པའི་སྲས་གྱུར་བྱང་ཆུབ་རྒྱལ། །དྲུག་པ་སེང་གེའི་སྒྱུ་འཕྲུལ་དུས་གསུམ་མཁྱེན། །གྲུབ་པ་མཆོག་བརྙེས་གསུམ་ལ་གསོལ་བ་འདེབས། །རྟོགས་པས་བདག་རྒྱུད་གྲོལ་བ་གླིང་རས་རྗེ། །བླ་མར་མོས་གུས་མཐར་ཕྱིན་སྟག་ལུང་པ། །བརྟུལ་ཞུགས་གྲུབ་པ་ཨོ་རྒྱན་རང་བྱུང་དཔལ། །བསྒྲུབ་བརྒྱུད་བསྟན་འཛིན་གསུམ་ལ་གསོལ་བ་འདེབས། །གཞི་གསུམ་རྩ་བ་བརྟན་པའི་བློ་གྲོས་བཟང་། །རྙིང་བསྟན་མདོ་སྨད་སྤེལ་ལ་སྨོན་ལམ་གྱི། །མཐུ་གྲུབ་པདྨའི་རིག་པ་འཛིན་པ་དང་། །འགྱུར་མེད་ཐེག་མཆོག་ཞེས་ལ་གསོལ་བ་འདེབས། །སྔ་འགྱུར་བསྟན་པའི་རྩ་བ་མདོ་སྒྱུ་སེམས། །ཡང་ཕུར་སངས་རྒྱས་མཉམ་པར་སྦྱོར་ལ་སོགས། །བཀའ་མའི་སྒྲུབ་ཆེན་ཕྲིན་ལས་སྲོལ་བཏོད་པ། །ངེས་དོན་བསྟན་འཛིན་བཟང་པོར་གསོལ་བ་འདེབས། །དམ་པ་དུ་མའི་ཞབས་པད་གཙུག་ཏུ་ཁུར། །སངས་རྒྱས་བསྟན་ལ་ལྷག་བསམ་ཟླ་ལྟར་དཀར། །གསང་སྔགས་རྫོགས་པ་ཆེན་པོའི་དོན་ལ་སྤྱོད། །འཇིགས་མེད་མཁྱེན་བརྩེའི་དབང་ཕྱུག་གསོལ་བ་འདེབས། །དྲི་མེད་མཁྱེན་པའི་ལྷ་ལམ་ཡངས་པ་ནས། །བརྩེ་བའི་སྙིང་རྗེའི་འོད་སྟོང་འབར་བའི་གཟིའི། །འགྲོ་རྣམས་མུན་པའི་སྨག་རུམ་སེལ་མཛད་པ། །ཐུབ་བསྟན་ཆོས་ཀྱི་རྡོ་རྗེ་གསོལ་བ་འདེབས། །རྒྱལ་ཀུན་སྤྱི་གཟུགས་ཨོ་རྒྱན་རྡོ་རྗེ་འཆང་། །འཕོ་ཆེན་སྐུ་བརྙེས་དྲི་མེད་གཤེས་གཉེན་ཞབས། །དབྱེར་མེད་རིག་བརྒྱའི་ཁྱབ་བདག་སྤྲུལ་པའི་སྐུ། །འཇིགས་བྲལ་བྱང་ཆུབ་རྡོ་རྗེ་གསོལ་བ་འདེབས། །ངེས་འབྱུང་རྒྱུད་བརླན་བྱང་ཆུབ་སེམས་གཉིས་ཀྱི། །ཤིང་རྟས་དྲངས་པའི་སྨིན་གྲོལ་ལམ་མཆོག་ལ། །རྟག་ཏུ་བསྟན་གོམས་བགྱིས་པའི་དངོས་གྲུབ་ཀུན། །ཚེ་འདི་ཉིད་ལ་ཐོབ་པར་བྱིན་གྱིས་རློབས། །ཅེས་པའང་མདོ་ཁམས་དགེ་རྩེ་བླ་མས་བསྐུལ་ངོར་རྫོགས་ཆེན་པ་རང་བྱུང་རྡོ་རྗེས་སོ། །དགེའོ། ། སྤྱི་འགྲོའི་གསོལ་འདེབས།སྤྱི་འགྲོའི་གསོལ་འདེབས་བརྟན་བཞུགས་སོ། །ཨོཾ་ཨཱཿཧཱུྃ སྐྱབས་གནས་མ་ལུས་འདུས་པའི་ངོ་བོ་ཉིད། །རྒྱལ་ཀུན་དབང་ཕྱུག་ཨུ་རྒྱན་རིན་པོ་ཆེར། །གསོལ་བ་འདེབས་སོ་འགལ་རྐྱེན་བར་ཆད་སོལ། །འཆི་མེད་ཚེ་དབང་མཆོག་ཐུན་དངོས་གྲུབ་སྩོལ། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུཾ་ཎྀ་ཛཿ ཞེས་དང་། བརྟན་བཞུགས་སློབ་མ་དམ་གཙང་རྣམས་ཀྱི་རྩ་བའི་བླ་མ་དང་ཨུ་རྒྱན་ཚེ་དཔག་མེད་དབྱེར་མེད་ཀྱི་མོས་གུས་དང་ལྡན་པའི་ངང་ནས་ཞབས་སྲིད་བརྟན་པར་གསོལ་བ་འདེབས་པ་ནི། ཧྲཱི༔ སྣོད་བཅུད་ཐམས་ཅད་བདེ་བ་ཅན་གྱི་ཞིང་། །གདོད་ནས་འཆི་མེད་དག་པའི་དཀྱིལ་འཁོར་དབུས། །དཔལ་ལྡན་བླ་མ་ཨོ་རྒྱན་ཚེ་དཔག་མེད། །ནམ་ཡང་མི་ནུབ་གསལ་བར་ཞབས་བརྟན་ཞིང་། །སྐུ་ཚེ་རྡོ་རྗེ་ལྟ་བུར་འཚོ་གཞེས་ཏེ། །བར་གཅོད་བགེགས་རིགས་རྣམས་ཀྱིས་མི་ཚུགས་ཤོག །དགུ་ལྡན་རྩ་བརྒྱུད་བླ་མའི་བྱིན་རླབས་དང་། །རྩ་གསུམ་ཆོས་སྐྱོང་སྲུང་མའི་མཐུ་སྟོབས་ཀྱིས། །རྫོགས་ཆེན་ཨ་ཏིའི་རིང་ལུགས་རྒྱས་པ་དང་། །བསྟན་འཛིན་སྐྱེས་བུའི་སྐུ་ཚེ་བརྟན་པར་ཤོག། །། སྐྱབས་མགོན་རྫོགས་ཆེན་རིན་པོ་ཆེའི་ཞབས་བསྟན་གསོལ་འདེབས་འཆི་མེད་གྲུབ་པའི་བདེན་ཚིག༄༅། སྐྱབས་མགོན་རྫོགས་ཆེན་རིན་པོ་ཆེའི་ཞབས་བསྟན་གསོལ་འདེབས་འཆི་མེད་གྲུབ་པའི་བདེན་ཚིག་ཅེས་བྱ་བ་བཞུགས་སོ། ། བསྟན་གཡོའི་དྭངས་བཅུད་སྙིང་པོར་འདྲིལ་བའི་སྲོག །ཁ་སྦྱོར་བདུན་ལྡན་འཐའ་ཀླས་དཀྱིལ་འཁོར་བདག །ཚེ་དང་ཡེ་ཤེས་དངོས་ཀུན་སྩོལ་བའི་ལྷས། །རིང་པོར་འཚོ་བའི་དཔལ་གྱི་སྐབས་དབྱེ་ཤོག །ཀུན་བཟང་རྡོ་རྗེ་འཆང་དབང་པདྨ་འབྱུང། །གྲུབ་པའི་རིག་འཛིན་མཆོག་ཏུ་རོལ་བའི་གར། །བསྟན་འགྲོར་རྗེས་སུ་བརྩེ་བའི་ཡ་མཚན་ཕུལ། །རིམ་བྱོན་སྐྱེ་བའི་ཕྲེང་བར་གསོལ་བ་འདེབས། །རྨད་བྱུང་ཐུབ་བསྟན་ལུང་རྟོག་འཛིན་པའི་འཕྲུལ། །མཁྱེན་བརྩེ་ཡེ་ཤེས་ཉི་གཞོན་འོད་པོ་ཆེ། །སྲིད་ཞིའི་འཇིགས་བྲལ་ཕན་དང་བདེ་བའི་དཔལ། །མི་འགྱུར་ལྷུན་པོའི་སྤོ་ལ་རྟག་ཤར་ཤོག །འཇིགས་མེད་ཐེག་མཆོག་རྡོ་རྗེ་སྙིང་པོ་ཡི། །ཆོས་མཛོད་སྒོ་འཕར་འབྱེད་ལ་ཟླ་བྲལ་ཞིང། །བློ་གསལ་སྐལ་བཟང་རིག་འཛིན་གྲུབ་པའི་གཙོ། །ལྷ་མིའི་དབང་པོའི་རྒྱན་དུ་འཚོ་གཞེས་གསོལ། །ཚུལ་གནས་གསན་བསམ་སྒོམ་པའི་ཡོན་ཏན་རྫོགས། །མདོ་སྔགས་རབ་འབྱམས་འཆད་རྩོད་རྩོམས་པ་དང། །མཁྱེན་བརྩེ་ནུས་པའི་སྣང་བས་ས་གསུམ་ཁྱབ། །མཁས་བཙུན་བཟང་པོའི་ཕྲིན་ལས་རྒྱས་གྱུར་ཅིག །སྣ་ཚོགས་ཤེས་བྱའི་ཆོས་ཚུལ་མཐའ་ཀླས་པ། །མཁྱེན་པའི་མེ་ལོང་གཙང་མར་ལེགས་འཕོས་ནས། །ཇི་སྙེད་གདུལ་བྱ་འདྲེན་པའི་རྣམ་ཐར་གཟི། །བསྐལ་མཐའི་བར་དུ་ཉམས་མེད་ཞབས་བརྟེན་གསོལ། །ཟབ་དང་རྒྱ་ཆེའི་ཆོས་ཀྱི་ཡང་ཞུན་མཆོག །ངེས་གསང་གདམས་པའི་དྲོད་རླངས་འཐུལ་པའི་བཅུད། །ཉམས་བཞེས་དགོངས་བའི་གྲུབ་གཉིས་དགའ་སྟོན་གྱིས། །བསྟན་འགྲོའི་ཕན་བདེ་སྤེལ་ཕྱིར་ཞབས་བརྟན་གསོལ། །མཆོག་གསུམ་རྒྱ་མཚོའི་ཐུགས་རྗེའི་འོད་སྣང་གིས། །བསྟན་འགྲོའི་རྒུད་མུན་མིང་མཐར་ཡོངས་བཏང་ནས། །རྫོགས་ལྡན་མགྲོན་དུ་འགུགས་པའི་དགེ་མཚན་གྱིས། །བསྟན་འགྲོའི་དབུ་འཕང་སྲིད་པའི་བླར་མཐོ་ཤོག །རང་བཞིན་ཡེ་དག་ཆོས་ཉིད་བདེན་པའི་བསྟོབས། །བསླུ་མེད་ཆོས་ཅན་རྟེན་འབྲེལ་དགེ་བའི་མཐུས། །ཇི་ལྟར་སྨོན་པ་ཇི་བཞིན་ཡོངས་གྲུབ་ནས། །ལེགས་དགུའི་དཔལ་གྱིས་ཀུན་ནས་ཤིས་གྱུར་ཅིག །ཅེས་བསྐལ་བཟང་རྣམ་འདྲེན་ཡོངས་ཀྱི་ཕྲིན་ལས་གཅིག་ཏུ་བསྡུས་པ། སྐྱབས་རྗེ་རྫོགས་ཆེན་དྲུག་པ་རིན་པོ་ཆེའི་ཞབས་བརྟན་གསོལ་འདེབས། མཁས་བཙུན་གྲུབ་པའི་དབང་ཕྱུག་ནམ་མཁའ་ཚེ་དབང་མཆོག་གྲུབ་ཀྱི་རྫོགས་སྤྲུལ་བཞི་བའི་ཞབས་བརྟན་རྡོ་རྗེའི་བདེན་ཚིག་བྱིན་རླབས་ཀྱི་སྤྲིན་ཕུང་འཕྲོ་བ་ལ། ཀུན་མཁྱེན་བླ་མ་མཁྱེན་བརྩེའི་དབང་པོའི་ཞལ་སྔ་ནས་གྲུབ་དབང་ལྔ་བའི་ཞབས་བརྟན་ཞལ་བསྐང་གནང་བ་གཞི་བྱས། དེང་སྐབས་གསང་ཆེན་བསྟན་པའི་ཤིང་རྟ་རིག་འཛིན་ཉི་སྤྲུལ་རིན་པོ་ཆེ་དང་། རྒྱ་རོང་དབོན་སྤྲུལ་པའི་སྐུ་རིན་པོ་ཆེ་དང། སྐྱབས་རྗེ་རིན་པོ་ཆེ་རྫོང་སར་མཁྱེན་རྩེའི་དབང་པོ་བཅས་མཆོག་གཟིགས་རྣམ་གསུམ་གྱི། གོ་རིམ་ལྟར་མཚན་གསར་འབུལ་ལ་སོ་སོའི་ལྗགས་རྩམས་གནང་པ་གང་ཡོད་དང། རང་ཉིད་ཀྱི་དད་གུས་ལྷག་བསམ་གཙང་མའི་རྟེན་འབྱུང་ཕུན་སུན་ཚོགས་པའི་ཐོགས་མར་མཚན་གསར་འབུལ་ཞུས་པའང་ཞབས་བརྟན་གསོལ་འདེབས་སྨོན་ཚིག་ཏུ་སྤེལ་བ་བཅས་ཁ་བསྐང་གི་ཚུལ་དུ་ལེགས་པར་སྦྱར་བ་འདི་ཡང། སྐྱབས་རྗེ་གྲུབ་དབང་རྡོ་རྗེ་འཆང་དངོས་ཐམས་ཅད་མཁྱེན་གཟིགས་རྫོགས་སྤྲུལ་ལྔ་བ་རིན་པོ་ཆེའི་ཞལ་སྔ་ནས་སྨིན་གྲོལ་གྱི་བདུད་རྩིའི་འཀའ་དྲིན་ཆ་ཤས་རྩམ་ཐོབ་ཅིང། ཐུགས་རྗེའི་གྲིབ་བསིལ་གྱིས་ཉེ་བར་འཚོ་ཞིང་གྲྭ་རིགས་སུ་གཏོགས་པའི་གྲལ་མཐའ་ན་གནས་པ་སློབ་འབངས་ཡོངས་ཀྱི་ཐ་ཤལ་བ་དྲི་མེད་འོད་ཟེར་དེའི་སྔོན་བྱོན་གོང་མའི་ཕྱག་གསོལ་ལ་སྙེགས་ནས་ལྕགས་འབྲུག་ཟླ་བ་༩ ཚེས་༢༡ རྒྱལ་བ་ལྷ་ལས་བབས་པའི་དུས་ཆེན་ཉིན། རེས་བཟའ་ལྷའི་བླ་མ་དང། རྒྱུ་སྐར་རྒྱལ་ཀྱི་འགྲུབ་སྦྱོར་འཛོམས་པའི་ཕུན་སུམ་ཚོགས་པའི་དུས་ཚེས་བཟང་བོར་སྐྱབས་རྗེ་མཆོག་གི་ཞབས་པད་རིན་པོ་ཆེ་གུས་པས་བསྙེན་པའི་བསྐལ་བ་བཟང་པོ་དང་ལྷན་ཅིག་པར་སྙིང་ནས་གསོལ་བ་བཏབ་པ་ཐོག་མཐའ་བར་གསུམ་དུ་དགེ་ཞིང་ལེགས་ཚོགས་ཀྱི་སྣང་བ་ཆེན་པོས་ཕྱོགས་ཐམས་ཅད་ལས་རྣམ་པར་རྒྱལ་བའི་རྒྱུ་གྱུར་ཅིག། །། གནས་བརྟན་ཕྱག་མཆོད།དེ་ནས་ཐུབ་དབང་གནས་བརྟན་འཁོར་བཅས་ལ་གསོལ་བ་གདབ་པའི་ཚུལ་ནི། ལག་མཐིལ་ལྟར་མཉམ་རིན་ཆེན་རྒྱན་གྱིས་སྤྲས། །ལྗོན་ཤིང་ཆུ་མཚོས་བརྒྱན་པའི་ས་གཞིའི་དབུས། །རིན་ཆེན་ལས་གྲུབ་གྲུ་བཞི་སྒོ་བཞི་པ། །པདྨ་ཉི་ཟླས་བརྒྱན་པའི་གདན་སྟེང་དུ། །ཐུགས་རྗེས་རྩོད་པའི་དུས་ཀྱི་གདུལ་བྱ་རྣམས། །རྣམ་གྲོལ་ལམ་ལ་འགོད་མཛད་འགྲོ་བའི་མགོན། །ཐུབ་པ་མཆོག་དང་གནས་བརྟན་ཆེན་པོ་རྣམས། །འཁོར་དང་བཅས་པ་གནས་འདིར་གཤེགས་སུ་གསོལ། །ཕྱོགས་བཅུའི་རྒྱལ་བ་སྲས་བཅས་ཐམས་ཅད་དང་། །ཤེས་རབ་མེ་འབར་ཉོན་མོངས་མཚོ་སྐེམ་ཞིང་། །རྣམ་གྲོལ་བསོད་ནམས་ཞིང་དུ་བཀའ་སྡོད་པའི། །ཕྱོགས་བཅུའི་ཉན་ཐོས་དགེ་འདུན་བཞུགས་སོ་འཚལ། །ཡོན་སྦྱོང་མཆོད་པའི་གནས་སུ་སྤྱན་འདྲེན་གྱིས། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །འགྲོ་བའི་མགོན་པོ་ཤཱཀྱ་སེང་གེ་ཡི། །སངས་རྒྱས་བསྟན་པ་གང་གི་ཕྱག་ཏུ་བཞུགས། །གསུང་རབ་རིན་ཆེན་སྒྲོམ་གྱི་ཁ་འབྱེད་པའི། །དགྲ་བཅོམ་གནས་བརྟན་ཆེན་པོ་བཞུགས་སོ་འཚལ། །དམ་ཆོས་སྤེལ་བའི་སླད་དུ་སྤྱན་འདྲེན་ན། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །ཐུབ་པས་བཀའ་བསྒོས་བསྟན་པའི་རྒྱལ་མཚན་འཛིན། །ཡན་ལག་འབྱུང་དང་མ་ཕམ་ནགས་ན་གནས། །དུས་ལྡན་རྡོ་རྗེ་མོའི་བུ་བཟང་པོ་དང་། །གསེར་བེའུ་བྷ་ར་དྷཱ་ཛ་གསེར་ཆེན་མཆོག །འཕགས་པ་བ་ཀུ་ལ་དང་སྒྲ་གཅན་འཛིན། །ལམ་ཕྲན་བྷ་ར་དྷྭ་ཛ་བསོད་སྙོམས་ལེན། །ལམ་བརྟན་ཀླུའི་སྡེ་སྤེད་བྱེད་མི་ཕྱེད་པ། །འགྲོ་བའི་དོན་ཕྱིར་མཆོད་ཀྱིས༴ སྤངས་དང་ཡེ་ཤེས་ཕུན་ཚོགས་སངས་རྒྱས་ཀྱང་། །གདུལ་བྱའི་དབང་གིས་ཉན་ཐོས་ཚུལ་འཛིན་ཅིང་། ཁྱད་པར་ཅན་གྱི་ཕྲིན་ལས་ཆོས་སྐྱོང་བའི། །གནས་བརྟན་བཅུ་དྲུག་འདིར་སྤྱོན་གདན་ལ་བཞུགས། །བདེ་གཤེགས་བཀའ་ལུང་གཙོར་མཛད་བསྟན་པ་སྲུང་། །རང་དོན་དོར་ནས་འཁོར་བའི་ནགས་ཚལ་དུ། །གཞན་དོན་ལྷུར་མཛད་གནས་བརྟན་བཅུ་དྲུག་པོ། །དམ་བཅས་ཐུགས་རྗེའི་དབང་གིས་གནས་འདིར་གཤེགས། །དགེ་བསྙེན་སྐྱབས་གསོལ་བདེན་པའི་ཚིགས་ཉན་པ། །དཀོན་མཆོག་གསུམ་གྱི་ཞབས་འབྲིང་མཆིས་སོ་འཚལ། །བསོད་ནམས་རིན་ཆེན་གླིང་དུ་སྤྱན་འདྲེན་ན། །འགྲོ་བའི་དོན་ཕྱིར་མཆོད་ཀྱིས༴ ༈ མཚུངས་མེད་བལྟ་བས་མི་ངོམས་པ། །གསེར་གྱི་མདོག་ཅན་མཛེས་པའི་སྐུ། །ཞལ་གཅིག་ཕྱག་གཉིས་སྐྱིལ་ཀྲུང་བཞུགས། །ས་གནོན་མཉམ་གཞག་མཛད་ཕྱག་འཚལ། །བསྟན་པ་རྒྱས་པར་བྱིན་གྱིས་རློབས། །ཞེས་པ་ཀུན་ལ་འགྲེའོ། །གངས་རི་ཆེན་པོ་ཏི་སེ་ན། །འཕགས་པ་གནས་བརྟན་ཡན་ལག་འབྱུང་། །དགྲ་བཅོམ་སྟོང་དང་སུམ་བརྒྱས་བསྐོར། །སྤོས་ཕོར་རྔ་གཡབ་འཛིན༴ དྲང་སྲོང་རི་ཡི་ཤེལ་ནགས་ལ། །འཕགས་པ་གནས་བརྟན་མ་ཕམ་པ། །དགྲ་བཅོམ་བརྒྱ་ཕྲག་གཅིག་གིས་བསྐོར། །ཕྱག་གཉིས་མཉམ་གཞག་མཛད༴ ལོ་མ་བདུན་པའི་རི་ཕུག་ན། །འཕགས་པ་གནས་བརྟན་ནགས་ན་གནས། །དགྲ་བཅོམ་སྟོང་དང་བཞི་བརྒྱས་བསྐོར། །སྡིགས་མཛུབ་རྔ་གཡབ་འཛིན༴ ཛམྦུ་གླིང་གིས་ཟངས་གླིང་ན། །འཕགས་པ་གནས་བརྟན་དུས་ལྡན་ཏེ། །དགྲ་བཅོམ་སྟོང་དང་ཆིག་བརྒྱས་བསྐོར། །གསེར་གྱི་རྣ་ཀོར་འཛིན༴ སིངྒ་ལ་ཡི་གླིང་ན་ནི། །གནས་བརྟན་རྡོ་རྗེ་མོ་ཡི་བུ། །དགྲ་བཅོམ་སྟོང་ཕྲག་གཅིག་གིས་བསྐོར། །སྡིགས་མཛུབ་རྔ་གཡབ་འཛིན༴ ཆུ་བོ་ཡ་མུ་ནའི་གླིང་ན། །འཕགས་པ་གནས་བརྟན་བཟང་པོ་ནི། །དགྲ་བཅོམ་སྟོང་དང་ཉིས་བརྒྱས་བསྐོར། །ཆོས་འཆད་མཉམ་གཞག་མཛད༴ གནས་མཆོག་དམ་པ་ཁ་ཆེ་ན། །འཕགས་པ་གནས་བརྟན་གསེར་བེའུ། །དགྲ་བཅོམ་ཆེན་པོ་ལྔ་བརྒྱས་བསྐོར། །རིན་ཆེན་ཞགས་པ་འཛིན༴ ནུབ་ཀྱི་བ་ལང་སྤྱོད་ན་ནི། །བྷ་ར་དྷཱ་ཛ་གསེར་ཆེན་མཆོག །དགྲ་བཅོམ་ཆེན་པོ་བདུན་བརྒྱས་བསྐོར། །ཕྱག་གཉིས་མཉམ་གཞག་མཛད༴ བྱང་གི་སྒྲ་མི་སྙན་ན་ནི། །འཕགས་པ་གནས་བརྟན་བ་ཀུ་ལ། །དགྲ་བཅོམ་ཆེན་པོ་དགུ་བརྒྱས་བསྐོར། །ཕྱག་གཡོན་ནེའུ་ལེ་འཛིན༴ པྲི་ཡང་ཀུ་ཡི་གླིང་ན་ནི། །འཕགས་པ་གནས་བརྟན་སྒྲ་གཅན་འཛིན། །དགྲ་བཅོམ་སྟོང་དང་ཆིག་བརྒྱས་བསྐོར། །རིན་ཆེན་པྲོག་ཞུ་འཛིན༴ བྱ་རྒོད་ཕུང་པོའི་རི་བོ་ལ། །འཕགས་པ་གནས་བརྟན་ལམ་ཕྲན་བརྟན། །དགྲ་བཅོམ་སྟོང་དང་དྲུག་བརྒྱས་བསྐོར། །ཕྱག་གཉིས་མཉམ་གཞག་མཛད༴ ཤར་གྱི་ལུས་འཕགས་གླིང་ན་ནི། །བྷ་ར་དྷྭ་ཛ་བསོད་སྙོམས་ལེན། །དགྲ་བཅོམ་སྟོང་ཕྲག་གཅིག་གིས་བསྐོར། །གླེགས་བམ་ལྷུང་བཟེད་འཛིན༴ ལྷ་གནས་སུམ་ཅུ་རྩ་གསུམ་ན། །འཕགས་པ་གནས་བརྟན་ལམ་བརྟན་ནི། །དགྲ་བཅོམ་ཆེན་པོ་དགུ་བརྒྱས་བསྐོར། །གླེགས་བམ་ཆོས་འཆད་མཛད༴ རི་ཡི་རྒྱལ་པོ་ངོས་ཡང་ལ། །འཕགས་པ་གནས་བརྟན་ཀླུ་ཡི་སྡེ། །དགྲ་བཅོམ་སྟོང་དང་ཉིས་བརྒྱས་བསྐོར། །བུམ་པ་འཁར་གསིལ་འཛིན༴ རི་ཡི་རྒྱལ་པོ་བྷེ་ཧུ་ལ། །འཕགས་པ་གནས་བརྟན་སྦེད་བྱེད་ནི། །དགྲ་བཅོམ་སྟོང་དང་བཞི་བརྒྱས་བསྐོར། །ཕྱག་གཉིས་གླེགས་བམ་འཛིན༴ རི་ཡི་རྒྱལ་པོ་གངས་ཅན་ལ། །འཕགས་པ་གནས་བརྟན་མི་བྱེད་པ། །དགྲ་བཅོམ་སྟོང་ཕྲག་གཅིག་གིས་བསྐོར། །བྱང་ཆེན་མཆོད་རྟེན་འཛིན༴ འཕགས་པའི་དགེ་བསྙེན་དྷརྨ་ཏཱ། །རལ་པའི་ཐོད་བཅིངས་གླེགས་བམ་ཁུར། །སྣང་བ་མཐའ་ཡས་མདུན་ན་བཞུགས། །རྔ་གཡབ་བུམ་པ་འཛིན་ཕྱག་འཚལ། །བསྟན་པ་རྒྱས་པར་བྱིན་གྱིས་རློབས། །བརྩོན་པས་གོ་བགོས་མཐུ་སྟོབས་ཅན། །སངས་རྒྱས་བསྟན་པ་ལེགས་སྐྱོང་བའི། །ཤར་ལྷོ་ནུབ་བྱང་ཕྱོགས་བཞི་ཡི། །རྒྱལ་ཆེན་བཞི་ལ་ཕྱག་འཚལ་ལོ། །བསྟན་པ་རྒྱས་པར་བྱིན་གྱིས་རློབས། །སངས་རྒྱས་སྤྲུལ་པ་དགྲ་བཅོམ་འཕགས་པའི་ཚོགས། །འགྲོ་བའི་དོན་དུ་བསྟན་པ་སྐྱོང་མཛད་པའི། །དཀོན་མཆོག་གསུམ་དངོས་གནས་བརྟན་བཅུ་དྲུག་གིས། །བསྟན་པ་ཡུན་རིང་གནས་པར་བྱིན་གྱིས་རློབས། །ཐུགས་རྗེའི་བདག་ཉིད་གནས་བརྟན་བཅུ་དྲུག་གི །འཁོར་ཚོགས་སྲིད་མཚོ་ལས་བརྒལ་ཉོན་མོངས་མེད། །ཁྲི་དང་དྲུག་སྟོང་བཞི་བརྒྱའི་ཚོགས་རྣམས་ཀྱིས། །བསྟན་པ་ཡུན་རིང་གནས་པར་བྱིན་གྱིས་རློབས། །བསོད་ནམས་རྒྱ་མཚོ་ཡོངས་སུ་རྫོགས་བྱེད་ཅིང་། །ཡེ་ཤེས་རྒྱ་མཚོ་རྣམ་པར་དག་གྱུར་ཏེ། །ཡོན་ཏན་རྒྱ་མཚོ་མ་ལུས་ཀུན་རྫོགས་ནས། །འཇིག་རྟེན་ཀུན་ལས་ཁྱད་པར་འཕགས་པར་ཤོག །དུས་གསུམ་རྒྱལ་བ་རྒྱལ་སྲས་ཐུགས་རྗེ་ཡིས། །ཉན་ཐོས་ཚུལ་བཟུང་སྲིད་བ་ཇི་སྲིད་པར། །བསྟན་པ་སྐྱོང་ཞིང་འགྲོ་བའི་དོན་མཛད་པ། །གནས་བརྟན་ཆེན་པོ་རྣམས་ཀྱི་བཀྲ་ཤིས་ཤོག །ཞེས་པཎ་ཆེན་ཤཱཀྱ་ཤྲཱིས་སོ། ། བླ་མ་སྐུ་ཁམས་བཟང་་་་་བླ་མ་སྐུ་ཁམས་བཟང་བར་གསོལ་བ་འདེབས། །མཆོག་ཏུ་སྐུ་ཚེ་རིང་བར་གསོལ་བ་འདེབས། །ཕྲིན་ལས་དར་ཞིང་རྒྱས་པར་གསོལ་བ་འདེབས། །བླ་མ་དང་འབྲལ་བ་མེད་པར་བྱིན་གྱིས་རློབས། །ཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང་། །བསྟན་པ་འཛིན་པའི་སྐྱེས་བུ་རྣམས། །སྐུ་ཚེ་རྒྱལ་མཚན་བརྟན་གྱུར་ཅིག །ཆོས་རྔ་ཆེན་པོའི་སྒྲ་ཡིས་ནི། །སེམས་ཅན་སྡུག་བསྔལ་མཐར་བགྱིད་ཤོག། བསྐལ་པ་བྱེ་བ་བསམ་ཡས་སུ། །ཆོས་སྟོན་མཛད་ཅིང་བཞུགས་གྱུར་ཅིག །དཔལ་ལྡན་བླ་མའི་སྐུ་ཚེ་བརྟན་པ་དང་། །མཁའ་མཉམ་ཡོངས་ལ་བདེ་སྐྱིད་འབྱུང་བ་དང་། །བདག་གཞན་མ་ལུས་ཚོགས་བསགས་སྒྲིབ་སྦྱང་ནས། །མྱུར་དུ་སངས་རྒྱས་ས་ལ་འགོད་པར་ཤོག །རྒྱལ་བ་ཀུན་འདུས་རྗེ་བཙུན་བླ་མ་མཁྱེན་ནོ། །འཁོར་བ་དོང་ནས་སྤྲུག་པར་བྱིན་གྱིས་རློབས་ཤིག །དཔལ་ལྡན་རྩ་བའི་བླ་མ་རིན་པོ་ཆེ། །བདག་གི་སྤྱི་བོར་པདྨའི་གདན་བཞུགས་ལ། །བཀའ་དྲིན་ཆེན་པོའི་སྒོ་ནས་རྗེས་བཟུང་སྟེ། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། ། དཔལ་ལྡན་བླ་མའི་རྣམ་པར་ཐར་པ་ལ། །སྐད་ཅིག་ཙམ་ཡང་ལོག་ལྟ་མི་སྐྱེ་ཞིང་། །ཅི་མཛད་ལེགས་པར་མཐོང་བའི་མོས་གུས་ཀྱིས། །བླ་མའི་བྱིན་རླབས་སེམས་ལ་འཇུག་པར་ཤོག །སྐྱེ་ཞིང་སྐྱེ་བ་དང་ནི་ཐམས་ཅད་དུ། །རིག་བཟང་བློ་གསལ་ང་རྒྱལ་མེད་པ་དང་། །སྙིང་རྗེ་ཆེ་ཞིང་བླ་མ་ལ་གུས་ལྡན། །དཔལ་ལྡན་བླ་མའི་དམ་ཚིག་ལ་གནས་ཤོག །བྱང་ཆུབ་སེམས་མཆོག་རིན་པོ་ཆེ། །མ་སྐྱེས་པ་རྣམས་སྐྱེས་གྱུར་ཅིག །སྐྱེས་པ་ཉམས་པ་མེད་པ་དང་། །གོང་ནས་གོང་དུ་འཕེལ་བར་ཤོག །སྐྱེ་བ་ཀུན་ཏུ་ཡང་དག་བླ་མ་དང་། །འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་། །ས་དང་ལམ་གྱི་ཡོན་ཏན་རབ་རྫོགས་ནས། །རྡོ་རྗེ་འཆང་གི་གོ་འཕང་མྱུར་ཐོབ་ཤོག ། བྱང་ཆུབ་སེམས་དཔའི་ལྟུང་བཤགས།༄༅། །བྱང་ཆུབ་སེམས་དཔའི་ལྟུང་བ་བཤགས་པ་བཞུགས་སོ། ། སེམས་ཅན་ཐམས་ཅད་རྟག་པར་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །རྡོ་རྗེའི་སྙིང་པོ་རབ་ཏུ་འཇོམས་པ་ལ་ཕྱག་འཚལ་ལོ། །རིན་ཆེན་འོད་འཕྲོ་ལ་ཕྱག་འཚལ་ལོ། །ཀླུ་དབང་གི་རྒྱལ་པོ་ལ་ཕྱག་འཚལ་ལོ། །དཔའ་བོའི་སྡེ་ལ་ཕྱག་འཚལ་ལོ། །དཔལ་དགྱེས་ལ་ཕྱག་འཚལ་ལོ། །རིན་ཆེན་མེ་ལ་ཕྱག་འཚལ་ལོ། །རིན་ཆེན་ཟླ་འོད་ལ་ཕྱག་་འཚལ་ལོ། །མཐོང་བ་དོན་ཡོད་ལ་ཕྱག་འཚལ་ལོ། །རིན་ཆེན་ཟླ་བ་ལ་ཕྱག་འཚལ་ལོ། །དྲི་མ་མེད་པ་ལ་ཕྱག་འཚལ་ལོ། །དཔལ་བྱིིན་ལ་ཕྱག་འཚལ་ལོ། །ཚངས་པ་ལ་ཕྱག་འཚལ་ལོ། །ཚངས་པས་བྱིན་ལ་ཕྱག་འཚལ་ལོ། །ཆུ་ལྷ་ལ་ཕྱག་འཚལ་ལོ། །ཆུ་ལྷའི་ལྷ་ལ་ཕྱག་འཚལ་ལོ། །དཔལ་བཟང་ལ་ཕྱག་འཚལ་ལོ། །ཙནྡན་དཔལ་ལ་ཕྱག་འཚལ་ལོ། །གཟི་བརྗིད་མཐའ་ཡས་ལ་ཕྱག་འཚལ་ལོ། །འོད་དཔལ་ལ་ཕྱག་འཚལ་ལོ། །མྱ་ངན་མེད་པའི་དཔལ་ལ་ཕྱག་འཚལ་ལོ། །སྲེད་མེད་ཀྱི་བུ་ལ་ཕྱག་འཚལ་ལོ། །མེ་ཏོག་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་འོད་ཟེར་རྣམ་པར་རོལ་པ་མངོན་པར་མཁྱེན་པ་ལ་ཕྱག་འཚལ་ལོ། །དེ་བཞིན་གཤེགས་པ་པདྨའི་འོད་ཟེར་རྣམ་པར་རོལ་པ་མངོན་པར་མཁྱེན་པ་ལ་ཕྱག་འཚལ་ལོ། །ནོར་དཔལ་ལ་ཕྱག་འཚལ་ལོ། །དྲན་པའི་དཔལ་ལ་ཕྱག་འཚལ་ལོ། །མཚན་དཔལ་ཤིན་ཏུ་ཡོངས་བསྒྲགས་ལ་ཕྱག་འཚལ་ལོ། །དབང་པོའི་ཏོག་གི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ། །ཤིན་ཏུ་རྣམ་པར་གནོན་པའི་དཔལ་ལ་ཕྱག་འཚལ་ལོ། །གཡུལ་ལས་ཤིན་ཏུ་རྣམ་པར་རྒྱལ་བ་ལ་ཕྱག་འཚལ་ལོ། །རྣམ་པར་གནོན་པས་གཤེགས་པའི་དཔལ་ལ་ཕྱག་འཚལ་ལོ། །ཀུན་ནས་སྣང་བ་བཀོད་པའི་དཔལ་ལ་ཕྱག་འཚལ་ལོ། །རིན་ཆེན་པདྨས་རྣམ་པར་གནོན་པ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་པདྨའི་གདན་ལ་རབ་ཏུ་བཞུགས་པ་རི་དབང་གི་རྒྱལ་པོ་ལ་ཕྱག་འཚལ་ལོ། དེ་དག་ལ་སོགས་པ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་གང་ཇི་སྙེད་ཅིག་བཞུགས་ཏེ་འཚོ་ཞིང་གཞེས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་བདག་ལ་དགོངས་སུ་གསོལ། བདག་གི་སྐྱེ་བ་འདི་དང་སྐྱེ་བ་ཐོག་མ་དང་མཐའ་མ་མ་མཆིས་པ་ནས་འཁོར་བ་ན་འཁོར་བའི་སྐྱེ་གནས་ཐམས་ཅད་དུ་སྡིག་པའི་ལས་བགྱིས་པ་དང་། བགྱིད་དུ་སྩལ་བ་དང་། བགྱིས་པ་ལ་རྗེས་སུ་ཡི་རང་བའམ། མཆོད་རྟེན་གྱི་དཀོར་རམ། དགེ་འདུན་གྱི་དཀོར་རམ། ཕྱོགས་བཅུའི་དགེ་འདུན་གྱི་དཀོར་འཕྲོག་པ་དང་། འཕྲོག་དུ་སྩལ་བ་དང་། འཕྲོག་པ་ལ་རྗེས་སུ་ཡི་རང་བའམ། མཚམས་མ་མཆིས་པ་ལྔའི་ལས་བགྱིས་པ་དང་། བགྱིད་དུ་སྩལ་བ་དང་། བགྱིས་པ་ལ་རྗེས་སུ་ཡི་རང་བའམ། མི་དགེ་བ་བཅུའི་ལས་ཀྱི་ལམ་ཡང་དག་པར་བླངས་པ་ལ་ཞུགས་པ་དང་། འཇུག་ཏུ་སྩལ་བ་དང་། ཞུགས་པ་ལ་རྗེས་སུ་ཡི་རང་བའམ། ལས་ཀྱི་སྒྲིབ་པ་གང་གིས་བསྒྲིབས་ནས་བདག་སེམས་ཅན་དམྱལ་བར་མཆི་བའམ། དུད་འགྲོའི་སྐྱེ་གནས་སུ་མཆི་བའམ། ཡི་དྭགས་ཀྱི་ཡུལ་དུ་མཆི་བའམ། ཡུལ་མཐའ་འཁོད་ཏུ་སྐྱེ་བའམ། ཀླ་ཀློར་སྐྱེ་བའམ། ལྷ་ཚེ་རིང་པོ་རྣམས་སུ་སྐྱེ་བའམ། དབང་པོ་མ་ཚང་བར་འགྱུར་བའམ། ལྟ་བ་ལོག་པར་འཛིན་པར་འགྱུར་བའམ། སངས་རྒྱས་འབྱུང་བ་ལ་མཉེས་པར་མི་བགྱིད་པར་འགྱུར་བའི་ལས་ཀྱི་སྒྲིབ་པ་གང་ལགས་པ་དེ་དག་ཐམས་ཅད་སངས་རྒྱས་བཅོམ་ལྡན་འདས་ཡེ་ཤེས་སུ་གྱུར་པ། སྤྱན་དུ་གྱུར་བ། དཔང་དུ་གྱུར་བ། ཚད་མར་གྱུར་བ། མཁྱེན་པས་གཟིགས་པ་དེ་དག་གི་སྤྱན་སྔར་མཐོལ་ལོ། འཆགས་སོ། མི་འཆབ་བོ། མི་སྦེད་དོ། སླན་ཆད་ཀྱང་གཅོད་ཅིང་སྡོམ་པར་བགྱིད་ལགས་སོ། སངས་རྒྱས་བཅོམ་ལྡན་འདས་དེ་དག་ཐམས་ཅད་བདག་ལ་དགོངས་སུ་གསོལ། བདག་གི་སྐྱེ་བ་འདི་དང་སྐྱེ་བ་ཐོག་མ་དང་མཐའ་མ་མ་མཆིས་པ་ནས་འཁོར་བ་ན་འཁོར་བའི་སྐྱེ་གནས་གཞན་དག་ཏུ་སྦྱིན་པ་ཐ་ན་དུད་འགྲོའི་སྐྱེ་གནས་སུ་སྐྱེས་པ་ལ་ཟས་ཁམ་གཅིག་ཙམ་སྩལ་བའི་དགེ་བའི་རྩ་བ་གང་ལགས་པ་དང་། བདག་གིས་ཚུལ་ཁྲིམས་བསྲུངས་པའི་དགེ་བའི་རྩ་བ་གང་ལགས་པ་དང་། བདག་གིས་ཚངས་པར་སྤྱོད་པ་ལ་གནས་པའི་དགེ་བའི་རྩ་བ་གང་ལགས་པ་དང་། བདག་གིས་སེམས་ཅན་ཡོངས་སུ་སྨིན་པར་བགྱིས་པའི་དགེ་བའི་རྩ་བ་གང་ལགས་པ་དང་། བདག་གིས་བྱང་ཆུབ་མཆོག་ཏུ་སེམས་བསྐྱེད་པའི་དགེ་བའི་རྩ་བ་གང་ལགས་པ་དང་། བདག་གིས་བླ་ན་མེད་པ་ཡེ་ཤེས་ཀྱི་དགེ་བའི་རྩ་བ་གང་ལགས་པ་དེ་དག་ཐམས་ཅད་གཅིག་ཏུ་བསྡུས་ཤིིང་བཟླུམས་ཏེ་བསྡོམས་ནས་བླ་ན་མ་མཆིས་པ་དང་། གོང་ན་མ་མཆིས་པ་དང་། གོང་མའི་ཡང་གོང་མ། བླ་མའི་ཡང་བླ་མ། ཡོངས་སུ་བསྔོ་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །ཇི་ལྟར་འདས་་པའི་སངས་རྒྱས་བཅོམ་ལྡན་འདས་རྣམས་ཀྱིས་ཡོངས་སུ་བསྔོས་པ་དང་། ཇི་ལྟར་མ་བྱོན་པའི་སངས་རྒྱས་བཅོམ་ལྡན་འདས་རྣམས་ཀྱིས་ཡོངས་སུ་བསྔོ་བར་འགྱུར་བ་དང་། ཇི་ལྟར་ད་ལྟར་བཞུགས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཡོངས་སུ་བསྔོ་བར་མཛད་པ་དེ་བཞིན་དུ་བདག་གིས་ཀྱང་ཡོངས་སུ་བསྔོ་བར་བགྱིའོ། །སྡིག་པ་ཐམས་ཅད་ནི་སོ་སོར་བཤགས་སོ། །བསོད་ནམས་ཐམས་ཅད་ལ་ནི་རྗེས་སུ་ཡི་རང་ངོ་། །སངས་རྒྱས་ཐམས་ཅད་ལ་ནི་བསྐུལ་ཞིང་གསོལ་བ་འདེབས་སོ། །བདག་གིས་བླ་ན་མེད་པ་ཡེ་ཤེས་ཀྱི་མཆོག་དམ་པ་ཐོབ་པར་གྱུར་ཅིག །མི་མཆོག་རྒྱལ་བ་གང་དག་ད་ལྟར་བཞུགས་པ་དང་། །གང་དག་འདས་པ་དག་དང་དེ་བཞིན་གང་མ་བྱོན། །ཡོན་ཏན་བསྔགས་པ་མཐའ་ཡས་རྒྱ་མཚོ་འདྲ་ཀུན་ལ། །ཐལ་མོ་སྦྱར་བར་བགྱིས་ཏེ་སྐྱབས་སུ་ཉེ་བར་མཆིའོ། །བྱང་ཆུབ་སེམས་པ་གང་དག་སྙིང་རྗེའི་སྟོབས་ལྡན་ཞིང་། །དཔལ་བོའི་སེམས་ཅན་ཀུན་ལ་ཕན་ཞིང་སྤྱོད་བྱེད་པ། །དེ་དག་ཀུན་གྱི་སྐྱབས་མེད་སྡིག་ཅན་བདག་ལ་སྐྱོབས། །བྱང་ཆུབ་སེམས་པ་དེ་དག་རྣམས་ལའང་བདག་སྐྱབས་མཆི། །ལུས་ཀྱི་ལས་ནི་རྣམ་པར་གསུམ། །ངག་གི་རྣམ་པ་བཞི་དག་དང་། །གང་ཡང་ཡིད་ཀྱི་རྣམ་གསུམ་པོ། །མི་དགེ་བཅུ་པོ་སོ་སོར་བཤགས། །ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོང་དབང་གྱུར་པའི། །སྡིག་པ་ཐམས་ཅད་བཤགས་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གི་སོ་སོར་བཤགས། །མཚམས་མེད་ལྔ་པོ་དག་གི་སྡིག་པ་རྣམས། །གང་གིས་མི་ཤེས་དབང་གིས་བྱས་པ་དག །དེ་ཡིས་ལྟུང་བ་བཤགས་པ་འདི་བཏོན་པས། །དེ་དག་མ་ལུས་ཡོངས་སུ་བྱང་བར་གྱུར། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོའོ། །འཕགས་པ་ཕུང་པོ་གསུམ་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །། ཡན་ལག་བདུན་པ།ཡན་ལག་བདུན་པ་ནི། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གི་གང་བར་མོས། །དེ་དག་བསྔགས་པ་མི་ཟད་རྒྱལ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱི། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་། །བདེ་བར་གཤེགས་པ་ཐམས་ཅད་བདག་གིས་བསྟོད། །མེ་ཏོོག་དམ་པ་ཕྲེང་བ་དམ་པ་དང་། །སིལ་སྙན་རྣམས་དང་བྱུགས་པ་གདུགས་མཆོག་དང་། །མར་མེ་མཆོག་དང་གདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང་། །ཕྱེ་མ་ཕུར་མ་རི་རབ་མཉམ་པ་དང་། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་བ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང་། །འགྲོ་བ་ཀུན་གྱི་བསོད་ནམས་གང་ལ་ཡང་། །དེ་དག་ཀུན་གྱི་རྗེས་སུ་བདག་ཡི་རང་། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པར་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང་། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོའོ། ། མནོལ་བསང་ཞི་བ་ལྷ་ཆབ།༄༅། མནོལ་བསང་ཞི་བ་ལྷ་ཆབ་བཞུགས།། ཡེ་ཤེས་ཌཱཀྐིའི་ལྷ་ལ་འདུདཿ དམ་ཚིག་ལྡན་པའི་རྣལ་འབྱོར་པ༔ མི་གཙང་དམ་གྲིབ་མནོལ་རྩོག་རིགསཿ སྦྱངས་བའི་གདམས་པ་ཟབ་མོ་འདིཿ ཤིང་རྩི་སྨན་སྤོས་སྦྱར་བ་བསྲེགསཿ གཙང་མའི་ཆབ་ཀྱིས་བྲན་བྱས་ཏེཿ ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ༔ ཨོཾ་སྭ་བྷཱ་ཝ་ཤུདྡྷོ༴ ཀྱཻཿ མདུན་དུ་དྷིཿལས་ལྷ་མོ་ནིཿ སྐུ་མདོག་དཀར་གསལ་རིན་ཆེན་བརྒྱནཿ ཕྱག་ན་ཡིད་བཞིན་གཏེར་བུམ་བསྣམསཿ ནང་ནས་དྲི་ཞིམ་དུད་སྤྲིན་སྤྲོསཿ མི་གཙང་ཉམས་གྲིབ་ཐམས་ཅད་བསྲེགསཿ ཤངས་ནས་ཡེ་ཤེས་རླུང་བྱུང་བསཿ མནོལ་ཞིང་རྨུག་ཅིང་འཐིབ་པ་གཏོརཿ ཞལ་ནས་བྱིན་རླབས་རླུང་སྤྲིན་འཁྲིགསཿ ཡེ་ཤེས་བདུད་རྩིའི་ཆར་རྒྱུན་གྱིསཿ ནད་གདོན་གྲིབ་འཁོན་མི་འདོད་འཁྲུདཿ རྣལ་འབྱོར་བདག་དང་བསྒྲུབ་བྱ་ཡིཿ ལྷ་སྲུང་གྲིབ་ཀྱིས་ཕོག་པ་དང་ཿ ལུས་ངག་ཡིད་གསུམ་མནོལ་ཞིང་རྩོགཿ བྱད་ཀྱིིས་འཆིང་དང་གདོན་གྱིས་གཟིརཿ གནས་རྟེན་ཟས་གོས་ཡོ་བྱད་གྲིབཿ རྐྱེན་གྱུར་གྲིབ་ཀྱིས་ཕོག་པ་ཀུནཿ བྱང་ཞིང་དག་ནས་སོར་ཆུད་ཅིང་། ཉི་ཟླ་གཟའ་ལས་ཐར་བ་བཞིནཿ ལྷ་མིའི་བཀྲགས་མདངས་གཟི་བརྗིད་རྒྱསཿ མཐུ་སྟོབས་ནུས་པའི་རྩལ་འབར་གྱུརཿ ཨོཾ་ཛྙཱ་ན་ཌཱཀྐི་ནི་དུརྨི་ཏེ་ཙིཏྟ་གུ་ལེ་བྷྱཿ རཾ་སྥ་ར་ཎ་བསྲེགསཿ ཡྂ་སྥར་ཎ་གཏོརཿ ཁཾ་སྥ་ར་ཎ་སྦྱངསཿ སཾ་ཧ་ར་ཎ་ཧཱུྃཿ སང་ངེ་ས་ལེ་ཡེ་སྭཱ་ཧཱཿ ཅི་ནུས་བཟླ་ཞིང་རྫས་ལ་བསྔགསཿ ཀྱཻ། ལྷ་ཤིང་ཤུག་པ་སུར་དཀར་དང་ཿ མཁན་དཀར་སྤོས་སྨན་སྦྱར་བ་ཡིཿ དུད་པ་རླུང་དང་བདུད་རྩིའི་ཁྲུསཿ རྣལ་འབྱོར་བདག་དང་བསྲུང་བྱ་ཡིཿ དེ་རིང་རྩོག་གྲིབ་ཐམས་ཅད་བསང་ཿ དེ་རིང་མནོལ་གྲིབ༴ དེ་རིང་ནད་གྲིབ་ཐམས་ཅད༴ དེ་རིང་མཁོན་གྲིབ༴ དེ་རིང་དམ་གྲིབ༴ དེ་རིང་ཉམས་གྲིབ༴ མཛེ་བོའི་གྲིབ་ཀྱིས་ཕོག་པ་བསང་ཿ ཡུག་སའི་གྲིབ་ཀྱིས༴ དམེ་ཡིས་གྲིབ་ཀྱིས་ཕོག་པ༴ ནལ་གྱིས་གྲིབ་ཕོག་ཐམས་ཅད༴ གཤིན་པོའི་རོ་གྲིབ་ཕོག་པ༴ གསོན་པོའི་བང་གྲིབ་ཕོག་པ༴ གནས་ཁང་གྲིབ་ཀྱིས་ཕོག་པ༴ གོས་ཀྱི་གྲིབ་ཕོག་ཐམས་ཅད༴ ཟས་ཀྱི་གྲིབ་ཕོག༴ ཡོ་བྱད་གྲིབ་ཀྱིས་ཕོག་པ་བསང་ཿ གཟུགས་སྒྲ་དྲི་རོ་རེག་བྱ་ཡིཿ རྐྱེན་གྱུར་གྲིབ་ཀྱིས་ཕོག་པ་བསང་ཿ ཀྱཻཿ རྣལ་འབྱོར་བདག་དང་བསྲུང་བྱ་ཡིསཿ སྐུ་ཡི་ལྷ་རྣམས་མནོལ་ན་ཡང་ཿ བསང་ཁྲུས་འདི་ཡིས་དག་གྱུར་ཅིགཿ གསུང་གི་ལྷ་རྣམས་མནོལ་ན་ཡང་ཿ བསང་ཁྲུས་འདི་ཡིས༴ ཐུགས་ཀྱི་ལྷ་རྣམས་མནོལ༴ བསང་ཁྲུས་འདི་ཡིས༴ ཡོན་ཏན་ལྷ་རྣམས་མནོལ༴ བསང་ཁྲུས་འདི་ཡིས༴ ཕྲིན་ལས་ལྷ་རྣམས་མནོལ༴ བསང་ཁྲུས་འདི་ཡིས༴ རྒྱབ་རྟེན་ལྷ་རྣམས༴ བསང་ཁྲུས་འདི་ཡིས༴ མགོན་སྐྱབས་ལྷ་རྣམས༴ བསང་ཁྲུས་འདི་ཡིས༴ ཕ་ལྷ་གཉེན་པོ་མནོལ༴ བསང་ཁྲུས་འདི་ཡིས༴ མ་ལྷ་གཉེན་པོ༴ བསང་ཁྲུས་འདི་ཡིས༴ ཞང་ལྷ་གཉེན་པོ༴ བསང་ཁྲུས་འདི་ཡིས༴ སྲོག་ལྷ་གཉེན་པོ༴ བསང་ཁྲུས་འདི་ཡིས༴ དགྲ་ལྷ་གཉེན་པོ༴ བསང་ཁྲུས་འདི་ཡིས༴ མིག་གི་དབང་པོ་མནོལ༴ བསང་ཁྲུས་འདི་ཡིས༴ རྣ་བའི་དབང་པོ༴ བསང་ཁྲུས་འདི་ཡིས༴ སྣ་ཡི་དབང་པོ་མནོལ༴ བསང་ཁྲུས་འདི་ཡིས༴ ལྕེ་ཡི་དབང་པོ་མནོལ༴ བསང་ཁྲུས་འདི་ཡིས༴ སྙིང་གི་དབང་པོ༴ བསང་ཁྲུས་འདི་ཡིས༴ ལུས་ཀྱི་དབང་པོ་མནོལ༴ བསང་ཁྲུས་འདི་ཡིས༴ ཕུང་ཁམས་སྐྱེ་མཆེད༴ བསང་ཁྲུས་འདི་ཡིས༴ ཟས་གོས་ཡོ་བྱད༴ བསང་ཁྲུས་འདི་ཡིས༴ གནས་རྟེན་བྲན་ཁོལ༴ བསང་ཁྲུས་འདི་ཡིས༴ ནོར་ཟས་ལོངས་སྤྱོད༴ བསང་ཁྲུས་འདི་ཡིས༴ རྟ་ནོར་སྒོ་ཁྱི༴ བསང་ཁྲུས་འདི་ཡིས༴ དབང་ཐང་དཔལ་ཡོན༴ བསང་ཁྲུས་འདི་ཡིས༴ ཡེ་ཤེས་མེ་ཡིས་བསྲེགས་གྱུར་ཅིག །རྩལ་ཤུགས་རླུང་གིས་གཏོར་གྱུར་ཅིགཿ བདུད་རྩིའི་ཁྲུས་ཀྱིས་དག་གྱུར་ཅིགཿ ཟླ་བ་སྤྲིན་བྲལ་ཤེལ་གོང་ཕྱིསཿ ནམ་མཁའ་གཡའ་དག་ཇི་བཞིན་དུཿ ཉེས་པའི་སྐྱོན་དང་བྲལ་གྱུར་ཅིགཿ དེ་རིང་རྣལ་འབྱོར་བདག་ཅག་གིསཿ མནོལ་གྲིབ་མི་གཙང་འགལ་རྐྱེན་དགཿ བླ་མ་རྣམས་ཀྱིས་བྱིན་གྱིས་རློབསཿ ཡི་དམ་ལྷ་ཡིས་དངོས་གྲུབ་རྩོལཿ མ་དང་མཁའ་འགྲོས་ནུས་མཐུ་བསྐྱེདཿ ཆོས་སྐྱོང་སྲུང་མས་ཕྲིན་ལས་སྒྲུབཿ ལྷ་སྲིན་སྡེ་བརྒྱད་བྲན་དུ་ཁོལཿ ལུས་ལ་བཀྲག་མདངས་གཟི་བརྗིད་འབརཿ ངག་ལ་སྙན་འགྱུར་ནུས་པ་བསྐྱེདཿ སེམས་ལ་བདེ་སྐྱིད་ཉམས་རྟོགས་འཕེལཿ མི་འདོད་ཉེར་འཚེ་ཀུན་ཞི་ཞིང་ཿ ཚེ་བསོད་ཡེ་ཤེས་ཡོན་ཏན་རྒྱསཿ གཞན་སེམས་ཟས་ནོར་དབང་དུ་འདུསཿ དགྲ་གདོན་འབྱུང་པོ་ཚར་ཆོད་ནསཿ ཕྱོགས་ལས་རྣམ་པར་རྒྱལ་བ་ཡིཿ ལྷ་ཀླུ་གནོད་སྦྱིན་གཡང་ཁུ་ཡེཿ བཀྲ་ཤིས་བདེ་སྐྱིད་ཕུན་ཚོགས་ཤོགཿ གྲིབ་མནོལ་བསང་ཁྲུས་བདེ་ལེགས་ཀུན་འབྱུང་འདིཿ མཁའ་འགྲོའི་མིང་པོ་ཁྲག་འཐུང་རྡོ་རྗེ་ལཿ ལྕགས་ཕོ་བྱི་ལོའི་མཆུ་ཟླ་གྱི་དམར་ཕྱོགས་སུཿ རྟེན་ལྡན་སྒྲོལ་དཀར་ཡིད་བཞིན་ནོར་བུས་གནང་ཿ བྱིན་རླབས་ཡོན་ཏན་མང་དུ་གསུངས་པ་ཐོབཿ ལོ་གཅིག་བར་དུ་གསང་རྒྱ་དམ་པར་བྱསཿ ཕག་ལོ་དབོ་ཟླའི་ཡར་ཚེས་དགེ་བ་ལཿ རྨི་ལམ་བསྐུལ་མ་བྱུང་ལྟར་དག་སྣང་ཕབཿ བྱིན་རླབས་ནུས་པ་ཆེ་ཞིང་རྟགས་མཚན་མཐོང་ཿ ཡི་གེའི་འདུ་བྱེད་རིག་པའི་ཡེ་ཤེས་བགྱིསཿ རྣམ་རྟོགས་བདུད་ཀྱི་གཡུལ་ལས་རྒྱལ་བར་ཤོག །དགེའོ། ། ཟབ་ལམ་ཐུགས་རྗེ་ཆེན་པོའི་ཚེ་འགུགས།༄༅། །ཟབ་ལམ་ཐུགས་རྗེ་ཆེན་པོའི་ཚེ་འགུགས་གཡང་འགུགས་ཀྱི་རིམ་པ་རྣམས་རྒྱས་འདེབས་དང་བཅས་པ་བཞུགས་སོ།། །། ཧྲཱིཿ མདངས་ལྡན་ལྷུན་འགྲུབ་འོད་ཟེར་ཐིག་ལེའི་དབུསཿ རྣམ་ཀུན་རྒྱལ་བ་སྲས་བཅས་རིག་འཛིན་ཚོགསཿ རྩ་གསུམ་ལྷ་ཚོགས་རིག་འཛིན་འགྲོ་འདུལ་གླིང་ཿ སྒྱུ་འཕྲུལ་ཚེ་ལྷའི་དཀྱིལ་འཁོར་རབ་འབྱམས་ཚོགསཿ ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་དང་ཿ མདའ་དར་སྣ་ཚོགས་དར་གྱི་ཅོད་པཎ་གྱིཿ ས་ཆུ་མེ་རླུང་ནམ་མཁའི་དཀྱིལ་འཁོར་དང་ཿ ལྷ་ཀླུ་གནོད་སྦྱིན་མི་ཡི་ནོར་བུ་སོགསཿ ཕྱི་སྣོད་འཇིག་རྟེན་སྲིད་པའི་བཅུད་ཀུན་བསྡུསཿ ཚངས་པ་བརྒྱ་བྱིན་དྲི་ཟ་ཀླུ་དབང་ལྷཿ སྟོབས་དཔལ་ཕུན་ཚོགས་མི་ཡི་ཚེ་སྲོག་མདངསཿ ནང་བཅུད་སྐྱེ་འགྲོ་མ་ལུས་ཐམས་ཅད་ཀྱིཿ དཔལ་འབྱོར་ཕུན་ཚོགས་ཚེ་ཡི་བཅུད་བསྡུས་ཤིགཿ གསང་བ་ཕྱོགས་དུས་རྒྱལ་བ་རབ་འབྱམས་ཀྱིཿ སྐུ་གསུང་ཐུགས་དང་མཁྱེན་བརྩེ་ནུས་པའི་རྩལཿ ཕྱག་མཚན་འོད་ཟེར་སྣ་ཚོགས་སྐུ་ཡི་ཆརཿ དཀྱིལ་འཁོར་གཞལ་ཡས་ཁང་དང་འདིར་འདུས་པསཿ མཆེད་ལྕམ་སྒྲུབ་པ་པོ་ལ་བྱིན་ཆེན་ཕོབཿ མི་ཤིག་རྡོ་རྗེའི་ཚེ་དང་ཕུན་ཚོགས་དཔལཿ མཆོད་ཐུན་དཔོན་སློབ་འབྲལ་མེད་དངོས་གྲུབ་སྩོལཿ ཁྱད་པར་དུས་གསུམ་རྒྱལ་བའི་བསྟན་སྲུང་ཚོགསཿ ཞིང་དང་ཕྱོགས་སྐྱོང་དཔལ་མགོན་བདུན་ཅུ་ལྔཿ སྡེ་དཔོན་སུམ་ཅུ་མི་ཟད་དྲེགས་པའི་ཚོགསཿ སྐྱོབས་པའི་སྲུང་མ་ཀུན་གྱི་ཚེ་ཁུག་ཅིགཿ ཚེ་བཅུད་འོད་དང་ཐིག་ལེ་མེ་རེ་རེཿ བར་སྣང་སྐུ་དང་གསུང་གི་དཀྱིལ་འཁོར་འཁྲིགསཿ བདེ་དྲོད་ཉམས་དང་རྟོག་པའི་རིག་པ་བུནཿ ཟག་བཅས་འཇའ་སྐུར་ཞིག་པའི་སྣང་བཞི་བསྒྲོདཿ གསང་གསུམ་རིག་པ་སྨིན་པའི་རྡོ་རྗེའི་སྤུནཿ ཐོགས་མེད་མཁའ་ལ་སྤྱོད་པའི་དངོས་གྲུབ་སྩོལཿ དུས་གསུམ་དབྱིངས་སུ་དག་པའི་དུས་གཅིག་ཀློང་ཿ འཕོ་འགྱུར་སྐྱེ་འགགས་མེད་པའི་དབང་ཐོབ་ཤོགཿ ཅེས་ཚེ་འགུགས་སོ། །དེ་ནས་གཡང་འགུགས་ཏེ་མེ་ཏོག་འབར་བས་ཆར་སིལ་མ་ནི་གཅེས་ཕྲུག་བུ་མོ་གཙང་མས་ཁྲུས་བྱས། བརྒྱད་གྱི་སྤྲས། མདའ་དར་ཁ་དོག་ལྔ་ལྡན་བཀྲ་ཤིས་པའི་རྫས་ཀྱིས་རིགས་དཔག་ཏུ་མེད་པ་ལག་ཏུ་ཐོགས་ལ། ཚེའི་དཀྱིལ་འཁོར་དུ་གནས་སྐབས་ཀྱིས་བྱིན་འོད་གཡང་དཔལ་ཉམས་པ་སོགས། བཀྲ་མི་ཤིས་པ་བཟློག་པ་དང་། བཀྲ་ཤིས་བྱིན་འོད་འཇིག་རྟེན་སྲིད་བའི་བཅུད་རྣམས་འགུགས་ཤིང་ཕུན་སུམ་ཚོགས་པའི་རྟེན་འབྲེལ་བསྒྲིགས་ཀྱང་ཁྱད་པར་འཕགས་པའི་ཆོ་ག་ནི། ཧྲཱིཿ ཆོས་དབྱིངས་ཁྱབ་བརྡལ་ཡངས་བ་རྒྱལ་བའི་ཞིང་། །ཕྱོགས་དུས་རྒྱལ་བ་རྩ་གསུམ་རིག་པ་འཛིན། །མཁའ་སྤྱོད་འཇའ་འོད་འཁྲུགས་པའི་གུར་ཁང་ནས། །རིག་འཛིན་བླ་མའི་བྱིན་རླབས་གཡང་ཁུག་གཅིག །འོག་མིན་རྡོ་རྗེའི་དབྱིངས་ཀྱི་གཞལ་ཡས་མཆོག །ལོངས་སྤྱོད་རྫོགས་སྐུ་རྒྱལ་བ་རིགས་ལྔ་དང་། །ཐེག་དགུའི་ཡི་དམ་ལྷ་ཡི་བསྐོར་རྣམས་ཀྱིས། །མཆོག་དང་ཐུན་མོང་དངོས་གྲུབ་གཡང་ཁུག་ཅིག །ཉི་ཤུ་རྩ་བཞིའི་གནས་ཡུལ་དུར་ཁྲོད་ནས། །དཔའ་བོ་མཁའ་འགྲོ་ཆོས་སྐྱོང་རྒྱ་མཚོ་ལ། །ལས་བྱེད་ཕོ་ཉའི་ཚོགས་ཀྱིས་བསྐོར་བ་ཡི། །ཕྲིན་ལས་རྣམ་བཞི་འགྲུབ་པའི་གཡང་ཁུག་ཅིག །སྟོང་གསུམ་མི་མཇེད་འཇིག་རྟེན་ཞིང་ཁམས་ནས། །བསྟན་པའི་བདག་པོ་དུས་གསུམ་རྒྱལ་བ་དང་། །བསྟན་འཛིན་སྐྱེས་བུ་འགྲོ་བའི་དཔལ་མགོན་གྱིས། །སངས་རྒྱས་བསྟན་བ་རྒྱས་པའི་གཡང་ཁུག་ཅིག །སྲིད་པའི་ལྷ་རབས་དགེ་བསྙེན་གཞི་བདག་དང་། །སྤར་སྨེའི་ལོ་འགྲོས་བདག་པོ་འབྱུང་བ་འདིའི། །ཕྱི་དང་ནང་དང་གསང་བའི་ལྷ་རྣམས་ཀྱིས། །རང་རང་ལས་ལ་དབང་བའི་གཡང་ཁུག་ཅིག །ཕྱོགས་སྐྱོང་བཅུ་དང་འཇིགས་བྱེད་ཆེན་པོ་དགུ། །ལྷ་ཀླུ་གཟའ་དང་རྒྱུ་སྐར་ཉེར་བརྒྱད་ལྷ། །གཙང་རིས་དཔལ་མགོན་ཆེན་པོ་བདུན་ཅུ་ཡིས། །སྟོབས་དང་གཟི་བརྗིད་རྒྱས་པའི་གཡང་ཁུག་ཅིག །ལོ་དང་ཟླ་བ་ཞག་དང་དུས་ཚོད་དང་། །རྟེན་འབྲེལ་ཚེས་ལ་དབང་བའི་ལྷ་རྣམས་དང་། །མཁར་གྱི་རྩེ་ལྷ་ཞིག་གི་ཚངས་པ་ཡིས། །འགྲུབ་ནོར་ལོངས་སྤྱོད་དཔལ་ཕུན་གཡང་ཁུག་ཅིག །གཡང་གི་བདག་པོ་ཨཱཪྱ་ཛཾ་བྷ་ལ། །རྒྱལ་ཆེན་རྣམས་ཐོས་སྲས་དང་གནོད་སྦྱིན་རིགས། །ཁམས་གསུམ་དབང་སྡུད་དབང་ཕྱུག་ཆེན་པོ་ཡི། །མཆོག་དང་ཐུན་མོང་དངོས་གྲུབ་གཡང་ཁུག་ཅིག །གཡང་གི་ལྷ་མོ་ནོར་རྒྱུན་དཔལ་ལྷ་མོ། །དབྱངས་ཅན་ཚེ་རིང་མ་དང་བསྟན་མའི་ཚོགས། །ཁམས་གསུམ་དབང་དུ་སྡུད་པའི་ཌཱཀི་མའི། །བུ་ནོར་ལོངས་སྤྱོད་རྒྱས་པའི་གཡང་ཁུག་ཅིག །ངོ་མཚར་ལྷ་ཡི་མེ་ཏོག་སྤོས་སྤྲིནདང་། །བཀྲ་ཤིས་རྫས་རྟག་སྣང་སྲིད་རོལ་མོའི་སྒྲ། །བུམ་པ་བཟང་དང་དཔག་བསམ་ཡིན་བཞིན་ནོར། །སྲིད་པའི་ངོ་མཚར་དཔལ་གྱི་གཡང་ཁུག་ཅིག །བཀྲ་ཤིས་གཡང་རའི་དབུས་ན་འོད་འབར་བའི། །ཕུན་ཚོགས་གཡང་རྫས་དགོས་འདོད་ཡིན་བཞིན་ནོར། །གཡང་ཆང་ཚེ་རིལ་བདུད་རྩི་དཔལ་གྱི་བཤོས། །རབ་འབྱམས་འཇའ་སྐུར་འཁྱིལ་བའི་འོད་ཟེར་སྤེལ། །སྟོབས་ཕུན་མངའ་ཐང་རྒྱས་པའི་གཡང་ཁུག་ཅིག །གཡང་འདིས་སྒྲུབ་གནས་ཀུན་ལ་བྱིན་འོད་ཕོབ། །གཡང་འདིས་ཚེ་དཔལ་ཉམས་པ་ཡར་ལ་གསོས། །གཡང་འདིས་རྒས་ཤིང་རྒུད་པ་མལ་ནས་སློང་། །གཡང་འདིས་དབུལ་པོ་ཐམས་ཅད་ནོར་དང་སྤྲོད། །གཡང་འདིས་འོན་ལོང་ཞ་བོའི་དབང་པོ་སྟོན། །གཡང་འདིས་ཆགས་ཆེ་ཉམ་ང་ཕྱིར་ལ་བསྒྱུར། །གཡང་འདིས་ཕོ་བྲང་སུ་བྱིན་འོད་ཕོབ། །གཡང་འདིས་ཁམས་གསུམ་སྲིད་གསུམ་དབང་དུ་བསྡུས། །གཡང་འདིས་འཁོར་ལོས་བསྒྱུར་བའི་རྒྱལ་སྲིད་སྤྲོད། །གཡང་འདིས་མཐུ་རྩལ་ནུས་པ་མེ་ལྟར་སྤོར། །གཡང་འདིས་འཁོར་དང་ལོངས་སྤྱོད་དབུས་སུ་ཆུག །གཡང་འདིས་ཕ་རོལ་རྩོད་ལས་རྒྱལ་བར་མཛོད། །གཡང་འདིས་བདག་ཅག་དཔོན་སློབ་མཐུན་ཞིང་འགྲོགས། །གཡང་འདིས་ཉམས་ཆགས་འགལ་འཁྲུལ་ཞིག་པ་གསོས། །གཡང་འདིས་གྲིབ་དང་མི་གཙང་ཡོངས་ལ་སྐྱོབས། །གཡང་འདིས་སྡེ་བརྒྱད་འབྱུང་པོའི་སྲུང་འཁོར་མཛོད། །གཡང་འདིས་དངོས་གྲུབ་ཡལ་པ་ཐམས་ཅད་ཁུག །གཡང་འདིས་སྙན་དང་གྲགས་པའི་ས་སྟེང་ཁོང་། །གཡང་འདིས་ངོ་མཚར་འབྲུག་སྒྲ་རྟག་ཏུ་སྒྲོགས། །གཡང་འདིས་བྱས་ཚད་ཆོས་སུ་འགྲོ་བར་མཛོད། །གཡང་འདིས་རིགས་དང་ཆོས་ཀྱིས་བརྒྱུད་པ་སྤེལ། །གཡག་འདིས་སྡེ་འདི་མི་གཡོ་བརྟན་པར་མཛོད། །གཡང་འདིས་རང་བྱུང་རིག་པ་མ་དང་སྤྲོད། །གཡང་འདིས་འཁོར་འདས་གཞི་ཟད་ས་ལ་སྐྱོལ། །གཡང་འདིས་ཚེ་གཅིག་རྫོགས་སངས་རྒྱས་པར་མཛོད། །གཡང་འདིས་ཁམས་གསུམ་འཁོར་བ་དོང་ནས་སྤྲུགས། །གཡང་འདིས་འགྲོ་ཀུན་ཕྱིར་མི་ལྡོག་པར་མཛོད། །གཡང་འདིས་འབྲེལ་ཚད་པདྨ་འོད་དུ་སྐྱོལ། །སྡུས་སྡུས་སརྦ་བ་ཤཾ་ཀུ་རུ་ཡེ་སྭཱ་ཧཱ། །འཕེལ་འཕེལ་སརྦ་པུཥྚི་ཀུ་རུ་ཡེ་སྭཱ་ཧཱ། །ལས་རྣམས་བསྒྲུབ་ཅིང་ཕྱྭ་གཡང་བཀྲ་ཤིིས་བདེ་ལེགས་ཐམས་ཅད་ནམ་ཡང་ནུབ་མེད་དུ་བརྟན་པར་གྱུར་ཅིག །སརྦ་མངྒ་ལཾ་སྭ་སྟི་ཏིཥྛ་བཛྲ་ཡེ་སྭཱ་ཧཱ། །ཞེས་ཐུན་དྲུག་ཏུ་གཡང་ཁ་སྤྲོད་དུ་འགྲུབ་པར་བྱའོ། །དགེའོ།། །། རྫོགས་སྤྲུལ་བཞི་པའི་གསུངས་པའི་གཡང་འགུགས།རྫོགས་སྤྲུལ་བཞི་པས་གསུངས་པའི་གཡང་འགུགས་བཞུགས། ཧྲཱིཿ སྐུ་གསུམ་རྒྱལ་བས་གང་ལ་གང་འདུལ་བཞིས། །འཕགས་པ་དྲི་མེད་དུང་མདོག་ཞི་བའི་ལྷ། །དབང་ཆེན་པདྨ་རཱ་གའི་གཟི་མདངས་ཅན། །འོད་ཟེར་སྟོང་གི་སྟོབས་དཔལ་ནུས་པ་ཡིས། །འཁོར་འདས་སྲིད་པའི་དཔལ་གཡང་འདིར་ཁུག་ཅིག །རྒྱལ་བ་རིན་ཆེན་མང་གི་འོད་ཟེར་སེར། །དཔལ་བསྐྱེད་བཻ་མ་ལས་སྤྲུལ་པའི་གཡང་གི་ལྷ། །ནམ་མཁའ་དྭངས་མའི་གཟི་བྱིན་རབ་བསྐྱེད་ཅིག །བསྭེ་རག་འགོང་པོས་གཡུལ་ངོ་ལས་རྒྱལ་བའི། །རྒྱལ་མཚན་འཛིན་པའི་ལྷ་དེས་འདིར་དགོངས་ཤིག །རྒྱས་པའི་ལྷ་ནི་རྒྱལ་མཆོག་ཤཱཀྱ་ཐུབ། །རིན་ཆེན་འབྱུང་ལྡན་རྣམ་པར་རོལ་པའི་གར། །གསེར་མདོག་ཅན་གྱི་ལྷ་ནི་སྟོབས་དཔལ་ཆེ། །སྲིད་པའི་ཕྱྭ་གཡང་འདི་ན་ལེགས་བསྡུས་ཤིག །ཤར་ཕྱོགས་དྲི་ཟའི་རྒྱལ་པོ་ཡུལ་འཁོར་སྲུང་། །དོན་ལ་སྤྱན་རས་གཟིགས་དང་དབྱེ་བ་མེད། །རྣམ་པ་ཟོ་དོར་འབྱུང་བཞིའི་ཁམས་ལ་གནས། །རི་དབང་རྒྱལ་པོ་གཉེན་ཆེན་ཐང་ལྷ་གངས། །དབུས་གཙང་རུ་བཞིའི་དགྲ་ལྷ་ཆེན་པོ་ཡིས། །སྲིད་པའི་ཕྱྭ་གཡང་དཔལ་རྣམས་འདིར་བསྡུས་ཤིག །རྣམ་ཐོས་སྲས་དེ་བྱང་གི་པྱོགས་ལ་གནས། །ས་བརྒྱད་སེམས་དཔའ་སྡེ་བརྒྱད་ཚུལ་བསྟན་པ། །རྨ་ཆེན་སྤོམ་ར་མདོ་ཁམས་དགྲ་བླ་ཡིས། །སྲིད་པའི་ཕྱྭ་གཡང་ཐམས་ཅད་འདིར་བསྡུས་ཤིག །མདོ་སྔགས་བསྟན་པ་འཛིན་པའི་སྐྱེས་བུ་རྣམས། །རྒྱལ་བའི་ཕྲིན་ལས་རྨད་བྱུང་མཛད་པ་རྒྱས། །རྒྱལ་བསྟན་རིན་ཆེན་གསེར་གྱི་རི་བོ་ལ། །འོད་ཟེར་འབུམ་ཕྲག་འཕྲོ་བའི་གཡང་ཁུག་ཅིག །རང་སེམས་མ་འཁྲུལ་དོན་གྱི་ཡེ་ཤེས་ལྷ། །སེམས་ཉིད་བདེ་ཆེན་རྒྱལ་བ་ཀུན་ཏུ་བཟང་། །འཁོར་འདས་ཀུན་ལ་དབང་བསྒྱུར་སྟོབས་དཔལ་ཆེ། །རིམ་གཉིས་འཁྲུལ་པ་མེད་པའི་རྩ་གསུམ་བསྒྲུབས། །དཔའ་བོ་བསྟན་སྲུང་ཕྱི་ནང་སྣོད་བཅུད་གནས། །བསམ་གཏན་ཆོས་གླིང་གནས་བདག་དཀོར་སྲུང་ལྷ། །རྣལ་འབྱོར་གང་ལ་འགོ་བའི་སྲུང་མ་རྣམས། །ནུས་པའི་སྟོབས་ཀྱིས་ཚེ་གཡང་དཔལ་བསྐྱེད་ཅིག །མི་འགྱུར་ཚེ་དབང་རི་བསྐོང་ཙམ་དུ། ཨོ་རྒྱན་ཆེ་མཆོག་དེས་སྨྲས་དག་གྱུར་ཅིག། །སརྦ་མངྒ་ལཾ།། གཡང་འགུགས་བསྡུས་པ།གཡང་འགུགས་བསྡུས་པ་བཞུགས་སོ། ཧྲཱིཿ དཀོན་མཆོག་རྩ་གསུམ་ནོར་ལྷ་རྒྱ་མཚོ་དང་། །བདེན་ཚིག་གྲུབ་པའི་ལྷ་དང་དྲང་སྲོང་གིས། །སྲིད་པའི་ཕྱྭ་གཡང་དཔལ་འབྱོར་ཕུན་ཚོགས་རྣམས། །དེ་རིང་བཀྲ་ཤིས་གནས་འདིར་གཡང་དུ་ཁུག །བདེ་ལེགས་སྣང་བས་ས་སྟེང་ཁྱབ་གྱུར་ཅིག །ཅེས་གཡང་འགུགས་ཉུང་ངུ་བསྡུས་པ་འདི་ཁྲམ་ཨ་ཐུབ་རྣམ་རྒྱལ་པས་བསྐུལ་ངོར། །རྫོགས་སྤྲུལ་ལྔ་པས་བྲིས་པ་དགེ་ལེགས་འཕེལ།། །། ཆོས་ཐམས་ཅད་ཀྱི་སྔོན་དུ་འགྲོ་བ་གཞི་བདག་དང་བགེགས་ལ་གཏོར་མ་འབུལ་ཐབས།༁ྃ༔ ཆོས་ཐམས་ཅད་ཀྱི་སྔོན་དུ་འགྲོ་བ་གཞི་བདག་དང་བགེགས་ལ་གཏོར་མ་འབུལ་ཐབས་བཞུགས་སོ༔ དང་པོ་བགེགས་ལ་བཀའ་བསྒོ་བར་འདོད་ན༔ སྣོད་གཙང་མའི་ནང་དུ་དཀར་གཏོར་པད་འདབ་བཞི་པ་དང་༔ ནག་ཕྱོགས་གཞི་བདག་ལ་དམར་གཏོར༔ དེ་གཉིས་ལ་བསངས་སྦྱངས་སྤལ་ལ་འབུལ༔ དཀར་གསུམ་མངར་གསུམ་རིན་ཆེན་གསེལ་སྐྱེམས་བདར༔ རང་ཉིད་འཕགས་པ་སྤྱན་རས་གཟིགས་སུ་བསྒོམས༔ ཐུགས་ཀའི་འོད་ཀྱི་བགེགས་དང་གཞི་བདག་རྣམས་སྤྱན་དྲངས༔ གཏོར་མ་ཕུལ་བས་དགྱེས་པར་གྱུར༔ ཨོཾ་སྭ་བྷཱ་ཝས་སྦྱངས༔ སྟོང་པ་ཉིད་དུ་གྱུར༔ སྟོང་པའི་ངང་ལས་རིན་པོ་ཆེའི་སྣོད་དུ་གཙང་ལྡན་གྱི་གཏོར་མ་འདི་དཀར་གསུམ་མངར་གསུམ་ལས་གྲུབ་པ་བདུད་རྩིའི་རྒྱ་མཚོ་ཆེན་པོར་གྱུར༔ ཨོཾ་ཨཱཿཧཱུྃ༔ ལན་གསུམ་གྱིས་བརླབས་ནས༔ ཨོཾ་ཨཱཿཀཱ་རོ་མུ་ཁཾ་སརྦ་དྷ་རྨ་ཎཾ་ཨཱདྱ་ནུདྤེནྣཏྭཏྟེ་ཨོཾ་ཨཱཿཧཱུྃ་ཕ྄ཊ་སྭཱ་ཧཱ༔ ལན་གསུམ་གྱིས༔ ཧཱུྃ༔ ཚངས་པ་བརྒྱ་བྱིན་རྒྱལ་ཆེན་བཞི༔ ལྷ་ཆེན་ཐམས་ཅད་འཁོར་དང་བཅས༔ དགའ་བོ་འཇོག་པོ་དུང་སྐྱོང་སོགས༔ ཀླུ་རྣམས་མ་ལུས་འཁོར་དང་བཅས༔ ཉི་མ་ཟླ་བ་གཟའ་ཆེན་པོ༔ གཟའ་རྣམས་མ་ལུས་འཁོར་དང་བཅས༔ ས་བདག་ས་ཡི་ལྷ་མོ་སོགས༔ ས་བདག་མ་ལུས་འཁོར་དང་བཅས༔ འགུར་ལྷ་དགེ་བསྙེན་བསྟན་མའི་ཚོགས༔ ཕྱོགས་སྐྱོང་རྣམས་དང་གནོད་སྦྱིན་དང་༔ སྲིན་པོ་ཤ་ཆེན་ཟ་བ་དང་༔ དྲི་ཟ་གཤིན་རྗེ་མ་མོའི་ཚོགས༔ འབྱུང་པོ་རྣམས་དང་ཡི་དྭགས་དང་༔ སྡེ་བརྒྱད་ཕྱི་ནང་སྲུང་མའི་ཚོགས༔ མཆོད་སྦྱིན་གཏོར་མ་འདི་བཞེས་ལ༔ སྟོབས་ཆེན་ཕྱག་ན་རྡོ་རྗེ་དང་༔ སློབ་དཔོན་པདྨ་ཐོད་ཕྲེང་གི༔ བཀའ་དང་དམ་ལ་མ་འདའ་བར༔ རྣལ་འབྱོར་བདག་ཅག་འཁོར་བཅས་ལ༔ རྣམ་བཞིའི་ལས་ཀྱི་དངོས་གྲུབ་སྩོལ༔ བདག་གི་བྱང་ཆུབ་མ་ཐོབ་བར༔ ཕྲིན་ལས་བསྒྲུབ་ལ་རོག་ལྡན་མཛོད༔ ཕྱིན་ནང་གསང་བའི་བར་ཆད་བཟློག༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་དཀར་གཏོར་དང་དམར་གཏོར་འབུལ༔ དེ་ནས་བགེགས་ཀྱི་གཏོར་མར་བྲན་ལ་སྦྱོང༔ ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧཱུྃ་ཕ྄ཊ༔ ཨོཾ་སྭཱ་བྷཱ་ཝ༴ སོགས་ནས། སྟོང་པ་ཉིད་དུ་གྱུར༔ སྟོང་པའི་ངང་ལས་རིན་པོ་ཆེའི་སྣོད་ཀྱི་ནང་དུ་བགེགས་ཀྱི་གཏོར་མ་གཟུགས་སྒྲ་དྲི་རོ་རེག་བྱ་ཕུན་སུམ་ཚོགས་པ་རྣམས་སུ་གྱུར༔ ཨོཾ་ཨཱཿཧཱུྃ༔ ལན་གསུམ་དང་༔ ན་མ༔སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ༔ ཨོཾ་སམྦྷ་ར་སམྦྷ་ར་ཧཱུྃ༔ ལན་གསུམ༔ ཧྲཱི༔ ཐུགས་རྗེ་ཆེན་པོ་དབང་གི་སྐུ༔ རྟ་མཆོག་རོལ་པ་ཁྲོས་པའི་རྒྱལ༔ དབང་གི་རྟ་སྐད་འཚེར་བ་ཡིས༔ གདོན་བགེགས་འབྱུང་པོ་བཀུག་ཅིང་གཟིར༔ གསང་བ་སྒྲུབ་ལ་མི་དབང་པའི༔ གདོན་བགེགས་འབྱུང་པོ་ལན་ཆགས་ཚོགས༔ གླུད་ཀྱི་གཏོར་མ་འདི་ཁྱེར་ལ༔ རང་རང་སོ་སོའི་གནས་སུ་དེངས༔ ཅི་ཏེ་མི་འགྲོ་འཚེ་བྱེད་ན༔ ཆོས་ཀྱི་དབྱིངས་ཀྱི་ཏིང་འཛིན་དང་༔ ཁྲོ་བོ་ཆེན་པོའི་བརྟུལ་ཞུགས་ཀྱིས༔ འབྱུང་པོའི་ཚོགས་རྣམས་རྡུལ་དུ་བརློག༔ དེ་བས་རང་རང་གནས་སུ་དེངས༔ ཧཱུྃ་བཞིའི་སྔགས༔ ཨོཾ་སུམྦྷ་ནི་སུམྦྷ་ནི་ཧཱུྃ༔ གྲྀ་ཧྣ་གྲྀ་ཧྣ་ཧཱུྃ༔ གྲྀ་ཧྣ་པ་ཡ༔ གྲྀ་ཧྣ་པ་ཡ་ཧཱུྃ༔ ཨ་ན་ཡ་ཧོ༔ བྷ་ག་ཝན༔ བིདྱ་རཱ་ཛ་ཡ་ཧཱུྃ་ཕ྄ཊ༔ བརྗོད་ལ་གདོན་བགེགས་བསྒྲུབས་ལ་མི་དབང་པ་རྣམས་མཐའི་རྒྱ་མཚོའི་ཕ་རོལ་དུ་བསྐྲད༔ བསྲུང་བའི་འཁོར་ལོའི་གོ་བསྒོའོ༔ ས་མ་ཡཱ༔ རྒྱ་རྒྱ་རྒྱ༔ རིག་འཛིན་ཉི་མ་གྲགས་པས་གངས་རིས་རྒྱལ་པོ་ཏི་སེ་ནས་གདན་དྲངས་པའོ༔ དགེའོ༔ མངྒལཾ༔ ཧྲཱིཿ མ་བཅོས་ལྷུན་གྲུབ་་་་ཧྲཱིཿ མ་བཅོས་ལྷུན་གྲུབ་ཀ་དག་རང་བྱུང་ལས། །ཅིར་ཡང་ཤར་བའི་རིག་རྩལ་སྒྱུ་འཕྲུལ་ནི། །གསང་སྔགས་རྙིང་མའི་བསྟན་འཛིན་བང་རི་བ། །ཨོ་རྒྱན་ལས་འཕྲོ་གླིང་པར་གསོལ་བ་འདེབས། །དང་པོ་མདོ་རྒྱུད་མན་ངག་ལེགས་པར་སྦྱངས། །བར་དུ་བསྐྱེད་རྫོགས་དབྱེར་མེད་བསྒྲུབ་པ་བཙུགས། །ཡང་དག་དོན་གྱི་རབ་འབྱམས་བང་རི་བ། །རིག་འཛིན་འཇའ་ཚོན་སྙིང་པོར་གསོལ་བ་འདེབས། །རྒྱལ་དབང་པདྨའི་ཡང་སྤྲུལ་དགེ་སྦྱོངས་ཚུལ། །བསྐལ་དུས་སྙིགས་མའི་འགྲོ་བའི་དཔལ་དུ་ཤར། །བདག་འཛིན་རུ་ཏྲ་འཇོམས་པའི་བང་རི་བ། །སྔགས་འཆང་ཧཱུྃ་ནག་མེ་འབར་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །གནས་སྐབས་མཐར་ཐུག་དངོས་གྲུབ་ཆར་འབེབས་ཤིང་། །མཁྱེན་བརྩེ་ནུས་ལྡན་འཇའ་ལུས་འོད་ཕུང་གྱུར། །བདག་གཞན་དཀྱིལ་འཁོར་གཅིག་ཏུ་འགྲུབ་པར་ཤོག །ཅེས་རིག་འཛིན་འཇའ་ཚོན་སྙིང་པོའི་གསོལ་འདེབས་འདི་ལ་ཉིན་རེ་ཚར་དྲུག་གམ་ལྔའམ་གསུམ་མམ་ཚར་རེ་མ་ཆག་པར་འདོན་ན་ངན་སོང་གསུམ་དུ་མི་འགྲོ། །ཀོང་པོ་གཙང་ཕུག་ཏུ་རིག་འཛིན་འཇའ་ཚོན་སྙིང་པོས་སྦྱར་བའོ། །མངྒ་ལཾ། དགེའོ། ། ཡང་ཟབ་དཀོན་མཆོག་སྤྱི་འདུས་ཀྱི་ལས་བྱང་ཕྱག་བཞེས་མཐོང་བརྒྱུད་ལྟར་བསྒྲིགས་པ།༁ྃ༔ ཡང་ཟབ་དཀོན་མཆོག་སྤྱི་འདུས་ཀྱི་ལས་བྱང་ཕྱག་བཞེས་མཐོང་བརྒྱུད་ལྟར་བསྒྲིགས་པ་བཞུགས་སོ། ། ཨོཾ་ཨཱཿཧཱུྃ༔ ཐོག་མའི་སངས་རྒྱས་ཀུན་བཟང་སྣང་མཐའ་ཡས། །གངས་ཅན་མགོན་པོ་ཁ་སར་པ་ཎི་དང་། །འཇའ་ལུས་སྣང་སྲིད་དབང་སྡུད་པདྨ་འབྱུང་། །ཡེ་ཤེས་མཚོ་རྒྱལ་ཏིང་འཛིན་བཟང་པོ་ལ། །གསོལ་བ་འདེབས་སོ་བྱིན་གྱིས་བརླབས་ཏུ་གསོལ། །ཧཱུྃ་ནག་མེ་འབར་ཆོས་ཀྱི་རྒྱ་མཚོའི་ཞབས། །པདྨ་རིག་འཛིན་ནམ་མཁའི་མཚན་ཅན་སོགས། །བརྒྱུད་ལྡན་བླ་མ་རྩ་བའི་བླ་མ་དང་། །རྩ་གསུམ་དམ་ཅན་སྲུང་མའི་ཚོགས་བཅས་ལ། །གསོལ་བ་འདེབས་སོ་བྱིན་གྱིས་རླབས་ཏུ་གསོལ། །ཀ་དག་ལྷུན་གྲུབ་གཞི་ཐོག་ཕེབས་པ་དང་། །ཁྲེགས་ཆོད་ཐོད་རྒལ་ལམ་ལ་རྩལ་འབྱོང་ནས། །སྐུ་དང་ཡེ་ཤེས་དབྱེར་མེད་མངོན་གྱུར་ཏེ། །མཐའ་ཡས་འགྲོ་ཀུན་སྤྲུལ་པས་འདྲེན་པར་ཤོག །ཀཱ་ཡ་ཝཱ་ཀྐ་ཙིཏྟ་སིདྡྷི་ཧཱུྃ༔ ཅེས་པ་འདི་རིག་འཛིན་འཇའ་མཚན་སྙིང་པོས་མཛད་པ་ལྟར་ཁ་བསྐང་བྱས་པའོ། །༁ྃ༔ ག་མུ་གྲུ་ཊུ་ཐསན་ཅ་ཁཱ་ལེའུ་དང་པོ་ནས༔ ཐ་མ་ངོ་སྤྲོད་ལག་ལེན་གྱིས༔ སྐལ་ལྡན་མྱུར་གྲོལ་གདམས་པ་བཤད༔ ཅེས་པ་དང་༔ ཕྲིན་ལས་རང་བཞུང་བསྟན་པ་ནི༔ བཀྲ་ཤིས་བྱིན་ཆགས་དབེན་གནས་སུ༔ ཞེས་སོགས་གསུངས་པའི་དང་པོ་ལས་བྱང་བསྟན་པ་ནི༔ དཀྱིལ་འཁོར་གཏོར་མཆོད་བཀོད་པའི་བྱེ་བྲག་རྣམས༔ བག་དྲོ་རྒྱན་ལྡན་རོལ་མོ་དབྱངས་དང་བཅས༔ སྐུ་གསུང་ཐུགས་རྟེན་མཛེས་ཤིང་ཡིད་འོང་བཀྲམ༔ མཚམས་གཅོད་སྲུང་འཁོར་སྐྱབས་འགྲོ་སེམས་བསྐྱེད་དང་༔ ཡན་ལག་བདུན་དང་མཆོད་པ་བྱིན་རླབས་བྱ༔ ཏིང་འཛིན་གསལ་ཞིང་བསྐྱེད་རིམ་སྤྱན་འདྲེན་མཆོད༔ བསྟོད་པ་སྔགས་བཟླས་ཚོགས་མཆོད་རྗེས་ལ་སོགས༔ དང་པོ་ལྟ་བའི་མཚམས་གཅོད་ནི༔ ཧྲཱི༔ བདག་ཉིད་འགྱུར་མེད་ཡེ་ནས་རྡོ་རྗེའི་སྐུ༔ ཕྱི་ནང་སྣོད་བཅུད་གཞལ་ཡས་སྐྱེ་འགྲོ་ལྷ༔ ཕྱོགས་དང་ཕྱོགས་མཚམས་འཇའ་འོད་མཚོན་ཆས་གཏམས༔ རྡོ་རྗེའི་ས་གཞི་རྭ་གུར་མེ་རིས་བསྐོར༔ ཨོཾ་བཛྲ་རཀྵ་ཛྭ་ལ་རཾ༔ སྐྱབས་འགྲོ་སེམས་བསྐྱེད་ནི། ཨོཾ་ཨཱཿཧཱུྃ༔ སྐྱབས་གནས་དམ་པ་རྣམས་ལ་སྐྱབས་སུ་མཆི༔ རྒྱུད་དྲུག་འཁོར་བར་འཁྱམས་པའི་ཕ་མ་ཀུན༔ བཟོད་མེད་གདུང་བས་སངས་རྒྱས་ཐོབ་བྱའི་ཕྱིར༔ ཀུན་ཀྱང་བྱང་ཆུབ་མཆོག་ཏུ་སེམས་བསྐྱེད་དོ༔ ཡན་ལག་བདུན་པ་ནི༔ ཨོཾ་ཨཱ་ཧཱུྃ༔ ཆོས་རྣམས་ཐམས་ཅད་སྐུ་གསུམ་རང་བཞིན་ལ༔ གཉིས་མེད་ཀློང་ཡངས་ཆེན་པོར་ཕྱག་འཚལ་ལོ༔ མ་བཅོས་མཐའ་བྲལ་མཉམ་པ་ཉིད་ཀྱིས་མཆོད༔ རང་སེམས་སངས་རྒྱས་མ་རྟོགས་མཐོལ་ལོ་བཤགས༔ གནས་ལུགས་རང་རིག་ངང་དུ་ཡི་རང་ངོ་༔ འཛིན་མེད་ཁྱབ་བརྡལ་རོལ་པའི་ཆོས་འཁོར་བསྐོར༔ འཁོར་འདས་དབྱེར་མེད་བཞུགས་པར་གསོལ་བ་འདེབས༔ ཆོས་དབྱིངས་ལྷུན་གྲུབ་ཆེན་པོར་བསྔོ་བར་བྱ༔ ཟུང་འཇུག་ཀུན་ཁྱབ་བདེ་ཆེན་མཆོག་ཐོབ་ཤོག༔ མཆོད་པ་བྱིན་རླབས་ནི། རཾ་ཡཾ་ཁཾ༔ ཨོཾ་ཨཱ༔ཧཱུྃ༔ རང་གི་གནས་གསུམ་ཡིག་འབྲུ་གསུམ་གྱིས་མཚན༔ དེ་ལས་ཟེར་མ་ཕྱོགས་བཅུར་རབ་འཕྲོས་པས༔ མཆོད་རྫས་དངོས་འཛིན་རྣམ་རྟོག་བག་ཆགས་ཀུན༔ ཉེས་སྐྱོན་བསྲེགས་གཏོར་སྦྱངས་བཀྲུས་བདུད་རྩིར་གྱུར༔ སྨན་རཀ་གཏོར་མཆོད་འོད་ཕུང་ལྡེམས་སེ་ལྡེམ༔ བླ་མེད་མཆོད་པ་དཔག་ཡས་བསམ་མི་ཁྱབ༔ ཨོཾ་བྷྲཱུཾ་ཏྲཱཾ་ཧྲཱིཿཨཱཿ ཏིང་འཛིན་ནི། ཨོཾ་ཨཱཿཧཱུྃ༔ འདི་ལྟར་སྣང་སྲིད་གཉིས་བསྡུས་ཆོས་རྣམས་ཀུན༔ ཡེ་ནས་སྟོང་ཞིང་ནམ་མཁའ་ལྟ་བུ་ལ༔ གཟུང་འཛིན་སྤང་བླང་བྱ་བྱེད་མཐའ་ལས་འདས༔ པདྨ་སཾ་བྷ་བདག་ནི་དེ་ལྟར་སྨྲ༔ དྷརྨ་དྷཱ་ཏུ་སྭ་བྷཱ་ཝ་ཨཱཿཧཱུྃ༔ ཧྲཱིཿ བདག་ཉིད་ཐ་མལ་རང་སེམས་བཟོད་མེད་འདི༔ དཀོན་མཆོག་སྤྱི་འདུས་པདྨ་འོད་འབར་སྐུ༔ དཀར་གསལ་མདངས་ལྔ་མཛེས་འཛུམ་རྒྱན་གྱིས་སྤྲས༔ རྡོ་རྗེ་ཐོད་པ་ཚེ་བུམ་རིན་ཆེན་བརྒྱན༔ པད་ཞྭ་རྒོད་ལྡེམ་ཁ་ཊྭཱཾ་གཡོན་ནས་འཁྲིལ༔ ཕོད་ཀ་ཆོས་གོས་ཟ་འོག་བེར་ཕྱམ་ཅན༔ མཚན་དཔེས་རབ་བརྒྱན་འོད་ཀྱི་དཀྱིལ་འཁོར་མཛེས༔ མཉམ་ཉིད་བདེ་ཆེན་འཁྱིལ་བའི་སྐྱིལ་ཀྲུང་བཞུགས༔ འོད་ཀྱི་ལུས་ལ་ཡེ་ཤེས་སྙིང་པོ་ཅན༔ གསལ་སྟོང་ཐུགས་རྗེའི་འོད་ཟེར་ཀུན་ལ་སྙོམས༔ མཁའ་འགྲོ་འཇའ་སྤྲིན་རྣམ་མང་འཁྲིགས་པའི་དབུས༔ སྐུ་ཡི་སྤྲུལ་པས་ཞིང་ཁམས་ཡོངས་ལ་ཁྱབ༔ ནམ་མཁའི་ལུས་ཅན་གར་ཡང་ཐོགས་པ་མེད༔ བདེ་གཤེགས་ཀུན་གྱི་བཀོད་པ་སྐུ་ལ་རྫོགས༔ ཀུན་ཀྱང་རྒྱལ་བའི་དཀྱིལ་འཁོར་ཟང་ཐལ་ལ༔ བགེགས་དང་བར་ཆད་ཅེས་བྱའི་མིང་ཡང་མེད༔ སྣང་སྟོང་སྒྱུ་མ་ཙམ་དུ་གསལ་བར་བསྐྱེད༔ དེ་ལྟར་དུ་གསལ་བའི་སྤྱི་བོར་ཨོཾ༔ མགྲིན་པར་ཨཱ༔ ཐུགས་ཀར་ཧཱུྃ༔ དེ་ལས་འོད་ཟེར་འཕྲོས་པས་ཟངས་མདོག་དཔལ་གྱི་རི་བོ་པདྨ་འོད་ཀྱི་གཞལ་ཡས་ནས༔ ཨོ་རྒྱན་གྱི་གུ་རུ་པདྨ་འབྱུང་གནས་ལ་འཁོར་རྒྱལ་བ་རབ་འབྱམས་ཀྱིས་བསྐོར་བ་ཏིལ་གྱི་གོང་བུ་ཁ་བྱེ་བ་ལྟར་དཔག་ཏུ་མེད་པ་སྤྱན་དྲངས༔ དེ་ནས་སྤྱན་འདྲེན་ནི༔ ཧྲཱི༔ སྔོན་གྱི་བསྐལ་པའི་དང་པོ་ལ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་སྒྲུབ་ཀྱི༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་མཆོག་འདི་རུ་ཕྱིན་ཕོབ་ལ༔ སྒྲུབ་མཆོག་བདག་ལ་དབང་བཞི་སྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཅེས་མང་དུ་བཟླ་ཞིང་བྱིན་དབབ༔ ཕྱག་འཚལ་བ་ནི༔ ན་མོ༔ སྐྱེ་འགག་འགྱུར་མེད་ཕྲིན་ལས་རྫོགས༔ རང་བྱུང་ཐུགས་རྗེས་འགྲོ་རྣམས་སྒྲོལ༔ ཡིད་བཞིན་དངོས་གྲུབ་ཆར་འབེབས་པའི༔ པདྨ་འོད་འབར་སྐུ་ལ་ཕྱག་འཚལ་ལོ༔ མཆོད་པ་འབུལ་བ་ནི༔ ཨོཾ་ཨཱཿཧཱུྃཿ མཆོད་འོས་ཕྱི་ནང་སྣོད་བཅུད་ཀུན༔ བློ་ཡིས་སྤྲུལ་ལམ་ལྷུན་གྱིས་གྲུབ༔ ཏིང་འཛིན་མཉམ་ཉིད་ཆེན་པོ་རུ༔ དཀོན་མཆོག་སྤྱི་འདུས་རྒྱལ་བར་འབུལ༔ གཞན་ཡང་མཆོད་རྫས་བྱེ་བྲག་ནི༔ མཛེས་པའི་མེ་ཏོག་དབུ་ལ་འབུལ༔ དྲི་ཞིམ་བདུག་སྤོས་ཤངས་ལ་འབུལ༔ སྣང་གསལ་མར་མེ་སྤྱན་ལ་འབུལ༔ མཆོད་ཡོན་དྲི་ཆབ་སྐུ་ལ་འབུལ༔ རོ་ལྡན་ཞལ་ཟས་ལྗགས་ལ་འབུལ༔ སྙན་པའི་རོལ་མོ་ཐུགས་ལ་འབུལ༔ ཕྱག་རྒྱ་གར་གྱི་མཆོད་པ་འབུལ༔ བསྟོད་དབྱངས་གླུ་ཡི་མཆོད་པ་འབུལ༔ འདོད་ཡོན་མ་སྤངས་ཕྱི་མཆོད་འབུལཿ ཉོན་མོངས་མ་སྤངས་ནང་མཆོད་འབུལཿ འདུ་འབྲལ་མེད་པའི་གསང་མཆོད་འབུལ༔ རྩ་བརྒྱད་སྟོང་སྦྱར་སྨན་མཆོད་འབུལཿ དུག་ལྔ་བསྒྲལ་བའི་རཀྟ་འབུལ༔ བྷ་ལིང་གཏོར་མའི་མཆོད་པ་འབུལ༔ དམ་རྫས་བདུད་རྩིའི་མཆོད་པ་འབུལ༔ བླང་དོར་མེད་པའི་མཆོད་པ་འབུལཿ ཨཱརྒྷཾ་པཱ་ཏྱཾ་པུཥྤེ་དྷཱུ་པེ་ཨ་ལོ་ཀེ་གྷནྡྷེ་ནཻ་ཝི་དྱ་ཤཔྟ་པྲ་ཏཱི་ཙྪ་ཨཱཿཧཱུྃ༔ མ་ཧཱ་པཉྩ་རཀྟ་བྷ་ལིང་ཏ་ཁཱ་ཧི༔ བསྟོད་པ་ནི༔ ཧྲཱིཿ རྒྱལ་བ་ཐམས་ཅད་ཡེ་ཤེས་ཀློང་དུ་གཅིག༔ ཆོས་ཉིད་དོན་ལ་ཆ་ལུགས་མི་མངའ་ཡང་༔ ཐབས་མཁས་གང་འདུལ་སོ་སོའི་སྐུར་སྟོན་པ༔ ཐུགས་རྗེས་སྤྲུལ་བསྒྱུར་འགྱེད་ལ་ཕྱག་འཚལ་བསྟོད༔ བདེ་གཤེགས་ཀུན་འདུས་གཞོན་ནུ་ལོ་བརྒྱད་ཚུལ༔ འགྲོ་བ་ཡོངས་ཀྱི་སྐྱབས་མགོན་པདྨ་འབྱུང་༔ འགྱུར་མེད་སྐུ་མདོག་གངས་ལ་ཉི་ཤར་ལྟར༔ དམར་མདངས་ཅུང་ཟད་འཚེར་ལ་ཕྱག་འཚལ་བསྟོད༔ ཐབས་ཤེས་དབྱེར་མེད་རྡོ་རྗེ་ཐོད་པ་དང་༔ ཟུང་འཇུག་ཚེ་དང་ཡེ་ཤེས་བུམ་པ་འཛིན༔ དུག་གསུམ་རྩད་གཅོད་ཁ་ཊྭཱཾ་ཡུམ་གྱི་ཚུལ༔ ཁྲོ་འཛུམ་འགྲོ་འདུལ་མཛད་ལ་ཕྱག་འཚལ་བསྟོད༔ ཆོས་གོས་དམར་པོ་གསེར་གྱི་ཧ་རིས་ཅན༔ ཤ་བའི་སྙན་ཞུ་རྒོད་ལྡེམ་དར་སྣ་ལྔ༔ པདྨའི་གདན་ལ་མཚན་དང་དཔེ་བྱད་འབར༔ ཕྱི་ནང་ཡོན་ཏན་རྫོགས་ལ་ཕྱག་འཚལ་བསྟོད༔ སྐུ་དང་ཞིང་ཁམས་ཡེ་ནས་འདུ་འབྲལ་མེད༔ ཕྱོགས་བཅུ་ཀུན་ཀྱང་རྒྱལ་བའི་ཆོ་འཕྲུལ་ལས༔ ཆེ་ཆུང་མ་ངེས་སྐུ་གསུམ་ངང་དུ་བཞུགས༔ སྤྲུལ་པའི་གློག་སྟོང་འཁྱུག་ལ་ཕྱག་འཚལ་བསྟོད༔ གཟི་བརྗིད་ཉི་མ་འབུམ་གྱི་འོད་ཟེར་གྱིས༔ ཚེ་ཡི་དངོས་གྲུབ་རང་བཞིན་གནས་ནས་འགུགས༔ དགོས་འདོད་རེ་སྐོང་ཡིད་བཞིན་མཆོག་གི་ངང་༔ འཆི་མེད་རྡོ་རྗེའི་སྐུ་ལ་ཕྱག་འཚལ་བསྟོད༔ དེ་ལྟར་མཆོད་དང་བསྟོད་བྱ་མི་དམིགས་ཀྱང་༔ གློ་བུར་དྲི་མའི་རྣམ་རྟོག་བསལ་ཕྱིར་དུ༔ ཐབས་ཤེས་དབྱེར་མེད་ཆུ་ལ་ཆུ་བཞག་ཚུལ༔ གཉིས་མེད་རོལ་པ་ཆེན་པོར་ཕྱག་འཚལ་བསྟོད༔ བཟླས་པ་བྱ་བ་ནི༔ རང་ཉིད་པདྨ་འོད་འབར་དུ་གསལ་བའི་ཐུགས་ཀར་པདྨ་དཀར་པོ་འདབ་མ་བརྒྱད་པའི་སྟེང་དུ་རང་གི་རྣམ་ཤེས་ཀྱི་རྟེན་གསེར་གྱི་རྡོ་རྗེའི་ཁང་སེང་དུ་ཡི་གེ་ཧཱུྃ་གིས་མཚན་པ། རྡོ་རྗེའི་མཐའ་བསྐོར་དུ་སྔགས་ཕྲེང་འོད་ལྔའི་མདངས་དང་ལྡན་པ་གཡས་བསྐོར་དུ་འཁོར་བ་ལས་འོད་ཟེར་འཕྲོས། ཞིང་ཁམས་རབ་འབྱམས་ཀྱི་རྒྱལ་བ་ཐམས་ཅད་ལ་མཆོད་པ་བླ་ན་མེད་པ་ཕུལ། སྐུ་གསུང་ཐུགས་ཀྱི་བྱིན་རླབས་ཐམས་ཅད་རང་ལ་བསྡུས། བར་དུ་ལྷ་སྲིན་དྲེགས་པ་ཅན་ཐམས་ཅད་དབང་དུ་བསྡུས། ཅི་བསྒོ་བའི་ལས་ཐམས་ཅད་རྩོལ་མེད་དུ་བསྒྲུབས། མར་རིགས་དྲུག་གི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། བདེ་བས་ཚིམས་པར་བྱས། འོད་ཟེར་འཕྲོ་འདུས་ལྷ་སྔགས་ཡེ་ཤེས་ཀྱི་རོལ་པ་གསལ་བར་གྱུར། ཨོཾ་ཨཱ་ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཅེས་བཟླས་སོ༔ སྤོས་དྲི་ངད་ལྡན་ཐུ་ལེ་བ༔ ཉམས་དང་རྨི་ལམ་འགྱུར་བའི་ཚེ༔ ཟབ་སྙིང་འདི་ནི་དབྱངས་ཆུང་ངུ༔ སྐབས་སུ་ཐུན་བར་འཁྲབ་ཅིང་བཟླས༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ༔ འདིས་ནི་སྣང་སྲིད་གཡོ་བར་འགྱུར༔ དུས་གསུམ་རྒྱལ་བ་གཅིག་ཏུ་སྡུད༔ བླ་མ་ཀུན་དང་འདུ་འབྲལ་མེད༔ འབྱུང་པོ་དྲེགས་པ་འདར་ཞིང་བརྒྱལ༔ མཁའ་འགྲོ་ཆོས་སྐྱོང་སྤྲིན་བཞིན་འདུ༔ དཔའ་བོ་ཕོ་ཚོགས་མོ་ཚོགས་ཀུན༔ རང་དབང་མེད་པར་མངོན་དུ་འོང་༔ མཆོག་དང་ཐུན་མོང་དངོས་གྲུབ་སྟེར༔ ཅེས་གསུངས་སོ༔ ཕྲིན་ལས་བཞི་བསྒྲུབ་ནི༔ ཞི་བ་རྩ་སྔགས་ཤམ་བུ་རུ། ཨོཾ་ཤནྟིཾ་ཀུ་རུ་ཡེ་སྭཱ་ཧཱ༔ བརྒྱ་ཕྲག་སོགས༔ སྨོན་ལམ་ཁ་བསྒྱུར་འདི་བཞིན་བྱ༔ ནད་གདོན་སྡིག་སྒྲིབ་བག་ཆགས་ངན༔ སྡང་དགྲ་གནོད་བྱེད་གདུག་པའི་དཔལ༔ རྣོ་བའི་མཚོན་དང་སྦྱོར་བའི་དུག༔ སྟོང་ཕྲག་བརྒྱད་ཅུའི་བགེགས་ཀུན་དང་༔ བཞི་བརྒྱ་རྩ་བཞིའི་ནད་རྣམས་དང་༔ རྨིས་ལྟས་མཚན་ངན་ཐམས་ཅད་ཀུན༔ མྱུར་བ་ཉིད་དུ་ཞི་གྱུར་ཅིག༔ རྒྱས་པ་རྩ་སྔགས་ཤམ་བུ་རུ༔ བྷྲཱུཾ་པུཥྚིཾ་ཀུ་རུ་ཡེ་སྭཱ་ཧཱ༔ ཚེ་དང་བསོད་ནམས་སྙན་གྲགས་སྟོབས༔ འཁོར་དང་བུ་སློབ་ཕྲིན་ལས་རྒྱས༔ མངའ་ཐང་ལོངས་སྤྱོད་ཡོན་ཏན་ཀུན༔ མྱུར་བ་ཉིད་དུ་རྒྱས་གྱུར་ཅིག༔ དབང་གི་རྩ་སྔགས་ཤམ་བུ་རུ༔ ཧྲཱིཿཝ་ཤཾ་ཀུ་རུ་ཡེ་སྭཱ་ཧཱ༔ རྒྱལ་བའི་ཐུགས་རྗེ་བྱིན་རླབས་དང་༔ སྐྱེ་འགྲོ་མཐོང་ཐོས་དྲན་རེག་སོགས༔ ཁམས་གསུམ་དབང་དུ་འདུས་གྱུར་ཅིག༔ དྲག་པོའི་རྩ་སྔགས་ཤམ་བུ་རུ༔ ཧཱུྃ་མཱ་ར་ཡ་ཕཊ༔ དམ་སྲི་འབྱུང་པོ་མ་རུངས་པ༔ བསྟན་དགྲ་སྒོས་དགྲ་ལ་སོགས་པ༔ ཞིང་བཅུ་ལྡན་རྣམས་བརླག་གྱུར་ཅིག༔ ཚེ་བསྒྲུབ་ནི༔ རང་གི་ཐུགས་ཀར་པདྨ་དཀར་པོ་འདབ་མ་བརྒྱད་པའི་ལྟེ་བར་ཧྲཱིཿདཀར་པོ་དེ་ཡི་མཐར་སྔགས་ཕྲེང་འོད་ལྔའི་མདངས་དང་ལྡན་པ་འཁོར་བ་ལས་འོད་ཟེར་འཕྲོ་འདུས་ཕྱི་སྣོད་ནང་བཅུད་ཐམས་ཅད་ལྷ་སྔགས་སུ་གསལ་བའི་གཟི་བརྗིད་ཀྱིས༔ སངས་རྒྱས་བྱང་སེམས་རྩ་བ་གསུམ་དང་ཆོས་སྐྱོང་ཐམས་ཅད་ཀྱི་ཚེ་ཡི་བྱིན་རླབས་དང་༔ འབྱུང་བའི་བཅུད་ཀྱི་དྭངས་མ་ཐམས་ཅད་དང་༔ དྲང་སྲོང་རིག་འཛིན་ཚེ་ལ་དབང་བ་ཐམས་ཅད་ཀྱི་ཐུགས་རྗེའི་བྱིན་རླབས་དང་༔ མདོར་ན་སེམས་ཅན་བསོད་ནམས་ཅན་དཀར་པོ་དགེ་བའི་ལས་སྒྲུབ་ཅིང་དབང་ཆེ་བ་རྩལ་དྲག་པ་འཁོར་མང་བ༔ ཡོན་ཏན་ཆེ་བ་སྟོབས་དང་སྙན་གྲགས་ལྡན་པ༔ གདུལ་བྱ་ཕྲིན་ལས་ཅན་རྣམས་ཀྱི་ཚེ་དང་བསོད་ནམས་ཐམས་ཅད་ཡི་གེ་ནྲྀའི་རྣམ་པ་འོད་ཟེར་ཁ་དོག་སྣ་ཚོགས་ཀྱི་ལི་ལི༔ བདག་མདུན་གྱི་སྤྱི་བོའི་གཙུག་ནས་སིབ་སིབ་ཐིམ་པས་འཆི་མེད་ཚེ་ཡི་རིག་འཛིན་བརྙེས་པར་གྱུར་བར་བསམ་ལ༔ ཨཱོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུྃ་ནྲྀ་ཛཿ ཞེས་བཟླ་ཞིང་བསྒྲུབ་བོ༔ ཐུན་མཐར་མཆོད་ཅིང་བསྟོད་ནས་གསོལ་བ་བཏབ་པ་ནི༔ ཧྲཱི༔ དུས་གསུམ་སངས་རྒྱས་ཀུན་གྱི་ངོ་བོ་ཉིད༔ འགྲོ་རྣམས་མ་ལུས་སྒྲོལ་བའི་དེད་དཔོན་མཆོག༔ ཨོ་རྒྱན་པདྨ་རིག་འཛིན་ཚེ་དཔག་མེད༔ བདག་གི་ལུས་ངག་ཡིད་གསུམ་བྱིན་རློབས་ལ༔ འཆི་མེད་ཚེ་ཡི་དངོས་གྲུབ་སྩལ་དུ་གསོལ༔ མོས་གུས་ཀྱི་སྨོན་ལམ་གདབ་པ་ནི༔ ནད་རིགས་བཞི་བརྒྱ་རྩ་བཞི་དང་༔ རྐྱེན་ངན་ཉི་ཁྲི་ཆིག་སྟོང་དང་༔ ཡེ་འགྲོག་སུམ་བརྒྱ་དྲུག་ཅུ་དང་༔ བགེགས་རིགས་སྟོང་ཕྲག་བརྒྱད་ཅུ་སོགས༔ ཚེ་ཡི་བར་ཆད་མི་མཐུན་ཕྱོགས༔ ཐམས་ཅད་བྱང་ཞིང་དག་གྱུར་ཅིག༔ ཚེ་འགུགས་ནི༔ ཧྲཱིཿ ཕྱི་ནི་བུམ་པ་ནང་དུ་བདུད་རྩིས་གང་༔ གསང་བའི་དོན་ནི་པདྨ་ཚེ་དཔག་མེད༔ གནས་ལྔར་ཕྱག་མཚན་ལྔ་དང་ཡིག་འབྲུ་ལྔ༔ འོད་ཟེར་དཔག་ཡས་ནམ་མཁའ་གང་བར་འཕྲོས༔ ཧྲཱིཿ ཤར་ཕྱོགས་དྲི་ཟའི་ལག་ནས་ལྕགས་ཀྱུས་ཁུག༔ ལྷོ་ཕྱོགས་གཤིན་རྗེའི་ལག་ནས་ཞགས་པས་ཁུག༔ ནུབ་ཕྱོགས་ཀླུ་དབང་ལག་ནས་ལྕགས་སྒྲོག་ཁུག༔ བྱང་ཕྱོགས་གནོད་སྦྱིན་ལག་ནས་དྲིལ་བུས་ཁུག༔ སྟེང་ཕྱོགས་ཚངས་པ་བརྒྱ་བྱིན་ལག་ནས་ཁུག༔ འོག་ཕྱོགས་དགའ་བོ་འཇོག་པོའི་ལག་ནས་ཁུག༔ ཚེ་སྲོག་ཆད་པ་མཐུད་ལ་ཡར་བ་ཁུག༔ གས་པ་སྦྱོར་ལ་ཉམས་པ་ཐམས་ཅད་གསོས༔ འོད་ཟེར་དཀར་ལ་འཚེར་ཞིང་སྣུམ་ལ་འདྲིལ༔ སྤྱི་བོའི་གཙུག་ནས་ལུས་ལ་སིབ་སིབ་ཐིམ༔ འོད་འབར་འཆི་མེད་ཚེ་ཡི་དབང་ཐོབ་ཤོག༔ ཨཱོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུ་ཥེ་ཧཱུྃ་ནྲྀ་ཛཿ ཅེས་དང་དབང་ཡིད་ལེན་བྱ། དེ་ནས་ཞི་བ་གནས་འགྱུར་རིག་འཛིན་དྲག་པོར་གསལ་ཞིང་། སྤྱན་འདྲེན་པ་ནི༔ ཧཱུྃ༔ ཆོས་སྐུ་ཞི་བའི་ངང་ལས་མ་གཡོས་ཀྱང་༔ གཟུགས་སྐུ་པདྨ་འོད་འབར་སྐད་ཅིག་ལ༔ རྔམ་བརྗིད་ཁྲོས་པའི་ངར་སྐད་ཕྱོགས་བཅུར་སྒྲོགས༔ སྤྲུལ་པ་ཡང་སྤྲུལ་དཔག་ཡས་འཇིགས་ཚུལ་སྟོན༔ ཆེ་མཆོག་དམར་ནག་མེ་ཡི་ཕྲེང་བ་ཅན༔ དེང་འདིར་རྣལ་འབྱོར་བདག་གི་གྲོགས་ལ་བྱོན༔ ཛ༔ ཆོས་ཀྱི་དབྱིངས་ནས་སྒྱུ་མའི་སྐུར་བཞེངས་པ༔ དུག་གསུམ་འབར་བའི་ཁྲོ་གཏུམ་འཇིགས་གཟུགས་ཅན༔ དྲེགས་པ་སྡེ་བརྒྱད་འདུལ་ཕྱིར་གཤེགས་སུ་གསོལ༔ རྒྱལ་བསེན་དམ་སྲི་འདུལ་ཕྱིར་གཤེགས་སུ་གསོལ༔ གཉན་ལྷོག་སྨྱོ་འབོག་འདུལ་ཕྱིར་གཤེགས་སུ་གསོལ༔ མཐའ་ཡི་དམག་དཔུང་བཟློག་ཕྱིར་གཤེགས་སུ་གསོལ༔ སྣང་སྲིད་བྲན་དུ་བཀོལ་ཕྱིར་གཤེགས་སུ་གསོལ༔ དབང་དང་དངོས་གྲུབ་སྩོལ་ཕྱིར་གཤེགས་སུ་གསོལ༔ མཆོད་པ་ནི༔ ཧཱུྃ༔ སྲིད་གསུམ་ཡེ་ནས་གཏོར་གཞོང་དུ༔ སྣང་སྲིད་ཐམས་ཅད་གཏོར་མར་སྦྱར༔ འཁོར་འདས་ཡོངས་སྒྲོལ་ཆེན་པོའི་ཚོགས༔ དབང་དྲག་འབར་བ་ཁྱེད་ལ་འབུལ༔ སྟོང་གསུམ་སྟོང་གི་གཏོར་གཞོང་དུ༔ རི་རབ་འབར་བའི་དཔལ་བཤོས་བཙུགས༔ སྐྱེ་འགྲོ་སེམས་ཅན་གྲངས་ལས་འདས༔ དབང་དྲག་འབར་བ་ཁྱོད་ལ་འབུལ༔ བྷནྡྷ་འབར་བའི་གཏོར་གཞོང་དུ༔ དགྲ་བགེགས་ཤ་ཁྲག་ཐོད་ཚིལ་སྤུངས༔ ཞག་དང་རླངས་པ་ཆི་ལི་ལི༔ དབང་དྲག་འབར་བའི་ཐུགས་དམ་བསྐང་༔ བདུད་རྩི་གཏོར་ཆེན་རཀྟའི་མཚོ༔ སྦྱོར་སྒྲོལ་ཏིང་འཛིན་ཚོགས་མཆོད་དང་༔ ཕྱི་ནང་གསང་བའི་མཆོད་སྤྲིན་གཏིབས༔ དབང་དྲག་འབར་བའི་ཐུགས་དམ་བསྐང་༔ བསྟོད་པ་ནི༔ ཧཱུྃ༔ བདེ་ཆེན་རང་བཞིན་ཁྲོས་པའི་དཀྱིལ་འཁོར་ནས༔ དཀོན་མཆོག་སྤྱི་འདུས་དམར་ནག་འབར་བའི་སྐུ༔ ཟུར་ཞལ་གཡོན་གཟིགས་ཞབས་གཉིས་འདོར་ཐབས་བསྒྲད༔ ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས༔ དགྲ་བགེགས་ཤ་ཁྲག་རུས་པ་ཀྲུམ་ཀྲུམ་རོལ༔ སྤྱན་གསུམ་དམར་ཟླུམ་སྡང་མིག་ཕྱོགས་བཅུར་འཁྱིལ༔ དྲེགས་པ་ཕོ་མོ་འདར་ཞིང་སྔངས་པར་བྱེད༔ ཤངས་ནས་རླུང་འཚུབས་འབྲུག་སྒྲ་ལྡིར་བ་ཡིས༔ ཁམས་གསུམ་དབང་སྡུད་སྲིད་གསུམ་ཟིལ་གྱིས་གནོན༔ རལ་པ་ཁམ་ནག་ནམ་མཁའི་དབྱིངས་ལ་བསྒྲེངས༔ ཁྲོ་ཆུང་མང་པོས་དགྲ་བགེགས་ཐལ་བར་བརླག༔ ཕྱག་གཡས་གསེར་གྱི་རྡོ་རྗེས་མཐའ་དམག་ཟློག༔ གཡོན་པས་ལྕགས་སྡིག་ནག་པོའི་སྤྲུལ་པ་འགྱེད༔ ཀླུ་རྣམས་འདུལ་ཕྱིར་སྦྲུལ་རིགས་ལྔ་ཡིས་བརྒྱན༔ འཁོར་བ་སྟོང་མཛད་མགོ་ཕྲེང་ལྔ་བཅུས་བརྒྱན༔ གླང་ཆེན་ཀོ་རློན་སྟོབས་བཅུ་ལྷུན་གྱིས་རྫོགས༔ སྟག་ཤམ་ང་རྒྱལ་དྲེགས་པ་དབང་དུ་སྡུད༔ རིན་ཆེན་རུས་རྒྱན་མཁའ་འགྲོ་རོལ་དུ་ཁྲིད༔ བ་སྤུའི་རྩེ་ནས་ཁྲོ་ཆུང་ཚྭ་ཚྭ་འཕྲོ༔ མེ་དུད་ཟེར་གྱིས་སྲིད་གསུམ་སྐར་ལྟར་འཁྲུགས༔ གུ་རུ་དྲག་པོའི་སྐུ་ལ་ཕྱག་འཚལ་བསྟོད༔ དབང་དྲག་འབར་བའི་ཐུགས་དམ་དུས་ལ་བབ༔ རྣལ་འབྱོར་བདག་གི་སྔོན་གྱི་དམ་ཚིག་གིས༔ ལྷ་མཆོག་ཁྱེད་ལ་གདུང་བས་འབོད་ལགས་ན༔ ཁྱོད་ཀྱི་ཐུགས་དམ་གནད་ནས་ད་སྐུལ་ཅིག༔ གདུག་པའི་དགྲ་བགེགས་འདུལ་བའི་དུས་ལ་བབ༔ ནག་པོ་ཀླུ་གཉན་འདུལ་བའི་དུས་ལ་བབ༔ དྲེགས་པ་གཟའ་རྒོད་འདུལ་བའི་དུས་ལ་བབ༔ སྡེ་བརྒྱད་ལྷ་སྲིན་འདུལ་བའི་དུས་ལ་བབ༔ བེ་ཧར་སྲོག་བདག་འདུལ་བའི་དུས་ལ་བབ༔ མཐའ་ཡི་དམག་དཔུང་བཟློག་པའི་དུས་ལ་བབ༔ མི་ནད་ཕྱུགས་ནད་བཟློག་པའི་དུས་ལ་བབ༔ རྣལ་འབྱོར་བཅོལ་བའི་ཕྲིན་ལས་གྲུབ་པར་མཛོད༔ འཛབ་ནི༔ རང་གི་ཐུགས་ཀར་ཉི་མའི་སྟེང་དུ་ཧཱུྃ་དམར་ནག་གི་མཐའ་བསྐོར་དུ་སྔགས་ཕྲེང་ལས་འོད་ཟེར་དམར་ནག་ཡེ་ཤེས་ཀྱི་མེ་དང་མཚོན་ཆ་ལ་སོགས་པ་འཕྲོས་པས༔ མ་རུངས་གདུག་པ་ཅན་ཐམས་ཅད་ཚར་བཅད༔ སྣང་སྲིད་ཐམས་ཅད་རིག་འཛིན་དྲག་པོའི་སྐུར་གསལ་བར་གྱུར༔ ཨོཾ་ཨཱཿཧཱུྃ་ཨ་རྩིག་ནེ་རྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཅེས་དང་ཤམ་བུ་རུ༔ ཨ་ཡ་མ་དུ་རུ་ཙ་ཤ་ན་ས་མ་ཡ་ཧཱུྃ་ཧཱུྃ་ཕཊ་ཕཊ་བྷྱོ་བྷྱོ་ཟློག་ཟློག་བྷྱོ་ཟློག་ཅིག༔ ཅེས་བཟླས༔ དྲག་པོ་གནས་འགྱུར་སེང་གདོང་མར་བསྒོམ་ཞིང་༔ སྤྱན་འདྲེན་པ་ནི༔ ཧཱུྃ་བྷྱོ༔ མ་སྐྱེས་རྫོགས་པ་ཆོས་ཀྱི་དབྱིངས་ཉིད་ལས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ འགྲོ་བའི་དོན་མཛད་ཡེ་ཤེས་མཁའ་འགྲོ་མ༔ ནམ་མཁའི་མདོག་ཅན་དབུ་ནི་སེང་གེའི་གདོང་༔ གཅེར་བུ་ལོངས་སྤྱོད་རྫོགས་པའི་སྐུ་མངའ་མ༔ ཕྱག་གཡས་གྲི་གུག་གཡོན་པས་ཐོད་ཁྲག་འཛིན༔ དུག་ལྔ་གཅོད་ཅིང་སྐྱེ་མེད་དབྱིངས་སུ་རོལ༔ རྩེ་གསུམ་མཆན་དུ་བཟུང་ནས་དུག་གསུམ་སྒྲོལ༔ རུས་རྒྱན་མེ་ལོང་རྒྱན་གྱིས་ཌཱཀྐི་དབང་དུ་སྡུད༔ ཡེ་ཤེས་མེ་རིས་མ་རིག་མུན་པ་འཇོམས༔ གཡས་བསྐུམ་གཡོན་བརྐྱང་ཐབས་ཤེས་དབྱེར་མེད་ངང་༔ པདྨ་ཉི་ཟླ་བམ་རོའི་གདན་ལ་བཞུགས༔ རང་བཞིན་གནས་ནས་སྤྱན་འདྲེན་གཤེགས་སུ་གསོལ༔ བྷྱོ༔ སྐུ་གསུང་ཐུགས་སྤྲུལ་མཁའ་འགྲོའི་ཚོགས༔ ཕྲིན་ལས་སྤྲུལ་པ་མ་མོའི་ཚོགས༔ ཀུན་ཀྱང་ཡང་སྤྲུལ་བསམ་མི་ཁྱབ༔ གུས་པའི་ཡིད་ཀྱིས་ཕྱག་འཚལ་ལོ༔ ན་མོ༔ ལྕང་ལོ་བཅས་པའི་བྷནྡྷ་རུ༔ དམར་གཏོར་ཁྲག་དང་ཞག་གིས་བརྒྱན༔ ཤ་སྣ་སྙིང་སྣའི་རྒྱལ་མཚན་བཙུགས༔ མཁའ་འགྲོ་འཁོར་བཅས་ཐུགས་དམ་བསྐང་༔ རཀྟའི་རྦ་ཀློང་ཕྱ་ར་ར༔ འོ་མཚོ་དཀར་དྭངས་ཀྱི་ལི་ལི༔ ཞག་གི་རྒྱ་མཚོ་མེ་རེ་རེ༔ ཞུན་ཆེན་གསུར་དུད་ཆི་ལི་ལི༔ རྔ་དུང་རོལ་མོ་དི་རི་རི༔ རྐང་གླིང་ཐོད་རྔ་ཁྲོ་ལོ་ལོ༔ དགྲ་བོའི་ཤ་ཁྲག་དམར་ཉི་ལི༔ མཁའ་འགྲོ་འཁོར་བཅས་ཐུགས་དམ་བསྐང་༔ དམ་ཉམས་དགྲ་བགེགས་མྱུར་དུ་སྒྲོལ༔ ཌཱཀྐི་ནི་སིང་ཧ་མུ་ཁཿཨཱརྒྷཾ་སོགས་ནས། ཤཔྟ་པྲ་ཏཱིཙྪ་ཡེ་སྭཱ་ཧཱ། མ་ཧཱ་མཱཾ་ས་ཙིཏྟ་རཀྟ་གོ་རོ་ཙ་ན་བྷ་སུ་ཏ་བྷ་ལིང་ཏ་ཁཱ་ཧི༔ བསྟོད་པ་ནི། ཞི་ཆགས་ཁྲོ་མོའི་རྣམ་འགྱུར་གྱིས༔ ཚར་གཅོད་རྗེས་འཛིན་ཕྲིན་ལས་བདག༔ ཡེ་ཤེས་མཁའ་འགྲོ་སེང་གདོང་མར༔ གུས་པས་འདུད་དོ་དངོས་གྲུབ་སྩོལ༔ འཛབ་ནི༔ ཐུགས་ཀར་ཉི་མའི་དཀྱིལ་འཁོར་སྟེང་དུ་ཧཱུྃ་སྔོན་པོའི་མཐར་སྔགས་ཕྲེང་སྔོན་པོ་གཡོན་དུ་བསྐོར་བ་དེ་ལས་འོད་ཟེར་འཕྲོས་དམ་ཆོས་བསྒྲུབ་པའི་བར་ཆད་ཐམས་ཅད་སྤུ་གྲིས་སྐྲ་བཞར་བ་ལྟར་སོང་བར་བསྒོམ༔ཨཿཀཿསཿམཿརཿཙཿཤཿདཿརཿསཿམཿརཿཡཿཕཊ༔ ཅེས་བཟླས༔ ཚོགས་མཆོད་ནི། ཧྲཱིཿ བདག་ཉིད་ལྷ་ཡི་ཐུགས་ཀ་ནས༔ ཡི་གེ་རྃ་ཡྃ་ཁྃ་གསུམ་འཕྲོས༔ དངོས་འཛིན་རྣམ་རྟོག་བག་ཆགས་ཀུན༔ བསྲེག་གཏོར་བཀྲུས་ནས་བདུད་རྩིར་གྱུར༔ རྃ་ཡྃ་ཁྃ༔ ལན་གསུམ་བརྗོདལ༔ ཨོཾ་ཨཱཿཧཱུྃ༔ སླར་ཡང་སྙིང་པོ་འབྲུ་གསུམ་འཕྲོས༔ འདོད་ཡོན་ཟག་མེད་སྣང་སྲིད་གང་༔ ཨོཾ་ཨཱཿཧཱུྃ༔ ལན་གསུམ་བརྗོད༔ རང་བཞིན་སྐུ་གསུམ་ཞིང་ཁམས་ནས༔ བླ་མ་ཡི་དམ་མཁའ་འགྲོ་དང་༔ ཆོས་སྐྱོང་དམ་ཅན་གཏེར་བདག་རྣམས༔ ཚོགས་ལ་སྤྱན་འདྲེན་གཤེགས་སུ་གསོལ༔ གུ་རུ་པདྨ་འབྱུང་གནས་ལ༔ འཁོར་དུ་དཔའ་བོ་མཁའ་འགྲོས་བསྐོར༔ དབུ་སྐྲ་ཐོར་ཚུག་ལྡེམས་སེ་ལྡེམ༔ རིན་ཆེན་རྒྱན་ཆ་སི་ལི་ལི༔ གླུ་ལེན་གར་སྟབས་ཁྱུགས་སེ་ཁྱུག༔ ནམ་མཁའ་ས་གཞི་བར་སྣང་གང་༔ གནས་ཁང་འདི་ལ་བྱིན་ཅིག་ཕོབ༔ ཚོགས་གཏོར་འདི་ལ་བཅུད་ཅིག་སྩོལ༔ དུར་ཁྲོད་གནས་མཆོག་ཉམས་རེ་དགའ༔ རྣལ་འབྱོར་ཕོ་མོ་དམ་ཚིག་གཙང་༔ ཚོགས་དང་མཆོད་རྫས་དངས་རེ་སྤྲོ༔ ལྷུན་གྲུབ་འོད་ཁྱིམ་བཀྲག་མདངས་མཛེས༔ ཨོཾ་ཨཱཿཧཱུྃ༔ ཚོགས་མཆོད་འོད་ཕུང་འབར་བ་འདི༔ མཆོད་འོས་སྐྱེས་མཆོག་རྣམས་ལ་འབུལ༔ ཉམས་ཆགས་འགལ་འཁྲུལ་ཐམས་ཅད་བཤགས༔ གཉིས་འཛིན་འཁྲུལ་སྣང་རཱུ་ཏྲ་འདི༔ ཞལ་དུ་བསྟབ་པོ་ཁ་རཾ་ཁཱ་ཧི༔ ཨོཾ་ཨཱཿཧཱུྃ༔གུ་རུ་དྷེཝ་ཌཱཀྐི་ནི་ཀིཾ་ནི་རི་ཏི་གྷ་ཎ་ཙཀྲ་པཱུ་ཛ་ཁཱ་ཧི༔ བསྐང་བ་བཞན་དང་། ན་རཀ་ལ་སོགས་ཟུང་བཞིའི་བཤགས་པ་སོགས་འདིར་བྱའོ༔ ཡང་ཟབ་དཀོན་མཆོག་སྤྱི་འདུས་ལས་རྒྱལ་བ་སྤྱི་བསྐང་བཞུགས་སོ༔ རྩ་བ་གསུམ་ལ་ཕྱག་འཚལ་ལོ༔ རྣལ་འབྱོར་པ་གང་ཞིག་གི་ཚོགས་གཉིས་མཆོག་ཏུ་གྱུར་པ་ཞི་ཁྲོ་བཀའ་བརྒྱད་ཀྱི་བསྒྲུབ་པ་ཆེན་པོའམ༔ བསྙེན་བསྒྲུབ་དབང་དུས་ཚོགས་མཆོད་ཀྱི་སྐབས་སུ༔ ཚོགས་གཏོར་ཅི་འབྱོར་བ་སྟོབས་བསྐྱེད་ལ་བཤམས༔ འཕྲིན་ལས་གཞུང་བསྲང་ཚོགས་ཀྱི་སྐབས་སུ་བབ་པ་དང་༔ བསངས་སྦྱངས་སྤེལ་བ་བྱིན་རླབས་རྣམས་མཆོད་གཞུང་ནས་བྱུང་བ་ལྟར་བྱས་ལ༔ བསྐང་བའི་ཆོ་ག་ནི་ལྟ་བསྒོམ་དང་ལྡན་པས་འདི་སྐད་དོ༔ ཧྲཱི༔ མ་བཅོས་སྤྲོས་བྲལ་གནས་ལུགས་མངོན་གྱུར་པའི༔ རྒྱལ་བ་དགོངས་པ་བརྒྱུད་པའི་ཐུགས་དམ་བསྐང་༔ ཏིང་འཛིན་མཆོག་བརྙེས་བརྡའ་ཡི་བརྒྱུད་པ་སྟེ༔ རིག་འཛིན་རིག་པ་བརྒྱུད་པའི་ཐུགས་དམ་བསྐང་༔ བཀའ་ལུང་ལྷག་ཆད་མེད་པའི་དཀྱིལ་འཁོར་ནས༔ སྙན་ཁུང་བརྒྱུད་པའི་བླ་མའི༴ བཀའ་བརྒྱུད་གཏེར་དུ་སྦས་པའི་བྱ་ར་མཛད༔ མཁའ་འགྲོ་གཏད་རྒྱ་བརྒྱུད་པའི༴ མ་འོངས་ལས་འཕྲོ་ལྡན་པར་ལུང་དུ་བསྟན༔ སྨོན་ལམ་དབང་བསྐུར་བརྒྱུད་པའི༴ ཤེས་བྱ་ཐམས་ཅད་རྣམ་པ་ཀུན་མཁྱེན་པའི༔ དུས་གསུམ་སངས་རྒྱས་རྣམས་ཀྱི༴ འགྲོ་ཀུན་ཞི་བདེའི་གནས་སུ་འདྲེན་མཛད་པའི། གསུང་མཆོག་དམ་ཆོས་རྣམས༴ ས་དང་ལམ་ལ་གནས་ནས་བསྟན་པ་སྐྱོང་༔ འཕགས་པའི་དགེ་འདུན་རྣམས་ཀྱི༴ ལྟ་བསྒོམ་མཁྱེན་པ་མཆོག་ལ་མངའ་བརྙེས་པའི༔ སྐྱེས་མཆོག་བླ་མ་རྣམས་ཀྱི་ཐུགས༴ ཕྱི་དང་ནང་གི་བར་ཆད་ཀུན་སེལ་པའི༔ མཁའ་འགྲོ་དམ་ཅན་རྣམས་ཀྱི༴ མ་སྐྱེས་གདོད་ནས་རང་བཞིན་རྣམ་པར་དག༔ སྐྱེ་མེད་མངོན་གྱུར་ཆོས་སྐུའི༴ དུག་ལྔ་ཡེ་ཤེས་ལྔ་ཡི་ངོ་བོར་སྨིན༔ ཞི་ཁྲོ་ལོངས་སྤྱོད་རྫོགས་སྐུའི༴ རང་སྣང་མ་འགགས་གཞན་སྣང་དེར་སྟོན་པའི༔ སྐུལ་སྐུ་འགྲོ་དོན་མཛད་པའི༴ ཧཱུྃ༔ ཞི་བ་ལྷུན་གྱིས་གྲུབ་པའི་དཀྱིལ་འཁོར་ནས༔ བཞི་བཅུ་རྩ་གཉིས་རྒྱལ་བའི༴ ཁྲག་འཐུང་རོལ་པའི་དུར་ཁྲོད་ཆེན་པོ་ནས༔ ལྔ་བཅུ་རྩ་བརྒྱད་ཁྲོ་བོའི༴ སྐུ་མཆོག་འགྱུར་བ་མེད་པའི་དཀྱིལ་འཁོར་ནས༔ འཇམ་དཔལ་སྐུ་ཡི་ལྷ་ཚོགས༴ གསུང་མཆོག་འགགས་པ་མེད་པའི་དཀྱིལ་འཁོར་ནས༔ པདྨ་གསུང་གི་ལྷ་ཚོགས༴ ཐུགས་མཆོག་གཡོ་བ་མེད་པའི་དཀྱིལ་འཁོར་ནས༔ ཡང་དག་ཐུགས་ཀྱི་ལྷ་ཚོགས༴ ཡོན་ཏན་ལྷུན་གྱིས་གྲུབ་པའི་དཀྱིལ་འཁོར་ནས༔ བདུད་རྩི་ཡོན་ཏན་ལྷ་ཚོགས་ཐུགས༴ ཕྲིན་ལས་དྲག་པོ་སྒྲོལ་བའི་དཀྱིལ་འཁོར་ནས༔ ཕུར་པ་ཕྲིན་ལས་ལྷ་ཚོགས༴ ཤ་ཁྲག་རྒྱ་མཚོར་འཁྱིལ་བའི་དཀྱིལ་འཁོར་ནས༔ མ་མོ་རྦོད་གཏོང་ལྷ་ཚོགས༴ ཐུགས་རྗེའི་གདུང་འཚོབ་སྐུ་ཡི་དཀྱིལ་འཁོར་ནས༔ རིག་འཛིན་སློབ་དཔོན་ལྷ་ཚོགས༴ དམ་རྫས་རྫ་ལྟར་ལྷག་པའི་དཀྱིལ་འཁོར་ནས༔ འཇིག་རྟེན་མཆོད་བསྟོད་ལྷ་ཚོགས༴ དགྲ་བགེགས་གདུག་པ་འདུལ་བའི་དཀྱིལ་འཁོར་ནས༔ དམོད་པ་དྲག་སྔགས་ལྷ་ཚོགས་ཐུགས་དམ་བསྐང་༔ ཧྲཱི༔ དུས་གསུམ་སངས་རྒྱས་ཀུན་གྱི་ངོ་བོ་ཉིད༔ བླ་མེད་དཀོན་མཆོག་སྤྱི་འདུས་ཐུགས་དམ༴ ལྷ་སྲིན་སྡེ་བརྒྱད་འདུལ་བའི་དཀྱིལ་འཁོར་ནས༔ གུ་རུ་དྲག་པོའི་ལྷ་ཚོགས༴ ཨ་ཏི་བླ་མེད་བཀའ་ཡི་བྱ་ར་བ༔ མཁའ་འགྲོ་སེདྒེའི་གདོང་ཅན༴ སངས་རྒྱས་ཀུན་གྱི་བསྟན་པ་སྲུང་མཛད་པའི༔ ཆོས་སྐྱོང་མ་མགོན་ལྕག་དྲལ༴ དཔལ་གྱི་སྤྱན་སྔར་རང་རྟགས་སྲོག་སྙིང་ཕུལ༔ དམ་ཅན་རྒྱ་མཚོ་ཡོངས་ཀྱི༴ སྒྲུབ་པ་པོ་ལ་ལོངས་སྤྱོད་ཆར་འབེབས་པའི༔ རྒྱལ་ཆེན་རྣམ་ཐོས་སྲས་ཀྱི༴ སྟོང་ཁམས་འདི་ན་དྲག་རྩལ་ལྡན་པ་ཡི༔ གཟའ་བདུད་རཱ་ཧུ་ལ་ཡི་ཐུགས༴ གསང་སྔགས་རྒྱུད་སྡེ་ཀུན་གྱི་གཉེར་དུ་བསྐོས༔ དམ་ཅན་རྡོ་རྗེ་ལེགས་པའི་ཐུགས༴ ཨོ་རྒྱན་པདྨའི་བཀའ་ཡིས་གཉེར་དུ་བསྐོས༔ གཏེར་བདག་གཏེར་སྲུང་རྣམས་ཀྱི༴ ཚུལ་བཞིན་སྒྲུབ་པ་བྱེད་པའི་གྲོགས་མཛད་པའི༔ གཞི་བདག་གཞི་སྲུང་རྣམས་ཀྱི་ཐུགས་དམ༔ ཧཱུྃ༔ གཞན་ཡང་ཐུགས་དམ་བསྐང་བའི་དམ་རྫས་ནི༔ རྩ་བརྒྱད་སྟོང་ལ་སྦྱར་བའི་བདུད་རྩི་དང་༔ པདྨ་མཾ་ས་སྦྱར་བའི་རཀྟ་དང་༔ ཁྱད་པ་རྨད་དུ་བྱུང་བའི་གཏོར་མ་དང་༔ ཚོགས་ཀྱི་ཡོ་བྱད་ལོངས་སྤྱོད་རྒྱ་ཆེན་འདིས༔ ཁྱེད་རྣམས་ཐུགས་དམ་གཉན་པོ་སྐོང་གྱུར་ནས༔ བདག་གི་དབྱར་དམ་གཉེན་པོ་སོར་སྩོལ་ཅིག༔ སྐོང་གྱུར་དབང་དང་དངོས་གྲུབ་སྩལ་དུ་གསོལ༔ ཧཱུྃ༔ བསྐང་དུ་མེད་དེ་སྐྱེ་མེད་ངང་དུ་བསྐང་༔ མཆོད་དུ་མེད་དེ་གཉིས་མེད་རོལ་པས་མཆོད༔ སྦྱོར་དུ་མེད་དེ་ཟུང་འཇུག་ཆེན་པོར་སྦྱོར༔ སྒྲོལ་དུ་མེད་དེ་ཡེ་ཤེས་ཆེན་པོར་སྒྲོལ༔ ཡེ་སྦྱོར་ཡེ་སྒྲོལ་ཆེན་པོས་ཐུགས་དམ་བསྐང་༔ ཨོཾ་བཛྲ་ས་ཏྭ་ས་མ་ཡ༔ མ་ནུ་པཱ་ལ་ཡཱ༔ བཛྲ་ས་ཏྭ་ཏྭེ་ནོ་པ་ཏཾཥྛ༔ ཌི་བྷོ་མེ་བྷ་ཝ༔ སུ་ཏྭ་ཥྱོ་མེ་བྷ་ཝ༔ སུ་པོ་ཥྱོ་མེ་བྷ་ཝ༔ ཨ་ནུ་རཀྟོ་མེ་བྷ་ཝ༔ སརྦ་སིདྡྷི་མྨེ་པྲ་ཡཙྪ༔ སརྦ་ཀརྨ་སུ་ཙ་མེ༔ ཙིཏྟཾ་ཤྲི་ཡཾ་ཀུ་རུ་ཧཱུྃ༔ ཧ་ཧ་ཧ་ཧ་ཧོ༔ བྷ་ག་ཝན༔ སརྦ་ཏ་ཐཱ་ག་ཏ༔ བཛྲ་མཱ་མེ་མུཉྩ༔ བཛྲཱི་བྷ་ཝ༔ མ་ཧཱ་ས་མ་ཡ་ས་ཏྭ་ཨཱཿ ཕུད་ནམ་མཁའ་འབུལ་ཞིང་འདི་སྐད་དོ༔ ཨོཾ་ཨཱཿཧཱུྃ༔ བླ་མ་རྒྱ་མཚོ་ཚོགས་ལ་རོལ༔ ཡི་དམ་རྒྱ་མཚོ༴ མཁའ་འགྲོ་རྒྱལ་མཚོ༴ ཆོས་སྐྱོང་རྒྱ་མཚོ༴ ནོར་ལྷ་རྒྱ་མཚོ༴ སྣང་སྲིད་ལྷ་འདྲེ༴ ཡུལ་ལྷ་གཞི་བདག༴ རིགས་དྲུག་ཕ་མ་ཚོགས༴ ལན་ཆགས་བགེགས་རིགས༴ ལ་ལ་ཕྱི་ཡི་ཚོགས༴ ལ་ལ་ནང་གི་ཚོགས༴ ལ་ལ་གསང་བའི༴ དེ་ཁོ་ན་ཉིད་ཀྱི་ཚོགས་བདེ་བ་ཆེན་པོ་ལ་རོལ༔ ག་ན་ཙཀྲ་པཱུ་ཛ་ལ་ཁཱ་ཧི༔ ཅེས་པ་འདི་ཞི་ཁྲོ་བཀའ་བརྒྱད་ཀྱི་ནང་ནས་རིག་འཛིན་འཇའ་ཚོན་བས་ཁོལ་བུར་ཕྱུང་བའོ༔ ཐམས་ཅད་ཚོགས་ལ་རོལ༔ རྗེས་ལྷག་མ་བསྔོ་བ་ནི་ཞལ་ཕྲུ་བཏབ་ཅིག་༔ ཧཱུྃ༔ ལྷག་ལ་དབང་བ་དྲེགས་པའི་ཚོགས༔ སྤྲིན་ལྟར་གཏིབ་ཅིང་ཧབ་ཤ་རྒྱུག༔ ཤ་ཁྲག་བརྒྱན་པའི་ཚོགས་ལྷག་བཞེས༔ སྔོན་གྱི་དམ་བཅས་ཇི་བཞིན་དུ༔ བསྟན་དགྲ་དམ་ཉམས་ཟས་སུ་ཟོ༔ རྟགས་དང་མཚན་མ་མྱུར་དུ་སྟོན༔ སྒྲུབ་པའི་བར་ཆད་བཟློག་པ་དང་༔ ཕྲིན་ལས་ཐོགས་མེད་འགྲུབ་པར་མཛོད༔ ཨུ་ཙྪི་ཥྚ་བྷ་ལིངྟ་ཁཱ་ཧི༔ བསྐུལ་པ་ནི། ཧཱུྃ༔ དམར་ནག་ཟུར་གསུམ་འབར་བའི་དཀྱིལ་འཁོར་ནས༔ ལས་ཀྱི་དབང་དྲག་སྲིན་པོའི་གཟུགས་ཅན་ནི༔ སྐུ་ལས་མེ་འོད་མཚོན་ཆ་ཡ་ལ་ལ༔ ཁྲོ་ཚོགས་རབ་འཇིགས་གཡས་ནས་ཧཱུྃ་སྒྲ་ལྡིར༔ མཁའ་འགྲོ་རབ་འཇིགས་གཡོན་ནས་ཕཊ་སྒྲ་སྒྲོགས༔ ཕྱོགས་དང་ཕྱོགས་མཚམས་ལྕགས་སྡིག་ཤིགས་ཤིགས་ཟིང་༔ ལྷ་སྲིན་སྡེ་བརྒྱད་བྲན་བཞིན་རོལ་དུ་ཁྲིད༔ གནོད་བྱེད་མ་ལུས་ཧབ་ཧབ་ཟས་སུ་ཟ༔ ཧོར་སོགས་འཇིགས་པའི་དམག་དཔུང་མྱུར་དུ་བཟློག༔ རང་རང་གནས་སུ་བྱང་ཆུབ་བསྒྲུབ་པ་ཡི༔ ཕྲིན་ལས་དུས་ལ་བབ་པོ་ས་མ་ཡ༔ སེང་གདོང་མའི་བསྐུལ་པ་ནི། ཧཱུྃ༔ ང་ནི་དབང་དྲག་ཆེ་མཆོག་བདག༔ བྷྱོ༔ བཞེངས་ཤིག་བཞེངས་ཤིག་དབྱིངས་ནས་བཞེངས༔ ཁྲག་མཚོ་ཁོལ་མའི་དབུས་ནས་བཞེངས༔ བསྲུང་མ་འཁོར་དུ་རོལ་ཞིང་བཞེངས༔ བདག་ལ་བརྣག་པའི་དགྲ་བོ་འདིས༔ བླ་མ་དམ་པའི་སྐུ་ལ་བརྡོས༔ སངས་རྒྱས་བསྟན་པའི་རྨིའི་རྡོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ ཆོས་མཛད་ཡོངས་ལ་བརྙས་སུ་བྱས༔ དགེ་བ་བཅུ་ཡི་བསོད་ནམས་བཅག༔ མི་དགེ་བཅུ་ནི་དང་དུ་བླངས༔ རྣལ་འབྱོར་བདག་ལ་བརྡོས་སུ་བཙུག༔ སྔགས་སྲུང་ཁྱོད་ལ་མཐུ་མེད་ཟེར༔ བསྐུལ་ལོ་མཁའ་འགྲོ་ལས་ལ་བསྐུལ༔ འདི་ལ་ཁྱོད་ཀྱིས་མཐུ་མེད་ན༔ ཁྲག་འཐུང་ཆེན་པོའི་བཀའ་ཡང་བཅག༔ ཁྱོད་ཀྱང་དམ་ཚིག་ཉམས་པ་སྟེ༔ རྣལ་འབྱོར་ཡིད་ཡང་མི་ཆད་དམ༔ རྒྱུ་འབྲས་བདེན་པ་མི་བསླུ་འམ༔ དགྲ་བོ་ཚེ་ཟད་དུས་ཐེབས་ན༔ ཁྱོད་ཀྱི་མཐུ་རྩལ་ཅི་ཞིག་བྱ༔ གློ་བུར་ཧུར་ཐུམ་དུས་ལ་བབ༔ སྲོག་རྩ་ཆོད་ལ་སྙིང་ཁྲག་འཐུང་༔ ལོ་དང་ཟླ་བར་བཞག་ཐབས་མེད༔ བསད་རྟགས་དོན་སྙིང་ད་ལྟ་ལོང་༔ དུས་ལ་བབ་པོ་ས་མ་ཡ༔ ཆད་མདོ་ནི། ཧཱུྃ༔ སྔོན་ཚེ་བར་དང་ཐ་མའི་བསྐལ་པ་དང་༔ སྙིགས་མ་རྩོད་ལྡན་དུས་དང་ལྷ་མའི་གནས༔ ཀུན་བཟང་སྣང་བ་མཐའ་ཡས་པདྨ་འབྱུང་༔ རྒྱུད་གསུངས་གཏེར་དུ་སྦས་དང་གཏོན་པའི་ཚེ༔ སྣང་སྲིད་སོ་སོས་ཁས་བླང་དམ་བཅས་བཞིན༔ མཆོད་གཏོར་བཞེས་ལ་ཕྲིན་ལས་འགྲུབ་པར་མཛོད༔ འགོང་པོ་སྤུན་དགུ་རྒྱ་འདྲེའི་གནོད་པ་དང་༔ ཧོར་སོགས་འཇིགས་པའི་དམག་དཔུང་བཟློག་ཏུ་གསོལ༔ བསྟན་སྐྱོང་ནི། ཁྱད་པར་སློབ་དཔོན་པདྨའི་བཀའ་བསྒྲུབ་པ༔ བོད་ཁམས་སྐྱོང་བའི་བསྟན་མ་ཆེན་མོ་ནི༔ བདུད་མོ་བཞི་དང་གནོད་སྦྱིན་སྨན་མོ་བཞི༔ འཁོར་དང་ལྷབ་ལྷུབ་སིལ་སྙན་སྒྲ་དང་བཅས༔ འདིར་གཤེགས་བཀའ་ཡི་གཏོར་མའི་བཤལ་ཆུ་བཞེས༔ བོད་ཁམས་དཀར་བའི་ཆོས་ལ་འགོད་པར་མཛོད༔ ཡང་ཟབ་བསྟན་པ་ཕྱོགས་བཅུར་རྒྱས་པ་དང་༔ མཐོང་ཐོས་དྲན་རེག་སྨིན་ཅིང་གྲོལ་བར་མཛོད༔ གཏོར་བྲོ་ནི། ཧཱུྃ༔ སྟོང་གསུམ་སྟོང་གི་འཇིག་རྟེན་ན༔ ཞིག་བཅུ་བསྒྲལ་བའི་གདན་སྟེད་དུ༔ དབང་དྲག་ལྷ་ཚོགས་བྲོ་བརྡུང་བས༔ དགྲ་ནི་ཐལ་བར་བརླག་པའི་བྲོ༔ བགེགས་ནི་ཕྱེ་མར་འཐག་པའི་བྲོ༔ རྣལ་འབྱོར་དམ་སྲི་འདུལ་བའི་བྲོ༔ བར་ཆད་མེད་པར་བརྡུང་བར་བྱ༔ སུམྦྷ་ནི་རྗེས་སུ། ཧཱུྃ་ཧཱུྃ༔ ལམ་ལམ༔ སྟཾ་བྷ་ཡ་ནན༔ རྗེས་ན། མཆོད་བསྟོད་ཡིག་བརྒྱ་བཟླ་ཞིང་། ཨེ་མ་ཧོ༔ བདག་གཞན་བླ་མེད་ཚོགས་མཆོད་འདི་དག་གིས༔ སྡིག་སྒྲིབ་ཉམས་ཆགས་མ་ལུས་ཀུན་བྱང་སྟེ༔ ཚེ་འདི་ཉིད་ལ་རིགས་འཛིན་མཆོག་འགྲུབ་ཅིང་༔ བྱིན་རླབས་རྩལ་དབང་གཟི་བརྗིད་ནུས་མཐུ་སྡན༔ སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ༔ ཀཱ་ཡ་ཝཱཀྐ་ཙིཏྟ་སིདྡྷི་ཧཱུྃ༔ བསྔོ་བ་ནི། ཨོཾ་ཨཱཿཧཱུྃ༔ སྐྱབས་མེད་མགོན་མེད་སྐྱེ་འགྲོ་འདི་དག་ཀུན༔ འཁོར་བའི་འཁྲུལ་འཁོར་ཀུན་གྱི་གཞི་རྟེན་ལ༔ རྟེན་འབྲེལ་བཅུ་གཉིས་ཤིང་རྟ་ལྟ་བུ་ཡི༔ འཕང་ལོ་འདྲ་བ་མྱུར་དུ་ཞིག་གྱུར་ཅིག༔ བླ་མེད་རྫོགས་པའི་བྱང་ཆུབ་མྱུར་ཐོབ་ཤོག༔ བཀྲ་ཤིས་ནི། ཨེ་མ་ཧོ༔ ཤེས་བྱའི་དོན་ལ་མ་རྨོངས་པའི༔ བླ་མ་དམ་པའི་བཀྲ་ཤིས་ཤོག༔ གང་ལ་བསམ་པ་དེ་ཡིས་འགྲུབ༔ ཡི་དམ་ལྷ་ཡི་བཀྲ་ཤིས་ཤོག༔ སྐུ་གསུང་ཐུགས་ཀྱི་བྷ་ག་ལ༔ ཕྱག་རྒྱ་ཆེན་པོའི་བཀྲ་ཤིས་ཤོག༔ རྫོགས་རིམ་བྱ་བ་ནི། ཨོཾ་ཨཱཿཧཱུྃ༔ སྣོད་བཅུད་སྣང་སྲིད་ཐམས་ཅད་ཀུན༔ སྒྱུ་ལུས་གཞལ་ཡས་ཁང་དུ་བསྡུ༔ དེ་ཡང་ཡས་མར་འོད་དུ་ཞུ༔ སྔགས་ཕྲེང་གསེར་གྱི་རྡོརྗེར་བསྡུ༔ དེ་ཡང་འཇའ་འམ་ཆུ་བུར་ལྟར༔ དམིགས་མེད་རྒྱ་ཡན་ལྷུག་པར་བཞག༔ རང་བཞིན་དབྱིངས་རིག་མ་བུ་འདྲེས༔ གདོད་མའི་ཀུན་བཟང་མཇའ་བར་འགྱུར༔ ས་མ་ཡ༔ རྒྱ་རྒྱ་རྒྱ༔ དངོས་ཧམ་འཕྲང་མཚོ་གཉན་སྟེང་གི་བྲག་རི་རྡོ་རྗེ་གནམ་ལངས་འདྲ་བའི་འོག་ནས༔ རིག་འཛིན་འཇའ་ཚོན་སྙིང་པོས་གཏེར་ནས་གདན་དྲངས་ཤིང་ཤོག་སེར་ལས་ཞལ་བཤུས་པའོ༔ ༈ གདོད་ནས་གཞི་ལམ་འབྲས་གསུམ་རྫོགས་ཆེན་པ། །དགོན་འདིར་ལྷག་བློས་སྒྲུབས་མཁན་ཟུར་བླ་ཡི། །ཚེས་བཅུ་དགེ་ནས་ཆོས་སྦྱིན་སྤར་གྱི་འཁྲུལ། །དཀོན་མཆོག་སྤྱི་འདུས་ཞལ་བཏོན་འདི་ཀོ་རྨད། །བསྙེན་བསྒྲུབ་ལས་ཀྱི་སྒྲུབ་ཐབས་འདི་ཁོ་ནས། །རྒྱལ་བ་གཉིས་པའི་ཞིང་མཆོག་རྔ་ཡབ་གླིང་། །གཤེགས་པར་ཐེ་མི་ཚོམས་པའི་ཡོངས་བསྔོ་དེས། །ལུས་ཅན་མཐའ་དག་ཕྱམས་གཅིག་སངས་རྒྱས་ཤོག། །།སྤར་བྱང་འདི་བྲིས་པས་ཕུལ་བས་མངྒ་ལཾ། ། སེང་གདོང་བཟློག་པ།སེང་གདོང་བཟློག་པ་ནི། ན་མོ༔ བླ་མ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །མཁའ་འགྲོ་མ་སེང་གེའི་གདོང་པ་ཅན་ལ་ཕྱག་འཚལ་ལོ། །འཁོར་འཇིག་རྟེན་དང་འཇིག་རྟེན་ལས་འདས་པའི་མཁའ་འགྲོའི་ཚོགས་ཀྱིས་བསྐོར་བ་རྣམས་ལ་ཕྱག་འཚལ་ལོ། །ཁྱེད་རྣམས་ལ་ཕྱག་འཚལ་པའི་མཐུ་དང་ནུས་པ་ལ་བརྟེན་ནས་བདག་གི་བདེན་པའི་ཚིག་འདི་འགྲུབ་པར་གྱུར་ཅིག །སྔོན་ཨོ་རྒྱན་གྱི་སློབ་དཔོན་ཆེན་པོ་པདྨ་འབྱུང་གནས་ཀྱིས་མཁའ་འགྲོ་མ་སེང་གེའི་གདོང་པ་ཅན་གྱི་ལྟ་སྒོམ་ཟབ་མོ་ཡིད་ལ་བྱས་ཤིང་། སྔགས་བསྒྲུབ་ཟབ་མོ་ཁ་བཏོན་དུ་བགྱིས་པའི་མཐུ་དང་ནུས་པ་ལ་བརྟེན་ནས། ཕྱི་མུ་སྟེགས་ཀྱི་སྟོན་པ་ལྔ་བརྒྱའི་ངན་སྔགས་ཕྱིར་བཟློག་པ་དེ་བཞིན་དུ། བདག་གིས་ཀྱང་མཁའ་འགྲོ་མ་སེང་གེའི་གདོང་པ་ཅན་གྱི་ལྟ་སྒོམ་ཟབ་མོ་ཡིད་ལ་བྱས་ཤིང་། སྔགས་བསྒྲུབ་ཟབ་མོ་ཁ་བཏོན་དུ་བགྱིས་པའི་མཐུ་དང་ནུས་པ་ལ་བརྟེན་ནས། སྤྱིར་སངས་རྒྱས་བསྟན་པའི་སྤྱི་དགྲ། དགོས་དཔལ་ལྡན་བླ་མའི་སྐུ་དགྲ། ཁྱད་པར་དུ་རིག་འཛིན་རྣལ་འབྱོར་པ་བདག་ཅག་དཔོན་སློབ་འཁོར་དང་བཅས་པ་རྣམས་ལ། སྔ་དགྲ་ལག་གིས་བརྡར་བ། ཕྱི་དགྲ་ཡིད་ལ་སེམས་པ་སྔོན་གྱི་ལས་དང་། འཕྲལ་གྱི་རྐྱེན་ལས་གྱུར་པའི་རྐྱེན་ཕྱི་ནང་གི་འགལ་རྐྱེན་བར་ཆད་མི་མཐུན་པའི་ཕྱོགས་མི་དང་མི་མ་ཡིན་པའི་གནོད་པ་བསམ་ངན་སྦྱོར་རྩུབ། གཞན་གྱི་བྱད་ཁ་རྦོད་གཏོང་དམོད་ཚིག་གི་སྦྱོར་བ་ངན་པ། ཕ་རོལ་གྱིས་མཐུ་མནན་གཏད་གཟེར་གསུམ་མི་ཁ་བྲ་མཆུ་ལོ་སྐེག་ཟླ་སྐེག་ཞག་སྐེག་ཟ་སྐེག་རྨི་ལམ་ངན་པ་མཚན་མ་ངན་པ། སྤང་བྱ་མི་མཐུན་པའི་ཕྱོགས་ནད་དང་གདོན་དང་རྐྱེན་དང་རིམས་དང་བར་དུ་གཅོད་པ་ཐམས་ཅད་མཁའ་འགྲོ་མ་སེང་གེའི་གདོང་པ་ཅན་གྱི་བཀའ་ཡི་བདེན་པས་ཕྱིར་བཟློག་པར་གྱུར་ཅིག །མེད་པར་གྱུར་ཅིག །བརླག་པར་གྱུར་ཅིག ཧཱུྃ ཁྲོ་མོ་འབར་བའི་ཚོགས་རྣམས་ཀྱིས། །དགྲ་བགེགས་བྱད་མ་ཐམས་ཅད་ཀུན། །ལུས་སྲོག་ཐལ་བའི་རྡུལ་དུ་བརློགས། །རྣམ་ཤེས་ཆོས་ཀྱི་དབྱིངས་སུ་སྤོར། །མཁའ་འགྲོའི་གོ་འཕང་མྱུར་ཐོབ་ཤོག ། གུ་རུ་ཡོན་ཏན་གཏེར་མཛོད་རྒྱུན་ཁྱེར་དཔག་བསམ་ལྗོན་ཤིང་།༄༅། །གུ་རུ་ཡོན་ཏན་གཏེར་མཛོད་རྒྱུན་ཁྱེར་དཔག་བསམ་ལྗོན་ཤིང་བཞུགས་སོ། ། ༄༅། །རྒྱལ་བ་ཀུན་འདུས་ཨོ་རྒྱན་པད་འབྱུང་ལ། །འབྲལ་མེད་སྒོ་གསུམ་གུས་པས་ཕྱག་འཚལ་ལོ། །བླ་མ་གསང་འདུས་ཐེམ་མེད་ལས། དབང་ཆེན་སྤྲེལ་ལོ་སྤྲེལ་ཟླའི་ཚེས་བཅུ་དང་༔ དུས་ཀྱི་རྒྱལ་པོ་ཚེས་བཅུ་ཐམས་ཅད་ལ༔ སྤྲུལ་པ་འཛམ་གླིང་ཁྱབ་པར་འགྱེད༔ མཆོག་ཐུན་དངོས་གྲུབ་ང་ཡིས་སྟེར༔ མི་ཚེ་བླ་མ་སྒྲུབ་པ་ལ༔ བསྐྱལ་ནས་ཚེ་ཡི་དུས་བྱས་ཚེ༔ ཨོ་རྒྱན་ང་ཡི་ཐུགས་ཀར་ཐིམ༔ ཞེས་དང་། མོ་གུས་ཅན་གྱི་དྲུང་དུ་ནི༔ ང་ཉིད་འདུ་འབྲལ་མེད་བར་གནས༔ ཞེས་གསུངས་པ་ལྟར་མོས་གུས་དང་དམ་ཚིག་རྣམ་པར་དག་པས་གསོལ་འདེབས་བསམ་པ་ལྷུན་གྲུབ་དང་འབྲེལ་བར་མཆོད་པའི་ཆོ་ག་ཇི་ལྟར་བྱ་བ་ལ། །ཐོག་མར་ཡིད་དང་མཐུན་པའི་གནས་ཁང་ཡོངས་སུ་བརྒྱན་ཅིང་། གུ་རུའི་སྐུ་རྟེན་བཀོད་པའི་མདུན་དུ་སྟེགས་གཙང་མར། བླ་གཏོར་ཆེ་བ་ཕོ་རྒྱུད་མོ་རྒྱུད། སྨན་རག་ལ་སོགས་ཏེ་ཕྱི་ནང་གསང་བའི་མཆོད་པ་དང་། ཉེ་བར་འཁོ་བའི་ཡོ་བྱད་མཐའ་དག་མ་ཚངས་པ་མེད་པར་འདུ་བྱས་ནས། །དང་པོ་གསོལ་འདེབས་ནི། ཨོཾ་ཨཱ༔ཧཱུྃ་མ་ཧཱ་གུ་རུ་སརྦ་སིདྡྷི་ཧཱུྃ༔ ཆོས་སྐུ་ཀུན་བཟང་ལོངས་སྐུ་འོད་དཔག་མེད༔ རང་བྱུང་སྤྲུལ་སྐུ་པདྨ་འབྱུང་གནས་ལ། །གསོལ་བ་འདེབས་སོ་ཐུགས་རྗེའི་སྦྱན་གྱིས་གཟིགས། །འདུ་འབྲལ་མེད་པ་བྱིན་གྱིས་རླབས་ཏུ་གསོལ། །པདྨ་རིག་འཛིན་མཁས་མཆོག་བསྟན་འཛིན་དང་། །ངེས་དོན་བསྟན་འཛིན་མི་འགྱུར་ནམ་མཁའི་མཚན། །ཆོས་ཀྱི་རྡོ་རྗེ་རིམ་བྱོན་བརྒྱུད་འཛིན་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །འདུ་འབྲལ་མེད་བར་བྱིན་གྱིས་རླབས་ཏུ་གསོལ། །འོག་མིན་ཆོས་ཀྱི་དབྱིངས་ཀྱི་སོགས། དཔལ་ལྡན་རྩ་བའི་སོགས། དཔག་ལྡན་བླ་མའི་རྣམ་སོགས། སྐྱེ་བ་ཀུན་ཏུ་སོགས། མྱུར་ཐོབ་ཤོག །ཚོགས་ཞིང་གསམ་གདབ་བ་ནི། རང་གི་སྙིང་ཁའི་ཧཱུྃ་གིས་འོད་ཟེར་གྱི་སྐྱབས་ཡུལ་གྱི་ལྷ་ཚོགས་རྣམས་མདུན་གྱི་ནམ་མཁའ་བཛྲ་ས་མ་ཡ་ཛཿ སྐྱབས་འགྲོ་ནི། ན་མོ། བླ་མ་བདེ་གཤེགས་འདུས་པའི་སྐུ༔ དཀོན་མཆོག་གསུམ་གྱི་རང་བཞིན་ལ། བདག་དང་འགྲོ་དྲུག་སེམས་ཅན་རྣམས༔ བྱང་ཆུབ་བར་དུ་སྐྱབས་སུ་མཆི༔ ལན་གསུམ། སེམས་བསྐྱེད་ནི། སེམས་བསྐྱེད་འགྲོ་བ་ཀུན་དོན་དུ༔ བླ་མ་སངས་རྒྱས་སྒྲུབས་ནས་ནི༔ གང་ལ་གང་འདུལ་ཕྲིན་ལས་ཀྱིས༔ འགྲོ་བ་བསྒྲལ་བར་དམ་བཅའོ༔ ལན་གསུམ། ཚོགས་བསགས་ནི། བླ་མ་ཡི་དམ་མཁའ་འགྲོ་གཤེགས༔ ཉི་ཟླ་པདྨའི་གདན་ལ་བཞུགས༔ ལུས་ངག་ཡིད་གསུམ་གུས་ཕྱག་འཚལ༔ ཕྱི་ནང་གསང་བའི་མཆོད་པ་འབུལ། ཉམས་ཆགས་སྡིག་སྒྲིབ་མཐོལ་ཞིང་བཤགས༔ གསང་སྔགས་སྒྲུབ་ལ་རྗེས་ཡི་རང་༔ སྨིན་གྲོལ་གསང་སྔགས་ཆོས་འཁོར་བསྐོར༔ མྱ་ངན་མི་འདའ་བཞུགས་སུ་གསོལ༔ སྙིང་པོ་སེམས་ཅན་དོན་དུ་བསྔོ༔ ཡང་དག་རྡོ་རྗེའི་དོན་རྟོགས་ཤོག༔ ཚོགས་ཞིང་རྣམས་རང་ལ་བསྡུ། མཆོད་པ་བྱིན་གྱིས་རླབས་པ་ནི། ཨོཾ་སྭ་བྷ་ཝ་སོགས། ཐམས་ཅད་སྟོང་ཉིད་ནམ་མཁའི་ངང་༔ བྷྲུཾ་ལས་རིན་ཆེན་སྣོད་ནང་དུ༔ ཨོཾ་ལས་ཕྱི་ནང་མཆོད་པའི་ཚོགས༔ སོ་སོའི་ལྷ་མོའི་རོལ་པར་བཅས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་ཨཱརྒྷཾ་སོགས་ནས། ཤཔྟ་ཨ་ཧཱུྃ༔ མཆོད་སྤྲིན་སྔགས་ལན་གསུམ། ན་མོ་རཏྣ་ཏྲ་ཡ་ཡཱ། ན་མོ་བྷ་ག་ཝ་ཏེ་བཛྲེ་སཱ་ར་པྲ་མརྡྷ་ནི་ཏ་ཐཱ་ག་ཏཱ་ཡ། ཨཱརྷ་ཏེ་སཾ་མྱགསཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ་མ་ཧཱ་ཏེ་ཛྭ་བཛྲེ་མ་ཧཱ་བིདྱ་བཛྲེ་མ་ཧཱ་བོ་དྷི་ཙིཏྟ་བཛྲེ་མ་ཧཱ་བོ་དྷི་མནྟྲོ་པ་སཾ་ཀྲ་མ་ཎ་བཛྲེ་སརྦ་ཀརྨ་ཨཱ་བ་ར་ཎ་བོ་ཤོ་དྷ་ན་བཛྲེ་སྭཱ་ཧཱ། བརྟེན་བསྐྱེད་པ་ནི། ཨོཾ་ཨཱཿཧཱུྃ་མ་ཧཱ་གུ་རུ་སརྦ་སིདྡྷི་ཧཱུྃ༔ རྣམ་དག་འོད་ལྔ་རྡོ་རྗེའི་གཞལ་ཡས་ཁང་། །དེ་དབུས་རིན་ཆེན་པད་སྡོང་འདབ་མ་བཞི། །ལྟེ་བར་ཉི་ཟླ་པདྨ་བརྩེགས་པའི་སྟེང་། །རང་བྱུང་རྒྱལ་པོ་ཨོ་རྒྱན་རིན་པོ་ཆེ། །ཕྱག་གཡས་ཐོད་པའི་མཁར་བ་ཐུགས་ཀར་བསྣམས། །གཡོན་པས་རིན་ཆེན་ཤེལ་གྱི་བུམ་བཟང་ནས། །ཟག་མེད་བདུད་བརྩི་སྨན་གྱི་དངོས་གྲུབ་འབེབས། །ཞབས་གཉིས་སྐྱིལ་ཀྲུང་དང་པོའི་སྟབས་སུ་བཞུགས། །སྐུ་གསུང་ཐུགས་ལས་འོད་ལྔའི་འཕྲོ་འདུ་འཁྲུགས། །ཐུགས་སྲོག་ཧཱུྃ་དང་འོད་ཀྱི་ཚོམ་བུར་གསལ། །ཕྱོགས་མཚམས་སྟེང་འོག་སྒྲུབ་སྡེ་བརྒྱད་ཀྱི་ལྷ། །རིག་འཛིན་བརྒྱུད་པ་སྤྲིན་ལྟར་ཐིབས་སེ་ཐིབ། །ཕྱོགས་བཞིར་འདབ་མ་ཟླ་སྟེང་ཐིག་ལེ་བཞི། །ཡོངས་གྱུར་རིག་བཞིའི་མཁའ་འགྲོ་ཕྱོགས་ཀྱི་མདོག །སྐུ་ལས་མཁའ་འགྲོ་འབུམ་འབུམ་ཕྱོགས་བཅུར་འཕྲོ། །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི། །ཡེ་ཤེས་ཐམས་ཅད་ཁྱེད་ཀྱི་སྐུ་ལ་རྫོགས། །ཏྲཾ་རཏྣ་མཎྜལ་བྷྲུཾ་ཧཱུྃ། སྤོས་དང་བདུག་རྫས་སོགས་དྲི་ཞིམ་གྱི་དུད་བ་བཏང་ལ། སྤྱན་འདྲེན་ནི། ཧྲཱི༔ སྔོན་གྱི་བསྐལ་བའི་སོགས། སྤྲོ་ན། ཧཱུྃ། བཞེངས་ཤིག་པདྨ་སོགས། ཕ་ལ་ཧཱུྃ། བཞུགས་གསོལ་ཕྱག་འཚལ་ནི། ཧཱུྃ། རིན་ཆེན་ཕོ་བྲང་རྒྱ་རེ་ཆེ། །པདྨ་ཉི་ཟླ་མདངས་རེ་གསལ། །མ་ཧཱ་གུ་རུའི་ལྷ་ཚོགས་རྣམས། །དགྱེས་ཤིང་བྱིན་གྱིས་བརླབ་ཕྱིར་བཞུགས། །མོས་ལྡན་བུ་ལ་ཞལ་བསྟན་འཚལ། །མཆོག་ཐུན་དངོས་གྲུབ་ཆར་འབེབས་པའི། །ཐོད་ཕྲེང་རྩལ་ལ་ཕྱག་འཚལ་ལོ། །པདྨ་ཀ་མ་ལཱ་ཡེ་སྟམ། ཨ་ཏི་པུ་ཧོ། པྲ་ཏི་ཙ་ཧོ། མཆོད་པ་ནི། ཨོཾ་ཨཱཿཧཱུྃ། ཡན་ལག་བརྒྱད་ལྡན་མཆོད་ཡོན་སྦྲེང་། །དག་ཅིང་ཞབས་བསིལ་གངྒའི་རྒྱུན། །སྣ་ཚོགས་མཛེས་པའི་མེ་ཏོག་ཚལ། །ཙནྡན་ལ་སོགས་བདུག་སྤོས་སྤྲིན། །མ་རིག་མུན་སེལ་གཟུགས་གསལ་བ། །ག་བུར་སོགས་སྦྱར་རྨད་བྱུང་དྲི། །རོ་བརྒྱ་བཤོས་གཙང་བཅུད་ལྡན་དང་༔ སྒྲ་སྙན་རོལ་མོ་སྣ་ཚོགས་འབུལ། །མཛེས་པའི་གཟུགས་དང་སྙན་པའི་སྒྲ། །དྲི་བཟང་ལྷ་མའི་བཅུད་ལྡན་ཟས། །སྣ་ཚོགས་རེག་བྱ་དཔག་མེད་འབུལ། །གདུགས་བཟང་གསེར་ཉ་པདྨ་དུང་། །བུམ་པ་རྒྱལ་མཚན་དཔལ་བེ་འབར། །འཁོར་ལོ་ནོར་བུ་བཙུན་མོ་དང་། །བློན་པོ་གླང་པོ་རྟ་མཆོག་དང་། །དམག་དཔོན་ལ་སོགས་རིན་ཆེན་འབུལ། །ཡུངས་ཀར་དུར་ཝ་བིལ་བ་ཞོ། །མེ་ལོང་ལི་ཁྲི་དུང་དཀར་དང་། །གི་ཝཾ་ལ་སོགས་སྲིད་གསུམ་ན། །མཆོད་འོས་རྨད་བྱུང་ཇི་སྙེད་འབུལ། །བདག་ལ་བརྩེ་བས་བཞེས་ནས་ཀྱང་། །ཚེ་བསོད་དཔལ་འབྱོར་མཆོག་ཐུན་གྱི། །དངོས་གྲུབ་གངྒའི་རྒྱུན་ལྟར་ཕོབ། །བྱང་ཆུབ་རྒྱལ་སར་འཚོ་མཛད་གསོལ། །བསྡུ་ན། ཧཱུྃ། དངོས་སུ་འབྱོར་དང་སོགས། ཨོཾ་བཛྲ་ཨཱརྒྷཾ་སོགས་ནས། ཤཔྟ་པུ་ཛ་ཧོ། །རུ་པ་ཤཔྟ་གནྡྷེ་ར་ས་པཪྴེ་དྷརྨ་དྷརྟུ་པུ་ཛ་ཨཱ་ཧཱུྃ་མ་ཧཱ་པཉྩ་བྷ་ལིངྟ་རཀྟ་ག་ན་ཙཀྲཱ་ཁཱ་ཧི་ཁ་ཧི། བསྟོད་པ་ནི། ཧྲི༔ མ་བཅོས་སྤྲོས་བྲལ་བླ་མ་ཆོས་ཀྱི་སྐུ། །བདེ་ཆེན་འོད་གསལ་བླ་མ་ལོངས་སྤྱོད་རྫོགས། །པད་སྡོང་ལས་འཁྲུངས་བླ་མ་སྤྲུལ་པའི་སྐུ། །སྐུ་གསུམ་རྡོ་རྗེ་འཆང་ལ་ཕྱག་འཆལ་བསྟོད། །དངོས་གྲུབ་མཆོག་བརྙེས་ཡ་མཚན་ཆེན་པོའི་སྐུ། །པདྨ་ལས་འཁྲུངས་ཚེ་དབང་རྡོ་རྗེའི་སྐུ། །བདེ་ཆེན་ཀློང་ནས་ལྷུན་གྱིས་གྲུབ་པའི་སྐུ། །པདྨ་འབྱུང་གནས་སྐུ་ལ་ཕྱག་འཚལ་བསྟོད། །མ་ཆགས་སྐྱོན་བྲལ་གསུངས་རབ་རྒྱ་མཚོའི་གླིང་། །གསང་སྔགས་མ་ལུགས་དམ་ཆོས་རིན་ཆེན་མཛོད། །ཚངས་དབྱངས་ཟབ་མོའི་ཆོས་ཀྱི་ཆར་འབེབ་པ། །པདྨ་རྒྱལ་པོའི་གསུང་ལ་༴ ཆོས་སྐུ་སྤྲོས་བྲལ་མཁའ་ལྟར་དག་པའི་ངང་། །ཏིང་འཛིན་སྐར་ཚོགས་འབུམ་ཕྲག་ཡངས་པའི་ཐུགས། །ཇི་སྙེད་ཇི་བཞིན་གཟིགས་པ་ཉི་ཟླའི་སྤྱན། །པདྨ་ཐོད་ཕྲེང་ཐུགས་ལ་ཕྱག་འཚལ་བསྟོད། །བསྡུ་ན། ཧྲི༔ མ་བཅོས་སྤྲོས་བྲལ་སོགས་ཀྱིས་བསྟོད། དེ་ནས། ཀྱེ་ཀྱེ་ཨོ་རྒྱན་རིན་པོ་ཆེ། །བདག་ལ་རེ་ལྟོས་ཁྱེད་ལས་མེད། །སྙིང་ནས་གུས་པས་གསོལ་འདེབས་ན། །དབང་དང་བྱིན་རླབས་སྩལ་དུ་གསོལ། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། བསྙེན་པ་བཟླ། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ། ཛབ་དབྱངས་ལན་གསུམ་བཟླས་དམིགས་ནི། བདག་མདུན་གྱི་གནས་གསུམ་ནས་འོད་ཟེར་དཀར་དམར་མཐིང་གསུམ་འཕྲོས། །བསྟན་གཡོ་སྣོད་བཅུད་ཐམས་ཅད་ལ་ཁྱབ་པས་མ་དག་པའི་སྣང་པ་རྒྱུ་དང་བཅས་བ་སྦྱོང་ཏེ། ལྷ་སྔགས་ཡེ་ཤེས་ཀྱི་རོལ་བར་གསལ་བར་བསམ་མོ། བསམ་ལྷུན་གྲངས་མང་དང་བསམ་མྱུར་ཁ་ཤས་སོགས་བརྗོད་མཐར། །མི་རྟོག་ངང་ལས་གཞལ་ཡས་གདན་རྣམས་བསྐྱེད། པད་སྡོང་ཉི་ཟླ་འབར་བའི་གདན་སྟེང་དུ། །སྐད་ཅིག་དྲན་རྫོགས་བླ་མ་སྤྲུལ་བའི་སྐུ། །རབ་བྱུང་ཆ་ལུགས་ཞི་མ་ཁྲོ་ཡི་ཉམས། །ཕྱག་གཡས་ཐོད་མཁར་གཡོན་པས་ཤེལ་བུམ་བསྣམས། །ཕྱོགས་བཞིར་རིགས་བཞི་རིགས་ཀྱི་ཕྱག་མཚན་འཛིན། །དཀར་སེར་དམར་ལྗང་ཅང་ཏེའུ་དྲིལ་བུ་གཡོན། །གྲི་ཐོད་ཁ་ཊཾ་བསྣམས་ཤིང་གར་སྟབས་བཞུགས། །རིན་ཆེན་རུས་རྒྱན་དར་དཔྱང་ཅོད་པཎ་ཕུལ། །སྟེང་ན་ཀུན་བཟང་མཐའ་ཡས་སྤྱན་རས་གཟིགས། །སྟེང་འོག་ཕྱོགས་མཚམས་རིག་འཛིན་མཁའ་འགྲོས་གང་། །གནས་གསུམ་ཨོཾ་ཨཱཿཧཱུྃ་གིས་མཚན་པར་གྱུར། ཨོཾ་ཨཱཿཧཱུྃ་མ་ཧཱ་གུ་རུ་སརྦ་ཌཱ་ཀི་ནི་བཛྲ་ས་མ་ཡ་ཛཿ ཛཿཧཱུྃ་བཾ་ཧོ། ན་མོ་པུ་རུ་ཤ་ཡ་ཧོ། །མཆོད་བ་ནི། ཧཱུྃ། དངོས་སུ་འབྱོར་དང་ཡིད་ཀྱིས་༴ ཀུན་ཏུ་བཟང་པོ༴ མཁའ་དབྱིངས༴ ཕྱི་ནང་གསང་བའི་མཆོད་རྒྱ་མཚོའི་མཆོད། །ནམ་མཁའ་མཛོད་སྔགས། ན་མ་སརྦ་ཏ་ཐཱ་སོགས། བསྟོད་པ་ནི། ཨེ་མ་ཧོ། མ་བཅོས་སྤྲོས་མེད་བྱང་ཆུབ་སྙིང་པོའི་སྐུ། །འགག་མེད་སྒྱུ་འཕྲུལ་རྡོ་རྗེ་སེམས་དཔའ་དངོས། །ཐུགས་རྗེའི་འགྲོ་དྲུག་འདྲེན་པའི་སྟོབས་མངའ་བ། །རྗེ་བཙུན་ཨོ་རྒྱན་གུ་རུའི་སྐུ་ལ་བསྟོད། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཨ་ཧ་རི་ནི་ས་ཧཱུྃ། ཤནྟིཾ་པུཥྚིཾ་ཝ་ཤཾ་མཱ་ར་ཡ་སརྦ་ཀརྨ་སིདྡྷི་ཧཱུྃ་ཨཱཿ ཅུང་ཟད་བཟླ། ཚོགས་རྫས་བཟའ་ལྟུང་སོགས་ཅི་འབྱོར་བཤམས་ལ། བདག་ཉིད་ཐུགས་ལས་རཾ་ཡཾ་ཁཾ་འཕྲོས་པས། །ཚོགས་ཀྱི་དངོས་འཛིན་དྲི་མ་སྦྱངས་སྒྱུར་སྤེལ། །བླ་མ་ཡི་དམ་མཁའ་འགྲོ་ཆོས་སྐྱོང་ཚོགས། །སྤྱན་འདྲེན་འདིར་གཤེགས་དགྱེས་པའི་ཚུལ་དུ་བཞུགས། བཛྲས་མ་ཡཱ་ཛཿ ཧཱུྃ། བླ་མ་རྗེ་བཙུན་པདྨ་ཐོད་འཕྲེང་སྩལ། །རིག་འཛིན་མཁའ་འགྲོའི་ཚོགས་དང་བཅས་པ་ཡི། །རྩ་གསུམ་ཀུན་འདུས་རྒྱལ་བའི་་དཀྱིལ་འཁོར་ལ། །འདོད་ཡོན་ལྔ་ལྡན་ཚོགས་ཀྱིས་མཆོད་པ་འབུལ། །མ་རིག་དབང་གྱུར་ཉེས་ལྟུང་སྙིང་ནས་བཤགས། །བཟུང་འཛིན་གཉིས་སྣང་དགྲ་བགེགས་དབྱིངས་སུ་བསྒྲལ། །བཀའ་ཉན་ལྷག་ལ་དབང་བས་གཏོར་མ་བཞེས། བསམ་བ་ལྷུན་གྱིས་འགྲུབ་པའི་ཕྲིན་ལས་མཛོད། །དེ་ནས་ཐུགས་དམ་གནད་ནས་བསྐུལ་པའི་འདོད་གསོལ་ནི། ཨེ་མ་ཧོ། །བདེ་ཆེན་ཆོས་སྐུའི་ཞིང་ན་སྣང་མཐའ་ཡས། །དཔལ་ལྡན་གྲུ་འཛིན་རི་བོར་སྤྱན་རས་གཟིགས། །རྔ་ཡབ་དཔལ་རིར་མཚོ་སྐྱེས་ཐོད་ཕྲེང་རྩལ། །སྐུ་གསུམ་དབྱེར་མེད་མཆོག་ལ་གསོལ་བ་འདེབས། །མགོན་ཁྱོད་བླ་མ་མཆོག་གསུམ་ཡི་དམ་དང་། །དཔའ་བོ་མཁའ་འགྲོ་ཆོས་སྐྱོང་ནོར་ལྷ་བཅས། །སྐྱབས་གནས་ཀུན་འདུས་ངོ་བོར་ཤེས་པའི་བློས། །སྙིང་ནས་འབོད་དོ་ཐུགས་རྗེའི་སྤྱན་གྱིས་གཟིགས། །བདག་དང་བདག་འདྲའི་མགོན་མེད་སྙིགས་མའི་འགྲོར། །གང་ལ་གང་འདུལ་སྤྲུལ་པའི་སྐུར་བཞེངས་ནས། །གནས་སྐབས་མཐར་ཐུག་བསམ་པའི་དོན་རྣམས་ཀུན། །ཆོས་བཞིན་འགྲུབ་པར་མཛོད་ཅིག་པདྨ་འབྱུང་། །ཁྱད་པར་ནད་གདོན་དྲག་པོའི་གཟིར་བའི་ཚེ། །ཨོ་རྒྱན་སྨན་གྱི་བླ་མའི་སྐུར་བཞེངས་ལ། །བྱིན་རླབས་དཔག་བསམ་རྒྱས་པའི་གྲིབ་བསིལ་དུ། །ངལ་བསོའི་དབུགས་འབྱིན་མཛོད་ཅིག་པདྨ་འབྱུང་། །རྣམས་མང་དུས་མིན་འཆི་ བས་འཇིགས་པ་ན། །ཨོ་རྒྱན་ཚེ་དཔག་མེད་མགོན་སྐུར་བཞེངས་ལ། །འཆི་མེད་ཚེ་དང་ཡེ་ཤེས་མཆོག་གྲུབ་པའི། །སྐལ་བཟང་མངོན་སུམ་སྩོལ་ཅིག༴ སྣོད་བཅུད་རྒུད་པའི་གདུང་བས་ཉམས་ཐག་ཚེ། །ཨོ་རྒྱན་མཁའ་འགྲོ་ནོར་ལྷའི་སྐུར་བཞེངས་ལ། །དཔའ་འབྱོར་ལོངས་སྤྱོད་རྫོགས་ལྡན་སྤྲིན་ཆེན་ལས། །འདོད་དགའི་གྲུ་ཆར་ཕོབས་ཤིག༴ ལུང་རྟོགས་ཆོས་ཀྱི་དགའ་སྟོན་ཉམས་པའི་ཚེ། །ཨོ་རྒྱན་ཤཱཀྱ་སེངྒེའི་སྐུར༴ བསྟན་འཛིན་ཞབས་བརྟན་བཤད་དང་སྒྲུབ་པ་ཡི། །བསྟན་བ་རྒྱས་པར་མཛོད་ཅིག༴ རྨོངས་དང་མ་རིག་འཐིབ་བུས་ནོན་པའི་ཚེ། །ཨོ་རྒྱན་བློ་ལྡན་མཆོག་སྲེད་སྐུར༴ ཇི་ལྟར་ཇི་སྙེད་ཤེས་བྱ་ཀུན་མཁྱེན་པའི། །ཡེ་ཤེས་སྣང་སྩོལ་ཅིག༴ རང་དང་གཞན་གྱི་དོན་གཉིས་སྒྲུབ་པའི་ཚེ། །ཨོ་རྒྱན་པདྨ་ས་བྷའི་སྐུར༴ འཇིག་རྟེན་འཇིག་རྟེན་འདས་པའི་དངོས་གྲུབ་ཀྱི། །དགེ་མཚན་རྒྱས་པར་མཛོད་ཅིག༴ མཁའ་ཁྱབ་འགྲོ་བའི་དོན་ལ་སྤྱོད་པའི་ཚེ། །ཨོ་རྒྱན་ཉི་མ་འོད་ཟེར་སྐུར༴ མཐོང་ཐོས་དྲན་རེག་གདུལ་བྱའི་ཚོགས་རྣམས་ཀུན། །སྨིན་ཅིང་གྲོལ་བར་མཛོད་ཅིག༴ རླབས་ཆེན་བསྟན་འགྲོའི་ཕན་བདེ་སྤེལ་བའི་ཚེ། །ཨོ་རྒྱན་པདྨ་རྒྱལ་པོའི་སྐུར༴ ཁམས་གསུམ་སྲིད་ཞིའི་ལེགས་ཚོགས་ཇི་སྙེད་ཀུན། །འབད་མེད་དབང་དུ་སྡུས་ཤིག༴ ཕས་རྒོལ་གཟའ་ཀླུ་འབྱུང་པོའི་འཚེ་བའི་ཚེ། །ཨོ་རྒྱན་སེངྒེ་སྒྲ་སྒྲོགས་སྐུར༴ མཐུ་སྟོབས་ཕྱག་ན་རྡོ་རྗེ་འབར་བ་ཡིས། །མིང་གི་ལྷག་མར་མཛོད་ཅིག༴ མཐའ་དམག་དུས་འཁྲུགས་རྒྱལ་འགོང་འཚེ་བའི་ཚེ། །ཨོ་རྒྱན་རྡོ་རྗེ་གྲོ་ལོད་སྐུར༴ གཟུགས་ཅན་གཟུག་མེད་དམ་སྲིའི་ཚོགས་རྣམས་ཀྱི། །དོན་སྙིང་ལྐོག་མར་ཕྱུངས་ཤིག༴ རྩེ་གཅིག་ཟབ་མོའི་རྣལ་འབྱོར་སྒོམ་པའི་ཚེ། །ཨོ་རྒྱན་རྡོ་རྗེ་འཆང་གི་སྐུར༴ སྐྱེད་རྫོགས་རྫོགས་པ་ཆེན་པོའི་གསེང་ལམ་ནས། །ཟུང་འཇུག་འགྲུབ་པར་མཛོད་ཅིག༴ གལ་ཏེ་ཚེ་འདིར་བརྟན་པ་མ་ཐོབ་ན། །ཨོ་རྒྱན་སྣང་བ་མཐའ་ཡས་སྐུར༴ འཆི་ཁར་གནད་བཅོད་སྡུག་བསྔལ་ཞི་བ་དང་། །བདེ་ཆེན་ཞིང་དུ་ཁྲིད་ཅིག༴ དེ་ཡང་འཁྲུལ་ནས་བར་དོ་འཁྱམས་སྲིད་ན། །ཨོ་རྒྱན་དུས་གསུམ་མཁྱེན་པའི་སྐུར༴ འཇིགས་སྐྲགས་འཁྲུལ་སྣང་རང་སར་གྲོལ་བ་དང་། །དག་པའི་ཞིང་དུ་དྲོངས་ཤིག༴ མདོར་ན་འདི་ནས་བྱང་ཆུབ་སྙིང་པོའི་བར། །སྐྱིད་སྡུག་ལེགས་ཉེས་བཟང་ངན་ཅི་བྱུང་ཡང་། །མགོན་པོ་ཁྱེད་ལས་སྐྱབས་གཞན་མ་མཆིས་པས། །འབྲལ་མེད་བྱིན་གྱིས་རློབས་ཤིག་པདྨ་འབྱུང་། །ཅེས་པ་འདིའང་འཇམ་དབྱངས་མཁྱེན་རྩེའི་གསུངས་སོ། །དེ་ནས་དངོས་གྲུབ་བླང་བ་ནི། །བླ་མའི་གནས་གསུམ་ཨོཾ་ཨཱཿཧཱུྃ་གསུམ་ལས། །འོད་ཟེར་དཀར་དམར་མཐིང་གསུམ་ཅིག་ཆར་བྱུང་། །བདག་གི་གནས་གསུམ་ཞུགས་ཤིང་ཐིམ་པ་ཡིས། །དབང་བསྐུར་སྒྲིབ་བྱང་སྨིན་གྲོལ་དངོས་གྲུབ་སྩོལ། །ཨོཾ་ཨཱཿཧཱུྃ་བཛྲ་གུ་རུ་སོགས། ཀཱ་ཡ་ཝཀྐ་ཙིཏྟ་སོགས། ཧཱུྃ། དེ་ནས་གཏོར་བསྔོས་བསྡུས་ཙམ་བྱ། མཆོད་བསྟོད་ནི། ཨོཾ་མ་ཧཱ་གུ་རུ་ས་པ་རི་ཝཱ་ར་ཨཱརྒྷཾ་སོགས་ནས། ས་མ་ཡ་ཁ་ཧི་ཁ་ཧི། ཧྲཱི༔ མ་བཅོས་སྤྲོས་བྲལ་སོགས་ཀྱི་བསྟོད་མཐར། བཟོད་གསོལ་ནི། མ་རྙེད་ཡོངས་སུ་སོགས། ཡིག་བརྒྱ་ལན་གསུམ། བརྟེན་བཞུགས་བྱ། བསྡུ་རིམ་ནི། ཧཱུྃ། སྣོད་བཅུད་གཞལ་ཡས་ཁང་དང་ལྷ། །མཁའ་ལ་སྤྲིན་བཞིན་དབྱིངས་སུ་ཐིམ། །གནས་ལུགས་རྫོགས་པ་ཆེན་པོའི་ངང་། །བློ་འདས་ཆོས་སྐུའི་རང་ཞལ་ལྟ། །ཨ་ཨ་ཨ། སེམས་གཞན་དུ་མ་ཡེངས་བར་རང་བབ་གློད་ལ་དར་ཅིག་མཉམ་པར་བཞག་ལ། སླར་ཡང་པདྨ་རྒྱལ་པོའི་སྐུ་རུ་ལྡང་། ཨོཾ་ཨཱཿཧཱུྃ། བསྔོ་སྨོན་ནི། བདག་དང་སེམས་ཅན་ཐམས་ཅད་ཀྱིས། །དུས་གསུམ་བསགས་པའི་དགེ་བ་ཡིས། །མཉམ་མེད་བླ་མ་མྱུར་འགྲུབ་ནས། །ཨོ་རྒྱན་གནས་སུ་ཕྱིན་པར་ཤོག །མེ་རྟོག་མཐོར་ལ། བཀྲ་ཤིས་ནི། ཨོཾ། བཀྲ་ཤིས་དམ་པ་དངོས་གྲུབ་ཆར་འབེབས་པ། །རྒྱལ་བ་དགོངས་བརྒྱུད་རིག་འཛིན་བརྡ་བརྒྱུད་དང་། །གང་ཟག་སྙན་རྒྱུད་བླ་མའི་བཀྲ་ཤིས་གང་། །བཀྲ་ཤིས་དེས་ཀྱང་དེངས་འདིར་བདེ་ལེགས་ཤོག །བཀྲ་ཤིས་མེ་ཏོག་པདྨའི་མཚོ་གླིང་དུ། །གང་ཞིག་བལྟམས་པས་མཁའ་འགྲོའི་སྤྲིན་ཕུང་འཁྲིགས། །ཚེས་བཅུའི་ཉི་ཤར་དངོས་གྲུབ་ཆར་འབེབས་པ། །བཀྲ་ཤིས་དེས་ཀྱང་དེངས་འདིར་བདེ་ལེགས་ཤོག །བཀྲ་ཤིས་འཛམ་གླིང་ཀུན་གྱི་རྒྱན་གྱུར་པ། །སྣ་ཚོགས་མཛད་པའི་ངོ་མཚར་བསམ་མི་ཁྱབ། །ཕྲིན་ལས་རྣམས་བཞིས་འགྲོ་བ་འདུལ་མཛད་པ། །བཀྲ་ཤིས་དེས་ཀྱང་༴ བཀྲ་ཤིས་གངས་རིའི་ཡུལ་དུ་དཔལ་འབར་བ། །ལྷ་སྲིན་བཏུལ་ཞིང་དམ་ཆོས་ཆར་ཆེན་བབས། །ཟབ་གཏེར་རྒྱ་མཚོ་འགྲོ་ལ་སྣང་མཛད་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །དེ་ནས་བཟང་སྤྱོད་སོགས་ཀྱི་མཐའ་རྒྱན་པར་བྱའོ། །ཅེས་པ་འདི་གྲུབ་དབང་ལྔ་པ་ཐུབ་བསྟན་ཆོས་ཀྱི་རྡོ་རྗེའི་གསུང་ལ་ཅུང་ཟད་དུ་རང་བློ་དང་བསྟུན་པའི་སྤྲོས་བཅས་རྣམས་ལ་ཁ་སྐོང་གི་ཚུལ་དུ་ལེའུ་བདུན་པའི་སྐྱབས་འགྲོ་སེམས་བསྐྱེད་ཡན་ལག་བདུན་པ་དང་། གཞན་ཚིག་ཁ་ཤས་སྦྱར་ཏེ་བསྒྲིགས་པ་འདི་མཁན་རཏྣའི་མིང་ཅན་གྱིས་བྲིས་པ་འདིས་བདག་གཞན་སེམས་ཅན་ཐམས་ཅད་ལུས་རྒྱ་བྲལ་མ་ཐག་ཏུ་རྔ་ཡབ་དཔལ་གྱི་རི་བོར་པདྨ་འོད་ཀྱི་ཞིང་ཁམས་སུ་ཚོམ་བུ་གཅིག་ཏུ་སངས་རྒྱས་པའི་རྒྱུར་གྱུར་ཅིག། །དགེའོ།། །དགེའོ།། །དགེའོ། མངྒ་ལཾ།། །། ཉམས་ཆག་སྡིག་སྒྲིབ་ཐམས་ཅད་བཤགས་པའི་རྒྱལ་པོ་ན་རག་དོང་སྤྲུགས།༄༅། །ཉམས་ཆག་སྡིག་སྒྲིབ་ཐམས་ཅད་བཤགས་པའི་རྒྱལ་པོ་ན་རག་དོང་སྤྲུགས་བཞུགས་སོ༔ རྣལ་འབྱོར་པས་བླ་མ་བདེ་གཤེགས་ཞི་ཁྲོ་ཡོངས་རྫོགས་རྣམས་མདུན་གྱི་ནམ་མཁར་ཉི་ཟླ་པདྨའི་གདན་ལ་དཔང་པོའི་མངོན་སུམ་དང་འདྲ་བར་ཞལ་ལམ་མེར་བཞུགས་པར་བསམས་པའི་མདུན་དུ་ལུས་རྡུལ་སྙེད་དུ་སྤྲུལ་ཏེ༔ ངག་བཤགས་ཚིག༔ ཡིད་གནོང་སེམས་དང་བཅས་ཏེ་དུས་ཐམས་ཅད་དུ་བཤགས་པར་བྱའོ༔ རྗེས་ལྟ་བས་ཀྱང་ལ་ གསལ་གདབ་ཅིང་༔ དམ་ཚིག་ལ་བསྒྲིམ་པ་ནི་དངོས་གྲུབ་མྱུར་རོ༔ ཨེ་མ་ཧོ༔ ཕྱོགས་བཅུ་དུས་བཞི་ཀུན་གྱི་བདག་ཉིད་ཆེ༔ བླ་མ་རྒྱལ་བ་ཞི་ཁྲོ་ཡོངས་རྫོགས་དགོངས༔ འདིར་གཤེགས་ཉི་ཟླ་པདྨའི་གདན་ལ་བཞུགས༔ ཉམས་ཆག་ན་རག་སྦྱང་ཕྱིར་ཕྱག་མཆོད་བཞེས༔ ཡོན་ཏན་ཕུན་ཚོགས་བླ་མ་རྣམས་ལ་ཕྱག་འཚལ་ལོ༔ དམིགས་མེད་སྤྲོས་བྲལ་ཆོས་ཀྱི་སྐུ་ལ་ཕྱག་འཚལ་ལོ༔ བདེ་ཆེན་ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ༔ འགྲོ་མགོན་ཅིར་ཡང་སྤྲུལ་པའི་སྐུ་ལ༴ གནས་ལུགས་མི་འགྱུར་རྡོ་རྗེའི་སྐུ་ལ༴ ཡང་དག་མངོན་པར་བྱང་ཆུབ་སྐུ་ལ༴ ཉོན་མོངས་ཞི་མཛད་ཞི་བའི་ལྷ་ལ༴ ལོག་ལྟ་ཚར་གཅོད་ཁྲོ་བོའི་སྐུ་ལ༴ ཐབས་མགོན་ཚེ་བདག་འཇམ་དཔལ་སྐུ་ལ༴ སྐྱོན་བྲལ་སྒྲ་སྒྲོགས་པདྨ་གསུང་ལ༴ ཡང་དག་དོན་ལྡན་བཛྲ་ཐུགས་ལ༴ དུག་ལྔ་ནད་སེལ་བདུད་རྩི་སྨན་ལ༴ དྲེགས་པ་འཇོམས་མཛད་ཕུར་པའི་ལྷ་ལ༴ འབྱུང་བ་མངའ་བདག་མ་མོའི་ཚོགས་ལ༴ ས་དང་ལམ་རྫོགས་རིག་འཛིན་ཚོགས་ལ༴ བསྟན་པ་བསྲུང་མཛད་དམ་ཅན་རྣམས་ལ༴ དགྲ་བགེགས་འདུལ་མཛད་སྔགས་བདག་ཚོགས་ལ༴ ཧཱུྃ༔ རང་རིག་རང་ཤེས་འཁྲུལ་པ་བྲལ༔ མཉམ་ཉིད་ངང་ལས་ཡེ་ཤེས་ཤར༔ ཀུན་ཏུ་བཟང་པོ་ཡབ་ཡུམ་ལ༔ ཡིད་ཆོས་དག་ཕྱིར་ཕྱག་འཚལ་ལོ༔ མི་རྟོག་དབྱེར་མེད་དགོངས་པ་ལ༔ ཡེ་ཤེས་ལྔ་ཡི་འོད་མདངས་གསལ༔ རིགས་ལྔ་བདེ་བར་གཤེགས་པ་ལ༔ ཉོན་མོངས་དག་ཕྱིར་ཕྱག༴ དབྱིངས་ཀྱི་ངང་ལས་བསྐྱེད་པའི་རྒྱུ༔ ཡེ་ཤེས་ལྔ་ཡི་གྲོགས་ཤར་བ༔ དབྱིངས་ཀྱི་ཡུམ་ཆེན་ལྔ་རྣམས་ལ༔ འབྱུང་བ་དག་ཕྱིར་ཕྱག༴ ཡེ་ཤེས་སྤྲུལ་པ་མང་པོའི་ཚོགས༴ འགྲོ་བའི་དོན་དུ་རང་ཤར་བའི༴ བྱང་ཆུབ་སེམས་དཔའ་བརྒྱད་རྣམས་ལ༔ རྣམ་ཤེས་དག་ཕྱིར་ཕྱག༴ ཡེ་ཤེས་ངང་ལས་ཡོན་ཏན་རྫོགས༔ ཅི་འདོད་དངོས་གྲུབ་ཆར་ལྟར་འབེབས༔ མཆོད་པའི་ལྷ་མོ་བརྒྱད་རྣམས་ལ༔ ཡུལ་དུས་དག་ཕྱིར་ཕྱག༴ གདུག་པ་འདུལ་མཛད་དཔའ་བོའི་སྐུ༔ བདག་ཏུ་འཛིན་པའི་སྐྱོན་དང་བྲལ༔ ཏ་ཀྲྀཏ་སྒོ་བ་བཞི་རྣམས་ལ༔ ལོག་ལྟ་དག་ཕྱིར་ཕྱག༴ བྱམས་དང་སྙིང་རྗེ་དགའ་བ་དང་༔ བཏང་སྙོམས་བཞི་ཡི་འགྲོ་དོན་མཛད༔ སྒོ་སྐྱོང་ཁྲོ་མོ་བཞི་རྣམས་ལ༔ རྟག་ཆད་དག་ཕྱིར་ཕྱག༴ རྟོག་པ་དྲུག་ལས་འཁོར་བ་དྲུག༔ མ་རིག་དབང་གིས་བྱུང་བ་རྣམས༔ ཐུགས་རྗེས་འདུལ་མཛད་ཐུབ་དྲུག་ལ༔ འཁྲུལ་པ་དག་ཕྱིར་ཕྱག༴ ཧཱུྃ༔ ཀུན་ཏུ་བཟང་པོ་རིག་པའི་རྩལ༔ ཆེ་མཆོག་གཙོ་ལ་ཕྱག་འཚལ་ལོ༔ དུག་ལྔ་མ་སྤང་མཐར་ཕྱིན་པའི༴ ཧེ་རུ་ཀ་ལ་ཕྱག༴ དབྱིངས་ལས་སྐུར་བཞེངས་ཐབས་ཤེས་སྦྱོར༔ ཁྲོ་མོ་ཡུམ་ལ་ཕྱག༴ ཐུགས་ལས་སྤྲུལ་པའི་གསང་ཆེན་མོ༔ ཁྲོ་མོ་བརྒྱད་ལ་ཕྱག༴ ཟ་བྱེད་མཆེ་གཤོག་ཕོ་ཉ་མོ༔ ཕྲ་མེན་བརྒྱད་ལ་ཕྱག༴ འགུགས་འདྲེན་འཆིང་སྡོམ་དགྱེས་མཛད་མ༔ སྒོ་མ་བཞི་ལ་ཕྱག༴ འཇིག་རྟེན་ཆ་ལུགས་སྤྲུལ་པ་མོ༔ དབང་ཕྱུག་མ་ལ་ཕྱག༴ ཧཱུྃ༔ ཡ་མཱནྟ་ཀ་གཤིན་རྗེའི་གཤེད༔ རྔམས་བརྗིད་དྲེགས་པའི་འཁོར་གྱིས་བསྐོར༔ འཇམ་དཔལ་སྐུ་ལ་ཕྱག༴ ཧཱུྃ༔ རྟ་མགྲིན་རྒྱལ་པོ་དབང་གི་ལྷ༔ དབང་དྲག་ཐབས་ཀྱི་འཁོར་གྱིས་བསྐོར༔ པདྨ་གསུང་ལ་ཕྱག༴ ཧཱུྃ༔ དཔལ་ཆེན་བཛྲ་ཧེ་རུ་ཀ༔ རང་སྣང་གསལ་བའི་འཁོར་གྱིས་བསྐོར༔ ཡང་དག་ཐུགས་ལ་ཕྱག༴ ཧཱུྃ༔ བཅོམ་ལྡན་ཆེ་མཆོག་ཧེ་རུ་ཀ༔ ཞི་ཁྲོ་རབ་འབྱམས་ལྷ་ཡིས་བསྐོར༔ ཡོན་ཏན་རྒྱས་ལ་ཕྱག༴ ཧཱུྃ༔ རྡོ་རྗེ་གཞོན་ནུ་ཕྲིན་ལས་སྐུ༔ ཁྲོ་བཅུ་འབར་བའི་འཁོར་གྱིས་བསྐོར༔ ཕྲིན་ལས་མཛད་ལ་ཕྱག༴ ཧཱུྃ༔ མངོན་རྫོགས་རྒྱལ་པོ་ཧེ་རུ་ཀ༴ འབྱུང་བ་ལྔ་ལས་གྲུབ་པའི་འཁོར༔ མ་མོའི་ཚོགས་ལ་ཕྱག༴ ཧཱུྃ༔ རིག་འཛིན་རྡོ་རྗེ་དྲག་པོ་རྩལ༴ ས་དང་ལམ་ལ་གནས་པའི་འཁོར༔ རིག་འཛིན་ཚོགས་ལ་ཕྱག༴ ཧཱུྃ༔ གསང་བའི་བདག་པོ་གོས་སྔོན་ཅན༔ འཇིག་རྟེན་དྲེགས་པ་རྣམས་ཀྱིས་བསྐོར༔ བསྟན་པ་སྐྱོང་ལ་ཕྱག༴ ཧཱུྃ༔ སྟོབས་ལྡན་ནག་པོ་མཐུ་རྩལ་ཅན༔ དྲག་སྔགས་བདག་པོ་མང་པོས་བསྐོར༔ དགྲ་བགེགས་འདུལ་ལ་ཕྱག༴ དེ་ལྟར་རྒྱལ་བ་ཞི་ཁྲོའི་ལྷ༔ གང་གིས་མཚན་ཐོས་ཕྱག་འཚལ་ན༔ དམ་ཚིག་ཉམས་ཆག་ཀུན་བྱང་ནས༔ མཚམས་མེད་ལྔ་ཡི་སྡིག་པ་དག༔ ན་རག་གནས་ཀྱང་དོང་སྤྲུགས་ཏེ༔ རིག་འཛིན་རྒྱལ་བའི་ཞིང་དུ་གྲགས༔ ལས་ཀྱི་རྣམ་པར་སྨིན་པའི་སྐྱོན༔ ངག་ཏུ་མཐོལ་ལ་ཡིད་ཀྱིས་བཤགས༔ སྨྲེ་ངག་བཏོན་ལ་གདུང་བས་སྦྱང་༔ མོས་པས་ཐལ་མོ་སྙིང་གར་སྦྱར༔ དད་པས་བརྐྱང་ཕྱག་བརྡབས་ཏེ་བཙལ༔ ཞི་ཁྲོའི་ལྷ་ཚོགས་མཚན་ནས་བརྗོད༔ རྗེས་སུ་ལུས་ལྔ་ཚུགས་བཅས་ཏེ༔ རྡོ་རྗེ་སེམས་དཔའ་སྤྱི་བོར་བསྒོམ༔ ན་རག་དོང་སྤྲུགས་སྙིང་པོ་བཟླ༔ ཨོཾ་བཛྲ་ས་ཏྭ་ས་མ་ཡསོགས ཨཱ༔ འདི་དག་དག་པར་དུས་གཅིག་ལ༔ མ་ཡེངས་བརྒྱ་རྩ་བརྒྱད་བརྗོད་ན༔ དུས་གསུམ་རྒྱལ་བའི་སྲས་སུ་སྐྱེ༔ ཧོ༔ ཞི་ཁྲོ་རབ་འབྱམས་དགོངས་སུ་གསོལ༔ རྒྱལ་བའི་བཀའ་དང་བླ་མའི་ལུང་༔ ཇི་བཞིན་མ་སྤྱད་འགལ་ཞིང་འཁྲུལ༔ རྡོ་རྗེ་སློབ་དཔོན་དྲིན་ཅན་ལ༔ གཤེ་སྐུར་བཏབ་དང་ལྟ་བ་ལོག༔ གཟུངས་མ་མཆེད་དང་ལྕམ་དྲལ་ལ༔ ངན་སེམས་ཚིག་རྩུབ་ཆགས་སྡང་བྱས༔ བརྡེག་བཙོག་གནོད་པ་དངོས་སུ་ཤོར༔ སྐུ་ཡི་དམ་ཚིག་ཉམས་པ་རྣམས༔ ཞི་ཁྲོའི་ལྷ་ཚོགས་སྤྱན་སྔར་བཤགས༔ ཡི་དམ་ལྷ་དང་འཁོར་མ་གསལ༔ འཛབ་དང་བཟླས་བརྗོད་མ་དག་ཆག༔ གསུང་གི་དམ་ཚིག་ཉམས་པ་རྣམས༔ རིགས་ལྔ་ཞི་ཁྲོའི་སྤྱན་སྔར་བཤགས༔ གསང་བཅུའི་གཉེར་གཏད་དམ་བཅས་པ༔ ཀུན་ལ་བསྒྲགས་ཤིང་དམ་རྫས་བསྟན༔ ཐུགས་ཀྱི་དམ་ཚིག་ཉམས་པ་རྣམས༔ རྒྱལ་བ་ཞི་ཁྲོའི་སྤྱན་སྔར་བཤགས༔ ཤེས་པར་བྱ་བའི་དམ་ཚིག་ལྔ༔ རིགས་ལྔར་མ་ཤེས་ལོག་པར་བལྟས༔ མི་སྤང་པ་ཡི་དམ་ཚིག་ལྔ༔ མ་རིག་དབང་གིས་དུག་ལྔར་གོལ༔ དང་དུ་བླང་བའི་དམ་ཚིག་ལྔ༔ གཙང་དམེར་བལྟས་དང་བག་མེད་སྤྱད༔ བསྒྲུབ་པར་བྱ་བའི་དམ་ཚིག་ལྔ༔ རང་ལ་གནས་པར་མ་ཤེས་ལོག༔ སྤྱད་པར་བྱ་བའི་དམ་ཚིག་ལྔ༔ དབྱེ་གསལ་མ་ཤེས་ལོག་པར་སྤྱད༔ ཡན་ལག་དམ་ཚིག་ཉམས་པ་རྣམས༔ ཡི་དམ་ལྷ་ཡི་སྤྱན་སྔར་བཤགས༔ བསྙེན་པ་བསྒྲུབ་པའི་ཏིང་འཛིན་གཡེལ༔ ཉ་སྟོང་དུས་དྲུག་མཆོད་པ་ཆག༔ ལེ་ལོ་གཡེང་བ་གཉིད་ཀྱིས་རྨུག༔ གསོག་འཇོག་སེར་སྣས་རྒྱུ་རྐྱེན་ཆུང་༔ ཚོགས་ཀྱི་སྤྱང་ཀུ་ཁ་ཚར་ཤོར༔ ཕུད་ཉམས་ལྷག་མ་ཕྲི་བ་དང་༔ བག་མེད་སྤྱོད་པ་རྩིངས་པ་ཡིས༔ ཚོར་དང་མ་ཚོར་ཉམས་པའི་སྐྱོན༔ མཁའ་འགྲོ་དམ་ཅན་སྤྱན་སྔར་བཤགས༔ ཡིད་ཀྱི་དམ་ཉམས་ལྟ་བས་བཤགས༔ དེ་ཡང་ཀུན་གཞི་བྱང་ཆུབ་སེམས༔ ཡིན་པ་མེད་པའི་ལྟ་བ་རྟོགས༔ མིན་པ་མེད་པའི་སྒོམ་ཉམས་ལེན༔ ཡིན་མིན་མེད་པའི་སྤྱོད་པ་རྟོགས༔ རེ་དོགས་མེད་པའི་བྱང་ཆུབ་སེམས༔ རྩ་བ་ཡན་ལག་ཐམས་ཅད་ཀྱི༔ ཆགས་ཉམས་མ་བྱུང་མ་སྐྱེས་པ༔ བཤགས་བྱ་བཤགས་བྱེད་གཉིས་མེད་གྲོལ༔ ཧཱུྃ༔ ཆོས་ཀྱི་དབྱིངས་ཉིད་སྤྲོས་པ་མེད་པ་ལ༔ ཡོད་མེད་གཉིས་སུ་ལྟ་བ་ཐང་རེ་ཆད༔ དངོས་པོ་མཚན་མར་འཛིན་པ་ཉོན་རེ་མོངས༔ སྤྲོས་མེད་བདེ་ཆེན་ཀློང་དུ་བཤགས་པར་བགྱི༔ ཀུན་ཏུ་བཟང་པོ་བཟང་ངན་མེད་པ་ལ༔ གཙང་དང་རྨེ་བར་ལྟ་བ་ཐང་རེ་ཆད༔ བཟང་ངན་གཉིས་སུ་འཛིན་པ་ཉོན་རེ་མོངས༔ ཀུན་བཟང་བདེ་ཆེན་ཀློང་དུ་བཤགས་པར་བགྱི༔ མཉམ་པ་ཉིད་ལ་ཆེ་ཆུང་མེད་པ་ལ༔ བདག་དང་གཞན་དུ་ལྟ་བ་ཐང་རེ་ཆད༔ ཆེ་ཆུང་གཉིས་སུ་འཛིན་པ་ཉོན་རེ་མོངས༔ མཉམ་ཉིད་བདེ་ཆེན་ཀློང་དུ་བཤགས་པར་བགྱི༔ བྱང་ཆུབ་སེམས་ལ་སྐྱེ་ཤི་མེད་པ་ལ༔ འདི་དང་ཕྱི་མར་ལྟ་བ་ཐང་རེ་ཆད༔ སྐྱེ་ཤི་གཉིས་སུ་འཛིན་པ་ཉོན་རེ་མོངས༔ འཆི་མེད་གཡུང་དྲུང་ཀློང་དུ་བཤགས་པར་བགྱི༔ ཐིག་ལེ་ཆེན་པོ་གྲྭ་ཟུར་མེད་པ་ལ༔ གཟུགས་དང་རྫས་སུ་ལྟ་བ་ཐང་རེ་ཆད༔ གྲྭ་ཟུར་དབྱིངས་སུ་འཛིན་པ་ཉོན་རེ་མོངས༔ ཀུན་ནས་ཟླུམ་པོ་ཐིག་ལེའི་ཀློང་དུ་བཤགས༔ དུས་གསུམ་འགྱུར་བ་མེད་པའི་ངང་ཉིད་ལས༔ ཐོག་མར་ཐ་མར་ལྟ་བ་ཐང་རེ་ཆད༔ འཕོ་འགྱུར་གཉིས་སུ་འཛིན་པ་ཉོན་རེ་མོངས༔ དུས་གསུམ་འགྱུར་བ་མེད་པའི་ཀློང་དུ་བཤགས༔ རང་བྱུང་ཡེ་ཤེས་རྩོལ་སྒྲུབ་བྲལ་བ་ལ༔ རྒྱུ་འབྲས་གཉིས་སུ་ལྟ་བ་ཐང་རེ་ཆད༔ རྩོལ་སྒྲུབ་གཉིས་སུ་འཛིན་པ་ཉོན་རེ་མོངས༔ རང་བྱུང་རྩོལ་མེད་ཀློང་དུ་བཤགས་པར་བགྱི༔ རིག་པ་ཡེ་ཤེས་རྟག་ཆད་བྲལ་བ་ལ༔ གཟུང་འཛིན་གཉིས་སུ་ལྟ་བ་ཐང་རེ་ཆད༔ རྟག་ཆད་གཉིས་སུ་འཛིན་པ་ཉོན་རེ་མོངས༔ རིག་པ་ཡེ་ཤེས་ཀློང་དུ་བཤགས་པར་བགྱི༔ ཆོས་ཉིད་རྣམ་དག་སྤྲོས་པ་མེད་པ་ལ༔ ཟུག་རྔུ་གཉིས་སུ་ལྟ་བ་ཐང་རེ་ཆད༔ མཐའ་དབུས་གཉིས་སུ་འཛིན་པ་ཉོན་རེ་མོངས༔ ཆོས་ཉིད་རྣམ་དག་ཀློང་དུ་བཤགས་པར་བགྱི༔ གཞལ་ཡས་ཁང་ལ་ཡངས་དོག་མེད་པ་ལ༔ ཕྱི་དང་ནང་དུ་ལྟ་བ་ཐང་རེ་ཆད༔ ཡངས་དོག་གཉིས་སུ་འཛིན་པ་ཉོན་རེ་མོངས༔ གཞལ་ཡས་ཡངས་དོག་མེད་པའི་ཀློང་དུ་བཤགས༔ ཡུམ་གྱི་མཁའ་ལ་མཐོ་དམན་མེད་པ་ལ༔ སྟེང་དང་འོག་ཏུ་ལྟ་བ་ཐང་རེ་ཆད༔ མཐོ་དམན་གཉིས་སུ་འཛིན་པ་ཉོན་རེ་མོངས༔ བྷ་ག་ཡངས་དོག་མེད་པའི་ཀློང་དུ་བཤགས༔ ཆོས་ཀྱི་སྐུ་ལ་གཉིས་སུ་མེད་པ་ལ༔ ཕྱི་དང་ནང་དུ་ལྟ་བ་ཐང་རེ་ཆད༔ སྣོད་བཅུད་གཉིས་སུ་འཛིན་པ་ཉོན་རེ་མོངས༔ ཆོས་སྐུ་འགྱུར་བ་མེད་པའི་ཀློང་དུ་བཤགས༔ མ་རིག་འཁྲུལ་པའི་སེམས་ཅན་སྙིང་རེ་རྗེ༔ གཟུགས་མེད་ཆོས་ལ་དངོས་པོ་མཚན་མར་འཛིན༔ གང་ཟག་འཁྲུལ་པའི་སེམས་ནི་ཡོང་རེ་གོལ༔ སྐྱེ་མེད་ཆོས་ལ་ང་དང་བདག་ཏུ་རྟོག༔ སྣང་སྲིད་སྒྱུ་མ་ཡིན་པར་མ་ཤེས་ཏེ༔ ཟང་ཟིང་ནོར་ལ་སེམས་ཀྱི་ཆགས་པ་སྐྱེས༔ འཁོར་བ་རང་བཞིན་མེད་པར་མ་ཤེས་པས༔ གཉེན་བཤེས་འཁྲུལ་པའི་གྲོགས་ལ་རྟག་པར་འཛིན༔ མི་ཤེས་སྐྱེ་བོའི་བློ་འདི་ཡོང་རེ་གོལ༔ བདེན་པའི་དོན་བོར་མི་དགེའི་ལས་ལ་བརྩོན༔ སྟོན་པའི་བཀའ་བོར་མི་ཆོས་གཡེང་བས་བསླུས༔ རང་རིག་དོན་མེད་གཡེང་བའི་ལས་ལ་བརྩོན༔ འདི་འདྲའི་དོན་མེད་སེམས་ཅན་སྙིང་རེ་རྗེ༔ དབྱེ་བསྲི་མེད་པའི་ཀློང་དུ་བཤགས་པར་བགྱི༔ ཞེས་ལྟ་བའི་བཤགས་པ་དང་༔ ཚོགས་དང་སྒྲུབ་པའི་དུས་སྐབས་སུ༔ སྨན་དང་རཀྟ་གཏོར་མ་དང་༔ མར་མེ་གསལ་བའི་མདངས་ཀྱིས་བསྐང་༔ དང་པོ་བདུད་རྩི་ཀ་པཱ་ལ༔ ཐོགས་ནས་འབུལ་བའི་སྟབས་ཀྱིས་བཏེགས༔ འདི་སྐད་བརྗོད་ལ་སྐོང་མཆོད་འབུལ༔ ཧཱུྃ༔ མ་བཅོས་རང་བྱུང་ཆེན་པོའི་རྫས༔ གདོད་ནས་དག་པས་གཙང་རྨེ་བྲལ༔ རྩ་བ་བརྒྱད་ལ་ཡན་ལག་སྟོང་༔ རིགས་ལྔ་རྒྱལ་བ་སྒྲུབ་པའི་རྫས༔ དམ་ཚིག་སྐོང་བའི་སྨན་ཆེན་འདིས༔ འོག་མིན་བརྡལ་ཁྱབ་ཆེན་པོ་ན༔ རང་བཞིན་བཞུགས་པའི་སངས་རྒྱས་རྣམས༔ ཡེ་ཤེས་ལྔ་ཡི་འོད་ཀྱིས་བསྐང་༔ ཀུན་བཟང་མཆོད་པའི་སྤྲིན་གྱིས་བསྐང་༔ ཐུགས་ཀྱི་དགོངས་པ་རྫོགས་པ་དང་༔ ཐུགས་རྗེའི་སྤྲུལ་པས་རིགས་དྲུག་སྒྲོལ༔ ཐོག་མའི་སངས་རྒྱས་འོད་མི་འགྱུར༔ ཀུན་ཏུ་བཟང་པོའི་ཐུགས་དམ་བསྐང་༔ རང་ལས་ཡེ་ཤེས་ཤར་བའི་སྐུ༔ ཞི་ཁྲོ་རབ་འབྱམས་ལྷ་ཚོགས་བསྐང་༔ ཐུགས་རྗེའི་སྤྲུལ་པས་འགྲོ་དོན་མཛད༔ རྡོ་རྗེ་འཆང་ནས་རིམ་པར་བྱོན༔ འགྲོ་བ་འདྲེན་པ་ཐམས་ཅད་ཀྱི༔ སྐུ་དང་ཞིང་ཁམས་མཆོད་པས་བསྐང་༔ ཐུགས་ཀྱི་དགོངས་པ་རྫོགས་གྱུར་ཅིག༔ དམ་ཚིག་ཉམས་ཆགས་བཤགས་པར་བགྱི༔ དེ་ནས་རཀྟ་ཐོགས་ལ༔ ཧཱུྃ༔ ཆོས་ཉིད་རླན་གྱི་ཡེ་ཤེས་ཆུ༔ ཐུགས་རྗེ་ཆགས་པས་ཁ་དོག་དམར༔ སྲིད་པ་སྐྱེད་པ་རྒྱུ་ཡི་ཁྲག༔ པདྨ་རཀྟ་རང་བྱུང་ཁྲག༔ ཞིང་བཅུ་བསྒྲལ་བ་སྲོག་གི་ཁྲག༔ རྩི་བཅུད་དམར་པོ་འབྱུང་བའི་ཁྲག༔ ཐམས་ཅད་དག་པ་དབང་གི་རྫས༔ མ་དག་ཁམས་གསུམ་འཁོར་བའི་རྒྱུ༔ ཧེ་རུ་ཀ་ཡི་དགོངས་པ་ཡིས༔ སྲིད་གསུམ་འཁོར་བའི་བག་ཆགས་བསྒྲལ༔ མཆོད་པའི་རྫས་སུ་བྱིན་བརླབས་ཏེ༔ ཡུམ་ཆེན་ཀུན་ཏུ་བཟང་མོ་ལ༔ ཡེ་ཤེས་འཆར་བའི་དོན་ཕྱིར་འབུལ༔ ཁྲག་འཐུང་ཁྲོ་བོའི་ཚོགས་རྣམས་ལ༔ ཐུགས་རྗེ་བསྐུལ་བའི་མཆོད་པར་འབུལ༔ མ་མོ་མཁའ་འགྲོ་ཐམས་ཅད་ལ༔ དམ་ཚིག་གསོ་བའི་རྫས་སུ་འབུལ༔ ཆོས་སྐྱོང་བཀའ་སྲུང་ཐམས་ཅད་ལ༔ ཕྲིན་ལས་མཛད་པའི་དོན་ཕྱིར་འབུལ༔ དམ་ཚིག་སྐོངས་ལ་དངོས་གྲུབ་སྩོལ༔ དེ་ནས་ཚོགས་དང་གཏོར་མ་ཐོགས། །ལྷ་ལ་འབུལ་ཞིང་འདི་སྐད་དོ། ཧཱུྃ༔ ཁམས་གསུམ་གསོ་བ་ཟས་ཀྱི་རྒྱུ༔ འབྲུ་དང་ཤིང་ཏོག་རོ་དྲུག་ཟས༔ ཞིང་བཅུ་བསྒྲལ་བའི་ཕུང་པོའི་ཤ༔ ཛ་གད་དཔའ་བོ་འབྲུ་ཡི་བཅུད༔ ཞལ་ཟས་འདོད་ཡོན་སྣ་ཚོགས་སུ༔ མོས་པས་བསམས་ཏེ་མཆོད་པ་འབུལ༔ ཆོས་ཀྱི་དབྱིངས་སུ་མོས་པས་འབུལ༔ ཞི་བའི་ལྷ་ལ་མཛེས་པར་འབུལ༔ ཁྲོ་བོའི་ལྷ་ལ་བརྗིད་པར་འབུལ༔ བླ་མ་རྣམས་ལ་མཉེས་པར་འབུལ༔ མཁའ་འགྲོ་རྣམས་ལ་དགྱེས་པར་འབུལ༔ བཀའ་སྲུང་རྣམས་ལ་ཚིམས་པར་འབུལ༔ དམ་ཚིག་སྐོང་བའི་རྟེན་དུ་འབུལ༔ དེ་ནས་མར་མེ་ཀོང་བུ་ཐོག་ལ༔ ཧཱུྃ༔ རྫས་ཀྱི་ཀོང་བུ་བརྒྱ་རྩ་རུ༔ གཙང་མའི་སྡོང་བུ་བརྒྱ་རྩ་བཙུགས༔ འབྱུང་བའི་གཅུད་མར་ཞུན་གྱིས་བཀང་༔ གསལ་བའི་མར་མེ་བརྒྱ་སྤར་ནས༔ དམ་ཚིག་ཉམས་ཆག་བསྐང་བའི་ཕྱིར༔ མོས་པས་རྒྱལ་བ་རྣམས་ལ་འབུལ༔ འོག་མིན་ཆོས་དབྱིངས་ཕོ་བྲང་ནས༔ ཡེ་ཤེས་འོད་ལྔ་བཀྲག་དང་ལྡན༔ ཞི་ཁྲོ་རབ་འབྱམས་ཐུགས་དམ་བསྐང་༔ སྙིང་ག་ཆོས་ཀྱི་ཕོ་བྲང་ནས༔ ཡེ་ཤེས་ས་བོན་ཐིག་ལེ་གསལ༔ རང་བྱུང་ཞི་བའི་ཐུགས་དམ་བསྐང་༔ ཀླད་པ་དུང་ཁང་ཕོ་བྲང་ནས༔ རང་རྩལ་དྲོད་ཀྱི་འོད་ཟེར་འབར༔ རང་བྱུང་ཁྲོ་བོའི་ཐུགས་དམ་བསྐང་༔ མོས་གུས་དད་པའི་སྣང་བ་ལ༔ རིག་པ་རང་བྱུང་འགག་མེད་གསལ༔ རྡོ་རྗེ་སློབ་དཔོན་ཐུགས་དམ་བསྐང་༔ རྩ་རླུང་ཐིག་ལེའི་དྭངས་པ་ལ༔ ཤེས་པ་རང་བྱུང་གསལ་ལེར་གནས༔ མ་མོ་མཁའ་འགྲོའི་ཐུགས་དམ་བསྐང་༔ འཇིག་རྟེན་སྲིད་པ་ཡངས་པ་ལ༔ གཟའ་སྐར་འོད་ཀྱི་ཐིག་ལེ་གསལ༔ ཕྱི་ཡི་དམ་ཅན་ཐུགས་དམ་བསྐང་༔ དམ་ཚིག་ཉམས་ཆག་ཐམས་ཅད་ཀུན༔ ཐུགས་དམ་དབང་གིས་དག་པར་མཛོད༔ མཆོག་དང་ཐུན་མོང་དངོས་གྲུབ་སྩོལ༔ སྐོང་བ་བསྡུས་པ་ནི༔ ཧཱུྃ༔ བཀའ་གསང་རྨད་དུ་བྱུང་བའི་དཀྱིལ་འཁོར་དུ༔ བླ་མ་ཡི་དམ་ལྷ་ཚོགས་ཡོངས་རྫོགས་ལ༔ རང་བྱུང་ཆོས་ཀྱི་དབྱིངས་ཀྱི་ཀོང་བུ་རུ༔ རིག་པའི་ཡེ་ཤེས་མར་མེ་བལྟམས་ཏེ་འབུལ༔ རྩ་བརྒྱད་ཡན་ལག་སྟོང་སྦྱར་ཨ་མྲྀ་ཏ༔ སྐུ་ལྔ་ཡེ་ཤེས་ཡོངས་རྫོགས་མཆོད་པར་འབུལ༔ གཏོར་གཞོང་རྣམ་དག་དཔལ་གྱི་གཏོར་མས་གཏམས༔ འདོད་ཡོན་ཡོངས་སུ་རྫོགས་པའི་མཆོད་པར་འབུལ༔ ཁམས་གསུམ་འཁོར་བ་ཡོངས་སྒྲོལ་མཁའ་དབྱིངས་དག༔ ཆགས་མེད་རཀྟ་དམར་གྱི་མཉེས་མཆོད་འབུལ༔ འབྲུ་གཅུད་སྟོང་ལ་སྦྱར་བའི་དཔའ་བོའི་རྫས༔ གཟི་བྱིན་བསྐྱེད་ཕྱིར་ཛ་གད་མཆོད་པར་འབུལ༔ ཨ་ལ་ལ་ཏེ་དགྱེས་པར་བཞེས་སུ་གསོལ༔ ཞེས་གསུངས་མཆོད་སྐོང་བསྡུས་པའོ༔ ས་མཱ་ཡ༔ རྒྱ་རྒྱ་རྒྱ༔ ན་རག་བཤགས་སྐོང་ཞི་ཁྲོ་གསང་བ་ཡོངས་རྫོགས་རང་ཤར་གཉིས་ལས་བསྟན་པ་ཕྱོགས་གཅིག་ཏུ་བསྡེབས་ཏེ་བསྲེ་སླད་ཚིག་གཅིག་ཙམ་ཡང་མེད་པར་ལྷག་བསམ་དག་པའི་སྒོ་ནས་པདྨའི་མིང་ཅན་གྱི་དགེ་གནས་སུ་བྲིས་པ་དགེའོ།། ༈ །།ལག་ལེན་རྒྱུག་བྱང་ནི། ཞི་ཁྲོའི་དཀྱིལ་འཁོར་དང་ཞི་གཏོར་དྲག་གཏོར་སྨན་རག་མར་མེ་སོགས་མཆོད་བཤམས་རྒྱས་པར་བཀའ་བརྒྱད་ནས་བཤད་པར་ལྟར་བྱ༔ ཆོ་ག་གང་རུང་གཞན་ལ་བརྟེན་ན་དཀྱིལ་འཁོར་སྨན་རག་གཏོར་མ་རྣམས་རང་གཞུང་དེ་ཉིད་སོར་བཞག་གི་སྟེང་དུ་མར་མེ་བརྒྱ་རྩ་སོགས་བཤམ་མོ། ཞི་ཁྲོའི་ལས་བྱང་གཞུང་བསྲང་འཛབ་བཟླས་མཆོད་བསྟོད་དབང་ཡིད་ལེན་རྣམས་ཚར་བའི་རྗེས་སུ་བཤགས་སྐོང་རྣམས་ཚར་མང་འདོན་རེ་རེ་ལྟར་མཆོད་ཁ་གསོ་བྲན་བྱིན་གྱིས་བརླབས་ཆོ་ག་གཞན་ལ་སྦྱར་བ་ཡིན་ན་སྐབས་དེར་དཀྱིལ་འཁོར་ལྷ་ཚོགས་རྟན་བརྟེན་པ་དང་བཅས་པ་ཐམས་ཅད་སྐད་ཅིག་གིས་འོག་ཞི་བའི་དཀྱིལ་འཁོར་དུ་ཞི་བ་ཞེ་གཉིས་ཀྱི་ལྷ་ཚོགས་དང་། སྟེང་ཁྲོ་དཀྱིལ་གྱི་དབུས་སུ་ཆེ་མཆོག་ལ་རིགས་ལྔ་ཁྲག་འཐུང་གིས་བསྐོར་བ། དེ་ཕྱིར་སྒྲུབ་སྡེ་བརྒྱད་ཀྱི་ལྷ་ཚོགས། དེ་ཕྱིར་རིམ་བཞིན་ཀཽའུ་རི་སེང་ཧ་སྒོ་མ་དབང་མོ་རྣམསཀྱིས་བསྐོར་བའི་རྣམ་པར་གནས་འགྱུར་བའི་སྟེང་འོག་བར་མཚམས་རྣམས་སུ་བླ་མ་ཡི་དམ་མཁའ་འགྲོ་ཆོས་སྐྱོང་སངས་རྒྱས་བྱང་སེམས་སོགས་སྐྱབས་གྱུར་མ་ལུས་པས་བསྐོར་ནས་བཞུགས་པར་བསམས་ལ། ཡེ་ཤེས་པ་སྤྱན་དྲངས་པ་དང་དབྱེར་མེད་དུ་བཞུགས་པའི་དྲུང་དུ་རང་གཞན་སེམས་ཅན་རྣམས་ཀྱི་ལུས་རྡུལ་སྙེད་དུ་སྤྲུལ་ཏེ་ཕྱག་འཚལ། ཡིག་བརྒྱ་བཤགས་པ་ཀློང་བཤགས་སྐོང་བཞི་བཅས་འདོན་ཞིང་གྲངས་བསོག་པ་སོགས་བྱེད། དེ་རྗེས་དཀྱིལ་འཁོར་གང་ཡིན་གྱིན་བདག་མདུན་གྱི་མདུན་དུ་སྔར་ལྟར་གསལ་བའི་ངང་ནས་ཚོགས་བསྐང་སོགས་རང་གཞུང་ལྟ་རབྱེད་པའོ། ཆོ་ག་དང་འབྲེལ་བར་ཆོས་སྤྱོད་རྒྱུན་འདོན་ལ་ཕྱག་ཡིག་བརྒྱ་བཤགས་པ་ཀློང་བཤགས་རྣམས་འདོན་ཞིང་བསྐང་བ་རྣམས་བཞག་གོ །རུ་ཟུང་བཞིའི་བཤགས་པ་ལ་ངོས་འཛིན་མི་འདྲ་བ་སྣང་ཡང་། འདིར་ལུས་ཀྱི་ཕྱག་རྒྱ། ངག་གི་ཡིག་བརྒྱ། ཡིད་ཀྱི་ཀློང་བཤགས་སྒོ་གསུམ་ཐ་མི་དད་ཀྱིས་དམ་ཚིག་གསོ་ཕྱིར་རྫོགས་པ་ཆེན་པོའི་ལྟ་བ་དང་བཞི་བཤགས་པ་རུ་བཞི་དང་། དེ་ལ་ཁ་བསྐང་སྨན་རཀྟ་མར་མེའི་བསྐོང་བཞི་དང་བཅས་རུ་ཟུང་བཞིར་ངེས་པའོ། །བསྐང་བ་འདི་ལ་མི་འདྲ་བ་རྒྱས་བསྡུས་མང་དུ་སྣང་ཡང་། འདི་ལུགས་ཀྱི་སྨན་གཏོར་རཀྟ་མར་མེའི་བསྐོང་བཞི་པོ་འདིས་ཁོངས་སུ་ཐམས་ཅད་ཀྱི་ངོ་བོ་ཚང་བར་འདུག་པས་ངེས་པར་མཛོད། དགེ་ལེགས་དཔལ་འབྱོར་བཀྲ་ཤིས་ནུབ་མེད་ཉིད་དུ་འཕེལ་གྱུར་ཅིག། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། །མངྒལཾ།། སྨོན་ལམ་རྡོ་རྗེ་སློབ་དཔོན་་་་གསུམ་པ་སྨོན་ལམ་གདབ་པ་ནི༔ རྡོ་རྗེ་སློབ་དཔོན་གྱི་མདུན་དུ་རིག་མ་རྣམས་རྒྱན་གྱིས་སྤྲས་ཤིང་ཐོད་ཆང་ཐོགས༔ མཆེད་ལྕམ་རྣམས་ཀྱིས་ལག་ཏུ་མར་མེ་དང་སྤོས་ཀྱི་རེང་བུ་ཐོགས་ཏེ༔ ཡིད་གཉིས་ཐེ་ཚོམ་མེད་པར་རྡོ་རྗེ་རྒྱལ་པོ་ཡབ་ཡུམ་རྣམས༔ འཕགས་པ་མ་རིག་མུན་སེལ་མངོན་སུམ་དུ་བསྒོམ་ཞིང་༔ མོས་གུས་ཀྱིས་གདུང་ཤུགས་བསྐྱེད་དེ༔ དབྱངས་སྙན་པོས་འདི་སྐད་དོ༔ ཧཱུྃ༔ དུས་གསུམ་རྒྱལ་བ་ཐམས་ཅད་བཞུགས་པའི་གནས༔ མ་རིག་མུན་སེལ་འཕགས་པའི་ལྷ་ཚོགས་དང་༔ སྟོན་པ་རྡོ་རྗེ་རྒྱལ་པོ་ཡབ་ཡུམ་རྣམས༔ མཆེད་དང་ལྕམ་དྲལ་འདུས་པ་རྒྱ་མཚོའི་ཚོགས༔ མ་ལུས་ཐམས་ཅད་བདག་ལ་བརྩེར་དགོངས་ནས༔ བྱང་ཆུབ་མཆོག་གི་དཀྱིལ་འཁོར་འདིར་བཞུགས་ཏེ༔ བདག་གི་སྨོན་ལམ་འགྲུབ་པའི་དཔང་པོར་མཛོད༔ རྡོ་རྗེ་རྒྱལ་པོ་སངས་རྒྱས་འདུས་པའི་དཔལ༔ རྒྱལ་བའི་ཡུམ་མཆོག་རྒྱལ་བ་བསྐྱེད་པའི་ཡུམ༔ ཐུགས་སྤྲུལ་རྒྱལ་སྲས་བྱང་སེམས་བསྟན་པའི་བཙས༔ མཆེད་ལྕམ་དམ་ཚིག་གཅིག་པའི་རིག་འཛིན་ཚོགས༔ དེང་ནས་བཟུང་སྟེ་བྱང་ཆུབ་མ་ཐོབ་བར༔ མི་འབྲལ་སྤྱི་གཙུག་རྒྱན་དུ་འགྲོགས་པར་ཤོག༔ བདག་གི་དུས་གསུམ་ཀུན་ཏུ་སྒོ་གསུམ་ཡུལ༔ ཐ་ན་རྨི་ལམ་གཉིད་དུ་འབྲེང་བའི་ཚེ༔ བླ་མ་ཡབ་ཡུམ་མཆེད་ལྕམ་མཐོང་བར་ཤོག༔ སྐུ་གསུང་ཐུགས་ཀྱི་དགྱེས་པ་ཀུན་འགྲུབ་ཅིང་༔ དད་གུས་གདུང་བའི་སྲི་ཞུས་བསྟེན་པར་ཤོག༔ ཚེ་འདིའི་སྣང་བ་ནུབ་པར་གྱུར་པའི་ཚེ༔ འཆི་བ་དང་པོ་འོད་གསལ་ཆོས་ཀྱི་སྐུ༔ ངོ་ཤེས་རྩལ་རྫོགས་བརྟན་པ་ཐོབ་ནས་ཀྱང་༔ ཆོས་སྐུ་འོད་དཔག་མེད་དང་དབྱེར་མེད་པར༔ ཀ་དག་ཆོས་སྐུའི་དབྱིངས་སུ་གྲོལ་བར་ཤོག༔ རང་རིག་ཆོས་སྐུར་རང་རྩལ་མ་རྫོགས་ནས༔ བར་དོའི་སྣང་ཤེས་རང་སྣང་ལྷར་ཤར་ན༔ རང་སེམས་དག་པའི་རྩལ་དུ་ངོ་འཕྲོད་དེ༔ སྒྲ་འོད་ཟེར་གསུམ་མདངས་ལྡན་རང་སྒྲར་བཅས༔ ལྔ་ལྡན་ལོངས་སྐུའི་ཞིང་དུ་གྲོལ་བར་ཤོག༔ དེ་ལྟར་རང་རིག་ཚད་ལ་མ་ཕེབས་ནས༔ སྲིད་པ་བར་དོའི་འཁྲུལ་པས་གཡེངས་གྱུར་ན༔ རྡོ་རྗེ་རྒྱལ་པོ་ཡབ་ཡུམ་རྗེས་དྲན་ཏེ༔ སྣང་གསལ་མར་མེ་འདི་ཡིས་རྒྱུད་བརྟེན་ནས༔ དཔའ་བོ་མཁའ་འགྲོའི་ཚོགས་ཀྱིས་ཡོངས་བསྐོར་ཏེ༔ མཁའ་སྤྱོད་དག་པའི་གནས་སུ་གྲོལ་བར་ཤོག༔ ལས་ཀྱི་དབང་གིས་རིགས་དྲུག་ཡུལ་མཐོང་ཞིང་༔ བག་ཆགས་དབང་གིས་འཁོར་བ་འདིར་འཁྱམས་ཀྱང་༔ བསྐྱེད་རྫོགས་ཟབ་མོ་འདི་ཡིས་མཚམས་སྦྱར་ནས༔ དལ་འབྱོར་བཅོ་བརྒྱད་ལྡན་པའི་ལུས་ཐོབ་སྟེ༔ དཀྱིལ་འཁོར་གཅིག་ཏུ་ཚོགས་པའི་རྟེན་འབྲེལ་དང་༔ མར་མེ་གཅིག་ལ་བལྟས་པའི་ཏིང་འཛིན་གྱིས༔ མི་འབྲལ་ཚོམ་བུ་གཅིག་ཏུ་འཚོགས་པར་ཤོག༔ དེ་ཚེ་འཕགས་མཆོག་ཡི་དམ་ལྷར་འགྱུར་ཞིང་༔ རྡོ་རྗེ་སློབ་དཔོན་བྱམས་པའི་སྐུ་དྲིན་གྱིས༔ ཐོས་བསམ་བསྒོམ་གསུམ་ཡང་དག་རང་རྒྱུད་ལྡན༔ ཚུལ་བཞིན་སྤྱོད་ལ་ཉེར་འཚེ་ཀུན་ཞི་ཞིང་༔ བསྒྲུབ་པའི་འབྲས་བུ་མཐར་ཕྱིན་འགྲུབ་པར་ཤོག༔ དངོས་གྲུབ་རྣམ་གཉིས་མཆོག་གི་ནོར་འཆང་ཞིང་༔ མ་དག་འགྲོ་བ་དྲུག་གི་ཁམས་རྣམས་སུ༔ རྒྱལ་རིགས་རྗེའུ་རིགས་རྨོངས་རིགས་བྲམ་ཟེའི་རིགས༔ གདོལ་པ་བུད་མེད་ཁྱེའུ་དགེ་སྦྱོང་དང་༔ ཀུན་ཏུ་རྒྱུ་དང་བསླབ་གནས་རིག་བྱེད་མཁན༔ རིགས་ཀྱིས་བཀུར་བ་དང་ནི་མ་བཀུར་བ༔ སྨད་དང་བསྟོད་དང་ནད་པ་ཆོས་སྨྲ་དང་༔ བྱ་དང་རི་དྭགས་གྲོང་ཁྱེར་སློང་མོ་བ༔ གང་ལ་གང་འདུལ་དེ་ལ་དེར་མཐུན་དུ༔ སྣ་ཚོགས་གཟུགས་ཀྱིས་འགྲོ་བ་འདུལ་བར་ཤོག །སྦྱིན་དང་སྙན་སྨྲ་དོན་མཐུན་དོན་སྤྱོད་སོགས༔ བསྡུ་བ་རྣམ་པ་བཞི་ཡི་དཔུང་གྲོགས་བཅས༔ ཐབས་ལ་མཁས་པའི་རྣམ་གྲང་དཔག་མེད་ཀྱིས༔ རང་སྐལ་གང་ལྡན་ཆོས་ཀྱི་ཆར་འབེབས་ཤིང་༔ ཕ་མ་འགྲོ་དྲུག་འཁོར་བ་ལས་བསྒྲལ་ཞིང་༔ མ་རིག་མུན་པའི་སྒྲོན་མེ་བྱེད་པར་ཤོག༔ སྣང་སྲིད་འཁོར་འདས་ཆོས་དབྱིངས་ཡེ་གནས་ཀློང་༔ མ་རིག་དག་པ་རང་བྱུང་རྡོ་རྗེ་མཆོག༔ བྱ་རྩོལ་མེད་པ་འགྲོ་ཀུན་ཕྱམ་གཅིག་ཏུ༔ རིགས་བདག་ཡི་དམ་ལྷ་དང་གཉིས་མེད་པར༔ གཉིས་སུ་མེད་པའི་འབྲས་བུ་ཐོབ་པར་ཤོག༔ ཅེས་སྨོན་ལམ་གདབ་བོ༔ ནམ་མཁའི་མཐའ་ཐུག་མཐའ་ཡས་སེམས་ཅན་རྣམས༔ མ་འབད་བཞིན་དུ་སྐུ་གསུམ་མངོན་གྱུར་ཏེ༔ ཕ་མ་འགྲོ་དྲུག་སེམས་ཅན་མ་ལུས་པ༔ ཕྱམས་གཅིག་གདོད་མའི་ས་ལ་ཕྱིན་པར་ཕྱོག༔ ཅེས་སྨོན་ལམ་གདབ་པར་བྱའོ༔ མངྒལཾ༔ རཱུ་ཏྲའི་སྨེ་བཤགས།བཞི་བ་རཱུ་ཏྲའི་སྨེ་བཤགས་ནི༔ ཨོཾ༔ ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམས༔ དྲི་མེད་དུང་མདོག་མཆོག་ཏུ་གཟུགས་བཟང་བ༔ རྣམ་དག་འོད་གསལ་ཉི་ཟླ་འབུམ་གདལ་བཞིན༔ དཔའ་བོ་འོད་ཟེར་སྟོང་ཁམས་ལམ་མེ་བ༔ སྲིད་པ་གསུམ་གྱི་ས་མཁན་སྟོན་པར་གྲགས༔ ཁམས་གསུམ་འགྲོ་བ་ཀུན་གྱི་གཉེན་གཅིག་པུ༔ བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལ༔ བདག་ནི་ཐོག་མ་མེད་པའི་དུས་མཐའ་ནས༔ ལམ་ལོག་ལམ་སྟོར་སྲིད་པའི་འཁོར་བར་འཁྱམས༔ སྔོན་ཚེ་ལས་ལོག་སྡིག་པ་སྤྱད་པས་ནོངས༔ སྡིག་པའི་ལས་རྣམས་ཅི་སྤྱད་རབ་གནོང་འགྱོད༔ དར་ཅིང་དྲག་པོའི་ལས་དབང་དེ་བཙན་ནས༔ འཁོར་བ་སྡུག་བསྔལ་རྒྱ་མཚོར་བྱིངས་གྱུར་ཏེ༔ ཞེ་སྡང་འབར་བའི་མེས་ནི་རང་རྒྱུད་བསྲེགས༔ གཏི་མུག་མུན་པ་འཐིབས་པས་ཤེས་རབ་རྨོངས༔ འདོད་ཆགས་རྒྱ་མཚོའི་འགྲམ་དུ་རྣམ་ཤེས་བྱིངས༔ ང་རྒྱལ་དྲག་པོའི་རི་བོས་ངན་འགྲོར་མནན༔ ཕྲག་དོག་རླུང་དམར་འཚུབ་མས་འཁོར་བར་གཡེངས༔ བདག་ཏུ་ལྟ་བའི་མདུདཔ་དམ་པོས་བཅིངས༔ འདོད་པ་མེ་འདག་དོང་འདྲའི་འོབས་སུ་ལྷུང་༔ སྡུག་བསྔལ་དྲག་པོ་མི་བཟོད་ཆར་ལྟར་འབེབས༔ འདི་འདྲའི་སྡུག་བསྔལ་ཤིན་ཏུ་བཟོད་དཀའ་ཞིང་༔ སྡིག་པའི་ལས་དབང་དྲག་པོའི་མེ་འབར་བས༔ རྣམ་ཤེས་དབང་པོའི་མྱུ་གུ་གདུང་གྱུར་ཏེ༔ ཕུང་པོ་སྒྱུ་མའི་ལུས་ཀྱིས་མི་བཟོད་ན༔ བྱམས་མགོན་ཐུགས་རྗེ་ཅན་གྱིས་མཟོད་ལགས་སམ༔ བདག་ནི་བླུན་རྨོངས་ལས་ངན་སྡིག་པོ་ཆེ༔ ལས་ཀྱི་དབང་གིས་འདོད་ཁམས་རཱུ་ཏྲར་སྐྱེས༔ སྐྱེས་པས་འགྱོད་དོ་ལས་ལ་ཡི་རེ་ཆད༔ ཡི་ཆད་འགྱོད་ཀྱང་ལས་ལ་བཅོས་སུ་མེད༔ ལས་ཀྱི་ཤུགས་ནི་ཆུ་བོའི་གཞུང་དང་འདྲ༔ ལས་དབང་ཆུ་ཀླུང་འཕྲལ་དུ་ག་ལ་བཟློག༔ རྣམ་སྨིན་ཐམས་ཅད་རང་གི་ལས་ལས་བྱུང་༔ ལས་ཀྱི་རླུང་དམར་དྲག་པོ་དེས་བདས་པས༔ བདག་ནི་དེ་སྔོན་བསྐལ་པ་གྲངས་མེད་དུ༔ འཁོར་བའི་བཙོན་རར་མུན་པར་འཁྱམས་པ་ལས༔ བྱམས་མགོན་ཁྱེད་ཀྱི་ཐུགས་རྗེའི་བྱིན་རླབས་ཀྱིས༔ ལས་དང་ཉོན་མོངས་སྒྲིབ་པ་གནས་སྦྱངས་ནས༔ མ་ལྟར་བྱམས་པའི་ཞབས་དྲུང་ད་ལྟར་འཁོད༔ ཉི་ལྟར་འོད་འབར་ཟླ་ལྟར་མདངས་གསལ་བའི༔ ཐུགས་རྗེའི་ཞལ་ཉིད་ལྟ་བས་མི་ངོམས་ཀྱང་༔ ཐོག་མ་མེད་ནས་མ་རིག་ལིང་ཐོག་གིས༔ ལྡོངས་བའི་ཆུ་བུར་མིག་གིས་མ་མཐོང་ན༔ འགྲོ་བའི་མགོན་ཁྱོད་དེ་སྔ་གང་ན་བཞུགས༔ ལས་དབང་དྲག་པོ་ཤིན་ཏུ་མི་བཟད་པས༔ ཤིན་ཏུ་སྐྲག་ཅིང་སྐྱི་གཡའ་རབ་འཇིགས་ནས༔ དུང་དུང་གདུང་བའི་སྨྲེ་སྔགས་འདི་འདོན་ཅིང་༔ ཉམ་ཐག་འཕོངས་པའི་ང་རོས་འབོད་ལགས་ན༔ བྱམས་མགོན་ཐུགས་རྗེས་དུས་འདིར་མ་དགོངས་ན༔ ནམ་ཞིག་འཆི་འཕོ་ལུས་སེམས་བྲལ་བའི་ཚེ༔ གཉེན་བཤེས་གྲོགས་དང་བྲལ་ནས་གཤིན་རྗེས་འཁྲིད༔ དེ་ཚེ་འཇིག་རྟེན་ཉེ་དུས་མི་སྟོངས་ཏེ༔ ལས་ཀྱི་དབང་གིས་བདག་ཉིད་གཅིག་པུར་འཁྲིད༔ དུས་དེར་བདག་ལ་མགོན་སྐྱབས་མ་མཆིས་ཀྱིས༔ གང་གི་ཕྱི་བཤོལ་དུས་ལས་མ་གཡེལ་བར༔ ད་ལྟ་ཉིད་དུ་བཏུད་དེ་མངོན་སྤྱོད་མཛོད༔ ལས་ཀྱིས་མནར་བའི་སྐྱེ་བོ་བདག་འདྲ་བ༔ ཐོག་མ་མེད་པའི་དུས་ནས་ལོག་རྟོག་པས༔ ཁམས་གསུམ་འཁོར་བའི་གནས་ནས་མ་ཐར་ཏེ༔ བསྐལ་པ་གྲངས་མེད་སྐྱེ་བ་ཇི་སྙེད་དུ༔ རྡོས་པོ་ཅན་ལུས་གྲངས་མེད་བླངས་གྱུར་པའི༔ ཤ་རུས་བསོགས་ན་འཇིག་རྟེན་གཏོས་དང་མཉམ༔ རྣག་ཁྲག་བསོགས་ན་རྒྱ་མཚོ་ཆེན་པོ་ཙམ༔ ལས་འཕྲོ་བསོགས་ན་བསམ་འདས་བརྗོད་མི་ལང་༔ ཁམས་གསུམ་བགྲངས་ཤིང་སྐྱེ་ཤིའི་ཁ་བརྒྱུད་ཀྱང་༔ བྱས་པའི་ལས་རྣམས་དོན་མེད་ཆུད་རེ་ཟོས༔ སྐྱེ་བ་གྲངས་མེད་ཇི་སྙེད་དེ་ཙམ་ལ༔ སྐྱེ་བ་ཚེ་གཅིག་ཁོ་ན་ཙམ་གྱི་ལས༔ བླ་མེད་བྱང་ཆུབ་དོན་དུ་རབ་སྤྱད་ན༔ དེ་ཙམ་བྱས་པའི་ལས་ལ་དོན་ཡོད་པས༔ དོན་གྱི་ཡོང་ཡེ་མྱ་ངན་འདས་ཟིན་ན༔ ལས་ཀྱི་དབང་བཙན་ཉོན་མོངས་སྟོབས་ཆེ་བས༔ ཤ་ཁྲག་དྲ་བའི་ལུས་བླངས་འཁོར་བར་འཁྱམས༔ སྡུག་བསྔལ་བཟོད་དཀའ་སྲིད་པའི་བཙོན་རར་ཚུད༔ མི་བཟད་དྲག་པོའི་སྡུག་བསྔལ་འདི་ལྟ་བུ༔ ཉེས་བྱས་ཐམས་ཅད་རང་གི་ལས་ལས་བྱུང་༔ ཐུགས་རྗེ་ཆེན་པོས་ལས་ངན་རྒྱུན་བཅད་དེ༔ ཉོན་མོངས་ལས་ཀྱི་རླུང་འདི་བཟློག་ཏུ་གསོལ༔ མ་རིག་ལོག་པའི་ལས་ཀྱི་དབང་བཙན་ནས༔ མི་ཤེས་མུན་པའི་ནང་དུ་གཏན་འཁྱམས་ན༔ ཡེ་ཤེས་སྒྲོན་མེའི་ཟེར་གྱིས་མི་སྟོངས་སམ༔ ཉེས་བྱས་ལས་ཀྱི་རྣམ་སྨིན་མི་བཟོད་ན༔ ཐུགས་རྗེ་ཆེན་པོའི་པྲིན་ལས་མི་མཛད་དམ༔ ཕྱིན་ཅི་ལོག་གི་གཡང་སར་ལྟུང་ལགས་ན༔ ཐུགས་རྗེའི་མྱུར་མགྱོགས་ཕྱག་གིས་མི་འཛིན་ནམ༔ དུག་གསུམ་བཟོད་དཀའི་ནད་ཀྱིས་གདུང་ལགས་ན༔ཐབས་མཁས་ཐུགས་རྗེའི་སྨན་གྱིས་མི་གསོའམ༔ ལས་ཀྱི་རྣམ་སྨིན་སྡུག་བསྔལ་མེ་འབར་ན༔ ཐུགས་རྗེ་བསིལ་བའི་ཆུ་རྒྱུན་མི་འབེབས་སམ༔ སྡུག་བསྔལ་འཁོར་བའི་འདམ་དུ་བྱིངས་གྱུར་ན༔ ཐབས་མཁས་ཐུགས་རྗེའི་ལྕགས་ཀྱུས་མི་འདྲེན་ནམ༔ ཁམས་གསུམ་འཁོར་བའི་གནས་ནས་སྦྱངས་སྦྱངས་ནས༔ ནམ་ཞིག་རང་གི་འབྲས་བུ་ཐོབ་པའི་ཚེ༔ འཕགས་པའི་ཐུགས་རྗེས་ཅི་འཚལ་དོན་མ་མཆིས༔ བདག་ཉིད་ལས་འཕྲོ་དབང་བཙན་བཞག་ན་ལྟ༔ ཐུགས་རྗེ་ཆེ་ཞེས་སུ་ལ་ཅི་ཞིག་བགྱི༔ དཔའ་བོ་ཁྱེད་ལ་ཐུགས་རྗེའི་སྟོབས་མངའ་ཞིང་༔ སྔོན་འབྱུང་འབྲེལ་བའི་ལས་ཀྱི་འཕྲོ་བཙན་ན༔ ཡལ་ཡོལ་བཏང་སྙོམས་ལེ་ལོ་མ་མཛད་པར༔ སྙིང་ནས་ད་གཟིགས་ཐུགས་རྗེ་རྒྱལ་བའི་ལྷ༔ འཁོར་བའི་འདམ་ནས་དྲངས་ཏེ་སྐུ་གསུང་གྱི༔ གོ་འཕང་མཆོག་ལ་མྱུར་དུ་དྲང་དུ་གསོལ༔ བདེ་གཤེགས་སྤྱི་བཤགས།དྲུག་པ་བདེ་གཤེགས་སྤྱི་བཤགས་འདི་སྐད་དོ༔ ཨོཾ༔ དུས་གསུམ་བདེ་གཤེགས་རྒྱལ་བ་འཁོར་དང་བཅས༔ རྡོ་རྗེ་དམ་ཅན་མ་ལུས་དགོངས་སུ་གསོལ༔ དང་པོ་བྱང་ཆུབ་མཆོག་ཏུ་སེམས་བསྐྱེད་དེ༔ སྒྲུབ་པའི་རིག་འཛིན་བྱང་ཆུབ་གོ་འཕང་དུ༔ སྐུ་གསུང་ཐུགས་ཀྱི་རྡོ་རྗེ་སྒྲུབ་པའི་ཕྱིར༔ ཡི་དམ་ལྷ་དང་རྡོ་རྗེ་སློབ་དཔོན་དང་༔ གསང་བའི་དམ་ཚིག་གྲངས་སུ་མནོས་བ་ལས༔ དམ་བཅས་བཀའ་ལས་འདའ་བར་མི་བགྱིད་དེ༔ ལས་དང་སྐལ་བས་དམྱལ་བར་སྐྱེ་བར་འགྱུར༔ འདོད་ཆགས་ཞེ་སྡང་གཏི་མུག་ང་རྒྱལ་དང་༔ ཕྲག་དོག་ལ་སོགས་ཤོར་ནས་ནོངས་བགྱིས་པ༔ རྡོ་རྗེ་སློ་དཔོན་བསྟན་པའི་སྒྲོན་མེ་ལ༔ སྙིང་ནས་སྨད་ཅིང་དམ་ཚིག་ཉམས་པ་དང་༔ དམ་ཚིག་གཅིག་པའི་རྡོ་རྗེ་སྤུན་རྣམས་ལ༔ ངན་སེམས་ལོག་པར་ལྟ་བ་ལ་སོགས་པ༔ སྐུ་ཡི་དམ་ཚིག་ཉམས་པ་མཐོལ་ལོ་བཤགས༔ ཡི་དམ་ལྷ་ཡི་ཕྱག་རྒྱ་མ་གསལ་ཞིང་༔ སྔགས་ཀྱི་བསྙེན་པ་གྲངས་ལས་ཆང་བ་དང་༔ དུས་དྲུག་ལས་ཀྱི་མཆོད་པའི་ཁྱད་པར་དུ༔ བསྙེན་སྒྲུབ་བསྐང་བའི་ཆོ་ག་མ་བགྱིས་ཏེ༔ བཀའ་ལྟར་མ་ལྕོགས་གཞུང་བཞིན་རྔོ་མ་ཐོགས༔ གསུང་གི་དམ་ཚིག་ཉམས་པ་མཐོལ་ལོ་བཤགས༔ རྡོ་རྗེ་སློབ་དཔོན་བྱམས་པའི་སྐུ་དྲིན་གྱིས༔ སྙན་ཁུང་བརྒྱུད་ནས་སེམས་ཀྱི་དཀྱིལ་དུ་བཞག༔ ཐུགས་ཀྱི་མན་ངག་སྟེར་ནས་དམ་ཚིག་སྨོད༔ གསང་མཚམས་འདས་ནས་འཆོལ་བར་སྨྲ་ལ་སོགས༔ ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས༔ ཆོས་རྣམས་མཉམ་པ་ཉིད་དུ་མ་རྟོགས་ཏེ༔ ཡན་ལག་དམ་ཚིག་ཉམས་པ་མཐོལ་ལོ་བཤགས༔ ལེ་ལོ་སྙོམས་ལས་གཉིད་ཀྱི་དབང་གྱུར་ཏེ༔ བསྙེན་བསྒྲུབ་དམ་ཚིག་ཉམས་པ་མཐོལ་ལོ་བཤགས༔ ལུས་ངག་ཡིད་ཀྱི་བསྒྲུབ་བྱ་འདས་པ་ཡིས༔ སྐུ་གསུང་ཐུགས་ཀྱི་དམ་ཚིག་ཉམས་པ་བཤགས༔ རྗེ་བཙུན་བླ་མ་རྣམས་ཀྱི་སྤྱན་ལམ་དུ༔ ཡོ་བྱད་འབྱོར་ཚོགས་ཆུང་བ་མཐོལ་ལོ་བཤགས༔ ཡི་དམ་ལྷ་ཚོགས་རྣམས་ཀྱི་སྤྱན་ལམ་དུ༔ མངོན་རྟོགས་སྤོང་ལེན་བགྱིས་པ་མཐོལ་ལོ་བཤགས༔ མཁའ་འགྲོ་སྡེ་བཞི་རྣམས་ཀྱི་སྤྱན་ལམ་དུ༔ ཁས་བླངས་དམ་བཅའ་ཉམས་པ་མཐོལ་ལོ་བཤགས༔ ཆོས་སྐྱོང་སྲུང་མ་རྣམས་ཀྱི་སྤྱན་ལམ་དུ༔ གཏོར་མ་ལོ་ཟླར་འགྱངས་པ་མཐོལ་ལོ་བཤགས༔ དུས་གསུམ་ཕ་མ་རྣམས་ཀྱི་སྤྱན་ལམ་དུ༔ དྲིན་ལ་ལན་གྱིས་མ་ལོན་མཐོལ་ལོ་བཤགས༔ མཆེད་དང་ལྕམ་དྲལ་རྣམས་ཀྱི་སྤྱན་ལམ་དུ༔ དམ་ཚིག་བརྩེ་གདུང་ཆུང་བ་མཐོལ་ལོ་བཤགས༔ འགྲོ་དྲུག་སེམས་ཅན་རྣམས་ཀྱི་སྤྱན་ལམ་དུ༔ སྙིང་རྗེ་ཕན་སེམས་ཆུང་བ་མཐོལ་ལོ་བཤགས༔ སོ་སོ་ཐར་པ་རྣམས་ཀྱི་སྡོམ་པ་དང་༔ བྱང་ཆུབ་སེམས་དཔའ་རྣམས་ཀྱི་བསླབ་པ་དང་༔ རིག་འཛིན་སྔགས་ཀྱི་དམ་ཚིག་ལ་སོགས་པ༔ འགལ་ཞིང་ཉམས་པ་ཐམས་ཅད་མཐོལ་ལོ་བཤགས༔ མི་འཆབ་མི་སྦེད་སླན་ཆད་སྡོམ་པར་བགྱི༔ དུས་གསུམ་བསགས་པའི་སྡིག་སྒྲིབ་མཐོལ་བཤགས་ན༔ ཚངས་པར་མཛད་ནས་སྐུ་གསུང་ཐུགས་ལ་སོགས༔ མཆོག་དང་ཐུན་མོངས་དངོས་གྲུབ་སྩལ་དུ་གསོལ༔ ཞི་ཁྲོ་ན་རག་དོང་སྤྲུགས་རྣལ་འབྱོར་གྱི་སྤྱི་ཁྲུས་འགྱོད་ཚངས་ཀྱི་ཆོ་ག་དྲི་མེད་བཤགས་རྒྱུད།༁ྃ༔ ཞི་ཁྲོ་ན་རག་དོང་སྤྲུགས་རྣལ་འབྱོར་གྱི་སྤྱི་ཁྲུས་འགྱོད་ཚངས་གྱི་ཆོ་ག་དྲི་མེད་བཤགས་རྒྱུད་ཅེས་བྱ་བ་བཞུགས་སོ།། །། ༁ྃ༔ བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ༔ རྡོ་རྗེ་པདྨ་འབྱུང་གནས་ངས༔ སྐྱོ་ངལ་མེད་བའི་མཚོ་རྒྱལ་ལ༔ ན་རག་གནས་ཀྱང་དོང་སྤྲུགས་པའི༔ ཉུང་བསྡུས་མན་ངག་ཟབ་མོ་འདི༔ རྒྱུན་གྱི་ཡི་དམ་ནང་མར་གདམས༔ འདི་ཡི་ཕན་ཡན་བསྟན་པ་ནི༔ རྒྱལ་བ་དགོངས་པ་འདུས་པ་ཡི༔ ཀློང་ཆེན་རྒྱུད་དབང་འདི་སྐད་གསུངས༔ སྒྱུ་འཕྲུལ་རྒྱལ་བ་ཞི་ཁྲོ་ཡི༔ དཀྱིལ་འཁོར་ལྷ་ཚོགས་འདི་དག་གི༔ མཚན་རྣམས་ལན་གཅིག་བརྗོད་བྱེད་ཅིང་༔ མཚམས་མེད་ལྔ་ཡི་སྡིག་པ་བྱང་༔ དམ་ཚིག་སྡོམ་པ་སོར་ཆུད་ནས༔ ན་རག་གནས་ཀྱང་དོང་སྤྲུགས་ཏེ༔ མཆོག་དང་མཐུན་མོང་དངོས་གྲུབ་ཐོབ༔ ཚེ་འདིར་བདེ་ལེགས་ཕུན་སུམ་ཚོགས༔ ཚེ་འདས་སྐུད་དུང་རིང་བསྲེལ་འབྱུང་༔ ཕྱི་མ་རིག་འཛིན་ཞིང་དུ་འགྲོ༔ དེ་སྐད་ཀློང་ཆེན་རྒྱུད་ནས་གསུངས༔ དེ་ཕྱིར་སྔགས་ཀྱི་སྒོར་ཞུགས་ནས༔ རྒྱལ་བ་ཞི་ཁྲོའི་ལྷ་ཚོགས་ལ༔ ཉམས་ཆགས་བསྐང་ཕྱིར་ཕྱག་འཚོལ་ཤིག༔ ཨེ་མ་ཧོ༔ ཆོས་དབྱིངས་རབ་འབྱམས་རྒྱལ་བའི་དཀྱིལ་འཁོར་ནས༔ ཕྱོགས་བཅུ་དུས་བཞི་རྒྱལ་བ་སྲས་དང་བཅས༔ ཐུགས་རྗེ་འགྲོ་བའི་དོན་དུ་གཤེགས་སུ་གསོལ༔ རིན་ཆེན་པདྨ་ཉི་ཟླའི་གདན་ལ་བཞུགས༔ ཀུན་བཟང་མཆོད་པའི་སྤྲིན་གྱིས་མཆོད་པར་བགྱི༔ ཨ་ལ་ལ་ཧོ༔ དོན་དམ་ཆོས་དབྱིངས་ཡུམ་གྱི་བྷ་གའི་ཀློང་༔ མཁའ་དབྱིངས་ཡངས་པའི་དཀྱིལ་འཁོར་ཆེན་པོ་ན༔ བཞུགས་པའི་ཕྱོགས་བཅུ་དུས་གསུམ་བདེ་བར་གཤེགས༔ རྒྱལ་བ་རྒྱ་མཚོའི་ཚོགས་ལ་ཕྱག་འཚལ་ལོ༔ ཨ་ལ་ལ་ཧོ༔ ཞི་བ་ལྷུན་གྱིས་གྲུབ་པའི་དཀྱིལ་འཁོར་ནས༔ གསལ་འཚེར་ལྷུན་སྡུག་གཟི་བརྗིད་རབ་ཏུ་འཕྲོ༔ མཉེན་ལྕགས་འཁྲིལ་ལྡེམ་ཞི་བའི་ཚུལ་དགུ་ལྡན༔ སངས་རྒྱས་བཞི་བཅུ་གཉིས་ལ་ཕྱག་འཚལ་ལོ༔ ཨ་ལ་ལ་ཧོ༔ ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་༔ བྱ་བ་བྱེད་དང་ཡིད་ཆོས་རྣམ་པར་དག༔ ཆོས་དབྱིངས་ཡེ་ཤེས་མཆོག་ལ་མངའ་བརྙེས་པ༔ ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོ༔ ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་༔ གཟུགས་སྐུ་འཇའ་ཚོན་བཞིན་དུ་སོ་སོར་གསལ༔ ཐབས་དང་ཤེས་རབ་མཆོག་ལ་མངའ་བརྙེས་པ༔ རིགས་ལྔ་བདེ་བར་གཤེགས་ལ་ཕྱག་འཚལ་ལོ༔ ངོ་མཚར་ཕོ་བྲུང་བདེ་བར་གཤེགས་པའི་ཡུམ༔ དུས་གསུམ་རྒྱལ་བ་ཐམས་ཅད་བསྐྱེད་མཛད་ཅིང༔ བདེ་སྟོང་ཟུང་འཇུག་ཡབ་ཀྱི་སྐུ་ལ་འཁྲིལ༔ རིགས་ཀྱི་ཡུམ་མཆོག་རྣམས་ལ་ཕྱག་འཚལ་ལོ༔ རྣམ་ཤེས་དབང་པོ་དག་པའི་སྐུ་གསུང་ཐུགས༔ བདེ་བར་གཤེགས་པ་རྣམས་ཀྱི་སྲས་མཆོག་སྟེ༔ ཉོན་མོངས་སྤྱོད་པའི་སྐྱོན་དང་བྲལ་བ་ཡི༔ སེམས་དཔའ་ཆེན་པོ་བརྒྱད་ལ་ཕྱག་འཚལ་ལོ༔ སྒེག་མོ་ཕྲེང་ཐོགས་རིན་ཆེན་གླུ་གར་བཅས༔ བདུག་སྤོས་མེ་ཏོག་སྣང་གསལ་དྲི་ཆབ་མ༔ རྒྱལ་བའི་དཀྱིལ་འཁོར་མཆོད་པས་མཉེས་མཛད་མ༔ མཆོད་པའི་ལྷ་མོ་བརྒྱད་ལ་ཕྱག་འཚལ་ལོ༔ དྲག་ཤུལ་ཐབས་ཀྱིས་འགྲོ་བ་འདུལ་མཛད་པ༔ བདུདཀྱི་དཔུང་དང་བགེགས་ཚོགས་རྣམ་པར་འཇོམས༔ ཚད་མེད་བཞི་ལྡན་སྒོ་བཞི་ཐུབ་པར་བསྲུང༔ ཏ་ཀྲིཏ་སྒོ་བ་བཞི་ལ་ཕྱག་འཚལ་ལོ༔ རྟག་ཆད་མཐའ་ཕྱིན་གསང་བ་ཡུམ་གྱིས་ངང༔ མི་མཐུན་ཕྱོགས་འཇོགས་རབ་འཇིགས་ཁྲོ་མོའི་ཚུལ༔ ལྕགས་ཀྱུ་ཞགས་པ་ལྕགས་སྒྲོག་དྲིལ་འཁྲོལ་མ༔ ཡེ་ཤེས་སྒོ་མ་བཞི་ལ་ཕྱག་འཚལ་ལོ༔ སྟེང་འོག་ཕྱོགས་བཅུ་འཇིག་རྟེན་འདུལ་བའི་གཙོ༔ ཉོན་མོངས་དྲུག་འཇོམས་རྒྱུ་དྲུག་དག་པར་སྦྱངས༔ འགྲོ་དྲུག་འདྲེན་ཕྱིར་སྤྲུལ་བའི་སྐུར་སྟོན་པ༔ བཅོམ་ལྡན་ཐུབ་བ་དྲུག་ལ་ཕྱག་འཚལ་ལོ༔ ཨ་ལ་ལ་ཧོ༔ སྒྱུ་འཕྲུལ་ཞི་བའི་ལྷ་ཚོགས་འདི་དག་གི༔ མཚན་ནས་ལན་གཅིག་བརྗོད་བྱེད་ཅིང་༔ གང་གིས་གུས་པས་ཕྱག་འཚལ་ན༔ ཉམས་ཆགས་བསྐང་ནས་དངོས་གྲུབ་ཐོབ༔ དེ་ཕྱིར་གུས་པར་ཕྱག་འཚལ་ལོ༔ ཨ་ལ་ལ་ཧོ༔ ཁྲོ་བོ་རྨད་དུ་བྱུང་བའི་དཀྱིལ་འཁོར་ནས༔ སྒེག་པ་དཔའ་བརྗིད་འཇིགས་སུ་རུང་བ་དང་༔ རྒོད་དང་གཤེ་དང་ཁྲོ་བོར་བསྟན་པ་དང་༔ སྙིང་རྗེ་རྔམས་དང་ཞི་བར་སྐུར་བསྟན་པ༔ འབར་བ་ལྔ་བཅུ་བརྒྱད་ལ་ཕྱག་འཚལ་ལོ༔ ཨ་ལ་ལ་ཧོ༔ ཆོས་སྐུ་སྐྱེ་མེད་ངང་ལས་མ་གཡོས་ཀྱང་༔ གཟུགས་སྐུ་འཇིགས་པའི་ཆ་ལུགས་སྐུར་སྟོན་ཞིང་༔ གདུག་པ་འདུལ་ཕྱིར་ཁྲོ་ཆེན་འབར་བའི་སྐུ༔ དཔལ་ཆེན་ཧེ་རུ་ཀ་ལ་ཕྱག་འཚལ་ལོ༔ ཁྲོ་རྒྱལ་དབང་ཕྱུག་སྐུ་ལ་འཁྲིལ་མཛད་ཅིང་༔ དགྱེས་པ་བསྐྱེད་ཕྱིར་དུད་ཁྲག་ཡབ་ལ་སྟོབས༔ ཁྲོ་མོ་མི་བཟད་འབར་བའི་སྤྲིན་འཕྲོ་མ༔ ཀྲོ་ཏི་ཤྭ་རི་ཡུམ་ལ་འཚལ་ལོ༔ ཐུགས་རྗེས་ཐབས་མཁས་མ་རུངསའདུལ་མཛད་ཅིང་༔ ཡེ་ཤེས་མཚོན་ཆས་ཉོན་མོངས་མ་ལུས་བཅོད༔ སྲིད་གསུམ་བླ་མེད་དབྱིངས་སུ་བསྒྲལ་མཛད་པ༔ རིགས་བཞི་ཁྲག་འཐུང་ཚོགས་ལ་ཕྱག་འཚལ་ལོ༔ ཁྲག་འཐུང་སོ་སོའི་ཡབ་ཀྱི་སྐུ་ལ་འཁྲིལ༔ ཁྲོ་མོའི་གཟུགས་ཀྱི་ལོག་ལྟ་ཟིལ་གྱིས་གནོན༔ འགྲོ་རྣམས་ཐུགས་རྗེས་འདྲེན་སྤྱིར་མཛད་པའི་ཡུམ༔ རིགས་བཞི་ཁྲོ་མོ་ཡུམ་ལ་ཕྱག་འཚལ་ལོ༔ བསྐལ་པ་མེ་ལྟར་འབར་བའི་ཀློང་དཀྱིལ་ན༔ སྒེག་མོ་ལ་སོགས་འབར་བའི་ཉམས་ལྡན་ཞིང་༔ ཡེ་ཤེས་སྐུ་མཆོག་འཇིགས་བྱེད་རྒྱན་གྱིས་བཞུགས༔ ཀོའུ་རི་ཁྲོ་མོ་བརྒྱད་ལ་ཕྱག་འཆལ་ལོ༔ ནམ་མཁའི་ལུས་ཅན་གར་ཡང་ཐོགས་མེད་ཅིང་༔ འདོད་དགུ་བསྒྱུར་པའི་གཟུགས་ཅན་འཕྲུལ་མོ་ཆེ༔ མ་སྲིང་བྱམས་པའི་ཚུལ་དུ་གྲོགས་མཛད་མ༔ སེང་ཧ་ཕྲ་མེན་བརྒྱད་ལ་ཕྱག་འཚལ་ལོ༔ རྡོ་རྗེའི་གདོང་མོ་ཕོ་ཉ་མགྱོགས་མ་བཞི༔ འགུགས་དང་འཆིང་སྡོམས་མྱོས་པའི་ལས་ཀུན་མཛད༔ ཤར་ལྷོ་ནུབ་བྱང་སྒོ་བཞི་ཐུབ་པར་བསྲུང་༔ སྒོ་བསྲུང་ཁྲོ་མོ་བཞི་ལ་ཕྱག་འཚལ་ལོ༔ དཔལ་གྱི་འཁོར་ཚོགས་བཛྲ་ཨ་ར་ལི༔ མཁའ་འགྲོ་ཤུགས་འགྲོ་མ་ཚོགས་དབང་ཕྱུག་མ༔ སྲིན་མོའི་ཆ་ལུགས་འཇིགས་པའི་མགོ་བརྙན་ཅན༔ རྣལ་འབྱོར་ཉི་ཤུ་བརྒྱད་ལ་ཕྱག་འཚལ་ལོ༔ ཕྱོགས་བཅུ་དྲེགས་པ་བསྣོལ་བའི་གདན་སྟེང་ན༔ ཡེ་ཤེས་བསྐལ་པ་མེ་དཔུང་འབར་བའི་ཀློང་༔ མི་དགེ་ཚར་གཅོད་དགེ་བཅུའི་དོན་དུ་བསྐུལ༔ ཕྱོགས་བཅུའི་ཁྲོ་རྒྱལ་རྣམས་ལ་ཕྱག་འཚལ་ལོ༔ ཨ་ལ་ལ་ཧོ༔ སྒྱུ་འཕྲུལ་ཞི་ཁྲོ་འདི་དག་གི༔ མཚན་ནས་ལན་གཅིག་བརྗོད་བྱེད་ཅིང་༔ གང་གིས་གུས་པས་ཕྱག་འཚལ་ན༔ ཉམས་ཆགས་སྐོངས་ནས་དངོས་གྲུབ་ཐོབ༔ དེ་ཕྱིར་གུས་པར་ཕྱག་འཚལལོ༔ ཨ་ལ་ལ་ཧོ༔ དུས་གསུམ་སངས་རྒྱས་ཡོན་ཏན་ཀུན་རྫོགས་ཤིང་༔ གདུལ་བྱ་མ་ལུས་སྨིན་ཅིང་གྲོལ་མཛད་པའི༔ བླ་མ་རིག་འཛིན་ཚོགས་ལ་ཕྱག་འཚལ་ལོ༔ སྐྱེ་མེད་ཆོས་ཀྱི་སྐུ་ལ་ཕྱག་འཚལ་ལོ༔ ལོངས་སྤྱོད་རྫོགས་པའི་སྐུ་ལ་པྱག་འཚལ་ལོ༔ ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོ༔ མི་འགྱུར་རྡོ་རྗེའི་སྐུ་ལ་ཕྱག་འཚལ་ལོ༔ མངོན་པར་བྱང་ཆུབ་སྐུ་ལ་ཕྱག་འཚལ་ལོ༔ དུས་གསུམ་རྒྱལ་བ་ཀུན་གྱིས་སྒྲུབ་པ་ཡི༔ ཚོགས་གཉིས་རྫོགས་ཤིང་ཡོན་ཏན་མཐའ་ཕྱིན་པའི༔ སྐུ་དང་ཡེ་གིས་ཚིགས་ལ་ཕྱག་འཚལ་ལོ༔ འབྱུང་བ་ལྔ་ལས་བསྐུར་བཞིངས་པའི༔ རྟག་པའི་རྒྱལ་མོ་ལྔ་ལ་ཕྱག་འཚལ་ལོ༔ རང་བཞིན་དབྱིངས་ལས་གྲུབ་པ་མོ༔ དབང་ཕྱུག་ལྔ་ལ་ཕྱག་འཚལ་ལོ་༔ རྒྱུ་འབྲས་བྱང་ཆུབ་སེམས་ཀྱི་སྤྲུལ་པ་སྟེ༔ མཁའ་འགྲོ་སུམ་ཅུ་གཉིས་ལ་ཕྱག་འཚལ་ལོ༔ ག་ན་པ་ཏེའི་སྤྲུལ་པ་སྟེ༔ གིང་ཕོ་རྣམས་ལ་ཕྱག་འཚལ་ལོ༔ ལྷ་མོ་དཔའ་མོའི་སྤྲུལ་བ་སྟེ༔ གིང་མོ་རྣམས་ལ་ཕྱག་འཚལ་ལོ༔ འཇིག་རྟེན་ཁམས་ལ་མངའ་མཛད་མ༔ འཇིགས་བྱེད་དཔལ་འབར་རལ་པ་ཅན༔ འདོད་པའི་རོ་ལ་ཆགས་པ་མོ༔ མ་མོའི་ཚོགས་ལ་ཕྱག་འཚལ་ལོ༔ ལེགས་ཉེས་སྟངས་འཛིན་དམ་ཚིག་རྗེས་གཅོད་ཅིང༔ བཀའ་བཞིན་རྗེས་སུ་བསྒྲུབ་པའི་གྲོགས་མཛད་མ༔ དམ་ཅན་རྒྱ་མཚོའི་ཚོགས་ལ་ཕྱག་འཚལ་ལོཿ ཨ་ལ་ལ་ཧོཿ བཅོམ་ལྡ་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོཿ ཨོཾ་བཛྲ་ས་ཏྭ་ས་མ་ཡཱཿམ་ནུ་པཱ་ལ་ཡཿ བཛྲ་ས་ཏྭ་ཏྭེ་ནོ་པཿ ཏིཥྛ་དྲྀཌྷོམེ་བྷ་ཝ༔ སུ་ཏོ་ཥྱོ་མེ་བྷ་ཝཿ སུ་པོ་ཥྱོ་མེ་བྷ་ཝ༔ ཨནུ་རཀྟོ་མེ་བྷ་ཝ༔ སརྦ་ཀརྨ་སུ་ཙ་མེ༔ ཙིཏྟཾ་ཤྲཱི་ཡེ༔ ཀུ་རུ་ཧཱུྃ༔ ཧ་ཧ་ཧ་ཧ་ཧོ༔ བྷ་ག་ཝཱན་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ་༔ བཛྲཱི་བྷ་ཝ་མ་ཧཱ་ས་མ་ཡ་ས་ཏྭ་ཨཱ༔ ཨ་ལ་ལ་ཧོ་ཿ དུས་གསུམ་བདེ་གཤེགས་ཐམས་ཅད་ཀྱིས༔ ཡང་སྙིང་ཡི་གེ་བརྒྱ་པ་འདི༔ བདུན་ནམ་ཉི་ཤུ་རྩ་གཅིག་གམ༔ བརྒྱ་དང་རྩ་བརྒྱད་བརྗོད་གྱུར་ན༔ མཚམས་མེད་ལྔ་ཡི་སྡིག་པ་བྱང༔ ཉམས་ཆགས་མ་ལུས་ཀུན་བྱང་ནས༔ དུས་གསུམ་སངས་རྒྱས་ཐམས་ཅད་ཀྱི༔ སྲས་ཀྱི་དམ་པར་དགོངས་པར་གྱུར༔ ཧོ༔ རྒྱལ་བ་རྒྱ་མཚོའི་ཚོགས་རྣམས་དགོངས༔ རྒྱལ་བའི་བཀའ་དང་བླ་མའི་ལུང༔ ཅི་བཞིན་མ་སྤྱད་ལུང་དང་འགལ༔ གསང་སྔགས་དམ་ཚིགས་ཆགས་ཉམས་རྣམས༔ གནོང་ཞིང་འགྱོད་པའི་སེམས་ཀྱིས་ནི༔ མི་འཆབ་མི་སྦེད་མཐོལ་ལོ་བཤགས༔ བླ་མ་རྡོ་རྗེ་སློབ་དཔོན་དང༔ མཆེད་དང་ལྕམ་དྲལ་ལ་སོགས་པའི༔ ཁམས་གསུམ་སེམས་ཅན་ཐམས་ཅད་ལ༔ མཚམས་མེད་ལྔ་དང་ཉེ་བ་ལྔ༔ ལྕི་བ་བཞི་དང་ལོག་པ་བརྒྱད༔ མི་དགེ་བཅུ་ཡི་ལས་བགྱིས་རྣམས༔ གནོང་ཞིང་འགྱོད་པའི་སེམས་ཀྱི་བཤགས་པར་བགྱི༔ གསང་སྔགས་ཕྱི་དང་ནང་གི་དཀྱིལ་འཁོར་དུ༔ རྡོ་རྗེ་ཐེག་པའི་དམ་བླང་ནས༔ རྡོ་རྗེ་སློབ་དཔོན་མཆེད་ལྕམ་ལ༔ མ་གུས་བརྙས་པར་གྱུར་ལ་སོགས༔ སྐུ་ཡི་དམ་ཚིག་ཆགས་ཉམས་རྣམས༔ གནོང་ཞིང་འགྱོད་པའི་སེམས་ཀྱིས་བཤགས་པར་བགྱི༔ བསྐྱེད་རྫོགས་བཟླས་བསྒོམ་པར་ཆོད་ཅིང༔ ཚོགས་དང་གཏོར་མ་ཆགས་ལ་སོགས༔ གསུང་གི་དམ་ཚིགས་ཆགས་ཉམས་རྣམས༔ གནོང་ཞིང་འགྱོད་པའི་སེམས་ཀྱི་མཐོལ་ལོ་བཤགས༔ ཉམས་དང་མ་སྨིན་སེམས་ཅན་ལ༔ གསང་བ་བསྒྲགས་པ་ལ་སོགས་པ༔ ཐུགས་ཀྱི་དམ་ཚིག་ཆགས་ཉམས་རྣམས༔ གནོང་ཞིང་འགྱོད་པའི་སེམས་ཀྱིས་བཤགས་པར་བགྱི༔ སྤྱད་བྱ་ལྔ་དང་མི་སྤང་ལྔ༔ བླང་བྱ་ལྔ་དང་བསྒྲུབ་བྱ་ལྔ༔ ཤེས་བར་བྱ་བ་ལྔ་ལ་སོགས༔ ཡན་ལག་དམ་ཚིག་ཆགས་ཉམས་རྣམས༔ གནོང་ཞིང་འགྱོད་པའི་སེམས་ཀྱིས་མཐོལ་ལོ་བཤགས༔ ཉ་སྟོང་ཚེས་བརྒྱད་ལ་སོགས་དུས་ཀྱི་མཆོད་པ་ཆགས༔ བསྙེན་བསྒྲུབ་ཏིང་འཛིན་མ་གསལ་ལྟ་བསྲོ་སྒ༔ ཕུད་དང་གཙང་སྦྲ་མ་བགྱིས་འབག་རྩོག་ཤོར༔ ལེ་ལོ་སེར་སྣའི་དབང་དུ་གྱུར་པ་རྣམས༔ གནོང་ཞིང་འགྱོད་པའི་སེམས་ཀྱི་བཤགས་པར་བགྱི༔ འདི་ནས་བཟུང་སྟེ་བྱང་ཆུབ་མཆིས་ཀྱི་བར༔ སྡིག་པ་མི་དགེའི་ལས་སུ་གྱུར་བ་ཀུན༔ ལུས་དང་སོག་ལ་བབ་ཀྱང་མི་བགྱི་བའི༔ རྒྱལ་བ་ཁྱེད་ཀྱི་སྤྱན་སྔར་དམ་བཅའ་འོ༔ ཁྱེད་ཀྱང་ཐུགས་རྗེ་བཏང་སྙོམས་མ་མཛད་པར༔ བྱམས་བརྩེ་ལྡན་པའི་བུ་བཞིན་བསྐྱང་དུ་གསོལ༔ དེ་ལྟར་མཐོལ་ཞིང་བཤགས་པ་ཡི༔ བདག་ཅག་གསང་སྔགས་སྒོར་ཞུགས་རྣམས་༔ རྩ་བ་ཡན་ལག་དམ་ཚིག་གི༔ ཉམས་ཆགས་ཐམས་ཅད་བསྐང་གྱུར་ཅིག༔ མཆོག་དང་ཐུན་མོང་ལ་སོགས་ཏེ༔ དངོས་གྲུབ་ཐམས་ཅད་ཐོབ་གྱུར་ཅིག་༔ ཏ་ན་ག་ནའི་ལྟ་སྤྱོད་དབང༔ སེམས་ཀྱི་རྟོགས་པ་ཐོབས་གྱུར་ཅིག༔ དེ་ལྟ་བུ་ཡི་འགྱོད་ཚངས་ཀྱི༔ བདག་དང་འགྲོ་དྲུག་སེམས་ཅན་རྣམས༔ ལུས་ངག་ཡིད་གསུམ་སྒྲིབ་སྦྱངས་ནས༔ ན་རག་གནས་ཀྱང་དོང་སྤྲུགས་ཉེ༔ འགྲོ་དྲུག་གནས་ནས་ཐར་གྱུར་ཅིག༔ ལམ་ལྔ་ས་བཅུའི་རིམ་པ་རྣམས༔ སྐད་ཅིག་ཉིད་ལ་བགྲོད་གྱུར་ཅིག༔ རིག་འཛིན་རྒྱལ་བའི་ཞིང་དུ་གྲགས༔ སངས་རྒྱས་སྐུ་གསུམ་ཐོབ་པར་ཤོག༔ དེ་ལས་བྱུང་པའི་དགེ་བ་འདིས༔ གསང་སྔགས་རྡོ་རྗེ་ཐེག་པ་རྣམས་༔ བཀའ་བཙན་བྱིན་ཆེ་དར་གྱུར་ཅིག༔ གསང་སྔགས་འདི་བསྒྲགས་རྒྱལ་ཁམས་སུ༔ མི་ནད་ཕྱུགས་ནད་ཞི་གྱུར་ཅིག༔ མི་དར་ལོ་ཕྱུགས་ལེགས་གྱུར་ཅིག༔ འགྲོ་ཀུན་དགེ་བཅུ་སྦྱོང་གྱུར་ཅིག༔ ཀུན་ཀྱང་སངས་རྒྱས་མྱུར་ཐོབ་ཤོག༔ ཅེས་རྣལ་འབྱོར་གྱི་སྤྱི་ཁྲུས་ན་རག་གདོང་སྤྲུགས་འགྱོད་ཚང་གི་རྒྱལ་པོ༔ སློབ་དཔོན་པདྨས་ངོ་མོ་མཚོ་རྒྱལ་ལ་གདམས་པའོ༔ གསང་སྔགས་འདི་ལན་གཅིག་བརྗོད་བ་ཙམ་གྱིས་ཀྱང་མཆམས་མེད་པ་ལྔ་ཡང་དུང་བྱིངས་ལྟར་འགྱུརའོཿ ཅེས་དགོངས་འདུས་ཀློང་ཆེན་རྒྱུད་ལས་གསུངས་སོ༔ དེ་བས་འདི་ལ་ཡི་དམ་དུ་བྱེད་པ་གལ་ཆེའོཿ མངའ་བདག་ཆེན་པོ་ཉང་གི་གཏེར་མའོ༔ ས་མ་ཡ༔ རྒྱ་རྒྱ་རྒྱ །ཨྀ། གཏེར་དང་སྦས་རྒྱཿ རྒྱའོ༔ གསང་སྔགས་ཕྱི་ནང་གི་དབང་ཐོབ་པའི་སྡོམ་པ་དམ་ཚིག་ལ་གཅེས་སྤྲས་དང་ཕྱིར་བཅོས་སོགས་ལ་འདི་ཉིད་ཀློག་དང་བཤགས་པ་ཡང་དག་ཡིན་ནོ༔ སརྦ་མངྒལཾ།། །། བཤགས་པ་གཞི་ཐོག་དང་པོའི་སངས་རྒྱས་་་༁ྃ༔ རྡོ་རྗེ་སེམས་དཔའ་གསང་བ་དྲི་མེད་ལས༔ བཤགས་པའི་སྙིང་པོར་སྦྱོ་བའི་རྒྱལ་པོ་ནི༔ ཨོཾ་གཞི་ཐོག་དང་པོའི་སངས་རྒྱས་ཀུན་ཏུ་བཟང༔ རྡོ་རྗེ་སེམས་དཔའ་རྡོ་རྗེ་དེ་བཞིན་གཤེགས༔ དཔའ་བོ་ཆེན་པོ་འགྲོ་བ་སྐྱོབ་པའི་མགོན༔ བདག་ལ་བརྩེར་དགོངས་ཡེ་ཤེས་སྤྱན་གྱིས་གཟིགས། ཨཱཿ གདོད་ནས་མ་སྐྱེས་ཡེ་ནས་རྣམ་དག་ཀྱང་༔ འཁྲུལ་ངོར་གློ་བུར་ཤར་བའི་ཀུན་རྟོག་ལས༔ མ་རིག་གཟུང་འཛིན་རྐྱེན་སྣང་ཉམས་ཆགས་ཀུན༔ དག་ཆེན་ཆོས་དབྱིངས་ཡུམ་གྱི་ཀློང་དུ་བཤགས༔ བཛྲ་གསང་བའི་བདག་པོ་རྡོ་རྗེའི་དམ་བསྒྲགས་པ༔ སྐུ་གསུང་ཐུགས་གསང་ས་མ་ཡ་འབུམ་གྱི༔ དམ་ལས་ཉམས་ཤིང་ཚིག་འགལ་བ་གང༔ རབ་ཏུ་གནོང་ཞིང་འགྱོད་པས་མཐོལ་ལོ་བཤགས༔ སཏྭ་ཉམས་པ་སྐྱོན་དུ་གྱུར་དུས་འདས་ནས༔ ལས་ཀྱི་གཉེར་འཛིན་རྡོ་རྗེ་མཁའ་འགྲོ་ཡིས༔ བཀའ་ཡི་ཆད་པ་དྲག་པོའི་རྒྱུར་གྱུར་པས༔ འདི་ཕྱིའི་སྒྲིབ་གྱུར་དམྱལ་ཆེན་རྒྱུ་བསགས་བཤགས༔ ཧཱུྃ་འདོད་པའི་རྒྱལ་པོ་ཡེ་ནས་རྡོ་རྗེའི་ཆེ༔ དམིགས་སུ་མེད་ཅིང་ཉམས་དང་བཤགས་པ་བྲལ༔ ཀུན་ཏུ་བཟང་པོ་ཡེ་རྫོགས་རིག་པའི་ཀློང་༔ འདུ་འབྲལ་མེད་པར་ཆོས་དབྱིངས་ཀློང་དུ་ཨཱཿ བཤགས་པའི་རྒྱལ་པོ་རྡོ་རྗེའི་ཚིག་གསུམ་པ༔འཁོར་བ་དོང་སྤྲུགས་ལྕགས་ཁམས་གསེར་འགྱུར་རྩིས༔ ཐེག་པ་ཇི་བཞིན་མ་རིག་དམ་ཉམས་པའི༔ དབང་གྱུར་འགྲོ་བ་སྐྱོབས་པའི་གདམས་པ་འདི༔ ཀུན་ཏུ་བཟང་པོའི་ཐུགས་ཀྱི་ལས་ཤར༔ པདྨས་ཕྱི་རབས་དོན་དུ་བརྡ་རིས་བཀོད༔ ང་སྤྲུལ་སྙིང་གི་བུ་དང་འཕྲད་པར་ཤོགཿ ས་མ་ཡ༔ རྒྱ་རྒྱ་རྒྱ༔ ཤུ་བྷཾ༔ ཁྲག་འཐུང་ལས་ཀྱི་དཔའ་བོས་བརྡ་རིས་ལས་ཕབ་པའོ༔ དགེ་སྦྱོར་ཐམས་ཅད་ཀྱི་འཇུག་ཏུ༔ ཨོཾ་དྷུ་རུ་དྷུ་རུ་ཛ་ཡེ་མུ་ཁེ་སྭཱ་ཧཱ། ཞེས་ལན་དུ་བདུན་བཟླས་ན་དགེ་སྦྱོར་བྱེ་བར་འགྱུར་རོ།། །། ཚེས་བཅུའི་ཕན་ཡོན།ཚེས་བཅུའི་ཕན་ཡོན་གསོལ་འདེབས་བཞུགས། ། སངས་རྒྱས་གཉིས་པ་སློབ་དཔོན་ཆེན་པོ་ལ་རྣམ་པ་ཀུན་ཏུ་ཕྱག་འཚལ་ཞིང་སྐྱབས་སུ་མཆིའོ། །བསྐལ་བཟང་འདིར་བྱོན་སངས་རྒྱས་སྟོང་རྩ་ཀུན། །སྤངས་རྟོགས་མཉམ་ཞིང་འགྲོ་ལ་ཐུགས་བརྩེ་བ། །གངས་རིའི་ཁྲོད་འདིར་ཁྱོད་དང་མཚུངས་པ་ཡི། །བཀའ་དྲིན་བརྗོད་དུ་མེད་པར་བསམས་ཀྱིན་དད། ཁ་བ་ཅན་འདི་ལག་ན་པདྨ་ཡིས། །གདུལ་བྱར་རྒྱལ་བས་ལུང་བསྟན་མཛད་པའི་དོན། །མེས་དབོན་གསུམ་དང་ཨོ་རྒྱན་ཆེན་པོ་ཡི། །མཛད་པའི་རྣམ་ཐར་ལས་གཞན་དམིགས་སུ་མེད། །གུ་རུ་ ང་སྒོམས་ང་སྒྲུབས་ང་རྗེས་སྙོགས། །ང་མཐོང་སངས་རྒྱས་ཀུན་མཐོང་ང་ཉིད་ནི། །བདེ་གཤེགས་འདུས་པའི་ངོ་བོ་ཉིད་ཡིན་པས། །ཚེས་བཅུ་བྱུང་རེས་བོད་དུ་འབྱོན་ཞེས་གསུངས། །དེ་ཕྱིར་རྣམ་ཐར་དྲན་པས་གསོལ་བ་འདེབས། །ཧོར་ཟླ་དྲུག་པའི་ཚེས་བཅུའི་ཉི་ཤར་ལ། །དྷ་ན་ཀོ་ཤར་པདྨའི་སྦུབས་ལ་བྱོན། །རྒྱལ་ཟླར་ཨིནྡྲ་བོ་དྷིས་སྤྱན་དྲངས་ཏེ། །རྒྱལ་བུར་མངའ་གསོལ་རྡོ་རྗེའི་ལམ་མཆོག་བསྙེན། །མཆུ་ཟླར་རྒྱལ་སྲིད་སྤངས་ནས་བསིལ་ཚལ་དུ། །བརྟུལ་ཞུགས་སྤྱོད་པས་མཁའ་འགྲོ་དབང་དུ་བསྡུས། །དབོ་ཟླར་བསྟན་ལ་རིམ་བཞིན་བཀྲི་བའི་སླད། །སློབ་དཔོན་པྲ་བྷ་ཧསྟིར་རབ་ཏུ་བྱུང་། །ནག་ཟླར་ཟ་ཧོར་རྒྱལ་པོས་གསོན་བསྲེགས་ཚེ། །མེ་ཡང་ཆུར་བསྒྱུར་སུམ་རྩེན་ལྷ་ཡིས་བསྟོད། །ས་ཟླར་ཨོ་རྒྱན་རྒྱལ་པོས་ཡབ་ཡུམ་གཉིས། །ལྷན་ཅིག་མེར་བསྲེགས་ལོག་སྲེད་ཅན་དག་ཀྱང་། །རང་དབང་མེད་པར་དད་པའི་གནས་ལ་བཀོད། །སྣྲོན་ཟླར་ལྷོ་ཕྱོགས་མཐར་སྐྱེས་རྒྱལ་ཁམས་སུ། །བསྟན་ལ་འཁུ་བའི་མུ་སྟེགས་ཐོག་གིས་བསྒྲལ། །གྲོ་བཞིན་ཟླ་བར་མཐའ་འཁོབ་ཟངས་གླིང་གི །མུ་སྟེགས་རྒྱལ་པོས་ཟངས་ཆེན་ཁ་སྦྱོར་ནང་། །བཅུག་ནས་ཆུ་ཀླུང་བསྐྱུར་ཀྱང་རྫུ་འཕྲུལ་གྱིས། །ནམ་མཁར་གཤེགས་པའི་མོད་ལ་ཆུ་ཀླུང་ཡང་་། །གྱེན་ལྡོག་སྡིག་སྤྱོད་རྒྱལ་པོའི་གནས་འཇིག་ལ། །ཉེ་བས་སྤ་བཀོངས་བཟོད་གསོལ་སྐྱབས་སུ་བསྟེན། །ཁྲུམས་ཟླར་མུ་སྟེགས་ངན་པའི་ཟས་དུག་གིས། །བཀྲོངས་པར་སེམས་ཀྱང་གནོད་པ་མེད་ཀྱི་སྟེང་། །གཟི་མདངས་ལྷག་པར་རྒྱས་པའི་ངང་ཚུལ་བསྟན། །ཐ་སྐར་ཟླ་ལ་ཡང་ལེ་ཤོད་དུ་ཕེབས། །བལ་བོད་གཉིས་ཀའི་ལྷ་འདྲེས་མཐོ་མཚམས་ཀྱང་། །རྡོ་རྗེ་གཞོན་ནུའི་སྐུར་བཞེངས་དམ་ལ་བཞག །སྨིན་དྲུག་ཟླ་བར་བོད་ཡུལ་དབུས་སུ་བྱོན། །ཧས་པོ་རི་རྩེར་ལྷ་སྲིན་དམ་ལ་བཞག །རྒྱལ་བསྟན་བོད་དུ་དར་བ་ཁྱོད་གཅིག་པུའི། །དྲིན་ལ་གཞན་དྲིད་མི་འཇོག་བསམ་ཀྱིན་དད། །མགོ་ཟླར་སྲིན་ཡུལ་གཤེགས་པ་ལ་དགོངས་ནས། །མཆིམས་ཕུར་ཡོན་མཆོད་བཀའ་བགྲོས་བོད་ཡུལ་ཀུན། །གཏེར་གྱིས་གཏམས་པའི་སྟ་གོན་དང་འབྲེལ་བར། །གཞི་བདག་དབང་བསྡུས་གཏེར་གྱི་གཉེར་བྱང་གཏད། །དེ་ཕྱིར་བྱུང་ངོ་ཅོག་གི་ཚེས་བཅུ་རྣམས། །ཁྱོད་ཀྱི་མཛད་པ་ཕྲིན་ལས་དུས་ཆེན་དང་། །མ་དང་མཁའ་འགྲོ་འདུ་བའི་སྐབས་ཡིན་པས། །ནང་དུ་རྡོ་རྗེའི་ལུས་ལ་རྩ་ཐིག་རླུང་། །འདུ་བ་ངོ་མཚར་ཅན་གྱི་རྟེན་འབྲེལ་ལས། །རྣམ་བཞིའི་ཕྲིན་ལས་ཀུན་ལ་དབང་འབྱོར་ཞིང་། །ཆར་ཆུ་འབེབས་ཤིང་མི་ཕྱུགས་ནད་རིམས་ཞི། །སད་སེར་དབུལ་ཕོངས་དམག་འཁྲུགས་གོད་ཁ་སོགས། །འཇིག་རྟེན་དུས་ཀྱི་རྒུད་པ་ཇི་སྙེད་ཀུན། །ཚེས་བཅུའི་དུས་མཆོད་བཟུང་ནས་གསོལ་འདེབས་ཀྱི། །བྱིན་རླབས་ཁོ་ནས་ཞི་བ་མངོན་སུམ་ཕྱིར། །ཞལ་བཞེས་དུས་ལ་བབ་པོ་ཐུགས་རྗེས་གཟིགས། །བོད་འབངས་བསམ་ཡོད་ཐམས་ཅད་ཁྱོད་ལ་དད། །བསམ་མེད་དྲིན་ཅན་ཕ་མ་དག་ལ་ཡང་། །འཁུ་བར་བྱེད་ན་ཁྱེད་ཀྱི་ཐུགས་རྗེ་ལ། །ཉེ་རིང་མ་མཆིས་ཐུགས་དམ་རྒྱུད་བསྐུལ་ལོ། །བོད་འབངས་ནམ་ཡང་ཡལ་བར་མི་འདོར་བའི། །ཞལ་བཞེས་དུས་ལ་བབ་བོ་ཐུགས་རྗེས་གཟིགས། །བསམ་དོན་ཡིད་བཞིན་འགྲུབ་པར་བྱིན་གྱིས་རློབས། །ཞེས་པའང་བསམ་ཡས་རབ་བྱུང་པ་དབྱངས་ཡིག་དང་པོའི་མིང་ཅན་གྱི་ངོར་རིག་འཛིན་འཇིགས་མེད་གླིང་པས་སོ། །ཨེ་མ་ཧོ། །དུས་གསུམ་སངས་རྒྱས་ཀུན་གྱི་ཐུགས་རྗེའི་གཏེར། ཁམས་གསུམ་མ་ལུས་སྒྲོལ་བའི་དེད་དཔོན་མཆོག། བོད་ཁམས་འགྲོ་བ་ཡོངས་ཀྱི་གཉེན་གཅིག་པུ། །བཀའ་དྲིན་མཚུངས་མེད་ཨོ་རྒྱན་ཆེན་པོ་ལ། །ལུས་དང་ལོངས་སྤྱོད་བློ་སྙིང་བྲང་གསུམ་འབུལ། ཁ་ཞེ་ངོ་ལྐོག་མེད་པར་གསོལ་བ་འདེབས། །འཁོར་ཚེ་ཐོག་མ་མེད་ནས་ད་ལྟའི་བར། །མ་རིག་ལས་དང་ཉོན་མོངས་དབང་གྱུར་ནས། ཁམས་གསུམ་རྒྱུད་དྲུག་གནས་སུ་འཁྱམས་པ་བདག །སྡུག་བསྔལ་གསུམ་གྱི་ཞགས་པས་བཅིངས་པ་ལས། །མྱུར་དུ་ཐུགས་རྗེས་སྒྲོལ་ཅིག་གུ་རུ་རྗེ། །འདི་ནས་བཟུང་སྟེ་བྱང་ཆུབ་མ་ཐོབ་བར། །སྐྱིད་སྡུག་ལེགས་ཉེས་བཟང་ངན་ཅི་བྱུང་ཡང་། །རྗེ་བཙུན་ཆེན་པོ་པདྨ་འབྱུང་གནས་མཁྱེན། །གསོལ་བ་སྙིང་ནས་འདེབས་པའི་གང་ཟག་ལ། །ཐུགས་རྗེ་རྒྱུན་ཆད་མེད་པར་ཞལ་བཞེས་པའི། །ཐོས་གྲོལ་གསུང་གི་དོན་འབྲས་མ་ལུས་པ། །མངོན་སུམ་མིག་གི་བདུད་རྩིར་སྩལ་དུ་གསོལ། །ཁྱད་པར་ནམ་ཞིག་ཚེ་ཡི་དུས་བྱས་ཏེ། །བེམ་རིག་འབྲལ་བའི་དུས་ལ་བབ་པ་ན། །སྐྱེ་འཆི་བར་དོ་གནད་གཅོད་སྡུག་བསྔལ་འཕྲང་། །ཤིན་ཏུ་འཇིགས་པ་ཆེན་པོའི་གཡང་ས་ལས། །སྐྱོབས་ཏེ་ངན་སོང་གསུམ་དུ་མ་བཏང་བར། །རང་སྣང་རྣམ་དག་ཟངས་མདོག་དཔལ་རིའི་ཞིང་། །སྐུ་གསུམ་བདེ་བ་ཆེན་པོའི་ཕོ་བྲང་ཆེར། །མགོན་པོ་ཁྱོད་ཀྱི་ཐུགས་དང་དབྱེར་མེད་དུ། །འདྲེན་པའི་དེད་དཔོན་མཛོད་ཅིག་མ་ཧཱ་གུ་རུ། །སྐྱབས་གནས་ཀུན་འདུས་ཨོ་རྒྱན་ཆེན་པོ་མཁྱེན། །སངས་རྒྱས་ཀུན་འདུས་ཨོ་རྒྱན་ཆེན་པོ་མཁྱེན། །དམ་ཆོས་ཀུན་འདུས་ཨོ་རྒྱན་ཆེན་པོ་མཁྱེན། །དགེ་འདུན་ཀུན་འདུས་ཨོ་རྒྱན་ཆེན་པོ་མཁྱེན། །རྩ་གསུམ་ཀུན་འདུས་ཨོ་རྒྱན་ཆེན་པོ་མཁྱེན། །ད་ནི་དུས་ངན་སྙིགས་མའི་མཐའ་ལ་ཐུག །དམ་ཆོས་ཚུལ་བཞིན་བྱེད་པའི་ལོང་མ་ཁོམ། །སད་སེར་བཙའ་ཐན་ནད་ཡམས་མུ་གེ་དང་། །འཁྲུགས་རྩོད་དུས་ཀྱི་རྒུད་པས་ཀུན་ཏུ་མནར། །འབྱུང་བ་སྒང་གཤོངས་སྣོད་བཅུད་རྟེན་འབྲེལ་འཕྱུགས། །བོད་ཁམས་སེམས་ཅན་སྡུག་བསྔལ་དྲག་པོ་ལ། །སྤྱོད་ཚེ་རྗེ་བཙུན་གུ་རུའི་ཐུགས་རྗེ་ཡིས། །གནས་སྐབས་རྫོགས་ལྡན་གསར་པའི་སྒོ་འཕར་ཕྱེད། །མཐར་ཐུག་འོད་གསལ་ཆོས་སྐུའི་ཕོ་བྲང་དུ། ཁམས་གསུམ་ལུས་ཅན་མཐའ་དག་དབུགས་དབྱུང་ནས། །འཁོར་བ་དོང་ནས་སྤྲུགས་པར་མཛད་དུ་གསོལ། །ཞེས་མིག་ནས་མཆ་ིམ་ཐོན་པའི་མོས་གུས་ཀྱིས་གསོལ་བ་གདབ་པར་བྱའོ། །ཞེས་པའང་ཡར་ཀླུང་ཤེལ་གྱི་བྲག་ཕུག་ཏུ་ཚོགས་ཀྱི་འཁོར་ལོ་དཔག་ཏུ་མེད་པར་བསྐོར་བའི་ཚེ། །གྲོགས་མཆེད་རྣམས་ཀྱི་ནན་གྱིས་བསྐུལ་ངོར་བྲག་ཉག་གུར་ཅོག་འོག་ཏུ་ཀློང་ཆེན་ནམ་མཁའི་རྣལ་འབྱོར་གྱིས་སྨྲས་པའོ།། དགེའོ།། །། གཞི་ལམ་འབྲས་བུའི་སྨོན་ལམ།ཀློང་ཆེན་སྙིང་གི་ཐིག་ལེ་ལསཿ གཞི་ལམ་འབྲས་བུའི་སྨོན་ལམ་བཞུགས་སོཿ འུྃཿ དཔལ་ཀུན་ཏུ་བཟང་པོ་ལ་ཕྱག་འཚལ་ལོཿ གདོད་མའི་གནས་ལུགས་རང་བཞིན་སྤྲོས་དང་བྲལཿ ཡོད་པ་མ་ཡིན་རྒྱལ་བས་འདི་མ་གཟིགསཿ མེད་པ་མ་ཡིན་འཁོར་འདས་ཀུན་གྱི་གཞིཿ འགལ་འདུ་མ་ཡིན་བརྗོད་བྱའི་ཡུལ་ལས་འདསཿ རྫོགས་ཆེན་གཞི་ཡི་གནས་ལུགས་རྟོགས་པར་ཤོགཿ ངོ་བོ་སྟོང་པས་རྟག་པའི་མཐའ་ལས་གྲོལཿ རང་བཞིན་གསལ་བས་ཆད་པའི་མུ་དང་བྲལཿ ཐུགས་རྗེ་འགག་མེད་སྣ་ཚོགས་སྤྲུལ་པའི་གཞིཿ གསུམ་དུ་དབྱེ་ཡང་དོན་ལ་ཐ་མི་དདཿ རྫོགས་ཆེན་གཞི་ཡི་གནས་ལུགས་རྟོགས་པར་ཤོགཿ བསམ་གྱིས་མི་ཁྱབ་སྒྲོ་འདོགས་ཀུན་དང་བྲལཿ ཡོད་དང་མེད་པའི་ཕྱོགས་འཛིན་རྣམ་པར་ཞིགཿ འདི་དོན་བརྗོད་ལ་རྒྱལ་བའི་ལྗགས་ཀྱང་རྡུགསཿ ཐོག་མཐའ་བར་མེད་གཏིང་གསལ་ཆེན་པོའི་དབྱིངསཿ རྫོགས་ཆེན་གཞི་ཡི་གནས་ལུགས་རྟོགས་པར་ཤོགཿ རང་ངོ་རྣམ་དག་སྐྱེ་མེད་ཀ་དག་ལཿ ལྷུན་གྲུབ་འདུས་མ་བྱས་པའི་གདངས་ཤར་བཿ གུད་དུ་མ་བཟུང་རིག་སྟོང་ཟུང་འཇུག་ཆེརཿ རྟོག་པས་གཞི་ཡི་དགོངས་པ་ཚད་དུ་ཕྱིནཿ ལམ་གྱི་གནད་ལ་གོལ་འཕྱུགས་མེད་པར་ཤོགཿ ཡེ་ནས་དག་པས་ལྟ་བའི་མིང་ཡང་མེདཿ རང་ངོ་རིག་པས་སྒོམ་རྒྱུའི་ཤུགས་ནས་དོནཿ གཟའ་གཏད་མེད་པས་སྤྱོད་པའི་སྒྲོག་དང་བྲལཿ རང་བཞིན་ལྷུམས་ཞུགས་སྤྲོས་བྲལ་རྗེན་པའི་ངངཿ ལམ་གྱི་གནད་ལ་གོལ་འཕྱུགས་མེད་པར་ཤོགཿ བཟང་ངན་རྣམ་རྟོག་ཕྱོགས་སུ་མ་ལྷུང་ཞིངཿ བཏང་སྙོམས་ལུང་མ་བསྟན་དུ་མ་འབྱམས་པརཿ ཤར་གྲོལ་རིས་མེད་རྒྱ་ཡན་ལྷུན་འབྱམས་ཀློང་ཿ སྤང་བླང་ཡེ་ཟད་རང་བཞིན་ཡོངས་ཤེས་ངང་ཿ ལམ་གྱི་གནད་ལ་གོལ་འཕྱུགས་མེད་པར་ཤོགཿ ཐོག་མའི་སྤྱི་གཞི་ནམ་མཁའ་ལྟ་བུའི་ངང་ཿ གཞི་སྣང་རིག་པ་མཁའ་ལ་སྤྲིན་དེངས་བཞིནཿ ཕྱིར་གསལ་ཤེས་པ་ནང་དུ་ལྡོག་པ་ལསཿ ཁྱད་ཆོས་དྲུག་ལྡན་གཞོན་ནུ་བུམ་སྐུའི་སྦུབསཿ འབྲས་བུའི་རྒྱལ་པོ་བཙན་ས་ཟིན་པར་ཤོགཿ ཡེ་ནས་རང་རིག་ཀུན་ཏུ་བཟང་པོ་ལཿ ཐོབ་བྱའི་ཞེ་འདོད་མཐའ་དག་དབྱིངས་སུ་ཡལཿ བྱ་རྩོལ་བློ་འདས་རྫོགས་པ་ཆེན་པོའི་གཤིསཿ དབྱིངས་རིག་ཀུན་ཏུ་བཟང་མོའི་མཁའ་ཀློང་སྦུབསཿ འབྲས་བུའི་རྒྱལ་པོ་བཙན་ས་ཟིན་པར་ཤོགཿ རབ་ཏུ་མི་གནས་དབུ་མ་ཆེན་པོའི་དོནཿ ཁྱབ་གདལ་ལྷུན་འབྱམས་ཕྱག་རྒྱ་ཆེན་པོའི་ངངཿ མཐའ་གྲོལ་ཀློང་ཡངས་རྫོགས་པ་ཆེན་པོའི་གནདཿ ས་ལམ་ཡོན་ཏན་གཞིར་རྫོགས་ལྷུན་གྲུབ་སྦུབསཿ འབྲས་བུའི་རྒྱལ་པོ་བཙན་ས་ཟིན་པར་ཤོགཿ ཐུགས་བཅུད་ཀློང་ཆེན་ཟབ་བརྒྱ་ཡིཿ མཐའ་སྡུད་སྨོན་ལམ་ཟབ་མོ་འདིཿ བཀའ་སྲུང་དྲང་སྲོང་རཱ་ཧུ་ལཿ བནྡེའི་ཚུལ་གྱིས་བསྐུལ་ནས་བཀོདཿ ཟབ་དོན་སྤེལ་བ་དོན་ཡོད་ཅིང་ཿ རྟེན་འབྲེལ་སྨོན་ལམ་མཐར་ཕྱིན་ཕྱིརཿ ནམ་མཁའི་སྙིང་པོས་བྱིན་བརླབས་པའིཿ ཀོང་སྨྱོན་སྦས་པའི་རིག་འཛིན་ལཿ ཟབ་རྒྱ་བཀྲོལ་ཏེ་གཏད་རྒྱ་བྱསཿ འགྲོ་དོན་ནམ་མཁའ་མཉམ་པར་ཤོགཿ དགེའོ།། ༈ རང་བྱུང་རྡོ་རྗེའི་ཐུགས་གཏེར་གསང་བའི་མཛོད། །གཞི་ལམ་འབྲས་བུའི་སྨོན་ལམ་ཟབ་མོ་འདི། །ངག་ཚེ་ཞེས་བྱའི་དད་བས་བསྐྲུན་པའི་དགེས། །འགྲོ་ཀུན་ཕྱམ་གཅིག་གདོད་མའི་སར་ཕྱིན་ཤོག །ཞེས་སྐུ་ཞབས་པས་སོ།། །། སྐུ་གསུམ་ཞིང་ཁམས་སྦྱོང་བའི་གསོལ་འདེབས་སྨོན་ལམ།༄༅། །སྐུ་གསུམ་ཞིང་ཁམས་སྦྱོང་བའི་གསོལ་འདེབས་སྨོན་ལམ་བཞུགས། ཀྱེ་མ་ཀྱི་ཧུད་རིག་འཛིན་པདྨ་འབྱུང་། །བདག་འདྲ་ལས་ངན་སྙིགས་མའི་སེམས་ཅན་རྣམས། །བདེ་བ་འདོད་ཀྱང་སྡུག་བསྔལ་དོན་དུ་གཉེར། །སྙིང་རུས་ཕྱིན་ཅི་ལོག་རྣམས་སུ་ལ་རེ། །ཐུགས་རྗེས་གཟིགས་ཤིག་རྔ་ཡབ་གླིང་པ་མཁྱེན། །ད་ལྟ་ཉིད་དུ་ཟངས་མདོག་དཔལ་རིར་དྲོངས། །ཐུགས་རྗེ་ལྡན་པའི་རྒྱལ་བ་ཁྱེད་ལྟ་བུས། །བོད་འབངས་བོར་ནས་རྔ་ཡབ་གླིང་དུ་གཤེགས། །གདོང་དམར་བོད་ཕྲུག་སྤྲེའུའི་ཚ་བོ་རྣམས། །འདི་ཕྱིའི་རེ་ལྟོས་སྐྱབས་གནས་སུ་ལ་རེ། །ཐུགས་རྗེས་གཟིགས་ཤིག་རྔ་ཡབ་གླིང་པ་མཁྱེན། །ད་ལྟ་ཉིད་དུ་ཟངས་མདོག་དཔལ་རིར་དྲོངས། །ཚེ་སྲོག་མི་རྟག་གཡང་ཁའི་བྱེའུ་འདྲ། །དོ་ནུབ་ཙམ་ཡང་མི་འཆིའི་གདེང་ནི་མེད། །རྟག་ཏུ་སྡོད་གྲབ་བྱེད་པ་བདུད་ཀྱིས་བསླུས། །གཤིན་རྗེའི་ཕོ་ཉ་བྱུང་ན་སུ་ལ་རེ། །ཐུགས་རྗེས་གཟིགས་ཤིག་རྔ་ཡབ་གླིང་པ་མཁྱེན། །ད་ལྟ་ཉིད་དུ་ཟངས་མདོག་དཔལ་རིར་དྲོངས། །འཁོར་བའི་སེམས་ཅན་སྡུག་བསྔལ་ལས་ལ་གཡེངས། །དམ་ཆོས་བྱེད་བློ་ནམ་ལངས་སྐར་ལྟར་ཡལ། །དོན་ཆུང་གཡེང་བའི་ཁོལ་པོར་མི་ཚེ་ཟད། །དགྲ་ཆེན་འཆི་བ་བྱུང་ན་སུ་ལ་རེ། །ཐུགས་རྗེས་གཟིགས་ཤིག་རྔ་ཡབ་གླིང་པ་མཁྱེན། །ད་ལྟ་ཉིད་དུ་ཟངས་མདོག་དཔལ་རིར་དྲོངས། །བྱིས་པའི་རང་བཞིན་སོ་སོའི་སྐྱེ་བོ་ཀུན། །ཐོས་བསམ་སྒོམ་པའི་ན་ཚོད་ཆེས་ཆེར་རྒུད། །ཕར་ཕྱིན་དྲུག་གི་འདྲེན་བྱེད་ཅེ་རེ་ལོང་། །འབྱུང་བ་ཐིམ་རིམ་བྱུང་ན་སུ་ལ་རེ། །ཐུགས་རྗེས་གཟིགས་ཞིག་རྔ་ཡབ་གླིང་པ་མཁྱེན། །ད་ལྟ་ཉིད་དུ་ཟངས་མདོག་དཔལ་རིར་དྲོངས། །དགེ་བཅུའི་ལམ་ལ་མོས་པས་ཞུགས་ན་ཡང་། །རྣམ་པར་དཔྱད་ན་ཆོས་བརྒྱད་ཟོལ་དང་འདྲེས། །མི་དགེའི་རྣམ་སྨིན་མ་ཚོར་ཤུགས་ཀྱིས་འགོ །བར་དོར་དམྱལ་ཐག་གཅོད་དུས་སུ་ལ་རེ། །ཐུགས་རྗེས་གཟིགས་ཤིག་རྔ་ཡབ་གླིང་པ་མཁྱེན། །ད་ལྟ་ཉིད་དུ་ཟངས་མདོག་དཔལ་རིར་དྲོངས། །ཀྱེ་མ་ནམ་ཞིག་ཚེ་ཡི་འཕེན་པ་ཟད། །ལུས་ཀྱི་མདངས་ཤོར་དབུགས་ཀྱི་ངར་སྒྲ་བརྩེགས། །འདེགས་བྱེད་རླུང་བྲོས་ངར་སྐད་ཅན་གྱི་རོས། །ཉེ་འབྲེལ་གདུང་སེམས་འབྲེལ་ཐག་གཅོད་པའི་ཚེ། །གནད་གཅོད་སྡུག་བསྔལ་དྲག་པོ་མི་འབྱུང་ཞིང་། །མཁའ་འགྲོས་བསུ་བའི་སྣང་བ་ཤར་བར་ཤོག །ཀྱི་ཧུད་ས་ཆུ་མེ་རླུང་ནམ་མཁའ་སྟེ། །འབྱུང་ལྔའི་ཐིམ་རིམ་དུ་བ་སྨིག་རྒྱུ་དང་། །མེ་ཁྱེར་མར་མེའི་སྣང་བ་གསལ་བའི་རྗེས། །ཕྲ་བའི་ཐིམ་རིམ་སྣང་མཆེད་ཐོབ་གསུམ་སྟེ། །འདི་ལྟར་རྣམ་ཤེས་སྣང་བ་ལ་ཐིམ་པས། །སྤྲིན་མེད་མཁའ་ལ་ཉི་ཟླ་གཟས་ཟིན་ལྟར། །དམར་ལམ་འཆར་ཞིང་དམར་ཆ་སྙིང་གར་ལྡོག །དེ་རྗེས་སྣང་བ་མཆེད་པ་ལ་ཐིམ་པས། །སྐར་ཁུང་ནང་དུ་ཟླ་ཟེར་ཤར་བ་ལྟར། །དཀར་ལམ་འཆར་ཞིང་དཀར་ཆ་ཐུར་དུ་བབས། །དེ་ནས་མཆེད་པ་ཉེར་ཐོབ་ལ་ཐིམ་པས། །སྤྲིན་མེད་ནམ་མཁའ་སྲོད་མུན་འཁྲིགས་པ་ལྟར། །ནག་ལམ་ཤར་ནས་ཀུན་གཞིའི་ངང་དུ་བརྒྱལ། །སླར་ཡང་སྲོག་འཛིན་རླུང་བརྒྱད་གྱེས་པ་ཡིས། །ཅུང་ཟད་བརྒྱལ་སངས་གདོད་མའི་ཡེ་གདངས་ཤར། །གསལ་ལ་མ་འགག་སྟོན་གྱི་ནམ་མཁའ་བཞིན། །སྟོང་གསལ་སྒྲིབ་གཡོགས་བྲལ་བའི་ངང་ལ་གནས། །དེ་ཚེ་ད་ལྟའི་ཀ་དག་བློ་བྲལ་དབྱིངས། །ཐ་མལ་ཤེས་པ་ཟང་ཀ་རྒྱ་ཡན་ལ། །ངེས་པ་རྙེད་དེ་མཉམ་པར་བཞག་པའི་མཐུས། །གདོད་མའི་གཞིའི་དབྱིངས་ནང་གསལ་གསང་བའི་སྦུབས། །ཁྱད་ཆོས་དྲུག་ལྡན་ཀུན་བཟང་དགོངས་པའི་ཀློང་། །སྐད་ཅིག་ཉིད་ལ་བཙན་ས་ཟིན་པར་ཤོག །གལ་ཏེ་བར་དོ་དང་པོར་མ་གྲོལ་ན། །དབྱིངས་སྣང་ལྷུན་གྲུབ་འོད་གསལ་ལ་ཐིམ་ནས། །སྒྲ་འོད་ཟེར་དང་ཚོམ་བུའི་དཀྱིལ་འཁོར་སོགས། །ཐིམ་ལུགས་བརྒྱད་ཀྱི་སྣང་བ་འཆར་བའི་ཚེ། །ཆོས་ཉིད་བར་དོར་རང་སྣང་ངོ་ཤེས་ནས། །མ་པང་བུ་འཇུག་ལྟ་བུར་གྲོལ་བར་ཤོག །དེ་ཚེ་སྒྲ་ཡིས་འཇིགས་ཏེ་ཟེར་གྱིས་དངངས། །སྐུ་ཡི་སྣང་བས་སྐྲག་སྟེ་མ་གྲོལ་ན། །ཆོས་ཉིད་བདེན་པ་བླ་མའི་བྱིན་རླབས་ཀྱིས། །འཁྲུལ་པ་རྨི་ལམ་སད་པའི་ཆ་ཙམ་ལས། །རང་བཞིན་སྤྲུལ་སྐུའི་ཞིང་ཁམས་པདྨའི་སྦུབས། །རྫུས་ཏེ་སྐྱེས་ནས་དབུགས་དབྱུང་གྲོལ་བར་ཤོག །རིམ་དགུའི་ཐེག་པ་ཀུན་ལས་འདས་པའི་དོན། །འོད་གསལ་རྫོགས་ཆེན་ལམ་ལ་ཞུགས་དེའི་མཐུས། །ནམ་ཞིག་གདོད་མའི་ལྷུམས་སུ་ཞུགས་པའི་ཚེ། །གང་གི་གྲོལ་ཚད་སྒྲ་འོད་ས་གཡོས་དང་། །རིགས་ལྔའི་གདུང་དང་ཞི་ཁྲོའི་སྣང་བརྙན་སོགས། །ཀུན་གྱི་མཐུན་སྣང་གྲུབ་ཏུ་མངོན་པར་ཤོག །རིག་འཛིན་བདག་གི་ལྷག་བསམ་རྣམ་དག་དང་། །ཆོས་ཉིད་རང་བཞིན་ཅི་ཡང་མ་ཡིན་པའི། །བདེན་པའི་མཐུ་ཡིས་ཁམས་གསུམ་ཡིད་ཅན་དང་། །ཁྱད་པར་འབྲེལ་པས་བསྡུས་པའི་སེམས་ཅན་ཀུན། །སྐུ་བཞིའི་ཞིང་ཁམས་རྨད་བྱུང་ཉམས་དགའ་བར། །ཚོམ་བུ་གཅིག་ཏུ་ཆམ་གཅིག་གྲོལ་བར་ཤོག །དེ་ལྟར་སྐུ་གསུམ་ཞིང་ཁམས་སྦྱོང་བའི་གསོལ་འདེབས་སྨོན་ལམ་འདི་ནི་རང་བྱུང་པདྨའི་གསུང་གི་དབེན་གནས་འོག་མིན་རྡོ་རྗེའི་ཀེའུ་ཚང་དུ་རང་ཉིད་གཅིག་པུར་དབེན་པ་བསྟེན་པའི་སྐབས་སྔ་ཞོག་ཞིག་གི་ཆ་ན་མིག་ལམ་དུ་ཧས་པོ་རི་མཐོང་པས་རྐྱེན་བྱས་སྣང་བ་ལ་ག་རེ་རི་མ་གིའི་རྩེར་མཁན་སློབ་རྗེ་འབངས་རྣམས་ཀྱི་ཞབས་ཀྱིས་བཅགས། ལྷ་འདྲེ་བཏུལ། སྐྱོ་སངས་མཛད་པ་སོགས་ཀྱི་ལོ་རྒྱུས་རྒྱ་ཆེར་སྣང་མོད། དེ་དག་ཐམས་ཅད་ད་ལྟ་མིང་ཙམ་མེད། འདི་ལྟ་བུའི་འདུས་བྱས་ཐམས་ཅད་མི་རྟག་པར་ཡིད་ཆེས། རང་ཉིད་ཀྱང་ལོ་ཤས་ཙམ་མི་འཆི་བའི་འཚོ་རྩིས་བྱས་ཀྱང་སང་ཙམ་ནས་འཇིག་རྟེན་ཕ་རོལ་དུ་མི་འགྲོ་བའི་ངེས་པ་ཅི་ཆ་སྙམ་ནས་སྐྱོ་ཤས་ངེས་འབྱུང་ཚད་མེད་སྐྱེས། ཨོ་རྒྱན་རྗེ་འབངས་རྣམས་དྲན་པ་ལ་ཚད་མེད་ཀྱི་མཆི་མ་འཁྲུགས་པ་ཞིག་བྱུང་བས་རྐྱེན་བྱས། དེའི་ཚེ་ཐུགས་དམ་གནད་ནས་སྐུལ་བའི་གསོལ་འདེབས་དང་འབྲེལ་བར་བར་དོ་ལམ་སྣང་གི་གྲོལ་ཚུལ་རྩ་ཚིག་ཏུ་བྱས་ཁ་ཏོན་ཏུ་བགྱིས་ཆོག་པའི་སྨོན་ལམ་འདིའང་བྱ་བྲལ་མཁྱེན་བརྩེའི་འོད་ཟེར་གྱིས་བྲིས་པའོ།། དགེའོ།། །། སློབ་དཔོན་ཆེན་པོའི་བསྟོད་པ་སྐུ་གསུམ་མ།སློབ་དཔོན་ཆེན་པོའི་བསྟོད་པ་སྐུ་གསུམ་མ་ཞེས་བྱ་བ་བཞུགས་སོ། ། །སྐུ་གསུམ་རྒྱལ་བ་ཡོངས་ཀྱི་ཐུགས་རྗེའི་ཤུགས། །གཅིག་བསྡུས་རིག་འཛིན་རྒྱལ་པོའི་ཚུལ་འཆང་བ། །བདེ་ཆེན་མཁའ་འགྲོའི་དབང་ཕྱུག་རྡོ་རྗེའི་སྐུ། །པདྨ་ཐོད་ཕྲེང་རྩལ་ལ་ཕྱག་འཚལ་བསྟོད། །སྣང་བ་མཐའ་ཡས་མགོན་པོ་སྤྱན་རས་གཟིགས། །དབྱེར་མེད་སིནྡྷུའི་དྭངས་མཚོར་སྤྲུལ་པའི་སྐུ། །འཇིག་རྟེན་གསུམ་ན་ཆེ་བའི་རིག་སྔགས་འཆང་། །མཉམ་མེད་བླ་མ་ཁྱེད་ལ་ཕྱག་འཚལ་བསྟོད། །པདྨ་ལས་འཁྲུངས་པདྨ་བཞད་པའི་ཞལ། །མཚན་དཔེའི་གཟི་འབར་རྒྱལ་ཀུན་ཞལ་སྐྱིན་མཆོག །འཇིག་རྟེན་མངའ་བསྒྱུར་མཚུངས་མེད་རྒྱལ་བའི་སྲས། །བདེ་མཆོག་པདྨ་རྒྱལ་པོར་ཕྱག་འཚལ་བསྟོད། །གནས་ཡུལ་རྣམས་སུ་བརྟུལ་ཞུགས་སྤྱོད་པ་བསྐྱངས། །མ་ཚོགས་དྲེགས་པ་དབང་བསྡུས་ལས་ལ་བཀོལ། །ས་སྟེང་ཀུན་ཏུ་གསང་སྔགས་བསྟན་པ་སྤེལ། །ཉི་མ་འོད་ཟེར་ཞབས་ལ་ཕྱག་འཚལ་བསྟོད། །ཤེས་བྱའི་གནས་རྣམས་གཟིགས་པ་ཙམ་གྱིས་རྟོགས། །ལྔ་རིགས་ཀུན་མཁྱེན་མཁས་པའི་ཕུལ་དུ་ཕྱིན། །འཇམ་པའི་དབྱངས་དང་དབྱེར་མེད་རྒྱལ་བའི་སྲས། །བློ་ལྡན་མཆོག་སྲེད་ཁྱེད་ལ་ཕྱག་འཚལ་བསྟོད། །སྡེ་སྣོད་གསུམ་དང་རྒྱུད་སྡེ་རྣམ་དྲུག་གི །དགོངས་སྤྱོད་མཐར་ཕྱིན་རྒྱལ་དང་རྒྱལ་སྲས་ཀྱི། །མ་ཐར་རྒྱ་མཚོའི་ཚུལ་ལ་མངའ་དབང་བརྙེས། །པདྨ་སཾ་བྷ་བ་ལ་ཕྱག་འཚལ་བསྟོད། །རྒྱལ་བ་མཆོག་ཉིད་སླར་ཡང་བྱོན་པ་བཞིན། །རྣམས་དག་ཕུང་པོ་ལྔ་འཆང་མཆོག་སྤྲུལ་ཚུལ། །ཆོས་མཆོག་སེང་གེའི་སྒྲ་དབྱངས་ས་གསུམ་བསྒྲགས། །ཤཱཀྱ་སེང་གེ་ཁྱོད་ལ་ཕྱག་འཚལ་བསྟོད། །འཆི་མེད་རྡོ་རྗེའི་ཚེ་དང་རིག་འཛིན་ས། །དངོས་གྲུབ་ཀུན་གྱི་མངའ་དབང་དམ་པ་བརྙེས། །དཀྱིལ་འཁོར་ཀུན་གྱི་གཙོདང་གཉིས་སུ་མེད། །པདྨ་འབྱུང་གནས་ཁྱེད་ལ་ཕྱག་འཚལ་བསྟོད། །བདུད་དང་མུ་སྟེགས་ཕས་ཀྱི་རྒོལ་བ་རྣམས། །རྫུ་འཕྲུལ་ཆེན་པོས་མིང་གི་ལྷག་མར་བྱས། །ཆེ་བཙན་འགྲན་མེད་རྡོ་རྗེའི་མཐུ་སྟོབས་བདག །སེང་གེ་སྒྲ་སྒྲོགས་ཁྱེད་ལ་ཕྱག་འཚལ་བསྟོད། །གངས་ཅན་ལྗོངས་སུ་རྒྱལ་བའི་བསྟན་པ་སྤེལ། །ག་པོའི་རྩ་ལག་རྡོ་རྗེའི་མཐུ་ཡིས་བཏུལ། །ས་སྟེང་ཐམས་ཅད་ཟབ་མོའི་གཏེར་གྱིས་བཀང་། །རྡོ་རྗེ་གྲོ་ལོད་རྩལ་ལ་ཕྱག་འཚལ་བསྟོད། །སྐུ་གཅིག་མཚན་བརྒྱད་འཕྲུལ་མཚན་ཉི་ཤུ་དང་། །མི་མཇེད་འཇིག་རྟེན་སོ་དྲུག་ལ་སོགས་པར། །མཐའ་ཡས་སྤྲུལ་པའི་ཞིང་ཁམས་ཀུན་ཏུ་ཁྱབ། །སྒྱུ་འཕྲུལ་རྒྱལ་པོ་ཁྱེད་ལ་ཕྱག་འཚལ་བསྟོད། །རྒྱལ་སྲས་སེམས་དཔའ་བརྒྱད་དང་སྒྲུབ་སྡེ་བརྒྱད། །ལ་སོགས་རྒྱལ་བ་རྒྱལ་སྲས་རྒྱ་མཚོ་དང་། །དབྱེར་མེད་བླ་མ་དཀྱིལ་འཁོར་ཀུན་གྱི་བདག །མཚུངས་མེད་འདྲེན་པ་ཁྱེད་ལ་ཕྱག་འཚལ་བསྟོད། །སངས་རྒྱས་ཀུན་གྱི་ཐུགས་རྗེ་གཅིག་བསྡུས་ནས། །སྙིགས་མའི་འགྲོ་བ་བསྐྱབས་པར་མཛད་པའི་ཕྱིར། །བྱིན་རླབས་ཐུགས་རྗེ་ལྷག་པར་མྱུར་བ་ཡིས། །ལས་ཅན་རྗེས་སུ་འཛིན་ལ་ཕྱག་འཚལ་བསྟོད། །དཔལ་ལྡན་རྫོགས་པའི་སངས་རྒྱས་པདྨ་སྐྱེས། །རྣམ་པ་ཀུན་མཁྱེན་ཡེ་ཤེས་མཛོད་འཛིན་པ། །རིག་འཛིན་རྒྱལ་པོ་སྒྱུ་འཕྲུལ་སྣ་ཚོགས་སྟོན། །ཀུན་ལས་ཆེ་བ་སངས་རྒྱས་རིག་སྔགས་འཆང་། །རང་བྱུང་ཀུན་ཏུ་བཟང་པོ་ཁྱོད་ཉིད་ལ། །མི་ཕྱེད་དད་པས་ལེགས་པར་བསྟོད་པ་ཡི། །བསོད་ནམས་ཉིན་མོར་བྱེད་པའི་འོད་ཟེར་གྱིས། །མཚོ་སྐྱེས་བསྟན་པའི་པད་ཚལ་རྒྱས་གྱུར་ཅིག། །སྣོད་བཅུད་རྒུད་པ་མཐའ་དག་རབ་ཏུ་ཞི། །དཔལ་དང་གྲགས་པ་བཀྲ་ཤིས་བདེ་ལེགས་འཕེལ། །འགྲོ་ཀུན་མཚུངས་མེད་གུ་རུས་རྗེས་བཟུང་ནས། །རང་བྱུང་པདྨའི་གོ་འཕང་མཆོག་ཐོབ་ཤོག། །འཇམ་ཅེས་ཚིགས་སུ་བཅད་པ་དགའ་བ་བཅུ་དྲུག་གི་གྲངས་ལྡན་འདི་ནི་ཟིལ་གནོན་མེ་རྟ་ཟླ་བ་བརྒྱད་པའི་ཚེས་ཉེར་བདུན་ལ་མི་ཕམ་འཇམ་དཔལ་དགྱེས་པས་སྤེལ་བ་༨་དགེ་ལེགས་འཕེལ།། ༈ །།མཁན་ཆེན་ལ་བསྟོད་པ་འཇམ་དཔལ་མ་ཞེས་བྱ་བ་བཟུགས་སོ། དཔལ་དཔའ་བོའི་ཞབས་པད་དྲི་མེད་ཉིད། །ཡན་ལག་མཆོག་གི་པདྨ་རབ་བཀོད་ནས། །ཟབ་རྒྱས་ཆོས་ཚུལ་དངོས་སུ་ལེགས་ནོད་པ། །མཁན་ཆེན་ཞི་བ་མཚོ་ལ་ཕྱག་འཚལ་བསྟོད། །བསྟན་པའི་རྩ་བ་སོ་སོར་ཐར་པ་ཡི། །ཚུལ་ཁྲིམ་རྣམ་དག་ངུར་སྨིགས་རྒྱལ་མཚན་འཆང་། །སྡོམ་བརྩོན་སྡེ་སྣོད་འཛིན་པའི་རྒྱལ་པོར་བསྔགས། །ཤཱཀྱའི་སྲས་གཅིག་ཁྱེད་ལ་ཕྱག་འཚལ་བསྟོད། །ཟབ་ཡངས་ཏིང་འཛིན་རྒྱལ་མཚོ་ཆེན་པོའི་ཀློང་། །མངོན་ཤེས་ལ་སོགས་ཡོན་ཏན་ནོར་བུའི་གཏེར། །རྒྱལ་སྲས་སྤྱོད་པའི་རླབས་ཕྲེངས་ཆེར་གཡོ་བ། །བྱང་ཆུབ་སེམས་དཔའི་མཆོག་ལ་ཕྱག་འཚལ་བསྟོད། །གཞལ་བྱ་བདེན་པ་གཉིས་ཀྱི་ཆོས་ཚུལ་ཀུན། །ཡང་དག་རིགས་པའི་ལམ་ནས་གསལ་མཛད་པའི། །ཤེས་རབ་ཉི་ཟླའི་འོད་ཀྱིས་ས་སྟེང་ཁྱབ། །མཁས་པའི་དབང་པོ་ཁྱེད་ལ་ཕྱག་འཚལ་བསྟོད། །རང་གཞན་གྲུབ་མཐའ་རྒྱ་མཚོའི་ཕ་རོལ་ཕྱིན། །དབུ་སེམས་ཟུང་འཇུག་ཤིང་རྟའི་ལམ་སྲོལ་ཕྱེས། །འཕགས་པའི་ཡུལ་ན་ཉི་ཟླ་ལྟ་བུར་གྲགས། །བསྟན་པའི་རྒྱན་གཅིག་ཁྱེད་ལ་ཕྱག་འཚལ་བསྟོད་། །གངས་ཅན་མུན་པའི་ཁྲོད་དུ་རྒྱལ་བསྟན་མཆོག །སྣང་བའི་སྒོ་ཆེན་ཐོག་མར་ཁྱོད་ཀྱིས་ཕྱེས། །ཡང་དག་ལུང་དང་རིགས་པའི་རྒྱལ་རྔ་བསྒྲགས། །མཁན་ཆེན་ཆོས་ཀྱི་རྒྱལ་པོར་ཕྱག་འཚལ་བསྟོད། །བགྲང་བྱ་བརྒྱ་ཕྲག་དགུ་ཡི་གྲངས་བཞུགས་ཏེ། །འཕགས་ཡུལ་རྒྱ་ནག་གངས་ཅན་ལ་སོགས་པར། །བསྟན་པའི་རྒྱལ་མཚན་ཕྱོགས་བཅུར་རབ་ཏུ་བསྒྲེང་། །བསྟན་འཛིན་རྒྱལ་པོ་ཁྱེད་ལ་ཕྱག་འཚལ་བསྟོད། །རྨད་བྱུང་ཐུགས་བསྐྱེད་སྨོན་ལམ་རྒྱ་མཚོ་དང་། །ཐབས་ལ་མཁས་པའི་རྣམ་རོལ་སྣ་ཚོགས་ཀྱིས། །བཟང་པོའི་ཕྲིན་ལས་ས་སྟེང་ཀུན་ཏུ་ཁྱབ། །བཀའ་དྲིན་འགྲན་མེད་ཁྱེད་ལ་ཕྱག་འཚལ་བསྟོད། །མཐུ་སྟོབས་བདག་པོར་གྱུར་ཀྱང་བྱམས་བརྩེའི་ངང་། །ཡོན་ཏན་རྒྱ་མཚོའི་འབྱོར་ཀྱང་སྙེམས་མེད་ཞི། །གསང་སྔགས་ས་ལམ་རྫོགས་ཀྱང་དགེ་སྦྱོང་ཚུལ། །དམན་རྣམས་རྗེས་སུ་འཛིན་ལ་ཕྱག་འཚལ་བསྟོད། །བོད་འདིར་རྒྱལ་བསྟན་ཇི་སྲིད་གནས་ཀྱི་བར། །སྤྲུལ་པའི་བསྟན་འཛིན་ཡང་ཡང་འབྱོན་པ་དང་། །བསྟན་ལ་བྱ་བ་བྱེད་པར་ཞལ་གྱིས་བཞེས། །གངས་ཅན་མགོན་པོ་ཁྱེད་ལ་ཕྱག་འཚལ་བསྟོད། །གང་སྐུ་བསྒོམ་པས་བསྟན་པའི་མངའ་ཐང་འཕེལ། །ཚུལ་ཁྲིམས་རྣམ་དག་ཏིང་འཛིན་ཤེས་རབ་རྒྱས། །མཐར་གྱིས་རྡོ་རྗེ་འཛིན་རྒྱལ་འགྱུར་ཞེས་གསུངས། །དཔག་མེད་ཐུགས་རྗེའི་གཏེར་ལ་ཕྱག་འཚལ་བསྟོད། །དུས་མཐར་རྒྱལ་བའི་བསྟན་པ་ཉམས་དམའ་ཞིང་། །བསྟན་རྗེས་འཇུག་རྣམས་ཤིན་ཏུ་ཉམ་ཐག་ཚེ། །ཁྱེད་ཉིད་དྲན་པས་སྐྱོབས་པར་འགྱུར་རོ་ཞེས། །ཞལ་བཞེས་རྗེས་སུ་དྲན་ནོ་ཐུགས་རྗེ་ཅན། །དེང་དུས་སྙིགས་མ་ལྔས་བཅོམ་འགྲོ་བ་རྣམས། །ཡང་དག་ལྟ་བའི་དམིགས་རྣམ་རྙེད་དཀའ་ཞིང་། །ཚུལ་ཁྲིམས་ཏིང་འཛིན་བདུད་རྩིའི་སྐལ་བས་དབན། །བསྟན་ལ་འཚེ་བའི་ཕྱོགས་རྣམས་ཆེས་ཆེར་བདོ། །ཆར་ལྡན་དུས་བཟང་རྫོགས་པའི་ནམ་གཞུག་བཞིན། །ཅི་ལ་བསམས་ཀྱང་སྐྱོ་བའི་དུས་འདི་ན། །རྒྱལ་ཀུན་མཐུ་སྟོབས་དབང་ཕྱུགས་རྡོ་རྗེ་འཛིན། །མགོན་པོ་ཁྱོད་ཀྱི་དམ་བཅའ་མ་བསྙེལ་ཅིག སྡེ་སྣོད་རྒྱུད་སྡེའི་འཆད་ཉན་དར་བ་དང་། །བསླབ་གསུམ་རིམ་གཉིས་རྣལ་འབྱོལ་གོང་དུ་འཕེལ། །ལུང་རྟོགས་བསྟན་པའི་མངའ་ཐང་རབ་རྒྱས་པའི། །རྫོགས་ལྡན་དུས་བཟང་གསར་དུ་ངོམས་པར་མཛོད། །སྐྱེ་བ་ཀུན་ཏུ་ཁྱེད་ཀྱི་རྗེས་བཟུང་ནས། །རྒྱལ་བ་དགྱེས་པའི་ལམ་ལས་མི་གཡོ་ཞིང་། །མཐའ་ཡས་འགྲོ་བ་ཀུན་ཀྱང་རྒྱལ་ཀུན་གྱི། །གསང་འཛིན་གསང་བའི་བདག་པོ་ཉིད་གྱུར་ཅིག །ཅེས་ཚིགས་སུ་བཅད་པ་དེ་ཉིད་རྣམ་པ་བཅུ་དྲུག་གི་གྲངས་ལྡན་འདི་ནི་མེ་རྟ་ཟླ་བ་དགུ་བའི་ཚེས་ལྔ་ལ་མི་ཕམ་འཇམ་དཔལ་དགྱེས་པས་བཀོད་པ་དགེ་ལེགས་འཕེལ། །ཆོས་རྒྱལ་ཆེན་པོའི་བསྟོད་པ་གངས་ཅན་མ་བཞུགས་སོ། །གངས་ཅན་འགྲོ་བ་ཐབས་ཀྱིས་གདུལ་བའི་ཕྱིར། །རྒྱལ་སྲས་ཐུ་བོ་རྗེ་བཙུན་འཇམ་པའི་དབྱངས། །བོད་ཡུལ་རྒྱལ་པོའི་ཚུལ་དུ་ལེགས་སྣང་བ། །ཁྲི་སྲོང་ལྡེའུ་བཙན་ཞབས་ལ་ཕྱག་འཚལ་བསྟོད། །ཉི་ཟླ་ཟུང་འདྲའི་མཁན་སློབ་རྣམ་གཉིས་སོགས། །རྒྱ་གར་པཎ་གྲུབ་བོད་ཀྱི་ལོ་ཙཱ་བ། །གངས་ཅན་ཕན་བདེའི་བྱེད་པོ་སྤྲུལ་པའི་སྐུ། །རྣམ་མང་བསྡུ་བར་མཛོད་ལ་ཕྱག་འཚལ་བསྟོད། །རིག་པའི་གནས་དང་མདོ་རྒྱུད་བསྟན་བཅོས་གཞུང་། །མ་ནོར་བསྒྱུར་ཞུས་གཏན་ལ་ཕབ་མཛད་ཅིང་། །བཤད་སྒྲུབ་བསྟན་པའི་རྒྱལ་མཚན་རབ་ཏུ་བགྲེངས། །མངའ་བདག་ཆེན་པོ་ཁྱེད་ལ་ཕྱག་འཚལ་བསྟོད། །མཐའ་བཞིའི་རྒྱལ་ཁམས་སྟོབས་ཀྱིས་དབང་དུ་བསྡུས། །གཙུག་ལག་ཁང་དུ་སྐུ་གསུང་ཐུགས་ཀྱི་རྟེན། །མདོ་སྔགས་འཛིན་པའི་སྡེ་གཉིས་བོད་དུ་བཀོད། །བོད་ཡུལ་སྐྱོང་མཛད་ཁྱེད་ལ་ཕྱག་འཚལ་བསྟོད། །སྣ་ཚོགས་ཐབས་ཀྱིས་ཆོས་སྲིད་ཟུང་དུ་སྐྱོང་། །བཀའ་བཙན་སྲོལ་བཟང་རྒྱལ་ཁམས་བདེ་ལ་བཀོད། །མངའ་བདག་ཚངས་པ་ལྷ་ཡི་མེ་ཏོག་ཅེས། །སྙན་པས་ས་སྟེང་ཁྱབ་ལ་ཕྱག་འཚལ་བསྟོད། །ཆེ་མཆོག་བདུད་རྩིའི་གྲུབ་པ་མངོན་དུ་གྱུར། །ཏིང་འཛིན་གཡོ་མེད་དགོངས་པའི་རྩལ་ཆེན་རྫོགས། །ཚད་མ་ལ་སོགས་ལེགས་བཤད་བསྟན་བཅོས་སྤེལ། །ཆོས་ཀྱི་རྒྱལ་པོ་ཁྱེད་ལ་ཕྱགས་འཚལ་བསྟོད། །སངས་རྒྱས་ལས་ཀྱང་ཆེས་དཀོན་གསང་སྔགས་ཀྱི། །གཞུང་ལུགས་རྣམས་དང་དེ་ཡི་གདམས་ངག་གིས། །བྷོ་ཊའི་ཡུལ་འདི་ཨོ་ཌཱི་ཡཱ་ན་དང་་། །མཚུངས་པར་མཛད་པ་ཁྱེད་ལ་ཕྱག་འཚལ་བསྟོད། །དབྱིངས་ཀྱི་མཁའ་འགྲོས་རྒྱས་བཏབ་ཟབ་གསང་ཆོས། །སུས་ཀྱང་རྙེད་པར་དཀའ་བ་ནང་རྒྱུད་གསུམ། །གྲུབ་མཆོག་རྣམས་ཀྱིས་ཡོངས་བླང་ནོར་བུའི་གཏེར། །ས་འདིར་འགོད་མཛད་ཁྱེད་ལ་ཕྱག་འཚལ་བསྟོད། །བསིལ་ལྡན་ར་བ་དཀར་པོའི་ལྗོངས་འདི་ན། །རྒྱལ་བའི་བསྟན་དང་དེ་འཛིན་འདུས་པའི་སྡེ། །ཇི་སྙེད་བྱུང་བ་མགོན་པོ་ཁྱེད་ཀྱི་དྲིན། །བཀའ་དྲིན་འགྲན་བྲལ་ཁྱེད་ལ་ཕྱག་འཚལ་བསྟོད། །ད་དང་སངས་རྒྱས་བསྟན་པ་གནས་ཀྱི་བར། །སྣ་ཚོགས་སྤྲུལ་པས་རྒྱལ་བའི་བསྟན་པ་དང་། །གངས་ཅན་ཕན་བདེ་སྤེལ་བར་མཛད་པ་ཡི། །ཐུགས་བསྐྱེད་མཉམ་མེད་ཁྱེད་ལ་ཕྱག་འཚལ་བསྟོད། །བདག་ཅག་གངས་རིའི་ཁྲོད་གནས་མི་རྣམས་ཀྱིས། །རྒྱལ་བསྟན་རིན་ཆེན་ཆོས་ཀྱི་སྒྲ་ཙམ་ཡང་། །རྣ་བར་ཐོས་པ་ཁྱོད་ཀྱི་དྲིན་ཡིན་ན། །བློ་ལྡན་སུ་ཞིག་ཁྱེད་ལ་ཅིས་མི་གུས། །དེ་ཕྱིར་བདག་ནི་དད་མོས་རྩེ་གཅིག་གིས། །མགོན་པོ་ཁྱེད་ལ་བསྟོད་ཅིང་ཕྱག་འཚལ་ན། །སྔོན་གྱི་ཐུགས་བསྐྱེད་དམ་བཅའ་ཆེན་པོ་ཡིས། །བདག་ཅག་རྗེས་བཟུང་བྱིན་གྱིས་བརླབ་པར་མཛོད། །ཕྱོགས་བཅུའི་རྒྱལ་བས་དབང་བསྐུར་ལུང་བསྟན་ཅིང་། །སྤྱན་རས་གཟིགས་ཀྱི་ཐུགས་བསྐྱེད་མཐུ་བཙན་པས། །འཇམ་དཔལ་སྤྲུལ་པའི་རྒྱལ་པོའི་ཐུགས་བཞེད་བཞིན། །རྒྱལ་བསྟན་ཡུན་དུ་གནས་པ་ཉིད་གྱུར་ཅིག །མཐའ་ཡས་འགྲོ་ཀུན་ཐུགས་བརྩེས་ཡོངས་སུ་བཟུང་། །ནམས་མཁའ་ཇི་སྲིད་གཞན་ཕན་ཕྲིན་ལས་སྤྱོད། །རྒྱལ་སྲས་དཔའ་བོ་རྣམས་ཀྱི་གཙུག་གི་རྒྱན། །མགོན་པོ་ཁྱེད་དང་མཚུངས་པར་བདག་གྱུར་ཅིང་། །ཁྱེད་ལ་བསྟོད་ཅིག་གསོལ་བ་བཏབ་པའི་མཐུས། །བདག་སོགས་གང་དུ་གནས་པའི་ས་ཕྱོགས་དེར། །ནད་དང་དབུལ་ཕོངས་འཐབ་རྩོད་ཞི་བ་དང་་། །ཆོས་དང་བཀྲ་ཤིས་འཕེལ་བར་མཛད་དུ་གསོལ། །ཚིགས་བཅད་འདི་ཆོས་རྒྱལ་ཆེན་པོ་ཉིད་ཀྱི་གསུང་ཡིན་པར་གྲགས། །རྒྱལ་དང་རྒྱལ་བའི་སྲས་ཀྱི་སྨོན་ལམ་དང་་། །བདག་ཅག་མོས་དགེ་རྣམ་པར་དཀར་བའི་མཐུས། །མངའ་བདག་ཆོས་ཀྱི་རྒྱལ་པོ་ཁྲི་སྲོང་རྗེའི། །ཐུགས་བསྐྱེད་བསྟན་པ་མཐར་རྒྱས་བཀྲ་ཤིས་ཤོག །ཅེས་ཚིགས་སུ་བཅད་པ་མཆོད་པའི་ལྷ་མོ་བཅུ་དྲུག་གི་གྲངས་ལྡན་འདི་ནི་མེ་རྟ་ཟླ་བ་བརྒྱད་པའི་ཚེས་ཉེར་བདུན་ལ་མི་ཕམ་འཇམ་དཔལ་རྒྱས་པས་དགེ་ལེགས་འཕེལ།། །། བར་དོའི་སྨོན་ལམ་དགོངས་གཅིག་རྒྱ་མཚོ།༄༅། །བར་དོའི་སྨོན་ལམ་དགོངས་གཅིག་རྒྱ་མཚོ་ཞེས་བྱ་བ་བཞུགས། ། བར་དོའི་སྨོན་ལམ་དགོངས་གཅིག་རྒྱ་མཚོ་ནི། དུས་གསུམ་སངས་རྒྱས་ཐམས་ཅད་ཀྱི། །བདག་ཉིད་བླ་མ་རིན་པོ་ཆེ། །མགོན་མེད་བདག་ལ་ཐུགས་རྗེས་གཟིགས། །མ་རིག་འཐིབས་པོས་ནོན་པ་བདག །འཁོར་ཚེ་ཐོག་མ་མེད་པ་ནས། །ལས་ཉོན་སྡིག་པས་ཟིལ་གྱིས་ནོན། །བླ་མ་བརྙས་ཤིང་སྤུན་ལ་ཁྲོས། །དམ་ཚིག་སྡོམ་པའི་གནས་ཀུན་ཡང་། །ཉེས་སྤྱོད་ཆེན་པོའི་གཡང་སར་ལྟུང་། །མ་འཚལ་བཞིན་དུ་ནོངས་པ་ཀུན། །དེ་རིང་གནོང་འགྱོད་དྲག་པོས་བཤགས། །སྔོན་ཆད་ཁྱེད་ཀྱི་བཀའ་ལས་འདས། །དེ་ལྟའི་སྡིག་ལྟུང་མ་བྱང་བར། །འཇིག་རྟེན་ཕ་རོལ་སོང་གྱུར་ན། །དམྱལ་མེ་བཟོད་དཀས་ངེས་པར་བསྲེག །དེ་ཚེ་བདག་ཉིད་འདོར་ཕོད་དམ། །ཐོག་མཐའ་མེད་པའི་འཁྲུལ་གཞི་ནི། །ལུང་མ་བསྟན་གྱི་ཆོས་ཉིད་ནས། །ཀུན་འབྱུང་མ་རིག་གདོན་ཆེན་དང་། །འགྲོགས་པའི་རང་བཞིན་སྐྱེ་གནས་ཀྱི། །བར་དོར་ཆོས་ལྡན་དལ་འབྱོར་ལུས། །ཐོབ་ནས་བླ་མ་མཉེས་བྱེད་ཅིང་། །ཐོས་བསམ་སྒོམ་པའི་ཤེས་རབ་ལ། །བརྟེན་ནས་ངེས་འབྱུང་བྱང་ཆུབ་སེམས། །ཕྱིན་དྲུག་ལམ་མཆོག་བསྙེན་པར་ཤོག །དུས་ཀྱིས་ཉེན་ཏེ་འགྲོ་བ་ལ། །འཆི་ཀའི་བར་དོ་ཞེས་བྱ་སྟེ། །དེ་ཚེ་འཆི་རྐྱེན་ངན་པ་དང་། །གནད་གཅོད་དྲག་པོ་མི་འབྱུང་ཞིང་། །དབྱིངས་དང་རིག་པ་བསྲེ་བ་ཡིས། །འོད་གསལ་སྦུབས་འཇུག་མངོན་གྱུར་ནས། །གདོད་མའི་གཞི་ལ་གྲོལ་བར་ཤོག །གལ་ཏེ་གོམས་པའི་སྟོབས་ཆུང་ན། །སྒོ་བརྒྱད་བཀག་ནས་ཚང་བུག་དབྱེ། །རྣམ་ཤེས་རླུང་ཞོན་གདམས་པ་ཡིས། །གྲོང་འཕོ་གྲོང་འཇུག་ལ་བརྟེན་ནས། །མཁའ་སྤྱོད་རིག་འཛིན་གནས་ཐོབ་ཤོག །དེ་ལྟར་བྱང་ཆུབ་སེམས་དཔའ་ཡི། །འཕོ་ལུགས་མངོན་དུ་མ་གྱུར་ན། །ས་ལ་ས་ཐིམ་ལྡང་མི་ནུས། །ཆུ་ལ་ཆུ་ཐིམ་ཁ་སྣར་ཆུ། །མེ་ལ་མེ་ཐིམ་ཁ་སྣ་སྐམ། །རླུང་ཐིམ་དབུགས་ངར་ཡན་ལག་ཕྲ། །མིག་སྤྲེན་གྱེན་ལྡོག་དུ་བ་དང་། །སྨིག་རྒྱུ་མེ་ཁྱེར་མར་མེ་འབར། །རླུང་ལྔ་བྲོས་པའི་བྱེད་ལས་ཀྱིས། །ཁྱབ་བྱ་འབྱུང་བའི་ཁམས་ལྔ་དང་། །ཁྱབ་བྱེད་ཡེ་ཤེས་ཐིག་ལེའི་དཔྱིད། །རྒྱབ་གྱེས་ཡུལ་ལྔ་ཡིད་ཤེས་ལ། །ཐིམ་པར་ཕྱོགས་ཚེ་འདི་སྣང་ལ། །ཞེན་ཆགས་གདུང་བ་མི་སྐྱེ་ཞིང་། །བླ་མའི་གདམས་ངག་དྲན་པར་ཤོག །རགས་པ་རྩ་ཐིག་རླུང་གསུམ་གྱི། །ཚོགས་པ་གྱེས་པའི་རྟེན་འབྲེལ་ལས། །ཕྲ་བ་སྣང་མཆེད་ཐོབ་གསུམ་གྱི། །ཐིམ་ཚུལ་དཀར་ཆ་ཐུར་བབས་ཏེ། །སྙིང་སྟོབས་ལས་བྱུང་འདོད་ཆགས་ཀྱི། །རྟོག་པ་འགག་དང་ལྷན་ཅིག་པར། །རྣམ་ཤེས་སྣང་བ་ལ་ཐིམ་པས། །སྟོན་གནམ་ཟླ་འོད་ཀྱིས་སློང་ལྟའི། །དཀར་ལམ་རང་ངོ་ཤེས་པར་ཤོག །དེ་བཞིན་དམར་ཆ་གྱེན་དུ་ལྡོག །རྡུལ་ལས་བྱུང་བའི་ཞེ་སྡང་འགག །སྣང་བ་མཆེད་པ་ལ་ཐིམ་པས། །སྐར་ཁུང་ཉི་ཞུར་གྱིས་སློང་ལྟའི། །དམར་ལམ་རང་ངོ་ཤེས་པར་ཤོག །ཁུ་རྡུལ་སྙིང་གར་ཕྲད་པ་ལས། །མུན་ཅན་ལས་བྱུང་གཏི་མུག་འགག །མཆེད་པ་ཉེར་ཐོབ་ལ་ཐིམ་པས། །སྟོན་གནམ་སྨག་གིས་སློང་བ་ལྟའི། །ནག་ལམ་ཤར་ནས་བརྒྱལ་བ་ལ། །ཕྱོགས་ཚེ་དྲན་པའི་སྒྲོན་མེ་ཡིས། །ཉེར་ཐོབ་འོད་གསལ་ལ་འདྲེས་ནས། །གདོད་མའི་དབྱིངས་སུ་སངས་རྒྱས་ཤོག །གལ་ཏེ་དྲན་པའི་སྟོབས་ཞན་པས། །བརྒྱལ་ཏེ་སེམས་མེད་སྐབས་གྱུར་ན། །ཀུན་གཞི་ཆོས་དབྱིངས་ལ་སད་ནས། །དངས་གསལ་རྟོག་པ་མེད་པ་ཡི། །འཆི་བ་འོད་གསལ་མངོན་གྱུར་ཤོག །དེ་ལྟར་ཆོས་སྐུའི་བསྲེ་བ་ཡིས། །གདོད་མའི་ནང་དབྱིངས་མ་ཟིན་ན། །ཤིན་ཏུ་ཕྲ་བའི་རླུང་སེམས་ཆ། །ལུགས་ལྡོག་ཉེ་བར་ཐོབ་པ་ལས། །མཆེད་པའི་སྣང་བ་ཆོས་ཉིད་ཀྱི། །བར་དོ་གཞི་དབྱིངས་ཀ་དག་ཀློང་། །ཁྲེགས་ཆོད་ལྟ་བས་མངོན་གྱུར་ཅིང་། །གཞི་སྣང་ཡིན་ལུགས་འོད་གསལ་ནི། །སྣང་བ་ཐམས་ཅད་འོད་ལྔ་རུ། །ཟ་འོག་བཀྲམ་པ་ལྟར་ཤར་ཚེ། །ཐོད་རྒལ་གོམས་པའི་ཉེ་རྒྱུ་ལས། །རང་སྣང་རང་བཞིན་མེད་པར་ཤེས། །ཆོས་ཉིད་ཅིག་ཆར་ཟད་པར་ཤོག །གལ་ཏེ་འོད་གསལ་ཟུང་འཇུག་ལ། །ཐིམ་ནས་རིགས་བརྒྱའི་སྣང་བ་ཤར། །སྒྲ་ཡིས་འཇིགས་ཤིང་ཟེར་གྱིས་སྡངས། །སྐུ་ཡི་སྣང་བས་སྐྲག་གྱུར་ན། །སེང་གེའི་གསོབ་ལྟར་མཚང་རིག་ནས། །བག་མི་ཚ་བའི་གདེང་ཐོབ་ཤོག །བསམ་གཏན་གྱིས་ནི་ཞག་ལྔ་ལ། །རྒྱལ་བ་རིགས་ལྔའི་ཞལ་མཐོང་ཚེ། །སྐུ་དང་རང་འོད་འབྲེལ་པ་ཡིས། །རིག་པ་འོད་གསལ་ལ་འཇུག་དང་། །སྐུ་ཡང་རང་ལ་ཐིམ་པ་ཡིས། །འོད་གསལ་རིག་པ་ལ་འཇུག་ཚེ། །མ་པང་བུ་འཇུག་ལྟར་གྲོལ་ཤོག །དེ་བཞིན་ཟུང་འཇུག་ཡེ་ཤེས་ལ། །ཐིམ་པས་འོད་སྣང་ཐིག་ལེ་ཅན། །ཡེ་ཤེས་བཞི་སྦྱོར་སྣང་བ་ནི། །རྡོ་རྗེ་སེམས་དཔའི་ཁོང་སེང་ལམ། །སྣང་ཚེ་རིག་པ་རང་ས་ཟིན། །ཡེ་ཤེས་ལྷུན་གྲུབ་ལ་ཐིམ་པས། །སྐུ་དང་ཡེ་ཤེས་ཐུགས་རྗེ་འོད། །མཐའ་གྲོལ་གཉིས་མེད་དག་མ་དག །ལྷུན་གྲུབ་ཡེ་ཤེས་ཆེན་པོའི་སྒོ། །བརྒྱད་དུ་ཤར་ཡང་འཁོར་འདས་ཀྱི། །འཇུག་ལྡོག་རིག་པའི་རང་རྩལ་དུ། །ཤར་བ་གཞི་ལས་མ་གཡོས་པའི། །གཞི་སྣང་ཆེན་པོར་ཡིད་ཆེས་ཤོག །དེ་ཡང་བསྐྱེད་རིམ་ལ་གོམས་ན། །རླུང་སེམས་ཙམ་གྱི་ལུས་དེ་ཉིད། །མཚན་དཔེ་རྫོགས་པའི་ཡི་དམ་གྱི། །ལྷ་སྐུར་མངོན་བྱང་ལྔས་ཆུབ་པ། །བར་དོར་ལོངས་སྐུའི་བསྲེ་བ་ཡིས། །སྒྱུ་མའི་སྐུ་རུ་ལྡང་བར་ཤོག །གང་ཞིག་མོས་པས་སྤྱོད་རྣམས་ཀྱང་། །རྗེས་དྲན་ལྔ་དང་མངོན་ཤེས་དྲུག །མི་བརྗེད་གཟུངས་ཀྱིས་དབུགས་འབྱིན་ནས། །བླ་མ་དྲན་ནས་རྗེས་འཛིན་ཤོག །ཡི་དམ་དྲན་ནས་ཞལ་མཐོང་ཞིང་། །ལྟ་བ་དང་ནི་བསམ་གཏན་དང་། །སྐྱེ་གནས་མན་ངག་དྲན་པར་ཤོག །དེ་བཞིན་སྔོན་གནས་ཤེས་པ་དང་། །འཆི་འཕོ་དང་ནི་སྐྱེ་བ་ཤེས། །ཕ་རོལ་གྱི་ནི་སེམས་ཤེས་དང་། །སྣང་བ་ལྐོག་གྱུར་ཤེས་པ་དང་། །རིགས་དྲུག་གནས་རིགས་མཐོང་ཞིང་ཤེས། །དབང་པོ་རྣམ་དག་མངོན་ཤེས་དང་། །སྔོན་ཆད་ཐོས་སོ་ཅོག་གིས་མཚོན། །ཆོས་ཀྱི་རྣམ་གྲངས་ཚད་མེད་པ། །རྒྱུད་ལ་འཆར་བའི་མི་བརྗེད་གཟུངས། །ཐོབ་ཚེ་ངེས་པར་གྲོལ་བའི་གནད། །སྟོང་ཉིད་སྤྲོས་བྲལ་ཀ་དག་གི །རིག་པ་ཅེར་མཐོང་རང་ཐོག་ཏུ། །ངོ་ཤེས་ཐག་ཆོད་གདེང་ཐོབ་ཤོག །མདོར་ན་ཆོས་ཉིད་བར་མ་དོའི། །རྣམ་པར་དཔྱད་ན་མཐའ་མེད་ཀྱང་། །དཔྱོད་མཁན་ཉིད་ལ་ཚུར་བརྟགས་ན། །གང་དུའང་གྲུབ་པ་མེད་པ་ལ། །མེད་དོ་སྙམ་པའང་རང་གྲོལ་བ། །འདི་ནི་གདོད་མའི་གྲོལ་ས་སྟེ། །གཞོན་ནུ་བུམ་པའི་སྐུ་ཐོབ་ནས། །ལྷུན་གྲུབ་རྩལ་ལས་སྤྲུལ་པ་ཡིས། །འགྲོ་དོན་འཁོར་བ་དོང་སྤྲུགས་ཤོག །གལ་ཏེ་སྲིད་པ་བར་དོ་ལ། །ཁ་འཁྱལ་མིང་བཞི་འདུས་པ་ཅན། །དབང་པོ་ཀུན་ཚང་ཡིད་ཀྱི་ལུས། །ཤི་བར་ངོ་ཤེས་དྲན་པ་གསལ། །རྣམ་གྲོལ་ས་དང་སྐྱེ་གནས་ལ། །ཐོགས་པའི་བྱ་སྒྲོ་རླུང་ཁྱེར་ལྟར། །ལས་རླུང་རྗེས་འགྲོ་ཉམ་ཐག་ཅིང་། །བྲེད་སྔངས་ཀྱིས་གདུངས་བདུན་ཚན་རེའི། །མཚམས་སུ་འཆི་བའི་སྡུག་བསྔལ་གྱི། །ཚོར་བ་ཉམས་མྱོང་སྐྱེ་གནས་འཚོལ། །དེ་ཚེ་རང་བཞིན་སྤྲུལ་པའི་ཞིང་། །མངོན་པར་དགའ་དང་དཔལ་ལྡན་དང་། །པདྨ་བརྩེགས་དང་ལས་རབ་གྲུབ། །དབུས་ཕྱོགས་མེ་རི་འབར་བ་སྟེ། །རྣམ་གྲོལ་དབུགས་ཆེན་འབྱིན་པ་ལྔའི། །དག་ཞིང་ཡིད་ལ་གོམས་བྱས་ནས། །གདོན་མི་ཟ་བར་བགྲོད་པར་ཤོག །གལ་ཏེ་རིག་པའི་རྩལ་དབང་གིས། །མ་སྨིན་བདེན་པ་མ་མཐོང་ན། །སོ་སོའི་གནས་རིགས་མངོན་གྱུར་རམ། །དམྱལ་བ་སྡོང་དུམ་ཡི་དྭགས་དུ། །མགོ་བོ་ཐུར་ལྟ་བྱོལ་སོང་ཁྲག །ལྷ་མིན་ཁ་ཆར་མགོ་ཡང་འཕྲེད། །ལྷ་མི་དཀར་ཞིང་གྱེན་དུ་འབྲང། །འདོད་ལྷ་ཡུལ་ལ་དགའ་གདུང་དང་། །གཟུགས་ཁམས་འོད་ལ་གཟུགས་མེད་ནི། །ཅི་ཡང་མེད་པའི་སྟོང་ཕྱད་ལ། །དགའ་གདུང་འཆར་ཞིང་ཁྱད་པར་དུ། །ཕ་མའི་འདུ་འཕྲོད་མཐོང་བའི་ཚེ། །ཆགས་སྡང་བདེན་མེད་སྦྱོང་བའམ། །གསུམ་པའི་དབང་དོན་ཉམས་མྱང་ཞིང་། །སྐྱེ་གནས་བཞི་ཡི་སྦྱང་གཞི་དང་། །སྦྱོང་བྱེད་གོམས་པའི་བསྐྱེད་རིམ་གྱིས། །སྔགས་ལ་སྤྱོད་པའི་རྟེན་ཅན་དུ། །སྐྱེ་བ་སྤྲུལ་སྐུའི་བསྲེ་བ་ཡིས། །ཉིང་མཚམས་སྦྱོར་བའི་མཐུ་ཐོབ་ཤོག །སྨིན་བྱེད་དབང་དང་གྲོལ་བྱེད་ཁྲིད། །བསྲུང་བྱ་དམ་ཚིག་ཐོབ་བྱ་འབྲས། །རྣམ་པ་བཞི་རུ་བསྲེ་བ་དང་། །སྒོ་གསུམ་ལྷ་སྔགས་ཆོས་ཉིད་དུ། །འཕོ་བའི་གནད་ལ་མ་གོམས་ན། །འབྱུང་བཞི་རླུང་གི་བྱེད་ལས་ཀྱིས། །ཤིན་ཏུ་འཇིགས་པའི་སྒྲ་བཞི་དང་། །དུག་གསུམ་ལས་སྐྱེས་གཅོང་རོང་གསུམ། །བག་ཆགས་ལས་སྐྱེས་གཤེད་མའི་གཟུགས། །མེ་ཆུ་གཅན་གཟན་འཇིགས་པའི་ཚོགས། །དཀོན་མཆོག་གསུམ་ལ་སྐྱབས་འགྲོ་དང་། །དགེ་བའི་རམ་ཟླས་དབུགས་འབྱིན་ཤོག །དལ་འབྱོར་ཚང་བའི་ལུས་རྟེན་གྱི། །མངལ་སྒོ་བཟང་པོ་འདམ་པ་དང་། །སྨོན་ལམ་དག་པས་མཚམས་སྦྱར་ནས། །མཐོ་རིས་ཡོན་ཏན་བདུན་ལྡན་གྱི། །རྟེན་ལ་བླ་མ་མཉེས་བྱས་ནས། །ཚུལ་བཞིན་སྤྱོད་པའི་རང་དབང་དང་། །ཅི་གསུང་བཀའ་བཞིན་བསྒྲུབ་པ་ཡིས། །ཐུགས་ཡིད་གཅིག་ཏུ་འདྲེས་པར་ཤོག །ཅེས་པའང་རིག་འཛིན་འཇིགས་མེད་གླིང་པས་སོ། ། དགེའོ།། །། བདེ་ཅན་ཞིང་བཀོད་སྨོན་ལམ།༄༅། །བདེ་ཅན་ཞིང་བཀོད་སྨོན་ལམ་བཞུགས། ། བཅོམ་ལྡན་འདས་རྡུལ་བྲལ་ཤིན་ཏུ་རྣམ་པར་དག་པ་ལ་ཕྱག་འཚལ་ལོ། །སངས་རྒྱས་བསོད་ནམས་ཕུང་པོ་ལས་གྲུབ་པའི། །འོད་སྣང་མཐའ་ཡས་བདེ་བ་ཅན་གྱི་ཞིང་། །དེ་ན་བཞུགས་པའི་མགོན་པོ་འོད་དཔག་མེད། །སྐུ་ཚེ་དཔག་མེད་ཞབས་ལ་ཕྱག་འཚལ་ལོ། །བདེ་བ་ཅན་གྱི་ཞིང་དུ་སྐྱེ་བར་ཤོག །གང་ཁྱོད་འཇིག་རྟེན་དབང་ཕྱུག་རྒྱལ་པོའི་དྲུང་། །དགེ་སློང་ཆོས་ཀྱི་འབྱུང་གནས་ཞེས་གྲགས་ཚེ། །ཞིང་ཁམས་བཟུང་བར་སྨོན་པའི་དམ་བཅའ་ལ། །བླ་མར་བྱའོ་མྱུར་དུ་སྐབས་དབྱེར་གསོལ། །བདེ་བ་ཅན་གྱི་ཞིང་དུ་སྐྱེ་བར་ཤོག །གཞོན་ཤ་ཤིན་ཏུ་ཆགས་པའི་ལག་མཐིལ་དང་། །མཉམ་པའི་དཔེ་བྱར་འོས་པའི་འགལ་ཟླ་ནི། །ཆུ་ཞིང་སྲིད་དུ་མི་མངོན་ཐ་གྲུའི་ཁྱོན། །རིན་ཆེན་སྣ་ཚོགས་གཅལ་དུ་བཀྲམ་པས་བྱས། །བདེ་བ་ཅན་གྱི་ཞིང་དུ་སྐྱེ་བར་ཤོག །ལྷུན་པོ་ཆུ་གཏེར་ཁོར་ཡུག་རི་ནག་པོའི། །བསྟི་གནས་ཕལ་པ་མེད་པས་ཉམས་དགའ་ཞིང་། །རིན་ཆེན་སྣ་བདུན་ལས་གྲུབ་ལྗོན་པ་ནི། །དཔག་ཚད་སྟོང་དང་དྲུག་བརྒྱའི་འཕོངས་སུ་སྙེགས། །བདེ་བ་ཅན་གྱི་ཞིང་དུ་སྐྱེ་བར་ཤོག །ཡལ་འདབ་མེ་ཏོག་འབྲས་བུས་དུད་པ་ལ། །གསེར་གྱི་དྲ་བས་དཔྱངས་པར་དྲི་བཞོན་གྱིས། །བསྐུལ་ལས་ཆོག་མི་ཤེས་པའི་སྒྲ་དབྱངས་ཀུན། །ཡིད་འོང་སྙན་དང་མཐུན་པ་དར་དིར་སྒྲོག །བདེ་བ་ཅན་གྱི་ཞིང་དུ་སྐྱེ་བར་ཤོག །དྲི་བསུང་ལྷག་པར་རྒྱས་པའི་མེ་ཏོག་གིས། །ཀུན་ནས་ཀུན་ཏུ་བཀྲམ་པའི་བསྟི་སྟང་ནི། །མི་འགྲེང་བདུན་དུ་སྙེགས་པས་མི་ངོམས་པར། །མནན་ན་ནེམ་ལ་བཏེག་ན་སྤར་བས་འགྲན། །བདེ་བ་ཅན་གྱི་ཞིང་དུ་སྐྱེ་བར་ཤོག །ལྷ་དང་མི་ལས་ངན་སོང་ལྷ་མིན་གྱི། །མིང་ཙམ་མི་གྲགས་འབྱོར་ཞིང་རྒྱས་པ་དང་། །ལོ་ལེགས་ཕུན་སུམ་ཚོགས་པའི་བདེ་བ་ཡིས། །ངོམས་པ་མེད་པའི་དཔལ་ལ་མིང་ཆགས་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །འབབ་སྟེགས་མཆོག་ཏུ་བདེ་བའི་སྤོས་ཆུའི་ཀླུང་། །ཅ་ཅོའི་གཞན་དབང་མ་ཡིན་ཡིད་ལ་འབབ། །རྣམ་པར་བདེ་དང་མཉན་པས་ཆོག་མི་ཤེས། །མི་རྟག་ཞི་དང་བདག་མེད་དོན་ལ་རྟོན། །བདེ་བ་ཅན་གྱི་ཞིང་དུ་སྐྱེ་བར་ཤོག །འདམ་རྫབ་སྤངས་པའི་གསེར་གྱི་བྱེ་མ་ལ། །བཞད་དང་ཁྲུང་ཁྲུང་ངང་ངུར་ཀ་རན་ད། །ནེ་ཙོ་རི་སྐེགས་རྨ་བྱ་ཀུ་ལ་ན། །ཀ་ལ་པིང་ཀའི་རྒྱུད་མངས་ལ་བསྙེན་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །དེ་ལས་རྣ་བའི་འདུས་ཏེ་རེག་ཚོར་ཀུན། །རིན་ཆེན་རྣམ་གསུམ་སྒྲ་དང་ཚད་མེད་བཞི། །ས་དང་ཕར་ཕྱིན་སྟོབས་བཅུ་མི་འཇིགས་བཞི། །མ་འདྲེས་བཅོ་བརྒྱད་རྫོགས་པའི་དོན་དང་ལྡན། །བདེ་བ་ཅན་གྱི་ཞིང་དུ་སྐྱེ་བར་ཤོག །བལྟ་ན་སྡུག་པའི་སྐྱེད་ཚལ་ལྗོན་པ་ལས། །འདོད་པའི་ཡོན་ཏན་བརྒྱ་ཕྲག་མོད་ལ་འབྱུང་། །བར་སྣང་ལ་སྤྲུལ་གཞལ་མེད་ཁང་ལ་སོགས། །གཞན་འཕྲུལ་དབང་བྱེད་ཀྱིས་ཀྱང་དོ་ཟླར་མིན། །བདེ་བ་ཅན་གྱི་ཞིང་དུ་སྐྱེ་བར་ཤོག །དེ་ན་གཟའ་དང་རྒྱུ་སྐར་ཉིན་མཚན་ཆ། །ཁྱིམ་དང་དེ་ལ་ཡོངས་སུ་འཛིན་པའི་སེམས། །གཏན་ནས་མེད་ཀྱང་མཆོད་སྤྲིན་སྤྲོ་བ་ཡི། །ལྷ་ཡི་བུ་མོས་ཤིན་ཏུ་ཉམས་བདེ་བ། །བདེ་བ་ཅན་གྱི་ཞིང་དུ་སྐྱེ་བར་ཤོག །གང་ན་འཚོ་ཞིང་གཞེས་པའི་རྒྱལ་བ་དེའི། །བསྔགས་པ་བརྗོད་ལ་གངྒཱའི་རྡུལ་སྙེད་ཀྱི། །སངས་རྒྱས་རྣམས་ཀྱང་བརྩོན་པ་མི་འདོར་བས། །སྤྱན་རས་གཟིགས་དང་མཐུ་ཆེན་ཐོབ་པའང་བསྙེན། །བདེ་བ་ཅན་གྱི་ཞིང་དུ་སྐྱེ་བར་ཤོག །ཞིང་ཁམས་འདིར་སོན་དགེ་བའི་རྩ་བ་ལ། །སྒྲིབ་པ་དང་བཅས་པདྨོའི་མངལ་འཛིན་དང་། སྐྱིལ་མོ་ཀྲུང་བཅས་མོད་ལ་སྐྱེ་གཉིས་ཀ །སྐྱེས་བུ་ཆེན་པོའི་མཚན་དང་ཡང་དག་ལྡན། །བདེ་བ་ཅན་གྱི་ཞིང་དུ་སྐྱེ་བར་ཤོག །ཉན་རང་བྱང་སེམས་ལྷ་མིའི་རྣམ་པ་ཅན། །ཀུན་ཀྱང་དབང་རྣོན་བཟོད་པ་ཐོབ་བ་སྟེ། །བར་སྣང་ལ་འགྲོ་ལོག་པར་མི་ལྟུང་ཞིང་། །སངས་རྒྱས་མཐོང་དང་མི་འབྲལ་དམ་ཆོས་ཉན། །བདེ་བ་ཅན་གྱི་ཞིང་དུ་སྐྱེ་བར་ཤོག། བསམ་གཏན་དང་ནི་མངོན་པར་ཤེས་པ་ལ། །མཁས་པའི་ཤེས་རབ་ཀྱིས་ནི་རྣམ་དབྱེ་བཟོད། །མ་བསྡམས་མི་མངའ་དབང་པོ་མི་གཡོ་ཞིང་། །ཀུན་ཤེས་ཡོན་ཏན་མཐའ་ཡས་མུ་མེད་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །ཀུན་འབྱུང་རྒྱུ་འབྲས་སྤངས་པའི་ལམ་བདེན་གྱིས། །འགོག་པ་མངོན་དུ་བྱས་པའི་དགྲ་བཅོམ་ཀྱང་། །རྣམ་ཐར་གསུམ་གྱི་དབྱིངས་ལ་དབུགས་ཕྱུང་ནས། །འོད་ཟེར་ཆེན་པོའི་དབང་བསྐུར་ལ་སྦྱོར་བ། །བདེ་བ་ཅན་གྱི་ཞིང་དུ་སྐྱེ་བར་ཤོག །སྐད་ཅིག་རེར་བསྟན་ཆོས་ཀྱི་རྣམ་གྲངས་ཀྱང་། །བགྲང་བར་མི་བཟོད་རྫུ་འཕྲུལ་ཆེན་པོ་ཡིས། །ཞིང་ཁམས་གཞན་ཉུལ་ཆོས་ལས་ཐོབ་པ་ཡི། །བྱེ་བ་ཕྲག་བརྒྱའི་ཏིང་འཛིན་སྒོ་འབྱེད་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །མདོར་ན་གང་གི་མཚན་དང་སྒྲ་དང་ནི། །ལྟ་བ་ཡིད་ལ་གོམས་པར་བྱས་པ་ཡང་། །ཞིང་ཁམས་བདེ་བ་ཅན་དུ་དབུགས་འབྱིན་པའི། །ཐུགས་བསྐྱེད་དམ་བཅའ་བསླུ་བ་མེད་པའི་ཕྱིར། ཁྱོད་ཀྱིས་གཞན་དོན་མཛད་པའི་དཔེ་ཟླ་ལ། །རྒྱ་མཚོའི་དུས་རླབས་ངལ་བའི་སྐབས་བསྟན་པས། །བུ་རམ་ཤིང་པའི་ཞལ་ནས་ཀུན་དགའ་བོ། ཁྱོད་ལོངས་ནུབ་ཀྱི་ཕྱོགས་སུ་ཁ་སྟོན་ལ། །མེ་ཏོག་གཏོར་ནས་ཐལ་མོ་སྦྱར་བྱས་ཏེ། །རྫོགས་པའི་སངས་རྒྱས་འོད་སྣང་དཔག་ཏུ་མེད། །རྡུལ་བྲལ་ཤིན་ཏུ་རྣམ་པར་དག་པ་ལ། །ཕྱག་འཚོལ་དེ་མཚན་སྒྲིབ་པ་མེད་པ་ནི། །ཕྱོགས་བཅུར་གྲགས་ནས་རྒྱལ་བ་དེ་རྣམས་ཀྱང་། །བསྔགས་པ་བརྗོད་པར་གསུངས་ན་བདག་ཅག་ནི། །ལུས་དང་ལོངས་སྤྱོད་ལྟོས་པ་མེད་པར་འབུལ། །བྱས་ཤིང་བསགས་པའི་སྡིག་སྒྲིབ་མཐོལ་བ་དང་། །ཆབས་གཅིག་མཛད་པ་རྒྱ་མཚོར་ཡི་རང་འབུལ། །རྟག་པར་ཆོས་འཁོར་དང་བཅས་བཞུགས་སུ་གསོལ། །དགེ་རྩ་ཇི་སྙེད་མཆིས་པ་འགྲོ་བ་ཀུན། །བདེ་བ་ཅན་དུ་སྐྱེ་བའི་རྒྱུར་བསྔོ་ན། །སྨོན་པ་ཇི་བཞིན་འགྲུབ་པའི་བཀྲ་ཤིས་ཤོག །ཅེས་འོད་མདོ་དང་མཐུན་པའི་སྨོན་ལམ་འདི་ནི། །མདོ་ཁམས་ནས་སློབ་བུའི་དམ་པ་འཇིགས་མེད་ཕྲིན་ལས་འོད་ཟེར་གྱིས་རིང་མོ་ནས་བསྐུལ་ཞིང་། ཉེ་ཆར་དེའི་གསོལ་འདེབས་ལ་བརྩོན་པ་འཇིགས་མེད་བློ་གསལ་ཅན་གཉིས་ཀྱི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ།། །། ཨེ་མ་ཧོ། །དུས་གསུམ་སངས་རྒྱས་་་་་༄༅། །ཨེ་མ་ཧོ། །དུས་གསུམ་སངས་རྒྱས་ཀུན་གྱི་ཐུགས་རྗེའི་གཏེར། །ཁམས་གསུམ་མ་ལུས་སྒྲོལ་བའི་དེད་དཔོན་མཆོག །བོད་ཁམས་འགྲོ་བ་ཡོངས་ཀྱི་གཉེན་གཅིག་པུ། །བཀའ་དྲིན་མཚུངས་མེད་ཨོ་རྒྱན་ཆེན་པོ་ལ། །ལུས་དང་ལོངས་སྤྱོད་བློ་སྙིང་བྲང་གསུམ་འབུལ། །ཁ་ཞེ་ངོ་ལྐོག་མེད་པར་གསོལ་བ་འདེབས། །འཁོར་ཚེ་ཐོག་མ་མེད་ནས་ད་ལྟའི་བར། །མ་རིག་ལས་དང་ཉོན་མོངས་དབང་གྱུར་ནས། །ཁམས་གསུམ་རྒྱུད་དྲུག་གནས་སུ་འཁྱམས་པ་བདག །སྡུག་བསྔལ་གསུམ་གྱི་ཞགས་པས་བཅིངས་པ་ལས། །མྱུར་དུ་ཐུགས་རྗེས་སྒྲོལ་ཅིག་གུ་རུ་རྗེ། །འདི་ནས་བཟུང་སྟེ་བྱང་ཆུབ་མ་ཐོབ་པར། །སྐྱིད་སྡུག་ལེགས་ཉེས་བཟང་ངན་ཅི་བྱུང་ཡང་། །རྗེ་བཙུན་ཆེན་པོ་པདྨ་འབྱུང་གནས་མཁྱེན། །གསོལ་བ་སྙིང་ནས་འདེབས་པའི་གང་ཟགལ། །ཐུགས་རྗེ་རྒྱུན་ཆད་མེད་པར་ཞལ་བཞེས་པའི། །ཐོས་གྲོལ་གསུང་གི་དོན་འབྲས་མ་ལུས་པ། །མངོན་སུམ་མིག་གི་བདུད་རྩིར་སྩལ་དུ་གསོལ། །ཁྱད་པར་ནམ་ཞིག་ཚེ་ཡི་དུས་བྱས་ཏེ། །བེམ་རིག་འབྲས་བའི་དུས་ལ་བབ་པ་ན། །སྐྱེ་འཆི་བར་དོ་གནད་གཅོད་སྡུག་བསྔལ་འཕྲང་། །ཤིན་ཏུ་འཇིགས་པ་ཆེན་པོའི་གཡང་ས་ལས། །སྐྱོབས་ཏེ་ངན་སོང་གསུམ་དུ་མ་བཏང་བར། །རང་སྣང་རྣམ་དག་ཟངས་མདོག་དཔལ་རིའི་ཞིང་། །སྐུ་གསུམ་བདེ་བ་ཆེན་པོའི་ཕོ་བྲང་ཆེར། །མགོན་པོ་ཁྱོད་ཀྱི་ཐུགས་དང་དབྱེར་མེད་དུ། །འདྲེན་པའི་དེད་དཔོན་མཛོད་ཅིག་མ་ཧཱ་གུ་རུ། །སྐྱབས་གནས་ཀུན་འདུས་ཨོ་རྒྱན་ཆེན་པོ་མཁྱེན། །སངས་རྒྱས་ཀུན་འདུས་ཨོ་རྒྱན་ཆེན་པོ་མཁྱེན། །དམ་ཆོས་ཀུན་འདུས་ཨོ་རྒྱན་ཆེན་པོ་མཁྱེན། །དགེ་འདུན་ཀུན་འདུས་ཨོ་རྒྱན་ཆེན་པོ་མཁྱེན། །རྩ་གསུམ་ཀུན་འདུས་ཨོ་རྒྱན་ཆེན་པོ་མཁྱེན། །ད་ནི་དུས་ངན་སྙིགས་མའི་མཐའ་ལ་ཐུག །དམ་ཆོས་ཚུལ་བཞིན་བྱེད་པའི་ལོང་མ་ཁོམ། །སད་སེར་བཙའ་ཐན་ནད་ཡམས་མུ་གེ་དང་། །འཁྲུགས་རྩོད་དུས་ཀྱི་རྒུད་པས་ཀུན་དུ་མནར། །འབྱུང་པ་སྒང་གཤོངས་སྣོད་བཅུད་རྟེན་འབྲེལ་འཕྱུགས། །བོད་ཁམས་སེམས་ཅན་སྡུག་བསྔལ་དྲག་པོ་ལ། །སྤྱོད་ཚེ་རྗེ་བཙུན་གུ་རུའི་ཐུགས་རྗེ་ཡིས། །གནས་སྐབས་རྫོགས་ལྡན་གསར་བའི་སྒོ་འཕར་ཕྱེད། །མཐར་ཐུག་འོད་གསལ་ཆོས་སྐུའི་ཕོ་བྲང་དུ། །ཁམས་གསུམ་ལུས་ཅན་མཐའ་དག་དབུགས་དབྱུང་ནས། །འཁོར་བ་དོང་ནས་སྤྲུགས་པར་མཛད་དུ་གསོལ། །ཞེས་མིག་ནས་མཆི་མ་ཐོན་པའི་མོས་གུས་ཀྱི་གསོལ་བ་གདབ་པར་བྱའོ། །ཞེས་པའང་ཡར་ཀློང་ཤེལ་ཀྱི་བྲག་ཕུག་ཏུ་ཚོགས་ཀྱི་འཁོར་ལོ་དཔག་ཏུ་མེད་པར་བསྐོར་བའི་ཚེ། །གྲོགས་མཆེད་རྣམས་ཀྱི་ནན་གྱིས་བསྐུལ་ངོར་བྲག་ཉག་གུར་ཅོག་འོག་ཏུ་ཀློང་ཆེན་ནམ་མཁའི་རྣལ་འབྱོར་གྱིས་སྨྲས་པའོ།། །།དགེའོ། ། ཟངས་མདོག་དཔལ་རིའི་སྨོན་ལམ་དཔལ་རིའི་གསང་ལམ།འུ༔ ཟངས་མདོག་དཔལ་རིའི་སྨོན་ལམ་དཔལ་རིའི་གསང་ལམ་ཞེས་བྱ་བ་བཞུགས༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ རང་བཞིན་རྣམ་དག་བློ་བྲལ་གཉུག་མའི་སྦུབས༔ གསལ་མདངས་འགགས་མེད་བདེ་སྟོང་ལོངས་སྐུའི་རྩལ༔ སྤྲུལ་སྐུའི་ཞིང་ཁམས་མི་མཇེད་བཀོད་པའི་ཆ༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ འཛམ་གླིང་ས་ཡི་ལྟེ་བ་རྡོ་རྗེའི་གདན༔ དུས་གསུམ་རྒྱལ་བས་ཆོས་འཁོར་བསྐོར་བའི་གནས༔ དེ་ཡི་ནུབ་བྱང་རྔ་ཡབ་ལང་ཀའི་གླིང་༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ བཀོད་པ་ལྷུན་གྲུབ་ཙིཏྟའི་ས་འཛིན་སྤོ༔ རྩ་བ་གདེངས་ཅན་འཇོག་པོའི་ཐོད་དུ་བཅིང་༔ སྐེད་པར་ལུས་མེད་མཁའ་འགྲོས་ཚོགས་འཁོར་བསྐོར༔ རྩེ་མོ་གཟུགས་ཁམས་བསམ་གཏན་སྙོགས་པ་ལྟའི༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ རི་རྒྱལ་དེ་ཡི་རྩེ་མོའི་གཞལ་མེད་ཁང་༔ ཤར་ཤེལ་ལྷོ་ཕྱོགས་དབང་སྔོན་བཻཌཱུཪྻ༔ ནུབ་ཕྱོགས་པད་རག་བྱང་ཕྱོགས་ཨིནྡྲ་ནི༔ ཕྱི་ནང་བར་མེད་ཟང་ཐལ་དབང་གཞུའི་མདངས༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ ཁྱམས་དང་གྲུ་ཆད་གློ་འབུར་འཇའ་རིས་འཁྱིལ༔ འདོད་སྣམ་ཕ་གུ་དྲ་བ་དྲ་ཕྱེད་དང་༔ ཤར་བུ་མདའ་ཡབ་སྒོ་རྒྱན་རྟ་བབས་ཅན༔ ཆོས་འཁོར་གདུགས་ཏོག་བརྡ་དོན་རྟགས་རྫོགས་པའི༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ དཔག་བསམ་ལྗོན་པའི་ཤིང་དང་བདུད་རྩིའི་ཆུ༔ ནེའུ་སེང་སྨན་ལྗོངས་དྲི་བསུང་འཐུལ་བའི་ཁྲོད༔ དྲང་སྲོང་རིག་འཛིན་བྱ་ཚོགས་བྷྲ་མ་ར༔ ཐེག་གསུམ་ཆོས་ཀྱི་སྒྲ་དང་བརྡ་གླུ་སྒྱུར༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ ཕོ་བྲང་གཞལ་མེད་ཆེན་པོའི་ལྟེ་བ་ལ༔ རིན་ཆེན་ཟུར་བརྒྱད་པདྨ་ཉི་ཟླའི་སྟེང་༔ བདེ་གཤེགས་ཀུན་འདུས་རང་བྱུང་པདྨ་འབྱུང་༔ སྐུ་གསུམ་རིགས་འདུས་འཇའ་ཟེར་ཀློང་ན་བཞུགས༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ གང་གི་ཟབ་གསལ་བདེ་ཆེན་ཡེ་ཤེས་རྩལ༔ སྟོང་ཉིད་སྙིང་རྗེར་ཤར་བའི་སྒྱུ་འཕྲུལ་ལས༔ ཕྱོགས་བཅུ་ཀུན་དང་ཁྱད་པར་བོད་ཡུལ་དུ༔ སྤྲུལ་པ་བྱེ་བ་ཕྲག་བརྒྱ་བར་མེད་འགྱེད༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ གཡས་ཀྱི་གྲལ་ན་རྒྱ་བོད་རིག་འཛིན་རྣམས༔ འོད་གསལ་རྡོ་རྗེའི་རོལ་ངོར་འབྱམས་སུ་ཀླས༔ གཡོན་གྱི་གྲལ་ན་འཕགས་བོད་པཎ་གྲུབ་རྣམས༔ བཤད་སྒྲུབ་ཉམས་རྟོགས་བགྲོ་གླེང་ཆོས་སྒྲ་འུར༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ མཐའ་སྐོར་བར་མཚམས་རྗེ་འབངས་ཉེར་ལྔ་དང་༔ སྤྲུལ་པའི་གཏེར་སྟོན་གྲུབ་པའི་ཁྱུ་མཆོག་རྣམས༔ ཐེག་པ་རིམ་དགུའི་འཁོར་ལོ་ལ་སྤྱོད་ཅིང་༔ གཡོ་མེད་དགོངས་པའི་གཟེར་གྱི་བརྟུལ་ཞུགས་འཛིན༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ ཕྱོགས་བཞི་མཚམས་བརྒྱད་གྲུ་ཆད་བར་ཁྱམས་ཀུན༔ དཔའ་བོ་ཌཱ་ཀི་ལྷ་དང་ལྷ་མོས་ཁེངས༔ རྡོ་རྗེའི་གླུ་གར་མིག་འཕྲུལ་ལྟ་བུར་གཡོ༔ ཕྱི་ནང་གསང་བའི་མཆོད་སྤྲིན་སྟུབ་པར་བྱེད༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ དེ་སྟེང་ལོངས་སྐུའི་གཞལ་མེད་བཀོད་མཛེས་ནང་༔ ཕྱག་ན་པདྨ་འཇིག་རྟེན་དབང་ཕྱུག་ལ༔ ཚོམ་བུའི་དཀྱིལ་འཁོར་བསམ་ཡས་འཁོར་གྱིས་བསྐོར༔ རྣམ་རྟོག་བག་ཆགས་དགྲ་གདོན་ཐལ་བར་བྱེད༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ དེ་སྟེང་ཆོས་སྐུའི་ཞིང་ཁམས་ཉམས་དགའ་བརཿ གཞི་སྣང་ཡེ་ཤེས་སྙིང་པོ་ཀུན་ཏུ་བཟང་༔ སྣང་མཐའ་རིག་པའི་འཁོར་ལ་བརྡ་ཆོས་སྟོན༔ སྟོན་འཁོར་དགོངས་པ་མཉམ་པའི་ཕྲིན་ལས་ཅན༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ སྒོ་བཞིར་བཀའ་ཉན་རྒྱལ་པོ་ཆེན་པོ་བཞི༔ ཕྱི་ནང་གསང་བའི་ལྷ་སྲིན་སྡེ་བརྒྱད་ཀུན༔ ཕོ་ཉར་མངགས་ནས་མུ་སྟེགས་དམ་སྲི་འདུལ༔ དམ་ཅན་རྒྱ་མཚོའི་དཔའ་རྟགས་རྒྱལ་རྔ་བརྡུང་༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ དེ་ལྟར་ཞིང་གི་བཀོད་པ་གསལ་བཏབ་ནས༔ ཕྱི་རོལ་ཡུལ་གྱི་ཟངས་མདོག་དཔལ་རི་ལ༔ ཡུལ་ཅན་ནང་གི་རིག་པས་སྨོན་དེའི་མཐུས༔ རང་ལུས་མི་མཇེད་ཞིང་གི་བཀོད་པའི་ནང་༔ རང་སྣང་ཟངས་མདོག་དཔལ་རིར་མངོན་པར་ཤོག༔ ཁྱད་པར་བསྐྱེད་རྫོགས་ཟབ་མོའི་རྟེན་འབྲེལ་གྱིས༔ རྩ་གསུམ་འཁོར་ལྔའི་མདུད་པ་གྲོལ་ནས་ཀྱང་༔ སྙིང་དབུས་ཟངས་མདོག་དཔལ་རིའི་ཕོ་བྲང་ཆེར༔ ལྷན་སྐྱེས་ཡེ་ཤེས་རོལ་པའི་རྩལ་རྫོགས་ནས༔ རང་རིག་པད་འབྱུང་རྗེ་དང་མཇལ་བར་ཤོག༔ ཚོགས་སྦྱོར་མཐོང་སྒོམ་མི་སློབ་ལམ་ལྔའི་སྦུབས༔ རབ་དགའ་ནས་བཟུང་ཀུན་ཏུ་འོད་ཀྱི་བར༔ དེ་ལས་རྡོ་རྗེ་ཐེག་པའི་ས་མཆོག་གཉིས༔ ཁྱད་པར་འོད་གསལ་རྫོགས་པ་ཆེན་པོ་ཡི༔ ཐུན་མོང་མ་ཡིན་ཡེ་ཤེས་བླ་མའི་ས༔ བྱར་མེད་ལྷུག་པའི་ངང་དུ་རྫོགས་ནས་ཀྱང་༔ གཞི་དབྱིངས་པདྨ་འོད་དུ་གྲོལ་བར་ཤོག༔ གལ་ཏེ་དགོངས་པའི་རྩལ་ཆེན་མ་རྫོགས་ན༔ གསོལ་འདེབས་སྨོན་ལམ་དྲག་པོའི་འཕེན་པ་ཡིས༔ ནམ་ཞིག་འཆི་བ་བཙན་ཐབས་བྱུང་བའི་ཚེ༔ པདྨའི་ཕོ་ཉ་མཁའ་འགྲོ་གར་མཁན་མས༔ མངོན་སུམ་ལག་པའི་ཁུ་ཚུར་ནས་བཟུང་ནས༔ མཁར་ཆེན་བཟའ་དང་གུ་ཎ་ནཱ་ཐ་ལྟར༔ བདག་ཀྱང་པདྨ་འོད་དུ་འཁྲིད་པར་ཤོག༔ ཆོས་དབྱིངས་རྣམ་པར་དག་པའི་བདེན་པ་དང་༔ དཀོན་མཆོག་རྩ་མཐོང་སྣང་སྣ་ཚོགས་ཡོད་པའི་ལུགས་ལྟར་བཤད་པ་ཡིན༔ གསུམ་རྒྱ་མཚོའི་ཐུགས་རྗེ་ཡིས༔ བདག་གིས་སྨོན་པ་ཡིད་བཞིན་འགྲུབ་གྱུར་ནས༔ འགྲོ་བ་འདྲེན་པའི་དེད་དཔོན་བྱེད་པར་ཤོག ། བདེན་ཚིག་འགྲུབ་པའི་པྲ་ཎི་དྷ་རྣམ་མཁྱེན་གྲོང་འཇུག༄༅། །བདེན་ཚིག་འགྲུབ་པའི་པྲ་ཎི་དྷ་རྣམ་མཁྱེན་གྲོང་འཇུག་ཅེས་བྱ་བ་བཞུགས། ། དངོས་གྲུབ་རྒྱ་མཚོའི་འབྱུང་གནས་བླ་མ་དང་མཆོག་གསུམ་བྱང་ཆུབ་སེམས་དཔའ་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། །མི་ངའི་སྐྱེ་བ་ནས་ཚེ་རབས་ཐམས་ཅད་དུ་དལ་འབྱོར་བཅོ་བརྒྱད་ཚང་བའི་མི་ལུས་རིན་པོ་ཆེ་ཐོབ་སྟེ་རྗེ་བཙུན་བླ་མ་མཚན་ཉིད་དང་ལྡན་པའི་གདུལ་བྱར་འགྱུར་བར་ཤོག་ཅིག །མངོན་མཐོ་དང་ངེས་ལེགས་མཐའ་དག་གི་འབྱུང་ཁུངས་ཐོས་བསམ་སྒོམ་གསུམ་གྱིས་རང་རྒྱུད་བཏུལ་ཏེ་རྒྱལ་བའི་བསྟན་པ་རིན་པོ་ཆེའི་རྗེས་སུ་སློབ་པར་ཤོག་ཅིག །ཆོས་ལ་འཇུག་པའི་རྩ་བ་ངེས་འབྱུང་དང་བློ་ལྡོག་རྣམ་པ་བཞི་རྒྱུད་ལ་ངམ་ངམ་ཤུགས་ཀྱིས་སྐྱེས་ནས་འཁོར་བ་མཐའ་མེད་ཀྱི་བྱ་བ་ལ་བཙོན་དོང་དང་མེ་འོབས་ལྟ་བུར་མཐོང་བར་ཤོག་ཅིག །ལས་འབྲས་བསླུ་བ་མེད་པ་ལ་ཡིད་ཆེས་རྙེད་ནས་དགེ་སྡིག་གི་ལས་ཕྲ་མོ་ཙམ་ལ་ཡང་འཇུག་ལྡོག་བྱེད་པར་ཤོག་ཅིག །གནས་གྲོགས་འདུ་འཛི་རྐྱེན་ངན་ལ་སོགས་པ་བྱང་ཆུབ་བསྒྲུབ་པའི་བར་ཆད་ཀྱི་དབང་དུ་མི་འགྲོ་བར་དཀོན་མཆོག་གསུམ་གྱི་སྐྱབས་འོག་ཏུ་ཚུད་དེ་སྐྱེས་བུ་གསུམ་གྱི་ལམ་ལ་སློབ་པར་ཤོག་ཅིག །བདེ་གཤེགས་ཀུན་འདུས་ཀྱི་ངོ་བོ་བཀའ་དྲིན་ཅན་གྱི་བླ་མ་དམ་པ་ལ་ཐེ་ཚོམ་དང་མཉམ་འགྲོགས་ཀྱི་མི་རུ་བཟུང་བའི་ལོག་ལྟ་སྤངས་ཏེ་སངས་རྒྱས་དངོས་སུ་མཐོང་བར་ཤོག་ཅིག །དེའི་མཐུ་ལས་མཚོན་བྱེད་དཔེའི་དབང་བཞིས་སྒོ་གསུམ་སྨིན་པར་བྱས་ཏེ་རྨད་བྱུང་རྡོ་རྗེ་ཐེག་པའི་གསང་ལམ་ལ་འཇུག་པར་ཤོག་ཅིག །གསོལ་འདེབས་དང་མོས་གུས་ཀྱི་མཚམས་སྦྱོར་ལམ་དུ་ལོངས་ནས་མཚོན་བྱ་དོན་གྱི་དགོངས་རྒྱུད་བདག་ལ་འཕོས་ཏེ་རྟོགས་པ་ནམ་མཁའ་དང་མཉམ་པར་ཤོག་ཅིག །བསྐྱེད་པ་མ་ཧཱ་ཡོ་གའི་ཉམས་ལེན་མཐར་ཕྱིན་ནས་སྣོད་བཅུད་དཀྱིལ་འཁོར་གསུམ་དུ་ཤེས་ཤིང་རིགས་འཛིན་རྣམ་པ་བཞིའི་ས་ལ་བགྲོད་པ་རྒྱལ་སྲས་པདྨ་དང་བི་མ་ལ་ལྟ་བུར་འགྱུར་པར་ཤོག་ཅིག །ལུང་ཨ་ནུ་ཡོ་གའི་ཉམས་ལེན་མཐར་ཕྱིན་ནས་འཁོར་འདས་ཀྱི་འཛིན་རྟོག་བདེ་སྟོང་གཉིས་སུ་མེད་པའི་ངོ་བོར་སངས་རྒྱས་ཏེ་འོག་མིན་སྟུག་པོ་བཀོད་པའི་ཞིང་ཁམས་ལ་དབང་སྒྱུར་བར་ཤོག་ཅིག །རྫོགས་ཆེན་ཨ་ཏི་ཡོ་གའི་ཉམས་ལེན་མཐར་ཕྱིན་ནས་ཆོས་ཅན་གྱི་སྣང་བ་ཆོས་ཉིད་ཀྱི་ཀློང་དུ་ཟད་ནས་གཞོན་ནུ་བུམ་སྐུར་གྲོལ་བ་རིག་འཛིན་དགའ་རབ་རྡོ་རྗེ་ལྟ་བུར་འགྱུར་བར་ཤོག་ཅིག །མདོར་ན་བདག་གིས་བྱང་ཆུབ་ཀྱི་སྤྱོད་པ་ལ་བསླབ་པ་ནས་བཟུང་སྟེ་སྒོ་གསུམ་གྱིས་བྱ་བ་ཅི་བགྱིས་ཐམས་ཅད་ཕ་མ་སེམས་ཅན་ཐམས་ཅད་ཀྱི་དོན་དུ་འགྱུར་བར་ཤོག་ཅིག །དུས་དང་རྣམ་པ་ཐམས་ཅད་དུ་དམ་པའི་ཆོས་མ་ཡིན་པའི་འཇིག་རྟེན་མཐུན་འཇུག་གི་བསམ་པ་སྐད་ཅིག་མ་ཙམ་ཡང་སེམས་ལ་མི་སྐྱེ་བར་ཤོག་ཅིག །གལ་ཏེ་ལས་དང་བག་ཆགས་དབང་བཙན་པར་གྱུར་ནས་ཕྱིན་ཅི་ལོག་གི་བློ་སྐྱེས་ནའང་དེ་ཉིད་མི་འགྲུབ་པར་ཤོག་ཅིག །གཞན་དོན་དུ་འགྱུར་ན་ལུས་སྲོག་འདོར་བ་ལ་ཡང་ཉམ་ང་མེད་པ་གཞོན་ནུ་དོན་འགྲུབ་ལྟ་བུར་འགྱུར་པར་ཤོག་ཅིག །དོན་གཉིས་ལྷུན་གྲུབ་ཀྱི་ས་ལ་ཕྱིན་ནས་ཁམས་གསུམ་འཁོར་བའི་རྒྱ་མཚོ་དོང་ནས་སྤྲུགས་ནུས་པ་སྟོབས་བཅུ་མི་འཇིགས་རྣམ་བཞིའི་རྩལ་ཅན་དུ་གྱུར་ཅིག །འདོད་པ་དང་བྲལ་བའི་སྨོན་ལམ་དེ་ལྟ་བུ་ཡོངས་སུ་འགྲུབ་པའི་མཐུན་འགྱུར་མཛད་པར་རྒྱལ་བ་སྲས་བཅས་རྣམས་ཀྱིས་ཞལ་གྱིས་བཞེས་པ་ཡིན་ནོ། །དྲང་སྲོང་བདེན་པར་སྨྲ་བ་རྣམས་ལ་ཕྱག་འཚལ་ལོ། །ཨོཾ་དྷ་རེ་དྷ་རེ་བྷནྡྷ་རེ་བྷནྡྷརེ་སྭཱ་ཧཱ། །དགེ་བ་སྟོབས་ཆེ་བར་གྱུར་ཅིག །སྨོན་ལམ་མཐུ་བཙན་པར་གྱུར་ཅིག །སྡིག་པ་འདག་སྐྱེན་པར་གྱུར་ཅིག །ཛ་ཡ་ཛ་ཡ་སིདྡྷི་སིདྡྷི་ཕ་ལ་ཕ་ལ་འ་ཨ་ཧ་ཤ་ས་མ། །མ་མ་ཀོ་ལིང་ས་མནྟ། བཀྲ་ཤིས་དགེའོ སརྦ་མངྒ་ལཾ།། །། དུས་མཐར་གདབ་པའི་སྨོན་ལམ།དུས་མཐར་གདབ་པའི་སྨོན་ལམ་ཞེས་བྱ་བ་བཞུགས། ན་མོ། དཀོན་མཆོག་གསུམ་ལ་སྙིང་ནས་སྐྱབས་སུ་མཆི། །སྐྱེ་མེད་ཆོས་ལ་བཟོད་པ་མ་ཐོབ་བར། །ངན་འགྲོའི་གནས་སུ་ནམ་ཡང་མི་ལྟུང་ཞིང་། །ལྷ་བས་ལྷག་པའི་ལུས་རྟེན་ཐོབ་པར་ཤོག །མཐོ་རིས་ཐོབ་ཀྱང་སྡུག་བསྔལ་རྣམ་གསུམ་གྱིས། །དམ་ལ་མ་བཞག་འཁོར་བ་ཡོད་མིན་ན། །བདེ་འགྲོའི་རྟེན་ལ་མྱ་ངན་འདའ་བའི་གེགས། །མི་ཁོམ་གནས་དང་མཚུངས་ལྡན་ལུས་སྤོང་ཤོག །སྡོམ་མིན་རྒྱུན་ལྡན་རྒྱལ་བློན་སྡིག་ཏོ་ཅན། །གཡུལ་ལས་དགའ་དང་ཞལ་ལྕེ་འཁྱོག་པོར་སྤྱོད། །རྗེ་བོའི་བྲན་གྱུར་ཉམ་ཆུང་མནར་བ་དང་། །ཚོང་པ་དང་ནི་གཡོན་ཅན་ལུས་སྤོང་ཤོག །དཀོན་མཆོག་དཀོར་འཕྲོག་དགེ་འདུན་ལས་བྱེད་དང་། །ལྡན་གྲོལ་གཉིས་མེད་དཀོར་ལ་རང་དགར་སྤྱོད། །ལེགས་སྨོན་དོན་གཉེར་ཁྱིམ་པ་བསུན་འབྱིན་ཅན། །གཞན་རྒྱུད་བསྲེག་པའི་དགེ་སྦྱོང་ལུས་སྤོང་ཤོག །རང་བཞིན་ངན་པ་སྤྲུལ་གདུག་ལྟ་བུ་དང་། །གཞན་འབྱོར་ལ་སྡང་ལྷ་མ་ཡིན་གྱི་སེམས། །སྐྱབས་འོས་བསླུ་ཞིང་ཆོས་ལ་སྡང་བ་དང་། །བརྐུ་དང་འཕྲོག་འཇོམས་རྔོན་པའི་ལུས་སྤོང་ཤོག །མཚམས་མེད་ལྔའམ་དེ་དང་ཉེ་བ་ལྔ། །མི་དགེ་བཅུ་ལ་འགྱོད་སེམས་མེད་པར་སྤྱོད། །ནགས་ལ་མེ་སྦར་སྦྲང་ཚངས་གཏིབས་པ་སོགས། ཁ་ན་མ་ཐོ་ཆེ་ལས་ཐར་བར་ཤོག །དེ་ལྟར་ཐར་ནས་ད་ནི་ལྔ་བརྒྱའི་མཐར། །སྐྱེས་བུའི་ལུས་རྟེན་མི་ལུས་རིན་པོ་ཆེ། །རབ་ཏུ་བྱུང་ངམ་ཅིག་ཤོས་ཡང་ནི་རུང་། །བྱང་ཆུབ་སེམས་དཔའི་རིགས་ཅན་ཐོབ་པར་ཤོག །སྐྱེས་མ་ཐག་ཏུ་ཐེག་པ་ཆེན་པོའི་ལམ། །མ་ནོར་མངོན་སུམ་སྟོན་པའི་བླ་མ་དང་། །མཇལ་ནས་རྣམ་པ་ཀུན་ཏུ་མཉེས་བྱེད་ཅིང་། །ཐོས་བསམ་སྒོམ་པའི་ཤེས་རབ་ལྡན་པར་ཤོག །དེ་ཡང་བསམ་པ་བྱང་ཆུབ་སེམས་དང་ལྡན། །སྦྱོར་བ་ཕ་རོལ་ཕྱིན་དྲུག་ལ་གོམས་པས། །ལམ་ལྔ་ས་བཅུ་སྔགས་ཀྱི་སྡེ་སྣོད་ལ། །ཅིག་ཅར་བགྲོད་པའི་སྐལ་བ་མཆོག་ལྡན་ཤོག །ཅེས་པའང་གདུང་བསམས་པ་བྱང་ཆུབ་རྒྱལ་མཚན་གྱིས་བསྐུལ་བ་བཞིན་གནས་དུས་ལ་སྐྱོ་བ་སྣ་ཚོགས་སྐྱེས་པའི་དོན་དང་མཐུན་པར་རྫོགས་ཆེན་པ་རང་བྱུང་རྡོ་རྗེས་སོ། ། དཔལ་ཀུན་ཏུ་བཟང་པོའི་སྨོན་ལམ།༄༅། །དཔལ་ཀུན་ཏུ་བཟང་པོའི་སྨོན་ལམ་བཞུགས་སོ། ། ཧོ༔ སྣང་སྲིད་འཁོར་འདས་ཐམས་ཅད་ཀུན༔ གཞི་གཅིག་ལམ་གཉིས་འབྲས་བུ་གཉིས༔ རིག་དང་མ་རིག་ཆོ་འཕྲུལ་ཏེ༔ ཀུན་ཏུ་བཟང་པོའི་སྨོན་ལམ་གྱིས༔ ཐམས་ཅད་ཆོས་དབྱིངས་ཕོ་བྲང་དུ༔ མངོན་པར་རྫོགས་ཏེ་འཚང་རྒྱ་ཤོག༔ ཀུན་གྱི་གཞི་ནི་འདུས་མ་བྱས༔ རང་བྱུང་ཀློང་ཡངས་བརྗོད་དུ་མེད༔ འཁོར་འདས་གཉིས་ཀའི་མིང་མེད་དོ༔ དེ་ཉིད་རིག་ན་སངས་རྒྱས་ཏེ༔ མ་རིག་སེམས་ཅན་འཁོར་བར་འཁྱམས༔ ཁམས་གསུམ་སེམས་ཅན་ཐམས་ཅད་ཀྱིས༔ བརྗོད་མེད་གཞི་དོན་རིག་པར་ཤོག༔ ཀུན་ཏུ་བཟང་པོ་ང་ཡིས་ཀྱང་༔ རྒྱུ་རྐྱེན་མེད་པ་གཞི་ཡི་དོན༔ དེ་ཉིད་གཞི་ལ་རང་བྱུང་རིག༔ ཕྱི་ནང་སྒྲོ་སྐུར་སྐྱོན་མ་བཏགས༔ དྲན་མེད་མུན་པའི་སྒྲིབ་མ་གོས༔ དེ་ཕྱིར་རང་སྣང་སྐྱོན་མ་གོས༔ རང་རིག་སོ་ལ་གནས་པ་ལ༔ སྲིད་གསུམ་འཇིགས་ཀྱང་དངངས་སྐྲག་མེད༔ འདོད་ཡོན་ལྔ་ལ་ཆགས་པ་མེད༔ རྟོག་མེད་ཤེས་པ་རང་བྱུང་ལ༔ རྡོས་པའི་གཟུགས་དང་དུག་ལྔ་མེད༔ རིག་པའི་གསལ་ཆ་མ་འགགས་པ༔ ངོ་བོ་གཅིག་ལ་ཡེ་ཤེས་ལྔ༔ ཡེ་ཤེས་ལྔ་པོ་སྨིན་པ་ལས༔ ཐོག་མའི་སངས་རྒྱས་རིགས་ལྔ་བྱུང་༔ དེ་ལས་ཡེ་ཤེས་མཐའ་རྒྱས་པས༔ སངས་རྒྱས་བཞི་བཅུ་རྩ་གཉིས་བྱུང་༔ ཡེ་ཤེས་ལྔ་ཡི་རྩལ་ཤར་བས༔ ཁྲག་འཐུང་དྲུག་ཅུ་ཐམ་པ་བྱུང་༔ དེ་ཕྱིར་གཞི་རིག་འཁྲུལ་མ་མྱོང་༔ ཐོག་མའི་སངས་རྒྱས་ང་ཡིན་པས༔ ང་ཡི་སྨོན་ལམ་བཏབ་པ་ཡིས༔ ཁམས་གསུམ་འཁོར་བའི་སེམས་ཅན་གྱིས༔ རང་བྱུང་རིག་པ་ངོ་ཤེས་ནས༔ ཡེ་ཤེས་ཆེན་པོ་མཐའ་རྒྱས་ཤོག༔ ང་ཡི་སྤྲུལ་པ་རྒྱུན་མི་ཆད༔ བྱེ་བ་ཕྲག་བརྒྱ་བསམ་ཡས་འགྱེད༔ གང་ལ་གང་འདུལ་སྣ་ཚོགས་སྟོན༔ ང་ཡི་ཐུགས་རྗེའི་སྨོན་ལམ་གྱིས༔ ཁམས་གསུམ་འཁོར་བའི་སེམས་ཅན་ཀུན༔ རིགས་དྲུག་གནས་ནས་འཐོན་པར་ཤོག༔ དང་པོ་སེམས་ཅན་འཁྲུལ་པ་རྣམས༔ གཞི་ལ་རིག་པ་མ་ཤར་བས༔ ཅི་ཡང་དྲན་མེད་ཐོམ་མེ་བ༔ དེ་ག་མ་རིག་འཁྲུལ་པའི་རྒྱུ༔ དེ་ལ་ཧད་ཀྱིས་བརྒྱལ་བ་ལས༔ དངངས་སྐྲག་ཤེས་པ་ཟ་ཟི་འགྱུས༔ དེ་ལས་བདག་གཞན་དགྲར་འཛིན་སྐྱེས༔ བག་ཆགས་རིམ་བཞིན་བལྟས་པ་ལ༔ འཁོར་བ་ལུགས་སུ་འཇུག་པ་བྱུང་༔ དེ་ལས་ཉོན་མོངས་དུག་ལྔ་རྒྱས༔ དུག་ལྔའི་ལས་ལ་རྒྱུན་ཆད་མེད༔ དེ་ཕྱིར་སེམས་ཅན་འཁྲུལ་བའི་གཞི༔ དྲན་མེད་མ་རིག་ཡིན་པའི་ཕྱིར༔ སངས་རྒྱས་ང་ཡི་སྨོན་ལམ་གྱིས༔ ཀུན་གྱི་རིག་པ་རང་ཤེས་ཤོག༔ ལྷན་ཅིག་སྐྱེས་པའི་མ་རིག་པ༔ ཤེས་པ་དྲན་མེད་ཡེངས་པ་ཡིན༔ ཀུན་ཏུ་བཏགས་པའི་མ་རིག་པ༔ བདག་གཞན་གཉིས་སུ་འཛིན་པ་ཡིན༔ ལྷན་ཅིག་ཀུན་བཏགས་མ་རིག་གཉིས༔ སེམས་ཅན་ཀུན་གྱི་འཁྲུལ་གཞི་ཡིན༔ སངས་རྒྱས་ང་ཡིས་སྨོན་ལམ་གྱིས༔ འཁོར་བའི་སེམས་ཅན་ཐམས་ཅད་ཀྱི༔ དྲན་མེད་འཐིབ་པའི་མུན་པ་སངས༔ གཉིས་སུ་འཛིན་པའི་ཤེས་པ་དངས༔ རིག་པའི་རང་ངོ་ཤེས་པར་ཤོག༔ གཉིས་འཛིན་བློ་ནི་ཐེ་ཚོམ་སྟེ༔ ཞེན་པ་ཕྲ་མོ་སྐྱེེས་པ་ལས༔ བག་ཆགས་འཐུག་པོ་རིམ་གྱིས་བརྟས༔ ཟས་ནོར་གོས་དང་གནས་དང་གྲོགས༔ འདོད་ཡོན་ལྔ་དང་བྱམས་པའི་གཉེན༔ ཡིད་འོང་ཆགས་པའི་འདོད་པས་གདུངས༔ དེ་དག་འཇིག་རྟེན་འཁྲུལ་པ་སྟེ༔ གཟུང་འཛིན་ལས་ལ་ཟད་མཐའ་མེད༔ ཞེན་པའི་འབྲས་བུ་སྨིན་པའི་ཚེ༔ སྐམ་ཆགས་གདུང་བའི་ཡི་དྭགས་སུ༔ སྐྱེས་ནས་བཀྲེས་སྐོམ་ཡ་རེ་ང་༔ སངས་རྒྱས་ང་ཡི་སྨོན་ལམ་གྱིས༔ འདོད་ཆགས་ཞེན་པའི་སེམས་ཅན་རྣམས༔ འདོད་པའི་གདུང་བ་ཕྱིར་མ་སྤངས༔ འདོད་ཆགས་ཞེན་པ་ཚུར་མ་བླང་༔ ཤེས་པ་རང་སོར་ཀློད་པ་ཡིས༔ རིག་པ་རང་སོ་ཟིན་གྱུར་ནས༔ ཀུན་རྟོག་ཡེ་ཤེས་ཐོབ་པར་ཤོག༔ ཕྱི་རོལ་ཡུལ་གྱི་སྣང་བ་ལ༔ འཇིགས་སྐྲག་ཤེས་པ་ཕྲ་མོ་འགྱུས༔ སྡང་བའི་བག་ཆགས་བརྟས་པ་ལས༔ དགྲར་འཛིན་བརྡེག་གསོད་ཧྲགས་པ་སྐྱེས༔ ཞེ་སྡང་འབྲས་བུ་སྨིན་པའི་ཚེ༔ དམྱལ་བའི་བཙོ་བསྲེག་སྡུག་རེ་བསྔལ༔ སངས་རྒྱས་ཡིས་སྨོན་ལམ་གྱིས༔ འགྲོ་དྲུག་སེམས་ཅན་ཐམས་ཅད་ཀྱི༔ ཞེ་སྡང་དྲག་པོ་སྐྱེས་པའི་ཚེ༔ སྤང་བླང་མི་བྱ་རང་སོར་ཀློད༔ རིག་པ་རང་སོ་ཟིན་གྱུར་ནས༔ གསལ་བའི་ཡེ་ཤེས་ཐོབ་པར་ཤོག༔ རང་སེམས་ཁེངས་པར་གྱུར་པ་ལ༔ གཞན་ལ་འགྲན་སེམས་སྨད་པའི་བློ༔ ང་རྒྱལ་དྲག་པོའི་སེམས་སྐྱེས་པས༔ བདག་གཞན་འཐབ་རྩོད་སྡུག་བསྔལ་མྱོང་༔ ལས་དེའི་འབྲས་བུ་སྨིན་པའི་ཚེ༔ འཕོ་ལྟུང་མྱོང་བའི་ལྷརུ་སྐྱེ༔ སངས་རྒྱས་ང་ཡི་སྨོན་ལམ་གྱིས༔ ཁེངས་སེམས་སྐྱེས་པའི་སེམས་ཅན་རྣམས༔ དེ་ཚེ་ཤེས་པ་རང་སོར་ཀློད༔ རིག་པ་རང་སོ་ཟིན་གྱུར་ན༔ མཉམ་པ་ཉིད་ཀྱི་དོན་རྟོགས་ཤོག༔ གཉིས་འཛིན་བརྟས་པའི་བག་ཆགས་ཀྱིས༔ བདག་བསྟོད་གཞན་སྨོད་ཟུག་རྔུ་ལས༔ འཐབ་རྩོད་འགྲན་སེམས་བརྟས་པ་ལས༔ གསོད་གཅོད་ལྷ་མིན་གནས་སུ་སྐྱེ༔ འབྲས་བུ་དམྱལ་བའི་གནས་སུ་ལྟུང་༔ སངས་རྒྱས་ང་ཡི་སྨོན་ལམ་གྱིས༔ འགྲན་སེམས་འཐབ་རྩོད་སྐྱེས་པ་རྣམས༔ དགྲར་འཛིན་མི་བྱ་རང་སོར་ཀློད༔ ཤེས་པ་རང་སོ་ཟིན་གྱུར་ནས༔ ཕྲིན་ལས་ཐོགས་མེད་ཡེ་ཤེས་ཤོག༔ དྲན་མེད་གཏང་སྙོམས་ཡེངས་པ་ཡིས༔ འཐིབས་དང་རྨུགས་དང་བརྗེད་པ་དང་༔ བརྒྱལ་དང་ལེ་ལོ་གཏི་མུག་ལས༔ འབྲས་བུ་སྐྱབས་མེད་བྱོལ་སོང་འཁྱམས༔ སངས་རྒྱས་ང་ཡི་སྨོན་ལམ་གྱིས༔ གཏི་མུག་བྱིངས་པའི་མུན་པ་ལ༔ དྲན་པ་གསལ་བའི་མདངས་ཤར་བས༔ རྟོག་མེད་ཡེ་ཤེས་ཐོབ་པར་ཤོག༔ ཁམས་གསུམ་སེམས་ཅན་ཐམས་ཅད་ཀུན༔ ཀུན་གཞི་སངས་རྒྱས་ང་དང་མཉམ༔ དྲན་མེད་འཁྲུལ་པའི་གཞི་རུ་སོང་༔ ད་ལྟ་དོན་མེད་ལས་ལ་སྤྱོད༔ ལས་དྲུག་རྨི་ལམ་འཁྲུལ་ལ་འདྲ༔ ང་ནི་སངས་རྒྱས་ཐོག་མ་ཡིན༔ འགྲོ་དྲུག་སྤྲུལ་པས་འདུལ་བའི་ཕྱིར༔ ཀུན་ཏུ་བཟང་པོའི་སྨོན་ལམ་གྱིས༔ སེམས་ཅན་ཐམས་ཅད་མ་ལུས་པ༔ ཆོས་ཀྱི་དབྱིངས་སུ་འཚང་རྒྱ་ཤོག༔ ཨ་ཧོཿ ཕྱིན་ཆད་རྣལ་འབྱོར་སྟོབས་ཅན་གྱིས༔ འཁྲུལ་མེད་རིག་པ་རང་གསལ་ནས༔ སྨོན་ལམ་སྟོབས་ཅན་འདི་བཏབ་ལས༔ འདི་ཐོས་སེམས་ཅན་ཐམས་ཅད་ཀུན༔ སྐྱེ་བ་གསུམ་ནས་མངོན་འཚང་རྒྱ༔ ཉི་ཟླ་གཟའ་ཡིས་ཟིན་པའམ༔ སྒྲ་དང་ས་གཡོས་བྱུང་བའམ༔ ཉི་མ་ལྡོག་འགྱུར་ལོ་འཕོ་དུས༔ རང་ཉིད་ཀུན་ཏུ་བཟང་པོར་བསྐྱེད༔ ཀུན་གྱིས་ཐོས་པར་འདི་བརྗོད་ན༔ ཁམས་གསུམ་སེམས་ཅན་ཐམས་ཅད་ཀྱང་༔ རྣལ་འབྱོར་དེ་ཡི་སྨོན་ལམ་གྱིས༔ སྡུག་བསྔལ་རིམ་བཞིན་གྲོལ་ནས་ཀྱང་༔ མཐའ་རུ་སངས་རྒྱས་ཐོབ་པར་འགྱུར༔ ཞེས་གསུངས་སོ། །རྫོགས་པ་ཆེན་པོ་ཀུན་ཏུ་བཟང་པོའི་དགོངས་པ་ཟང་ཐལ་དུ་བསྟན་པའི་རྒྱུད་ལས། སྨོན་ལམ་སྟོབས་པོ་ཆེ་བཏབ་པས་སེམས་ཅན་ཐམས་ཅད་སངས་མི་རྒྱ་བའི་དབང་མེད་པར་བསྟན་པའི་ལེའུ་དགུ་པ་ཁོལ་དུ་ཕྱུངས་པའོ།། །། གུ་རུ་གཙོ་འཁོར་གསུམ་གྱིས་གསུངས་བའི་སྨོན་ལམ།༄༅། །གུ་རུ་གཙོ་འཁོར་གསུམ་གྱིས་གསུངས་བའི་སྨོན་ལམ་བཞུགས་སོ།། །། སངས་རྒྱས་ཀུན་དངོས་གུ་རུ་པདྨ་འབྱུང་། །ཚེ་རབས་ཀུན་ཏུ་བདག་གི་བླ་མར་ཤོག །མཆོག་ཐུན་ལམ་གྱི་་བར་ཆད་ཀུན་ཞི་ནས། །འོད་གསལ་ངང་ནས་འགྲོ་བ་སྒྲོལ་བར་ཤོག །སྐྱབས་གནས་བསླུ་མེད་པདྨ་འབྱུང་གནས་ལ། །མི་ཕྱེད་དད་པས་སྙིང་ནས་གསོལ་བ་འདེབས། །མཆོག་ཐུན་དངོས་གྲུབ་ཚེ་འདིར་སྩལ་དུ་གསོལ། །སྒྲིབ་བྲལ་རང་ངོ་རང་གིས་ཤེས་པ་དང་། །རང་ཐག་རང་གིས་ཆོད་པའི་གདེང་ལྡན་གྱིས། །གཞན་གྱི་དབང་དུ་སྐད་ཅིག་མི་བཏང་བར། །རང་གི་བསམ་དོན་ཆོས་བཞིན་འགྲུབ་པར་ཤོག །ལྷ་འདྲེ་མི་གསུམ་བར་ཆད་མི་ཚུགས་ཤིང་། །བརྟུལ་ཞུགས་དྲག་པོའི་སྟོབས་དང་ལྡན་པར་ཤོག །ལས་རླུང་དྲག་པོས་ནམ་ཡང་མི་བསྐྱོད་ཅིང་། །མཉམ་བཞག་ཏིང་འཛིན་བརྟན་པ་ཐོབ་པར་ཤོག །ལས་ཤུགས་དྲག་པོའི་སྐྱོན་གྱིས་མི་གོས་ཤིང་། །ལས་ངན་དབང་གིས་སྐྱེ་བ་མི་ལེན་ཤོག །འདི་ནས་ཤི་འཕོས་སྐད་ཅིག་ཉིད་ལ་ནི། །ནུབ་ཕྱོགས་ཨུ་རྒྱན་ཟངས་མདོག་དཔལ་གྱི་རི། །རིག་འཛིན་སློབ་དཔོན་པདྨའི་ཞབས་དྲུང་དུ། །འདུན་པ་དྲག་པོས་སྐད་ཅིག་སླེབ་པར་ཤོག །དེ་འཁོར་པདྨའི་གསུང་གི་བདུད་རྩི་མྱོང་། །སྐད་ཅིག་གཡོ་མེད་སྒྲུབ་ལ་བརྩོན་པར་ཤོག །པདྨའི་སྐུ་གསུང་ཐུགས་དང་མཉམ་གྱུར་ནས། །འགྲོ་དྲུག་འཁོར་བ་དོང་ནས་སྤྲུགས་པར་ཤོག །བདག་ནི་པདྨའི་རྗེས་སུ་བཟུང་གྱུར་ནས། །རྫུ་འཕྲུལ་ནུས་མཐུ་དཔག་མེད་ཐོབ་པ་ཡི། །སྐུ་གསུང་ཐུགས་ཀྱི་སྤྲུལ་པ་ཇི་སྙེད་ཀྱིས། །མཐའ་ཡས་སེམས་ཅན་བདེ་ལ་འགོད་པར་ཤོག །ཆོས་དབྱིངས་མཐའ་དབུས་བྲལ་བའི་བདེན་པ་དང་། །ཡི་དམ་རྩ་བ་གསུམ་གྱི་ཐུགས་རྗེ་དང་། །བདག་གི་ལྷག་བསམ་རྣམ་པར་དག་པའི་མཐུས། །སྨོན་ལམ་འདི་ཉིད་སྐད་ཅིག་འགྲུབ་པར་ཤོག །ན་མོ་མ་ཧཱ་གུ་རུའི་བྱིན་རླབས་ཀྱིས། །བདག་ཀྱང་ཚེ་རབས་ཐམས་ཅད་དུ། །ཞིང་ཁམས་དག་པའི་ཕོ་བྲང་དུ། །བླ་མ་འབྲལ་མེད་བསྟེན་པར་ཤོག །མོས་གུས་ལྟེམ་རྐྱང་མེད་པ་ཡིས། །མཉེས་པའི་ཞབས་ཏོག་འགྲུབ་པ་དང་། །དགོངས་པ་ཟབ་མོ་ཐུགས་ཀྱི་བཅུད། །བྱིན་རླབས་བདུད་རྩིའི་ལུང་ཐོབ་ཤོག །སྐུ་གསུང་ཐུགས་ཀྱི་བྱིན་རླབས་ཀྱིས། །ལུས་ངག་ཡིད་གསུམ་སྨིན་པ་དང་། །ཟབ་མོའི་བསྐྱེད་རྫོགས་རྣམ་གཉིས་ལ། །དབང་ཐོབ་སྒྲུབ་པ་བྱེད་པར་ཤོག །ལོག་རྟོག་བདུད་ཀྱི་ཚོགས་རྣམས་དང་། །ནད་གདོན་བར་ཆད་ཞི་བ་དང་། །འཁོར་དང་ལོངས་སྤྱོད་རྒྱས་པ་ཡིས། །བསམ་པ་ཡིད་བཞིན་འགྲུབ་པར་ཤོག །དུར་ཁྲོད་རི་ཁྲོད་གངས་ཁྲོད་སོགས། །ཕུན་སུམ་ཚོགས་པའི་གནས་ཉིད་དུ། །ཏིང་འཛིན་ཟབ་མོའི་དགོངས་བཅུད་ལ། །རྟག་ཏུ་སྒྲུབ་པ་བྱེད་པར་ཤོག །སྒྲུབ་པ་བྱས་པའི་འབྲས་བུ་ཡིས། །ཕྲིན་ལས་རྣམ་བཞི་འགྲུབ་པ་དང་། །ལྷ་སྲིན་བྲན་དུ་ཁོལ་ནས་ཀྱང་། །སངས་རྒྱས་བསྟན་པ་བསྲུང་བར་ཤོག །སྟོན་པས་གསུངས་བའི་དམ་ཆོས་རྣམས། །རྩོལ་མེད་རྒྱུ་ལ་འཆར་བར་ཤོག །མཁྱེན་པ་མཆོག་ལ་མངའ་བརྙེས་ནས། །རྟོགས་པ་མཆོག་དང་ལྡན་པར་ཤོག །བྱང་ཆུབ་སེམས་ཀྱི་རྟེན་འབྲེལ་གྱིས། །སྐྱེ་འགྲོ་མ་ལུས་དབང་བསྡུས་ནས། །ཐོགས་མེད་ཡིད་བཞིན་ནོར་བུའི་མཐུས། །འབྲེལ་ཚད་དོན་དང་ལྡན་པར་ཤོག །སངས་རྒྱས་བསྟན་པ་དར་བའི་མཐུས། །བརྒྱུད་འཛིན་ཆོས་དོན་རྒྱས་པ་དང་། །འགྲོ་ཀུན་བདེ་ལ་འཁོད་ནས་ཀྱང་། །ཞིང་ཁམས་ཐམས་ཅད་དག་པར་ཤོག །བདག་གི་ལུས་ངག་ཡིད་གསུམ་གྱིས། །གདུལ་བྱ་སོ་སོའི་བློ་ཡུལ་དུ། །གང་ལ་གང་འདུལ་སྤྲུལ་པའི་སྐུ། །དཔག་ཏུ་མེད་པར་འབྱུང་བར་ཤོག །མདོར་ན་འཁོར་འདས་མ་ལུས་པ། །གུ་རུ་ཉིད་དང་དབྱེར་མེད་ཅིང་། །སྐུ་གསུམ་འདུ་འབྲལ་མེད་པ་ཡིས། །རྣམ་མཁྱེན་སངས་རྒྱས་མྱུར་ཐོབ་ཤོག །སེམས་ཅན་གསོལ་བ་འདེབས་པར་ཤོག །བླ་མས་བྱིན་གྱིས་རློབ་པར་ཤོག །ཡི་དམ་དངོས་གྲུབ་སྟེར་བར་ཤོག །མཁའ་འགྲོས་ལུང་བསྟན་བྱེད་པར་ཤོག །ཆོས་སྐྱོང་བར་ཆད་སེལ་བར་ཤོག །སངས་རྒྱས་བསྟན་པ་དར་ཞིང་རྒྱས་པར་ཤོག །སེམས་ཅན་ཐམས་ཅད་བདེ་ཞིང་སྐྱིད་པར་ཤོག །ཉིན་དང་མཚན་དུ་ཆོས་ལ་སྤྱོད་པར་ཤོག །རང་གཞན་དོན་གཉིས་ལྷུན་གྱིས་འགྲུབ་པར་ཤོག །རང་གཞན་དག་པའི་དགེ་བ་འདིས། །འཁོར་བ་ངན་སོང་དོང་སྤྲུགས་ནས། །སྲིད་མཚོར་སླར་ཡང་མི་གནས་ཤིང་། །ཚེ་གཅིག་སངས་རྒྱས་འགྲུབ་པར་ཤོག །རྒྱལ་བ་ཀུན་གྱི་གསང་ཆེན་མཛོད། །བླ་མེད་མཆོག་གི་བསྟན་པ་འདི། །ཇི་ལྟར་མཁའ་ལ་ཉི་ཤར་བཞིན། །རྒྱལ་ཁམས་ཡོངས་ལ་དར་རྒྱས་ཤོག །མདོར་ན་བདག་གི་དགེ་རྩ་འདིས། །དགེ་གཞན་མཐའ་དག་གཅིག་བསྡུས་ནས། །དཔལ་ལྡན་བླ་མ་དམ་པ་ཡི། །ཐུགས་དགོངས་ཡོངས་སུ་རྫོགས་པར་ཤོག །མཁྱེན་བརྩེ་ནུས་གསུམ་མཐར་ཕྱིན་ཏེ། །རྣམ་མཁྱེན་སངས་རྒྱས་ཐོབ་པར་ཤོག ༈ །ན་མོ་པདྨ་སམ་བྷ་ཝ། །རྣམ་དག་གདམས་ཟབ་སྟོན་པའི་བླ་མ་དང་། །དངོས་གྲུབ་འདོད་དགུ་སྩོལ་བའི་ཡི་དམ་ལྷ། །བར་ཆད་མ་ལུས་སེལ་བའི་མཁའ་འགྲོ་ལ། །གསོལ་བ་འདེབས་སོ་བརྩེ་བས་བཟུང་དུ་གསོལ། །བདག་ནི་འཆི་བར་གྱུར་པའི་དུས་ཀྱི་ཚེ། །ཆེ་འདིར་ཞེན་པའི་སྣང་བ་མི་འབྱུང་ཞིང་། །ཞིང་ཁམས་གཞན་དུ་འཕོ་བའི་དྲན་འཛིན་གྱིས། །ལུས་སེམས་འབྲལ་བའི་སྡུག་བསྔལ་མེད་པར་ཤོག །ཚེ་འདིའི་སྣང་བ་ནུབ་པར་གྱུར་པའི་ཚེ། །འཇའ་འོད་གདུགས་དང་མེ་ཏོག་ཆར་པ་འབབས། །རོལ་མོ་དབྱངས་སྙན་གླུ་དབྱངས་ཚོགས་མཆོད་ཀྱིས། །དཔའ་བོ་མཁའ་འགྲོས་མདུན་ནས་བསུ་བར་ཤོག །དེ་ཚེ་དྲན་པ་མ་ཡེངས་བསྐྱེད་རིམ་གསལ། །རྫོགས་རིམ་ཏིང་འཛིན་སྙིང་པོ་མངོན་གྱུར་ནས། །ཟུང་འཇུག་རྡོ་རྗེ་འཆང་གི་སྐུར་བཞེངས་ཏེ། །མ་ནོར་ལམ་ལ་བདག་ཉིད་འཇུག་པར་ཤོག །གལ་ཏེ་ལས་ཀྱིས་འཁོར་བར་ལྟུང་གྱུར་ན། །དམྱལ་བའི་ས་ཕྱོགས་ཡིད་འོང་གཞལ་ཡས་ཁང་། །དམྱལ་སྲུང་རྣམས་ཀྱང་སྣང་སྟོང་ལྷ་ཡི་སྐུ། །མནར་མེད་སྡུག་བསྔལ་བདེ་བར་འཆར་བར་ཤོག །རིག་འཛིན་བླ་མ་རྣམས་ཀྱིས་མཐའ་ནས་བསྟེན། །ཡི་དམ་ལྷ་ཡིས་རྒྱབ་ནས་སྲོག་སྐྱོབ་ཅིང་། །ཆོས་སྐྱོང་སྲུང་མའི་ཚོགས་ཀྱིས་ཕྱི་ནས་སྐྱོར། །གནས་གསུམ་མཁའ་འགྲོས་མདུན་ནས་བསུ་བར་ཤོག །ནུབ་ཕྱོགས་ཨོ་རྒྱན་ཟངས་མདོག་དཔལ་གྱི་རི། །པདྨ་འོད་ཀྱི་སྤྲས་པའི་གཞལ་ཡས་སུ། །རིག་འཛིན་བླ་མ་བཞུགས་པའི་གནས་མཆོག་དེར། །པདྨའི་སྦུབས་ལ་རྫུས་ཏེ་སྐྱེ་བར་ཤོག །སྐྱེས་མ་ཐག་ཏུ་རྒྱལ་སྲས་པདྨ་འབྱུང་། །མངོན་སུམ་ཞལ་མཇལ་ཡིན་པར་ངོ་ཤེས་ནས། །བཅོས་མ་མིན་པའི་མོས་གུས་དྲག་པོ་ཡིས། །འབྲལ་མེད་ཏིང་འཛིན་རྗེས་སུ་འཛིན་པར་ཤོག །དེ་ཚེ་རིག་འཛིན་པདྨ་འབྱུང་གནས་དང་། །སངས་རྒྱས་བྱང་སེམས་རིག་འཛིན་མཁའ་འགྲོའི་ཚོགས། །རྒྱལ་བ་རྣམས་ཀྱི་སྲས་སུ་བདག་གྱུར་ནས། །མི་ནུབ་བསྟན་པའི་རྒྱལ་མཚན་འཛིན་པར་ཤོག །ཁམས་གསུམ་འཁོར་བའི་སེམས་ཅན་མ་ལུས་པ། །སྡུག་བསྔལ་ཆུ་བོ་ཆེ་ལས་མྱུར་སྒྲོལ་ནས། །རྣམ་གྲོལ་ཐར་བའི་གླིང་དུ་ཁྲིད་ནུས་པའི། །དེད་དཔོན་ཐམས་ཅད་མཁྱེན་པ་བདག་གྱུར་ཅིག །བསླུ་མེད་དཀོན་མཆོག་གསུམ་གྱི་བྱིན་རླབས་དང་། །ཡི་དམ་ལྷ་ཚོགས་རྣམས་ཀྱི་ནུས་མཐུ་དང་། །བདག་གི་ལྷག་བསམ་རྣམ་པར་དག་པའི་མཐུས། །རྣམ་དག་སྨོན་པའི་གནས་དེར་འགྲུབ་པར་ཤོག །དུས་གསུམ་བདེ་གཤེགས་སངས་རྒྱས་མ་ལུས་པ། ཆོས་ཉིད་མངོན་སུམ་རང་སྣང་རྡོ་རྗེའི་སྐུ། །འཇའ་འོད་ཐིག་ལེ་ལུག་རྒྱུད་ཡེ་ཤེས་ལྔ། །མ་ནོར་དྲན་འཛིན་རང་སྣང་ཆོས་ཀྱི་སྐུ། །འོད་གསལ་མ་བུ་རང་ངོ་འཕྲོད་པར་ཤོག །འདི་ནས་ཤི་འཕོས་ཕོ་བྲང་པདྨ་ཅན། །ཨོ་རྒྱན་པདྨའི་ཞབས་དྲུང་དེར་སྐྱེས་ནས། །ཟབ་མོ་ཆོས་ཀྱི་འཁོར་ལོ་བསྐོར་བ་དང་། །འགྲོ་རྣམས་བདེ་ལ་འགོད་པར་བྱིན་གྱིས་རློབས། །གུ་རུ་པད་འབྱུང་ཁྱེད་སྐུ་ཅི་འདྲ་དང་། །འཁོར་དང་སྐུ་ཚེའི་ཚད་དང་ཞིང་ཁམས་སོགས། །ཁྱེད་ཀྱི་མཚན་མཆོག་བཟང་པོ་ཅི་འདྲ་བ། །དེ་འདྲ་ཁོ་ནར་བདག་སོགས་འགྱུར་བར་ཤོག། །། འཕགས་པ་བྱམས་པའི་སྨོན་ལམ་གྱི་རྒྱལ་པོ།༄༅། །འཕགས་པ་བྱམས་པའི་སྨོན་ལམ་གྱི་རྒྱལ་པོ་བཞུགས་སོ། ། རྒྱ་གར་སྐད་དུ། ཨཱཪྱ་མཻ་ཏྲི་པྲ་ཎི་དྷཱ་ན་ར་ཛ། བོད་སྐད་དུ། འཕགས་པ་བྱམས་པའི་སྨོན་ལམ་གྱི་རྒྱལ་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཀུན་དགའ་བོ་ཇི་ལྟར་བྱང་ཆུབ་སེམས་དཔའ་ཆེན་པོ་བྱམས་པས་དམ་བཅས་ནས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ་ཉིན་ལན་གསུམ་མཚན་ལན་གསུམ་དུ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་ནས་ཚིག་འདི་སྐད་ཅེས་སྨོན་ལམ་བཏབ་བོ། །སངས་རྒྱས་ཀུན་ལ་ཕྱག་འཚལ་ལོ། །དྲང་སྲོང་ལྷ་མིག་ལྡན་པ་ཡི། །བྱང་ཆུབ་སེམས་དཔའ་རྣམས་དང་ཡང་། །ཉན་ཐོས་རྣམས་ལ་ཕྱག་འཚལ་ལོ། །ངན་འགྲོའི་ལམ་ནི་བཟློག་བགྱིད་ཅིང་། །མཐོ་རིས་ལམ་ནི་རབ་སྟོན་ལ། །རྒ་ཤི་མེད་པར་འདྲེན་བགྱིད་པའི། །བྱང་ཆུབ་སེམས་ལ་ཕྱག་འཚལ་ལོ། །སེམས་ཀྱི་དབང་དུ་གྱུར་པས་ན། །བདག་གིས་སྡིག་པ་ཅི་བགྱིས་པ། །སངས་རྒྱས་སྤྱན་སྔར་མཆིས་ནས་སུ། །བདག་གིས་དེ་དག་བཤགས་པར་བགྱི། །བདག་ལས་རྣམ་པ་གསུམ་གང་གིས། །བསོད་ནམས་ཚོགས་ནི་བསྐྱེད་པ་དེ། །བདག་གི་ཀུན་མཁྱེན་ས་བོན་ཏེ། །བདག་གི་བྱང་ཆུབ་མི་ཟད་ཤོག །ཕྱོགས་བཅུ་དག་གི་ཞིང་རྣམས་སུ། །སངས་རྒྱས་མཆོད་པ་གང་བྱུང་བ། །སངས་རྒྱས་མཁྱེན་པ་ཡི་རང་བ། །དེ་ལ་བདག་ནི་ཡི་རང་ངོ་། །སྡིག་པ་ཐམས་ཅད་བཤགས་པར་བགྱི། །བསོད་ནམས་ཀུན་ལ་ཡི་རང་ངོ་། །སངས་རྒྱས་ཀུན་ལ་ཕྱག་འཚལ་ལོ། །བདག་ནི་ཡེ་ཤེས་མཆོག་ཐོབ་ཤོག །ཕྱོགས་བཅུ་དག་གི་ཕྱོགས་རྣམས་སུ། །ས་བཅུ་དག་ལ་གནས་པ་ཡི། །བྱང་ཆུབ་སེམས་དཔའ་བྱང་ཆུབ་མཆོག །འཚང་རྒྱ་བགྱིད་པར་བསྐུལ་མ་འདེབས། །བྱང་ཆུབ་དམ་པར་སངས་རྒྱས་ཤིང་། །སྡེ་དང་བཅས་པའི་བདུད་བཏུལ་ནས། །སྲོག་ཆགས་ཀུན་ལ་སྨན་སླད་དུ། །ཆོས་ཀྱི་འཁོར་ལོ་བསྐོར་གྱུར་ཅིག །ཆོས་རྔ་ཆེན་པོའི་སྒྲ་ཡིས་ནི། །སེམས་ཅན་སྡུག་བསྔལ་མཐར་བགྱིད་ཤོག །བསྐལ་པ་བྱེ་བ་བསམ་ཡས་སུ། །ཆོས་སྟོན་མཛད་ཅིང་བཞུགས་གྱུར་ཅིག །འདོད་པའི་འདམ་དུ་བྱིང་གྱུར་ཅིང་། །སྲེད་པའི་སྲད་བུས་དམ་བཅིངས་པ། །འཆིང་བ་ཀུན་གྱིས་བཅིངས་བདག་ལ། །རྐང་གཉིས་མཆོག་རྣམས་གཟིགས་སུ་གསོལ། །སེམས་ཀྱི་དྲི་མར་གྱུར་པ་ལ། །སངས་རྒྱས་རྣམས་ནི་སྨོད་མི་མཛད། །སེམས་ཅན་རྣམས་ལ་བྱམས་ཐུགས་ལྡན། །སྲིད་པའི་མཚོ་ལས་སྒྲོལ་བར་ཤོག །རྫོགས་པའི་སངས་རྒྱས་གང་བཞུགས་དང་། །གང་དག་འདས་དང་མ་བྱོན་པ། །དེ་དག་རྗེས་སུ་བདག་སློབ་ཅིང་། །བྱང་ཆུབ་སྤྱད་པ་སྤྱོད་གྱུར་ཅིག །ཕ་རོལ་ཕྱིན་དྲུག་རྫོགས་བགྱིས་ནས། །འགྲོ་དྲུག་སེམས་ཅན་ཐར་བགྱིད་ཤོག །མངོན་ཤེས་དྲུག་པོ་མངོན་བགྱིས་ནས། །བླ་མེད་བྱང་ཆུབ་རེག་གྱུར་ཅིག །མ་སྐྱེས་པ་དང་མི་འབྱུང་དང་། །རང་བཞིན་མ་མཆིས་གནས་མ་མཆིས། །རྣམ་རིག་མ་མཆིས་དངོས་མ་མཆིས། །སྟོང་པའི་ཆོས་ནི་རྟོགས་པར་ཤོག །སངས་རྒྱས་དྲང་སྲོང་ཆེན་པོ་ལྟར། །སེམས་ཅན་མ་མཆིས་སྲོག་མ་མཆིས། །གང་ཟག་མ་མཆིས་གསོ་མ་མཆིས། །བདག་མ་མཆིས་པའི་ཆོས་རྟོགས་ཤོག །བདག་འཛིན་བདག་གིར་འཛིན་པ་ཡི། །དངོས་པོ་ཀུན་ལ་མི་གནས་པར། །སེམས་ཅན་ཀུན་ལ་སྨན་སླད་དུ། །སེར་སྣ་མ་མཆིས་སྦྱིན་གཏོང་ཤོག །དངོས་པོ་དངོས་པོ་མ་མཆིས་པའི། །བདག་གི་ལོངས་སྤྱོད་ལྷུན་གྲུབ་ཤོག །དངོས་པོ་ཐམས་ཅད་རྣམ་འཇིག་པས། །སྦྱིན་པའི་ཕ་རོལ་ཕྱིན་རྫོགས་ཤོག །ཁྲིམས་ཀྱི་ཚུལ་ཁྲིམས་སྐྱོན་མེད་ཅིང་། །ཚུལ་ཁྲིམས་རྣམ་པར་དག་དང་ལྡན། །རློམ་སེམས་མེད་པའི་ཚུལ་ཁྲིམས་ཀྱིས། །ཚུལ་ཁྲིམས་ཕ་རོལ་ཕྱིན་རྫོགས་ཤོག །སའམ་ཡང་ན་ཆུའམ་མེ། །རླུང་གི་ཁམས་ལྟར་མི་གནས་ཤིང་། །བཟོད་པའམ་ཁྲོ་བ་མ་མཆིས་པར། །བཟོད་པའི་ཕ་རོལ་ཕྱིན་རྫོགས་ཤོག །བརྩོན་འགྲུས་བརྩམས་པའི་བརྩོན་འགྲུས་ཀྱིས། །བརྟན་སྤྲོ་ལེ་ལོ་མ་མཆིས་ཤིང་། །སྟོབས་དང་ལྡན་པའི་ལུས་སེམས་ཀྱིས། །བརྩོན་འགྲུས་ཕ་རོལ་ཕྱིན་རྫོགས་ཤོག །སྒྱུ་མ་ལྟ་བུའི་ཏིང་འཛིན་དང་། །དཔའ་བར་འགྲོ་བའི་ཏིང་འཛིན་དང་། །རྡོ་རྗེ་ལྟ་བུས་ཏིང་འཛིན་གྱིས། །བསམ་གཏན་ཕ་རོལ་ཕྱིན་རྫོགས་ཤོག །རྣམ་པར་ཐར་བའི་སྒོ་གསུམ་དང་། །དུས་གསུམ་མཉམ་པ་ཉིད་དང་ནི། །རིག་གསུམ་མངོན་སུམ་བགྱིས་པ་ཡིས། །ཤེས་རབ་ཕ་རོལ་ཕྱིན་རྫོགས་ཤོག །སངས་རྒྱས་ཀུན་གྱིས་བསྔགས་པ་དང་། །འོད་དང་གཟི་བརྗིད་འབར་བ་དང་། །བྱག་ཆུབ་སེམས་དཔའི་བརྩོན་འགྲུས་ཀྱིས། །བདག་གཞན་བསམ་པ་རྫོགས་གྱུར་ཅིག །དེ་ལྟར་སྤྱད་པ་སྤྱོད་བྱེད་ཅིང་། །བྱམས་པ་གྲགས་དག་ལྡན་པ་ཡིས། །ཕ་རོལ་ཕྱིན་དྲུག་རྫོགས་བྱས་ནས། །ས་བཅུ་པོ་ལ་རབ་ཏུ་གནས། །འདི་ནས་ཤི་འཕོས་གྱུར་མ་ཐག །དགའ་ལྡན་སྐྱེས་ནས་ཡིད་དགའ་བར། །མྱུར་དུ་བྱམས་མགོན་མཉེས་བྱས་ནས། །བྱང་ཆུབ་ལུང་བསྟན་ཐོབ་པར་ཤོག ༈ འདི་ལྟར་བརྗོད་པའི་བསོད་ནམས་དཔག་མེད་ཀྱིས། །དམྱལ་བ་ཡི་དྭགས་དུང་འགྲོ་ལྷ་མ་ཡིན། །གནས་ངན་ལེན་རྣམས་རྟག་ཏུ་སྤོང་བྱས་ནས། །རྒྱལ་བ་བྱམས་པའི་ཞབས་དྲུང་སྐྱེ་བར་ཤོག །དཀོན་མཆོག་གསུམ་གྱི་ཐུགས་རྗེའི་བྱིན་རླབས་དང་། །རྒྱུ་འབྲས་མི་བསླུ་ཆོས་དབྱིངས་རྣམ་དག་པས། །རྒྱལ་བ་བྱམས་པའི་སྨོན་ལམ་གང་བཏབ་པ། །དེ་དག་ཐམས་ཅད་དེང་འདིར་འགྲུབ་པར་ཤོག། །། བདེ་བ་ཅན་གྱི་སྨོན་ལམ་ཟབ་ལམ་དབང་གི་ཆ་ལག༄༅། །བདེ་བ་ཅན་གྱི་སྨོན་ལམ་ཟབ་ལམ་དབང་གི་ཆ་ལག་བཞུགས་སོ།། །། བཅོམ་ལྡན་ཤཱཀྱའི་རྒྱལ་བོའི་ཞིང་འདི་ནས༔ ནུབ་ཕྱོགས་གངྒཱའི་ཀླུང་གི་བྱེ་མ་སྙེད༔ རྫོགས་སངས་རྒྱས་ཀྱི་ཞིང་ཁམས་བདེ་བ་ཅན༔ ཁྲག་ཁྲིག་ཕྲག་བརྒྱ་འདས་པའི་ཕ་རོལ་ན༔ ཞིང་ཁམས་སྐྱོན་མེད་རྣམ་དག་བདེ་བ་ཅན༔ ས་གཞི་ཐམས་ཅད་རིན་ཆེན་རང་བཞིན་ཏེ༔ ལག་མཐིལ་ལྟར་མཉམ་གཅོང་རོང་མེད་པའི་གནས༔ མེ་ཏོག་པདྨའི་ཚོགས་ཀྱིས་རབ་བརྒྱན་ཞིང་༔ བལྟ་བས་མི་ངོམ་མཛེས་ཤིང་ཡིད་དུ་འོང་༔ ཞིང་མཆོག་དེ་ན་ལྷ་མིའི་སྟོན་པ་ནི༔ སྐུ་ཚེ་དཔག་མེད་རྫོགས་པའི་སངས་རྒྱས་བཞུགས༔ ཉོན་མོངས་སྤངས་ཤིང་སྨོན་ལམ་དག་པའི་གནས༔ བདག་དང་འགྲོ་ཀུན་ཞིང་དེར་སྐྱེ་བར་ཤོག༔ དག་གསལ་བཀྲ་བའི་ཞིང་ཁམས་བདེ་བ་ཅན༔ རྒྱལ་བའི་རྣམ་འཕྲུལ་སྙན་པའི་སྒྲ་དབྱགས་འབྱིན༔ འཚོ་བའི་ཡོ་བྱད་ཇི་ལྟར་བསམ་པ་བཞིན༔ འབད་རྩོལ་མེད་པར་ལེགས་པར་འབྱུང་བའི་གནས༔ ཞིང་མཆོག་དེ་ན་སེམས་ཅན་ངན་སོང་དང་༔ ལྷ་མ་ཡིན་དང་གཤིན་རྗེའི་མིང་ཡང་མེད༔ དེ་ན་ཕལ་པའི་བུད་མེད་ཡོད་མ་ཡིན༔ མངལ་ན་གནས་པའང་ཡོད་པ་མ་ཡིན་ནོ༔ རིན་ཆེན་རྣམས་ཀྱི་མེ་ཏོག་པདྨ་ལས༔ བརྫུས་ཏེ་སྐྱེ་བའི་རང་བཞིན་ཤ་སྟག་གོ༔ མི་དགེ་སྤངས་ཤིང་སྨོན་ལམ་དག་པའི་གནས༔ བདག་དག་འགྲོ་ཀུན་ཞིང་དེར་སྐྱེ་བར་ཤོག༔ རྣམ་དག་འོད་གསལ་ཞིང་ཁམས་བདེ་བ་ཅན༔ ཞིང་དེར་སྐྱེས་པའི་སེམས་ཅན་ཐམས་ཅད་ལ༔ ན་ཚ་ལ་སོགས་སྡུག་བསྔལ་གཏན་མི་འབྱུང་༔ ཞིང་དེར་སྐྱེས་ནས་ངན་སོང་ལྟུང་མི་སྲིད༔ མི་ཁོམ་གནས་སུ་སྐྱེ་བའང་མི་སྲིད་དོ༔ ཞིང་དེར་སྐྱེས་པའི་བྱང་སེམས་དཔའ་རྣམས༔ ཚེ་ལོ་དཔག་ཏུ་མེད་པར་སྐུ་བཞུགས་ནས༔ སྐྱེ་བ་དུ་མར་བྱང་ཆུབ་སེམས་སར་གནས་ཏེ༔ སྤྱོད་པ་རླབས་ཆེན་མཛད་བཞེད་མ་གཏོགས་པ༔ སྐྱེ་བ་གཅིག་རྗེས་རྫོགས་སངས་རྒྱས་གྱུར་ཅིག༔ ཚོགས་གཉིས་རབ་རྫོགས་སྨོན་ལམ་དག་པའི་ཞིང་༔ བདག་དང་འགྲོ་ཀུན་ཞིང་དེར་སྐྱེ་བར་ཤོག༔ ཐུབ་པས་བསྔགས་པའི་ཞིང་ཁམས་ཁྱད་པར་ཅན༔ བདེ་བ་ཅན་གྱི་རིན་ཆེན་ཕོ་བྲང་ན༔ སྐུ་ཚེ་དཔག་མེད་རྫོགས་པའི་སངས་རྒྱས་བཞུགས༔ ཚེ་དཔག་མེད་མགོན་གཡས་ན་སྤྱན་རས་གཟིགས༔ བྱམས་དང་སྙིང་རྗེས་འགྲོ་བ་ཀུན་ལ་གཟིགས༔ མགོན་པོའི་གཡོན་ན་བྱང་སེམས་མཐུ་ཆེན་ཐོབ༔ དྲི་མེད་བསྟན་པ་རྒྱས་པའི་ཕྲིན་ལས་མཛད༔ རྒྱལ་བའི་འཁོར་གཞན་ཡོད་ཏན་ཕུན་ཚོགས་ཤིང་༔ ཡེ་ཤེས་ཆེར་རྒྱས་བསམ་གྱིས་མི་ཁྱབ་བཞུགས༔ བདག་ནི་ནམ་ཞིག་འཆི་བའི་དུས་བྱུང་ཚེ་༔ གནས་ངན་རྣམས་སུ་ནམ་ཡང་མི་གོལ་བར༔ ལྷ་མཆོག་ཁྱེད་ཀྱི་ཞལ་མཐོང་སྔོན་བསུས་ནས༔ བདེ་བ་ཅན་ཀྱི་ཞིང་དེར་སྐྱེ་བར་ཤོག༔ པདྨ་ལས་འཁྲུགས་དམ་ཆོས་ཉན་གྱུར་ཞིང་༔ རྒྱལ་བས་ལུང་བསྟན་མངོན་ཤེས་རྫུ་འཕྲུལ་ཐོབ༔ སེམས་ཅན་ཐམས་ཅད་ཞིང་མཆོག་དམ་པ་དེར༔ བདག་གིས་འདྲེན་པའི་རྟེན་འབྲེལ་འགྲིག་པར་ཤོག༔ དེ་ལྟར་བདག་གི་སྨོན་ལམ་བཟང་པོ་འདི༔ བླ་མ་མཆོག་དང་མགོན་པོ་སྤྱན་རས་གཟིགས༔ འཁོར་བཅས་ལ་སོགས་རྒྱལ་དང་རྒྱལ་བ་ཡི༔ སྲས་མཆོག་རྣམས་ཀྱིས་འགྲུབ་པར་མཛད་དུ་གསོལ༔ ནུབ་ཟངས་མཛོད་དམར་པོ་ནས། སྤྲུལ་སྐུ་རིག་འཛིན་རྒོད་སྡེམ་ཅན་གྱི་གཏེར་མའོ། སརྦ་མངྒ་ལཾ།། །། རིགས་ལྔའི་ཞིང་ཁམས་སུ་སྨོན་ལམ་འདེབས་པ།༄༅། །རིགས་ལྔའི་ཞིང་ཁམས་སུ་སྨོན་ལམ་འདེབས་པ་བཞུགས་སོ།། །། རིགས་ལྔའི་ཞིང་ཁམས་སུ་སྨོན་ལམ་འདེབས་པ་བཞུགས་སོ། །ཤར་ཕྱོགས་མངོན་པ་དགའ་བའི་ཞིང་ཁམས་སུ། །བཅོམ་ལྡན་མིི་བསྐྱོད་རྒྱལ་པོ་འོད་དཔག་མེད། །བདག་གཞན་འདི་ནས་ཚེ་འཕོས་གྱུར་མ་ཐག །མི་བསྐྱོད་རྒྱལ་པོའི་ཞབས་དྲུང་སྐྱེ་བར་ཤོག །སྐྱེས་མ་ཐག་ཏུ་ས་བཅུར་རབ་བསྒྲོད་ནས། །སྤྲུལ་པས་ཕྱོགས་བཅུར་གཞན་དོན་བྱེད་པར་ཤོག །ལྷོ་ཕྱོགས་རིན་ཆེན་བརྩེགས་པའི་ཞིང་ཁམས་སུ། །བཅོམ་ལྡན་རིན་འབྱུང་རྒྱལ་པོ་འོད་དཔག་མེད། །བདག་གཞན་འདི་ནས་ཚེ་འཕོས་གྱུར་མ་ཐག །རིན་འབྱུང་རྒྱལ་པོའི་ཞབས་དྲུང་སྐྱེ་བར་ཤོག །སྐྱེས་མ་ཐག་ཏུ་ས་བཅུ་རབ་བསྒྲོད་ནས། །སྤྲུལ་པས་ཕྱོགས་བཅུར་གཞན་དོན་བྱེད་པར་ཤོག །ནུབ་ཕྱོགས་པདྨ་བརྩེགས་པའི་ཞིང་ཁམས་སུ། །བཅོམ་ལྡན་སྣང་མཐའི་རྒྱལ་པོ༴ བདག་གཞན་འདི༴ སྣང་མཐའ་རྒྱལ་པོའི༴ སྐྱེས་མ་ཐག་ཏུ་ས༴ སྤྲུལ་བས་ཕྱོགས་བཅུར་གཞན༴ བྱང་ཕྱོགས་ལས་རབ་རྫོགས་པའི་ཞིང་ཁམས་སུ། །བཅོམ་ལྡན་དོན་གྲུབ་རྒྱལ་པོ༴ བདག་གཞན་འདི་ནས་ཚེ༴ དོན་གྲུབ་རྒྱལ་པོའི༴ སྐྱེས་མ་ཐག་ཏུ་ས༴ སྤྲུལ་པས༴ དབུས་ཕྱོགས་གཡོ་བ་མེད་པའི་ཞིག་ཁམས་སུ། །བཅོམ་ལྡན་རྣམ་སྣང་རྒྱལ་པོ༴ བདག་གཞན་འདི་ནས་ཚེ༴ རྣམ་སྣང་རྒྱལ་པོའི༴ སྐྱེས་མ་ཐག་ཏུ་ས༴ སྤྲུལ་པས་ཕྱོགས་བཅུར༴ སྤྱི་གཙུག་ཉི་ཟླ་པདྨའི་གདན་སྟེངས་སུ། །རྩ་བའི་བླ་མ་མགོན་པོ་ཚེ་དཔག་མེད། །བདག་གཞན་འདི་ནས་ཚེ་འཕོས་གྱུར་མ་ཐག །བཀའ་བརྒྱུད་བླ་མའི་ཞབས་དྲུང་སྐྱེ་བར་ཤོག །སྐྱེས་མ་ཐག་ཏུ་ས་བཅུ་རབ་བསྒྲོད་ནས། །སྤྲུལ་པས་ཕྱོགས་བཅུར་གཞན་དོན་བྱེད་པར་ཤོག ། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །དེ་ཡང་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་ཤིང་ཤོག། །། མདོ་ནས་གསུངས་པའི་སྨོན་ལམ་རྐང་གཉིས་མ།༄༅། །མདོ་ནས་གསུངས་པའི་སྨོན་ལམ་རྐང་གཉིས་མ་བཞུགས་སོ། ། སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབས་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །སྐྱབས་གནས་དཀོན་མཆོག་གསུམ་ལ་ཕྱག་འཚལ་ལོ། །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །སྦྱིན་པའི་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་སྦྱིན་པའི་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །ཚུལ་ཁྲིམས་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་ཚུལ་ཁྲིམས་ཕ་རོལ་ཕྱིན། །བདག་གཞན་རིང་པོར་མི་ཐོག་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །བཟོད་པའི་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་བཟོད་པའི་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །བརྩོན་འགྲུས་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་བརྩོན་འགྲུས་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །བསམ་གཏན་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་བསམ་གཏན་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །ཤེས་རབ་ཕ་རོལ་ཕྱིན་པ་ཕུན༴ ཇི་ལྟར་བཅོམ་ལྡན་ཤེས་རབ་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར༴ ཐུགས་རྗེ་ཆེན་པོ་རྐང་གཉིས༴ ཐབས་ཀྱི་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་ཐབས་ཀྱི་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །སྟོབས་ཀྱི་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་སྟོབས་ཀྱི་ཕ་རོལ་ཕྱིན། །བདག་གཞན་རིང་པོ་མི་ཐོགས་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །སྨོན་ལམ་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་སྨོན་ལམ་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །ཡེ་ཤེས་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་ཡེ་ཤེས་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར་ཤོག །ཐུགས་རྗེ་ཆེན་པོ་རྐང་གཉིས་མཆོག་གྱུར་པ། །ཆོས་སྐུའི་ཕ་རོལ་ཕྱིན་པ་ཕུན་སུམ་ཚོགས། །ཇི་ལྟར་བཅོམ་ལྡན་ཆོས་སྐུའི་ཕ་རོལ་ཕྱིན། །བདག་གཞན་རིང་པོར་མི་ཐོགས་དེ་འདྲར་ཤོག །བླ་མེད་བླ་མའི་ཐུགས་རྗེ་དང་། །རྒྱལ་དང་རྒྱལ་སྲས་རང་རྒྱལ་དང་། །དགྲ་བཅོམ་བདེན་པའི་བྱིན་རླབས་ཀྱིས། །ཇི་ལྟར་སྨོན་བཞིན་འགྲུབ་གྱུར་ཅིག །འཕགས་པ་དཀོན་མཆོག་བརྩེགས་པ་ཆེན་པོ་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་བ་ལས་ལེའུ་བཅུ་གཅིག་པ། འཕགས་པ་འོད་ཟེར་ཀུན་ཏུ་བཀྱེ་བ་བསྟན་པ་ཞེས་བྱ་བ་ནས་བཤད་པའི་སྨོན་ལམ་ལས་བྱུང་པའོ། །སརྦ་མངྒ་ལཾ།། །། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ།༄༅། །འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་བཞུགས་སོ། ། གར་སྐད་དུ། ཨཱཪྱ་བྷ་དྲ་ཙཪྱ་པྲ་ནི་དྷཱ་ན་རཱ་ཛ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གི་གང་བར་མོས། །དེ་དག་བསྔགས་པ་མི་ཟད་རྒྱལ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱི། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་། ། བདེ་བར་གཤེགས་པ་ཐམས་ཅད་བདག་གིས་བསྟོད། །མེ་ཏོག་དམ་པ་ཕྲེང་བ་དམ་པ་དང་། །སིལ་སྙན་རྣམས་དང་བྱུགས་པ་གདུགས་མཆོག་དང་། །མར་མེ་མཆོག་དང་གདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང་། །ཕྱེ་མ་ཕུར་མ་རི་རབ་མཉམ་པ་དང་། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་བ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང་། །འགྲོ་བ་ཀུན་གྱི་་བསོད་ནམས་གང་ལ་ཡང་། །དེ་དག་ཀུན་གྱི་རྗེས་སུ་བདག་ཡི་རང་། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པར་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང་། ། བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོའོ། །འདས་པའི་སངས་རྒྱས་རྣམས་དང་ཕྱོགས་བཅུ་ཡི། །འཇིག་རྟེན་དག་ན་གང་བཞུགས་མཆོད་པར་གྱུར། །གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །ཕྱོགས་བཅུའི་ག་ལའི་ཞིང་རྣམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་བར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང་། །སངས་རྒྱས་སྲས་ཀྱིས་རབ་ཏུ་གང་བར་ཤོག །ཕྱོགས་བཅུའི་སེམས་ཅན་གང་རྣམས་ཇི་སྙེད་པ། །དེ་དག་རྟག་ཏུ་ནད་མེད་བདེ་གྱུར་ཅིག །འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིག་རེ་བའང་འགྲུབ་པ་ཤོག བྱང་ཆུབ་སྤྱོད་པ་དག་ནི་བདག་སྤྱོད་ཅིང་། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག །རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང། །ཚུལ་ཁྲིམས་སྤྱོད་པ་དྲི་མེད་ཡོངས་དག་པ། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ལྷ་ཡི་སྐད་དང་གླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་རྣམས་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟོན་ཏོ། །དེས་ཤིང་ཕ་རོལ་ཕྱིན་ལ་རབ་བརྩོན་ཞིང་། །བྱ་ཆུབ་སེམས་ནི་ནམ་ཡང་རྗེད་མ་གྱུར། །སྡིག་པ་གང་རྣམས་སྒྲིབ་པར་གྱུར་པ་དག །དེ་དག་མ་ལུས་ཡོངས་སུ་བྱང་བར་ཤོག ། ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང་། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱོད། །ཞིང་གི་ཁྱོན་དང་ཕྱོགས་རྣམས་ཇི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་འགོད་ཅིང་། །འགྲོ་བ་ཐམས་ཅད་ལ་ནི་ཕན་པར་སྤྱད། །བྱང་ཆུབ་སྤྱོད་བ་ཡོངས་སུ་རྫོགས་བྱེད་ཅིང་། །སེམས་ཅན་དག་གི་སྤྱོད་དང་མཐུན་པར་འཇུག །བཟང་པོ་སྤྱོད་པ་དག་ནི་རབ་བསྟོན་ཅིང་། །མ་འོངས་བསྐལ་པ་ཀུན་ཏུ་སྤྱོད་པར་གྱུར། །བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ནི་རྟག་ཏུ་འགྲོགས་པར་ཤོག །ལུས་དང་ངག་རྣམས་དང་ནི་སེམས་ཀྱིས་ཀྱང་། །སྤྱོད་པ་དག་དང་སྨོན་ལམ་གཅིག་ཏུ་སྤྱད། །བདག་ལ་ཕན་པར་འདོད་པའི་གྲོགས་པོ་དག །བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་འཕྲད་པར་ཤོག །དེ་དག་བདག་གིས་ནམ་ཡང་ཡིད་མི་དབྱུང་། །སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བར་ལྟ། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །རྒྱལ་བ་རྣམས་ཀྱི་དམ་པའི་ཆོས་འཛིན་ཅིང་། །བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང་། །མ་འོངས་བསྐལ་པ་ཀུན་ཏུ་སྤྱད་པར་བགྱི། །སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང་། །ཡོན་ཏན་ཀུན་གྱི་མི་ཟད་མཛོད་དུ་གྱུར། །རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིག་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །དེ་ལྟར་མ་ལུས་ཐམས་ཅད་ཕྱོགས་སུ་ཡང་། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང་། །བསྐལ་བ་རྒྱ་མཚོརསྤྱོད་ཅིང་རབ་ཏུ་འཇུག །གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇིབཞིན་དབྱངས། །སངས་རྒྱས་གསུང་ལ་རྟག་ཏུ་འཇུག་པར་བགྱི། །དུས་གསུམ་གཤེགས་པའི་རྒྱལ་བ་ཐམས་ཅད་དང་། །འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག །མ་འོངས་བསྐལ་པ་ཐམས་ཅད་འཇུག་པར་ཡང་། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་པ་དུས་གསུམ་ཚད་དེ་དག །སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །དུས་གསུམ་གཤེགས་པ་མི་ཡི་སེང་གེ་གང་། །དེ་དག་སྐད་ཅིག་གཅིག་ལ་བདག་གིས་བལྟ། །རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག །གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་དུ་མངོན་པར་བསྒྲུབ། །དེ་ལྟར་མ་ལུས་ཕྱོགས་རྣམས་ཐམས་ཅད་དུ། །རྒྱལ་བ་ཀུན་གྱི་ཞིང་རྣམས་བཀོད་ལ་འཇུག །གང་ཡང་མ་བྱོན་འཇིག་རྟེན་སྒྲོན་མ་རྣམས། །དེ་དག་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། །མགོན་པོ་ཀུན་གྱི་དྲུང་དུབདག་མཆིའོ། །ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང་། །ཀུན་ནས་སྒོ་ཡི་ཐེག་པའི་སྟོབས་དག་དང་། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང་། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ནས་དགེ་བའི་བསོད་ནམས་སྟོབས་དག་དང་། །ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། །ལས་ཀྱི་སྟོབས་རྣམས་ཡོངས་སུ་དག་བྱེད་ཅིང་། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང་། །བཟང་པོ་སྤྱོད་པའི་སྟོབས་ནི་རྫོགས་པར་བགྱི། །ཞིང་རྣམས་རྒྱ་མཚོ་རྣམ་པར་དག་བྱེད་ཅིང་། །སེམས་ཅན་རྒྱ་མཚོ་དག་ནིརྣམ་པར་གྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང་། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང་། །སྨོན་ལམརྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང་། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །གང་ཡང་དུས་གསུམ་གཤེགས་པའི་རྒྱལ་བ་ཡི། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་མ་ལུས་བདག་གིས་རྫོགས་པར་བགྱི། །རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །ལུས་དང་ངག་དང་ཡིད་ཀྱང་རྣམ་དག་ཅིང་། །སྤྱོད་པ་རྣམ་དག་ཞིང་རྣམས་ཡོངས་་དག་དང་། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲར་བདག་ཀྱང་དེ་དང་མཚུངས་པར་ཤོག །ཀུན་ནས་དགེ་བ་བཟང་པོ་སྤྱོད་པའི་ཕྱིར། །འཇམ་དཔལ་་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་པ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །སྤྱོད་པ་དག་ནི་ཚད་ཡོད་མ་གྱུར་ཅིག །ཡོན་ཏན་རྣམས་ཀྱང་ཚད་བཟུང་མེད་པར་ཤོག །སྤྱོད་པ་ཚད་མེད་པ་ལ་གནས་ནས་ཀྱང་། །དེ་དག་འཕྲུལ་པ་ཐམས་ཅད་འཚལ་བར་བགྱི། །ནམ་མཁའི་མཐར་ཐུག་གྱུར་པ་ཇི་ཙམ་པར། །སེམསཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང་། །ཞིང་གི་རྡུལ་སྙེད་བསྐལ་པར་ཕུལ་བ་བས། །གང་གི་བསྔོ་བའི་རྒྱལ་པོ་འདི་ཐོས་ནས། །བྱང་ཆུབ་མཆོག་གི་རྗེས་སུ་རབ་མོས་ཤིང་། །ལན་ཅིག་ཙམ་ཡང་དད་པ་བསྐྱེད་པ་ནི། །བསོད་ནམས་དམ་པའི་མཆོག་ཏུ་འདི་འགྱུར་རོ། །གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤངས་པར་འགྱུར། །དེས་ནི་གྲོགས་པོ་ངན་པ་སྤངས་པ་ཡིན། །སྣང་བ་མཐའ་ཡས་དེ་ཡང་དེས་མྱུར་མཐོང་། །དེ་དག་རྙེད་པ་རབ་རྙེད་བདེ་བར་འཚོ། །མི་ཚེ་འདིར་ཡང་དེ་དག་ལེགས་པར་འོང་། །ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །མཚམས་མེད་ལྔ་པོ་དག་གི་སྡིག་པ་རྣམས། །གང་གིས་མི་ཤེས་དབང་གི་བྱས་པ་དག །དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །ཡེ་ཤེས་དང་ནི་གཟུགས་དང་མཚན་རྣམས་དང་། །རིགས་དང་ཁ་དོག་རྣམས་དང་ལྡན་པར་འགྱུར། །བདུད་དང་མུ་སྟེགས་མང་པོས་དེ་མི་ཐུབ། །འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །བྱང་ཆུབ་ཤིག་དབང་དྲུང་དུ་དེ་མྱུར་འགྲོ། །སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། ། གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོས་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཅིང་། །དགེ་བ་འདི་དག་ཐམས་ཅད་རབ་ཏུ་བསྔོ། །དུས་གསུམ་གཤེགས་པའི་རྒྱས་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང་། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་པ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ། །དེར་སོང་ནས་ནི་སྨོན་ལམ་འདི་དག་ཀྱང་། །ཐམས་ཅད་མ་ལུས་མངོན་དུ་འགྱུར་བར་ཤོག །དེ་དག་མ་ལུས་བདག་གིས་ཡོངས་སུ་བཀང་། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བའི་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །དེར་ནི་བདག་གིས་ལུག་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡིས། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང་། །སེམས་ཅན་རྣམས་ལ་ཕན་པ་མང་པོ་བགྱི། །བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གིས་ཐམས་ཅད་འབྱོར་པར་ཤོག །གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག །སྨོན་ལམ་རྒྱལ་པོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང་། །ཀུན་ཏུ་བཟང་པོས་བརྒྱན་པའི་གཞུང་གྲུབ་སྟེ། །ངན་སོང་གནས་རྣམས་མ་ལུས་སྟོངས་པར་ཤོག །འཕགས་པ་བཟང་པོ་སྤྱོད་པའི་སྨོན་ལམ་རྒྱལ་པོ་རྫོགས་སོ། །རྒྱ་གར་གྱི་མཁན་པོ་ཛི་ན་མི་ཏྲ་དང་། །སུ་རནྜབོ་དྷི་དང་། །ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ལོ་ཆེན་བཻ་རོ་ཙ་ནས་ཞུ་ཆེན་མཛད་པའོ།། །།དགེའོ། །སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུས་པའི་བྱིན་རླབས་ཀྱིས། །ཇི་ལྟར་བསྔོས་བཞིན་སྨོན་ལམ་འགྲུབ་པར་ཤོག། དགེའོ།། དགེའོ།། དགེའོ།། མངྒ་ལཾ།། །། རྣམ་དག་བདེ་ཆེན་ཞིང་གི་སྨོན་ལམ་རཱག་ཨ་སྱས་མཛད་པ།༄༅། །རྣམ་དག་བདེ་ཆེན་ཞིང་གི་སྨོན་ལམ་རཱག་ཨ་སྱས་མཛད་པ་བཞུགས་སོ། ། །འདི་ཉིད་ཆག་མེད་ཐུགས་དམ་མཛད། །ལག་པ་ན་ཡང་འབད་ནས་བྲིས། །མང་པོ་འགའ་ལ་ཨེ་ཕན་བསམ། །དཔེ་གཅོད་འདོད་མི་གདའ་ནགཡོར། །འདི་ལས་ཕན་ཡོན་ཆེ་བ་མེད། །འདི་ལས་ཟབ་པའི་ གདམས་པ་མེད། ང་ཡི་ཆོས་ཀྱི་རྩ་བ་ཡིན། །རང་ག་མ་སྐྱུར་ཉམས་ལེན་འབུང་། །འདི་ནི་མདོ་ལུགས་ཡིན་བའི་ཕྱིར། །ལུང་མ་ཐོབ་ཀྱང་འདོན་ནི་རུང་། །ཨེ་མ་ཧོ། འདི་ནས་ཉི་མ་ ནུབ་ཀྱི་ཕྱོགས་རོལ་ནས། །གྲངས་མེད་འཇིག་རྟེན་་མང་པོའི་ཕ་རོལ་ན། །ཅུང་ཟད་སྟེང་དུ་འཕགས་བའི་ཡུལ་ས་ན། །རྣམ་པ་རདག་པའི་ཞིང་ཁམས་བདེ་བ་ཅན། །བདག་གིས་ཆུ་བུར་མིག་གིསམ་མཐོང་ཡང་། །རང་སེམས་གསལ་བའི་ཡིད་ལ་ལྷམ་མེར་གསལ། །དེ་ན་བཅོམ་ལྡན་རྒྱལ་བ་འོད་དཔག་མེད། །བདྨ་རཱ་གའི་མདོག་ཅན་གཟི་བརྗིད་འབར། །དབུལ་གཙུག་ཏོར་ཞབས་ལ་འཁོར་ལོ་སོགས། །མཚན་བཟང་སོ་གཉིས་དཔེ་བྱད་བརྒྱད་ཅུས་སྤྲས། །ཞལ་གཅིག་ཕྱག་གཉིས་མཉམ་བཞག་ལྷུང་བཟེད་འཛིན། །ཆོས་གོས་རྣམ་གསུམ་གསོལ་ཞིང་སྐྱིལ་ཀྲུང་གིས། །པདྨ་སྟོང་ལྡན་ཟླ་བའི་གདན་སྟེང་དུ། །བྱང་ཆུབ་ཤིང་ལ་སྐུ་རྒྱབ་བརྟན་མཛེད་དེ། །ཐུགས་རྗེའི་སྦྱན་གྱིས་རྒྱང་ནས་བདག་ལ་གཟིགས། །གཡས་སུ་བྱང་ཆུབ་སེམས་དཔའ་སྤྱན་རས་གཟིགས། །སྐུ་མདོག་དཀར་པོ་ཕྱག་གཡོན་པད་དཀར་འཛིན། །གཡོན་དུ་བྱང་ཆུབ་སེམས་དཔའ་མཐུ་ཆེན་ཐོབ། །སྔོན་པོ་རྡོ་རྗེས་མཚན་པའི་པདྨ་གཡོན། །གཡས་གཉིས་སྐྱབས་སྦྱིན་ཕྱག་རྒྱ་བདག་ལ་བསྟན། །གཅོ་བོ་གསུམ་པོ་རི་རྒྱལ་ལྷུན་པོ་བཞིན། །ལྷང་ངེ་ལྷན་ནེ་ལྷམ་མེར་བཞུགས་པའི་འཁོར། །བྱང་ཆུབ་སེམས་དཔའི་དགེ་སློང་བྱེ་བ་འབུམ། །ཀུན་ཀྱང་གསེར་མདོག་མཚན་དང་དཔེ་བྱད་བརྒྱན། །ཆོས་གོས་རྣམ་གསུམ་གསོལ་ཞིང་སེར་ལྟེམ་མེ། །མོས་གུས་ཕྱག་ལ་ཉེ་རིག་ཁྱད་མེད་ཕྱིར། །བདག་གི་སྒོ་གསུམ་གུས་པས་ཕྱག་འཚལ་ལོ། །ཆོས་སྐུ་སྣང་བ་མཐའ་ཡས་རིགས་ཀྱི་བདག །ཕྱག་གཡས་འོང་ཟེར་ལས་སྤྲུལ་སྤྱན་རས་གཟིགས། །ཡང་སྤྲུལ་སྤྱན་རས་གཟིགས་དབང་བྱེ་བ་བརྒྱ། །ཕྱག་གཡོནའོད་ཟེར་ལས་སྤྲུལ་སྒྲོལ་མ་སྟེ། །ཡང་སྤྲུལ་སྒྲོལ་མ་བྱེ་བ་ཕྲག་བརྒྱ་སྟེ།།ཐུགས་ཀྱི་འོད་ཟེར་ལས་སྤྲུལ་པདྨ་འབྱུང་། །ཡང་སྤྲུལ་ཨོ་རྒྱན་བྱེ་བ་ཕྲག་བརྒྱ་འགྱེད། །ཆོས་སྐུ་འོད་དཔག་མེད་ལ་ཕྱག་འཚལ་ལོ། །སངས་རྒྱས་སྤྱན་གྱིས་ཉིན་མཚན་དུས་དྲུག་ཏུ། །སེམས་ཅན་ཀུན་ལ་བརྩེ་བས་རྟག་ཏུ་གཟིགས། །སེམས་ཅན་ཀུན་གྱི་ཡིད་ལ་གང་དྲན་པའི། །རྣམ་རྟོག་གང་འགྱུས་རྟག་ཏུ་ཐུགས་ཀྱིས་མཁྱེན། །སེམས་ཅན་ཀུན་གྱི་རྟག་ཏུ་གང་སྨས་ཚིག །རྟག་ཏུ་མ་འདྲེས་སོ་སོར་སྙན་ལ་གསན། །ཀུན་མཁྱེནའོད་དཔག་མེད་ལ་ཕྱག་འཚལ་ལོ། །ཆོས་སྤངས་མཚམས་མེད་བྱས་པ་མ་གཏོགས་པ། །ཁྱེད་ལ་དད་ཅིང་སྨོན་ལམ་བཏབ་ཚད་ཀུན། །བདེ་བ་ཅན་དེར་སྐྱེ་བའི་སྨོམ་ལམ་འགྲུབ། །བར་དོར་བྱོན་ནས་ཞིང་དེར་འདྲེན་པར་གསུངས། །འདྲེན་པ་འོད་དཔག་མེད་ལ་ཕྱག་འཚལ་ལོ། །ཁྱེད་ཀྱི་སྐུ་ཚེ་བསྐལ་པ་གྲངས་མེད་དེ། །མྱ་ངན་མི་འདའ་ད་ལྟ་མངོན་སུམ་བཞུགས། །ཁྱེད་ལ་རྩེག་གཅིག་གུས་པས་གསོལ་བཏབ་ན། །ལས་ཀྱི་རྣམ་པར་སྨིན་པ་མ་གཏོགས་པའི། །ཚེ་ཟད་པ་ཡང་ལོ་བརྒྱ་ཐུབ་པ་དང་། དུས་མིན་འཆི་བ་མ་ལུས་བཟློག་བར་གསུངས། །མགོན་པོ་ཚེ་དཔག་མེད་ལ་ཕྱག་འཚལ་ལོ། །སྟོང་གསུམ་འཇིག་རྟེན་རབ་འབྱམས་གྲངས་མེད་པ་། །རིན་ཆེན་གྱིས་བཀང་སྦྱིན་པ་བྱིན་པ་བས། །འོད་དཔག་མེད་པའི་མཚན་དང་བདེ་བ་ཅན། ། ཐོས་ནས་དད་པས་ཐལ་མོ་སྦྱར་བྱས་ན། །དེ་ནི་དེ་བས་བསོད་ནམས་ཆེ་བར་གསུངས། །དེ་ཕྱིར་འོད་དཔག་མེད་ལ་གུས་ཕྱག་འཚལ། །གང་ཞིག་འོད་དཔག་མེད་པའི་མཚན་ཐོས་ནས། །ཁ་ཞེ་མེད་པར་སྙིང་ཁུང་རུས་པའི་གཏིང་། །ལན་གཅིག་ཙམ་ཞིག་དད་པ་སྐྱེས་པ་ན། །དེ་ནི་བྱང་ཆུབ་ལམ་ལས་ཕྱིར་མི་ལྡོག །མགོན་པོ་འོད་དཔག་མེད་ལ་ཕྱག་འཚལ་ལོ། ། སངས་རྒྱས་འོད་དཔག་མེད་པའི་མཚན་ཐོས་ནས། །དེ་ནི་བྱང་ཆུབ་སྙིང་པོ་མ་ཐོབ་པར། །བུད་མེད་མི་སྐྱེ་རིགས་ནི་བཟང་པོར་སྐྱེ། །ཚེ་རབས་ཀུན་ཏུ་ཚུལ་ཁྲིམས་རྣམ་དག་འགྱུར། །བདེ་གཤེགས་འོད་དཔག་མེད་ལ་ཕྱག་འཚལ་ལོ། །བདག་གིས་ལུས་དང་ལོངས་སྤྱོད་དགེ་རྩར་བཅས། །དངོས་སུ་འབྱོར་པའི་མཆོད་པ་ཅི་མཆིས་པ། །ཡིད་སྤུལ་བཀྲ་ཤིས་རྫས་རྟགས་རིན་ཆེན་བདུན། །གདོད་ནས་གྲུབ་པ་སྟོང་གསུམ་འཇིག་རྟེན་གྱི། །གླིང་བཞི་རི་རབ་ཉི་ཟླ་བྱེ་བ་བརྒྱ། །ལྷ་ཀླུ་མི་ཡི་ལོངས་སྤྱོད་ཐམས་ཅདཐམས་ཅད་ཀུན། །བློ་ཡིས་བླངས་ཏེ་འོད་དཔག་མེད་ལ་འབུལ། །བདག་ལ་ཕན་ཕྱིར་ཐུགས་རྗེའི་སྟོབས་ཀྱིས་བཞེས། །ཕ་མས་ཐོག་དྲོངས་བདག་སོགས་འགྲོ་ཀུན་གྱི། །ཐོག་མ་མེད་པའི་དུས་ནས་ད་ལྟའི་བར། །སྲོག་བཅད་མ་བྱིན་ལེན་དང་མི་ཚངས་སྤྱོད། །ལུས་ཀྱི་མི་དགེ་གསུམ་པོ་མཐོལ་ལོ་བཤགས། །རྫུན་དང་ཕྲ་མ་ཚིག་རྩུ་བདག་འཆལ་པ། །ངག་གི་མི་དགེ་བཞི་པོ་མཐོལ་ལོ་བཤགས། །མནབ་སེམས་གནོད་སེམསལོག་པར་ལྟ་བ་སྟེ། །ཡིད་ཀྱི་མི་དགེ་གསུམ་པོ་མཐོལ་ལོ་བཤགས། །ཕ་མ་སློབ་དཔོན་དགྲ་བཅོམ་བསད་པ་དང་། །རྒྱལ་བའི་སྐུ་ལ་ངན་སེམས་སྐྱེས་པ་དང་། །མཚམསམེད་ལྔ་ཡི་ལས་བསགས་མཐོལ་ལོ་བཤགས། །དགེ་སློང་དགེ་ཚུལ་བསད་དང་བཙུན་མ་ཕབ། །སྐུ་གཟུགས་མཆོད་རྟེན་ལྷ་ཁང་བཤིག་པ་སོགས། །ཉེ་བའི་མཚམས་མེད་སྡིག་བྱས་མཐོལ་ལོ་ བཤགས། །དཀོན་མཆོག་ལྷ་ཁང་གསུང་རབ་བརྟེན་གསུམ་སོགས། །དཔང་ཞེས་ཚད་བཙུགས་ཟོས་ལ་སོགས་པ། །ཆོས་སྤངས་ལས་ངན་བསགས་པ་མཐོལ་ལོབཤགས། །ཁམས་གསུམ་སེམས་ཅན་བསད་ལས་སྡིག་ཆེ་བ། །བྱང་ཆུབ་སེམས་དཔའ་རྣམས་ལ་བསྐུར་པ་བཏབ། །དོན་མེད་སྡིག་ཆེན་བསགས་པ་མཐོལ་ལོ་བཤགས། །དགེ་བའི་ཕན་ཡོན་སྡིག་པའི་ཉེས་དམིགས་དང་། །དམྱལ་བའི་སྡུག་བསྔལ་ཚེ་ཚད་ལ་སོགས་པ། །ཐོས་ཀྱང་མི་བདེན་བཤད་ཚོད་ཡིན་བསམ་པ། །མཚམས་མེད་ལྔ་བས་ཐུ་བའི་ལས་ངན་པ། །ཐར་མེད་ལས་ངན་བསགས་པ་མཐོལ་ལོ་བཤགས། །ཕམ་པ་བཞི་དང་ལྷག་མ་བཅུ་གསུམ་དང་། སྤངས་ལྟུང་སོར་བཤགས་ཉེས་བྱས་སྡེ་ཚནལྔ། །སོ་ཐར་ཚུལ་ཁྲིམས་འཆལ་བ་མཐོལ་ལོ་བཤགས། །ནག་པོའི་ཆོས་བཞི་ལྟུང་བ་ལྔ་ལྔ་བརྒྱད། །བྱང་སེམས་བསླབ་པ་ཉམས་པ་མཐོལ་ལོ་བཤགས། །རྩ་ལྟུང་བཅུ་བཞི་ཡན་ལག་སྦོམ་པོ་བརྒྱད། །གསང་སྔགས་དམ་ཚིག་ཉམས་པ་མཐོལ་ལོ་བཤགས། །སྡོམ་པ་མ་ཞུས་མི་དགེའི་ལས་བྱས་པ། །མི་ཚངས་སྤྱོད་དང་ཆང་འཐུངས་ལ་སོགས་པ། །རང་བཞིན་ཁ་ན་མ་ཐོའི་སྡིག་པ་སྟེ། །སྡིག་པ་སྡིག་དུ་མ་ཤེས་མཐོལ་ལོ་བཤགས། །སྐྱབས་སྡོམ་དབང་བསྐུར་ལ་སོགས་ཐོབ་ན་ཡང་། །དེ་ཡི་སྡོམ་པ་དམ་ཚིག་སྲུང་མ་ཤེས། །བཅས་བའི་ལྟུང་བ་ཕོག་པ་མཐོལ་ལོ་བཤགས། །འགྱོད་པ་མེད་ན་བཤགས་པས་མི་དག་པས། །སྔར་བྱས་སྡིག་པ་ཁོངས་སུ་དུག་སོང་ལྟར། །ངོ་ཚ་འཇིགས་སྐྲགས་འགྱོད་པ་ཆེན་པོས་བཤགས། །ཕྱིན་ཆད་སྡོམ་སེམས་མེད་ན་མི་དག་པས། །ཕྱིན་ཆད་སྲོག་ལ་བབ་ཀྱང་མི་དགེའི་ལས། །ད་ནས་མི་བགྱིད་སེམས་ལ་དམ་བཅའ་བཟུང་། །བདེ་གཤེགས་འོད་དཔག་མེད་པ་སྲས་བཅས་ཀྱིས། །བདག་རྒྱུད་ཡོངས་སུ་དག་པར་བྱིན་གྱིས་རློབས། །གཞན་གྱི་དགེ་བ་བྱེད་པ་ཐོས་པའི་ཚེ། །དེ་ལ་ཕྲག་དོག་མི་དགེའི་སེམས་སྤངས་ནས། །སྙིང་ནས་དགའ་བས་རྗེས་སུ་ཡི་རངས་ན། །དེ་ཡི་བསོད་ནམས་མཉམ་དུ་ཐོབ་པར་གསུངས། །དེ་ཕྱིར་འཕགས་པ་རྣམས་དང་སོ་སྐྱེ་ཡིས། །དགེ་བ་གང་བསྒྲུབ་ཀུན་ལ་ཡི་རང་ངོ་། །བླ་མེད་བྱང་ཆུབ་མཆོག་ཏུ་སེམས་བསྐྱེད་ནས། །འགྲོ་དོན་རྒྱ་ཆེན་མཛད་ལ་ཡི་རང་ངོ་། །མི་དགེ་བཅུ་པོ་སྤངས་པ་དགེ་བ་བཅུ། །གཞན་གྱི་སྲོག་སྐྱབས་སྦྱིན་པ་བཏང་བ་དང་། །སྡོམ་པ་བསྲུང་ཞིང་བདེན་པར་སྨྲ་བ་དང་། །མཁོན་པ་སྡུམ་དང་ཞི་དལ་དྲང་པོ་སྨྲ། །དོན་དང་ལྡན་པའི་གཏམ་བརྗོད་འདོད་པ་ཆུང་། །བྱམས་དང་སྙིང་རྗེ་བསྒོམས་ཤིང་ཆོས་ལ་སྤྱོད། །དགེ་བ་དེ་རྣམས་ཀུན་ལ་ཡི་རང་ངོ་། །ཕྱོགས་བཅུའི་འཇིག་རྟེན་རབ་བྱམས་ཐམས་ཅད་ན། །རྫོགས་སངས་རྒྱས་ནས་རིང་པོ་མ་ལོན་པར། །དེ་དག་རྣམས་ལ་ཆོས་ཀྱི་འཁོར་ལོ་ནི། །རྒྱ་ཆེན་མྱུར་དུ་བསྐོར་བར་བདག་གིས་བསྐུལ། །མངོན་ཤེས་ཐུགས་ཀྱི་དེ་དོན་མཁྱེན་པར་གསོལ། །སངས་རྒྱས་བྱང་སེམས་བསྟན་འཛིན་དགེ་བའི་བཤེས། །མྱ་ངན་འདའ་བར་བཞེད་ཀུན་དེ་དག་ལ། །མྱ་ངན་མི་འདའ་བཞུགས་པར་གསོལ་བ་འདེབས། །འདིས་མཚོན་བདག་གི་དུས་གསུམ་དགེ་བ་རྣམས། །འགྲོ་བ་སེམས་ཅན་ཀུན་གྱི་དོན་དུ་བསྔོ། །ཀུན་ཀྱང་བླ་མེད་བྱང་ཆུབ་མྱུར་ཐོབ་ནས། །ཁམས་གསུམ་འཁོར་བ་དོང་ནས་སྤྲུག་གྱུར་ཅིག །དེ་ཡི་དགེ་བ་བདག་ལ་མྱུར་སྨིན་ནས། །ཚེ་འདིར་དུས་མིན་འཆི་བ་བཅོ་བརྒྱད་ཞི། །ནད་མེད་ལང་ཚོ་རྒྱས་པའི་ལུས་སྟོབས་ལྡན། དཔལ་འབྱོར་འཛད་མེད་དབྱར་གྱི་གངྒཱ་ལྟར། །བདུད་དགྲའི་འཚེ་བ་མེད་ཅིང་དམ་ཆོས་སྤྱོད། །བསམ་པའི་དོན་ཀུན་ཆོས་ལྡན་ཡིད་བཞིན་འགྲུབ། །བསྟན་དང་འགྲོ་ལ་ཕན་ཐོག་རྒྱ་ཆེན་འགྲུབ། །མི་ལུས་དོན་དང་ལྡན་པ་འགྲུབ་པར་ཤོག །བདག་དང་བདག་ལ་འབྲེལ་ཐོགས་ཀུན། །འདི་ནས་ཚོ་འཕོས་གྱུར་མ་ཐག །སྤྲུལ་པའི་སངས་རྒྱས་འོད་དཔག་མེད། །དགེ་སློང་དགེ་འདུ་འཁོར་གྱིས་བསྐོར། །མདུན་དུ་མངོན་སུམ་འབྱོན་པར་ཤོག །དེ་མཐོང་ཡིད་དགའ་སྣང་བ་སྐྱིད། །ཤི་བའི་སྡུག་བསྔལ་མེད་པར་ཤོག །བྱང་ཆུབ་སེམས་དཔའ་མཆེད་བརྒྱད་ནི། །རྫུ་འཕྲུལ་སྟོབས་ཀྱིས་ནམ་མཁར་བྱོན། །བདེ་བ་ཅན་དུ་འགྲོ་བ་ཡི། །ལམ་སྟོན་ལམ་སྣ་འདྲེན་པར་ཤོག །ངན་སོང་སྡུག་བསྔལ་བཟོད་བརླག་མེད། །ལྷ་མིའི་བདེ་སྐྱིད་མི་རྟག་འགྱུར། །དེ་ལ་སྐྲག་སེམས་སྐྱེ་བར་ཤོག །ཐོག་མ་མེད་ནས་ད་ལྟའི་བར། །འཁོར་བ་འདི་ན་ཡུན་རེ་རིང་། །དེ་ལ་སྐྱོ་བ་སྐྱེ་བར་ཤོག །མི་ནས་མི་རུ་སྐྱེ་ཆོག་ཀྱང་། །སྐྱེ་རྒས་ན་འཆིག་གྲངས་མེད་མྱོང་། །དུས་ངན་སྙིགས་མར་བར་ཆད་མང་། །མི་དང་ལྷ་ཡི་བདེ་སྐྱིད་འདི། །དུག་དང་འདྲེས་པའི་ཟས་བཞིན་དུ། །འདོད་པ་སྤུ་ཙམ་མེད་པར་ཤོག །ཉེ་དུ་ཟས་ནོར་མཐུན་གྲོགས་རྣམས། །མི་རྟག་སྒྱུ་མ་རྨི་ལམ་བཞིན། །ཆགས་ཞེན་སྤུ་ཙམ་མེད་བར་ཤོག །ས་ཆ་ཡུལ་རིས་ཁང་ཁྱིམ་རྣམས། །རྨི་ལམ་ཡུལ་གྱི་ཁང་ཁྱིམ་ལྟར། །བདེན་པར་མ་གྲུབ་ཤེས་པར་ཤོག །ཐར་མེད་འཁོར་བའི་རྒྱ་མཚོ་ནས། །ཉེས་ཆེན་བཙོན་ནས་ཐར་པ་བཞིན། །བདེ་བ་ཅན་གྱི་ཞིང་ཁམས་སུ། །ཕྱི་ལྟས་མེད་པར་འབྲོ་པར་ཤོག །ཆགས་ཞེན་འཁྲི་བ་ཀུན་བཅད་ནས། །བྱ་རྒོད་སྙི་ནས་ཐར་བ་བཞིན། །ནུབ་ཀྱི་ཕྱོགས་ཀྱི་ནམ་མཁའ་ལ། །འཇིག་རྟེན་ཁམས་ནི་གྲངས་མེད་པ། །སྐད་ཅིག་ཡུད་ལ་བགྲོོད་བྱས་ནས། །བདེ་བ་ཅན་དུ་ཕྱིན་པར་ཤོག །དེ་རུ་སངས་རྒྱས་འོད་དཔག་མེད། །མངོན་སུམ་བཞུགས་པའི་ཞལ་མཐོད་ནས། །སྒྲིབ་བ་ཐམས་ཅད་དག་པར་ཤོག །སྐྱེ་གནས་བཞི་ཡི་མཆོག་གྱུར་པ། །མེ་ཏོག་པདྨའི་སྙིང་པོ་ལ། །འརྫུས་ཏེ་སྐྱེ་བ་ལེན་པར་ཤོག །སྐད་ཅིག་ཉིད་ལ་ལུས་རྫོགས་ནས། །མཚན་དཔེ་ལྡན་པའི་ལུས་ཐོབ་ཤོག །མི་སྐྱེ་དོགས་པའི་ཐེ་ཚོམ་གྱིས། །ལོ་གྲངས་ལྔ་བརྒྱའི་བར་དག་ཏུ། །ནང་དེར་བདེ་སྐྱིད་ལོངས་སྤྱོད་ལྡན། །སངས་རྒྱས་གསུང་བི་ཐོས་ན་ཡང་། །མེ་ཏོ་ཁ་ནི་མི་བྱེ་བར། །སངས་རྒྱས་ཞལ་མཇལ་ཕྱི་བའི་སྐྱོན། །དེ་འདྲ་བདག་ལ་མི་འབྱུང་ཤོག །སྐྱེས་མ་ཐག་ཏུ་མེ་ཏོག་ཕྱེ། །འོད་དཔག་མེད་ཀྱི་ཞལ་མཐོང་ཤོག །བསོད་ནམས་སྟོབས་དང་རྫུན་འཕྲུལ་གྱིས། །ལག་པའི་མཐིལ་ནས་མཆོད་པའི་སྤྲིན་། །བསམ་མི་ཁྱབ་པར་སྤྲོས་བྱས་ནས། །སངས་རྒྱས་འཁོར་བཅས་མཆོད་པར་ཤོག །དེ་ཚེ་དེ་བཞིན་གཤེགས་པ་དེའི། །ཕྱག་ཡས་བརྐྱངས་ནས་མགོ་ལ་བཞག །བྱང་ཆུབ་ལུང་བསྟན་ཐོབ་པར་ཤོག །ཟབ་དང་རྒྱ་ཆེའི་ཆོས་ཐོས་ནས། །རང་རྒྱུད་སྨིན་ཅིང་གྲོལ་བར་ཤོག །སྤྱན་རས་གཟིགས་དང་མཐུ་ཆེན་ཐོབ། །རྒྱལ་སྲས་ཐུ་བོ་རྣམ་གཉིས་ཀྱིས། །བྱིན་གྱིས་རླབས་ཤིང་རྗེས་བཟུང་ཤོག །ཉིནརེ་བཞིན་དུ་ཕྱོགས་བཅུ་ཡི། །སངས་རྒྱས་བྱང་སེམས་དཔག་མེ་པ། །འོད་དཔག་མེད་པ་མཆོད་བ་དང་། །ཞིད་དེར་བལྟ་ཕྱིར་འབྱོན་པའི་ཚེ། །དེ་དག་ཀུན་ལ་བསྙེན་བཀུར་ཞིང་། །ཆོས་ཀྱི་བདུད་རྩི་འཐོབ་པ་ཤོག །རྫུ་འཕྲུལ་ཐོགས་པ་མེད་པ་ཡི། །མངོན་དགའི་ཞིང་དང་དཔལ་ལྡན་ཞིང་། །ལས་རབ་རྫོགས་དང་འཐུག་པོ་བཀོད། །སྔ་དྲོ་དེ་དག་རྣམས་སུ་འགྲོ། །མི་བསྐྱོད་རིན་འབྱུང་དོན་ཡོད་གྲུབ། །རྣམ་སྣང་ལ་སོགས་སངས་རྒྱས་ལ། །དབང་དང་བྱིན་རླབས་སྡོམ་པ་ཞུ། །མཆོད་པ་དུ་མས་མཆོད་བྱས་ནས། །དགོང་མོ་བདེ་བ་ཅནཉིད་དུ། །དཀའ་ཚེགས་མེད་པར་སླེབ་བར་ཤོག །པོ་ཊ་ལ་དང་ལྕང་ལོ་ཅན། །རྔ་ཡབ་གླིང་དང་ཨོ་རྒྱན་ཡུལ། །སྤྲུལ་སྐུའི་ཞིང་ཁམས་བྱེ་བ་བརྒྱ། །སྤྱན་རས་གཟིགས་དང་སྒྲོལ་མ་དང་། །ཕྱག་རྡོར་པད་འབྱུང་བྱེ་བ་བརྒྱ། །མཇལ་ཞིང་མཆོད་པ་རྒྱ་མཚོས་མཆོད། །དབང་དང་གདམས་ངག་ཟབ་མོ་ཞུ། །མྱུར་དུ་རང་གནས་བདེ་ཆེན་ཞིང་། །ཐོགས་པ་མེད་པར་ཕྱིན་པར་ཤོག །ཤུལ་གྱི་ཉེ་དུ་གྲྭ་སློབ་སོགས། །ལྷ་ཡི་མིག་གིས་གསལ་བར་མཐོང་། །སྲུང་སྐྱོབ་བྱིན་གྱིས་རླབ་བྱེད་ཅིང་། །འཆི་དུས་ཞིང་དེར་ཁྲིད་པར་ཤོག །བསྐལ་བཟང་འདི་ཡི་བསྐལ་པའི་ཡུན། །བདེ་བ་ཅན་གྱི་ཞག་གཅིག་སྟེ། །བསྐལ་པ་གྲངས་མེད་འཆི་བ་མེད། །རྟག་ཏུ་ཞིང་དེར་འཛིན་པར་ཤོག །བྱམས་པ་ནས་བཟུང་མོས་པའི་བར། །བསྐལ་བཟང་འདི་ཡི་སངས་རྒྱས་རྣམས། །འཇིག་རྟེན་འདི་ན་ནམ་འབྱོན་ཚེ། །རྫུ་འཕྲུལ་སྟོབས་ཀྱིས་འདིར་འོངས་ནས། །སངས་རྒྱས་མཆོད་ཅིང་དམ་ཆོས་ཉན། །སླར་ཡང་བདེ་ཆེན་ཞིང་ཁམས་སུ། །ཐོགས་པ་མེད་པར་འགྲོ་བར་ཤོག ༈།སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག །བརྒྱ་ཅུ་རྩ་གཅིག་སངས་རྒྱས་ཞིངཀུན་གྱི། །ཡོན་ཏན་བཀོད་པ་ཐམས་ཅད་གཅིག་བསྡོམས་པ། །ཞིང་ཁམས་ཀུན་ལས་ཁྱད་འཕགས་བླ་ན་མེད། །བདེ་བ་ཅན་གྱི་ཞིང་དེར་སྐྱེ་བར་ཤོག །རིན་ཆེན་ས་གཞི་ཁོད་སྙོམ་ལག་མཐིལ་ལྟར། །ཡངས་ཤིང་རྒྱ་ཆེ་གསལ་ཞིང་འོད་ཟེར་འབར། །མནན་ན་ནེམ་ཤིང་བཏེགས་ན་སྤར་བྱེད་པ། །བདེ་འཇམ་ཡངས་པའི་ཞིང་དེར་སྐྱེ་བར་ཤོག །རེན་ཆེན་དུ་མ་ལས་གྲུབ་དཔག་བསམ་ཤིང་། །ལོ་མ་དར་ཟབ་འབྲས་བུ་རིན་ཆེན་བརྒྱན། །དེ་སྟེང་སྤྲུལ་པའི་བྱ་ཚོགས་སྐད་སྙན་སྒྲས། །ཟབ་དང་རྒྱ་ཆེའི་ཆོས་ཀྱི་སྒྲ་རྣམས་སྒྲོག །ངོ་མཚར་ཆེན་པོའི་ཞིང་དེར་སྐྱེ་བར་ཤོག །སྤོས་ཆུའི་ཆུ་ཀླུ་ཡན་ལག་བརྒྱད་ལྡན་མང་། །དེ་བཞིན་བདུད་རྩིའི་ཁྲུས་ཀྱི་རྫིད་བུ་རྣམས། །རིན་ཆེན་སྣ་བདུན་ཐེམ་སྐས་ཕ་གུས་བསྐོར། །མེ་ཏོག་པདྨ་དྲི་ཞིམ་འབྲས་བུར་ལྡན། པདྨའི་འོད་ཟེར་དཔག་ཏུ་མེད་པ་འཕྲོ། །འོད་ཟེར་རྩེ་ལ་སྤྲུལ་པའི་སངས་རྒྱས་བརྒྱན། །ཡ་མཚན་ཆེན་པོའི་ཞིང་དེར་སྐྱེ་བར་ཤོག །མི་ཁོམ་བརྒྱད་དང་ངན་སོང་སྒྲ་མི་སྒྲགས། །ཉོན་མོངས་དུག་ལྔ་དུག་གསུམ་ནད་དང་གདོན། །དགྲ་དང་དབུལ་ཕོངས་འཐབ་རྩོད་ལ་སོགས་པ། །སྡུག་བསྔལ་ཐམས་ཅད་ཞིང་དེར་ཐོས་མ་མྱོང་། །བདེ་བ་ཆེན་པོའི་ཞིང་དེར་སྐྱེ་བར་ཤོག །བུད་མེད་མེད་ཅིང་མངལ་ནས་སྐྱེ་བ་མེད། །ཀུན་ཀྱང་མེ་ཏོག་པདྨའི་སྦུབས་ནས་འཁྲུངས། །ཐམས་ཅད་སྐུ་ལུས་ཁྱད་མེད་གསེར་གྱི་མདོག །དབུ་ལ་གཙུག་ཏོར་ལ་སོགས་མཚན་དཔེས་བརྒྱན། །མངོན་ཤེས་ལྔ་དང་སྤྱན་ལྔ་ཀུན་ལ་མངའ། །ཡོན་ཏན་དཔག་མེད་ཞིང་དེར་སྐྱེ་བར་ཤོག །རང་བྱུང་རིན་ཆེན་སྣ་ཚོགས་གཞལ་ཡས་ཁང་། །ཅི་འདོད་ལོངས་སྤྱོད་ཡིད་ལ་དྲན་པས་འབྱུང་། །ཅོལ་བསྒྲུབ་མི་དགོས་དགོས་འདོད་ལྷུན་གྱིས་གྲུབ། །ང་ཁྱོད་མེད་ཅིང་བདག་ཏུ་འཛིན་པ་མེད། །གང་འདོད་མཆོད་སྤྲིན་ལག་པའི་མཐིལ་ནས་འབྱུང་། །ཐམས་ཅད་བླ་མེད་ཐེག་ཆེན་ཆོས་ལ་སྤྱོད། །བདེ་སྐྱིད་ཀུན་བྱུང་ཞིང་དེར་སྐྱེ་བར་ཤོག །དྲི་ཞིམ་རླུང་གིས་མེ་ཏོག་ཆར་ཆེན་འབེབས། །ཤིང་དང་པདྨ་ཆུ་ཀླུང་ཐམས་ཅད་ལས། །ཡིད་དུ་འོང་བའི་གཟུགས་སྒྲ་དྲེ་རོ་རེག །ལོངས་སྤྱོད་མཆོད་པའི་སྤྲིནཕུད་རྟག་ཏུ་འབྱུང་། །བུད་མེད་མེད་ཀྱང་སྤྲུལ་པའི་ལྷ་མོའི་ཚོགས། །མཆོད་པའི་ལྷ་མོ་དུ་མས་རྟག་ཏུ་མཆོད། །འདུག་པར་འདོད་ཚེ་རིན་ཆེནགཞལ་ཡས་ཁང་། །ཉལ་བར་འདོད་ཚེ་རིན་ཆེན་ཁྲི་བཟང་སྟེང་། །དར་ཟབ་དུ་མའི་མལ་སྟན་སྔས་དང་བཅས། །བྱ་དང་ལྗོན་ཤིང་ཆུ་ཀླུང་རོལ་མོ་སོགས། །ཐོས་པར་འདོད་ཚེ་སྙནཔའི་ཆོས་སྒྲ་སྒྲོག །མི་འདོད་ཚེ་ན་རྣ་བར་སྒྲ་མི་སྒྲགས། །བདུད་རྩིའི་རྫིང་བུ་ཆུ་ཀླུང་དེ་རྣམས་ཀྱང་། །དྲོ་གྲང་གང་འདོད་དེ་ལ་དེ་ལྟར་འབྱུང་། །ཡིད་བཞིན་འགྲུབ་པའི་ཞིང་དེར་སྐྱེ་བར་ཤོག །ཞིད་དེར་རྫོགས་པའི་སངས་རྒྱས་འོད་དཔག་མེད། །བསྐལ་པ་གྲངས་མེད་མྱ་ངན་མི་འདའ་བཞུགས། །དེ་སྲིད་དེ་ཡི་ཞབས་འབྲིང་བྱེད་པར་ཤོག །ནམ་ཞིག་འོད་དཔག་མེད་དེ་ཞི་བར་གཤེགས། །བསྐལ་པ་གང་གཱའི་ཀླུང་གི་བྱེ་མ་སྙེད། །གཉིས་ཀྱི་བར་དུབསྟནཔ་གནས་པའི་ཚེ། །རྒྱལ་ཚབ་སྤྱན་རས་གཟིགས་དང་མི་འབྲལ་ཞིང་། །དེ་ཡི་ཡུན་ལ་དམ་ཆོས་འཛིནཔར་ཤོག །སྲོད་ལ་དམ་ཆོས་ནུབ་པའི་ཐོ་རངས་ལ། །སྤྱན་རས་གཟིགས་དེ་མངོན་པར་་སངས་རྒྱས་ནས། །སངས་རྒྱས་འོད་ཟེར་ཀུན་ནས་འཕགས་པ་ཡི། །དཔལ་བརྩེགས་རྒྱལ་བོ་ཞེས་བྱར་གྱུར་པའི་ཚེ། །ཞལ་ཏ་མཆོད་ཅིང་དམ་ཆོས་ཉན་པར་ཤོག །སྐུ་ཚེ་བསྐལ་པ་བྱེ་བ་ཁྲ་ཁྲིག་ནི། །འབུམ་དྲག་དགུ་བཅུ་རྩ་དྲུག་བཞུགས་པའི་ཚེ། །རྟག་ཏུ་ཞབས་འབྲིང་བསྙེན་བཀུར་བྱེད་པ་དང་། །མི་བརྗེད་གཟུངས་ཀྱི་དམ་ཆོས་འཛིན་པར་ཤོག །མྱ་ངན་འདས་ནས་དེ་ཡི་བསྟན་པ་ནི། །བསྐལ་པ་དུང་ཕྱུར་དྲུག་དང་བྱེ་བ་ཕྲག །འབུམ་ཕྲག་གསུམ་གནས་དེ་ཚེ་ཆོས་འཛིན་ཅིང་། །མཐུ་ཆེན་ཐོབ་དང་རྟག་ཏུ་མི་འབྲལ་ཤོག །དེ་ནས་མཐུ་ཆེན་ཐོབ་དེ་སངས་རྒྱས་ནས། །དེ་བཞིན་གཤེགས་པ་རབ་ཏུ་བརྟན་པ་ནི། །ཡོན་ཏན་ནོར་བུ་བརྩེགས་པའི་རྒྱལ་པོར་གྱུར། །སྐུ་ཚེ་བསྟན་པ་སྤྱན་རས་གཟིགས་དང་མཉམ། །སངས་རྒྱས་དེ་ཡི་རྟག་ཏུ་ཞབས་འབྲིང་བྱེད། །མཆོད་པས་མཆོད་ཅིང་དམ་ཆོས་ཀུན་འཛིན་ཤོག །དེ་ནས་བདག་གི་ཚེ་དེ་བརྗེས་མ་ཐག །ཞིང་ཁམས་དེའམ་དག་པའ་ིཞིང་གཞན་དུ། །བླ་མེད་རྫོགས་པའི་སངས་རྒྱས་ཐོབ་པར་ཤོག །རྫོགས་སངས་རྒྱས་ནས་ཚེ་དཔག་མེད་པ་ལྟར། །མཚན་ཐོས་ཙམ་གྱིས་འགྲོ་ཀུན་སྨིན་ཅིང་གྲོལ། །སྤྲུལ་པ་གྲངས་མེད་འགྲོ་བ་འདྲེན་པ་སོགས། །འབད་མེད་ལྷུན་གྲུབ་འགྲོ་དོན་དཔག་མེད་ཤོག །དེ་བཞིན་གཤེགས་པའི་ཚེ་དང་བསོད་ནམས་དང་། །ཡོན་ཏན་ཡེ་ཤེས་གཟི་བརྗིད་ཚད་མེད་པ། །ཆོས་སྐུ་སྣང་བ་མཐའ་ཡས་འོད་དཔག་མེད། །ཚེ་དང་ཡེ་ཤེས་དཔག་མེད་བཅོམ་ལྡན་འདས། །གང་ཞིག་ཁྱེད་ཀྱི་མཚན་ནི་སུས་འཛིན་པ། །སྔོན་གྱི་ལས་ཀྱི་རྣམ་སྨིན་མ་གཏོགས་པ། །མེ་ཆུ་དུག་མཚོན་གནོད་སྦྱིན་སྲིན་པོ་སོགས། །འཇིགས་པ་ཀུན་ལས་སྐྱོབ་པར་ཐུབ་བས་གསུངས། །བདག་ནི་ཁྱེད་ཀྱི་མཚན་འཛིན་ཕྱག་འཚལ་བས། །འཇིགས་དང་སྡུག་བསྔལ་ཀུན་ལས་སྐྱབས་མཛད་གསོལ། །བཀྲ་ཤིས་ཕུན་སུམ་ཚོས་བར་བྱིན་གྱིས་རློབས། །སངས་རྒྱས་སྐུ་གསུམ་བརྙེས་པའི་བྱིན་བླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུས་པའི་བྱིན་་རླབས་ཀྱིས། །ཇི་ལྟར་སྨོན་ལམ་བཏབ་བཞིན་འགྲུབ་པར་ཤོག །དཀོན་མཆོག་གསུམ་ལ་ཕྱག་འཚལ་ལོ། །ཏདྱ་ཐཱ། པཉྩནྡྲི་ཡ་ཨ་ཝ་བོ་དྷ་ནི་སྭཱ་ཧཱ། སྨོན་ལམ་འགྲུབ་པའི་གཟུངས་སོ། །དཀོན་མཆོག་གསུམ་ལ་ཕྱག་འཚལ་ལོ། །ན་མོ་མཉྫུ་ཤྲི་ཡེ། ན་མོ་སུ་ཤྲི་ཡེ། །ན་མོ་ཨུདྟམ་ཤྲི་ཡེ་སྭཱ་ཧཱ། །ཞེས་བརྗོད་ནས་ཕྱག་གསུམ་འཚལ་ན་འབུམ་ཐེར་དུ་འགྱུར་བར་གསུངས། །དེ་ནས་རབ་བརྒྱ་ཕྲག །འབྲིང་ཅི་ནུས། །ཐ་མ་ཡང་ཕྱག་བདུན་ཡན་འཚལ། །རབ་འདི་མ་ཆག་པ། འབྲིང་ལོ་ཟླ་ཙམ་མ་ཆག །ཐ་མ་ནམ་སྐབས་སུ་ཁ་ནུབ་གྱུ་ནས་བདེ་བ་ཅན་ཀྱི་ཞིང་ཁམས་ཡིད་ལ་དྲན་ཅིང་འོད་དཔག་མེད་ལ་ཐལ་མོ་སྦྱར་ཏེ་དད་པ་བརྩེ་གཅིག་གིས་བཏོན་ན། །ཚེ་འདིར་ཚེ་ཡི་བར་ཆད་སེལ། །ཕྱི་མ་བདེ་བ་ཅན་དུ་སྐྱེ་བར་ཐེ་ཚོམ་མེད། །འོད་མདོ་ཞིང་བཀོད་མདོ་དང་པདྨ་དཀར་པོ་འཆི་མེད་རྔ་སྒྲ་སོགས་ཀྱི་དགོངས་པ་ཡིན། །ཞེསདགེ་སློང་ར་གཱ་ཨ་སྱས་སྦྱར་བས་སེམས་ཅན་མང་པོ་བདེ་བ་ཅན་དུ་སྐྱེད་བའི་རྒྱུར་གྱུར་ཅིག སྨོན་ལམ་བསྡུས་པ་ནི། །ཨེ་མ་ཧོ། །ངོ་མཚར་སངས་རྒྱས་སྣང་བ་མཐའ་ཡས་དང་། །གཡས་སུ་ཇོ་བོ་ཐུགས་རྗེ་ཆེན་པོ་དང་། །གཡོན་དུ་སེམས་དཔའ་མཐུ་ཆེན་ཐོབ་རྣམས་ལ། །སངས་རྒྱས་བྱང་སེམས་དཔག་མེད་འཁོར་གྱིས་བསྐོར། །བདེ་སྒྱིད་ངོ་མཚར་དཔག་ཏུ་མེད་པ་ཡི། །བདེ་བ་ཅན་ཞེས་བྱ་བའི་ཞིང་ཁམས་དེར། །བདག་ནི་འདི་ནས་ཚེ་འཕོས་གྱུར་མ་ཐག །སྐྱེ་བ་གཞན་གྱིས་བར་མ་ཆོད་པ་རུ། །དེ་རུ་སྐྱེས་ནས་སྣང་མཐའི་ཞལ་མཐོང་ཤོག །དེ་སྐད་བདག་གིས་སྨོན་ལམ་བཏབ་པ་འདི། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱིས། །གེགས་མེད་འགྲུབ་པར་བྱིན་གྱིས་བརླབ་ཏུ་གསོལ། །པཉྩནྡྲི་ཡ་ཨ་བ་བོདྷནུཡེ་སྭཱཧཱ། །མངྒལཾ། བྷཝནྟུ། དགེའོ།། ཟབ་ཆོས་བཞི་ཁྲོ་དགོངས་པ་རང་གྲོལ་ལས་སངས་རྒྱས་དང་བྱང་ཆུབ་སེམས་དཔའ་རབ་མདའ་སྦྲོན་པ།ཟབ་ཆོས་བཞི་ཁྲོ་དགོངས་པ་རང་གྲོལ་ལས༔ །སངས་རྒྱས་དང་བྱང་ཆུབ་སེམས་དཔའ་རབ་མདའ་སྦྲོན་པ་བཞུགས་སོ། རང་འཆི་བའི་དུས་ཀྱི་ཚེའམ༔ ནམ་ཡང་བྱ་སྟེ༔ སངས་རྒྱས་དང་བྱང་ཆུབ་སེམས་དཔའ་རྣམས་ལ་ར་མདའ་སྦྲན་པ་ནི་དཀོན་མཆོག་གསུམ་ལ་དངོས་སུ་འབྱོར་པ་དང་༔ ཡིད་ཀྱི་སྤུལ་པའི་མཆོད་པ་འབུལ༔ ལག་དུ་སྤོས་དྲི་ཞིམ་ཐོག་སྟེ༔ གདུང་བི་ཤུགས་དྲག་པོའི་འདི་སྐད་དོ༔ ཕྱོགས་བཅུ་ན་བཞུགས་པའི་སངས་རྒྱས་དང་བྱང་༢ཆུབ་སེམས་དཔའ་ཐུགསརྗེ་དང་ལྡན་པཿམཁྱེན་པ་དང་ལྡན་པཿསྤྱན་དང་ལྡན་པཿདངོས་སུ་འབྱོར་བ་དང་ཡིད་ཀྱིས་སྤྲུལ་པའི་མཆོད་པ་བཞེས་ཤིག་ཐུགས་རྗེ་ཅན་ཁྱེད་རྣམས་ལ་མཁྱེན་པའི་ཡེ་ཤེསཿབརྩེ་བའི་ཐུགས་རྗེ་ཿམཛད་པའི་ཕྲིན་ལསཿ སྐྱོབས་པའི་ནས་མཐུ་ལམ་གྱིས་མི་ཁྱབ་པས་མངའ་བ་ལགས་པསཿ ཐུགས་རྗེ་ཅན་ཁྱེད་རྣམས་ཀྱིས་ཆི་མོ་ཞེས་བྱ་བ་འདི་ནིཿ འཇིག་རྟེན་འདི་ནས་ཕ་རོལ་དུ་ནི་འགྲོཿ འཇིག་རྟེན་དུ་ནི་བོརཿ སྐྱེས་ཆེན་པོ་ནིའདེགཿ གྲོགས་ནི་མེདཿ སྡུག་བསྔལ་ནི་ཆེཿ སྐྱབས་ནི་མེདཿ མུན་ནག་འཐུག་པོར་ནི་འཇུགཿ གཡང་གཉེན་ནི་མེདཿ ཚེ་འདིའི་སྣང་བ་ནི་ནུབཿ འགྲོ་བ་གཞན་དུ་འགྲོཿ ལས་ཀྱི་དབང་གི་ནི་དེང་ཿ དགོན་པ་ཆེན་པོར་ནི་འགྲོཿ རྒྱ་མཚོ་ཆེན་པོར་ནི་ཁྱེརཿ ལས་ཀྱི་རླུང་གི་ནི་བརྡསཿ ས་ཚུག་མེད་པའི་ཕྱོགས་སུ་ནི་འགྲོཿ གཡུལ་ངོ་ཆེན་པོར་ནི་འཇུགཿ གདོན་ཆེན་པོས་ནི་ཟིནཿ གཤིན་རྗིའི་ཕོ་ཉལ་ནི་འཇིགས་ཤིང་སྐྲགཿ ལས་ཀྱི་སྲིད་པ་ན་ཡང་སྲིད་པ་ལ་ནི་འཇུགཿ དབང་ནི་མེདཿ གཅིག་པུརགྲོགས་མེད་པར་འགྲོ་དགོས་པའི་དུས་ལ་བབ་ནཿ ཐུགས་རྗེ་ཅན་ཁྱེད་རྣམས་ཀྱིས་ཆེ་སྐྱབས་མེད་པ་འདི་ལ་སྐྱབས་མཛོད་ཅིགཿ མགོན་མཛོད་ཅིགཿ དཔུང་གཉེན་མཛོད་ཅིགཿ བར་དོའ་ིམུན་ནག་ཆེན་པོ་ལས་སྐྱོབས་ཤིགཿ ལས་ཀྱི་རླུང་དམར་ཆེན་པོ་ལས་ཟློག་ཅིགཿ གཤིན་རྗེའི་འཇིགས་སྐྲག་ཆེན་པོ་སྐྱོབས་ཤིགཿ བར་དོའི་འཕྲང་རིང་ཆེན་པོ་ལས་སྒྲོལ་ཅིགཿ ཐུགས་རྗེ་ཅན་ཁྱེད་རྣམས་ཀྱི་ཐུགས་རྗེ་མ་ཆུང་ཞིགཿ རབ་མདའ་མཛོད་ཅིགཿ ངན་སོང་གསུམ་དུ་མ་བཏང་ཞིགཿ སྔོན་གྱི་དམ་བཅའ་མ་གཡེང་བར་ཐུགས་རྗེའི་ཤུགས་མྱུར་དུ་ཕྱུངས་ཤིགཿ སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་གིས་ཆེ་འདི་ལ་ཐུགས་རྗེ་ཐབས་དང་ནུས་པ་མཆུང་ཞིགཿ ཐུགས་རྗེས་ཟུངས་ཤིགཿ སེམས་ཅན་ལས་ངན་པའི་དབང་དུ་མ་བཏང་ཞིགཿ དཀོན་མཆོག་གསུམ་གྱི་བར་དོའི་སྡུག་བསྔལ་ལས་སྐྱབས་དུ་གསོལཿ ཞེས་མོས་གུས་དྲག་པོའི་སྒོ་ནས་བདག་གཞན་ཐམས་ཅད་ཀྱིས་ལན་གསུམ་དུ་བྱའོཿ དེ་ནས་བར་དོ་མཐོང་གྲོལ་དང་༔ བར་དོ་འཕྲང་སྒྲོལ་མ་དང་ཿ འཇིགས་སྐྱོབས་མའི་སྨོན་ལམ་རྣམས་གདབ་པར་བྱའོཿ སངས་རྒྱས་དང་བྱང་ཆུབ་སེམས་དཔའ་རྣམས་ར་མདའ་སྦྲན་པའི་སྨོན་ལམཿ འཁོར་བ་མ་སྟོང་གི་བར་དུ་མ་རྫོགས་སོཿ ས་མ་ཡཿ ཞེས་ཨོ་རྒྱན་གྱི་མཁན་པོ་པདྨ་འབྱུང་གནས་ཀྱིས་མཛད་པ། མཚོ་རྒྱལ་གྱི་ཟིན་བྲིས་སུ་བྲིས་ནས་ཀརྨ་གླིང་པས་སྒམ་པོ་གང་བགྱི་རི་བོ་ནས་གདན་དྲངས་པའོ། །མངྒལཾ།། །། ཀྱཻ་མ་བདག་ནི་ཚེ་ཡི་ཕན་པ་ཟད་པའི་ཚེ་་་་་་ཀྱཻ་མ་ བདག་ནི་ཚེ་ཡི་ཕན་པ་ཟད་པའི་ཚེ༔ འཇིག་རྟེན་འདི་ན་ཉེ་དུས་མི་སྟོངས་ཏེ༔ རང་ཉིད་གཅིག་པུར་བར་དོ་འཁྱམས་ཙ་ན༔ རྒྱལ་བ་ཞི་ཁྲོའི་རྗེའི་ཤུགས་ཕྱུང་ནས༔ མ་རིག་མུན་པའི་སྨག་རུམ་སེལ་པར་ཤོགཿ དགའ་བའི་གྲོགས་དང་བྲལ་ནས་གཅིག་པུར་འཁྱམས༔ རང་སྣང་སྟོང་པའི་གཟུགས་བརྙན་འཆར་དུས་དེར༔ སངས་རྒྱས་རྣམས་ཀྱི་ཐུགས་རྗེའི་ཤུགས་ཕྱུང་ནས༔ དངང་སྐྲག་པར་དེའི་འཇིགས་པ་མི་འབྱུང་ཤོག༔ ཡེ་ཤེས་གསལ་བའི་འོད་ལྔ་འཆར་དུས༴ མི་འཇིགས་མི་སྐྲག་རང་ངོ་ཤེས་པར་ཤོག༔ ཞི་དང་ཁྲོ་བོའི་སྐུ་གཟུགས་འཆར༴ མི་འཇིགས་གདེང་ཐོབ་བར་དོ་ངོ་ཤེས་ཤོག༔ ལས་ངན་དབང་གི་སྡུག་བསྔལ་མྱོང་ཙམ་ན༔ རྒྱལ་བཞི་ཁྲོས་སྡུག་བསྔལ་སེལ་བར་ཤོག༔ ཚེས་ཉིད་རང་སྒྲ་འབྲུག་སྟོང་ཙམ་ན༔ ཐེག་ཆེན་ཆོས་ཀྱི་སྒྲ་རུ་འགྱུར་བར་ཤོག༔ སྐྱབས་མེད་ལས་ཀྱི་རྗེས་སུ་འབྲང་དུས་དེར༔ རྒྱལ་བཞི་ཁྲོས་བདག་སོགས་སྐྱབས་དུ་གསོལ༔ བག་ཆག་ལས་ཀྱིས་སྡུག་བསྔལ་མྱོང་ཙམ་ན༔ འོད་གསལ་བདེ་བའི་ཏིང་འཛིན་འཆར་བར་ཤོག༔ སྲིད་པ་བར་དོ་བརྫུས་དེ་སྐྱེས་ཙམ་ན༔ ཕྱིར་ལོག་བདུད་ཀྱི་ལུང་བསྟན་མི་འབྱུང་ཤོག༔ གང་དུ་བསམ་པའི་དབང་གི་སླེབ་ཙམ་ན༔ ལས་ངན་འཁྲུལ་པའི་འཇིགས་སྐྲག་མི་འབྱུང་ཤོག༔ གཅན་གཟན་འཁྲོ་པའི་དར་སྐད་འདོན་པའི་ཚེ༔ ཡིག་གེ་དྲུག་མའི་ཆོས་སྒྲར་འགྱུར་བར་ཤོག༔ ཁ་ཆར་རླུང་དང་མུན་པས་དེད་པའི་ཚེ༔ ཡེ་ཤེས་གསལ་བའི་ལྷ་མིག་མཐོང་བར་ཤོག༔ རིག་མཐུན་ནང་ཚན་བར་དོའི་སེམས་ཅན་རྣམས༔ མིག་སེར་མེད་ཅིང་མཐོ་རིས་སྐྱེ་བར་ཤོག༔ ཤིན་ཏུ་ཉོན་མོངས་བཀྲེས་ཤིང་སྐོམ་པའི་ཚེ༔ ལྟོག་སྐོམ་ཚ་གྲང་སྡུག་བསྔལ་མི་འབྱུང་ཤིང༔ ཕྱི་མ་ཕ་མའི་འདུ་འཕྲོད་མཐོང་ཙམ་ན༔ རྒྱལ་བ་ཞི་ཁྲོ་ཡབ་ཡུམ་ཉིད་མཐོང་ཤོག༔ གར་སྐྱེས་རང་དབང་ཐོབ་ནས་གཞན་དོན་དུ༔ མཚན་དཔེས་བརྒྱན་པའི་ལུས་མཆོག་ཐོབ་པར་ཤོག༔ བདག་ཉིད་སྐྱེས་པའི་ལུས་མཆོག་ཐོབ་གྱུར་ནས༔ མཐོང་ཐོས་ཐམས་ཅད་མྱུར་དུ་ཐོབ་པར་ཤོག༔ ལས་ངན་ཐམས་ཅད་རྗེས་སུ་མི་འབྲང་ཞིང་༔ བསོད་ནམས་གང་ཡོད་འཕེལ་ཞིང་རྗེས་འབྲང་ཤོག༔ གང་དང་གང་དུ་སྐྱེ་བ་དེ་དང་དེར༔ ཚེ་རབས་ཡི་དམ་ལྷ་དང་འཇལ་བར་ཤོག༔ སྐྱེ་མ་ཐག་དུ་སྨྲ་ཤིང་འགྲོ་ཤེས་སྟེ༔ སྐྱེ་བ་དྲན་ཅིང་མི་བརྗེད་གཟུངས་་ཐོབ་ཐོག༔ ཡོན་ཏན་ཆེ་ཆུང་འབྲིང་དང་སྣ་ཚོགས་པ༔ ཐོས་བསམ་མཐོང་བ་ཙམ་གྱིས་ཤེས་གྱུར་ཅིག༔ གང་དུ་སྐྱེས་པའི་ཡུལ་དེར་བཀྲ་ཤིས་ཤོག༔ སེམས་ཅན་ཐམས་ཅད་བདེ་དང་ལྡན་གྱུར་ཅིག༔ རྒྱལ་བ་ཞི་ཁྲོ་ཁྱེད་སྐུ་ཅི་འདྲ་དང་༔ འཁོར་དང་སྐུ་ཚེའི་ཚད་དང༴ ཁྱེད་ཀྱི་མཚན་མཆོག༴ དེ་འདྲ་ཁོ་ནར༴ ཀུན་བཟང་ཞི་ཁྲོ་རབ་འབྱམས་ཐུགས་རྗེ་དང་༔ ཆོས་ཉིས་རྣམ་པར་དག་པའི་བདེན་སྟོབས་དང་༔ གསང་སྔགས་རྩེ་གཅིག་བསྒྲུབ་པའི་བྱིན་རླབས་ཀྱིས༔ སྨོན་ལམ་བཏབ་པ་དེ་བཞིན་འགྲུབ་ཅིག༔ བར་དོའི་སྨོན་ལམ་འཇིགས་སྐྱོབས་མ་ཞེས་བྱ་བ་འཁོར་བ་མ་སྟོང་གི་བར་དུ་མ་རྫོགས་སོ༔ གྲུབ་ཐོབ་ཀརྨའི་གླིང་པའི་གཏེར་མའོ༔ མངྒལཾ༔ དགེའོ༔ དགེའོ༔ ༔ བར་དོ་དྲུག་གི་རྩ་ཚིགབར་དོ་དྲུག་གི་རྩ་ཚིག་བཞུགས་སོ༔ ཀྱཻ་མ་བདག་ལ་སྐྱེ་གནས་བར་དོ་འཆར་དུས་འདིར༔ ཚེ་ལ་ལོང་མེད་ལེ་ལོ་སྤངས་བྱས་ནས༔ ཐོས་བསམ་བསྒོམ་གསུམ་མ་ཡེངས་ལམ་ལ་འཇུག༔ སྣང་སེམས་ལམ་བསླང་སྐུ་གསུམ་མངོན་གྱུར་བྱ༔ མི་ལུས་ལན་གཅིག་ཐོབ་པས་དུས་ཚོད་འདིར༔ ཡེངས་མ་ལམ་ལ་སྡོད་པའི་དུས་ཚོད་མིན༔ ཀྱཻ་མ་བདག་ལ་རྨི་ལམ་བར་དོ་འཆར༴ གཏི་མུག་རོ་ཉལ་བག་མེད་སྤངས་བྱས༴ དྲན་པ་ཡེངས་མེད་གནས་ལུས་ངང་ལ་འཇུག༔ རྨི་ལམ་བཟུང་ནས་སྤྲུལ་བསྒྱུར་འོད་གསལ་སྦྱངས༔ དུད་འགྲོ་བཞིན་དུ་ཉལ་བར་མ་བྱེད་ཅིག༔ གཉིད་དང་མངོན་གསུམ་འདྲེས་པའི་ཉམས་ལེན་གཙོ༔ ཀྱཻ་མ་བདག་བསམ་གཏན་བར༴ རྣམ་ཡེངས་འཁྲུལ་པའི་ཚོགས་རྣམས་སྤང༴ ཡེངས་མེད་འཛིན་མེད་མཐའ་བྲལ་ངང་ལ་འཇོག༔ བསྐྱེད་རྫོགས་གཉིས་ལ་བསྟན་པ་ཐོབ་པར་བྱ༔ བྱ་བ་སྤངས་ནས་རྩེ་གཅིག་བསྒོམ་དུས་འདིར༔ ཉོན་མོངས་འཁྲུལ་བའི་དབང་དུ་མ་བཏང་ཅིག༔ ཀྱཻ་མ་བདག་ལ་འཆི་ཁ་བར་དོ༴ ཀུན་ལ་ཆགས་སེམས་ཞེན་འཛིན་སྤངས་བྱས༴ གདམས་ངག་གསལ་བའི་ངང་ལ་མ་ཡེངས་འཇུག༔ རང་རིག་སྐྱེ་མེད་ནམ་མཁའི་དབྱིངས་སུ་འཕོ༔ འདུས་བྱས་ཤ་ཁྲག་ལུས་དང་བྲལ་ལ་ཁད༔ མི་རྟག་སྒྱུ་མ་ཡིན་པར་ཤེས་པར་བྱ༔ ཀྱཻ་མ་བདག་ལ་ཆོས་ཉིད་བར་དོ༴ ཀུན་ལ་སྔངས་སྐྲག་འཇིགས་སྣང་སྤངས་བྱས༴ གང་ཤར་རང་སྣང་རིག་པ་ངོ་ཤེས་འཇུག༔ བར་དོའི་སྣང་ཚུལ་ཡིན་པར་ཤེས་པར་བྱ༔ དོན་ཆེན་འགགས་ལ་ཐུགས་པའི་དུས་ཚོད་འདིར༔ རང་སྣང་ཞིན་ཁྲོའི་ཚོགས་ལ་མ་འཇིགས་ཤོག༔ ཀྱཻ་མ་བདག་ལ་སྲིད་པ་བར་དོ༴ འདུན་པ་རྩེ་གཅིག་སེམས་ལ་བཟུང་བྱས་ནས༔ བཟང་པོ་ལས་ཀྱི་འཕྲོ་ལ་ནན་གྱིས་མཐུད༔ མངལ་སྒོ་དགག་ནས་རུ་ལོག་དྲན་པར་བྱ༔ སྙིང་རུས་དག་སྣང་དགོས་པའི་དུས་ཤིག་ཡིན༔ མིག་སེར་སྤངས་ལ་བླ་མ་ཡབ་ཡུམ་སྒོམས༔ འཆི་བ་འོང་སྙམས་མེད་དཔའི་བློ་རིང་པོ༔ དོན་མེད་ཚེ་འདིའི་བྱ་བ་བསྒྲུབ་བསྒྲུབ་ནས༔ ད་རེས་སྟོང་ལོག་བྱས་ན་ཤིན་ཏུ་འཁྲུལ༔ དགོས་ངོ་ཤེས་པ་དམ་པའི་ལྷ་ཆོས་ཡིན༔ ད་ལྟ་ཉིད་དུ་ལྷ་ཆོས་མི་བྱེད་དམ༔ གྲུབ་ཆེན་རྣམས་ཀྱི་ཞལ་ནས་འདི་སྐད་བསུང༔ བླ་མའི་གདམས་ངག་སེམས་ལ་མ་བཞག་ན༔ རང་གི་རང་ཉིད་བསླུ་བར་མི་འགྱུར་རམ༔ ཅེས་གསུངས༔ བར་དོ་ཐོས་གྲོལ་གྱི་རྩ་ཚིག་འདི་འཁོར་བ་མ་སྟོང་བར་དུ་མ་རྫོགས་སོ༔ དགེའོ༔ བཀྲིས༔ ༔ བར་དོ་འཕྲང་སྒྲོལ་གྱི་སྨོནལམ།བར་དོ་འཕྲང་སྒྲོལ་གྱི་སྨོནལམ་བཞུགས་སོཿ བླ་མ་ཡི་དམ་མཁའ་འགྲོའི་ཚོགས་ལ་ཕྱག་འཚལ་ལོཿ བརྩེ་བ་ཆེན་པོའི་ལམ་སྣ་དྲངས་དུ་གསོལཿ བདག་ནི་འཁྲུལ་བའི་འཁོར་བར་འཁྱམས་པའི་ཚེཿ ཐོས་བསམ་སྒོམ་གསུམ་མ་ཡེངས་འོད་ལམ་ལཿ བཀའ་བརྒྱུད་བླ་མ་རྣམས་ཀྱིས་ལམ་སྣ་དྲོངསཿ ཡུམ་མཆོག་མཁའ་འགྲོའི་ཚོགས་ཀྱིས་རྒྱབ་ནས་སྐྱོརཿ བར་དོ་འཇིགས་པའི་འཕྲང་ལས་བསྒྲལ་དུ་གསོལཿ ཡང་དག་རྫོགས་པའི་སངས་རྒྱས་རུ་སྐྱོལཿ གཏི་མུག་དྲག་པོས་འཁོར་བར་འཁྱམས་པའི་ཚེཿ ཆོས་དབྱིངས་ཡེ་ཤེས་གསལ་བའི་འོད་ལམ་ལཿ བཅོམ་ལྡན་རྣམ་པར་སྣང་མཛད་ལམ་སྣ་དྲོངས༔ ཡུམ་མཆོག་དབྱིངས་ཕྱུག་མ་ཡིས་རྒྱབ་ནས་སྐྱོརཿ བར་དོ་འཇིགས་པའི་འཕྲང་ལས་བསྒྲལ་དུ་གསོལཿ ཡང་དག་རྫོགས་པའི་སངས་རྒྱས་ས་རུ་སྐྱོལ༔ ཞེ་སྡང་དྲག་པོའི་འཁོར་བར་འཁྱམས་པའི་ཚེ༔ མེ་ལོང་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་རྡོ་རྗེ་སེམས་དཔས་ལམ་སྣ་དྲོངས༔ ཡུམ་མཆོག་སངས་རྒྱས་སྤྱན་མས་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ ང་རྒྱལ་དྲག་པོའི་འཁོར་བར་འཁྱམས་པའི་ཚེ༔ མཉམ་ཉིད་ཡེ་ཤེས་གསལ་བའི་འོད་ལམ་ལ༔ །བཅོམ་ལྡན་རིན་ཆེན་འབྱུང་ལྡན་ལམ་སྣ་དྲོངས༔ ཡུམ་མཆོག་མཱ་མ་ཀི་ཡིས་རྒྱབ་ནས་སྐྱོལ༔ བར་དོ་འཇིགས་པའི་འཕྲེང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ འདོད་ཆགས་དྲག་པོའི་འཁོར་བར་འཁྱམས་པའི་ཚེ༔ སོར་རྟོག་ཡེ་ཤེས་གསལ་བའི་འོད་ལམ་ལཿ བཅོམ་ལྡན་སྣང་བ་མཐའ་ཡས་ལམ་སྣ་དྲོངསཿ ཡུམ་མཆོག་གོས་དཀར་མོ་ཡིས་རྒྱབ་ནས་སྐྱོརཿ བར་དོ་འཇིགས་པའི་འཕྲང་ལས་བསྒྲལ་དུ་གསོལ་ཿ ཡང་དག་རྫོགས་པའི་སངས་རྒྱས་ས་རུ་སྐྱོལཿ ཕྲག་དོག་དྲག་པོའི་འཁོར་བར་འཁྱམས་པའི་ཚེཿ བྱ་གྲུབ་ཡེ་ཤེས་གསལ་བའི་འོད་ལམ་ལཿ བཅོམ་ལྡན་དོན་ཡོད་གྲུབ་པས་ལམ་སྣ་དྲོངསཿ ཡུམ་མཆོག་དམ་ཚིག་སྒྲོལ་མས་རྒྱབ་ནས་སྐྱོརཿ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ བག་ཆགས་དྲག་པོའི་འཁོར་བར་འཁྱམས་པའི་ཚེ༔ ལྷན་སྐྱེས་ཡེ་ཤེས་གསལ་བའི་འོད་ལམ་ལ༔ དཔའ་བོ་རིག་འཛིན་རྣམས་ཀྱིས་ལམ་སྣ་དྲོངས༔ ཡུམ་མཆོག་མཁའ་འགྲོའི་ཚོགས་ཀྱིས་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ འཁྲུལ་སྣང་དྲག་པོའི་འཁོར་བར་འཁྱམས་པའི་ཚེ༔ སྔངས་སྐྲགས་འཇིགས་སྣང་སྤངས་པའི་འོད་ལམ་ལ༔ བཅོམ་ལྡན་ཞི་ཁྲིའི་ཚོགས་ཀྱིས་ལམ་སྣ་དྲོངས༔ དབྱིངས་ཕྱུག་མཁའ་འགྲོའི་ཚོགས་ཀྱིས་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ ཀྱཻ་མ༔ ནམ་མཁའི་ཁམས་རྣམས་དགྲ་རུ་མི་ལྡང་ཞིང་༔ སངས་རྒྱས་མཐིང་ཁའི་ཞིང་ཁམས་མཐོང་བར་ཤོག༔ ཆུ་ཡི་ཁམས་རྣམས་དགྲ་རི་མི་ལྡང་ཞིང་༔ སངས་རྒྱས་དཀར་པོའི་ཞིང་ཁམས་མཐོང་བར་ཤོག ས་ཡི་ཁམས་རྣམས་དགྲ་རུ་མི་ལྡང་ཞིང་༔ སངས་རྒྱས་སེར་པོའི་ཞིང་ཁམས་མཐོང་བར་ཤོག༔ མེ་ཡི་ཁམས་རྣམས་དགྲ་རུ་མི་ལྡང་ཞིང་༔ སངས་རྒྱས་དམར་པོའི་ཞིང་ཁམས་མཐོང་བར་ཤོག༔ རླུང་གི་ཁམས་རྣམས་དགྲ་རུ་མི་ལྡང་ཞིང་༔ སངས་རྒྱས་ལྗང་གུའི་ཞིང་ཁམས་མཐོང་བར་ཤོག༔ འཇའ་ཚོན་ཁམས་རྣམས་དགྲ་རུ་མི་ལྡང་ཞིང་༔ སངས་རྒྱས་སྣ་ཚོགས་ཞིང་ཁམས་མཐོང་བར་ཤོག༔ སྒྲ་འོད་ཟེར་གསུམ་དགྲ་རུ་མི་ལྡང་ཞིང་༔ ཞི་ཁྲི་རབ་འབྱམས་ཞིང་ཁམས་མཐོང་བར་ཤོག༔ སྒྲ་རྣམས་ཐམས་ཅད་རང་སྒྲར་ཤེས་བར་ཤོག༔ འོད་རྣམས་ཐམས་ཅད་རང་འོད་ཤེས་པར་ཤོག༔ ཟེར་རྣམས་ཐམས་ཅད་རང་ཟེར་ཤེས་པར་ཤོག༔ བར་དོ་རང་དོ་རང་གི་ཤེས་པར་ཤོག༔ སྐུ་གསུམ་ཞིང་ཁམས་མངོན་དུ་འགྱུར་བར་ཤོག༔ བར་དོ་འཕྲང་སྒྲོལ་གྱི་སྨོན་ལམ་ཞེས་བྱ་བ་ཨོ་རྒྱན་གྱི་མཁན་པོ་པདྨ་འབྱུང་གནས་ཀྱིས་མཛད་པ༔ འཁོར་བ་མ་སྟོང་བར་དུ་མ་རྫོགས་སོ༔ མངྒ་ལཾཿ དཀར་གསུར་ཞིང་ཁམས་ཀུན་ཁྱབ།དཀར་གསུར་ཞིང་ཁམས་ཀུན་ཁྱབ་ཅེས་བྱ་བ་བཞུགས་སོ། ། དཀར་གསུར་ཞིང་ཁམས་ཀུན་ཁྱབ་ཅེས་བྱ་བ། །དཀར་ཕྱེ་བཙང་མ་མ་དཀར་གྱི་ཁུ་བས་སྤགས་པ་སྣུམ་བག་ཅན་གྱི་ཁྲོད་ཤིང་ཏོག །དཀར་གསུམ། །མངར་གསུམ། རིན་པོ་ཆེ། བདུད་རྩིའ་ིཕུར་མ་སོགས་ཀྱང་བཏགས་ནས་འདྲེས་པར་བྱས་པ་སོལ་མེད་དང་། སོ་ཏོག་ལ་སོགས་མ་ཡིན་པའི་མེ་ཐལ་འཇམ་པོ་ལ་བཏབ་ ཆུ་གཙང་ཁོ་ནས་བྲན། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ་སོགས་ལན་གསུམ། ཨོཾསཱ་བྷྱ་ཝ་སོགས། །སྟོང་པའི་ངང་ལས་སྐད་ཅིག་དྲན་རྫོགས་སུ། །རང་ཉིད་ཇོ་བོ་ཁ་སར་པ་ཎིའི་སྐུ། །བཞེངས་སྟབས་ཕྱག་གཡས་མཆོག་སྦྱིན་ཅན་གསལ་བའི། །མདུན་དུ་རྣམ་པར་སྣང་མཛད་གང་ཆེན་མཚོ། །སྐུ་ལ་ཞིང་ཁམས་རྫོགས་པའི་གཙུག་ཏོར་ནས། །མགྲིན་པ་ཡན་ཆད་དཀོན་མཆོག་སྲི་ཞུའི་མགྲོན། །དེ་ཡི་ཐུགས་ཀ་ལྟེ་བའི་བར་དག་ལ། །མགོན་པོ་ཡོནཏན་སྐུ་སྨད་སྙིང་རྗེའི་མགྲོན། །པད་གདན་བགེགས་རིགས་ལན་ཆགས་གསལ་བ་ལས། །ཐུགས་ཀར་ཡི་གེ་དྲུག་མའི་འོད་ཟེར་གྱིས། །མཆོད་ཡུལ་མཉེས་བྱས་སྦྱིན་ཡུལ་སྡིག་སྒྲིབ་སྦྱངས། །ཁམས་གསུམ་མ་ལུས་ངག་པའི་ཞིང་དུ་གྱུར། །ཨོཾ་མ་ཎི་པདྨེ་ཧཱུྃ་ཧྲཱིཿ བརྒྱ་རྩ་བརྗོད། །ན་མོ། །བདེ་གཤེགས་སྙིང་པོས་འགྲོ་བ་ཡོངས་ལ་ཁྱབ། །སེམས་ནི་རྒྱ་ཆེནམཆོག་ཏུ་རབ་བསྐྱེད་དེ། །འགྲོ་བ་འདི་དག་མ་ལུས་སངས་རྒྱས་རྒྱུ། །འདི་ན་སྣོད་མིན་སེམས་ཅན་གང་ཡང་མེད། །བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ནི། །སེམས་ཅན་དོན་ལ་དགོངས་པའི་དཀོནམཆོག་གསུམ། །ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །ཞིང་ཁམས་རྒྱ་མཚོའི་མགྲོན་རིགས་མཆོག་དམན་ཐམས་ཅད་བྱོན་ནས་མདུན་གྱི་ནམ་མཁར་བཞུགས་རཔ་གྱུར། །ཨོཾ་ཨཱཿཧཱུྃ༔ ལན་གསུམ་བརྗོད། །དུ་བ་འདི་འདོད་ཡོན་གྱི་ལྷ་མོ་གཟུགས་རྡོ་རྗེ་མ་མཛེས་ཤིང་ལྟ་ན་སྡུག་པ། དབྱངས་བསྙན་པ། དྲི་ཞིམ་པ། རེག་བྱ་འཇམ་པ། ཕྱག་གཉིས་ན་ལྷའི་བདུད་རྩི་རོ་བརྒྱ་དང་ལྡན་པའི་བུམ་པར་སྣམས་ནས་མཆོད་པའི་སྤྲིན་ཕུང་དཔག་ཏུ་མེད་པར་སྤྲོ་ཞིང་། །སྣོད་བཅུ་ཀྱི་ཉམས་གྲིབ་དང་རྨུག་པ་དག་པར་བྱེད་པའི་སྤྱི་གཙུག་ན་སངས་རྒྱས་རིན་ཆེན་མངས་ཕྱག་གཡས་མཆོག་སྦྱིན་གྱི་ཕྱག་རྒྱས་དབུལ་བ་སེལ་ཞིང་། །འདོད་ཡོན་གྱི་ལོངས་སྤྱོད་ཟད་མི་ཤེས་པའི་གཏེར་དུ་སྤྲུལ་པར་གྱུར། །ན་མཿ སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཏཏྑཾ་ཨུངྒ་ཏེ་སྦ་ར་ཎ་ཧི་མཾག་ག་ན་ཁཾ་སྭ་ཧཱ༔ ལན་གསུམ། ན་མོ་ ཆོས་སྐུ་ཀུན་ཏུ་བཟང་པོ་ནས་དྲིན་ཆེན་རྩ་བའི་བླ་མའི་བར་དུ་བྱོན་པའི་དགོངས་བརྡ་སྙན་བརྒྱུད་ཀྱི་བླ་མ་དམ་པ་མ་ཚང་བ་མེད་པ་རྣམས་དང་། །ཐེག་པ་རིམ་པ་དགུ །མདོ་སྒྱུ་སེམས་གསུམ། སྒྲུབ་སྡེ་བཀའ་བརྒྱད། །རྒྱུད་སྡེ་ཕྱི་ནང་། །དུས་ཀྱི་འཁོར་ལོ་ཕྱི་ནང་གཞན་གསུམ་གྱི་དཀྱིལ་འཁོར་གྱི་ལྷ་ཚོགས་བསམ་ཡས་གྲངས་མེད་དཔལ་འབུལ་ལོ། །བདག་གི་རིག་འཛིནགྱི་སྡོམ་པ་དང་དམ་ཚིག་ལ་ཉེས་པའི་སྐྱོན་བྱུང་བ་ཐམས་ཅད་སོར་ཆུད་ནས། །མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཨོཾ་ཨཱཿཧཱུྃ། ཕྱི་སྣོད་ཀྱི་འཇིག་རྟེནཡུམ་ལྔའི་རང་བཞིན། ནང་བཅུད་ཀྱི་སེམས་ཅན་དཔའ་བོ་མཁའ་འགྲོའི་གྲོང་ཁྱེར། །ཡུལ་ཉི་ཤུ་རྩ་བཞི། གནས་སུམ་ཅུ་རྩ་གཉིས། །ངུར་ཁྲོད་ཆེན་པོ་བརྒྱད། །མཁའ་སྤྱོད་དང་ས་སྤྱོད་ཀྱི་བདག་པོ་དཔལ་ལྡན་རྡོ་རྗེ་ཕག་མོ། །རྒྱལ་ཡུམ་རྡོ་རྗེ་རྣལ་འབྱོར་མ། ཁྲོས་མ་ནག་མོ་དང་སེང་གེའི་གདོང་ཅན། ཀུ་རུ་ཀུལླེ་དང་འོད་ཟེར་ཅན། དཔལ་དང་ནོར་རྒྱུན་མ། བཀྲ་ཤིས་ཀྱི་ལྷ་མོ་བརྒྱད། །ཁྲོ་གཉེར་ཅན་དང་རི་ཁྲོད་མ། །ཡུམ་ཆེན་མོ་ལ་སོགས་ཏེ་གསང་སྔགས་དང་རིག་སྔགས་གཟུངས་སྔགས་ཀྱི་ལྷ་མོ་རྣམས་ལ་འབུལ་ལོ། བདག་གི་དམ་ཚིག་ཉམས་ཆགས་ཐམས་ཅད་བསྐང་ནས་ཕྲིན་ལས་རྣམ་པ་བཞི་ཐོགས་མེད་དུ་འགྲུབ་པ་དང་། འཆི་ཁར་གནད་གཅོད་ཀྱི་སྡུག་བསྔལ་མི་འབྱུང་ཞིང་ལམ་སྣ་དང་བསུན་མ་མཛད་དུ་གསོལ། ཨོཾ་ཨཱཿཧཱུྃ། བཅོམ་ལྡན་འདས་ཤཱཀྱ་ཐུབ་པས་མཚོནབསྐལ་བ་བཟང་པོའི་སངས་རྒྱས་སྟོང་རྩ་གཉིས། སངས་རྒྱས་དགའ་བའི་དཔལ་ལ་སོགས་ཕྱོགས་བཅུ་དང་མར་མེ་མཛད་དང་རྣམ་གཟིགས་ལ་སོགས་དུས་གསུམ་གྱི་སངས་རྒྱས་མཆོག་ཟུང་དང་། །སྒྲ་གཅནའཛིན་ལ་སོགས་ཉན་ཐོས་ཀྱི་དགེ་འདུན་ཟུང་བཞི་ཡ་བརྒྱད། །རང་སངས་རྒྱས་རིགས་གཉིས་གནས་བརྟན་ཆེན་པོ་བཅུ་དྲུག་འཁོར་དགྲ་བཅོམ་པའི་ཚོགས་བསམ་གྱིས་མི་ཁྱབ་པ་དང་བཅས་པ་རྣམས་ལ་འབུལ་ལོ། །བདག་གིས་སོ་སོ་ཐར་པའི་སྡོམ་པ་དང་འགལ་བ་ཐམས་ཅད་སོར་ཆུད་ནས་ངན་སོང་གསུམ་དང་མི་ཁོམ་པའི་གནས་རིགས་ལས་ཐར་ཏེ་ཉན་རང་དགྲ་བཅོམ་པའི་གོ་འཕང་ཐོབ་བར་གྱུར་ཅིག །ཨོཾ་ཨཱཿཧཱུྃ། འཕགས་པ་འཇམ་དཔལ་གྱིས་མཚོན་བྱང་ཆུབ་སེམས་དཔའི་དགེ་འདུན་ཉེ་བའི་ སྲས་བརྒྱད་རྡོ་རྗེ་སྙིང་པོ་དང་། །བློ་གྲོས་མི་ཟད་པ་ལ་སོགས་བསྐལ་བཟང་གི་སེམས་དཔའ་བཅུ་དྲུག །ཆོས་འཕགས་དང་། རྟག་ཏུ་ངུ་ལ་སོགས་བྱང་ཆུབ་སེམས་དཔའིཚོགས་དཔག་ཏུ་མེད་པ་རྣམས་ལ་འབུལ་ལོ། །བདག་གིས་བྱང་ཆུབ་སེམས་དཔའི་སྡེ་སྣོད་ལས་གསུངས་པའི་ལྟུང་བའི་ཉམས་སུ་མྱོང་བ་མཐའ་དག་ལྷག་མེད་དུ་བྱང་ནས་ཐེག་པ་ཆེན་པོའི་ལམ་ལ་བར་ཆད་མེད་པར་གྱུར་ཅིག །ཨོཾ་ཨཱཿཧཱུྃ། ཡེ་ཤེས་དང་ལས་ལས་སྒྲུབ་པའི་ཆོས་སྐྱོང་མ་མགོན་ལྕམ་དྲལ། །དཔལ་མགོན་བདུན་ཅུ་རྩ་ལྔ། །དྲེགས་པ་ཕོ་རྒྱུད་མོ་རྒྱུད། །ལྷ་ཀླུ་ཡུམ་ལྷ་གཞི་བདག །འཛམ་བུ་གླིང་དང་གངས་ཅན་ན་གནས་པའི་དགེ་སྙེན་དཀར་ཕྱོགས་སྐྱོང་བའི་མིང་དང་མཚན་ནས་མཐོན་པ་ཐམས་ཅད་ལ་འབུལ་ལོ་ སངས་རྒྱས་ཀྱི་བསྟན་པ་སྲུངས། །དཀོན་མཆོག་གི་དབུ་འཕང་བསྟོད། འཇིག་རྟེན་གྱི་ཁམས་སུ་ཆར་ཆུ་དུས་སུ་ཕོབས། ནད་མུག་འཁྲུག་རྩོད་སོལ། །རྣལ་འབྱོར་པ་བདག་ཅག་ཆོས་སྒྲུབ་པའི་བར་ཆད་སྲུང་ཞིང་ཡོན་བདག་དང་གནས་མལ་མཛད་དུ་གསོལ། །ཨོཾཨཱཿཧཱུྃ། གཞན་ཡང་ལྷ་ཀླུ་མི་དང་བྲམ་ཟེའི་དྲང་སྲོང་བདེན་ཚིག་གྲུབ་པའི་ཚོགས། །གནོད་སྦྱིན་ཛམ་བྷ་ལ། །ལྷན་ཅིག་སྐྱེས་པའི་ལྷ་འགོ་བའི་ལྷ་ལྔ། །ཁྱིམ་ལྷ་དག་ཞིང་ལྷ་ལ་སོགས་ཁ་རྗེ་དང་དབང་ཐང་སྐྱེད་པའི་ལྷ་འབྱུང་བ་བཞི་དང་རི་དང་ནགས་ཚལ་གྱི་ལྷ་རྣམས་ལ་འབྲུལ་ལོ། །བདག་གཾ་ལེགས་པ་དང་དཀར་པོའི་ཕྱོགས་ཐམས་ཅད་བསྐྱེད་པའིསྟོང་གྲོགས་མཛད་དུ་གསོལ། །ཨོཾཨཱཿཧཱུྃ། དྲི་ཟའི་རྒྱལ་པོ་ལྗོན་པ་རྟ་མགོ་ཅན་དང་། །གླུ་དང་གར་ལ་སྲེད་པའི་དྲི་ཟ་རབ་དགའ། །མི་འམ་ཅི་གྲོང་ཁྱེར་བར་སྣང་ལ་བཅས་པའི་སྡེ་ཚན་གྱིས་མཚོན་གདོན་གྱི་རིགས་སུ་གྱུར་པ་ཐམས་ཅད་དང་། ལན་ཆགས་ཤ་འཁོན་ཆགས་པའི་རིགས། །འཕྲོག་མ་མ་བུ་ལྔ་བརྒྱ། །བགེགས་རིགས་སྟོང་ཕྲག་བརྒྱད་ཅུ་དང་བཅས་པའི་ཚོགས་ལ་འབུལ་ལོ། །གདོནདང་གནོད་པ་མ་མཛད། ཁ་རྗེ་དང་དབང་ཐང་མ་འཕྲོག །དུར་དང་གདུག་རྩུབ་སྤོངས་ཤིག། །ཨོོཾཨཱཿཧཱུྃ།་ ཁྱད་པར་དུ་འགྲོ་བ་རིགས་དྲུག་ལམ་རྒྱུད་ལྔ། །སྐྱེ་གནས་རྣམ་པ་བཞིས་བསྡུས་པའི་སྙིངརྗེའི་མགྲོན་དུ་གྱུར་པ་ཐམས་ཅད་དང་། །དབུལ་ཞིང་ཕོངས་པར་གྱུར་པའི་ཡི་དྭགས་སྡེ་ཚན་གཉིས། །ཁར་སང་ད་ནངས་སམ། །ན་ནིང་གི་ལོ་ཟླ་ཞག་དུས་ནས་སྔ་མའི་རྟེན་བོར། ཕྱི་མའི་ལུས་རྟེན་མ་རྙེད། །སྲིང་པ་བར་མདོར་ཉམ་ང་བའི་འཕྲང་ལ་སྐྱབས་དང་སྐྱོབས་མེད་པ། མགོན་དང་དཔུང་གཉེན་མེད་པ། །སྔོནགྱི་བསགས་རྒྱབ་མེད་པ། །དགེ་བའི་ར་མདའ་ཉུང་བ། །མིང་བཞི་འདུས་བའི་ཕུང་པོ། །ཚོར་བ་སྡུག་བསྔལ་གྱི་རང་བཞིན། །འཇིགས་སྐྲགས་འཁྲུལ་སྣང་གིས་མནར་བ། །འཁྱགས་ལྟོགས་སྐོམ་གསུམ་གྱིས་གདུང་པ། །ཚེ་ཚད་ངེས་པ་མེད་པ། །བྱ་སྒྲོ་རླུང་གིས་བཏེབ་པ་བཞིན། །གར་འགྲོའི་རང་དབང་དང་བྲལ་བའི་བར་དོའི་སེམས་ཅན་ཆེ་གེ་མོས་གཅོ་བྱས་པའི་བར་དོར་གནས་པ་ཐམས་ཅད་ལ་འབུལ་ལོ། །གནས་གྲོགས་ལོངས་སྤྱོད་བཟའ་བཏུང་ཕུན་སུམ་ཚོགས་པ་དང་ཕྲད་ནས་བག་ཕེབས་པར་གྱུར་ཅིག །དེ་ལྟར་གྱུར་པའི་མོད་ལ་འཕགས་པ་སྤྱན་རས་གཟིགས་དང་། བྱང་ཆུབ་སེམས་དཔའ་སྒྲིབ་པ་རྣམ་སེལ་མཐོང་ནས་བར་དོ་ལ་བར་དོ་ཡིནཔར་ངོ་ཤེས། །འཁྲུལ་སྣང་རྒྱས་ཐེབས། །བླ་མ་དང་དཀོན་མཆོག །ཡི་དམ་དང་ལྟ་བ་རྗེས་སུ་དྲན་ཏེ། ལས་ངན་པའི་སྒྲིབ་པ་སྐད་ཅིག་ལ་དག་ནས་རིག་པ་ལ་རང་དབང་ཐོབ། བདེ་བ་ཅན་དང་པདྨ་འོད་ལ་སོགས་པའི་ཞིང་ཁམས་ཁྱད་པར་ཅན་བཙན་ཐབས་སུ་བགྲོད་ནུས་པར་ཤོག་ཅིག །རྒྱལ་བ་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར་ཅིག །རིགས་དྲུག་འདོད་པའི་ཚིམ་གྱུར་ཅིག །ལན་ཆགས་བུ་ལོན་འཁོར་གྱུར་ཅིག །ཁམས་གསུམ་དག་པའི་ཞིང་། །སྲིད་གསུམ་ཐུགས་རྗེའི་འདྲེན། མ་ལུས་ཁྱབ་པའི་ཟས། །ཆོས་ཉིད་ནུས་པའི་མཐུས། །འདོད་ཡོན་མི་ཟད་པའི་གཏེར་ལ་ལོངས་སྤྱོད་པར་གྱུར་ཅིག །ཐམས་ཅད་ནམས་མཁའ་མཛོད་བཞིན་དུ། །ལོངས་སྤྱོད་ཆད་པ་མེད་པར་ཤོག །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །སྡིག་པ་ཅི་ཡང་མི་བྱ་ཞིང་སོགས་ཆོས་སྦྱིན་དང་བ་སྔོ་སྨོན་ཀྱང་བྱའོ། །རང་བྱུང་རྡོ་རྗེས་གཞན་ལ་ཕན་པའིབློས་བཀོད་པའོ། ༈ དམར་གསུར་ལ་བརྟེན་ནས་རང་གཞན་གྱི་འཆི་བ་བསླུབ་བཞུགས། ༈ །དམར་གསུར་ལ་བརྟེན་ནས་རང་གཞན་གྱི་འཆི་བ་བསླུ་བ་ནི། །ཨོཾ་ཨཱཿཧཱུྃ། ལན་གསུམ་བརྗོད། །དམར་གསུར་འདོད་ཡོན་རྒྱ་མཚོ་འདི། །དཀོན་མཆོག་སྲི་ཞུའི་མགྲོན་རྣམས་ལ། །ཟས་ཀྱི་ཉེར་ལེན་མི་མངའ་ཡང་། །མཆོད་པའི་ཡུལ་དུ་དམིགས་ནས་འབུལ། །བདག་ཅག་བསོད་ནམས་ཚོགས་རྫོགས་ནས། །མྱུར་དུ་ཡེ་ཤེས་མཐོང་བརཤོག །མགོན་པོ་ཡོན་ཏན་མགྲོན་རྣམས་ལ། །ཟག་མེད་བདུད་རྩིར་དམིགས་ནས་འབུལ། །བྱང་ཆུབ་སྒྲུབ་ལ་བར་གཅོད་པའི། །འགལ་རྐྱེན་མི་མཐུན་ཕྱོགས་ལས་སྲུང་། །རིགས་དྲུག་སྙིང་རྗེའི་མགྲོན་རྣམས་ཀྱིས། །རང་རང་འདོད་པའི་ལོངས་སྤྱོད་དུ། །མཐོང་ནས་ཟང་མེད་གཏེར་ལ་སྤྱོད། །དགའ་མགུ་ཚིམས་ཤིང་ཡི་རང་ནས། །སོ་སོའི་སྡུག་བསྔལ་བྲལ་བ་ཤོག །བགེགས་རིགས་ལན་ཆགས་མགྲོན་རྣམས་ལ། །ཕམ་རྒྱལ་འཐབ་རྩོད་མེད་པར་བསྔོ། །སོ་སོའི་ཡིད་ལ་གང་འདོད་པའི། །ཟད་མི་ཤེས་པའི་ལོངས་སྤྱོད་དུ། །གྱུར་ནས་ཤ་འཁོན་བུ་ལོན་བྱང་། །གནོད་སེམས་འཁོན་འཛིན་དག་པར་ཤོག །ཁྱད་པར་གཞན་གྱི་ལུས་སྲོག་ལ། །རྣམ་པར་སྡང་བའི་གནོད་སྦྱིན་དང་། །ཤ་ཟ་སྲིན་པོ་འབྱུང་པོའི་གདོན། །ཚེ་རྐུ་མདངས་འཕྲོག་སྲོག་ལེན་ཅིང་། །ཤ་དང་ཁྲག་ལ་གདུང་བ་རྣམས། །དམར་གསུར་འདོད་ཡོན་ཀུན་ཁྱབ་འདིས། །ངོམས་ཤིང་ཚིམ་ལ་མཐུན་གྱུར་ཅིང་། །ཁྲོ་ཞིང་གཏུམ་པའི་སེམས་བོར་ནས། །བྱུང་ཆུབ་སེམས་དང་ལྡན་པར་ཤོག །རྒྱུ་འབྲས་བསླུ་བ་མེད་པ་དང་། །དཀོན་མཆོག་གསུམ་གྱི་བདེན་པ་དང་། །བདག་གི་ལྷག་བསམ་རྣམ་དག་མཐུས། །བྱམས་པའི་སྟོབས་ཀྱིས་གནོད་སྦྱིན་ལས། །རང་གི་ཡུལ་ཁམས་བསྲུང་བ་བཞིན། །མཐར་ཐུག་རང་གཞན་དོན་ཡོད་ཅིང་། །གནས་སྐབས་འཆི་བས་འཇིགས་པ་ལས། །འགྲོ་བ་མང་པོའི་སྲོག་ཐར་ཤོག །གང་ཞིག་འདི་རུ་ལྷགས་པ་ཡི། །སའམ་འོན་ཏེ་བར་སྣང་གནས། །འབྱུང་པོ་གདུག་པའི་སེམས་ལྡན་ཀྱང་། །རྒྱུད་ལ་བྱང་ཆུབ་སེམས་སྐྱེས་ནས། །གཞན་ལ་འཚེ་པའི་ བློ་སྤངས་ཏེ། །ཐར་པའི་ས་བོན་ཐེགས་པར་ཤོག །ཆོས་རྣམས་ཐམས་ཅད་རྒྱུ་ལས་བྱུང་། །སོགས་དགེ་བ་བསྔོ། །སྤྱིར་དུས་ལ་ངེས་པ་མེད་ཅིང་ཁྱད་པར་མུན་སྲོས་ལ་གནོད་སྦྱིན་རྣམས་གཞན་གྱི་སྲོག་ལ་འཚེ་བའི་སླད་དུ་རྒྱུ་བ་ཡིན་པས། དེ་ཚེ་དམར་གསུར་སྦྱར་ཞིང་རང་གི་རྒྱུད་ལ་བྱམས་སྙིང་རྗེ་བྱང་ཆུབ་ཀྱི་སེམས་དང་ལྡན་པས་ཆོས་དང་ཟང་ཟིང་གི་སྦྱིན་པ་ཐུན་མོང་དུ་གྱུར་པ་འདི་བྱས་ན་ཕན་ཡོན་བསམ་གྱིས་མི་ཁྱབ་པ་ཡིན་ནོ། །ཞེས་པའང་ཀློང་གསལ་བ་དང་ཆོས་ལྡན་པས་བསྐུལ་ངོར་རིག་པ་འཛིན་པ་མཁྱེན་བརྩེའི་ལྷས་སོ། །འཇིགས་གླིང་དགོངས་པའི་ཐུགས་མཛོད་ལས་བྱུང་བ། །གནད་ཟབ་ཁྱེར་བདེ་དཀར་དམར་གསུར་བསྔོས་སྤར། །དད་ལྡན་ལྷ་གཉེར་ཚེ་བསམ་གྱིས་བསྐྲུན་པའི། །དགེ་བས་འགྲོ་ཀུན་ཟག་བྲལ་སྐུ་ཐོབ་ཤོག །ཅེས་པའང་ཆོས་ཀྱི་སྣང་བས་བྲིས་པ་སིདྡྷིར་སྟུ།། །། གསུར་མཆོད་ཉེར་མཁོ་སྤྱི་དང་དམིགས་བསལ་བ་ལེ་མཚན་གྱི་སྐོར།༄༅། །གསུར་མཆོད་ཉེར་མཁོ་སྤྱི་དང་དམིགས་བསལ་བ་ལེ་མཚན་གྱི་སྐོར་བཞུགས་སོ། ། གསུར་མཆོད་བདུད་རྩིའི་ཆར་འབེབས་ཞེས་བྱ་བ་བཞུགས།། ༈ ཨོཾ་ཨཱཿཧཱུྃ། བསྲེག་བྱེད་མེའི་དཀྱིལ་འཁོར་རྣམ་པར་དག་པའི་འོད་སྣང་དང་འདྲེས་པའི་དུ་བ་ཡེ་ཤེས་ཀྱི་བདུད་རྩིའི་སྤྲིན་ཆེན་པོ། རྒྱལ་བ་དགྱེས་པའི་མཆོད་སྤྲིན། འགྲོ་དྲུག་ཚིམ་པའི་ལོངས་སྤྱོད། བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་འཕྲུལ་དང་ནམ་མཁའ་མཛོད་ཀྱི་ཡོ་བྱད་ལས་བྱུང་བ། རྒྱལ་བ་སྲས་དང་བཅས་པའི་བདེན་པའི་ཚིག་དང་ཏིང་ངེ་འཛིན་གྱི་རྣམ་པར་ཐར་པ་བསམ་གྱིས་མི་ཁྱབ་པས་བྱིན་གྱིས་བརླབས་ཤིང་ཕུན་སུམ་ཚོགས་པ་ཟད་མི་ཤེས་པའི་རང་བཞིན་དུ་གྱུརཅིག ན་མཿསརྦ་ཏ་ཐཱ་ག་ཏ་བྷྱོ་སོགས་ཀྱི་བྱིན་གྱིས་བརླབས། ན་མོ། རྒྱལ་བ་རྣམས་ཀྱི་ཐུགས་རྗེ་བསླུ་བ་མེད། །བསོད་ནམས་ཞིང་དུ་རྫུ་འཕྲུལ་སྟོབས་ཀྱིས་བྱོན། །སེམས་དཔའ་མཆོག་རྣམས་གཞན་དོན་རྟག་ཏུ་དགོངས། །ཡིད་ཀྱི་ཤུགས་ལྟར་འདིར་ནི་གཤེགས་མཛད་ནས། །སྲས་བཅས་རྒྱལ་བ་རྣམས་ཀྱི་བདེན་སྟོབས་ཀྱིས། །ལན་ཆགས་སྙིང་རྗེའི་མགྲོན་རྣམས་མཆིས་གྱུར་ཅིག །བཛྲ་ས་མ་ཛཿ ཨོཾ་ཨཱཿཧཱུྃ། སངས་རྒྱས་སྐུ་གསུམ་གྱི་ལྷ་ཚོགས་སྙིང་རྗེ་ཆེན་པོའི་རྒྱུ་ལས་འཁྲུངས་པ། སྨོན་ལམ་རྣམ་པར་དག་པ་ལ་མངའ་མཛད་པ། ཉིན་མཚན་དུས་དྲུག་ཏུ་ཐུགས་རྗེས་སེམས་ཅན་ལ་གཟིགས་ཤིང་རྟག་ཏུ་ཕན་པ་འབའ་ཞིག་དགོངས་པ། ཞི་ཁྲོ་ཕྲ་མེན་ལ་སོགས་སྐུའི་རྣམ་འཕྲུལ། ཟབ་དང་རྒྱ་ཆེ་བ་གསུང་གི་རྣམ་འཕྲུལ། མངོན་ཤེས་བསམ་གྱིས་མི་ཁྱབ་པ་ཐུགས་ཀྱི་རྣམ་འཕྲུལ་ལ་རོལ་པ་ཁྱེད་རྣམས་ལ་ཐོགས་མེད་ཀྱི་གཟིགས་པ་མངའ། ཐབས་མཁས་ཀྱི་མཛད་པ་བསམ་གྱིས་མི་ཁྱབ་པ་ལགས་པས། གསུར་མཆོད་ཡེ་ཤེས་ཀྱི་བདུད་རྩིར་དགྱེས་ཤིང་བཞེས་ནས་ཚོགས་གཉིས་གྱི་སྟོབས་གྱིས་བྱིན་གྱིས་བརླབས་པར་མཛད་དུ་གསོལ། ཨོཾ་ཨཱཿཧཱུྃ། བྱང་ཆུབ་སེམས་དཔའ་སེམས་དཔའ་ཆེན་པོ། །རྒྱལ་བ་རྣམས་ཀྱི་གདུང་འཚོབ་པ། སེམས་ཅན་རྣམས་ཀྱི་མགོན་མཛད་པ། གྲངས་མེད་ཀྱི་ཞིང་དུ་སྤྲུལ་པས་རོལ་པ། མངོན་ཤེས་དང་ཡེ་ཤེས་ཚད་མེད་པ་ལ་དབང་བ་རྣམས་ཀྱང་། གསུར་མཆོད་བདུད་རྩིའི་རང་བཞིན་འདི་ཉིད་ཀྱི་མཐུས་བདག་དང་སེམས་ཅན་ཐམས་ཅད་ཀྱི་དོན་དུ་བཞེས་ལ། འཇམ་དཔལ་དབྱངས་ཀྱི་མཁྱེན་པ། ཕྱག་ན་རྡོ་རྗེའི་ནུས་སྟོབས། སྤྱན་རས་གཟིགས་ཀྱི་སྙིང་རྗེ། ཀུན་ཏུ་བཟང་པོའི་སྤྱོད་པ། ནམ་མཁའ་མཛོད་ཀྱི་ལོངས་སྤྱོད། བྱམས་པ་མགོན་པོའི་རྣམ་མཐར། རྒྱལ་སྲས་རྣམས་ཀྱི་ཐུགས་བསྐྱེད་ངོ་མཚར་བླ་ན་མེད་པ་སྲིད་ཞིའི་ཁམས་ན་མཚུངས་པ་མེད་པའི་བདེན་པ་དང་། བདེན་པའི་ཚིག་དེས་བདག་གི་མཆོད་སྦྱིན་བཟང་ཞིང་འབྱོར་པ་ཁྱབ་ཆེ་བས་ཁམས་གསུམ་རིགས་དྲུག་གི་སེམས་ཅན་ཚིམ་པར་བྱེད་ནུས་པར་བྱིན་གྱིས་བརླབས་ཏུ་གསོལ། ཨོཾ་ཨཱཿཧཱུྃ། ཉན་ཐོས་དང་རང་རྒྱལ། དགྲ་བཅོམ་པ་ཟག་པ་ཟད་པ། བྱ་བ་བྱས་པ། ཁུར་བོར་བ། །གསོག་འཇོག་སྤངས་པ། སྲིད་པ་ལས་འདས་པའི་ཡེ་ཤེས་བརྙེས་པ་རྣམས་ཀྱང་བདག་གི་བསམ་པ་རྣམ་པར་དག་པས་སྦྱར་བའི་གསུར་མཆོད་ཡེ་ཤེས་ཀྱི་བདུད་རྩི་འདིས་བསོད་སྙོམས་ཀྱི་བྱ་བ་མཛད་ནས། བདག་གི་ཡོན་བསྔོ་བ་མ་སེམས་ཅན་ཐམས་ཅད་ཀྱི་དོན་དུ་མཛད་དུ་གསོལ། ཨོཾ་ཨཱཿཧཱུྃ། གསང་སྔགས་དང་རིགས་སྔགས་གཟུངས་སྔགས་ཀྱི་དཀྱིལ་འཁོར་བསམ་གྱིས་མི་ཁྱབ་པའི་གཙོ་བོ་དང་གཙོ་མོ། འཁོར་དང་སྤྲུལ་པ་བཀའ་ཉན་དང་། མགྲོན་ཐབས་ཀྱི་ལྷ་ཚོགས་གྲངས་མེད་པ་རྣམས་དང་། །དེ་དག་གིས་རྗེས་སུ་བཟུང་བའི་རིག་པ་འཛིན་པར་འདོད་པ་དང་། གཟུགས་དང་གཟུགས་ལས་འདས་པའི་ཡེ་ཤེས་སྒྱུ་མའི་སྐུ་ཅན་ནམ་མཁའ་ལ་སྤྱོད་པ་རྣམས་ཀྱང་རྫུ་འཕྲུལ་དང་སྙིང་རྗེའི་སྟོབས་ཀྱིས་གསུར་མཆོད་བདུད་རྩིའི་རང་བཞིན་འདི་ཚོགས་ཀྱི་འཁོར་ལོར་བཞེས་ལ་བདག་གི་དམ་ཚིག་ཉམས་ཆགས་ཐམས་ཅད་དག་ནས་སྔགས་དང་ཏིང་ངེ་འཛིན་གྱི་མཐུ་ཐོགས་པ་མེད་པ་བསྐྱེད་དུ་གསོལ། ཨོཾ་ཨཱཿཧཱུྃ། སྲིད་པ་འདི་ན་ཆེ་ཞིང་བཙན་པའི་ལྷ་དང་ཀླུ་དང་ས་བདག་དང་སྲིན་པོ་ལ་སོགས་རང་རང་གི་སྡེ་ཚན་ལས་ཁྱད་པར་དུ་འཕགས་པའི་སྟོབས་དང་། ལུས་དང་ལོགས་སྤྱོད་ལ་དབང་བ། གཙོ་བོ་གཙོ་བོར་སྨོས་ཞིང་གཙོ་བོར་བཀུར་བ་ཇི་སྙེད་པ་རྣམས་དང་། དེག་གི་སྡེ་དང་འཁོར་དུ་གཏོགས་པའི་འབྱུང་པོ་ཆེ་ཕྲ་ཐམས་ཅད་ལ་གསུར་མཆོད་ཡེ་ཤེས་ཀྱི་བདུད་རྩི་འདི་རང་རང་གང་ལ་གང་དགོས་ཅི་ལ་ཅི་འདོད་ཀྱི་ཡོ་བྱད་དུ་རྒྱལ་བ་སྲས་དང་བཅས་པའི་བདེན་ཚིག་གི་བྱིན་གྱིས་བརླབས་ནས་འབུལ་གྱི་དེ་དེ་བཞིན་དུ་བཞེས་ལ་རྒྱལ་བ་ཐུགས་རྗེའི་བདག་ཉིད་དེས་བྱང་ཆུབ་ཀྱི་སེམས། འདོད་དགུའི་བང་མཛོད། འགྲོ་བ་ལྷ་དང་བཅས་པའི་བགོ་སྐལ་དུ་བཞག་པ་འདི་ལ་ཐུགས་མཉེས་པར་མཛད་དུ་གསོལ། ཨོཾ་ཨཱཿཧཱུྃ། འགྲོ་བ་རིགས་དྲུག་གི་སེམས་ཅན་བདག་དུ་འཛིན་པའི་རང་བཞིན་ལ་ཞེན་ཅིང་། བདག་གིར་འཛིན་པ་ལ་གདུང་པ་སྐྱེ་བ། ཡང་དང་ཡང་དུ་སྲིད་པར་སྐྱེ་བའི་ཆོས་ཅན། བདག་ལ་ཆགས། གཞན་ལ་སྡང་། གཉིས་སུ་རྨོངས་པའི་རང་བ། སྣང་བ་རགས་པ་ལ་ཞེན་ཅིང་། གདོས་བཅས་ཀྱི་ལུས་ཀྱི་བཅིངས་པ་རྣམས་སྐད་ཅིག་གིས་འདུ་མི་ནུས་ཤིང་ཕྲ་མོའི་ཟས་ཀྱིས་ཚིམ་པར་མི་འགྱུར་ནའང་། བདག་གི་སྙིང་རྗེ་ཆེན་པོའི་སྟོབས་ཀྱིས་ཁམས་གསུམ་གྱི་སེམས་ཅན་ཐམས་ཅད་མདུན་ན་གནས་པ་བཞིན་དུ་བསམ་ནས། གསུར་མཆོད་བདུད་རྩིའི་མཆོད་སྦྱིན་འདིས་མགྲོན་དུ་བགྱིད་ན་བདག་གི་སྦྱིན་པའི་ཕ་རོལ་དུ་ཕྱིན་པ་ཡོངས་སུ་རྫོགས་ཤིང་། མ་སེམས་ཅན་ཐམས་ཅད་རང་རང་སོ་སོའི་ལས་སྣང་སྡུག་བསྔལ་དང་བྲལ་ནས་དགའ་བ་ཆེན་པོའ་ིཡུལ་དུ་གྱུར་ཅིག། ཨོཾ་ཨཱཿཧཱུྃ། གཞན་ཡང་སྦྱིན་པ་བླ་ན་མེད་པའི་ཡུལ་དུ་གྱུར་པ། བྱང་ཆུབ་སེམས་དཔའ་རྣམས་ཀྱི་བསོད་ནམས་ཀྱི་ཞིང་། སྙིང་རྗེའི་ཡུལ། བཟོད་པའི་རྟེན། བརྩོན་འགྲུས་ཀྱི་གྲོགས། འཇིག་རྟེན་མི་ཡུལ་གྱི་བཀྲེན་པ། སློང་མོ་ལ་རྒྱུ་བ། སྒོ་ནས་སྒོ་ཉུལ་ཞིང་། རྟག་ཏུ་གཞན་ལ་རེ་བ། སློང་མོས་འཚོ་ཞིང་སློང་མོ་ལ་བརྟེན་པ། དམན་པའི་ལུས་ཅན་དེ་དག་ཀུན་ཀྱང་མཆོད་སྦྱིན་གྱི་ཡུལ་དུ་བྱས་ནས་སྙིང་རྗེའི་བློས་བཟུང་བ་ལགས་ན་གསུར་མཆོད་བདུད་རྩིའི་རང་བཞིན་འདིས་དེ་དག་ལ་ཁྱབ་སྟེ། བཀྲེས་པ་ལ་ཟས། འཁྱགས་པ་ལ་གོས། རང་རང་གི་འདོད་པའི་ལོངས་སྤྱོད་ལྟར་འགྱུར་བར་རྒྱལ་བ་སྲས་བཅས་ཀྱི་བྱིན་གྱིས་བརླབས་ནས། བདག་ལ་སེར་སྣས་ཟས་ནོར་མི་སྟེར་བའི་རྩ་ལྟུང་མི་འབྱུང་བར་གྱུར་ཅིག ཨོཾ་ཨཱཿཧཱུྃ། གཞན་ཡང་གསོན་དང་གཤིན་གྱི་ཡུལ་ན། གྲལ་གྱི་མཐའ་ལ་འདུག་པ། ཟས་གྱི་ལྷག་མ་དབང་བ། སྐོམ་གྱི་སྙིགས་ལ་བཏུང་བ། སྔོན་གྱི་སྦྱིན་འབྲས་ཉུང་བ། ད་ལྟ་གཏོང་ཕོད་ཆུང་བ། ལུས་ཀྱི་མདངས་ཞན་པ། གོས་ཀྱི་བརྗིད་ཉམས་པ། དབུལ་ཞིང་ཕོངས་པའི་སེམས་ཅན་ཐམས་ཅད་གསུར་མཆོད་ཡེ་ཤེས་ཀྱི་བདུད་རྩི་འདིས་ངོམས་ཤིང་ཚིམ་ནས་བཀྲེས་སྐོམ་ཉམ་ཆུང་གི་སྡུག་བསྔལ་རང་སར་ཞི་སྟེ་རང་སྡེ་ཁས་དྲག་དང་སྐལ་བ་མཉམ་ནས་དམ་པའི་ཆོས་ལ་སྤྱོད་པར་གྱུར་ཅིག ཨོཾ་ཨཱཿཧཱུྃ། གཞན་ཡང་སྙིགས་དུས་ཀྱི་རྒུད་པས་གདུང་བའི་བཙུན་གཟུགས་ཁྲིམས་ཀྱང་འཇིགས་སྐྱོབས་དང་ལེགས་སྨོན་ལ་བརྟེན་པ། རྟགས་ཀྱང་དམར་སེར་ཧྲུལ་ཐག་ཆད་པ། ཟས་ཀྱང་དགེ་འདུན་གྱི་དཀོར་ལ་རེ་བ། མདོག་ཀྱང་སྔོ་ནག་དང་སྐྱ་སེར་དུ་འདུག་པ། རང་ཟས་ཀྱིས་ཚིམ་དཀའ་བ། གཞན་ཟས་ལ་རེ་ཆེ་བ། ལྷ་ཟས་ཀྱི་གཏོར་མ་ལེན་པ། མི་ཟས་ཀྱི་སློང་མོ་བྱེད་པ། གྲལ་ཟས་ཀྱི་སྐལ་བ་དབང་བ། དད་ཟས་ཀྱི་འབུལ་བ་ལེན་པ། སྤྲང་ཟས་ཀྱི་ལྷག་རོལ་སྡུད་པ། ཟས་ཟ་སར་ལག་པ་འཛེད་པ། སྐོམ་སྐོལ་སར་ཕོར་བུ་འདེགས་པ། ཤ་མཐོང་ན་མཆིལ་མ་མིད་པ། ཟས་སྣ་དགུ་ཡོད་ཀྱང་སྐྱོབས་པར་དཀའ་བ། ཤ་མུག་ཤ་ཡིན་ཀྱང་རིན་གྱིས་ཉོ་བ། ཤ་དང་མར་གཉིས་མཉམ་བཀྱགས་བྱེད་པ། སྐུ་གསུང་ཐུགས་རྟེན་ཨ་ཁྲེབ་དང་བརྗེ་བ། གོད་རོ་ལ་བྱ་རྒོད་ལྟར་འདུ་བ། གོད་ཤ་ལ་གསེར་དངུལ་ལྟར་ཉོ་བ། དབྱར་ཇ་སློང་བ། སྟོན་མར་སློང་བ། དགུན་ནས་སློང་བ། མ་བོས་ཀྱང་འོང་བ། མི་དགོས་ཀྱང་སྙོགས་པ། མ་བྱིན་ན་ཁྲོ་བ། མ་བལྟས་ན་རྐུ་བ། གཅིག་བྱིན་ན་གཉིས་སློང་བ། ཡང་བྱིན་ན་ཡང་སློང་བ། རྒྱུན་དུ་བདག་ཅག་ལ་རེ་བ་དེ་ལྟ་བུ་སྔར་ཤི་བ། ད་ལྟ་ཡོད་པ། ཕྱིས་འབྱུང་བ་ཐམས་ཅད་གསུར་མཆོད་ཡེ་ཤེས་ཀྱི་བདུད་རྩ་ིའདིས་ངོམ་ཤིང་ཚིམ་ནས་ལྟོག་སྣང་བཀྲེས་སྣང་ཐམས་ཅད་དང་བྲལ་ཏེ། རང་ཟས་ཁབ་རྩེ་ཙམ་གྱིས་ཚིམ་སླ། གཞན་ཟས་རི་བོ་ཙམ་ལའང་གདུང་བ་མི་སྐྱེད་པར། བཞིན་སྣུམ་གྱི་ལེ། ལྟོ་སྒྲེགས་པ་ཆིལ་ལེ། བག་དྲོ་ཕལ་ལེ། དུས་རྟག་ཏུ་ཆོས་སྤྱོད་དང་སྒྲིབ་སྦྱོང་ལ་བརྩོན་ནས། དད་པ་དང་འདུན་པའི་ཡུལ་དུ་གྱུར་ཅིག །ཨོཾ་ཨཱཿཧཱུྃ། གཞན་ཡང་ཟས་སློང་མོ་ལ་བརྟེན་པ། གོས་ཕྱག་དར་ལ་རེ་བ། གཞན་གྱི་སྒོ་ཉུལ་བ། བཞིན་ཐལ་མདོག་ལྟར་འདུག་པ། སྐད་རྙོམ་རྙོམ་ལྟར་འབོད་པ། ལག་པ་དང་ཕོར་པ་བཟེད་པ། དབྱུག་པ་དང་ཁུག་སྟོང་ཐོག་པ། ངོ་ཤེས་ཀྱི་མིང་ནས་འབོད་པ། ངོ་མ་ཤེས་པ་ལ་ངོ་བསྟོད་བྱེད་པ། དབྱར་གསུམ་སྐྱུར་ལ་རེ་བས་སྣོད་ངོ་དང་བཀྲུ་བཤལ་སློང་བ། སྟོན་གསུམ་འབྲུ་ལ་རེ་བས་ཕྱར་སྙིགས་དང་ལྟེ་ཕྱག་སློང་བ། དཔྱིད་གསུམ་མར་ལ་རེ་བས་བཙག་སྙིགས་དང་སྐོག་རོག་རྩོད་པ། དགུན་གསུམ་ཤ་ལ་རེ་བས་རུས་བཏོགས་དང་ཁུ་སྙིགས་སློང་བ། ཡང་ནས་ཡང་དུ་སློང་བ། ད་ནངས་བྱིན་ན་དོ་དགོང་འོང་བ། དེ་རིང་བྱིན་ན་སང་ཉིན་འོང་བ། མི་འོང་ཁ་ལ་བཏགས་པ། འོང་རྒྱུ་རྒྱུན་ཆད་མེད་པ། མནའ་ཟན་ལྟར་ཟ་བ། ལྐུག་ཆོས་ལྟར་འདོན་པ། བརྡུང་ཀྱང་ལེན་མེད་པ། ངག་འཇམ་འཇམ་ལྟར་སྨྲ་བ། གཏིང་ན་གདུག་རྩུབ་པ། བྱིན་ན་ཚིམ་དུས་མེད་པ། མ་བྱིན་ན་ཞེ་སྡང་ལང་བ། རྟག་ཏུ་གཞན་ལ་རེ་བའི་སྤྲང་པོ། སྤྲང་མོ། ཞ་བོ། ལོང་བ། འོན་པ་ཐམས་ཅད་གསུར་མཆོད་ཡེ་ཤེས་ཀྱི་བདུད་རྩི་འདིས་ངོམས་ཤིང་ཚིམ་ནས་བཀྲེས་པ་ཞི། སྐོམ་པ་སེལ། ལོང་བས་མཐོང། འོན་པས་ཐོས། ཞ་བོ་འགྲོ། བདེ་སྐྱིད་ཕུན་སུམ་ཚོགས་ཤིང་རྟག་ཏུ་ཆོས་ལ་སྤྱོད་པར་གྱུར་ཅིག ཨོཾ་ཨཱཿཧཱུྃ། དེ་ལྟར་གསོན་གྱི་དུས་སུ་རང་ཟས་མེད་པས་སྤྲང་ཟས་དང་དཀོར་ཟས་ཀྱི་ལུས་པོ་མ་སྐྱོབ་པར་ཟ་སྙམ། ལོན་སྙམ། རྙེད་སྙམ་ཀྱི་ངང་ལ། ལྟོག་གྲི་དང་འཁྱགས་གྲིར་ཤི་བ། ཆོས་ཀྱི་སྒྲ་ཙམ་མ་ཐོས་པའམ། ཐོས་ཀྱང་བླ་མ་དང་དགེ་འདུན་ལ་མཉམ་འགྲོགས་ཀྱི་དབང་གིས་དད་པ་སྤུ་ཙམ་མེད་པས། ཆོས་ཀྱི་ཕན་མ་ཐོགས་པར་སྲིད་པ་བར་མ་དོའམ། ཡི་དྭགས་སྡེ་ཚན་གཉིས་གང་རུང་དུ་སྐྱེས་པ། འཁྲུལ་སྣང་དུ་མ་ལ་སྤྱོད་པ། ཉིན་མཚན་གོ་ལོག་ཏུ་ཤར་བ། འཁྱགས་ལྟོག་སྐོམ་གསུམ་གྱིས་གདུང་བ། བཀྲེས་སྣང་དང་ཟས་སྣང་རྒྱུན་ཆད་མེད་པ། རྟག་ཏུ་སྒོ་དང་ཁྱིམ་ཉུལ་ཞིང་། ཟས་སྐོམ་དང་འབྱོར་བ་མཐོང་ཡང་ལོངས་སྤྱོད་རྒྱུ་མེད་པ། འཇིགས་སྐྲག་དང་ཞེ་སྡང་གིས་མནར་བ། ཤི་མིག་གསོན་ལ་བལྟ་བ། ཤི་ལག་གསོན་ལ་བཟེད་པ། ཤི་སེམས་གསོན་ལ་ཆགས་པ། དུང་སྐད་ལ་རྒྱུག་པ། བགོས་གྲལ་དུ་འཚོགས་པ། བཟའ་བཏུང་ལ་རེ་བ། བགོས་བྱེད་སར་སོང་ཀྱང་སྐལ་བ་མེད་པ། ལག་པ་བཟེད་ཀྱང་གཞན་གྱིས་མི་མཐོང་། མ་མཐོང་ཙ་ན་ཞེ་སྡང་ལང་བ། ཡུལ་མུན་རུབ་ལྟར་སྣང་བ། ལུས་གྲིབ་མ་ལྟར་འདུག་པ། ཁ་ཆར་དང་བུ་ཡུག་གི་གདུང་བ། སྔོ་ལ་གནག་པ། སྐྱ་ལ་སྐེམ་པ། སེར་ལ་བཙའ་བ། བཞིན་མི་སྡུག་པ། སྐད་ངན་པ། ཟས་ལ་རེ་བ། སྐོམ་ལ་གདུང་བ། ཇ་ལོ་ངན་སྙིག་ལ་འདུ་བ། སྣབས་དང་ཁ་ལུད་ལེན་པ། གསུར་དང་གཏོར་མ་ལ་གདུང་བ་ཐམས་ཅད་གསུར་མཆོད་ཡེ་ཤེས་ཀྱི་བདུད་རྩི་མཁོ་དགུ་ལོངས་སྤྱོད་གཏེར་དུ་གྱུར་པ་འདིས་ངོམས་ཤིང་ཚིམ་ནས་ཟས་སྐོམ་གྱི་ཞེན་པ་དང་བྲལ། རེ་ཞིང་ཆགས་པ་མེད་པར་ལྷ་དང་བླ་མ་རྗེས་སུ་དྲན་ནས། དད་པ་དང་གསོལ་འདེབས་ཡང་དག་པ་ལ་བརྟེན་ཏེ་མྱུར་དུ་དག་པའི་ཞིང་ཁམས་སུ་བགྲོད་ནུས་པར་གྱུར་ཅིག །དེ་ལྟར་མ་གྱུར་གྱི་བར་དུའང་ཁྱེད་གཤིན་གྲལ་ན་མང་བ་ཡིན། ངེད་གསོན་གྲལ་ན་དཀོན་པ་ཡིན་པས། གཤིན་གསོན་ལ་མ་གདུང་། གསོན་ལ་རེ་མ་ཆེ། ཤུལ་དུ་ཆགས་ཞེན་མ་བྱེད། ཟས་སྣུམ་སྣུམ་གྱི་བཅུད་ལ་མ་རྐུ། ཟོག་མེར་མེར་གྱི་གཡང་ལ་མ་རློམ། མི་ཕ་སྤུན་གྱི་གྲལ་དུ་མ་སྙེགས། གསུར་མཆོད་བདུད་རྩིའི་རང་བཞིན་འདིས་ཚིམ་པར་མཛད་དུ་གསོལ། ཚིམ་ནས་ཀྱང་བྱང་ཆུབ་ཀྱི་སེམས་རིན་པོ་ཆེ་རྒྱུད་ལ་སྐྱེ་བར་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། གསུར་མཆོད་ནི། ཨོཾ་ཨཱཿཧཱུྃ། གཞན་ཡང་སྙིགས་དུས་ཀྱི་རྒུད་པས་གདུང་བའི་བཙུན་གཟུངས་ཁྲིམས་ཀྱང་ལེགས་སྨོན་དང་འཇིགས་སྐྱོབས་ལ་བརྟེན་ནས། རྟགས་ཀྱང་དམར་སེར་ཅན། ཟས་ཀྱང་རྟག་ཏུ་དཀོར་ལ་རེ་བ། རང་ཟས་ཀྱི་ཚིམ་དཀར་བ། གཞན་ཟས་ལ་རེ་བ། གྲལ་ཟས་ཀྱི་ཕོག་ལ་དབང་པ། དད་ཟས་ཀྱི་འབུལ་པ་ལེན་པ། དབྱར་མར་དང་། སྟོན་ནས་སློང་བ། མ་བོས་ན་འོང་བ། མི་དགོས་ཀྱང་སྙོགས་པ། མ་བྱིན་ན་ཁྲོ་བ། ད་ལོ་བྱིན་ན་སང་ཕོད་ཀྱང་འོང་བ། རྒྱུན་དུ་གཞན་ལ་རེ་བ། དེ་ལྟ་བུར་སྔར་ཤི་བ་དང་། ད་ལྟ་ཡོད་པ། ཕྱིས་འབྱུང་བ་ཐམས་ཅད་ལ་གསུར་མཆོད་ཡེ་ཤེས་ཀྱི་བདུད་རྩི་འདི་དག་གིས་ངོམས་ཞིང་ཚིམ་ནས། ལྟོག་སྣང་བཀྲེས་སྣང་ཐམས་ཅད་དང་བྲལ་ཏེ། རང་ཟས་ཁབ་རྩེ་ཙམ་གྱིས་ཀྱང་འཚོ་སླ་བ། གཞན་ཟས་རི་མོ་ཙམ་ལ་གདུང་བ་མི་སྐྱེ་བར། བཞིན་སྣུམ་གྱི་ལེ། ལྟོ་སྒྲེགས་པ་ཆི་ལ་ལེ། བག་གྲོ་ཕ་ལེ། དུས་རྟག་དུ་སྤྱོད་པ་སྒྲིབ་སྦྱང་ལ་བརྩོན་ནས་དད་པ་དང་འདུན་པའི་ཡུལ་དུ་གྱུར་ཅིག གཉན་ཆེན་ཐོག་པ་རྩལ་ལ་སོགས་པ་དམག་དང་ཇག་གི་ཁ་འཛིན་བྱེད་ཅིང་རང་ཕྱོགས་རྒྱལ་ཞིང་གཞན་ཕྱོགས་ཕམ་པར་བྱེད་པའི་ཡུལ་ལྷ་གཞི་བདག་གི་རིགས་སུ་གྱུར་པ་ཐམས་ཅད་མ་ཐོགས་མྱུར་བའི་རྫུ་འཕྲུལ་གྱིས་གནས་འདིར་བྱོན་ལ། རྣལ་འབྱོར་བ་བདག་གིས་སྔགས་དང་ཕྱག་རྒྱ་ཏིང་ངེ་འཛིན་གྱིས་བྱིན་གྱིས་རླབས་པའི་གསུར་མཆོད་བདུད་རྩིའི་རང་བཞིན་འདོད་ཡོན་གྱི་རྣམ་པ་མ་ཚང་བ་མེད་པ་ཡིད་བཞིན་གྱི་ནོར་བུ་དང་དཔག་བསམ་གྱི་ཤིང་ལྟར་འདོད་དགུའི་ལོངས་སྤྱོད་བསྐལ་པའི་བར་དུ་ཟད་མི་ཤེས་པ་འདི་དག་བཞེས་ལ་ཕན་པ་དང་བདེ་བའི་བསམ་པ་བཟང་པོ་རྒྱུད་ལ་སྐྱེས་ནས། སྤྱིར་ཡངས་པའི་རྒྱལ་ཁམས་ཐམས་ཅད་དང་། ཁྱད་པར་དུ་རྨ་རྫ་སྨར་གསུམ་ལ་གནས་པའི་སྐྱེ་དགུ་ཐམས་ཅད་ལ་ཉེ་རིང་ཆགས་སྡང་མེད་པའི་བསམ་པ་བསྐྱེད་ནས་ཀུན་ཀྱང་ཕན་ཚུན་བྱམས་པའི་སེམས་དང་། ཕན་པའི་སེམས་དང་། དགའ་བའི་སེམས་ཀྱིས་ཤིན་ཏུ་མཐུན་པར་འགྲོགས་ཤིང་འཐབ་འཛིང་རྩོད་པ་ལ་སོགས་པའི་སྤྱོད་ངན་ཐམས་ཅད་དུས་དེང་ནས་རྒྱུན་ཆད་དེ་མི་དང་མི་མ་ཡིན་པ་ཐམས་ཅད་དམ་པའི་ཆོས་བཞིན་སྤྱོད་པ་ལ་ངེས་པར་སྤྲོ་བའི་ཐབས་ཀྱིས་སྒོ་ལ་ནན་ཏན་མཛད་དུ་གསོལ་ལོ། དཔལ་ཨོ་རྒྱན་གྱི་སློབ་དཔོན་ཆེན་པོ་པདྨ་འབྱུང་གནས་ལ་སོགས་སྔོན་བྱོན་གྲུབ་པའི་སྐྱེས་བུ་རྣམས་ཀྱི་བཀའ་དང་དམ་ལ་མ་འདའ་བར་ཡངས་པའི་རྒྱལ་ཁམས་ཆོས་བཞིན་སྐྱོང་བའི་ས་དབང་སྡེ་དགེའི་རྒྱལ་པོའི་བཀའ་ལུང་འཕྲིན་ལས་ཀྱི་ཕོ་ཉ་བ་ཁ་བསྒྱུར་གཉེར་ཟུར་པདྨ་ཆོས་འཕེལ་གྱི་བཞེད་དོན་ཐམས་ཅད་གེགས་མེད་ཡིད་བཞིན་དུ་འགྲུབ་པའི་སྡོང་གྲོགས་མཛད་དུ་གསོལ། ཁྱད་པར་དུ་ཆགས་སྡང་གི་རྟོགས་པ་ལ་ཨ་འཐས་ཤིང་། སྣང་བ་རྨི་ལམ་ལྟ་བུ་ལ་བདེན་པར་ཞེན་པའི་དབང་གིས་འབྱུང་པོ་མི་མ་ཡིན་པའི་ལུས་སུ་གྱུར་ནས་རྒྱལ་ཁམས་མི་བདེ་བ་འཁྲུགས་པའི་ཐབས་ལ་བརྩོན་པར་བྱེད་པའི་དཔོན་རྒན་བསོད་ནམས་བསྟན་པ། དཔོན་ངག་དབང་། སྲས་དཔལ་ཆེན་མགོན་པོ། དབང་ཆེན་ཀར་ཚེ་ལ་སོགས་པ་ལས་ཀྱི་རྫུ་འཕྲུལ་གྱི་ཤུགས་ཀྱིས་རྒྱུ་བ་རྣམས་ཀྱང་གསུར་མཆོད་བདུད་རྩིའི་རང་བཞིན་འདི་དག་ལ་ལོངས་སྤྱོད་ལ་སེམས་ཅན་ཐམས་ཅད་ལ་བསམ་པ་བཟང་པོ་བསྐྱེད་ནས་བདེ་བ་ཅན་དང་པདྨ་འོད་ལ་སོགས་པ་དག་པའི་ཞིང་ཁམས་རྣམས་སུ་འགྲོ་བའི་འདུན་པ་རྩེ་གཅིག་ཏུ་བསྐྱེད་ལ་ཁྱེད་རྣམས་ཀྱི་ལས་ངན་པ་ཟད་ནས་རྒྱལ་བ་སྲས་བཅས་ཀྱིས་གདུལ་བྱར་གྱུར་པར་ངེས་པར་མཛད་དུ་གསོལ། དེ་ལས་གཞན་དུ་སྲོག་བཅད་ཀྱི་དམར་མཆོད་ལ་དགའ་ཞིང་དམག་འཁྲུགས་འཐབ་རྩོད་ཀྱིས་བསད་པའི་དབུགས་འགམས་པར་བྱེད་པ་ལ་སོགས་པ་མི་དགེ་སྡིག་པའི་ལས་ལ་སྤྱོད་ན་ཚེ་འདིར་ཡང་འཇིགས་སྐྲག་བྲེལ་ཟིང་སྡུག་བསྔལ་གྱི་སྣང་བ་རྒྱུན་ཆད་མེད་ཅིང་ཤི་འཕོས་ནས་དམྱལ་བ་ཚ་གྲང་གི་སྡུག་བསྔལ་ཡུན་རིང་མོའི་བར་དུ་མྱོང་བར་འགྱུར་བས། རྒྱལ་སྲས་བྱང་ཆུབ་སེམས་དཔའ་བདག་ཅག་གི་བཀའ་ལས་དུས་ནམ་ཡང་མི་འདའ་བར་གྱིས་ཤིག། །ཁམས་གསུམ་དག་པའི་ཞིང་། སྲིད་གསུམ་སྙིང་རྗེའི་མགྲོན་ལ་ལུས་ཁྱབ་པའི་ཟས། ཆོས་ཉིད་ཟབ་མོའི་མཐུས། འདོད་ཡོན་མི་ཟད་པའི་གཏེར་ལ་ལོངས་སྤྱོད་པར་གྱུར་ཅིག །ཨོཾ་མ་ཎི་བདྨེ་ཧཱུྃ་ཧྲཱི༔ ༈ དམར་གསུར་ལ་བརྟེན་པའི་ཕྱུགས་ཀྱི་ནད་ཡམས་གཅོད་པ། དང་པོ་མགྲོན་བཞིའི་གསུར་བསྔོས་པའི་གཞུག་ཏུ། ན་མ༔སརྦཏ་ཐཱ་ག་ཏ་ཨ་ཝ་ལོ་ཀི་སོགས་མཐར མཚན་བཞི་བརྗོད་ནས། ཁྱད་པར་དུ་འབྱུང་པོ་མི་མ་ཡིན་ཤ་ཟ་ཚེ་ལ་རྐུ་བ་མདངས་འཕྲོག་པ། སེམས་ཅན་གཞན་གྱི་དབུགས་ལ་རྔམ་པ། སྡང་བ་དང་གདུག་པའི་བསམ་སྦྱོར་ཅན་མི་ཡི་ནད་བདག །གནག་ཕྱུགས་ཀྱི་གོད་བདག་ལ་སོགས་པ་རྒྱ་འདྲེ་འགོང་བོའི་རིགས་ཆེ་ཆུང་ཇི་སྙེད་མཆིས་པ་མཁོ་རྒུའི་འདོད་ཡོན་ཟད་མི་ཤེས་པའི་ལོངས་སྤྱོད་ཆེན་པོ། བཟའ་བཏུང་། གནས་མལ། ཤ་ཡི་རི་བོ། ཁྲག་གི་རྒྱ་མཚོ། རུས་པའི་གྲམ་ཁྲོད། པགས་རློན་དང་སྐྲ་ཡི་བསྒོ་བ། རྐང་ཀླད་ཞག་གི་གྲུ་ཆར་ལ་སོགས་པ་རང་རང་ཅི་འདོད་ཀྱི་དངོས་པོ་བཟའ་བསམ་མི་ཟད་པ། བཏུང་བས་མི་བྲི་བ། བསྒོས་པས་མི་རྙིང་པ། རི་བོ་བས་འཕང་མཐོ་བ། རྒྱ་མཚོ་བས་གཏིང་ཟབ་པ། ཆུ་ཀླུང་བས་རྒྱུན་རིང་བ། ནད་ཀུན་སེལ་བའི་སྨན་མཆོག འཆི་བ་གསོ་བའི་བདུད་རྩི། སྡུག་བསྔལ་སེལ་བའི་རྩི་ཆེན་དུ་དམིགས་ཏེ་འབུལ་ལོ། །སྦྱིན་ནོ། །བསྔོའོ། །དེ་རྣམས་ཀྱི་འདོད་པ་ཚིམ་ནས། སེམས་ཅན་ཐམས་ཅད་ལ་བྱམས་པའི་སེམས་དང་། སྙིང་རྗེའི་སེམས་དང་། སྙིང་ཉེ་བའི་སེམས་དང་ལྡན་ནས་མི་དང་གནག་ཕྱུགས་ལ་གནོད་པའི་འཚོ་བ་སྤངས་ཏེ་འགྲོ་བ་མང་པོ་སྲོག་གི་འཇིགས་པ་ལས་ཐར་བར་གྱུར་ཅིག །ཞེས་ལན་མང་བརྗོད་མཐར། ན་མོ་བདག་གི་བསམ་པའི་སོགས། དེ་ཟང་ཟིང་གི་སྦྱིན་པ། ཆོས་རྣམས་ཐམས་ཅད་སོགས། སྐར་མ་རབ་རིབ་སོགས། ཆོས་སྦྱིན་བསྔོ་ཞིང་བྱམས་དང་སྙིང་རྗེ་སྐྱེད་དོ། །དཔལ་སྤྲུལ་པས་སོ། །དགེའོ།། འདི་ལྟར་བརྗོད་པའི་རྣམ་དཀར་་་་་འདི་ལྟར་བརྗོད་པའི་རྣམ་དཀར་དགེ་བའི་མཐུས། བདག་ལ་དྲིན་གྱིས་སྐྱང་བའི་ཕ་མ་དང་། སེམས་བསྐྱེད་ཞུས་པའི་བླ་མ་སློབ་དཔོན་དང་། དམ་ཚིག་གཅིག་པའི་རྡོ་རྗེའི་སྤུན་གྲོགས་རྣམས། རྒྱུ་ཟས་འབྲེལ་བ་ཡོད་པའི་མི་རྣམས་དང་། ཞོན་ཁལ་སྲོག་གཅོད་འོ་ཞོ་འཐུང་བ་དང་། ཤ་ཁྲག་ཟོས་པའི་དུད་འགྲོ་མ་ལུས་པ། མྱུར་དུ་སངས་རྒྱས་ས་ལ་འཁོད་པར་ཤོག ཕྱིར་ཟློག་འཁོར་ལོ་འབར་བའི་བརྒྱུད་འདེབས།༄༅། ཕྱིར་ཟློག་འཁོར་ལོ་འབར་བའི་བརྒྱུད་འདེབས་དང་བཅས་བཞུགས་སོ། གུ་རུ་པདྨ་སིད་དྷི་ཧཱུྃ། སྲིད་གསུམ་འགྲོ་བའི་འདྲེན་པ་ཤཱཀྱའི་ཏོག །འདུས་པའི་འཁོར་ཚོགས་རིག་འཛིན་བྱང་ཆུབ་སེམས། །རྡོ་རྗེའི་སྐུ་བརྙེས་པདྨ་ཀཱ་ར་ལ། །གསོལ་བ་འདེབས་སོ་འགལ་རྐྱེན་བར་ཆད་ཟློག ། །ཆོས་ཀྱི་རྒྱལ་པོ་ལྷ་སྲས་མུ་ཁྲི་བཙན། ། བསྟན་སྲུང་དམ་ཅན་རྒྱ་མཚོ་སྤྱི་ལ་གཏོར་མ་འབུལ་བའི་ཆོ་ག་དོན་གཉིས་མྱུར་འགྲུབ།༄༅། །བསྟན་སྲུང་དམ་ཅན་རྒྱ་མཚོ་སྤྱི་ལ་གཏོར་མ་འབུལ་བའི་ཆོ་ག་དོན་གཉིས་མྱུར་འགྲུབ་ཞེས་བྱ་བ་བཞུགས་སོ།། །། ནམཿཤྲཱི་བཛྲ་དྷ་རྨ་པ་ལ་ཡ། །གང་ཞིག་དྲན་པ་ཙམ་གྱིས་ཀྱང་། །ངན་འགྲོའི་འཇིགས་པ་ཀུན་སྐྱོབས་ཤིང་། །ཐར་གླིང་གནས་སུ་འདྲེན་མཛད་པའི། །ཀུན་འདུས་དཔལ་ལྡན་བླ་མར་འདུད། །གདོད་ནས་མངོན་པར་བྱང་ཆུབ་ཀྱང་། །མ་རུང་གདུག་དཀའ་འདུལ་བ་པོ། །བསྟན་པ་གཉན་པོ་སྲུང་བ་དང་། །སྒྲུབ་ལ་དངོས་གྲུབ་སྩོལ་བའི་ལྷ། །སྙིང་རྗེའི་དབྱིངས་ལས་མ་གཡོས་ཀྱང་། །བསྟན་སྲུང་དམ་ཅན་རྒྱ་མཚོའི་ཚོགས། །དྲེགས་པའི་གཙོ་བོར་སྐུར་བཞེངས་པ། །ཞི་དང་ཞི་མ་ཁྲོ་ཡི་སྐུ། །གཏུམ་དྲག་ཉམས་བརྒྱ་འབར་བའི་ཚུལ། །དམ་ཅན་རྒྱ་མཚོའི་ཚོགས་རྣམས་དང་། །བྱང་ཆུབ་མ་ཐོབ་བར་དུ་ནི། །ནམ་ཡང་མི་འབྲལ་འགྲོགས་པར་མཛོད། །དེ་ལ་འདིར་རྫོགས་སྤྲུལ་བཞི་བ་ཨོ་རྒྱན་ཆེ་མཆོག་དཔལ་གྱི་རྡོ་རྗེས་མཛད་པའི་དམ་ཅན་སྤྱི་ལ་གཏོར་མ་འབུལ་ཐབས་འདོད་པའི་རེ་སྐོང་ལ་གཞིར་བྱས་ཏེ་ལས་དང་པོ་པ་སྤྲོས་པ་ལ་དགའ་བ་རྣམས་ཀྱི་ཆེད་དུ་ཅུད་ཟད་རྒྱས་བར་སྤྲོ་ན། མདུན་དུ་སྟེགས་བུ་འཇམ་པའི་སྟིང་དུ་སྤྲོ་ན་དམ་ཅན་སོ་སོའི་སྐུ་རྟེན། གཏོར་མ་སྤྱན་གཟིགས་བསྐང་རྫས་རྣམས་བཤམས། ཡང་ན་ཐེབ་གཅིག་གི་ནང་དུ་དཔལ་གཏོར་གཅིག་ལ་འཁོར་བཞི་བཅུ་དང་། མཐེབ་ཀྱུ་ཅི་མང་དང་ལྡན་པས་བསྐོར། །གང་ལྟར་ཡང་གཡས་སུ་སྨན་དང་། གཡོན་དུ་རཀྟ།མདུན་ངོས་སུ་ཞི་དྲག་གི་མཆོད་པ་བྲེང་ཚར་དུ་བཤམས། རང་གི་མདུན་དུ་རྡོར་དྲིལ་ཌཱ་མ་རུ་ནང་མཆོད་མེ་ཏོག་སོགས་མཁོ་བའི་ཡོ་བྱད་རྣམས་འདུ་བྱས། རང་ཉིད་ཡི་དམ་གང་རུང་གི་ང་རྒྱལ་ལྡན་པར་བྱའོ། །དེ་ནས་མཆོད་པ་དང་གཏོར་མ་བྱིན་གྱིས་བརླབ་པ་ནི། རཾ་ཡཾ་ཁཾ། ཨོཾ་ཨཱཿཧཱུྃ། སྟོང་པའི་ངང་ལས་རང་གི་ཐུགས་ཀ་ནས་རཾ་ཡཾ་ཁཾ་གསུམ་གྱི་ཡི་གེ་གསུམ་འཕྲོས་པ་ལས་རླུང་མེ་ཐོད་པའི་སྒྱེད་པུ་གསུམ་གྱིས་སྟེང་དུ། ཐོད་པ་དུམ་བུ་གཅིག་པ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། དམ་ཚིག་གི་རྫས་ཤ་ལྔ་དང་བདུད་རྩི་ལྔར་གྱུར། འོག་གི་རླུང་གཡོས་མེ་སྦར་རྫས་རྣམས་ཞུ་ཞིང་ཁོལ་ནས་དམ་ཚིག་གི་བདུད་རྩི་དེ་ཉིད་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར་པར་བསམ་ལ། སླར་ཡང་རང་གི་ཐུགས་ཀ་ནས་ཨོཾ་ཨཱཿཧཱུྃ་གསུམ་གྱི་ཡི་གེ་གསུམ་འཕྲོས་པ་ལས་ཨོཾ་གྱིས་མ་དག་པའི་དངོས་པོའི་དྲི་མ་བག་ཆགས་དང་བཅས་པ་སྦྱངས། ཨཱཿཡིག་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཧཱུྃ་གིས་འདོད་པའི་ཡོན་ཏན་ལྔ་དང་ལྡན་པའི་ལོངས་སྤྱོད་ཟད་མི་ཤེས་པ་རྒྱ་ཆེར་སྤེལ་བར་གྱུར། ཨོཾ་ཨཱཿཧཱུྃ་ཧོཿ ལན་གསུམ་གྱི་བྱིན་གྱིས་བརླབ་ནས། མགྲོན་རྣམས་བསྐུལ་བ་ནི། ཧཱུྃ། རིག་པ་སྟོང་གསལ་སྐུ་གསུམ་ལྷུན་གྱིས་གྲུབ། །རྒྱལ་བ་ཞི་ཁྲོའི་དཀྱིལ་འཁོར་བཀྲ་ལམ་མེ། །ཧྱཱ་གྷྲཱི་ཝ་ལ་སོགས་བསྟན་སྲུང་རྣམས། །རང་སེམས་རིག་པའི་རྩལ་ལས་སྤྱན་འདྲེན་གཤེགས། །དེ་ནས་སྤྱན་འདྲེན་པ་ནི། གསུང་ཆེན་སོགས་དྲི་བཟང་པོའི་བདུག་ཅིང་། དར་ནག་གཡབ་ཅིང་རྐང་གླིང་འབུད། །རོལ་མོ་སྣ་ཚོགས་པའི་སྒྲ་བསྒྲགས་ཅིང་གདུང་བའི་དབྱངས་སྙན་བོས་འདི་སྐད་དོ། །ཧཱུྃ་ཧྲཱིཿ སྤྱན་རས་གཟིགས་དབང་གཏུམ་རྔམས་ཆེར་འབར་བ། ཧྱ་གྲཱི་ཝའི་སྒྲ་དབྱངས་སྲིད་གསུམ་ཁྱབ། །འཁོར་འདས་རང་སར་གྲོལ་བའི་གཞི་དབྱིངས་དང་། །ལྷ་ཁྱོད་རང་བྱུང་རིག་པའི་ངང་ནས་སྒྲུབ། །འགགས་མེད་འདོད་ཡོན་རྒྱན་ཤར་མཆོད་པ་འབུལ། །བརྩེ་བརྩེའི་ཆས་ལྡན་ཕྱག་ན་པདྨོ་བསྣམས། །འཇིགས་འཇིགས་རྔམས་བརྫུས་རྡོ་རྗེ་ནག་པོ་ཆེའི། །ཁམས་གསུམ་འཁོར་བའི་འཁྲུལ་སྣང་ཞལ་དུ་སྟོབས། །ཡེ་ཤེས་རིག་པའི་ཀློང་དུ་ཞི་གྱུར་ཅིག །ཞིང་བཅུའི་འཁོར་བ་སྟོང་པའི་ཕྲིན་ལས་མཛོད། །དྲེགས་པ་སྡེ་བརྒྱད་དེ་ཡི་མཐའ་ལ་གནས། །དོན་ལ་ཡེ་ཤེས་ངང་དེར་དགོངས་ཀློང་གཅིག །བདུད་དྲེགས་བགེགས་འདུལ་ཕྱིར་དུ་རྔམས་པའི་ལྷ། །ཡེ་ཤེས་མགོན་པོ་མ་ཧཱ་ཀ་ལ་ཡ། །ལེགས་ལྡན་མ་ནིང་ནག་པོ་ཕྱག་བཞི་པ། །ཚོགས་བདག་དགྲ་ལྷ་ཞིང་སྐྱོང་སེང་གེའི་གདོང་། །སྔགས་སྲུང་སྔགས་བདག་གཤོག་རྒོད་སྲོག་སྒྲུབ་མ། །ཚེ་རིང་མཆེད་ལྔ་གཡུ་སྒྲོན་བརྟན་མའི་ཚོགས། །དབང་ཕྱུག་ཆེན་པོ་གཟའ་བདུད་རཱ་ཧུ་ལ། །དམ་ཅན་རྡོ་རྗེ་ལེགས་པ་མགར་དམར་ནག །ལྷ་བཙན་ནོར་སྒྲུབ་ཤན་དམར་སྲོག་གི་བདག །རིག་འཛིན་ལྷ་མོ་འཆིམས་ཕུ་བྲག་བཙན་དང་། །ཕུར་སྲུང་བཅུ་གཉིས་ལྡང་ལྷ་ཙི་མ་ར། །རབ་བྱུང་མཛེས་པའི་ཚུལ་ཅན་རཱ་ཛ་རྒྱལ། །རྡོ་རྗེ་གྲགས་ལྡན་དགྲ་ལྷ་ཀུན་གྱི་གཙོ། །གྲི་བཙན་ཆེན་པོ་རྡོ་རྗེ་དགྲ་འཇོམས་སྩལ། །རྒྱལ་བ་རིན་ཆེན་འབྱུང་དང་དབྱེ་བ་མེད། །རྣམ་ཐོས་སྲས་པོ་ལས་བཞིའི་ལྷ་ཆེན་དང་། །ཛམ་ལྷ་དམར་པོ་ཨཱཪྱ་རེ་མནྟ། །ཟིལ་ཁྲོམ་ཡབ་ཡུམ་གཉན་ཆེན་ཐང་ལྷ་དང་། །ནོར་བུ་གཡུལ་རྒྱལ་སྙོན་ཁ་དྲེགས་སྡེའི་ཚོགས། །དུར་ཁྲོད་ལྷ་མོ་ལས་གཤིན་སྦྱང་ཞོན་ཚོགས། །ཟངས་རི་བཙན་རྒོད་ཀླུ་མོ་གཟི་འབར་མ། །སྨན་སྲུང་ལྷ་སྨན་གཏེར་སྲུང་ཁོལ་པོ་ཁ། །དགྲ་བླ་གེ་སར་རླུང་རྟའི་ལྷ་རྣམས་སོགས། །བསྟན་སྲུང་དམ་ཅན་རྒྱ་མཚོ་འཁོར་དང་བཅས། །རིག་པར་རང་གསལ་ངང་ནས་སྤྱན་འདྲེན་གཤེགས། །བཛྲ་ས་མ་ཡ་ཛཿ སྤྱན་དྲངས་ལ། བཞུགས་སུ་གསོལ་བ་ནི། ཧཱུྃ། བསོད་ནམས་ཡེ་ཤེས་ཚོགས་གཉིས་ལས་གྲུབ་པའི། །རྡོ་རྗེའི་བྲག་ཆེན་པདྨ་ཉི་ཟླའི་སྟེང་། །བདུད་དྲེགས་ཕོ་མོ་བསྣོལ་བའི་གདན་ཁྲི་ལ། །དགྱེས་ཤིང་བརྟན་པར་བཞུགས་མཛོད་ཆོས་སྐྱོང་ཚོགས། །ས་མ་ཡ་ཏིཥྠ་ལྷན། ཞེས་བཞུགས་སུ་གསོལ། དེ་ནས་དམ་ཅན་རྣམས་ཀྱི་སྤྱི་བོར་རྡོ་རྗེ་བཞག་ཅིང་། ངག་ཏུ་བདུད་རྩི་བླུད་པར་མོས་ལ། ཨོཾ་ཤྲཱི་བཛྲ་དྷརྨཱ་པ་ལ་ས་མ་ཡ་བཛྲ་རཀྵ་ཏིཥྠ་ཨེ་དན་ཏེ་ན་ར་ཀན། ཞེས་དམ་ལ་བཞག །དེ་ནས་ཕྱག་འཚལ་བ་ནི། ཧཱུྃ། རབ་འཇིགས་གཏུམ་རྔམས་སྙིང་རྗེ་ཁྲོས་པའི་དཔལ། །བདུད་དྲེགས་རྒྱལ་བསེན་འདྲེ་གདོན་བརླག་མཛད་པ། །བསྟན་སྲུང་དམ་ཅན་རྒྱ་མཚོའི་ཚོགས་བཅས་ལ། །མོས་གུས་འགག་མེད་འཆར་བའི་ཕྱག་འཚལ་ལོ། །ཨ་ཏི་པུ་ཧོ། པྲ་ཏི་ཛ་ཧོ། ཕྱག་འཚལ་ལོ། །དེ་ནས་མཆོད་པ་སྤྱི་དང་བྱེ་བྲག་གཉིས་ལས་དང་པོ་སྤྱིའི་མཆོད་པ་ནི། ཧཱུྃ། ཚོགས་དྲུག་ཡུལ་དུ་སྣང་བའི་མཆོད་པ་ནི། །གཟུགས་སྒྲ་དྲི་རོ་རེག་བྱ་ཆོས་རྡོ་རྗེ། །མེ་ཏོག་ཡིད་འོང་ཨུཏྤལ་པདྨ་སོགས། །བདུག་སྤོས་ཙནྡན་དཀར་དམར་ཨ་ཀ་རུ། །སྣང་གསལ་ཉི་ཟླ་ནོར་བུ་མེ་ཤེལ་དང་། །དྲི་ཆབ་ཙནྡན་ག་བུར་གཙང་མའི་ཆབ། །ལྷ་ཡི་ཞ་ཟས་རོ་བརྒྱ་དཔག་མེད་ལྡན། །ཚངས་དབྱངས་ཡན་ལག་དྲུག་ཅུ་ལྡན་པའི་སྒྲ། །དམར་ཆེན་མཆོད་ཡོན་ཝུ་ཕྲེང་རབ་ཏུ་གཡོ། །དུག་ཆུས་ཞབས་བསིལ་ནག་པོ་མཚོ་ལྟར་བསྐྱིལ། །དབང་པོ་ལྔ་ཡི་མེ་ཏོག་མཆོག་ཏུ་མཛེས། །ཚིལ་ཆེན་གསུར་གྱི་དུད་པ་སྤྲིན་ལྟར་གཏིབ། །ཞུན་ཆེན་མར་མེ་དུས་མཐའི་མེ་ལྟར་འབར། །སྣ་ཚོགས་མཁྲིས་པའི་དྲི་ཆབ་རབ་ཏུ་འཁྲུག །ཤ་ཁྲག་རུས་པའི་ཞལ་ཟས་རོ་བཅུད་ལྡན། །རྐང་གླིང་ཐོད་རྔ་སིལ་སྙན་ལ་སོགས་པ། །བསྟན་སྲུང་ཡིད་བཞིན་ནོར་བུ་རྣམས་ལ་འབུལ། །བཞེས་ནས་མཆོག་ཐུན་དངོས་གྲུབ་སྩལ་དུ་གསོལ། །ཨོཾ་བཛྲ་ཨཱརྒྷཾ༴ པ་དྱཾ༴ པུཥྤེ༴ དྷུ་པེ༴ ཨ་ལོ་ཀེ༴ གནྡེ༴ ནཻ་ཝི་དྱ༴ ཤབྡ་ཨཱཿཧཱུྃ༴ མ་ཧཱ་ཤ་མ་ཤ་ན་པུཥྤཾ། དྷུ་པཾ། དི་པཾ། གྷནྡྷཾ། ནཻ་ཝི་དྱཾ། ཤབྟ་པུ་ཛ་ཧོཿ རུ་པ་ཤབྟ་གྷན་དྷེ་ར་ས་སྤཪྴེ་པུཙྪ་ཨཱཿཧཱུྃ། གཉིས་པ་བྱེ་བྲག་གི་མཆོད་པ་ནི། ཧཱུྃ། ཁྱད་པར་མཆོག་གི་མཆོད་པའི་དམ་རྫས་ནི། །ཟག་མེད་གཏོར་མ་བརྗིད་ལྡན་མཛེས་པ་འདི། །སྲིད་པ་གསུམ་གྱི་ཟས་བཅུད་ཐམས་ཅད་བསྡུས། །བསྟན་སྲུང་ཡིད་བཞིན་ནོར་བུ་རྣམས་ལ་འབུལ། །ལྕང་ལོར་བཅས་པའི་བྷན་དྷའི་སྣོད་ཡོངས་སུ། །བདུད་དགྲ་བསྒྲལ་བའི་རཀྟ་དམར་ལ་དྭངས། །འདོད་ཆགས་ལ་སོགས་ཉོན་མོངས་འཇོམས་ཕྱིར་དུ། །བསྟན་སྲུང་ཡིད་བཞིན་ནོར་བུ་རྣམས་ལ་འབུལ། །དུག་ལྔ་སེལ་བའི་པཉྩ་ཨ་མྲྀ་ཏ། །འཆི་མེད་ལྷ་ཡི་བདུད་རྩི་རོ་བརྒྱ་ལྡན། །བཞི་བརྒྱ་རྩ་བཞིའི་ནད་རྣམས་སེལ་ཕྱིར་དུ། །བསྟན་སྲུང་ཡིད་བཞིན་ནོར་བུ་རྣམས་ལ་འབུལ། །རྟོགས་ཚོགས་བརྒྱད་ཁྲི་བཞི་སྟོང་ལ་སོགས་པའི། །དངོས་དང་དངོས་མེར་བློ་ལ་སྣང་བ་ཀུན། །ཐམས་ཅད་སྟོང་གསལ་དོན་དམ་རྩིས་ཟིན་པའི། །རང་ཤར་རང་གྲོལ་དག་པའི་མཆོད་པ་རྣམས། །བསྟན་སྲུང་ཡིད་བཞིན་ནོར་བུ་རྣམས་ལ་འབུལ། །ཡེ་ཤེས་རང་སྣང་འཁྲུལ་མེད་ལྷ་ཁྱེད་རྣམས། །རིམ་གཉིས་འཁྲུལ་པ་མེད་པའི་ངང་ནས་བསྒྲུབས། །ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས། །ཚེ་ཆོས་སྲིད་ནོར་ཁ་རྗེ་དབང་ཐང་དཔལ། །ཟང་ཟིང་འདོད་ཡོན་ཡིད་ལ་གང་འདོད་རྣམས། །ཁབ་ལེན་རྡོ་ཡིས་ལྕགས་ཕྱེ་བསྡུས་པ་ལྟར། །ཕྱ་གཡང་དངོས་གྲུབ་སིདྡྷི་ཕ་ལ་ཧོ། །གེགས་ཞི་བསམ་དོན་ལྷུན་གྱིས་གྲུབ་པར་ཤོག །ཁྱད་པར་སྤྱན་རས་གཟིགས་སྤྲུལ་རྟ་གདོང་ཞལ། །དཔལ་མགོན་གཏེར་མགོན་རྒྱུད་མགོན་བདུད་མགོན་དང་། །སྔགས་སྲུང་སྔགས་བདག་གཤོག་རྒོད་སྲོག་སྒྲུབ་མ། །རིགས་ལྔའི་ལྷ་མོ་སྨན་བཙུན་བུ་མོའི་ཚུལ། །ལས་བཞིའི་ཁ་དོག་ཡ་མཚན་ངོམས་པ་དང་། །སྲིད་ཞིའི་དངོས་གྲུབ་སྡུད་བྱེད་མཁའ་འགྲོ་ལྔ། །གཡུ་སྒྲོན་མཆོད་ལྔ་བརྟན་སྐྱོང་ཚོགས་དང་བཅས། །དབང་གི་གཟི་འོད་པདྨ་རཱ་ག་འདྲ། །མ་ཧཱ་དེ་ཝ་ཡབ་ཡུམ་སྲས་འཁོར་བཅས། །བསོད་ནམས་ཕུན་སུམ་ཚོགས་པའི་མཆོད་འདི་འབུལ། །འདོད་ཆགས་བདེ་སྟོང་སྦྱོར་བའི་སྲིད་འཛིན་དག །རྣལ་འབྱོར་ནུས་བྱིན་གྲུབ་པའི་དངོས་གྲུབ་སྩོལ། །གཟའ་བདུད་ནག་བོ་རྡོར་ལེགས་ཞི་དྲག་གསུམ། །ལྷ་བཙན་ཤན་པ་དམར་ནག་རིག་འཛིན་པ། །བྲག་བཙན་ཕུར་སྲུང་ལྡང་ལྷ་མཆེད་གསུམ་དང་། །གནོད་སྦྱིན་ཙི་དམར་རཱ་ཛ་སྐུ་ལྔ་རྒྱལ། །མཐུ་ཆེན་རྡོ་རྗེ་གྲགས་ལྡན་མཐུ་རྩལ་ཅན། །གྲི་བཙན་ནོར་བདག་ཛམ་དམར་རེ་མནྟ། །བསོད་ནམས་ཕུན་སུམ་ཚོགས་པའི་མཆོད་འདི་འབུལ། །ཞེ་སྡང་མཚན་མའི་རྟོག་པ་རང་དག་ནས། །རྣལ་འབྱོར་ནུས་བྱིན་གྲུབ་པའི་དངོས་གྲུབ་སྩོལ། །ཟིལ་ཁྲོམ་ཡབ་ཡུམ་ཡར་ཞུར་གཉེན་གྱི་ལྷ། །ནོར་བུ་གཡུལ་རྒྱལ་དགེ་བསྙེན་སྙོན་ཁ་དང་། །དྲེགས་པའི་སྡེ་དཔོན་སུམ་ཅུ་རྩ་གཉིས་པོ། །རྡོ་རྗེ་ཁྲོས་མ་སྟོབས་ཆེན་ཝ་ར་ཧི། །ལས་ཀྱི་གཤིན་རྗེ་སྤྱང་ཞོན་མཆེད་གསུམ་དང་། །དུར་ཁྲོད་ལྷ་མོའི་ཚུལ་གྱི་གཟི་བྱིན་མས། །ཞིང་བཅུའི་འདྲེ་གདོན་ཚེར་མ་བཞིན་དུ་བསྲེགས། །ཟངས་རི་བཙན་རྒོད་ཀླུ་མོ་གཟི་འབར་མ། །རྨ་རྒྱལ་ལྷ་སྨན་གནོད་སྦྱིན་ཁོལ་པོ་ཁ། །དགྲ་བླ་གེ་སར་རླུང་རྟ་སྡེ་ལྔའི་ཚོགས། །སྣང་ཞིང་སྲིད་པའི་ལྷ་སྲིན་སྡེ་བརྒྱད་ལ། །བསོད་ནམས་ཕུན་སུམ་ཚོགས་པའི་མཆོད་འདི་འབུལ། །མ་རིག་གཏི་མུག་རྟོག་པ་རང་དག་ནས། །རྣལ་འབྱོར་ནུས་བྱིན་གྲུབ་པའི་དངོས་གྲུབ་སྩོལ། །ཞེས་མཆོད་ཅིང་སྨན་དང་རཀྟ་འབུལ་བ་ནི། མ་ཧཱ་པཉྩ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། །དེ་ནས་གཏོར་བ་འབུལ་བ་ནི། ལྷ་རྣམས་ཀྱི་ལྗགས་རྡོ་རྗེ་རྩེ་གསུམ་པའི་སྦུ་གུས་གཏོར་མ་བདུད་རྩིའི་རང་བཞིན་ཅན་གྱི་བཅུད་དྲངས་ཤིང་གསོལ་བས་ཚིམས་ཤིང་མཉེས་པར་བསམས་ལ། སོ་སོའི་རྩ་སྔགས་ལ་གཏོར་སྔགས་ཁཱ་ཧཱི་བཏགས་པ་བདུན་ནམ་གསུམ་རེའི་འབུལ་བ་ནི། ཐོག་མར་ཉང་གཏེར་རྟ་ནག་ལྕགས་རལ་ཅན་ནི། ཨོཾ་བཛྲ་ཀྲོ་ཏ་ཧྱ་གྲཱི་ཝ་ཧཱུྃ་ཕཊཿ ཡཀྴ་ནག་པོ་དགྲ་བགེགས་མར་ཡ་མཾ་ས་རཀྟ་ཙིཏྟ་ཀོ་རོ་ཙ་ན་བ་སུ་ཏ་ཀེཾ་ནི་རི་ཏི་བ་ལིང་ཏ་ཁ་རཾ་ཁཱ་ཧིཿ རྒྱུད་མགོན་ལེགས་ལྡན་ནི། ཨོཾ་བྷུ་རུ་ཀུ་རུ་ཨི་ཙི་ཀི་བྷི་ཨུ་ཙུཥྨ་ཀྲོ་དྷ་ཧཱུྃ་ཕཊཿ ས་པཱ་རི་ཝ་ར་ཨེ་དམ་བ་ལིང་ཏ་ཁ་རཾ་ཁཱ་ཧི།རཏ་གླིང་མགོན་པོ་མ་ནིང་ནི། ཨོཾ་ཤྲཱི་མ་ཧཱ་ཀ་ལ་བྷ་ན་གུ་ཧྱ་རམ་སིདྡྷི་ཧཱུྃ་ཛཿ ས་པཱ་རི་ཝ་ར་ཨི་དམ་བ་ལིང་ཏ་ཁ་རཾ་ཁཱ་ཧི༔་དཔལ་མགོན་ཚོགས་ཀྱི་བདག་པོ་ནི། ཨོཾ་ཤྲཱི་མ་ཧཱ་ཀཱ་ལ་གུ་ཎ་གུ་ཏི་ཀ་མ་ལ་ཤྲཱི་ན་ག་མོ་ཏི་ལ་བྷྱོཿ ས་པཱ་རི་ཝ་ར༴་ཉང་གཏེར་མགོན་པོ་ཕྱག་བཞི་ནི། ཨོཾ་མ་ཧཱ་ཀཱ་ལ་ཨེ་ཀ་ཛེ་ཊི་གུ་ཎ་ཧྲི་དཱ་ཧཱུྃ་ཕཊཿ ས་པཱ་རི༴ བདུད་མགོན་ཞིང་སྐྱོང་སེང་གེའི་གདོང་ཅན་ནི། ཨོཾ་མ་ཧཱ་ཀཱ་ལ་སིངྷ་མ་ཁ་ཧཱུྃ་ཕཊ། ཏྲི་ཏྲི་ར་ཛཱཿཡ་མ་ར་ཛཿ དུ་ཏྲི་ཕུ་ཏྲི་ཧཱུྃ་ཕཊ། ས་པཱ་རི༴ ལྷ་མོ་ཨེ་ཀ་ཙ་ཏི་ནི། ཨོཾ་རོ་རུ་ཨེ་ཀ་ཙ་ཏི་སྙིང་ཁ་རཀྨོ་རུ་ལུ་རུ་ཧཱུྃ་བྷྱོ་ཧཱུྃ་ཛ་ཛཿ ཏྲག་རཀྴ་ཁ་མུ་ཏྲ་མུ་རུ་ལུ་རུ་ལུ་ཧཱུྃ་བྷྱོ་ཧཱུྃ། རཀྨོ་ཏེ་ཀོ་ཚ་ཁཱ་ལ་བྷྱོ་རུ་ལུ་རུ་ལུ་རེ་མ་ཏི་བྷྱོ། ས་པཱ་རི་ཝ་ར༴ ཉི་གྲགས་ལྷ་མོ་སྔགས་བདག་འབར་མ་ནི། ཨོཾ་བཛྲ་དྷཱ་ཀི་མ་ཧཱ་ཀཱ་ལི་རེ་མ་ཏི་ཧཱུྃ་བྷྱོ་ཧཱུྃ་ཕཊ། ཞེས་རྩ་སྔགས་དང་། མ་མ་དེ་ཝི་ཀ་ལི་རེ་མ་ཏི་ཨེ་དཾ་བ་ལིངྟ་ཁ་རཾ་ཁཱ་ཧི། པུ་ཙ་བི་ཕེ་ཏི་ཧོ་ས་མ་ཡ་ས་པཱ་རི་ཝ་ར་ཨེ་དཾ་བ་ལིངྟ་ཁ་རམ་ཁཱ་ཧི། གཤོག་རྒོད་མ་ནི། བྷྱོ་རཀྨོ་དུ་ར་དུནྟིང་བྷྱོ། ཁ་ཁ་དུ་ནྟི་ང་བྷྱོ། ཧེ་ར་དུ་ར་དུནྟིང་བྷྱོ། ཨེ་དམ། མཁའ་འགྲོ་སྙིང་ཐིག་བཀའ་སྲུང་ཤན་པ་སྲོག་སྒྲུབ་མ་ནི། ཨོཾ་ཁྱི་ཁ་ལེ་ནག་མོ་སོད། སྲོག་མ་ཏྲི་སོད། སྙིང་ཁ་ཁ་བཾཿ ཡ་ཡ་སོདཿ ཙ་བ་བི་རི་མི་སོད༔ བྷ་ཡ་སོད༔ ནྲིཡ་སོདཿ རཀྨོ་ཙིཏྟ་དགྲ་བོའི་སྲོག་ལ་རྦུདཿ རཀྨོ་དགྲ་བོའི་ཙིཏྟ་རྦུད༔ ཨེ་དཾ་བ་ལིངྟ༴ བརྟན་མ་བཅུ་གཉིས་ནི། དྭད་ཤནྟ་བ་རི་ས་པཱ་རི་ཝ་ར་ཨེ་དམ་བ་ལིངྟ༴ ཀློང་ཆེན་སྙིང་ཐིག་ཚེ་རིང་མ་ནི། བཾ་ཧ་རི་ནི་ས་བཛྲ་པྲ་མོ་ཧ་ས་པཱ་རི་ཝཱ་ར་ཨེ་དམ༴ རྡོ་རྗེ་གཡུ་སྒྲོན་མ་ནི། ཨོཾ་བཛྲ་པྲ་མོ་ཧ་བ་ལིངྟ་ཁ་ཁ་ཁཱ་ཧི་ཁཱ་ཧི། སྨིན་གླིང་བདེ་གཤེགས་ཀུན་འདུས་བཀའ་སྲུང་ལྷ་ཆེན་ནི། ཨོཾ་མ་ཧཱ་དེ་ཝ་ཛ༔་ཨུ་མ་དེ་ཝི་ཧྲིང་ཧ་རི་ནི་ས་པ་ཤཾ་ཀུ་རུ་ཧོཿ ས་པཱ་རི་ཝར་ཨེ་དཾ༴ རཏ་གླིང་ཀློང་གསལ་བཀའ་སྲུང་དྲང་སྲོང་ནི། ཧྲཱིཿ ཤག་རུ་རམ་ནཱ་ག་ཙིཏྟ་ཏྲཾཿ མ་མ་ཡོ་ཟ་འགྲམ་ཧ་ཧི་ཡོ་གི་ཤ་ལ་ཛ་ཛ༔ ས་པཱ་རི་ཝ་ར༴ རཏ་གླེད་དམ་ཅན་སེང་ཞོན་ནི། ཨོཾ་བཛྲ་ས་དྷུ་ས་མ་ཡ་བྷ་ག་ཏ་མ་ཤེ་ནི་ཀྲ་མ་ནི་ས་མ་ཡ་ས་དྷུ་ཏྲི་ཛ་ཛ་༔ཧཱུྃ་བཾ་ཧོཿ ས་པཱ་རི་ཝ་ར༴ །ཉི་གྲགས་བདེ་མཆོག་བཀའ་སྲུང་དམ་ཅན་ར་ཞོན་ནི། ཨོཾ་བཛྲ་ས་དྷུ་སེ་མ་ཡ་ཏྲི་ཤུ་ལ་ཨ་ཡ་མ་ངུ་རུ་ཙ་ཤ་ན་ཙིཏྟ་ཧྲིང་ཧྲིང་ཛ་ཛཿ ས་པཱ་རི་ཝ་ར་ཨེ་དམ༴ །ཉི་གྲགས་བདེ་མཆོག་གཏེར་སྲུང་ལྷ་བཙན་ནི། ཨོཾ་བྷི་ཧུ་ཙ་ན་ལྷ་བཙན་འབར་བ་ཆེན་པོ་སྐུ་འཁོར་དང་བཅས་ཞལ་དུ་ཨེ་དམ་བ་ལིང་ཏ་ཁ་རམ་ཁཱ་ཧི༔ མ་ཏིའི་སེང་དམར་དམ་ཅན་ནོར་སྒྲུབ་ནི། ཨོཾ་བཛྲ་སདྷུ་ས་མ་ཡ་ཀིང་ཀ་ར་ཧཱུྃ༔ བཛྲ་ལི་ལམ་ཧཱུྃ་ཛཿ ཨོཾ་ཛམ་བྷ་ལ་ཛ་ལེན་དྲ་ཡེ་སྭཱ་ཧཱ༔ ཏྲི་ཀར་ཤ་ལིང་ཏྲི་པྲ་མ་ནི་ཀི་ཀ་ར་བྷྱོཿ རཏྣ་སིདྡྷི་ཀུ་རུ་ཧཱུྃ་ཛ་ཛ༔ ཏྲིའུ་ཏྲིའུ་པྲ་མ་དུ་ན་ཀར་བ་སྐྱེས་བ་བུད་མེད་སརྦ་པ་ཤམ་ཏྲི་ཡ་རཏྣ་སིདྡྷི་ཕ་ལ་ཁུག་སྐྱོལ༔ ས་པཱ་རི་ཝཱ་ར་ཨེ་དམ་བ་ལིང་ཏ་ཁ་རམ་ཁཱ་ཧི༔ གནོད་སྦྱིན་ཤན་པ་དམར་ནག་ནི། ཨེ་ཧེ་མ་རུ་ཙེ། གུ་ཎ་ཧྲི་ཏྲི་གྷྲཾ་བྷྱོ། ཤ་རམ་བྷྱོ་བུར་ཛ། གྷྲིག་ཧ་ལ་གྷྲན་ཏ་ཡ་ཛ་ཛཿ ས་པཱ་རི་ཝ༴ སངས་རྒྱས་གླིང་པའི་དགོངས་འདུས་བཀའ་སྲུང་ལྷ་མོ་རིག་འཛིན་མ་ནི། ཨོཾ་དེ་ཝི་ཀ་ལ་དྷ་རི་ཌཱ་ཀི་ནི་ཨེ་ཀ་ཛ་ཊི། ཨེ་དམ༴ སངས་རྒྱས་གླིང་པའི་དགོངས་འདུས་གཏེར་སྲང་བཙན་རྒོད་ནི། ཨོཾ་ན་ག་ཙན་ཏྲི་ཙར་ར་ཏྲིཿ ཀིང་ཀ་ར་ཡཀྴ་ཡཀྴ་ས་མ་ཡཱ་ཧཱུྃ་ཕཊ། ས་པཱ་རི་ཝ་རེ༴ རཏ་གླིང་ཕུར་པའི་བཀའ་སྲང་བཅུ་གཉིས་ན། ཨོཾ་བཛྲ་ཀི་ལི་ཀཱི་ལ་ཡ་དྷ་རྨ་པ་ལ་ས་པཱ་རི་ཝཱ་ར་ཨེ་དམ་བྷ་ལིང་ཏ་ཁ་རམ་ཁཱ་ཧི༔ རཏ་གླིང་ཕུར་པའི་གཏེར་སྲུང་ལྡང་ལྟ་ནི། ཨོཾ་པ་རི་པར་ཀིང་ཀར་ཛཿ ས་པཱ་རི་ཝཱ་ར༴ གནོད་སྦྱིན་རྩིའུ་དམར་པོ་ནི། ཨོཾ་རཀྴ་སྙིང་ལ་ཧཱུྃ་ཧཱུྃ་ཤུ་ལ་གྲྀ་ཝ་ཏྲི་ཤུ་ལ་ཧྲིང་ཧྲིང་ཛ་ཛཿ ས་པཱ་རི༴ ཉི་གྲགས་དྲེགས་ཟིལ་བཀའ་སྲུང་རྒྱལ་པོ་སྐུ་ལྔ་ནི། ཨོཾ་རཱ་ཛ་ཨ་ཧོ་ཤྲཱ་པུཥྟིཾ་ཀཱ་ར་ལས་པཱ་རི་ཝ་ར༴ གནོད་སྦྱིན་དགྲ་ལྷའི་གཙོ་བོ་གསུང་གི་བློན་པོ་རྡོ་རྗེ་གྲགས་ལྡན་ན། རཀྴ་ར་ཛཿདུམ་བུ་ཤིགཙིཏྟ་ཟུང་སོད། མ་ལེ་ཐུན། མ་ལེ་རཱ་ཛ་བྷྱོ། ས་པ་རི༴ ཉི་གྲགས་དྲེགས་བིལ་གཏེར་སྲུང་གྲི་བཙན་ནི། གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་སྐུ་འཁོར་དང་བཅས་པའི་ཞལ་དུས་པཱ་རི་ཝ་རེ་ཨེ༴ ཉི་གྲགས་ནོར་བདག་ནི། ཨོཾ་བཻ་ཤྲ་མ་ན་ཡཀྴ་སརྦ་གྷྲི་ཧ་ན་ས་པཱ་རི་ཝཱ་ར༴ གྲ་པའི་ཛམ་དམར་ནི། ཨོཾ་ཛམ་བྷ་ལ་ཛ་ལེནྡྲ་ཡེ། དྷ་ན་མེ་དྷི་ཧྲི་སྭཱ་ཧཱ༔ ཨེ་དམ༴ རྟ་ལྷ་ནི། ཨོ་ཨཱཪྱ་རེ་མནྟ་སྭཱ་ཧཱ། གྷོ་ར་སིདྡྷི་ཕ་ལ་ཧཱུྃ། ཨེ་དམ་བ་ལིཾ༴ ཟིལ་ཁྲོམ་རྡོ་རྗེ་གཡུང་དྲུང་ནི། ཨོཾ་བཛྲ་གཡུང་དྲུང་རྩལ་སྐུ་འཁོར་དང་བཅས་པའི་ཞལ་དུ་ས་པཱ་རི་ཝཱ་ར༴ ཟིལ་ཁྲོམ་གསང་ཡུམ་རྒོད་ལྕགས་ཁ་རག་ནི། ཧཱུྃ་ཛ༔མུ་ཏིག་ཤེལ་རུ་སྨན་བཙུན་་ཆེན་པོ་དམ་ལ་ཤོག །བཛྲ་ས་མཱ་ཛཿ ས་པ་རི༴ བྱང་གཏེར་གཉན་ཆེན་ཐང་ལྷ་ནི། ཨོཾ་བཛྲ་ཐང་ཀ་ར་མུད་ཉིད་ཁུ་ཤ་ལི་ཨ་མྲྀཏ་ས་པཱ་རི་ཝ་ར༴ གནས་བདག་རྣོར་བུ་གཡུལ་རྒྱལ་ནི། ཨོཾ་ཨཱ་ཤ་ཡ་པ་ཏི་མ་ཎི་མྲྀ་དྷཾ་ཉྫ་ནྱཾ། ས་པཱ་རི་ཝཱ་ར༴ །བླ་མ་གསང་འདུས་གཏེར་སྲུང་དགེ་བསྙེན་སྨྱོན་ཁ་ནི། ཨོཾ་ནག་པོ་ཏི་པ་རཱ་ཛ་ན་ག་རཀྴ་ཀྲོ་ཏ་པ་ཙ་ལ་ས་པཱ་རི༴ བཀའ་བརྒྱད་དྲེགས་སྡེ་སུམ་ཅུ་ནི། ཨོཾ་བཛྲ་སརྦ་དུཥྚ་ན་ཨེ་ཛ་བྷྱོ་ས་པཱ་རི༴ བཀཱ་སྲུང་དུར་ཁྲོད་ལྷ་མོ་ནི། ཨོཾ་མ་མ་ར་ལི་པྲ་མ་ཡ་ཀ་ལི་ཡེ་ཛཿཛ་ས་པཱ་རི་ཝ་ར༴ སྨིན་གླིང་གཤིན་རྗེ་དྲེགས་འཇོམས་བཀའ་སྲུང་ལས་གཤིན་ནི། ཨོཾ་ཡ་མ་རཱ་ཛ་ས་མ་ཡ་ཧཱུྃ་ཕཊཿ ཉང་གཏེར་ཁྲོས་ནག་སྦྱང་ཞོན་མ་ནི། ཨོཾ་ནག་མོཾ་རུ་ཏཱ་ས་མ་ཛཿ ནག་མོ་ནག་མོ་ཡཾ་མ་ཏྲི་ཛཿམ་མ་སྲོག་ལ་ཛཿས་མ་ཡ་ཙིདྟ་སི་ཛ་ས་པཱ་རི༴ གཅོད་སྲུང་ཟངས་རི་བཙན་རྒོད་ནི། ཨོཾ་ཙི་ཏྲི་ཧུར་ཐུཾ་བྷྲཱུཾ་འདུས་ས་པ་རི༴ ཉི་གྲགས་ཚེ་སྒྲུ་ཀླུ་མོ་གཟི་འབར་མ་ནི། ཨོཾནཱ་གཱ་གྷོ་བྷི་ཏེ་སརྦ་ཨ་ཧེ་ར་མུ་ཡ་ཛཿཧཱུྃ་ས་པཱ་རིཿ རྨ་རྒྱལ་ནི། རྨ་རཱ་ཛ་སྠུ་ལི་ཀ་ས་པ་རི༴ སྨན་སྲུང་ནི། སྨན་སྲུང་ལྷ་སྨན་མཆེད་གསུམ་ཞལ་དུ་ས་པཱ་རི༴ ཉི་གྲགས་སྨན་ལྷའི་གཏེར་སྲུང་ཁོལ་བོ་ཁ་ནི། གཏེར་སྲུང་ཁོལ་བོ་ཞའི་ཞལ་དུ་ས་པཱ་རི༴ དགྲ་བླའི་རྒྱལ་བོ་གེ་སར་ནི། གེ་སར་དགྲ་ལྷའི་རྒྱལ་པོ་འཁོར་དང་བཅས་པའི་ཞལ་དུ་ས་པཱ་རི་ཝཱ་ར་ཨེ་དམ་བ་ལིང་ཏ་ཁ་རམ་ཁ་ཧི། རླུང་རྟ་སྡེ་ལྔ་ནི། རླུང་རྟ་སྐྱེད་པའི་ལྷ་ཚོགས་རྣམས་ཀྱི་ཞལ་དུ་ས་པཱ་རི་ཝཱ་ར་ཨེ་དམ་བ་ལིང་ཏ་ཁ་རམ་ཁཱ་ཧི། ཞེས་གསུམ་མ་མ་བདུན་གྱིས་ཕུལ་ལ། ཕྲིན་ལས་བཅོལ་བ་ནི། དཔལ་ཁྲག་འཐུང་གི་རྒྱལ་པོ་དུག་གསུམ་ནད་ཀྱི་སྨན་པ་བདུད་དཔུང་སྒྲོལ་བའི་དཔའ་བོ། །དཔལ་ཆེན་ཁྲོ་མཆོག་རྟ་མགྲིན་ནག་པོ། ལེགས་ལྡན་རྡོ་རྗེ་སྲིན་པོ་ཚོགས་ཀྱི་བདག་པོ། དཔལ་མགོན་མ་ནིང་ནག་པོ། ཚོགས་བདག་དགྲ་ལྷ་བཅུ་གསུམ། ནག་པོ་ཆེན་པོ་ཕྱག་བཞི་པ། ཞིང་སྐྱོང་སེང་གདོང་ཡབ་ཡུམ། སྔགས་སྲུང་ཨེ་ཀ་ཅ་ཏི། མ་མོ་སྔགས་ཀྱི་བདག་མོ། དཔལ་ལྡན་རྡོ་རྗེ་གཤོག་རྒོད་མ། ཤན་པ་སྲོག་སྒྲུབ་ནག་མོ། མ་སྲིང་བརྟན་མ་བཅུ་གཉིས། སྨན་བཙུན་ཚེ་རིང་མཆེད་ལྔ། གཡུ་སྒྲོན་བསྟན་མ་བཅུ་གཉིས། ལྷ་ཆེན་དབང་ཕྱུག་ཆེན་པོ། གཟའ་བདུད་དུག་གི་སྤུ་གྲི། དམ་ཅན་སྐྱེས་བུ་སེང་ཞོན། གནོད་སྦྱིན་མགར་ནག་ར་ཞོན། ཇོ་བོ་ལྷ་བཙན་རྡོ་རྗེ་འབར་བ། གསང་བ་ནོར་བདག་ཡབ་ཡུམ། གནོད་སྦྱིན་ཤན་པ་དམར་ནག །བཀའ་སྲུང་རིག་འཛིན་ལྷ་མོ། ཀླུ་བཙན་འབར་བ་སྤུན་བདུན། རྡོ་རྗེ་ཕྲ་མེན་ཤྭ་ན་ཆེན་མོ། གཏེར་སྲུང་ལྡང་ལྷ་མཆེད་གསུམ༑ གནོད་སྦྱིན་རྩིའི་དམར་པོ། རྒྱལ་པོ་ཆེན་པོ་བེ་ཧ་ར་སྐུ་ལྔ། དགྲ་ལྷའི་རྒྱལ་པོ་རྡོ་རྗེ་གྲགས་ལྡན། གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ། རྒྱལ་ཆེན་རྣམ་མང་ཐོས་སྲས། གནོད་སྦྱིན་ཛམ་ལྷ་དམར་པོ། རྟ་ལྷ་ཨཱཪྱ་རེ་མནྟ། ཟིལ་ཁྲོམ་རྡོ་རྗེ་གཡུང་དྲང་རྩལ། དཀོར་བདག་ཆེན་མོ་རྒོད་ལྕམ་ཁ་རག །དྲི་བའི་རྒྱལ་པོ་ཟུར་ཕུད་ལྔ་པ། གནས་བདག་ནོར་བུ་གཡུལ་རྒྱལ། གཏེར་སྲུང་དགེ་བསྙེན་སྨྱོན་ཁ། དྲེགས་པའི་སྡེ་དཔོན་སུམ་ཅུ། ཞིང་སྐྱོང་དུར་ཁྲོད་ཀྱི་མ་མོ། ལས་གཤིན་འཆི་བདག་ནག་པོ། མཁའ་འགྲོ་སྤྱང་ཞོན་མཆེད་གསུམ།སྲོག་ཟན་ཤན་པ་མཆེད་གཉིས། གཏེར་སྲུང་ཀླུ་མོ་གཟི་འབར་མ། མཐུ་ཆེན་རྨ་རྒྱལ་སྤོམ་ར། སྨན་སྲུང་ལྷ་སྨན་མཆེད་གསུམ། གཏེར་སྲུང་ཁོལ་བོ་ཁ། གེ་སར་དགྲ་ལྷའི་རྒྱལ་པོ་མཐུ་ཆེན་རླུང་རྟ་སྡེ་ལྔ་ལ་སོགས་པའི་དམ་པ་ཆོས་སྐྱོང་བའི་སྲུང་མ་བཀའ་སྡོད་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། སངས་རྒྱས་ཀྱི་བསྟན་པ་སྲུང་། དཀོན་མཆོག་གི་དབུ་འཕང་བསྟོད། དགེ་འདུན་དང་ཆོས་ཀྱི་རྒྱལ་སྲིད་སྐྱོང་། འཇིག་རྟེན་གྱི་རྒུད་པ་སེལ། སེམས་ཅན་གྱི་ཕན་བདེ་སྤེལ། རྣལ་འབྱོར་པ་རྣམས་ཀྱི་སྡོང་གྲོགས་མཛོད། སྔགས་འཆང་རྣམས་ཀྱི་ཕྲིན་ལས་སྒྲུབ། སྡང་བའི་དགྲ་ཐུལ། གནོད་པའི་བགེགས་ཆོམ། ཁྱད་པར་དམ་ཚིག་འདིར་འདུས་པ་རྣམས་ཀྱིས་ཕྱི་ནང་གསང་བའི་འགལ་རྐྱེན་ཞི་བ་དང་། མཐུན་རྐྱེན་སྨོན་པའི་ལེགས་ཚོགས་ཐམས་ཅད་འཕེལ་ཞིང་རྒྱས་པ་དང་། མཆོག་ཐུན་མོང་གི་དངོས་གྲུབ་མ་ལུས་པ་མྱུར་དུ་འགྲུབ་པའི་ཕྲིན་ལས་མཛོད་ཅིག །དེ་ནས་བསྟོད་པ་བྱ་བ་ནི། ཧཱུྃ། ཆོས་སྐུ་ཞི་བའི་ངང་ལས་མ་གཡོས་ཀྱང་། །ལོངས་སྐུ་འཇིགས་པའི་ཆ་ལུགས་རྫོགས་མཛད་པ། །འབར་བའི་རྒྱལ་པོ་དབང་གི་སྐུ་སྤྲུལ་པ། །འཇིག་རྟེན་དྲེགས་པ་འདུལ་ལ་ཕྱག་འཚལ་བསྟོད། །འཇིག་བྱེད་ཁྲག་འཐུང་དཔལ་ལྡན་ནག་པོ་ཆེ། །བདུད་དཔུང་མཐར་བྱེད་དུར་ཁྲོད་སྒྲོལ་བའི་གིང་།།སྒྲུབ་པའི་རེ་སྐོང་ལེགས་ལྡན་ཚོགས་ཀྱི་བདག །རྒྱལ་བའི་བཀའ་སྡོང་མཐུ་ཆེན་ཁྱོད་ལ་བསྟོད། །འཇིག་རྟེན་འདས་པའི་དུས་ན་སྔོན་བྱུང་བ། །ཆེ་མཆོག་ཧེ་རུ་ཀ་དཔལ་སྐུ་གསུམ་རྫོགས། །སྲིད་རྩེའི་བདག་འཛིན་རུ་ཏྲ་སྡེ་གསུལ་འདུལ། རྩལ་ཆེན་ཕྲིན་ལས་རྫོགས་ལ་ཕྱག་འཚལ་བསྟོད། །དུས་གསུམ་རྒྱལ་བའི་བསྟན་པ་སྲུང་མཛད་ཅིང་། །སྐུ་གསུམ་ཞིང་ཁངས་ཡོངས་ལ་མངའ་དབང་བསྒྱུར། །ས་གསུམ་གནས་ན་ཆེ་བཙན་འགྲན་ཟླ་བྲལ། །ཚོགས་བདག་དགྲ་ལྷ་སྤྲུལ་འཁོར་བཅས་ལ་བསྟོད། །ཆོས་དབྱིངས་སྐྱེ་མེད་ངང་ལས་མ་གཡོས་ཀྱང་། །ཐབས་དང་ཤེས་རབ་གདུག་པ་མ་ལུས་འདུལ། །དྲག་པོ་འཇིགས་བྱེད་ཆེན་པོར་སྐུར་སྟོན་པ། །དཔལ་ལྡན་མགོན་པོ་ཡབ་ཡུམ་ཕྱག་འཚལ་བསྟོད། །སངས་རྒྱས་བསྟན་སྐྱོང་དྲེགས་པ་ཡོངས་ཀྱི་རྗེ། །མི་སྡུག་མི་བསྲུན་རྣལ་འབྱོར་དགྲ་ལྷ་ཆེ། །དམ་ཉམས་འཇོམ་ཕྱིར་སྣ་ཚོགས་སྤྲུལ་པ་འགྱེད། །ཞིང་སྐྱོང་སེང་གདོང་སྐུ་ལ་ཕྱག་འཚལ་བསྟོད། །ཆོས་དབྱིངས་བདེ་བ་ཆེན་པོའི་མཁའ་ཀློང་ནས། །སྐུར་བཞེངས་ཡེ་ཤེས་ལས་དང་མཁའ་འགྲོའི་གཙོ། །སྔགས་སྲུང་ཆེན་མོ་མ་མ་ོར་གཅིག་མ། །འཁོར་དང་བཅས་ལ་གུས་པས་ཕྱག་འཚལ་བསྟོད། །སྔོན་དུས་གུ་རུ་རྡོ་རྗེ་ཐོད་ཕྲེང་གིས། །དམ་ཚིག་བསྒྲགས་ནས་དམ་ལ་བཏག་པའི་ཚེ། །སངས་རྒྱས་བསྟན་པ་སྲུང་བར་ཞལ་བཞེས་པའི། །འདོད་ཁམས་དབང་ཕྱུག་དཔལ་ལྡན་ལྷ་མོར་བསྟོད། །སྲིད་གསུམ་དབང་སྡུག་ནག་མོ་རེ་མ་ཏི། །མཐིང་ནག་ཆར་སྦྲིན་གཏིབ་པ་ལྟ་བུའི་སྐུ། །མ་བས་བྱམས་ཤིང་སྲིང་ལྟར་བརྩེ་བ་ཅན། །རྡོ་རྗེ་གཤོག་རྒོད་མ་ལ་ཕྱག་འཚལ་བསྟོད། །མཁའ་འགྲོ་ནག་མོ་ཤིན་ཏུ་མི་བསྲུ་མ། །འཇིག་པའི་གཟུགས་ཅན་མཁའ་འགྲོ་ཀུན་གྱི་གཙོ། །ལྡུས་བཞི་ཉུལ་ཞིང་བསྟལ་པ་བསྲུང་མཛད་ཅིང་། །ཤན་པ་སྲོག་སྒྲུབ་ནག་མོར་ཕྱག་འཚལ་བསྟོད། །སྒྲུབ་གནས་ཨ་སུ་ར་ཡི་བྲག་ཕུག་ཏུ། །པད་འབྱུང་ཀློང་ཆེན་དཔལ་གྱི་སེང་གེ་ཡིས། །དམ་ལ་བཏགས་ཤིང་སྲུང་མར་གཉེར་གཏད་པ། །བརྟན་མ་བཅུ་གཉིས་འཁོར་དང་བཅས་ལ་བསྟོད། །ཡེ་ཤེས་སྐྱེད་མཛད་ཆོས་སྐུ་ཡུམ་ཆེན་མོ། །རྒྱལ་ཀུན་རྡོ་རྗེ་བཙུན་མོའི་རྣལ་འབྱོར་མ། །གངས་ཅན་སངས་རྒྱས་བསྟན་སྲུང་འཁོར་ལོའི་བསྒྱུར། །བཀྲ་ཤིས་ཚེ་ཡི་དབང་ཕྱུག་མ་ལ་བསྟོད། །རྡོ་རྗེ་གཡུ་སྒྲོན་ཤིན་ཏུ་མཛེས་པའི་སྐུ། །དཀར་གསལ་གངས་རིའི་ངོས་ལ་ཉི་ཤར་འདྲ། །སྒྲུབ་པ་པོ་ལ་དངོས་གྲུབ་མཆོག་སྩོལ་བའི། །མཆེད་ལྔ་འཁོར་དང་བཅས་ལ་ཕྱག་འཚལ་བསྟོད། །སྤྱན་རས་གཟིགས་སྤྲུལ་དབང་ཕྱུག་ལྷ་ཆེན་པོ། །འཇིག་རྟེན་མེས་པོ་ཁམས་གསུམ་ཀུན་གྱི་བདག །དངོས་གྲུབ་མཆོག་སྩོལ་ཡོན་ཏན་རྫོགས་པའི་ལྷ། །རྒྱལ་བའི་བཀའ་སྡོད་མཐུ་ཆེན་ཁྱོད་ལ་བསྟོད། །རང་ཉིད་ཆོས་ཀྱི་དབྱིངས་ལས་མ་གཡོས་ཀྱང་། །འགྲོ་བའི་དོན་དུ་འབར་བའི་སྐུར་བཞེངས་པ། །དྲང་སྲོང་ཆེན་པོ་གཟའ་མཆོག་རཱ་ཧུ་ལ། །མཐུ་ཆེན་དྲག་པོ་འདོད་རྒུར་བསྒྱུར་ལ་བསྟོད། །སྤྱིར་ན་ཉིད་ཀྱི་རྫུ་འཕྲུལ་སྟོབས་ཀྱིས་ནི། །སྐུ་མདོག་ཕྱག་མཚན་གཅིག་ཏུ་མ་ངེས་ཀྱང་། །སྔགས་ཀྱི་ཕྱག་མཚན་རྡོ་རྗེ་རྩེ་དགུ་བསྣམས། །རྡོ་རྗེ་ལེགས་པ་ཁྱོད་ལ་ཕྱག་འཚལ་བསྟོད། །ཆོས་དབྱིངས་ལྷུན་གྲུབ་ངང་ལས་མ་གཡོས་ཀྱང་། །རང་མདངས་དྲག་པོའི་ཆ་ལུགས་ཅིར་ཡང་སྟོན། །བསྟན་པ་སྲུང་བའི་ཕྲིན་ལས་སྣ་ཚོགས་མཛད། །དམ་ཅན་སྐྱེས་བུ་ཁྱོད་ལ་ཕྱག་འཚལ་བསྟོད། །འགྱུར་མེད་བདེ་ཆེན་ཆོས་དབྱིངས་རང་རྩལ་ལས། །སྟོན་ཟླའི་མདོག་འདྲ་ཁྲོ་ཆགས་ཉམས་འབར་ཞིང་། །སྒྲུབ་པ་པོ་ལ་དངོས་གྲུབ་སྩོལ་བའི་ལྷ། །ཇོ་བོ་ལྷ་ཡི་བཙན་རྒོད་ཆེན་པོར་བསྟོད། །སངས་རྒྱས་བསྟན་སྲུང་ཆོས་སྐྱོང་མངོན་རྒྱུགས་ཅན། །མ་འོངས་དུས་ན་ནག་ཕྱོགས་འཇོམ་པའི་དཔལ། །སྐྱེས་མཆོག་རིག་འཛིན་སྒྲུབ་པའི་དགྲ་བླ་ཡིན། །བསྟན་སྲུང་ཆོས་སྐྱོང་རྣམས་ལ་ཕྱག་འཚལ་བསྟོད། །སྲིད་པ་གསུམ་གཡོ་ཁམས་གསུམ་རབ་ཏུ་འཁྲུགས། །གར་རྦད་ས་རུ་དམ་ཉམས་ཐལ་བར་རློག །གར་ཕེབ་ས་རུ་མི་རོ་རག་སུ་འཆེར། །གནོད་སྦྱིན་ཆེན་པོ་ཁྱོད་ལ་ཕྱག་འཚལ་བསྟོད། །བདེ་ཆེན་ཆོས་དབྱིངས་འདུ་འབྲལ་མེད་པའི་ཀློང་། །དུས་གསུམ་རྒྱལ་བའི་ཡུམ་དང་དབྱེར་མེད་ཅིང་། །མཁའ་སྦྱོང་རིག་པ་འཛིན་པའི་རྣལ་འབྱོར་མ། །གནས་གསུམ་མཁའ་འགྲོ་ཡོངས་ཀྱིས་གཙོ་ལ་བསྟོད། །དཀྱིལ་འཁོར་སློབ་དཔོན་པདྨ་སམ་བྷ་བའི། །བཀའ་ཉན་དམ་ཚིག་རྗེས་དགོངས་གཏེར་གྱི་བདག །མཐུ་རྩལ་ཐོགས་མེད་རྣམ་བཞིའི་ཕྲིན་ལས་ཀྱི། །དམ་ལྡན་རེ་སྐོང་བཙན་རྒོད་ཁྱོད་ལ་བསྟོད། །རྡོ་རྗེ་གཞོན་ནུ་ཡབ་ཡུམ་མཁའ་ཀློང་ནས། །ཐུགས་རྗེ་དྲག་གཏུམ་ཁྲོས་པའི་ཆོ་འཕྲུལ་ལས། །མི་སྲུན་མ་ཧཱ་ཀ་ལ་ཤྭ་ན་ཆེ། །ཕྲ་མེན་འཁོར་དང་བཅས་ལ་ཕྱག་འཚལ་བསྟོད། །མཐུ་རྩལ་ཐོགས་མེད་དུས་མཐའི་མེ་བཞིན་དུ། །གདུག་ཅན་དགྲ་བགེགས་ཐལ་བར་བརླག་མཛད་པའི། །རྡོ་རྗེ་ཕུར་པའི་ཟབ་གཏེར་སྐྱོང་བའི་བདག །ལྡང་ལྷ་ཆེན་པོ་འཁོར་དང་བཅས་ལ་བསྟོད། །གཏུམ་རྔམས་རབ་འཇིགས་ཤིན་ཏུ་མི་ཟད་པ། །པདྨའི་ཟབ་ཆོས་སྤྱོད་པའི་རྣལ་འབྱོར་ལ། །མ་ལྟར་བརྩེ་བའི་བསྟན་སྲུང་མཐུ་བོ་ཆེ། །གནོད་སྦྱིན་ཙིའུ་དམར་པོ་འཁོར་བཅས་བསྟོད། །རྒྱལ་ཀུན་གསུང་གི་རྡོ་རྗེ་རྟ་མཆོག་དཔལ། །མ་དག་སྣང་བ་འཇིག་རྟེན་དྲེགས་པའི་ཚུལ། །སངས་རྒྱས་བསྟན་པ་གཉན་པོ་སྲུང་མཛད་པའི། །སྐུ་ལྔ་འཁོར་དང་བཅས་ལ་ཕྱག་འཚལ་བསྟོད། །ཁམས་གསུམ་ཀུན་ལས་རྒྱལ་བའི་སྟོབས་ལྡན་སྐུ། །དྲག་སྔགས་ཚ་ཟེར་ཐོག་འབེབས་དབྱར་རྔའི་གསུང་། །ཆོས་དབྱིངས་ལྷན་སྐྱེས་བདེ་ཆེའི་རོ་གཅིག་ཐུགས། །བསྟན་སྲུང་དགྲ་ལྷའི་གཙོ་ལ་ཕྱག་འཚལ་བསྟོད། །རིག་འཛིན་སྒྲུབ་པའི་རྣལ་འབྱོར་བདག་ཅག་གིས། །ཕྲིན་ལས་རྣམ་བཞིའི་ལས་རྣམས་སྒྲུབ་པ་དང་། །པདྨའི་ཟབ་གཏེར་སྐྱོང་བའི་མཐུ་བོ་ཆེ། །གྲི་བཙན་ཆེན་པོ་འཁོར་དང་བཅས་ལ་བསྟོད། །ས་བརྒྱད་དབང་ཕྱུག་སེམས་དཔལ་རིན་ཆེན་མང་། ནམ་མཁའི་མཛོད་མངའ་དབུལ་བའི་གདུང་བ་འཕྲོག །ཡིང་བཞིན་འདོད་རྒུའི་ཆར་འབེབས་དཔག་བསམ་ཤིང་། རྣམ་མང་ཐོས་སྲས་ངལ་བསོའི་བུ་ལ་བསྟོད། བདེ་གཤེགས་ཀུན་གྱི་གསུངས་ལས་ལེགས་སྤྲུལ་ཞིང་། །ཐུགས་རྗེས་ཆགས་པའི་སྐུ་མདོག་དམར་པོར་བཞུགས། །དབང་གི་ཕྲིན་ལས་རྫོགས་མཛད་ཛམ་བྷ་ལར། །མ་ལུས་འགྲོ་བའི་རེ་སྐོང་ཁྱོད་ལ་བསྟོད། །ར་ཁྲོས་གནོད་སྦྱིན་བྱ་གཅན་སྤྲུལ་པ་འགྱེད། །རྔོགས་ཆགས་ལ་གནོད་དགྲ་བགེགས་བརླག་མཛད་པའི། །ཆོས་སྐྱོང་སྲུང་མ་རྡོ་རྗེ་རེ་མནྟ། །རྟ་ལྷའི་རྒྱལ་པོའི་འཁོར་དང་བཅས་ལ་བསྟོད། །རྟ་མཆོག་ངང་པ་སྤྲིན་དཀར་ཆང་འདྲེའི་སྟེང་། །ལྷ་གཉན་དཀར་པོ་ཟླ་བ་རྒྱས་འདྲེའི་ཞལ། །དར་དང་རིན་ཆེན་རྒྱན་སྤྲས་འཛུམ་མཛེས་ལྡན། །དཀར་ཕྱོགས་སྐྱོང་བ་ཁྱོད་ལ་ཕྱག་འཚལ་བསྟོད། །པདྨ་ཐོད་ཕྲེང་བཀའ་ཉན་ཐ་ཚིག་ཅན། །ཡུལ་ལྷ་སྨན་མོ་ཀླུ་གཉན་ཀུན་གྱི་གཙོ། །སྨན་བཙུན་ཆེན་མོ་ཟིལ་ཁྲོམ་གསང་བའི་ཡུམ། །དཀོར་བདག་ཆེན་མོ་འཁོར་དང་བཅས་ལ་བསྟོད། །ཧས་པོ་རི་དང་རི་རྒྱལ་བཀྲ་བཟང་སོགས། །ཕྱག་རྡོར་རྟ་མགྲིན་རྡོ་རྗེ་གཞོན་ནུ་ཡིས། །དམ་ལ་བཞག་པའི་བསྟན་སྲུང་མཐུ་བོ་ཆེ། །དྲི་ཟའི་རྒྱལ་པོ་འཁོར་དང་བཅས་ལ་བསྟོད། །སྔོན་ཚེ་པདྨ་འབྱུང་གནས་སྤྱན་སྔ་རུ། །སྒྲུབ་ལ་དངོས་གྲུབ་སྩོལ་བར་ཞལ་བཞེས་པའི། །དཀར་ཕྱོགས་སྐྱོང་བ་ཡོངས་ཀྱི་ཟོ་དོར་གཙོ། །གནས་བདག་ནོར་བུ་གཡུལ་རྒྱལ་འཁོར་བཅས་ལ༴ འབར་བའི་ཕོ་བྲང་བླ་མཚོ་ནག་པོ་རུ། །ཀླུ་སྲིན་བཤོས་པའི་བསྟན་སྲུང་དྲག་རྩལ་ཅན། །སྐུ་གཅིག་སྤྲུལ་བསྒྱུར་སྣ་ཚོགས་འགྱེད་མཛེས་པ༑ །གཏེར་སྲུང་དགེ་བསྙེན་ཁ་འཁོར་བཅས༴ །བདེ་གཤེགས་བཀའ་ཡི་བསྟན་པ་སྲུང་བའི་ཕྱིར། །ངང་ཉིད་ཆོས་ཀྱི་དབྱིངས་ལས་མ་གཡོས་ཀྱང་། །གཟུགས་སྐུ་དྲེགས་པའི་ཚུལ་དུ་སྐུར་སྟོན་པ། །མཐུན་ཆེན་སྡེ་དཔོན་སུམ་ཅུའིཚོགས་ལ༴ མི་འགྱུར་བདེ་ཆེན་ཆོས་དབྱིངས་ངང་ཉིད་ལས། །མ་རུང་འདུལ་ཕྱིར་དྲག་པའི་སྐུར་སྟོན་པ། །སྒྱུ་འཕྲུལ་རྡོ་རྗེའི་གར་མཛད་མ་མོའི་གཙོ། །རྒྱལ་བའི་བསྟན་སྲུང་གཙོ་ལ་ཕྱག་འཚལ༴ འཇམ་དཔལ་ཁྲག་འཐུང་གཤིན་རྗེ་གཤེད་པོ་ཡི། །བཀའ་ཉན་ལས་བྱེད་མི་བསྲུན་དྲེགས་པའི་སྡེ། །བསྟན་པའི་བཀའ་སྲུང་མཐུ་སྟོབས་རྫུ་འཕྲུལ་ཅན། །ལས་ཀྱི་གཤིན་རྗེ་འཁོར་དང་བཅས་ལ་བསྟོད། །ཆོས་སྐུ་འགྱུར་མེད་རྡོ་རྗེ་ཁྲོས་མ་ནག །གདུལ་དཀའི་གཤེད་གྱུར་རྒྱལ་བའི་བསྟན་སྲུང་གཙོ། །མཐུ་རྩལ་ཐོགས་མེད་དགྲ་བོའི་སྲོག་གཅོད་པའི། མཁའ་འགྲོ་སྤྱང་ཞོན་མཆེད་གསུམ་ཕྱག་འཚལ་བསྟོད། །རབ་འཇིགས་གནས་མཆོག་ཟངས་རི་མཁར་དམར་རུ། །རྗེ་བཙུན་མ་གཅིག་ལབ་ཀྱི་སྒྲོན་མ་ཡིས། །བཀའ་བསྒོས་གཅོད་ཡུལ་བསྟན་སྲུང་ཞལ་བཞེས་པའི། །བཙ་རྒོད་སྲོག་ཟན་ཤན་པ་མཆེད་གཉིས་བསྟོད། །ཀླུ་རྒྱལ་དུང་སྐྱོང་སྲས་མོ་གཟི་འབར་མ། །འཛད་མེད་རིན་ཆེན་དངོས་གྲུབ་ཀུན་གྱི་བདག །རྒྱལ་བའི་ཟབ་གཏེར་སྐྱོང་བར་ཞལ་བཞེས་པའི། །གཏེར་སྲུང་ཀླུ་སྨན་འཁོར་དང་བཅས་ལ་བསྟོད། །ཤར་ཕྱོགས་རྨ་གཡང་ཀུན་གྱི་གཏེར་བདག་པོ། །པད་འབྱུང་བཀའ་ཉན་ཡུལ་ལྷ་ཀུན་གྱི་གཙོ། །རྨ་གཡང་འདོད་རྒུའི་དངོས་གྲུབ་སྩོལ་མཛད་པའི།།རྨ་རྒྱལ་སྤོམ་ར་འཁོར་དང་བཅས་ལ༴ རྒྱལ་བ་རྣམས་ཀྱི་བཀའ་ལས་མི་འདའ་ཞིང་། །སྒྲུབ་ལ་དངོས་གྲུབ་སྩོལ་བའི་དམ་ཚིག་ཅན། རྣོ་མཐོང་མངོན་ཤེས་སྟོན་པའི་ལྷ་རྣམས་དང་། །ཡེ་ཤེས་ཁྱེའུ་ཆུང་སྨན་སྲུང་ཚོགས་ལ་བསྟོད།།བྱང་ཕྱོགས་གནོད་སྦྱིན་རྫོངས་གི་ཕོ་བྲང་ནས། །གནོད་སྦྱིན་ཡོངས་ཀྱི་དེད་པོན་མཐུ་རྩལ་ཅན། །གསང་བདག་བཀའ་ཉན་གཏེར་སྲུང་ཁོལ་པོ་ཁ། །འཁོར་དང་བཅས་ལ་གུས་པས་ཕྱག་འཚལ་བསྟོན། །སྡང་དགྲ་ཆམ་ཤིང་བགེགས་དཔུང་ཐལ་བར་རློག །གཞན་སྡེ་ཕམ་ཞིང་རང་ཉིད་རྒྱལ་བ་དང་། །ཆབ་སྲིད་སྙན་གྲགས་ཕྱོགས་བཅུར་རྒྱས་མཛད་པའི། །འཛམ་གླིང་དབང་བསྒྱུར་གེ་སར་རྒྱལ་པོར་བསྟོད། །རྣལ་འབྱོར་བདག་ཅག་དཔོན་སློབ་འཁོར་བཅས་ཀྱི། །མྱུར་མགྱོགས་ཡོན་ཏན་གཟི་བརྗིད་ཆེ་བ་དང་། །སྙན་གྲགས་རྒྱས་དང་དཔལ་སྙིང་ཆེ་བ་ཡི། །རླུང་རྟ་བསྐྱེད་པའི་མྱུར་མཛད་ལྷ་རྣམས་བསྟོད། །ཞེས་བརྗོད་ཅིང་འདི་བར་སྤྲ་ོན་དམ་ཅན་སོ་སོའི་གཏོར་ཆོག་ཀྱང་བཏང་། མ་བཏང་ནའང་རང་ངོ་། བསྐབས་འདིར་སྤྲོ་ཞིང་ནུས་ན་ནི་དམ་ཅན་སྤྱིའི་བསྐང་བ་ཡིན་བཞིན་རེ་སྐོང་ཀྱང་འདིར་བཏང་ན་ལེགས། མ་བཏང་ན་ཡང་འགལ་བ་མེད་དོ། གང་ལྟར་ཡང་དམ་ཅན་གྱི་གཏོར་མ་ལ་དགྲ་བགེགས་དགུགས་བསྟེམ་བྱ་བ་ནི། དམ་ཅན་སྤྱི་གཏོར་ལྟར། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། སངས་རྒྱས་ཀྱི་བཀའ་བདེན་པ་ཆོས་ཀྱི༴ དགེ་འདུན༴ གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང་། ཆོས་ཉིད་གདོད་ནས་སྟོང་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་རྡོ་རྗེའི་ཆོས་སྐྱོང་བའི་སྲུང་མ་བཀའ་སྡོད་ཕོ་ཉའི་དམ་ཚོགས་འཁོར་དང་བཅས་པ་རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་མཐུ་ལ་བརྟེན་ནས་བསྟན་དང་འགྲོ་བའི་སྤྱི་དགྲ། ཁྱད་པར་རིག་པ་འཛིན་པར་བདག་ཅག་ཡོན་མཆོད་འཁོར་དང་བཅས་བ་རྣམས་ལ་སྔ་དགྲ་ལག་གི་བ་སྔར་བ། ཕྱི་དགྲ་ཡིད་ལ་སེམས་པ། །ད་དགྲ་ཐད་དུ་འཛུགས་པའི། །གཟུགས་ཅན་སྡང་བའི་དགྲ་དང་། གཟུགས་མེད་གནོད་པའི་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་གྲོས་ཀྱང་། སྐད་ཅིག་ཡུང་ཙམ་ལ་དམིགས་བའི་སྟེན་འདི་ལ་ཁུག་ཅིག །བཛྲ་ཨང་ཀུ་ཤ་ཛཿ བཛྲ་པ་ཤ་ཧཱུྃ། བཛྲ་སྤོ་ཊ་བཾ། བཛྲ་གྷན་དྷེ་ཧོཿ བཛྲ་ཨཾ་ཝེ་ཤ་ཡ་ཨ་ཨཿ དེ་ནས། རཾ་ཡཾ་ཁཾ། ཨོཾ་ཨཱཿཧཱུཾགིས་བྱིན་གྱིས་རླབས་ནས། སྤྲོ་ན་དམ་ཅན་སོ་སོའི་རྩ་སྔགས་མཐར་ཁཱ་ཧི་བཏག་བ་དང་། ཡང་ན། ཨོཾ་གུ་རུ་དྷེ་ཝཱ་དྷ་ཀི་ནི་དྷ་རྨ་བཱ་ལ་ཀྵེ་ཊ་པ་ལ་ལོ་ཀ་པཱ་ལ་ས་པཱ་རི་ཝཱ་ར་ཨེ་དམ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། །ཞེས་ལན་བདུན་ནམ་གསུམ་ཕུལ་ལ། དེ་ནས་དམ་ཅན་རྣམས་ལས་ལ་བསྐུལ་བ་ནི། ཧཱུྃ། སྐྱེ་མེད་ཆོས་དབྱིངས་དང་ལས་མ་གཡོས་ཀྱང་། །འགགས་མེད་རྩལ་ལས་སྣ་ཚོགས་ཤར་བའི་ལྷ། བཅོམ་ལྡན་དཔལ་ཆེན་རྟ་མགྲིན་ཁྲོ་པོའི་རྒྱལ། །ལེགས་ལྡན་རྡོ་རྗེ་སྲིན་པོའི་ཚོགས་གྱི་བདག །ལྷ་ཆེན་དཔལ་འབར་བདུད་མགོན་མ་ནིང་ནག །བདུད་འདུལ་ལས་ཀྱི་དབང་ཕྱུགས་ཚོགས་ཀྱི་བདག །དཔལ་ལྡན་ཡེ་ཤེས་མགོན་པོ་ཕྱག་བཞི་པ། །ཞིང་སྐྱོང་སེང་གེའི་གདོང་ཅན་ཡབ་དང་ཡུམ། །མ་མོ་ཆེན་མོ་ཨེ་ཀ་ཙ་ཏི་མ། །འདོད་ཁམས་དབང་ཕྱུག་དཔལ་ལྡན་རེ་མ་ཏི། །རྡོ་རྗེ་གཤོག་རྒོད་མ་མོ་ཡོངས་ཀྱི་རྗེ། །དུས་བཞི་དབང་བསྒྱུར་ཤན་པ་སྲོག་སྒྲུབ་མ། །བོད་ཁམས་སྐྱོང་བའི་མ་ཡི་བརྟན་མའི་ཚོགས༑ །རྒྱལ་བའི་ཡུམ་ཆེན་རྡོ་རྗེ་ཀུན་བཟང་མོ། །སྨན་བཙུན་ལྷ་མོ་རྡོ་རྗེ་གཡུ་སྒྲོན་མ། །དབང་ཕྱུག་ཆེན་པོ་ཤྲི་རལ་པ་ཅན། །དྲག་རྩལ་ཐོགས་མེད་བཟའ་བདུད་རཱ་ཏུ་ལ། །འཛམ་གླིང་སྐྱེས་མཆོག་བཛྲ་ས་དྷུ་སྩལ། །སྐྱེས་བུ་ཆེན་པོ་མགར་ནག་ར་ཞོན་དང་། །ཇོ་བོ་ལྷ་ཡི་བཙན་རྒོད་རྡོ་རྗེ་འབར། །དགེ་སྙེན་ཆེན་པོ་གསང་བ་ནོར་གྱི་བདག །གནོད་སྦྱིན་ཤན་པ་དམར་ནག་འཇིག་པའི་སྐུ། །སྣང་སྲིད་མཁའ་འགྲོའི་གཙོ་མོ་རིག་འཛིན་མ། །ཕྱི་ནང་གསང་པའི་བཙན་རྒོད་རབ་ཏུ་གཏུམ། །ཕུར་བའི་ལས་མཁན་སྲུང་མ་བཅུ་གཉིས་ཚོགས། །མཐུ་སྟོབས་ཐོགས་མེད་ལྡང་ལྷ་མཆེད་གསུམ་དང་། །དམ་ཉམས་དགྲ་སྲོག་རྔམས་པའི་ཙིའུ་དམར། །རྒྱལ་པོ་ཆེན་པོ་ལི་བྱིན་སྐུ་ལྔ་དང་། །རྡོ་རྗེ་གྲགས་ལྡན་དགྲ་ལྷ་ཀུན་གྱི་གཙོ། །གྲི་བཙན་ཆེན་པོ་རྡོ་རྗེ་དགྲ་འཇམས་སྩལ། །ཡིད་བཞིན་ནོར་བུ་རྒྱལ་པོ་རྣམ་ཐོས་སྲས། །དབང་གི་ཕྲིན་ལས་རྫོགས་མཛད་ཛམ་ལྷ་དམར། རྡོ་རྗེ་ཁྲོ་རྒྱལ་ཨཱཪྱ་རེ་མནྟ། །ཁྲོ་རི་ཟིལ་ཁྲོམ་རྡོ་རྗེ་གཡུང་དྲུང་རྩལ། །དཀོར་བདག་ཆེན་མོ་རྒོད་ལྕམ་ཤེལ་རུ་སྨན། །དྲི་ཟའི་རྒྱལ་པོ་ཟུར་ཕུད་ལྔ་པ་དང་། གནས་བདག་ནོར་བུ་གཡུལ་རྒྱལ་མཐུ་རྩལ་ཅན། །གཏེར་སྲུང་དགེ་བསྙེན་ཆེན་པོ་སྨྱོན་ཁ་དང་། །དྲེགས་པའི་སྡེ་དཔོན་སུམ་ཅུ་རྩ་གཉིས་པོ། །རྒྱལ་བའི་བསྟན་སྲུང་དུར་ཁྲོད་ལྷ་མོ་མཆོག །ལས་གཤིན་ནག་པོ་དྲེགས་པ་ཡོངས་ཀྱི་གཙོ། །གཏེར་སྲུང་མཁའ་འགྲོ་ཆེན་མོ་སྤྱང་ཞོན་མ། །གཅོད་ཡུལ་བཀའ་སྲུང་ཟངས་རི་ཆེད་གཉིས་དང་། །གཏེར་སྲུང་ཀླུ་མོ་ཆེན་མོ་གཟི་འབར་མ། །མཐུ་ཆེན་རྨ་རྒྱལ་སྤོམ་ར་ལྷ་ཡི་སྲས། །སྨན་སྲུང་ལྷ་སྨན་རིག་འཛིན་དྲང་སྲོང་ཚོགས། །ཟབ་གཏེར་བསྟན་སྲུང་གནོད་སྤྱིན་ཁོལ་བོ་ཁ། གེ་སར་དགྲ་ལྷའི་རྒྱལ་པོར་འཁོར་དང་བཅས། །སྲིད་གསུམ་དབང་མཛད་རླང་རྟ་བསྐྱེད་པའི་ལྷ། །རང་རང་གཡོག་འཁོར་ལྷ་སྲིན་དྲེགས་པའི་ཆོགས། །སྔོན་ཚེ་ཐུགས་དམ་དབང་གི་གནས་འདིར་གཤེགས། །སྣང་བ་བདེ་ཡང་སྣོད་ལ་རིག་པ་ཡི། །།འཁྲུལ་སྣང་སྲིད་ཞེས་གཏོར་ལ་དངོས་གྲུབ་དཔལ། །འབྱུང་བའི་མ་བཞིན་སྣང་སྩལ་འགགས་མེད་རྣམས་། །ལེགས་འབུལ་དངོས་འབྱོར་ཤ་ཁྲག་གཟུགས་རབ་མཆོག །བཟའ་བཏུང་བཅུད་ལྡན་རབ་མཛེས་བྷ་ལིངྟ། །སྨན་དང་རཀྟ་ཕྱི་ནང་གསར་བ་ཡི། །རྨད་དུ་བྱུང་བའི་མཆོད་རྫས་ཅི་སྙེད་ཀུན། །སོ་སོའི་ཐུགས་ལ་ཇི་ལྟར་འདོད་པ་བཞིན། །དངོས་སུ་འབྱོར་དང་ཡིད་ཀྱིས་སྤྲུལ་པ་ཡིས། །དཔག་མེད་ནམ་མཁའི་ཁྱོན་རྣམས་ཡོངས་བཀང་སྟེ། །གུས་པས་སེམས་ཀྱིས་རབ་ཏུ་འབུལ་བ་འདིས། །སྡར་མཛད་ལས་ཀྱི་༥༨་གཏང་རག་གཉན་པོ་དང་། །ད་བཅོལ་ལེགས་པའི་ལས་ཀྱི་གསལ་འདེབས་སུ། །འབུལ་ཕྱིར་བཞེས་ལ་ཕྲིན་ལས་འགྲུབ་པར་མཛོད། །ཁྱད་པར་བདག་ཅག་དཔོན་སློབ་འཁོར་བཅས་ཀྱི། །ནད་གདོན་གནོད་པ་མ་ལུས་ཞི་བ་དང་། །ཚེ་བསོད་རྒྱས་ཤིང་དོན་གཉིས་ལྷུན་གྱིས་གྲུབ། །སྲིད་གསུམ་དབང་དུ་འདུ་བའི་ཕྲིན་ལས་མཛོད། །སྤྱིར་ན་སངས་རྒྱས་བསྟན་པའི་སྤྱི་དགྲ་དང་། །དཀོན་མཆོག་སྐུ་དགྲ་རྣལ་འབྱོར་དགོས་དགྲ་རྣམས། །ད་ལྟ་ཉིད་དུ་སྒྲོལ་བའི་པྲིན་ལས་མཛོད། །གཞན་ཡང་ཡུལ་རིང་རྒྱལ་ཁམས་ཐམས་ཅད་དུ། །ནད་མཚོན་མུ་གེའི་བསྐལ་པར་རབ་ཞི་ནས། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །ལོ་ཕྱུགས་ལེགས་ཤིང་དཔལ་དང་འབྱོར་བས་ཕྱུག །ཅི་བསམ་དོན་རྣམ་རབ་ཏུ་གྲུབ་ནས་ཀྱང་། །ཕུན་ཚོགས་ཕན་བདེའི་དཔལ་ལ་སྤྱོད་པར་ཤོག །ཅེས་ཕུད་དང་གཏོར་མ་གཙང་སར་མཆོད། དེ་ནས་གཏང་རག་མཆོད་བསྟོད། ཨོཾ་ཤྲི་བཛྲ་་པཱ་ལ་ས་པཱ་རི་ལྦཱ་ར་ཨཱརྒྷཾ་སོགས་ནས། ཤབྟ་མ་ཧཱ་པཉྩ་ཨ་མྲྀ་ཏ་རཀྟ་བ་ལིང་ཏ་ཁཱ་ཧི༔ ཞེས་མཆོད་ཅིང་བསྟོད་པ་ནི། སྔོན་ཚེ་ཨོ་རྒྱན་ཆེན་པོའི་སྤྱན་སྔ་རུ། །ཚུལ་བཞིན་སྒྲུབ་པར་བྱེད་པའི་གང་ཟག་ལ། །མ་ཡི་བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་སྲུང་མ་རྣམས་ལ་ཕྱག་འཚལ་བསྟོད། །ཅེས་པས་བསྟོད་ཅིང་། ནོངས་པ་བཤགས་པ་ནི། མ་རྙེད་ཡོངས་སུ་མ་ཚངས་དང་། །གང་ཡོད་ནུས་པ་མ་མཆིས་པ། །འདིར་ནི་བགྱིས་པ་གང་ནོངས། །དེ་ཀུན་ཁྱོད་ཀྱིས་བཟོད་མཛད་རིག །ཞེས་དང་། ཨོཾ་བཛྲ་ས་ཏྭ་ས་མ་ཡ་སོགས་བརྗོོད་ཅིང་ནོངས་བ་བཤགས། རྟེན་ཡོད་རྟེན་བཞུགས་སྤྱི་ལྟར་བྱ་བ་ནི། འདིར་ནི་རྟེན་དང་ལྷན་གཅིག་ཏུ། །འཁོར་བ་སྲིད་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཨོཾ་སུ་པྲ་ཏི་ཥྭཱ་བཛྲ་ཡ་སྭཱ་ཧཱ། ཅེས་བརྟན་བཞུགས་དང་། རྟེན་མེད་ནི་བཛྲ་མུཿགཤེགས་གསོལ་བྱ། དེ་ནས་དགེ་བ་བསྔོ་བ་ནི། དགེ་བ་འདི་ཡིས་བདག་དང་སེམས་ཅན་ཀུན། །ཕྱི་ནང་ཉེར་ཚེའི་བར་ཆད་ཀུན་ཞི་ཞིང་། །ཚེ་བསོད་རྒྱས་ཤིང་ཉམས་རྟོགས་ཡེ་ཤེས་འབར། །མཐར་ཐུག་བླ་མེད་བྱང་ཆུབ་མཆོག་ཐོབ་ཤོག །བཀྲ་ཤིས་ནི། ཧཱུྃ། མི་ཤིགས་གཉུག་མ་དོན་གྱི་གཞལ་ཡས་ནས། །རྩ་བརྒྱུད་བླ་མ་རྣམས་གྱིས་བཀྲ་ཤིས་ཤོག །བདེ་ཆེན་འགྱུར་མེད་ཆོག་དབྱིངས་ཕོ་བྲང་ནས། །ཡི་དམ་ལྷ་ཚོགས་རྣམས་ཀྱིས་བཀྲ་ཤིས་ཤོག །གནས་ཡུལ་ཉེར་བཞིའི་དུར་ཁྲོད་ཆེན་པོ་ནས། །མ་སྲིད་མཁའ་འགྲོའི་ཚོགས་ཀྱིས་བཀྲ་ཤིས་ཤོག །དམ་ཉམས་དགྲ་བགེགས་འདུལ་བའི་ཕོ་བྲང་ནས། །དམ་ཅན་ཆོས་སྐྱོང་རྣམས་ཀྱིས་བཀྲ་ཤིས་ཤོག །ཅེས་མེ་ཏོག་འཐོར་ཞིང་རོལ་མོའི་སྒྲ་བསྒྲགས་སོ། །ཅེས་པ་འདི་ནི་རྫོགས་ཆེན་བཞི་བ་ཨོ་རྒྱན་ཆེ་མཆོག་དཔལ་གྱི་རྡོ་རྗེས་མཛད་པའི་དམ་ཅན་སྤྱི་ལ་གཏོར་མ་འབུལ་ཐབས་འདོད་པའི་རེ་སྐོང་ནི་བདག་འདྲ་བླུན་རྨོངས་ལས་དང་པོ་བ་རྣམས་ལ་ཚིག་ཅུང་ཟད་བསྡུ་ཆེ་བ་ལྟ་བུའི་དབང་གིས་དོན་གསལ་ཐེབས་པ་དཀའ་བའི་རྡོ་རྗེའི་ཚིག་དེ་ཉིད་ལ་གཞི་བྱས་ཏེ། སྨིན་ཀླིང་དམ་ཅན་སྤྱི་གཏོར་གྱི་འགོས་ལྟར་ཅུད་ཟད་རྒྱས་ཤིད་སྤྲོས་བདོན་གཉིས་མྱུར་འགྲུབ་ཞེས་བྱ་བ་འདི་ནི། རང་ལོ་བཅོ་བརྒྱད་ཀྱི་སྟིང་དུ་པདྨ་ཐེག་མཆོག་བསྟན་འཛིན་གྱིས་རྫོང་གསར་བཀྲ་ཤིས་ལྷ་རྩེ་ནས་བྲིས་བ་འདིས་ཀྱང་། རྣལ་འབྱོར་རིག་པ་འཛིན་པ་རྣམས་ཀྱིས་གནས་སྐབས་སུ་བར་ཆད་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཞིང་། རིམ་གཉིས་ཀྱི་ལམ་ལ་བརྟན་ནས། མཐར་ཐུགས་རྫོགས་པའི་སངས་རྒྱས་གྱི་གོ་འཕང་རིན་པོ་ཆེ་རིང་པོར་མི་ཐོག་པར་མྱུར་དུ་ཐོབ་བའི་རྒྱུར་གྱུར་ཅིག །དགེའོ། ། སྔགས་བདག་འབར་མའི་ཐུགས་ཐིག་ལས་ལས་བྱང་གནམ་ལྕགས་རལ་གྲི།༄༅། སྔགས་བདག་འབར་མའི་ཐུགས་ཐིག་ལས། ལས་བྱང་གནམ་ལྕགས་རལ་གྲི་བཞུགས་སོ། ནྃ།༔ ༔ན།ནྱ།ཏབཏ།ན།༔ རྦོད་གཏོང་མ་མོའི་ལྷ་ལ་འདུདཿ གསང་བ་སྔགས་ཀྱི་རྣལ་འབྱོར་པས༔ དཔལ་ལྡན་ལྷ་མོ་ཆེན་མོ་ལ༔ མཆོད་བསྟོད་ཕྲིན་ལས་བཅོལ་འདོད་ན༔ དབང་བསྒྲུབ་ལས་སྦྱོར་རང་གཞུང་བཞིན༔ དཀྱིལ་འཁོར་བཅའ་གཞི་ལས་ལ་སྦྱོར༔ ཀུན་གྱི་ཁ་བསྐོང་ལས་གཞུང་བསྲངས༔ ཁྱད་པར་ཉ་སྟོང་དུས་ཆེན་དང་༔ ཡསར་ངོ་མར་ངོའི་ཚེས་བཅུ་སོགས༔ ལྷ་མོ་བརྟེན་ཅིང་མཆོད་འདོད་ན༔ བྷན་དྷར་བཤོས་བུ་ལྷ་གྲངས་བཤམས༔ ནལ་བུའི་ཤ་དང་ལིངྒ་དང་༔ ཤ་སྣ་ཁྲག་སྣ་མྲ་མེས་བརྒྱན༔ བ་སུ་ཏའི་ཞགས་པས་བསྐོར༔ འཚེ་དང་ཡུང་དཀར་ཕྱག་གཙང་གཟུགས༔ སྨྱུག་རྒོད་འམ་ནི་མདའ་མགུལ་དུ༔ ཙཀླིི་བཏགས་ཞིང་དང་གུར་ཕུབ༔ གཏོར་མར་བཙུགས་ཤིང་སྨན་རཀ་བཤམས༔ གྱེར་བསྒོམ་གསོལ་འདེབས་འདི་ལྟར་རོ༔ ས་མ་ཡཱ༔ རྒྱ་རྒྱ་རྒྱ༔ ཧཱུྃ་ཧཱུྃ་ཧཱུྃ༔ ཞེས་པའི་ཡིག་འབྲུ་གནས་གྱུར་པ་ལས་སྐད་ཅིག་གི་བདག་ཉིད་ཏི་ར་ཉི་ཟླ་པདྨ་བདུད་བཞིའི་སྟེང་དུ་དཔལ་ཆེན་པོ་ཡང་དག་ཧེ་རུ་ཀ་མཐིང་ནག་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུའི་ཕྱག་རྒྱས་ཡུམ་ལ་འཁྱུད་པ་ཞབས་བརྐྱང་བསྐུམ་འདོར་ཐབས་སུ་བསྒྲད་པ་ཞལ་གདངས་ཤིང་ལྗགས་འདྲིལ་བ་སྤྱན་གསུམ་ཁྲག་མཚོ་ལྟར་ཁོལ་ཞིང་། སྨ་ར་དང་ཁ་སྤུ་ལས་མེ་འབར་བ་དབུ་སྐྲ་ཁམ་སེར་གྱེན་དུ་འབར་ཞིང་མཐུར་དུ་གཏིབ་པ་ལ༔ ཐོད་ཕྲེང་དང་རྩེ་བྲན་གསོལ་ཞིང་མི་བསྐྱོད་པ་སྔོན་པོའི་དབུར་བརྒྱན་པ༔ དུར་ཁྲོད་ཀྱི་ཆས་བརྒྱད་ཀྱིས་བརྒྱད་ཅིང་མེ་རབ་ཏུ་འབར་བའི་ཀློང་དུ་བཞུགས་པའི་སྐུལ་ལུས་དང་གྲིབ་མའི་ཚུལ་ལྟར་ཡུམ་ཆེན་མོ་བཛྲ་ཀྲོ་ཏི་མ་མཐིང་སྐྱ་གྲི་ཐོད་ཀྱི་ཕྱག་རྒྱ་དག་ཁྲོ་མོའི་ཆས་རྣམས་ཀྱིས་བརྒྱན་ཅིང་ཡབ་ལ་འཁྲིལ་བ་ཡབ་ཡུམ་གཉིས་ཀ་གར་དགུའི་ཉམས་དང་ལྡན་པར་བསྒོམ༔ འོག་མིན་གྱི་ཞིང་ཁམས་ཡང་དག་རོལ་པའི་དུར་ཁྲོད་ནས་དཔལ་ཆེན་པོ་ཧེ་རུ་ཀ་སྐུ་འཁོར་དང་བཅས་པ་བཛྲ་ས་མ་ཡཱ་ཛ༔ བཛྲ་ས་མ་ཡཱ་ཏིཥྛ་ལྷན༔ ཨ་ཏི་པུ་ཧོ༔ ཨ་ལ་ལ་ཧོ༔ བཛྲ་པུཥྤེ་དྷུཔྤེ་སོགས། ཤབྟ་ཨ་མྲྀ་ཏཿ རཀྟ་བྷ་ལིང་ཏ་པུཙྪ་ས་མ་ཡཱ་ཁཱ་ཧི་ཁཱ་ཧིཿ ཧཱུྃ༔ ཆོས་ཀྱིས་དབྱིངས་ལས་མ་གཡོས་ཀྱང་ཿ ཚར་གཅོད་རྗེས་འཛིན་ཧེ་རུ་ཀ༔ སྟོབས་བཅུའི་དབང་བསྒྱུར་ཡབ་ཡུམ་ཆེ༔ རྡོ་རྗེ་ཁྲག་འཐུང་སྐུ་ལ་བསྟོདཿ ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཕྱག་མཚན་གྱི་ལྟེ་བར་ཧཱུྃ་མཐིང་ནག་གི་མཐར་སྔགས་ཕྲེང་འཁོར་བའི་སྟོབས་བཅུའི་དབང་དང་ལྡན་པར་གྱུར༔ ཨོཾ་བཛྲ་ཤྲི་ཧེ་རུ་ཀ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཅི་ནུས་བཟླ་ཞིང་ཏིང་འཛིན་རབ་ཏུ་གསལ་བར་བསྐྱེད༔ དེ་ནས་སྒྲུབ་གཏོར་སྔ་མོར་བསྐྱིད༔ མཆོད་གཏོར་དགྲ་བགེགས་སུ་དམིགས་ཤིང་ཤ་ཁྲག་གི་རྒྱ་མཚོར་བྱིན་གྱིས་བརླབ་ནས། ལྷ་མོ་བསྐྱེད་ཅིང་འབད་དེ་མཆོད་ཕྲིན་ལས་འདི་ལྟར་བཅོལ༔ བདག་ཉིད་དཔལ་ཆེན་པོ་གསལ་བའི་མདུན་དུ་ཨེ་གྲུ་གསུམ་དམར་ནག་ཏུ་འབར་བའི་ཀློག་དུ་ཁྲག་ཞགས་གི་རྒྱ་མཚོ་ཆེན་པོ་རབ་ཏུ་ཁོལ་ཤིང་འཁྱམས་པའི་དབུས་སུ་ཐོད་པ་སྐམ་རློན་གྱི་སྐུ་མཁར་ཟུར་གསུམ་པ་ནང་གནམ་ལྕགས་ལས་གྲུབ་ཅིང་བསྐལ་པའི་མེ་ཆེན་འབར་བ་དུག་རླང་ཁམ་ནག་ཏུ་འཚུབས་ཤིང་མི་རོ་ཏ་རོ་འབུམ་ཁྲི་བརྡལ་བ༔ སྟེང་གི་བར་སྣང་ལ་གནམ་ལྕགས་ཀྱི་ཐོག་སེར་འབེབས་ཤིང་འབྲུག་སྟོང་ལྡིར་ཏེ་གློག་སྟོང་འཁྱུག་པའི་དབུས་སུ་ཉི་དཀྱིལ་ཏི་རའི་སྟེང་དུ་ཏྲིཿལས་སྐྱེས་པའི་བོང་བུ་དམར་ག་དྲག་རྩལ་མྱུར་མགྱོགས་དང་ལྡན་པའི་རྒྱབ་ཏུ་གཡང་གཞི་དང་མི་མགོའི་སྒ་སྟན་ལ་མཆོང་སྦྲུལ་དང་རྒྱུ་མས་གོང་སྨེད་བྱས་ཤིང་༔ མགོ་བོ་དང་སྙིང་གི་ཐོག་དམ་འཕྱང་བ་གཡུ་མཐུར་དང་གསེར་སྲབ་ལ་མིག་འབྲེས་ཀྱི་ཕྲས་བརྒྱན་ཅིང་༔ གསེར་གྱི་གཡོན་ཁ་མང་དུ་འཁྲོལ་བ་རྣ་བར་དར་གྱི་འཕུར་ལྕེས་བརྒྱན་པར་བསྐྱེདཿ དེ་ཡི་སྟེང་དུ་རང་གི་ཐུགས་ཀའི་ས་བོན་ལས་ཡི་གེ་མ་མཐིང་ནག་གཅིག་འཕྲོས་པ་ལས་དཔལ་ལྡན་ལྷ་མོ་ཆེན་མོ་སྐུ་མཐིང་ནག་ཞལ་གཅིག་ཕྱག་གཉིས་པ་སྤྱན་གསུམ་རབ་ཏུ་བསྒྲད་ཅིང་ཞལ་གདོངས་ཤིང་༔ ལྗག་འདྲིལ་བ་མཆེ་བ་རབ་ཏུ་གཙིགས་ཤིང་རལ་བ་ཁམ་ནག་གྱེན་མཐུར་དུ་གཏིབ་པ་ལ་གསེར་གཡུ་མུ་ཏིག་གི་ཆུན་པོ་དང་ཐོད་པས་བརྒྱན་པ༔ གཡས་པས་ཁ་ཊྭཱྃ་དང་བ་དན་ནག་པོ་ནམ་མཁའ་ལ་ཕྱར་བ༔ གཡོན་པས་ནད་ཀྱི་རྐྱལ་པ་བསྣམས་པ་སྐུ་སྟོད་ལ་ཞིང་ལྤགས་དང་དར་ནག་གསོལ་བ༔ སྐུ་སྨད་ལ་སྟག་ལྤགས་དང་མི་རྩིབ་ཀྱི་རེ་ལྡེ་མིག་མང་རིས་སུ་དཀྲིས་པ་སྤྱི་བོར་རྨྱ་བྱའི་སྒྲོ་ཕུག་གཙུག་པ་སྙན་གཡས་ན་སེང་གེ་འཕྲོ་ཞིང་གཡོན་ནས་སྦྲུལ་ནག་གདེངས་པ༔ ཐོད་པ་སྐམ་རློན་དང་སྦྲུལ་གྱི་དོ་ཤལ་བྱས་པ༔ སྤྱི་བོའི་གཙུག་ནས་ཟླ་བ་རྒྱས་པ༔ ལྟེ་བའི་དཀྱིལ་ནས་ཉི་མ་འཆར་བ༔ ཞབས་གཉིས་ཕྱེད་སྐྱིལ་གྱི་ཆིབས་ལ་རོལ་པ་ནད་མཚོན་དུག་རླངས་ཀྱི་ཆར་པ་འཕྲོ་ཞིང་ལྟར་མི་བཟོད་པའི་སྐུར་གསལ་བའི་འཁོར་དུ༔ བ་ལམ་དྲེལ་སྣ་མ༔ སྟག་མན་གཟེར་འདེབས་མ༔ ཁྲི་སྨན་སི་ཡི་མ༔ རྡོ་རྗེ་བ་ལམ་མ༔ ཚངས་པ་དུང་གི་ཐོར་གཙུག༔ གཤིན་རྗེ་བྷེ་བ་ས་ཏྭ༔ བདུད་པོ་བྱེ་བ་གུང་རིང་ལ་སོགས་པ་འཆི་བདག་དྲེགས་པ་ཆེན་པོ་བདུན་དང་ཡེ་ཤེས་དང་འཇིག་རྟེན་གྱི་མ་མོ་མཁའ་འགྲོ་བྱེ་བ་འབུམ་གྱི་ཚོགས་ཀྱིས་བསྐོར་བ་བསྐྱེད་པའི་གནས་གསུམ་ལས་འོད་ཟེར་འཕྲོས་པས༔ རྒྱ་མཚོ་ཆེན་པོའི་ཕ་རོལ༔ བྱང་ཤར་མཚམས་ཀྱི་དུར་ཁྲོད་ཡོངས་འདུ་ཤིང་གི་རྩ་བ༔ མེ་རུ་རྩིའི་སྒོ་དྲུང་མུ་ལེ་མཐིང་མཚོའི་གཏིང་རུམ་མཐིང་ཤུམ་སྔོན་པོའི་གུར་ཁང་༔ ཐོད་མཁར་འབར་བའི་ཕོ་བྲང་སོགས་ནས་དཔལ་ལྡན་སྔགས་ཀྱི་བསྲུང་མ་ཆེན་མོ་སྐུ་འཁོར་དང་བཅས་པ་བསྐྱེད་པའི་གནས་འདིར་བཛྲ་ས་མ་ཡཱ་ཛ་ཛ༔ རོལ་མོ་རྣམས་འཁྲོལ་ཞིང་གསུར་ཆེན་གྱི་དུད་པ་གཏོར༔ མི་རྐང་གི་གླིང་བུ་འབུད་དར་ནག་གི་གཡབ་འདོར་ནས་གདུང་བའི་ཡིད་ཀྱིས་སྤྱན་འདྲེན་པ་ནི་འདི་སྐད་དོ༔ ཧཱུྃ་བྷྱོ༔ ཕྱོགས་ནི་ཉི་མ་བྱང་ཤར་མཚམས༔ ཡུལ་ནི་རྒྱ་མཚོའི་ཕ་རོལ་ན་༔ མ་མོ་མཁའ་འགྲོ་འདུ་བའི་གནས༔ ལས་བྱེད་མཁའ་འགྲོའི་དུར་ཁྲོད་ནས༔ མུ་ལེ་མཐིང་མཚོའིགུར་ཁང་ནས༔ ཡོངས་འདུ་ཤིང་ཆེན་ལོ་འདབས་རྒྱས༔ ཐོད་མཁར་འབར་བའི་གཞལ་ཡས་ནས༔ དཔལ་ལྡན་ལྷ་མོ་ཆེན་མོ་ལ༔ དྲེགས་པ་བདུན་དང་ནག་མོ་འབུམ༔ མ་མོ་བྱེ་བའི་འཁོར་གྱིས་བསྐོར༔ མ་ཐོག་མྱུར་དུ་ད་ཚུར་བྱོན༔ ཞལ་བཞེས་དགོངས་ལ་གནས་འདིར་བྱོན༔ དམ་བཅས་དགོངས་ལ་ཕྲིན་ལས་སྒྲུབས༔ བུ་ཡི་སྒྲུབ་པའི་གནས་མཆོག་འདིར༔ མ་ལ་གདུང་བས་བོས་པའི་ཚེ༔ དམ་ལ་འདུས་ཤིག་དཔལ་ལྡན་མ༔ ཆད་ལ་བྱོན་ཅིག་རེ་མ་ཏི༔ གནས་འདིར་སྤྱན་འདྲེན་གཤེགས་སུ་གསོལ༔ དྲེགས་པའི་འཁོར་ཚོགས་གཤེགས༴ ནག་མོ་འབུམ་སྡེ༴ བཀའ་ཉན་བྲན་གཡོག༴ རླུང་ནག་འཚུབ་མ་འུ་རུ་རུ༔ བསྐལ་བའི་མེ་འབར་ལྷབས་སེ་ལྷབ༔ ནད་ཀྱི་རླང་པ་ཐིབས་སེ་ཐིབ༔ ཚོན་གྱི་གྲུ་གུ་ཧྲི་ལི་ལི༔ དུག་རླང་མང་པོ་ཕྱུ་རུ་རུ༔ ཐུན་གྱི་སེར་བ་ཤ་ར་ར༔ མཚོན་གྱི་ཐོག་མདའ་ཆེམས་སེ་ཆེམ༔ དྲག་ཏུ་སྐྱོང་ལ་ལས་མཛོད་ཅིག༔ དགྲ་རྣམས་སྒྲོལ་ཕྱིར་གཤེགས་སུ་གསོལ༔ བགེགས་རྣམས་འདུལ་ཕྱིར་གཤེགས་ས་གསོལ༔ ནད་རྣམས་བཟློག་ཕྱིར་༴ བར་ཆད་སེལ་ཕྱིར་༴ རྐྱེན་རྣམས་བསྒྱུར་ཕྱིར་༴ ནག་མོ་ཏི་ལམ་མ་མ་དུན་བྷྱོ༔ བྷྱོ་རེ་མ་ཏི་བཛྲ་ས་མ་ཡཱ་ཛ་ཛ༔ བཞུགས་སུ་གསོལ་བ་ནི༔ ཧཱུྃ་བྷྱོ་ སྒྲུབ་པའི་གནས་མཆོག་ཆེན་པོ་འདིར༔ བསྐྱེད་པའི་ལྷ་མོ་དཔལ་ལྷ་མོ༔ མ་ལུས་འཁོར་དང་བཅས་པ་རྣམས༔ དངོས་གྲུབ་སྩོལ་ཕྱིར་བཞུགས་སུ་གསོལ༔ ནག་མོ་ཏི་ལམ་མ་མ་དུན་བྷྱོ༔ ས་མ་ཡཱ་ཏིཥྛ་ལྷན༔ ཕྱག་འཚལ་བ་ནི༔ ཧཱུྃ་བྷྱོ༔ ཆོས་ཀྱི་དབྱིངས་ལས་མ་གཡོས་ཀྱང་༔ བླ་མེད་བསྟན་པ་བསྲུང་བའི་ཕྱིར༔ ཁྲག་འཐུང་བཛྲ་དྷཀྐི་མ༔ འཁོར་དང་བཅས་ལ་ཕྱག་འཚལ་ལོ༔ ནག་མོ་ཏི་ལམ་མ་མ་དུན་བྷྱོ༔ བྷྱོ་རེ་མ་ཏི་བཛྲ་ན་མོ་པུཙྪ་ཨ་ལ་ལ་ཧེ་ཧོ་ཧཱུྃ༔ མཆོད་པ་འབུལ་བ་ནི༔ ཧཱུྃ་བྷྱོ༔ དཔལ་ལྡན་ལྷ་མོ་འཁོར་བཅས་ལ༔ ཆུ་སྣ་སྟོང་གི་ཡོན་ཆབ་འབུལ༔ འབྲུ་སྣ་སྟོང་གི་མེ་ཏོག་འབུལ༔ ཤིང་སྣ་སྟོང་གི་དུད་སྤྲིན་འབུལ༔ ཉི་ཟླ་སྟོང་གི་མར་མེ༴ དྲི་བཟང་སྟོང་གི་བྱུག་པ་འབུལ༔ བཅུད་ལྡན་སྟོང་གི་ཞལ་ཟས༴ སྒྲ་སྙན་སྟོང་གི་རོལ་མོ༴ ཧཱུྃ་བྷྱོ༔ དཔལ་ལྡན་ལྷམོ༴ དབང་པོ་ལྔ་ཡི་པུཥྤེས༴ ཞུན་ཆེན་གསུར་གྱི་དྷུདྤེས་མཆོད༔ ཚིལ་ཆེན་སྣང་གསལ་ཨ་ལོས༴ རྡོ་རྗེ་དྲི་ཆུའི་གྷནྡྷེས༴ བདུད་རྩི་དྲི་ཆེན་ནཻ་ཝི་ཏེས༴ རྐང་གླིང་ཐོད་པའི་ཤབྟས་མཆོད༔ ཧཱུྃ་བྷྱོ༔ དཔལ་ལྡན༴ རཀྟ་དམར་གྱི་ཨརྒྷྃས་མཆོད༔ བྷ་ལིང་རྒྱན་དང་ལྡན་པས༴ ཨམྲྀ་ཏ་ཡི་བཅུད་ཀྱིས༴ ཧཱུྃ་བྷྱོ༔ དཔལ་ལྡན་ལྷ་མོ༴ གཏི་མུག་ཤ་སྣ་སྟོང་གིིས༴ འདོད་ཅགས་ཁྲག་སྣ་སྟོང་གིས༴ ཞེ་སྡང་རུས་སྣ་སྟོང་གིས༴ ཕྲག་དོག་མཁྲིས་སྣ་སྟོང་༴ ང་རྒྱལ་ཀླད་སྣ་སྟོང་ཞིས༴ ཧཱུྃ་བྷྱོ༔ དཔལ་ལྡན༴ དཔྱིད་གསུམ་མཆོད་པ་འབུལ་བ་ནི༔ ག་བུར་གྲི་སྙིང་རཀྟ་དང་༔ འཚུབ་ནག་རླུང་གི་བསྡུས་པའི་རྫས་ཀྱིས་མཆོད༔ ཧཱུྃ་བྷྱོ༔ དཔལ་ལྡན་ལྷ་མོ༴ དབྱར་གསུམ་མཆོད་པ་འབུལ་བ་ནི༔ མདངས་ལྡན་མེ་ཏོག་འབྱུང་ཟད་ཁྲག༔ གསོན་ཁྲག་འཕྱོནམའི་མཚལ་ཐིིག་མཆོད༔ ཧཱུྃ་བྷྱོ༔ དཔལ་ལྡན་ལྷ་མོ༴ སྟོན་གསུམ་མཆོད་པ་འབུལ་བ་ནི༔ འབྲས་བཟང་གྲོ་ཏིལ་མོན་སྲན་དང་༔ ཤིང་ཐོག་སྣ་ཚོགས་འབྲུ་སྣས་མཆོད༔ ཧཱུྃ་བྷྱོ༔ དཔལ་ལྡན་ལྷ་མོ༴ དགུན་གསུམ་མཆོད་པ༴ བསད་པའི་ཤ་ཁྲག་མྱོས་བྱེད་ཆང་༔ མི་དབང་འབྲས་བུའི་ཤ་ཡིས་མཆོད༔ ཨོཾ་བཛྲ་མ་ཧཱ་ཀ་ལི་དྷཀྐི་རེ་མ་ཏི་སརྦ་ས་མ་ཡ་སརྦ་པུཙྪ་ཁ་ཁ་ཁཱ་ཧི་ཁཱ་ཧི༔ བསྟོད་པ་ནི༔ ཧཱུྃ་བྷྱོ༔ ཁམས་གསུམ་དབང་བསྒྱུར་དཔལ་ལྡན་མོ༔ སྲིད་གསུམ་ཟིལ་གནོན་རལ་གཅིག་མ༔ མ་བདུན་ཆེན་མོ་རེ་མ་ཏི༔ མཁའ་འགྲོའི་གཙོ་ལ་ཕྱག་འཚལ་སྟོད༔ འདོད་ཁམས་ལྷ་དབང་དགྱེས་སྡེ་མོ༔ ནཱ་ག་རཀྴ་ཀླུ་ཡི་ལྕམ༔ བདུད་མོ་ནག་མོ་ཕྱག་གཉེན་མོ༔ སྔགས་ཀྱི་བསྲུང་མར་ཕྱག་འཚལབསྟོད༔ མ་མོ་མཁའ་འགྲོའི་ལས་མཁན་མོ༔ བསྟན་པ་ཀུན་གྱི་ཡང་རྗེ་མོ༔ དུར་ཁྲོད་དྷཀྐིའི་གཙོ་མོ་སྟེ༔ ཤ་ཟ་ཀ་ལིར་ཕྱག་འཚལ་བསྟོད༔ འཆི་བདག་ལས་བྱེད་དྲེགས་པར་བདུན༔ སོ་སོའི་བྲན་གཡོག་བཀའ་ཉན་དང་༔ ནག་མོ་འབུམ་སྡེ་བྱེ་བའི་ཚོགས༔ འཁོར་དང་བཅས་ལ་བསྟོད་པར་བགྱི༔ ཨོཾ་བཛྲ་དྷཀྐཱི་མ་ཧཱ་ཀ་ལི་རི་མ་ཏི་ཧཱུྃ་བྷྱོ་ཧཱུྃ་ཕཊ༔ ཅེས་བཟླས་པ་ལ་འབུངས༔ དགེའོ།། སྔགས་བདག་འབར་མའི་ཐུགས་ཐིག་ལས༔ བཀའ་བསྲུང་མའི་མཆོད་ཐབས་བཞུགས་སོ། །རྦོད་གཏོང་མ་མོའི་ཚོགས་ལ་འདུད༔ དམར་གྱི་གཏོར་མ་ཤ་ཁྲག་བརྒྱན༔ རང་ཉིད་ལྷར་གསལ་འདི་སྐད་དོ༔ ཧཱུྃ་བྷྱོ༔ མ་མོ་ཆེན་མོ་སྔགས་ཀྱི་བསྲུང་མ་ནི༔ ནམ་མཁའ་ཡང་པའི་ཁམས་ལ་དབང་བསྒྱུར་ཞིང་༔ སྲིད་པ་གསུམ་གྱི་སྲོགས་གི་བདག་མོ་བྱེད༔ ཟས་སུ་ཤ་ཟ་སྐོམ་དུ་ཁྲག་ལ་འཐུང་༔ ལས་སུ་གསོད་དང་གཅོད་པའི་ཕྲིན་ལས་བསྒྱུར༔ ཁྲག་འཐུང་ལས་ཀྱི་མ་མོ་མཐུ་མོ་ཆེ༔ གཡར་དམ་དགོངས་ལ་འབོད་པའི་གནས་འདིར་བྱོན༔ ཞིང་བཅུ་ཚངས་པའི་ཤ་ཁྲག་བྷ་ལིང་ཏ༔ མཆོད་པ་འབུལ་ལོ་དགྱེས་པར་འདི་བཞེས་ལ༔ སྔོན་ཚེ་རྒྱལ་བ་རྣམས་ཀྱི་སྤྱན་སྔ་རུ༔ ཁས་བླང་དམ་བཅས་བཞིན་དུ་ཕྲིན་ལས་མཛོད༔ འཛམ་གླིངརྒྱལ་ཁམས་འགྲོ་ལ་བདེ་སྐྱིད་སྤེལ༔ བཤད་སྒྲུབ་སྡེ་སྐྱོང་ཐོས་བསམས་ཉམས་རྟོགས་བསྐྱེད༔ ལྷ་མོ་དམར་མོ་སྣ་ཚོགས་སྤྲུལ་པ་འགྱེད༔ གཡས་པས་ཙིཏྟ་གཡོན་པས་བམ་རོ་འདྲེད༔ འཇིགས་གཟུགས་ལྡན་པའི་མ་ཁྱོད་དགྲ་བོ་སྒྲོལ༔ སྒྲུབ་ལ་རྟགས་མེད་ལས་ལ་མཐུ་མེད་ན༔ བསྲུང་མ་ཁྱོད་ཀྱང་དམ་ལ་མི་འགལ་ལམ༔ སྐུ་ཡི་ཤུགས་ཕྱུང་ནུས་པའི་བརྩལ་བསྐྱེད་ལ༔ མཐུ་སྟོབས་དྲག་པོའི་དམ་ཉམས་དགྲ་བགེགས་སྒྲོལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ ཅེས་གཏོར་མ་འབུལ་ཞིང་བསྲུང་མ་མཆོད༔ བཅོལ་བའི་ལས་བྱེད་འཁོར་དང་བསྟན་པ་སྐྱོངས༔ དེ་ཡི་ཕྱིར་ན་གཅེས་པར་སྙིང་ལ་མཆོད༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ ས་མ་ཡཱ༔ རིག་འཛིན་ཆེན་པོ་ཉི་མ་གྲགས་པས་གཏེར་ནས་སྤྱན་དྲངས་པའོ༔ མངྒ་ལཾ༔ དགོངས་སུ་གསོལ་ལོ་མ་་་འབྲུ་སྣ་གཏོང་གསུར་ཆེན་གྱི་དུད་སྤྲིན་གཏོང་༔ རོལ་མོ་འབིར་ཞིང་གཉེར་གཏད་པ་ནི༔ ཧཱུྃ་བྷྱོ༔ དགོངས་སུ་གསོལ་ལོ་མ་ཆེན་མོ༔ གསན་དུ་གསོལ་ལོ་རེ་མ་ཏི༔ སྔོན་གྱི་བསྐལ་པ་དང་པོ་ལ༔ རི་རབ་ཆེན་པོའི་བྱང་ཕྱོགས་ན༔ ཡང་དག་དཔལ་ཆེན་ཧེ་རུ་ཀས༔ དམ་ལ་བཏགས་པའི་དབྱར་དམ་དགོངས༔ དབྱར་དམ་དགོངས་ལ་གཉེར་བྱང་ལོང་༔ དེ་འོག་བར་གྱི་བསྐལ་པ་ལ༔ རི་རབ་ཆེན་པོའི་བྱང་ཤར་མཚམས༔ ཡོངས་འདུ་ཤིང་གི་རྩ་བ་ན༔ གུ་རུ་རྡོ་རྗེ་ཐོད་ཕྲེང་གིས༔ དམ་ལ་བཏགས་པའི་ཐ་ཚིག་དགོངས༔ ཐ་ཚིག་དགོངས་ལ་གཉེར་བྱང་ལོང་༔ དེ་འོག་བསྐལ་པའི་ཐ་མ་ལ༔ ཡང་ལ་གོང་གི་བྲག་ཕུང་ཏུ༔ སློབ་དཔོན་དྷཱ་ན་སཾ་ཀྲི་ཏས༔ དམ་ལ་བཏགས་པའི་ཁས་ལེན་དགོངས༔ ཁས་ལེན་དགོངས་ལ་གཉེར་བྱང་ལོང་༔ ཧཱུྃ་བྷྱོ༔ མ་གཅིག་ཁྱོད་ལ་གཉེར་གཏད་པ༔ སངས་རྒྱས་བསྟན་པའི་བཞུགས་གཉེར་འདི༔ བསྟན་པ་འཛིན་པའི་སྐྱེས་བུ་རྣམས༔ ཁྱོད་ལ་གཉེར་གཏད་སྲུངས་ཤིག་སྐྱོབས༔ སྒྲུབ་པའི་རྟགས་སྟོན་བཀའ་སྐྱོངས་ཅིག༔ འཕགས་པའི་དགེ་འདུན་ཆོས་གྲཱ་རྣམས༔ ཁྱོད་ལ་གཉེར་གཏད་སྲུངས་ཤིག་སྐྱོབས༔ བཤད་སྒྲུབ་པྱོགས་བདུར་རྒྱས་པར་མཛོད༔ འཛམ་བུ་གླིང་གི་སྐྱེ་འགྲོ་རྣམས༔ ཁྱོད་ལ་གཉེར་གཏད་ལེགས་ཉེས་གཟིགས༔ སྡིག་ལྡན་སྒྲོལ་ལ་ཆོས་ལྡན་སྐྱོངས༔ རྣལ་འབྱོར་བདག་གི་དགོན་གཞིས་མཁར༔ ཁྱོད་ལ་གཉེར་གཏད་བདག་ཏུ་བཅོལ༔ ཀ་ཆ་དཀོར་བསྲུང་དཀོར་རྐུན་སྤྲོལ༔ རྣལ་འབྱོར་བདག་གི་རྟ་ཕྱུག་ནོར༔ ཁྱེད་ལ་གཉེར་གཏད་དགྱེས་བསྐང་བཞེས༔ ཇག་ཆོམ་སྒྲིབ་ལ་གཅན་སྦྱང་སྲུད༔ རྣལ་འབྱོར་བདག་གི་འཁོར་སློབ་བྲན༔ ཁྱོད་ལ་གཉེར་གཏད་སྲུང་སྐྱོབ་མཛོད༔ དམ་ལྡན་སྐྱོང་ལ་དམ་མེད་སྒྲོལ༔ ཧཱུྃ་བྷྱོཿ དཔལ་ལྡན་ལྷ་མོ་དུད་སོལ་མ༔ བདག་ཅག་རྣལ་འབྱོར་བསྒྲུབ་པ་པོས༔ རྗེ་ལྟར་བསྟེན་ནོ་དབང་མ་ཆེ༔ མ་ལྟར་བསྟེན་ནོ་སྙིང་མ་རེད༔ སྲིང་ལྟར་བསྟེན་ནོ་ཚུལ་མ་ཞན༔ ཆུང་མར་བྱས་སོ་མཚུངས་མ་ཞན༔ ཕོ་ཉར་བཏང་ངོ་བར་མ་བུལ༔ ཤན་པར་བསྐོས་སོ་དགྲ་མ་ཤོར༔ བསྲུང་མར་བྱས་སོ་བགེགས་མ་གཏོད༔ པོས་པའི་ཚེ་ན་སྙན་མ་སྲ༔ གཡབ་པའི་ཚེ་ན་སྤྱན་མ་རྡུལ༔ བསྐུལ་བའི་ཚེ་ན་རང་མ་རིང༔ རྦད་པའི་ཚེ་ན་ལས་མ་འགྱང་༔ མངག་པའི་ཚེ་ན་བང་མ་བུལ༔ དམར་ཆེན་ཨརྒྷཾ་འདི་བཞེས་ལ༔ དགྲ་བགེགས་ཟློག་ལ་བར་ཆད་བསྒྱུར༔ དེངས་ནས་བྱང་ཆུབ་མ་ཐོབ་བར༔ བདག་གི་མགོན་སྐྱོབས་སྡོང་གྲོགས་མཛོད༔ མཆོད་པ་ཡིན་ནོ་ངོ་མ་ཆུང་༔ བརྟན་པ་ཡིན་ནོ་རྒྱང་མ་རིང་༔ སྒྲུབ་པ་ཡིན་ནོ་ཕྲག་མ་དོག༔ ལུས་དང་གྲིབ་མའི་ཚུལ་དུ་འགྲོགས༔ བསྡུ་བ་རྣམ་བཞི་དབང་དུ་བསྡུས༔ དཔལ་འབྱོར་ཚེ་བསོད་ཉམས་རྟོགས་སྤེལ༔ བཅོམ་པའི་ཕྲིན་ལས་འགྲུབ་པར་མཛོད༔ ཅེས་བརྗོད་ཕུད་མཆོད་གསོལ་མཆོད་འབུལ༔ ས་མ་ཡཱ༔ རྒྱ་རྒྱ་རྒྱ༔ མན་ངག་བཀའི་ཐ་རམ་མཁའ་འགྲོའི་སྙིང་ཁྲག་དངས་མ་ཨོ་རྒྱན་བདག་གི་སྙིང་ཐིག་དམ་པ་འདི་བཞིན་དམ་ལྡན་རྣམས་ཀྱིས་བརྩོན་པར་བྱའོ༔ དམ་མེད་ལ་གསང་ངོ༔ འདི་ལྟར་མཆོད་བསྟོད་བརྟེན་པས་ལུས་དང་གྲིབ་མ་ལྟར་འགྲོག་ཤིང་མགོན་སྐྱབས་དང་སྡོང་གྲོགས་བྱེད་པ་གདོན་མི་ཟའོ༔ དབྱར་དམ་ལ་རང་འགལ་ན་མས་བུ་ལ་འཁུ་ཞིང་བཟློག་ཏེ་རང་གཤེད་རང་ལ་དབབ་པར་འགྱུར་བ་ཡོངས་ངེས་ཤེས་པར་དམ་ཚིག་བསྲུང་ཞིང་མཆོད་བསྟོད་ལ་འབུང་བ་གལ་ཆེའོ༔ ས་མ་ཡཱ༔ ཨི་དན་ཏེ་རྒྱ༔ ན་ར་ཀན་རྒྱ༔ སོ་ཕ་ག་ཤིན་རྒྱ༔ བཀའ་རྒྱ༔ དམ་རྒྱ༔ གཉན་རྒྱ༔ གསང་རྒྱ༴ གཏད་རྒྱ༴ སྦས་རྒྱ༔ གཏད་རྒྱ༔ གཏེར་རྒྱ༔ ས་མ་ཡཱ༔ རྒྱ་རྒྱ་རྒྱ༔ ཐཐཾཨཐཾཁནདཱ༔ རིག་འཛིན་ཆེན་པོ་ཉི་མ་གྲགས་པས་འཕགས་ཡུལ་རྒྱ་གར་ནས་གདན་དྲངས་ཤིང་གནས་མཆོག་དམ་པ་ལོ་རོ་ཀར་པོ་དོན་ལྡན་དུ་དུས་ཀྱི་རྒྱལ་པོ་ཆོས་བཅུའི་ལྕོག་པུའི་ནང་དུ་ཤོག་སེར་ལས་བོད་ཡིག་ཏུ་བསྒྱུར་བའོ༔ མངྒ་ལཾ༔ བཀྲ་ཤིས༔ གནོད་སྦྱིན་ཙིའུ་དམར་པོའི་སྒྲུབ་ཐབས།༄༅། །གནོད་སྦྱིན་ཙིའུ་དམར་པོའི་སྒྲུབ་ཐབས་བཞུགས་སོ། ། གནོད་སྦྱིན་ཆེན་པོའི་གསོལ་ཀའི་སྒྲུབ་ཐབས་ནི། ཧྲཱིཿཔདྨ་ཙནྡྷ་མ་ཧཱ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊ༔ མཆོད་གཏོར་ལེགས་པར་བཤམས་ནས་བྱིན་གྱིས་རླབས་ཏེ། རོལ་པ་རྐྱ་བདུན་གྱི་ལས་བྱང་ནི༔ དྲེགས་པ་རང་རྒྱུད་པ་ཡིན་པས་བསྐྱེད་མི་དགོས༔ བདག་ཉིད་རྟ་མགྲིན་དབང་ཆེན་དུ་གསལ་བའི་ཐུགས་ཀའི་ཡི་གེ་ལས་འོད་ཟེར་དམར་པོ་ལྕགས་ཀྱུ་ལྟ་བུ་འཕྲོས་ཏེ་སོ་སོའི་གནས་ནས་སྤྱན་དྲངས་པ་ནི་སྤོས་དང་ཕྱེ་མར་བསྲེག་ཅིང་༔ དར་དམར་པོ་གཡབ་ལ་གདུང་བའི་ང་རོས་འབོད་པ་ནི༔ ཀྱཻ༔ ཕྱོགས་ཕྱོགས་དེ་ནི་ཕ་ཀི་ན༔ ཉི་མ་ནུབ་ཕྱོགས་ཕ་ཀི་ན༔ བཙན་ཡུལ་ཟངས་ཐང་དམར་པོ་ནས༔ པདྨ་དབང་གི་བཀའ་ཉན་པ༔ ཆེ་བཙན་རོལ་པ་རྐྱ་བདུན་ནི༔ ཕལ་ཆེར་སྐུ་མདོག་དམར་པོ་ལ༔ ཕྱག་ན་བ་དན་ཞགས་པ་བསྣམས༔ སྡེ་བརྒྱད་དྲེགས་པའི་ཚོགས་དང་བཅས༔ ཚུར་བྱོན་ཚུར་བྱོན་གནས་འདིར་བྱོན༔ ཤུ་ལ་ཏྲི་བཛྲ་ས་མ་ཡ་ཛ༔ བྷྱོ༔ བཙན་མཁར་དམར་པོའི་ནང་ཤེད་ན༔ ཤ་ཁྲག་ལོངས་སྤྱོད་བསམ་མི་ཁྱབ༔ ཡིད་འོང་སྤྱན་གཟིགས་ཀུན་ནས་མཛེས༔ དམ་ཚིག་གཙང་མའི་གདན་ལ་བཞུགས༔ ས་མ་ཡ་ཏིཥྛ་ལྷན༔ ཀྱཻ༔ སྐྱེས་བུ་རོལ་པ་མཆེད་བདུན་ནི༔ ཕྲིན་ལས་མཛད་པ་བསམ་མི་ཁྱབ༔ པདྨ་དབང་གི་བཀའ་ཉན་པ༔ དམ་ཚིག་གཉེར་གཏད་ཁྱོད་ལ་བསྟོད༔ གཙང་མའི་སྐུ་ཁྲུས་འདི་འབུལ་ལོ༔ བདག་དང་ཡོན་གྱི་བདག་པོ་ལ༔ ཐུགས་རྗེའི་དབང་གིས་ཉེ་བར་མཛོད༔ ཨཱརྒྷཾ་བི་ཤུདྡྷེ་སྭཱ་ཧཱ༔ གཙང་མའི་བདུག་སྤོས་སྤྲིན་ལྟར་གཏིབས༔ མེ་ཏོག་སྣང་གསལ་དྲི་ཆབ་དང་༔ ཞལ་ཟས་སྙན་པའི་རོལ་མོ་འབུལ༔ ཐུགས་རྗེའི་དབང་གི་ཉེ་བར་མཛོད༔ རཱུ་པ་དྷུ་པེ་པུཥྤེ་ཨ་ལོ་ཀེ་གནྡྷེ་ནཻ་ཝི་ཏེ་ཤཔྟ་པཱུ་ཙ་ཧོ༔ ཀྱཻ༔ སྐྱེས་བུ་སྲོག་གི་བདག་པོ་ནི༔ འཇིགས་བྱེད་རོལ་པ་སྡེ་བདུན་ཚོགས༔ ཁྱེད་ལ་དགྱེས་པའི་ལོངས་སྤྱོད་ནི༔ ཤ་ཁྲག་དམར་གཏོར་རི་ལྟར་སྤུངས༔ ཟག་མེད་བདུད་རྩི་མཚོ་ལྟར་བསྐྱིལ༔ རཀྟའི་ཡོན་ཆབ་རྫིང་བུར་གཏམས༔ སྤྱན་གཟིགས་ལོངས་སྤྱོད་སྐར་ལྟར་བཀྲམ༔ རྔ་གླིང་རོལ་མོ་འབྲུག་ལྟར་སྒྲོགས༔ གླུ་དབྱངས་སྙན་པའི་ཚོགས་དང་བས༔ དམ་ཅན་མཆེད་བདུན་ཐུགས་དམ་བསྐངས༔ བཙན་རྒོད་འབར་བའི་ཐུགས་དམ༴ སྡེ་བརྒྱད་སྡོང་ཟླའི་ཐུགས་དམ་བསྐངས༔ དཀོར་སྲུང་དམ་ཅན་ཐུགས་དམ༴ ལས་བྱེད་ཕོ་ཉའི་ཐུགས་དམ༴ ཧཱུྃ༔ བསེ་མཁར་དམར་པོ་ལྡེམས་སེ་ལྡེམས༔ དར་དམར་རུ་མཚོན་པུ་རུ་རུ༔ བ་དན་དམར་པོ་ཡེངས་སེ་ཡེང་༔ དྲེགས་པའི་མདའ་འཕེན་བྲེགས་སེ་བྲེང་༔ ལས་བྱེད་གཤན་པ་རོལ་ལོ་ལོ༔ བཤུགས་པའི་འབོད་སྒྲ་དི་རི་རི༔ ཆེ་བཙན་རྒྱལ་པོའི་ཐུགས་དམ་བསྐངས༔ སློབ་དཔོན་པདྨའི་སྤྱན་སྔ་རུ༔ ཐུགས་དམ་ཞལ་བཞེས་དེར་དགོངས་ལ༔ ཁྲོ་སྲོང་ལྡེའུ་བཙན་རྗེ་རིགས་དང་༔ རྣལ་འབྱོར་དམ་ལྡན་བརྒྱུད་པར་བཅས༔ དམ་ཚིག་གཅིག་ཏུ་སྐྱོང་བ་ལ༔ སྐུ་ལ་བདོ་བའི་རིགས་བརྒྱུད་ཆོད༔ ལོག་ལྟའི་སྡེ་དཔུང་ཆམ་ལ་ཕོབ༔ སྔགས་འཆང་རྡོ་རྗེའི་དམ་མ་དྲལ༔ བཅོལ་ལོ་གཉེར་རོ་མཐུ་རྩལ་བསྐྱེད༔ ཡལ་ཡོལ་བྲི་བཀོལ་མ་མཛད་པར༔ ངོ་སྲུང་ཟས་ཕྱིར་མ་འབྲེང་མཛོད༔ ཐུགས་དང་འགལ་བ་སྐང་གྱུར་ལ༔ བུ་སྡུག་ཚ་བོ་བཞིན་དུ་སྐྱོངས༔ ཞེས་ཕུད་གཙང་ཕྱོགས་བཅུར་གཏོར་ཞིང་གསོལ་ལོ༔ བྲག་བཙན་མཆེད་བདུན་གྱི་གསོལ་ཀ་ལས་བྱང་པདྨ་ཐོད་ཕྲེང་རྩལ་གྱིས་མཛད་པའི་རྗེའི་སྐུ་ལྷར་བསྔགས་པའོ༔ ས་མ་ཡ༔ རྒྱ་རྒྱ་རྒྱ༔ པདྨ་དབང་ཆེན་གྱི་བཀའ་སྲུངས་སོ༔ ཿདགེའོ། ། གསང་བློན་རྡོ་རྗེ་གྲགས་ལྡན་གྱི་ཕྲིན་ལས་ཆར་འབེབས།གསང་བློན་རྡོ་རྗེ་གྲགས་ལྡན་གྱི་ཕྲིན་ལས་ཆར་འབེབས་ཞེས་བྱ་བ་བཞུགས་སོ།། །གསང་བློན་རྡོ་རྗེ་གྲགས་ལྡན་ཕྲིན་བཅོལ་ནི། ཧཱུྃ་ཧྲཱིཿ རང་སྣང་རྣམ་དག་འོག་མིན་ཞིང་ཁམས་ན། །བཅོམ་ལྡན་དཔལ་ཆེན་པདྨ་ཧེ་རུ་ཀས། །མ་ཚོགས་དབང་ཕྱུགས་དམ་ཅན་རྒྱ་མཚོ་རྣམས། །རྟ་སྐད་ཐེངས་གསུམ་བསྒྲག་ནས་བཏུལ་བའི་ཚེ། །ཇི་ལྟར་ཞལ་བཞེས་དམ་ལས་མ་གཡེལ་ཞིག །བར་དུ་ཧས་པོ་རི་ཡི་ཡང་རྩེ་ནས། །སློབ་དཔོན་ཆེན་པོ་པདྨ་ཐོད་ཕྲེང་གིས། །དྲེགས་པ་༢སྡེ་བརྒྱད་ལྷ་སྲིན་ཚོགས་རྣམས་ཀྱང་། །རྡོ་རྗེའི་སྟང་སྟབས་གར་གྱི་ཕྱག་རྒྱ་ཡིས། །བཀའ་རྟགས་ཕྱག་རྒྱས་དམ་ལ་བཏགས་པའི་ཚེ། །ཁས་བླངས་ཞལ་བཞེས་དམ་ལས་མ་གཡེལ་ཞིག །ཐ་མ་རི་བོ་ཏ་ལའི་ཕོ་བྲང་དུ། །ཕྱག་ན་པདྨོ་འཇིག་རྟེན་དབང་ཕྱུག་ནི། །མི་ཡི་ཟོལ་འཛིན་ཐམས་ཅད་མཁྱེན་པ་ཉིད། །ཟ་ཧོར་ཡུལ་གྱི་སྔགས་འཆང་རིག་པ་འཛིན། །ངག་དབང་བློ་བཟང་རྒྱ་མཚོའི་སྤྱན་སྔ་རུ། །ཇི་ལྟར་ཞལ་བཞེས་དམ་ལས་མ་འདའ་ཞིག །ཕྱིས་སུ་ར་ས་འཁྲུལ་སྣང་ཞིང་ཁམས་སུ། །དབང་དྲག་རོལ་བའི་ཕོ་བྲང་ཆེན་པོ་ནས། །ནམ་གུང་སྲོད་ཀྱི་དུས་ལ་བབ་པའི་ཚེ། །ཐུབ་བསྟན་དྷ་རྨཱ་བཛྲའི་མིང་ཅན་ལ། །ཆོས་རྒྱལ་ཆེན་པོའི་རང་གཟུགས་དངོས་བསྟན་ཚེ། །ཇི་ལྟར་ཞལ་བཞེས་དམ་བཅས་དྲན་མཛོད་ཅིག །ད་ལྟ་བསྒྲུབ་པའི་རིག་འཛིན་བདག་ཅག་གིས། །ཕྲིན་ལས་རྣམ་བཞིའི་དངོས་གྲུབ་སྩོལ་བ་དང་། །ཚེ་འདིར་བསམ་པ་མཐའ་དག་བསྒྲུབ་པའི་ཕྱིར། །བརྟེན་ཅིང་བསྒྲུབ་པའི་སྲུང་མ་མཐུ་བོ་ཆེ། །རྟག་ཏུ་རྩེ་གཅིག་སྒྲུབ་བར་དམ་བཅའ་ན། །རྡོ་རྗེ་གྲགས་ལྡན་ཁྱོད་ལས་གཞན་མེད་ཕྱིར། །ད་ལྟ་གདུངས་བ་དྲག་པོའི་ཁྱོད་འབོད་ན། །ལྷ་མཆོག་ཁྱོད་ཀྱི་ཐུགས་རྗེའི་འོད་ཟེར་གྱིས། །ཉིན་མཚན་དུས་དྲུག་དུས་རྣམས་ཐམས་ཅད་དུ། །བརྩེ་བའི་མ་ཡིས་བུ་ལ་བྱམས་པ་བཞིན། །རྒྱལ་ཆེན་རྡོ་རྗེ་གྲགས་ལྡན་ཁྱོད་ཉིད་ལས། །བདག་ལ་རེ་ས་གཞན་ན་མ་མཆིས་པས། །དེ་ཕྱིར་ཁྱོད་ཀྱིས་དུས་རྣམས་ཐམས་ཅད་དུ། །སྡོང་གྲོགས་ཕྲིན་ལས་རྟག་ཏུ་མ་གཡེལ་ཞིག །མདོ་དང་སྔགས་ཀྱི་བསྟན་པ་རིན་པོ་ཆེ། །བཤད་དང་སྒྲུབ་པའི་བྱ་བ་རབ་འཕེལ་ཞིང་། །ཁྱད་པར་ཨ་ཏི་རྫོགས་པ་ཆེན་པོ་ཡི། །རིང་ལུགས་སྲིད་མཐའི་བར་དུ་འཕེལ་བ་དང་། །དེར་འཛིན་སྐྱེས་བུ་དགེ་འདུན་འདུས་པའི་སྡེ། །དབྱར་གྱི་མཚོ་ལྟར་རབ་ཏུ་རྒྱས་པ་དང་། །སྒྲུབ་པའི་རིག་འཛིན་རྣམ་འབྱོར་བདག་ཅག་རྣམས། །སྔོན་ལས་ངན་པའི་ལས་ཀྱིས་མནར་བ་དང་། །གློ་བུར་འཕྲལ་བྱུང་ངན་བའི་རྐྱེན་དབང་གིས། །འཇིགས་པ་ཆེན་པོ་བརྒྱད་དང་བཅུ་དྲུག་སོགས། །མདོར་ན་མི་མཐུན་ཚོགས་རྣམས་ཞི་བར་མཛོད། །ཚེ་བསོད་གཟི་བརྗིད་རིགས་རྒྱུད་ཕུན་སུམ་ཚོགས། །ཁ་རྗེ་དབང་ཐང་དཔལ་འབྱོར་སྟོབས་རྩལ་ལྡན། །སྙན་གྲགས་ནམ་མཁའི་འབྲུག་སྒྲ་ལྟ་བུར་སྒྲགས། འཁོར་དང་ལོངས་སྤྱོད་རབ་ཏུ་རྒྱས་པར་མཛོད། །སྲིད་པ་གསུམ་གྱི་བརྟན་གཡོའི་དྭངས་བཅུང་དང་། །ལྷ་འདྲེ་མི་གསུམ་ཟས་ནོར་ལོངས་སྤྱོད་རྣམས། །མཁོ་རྒུའི་འབྱོར་བ་རྒྱ་མཚོ་ཇི་སྙེད་ཀུན། །ཡིད་ལ་ཅི་བསམ་ལྷུན་གྱིས་འགྲུབ་པར་མཛོད། །ཕ་རོལ་གདུག་ཅིང་སྡང་བའི་དགྲ་དང་བགེགས། །སྔ་དགྲ་ལག་བརྡར་ཕྱི་དགྲར་ཡིད་ལ་སེམས། །ད་དགྲ་ཕོད་དུ་བཙུགས་བའི་དགྲ་བོ་རྣམས། །རྡུལ་ཕྲན་བཞིན་དུ་བརླག་བའི་ཕྲིན་ལས་མཛོད། །ཁྱད་པར་སྡེ་འཁྲུགས་སློང་བའི་དམ་ལོག་མཁན། །ཁ་འཇམ་སྙིང་རྩུབ་ལོག་སྤྱོད་ཚོགས་རྣམས་གྱིས། །ཕྲག་དོག་རླུང་དམར་འཚུབས་པའི་རྐྱེན་དབང་གིས། །མ་ཉེས་ཁ་ཡོག་མི་ཁ་གླིང་བརྗོད་དང། །དབྱེན་གཅུག་ཕྲ་མས་འགྱེད་བའི་ཚོགས་རྣམས་དང་། །བྱད་ཕུར་རྦོད་གཏོང་བཏང་བའི་བྱད་མ་མཁན། །མདོར་ན་བདག་ལ་སྡང་བའི་དགྲ་བགེགས་རྣམས། །མཐུ་སྟོབས་དབང་ཕྱུག་ཁྲོ་རྒྱལ་ཧེ་རུ་ཀ། །རྡོ་རྗེ་གྲགས་ལྡན་ཁྱོད་ཀྱི་ཟ་སྐལ་གྱིས། །གཞི་ལ་འདུག་ན་རྒྱབ་བརྟེན་ཁ་འཛིན་མཛོད། །བྱེས་སུ་ལམ་འཕྲང་ཆུ་ལས་སྒྲོལ་འདོན་མཛོད། །དགྲ་རྐུན་གཅན་སྤྱང་ལ་སོགས་འཇིགས་པ་ལས། །རྣམ་ཡང་འཚེ་བ་མེད་པའི་ཕྲིན་ལས་མཛོད། །བསག་ཅག་གཞི་བྱེས་ལམ་གསུམ་གར་གནས་ཀྱང། །གསེར་དངུལ་ལ་སོགས་རིན་པོ་ཆེ་ཡི་རིགས། །ཨ་ཝར་སྐྱུར་གསུམ་ལ་སོགས་སྨན་གྱི་རིགས། །དར་རས་ཕྱུག་སོགས་ཡོལ་བ་བླ་བྲེ་དང་། །ཁྲབ་རྨོག་མདའ་མདུང་གོ་དང་མཚོན་ཆའི་རིགས། །རྟ་ནོར་ལུག་སོགས་ཕྱུགས་ཀྱི་རིགས་རྣམས་དང་། །མདོང་ན་སྲིད་བ་གསུམ་གྱི་ལོངས་སྤྱོད་རྣམས། །མཁོ་རྒུའི་འབྱོར་བ་ཕུན་སུམ་ཚོགས་པའི་གཏེར། །ལྷ་ཆེན་འཕྲུལ་དགའི་ལོངས་སྤྱོད་ཇི་བཞིན་དུ། །ཡིད་ལ་ཅི་འདོད་དངོས་གྲུབ་སྩལ་དུ་གསོལ། །བདག་དང་མཁའ་མཉམ་སེམས་ཅན་ཐམས་ཅད་ཀུན། །རྫོགས་པའི་བྱང་ཆུབ་གོ་འཕོང་སྒྲུབ་པ་ལ། །འགལ་རྐྱེན་བར་ཆད་མཐའ་དག་ཞི་བ་དང་། །མཐུན་པའི་དོན་རྣམས་ལྷུན་གྱིས་གྲུབ་པར་མཛོད། །མདོར་ན་བྱང་ཆུབ་སྙིང་པོ་མ་ཐོབ་བར། །ལྷ་མཆོག་ཁྱོད་དང་རྟག་ཏུ་མི་འབྲལ་ཞིང་། །ཇི་ལྟར་བཅོལ་པའི་ཕྲིན་ལས་མ་ལུས་ཀུན། །འབད་མེད་ལྷུན་གྱིས་འགྲུབ་བར་མཛད་དུ་གསོལ། །ཅེས་རྡོ་རྗེ་གྲགས་ལྡན་གྱི་ཕྲིན་བཅོལ་འདི་ནི་ཡིག་ཐུབ་བསྟན་ནོར་བུ་ནས་ལྷ་རྫས་རབ་དཀར་བཅས་ཡང་ཡང་བསྐུལ་བ་ལ་བརྟེན་ཏེ་ས་མོ་ལུག་གི་ལོའི་ཟླ་བ་བཞི་བའི་ཚེས་གཅིག་ལ་རང་སྤྱིལ་བཀྲ་ཤེས་གྲུབ་པའི་དགའ་ཚལ་དུ་རྫོགས་སྤྲུལ་ལྔ་བ་ཐུབ་བསྟན་ཆོས་ཀྱི་རྡོ་རྗེས་རང་ལོ་ཞེ་བརྒྱད་སོན་དུས་སུ་བྲེས་སུ་བགྱིས་པ་དགེ་ལེགས་སུ་གྱུར་ཅིག།། སརྦ་མངྒ་ལཾ།། དགེའོ་།། གསང་གི་བློན་པོ་རྡོ་རྗེ་གྲགས་ལྡན་གྱི་གསོལ་མཆོད་འདོད་འབྱུང་ནོར་བུའི་ཕྲེང་བ།གསང་གི་བློན་པོ་རྡོ་རྗེ་གྲགས་ལྡན་གྱི་གསོལ་མཆོད་འདོད་འབྱུང་ནོར་བུའི་ཕྲེང་བ་ཞེས་བྱ་བ་བཞུགས་སོ།། ཨོཾ་སྭ་སྟི། །ཆོས་ཉིད་ཞི་ལས་མ་གཡོས་ཀྱང་། ལོག་པར་འདྲེན་པའི་དམ་སྲིའི་ཚོགས། མ་རུང་འདུལ་བའི་གཤེད་པོ་ཆེ། རྟ་མཆོག་དཔལ་ལ་ཕྱག་འཚལ་བསྟོད། དེ་ལ་འདིར་ལྷ་མཆོག་དགྲ་ལྷའི་རྒྱལ་པོ་རྡོ་རྗེ་གྲགས་ལྡན་འདི་ཉིད་ཀྱི་མཁོ་བའི་ཡོ་བྱད་རྣམ་འདུ་བྱས་ལ། རང་ཉིད་རྟ་མཆོག་རོལ་པའི་ང་རྒྱལ་དང་མ་བྲལ་བའི་ངང་ནས། །ཧྲཱིཿ དབང་ཆེན་པདྨ་ཧེ་རུ་ཀའི། བཀའ་ཡི་ལས་མཁན་མཐུ་བོ་ཆེ། མཐུ་ཆེན་དགྲ་ལྷ་ཡོངས་ཀྱི་གཙོ། གསུང་བློན་རྡོ་རྗེ་གྲགས་ལྡན་ནི། དུས་མཐའི་མེ་ཡི་ཕུང་པོ་འདྲ། འོད་ཟེར་ཉི་མ་འབུམ་གྱི་གཟི། མི་བཟད་གར་དགུའི་ཉམས་དང་ལྡན། ཛ༔བྷྱོ་རུ་ལུའི་གད་རྒྱང་ཅན། ཐུགས་ནི་སྙིང་རྗེའི་ཉམས་དང་ལྡན། སྒྲུབ་ལ་རྗེས་སུ་ཆགས་པ་དང་། སྡང་བའི་དགྲ་བོ་མཐའ་དག་ལ། མི་བཟད་ཁྲོ་གཏུམ་རྔམ་པའི་ཚུལ། དབང་དྲག་ཁྲོས་པའི་ཧེ་རུ་ཀ། བརྗིད་ལྡན་ཟ་འོག་དམར་ཁྲའི་བེར། རིན་ཆེན་རུས་པའི་རྒྱན་གྱིས་སྤྲས། བསེ་ཁྲབ་བསེ་རྨོག་རུ་དར་ཅན། རྒྱལ་མཚན་རྣམས་དགུའི་སྐུ་ལ་བརྒྱན། ཞབས་ལ་སག་ལྷམ་ཡུ་རིང་གསོལ། དགྲ་བགེགས་འགུགས་ཅིང་བསྒྲལ་བའི་ཕྱིར། ཕྱག་ན་རུ་མཚོན་བཙན་ཞགས་བརྣམ། ཞབས་གཉིས་གཡས་བརྐྱང་གཡོན་བསྐུམ་གྱིས། མེ་དཔུང་འབར་བའི་ཀློང་ན་བཞུགས། ཡུམ་ཆེན་གཟི་བརྗིད་ཆེན་མོ་ནི། དཀར་གསལ་ཡིད་འོང་མཛེས་མའི་ལུས། རྩེ་བེར་གཉིས་བརྩེག་སྐུ་ལ་གསོལ། མེ་ཏོག་སྣ་ཚོགས་ཐོད་དུ་བཅིངས། རིན་ཆེན་སྣ་ལྔའི་རྒྱན་གྱིས་སྤྲས། ཕྱག་ན་ཁ་ཊཾ་ཙེ་་གསུམ་དང་། ཐོད་པ་བདུད་རྩིས་བཀང་བ་བསྣམ། ཡབ་ལ་རྗེས་སུ་ཆགས་པའི་ཚུལ། རོལ་དུ་འཕར་སྤྱང་བྱ་འུག་ཁྲིད། ཕོ་ཉ་རླུང་ནག་འཚུབས་མ་དང་། ལྷ་སྲིན་སྡེ་བརྒྱད་ཕོ་ཉ་འགྱེད། གནམ་ལྕགས་ཐོག་མདའ་ཤ་ར་ར། སྤྲུལ་པ་རབ་བྱུང་ཆ་བྱད་ཅན། ཆོས་གོས་དར་ཞུ་སེར་པོ་གསོལ། ཕྱག་ན་བིང་དབྱུག་ལྕགས་ཕྲེང་བསྣམས། རྔམ་བརྗིད་ཕག་ནག་སྟེང་ན་འགྱིང་།བློན་པོ་བདུད་ནག་མི་སྡུག་པ། མ་ཟད་རལ་པ་གྱེན་དུ་བརྫེས། ཕྱག་ན་དར་མདུང་རྒྱུ་ཞགས་བསྣམ། དར་དམར་བེར་ཆེན་སྐུ་ལ་གསོལ། བཀའ་ཉན་ལས་བྱེད་ཚུལ་དུ་་བཞུགས། རུ་འདྲེན་སྡེ་བཞིའི་ཚོགས་རྣམས་བཅས། ལྷ་སྲིན་སྡེ་བརྒྱད་དམག་དཔུང་ནི། ཇི་ལྟར་ལྷ་མའི་ཁྲོམ་ཚོགས་ལྟར། ཉི་མའི་ཟེར་གྱི་རྡུལ་འཁྲིགས་བཞིན། ནམ་མཁའི་ཁམས་ཀུན་གང་ནས་ཀྱང་། མཁའ་ལ་ཀློག་ཕྲེང་ཇི་བཞིན་དུ། སྐད་ཅིག་ཙམ་གྱིས་འདིར་གཤེགས་ལ། དུར་ཁྲོད་རོལ་པའི་གཞལ་ཡས་ནས། པད་ཉི་དགྲ་བགེགས་བསྣོལ་བའི་སྟེང་། དགྱེས་ཤིང་བརྟན་པར་བཞུགས་སུ་གསོལ། དྭངས་བའི་ཡིད་ཀྱིས་ཕྱག་འཚལ་ལོ། །ཁྱེད་དང་མཐུན་པའི་དམ་རྫས་ནི། དངོས་འབྱོར་ཡིད་སྤྲུལ་ལས་བྱུང་བའི། ངོ་མཚར་ཀུན་བཟང་མཆོད་པའི་སྤྲིན། རབ་འབྱནས་ནམ་མཁའི་ཁམས་བཀང་ནས། གུས་པའི་བློ་ཡི་འབུལ་ལགས་ན། དགྱེས་པའི་ཚུལ་གྱིས་བཞེས་སུ་གསོལ། ཁམས་གསུམ་ཀུན་ལས་རྒྱལ་བ་དང་། དྲག་སྔགས་འབྲུག་སྟོང་ལྡིར་བ་བཞིན། ཆོས་དབྱིངས་ངང་ལས་སྐུར་བཞེངས་པའི། རྣམ་པ་ཀུན་ཏུ་ཁྱོད་ལ་བསྟོད། ཁྱོད་ལ་གསོལ་དང་མཆོད་པའི་མཐུས། སྔར་བཅོལ་ལས་ཀྱི་གཏང་རག་དང། ད་བཅོལ་ལས་ཀྱིའཕྲིན་ལས་ནི། སྔོན་ལས་འཕྲལ་རྐྱེན་ནད་གདོན་བགེགས། མེ་ཆུ་དུག་མཚོན་གནོད་སྦྱིན་དང་། རྒྱལ་པོའི་ཆད་པ་འབྱུང་བཞིའི་དགྲ། འཇིགས་བརྒྱད་ཞི་བའི་ཕྲིན་ལས་མཛོད། ཚེ་དཔལ་བསོད་ནམས་སྙན་གྲགས་རྒྱས། དབང་ཐང་རླུང་རྟ་དགུང་དུ་བསྐྱེད། རྒྱན་དང་རྩོད་པ་ཀུན་ལས་རྒྱལ། ཡར་ངོའི་ཟླ་བ་ལྟ་བུར་མཛོད། རང་རང་ཡིད་ལ་གང་འདོད་དང་། མདོར་ན་ཁམས་གསུམ་སྲིད་གསུམ་ཀུན། ཡིད་ལ་དྲན་པ་ཟམ་གྱིས་ཀྱང་། ཐམས་ཅད་དབང་དུ་སྡུད་པར་མཛོད། སྔོན་གྱི་ལས་དང་འཕྲལ་གྱི་རྐྱེན། བདག་ལ་བརྣག་པའི་བསམ་སྦྱོར་གྱི། མི་ཁ་བྲ་མཆུ་བྱུར་ངན་དང་། ཀེག་དང་ཐན་ལྟས་ངན་པ་སོགས། བྱད་ཕུར་རྦོད་གཏོང་ཕྲ་མེན་མཐུ། ལོག་པར་འདྲེན་པའི་བདུད་སྡེའི་ཚོགས། གཟུགས་ཅན་དགྲ་དང་གཟུགས་མེད་བགེགས། བཀྲ་མི་ཤིས་པའི་དངོས་པོ་ཀུན། མདོར་ན་མི་མཐུན་མཐའ་དག་རྣམས། ཐལ་བར་བརློགས་པའི་ཕྲིན་ལས་མཛོད། དེང་ནས་བྱང་ཆུབ་མ་ཐོབ་པར། དགྲ་ལྷའི་རྒྱལ་པོ་ཁྱོད་ཉིད་ནི། སྒྲུབ་པའི་རིག་འཛིན་བདག་ཅག་ལ། དུས་དང་གནས་སྐབས་ཐམས་ཅད་དུ། ལུས་དང་གྲིབ་མར་འགྲོགས་ནས་ཀྱང་། ཉིན་གྱིས་དུས་སུ་བྱ་ར་གྱིས། མཚན་གྱི་དུས་སུ་མེལ་ཚེ་མཛོད། བཅོལ་པའི་ལས་རྣམས་མཐའ་དག་ཀུན། ཅི་བསམ་ཡིད་བཞིན་འགྲུབ་པ་དང་། ཕན་བདེའི་དཔལ་ལ་སྤྱོད་པར་ཤོག། ཅེས་པ་འདི་ནི་ཡིག་ཐུབ་བརྟན་ནོར་བུ་དང་། གད་ཐུབ་བསྟན་ནོར་འཕེལ་གཉིས་ནས་བསྐུལ་ངོར།ལྷ་མཆོག་འདི་ཉིད་ཀྱིས་རྟགས་མཚན་མངོན་དུ་བྱུང་བ་རྫོགས་སྤྲུལ་ལྔ་པ་ཐུབ་བརྟན་ཆོས་ཀྱི་རྡོ་རྗེས་མགོན་ཁང་དབང་དྲག་རོལ་བ་ནས་མེ་སྦྲུལ་ཟླ་ཚེས་ལ་བྲེས་པ་དགེ་ལེགས་སུ་གྱུར་ཅིག། དགེའོ་།། འཇིག་རྟེན་མཆོད་བསྟོད་་་་ཧཱུྃ། །འཇིག་རྟེན་མཆོད་བསྟོད་དཀྱིལ་འཁོར་གྲུ་འཛིན་པའི། །དྲེགས་པའི་སྡེ་དཔོན་སུམ་ཅུའི་ནང་ཚན་ལས། །བེ་ཧར་རྒྱལ་པོ་སྐུ་ལྔ་གསང་ཡུམ་བཅས། །བློན་པོ་འཁོར་དང་བཅས་པ་ད་ཚུར་བྱོན། །ཁྱད་པར་དགྲ་ལྷ་སྐྱེས་གཅིག་གསུང་གི་རྒྱལ། །བློན་པོ་རྡོ་རྗེ་གྲགས་ལྡན་མཐུ་རྩལ་ཅན། །སྐུ་ལྔའི་རྣམ་རོལ་གཅིག་ཏུ་མ་ངེས་པར། །སྟེན་མཛད་སྤྲུལ་པའི་ཆོས་རྒྱལ་གནས་འདིར་གཤེགས། །ཁྲག་གི་སྒོ་ང་བདུན་ལས་ཉེར་བརྡོལ་བའི། །བཙན་རྒོད་དམག་དཔོན་འབར་བ་སྤུན་བདུན་དང་། །ཁྱད་པར་ཙིའུ་དམར་པོ་ཡང་ལེ་བེར། །ཕོ་ཉ་མངགས་བཞུགས་འཁོར་བཅས་གནས་འདིར་བྱོན་། །དམར་ཆེན་གཏོར་མའི་རི་བོ་མཁའ་ལ་བསྙེགས། །ཁྲག་ཆང་བཏུང་བ་རྒྱ་མཚོ་ལྟ་བུར་འཁྱིལ། །ཕྱི་ནང་གསང་བའི་མཆོད་པ་འབུལ་ལགས་ན། །རོལ་གཅིག་ཁ་རི་ཁཱ་ཧི་ཞལ་དུ་བཞེས། །པདྨ་ཐོད་ཕྲེང་སོ་ཟུར་གནུབ་ཉང་སོགས། །སྔགས་འཆང་རྣམས་ཀྱི་ཁྲག་འཐུང་དཀྱིལ་འཁོར་དུ། །དབང་སྐུར་དམ་ཚིག་གཉན་པོ་ཉེར་ཕབས་ནས། །ཐུབ་བསྟན་སྐྱོང་བའི་སྲུང་མའི་བཀའ་བསྒོས་བཞིན། །མ་གཡེལ་མ་གཡེལ་སྔོན་གྱི་དམ་ཚིག་དགོངས། །གསང་བ་སྔགས་ཀྱི་དམ་ཚིག་རྒྱ་མ་དྲལ། །རྡོ་རྗེའི་རི་མོ་སྤྱི་བོའི་གཙུག་མ་ཡལ། །ལྕེ་ལ་བདུད་རྩིའི་རོ་མཆོག་མ་ཉམས་པར། །བཤད་སྒྲུབ་བསྟན་པ་ཡར་ངོའི་ཟླ་ལྟར་སྤེལ། །བསྟན་འཛིན་སྐྱེས་བུ་བླ་མཆོད་སྡེ་གཉིས་སྤེལ། །གངས་ལྗོངས་ཡུལ་འདིར་འཐབ་རྩོད་མུ་གེ་དང་། །དུས་ཀྱི་འཁྲུག་པ་མ་ལུས་ཞི་བར་མཛོད། །དགེ་བཅུའི་དཔལ་ལྡན་བསམ་གཏན་ཆོས་གླིང་འདིའི། །ཆོས་སྲིད་ཟུང་དུ་འཕེལ་བའི་མངའ་ཐང་རྒྱས། །ཆབ་སྲིད་བརྟན་ཅིང་དབུ་འཕང་བཙན་པ་སོགས། །ཞི་རྒྱས་དབང་དྲག་ཕྲིན་ལས་མ་ལུས་སྒྲུབ།། །། གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་གྱི་མཆོད་འབུལ་རྒྱས་པ་མེ་ལྕེའི་ཕྲེང་བ།གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་གྱི་མཆོད་འབུལ་རྒྱས་པ་མེ་ལྕེའི་ཕྲེང་བ་ཞེས་བྱ་བ་བཞུགས་སོ། ཨོཾ་སྭཱ་སྟི། །བདེ་ཆེན་སོ་སོ་རྟོགས་པའི་ཡེ་ཤེས་ལས། །ཁྲོས་པའི་རྒྱལ་པོ་རྟ་གདོང་ཧེ་རུ་ཀ། །གདུགས་ས་མ་ལུས་ཟིལ་གྱི་མནོན་མཛད་པ། །གར་དགུའི་ཉམས་ལྡན་ཁྱོད་ལ་བདག་བསྟོད་སོ། །དབང་གི་རྒྱལ་པོ་པདྨ་ཧེ་རུ་ཀ། །དབང་མཛད་དབང་གི་རྒྱལ་པོ་མཐུ་རྩལ་ཅན། །དབང་ཆེན་རང་མདང་དྲེགས་པ་ཀུན་གྱི་གཙོ། །དབང་གི་བཀའ་སྟོད་ཁྱོད་ལ་བདག་བསྟོད་དོ། །དེ་ལ་འདིར་གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་གྱི་མཆོད་ཐབ་རྒྱལ་པ་ལ། མཆོད་གཏོར་དང་མཐུན་པའི་དམ་རྫས་རྣམས་འདུ་བྱས་ལ། རང་ཉིད་ཡི་དམ་གྱི་ང་རྒྱལ་དང་ལྡན་པའི་ངང་ནས། ཨོཾ་སྭཱ་བྷ་ཝ་སོགས། སྟོང་པའི་ངང་ལས་རང་གི་མདུན་དུ་ཟངས་བྲག་དམར་པོ་རྔམ་བརྗིད་འབར་བ་དགུང་ལ་བསྙེང་པ་ལྕེ་སྤྱང་དང་སྟག་གཟིག་མང་པོ་རྒྱུག་འདྲལ་བྱེད་པའི་གནས་སུ་བཙན་གྱི་སྐུ་མཁར་འཇིགས་སུ་རུང་བར། མི་རོའི་རྒྱལ་མཚན་ལ་ཙིཏྟ་རློན་པའི་ཏོག་གི་བརྒྱན་པ་དང་། བ་དན་དམར་པོ་དུ་མའི་བརྒྱན་པ། གློག་ལྕེ་དམར་པོ་མེ་འོད་འཁྲིགས་པའི་ཀློང་དཀྱིལ་དུ་སྣང་སྲིད་དྲེགས་པ་ཡོངས་ཀྱི་ཆེ་བཙན་གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་སྐུ་མདོག་དུས་མཐའི་མེ་ལྟར་འབར་བ། ཞལ་གཅིག་ཕྱག་གཉིས་པ་ཕྱག་གཡས་པས་བཙན་མདུང་དམར་པོའི་གདུག་པ་ཅན་ཐམས་ཅད་གཅོད་པར་བྱེད་པ། གཡོན་བཙན་གྱི་ཞགས་པ་དམར་པོའི་གནོད་བྱེད་དེ་དམ་ཉམས་ཐམས་ཅད་འཆིང་བར་བྱེད་པ། མི་ཟད་རྔམ་བརྗིད་ཤིན་ཏུ་ཁྲོས་པ་ཤ་བའི་དབུ་ཅན། སྤྱན་གསུམ་སྡང་མིག་ཁྲག་ལྟར་གཡོ་བ། ཞལ་གདང་ཤིང་ལྗགས་གློག་ལྟར་འཁྱུགས་པ། ཤང་ནས་དྲག་པོའི་འཐོར་རླུང་འཚུབ་ཅིང་། སྨ་ར་སྨིན་མ་ལས་མེ་འཁྱོགས་པོར་འབར་བ། བ་སྤུའི་བུ་ག་ཐམས་ཅད་ནས་མེ་ཡི་ཚྭ་ཚྭ་ཐོ་རོ་རོ་འཕྲོ་བ། སྐུ་སྟོད་ལ་ཞིང་གི་གཡང་གཞིའི་བརྒྱན་པ། སྐུ་སྨད་ལ་དཔའ་བོ་སྟག་གི་ཤམ་ཐབས་གྲོལ་བ། རྟོགས་མེད་རོ་ཡི་གདན་ལ་གཡས་བརྐྱང་གཡོན་བསྐུམ་པའི་སྟབས་ཀྱི་བཞུགས་པ། མངོན་སྤྱོད་དྲག་པོའི་ཤུགས་ཀྱི་མཁའ་ནས་བསྐྱོད་པ། སྤྲུལ་པ་ལས་བྱེད་ཀྱི་ཕོ་ཉ་མི་དམར་མང་པོ་སྔོན་ནས་རྒྱུག བཙན་གྱི་བྱ་དམར་མང་པོ་ཀླད་ན་ལྡིང་བ། ཟ་བྱེད་ཁྱི་དམར་མང་པོ་རོལ་དུ་ཁྲིད་པ། དགྱེས་སྡེ་ཡུམ་ཆེན་མཚོ་སྨན་ནག་མོད། དམ་ཚིག་གཉན་པོ་གཅིག་ཏུ་གྱུར་པ། ཤར་གྱི་རྫོང་བཙན་དམར་པོ། སྐུ་ཡི་སྲས་མཆོག་ལྷོ་ཕྱོགས་ཡི་རི་ལྷ་བཙན། ཡབ་གཉེན་ཆེན་རྒྱལ་བ་ཐོད་དཀར། མཆེད་ཀྱི་སྤུན་ཟླ་བྱང་གི་སྨན་མོ་རང་འཚོང་བཙན་རྒོད་ལྕམ་དྲལ་སྲིང་དུ་གྱུར་པ་ཆུ་དྲོན་གཡུ་ཡི་ཕུག་པའི་ཀླུ་སྨོན། གཉེར་གྱི་ཕྱག་ཚང་མདོ་གསུམ་གླུ་བྲག་བཙན་རྒོད། བཀའ་ཡི་བློན་པོ་ཡོབ་ཀྱི་རྐྱང་རི་བཙན་དམར་ཕྱུགས་ཀྱི་རྫི་པོ་ཟླ་ཡི་བློན་སྲས་དམར་པོ། ལས་བྱེད་ཀྱི་ཕོ་ཉ་ནགས་སོག་ཆུ་ཡི་དགེ་བསྙེན་ཆེན་པོ་ལ་སོགས་དགྱེས་སྡེ་ཡུམ་སྲས་བློན་པོ་རྣམས་རང་རང་གི་འཁོར་དང་བཅས་པ། གཞན་ཡང་བརྩན་དམག་འབུམ་སྡེའི་འཁོར་ཚོགས་བསམ་གྱི་མི་ཁྱབ་པ་དང་བཅས་པ་ཉི་མའི་ཟེར་གྱི་རྡུལ་ལྟར་འཚུབ་པ་གཙོ་འཁོར་ཐམས་ཅད་ཀྱི་སྤྱི་བོར་ ཨོཾ་དཀར་པོ། མགྲིན་པར་ཨཱཿདམར་པོ། ཐུགས་དཀར་ཧཱུྃ་སྔོན་པོ་རྣམས་ལས་འོད་ཟེར་འཕྲོས་པས་དབང་ཆེན་རོལ་པའི་ངུར་ཁྲོད་ཆེན་པོ། ཨཱཪྱ་པ་ལོའི་གླིང་། གནས་མཆོག་ཆེན་པོ་སྒྲུབ་གནས་མེད་འབར་ཕུག་ལ་སོགས་རང་བཞིན་གར་བཞུགས་ཀྱི་གནས་ནས། བཙན་རྒོད་ཆེན་པོ་རྡོ་རྗེ་དགྲ་འཇོམས་རྩལ་འཁོར་དང་བཅས་པ་སྐད་ཅིག་གི་མཁའ་ལས་གློག་ཕྲེང་གཡོ་བ་བཞིན་དུ་བྱོན་ནས་བཞུགས་པར་གྱུར། དེ་ནས་སྤྱན་འདྲེན་པ་ན། ཧཱུྃ་བྷྱོཿ སྔོན་གྱི་བསྐལ་པ་དང་པོ་ལ། བཅོམ་ལྡན་པདྨ་ཧེ་རུ་ཀས། དབང་ཆེན་རོལ་པའི་ངུར་ཁྲོད་དུ། །དམ་ལ་བཞག་པའི་གཡར་དམ་ཅན། དེ་འོག་བར་གྱི་བསྐལ་པ་ལ། བདག་ཉིད་པདྨ་ཐོད་ཕྲེང་གིས། །ཨཱ་ཪྱ་པ་ལོའི་གཙུག་ལག་ཏུ། དམ་ཚིག་བསྒྲགས་པའི་གསང་མཚན་ཅན། ཚུར་བྱོན་ཚུར་བྱོན་དམ་ལ་འདུས། དམ་རྫས་བཀའ་ཡི་གཏོར་མ་བཞེས། སྔོན་གྱི་རྒྱལ་བའི་བཀའ་མ་བཅག །ད་ལྟ་རྣལ་འབྱོར་དམ་མ་བཀྲལ། བཅོལ་པའི་ཕྲིན་ལས་འགྲུབ་པར་མཛོད། །བཛྲ་ས་མ་ཛཿཛཿཧཱུྃ་བྃ་ཧོ༔ ཏིཥྛ་ལྷན། མཆོད་པ་འབུལ་བ་ནི། ཧཱུྃ༔ བཙན་རྒོད་ཆེན་པོ་རྡོ་རྗེ་དགྲ་འཇོམས་རྩལ། ཁྱོད་ལ་དགྱེས་པའི་མཆོད་པ་འབུལ་བ་ནི། དུང་ཆེན་བྷནྷ་རློན་པའི་སྣོད་མཆོག་ཏུ། རཀྟ་ཁྲག་གི་རྒྱ་མཚོ་མེད་རེ་རེ། མཚན་དང་ལྡན་པ་དབྱིངས་ཀྱི་བྷནྷ་རུ། བདུད་རྩི་སྨན་གྱི་རྒྱ་མཚོ་ཆེན་པོ་བསྐྱིལ། དམ་ཉམས་དགྲ་བགེགས་བསྒྲལ་བ་ལས་བྱུང་བ། དུག་གསུམ་བསྒྲལ་བའི་ཤ་ཁྲག་རུས་གསུམ་གྱིས། །མ་དག་དངོས་འཛིན་དྲི་མ་ཀུན་སྦྱང་ནས། །ཡེ་ཤེས་བདུད་རྩི་ཆེན་པོར་མཆོད་པ་འབུལ། །ཨོཾ་བཛ་ཨརྒྷཾ་སོགས། ཤབྟ་པྲ་ཏིཥཡེ་སྭཱ་ཧཱ། ཨོཾ་ཨཱཿཧཱུྃ་མ་ཧཱ་བྷ་ལིང་ཏ་རཀྟ་ཨ་མྲྀ་ཏ་བྷ་སུ་ཏ་ཀེཾ་ནི་རི་ཏི་སརྦ་སུ་ཙ་ས་མ་ཡ་ཕེཾ་ཕེཾ་ཧྲཱིཾ་ཧྲཱིཾ་ཛ་ཛ་སྭཱ་ཧཱ། དགྲ་བགེགས་བསྒྲལ་བའི་ཤ་ཁྲག་ལས་བྱུང་བའི་མཆོད་སྦྱིན་གྱི་གཏོར་མ་འདོད་ཡོན་ལྔའི་འོད་ཟེར་འཕྲོ་བ། འདི་ཉིད་བསྔོ་ཞིང་འབུལ་བའི་གནས་སུ་གྱུར་པ་ནི་བཙན་རྒོད་ཆེན་པོ་རྡོ་རྗེ་རོལ་པ་རྒྱ་བདུན་ཕྱི་ནང་གསང་བའི་འཀོར་གཡོག་བྲན་དང་ཕོ་ཉ་སྡོང་ཟླ་དགྱེས་སྡེ་སྐུ་འཁོར་དང་བཅས་པ་རྣམས་དང་ཁྱད་པར་ངུ་གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་སྐུ་འཁོར་དང་བཅས་པ་རྣམས་ཀྱི་ཞལ་དུ་ཁ་ཁ་ཁ་ཧི་ཁ་ཧི། བསྟོད་པ་ནི། ཧྲཱིཿ ཆོས་ཉིད་དབྱིངས་ཀྱི་རང་བཞིན་ལ། ཆོས་ཅན་སྣང་བའི་སྲུང་མ་ཆེ། ལེགས་ཉེས་སྟང་འཛིན་བདག་པོ་མཆོག །རྡོ་རྗེ་དགྲ་འཇོམས་རྩལ་ལ་བསྟོད། མདོག་དམར་མེ་ཡི་ཕུང་པོ་འདྲ། གཏུམ་དྲག་བཟོད་པར་དཀའ་བའི་སྐུ། །ཤིན་ཏུ་ཁྲོས་པའི་དྲག་རྩལ་ཅན། །དབང་གི་བཀའ་སྡོད་ཁྱོད་ལ་བསྟོད། །ཉམས་པ་བདུན་ལྡན་དགྲ་བོ་ལ། ལྟས་ངན་ཐབས་ཀྱི་བསྒྲལ་མཛད་པ། །ཨ་ལའི་ཧ་ལའི་གདད་རྒྱང་ཅན། ཁྲོས་པའི་རྒྱལ་པོ་ཁྱོད་ལ་བསྟོད། གང་ཐུགས་ནམ་མཁའི་རང་བཞིན་ལ། སྙིང་རྗེའི་ཤུགས་དང་མ་བྲལ་ཡང་། མངོན་སྤྱོད་དྲག་པའི་ཕྲིན་ལས་ཀྱིས། །གདུལ་དགའ་འདུལ་མཛད་ཁྱོད་ལ་བསྟོད། །ཁམས་གསུམ་སྐྱེ་འགྲོའི་སྲོག་གི་བདག །ཉམས་པ་ཡོངས་ཀྱི་གཤེད་མ་ཆེ། །ནགས་ཕྱོགས་བདུད་སྡེ་ཕམ་མཛད་པའི་། བཙན་རྒོད་ཆེན་པོ་ཁྱོད་ལ་བསྟོད། །བསྟན་པ་གཉན་པོ་སྲུང་བ་དང་། །གང་བཅོལ་ཕྲིན་ལས་སྒྲུབ་མཛད་པའི། །མཐུ་ཆེན་ཁྱོད་ལ་བདག་བསྟོད་དོ། །དབང་ཆེན་བཀའ་སྡེ་ཆེན་པོ་ཡི། །ཅི་བགྱིའི་བཀའ་ཉན་སྐྱོང་མཛད་པ། མཆོད་ཟླ་ཡུམ་སྲས་སྤྲུལ་འཁོར་བཅས། །འཁོར་ཚོགས་དམ་ཅན་ཚོགས་ལ་བསྟོད། །ཕྲིན་བཅོལ་ནི། ཧོ་རྟ་མཆོག་རོལ་པ་དབང་གི་དཀྱིལ་འཁོར་གྱི་བཀའ་སྡོད་ལས་མཁན། ཨོ་རྒྱན་ཆེན་པོའི་དམ་མནོས་ཕྲིན་ལས་དྲག་རྩལ་གློག་ལས་མྱུར་བ། རྣལ་འབྱོར་བདག་གི་སྲུང་མ། གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་སྐུ་འཁོར་དང་བཅས་པ། མ་རྫས་ཀྱི་གཏོར་མ་རི་བོ་ལྟ་བུ། བདུད་རྩི་ཕུད་དང་། རཀྟ་དམར་གྱི་ཨརྒྷཾ་རྒྱ་མཚོ་ལྟ་བུར་བསྐྱིལ་ཏེ་འབུལ་བས། དགྱེས་པ་ཆེན་པོས་བཞེས་ལ། སྤྱིར་སངས་རྒྱས་ཀྱི་བསྟན་པ་སྲུང་ཤིག །བསྟན་འཛིན་སྐྱེས་བུའི་སྐུ་ཚེ་བསྲིངས་ཤིག །སྒོས་སུ་སྔ་འགྱུར་རྡོ་རྗེ་ཐེག་པའི་བསྟན་དང་དེ་འཛིན་སྐྱོངས་ཤིག །ལོག་ལྟ་གནོད་བྱེད་དམ་ཉམས་སྒྲོལ་ཅིག །རྣལ་འབྱོར་སྒྲུབ་པ་པོ་འགལ་རྐྱེན་སོལ་ཞིག་མཐུན་རྐྱེན་བསམ་པའི་དོན་ཀུན་ཡིད་བཞིན་དུ་འགྲུབ་པའི་ཕྲིན་ལས་སྒྲུབ་ཤིག །འཇིག་རྟེན་ཁམས་སུ་ནད་མུག་འཁྱུག་ཙོད་ཀྱི་སྐལ་ངན་བཟློག་ཅིག །བདེ་སྐྱིད་ལོངས་སྤྱོད་ཕུན་སུམ་ཚོགས་པ་སྤེལ་ཞིག །མདོར་ན་བཅོལ་བའི་ལས་ཀུན་ཐོགས་པ་མེད་པར་འགྲུབ་པར་མཛོད་ཅིག ། བསྐུལ་བ།བསྐུལ་བ་ནི། ཧཱུྃ༔ དམ་ཚིག་ཅན་གྱི་ལྷ་ཆེན་པོ། སྐུ་མདོག་དམར་པོ་ཤ་བའི་དབུ། སྨ་ར་སྨིན་མ་མེ་ལྟར་འབར། ཞལ་གདང་ལྗངས་འདྲིལ་མཆེ་བ་གཙིགས། སྤྱན་གསུམ་སྡང་མིག་ཁྲག་ལྟར་གཡོ། །མི་ལྤངས་གཡང་གཞིའི་ན་བཟའ་ཅན། ཕྱག་གཉིས་བཙན་མདུང་ཞགས་དམར། བ་སྤུའི་བུ་ག་ཐམས་ཅད་ནས། མེ་ཡི་ཚྭ་ཚྭ་ཐོ་རོ་རོ། ཆིབས་སུ་དེ་ནི་གློགས་མར་ཆིབས། འཁོར་ནི་བཙན་དམག་འབུམ་སྡེ་གཡོ། མི་རིགས་དམར་པོ་ཕོ་ཉར་འགྱེད། །རླུང་དམར་འཚུབ་པའི་ཀློང་དཀྱིལ་ནས། །དྲག་པོའི་ཤུགས་ཀྱིས་མཁའ་ནས་བསྐྱོད། །སྔོན་ནས་མི་དམར་ཤ་ར་ར། ཀླད་ནས་བྱ་དམར་ཚུབས་སེ་ཚུབ། །རྗེས་ནས་ཁྱི་དམར་ཀེང་པོ་ཀེང་། །གྲི་བཙན་མི་ཟན་དམར་པོ་ནི། །འཁོར་དང་བཅས་པ་དྲག་ཏུ་ཆོས། །སྡང་བའི་དགྲ་ལ་ལས་མ་འགྱངས། གནོད་པའི་བགེགས་ལ་དཔའ་མ་ཞན། །དུས་ལ་བབ་སོ་ས་མ་ཡ། ཅེས་པ་འདི་ནི་གནས་དུས་ཀྱི་རྟེན་འབྲེལ་བཟང་པོའི་འཚམས་སྦྱར་ཏེ་གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་ཐ་མལ་མི་ཡི་རྫུ་ལ་ཞུགས་ནས་ཆོས་སྐྱོངས་ཀྱི་རང་གཟུགས་དངོས་སུ་བསྟན་པའི་སྐབས་སུ་འདོན་རྒྱུ་ཆེད་དུ་བྱས་པ་འདི་ནི་རྫོགས་སྤྲུལ་ལྔ་པ་ཐུབ་བརྟེན་ཆོས་ཀྱི་རྡོ་རྗེས་ལྕགས་མོ་ཕག་ལོའི་སྤྱི་ཟླ་ཐ་ཆུང་གི་ཡར་ཚེས་བཟང་པོར་རྩ་བ་རྡོ་རྗེའི་གསུང་ལ་བཞིར་བཞག་ནས་ཅུང་ཟད་ཁ་སྐོང་ཏེ་བསྒྲིགས་པ་འདིས་ནི་ཉེས་འགལ་མཆིས་ན་ཆོས་སྐྱོངས་སྲུང་མའི་ཚོགས་ལ་བཤག སརྦ་མངྒ་ལཾ། གྲི་བཙན་ཆེན་པོ་རྡོ་དགྲ་འཇོམས་རྩལ་གྱི་གསེར་སྐྱ་འདོད་དོན་བདུད་རྩིའི་རྦ་རླབས།གྲི་བཙན་ཆེན་པོ་རྡོ་དགྲ་འཇོམས་རྩལ་གྱི་གསེར་སྐྱ་འདོད་དོན་བདུད་རྩིའི་རྦ་རླབས་ཞེས་བྱ་བ་བཞུགས་སོ། །ཧྲཱིཿ དབང་ཆེན་མེ་རླུང་འཚུབ་མའི་ཀློང་དཀྱིལ་ནས། དབང་གི་ལྷ་མཆོག་རྟ་མགྲིན་རྟ་སྐད་བཞད། དབང་མདོག་དབང་གི་རྒྱལ་པོ་རྟ་མཆོག་དཔལ། དབང་ཆེན་དབང་གི་ལྷ་མཆོག་ཧེ་རུ་ཀ། དབང་གི་སྐུ་མཆོག་ཉི་མ་འབུམ་གྱི་གཟི། །དབང་དྲག་ཁྲོས་པའི་རྔམ་སྒྲ་འབྲུག་སྟོང་ལྡིར། དབང་ཕྱུག་དྲེགས་པ་ཡོངས་ཀྱི་གཙུག་གི་རྒྱལ། །དབང་གི་བཀའ་སྡོད་མ་རུང་གདུལ་དཀའི་གཤེད། །སྣང་སྲིད་དྲེག་པ་ཡོངས་ཀྱི་མངའ་བདག་པོ། །གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ། ཁམས་གསུམ་དབང་སྡུད་སྲིད་གསུམ་ཟིལ་གྱིས་གནོན། །ཁྲོ་ལ་ཁྲོས་པའི་རྒྱལ་པོ་ཧེ་རུ་ཀ། མདོག་དམར་དུས་མཐའི་མེད་དཔུང་དམར་ནག་འདྲ། མི་བཟད་གཏུམ་ཆེན་ཁྲོས་པ་ཤ་བའི་དབུ། །སྤྱན་གསུམ་བསྒྲད་པའི་སྡང་མིག་ཕྱོགས་བཅུར་གཡོ། །ཞལ་གདངས་མཆེ་གཙིག་ལྗགས་འདྲིལ་གློག་ལྟར་འཁྱུག །མི་ལྤགས་གཡང་གཞིའི་ན་བཟའ་སྐུ་ལ་གསོལ། ཕྱག་གཉིས་མདུང་དམར་བཙན་གྱི་ཞགས་པ་བསྣམས། དམ་ཉམས་དགྲ་བགེགས་འཚང་ཞིང་སྙིང་ལ་བསྣུན། དམར་ནག་མེ་ཡི་ཚྭ་ཚྭ་ཕྱོགས་བཅུར་འཕྲོས། ཆིབས་སུ་གློགས་དམར་ཞོན་ནས་སྟོང་གསུམ་བསྐོར། བརྟེན་ན་སྙིང་ཉེ་སྒྲུབ་ལ་བུ་བཞིན་སྐྱོང་། སྣ་ཚོགས་དངོས་གྲུབ་འདོད་རྒུའི་ཆར་འབེབས་པའི། ཕྲིན་ལས་བཞི་ཡི་ལས་ཀྱི་མངའ་བདག་པོ། སྟོབས་ལྡན་དྲེགས་པའི་རྒྱལ་པོ་ཁྱོད་གཅིག་པུ། གསང་ཡུམ་དགྱེས་སྡེ་ལས་བྱེད་ཁྱུགས་སེ་ཁྱུག །འཁོར་དུ་བཙན་དམག་འབུམས་དེ་སྤྲིན་ལྟ་གཏིབ། ཕོ་ཉ་མི་རིང་དམར་པོ་ཤ་ར་ར། མི་བཟད་བྱ་ཁྱི་དམར་པོ་ཚུབས་སེ་ཚུབ། རྩེ་གཅིག་གདུང་བ་དྲག་པོའི་འབོད་པའི་ཚེ། །མཁའ་ལས་གློགས་ཕྲེང་གཡོ་བ་ཇི་བཞིན་དུ། སྐད་ཅིག་ཙམ་གྱིས་གནས་འདིར་གཤེགས་ནས་ཀྱང་། དམ་རྫས་བདུད་རྩི་རོ་བརྒྱ་ལྡན་པའི་བཅུད། གསེར་སྐྱེམས་གཡུ་སྐྱེམས་ཕུད་རྒོད་ཛ་ཧུའི་རྒྱུན། ལྦུ་ཕྲོང་དོ་ཤལ་གཡོ་བ་རཀྟའི་སྐྱེམས། འདོད་ཡོན་བདུད་རྩི་རླབས་ཀྱི་འཕྲེང་བ་ཅན། བདུད་རྩིའི་ཟེར་ཕྲེང་སྣ་ཚོགས་ཕྱོགས་བཅུར་འཕྲོ། །དགེ་ལེགས་འདོད་འབྱུང་བཀྲིས་མཆོད་པའི་སྤྲིན། དགེ་ལེགས་ཀུན་ལྡན་གསེར་སྐྱེམས་རྒྱ་མཚོ་འདི། །དགེ་ལེགས་དངོས་གྲུབ་མཐའ་དག་སྩོལ་བའི་ཕྱིར། །དགེ་ལེགས་ཀུན་ལྡན་མཆོད་པ་འདི་བཞིས་ལ། འདོད་རྒུའི་དངོས་གྲུབ་ཀུན་བདག་ཁྱོད་ཉིད་ཀྱི་འདོད་དོན་གང་ལ་གང་འདོད་ཇི་བཞིན་དུ། །འདོད་པའི་རེ་བ་ཡིད་བཞིན་བསྐང་ནས་ཀྱང་། འདོད་པའི་བསམ་པ་ལྷུན་གྱིས་འགྲུབ་པར་མཛོད། །ཅེས་པ་འདི་ནི་མགོན་ཁག་གསར་བའི་ལྷ་གཉེར་ཐུབ་བསྟན་སྐལ་བཟངས་གར་དཀོན་མཆོག་བློ་གྲོས་གཉིས་ནས་ཡང་ཡང་བསྐུལ་བའི་ངོར་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེའི་མིང་གཞན་པདྨ་ཐེག་མཆོག་བསྟན་འཛིན་གྱི་མགོན་ཁང་དབང་དྲག་རོལ་བའི་ཕོ་བྲང་ནས་བྲིས་པ་དགེའོ། རྟ་མགྲིན་དྲེགས་པ་ཟིལ་གནོན་ལས་གཏེར་སྲུངས་བསང་གསུར་གྱིས་མཆོད་ཐབས་བཞུས་སོ། །བཟང་ནག། །ཁྲོ་བོ་ཆེ་བཙན་ཧེ་རུ་ཀའི། །གཏེར་སྲུངས་ཆེན་པོ་བསང་གསུང་གྱི། །བརྔན་ཞིང་སྒྲུབ་པོའི་བར་ཆད་སེལ་བའི་ཐབས། །རང་ཉིད་ཡི་དམ་ལྷ་ཡི་བསྐྱེད་རིམ་ངང་། ཧཱུྃ༔ །བསང་གསུར་འདོད་ཡོན་ལྔ་ལྡན་མཆོད་པའི་སྤྲིན། །ཙ་གསུམ་དཔལ་མགོན་སྣང་སྲིད་ལྷ་སྲིན་ཚོགས། །ཁྱད་པར་ཡ་མཚན་ལྡན་པའི་གནས་ཆེན་པོ། །འབར་བ་དབང་གི་བསྒྲུབ་གནས་མེ་འབར་ཕུག །གནམ་གྱི་གང་བ་ཤར་ནས་ཉི་ཟླས་བརྒྱན། །ཆབ་ཀྱི་གང་བ་ནུབ་ནས་ཆུ་བོ་འབབ། །རི་ཡི་རྒྱལ་པོ་བྲག་དམར་མདའ་སྒྲོའི་དབྱིབ། །གྲིབ་སོ་གཉིས་ཀྱིས་ཉིན་མཚན་ཆུ་ཚོད་འཛིན། །རིན་ཆེན་ཐང་བརྡལ་ལྷོ་ནས་འབྲས་དྲུག་སྨིན། །སྨན་སྤོས་དྲི་གསུང་ལྡན་པའི་ལྗོང་ཆེན་པོ། །ཇོ་བོ་ཆེན་པོ་གྲི་བཙན་དགྲ་འཇོམས་བཙལ། །མཆེད་ཟླ་ལྷ་སྲིན་དགྱེས་སྡེ་ཡུམ་དང་སྲས། །ལྷ་ཤིང་ཤུགས་པའི་དུད་པས་བསང་ངོ་མཆོད། །དཀར་དམར་གསུར་གྱི་དུད་པས་བརྔན་ནོ་འབུལ། །ཕུ་ཡི་མཚོ་སྨན་ན་མོ་འཁོར་བཅས་བསངས། །དགྱེས་སྡེ་ཡུམ་ཆེན་ཡིན་པས་མངའ་གསོལ་ལོ། །ཤར་གྱི་རྫོང་བཙན་དམར་པོ་འཁོར་བཅས་བསང་། །དབྱར་མད་གཙིག་པའི་གྲོགས་པོ་མངའ་གསོལ་ལོ། །ལྷོ་ཕྱོགས་ཡི་རིའི་ལྷ་བཙན་འཁོར་བཅས་བསང་། །སྐུ་ཡི་སྲས་མཆོག་ཡིན་པས་མངའ་གསོལ་ལོ། །ནུབ་ཀྱི་རྒྱལ་བ་ཐོད་དཀར་འཁོར་བ་བཅས་བསང་། ཡིད་ལུས་བསྐྱེད་པའི་ཕ་གཅིག་མངའ་གསོལ་ལོ། །བྱང་གི་སྨན་མོ་རང་འཚོངས་བཙན་རྒོད་བསངས། །མཆད་གྱི་སྤུན་ཟླ་ཡིན་པའི་མངའ་གསོལ་ལོ། །ཆུ་དྲོན་གཡུ་ཡི་ཕུག་པའི་ཀླུ་སྨན་བསང་། །ལྕམ་དྲལ་སྲིང་དུ་གྱུར་པས་མངས་གསོལ་ལོ། །མདོ་གསུམ་གླུ་བྲག་བཙན་རྒོད་འཁོར་བཅས་བསང་། །གཉེར་གྱི་ཕྱག་ཚངས་ཡིན་པས་མངའ་གསོལ་ལོ། །ཡོབ་ཀྱི་རྐྱང་རིའི་བཙན་མར་འཁོར་བཅས་བསང་། །བཀའ་ཡི་བློན་པོ་ཡིན་པས་མངའ་གསོལ་ལོ། །ཟླ་ཡི་དམར་པོ་བློན་སྲས་འཁོར་བཅས་བསང་། །ཕྱུགས་ཀྱི་རྫི་བོ་ཡིན་པས་མངའ་གསོལ་ལོ། །ནག་སོགས་ཆུ་ཡི་དགེ་བསྙེན་འཁོར་བཅས་བསང་། །ལས་ཀྱི་ཕོ་ཉ་ཡིན་པས་མངའ་གསོལ་ལོ། །གཞན་ཡང་བསང་འོས་བརྔན་དང་མཆོད་པར་འོས། །མ་ལུས་ཐམས་ཅད་བསང་ཞིང་གསུར་གྱིས་བརྔན། །ཁྱེད་རྣམས་བསང་ཞིང་མཆོད་དེ་བརྔན་པའི་མཐུས། །བསྟན་པ་དར་ཞིང་སེམས་ཅན་སྐྱིད་པ་དང་། །བདག་ཅག་མི་ནོར་འཁོར་དང་བཅས་པ་ལ། །བསྲུང་སྐྱོབས་མགོན་དང་སྡོང་གྲོངས་ཕྲིན་ལས་བསྒྲུབ། །གཞི་བྱེས་ཀུན་ཏུ་མེལ་ཚེ་བྱ་ར་གྱིས། །ཕུ་ཡི་གནགས་སྐྱོངས་མདའ་ཡི་འབྲས་དྲུག་བསྲུང་། །ཉིན་གྱི་ལྷ་མཛོད་མཚན་གྱི་ཟོ་དོར་གྱིས། །ཡུལ་ལྷ་གཞི་བདག་མཆོད་དོ་ངོ་མཆུང་། །རྣལ་འབྱོར་འདོད་འི་འབྲས་བུ་མཆིས་པར་མཛོད། །ཅིས་ཕུར་དང་གཏོར་མ་ཅི་འབྱོར་འབུལ། །བར་ཆད་སེལ་ཞིང་སྟོང་གྲོགས་བྱེད་པར་འགྱུར། །དེ་ཕྱིར་མ་འོངས་རྣམས་ཀྱི་སྤྱོད་མཁས་བྱ། ས་མ་ཡཱཿ རྒྱ་རྒྱ་རྒྱཿ གཏེར་རྒྱཿ ཟབ་རྒྱཿ ས་མ་ཡཱཿ རྒྱ་རྒྱ་རྒྱཿ རྒྱལ་མཁས་པ་ཉི་མ་གྲགས་པ་ནག་གཤོད་མེ་འབར་ཕུག་ནས་ཆུ་ཁྱི་ལོ་གདན་དྲངས་ཤིང་ས་འབྲུག་ལོར་ཤོག་སེར་ལས་བོད་ཡིག་ཏུ་ཕབས་པ་དགེ་ཞིང་བཀྲ་ཤིས་པར་གྱུར་ཅིག གྲི་བཙན་རྡོ་རྗེ་དགྲ་འཇོམས་རྩ་གྱི་རྟགས་བསྟོད་དགྲ་བགེགས་ཚར་གཅོད་ཞེས་བྱ་བ་བཞུགས་སོ། །ཧྲཱིཿ སྟོང་པའི་ངང་ལས་སྐད་ཅིག་དྲན་རྫོགས་སུ། །རང་སྣང་ངུར་ཁྲོད་རོལ་པའི་གཞལ་ཡས་ཁང་། །རང་རིག་དབང་ཆེན་རྟ་མཆོག་ཧེ་རུ་ཀ། རང་ལས་རང་ཤར་ཆུ་ཟླ་ལྟ་བུའི་ཚུལ། རང་མདུན་བཙན་མཁར་དགུང་ལ་སྙེགས་པ་འདྲའི། །ཙེ་ལ་སྲིན་བྱ་མང་པོ་སྤྲིན་ལྟར་གཏིབ། །དབང་པོའི་ཕྱོགས་སུ་ཉི་ཟླའི་དཔལ་གཡང་སྟེར། །ནུབ་ཕྱོགས་ཆུ་བོའི་རྦ་རླབ་རབ་ཏུ་འཁྱུགས། །ལྷོ་པྱོགས་མི་ཟད་རིན་ཆེན་འབྲས་དྲུག་སྨིན། །མདུན་དུ་གཅན་གཟན་མང་པོ་རྒྱུག་འདྲལ་བྱེད། །ལས་བྱེད་ཤན་པའི་དམག་ཚོང་བསམ་མི་ཁྱབ། །དེ་ལྟར་དམ་ཅན་འདུ་བའི་གནས་མཆོག་འདིར། །དམར་ནག་གྲུ་གསུམ་འབར་བའི་དཀྱིལ་འཁོར་ན། །མེ་རླུང་དམར་ནག་འཚུབ་མའི་ཀློང་དཀྱིལ་ན། །དུག་ལྔ་ནམ་དག་ཡེ་ཤེས་ལྔ་ཡི་བདག །ཆོས་དབྱིངས་ཡེ་ཤེས་དབྱིངས་ལས་ཁྲོས་པའི་སྐུ། །དབང་ཆེན་རྟ་མཆོག་པདྨཧེ་རུ་ཀའི། །བཀའ་ཉན་ལས་བྱེད་དྲེགས་པ་ཡོངས་ཀྱི་གཙོ། །གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ། །ཁྱོད་ཀྱི་སྐུ་མདོག་དམར་པོ་བསྟན་པ་ནི། །སོར་རྟོགས་ཡེ་ཤེས་དབྱིངས་ལ་མ་གཡོས་རྟགས། །མི་བཟད་རབ་ཁྲོས་ཤ་བའི་དབུ་ཅན་ནི། །འཕུང་བྱེད་ཕྲ་མེན་མཁན་རྣམ་འདུལ་བའི་རྟགས། །རྔམས་བརྗིད་དུང་གི་ར་བཅུའི་བརྒྱན་པ་ནི། །དོན་དམ་དབྱིགས་སུ་ས་བཅུར་གནས་པའི་རྟགས། །སྤྱན་གསུམ་སྡང་མིག་ཕྱོགས་བཅུར་གཟིགས་པ་ནི། །སྲིད་པ་གསུམ་པོ་དབག་དུ་སྡུད་པའི་རྟགས། །ཞལ་གདང་མཆེ་གཙིགས་རྔམས་པར་བསྟན་པ་ནི། །གདུགས་པ་ཅན་རྣམས་དབང་དུ་སྡུད་པའི་རྟགས། །མི་ལྤགས་གཡང་གཞིའི་ན་བཟའ་གསོལ་བ་ནི། །ཉོན་མོངས་དུག་ལྔ་རྩད་ནས་གཅོད་པའི་རྟགས། །སྟག་གི་ལྤགས་པའི་ཤམ་ཐབ་བྱས་པ་ནི། །ཁམས་གསུམ་འཁོར་བའི་སྐྱོན་གྱི་མ་གོས་རྟགས། །ཕྱག་གཡས་བཙན་མདུང་དམར་པོ་བསྣམས་པ་ནི། །དམ་ཉམ་བྱད་མའི་སྙིང་ལ་བསྣུན་པའི་རྟགས། །ཕྱག་ཡོན་བཙན་ཞགས་དམར་པོ་བསྣམས་པ་ནི། །ཕ་རོལ་བྱད་མ་འཆིང་ཞིང་སྒྲོལ་བའི་རྟགས། །ཞབས་གཉིས་གཡས་བརྐྱང་གཡོན་བསྐུམ་བྱས་པ་ནི། །རྒབ་འདྲེ་འབྱུང་པོ་རྡུལ་དུ་བརླག་པའི་རྟགས། །ཆིབས་སུ་དེ་ནི་གློང་དམར་ཆིབ་པ་ནི། །ཕྲིན་ལས་ནམ་མཁའི་གླིང་ལས་མྱུར་བའི་རྟགས། །རྣམ་དག་སྤྲོས་དང་བྲལ་བའི་ཀློང་ཡང་སུ། །རྣམ་མང་ཡང་ཤར་འཇིག་རྟེན་དྲོགས་པའི་གཙོ། །རྣམ་འཕྲུལ་ཆ་ལུགས་ཅིར་ཡང་སྟོན་མཛད་པ། །རྣམ་ཀུན་གནས་ལུགས་ངང་དུ་མཇལ་བའི་འདུད། །རབ་ཁྲོས་མི་ཟད་ཤ་བའི་དབུ་ཅན་གྱིས། །རབ་ཏུ་བརྣག་པའི་མ་རུང་བདུད་སྡེའི་ཚོགས། །རབ་ཁྲོས་མངོན་སྤྱོད་དྲག་པོའི་ཕྲིན་ལས་ཀིས། །རབ་ཏུ་བརླག་མཛད་མཐུ་ཆེན་ཁྱོད་ལ་བསྟོད། །མི་བཟད་སྐུ་ནི་དུས་མཐའི་མེ་ལྟར་འབར། །འོད་ཟེར་ཉི་མ་འབུམ་ལས་ལྷག་པའི་སྐུ། །ཁྲོ་གཉེར་ནམ་མཁའི་གློགས་སྟོག་འགྱུ་བ་བཞིན། །སྟོབ་ལྡན་དྲེགས་པའི་དབང་ཕྱུག་ཁྱེད་ལ་བསྟོད། །རྔམས་པའི་ང་རོས་འབྲུག་སྟོང་ལྡིར་བ་བཞིན། །ཨ་ལ་ཧ་ལའི་གད་རྒྱང་ཕྱོགས་བཅུར་སྒྲོགས། །བཤུག་པའི་གླུ་ལེན་དྲག་པོའི་འཐོར་རླུང་འབུད། །གསུང་གི་དབང་ཕྱུག་ཁྱོད་ལ་བདག་བསྟོད་དོ། །ཁྱོད་ཐུགས་ཀ་དག་ནམ་མཁའ་ལྟ་བུ་ལ། །ལྷུན་གྲུབ་རོལ་མོའི་ཆོ་འཕྲུལ་ཤར་བ་ལས། །རྣམ་བཞིའི་ལས་ཀུན་སྒྲུབ་པའི་ལྷ་གཅིག་པོ། །སྒྲུབ་ལ་བུ་བཞིན་སྐྱོང་མཛད་ཁྱོད་ལ་བསྟོད། །ཧཱུྃ་ཧྲཱིཿ །སྤྱི་བོ་དུང་ཁང་འབར་བའི་གཞལ་ཡས་ནས། །མེ་ལོང་ཡེ་ཤེས་དབྱིངས་ལས་ཁྲོས་པའི་སྐུ། །སྐུ་ཡི་སྤྲུལ་པའི་རྟ་ཕག་ཡབ་ཡུམ་ཀྱི། །བཀའ་ཡི་ལས་མཁན་སྙིང་རྗེ་ཚད་མེད་བདག །ཞི་བའི་ལས་མཛད་གྲི་བཙན་མཐུ་བོ་ཆེ། །ཟླ་ལྟར་དཀར་བའི་ཞལ་གདང་ཡ་ལ་ལ། །མི་མཐུན་བར་ཆད་རྐྱེན་ངན་མཐའ་དག་མཀུན། །ཞི་བ་ཆེན་པོའི་ཕྲིན་ལས་མཛད་ལ་བསྟོད། །ལྟེ་བ་སྤྲུལ་པའི་འཁོར་ལོའི་གཞལ་ཡས་ནས། །མཉམ་ཉིད་ཡེ་ཤེས་དབྱིངས་ལས་ཁྲོས་པའི་སྐུ། །ཡོན་ཏན་སྤྲུལ་པའི་རྟ་ཕག་ཡབ་ཡུམ་གྱི། །བཀའ་ཡི་ལས་མཁན་བྱམས་པ་ཚད་མེད་བདག །རྒྱས་པའི་ལམ་མཛད་གྲི་བཙན་མཐུ་བོ་ཆེ། །སྐུ་མདོག་སེར་སོ་གཙོ་མ་གསེར་གྱི་མདོག །ཚེ་བསོད་དཔལ་འབྱོར་སྙན་གྲགས་གཟི་བརྗིད་སོགས། །རྒྱས་པའི་ཕྲིན་ལས་རྫོགས་མཛད་ཁྱོད་ལ་བསྟོད། །མགྲིན་པ་ལོངས་སྤྱོད་འཁོར་ལོའི་གཞལ་ཡས་ནས། །སོར་རྟོག་ཡེ་ཤེས་དབྱིངས་ལས་ཁྲོས་པའི་དཔལ། །གསུང་གི་སྤྲུལ་པའི་རྟ་མགྲིན་ཡབ་ཡུམ་གྱི། །བཀའ་ཡི་ལས་མཁན་དགའ་བ་ཚད་མེད་བདག ། །དབང་གི་ལས་མཛད་གྲི་བཙན་མཐུ་བོ་ཆེ། །སྐུ་མདོག་དམར་པོ་པདྨ་ག་འདྲ། །མི་ནོར་ཟས་གསུམ་ཡུལ་ཁམ་རྒྱལ་བཙུན་སོགས། །དབང་དུ་སྡུད་པའི་ལྷ་མཆོག་ཁྱོད་ལ་བསྟོད། །གསང་གནས་བདེ་བ་ཆེན་པོའི་ཕོ་བྲང་ནས། །བྱ་གྲུབ་ཡེ་ཤེས་དབྱིངས་ལས་གྲུབ་པའི་ལྷ། །ཕྲིན་ལས་སྤྲུལ་པའི་རྟ་ཕག་ཡབ་ཡུམ་གྱི། །བཀའ་ཡི་ལས་མཁན་བཏང་སྙོམས་ཚད་མེད་བདག། །དྲག་པོའི་ལས་མཛད་གྲི་བཙན་མཐུ་བོ་ཆེ། །སྐུ་མདོག་ལྗང་ནག་མར་གད་ཞུན་མའི་མདོག །ཕ་རོལ་རྦོད་གཏོང་བྱད་མ་གདོན་གྱི་རིག །མངོན་སྤྱོད་དྲག་པོའི་སྒྲོལ་མཛད་ཁྱོད་ལ་བསྟོད། །མཆེད་ཟླ་ལྷ་སྲས་དགྱེས་སྡེ་ཡུམ་དང་བཅས། །གཞན་ཡང་དྲེགས་པ་ཁྱོད་ཀྱི་བཀའ་འཁོར་ན། །བཙན་གྱི་དམག་ཚོགས་འབུམ་སྡེ་ཉི་ལི་ལི། །རྔམས་བྱེད་མི་རིང་དམར་པོ་རང་སེ་རང་། །གླད་ན་བཙན་བྱ་མང་པོ་སྤྲིན་ལྟར་གཏིབ། །རྗེས་ནས་བཙན་ཁྱི་དམར་པོ་རྒྱུག་འདུར་བྱེད། །གྲི་བཙན་མི་ཟན་དམར་པོ་འཁོར་དང་བཅས། །ཁྱོད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི། ཆེ་བའི་ཡོན་ཏན་བསྟོད་པའི་བྱིན་རླབ་ཀྱི། །དེ་ནས་བྱང་ཆུབ་སྙིང་པོ་མ་ཐོབ་པར། །སྟོབས་ལྡན་དྲེགས་པའི་དབང་པོ་ཁྱོད་ཉིད་ཀྱི། སྒྲུབ་པའི་རིག་འཛིན་རྣལ་འབྱོར་བདག་ཅག་ལ། །བྱང་ཆུབ་སྒྲུབ་ལ་བར་དུ་གཅོད་པའི་བགེགས། །མི་མཐུན་ཉམས་པའི་ཚོགས་རྣམས་མཐའ་དག་ཀུན། །མངོན་སྤྱོད་དྲག་པོ་རོལ་པའི་ཚར་གཅོད་ཅིག །མདོར་ན་བདག་གི་བཞེད་པའི་དོན་རྣམས་ཀུན། །ཡིད་ལ་གང་འདོད་དྲན་པ་ཙམ་གྱིས་ཀྱང་། །བུམ་པ་བཟང་ལས་དངོས་གྲུབ་འབྱུང་བ་བཞིན། །འབད་མེད་ལྷུན་གྱིས་འགྲུབ་པའི་ཕྲིན་ལས་མཛོད། །ཅེས་པ་འདི་ནི་གད་པདྨ་དགེ་ལེགས་ནས་བསྐུལ་བའི་ངོར་མེ་སྦྲུལ་ཟླ་ཚེས་ལ་མགོན་ཁང་དབང་དྲག་རོལ་པ་ནས་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེའི་བྲིས་པ་འདིའི་ཀྱང་བསྟན་ལ་ཕན་པའི་རྒྱུར་གྱུར་ཅིག སརྦ་མངྒ་ལཾ། །།། །གྲི་བཙན་བསྐང་བ་བཞུགས། ཧཱུྃ། པདྨ་དབང་གི་བཀའ་ཉན་པ། །གྲི་བཙན་རོལ་པ་རྐྱ་བདུན་ནི། །བསྐང་བའི་གནས་འདིར་སྤྱན་འདྲེན་གཤེགས། །ཞིང་ཆེན་གདན་ལ་བཞུགས་སུ་གསོལ། །གུས་པས་འདུད་དོ་དགྱེས་སྐོང་རྫས། །དབང་ལྔའི་མེ་ཏོག་ཚིལ་གསུར་སྤོས། །ཞུན་ཆེན་སྒྲོན་མེ་དྲི་ཆུའི་ཆབ། །ཤ་ཁྲག་རུས་པའི་ཞལ་ཟས་དང་། །རྐང་གླིང་རོལ་མོའི་ཐུགས་དམ་བསྐང་། །ཞིང་བཅུ་བསྒྲལ་བའི་རཀྟ་དང་། །རྩ་བརྒྱད་སྟོང་སྦྱར་བདུད་རྩི་སྨན། །དམ་རྫས་བྷ་ལིང་བརྒྱན་ལྡན་བཅས། །བླ་མེད་མཆོད་པས་ཐུགས་དམ་བསྐང་། །མདའ་གདུང་རལ་གྲི་གོ་ཁྲབ་རྨོག །ལྕགས་ཀྱུ་ཞགས་པ་ལ་སོགས་པ། །དྲག་པོའི་ཉིར་སྤྱོད་མ་ཚང་མེད། །བརྔམ་བརྗིད་འབར་པས་ཐུགས་དམ་བསྐང་། །སྟག་གཟིགས་དམ་དྲེད་འཕར་སྤྱང་ཁྱི། །མི་དམར་རྟ་དམར་བྱ་དམར་དང་། །ཤ་བ་ར་བཅུ་ལ་སོགས་པ། །དཀོར་ཆའི་ཚོགས་ཀྱི་ཐུགས་དམ་བསྐང་། །མདོར་ན་རྣལ་འབྱོར་ཏིང་འཛིན་གྱི། །ཡིད་སྤྲུལ་སྣང་སྲིད་ཡོང་བསྐང་བའི། །དངོས་དང་དངོས་མེད་མཆོད་པའི་སྤྲིན། །དུ་མར་སྤྲོས་པའི་ཐུགས་དམ་བསྐང་། ཧཱུྃ། །དེ་ལྟར་ཐུགས་དམ་བསྐང་བའི་མཐུས། །རྣལ་འབྱོར་བདག་ཅག་འཁོར་བཅས་ལ། །རུ་ང་ཕྲག་དོག་མི་མཛད་ཅིང། །ཚེ་སྲིང་དཔལ་འབྱོར་དབང་ཐང་སྤེལ། །མི་རུང་བསམ་སྦྱོར་བརྣག་པ་ཡི། །བསྟན་དང་རྣལ་འབྱོར་ལ་འཚེ་བའི། །དམ་ཉམས་སྒྲོལ་ལ་དུས་ཀུན་ཏུ། །སྲུང་སྐྱོབས་འཕྲིན་ལས་མ་གཡེལ་མཛོད། །རིག་དང་མ་རིག་དབང་གྱུར་པས། །ཐུགས་དང་འགལ་གྱུར་བཟོད་པར་གསོལ། །ཅེས་གཞན་ཡང་བཤགས་པ་དང་ཡིག་བརྒྱ་བརྗོད། ཉི་སྤྲུལ་བཞི་པས་སོ། མངྒ་ལཾ། གྲི་བཙན་ཆེན་པོ་ནང་ལྟར་གནོད་སྦྱིན་རིགས་ཀྱི་ཕྲིན་ལས་དགོས་འདོད་རེ་བསྐོང་བཞུགས་སོ། །ཧཱུྃ་བྷྲཱུྂ། །དཀོར་མཛོད་རིན་ཆེན་ལས་གྲུབ་གཞལ་ཡས་དབུས། །དབང་ཆེན་པད་མའི་བཀའ་སྡོད་མ་ཚིག་ཅན། །གྲི་བཙན་ཆེན་པོ་ནང་ལྟར་ནོར་བུའི་ཚུལ། །སྐུ་མདོག་དམར་པོ་པདྨ་ར་གའི་འདོག །གཞོན་ནུ་ལོ་བརྒྱད་ན་ཚོད་ཡིད་དུ་འོང་། །དར་གྱི་ན་བཟའ་རིན་ཆེན་དུ་མས་བརྒྱན། །ཕྱག་གཡས་གསེར་མར་ལྕགས་ཀྱུའི་ཕྱྭ་གཡང་འགུགས། །གཡོན་པས་རླུང་ཞགས་གཞན་སྣང་དྲན་བཞིན་སྒུལ། །སྐུ་ལས་ཛཿཛའི་སྒྲ་འབྱིན་རླུང་དམར་གྱི། །དྲེགས་ལྡན་ཆེ་དགུའི་ཁེངས་སེམས་ཟིལ་གྱིས་གནོན། །སྙིང་ནོར་བདོག་དགུ་འཕྲོག་པའི་ཆོམ་རྐུན་འགྱེད། །བཙུན་མོ་སྲས་དག་བཀའ་འཁོར་ཕོ་ཉར་བཅས། །སྣང་སྲིད་དབང་དུ་སྡུད་པའི་དགོངས་པ་ཅན། །འཁོར་བཅས་རང་བཞིན་གནས་ནས་སྤྱན་འདྲེན་གཤེགས། །ཡིད་འོང་དར་ཟབ་པད་མའི་གདན་ལ་བཞུགས། །ཕྱི་ནང་གསང་བ་བླ་ན་མེད་པ་ཡི། །མཆོད་རྫས་སྤྱན་གཟིགས་དངོས་འབྱོར་ཡིད་སྤྲུལ་འབུལ། །བྷ་ལིང་གཏོར་མ་ཇ་ཆང་ཕུད་སྐྱེམས་ཀྱིས། །ཐུགས་དམ་བསྐང་ལ་ཉམས་ཆགས་འགལ་འཁྲུལ་བཤགས། ཆོས་ཉིད་དབྱིངས་སུ་འཁོར་འདས་རོ་གཅིག་ཕྱིར། །སྐྱབ་ཀུན་འདུས་པའི་ངོ་བོ་བསྟོད་པར་བགྱིས། །དེ་ལྟར་གསོལ་ཞིང་མཆོད་པའི་བྱིན་རླབས་ཀྱིས། །བདག་ཅག་ལེགས་པའི་དབུ་འཕངས་ནམ་མཁའ་མཉམ། །ཕྱི་ཡི་རྟ་ཕྱུགས་དུད་འགྲོའི་འཕེལ་ཁ་དར། །ནང་དུ་རིན་ཆེན་ཟས་ནོར་བང་མཛོད་བརྟེན། །རྡོ་རྗེའི་སྲོག་སྩོལ་རིག་མཚོའི་རྟེན་འབྲེལ་བསྒྲིགས། །ཕོ་རྒྱུད་རྒྱལ་འབང་དད་པའི་གཏེར་ཁ་ཕྱེས། །མོ་རྒྱུད་ཡ་རབས་ཆགས་པའི་སྲིན་བུ་སློང་། །སྣང་སྲིད་ཐམས་ཅད་བྲེང་བྲེང་དུང་དུང་ཁུག །དབང་གི་ཕྲིན་ལས་ཐོག་མེད་འགྲུབ་པར་མཛོད། བྷཱུྂ་བྷྲཱུྂ་བྷྲཱུྂ། །ཡཀྴ་ཛམ་བྷ་ལ་ཨ་ནྲྀ་ཏྲི་པ་ཤང་ཀུ་རུ་ཛུག་ཛཿཛཿ མ་ཀ་ཡེཿ ཨ་པ་ཡེཿ ཀ་པ་ཡེ་བཛྲ་སིརྷི་ཧཱུྃ། །ཅེས་པའང་ལྷ་རིག་བྱོན་པས་གང་ཤར་བྲིས། མངྒ་ལཾ། ཧཱུྃ་བྷྱོཿ དབང་གི་ལྷ་དམར་འདོད་འབྱུང་རིན་པོ་ཆེ། །པདྨ་ར་ག་བྱེ་རུའི་མདངས་འདྲ་བ། །དྲེགས་པ་སྡེ་བརྒྱད་བཙན་གྱི་ཚུལ་དུ་སྤྲུལ། །གྲིབ་ལ་འཁུ་ལྡོག་ཆེ་བ་ཤ་བའི་དབུ། །རྩ་གསུམ་རྒྱལ་བའི་བསྟན་སྲུང་འཁོར་དང་བཅས། །རྣལ་འབྱོར་བདག་གི་སྒྲུབ་པའི་རྟེན་འབྲེལ་ལ། །གཟུགས་སྒྲ་དྲི་རོ་རེག་བྱ་ཕུན་སུམ་ཚོགས། །ཤ་ཁྲག་མཚན་བྱེད་གཏོར་མ་རི་ལྟར་མིགས། །བཟའ་གཅའ་གསེར་སྐྱེམ་སྣ་ཚོགས་མཆོད་པ་བཤམ། །ལྷ་ཀླུ་མི་ལ་ཛུ་བ་ཐོག་པ་མེད། །དྲག་རྩལ་ཅན་རྣམས་ཐུགས་དམ་བསྐང་གྱུར་ཅིག །དྲེགས་པ་ཟིལ་གནོན་དཀྱིལ་འཁོར་བསྟན་པ་སྲུངས། །དཔའ་བོ་མཁའ་འགྲོ་ཐུགས་དམ་བསྐང་གྱུར་ཅིག །རང་སེམས་རང་ངོ་ཤེས་པའི་འཁྲུལ་སྐབས་ལ། །དྲན་པའི་རྩིས་ཙིན་བསྲུང་མའི་ལྷ་ཤར་བ། །ཕྱི་ནང་གསང་གསུམ་ཐུགས་དམ་བསྐང་གྱུར་ཅིག །འདོད་པའི་དོན་ཀུན་འགྲུབ་པའི་ཕྲིན་ལས་མཛོད། །ཅེས་པ་འང་དོན་གཉེར་ཅན་རྡོས་ཀྱི་བསྐུལ་ངོར་རྫོགས་སྤྲུལ་བཞི་པས་སྨྲས་པའོ། གྲི་བཙན་རྡོ་རྗེ་དགྲ་འཇོམས་རྩལ་གྱི་སྐོང་བསྡུས་དམ་ཉམས་འཇོམས་པའི་འཁྲུལ་འཁོར་བཞུགས་སོ། ཧྲཱིཿ །དབང་ཆེན་ཐུགས་སྤྲུལ་གྲི་བཙན་དགྲ་འཇོམས་རྩལ། །མཆེད་ཟླ་ཡུམ་སྲས་བློན་འཁོར་རྒྱ་མཚོའི་ཚོགས། །མཆོད་པའི་བྱེ་བྲག་རྣམ་མང་རྒྱ་མཚོ་ཡི། །ཐུགས་དམ་སྐོང་ལ་དངོས་གྲུབ་མ་ལུས་སྩོལ། །རྫོགས་སྤྲུལ་ལྔ་པས་སོགས། དགེའོ། །གྲི་བཙན་བསྐང་བསྡུས་ནི། ཧྲཱིཿ །དབང་ཆེན་བཀའ་སྡོད་དྲེགས་པའི་གཙོ། །གྲི་བཙན་རྡོ་རྗེ་དགྲ་འཇོམས་རྩལ། །འཁོར་བཅས་མཆོད་པ་འདི་བཞེས་ལ། །བསམ་དོན་ལྷུན་གྱིས་གྲུབ་པར་མཛོད། རྫོགས་སྤྲུལ་ལྔ་པས་སོ། དགེའོ། ཉི་གྲགས་གྲི་བཙན་གསོལ་བསྡུས་དམ་ཉམས་སྙིང་འབྱིན་བཞུགས་སོ། ཧྲཱིཿ །དབང་ཆེན་བཀའ་སྡོད་གྲི་བཙན་དགྲ་འཇོམས་རྩལ། །མཆོད་ཟླ་ཡུམ་སྲས་བློན་འཀོར་རྒྱ་མཚོའི་ཚོགས། །དམ་རྫས་བརྒྱན་པའི་མཆོད་པ་འདི་འབུལ་བས། །རྣལ་འབྱོར་འདོད་པའི་འབྲས་བུ་མཆིས་པར་མཛོད། །རྫོགས་སྤྲུལ་ལྔ་པས་སོ། དགེའོ། ། བཙན་རྒོད་ཆེན་པོ་རྡོ་རྗེ་དགྲ་འཇོམས་རྩལ་གྱི་གསོལ་མཆོད།༄༅། །བཙན་རྒོད་ཆེན་པོ་རྡོ་རྗེ་དགྲ་འཇོམས་རྩལ་གྱི་གསོལ་མཆོད་བཞུགས་སོ། ། རྡ་ཡིག་ཡོད་་་་ དབང་ཆེན་རྟ་མཆོག་རྒྱལ་པོའི་སྐུ་ལ་འདུད༔ དྲེགས་པ་མི་བསྲུན་རབ་གཏུམ་དྲེགས་པའི་སྡེ༔ འདུལ་དཀའ་འདུལ་མཛད་པདྨ་ཧེ་རུ་ཀའི༔ གདམས་པའི་གཉེར་འཛིནལས་ཀྱི་ཕོ་ཉ་བ༔ པདྨ་བདག་གི་མངག་གཞུག་དམ་འཛིན་པ༔ བཙན་རྒོད་ཆེན་པོ་རྡོ་རྗེ་དགྲ་འཇོམས་རྩལ༔ ཇི་ལྟར་མཆོད་ཅིང་གཏོར་མ་འབུལ་བ་ནི༔ བྷནྡྷའི་སྣོད་དུ་བཤོས་བུ་ཤ་ཁྲག་བརྒྱན༔ བྱ་དམར་གཟུགས་དང་ལིངྒ་སྙིང་རྣམས་གཟུགས༔ རང་ཉིད་རྟམགྲིིན་དབང་གི་བསྐྱེད་རིམ་གསལ༔ མདུན་གྱི་གཏོར་མར་དགྲ་བགེགས་འགུགས་ཅིང་བསྟིམ༔ སྤྲུལ་པའི་འཁོར་ལོའི་བསྒྲལ་ཞིང་ཤ་ཁྲག་སྤུང༔ འདོད་ཡོན་མཆོད་པའི་སྤྲིན་དུ་བྱིན་གྱི་བརླབས༔ ཨོཾ་ཨཱཿཧཱུྃ༔ མ་ཧཱ་བྷ་ལིང་ཏ་རཀྟ་ཨམྲྀ་ཏ་བྷ་སུ་ཏ་ཀེང་ནི་རི་ཏི་སརྦ་པུཥྩ་ས་མ་ཡ་ཕེཾ་ཕེཾ་ཧ་ཧོ་ཧྲིཿཧྲཱིང་ཧྲིང་ཛཿཛཿསྭཱ་ཧཱཿ དགྲ་བགེགས་བསྒྲལ་བའི་ཤ་ཁྲག་ལས་བྱུང་བའི་མཆོད་སྦྱིན་གྱི་གཏོར་མ་འདོད་ཡོན་ལྔའི་འོད་ཟེར་འཕྲོ་བ་འདི་ཉིད་བསྔོ་ཞིང་འབུལ་བའི་གནས་སུ་གྱུར་པ་ནི་བཙན་རྒོད་ཆེན་པོ་རོལ་བ་རྐྱ་བདུན་ཕྱི་ནང་གསང་བའི་འཁོར་གཡོག་བྲན་དང་ཕོ་ཉ་སྡོང་ཟླ་དགྱེས་སྡེ་སྐུ་འཁོར་དང་བཅས་པ་རྣམས་དང་། ཁྱད་པར་དུ་གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ་སྐུ་འཁོར་དང་བཅས་པའི་ཞལ་དུ་ཁ་ཁ་ཁཱ་ཧི་ཁཱ་ཧི༔ ལན་གསུམ༔ ཧཱུྃ་བྷྱོཿ སྔོན་གྱི་བསྐལ་པ་དང་པོ་ལ༔ བཅོམ་ལྡན་པདྨ་ཧེ་རུ་ཀས༔ དབང་ཆེན་རོལ་པའི་དུར་ཁྲོད་དུ༔ དམ་ལ་བཞག་པའི་གཡར་དམ་ཅན༔ དེ་འོག་བར་གྱི་བསྐ་ལ་པ་ལ༔ བདག་ཉིད་པདྨ་ཐོད་ཕྲེང་གིས༔ ཨཱཪྱ་པ་ལོའི་གཙག་ལག་ཏུ༔ དམ་ཚིག་བསྒྲགས་པའི་གསང་མཚན་ཅན༔ ཚུར་བྱོན་ཚུར་བྱོན་དམ་ལ་འདུས༔ དམ་རྫས་བཀའ་ཡི་གཏོར་བཞེས༔ སྔོན་གྱི་རྒྱལ་བའི་བཀའ་མ་བཅག༔ ད་ལྟར་རྣལ་འབྱོར་དམ་མ་བཀྲལ༔ བཅོལཔའི་ཕྲིན་ལས་འགྲུབ་པར་མཛོད༔ བཀྲ་ཤེས་པར་གྱུར་ཅིག།། ༔བསྐུལ་པ་ནི༔ ཧཱུྃ། དམ་ཚིག་ཅན་གྱི་ལྷ་ཆེན་པོ༔ སྐུ་མདོག་དམར་བོ་ཤ་བའི་དབུ༔ སྨ་ར་སྨུན་མ་མེ་ལྟར་འབར༔ ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་གསུམ་སྡང་མིག་ཁྲག་ལྟར་གཡོ༔ མི་ལྤགས་གཡང་གཞིའི་ན་བཟའ་ཅན༔ ཕྱག་གཉིས་བཙན་མདུང་ཞགས་པ་དམར༔ བ་སྤུའི་བུ་ག་ཐམས་ཅད་ནས༔ མེ་ཡི་ཚ་ཚྭ་ཐོ་རོ་རོ༔ ཆིབས་སུ་དེ་ནི་གློག་དམར་བཅིབས༔ འཁོར་ནི་བཙན་དམག་འབུམ་སྡེ་གཡོ༔ མི་རིང་དམར་པོ་ཕོ་ཉར་འགྱེད༔ རླུང་དམར་འཚུབ་མའི་ཀློང་དཀྱིལ་ནས༔ དྲག་པོའི་ཤུགས་གྱི་མཁའ་ནས་སྤྱོད༔ སྔོན་ནས་མི་དམར་ཤ་ར་ར༔ ཀླད་ནས་བྱ་དམར་ཚུབས་སེ་ཚུབ༔ རྗེས་ནས་ཁྱི་དམར་ཀེངས་སེ་ཀེང༔ གྲི་བཙན་མི་ཟན་དམར་པོ་ནི༔ འཁོར་དང་བཅས་པ་དྲག་ཏུ་ཆོས༔ སྡང་བའི་དགྲ་ལ་ལས་མ་འགྱང་༔ གནོད་པའི་བགེགས་ལ་དཔའ་མ་ཞན༔ དུས་ལ་བབ་པོ་ས་མ་ཡཱ༔ ཅེས་བརྗོད༔ གཏོར་མ་འབུལ་ཞིང་བསྐུལ༔ ལས་མྱུར་དྲག་པོའི་ཐོག་དང་འདྲ༔ དམ་ཚིག་ཅན་གྱི་གྲོགས་སུ་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཉན་རྒྱ༔ ས་མ་ཡཱ༔ རྡ་ཡིག་ཡོད་་་ བདག་རྒྱལ་ཁམས་བ་ཉི་མ་གྲགས་པས་ཨོ་རྒྱན་བསྒྲུབ་གནས་ནག་ཤོད་མེ་འབར་ཕུག་ནས་ ཆུ་ཁྱི་ཧོར་ཟླ་དགུ་བར་གདན་དྲངས་ཤིང་བུ་འབོར་རྒང་དུ་ས་འབྲུག་ཧོར་ཟླ་དགུ་པར་ཤོག་སེར་ལས་བསྒྱུར་བའོ༔ ཐང་ལྷ་སྒེར་དུ་མཆོད་པ།ཐང་ལྷ་སྒེར་དུ་མཆོད་པ་ནི། ཨོཾ་ཨཱཿཧཱུྃ༔ ཧཱུྃ༔ ཡེ་ཤེས་གཞལ་ཡས་བསྐྱེད་ཀྱང་རྒྱ་མ་ཆུང་༔ སེང་གེ་གླང་ཆེན་ཁྲི་བཤམས་དཔང་མ་དམའ༔ ཉི་ཟླ་པདྨའི་གདན་བཏིང་བཀྲག་མ་ཞན༔ ཡེ་ཤེས་ལྷ་མཆོག་བསྙེན་ཅིང་རྒྱང་མ་རིང་༔ འཇིག་རྟེན་སྲུང་མ་སྒྲུབ་ཅིང་མཐུ་མ་ཆུང་༔ འདིར་གཤེགས་ཉི་ཟླའི་གདན་ལ་བཞུགས་སུ་གསོལ༔ རྡོ་རྗེ་འབར་བ་རྩལ༔ ས་མ་ཡ་ཛ༔ཛཿ ཧཱུྃ༔ སྐུ་ལྷའི་ཡབ་སྨོས་པ༔ འོད་དེ་གུང་རྒྱལ་ལགས༔ སྐུ་ལྷའི་ཡུམ་སྨོས་པ༔ གཡུ་བྱ་གཤོག་གཅིག་ལགས༔ སྐུ་ལྷ་ཉིད་སྨོས་པ༔ ཡ་ཞུར་གཉན་གྱི་ལྷ༔ བཞུགས་ཡུལ་མཚན་གསོལ་བ༔ འདམ་ཤོད་སྣར་མོ་ལགས༔ རི་མཐོ་གཡུ་ལྗོང་བསིལ༔ དབྱར་སྔོ་དགུན་ཡང་སྔོ༔ བཞུགས་ཡུལ་ཉམས་རེ་དགའ༔ དགྱེས་སོ་ལྷ་ཡི་ཡུལ༔ མི་ཆོས་མཚན་གསོལ་བ༔ ཐང་ལྷ་ཡར་ཞུར་ལགས༔ ལྷ་ཆོས་མཚན་གསོལ་བ༔ དྲི་ཟའི་རྒྱལ་པོ་ནི༔ ཟུར་ཕུད་ལྔ་པ་ལགས༔ གསང་བའི་མཚན་གསོལ་བ༔ རྡོ་རྗེ་འབར་བ་རྩལ༔ སྐུ་ལ་ཅི་གསོལ་ན༔ དར་དཀར་རས་དཀར་གསོལ༔ ཆིབས་སུ་ཅི་ཆིབས་ན༔ ལྷ་རྟ་ངང་དཀར་ཆིབས༔ ཁམས་གསུམ་ཀུན་ཏུ་རྒྱུ༔ མདོག་དཀར་འོད་ཟེར་འབར༔ གཡས་པས་རྦ་ལྕགས་འཕྱར༔ མ་བདུན་ལས་ལ་འགྱེད༔ གཡོན་པས་ཤེལ་ཕྲེང་འདྲེན༔ ཐུགས་དམ་དབྱིངས་སུ་ཟློ༔ སྤྲུལ་པ་ཅི་འགྱེད་ན༔ ལྷ་དམག་འབུམ་སྡེ་འགྱེད༔ བྲན་གཡོག་འཁོར་དང་བཅས༔ འདིར་བྱོན་ཕྲིན་ལས་མཛོད༔ དམ་ཅན་ཀུན་གྱི་ལྷ༔ དམ་མེད་ཀུན་གྱི་གཤེད༔ མནའ་ཟན་ཀུན་གྱི་བདུད༔ རྣལ་འབྱོར་ཀུན་གྱི་དཔལ༔ སྒྲུབ་མཆོག་བདག་གི་གྲོགས༔ ཕྲིན་ལས་སྐལ་ཕོབ་པ༔ སྨྱོ་བའི་འདྲེ་འདུལ་ཞིང་༔ སྡང་བའི་དགྲ་སྲོག་གཅོད༔ མགྱོགས་སུ་རྟ་གཏོད་ཀྱི༔ རྨིག་ཐོག་ཟོར་མ་ལྕི༔ རྣོ་རུ་མཚོན་རྡོར་གྱི༔ རྩེ་མོ་དཔལ་མ་ཞན༔ ཅི་དང་དོ་བསྡོ་ན༔ དོ་ཐག་ཆོད་ཏ་རེ༔ མགྱོགས་དང་དཀྱུས་མཉམ་ན༔ དཀྱུས་ཐོག་ཤོར་ར་རེ༔ སྡང་དགྲས་ཁྱེར་ཏ་རེ༔ བྱམས་ཀྱིས་སྐྱོང་ཏ་རེ༔ དུས་ལ་བབ་བོ་ས་མ་ཡ༔ དམ་ཚིག་རྗེས་སུ་དྲན་པར་གྱིས༔ ལས་ལ་བབ་བོ་བགེགས་ཀྱི་རྒྱལ༔ བཅོལ་བའི་ཕྲིན་ལས་སྒྲུབས་པར་མཛོད༔ དབུས་གཙང་རུ་བཞིའི་ཡུལ་ལྷ་ཁྱོད༔ ཆོས་སྐྱོང་རྒྱལ་པོ་ལྷ་ཡི་སྲས༔ ཁྲི་སྲོང་ལྡེའུ་བཙན་སྐུ་ལྷ་ཡིན༔ ཨོ་རྒྱན་པདྨ་འབྱུང་གནས་ཀྱིས༔ དམ་ལ་བཏགས་པའི་དམ་ཚིག་ཅན༔ ད་ལྟ་ཅི་བསྒོའི་ལས་རྣམས་ཉོན༔ ཕྱི་རབས་བསྟན་པའི་ཐ་མ་ལ༔ ཨོ་རྒྱན་པདྨ་འབྱུང་གནས་ཀྱི༔ རྗེས་སུ་འཇུག་པའི་སྔགས་འཆང་དང་༔ ཆོས་རྒྱལ་ཁྲི་སྲོང་ལྡེའུ་བཙན་གྱི༔ ལྷ་རྒྱུད་ཆགས་པའི་རྗེ་རིགས་རྣམས༔ མཐོ་མཐོ་དགུང་ལ་རེག་པ་དང་༔ དམའ་དམའ་བུ་བཞིན་སྐྱོང་བར་གྱིས༔ བོད་ཁམས་རུ་བཞི་ཕྱུགས་བཞིན་སྐྱོངས༔ བསམ་ཡས་ལྷ་ཁང་དཀོར་བཞིན་སྲུངས༔ རྣལ་འབྱོར་བདག་གི་བསམ་པ་སྒྲུབས༔ བསྐལ་པ་ཐ་མའི་སེམས་ཅན་ལ༔ ཁྱོད་ཀྱིས་སྲུང་སྐྱོབས་མི་བྱེད་ན༔ དང་པོ་བྱང་ལམ་བར་མ་རུ༔ གསང་བདག་ཕྱག་ན་རྡོ་རྗེ་ཡིས༔ སྲོག་སྙིང་གཟིར་བ་མི་དྲན་ནམ༔ བར་དུ་བསམ་ཡས་ཧས་པོ་རི༔ དབང་ཆེན་པདྨ་ཧེ་རུ་ཀས༔ དབང་དུ་བསྡུས་པ་མི་དྲན་ནམ༔ ཐ་མ་རི་རྒྱལ་བཀྲ་བཟང་གི༔ རྩེ་མོར་ལྷ་སྲིན་ཀུན་བསགས་ནས༔ དཔལ་ཆེན་རྡོ་རྗེ་གཞོན་ནུ་ཡིས༔ དམ་ཚིག་ཕོག་པ་མི་དྲན་ནམ༔ ང་ནི་པདྨ་འབྱུང་གནས་ཡིན༔ ཁྱོད་ནི་གཉན་ཆེན་ཐང་ལྷ་ཡིན༔ ཡུལ་ནི་དབུས་གཙང་རུ་བཞི་ཡིན༔ བྱིན་རླབས་སྤྲིན་ལྟར་ཐིབས་སེ་ཐིབ༔ ཐུགས་རྗེ་ཆར་ལྟར་ཤ་ར་ར༔ དམ་ཚིག་མདངས་ལྡན་ཡ་ལ་ལ༔ ཐང་ལྷ་གཉན་པོ་གཤེགས་སུ་གསོལ༔ སྐུ་ལྷ་གཉན་པོ་འཁོར་བཅས་ལ༔ བརྗིད་ལྡན་བཟང་རིས་བཤོས་ཀྱིས་མཆོད༔ གཡའ་ཆུ་གངས་ཆུ་གཙང་མས་མཆོད༔ དྲི་ཞིམ་སྤོས་དཀར་དུད་པས་མཆོད༔ གསེར་དངུལ་རིན་ཆེན་སྣ་ལྔས་མཆོད༔ རྔོན་ཆ་དར་དང་ཟ་འོག་མཆོད༔ གསང་ལུག་འབྲས་དཀར་གཙང་མས་མཆོད༔ ཨོཾ་བཛྲ་ཐང་ཀ་ར་མུད་ཉིད་ཁུ་ཤ་ལི་ཨ་མྲྀ་ཏ་ཁ་ཧི་ཁཱ་ཧི་སྭཱ་ཧཱ༔ ཅེས་བསྒྲངས་སོ། །བྱང་གཏེར་ཆ་ལགས་སོ། ། རྨ་རྒྱལ་སྤོམ་རའི་གསོལ་བསྡུས།༈ རྨ་རྒྱལ་སྤོམ་རའི་གསོལ་བསྡུས་བཞུགས། ཀྱེ། མདུན་དུ་བྷྲུཾ་ལས་རིན་ཆེན་གཞལ་ཡས་ཁང་། །སྣ་ཚོགས་པདྨ་ཉི་མ་ཟླ་བའི་སྟེང་། །སྐུ་ལྷ་རྨ་རྒྱལ་སྤོམ་ར་གསེར་གྱི་མདོག །ཞལ་གཅིག་ཕྱག་གཉེས་ཕྱག་གཡས་མདའ་དར་བསྣམས། །གཡོན་པས་གསེར་གྱི་ནོར་འཛིན་ནེའུ་ལེ་བསྣམས། །སྐུ་ལ་བེར་ཆེན་སེར་ཁྲབ་ལྷུབ་ལྷུབ་གསོལ། །ཞབས་ལ་ལྷྭམས་འཇའ་རིས་འཁྱིལ་པ་གསོལ། །འཁོར་དུ་རྩེ་ལྷ་བཅུ་༢གསུམ་རྨ་སྲས་དགུ། །སྲིང་གཅིག་རྡོ་རྗེ་དྲག་མོ་རྨ་སྨན་ཚོགས། །རྨ་འཁོར་འབུམ་དང་ལྷ་ཀླུ་གཉན་གྱི་དམག །གནམ་ས་བར་སྣང་ཁྱོན་ཀུན་གང་བའི་ཚོགས། །སྤྱན་འདྲེན་འདིར་གཤེགས་དགྱེས་པར་བཞུགས་སུ་གསོལ། དྭངས་བསིལ་རྙོག་མེད་ཨརྒྷཾ་བདུད་རྩིའི་རྒྱུན། །དག་བྱེད་ཞབས་བསིལ་དྲི་ལྡན་རྒྱ་མཚོ་བསྐྱིལ། །རབ་མཛེས་རྣམ་བཀྲའི་མེ་ཏོག་བལྟ་ན་སྡུག །ལྷན་ཅིག་སྐྱེས་དང་སྦྱར་བའི་བདུག་པའི་སྤྲིན། །སྣང་གསལ་མར་མེ་འོད་ཟེར་ཕྱོགས་བཅུར་འཕྲོ། །དྲི་ཞིམ་སྨན་གྱིས་སྦྱར་བའི་བྱུག་པའི་མཚོ། །སྣ་ཚོགས་རོལ་མོ་སྙན་པའི་སྒྲ་དང་བཅས། །སྨན་གཏོར་རཀྟ་ཚོགས་ཀྱི་ལོངས་སྤྱོད་དང་། །རིན་ཆེན་བདུན་དང་ཉེ་བའི་རིན་ཆེན་བདུན།༣ །ཁྲུས་ཀྱི་རྫིང་བུ་མ་རྨོས་ལོ་ཏོག་དང་། །བུམ་བཟང་དཔག་བསམ་ཤིང་དང་འདོད་འཇོའི་པ། །ཕོ་ཆས་ཀ་ཆ་དཀོར་ཆ་སོགས། །སྲིད་ཞི་དངོས་པོའི་ཡོ་བྱད་ཇི་སྙེད་པ། །ཕུལ་བས་བདག་ལ་ནོར་གྱི་ལོངས་སྤྱོད་དང་། ཚེ་གཡང་དཔལ་གྱི་དངོས་གྲུབ་སྩལ་དུ་གསོལ། །རྫོགས་སྤྲུལ་ལྔ་པས་སོ།། །ཟིལ་ཁྲོམ་གསོལ་མཆོད་བསྡུས་པ་བཞུགས་སོ། རྃ་ཡྃ་ཁྃ། ཨོཾ་ཨཱཿཧཱུྃ། སྐུ་གསུམ་རོལ་གར་ཐུགས་རྗེའི་ཡུལ་སྐྱོངས་ཚུལ། །ཞི་བའི་ཉམས་སྟོན་ཚངས་མཛེས་ཞལ་དཀྱིལ་ནི། །ཉ་རྒྱས་ཟླ་བ་ལྟ་བུའི་གཟི་བྱིན་ཅན། །ཟིལ་ཁྲོམ་རྡོ་རྗེ་གཡུང་དྲུང་གཏོར་མགྲོན་གཤེགས། །བཛྲ་ས་མ་ཡཱ་ཛཿ ཀྱེ། ཡ་མཚེན་ཡུལ་བཟང་རུ་དམ་ལུང་པ་དེར། །སྟེང་ན་རྩ་གསུམ་དཀྱིལ་འཁོར་བླ་བྲེའི་འོག །བར་ན་དཔལ་བོ་མཁའ་འགྲོ་ཉི་རྡུལ་འདྲ། །ས་གཞི་རྟེན་ཁང་གཙུག་ལག་འགྱུར་བ་མེད། །བསྟན་བསྲུང་ཆོས་སྐྱོངས་རྣམས་ནི་འདུ་ཚོགས་འདྲ། །གླིང་བཟང་ལེགས་སྐྱོང་རྡོ་རྗེ་གཡུང་དྲུང་ལ། །སྣོད་བཅུད་བཀོད་ལེགས་ཐམས་བཅད་མཆོད་པའི་རྫས། །བྷ་ལིང་དཀར་དམར་དངོས་འབྱོར་གཙང་ལ་མཛེས། །ཡིད་སྤྲུལ་རི་བོ་ལྟ་བུའི་བཅུད་ཆེན་འབུལ། །བསམ་གཏན་ཆོས་གླིང་སྣོད་བཅུད་ཟས་ཀྱི་པུང་། །དཀོར་ཆ་ལོངས་སྤྱོད་ཁྱོད་ལ་སྤྱན་གཟིགས་འབུལ། །ཚངས་པ་ལྷ་མཛེས་ཡབ་ཡུལ་བདེ་སྟོང་སྦྱོར། །རྒྱལ་ཆ་ཆིབས་སོགས་མཐོང་ན་མི་མཐུན་མེད། །ལྷ་ཀླུ་གཉན་བཙན་རྣམས་ཀྱི་མཐའ་ནས་བསྐོར།།ཡུལ་ལྔའི་རང་བཞིན་ས་ཆུ་མེ་རླུང་ཁམས། །རྒྱལ་བ་ཞི་ཁྲོའི་དཀྱིལ་འཁོར་བཀྲ་ལམ་མེར། །རྒྱལ་བསྟན་བསྲུང་མ་ཡེ་ཤེས་འཇིག་རྟེན་གཉིས། །ཚངས་པ་གཞོན་ནུ་གདོས་བཅས་ལུས་དངོས་མེད། །དག་༣པའི་སྣང་ངོར་བྱམས་མགོན་སྦྱན་རས་གཟིགས། །ཚོགས་གཉིས་རྫོགས་ཕྱིར་བཤམ་པའི་མཆོད་འདི་བཞེས། །བཅོལ་པའི་ཕྲིན་ལས་མ་ལུས་འགྲུབ་པར་མཛོད། ༈ །རྃ་ཡྃ་ཁྃ། །ཨོཾ་ཨཱ༔ཧཱུྃ། །དོ་མཚར་གནས་མཆོག་སྦས་ཡུལ་རོང་མོ་ལྗོང་། །སྐྱོང་མཛད་དཀར་ཕྱོགས་རྡོ་རྗེ་གཡུང་དྲུང་རྩལ། །ཕུན་ཚོགས་འདོདདགུ་མཆོད་པ་ས་དགྱེས་བཞིན་ཚིམས། །བསམ་དོན་ཀུན་འགུབ་བཀྲ་ཤིས་འཕེལ་རྒྱས་མཛོད། ཟིལ་ཁྲོམ་རྡོ་རྗེ་གཡུང་དྲུང་གསོལ་མཆོད་འདོད་དོན་ཀུན་འགྲུབ།བསང་མཆོད་སྐབས་ཕུན་ཚོགས་འདོད་དགུ་མཆོད་པས་བསང་ཞིང་བརྔན་ཞེས་གསུངས་སོ། །ཅེས་ཟིལ་ཁྲོམ་རྡོ་རྗེ་གཡུང་དྲུང་གསོལ་མཆོད་འདོད་དོན་ཀུན་འགྲུབ་འདི་རྫོགས་སྦྲུལ་བཞི་པ་མི་འགྱུར་ནམ་མཁའི་རྡོ་རྗེས་གསུངས་སོ། །ཤིན་ཏུ་བསྡུས་པ་འདི་འང་བདེ་དགེའི་རྒྱལ་ཁབ་ལྕང་རིའི། །ཐུམ་སྒྲུབས་སྐབས་མི་འགྱུར་ནམ་མཁའི་རྡོ་རྗེའི་གསུང་པ་དགེ་ཞིང་བཀྲ་ཤིས་པར་གྱུར་ཅིག། སརྦ་མངྒ་ལཾ།། ཟིལ་ཁྲོམ་གསང་ཡུམ།ཟིལ་ཁྲོམ་གསང་ཡུམ་ཐབས་བཞུགས། ཧཱུྃ། རིག་འཛིན་རྡོ་རྗེ་ཐོད་ཕྲེང་གི། །དམ་ཚིག་ཕྱག་རྒྱ་མི་འདོར་བའི། །སྨན་བཙུན་རྒོད་ལྕམ་ཤེལ་རུ་སྨན། །འཁོར་དང་བཅས་པ་མྱུར་དུ་བྱོན། །རོ་བཅུད་དཔལ་གྱི་གཏོར་མ་ཟངས་སེ་ཟང་། །ཇ་ཆང་འོ་སྐོལ་བཏུང་བ་མེ་རེ་རེ། །བཟང་ཤིང་དྲི་ཞིམ་ངད་པ་ཆི་ལི་ལི། །སྔགས་དང་ཕྱག་རྒྱས་བྱིན་གྱིས་རླབས་ནས་ཀྱང་། །སྨན་བཙུན་ཆེན་མོ་འཁོར་དང་བཅས་ལ་འབུལ། །དགྱེས་བར་བཞེས་ནས་བསྟན་པ་སྲུང་དུ་གསོལ། ཀྱེ། སྨན་བཙུན་ཆེན་མོ་ཟིལ་ཁྲོམ་གསང་བའི་ཡུམ། །ཟླ་ལྟར་དཀར་བའི་ཞལ་མདངས་ཡ་ལ་ལ། །དེ་ལ་མཛེས་འཛུམ་དགའ་༢བའི་རྣམ་འགྱུར་ཅན། །དམར་སེར་མཐིང་ཁའི་ན་བཟའ་ལྷུབས་སེ་ལྷུབ། །དེ་ལ་རིན་ཆེན་གསེར་གྱི་རི་མོ་བཀྲ། །འགྱིང་ལ་ལྡེམ་ཆགས་འོང་དུ་སྤུངས་སེ་སྤུང་། །དེ་ལ་རིན་ཆེན་རྣམ་མང་རྒྱན་ཆ་ཅན། །ཕྱག་ན་འདོད་འབྱུང་རིན་ཆེན་ཟས་གཞོང་བསྣམས། །ཤིན་ཏུ་ཉེ་བའི་བྱན་མོ་གཉིས་དང་ལྡན། །སྐུ་མདོག་དམར་མཐིང་རྒྱན་ཆས་གཙོ་དང་མཚུངས། །ཡུལ་ལྷ་སྨན་མོ་ཀླུ་གཉན་ཚོགས་ཀྱིས་བསྐོར། །ཨོ་རྒྱན་རྗེ་དང་རྣལ་འབྱོར་ནུས་ལྡན་པ། །པདྨ་ཀུན་གྲོལ་རྣམ་རྒྱལ་བཀའ་བསྒོས་བཞིན། །རུ་དམ་དབལ་གྱི་གཙུག་ལགས་ཁངས་ཆེན་པོ། །བསྟན་དང་བསྟན་འཛིན་སྲུང་སྐྱོབ་མེལ་ཚེ་མཛོད། །བོད་དང་བོད་ཆེན་ལྗོངས་སུ་ཡོངས་གྲགས་པའི། །མཚན་སྙན་བ་དན་འཛིན་པའི་རྫོགས་ཆེན་པའི། །སྐུ་ཚེ་བརྟེན་ཅིང་ཕྲིན་ལས་རྒྱས་པར་མཛོད། །ཕྱི་ཡི་ཕྱུགས་འཚོས་ནང་གི་དཀོར་མཛོད་སྤེལ། །ཕྱོགས་བཅུའི་ཕྱ་གཡང་དཔལ་འབྱོར་ཐམས་ཅད་བསྡུས། །སྟོབས་འབྱོར་མངའ་ཐང་རྒྱས་པའི་ཕྲིན་ལས་འཛོད། །ཧཱུྃ་ཛ་མུ་ཏིག་ཤེལ་དུ་སྨན་བཙུན་ཆེན་མོ་དམ་ལ་ཤོག །བཛྲ་ས་མ་ཛཿ ཨེ་དམ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། །སྐྱབས་མགོན་རིན་པོ་ཆེ་ཁམས་པ་བརྫོགས་ཆེན་བ་གསུམ་པས་སྨན་བཙུན་ཆེན་མོའི་གསོལ་མཆོད་ཉུང་བསྡུས་དགོས་གསུང་བ་ལྟར་ལས་རབ་རྩལ་གྱིས་སྦྱར་བའོ།། །།དགེའོ།། མངྒ་ལཾ། གནས་བདག་ནོར་བུ་གཡུལ་རྒྱལ་གྱི་གསོལ་མཆོད་ཚིག་ཉུང་དོན་བསྡུས།གནས་བདག་ནོར་བུ་གཡུལ་རྒྱལ་གྱིས། །གསོལ་མཆོད་ཚིག་ཉུང་དོན་བསྡུས་ཏེ། །མཆོད་བཤས་སྤྱི་སྟར་ཚངས་བར་བྱས། །རང་ཉི་རྩ་གསུམ་ལྟར་སྒོམ་ནས། །དྲེགས་པ་སྡེ་བརྒྱད་བསྟན་སྲུང་ཚུལ། ཨེ་མ་ཧོཿ འབྱུང་བ་ལྔ་ཡིས་ལེགས་བསྡུས་པའི། །ཕྱི་སྣོད་རུ་དམ་པདྨ་བཀོད། །ཨོ་རྒྱན་བསམ་གཏན་ཆོས་ཀྱི་གླིང་། །དམར་སྨུག་རི་བྲག་རྩི་ཤིང་ཕྱུགས། །པདྨ་ཁ་ཕྱེ་མཛེས་པ་འདྲ། །གནམ་ནི་འཁོར་ལོ་རྩིབ་བརྒྱད་དབྱིབ། །ཤར་ལྷོ་ནུབ་བྱང་སྲུང་བཞི་ཚེང་། །ཡེ་ཤེ་ལྔ་ལྡན་སྣོད་བཅུད་ལ། །གནས་བདག་ནོར་བུ་གཡུལ་རྒྱལ་ནི། །ཚིནྡ་མ་ཎིས་དབྱིབ་འདྲ་བ། །དོན་ལ་ཕོ་བྲང་གསེར་དངུལ་དང་། །རིན་ཆེན་མཆོང་སྨུག་ལས་གྲུབ་པའི། །བརྒྱན་བཀོད་ཕུན་སུམ་ཚོགས་པའི་དབུས། །གནས་བདག་ཡུལ་གྱི་མི་དཔོན་འདྲ། །གོས་སྔོན་གཱ་ཧ་རལ་གྲི་རྣོ། །སྐེད་ལ་འཆགས་ཤིང་རིན་པོ་ཆེ། །བྱེ་རུའི་རྣ་རྒྱན་དབང་ལྷའི་རྟག །ཞྭ་ ལ་མུ་ཏིག་གཡུ་ཡི་བརྒྱན། །རྐང་གཉིས་སག་ལྷམ་འགྱིང་བའི་ཉམས། །སྟག་གཟིག་ལྤགས་པ་དར་ཟབ་གདན། །བཙུན་མོ་རྒྱན་གོས་མཛེས་མ་གཡོན། །སྔོན་དུས་གཡུང་དྲུང་བོན་གྱི་ལྷ། །དྲེགས་པ་སྡེ་བརྒྱད་སྟོབས་རྩལ་ཅན། །ལག་གཉིས་མཉམས་བཞག་ནོར་བུ་འཛིན། །ལྷ་ཀླུ་གཉན་བཙན་རྣམས་ཀྱིས་འཁོར། །ཉི་མའི་ཟེར་ལ་རྡུལ་འཁྲིགས་བཞིན། །སྤྱན་འདྲེན་གདན་ལ་བཞུགས་སུ་གསོལ། །འདོད་པའི་ཡོན་ཏན་ཕུན་ཚོགས་པའི། །ཞལ་ཟས་རོ་བརྒྱད་ལྡན་བ་དང་། །པཉྩ་ཨ་མྲྀ་ཏ་ཡི་སྐྱེམས། །བདུད་དགེགས་བསྒྲལ་བའི་རཀྟ་ཡི། །ཡོན་ཆབ་རྒྱ་མཚོའི་རྦ་རླབ་འདྲ། །ཟག་པ་མེད་པའི་ཏིང་འཛིན་གྱིས། །གནས་བདག་འཁོར་བཅས་གསོལ་མཆོད་འབུལ། །བཤད་སྒྲུབ་འདུས་སྡེ་དགེ་བ་བཅུའི། །དཔལ་དང་ཡོན་ཏན་དངོས་གྲུབ་ཀྱིས། །བརྡའ་རྟག་བཀྲ་ཤིས་རྫས་བརྒྱད་དང་། །རྒྱལ་སྲིད་སྣ་བདུན་རང་རང་གིས། །འདོད་དགུ་སྟེར་བའི་གསོལ་མཆོད་འབུལ། །སྣོད་བཅུད་བཀྲགས་མདངས་རྒྱས་པ་ཡིས། །བཟའ་བཏུང་ཕུད་ཀྱི་མཆོད་པ་འབུལ། །གནས་གསུམ་དཔའ་བོ་མཁའ་འགྲོ་ཡིས། །རྫུ་འཕྲུལ་སྟོབས་ལྡན་སྲིད་དང་ཞིའི། །དངོས་གྲུབ་ཀུན་འདུས་གསོལ་མཆོད་འབུལ། །དབང་པོ་དྲུག་ལ་བཞེད་དགུ་ཚང་། །ཀུན་ཏུ་བཟང་པོའི་མཆོད་སྤྲིན་གྱིས། །ཟག་མེད་འདོད་ཡོན་འབུལ་ལོ་བཞེས། །སྣོད་བཅུད་འདུས་སྡེ་གེགས་ཞི་ནས། །ཚེ་གཡང་དཔལ་འབྱོར་གང་འཕེལ་ཤོག །པདྨ་རྒྱལ་མཚན་དད་འདུན་གྱིས། །བསྐུལ་དོ་མི་ལྡོག་ཙམ་དུ་ནི། །ལས་བཞི་རབ་འབྱམས་དཔལ་ཡོན་ཏན། །བསོད་ནམས་ཚོགས་གཉིས་ལེགས་རྫོགས་ཤིག །ཆོས་མཐུན་སྒྲུབ་བ་པོ་རྣམས་ཀྱི། །ལུགས་ཟུང་དཔལ་འབྱོར་གང་འཕེལ་ཤོག །དཔལ་གྱི་རྡོ་རྗེའི་སྨོན་ལམ་འདི། །བདེན་ཚིག་གྲུབ་པོ་ས་མ་ཡ།། དགེའོ། དགེའོ། དགེའོ།། །། སྐྱ་མོའི་གསོལ་བསྡུས།སྐྱ་མོའི་གསོལ་བསྡུས་ནི། ཧཱུྃ། །བདག་ཉིད་ལྷར་གསལ་མདུན་དུ་སྐད་ཅིག་གིས། །སྣ་ཚོགས་རིན་ཆེན་ལས་གྲུབ་གཞལ་མེད་ཁང་། །ལྕམ་མོ་ཆེན་མོ་སྨན་བཙུན་གཞོན་ནུ་མ། །རབ་དཀར་ཟླ་བ་གཞོན་ནུའི་ལང་ཚོ་ཅན། །རབ་མཛེས་ཡིད་འོང་ལྷ་ཡི་བུ་མོ་བཞིན། །རབ་བཀྲ་ཟ་འོག་གོས་དང་སྭག་ཏིའི་ལྷྭམ། །རབ་མང་རིནཆེན་སྣ་ཚོགས་བརྒྱན་གྱི་སྤྲས། །ཕྱག་གཉིས་མདའ་དར་གཏེར་གྱི་སྒྲོམ་བུ་བསྣམས། །རྫུ་འཕྲུལ་ཤུགས་ལྡན་ཅང་ཤེལ་དྲེའུ་ནི། །རབ་དཀར་གངས་ཀྱི་རི་ལ་འགྲན་ནུས་ཆིབས། །མིང་པོ་ལྷ་ཡི་དགེ་བསྙེན་དྲག་པོ་རྩལ། །སྐུ་མདོག་སྨུག་པོ་དུང་གི་རྣ་ཆ་ཅན། །སྐུ་ལ་བེར་ཆེན་སྨུག་པོ་མཛེས་པར་ཀླུབས། །ཕྱག་ན་མདུང་དར་འཕྲུལ་གྱི་ཞགས་པ་བརྣམས། །རྟ་དཀར་ཞོན་ཅིང་སྟོང་བསུམ་ཡུད་ཀྱི་བསྐོར། །ལྕམ་དྲལ་རྣམ་གཉིས་འཁོར་དང་ཡང་འཁོར་བཅས། །སྤྲུལ་པ་ཡང་སྤྲུལ་ཉི་ཟེར་རྡུལ་ལྟ་བུ། །སྐད་ཅིག་ཙམ་གྱིས་གནས་འདིར་གཤེགས་དུ་གསོལ། །ཁྱོད་ལ་དགྱིས་པའི་མཆོད་པ་འབུལ་བ་ནི། །ལྷ་རྫས་ཕྱི་ཡི་མཆོད་པ་སྤྲིན་ལྟར་གཏིབས། །རང་བྱུང་ནང་གི་མཆོད་པ་དྭངས་རེ་སྤྲོ། །གསང་མཆོད་སྦྱོར་སྒྲོལ་མཆོད་པ་བླ་ན་མེད། །གྷ་ན་ཙ་ཀྲའི་ལོངས་སྤྱོད་རི་ལྟར་སྤུངས། །གཞན་ཡང་མཆོད་པར་འོས་པའི་དམ་ཚིག་རྫས། །མ་ཚང་མེད་པར་གུས་པས་འབུལ་ལགས་ན། །བདག་ཅག་བྱང་ཆུབ་སྒྲུབ་བའི་གང་ཟག་ལ། །ནད་གདོན་མི་མཐུན་བར་ཆད་ཀུན་ཞི་ཞིང་། །ཚེ་བསོད་དཔལ་འབྱོར་ལོངས་སྤྱོད་རྒྱས་པ་དང་། །རྒྱལ་བློན་རྗེ་འབངས་ཟས་ནོར་དབང་དུ་བསྡུས། །དགྲ་གདོན་བྱད་ཕུར་རྦོད་གཏོང་བརླག་པར་མཛོད། ཅེས་པ་འདི་ཡང་དཔྱལ་བྲག་སྒྲུབ་སྡེའི་མགོན་བླ་འགྱུར་མེད་ནས་བསྐུལ་ངོར་ས་སྤྲུལ་ཟླ་བ་གསུམ་བའི་ཆོས་བཅུ་རྒྱལ་ཕུར་གྱི་འགྲུབ་སྦྱོར་ལ་༧རྫོགས་སྤྲུལ་ལྔ་བས་བྲིས་པ་དགེ།། །སརྦ་དཱ་མངྒ་ལཾ།། སེང་ཆེན་གེ་སར་ནོར་བུའི་གསོལ་མཆོད་ཕྲིན་ལས་ལྷུན་གྲུབ།༄༅། །སེང་ཆེན་གེ་སར་ནོར་བུའི་གསོལ་མཆོད་ཕྲིན་ལས་ལྷུན་གྲུབ་བཞུགས་སོ།། ཇ་ཆང་བཱ་ལིང་སོགས་བཤམས་ཞིང་བྱིན་གྱིས་བརླབས་ནས་འདི་སྐད་དོ། ཧཱུྃ་ཧྲཱི༔ འཇིགས་རུང་སྲིན་པོའི་གྲོང་ཁྱེར་དཔལ་གྱི་རི། །སྐུ་གསུམ་རྒྱལ་བའི་ཞིང་ཁམས་པདྨ་འོད། །དམར་ནག་མེ་དཔུང་འཁྲུགས་པ་དྲག་པོའི་ཞིང་། །ནང་ལྟར་རྡོ་རྗེ་ལུས་ཀྱི་ཙིཏྟའི་གྲོང་། །རིག་འཛིན་དཔའ་བོ་མཁའ་འགྲོའི་ཕོ་བྲང་ནས། །སྲིད་ཞི་མཉམ་ཉིད་ཡེ་ཤེས་རྡོ་རྗེའི་སྐུ། །རབ་འབྱམས་རྒྱལ་བའི་སྤྱི་གཟུགས་མཚོ་སྐྱེས་རྗེའི། །ཐུགས་རྗེའི་རྩལ་སྣང་སྒྱུ་མར་རོལ་པའི་གཟུགས། །རྣལ་འབྱོར་གྲུབ་པ་ཕོ་མོའི་ཚོགས་དང་བཅས། །མོས་ལྡན་བུ་ལ་བྱིན་གྱིས་བརླབ་པའི་ཕྱིར། །བརྟུལ་ཞུགས་རྡོ་རྗེའི་གར་གྱི་མཁའ་ལམ་ནས། །བདུད་འདུལ་དགྲ་བླ་ཝེར་མའི་སྐུར་བཞེངས་ཏེ། །རིག་འཛིན་ཆེན་པོ་འཛམ་གླིང་རྒྱན་མཆོག་རྩལ། །ཤེས་རབ་རལ་གྲི་མདའ་གཞུའི་འཕྲུལ་འཁོར་གྱིས། །སྲིད་པའི་དགྲ་སྡེ་འཇོམས་པའི་མཐུ་བོ་ཆེ། །སྐྱེས་མཆོག་སེང་ཆེན་ནོར་བུ་སྐུ་འཁོར་དཔུང་། །མ་ལུས་འཁོར་དང་བཅས་པ་ཐམས་ཅད་ཀུན། །དཔའ་བོའི་ཀི་བསྭོ་ཆ་སྒྲ་འབྲུག་ལྟར་སྒྲོག །དགེ་མཚན་སྙན་པའི་བ་དན་མཁའ་ལ་ཕྱར། །རྡོ་རྗེའི་རྟ་མཆོག་བཞོན་པའི་བྲོ་གར་གྱིས། །བར་ཆད་དམ་སྲིའི་སྲོག་སྙིང་ཚལ་པར་འགེམ། །བྱིན་རླབས་སྤྲིན་འཁྲིགས་དངོས་གྲུབ་ཆར་རྒྱུན་འབེབས། །སྐལ་ལྡན་བདག་གིས་མཆོད་ཅིང་མངའ་གསོལ་ན། །ཐོགས་མེད་ཐུགས་རྗེའི་དབང་གིས་འདིར་གཤེགས་ལ། །བདུད་རྩི་དཔའ་སྐྱེམས་ཕུད་ཀྱི་མཆོད་པ་བཞེས། །བཅུད་ལྡན་ཡིད་བཞིན་གཏོར་མའི་མཆོད་པ་བཞེས། །ཁྲག་ཆང་མྱོས་བྱེད་ཨཱརྒྷཾ་མཆོད་པ་བཞེས། །འོད་གསལ་དྲི་ཞིམ་བསང་གི་མཆོད་པ་བཞེས། །དར་སྣ་བ་དན་རོལ་མོའི་མཆོད་པ་བཞེས། །བདེ་སྟོང་ཉམས་མྱོང་གསང་བའི་མཆོད་པ་བཞེས། །སྣང་སྲིད་གཞིར་བཞེངས་མདོས་ཀྱི་མཆོད་པ་བཞེས། །ཐམས་ཅད་མཉམ་ཉིད་ཡེ་ཤེས་མཆོད་པ་བཞེས། །ཐུགས་རྗེས་དགོངས་ཤིག་སེང་ཆེན་རིན་པོ་ཆེ། །དམ་བཅའ་མ་གཡེལ་རིགས་གསུམ་སྤྲུལ་པའི་སྐུ། །དེང་ནས་བྱང་ཆུབ་བར་དུ་མི་འབྲལ་བར། །བསྲུང་སྐྱོབས་བྱིན་གྱིས་རློབས་ལ་ཕྲིན་ལས་སྒྲུབས། །ཁྱོད་ནི་སྙིང་རྗེ་མཆོག་གི་རང་བཞིན་ཏེ། །ཐུགས་རྗེ་ཆེན་པོའི་མཚོན་ཆེན་རྣམ་པར་འཆང་། །བདུད་ཀྱི་དཔུང་རྣམས་འདུལ་ལ་མཆོག་ཏུ་གྱུར། །བདུད་བཞིའི་འཇིགས་པ་མཐའ་དག་ཁྱོད་ཀྱིས་སོལ། །མཁྱེན་རབ་དགོངས་པའི་ཀློང་ནས་རྩལ་ཕྱུང་ལ། །སྐལ་ལྡན་སྙིང་གི་དབུས་སུ་བྱིན་ཆེན་ཕོབ། །རྩ་རླུང་རིག་ཁམས་ཡེ་ཤེས་རྩིས་ཐོབ་ལ། །གང་བྱས་བྱང་ཆུབ་ལམ་དུ་བསྒྱུར་བར་མཛོད། །བདུད་འདུལ་དྲག་པོ་སྔགས་ཀྱིས་གཟི་འབར་ཞིང་། །སྐྱེ་རྒུའི་མོས་སྣང་ཆོས་ལ་བསྒྱུར་བ་ཡི། །ཚར་གཅོད་རྗེས་སུ་བཟུང་བའི་ཕྲིན་ལས་ལ། །དབང་འབྱོར་མཐུ་སྟོབས་ནུས་པའི་དངོས་གྲུབ་སྩོལ། །སྙིང་ག་དཔལ་གྱི་བེའུའི་གསང་མཛོད་ནས། །གཟུངས་སྤོབས་བློ་གྲོས་ནོར་བུའི་གཏེར་སྒོ་ཕྱེས། །གཞན་ཕན་མཁའ་དང་མཉམ་པའི་ཕྲིན་ལས་ཀྱིས། །དོན་གཉིས་ཡིད་བཞིན་གྲུབ་པར་མཛད་དུ་གསོལ། །བྱང་ཆུབ་སེམས་ལྡན་ཀུན་བཟང་སྤྱོད་པ་ཡིས། །ཟབ་མོ་རྡོ་རྗེ་ཐེག་མཆོག་ལ་གནས་ནས། །ས་ལམ་མངོན་པར་རྟོགས་པ་ཆེར་འཕེལ་ཞིང་། །མྱུར་དུ་རྣམ་གྲོལ་རྒྱལ་བའི་དབང་པོར་མཛོད། ཅེས་པའང་ལྕགས་འབྲུག་ཟླ་དྲུག་པའི་ཚེས་བཅུ་བཞི་ལ་མི་ཕམ་པས་གང་ཤར་བྲིས་པའོ།། སརྦ་མངྒལཾ།། དགེའོ།། དགྲ་ལྷ་རླུང་རྟ་གསོ་བའི་མཆོད་འབུལ་དགའ་བདེའི་དཔལ་བསྐྱེད།ཀློང་གསལ་ཐུགས་ཀྱི་ཐིག་ལེ་ལས༔ དགྲ་ལྷ་རླུང་རྟ་གསོ་བའི་མཆོད་འབུལ་དགའ་བདེའི་དཔལ་བསྐྱེད་བཞུགས་སོ༔ སྐུ་གསུམ་རྒྱལ་བ་ཡོངས་ལ་འདུད༔ དགྲ་ལྷ་རླུང་རྟའི་མཆོད་བསྡུས་ནི༔ ནམ་མཁའ་རྒྱང་བུ་མདའ་འཕང་ལྔ༔ སྦ་ལྕགས་ཁྲབ་བྱུང་མདུང་རྒྱལ་མཚན༔ གདུགས་དང་ཤིང་རེས་མཁའ་ཐབས་གཏོར༔ ཅི་འབྱོར་པ་ཡི་རྫས་ལ་བརྟེན༔ བདག་བསྐྱེད་གང་རུང་སྤྱི་འགྲོས་དང༔ སྒེར་གྱི་བསྲུང་མར་མཆོད་བྱ༔ རྫས་རྣམས་སྔགས་རྒྱས་བྱིན་གྱིས་རླབས༔ རཾཡཾཁཾ༔ ཨོཾ་ཨཿཧཱུྃ༔ དབྱིངས་ན་བཞུགས་པའི་མཆོག་གསུམ་རྩ་བ་གསུམ༔ བཀའ་སྲུང་གཏེར་བདག་དགྲ་ལྷ་བཅུ་གསུམ་དང༔ ལོ་ཟླ་འབྱུང་སྤར་སྨེ་ཞག་དུས་ཚོད་བདག༔ འཁོར་བཅས་མ་ལུས་སྤྱན་འདྲེན་གཤེགས་གསོལ་བཞུགས༔ ས་མ་ཡ་ཏིཥྛ་ལྷན༔ ཛ༔བྷྲཱུྃ་ཁྃ་སྭཱ་ཧཱ༔ མཆོད་པའི་དམ་རྫས་དཔག་ཡས་ནམ་མཁའི་མཛོད༔ ཏིང་འཛིན་ལྷ་སྔགས་རོལ་མོའི་ཕྱག་རྒྱ་ཆེར༔ སྦྱངས་སྤེལ་བསྒྱུར་བརླབས་ངོ་མཚར་རྨད་བྱུང་རྫས༔ མདོས་གཏོར་ཡོ་བྱད་སྤྱན་གཟིགས་མཆོད་སྤྲིན་འདི༔ སྐྱབས་ཀྱི་མཆོག་གྱུར་དཀོན་མཆོག་རིན་ཆེན་གསུམ༔ མགྲོན་གྱི་གཙོ་བོ་རྩ་གསུམ་ནོར་སྐྱོངས་ལྷ༔ བརྟེན་གྱི་གཙོ་བོ་ཆོས་སྐྱོངས་གཏེར་གྱི་བདག༔ དཔལ་མགོན་བདུན་ཅུ་འགོ་བའི་ལྷ་ལྔ་དང༔ དགྲ་ལྷ་བཅུ་གསུམ་ཡུལ་རིའི་གཞི་བདག་བཅས༔ མཆོད་དོ་འབུལ་ལོ་མངའ་གསོལ་གཟིངས་བསྟོད་དོ༔ ཕྱོགས་བཞིའི་བདག་པོ་རླུང་རྟ་སྡེ་བཞིའི་ལྷ༔ དཔའ་རྔམས་སྟོབས་བསྐྱེད་དུང་སེང་གཡུ་རལ་ཅན༔ ངར་སྐད་སྟོབས་བསྐྱེད་གཡུ་འབྲུག་སྔོན་མོ་སྟེ༔ དཔལ་རྩལ་སྟོབས་བསྐྱེད་རྒྱ་སྟག་མཚལ་རིས་ཅན༔ སྟོབས་ཤུགས་བང་བསྐྱེད་ཁྱུང་ཆེན་འབར་བ་བཞི༔ མཆོད་དོ་འབུལ་ལོ་མངའ་གསོལ་གཟེངས་བསྟོད་དོ༔ འཇིག་རྟེན་གཙུག་ལག་འབྱུང་བ་ལྷ་ཡི་གཙོ༔ མ་ཧཱ་གསེར་གྱི་རུ་སྦལ་སེར་པོས་བྱེད༔ ཁམས་དང་སྐྱེ་མཆེད་དབང་མདངས་ལུས་བསྐྱེད་ལྷ༔ སྲིད་པའི་ལོ་འགྲོས་ལོ་སྐོར་བཅུ་གཉིས་དང༔ སྤར་ཁའི་ཁམས་བརྒྱད་སྨེ་བའི་གླིང་དགུ་དང༔ བྱི་བ་གླང་ལ་སོགས་ཏེ་གནས་པ་ཡིས༔ ལོ་ལྷ་དེ་ནི་བདུན་ཅུ་རྩ་གཉིས་དང༔ ས་འཛིན་དེ་ནི་ལག་པ་ཆེན་པོ་སོགས༔ མི་འཕོས་བདག་ཉིད་ས་བདག་ཉི་ཤུ་གཅིག༔ བསྟན་མ་ལ་སོགས་ས་འོག་རིམ་དགུའི་བདག༔ ཐེ་སེ་ལ་སོགས་ལོ་འཁོར་ས་བདག་དང༔ འབྲུག་ལྷ་རྗེ་སོགས་ཟླ་འཁོར་ས་བདག་དང༔ བིཏཊིིི།།།ཟིན་ཕུང་ཚེས་གྲངས་ལ་དབང་ལ༔ ནུ་རུ་ལུགས་དང་རྣོ་མྱུར་དུས་མཚན་བདག༔ ལོ་ཟླ་ཞག་དུས་དབང་བྱེད་ས་བདག་སྟེ༔ ཕན་གནོད་ལ་དབང་རྐོ་ལོང་གདུགས་སེམས་ཅན༔ ཐམས་ཅད་མཆོད་ཅིང་བསྟོད་དོ་བརྔན་ཡོན་འབུལ༔ སྔགས་འཆང་རྣལ་འབྱོར་ཅན་ལ་སོགས་པ་ཡིས༔ སྲོག་ལུས་ཁ་རྗེ་དབང་ཐང་སྙན་གྲགས་དཔལ༔ འབྱུང་ཁམས་སྤར་ཁ་ལོག་མེན་སྨེ་བ་ཡིས༔ རླུང་རྟའི་དཔལ་གཡང་མ་ལུས་བསྐྱེད་དུ་གསོལ༔ རླུང་རྟ་བསྐྱེད་ཅིང་དགྲ་ལྷ་གསོ་བའི་རྟེན༔ རིན་ཆེན་སྣ་ལྔའི་སྐུ་མཁར་འབར་བའི་ཏོག༔ རྦ་ལྕགས་ཁྲབ་དཀར་ལོ་རྒྱས་ཚིག་དགུའི་སྙུགས༔ མདའ་མོ་བྱ་རྒོད་སྒྲོ་ལྡན་དར་སྣས་བརྒྱན༔ རིན་ཆེན་སྣ་ལྔའི་གསེར་འཕང་གཡུ་ལོ་ཅན༔ ནམ་མཁའ་རྒྱང་རིས་གཏེར་བུམ་འཕན་གདུགས་བསྒྲེངས༔ སྲིད་པའི་བདོག་དགུ་ཕུན་སུམ་ཚོགས་པ་འདིས༔ མཆོད་པ་ཡིན་ནོ་ཁ་རྗེ་བསོད་ནམས་སྤེལ༔ བརྔན་དུ་འབུལ་ལོ་དགོས་དགུའི་དངོས་གྲུབ་སྩོལ༔ རྟེན་དུ་འཛུག་གོ་ཀླུང་རྟའི་སྲོག་ཉམས་གསོས༔ མངའ་གསོལ་བསྟོད་དོ་དགྲ་ལྷའི་མཐུ་དཔུང་བསྐྱེད༔ དགྲ་ལྷ་གཟིང་བསྟོད་རླུང་རྟ་མཆོད་བྱས་མཐུས༔ ཕོ་མོ་བུ་ཚ་ཟས་ནོར་དབྱིགས་སོགས་པའི༔ རླུང་རྟ་ཆགས་ཉམས་རྒུད་འཐོར་ཞིག་པ་སོགས༔ བུག་རལ་གས་ཆད་འབྱུང་ཁམས་མི་མཐུན་པ༔ གཅིག་བདུད་ཅིག་བཅད་ནང་འཕྲད་དགྲ་གྱུར་སོགས༔ མི་མཐུན་ལོག་པ་ཀུན་ལས་སྐྱབས་བསྲུང་མཛོད༔ ལུས་ལ་ནད་མེད་གཟི་མདངས་བདེ་དཔལ་སྐྱེད༔ ངག་ལ་བདེན་སྟོབས་ནུས་འབར་གྲགས་པ་བསྐྱེད༔ སེམས་ལ་དབང་ཐོབ་ཉམས་རྟོགས་མཐའ་རྒྱས་སྐྱེད༔ ལས་བཞི་ཀུན་འགྲུབ་ཕྱོགས་ལས་རྒྱལ་གྱུར་ཅིག༔ སརྦ་བྷི་ཛཿས་མ་ཡ་གུ་ཧེ་ཛཿསིདྡྷི་བྷེ་ཏྲི་གྷ་རུ་ཊ་སརྦ་སིདྡྷི་ནི་ཀུན་འདུ་ཧོ་སྭཱ་ཧཱ༔ ལྒིས་ཀྱི་ལྷ་མོ་སྤུན་གསུམ་ཞོལ༔ གནས་ཀྱི་འབྲེལ་བར་ཁུག་པའི་ཚེ༔ གནས་སྲུང་སྨོན་ལམ་རྨིས་ཉམས་ངོར༔ དགའ་བདེ་བསྐྱེད་པའི་སྣང་ཉམས་རྩལ༔ འགགས་པ་མེད་པའི་དག་སྣང་གཟུགས༔ ཤར་ནས་འགོགས་པ་མེད་པ་རུ༔ མཐའ་བྲལ་གླིང་པའི་ཉམས་གཏེར་ཡིན༔ ས་མ་ཡ༔ ༔ གསང་སྔགས་སྙིང་པོ་ནང་རྒྱུད་སྡེ་གསུམ་་་་་་༄༅། །གསང་སྔགས་སྙིང་པོ་ནང་རྒྱུད་སྡེ་གསུམ་གྱི། །བསྟན་པའི་རྒྱལ་མཚན་ཕྱོགས་བཅུར་བསྒྲེང་བ་དང་། གང་ལ་བར་དུ་གཅོད་པའི་དགྲ་དང་བགེགས། །མིང་ཙམ་མེད་པར་བརླག་པའི་ཕྲིན་ལས་མཛོད། །བརྒྱུད་གསུམ་བླ་མའི་སྤྱན་སྔར་དམ་མནོས་པ། །སྡེ་གསུམ་སྲུང་མའི་མཐུ་རྩལ་མངོན་ཕྱུངས་ལ། །རིག་གསུམ་སྤྲུལ་པའི་རིང་ལུགས་ཆོས་ཀྱི་མཛོད། །ས་གསུམ་ཁྱབ་པར་མྱུར་དུ་སྤེལ་བར་མཛོད། །བསྟན་འཛིན་ཚོགས་རྣམས་རིང་དུ་འཚོ་གཞེས་ཤིང་། །བསྟན་འགྲོར་ཕན་པའི་བཞེད་པ་ཡིད་བཞིན་འགྲུབ། །བསྟན་པའི་མངའ་ཐང་ནམ་མཁའ་མཉམ་པར་འཕེལ། །བསྟན་པ་མི་ནུབ་རྒྱས་པའི་ཕྲིན་ལས་མཛོད། །མདོར་ན་ཡིད་ལ་ཇི་ལྟར་རེ་བ་ཡི། །འདོད་དོན་ཕྲིན་ལས་གང་དང་གང་བཅོལ་བ། །དེ་དང་དེ་བཞིན་ངོ་མགོན་རྟགས་དང་བཅས། །ཐོགས་པ་མེད་པར་འགྲུབ་པའི་ཕྲིན་ལས་མཛོད། །ཅེས་པ་རྫོགས་ཆེན་མཆོག་སྤྲུལ་ལྔ་པས་ལྷ་རྫས་དང་བཅས་ཏེ་བཀའ་ཕེབ་གནང་བ་ལྟར་དགེ་བྱེད་དབོ་ཟླའི་ཚེས་བཅུ་གཅིག་རྒྱལ་ཕུར་གྱི་འགྲུབ་སྦྱོར་ལ་མི་ཕམ་པས་བྲིས་ཏེ་ཕུལ་བ་དགེ་ལེགས་འཕེལ།། བཀྲ་ཤིས་གྱུར་ཅིག། །། བསྟན་སྲུང་དམ་ཅན་རྒྱ་མཚོ་སྤྱི་ཡི་བསྐང་བ་ཡིད་བཞིན་རེ་སྐོང་།༄༅། །བསྟན་སྲུང་དམ་ཅན་རྒྱ་མཚོ་སྤྱི་ཡི་བསྐང་བ་ཡིད་བཞིན་རེ་སྐོང་ཞེས་བྱ་བ་བཞུགས་སོ། ། ༄༅། །ཨོཾ་སྭ་སྟི། བདེ་ཆེན་ཡེ་ཤེས་ལྔ་ཡི་བདག །དཀྱིལ་འཁོར་ཀུན་གྱི་འབྱུང་གནས་མཆོག དཔལ་ལྡ་རྡོ་རྗེ་སེམས་དཔའ་ལ། སྙིང་ནས་གུས་པས་ཕྱག་འཚལ་འདུད། དེ་ལ་འདིར་བསྟན་སྲུང་དམ་ཅན་རྒྱ་མཚོ་སྤྱི་ལ་བསྐང་བཤགས་བྱེད་པར་སྤྲོ་ན་དམ་ཅན་སོ་སོའི་རྟེན་དང་སྤྱན་གཟིགས་བསྐང་རྫས་སྨན་གཏོར་རཀྟ་སོགས་མཁོ་བའི་ཡོ་བྱད་ཐམས་ཅད་སྤྲོས་བཅས་སྤྲོས་མེད་དུས་སྐབས་དང་བསྟུནཔར་བཤམས་ལ། རང་ཉིད་ཡི་དམ་གྱི་ང་རྒྱལ་བརྟན་པོ་དང་མ་བྲལ་བའི་ངང་ནས། ཨོཾ་སྭ་བྷཱ་ཝ་སོགས། སྟོང་པའི་ངང་ལས་བྷྲུྃ་ལས་གནས་ཁང་དུར་ཁྲོད་དྲག་པོའི་བཀོད་པ་ཞིང་ཁམས་བསམ་གྱིས་མི་ཁྱབ་པར་ཕྱིན་ནང་གསང་བའི་མཆོད་པ་སྤྱན་གཟིགས་མཐུན་རྫས་བརྟེན་རྫེས་བསྐང་རྫས་ལ་སོགས་པ་ཐམས་ཅད་སྲིད་ཞིའི་འདོད་ཡོན་གྱིས་རྣམ་པ་མཁོ་དགུ་ཚངས་པ། བཟང་དགུའི་འབྱོར་བ་མཛེས་དགུའི་བརྒྱན་པ། ངོ་བོ་ཡེ་ཤེས་ཀྱི་སྒྱུ་མའི་རང་བཞིན་བདེ་བའི་རྣམ་པ་ཐམས་ཅད་འཆར་བའི་ནམ་མཁའི་ཁམས་གང་བར་གྱུར། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱེཿ སརྦ་ཏ་ཏྑཾ་ཨུངྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭ་ཧཱཿ ནམ་མཁའ་མཛོད་ཀྱི་སྔགས་རྒྱས་བྱིན་གྱིས་རླབས་ལ། གདུང་བའི་དབྱངས་ཀྱིས་འདི་སྐད་དོ། ཧཱུྃ་ཧྲཱི༔ དུར་ཁྲོད་རབ་འཇིགས་རྔམས་པའི་གཞལ་ཡས་ཁང་། །ཐོད་མཁར་མེ་རླུང་འཚུབ་མ་འུ་རུ་རུ། །དམར་ཆེན་ཁྲག་གི་རྒྱ་མཚོ་རྦ་རླབས་འཁྲུགས། །ཞིང་ཆེན་ཞིང་ཆུང་ཕོ་མོ་གཅལ་དུ་བཀྲམ། །མི་རོའི་རྒྱལ་མཚན་ཙིཏྟའི་ཏོག་གིས་མཛེས། །རྒྱུ་རློན་ནང་རོལ་དྲ་ཕྱེད་བསམ་མི་ཁྱབ། །ཞིང་ཆེན་བླ་བྲེ་ཞིང་ཆུང་འཕན་གྱིས་མཛེས། གཏུམ་དྲག་བཟོད་པར་དཀའ་བའི་ཕོ་བྲང་ཆེ། །ཕྱི་རོལ་འཁོར་ཡུག་དུར་ཁྲོད་ཆེན་པོ་ན། །ཀངྐ་ལ་སོགས་དུར་བྱ་སྣ་ཚོགས་དང་། །ཤ་ཟ་སྲིན་པོ་རོ་ལང་འཇིགས་པའི་ཚོགས། །མི་བཟད་གཅན་གཟན་མང་པོ་རྒྱུག་འདྲལ་བྱེད། །དུར་ཁྲོད་ཆས་རྣམས་མ་ལུས་ཡོངས་སུ་རྫོགས། ཧཱུྃ་ཧྲཱི༔ འོག་མིན་ཆོས་དབྱིངས་གནས་མཆོག་དམ་པ་ནས། །རྩ་རྒྱུད་བླ་མ་རྒྱལ་བ་སྲས་དང་བཅས། །ཡི་དམ་ཞི་ཁྲོ་རྒྱུད་སྡེ་སྒྲུབ་སྡེའི་ལྷ། །གནས་གསུམ་དཔའ་བོ་མཁའ་འགྲོ་རྒྱ་མཚོའི་ཚོགས། །མི་མངོན་དབྱིངས་ཀྱི་གནས་མཆོག་དམ་པ་ནས། །ཐུགས་དམ་བསྐང་བའི་གནས་འདིར་གཤེགས་སུ་གསོལ། ཧཱུྃ་ཧྲཱི༔ དབང་ཆེན་རོལ་བའི་ཞིང་ཁམས་ཆེན་པོ་ནས། །གར་གྱི་དབང་ཕྱུག་ཐུགས་རྗེའི་རྣམ་རོལ་ལས། །ཡོངས་ཤར་རྟ་མགྲིན་ནག་པོ་ལྕགས་རལ་ཅན། །དྲེགས་པ་སྡེ་བརྒྱད་འཁོར་ཚོགས་བཅས་པ་རྣམས། །ཐུགས་དམ་བསྐང་བའི་གནས་འདིར་གཤེགས་སུ་གསོལ། །རི་རྒྱལ་མ་ལ་ཡ་ཡི་རྩེ་མོ་ནས། །ལེགས་ལྡན་རྡོ་རྗེ་སྲིན་པོ་ཚོགས་ཀྱི་བདག །གསང་བའི་ཡུམ་ཆེན་ཀྲོ་ཏི་ཤྭ་རི་མ། །སྤྲུལ་བ་ཡང་སྤྲུལ་འཁོར་གཡོག་བཅས་པ་རྣམས། །ཐུགས་དམ་བསྐང་བའི་གནས་འདིར་གཤེགས་སུ་གསོལ། །གསང་ཆེན་རོལ་བའི་དུར་ཁྲོད་ཆེན་པོ་ནས། །གདུལ་དཀའ་གཤེད་གྱུར་དཔལ་མགོན་མ་ནིང་ནག །སྲོག་བདུད་དཔལ་འབར་དྲེགས་པ་སྡེ་བརྒྱད་ཚོགས། །ཐུགས་དམ་བསྐང་བའི༴ གྲུ་གསུམ་མཐིང་ནག་འབར་བའི་དཀྱིལ་འཁོར་ནས། བདུད་འདུལ་ལས་ཀྱི་དབང་ཕྱུག་ཚོགས་ཀྱི་བདག །སྦྱོང་བའི་ཡུམ་ཆེན་ཡཀྴ་བཻ་ཏ་ལི། །སྐུ་གསུང་ཐུགས་མགོན་ཕྱོགས་བཅུའི་མགོན་པོ་བཅུ། །སྡེ་བརྒྱད་དྲེགས་པའི་གཙོ་བོ་ཆེ་རྣམས་དང་། །བཀའ་སྡོད་ལྷ་དམག་བྱེ་བ་དུང་ཕྱུར་སོགས། །ཁྱད་པར་དགྲ་ལྷ་བཅུ་གསུམ་དམག་དཔུང་བཅས། །ཐུགས་དམ་བསྐང་བའི༴ །བསིལ་བ་ཚལ་གྱི་དུར་ཁྲོད་ཆེན་པོ་ནས། །དཔལ་ལྡན་ཡེ་ཤེས་མགོན་པོ་ཕྱག་བཞི་པ། །ཡུམ་ཆེན་ལྷ་མོ་མ་མོ་ཙནྟི་ནག །བཀའ་ཉན་འཁོར་ཚོགས་སྐྱོང་བའི་ཚོགས་རྣམས་ཀྱང་། །ཐུགས་དམ༴ འཇིགས་རུང་མཁའ་སྤྱོད་ཕོ་བྲང་ཙ་རི་ནས། །མི་སྡུག་མི་བསྲུན་ཞིང་སྐྱོང་སེང་གེའི་གདོང་། །ཡུམ་མཆོག་བདུད་མོ་ནག་མོ་ཁྲག་རལ་ཅན། །ལས་བྱེད་དུས་མཚན་པོ་གྲོ་དགྲ་བོའི་གཤེད། །བཀའ་ཉན་ལས་བྱེད་དྲེགས་པའི་ཚོགས་རྣམས་བཅས། །ཐུགས་དམ༴ །མི་མངོན་དབྱིངས་ཀྱི་གནས་མཆོག་དམ་པ་ནས། །དྲག་པོའི་ཤུགས་འཆང་ཨེ་ཀཙ་ཏྲི་མ། །ཡེ་ཤེས་ལས་དང་འཇིག་རྟེན་མཁའ་འགྲོའི་ཚོགས། །བྱེ་བ་འབུམ་གྱི་འཁོར་ཚོགས་བཅས་པ་རྣམས། །ཐུགས་དམ་བསྐང་བའི༴ རི་རབ་བྱ་ཤར་ཡོངས་འདུའི་ཤིང་གི་དྲུང་། །མུ་ལེ་མཐིང་གི་རྒྱ་མཚོའི་ཀློང་དཀྱིལ་ནས། །སྲིད་པ་གསུམ་ལ་དབང་བསྒྱུར་མཐུ་མོ་ཆེ། །དཔལ་ལྡན་ལྷ་མོ་ཆེན་མོ་སྔགས་བདག་མ། །དྲེགས་པ་བདུན་དང་མ་མོ་བྱེ་བ་བཅས། །ཐུགས་དམ༴ རང་བཞིན་ཆོས་ཀྱི་དབྱིངས་ཀྱི་གནས་མཆོག་ནས། །དཔལ་ལྡན་ལྷ་མོ་རྡོ་རྗེ་གཤོག་རྒོད་མ། །དབྱར་གྱི་ཆར་སྤྲིན་གཏིབ་པ་ལྟ་བུའི་སྐུ། །ཏི་རིའི་གནས་ནས་བྱིས་པའི་དུར་བྱེད་མ། །མི་དུར་གཅོད་བྱེད་ནག་མོ་མཐུ་མོ་ཆེ། །ཐུགས་དམ་བསྐང་༴ བསྐལ་བ་རླུང་ནག་འཚུབ་མའི་དཀྱིལ་འཁོར་ནས། །མ་གཅིག་ཤན་པ་སྲོག་སྒྲུབ་ནག་མོ་ནི། །ལས་དང་ཡེ་ཤེས་ཚོགས་ཀྱི་རྗེ་མོ་རྣམས། །ཤ་ཟ་མ་མོ་འབུམ་སྡེའི་ཚོགས་དང་བཅས། །ཐུགས་དམ༴ བལ་ཡུལ་ཁ་ལ་རོང་སྒོའི་དབེན་གནས་སུ། །བོད་ཁམས་སྐྱོང་བའི་བསྟན་མ་བཅུ་གཉིས་ཚོགས། །བདུད་མོ་བཞི་དང་གནོད་སྦྱིན་སྨན་མོ་བཞི། །རང་རང་བྲན་གཡོག་མང་པོའི་འཁོར་དང་བཅས། །ཐུགས་དམ་བསྐང་༴ གནས་མཆོག་གངས་ཅན་ཤེལ་གྱི་ཟུར་ཕུད་ནས། །རྒྱལ་བའི་ཡུམ་ཆེན་རྡོ་རྗེ་ཀུན་བཟང་མོ། །མཐིང་གི་ཞལ་བཟང་ལ་སོགས་མཁའ་འགྲོ་བཞི། །སྤྲུལ་པ་ཡང་སྤྲུལ་ཉིད་སྤྲུལ་བསམ་མི་ཁྱབ། །ཐུགས་དམ༴ ལྷོ་ཕྱོགས་རིན་ཆེན་བྲག་རིའི་གཏམ་པའི་ཞིང་། །ཡིད་འོང་སྨན་ལྗོང་ནགས་ཚལ་རྒྱས་པའི་དབུས། །དྲི་མེད་དྭང་གསལ་ཤེལ་གྱི་སྐུ་མཁར་ནས། །བོད་སྐྱོང་བརྟན་མའི་གཙོ་བོ་གཡུ་ཡི་སྒྲོན། །འཁོར་དུ་ཡེ་ཤེས་ཌཱ་ཀི་སྡེ་ལྔ་དང་། །བརྟན་མ་བཅུ་གཉིས་སྨན་བཙུན་འབུམ་དང་བཅས། །ཐུགས་དམ་བསྐང་བའི༴ ཚང་པའི་གནས་དང་ཙནྡན་ནགས་གླིང་ནས། །པདྨ་གར་དབང་ཐུགས་རྗེའི་རྣམ་རོལ་ལས། །འཇིག་རྟེན་མེས་པོ་ཁམས་གསུམ་ཀུན་གྱི་བདག །དབང་ཕྱུག་ཆེན་པོ་ཤྲཱི་རི་རལ་པ་ཅན། །གསང་བའི་ཡུམ་ཆེན་ལྷ་མོ་བཀའ་བཟློག་མ། །འཁོར་གྱི་ལྷོ་མོ་ཆེན་མོ་མཆེད་བཞི་བཅས། །ཐུགས་དམ་བསྐང་བའི༴ སྟོང་གསུམ་ནམ་མཁའ་ཡངས་པའི་དཀྱིལ་འཁོར་ནས། །བསྟན་སྲུང་ཁྱབ་འཇུག་ཆེན་པོ་རཱ་ཧུ་ལ། །སྤྲུལ་པའི་གཟའ་བརྒྱད་གདོང་མོ་ཆེན་མོ་བཞི། །སྤྲུལ་འཁོར་ལྷ་སྲིན་སྡེ་བརྒྱད་ཚོགས་དང་བཅས། །ཐུགས་དམ་བསྐང་༴ ཤང་དང་འུ་ཡུག་གནས་མཆོག་དམ་པ་ནས། །འཛམ་གླིང་གནམ་ས་ཕྱེད་ཀྱི་བདག་པོ་ནི། །སྐྱེས་མཆོག་བཛྲ་སྭཱ་དྷུ་ཐིག་ལེ་རྩལ། །མཆེད་འཁོར་སུམ་བརྒྱ་དྲུག་ཅུའི་ཚོགས་དང་བཅས། །ཐུགས་དམ༴ གཏུམ་དྲག་མེ་ལྟར་འབར་བའི་དཀྱིལ་འཁོར་ནས། །ཁམས་གསུམ་སྐྱེ་འགྲོའི་སྲོག་གི་བདག་པོ་སྟེ། །ར་ཞོན་དམ་ཅན་རྡོ་རྗེ་དགྲ་འཇོམ་རྩལ། །སྡེ་བརྒྱད་དྲེགས་པའི་དམག་དཔུང་བཅས་པ་རྣམས། །ཐུགས་དམ༴ །ཏི་སེ་དབང་གི་ཕོ་བྲང་ཆེན་པོ་ནས། །ཇོ་བོ་ལྷ་ཡི་བཙན་རྒོད་རྡོ་རྗེ་འབར། །འཁོར་གྱི་བཙན་རྒོད་ཆེན་པོ་མཆེད་བདུན་བཅས། །ཐུགས་དམ་༴ ནུབ་ཕྱོགས་བླ་མཁར་སྨུག་པོའི་ཕོ་བྲང་ནས། །དམ་ཅན་ནོར་བདག་ཀོང་བཙུན་ཡུམ་དང་བཅས། །འཁོར་གྱི་ནོར་བདག་ཛམ་ལྷ་ཆེན་པོ་བརྒྱད། །དགེ་བསྙེན་ཉེར་གཅིག་བརྟན་མ་བཅུ་གཉིས་དང་། །སུམ་བརྒྱ་དྲུག་ཅུའི་སྤྲུལ་འཁོར་རྒྱ་མཚོའི་ཚོགས། །ཐུགས་དམ༴ ཧེ་ཆེན་བརྡལ་བའི་དུར་ཁྲོད་ཆེན་པོ་ནས། །རབ་འཁྲོས་གནོད་སྦྱིན་ཤན་པ་དམར་ནག་ནི། །དུར་ཁྲོད་བདག་པོ་ཤ་ཟ་སྲིན་པོའི་གཟུགས། །ཤིན་ཏུ་འཇིག་པའི་མེ་འོད་ལུས་ལ་འཕྲོ། །དམ་ཉམས་དགྲ་ཡི་བླ་སྲོག་ཧུབ་ཀྱིས་འདེབས། །ཕོ་ཉ་སྡེ་བརྒྱད་ཤ་ཟ་ཤན་པའི་ཚོགས། །ཐུགས་དམ༴ དུར་ཁྲོད་བརྒྱད་དང་གནས་ཡུལ་ཉེར་བཞི་ནས། །ཧཱུྃ་དཀར་སྲས་མོ་དཔལ་མོ་འཛོམ་པ་སྐྱིད། །ཌཱ་ཀིའི་དབང་མོའི་ཚུལ་འཆང་རིག་འཛིན་མ། །རེས་འགའ་རབ་ཁྲོས་ཤ་ཟ་ཁ་མི་ཆེ། །མ་མོ་མཁའ་འགྲོའི་འཁོར་ཚོགས་བཅས་པ་རྣམས། །ཐུགས་དམ་༴ ལྗོན་ཤིང་བྲག་རི་གཏམ་པའི་ཕོ་བྲང་ནས། །ཕྱི་ལྟར་ཀླུ་བཙན་ཤིན་ཏུ་ཁྲོས་པའི་གཟུགས། །ནང་ལྟར་ར་ཙ་དགེ་བསྙེན་ཆེན་པོ་སྟེ། །གསང་བ་གནོད་སྦྱིན་ནོར་བདག་རྒྱལ་པོའི་ཚུལ། །སྤྲུལ་པ་ཉི་ཤུ་རྩ་གཅིག་འཁོར་བཅས་རྣམས། །ཐུགས་དམ༴ བལ་ཡུལ་ཡང་ལེ་ཤོད་ཀྱི་བྲག་ཕུག་ནས། །དཔལ་ཆེན་ཕུར་པའི་སྲུང་མ་ཆེན་མོ་ནི། །དཔལ་གྱི་བཀའ་ཉན་ཤྭ་ན་མཆེད་བཞི་དང་། །སྲོག་གཅོད་ནག་མོ་བསྲེ་ཡི་བུ་མོ་བཞི། །དགྲ་བོའི་སྲོག་གཅོད་རེ་ཏི་མཆེད་སྡེ་བཞི། །མ་མོ་རྣམས་ཀྱི་མིང་པོ་གིང་བཞིའི་ཚོགས། །ཐུགས་དམ༴ གནས་མཆོག་ལྡང་ལྷ་གསང་བའི་བྲག་ཕུག་ནས། །རྡོ་རྗེ་ཕུར་པའི་ཟབ་གཏེར་སྐྱོང་མཛད་པའི། །ལྷ་ཡི་དགེ་བསྙེན་རྡོ་རྗེ་དྲག་པོ་རྩལ། །བཙན་རྒོད་ཆེན་པོ་སྟོང་གི་ཚོགས་དང་བཅས། །ཐུགས་དམ༴ བྱང་ཕྱོགས་ལི་ཡུལ་ལྕང་ར་སྨུག་པོ་ནས། །སྣང་སྲིད་དྲེགས་པ་ཡོངས་ཀྱི་ཆེ་བཙན་མཆོག །གནོད་སྦྱིན་རྒྱལ་པོ་ཆེན་པོ་ཙིའུ་དམར། །རང་གི་ལུས་ལས་བྱུང་བའི་བཙན་དྲུག་དང་། །སྤྲུལ་པ་ཡང་སྤྲུལ་སྡེ་བརྒྱད་ཚོགས་དང་བཅས། །ཐུགས་དམ༴ བྷ་ཏ་ཧོར་གྱི་སྒོམ་གྲའི་གནས་མཆོམ་ནས། །བཅོམ་ལྡན་རྒྱལ་བ་རིགས་ལྔའི་རྣམ་རོལ་ལས། །སྤྲུལ་པའི་ཆོས་རྒྱལ་ཆེན་པོ་སྐུ་ལྔ་ཤར། །སྐུ་ཡི་རྒྱལ་པོ་མོན་བུ་བུ་ཏྲ་སྟེ། །གསང་བའི་ཡུམ་ཆེན་བདུད་མོ་རོ་ལང་མ། །བཀའ་བློན་བཤན་པ་བྱ་ཁྲི་མིག་གཅིག་པུ། །གསུང་གི་རྒྱལ་པོ་དགྲ་ལྷ་སྐྱེས་ཅིག་པུ། །གསང་བའི་ཡུམ་ཆེན་མཛེས་བྱེད་པདྨ་སྐྱེས། །བཀའ་ཡི་བློན་པོ་རྡོ་རྗེ་གྲགས་ལྡན་ཏེ། །ཐུགས་ཀྱི་རྒྱལ་པོ་རྒྱ་བྱིན་མཐིང་ནག་དང་། །ཡུམ་གཅིག་ཤིནྟི་རོ་ཟན་མཐུ་མོ་ཆེ། །བློན་པོ་སྲོག་བདག་བཀའ་ཡི་བྱ་ར་བ། །ཡོན་ཏན་རྒྱལ་པོ་གནོད་སྦྱིན་ཤིང་བྱ་ཅན། །གསང་བའི་ཡུམ་ཆེན་གསེར་གྱི་སྤུ་གྲི་མ། །བཀའ་ཡི་བློན་པོ་བྱ་རྒོད་ཐང་ནག་སྟེ། །ཕྲིན་ལས་རྒྱལ་པོ་ཞལ་གསུམ་མི་པོ་ཆེ། །གསང་བའི་ཡུམ་ཆེན་བདུད་གཟའ་སྨིན་དཀར་མ། །བཀའ་ཡི་བློན་པོ་པུ་ཏྲ་ནག་པོ་སྟེ། །གཞན་ཡང་སྤྲུལ་པ་ཡང་སྤྲུལ་སྣ་ཚོགས་དང་། །རུ་འདྲེན་སྡེ་བཞིའི་འཁོར་ཚོགས་བཅས་པ་རྣམས། །ཐུགས་དམ༴ དཀོར་མཛོད་གླིང་གི་གནས་མཆོག་དམ་པ་ནས། །དགྲ་བླའི་རྒྱལ་པོ་རྡོ་རྗེ་གྲགས་ལྡན་རྒྱལ། །གསང་བའི་ཡུམ་གཅིག་གཟི་བརྗིད་ཆེན་མོ་དང་། །སྤྲུལ་པ་བློན་པོ་རུ་འདྲེན་ཕོ་ཉའི་ཚོགས། །ཐུགས་དམ༴ ཨཪྱ་པ་ལོའི་གནས་མཆོག་དམ་པ་ནས། །གྲི་བཙན་ཆེན་པོ་རྡོ་རྗེ་དགྲ་འཇོམས་རྩལ། །མཆེད་ཟླ་ལྷ་སྲིད་སྡེ་བརྒྱད་ཡུམ་དང་བཅས། །ཐུགས་དམ༴ རིན་ཆེན་རི་རབ་ལྷུན་པོའི་བྱང་གི་ཕྱོགས། །ནོར་མང་རྣམ་ཐོས་རྒྱལ་པོའི་ཕོ་བྲང་ནས། །ཡིད་བཞིན་ནོར་བུ་རྒྱལ་པོ་རྣམ་ཐོས་སྲས། །ཡུམ་ཆེན་བཞི་དང་ལྷ་མོ་རྣམ་པ་བཞི། །རྣམ་སྲས་སྡེ་བཞི་ཛམ་ལྷ་རིགས་བཞི་དང་། །རྟ་བདག་བརྒྱད་དང་ཀླུ་ཆེན་རྣམ་པ་བརྒྱད། །སྒོ་སྐྱོང་བཞི་དང་ལྷ་ཀླུ་གནོད་སྦྱིན་ཚོགས། །ཐུགས་དམ༴ བྱང་ཕྱོགས་ལྕང་ལོ་ཅན་གྱི་ཕོ་བྲང་ནས། །འགྲོ་བའི་དབུལ་འཕོང་སྡུག་བསྔལ་སེལ་མཛད་ཅིང་། །རྒྱལ་ཀུན་ཡབ་གྱུར་མགོན་པོ་ཛམ་ལྷ་དམར། །སྦས་པའི་ཡུམ་གྱུར་ལྷ་མོ་རིག་བྱེད་མ། །ནོར་ལྷ་རྒྱ་མཚོའི་འཁོར་ཚོགས་བསམ་མི་ཁྱབ། །ཐུགས་དམ་བསྐང་༴ སུམ་རྩེགས་ལྕང་ལོ་ཅན་དང་དགུ་སྔོན་དབུས། །རང་བཞིན་གར་བཞུགས་གནས་མཆོག་དམ་པ་ནས། །རྟ་ལྷའི་རྒྱལ་པོ་ཨཪྱ་རེ་མནྟ། །རང་འདྲ་ལྔ་བརྒྱའི་འཁོར་ཚོགས་རྒྱ་མཚོ་དང་། །མདོར་ན་རྔོག་ཆག་སྐྱོབ་པའི་ལྷ་སྲུང་ཚོགས། །ཐུགས་དམ་བསྐང༴ གཞན་ཡང་གར་བཞུགས་གནས་མཆོག་དམ་པ་ནས། །རྡོ་རྗེ་གཡུང་དྲུང་རྒོད་ལྕམ་ཤེལ་རུ་སྨན། །ནོར་བུ་གཡུལ་རྒྱལ་ཐང་ལྷ་ཡར་ཞུར་དང་། །དགེ་བསྙེན་སྙོན་ཁ་སྡེ་དཔོན་སུམ་ཅུ་པོ། །དུར་ཁྲོད་ལྷ་མོ་ལས་གཤིན་སྤྱང་ཞོན་ཚོགས། །ཟངས་རི་བཙན་རྒོད་ཀླུ་མོ་གཟི་འབར་མ། །རྨ་རྒྱལ་ལྷ་སྨན་གཏེར་སྲུང་ཁོལ་བོ་ཁ། །དགྲ་ལྷ་རླུང་རྟ་བསྐྱེད་པའི་ལྷ་རྣམས་སོགས། །རང་རང་བྲན་སྡེ་མ་ལུས་འཁོར་དང་བཅས། །ཐུགས་དམ་བསྐང་བའི་གནས་འདིར་གཤེགས་སུ་གསོལ། །གྲངས་བསོགས་ཚེ་ཆོས་སྐྱོང་སོ་སོའི་ཚིག་ཟིན་མང་དོགས་ན་གོང་གི ཧཱུྃ་ཧྲཱི༔ འོག་མིན་ཆོས་དབྱིངས་ཞེས་སོགས་ཚིག་རྐང་དྲུག་བཏང་ལ། ཧཱུྃ་ཧྲཱི༔ དབང་ཆེན་རོལ་བའི་སོགས་དོར་ནས་འདི་མན་འདོན་པས་ཆོག །ཧཱུྃ་ཧྲཱི༔ ཆོས་ཉིད་ཞི་བའི་ངང་ལས་མ་གཡོས་ཀྱང་། །ཐུགས་རྗེ་དབང་གི་རྣམ་རོལ་ལས་བྱུང་བ། །རྒྱལ་བའི་བསྟན་སྲུང་དམ་ཅན་རྒྱ་མཚོའི་ཚོགས། །སྐུ་ནི་ཞི་བ་ཁྲོ་དང་ཞི་མ་ཁྲོ། །གསུང་ནི་ཚངས་དབྱངས་དྲག་སྔགས་འབྲུག་ལྟར་སྒྲོགས། །ཐུགས་ནི་སྙིང་རྗེ་ཆེན་པོའི་ཉམས་དང་ལྡན། །རང་རང་འཁོར་དང་སྤྲུལ་པ་ཡང་སྤྲུལ་དང་། །ཉིད་སྤྲུལ་བྲན་སྡེ་མ་ལུས་འཁོར་དང་བཅས། །ཐུགས་དམ་བསྐང་བའི་གནས་འདིར་གཤེགས་སུ་གསོལ། །རབ་འཇིགས་ཕོ་བྲང་ཆེན་པོའི་ལྟེ་བ་ལ། །རྡོ་རྗེའི་བྲག་ཆེན་པདྨ་ཉི་ཟླ་དང་། །རིན་ཆེན་ཁྲི་རྐང་དར་ཟབ་བམ་ཆེན་སོགས། །རང་རང་དགྱེས་པའི་གདན་ཁྲི་ཡངས་པའི་སྟེང་། །དགྱེས་ཤིང་མི་གཡོ་བརྟན་པར་བཞུགས་སུ་གསོལ། །སྒྲུབ་པའི་རིག་འཛིན་རྣལ་འབྱོར་བདག་ཅག་གིས། །བསྟན་སྲུང་དམ་ཅན་རྒྱ་མཚོ་ཁྱེད་རྣམས་ཀྱི། །སོ་སོའི་རྟེན་རྫས་མཐུན་རྫས་བསྐང་བའི་རྫས། །མཆོད་རྫས་སྒྲུབ་རྫས་མ་ཚངས་མེད་པ་ཀུན། །ཀུན་བཟང་མཆོད་པའི་སྤྲིན་ལྟར་བཤམས་ལགས་ན། །བསྟན་པ་སྲུང་ཞིང་བསྟན་འཛིན་སྐྱོང་བ་དང་། །ཕྲིན་ལས་རྣམ་བཞིའི་ལས་རྣམས་སྒྲུབ་པའི་ཕྱིར། །མི་ཟད་ནམ་མཁའ་མཛོད་དུ་འབུལ་བ་ཡིས། །དགྱེས་པའི་ཚུལ་གྱི་ཐུགས་དམ་བསྐང་གྱུར་ཅིག །ཧཱུྃ་ཧྲཱིཿ ཐུགས་དམ་གཉེན་པོ་བསྐང་བའི་དམ་རྫས་ནི། །སྟོང་གསུམ་རབ་འབྱམས་རྒྱ་མཚོའི་ཞིང་ཁམས་ན། །ཡན་ལག་བརྒྱད་ལྡན་མཆོད་ཡོན་མཚོ་ལྟར་བསྐྱིལ། །དག་བྱེད་ཞབས་བསིལ་ཆུ་བོ་གང་གཱའི་རྒྱུན། །རིན་ཆེན་མེ་ཏོག་སྣ་ཚོགས་གཅལ་དུ་བཀྲམ། །དྲི་ཞིམ་བདུག་པའི་སྤྲིན་ཚོགས་ཕྱོགས་བཅུར་འཕྲོ། །མར་མེ་ཉིན་མོར་བྱེད་པའི་འོད་གསལ་བ། །ཙནྡན་ག་བུར་དྲི་བཟང་གཙང་མའི་ཆབ། །ལྷ་ཡི་ཞལ་ཟས་རོ་བརྒྱ་དཔག་མེད་ལྡན། །གླུ་གར་རོལ་མོའི་བྱེ་བྲག་བསམ་ཡས་ཀྱིས། །བསྟན་སྲུང་དམ་ཅན་རྒྱ་མཚོའི་ཐུགས་དམ་བསྐང་། །དམར་ཆེན་མཆོད་ཡོན་དབང་པོའི་མེ་ཏོག་དང་། །ཚིལ་ཆེན་དུད་པ་ཞིན་མར་མཁྲིས་པའི་ཆབ། །ཤ་རུས་ཞལ་ཟས་རྐང་གླིང་ཐོད་རྔའི་སྒྲ། །དམར་ཆེན་བཟའ་བཅའི་གཏོར་མ་རི་ལྟར་སྤུངས། །དམ་རྫས་སྨན་དང་རཀྟའི་རྒྱ་མཚོར་བསྐྱིལ། །ཤ་ཆེན་ལྔ་ནི་ལྷུན་པོའི་སྤོ་དང་མཉམ། །བདུད་རྩི་རྣམ་ལྔ་རྒྱ་མཚོ་ལྟ་བུར་བསྐྱིལ། །གཞན་ཡང་བཙོས་དང་རྗེན་ཤ་དཀར་དམར་བཅུད། །ཤ་སྣ་སྙིང་སྣ་ཁྲག་སྣ་བསམ་མི་ཁྱབ། །རྟག་ཏུ་འགྲོགས་པའི་རྟག་གཏོར་ཆེན་པོ་དང་། །རྒྱུན་དུ་འགྲོགས་པའི་རྒྱུན་གཏོར་ནར་མ་ཡིས། །བསྟན་སྲུང་དམ་ཅན་རྒྱ་མཚོའི་ཐུགས་དམ་བསྐང་། །དར་ནག་གཡབ་མོ་ཕྱབ་དར་ནགཔོ་དང་། །ཙནྡན་བིང་ཆེན་རུ་མཚོན་གསང་བའི་རྫས། །ཐོད་ཕྲེང་མི་མགོ་ཞིང་ཆེན་གཡང་བཞི་དང་། །གཡག་རོག་བྱ་ཁྱི་ལུག་ནག་རྒྱལ་མཚན་སྒྲེང་། །སྐུ་གཟུགས་གླེགས་བམ་བརྗིད་པའི་བེར་ནག་གོས། །དོམ་ནག་ཙིཏྟ་སྲོག་འཁོར་ས་བོན་ལྡན། །དྲག་པོའི་བམ་རྫས་ཐུན་ཟོར་རི་ལྟར་སྤུངས། །སྤ་ལྕགས་ཚིག་གསུམ་ཁ་ཊྭྃ་རྩེ་གསུམ་མདུད། །རྨ་བྱ་བྱ་རོག་ནལ་བུལ་རྒྱལ་མཚན་བསྒྲེང་། །དཔལ་གྱི་ཆས་གོས་རྒྱན་ཕྲེང་བསམ་མི་ཁྱབ། །ནལ་བུའི་ཤ་ཁྲག་གྲི་སྙིང་མི་དབང་ཤ། །སྐྱེད་ཚལ་ཟས་གོས་ལོངས་སྤྱོད་སྣ་ཚོགས་གྱིས། །བསྟན་སྲུང་དམ་ཅན་རྒྱ་མཚོའི་ཐུགས་དམ་བསྐང་། །འཇའ་ཚོན་ལྟར་བཀྲ་ལེ་རྒན་ཟ་འོག་གུར། །ཅང་ཤེས་རྟ་མཆོག་རླུང་གི་ཤུགས་ཅན་དང་། །ཤེལ་སྒོང་ནག་པོ་སྤྱི་དཀར་ལྕགས་རཱ་ཅན། །གཡག་རོག་ཞོལ་ཆེན་ཁྱི་ནག་སྙིང་དཀར་འཕྱོ། །མཚམས་སྤྲིན་མདངས་འཛིན་ར་སྐྱེས་རྒྱན་ལྡན་དང་། །ཟ་ལེ་འབྲི་དང་བྱ་ནག་འཕུར་ལྡིང་གཡོ། །ཤ་རྐྱང་མ་ཧེ་དྲེལ་དང་འདོད་འཇོའི་བ། །སེང་གེ་གླང་ཆེན་སྟག་གཟིག་དོམ་དྲེད་དང་། །འཕར་སྤྱང་སྤྲ་སྤྲེལ་གཅན་གཟན་རྔམས་པའི་ཚོགས། །གཞན་ཡང་རྐང་བཞི་དུད་འགྲོ་སྣ་ཚོགས་དང་། །འདབ་ཆགས་བྱ་རིགས་སྣ་ཚོགས་ཟློས་གར་བསྒྱུར། །བསྟན་སྲུང་དམ་ཅན་རྒྱ་མཚོའི་ཐུགས་དམ་བསྐང་། །ལ་དུ་རང་བྱུང་མེ་ཏོག་ཏིལ་མར་སྒྲོན། །འབྲས་ཆང་རྒུན་ཆང་ཙནྡན་དམར་པོའི་ཆབ། །སྨྱུག་རྒོད་ལོ་རྒྱས་ཁྲབ་བྱང་རྔ་ཁྲབ་དང་། །ར་ཡི་དབང་པོ་རྣམ་ལྔའི་ཕྲེང་བ་སྦྲེལ། །བྷནྡྷ་རུས་པ་ཤ་རུས་ཚིལ་ཆེན་འབུམ། །ཛ་གད་གོ་རོ་ཙ་ན་བ་སུ་ཏ། །སིལ་སྙན་རྫ་རྔ་དུང་ཆེན་བཤུག་པའི་སྒྲ། །དྲི་ཞིམ་སྤོས་འཐུལ་དར་ཚོན་སྣ་ལྔའི་གཡབ། །ཤྭ་ན་ཝ་སྤྱང་འཕར་བའི་ཐོད་པ་རུ། །ཤ་ཁྲག་སྙིང་སྣ་རྐང་སྣ་འབུམ་གྱིས་གཏམ། །མར་ཁུ་ཞག་དང་འོ་མ་ཁྲག་གི་མཚོ། །བསེ་མཁར་བསེ་ཕོར་བསེ་མདའ་སེ་ཕུར་དང་། །དྲེལ་ནག་ཐོད་པར་དཀར་ནག་ལུག་གི་སྙིང་། །བཤོས་བུ་དཀར་ནག་དར་ནག་སྙུག་རྒོད་བརྒྱན། །ཁྱི་དམར་ཙིཏྟ་དམ་ཤིང་ཕུར་བུ་སོགས། །བསད་ཁྲག་དྲོན་མོའི་ཨརྒྷཾ་དྲི་ངད་བཅས། །གསེར་གྱི་མདོག་ལྡན་གཡུ་རྔོག་ཤུག་ལྡན་རྟ། །སྟག་གཟིག་རྒྱལ་མཚན་མདུང་དམར་བ་དན་སྦྲེང་། །བཙན་གྱི་ཁྱི་དམར་མི་བཟད་དཔའ་གཏུམ་རྒོད། །ཅང་ཤེས་རྟ་མཆོག་དམར་པོ་གློག་ལྟར་འཁྱུག །བྱེ་རུའི་མདངས་འདྲའི་འདབ་ཆགས་སྤྲིན་ལྟར་གཏིབས། །དམ་ཤིང་དགྲ་སྟ་ཤེལ་དཀར་ཕྲེང་བ་སོགས། །གོ་ཁྲབ་མཚོན་ཆ་སྣ་ཚོགས་བསམ་མི་ཁྱབ། །ཕྱེ་མར་གཡུ་ཤུགས་བསང་གསུར་སྤྲིན་ཕུང་འཕྲོ། །བསྟན་སྲུང་དམ་ཅན་རྒྱ་མཚོའི་ཐུགས་དམ་བསྐང་། །རིན་ཆེན་གདུག་མཛེས་རྒྱལ་མཚན་འཕན་ཕུར་དང་། །ལྷབ་ལྷུབ་བ་དན་བླ་བྲེ་ལྡ་ལྡི་གཡོ། །འདོད་ཡོན་ལྔ་དང་རིན་ཆེན་སྣ་བདུན་དང་། །བཀྲ་ཤིས་རྟག་རྫས་རྒྱལ་སྲིད་རིན་ཆེན་བདུན། །རྡོ་རྗེ་ལྷ་མོའི་རྣམ་འཕྲུལ་མཐའ་ཡས་པ། །ཡིད་འཕྲོགརིན་ཆེན་ལས་གྲུབ་གཞལ་མེད་ཁང་། །རིན་ཆེན་རི་རབ་གླིང་བཞི་གླིང་ཕྲན་དང་། །གསེར་རི་རོལ་མཚོ་ཉི་ཟླ་རྒྱུ་སྐར་བཀྲ། །འཛད་མེད་ནོར་གྱི་བང་མཛོད་ནེའུ་ལེ། །འདོད་འབྱུང་གཏེར་བུ་མ་རྨོས་ལོ་ཏོག་དང་། །མཁོ་དགུའི་དཔལ་འབྱོར་མ་ཚང་མེད་པ་ཡིས། །བསྟན་སྲུང་དམ་ཅན་རྒྱ་མཚོའི་ཐུགས་དམ་བསྐང་། །རིན་ཆེན་སྣོད་དུ་བྱིན་གྱི་བརླབས་པའི་ཆུའི། །སྐོམ་པའི་གདུང་སེལ་བདེ་བ་འཚོ་བྱེད་པ། །བྱེ་རུ་ཙནྡན་ལ་སོགས་བགྲང་ཕྲེང་དང་། །གའུ་དང་ནི་མཚན་ལྡན་ཐོད་པ་རུ། །སྲོག་འཁོར་སྲིད་པའི་གཡང་རྟེན་སྣ་ཚོགས་བཅས། །བསིལ་ལྡན་གཡའ་ཆུ་གངས་ཆུ་གཙང་མའི་ཆབ། །བསང་ལུག་འབྲས་དཀར་མན་ཤེལ་འོད་འཕྲོ་དང་། །དར་ཟབ་གསེར་དངུལ་རིན་ཆེན་འབྲུ་སྣ་ལྔ། །གཡག་རོག་ཞིང་བཀལ་བྱ་ནག་འཕུར་ལྡིང་གཡོ། །དྲེལ་ནག་བོང་བུ་རྟ་ནག་འཕངས་སྤྱང་དྲེད། །རླུང་རས་དཔྱངས་བ་ནལ་བུའི་རྒྱལ་མཚན་བསྒྲེང་། །ཤེལ་ཚིག་ཁྲི་དཀར་ཀླུ་རྟ་རྒྱན་ལྡན་དང་། །རྩི་ཤིང་བལ་མཚོན་སྦ་སྨྱུག་ལྡེམས་སེ་ལྡེམ། །དཀར་གསུམ་མངར་གསུམ་ཕྱེ་མར་འོ་སྐོལ་ཕུད། །དངུལ་དཀར་མེ་ལོང་སྦ་གླིང་སྙན་པའི་སྒྲ། །མདའ་དར་བཟང་པོ་སྨན་བཤོས་རྩེ་རྒྱལ་བཅས། །བསྟན་སྲུང་དམ་ཅན་རྒྱ༴ འབྲུ་བཅུད་རྩི་བཅུད་རྒྱ་ཇ་ངད་ལྡན་དང་། །རོ་མཆོག་བརྒྱ་ལྡན་སྐུ་གསུང་ཐུགས་བདེ་བའི། །ནུས་བཅུད་ཕུན་སུམ་ཚོགས་པའི་གཏེར་ཆེན་པོ། །རླུང་རྟ་བསྐྱེད་ཅིང་དགྲ་བླ་གསོ་བའི་རྟེན། །རིན་ཆེན་སྣ་ལྔའི་སྐུ་མཁར་འབར་བའི་ཏོག །སྦ་ལྕགས་ཁྲབ་དཀར་ལོ་རྒྱས་ཚིག་དགུའི་སྙུགས། །མདའ་མོ་བྱ་རྒོད་སྒྲོ་ལྡན་དར་སྣའི་བརྒྱན། །རིན་ཆེན་སྣ་ལྔའི་གསེར་འཕང་གཡུ་ལོ་ཅན། །ནམ་མཁའ་རྒྱང་བུ་གཏེར་བུམ་འཕན་གདུགས་སྤྲེང་། །སྲིད་པའི་མདོག་དགུ་ཕུན་སུམ་ཚོགས་་པ་འདིས། །མཆོད་པ་ཡིན་ནོ་ཁ་རྗེ་བསོད་ནམས་སྤེལ། །བརྔན་དུ་འབུལ་ལོ་འདོད་དགུའི་དངོས་གྲུབ་རྩོལ། །གཞན་ཡང་བསྟན་སྲུང་དམ་ཅན་རྒྱ་མཚོའི་ཚོགས། །མི་འབྲལ་འགྲོགས་པའི་ཡིད་གཟུགས་ཆགས་པའི་རྟེན། །སྐུ་གཟུགས་སྔགས་བྱང་རང་རང་བླ་རྡོ་དང་། །མཐུན་པའི་དང་རྫས་མ་ཚངས་མེད་པ་ཀུན། །སོ་སོའི་ཐུགས་ལ་ཇི་ལྟར་འདོད་པ་བཞིན། །དངོས་སུ་བཤམས་དང་ཡིད་ལས་བྱུང་བ་ཡི། །ཀུན་ཏུ་བཟང་པོའི་མཆོད་པའི་སྤྲིན་ལྟ་བུ། །བློ་ཡིས་བླང་ནས་གུས་པར་འབུལ་ལགས་ན། །བསྟན་སྲུང་དམ་ཅན་རྒྱ་མཚོའི་ཐུགས་དམ་བསྐང་། །གྲུབ་པའི་རིག་འཛིན་རྣལ་འབྱོར་བདག་ཅག་གི །རྩ་བ་ཡན་ལག་དམ་ཚིག་ཉམས་པ་དང་། །ཁྱེད་རྣམས་ཐུགས་དང་འགལ་བའི་ཉེས་པ་ཀུན། །མི་འཆབ་མི་སྦེད་སྙིང་ནས་བཤགས་པར་བགྱི། །དེ་ལྟར་བསྐང་ཞིང་བཤགས་པའི་བྱིན་རླབས་ཀྱིས། །རྒྱལ་བའི་བསྟན་པ་སྤྱི་དང་ཁྱད་པར་དུ། །སྔ་འགྱུར་རྡོ་རྗེ་ཐེག་པའི་བསྟན་པ་མཆོག །སྲིད་མཐའི་བར་དུ་མི་ནུབ་དར་རྒྱས་མཛོད། །འདུས་པའི་སྡེ་ཚོགས་དབྱར་གྱི་མཚོ་ལྟར་རྒྱས། །རྣམ་དག་ཚུལ་ཁྲིམས་བསླབ་པས་རྒྱུད་དུལ་ཞིང་། །ཐོས་བསམ་བསྒོམ་པའི་ཤེས་རབ་རྩལ་རྫོགས་ནས། །ཏིང་འཛིན་མི་གཡོའི་ངང་ལ་གནས་པར་མཛོད། །སྣང་ཚད་སྐུ་དང་ཡེ་ཤེས་ཕྱག་རྒྱར་ཤར། །སྒྲ་གྲགས་བདེ་ཆེན་ཚངས་དབྱངས་སྔགས་ཀྱི་སྒྲ། །དྲན་རྟོག་རང་གྲོལ་འོད་གསལ་ཆོས་སྐུའི་ཞལ། །མངོན་སུམ་མྱུར་དུ་འཇལ་བའི་ཕྲིན་ལས་མཛོད། །འཇིག་རྟེན་རྒྱལ་ཁམས་ཡུལ་རིས་མཐའ་དག་ཏུ། །ནད་མཚོན་མུ་གེའི་བསྐལ་པ་རབ་ཞི་ནས། །ཟས་ནོར་ལོངས་སྤྱོད་ཡིད་ལ་གང་འདོད་པ། །འབད་མེད་ལྷུན་གྱིས་གྲུབ་པར་མཛད་དུ་གསོལ། །མདོར་ན་རིག་འཛིན་རྣལ་འབྱོར་བདག་ཅག་གི །དཀོར་ཆ་ལོངས་སྤྱོད་ཇི་སྙེད་ཡོད་པ་ཀུན། །བསྟན་སྲུང་དམ་ཅན་རྒྱ་མཚོ་ཁྱེད་རྣམས་ལ། །གཉེར་དུ་གཏད་པས་མེལ་ཚེ་བྱ་ར་མཛོད། །ཁྱད་པར་ཚེ་བསོད་སྙན་གྲགས་རྒྱས་པ་དང་། །ནད་གདོན་ཉེར་འཚེའི་རིགས་རྣམས་ཀུན་ཞི་ནས། །ཁམས་གསུམ་མ་ལུས་དབང་དུ་བསྡུ་བ་དང་། །གནོད་པར་བྱེད་པའི་དགྲ་བགེགས་ཐ་དག་ཀུན། །མིང་ཙམ་མེད་པར་རབ་ཏུ་ཞི་ནས་ཀྱང་། །རྣམ་བཞིའི་ཕྲིན་ལས་ཡིད་བཞིན་འགྲུབ་པར་མཛོད། །ཅེས་པ་འདི་ནི་མཆོད་ཀུན་བཟང་བསྟན་འཕེལ་ནས་ནན་གྱིས་བསྐུལ་ངོར་ཡང་དག་ཐུགས་མཆོག་ལྷོ་བྲག་མཁར་ཆུའི་ཡང་རྩེ་ནས་ལྕགས་ཕོ་བྱི་བའི་ལོར་ཆོ་འཕྲུལ་ཟླ་བ་མཁའ་འགྲོ་བདུ་བའི་དུས་ཚེས་བཟང་པོའི་ཉིན་ཐུན་མཚམས་ཞིག་ཏུ་འཇམ་མགོན་བླ་མ་པདྨ་འོད་གསལ་མདོ་སྔགས་གླིང་པའི་འབང་ཐ་ཤལ་བ་རྫོགས་སྤྲུལ་ལྔ་བའི་མིང་འཛིན་པདྨ་ཐེག་མཆོག་བསྟན་འཛིན་ནམ་མིང་གཞན་ཐུབ་བསྟན་ཆོས་ཀྱི་རྡོ་རྗེས་བྲིས་པའོ། །འདིས་སྨྲས་པ། དམ་ཅན་སྤྱི་ཡི་བསྐང་བ་ཉུང་བསྡུས་འདི། །སྤྲོས་པ་ཆུང་ལ་དགའ་བ་རྣམས་ཀྱི་དོན། །ཚིག་ཉུང་དོན་གསལ་འཇག་བདེ་བྲིས་པ་འདི། །ཉེས་འགལ་གྱུར་ན་སྲུང་མའི་ཚོགས་ལ་བཤགས། །དགེ་འབྲས་མཆིས་ན་སྟན་འཛིན་སྐྱེས་བུའི་ཚོགས། །ཕྲིན་ལས་རྣམ་བཞིའི་ལས་རྣམས་མཐར་ཕྱིན་ནས། །དཀའ་བ་མེད་པར་བྱང་ཆུབ་གོ་འཕང་མཆོག །མི་རིང་མྱུར་དུ་ཐོབ་པའི་རྒྱུ་གྱུར་ཅིག ཅེས་པའི་སྤར་འདི་རྫོགས་ཆེན་བླ་མ་ཚེས་ཀྱུ་དགེ་ནས་སྤེལ་བ་དགེའོ། །མངྒ་ལཾ། ། གྲུབ་ཐོབ་པདྨ་རིག་འཛིན་གྱིས་མཛད་པའི་གཏོར་བསྔོས་བསྡུས་པ།༄༅། །གྲུབ་ཐོབ་པདྨ་རིག་འཛིན་གྱིས་མཛད་པའི་གཏོར་བསྔོས་བསྡུས་པ་བཞུགས་སོ། ། ཐུན་མཚམས་སུ་གཏོར་མ་བསྔོ་བ་ནི། །བྷནྡྷ་སོགས་ཀྱི་སྣོད་ནང་དུ་གཏོར་ཟན་མར་ཐུད་ཤ་ཆང་སོགས་གང་འཛོམ་བཤམས་ཤིང་བཏུང་བའི་རིགས་རྣམས་བྲན་ཏེ། རྃ་ཡྃ་ཁྃ། སྟོང་བའི་ངང་ལས་རླུང་མེ་ཐོད་སྒྱེད་སྟེང་། །དུམ་གཅིག་ཐོད་སྣོད་ཡངས་ཤིང་རྒྱ་ཆེ་བར། །དམ་རྫས་བདུད་རྩི་ལྔ་དང་ཤ་སྣ་ལྔ། །ཞུ་ཞིང་ཁོལ་བའི་དམ་རྫས་བདུད་རྩི་ལ། །ཡེ་ཤེས་བདུད་རྩི་སྤྱན་དྲངས་གཉིས་མེད་ཐིམ། །ངོ་བོ་རྣམ་དག་ཡེ་ཤེས་བདུད་རྩི་ལ། །རྣམ་པ་འདོད་ཡོན་ལོངས་སྤྱོད་སྤྲིན་ཕུང་འཁྲིགས། །ཨོཾ་ཨཱཿཧཱུྃ༔ ལན་གསུམ་བརྗོད། མཁའ་ཁྱབ་ཆོས་སྐུའི་དབྱིངས་ལས་གཟུགས་སྐུའི་སྤྲིན། །བླ་མ་ཡི་དམ་མཁའ་འགྲོ་རྒྱ་མཚོ་དང་། །ཆོས་སྐྱོང་སྲུང་མ་གཏོར་མའི་མགྲོན་གྱི་ཚོགས། །འཁོར་བཅས་ཐོགས་པ་མེད་པར་འདིར་གཤེགས་ཤིག །བཛྲ་ས་མ་ཡ་ཛཿ དངོས་བཤམས་ཡིད་ཀྱིས་རྣམ་པར་འཕྲུལ་པ་ལས། །ཤར་བའི་ཀུན་བཟང་མཆོད་པའི་སྤྲིན་ཕུང་གིས། །ནམ་མཁའ་གང་བར་བྱས་ཏེ་འབུལ་ལགས་ན་། །དགྱེས་ཤིང་བརྩེ་བར་དགོངས་ཏེ་བཞེས་སུ་གསོལ། །ཨོཾ་གུ་རུ་དྷེ་ཝ་ཌཱ་ཀྐི་ནཱི་དྷརྨ་པ་ལ་ཀྵེ་ཊ་པཱ་ལ་ལོ་ཀ་པཱ་ལ་ས་པཱ་རི་ཝ་ར་ཨརྒྷཾ་ནས། ཤབྟའི་བར་དང་མ་ཧ་པཉྩ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། ཞེས་སྨན་རཀ་འབུལ། ལྷ་རྣམས་ལྗགས་ཀྱི་འོད་ཟེར་སྦུ་གུ་ཡིས། །གཏོར་མ་བདུད་རྩི་དྲངས་ནས་གསོལ་བར་གྱུར། །རིགས་བདག་མགོན་པོ་ཀུན་བཟང་སྣང་མཐའ་ཡས། །པདྨ་འབྱུང་གནས་པཎ་ཆེན་བི་མ་ལ། །རྫོགས་པ་ཆེ་དང་ཕྱག་ཆེན་ཟབ་མོའི་གཏེར། །དབུ་མ་སྦྱོར་དྲུག་རིམ་ལྔ་ཞི་བྱེད་དང་། །གཅོད་ཡུལ་ཟབ་ཁྲིད་བརྒྱུད་པའི་བླ་མ་སོགས། །ལྟ་སྒོམ་སྤྱོད་པའི་ཉམས་ལེན་བྱིན་རླབས་ཀྱིས། །བརྒྱུད་པའི་དཔལ་ལྡན་བླ་མ་ཐམས་ཅད་ལ། །དད་གུས་ཉམས་རྟོགས་ལྡན་པའི་གཏོར་མཆོད་འབུལ། །རྩ་སྔགས་སམ་ཡང་ན། ན་མོ་སརྦ་མ་ཧཱ་གུ་རུ་རཏྣ་ཨེ་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི། གསུམ་མམ་བདུན། རིག་འཛིན་དགོངས་འདུས་སྒྲུབ་པ་བཀའ་བརྒྱད་དང་། །ཕུར་པ་རྡོ་རྗེ་གཞོན་ནུའི་དཀྱིལ་འཁོར་ལྷ། །འདུས་པ་མདོ་དང་སྒྱུ་འཕྲུལ་རྒྱུད་ཀྱི་དཔལ། །རྫོགས་ཆེན་སེམས་ཀྱི་ལྷ་ཚོགས་མ་ལུས་དང་། །རྒྱུད་སྡེ་བཞི་དང་ཐེག་རིམ་དགུ་རྣམས་ཀྱི། །ཡི་དམ་ལྷག་པའི་ལྷ་མཆོག་ཐམས་ཅད་ལ། །བདེ་ཆེན་ཟག་མེད་གཏོར་མའི་མཆོད་པ་འབུལ། །རྩ་སྔགས་སམ་ཡང་ན། ཨོཾ་ཨཱཿཧཱུྃ་སརྦ་བུདྡྷ་བོདྷི་ས་ཏྭ་ཤིནྟཾ་ཀ་མ་ཧཱ་ཀྲོ་ཏ་དཱེ་ཝ་ས་པ་རིཝཱ་ར་ཨེ་དཾ་བྷ་ལིངྟ་ཁ་ཁ་ཁཱ་ཧི་ཁཱ་ཧི། །གསུམ་མམ་བདུན། དབྱིངས་ཀྱི་ཡུམ་ལྔ་ཕག་མོ་རིགས་ལྔ་དང་། །སེང་གེའི་གདོང་ཅན་ཌཱཀྐི་སྡེ་ལྔ་དང་། །སྡེ་བརྒྱད་ཌཱཀྐི་གནས་ཡུལ་ཌཱཀྐི་སོགས། །ཡེ་ཤེས་ལས་ཀྱི་མཁའ་འགྲོ་ཕོ་མོ་ལ། །འདོད་ཡོན་ལོངས་སྤྱོད་རྒྱས་པའི་གཏོར་མ་འབུལ། །རྩ་སྔགས་སམ་ཡང་ན། ཨོཾ་སརྦ་ཛྙན་ཀརྨ་ལོ་ཀ་ཌཱཀྐཱི་ནི་ས་པ་རི་ཝ་ར་ཨེ་དཾ་བྷ་ལིངྟ་ཁ་ཁ་ཁཱ་ཧི་ཁཱ་ཧི། གསུམ་མམ་བདུན། དཔལ་མགོན་གཏེར་མགོན་རྒྱུད་མགོན་བདུད་མགོན་སོགས། །མགོན་པོ་ཕོ་རྒྱུད་ལྷ་མོ་མོ་རྒྱུད་དང། །མ་གཟའ་རྡོར་ལེགས་ཤན་པ་སྲོག་སྒྲུབ་མ། །ཤན་པ་དམར་ནག་དཔལ་མགོན་བདུན་ཅུ་ལྔ། །སྡེ་དཔོན་སུམ་ཅུ་དྲེགས་ཆེན་བཅོ་བརྒྱད་བཅས། །ཆོས་སྐྱོངས་དམ་ཅན་སྲུང་མ་ཐམས་ཅད་ལ། །དམ་ཉམས་དགྲ་བགེགས་ཤ་ཁྲག་གཏོར་མ་འབུལ། །རྒྱལ་ཆེན་རྣམ་སྲས་ལྷ་མོ་ནོར་རྒྱུན་མ། །ཨཱཪྱ་ཛམ་ལྷ་རྟ་ལྷ་རེ་མནྟ། །ནོར་ལྷ་གཏེར་བདག་ཡུལ་ལྷ་གཞི་བདག་སོགས། །མཆོད་ཅིང་བསྟོད་པར་འོས་པ་ཐམས་ཅད་ལ། །འདོད་དགུ་ཕུན་ཚོགས་ཡིད་བཞིན་གཏོར་མཆོད་འབུལ། རྩ་སྔགས་སམ་ཡང་ན། ཨོཾ་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་ས་པཱརི་ཝ་ར་ཨེ་དཾ་བྷ་ལིངྟ་ཁ་ཁ་ཁཱ་ཧི་ཁཱ་ཧི། གསུམ་མམ་བདུན། བསྟོད་པ་ནི། ཧཱུྃ། བྱིན་རླབས་དངོས་གྲུབ་འདོད་སྟེར་རོལ་པ་ཅན། །བླ་མ་ཡི་དམ་ཞི་ཁྲོ་རབ་འབྱམས་དང་། །མཁའ་འགྲོ་དམ་ཅན་རྒྱ་མཚོའི་ཚོགས་བཅས་ལ། །ལུས་ངག་ཡིད་གསུམ་གུས་པས་ཕྱག་འཚལ་བསྟོད། ཧཱུྃ། སྔོན་ཚེ་སློབ་དཔོན་པདྨའི་སྤྱན་སྔ་རུ། །ཁས་བླངས་དམ་བཅས་རིན་ཆེན་གཏེར་གྱི་བདག །བོད་ཁམས་སྐྱོང་བའི་ལྷ་རབས་བསྟན་མར་བཅས། །གཞི་བདག་སྲུང་མ་འཁོར་དང་བཅས་ལ་བསྟོད། འདོད་གསོལ་ནི། ཨོཾ་ཨཱཿཧཱུྃ། བཀའ་བརྒྱུད་བླ་མའི་ཚོགས་ལ་མཆོད་པ་འབུལ། །ཡི་དམ་ཞི་ཁྲོའི་ལྷ་ཚོགས་ཐུགས་དམ་བསྐང་། །ཌཱཀྐི་དམ་ཅན་ཕོ་མོ་དགྱེས་གྱུར་ཅིག །དམ་ཚིག་ཉམས་ཆག་འགལ་འཁྲུལ་མཐོལ་ལོ་བཤགས། །རྩ་གསུམ་དམ་ཅན་ཆོས་སྐྱོང་ཚིམ་ནས་ཀྱང་། །བྱིན་རླབས་མཆོག་དང་ཐུན་མོང་དངོས་གྲུབ་སྩོལ། །ཞི་རྒྱས་དབང་དང་མངོན་སྤྱོད་ལ་སོགས་པ། །བསམ་པའི་དོན་ཀུན་ཡིད་བཞིན་འགྲུབ་པར་མཛོད། ཀ་ཡ་སིདྡྷི་ཨོཾ། ཝཱཀྐ་སིདྡྷི་ཨཱ། ཙིཏྟ་སིདྡྷི་ཧཱུྃ། སརྦ་སིདྡྷི་ཧྲཱི༔ ཞེས་དང་ཨོཾ་བཛྲ་མུཾ༔ སརྦ་ལོ་ཀ་གཙྪ༔ ཞེས་བརྗོད་གཏོར་མ་གཙང་སར་འབུལ། རྫོགས་རིམ་དང་ཤིས་བརྗོད་བསྔོ་སྨོན་རྣམས་བྱའོ། གྲུབ་པའི་དབང་ཕྱུག་རྫོགས་ཆེན་པདྨ་རིག་འཛིན་གྱིས་མཛད་པའི་གཏོར་བསྔོས་བསྡུས་པ་ལ་ཅུང་ཟད་རྒྱས་སུ་བཏང་བ་དགེའོ། །སརྦ་མངྒ་ལཾ།། ཉུང་གཏེར་རྟ་ནག་ལྕགས་རལ་བསྐང་བསྡུས།ཉུང་གཏེར་རྟ་ནག་ལྕགས་རལ་བསྐང་བསྡུས་པ་ནི། ཧྲཱིཿ གར་གྱི་དབང་ཕྱུགས་རྟ་མགྲིན་ནག་པོ་ཆེ། །དྲེགས་པ་སྡེ་བརྒྱད་འཁོར་དང་བཅས་པ་ཀུན། །ཕྱི་ནང་གསང་བའི་མཆོད་པ་ཕུལ་བའི་མཐུས། །ཐུགས་དམ་བསྐང་ལ་བཅོལ་བའི་ཕྲིན་ལས་མཛོད། །རྫོགས་སྤྲུལ་ལྔ་པས་གསུང་། རྒྱུད་མགོན་ལེགས་ལྡན་བསྐང་བསྡུས།༈ རྒྱུད་མགོན་ལེགས་ལྡན་བསྐང་བསྡུས་ནི། ཧཱུྃ། ས་བཅུའི་དབང་ཕྱུགས་ལེགས་ལྡན་ནག་པོ་ཆེ། །འཁོར་བཅས་དམ་རྫས་མཆོད་པ་འདི་བཞེས་ལ། །ཕྱི་ནང་ཉེར་འཚེའི་བར་ཆད་ཀུན་ཞི་ཞིང་། །དུས་ཀུན་རྟག་ཏུ་མ་གཡེལ་མེལ་ཚེ་མཛོད། །རྫོགས་སྤྲུལ་ལྔ་པས་སྨྲས་པ་དགེའོ། ། རཏྣའི་མགོན་པོ་མ་ནིང་གསོལ་བསྡུས་གཡུལ་ལས་རྣམ་རྒྱལ།༈ རཏྣའི་མགོན་པོ་མ་ནིང་གསོལ་བསྡུས་གཡུལ་ལས་རྣམ་རྒྱལ་བཞུགས་སོ། ། ཧཱུྃ། དཔལ་མགོན་མ་ནིང་ནག་པོ་འཁོར་བཅས་ལ། །ཁྱེད་ལ་དགྱེས་པའི་མཆོད་པ་འདི་འབུལ་བས། །ཕྱོགས་བཅུར་གནས་པའི་དགྲ་བགེགས་ཀུན་སྒྲོལ་ལ། །གནོད་པའི་བར་ཆད་མིང་ཡང་མེད་པར་མཛོད། །རྫོགས་སྤྲུལ་ལྔ་པས་གསུངས་སོ། །དགེའོ། ། ཚོགས་བདག་བསྐང་བསྡུས།༈ ཚོགས་བདག་བསྐང་བསྡུས་བཞུགས་སོ། ཧཱུྃ། དཔལ་མགོན་ཚོགས་བདག་ཡབ་ཡུམ་སྐུ་གསུང་ཐུགས། །ཕྱོགས་བཅུའི་སྡེ་བརྒྱད་འཇིག་རྟེན་མགོན་པོ་དང་། །ཚེ་རྗི་ཤུགས་མགོན་དགྲ་བླ་ལྷ་དམག་བཅས། །དམ་རྫས་བརྒྱན་པའི་གཏོར་མ་འདི་བཞེས་ལ། ཐུགས་དམ་བསྐང་ལ་ལས་བཞིས་དངོས་གྲུབ་རྩོལ། །མི་ཕམ་པས་སོ། ། ཉང་གཏེར་ཕྱག་བཞིའི་བསྐང་བསྡུས་ཁྲག་ཞག་འཁྲུགས་པའི་རླབས་ཕྲེང་།༈ ཉང་གཏེར་ཕྱག་བཞིའི་བསྐང་བསྡུས་ཁྲག་ཞག་འཁྲུགས་པའི་རླབས་ཕྲེང་བཞུགས་སོ། ཧཱུྃ། དཔལ་ལྡན་ཡེ་ཤེས་མགོན་པོ་ཕྱག་བཞི་པ། །ཡབ་ཡུམ་སྲས་དང་སྤྲུལ་འཁོར་བསམ་མི་ཁྱབ། །འདོད་དགུའི་འབྱོར་པ་རྒྱ་མཚོའི་ཀུན་ཚིམས་ནས། །ཐུགས་དམ་བསྐང་ལ་རྐྱེན་ངན་བར་ཆད་ཟློག །རྫོགས་སྤྲུལ་ལྔ་པས་སོ། ། སྔགས་བསྲུང་མིའི་བསྐང་བསྡུས་ཀུན་བཟང་མཆོད་པའི་སྤྲིན་ཕུང་།༈ སྔགས་བསྲུང་མིའི་བསྐང་བསྡུས་ཀུན་བཟང་མཆོད་པའི་སྤྲིན་ཕུང་བཞུགས་སོ། བྷྱོཿ མ་མོ་སྔགས་ཀྱི་བསྲུང་མ་རལ་གཅིག་མ། །ཁོལ་མོ་ཡང་ཁོལ་བྲན་གཡོག་འབུམ་དང་བཅས། །ཟག་མེད་འདོད་ཡོན་རྒྱ་མཚོའི་མཆོད་པ་འདིས། །ཐུགས་དམ་གཉེན་སྐང་བསམ་དོན་ལྷུན་གྲུབ་མཛོད། །རྫོགས་སྤྲུལ་ལྔ་པས་སྨྲས་པའོ། ། བྷྱོ༔ ཏིང་འཛིན་སྤྲུལ་པའི་་་་་བྷྱོ༔ ཏིང་འཛིན་སྤྲུལ་པའི་གནས་མཆོག་འདིར༔ ཐུགས་དམ་སྐོང་བའི་དམ་རྫས་ནི༔ དངོས་སུ་བཤམ་དང་ཡིད་ལས་བྱུང་༔ བྱང་ཆུབ་སེམས་དང་ཨ་མྲྀ་ཏ༔ མྱོས་བྱེད་དབའ་ཀློང་འཁྲུགས་པ་དང་༔ སྲོག་ཆགས་མདངས་ཀྱིས་ཐུགས་དམ་བསྐང་༔ སྣ་ཚོགས་ཤ་དང་སྙིང་གི་ཁྲག༔ དཀར་གསུམ་མངར་གསུམ་རོ་དྲུག་ཟས༔ ཉེར་སྤྱོད་བྷ་ལིང་གཏོར་མ་དང་༔ སྤྱན་གཟིགས་མཆོད་པས་ཐུགས་དམ་བསྐང་༔ སྒྲུབ་རྫས་སྦ་དཀར་ཚིགས་གསུམ་དང་༔ དུག་ཁྲག་སྦྱར་བ་ནད་ཀྱི་རྒྱུ༔ གསོན་ཁྲག་རླངས་པ་ཕྱུར་བ་ཡིས༔ འདོད་ཆགས་ཅན་གྱི་ཐུགས་དམ་བསྐང་༔ ཤེས་རབ་མཚལ་དང་སྤྱི་བླུགས་ཞྭ༔ ཤ་ཁྲག་སྙིང་སྣ་རུ་མཚོན་དང་༔ རྨ་བྱའི་རྒྱལ་མཚན་ཙིཏྟའི་ཏོག༔ ལེ་བརྒན་དར་དང་མཐིང་ནག་གུར༔ སྣེལ་མོའི་མགོ་དང་གཡང་གཞི་སྙིང་༔ ནལ་བུའི་ཤ་ཁྲག་ལུག་ནག་གསོབ༔ རྐང་གླིང་ཐོད་རྔ་ལྟག་སྤྲོད་སོགས༔ རྟེན་རྫས་རྣམས་ཀྱིས་ཐུགས་དམ་བསྐང་༔ བྱ་ནག་ལུག་ནག་ཁྱི་ནག་འབྲི༔ མི་ཁྱི་རྟ་ཡི་བམ་ཆེན་དང་༔ མདོས་དང་འབྲས་བུ་སྣ་ཚོགས་པ༔ བསྐང་རྫས་རྣམས་ཀྱི་ཐུགས་དམ་བསྐང་༔ རྟ་དང་གཡག་ནག་གྲི་སྙིང་གིས༔ དཔལ་ལྡན་མགོན་པོའི་ཐུགས་དམ་བསྐང་༔ ར་ཡི་ཤ་ཁྲག་གསུར་ཆེན་གྱིས༔ སྐྱེས་བུ་ཆེན་པོའི་ཐུགས་དམ་བསྐང་༔ ཤ་ཁྲག་སྙིང་སྣ་ར་མཆིན་གྱིས༔ གཟའ་བདུད་འཁོར་བཅས་ཐུགས་དམ་བསྐང་༔ དཀར་མངར་འོ་ཆོལ་རྟ་བོང་ཤས༔ དུར་ཁྲོད་བདག་མོའི་ཐུགས་དམ་བསྐང་༔ མདོར་ན་སྣང་སྲིད་སྣོད་བཅུད་ཀུན༔ དབང་པོ་དྲུག་གི་སྤྱོད་ཡུལ་དུ༔ རང་རང་མཐུན་པའི་དམ་རྫས་ཀྱིས༔ སྤྲུལ་འཁོར་ཡོངས་རྫོགས་ཐུགས་དམ་བསྐང་༔ ཁྱད་པར་དུས་ཀྱི་ཐ་མ་ལ༔ སྲིད་པའི་བདེ་སྡུག་མ་མོས་བྱེད༔ འབྱུང་བ་ལྔ་ཡང་ཡུམ་ལྔའི་ཀློང་༔ དེ་ཕྱིར་སྲིད་པའི་མ་མོར་གྲགས༔ དབྱིངས་ལ་རྣམ་རྟོག་མི་མངའ་ཡང་༔ རྩལ་ལས་སྤྲུལ་པ་ཤར་བའི་ཚེ༔ ལེགས་ཉེས་སྟངས་འཛིན་མ་མོ་ནི༔ ཀོ་ལོང་རུ་ང་གདུག་རྩུབ་ཆེ༔ རྣལ་འབྱོར་ཐབས་ལ་མི་མཁས་ཤིང་༔ འཇིག་རྟེན་རྨོངས་པའི་དབང་གྱུར་པས༔ ལྷ་མོའི་དམ་ཚིག་གང་དང་གང་༔ དེ་ཀུན་དང་དུ་མ་བླངས་ཤིང་༔ དཀར་དམར་ཐབ་དང་གཞོབ་ལ་སོགས༔ ཐུགས་དང་འགལ་བའི་ལས་བགྱིས་པ༔ ཁྱོད་ལ་མཐོལ་ལོ་བཟོད་པར་བཞེས༔ དབྱིངས་ནས་བཀའ་ཆད་མ་བཏང་ཅིག༔ ཤོ་དང་རྡེའུ་མ་འགྲིམས་ཤིག༔ ཁྲམ་དང་དལ་ཁ་མ་སྟོན་ཅིག༔ ཚོན་དྲུ་ནད་རྐྱལ་མ་བརྡེག་ཅིག༔ གོད་ཁ་གནས་འགྱུར་མ་བཏང་ཅིག༔ ཐུགས་དམ་གཉན་པོ་བསྐངས་གྱུར་ནས༔ ཞི་རྒྱས་གཉིས་ཀྱིས་གསོ་བ་དང་༔ དབང་དྲག་རོལ་པའི་མངོན་སྤྱོད་ཀྱི༔ ལས་བཞིའི་དངོས་གྲུབ་བདག་ལ་སྩོལ༔ དོ་གལ་ཆེན་ཕུད་སྐོང་བྱ་སྟེ༔ ཕུད་ཉུང་ངུ་ཙམ་ལ་ཕྱར་མི་རུང་ངོ་༔ མ་མགོན་གསོལ་མཆོད་ཉུང་བསྡུས།༈ མ་མགོན་གསོལ་མཆོད་ཉུང་བསྡུས་བཞུགས་སོ། བྷྱོཿ སྔགས་ཀྱི་སྲུང་མ་མ་མོ་རལ་གཅིག་མ། །དཔལ་མགོན་མ་ནིང་རྡོར་ལེགས་ར་ཧུ་ལ། །དུར་ཁྲོད་ལྷ་མོ་འཁོར་དང་བཅས་པ་རྣམས། །འཁོར་བཅས་མཐུན་པའི་དམ་རྫས་འདི་བཞེས་ལ། །ཇི་ལྟར་བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་འདི་ནི་ཀ་ཁོ་གནས་སོགས་དགོན་པའི་འདུས་སྡེ་རྣམས་ལ་སྙིང་ཐིག་དབང་ཆོས་སྐྱོང་རྣམས་ཀྱི་སྲོག་གཏད་དང་བཅས་པ་བསྐུལ་བའི་སྐབས། བེར་ཚད་ཚུལ་ཁྲིམས་རིན་ཆེན་བཅས་དོན་གཉེར་ཅན་འགས་བསྐུལ་ངོར་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེས་བྲིས་པའོ། ། ཧཱུྃ། འོག་མིན་གནས་ཡུལ་་་་ཧཱུྃ། འོག་མིན་གནས་ཡུལ་དུར་ཁྲོད་ནས། །བདེ་གཤེགས་རྩ་གསུམ་ཆོས་སྐྱོང་རྣམས། །བསྐང་བའི་གནས་འདིར་གཤེགས་སུ་གསོལ། །བྱང་ཤར་མཁའ་འགྲོའི་དུར་ཁྲོད་ནས། །དཔལ་ལྡན་ལྷ་མེ་འཁོར་དང་བཅས། །བསྐང་བའི་གནས་འདིར་གཤེགས་སུ་གསོལ། །དུར་ཁྲོད་འབར་བའི་ཕོ་བྲང་འདིར། །དཔལ་ལྡན་ལྷ་མོ་སྔགས་སྲུང་མ། །མ་ལུས་འཁོར་བཅས་བཞུགས་སུ་གསོལ། །གུས་པས་ཡིད་ཀྱིས་ཕྱག་འཚལ་མཆོད། །རྒྱལ་བ་རྣམས་ཀྱི་བསྔགས་པ་ལྟར། །ལྷ་མོ་ཁྱོད་ལ་བསྟོད་པར་བགྱིད། །ཧཱུྃ་བྷྱོཿ འཁོར་འདས་དབང་བསྒྱུར་མ་མོ་ཡོངས་ཀྱི་རྗེ། །བསྟན་བསྲུག་ཆེན་མོ་དཔལ་ལྡན་རེ་མ་ཏི། །དྲེགས་པ་བདུན་དང་མ་མོ་བྱེ་བ་འབུམ། །སྔགས་སྲུང་རྒྱལ་མོ་འཁོར་བཅས་ཐུགས་ངམ་བསྐང་། །ཐུགས་དམ་གཉེན་པོ་བསྐང་བའི་དམ་རྫས་ནི། །སྨན་རཀ་གཏོར་ཚོགས་མཆོད་པོས་ཐུགས་དམ་བསྐང་། །བམ་ཆེན་རྒྱལ་མཚན་མང་པོས་ཐུགས་དམ་བསྐང་། །ནམ་མཁའ་ཉི་ཟླ་མང་པོས་ཐུགས་དམ་བསྐང་། །མདའ་དར་མདུང་དར་མང་པོས་ཐུགས་དམ་བསྐང་། །མཁའ་ལྡིང་འདབ་ཆགས་མང་པོས་ཐུགས་དམ་བསྐང་། །སྟག་སེང་གཅན་སྦྱང་མང་པོས་ཐུགས་དམ་བསྐང་། །རྟ་གླང་དུད་འགྲོ་མང་པོས་ཐུགས་དམ་བསྐང་། །རི་གནས་ཆུ་གནས་མང་པོས་ཐུགས་དམ་བསྐང་། །ཆུ་སྣ་རྒྱ་མཚོ་མང་པོས་ཐུགས་དམ་བསྐང་། །སྟོང་གསུམ་རི་རབ་གླིང་བཞིས་ཐུགས་དམ་བསྐང་། །ནང་བཅུད་སྐྱེ་འགྲོ་མང་པོས་ཐུགས་དམ་བསྐང་། །རིན་ཆེན་རྣམ་པར་མང་པོས་ཐུགས་དམ་བསྐང་། །བདག་ཏུ་བཟུང་པའི་ཀ་ཆས་ཐུགས་དམ་བསྐང་། །ཚུལ་བཞིན་བསྒྲུབ་པའི་དཀོར་ཆས་ཐུགས་དམ་བསྐང་། །བདག་མེད་གྲུབ་པའི་ནོར་གྱིས་ཐུགས་དམ་བསྐང་། །དར་ཟབ་རས་གོས་ཤིང་བལ་ཐུགས་དམ་བསྐང་། །ཤིང་ཐོག་སྨན་སྣ་མང་པོས་ཐུགས་སམ་བསྐང་། །འབྲས་སྲན་འབྲུ་སྣ་མང་པོས་ཐུགས་དམ་བསྐང་། །ཤ་ཆང་བཟའ་བཏུང་མང་པོས་ཐུགས་དམ་བསྐང་། །སྒྲ་སྐད་རོལ་མོ་མང་པོས་ཐུགས་དམ་བསྐང་། །གོ་མཚོན་སྤྱན་གཟིགས་མང་པོས་ཐུགས་དམ་བསྐང་། །རྐང་གླིང་བཤུད་པ་མང་པོས་ཐུགས་དམ་བསྐང་། །འདབ་ལྡན་མེ་ཏོག་མང་པོས་ཐུགས་དམ་བསྐང་། །སྤོས་གསུང་དུད་སྤྲིན་མང་བོས་ཐུགས་དམ་བསྐང་། །རྣམ་ལྔའི་དབང་པོ་ལྔ་ཡིས་ཐུགས་དམ་བསྐང་། །ཤ་ལྔ་བདུད་རྩི་ལྔ་ཡིས་ཐུགས་དམ་བསྐང་། །ཕྱར་དར་གཡབ་དར་མང་པོས་ཐུགས་དམ་བསྐང་། །དུག་ལྔ་དུག་གསུམ་རྣམས་ཀྱིས་ཐུགས་དམ་བསྐང་། །མཁའ་ལྟར་ཁྱབ་པ་ལྟ་བས་ཐུགས་དམ་བསྐང་། །ཉི་ལྟར་གསལ་པ་སྒོམ་པས་ཐུགས་དམ་བསྐང་། །བླང་དོར་བྲལ་བ་སྤྱོད་པས་ཐུགས་དམ་བསྐང་། །རེ་དོག་མེད་པའི་འབྲས་བུས་ཐུགས་དམ་བསྐང་། །ཁྱད་པར་མཐུན་རྫས་རྣམས་ཀྱིས་ཐུགས་དམ་བསྐང་། །བསྐང་རྟེན་ཡོ་བྱད་དངོས་འབྱོར་ཡིད་སྤྲུལ་གྱིས། །ཐུགས་དམ་གཉེན་བསྐང་མངའ་གསོལ་དབུ་འཕང་བསྟོད། །ཉམས་ཆགས་བཤགས་བྱངས་དགྱེས་དགོངས་འཕྲིན་ལས་མཛོད། ། ཉི་གྲགས་ལྷ་མོ་སྔགས་བདག་མའི་གསོལ་བསྡུས་རྐྱེན་ངན་ཀུན་སེལ།༈ ཉི་གྲགས་ལྷ་མོ་སྔགས་བདག་མའི་གསོལ་བསྡུས་རྐྱེན་ངན་ཀུན་སེལ་བཞུགས་སོ། བྷྱོ། འདོད་ཁམས་དབང་བསྒྱུར་མ་མོ་ཡོངས་ཀྱི་རྗེ། །བསྟན་བསྲུང་གྩོ་མོ་དཔལ་ལྡན་སྔགས་བདག་མ། །དྲེགས་པ་བདུན་དང་མ་མོ་བྱེ་བ་བཅས། །དམ་རྫས་བརྒྱན་པའི་གཏོར་མ་འདི་བཞེས་ལ། །འདོད་དགུའི་བསམས་པ་ལྷུན་གྱིས་འགྲུབ་པ་དང་། །མི་མཐུན་རྐྱེན་ངན་སེལ་བའི་ཕྲིན་ལས་མཛོད། །རྫོགས་སྤྲུལ་ལྔ་པས་སོ། ། མ་མོའི་འཁྲུགས་སྐོང་བསྡུས་པ།༈ མ་མོའི་འཁྲུགས་སྐོང་བསྡུས་པ་ནི། བྷྱོ༔ ལྔ་བརྒྱ་དུས་ཀྱི་ཐ་མ་ལ། །གསང་སྔགས་བོན་དུ་གྱེར་བའི་ཚེ། །ཕས་ཟེར་བུ་ཡིས་མི་ཉན་དུས། །དུས་ངན་ཉེ་བ་འཐབ་པ་དང་། །གོས་ངན་རེ་ཐུལ་གྱོན་པ་དང་། །ཟས་ངན་ལྕི་བ་ཟ་བ་དང་། །སྡེ་འཁྲུག་ནང་དམེ་བྱེད་པའི་དུས། །མ་མོ་ནག་མོ་ཐུགས་ཁྲོས་ནས། །བུད་མེད་སྣ་ཚོགས་སྟོང་ཁམས་གང་། །མི་ནད་ཕྱུགས་ནད་སྣ་ཚོགས་གཏོང་། །མཁའ་ལ་ནད་སྤྲིན་སྔོ་དམར་འཁྲིགས། །དུས་ཀྱི་འཁྲུགས་པ་སློང་བྱེད་མ། །མཚོན་གྱི་བསྐལ་པས་འཇིགས་བྱེད་མ། །གློ་བུར་མི་ལ་ལྷོག་རྒོད་འབེབས། །ཐོག་སེར་འབེབས་པའི་སྙིང་མོ་ཆེ། །ས་བདག་ཀླུ་གཉན་ཁྱོད་ཀྱི་འབངས། །ལྷ་སྲིན་སྡེ་བརྒྱད་ཁྱོད་ཀྱི་འཁོར། །ཁྱོད་ཀྱིས་མི་འདུལ་གང་ཡང་མེད། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །ཁྲག་ཀྱང་མ་མོ་ཁྱོད་ཀྱི་ཁྲག །སྤྱི་བདུད་ནད་ཀྱི་ཁ་ལོ་སྒྱུར། །བསྐང་ངོ་ཁྱོད་ཀྱི་ཐུགས་དམ་བསྐང་། །དམ་རྫས་བདུད་རྩིའི་གཏོར་མ་དང་། །རྟེན་རྫས་སྒྲུབ་རྫས་སྐོང་རྫས་ཀྱིས། །འཁྲུགས་པའི་མ་མོའི་ཐུགས་དམ་བསྐང་། །ཐུགས་དམ་བསྐང་བའི་བྱིན་རླབས་ཀྱིས། །རྣལ་འབྱོར་བདག་ཅག་འཁོར་བཅས་ཀྱི། །ནད་ཁ་ཆོད་ལ་རིམས་ཁ་སྒྱུར། །ཁྲམ་ཁ་ཕྱིས་ལ་ཤོ་རྡེལ་སྤོས། །ནད་གདོན་བར་ཆད་བསྒྱུར་དུ་གསོལ། །མོ་ངན་མཚན་རྩུབ་བསྒྱུར་དུ་གསོལ། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །ཟློག་སྒྱུར་ཆེན་པོའི་དུས་ལ་བབ། །དུས་ལ་བབ་བོ་ས་མ་ཡ། །བཅོལ་བའི་ཕྲིན་ལས་འགྲུབ་པར་མཛོད། །ཐོག་མེད་དུས་ནས་མ་རིག་དབང་གྱུར་པས། །མི་ཤེས་སྒྲིབ་པའི་ལེ་ལོའི་དབང་གི་ནི། །ཐམས་ཅད་མཁྱེན་པའི་ལམ་དང་འགལ་བ་རྣམས། །སྤྲུལ་པ་མཁའ་འགྲོའི་ཚོགས་ལ་བཟོད་པར་གསོལ། །ཨོཾ་མ་ཧཱ་ཀ་ལི་རེ་མ་ཏི་ས་ཏྭ་ས་མ་ཡཱ༔ སོགས་ཡིག་བརྒྱ་བརྗོད། ཨ་ར་གས་སྦྱར་བའོ་ཡོངས་སུ་དགེ་བར་གྱུར་ཅིག ། འཁྲུགས་བསྐང་བསྡུས་པ།༈ འཁྲུགས་བསྐང་བསྡུས་པ་ནི། བྷྱོཿ དཔལ་ལྡན་ལྷ་མོ་འཁོར་བཅས་བདག་ལ་དགོངས། །བདག་ནི་ཉོན་མོང་དུག་ལྔའི་དབང་གྱུར་པས། །བག་མེད་ལེ་ལོས་དབང་དུ་གྱུར་པ་ཡིས། །ཁྱེད་རྣམས་ཐུགས་དང་འགལ་བ་ཅི་མཆིས་པ། །ཡེ་ཤེས་སྤྱན་ལྡན་རྣམས་ལ་བཟོད་པར་གསོལ། །ནད་གདོན་བར་ཆད་རྐྱེན་ངན་ཀུན་སོལ་ལ། །མཐུན་རྐྱེན་ལེགས་ཚོགས་དངོས་གྲུབ་རྩལ་དུ་གསོལ། །འཁྲུགས་བསྐང་གྲངས་བསོགས་སྐབས་ཉུང་ངུར་བྲིས་པ་འདི་ནི་རྫོགས་སྤྲུལ་ལྔ་པས་སོ། ། བྷྱོཿ ལྔ་བརྒྱ་དུས་ཀྱི་སྙིགས་མ་་་་་བྷྱོཿ ལྔ་བརྒྱ་དུས་ཀྱི་སྙིགས་མ་ལ། །ཉོན་མོངས་འཆོལ་ཉོག་སྤྱོད་པའི་ཚེ། །མ་མོ་ནག་མོ་ཐུགས་འཁྲོས་ནས། །མི་ནད་ཕྱུགས་ནད་སྣ་ཚོགས་གཏོང་། །དུས་འཁྲུགས་ལེགས་ཉེས་སད་སེར་གྱི། །མི་འདོད་རྐྱེན་ངན་སློང་བར་བྱེད། །བདག་ཅག་མི་ཤེས་བག་མེད་པས། །ཁྱེད་རྣམས་ཐུགས་འགལ་འཁྲུགས་སྲིད་ན། །ནོངས་ཤིང་ཉམས་པ་ཅི་མཆིས་པ། །ཚངས་པ་མཆོག་གི་དངོས་གྲུབ་སྩོལ། །ཡིག་བརྒྱ། སྨན་བཙུན་ཚེ་རིང་མཆེད་ལྔའི་བསྐོང་བསྡུས་ཡོང་འདུས་འཁྲི་ཤིང།༈ སྨན་བཙུན་ཚེ་རིང་མཆེད་ལྔའི་བསྐོང་བསྡུས་ཡོང་འདུས་འཁྲི་ཤིང་བཞུགས་སོ། བྷྱོཿ དབྱིངས་ཀྱི་ཡུམ་ཆེན་སྨན་བཙུན་མཆེད་སྡེ་ལྔ། །ཞིང་སྔགས་ལྷན་སྐྱེས་ཤ་ཟ་སྨན་མོའི་ཚོགས། །རོ་བརྒྱ་ལྡན་པའི་མཆོད་སྤྲིན་རྒྱ་མཚོ་ཡི། །ཐུགས་དམ་བསྐང་ལ་ལས་རྣམས་མ་གཡེལ་ཤིག །རྫོགས་སྤྲུལ་ལྔ་པས་སོ། ། ལྷ་ཆེན་བསྐང་བསྡུས་འདོད་ཡོན་ངོ་མཚར་རྒྱན་གྱི་རོལ་མོ༈ ལྷ་ཆེན་བསྐང་བསྡུས་འདོད་ཡོན་ངོ་མཚར་རྒྱན་གྱི་རོལ་མོ་བཞུགས། ཧྲཱིཿ སྣང་བ་མཐའ་ཡས་དག་ཆེན་སྒྱུ་འཕྲུལ་གར། །ལེགས་བསྒྱུར་ལྷ་ཆེན་ལྕམ་བྲལ་འཁོར་དང་བཅས། །གཙང་མ་ཕུད་ཀྱི་མཆོད་པ་འདི་ཕུལ་བས། །མི་མཐུན་ཀུན་ཞི་བསམ་དོན་ལྷུན་གྲུབ་ཤོག །རྫོགས་སྤྲུལ་ལྔ་པས་སྨྲས་པ་དགེ། གཟའ་རྒོད་སྲོག་གི་སྤུ་གྲི།༈ ཀློང་ཆེན་སྙིང་ཐིག་ཐིག་ལེ་ལས༔ གཟའ་རྒོད་སྲོག་གི་སྤུ་གྲི་བཞུགས༔ ཧྲཱི་ཤག་རུ་རཾ་ནཱ་ག་ཙིཏྟ་ཏྲཾ་མ་མ་ཡོ་ཟ་འགྲམ་ཧ་ཧེ་ཡོ་ཀེ་ཤ་ཡ་ཛ༔ཛཿ ཧྲཱི༔ དུར་ཁྲོད་རབ་འཇིགས་རྩུབ་འགྱུར་ཚལ༔ ཁྲག་ཞགས་དབའ་ཀློང་འཁྲུགས་པའི་དབུས༔ བཀའ་སྲུང་གཟའ་བདུད་རཱ་ཧུ་ལ༔ སྲོག་གི་སྤུ་གྲི་གཤེགས་སུ་གསོལ༔ སྐུ་མདོག་དུད་ཁ་སྦྲུལ་མཇུག་གཡོ༔ དབུ་དགུ་བྱ་རོག་གདོང་གིས་མཛེས༔ ཕྱག་བཞི་མདའ་གཞུ་ཞགས་པ་དང་༔ ཆུ་སྲིན་རྒྱལ་ཚན་རྔམ་སྟབས་འཛིན༔ འཁོར་དུ་གདོང་མོ་རྣམ་བཞི་དང་༔ གཟའ་བརྒྱད་རྒྱུ་སྐར་ཉི་ཤུ་བརྒྱད༔ ཅེ་སྤྱང་བདུད་བྱ་ཁྱི་ནག་དང་༔ དྲེགས་པ་སྡེ་བརྒྱད་དམག་གིས་བསྐོར༔ འཁོར་དང་བཅས་པ་མ་ལུས་ཀུན༔ ནམ་མཁའ་ཡངས་པའི་ཀློང་ནས་གཤེགས༔ དམ་ཚིག་ཆེན་པོའི་གདན་ལ་བཞུགས༔ དམར་ཆེན་ཁྲག་གི་ཨཱརྒྷཾ་དང་༔ དབང་ལྔའི་མེ་ཏོག་ཤ་གསུར་སྤྲིན༔ ཞུན་ཆེན་མར་མེ་མཁྲིས་པའི་ཆབ༔ ཤ་རུས་ཞལ་ཟས་ཐོད་རྔའི་སྒྲ༔ རྐང་གླིང་རོལ་མོ་འབྲུག་ལྟར་སྒྲོགས༔ དམར་ཆེན་གཏོར་མ་རི་ལྟར་སྤུང་༔ སྨན་རག་བདུད་རྩི་མཚོ་ལྟར་བསྐྱིལ༔ མཐུན་རྫས་སྤྱན་གཟིགས་སྐར་ལྟར་བཀྲམ༔ བཞེད་དགུའི་ལོངས་སྤྱོད་སྤྲིན་ལྟར་འདུལ༔ མཐུན་པའི་དམ་རྫས་སྣ་ཚོགས་ཀྱིས༔ གཟའ་བདུད་ཆེན་པོའི་ཐུགས་དམ་བསྐང་༔ རཱ་ཧུ་ལ་ཡི་ཐུགས་དམ་བསྐང་༔ སྡེ་བརྒྱད་དམག་དཔོན་ཐུགས་དམ་བསྐང་༔ གདོང་མོ་བཞི་ཡིས༴ དྲང་སྲོང་བརྒྱད་ཀྱི༴ རྒྱུ་སྐར་ཉེར་བརྒྱད༴ དྲེགས་པ་སྡེ་བརྒྱད༴ ལས་མཁན་རྣམས་ཀྱི༴ ཐུགས་དམ་བསྐངས་ལ་བར་ཆད་སོལ༔ འགལ་འཁྲུལ་ནོངས་པ་དབྱིངས་སུ་བསྐང་༔ བདག་ཅག་དཔོན་སློབ་ཡོན་མཆོད་ལ༔ ལོག་པར་འདྲེན་པའི་དགྲ་དང་བགེགས༔ ཁ་རླངས་དུག་གི་སྤུ་གྲིས་སོད༔ བརྒྱུད་འཛིན་སློབ་མ་བུ་བཞིན་སྐྱོངས༔ བཀའ་གསང་གཉན་པོའི་བསྟན་པ་སྤེལ༔ བསམ་དོན་ཡིད་བཞིན་འགྲུབ་པར་མཛོད༔ ཅེས་བརྗོད་གཏོར་མ་གཙང་སར་གཤེགས༔ ཨེ་མ༔ རྒྱལ་དབང་པདྨ་ཐོད་ཕྲེང་གི༔ རྡོ་རྗེའི་དམ་ཚིག་སྲུང་མ་འདི༔ མཐུ་རྩལ་རྣོ་མྱུར་ཐོགས་དང་འདྲ༔ བཀའ་གཉན་འཁུ་ལྡོག་གདུག་རྩུབ་ཆེ༔ དེ་ཕྱིར་སྙིང་ལས་གཅེས་པར་ཟུངས༔ ས་མ་ཡཱ༔ གཟའ་ཡི་བསྐང་བསྡུས་ཤ་ཟ་ཁྲོས་པའི་སྒྲ་དབྱངསགཟའ་ཡི་བསྐང་བསྡུས་ཤ་ཟ་ཁྲོས་པའི་སྒྲ་དབྱངས་ཞེས་བྱ་བ་བཞུགས་སོ། ཧྲཱིཿ རྒྱལ་བའི་བསྟན་སྲུང་ཁྱབ་འཇུག་རཱ་ཧུ་ལ། །སྲིད་བཞི་སྡེ་བརྒྱད་འཁོར་དང་བཅས་པ་རྣམས། །དགྱེས་པའི་དམ་རྫས་མཆོད་པ་འདི་བཞེས་ལ། །ཐུགས་དམ་བསྐང་ལ་ལས་བཞིའི་དངོས་གྲུབ་སྩོལ། །རྫོགས་སྤྲུལ་ལྔ་པས་སོ། ། དམ་ཅན་སྐྱེས་བུ་རྡོ་རྗེ་ལེགས་པ་ལ་ཕྲིན་བཅོལ་ཉུང་བསྡུས།ཧོཿ འཛམ་བུའི་གླིང་གི་སྐྱེས་མཆོག །རིག་པ་ཅན་གྱི་རྒྱལ་པོ། །ཉི་མ་ནུབ་ཕྱོགས་ཀྱི་སྲོག་བདག །རྣལ་འབྱོར་ཡོངས་ཀྱི་སྲུང་མ། རིན་ཆེན་གཏེར་གྱི་བདག་པོ། རྡོ་རྗེ་ལེགས་པ། རྡོ་རྗེ་བདེ་ལྡན། རྡོ་རྗེ་འབར་བ། རྡོ་རྗེ་ཁྱུང་གཤོག་རྩལ། རྡོ་རྗེ་ཐིག་ལེ་རྩལ། སྐུ་མདོག་དམར་ནག་འཇིགས་སུ་རུང་བ། རལ་པའི་རྩེ་ནས་དུ་བ་ཕྱུར་བ། སྤྱན་གསུམ་སྡང་མིག་དགྲ་ལ་གཟིགས་པ། སྨ་ར་ཨག་ཚོམ་མེ་སྟག་འཕྲོ་བ། མཆེ་བ་ཟངས་ཡག་ཧ་ཧ་རྒོད་པ། ཕྱག་གཡས་རྡོ་རྗེ་རྩེ་དགུ་གསོར་བ། གཡོན་པས་དགྲ་སྙིང་ཞལ་དུ་གསོལ་བ། སྐུ་སྟོད་ཞིང་ཆེན་གཡང་གཞི་གསོལ་བ། སྐུ་སྨད་སྟག་གི་ཤམ་ཐབས་གསོལ་བ། སྦྲུལ་དང་ཐོད་པས་སེ་རལ་འཕྱང་བ། སེང་གེ་དཀར་མོའམ་ར་སྐྱེས་ཁམས་པ་ལ་འཆིབས་པ། ཐུགས་ཀྱི་དགྱེས་སྡེ་བཙུན་མོས་བསྐོར་བ། བཀའ་བློན་ལྷ་སྲིན་སྡེ་བརྒྱད་དང་བཅས་པ། སྒྲོལ་གིང་བྱེ་བའི་ཚོགས་ཀྱིས་བསྐོར་བ། ཕོ་ཉ་ལྕགས་སྤྱང་དོམ་དྲེད་འགྱེད་པ། རྒྱ་ཡི་ཨ་བསེ་ཆེན་པོ། ཁམས་ཀྱི་གནོད་སྦྱིན་ཆེན་པོ། བོད་ཀྱི་ཨ་ཇོ་ཆེན་པོ། །མགར་བ་ནག་པོ། །མོན་པ་ནག་པོ། །གའུ་ནག་པོ། །སེར་སྐྱ་ནག་པོ། །མཆེད་འཁོར་སུམ་བརྒྱ་དྲུག་ཅུའི་གཙོ་བོ། །སྐྱེ་བོ་ཡོངས་ཀྱི་དགྲ་ལྷ། བན་བོན་ཡོངས་ཀྱི་སྲུང་མ། དམག་དཔོན་ཆེན་པོ། །ཇག་དཔོན་ཆེན་པོ། །ཚོང་དཔོན་ཆེན་པོ། །སྟོང་དཔོན་ཆེན་པོ། །མཁན་དཔོན་ཆེན་པོ། །གྲལ་དཔོན་ཆེན་པོ། །ལས་མཁན་ཆེན་པོ། །སྒྲོལ་གིང་ཆེན་པོ། །ཕོ་ཉ་ཡང་སྤྲུལ་ཕྱག་བརྙན་དང་བཅས་པ་ལ་གསོལ་ལོ། །འབུལ་ལོ། །མཆོད་དོ། །ལེགས་པ་ཆོས་ཤིག །ཉེས་པ་བཟློག་ཅིག །བསམ་པ་སྒྲུབས་ཤིག །རེ་བ་སྐོངས་ཤིག །མི་ལ་ན་ཚ་མ་བཏང་། ཕྱུགས་ལ་གོད་ཁ་མ་བཏང་། ཁ་སྨྲས་དང་གླེང་བརྗོད་མ་བཏང་། མི་་ཁ་དང་དལ་ཡམས་མ་༤༠༠་བཏང་། དགྲ་རྐུན་དང་འཚེ་བ་མ་བཏང་། གཞན་ཡང་གཞི་ལ་འདུག་ན་ལེགས་པར་སྲུངས་ཤིག །བྱེས་སུ་འགྲོ་ན་མགོན་སྐྱབས་མཛོད་ཅིག །ལམ་འཕྲང་འཇིགས་པར་སྐྱེལ་བསུ་གྱིས་ཤིག །ཆུ་ལ་འགྲོ་ན་སྒྲོལ་འདོན་མཛོད་ཅིག །ཚོང་ལ་འགྲོ་ན་ཚོང་དཔོན་གྱིས་ཤིག །དམག་ལ་འགྲོ་ན་དམག་དཔོན་གྱིས་ཤིག །ཇག་ལ་འགྲོ་ན་ཇག་དཔོན་གྱིས་ཤི། །དགྲ་དང་བརྩོད་ན་ཕ་རོལ་གནོན་ཅིག །མི་མཉམ་པ་དང་མཉམས་སུ་ཆུག་ཅིག །མཉམ་གཉིས་གོང་དུ་ལེགས་པར་ཐོན་ཅིག །བཅོལ་བའི་ཕྲིན་ལས་སྒྲུབས་ཤིག །བསྒྲུབ་པའི་རྟགས་ཕྱུངས་ཤིག །དགྱེས་པའི་ཞལ་སྟོན་ཅིག །མཐུ་དང་རྫུ་འཕྲུལ་བསྐྱེད་ཅིག །མངའ་ཐང་དང་འབྱོར་པ་སྤེལ་ཅིག །སྙན་པ་དང་གྲགས་པ་སྒྲོགས་ཤིག །བཀྲ་ཤིས་དང་བདེ་ལེགས་ཕུན་སུམ་ཚོགས་པར་མཛོད་ཅིག །ཅེས་པའང་དམ་ཅན་སྐྱེས་བུ་རྡོ་རྗེ་ལེགས་པ་ལ་ཕྲིན་བཅོལ་ཉུང་ངུ་བསྡུས་པ་འདི་ནི་ཀུན་མཁྱེན་ངག་གི་དབང་པོ་ཀློང་ཆེན་པ་རབ་འབྱམས་བཟང་པོའི་གསུང་བྱིན་རླབས་ཅན་གཞན་བཅོས་ཀྱིས་མ་བསླད་པར་དག་པར་ཕབ་པའོ། །སྤར་འདི་རྫོགས་ཆེན་དགོན་དུ་བཞུགས། དགེའོ།། །། རཏྣའི་དམ་ཅན་སེང་ཞོན་གསོལ་བསྡུས་ཕྲིན་ལས་མྱུར་འགྲུབ།༈ རཏྣའི་དམ་ཅན་སེང་ཞོན་གསོལ་བསྡུས་ཕྲིན་ལས་མྱུར་འགྲུབ་བཞུགས་སོ། ཧཱུྃ། སློབ་དཔོན་པདྨའི་བཀའ་ཉན་ཐ་ཚིག་ཅན། །རྡོ་རྗེ་ལེགས་པ་མཆེད་འཁོར་ཚོགས་བཅས་ལ། །དམ་རྫས་དགྱེས་པའི་མཆོད་སྤྲིན་འདི་ཕུལ་བས། །ལས་བཞི་འཕྲིན་ལས་སྒྲུབ་པའི་སྡོང་གྲོགས་མཛོད། །རྫོགས་སྤྲུལ་ལྔ་པས་སོ། ། ཉི་གྲགས་དམ་ཅན་ར་ཞོན་བསྐང་བསྡུས་དགྲ་ལས་རྣམ་རྒྱལ།༈ ཉི་གྲགས་དམ་ཅན་ར་ཞོན་བསྐང་བསྡུས་དགྲ་ལས་རྣམ་རྒྱལ་བཞུགས་སོ། ཧཱུྃཿ གསང་བདག་ཐུགས་སྤྲུལ་དམ་ཅན་རྡོ་རྗེ་ལེགས། །འཁོར་བཅས་དམ་རྫས་མཆོད་པ་འདི་བཞེས་ལ། །མི་མཐུན་གནོད་པའི་བར་ཆད་ཀུན་སོལ་ལ། །ཡིད་ལ་བསམ་པ་ལྷུན་གྱིས་འགྲུབ་པར་མཛོད། །རྫོགས་སྤྲུལ་ལྔ་པས་སོ། །དགེའོ། ། དམ་ཅན་ནོར་སྒྲུབས་བསྐང་བསྡུས་ནོར་ལྷ་དགྱེས་པའི་གཏེར་མཛོད།༈ དམ་ཅན་ནོར་སྒྲུབས་བསྐང་བསྡུས་ནོར་ལྷ་དགྱེས་པའི་གཏེར་མཛོད་བཞུགས་སོ། ཀྱཻ། དམ་ཅན་ནོར་བདག་དགེ་བསྙེན་སྤྲུལ་འཁོར་བཅས། །ཀུན་བཟང་མཆོད་པའི་སྤྲིན་ལྟར་འབུལ་ལགས་ན། །མི་མཐུན་འགལ་རྐྱེན་གནོད་པ་ཀུན་ཞི་ནས། །མཐུན་རྐྱེན་ཡར་ངོའི་ཟླ་ལྟར་འཕེལ་རྒྱས་མཛོད། །མཆོད་རིག་འཛིན་ངག་དབང་ནས་བསྐུལ་བའི་ངོར་རྫོགས་སྤྲུལ་ལྔ་པས་སྨྲས་པའོ། ། དགོང་བཙན་བསྐང་བསྡུས་བྱད་མ་གཡུལ་འཇོམས།༈ དགོང་བཙན་བསྐང་བསྡུས་བྱད་མ་གཡུལ་འཇོམས་བཞུགས། ཧྲཱིཿ གཏེར་སྲུང་བཙན་རྒོད་འབར་བ་མཆེད་བདུན་དང་། །གནོད་སྦྱིན་ནོར་བདག་བསམ་མི་ཁྱབ་པའི་འཁོར། །རང་རང་མཐུན་པའི་དམ་རྫས་འདི་འབུལ་བས། །ཐུགས་དམ་བསྐང་ལ་ཕྲིན་ལས་མ་གཡེལ་ཤིག །རྫོགས་སྤྲུལ་ལྔ་པས་སོ། ། ཕུར་བསྲུང་ལྕམ་དྲལ་བསྐང་བསྡུས།༈ ཕུར་བསྲུང་ལྕམ་དྲལ་བསྐང་བསྡུས་བཞུགས་སོ། ཧཱུྃ། ཤྭ་ན་བདག་ཉིད་ས་བདག་བསེ་མོ་བཞི། །སྐྱེས་བུ་གིང་ཆེན་བཅུ་གཉིས་འབྱུང་སེར་སོགས། །དཔལ་ཆེན་རྡོ་རྗེ་ཕུར་པའི་བཀའ་སྡོད་རྣམས། །དམ་རྫས་ཕུད་ཀྱི་མཆོད་པ་རྒྱ་ཆེན་འདིས། །ཐུགས་དམ་བསྐང་ལ་རྐྱེན་ངན་བར་ཆད་སོལ། །མི་ཕམ་པས་སོ། ། གཏེར་སྲུང་ལྡང་ལྷའི་བསྐང་བསྡུས།༈ གཏེར་སྲུང་ལྡང་ལྷའི་བསྐང་བསྡུས་བཞུགས་སོ། ཧཱུྃ། སྔོན་ཚེ་པདྨའི་བཀའ་ཉན་ཐ་ཚིག་ཅན། །ལྷ་ཡི་དགེ་བསྙེན་རྡོ་རྗེ་དྲག་པོ་རྩལ། །བཙན་རྒོད་བྱ་ར་སྟོང་གི་ཚོགས་དང་བཅས། །དམ་རྫས་ཕུད་ཀྱི་མཆོད་པ་རྒྱ་ཆེན་འདིས། །ཐུགས་དམ་གཉེན་སྟོང་རྣལ་འབྱོར་དབུ་འཕང་བསྟོད། །རྫོགས་སྤྲུལ་ལྔ་བས་སོ། །དགེ་ལེགས་འཕེལ། ། གནོད་སྦྱིན་ཙིའུ་དམར་པོའི་བསྐང་བ་དགོས་འདོད་རེ་སྐོང་།༈ གནོད་སྦྱིན་ཙིའུ་དམར་པོའི་བསྐང་བ་དགོས་འདོད་རེ་སྐོང་བཞུགས་སོ། རཾ་ཡཾ་ཁཾ། ཨོཾ་སྭཱ་བྷཱ་ཝས་སྦྱངས། ཨོཾ་ཨཱཿཧཱུྃ། ཧོ༔ སྐུ་གསུང་ཐུགས་ཀྱིས་དྲེགས་ཆེན་སྤྲུལ། །མཐུ་ཆེན་སྟོབས་ལྡན་ཙིའུ་དམར། །འཁོར་བཅས་ཐུགས་དམ་དགྱེས་བསྐང་རྫས། །ཞིང་བཅུ་ཉམས་པ་བསྒྲལ་བ་ཡི། །ཕུང་ཁམས་ལས་བྱུང་མཾ་ས་ནི། །རི་བོ་ལྟར་བརྗིད་ཁྲག་གི་མཚོ། །ཀེང་རུས་མཁར་དང་དབང་པོ་ལྔའི། །མེ་ཏོག་སྤུངས་པ་འདི་དག་གིས། །གནོད་སྦྱིན་ཆེན་པོའི་ཐུགས་དམ་བསྐང་། །སྲིད་པའི་དཔལ་འབྱོར་བཀྲ་ཤིས་པའི། །རྟག་བརྒྱད་རྒྱལ་སྲིད་རིན་ཆེན་བདུན། །ལེགས་པར་བཤམས་པའི་ཡོ་བྱད་འདིས། །གནོད་སྦྱིན་ཆེན་པོའི་ཐུགས་དམ་བསྐང་། །བྱི་རུའི་མདངས་འདྲའི་འདབས་ཆགས་བྱ། །དེ་བཞིན་ཁྱི་དམར་དཔའ་གཏུམ་རྒོད། །ཅང་ཤེས་རྟ་སོགས་མང་པོ་ཡིས། །གནོད་སྦྱིན་འཁོར་བཅས་ཐུགས་དམ་བསྐང་། །ཚོགས་དྲུག་ཡུལ་གྱི་སྣང་བ་ལ། །འདོད་ཡོན་མཛེས་བརྒྱན་བསམ་མི་ཁྱབ། །ཐམས་ཅད་རང་ཤར་རང་གྲོལ་གྱིས། །རྩིས་ཟིན་དྲན་ཤེས་རིག་པ་འདི། །ཆོས་སྲུང་ངོ་བོ་ཡིན་པའི་ཕྱིར། །གནོད་སྦྱིན་ཆེན་པོ་འཁོར་བཅས་ཀྱི། །ཡེ་ཤེས་དབྱིངས་སུ་ཐུགས་དམ་བསྐང་། །མ་རིག་སེམས་ཅན་ལས་དབང་གི །ཉེས་ལྟུང་འགལ་ཀུན་བཤགས་པར་བགྱི། །ལས་བཞིའི་དབང་ཆེན་བཙན་རྒོད་ཆེས། །རྣལ་འབྱོར་བསྒྲུབ་པའི་གེགས་སོལ་ཅིག །དོན་འགྲུབ་དགེ་ལེགས་ཀུན་འཕེལ་ཤོག །མི་འགྱུར་ཚེ་དབང་གི་ངོར། རྫོགས་སྤྲུལ་བཞི་པས་སྨྲས་པ་དགེ །སརྦ་མངྒ་ལཾ། གནོད་སྦྱིན་ཙིའུ་དམར་བསྐང་བསྡུས་བྱད་མ་སྟོབས་བཤིག༈ གནོད་སྦྱིན་ཙིའུ་དམར་བསྐང་བསྡུས་བྱད་མ་སྟོབས་བཤིག་བཞུགས་སོ། ཧྲཱིཿ དབང་ཆེན་པདྨའི་བཀའ་སྡོད་དྲེགས་པའི་གཙོ། །གནོད་སྤྱིན་ཙིའུ་དམར་པོ་འཁོར་བཅས་ཀྱི། །དམ་རྫས་ཕུད་ཀྱི་མཆོད་པ་འདི་འབུལ་བས། །ཐུགས་དམ་གཉེན་བསྐང་རྣལ་འབྱོར་དབུ་འཕང་བསྟོད། །རྫོགས་སྤྲུལ་པས་ལྔ་པས་སོ། ། རྒྱལ་ཆེན་སྐུ་ལྔའི་གསོལ་བསྡུས་བདུད་སྡེ་ཕྱེར་འཐག༈ རྒྱལ་ཆེན་སྐུ་ལྔའི་གསོལ་བསྡུས་བདུད་སྡེ་ཕྱེར་འཐག་བཞུགས་སོ། ཧྲཱིཿ རྒྱལ་ཆེན་སྐུ་ལྔ་ཡབ་ཡུམ་སློན་པོ་དང་། །རུ་འདྲེན་སྡེ་བཞིའི་འཁོར་ཚོགས་བསམ་མི་ཁྱབ། །མཆོད་པ་འབུལ་ལོ་ཐུགས་དམ་དགྱེས་སྐོང་ཤིག །རྣལ་འབྱོར་བསམ་པ་ཡིད་བཞིན་སྒྲུབས་ཏུ་གསོལ། །ཅེས་པ་འདི་ཡང་རྫོགས་སྤྲུལ་ལྔ་པས་གསུངས་པ་དགེའོ། ། ཟག་མེད་བདེ་ཆེན་ཡེ་ཤེས་་་་་༈ ཟག་མེད་བདེ་ཆེན་ཡེ་ཤེས་ཀྱི། །རྣམ་རོལ་ལས་བྱུང་སྟོང་གསུམ་ཁྱོན། །གསང་བའི་མཆོད་གཏོར་འདི་བཞེས་ལ། །ཐུགས་དམ་གཉན་པོ་བསྐང་གྱུར་ཅིག །དེ་རིང་བཅོལ་བའི་ཕྲིན་ལས་མཛོད། །སྔོན་གྱི་ལས་དང་འཕྲལ་གྱི་རྐྱེན། །འབྱུང་བར་མི་འདོད་ཉེར་འཚེ་ཀུན། །ཞི་ཞིང་ཚེ་དང་བསོད་ནམས་དང་། །འཁོར་དང་བསྟན་པ་རྒྱས་པར་མཛོད། །འཇིག་རྟེན་གསུམ་ན་གནས་པ་ཡི། །ཟད་ནོར་ལོངས་སྤྱོད་ཐམས་ཅད་འདུ། །དྲེགས་ལྡན་སྐྱེ་བོ་མ་ལུས་པ། །སྐད་ཅིག་ཉིད་ལ་ཚར་གཅོད་ཅིག །དུས་གསུམ་རྒྱལ་བའི་བསྟན་པ་སྲུངས། །དཔལ་ལྡན་བླ་མའི་སྐུ་ཚེ་སྲིངས། །དགེ་འདུན་སྡེ་དང་བཅས་པ་རྣམས། །ཕྱོགས་བཅུར་རྒྱས་པའི་ཕྲིན་ལས་མཛོད། ། གསུང་བློན་རྡོ་རྗེ་གྲགས་ལྡན་བསྐང་བསྡུས་ཕྲིན་ལས་མྱུར་འགྲུབ།༈ གསུང་བློན་རྡོ་རྗེ་གྲགས་ལྡན་བསྐང་བསྡུས་ཕྲིན་ལས་མྱུར་འགྲུབ་བཞུགས་སོ། ཧྲཱིཿ ཁམས་གསུམ་དབང་བསྒྱུར་སྲིད་གསུམ་སྲོག་གི་གཤེད། །བློན་པོ་རྡོ་རྗེ་གྲགས་ལྡན་འཁོར་དང་བཅས། །མཐུན་པའི་དམ་རྫས་ནམ་མཁའི་ཁྱོན་བསྐང་ཏེ། །ཐུགས་དམ་བསྐང་ལ་ལས་རྣམས་མྱུར་དུ་སྒྲུབས། །རྫོགས་སྤྲུལ་ལྔ་པས་སོ། །དགེའོ། ། གྲི་བཙན་རྡོ་རྗེ་དགྲ་འཇོམས་རྩལ་གྱི་བསྐང་བསྡུས་དམ་ཉམས་འཇོམས་པའི་འཁྲུལ་འཁོར།༈ གྲི་བཙན་རྡོ་རྗེ་དགྲ་འཇོམས་རྩལ་གྱི་བསྐང་བསྡུས་དམ་ཉམས་འཇོམས་པའི་འཁྲུལ་འཁོར་བཞུགས་སོ། ཧྲཱིཿ དབང་ཆེན་ཐུགས་སྤྲུལ་གྲི་བཙན་དགྲ་འཇོམས་རྩལ། །མཆེད་ཟླ་ཡུམ་སྲས་བློན་འཁོར་རྒྱ་མཚོའི་ཚོགས། །མཆོད་པའི་བྱེ་བྲག་རྣམ་མང་རྒྱ་མཚོ་ཡི། །ཐུགས་དམ་བསྐང་ལ་དངོས་གྲུབ་མ་ལུས་སྩོལ། །རྫོགས་སྤྲུལ་ལྔ་པས་སོ། །དགེའོ། ། ཉི་གྲགས་ནོར་བདག་བསྐང་བསྡུས་དངོས་གྲུབ་འདོད་རྒུའི་གཏེར་མཛོད།༈ ཉི་གྲགས་ནོར་བདག་བསྐང་བསྡུས་དངོས་གྲུབ་འདོད་རྒུའི་གཏེར་མཛོད་བཞུགས་སོ། བཻ། ནོར་བདག་ཡིད་བཞིན་ནོར་བུ་རྣམ་ཐོས་སྲས། །དགྱེས་སྡེ་ཡུམ་སྲས་ནོར་ལྷ་རྒྱ་མཚོའི་ཚོགས། །རྣམ་མང་མཆོད་སྤྲིན་རྒྱ་མཚོ་འདི་བཞེས་ལ། །ཐུགས་དམ་བསྐང་ལ་ནོར་གྱི་དངོས་གྲུབ་སྩོལ། །རྫོགས་སྤྲུལ་ལྔ་པས་སོ། །དགེའོ། ། རྟ་ལྷའི་བསྐང་བསྡུས་།༈ རྟ་ལྷའི་བསྐང་བསྡུས་བཞུགས་སོ། ཧཱུྃ། རྟ་ལྷའི་རྒྱལ་པོ་ཨཪྱ་རེ་མནྟ། །རང་འདྲ་ལྔ་བརྒྱའི་འཁོར་ཚོགས་བཅས་པ་རྣམས། །ཁྱེད་དང་མཐུན་པའི་དམ་རྫས་འབུལ་ལགས་ན། །ཐུགས་དམ་བསྐང་ལ་གཞི་བྱེས་ལམ་གསུམ་གྱི། །རྟ་དྲེལ་གོད་ཁ་བཟློག་པའི་ཕྲིན་ལས་མཛོད། །ཅེས་པ་འདི་ཡང་རྫོགས་སྤྲུལ་ལྔ་པས་སོ། ། ཐང་ལྷའི་བསྐང་བསྡུས།༈ ཐང་ལྷའི་བསྐང་བསྡུས་བཞུགས་སོ། ཀྱཻ། ས་བརྒྱད་སེམས་དཔའ་ཡུལ་ལྷའི་ཚུལ་འཛིན་པ། །སྟོང་གསུམ་མི་འཇེད་བདག་པོ་ཚངས་པ་ཆེ། །གཉེན་ཆེན་ཐང་ལྷ་དགྱེས་ཡུམ་བཀའ་འཁོར་བཅས། །དམ་རྫས་ཕུད་ཀྱི་མཆོད་པ་རྒྱ་ཆེན་འདིས། །ཐུགས་དམ་བསྐང་ལ་འདོད་དགུ་ལྷུན་གྲུབ་མཛོད། །ཤིང་རྟ་ལོར་མི་ཕམ་པས་སོ། ། རྨ་རྒྱལ་བསྐང་བསྡུས་ཡིད་བཞིན་འདོད་འཇོའི་བང་མཛོད།༈ རྨ་རྒྱལ་བསྐང་བསྡུས་ཡིད་བཞིན་འདོད་འཇོའི་བང་མཛོད་ཅེས་བྱ་བཞུགས་སོ། ཧྲཱིཿ ལྷ་ཡི་སྲས་པོ་རྨ་རྒྱལ་སྤོམ་ར་ནི། །རྨ་འཁོར་འབུམ་དང་བཅས་པ་གཤེགས་ནས་ཀྱང་། །བསམ་མི་ཁྱབ་པའི་མཆོད་སྤྲིན་རྒྱ་མཚོ་འདིའི། །ཕུལ་བས་རྨ་གཡང་འདོད་དགུའི་དངོས་གྲུབ་སྩོལ། །ཞེས་རྫོགས་སྤྲུལ་ལྔ་པས་སོ། །སརྦ་མངྒ་ལཾ། ལྷ་གཉེན་ཆེན་པོ་ཟིལ་ཁྲོམ་རྡོ་རྗེ་གཡུང་དྲུང་གི་བསྐང་བསྡུས།༈ ལྷ་གཉེན་ཆེན་པོ་ཟིལ་ཁྲོམ་རྡོ་རྗེ་གཡུང་དྲུང་གི་བསྐང་བསྡུས་བཞུགས་སོ། ཀྱཻ། རྒྱལ་དབང་པདྨའི་བཀའ་ཉན་ཡུལ་སྐྱོང་གཙོ། །ལྷ་གཉེན་ཆེན་པོ་རྡོ་རྗེ་གཡུང་དྲུང་རྩལ། །བཙུན་མོ་སྲས་བློན་རུ་འདྲེན་འཁོར་ཚོགས་བཅས། །དམ་རྫས་ཕུད་ཀྱི་མཆོད་པ་རྒྱ་ཆེན་འདིས། །ཐུགས་དམ་བསྐང་ལ་བཀྲ་ཤིས་བདེ་ལེགས་སྩོལ། །རྫོགས་སྤྲུལ་པས་སོ། །དགེའོ། ། དཀོར་བདག་ཆེན་མོ་རྒོད་ལྕམ་ཁ་རག་བསྐང་བསྡུས་འདོད་རྒུའི་རྡུལ་འཚུབ།༈ དཀོར་བདག་ཆེན་མོ་རྒོད་ལྕམ་ཁ་རག་བསྐང་བསྡུས་འདོད་རྒུའི་རྡུལ་འཚུབ་བཞུགས་སོ། ཧཱུྃ། སྨན་བཙུན་ཆེན་མོ་རྒོད་ལྕམ་ཤེལ་རུ་སྨན། །སྐོར་བདག་ཚུལ་འཛིན་ཀླུ་གཉན་སྨན་མོའི་གཙོ། །འཁོར་བཅས་དམ་རྫས་མཆོད་པ་འདི་བཞེས་ལ། །ཐུགས་དམ་བསྐང་ལ་འདོད་དོན་མྱུར་དུ་སྒྲུབས། །རྫོགས་སྤྲུལ་ལྔ་པས་སོ། ། གནས་བདག་ནོར་བུ་གཡུལ་རྒྱལ་བསྐང་བསྡུས།༈ གནས་བདག་ནོར་བུ་གཡུལ་རྒྱལ་བསྐང་བསྡུས་ནི། ཧཱུྃ། གནས་བདག་ཆེན་པོ་ཟོ་དོར་ཡོངས་ཀྱི་གཙོ། །ལྷ་ཀླུ་གཉན་བཅས་འཁོར་ཚོགས་བསམས་མི་ཁྱབ། །ནམ་མཁའི་ཁམས་ཀུན་མཆོད་སྤྲིན་རྒྱ་མཚོ་ཡི། །ཐུགས་དམ་གཉན་བསྐང་རྣལ་འབྱོར་བསམས་དོན་སྒྲུབ། །རྫོགས་སྤྲུལ་ལྔ་པས་སོ། ། སྐྱ་བྲག་བསྐང་བསྡུས་དཔག་བསམ་ལྗོན་ཤིང་།༈ སྐྱ་བྲག་བསྐང་བསྡུས་དཔག་བསམ་ལྗོན་ཤིང་བཞུགས། ཧཱུྃ། ལྕམ་མོ་ཆེན་ཆེན་མོ་སྨན་བཙུན་གཞོན་ནུ་མ། །མིང་པོ་ལྷ་ཡི་དགེ་བསྙེན་དྲག་རྩལ་ཅན། །འཁོར་བཅས་དམ་རྫས་མཆོད་པ་འདི་བཞེས་ལ། །ཐུགས་དམ་བསྐང་ལ་ཕྲིན་ལས་སྡོང་གྲོགས་མཛོད། །ཅེས་པ་འདིའང་རྫོགས་སྤྲུལ་ལྔ་པས་སོ། ། དུར་ཁྲོད་ལྷ་མོའི་སྐོང་བསྡུས་མ་མོ་དགྱེས་པའི་གླུ་དབྱངས།༈ དུར་ཁྲོད་ལྷ་མོའི་སྐོང་བསྡུས་མ་མོ་དགྱེས་པའི་གླུ་དབྱངས་བཞུགས་སོ། བྷྱོཿ དུར་ཁྲོད་མ་མོ་ཞིང་སྐྱོང་ཀུན་གྱི་གཙོ། །འབུམ་ཕྲག་ཡངས་པའི་མཁའ་འགྲོ་འཁོར་དང་བཅས། །སྨན་གཏོར་རཀྟའི་མཆོད་པ་འདི་བཞེས་ལ། །ཐུགས་དམ་སྐོང་ལ་ཕྲིན་ལས་མྱུར་དུ་སྒྲུབ། །རྫོགས་སྤྲུལ་ལྔ་པས་སོ། །དགེའོ། ། གེ་སར་མངའ་གསོལ་བསྡུས་བ།༈ གེ་སར་མངའ་གསོལ་བསྡུས་བ་བཞུགས་སོ། ཧཱུྃ། དགྲ་བླ་གེ་སར་ནོར་བུ་དགྲ་འདུལ་རྩལ། །རྫུ་འཕྲུལ་རྡོ་རྗེ་ཀྱང་རྒོད་ཕེན་པོ་དང་། །དཔལ་བརྟུལ་དང་སྨན་བཀའ་སྡོད་ཕོ་ཉར་བཅས། །ཚོགས་ཀྱི་བདག་པོ་དགྲ་ལྷ་བཅུ་གསུམ་སོགས། །དགྲ་ལྷ་མཆེད་དགུ་འགོ་བའི་ལྷ་ལྔ་དང་། །མགྲོན་གཡག་དར་མ་དགྲ་བླ་ཉེར་གཅིག་སོགས། །རྨ་རྒྱ་སྤོམ་ར་མཆེད་སྲས་བཙུན་མོར་བཅས། །ལྷ་འཁོར་ཀླུ་འཁོར་འབུམ་དང་བཅས་པ་རྣམས། །དམ་རྫས་ཕུད་ཀྱི་མཆོད་པ་རྒྱ་ཆེན་འདིའི། །ཐུགས་དམ་བསྐང་ལ་འགལ་རྐྱེན་བར་ཆད་སོལ། །དབུ་འཕང་གཉན་པོ་ཆོས་ཀྱི་དབྱིངས་སུ་བསྟོད། །ཕ་རོལ་རྒོལ་བ་ཐམས་ཅད་ཟིལ་གྱིས་གནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །མི་ཕམ་པས་མཛད་པ་ལ་ཅུང་ཟད་ཁ་སྐོང་བ་རྫོགས་སྤྲུལ་ལྔ་པས་སོ།། །།དགེའོ།། གེ་སར་སྐྱེས་བུའི་གསོལ་བསྡུས་དགྲ་ལྷ་དགྱེས་པའི་མཆོད་སྤྲིན།༈ གེ་སར་སྐྱེས་བུའི་གསོལ་བསྡུས་དགྲ་ལྷ་དགྱེས་པའི་མཆོད་སྤྲིན་བཞུགས་སོ། བསྭོ། སྣང་སྲིད་དགྲ་ལྷ་ཡོངས་ཀྱི་ཆེ་བཙན་པ། །གེ་སར་ནོར་བུ་དགྲ་འདུལ་འཁོར་བཅས་ལ། །མཆོད་སྤྲིན་ནམ་མཁའ་མཛོད་དུ་འབུལ་ལགས་ན། །གཡུལ་ལས་རྣམ་པར་རྒྱལ་བའི་ཕྲིན་ལས་མཛོད། །རྫོགས་སྤྲུལ་ལྔ་པས་སོ། །དགེའོ། ། རླུང་རྟའི་གསོལ་མཆོད་ཕྲིན་ལས་ལྷུན་འགྲུབ།༈ རླུང་རྟའི་གསོལ་མཆོད་ཕྲིན་ལས་ལྷུན་འགྲུབ་བཞུགས། ཧོཿ ཀུན་ཁྱབ་དག་པ་ཆོས་དབྱིངས་ཆེན་པོ་ལས། །རང་རྩལ་མ་འགག་རོལ་པ་ཕྲིན་ལས་ལྷ། །རྫུན་འཕྲུལ་རྐང་པ་བཞི་ལྡན་རླུང་ཤུགས་ཀྱིས། །གང་འདོད་གནས་སུ་ཐོགས་མེད་ཕྱིན་པའི་རྟ། །ཡེ་ཤེས་འཇིག་རྟེན་མགོན་མཛད་གང་ཡང་རུང་། །བརྫུས་གཟུགས་མྱུར་མཛད་ལས་ཀྱི་ལྷ་ཆེན་བཞིས། །འཁོར་འདས་ཡོངས་ལ་ཁྱབ་རྒྱུ་མཐུ་བོ་ཆེ། །བོས་པ་ཙམ་གྱིས་གློག་ལྟར་མྱུར་དུ་བྱོན། །དཔག་བསམ་ལྗོན་པའི་ཚལ་ན་རྒྱུ་བ་ཡིས། །དགྲ་བླ་ཁྱུང་ཆེན་སྤྱན་འདྲེན་གཤེགས་སུ་གསོལ། །དར་སྣ་བ་དན་རོལ་མོའི་མཆོད་པ་འབུལ། །མངའ་གསོལ་གཟིངས་བསྟོད་ཐུགས་དམ་གཉན་པོ་བསྐང་། །འཛད་འཕྲུལ་ཕུན་སུམ་ཚོགས་པའི་རླུང་རྟ་བསྐྱེད། །ཁྱད་པར་ཤིང་ཁམས་རླུང་གི་ཀ་བ་ཚུགས། །ཕ་རོལ་རྒོལ་བ་ཐམས་ཅད་ཟིལ་གྱིས་གནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །འཇིགས་རུང་མེ་ཡི་ཚྭ་ཚྭ་འཁྲུགས་པ་ཡི། །དགྲ་བླ་སྟག་ཆེན་སྤྱན་འདྲེན་གཤེགས་སུ་གསོལ། །དར་སྣ་བ་དན་རོལ་མོའི་མཆོད་པ་འབུལ། །མངའ་གསོལ་གཟེངས་བསྟོད་ཐུགས་དམ་གཉེན་པོ་བསྐང་། །དཔའ་སྟོབས་ཕུན་སུམ་ཙོགས་པའི་རླུང་རྟ་བསྐྱེད། །ཁྱད་པར་མེ་ཁམས་རླུང་གི་ཀ་བ་ཚུགས། །ཕ་རོལ་རྒོལ་བ་ཐམས་ཅད་ཟིལ་གྱིས་གནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །ཤེལ་བྲག་གང་ཆེན་ལྕག་རིའི་ཟམ་གནས་ནས། །དགྲ་བླ་སེང་ཆེན་སྤྱན་འདྲེན་གཤེགས་སུ་གསོལ། །དར་སྣ་བ་དན་རོལ་མོའི་མཆོད་པ་འབུལ། །མངའ་གསོལ་གཟེངས་བསྟོད་ཐུགས་དམ་གཉེན་པོ་བསྐང་། །མཛེས་བརྗིད་ཕུན་སུམ་ཚོགས་པའི་རླུང་རྟ་བསྐྱེད། །ཁྱད་པར་ལྕགས་ཁམས་རླུང་གི་ཀ་བ་ཚུགས། །ཕ་རོལ་རྒོལ་བ་ཐམས་ཅད་ཟིལ་གྱིས་གནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །ཆུ་ལྡན་ཆར་སྤྲིན་ཟབ་མོའི་ཀློང་ཡངས་ནས། །དགྲ་བླ་འབྲུག་ཆེན་སྤྱན་འདྲེན་གཤེགས་སུ་གསོལ། །དར་སྣ་བ་དན་རོལ་མོའི་མཆོད་པ་འབུལ། །མངའ་གསོལ་གཟེངས་བསྟོད་ཐུགས་དམ་གཉེན་པོ་བསྐང་། །སྙན་གྲགས་ཕུན་སུམ་ཚོགས་པའི་རླུང་རྟ་བསྐྱེད། །ཁྱད་པར་ཆུ་ཁམས་རླུང་གི་ཀ་བ་ཚུགས། །ཕ་རོལ་རྒོལ་བ་ཐམས་ཅད་ཟིལ་གྱིས་གནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །གང་གིས་མཆོད་ན་འཕྲལ་དུ་མགོན་མཛད་ཅིང་། །གློ་བུར་སྟོབས་འཕེལ་སྲིད་པ་ལས་ཀྱི་ལྷ། །རྟེན་འབྲེལ་གནས་ལ་དབང་བསྒྱུར་མཐུ་བོ་ཆེ། །མཆོད་དོ་བསྟོད་དོ་དེ་རིང་དཔལ་བསྐྱེད་ཅིག། །ཕྲིན་ལས་ལྷ་མགོན་ཐུགས་དམ་གཉན་པོ་ཅན། །གློགས་ལྟར་མྱུར་བའི་ཤུགས་དང་བཟློག་མེད་སྟོབས། །བསྐྱེད་ལ་རྣལ་འབྱོར་བདག་ཅག་འཁོར་བཅས་ཀྱིས། །ཚེ་དཔལ་རླུང་གི་རྒྱལ་མཚན་སྲིད་རྩེར་བསྒྲེངས། །སྙན་པའི་བ་དན་ས་ཆེན་གསུམ་དུ་ཕྱོར། །གྲགས་པའི་འབྲུག་སྒྲ་མཁའ་དང་མཉམ་པར་སྒྲོགས། །གང་བསམ་ཐོགས་མེད་བསྒྲིད་པའི་ལས་ཤུགས་ཀྱིས། །མཐུ་སྟོབས་ནུས་པ་རླུང་གིས་མེ་བཞིན་སྤོར། །ཕས་ཀྱིས་རྒོལ་བ་ཀུན་ལས་རྒྱལ་བའི། །འགྱུར་མེད་རླུང་གིས་དཔལ་ཡོན་རབ་གྲུབ་སྟེ། །ཆོས་དང་སྲིད་ཀྱི་ལེགས་ཚོགས་མ་ལུས་པ། །ཡིད་བཞིན་ལྷུན་གྱིས་གྲུབ་པའི་ཕྲིན་ལས་མཛོད། །འདི་ནི་རང་བཟོ་མ་ཡིན་ཏེ་ལག་གི་དགོངས་པ་བཞིན་དུ་རབ་ཚེས་ལྕགས་ཡོས་ཟླ་བའི་ཚེས་བཅུ་གཅིག་རེས་གཟའ་བཀྲ་ཤིས་དང་། རྒྱུ་སྐར་མེ་བཞི་བརྩེ་བའི་དུས་ཚེས་བཟང་པོའི་གང་གིས་ཆ་ལ་འཇམ་དཔལ་དགྱེས་པའི་རྡོ་རྗེའི་རིག་པའི་རྩལ་ལས་བྱུང་བ་རྣོ་ཁྱད་ཕན་ཡོན་ཆེའོ།། །། རླུང་རྟའི་བསྐང་བསྡུས།༈ རླུང་རྟའི་བསྐང་བསྡུས་བཞུགས་སོ། ཧོཿ བཀྲ་ཤིས་རླུང་རྟ་སྙན་པའི་བ་དན་ཆེ། །ཀུན་བཟང་མཆོད་པའི་སྤྲིན་ཕུང་འཕྲོ་བ་འདིས། །རྩ་གསུམ་སྲུང་མ་དགྲ་ལྷ་ཟོ་དོར་བཅས། །དམ་རྫས་ཕུད་ཀྱི་མཆོད་པ་རྒྱ་ཆེན་འདིས། །ཐུགས་དམ་བསྐང་ལ་བསམ་དོན་ལྷུན་གྲུབ་མཛོ། །མི་ཕམ་པས་སོ། ། དྲགས་ཤུལ་དབང་པོའི་གསོལ་བསྡུས།༈ དྲགས་ཤུལ་དབང་པོའི་གསོལ་བསྡུས་ནི། ཛཿ དྲེགས་པའི་ཡོངས་རྗེ་དྲག་རྩལ་དབང་པོ་ཡི༔ དམ་རྫས་བྷ་ལིང་མཆོད་གཏོར་འདི་བཞེས་ལ༔ རྣལ་འབྱོར་བསམ་དོན་ཆོས་བཞིན་འགྲུབ་པ་དང་༔ ཚེ་དཔལ་སྟོབས་འབྱོར་ལུང་རྟོགས་སྣང་བ་རྒྱས༔ སྨྱོ་འདྲེ་རྒྱལ་འགོང་རྡུལ་དུ་རླག་པ་དང་། །ལྷ་འདྲེ་མི་གསུམ་དབང་སྡུད་ཕྲིན་ལས་མཛོད། །ཅེས་པ་འདི་ནི་གཏེར་གཞིར་བཞག་ནས་ཚིག་རྐང་གཉིས་ནི་མཁན་དཀོན་བཟང་ནས་བསྐུར་ངོར་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེས་སྨྲས་པ་དགེའོ། ། ཧཱུྃ། ཆོས་ཉིད་དབྱིངས་ལས་་་་ཧཱུྃ། ཆོས་ཉིད་དབྱིངས་ལས་བཞེངས་པ་ཡིས། །བསྟན་སྲུང་དམ་ཅན་རྒྱ་མཚོའི་ཚོགས། །ཐུགས་རྗེ་བརྩེ་བས་རྗེས་དགོངས་ལ། །རྣལ་འབྱོར་བདག་ཅག་འཁོར་བཅས་ཀྱི། །དམ་རྫས་མཐུན་པའི་གཏོར་མ་དང་། །ཇ་ཆུང་འོ་སྐོལ་བཏུང་བའི་རིགས། །ཕུད་དང་རཀྟའི་རྒྱ་མཚོ་བསྐྱིལ། །མཆོད་ཅིང་བསྟོད་པའི་བྱིན་རླབས་ཀྱིས། །མི་མཐུན་གནོད་པ་ཀུན་ཞི་ནས། །མཐུན་རྐྱེན་ཆོས་དང་མཐུན་པ་ཡི། །བསམ་དོན་ཡིད་བཞིན་འགྲུབ་པར་མཛོད། །ཅེས་པ་འདི་ཡང་འཇམ་དབྱངས་མཁྱེན་བརྩེའི་དབང་པོའི་ཐུགས་སྤྲུལ་གུ་རུ་ཚེ་དབང་ནས་ཆོས་སྐྱོང་སྤྱི་ཡི་གསོལ་བསྡུས་འདི་ལྟར་དགོས་ཞེས་བསྐུལ་ངོར་རྫོགས་སྤྲུལ་ལྔ་བས་བྲིས་པ་དགེའོ། ། ཨོཾ་སྭ་བྷཱ་ཝ་སོགས།ཨོཾ་སྭ་བྷཱ་ཝ་སོགས། སྟོང་པའི་ངང་ལས་བྷྲུྃ་ལས་གནས་ཁང་དུར་ཁྲོད་དྲག་པོའི་བཀོད་པ་ཞིང་ཁམས་བསམ་གྱིས་མི་ཁྱབ་པར་ཕྱིན་ནང་གསང་བའི་མཆོད་པ་སྤྱན་གཟིགས་མཐུན་རྫས་བརྟེན་རྫེས་བསྐང་རྫས་ལ་སོགས་པ་ཐམས་ཅད་སྲིད་ཞིའི་འདོད་ཡོན་གྱིས་རྣམ་པ་མཁོ་དགུ་ཚངས་པ། བཟང་དགུའི་འབྱོར་བ་མཛེས་དགུའི་བརྒྱན་པ། ངོ་བོ་ཡེ་ཤེས་ཀྱི་སྒྱུ་མའི་རང་བཞིན་བདེ་བའི་རྣམ་པ་ཐམས་ཅད་འཆར་བའི་ནམ་མཁའི་ཁམས་གང་བར་གྱུར། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱེཿ སརྦ་ཏ་ཏྑཾ་ཨུངྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭ་ཧཱཿ ཧྲཱི༔ མ་བཅོས་སྤྲོས་བྲལ་་་་་ཧྲཱི༔ མ་བཅོས་སྤྲོས་བྲལ་གནས་ལུགས་མངོན་གྱུར་པའི༔ རྒྱལ་བ་དགོངས་པ་བརྒྱུད་པའི་ཐུགས་དམ་བསྐང་༔ ཏིང་འཛིན་མཆོག་བརྙེས་བརྡའ་ཡི་བརྒྱུད་པ་སྟེ༔ རིག་འཛིན་རིག་པ་བརྒྱུད་པའི་ཐུགས་དམ་བསྐང་༔ བཀའ་ལུང་ལྷག་ཆད་མེད་པའི་དཀྱིལ་འཁོར་ནས༔ སྙན་ཁུང་བརྒྱུད་པའི་བླ་མའི༴ བཀའ་བརྒྱུད་གཏེར་དུ་སྦས་པའི་བྱ་ར་མཛད༔ མཁའ་འགྲོ་གཏད་རྒྱ་བརྒྱུད་པའི༴ མ་འོངས་ལས་འཕྲོ་ལྡན་པར་ལུང་དུ་བསྟན༔ སྨོན་ལམ་དབང་བསྐུར་བརྒྱུད་པའི༴ ཤེས་བྱ་ཐམས་ཅད་རྣམ་པ་ཀུན་མཁྱེན་པའི༔ དུས་གསུམ་སངས་རྒྱས་རྣམས་ཀྱི༴ འགྲོ་ཀུན་ཞི་བདེའི་གནས་སུ་འདྲེན་མཛད་པའི། གསུང་མཆོག་དམ་ཆོས་རྣམས༴ ས་དང་ལམ་ལ་གནས་ནས་བསྟན་པ་སྐྱོང་༔ འཕགས་པའི་དགེ་འདུན་རྣམས་ཀྱི༴ ལྟ་བསྒོམ་མཁྱེན་པ་མཆོག་ལ་མངའ་བརྙེས་པའི༔ སྐྱེས་མཆོག་བླ་མ་རྣམས་ཀྱི་ཐུགས༴ ཕྱི་དང་ནང་གི་བར་ཆད་ཀུན་སེལ་པའི༔ མཁའ་འགྲོ་དམ་ཅན་རྣམས་ཀྱི༴ མ་སྐྱེས་གདོད་ནས་རང་བཞིན་རྣམ་པར་དག༔ སྐྱེ་མེད་མངོན་གྱུར་ཆོས་སྐུའི༴ དུག་ལྔ་ཡེ་ཤེས་ལྔ་ཡི་ངོ་བོར་སྨིན༔ ཞི་ཁྲོ་ལོངས་སྤྱོད་རྫོགས་སྐུའི༴ རང་སྣང་མ་འགགས་གཞན་སྣང་དེར་སྟོན་པའི༔ སྐུལ་སྐུ་འགྲོ་དོན་མཛད་པའི༴ ཧཱུྃ༔ ཞི་བ་ལྷུན་གྱིས་གྲུབ་པའི་དཀྱིལ་འཁོར་ནས༔ བཞི་བཅུ་རྩ་གཉིས་རྒྱལ་བའི༴ ཁྲག་འཐུང་རོལ་པའི་དུར་ཁྲོད་ཆེན་པོ་ནས༔ ལྔ་བཅུ་རྩ་བརྒྱད་ཁྲོ་བོའི༴ སྐུ་མཆོག་འགྱུར་བ་མེད་པའི་དཀྱིལ་འཁོར་ནས༔ འཇམ་དཔལ་སྐུ་ཡི་ལྷ་ཚོགས༴ གསུང་མཆོག་འགགས་པ་མེད་པའི་དཀྱིལ་འཁོར་ནས༔ པདྨ་གསུང་གི་ལྷ་ཚོགས༴ ཐུགས་མཆོག་གཡོ་བ་མེད་པའི་དཀྱིལ་འཁོར་ནས༔ ཡང་དག་ཐུགས་ཀྱི་ལྷ་ཚོགས༴ ཡོན་ཏན་ལྷུན་གྱིས་གྲུབ་པའི་དཀྱིལ་འཁོར་ནས༔ བདུད་རྩི་ཡོན་ཏན་ལྷ་ཚོགས་ཐུགས༴ ཕྲིན་ལས་དྲག་པོ་སྒྲོལ་བའི་དཀྱིལ་འཁོར་ནས༔ ཕུར་པ་ཕྲིན་ལས་ལྷ་ཚོགས༴ ཤ་ཁྲག་རྒྱ་མཚོར་འཁྱིལ་བའི་དཀྱིལ་འཁོར་ནས༔ མ་མོ་རྦོད་གཏོང་ལྷ་ཚོགས༴ ཐུགས་རྗེའི་གདུང་འཚོབ་སྐུ་ཡི་དཀྱིལ་འཁོར་ནས༔ རིག་འཛིན་སློབ་དཔོན་ལྷ་ཚོགས༴ དམ་རྫས་རྫ་ལྟར་ལྷག་པའི་དཀྱིལ་འཁོར་ནས༔ འཇིག་རྟེན་མཆོད་བསྟོད་ལྷ་ཚོགས༴ དགྲ་བགེགས་གདུག་པ་འདུལ་བའི་དཀྱིལ་འཁོར་ནས༔ དམོད་པ་དྲག་སྔགས་ལྷ་ཚོགས་ཐུགས་དམ་བསྐང་༔ ཧྲཱི༔ དུས་གསུམ་སངས་རྒྱས་ཀུན་གྱི་ངོ་བོ་ཉིད༔ བླ་མེད་དཀོན་མཆོག་སྤྱི་འདུས་ཐུགས་དམ༴ ལྷ་སྲིན་སྡེ་བརྒྱད་འདུལ་བའི་དཀྱིལ་འཁོར་ནས༔ གུ་རུ་དྲག་པོའི་ལྷ་ཚོགས༴ ཨ་ཏི་བླ་མེད་བཀའ་ཡི་བྱ་ར་བ༔ མཁའ་འགྲོ་སེདྒེའི་གདོང་ཅན༴ སངས་རྒྱས་ཀུན་གྱི་བསྟན་པ་སྲུང་མཛད་པའི༔ ཆོས་སྐྱོང་མ་མགོན་ལྕག་དྲལ༴ དཔལ་གྱི་སྤྱན་སྔར་རང་རྟགས་སྲོག་སྙིང་ཕུལ༔ དམ་ཅན་རྒྱ་མཚོ་ཡོངས་ཀྱི༴ སྒྲུབ་པ་པོ་ལ་ལོངས་སྤྱོད་ཆར་འབེབས་པའི༔ རྒྱལ་ཆེན་རྣམ་ཐོས་སྲས་ཀྱི༴ སྟོང་ཁམས་འདི་ན་དྲག་རྩལ་ལྡན་པ་ཡི༔ གཟའ་བདུད་རཱ་ཧུ་ལ་ཡི་ཐུགས༴ གསང་སྔགས་རྒྱུད་སྡེ་ཀུན་གྱི་གཉེར་དུ་བསྐོས༔ དམ་ཅན་རྡོ་རྗེ་ལེགས་པའི་ཐུགས༴ ཨོ་རྒྱན་པདྨའི་བཀའ་ཡིས་གཉེར་དུ་བསྐོས༔ གཏེར་བདག་གཏེར་སྲུང་རྣམས་ཀྱི༴ ཚུལ་བཞིན་སྒྲུབ་པ་བྱེད་པའི་གྲོགས་མཛད་པའི༔ གཞི་བདག་གཞི་སྲུང་རྣམས་ཀྱི་ཐུགས་དམ༔ ཧཱུྃ༔ གཞན་ཡང་ཐུགས་དམ་བསྐང་བའི་དམ་རྫས་ནི༔ རྩ་བརྒྱད་སྟོང་ལ་སྦྱར་བའི་བདུད་རྩི་དང་༔ པདྨ་མཾ་ས་སྦྱར་བའི་རཀྟ་དང་༔ ཁྱད་པ་རྨད་དུ་བྱུང་བའི་གཏོར་མ་དང་༔ ཚོགས་ཀྱི་ཡོ་བྱད་ལོངས་སྤྱོད་རྒྱ་ཆེན་འདིས༔ ཁྱེད་རྣམས་ཐུགས་དམ་གཉན་པོ་སྐོང་གྱུར་ནས༔ བདག་གི་དབྱར་དམ་གཉེན་པོ་སོར་སྩོལ་ཅིག༔ སྐོང་གྱུར་དབང་དང་དངོས་གྲུབ་སྩལ་དུ་གསོལ༔ ཧཱུྃ༔ བསྐང་དུ་མེད་དེ་སྐྱེ་མེད་ངང་དུ་བསྐང་༔ མཆོད་དུ་མེད་དེ་གཉིས་མེད་རོལ་པས་མཆོད༔ སྦྱོར་དུ་མེད་དེ་ཟུང་འཇུག་ཆེན་པོར་སྦྱོར༔ སྒྲོལ་དུ་མེད་དེ་ཡེ་ཤེས་ཆེན་པོར་སྒྲོལ༔ ཡེ་སྦྱོར་ཡེ་སྒྲོལ་ཆེན་པོས་ཐུགས་དམ་བསྐང་༔ ཨོཾ་བཛྲ་ས་ཏྭ་ས་མ་ཡ༔ མ་ནུ་པཱ་ལ་ཡཱ༔ བཛྲ་ས་ཏྭ་ཏྭེ་ནོ་པ་ཏཾཥྛ༔ ཌི་བྷོ་མེ་བྷ་ཝ༔ སུ་ཏྭ་ཥྱོ་མེ་བྷ་ཝ༔ སུ་པོ་ཥྱོ་མེ་བྷ་ཝ༔ ཨ་ནུ་རཀྟོ་མེ་བྷ་ཝ༔ སརྦ་སིདྡྷི་མྨེ་པྲ་ཡཙྪ༔ སརྦ་ཀརྨ་སུ་ཙ་མེ༔ ཙིཏྟཾ་ཤྲི་ཡཾ་ཀུ་རུ་ཧཱུྃ༔ ཧ་ཧ་ཧ་ཧ་ཧོ༔ བྷ་ག་ཝན༔ སརྦ་ཏ་ཐཱ་ག་ཏ༔ བཛྲ་མཱ་མེ་མུཉྩ༔ བཛྲཱི་བྷ་ཝ༔ མ་ཧཱ་ས་མ་ཡ་ས་ཏྭ་ཨཱཿ རྡོ་རྗེའི་ཆོས་སྐྱོང་བའི་སྲུང་མ་རྣམས་ལ་མངོན་པར་བསྟོད་པ་ཚངས་པའི་གླུ་དབྱངས།༄༅། །རྡོ་རྗེའི་ཆོས་སྐྱོང་བའི་སྲུང་མ་རྣམས་ལ་མངོན་པར་བསྟོད་པ་ཚངས་པའི་གླུ་དབྱངས་ཞེས་བྱ་བ་བཞུགས་སོ།། ན་མ་ཤྲི་བཛྲ་དྷརྨཱ་པཱ་ལ་ཡེ། ཚངས་པ་མགྲིན་སྔོན་ཁྱབ་འཇུག་དང་ནི་དབང་པོ་ཉེ་དབང་བཙུན་མོར་བཅས། །ལྷ་ཆེན་ཀུན་གྱིས་མངོན་པར་བསྟོད་པ་དཔལ་ལྡན་རྡོ་རྗེ་ནག་པོ་ཆེ། །ལྷ་མིན་ཚོགས་དང་ལྷ་མིན་ཡིད་ཅན་བསྟན་དགྲ་མ་ལུས་བརླག་མཛད་པ། །ཧེ་རུ་ཀ་ཡི་སྤྲུལ་པའི་མཆོག་གྱུར་ཀྲོ་དྷི་ཡུམ་གྱི་བདག་པོར་འདུད། །ཁྲོས་པའི་ཞལ་གྱི་སྤྲིན་ནག་འཁྲིག་ལས་སྡང་མིག་གློག་ཞགས་རྣམ་གཡོ་ཞིང་། །ཚེམས་ཀྱི་མྱུ་གུ་གངས་རིའི་མདངས་འཛིན་སྐྱིན་ཐང་ཟོལ་གྱིས་དགྲ་ལ་འབེབས། །ལྕགས་ཀྱི་སྡེར་མོ་གནམ་ལྕགས་འབར་བས་ཉམས་པའི་ཙིཏྟ་དྲུང་འབྱིན་པའི། །སྲིད་རྒྱལ་མ་ཞེས་སྔགས་སྲུང་གཙོ་མོ་ནམ་མཁའི་རལ་གཅིག་འཛིན་ལ་བསྟོད། །སྡིག་ཅན་དགྲ་བོའི་སྙིང་ཁྲག་རྫིང་བུར་མི་སྡུག་གཟུགས་ཀྱི་ཚང་ཚིང་འཁྲིགས། །སྲིད་གསུམ་སྲོག་དབུགས་གཅིག་ཆར་རྔུབས་པའི་ལྟོ་ཞལ་འཇིགས་རུང་མཁའ་ལ་གདངས། །ལེགས་ཉེས་འབྱེད་པའི་སྤྱན་སྟོང་བསྒྲད་ལས་དམ་ཉམས་སྙིང་ལ་དུག་ཆར་འབེབས། །ལས་བྱེད་མུན་པའི་རླུང་ནག་དང་འགྲོགས་སྦུད་པའི་གཟུགས་དང་རྡོ་རྗེའི་མདའ། །ལྷན་ཅིག་རྦད་པས་དགྲ་སྙིང་གཏོར་ཞིང་དགྲ་བོའི་ཀླད་པ་འགེམས་མཛད་པའི། །སྒྲོལ་གིང་ལས་ཀྱི་ཤན་པ་མཆོག་དང་དམ་ཅན་མ་མོ་ངན་ནེ་མ། །དཀོར་ནོར་སྲུང་བའི་བྱེད་པོ་ཀུན་ལ་རབ་ཏུ་དངས་བས་བདག་ཕྱག་འཚལ། །གནོད་སྦྱིན་གཏེར་གྱི་རྒྱ་མཚོ་ཆེ་ལས་དགོས་འདོད་ནོར་བུའི་མཆོག་སྦྱིན་པའི། །རྣམ་མང་ཐོས་སྲས་ལྷ་མོར་བཅས་པ་གང་དག་བུ་མང་ལྡན་པའི་ཚོགས། །ཐུགས་རྗེའི་གདེངས་ཀ་རྣམ་པར་གཡོ་ཞིང་བྱམས་པའི་ཕྱག་གིས་ཉུལ་མཛད་པའི། །དེ་དག་ཀུན་ལ་གུས་པས་འདུད་དོ་འབྲུ་ནོར་ལོངས་སྤྱོད་ཆར་ལྟར་ཕོབ། །དཔལ་ལྡན་བླ་མའི་བྱིན་རླབས་སྤྲིན་འཁྲིགས་ཡི་དམ་དངོས་གྲུབ་ཆར་རྒྱུན་འབེབས། །མཁའ་འགྲོའི་ཕྲིན་ལས་འབྲས་བུ་གཡུར་ཟ་ཆོས་སྐྱོང་སྲུང་མའི་ར་བ་བརྟན། །དུས་གསུམ་དགེ་བའི་བཀྲ་ཤིས་གཡང་འཁྱིལ་ཕུན་ཚོགས་ཕྱོགས་ལས་རྣམ་རྒྱལ་བའི། །གཡར་དམ་གཉེན་པོ་འགྲུབ་པར་མཛོད་ཅིག་སྐྱབས་འོས་རྣམས་ཀྱི་མཐུན་གྱུར་མཛོད། །ཅེས་རྡོ་རྗེ་ཆོས་སྐྱོང་བའི་སྲུང་མ་རྣམས་ལ་མངོན་པར་ཡིད་ཆས་པའི་བསྟོད་པ་འདི་ནི་ཕྲན་རང་དབུས་བསྒྲོད་གཉིས་པའི་སྐབས་དངོས་རྫས་འགའ་ཞིག་རྐུན་པོས་བརྐུས་པ་ཕྱིར་འབྱོར་བས་རྐྱེན་བྱས་པས་མཆེད་གྲོགས་ངེས་དོན་ནོར་བུ་ནས་ཇི་ལྟར་བསྐུལ་བའི་ངོར་མདོ་ཁམས་ཀྱི་བཙུན་པ་རྒྱལ་སྲས་གཞན་ཕན་མཐའ་ཡས་སུ་འབོད་པས་ཞེའུ་ཉིན་རྫོང་དགོན་ཞོལ་དུ་ཤར་མར་དུ་སྤེལ་བ་འདིས་ཀྱང་བསྟན་དགྲ་མ་ལུས་པ་ཚར་གཅོད་པར་གྱུར་ཅིག །དགེའོ།། ཨོཾ་ཨཱ༔ཧཱུྃ། མཆོག་གསུམ་རྩ་གསུམ་་་་་ཨོཾ་ཨཱ༔ཧཱུྃ། མཆོག་གསུམ་རྩ་གསུམ་དཔལ་བོ་མཁའ་འགྲོ་མཁྱེན། །གནས་ཡུལ་བྱིན་ཅན་ཆོས་སྡེ་སྤྲུགས་པ་ཡི། །དངོས་དང་དངོས་མེད་བདུད་རྣམས་ཚར་གཅོད་ཅིང་། །རྒྱལ་བསྟན་སྲུང་མ་ཡིན་པར་ཁས་བླུང་པའི། །ཇི་ལྟར་བཅོལ་པའི་ཕྲིན་ལས་འགྲུབ་པར་གྱིས། །གྲུབ་པའི་དབང་ཕྱུག་པདྨ་རིག་འཛིན་དང་།དཔོན་སློབ་ནམ་མཁར་འོད་གསལ་ཉི་མ་གྲགས། །རབ་འབྱམས་བསྟན་པའི་རྒྱལ་མཚན་མཁས་གྲུབ་དང་། །རྗེ་དཔོན་པདྨ་ཀུན་གྲོལ་རྣམ་པར་རྒྱལ། །འཇིགས་མེད་མི་བསྐྱོད་རྡོ་རྗེའི་མཚན་ཅན་དང་། །དཔལ་ལྡན་རྩ་བ་བརྒྱུད་པའི་བླ་མ་རྣམས། །དེ་ཡི་བསྟན་སྲུང་ཐམས་ཅད་འདིར་བྱོན་ལ། །འདུས་སྡེ་མི་ཉམས་ཐོས་བསམ་སྒོམ་གསུམ་སྤེལ། །བཤད་སྒྲུབ་དགེ་ལེགས་གོང་ནས་གང་དུ་འཕེལ། །བསམ་དོན་ལྷུན་གྱིས་གྲུབ་པའི་ཕྲིན་ལས་མཛོད། ། ཟ་ངུ་ཕྲིན་བཅོལ།༄༅། །ཟ་ངུ་ཕྲིན་བཅོལ་ནི༔ ཧཱུྃ༔ དགོངས་ཤིག་ཆོས་སྐྱོང་སྲུང་མའི་ཚོགས༔ དམ་ཚིག་གཉེན་པོ་མ་གཡེལ་ཅིག༔ ཆོས་སྐྱོང་འཁྲུགས་ཀྱང་དམ་མི་ཉམས༔ རྩུབ་འཁྲུགས་བཀའ་ཆད་དགྲ་ལ་ཐོངས༔ རྣམ་འབྱོར་བདག་ཅག་འཁོར་བཅས་ཀྱི༔ དགྲ་བོའི་ཟས་ནོར་བླངས་པ་དེ༔ ཚེ་བསོད་བླ་སྲོག་བླང་བ་ཡིན༔ གཏམ་བྱེད་རྣམ་ཤེས་འཕྲོག་པ་ཡིན༔ ཕྱག་ཚང་འགུགས་འདྲེན་བྱེད་པ་ཡིན༔ ཆོས་བཤད་དམོད་བའི་དྲག་སྔགས་ཡིན༔ སྔགས་མདུད་མྱོས་པའི་ཕུང་རྫས་ཡིན༔ ཟ་ངུ་སྡང་བའི་དགྲ་ལ་གྱིས༔ ད་རུང་དགྲ་ལ་ཆད་པ་ཆོད༔ ཟ་ངུ་མ་རྒྱད་དགྲ་ལ་ཆོས༔ སྡང་བའི་དགྲ་བོ་ཕུང་བར་གྱིས༔ དྲག་སྔགས་དམོད་པའི་མཚོན་ཆ་ཡི༔ དཀའ་ཡི་ཆད་པ་དགྲ་ལ་ཆོད༔ ཅེས་དགྲ་ལ་དམོད་བཞིན་དུ་དགྲ་བགེགས་རྡུལ་ཕྲན་བཞིན་དུ་སོང་བར་བསམས་ལ་འདི་བྱའོ༔ ཅེས་པའང་རིག་འཛིན་འཇིགས་མེད་གླིང་པས་དྷི་རཾ། བཀྲ་ཤིས། ། བྱང་ཆུབ་སེམས་དང་ལྡན་པའི་སྐྱེས་བུ་་་་་༄༅། །བྱང་ཆུབ་སེམས་དང་ལྡན་པའི་སྐྱེས་བུ་ཡིས། །ཐུགས་བསྐྱེད་དམ་བཅའ་མི་ཉམས་བསྟན་འགྲོའི་དོན། །སྐལ་མེད་ཐར་པའི་ས་བོན་འདེབས་པ་ལ། །དམ་ཅན་རྒྱ་མཚོའི་རུ་ང་ཕྲག་དོག་སྤོང་། །ཤིན་ཏུ་གདུལ་དཀའ་ལས་འབྲེལ་མེད་པའི་རིགས། །དཀའ་སྲུང་དྲེགས་པའི་ཟ་ཁ་ཟུག་པ་ལས། །ཕྱི་ཚུལ་འཇམ་པོའི་འབྲེལ་བ་བཞག་ནའང་། །བཀའ་སྡོད་ཕོ་ཉའི་ཚོགས་ཀྱིས་ཟ་ངུ་གྱིས། །བསྟན་འཛིན་སྐྱེས་བུའི་སྐུ་ཚེ་བསྟན་པ་དང་། །རྒྱལ་བསྟན་དར་རྒྱས་འགྲོ་བའི་བདེ་སྐྱིད་སྤེལ། །དམག་ཇག་ཆོམ་པོའི་ལས་ངན་རྒྱུན་བཅད་ཏེ། །བསམ་དོན་ལྷུན་གྱིས་འགྲུབ་པའི་ཕྲིན་ལས་མཛོད། ། བླ་མ་དམ་པ་རྣམས་ལ་ཕྱག་འཚལ་ལོ། །སྡེ་བརྒྱད་མཆོད་པར་འདོད་པས་སྣོད་གཙང་མར་དབུས་སུ་རི་རབ་བང་རིམ་བཞི་བའི་སྟེང་དུ་བཤོས་ཟླུམ་པད་འདབ་བཞི་ལྡན་མཐར་སྡེ་བརྒྱད་བཤོས་བུའམ་གཏོར་མ་བརྒྱད། རིལ་བུ་བདུན་ཅུ་རྩ་ལྔའམ། བཅུ་སོགས་གང་འཛོམ། ཆང་བུ་བརྒྱད། མཐེབ་ཀྱུ། མར་མེ། སྨན་ཕུད། རིན་ཆེན་སྣ་ལྔ། མེ་ཏོག་སྣ་ཚོགས། རྩི་སྨན། མངར་གསུམ། ཤ་ཁྲག །དར་ཟབ། ཟས་སྣ་བཅས་བཤམས་ལ། རྫས་རྣམས་སྔགས་དྲུག་ཕྱག་དྲུག་གི་བྱིན་གྱིས་བརླབས་ལ། ཧཱུྃ། སྐུ་གསུམ་བརྒྱུད་གསུམ་བླ་མ་དང་། །ཡི་དམ་ཞི་ཁྲོའི་ལྷ་ཚོགས་དང་། །སྐྱབས་གནས་དཀོན་མཆོག་གསུམ་པོ་དང་། །མཁའ་འགྲོ་ནོར་ལྷ་ཆོས་སྲུང་སོགས། །མཆོད་ཡུལ་གོང་མ་ཐམས་ཅད་ལ། །མཆོད་པ་དམ་པ་འདི་འབུལ་ལོ། །གསེར་སྐྱེམས་གཙང་མ་འདི་བཞེས་ལ། །བདག་གི་འདོད་དོན་སྒྲུབ་ཏུ་གསོལ། །ལྷ་ཡི་དབང་པོ་བརྒྱ་བྱིན་དང་། །ཀླུ་ཡི་དབང་པོ་དགའ་བོ་དང་། །ལྷ་མིན་དབང་པོ་ཐག་བཟང་རིས། །མིའམ་ཅི་ལྗོན་རྟ་མགོ་ཅན། །གནོད་སྦྱིན་གང་བ་བཟང་པོ་དང་། །མཁའ་ལྡིང་གསེར་མིག་འཁྱིལ་བ་དང་། །ཆོས་སྐྱོང་མ་ཧཱ་ཀཱ་ལ་དང་། །དྲི་ཟ་ཟུར་ཕུད་ལྔ་པ་སོགས། །ཕྱི་ཡི་སྡེ་བརྒྱད་འཁོར་བཅས་ལ། །མཆོད་པ་དམ་པ༴ གསེར་སྐྱེམས༴ བདག་གི་འདོད་དོན༴ ཡབ་གཅིག་བདུད་རྗེ་ནག་པོ་དང་། །བཙན་རྒྱལ་ཡམ་ཤུད་དམར་པོ་དང་། །ཡུལ་ལྷ་ཕྱ་སངས་ཀླུ་སྲས་དང་། །སྲོག་བདག་རྒྱལ་པོ་སྙིང་འབྱིན་དང་། །ཆོས་སྐྱོང་གནོད་སྦྱིན་དམར་པོ་དང་། །ལྷ་མོ་འཇིགས་པའི་གློག་འབྱིན་དང་། །དགེ་བསྙེན་རྡོ་རྗེ་ལེགས་པ་དང་། །དཀར་མོ་ཉི་ཟླའི་ཐོད་ཕྲེང་སོགས། །ནང་གི་སྡེ་བརྒྱད་འཁོར་བཅས་ལ། །མཆོད་པ༴ གསེར་སྐྱེམས༴ བདག་གི༴ བདུད་པོ་ཁ་ཐུན་རཀྴ་དང་། །གཤིན་རྗེ་གཤེད་པོ་དམར་ནག་དང་། །ཀླུ་བདུད་ནཱ་གཱ་རཱ་ཛ་དང་། །གནོད་སྦྱིན་ཤན་པ་གྲི་ཐོགས་དང་། །མ་མོ་སྲིད་པ་ཁྲོམ་འདེབས་དང་། །བཙན་པོ་ཡམ་ཤུད་སྲོག་ལེན་དང་། །བདུད་པོ་རེ་ཏེ་མགོ་ཉག་དང་། །སྲོག་བདག་དུང་གི་ཐོར་ཚུགས་སོགས། །གསང་བའི་སྡེ་བརྒྱད་འཁོར་བཅས་ལ། །མཆོད་པ༴ གསེར་སྐྱེམས༴ བདག་གི༴ གཟའ་མཆོག་རྒྱལ་པོ་རཱ་ཧུ་ལ། །དཀར་མཆོག་ཁྲམ་ཤིང་ཁ་འཐོར་དང་། །བདུད་མཆོག་མ་ནུ་རཀྴ་དང་། །བཙན་མཆོག་གྲི་བཙན་འཐུམ་པོ་དང་། །མ་མཆོག་ལྕེ་སྤྱང་མདུང་འཛིན་དང་། །ཀླུ་མཆོག་ཀླུ་རྒྱལ་དུང་སྐྱོང་དང་། །མགོན་མཆོག་ནག་པོ་ལྟེ་དཀར་དང་། །རྒྱལ་མཆོག་ལི་བྱིན་ཧ་ར་སོགས། །མཆོག་གི་སྡེ་བརྒྱད་འཁོར་བཅས་ལ། །མཆོད་པ༴ གསེར་སྐྱེམས༴ བདག་གི༴ དཔུང་གཡས་དགྲ་ལྷར་སྤྲུལ་པ་དང་། །དཔུང་གཡོན་མ་མོར་སྤྲུལ་པ་དང་། །མཆུ་སོ་བདུད་དུ་སྤྲུལ་པ་དང་། །མགོ་བོ་སྲིན་པོར་སྤྲུལ་པ་དང་། །མཇུག་མ་དམུ་རུ་སྤྲུལ་པ་དང་། །ལག་གཡས་གཤིན་རྗེར་སྤྲུལ་པ་དང་། །ལག་གཡོན་ཀླུ་བཙན་སྤྲུལ་པ་དང་། །མིག་དང་སྙིང་དང་མཚན་མ་གསུམ། །གཟའ་བདུད་ཉིད་དུ་སྤྲུལ་པ་སོགས། །སྤྲུལ་པའི་སྡེ་བརྒྱད་འཁོར་བཅས་ལ། །མཆོད་པ༴ གསེར་སྐྱེམས༴ བདག་གི༴ ས་བདག་ཧལ་ཁྱི་ནག་པོ་དང་། །ཀླུ་བདུད་གདོལ་པ་ནག་པོ་དང་། །ས་ཡི་ལྷ་མོ་བརྟན་མ་དང་། །ཕྱོགས་སྐྱོང་རྒྱལ་ཆེན་སྡེ་བཞི་དང་། །མགོན་པོ་བདུན་བཅུ་རྩ་ལྔ་དང་། །ཡུལ་འདིའི་གཞི་བདག་ཐམས་ཅད་དང་། །ཕོ་ལྷ་དགྲ་ལྷ་སྲོག་ལྷ་དང་། །མོ་ལྷ་མོ་སྨན་ལ་སོགས་པ། །སྣང་སྲིད་སྡེ་བརྒྱད་ཐམས་ཅད་ལ། །མཆོད་པ༴ གསེར་སྐྱེམས༴ བདག་གི༴ ཞེས་པ་འདི་ཡང་སེར་བ་སྲུང་བ། སྲིའུ་གསོ་བ། མདོས་གླུད་གཏོང་བ། ཟོར་འཕེན་པ་སོགས་ལས་གང་བྱེད་ཀྱང་སྔོན་དུ་འགྲོ་བའི་སྡེ་བརྒྱད་མཆོད་པ་འདི་མེད་ན། བྱིས་པས་མཁར་ལས་བྱེད་པ་དང་འདྲ་བས། ལས་གང་བྱེད་ཀྱི་སྔོན་དུ་འགྲོ་བའི་སྡེ་བརྒྱད་མཆོད་ཐབས་གནུབས་སངས་རྒྱས་ཡེ་ཤེས་ཀྱིས་མཛད་པ་རྫོགས་སོ།། །།མངྒ་ལཾ།། རིག་འཛིན་རྩ་བརྒྱུད་་་་་རཾ་ཡཾ་ཁཾ། གསེར་སྐྱེམས་ཟག་པ་མེད་པ་ཡེ་ཤེས་ཀྱི་བདུད་རྩི་རྒྱ་མཚོ་ཆེན་པོར་གྱུར། །ཨོཾ་ཨཱཿཧཱུྃ། རིག་འཛིན་རྩ་བརྒྱུད་བླ་མ་དམ་པ་དང་། །བདེ་གཤེགས་ཀུན་འདུས་ཞི་ཁྲོ་རབ་འབྱམས་ལྷ། །ཁྱད་པར་ཡེ་ཤེས་མཁའ་འགྲོའི་ལྷ་ཚོགས་རྣམས། །གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། །མ་མགོན་ལྕམ་དྲལ་ཚེ་རིང་ཆེད་ལྔ་དང་། །དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། །བཀའ་ཉན་བྲན་གཡོག་མངག་གཞུགས་བཅས་པ་རྣམས། །གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། །སྔགས་འཆང་བདག་གི་རིགས་ཀྱི་བསྲུང་མ་དང་། །ས་ཕྱོགས་འདི་ཡི་ཡུལ་གཞིའི་གནས་ཀྱི་བདག །ལོ་ཟླ་ཞག་དུས་ཚེས་ལ་དབང་བའི་ལྷ། །གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། །མཆོག་གསུམ་ངོ་བོ་དཔལ་མགོན་བླ་མ་དང་། །རྒྱུད་སྡེ་རྒྱ་མཚོ་གནས་གསུམ་མཁའ་འགྲོའི་ཚོགས། །མ་མགོན་གཟའ་རྡོར་ཚེ་རིང་མཆེད་ལྔ་ལ། །མཆོད་གསོལ་བསྟོད་དོ་བསམ་དོན་ལྷུན་འགྲུབ་མཛོད། །དགེའོ།། །། སངས་རྒྱས་ཀྱི་བསྟན་པ་དར་བ་་་་་སངས་རྒྱས་ཀྱི་བསྟན་པ་དར་བ་དང་། སེམས་ཅན་ལ་བདེ་སྐྱིད་འབྱུང་བ་དང་། རྣལ་འབྱོར་པ་བདག་ཅག་སྒྲུབ་པ་པོས། ཞི་བའི་ལས་དང་། རྒྱས་པའི་ལས་དང་། དབང་གི་ལས་དང་། དྲག་པོའི་ལས་དང་། ལས་རབ་འབྱམས་གང་བརྩམས་པ་ཐམས་ཅད་ཐོགས་པ་མེད་ཅིང་མྱུར་བ་ཉིད་དུ་འགྲུབ་པའི་གདོང་གྲོགས་མཛད་དུ་གསོལ། ཁྱད་པར་དུ་ཡང་བདག་ཅག་དཔོན་སློབ་སྲུང་བྱ་མི་ནོར་འཁོར་དང་བཅས་པའི་ནད་གདོན་འགལ་རྐྱེན་བར་ཆད་ཆགས་ཆེ་ཉམས་ང་ལོ་ཀག་ཟླ་གཤེད་ལ་སོགས་པའི་མི་འདོད་པའི་ཉེ་བར་འཚེ་བ་མི་མཐུན་པའི་ཕྱོགས་ངན་པ་ཐམས་ཅད་ཞི་ཞིང་བཟློག་པའི་ཕྲིན་ལས་དམ་པ་མཛད་དུ་གསོལ། མཐོ་རིས་ཀྱི་ཡོན་ཏན་བདུན་དང་སྡེ་བཞིའི་དཔལ་ཕུན་སུམ་ཚོགས་པ་ལ་རང་དབང་བསྒྱུར་ནས། རྟག་ཏུ་དགེ་བ་བཅུའི་ཆོས་ཡང་དག་པ་ལ་སྤྱོད་ཅིང་ཐར་པ་དང་ཐམས་ཅད་མཁྱེན་པའི་གོ་འཕང་ལ་དབུགས་འབྱིན་པའི་ཕྲིན་ལས་དམ་པ་ཡོངས་སུ་འགྲུབ་པར་མཛད་དུ་གསོལ།། །། དགྲ་ཆོས་བསྡུས་པ།དགྲ་ཆོས་བསྡུས་པ་བཞུགས་པོ། །ཤྲཱི་མ་ཧཱ་ཀ་ལ་ཡེ་ན་མོ། །དགྲ་ཆོས་བསྡུས་པ་ནི། །དམར་གཏོར་གཅིག་ལ་གཏོར་ཆུད་བཅུས་བསྐོར། དཀར་གཏོར་གཅིག་ལ་གཡག་ལུག་ར་བྱ་རིགས་གཟུགས་ཀྱིས་བསྐོར། །སྤྲོ་ན་གྲི་མདུང་ལ་བཙན་ཕྱུག་པ་དང་ཤིང་ནག་ལ་རྔ་མོང་དྲེད་ཕག་གི་གཟུགས་བྱས་ལ་བོར་ན་དགྲ་གྲུབ་ཏུ་འགྲོ་བ་ཡིན། །ཆོས་སྐྱོང་གི་སྤྱན་འདྲེན་མཆོད་བསྟོན་བཀུགས་གཞུགས་བྱས་ལ། ཧཱོུཾ། །མ་གཡེལ་མ་གཡེལ་སྲུང་མའི་ཚོགས། །མ་གཡེལ་དྲག་བོ་དགྲ་ལ་རྒྱུག་ །བསྟན་པ་གཉན་ལ་དགྲ་བྱུང་ན། །ལྷ་དང་སྲུང་མའི་དམག་ཚོགས་འདུས། །སངས་རྒྱས་ཆོས་ཀྱི་སྐུ་དགྲ་ལ། །དགྲ་ཤུལ་ཅན་གྱི་དམག་ཆོགས་ཆོས། །ལས་གཤིན་ཀིང་ཀང་དམར་ནག་ཆོས། །མ་མགོན་ཕྱོགས་བཅུའི་མགོན་པོ་ཆོས། །མགོན་པོ་བྱ་རོག་འཁོར་བཅས་ཆོས། །བྱིན་རླབས་མྱུར་མཛིད་མགོན་པོ་ཆོས། །བདུད་མགོན་སྲོག་བདུད་ནག་པོ་ཆོས། །སྲིན་མགོན་གཉན་མགོན་ཡབ་ཡུམ་ཆོས། །སྔགས་སྲུང་ཚེ་རིང་མཆེད་ལྔ་ཆོས། །ཞིང་སྐྱོང་སེང་གདོང་ཡབ་ཡུམ་ཆོས། །དུང་ཁྲོད་བདག་པོ་དག་མོ་ཆོས། །གདུག་པ་བསེ་ཡི་སྐྱེབ་བུ་ཆོས། །གཙང་བཙན་མཆེད་ཟླ་འཁོར་བཅས་ཆོས། །གཡུ་སྒྲོན་སྨན་མོ་འབུམ་ཚོ་ཆོས། །སྔགས་བདག་ཀླུ་ཆེན་བརྒྱད་པོ་ཆོས། །མཁར་ནག་ཀླུ་བདུད་ཀླུ་བཙན་ཆོས་ །དྲེགས་པའི་སྡེ་དཔོན་སུམ་ཅུ་ཆོས། །སྔགས་བདག་དྲེགས་ཆེན་བཅོ་བརྒྱད་ཆོས། །དྲག་ཤུལ་ཅན་གྱི་དམག་ཚོསག་ཆོས་ །འདོད་ཁམས་ལྷ་དང་སྲུང་མ་ཆོས། །མཐུ་ཆེན་དབང་པོ་བརྒྱ་བྱིན་ཆོས། །རྩལ་མཁན་ཚོགས་བདག་གླུང་སྣ་ཆོས། །མདའ་མཁན་བྱི་ནུ་རཱ་ཙ་ཆོས། །འཐབ་སྐྱེན་མ་ཧཱ་ཀ་ལ་ཆོས། །སྟོབས་ཆེན་ལེགས་ལྡན་ནག་བོ་ཆོས། །མཐུ་ཆེན་སྔགས་བདག་ནག་པོ་ཆོས། །འཛེགས་མཁན་བྲག་ལྷ་མགོན་པོ་ཆོས། །ལམ་མཁན་ཨཪྱ་རེ་མན་ཆོས། །སོ་མཁན་དཔལ་རབ་འཆང་བའི་མགོན་པོ་ཆོས། །ཡང་ཟོར་ཧ་ནུ་མ་དྷ་ཆོས། །སྒྱོགས་མཁན་ཁྱབ་འཇུག་ནག་པོ་ཆོས། །སྐྱལ་མཁན་བྷ་ལེ་སྨུག་པོ་ཆོས། །མདའ་ར་ཉེ་དབང་སོ་གཉིས་ཆོས། །གཅོད་མཁན་ལྷ་སྲིན་སྡེ་བརྒྱད་ཆོས། །བརྟུལ་ཞུགས་གླུང་ཆེན་སྨྱོན་པ་ཆོས། །འཕྲང་སྲུང་སྟག་གཡག་རྔམས་པ་ཅོས། །རེ་འབྱམ་བྱ་རྒྱལ་ཁྱུང་ཆེན་ཆོས། །ཁྲོ་གཏུམ་གཡུ་འབྲུག་སྔོན་པོ་ཆོས། ནམ་མཁའ་ལྡིང་དང་སེང་གེ་ཆོས། །ཉིན་གྱི་དྲོད་གསལ་ཉི་མ་ཆོས། །མཚན་གྱི་སྒྲོན་གསལ་ཟླ་བ་ཆོས། །ཕྱི་དཔུང་ལྷ་ཀླུ་གཉན་དམག་ཆོས། །སྣ་ཁྲིད་རྡོ་རྗེ་ལེགས་པ་ཆོས། །དཔའ་བོ་བེ་དཀར་རྒྱལ་པོ་ཆོས། །གསོད་མཁན་སྲོག་བདག་ཀྱེས་བུ་ཆོས། །བཤའ་མཁན་གྲི་ཆུང་ཤེ་ལེ་ཆོས། །ཤ་ཟ་ཕྲ་མན་ཁྲ་སྐྱ་ཆོས། །ཁྲག་འཐུང་འབར་བ་དྲེད་མགོ་ཆོས། །མགྱོགས་བྱེད་སྐྱ་ངམ་སྤུན་གསུམ་ཆོས། །ཟ་བྱེད་མགོན་བོ་སྡེ་ལྔ་ཆོས། །རྒྱུད་བྱེད་མོན་པ་ནག་པོ་ཆོས། །མཐུ་ཆེན་འཇིག་རྟེན་སྲུང་མ་ཆོས། །གོ་ཁྲབ་གྱོན་ལ་རྣོ་མཚོན་བརྡོར། །མགྱོགས་པ་ཞོན་ལ་རིང་བར་རྒྱུག །ཞེ་སྡང་ཕྱུང་ལ་ང་རྒྱལ་བསྐྱེད། །གཏོར་མ་འདི་དང་དགྲ་བོ་གཉིས། །མཉམ་བོར་བཞེས་ལ་མེད་པར་མཛོད། །རྒྱ་གར་ཡུལ་གྱི་མཁའ་འགྲོམ། །བོད་ཡུལ་གངས་ཅན་བསྟན་སྐྱོང་མ། །སྟོད་གསུམ་དམག་དཔོན་བྱེད་མཁན་མོ། །བསྟན་མ་དམག་གིི་རྒྱལ་མོ་ནི། །བརྟན་སྐྱང་ཡ་མའི་ཚོགས་དང་བཅས། །གོ་ཁྲབ་གྱོན་ལ་རྣོ་མཚོན་བརྡོར། །མགྱོགས་པ་ཞོན་ལ་རེང་པར་རྒྱུག། །ཞེ་སྔད་ཕྱུང་ལ་ང་རྒྱལ་བསྐྱེད། །གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་བར་མཛོད། །སངས་རྒྱས་ཆོས་ལ་ཕྱོགས་པའི་ལྷ། །མཆོད་ན་མགོན་སྐྱབས་བྱེད་པའི་ལྷ། །བརྔན་ན་དགྲ་ལ་རྒྱུག་པའི་ལྷ། །བོད་ཀྱི་མགུལ་ལྷ་ཅུ་གསུམ་དང་། །དགེ་བསྙེན་ཉི་ཤུ་རྩ་གཅིག་དང་། །བོད་ཀྱིས་ཐང་ལྷ་ཡར་བཞུ་དང་། གཉན་ཆེན་རྨ་གཉན་སྤོམ་ར་ནི། །འཁོར་དུ་གཉན་དམགས་བསམ་མི་ཁྱབ། །ཀུན་ཀྱང་མི་དཀར་རྟ་དཀར་ཅན། །གོ་ཆ་སྲ་ལ་མཚན་ཆ་རྣོ། །བ་དན་དཀར་པོ་གནམ་དུ་གཡུགས། །ཀུ་བ་སོ་ཆ་སྒྲ་དི་རི་རི། །ཀུན་ཀྱང་མཐུ་ཆེན་རྩལ་དྲག་ཅན། །དྲག་པོའི་བྷྱོ་སྒྲ་དི་རི་རི། །རྣལ་འབྱོར་དམ་ཚིག་ཅན་གྱི་གཉན། །སྐྱེ་བོ་དག་ལྷ་ཅན་གྱི་གཉེན། །རྨོངས་བོ་རྩ་དཀར་དཀྲོལ་བའི་གཉན། །འཐབ་མོ་གཡུལ་ལས་རྒྱལ་པའི་གཉེན། །སངས་རྒྱས་ཆོས་ལ་ཕྱོགས་པའི་གཉེན། །ཆ་ལ་དགའ་ཞིང་དར་ལ་འདུ། །ཀུ་ལ་དགའ་ཞིང་བསཱོ་ལ་དགྱེས། །གོ་ཁྲབ་གྱོན་ལ་རྣོ་མཚོན་བརྡོར། །མགྱོགས་པ་ཞོན་ལ་རེང་པར་རྒྱུག །ཞེ་སྡང་ཕྱུང་ལ་ང་རྒྱལ་བསྐྱེད། །གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །མ་གཡེལ་ཡུལ་ལྷའི་དམག་ཚོགས་རྣམས། །མྱུར་བར་སྡང་བའི་དགྲ་ལ་ཆོས། །གཉེན་ཆེན་གེ་མཛོའི་དམག་ཚོགས་ཆོས། །རི་དབང་སྤུན་དགུའི་དམག་ཚོགས་ཆོས། །ཡུལ་འདིའི་གཞི་བདག་དམག་ཚོགས་ཆོས། །ཀུ་རྒྱལ་བཙན་གྱི་དམག་ཚོགས་ཆོས། །སྨོན་སྐྱེས་གང་བཞུར་མཆེད་གསུམ་ཆོས། །དམག་དཔོན་དབྱི་རྒྱལ་རིན་ཆེན་ཆོས། །ཀླུ་རྒྱལ་སྤོ་ཏོ་འཁོར་བཅས་ཆོས། །ཛོ་རྒྱལ་གོ་རྒྱལ་ཡབ་ཡུམ་ཆོས། །སྐྱེས་བུ་ངོམ་རྒྱལ་འཁོར་བཅས་ཆོས། །གཏམ་རྒྱལ་དབྱིས་དོ་དགེ་བསྙེན་ཆོས། །གོ་ཁྲབ་གྱོན་ལ་རྣོ་མཚོན་བརྡོར། །མགྱོགས་པ་ཞོན་ལ་རིང་བར་རྒྱུག། །ཞེ་སྡང་ཕྱུང་ལ་ང་རྒྱལ་བསྐྱེད། །གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །འཇིག་རྟེན་སྲུང་མའི་དམག་ཚོགས་ལ། །དཀར་གསུམ་བརྒྱན་པའི་གཏོར་མ་དང་། །ཁྱུང་དང་སེང་གེ་གཡུ་འབྲུག་དང་། །གྱི་ལིང་ཤང་ཤང་རྨ་བྱ་དང་། །སྟག་གཟིག་གུང་གཡི་དཀོར་ནོར་དང་། །གཡག་ལུག་བྱ་རིགས་གཟུགས་འགྲོས་འདི། །སྔགས་དང་ཕྱག་རྒྱས་རྒྱས་བྱིན་གྱིས་བརླབས། །བསམ་གཏན་ལྷ་ཡི་དཀོར་བས་ལྷག །ལྷ་དང་སྲུང་མ་གཉན་པོའི་སྐུ་ལ་འབུལ། །གཞན་ཡང་དངོས་དང་ཡིད་ལས་སྤྲུལ། །བཀྲ་ཤིས་རྟག་བརྒྱད་རིན་ཆེན་བདུན། །སྲ་བའི་གོ་དང་རྣོ་བའི་མཚོན། །མདར་དར་ཕུད་རྒོད་གཙང་མ་འབུལ། །ལྷ་དང་སྲུང་མའི་དམག་ཚོགས་རྣམས། །རིམ་ཅིག་སྡང་བའི་དགྲ་ལ་རྒྱུག་ །སྡང་བའི་དགྲ་ལ་ཞེ་སྡང་ཕྱུང་། །ཧོར་སོགས་དགྲ་རྐུན་ལས་ངན་གྱིས། །སྲུང་མ་གཉེན་པོ་མ་རྩིས་ན། །ཁྱོད་ཀྱི་ཀོ་ལོག་དམ་པོར་མཛོད། །བསྐལ་པ་དུས་ཀྱི་སྙིགས་མ་ལ། །ཡེ་ཤེས་ལྷ་ནི་འགྲུབ་ཐག་རིང་། །ཁྱེད་ནི་འཇིག་རྟེན་མྱུར་མགྱོགས་ལྷ། །སྣང་སྲིད་ལྷ་སྲིན་དམག་དཔུང་འདུས། །རྒྱལ་ཆེན་སྡེ་བཞིའི་དམག་དཔོན་གྱིས། །ཕྱོགས་སྐྱོང་བཅུ་ཡི་ས་མཚམས་སྲུང་། །ར་ཧུ་ལ་ཡི་ཤན་པ་གྱིས། །རྡོ་རྗེ་ལེགས་པས་སྣ་ཁྲིད་གྱིས། །མ་མོའི་ཚོགས་ཀྱིས་དལ་ཁ་ཐོབ། །གཤིན་རྗེའི་ཚོགས་ཀྱི་ཁྲམ་ཁ་ཐོབ། །ནམ་མཁའི་ཁམས་ནས་ལྷ་དམག་དྲོང་། །བར་སྣང་ཁམས་ནས་གཉན་དམག་དྲོངས། །ས་གཞིའི་ཁམས་ནས་ཀླུ་དམག་དྲོངས། །རྒྱལ་པོ་ཉི་མའི་ཟེར་ལ་རྒྱུག །བདུད་དམག་གནམ་གྱི་གུང་ལ་རྒྱུག །བཙན་དམག་སྐྱ་རིངས་ཟེར་ལ་རྒྱུག །གནམ་ས་རི་ལུང་བར་སྣང་ཁོངས། །ལྷ་སྲིན་སྡེ་བརྒྱད་དམག་ལ་རྒྱུག །མྱུར་བར་མྱུར་བར་རེངས་པར་རྒྱུག །གོ་ཁྲབ་གྱོན་ལ་རྣོ་མཚོན་བརྡོར། །མགྱོགས་པ་ཞོན་ལ་རེངས་བར་རྒྱུག །ཞེ་སྡང་ཕྱུང་ལ་ང་རྒྱལ་བསྐྱེད། །གཏོར་མ་འདི་དང་དགྲ་བོ་གཉིས། །མཉམ་པོར་བཞེས་ལ་མེད་པར་མཛོད། །དགྲ་མཁར་ཤིག་ལ་དགྲ་གཞུ་རྡིབས། །དཔའ་བོ་སོད་ལ་མགྱོགས་པར་བསྐྱེལ། །གོ་ཁྲབ་ཤུས་ལ་རྣོ་མཚོན་འཕྲོག། །དཔུང་པ་ཆོག་ལ་རྒྱུས་པ་ཆིངས། །སྡང་བའི་དགྲ་བོ་གནོད་བྱེད་ཀྱིས། །དམག་དང་རྐུན་ཇག་ཤོམ་པའི་ཚེ། །སྲུང་མ་རྣམས་ཀྱི་ཤོལ་ཐོབ་ཅིག། །སྲུང་མ་རྣམས་ཀྱིས་དམག་སྣ་བསྐྱུར། །ཕོ་ཉ་རྣམས་ཀྱིས་དམག་དཔུང་བཟློག། །ལས་མཁན་རྣམས་ཀྱིས་དགྲ་བོ་སོད། །དྲེགས་བྱེད་ཚོགས་ཀྱིས་དགྲ་སྙིང་ཕྱུང་། ལྷ་སྲིན་ཚོགས་ཀྱིས་བླ་ཚེ་ཟོ། །དགྲ་ཤ་ཟོ་ལ་དགྲ་ཁྲག་འཐུང་། བཙོ་བསྲེག་མི་ཁོམ་རློན་པ་ཟ། །དགྲ་ཇག་རྐུན་འཕྲོག་ཤོམ་པ་དང་། །ཁ་མཆུ་གྱོད་ཚོལ་བྱེད་བ་དང་། །དཀོན་མཆོག་གསུམ་གྱི་སྤྱི་དགྲ་དང་། །རྣལ་འབྱོར་བདག་གི་དགོས་དགྲ་རྣམས། །ལོ་དང་ཟླ་བར་མ་འགྱངས་ཤིག །ཞག་དང་ཟ་མར་མ་བཞག་ལ། །ད་ལྟ་ཉིད་དུ་རྡུལ་དུ་རློག །དགྲ་བོ་རང་གཤེད་རང་གིས་གྱིས། །དགྲ་བོ་རང་མཚོན་རང་ལ་རྒྱོབས། །བདག་ལ་སྡང་བའི་དགྲ་བོ་འདི། །བསྐལ་པའི་མུན་པས་སྟེང་ནས་ནོན། །རི་རབ་ཆེན་པོས་སྟེང་ནས་ནོན། །རྒྱ་མཚོ་ཆེན་པོའི་གཏིག་དུ་ནོན། །བྲུབ་པོ་མནན་ནོ་མ་སྡང་ཅིག །བཀུག་པ་ཡིན་ནོ་མ་ལྡང་ཅིག བཅད་པ་ཡིན་ནོ་མ་སྐྱེ་ཅིག དམ་ཉམས་དགྲ་བོ་མ་ཤོར་ཅིག །ཐལ་བ་སྡུལ་དུ་བརླག་པར་མཛོད་། ཧཱོུཾ། །མ་གཡེལ་སྲུང་མ་མཐུ་རྩལ་ཅན། །བདག་ཅག་དཔོན་སློབ་འཁོར་བཅས་རྣམས། །ཕྱོགས་བཞི་མཚམས་བརྒྱད་གར་འགྲོ་ཡང་། །སྔོན་ནས་སུས་ལ་རྒྱབ་ནས་སྐྱོར། །གཞི་བྱེས་ལམ་གསུམ་གར་འདུག་ཀྱང་། །འཇིགས་པ་བརྒྱད་ལ་སྐྱོབས་པར་མཛོད། །མཐོ་ལ་བབ་ན་ལམ་སྒྲོལ་མཛོད། །དམའ་ལ་བབ་ན་ལམ་སོལ་ཞིག་ །ཆུ་ལ་བབ་ན་ཆུ་སྒྲོལ་ཞིག །ཉམ་ངའི་ས་ནས་མཛོ་རྟབ་རྟེན། །མཐོ་བ་རྒང་ནས་བྱ་ར་མཛོད། །དམར་བ་ཐང་ནས་འཚོ་རྫི་མཛོད། །བདག་གི་མགྲོན་པོའི་ལམ་སྣ་དྲོངས། །ཚོང་པ་རྣམས་ཀྱི་ཤུགས་ཡར་ཁྱོག །ཁལ་ཁུར་མ་ཡོ་བདེ་བར་སྲོང་། །བདག་གི་མི་རྟ་ཁལ་མཛོ་རྣམས། །བཤུལ་རིང་ལམ་དུ་ཞུགས་པའི་ཚེ། །ཆད་ཅིང་ངལ་དུབ་མ་བཏང་ཞིག །ན་སི་ཚ་བ་མ་བཏང་ཞིག །བདག་ཅག་འཁོར་བཅས་གར་འགྲོ་ཡང་། །ཉིན་ལ་བབ་ན་འཚོ་རྗི་མཛོད། །ནུབ་ལ་བབ་ན་མེལ་ཚེ་མཇོད། །ཕྱི་རྐུན་ན་པས་བ་བཏང་ཞིག་ །ནང་རྐུན་ཟུང་ལ་མ་འགྱེད་ཅིག །སློབ་དབོན་ཐུགས་ཡིད་མ་དཀྲུགས་ཤིག་ །གྲོང་མི་ནང་འཁོན་མ་མཏང་ཞིག །རོ་ལ་སྣོགས་སོ་མ་བཏང་ཞིག །ནང་མི་ཐུགས་འགལ་མ་བཏང་ཞིག །ཡེ་འགྲོགས་གློ་བུར་མ་བཏང་ཞིག །བདག་ཅག་འཁོར་བཅས་གར་འགྲོ་ཡང་། །ཡག་དང་སྡོད་དང་ཉེས་དང་བསྣོལ། །མི་ཕྱུག་ནང་ནོར་གྲོགས་དང་སྤྱོད། །ཁ་ནི་ཟས་འདོད་ཟས་དང་སྤྲོད། །ལན་པ་ནོར་འདོད་ནོར་དང་སྤྲོད། །རྒྱབ་ཀྱི་གོས་འདོད་གོས་དང་སྤྲོད། །ཕ་རོལ་རྣམས་ཀྱི་འཆིང་བ་ཁྲོལ། །གནས་པོ་རྣམས་ཀྱི་ཡིད་སེམས་བསླུས། །གནས་མོ་རྣམས་ཀྱི་སྙིང་ལག་བསྒུལ། །ཅི་འདོད་ནོར་གྱི་དངོས་གྲུབ་སྩོལ། །ལེགས་ལྡན་མགོན་པོའི་ཚོང་དཔོན་གྱིས། །དཔལ་རབ་འཆང་གིས་ལམ་ལྷ་གྱིས། །ཉི་མའི་སྲས་པོས་སོ་པ་གྱིས། །པརྞ་ཤ་བ་རི་ཡིས་ནོར་རྣམས་སྐྱོངས། ཨཱཪྱ་རེ་མན་ཏ་ཡི་རྟ་རྣམས་འཚོས། །བྲག་ལྷ་མགོན་པོའི་མགྲོན་ལམ་གཤེགས། །ཨཱཪྱ་ཛམ་བྷ་ལ་ཡིས་ནོར་ལྷ་མཛོད། །རྣམ་ཐོས་སྲས་ཀྱིས་གསེར་དངུལ་བསྡུས། །སྲུང་མ་རྣམས་ཀྱིས་དགྲ་སྡང་ཐུལ། །འཇིགས་པ་བརྒྱད་ལ་ཐུགས་རྗེས་སྐྱོབས། །ཡུལ་ལྷ་གཉན་གྱིས་མཐུན་གྲོགས་མཛོད། །ལྷ་ཀླུ་གཉེན་གྱིས་རྒྱབ་བརྟེན་མཛོད། །རྡོ་རྗེ་ལེགས་པ་ཚོང་ལ་མཁས། །ཕ་རོལ་རྣམས་ཀྱི་འཆིང་བ་ཁྲོལ། །མི་ལས་ཆོད་ལ་བདག་ལ་བྱིན། །མ་གཡེལ་སྲུང་མ་མགྲོན་གྱི་ལྷ། །རིམ་ཅིག་འདོད་པའི་དོན་རྣམས་སྒྲུབ། །ལམ་དགྲ་བྱེས་ཀྱི་འགོང་བོ་ཡིས། །རྒྱུས་པ་ཆིངས་ལ་རྡུལ་དུ་རློག །བཅོལ་པའི་ཕྲིན་ལས་འགྲུབ་པར་མཛོད། །དམིགས་པ་ནི་རང་ཡིད་དམ་དུ་བསྒོམ། །མདུན་དུ་ཆོས་སྐྱོང་དང་ལྷ་ཀླུ་གཉན་དམག་རང་རང་གི་འཁོར་གྱིས་དམག་དཔུང་ལ་ལ་ལྷ་དམག་ལ་ལ་ཀླུ་དམག་བཙན་དམག་གཤིན་རྗེ་མ་མོ་ཕྱོགས་སྐྱོང་གི་དམག་འབུམ་འབུམ་དང་བཅས་ནས་དགྲ་བོའི་ཤ་ཁྲག་ཟོས་ནས་རྡུལ་དུ་བརླག་པར་བསམ། །ཚར་དགུ་སོགས་བྱ་ཞིང་ཚར་རེ་ཐོན་པ་དང་བྷྱོས་གདབ། །གཟའ་དར་བ་དང་སྤྲོད་ལ་དགྲ་ཕྱོགས་གཏོང་། །འདི་ནི་བྱད་ཁ་བཟློག་པ་དགྲ་སྣ་བསྐྱུར་དམག་ཇག་རྐུན་བཅིངས་པ། །མོ་ངན་མཚེར་རྩུབ་བསྒྱུར་བ་ལ་དགོས་སོ། །འདིར་ནི་རང་ལ་དགྲ་བྱུང་ངམ་བྱུང་དོག་གམ་ནོར་ཁྱེར་རམ་གཞན་དང་འགྲས་ན་བྱའོ། །ཇག་པ་འགྲོ་འམ་གཞན་ལ་ནོར་ཤོར་རམ། །དགྲ་བྲུབ་བྱེད་དམ་དགྲ་ལ་མཐུ་བྱེད་དམ། །ཚོང་དང་མགྲོན་ལ་འགྲོ་ན་འདི་བྱའོ། །འབུལ་དུས་ཆོས་སྐྱོང་བསྲུང་མ་ལྷ་འདྲེས་དམག་དང་བཅས་བ་རྣམས། ཇི་ལྟར་བཞིན་དུ་དགྲ་བགེགས་ཀྱི་ཐོག་ཏུ་སོང་ནས་ཐལ་བརྡུལ་དུ་བརླག་པར་བསམ་མོ། །འདི་ནི་ལེགས་ལྡན་གྱི་ཆོས་རབ་དགྲ་ཆོས་གོང་འོག་གཉིས་དང་། །རྟ་ནག་དགྲ་ཆོས་ཕྱག་བཞི་ཉིད་ནས་གསུངས་བའི་དགྲ་ཆོས་དང་མ་ནིང་དགྲ་ཆོས་དང་ཞིང་སྐྱོངས་དམག་བསྐུལ་དམ་ཅན་དགྲ་ཆོས་གསོལ་ཁ་ཆེན་མོ་དང་ཚེ་རིང་མའི་དགྲ་ཆོས་སོགས་ཐམས་ཅད་ཀྱི་དོན་བསྡུས་ནས་ཀརྨཱ་ཨ་རཱ་གས་སྦྱར་བའོ། འདིད་ལ་ཉེས་འགལ་མཆིས་ན་བསྲུང་མ་རྣམས་ལ་བཤགས། །དགེ་བས་དགྲ་ཇག་ཆོམ་རྐུན་གནོད་པ་ནི། །དཀོན་མཆོག་དབུ་འཕང་དགུང་ལ་རེགས་གྱུར་ཅིག །དེ་ནས་བྷྱོ་གདབ་ནི། །བྷྱོ། ང་ནི་ཆེ་མཆོག་བཟློག་བྱེད་རྒྱལ་བོ་ཡིན། །སྟོང་གསུམ་སྣང་སྲིད་མ་མོའི་བྷྱོ་ཡི་ཐོབ། །བདེན་ཚིག་བརྗོད་པའི་བྷྱོ་སྒྲ་དི་རི་རི། ནམ་མཁའ་ལྷ་ཡི་བྱད་སྣ་དགྲ་ལ་བྷྱོ། །བར་སྣང་གཉན་གྱི་བྱད་སྣ་དགྲ་ལ་བྷྱོ། །ས་བདག་ཀླུ་ཡི་བྱད་སྣ་དགྲལ་བྷྱོ། །སྣང་སྲིད་ལྷ་འདྲེའི་བྱད་སྣ་དགྲ་ལ་བྷྱོ། །ཡེ་ཤེས་ལྷ་ཡི་བཀའ་ཆད༴ །ལྷ་སྲིན་གདུག་རྩུབས་བྱད་སྣ༴ །དྲང་སྲོང་དམོད་པའི་བྱད་སྣ༴ །མུ་སྟེགས་བན་བོན་བྱད་སྣ༴ །གླིང་བཞི་འགྲོ་བའི་དམོད་པ༴ །སྔོན་ལས་འཕྲལ་རྐྱེན་གདོན་བགེས་དགྲ་ལ་བྷྱོ། །ཅེས་ཀརྨཱ་ཨ་རཱ་གས་སྦྱར་བའོ། །དགེ་འོ། དགྲ་བཟློག་བཞུགས་སོ། །ཨོཾ་ཨཱ་ཧཱུྃ། ཡི་དམ་ལྷ་ཚོགས་གཏོར་མ་འདི་བཞེས་ལ། །བསྟན་པའི་སྤྱི་དགྲ་རྣལ་འབྱོར་དགོས་དགྲ་བཟློག །ཕོ་རྒྱུད་མགོན་པོའི་དམག་རྣམས་དགྲ་ལ་ཆོས། །བསྟན་པའི་སྤྱི་དགྲ་བདུན་རྒྱུད་རྩད་ནས་ཆོད། །མོ་རྒྱུད་ལྷ་མོའི་ཚོགས་རྣམས་དགྲ་ལ་ཆོས། །གསང་སྔགས་ཆོས་ལ་སྡང་བ་རྩད་ནས་བཟློག །སྲོག་བདུད་མ་ནིང་ནག་པོ་དགྲ་ལ་ཆོས། །དགྲ་བོའི་བསྲུང་བཟློག་མཁན་གྱི་ནུས་པ་བཟློག །ལས་མགོན་ཕོ་རྒྱུད་དམག་ཚོགས་དགྲ་ལ་ཆོས། །སྡང་དགྲ་རྐྱེན་ངན་སྟོང་དང་ཉི་ཁྲི་བཟློག །མ་མོ་མོ་བདུད་དམག་ཚོགས་དགྲ་ལ་ཆོས། །དགྲ་ལ་ནད་རིགས་བཞི་བརྒྱ་རྩ་བཞི་བཟློག་ །རྡོར་ལེགས་ཐེའུ་རང་དམག་ཚོགས་དགྲ་ལ་ཆོས། །སྡང་དགྲ་ཕོ་ལྷོག་རླངས་ཐབས་སྤོས་གྲིར་བཟློག །ཁྱབ་མཇུག་གཟའ་སྐར་དམག་ཚོགས་དགྲ་ལ་ཆོས། །སྡང་དགྲ་གདོང་ཐུག་ཧུར་ཐུམ་ནག་པོས་བཟློག །སྔགས་བསྲུང་མ་མོའི་དམག་ཚོགས་དགྲ་ལ་ཆོས། །སྡང་དགྲ་ཁྲག་ནད་རྒྱུ་གཟེར་དྲག་པོས་བཟློག །བེ་ཧར་རྒྱལ་འགོང་དམག་ཚོགས་དགྲ་ལ་ཆོས། །སྡང་དགྲ་བྱེར་ཞིག་སྨྱོ་འབོགས་ལྕེབས་གྲིར་བཟློག །ཡམ་ཤུད་བཙན་གྱི་དམག་ཚོགས་དགྲ་ལ་ཆོས། །སྡང་དགྲ་བློ་བུར་གྲི་ཐབས་སྣ་དགུའི་བཟློག །བསྙོ་ཁ་ཀླུ་བདུད་དམག་ཚོགས་དགྲ་ལ་ཆོས། །སྡང་དགྲ་ཞཱ་གྲུམ་ལྷོག་རྒོད་མཛེ་ཡིས་བཟློག །མིག་དམར་ཤན་བའི་དམག་ཚོགས་དགྲ་ལ་ཆོས། །སྡང་དགྲ་བློ་བུར་ཁྲག་སྐྱུགས་བམ་ལོག་བཟློག །མཆེད་གསུམ་སྤུ་གྲིས་དམག་ཙོགས་དགྲ་ལ་ཆོས། །སྡང་དགྲ་ཧུར་ཐུམ་ཁག་སྐྱུགས་གྲི་རུ་བཟློག །ཀེང་རུས་དུར་བདག་དམག་ཚིགས་དགྲ་ལ་ཆོས། །སྡང་དགྲ་ཕྲ་མེན་དུར་སྲི་དུར་འདྲེས་བཟློག །གཅིག་འཆར་ལས་གཤིན་དམག་ཚོགས་དགྲ་ལ་ཅོས། །སྡང་དགྲ་འཆོར་མེད་གཤིན་རྗེའི་ཕོ་ཉས་བཟློག །སྡེ་དཔོན་སུམ་ཅུའི་དམག་ཚོགས་དགྲ་ལ་ཆོས། །སྡང་དགྲ་སྣང་སྲིད་དྲེགས་པའི་དམག་གིས་བཟློག །དྲེགས་ཆེན་བཅོ་བརྒྱད་དམག་ཚོགས་དགྲ་ལ་ཆོས། །སྡང་དགྲ་དྲག་སྔགས་གདུགས་པའི་དབལ་གྱིས་བཟློག །དྲེགས་པ་ཉི་ཤུའི་དམག་ཚོགས་དགྲ་ལ་ཆོས། །སྡང་དགྲ་ལྟས་ངན་བརྒྱད་ཅུ་རྩ་བཞིས་བཟློག །ཀྲོང་དཀར་བདུད་ཀྱི་དམག་ཚོགས་དགྲ་ལ་ཆོས། སྡང་དགྲ་འཆུག་མེད་བདུད་ཀྱི་ཞགས་པས་བཟློག །སྲོག་བསྒྲུབ་མོ་གདོན་དམག་ཚོགས་དགྲ་ལ་ཆོས། །སྡང་དགྲ་རིམས་ནད་དལ་ཡམས་དྲག་པོས་བཟློག །ཤ་ཟ་མ་མོའི་དམག་ཚོགས་དགྲ་ལ་ཆོས། །སགྲ་ནོར་གློ་ཧོན་གོད་ཡམས་དམར་ཕྱག་བཟློག །བཙན་རྒོད་འབར་བའི་དམག་ཚོགས་དགྲ་ལ་ཆོས། །དགྲ་བོའི་འོག་རྟ་རྟ་ནད་འཚོ་བཅུས་བཟློག་ །ལྟོ་འཕྱེ་ས་བདག་དམག་ཚོགས་དགྲ་ལ་ཆོས། །སྡང་དགྲའི་ལོ་ཏོག་བཙའ་སད་སེར་བས་བཟློག །ཕྱོགས་སྐྱངས་གདོན་གྱི་དམག་ཚོགས་དགྲ་ལ་ཆོས། །སྡང་དགྲ་དགྲའི་རྗེས་ཤུལ་སྟོང་ཕྲག་བརྒྱད་ཅུའི་བཟློག །ཡེ་ཤེས་མགོན་པོ་ཡབ་ཡུམ་དགྲ་ལ་ཆོས། །བསྒྲལ་ཆད་རྣམ་ཤེས་དག་པའི་དབྱིངས་སུ་བཟློག །མ་གཡེལ་ལས་མཛོད་དམ་ཅན་རྒྱ་མཚོའི་ཚོགས། །ཁས་བླང་དུས་ལ་བབ་པོ་ས་མ་ཡ། །ཨོཾ་ཤྲཱི་མ་ཧཱ་ཀ་ལ་ཁཱ་ཧི། །ཏྲ་ག་རཀྴ་ཁཱ་ཧི། །ཏྲ་རཀྴ་ཐུན་བྷྱོ་ཁཱ་ཧི། །ཏྲག་རཀྴ་རྦད་བྷྱོ་ཁཱ་ཧི། །དམ་ཅན་མགོན་པོ་མཁའ་འགྲོའི་ཚོགས་སུ་གྱུར་པ་རྣམས་དམ་རྫས་དགྲ་བོའི་ཤ་ཁྲག་བཞེས་སུ་ཁཱ་ཧི། །ཞེས་བའང་མགོན་པོ་སྦྱི་ཡི་རྦད་སྡགས་ཤཱ་ས་ན་ཡང་སྤྲོན་བཟླའོ། །ཞེས་བ་འདི་གཏོར་འབུལ་གྱི་མཇུག་སྦྱར་ན་དགྲ་བཟློག་ཏུ་འགྱུར་རོ། །འདི་བྲིས་ཉེས་བ་ལྷ་ལ་བཤགས། །ཅེས་པ་ཨཱ་རཱ་གས་སོ། །མངྒ་ལི། བསྒྱུར་ཞིང་ཐལ་མོ་བརྡབ་སོ། ཧཱུྃཿ སྟོང་གསུམ་སྟོང་གི་འཇིག་རྟེན་ནཿ །མཐུ་རྩལ་ཅན་རྣམས་དགོངས་སུ་གསོལཿ དེ་ལྟར་བསྐང་བསྐང་གསོལ་གསོལ་ནསཿ །ད་ནི་བཟློག་པའི་ཕྲིན་ལས་མཛོདཿ །རྣལ་འབྱོར་བདག་ཅག་འཁོར་བཅས་ལཿ །ཡས་ཀྱི་བདུད་གཡོས་ཕྱིར་ལ་བཟློགཿ །མས་ཀྱིས་སྲི་ལང་ཕྱིར་ལ་བཟློགཿ །ཉེ་བའི་བྱོལ་གཏོང་ཕྱིར་ལ༴ བྲོད་གཏོང་རྦད་འདྲེ་ཕྱིར་ལ༴ །ཕུར་ཁ་གཏད་ཁྲོམ་ཕྱིར་ལ༴ ཁྲག་ཟོར་ནད་ཟོར་ཕྱིར་ལ༴ ཕ་ཚན་རྒྱབ་འདྲེ་ཕྱིར་ལ༴ དར་ཚན་སྟོང་འདྲེ་ཕྱིར་ལ༴ །གཤིན་རྗེའི་འཁྲུལ་འཁོར་ཕྱིར་ལ༴ །མ་མོའི་དལ་ཡམས་ཕྱིར༴ བདུད་ཀྱི་ཁྲོམ་ཁ་ཕྱིར་ལ༴ བཙན་གྱི་རྒྱན་ཁ་ཕྱིར་ལ༴ ས་བདག་གདུག་བྱེད་ཕྱིར་ལ་བཟློགཿ རྒྱལ་པོའི་སྨྱོ་འདྲེ་ཕྱིར་ལ༴་ བཟའ་ཡི་ཀིང་ཀང་དགྲ་ལ་བཟློགཿ མུ་སྟེགས་ངན་སྔགས་དགྲ་ལ་བཟློགཿ ཐེའུ་རང་སྲི་རྐུན་དགྲ་ལ༴ །ནད་ཁ་རིམས་ཁ་དགྲ་ལ༴ །ལོ་སྐག་ཟླ་སྐག་དགྲ་ལ༴ མོ་ངན་རྨི་ལྟས་ངན་པ་བཟློགཿ ལྟས་ངན་བརྒྱད་ཅུ་རྩ་གཅིག་བཟློག༴ ཡེ་འདྲོག་སུམ་བརྒྱ་དྲུག་ཅུ༴ གློ་བུར་དགུ་བཅུ་རྩ་གཅིགཿ དུས་མིན་འཆི་བ་རྣམ་བརྒྱད༴ གཡས་ནས་ཕོ་བརྒྱའི་་མདའ་འཕེན༴ གཡོན་ནས་མོ་བརྒྱུའི་དུག་གཡོས༴ མི་ནག་སྐྱེ་བོའི་ཡ་ཁ༴ བྲན་གཡོག་ངན་པའི་དམོད་མཆུ་བཟློག༔ དགྲ་ལ་བྷྱོ་བཟློག་བསྒྲལ་དུ་གསོལ༔ བགེགས་ལ་བྷྱོ་བཟློག་རྔུལ་དུ་རློག༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཧཱུྃ༔ བདུད་པྲ་མ་ར་ཡ་རྦད་ནན༔ ཁ་ལ་ཛ་ལི་རྦད་ནན༔ ར་ཙ་དུན་ལིང་ཤག་རྦད་ནན༔ ཤིག་ཤིག་དུམ་དུམ་རྦད་ནན༔ ཚལ་པ་ཚལ་བ་རྦད་ནན༔ ཁྲོམ་ཁྲོམ་བྷྱོ་རྦད་ནན༔ རྨུག་རྨུག་རྦད་ནན༔ ཏིར་ཏིར་རྦད་ནན༔ ཚལ་ཚལ་རྦད་ནན༔ ཅེས་པ་ཚར་ནས་ཕྲིན་ལས་སྒྲུབ་པའི་གཏང་རག་ཚུལ་དུ་ཚོགས་འཁོར་བྱའོཿ མངྒ་ལྃ། དགེའོ། བཀྲ་ཤིས།། །། དགྲ་མནན་དང་ཟས་སུ་འཇིག་བརྒྱད་སོགས་བྱད་ཕུར་མི་ལྡང་སྟོབས་རྒྱས་འདོད་འབྱུང་བཞུགས་སོ། །སྐུ་གསུམ་རྒྱལ་བ་རིགས་ལྔའི་རྣམས་སྤྲུལ་གྱིས། །གང་ལ་གང་འདུལ་སྤྲུལ་པའི་དོན་མཛད་པ། ཞི་ཁྲོའི་དཀྱིལ་འཁོར་ནམ་མཁའི་ཁྱབ་བརྡལ་ཡིས། །ཆེ་མཆོག་དཔལ་དགུ་གནས་གསུམ་དཔའ་བོ་དང་། །ཆོས་སྐྱོང་སྲུང་མའི་དབྱིངས་ནས་ཐུགས་བརྒྱུད་བསྐུལ། །འབྱུང་བ་ལྔ་ལས་གྲུབ་པའི་བདུད་བགེགས་རྣམས། །དངོས་དང་དངོས་མིན་བསམ་ངན་སྦྱོར་བརྩུ་བཤོམས། །རྒྱལ་བ་ཞི་ཁྲོའི་ནུས་མཐུའི་སྟོབས་ཀྱིས་སྒྲོལ། །བྱད་ཕུར་བྲོད་གཏོང་འཚོ་བ་མེད་ཕྱིར་དུ། །ཕྱི་ནང་གསང་གསུམ་བར་ཆད་དབྱིངས་སུ་སྒྲོལ། །བདུད་བགེགས་སརྦ་མི་ལྡང་སྟམ་བྟ་ཡ། །ནོར་ལྷ་གཏེར་བདག་དཔའ་འོ་མཁའ་འགྲོ་ཡིས། །སྲིད་ཞིའི་ཕྱ་གཡང་ཐམས་ཅད་དབང་དུ་བསྡུས། །འདོད་དགུའི་དངོས་སྒྲུབ་ཟག་མེད་བརྩལ་དུ་གསོལ། །གནས་སྐབས་བསོད་ནམས་ཚོགས་གཉིས་ལེགས་རྫོགས་ཤིང་། །སྒྲིབ་གཉིས་བྱང་སྟེ་རྣསམ་མཁྱེན་སྐུ་བཞི་ཡི། །གོ་འཕང་ཐོབ་པའི་སྨོན་ལམ་འགྲུབ་པར་ཤོག །འཛམ་གླིང་བོད་ཁམས་སྟོད་སྨད་གནས་བཟང་ལ། །ཟོ་དོར་གཉན་ཆེན་ཐང་ལྷ་སྡེ་བརྒྱད་ཚུལ། །དོན་ལ་སྐུ་གསུམ་རྒྱལ་བ་རིགས་ལྔའི་སྤྲུལ། །ཁྲག་འཐུང་ཁྲོས་པའི་གཟུགས་སྐུར་ཡོངས་བཞེངས་ལ། །མཐའ་དམག་དུས་ཀྱི་འཁྲུགས་རྩོད་ཞི་བ་དང་། བོད་ཁམས་བདེ་ལ་འགོད་པའི་ཕྲིན་ལས་མཛོད། །ཅེས་པའང་མཐའ་དམག་དུ་རུ་ཀའི་བྱ་མ་རྟའི་ཁྲག་ཚོག་ནམ་མཁའི་བཞིན་རས་སུ་བྱུང་བའི་ཆེ་སྤྲང་སྨྱོན་འཇིགས་མེད་པས་བྲིས་པ་ཀླ་ཀློའི་འདུན་གྲོས་འཇིག་པའི་ཐོ་ལུམ་དུ་གྱུར་ཅིག་གུ། །དགེའོ། །དགེའོ། དགེའོ། སརྦ་མངྒ་ལམ། །ཀ་དག་སྐྱེ་མེད་རྡོ་རྗེའི་ཕོ་བྲང་ནས། །ལྷུན་གྲུབ་བདེ་བའི་སྐུ་ཅན་པདྨ་འབྱུང་། །རྩ་གསུམ་ཆོས་སྐྱོད་རྒྱ་མཚོའི་སྤྱི་དཔལ་ཆེ། །གངས་ཅན་བསྟན་འགྲོའི་མགོན་པོར་ད་བཞེངས་ཤིག། །མཐའ་དམག་དམ་སྲིའི་རུ་མཚོན་གཟེངས་བའི་ཚེ། །རིག་འཛིན་མཁའ་འགྲོའི་གཅོ་མཆོག་པདྨ་འབྱུང་། །ཐུགས་རྗེ་ཐུགས་དམ་མ་གཡེལ་དུས་ལ་བབས། །བདུད་འདུལ་གར་དགུའི་མཐུ་བྱིན་ད་སྐྱེད་ཅིག །བསྟན་ཞབས་ཀླ་ཀློས་སྡུད་ལ་ཉེ་བའི་ཚེ། །བདེ་མཆོག་གྲུབ་པའི་དཔའ་བོ་པདྨ་འབྱུང་། །མངོན་སྤྱོད་ལས་ལ་དགྱེས་པའི་དུས་ཡིན་གྱི། །དཔའ་གཏུམ་རྡོ་རྗེའི་གཟུགས་སྐུར་ད་བཞེངས་ཤིག །བོད་ཁམས་མཐའ་འཁོབ་སྐྱེ་བོས་འཇིག་པའི་ཚེ། །འཇིགས་མེད་བརྟུལ་ཞུགས་མཆོག་གྲུབ་པདྨ་འབྱུང་། །ཕས་རྒོལ་ལྷག་མར་མཛད་པའི་དུས་ལ་བབས། །དྲག་ཤུལ་རལ་གྲིའི་རྣོ་དཔལ་ད་ཕྱུངས་ཤིག །དུས་འཁྲུགས་མཚོན་ཆའི་རུ་འཛིངས་རྔམས་པའི་ཚེ། འཇིགས་བྱེད་ཧེ་རུ་ཀ་དཔལ་པདྨ་བྱུང་། ཁམས་གསུམ་སྟོབས་ཀྱིས་གནོན་པའི་དུས་ལ་བབས། །བདེ་ཆེན་རྡོ་རྗེའི་མཐུ་ནུས་ད་སྤོར་ཅིག །དབྱིངས་ནས་དག་ཆེན་མཉམ་པའི་ཡེ་ཤེས་ཆེ། །གཏུམ་རྡམས་ཨ་ལ་ཧ་ལའི་གད་རྒྱངས་དང་། །ལྷན་ཅིག་ཁྲོ་ལ་ཁྲོས་པའི་སྐུར་སྟོན་ཞིང་། །བདུད་སྲིན་དམ་སྲིའི་སྙིང་ཁྲག་ད་རོལ་ཅིག །མཉམ་ཉིད་ཞི་བ་ཆེན་པོ་ཆོས་སྐུའི་ཐུགས། །བསྐྱེད་རྫོགས་ལམ་སྦྱངས་ཅན་གྱི་རྣལ་འབྱོར་པའི། མཆོག་ཐུན་དངོས་གྲུབ་ཐུགས་རྗེའི་སྟོབས་ཀྱི་རྩོལ། བཤད་བསྒྲུབ་དགེ་འདུན་འདུས་པའི་སྡེ་ཚོགས་རྣམས། །ཕྲིན་ལས་བཞི་ཡི་སྟོབས་དཔལ་གོང་འཕེལ་ཤོག །ས་ཆུ་མེ་རླུང་ལ་སོགས་འཇིག་པ་བརྒྱད། །ཞི་ཞིང་བདེ་སྐྱིད་རྫོགས་ལྡན་ལྟ་བུ་ཡི། དགེ་བཅུའི་དཔལ་ཡོན་གོང་ནས་འཕེལ་ཤོག། །ཞེས་ཆོས་རྒྱལ་གྱིས་བསྐུལ་བའི་ངོར། ཨོ་རྒྱན་ཆེ་མཆོག་དེ་ཡིས་སྨྲས་པ་དགེ། བཀྲ་ཤིས། དགེའོ། མངྒལྃ། མངྒ་ལྃ། སྨོན་ལམ་ནིཿ ཁྲོ་བོ་རྟ་མགྲིན་དགོངས་སུ་གསོལཿ ཁྱེད་ལ་མཆོད་བསྟོད་བགྱིས་པའི་བྱིན་རླབས་ཀྱིསཿ མཆོག་དང་ཐུན་མོངས་དངོས་གྲུབ་ཀུན་ཐོབ་ནསཿ དབང་དང་འགུགས་བསྒྲལ་མནན་གཟིར་ལ་སོགས་པཿ ཕྲིན་ལས་ཐམས་ཅད་འགྲུབ་པར་མཛད་དུ་གསོལཿ ཅེས་གསོལ་བ་གདབ༔ དེ་ནས་བཤགས་བ་ནིཿ བདག་ནི་མ་རིག་འཁྲུལ་པའི་དབང་གྱུར་ནསཿ རྩ་བ་ཡན་ལག་དམ་ཚིག་ཆགས་ཉམས་དངཿ སྒོ་གསུམ་ཉེས་བའི་ཚོགས་རྣམས་ཅི་བགྱིས་པཿ ཁྲོ་མཆོག་རྟ་མགྲིན་སྐུ་ལ་མཐོལ་ལོ་བཤགས༔ བསྔོ་བ་ནི༔ དགེ་བ་འདི་ཡི་མྱུར་དུ་བདག༔ ཁྲོ་རྒྱལ་རྟ་མགྲི་ན་འགྲུབ་གྱུར་ནས༔ འགྲོ་བ་གཅིག་ཀྱང་མ་ལུས་པ༔ དེ་ཡིས་ལ་འགོད་པར་ཤོག༔ བཀྲི་ཤིས་ནི། བླ་མ་དཔལ་ཆེན་ཧེ་རུ་ཀའི༔ སྐུ་གསུང་ཐུགས་ཀྱི་བྱིན་རླབས་ཀྱིས༔ མཆོག་ཐུན་དངོས་གྲུབ་ཀུན་ཐོབ་ནས༔ ཕྲིན་ལས་ཐོགས་མེད་བཀྲ་ཤིས་ཤོག༔ ས་མ་ཡཱ༔ རྒྱ་རྒྱ་རྒྱ༔ མངའ་བདག་ཉང་གིས་ཟབ་གཏེར་སྲིན་མོ་སྤར་སྗེས་ནས་བསྟོན་པའོ༔ སརྦ་མངྒ་ལྃ། །སངས་རྒྱས་ཀྱི་བསྟན་པ་དར་བ་དང་། སེམས་ཅན་ལ་བདེ་སྐྱིད་འབྱུང་བ་དང་། རྣལ་འབྱོར་པ་བདག་ཅག་སྒྲུབ་པ་པོའི་ཞི་བའི་ལས་དང་། །རྒྱས་པའི་ལས་དང་། དབང་གི་ལས་དང་། དྲག་པོའི་ལས་དང་ལས་རབ་འབྱམས་གང་རྩམ་པ་ཐམས་ཅད་ཐོགས་པ་མེད་ཅིང་མྱུར་བ་ཉི་དུ་འགྲུབ་པའི་སྡོང་གྲོགས་མཛད་དུ་གསོལ། ཁྱད་པར་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པའི་ནད་གདོན་འགལ་རྐྱེན་བར་ཆད་ཆགས་ཆེ་ཉམ་ང་ལོ་ཀག་ཟླ་གཤེད་ལ་སོགས་པའི་མི་འདོད་པའི་ཉེ་བར་འཚེ་བ་མི་མཐུན་པའི་ཕྱོགས་ངན་པ་ཐམས་ཅད་ཞི་ཞིང་བཟློག་བའི་ཕྲིན་ལས་དམ་པ་མཛད་དུ་གསོལ། མཐོ་རིས་ཀྱི་ཡོན་ཏན་བདུན་དང་སྡེ་བཞིའི་དཔལ་ཕུན་སུམ་ཚོགས་པ་ལ་རང་དབང་དུ་བསྒྱུར་ནས་རྟག་ཏུ་དགེ་བ་བཅུའི་ཆོས་ཡང་དག་པ་ལ། སྤྱོད་ཅིང་ཐར་པ་དང་ཐམས་ཅད་མཁྱེན་པའི་གོ་འཕང་ལ་དབྱུགས་འབྱིན་བའི་ཕྲིན་ལས་དམ་པ་ཡོངས་སུ་འགྲུབ་པར་མཛད་དུ་གསོལ། །བླ་མ་དམ་པ་རྣམས་ལ་ཕྱག་འཚལ་ལོ། །སྡེ་བརྒྱད་མཆོད་པར་འདོད་པས་སྣོད་གཙང་མར་དབུས་སུ་རི་རབ་བང་རིམ་བཞི་པའི་སྟེང་དུ་བཤོས་ཟླུམ་པད་འདབ་བཞི་ལྡན་མཐར་སྡེ་བརྒྱད་བཤོས་བུའམ་གཏོར་མ་བརྒྱད། རིལ་བུ་བདུན་ཅུ་རྩ་ལྔའམ། བཅུ་སོགས་གང་འཛོམ། ཆང་བུ་བརྒྱད། མཐེབ་ཀྱུ། མར་མེ། སྨན་ཕུད། རིན་ཆེན་སྣ་ལྔ། མེ་ཏོག་སྣ་ཚོགས། རྩི་སྨན། མངར་གསུམ། ཤ་ཁྲག་ །དར་ཟབ། ཟས་སྣ་བཅས་བཤམས་ལ། རྫས་རྣམས་སྔགས་དྲུག་ཕྱག་དྲུག་གིས་བྱིན་གྱིས་བརླབས་ལ། ཧཱུྃ། སྐུ་གསུམ་བརྒྱད་གསུམ་བླ་ལ་དང་། །ཡི་དམ་ཞི་ཁྲོའི་ལྷ་ཚོགས་དང་། །སྐྱབས་གནས་དཀོན་མཆོག་གསུམ་པོ་དང་། །མཁའ་འགྲོ་ནོར་ལྷ་ཆོས་སྐྱོང་སོགས། མཆོད་ཡུལ་གོང་མ་ཐམས་ཅད་ལ། །མཆོད་པ་དམ་པ་འདི་འབུལ་ལོ། གསེར་སྐྱེམས་གཙང་མ་འདི་བཞིས་ལ། །བདག་གི་འདོད་དོན་བསྒྲུབ་ཏུ་གསོལ། །ལྷ་ཡི་དབང་པོ་བརྒྱ་བྱིན་དང་། །ཀླུ་ཡི་དབང་པོ་དགའ་པོ་དང། །ལྷ་མིན་དབང་པོ་ཐག་བཟང་རིས། །མི་འམ་ཅི་ལྗོན་རྟ་མགོ་ཅན། གནོད་སྦྱིན་གང་བ་བཟང་པོ་དང་། །མཁའ་ལྡིང་གསེར་མིག་འཁྱིལ་པ་དང་། །ཆོས་སྐྱོང་མ་ཧཱ་ཀ་ལ་དང་། །དྲི་ཟ་ཟུར་ཕུད་ལྔ་པ་སོགས། །ཕྱི་ཡི་སྔེ་བརྒྱད་འཁོར་བཅས་ལ། །མཆོད༴ །གསེར་སྐྱེམས༴ །བདག་གི༴ །ཡབ་ཅིག་བདུད་རྗེ་ནག་པོ་དང་། བཙན་རྒྱལ་ཡམ་ཤུད་དམར་པོ་དང་། །ཡུལ་ལྷ་ཕྱཱས་སང་ཀླུ་སྲས་དང་། །སྲོག་བདག་རྒྱལ་པོ་སྙིག་འབྱིན་དང་། །ཆོས་སྐྱོང་གནོད་སྦྱིན་དམར་པོ་དང་། །ལྷ་མོ་འཇིགས་པའི་ཀློག་འབྱིན་དང་། །དགེ་བསྙེན་རྡོ་རྗེ་ལེགས་པ་དང་། །དཀར་མོ་ཉི་ཟློའི་ཐོད་ཕྲེང་སོགས། །ནང་གི་སྡེ་བརྒྱད་འཁོར་བཅས་ལ། །མཆོད་པ༴ །གསེར༴ །བདག་གི༴ །བདུད་པོ་ཁ་ཐུན་རཀྴ་དང་། །གཤིན་རྗེ་གཤེད་པོ་དམར་པོ་དང་། །ཀླུ་བདུད་ན་ག་རཱ་ཛ་དང་། །གནོད་སྦྱིན་ཤན་པ་གྲི་ཐོག་དང་། །མ་མོ་སྲིད་པའི་ཁྲམ་འདེབས་དང་། །བཙན་པོ་ལམ་ཤུད་སྲུག་ལེན་དང་། །བདུད་པོ་རེ་སྡེ་མགོ་ཡག་དང་། །སྲོག་བདག་དུང་གི་ཐོར་ཚུགས་སོགས། གསང་བའི་སྡེ་བརྒྱད་འཁོར་བཅས་ལ། །མཆོད་པ༴ །གསེར༴ །བདག་གི༴ །གཟའ་མཆོག་རྒྱལ་པོ་ར་ཧུ་ལ། །དཀར་མཆོག་ཁྲམ་ཤིང་ཁ་འཐོར་དང་། །བདུད་མཆོག་མ་ནུ་ཡཀྴ་དང་། །བཙན་མཆོག་གྲི་བཙན་འཐུམ་པོ་དང་། །མ་མཆོག་ལྕེ་སྤྱང་མདུང་འཛིན་དང་། །ཀླུ་མཆོག་ཀླུ་རྒྱལ་དུད་སྐྱོངས་དང་། །མགོན་མཆོག་ནག་པོ་ལྟེ་དཀར་དང་། །རྒྱལ་མཆོག་ལི་བྱིན་ཧ་ར་སོགས། །མཆོག་གི་སྡེ་བརྒྱད་འཁོར་བཅས་ལ། །མཆོད་པ༴ །གསེར༴ །བདག༴ །དཔུང་གཡས་དགྲ་ལྷར་སྤྲུལ་པ་དང་། །དཔུང་གཡོན་མ་མོར་སྤྲུལ་བ་དང་། །མཆུ་སོ་བདུད་དུ་སྤྲུལ་བ་དང་། །མགོ་བོ་སྲི་པོར་སྤྲུལ་བ་དང་། །མཇུག་མ་དམུ་རུ་སྤྲུལ་བ་དང་། །ལག་གཡས་གཤིན་རྗེར་སྤྲུལ་བ་དང་། །ལག་གཡོན་ཀླུ་བཙན་སྤྲུལ་བ་དང་། །མིག་དང་སྙིང་དང་མཆེ་བ་གསུམ། །གཟའ་བདུད་ཉིད་དུ་སྤྲུལ་བ་སོགས། །སྤྲུལ་པའི་སྡེ་བརྒྱད་འཁོར་བཅས་ལ། །མཆོད༴ །གསེར༴ །བདག༴ །ས་བདག་ཧལ་ཁྱི་ནག་པོ་དང་། །ཀླུ་བདུད་སྒོ་ར་ནག་པོ་དང་། །ས་ཡི་ལྷ་མོ་བརྟན་མ་དང་། །ཕྱོགས་སྐྱོང་རྒྱལ་ཆེན་སྡེ་བཞི་དང་། །མགོན་པོ་བདུན་ཅུ་རྩ་ལྔ་དང་། །ཡུལ་འདིའི་གཞི་བདག་ཐམས་ཅད་དང་། །ཕོ་ལྷ་དགྲ་ལྷ་སྲོག་ལྷ་དང་། །མོ་ལྷ་མོ་སྨན་ལ་སོགས་པའི། །སྣང་སྲིད་སྡེ་བརྒྱད་འཁོར་བཅས་ལ། །མཆོད་པ༴ །གསེར་སྐྱེམས༴ །བདག་གི་འདོད་དོན་ནི་བསྒྲུབ་ཏུ་གསོལ། །ཞེས་པ་འདི་ཡང་སེར་བ་བསྲུང་བ། སྲིའུ་གསོལ་བ། མདོས་གླུད་གཏོར་བ། གཏོར་ཟོར་འཕེན་པ་སོགས་ལས་གང་བྱེད་ཀྱི་སྔོན་དུ་འགྲོ་བའི་སྡེ་བརྒྱད་མཆོད་པ་འདི་མེད་ན། བྱིས་བས་མཁའ་ལས་བྱེད་པ་དང་འདྲ་བས། ལས་གང་བྱེད་ཀྱི་སྔོན་དུའགྲོ་བའི་སྡེ་བརྒྱད་མཆོད་ཐབས་གནུབས་སངས་རྒྱས་ཡེ་ཤེས་ཀྱིས་མཛད་པ་རྫོགས་སོ། མརྒ་ལྃ། རཾ་ཡཾ་ཁཾ། གསེར་སྐྱེམས་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། རིག་འཛིན་རྩ་བརྒྱད་བླ་མ་དམ་པ་དང་། །བདེ་གཤེགས་ཀུན་འདུས་ཞི་ཁྲོ་རབ་འབྱམས་ལྷ། །ཁྱད་པར་ཡེ་ཤེས་མཁའ་འགྲོའི་ལྷ་ཚོགས་ལ། །གསེར་སྐྱེམས་འདི་བཞིས་བདག་གི་སྡོང་གྲོགས་མཛོད། །མ་མགོན་ལྕམ་དྲལ་ཚེ་རིང་མཆེད་ལྔ་དང་། །དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། །བཀའ་ཉན་བྲན་གཡོག་མངག་གཞུག་བཅས་རྣམས་ལ། །གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། །'སྔགས་འཆང་བདག་གི་རིགས་ཀྱི་བསྲུང་མ་དང་། །ས་ཕྱོགས་འདི་ཡི་ཡུལ་གཞིའི་གནས་ཀྱི་བདག །ལོ་ཟླ་ཞག་དུས་ཚེས་ལ་དབང་བའི་ལྷ། །གསེར་སྐྱེམས་འདི་བཞེས༴ །མཆོག་གསུམ་ངོ་བོ་དཔལ་མགོན་བླ་མ་དང་། །རྒྱུད་སྡེ་རྒྱ་མཚོ་གནས་གསུམ་མཁའ་འགྲོའི་ཚོགས། །མ་མགོན་གཟའ་རྡོར་ཚེ་རིང་མཆེད་ལྔ་ལ། །མཆོད་གསོལ་བསྟོད་དུ་བསམ་དོན་ལྷུན་གྲུབ་མཛོད། དགེའོ། ། སྨོན་ལམ།སྨོན་ལམ་ནི༔ ཁྲོ་བོ་རྟ་མགྲིན་དགོངས་སུ་གསོལ༔ ཁྱེད་ལ་མཆོད་བསྟོད་བགྱིས་པའི་བྱིན་རླབས་ཀྱིས༔ མཆོག་དང་ཐུན་མོང་དངོས་གྲུབ་ཀུན་ཐོབ་ནས༔ དབང་དང་འགུགས་བསྒྲལ་མནན་གཟིར་ལ་སོགས་པ༔ ཕྲིན་ལས་ཐམས་ཅད་འགྲུབ་པར་མཛད་དུ་གསོལ༔ ཅེས་གསོལ་བ་གདབ༔ དེ་ནས་བཤགས་པ་ནི༔ བདག་ནི་མ་རིག་འཁྲུལ་པའི་དབང་གྱུར་ནས༔ རྩ་བ་ཡན་ལག་དམ་ཚིག་ཆགས་ཉམས་དང་༔ སྒོ་གསུམ་ཉེས་པའི་ཚོགས་རྣམས་ཅི་བགྱིས་པ༔ ཁྲོ་མཆོག་རྟ་མགྲིན་སྐུ་ལ་མཐོལ་ལོ་བཤགས༔ བསྔོ་བ་ནི༔ དགེ་བ་འདི་ཡི་མྱུར་དུ་བདག༔ ཁྲོ་རྒྱལ་རྟ་མགྲིན་འགྲུབ་གྱུར་ནས༔ འགྲོ་བ་གཅིག་ཀྱང་མ་ལུས་པ༔ དེ་ཡི་ས་ལ་འགོད་པར་ཤོག༔ བཀྲ་ཤིས་ནི། བླ་མ་དཔལ་ཆེན་ཧེ་རུ་ཀའི༔ སྐུ་གསུང་ཐུགས་ཀྱི་བྱིན་རླབས་ཀྱིས༔ མཆོག་ཐུན་དངོས་གྲུབ་ཀུན་ཐོབ་ནས༔ ཕྲིན་ལས་ཐོགས་མེད་བཀྲ་ཤིས་ཤོག༔ ས་མ་ཡཱ༔ རྒྱ་རྒྱ་རྒྱ༔ མངའ་བདག་ཉང་གིས་ཟབ་གཏེར་སྲིན་མོ་སྤར་རྗེས་ནས་བསྟོན་པའོ༔ སརྦ་མངྒ་ལཾ། ། ཆོས་དབྱིངས་རང་བྱུང་རོལ་་་་་ཆོས་དབྱིངས་རང་བྱུང་རོལ་བའི་རྩལ། ཕྱི་ནང་སྣོད་བཅུད་སྣང་སྲིད་ཆོས། ཁྱབ་རྡལ་ཞིང་ཁམས་མཆོད་སྤྲིན་གྱིས། འཁོར་གསུམ་ཡང་དག་ཉིད་དུ་འབུལ། སརྦ་པུཙྪ་རཏྣ་མ་དྷ་ལ་ཧཱུྃ།། ཨོཾ་ཨཱཿཧཱུྃ།། མཉེས་བྱེད་མཎྜལ་བཟང་པོ་འདི་ཕུལ་བས། བྱང་ཆུབ་ལམ་ལ་བར་ཆད་མི་འབྱུང་ཞིང་། དུས་གསུམ་བདེ་བཤེགས་དགོངས་པ་རྟོགས་པ་དང་། སྲིད་པ་མི་འཁྲུལ་ཞི་བ་མི་གནས་ཤིང་། ནམ་མཁའ་དང་མཉམ་པའི་འགྲོ་རྣམས་སྒྲོལ་བར་ཤོག། སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན།༄༅། །སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན་བཞུགས་སོ། ། དེ་མཚན་དེ་ཡི་ཨུཏྤ་ལ། །རྣ་ལུང་དཔྱངས་པའི་གདེངས་ཀ་ནི། །འཇིགས་པ་བརྒྱད་ཀྱི་མི་མཐུན་ཕྱོགས། ཁོ་ནར་ངེས་པས་ཕྱག་བགྱིའོ། །འདིར་འཇིགས་པ་ཆེན་པོ་བརྒྱད་དང་བཅུ་དྲུག་ལ་སོགས་པའི་འགལ་རྐྱེན་ཐམས་ཅད་ཞི་བར་བྱེད་པ་སྒྲོལ་མ་མཎྜལ་བཞི་པའི་ཆོ་ག་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི་གཙུག་ལག་ཁང་དང་དགོན་པ་སོགས་གནས་གཙང་ཞིང་ཡིད་དུ་འོང་བར་རྟེན་གསུམ་སྤྱི་དང་། ཁྱད་པར་རྗེ་བཙུན་མའི་སྣང་བརྙན་བྱིན་རླབས་ཅན་བཤམས་པའི་ཟུར་བཞིར་མཎྜལ་བཞི་དང་། ལོགས་བཞིར་མཆོད་པ་སྣ་ལྔ་བྲེང་ཆགས་རེ། ཅི་རིགས་པར་གཏོར་མ་དཀར་ཟླུམ། དཀར་གསུམ་མངར་གསུམ་གྱིས་བརྒྱན་པ་ཚར་བཞི་ཡང་བཤམས། གཞན་ཡང་བུམ་པ་བཅུད་ལྡན་ལ་སོགས་པའི་ཁྲུས་ཀྱི་ཡོ་བྱད་དང་། ཚར་རེ་བཞིན་གསོ་རྒྱུའི་མཆོད་པ་སོགས་ཉེ་བར་འདུ་བྱའོ། །གཉིས་པ་དངོས་གཞི་ལ་གཉིས། དཀོན་མཆོག་སྤྱི་ལ་བརྟེན་ནས་ཚོགས་བསག་པ་དང་། རྗེ་བཙུན་མ་སྒོས་ལ་བརྟེན་ནས་ཚོགས་བསག་པའོ། །དང་པོ་ལའང་རྣམ་གྲངས་བཅུ་གཅིག་ལས། དང་པོ་ནི་རང་ཉིད་ཀྱང་ཁྲུས་བྱ་ཞིང་གཙང་སྦྲ་ལ་གནས་པས་སྐྱབས་སུ་འགྲོ་བ་དང་སྨོན་སེམས་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །སོགས་ཀྱི་ཤློ་ཀ་ལན་གསུམ། གཉིས་པ་བྱང་སྡོམ་བླང་བ་ནི། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཕྲད་པར་གྱུར་ཅིག །སོགས་ཚད་མེད་བཞི་བསྒོམ་པ་ལན་གསུམ་གྱི་མཐར། བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཞེས་ལན་གསུམ་གྱིས་སྐྱབས་སུ་འགྲོ་བ་སྔོན་དུ་བཏང་ནས། ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལའང་། །རིམ་པ་བཞིན་དུ་བསླབ་པར་བགྱི། །གསུམ་གྱི་མཐར། །དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་གྱིས། །ཞེས་པས་དགའ་བ་སྒོམ། །གསུམ་པ་ས་གཞི་བྱིན་བརླབ་ནི། །ཐམས་ཅད་དུ་ཡང་ས་གཞི་དག །གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻ་ཌཱུ་ཪྻའི། །རང་བཞིན་འཇམ་པོར་གནས་གྱུར་ཅིག །བཞི་པ་མཆོད་པ་བྱིན་བརླབ་ནི། ཨོཾ་ཧཱུྃ་ཧཱུྃ་ཧྲཱི༔ ཨཱ༔ ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ཨོཾ་བཛྲ་ཨཱརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནེ་ཝི་དྱེ་ཤབྟ་ཨཱ༔ཧཱུྃ། དང་སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། ལྔ་པ་སྤྱན་འདྲེན་གྱི་སྔ་རོལ་དུ་དཀོན་མཆོག་གི་ཡོན་ཏན་རྗེས་སུ་དྲན་པར་བྱ་བ་ནི། འདི་ལྟར་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཏེ་དེ་བཞིན་གཤེགས་པ་དེ་ནི་བསོད་ནམས་དག་གི་རྒྱུ་མཐུན་པ། དགེ་བའི་རྩ་བ་རྣམས་ཆུད་མི་ཟ་བ། བཟོད་པས་རབ་ཏུ་བརྒྱན་པ། བསོད་ནམས་ཀྱི་གཏེར་རྣམས་ཀྱི་གཞི། །དཔེ་བྱད་བཟང་པོ་རྣམས་ཀྱིས་སྤྲས་པ། མཚན་རྣམས་ཀྱི་མེ་ཏོག་རྒྱས་པ། སྤྱོད་ཡུལ་རན་པར་མཐུན་པ། མཐོང་ན་མི་མཐུན་པ་མེད་པ། དད་པས་མོས་པ་རྣམས་ལ་མངོན་པར་དགའ་བ། ཤེས་རབ་ཟིལ་གྱིས་མི་ནོན་པ། སྟོབས་རྣམས་ལ་བརྫི་བ་མེད་པ། སེམས་ཅན་ཐམས་ཅད་ཀྱི་སྟོན་པ། བྱང་ཆུབ་སེམས་དཔའ་རྣམས་ཀྱི་ཡབ། འཕགས་པའི་གང་ཟག་རྣམས་ཀྱི་རྒྱལ་པོ། མྱ་ངན་ལས་འདས་པའི་གྲོང་ཁྱེར་དུ་འགྲོ་བ་རྣམས་ཀྱི་དེད་དཔོན། ཡེ་ཤེས་དཔག་ཏུ་མེད་པ། སྤོབས་པ་བསམ་གྱིས་མི་ཁྱབ་པ། གསུང་རྣམ་པར་དག་པ། དབྱངས་སྙན་པ། སྐུ་བྱད་བལྟ་བས་ཆོག་མི་ཤེས་པ། སྐུ་མཚུངས་པ་མེད་པ། འདོད་པ་དག་གིས་མ་གོས་པ། གཟུགས་དག་གིས་ཉེ་བར་མ་གོས་པ། གཟུགས་མེད་པ་དག་དང་མ་འདྲེས་པ། སྡུག་བསྔལ་དག་ལས་རྣམ་པར་གྲོལ་བ། ཕུང་པོ་དག་ལས་རབ་ཏུ་རྣམ་པར་གྲོལ་བ། །ཁམས་རྣམས་དང་མི་ལྡན་པ། སྐྱེ་མཆེད་རྣམས་བསྡམས་པ། མདུད་པ་རྣམས་ཤིན་ཏུ་བཅད་པ། ཡོངས་སུ་གདུང་པ་དག་ལས་རྣམ་པར་གྲོལ་བ། སྲིད་པ་ལས་གྲོལ་བ། ཆུ་བོ་ལས་བརྒལ་བ། ཡེ་ཤེས་ཡོངས་སུ་རྫོགས་པ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ལ་གནས་པ། མྱ་ངན་ལས་འདས་པ་ལ་མི་གནས་པ། ཡང་དག་པ་ཉིད་ཀྱི་མཐའ་ལ་གནས་པ། སེམས་ཅན་ཐམས་ཅད་ལ་གཟིགས་པའི་ས་ལ་བཞུགས་པ་སྟེ། འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བའི་ཡོན་ཏན་ཡང་དག་པ་རྣམས་སོ། །དམ་པའི་ཆོས་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། བཅོམ་ལྡན་འདས་ཀྱིས་ཆོས་ལེགས་པར་གསུངས་པ། ཡང་དག་པ་མཐོང་བ། ནད་མེད་པ། དུས་ཆད་པ་མེད་པ། ཉེ་བར་བསྟོད་པ། །འདི་མཐོང་བ་ལ་དོན་ཡོད་པ། མཁས་པ་རྣམས་ཀྱིས་སོ་སོ་རང་གིས་རིག་པར་བྱ་བ། བཅོམ་ལྡན་འདས་ཀྱིས་གསུངས་པའི་ཆོས་འདུལ་བ་ལ་ལེགས་པར་བརྟེན་པ། ངེས་པར་འབྱུང་བ། །རྫོགས་པའི་བྱང་ཆུབ་ཏུ་འགྲོ་བར་བྱེད་པ། མི་མཐུན་པ་མེད་ཅིང་འདུས་པ་དང་ལྡན་པ། རྟེན་པ་ཡོད་པ། རྒྱུ་བ་བཅད་པའོ། །ཐེག་པ་ཆེན་པོའི་དགེ་འདུན་ནི་ལེགས་པར་ཞུགས་པ། རིག་པར་ཞུགས་པ། དྲང་པོར་ཞུགས་པ། མཐུན་པར་ཞུགས་པ། ཐལ་མོ་སྦྱར་བའི་འོས་སུ་གྱུར་པ། ཕྱག་བྱ་བའི་འོས་སུ་གྱུར་པ། བསོད་ནམས་ཀྱི་དཔལ་གྱི་ཞིང་། ཡོན་ཡོངས་སུ་བྱང་བ་ཆེན་པོ། །སྦྱིན་པའི་གནས་སུ་གྱུར་པ། ཀུན་ཏུ་ཡང་སྦྱིན་པའི་གནས་སུ་གྱུར་པ་ཆེན་པོའོ། །དྲུག་པ་སྤྱན་འདྲེན་དངོས་ནི། །མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེའི་རྣམས་དགོངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། ཁྱོད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡང་དག་འཁོར་དང་བཅས་ཏེ་གཤེགས་སུ་གསོལ། །བཛྲ་ས་མཱ་ཛ༔ ཞེས་རོལ་ཆེན་བྱ། བདུན་པ་བཞུགས་གསོལ་ནི། བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། ཞེས་གདན་དབུལ། བརྒྱད་པ་ཁྲུས་གསོལ་ནི། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཞེས་བརྗོད་ཅིང་ཚིག་དོན་འབྲེལ་བར་གོས་ཟུང་འབུལ་བ་དང་། དྲིའི་བྱུག་པ་འགྱེད་པར་ཡང་བྱའོ། །བརྒྱད་པ་མཆོད་པ་ནི། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །སོགས་ཕལ་པོ་ཆེ་ལས་བྱུང་བའི་ཡན་ལག་བདུན་པ་དང་། སྤྲོ་ན། ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡ་ར་དང་པདྨ་དང་། །ཨུཏྤལ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་སྒྲེང་བ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་ཚིམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་འཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །དུས་གསུམ་གཤེགས་པའི་སངས་རྒྱས་ཀུན། །ཆོས་དང་ཚོགས་ཀྱི་མཆོག་བཅས་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་བདག་ཕྱག་འཚལ། །བྱང་ཆུབ་སེམས་ཀྱི་གཞི་རྣམས་དང་། །མཆོད་རྟེན་རྣམས་ལ་བདག་ཕྱག་འཚལ། །མཁན་པོ་དེ་བཞིན་སློབ་དཔོན་དང་། །བརྟུལ་ཞུགས་མཆོག་ལ་ཕྱག་འཚལ་ལོ། །དགུ་པ་བསྟོད་པ་ནི། མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པ་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་གྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་ལོ། །སྤྲོ་ན། དགའ་བ་བརྒྱ་ལྡན་འཆི་མེད་གྲོང་ཁྱེར་ནས། །བྱང་ཆུབ་སེམས་ཀྱི་དམ་པ་ཏོག་དཀར་པོ། །ཤྭཀྱའི་རིགས་ཀྱི་ཐིག་ལེར་འཛིན་པའི་སྣོད། །སྒྱུ་འཕྲུལ་ལྷ་མོ་རི་དྭགས་མིག་ཅན་ཡིན། །འོད་སྟོང་ཤར་གྱི་རི་ལ་ཆས་པ་བཞིན། །ལྷུམས་གྱི་གེ་སར་བཞད་པ་ལུམྦིའི་ཚལ། །ཚངས་དང་དབང་པོས་སྲི་ཞུས་མཛེས་བྱས་ཤིང་། །བྱང་ཆུབ་རིགས་སུ་ལུང་བསྟན་ལ་ཕྱག་འཚལ། །ལང་ཚོས་དྲེགས་པའི་ཤཀྱ་གཞོན་ནུའི་དབུས། །སྒྱུ་རྩལ་དྲུག་ཅུ་རྩ་བཞིའི་རོལ་རྩེད་མཐུ། །ཀུན་གྱིས་ཁྱོད་ལ་བཏུད་ཅིང་གྲགས་པ་ཡིས། །སྐྱེ་དགུའི་རྣམ་ཤེས་མིག་དང་རྣ་བར་རྫོགས། །འདོད་སྲེད་ཞགས་པས་གཞན་དབང་མ་གྱུར་བཞིན། །ཡབ་གཅིག་དགྱེས་སླད་བཙུན་མོའི་སྒྱུ་མ་ལ། །སྒྱུ་མའི་ལྟ་བས་བལྟས་ནས་རྒྱལ་པོའི་ཁབ། །བསྐྱངས་པས་དོན་ཀུན་གྲུབ་པ་ལ་ཕྱག་འཚལ། །ཤིན་ཏུ་གཡོ་ཞིང་འཇིགས་པ་རྒྱལ་སྲིད་ཀྱི། །ལྕགས་ཀྱུའི་དབང་དུ་མ་གྱུར་འགའ་མེད་ཀྱང་། །ངེས་པར་འབྱུང་བའི་རྐྱེན་བཞིས་ཁྱོད་ཀྱི་ཐུགས། །ཕྲོགས་ནས་རང་བྱུང་དགེ་སློང་ཉིད་དུ་བསྟན། །བརྩོན་འགྲུས་རླབས་ཀྱིས་མི་དལ་ནཻ་རཉྫར། །དཀའ་ཐུབ་གདུང་བ་བཟོད་པའི་སྙིང་སྟོབས་དང་། །ཀུན་རྟོག་འདུལ་བ་འཛིན་པའི་བསམ་གཏན་ལ། །ཕྱོགས་བཅུའི་བདེ་གཤེགས་དགྱེས་ལ་ཕྱག་འཚལ་ལོ། །གྲངས་མེད་གསུམ་གྱི་སྲིད་དུ་རྣམ་རིག་ཀུན། །ཚོགས་གཉིས་ཐ་གུས་བཅིངས་པ་དོན་ཡོད་ཕྱིར། །བྱང་ཆུབ་ཤིང་དྲུང་བདུད་རྣམས་སྐྲག་བྱས་ནས། །མངོན་པར་རྫོགས་སངས་རྒྱ་བ་རྒྱལ་ཀུན་གཤིས། །འཁོར་བ་གཏིང་མཐའ་མེད་པའི་གཡང་ས་ལ། །རྒྱུག་པའི་འགྲོ་བ་འཁོར་ལོ་གསུམ་གྱི་གྲུས། །བསྒྲལ་ནས་ཐར་པ་དང་ནི་རྣམ་མཁྱེན་གྱི། །གོ་འཕང་བཀྲི་བ་ཁྱོད་ལ་ཕྱག་འཚལ་ལོ། །རྟོག་ཅིང་དཔྱོད་ཀྱང་སྡོམ་པ་མིན་པའི་ཆང་། །འཐུངས་པས་ཆེས་གཟིར་མུ་སྟེགས་སྟོན་པའི་ལྕེ། །མཉན་དུ་ཡོད་པའི་ཆོ་འཕྲུལ་མཐུས་བཅད་པས། །སྐྱེངས་དང་གཟི་བརྗིད་ཉམས་པའི་ཆོ་ག་རྫོགས། །རྫུ་འཕྲུལ་རྐང་པ་བཞི་ལ་མཆོག་ཐོབ་ཁྱོད། །སྐྱེ་རྒ་ན་འཆིའི་ཚོར་བ་མི་མྱོང་ཡང་། །ངེས་པར་ཕ་རོལ་འགྲོ་འདི་མི་སེམས་རྣམས། །སྐྱོ་སླད་མྱ་ངན་འདའ་སྟོན་དེར་ཕྱག་འཚལ། །བསོད་ནམས་ཉམ་ཆུང་གྱུར་པའི་འགྲོ་བ་རྣམས། །དཀར་པོའི་ཆོས་རབ་འཕེལ་བའི་ཚོང་ཟོང་ནི། །འཛད་པ་མེད་པའི་རིང་བསྲེལ་ཆ་བརྒྱད་དུ། །བཞག་སྟེ་ཆོས་ཀྱི་དབྱིངས་སུ་གཟིམས་པ་ལྟར། །བདག་ཀྱང་རྫོགས་སྨིན་སྦྱངས་གསུམ་མཐར་ཕྱིན་ནས། ཁམས་གསུམ་ལས་འདུས་འོག་མིན་ཆེན་པོ་རུ། །མངོན་པར་སངས་རྒྱས་སྤྲུལ་པའི་མཛད་པ་བཅུས། །ཀུན་མཁྱེན་ཁྱེད་དང་འགྲོ་དོན་མཉམ་པ་ཤོག །བཅུ་བ་མཎྜལ་འབུལ་བ་ནི། ཨོཾ་བཛྲ་བྷཱུ་མི་ཨཱ༔ཧཱུྃ་སོགས་ཅིས་དབུལ། བཅུ་གཅིག་པ་འདོད་དོན་གསོལ་བ་ནི། །ཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང་། །བསྟན་པ་འཛིན་པའི་སྐྱེས་བུ་རྣམས། །སྐུ་ཚེའི་རྒྱལ་མཚན་བརྟན་གྱུར་ཅིག །འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང་། །བཅས་ཏེ་ཡུན་རིང་གནས་གྱུར་ཅིག །གཙུག་ལག་རྣམས་ནི་ཀློགས་པ་དང་། ཁ་ཏོན་གྱིས་བརྒྱན་ལེགས་གནས་ཤིང་། །རྟག་ཏུ་དགེ་འདུན་མཐུན་པ་དང་། །དགེ་འདུན་དོན་ཡང་འགྲུབ་པར་ཤོག །ཕྱོགས་རྣམས་ཀུན་ན་ལུས་དང་སེམས། །སྡུག་བསྔལ་ནད་པ་ཇི་སྙེད་པ། །དེ་དག་བདག་གི་བསོད་ནམས་ཀྱིས། །བདེ་དགའ་རྒྱ་མཚོ་ཐོབ་པར་ཤོག །དེ་དག་འཁོར་བ་ཇི་སྲིད་དུ། །ནམ་ཡང་བདེ་ལས་ཉམས་མ་གྱུར། །འགྲོ་བས་བྱང་ཆུབ་སེམས་དཔའ་ཡི། །བདེ་བ་རྒྱུན་མི་འཆད་ཐོབ་ཤོག །འཇིག་རྟེན་ཁམས་ན་དམྱལ་བ་དག །གང་དག་ཇི་སྙེད་ཡོད་པ་རྣམས། །དེ་དག་ཏུ་ནི་ལུས་ཅན་རྣམས། །བདེ་ཅན་བདེ་བས་དགའ་བར་ཤོག །གྲང་བས་ཉམ་ཐག་དྲོ་ཐོབ་ཤོག །བྱང་ཆུབ་སེམས་དཔའི་སྤྲིན་ཆེན་ལས། །བྱུང་བའི་ཆུ་བོ་མཐའ་ཡས་ཀྱིས། །ཚ་བས་ཉམ་ཐག་བསིལ་བར་ཤོག །དུད་འགྲོ་རྣམས་ནི་གཅིག་ལ་གཅིག །ཟ་བའི་འཇིགས་དང་བྲལ་བར་ཤོག །སྒྲ་མི་སྙན་པའི་མི་བཞིན་དུ། །ཡི་དྭགས་རྣམས་ནི་བདེ་བར་གྱུར། །ལོང་བ་རྣམས་ཀྱིས་མིག་མཐོང་ཞིང་། །འོན་པས་རྟག་ཏུ་སྒྲ་ཐོས་ཤོག །ལྷ་མོ་སྒྱུ་འཕྲུལ་ཇི་བཞིན་དུ། །སྦྲུམ་མའང་གནོད་མེད་བཙའ་བར་ཤོག །གཅེར་བུ་རྣམས་ཀྱི་གོས་དག་དང་། །བཀྲེས་པ་རྣམས་ཀྱིས་ཟས་དང་ནི། །སྐོམ་པ་རྣམས་ཀྱིས་ཆུ་དག་དང་། །བཏུང་བ་ཞིམ་པོ་ཐོབ་པར་ཤོག །བཀྲེན་པ་རྣམས་ཀྱི་ནོར་ཐོབ་ཤོག །མྱ་ངན་ཉམ་ཐག་དགའ་ཐོབ་ཤོག །ཡི་ཆད་རྣམས་ཀྱང་ཡིད་སོས་ཤིང་། །བརྟན་པ་ཕུན་སུམ་ཚོགས་པར་ཤོག །སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་གྱུར་ཅིག འགྲོ་བའི་ནད་ནི་མ་ལུས་པ། །རྟག་ཏུ་འབྱུང་བ་མེད་པར་ཤོག །སྐྲག་པ་རྣམས་ནི་འཇིགས་མེད་ཤོག །བཅིངས་པ་རྣམས་ནི་གྲོལ་བར་འགྱུར། །མཐུ་མེད་རྣམས་ནི་མཐུ་ལྡན་ཞིང་། །སེམས་ནི་ཕན་ཚུན་བསྙེན་གྱུར་ཅིག །འགྲོན་པོ་དག་ནི་ཐམས་ཅད་ལ། །ཕྱོགས་རྣམས་ཐམས་ཅད་བདེ་བར་ཤོག །གང་གི་དོན་དུ་འགྲོ་བྱེད་པ། །དེ་འབད་མི་དགོས་འགྲུབ་གྱུར་ཅིག །གྲུ་དང་གྲུ་ཆེན་ཞུགས་པ་རྣམས། །ཡིད་ལ་བསམ་པ་འགྲུབ་གྱུར་ཏེ། །ཆུ་ཡི་ངོགས་སུ་བདེར་ཕྱིན་ནས། །གཉེན་དང་ལྷན་ཅིག་དགའ་བར་ཤོག །མྱ་ངན་ལམ་གོལ་འཁྱམས་པ་རྣམས། །འགྲོན་པོ་དག་དང་འཕྲད་གྱུར་ནས། །ཆོམ་རྐུན་སྟག་སོགས་འཇིགས་མེད་པར། །མི་ངལ་བདེ་བླག་འདོང་བར་ཤོག །དགོན་སོགས་ལམ་མེད་ཉམ་ང་བར། །བྱིས་པ་རྒན་པོ་མགོན་མེད་པ། །གཉིད་ལོག་མྱོས་ཤིང་རབ་མྱོས་རྣམས། །ལྷ་དག་སྲུང་བ་བྱེད་པར་ཤོག །ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་གྱུར་ཅིག །འཇིག་རྟེན་དག་ཀྱང་དར་བར་ཤོག །སྨན་རྣམས་མཐུ་དང་ལྡན་པ་དང་། །གསང་སྔགས་བཟླས་བརྗོད་འགྲུབ་པར་ཤོག །མཁའ་འགྲོ་སྲིན་པོ་ལ་སོགས་པ། །སྙིང་རྗེའི་སེམས་དང་ལྡན་གྱུར་ཅིག །ངན་སོང་སྡུག་བསྔལ་མི་མྱོང་ཞིང་། །དཀའ་བ་སྤྱང་བ་མེད་པར་ཡང་། །ལྷ་བས་ལྷག་པའི་ལུས་ཀྱིས་ནི། །དེ་དག་སངས་རྒྱས་མྱུར་ཐོབ་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག །ཅེས་བརྗོད། གཉིས་པ་མཎྜལ་བསྙེན་པ་ཚར་གསུམ་གྱི་དང་པོ་ལ་རྣམ་གྲངས་བཅུ་གཉིས་ལས། དང་པོ་རྟེན་བསྐྱེད་པ་ནི། ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པས་ཆོས་ཐམས་ཅད་དེ་བཞིན་ཉིད་དུ་རྟོགས་པས་ཡེ་ཤེས་ཀྱི་ཚོགས་དང་། དེ་ལྟར་མ་རྟོགས་པ་རྣམས་ལ་སྙིང་རྗེ་ཆེན་པོའི་ངང་ནས་སྒྱུ་མ་ལྟ་བུའི་ལྷ་སྐུར་ལངས་ཏེ་གཞན་དོན་བྱེད་པ་བསོད་ནམས་ཀྱི་ཚོགས་སུ། གྲངས་གསོག་གི་ཚེ་རྟེན་བསྐྱེད་ཚར་གཅིག་སོང་རྗེས་པོ་ཏ་ལ་ཡི་སོགས་ནས་སྤྱན་འདྲེན་གྱི་འཐུས། །ངེས་པས། སྟོང་པའི་ངང་ལས་པཾ་ལས་པདྨ་དང་། ཨ་ལས་ཟླ་བའི་དལ་གྱི་སྟེང་དུ་ཏཱཾ་ལས་ཨུཏྤལ་ཏཱཾ་གྱིས་མཚན་པ་དེ་ལས་འོད་ཟེར་འཕྲོས་འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་པ་ལས་མདུན་གྱི་རྟེན་རྗེ་བཙུན་སྒྲོལ་མ་སྐུ་མདོག་ལྗང་གུ་བཅུ་དྲུག་ལོན་པའི་རྣམ་པ་མཛེས་ཤིང་། རིན་པོ་ཆེའི་རྒྱན་དང་དར་སྣ་ཚོགས་ཀྱི་ཤམ་ཐབས་ཅན་སྟོད་གཡོགས་དང་དར་སྲབ་མོས་ནུམ་བཀབ་པ། དབུ་སྐྲ་ལི་བའི་གཡོན་ཕྱོགས་གྱེན་དུ་བརྗེས་ཤིང་གཡས་ངོས་ནས་ཐུར་དུ་ཅུང་ཟད་འཕྱང་བ། ཕྱག་གཡས་མཆོག་སྦྱིན་དང་གཡོན་པ་ཐུགས་ཀར་ཨུཏྤལ་ལའི་རྩ་བ་ནས་བཟུང་བའི་མེ་ཏོག་འཁོར་ལོས་མཚན་པ་རྣ་བའི་ཐད་ཀར་སླེབ་པ། ཟླ་བའི་རྒྱབ་ཡོལ་ཅན། དེའི་མཐའ་སྐོར་དུ་པད་འདབ་བཅུ་པ་གཉིས་རིམ་ལ་སྒྲོལ་མ་གཞན་ཉི་ཤུ་པོ་བཞུགས་སྟངས་གཙོ་མོ་དང་འདྲ་བ་ལ་སྐུ་མདོག་དང་ཕྱག་མཚན་གྱི་ཁྱད་པར་མདུན་ནས་རིམ་པས་གཡས་སྐོར་དུ་མྱུར་མ་དཔའ་མོ་དམར་ལ་ཁྲོ་འཛུམ་ཆགས་པའི་ཉམས་ཅན་ཨུཏྤལ་ལའི་སྟེང་ན་དུང་གཡས་འཁྱིལ་འཛིན་པ། དེ་བཞིན་དུ་དབྱངས་ཅན་མ་སྟོན་ཟླའི་ཞལ་མེ་ལོང་ཧྲིཾ་གྱིས་མཚན་པ། སེར་སྔོ་བསོད་ནམས་མཆོག་སྟེར་རིན་པོ་ཆེ། གཙུག་ཏོར་རྣམ་རྒྱལ་གསེར་མདོག་ཚེ་བུམ། རིག་བྱེད་མ་ལེ་བརྒན་མདོག་མདའ་གཞུ། །འཇིགས་བྱེད་ཆེན་མོ་དམར་ནག་ཕུར་བུ། གཞན་གྱིས་མི་ཐུབ་མ་ནག་མོ་ཁྲོ་གཉེར་ཅན་རལ་གྲི། གཞན་མི་རྒྱལ་བ་དམར་ནག་ཁྲོ་གཉེར་ཅན་རྡོ་རྗེ། འཇིག་རྟེན་གསུམ་རྒྱལ་དམར་མོ་རྒྱལ་མཚན། །ནོར་གཏེར་དམར་མོ་ཁྲོ་གཉེར་ཅན་གཏེར་བུམ། བཀྲ་ཤིས་དོན་བྱེད་མ་སེར་མོ་དཔལ་བེ། །དགྲ་དཔུང་འཇོམ་མ་དམར་མོ་རྡོ་རྗེ་རྭ་གདེངས། ཁྲོ་གཉེར་ཅན་མཛད་ནག་མོ་གཏུན་ཤིང་། །རབ་ཏུ་ཞི་བ་དཀར་གསལ་སྤྱི་བླུགས། འབར་བའི་འོད་ཅན་དམར་མོ་རྒྱ་གྲམ། །དཔག་མེད་གནོན་མ་ངུར་སྨྲིག་མཆོད་རྟེན། །རྨ་བྱ་ཆེན་མོ་དཀར་གསལ་ཟླ་བ། །མི་ཕམ་རྒྱལ་མོ་དཀར་གསལ་གདུགས་དཀར། རི་ཁྲོད་ལྷ་མོ་དམར་སེར་ཟ་མ་ཏོག །འོད་ཟེར་ཅན་མ་དཀར་དམར་གསེར་ཉ་འཛིན་པ། །ཐམས་ཅད་ཀྱང་རྟ་བབས་ཀྱི་སྐྱིལ་མོ་ཀྲུང་དང་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་རེ་རེས་མཚན་པ་དེའི་འོད་ཟེར་གྱིས་རི་པོ་ཏ་ལ་ནས་རྗེ་བཙུན་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་བཛྲ་ས་མཱ་ཛ༔ གཉིས་པ་སྤྱན་འདྲེན་པ་ནི། པོ་ཏ་ལ་ཡི་གནས་མཆོག་ནས། །ཏཱཾ་ཡིག་ལྗང་གུ་ལས་འཁྲུངས་ཤིང་། །འོད་དཔག་མེད་པའི་དབུ་ལ་བརྒྱན། །དུས་གསུམ་སངས་རྒྱས་ཕྲིན་ལས་མ། །འགྲོ་བའི་དོན་ཕྱིར་གཤེགས་སུ་གསོལ། །བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ན། །སེམས་ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །བཛྲ་ས་མ་ཡ་ཛ༔ གསུམ་པ་དབང་བསྐུར་བ་ནི། མེ་ཏོག་དམ་པ་ཕྲེང་བ་དམ་པ་སོགས་ཤློ་ཀའི་མཐར། པུཥྤེ་སོགས་དང་། གསོལ་བ་གདབ་པ་ནི། །བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་རང་བཞིན་ཅན་རྣམས་ཀྱིས། །བདག་ལ་དབང་བསྐུར་མཛད་དུ་གསོལ། །ཅེས་བརྗོད་པས། དེ་བཞིན་གཤེགས་པ་རྣམས་ཀྱིས་བུམ་པ་བདུད་རྩིས་གང་བ་ཕྱག་ན་བསྣམས་ནས། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡི། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཤྲཱི་ཡེ་ཧཱུྃ། ཞེས་དབང་བསྐུར་བས་སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས་གཙོ་མོ་ལ་དོན་ཡོད་གྲུབ་པ་དང་། གཞན་རྣམས་ལ་སོ་སོའི་རིགས་ཀྱིས་དབུ་བརྒྱན། དབང་གི་ལྷ་རྣམས་སྒྲོལ་མར་གྱུར་ནས་ཛ༔ ཧཱུྃ་བཾ་ཧོ༔ ཞེས་པས་གཉིས་མེད་དུ་ཐིམ་པར་གྱུར། བཞི་པ་ཕྱག་རྒྱ་བཅིང་བས་རྒྱས་གདབ་པ་ནི། ཐལ་མོ་ཁ་སྦྱར་ནས་གུང་མོ་གཡས་པས་ཅིག་ཤོས་ཀྱི་སེན་མོ་བཀབ། སྲིན་ལག་གཉིས་ནང་དུ་བཀུག་ལ་མཐེ་བོང་མནན་པ་ཨཏྤལ་ཁ་ཕྱེ་བའི་རྒྱ་དཔྲལ་བ། མགྲིན་པ། སྙིང་ག་།པུས་མོ་གཡས་གཡོན་དུ་འཇོག་པ་དང་སྦྲག །ཨོཾ་ཏཱ་རེ་ཏྟཱ་རེ་ཏུ་རེ་སྭཱ་ཧཱ། ཞེས་ལན་རེ་བརྗོད། ལྔ་པ་ཡན་ལག་བདུན་པ་ནི། ལྷ་དང་ལྷ་མིན་ཅོད་པན་གྱིས། །ཞབས་ཀྱི་པདྨོ་ལ་བཏུད་དེ། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་འཚལ་ལོ། །རྗེ་བཙུན་འཕགས་མ་སྒྲོལ་མ་དང་། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་ཐམས་ཅད་ལ། །ཀུན་ནས་དངས་པས་ཕྱག་བགྱིའོ། །མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པ། །དངོས་འབྱོར་ཡིད་ཀྱིས་སྤྲུལ་ནས་འབུལ། །འཕགས་མའི་ཚོགས་ཀྱིས་བཞེས་སུ་གསོལ། །ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོངས་དབང་གྱུར་པའི། །སྡིག་པ་ཐམས་ཅད་བཤགས་པར་བགྱི། །ཉན་ཐོས་རང་རྒྱལ་བྱང་ཆུབ་སེམས། །སོ་སོ་སྐྱེ་བོ་ལ་སོགས་པས། །དུས་གསུམ་དགེ་བ་ཅི་བསགས་པ། །བསོད་ནམས་ལ་ནི་བདག་ཡི་རང་། །སེམས་ཅན་རྣམས་ཀྱི་བསམ་པ་དང་། །བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །འཁོར་བ་ཇི་སྲིད་མ་སྟོངས་པར། །མྱ་ངན་མི་འདའ་ཐུགས་རྗེ་ཡིས། །སྡུག་བསྔལ་རྒྱ་མཚོར་བྱིངས་པ་ཡི། །སེམས་ཅན་རྣམས་ལ་གཟིགས་སུ་གསོལ། །བདག་གིས་བསོད་ནམས་ཅི་བསགས་པ། །ཐམས་ཅད་བྱང་ཆུབ་རྒྱུར་གྱུར་ནས། །རིང་པོར་མི་ཐོགས་འགྲོ་བ་ཡི། །འདྲེན་པའི་དཔལ་དུ་བདག་གྱུར་ཅིག །དྲུག་པ་ཁྲུས་གསོལ་ནི། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །བདུན་པ་མཆོད་པ་ནི་ལྷ་མོ་བཅུ་དྲུག་གི་མཆོད་ཕྲེང་བྱ། བརྒྱད་པ་ནི་མཎྜལ་རྒྱས་པ་འབུལ། དགུ་པ་བསྟོད་པ་ནི། ཐུགས་རྗེ་ཆེན་པོའི་བདག་ཉིད་ནི། །ཆུ་སྐྱེས་ཞལ་གྱི་གེ་སར་ལས། །གྲངས་གསོག་གི་ཚེ་མེ་ཏོག་དམ་པ་སོགས་ཤློ་ཀ་གསུམ་གྱིས་འཐུས། །རྣམ་སྤྲུལ་ལྷ་མོ་མྱུར་དཔའ་སྒྲོལ། །འཇིགས་པ་ཐམས་ཅད་སྐྱོབས་ལ་འདུད། །ཉོན་མོངས་ཆུ་གཏེར་ཆེན་པོའི་ཀློང་། །རྣམ་པར་འཁྱམས་པའི་སེམས་ཅན་ཀུན། །གཏི་མུག་གླང་པོའི་གཞན་དབང་གིས། །ཟིལ་གྱིས་ནོན་སྐྱོབ་མ་ལ་འདུད། །འདོད་སྲེད་གོམས་དང་ཆོས་ཉིད་དོན། །ཡུལ་ལ་འཆིང་བའི་ལྕགས་སྒྲོག་དང་། །ཀུན་ནས་དཀྲིས་པའི་ཐེ་ཚོམ་གྱི། །ཤ་ཟའི་འཇིགས་པ་སྐྱོབས་ལ་འདུད། །འདོད་པ་ཆུ་བོའི་དབའ་རླབས་དང་། །དེ་བཞིན་ཞེ་སྡང་གོམས་པ་ལས། །གྱུར་པའི་རྒྱུ་མཐུན་གཏུམ་པོའི་མེ། །ཅིག་ཅར་གསོད་མཛད་མ་ལ་འདུད། །གོ་འཕང་མཆོག་ལ་ཆོམ་རྐུན་གྱི། །བརྟུལ་ཞུགས་འཇིག་ཚོགས་ལ་བལྟ་དང་། །སྣང་བ་དགྲར་གྱུར་ཕྲག་དོག་གི །ལྟོ་འགྲོའི་འཇིགས་པ་སྐྱོབ་ལ་འདུད། །ང་རྒྱལ་སེང་གེའི་སྡེར་མོ་ཡིས། །ཚུལ་ཁྲིམས་ལྟ་བ་མཆོག་འཛིན་དང་། །རྒྱལ་པོའི་ཆད་པ་དགྲ་གདོན་མཛེ། །བཤེས་བྲལ་དབུལ་ཕོངས་གནམ་ལྕགས་ཐོག །དོན་ཉམས་ལ་སོགས་འཇིགས་པའི་ཚོགས། །མ་ལུས་སྐྱོབ་ལ་བདག་བསྟོད་དོ། །ཞེས་དང་། བཅུ་པ་ཕྱག་འཚལ་བ་ནི། ཕན་ཡོན་དྲན་པའི་སྒོ་ནས་ཕྱག་དང་བཅས། ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སོགས་ནས། འཇོམས་པ་ཏུ་རེའི་རབ་མཆོག་ཉིད་མ། །ཞེས་པའི་བར་གྱི་ཕྱག་འཚལ་ཚར་གཉིས་བྱ། །བཅུ་གཅིག་པ་མཎྜལ་བསྙེན་པ་ནི། རྗེ་བཙུན་མའི་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་ལྗང་གུའི་མཐར་སྔགས་ཕྲེང་གིས་བསྐོར་བ་ལ་དམིགས་ནས། ཨོཾ་ཏཱ་རེ་ཏྟཱ་རེ་ཏུ་རེ་སྭཱ་ཧཱ། །ཞེས་པ་ཡི་གེ་བཅུ་པའི་བསྙེན་པ་སྟོང་ཕྲག་བཅུ་སྔོན་དུ་སོང་ན་རབ་མ་སོང་ན་སྟོང་ཕྲག་གཅིག་བཟླས་རྗེས། ཕྲིན་ལས་ཁ་བསྒྱུར་གྱི་བཟླས་པ་ནི། དང་པོར་བསོད་ནམས་འཕེལ་བའི་རྒྱུ་བྱང་ཆུབ་ཀྱི་སེམས་རྒྱས་པར་འདོད་ན། རྩ་སྔགས་ལ། བྷོ་དྷི་ཙིཏྟ་སྭཱ་ཧཱ། ཞེས་པ་དང་། དེ་བཞིན་དུ་འཇིགས་པ་ཆེན་པོ་བརྒྱད་སྐྱོབས་པར་འདོད་ན་སྭཱ་ཧཱའི་གོང་དུ། དཱ་ན་ཏྲ་ཡ་སྦྱར། ཤེས་རབ་འཕེལ་བ་ལ། པྲཛྙ་ཧྲཱིཾ་ཧྲཱིཾ། བསོད་ནམས་བསྐྱེད་པ་ལ། མ་ཧཱ་པུཎྱེ། ཚེ་སྒྲུབ་ན། ཨཱ་ཡུར་དཱ་ཏེ་བྷྲཱུཾ། དབང་བྱེད་ལ། ཀུ་རུ་ཀུལླེ་ནྲྀ་ཛ༔ གདོན་ལ། སརྦ་བིག་ནན་བཾ་ཧཱུྃ་ཕཊ༔ གཡུལ་ངོ་སོགས་ལ། བཛྲ་ཏ་ཀ་ཧ་ན་ལི་ཙ་ཕཊ༔ མཚང་འབྲུ་བ་ལ། ད་ཧ་པ་ཙ་ཧཱུྃ་ཕཊ༔ འཇིག་རྟེན་དབང་དུ་བྱེད་ན། ལོ་ཀ་པཱ་ཤཾ་ཀུ་རུ། དབུལ་བ་སེལ་ན། མ་མ་བ་སུ་པུཥྚིཾ་ཀུ་རུ། བུ་དཔལ་ཆར་ཆུ་སྤེལ་ན། མངྒ་ལ་ཤྲི་མ་ཧཱ་པཱ་ཎི། འགྱེད་པ་ལ། བཛྲ་ཛྭ་ལ་ཕཊ་ཕཊ་རཀྵ་རཀྵ༔ ཕུང་བྱེད་ལ། ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊ༔ སྡིག་པ་ལ། སརྦ་པཱ་པཾ་ག་ཏེ་ག་ཏེ། བྱད་ཕུར་ལ། ཏྲཾ་དུ་ཏྲི་ན་ཏྲཾ་དུ་ཕཊ༔ དགྲ་ཇག་དང་གཅན་གཟན་ལ། ཧཱུྃ་ཧཱུྃ་བཾ་ཧོ༔ དུག་རིགས་ལ། སརྦ་བི་ཥ་ཏར་ཕཊ༔ རྩོད་པ་དང་རྨི་ལམ་ངན་པ་ལ། ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཾ། རིམས་ནད་ལ། ནཱ་མ་ཏཱ་རེ་མ་ནོ་ཧ་ར་ཧཱུྃ་ཧ་ར་སྭཱ་ཧཱ། ནད་པའི་བླ་ཚེ་བསླུ་ན། མ་རི་ཙྱཻ་ཚེ་བྷྲཱུཾ་ནྲྀ་ཛ་སྭཱ་ཧཱ། དེ་དག་གི་དམིགས་གནད་ཁྱད་པར་བ་ནི་བདེ་སྙིང་གཏེར་བུམ་ལས་རྟོགས་པར་བྱ་ཞིང་། ལས་སྒྲུབ་སོ་སོའི་ཕྱག་འཚལ་ཁོལ་བཏོན་བརྒྱ་རྩ་བརྗོད་པ་མན་ངག་གོ །བཅུ་གཉིས་པ་གསོལ་བ་བཏབ་པ་ནི། །ཏཱ་རེ། ཞེས་མཚན་སྔགས་བརྒྱ་ཕྲག་གསུམ་གྱིས་བོས་ནས། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །སྒྲིབ་གཉིས་བྱང་ཞིང་ཚོགས་གཉིས་མྱུར་རྫོགས་ནས། །རྫོགས་པའི་སངས་རྒྱས་ཐོབ་པར་མཛད་དུ་གསོལ། །དེ་མ་ཐོབ་ཀྱི་ཚེ་རབས་ཀུན་ཏུ་ཡང་། །ལྷ་དང་མི་ཡི་བདེ་བ་མཆོག་ཐོབ་ནས། །ཐམས་ཅད་མཁྱེན་པ་སྒྲུབ་པར་བྱེད་པ་ལ། །བར་གཅོད་གདོན་བགེགས་རིམས་དང་ནད་ལ་སོགས། །དུས་མིན་འཆི་བར་གྱུར་པའི་ནད་རྣམས་དང་། །རྨི་ལམ་ངན་དང་མཚན་མ་ངན་པ་དང་། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །མྱུར་དུ་ཞི་ཞིང་མེད་པར་མཛད་དུ་གསོལ། །འཇིག་རྟེན་འཇིག་རྟེན་ལས་ནི་འདས་པ་ཡི། །བཀྲ་ཤིས་བདེ་ལེགས་ཕུན་སུམ་ཚོགས་པ་རྣམས། །འཕེལ་ཞིང་རྒྱས་པའི་དོན་རྣམས་མ་ལུས་ཀུན། །འབད་མེད་ལྷུན་གྱིས་གྲུབ་པར་མཛད་དུ་གསོལ། །སྒྲུབ་ལ་བརྩོན་ཞིང་དམ་ཆོས་འཕེལ་བ་དང་། །རྟག་ཏུ་ཁྱེད་བསྒྲུབ་ཞལ་མཆོག་མཐོང་བ་དང་། །སྟོང་ཉིད་དོན་རྟོགས་བྱང་སེམས་རིན་པོ་ཆེ། །ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །བདག་གིས་ཚེ་རབས་ཀུན་ཏུ་བསྒྲུབས་པའི་ལྷ། །དུས་གསུམ་སངས་རྒྱས་ཀུན་གྱི་ཕྲིན་ལས་མ། །སྔོ་ལྗང་ཞལ་གཅིག་ཕྱག་གཉིས་མྱུར་ཞི་དཔལ། །ཡུམ་གྱུར་ཨུཏྤལ་བསྣམས་པའི་བཀྲ་ཤིས་ཤོག །ཅེས་དང་། ཕན་བདེ་འབྱུང་བའི་གནས་གཅིག་པུ། སོགས་དང་། ལྷ་ཡང་དུས་སུ་ཆར་འབེབས་ཤིང་། ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་པ་དང་། །འཇིག་རྟེན་དག་ཀྱང་དར་བར་ཤོག །སོགས་ཀྱིས་སྨོན་ལམ་གདབ་བོ། །མཎྜལ་གཉིས་པ་ནི། ལྷ་དང་ལྷ་མིན་ཅོད་པན་གྱིས། །སོགས་དང་། རྗེ་བཙུན་འཕགས་མ་སྒྲོལ་མ་དང་། སོགས་པའི་ཡན་ལག་བདུན་པ་ནས། ཁྲུས་གསོལ། མཆོད་ཕྲེང་། མཎྜལ། བསྟོད་པ། ཕྱག་འཚལ་ཉེར་གཅིག་ཚར་གསུམ་བཟླས་པ། གསོལ་གདབ་སྨོན་ལམ་གྱི་བར་སྔར་བཞིན་བལྡབ། དེ་བཞིན་དུ་མཎྜལ་གསུམ་པ་ལའང་ཕྱག་འཚལ་ཉེར་གཅིག་ཚར་བདུན་སྦར་བའི་ཁྱད་པར་ཙམ་མོ། །གྲངས་གསོག་བྱེད་ན་འདི་ཡན་ཆད་བལྡབ། གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་གཏོར་མ་འབུལ་བ་ལ། ཆ་བཞིའི་དང་པོ་རྗེ་བཙུན་མ་ལ་འབུལ་བ་ནི། རི་པོ་ཏ་ལར་བལྟས་པའམ། འདུན་པ་བཅོས་ཏེ། ལག་པ་རྡོ་རྗེ་ཐལ་མོ་སྙིང་ཁར་སྦྱར་ནས། གཏོར་མ་བསང་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་དུ་ཨོཾ་ཨཱ༔ཧཱུྃ་འོད་དུ་ཞུ་བ་ལས་བྱུང་བའི་ལྷ་རྫས་འདོད་ཡོན་གྱི་ཕུང་པོ་ཟད་མི་ཤེས་པར་གྱུར། འབྲུ་གསུམ་ལན་བདུན་གྱིས་བརླབས། ལྗགས་རྡོ་རྗེའི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་བསམ། ན་མ༔ སརྦ་བུདྡྷ་བོ་དྷི་སྟྭཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཧེ་ཧེ་བྷ་ག་ཝ་ཏེ་མ་ཧཱ་སཏྭ་སརྦ་བུདྡྷ་ཨ་ཝ་ལོ་ཀི་ཏེ། མ་བི་ལཾ་བ། མ་བི་ལཾ་བ། ཨི་དཾ་བ་ལིཾ་ཏ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ་ཧཱུཾ་ཛ་ཛ་སརྦ་བི་སཉྩ་རེ་སྭཱ་ཧཱ། ཞེས་ལན་གསུམ་གྱི་མཐར། རྗེ་བཙུན་མ་སྒྲོལ་མས་བདག་ལ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་སྩོལ་བ་དང་། །འཇིགས་པ་ཆེན་པོ་བརྒྱད་ལ་སོགས་པ་ལས་ཐར་བར་མཛད་དུ་གསོལ། །སྲིད་པའི་དུ༔ཁ་ཐམས་ཅད་ཞི་བར་མཛད་དུ་གསོལ། ཆ་གཉིས་པ། ཨ་ཀཱ་རོ་མུ་ཁཾ་གསུམ་གྱིས་ རྡོ་རྗེའི་ཆོས་སྐྱོང་རྣམས་ལ་འབུལ་ལོ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་སུམ་ཚོགས་པའི་གནས། །ཡིད་ལ་འདོད་པ་ཀུན་འགྲུབ་ཤོག །གིས་ཕྲིན་ལས་བཅོལ། ཆ་གསུམ་པ་ཨ་ཀཱ་རོ་མུ་ཁཾ་གསུམ་དང་། གཞི་བདག་གཉུག་མར་གནས་པ་ལ་འབུལ་ལོ། །གནས་མགྲོན་གྱི་དམ་ཚིག་བསྲུང་བ་དང་འགོ་ཞིང་སྡོང་གྲོགས་གཉེན་པོ་མཛད་དུ་གསོལ། ཆ་བཞི་པ། ན་མ༔ སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་སོགས་གསུམ། །རིགས་དྲུག་སྙིང་རྗེའི་མགྲོན་ལ་བསྔོའོ། །མྱུར་དུ་བླ་ན་མེད་པ་སངས་རྒྱས་ཀྱི་གོ་འཕང་ཐོབ་པར་གྱུར་ཅིག །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམ་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །སྡིག་པ་ཅི་ཡང་མི་བྱ་ཞིང་། །སོགས་དང་། །སྦྱིན་པ་རྒྱ་ཆེན་གྱུར་པ་སོགས་སྨོན་ལམ་གདབ། གཉིས་པ་ནོངས་བཤགས་ནི། །མ་འབྱོར་བ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཆད་པ་དང་ནི་ལྷག་པ་དང་། །ཆོ་གའི་ཡན་ལག་ཉམས་པ་སོགས། །བདག་གི་བརྗེད་ངས་ཅི་མཆིས་པ། །དེ་ཀུན་ཁྱེད་ཀྱིས་བཟོད་པར་གསོལ། །ཅེས་དང་། ཡི་གེ་བརྒྱབ་ལན་གསུམ་བརྗོད། གསུམ་པ་ནི་རྟེན་ལ་བརྟན་བཞུགས་དང་། གློ་བུར་པ་རྣམས་ལ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །སོགས་ཀྱིས་གཤེགས་གསོལ་བྱ། བཞི་བ་དགེ་བ་བསྔོ་བ་ནི། །དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །བསོད་ནམས་སྟོབས་ཆེན་འདི་ཡི་མཐུས། །སྦྱིན་བདག་འཁོར་དང་བཅས་རྣམས་ལ། །ཚེ་འདིར་བསམ་པའི་དོན་གྲུབ་ཅིང་། །བར་ཆད་ཞི་ནས་བཀྲ་ཤིས་པ། །བསམ་པ་འགྲུབ་པའི་བཀྲ་ཤིས་ཤོག །གཞན་ཡང་སྐྱེ་བ་འདི་ཉིད་དུ། །མི་མཐུན་ཕྱོགས་ཀུན་ཞི་བ་དང་། །ཚེ་རིང་ནད་མེད་ཕུན་སུམ་ཚོགས། །གཏན་དུ་བདེ་བ་ཐོབ་པར་ཤོག །སངས་རྒྱས་སྐུ་གསུམ་བརྙེས་པའི་སོགས་བརྗོད། ལྔ་བ་ཤིས་བརྗོད་ནི། །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །ཞེས་སོགས་ཀྱིས་མཐའ་རྒྱས་སུ་བྱའོ། །དེ་ལྟར་སྒྲོལ་མ་མཎྜལ་བཞི་པར་གྲགས་པའི་ཆོ་ག་ལ་ཡིག་ཆ་མང་དུ་སྣང་ཡང་། རྩ་བའི་ཁུངས་ནི་སློབ་དཔོན་ཀླུ་སྒྲུབ་ཀྱིས་སྒྲོལ་མ་མངོན་པར་འབྱུང་བའི་རྒྱུད་ལ་བརྟེན་ནས་བསྡུ་བ་མཛད་པ་ཉིད་ཀྱང་དེ་ཉིད་ཀྱི་མངོན་རྟོགས་རང་ས་མ་ཟིན་པ་དང་། ཚིག་ཚོགས་ལ་ཐལ་བ་རྣམས་བཏང་སྙོམས་སུ་བྱས་ཤིང་། མན་ངག་ལས་བྱུང་བ་འགའ་ཞིག་གསར་དུ་བསྣན་ནས་ཀླགས་ཆོག་ཏུ་བཀོད་པ་འདི་ཡང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ། ༈སྒྲོལ་མའི་གཟུངས་རིང་ནི། ན་མོ་རཏྣ་ཏྲ་ཡཱ་ཡ། ན་མཿཨཱཪྻ་ཨ་ཝ་ལོ་ཀི་ཏེ་ཤྭ་རཱ་ཡ། །བོ་དྷི་ས་ཏྭ་ཡ། མ་ཧཱ་ས་ཏྭ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟ་རེ་ཏུ་རེ། མ་མ་ཀྲྀ་ཏེ་སརྦ་དུཥྚཾ་པྲ་དུཥྚཾ། ཛཾ་བྷ་ཡ། སྟཾ་བྷ་ཡ། མོ་ཧཱ་ཡ། བྷནྡྷ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སརྦ་དུཥྚཾ་སྟཾ་བྷ་ནི་ཏཱ་རེ་སྭཱ་ཧཱ། །ཞེས་སོ། །རྒྱལ་ཀུན་ཕྲིན་ལས་གཅིག་ཏུ་སྨིན་པའི་མདངས། །གཡུ་ཡི་ལང་ཚོ་རྫོགས་པའི་དཔལ་མངའ་བ། །ལུས་ཅན་སྲིད་ཞིའི་འཇིགས་ལས་སྒྲོལ་བ་མོའི། །སྒྲུབ་ཕྲིན་མཎྜ་བཞི་བའི་ཆོ་གའི་འཁྲིགས། །རང་བྱུང་རྡོ་རྗེ་འཇིགས་མེད་གླིང་པའི་གསུངས། །ལྷག་བསམ་ཕུན་ཚོགས་གཞི་ལ་ཉེར་གནས་པས། །ལྷ་གཉེར་ཚེ་བསམ་མིང་གིས་ལེགས་པར་བསྐྲུན། །དེའི་དགེ་དཔལ་གྱིས་འཇིགས་བརྒྱད་ཞི་གྱུར་ཅིག །ཅེས་པའང་སྐལ་ལྡན་སྤྲུལ་མིང་པས་སོ།། །། མཆོད་པའི་སྤྲིན་གཟུངས།༈ མཆོད་པའི་སྤྲིན་གཟུངས་ནི། ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝ་ཏེ་བཛྲེ་སཱ་ར་པྲ་མརྡྷ་ནི་ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ་མ་ཧཱ་ཏེ་ཛྭ་ཛྲེ་མ་ཧཱ་བིདྱ་བཛྲེ་མ་ཧཱ་བོ་དྷི་ཙིཏྟ་བཛྲེ་མ་ཧཱ་བོ་དྷི་མནྟྲོ་པ་སཾ་ཀྲ་མི་ཎ་བཛྲེ་སརྦ་ཀརྨ་ཨཱ་བ་ར་ཎ་བི་ཤོ་དྷ་ན་བཛྲེ་སྭཱ་ཧཱ།། །།དགེའོ།། །།སརྦ་མངྒ་ལཾ། རྡོ་རྗེ་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས།༄༅། །རྡོ་རྗེ་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས་ཞེས་བྱ་བ་བཞུགས། འཕགས་པ་ཀུན་ཏུ་བཟང་པོ་དང་བྱང་ཆུབ་མཆོད་པའི་ལྷ་མོ་རྣམས་ལ་ཕྱག་འཚལ་ལོ། །རྡོ་རྗེ་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས་ནི། མཆོད་རྫས་རྣམས་ལ་བསང་ཆུ་འཐོར་ཞིང་། ཨཱོཾ་ཧཱུྃ་ཏྲཱཾ་ཧྲཱི་ཨཱཿ ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པར་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས་ལན་གསུམ་བརྗོད། སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། དེ་ནས་དབྱངས་ཤིན་ཏུ་སྙན་པ་དང་བཅས། ༈ པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོ༔ སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མཱ་ལེ་ཏྲཱཾ་པྲ་ཏཱིཙྪ་ཧོ། འཇམ་གཉེན་པུནྜ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུགས་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་གྷིརྟི་ཧྲཱིཿཔྲ་ཏཱིཙྪ་ཧོ༔ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་བསྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ནཱི་རྟི་ཨཱཿཔྲ་ཏཱིཙྪ་ཧོ༔ ༈ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོག་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷཱུ་པེ་ཧཱུྃ་པྲ་ཏཱིཙྪ་ཧོ༔ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་པུཥྤེ་ཏྲཱཾ་པྲ་ཏཱིཙྪ་ཧོ༔ ཡིད་འོད་བལྟ་ན་སྡུག་པའི་མཁུར་ཚོས་ལ། །ལི་ཁྲིས་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ཨཱ་ལོ་ཀེ་ཧྲཱིཿཔྲ་ཏཱིཙྪ་ཧོ༔ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤལ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱིས་བྱུག་པས་དགྱེས་པ་སྐོང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་གྷནྡྷེ་ཨཱཿཔྲ་ཏཱིཙྪ་ཧོ༔ ༈ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅིར་ཡང་འཆར་བའི་ཨ་དཪྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་རཱུ་པ་ཨོཾ་པྲ་ཏཱིཙྪ་ཧོ༔ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མྲྀ་ཏཾ་གི་ཧྲཱིཿཔྲ་ཏཱིཙྪ་ཧོ༔ རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏམ་བུ་ར། །རྣ་བའི་དཔྱིད་དུ་སྒྲེངས་པའི་ཡིད་འཕྲོག་མ། །རྡོ་རྗེ་པི་ཝང་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ཝི་ནི་ཧཱུྃ་པྲ་ཏཱིཙྪ་ཧོ༔ དགའ་བ་བཅུ་དྲུག་རླུང་གི་རྟར་བསྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ཝཾ་སེ་ཏྲཱཾ་པྲ་ཏཱིཙྪ་ཧོ༔ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་བྱིན་དང་ཆབས་ཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མུ་རཉྫེ་ཨཿཔྲ་ཏཱིཙྪ་ཧོ༔ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྦྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་པཪྴེ་ཏྲཱཾ་པྲ་ཏཱིཙྪ་ཧོ༔ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་རཱ་ས་ཧྲཱིཿཔྲ་ཏཱིཙྪ་ཧོ༔ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨ་དྷཱརྟུ་ཨཿཔྲ་ཏཱིཙྪ་ཧོ༔ དེ་ལྟར་ཤིན་ཏུ་རྨད་དུ་བྱུང་བ་རྡོ་རྗེའི་ལྷ་མོ་བཅུ་དྲུག་ལ་ནང་གསེས་ཀྱིས་དབྱེ་ན། ཕྱི་སྒེག་བཞི། ནང་སྒེག་བཞི། སྐུ་གསུང་ཐུགས་ཡོན་ཏན་ཕྲིན་ལས་ཏེ་གསང་བའི་རིག་མ་ལྔ། ཐུན་མོང་འདོད་ཡོན་གྱི་ལྷ་མོ་གསུམ་སྟེ་དེ་ཉིད་རྣམ་པ་བཅུ་དྲུག་གི་རང་བཞིན་དུ་བསྙད་པ་ལས། དང་པོ་ཕྱི་སྒེག་བཞིའི་ཕྱག་རྒྱ་ནི། བཛྲ་ལཱ་སྱེ་ལ་རྡོ་རྗེ་ཁུ་ཚུར་གཉིས་དཀུར་བརྟེན་ནས་གཡོན་དུ་ཅུང་ཟད་འགྱིང་བའོ། །བཛྲ་མཱ་ལྱེ་ལ་རྡོ་རྗེ་ཐལ་མོ་གཉིས་ནང་ནས་ཐུར་ལྡོག་གཡོ་བས་ཕྲེང་བ་འདེགས་པའི་ཚུལ་ལོ། །བཛྲ་གླི་རྟི་ནི་གླུ་མ་སྟེ། གླུ་མའི་ཕྱག་མཚན་པི་ཝང་ཡིན་པས་དེ་ཉིད་སྒྲེང་བའི་ཚུལ་འོག་ནས་འབྱུང་ངོ། །བཛྲ་ནི་རྡོ་རྗེ་ཁུ་ཚུར་གཉིས་ཀྱིས་སྤྱི་བོར་གར་བྱེད་པའི་ཚུལ་ལོ། །གཉིས་པ་ནང་སྒེག་བཞིའི་ཕྱག་རྒྱ་ནི། བཛྲ་དྷཱུ་པེ་ནི་ཐལ་སྦྱར་ཚིགས་པ་བཅག་པ་བདུག་སྤོས་ཀྱི་ཁང་པ་སྟར་རོ། །བཛྲ་པུཥྤེ་ནི་རྡོ་རྗེ་ཁུར་ཚུར་གཉིས་ཁ་བཀན་ལ་མེ་ཏོག་འཐོར་བའི་ཚུལ་ལོ། །བཛྲ་ཨཱ་ལོ་ཀེ་ནི་རྡོ་རྗེ་ཁུ་ཚུར་ལས་མཐེ་བོང་གཉིས་མར་མེ་ལྟར་སྒྲེང་བའོ། །བཛྲ་གནྡྷེ་ནི་གཡོན་པའི་མཐེབ་མཛུབ་སྦྱར་གཞན་རྣམས་བརྐྱང་བ་ཁ་བཀན་ཏེ་དུང་ཆོས་ལྟར་བྱས་པའི་སྙིམ་པ་ནས་གཡས་པའི་མཐེབ་མཛུབ་གྱི་དྲིའི་བྱུག་པ་འགྱེད་པའི་ཚུལ་ལོ། །གསུམ་པ་གསང་བའི་རིག་མ་ལྔ་ལས། སྐུའི་རིག་མ་བཛྲ་རཱུ་པ་ནི་གཡོན་པའི་ཁུ་ཚུར་གྱི་སྟེང་དུ། གཡས་པའི་ཐལ་མོ་སྙིང་ག་ནས་ཕྱིར་བསྟན་པ་མེ་ལོང་ལྟར་བྱའོ། །གསུང་གི་རིག་མ་བཛྲ་མྲྀ་ཏཾ་གི་ནི་རྔ་ཟླུམ་བརྡུང་བ་ལྟར་གཡོན་པ་ཅུང་ཟད་གྱེན་ལ་ཕྱོགས་གཡས་པའི་སོར་མོ་རྣམས་གཡོབ་པའོ། །ཐུགས་ཀྱི་རིགས་མ་བཛྲ་ཝི་ནིའི་ཕྱག་རྒྱ་ནི། པི་ཝང་སྒྲེང་བ་ལྟར་གཡོན་གྱེན་དུ་སྒྲེང་བའི་མཐེ་བོང་གིས་གུང་སྲིན་མནན་ཏེ་མཛུབ་མོ་དང་། མཐེའུ་ཆུང་བརྐྱང་། གཡས་པའང་དེ་བཞིན་བྱས་པས་སྒྲེང་བའོ། །ཡོན་ཏན་གྱི་རིག་མ་བཛྲ་ཝཾ་སེ་ཏྲཱཾ་ནི་གླིང་བུ་འབུད་པའི་ཕྱག་རྒྱ་ཉིད་ཁའི་མདུན་ན་བྱེད་པའོ། །ཕྲིན་ལས་ཀྱི་རིག་མ་བཛྲ་མུ་རཉྫེ་ནི་ལག་པ་གཉིས་ཀ་སྙིང་ཁའི་ཐད་ནས་ཁ་ཕྱིར་བསྟན་ལ་སོར་མོ་རྣམས་གཡོབ་པས་རྫ་རྔ་བརྡུང་བ་ལྟར་བྱེད་པའོ། །བཞི་པ་ཐུན་མོང་འདོད་ཡོན་གྱི་ལྷ་མོ་གསུམ་ལས། བཛྲ་པཪྴེ་ནི་ལག་པ་གཉིས་སོ་སོའི་མཐེབ་མཛུབ་གུང་སྲིན་རྣམས་རྩེ་སྤྲད། མཐེའུ་ཆུང་སྒྲེང་ལ་གོས་དབུལ་བའི་ཚུལ་ལོ། །བཛྲ་རཱ་ས་ནི་རྡོ་རྗེ་ཐལ་མོ་ཁ་སྦུབས་ལ། བརྐྱང་བ་སླར་གྱེན་དུ་ལྡོག་པ་བཤོས་འདེགས་པའི་ཚུལ་ལོ། །བཛྲ་དྷརྨ་ནི་མཁའ་དབྱིངས་ཆོས་འབྱུང་གི་རྒྱ་སྟེ་མཐེ་བོང་གཉིས་རྩེ་སྤྲད། གཞན་རྣམས་བརྐྱང་བའི་སྲིན་ལག་གཉིས་རྩེ་སྤྲད་པའོ། །ཀུན་ལ་པད་སྐོར་གྱིས་སྔོན་བསུས་ནས་རང་སྔགས་དང་ཕྱག་རྒྱ་བསྟུན་ཞིང་། རྡོ་རྗེ་སེ་གོལ་གཏོགས་པས་བསྣོལ་ཏེ་ནུ་མ་གཡས་གཡོན་གྱི་སྟེང་དུ་འཇོག་པའོ། །དེ་ལྟར་རྡོ་རྗེའི་རིག་མ་བཅུ་དྲུག་གི མཆོད་ཕྲེང་དྲི་ཟའི་བུ་མོས་བླངས་པའི་གླུ། །རྒྱུད་མངས་སྟོང་གི་འགྱུར་དང་ལྡན་པ་འདི། །ངག་དབང་དབྱངས་ཅན་ལྷ་མོས་བདག་ལ་བྱིན།། །། ཤེར་ཟློགན་མོ། བླ་མ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡུམ་ཆེན་མོ་ཤེས་རབ་ཀྱི་ཕ་རོལ་དུ་ཕྱིན་པ་ལ་ཕྱག་འཚལ་ལོ། །བདག་གི་བདེན་པའི་ཚིག་འདི་འགྲུབ་པར་གྱུར་ཅིག །ཇི་ལྟར་སྔོན་ལྷའི་དབང་པོ་བརྒྱ་བྱིན་གྱིས་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཟབ་མ་ོཡིད་ལ་བསམས་ཤིང་། ཚིག་ཁ་སྟོན་དུ་བྱས་ལ་བརྟེན་ནས། བདུད་སྡིག་ཅན་ལ་སོགས་པ་མི་མཐུན་པའི་ཕྱོགས་ཐམས་ཅད་ཕྱིར་ལོག་པ་དེ་བཞིན་དུ་བདག་གིས་ཀྱང་ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཟབ་མོ་ཡིད་ལ་བསམས་ཤིང་ཚིག་ཁ་སྟོན་དུ་བྱས་པ་ལ་བརྟེན་ནས། བདུད་སྡིག་ཅན་ལ་སོགས་པ་མི་མཐུན་པའི་ཕྱོགས་རིས་ངན་པ་ཐམས་ཅད་འཕགས་པ་དམ་པ་དཀོན་མཆོག་གསུམ་གྱི་བཀའ་ཡི་བདེན་པས་ཕྱིར་བཟློག་པར་གྱུར་ཅིག །མེད་པར་གྱུར་ཅིག །ཞི་བར་གྱུར་ཅིག །རབ་ཏུ་ཞི་བར་གྱུར་ཅིག ༈ འཕགས་པ་དཀོན་མཆོག་གསུམ་ལ་ཕྱག་འཚལ་ལོ། །གང་གི་བརྟེན་ཅིང་འབྲེལ་བ་འབྱུང་། །འགག་པ་མེད་པར་སྐྱེ་མེད་པ། །ཆད་པ་མེད་པར་རྟག་མིན་པ། །འོང་བ་མེད་པར་འགྲོ་མེད་པ། །ཐ་དད་དོན་མིན་དོན་བཅས་པར། །སྤྲོས་པ་ཉེ་ཞི་ཞི་བརྟེན་པར། །རྫོགས་པའི་སངས་རྒྱས་མི་རྣམས་ཀྱིས། །དམ་པ་དེ་ལ་ཕྱག་འཚལ་བསྟོད། ཕྱིར་བཟློག་འཁོར་ལོ་འབར་བའི་སྒྲུབ་ཐབས།༄༅། །ཕྱིར་བཟློག་འཁོར་ལོ་འབར་བའི་སྒྲུབ་ཐབས་བཞུགས་སོ། ། རྒྱ་གར་སྐད་དུ།། །ཙཀྲ་ཛྭ་ལ་ནོ་བི་ཀ་ནཱ་མ། བོད་སྐད་དུ། འཁོར་ལོ་འབར་བ་ཞེས་བྱ་བའི་སྒྲུབ་ཐབས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་རྡོ་རྗེའི་གདན་ལ་བཞུགས་ཏེ། བདུད་བཏུལ་བའི་ཚེ། རིག་འཛིན་དང་བྱང་ཆུབ་སེམས་དཔའ་རྣམས་ཀྱིས་འདི་སྐད་ཅེས་ཞུས་སོ། །བཅོམ་ལྡན་འདས་བདག་ཅག་རིག་འཛིན་བསྒྲུབ་པར་བྱེད་པ་ལ་བར་དུ་གཅོད་པའི་དགྲ་བགེགས་མང་ན་འདི་ལ་ཐབས་ཇི་ལྟ་བགྱི། ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། འཁོར་ལོ་འབར་བ་ཞེས་བྱ་བའི་སྔགས་དང་སྒྲུབ་ཐབས་ཡོད་ཀྱིས། འདི་ལོངས་ཤིག །ཆོངས་ཤིག །ཀློག་ཅིག །ཡིད་ལ་གྱིས་ཤིག །སྔགས་འདི་བཟླས་པ་ཙམ་གྱིས་བགེགས་ཐམས་ཅད་ལས་རྒྱལ་བར་འགྱུར་རོ། །བགེགས་ཐམས་ཅད་ལས་རྒྱལ་ཞིང་ཉམས་ང་བ་མེད་པར་འགྱུར་རོ། །སྔགས་ནི་འདིའོ། །ཨོཾ་དྷུ་རུ་དྷུ་རུ་ཙཀྲ༔ ཛ་ཡ་ཛ་ཡ་ཙཀྲ༔ ཧ་ན་ཧ་ན་ཙཀྲ༔ བྷུ་རུ་བྷུ་རུ་ཙཀྲ༔ བྷྲ་མ་ར་བྷྲ་མ་ར་ཙཀྲ༔ བྷེ་དུ་མ་ནི་ཙཀྲ༔ ཛྭ་ལ་ཛྭ་ལ་ཙཀྲ༔ སཾ་བྷ་ཝེ་ག་ན་ན་ཡ་ས་ར་ཙཀྲ༔ སཱ་ལ་ཡ་སཱ་ལ་ཡ་ཙཀྲ༔ ནཱ་ག་ཤ་ཡ་ནཱ་ག་ཤ་ཡ་ཙཀྲ༔ བཾ་བཾ་ཙཀྲ་ཧཱུྃ་ཧཱུྃ་ཕཊ་ཕཊ༔ ས་མནྟ་ག་ར་ཙཀྲ༔ ཏིཔྟ་ཙཀྲ་ཧཱུྃ་ཕཊ༔ རང་ཉིད་ཤཱཀ་ཐུབ་སྐུར་གྱུར་ཕྱག་མཐིལ་ན། །ཉི་ཟླ་གསལ་བའི་བར་དུ་ཀེག་ངན་དང་། །སྲི་སོགས་གནོད་བྱེད་གདོན་བགེགས་མ་ལུས་པ། །ཕྱེ་མར་བཏགས་ནས་རྗེས་ཤུལ་མེད་པར་གྱུར། །ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན༴ ཆོས་ཀྱི་བཀའ་བདེན་པ་དང་། དགེའདུན་གྱི་བཀའ་བདེན༴ བླ་མ་རྡོ་རྗེ་འཛིན་པའི་བཀའ་བདེན༴ མཉམ་མེད་ཤཱཀྱའི་རྒྱལ་པོའི་ལྷ་ཚོགས་རྣམས་ཀྱི་བཀའ་བདེན་པ་དང་། གསང་སྔགས་དང་རིག་སྔགས་དང་གཟུངས་སྔགས་རྣམ་པར་དག་པའི་བདེན་པ་དང་། རིག་འཛིན་སྔགས་འཆང་བདག་གི་བདེན་པ་དང་། ཆོས་ཉིད་ངོ་བོ་ཀ་ནས་དག་ཅིང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། །བདེན་པ་ཆེན་པོའི་མཐུ་དང་ནུས་པ་ལ་བརྟེན་ནས། །བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ལོ་ཀེག །ཟླཀེག །ཞག་ཀེག །ཟ་ཀེག །ཆེ་སྲི། ཆུང་སྲི། དར་སྲི། དུར་སྲི། ནད་སྲི། གོད་སྲི། ཕུང་སྲི་ཐམས་ཅད་གནོད་བྱེད་དགྲ་དང་བགེགས་ཀྱི་སྟེང་དུ་བཟློག་བཟློག །བྷྱོ་བྷྱོ་མཱ་ར་ཡ་རྦད་རྦད། །སྔགས་འདི་བཟླས་པ་ཙམ་གྱིས་སྲི་ཅན་དྲག་པོ་སྔངས་ཤིང་། །ཤི་ཁ་བྱེ་བ་སྲི་ལས་ཐར་བར་འགྱུར་རོ། །དེ་སྐད་ཅེས་བཀའ་སྩལ་བ་དང་། །རིག་འཛིན་དང་བྱང་ཆུབ་སེམས་པའི་ཚོགས་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཁོར་ལོ་འབར་བཞེས་བྱ་བའི་གཟུངས་རྫོགས་སོ།། ༈ རྫོགས་པའི་བྱང་ཆུབ་སྒྲུབ་པ་ལ། །ཕྱི་དང་ནང་གི་འཚེ་བ་ཡིས། །བར་དུ་གཅོད་པའི་གདོན་བགེགས་ཀུན། །ཉེ་བར་ཞུ་བར་མཛད་དུ་གསོལ། །ས་མ་ཡ། རྒྱ་རྒྱ་རྒྱ། ཞེས་སྤྲུལ་སྐུ་བཟང་པོ་གྲགས་པས་རྒྱང་ཡོན་བོ་ནས་གཏེར་ནས་བཏོན་ཏེ་རིག་འཛིན་རྒོད་ལྡེམ་ལ་གནང་བའོ། །སྲུང་འཁོར་གྱི་ངག་འདོན་འདི་རྣམས་ཀུན་མཁྱེན་ལྔ་པས་མཛད་པའོ། དགེའོ། དགེའོ། དགེའོ། བཀྲ་ཤིས་ཤོག །། གྲུབ་ཆེན་ལས་ཀྱི་རྡོ་རྗེས་མཛད་པའི་གདུགས་དཀར་ཟློག་པ།གྲུབ་ཆེན་ལས་ཀྱི་རྡོ་རྗེས་མཛད་པའི་གདུགས་དཀར་ཟློག་པ་ནི། བདེ་གཤེགས་གཙུག་གཏོར་བལྟར་མི་མངོན་པ་ལས། །ཉེར་འཁྲུངས་རྒྱལ་བ་ཀུན་ཡུམ་གདུགས་དཀར་མོ། །མཚན་ཙམ་བོས་པའི་རིག་སྔགས་མེ་ཡིས་ཀྱང་། །བདུད་སྡེ་བསྲེད་བྱེད་བདེ་འབྱུང་ལྷག་པའི་ལྷ། །དཀར་གསལ་ལང་འཚོ་རབ་རྫོགས་ཟླ་གཞོན་གྱི། །སྙིང་པོ་ལས་གྲུབ་གཞན་གྱིས་མི་ཐུབ་པས། །མི་དང་མི་མིན་འབྱུང་ལས་བྱུང་བ་ཡི། །འགལ་རྐྱེན་ཀུན་ཞི་ལེགས་ཚོགས་མ་ལུས་སྩོལ། །ཁྱད་པར་ཕ་རོལ་མི་སྲིན་བསམ་སྦྱོར་གྱིས། །སྒོ་གསུམ་མནན་དང་བྱད་ལྟེམས་བཅིངས་ལ་སོགས། །ཉེར་འཚེས་མི་ཚུགས་ཕྱིར་ཟློག་ཕྲིན་ལས་ཀྱིས། །བདག་ཅག་རྣམ་པར་ཀུན་ཏུ་སྲུང་དུ་གསོལ། །ཞེས་དང་། བྷྱོ། བཅོམ་ལྡན་གདུགས་དཀར་ལྷ་ཚོགས་རྣམས། །མཐུ་སྟོབས་ཐོག་པ་མི་མངའ་ཞིང་། །ཐུགས་རྗེ་སྨོན་ལམ་མཐུ་བཙན་པས། །བདག་གིས་གསོལ་བ་བཏབས་པ་དང་། །སངས་རྒྱས་བསྟན་པ་དར་བ་དང་། །སེམས་ཅན་བདེ་དང་བདེན་གྱུར་ཅིག །རྒྱུ་སྦྱོར་ཡོན་བདག་འཁོར་བཅས་ཀྱི། །ཆག་ཆེ་ཉམ་ང་བཟློག་ཏུ་གསོལ། །རྨི་ལམ་མཚན་མ་ངན་པ་བཟློག །རྟགས་དང་རྟེན་འབྲེལ་ངན་པ་བཟློག །དགྲ་འདྲེའི་བསམ་སྦྱོར་ངན་པ་བཟློག །ལྟས་ངན་བརྒྱད་ཅུ་རྩ་བཞི་བཟློག །ཡེ་འབྲོག་སུམ་བརྒྱ་དྲུག་ཅུ་བཟློག །ནད་རིགས་བཞི་བརྒྱ་རྩ་བཞི་བཟློག །བགེགས་རིགས་སྟོང་ཕྲག་བརྒྱད་བཅུ་བཟློག །དུས་མིན་འཆི་བ་རྣམ་བརྒྱད་བཟློག །ཡས་ཀྱི་བདུད་དུ་གཡོས་པ་བཟློག །མས་ཀྱི་སྲི་རུ་ལངས་པ་བཟློག །དཔྲལ་བའི་བཤེད་དུ་བརྐོས་པ་བཟློག །ཕ་མེས་དུར་སྲི་ལངས་པ་བཟློག །མི་ལ་ནད་དུ་གཏོང་བ་བཟློག །ཕྱུགས་ལ་གོད་ཁ་བྱེད་པ་བཟློག །གནམ་གྱི་དལ་ཁ་ཐེབས་པ་བཟློག །ས་ཡི་དུག་མདའ་གཡོས་པ་བཟློག །སྨེ་བ་སྤར་ཁ་ངན་པ་བཟློག །སྐེག་དང་ཕུང་སྲི་ལངས་པ་བཟློག་ཏུ་གསོལ། ༈ །བདེ་གཤེགས་ཐུགས་རྗེའི་གཙུག་གཏོར་ལས་འཁྲུངས་ཤིང་། །བདེ་འབྱུང་བསྟན་ལ་གནོད་བྱེད་ཚར་བཅད་ནས། །བདེ་ལེགས་འབྲས་བུ་ཉེ་བར་སྩོལ་མཛད་པའི། །བདེ་མཆོག་གདུགས་དཀར་ཅན་གྱི་བཀྲ་ཤིས་ཤོག །ཅེས་ཐལ་རྡེབ་བྱའོ། །སྨྲ་བའི་ཉི་མས་བདག་རྒྱུད་བྱིན་གྱིས་རློབས། །སྲི་སྐེག་ཐན་ལྟས་ངན་པ་སྒྱུར་དུ་གསོལ། །རྒྱལ་པོའི་ཆད་པ་ལས་ཀྱི་འཇིགས་པ་དང་། །མཚང་འདྲི་བརྩོད་དང་རྒོལ་བ་བཟློག་ཏུ་གསོལ། ། བསྔོ་སྨོན།བསྔོ་སྨོན་ནི། །བླ་མ་ཡི་དམ་ལྷ་ཚོགས་དགོངས་སུ་གསོལ། །དེང་འདིར་བརྩོན་པས་བསྒྲུབས་པའི་དགེ་བ་དང་། །དུས་གསུམ་བསགས་དང་ཡོད་པའི་དགེ་བ་རྣམས། བསྡོམས་ཏེ་བླ་མེད་བྱང་ཆུབ་ཆེན་པོར་བསྔོ། དེང་ནས་བྱང་ཆུབ་སྙིང་པོར་མཆིས་ཀྱི་བར། །རིགས་བཟང་བློ་གསལ་ང་རྒྱལ་མེད་པ་དང་། །སྙིང་རྗེ་ཆེ་ཞིང་བླ་མ་ལ་གུས་ལྡན། །དཔལ་ལྡན་རྡོ་རྗེའི་ཐེག་ལ་ངེས་གནས་ཤོག །དབང་གིས་སྨིན་ཅིང་དམ་ཚིག་སྡོམ་པར་ལྡན། །རིམ་གཉིས་ལམ་ལ་བསྙེན་སྒྲུབ་མཐར་ཕྱིན་ཏེ། །དཀའ་བ་མེད་པར་རིག་འཛིན་གོ་འཕང་བགྲོད། །དངོས་གྲུབ་རྣམ་གཉིས་བདེ་བླག་འགྲུབ་གྱུར་ཅིག །ཅིར་སྣང་སྒྲུ་འཕྲུལ་དྲ་བའི་འཁོར་ལོར་རྫོགས། །གྲགས་པ་ཐམས་ཅད་བརྗོད་བྲལ་སྔགས་ཀྱི་སྒྲ། །སེམས་ཀྱི་འགྱུ་བ་རང་རིག་འདུས་མ་བྱས། །བདེ་ཆེན་འདུ་འབྲལ་མེད་པར་མངོན་གྱུར་ཤོག །ཉམས་ཆགས་རྟོགས་སྒྲིབ་མ་སྤངས་གནས་སུ་དག། །ཕྱི་ནང་གསང་བ་དབྱེར་མེད་རྟོགས་པས་བསྐངས། །གང་ཤར་རང་གྲོལ་ཀུན་བཟང་ཀློང་ཡངས་སུ། །ངན་སོང་དོང་སྤྲུག་སྲིད་ཞིར་མཉམ་གྱུར་ཅིག། །ཐིག་ལེ་ཆེན་པོར་སྐུ་དང་ཞིང་ཁམས་རྫོགས། །དམ་ཚིག་ཆེན་པོར་སྤང་བླང་མཚན་མར་དག། །ཁྱབ་གདལ་ཆེན་པོར་རེ་དོགས་མདུད་པ་གྲོལ། །རྫོགས་པ་ཆེན་པོར་ཆོས་སྐུ་མངོན་གྱུར་ཤོག །བརྒྱུད་པ་གསུམ་གྱི་བྱིན་རླབས་སྙིངས་ལ་ཞུགས། །སྒྱུ་འཕྲུལ་དྲྭ་བའི་ལམ་གསང་སེམས་ལ་རྫོགས། །ཕྲིན་ལས་རྣམ་བཞི་ལྷུན་གྱིས་འགྲུབ་པ་ཡིས། །མུ་མཐའ་མེད་པའི་འགྲོ་བ་སྒྲོལ་བར་ཤོག །ཞི་ཁྲོ་སྤྲུལ་པའི་འཁོར་ལོར་ལུང་སྟོན་ཞིང་། །མཁའ་འགྲོ་རྣམས་ཀྱིས་བུ་བཞིན་སྐྱོང་བ་དང་། །ཆོས་སྐྱོང་བསྲུང་མས་བར་ཆད་ཀུན་བསལ་ནས། །ཡིད་ལ་སྨོན་པ་མཐའ་དག་འགྲུབ་གྱུར་ཅིག །རྒྱལ་བའི་བསྟན་པ་དར་ཞིང་རྒྱས་པ་དང་། །བསྟན་འཛིན་རྣམས་ཀྱིས་བཞེད་པའི་དོན་ཀུན་འགྲུབ། །ལ་ལུས་སྐྱེ་རྒུའི་འགལ་ཀྱེན་ཀུན་ཞི་ཞིང་། །ཕུན་ཚོགས་མཐའ་དག་ཡིད་བཞིན་འབྱོར་གྱུར་ཅིག །ཨོཾ་ཡེ་དྷརྨཱ་ཧེ་ཏུ་པྲ་བྷ་ཝ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏ། །ཏེ་ཥཱཉྩ་ཡོ་ནི་རོ་དྷ་ཡེ་ཝཾ་བཱ་དཱི་མ་ཧཱ་ཤྲ་མཎ༔ཡེ་སྭཱ་ཧཱ། ། བཀྲ་ཤིས།བཀྲ་ཤིས་ནི། ཕུན་སུམ་ཚོགས་པ་མངའ་པ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྣམ་རྒྱས་འདབ་འདྲའི་སྤྱན་མངའ་བ། །དེས་ནི་ཁྱོད་ལ་དེ་རིང་ཞི་བྱེད་བཀྲི་ཤིས་ཤོག །དེ་ཡིས་ཉེ་བར་བསྟན་པའི་མཆོག་རབ་གཡོ་མེད་པ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་རྒུ་རྣམས་ལ་ཞི་བྱེད་པ། །དེས་ནི་ཁྱོད་ལ་དེ་རིང་ཞི་བྱེད་བཀྲ་ཤིས་ཤོག །དམ་ཆོས་ལྡན་པ་ཐོས་པའི་བཀྲ་ཤིས་ཀྱིས་ཕྱུག་ཅིང་། །དགེ་འདུན་མི་དང་ལྷ་དང་ལྷ་མིན་ཡོན་གྱི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །དེས་ནི་ཁྱོད་ལ་དེ་རིང་ཞི་བྱེད་བཀྲ་ཤིས་ཤོག །ཆེ་བའི་ཆེ་མཆོག་སྟོན་མཆོག་བླ་ན་མེད། །ཆོས་རྗེ་ཉི་མ་རྒྱམ་བའི་བྱིན་རླབས་ཀྱིས། །བདུད་དང་བགེགས་།རིགས་གནོད་པའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཆོས་ཉིད་བདེན་པའི་ཆོས་མཆོག་ལྦ་ན་མེད། །དམ་ཆོས་བདུད་རྩི་བདེན་པའི་བྱིན་རླབས་ཀྱིས། །ཉོན་མོངས་དུག་ལྔ་གདུང་བའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །དགེ་འདུན་ཡོན་ཏན་རིན་ཆེན་དཔལ་འབར་པ། །རྒྱལ་སྲས་ཕན་མཛད་བདེན་པའི་བྱིན་རླབས་ཀྱིས། །ཉེས་པའི་སྐྱོན་བྲལ་དགེ་ཚོགས་རྣམ་པར་འཕེལ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དང་འདི་བདེ་གྱུར་ཅིག། །སྟོན་མཆོག་དམ་པ་ལྷ་མིས་མཆོད་འོས་པ། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དང་འདིར་བདེ་གྱུར་ཅིག །ཞི་བ་ཆགས་བྲལ་ལྷ་མིས་མཆོད་འོས་པ། །ཆོས་ལ་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་ངག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་གྱུར་ཅིག །ཚོགས་ཀྱི་དམ་པ་ལྷ་མིས་མཆོད་འོས་པ། །དགེ་འདུན་ཕྱག་འཚལ་དེང་འདིར་བདེ་ལེགས་ཤོག །རྒྱལ་བ་སྲས་བཅས་བསོད་ནམས་མཐུ་དག་དང་། །ལྷ་རྣམས་ཀུན་གྱིས་ལེགས་པར་བསམ་པ་དང་། །གསང་སྔགས་རིག་སྔགས་རྣམས་ཀྱི་མཐུ་སྟོབས་དང་། །བདེན་པར་སྨྲ་བ་རྣམས་ཀྱི་བདེན་ཚིག་གིས། །བསོད་ནམས་རི་བོ་བཞིན་དུ་བརྟན་པ་དང་། །བརྒྱུད་འཛིན་ཉི་ཟླ་བཞིན་དུ་གསལ་བ་དང་། །སྙན་པས་ནམ་མཁའ་བཞིན་དུ་ཁྱབ་པ་སྟེ། །གསུམ་པོ་དེས་ཀྱང་དེང་འདིར་བདེ་ལེགས་ཤོག །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་ཀྱེན་དང་བྲལ་བ་དང་། །འདོད་པ་གྲུབ་ཅིང་ཕུན་སུམ་ཚོགས་པ་སྟེ། །བཞི་པོ་དེས་ཀྱང་དེང་འདིར་བདེ་ལེགས་ཤོག །ལོ་བརྒྱ་ཐུབ་ཆིང་སྟོན་བརྒྱ་མཐོང་བ་དང་། ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །ཐེག་པ་མཆོགས་ལ་ངེས་པར་འབྱུང་བ་སྟེ། །ལྔ་བོ་དེས་ཀྱང་དེང་འདིར་བདེ་ལེགས་ཤོག །སྦྱིན་པ་གཏོང་ཞིང་ཚུལ་ཁྲིམས་བསྲུང་བ་དང་། །བཟོད་པ་སྒོམ་ཞིང་བརྩོན་འའགྲུས་བརྩམ་པ་དང་། །མཉམ་པར་འཇོག་ཅིང་གནས་ལུགས་རྟོགས་པ་སྟེ། །དྲུག་པོ་དེས་ཀྱང་དེང་འདིར་བདེ་ལེགས་ཤོག །ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་ཅོག་གསུམ་གྱིས་དེང་འདིར་སྩོལ། དཔལ་ལྡན་བླ་མས་དེང་འདིར་སྩོལ། །ཡི་དམ་ལྷ་ཡིས་དེང་འདིར་སྩོལ། །ཆོས་སྐྱོང་སྲུང་མས་དེང་འདིར་སྩོལ། །གཞི་བདག་རྣམས་ཀྱིས་དེང་འདིར་སྩོལ། །འབྱུང་པོ་གང་དག་འདིར་ནི་ལྷག་གྱུར་ཏམ། །ས་འམ་འོན་ཏེ་བར་སྣང་འཁོད་ཀྱང་རུང་། །སྐྱེ་རྒུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ལ་སྤྱོད་པར་ཤོག །འདིར་ནི་རྒྱལ་བ་དགྲ་རྒྱལ་བདེན་གང་གིས། །ཤིན་ཏུ་བདེན་པར་གསུངས་ཤིང་རྫུན་མེད་པ། །བདེན་པ་དེས་ཀྱང་དེང་འདིར་བདེ་ལེགས་ཤོག །དེང་ཀུན་འཇིགས་པ་ཆེ་ལས་ཐར་གྱུར་ཅིག །དེང་འདིར་རྣལ་འབྱོར་བ་བདག་ཅག་དཔོན་སློན་ཡོན་མཆོད་འཁོར་དང་བཅས་པ་ཐམས་ཅད་ཉི་མ་དང་ཟླ་བ་གཟའ་སྒྲ་གཅན་གྱི་གནོད་པ་ལས་གྲོལ་བ་བཞིན་དུ་བདུད་དང་སྤོང་བྱ་བར་ཆད་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཏེ་ཤིན་ཏུ་བཀྲ་ཤིས་པར་གྱུར་ཅིག །ཛ་ཡ་ཛ་ཡ་སུ་ཛ་ཡ། །དེ་ལྟར་འགྲུབ་པར་བྱེད་པ་ཡང་། །དཀོན་ཅོག་གསུམ་གྱིས་བདེན་པ་དང་། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་རླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། །ཆོས་ཀྱི་དབྱིངས་རྣམས་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེ་དེ་བཞིན་དུ་འགྲུབ་པར་གྱུར་ཅིག། །ཏདྱ་ཐཱ། །པཉྩནྡྲི་ཡ་ཨ་ཝ་བོ་ཏ་ན་ཡ་སྭཱ་ཧཱ། ། བསྟན་པ་རྒྱས་བྱེད་སྨོན་ལམ།བསྟན་པ་རྒྱས་བྱེད་སྨོན་ལམ་ནི། །ཨོ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ། །དུས་གསུམ་རྒྱལ་བ་སྲས་དང་སློབ་མར་བཅས། །རྩ་གསུམ་ལྷ་དང་རིག་འཛིན་གྲུབ་པའི་ཆོགས། །ཆོས་སྲུང་རྒྱ་མཆོ་དཀར་ཕྱོགས་སྐྱོང་རྣམས་ཀྱིས། །རྣམ་དག་སྨོན་ལམ་འགྲུབ་པར་བྱིན་གྱིས་རློབས། །མཁའ་མཉམ་འགྲོ་བའི་ཕན་བདེའི་རྒྱུ་གཅིག་པུ། །བདེ་ལེགས་ཡོན་ཏན་མཐའ་དག་འབྱུང་བའི་ཞིང་། །རྒྱལ་བའི་བསྟན་པ་རིན་ཆེན་དྲི་མེད་ཉིད། །ཕྱོགས་དུས་ཀུན་ཏུ་དར་ཞིང་རྒྱས་གྱུར་ཅིག །ཇི་སྙེད་སེམས་ཅན་ཁམས་རྣམས་མ་ལུས་པར། །དེ་སྙེད་རྒྱལ་པའི་བསྟན་པས་ཡོངས་ཁྱབ་ཅིང་། །རང་རང་བློ་དང་མོས་ཁམས་ཇི་བཞིན་པས། །ཟབ་རྒྱས་ཆོས་ལ་འགྲོ་ཀུན་སྤྱོད་གྱུར་ཅིག །རིམས་འཁྲུག་དབུལ་ཕོངས་སད་སེར་བཙའ་ཐན་སོགས། །སྔོན་ལས་འཕྲལ་རྐྱེན་ངན་པའི་ཚོགས་ཀུན་ཞི། །དགེ་བཅུར་ལེགས་སྤྱོད་འབྱུང་བའི་ནུས་ཉམས་སོགས། །སྣོད་བཅུད་ཡོན་ཏན་མ་ལུས་འཕེལ་བར་ཤོག །མཐའ་ཡས་སྐྱེས་གྲུའི་སྔུག་བསྔལ་མི་འབྱུང་ཞིང་། །ཞི་བྱེད་དུས་བབས་ཟབ་གསང་སྦས་པའི་གཏེར། །འདོན་བའི་ལས་འཕྲོ་ཉེར་སད་སྐལ་ལྡན་གྱི། །རྟེན་འབྲེལ་འཁྱུགས་མེད་མཆོག་ཏུ་འགྲིག་པར་ཤོག །ཐེག་པའི་མཐར་ཐུག་བླ་མེད་ཡང་དག་དོན། །ལྟ་བའི་ཡང་རྩེ་རྨད་བྱུང་རྫོགས་པ་ཆེ། །བསྟན་པའི་སྙིང་པོ་འོད་གསལ་རྡོ་རྗེའི་ཐེག། །དར་ཞིང་རྒྱས་ལ་ཡུན་རིང་གནས་གྱུར་ཅིག །བསླབ་གསུམ་རྣམ་དག་ཡོན་ཏན་མཛོད་འཛིན་པའི། །བསྟན་འཛིན་སྐྱེས་བུས་ས་ཆེན་ཡོངས་ཁྱབ་ཅིང་། །ཐོས་བསམ་སྒོམ་པའི་ཉི་ཟླ་འབུམ་འཆར་བས། །བསྟན་པའི་སྒྲོན་མེ་ཕྱོགས་ཀུན་གསལ་གྱུར་ཅིག །སྣང་གྲགས་ལྷ་སྔགས་སྣོད་བཅུད་རྒྱ་བའི་ཞིང་། །དེ་ཉིད་རིག་པའི་ཀློང་དུ་རོ་གཅིག་པས། །སྟོང་གསལ་དབྱེར་མེད་ཀུན་བཟང་དགོངས་པའི་ཀློང། །ཀ་དག་དབྱིངས་སུ་འགྲོ་ཀུན་གྲོལ་གྱུར་ཅིག །མཆོག་གསུམ་བདེན་པའི་བྱིན་རླབས་རྨད་བྱུང་དང་། །བདག་གིས་ལྷག་བསམ་རྣམ་པར་དག་པའི་མཐུས། །སྨོན་ལམ་ཐམས་ཅད་གེགས་མེད་འགྲུབ་པ་དང་། །རྒྱལ་བསྟན་ཡུན་རིང་གནས་པའི་བཀྲ་ཤིས་ཤོག ། མཁའ་འགྲོའི་རྒྱལ་མོ་ཡེ་ཤེས་མཚོ་རྒྱལ་ལ་གསོལ་འདེབས་པ་འདེབས་པ་དད་དབྱངས།མཁའ་འགྲོའི་རྒྱལ་མོ་ཡེ་ཤེས་མཚོ་རྒྱལ་ལ་གསོལ་འདེབས་པ་འདེབས་པ་དད་དབྱངས་ཞེས་བཞུགས་བྱ་བ་བཞུགས་སོ། ཨེ་མ་ཧོ། རྒྱལ་བ་ཀུན་ཡུམ་རྡོ་རྗེརྣལ་འབྱོར་མ། སྒྲདབྱངས་རྒྱ་མཚོའི་མངའ་བདག་དབྱངས་ཅན་མ། །ཐུགས་རྗེས་འགྲོ་ཀུན་སྒྲོལ་མཛད་རྗེ་བཙུན་མ། །བོད་ལ་བཀའ་དྲིན་ཆེ་བའི་མཁའ་འགྲོ་མ། ༡།རིག་འཛིན་པདྨའི་ཐུགས་འཛིན་དགྱེས་ཡུམ་མ། །བོད་འབངས་ཡོངས་ཀྱི་སྐྱབས་གཅིག་མ་ཅིག་མ། །གསང་སྔགས་ཟབ་མོའི་ཆོས་ཀྱི་འབྱུང་གནས་མ། །མཁྱེན་ནུས་པ་མཆོག་གི་བདག་ཉིད་མ། ༢།འཆི་མེད་ཚེ་མཆོག་གྲུབ་པའི་རིག་འཛིན་མ། །ས་ལམ་ཡོངས་སུ་རྫོགས་པའི་རྣལ་འབྱོར་མ། །སྙིང་རྗེས་གང་འདུལ་སྐུར་སྟོན་ཐབས་མཁས་མ། །གཞན་ཕན་མཁའ་དང་མཉམ་པའི་བདག་ཉིད་མ། ༣།ཕྲིན་ལས་མུ་མཐར་ཁྱབ་པའི་རང་བཞིན་མ། །བོས་ན་ཐུགས་རྗེ་མྱུར་བའི་རྗེ་བཙུན་མ། །སྒྲུབ་ན་བྱིན་རླབས་ཆེ་བའི་མཁའ་འགྲོ་མ། །ཐུགས་རྗེས་མ་ལྟར་གཟིགས་པའི་དྲིན་ཆེན་མ། ༤།སྐྱབས་གནས་ཀུན་འདུས་བདག་གི་མགོན་གཅིག་མ། །ཡེ་ཤེས་མཚོ་རྒྱལ་ཁྱེད་ལ་གསོལ་བ་འདེབས། །མཁའ་འཁྲོའི་རྒྱལ་མོ་ཁྱེད་ལ་གསོལ་བ་འདེབས། །སྤྲུལ་བའི་དབང་མོ་ཁྱེད་ལ་གསོལ་བ་འདེབས། ༥།མཐིང་འོད་འབར་མ་ཁྱེད་ལ་གསོལ་བ་འདེབས། །གུ་རུའི་གཟུངས་གཅིག་ཁྱེད་ལ་གསོལ་བ་འདེབས། །བརྒྱུད་འཛིན་ཡུམ་གཅིག་ཁྱེད་ལ༴ །ཟབ་གཏེར་མཛོད་འཛིན་ཁྱེད་ལ༴ ༦།བྱིན་རླབས་མྱུར་འཇུག་ཁྱེད་ལ༴ །དགོས་འདོད་དཔལ་མོ་ཁྱེད་ལ༴ །འགྲོ་བའི་རེ་སྐོང་ཁྱེད་ལ༴ །ཡིད་བཞིན་ནོར་བུ་ཁྱེད་ལ༴ ༧།ཐུགས་རྗེ་བསླུ་མེད་ཁྱེད་ལ༴ །གཏན་གྱི་སྐྱབས་གྱུར་ཁྱེད་ལ༴ །འཕྲལ་གྱི་གདུང་སེལ་ཁྱེད་ལ༴ །འགྲོ་བའི་འདྲེན་མཆོག་ཁྱེད་ལ༴ ༨ཁྱོད་ནི་བླ་མ་ཁྱོད་ནི་ཡི་དམ་ལྷ། ཁྱོད་ནི་མཁའ་འགྲོ་ཁྱོད་ནི་ཆོས་སྐྱོང་སྟེ། སྐལ་ངན་བདག་གི་སྐབས་གཅིག་རྗེ་བཙུན་མ། །ཁྱོད་ལ་སྙིང་ནས་གུས་པས་གསོལ་བ་འདེབས། ༩།གདུང་བས་བུ་ཆུང་མ་ལ་འབོད་པ་བཞིན། །སྙིགས་མའི་རྒུད་པ་སྣ་ཚོགས་ཀྱིས་མནར་བའི། །གུ་རུ་ཡབ་ཡུམ་རྗེས་སུ་འཇུག་བ་བདག །རེ་ས་སྐྱབས་གནས་ཁྱོད་ལས་གཞན་མེད་དོ། ༡༠།ཁྱོད་ནི་སྙིང་རྗེ་ཆེན་པོའི་མཐར་སོན་ཏེ། །རྨད་བྱུང་ཚོགས་གཉིས་ཡོངས་སུ་རྫོགས་བྱས་ཤིང་། །གཞན་དོན་ཁུར་ཁྱེར་མཁྱེན་བརྩེ་ནུས་བའི་སྟོབས། །སྲས་བཅས་རྒྱལ་བ་ཀུན་དང་མཉམ་བཞིན་དུ། ༡༡།བདག་ཅག་བོད་འབངས་ཤིན་ཏུ་སྐལ་དམན་རྣམས། །དུས་ཀྱི་རྒུད་པས་ལྷག་པར་གཅོས་པ་ལ། །ཐུགས་རྗེ་ཆེན་པོས་དབུགས་འབྱིན་མི་མཛད་ན། །རྡོ་རྗེའི་དམ་བཅའ་བདེན་ཚིག་བསྙེལ་ལམ་ཅི། ༡༢།དེང་ནས་བྱང་ཆུབ་སྙིང་པོར་མཆིས་ཀྱི་བར། །ལུས་སྲོག་ལོངས་སྤྱོད་ཁྱོད་ལ་ཚོགས་སུ་འབུལ། །བློ་སྙིང་བྲང་གསུམ་ཨ་མ་ཁྱེད་ལ་གཏད། །སྙིང་ནས་གདུང་བའི་ཡུས་སོ་རྗེ་བཙུན་མ། ༡༣།དད་པ་ཅན་ལ་ཐུགས་རྗེས་མི་བསླུ་བའི། །མཁྱེན་བརྩེ་ནུས་མངའ་ཁྱོད་ཀྱི་བདེན་ཚིག་བཞིན། །ཡང་ཡང་བསྐུལ་ཀྱང་འབྲས་མེད་ཡིད་ཆད་བ། །སྐལ་དམན་བདག་ལ་ལྷག་པར་ཐུགས་བརྩེར་མཛོད། ༡༤།བདག་ནི་ལས་ངན་ཉོན་མོངས་རྦ་རླབས་འཁྲུགས། །ནད་གདོན་བར་ཆད་འཚེ་བའི་སྦུབས་སུ་འཐུམ། །སྐྱབས་མཆོག་ཁྱེད་ལ་རྩེ་གཅིག་སེམས་བྱས་ཀྱང་། །ཐུགས་རྗེས་དབུངས་དབྱུང་ཅུང་ཟད་མེད་དམ་སྙམ། ༡༥།དབང་ལྡན་ཐུགས་རྗེའི་བདག་ཉིད་ཁྱེད་རྣམས་ལ། །རྨད་བྱུང་ཐུགས་རྗེ་ཆེན་པོའི་སྟོབས་མངའ་ཡང་། །ཀྱེ་མ་ང་དང་ད་འདྲའི་ལས་ངན་རྣམས། །ཐུགས་རྗེས་ཡལ་བར་འདོར་བ་ཅང་སྲིད་དམ། ༡༦།སྔོན་ཚེ་གངས་ཅན་མུན་པའི་སྨག་རུམ་འདིར། །གུ་རུ་ཡབ་ཡུམ་ཁྱེད་སྐུ་དབོས་སུ་བཞུགས། །སྐལ་བཟང་གདུལ་བྱའི་ཚོགས་ཀྱིས་ཡོངས་སུ་བསྐོར། །གསང་སྔགས་ཟབ་མོའི་ཉམས་རྟོགས་ཉི་ལྟར་གསལ། ༡༧།ད་ནི་དེ་ཀུན་ལོ་རྒྱུས་ཙམ་དུ་སོང་། རྗེ་བཙུན་ཡབ་ཡུམ་རྗེས་སུ་ཆེར་མོས་ཏེ། རྩེ་གཅིག་བྱས་པ་གཟོ་བར་འདོད་ན་ཡང་། །སྙིགས་མའི་རང་མདངས་མི་དང་མི་མིན་ཚོགས། ༡༨།བཀའ་དྲིན་ཁྱད་དུ་གསོད་པས་ས་འདི་ཡང་། །ནག་ཕྱོགས་སྟོབས་ཆེ་ནད་མཚོན་དབུལ་ཕོངས་མང་། །བོད་འབངས་སེམས་ཅན་ཀྱེ་མ་སྙིང་རེ་རྗེ། །ཁྱེད་རྗེས་འཇུག་པ་རྣམས་ཀྱི་ཚུལ་འདི་གཟིགས། ༡༩།རྗེ་བཙུན་ཡབ་ཡུམ་པདྨ་འོད་ན་བཞུགས། །ཡུལ་གྱི་བསྐལ་བས་ལས་ངན་འདི་ན་འཁོད། །གདུང་ཤུགས་དྲག་པོས་གསོལ་བ་བཏབ་ན་ཡང་། །ཡེ་ཤེས་གཟིགས་པས་བསླུ་བ་མེད་མོད་ཀྱི། ༢༠།ལས་ངན་རང་གི་ཉེས་པས་རང་སྒྲིབས་ནས། །སྒོམ་པ་སྨིག་རྒྱུའི་རྗེས་སུ་བསྙགས་པ་བཞིན། །ཡིད་ལ་དབུགས་དབྱུང་ཅུང་ཟད་མ་ཐོབ་ན། །ཐུགས་རྗེས་གཟིགས་པ་འཇུག་ཅེས་ཇི་ལྟར་འཚལ། ༢༡།འདི་ན་གདུང་བའི་ཚིག་ནི་གང་ཤར་དུ། །བྱིས་པའི་ངུ་རླབས་བཞིན་དུ་སྨྲས་པ་ལ། །རྗེ་བཙུན་ཡབ་ཡུམ་ཐུགས་རྗེས་ཆེར་དགོངས་ཏེ། །ད་ལྟ་ཉིད་དུ་རེ་བ་བསྐང་དུ་གསོལ། ༢༢།རྗེ་བཙུན་ཡབ་ཡུམ་ཁྱེད་ལ་མོས་པ་ལ། །སྐལ་བ་དམན་པའི་གང་ཟག་མ་མཆིས་ཤིང་། །བྱིན་གྱིས་བརླབས་ཤིང་རྗེས་སུ་གཟུང་ཞེས་པའི། །ཞལ་བཞེས་གང་ལགས་དུས་འདིར་མངོན་པར་མཛོད། ༢༣།བསྐྱེད་རྫོགས་བསྙེན་སྒྲུབ་ཕྲིན་ལས་རིམ་པ་ཡི། །གུ་རུའི་གསུང་བཞིན་རྗེས་སུ་སྒྲུབ་པ་དང་། །རྩེ་གཅིག་བཀའ་དྲིན་དྲན་པའི་བོད་འབངས་རྣམས། །ཚེ་རིང་ནད་མེད་ཅི་བསམ་ཡིད་བཞིན་དུ། ༢༤།འགྲུབ་པའི་བདེན་ཚིག་བསླུ་བ་མེད་མོད་ཀྱི། །དེང་སང་གུ་རུ་ཡབ་ཡུམ་བཀའ་དྲིན་ལ། །གུས་པ་ཉེར་འཇོག་བོད་འབངས་ཕལ་ཆེ་བ། །ལྷག་པར་སྐལ་བ་ཆུང་སྙམ་གདུང་ཤུགས་འཕེལ། ༢༥།འདི་ན་སྙིགས་མའི་ཉེས་པ་ཆེར་བདོ་བས། །གངས་ཅན་མགོན་པོ་ཡབ་ཡུམ་མི་དྲན་པར། །བྱས་པ་ལོག་པར་གཟོ་བའི་སྐྱེ་བོ་མང་། །བསྟན་ཞབས་ཀླ་ཀློས་སྡུད་དུ་ཉེ་བ་ན། ༢༦།དུས་ཀྱིས་མནར་བའི་སྐྱེ་བོ་བདག་འདྲ་བ། །ཉུང་ཤས་ཙམ་ཞིག་ཁྱེད་ལ་དད་མོད་ཀྱང་། །རང་གཞན་སྡུག་བསྔལ་ཉེན་མོངས་རླབས་ཀྱིས་དཀྲུགས། །ཅི་བྱ་མེད་པར་རྒུད་པའི་སྐལ་བ་མྱོང་། ༢༧།དེ་ཚེ་དཔལ་རི་པདྨ་འོད་གླིང་ན། །སངས་རྒྱས་ཀུན་འདུས་མཚུངས་མེད་སྤྲུལ་པའི་སྐུ། །བདག་ཅག་བོད་འབངས་བསམ་ཡོད་ཀུན་གྱི་སྐྱབས། །རྗེ་བཙུན་ཡབ་ཡུམ་བཞུགས་སྙམ་རྗེས་དྲན་ནས། ༢༨།མལ་གྱི་ནང་དུ་ཚུགས་པའི་ཐབས་མེད་ཅིང་། །དབུགས་ཀྱང་ཁར་འཚོང་མཆི་མའི་ཆར་རྒྱུན་འབབ། །ཉིན་མཚོན་འཁོར་ཡུག་ཁྱེད་ལ་གསོལ་བཏབ་ཀྱང་། །ཐུགས་རྗེས་དབུགས་དབྱུང་ཅུང་ཟད་མི་སྩོལ་ན། ༢༩། གྲངས་མེད་བསྐལ་པའི་སྔོན་ནས་གཞན་དོན་དུ། །རླབས་ཆེན་ཚོགས་གཉིས་རྫོགས་པའི་ཡེ་ཤེས་སྐུ། །མཐུ་སྟོབས་ནུས་པ་ཚུངས་མེད་བརྙེས་བཞིན་དུ། །ང་དང་ང་འདྲ་སྡུག་བསྔལ་གདུང་ཤུགས་ཅན། ༣༠།སྙིང་རྗེའི་ཡུལ་དུ་གྱུར་པ་མིན་ནམ་ཅི། །ཁྱེད་ལ་མ་མཁྱེན་པ་ནི་ཡོངས་མི་སྲིད། །གསོལ་བ་བཏབ་ཚེ་གདུལ་བྱའི་ཡུལ་རྐྱེན་གྱིས། །ཕྲིན་ལས་མི་འཇུག་པ་ནི་མི་སྲིད་ན། ༣༡།ཅི་ལགས་བདག་གི་རེ་བ་འབྲས་མེད་སོང་། །ཡང་ནས་ཡང་དུ་གསོལ་ཀྱང་ཐུགས་རྗེའི་ཤུགས། །མེད་ན་སྐལ་དམན་བདག་ཅག་སུ་ལ་རེ། །སྐྱབས་བྲལ་ཡིད་ཆད་རྣམས་ཀྱི་མགོན་སུ་ཞིག ༣༢། འོན་ཏེ་བྱུར་ངན་རང་ཉིད་ལན་མོད་ཀྱི། །ང་དང་ང་འདྲ་ལས་ངན་གཞན་མཆིས་ན། །དེ་ཀུན་ཁྱེད་ལ་སྐྱབས་སུ་སོང་བའི་ཚེ། །འདི་བཞིན་ཡི་ཆད་གྱུར་ན་ཀྱེ་མ་སྙམ། ༣༣།གུ་རུ་ཁྱེད་རྗེས་འཇུག་དང་ཁྱེད་གསུང་ལ། །མོས་རྣམས་སྐལ་པ་གཞན་ལས་བཟང་གྱུར་ན། །དམན་པ་བདག་གཅིག་རྒུད་ཀྱང་བཟོད་ལགས་ཏེ། །ཐུགས་རྗེའི་མངོན་རྟགས་མཐོང་ན་སུ་མི་སྤྲོ། ༣༤།རྒྱལ་བ་ཀུན་གྱི་ཐུགས་རྗེ་གཅིག་བསྡུས་པ། །ཁྱེད་ཉིིད་རྒྱལ་བ་ཀུན་ལས་བྱིན་མྱུར་ཞིང་། །མགོན་པོ་ཁྱེད་ཀྱིས་ལྷག་པར་སྙིངས་དུས་སུ། །བོད་འབངས་དད་པ་ཅན་རྣམས་སྐྱོབ་ཅེས་གསུངས། ༣༥།རྡོ་རྗེའི་བདེན་ཚིག་འདི་ཡི་འབྲས་བུ་ནི། །རྗེས་འཇུག་གསོལ་བ་འདེབས་ལ་འབྱུང་རིག་པས། །དེང་ནས་ཁྱོད་ཀྱི་རྗེས་འཇུག་རྗེས་འབྲངས་རྣམས། །གཞན་ལས་མངོན་མཐོའི་སྐལ་བར་སྦྱོར་མཛོད་ཅིག ༣༦།སྲིད་པ་ལས་ཀྱི་གྲོང་ཁྱེར་འཕྲུལ་མོ་ཆེ། །རང་སྣང་རྨི་ལམ་བཞིན་དུ་མྱོང་བ་ལ། །རེ་ཞིག་ཐུགས་རྗེའི་ཤུགས་ཆེན་མ་མངོན་ཀྱང་། །ནམ་ཞིག་བསླུ་མེད་བྱིན་རླབས་ཅིས་མི་མངོན། ༣༧།དེས་ན་བདག་ནི་སྐྱིད་དམ་སྡུག་ཀྱང་རུང་། །མཐོའམ་དམའམ་སྲིད་རྩེ་མནར་མེད་བར། །ཚེ་རབ་འཁོར་བ་གང་དང་གང་སྐྱེས་ཀྱང་། །རྗེ་བཙུན་ཡབ་ཡུམ་ཐུགས་རྗེས་རྗེས་འཛིན་ཤོག ༣༨།སྐྱེ་དང་སྐྱེ་བ་ཀུན་ཏུ་པད་འབྱུང་དང་། །མཚོ་རྒྱལ་ཡབ་ཡུམ་སྙིང་གི་ལྷར་བརྟེན་ནས། །རྣམ་རྟོག་སྣ་ཚོགས་ཐེ་ཚོམ་ལོག་པའི་སེམས། །སྐད་ཅིག་ཙམ་ཡང་སྐྱེ་བར་མ་གྱུར་ཅིག ༣༩།མཆོག་ཏུ་རང་རྒྱུད་རྣམ་པར་དག་པ་དང་། །བླ་མ་ཡབ་ཡུམ་བཀའ་བཞིན་རྗེས་སུ་སྒྲུབ། །དད་དང་དག་སྣང་ནམ་མཁའ་མཉམ་པར་འཕེལ། །བླ་མའི་ཡོན་ཏན་རྒྱ་མཚོ་མཐོང་བར་ཤོག ༤༠།བླ་མའི་བཀའ་དང་ཆོས་ཕྱིར་དཀའ་སྤྱད་ལ། །མནར་མེད་མེ་དཔུང་དྲག་པོར་འཇུག་པ་ལའང་། །པདྨའི་མཚོ་རུ་ངང་པ་རྒྱ་བ་བཞིན། །ཞུམ་མེད་དགའ་བའི་སྙིང་སྟོབས་རྙེད་པར་ཤོག ༤༡།རང་དོན་ཆགས་པའི་དྲི་མ་དྲུང་ཕྱུངས་ཏེ། །ཆོས་དང་གཞན་ཕན་ཕྱིར་ནི་རང་གི་སྲོག །ཕྲ་རབ་ཞིང་གི་རྡུལ་སྙེད་གཏོང་བ་ལ། །དཀའ་བའི་འདུ་ཤེས་ཅུང་ཟད་མེད་པར་ཤོག ༤༢།སྣང་སྲིད་རྣམ་པར་དག་པའི་སྤྱོད་ཡུལ་ལ། །ཤེས་རབ་ཟབ་མོས་ཅི་བདེར་རོལ་གྱུར་ནས། །སྙིགས་མའི་རྒུད་པ་ཀུན་ཀྱང་གྲོགས་སུ་ཤར། །ས་དང་ལམ་གྱི་ཡོན་ཏན་འཕེལ་བར་ཤོག ༤༣།སྔོན་གྱི་ཚེ་རབ་རྣམས་སུ་བླ་མ་དང་། །གསང་སྔགས་ཟབ་མོའི་སྤྱོད་ལ་མ་གུས་སོགས། །འདི་ཕྱིའི་སྒྲིབ་པར་གྱུར་པ་གང་ལགས་པ། །དེ་རིང་ཉིད་ནས་ལྷག་མེད་བྱང་གྱུར་ཅིག ༤༤།སླན་ཆད་བྱང་ཆུབ་སྙིང་པོའི་མཐའ་ཐུག་བར། །བླ་མའི་བཀའ་དང་རྡོ་རྗེ་ཐེག་པ་ལས། །ཇི་སྐད་གསུངས་པའི་དོན་རྣམས་མ་ལུས་པ། །མཆོག་ཏུ་སྤྲོ་བས་ཉམས་སུ་ལེན་གྱུར་ཅིག ༤༥།དེ་ཚེ་ཕྱི་དང་ནང་གི་རྐྱེན་གྱི་ཚོགས། །གེགས་སུ་གྱུར་པ་གང་དང་ཅི་མཆིས་ཀྱང་། །མེ་ལ་ཤིང་བཞིན་ལམ་གྱི་གྲོགས་སུ་ཤར། །ཅིས་ཀྱང་གཡོ་མེད་དོན་གཉིས་འགྲུབ་གྱུར་ཅིག ༤༦།རང་དང་གཞན་དོན་བསྟན་དང་འགྲོ་བའི་དོན། །ཡིད་ལ་ཇི་ལྟར་ཡོད་ཀུན་ཡིད་བཞིན་འགྲུབ། །ཚེ་དང་བསོད་ནམས་དོན་གཉིས་བཀྲ་ཤིས་དཔལ། །གོང་ནས་གོང་འཕེལ་མཐར་ཕྱིན་ལྷུན་གྲུབ་ཤོག ༤༧།བསམ་པ་རྣམ་པར་དག་པའི་ས་བོན་ལ། །ལེགས་སྨོན་དྲོད་བཅས་རྩ་གསུམ་རྒྱལ་བའི་མཐུའི། །ཆར་བཟང་གིས་བརླན་ཕན་བདེའི་འབྲས་བུ་འབུམ། །གཡུར་དུ་ཟ་བའི་དཔག་བསམ་ལྗོན་ཤིང་ཆེ། ༤༨།སྙིགས་མའི་དུས་འདིར་བསིལ་ལྡན་འཛིན་མའི་གཞིར། །རབ་ཁྱབ་རྟག་ཏུ་གཡོ་མེད་རྩ་བ་བརྟན། །སྐྱེ་དགུའི་གསོས་སུ་རྒྱ་ཆེར་འཕེལ་གྱུར་ནས། །པདྨའི་བསྟན་ལ་མཆོག་ཏུ་ཕན་པར་ཤོག ༤༩།ས་དང་ལམ་གྱི་ཡོན་ཏན་འགག་མེད་འཕེལ། །བསྟན་དང་འགྲོ་བའི་དོན་ཆེན་ལྷུན་གྱིས་གྲུབ། །རང་དང་འབྲེལ་ཐོགས་རྣམས་དང་ལྟོས་བཅས་ཀུན། །པདྨ་འོད་ཀྱི་ཞིང་དུ་སྐྱེ་བར་ཤོག ༥༠།གུ་རུ་ཡབ་ཡུམ་རིགས་གསུམ་སེམས་དཔའ་ཡི། །རྣམ་ཐར་རྒྱ་མཚོའི་རྗེས་སུ་བདག་ཞུགས་ཏེ། །མཁའ་ཁྱབ་འགྲོ་བའི་སྤྱོད་ཡུལ་དང་མཉམ་པའི། །ཀུན་ཏུ་བཟང་པོའི་སྤྱོད་ལ་འཇུག་པར་ཤོག ༥༡།བདག་ཉིད་གང་དུ་གསན་པའི་ས་ཕྱོགས་སུ། །མི་ཤིས་རྒུད་པ་མིང་ཡང་མི་གྲགས་པར། །བདེ་སྐྱིད་བཀྲ་ཤིས་དགེ་མཚན་ལྷ་དང་དཔལ། །ཉིད་མོར་བྱེད་པ་བཞིན་དུ་གསལ་གྱུར་ཅིག ༥༢།ཅེས་པའང་ས་ཁྱི་ཟླ་བ་བཞི་པའི་ཚེས་ཉེར་གཅིག་ལ་ཁམས་འདུས་ཀྱི་སྣང་བ་དང་ལྷན་ཅིག །དད་པའི་གདུང་ཤུགས་ཀྱིས་སྡེབ་སྦྱོར་ལ་ཅི་ཡངས་དཔྱད་པར་གདུང་དབྱངས་སྨྲས་པ་སླར་དགེ་ལེགས་མི་ཟད་པའི་རྒྱུར་གྱུར་ཅིག །། |