མཆོད་པར་བརྗོད་པའི་སྒོ།― GLG001_Page_0007 ―
[མ་དཔེ་གཟིགས་ན་འདིར་གནོན།]
མཆོད་པར་བརྗོད་པའི་སྒོ་དང་པོ། སྒྲིབ་གཉིས་ལྕགས་ཁམས་བསྐྱེད་རྫོགས་རྫོགས་ཆེན་དངུལ་ཆུས་ཉེར་བཟས་དབྱིངས་རིག་གསེར་བསྒྱུར་བདེ་བ་ཆེན་པོ་ཆོས་ཀྱི་སྐུ། །འོག་མིན་ཞིང་ཁམས་ཞིང་གི་གཙོ་བོར་ངེས་པ་ལྔ་ལྡན་སྣང་སྟོང་སྒྱུ་དྲའི་གར་མཁན་ལོངས་སྤྱོད་རྫོགས་པའི་སྐུ། །ཟླ་བ་གཅིག་ལས་སྟོང་ཕྲག་རྫིང་བུར་གཟུགས་བརྙན་ཇི་བཞིན་གྲངས་མེད་ཞིང་དུ་སྣ་ཚོགས་རྣམ་རོལ་སྤྲུལ་པའི་སྐུ། ཁྱབ་བདག་ཀུན་བཟང་རྡོར་སེམས་ཤཱཀྱའི་རྒྱལ་སོགས་དུས་གསུམ་སངས་རྒྱས་སྲས་དང་སློབ་མར་བཅས་རྣམས་ཕྱག་གི་ཡུལ། མཆོད་པར་བརྗོད་པའི་སྒོ་གཉིས་པ། འཕགས་བོད་སྐྱེ་རྒུའི་ལེགས་བྱས་ནམ་མཁར་ཕན་བདེའི་ཉི་མ་གུང་ནས་འཆར་བའི་བཀའ་དྲིན་ཟླ་ ― GLG001_Page_0008 ―
[མ་དཔེ་གཟིགས་ན་འདིར་གནོན།]
བྲལ་བ། །གནས་བརྟན་དགྲ་བཅོམ་རིག་འཛིན་གྲུབ་ཆེན་ཤིང་རྟ་ཆེ་སོགས་ལུང་དང་རྟོགས་པའི་རིན་ཅེན་བང་མཛོད་ཅན། །མཁན་སློབ་པདྨའི་ངང་ཚུལ་ཆོས་རྒྱལ་མེས་དབོན་རིམ་པར་བྱོན་དང་སྔ་ཕྱིའི་སྒྲ་བསྒྱུར་འཇིག་རྟེན་མིག །ཐུབ་བསྟན་རིན་ཅེན་དོ་ཤལ་བཤད་སྒྲུབ་སྲད་བུར་རྒྱུད་མཛད་རྣམས་ནི་དངོས་པོ་ཀུན་གྱིས་བཏུད་བྱའི་གནས། མཆོད་པར་བརྗོད་པའི་སྒོ་གསུམ་པ། རྗེ་འབངས་ཉེར་ལྔ་སོ་ཟུར་གནུབས་ཉང་བཀའ་གཏེར་གདུང་གསོབ་སྔགས་འཆང་རྒྱལ་པོ་ཧེ་རུ་ཀཿ །ཇོ་འབྲོམ་སྐུ་མཆེད་རྣམ་གསུམ་གླང་ཤར་བྱ་འཆད་བརྒྱུད་འཛིན་བཀའ་གདམས་པ་ཞེས་རྒྱལ་བའི་སྲས། །རིགས་གསུམ་གར་མཁན་འཁོན་རིགས་ས་སྐྱའི་བླ་ཆེན་རྗེས་འབྲངས་བཅས་དང་ཤོང་དཔང་བུ་སྟོན་ཞབས། །གངས་ཅན་བསྟན་པ་ཡུན་དུ་སྲོག་འཚོའི་བདུད་རྩིའི་བུམ་བཟང་ཚོགས་ལ་སྙིང་ནས་དང་བས་བསྔགས། མཆོད་པར་བརྗོད་པའི་སྒོ་བཞི་པ། འཁོར་བའི་གཡུལ་ངོ་གཞོམ་པའི་བྱེད་པོར་བཤད་སྒྲུབ་དཔུང་ཚོགས་ཡན་ལག་བཞིའི་མགོན་པོར། །འཇམ་མགོན་མཁྱེན་དཔྱོད་གསེར་འཁོར་ནམ་མཁར་འཕགས་པས་རྨོངས་པའི་དགྲ་ཚོགས་ལས་རྒྱལ་བ། །ཐུབ་བསྟན་གླིང་བཞི་ཡོངས་ལ་དབང་སྒྱུར་བློ་བཟང་གྲགས་འབར་ཀུན་མཁྱེན་བཙོང་ཁ་པ། །གང་གི་བཞེད་གཞུང་འཁྲུལ་མེད་འཛིན་བཅས་དེང་ནས་བྱང་ཆུབ་བར་དུ་གཙུག་ན་མཛེས། མཆོད་པར་བརྗོད་པའི་སྒོ་ལྔ་པ། རང་སྐལ་ཆ་ཕྲའི་རྙོག་མར་སྐྱབས་མཆོག་དེ་ཀུན་གཟུགས་བརྙན་འཆར་མིན་ཡང་། །ཆོས་ཀྱི་རྒྱལ་མཚན་དཀོན་ཅོག་ཆོས་ཚུལ་རབ་འཕེལ་སྨོན་འགྲོ་པཎ་ཆེན་སོགས། །གནས་ལྔའི་གཙུག་ |