རྒྱལ་དབང་ལྔ་པ་ཆེན་པོའི་གསུང་འབུམ།

གླེགས་བམ། ཇ༽

ངག་དབང་བློ་བཟང་རྒྱ་མཚོ།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐམས་ཅད་མཁྱེན་པ་ལྔ་པ་ཆེན་མོའི་གསུང་འབུམ་པོད་ཇ་བའི་དཀར་ཆག

[Full Size]

ཐམས་ཅད་མཁྱེན་པ་ལྔ་པ་ཆེན་མོའི་གསུང་འབུམ་པོད་ཇ་བའི་དཀར་ཆག་བཞུགས་སོ།

[Full Size]

རྒྱལ་དབང་ཐམས་ཅད་མཁྱེན་པ་ཕྱག་ན་པདྨོ་ཀུན་གཟིགས་ལྔ་པ་ཆེན་པོའི་ཕྱིའི་རྣམ་པར་ཐར་པ་གསུངས་༼ཇ༽པ་དུ་ཀླུ་ལའི་གོས་བཟང་༼ག༽བ་དཀར་ཆག་དང་བཅས་པར་ཤོག་གྲངས་༢༤༧བཞུགས།

ཟ་ཧོར་གྱི་བནྡེ་ངག་དབང་བློ་བཟང་རྒྱ་མཚོའི་འདི་སྣང་འཁྲུལ་པའི་རོལ་རྩེད་རྟོགས་བརྗོད་ཀྱི་ཚུལ་དུ་བཀོད་པ་དུ་ཀཱུ་ལའི་གོས་བཟང་ལས་གླེགས་བམ་གསུམ་པ།

[Full Size]

ཟ་ཧོར་གྱི་བནྡེ་ངག་དབང་བློ་བཟང་རྒྱ་མཚོའི་འདི་སྣང་འཁྲུལ་པའི་རོལ་རྩེད་རྟོགས་བརྗོད་ཀྱི་ཚུལ་དུ་བཀོད་པ་དུ་ཀཱུ་ལའི་གོས་བཟང་ལས་གླེགས་བམ་གསུམ་པ་བཞུགས་སོ།

[Full Size]

དགུང་ལོ་དྲུག་ཅུ་པར་འབྲས་སྤུངས་སུ་བཞུགས་པའི་ཕྱག་དཔེ་ནང་མའི་དཀར་ཆག་དང་ན་བཟའ། གླེགས་ཤིང་། གླེགས་ཐག་དང་བཅས་པ་དངོས་གཙང་བ་བསྒྲུབས་ཤིང་། མགོན་པོ་བསོད་ནམས་མཆོག་ལྡན་དང་། ཚར་ཆེན་ཆོས་ཀྱི་རྒྱལ་པོ། ཉང་སྟོན་ཁྲ་ཚང་པ་ཆེན་པོ་བཅས་ཀྱི་རྣམ་ཐར་མཛད་པ་བཅས་ཀྱི་སྐོར།
ཧོར་ཟླ་གཉིས་པའི་ཚེས་གཅིག་ལ་དཔོན་མོ་བསོད་ནམས་ཆོས་འཛོམ། དགའ་ལྡན་རབ་འབྱམས་པ། གནས་རྙིང་སྤྲུལ་སྐུ། ཡང་དག་སྒྲུབ་མཆོད་ཀྱི་དོན་སྐོར་ལ་གསེར་གླིང་བླ་མ་དང་གཉེར་པ་སོགས་ཁ་ཤས་དང་ཕྲད་ཅིང་དཔོན་མོ་བྲོ་འཚལ་བར་མགོན་པོ་ཕྱག་དྲུག་པའི་བཀའ་བསྒོ་བྱས། རི་ཁྲོད་དགའ་ལྡན་ཟུར་པ་བློ་བཟང་རྣམ་རྒྱལ་གོང་དཀར་ཆོས་སྡེར་ཆོས་ཉན་པའི་མཐུན་རྐྱེན་དགོས་ཚུལ་བྱུང་བ་ལྟར་ཇ་མར་འབྲུ་འཛིན་མདོ་པ་ཆོས་རྗེར་བསྐུར། ཚེས་གཉིས་ལ་གོང་དཀར་དཀོན་གཉེར་དཔོན་གྲ་བཅས་ཀྱིས་མཁའ་འགྲོ་མ་འགྲོ་བ་བཟང་མོ་ལུགས་ཀྱི་བརྟན་བཞུགས་ཀྱི་ཚེ་ཆོག་དང་འབྲེལ་བའི་རྟེན་འབྲེལ་བསྒྲིགས་ཤིང་བདོག་པ་སྤེལ། ཞར་ལ་བསྟན་པ་སྤྱི་རིམ་དུ་གདུགས་དཀར་གྱི་མདོས་ཆེན་ཞག་བཅུར་བཙུགས་པའི་རྒྱབ་ཆོས་བྲག་དབར་བ་བརྒྱས་གདུགས་དཀར་འགྲོ་གང་ཆེ། ཐམས་ཅད་མཁྱེན་པ་བུ་སྟོན་རིན་པོ་ཆེས་སྒྲུབ་མཆོད་གནང་དུས་མེ་ཏོག་གི་ཆར་བབས་པའི་བདེ་མཆོག་གི་དཀྱིལ་

[Full Size]

ཐང་སོགས་ཀྱི་ཞུ་རྟེན་བཅས་དགོས་ཚུལ་བཞིན་ཚ་རོང་རྗེ་དྲུང་ནམ་འཚོའི་བར་ཁོང་རང་གི་མཐུན་རྐྱེན་དང་། སླད་མར་གཞིས་རྩེ་གསོ་རིག་སློབ་གྲ་དྲང་སྲོང་འདུས་པའི་གླིང་གི་སྨན་བླའི་མདོ་ཆོག་གི་ཐེབས་སུ་ཚ་རོང་པ་བརྒྱུད་བཅས་ལ་ལྷ་བྲིས་པ་ཆོས་དབྱིངས་ཀྱི་འཛིན་ཤུལ་སེར་ཁྱིམ་དགོན་བཀྲ་ཤིས་ཆོས་སྡིངས་མི་གྲ་ཡོང་འབབ་དང་བཅས་པ་འཇགས་གནས་བགྱིས། འདར་པ་བསོད་ནམས་ལྷུན་གྲུབ་རྡོ་རྗེའི་ཕྱི་རྟེན་དུ་རིན་འབྱུང་གི་བརྒྱ་ཐང་བཞེངས་པའི་རྒྱབ་ཡིག་སྨོན་ལམ་དང་། རྒྱུད་པ་དགེ་སློང་ཟླ་བ་གྲགས་པའི་ངོར་གསོལ་འདེབས་བྲིས། ཚེས་བདུན་ལ་སྟག་རྩེ་སྡེ་པ་ལྷ་རྒྱལ་རབ་བརྟན་བྱོན་པའི་དཀར་དྲོའི་སྤོམ་འབུལ་བཏེག །ཁལ་ཁ་ཨོ་རོད་ཀྱི་མི་སྣ་རྣམས་ལ་ཐོན་གདོང་གི་ཇ་གྲལ་བཏང་། གུང་ཐང་རབ་འབྱམས་པ་བཤེས་གཉེན་རྣམ་རྒྱལ་དོལ་དགའ་ལྡན་གསུང་རབ་གླིང་གི་སློབ་དཔོན་དུ་འགྲོ་བར་ཚད་མ་ར་བ་སྟོད་པའི་ལུགས་ལ་ཊཱིཀྐའི་ས་བཅད་ཐར་ལམ་གསལ་བྱེད་དང་འབྲུ་བསྣོན་གྲ་ཊཱིཀ །

[Full Size]

དབུ་ཕར་གཉིས་ཀྱི་དོགས་སེལ་གང་དགོས་རྣམ་བཤད་དགོངས་པ་རབ་གསལ་དང་སྙིང་པོ་རྒྱན། མཛོད་ཀྱི་དོགས་མ་ཆོད་པ་གཞུང་ལུགས་འབུམ་ཕྲག་བརྒྱ་པ་དངོས་གྲུབ་དཔལ་འབར་གྱི་ཡིག་ཆ། འདུལ་བ་སྐྱེད་ཚལ་བའི་ལུང་རིགས་གཏེར་མཛོད་ནས་བྱས་ན་ལེགས་ཚུལ་རྒྱུ་མཚན་ལབ། སྤེན་པ་སྣར་མའི་འགྲུབ་སྦྱོར་གྱི་སྐར་འཛིན་ཁྱད་ནས་ཅོ་ནེ་ཆོས་རྗེར་ཨོ་རོད་ལ་བསྐུར་རྒྱུའི་ཡི་གེ་རྣམས་སྤྲད་ཅིང་རྒྱུ་མཚན་རགས་རིམ་གླེང་། གསང་སྔགས་ཕོ་བྲང་གི་ཆོས་སྐྱོང་རྣམས་ཀྱི་ཐུག་ཤིང་ཅུང་ཟད་རུལ་བས་གསར་སྤོའི་དོ་དམ་ལ་མཆོད་དཔོན་པ་ཅན་བཏང་བ་དགའ་གདོང་སྔགས་རམས་པ་དོན་གྲུབ་རྒྱ་མཚོས་རྡོ་རྗེ་སློབ་དཔོན་བྱས་ཏེ་གྲངས་བཅད་ཀྱིས་ཚེས་གསུམ་མིག་དམར་དབྱུ་གུའི་འགྲུབ་སྦྱོར་ནས་འགོ་བརྩམས། ཚེས་བརྒྱད་ལ་ཐུག་ཆོག་དང་བཅས་རྒྱས་པར་བཙུགས། སྡེ་པ་བློ་བཟང་མཐུ་སྟོབས་ཀྱིས་འཁྲུངས་རབས་གྲ་ཚར་བཞེང་བའི་ལྷ་བཀོད། སྐུ་སོ་སོའི་མངོན་རྟོགས་ཀྱི་དཔེ། རྟེན་ཆུང་ངུ་རྣམས་ལ་གཞུག་པའི་གཟུངས་སོགས་ལེན་མི་བྱུང་བ་ཞིབ་ཆའི་ཁ་གསལ་དང་བཅས་བསྐུར། གདན་ས་གོང་ནས་ཞབས་དྲུང་རིན་པོ་ཆེའི་བཀའ་ཤོག་ཏུ་བར་པ་ཁག་གི་མི་སྣ་ལྷོར་གཏོང་རྩིས་ཕག་རི་རྫོང་སྡོད་དང་དམག་དཔོན་རྣམས་ཀྱིས་འགྲོ་མ་བཅུག་པ་བཏང་ཆོག་པ་དགོས་ཚུལ་འདུག་པ་སྡེ་པར་མོལ་ཞིང་མཆོད་ཡོན་རྣམས་བཀའ་བགྲོས་པའི་ལྷོ་འབྲུག་ཧམ་པ་ཆེ་དྲགས་གཤིས་ཚད་ལྡན་མི་ཡོང་དགོངས་པའི་མཛད་བཞེད་མི་འདུག་རུང་ལྷོ་བོད་ཚང་མར་བཏུབ་པའི་རྡོ་ཁ་ཅི་འདྲ་གནང་གི་དྲི་སྐོར་མཛད་རྩིས་འདུག་པ་དེ་མཚུངས་ཀྱི་བཀའ་ལན་ཕུལ། ཚེས་བཅུ་ལ་རྫིང་ཕྱི་མཁན་ལས་ཐོག་པ་ཅོ་ནེ་ཆོས་རྗེ། ཀླུ་འབུམ་ཆོས་རྗེ། བློ་

[Full Size]

བཟང་ལེགས་ལྡན་ཆུ་ཤུར་ཐར་པ་གླིང་གི་བླ་མར་འགྲོ་རྒྱུ་སོགས་ལ་གྲུབ་རྒྱལ་ལུགས་ལྷ་གཅིག་བུམ་གཅིག་གི་ཚེ་དབང་། རྟ་མགྲིན་སྐྱེར་སྒང་ལུགས་དང་ཕྱག་དྲུག་པ་གཉིས་ཀྱི་དབང་བཞི་བྱིན་རླབས་ཀྱི་ཚུལ་དུ་བསྐུར་བ། འཇམ་དབྱངས་ཨ་ར་པ་ཙ་ན། ཁྱུང་ཁྲ། སྨེ་བརྩེགས་གསུམ་གྱི་རྗེས་གནང་བྱས། དེ་ཉིན་འཚོ་བྱེད་ངག་དབང་ལྷག་བསམ་ཅན་ལྔ་བསྙེན་རྫོགས་སུ་བསྒྲུབས། སྔར་རྒྱ་གར་རྡོ་རྗེ་གདན་གྱིས་གཙོས་གནས་བསྐོར་བའི་བྱ་ཚང་ཆོས་མཛད་བསྟན་འཛིན་དབང་པོས་འདི་གའི་རིང་འཚོ་ལ་དམིགས་པའི་ཚེ་དཔག་མེད། རྣམ་རྒྱལ་མ། སྒྲོལ་དཀར་གསུམ་གྱི་བསྙེན་པ་དང་དེ་གྲུབ་བསྟུན་ཟབ་ལམ་ནཱ་རོ་མཁའ་སྤྱོད་ཀྱི་ཉམས་ལེན་ལ་ཆིག་དྲིལ་དུ་ཚེ་མཚམས་བྱེད་པའི་དམ་བཅའ་བྱས་སོང་བ་དབང་པོ་རབ་འབྲིང་གི་གྲོལ་ལུགས་མ་བྱུང་ཡང་ཉིང་འཚམས་མཁའ་སྤྱོད་དུ་ཟང་ཐལ་ལེར་འགྲོ་འདོད་པར་སེམས། དབུས་གཙང་དྭགས་ཀོང་རྫོང་དཀར་སྐྱིད་གྲོང་བཅས་པའི་དགོན་རབ་འབྲིང་མཐའ་གསུམ་གར་མང་ཇ་བསྔོ་རྟེན་དེབ་ཤར་མ། དབུས་ཁུལ་ཨང་དང་དགེ་འདུན་བཅུ་རེ། གཉིས་པར་བཅུ་གཉིས་རེར་རྒྱ་ཁམས་ཀྱི་ཁྱད་པར་ཙམ་ལས་དངུལ་སྲང་རེ། གསུམ་པར་མི་རེར་འབྲུ་གཤོར་ཁལ་རེའི་གོང་རྒྱབ་ཀྱི་དཔུས་ཆ། གཙང་ཡར་འབྲོག་ལྷོ་བྲག་ཀོང་ལོང་བཅས་པའི་ཨང་དང་དགེ་འདུན་བཅུ་གཉིས་རེ། གཉིས་པར་བཅུ་བཞི་རེར་དངུལ་དཔུས་གོང་འདྲ། གསུམ་པར་གཏོང་ལུགས་གོང་མཚུངས་ཁྱོན་རྒྱ་དངུལ་སྲང་བཞི་སྟོང་སོ་དྲུག །ཁམས་དངུལ་སྲང་ཉིས་སྟོང་ཉིས་བརྒྱ་བཅུ་དགུ །དཔུས་ཆར་གཤོར་ཁལ་ཉི་ཁྲི་དགུ་སྟོང་བརྒྱ་བརྒྱད་སོང་བ་མྱང་འདས་གསུམ་

[Full Size]

པོ་གང་རུང་དུ་སེམས་བསྐྱེད་ན་དེ་འབྲས་འབྱིན་པར་ངེས་ཀྱང་གནས་སྐབས་འདོད་སྲེད་ཀྱི་རོ་ལ་ཞེན་པས་བསྐོར་ལུགས་མི་གཅིག་པ་མ་གཏོགས་འཁོར་བ་འདི་གའི་བརྟན་བཞུགས་སུ་སོང་ངམ་སྙམ། ཚེས་བཅུ་གསུམ་ལ་ཅོ་ནེ་ཆོས་རྗེ་སྦྱིན་པ་དར་རྒྱས་ཞེས་སོག་པོ་རྣམས་རྡོ་རྗེ་འཆང་དུ་བརྩི་བ་དེའི་སྐུ་སྐྱེ་ཨོ་ཆིར་དྷ་ར་ཁུ་ཐུག་ཐུ། ཨེ་ཆི་ག་ཆོས་རྗེ། ཨོ་ཆིར་ཐའི་ཇི་སོགས་ཀྱིས་དངུལ་གྱི་མཎྜལ། གསེར་མདོང་གཅིག་དང་དངུལ་མདོང་དྲུག །ཐ་ཕག་དྲུག །དངུལ་ཁོག །ཇ་གོས་དར་གྱིས་ཐོག་དྲངས་སྟོང་འབུལ་དུ་གྲགས་པའི་རྙེད་པ་སྟེར་བྱིན་ལ་བསྔོ་སྨོན་གྱི་མཚམས་སྦྱོར་ཤི་གསོན་ཀུན་ལ་ཕན་རེ་བྱས། དེ་དང་ཕྱོགས་མཚུངས་སུ་རྒྱ་ཤོད་བན་སྒར་བླ་མ། སྨྱུང་གནས་རས་ཆེན་གྱི་སྐྱེ་བ། འབྲུག་ཕྱག་མཛོད་ངག་དབང་ཡེ་ཤེས། ལྷ་རི་བླ་མར་ཐོན་པའི་དཀའ་བཅུ་བསམ་གཏན་རྒྱ་མཚོ་རྣམས་དང་ཕྲད་ཅིང་འབྲུག་ཕྱག་མཛོད་ར་ལུང་ནས་ཡོང་ཞོར་བདེ་ཆེན་ཆོས་འཁོར་དུ་ཡོངས་འཛིན་སྤྲུལ་སྐུས་ཕྱག་ཆེན་སོགས་ཀྱི་ཆོས་མང་པོ་གྲ་བཙུན་འགའ་ཆབ་སྒོར་བཞག་པར་སྐྱིད་སྦུག་སྐུ་སྐྱེས་གསུང་ཚབ་བྱས་ནས་བསྒྱུར་གྱིན་འདུག་ཟེར་བ་སངས་རྒྱས་ཀྱི་དུས་ཞལ་ནས་གསུངས་པ། བྱིན་གྱིས་བརླབས་པ། རྗེས་སུ་གནང་བ་གསུམ་ལས་མ་བྱུང་ཡང་གསུང་བརྒྱུད་བསྒྱུར་གྱི་བཀའ་ཞིག་ཀྱང་བྱུང་བས་ཉི་མའི་གཉེན་གྱི་གྲལ་འགོར་ཕེབས་ཆོག་རིགས་སུ་འདུག་ཀྱང་འཁྲིད་པ་རེ་རེ་བཞིན་ནས་རྟོགས་པ་བཞེད་པ་སོགས་འབྲུག་ལུགས་ཀྱི་ཕྱག་ལེན་སྨིན་པོ་དེ་སྐྱིད་སྦུག་པས་བར་བཅད་དེ་མ་བྱུང་བ་འདྲའོ། །ཚེས་བཅུ་དྲུག་གི་ཉིན་གནམ་སའི་དབང་ཕྱུག་བསྟན་འཛིན་ད་ལའི་རྒྱལ་པོ། རྒྱལ་མོ། མི་བཟང་སོགས་

[Full Size]

ཁ་ཤས་ལ་ཇ་གྲལ་དང་ཞལ་ངོ་རྣམས་ལ་རྐྱེན་སེལ་དུ་རྟ་མགྲིན་ཞབས་བརྒྱད་པའི་བྱིན་རླབས་ཕུལ། གསེར་མདོང་ཞོ་ཉིས་སྟོང་ལྔ་བརྒྱ་བཞི་བཅུ་ཡོད་པ་དང་དངུལ་ལྔ་བཅུ་མ་བཞིས་གཙོས་མང་དུ་བསྟར་བ་བླ་མ་ཚོའི་ཆོས་ཚོང་འདི་ལ་ཁེ་གྱོང་སྣ་ཚོགས་ཡོང་འདུག་ཀྱང་ཁེ་བའི་ཚད་ཅིག་བྱུང་། ཁལ་ཁ་རབ་བརྟན་ཧུང་ཐའི་ཇིའི་ཤུལ་མི་དཔོན་མོ་དགེ་ཚུལ་མ་གཉིས་སྲས་བཅས། དེ་གའི་ཆོས་རྗེ་གཉིས་བསམ་ཡས་ནས་ཆོས་རྒྱལ་ཆེན་པོའི་སྐུ་ཁོག་རྣམས་དང་ཕྲད་ཅིང་ཆོས་སྐྱོང་གི་ཆེ་བར་བསམས་བྱུར་ཀོང་གི་སྟེར་བྱ་སོགས་བདག་རྐྱེན་གང་ལེགས་བྱས། གྲ་ཚང་གི་གྲ་པ་མང་ཙམ་གྱིས་དཀྱིལ་འཁོར་བྲིས་ཐིག་སྦྱོང་བའི་དབུ་བཙུགས། གསུང་སྙན་རྫོགས་ཆེན་སྤྲུལ་སྐུའི་སྐུ་སྐྱེ་མྱུར་འབྱོན་གྱི་བདེན་ཚིག་དབོན་པོའི་འདོད་པ་བཞིན་བཀོད། དགའ་ལྡན་ཕུན་གླིང་གི་གྲ་པ་བློ་བཟང་ཡོན་ཏན་གྱིས་གསར་རྩོམ་གྱི་མཛོད་དང་བྲག་གདོང་ཆོས་མཛད་བློ་བཟང་ཚེ་དབང་གིས་གྲ་ཚང་གི་ཞལ་འདོན་ཤོག་གྲངས་ལྔ་བརྒྱ་སྐོར་གྱི་རྒྱུགས་སྤྲད། ལྷོ་མོས་གཞིས་ཀར། ཁྱབ་བདག་ཞ་ལུ་པ་ཆེན་པོས་ཐུབ་བསྟན་ཡོངས་སུ་རྫོགས་པའི་ཉམས་ལེན་གསུང་ངག་སློབ་བཤད་ཀྱི་སྨིན་གྲོལ་རྒྱབ་བརྟེན་དང་བཅས་པའི་ཆོས་འཁོར་བསྐོར་བར་ཉེ་བས་ཉེར་གཉིས་ཀྱི་ཉིན་གནས་གསར་དབོན་རིན་པོ་ཆེ་ནམ་མཁའ་བསོད་ནམས་དབང་གི་རྒྱལ་པོ། འདར་པ་རྗེ་དྲུང་བློ་གསལ་བསྟན་འཛིན། གོང་དཀར་གནས་གསར་འཇམ་དབྱངས་བསྟན་འཛིན་གསུམ་ལ་ཕོགས་སོགས་མཐུན་རྐྱེན། ཉམས་ལེན་ལ་ཆིག་དྲིལ་དགོས་པའི་བསླབ་བྱ། དགྱེས་མཛད་རྡོ་རྗེ་དང་ཆོས་སྐྱོང་གཉིས་ཀྱི་སྒོ་ནས་བྱིན་རླབས་བཀའ་བསྒོའི་

[Full Size]

ཚུལ་དུ་བསྟར། གསས་ཁང་དགོན་པ་བས་ཡུམ་རྒྱས་པ་རེ་གསུམ་དང་སྒྲོལ་མ་ཤེར་སྙིང་སོ་སོར་བདུན་སྟོང་ལྔ་བརྒྱ་རེ། འདི་གའི་ཚོགས་གསོག་ལ་མངའ་རིས་རྫོང་དཀར་དུ་དགའ་ལྡན་འཕེལ་གླིང་བ། ངམ་རིང་དུ་བསམ་གྲུབ་དགའ་ལྡན་པ་དང་ཡ་ག་ཆོས་སྡིངས་པ་བསྒྲིལ་བ། ཤེལ་དཀར་དུ་ཆོས་སྡེ་བ། ལྷ་རྩེར་དགའ་ལྡན་འོག་མིན་གླིང་པ། རྣམ་གླིང་དུ་དགའ་ལྡན་ཆོས་འཁོར་བ། གཞིས་རྩེར་གངས་ཅན་ཆོས་འཕེལ་བ་དང་མྱུག་ཆོས་གླིང་པ་རྣམས་སོ་སོར་དགེ་འདུན་བརྒྱ་རེས་བཀའ་འགྱུར་ཚར་བརྒྱ་དང་ལྔ། དགའ་ལྡན་ཕུན་གླིང་དུ་དགེ་འདུན་བརྒྱས་དཀོན་བརྩེགས་དང་ཕལ་ཆེན་གྱིས་ཐོག་དྲངས་མདོ་མང་ཚར་དྲུག་ཅུ། གཞིས་རྩེར་ངོར་པ་ལྔ་བཅུས་ཞག་བཅོ་ལྔའི་བར་ཚེ་དཔག་མེད་འཆི་བདག་འཇོམས་པའི་སྒྲུབ་མཆོད་དང་འབྲེལ་བའི་འཆི་བླུ། རིན་སྤུངས་སུ་བྱམས་ཆེན་པ་བརྒྱས་ཡུམ་རྒྱས་པ་དང་བསྐལ་བཟང་བརྒྱ་རྩ་རེ། གོང་དཀར་དུ་ཐོད་རི་བ་བརྒྱས་མཚན་བརྗོད་འབུམ། ཆོས་སྡེ་བ་ལྔ་བཅུས་ཟླ་གཅིག་བར་རྣམ་རྒྱལ་སྟོང་མཆོད། ཨེ་ཝཾ་ལྕོག་སྒར་བ་བཅུས་ཞག་བཅོ་ལྔའི་བར་རྒྱལ་བཙན་གྱི་མདོས། འཕྱོང་རྒྱས་སུ་རི་བོ་བདེ་ཆེན་པ་བརྒྱས་རྒྱུད་འབུམ་ཚར་དྲུག་ཅུ་དང་ཉི་ཁྲི་བརྒྱ་རྩ། དཔལ་རི་བས་ཁྲོ་རོལ་དང་ཉིན་ལྔའི་བར་རྒྱལ་བཙན་གྱི་མདོས། ཕོ་བྲང་དུ་རི་བོ་ཆོས་གླིང་པ་དང་དར་རྒྱས་གླིང་པ་བསྒྲིལ་བ་བརྒྱས་གདུགས་དཀར་འབུམ། བཀྲ་ཤིས་ཆོས་སྡེ་བ་ལྔ་བཅུས་ཟླ་གཅིག་བར་སྒྲོལ་དཀར་གྱི་བཟླས་བརྗོད། གཡུལ་རྒྱལ་ལྷུན་རྩེར་སྡེ་དྲུག་ནས་རགས་བསྡུས་བརྒྱས་ཟླ་གཅིག་བར་ཚེ་གཟུངས། དྭགས་པོ་སྐུ་རབ་རྣམ་རྒྱལ་དུ་དགའ་ལྡན་རབ་

[Full Size]

བརྟན་པ་བརྒྱས་རིལ་སྒྲུབ་དང་འབྲེལ་བའི་མ་ཎི་དུང་། ཆོས་འཁོར་རྒྱལ་དུ་ཇ་ཚུལ་བཅོ་ལྔའི་ཐོག་སྒྲོལ་མ་འགྲོ་གང་ཆེ། དགའ་ཚལ་དུ་དམག་ཟོར་མའི་བསྐང་བ་ཁྲི། གུར་ཞལ། བེག་ཙེ། པུ་ཏྲ་གསུམ་ལ་སྟོང་། དེ་ཕྱིན་ཆོས་སྐྱོང་སོ་སོར་བརྒྱ་རེ། མཐིལ་དུ་ཕྱག་དྲུག་པ། ལས་གཤིན། རྣམ་སྲས་གསུམ་ལ་སྟོང་། སེར་འབྲས་སུ་ཇ་ཚུལ་བཅུ་རེར་དམིགས་བརྩེ་མ་འགྲོ་གང་ཆེ། ལྷ་སར་གསས་ཁང་པ་བརྒྱས་བརྒྱད་སྟོང་པ་ཆིག་སྟོང་། གྲ་ཏོག་གསེར་གསུམ་དང་གཟུངས་བསྡུས་སོ་སོར་བརྒྱ་རེ། དབུས་གཙང་གི་མཆོད་རྟེན་བརྒྱར་ཞིག་གསོས། སྐུ་དཀར། ཅོད་པན། གཟུངས། རབ་གནས། ལས་བྱེད་འུ་ལག་ལ་གླ་ལྟོ། ཡང་རྗོང་དུ་རྡོ་རྗེ་བྲག་པ། མཆིམས་ཕུར་དཔལ་རི་བ། ཤེལ་བྲག་ཏུ་ཨྱོན་སྨིན་གྲོལ་གླིང་པ། ཆུ་བོ་རིར་ཚེ་ཆུ་སྒྲུབ་སྡེ་གསར་མ་བ། མཁར་ཆུར་གནས་གཞི་བ། ཟབ་ཕུར་སྒྲོལ་མ་བ། བཀྲ་བཟང་དུ་རང་གྲ་རྣམས་སོ་སོ་ནས་ཞག་ལྔའི་བར་ཚོགས་བརྒྱ། ཞང་སྟོན་པས་ས་བདག་འཁྲུགས་བཅོས་དང་ཀླུ་བཅོས། ཕ་བོང་ཁའི་དགེ་སློང་བཅུས་ཀླུ་གཏོར། ལྷ་སར་བདེ་ཡངས་པ་ལྔ་བཅུས་ཞག་བཅོ་ལྔའི་བར་སྤྱན་འདྲེན་ཁྲུས་གསོལ། བཟང་སྤྱོད། ལྟུང་བཤགས། སྨན་བླ་རྣམས་གང་འགྲོ། སེམས་ཅན་གསོད་སར་ཁྲིད་པ་སུམ་བརྒྱའི་སྲོག་བླུ། བཙོན་དོང་ཐར་ལྔ་རྣམས་དང་། སྡེ་པའི་སྐུ་རིམ་ལ་མཁར་རྩེར་ཐང་སག་པ་བརྒྱས་བཀའ་འགྱུར་བཅུ།འབུམ་ཉི་ཤུ། བསྐལ་བཟང་བརྒྱ། ལྷ་སར་ཡེར་པ་བ་བརྒྱས་གདུགས་དཀར་ཁྲི། ཤེར་སྙིང་འབུམ། ཚེ་

[Full Size]

གཟུངས་གང་འགྲོ། ལྷ་རྩེར་ཐུབ་བསྟན་དགེ་འཕེལ་བ་དང་བསམ་གྲུབ་དགོན་གསར་བ་བསྒྲིལ་བ་བརྒྱས་མཚན་བརྗོད་འབུམ། འཕྱོང་རྒྱས་སུ་སྐྱེས་ལྷ་ཡུལ་ལྷ་དགྲ་ལྷ་ལ་སོགས་ལ་གསོལ་མཆོད། རྒྱལ་དུ་དམག་ཟོར་མའི་བསྐང་བ་ཁྲི། ལྷ་སར་སྒྲོལ་དཀར་བརྒྱ་ཐང་། ཞང་སྟོན་པས་དགྲ་ལྷའི་སྤང་མཁར། དགྲ་སྲི་མནན་པ། དགྲ་སྒྲུབ། ཐེའུ་བྲང་ཡུལ་འདྲེ་བཟློག་པ་སོགས་གང་སྨིན་ཀྱི་ཁྱབ་ཆ་བགྱིས། བྲག་སྣ་ཆོས་རྗེ་བློ་བཟང་ངག་དབང་གིས་གཙོས་གྲངས་བཅད་ཀྱིས་ཞག་བཅུ་བདུན་བར་གཤིན་རྗེ་དམར་པོའི་མནན་ཟོར་ཉམས་སུ་བསྟར། མཚལ་གྱི་དཔོན་ས་ཧོར་མོ་འདས་པའི་བསྔོ་རྟེན་འབྱོར་དོན་ལྟར་བྱང་ཆུབ་ཀྱི་རྒྱུར་རྒྱས་བཏབ། ནག་ཟླའི་མགོན་པོ་ཆེ་ཆུང་གི་མཆོད་གཏོར་རྒྱས་པའི་འཇུག་ཏུ་བསྐང་བ་ཞག་སྦྲེལ་དུ་བཙུགས། ཚེས་བཅུ་གསུམ་གྱི་གུང་གི་བཞུགས་གྲལ་ཐོག་ཅུང་ཝང་གི་མི་སྣ་ཐོན་གདོང་གི་རྫོང་བདའ་བགྱིད་སྐབས་མི་སྣ་རྒན་པས་སྔོན་རྒྱ་ནག་རྒྱལ་པོ་ཡོང་འུས་ཐང་ཀ་ཞིག་བྲིས། དེ་ལ་རྒྱས་བཏབ་ནས་འདིའི་རྒྱ་སུས་བཤིག་པའི་དུས་རྒྱལ་ས་འཆོར་བས་མ་བཤིག་ཅེས་པའི་ཁ་ཆེམས་བཞག་པར་བརྟེན་མི་རབས་བདུན་ཙམ་གྱི་བར་བཤིག་མཁན་མ་བྱུང་ཡང་ཁྲུང་ཅི་རྒྱལ་པོས་བཤིག་པས་ཐང་ཀར་མན་ཇུའི་མི་ལ་རྒྱ་ནག་གི་ཟན་འདྲེན་ཅིང་འདུད་པའི་ཚུལ་འདུག་པ་དེ་འདྲའི་རྟེན་འབྲེལ་གྱིས་རྒྱས་སའང་ཤོར་ཚུལ་སོགས་གཏམ་ངོ་མཚར་ཅན་འགའ་གླེང་བར་སྣང་། མི་སྣ་རྒན་པར་རྣམ་རྒྱལ་མའི་སྐུ་ཐང་དང་གཞོན་པར་ངེད་རང་གི་འདྲ་འབག་བྱིན། བྱམས་པས་དམ་བཅས་པ་དང་བྱམས་སྨན་གྱི་ལུང་བཀླགས། དེ་དང་ཕྱོགས་མཐུན་དུ་མི་སྣར་རབ་འབྱམས་

[Full Size]

པ་རྒྱ་མཚོ་རྣམ་རྒྱལ་དང་འཇམ་དབྱངས་འོད་ཟེར་གཉིས་བཏང་བའི་གཞོན་པ་ཅན་གཉིས་བསྙེན་རྫོགས་དང་དགེ་ཚུལ་གཉིས་བསྒྲུབས། དེ་ཉིན་སེམས་དཔའ་སྤྲུལ་སྐུ། རྒྱལ་ལེགས་བཤད་གླིང་ཟུར་པ། སྟག་ལུང་ལྷུན་གྲུབ་རྫོང་པ། ལྷ་རྩེ། སྙེ་ནང་འཕེལ་རྒྱས་གླིང་གཉིས་ཀྱི་སློབ་དཔོན། འཇམ་མགོན་སྐུ་སྐྱེ། གོན་ཇོ་དབུ་མཛད། གཡོན་རུ་དགའ་ལྡན་ཧུང་ཐའི་ཇིའི་མི་སྣ་གཏིང་སྐྱེས་ཚོགས་གསོག་པ་ཕུན་ཚོགས་རྒྱ་མཚོ། དོན་གྲུབ་རྒྱལ་མཚན། དར་ཁན་དབོན་པོ་རྣམས་དང་ཕྲད་ཅིང་གོན་ཇོ་དབུ་མཛད་ཀྱིས་རྟ་དགུ་དང་དྲེའུ་བཅུ་གསུམ་གྱི་ཕྱག་རྟེན་བསྟར། ཚེས་བཅུ་བཞི་ལ་དགའ་ལྡན་ཧུང་ཐའི་ཇིས་ཚོགས་ཆས་སོགས་ཡོན་རྒྱ་ཆེར་སྦྱར་བའི་རིང་འཚོའི་རྟེན་འབྱུང་དུ་གྲ་ཚང་ནས་ཚེ་ཆོག་མཛད། སྟེར་བྱའི་ཁྲོད་དུ་བི་ཆི་ཡི་ཆི་དགེ་སློང་རྒྱ་ནག་ཏུ་ཚོང་ལ་བཏང་སྐབས་དངུལ་སྲང་སྟོང་ཕྲག་གསུམ་ཙམ་སྤྲད་ནས་གསང་ཐབས་སུ་ཉོས་པའི་འཕྲུལ་སྒམ་དུ་གྲགས་པ་ཙནྡན། བྱང་ཆུབ་ཤིང་། གསེར་དངུལ། གཡུ་རྩི་སོགས་ལས་གྲུབ་པའི་ཁང་བཟང་ནང་ཆུ་བྲག་ལྗོན་ཤིང་ལོ་འབྲས་དུད་པས་མཛེས་པ་མདུན་གྱི་འཁོར་ལོ་བསྐོར་བས་འོག་ཁྱམས་ཀྱི་སྐོར་ལམ་ཆུ་རིས་ཀྱི་ཐོག་མི་ཆུང་གྲུ་གཟིངས་གཏོང་བ། བར་ཐོག་ཀ་ཕེབས་ནང་རྔ་སྦུག །འཁར་རྔ། དུང་སོགས་རོལ་མོ་སྣ་ཚོགས་འཁྲོལ་ཞིང་སྟེང་རྩེར་གདུགས་རྒྱལ་མཚན་བ་དན་བསྒྲེང་བས་མཚོན་སེམས་ལྡན་གྱིས་དངོས་སུ་བྱས་པ་བས་ཀྱང་ཆེས་ཆེར་ཚར་དུ་དངར་བ་དུས་གཅིག་ཏུ་མངོན་སུམ་ལ་ཡོང་བའི་རྫུ་འཕྲུལ་རྨད་དུ་བྱུང་བ་སྔོན་ཆད་ཕྱོགས་འདིར་མ་གྲགས་པའི་ཡ་མཚན་པ་མཆིས། ལྷ་རྩེ་ཆོས་སྡེ་

[Full Size]

བརྟེན་འབྱུང་བསྒྲིག་པར་བྱོན་ཞོར་ལྷ་སར་སྨན་བླ་ཆིག་ཁྲི་བརྒྱད་སྟོང་། ཚེ་གཟུངས་བཞི་འབུམ་བདུན་ཁྲི་ལྔ་སྟོང་ལྔ་བརྒྱ། ཚེས་བཅུ་བདུན་ནས་ཡང་ཟབ་ཀྱི་རྡོ་རྗེ་གྲོ་བོ་ལོད་ཀྱི་བཟླས་བསྙེན་འཇུར་བར་བགྱིས།འདི་གའི་དཔེ་ཆ་ནང་མའི་གྲས་རྣམས་འབྲས་སྤུངས་སུ་སྡོད་སྐབས་ཐོ་སྒྲིགས་ལམ་ཙམ་གྲུབ་པ་ལ་ཞིབ་ཆ་བྱེད་དགོས་ཚོ་སྡེ་པ་ཆེན་མོ་སྐུ་གཤེགས་པ་སོགས་ཟིན་མེད་ཀྱི་གཡེང་བ་ཆུ་གཉེར་ལྟར་གྱིས་གནས་བརྟན་དན་འབག་པའི་ཆོས་བཞིན་ལུས་པ་འདི་སྐབས་དགེ་སློང་འཇམ་དབྱངས་གྲགས་པ་དང་དཔལ་གྲོང་སྔགས་རམས་པ་གཉིས་ཀྱིས་ནང་ནས་གྲ་བསྒྲིག་དང་ཕྱིར་འདོན་བྱས་པ་དཀར་ཆག་དང་བསྟུན་པའི་ཚང་མ་ཚང་གིས་མཚོན་ཞིབ་ཆའི་གྲ་བསྒྲིག་འདར་བ་ལོ་ཆེན་དང་རྣམ་གླིང་པཎ་ཆེན་གཉིས་ཀྱིས་བྱས་ཏེ་གླེགས་བམ་བདུན་བརྒྱ་སྐོར་ལ་ཏཱ་ཤུན་ནམ་ལིང་། གོས་ཆེན། མ་ཧཉྩེ། ལ་ཐ་སོགས་ན་བཟའ་བཞི་བརྩེགས། སི་ཏ་ཧུ་དང་སྟོང་སྐུད་ཁྲ་ལྷས་ཀྱིས་གཙོས་གླེགས་ཐག་གླེགས་ཤིང་བཅས་དངོས་གཙང་བ་བསྒྲུབས། དགའ་གདོང་སྔགས་རམས་པས་ཐོག་དྲངས་གྲ་པ་དགུས་བདུན་བཞིའི་བར་འཇམ་དཔལ་མེའི་སྤུ་གྲིའི་སྲུང་བཟློག་བསད་མནན་ཆ་ལག་ཤིན་ཏུ་ཚང་བ་རྗེ་བཙུན་རཏྣའི་ཕྱག་བཞེས་འཁྲུལ་མེད་དུ་བཙུགས། བསྟན་འཛིན་ད་ལའི་རྒྱལ་པོས་པཎ་ཆེན་དགེ་འདུན་གྲུབ་པའི་འཁྲུངས་རབས་གྲ་ཚར་བཞེང་བར་མཛད་པའི་རྒྱབ་ཡིག །དཔོན་ཚང་ཚ་རོང་པས་བསྐུལ་ངོར་དྲང་སྲོང་འདུས་པའི་གླིང་གི་བཅའ་ཡིག །གྲོང་སྨད་ཀྱི་དེབ་བཞིའི་འགོ་བརྗོད། གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་ནས་ཁྲི་རིན་པོ་ཆེ་བྱམས་པ་བཀྲ་ཤིས་ཀྱི་བཀས་བསྐུལ་བའི་རིང་འཚོའི་ཚིགས་བཅད། ཁྱབ་

[Full Size]

བདག་སྨན་ལུང་པའི་སྐུའི་སྐོར་ལ་ཆོས་རྗེ་ངག་དབང་ཐུབ་བསྟན་པ་དྲི་རྨེད་ལ་བྱུང་བར་མཚན་ངག་དབང་ཤཱཀྱ་བློ་མཆོག་དང་བརྟན་བཞུགས་ཀྱི་ཚིགས་བཅད་རྣམས་བྲིས།ལྷ་རྩེ་དགའ་ལྡན་འོག་མིན་གླིང་གི་གྲ་པ་བློ་བཟང་དོན་ཡོད། དམ་ཆོས་རྒྱ་མཚོ། དགེ་ལེགས་རྒྱ་མཚོ། ངག་དབང་རྒྱ་མཚོ། སྨོན་ལམ་རྒྱ་མཚོ། སེང་གེ་ལུང་པ་ངག་དབང་རྒྱ་མཚོ་རྣམས་ཀྱིས་དབུ་ཕར་གསར་བརྩོམ་ཡོངས་རྫོགས། བཀྲ་ཤིས་རྒྱ་མཚོས་ཕར་ཕྱིན་དང་དབུ་མ་སེམས་བསྐྱེད་དྲུག་པ་ཡན། བསྟན་པ་ཕུན་ཚོགས་དང་དགའ་ལྡན་བསྟན་འཛིན་གྱིས་དབུ་མ་དང་ཕར་ཕྱིན་སྐབས་དང་པོ། ཡེ་ཤེས་རྒྱ་མཚོས་དབུ་ཕར་ཐལ་ཕྲེང་། ཚུལ་ཁྲིམས་བསྟན་པས་ཕར་ཕྱིན་དང་དབུ་མ་སེམས་བསྐྱེད་དང་པོ། བསྟན་འཛིན་ཆོས་བཟང་དང་ཚུལ་ཁྲིམས་རྒྱ་མཚོས་དབུ་མ་དང་ཕར་ཕྱིན་ཐལ་ཕྲེང་། ངག་དབང་ཆོས་གྲགས་དང་ཚུལ་ཁྲིམས་རྒྱ་མཚོས་དབུ་མ། བཤེས་གཉེན་རྒྱ་མཚོ། ཆོས་འཕེལ་བསྟན་པ། དཔལ་འབྱོར་རྒྱ་མཚོ། ངག་དབང་བསྟན་པ། བཀྲ་ཤིས་ཆོས་འཕེལ། དགའ་ལྡན་བློ་བཟང་རྣམས་ཀྱིས་དབུ་མ། གཏིང་སྐྱེས་དགའ་ལྡན་རྩེའི་གྲ་པ་དགེ་སློང་ཤཱཀྱ་བསྟན་འཛིན་དང་དགེ་སློང་ཤཱཀྱ་ཕུན་ཚོགས་གཉིས་ཀྱིས་བྱམས་ཆོས་སྡེ་ལྔ་རྣམས་ཀྱི་རྒྱུགས་སྤྲད། ཧོར་ཟླ་བཞི་པའི་ཚེས་གཉིས་ནས་རིམ་བཞིན་ཆོས་སྡེ་ཆེན་པོ་འབྲས་སྤུངས། སེ་ར་ཐེག་ཆེན་གླིང་། འཕན་ཡུལ་གསས་ཁང་དགོན། ལྷ་རྩེ་ཆོས་སྡེ་བ། རྨེ་རུ་བ་རྣམས་ཀྱིས་

[Full Size]

སོ་སོའི་ལུགས་དང་འབྲེལ་བའི་ཞལ་འདོན་བདོག་པ་གྱ་ནོམ་པ་དང་། རྟ་ཚག་རྗེ་དྲུང་གིས་ཡོ་བྱད་བཟང་པོ་སྦྱར་ཏེ་གཟིམས་ཆུང་བརྟན་བཞུགས་སུ་གྲགས་པ། བསྟན་འཛིན་ད་ལའི་རྒྱལ་པོ་དང་གྲ་ཚང་སོ་སོ་ནས་སྒྲུབ་མཆོད་ཁ་སྐོང་ཚོགས་ཆས་ཟང་ཟིང་གི་དངོས་པོ་བཅས་རིང་འཚོའི་རྟེན་འབྱུང་སྨིན་རྒྱས་དང་གདན་ས་གོང་ནས་བདེན་བརྗོད་ཀྱི་བཀའ་ཤོག་གནང་ཆ་བཅས་པ་དང་གྲ་ཚང་དུ་མང་ཇ་གསེར་འགྱེད་སྩལ། དཔལ་འཁོར་ཆོས་སྡེའི་མཁན་ཆེན་ཁ་རབ་པ། རི་ཁྲོད་དགའ་ལྡན་ཟུར་བ་བློ་བཟང་རྣམ་རྒྱལ། གསེར་སྡིངས་བླ་མ། ཐོར་གོད་རྒྱ་མཚོ་དགེ་ཚུལ་མ། ཨེར་ཁེ་དའི་ཆིང་། ཨེར་ཏེ་ནི་ཧུང་ཐའི་ཇི། ཁལ་ཁ་སེ་ཆེན་ཇི་ནོང་། ས་སྐྱོང་མེར་གན་ཐའི་ཇི་དང་བཞིའི་མི་སྣ་གདན་ས་འོག་གི་བཙུན་མོ། སྟག་རྩེ་ཐའི་ཇི། ཅོ་ནི་ཆོས་རྗེའི་སྐུ་སྐྱེ། བྲག་ཡག་སངས་རྒྱས་བཀྲ་ཤིས་ཀྱི་སྐུ་སྐྱེ། བར་ཏ་བློ་བཟང་སྤུན་སོགས་བོད་སོག་གི་ཕྲད་མི་མང་བ་བྱུང་ཞིང་གཞིས་ཀ་ཤར་ཨ་གུར་སྤུན་ཁྱོ་ཤུགས་ཀྱིས་དཀར་དྲོ་བཏེག །ཨོ་ཆིར་དྷ་རས་གཙོས་བསྙེན་རྫོགས་ང་གཉིས་དང་དགེ་ཚུལ་ཉེར་ལྔ་བསྒྲུབས། བདེ་ཆེན་ཆོས་འཁོར་སྤྲུལ་སྐུ་གཤེགས་པའི་མངའ་བདག་ཉང་གི་ཕྱག་སྦུག་ཡིན་ཟེར་བ་འབྱོར་དོན་བཞིན་བྱང་ཆུབ་མཆོག་གི་རྒྱུར་བསྔོས། སྤྲེལ་ཟླའི་ཚེས་བཅུ་འདི་ལ་ཧོར་ཟླ་ལྔ་པ་དྲུག་པ་བདུན་པ་གསུམ་ལ་ངོས་འཛིན་ལུགས་ཀྱང་སྣ་ཚོགས་པས་མཐའ་གཅིག་ཏུ་མ་ངེས་ཤིང་ལྔ་པར་ཞོད་འགོ་ཚུགས་པའི་ཆར་གཅོད་སོགས་མངས་ན་ཐན་སྐྱོན་བྱུང་དོགས་ཀྱིས་འདི་ལོ་ནས་བཟུང་སྔ་

[Full Size]

སྣུར་གྱི་གར་འཆམས་རྒྱས་པར་བསྟར། ལྷ་རྩེ་ཆོས་སྡེ་བ་ཚོར་སྨན་བླ་སྤྲུལ་སྐུ་མཐོ་བརྩེགས་ཀྱི་རྗེས་གནང་། ཕྱག་དྲུག་པའི་དབང་བཞི་བྱིན་རླབས། ཞལ་སྔ་ནས་སྟག་ལུང་བྲག་པའི་ཉམས་བཞེས་དཀོན་ཅོག་ཆོས་འཕེལ་གྱི་གསུང་རྒྱུན་བཞིན་དམིགས་བརྩེ་མར་བརྟེན་པའི་བླ་མའི་རྣལ་འབྱོར་གྱི་དམིགས་སྐོར། རྟ་ཚག་རྗེ་དྲུང་། དགའ་ལྡན་རྩེ་ཤར་གྱི་ཆོས་རྗེ། ལྷ་རྩེ་བླ་མ། ཁལ་ཁ་ཨོ་ཆིར་དྷ་ར་སོགས་བོད་སོག་བཞི་བཅུ་སྐོར་ལ་སྨན་བླ་སྤྲུལ་སྐུ། སྤྱན་རས་གཟིགས་གཙོ་འཁོར་གསུམ་པ། འཇམ་དཀར་གཙོ་འཁོར་ལྔ་པ། ཞུ་མི་དེ་རྣམས་ཀྱི་ཐོག་གྲ་ཚང་གི་གྲ་པ་བརྒྱ་སྐོར་ལ་རྣམ་འཇོམས་ལྗང་སྔོན་བ་རི་ལུགས། སྒྲོལ་དཀར་ཡིད་བཞིན་འཁོར་ལོ་ཐུན་མོང་བ་བརྒྱུད་པ་བདུན་ལྡན། གུར་ནས་བཤད་པའི་འབྱུང་འདུལ། འཇམ་དབྱངས་ཆོས་སྐོར་ནང་གི་ལས་གཤིན་ཕྱི་སྒྲུབ། ཕྱག་དྲུག་པའི་དབང་བཞི་བྱིན་རླབས། ཚེ་དབང་གྲུབ་རྒྱལ་མ་རྣམས་བསྐུར། ལྷ་རྩེ་ཆོས་སྡེ་བ་དྲུག་གིས་གཙོས་བསྙེན་རྫོགས་བརྒྱ་དང་སོ་གཉིས། དགེ་ཚུལ་གཉིས་རྣམས་ལ་སྡོམ་པ་ཕབ། འདི་གའི་རྐྱེན་སེལ་ཆེད་དུ་ལྷ་སར་སྒོ་འགྱེད་ལ་དུད་རེར་ཏཱ་ཚཱ་ཉག་དོ་རེའི་རྩིས་ལ་སྦག་བརྒྱ་དང་བརྒྱད། ངན་སློང་ལ་སྦག་བརྒྱད། རྫོང་གཞིས་ཁག་རྣམས་བསྡོམས་པར་བཀའ་འགྱུར་བརྒྱ་དང་དྲུག །བརྒྱད་སྟོང་པ་ཆིག་སྟོང་། གཟུངས་བསྡུས་དང་གསེར་འོད་བརྒྱ་རྩ། མཚན་བརྗོད་ཉིས་འབུམ་ཆིག་ཁྲི་བདུན་སྟོང་དགུ་བརྒྱ། སྨན་བླ་བཞི་ཁྲི་ལྔ་སྟོང་བཞི་བརྒྱ། རྣམ་རྒྱལ་སྟོང་མཆོད། སེང་གེ་སྒྲའི་སྒྲུབ་མཆོད། གདུགས་དཀར་

[Full Size]

ཆིག་འབུམ་ཆིག་ཁྲི་བརྒྱད་སྟོང་བདུན་བརྒྱ། སྒྲོལ་མ་ཆིག་འབུམ་བདུན་ཁྲི་ཉིས་སྟོང་བརྒྱད་བརྒྱ། ཤེར་སྙིང་ཆིག་འབུམ་སུམ་ཁྲི་བདུན་སྟོང་བཞི་བརྒྱ། ཚེ་གཟུངས་ས་ཡ་གསུམ་དང་དྲུག་འབུམ་དྲུག་ཁྲི། ཚེ་ཆོག་ཁག་ལྔ། ལྷ་ས། བསམ་ཡས། ཁྲ་འབྲུག་གསུམ་དུ་བརྒྱ་མཆོད་རྣམ་ལྔ། གསེར་ཆབ། སྙན་ཤལ། སྤྱན་འདྲེན། ཁྲུས་གསོལ། ཕ་བོང་ཁ། ཡེར་བ། ཀ་ཚལ། ཡོམ་བུ། མཁོ་མཐིང་། གཙང་འགྲམ། བུ་ཆུ། གྲོམ་པ་རྒྱང་། བྱམས་སྤྲིན་རྣམས་སུ་ཉེར་སྤྱོད་སྣ་ལྔ་ལྔ་བཅུ་ཚར། སྙན་ཤལ། སྤྱན་འདྲེན། ཁྲུས་གསོལ། མཆིམས་བུ། ཡང་རྫོང་། ཤེལ་འབྲག །ཆུ་བོ་རི། མཁར་ཆུ། གཏེར་སྒྲོམ། ཟབ་ཕུ། བཀྲ་བཟང་རྣམས་སུ་ཚོགས་བརྒྱ། སཱཙྪ་འབུམ་ལྔ། སྲོང་བཙན་དུ་བསྐང་བ་བརྒྱ། ཡེར་པའི་མཆོད་རྟེན་ཚོར་སྐུ་དཀར་དར་ལྕོག །ཕྱུགས་ལུག་བརྒྱ་དང་ཉ་འབུམ་གྱི་སྲོག་བླུ། ཀླུ་སྦུག་ཏུ་ཕ་བོང་ཁ་པ་བཞིས་ཟླ་གཅིག་བར་ཀླུ་གཏོར། སྡེ་པའི་སྐུ་རིམ་ལ་འབུམ་བརྒྱ། བརྒྱད་སྟོང་། བསྐལ་བཟང་། མཚན་བརྒྱ། དཔང་སྐོང་རྣམས་ཉིས་བརྒྱ་རེ། གཟུངས་བསྡུས་ང་བརྒྱད། དཀོན་བརྩེགས་རེ་ལྔ། ཉི་ཁྲི་དོན་གསུམ། མཚན་བརྗོད་བདུན་བརྒྱ། གདུགས་དཀར་སུམ་སྟོང་བདུན་བརྒྱ། སྒྲོལ་མ་སུམ་འབུམ་དྲུག་སྟོང་བརྒྱད་བརྒྱ། ཤེར་སྙིང་ཉིས་སྟོང་བཞི་བརྒྱ། ཚེ་གཟུངས་ཉིས་འབུམ་ཉི་ཁྲི་དགུ་སྟོང་། གྲ་ཚང་དུ་དམག་ཟོར་མའི་བསྐང་བརྒྱ། གནས་ཆུང་དུ་གསོལ་མཆོད་ཟབ་རྒྱས། མཆོད་རྟེན་སུམ་ཅུར་སྐུ་དཀར་དར་ལྕོག །ལྷ་ས། བསམ་ཡས། ཁྲ་འབྲུག་གསུམ་དུ་དར་ཆེན། བསྟན་སྲིད་སྤྱི་རིམ་ལ། རྡོ་རྗེ་བྲག །དཔལ་རི། སྨྲ་བོ་ལྕོག །བྲག་ལ་བ། སྒྲོལ་མ་བ། ཆུ་མིག་པ། བྲག་དཀར་ཆུ་བཟང་པ། ནུབ་དགོན་པ་རྣམས་ཀྱིས་དགྲ་མནན། དྲག་པོའི་གཏོར་བཟློག །ཞི་བའི་སྦྱིན་སྲེག །དགྲ་

[Full Size]

ལྷ་དཔངས་བསྟོད། ཝེར་མ་མཆོད་པ། སྲིད་པའི་ལྷ་ཆེན། རྗེའི་མགུར་ལྷ། འབངས་ཀྱི་སྲོག་ལྷ། བསྟན་མ་བཅུ་གཉིས་རྣམས་ལ་གསོལ་མཆོད་འདོད་གསོལ་དང་བཅས་པ། རྒྱལ་གསོལ། གདུགས་དཀར་མདོས་ཆེན། ཡིག་དྲུག་དུང་བཞི་བཅུ། འདི་ལོ་ནས་བཟུང་བསྐལ་པ་མ་སྟོངས་བར་ས་ག་ཟླ་བའི་ཚེས་བདུན་ནས་བཅོ་ལྔའི་བར་འབྲས་ཡུལ་སྐྱེད་ཚལ་བར་སྨན་བླ་རྒྱུན་བཙུགས། ཆུ་བོ་རིའི་སྨན་ཆབ་ཞག་ལྔ་བསྟེན་ཅིང་སེ་ཆེན་དབོན་པོས་རྟ་དྲུག་ཅུ་བྱིན། གྲ་ཚང་དུ་སྲིད་གསུམ་བདག་མོ་མདོས་མཆོད་འབུམ་གྱིས་དགྱེས་པ་བསྐངས། ལྷུན་གྲུབ་རྫོང་ནས་སྡེ་པ་ཆོས་སྲིད་སྙུང་གཞི་ཁ་མི་འཆམ་པའི་གཏམ་སྣ་ཚོགས་དང་བཅས་གཤེགས་པར་སྤྱི་སྒེར་གྱི་སྨོན་ལམ་རྟེན་འབྱོར་པ་ལྟར་དགོངས་པ་རྫོགས་པའི་བསྔོ་བ་ཡང་དག་བགྱིས། ཐང་པོ་ཆེ་དང་ཁྲ་འབྲུག་ཏུ་སྤུན་བདུན་པ་ལྷུན་གྲུབ་རྒྱ་མཚོ། བསམ་ཡས་པེ་ཀར་ལྕོག་ཞིག་གསོས་ཀྱི་ཐོག་མར་ཆོས་སྐྱོང་ཕེབས་པར་ཟུར་ཁང་པ་དོན་གྲུབ་དབང་རྒྱལ། ལ་མོར་དཀར་བྲག་པ་ངག་དབང་བྱམས་པ་གསུམ་བཏང་བའི་སོ་སོར་ཕྲིན་གསོལ་ཚིགས་བཅད་སྤྱན་གཟིགས་ཚོགས་འཁོར་དང་བཅས་བཟབས་རྒྱས་སུ་སྤེལ། སྐྱེད་ཚལ་མཁན་ཟུར་པ་བྱམས་པ་ངག་དབང་བསྟན་འཛིན་ལྷོ་མོས་སུ་གནས་མལ་ཕོགས་སོགས་མཐུན་རྐྱེན་སྦྱར་ནས་ཨཥྚའི་བསྙེན་ཆེན་བཏང་བ་གྲུབ་ཅིང་ཁ་སྐོང་གི་སྦྱིན་སྲེག་འཕྲལ་ཟིན་ལེགས་པས་དགོས་ཆ་ཡོང་ཚུལ་མོལ་ཡང་རྟོག་གེ་རྒན་པོའི་སཱཙྪ་པར་གཅིག་གི་ནང་དུ་རང་གཞན་ཐམས་ཅད་ཀྱི་གཟུགས་བརྙན་ཞེས་འཆར་བ་ཆོས་ཉིད་ནས་སླར་རྩེས་དང་རང་དུ་མཛད་རྒྱུའི་ཁུལ་གྱི་བསྟི་གནས་སུ་བཞུད། དབུ་མཛད་བློ་བཟང་ཡོན་

[Full Size]

ཏན་གྱི་ངོར་ཁལ་ཁ་རྒྱལ་པོའི་གསོལ་མཆོད། ཆོས་རྗེ་བཅོ་བརྒྱད་པ། གནས་གསར་དབོན་རིན་པོ་ཆེ། ལྕགས་ཟམ་རྗེ་དྲུང་གསུམ་གྱིས་ལྷོ་མོས་སུ་ཁྱབ་བདག་ཞ་ལུ་པར་བརྟན་བཞུགས་འབུལ་བར་སྒྲོལ་དཀར་ལ་བརྟེན་པའི་ཆོ་ག་འཆི་བླུ་དང་འབྲེལ་བ། བློ་གྲོས་དཔལ་འབྱོར་གྱི་ངོར་བླ་མ་ཆོས་གྲགས་རྒྱལ་མཚན་དང་བློ་བཟང་པདྨའི་གསོལ་འདེབས། དབོན་པོ་ཆོས་དབྱིངས་ཀྱིས་རྫོགས་ཆེན་སྤྲུལ་སྐུའི་དགོངས་རྫོགས་སུ་བསྒྲུབས་པའི་དགེ་བ་རྫོགས་བྱང་དུ་བསྔོ་བ་དང་ཡང་སྲིད་མྱུར་འབྱོན་གྱི་སྨོན་ལམ་འདོད་སྦྱར། ཧོར་ཟླ་ལྔ་པའི་ནང་དུ་གཏེར་སྒྲོམ་ཆུ་ཚན་བླངས་པའི་འཕྲོད་བསྟེན་ཞག་ཤས་བསྟར། ནག་ཟླའི་ཉེར་གཉིས་ལྷག་པ་ལྷ་མཚམས་ཀྱི་འགྲུབ་སྦྱོར་ཐོག་ཚར་ཆེན། རྗེ་དབང་རབ་ཁུ་དབོན། མཁན་ཆེན་ཞ་ལུ་པ་དང་བཞིའི་རྣམ་ཐར་གྱི་མཆོད་བརྗོད་སོགས་དབུ་བཙུགས་པའི་སྐར་འཛིན་ངོས་ཐོག་མར་ཟླ་བ་འདིའི་ཚེས་གསུམ་གྱི་ཉིན་ཁྱབ་བདག་འཁོར་ལོའི་མགོན་པོ་རྗེ་བཙུན་བཀའ་འགྱུར་བ་ཆེན་པོའི་རྣམ་ཐར་དད་པའི་རླབས་ཕྲེང་ཚིག་དོན་གཉིས་ཀ་ལེགས་ཁུལ་འདི། ཁྱབ་བདག་ཞ་ལུ་པ་ཆེན་པོའི་བཀའ་དང་གནས་གསར་བ་མཁྱེན་རབ་བློ་ལྡན་དང་མཁྱེན་རབ་རྣམ་རྒྱལ་གཉིས་ཀྱིས་ས་བོན་དང་བཅས་བསྐུལ་བའི་རྐྱེན་དང་རང་ཉིད་ཀྱི་དད་པའི་རྒྱུ་འཚོགས་པའི་སྟེང་། བཅོ་བརྒྱད་ཆོས་རྗེ་དབོན་རིན་པོ་ཆེ་ནམ་མཁའ་བསོད་ནམས་དབང་རྒྱལ། ལྕགས་ཟམ་རྗེ་དྲུང་གསུམ་གྱི་ལམ་འབྲས་ཁ་སྐོང་དུ་རིམ་གྱིས་གྲུབ་པར་བགྱིས། དབུ་མཛད་བློ་བཟང་ཡོན་ཏན་གྱིས་བཀའ་འགྱུར་བཞེངས་པའི་ཚེ་པོ་ཏི་སོ་སོའི་མཇུག་ཏུ་འབྲི་རྒྱུའི་སྨོན་ལམ། སྒྱིད་ཐང་ནོར་བུས་དད་རྟེན་བཞེངས་པའི་རྒྱབ་ཡིག །ཟུར་ཐམས་ཅད་མཁྱེན་པའི་སྐུ་སྐྱེའི་

[Full Size]

ཐེབས་སུ་བཞག་པའི་ཕྱག་དཔེ་རྣམས་ལ་སླར་ཡང་ཞིབ་བརྩིས་ཀྱི་ཐོ་བཀོད་དང་འགོ་བརྗོད། ཁྱབ་བདག་ཞ་ལུ་པ་ཆེན་པོའི་བཀའ་གནང་བཞིན་རིན་པོ་ཆེ་བཅོ་བརྒྱད་པ། ཞབས་དྲུང་དབོན་རིན་པོ་ཆེ། ལྕགས་ཟམ་རྗེ་དྲུང་གསུམ་གྱི་བརྟན་བཞུགས་ཚིགས་བཅད། རྒྱལ་སྐོར་བསོད་ནམས་དབང་པོས་འཇམ་དབྱངས་ཀྱི་བྲིས་ཐང་བཞེངས་པའི་རྒྱབ་ཡིག །འཕྱོང་རྒྱས་མགར་ཚང་པ་ངག་དབང་ནམ་མཁས་དད་རྟེན་དུ་འདྲ་འབག་བཞེངས་པའི་རྒྱབ་ཡིག །བདེ་ཆེན་ཆོས་འཁོར་གྲ་རིས་རྣམས་ཀྱི་ངོར་སྤྲུལ་སྐུ་མྱུར་འབྱོན་གྱི་སྨོན་ལམ། ཕ་བོང་ཁ་གདན་ས་པ་འཇམ་དབྱངས་གྲགས་པས་པར་སྐུ་མང་དུ་བཞེངས་པའི་བསྔོ་སྨོན། འདྲེས་ལྔ་ཆུ་སྐོར་བ་ངག་དབང་འཕྲིན་ལས་ཀྱིས་རྒྱལ་བ་བཙོང་ཁ་པའི་གསེར་སྐུ་བཞེངས་པའི་རྒྱབ་ཡིག །ལྕག་སྡིག་གི་ཐོད་སྐུ་ལ་བརྟེན་པའི་ཟིལ་གནོན་བསྙེན་ཐབས་རེག་ཟིག་མཁའ་འགྲོའི་ཁ་རླངས་དང་རབ་གནས་ཆོ་ག་ཉི་མའི་གཟི་འབར། འཆི་བདག་བྱེ་བ་དགུ་རིངས་ཀྱི་འཕྲིན་ལས་རྣམས་བཀོད། སྙིང་ཐང་དགོན་བླ་མས་རྟ་ཉེར་གཅིག་བྱིན། ལྷོ་བྲག་མཁན་ཆེན་ནམ་མཁའ་རྒྱལ་མཚན་གསང་བདག་དངོས་དང་དབྱེར་མེད་པའི་བོད་འབངས་སྤྱི་བྱེ་བྲག་གི་ཕན་བདེའི་འབྱུང་གནས་དང་རྒྱལ་བ་བཙོང་ཁ་པ་ཆེན་པོ་ཐུགས་ཡིད་གཅིག་འདྲེས་ཀྱི་རང་བསྟན་དར་བའི་རྟེན་འབྲེལ་གྱི་སྒོ་ཕྱེ་ཡང་བན་པ་ཐེག་ཕྱིའི་གཙུག་ལག་ཁང་འདི་སྤྱི་རྟ་སྒལ་རལ་དུ་སོང་བའི་རྗེ་མི་ལའི་ཡབ་བཞིས་ལྟ་བུར་གྱུར་པར་ཞིག་གསོས་རིམ་གྲུབ་ཀྱི་མུས་སངས་རྒྱས་སུམ་ཅུ་རྩ་ལྔ་གསོ་བྲན། ལྡེབས་རིས་སུ་ཚེ་དཔག་མེད་ཀྱི་སྟོང་སྐུ། བདེར་གཤེགས་

[Full Size]

བརྒྱད། མཛད་བཅུ། བདེ་བ་ཅན་གྱི་ཞིང་བཀོད། གནས་བཅུ། མཚན་བརྒྱད། ཤུད་བུ་བ་ལས་ཀྱི་རྡོ་རྗེ་དང་རྒྱལ་བ་བཙོང་ཁ་བ་ཆེན་པོའི་རྣམ་ཐར་བཅས་བསྐྲུན་པའི་དོ་དམ་ལྷ་རྩེ་ལྷ་ཁང་པའི་བཙུན་པ། བྲིས་འབུར་གཉིས་ཡོང་བའི་ལྷ་བཟོ་ལྷ་ཁང་སྐུ་སྐྱེ་ཅན་བཞིས་ཟླ་བ་གསུམ་སོང་བར་གླ་ཡོན་རྒྱས་པས་བསྙེན། གྲ་ས་ཕན་ཚུན་དུ་ཇ་ཚུལ་ཉེར་ལྔ་རེ། ཡོན་སྣོན་གྲ་པ་རེར་འབལ་སྲན་ཁལ་རེ། ཡོན་དགེ་འདུན་བཅུ་དྲུག་རེ་ལ་ཡ་ཇུ་བར་ཁག་རེ་བཏང་བར་ཁོར་དྲུག་ང་བརྒྱད་སོང་། ཞལ་འདོན་ཤེར་སྙིང་དྲུག་འབུམ་ལྔ་སྟོང་བདུན་བརྒྱ། ཀོང་པོ་གྲོ་ཁང་སྟེང་པར་ཆོས་གཞིས་ཞན་པའི་ས་སྣོན་དུ་རྩེ་ལ་སྒང་ནས་ཤས་ཞིང་བདུན་བརྒྱ་ཐོན་པའི་ས་འབྱེད། ཚོང་འདུས་ནས་བཤན་པ་བྱ་ཁྲིད་མིག་གཅིག་པ་གཡའ་རི་གོང་དུ་བྱོན་ནས་ལོ་གསུམ་མི་ཡོང་གསུང་བ་ལོ་ངོ་གསུམ་གྱི་ཐོག་ཁོག་པ་གསར་དུ་བཙལ་པར་ལྷ་མི་དགའ་སྟོན་གྱི་དང་པོར་ཚིགས་བཅད་འཕྲིན་གསོལ་ཚོགས་འཁོར་སྤྱན་གཟིགས་དང་བཅས་སྤུན་བདུན་པ་ལྷུན་གྲུབ་རྒྱ་མཚོ་མངགས། ཚེས་བཅུ་གཅིག་ལ་སའི་ཚངས་པ་བསྟན་འཛིན་ད་ལའི་རྒྱལ་པོ་འཁོར་བཅས་དབྱར་གྱི་རིང་འདམ་དུ་བཞུགས་པར་འབྱོན་པ་ལ་འབངས་བཅས་ལྔ་བརྒྱ་སྐོར་ལ་ལག་པའི་འདེགས་འཇོག་དང་ཞལ་ངོ་རྣམས་ལ་བཀའ་བསྒོ་སྲུང་མདུད་ཕུལ། གཞན་ཡང་རྒྱལ་མོ་ནོ་མུན་དྷ་ར། གསེར་མདོག་ཅན་མཁན་པོ། མལ་དྲོ་འཆད་ཀ་བླ་མ། ཐོས་བསམ་དར་རྒྱས་གླིང་བླ་མ། ཁལ་ཁ་ནོ་ཡོན་ཁུ་ཐུག་ཐུ་སོགས་བོད་སོག་ལྔ་བརྒྱ་སྐོར་དང་ཕྲད། དེ་ཉིན་མེ་ཏོག་གི་ཆར་ཁ་བ་ལྟར་བབས་ཟེར་བ་དངོས་སུ་མ་མཐོང་ཡང་བདེན་ན་སང་

[Full Size]

ཉིན་ཟུར་ཀུན་མཁྱེན་བླ་མའི་སྐུ་སྐྱེ་དངོས་ཕེབས་ཀྱི་སྔོན་འགྲོའམ་ཁྱབ་བདག་ཁྲ་ཚང་པའི་སྤྲུལ་སྐུ་སྟབས་སྐྱུར་དུ་བཞག་པ་གཤེགས་པའི་གཏམ་འབྱོར་པ་གང་གི་རྟགས་ཡིན་དཔྱད་མ་ཤེས། ཚེས་བཅུ་གཉིས་ལ་ཟུར་ཆོས་དབྱིངས་རང་གྲོལ་གྱི་སྐུ་སྐྱེ་བྱོན་པ་བསྟན་མ་ཁང་དུ་བཞུགས་ཤིང་བཅུ་གསུམ་ཆད་པའི་བཅུ་བཞིར་ལྷག་པ་ལྷ་མཚམས་ཀྱི་འགྲུབ་སྦྱོར་ཐོག་སྐུ་སྐྱེ་དང་ངོས་ཕྲད་ཀྱི་ཐོག་མར་མངའ་བདག་གིས་ཤམ་བྷུ་གངས་ནས་སྤྱན་དྲངས་པའི་སྐུ་ཚབ་པདྨ་མཐོང་གྲོལ། བདེ་འདུས་ཤོག་སེར། ཆོས་དབང་རིན་པོ་ཆེའི་གཏེར་བྱོན་ལོག་གནོན་གནམ་ལྕགས་རྡོ་རྗེ་གསུམ་གྱི་བྱིན་རླབས་ཕུལ། སྤྲུལ་སྐུ་དེ་བརྟུལ་ཞུགས་དང་གཟི་བརྗིད་ཆེ་ཞིང་སྤྱན་གྱི་གཟིགས་སྟངས་སོགས་བྱིས་པ་ཐ་མལ་པ་དང་མི་འདྲ་བའི་ངོ་མཚར་ཅན་ཞིག་སྣང་། རྡོ་རྗེ་འཆང་དབང་ཕྱུག་རབ་བརྟན་གྱི་རྣམ་ཐར་བདུད་རྩིའི་ཟ་མ་ཏོག་ལེགས་པར་གྲུབ་པ་ཁྱབ་བདག་བཀའ་འགྱུར་བའི་རྟོགས་བརྗོད་ཀྱི་བསྐུལ་བ་པོ་རྣམས་ཀྱིས་མཚམས་སྦྱོར་དང་རང་ཉིད་ཀྱི་མོས་བརྩོན་གྱིས་ཅི་ནུས་སུ་བསྒྲུབས། ཚེས་བཅུ་དྲུག་ལ་སྤྲུལ་པའི་སྐུར་ཚེ་དབང་འཆི་མེད་དཔལ་སྟེར། ཉང་གི་དྲག་དམར་གྱི་བྱིན་རླབས་ལུ་གུ་རྒྱུད། རྟ་མགྲིན་སྐྱེར་སྒང་ལུགས་ཀྱི་བྱིན་རླབས་ཕུལ་ཞིང་བདོག་པའི་སྐྱེས་དང་བཅས་རེ་ཞིག་རང་གནས་སུ་ཐེགས་སུ་བཅུག །གསང་ཆེན་སློབ་བཤད་གེགས་མེད་དུ་གྲུབ་ནས་བཅོ་བརྒྱད་ཆོས་རྗེ་དང་ལྕགས་ཟམ་རྗེ་དྲུང་གཉིས་རང་གི་བསྟི་གནས་སུ་རྫོང་བ་དང་དཔོན་རིན་པོ་ཆེ་སྐོར་ཅིག་ཆོས་འཕྲོ་དང་བཅས་བཞུགས་པའི་བསླབ་བྱ་བགྱིས། ཨཱ་ཙཪྻ་ཡ་མ་རི་ཥི་རི་ཞེས་མིག་འབྱེད་མཁན་ཡིན་ཟེར་བར་གསེར་གླ་རྩི་རས་དར་

[Full Size]

གྱིས་མཚོན་པའི་སྟེར་བྱིན་བྱས་ཤིང་ལྷ་ས་སྐོར་ལའང་མིག་འབྱེད་ཚུལ་དང་ལྡན་རྒྱུ་མ་བྱུང་བའི་ཁར་དཔལ་རི་སྤྲུལ་སྐུའི་སྤྱན་ཡ་གཅིག་སློང་བ་སོགས་ཟ་འདོད་མཁན་དེབ་ཤེས་ཤིག་ཡིན་ཚོད་དུ་འདུག །གཙང་སྟོད་དར་མགོན་གྱི་བརྒྱུད་པ་དགེ་སློང་གཞན་ཕན་ལྷུན་གྲུབ་ཟེར་བ་གསོ་རིག་གི་སྦྱངས་སྟོབས་དང་ཐོས་རྒྱ་ཆེ་བ་ཞིག་བྱུང་བར་བསྟན་རྒྱུན་ལ་བསམས་ནས་དབོན་ཚང་བྱང་ངོས་པ་སྨན་རྒྱལ་ཚེ་དབང་། དཔོན་ཚང་དཀྱིལ་སྤེ་བ། ཆོས་རྗེ་ན་བཟའ་གླིང་པ། དྲུང་འཚོ་ལྷག་བསམ། དར་མོ་སྨན་རམས་པ། སློབ་མ་དང་བཅས་པ་སུམ་ཅུ་སྐོར་ལ་ཡན་ལག་བརྒྱད་པའི་སྙིང་པོ་བསྡུས་པ། ཟིན་ཏིག་གཅེས་བསྡུས། གསེར་བྲེ། བྱང་པ་རིགས་ལྡན་རྣམ་རྒྱལ་གྲགས་བཟང་གིས་མཛད་པའི་བཤད་རྒྱུད་འགྲེལ་ཆེན་སོགས་ལུང་མན་ངག་མང་དུ་སྤེལ་བཅུག །གསོ་དཔྱད་ཀྱི་ལུང་མན་ངག་འདི་ཚོ་བོད་མཁས་པར་ཡོད་འདྲ་ཟེར་བ་ཞ་ལུ་མཁན་རིན་པོ་ཆེས་དྲི་རྨེད་གནང་བའི་ལན་དུ་མེད་ཚུལ་དང་རྗེས་འབྲུག་རྟོགས་ཚོའི་སྐེ་ལ་ཐེའུ་བྱུང་སྐབས་དེ་ལས་ཐར་དུ་རེ་བའི་རྒྱུན་ཡོད་ཁུལ་དང་བླ་བརྒྱུད་ཀྱང་གང་དྲན་སྣ་ཚོགས་བཀོད། རྐེད་པར་ཕུར་པ་གཟེར་ནས་རྙིང་མ་བ་ཡིན་ཁུལ་གྱི་སྒྲིབ་ཤིང་སོགས་རྣམ་འཕྲུལ་ཅི་ཡང་སྟོན་གྱིན་ཡོད་འདུག་པ་དྭགས་བརྒྱུད་པའི་ངང་ཚུལ་ཁོ་ནར་ཟད་དོ། །དགེ་སློང་རྒྱལ་བས་རྡོ་རྗེ་སློབ་དཔོན་བྱས་པའི་གྲ་ཚང་དུ་ཨྱཻ་རིང་བྱེ་བ་བཟློག་སྔགས་དང་བཅས་པའི་མཐར་གཏོར་བཟློག་བསྟར། བན་སྔགས་བོན་གསུམ་རགས་བསྡུས་ཁག་ཉེར་ལྔས་མདོས། གཏོར་བཟློག །དགྲ་མནན། གྲ་ས་ཕན་ཚུན་དུ་ཇ་ཚུལ་ཉེར་ལྔའི་རིང་གདུགས་དཀར་ཉིས་འབུམ་སུམ་ཁྲི་ལྔ་སྟོང་། ཤེར་སྙིང་ས་ཡ་བཞི་དང་ཆིག་ཁྲི་རྣམས་ཇུས་རེམ་ལ་བཏང་། ཐོད་རི་བཤད་སྒྲུབ་གླིང་གི་གྲ་པ་དཀའ་བཅུ་

[Full Size]

བློ་བཟང་ལྷུན་གྲུབ་ཀྱིས་དབུ་མ་དང་། ཚེ་དབང་རྒྱ་མཚོས་ཕར་ཕྱིན་གྱི་རྒྱུགས་སྤྲད། མེར་གན་ཧུང་ཐའི་ཇི་ཅན་གྱིས་རྟ་ཉི་ཤུ་བྱུང་། ཧོར་ཟླ་དྲུག་པའི་ཚེས་དྲུག་ནས་གསང་བ་འདུས་པའི་དགེ་འདུན་དཀོན་མཆོག་རྒྱུད་སྟོད་སྨད། གསང་ནེའུ་ཐོག་གི་ཞབས་དྲུང་གཉིས་དང་ཆེན་སློབ་ཀྱིས་གཙོས་པ། ལྷ་ས་རུ་བཞི། ཁྲི་རིན་པོ་ཆེས་དབུ་གནང་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་དཔོན་སློབ་བཞི་བཅུ་སྐོར། སྐྱོར་མོ་ལུང་། ཚེར་གསེབ་དགོན་པ་རྣམས་ཀྱིས་སོ་སོའི་ལུགས་སྲོལ་ལྟར་བདོག་པ་མཎྜལ་གྱི་ཚུལ་སྔོན་དུ་འགྲོ་བས་རིང་འཚོའི་རྟེན་འབྲེལ་བསྒྲིགས་ཤིང་ཁྱད་པར་ཁྲི་རིན་པོ་ཆེ་བྱམས་པ་བཀྲ་ཤིས་ཀྱིས་གསར་རྩོམ་ཚིགས་བཅད་དུ་ལང་ཚོ་ཞེས་པ་བྱིས་པ་གཞོན་ནུ་སོགས་ལྔར་བྱས་པའི་དཀྱིལ་མ་ཡིན་པས་སླར་ཡང་དྲུག་ཅུ་ཐུབ་པར་ཁས་བླངས་པར་སོང་ཞེས་གསུང་བཤད་ཅི་ཡང་མཛད། སྐྱིད་ཤོད་སྡེ་པ་ཡས་མས་སོག་པོའི་དཔོན་དཔོན་མོ། བཀྲ་ཤིས་ལྷུན་པོའི་བརྟན་བཞུགས་འབུལ་མི་མགྲོན་གཉེར། རྟ་པ་དྲུང་འཁོར་སོགས་ཉིས་སྟོང་ལྔ་བརྒྱ་སྐོར་དང་ཕྲད་ཅིང་ཚེར་གསེབ་སྐུ་རྟེན་པར་རྟ་མགྲིན་སྐྱེར་སྒང་ལུགས་ཀྱི་བྱིན་རླབས་དབང་བཞི་བསྐུར། ཅོ་ནེ་ཆོས་རྗེའི་སྐུ་སྐྱེར་རུང་མཐུན་གྱི་གོས་ཆ་ཚང་། ཤལ་དཀར་དམར་སྣམ་ཕྲུག་གིས་ཐོག་དྲངས་པ་དང་། གཡོན་རུའི་ཚོགས་གསོག་རབ་འབྱམས་པ། རྒྱལ་སྲས་རྡོ་རྗེ། དཔོན་མོ་བསོད་ནམས་ཚེ་དབང་། ཁལ་ཁ་ཇ་སག་ཐུ་རྒྱལ་པོ། ལྷ་བཙུན་ངག་དབང་བསྟན་འཛིན། བཟོད་པ་ཡེལ་དེང་། མེར་གན་ཧུང་ཐའི་ཇི། ད་ལའི་ཧུང་ཐའི་ཇི། ཨེར་ཏེ་ནི་པཱ་ཐུར་སོགས་ཀྱི་མི་སྣས་མཚོན་

[Full Size]

པར་གང་འཚམས་ཀྱི་རྫོང་བདའ་བགྱིས། དར་མགོན་དབོན་པོ་ལ་ཕོགས་དོང་ཀྱི་སྨིན་གྲུབ་བྱས། ཚར་ཆེན་ཆོས་ཀྱི་རྒྱལ་པོའི་སྐུ་ཆོས་ཡིན་ཟེར་བ་དང་གསོ་རིག་གི་པུ་ཏི་མང་བ་བཅས་ཁོ་རང་གིས་བརྩམས་པའི་ཚིག་བཏོན་ནས་རིང་འཚོའི་རྟེན་འབྲེལ་བསྒྲིགས། སྐྱིད་ཤོད་བདེ་ཆེན་སྐུ་གཞོན་པ། མོན་ཕྱོགས་སུ་དབུས་དཔུང་བཏེག་པའི་དམག་དཔོན་ཚག་སྒུར་བ། མདའ་དཔོན་རྒན་པ་ཚེ་དབང་། གཞོན་པ་ཆེ་གསུམ་པ། རྩིས་པ་ངག་དབང་། ཐུགས་དཀར་བ་ཟླ་བ་སོགས་མང་དག་དང་ཕྲད། གནམ་ལྕགས་སྡིག་པའི་ཆོས་སྡེ་ནས་གསུངས་པའི་དུས་དགྲའི་དབང་པོ་ཡབ་ཡུམ་གྱི་ཐོད་སྐུ་ཆུ་རྟ་ལོ་ཟུར་ཐམས་ཅད་མཁྱེན་པས་ཕྱག་བྲིས་སུ་སྩལ་བ་མཚན་ལྟས་ལེགས་ཚུལ་རྣམ་ཐར་དུ་གསལ་བ་དེ་བསྙེན་པ་བསྐྱར་མ་དང་སྦྲགས་བསྒྲུབ་འདུན་ཆེའང་གོང་ནས་ཡར་འཁོར་བའི་ལོ་གསུམ་བཞི་ཙམ་ཕན་རྣམ་གཡེང་ཆུ་མཉེར་ལྟ་བུའི་གཞན་དབང་གིས་གནས་བརྟན་དན་འབག་པའི་ཆོས་ཀྱི་དཔེ་བཞིན་མོས་བློ་ཁོ་ནར་ཟད། དེ་ནས་མི་རིང་བར་སྲིད་སྐྱོང་དང་བྲོ་ནད་ཀྱིས་མནར་བ་སོགས་སྒོ་དུ་མས་ཐོད་སྐུ་གཟིམས་ཆུང་མགོན་ཁང་དུ་ཏིཥྛ་བཛྲའི་ངང་ལ་སོང་། ལྕགས་བྱི་ལོ་འབྲས་སྤུངས་ཀྱི་གྲ་ཁང་གསར་བཟོའི་དུས་མཚམས་ཁང་ཤོད་ལ་བཟོ་བསྐྱར་དགོས་གཤིས་མཆོད་རྟེན་བཅས་ཆོག་ཕྲལ་ཏེ་མགོན་ཁང་ལྕང་ལོ་ཅན་དུ་ཡོད་པ་ཁང་ལས་ཚན་ཆེས་པའི་ཁར་འོག་ཐོག་ཚོར་རླུང་གི་རྒྱུ་བའང་ཉུང་བས་གཤེར་ཐག་ཆོད་པར་ལོ་མང་རབ་འཐོགས་པ་དང་ཁང་གསར་རློན་པར་ཀ་ཅའི་རིགས་འབྱོན་སྔས་ན་མྱུར་དུ་སརྦ་གཙྪའང་འབྱུང་སྐྱོན་གྱིས་ས་སྤྲེལ་ཕན་རིམ་ལུས་སུ་གྱུར། སྡེ་པ་བློ་བཟང་མཐུ་སྟོབས་ཀྱིས་མཆོད་རྟེན་གྱི་སྐོར་ལམ་

[Full Size]

ཙམ་གཞིག་པ་ཆུབ་པ་དང་ཟུར་ཀུན་མཁྱེན་ཆེན་པོར་ཕྱག་ཁྲིད་ཅིག་ཀྱང་ཞུས་སོང་བས་བྱེད་ཐུབ་ཙམ་ཡོད་འདྲ་རུང་སྡེ་པའི་གོ་སར་འཁོད། ངེད་རང་དགོན་པར་འགྲོ་མ་ཐུབ་པ་སོགས་ནས་ད་བར་འགྱངས་པ་ལྕགས་སྡིག་ལུགས་ཀྱི་བཅས་ཆོག་ཅིག་ཀྱང་བཟོ་འདུན་ཡོད་པས་རྐྱེན་བྱས་ཐོད་སྐུ་སྒྲུབ་མཁན་ཉུངས་ན་དུས་ཀྱིས་བཅར་བའི་བསྙེན་ཚད་མི་འགྲོ་འདུག་གཤིས་རྡོ་རྗེ་སློབ་དཔོན་དགའ་གདོང་སྔགས་རམས་པས་བྱས་ཏེ་གྲ་ཚང་ཡོངས་རྫོགས་ཀྱིས་ཚོམས་ཆེན་དུ་ཕྱི་ནང་གི་མཚམས་ཤིན་ཏུ་དམ་པའི་ངོས་ཚེས་བཅུ་གཅིག་ནས་བཟུང་བདུན་གཉིས་ཀྱི་རིང་གཞུང་མན་ངག་ཞལ་ཤེས་རྣམས་གོ་བསྟུན་པའི་འཁྲུལ་མེད་དུ་བསྟར་བ་ལ་ཨྱཻ་རིང་བྱེ་བ། ཨེ་ཐུང་ཉིས་འབུམ། སོ་སྡེབས་ཉིས་སྟོང་། ཡུམ་ནས་ལྷན་ཐབས་ཡན་ཉི་ཁྲི། སྤྲུལ་པ་ནས་ཟ་བྱེད་ཀྱི་བར་བདུན་སྟོང་། སྐུ་གསུང་ཐུགས་ཡོན་ཏན་འཕྲིན་ལས་བཅས་ལ་སུམ་ཁྲི་རྣམས་སྨིན་རྒྱས་སུ་སོང་ཞིང་སྟོང་སྲོག་གྲི་སྙིང་བླ་བྱང་སོགས་མཐོང་བརྒྱུད་ཀྱི་ཕྱག་ལེན་འཕྱུགས་མེད་ཀྱི་ནང་བཞུགས་ལག་ཚགས་དམ་པར་བྱས། ཚེས་བཅུ་བཞིར་རྒྱལ་པོ་ཆེན་མོའི་རྒྱལ་མོ་བསོད་ནམས་ཆོས་འཛོམ་དང་སྟག་རྩེ་རྒྱལ་བུ་ལྷ་རྒྱལ་སོགས་དང་ཕྲད་ཅིང་རྒྱལ་བུར་མགོན་པོ་ཕྱག་དྲུག་པའི་བཀའ་བསྒོས། ཚངས་པ་དུང་ཐོད་ཅན་གྱི་སྐུ་ཁོག་དབང་འདུས་རྒྱལ་པོར་ཚེས་བཅུ་བདུན་གྱི་ཉིན་སྐུ་ཕེབས་ཞུས་པ་སྐུ་རྟེན་སྔ་མ་ཇི་ལྟ་བ་ལས་ཁོག་པས་བསྒྱུར་ཉམས་གྱི་ཡིད་མི་ཆེས་པ་ཡེ་མི་འདུག་ཅིང་སློབ་དཔོན་ཆེན་པོས་དམ་ལ་བཞག་པར་འགྱུར་མདོག་ག་ལ་སྲིད་ཀྱང་བསྙེལ་གསོའི་ཕྱིར་དུ་སློབ་དཔོན་ཆེན་པོའི་ཕྱག་རྡོར་ཆོས་དབང་རིན་པོ་ཆེའི་གཏེར་བྱོན་དབུ་གཙུག་ཏུ་

[Full Size]

བཀོད་ནས་རིགས་འཛིན་བརྒྱུད་པའི་མཚན་རྣམས་བརྗོད་དེ་འཕྲིན་འཆོལ་གྱི་ཆེད་དུ་དམ་བསྒྲགས། ཟང་ཟིང་གི་བདོག་པ་སོགས་སྤྱན་གཟིགས་སྣ་ཚོགས་ཀྱིས་ཐུགས་དམ་བསྐང་བས་འབྱུང་འགྱུར་ལུང་བསྟན་གྱི་མོལ་མཆིད་རྒྱས་པར་མཛད། ཕྱི་དྲོ་སྐུ་ཁོག་འཁོར་བཅས་ལ་སྟེར་ཆ་གྱ་ནོམ་པ་བགྱིས་ཏེ་ཐོན། ཐའི་ཇི་བསོད་ནམས་བཀྲ་ཤིས་ལྷོར་དཔུང་ཐོག་ལ་ཐོན་གདོང་མགོན་པོ་བར་ཆད་ཀུན་སེལ་གྱི་བྱིན་རླབས་བྱས། འཕགས་ཡུལ་ལྷོ་ཕྱོགས་ཀྱི་ས་བྱ་སི་ཙ་ཏུར་གུ་ཎ་ཛཱ་ཏིར་ས་སྙིང་སྲང་ཕྱེད་དང་ཆས་ཀྱིས་མཚོན་པའི་མཐུན་རྐྱེན་བྱིན། ལྕགས་འབྲུག་ལོ་ཟུར་ཆོས་དབྱིངས་རང་གྲོལ་གྱིས་ཕྱག་ལེན་གནང་བའི་འཆི་བདག་ཞལ་དབྱེ་དང་རྟ་ནག་སྒྲོལ་མ་བ་སངས་རྒྱས་རིན་ཆེན་གྱིས་བསྒྲུབས་པའི་འཕྱོང་རྒྱས་མཁར་ནག་གི་ཞལ་དབྱེ་གཉིས་ཀྱི་ཚོན་རྩི་སོགས་ལ་ཆག་ཉམས་ཕྲན་བུ་བྱུང་བ་གཞིས་ཀ་ཤར་ལགས་ཨ་གུར་ཕ་བུ་དང་འབལ་འབལ་ཕ་བུ་གཉིས་ཀྱིས་གསོ་བྲན་གྱི་ཞབས་ཏོག་བྱས་པ་དངོས་གཞི་སྔར་གྱི་སྒྲུབ་ཐོད་རྙིང་པ་ཡིན་རུང་ཉེར་དགུ་ནས་བཟུང་དགེ་སློང་བློ་གྲོས་རྒྱལ་བས་རྡོ་རྗེ་སློབ་དཔོན་བྱས་པའི་དྲུག་ཅུ་སྐོར་གྱིས་ཚོམས་ཆེན་དུ་མུན་མཚམས་ཤིན་ཏུ་དམ་པར་བགྱིས་ཏེ་བསྒྲུབས་པས་སྐད་འབྱིན་པ་སོགས་རྟགས་ཀྱང་ཁ་ཡར་བརྩམས། དགེ་སློང་ཡོན་ཏན་དཔལ་བཟང་། སྔགས་རམས་པ་བློ་བཟང་ཆོས་ལྡན། རྡོ་དགོན་པ་བློ་བཟང་དོན་ལྡན། དྲུང་ཡིག་དར་རྒྱས་བཀྲ་ཤིས་ཏེ་བཞིས་རིང་པོ་ནས་བསྐུལ་ཞིང་ཉེ་ཆར་ཚངས་པ་དུང་ཐོད་ཅན་གྱི་སྐུ་ཁོག་གིས་མཚམས་སྦྱར་བར་བརྟེན་རྟ་མགྲིན་སྐྱེར་སྒང་ལུགས་ཀྱི་མངོན་རྟོགས་པདྨ་རཱ་གའི་འཕྲེང་བ། ལམ་རིམ་ལྷ་ཁང་དང་སྔགས་

[Full Size]

ཁང་གཉིས་ཀྱི་དེབ་ཐེར་འགོ་བརྗོད། སྡེ་པ་བློ་བཟང་མཐུ་སྟོབས་ཀྱིས་སྐུ་རྟེན་སྨན་སྐུ་མང་བ། གསུང་རྟེན་བཀའ་འགྱུར། ཐུགས་རྟེན་དངུལ་གྱི་རྣམ་རྒྱལ་མཆོད་རྟེན་དང་།དབུ་མཛད་བློ་བཟང་ཡོན་ཏན་གྱིས་བཀའ་འགྱུར་བཞེངས་པའི་དཀར་ཆག །དགའ་གདོང་སྔགས་པ་དོན་གྲུབ་རྒྱ་མཚོས་གྲ་ཚང་དུ་འབུལ་རྒྱུར་དངུལ་སྲང་ཉེར་བརྒྱད་ཀྱི་ཕུད་ཕོར་དང་ཆོས་རྗེ་རྫོང་རི་བ་བློ་བཟང་པདྨས་གྲ་ཚང་གི་དགེ་སྐོས་འཇོག་ལ་སྲང་བཅུ་བཞི་ལས་གྲུབ་པའི་པད་སྡེར་གྱི་ཁ་བྱང་། ཚུལ་ཁྲིམས་རྒྱ་མཚོ་དང་ཤེས་རབ་བརྟན་པ་ཐུན་མོང་དང་བློ་བཟང་དོན་ཡོད་ཀྱི་ངོར་རིང་འཚོའི་ཚིགས་བཅད། ཞ་ལུ་མཁན་ཆེན་ཁྱབ་བདག་རིན་ཅེན་བསོད་ནམས་མཆོག་གྲུབ་བསྟན་པའི་རྒྱལ་མཚན་དཔལ་བཟང་པོའི་རྣམ་ཐར་དཔྱོད་ལྡན་ཡིད་དབང་འགུགག་པའི་ལྕགས་ཀྱུ། འཕྱོས་གྲིབ་བཙན་པའི་འཕྲིན་ལས། མཆོད་དཔོན་པའི་ལྷ་དབང་གླིང་དུ་འདྲི་རྒྱུའི་ཀུན་འཁོར་ལེ་ཚན། ས་སྐྱོང་བློ་བཟང་སྦྱིན་པས་ཆུ་དབར་དགོན་གསར་དུ་འཛུགས་རྒྱུར་ཚེ་རིང་མཆེད་ལྔའི་གསོལ་མཆོད་དཔྱད་གསུམ་དག་པའི་རྒྱུད་མང་རྣམས་བརྩམས། ཧོར་ཟླ་བདུན་པའི་ནང་དུ་འདི་གའི་རིམ་གྲོར་འབུམ་དང་ཉི་ཁྲི་བརྒྱ་རྩ་རེ། བརྒྱད་སྟོང་པ་སྟོང་། སྨན་བླ་ཆིག་ཁྲི། གདུགས་དཀར་ཆིག་འབུམ་སུམ་ཁྲི། སྒྲོལ་མ་སུམ་འབུམ་ཆིག་ཁྲི་དགུ་བརྒྱ། ཚེ་གཟུངས་སུམ་ཁྲི་བདུན་སྟོང་། བཀའ་འགྱུར་ལྔ། གཟུངས་བསྡུས་དང་གསེར་འོད་བརྒྱ་རེ། དཀོན་བརྩེགས་དང་ཕལ་ཆེན་བཅུ་རེ། ཤེར་སྙིང་ཉིས་འབུམ་བདུན་ཁྲི་བཞི་སྟོང་། ར་ས། ཟན་གཡང་། ཁྲ་འབྲུག་གསུམ་

[Full Size]

དུ་བརྒྱ་མཆོད། སྙན་ཤལ། དར་ཆེན། ལྷ་སའི་ཕྱོགས་བཞིར་རྒྱལ་མཚན། ཤེལ་བྲག །མཆིམས་ཕུ། ཡང་རྫོང་གསུམ་དུ་ཚོགས་བརྒྱ། ཉེར་སྤྱོད་སྣ་ལྔ་ལྔ་བཅུ་རེ། སྡེ་པའི་སྐུ་རིམ་དུ་དམག་ཟོར་མ་དང་རྣམ་སྲས་ཀྱི་བསྐང་བ་བརྒྱ། སྲོག་བླུ་དགུང་གྲངས། རི་བོ་བདེ་ཆེན་དུ་མང་ཇ་སྤོང་དག །རྒྱལ་མཚན་བཀྲ་ཤིས་དགུ་བརྩེགས། དགོན་སུམ་ཅུར་གཏོར་ཆས་ཇ་ཐུག་གི་ཐོག་གཏོར་བཟློག་ཉིན་གང་མ། བསྟན་སྲིད་སྤྱི་རིམ་དུ་འབུམ་སོ་གཅིག །དཀོན་བརྩེགས་བཅུ། ཉི་ཁྲི་ཉེར་གཅིག །གཟུངས་བསྡུས་བརྒྱ། གྲ་ཏོག་གསེར་གསུམ་བརྒྱ་རེ། སེར་འབྲས་གཉིས་སུ་ཇ་ཚུལ་བཅོ་བརྒྱད་རེའི་ཐོག་གདུགས་དཀར་ཉིས་འབུམ་དྲུག་ཁྲི་དྲུག་སྟོང་། སྒྲོལ་མ་ས་ཡ་ལྔ་བདུན་འབུམ་ཉི་ཁྲི་ཉིས་སྟོང་། ཤེར་སྙིང་བྱེ་བ་གཅིག་ས་ཡ་དགུ་སུམ་འབུམ་དྲུག་ཁྲི་སུམ་སྟོང་། ཚེ་གཟུངས་བཞི་ཁྲི་ལྔ་སྟོང་། མགོན་པོ་གཡུལ་བཟློག་དང་ཁྲོ་རོལ་ཚར་གསུམ་རེ། ལྷ་ས། བསམ་ཡས། ཁྲ་འབྲུག་གསུམ་དུ་དགྲ་མནན། མཆོད་པ་སྣ་ལྔ་དང་བསྟན་པ་རྒྱས་པའི་སྨོན་ལམ། ཆོས་འཁོར་རྒྱལ་དུ་དམག་ཟོར་མའི་བསྐང་བ་ཆིག་སྟོང་ཆིག་བརྒྱ། དར་ཚོན་སྣ་ལྔ། མགོན་པོ་དང་ལས་གཤིན་ལ་བརྒྱ། ལྷ་ས། ར་མོ་ཆེ། ཡེར་པ། ཕ་བོང་ཁ། ཀ་ཚལ། བསམ་ཡས། ཁྲ་འབྲུག །ཡུམ་བུ། མཁོ་མཐིང་གཙང་འགྲམ། གྲོམ་པ་རྒྱང་རྣམས་སུ་མཆོད་འབུལ། སྙན་ཤལ། རི་འགོ་མཐོ་བ་བརྒྱར་དར་ལྕོག །རྫོང་བཞིས་དང་སྡེ་དཔོན་ཚང་མས་དགྲ་ལྷ་དཔངས་བསྟོད། བརྒྱགས་རྔན། ཡུལ་སོ་སོར་བསངས་དང་གསོལ་མཆོད། ཆུ་མིག་

[Full Size]

བརྒྱར་ཀླུ་སྨན། དགོན་ཁག་བཞི་བཅུར་མང་ཇ། གྲ་པ་བཅོ་ལྔ་རེར་གསེར་ཞོ་རེའི་འགྱེད་བཅས་གདུགས་དཀར་ཤེར་སྙིང་གི་བཟློག་པ་རྣམས་བསྟར། ཚེས་བཅུ་གསུམ་ལ་རྟ་ཚག་རྗེ་དྲུང་རིན་པོ་ཆེ་དཀོན་མཆོག་ཉི་མ་སོགས་བསྙེན་རྫོགས་བཞི་དང་དགེ་ཚུལ་བཅུ་བཞི་བསྒྲུབས། རང་ཉིད་ཀྱང་རྩོམ་པའི་འདུན་པ་ཡོད་པར་མ་ཟད་སྒྲ་མདོ་བཞི་སོགས་རིག་གནས་མང་པོར་བློ་གྲོས་ཀྱི་མིག་ཡངས་པ་འདར་ལོ་ངག་དབང་ཕུན་ཚོགས་ལྷུན་གྲུབ་ཀྱིས་འབད་པ་ཆེན་པོས་ཡིག་སྣ་མང་པོའི་ཁུངས་བསྡུ་བའི་བརྩོན་པ་དང་བཅས་བསྐུལ་བ་ལ་བརྟེན་ཚར་ཆེན་ཆོས་ཀྱི་རྒྱལ་པོའི་རྣམ་ཐར་སློབ་བཤད་བསྟན་པའི་ཉི་འོད་ཅེས་པ་དམ་པ་ཉིད་འདུས་པ་གསུམ་གྱི་འཕྲང་གེགས་ལས་རྣམ་པར་གྲོལ་བའི་གྲུབ་མཐའ་སྙོགས་ཏེ་རྡོ་རྗེ་བཙུན་མོའི་གྲོང་ཁྱེར་དུ་གཤེགས་པ་ཚེས་བཅོ་ལྔའི་ཉིན་རྫོགས་པར་གྲུབ་ཅིང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་དང་ཀུན་མཁྱེན་ཀླུ་སྒྲུབ་རྒྱ་མཚོ་སོགས་ཀྱིས་རྣམ་ཐར་མི་མཛད་པ་འདི་ལ་དགོངས་སམ་ཞེས་པ་བསྔགས་པ་བརྗོད་པ་ནི་འདར་ལོས་གཞན་ངོ་བསྲུང་བ་ཙམ་མོ། །ཆང་ཁྱིམ་པ་ངག་དབང་མཁྱེན་བརྩེ། དཀར་བྲག་པ་ངག་དབང་བྱམས་པ། རྡོ་པ་ངག་དབང་འཇམ་དབྱངས་གསུམ་གྱིས་གསེར་ཟངས་ལས་འདི་གའི་འདྲ་འབག་དང་བསམ་མཁར་བ་བདེ་ཆེན་དབང་རྒྱལ་གྱིས་མའི་དོན་དུ་ཞལ་ཐང་བཞེངས་པའི་རྒྱབ་ཡིག །དཀར་བྲག་པ་དང་ངག་དབང་འཇམ་དབྱངས། ཆང་ཁྱིམ་པ་གསུམ་གྱི་ངོར་གསོལ་འདེབས་སྨོན་ལམ། ཡེར་པའི་འདུ་ཁང་ལྡེབས་བྲིས་ཀྱི་དཀར་ཆག །ཉི་ཐང་སྤྱི་ཚོགས་ཀྱི་ངོར་བླ་མ་ཤེས་རབ་སྦྱིན་པ་དང་། རྫིང་ཕྱི་སྤྱི་སོའི་ངོར་འདི་ག་དང་སྡེ་

[Full Size]

པའི་བརྟན་བཞུགས། འདུལ་བ་སློབ་དཔོན་ལྷ་བཙུན་བློ་བཟང་དགའ་ལྡན་གྱིས་བསྐུལ་ནས་སྟོད་ལུང་སྡིངས་ཁའི་གཙུག་ལག་ཁང་ལ་ལྡེབས་བྲིས་བྱས་པའི་སྨོན་ལམ་རྣམས་བྲིས། དེ་ཡང་ཟུར་ཐམས་ཅད་མཁྱེན་པས་ཞལ་བཀོད་གནང་ནས་བཞེངས་པའི་ལྕགས་འདྲ་ལུགས་ཀྱི་བཅས་ཆོག་དང་པོར་མཁས་པ་གནུབས་དང་དུམ་པ་རྒྱ། བར་དུ་མཁས་པ་གངས་ཤཱཀ་གཡུང་སྟོན། ཐ་མར་མཁས་པ་སེ་སྟོན་ཆེན་པོའི་བཞེད་པ་ཁྲི་སྲོང་རྣམ་སྤྲུལ་དཔལ་བཀྲ་སྟོབས་རྒྱལ་གྱི་ཕྱག་ལེན་འཁྲུལ་མེད་བྱིན་ཅན་བཞུགས་པས་མ་ཁྱབ་པ་མིན་ནའང་གནམ་ལྕགས་སྡིག་པའི་ཆོས་སྡེ་ལས་བྱུང་བ་གཅེས་པའི་འཁོར་ལོ་བཅུ་གསུམ་ཆབས་ཅིག་ཏུ་བརྩེགས་པ་དུམ་པ་རྒྱའི་བཀའ་སྲོལ་མཆོག་སྤྲུལ་ལེགས་ལྡན་རྡོ་རྗེ་དང་ཆོས་རྒྱལ་རིན་ཅེན་ཕུན་ཚོགས་ལས་ཉེ་བར་བརྒྱུད་པ་ལྷ་སྲས་རྣམ་འཕྲུལ་དབུར་སྨྱོན་ཆོས་ཀྱི་གྲགས་པའི་ཞལ་གྱི་དྲོད་རླངས་ལྟར་བཞེད་འདུན་སྔར་ནས་ཡོད་པ་ལས་བྱེད་དང་ལེན་གྱི་རྐྱེན་ལའང་བལྟོས་གཤིས་མཆོད་དཔོན་པས་བསྐུལ་མ་ཁ་ཤས་བྱུང་བ་ནས་བདེ་གཤེགས་བརྒྱད་ཀྱི་ནང་ཚན་ཆོ་འཕྲུལ་མཆོད་རྟེན་གྱི་ཐིག་རྩ་ཀུན་མཁྱེན་བུ། མཁས་པ་སྨན་ཐང་པ། སྤྲུལ་སྐུ་འཕྲང་ཁ་བ་སོགས་ཀྱི་ཡིག་ཆ་ལས་བྱུང་བ་ཁོ་ནས་ཅུང་ཟད་མི་རྟོགས་པ་གནུབས་སངས་རྒྱས་རིན་པོ་ཆེའི་མན་ངག་ཐིག་རྩའི་གཞུང་བཞིན་དགོས་པ་མངའ་རིས་སྔགས་འཆང་ཆེན་པོ་དཀོན་ཅོག་ལྷུན་གྲུབ་ཀྱིས་རྗེ་ཆོས་ཀྱི་གྲགས་པས་བཞེངས་པའི་མཆོད་རྟེན་དང་བསྟུན་ནས་རས་གཞི་ལ་ཕབ་པའི་ཐིག་རྩ་དབྱར་སྟོད་བསྐུར་བྱུང་བ་དང་གཏེར་གཞུང་རྡོ་རྗེ་མཚོན་རྣོན་སོགས་ཡིག་ཆ་རྣམས་དང་གོ་བསྡུར་ཟུར་གྱི་སྔགས་འཆང་གཞིས་ཀ་ཤར་

[Full Size]

པ་དང་སྔགས་རམས་པ་ལེགས་འབྱོར་གཉིས་ཀྱིས་ཐིག་བཏབ། དོ་དམ་སྒེར་ལོགས་བློ་བཟང་དར་རྒྱས། ཤིང་བཟོ་བ་ལམ་རྙེད་ཅན་གྱིས་བྱས་ཏེ་ཞི་དྲག་གི་ཤིང་སྣ་རྫས་སོགས་སྟོད་སྨད་སོ་སོར་དགོས་པ་མཐའ་དག་མ་ཚང་བ་མེད་པ་དང་བཅས་གཞིས་ཀ་ཤར་པ་རོགས་བཅས་ཀྱིས་ཚོན་རྩིའི་ལས་འགོ་བཙུགས། ཨ་གུར་ཕ་བུ་དང་འབལ་འབལ་ཕ་བུས་སྟོང་སྲོག །གནོད་སྦྱིན་ནོར་ལྷའི་འཁོར་ལོ། བཟློག་བསད་མནན་གཏད་ཀྱི་འཁོར་ལིང་སོགས་རྣམ་གྲངས་ཤིན་ཏུ་མང་བ་ཉིན་མང་པོར་བྲིས། སྟེང་འོག་བར་གསུམ་གྱི་ལྕགས་ཐག་དགུ་བསྒྲིལ་གྱི་སྐུ་ཕྱག་མཚན་གཟུངས་འཁོར་ལོ་སྲོག་ཤིང་ཐོད་པ་ཐུན་ལམ་སོགས་བཀོད་ཤོམས་ཕྱག་ལེན་ལ་གནས་སྐབས་སུ་རིག་པའི་འཕྲུལ་གྱི་གནད་དགག་བྱེད་དགོས་རྣམས་མཆོད་དཔོན་ངག་དབང་ཤེས་རབ་ཀྱིས་བཀོད་པ་བགྱིས། གཏེར་ཁ་འདི་ལ་མངོན་རྟོགས་ཆེ་འབྲིང་ཆུང་གསུམ། བསྟོད་བསྐུལ་ཆེ་འབྲིང་ཆུང་གསུམ། སྒྲོལ་མ་རྒྱས་འབྲིང་བསྡུས་གསུམ་སོགས་རྣམ་གྲངས་རྒྱ་ཆེ་ཞིང་ཁྱད་པར་སྒྲུབ་ཆེན་མཆོད་རྟེན་རྒྱུན་འཁྱེར་གྱིས་མཚོན་གང་ལའང་སྦྱར་ཆོག་པའི་སོ་སོའི་སྐབས་ཐོབ་དབྱེ་ཤེས་དགོས་པས་ལྷའི་མངོན་རྟོགས་དང་སྔགས་བྱང་སོགས་དགེ་སློང་འཇམ་དབྱངས་གྲགས་པ་དང་དཔལ་གྲོང་སྔགས་རམས་པ་གཉིས་ཀྱིས་དཔེ་འཚོལ་བ་དང་ཞུས་དག་ཟིན་བྲིས་བྱས་ཏེ་གཞིས་ཀ་ཤར་པ་འཕྲིན་ལས་རྣམ་རྒྱལ་གྱིས་སྐུ་གཟུགས་དང་རྒྱབ་ཡིག་གཙང་པ་འཇམ་དབྱངས་དབང་པོས་བྲིས། སྟེང་བཅས་བར་བཅས་ཀྱི་གཟུངས་འདི་གའི་ཁྱད་པར་གྱི་སྒོས་ཆོས་དང་བཅས་པ་དབྱེ་འབྱེད་དགེ་སློང་བྱེད་དུ་བཅུག །བཅས་རྣམས་ཐམས་ཅད་འགྲིག་པའི་ཟླ་བ་བདུན་པའི་ཟླ་དཀར་གྱི་གཟའ་ཚེས་དགེ་བར་ཀུན་བཟང་

[Full Size]

བདེ་ཆེན་དུ་ངོས་ཀྱིས་ཕྱིན་པའི་སྟེང་བཅས་ཀྱི་གཟུངས་ཕུལ། མཆོད་རྟེན་དངོས་གཞིའང་ལམ་ཙམ་བསྒྲིགས་ཏེ་གནུབས་ཆེན་གྱི་མན་ངག་གཏེར་གཞུང་ལས་བྱུང་བ་བླ་མའི་ཕྱག་བཞེས་ཀྱིས་བརྒྱན་པའི་རབ་གནས་རྟེན་འབྲེལ་ཙམ་བསྒྲིགས། དེ་ནས་མི་རིང་བར་མཆོད་དཔོན་པ་མཚམས་ཁག་ལས་བྱེད་དང་བཅས་པ་འབྲས་སྤུངས་སུ་བརྫངས། བར་བཅས་ཀྱི་གཟུངས་འབུམ་མཆོད་དཔོན་པའི་ཟླ་བོ་དགེ་སློང་འཇམ་དབྱངས་གྲགས་པས་བྱས་ཏེ་བཅས་ཡན་ལེགས་པར་གྲུབ་པ་མཚམས་ཁག་གཉིས་སོ་སོ་ནས་ཡོངས་གྲགས་རབ་གནས་དང་འདི་ག་སྒོས་ཀྱི་རབ་གནས་ཐུན་དུ་བཅད་ནས་ཉིན་གསུམ་གྱི་བར་དམ་ཡེ་གཅིག་ཏུ་བསྲེས། ཚེས་བཅུ་དྲུག་ནས་གསང་སྔགས་ཕོ་བྲང་འོག་གི་མཚམས་ཁང་དུ་རྡོ་རྗེ་སློབ་དཔོན་བློ་གྲོས་རྒྱལ་བ་དང་མཚམས་ཁང་གསར་པར་རྡོ་རྗེ་སློབ་དཔོན་དགའ་གདོང་སྔགས་རམས་པ་དོན་གྲུབ་རྒྱ་མཚོས་བྱས་ཏེ་བསྙེན་སྒྲུབ་ཀྱི་སྒྲུབ་པ་བདུན་གཅིག་དང་ལྷན་དུ་དགེ་སློང་འཇམ་དབྱངས་གྲགས་པས་རྡོ་རྗེ་སློབ་དཔོན་བགྱིས་པའི་བླ་སྲོག་ཡིད་གསུམ་འགུགས་པའི་མཚམས་བཙུགས། འབྲུབ་ཁུང་དུ་སྡིག་པ་དངོས་སུ་ཞུགས་པ་དང་ཉེ་སྐོར་དུ་གླ་བ་འཁོར་བ་དང་ལྷ་དབྱེའི་ནུབ་ཆུ་རླུང་འཐབ་པ་དང་མིའི་སྐད་ངན་ལྟ་བུ་ཁ་བསྟད་ནས་འགྲོ་བའི་མཚན་ལྟས་ལེགས་པ་བྱུང་། བར་དེར་ས་སྟེགས་འབྲུབ་ཁུང་སོགས་དང་སྒྲུབ་པ་གྲོལ་ནུབ་འོག་བཅས་ཀྱི་འཁོར་ལོ་རྣམས་མཆོད་དཔོན་པའི་ལག་བདར་ཏེ་ཚགས་དམ་པར་བྱས་ངོས་ལས་སྦྱོར་གྱི་སྒྲུབ་པ་བཙུགས་པ་ཉེར་དགུའི་ནུབ་དགྲ་བོའི་བླ་ཚེ་སྲོག་དབུགས་འཆི་བདག་རལ་པ་ཚར་དགུའི་ཟས་སྐལ་དུ་གཏད་ནས་རིག་པ་ཡེ་དག་ཀུན་ཏུ་བཟང་པོ་རང་ཆས་སུ་ཡོད་པར་རང་ངོ་སྤྲད། དུས་མཚུངས་

[Full Size]

སུ་དམར་པོ་རིར་རྒྱུན་བསྐང་པ་ཁ་ཤས་མ་གཏོགས་གྲ་ཚང་གཞིས་བཞུགས་རྣམས་ཀྱི་རྡོ་རྗེ་སློབ་དཔོན་གྲམ་པ་བ་སྔགས་བན་བློ་བཟང་ངག་དབང་གིས་བགྱིས་ཏེ་ཆོས་དབང་རིན་པོ་ཆེ་སོགས་གཏེར་ཁ་དུ་མའི་ཟབ་གནད་ཆུ་གཏད་ཀྱི་ལས་སྦྱོར་ཚོམས་ཆེན་དུ་བཅད་རྒྱ་དམ་པར་བཙུགས་སྐབས་མི་དང་ར་ལུག་སོགས་སེམས་ཅན་སྣ་ཚོགས་ཀྱི་སྐང་རྫོང་མདུན་དུ་བརྒྱག་པ་དང་ལྷ་སའི་བཤས་ར་ནས་ལུག་གློ་བུར་དུ་བྲོས་ནས་མཆོད་ཁང་དམར་པོའི་ཀ་སྤུངས་འོག་ཏུ་སླེབས། གཏད་རྒྱབ་དུས་སྐད་ཅིག་པ་འབྲུག་སྒྲ་དྲག་པོ་དང་སེར་ཆོལ་སོགས་འཚུབ་ལྟས་མང་དུ་བྱུང་། རོང་པོ་དཀའ་བཅུ་ཅན་གྱིས་རྟ་ཉེར་ལྔ་བྱིན། བཀྲ་ཤིས་སྒོ་མངས་པའི་རིགས་གྲའི་སྐལ་སྐྱེལ་བ་ཉིས་བརྒྱ་དང་རྒྱང་རོ་གསེར་སྡིངས་བླ་ཟུར། ཁམས་ལྡན་མ་བླ་མ། དཔའི་ཁོ་ཤོའུ་ཆིའི་དཔོན་མོ། བསོད་ནམས་བཀྲ་ཤིས་ཀྱི་དཔོན་མོ་སོགས་ལྔ་བརྒྱ་སྐོར་དང་ཕྲད། རིགས་འཛིན་སྟོབས་ལྡན་དབང་པོའི་སྲས་ཟིལ་གནོན་དབང་དྲག་རྡོ་རྗེ་མཆོད་རྟེན་བྱ་རུང་ཁ་ཤོར་གྱི་ཞིག་གསོས་མཆོད་འབུལ་དང་བསྟན་སྲིད་ཀྱི་སྐུ་རིམ་པར་སོང་གཤིས་སྟོད་ཕྱོགས་སུ་དབང་དང་གྲོང་ཆོག་གིས་མཚོན་པའི་འགྲོ་ཕན་སྐྱོང་བར་དམར་སེར་ཞྭ་གོས་འཛིན་པ་རྣམས་ཀྱིས་མི་བགག་པའི་ཐམ་ཁ་དང་ཤེལ་དཀར་རྫོང་ནས་འབྲུ་ཁལ་སུམ་བརྒྱ་རེའི་གཤོར་འདེབས་ཇི་སྲིད་བར་སྦྱར། མཆོད་དཔོན་པས་འབྲས་སྤུངས་སུ་སྤྱིལ་པོ་ལྷ་དབང་གླིང་བརྒྱབ་པའི་ཁ་དྲོར་སྡེ་པ་དཔོན་གཡོག་གྲ་ཚང་དང་བཅས་པ་གདན་དྲངས་པའི་སྐལ་བའི་བསྙེན་བཀུར་གིས་སྣ་ཆ་ཚང་གིས་གཙོས་པའི་བདོག་པ་བསྟར། རྒྱ་གར་བ་པྲ་ཡ་ཀའི་བྲམ་ཟེ་ནནྡ་དཱི་པར་གསེར་ཞོ་

[Full Size]

གསུམ་དང་གོས་སྣ་ཚང་བ་བྱིན། རྟ་ཚག་སྤྲུལ་པའི་སྐུ་རེ་ཞིག་སྒྲ་སྙན་སོགས་ཐ་སྙད་རིག་པའི་གསན་བསམ་མཛད་པར་སྐོར་ཅིག་བཞུགས་འདོད་འདུག་ནའང་ཁམས་ནས་གཉེར་པ་མགོ་སྐྱེས་ཟླ་བའི་ཅོད་པན་འཆིང་བ་ཞིག་འོངས་ཏེ་ད་ལམ་མི་འབྱོན་ན་དགོན་གཞིས་ས་རིས་རྣམས་གཞུང་དུ་ཕུལ་ངེད་གྲ་རིགས་ཚོ་འཐོར་ཟེར་བའི་ཁམས་པའི་བརྟུལ་ཞུགས་ལ་འགྱུར་ལྡོག་མ་བྱུང་བའི་གཤིས་ཟླ་བ་ཡར་འཕེལ་གྱི་ཐུགས་བཞེད་ལ་དམར་ཆའི་གླེང་བརྗོད་ཐུགས་ཀྱི་ཚེར་མར་གྱུར་ཅིང་མགྱོགས་འཁོར་གྱི་ཉེར་སྡོགས་ཕེབས་རྫོངས་སུ་པཎ་ཞྭས་ཐོག་དྲངས་ན་བཟའ་ཆ་ཚང་། བླ་ཆས་ཆ་འགྲིག །གོས་དར་སྣམ་ཕྲུག །ཆོས་གཞིས་དགོས་ཚུལ་བྱུང་བར་བརྟེན་སྤག་ཤོད་བསམ་གྲུབ་དགོན་གཞིས་ཀ་མ་ལག་རྟེན་གསུམ་མཆོད་རྫས་ཆེ་ཕྲ་རང་འཇགས་མི་སེར་བོད་འབྲོག་དུད་འཛིན་བརྒྱད་བརྒྱ་བཅོ་ལྔར་ལག་ཡོང་འབྲུ་རྐྱང་ཐོག་དཔུས་ཆར་གོང་རྒྱབ་བཅས་པ་ལ་ཉིས་སྟོང་བདུན་བརྒྱ་སུམ་ཅུ་བརྒལ་བ་སྦྱོར་འཇགས་བགྱིས། སྟག་རྩེ་ནས་ཐའི་ཇི་རྡོ་རྗེ་རྣམ་རྒྱལ་གོས་སྣ་གསུམ་བཞེས་སྤྲོ་དང་བཅས་དབྱར་མཇལ་དུ་བྱོན་པ་དང་ལྷན་དུ་གྲ་ས་ཕན་ཚུན་གྱི་དབྱར་གནས་པ་སྟོང་ཕྲག་ཏུ་ཉེ་བ་ལ་ལག་པའི་འདེགས་འཇོག་འབད་དེ་བྱས། དུས་རིམ་དུ་སེར་འབྲས་སོ་སོར་ཇ་ཚུལ་སུམ་ཅུ་རེའི་ཐོག་གདུགས་དཀར་ཉིས་འབུམ་དགུ་ཁྲི་བརྒྱད་སྟོང་། སྒྲོལ་མ་དང་ཤེར་སྙིང་སོ་སོར་བྱེ་བ་ས་ཡ་ཉིས་འབུམ་ཉི་ཁྲི་བདུན་སྟོང་། ཚེ་གཟུངས་ས་ཡ་གསུམ་དྲུག་འབུམ་བརྒྱད་ཁྲི་བཞི་སྟོང་རྣམས་བསྒྲུབས། མ་མ་མཚོ་སྨན་གྱི་བུར་སྡོད་གནས་དགོས་ཚུལ་ལ་ཡར་ཤར་དོམ་པོ་ཆེ་བའི་འཛིན་ཤུལ་གྱི་ར་མ་ལྷས་ར། ཞིང་མིག་དགུ་ལ་ཁལ་ཉིས་བརྒྱ་ཐོན་ཁུངས། ཕོ་བྲང་ལྷོ་རོང་

[Full Size]

ཁང་ཆུང་པར་ས་བརྗེས་ངོ་དཀར་དུ་བདེ་ཆེན་ཁང་གསར་གྱི་ཁང་པ་རྩྭ་ཤིང་འཛིན་བདག་ཁལ་བརྒྱ་ཐོན་ཁུངས། ཡར་ཀླུངས་བཀྲ་ཤིས་ཆོས་སྡེར་ཁེ་གསུམ་གྱི་བོགས་འཁྱར་བརྗེ་ཚབ་ཏུ་ལྷོ་རོང་ཁང་ཆུང་པའི་ཁང་པ་དྲུག་བརྒྱའི་ཐོན་ཁུངས་སྦྱོར་འཇགས་བྱས། འདི་གའི་འདྲ་འབག་སློང་མི་མང་གཤིས་སྟེར་རྒྱུར་ཁ་ཤས། ཁལ་ཁ་གཡོན་རུ་ཐུ་ཤི་ཡེ་ཐུ་རྒྱལ་པོས་ཐེབས་བཞག་པ་ལྟར་དཔལ་ལྡན་འབྲས་སྤུངས་སུ་གསེར་གྱི་རྒྱལ་མཚན་ཆ། མཐའ་འདུལ་ཡང་འདུལ་རྣམས་སུ་འཛུགས་རྒྱུའི་གཉྫིར་དྲུག་དང་བཅས་པ་བཟོ་བའི་དོ་དམ་སྟག་ལུང་ཕྱག་མཛོད་དབུ་མ་ཅན། གསེར་གསོལ་སྡེ་པ་ཕོན་མདོ་བ་ཅན་གྱིས་མཛད། ཆོས་འཁོར་ཡང་རྩེའི་གྲ་པ་དཀའ་བཅུ་འཇམ་དབྱངས་རྒྱ་མཚོས་ཆོས་མངོན་རིན་ཅེན་འདྲེན་པའི་ཤིང་རྟ་དང་བཤད་སྒྲུབ་གླིང་པ་བློ་བཟང་མཐུ་སྟོབས་ཀྱིས་དབུ་མ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་ཀྱི་རྒྱུགས་སྤྲད། འདི་གའི་རིམ་གྲོར་ཧོར་ཟླ་བརྒྱད་པའི་ཚེས་གཅིག་ལ་སཱཙྪ་འབུམ། ཕྱུགས་ལུག་བརྒྱ་ཉི་ཤུའི་སྲོག་བླུ། སྡེ་པའི་སྐུ་རིམ་པ་གཟུངས་བསྡུས་བརྒྱ་བཅུ་གཅིག །གྲ་ཏོག་གསེར་གསུམ་བརྒྱ་རྩ་རེ། རྒྱལ་མཚན་རྩེ་མོའི་དཔུང་རྒྱན་སུམ་སྟོང་བཞི་བརྒྱ། སྟོབས་པོ་ཆེ་བཞི་སྟོང་བཞི་བརྒྱ། ཕྱོགས་བཅུ་མུན་སེལ་བཞི་སྟོང་ལྔ་བརྒྱ། རི་འགོ་མཐོ་བ་བརྒྱར་དར་ལྕོག །ཇུས་རིམ་དུ་རྡོ་རྗེ་བྲག །དཔལ་རི། སྨིན་གྲོལ་གླིང་། ཆུ་མིག་པ། བཀྲ་བཟང་པ། སྒྲོལ་ཕུག་པ། འུག་བྱ་ལུང་པ། གོང་ར་བ། བྲག་དཀར་ཆུ་བཟང་པ། ནུབ་དགོན་པ། བྲག་ལ་བ། སྨྲ་བོ་ལྕོག་པ། གནས་གཞི་བ། ཀ་ཚལ་ཟུར་པ།

[Full Size]

བན་གྲོང་པ་རྣམས་ཀྱིས་སོ་སོའི་ལུགས་བཞིན་གྱི་དགྲ་མནན། དབུས་གཙང་གི་ས་དགེའི་གྲ་ཚང་སྔགས་གྲས་གཏོར་བཟློག །མདོ་གྲས་མདོ་སྒྲུབ། དེ་ཕྱིན་གྲུབ་མཐའ་གཞན་མ་རྣམས་དང་ཨངྐི་གསུམ་པ་བཅས་པར་མང་ཇ་སྦྱོར་སྦྲེལ། གོང་གི་མང་ཇ་འཕར་ཁ་ཡོད་མེད་ལ་མ་བལྟོས་པའི་དགོན་ཨངྐི་དང་པོར་ཁལ་གཉིས། གཉིས་པར་ཕྱེད་གཉིས། གསུམ་པར་གཅིག་མ་ཡོང་རྩིས་ཀྱི་དཔུས་ཆའི་ཡོན་དང་བཅས་སྨིན་རྒྱས་སུ་བགྱིས། ཚེས་གཉིས་ནས་དྲང་སྲོང་ཨ་གསྟྱཿས་ཉལ་འགྲོའི་དུག་གཞིལ་བ་ནས་ཉིན་གསུམ་གྱི་བར་བསྟེན། གདན་ས་འོག་ནས་ཞབས་དྲུང་རྒྱལ་མཆོག་རིན་པོ་ཆེ་དག་ཞིང་དུ་ཕེབས་པའི་ཐུགས་དམ་གསལ་འདེབས་ཀྱི་རྟེན་སངས་རྒྱས་ཀྱི་སྐུ་བརྙན། ཞལ་དཀར་ཞལ་སྟེགས་ཀྱིས་གཙོས་དངོས་པོ་གཏོས་ཆེ་བ་འབྱོར་དོན་བཞིན་ནམ་མཁའི་མཐའ་སྙེད་ཀྱི་འགྲོ་ཀུན་སྒྲོལ་བཞེད་དགོངས་པ་ཆོས་དབྱིངས་སུ་རྫོགས་པའི་བསྔོ་སྨོན་གྱི་རྒྱས་འདེབས་ཡང་དག་པར་ཞུས་ཤིང་གདུང་འབུལ་དུ་བརྒྱད་ཚན་དྲུག་གི་དང་པོར་གསེར་སྲང་གང་། གཉིས་པར་དངུལ་མདོང་སྲང་སོ་གཉིས་དང་ནག་པོ་ཁོར་དྲུག་མ། གསུམ་པར་དངུལ་སྲང་དགུའི་སྡེར་མ། བཞི་པར་ཟི་ལིང་བརྒྱད་ཇ། ལྔ་པར་དངུལ་ཕོར་དང་ཡ་ཇུ་ཁོར་དྲུག་མ། དྲུག་པར་འབྲུ་ཁལ་བརྒྱད་བརྒྱས་གཙོས་པ་རྣམས་འབུལ་དུ་གྲུབ་རྒྱལ་གླིང་པ་བློ་བཟང་དངོས་གྲུབ་བརྫངས། རྭ་སྒྲེང་མཁར་ཐོག་ཁྲི་རིན་པོ་ཆེ་ཟུར་པ་དང་སྤྱི་སོ་བསྡོམས་པས་རྟ་ཉི་ཤུའི་གནང་སྐྱེས་བྱུང་། ཐང་ཆེན་མཁན་པོ་དུང་དཀར་བ། མཚུར་ཕུ་ཕྱག་མཛོད། བི་ལིག་ཨེར་ཁེ་ཐའི་ཇིའི་དཔོན་མོ། དོ་གོ་ལོང་གིས་མཚོན་པའི་བོད་སོག་ཉིས་བརྒྱ་སྐོར་དང་ཕྲད། འཕགས་

[Full Size]

ཡུལ་ཝ་ར་ཎཱ་སིའི་བྲམ་ཟེ་རུ་དྲ་དཱ་ས་བྱུང་བར་གསེར་ཞོ་བཞི། གླ་འཁོར་བཞི། ཟུར་ཆས་བསྟར། གསུང་ངག་སོགས་ཆོས་བཀའ་གྲོལ་བའི་ཞ་ལུ་མཁན་ཆེན་རྡོ་རྗེ་འཛིན་པ། བཅོ་བརྒྱད་ཆོས་རྗེ། གནས་གསར་དབོན་རིན་པོ་ཆེ་རྣམས་ལྷོ་མོས་ནས་ཕེབས་པ་དང་མཇལ་ཞིང་ཆོས་དང་འབྲེལ་བའི་གསུང་གླེང་འཕེལ། ཚེས་བཅུ་བཞིའི་ཉིན་ཁྱབ་བདག་ཞ་ལུ་པ་དང་དབོན་རིན་པོ་ཆེར་ཆོས་རྒྱལ་བྱང་པའི་ཕྱག་བཞེས་ཀྱི་ལྕགས་སྡོང་མ་ཕར་ཕུལ། བཅས་དེ་གའི་སྟེང་ནས་བསྐྱར་སྒྲུབ་ཀྱིས་མཁན་རིན་པོ་ཆེས་དེར་འཁོད་ལ་འཇམ་དབྱངས་མཁྱེན་བརྩེའི་ཕྱག་བཞེས་མ་དེ་ཚུར་སྩལ། རྗེ་བླ་མ་གཙང་དུ་ཕེབས་རྫོངས་ལ་སྐུ་བེར་གྱིས་སྣ་དྲངས་ན་བཟའ་ཆ་མགྲིག །དངུལ་ལྔ་བཅུ་མ། དངུལ་མདོང་། དངུལ་ལྟིར། ཇ་གོས་དར་གྱིས་མཚོན་རྒྱས་པ་དང་དྲག་དམར་གྱི་བཀའ་བསྒོ་ཕུལ་ཞིང་གསུང་ཞིབ་ཆའི་ངོས་ཆིབས་ཁ་བསྐྱོད། དབོན་མཁྱེན་རབ་བློ་ལྡན་དུས་ཀྱི་ཆོས་ཉིད་དུ་འགྱུར་བར་ཉེ་བའི་དབོན་རིན་པོ་ཆེ་བཀྲ་ཤིས་ཆོས་སྡེར་མགྱོགས་འཁོར་གྱི་ཕེབས་རྫོངས་བསྟར། སྟག་རྩེ་ཐའི་ཇི་རྡོ་རྗེ་རྣམ་རྒྱལ་དང་བི་ལིག་ཨེར་ཁེ་ཐའི་ཇི་ཉིས་བརྒྱ་སྐོར་ལ་ཕྱག་དྲུག་པའི་བྱིན་རླབས་བར་ཆད་ཀུན་སེལ་བྱས། མཆོད་དཔོན་པ་རྒྱལ་གྱི་གཏོར་གསོས་རྒྱས་པ་ཞིག་བྱེད་པ་རྫོང་བདའ་བགྱིས་སྐབས་བྱམས་ཆེན་དང་མགོན་ཁང་སོ་སོའི་བྲིས་འབུར་གྱི་སྐུ་རྣམས་དང་སྡེ་པ་ཨ་བར་གྱིས་མ་ཕམ་མགོན་པོ། མཆོད་དཔོན་པས་བྱམས་པ་དང་དམག་ཟོར་མས་མཚོན་པར་སྙན་དར་ཁ་བྱང་། གཞན་ཡང་སྤྱན་གཟིགས་གོ་མཚོན་ཚོགས་ཆེན་དུ་མང་ཇ་འགྱེད་ཁ་ཤས་བསྐུར། རང་ཉིད་རྩོམ་འདུན་དང་བྱང་

[Full Size]

བདག་སྤྲུལ་པའི་སྐུ་མཆོག་གིས་བསྐུལ་མ་མཛད་པའི་རྐྱེན་གྱིས་ཁྱབ་བདག་བློ་མཆོག་རྡོ་རྗེའི་རྣམ་ཐར་ཉུང་ངུ་རྣམ་གསལ། མཁན་ཆེན་ཞ་ལུ་པའི་བཀའ་ནོས་ཏེ་གནས་བཅུའི་ཆོག་སྒྲིགས་རྒྱལ་བསྟན་འཛད་མེད་ནོར་བུ། ས་སྐྱོང་བློ་བཟང་མཐུ་སྟོབས་ཀྱི་ཉམས་ལེན་དུ་གཏོར་མ་བརྒྱ་རྩ་དང་གསུར་བསྔོ། རྟ་ར་མདོ་པ་ཛམ་ལ་ཕ་བུའི་ངོར་གསོལ་འདེབས་དང་ཉལ་སྒོམ་རྒྱབ་ཡིག །དགེ་སློང་འཇམ་དབྱངས་གྲགས་པས་མའི་དོན་དུ་སྙན་དར་དང་སྨོན་ལམ། གྲམ་པ་བློ་བཟང་ངག་དབང་གིས་བྲིས་ཐང་ལེ་ཚན་འདྲེས་ལྔ་ཆུ་སྐོར་བ་གསོལ་དཔོན་ངག་དབང་འཕྲིན་ལས་ཀྱིས་ཐམས་ཅད་མཁྱེན་པ་དགེ་འདུན་གྲུབ་ཀྱི་འཁྲུངས་རབས། འཕྱོང་རྒྱས་བློ་བཟང་དབང་ལྡན་གྱིས་རྗེ་བཙུན་བཙོང་ཁ་པ་ཆེན་པོ། ཆོས་རྗེ་རྐན་བུ་བ་ཟིལ་གནོན་རྡོ་རྗེས་ཐང་སྐུ་གསུམ་རྣམས་བཞེངས་པའི་རྒྱབ་ཡིག །རྒྱས་དར་བ་འཚོ་བྱེད་སྐལ་ལྡན་སོགས་སློབ་མ་ཚོའི་ངོར་ངེད་རང་དང་དར་མོ་སྨན་རམས་པའི་གསོལ་འདེབས། གཉལ་པ་བློ་བཟང་རྣམ་དག་གིས་བསྐུལ་ནས་རིང་འཚོའི་ཚིགས་བཅད་རྣམས་བྲིས། ཁུ་ལུ་དབོན་པོས་རྟ་བཅོ་ལྔ། ཀླུ་འབུམ་ཧོར་ཅན་གྱིས་རྟ་བཅོ་བརྒྱད། བིག་དུ་ཆོས་སྐོར་གྱིས་རྟ་བཅོ་ལྔ། མཁར་རྒྱ་དཔལ་ལྡན་ཅན་དང་འཕྲིན་ལས་ཆོས་འཕེལ་གྱིས་རྟ་ཉེར་བདུན་རེ། བློ་བཟང་ནོར་བུ་ཅན་གྱིས་རྟ་བཅོ་ལྔ། རྡོ་རྗེ་དཀའ་བཅུ་ཅན་གྱིས་རྟ་ཉི་ཤུ། རོང་པོ་བློ་བཟང་ཅན་གྱིས་རྟ་ང་བཞི་རྣམས་བྱུང་། ཚེས་བཅུ་བདུན་ལ་རི་ཆོས་པ་དམ་ཆོས་དབང་རྒྱལ་ཕུར་པ། རི་བོ་བདེ་ཆེན་པ་ངག་དབང་དགེ་ལེགས་བཀའ་བརྒྱད། ཀླུ་ཕུག་བློ་བཟང་དངོས་གྲུབ། འབྲོམ་སྟོད་པ་བློ་གྲོས་རྒྱ་མཚོ། གོང་དཀར་བ་བློ་བཟང་བསོད་ནམས། སྟག་རུ་བ་

[Full Size]

ངག་དབང་བསྟན་འཛིན་དང་བཞིས་ཚེ་བདག །འཕྱོས་པ་ངག་དབང་ཕུན་ཚོགས་རྟ་མགྲིན་རྣམས་ལ་བསྙེན་པ་བྱེད་པའི་དམིགས་སྐོར་དང་མཐུན་རྐྱེན་སྦྱར། བྱམས་གླིང་དང་ཐར་བའི་མཁན་པོ། སེ་ཆེན་རྒྱལ་པོ་དང་ཁལ་ཁ་གཡོན་རུ་ད་ལའི་གྱི་མི་སྣ། བསྟན་འཛིན་ད་ཡན་རྒྱལ་པོའི་དབུ་སྐོར་ཆུང་བ་སོགས་བོད་སོག་ལྔ་བརྒྱ་སྐོར་ལ་བྱིན་རླབས་བྱས། བསྙེན་རྫོགས་བཅུ་གསུམ་དང་དགེ་ཚུལ་དགུ་བསྒྲུབས། ཚངས་པ་དུང་ཐོད་ཅན་གྱི་སྐུ་ཁོག་དབང་འདུས་རྒྱལ་པོས་དགོས་ཚུལ་ལྟར་མལ་དྲོ་ཕྲང་སྨད་ནས་དུད་འཛིན་ལྔ་ལག་འབབ་བཞི་བརྒྱ་བཅོ་ལྔ། ནཱ་ལནྡ་པར་སྔ་སོར་གྱི་འཕྲོས་མཁར་རྩེ་མཐོང་སྨོན་ནས་དུད་འཛིན་བརྒྱད་ལག་ཡོང་ཞེ་བཞི་རྩིས་སྤྲད། ཧོར་ཟླ་དགུ་པའི་ཚེས་གསུམ་ལ་དེ་མོ་སྤྲུལ་སྐུ་ཐོག་མར་བྱོན་པའི་ཕྱག་རྟེན་ལ་ཁ་བཏགས། གསེར་སྲང་ཉི་ཤུ། གོས་ཡུག་བདུན། ཁྲབ་བཅུ། ཇ་བཟང་ངན་འདྲེས་པ་ཁོར་དྲུག་བརྒྱད་བརྒྱ། རྟ་བརྒྱ་བཅུ་གཉིས། དྲེའུ་བརྒྱ་དང་ཉེར་བཞི། མཛོ་བརྒྱ། གཡག་ལྔ་བཅུ་སོགས་ཁྲི་འབུལ་བསྟར། ཙུག་ཕུད་བླངས་ཤིང་མཚན་ངག་དབང་ནམ་མཁའ་འཇམ་དབྱངས་སུ་གསོལ། དཔོན་སློབ་སུམ་བརྒྱ་སྐོར་ལ་ཇ་གྲལ་གྱི་ཚེ་སྤྲུལ་སྐུ་སྐུ་ན་ཕྲ་བའི་ཚོད་ལ་ཚུགས་ཁ་དང་བཞུགས་ཚུལ་ཡ་མཚན་པ་སྣང་། ཆབ་མདོ་རྗེ་དྲུང་གི་སྤྲུལ་སྐུ། བྲག་ཡག་སྐུ་སྐྱེ། དགའ་ལྡན་རབ་འབྱམས་པ། དགའ་ལྡན་དར་རྒྱས། དཔོན་མོ་མ་ག་དྷ། ཨུའི་ཆིང་ཨ་ཁའི། ད་ལའི་པཱ་ཐུར། དྷ་ས་ཁོ་ཤོའུ་ཆི་སོགས་ཁལ་ཁ་དུ་མ་དང་། ས་སྐྱོང་མེར་གན་ཐའི་ཇི་དང་བལ་པོ་ཡེ་རང་གི་མི་སྣ་ཀཱ་ཤིར་མ། ཀླུ་འབུམ་གྱི་འགྲུལ་པ་ཉིས་བརྒྱ་སྐོར་སོགས་ཁྱོན་ཉིས་སྟོང་ཙམ་དང་ཕྲད།

[Full Size]

དགེ་སློང་འཇམ་དབྱངས་གྲགས་པས་གཙོས་གྲ་པ་ཁ་ཤས་ཟངས་རིར་རྟེན་གྱི་གཟུངས་འབུལ་དང་རབ་གནས་བྱེད་པར་བརྫངས་པའི་ཞར་བྱུང་འཁོར་ཞག་དང་སྦྲགས་སྲོང་བཙན་བང་སོའི་གཙུག་ལག་ཁང་བྱིན་ཅན་དེར་གཉྫི་རའི་ནང་བཞུགས་ལ་དགྲ་བགེགས་གནོན་པ་འགྲུབ་ན་སྤྱི་སྒོས་སུ་ཕན་པའི་ལུང་བསྟན་འདུག་པས་བསྒྲུབ་འདོད་ཡོད་པའི་སྟེང་སྡེ་པ་བློ་བཟང་མཐུ་སྟོབས་ཀྱིས་རྫོང་ཐོག་ཏུ་གཉྫི་ར་འཛུགས་རྒྱུ་གྲ་བསྒྲིགས་པ་ཕྱོགས་མཐུན་ནང་རྫོངས་དང་ཏིཥྛ་བཛྲ་ལ་མངགས་ཤིང་ཆོས་རྗེ་རྫོང་རི་བ་ཅན་གྱི་ཚུལ་བཞིན་བསྒྲུབས་པའི་གཤིན་རྗེ་དམར་པོའི་མནན་པའང་དུས་ཐོག་ཏུ་བསྐྱལ། མི་རིང་བ་ནས་ལོ་གཅིག་ཙམ་གྱི་བར་རྫོང་གི་གཉྫི་རའི་ཟངས་ལེབ་བསྒྲིགས་མཚམས་ནས་ཆུ་བབས་ཏེ་ལྕེ་ཁར་མྱང་རྒྱུ་བྱུང་བར་རྩེ་ཞོལ་ཀུན་ནས་བལྟ་མཁན་མང་ཞིང་བདུད་རྩི་ཡིན་ཞེས་གླེང་བ་ཡོང་མི་ཐང་བ་ཞིག་ཡིན་འདུག་རུང་དཔྱད་མ་བཟོད། འདི་ནུབ་ནས་བཟུང་བདུན་གཅིག་གི་རིང་ལུས་ངག་མི་འདའ་ཞིང་ཡིད་ཀྱི་གླང་པོ་ཀུན་རྟོག་གི་ནགས་སུ་ཡང་ཡང་རྒྱུག་ཀྱང་དྲན་ཤེས་ལྕགས་ཀྱུས་འདེབས་ཁུལ་གྱི་ཡང་ཟབ་འཆོལ་པའི་ཁྲོ་རྒྱལ་ཆེན་པོའི་བསྙེན་སྒྲུབ་བགྱིས་པར་རྟགས་ཡ་མཚན་ཅན་ནི་དངོས་ཉམས་གང་དུ་འང་མ་བྱུང་བས་ལས་སྒྲིབ་ཀྱང་ཇེ་འཐུག་ལ་འགྲོ་ཡིན་ཡོད་པ་འདྲ། ར་མོ་ཆེར་སྟོད་པ་དང་སྔགས་ཁང་དུ་སྨད་རྒྱུད་པ་གཉིས་ཀྱི་དབུ་མཛད་ཐེ་བའི་བཞི་བཅུ་རེས་བདུན་གཉིས་ཀྱི་བར་བསྐང་གསོའི་ཐོག་ཤཱ་ས་ན་འགྲོ་གང་ཆེའི་མཇུག་གཏོར་བཟློག །སེར་འབྲས་དགེ་གསུམ་དུ་ཇ་ཚུལ་བཅོ་ལྔ་རེའི་ཐོག་ཤེར་སྙིང་འགྲོ་གང་ཆེ། སྡེ་པ་བློ་བཟང་སྦྱིན་པས་འདི་གའི་རིམ་གྲོར་དམིགས་ཏེ་ཚེ་ཆོག་འཛུགས་རྩིས་ཀྱི་རིགས་འཛིན་ཆེན་པོས་འབྲས་གཤོངས་ནས་གདན་དྲངས་པའི་ཚེ་དཔག་མེད་བདུད་རྩི་འཁྱིལ་པ་དང་དྭངས་

[Full Size]

མ་བཅུད་འདྲེན་སོགས་ཀྱི་འབུར་སྐུ་ཁ་ཤས་ཨེ་ནས་བག་དྲོ་ཅན་དང་། ཕོ་བྲང་དབུ་མཛད་ཕུན་ཚོགས་ཅན་གྱིས་ལྡེབས་རིས་ལ་ཚེ་དཔག་མེད་སྟོང་སྐུ་བསྐྲུན་པར་གཟུངས་བཞུགས་དང་རབ་གནས་སྨིན་གྲོལ་གླིང་ནས་ལོ་ཆེན་ངག་དབང་ཆོས་དཔལ་ཅན་གྱིས་བསྟར་ཞིང་ཚེ་ཆོག་གི་བཞི་སྡེ་ཡང་སྨིན་གྲོལ་གླིང་ནས་རེས་སྐོར་དང་དེ་མཚུངས་རི་བོ་བདེ་ཆེན་པར་སྨན་བླའི་བཞི་སྡེ་པ་གསར་འཕར་བཞི་བཙུགས། སྡེ་པའི་སྐུ་རིམ་དུ་གསེར་འོད། གཟུངས་བསྡུས། ཐང་ཡིག་གསུམ་བརྒྱ་རྩ་རེ། མ་ཎི་དུང་། མཚན་བརྗོད་ཉི་ཁྲི། གདུགས་དཀར་སུམ་ཁྲི། དྲི་མེད་བཤགས་རྒྱུད་སུམ་བརྒྱ། བསམ་ཡས། ལ་མོ། གནས་ཆུང་གསུམ་དུ་གསོལ་མཆོད་བཟབས་རྒྱས། བསྟན་སྲིད་སྤྱི་རིམ་ལ་དགེ་ལུགས་དགོན་ཁག་ཚོར་མང་ཇ་ལྔ་རེ། ས་ལུགས་ཚོར་བཞི་རེའི་ཐོག་གཏོར་བཟློག་དང་མདོ་སྒྲུབ་སྐབས་ཐོབ་ལྟར་བསྒྲུབས། དགའ་ལྡན་དར་རྒྱས་ཀྱིས་རྟ་བརྒྱ་ཉི་ཤུ་བྱིན་ཅིང་དཔོན་གཡོག་ཕྱེད་ཉིས་བརྒྱ་སྐོར་ལ་མགོན་པོ་བར་ཆད་ཀུན་སེལ་གྱི་རྗེས་གནང་བསྐུར། དེའི་ཤོག་སེ་ཆེན་དགེ་སློང་ཅན་གྱིས་རྟ་ཞེ་གཅིག །དགེ་ཚུལ་མས་ཀྱང་དྲེལ་བཅུ་དགུ་དང་རྟ་དྲེལ་བཞི་རེ། བྲ་ཉེ་ཁུ་ཐུག་རབ་འབྱམས་པ་ཅན་གྱིས་ཉེར་བརྒྱད། འབྲི་གུང་པས་བཅོ་ལྔ། ཞང་སྟོན་གཞོན་ཚང་དང་ད་ལའི་པཱ་ཐུར་ཅན་གྱིས་བཅུ་དགུ་རེ། སྦུས་མདའ་བླ་མས་ཉེར་བརྒྱད། ར་ལ་ནོ་མུན་ཁན་གྱིས་ཉི་ཤུ། ཨ་རིག་བཀྲ་ཤིས་རྒྱ་མཚོ་ཅན་དང་ཧོར་རྫ་དམར་རྒྱ་མཚོས་བཅོ་བརྒྱད་རེ་རྣམས་བྱིན། ཚེས་བཅུ་གསུམ་ལ་དེ་མོ་སྤྲུལ་པའི་སྐུ། དྷས་ཁོ་ཤོའུ་ཆིའི་བུ་སོགས་དགེ་ཚུལ་གྱི་དངོས་པོར་བསྒྲུབས་ཤིང་རྟ་འབུལ་བ་ལྔ་བཅུ་སྐོར་ལ་བྱིན་རླབས་

[Full Size]

བགྱིས། གོང་དུ་ཞུ་ཡིག་འབུལ་བར་བཏང་བའི་རབ་འབྱམས་པ་བློ་བཟང་དོན་གྲུབ་དང་ལ་གདོང་པ་ངག་དབང་གྲགས་པ་གཉིས་ཟི་ལིང་ནས་མི་སྣ་དངོས་གཞིའི་སྔུན་བཅད་དེ་འོངས་པ་དང་ཕྲད། ཚེས་བཅོ་ལྔ་ནས་པཎ་ཆེན་སྐུ་མཆེད་ཀྱི་ཟབ་གཏེར་ཡེ་ཤེས་འོད་མཆོག་གི་སྒོ་ནས་བསྐྱེད་རྫོགས་རྫོགས་པ་ཆེན་པོ་དང་འབྲེལ་པའི་འཆི་མེད་གྲུབ་པའི་རྣལ་འབྱོར་བདུན་གཅིག་གི་བར་དུ་ཉམས་སུ་བླངས་པ་དབང་པོ་ཡང་རབ་ཅིག་ཡིན་ན་གཞན་ལས་ཟབ་ཁྱད་ཐོན་པའི་བོགས་ཆེན་པོ་ཞིག་ཐོན་ཚོད་དུ་འདུག་ཀྱང་རང་སྐྱོན་ཆོས་ལ་བཀལ་ཆོག་པ་བྱ་ལམ་དུ་སོང་། མཚམས་ཁོངས་སུ་ཁྱབ་བདག་བཀའ་འགྱུར་བའི་དབོན་རིན་པོ་ཆེ་ཡར་ཀླུངས་ནས་བྱོན་པ་དང་མཇལ་ཞིང་དངུལ་གྱི་མཎྜལ་གཡུ་རྩི་མའི་ཕྱག་རྟེན་མཛད། ལྷོ་མོས་སུ་ཀྱེ་རྡོར་བསྙེན་ཆེན་ལ་འབྱོན་པའི་མཐུན་རྐྱེན་དང་བསླབ་བྱ། རྒྱ་ནག་གི་ཐོད་ཕྲེང་བྱུ་རུའི་རྒྱན་དང་གསེར་གྱི་བཅུ་ཤད་ཡོད་པའི་ལེགས་པ། ཧོར་དྲིལ་ལེགས་པ་ཤུབས་བཅས། བཟང་ཇ་ཆུ་ཐོག་མ་ཁོར་གསུམ། སྐུ་སྲུང་ལ་ཐུགས་རྟེན་གནམ་ལྕགས་ཀྱི་རྡོ་རྗེ་དང་མགོན་པོ་ཤིང་དྲུང་མ་ལོ་ཆེན་རིན་བཟང་གིས་གདན་དྲངས་པའི་འཁྲུལ་མེད་བླ་མ་དམ་པའི་སྐུ་སྲུང་འབྲལ་སྤང་གཡར་པོར་ཕུལ། སྡེ་པ་ཅུང་ཟད་བྲོ་འཚལ་བར་མགོན་པོའི་བྱིན་རླབས་བར་ཆད་ཀུན་སེལ། ཕྱག་རྡོར་འབྱུང་འདུལ་དང་དམག་ཟོར་མའི་རྗེས་གནང་བསྐུར། རྒྱ་ནག་ལ་འགྲོ་མི་རབ་འབྱམས་པ་དོན་གྲུབ་རྒྱ་མཚོ་ཅན་དང་བོད་སོག་ཉིས་བརྒྱ་སྐོར་དང་ཕྲད་ཅིང་སོག་པོ་གསར་སླེབས་རྣམས་ཀྱིས་གསེར་དངུལ་ཇ་གོས་དར་པགས་རས་སོགས་ཕོན་ཆེ་བ། གཞན་ཡང་རང་རང་གི་ཡུལ་ཟོག་གི་སྟེར་བྱ་བཟབས། ཉེར་ལྔ་ནས་ཡངས་པ་ཅན་གྱི་རྟ་འགོའི་ཆུ་ཚན།

[Full Size]

ཉིན་བདུན་གྱི་བར་བསྟེན་ཀྱང་ཕན་གནོད་ནི་མ་བྱུང་། ཐོད་རི་བཤད་སྒྲུབ་གླིང་པ་ངག་དབང་རྒྱ་མཚོ། ཕུན་ཚོགས་རྒྱ་མཚོ། བློ་གྲོས་རྒྱ་མཚོ་གསུམ་གྱིས་ཕར་ཕྱིན་གསར་རྩོམས་ཐལ་ཕྲེང་གི་རྒྱུགས་སྤྲད། གནམ་གང་གི་ཞོགས་ལྷ་སའི་བསྙེན་གནས་མ་ཚོ་ཡན་ལག་བརྒྱད་པའི་ཁྲིམས་ལ་བཀོད། ཧོར་ཟླ་བཅུ་པའི་ཚེས་གཅིག་ལ་ཕུ་ལུང་ལྷ་དབང་རྡོ་རྗེ་བསམ་ཡས་སུ་བསྐང་རྫས་དངོས་བཤམས་ཡིད་སྤྲུལ་དང་བཅས་བཏང་བའི་ཚེ་སྤེལ་བའི་ཕྲིན་ཡིག་ཚིགས་བཅད། རྩེས་དང་དཔལ་གྲོང་སྔགས་རམས་པ་ངག་དབང་དགེ་ལེགས་ཀྱིས་འདི་གའི་འདྲ་འབག་ཁྲི་བཅས་བཞེངས་པའི་རྒྱབ་ཡིག་སྨོན་ལམ་བརྩམས། ཁལ་ཁ་མ་གདྷ། ཨུའི་ཆིང་ཨ་ཁའི། ད་ལའི་པཱ་ཐུར་སོགས་ཀྱིས་གསེར་དངུལ་ཇ་གོས་དར་པགས་རིགས་སོགས་རྒྱ་སོག་གི་དངོས་དཔྱད་སྤམས་མཐོ་བའི་སྟོང་འབུལ། ཁལ་ཁ་ཀླུ་འབུམ་ནོ་མུན་ཁན། ནོ་མུན་ཨེ་ཇེན་གྱི་དགེ་ཚུལ་མ། ཡེལ་དེང་ནོ་ཡོན། དཔོན་མོ་བསོད་ནམས་སྒྲོལ་མ་སྲས་བློན་འབངས་བཅས་ཀྱིས་རྒྱུ་ཟོག་གོང་ལ་གཞིབས་པའི་ཁྲི་འབུལ། ཏྲེ་བོ་ཧོར་ཚང་དཔོན་པོ་མཆེད་སོགས་ཀྱིས་གསེར་དངུལ་ཇ་ཁྲབ་རྟ་དྲེལ་གྱིས་གཙོས་པའི་སྟོང་འབུལ་བྱུང་བ་དགེ་བ་རྫོགས་པའི་སངས་རྒྱས་ཐོབ་པའི་རྒྱུར་བསྔོས་ཤིང་དཔོན་གཡོག་དྲུག་བརྒྱ་སྐོར་ལ་ཡན་ལག་གི་འདེགས་འཇོག་བགྱིས། ཚེས་ལྔར་བྱང་ཁང་རྒྱབ་ཕོ་ལྷས་མང་འགྱེད་འབྲས་ཤེལ་གྱིས་སྣ་དྲངས་པའི་བདོག་པ་བརྐྱང་སྟེ་གཟིམས་ཆུང་བརྟན་བཞུགས་སུ་གྲགས་པ་བསྟར། པོ་ཏ་ལའི་གྲ་ཤག་གསར་རྒྱག་ཟིན་པའི་ལེགས་བྱར་གཉེར་པས་ཁུར་བླངས་པའི་དཀར་དྲོ་དམར་དྲོའི་བཞེས་ལེན་དང་སྤྱི་སྒེར་ནས་

[Full Size]

ཟང་ཟིང་གི་དངོས་པོ་རིང་དུ་བརྐྱང་། ཚེས་བདུན་གྱི་ཉིན་དེ་མོ་སྤྲུལ་སྐུ་དབོན་བཅས་ཀྱིས་བདོག་པ་ཕྱུར་བུར་སྤུངས་ཤིང་ཚོགས་ཡོན་སྦྱར་ཏེ་གྲ་ཚང་གིས་འཆི་མེད་འོད་སྣང་གི་ཚེ་ཆོག་མཛད། སྤྲུལ་སྐུ་དཔོན་སློབ་ལ་ཚེས་བཅུ་གཉིས་ཀྱི་ཉིན་ཚེ་དབང་གྲུབ་རྒྱལ་མ། སྤྱན་རས་གཟིགས་གཙོ་འཁོར་གསུམ་པ། འབྱུང་འདུལ། ཨ་ར་པ་ཙ་ན་གཙོ་རྐྱང་། སེང་ལྡེང་ནགས་སྒྲོལ། རྣམ་འཇོམས་བ་རི་ལུགས་ཀྱི་དབང་དང་རྗེས་གནང་། རྟ་མགྲིན་སྐྱེར་སྒང་ལུགས་དང་ཕྱག་དྲུག་པའི་བྱིན་རླབས་རྣམས་བྱས། སྡིངས་པོ་ཆེའི་སྤྲུལ་སྐུ། རྒྱལ་གླིང་མཁན་ཟུར་སྔོན་པོ་ཏོག །ལྕགས་ཟམ་སྤྲུལ་སྐུ། ཧན་སྟག་ལུང་སྐུ་སྐྱེ་སོགས་བླ་མ་ཁ་ཤས། སྡེ་པ་མཚལ་པ། ས་སྐྱོང་མེར་གན་ཐའི་ཇི། ཨུ་ཁེ་རེས་ཐའི་ཇི། མེར་གན་ཐའི་ཇི་གསུམ་གྱི་མི་སྣ། མེར་གན་ཨ་ཁའི་གྱིས་གོས་དར་དང་ཇས་ཐོག་དྲངས་པའི་སྟོང་འབུལ། དགེ་ཚུལ་མ་པུ་ཎྱ་དྷ་ར་དང་ཚིནྡྷ་མ་ཎི་དར་ཁན་ཨེཾ་ཆི་གཉིས་ཀྱིས་བརྒྱ་འབུལ་བྱུང་བ་དགེ་བ་བླ་མེད་རྫོགས་པའི་སངས་རྒྱས་ཐོབ་པའི་རྒྱུར་རྒྱས་བཏབ་ཅིང་བོད་སོག་ལྔ་བརྒྱ་སྐོར་དང་ཕྲད། གོང་གི་གསེར་ཡིག་པ་རྣམས་མཚོ་ཁ་བུད་མཚམས་ནས་གནས་གསར་བ་མཁྱེན་རབ་རྣམ་རྒྱལ་འོངས་པ་འབྱོར། མེར་གན་ཨ་ཁའི། ད་ལའི་པཱ་ཐུར། ཡེལ་དེང་ནོ་ཡོན། ཨུའི་ཆིང་ཨ་ཁའི། དཔོན་མོ་མ་གདྷ། ནོ་ཡོན་ཨུའི་ཆིང་ཁའི་དགེ་ཚུལ་མ། དཔོན་མོ་བསོད་ནམས་སྒྲོལ་མ་བཅས་བདུན་བརྒྱ་སྐོར་ལ་སྤྱན་རས་གཟིགས་སྐྱེར་སྒང་ལུགས། འཇམ་དབྱངས་གཙོ་རྐྱང་། སེང་ལྡེང་ནགས་སྒྲོལ་གསུམ་གྱི་རྗེས་གནང་དང་རགས་བསྡུས་ལ་ཚེ་དབང་གྲུབ་རྒྱལ་མ། ཕྱག་དྲུག་པའི་བྱིན་རླབས་བར་ཆད་ཀུན་

[Full Size]

སེལ་རྣམས་བསྐུར། ཚེས་བཅོ་ལྔ་བཅུ་དྲུག་ལ་དགེ་སློང་སུམ་བརྒྱ་དང་ཉེར་གཅིག །དགེ་ཚུལ་བརྒྱ་གོ་དྲུག་རྣམས་བསྒྲུབས། དའི་ཆིན་ཁོ་ལོ་ཆིས་ཇ་གོས་དར་གཙོ་བོར་གྱུར་པའི་བརྒྱ་འབུལ་བསྟར་བ་རྣམ་མཁྱེན་གྱི་ཆེད་དུ་བསྔོས། ཚེས་བཅུ་བདུན་ལ་དའི་ཆིང་ཁོ་ལོ་ཆི། །ཨེརྒེ་ཐའི་ཇི། བསྟན་པ་བཅས་ཉིས་བརྒྱ་སྐོར་ལ་ཐུགས་རྗེ་ཆེན་པོ་སྐྱེར་སྒང་ལུགས་ཀྱི་རྗེས་གནང་དང་། ཚེ་དབང་གྲུབ་རྒྱལ་མ་བསྐུར། རྡོ་རྗེ་བྲག་རིགས་འཛིན་སྤྲུལ་པའི་སྐུ། གྲ་ཐང་མཁན་པོ། རྒྱལ་མོ་ཆེ་བ། མཚུར་ཕུ་ཕྱག་མཛོད་ཅན་དང་མཇལ་ཕྲད་དང་རྡོ་རྗེ་བྲག་སྤྲུལ་པའི་སྐུ་རིན་པོ་ཆེར་ནང་རྟེན་ཕལ་ཆེར་ལོ་རྒྱུས་ཞིབ་མོ་དང་བཅས་རྟེན་མཇལ་ཕུལ་ཞིང་རྫོང་བདའ་བཟབས་རྒྱས་ཞུས། ཉེར་གཅིག་ལ་ཆེ་ཆེན་ཐའི་ཇི་ཡུམ་སྲས། མཁའ་འགྲོ་དགེ་ཚུལ་མ། ཏྲེ་བོ་ཧོར་ཚང་ཞལ་ངོ་དགུ །བླ་མ་ནམ་མཁའ་མཛོད་པ་སོགས་བོད་སོག་ཉིས་བརྒྱ་སྐོར་དང་ཕྲད། བྱ་བྲལ་གུ་རུ་ཅན་གྱིས་རྟ་བརྒྱ་དང་བརྒྱད། ལྡན་མ་རག་ཤི་བས་ཉེར་དགུ་བྱུང་། འདི་ཉིན་ནས་བདུན་གཉིས་ཀྱི་བར་རྟ་མགྲིན་གསང་སྒྲུབ་ཀྱི་བསྙེན་པ་ཁ་གསོ་བྱས། ངེད་རང་གི་རིམ་གྲོར་རྫོང་གཞིས་ཁག་ནས་བཀའ་འགྱུར་ཚར་ཉིས་བརྒྱ་བཅུ་བཞི། ཉི་ཁྲི་སུམ་བརྒྱ་ཉི་ཤུ། མཚན་བརྗོད་དྲུག་སྟོང་ང་བཞི། གདུགས་དཀར་བཞི་ཁྲི་བཞི་བརྒྱ། སྒྲོལ་མ་ཆིག་འབུམ་བདུན་ཁྲི་བརྒྱད་སྟོང་དྲུག་བརྒྱ། ཤེར་སྙིང་ཉིས་འབུམ་ཆིག་ཁྲི་དྲུག་བརྒྱ། ཚེ་གཟུངས་བརྒྱད་འབུམ་དགུ་སྟོང་དགུ་བརྒྱ། ཚེ་ཆོག་ཁག་བཞི། རྣམ་རྒྱལ་སྟོང་མཆོད་ཁག་གཉིས། ཡིག་དྲུག་དུང་གསུམ། དམག་ཟོར་མའི་བསྐང་བ་འབུམ། ཕྱུགས་

[Full Size]

ལུག་སུམ་བརྒྱའི་སྲོག་བླུ་རྣམས་དང་སྡེ་པའི་སྐུ་རིམ་ལ་ཡུམ་ཆེན་མོ་ཉི་ཁྲི་བརྒྱད་སྟོང་པ་གསུམ་བརྒྱ་རྩ་རེ། ཆོས་འཁོར་རྒྱལ་དུ་མགོན་ཆོས་དམག་ཟོར་མ་གསུམ་གྱི་བསྐང་བ་ཁྲི་རེ། བསྟན་སྲིད་སྤྱི་རིམ་ལ་སྟོང་ཕྲག་བརྒྱ་པ་དང་བརྒྱད་སྟོང་པ་ཆིག་ཁྲི་རེ། དཀོན་མཆོག་བརྩེགས་པ་དྲུག །ཉི་ཁྲི་གྲ་ལྔ་གསེར་འོད་གསུམ་བརྒྱ་རྩ་རེ། སྨན་བླ་ཉི་ཁྲི་དགུ་སྟོང་དྲུག་བརྒྱ། སྒྲོལ་མ་ས་ཡ་གཅིག་དང་སུམ་ཁྲི་བརྒྱད་བརྒྱ། ཚེ་གཟུངས་ལྔ་ཁྲི་བརྒྱད་སྟོང་། འབྲས་སྤུངས་སུ་མང་ཇ་སུམ་ཅུ། སེ་རར་ཉེར་བརྒྱད། དགའ་ལྡན་དུ་བཅོ་ལྔའི་ཐོག་གདུགས་དཀར་སུམ་འབུམ་བདུན་ཁྲི་བཞི་སྟོང་བདུན་བརྒྱ། ཤེར་སྙིང་ས་ཡ་གཉིས་དྲུག་འབུམ་ལྔ་ཁྲི་ཆིག་སྟོང་རྣམས་བསྒྲུབས། ཡང་དག་སྒྲུབ་མཆོད་སྔ་སོར་ཉུང་བསྡུས་ལ་བཙུགས་གྲུབ་ཀྱང་སླར་ཚོགས་ཆེན་ལ་ཚུགས་པ་དགོས་ཚུལ་ལྟར་གོང་དཀར་རྡོ་རྗེ་གདན་དུ་ཟླ་བ་བཅུ་པའི་ཉེར་གཅིག་ནས་ཉེར་ལྔའི་བར་ཡང་དག་ཟླ་གམ་དགུ་པའི་སྒྲུབ་མཆོད་ཀྱི་ཐེབས་ལ་ཡ་ཇུ་དམར་འདེགས་ཁལ་དྲུག་ཉག་བཞི། ཤོག་བུ། སྤོས་རེང་། ཨ་ག་རུ་ཉག་ལྔ་གོན་སྣམ་གཅིག་རྣམས་ལོ་ལོ་བཞིན་གྱི་འཛིན་དང་། བསེ་གྲོང་དགོན་དང་བྱང་ཐང་བར་གྱི་ཤས་ཞིང་ཁྱར་པ་རང་གནས་ཐོག་ཁ་རག་ཐོད་ཕུ་ནས་མི་སེར་དུད་འཛིན་བདུན་ལག་ཡོང་སུམ་བརྒྱ་གོ་གསུམ། དེ་མོ་བར་མཆོད་ཡོན་རིམ་པ་བཞིན་ནས་ས་རིགས་བདག་རྐྱེན་ཆེ་ངེས་ཡོད་རུང་བར་ཁམས་ཕྱོགས་ཀྱི་བླ་མ་རྣམས་ཕྱོགས་ལྷུང་གི་ཀུན་རྟོག་ཧྲགས་པས་རྟ་ཚག་སྤྲུལ་པའི་སྐུར་པག་ཤོད་སྦྱར་བའི་རྐྱེན་གྱིས་དོན་ལས་ཀྱང་གཏམ་གཙོ་ཆེ་བའི་བོན་པོ་དང་འཐེན་འཁྱེར་ཆེ་བ་འདི་ལོ་ནས་རྩའཇགས་ཐོག །གསར་

[Full Size]

དུ་ལྷོ་རོང་རྫོང་འོག་སྤར་སྟོད་པ་དང་ཤོག་སྔ། ཁང་གཡུལ་ལྟེ་འབུམ། ཞེད་རྩེའི་འོག་ནས་སེ་དམར་བ། རྒྱུ་སྐར་སྟོད་གྲོང་སྨད། རི་ཁྲོད་པ། བྲག་ཤར། ཉི་ལུང་། སྤོ་ཤར། གྲོང་གསུམ། གནམ་གུང་སྔོན་ས་ཝར་དགོན་པ་སྟོངས་ཤུལ། གུར་སེར་རྣམས་ཀྱི་དུད་འཛིན་སུམ་བརྒྱ་དྲུག་ཅུར་ལག་འབབ་དྲུག་བརྒྱ་སྐོར། སྦུས་སྲང་གསེར་ཁང་པར་སྐྱོར་ལུང་སྤྱིལ་པོའི་ས་ཚབ་ཏུ་འདུལ་བ་བླ་མས་འཛིན་ཤུལ་གང་སྐྱ་རྣམས་སྦྱོར་འཇགས་བགྱིས། རྭ་བ་ན་མངའ་རིས་པ་བསོད་ནམས་ཀྱིས་དྲག་པོའི་མདོས། གྲིབ་སེལ་དོན་བརྒྱད་མ། ས་བདག་སྐྱས་མདོས། ལྷ་ཁྲུས་གསང་བ་དགུ་སྐོར། གཤེད་དམར་གཏོར་བཟློག་རྣམས་བསྒྲུབས། སྟོན་མཇུག་འཆར་ཅན་གྱི་དབུས་གཙང་གི་དགོན་རྣམས་ལ་ཇ་སྦྱོར་གསུམ་སྤྲེལ་དང་ཨངྐི་དང་པོར་གཤོར་ཁལ་གསུམ་རེ། གཉིས་པར་གཉིས་རེ་ཡོང་བའི་དཔུས་ཆར་གཙང་ཁུལ་ལ་མོ་རྒྱན། དབུས་ཁུལ་ལ་གསེར་འགྱེད་ཀྱི་ཐོག་སྒྲོལ་མ་ཤེར་སྙིང་གང་འགྲོ་བཏང་། ཧོར་ཟླ་བཅུ་གཅིག་པའི་ཚེས་བརྒྱད་ལ་བསམ་ཡས་སུ་ཚོགས་ཆས་སྤྱན་གཟིགས་དང་བཅས་དགེ་སློང་འཇམ་དབྱངས་གྲགས་པ་ལུང་བསྟན་ཞུ་བར་བཏང་། ཚེས་བཅུར་དབུ་མཛད་བློ་བཟང་ཡོན་ཏན་གྱིས་བཀའ་འགྱུར་གསར་དུ་བཞེངས་པར་མེ་ཏོག་འཐོར་བ་དང་ཕྱོགས་མཐུན་གཟིམས་ཆུང་བརྟན་བཞུགས་དང་བཀའ་འགྱུར་དེ་གྲ་ཚང་ལ་ཕུལ་བའི་ཚབ་མ་ཞིག་དགོས་ཚུལ་ལྟར་སྡེ་པར་ཞུས་ནས་གནང་། ཚེས་བཅུ་གཅིག་ལ་བསྟན་འཛིན་ད་ལས་རྒྱལ་པོ་ཡབ་ཡུམ་སྲས་མི་བཟང་། རྒྱལ་པོ་གོང་མའི་དབུ་སྐོར་ཆུང་བ་

[Full Size]

ཁལ་ཁ་ཨུའི་ཆིང་ཨ་ཁའི་གྱི་བསྔོ་ཞུས་པ། ད་ལའི་ཧུང་ཐའི་ཇི་སོགས་དང་བར་ཁམས་ནས་བཀྲ་ཤིས་པཱ་ཐུར་ཐའི་ཇིའི་མི་སྣ། འབྲོག་སྨན་སྐྱོང་སྤྲུལ་སྐུ། ཀ་ཚལ་རིགས་འཛིན་དཀོན་ཅོག་ལྷུན་གྲུབ། སྟག་རྩེའི་སྡེ་པ་ལྷ་རྒྱལ་རབ་བརྟན། ལྕམ་ནོར་བུ་ཁྲ་སྒོར་རྣམས་དང་མཇལ་ཞིང་ཚོམས་ཆེན་སྟེང་དུ་བོད་སོག་སྟོང་ཕྲག་གཉིས་ལ་བྱིན་རླབས་བསྟར། ཇུས་རིམ་དུ་རྡོ་རྗེ་བྲག་པ། དགའ་ལྡན་གསང་སྔགས་གླིང་པ། ཀ་ཚལ་ཟུར་པ། སྨིན་གྲོལ་གླིང་པ། བྲག་སྣ་བ། གནས་གཞི་བ། སྨྲ་བོ་ལྕོག་པ། གོང་ར་བ། འོད་མཆོག་པ། སྣ་དཀར་རྩེ་གསང་སྔགས་ཆོས་འཁོར་གླིང་པ། བྲག་ལ་བ། སྒྲོལ་ཕུག་པ། ཡང་འུག །ཆུ་མིག་པ། བཀྲ་བཟང་པ། ནུབ་དགོན་པ། བྲག་དཀར་ཆུ་བཟང་པ། དཔལ་རི་བ་སོགས་ཀྱིས་སོ་སོའི་ལུགས་བཞིན་དགྲ་མནན་སྨིན་རྒྱས་བགྱིས།ཚེས་བཅུ་བཞི་ལ་དེ་མོ་སྤྲུལ་པའི་སྐུར་པཎ་ཞྭས་སྣ་དྲངས་པའི་ན་བཟའ་ཆ་ཚང་། རྡོར་དྲིལ། སྦུག་སིལ། ཞལ་དཀར། དངུལ་ལས་གྲུབ་པའི་ཞལ་སྟེགས། བཟེད་ཞལ། ཞལ་གསིལ། སྡིར་བུ། ལྟེ་རི། ཐ་ཕག །མདོང་མོ། ལྔ་བཅུ་མ། གསེར་སྒ། གོས་དར། སྣམ་ཕྲུག་སོགས་སྤམས་མཐོ་བ། དབོན་པོར་གོས་སྣ་ཚང་མ་སོགས་གང་འཚམ་གྱིས་རྫོང་བདའ་ཞུས་ཤིང་སྤྲུལ་སྐུ་དབོན་པོ་སྤོ་བོ་སྐུ་སྐྱེ་གསུམ་ལ་དཔལ་མགོན་ཞལ་དང་དམག་ཟོར་མའི་བཀའ་བསྒོ་རྒྱས་པར་ཕུལ། ཕྱག་དཔེ་ཐུགས་གཉེར་མཛད་ལུགས་ཀྱི་རྒྱུ་མཚན་མོལ། མཚོ་སྔོན་པོ་ནས་ད་ལའི་ཧུང་ཐའི་ཇི་སོགས་ཀྱིས་འདི་གའི་ཀེག་ལ་དམིགས་པའི་རིང་འཚོའི་རྟེན་འབྱུང་བསྒྲིག་

[Full Size]

པར་བུ་ལོད་བཏང་བ་དགའ་ལྡན་དར་རྒྱས་ཅན་དཔོན་པོ་ཁ་ཤས་ཀོང་པོར་དམག་ལ་སོང་བ་དང་བཅས་བོད་དུ་ཡོད་པ་ཐམས་ཅད་འཛོམ་མ་ཐུབ་རུང་དཔོན་པོ་སྤྱི་སྒེར་གྱིས་བཏོན་པའི་བདོག་པར་བརྟེན་ཏེ་ཚོགས་ཆས་འགྱེད་རྣམས་འགྲིག་ནས་གྲ་ཚང་གིས་འཆི་མེད་འོད་སྣང་གི་ཆོ་ག་རྒྱས་པར་མཛད་ཐོག་དགའ་ལྡན་རབ་འབྱམས་པ་དང་སེ་ཆེན་ཧུང་ཐའི་ཇི་ཡོད། ད་ལའི་ཧུང་ཐའི་ཇིས་ལྔ་བཅུ་མ་དྲུག །གསེར་དངུལ་གྱི་མདོང་མོ། ཇ་གོས་དར་གྱིས་ཐོག་དྲངས་པ་དང་དཔོན་པོ་གཞན་རྣམས་ཀྱིས་ཀྱང་རང་གི་འབྱོར་པ་དང་བསྟུན་པའི་རིང་དུ་བརྐྱང་།འདི་ཉིན་ནས་བཟུང་བྲག་དམར་གྱི་སྒྲུབ་ཞག་བདུན་བགྱིས། གོང་གི་མི་སྣ་རྒན་པ་སྦྱོར་ར་ཆི་བླ་མ། ཆུང་བ་ཁི་ཡ་དབུ་མཛད། འདི་གའི་མི་སྣ་རྩེ་ཚོགས་མཁན་ཆེན་དང་གནས་གསར་ནས། ཨོ་རོད་རྒྱལ་པོའི་མི་སྣ། འགྲུལ་སྡེབས་ངོ་མ་སུམ་ཅུ་རྩ་གསུམ་བཅས་པར་ངོས་ཕྲད་དང་མཉམ་དུ་བཞེས་ལེན་གྱི་སྟོན་མོ་བཏང་ཐོག་གོང་གི་བཀའ་ཤོག་སྤྲད་པ་བླངས། ཉེར་གསུམ་ལ་ལྷ་ས་བ་བློ་གྲོས་ལེགས་པ་དང་ངག་དབང་མཁས་བཙུན་གཉིས་ཀྱིས་སྟེར་ཆ་འགྱེད་བཅས། སྤྱི་འབུལ་སྙན་དར་ཉིས་བརྒྱ་གོང་བཅས་སྤམས་མཐོ་བ་སྤེལ་བ་དང་ལྷན་དུ་གཟིམས་ཆུང་བརྟན་བཞུགས་སུ་གྲགས་པའི་རིང་འཚོའི་རྟེན་འབྲེལ་བསྒྲིགས། ཁོ་པ་གཉིས་ཀྱི་སྙན་དར་དང་དབུ་མཛད་བློ་བཟང་ཡོན་ཏན་གྱིས་སྙན་ཤལ་བརྒྱ་སྐོར་ཕུལ་བའི་སྨོན་ལམ། སྤོ་བོ་སྐུ་སྐྱེས་བསྐུལ་ནས་ངེད་རང་དང་སྤྲུལ་སྐུའི་བརྟན་བཞུགས། གནས་གསར་དབོན་རིན་པོ་ཆེ་ཨཥྚའི་བསྙེན་ཆེན་གྱི་སྐབས་མནལ་ཉམས་སུ་འཁྲུལ་

[Full Size]

སྣང་གི་འཆར་སྒོ་འདྲ་བྱུང་ཚུལ་ཕེབས་པར་བོགས་འདོན་གྱི་ཚིགས་བཅད། རྣམ་གླིང་པཎ་ཆེན་དཀོན་ཅོག་ཆོས་གྲགས་ཀྱི་ངོར་བྱང་བདག་རིགས་འཛིན་སྤྲུལ་སྐུའི་བརྟན་བཞུགས། སྤུན་བདུན་པ་ལྷུན་གྲུབ་རྒྱ་མཚོས་ཐམས་ཅད་མཁྱེན་པ་དགེ་འདུན་རྒྱ་མཚོའི་འཁྲུངས་རབས། བདེ་གཤེགས་བརྒྱད། ཐུབ་དབང་ལ་རྒྱན་དྲུག་མཆོག་གཉིས་ཀྱིས་བསྐོར་བའི་བྲིས་ཐང་བཞེངས་པའི་རྒྱབ་ཡིག །རབ་འབྱམས་པ་བློ་བཟང་ཆོས་ལྡན་གྱིས་བསྐུལ་བའི་གསོལ་འདེབས་སྨོན་ལམ་རྣམས་བྲིས། གོང་གི་གསེར་ཡིག་པ་རྒན་གཞོན། ཐ་ཡན་ཆེ་བླ་མ། ཨུ་ཆུ་མུ་ཆུ་ཆེན་ཆིང་དབང་། རྒྱ་མཚོ་ཆིང་དབང་། ཁ་ར་ཆིང་དབང་། དུར་པ་ཁུ་ཁུ་དབང་། བ་རི་ཁ་དར་ཁན་རྣམས་ཀྱི་བླ་མ། ཆོས་འཕེལ་དགེ་སློང་གི་དགེ་རྩ་བྱེད་མི་སྦར་ར་དགེ་སློང་། བསམ་བློ་མེར་གན་ཆོས་རྗེ་དང་ཆ་དཀར་དར་ཁན་ཆོས་རྗེའི་དབོན་པོ། གྲགས་པ་དགེ་སློང་། རྒྱ་མཚོ་དགེ་སློང་། མཁར་སྔོན་བློ་བཟང་དགའ་བ་དང་ཤི་རལ་ཐུ་དབོན་པོ། སར་ཁ་ལང་། ཇོ་སྟན་ཨེམ་ཆི། བྱིངས་གྲས་ཨེ་པ་བླ་མ། དབོན་པོ་དར་རྒྱས། སེ་ར་རབ་འབྱམས་པ། གྲོ་ཚང་ཆོས་རྗེ། གྲགས་པ་རིན་ཅེན། ཚུལ་ཁྲིམས་རྒྱ་མཚོ། དཀོན་ཅོག་རྒྱ་མཚོ། དགེ་སློང་བསོད་ནམས་རྒྱ་མཚོ། ཨོ་པ་ཤི། ཨ་མདོ་དར་ཁན་ནང་སོའི་ཚ་བོ་སོགས་དང་སང་ཉིན་མ་གཅིག་ཐའི་ཇིའི་དགེ་ཚུལ་མ་གཡོག་བཅས། ཁལ་ཁ་འཇམ་དབྱངས་སྤྲུལ་པའི་སྐུའི་མི་སྣ་དབང་པོ་རྒྱལ་མཚན་དང་བསྟན་འཛིན། ཐུ་ཤི་ཡེ་ཐུ་རྡོ་རྗེ་རྒྱལ་པོའི་མི་སྣ་བཀྲ་ཤིས་རྣམ་རྒྱལ་དང་བ་ཡེ་སྤུ་ཁུ་ལང་། ཚོ་པ་བདུན་སྤྱིའི་མི་སྣ་དང་ཐའི་ཇི་སིདྡྷི་ཤྲཱི། པཱ་ཐུར་ཐའི་

[Full Size]

ཇི། ཆེ་ཆེན་ཨ་ཁའི། མེར་གན་ཧུང་ཐའི་ཇི། ཚིནྡྷ་མ་ཎི་ཐོ་ཡོན། ཨེར་ཁེ་ཡེལ་དེང་། ཨེར་ཁེ་ཨ་ཁའི། ཆིང་ཁ་ཧོང་ཐའི་ཇི། ཨུ་རང་ཁན་བིང་ཐུ་དའི་ཆིང་། ཐུ་ཤི་ཁོ་ཤོའུ་ཆེ། ཟླ་བ་གྲགས་པ། ཨོན་དར་དཀའ་བཅུ། དུར་གི་ཆིའི་མི་སྣ་སོགས་རྒྱ་སོག་རྣམས་ཀྱིས་སོ་སོའི་སྟེར་ཆ་གསེར་དངུལ་ཇ་རས་ཀྱིས་ཐོག་དྲངས་པའི་བཟང་སྟོད་དང་ཡི་གེ་བསྐུར་མ་སོགས་སྤྲད་པ་རྩིས་ལེན་གྱི་བཀོད་པ་བྱས། མི་ཉག་རི་ཁུད་བླ་མ་ཤཱཀྱ་ཀུན་དགའ། ཨ་ཇོ་རྫོང་གི་བླ་མ། གཞུང་འགྲོན་ཚོང་དཔོན། གདན་ས་གོང་འོག་གི་ཚོང་པ་ཅན་ལྡེབས་འབྱར་ཁ་ཤས་དང་ཕྲད། རི་ཁུད་བླ་མ་དེས་ཁམས་ཕྱོགས་སུ་ལམ་འབྲས་ཀྱིས་གཙོས་པའི་ཆོས་ཀྱི་འགྲོ་དོན་འཕེལ་ཞིང་གསེར་མདོག་ཅན་པ་ལ་ལར་རྟག་བརྟན་པའི་ཚོས་ཐེབས་པའི་བརྟུལ་ཞུགས་མཆོག་འཛིན་ལྷུར་ལེན་པ་དང་མི་འདྲ་བའི་སྙན་བརྒྱུད་ཚད་མ་བཞི་ལྡན་དོན་དུ་གཉེར་བས་མཚོན་དཔྱོད་ལྡན་དུ་སྣང་། ཆེ་ཆེན་ཐའི་ཇི་ཡུམ་སྲས། ཐུ་མེད་དའི་ཆིང་ཁོ་ལོ་ཆི་ཡབ་སྲས་ཅན་ཉིས་བརྒྱ་སྐོར་ལ་ཕྱག་དྲུག་པའི་དབང་བཞི་བྱིན་རླབས་དང་མི་ཉག་རི་ཁུད་བླ་མ། འདར་པ་རྗེ་དྲུང་བློ་གསལ་བསྟན་འཛིན། ཞབས་དྲུང་ནོར་བུ་ཁྲ་སྒོར་རྣམས་ལ་འཇམ་དཀར་ཤེས་རབ་འཁོར་ལོ། སྤྱན་རས་གཟིགས་སེང་གེ་སྒྲ། ཀླུ་དབང་གི་རྒྱལ་པོ་གསུམ་གྱི་རྗེས་གནང་ཕུལ། ངོར་གོང་དཀར་ཆོས་སྡེ། བཀྲ་ཤིས་ཆོས་སྡེ་སོགས་ས་ལུགས་ཅི་རིགས་དང་སྔགས་བོན་བཅས་པ་ཁག་ཉི་ཤུ་རྩ་དགུས་གཏོར་བཟློག །དགེ་ལུགས་ལ་ཇ་ལྔ་རེ། ས་ལུགས་ལ་བཞི་རེ་བཏང་བའི་མདོ་སྒྲུབ་དང་གཏོར་བཟློག་གཞི་དགོན་བཤད་གྲ་བ་

[Full Size]

སྐབས་སྦྱར་ནས་མཇུག་ཏུ་ཚོགས་ཟངས་ཁ་འབྱོ་བར་མཛད། ཧོར་ཟླ་བཅུ་གཉིས་པའི་ཚེས་གཉིས་ལ་ལྷ་ལྡན་བསྙེན་གནས་མ་རྣམས་ཀྱིས་བསྡུས་པའི་རྙེད་པ་དང་བཅས་གཟིམས་ཆུང་བརྟན་བཞུགས་ཀྱི་རྟེན་འབྲེལ་བསྒྲིགས། རྣམ་གླིང་པཎ་ཆེན་དང་གསུང་རབ་གླིང་པ་དཀའ་བཅུ་རྒྱལ་མཚན་དར་རྒྱས་ཀྱི་དོན་དུ་གདུགས་དཀར་གྱི་སྒྲུབ་ཐབས་རྡོ་རྗེ་ཕ་ལམ། སྔགས་བན་ངག་དབང་རྒྱ་མཚོའི་ཁ་ཏོན་དུ་སྣར་ཐང་བརྒྱ་རྩ་ནས་བཤད་པའི་མི་འཁྲུགས་པ་གཙོ་རྐྱང་གི་སྒྲུབ་ཐབས་ངན་འགྲོ་ཀུན་འགེགས། ཁྲོ་ཆུ་དུག་སྡོང་གི་རྒྱུན་འཁྱེར་སྤུ་གྲི་འབར་བ། ཞ་ལུར་ཆོ་འཕྲུལ་མཆོད་པར་སྒྲུབ་མཆོད་གསར་བཙུགས་ཀྱི་བཅའ་ཡིག་ཤེལ་དཀར་མེ་ལོང་། རྩེས་དང་དཔལ་གྲོང་སྔག་རམས་པ་ངག་དབང་དགེ་ལེགས་ཀྱི་འདྲ་འབག་བཞེངས་པའི་དཀར་ཆག །གནས་གསར་འཇམ་དབྱངས་བསྟན་འཛིན་གྱིས་རྒྱ་ཅན་ཞལ་ཐང་དང་། བྱིངས་པ་བློ་བཟང་ཆོས་ལྡན་གྱིས་འདི་གའི་འདྲ་འབག་བཞེངས་པའི་རྒྱབ་ཡིག །འཕན་ཡུལ་བཅོ་བརྒྱད་པའི་བརྒྱུད་ཉག་ཕྲ་བར་ད་ལྟའི་དབོན་ཆུང་དེ་གེགས་ལས་གྲོལ་ཞིང་བསྟན་པར་ཕན་པ་དང་། རབ་འབྱམས་པ་དགེ་འདུན་ཆོས་འཕེལ་གྱི་དོན་དུ་དགེ་གཞོན་བློ་གྲོས་བརྟན་པས་བསྐུལ་བའི་སྨོན་ལམ། རིགས་འཛིན་སྤྲུལ་པའི་སྐུའི་བཞེད་པ་ལྟར་ཨེ་ཝཾ་ལྕོག་སྒར་དང་སྟག་ལུང་གསང་སྔགས་ཆོས་འཁོར་དུ་འཛུགས་པའི་སྨོན་ལམ་རྣམས་བྲིས། གཞུ་ཚང་སྐུ་འདུན་ལྷུན་གྲུབ་དང་དགའ་ལྡན་གསང་སྔགས་གླིང་སློབ་དཔོན་པར་ཇ་གྲལ་བཏང་ཞིང་ལྕགས་ལ་རབ་འབྱམས་པ་ངག་དབང་ལྷུན་གྲུབ་ཀྱིས་གྲ་ཚང་གི་ཞལ་འདོན་ཤོག་བུ་ལྔ་བརྒྱ་སྐོར་གྱི་རྒྱུགས་སྤྲད། འདི་
གའི་རིམ་གྲོར་ཕག་མོ་ཆོས་སྡེ་བས་ཚེ་གཟུངས་ས་ཡ་དྲུག །སྡེ་པའི་སྐུ་རིམ་ལ་ཐར་པ་གླིང་པས་པདྨ་བཀའ་ཐང་དང་ཐང་ཡིག་སྡེ་ལྔ་ཚར་ལྔ་བརྒྱ་རེ་སྒྲོགས། ཚེས་ཉི་ཤུར་རྟོགས་བརྗོད་པོ་ཏི་དང་པོ། དཀར་ཆག་ཆེ་བརྗོད་ཀྱི་འཕྲོས། གཤེད་དམར་མངོན་དཀྱིལ། དྲི་མེད་བཤགས་རྒྱུད། གསང་སྙིང་རྩ་བ། ཐང་ཡིག་ཤེལ་བྲག་མ། མངའ་རིས་པཎ་ཆེན་གྱི་སྡོམ་གསུམ་རྣམ་ངེས། སྒོམ་བདེའི་འབྲུག་ལན་དང་དུས་འཁོར་གྱི་ཕྱི་ནང་རྣམ་གཞག །སྤྲུལ་སྐུ་འཕྲང་ཁ་བའི་མཆོད་རྟེན་སྐུ་གཟུགས་ཐིག་རྩ་རྣམས་ཀྱི་པར་འབྱོར། ཉེར་གཉིས་ནས་བདུན་གཅིག་གི་བར་རྟ་མགྲིན་གསང་སྒྲུབ་ཀྱི་བསྙེན་པ་ཁ་གསོ་དང་ཉིན་གསུམ་ལ་ཁྲོ་མོ་སྨེ་བརྩེགས་ཀྱི་བཟླས་བརྗོད་བགྱིས།

དགུང་ལོ་རེ་གཅིག་པར་རིས་མེད་འདུས་སྡེ་ཁག་ནས་བསྟན་སྲིད་སྤྱི་དང་བོད་ཁམས་བདེ་ཐབས་ཀྱི་རིམ་གྲོ་དང་། ཁ་ཆེ་པཎ་ཆེན་ལུགས་ཀྱི་བསྙེན་རྫོགས་ཀྱི་སྡོམ་པ་བསྐྱར་དུ་བཞེས་པ་སོགས་ཀྱི་སྐོར།

[Full Size]

ལོ་མཇུག་གི་དུས་རིམ་ལེ་ཚན་དང་། དམར་སེར་ཅན་ཞེས་པ་མེ་སྦྲུལ་གནམ་ལོ་གསར་དུ་ཚེས་པའི་སྲིད་གསུམ་བདག་མོ་མཆོད་ཅིང་ཉིན་དང་པོར་ཁལ་ཁ་ཨོ་རོད་ཀྱི་དཔོན་ཁག་དང་ལོ་གསར་འབུལ་མི་གཙོ་བོར་གྱུར་པ། ཉིན་གཉིས་པར་རིན་ཅེན་རྒྱན་ཆ་བ་སོགས་སྔར་འཁྱུད་བཞིན་རྒྱས་པར་བསྟར། ཚེས་བཞི་ལ་ཁལ་ཁ་དཔོན་ཁག་རྣམས་ལ་ངོས་ཕྲད་ཐོག་ཨ་པ་ལའི་གྱི་དཔོན་མོ་ཚེ་རིང་གིས་ཧུ་ཇ་ཁོར་དྲུག་མ་བཞི་བཅུས་གཙོས་གསེར་དངུལ་གོས་དར་སོགས་བརྒྱ་ཕྲག་གི་དངོས་པོ་སྤེལ། ཚེས་ལྔ་ལ་ནོ་མུན་ཨུའི་ཆིང་དགེ་ཚུལ་མས་ཡོན་གྱི་བདོག་པ་གྱ་ནོམ་པ་སྦྱར་ཏེ་དྭངས་མ་བཅུད་འདྲེན་གྱི་དཀྱིལ་འཁོར་ལ་བརྟེན་པའི་རིང་འཚོའི་རྟེན་འབྱུང་བསྒྲིགས། ཉི་མ་ཕྱི་མ་ཚོར་བྱ་ཁྱུང་ཆོས་རྗེ་ཡེ་ཤེས་རྒྱ་མཚོས་ཀེག་ལ་དམིགས་ནས་དངོས་པོ་ཆེད་བསྟད་

[Full Size]

བསྐུར་བ། གནས་གསར་དབོན་མཁྱེན་རབ་རྣམ་རྒྱལ། དན་འབག་བློ་བཟང་དབང་རྒྱལ་གསུམ་གྱིས་གཟིམས་ཆུང་བརྟན་བཞུགས་སུ་གྲགས་པའི་རྟེན་འབྲེལ་དང་དབང་རྒྱལ་གྱིས་གྲ་ཚང་དུ་སྙན་ཤལ་དྲུག་ཅུ་སྐོར་ཕུལ་བའི་སྨོན་ལམ། ཁལ་ཁ་ངག་དབང་བསྟན་འཕེལ་མ་བུ་གསུམ་དང་། རྡོ་པ་བློ་བཟང་མཐུ་སྟོབས་ཀྱིས་བསྐུལ་བའི་རྒྱལ་གསོལ། གཅུང་ཀུན་དགའ་ཚུལ་ཁྲིམས་ཀྱི་ངོར་གཏེར་སྟོན་རིགས་འཛིན་ཆེན་པོའི་བརྟན་བཞུགས། ལྷ་བྲིས་པ་ལེགས་པ་རྒྱལ་མཚན་དང་གཟིམས་ཤག་ལྷོ་པ་སོ་སོས་བསྐུལ་བའི་རིང་འཚོའི་ཚིགས་བཅད། གྲམ་པ་བློ་བཟང་ངག་དབང་གི་དགེ་སྐོས་འཇོག་ཏུ་དངུལ་སྲང་བཅུ་བཞི་ལས་གྲུབ་པའི་པད་སྟེར་ཁ་བྱང་རྣམས་བརྩམས། མཉན་ཡོད་མཆོད་པའི་ཚེས་བཅུ་གཅིག་ལ་དགེ་འདུན་སྟོང་ཕྲག་བརྒྱད་བརྡལ་པར་གཞུང་གྲལ་གྲ་པ་བཅུ་རེར་ཡ་ཇུ་བར་ཁག་རེ། མཐའ་གྲལ་ལྔ་རེར་འགོ་བཀག་རེ། ཚེས་བཅུ་བཞིར་གཞུང་གྲལ་ལ་གྲ་པ་རེར་བུར་ཉག་ལྔ་རེ། མཐའ་གྲལ་ལ་བཞི་རེ་བསྡོམས་ལྟང་ཙེ་ལྔ་བརྒྱ་དང་བདུན་སོང་། བཅོ་ལྔར་མཐའ་དབུས་མེད་པར་དགེ་འདུན་རེར་དངུལ་ཞོ་དོ་རེ་འབབ་རྩིས་ཀྱི་རུང་གོས་གཏོས་ཆེ་བའི་སྤོང་དག །ལྷ་ས། ར་མོ་ཆེ། པོ་ཏ་ལ་གསུམ་གྱི་སྐུ་རྟེན་རྣམས་ལ་གསེར་ཆབ། ལྷ་སར་ངན་སློང་རྣམས་ལ་ཟས་གོས་ཀྱི་སྦྱིན་པ། ཕྱུགས་ལུག་བརྒྱ་རྩ་བརྒྱད་ཀྱི་སྲོག་བླུ། ཐ་ཤི་བོ་ལོད། ཆེ་ཆེན་ཐའི་ཇི། ཨ་པ་ལའི་གྱི་དཔོན་མོ་ཚེ་རིང་། ཨེར་ཏེ་ནི་ཇའི་སང་སོགས་བཅོ་ལྔ་སྐོར་ལ་ཡན་ལག་བརྒྱད་པའི་སྡོམ་པ་ཕབ། ཚེས་བཅུ་དྲུག་ལ་ནོ་མུན་ཨུའི་ཆིང་གི་དགེ་ཚུལ་མ། ཡེལ་དེང་ནོ་ཡོན། ད་ལའི་པཱ་

[Full Size]

ཐུར། ཨུའི་ཆིང་ཨ་ཁའི། པུ་ཎྱ་ཏཱ་ར། མེར་གན་ཨ་ཁའི། ནོ་མུན་ཁན་ཆོས་རྗེ་སོགས་ལ་བཀའ་བསྒོ། མདུད་པ། བྱིན་རྟེན། གོས་ཆས། ཤལ་དཀར་དམར། སྣམ་ཕྲུག་སོགས་ཀྱི་སྟེར་ཆ། བླ་མ། སྨན་པ། བལ་པོ། ལྷ་བྲིས་པས་མཚོན་འདོད་དོན་མཐའ་དག་བཀང་སྟེ་རྫོང་བདའ་བགྱིས། ཇོ་སྟན་མཁན་པོ། གྲོང་སྨད་དཔོན་ས་བུ་ཁྲིད་རྒྱལ་མོ། སྔགས་མཁར་སློབ་དཔོན་སོགས་ལ་ཇ་གྲལ་བཏང་། ཚེས་བཅུ་བདུན་ལ་རྒྱ་ནག་མི་སྣ་གཞོན་པ་འགྲུལ་སྡེབས་དང་བཅས་པ་གཙང་ནས་འཁོར་བ་དང་། རྒྱུད་སྟོད་སྨད་ཀྱི་ཆོས་རྗེ་རྣམ་གཉིས། རོང་བྱམས་ཆེན་སློབ་དཔོན་པ། བོན་ལུང་པ། སྙེ་མདོ་བ། ཤག་ལྷོ་པའི་རབ་འབྱམས་པ་སོགས་དང་ཕྲད། ཨུ་ཆུ་མུ་ཆུ་ཆེ་ཆེན་ཆིང་དབང་གི་ཨུལ་ཇོའི་ཐུ་ཐ་བུ་ནང་ཚངས་སྤྱོད་དགེ་བསྙེན་དུ་བསྒྲུབས་པའི་མིང་ངག་དབང་རིན་ཅེན་དུ་བཏགས། འདི་པ་དཀོན་ཅོག་གསུམ་དང་འདི་གར་དད་པ་ཐུན་མོང་མ་ཡིན་པ་ཞིག་སྣང་བ་བཟང་པོའི་ལས་སད་པའི་སྐལ་ལྡན་ཞིག་ཡིན་པ་འདྲ་སྙམ། ཚེས་ཉི་ཤུར་གཞུང་གྲལ་གྲ་པ་བརྒྱད་རེ་དང་མཐའ་གྲལ་གྲ་པ་བཅུ་རེར་སྲང་རེ་བསྡོམས་སྲང་བརྒྱད་བརྒྱ་ལྔ་བཅུ་སོང་། བཅུ་བདུན་ནས་སྨོན་ལམ་མ་གྲོལ་བར་དགོངས་ཇ་འཕར་མ་བཏང་སྟེ་ལྷོ་ཀོང་གི་གཙོ་བོ་རྣམས་ཀྱི་མིང་གསལ་སྟེང་མདོ་སྒྲུབ་འགྲོ་གང་ཆེ་དང་། དགུ་གཏོར་ཡང་ཤར་ཕྱོགས་སུ་གཏོར་ཁ་བསྒྱུར་ཞིང་ཚོགས་ཆེན་གྱིས་མདོ་སྒྲུབ་དང་བཅས་ཚོགས་ཁྲོ་ཞལ་སྦུབ་མཛད་པས་ནུས་པ་ཆེ་བ་བྱུང་། ཁྱབ་བདག་ཞ་ལུ་པ་ཆེན་པོས་དེང་ནས་བཟུང་ཇི་སྲིད་བསྟན་པ་རིན་པོ་ཆེ་ནམ་གནས་བར་རྣལ་འབྱོར་

[Full Size]

རྒྱུད་ཀྱི་བསྟན་པ་ཉམས་པ་གསོ་བ་དང་། རྡོ་རྗེ་འཆང་དབང་ཕྱུག་རབ་བརྟན་ཁུ་དབོན། སྒྲུབ་ཁང་མཁན་ཆེན་དཔལ་ལྡན་དོན་གྲུབ་གསུམ་གྱི་དགོངས་པ་རྫོགས་ཐབས་དང་། ཁྱད་པར་འདི་གའི་རིང་འཚོར་དམིགས་ཐུགས་བསམ་རྣམ་དག་གི་སྒོ་ནས་དཔལ་ཞ་ལུ་གསེར་བཀང་གི་ཆོས་གྲར་ཆོ་འཕྲུལ་ཟླ་བའི་ཚེས་གཅིག་ནས་བཅོ་ལྔའི་བར་ཡོ་གའི་དཀྱིལ་འཁོར་བཅུ་གསུམ། ཚར་ལུགས་ཀྱི་འཇིགས་བྱེད་ལྷ་བཅུ་གསུམ་མ། འདི་གའི་བརྩམས་ཆོས་གནས་བརྟན་ཆེན་པོ་བཅུ་དྲུག་གི་མཆོད་པ་རྒྱལ་བསྟན་འཛད་མེད་ནོར་བུ། དགོན་ཤར་ནུབ་གཉིས་ནས་བཀའ་བརྒྱད་རྣམས་འཛུགས་གནང་གི་ཆོས་གཞིས་དགོས་ཚུལ་གྱི་རྟེན་སྤམས་མཐོ་བ་དང་བཅས་ཕེབས་པ་དང་བླངས་ཀྱིས་པ་ནམ་དགོན་པ་ལྷོ། དར་རྒྱས་ཆུ་རགས། སྨོན་ཚོ་ཧོར་ཁུངས་བཅས་པའི་གཞིས་ཀ་མི་སེར་དུད་འཛིན་བཅུ་དགུ །ལག་ཡོང་ཉིས་སྟོང་ཉིས་བརྒྱ་སོ་གཉིས་ཐོན་ཁུངས། གཞིས་རྩེ་ནས་ལོ་སྟར་ངོ་སྤྲོད་ཡ་ཇུ་དང་ཤ་ཤན་འདྲེས་པ་ཁལ་སུམ་ཅུ་སོ་དགུ་ཉག་བཅོ་ལྔ། བུ་རམ་ཁལ་བཅུ་ཉག་གསུམ་རྣམས་སྦྱོར་འཇགས་ཞུས།གྲ་ཕྱི་བྱེ་རྫིང་ཚོགས་པས་བཀའ་འགྱུར་ཚར་དྲུག་སྒྲོགས། འབའ་ཆོས་སྡེ་སྔར་ཕན་དར་རྒྱས་ཆེ་བ་མེད་འདུག་པ་འདི་ལོ་ནས་བཟུང་ཇི་སྲིད་བསྟན་པ་གནས་ཀྱི་བར་ལོ་འཁོར་དུ་དགེ་འདུན་སུམ་བརྒྱ་སྐོར་ངོ་ཡོད་ལ་ཕོགས་བསྣོན་བཅས་ཟླ་རེར་མཁའ་རུའི་འབྲུ་ཁལ་རེ་དང་ཉིན་སྟར་བཞེས་ཐུག་འཕར་མ་རེ། ཆོ་འཕྲུལ་དང་ས་ག་ཟླ་བ་སོ་སོར་བཀའ་འགྱུར་རོ་ཅོག་འགྲོ་གང་ཆེ་སྒྲོག་པའི་ཇ་ཐུག་སོགས་གསུང་སྒྲོག་པ་གཞུང་དཔེ་འགྲེ་ཡོང་བ་བྱས། འདི་ལོ་ནས་བཟུང་མཛོ་སྒང་དུ་ཧོར་ཟླ་དང་པོ། གཉིས་

[Full Size]

པ། གསུམ་པ། བཅུ་པ་སྟེ་བཞིར་ཉེ་སྐོར་དགེ་ལུགས་དགོན་ཚོ་བསྡུས་ཆིག་བརྒྱ་བཅུ་གཅིག་གིས་ཟླ་གཅིག་བར་བཀའ་འགྱུར་འགྲོ་གང་ཆེའི་གསུང་སྒྲོག་ཡོན་ཞབས་ཏོག་སྤྱི་འགྲོ་ཇི་སྲིད་བར་བཙུགས། ཉེར་གསུམ་ལ་གྲ་ས་ཕན་ཚུན་གྱི་སློབ་དཔོན་དགེ་སྐོས་དབུ་མཛད་གྲ་སྐོར་བ་རྣམས་ཇ་བྲལ་བཏང་། ཉེར་ལྔར་དགའ་ལྡན་ཁྲི་རིན་པོ་ཆེ། དུང་དཀར་སྐུ་སྐྱེ། ཁམས་པག་ཤོད་བླ་མ། སྟག་ལུང་ཀ་དྲུག་བླ་མ་སོགས་དང་ཕྲད། ཉེར་བདུན་ལ་ཕ་བོང་ཁའི་གདན་ས་པ། རྒྱལ་མོ་བསོད་ནམས་ཆོས་འཛོམས། མཁའ་འགྲོ་དགེ་ཚུལ་མ། སྙེ་ནང་དགའ་ལྡན་འཕེལ་རྒྱས་གླིང་སློབ་དཔོན་པ། ཀླུངས་ཤོད་དཔལ་འབར་བླ་མ། ཕུན་ཚོགས་བླ་མ་མི་བཟང་གཉིས་དང་བཅས་པས་ཨུ་ཆུ་མུ་ཆུ་ཆེ་ཆེན་ཆིང་དབང་གིས་རིང་འཚོར་གསེར་བྲེ། དངུལ་བྲེ། བེར། ཇ་གོས་དར་སོགས་དངོས་པོ་གཏོས་ཆེ་བསྐུར་བ་བཏེག །དགའ་ལྡན་རབ་འབྱམས་པ། དཔོན་མོ་བསོད་ནམས་སྒྲོལ་མ། ཏྲེ་བོ་དཔོན་ཨུའི་ཆིང་ནོ་ཡོན་སོགས་མི་ངོ་བརྒྱད་བཅས་ལ་མདུད་པ། གོན་པ་ཆ་ཚང་རེ། ཤལ་དཀར་དམར། སྣམ་ཕྲུག །རྟ་སྒ་འཁོར། བུར་ལྟང་སོགས་རྫོང་བ་བཟབས། དགའ་ལྡན་རབ་འབྱམས་པ་དང་དཔོན་མོ་བསོད་ནམས་སྒྲོལ་མ་མ་བུ་དང་བཅས་པར་མགོན་པོའི་རྗེས་གནང་བར་ཆད་ཀུན་སེལ་བཀའ་བསྒོ་སོགས་ལུགས་གཉིས་ནས་རེ་བ་བཀང་། ཉེར་བརྒྱད་ལ་ས་སྐྱོང་ལྷ་རྒྱལ་རབ་བརྟན། ཐུ་མེད་དའི་ཆིང་ཁོ་ལོ་ཆི། མ་གཅིག་ཐའི་ཇིའི་དཔོན་མོ། མེར་གན་ཇི་ནོང་གི་དཔོན་མོ་བསོད་ནམས་དཔལ་བཟང་། མངའ་

[Full Size]

རིས་གྲ་ཚང་གི་གཉེར་པ། སྤྲུལ་སྐུ་རྒྱལ་བཟང་པ་རྣམས་ལ་ཇ་གྲལ་བགྱིས་ཤིང་ཇོ་ནོང་དཔོན་མོར་བཀའ་བསྒོ་བྱས། གནམ་གང་ལ་མཚལ་ཞབས་དྲུང་གྲགས་པ་དང་ཕྲད། ཧོར་ཟླ་གཉིས་པའི་ཚེས་གཅིག་ལ་ངག་དབང་འཕྲིན་ལས་ནང་མི་དང་བཅས་པས་དཀར་དྲོ་དང་ཚན་གྲངས་སྤེལ། ཚེས་གཉིས་ལ་ངེས་གསང་རྡོར་གླིང་པ་གྲ་བཅས་ཀྱིས་ཚེ་དཔག་མེད་བདུད་རྩི་འཁྱིལ་པའི་ཆོ་ག་དང་འབྲེལ་བའི་རིང་འཚོའི་རྟེན་འབྱུང་བསྒྲིགས་ཁྲོད་གོང་དཀར་སྔགས་འཆང་གནས་ཆུང་པའང་ཡོད། ཕྱི་དྲོ་ཆོས་རྗེ་ཐུབ་བསྟན་པའི་ཚ་བོ་དང་བཅས་དགེ་ཚུལ་བཅུ་གཉིས་བསྒྲུབས། ཚེས་གསུམ་ལ་འཕྱོང་རྒྱས་པ་བློ་བཟང་ཐུགས་རྗེས་སྨོན་ལམ་གྱི་གྲ་སྐོར་སྔོན་འགྲོར་གྲ་ཚང་གི་འདོན་ཆ་ཤོག་བུ་སུམ་བརྒྱ་དྲུག་གི་རྒྱུགས་སྤྲད། ཚེས་བཞིར་སྟག་ལུང་ཕྱག་མཛོད་དབུ་མ་པ་ཞ་ལུ་རི་སྦུག་ཆོས་ཁྲིའི་རྒྱ་ཕིབས་ཀྱི་གསེར་གསོལ་དོ་དམ་པར་བརྫངས། འདི་གའི་རིམ་གྲོར་རྫོང་གཞིས་ཁག་ཁ་ཤས་སུ་བཀའ་འགྱུར་ཆིག་བརྒྱ་ཉི་ཤུ། བརྒྱད་སྟོང་པ་ཆིག་སྟོང་། གསེར་འོད་དང་ཀླུ་འབུམ་བརྒྱ་ཚར་རེ། སྨན་བླ་ལྔ་ཁྲི། ཚེ་ཆོག་ཁག་ལྔ། སཱཙྪ་འབུམ་ཐེར། ཡིག་དྲུག་ཐེར་འབུམ་གཉིས། དགའ་ལྡན་གསང་སྔགས་གླིང་དུ་ཨྱཻ་རིང་དང་ཏྲིག་ཁྲོམ་མ་བྱེ་བ་རེ། འཕྱོང་རྒྱས་རྫོང་གི་ལྡེབས་ཞལ་དུ་གཤེད་དམར་གྱི་བྲིས་སྐུ་ཁྲུ་གང་བཞེངས་ཤིང་སྐྱེས་ལྷ་ཡུལ་ལྷ་གསོལ། ཁྲོ་རོལ་ཁག་གཅིག །བསམ་ཡས་དང་ཁྲ་འབྲུག་གཉིས་སུ་མཆོད་པ་སྣ་ལྔ་བརྒྱ་ཚར། གསེར་ཆབ། སྙན་ཤལ། འཕྲུལ་སྣང་དུ་བརྒྱ་མཆོད་སྣ་ལྔ། དེ་དང་ར་མོ་ཆེ། པོ་ཏ་ལ་གསུམ་པོར་ཁྲུས་གསོལ། ཆབ་གཏོར་འབུམ་

[Full Size]

ཐེར། ཕྱུགས་ལུག་བརྒྱའི་སྲོག་བླུ། ཀི་ཀང་གི་དགྲ་མནན་གཉིས། ཀླུ་སྦུག་ཏུ་ཀླུ་མཆོད་དང་ཀླུ་གཏའ་བསྡམས། འཕྲང་ཟམ་ཁ་ཤས་ཞིག་པ་བསོས། དཔལ་གསོལ་བརྒྱ་ཚར། རྒྱལ་དུ་དམག་ཟོར་མའི་བསྐང་བཤགས་འབུམ་ཐེར། བསིལ་ཚལ་དུ་གུར་ཞལ་དང་བེག་ཙེར་ཁྲི། མཐིལ་དུ་ཕྱག་དྲུག་པ་ལས་གཤིན་རྣམ་སྲས་སོ་སོར་སྟོང་རྩ་རེ། རི་མཐིལ་གྱི་ཆོས་སྲུང་སྤྱིར་བརྒྱ་ཚར། དབུས་གཙང་གི་རིས་མེད་དགོན་ཨང་དང་གཉིས་གསུམ་པ་ཚང་མར་དཔྱིད་མང་འགྱེད་སྒྲིགས་མའི་ཨང་དང་པོར་འགྱེད་དགེ་འདུན་རེར་གཤོར་ཁལ་གསུམ་རེ། གཉིས་པར་གཉིས་རེ། གསུམ་པར་རེའི་རྩིས། ཞལ་འདོན་དགེ་ལུགས་རྣམས་ཀྱིས་གདུགས་དཀར། དེ་ཕྱིན་ཐམས་ཅད་ཀྱིས་ཕྱག་འཚལ་ཉེར་གཅིག །ཤེར་སྙིང་། ཚེ་གཟུངས་རྣམས་འགྲོ་གང་ཆེ། ཕ་བོང་ཁར་ཟླ་གཉིས་ཞག་ཉེར་ལྔའི་བར་དགེ་སློང་སུམ་ཅུ་རྩ་གསུམ་གྱིས་རིགས་གསུམ་མགོན་པོའི་གཟུངས་སྟར་ཆགས། སྡེ་པའི་རིམ་གྲོར་རྒྱས་འབྲིང་བསྡུས་པ། གསེར་འོད། ཐང་ཡིག་གསུམ་བརྒྱ་ཕྲག་རེ། མཚན་བརྗོད་ཆིག་ཁྲི། ཚེ་གཟུངས་སུམ་འབུམ། སཱཙྪ་དང་ཆབ་གཏོར་འབུམ་ཐེར་རེ། ཕྱུགས་ལུག་ལོ་གྲངས་ཀྱི་སྲོག་བླུ། བསྟན་སྲིད་སྤྱིའི་ཇུས་རིམ་དུ་འབུམ་རྒྱས་འབྲིང་བསྡུས་གསུམ་ཚར་བཅོ་ལྔ། བསྐལ་བཟང་ཆིག་སྟོང་། སྨན་བླ་ལྔ་སྟོང་། གདུགས་དཀར་ཆིག་ཁྲི། སྒྲོལ་ཤེར་ཚེ་གཟུངས་གསུམ་འབུམ་ཕྲག་རེ། ཁྲོ་རོལ་ལྔ། ལྷ་སར་དཔའ་བོ་དཔའ་མོའི་ཁྲུས་གསོལ། ཉེ་སྐོར་མཆོད་ཁང་བརྒྱར་མཆོད་པ་སྣ་ལྔ་རེ། བསམ་ཡས་

[Full Size]

དང་ཁྲ་འབྲུག་གཉིས་སུ་དར་ཆེན་རེ། རྫོང་གཞིས་རྣམས་ནས་ཡུལ་ཁམས་ལ་རྣམ་འཇོམས་དང་སྨེ་བརྩེགས་ཀྱི་ཁྲུས་གསོལ། བསངས། དགྲ་ལྷ་དཔངས་བསྟོད། རི་འགོ་མཐོ་སར་དར་ལྕོག་མང་པོ་འཛུགས་བཅུག །སྔགས་རམས་པ་དོན་གྲུབ་རྒྱ་མཚོ། ངག་དབང་འཇམ་དབྱངས། བློ་བཟང་མཁྱེན་བརྩེ་གསུམ་ཚེ་བདག །བློ་བཟང་མཐུ་སྟོབས་དང་བློ་བཟང་བཀྲ་ཤིས་གཉིས་ལོག་ཏྲི། ངག་དབང་ཚུལ་ཁྲིམས་བཀའ་བརྒྱད། ངག་དབང་ཡིད་བཞིན་དང་ནམ་མཁའ་རྒྱ་མཚོ་གཉིས་ཕུར་པ། བྱམས་པ་སྐལ་བཟང་ཡང་གསང་ཀརྨ་དྲག་པོ་རྣམས་ཀྱི་བསྙེན་དམིགས་ཁྲིད་ནས་མཚམས་བྱེད་དུ་བཅུག ། ཚེས་བདུན་ལ་འདར་ལོ་ངག་དབང་ཕུན་ཚོགས་ལྷུན་གྲུབ་ཀྱིས་དགེ་སྦྱོར་རྟེན་ནཱ་རོ་མཁའ་སྤྱོད་ཀྱི་བྲིས་ཐང་བཞེངས་པའི་རྒྱབ་ཡིག་སྨོན་ལམ། བདེ་ཆེན་ཐའི་ཇི་བགྲེས་པ། ད་ལའི་ཨོ་པ་ཤིའི་བསྔོ་རྟེན་སྐྱེལ་མི། ད་རྒན་བླ་མ་སོགས་ཀྱིས་བསྔོ་རྟེན་དང་སྒེར་འབུལ་དངུལ་ཇ་གོས་དར་སོགས་སྤམས་བསྟོད། ཚེས་བཅུར་ལྕམ་ནོར་བུ་ཁྲ་སྒོར་དང་བྱང་གླིང་པ་སོ་སོ་ནས་ཡོན་སྦྱར་ཏེ་གཟིམས་ཆུང་བརྟན་བཞུགས་སུ་གྲགས་པའི་རིང་འཚོའི་རྟེན་འབྱུང་ཐོག་ལྕམ་ནོར་བུ་ཁྲ་སྒོར་གྱིས་ཚེ་དཔག་མེད་ཀྱི་སྐུ། སྐུ་རྒྱན་གྱི་ཤལ་དཀར་པོ། གསེར་གྱི་ཉག་ཐག་སོགས་ཡོད་དགུ་བཏེག ། ཚེས་བཅུ་གཅིག་རྗེས་མར་དྲུང་ཡིག་དར་རྒྱས་བཀྲ་ཤིས་ཀྱིས་གོས་སྣ་ཆ་ཚང་བདོག་པའི་སྐྱེས་འགྱེད་བཅས་སྦྱར་ནས་རིང་པོར་འཚོ་བའི་ཐབས་ཚུལ་སྔ་མ་དང་འདྲ། ཨེར་ཁེ་ཆོས་རྗེ་མཚོ་ཁ་ནས་སླེབས་པའི་སྟེར་སྦྱིན་བྱུང་ཞིང་སྤྲུལ་སྐུ་གཏེར་བདག་གླིང་པས་མཁའ་འགྲོ་གྲིབ་སེལ་མཛད། ཚེས་བཅུ་གཉིས་

[Full Size]

ལ་རྒྱ་ནག་གི་མི་སྣ་འགྲུལ་སྡེབས་དང་བཅས་པར་ཇ་གྲལ་བཏང་ཞིང་ལྕམ་ནོར་བུ་ཁྲ་སྒོར་ལ་དངོས་པོ་དུ་མ་དང་བཅས་རྫོང་བདའ་ཞུས། མཆོད་དཔོན་པས་སྙན་དར་ཐགས་སུ་བསྐྲུན་རྒྱུའི་སྨོན་ལམ། གཏེར་སྟོན་རིགས་འཛིན་ཆེན་པོའི་དགོངས་བཞེད་ལྟར་སྨིན་གྲོལ་གླིང་གི་རྟེན་དང་བརྟེན་པར་བཅས་པ་གསར་བཞེངས་གེགས་མེད་གྲུབ་པའི་དཀར་ཆག་སྨོན་ལམ་རྒྱས་པ། ཨུ་ཆུ་མུ་ཆུ་ཆེན་ཆིང་དབང་གིས་བསྐུལ་བའི་གསོལ་འདེབས་དང་སྡེ་བརྒྱད་ཀྱི་གནོད་པ་བསྲུང་བའི་ཐམ་ཀ །དབང་གི་ཨོ་པ་ཤི་ངག་དབང་རིན་ཅེན་གྱི་ངོར་འཇམ་དབྱངས་ཆོས་སྐོར་ནས་ནང་སྒྲུབ་ལ་བརྟེན་པའི་བླ་མའི་རྣལ་འབྱོར། བསམ་བློ་ཆོས་རྒྱ་མཚོས་བསྐུལ་བའི་ཡི་དམ་ཆོས་སྲུང་ལ་བརྟེན་པའི་སྨོན་ལམ་རྣམས་བྲིས། ཚེས་བཅུ་གསུམ་ལ་གཏེར་སྟོན་རིགས་འཛིན་ཆེན་པོས་མཁའ་འགྲོ་བསུན་བཟློག་སྨིན་རྒྱས་མཛད་གྲུབ་ནས་གོང་དཀར་དཀོན་གཉེར་དཔོན་གྲ་བཅས་དང་ཕྲད། ཚེས་བཅུ་བཞིར་དབུ་མཛད་བློ་བཟང་ཡོན་ཏན་གྱིས་ཡོན་སྦྱར་ཏེ་ཚེ་དཔག་མེད་དྭངས་མ་བཅུད་འདྲེན་གྱི་སྒྲུབ་ཁག་གཅིག་དང་གྲ་དམངས་ཀྱིས་ཨ་ཏི་ཧྲཱིཿགཅིག་མའི་སྒྲུབ་པ་བདུན་གཅིག་བཙུགས་རྗེས་ཚན་གྲངས་དུ་མ་བརྐྱང་སྟེ་གཟིམས་ཆུང་བརྟན་བཞུགས་སུ་གྲགས་པའི་རིང་པོར་འཚོ་ཐབས་གྲུབ་ནས་སྒྲོལ་དཀར་ཚེ་སྦྱིན་ཡིད་བཞིན་འཁོར་ལོའི་ཉམས་ལེན་ཚེ་ཁྲིད་ཟླ་བའི་ཆུ་རྒྱ྄ུན་ནང་བཞིན་བདུན་ཕྲག་གི་བར་བཅད་རྒྱ་དམ་པོར་བགྱིས་པས་རྟགས་ཀྱང་ལེགས་པ་བྱུང་། ཚེས་ཉི་ཤུར་ལྷ་ས། བསམ་ཡས། ཁྲ་འབྲུག །ཡུམ་བུ། ཡེར་པ། ཀ་ཚལ། མཁོ་མཐིང་། གཙང་འགྲམ།

[Full Size]

གྲོམ་པ་རྒྱང་རྣམས་སུ་ཚོགས་བརྒྱ། འཕྱོང་རྒྱས་སུ་རྗེ་བདུད་བཙན་པར་གསོལ་མཆོད། རྫོང་ཆེ་ཁག་ཉི་ཤུར་བསངས་དང་དགྲ་ལྷ་དཔངས་བསྟོད། ལྷ་སར་སྒོ་འགྱེད་དུད་དྲུག་རེར་ཡ་ཇུ་བར་ཁག་རེའི་རྩིས་ཁྱོན་ཁོར་དྲུག་མ་ང་བཞི་དང་། ངན་སློང་གང་ཡོད་ལ་ཇ་གསིལ་མ་ཕོན་ཆེས་དབུལ་བ་བསལ། ཉེར་གཅིག་གཉིས་ཚོར་སྤྲུལ་སྐུ་རིགས་འཛིན་ཆེན་པོར་དབང་ལུང་ཁ་ཤས་ཞུས། ཉེར་གསུམ་ལ་བྲག་གདོང་ཆོས་མཛད་བློ་བཟང་ཚེ་དབང་གིས་སྨོན་ལམ་གྲ་སྐོར་བཏང་བའི་དུས་གྲ་ཚང་དུ་དངུལ་ཀོང་ཕུལ་བའི་ཁ་བྱང་། གོང་མ་རྒྱལ་པོར་འབུལ་རྒྱུའི་ཞུ་ཡིག །གནས་གསར་དབོན་མཁྱེན་རབ་བློ་ལྡན་གྱི་དོན་དུ་རྗེ་བཙུན་རྡོ་རྗེ་རྣལ་འབྱོར་མར་རིན་འབྱུང་བརྒྱས་བསྐོར་བའི་རྒྱབ་ཡིག་སྨོན་ལམ། འཕྱོས་པ་ནམ་མཁའ་རྒྱ་མཚོའི་ངོར་གསོལ་འདེབས་རྣམས་བརྩམས། ཉེར་ལྔར་འགྲོ་འདུལ་གཏེར་བདག་གླིང་པར་ཆོས་ཡོན་གསེར་སྲང་གསུམ། དངུལ་ལྔ་བཅུ་མ། རྒྱ་སྦུག་ཁྱད་འཕགས། ཇ་གོས་དར་སོགས་གཏོས་ཆེ་བ་དབུལ་ཏེ་རང་གི་བསྟི་གནས་སུ་ཆིབས་ཁ་བསྐྱོད། ཉེར་བདུན་ལ་རྒྱ་ནག་མི་སྣ་འགྲུལ་སྡེབས་དང་བཅས་པར་སྨན་བླ་སྤྲུལ་སྐུ་མཐོ་བརྩེགས། སྐྱེར་སྒང་ལུགས་ཀྱི་སྤྱན་རས་གཟིགས། སྒྲུབ་བརྒྱའི་ནང་གི་རྣམ་རྒྱལ་མ་གཙོ་རྐྱང་རྣམས་ཀྱི་རྗེས་གནང་དང་། རྒྱུད་སྟོད་ཞལ་སྔ་ནས། ཨུ་ཆུ་མུ་ཆུ་ཆེན་ཆིང་དབང་གི་ཨོ་བ་ཤི་གཉིས་སོགས་ལ་འཇམ་དབྱངས་ཆོས་སྐོར་ནས་ནང་སྒྲུབ་ཀྱི་དབང་བཞི་བྱིན་རླབས་བསྐུར། དཔོན་མོ་བསོད་ནམས་སྒྲོལ་མ་བུ་བཅས། ཁལ་ཁ་ཡེལ་དེང་ནོ་ཡོན་སོགས་ལ་ཇ་གྲལ་བཏང་ཞིང་སྔ་མར་བར་གཅོད་མི་འཇུག་པའི་བཀའ་

[Full Size]

བསྒོ་བགྱིས། ཕྱི་དྲོ་གོང་གི་མི་སྣ་འགྲུལ་སྡེབས་བཅས་པ། བོ་དོང་འཆི་མེད་སྤྲུལ་སྐུ། སྙིང་རི་གདན་ས་པ། གདུང་བརྒྱུད་རྣམས་དང་ཕྲད། ཉེར་བརྒྱད་ལ་ངེས་གསང་རྡོར་གླིང་གི་གྲ་པ་བློ་བཟང་ཆོས་སྐྱོང་གིས་གསང་བ་སྙིང་པོའི་རྩ་རྒྱུད་ཀྱི་རྒྱུགས་སྤྲད། རྣམ་གླིང་པཎ་ཆེན་དཀོན་ཅོག་ཆོས་གྲགས། སྔགས་རམ་པ་ངག་དབང་དཔལ་བཟང་། གོང་གི་གསེར་ཡིག་གཞོན་པ་བློ་བཟང་སྦྱིན་པ་སོགས་བསྙེན་རྫོགས་བརྒྱ་ཉི་ཤུ། དགེ་ཚུལ་ཆིག་བརྒྱ་ཞེ་བཞི། དགེ་བསྙེན་དྲུག་རྣམས་ལ་སྡོམ་པ་ཕབ། ཨུ་ཆུ་མུ་ཆུ་ཆེ་ཆེན་ཆིང་དབང་གི་དེ་ཤི་ཁི་ཡས་སྲོག་མི་གཅོད་པའི་དམ་བཅའ་བླངས། ཉེར་དགུར་ཁལ་ཁ་གཡོན་རུ་ནོ་ཡོན་ཁུ་ཐུག་ཐུ་དང་རྒྱ་དུང་པདྨའི་ནང་ཚང་སོགས་ལ་ཇ་གྲལ་བཏང་། གནམ་གང་གི་ཞོགས་ཨུ་ཆུ་མུ་ཆུ་ཆེ་ཆེན་དབང་གི་དེ་ཤི་ཁི་ཡ་དང་བོ་རོ་ཁི་ཡ་ཅན་དྲུག་སོགས་ལ་ཡན་ལག་བརྒྱད་པའི་སྡོམ་པ་འབེབས་པ་ལག་རིས་མཐོང་ཙམ་ན་ཕབ་ཚར་བ་དགོས་པ་ལེན་པ་པོ་རྣམས་ཡོང་འཕྱིས་གཤིས་སྔོན་འགྲོའི་ཆོས་བཤད་རྒྱས་པར་མ་ཐུབ་ཀྱང་ཕབ་གྲུབ་ནས་བསླབ་བརྗོད་སོགས་ལ་བླང་དོར་ཆོད་ངེས་ཀྱི་རིམ་པ་བཤད། གུང་ཚིགས་ཀྱི་ཐོག་གོང་གི་མི་སྣ་འགྲུལ་སྡེབས་དང་བཅས་པ། འདི་གའི་མི་སྣ་གཞོན་པ་རྟ་འབུལ་དབོན་ཆུང་། བསྟན་འཛིན་ད་ལའི་རྒྱལ་པོའི་མི་སྣ་ད་ཡན་ཇའི་སང་སོགས་ལ་སྟོན་མོ་བཟབས་རྒྱས་ཐོག་མདུད་པ་དམ་རྫས་གོན་པ་ཆ་ཚང་རེ། སྣམ་ཕྲུག་སོགས་སོ་སོར་གོ་བབས་མ་ལོག་པའི་རྫོང་བདའ་བགྱིད་སྐབས་གསེར་ཡིག་གཞོན་པ་བློ་བཟང་སྦྱིན་པས་རྟེན་ལ་གཟུངས་

[Full Size]

འབུལ་ཚུལ་དང་རབ་གནས་སྐོར་ལ་དྲི་བར་སྔོན་ཆད་ཕྱོགས་དེར་འདི་རིགས་རྣམ་དག་མ་བྱུང་འདྲའང་གང་འཚམ་གྱི་ལན་བཏབ་ཅིང་། བླ་ཆེན་ཚོ་ནི་རྫོང་བཟུང་ནས་འབུག་འབུག་མི་སྣང་བའི་ཚོད་ན་འདི་གས་གླེང་བསླང་བ་རང་ངོ་མཚར་ཆེ་སྙམ་པ་བྱུང་། དེ་མཚམས་ཁལ་ཁ་མེར་གན་ཨ་ཁའི་ཐོན་གདོང་ལ་བཀའ་བསྒོ་དང་གཡོན་རུ་མེར་གན་བླ་མས་རྒྱན་དྲུག་མཆོག་གཉིས་ཀྱི་གསེར་སྐུ་གྲ་ཚར་དངོས་གཙང་སྤྲད་བྱུང་བར་ཕར་གོས་སྣ་གསུམ་དང་། སྤུ་ཇ་སྦག་སོགས་བྱིན་ཅིང་བཀའ་བསྒོ་བྱས། ཧོར་ཟླ་གསུམ་པའི་ཚེས་གཅིག་ལ་ལྷ་ས་སྤུས་སྲང་པ་དང་དམིགས་བརྩེ་མ་སོ་སོ་ནས་ཚན་གྲངས་དང་ཡོན་སྦྱར་ཏེ་གཟིམས་ཆུང་བརྟན་བཞུགས་སུ་གྲགས་པ་སྤེལ། དེ་མཚམས་ཐོད་རི་བཤད་སྒྲུབ་གླིང་བླ་མ་གྲ་བཅས་བརྒྱ་ལྷག་གིས་དངོས་པོ་སྤམས་མཐོར་བཏེག་སྟེ་ཉི་བུའི་གཡུལ་ལས་རྒྱལ་བའི་བདེན་ཚིག་རྒྱས་པར་བརྗོད། སེང་ལྡེང་ནགས་སྒྲོལ་གྱི་རྗེས་གནང་བསྐུར། སློབ་དཔོན་པས་འཇིགས་མཛད་རྡོ་རྗེའི་ཉམས་ལེན་སྐོར་ལ་དོག་གནས་ཀྱི་དྲི་བ་བྱེད་པར་སོ་སོར་ལན་བཏབ་ཅིང་གནད་འགག་རང་ལ་དྲི་བ་བྱེད་པར་མི་གདའ། ཞང་སྟོན་རི་ཁྲོད་པ་རིམ་གྲོ་གྲུབ་ནས་ཕྲད་པར་འཕྲོས་གླེང་ཞིབ་པ་བྱུང་། ཕྱི་དྲོ་ཐ་ཤི་བོ་ལོད། སེམས་དཔའ་ཆེན་པོའི་སྤྲུལ་སྐུ། བྱམས་ཆེན་སློབ་དཔོན་ང་ཕོད་པ། རིགས་འཛིན་སྟོབས་ལྡན་དབང་པོའི་སློབ་མ་ལ་སྟོད་གྲ་མ་ལུང་བླ་མ། བྲག་གདོང་རྒྱལ་ཕུར་རྣམས་ལ་ཇ་གྲལ་དང་། བྲག་དབར་གྲ་ཚང་བརྒྱ་སྐོར་སོགས་བོད་སོག་སྐྱ་སེར་སུམ་བརྒྱར་བྱིན་རླབས་དང་། ཨོ་པ་ཤི་ངག་དབང་རིན་ཅེན་ཕ་བུ་འདོད་པ་བཞིན་རྐང་པར་མགོ་བོ་གཏུག་ཏུ་བཅུག །ཚེས་གཉིས་ལ་གོང་གི་མི་

[Full Size]

སྣ་འགྲུལ་སྡེབས་བཅས་པ་སྤྱི་བསྡུས་ཀྱིས་ཚོགས་ཆས་ཚན་གྲངས་འགྱེད་ཀྱི་ཡོན་སྦྱར་ཏེ་གྲ་ཚང་གིས་རྡུལ་ཚོན་དང་འབྲེལ་བའི་བྱང་གཏེར་ཚེ་དཔག་མེད་ལོངས་སྐུ་མའི་ཚེ་ཆོག་རྒྱས་པར་བཏང་། ཚེས་བཞིར་འཇམ་དབྱངས་ཆོས་རྗེས་བསྐུལ་མ་མཛད་པའི་བླ་མའི་རྣལ་འབྱོར་དང་། ཤར་ཁང་ནོ་མུན་ཁན་གྱི་བརྟན་བཞུགས། ཨུ་ཆུ་མུ་ཆུ་ཆེ་ཆེན་ཆིང་དབང་གི་དེ་ཤི་དང་བོ་རོའི་ངོར་སྨོན་ལམ། གྲ་ཕྱི་སྨོན་གྲུབ་པ་རིན་ཅེན་བཀྲ་ཤིས་ཀྱིས་བསྐུལ་བའི་བྱང་གཏེར་ཐུགས་སྒྲུབ་དྲག་པོ་རྩལ་གྱི་ཉམས་ལེན་དང་འབྲེལ་པའི་སྨོན་ལམ། སྒྱིད་ཐང་ནོར་བུའི་ངོར་སེང་ལྡེང་ནགས་སྒྲོལ་དང་བླ་མ་ཐ་མི་དད་པའི་གསོལ་འདེབས་སྨོན་ལམ་རྣམས་བྲིས། ཚེས་ལྔར་སེ་ཆེན་དབོན་པོས་རུང་མཐུན་གྱི་གོས་ཆ་འགྲིག །གསེར་སྲང་གང་གིས་གཙོས་པའི་དགུ་ཚན་བརྒྱད། རྟ་དཔོན་རྣམ་འཇོམས་ཀྱིས་དངུལ་ལྔ་བཅུ་མས་གཙོས་པའི་དགུ་ཚན་དྲུག །སོ་སོས་འགྱེད་སོགས་ཡོན་སྦྱར་ནས་གཟིམས་ཆུང་བརྟན་བཞུགས་ཀྱི་རིང་འཚོ་བསྟར་བ་གྲུབ་ནས་ལྷ་ལྡན་ཚེས་བཅུ་བ་ཁག་གིས་ཚན་གྲངས་བཏེག་སྟེ་ཡུན་འཚོའི་ཚིགས་བཅད་ཤིས་བརྗོད་ཀྱིས་མཐའ་བརྟེན། ཨོ་པ་ཤི་ངག་དབང་རིན་ཅེན་གྱི་བུ་བ་ཡན་གྱིས་སྲོག་གཅོད་དང་མ་སྦྱིན་ལེན་སྤོང་བའི་དམ་བཅའ་བླངས། བརྒྱད་གཏོར་ཆེན་མོའི་དུས་རིམ་བཟབས་རྒྱས་སུ་བཏང་པའི་མུ་འཐུད་ཉིན་གསུམ་གྱི་བར་ཐུགས་དམ་གཉན་པོ་སྐོང་བའི་བསྐང་བཤགས་བཏང་། ཚེས་བཅུ་གཅིག་ལ་སྡེ་པའི་རིམ་གྲོར་སྲོང་བཙན་དུ་དཔལ་རི་བས་མ་ནིང་གི་བསྐང་བཤགས་དང་དྲི་མེད་བཤགས་རྒྱུད་བརྒྱ་ཚར་རེ། ཇུས་རིམ་

[Full Size]

ལ་ཁྲོ་རོལ་སླང་གང་མ། ཉི་ཟླ་དམར་མདངས་ཆེ་བ་བརྟག་པར་ངན་པ་རང་མ་ཤར་ཀྱང་རྣམ་རྟོག་བྱེད་མི་འདུག་པ་སེལ་བྱེད་དུ་རྫོང་གཞིས་ཚང་མ་ནས་ཕྱོགས་བཅུ་མུན་སེལ་སྟོང་ཕྲག་རེ་སྒྲོགས། ནུབ་གླིང་དར་དར་འདས་པའི་རིགས་བརྒྱུད་མེད་གཤིས་སྨན་གྲོང་དང་བསྡོམས་དུད་ཆུང་བཅུ་བཞི་ལག་ཡོང་ཧ་ལམ་སྟོང་ཙམ་ཐོན་ཚོད་ལྷ་ས་གྲ་ཕྱི་ཤག་གི་ནང་བཅས་གྲོང་སྨད་དུ་སྦྱོར་འཇགས་བྱས། ཀུན་མཁྱེན་བུའི་བསྟན་པར་བསམས་རི་སྦུགས་བཞུགས་ཁྲིའི་སྟེང་གསེར་ཟངས་ལས་གྲུབ་པའི་རྒྱ་ཕིབས་བཀོད་པ་ཕུན་སུམ་ཚོགས་པ་བསྐྲུན། སྙེ་ནང་དུ་སྔ་སོར་མཆོད་ཡུལ་རྣམ་དག་མེད་པར་བརྟེན་བསྟན་འགྲོའི་ཕན་བདེ་སྤེལ་བའི་ཆེད་གྲ་རྙིང་སྡོམ་གཙང་རྣམས་ཀྱི་ཐོག་དེ་ཁུལ་ནས་ཐོ་བཙུན་བརྒྱབ་པའི་གྲ་གྲངས་བདུན་ཅུ་ཐམ་པའི་སློབ་དཔོན་པར་ཤེལ་དཀར་ཆོས་སྡེའི་གྲ་པ་དཀོན་ཅོག་རྣམ་རྒྱལ་དང་། གཉེར་པ་རོང་ཐང་སྤེ་བ་བསྐོས་པའི་ཞལ་འདོན་སྨན་བླའི་མདོ་ཆོག །དཔལ་གསང་བ་འདུས་པ། མི་འཁྲུགས་པ་ལྷ་དགུ། རྡོ་རྗེ་འཇིགས་བྱེད། ཕྱག་དྲུག་པ། རྣམ་སྲས་སེར་ཆེན། དམག་ཟོར་རྒྱལ་མོ་དང་བཅས་པའི་ཆོ་ག་བསྐང་གསོ་གཙོར་བཏོན་གྱི་སྔགས་གྲ་དགའ་ལྡན་འཕེལ་རྒྱས་གླིང་གསར་དུ་བཙུགས་པར་མཆོད་རྫས་རོལ་ཆ། ཡོལ་བ་བླ་བྲེ། ཇ་ཚུལ་ཐེབས་ཀྱི་ཚོང་པ་དང་རུ་བ་སོགས་ཕྱི་ནང་གི་སྤྲོད་ཚང་མ་རྒྱ་མི་ཆུང་བ། ཚུལ་སྒྲུབ་མཆོད་ཕོགས་གཏོང་སྒོ་རྣམས་ཆོས་སྡེ་གསར་བཙུགས་བྱིངས་ལས་བཟང་སྟོད་ཡོང་བའི་ཆོས་གཞིས་སུ་ལེགས་ཤིང་མོ་བྲན་རང་འཇགས་ཐོག་རྩར་མ། ལ་ཕྱི་བའི་བཀྲ་ཤིས་སྒང་། ཤེལ་དཀར་ཁུལ་ནས་སྒ་ར། ཡོལ་གདོང་། མཚམས་མདའ། ས་ལྷ། ལུང་མོ།

[Full Size]

ཕུ་རི་རྣམས་བསྡོམས་དུད་འཛིན་བརྒྱ་དང་བཅོ་བརྒྱད། དུད་ཆུང་རྡོ་ཐབས་དགུ་བཅས་པར་ལག་ཡོང་སུམ་སྟོང་བརྒྱད་བརྒྱ་ཉེར་དགུ་ཐོན་ཁུལ་རྣམས་སྦྱར། ཚེས་བཅུ་གསུམ་ནས་བཟུང་ཉིན་གསུམ་པར་ལྷོ་ཀོང་མི་སྲུན་སྒྱུ་དྲའི་གཡུལ་ལས་རྣམ་པར་རྒྱལ་བའི་གཏང་རག་ཆོས་སྲུང་སྤྱི་བྱེ་བྲག་ལ་བཏང་བའི་ཚེ་ཚིགས་བཅད་བཀོད་པའི་སྙན་ཤལ་རྒྱས་པར་ཕུལ། རྟ་དཔོན་རྣམ་འཇོམས། འཚོ་བྱེད་སྒོ་མོ་རག་པ། བློ་བཟང་རབ་བརྟན་སོ་སོའི་ངོར་རིང་འཚོའི་ཚིགས་བཅད་རེ་བརྩམས། ཚེས་བཅུ་བཞིར་སའི་ཚངས་པ་བསྟན་འཛིན་ད་ལའི་རྒྱལ་པོ་སྲས་གཉིས་སེ་ཆེན་དབོན་པོ་བཅས་པར་རྣམ་འཇོམས་ཀྱི་བཀྲུ་བྱབ་སྲུང་གསུམ། ཚེ་དབང་འཆི་མེད་དཔལ་སྟེར་བརྒྱ་ཚར། རྟ་མགྲིན་སྐྱེར་སྒང་ལུགས་ཀྱི་དབང་བཞི་བྱིན་རླབས་ཀྱི་ཚུལ་དུ་བསྐུར། གོང་སྟེང་མཁའ་འགྲོ་དགེ་ཚུལ་མ། ཨ་པ་ལའི་གྱི་དཔོན་མོ། གསང་སྔགས་མཁར་བླ་ཟུར་སོགས་ལ་ཇ་གྲལ། རྒྱ་ནག་འགྲུལ་སྡེབས་ཐ་ཡང་ཆི་དང་ཨོ་པ་ཤི་ངག་དབང་རིན་ཅེན་ཕ་བུ་འཚེ་བ་ལས་སྐྱོབ་པའི་བཀའ་བསྒོ་བསྟར། ཕྱི་དྲོ་བྱམས་གླིང་མཁན་པོ་མི་སྣ་གཞོན་པ་དང་སྙིང་རི་གདན་ས་བ་གདུང་བརྒྱུད་བཅས་པ་དང་ཕྲད། ཚེས་བཅོ་ལྔར་གོང་མའི་མི་སྣ་རྒན་གཞོན་འགྲུལ་སྡེབས་བཅས་པར་འགྲོ་གདོང་གི་བྱིན་རླབས་དང་བཀའ་བསྒོ་བྱས། དའི་ཆིང་ཁོ་ལོ་ཆི་འཁོར་བཅས་ལ་མགོན་པོ་ཕྱག་དྲུག་པའི་རྗེས་གནང་བར་གཅོད་ཀུན་སེལ། བདེ་གྲོལ་ནམ་མཁའ་རྒྱལ་མཚན་མཆེད། དཔོན་མོ་བསོད་ནམས་ཚེ་དབང་དང་། ཨེར་ཁེ་དའི་ཆིང་གི་མི་སྣ་སོགས་དང་ཕྲད་ཅིང་མེས་སྟོན་པས་རིགས་འཛིན་རྒོད་ལྡེམ་གྱི་ཟང་ཟང་ལྷ་བྲག་གི་གཏེར་

[Full Size]

མའི་གཙོ་ཕུར། ཐུགས་སྲས་ནམ་མཁའ་རྒྱལ་མཚན་གྱི་སྐུ་ཞུགས་ལ་ཕུལ་དུས་དབུ་བམ་རིལ་བྱོན་པ། དབུ་རལ་སོགས་བྱིན་བྱུང་བར་ཆོས་རྒྱལ་བྱང་པའི་དུས་ལ་ཆ་བཞག་གི་དྲག་བཙན་འཁྲི་མེད་ལྷ་སྡེ་དཀར་པོར་གནས་པའི་གཏན་ཚིགས་དང་ངམ་རིང་རྫོང་ནས་བསྟན་པ་ནམ་གནས་བར་ལོ་རེར་གཤོར་འདེབས་ནས་ཁལ་བརྒྱ་རེའི་འཛིན། རྟ་དང་ཇ་ཁོར་དྲུག་མ་སོགས་ཀྱི་བདག་བརྐྱེན་བགྱིས། ལྕགས་ལ་རབ་འབྱམས་པ་ངག་དབང་ལྷུན་གྲུབ་ཤངས་རི་བོ་དགེ་འཕེལ་གྱི་མཁན་པོར་རྫོང་བདའི་སྔོན་འགྲོར་ཁོ་པ་དང་བསྙེན་རྫོགས་དགུ །དགེ་ཚུལ་བརྒྱད་བསྒྲུབས། དེའང་གླང་སྟག་ཙམ་ནས་ཐོག་མར་མིག་གཡོན་མི་གསལ་བ་དང་རྗེས་སུ་གཡས་ཀྱང་རིམ་པར་མི་བདེ་བར་མིག་རྩ་རྣམས་གཏར་ཞིང་ཕྱི་ནས་རྒྱ་མོ་ཆུ་འབྱེད་དང་ཁོང་སྨན་མུ་ཁྱུད་འཛིན་ལུགས། གསལ་བྱེད་སུམ་ཅུ་པ་བཏང་བས་ཟླ་བ་རེ་གཉིས་བར་གསལ་དུ་འགྲོ་བ་དང་ཡང་སྟར་ཆགས་བྱུང་བ་ལྷོ་བྲག་སྙན་བརྒྱུད་ཆད་དུ་ཉེ་བ་མཁས་གྲུབ་མགོན་པོ་མཛེས་པའི་དབང་ཕྱུག་ལ་སྤྲུལ་སྐུ་གཏེར་བདག་གླིང་པས་གསན་པར་ཕེབས་པ་སྤྱན་མི་གསལ་བས་ཐོབ་རེ་མི་འདུག་ཚུལ་གསུང་བ་དེ་རིགས་ལ་གསེར་ཚུགས་སོགས་བཅོས་ཀ་འགྲོ་བས་དར་མོ་སྨན་རམས་པར་ཐོ་གང་ཞིབ་བྱེད་བཅུག་པའི་ནང་བཞིན་གཉལ་རང་དུ་ཚུགས་བརྒྱབ་པས་ལུང་ཡོངས་རྫོགས་མཛད་ཐུབ་བྱུང་བ་དང་། ཁྱབ་བདག་ཁྲ་ཚང་པ་ཆེན་པོའང་སྤྱན་མི་གསལ་བར་དར་མོ་བས་ཚུགས་ཕུལ་བས་བདེ་ཞིང་གསལ་བ་ལྗགས་ལུང་མང་པོ་ཞུ་ཐུབ་པའི་ཡིད་ཆེས་ཡོད་གཤིས་ངེད་རང་ལའང་རྒྱབ་ན་སྙམ་དར་མོ་བས་ལྟག་པ་གཉིས་མཚོག་མ་གཉིས་ཏེ་མིག་གི་སྒོ་བཞི་རྣམས་བསྡམས་ཤིང་གསལ་བྱེད་སྨན་མར་སོགས་བསྟེན་པས་ཟླ་བ་ཁ་ཤས་བར་ཤིན་ཏུ་གསལ་

[Full Size]

བ་བྱུང་རུང་། ཕུགས་འགྲིབ་ལ་སོགས་ཀྱི་འབྱེད་དགོས་ཤིག་ཡོང་བས་མིག་ལ་སྨན་སོགས་ཀྱིའང་ཕན་པ་ཨེ་ཡོང་རེ་ཞིང་དར་མོ་བ་དེ་སྐབས་མིག་འབྱེད་ལ་མཁས་པར་གྲགས་པ་བོད་པ་འཚོ་བྱེད་གནས་ལུགས། རྒྱ་གར་བ་གཽ་ཏ་ལ་དང་། མ་ན་ཧོ་བཅས་པར་དཔྱད་གང་ལེགས་བསླབ་བཅུག །གཞན་མ་མིག་སྨན་སོགས་ཀྱིས་ཕན་གནོད་ཆེ་བ་མ་བྱུང་། འདེབས་སྨན་ཆུ་བཅིར་བྱེད་པ་ཞིག་འདུག་པ་སྡེ་པ་ཨ་བར་གྱིས་རྒྱ་གར་བའི་འདི་ཡུལ་དུས་ཀྱིས་མི་འཇུག་གླེང་ཡང་དར་མོ་བར་ཨཱ་ཙཪྻས་མིག་ལ་ཤིན་ཏུ་ཕན་ཚུལ་བྱས་པ་ལྟར་ཉིན་ཁ་ཤས་བསྟེན་པས་མིག་ལྕིབས་བསྐྲངས་ཤིང་ཚ་རྡོག་སོགས་བྱུང་། དེ་རྗེས་འགྲིབ་སྨིན་པ་ལྟ་བུའི་གསལ་བ་ཡེ་མེད་དུ་སོང་སྟེ་ཚོགས་སོགས་ལ་བཟེད་ཞལ་རྩད་མ་ཆོད་པར་སྦར་མྱུལ་བགྱིས་པས་གྲ་པ་རྣམས་མིག་ཆུ་འདོན་དགོས་པ་ཞིག་བྱུང་བ། མཐུག་པོ་སྦོ་མ་ཚ་རྡོག་མིག་གཉིས་སྤང་། ཞེས་པའི་མིག་རིས་དང་ལོའང་ལུས་ལ་དགྲ་ངར་སྤར་ཁ་ལི་ལ་བབས་ཞེས་ལོ་དང་ནད་ཀྱིས་བཏབ་པ་མིན་པས་མཚོན་འགྲིབ་རང་ཡང་། དུས་འདས་རྒྱལ་མོའི་མཐུ་ཉམས་དབྱེ་མི་རུང་། ཞེས་སོགས་ཀྱིས་སྐྱོན་མི་འདུག་པས། ཚེས་བཅུ་དགུ་ནས་བསྙེན་མཚམས་ཀྱི་བཅད་རྒྱར་བསྙད་སྔོན་འགྲོར་གང་དགོས་ཀྱི་རིམ་གྲོ་སོགས་བསྒྲུབས་པའི་ཉེར་གཅིག་གི་ཉིན་གཟའ་སྐར་འཕྲོད་སྦྱོར་ཀླུ་རིགས་ལྡན་སོགས་གཙུག་ལག་ལྟར་སྡེ་པ་ཨ་བར་ལེགས་པར་བརྩི་བཅུག་ནས་དུས་དགེ་བའི་སྔ་དྲོ་ཤར་བལྟས་ལོ་མཐུན་གཡོག་གིས་བསྟེན། ཞེས་པ་ལྟར་གྲོང་སྨད་ཨ་བར་དང་མཆོད་དཔོན་པས་རོགས་བྱས་དར་མོ་བས་དམ་བདར་བགྱིས་པའི་ཚེ་དཔྱད་ལམ་དུ་

[Full Size]

འགྲོ་བའི་རྟགས་ངོ་མཚར་བ་ཤར་དོན་བཞིན་མིག་གཉིས་ཀ་ཕྱེ་བས་གསལ་བར་བྱུང་ཞིང་། དེ་ནས་ལུས་དྲང་པོར་བསྲང་བའི་ཀུན་སྤྱོད་བཤད་པ་དང་མཐུན་པ་དང་མཐུན་པ་བྱས་པའི་ཞག་གསུམ་སོང་མཚམས་ཇོ་བོ་ལོ་ཀེ་ཤྭ་ར་གདན་དྲངས་མིག་དགབ་བསལ་ཏེ་བལྟས་པས་འཕགས་པའི་སྐུ་རྒྱན་ཆས་ཀྱིས་མཚོན་ཕྲ་རགས་ཀུན་གསལ་པོར་མཐོང་བྱུང་། ཞག་བཅུ་སྐོར་ནས་དྲེག་རོ་འཕར་པ་རིམ་པར་བདེ། ཚེས་ཉི་ཤུར་མཆོད་དཔོན་པས་གསང་སྔགས་ཕོ་བྲང་གི་གནམ་རྒྱན་ཡོངས་རྫོགས་ལ་དིང་ཕོན། བུམ་གདན་མ། ཧོར་གོས་སོགས་ཁྱད་མཚར། ངེད་རང་གི་ཁྲིའི་ཁེབས། སྙེ་འབོལ། བླ་བྲེས་ཕུལ་བའི་སྨོན་ལམ་ལེ་ཚན་གསུམ། ཆོས་མཛད་སྐལ་ལྡན་ན་བར་གནས་ཆུང་དུ་འབུལ་རྒྱུའི་སྙན་ཤལ་ཁ་ཡིག །གཞིས་ཀ་ཤར་པས་ལྷ་ལྡན་དུ་འཕན་ཕུལ་བའི་ཁ་བྱང་རྣམས་བྲིས།ཉེར་དགུའི་དཀར་པོ་ནམ་གྲུའི་འགྲུབ་སྦྱོར་ནས་གེགས་སེལ་དུ་ཟླ་གཅིག་ཞག་ཉི་ཤུའི་བར་གྲ་ས་ཕན་ཚུན་སོ་སོར་ཉིན་རེར་ཇ་ཚུལ་རེའི་ཐོག་གདུགས་དཀར་དང་ཤེར་སྙིང་ཚར་གསུམ་རེ་བསྡོམས་ལྔ་འབུམ་བརྒྱད་ཁྲི་བརྒྱད་སྟོང་དང་བརྒྱ་སོང་བའི་མཇུག་འགྱེད་ལ་དགེ་འདུན་བཅུ་རེར་ཡ་ཇུ་ཁོར་དྲུག་རེ། གཏང་རག་ཏུ་དཔལ་ལྷ་ལྕོག་དང་གནས་ཆུང་དུ་གསོལ་མཆོད། སྙན་དར། སྤྱན་གཟིགས་སོགས་བཟབས་རྒྱས་ཕུལ། དགའ་ལྡན་བཤད་སྒྲུབ་གླིང་པས་རིང་འཚོ་སྤེལ་ཞོར་ཁྱམས་རར་སྨན་བླ་ཆིག་ཁྲི་སུམ་སྟོང་བཞི་བརྒྱ་དགུ་བཅུ། གདུགས་དཀར་ཆིག་སྟོང་དགུ་བརྒྱ་ལྔ་བཅུ། ཕྱག་འཚལ་ཉེར་གཅིག་ཉི་ཁྲི་ཉི་ཤུ། ཤེར་སྙིང་ཉི་ཁྲི་ཉིས་སྟོང་བརྒྱད་བརྒྱ་ཉི་ཤུ། ལྷ་ས། ར་མོ་ཆེ། པོ་ཏ་ལ་བཅས་པའི་མཆོད་

[Full Size]

ཁང་ལ་སྤྱན་འདྲེན་ཁྲུས་གསོལ། བརྒྱ་མཆོད་སྣ་ལྔ། གསེར་ཆབ། སྙན་ཤལ། སྨོན་ལམ་རྣམ་གསུམ་གང་འགྲོ། སྡེ་བའི་རིམ་གྲོར་གདུགས་དཀར་ཆིག་ཁྲི་ལྔ་སྟོང་སུམ་བརྒྱ། ཚེ་གཟུངས་ཉི་ཁྲི་དྲུག་བརྒྱ། སྒྲོལ་མ་ཉིས་སྟོང་བདུན་བརྒྱ་སུམ་ཅུ། ཤེར་སྙིང་ཆིག་སྟོང་བདུན་བརྒྱ། ལྷ་སའི་སོག་དམངས་མི་གྲངས་ཆིག་སྟོང་བདུན་བརྒྱར་ཇ་འགྱེད་མི་རེར་ཡ་ཇུ་མཁར་ཉག་གསུམ་རེ་རྣམས་ཀྱིས་ཚོགས་བསགས། ལྷ་སར་ཕན་བདེ་ལེགས་བཤད་གླིང་པ། བསམ་ཡས་སུ་དགེ་བའི་དབང་པོ་སོགས་གོང་དཀར་ཆོས་སྡེ་བ། ཁྲ་འབྲུག་ཏུ་གཏེར་སྟོན་རིགས་འཛིན་ཆེན་པོ་སོགས་སོ་སོར་གྲངས་བཅས་ཀྱིས་དམ་ཚིག་སེམས་དཔར་ཡེ་ཤེས་པའི་ཚོགས་མཐའ་ཀླས་པ་བསྟིམ་རྐྱེན་གྱིས་འཇིག་རྟེན་ཁམས་ཀྱི་བདེ་ཐབས། དགའ་ལྡན་དུ་ཇ་ཚུལ་བཅོ་ལྔར་ཤེར་སྙིང་དགུ་ཁྲི་བརྒྱད་སྟོང་ལྔ་བརྒྱ། བོད་འབྲོག་སོགས་སྐྱེ་བོའི་ཚོགས་མཐའ་དག་ལ་དུད་རེར་འབྲུ་གཤོར་ཁལ་རེ་ཟི་བའི་སྐམ་འགྱེད། བསམ་ཡས། ཁྲ་འབྲུག །ཡུམ་བུ་གསུམ་དུ་སྙན་ཤལ། གསེར་ཆབ། འཕྱོང་རྒྱས་ལུ་མ་དང་། ར་མོ་ཆེའི་ཀླུ་རྒྱལ་སོ་སོར་ཀླུ་གཏོར་ཆིག་ཁྲི་སུམ་སྟོང་སུམ་བརྒྱ་ཉི་ཤུ་རེ། ཁྱམས་རར་གསང་སྔགས་བྱང་ཆུབ་གླིང་པས་ཨྱཻ་རིང་དང་ཏྲིག་ཁྲོམ་མ་འབུམ་ཕྲག་རེ། དབུས་གཙང་རིས་མེད་དགོན་ཨང་དང་གཉིས་སོ་སོར་མང་ཇ་སྦྱོར་སྦྲེལ། སེར་འབྲས་དགེ་གསུམ་གྱི་དགེ་འདུན་ལྔ་རེར་དངུལ་སྲང་རེ། དེ་ཕྱིན་ཨང་དང་གཉིས་ཁྱད་མེད་གྲ་པ་བཅུ་རེར་དངུལ་སྲང་རེའི་འགྱེད་ཐོག་དགེ་ལུགས་རྣམས་ཀྱིས་གདུགས་དཀར་དང་གཞན་མ་ཐམས་ཅད་ཀྱིས་སྒྲོལ་ཤེར་ཚེ་གཟུངས་འགྲོ་གང་ཆེ། ལྷ་སར་དུད་བཅུ་གཉིས་རེར་ནག་

[Full Size]

པོ་བར་ཁག་རེའི་སྒོ་འགྱེད། ལོ་མཉམ་ཁ་ལོངས་སྦྲུལ་ལོ་པ་བསྣན་པའི་བརྒྱ་ལྷག་ལ་སྟོན་མོ་འགྱེད་བཅས། འཕྱོང་རྒྱས་སུ་བཀྲ་ཤིས་བདེ་ཆེན་པ་བཞི་སྡེེར་སྨན་བླའི་རྒྱུན་འཛུགས་ཡོད་ཐོག་ཟླ་བ་བཞི་པའི་ཚེས་བདུན་ནས་ཇི་སྲིད་བསྐལ་པའི་བར་རི་བོ་བདེ་ཆེན་པ་བཞི་གྲ་ཞིག་སྤར་བའི་བརྒྱད་གྲས་སྨན་བླའི་རྒྱུན་བཙུགས། སྡེ་པའི་རིམ་གྲོར་ཡེར་པར་སཱཙྪ་ཆིག་འབུམ་ཆིག་ཁྲི་སུམ་སྟོང་ལྔ་བརྒྱ། སྒྲོལ་མ་ཆིག་ཁྲི་བརྒྱད་སྟོང་། ཤེར་སྙིང་སུམ་སྟོང་། ལྷ་སའི་ཤར་དུ་རབ་བྱུང་སུམ་ཅུར་མར་ཁུ་དང་མར་ལྷོར་མོན་པའི་མི་སུམ་ཅུར་འབྲས་ཐུག་དང་འབྲས་ཕྱེ། ནུབ་ཏུ་ཨ་ཙ་ར་དང་ཁ་ཆེ་འདྲེས་པ་སུམ་ཅུར་གྲོ་ཕྱེ་དང་བཞེས་སྤྲོ། བྱང་དུ་བཤན་པ་སོགས་རིགས་ངན་སུམ་ཅུར་ཤ་སྟོན། གཞིས་ཀ་ཤར་པས་བཙན་མདོས་སྣེའུའི་བར་བསྐྱལ། རྒྱབ་ཆོས་སུ་ཁྱམས་རའི་དགེ་འདུན་རྣམས་ཀྱིས་ཤེར་སྙིང་གི་བཟློག་པ་དང་བཅས་བསྟར། ཚེས་བཅུར་ཐང་པོ་ཆེའི་བཤན་པ་ལག་དམར་ལ་ཚོགས་ཆས་སྤྱན་རས་གཟིགས་བཟབས་རྒྱས་འདོད་དོན་གསོལ་བའི་ཚིགས་བཅད་དང་བཅས་ལྡུམ་བུ་བ་ནོར་བུ་དར་རྒྱས་སྤྱན་འདྲེན་ལ་བཏང་། ཚེས་བཅུ་དགུ་ནས་གྲ་ཚང་ཚོགས་སུ་བདུན་གཅིག་རྣམ་འཇོམས་བཙུགས་པའི་གཟུངས་སྔགས་ཆིག་འབུམ་སུམ་ཁྲི་དྲུག་སྟོང་བརྒྱད་བརྒྱ་སོང་། ཉི་ཤུ་ནས་རྐང་པར་བབས་པའི་འབམ་ནད་ཟུག་རྔུས་གཟིར་པའི་ཚེ་ཐོལ་བྱུང་དུ་ཚོགས་གསོག་བྱས་ན་སྙམ་ལྷ་ལྡན་དང་ར་མོ་ཆེའི་རྟེན་རྣམས་ཀྱི་མཆོད་རྫས་སུ་རྒྱ་གོས་ཚོན་ཁྲ་ཁྱད་མཚར་དང་གསེར་གཞི་མ་གཉིས་ཀྱིས་གཙོས། མངགས་བཟོས་ཀྱི་བེར་ལེགས་པ་ཉེར་གཅིག་བླ་བྲེ་དང་། འགན་སྦྱར་ཕྱི་གཡོགས་ལ་ཚལ་བུ་གླན་པའི་སྣམ་སྦྱར་ཁ་ཤས་བཟོ་བའི་དོ་དམ་

[Full Size]

སྔགས་རམས་པ་བསོད་ནམས་རྒྱལ་མཚན་དང་སྟག་ཆོས་པ་ངག་དབང་བསྟན་འཛིན་གྱིས་བྱས་ཏེ་ཉེར་བཞིར་ཇོ་ཤཱཀ་རྣམ་གཉིས་སོ་སོའི་སྣམ་སྦྱར་ལ་སྨོན་ལམ་ཚིགས་བཅད་བྲིས་ནས་ཕུལ། ཆོས་སྲུང་ཚོར་མཆོད་གཏོར་འབུལ་དགོས་པའི་མཚན་མ་བྱུང་བ་བཞིན་འཇམ་དབྱངས་རྒྱལ་མཚན་དང་། ངག་དབང་ནམ་མཁའ་གཉིས་ཆོས་འཁོར་རྒྱལ་དུ་བཏང་བའི་སྙན་དར་མཆོད་རྫས་བཟབས་རྒྱས་ཐོག །དེ་ཝཱི་ཀོ་ཊ་རི་བསྐང་བ་འབུམ། བསིལ་ཚལ་དུ་བེག་ཙེར་ཁྲི། མགོན་ཆོས་རྣམ་སྲས་ལ་སྟོང་། དེ་ཕྱིན་ལ་བརྒྱ་ཚར་བཙུགས་པས་སངས་རྒྱས་བྱང་སེམས་ཀྱི་བྱིན་རླབས་དང་། ཆོས་སྐྱོང་སྲུང་མའི་ནུས་མཐུས་ཟླ་མཚམས་ནས་ནད་དངོས་གཞི་ལས་གྲོལ་ཞིང་ཡན་ལག་ལ་ཕན་པའི་སྨན་གྱི་རིགས་བསྟེན་པ་རྣམས་ཀྱང་དཀོན་ཅོག་གི་ཐུགས་རྗེས་འདྲེན་བྱེད་ལ་གནོད་པར་མ་གྱུར། ནད་གཡོག་སྡེ་པ་ཨ་བར། དབུ་མཛད་དང་མཆོད་དཔོན་པ། དགེ་སློང་འཇམ་དབྱངས་གྲགས་པ། དར་མོ་སྨན་རམས་པ། སྔགས་རམས་པ་ངག་དབང་དགེ་ལེགས་རྣམས་ཀྱིས་བྱས། ཉེར་བདུན་ནས་གྲ་ཚང་གི་ཚོགས་སུ་དཔལ་ལྡན་དམག་ཟོར་མའི་གསང་མདོས་བཙུགས་པའི་གྲངས་ཆིག་འབུམ་དགུ་སྟོང་ལྔ་བརྒྱ། རྒྱ་ཅན་ནས་བོད་ཁམས་བདེ་ཐབས་མེ་སྦྲུལ་ནང་དུ་གྲུབ་དགོས་པའི་དོ་དམ་དང་བཅས་ལྷ་ས། ར་མོ་ཆེ། པོ་ཏ་ལ། ཁྲ་འབྲུག །གཙང་འགྲམ། ཀ་ཚལ། གྲོམ་པ་རྒྱང་། བུ་ཆུ། མཁོ་མཐིང་། བྱམས་སྤྲིན། པྲ་དུན་རྩེ། མཆིམས་ཕུ། ཤེལ་བྲག །སྒྲགས་ཡང་རྫོང་། ཕུང་པོ་རི་བོ་ཆེ། བཀྲ་བཟང་། ཟབ་ཕུ་ལུང་། མཁར་ཆུ། ཡེར་པ། གཏེར་སྒྲོམ། འོན་ཕུ་སྟག་ཚང་། ཡུམ་

[Full Size]

བུ་གླ་སྒང་རྣམས་སུ་རས་ཚོན་སྣ་ལྔ་སོ་སོ་ནས་དར་ལྕོག་རེ། རོང་གི་བྲག་རྩེ་གསུམ་འདྲ་བར་ཡང་དག་དང་། མི་ཧྲེང་འདྲ་བར་རྡོ་རྗེ་ཕུར་པའི་སྐུ། སྐྱིད་ཤོད་ཤུན་གྱི་བྲག་རྩེར་ཐུབ་དབང་བདུད་འདུལ་རྣམས་བཞེངས། ཡེར་པར་སྒྲོལ་མ་ཆིག་འབུམ་ཆིག་ཁྲི་བདུན་སྟོང་། ཡིག་དྲུག་བྱེ་བ་གཉིས་དང་ས་ཡ་གཅིག །སྤྱི་སྒོས་ཚང་མ་བདེ་ཐབས་སུ་ཡེར་པ་ལྷ་རི་སྙིང་པོར་གོང་དཀར་ཆོས་སྡེ་བ་བརྒྱད་གྲས་གྲབས་གཅིག་སྒྲུབ་ཉེར་གཅིག་བར་སྒྲོལ་མ་མཎྜལ་བཞི་པའི་སྒྲུབ་མཆོད་ཀྱི་ཐོག་མར་ཐོ་རངས་ལྡང་བའི་རྣལ་འབྱོར་ངང་ནས་ལམ་བསྡུས་དཀར་ཆ་བཞི། གོང་བསྟོད། སངས་རྒྱས་ཀྱི་བསྟོད་པ་རྣམས་སོང་རྗེས་ཉིན་རེར་ཆོ་ག་ཚར་བཞི་རེ་དང་། སྒྲོལ་མ་ཉེར་གཅིག་བསྡོམས་དྲུག་སྟོང་ཆིག་བརྒྱ་བཞི་བཅུ། ཡི་གེ་བཅུ་པ་ཤམ་བུ་དང་བཅས་པ་ཆིག་འབུམ་བཞི་ཁྲི་བརྒྱད་སྟོང་། རིང་འཚོ་ངག་དབང་འཇམ་མགོན་མ་ཆིག་ཁྲི་ཉིས་སྟོང་། སྲོད་ཐུན་ལ་གུར་ཞལ་གྱི་གཏོར་བསྔོ་བསྐང་བ་མདོར་བསྡུས། སྒྲོལ་མ་བཞི་བརྒྱ་བརྒྱད་ཅུ། ཚེ་གཟུངས་བཞི་བརྒྱ་བཞི་བཅུ། རྣམ་རྒྱལ་མའི་གཟུངས་རིང་དང་གདུགས་དཀར་ཆིག་བརྒྱ་དྲུག་ཅུ་རེ། ཤེར་སྙིང་སུམ་བརྒྱ། འགོང་པོའི་ཆོ་འཕྲུལ་ཆེ་བ་ཞི་ཐབས་སུ་གོང་གི་གནས་ཆེན་རྣམས་སུ་འབྲེལ་མཚུངས་བཞི་གྲ་རེས་དྲག་པོའི་སྦྱིན་སྲེག་དང་མཆོད་པ་སྣ་ལྔ་རེ། གཙོ་བོར་འགོང་པོ་སྤུན་གསུམ་དང་གཞན་ཡང་སྟོད་སྨད་ཀུན་ཏུ་འགོང་པོ་མང་པོ་ནོར་དང་མི་ཕྱིར་འབྲང་བ་སོགས་བཟློག་ཐབས་སུ་དབུ་རུ་སྟོད་སྨད་མཚམས་ཡོ་བོ་གདོང་ལ་མཆོད་རྟེན། གཙང་རོང་གི་མཚམས་ཐོབ་རྒྱལ་སྐམ་པ་རིར་སྤྱན་རས་གཟིགས་ཀྱི་སྐུ། ཡར་ཀླུངས་སྟོད་སྨད་ཀྱི་མཚམས་ཡུམ་བུ་གླ་སྒང་གི་རིར་ཨྱོན་ཆེན་པོའི་སྐུ། རུ་

[Full Size]

ལག་གྲོམ་པ་རྒྱང་མཚམས་སུ་མགོན་པོའི་སྐུ་རྣམས་བྲག་ལྡེབས་ལ་བརྐོས། བོད་འབངས་སྤྱིར་ཤིས་ཐབས་སུ་རག་ཡན་གེ་རེ་མན་གྱི་སྐྱིད་ཆུ་ལྷོ་བྱང་གི་སྔགས་པ་ཉི་ཤུ་རྩ་ལྔས་ཡེར་པར་ལོ་སྟར་སྤྲེལ་ཟླའི་ཚེས་བཅུ་ཆག་མེད་རྒྱུན་བཙུགས། ཕུངས་པོ་རི་བོ་ཆེར་སྒྲོལ་མ་བ། སྲོང་བཙན་བང་སོར་དཔལ་རི་བ། རི་བོ་བཀྲ་བཟང་དུ་རང་གྲ་རྣམས་གྲ་སློབ་བཅུ་རེས་གྲབས་གཅིག་སྒྲུབ་བརྒྱད་ལ་ནད་བདག་ས་གཉན་གྱི་གདོན་འཇོམས་པའི་མནན་པ། ངེད་རིང་པོར་འཚོ་ཐབས་སུ་ངམ་རིང་དུ་ཆོས་རྗེ་བཀྲ་བཟང་པ། ལྷ་རྩེར་གདན་ས་གོང་བན་གཙང་པ་དང་ཆུ་མིག་པ། གཞིས་རྩེར་རྩེ་གདོང་བན་གཙང་པ་དང་སྒྲོལ་མ་བ། གོང་དཀར་དུ་སྨིན་གྲོལ་གླིང་པ་དང་ཆོས་སྡེ་བ། དཀོན་གཉེར་གྲ་གཙང་། གྲ་སྙེ་མདོ་བ། ཕོ་བྲང་དུ་སྣེའུ་སྡོང་བན་གཙང་པ་རྣམས་གྲ་སློབ་ཉི་ཤུ་རྩ་གསུམ་རེས་སོ་སོའི་ལུགས་ཀྱི་ཕུར་སྒྲུབ་བདུན་གཅིག་དང་གྲབས་ཞག་རེ། ལྷ་ས། བསམ་ཡས། ཁྲ་འབྲུག །ཀ་ཚལ། བུ་ཆུ། གཙང་འགྲམ། གྲོམ་པ་རྒྱང་། འཕགས་པ་ཝ་ཏིའི་བཞུགས་གནས་དང་བཅས་པར་སྨྱུང་གནས་སོགས་ཡིག་དྲུག་གང་འཕེལ་གྱི་གྲ་བཙུན་བཞི་གྲ་རེས་དུས་འཁོར་མར་ཡིག་དྲུག་གི་རྒྱུན་བཙུགས། མཆིམས་ཕུར་དཔལ་རི་བ། ཤེལ་བྲལ་ཏུ་སྨིན་གྲོལ་གླིང་པ། ཡང་རྫོང་དུ་རྡོ་རྗེ་བྲག་པ། མཁར་ཆུར་གནས་གཞི་བ། རྦབ་ཕུར་སྒྲོལ་མ་པ། བཀྲ་བཟང་དུ་རང་གྲ་རྣམས་གྲ་སློབ་བཅོ་ལྔ་རེས་ལོ་སྟར་སྤྲེལ་ཟླའི་ཚེས་བཅུ་སོ་སོའི་ལུགས་བཞིན་ཆག་མེད། གཙང་རི་ལུག་མགོ་འདྲ་བ་ལ་སྟོད་རྒྱལ་གྱི་ཤྲཱི་དགོན་པ་བསམ་གླིང་གི་ལྟག་ཏུ་སྟོབས་པོ་ཆེའི་སྐུ། ཡར་ཀླུངས་སུ་རི་སྦྲུལ་བརྒྱུགས་འདྲ་བ་

[Full Size]

ཡར་སྟོད་བར་ཐང་སྐུ་འབུམ་གྱི་རིར་ཁྱུང་། སྐྱིད་ཤོད་དུ་རི་བྱ་འདྲ་བ་རི་བོ་དགའ་ལྡན་གྱི་རྒྱབ་རིར་ཐུགས་རྗེ་ཆེན་པོའི་སྐུ། དབུར་སྟོད་དུ་རི་སོག་པོ་ཁྲོས་པ་འདྲ་བ་ཕག་མོ་འབྲོག་གི་སྦུས་རིར་བྱང་ཆུབ་མཆོད་རྟེན་རྣམས་བཞེངས། སྲོང་བཙན་བང་སོར་དཔལ་རི་བའི་གྲ་པ་གཉིས་ཀྱིས་ཉིན་སྟར་མ་ནིང་གི་བསྐང་བ་ཚར་གཅིག་གཉིས་གང་འགབ་དང་བཛྲ་གུ་རུར་རྐངས་བྱས་ཀྱི་རྒྱུན་བཙུགས་ཤིང་དཀོན་གཉེར་ཀྱང་ཞར་ལྕོགས་བྱེད། ཡུམ་བུར་རི་བོ་ཆོས་གླིང་པའི་བཞི་སྡེས་སྨན་བླའི་རྒྱུན་ཆག་མེད། དུས་ངན་འཚུབ་ཆགས་བཟློག་ཐབས་སུ་བཀྲ་བཟང་དུ་ནུབ་དགོན་པ་དང་། ཟབ་ཕུར་སྒྲོལ་མ་བ་གྲ་སློབ་བཅོ་ལྔ་རེས་ཟླ་བ་དྲུག་པར་ཚེ་བདག་གི་གྲབས་གཅིག་སྒྲུབ་བདུན་རེ། མདོ་སྨད་ཕྱོགས་དུས་བདེ་ཞིང་ལས་སྒོ་དར་བའི་ཐབས་སུ་དར་རྩེ་མདོ། མཛོ་སྒང་། ལྷོ་རོང་རྫོང་རྣམས་སོ་སོར་དགེ་ལུགས་ཉེ་སྐོར་དགོན་ཚོ་བསྡུས་བརྒྱ་རེས་ཟླ་གཅིག་བར་ལ་སྤྱིར་ཡིག་དྲུག་དུང་ཕྱུར་གཅིག་ཁ་སྐོང་དང་བཅས་པ། བོད་འབངས་བདེ་ཞིང་ཤར་ཕྱོགས་གདུག་པ་ཞི་ཕྱིར་ཕུང་བོ་ཆེར་སྒྲོལ་མ་བས་ཚེ་བདག །འུག་བྱ་ལུང་པས་འཆར་ཀ །བྲག་ལ་བས་ཀི་ཀང་དམར་ཆུང་རྣམས་གྲ་སློབ་ཉི་ཤུ་རྩ་གསུམ་རེས་གྲབས་སྒྲུབ་བསྒྲིལ་བ་ཞག་བཅུ། ཤར་ཕྱོགས་དུས་བདེ་བ་སོགས་ཀྱི་ཐབས་སུ་ཉང་ཀོང་རྫོང་གཞིས་ཁག་ལྔའི་འོག་གི་དགེ་དགོན་རྣམས་ཀྱིས་མ་ཎི་དུང་ཕྱུར་བརྒྱད་དང་བྱེ་བ་བརྒྱད་ལྷག་དང་བཅས་པ། བསྟན་སྲིད་སྤྱི་རིམ་ལ་གོང་དཀར་དུ་རྡོ་རྗེ་བྲག་པ་གྲ་སློབ་བཅུས་བྱང་ཆུབ་གླིང་པའི་ཕྱག་རྡོར་གྱི་སྒྲུབ་པ་བདུན་གཅིག །བསྟན་པ་དར་རྒྱས་ཀྱི་ཆེད་དུ་ཡུམ་བུར་རི་བོ་ཆོས་གླིང་པ་བཞི་སྡེས་སྨན་བླའི་ཞོར་ལ་དཔང་སྐོང་ཕྱག་བརྒྱ་

[Full Size]

པ་ཉིན་སྟར་ཚར་བཅུ་རེ་ཆག་མེད། འཕན་ཡུལ་སྟོད་སྨད་ཀྱི་མི་སྡེས་ཟླ་བ་བྱུང་ངོ་ཅོག་གི་ཚེས་བཅུ་འགྲུབ་ན་དང་། དེ་མིན་སྤྲེལ་ཟླའི་ཚེས་བཅུ་ཆག་མེད། བཅོམ་མདའ་རྭ་སྒྲེང་སུམ་མདོར་རིགས་གསུམ་མགོན་པོ་དང་སྟོབས་པོ་ཆེའི་སྐུ་བཞེང་བ་རྣམས་བྱས། །གནམ་གང་ལ་སེམས་དཔའ་ཆེན་པོས་རྟ་བཞི་བཅུ་དང་རྒྱལ་སྲས་ཤེར་འཕེལ་བས་རྟ་ཉེར་གཅིག་བྱུང་། ཧོར་ཟླ་ལྔ་པའི་ཚེས་ལྔར་གེགས་རིམ་དུ་དབུས་ལྷོ་བྱང་གི་ས་དགེའི་དགོན་གཙང་གྲ་བཞི་བཅུ་ཞེ་དགུ་སོ་སོར་ཇ་ཚུལ་བཅོ་ལྔ་རེའི་ཐོག་མཚན་བརྗོད་དགུ་ཁྲི་བདུན་སྟོང་དྲུག་བརྒྱ་ལྔ་བཅུ། ཤེར་སྙིང་ས་ཡ་ཆིག་འབུམ་ཉི་ཁྲི་བརྒྱད་སྟོང་། ཚེ་གཟུངས་ས་ཡ་གཉིས་བདུན་འབུམ་སུམ་ཁྲི་དྲུག་སྟོང་། དཔལ་རི་བ་བརྒྱ་བཅོ་ལྔར་ཇ་ཚུལ་བཅོ་ལྔའི་ཐོག་དྲག་སྔགས་སོ་དྲུག་པ། བཀྲ་ཤིས་ཆོས་སྡེ་བ་བརྒྱ་དང་ལྔས་ཇ་ཚུལ་གོང་འདྲར་ཨུཥྞི་ཥའི་སྲུང་བ་དང་བྷ་ཡ་ནའི་བཟློག་པ། གོང་དཀར་ཆོས་སྡེ་བ་སུམ་བརྒྱ་ཉེར་གཉིས་ཀྱིས་ཇ་ཚུལ་གོང་འདྲར་བྷ་ཡ་ནའི་བཟློག་པ། ལྷ་སར་གོང་དཀར་ཆོས་སྡེ་བ་བརྒྱད་ཀྱིས་ཞག་ཉེར་གཅིག་གི་བར་སྒྲོལ་མ་མཎྜལ་བཞི་པའི་སྒྲུབ་མཆོད། དེའི་རྒྱབ་ཆོས་སུ་བདེ་ཡངས་པ་བརྒྱས་ཞག་གོང་འདྲར་སྒྲོལ་མ་དྲུག་འབུམ་ལྔ་ཁྲི། འབྲས་སྤུངས་སུ་ཇ་ལྔའི་བར་བརྒྱད་སྟོང་པ། བསྐལ་བཟང་། འབུམ་རྣམས་དང་། སེ་རར་མང་ཇ་གོང་འདྲར་གདུགས་དཀར། ཤེར་སྙིང་། ཚེ་གཟུངས་བཅས་འགྲོ་གང་ཆེ། ལྷ་སར་དགྲ་ལྷ་དཔངས་བསྟོད། སྡེ་པའི་རིམ་གྲོར་ཡེར་པ་གྲ་ཚང་གིས་ཚེ་གཟུངས་ས་ཡ། སྐྱེས་ལྷར་བསངས་དང་དར་ལྕོག །ཁྲ་འབྲུག་རྒྱལ་ཁང་དུ་དར་རྒྱས་ཆོས་སྡིངས་པ་བརྒྱད་ཀྱིས་བསྐང་བ་བརྒྱ་ཚར། རི་

[Full Size]

བོ་བདེ་ཆེན་དུ་ཆོས་སྲུང་ལ་བསྐང་བཤགས་སྟོང་ཚར། རྒྱལ་པོ་ལྕོག་ཏུ་སྤྱན་གཟིགས་ཁྲབ་སག་ཐག་སྤོས་ཕོར། ཇུས་རིམ་ལ་གོང་དཀར་དུ་ཆོས་སྡེ་བས་ཞལ་གྱི་གཏོར་བཟློག །རྡོ་རྗེ་བྲག་པས་མགོན་པོ་གཡུལ་བཟློག །དཀོན་གཉེར་བས་ཕྱག་བཞི་པའི་མདོས། བསམ་ཡས་སུ་སྙེ་མདོ་བས་ཕུར་བཟློག །འཕྱོང་རྒྱས་སུ་སྨིན་གྲོལ་གླིང་པས་ཕྱག་བཞི་པའི་མདོས་དང་ཀི་ཀང་གི་དགྲ་མནན། ཕོ་བྲང་དུ་བཀྲ་ཤིས་ཆོས་སྡེ་བས་དམར་ཆེན་གཏོར་བཟློག །ཁྲ་འབྲུག་ཏུ་རྩེའི་དཀོན་གཉེར་བས་ཕྱག་བཞི་པའི་མདོས་དཔལ་རི་བས་མགོན་པོ་གཡུལ་བཟློག །ལྷ་སར་རྒྱུད་སྟོད་སྨད་སོ་སོ་ནས་དྲུག་ཅུ་པ་དང་། གསང་སྔགས་གླིང་པས་ཚེ་བདག་གི་གཏོར་བཟློག །ཞང་སྟོན་པས་ཞག་བཅུ་བདུན་ལ་བོན་ལུགས་ཀྱི་དགྲ་མནན། འབྲི་གུང་དུ་སྤྲུལ་སྐུ་རིན་པོ་ཆེས་ཡང་བཟློག་དང་། རིགས་འཛིན་དཀོན་ཅོག་ལྷུན་གྲུབ་དང་བན་གྲོང་པ་བསྒྲིལ་བས་གཤིན་རྗེ་ཁྲོ་ཆུའི་གཏོར་བཟློག །འོལ་ཁར་བྲག་སྣ་བས་གཤིན་རྗེའི་དགྲ་མནན་དང་མ་ནིང་། ཆོས་ལྡན་པས་དྲག་དམར་གྱི་གཏོར་བཟློག །རྒྱལ་དགའ་འཚལ་ནས་བེག་ཙེ་དང་དམག་ཟོར་མ། མཐིལ་ནས་ཕྱག་བཞི་པའི་གཏོར་བཟློག །ལྷོ་བྲག་ལྷ་ཁང་དུ་གནས་ཞི་བ་དང་། དར་མར་སྨྲ་བོ་ལྕོག་པས་ཁྲོ་རོལ་རེ། གཞིས་རྩེར་སྙིང་རི་གདན་ས་པས་བེག་ཙེའི་དགྲ་མནན་དང་གཏོར་བཟློག །དོར་པས་འཇིགས་བྱེད་དྲུག་ཅུ་པ། འུག་བྱ་ལུང་པས་མགོན་པོ་གཡུལ་བཟློག །དར་སྡིངས་པས་བོན་ལུགས་ཀྱི་མདོས་དང་དགྲ་མནན། རྒྱལ་རྩེར་བགྲད་པ་དང་སྣ་དཀར་རྩེ་བན་གཙང་པས་ཚེ་བདག་གི་དགྲ་མནན་དང་གཏོར་བཟློག །པ་ནམ་དུ་བྲག་ལ་བས་འཆར་ཀའི་གཏོར་བཟློག །རིན་སྤུངས་

[Full Size]

སུ་གསང་སྔགས་གླིངས་པས་འཆར་ཀའི་དགྲ་མནན་དང་གཏོར་བཟློག །ངེས་གསང་རྡོར་གླིང་པས་འཆར་ཀ་དང་། འོད་མཆོག་སྤྲུལ་པའི་སྐུས་ཡང་གསང་དྲག་པོ། ཤེལ་དཀར་དུ་བྲག་དཀར་ཆུ་བཟང་པ། ངམ་རིང་དུ་ནུབ་དགོན་པས་ཚེ་བདག་རྣམས་ཀྱི་གཏོར་བཟློག །བཀྲ་བཟང་དུ་རང་གྲས་ཕུར་བཟློག །སེ་བརྒྱ་མཁར་བས་ཚེ་བདག་གི་གཏོར་བཟློག །ལྷ་རྩེར་ཐུབ་བསྟན་དགེ་འཕེལ་བ། བསམ་གྲུབ་དགོན་གསར་བ། གྲང་མོ་ཆ་པ་གསུམ་གྱིས་དམར་ཆེན་གཏོར་བཟློག་དང་ཞལ་གྱི་གཏོར་བཟློག །རྣམ་གླིང་དུ་སྒྲོལ་མ་བས་ཚེ་བདག་གི་གཏོར་བཟློག་རྣམས་སོ་སོར་གྲ་སློབ་ཉི་ཤུ་རྩ་གསུམ་རེས་གྲབས་སྒྲུབ་བསྒྲིལ་བ་ཞག་བཅུ་དང་བརྒྱད་སྐབས་སྦྱར། ཉི་ཟླ་དམར་མདངས་ཅན་ཤར་བ་གཏེར་ལུང་ནས་བཤད་པའི་བཟློག་ཐབས་སུ་གྲ་སློབ་གྲངས་གོང་མཚུངས་ཀྱིས་ལྷ་ས་ནས་གསང་སྔགས་བྱང་ཆུབ་གླིང་པས་ཁྲོ་རོལ་སླང་གང་མ། ངེས་གསང་རྡོར་གླིང་པས་མ་མོ་གླིང་བཞི་དང་། རྡོ་རྗེ་བྲག་པས་འཆར་ཀའི་མདོས། པོ་ཏ་ལར་གྲ་ཚང་ནས་ཕུར་པའི་དམ་སྲི་འབྱུང་པོའི་མནན་པ་བསྒྲུབས་ནས་ལྷ་སར་མནན། རྒྱབ་ཆོག་ཏུ་སེར་འབྲས་གཉིས་སུ་མང་ཇ་སྦྱོར་སྦྲེལ་ཐོག་ཤེར་སྙིང་འབུམ་སོགས་ཅི་ནུས་བགྱིས། ཚེས་དྲུག་ལ་གྲོང་སྨད་སངས་རྒྱས་རྒྱ་མཚོས་བསྐུལ་བའི་མཛད་བཙུའི་བསྟོད་པ་ལེགས་བྱས་ཡོངས་འདུའི་སྙེ་མ་དང་། མཁའ་འགྲོ་བསུན་བཟློག་གི་ཆོག་སྒྲིགས་འཆི་བདག་གཡུལ་ལས་རྣམ་རྒྱལ། རོལ་མོའི་དེབ་ཀྱི་འགོ་བརྗོད། རྡོ་པ་བསྟན་པ་དར་རྒྱས་ཀྱིས་གྲ་ཚང་དུ་སྙན་དར་བརྒྱ་རྩ་བརྒྱད་ཕུལ་བའི་ཁ་བྱང་། བསམ་

[Full Size]

ཡས་མདོ་སྡེ་མཆོད་པར་སྤུན་བདུན་པ་ལྷུན་གྲུབ་རྒྱ་མཚོ་མངགས་པའི་ཚེ་འཕྲིན་གསོལ་གྱི་ཚིགས་བཅད། གྲ་རིགས་རྣམས་ཀྱིས་བསྐུལ་ངོར་རྩེ་ལེ་སྤྲུལ་སྐུའི་ཡང་སྲིད་མྱུར་འབྱོན་གྱི་སྨོན་ལམ། དུང་སྐྱོང་རྒྱལ་མོར་དབུ་ཁེབས་བུམ་གདན་མ་ཕུལ་བའི་ཁ་བྱང་། ཇོ་བོ་རིན་པོ་ཆེར་ན་བཟའ་བུམ་གདན་མ་ཕུལ་བའི་སྨོན་ལམ། ཅོ་ནེ་ཆོས་རྗེ་བློ་བཟང་ཉི་མའི་ངོར་ཕྱག་རྡོར་གོས་སྔོན་ཅན་གྱི་སྒྲུབ་ཐབས། ཇ་ལུང་བླ་མ་ནམ་མཁའ་འཕྲིན་ལས་ཀྱི་ངོར་གསོལ་འདེབས་སྨོན་ལམ། སྤུན་བདུན་པ་ཡོན་ཏན་དར་རྒྱས་ཀྱི་དོན་དུ་ལྷུན་འགྲུབ་རྒྱ་མཚོས་ཇོ་ཤཱཀ་དང་ཁྲ་འབྲུག་ཏུ་སྙན་ཤལ་ཕུལ་བའི་ཁ་བྱང་རྣམས་རིམ་པར་བརྩམས། དགའ་ཆགས་ཨ་མདོ་བ་དཔོན་ཁག་དྲུག་གིས་རྟ་རེ་གཅིག་བྱིན། ཚེས་བཅུ་བདུན་ནས་ཉིན་བདུན་གྱི་བར་གཏེར་སྒྲོམ་གྱི་ཆུ་ཚན་བསྟེན། ཉེར་དྲུག་ལ་སྟག་ལུང་ཕྱག་མཛོད་བློ་བཟང་ངག་དབང་འདས་པའི་བསྔོ་རྟེན་དུ་ཐམས་ཅད་མཁྱེན་པ་བསོད་ནམས་རྒྱ་མཚོའི་ཚེམས་ཀྱིས་གཙོས་སྤམས་མཐོ་བ་བཏེག་པ་ངན་སོང་གི་དུཿཁ་ལས་སྐྱོབ་ཅིང་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་པའི་སྨོན་ལམ་དང་བསྔོ་བའི་རྒྱས་འདེབས་ཡང་དག་བགྱིས་ཤིང་དགེ་འཐུད་ཀྱང་རྒྱ་ཆེར་སྤེལ། ཉེར་བདུན་ལ་ངེད་རང་གི་དགེ་སྦྱོར་རྟེན་སེང་ལྡེང་ནགས་སྒྲོལ་མར་འཇིགས་པ་བརྒྱད་སྐྱོབ་ཀྱིས་བསྐོར་བ་རགས་ཁ་འཇམ་དབྱངས་དབང་པོ་དང་དགོས་བསམ་གཉིས་ཀྱིས་བྲིས་པའི་རྒྱ྄བ་ཡིག་སྨོན་ལམ། དྭགས་པོ་གྲ་ཚང་སྤྱི་སོས་བསྐུལ་བའི་ངེད་རང་དང་སྡེ་པའི་རིང་འཚོའི་ཚིགས་བཅད། རྣམ་གླིང་ཆོས་མཛད་ངག་དབང་བློ་གསལ་གྱི་འདོད་དོན་བཞིན་གསོལ་འདེབས་བྲིས། གནམ་

[Full Size]

གང་ལ་ཕྱི་མཚམས་གྲོལ་བའི་གུང་ཚིགས་ཐོག་ཅུང་ཝང་གི་མི་སྣ་ཧེའུ་ཇང་། ཝང་ཤུ་སི། ཇང་ཞུ་སི་སོགས་དང་། འདི་གའི་མི་སྣ་རབ་འབྱམས་པ་རྒྱ་མཚོ་རྣམ་རྒྱལ་དང་འཇམ་དབྱངས་འོད་ཟེར། དགའ་ལྡན་དར་རྒྱས། རྒྱལ་སྲས་དགེ་འདུན། དཔོན་ནོ་ཡོན་ཁ་ཤ་ཁ། སྟར་སྡོང་བློ་བཟང་ཚེ་བརྟན། སྒེར་ལོགས་ཨ་དར་ཀོང་དམག་ནས་ལོག་པ་སོགས་སྟོན་མོར་གང་འཚམས་ཀྱི་དྲི་བ་བྱས་པ་མི་སྣ་ཧེའུ་ཇང་དེ་སྨྲ་མཁས་སྤོབས་པ་བཟང་བ་ཞིག་འདུག་ཀྱང་ལོ་ཙཱ་བ་རྒྱ་བོད་གཉིས་ཀར་ཐབས་རྡུགས་པའི་སྒྲ་ཇི་བཞིན་མ་བྱུང་བ་དེ་རིགས་ཤེས་པར་བདག་རྐྱེན་དགོས་གྲས་ཡིན་སྣང་དེ་ཐོག་ཅུང་ཝང་གི་ཡི་གེ་རྟེན་དངུལ་ལས་གྲུབ་པའི་རྒྱལ་སྲིད་སྣ་བདུན་རྒྱ་བཟོ་ཁྱད་མཚར་སོགས་རྒྱ་ཆེར་བཏེག །དེ་རྗེས་ཐོག་ཁར་ཁྲིའུ་ཤིང་གི་སྟེང་ནས་སོག་བོད་རྒྱ་སོགས་ལྔ་བརྒྱར་བྱིན་རླབས་བྱས། ཕྱི་དྲོ་གསེར་མདོག་ཅན་མཁན་ཟུར། གསང་སྔགས་བྱང་ཆུབ་གླིང་། བཀྲ་ཤིས་བདེ་ཆེན། འཕན་ཡུལ་ལྕང་གླིང་ཆོས་སྡིངས་གསུམ་གྱི་བླ་མ། ཆོས་རྗེ་དུང་དགོན་པ། ཀྱི་སྟོན་གུ་རུ་ཚེ་བརྟན། ཤ་གཟུག་སྐུ་སྐྱེ། གཉེས་གུ་རུ་བ་མཆེད། ཆེ་ཆེན་ཐའི་ཇིའི་མ། འ་ཞ་མཁྱེན་རབ་རྣམ་རྒྱལ། འདུས་ཆུང་པ། འཕྱོས་པ་སྐུ་སྐྱེ་སོགས་ལ་ཇ་གྲལ་བཏང་། ཚངས་པ་དུང་ཐོད་ཅན་ལ་ཚོགས་ཆས། སྤྱན་གཟིགས། གསེར་སྐྱེམས། ཞུ་འཕྲིན་རྒྱན་གྱིས་སྤྲས་ཏེ་སྟར་སྡོང་པ་ལུང་བསྟན་ཞུ་བར་རྫངས། ཧོར་ཟླ་དྲུག་པའི་ཚེས་གཅིག་སྔ་རྟིང་སོ་སོར་ཕན་བདེ་ལེགས་བཤད་གླིང་གྲ་པ་སྤྱིས་བསྡུས་པའི་ཚོགས་ཆས་གྲངས་སོགས་ཀྱི་དངོས་པོས་རིང་པོར་བརྐྱང་སྟེ་དྭངས་མ་བཅུད་

[Full Size]

འདྲེན་དང་འཆི་མེད་འོད་སྣང་རྡུལ་ཚོན་དང་འབྲེལ་པའི་གོང་ཞག་བདུན་རེའི་སྒྲུབ་པ་སྔོན་སོང་གི་མཁའ་འགྲོ་བསུན་བཟློག་སོགས་རྒྱས་པར་མཛད་པའི་བསུན་བཟློག་གི་དགོས་ཆ་མཆོད་དཔོན་པས་བཏོན། འཕྱོས་པ་སྐུ་སྐྱེའི་ངོར་ངེད་རང་དང་རྟ་ཚག་རྗེ་དྲུང་གི་བརྟན་བཞུགས། འཚོ་བྱེད་ངག་དབང་ལྷག་བསམ་གྱིས་ཀུན་མཁྱེན་ཉི་མའི་གཉེན། སྨན་བླ་བདེ་གཤེགས་བརྒྱད། སྤྱན་རས་གཟིགས་རྣམས་ཀྱི་བྲིས་ཐང་བཞེངས་པའི་རྒྱབ་ཡིག །རགས་ཁ་འཇམ་དབྱངས་དབང་པོས་བསྐུལ་བའི་སྨན་ཐང་པ་ཡབ་སྲས་བརྒྱུད་འཛིན་རགས་བསྡུས་དང་བཅས་པར་གསོལ་འདེབས་སྨོན་ལམ། སྔགས་རམས་པ་སྐྱེས་མཆོག་གིས་དད་རྟེན་འདྲ་འབག་བཞེངས་པའི་ཁ་བྱང་། དགེ་སློང་འཇམ་དབྱངས་གྲགས་པའི་ཉམས་ལེན་ཀྱེ་རྡོར་དང་འདར་ལོ་ངག་དབང་ཕུན་ཚོགས་ལྷུན་གྲུབ་ཀྱིས་སྒྲོལ་དཀར་གྱི་ཐང་སྐུ་བཞེངས་པའི་རྒྱབ་ཡིག་སྨོན་ལམ། ཨུ་ཆུ་མུ་ཆུ་ཆེ་ཆེན་ཆིང་དབང་གི་ཨོ་པ་ཤིས་བསྐུལ་བའི་བདེ་མཆོག་ལ་བརྟེན་པའི་བླ་མའི་རྣལ་འབྱོར། སྒོ་མངས་གྲ་ཚང་གི་ཚོགས་ཁྲོ་གསར་བླུག་གི་ཁ་བྱང་། རྣམ་པར་རྒྱལ་བའི་ཕན་བདེ་ལེགས་བཤད་གླིང་གྲ་ཚང་གི་སྤྱི་རྫས་དེབ་དཔག་བསམ་འདོད་འཇོ་མ་བུ་ལེ་ཚན་དྲུག་གི་འགོ་བརྗོད། སྡེ་པ་བློ་བཟང་མཐུ་སྟོབས་ཀྱིས་ཟངས་རིར་རྟེན་བཞེངས་རེ་མང་མཛད་པའི་དཀར་ཆག་རྣམས་བཀོད། ཚེས་གཉིས་ལ་བསྟན་པའི་སྦྱིན་བདག་བསྟན་འཛིན་ད་ལའི་རྒྱལ་པོས་བདོག་པ་རྒྱ་ཆེར་བཏེག་ཅིང་འགྱེད་གྲ་པ་རེར་ལྗངས་ཇ་ཀ་ཋོ་ར་རེ་དང་བཅས་གཟིམས་ཆུང་བརྟན་བཞུགས་རྒྱས་པའི་རྟེན་འབྲེལ་བསྒྲིག་པར་མཛད། ཚེས་བཞིར་དགའ་ལྡན་རབ་འབྱམས་པ་

[Full Size]

དང་གཞིས་ཀ་ཤར་པ་སོ་སོ་ནས་དངོས་པོའི་སྐྱེས་འགྱེད་དང་བཅས་ཏེ་གཟིམས་ཆུང་བརྟན་བཞུགས་སུ་གྲགས་པ་བསྒྲུབས། དེ་རྗེས་དུང་དཀར་སྐུ་སྐྱེ་ཚངས་དབྱངས་འབྲུག་སྒྲ། བཀྲ་ཤིས་བདེ་ཆེན་དང་རྨེ་རུ་བླ་མ། ཀྱི་སྟོན་པ་རྣམས་དང་ཕྲད་ཅིང་ཀྱི་སྟོན་གྲུབ་པ་ཆེན་མོར་ཕྱིར་བཟློག་འཁོར་ལོ་འབར་བས་མཚོན་སྔ་འགྱུར་གྱི་སྐོར་དྲི་བ་བགྱིས་པ་མཚན་ཉིད་དང་ལྡན་པའི་རྡོ་རྗེ་སློབ་དཔོན་བསྟེན་པའི་ལག་རྗེས་བཟང་པོ་ཡོད་མཆིས། བརྡ་དོན་ལམ་ཟབ་ཀྱི་བླ་མའི་རྣལ་འབྱོར་དང་ལུང་། ཆོས་རྒྱལ་བྱང་པའི་དུས་ཀྱི་གཏན་ཚིགས་ལ་རྒྱབ་བསྣོན། ཇ་གོས་དར་སོགས་ཀྱི་རྫོང་བ་དང་བཅས་ལུགས་གཉིས་ནས་ཐུགས་དམ་བསྐང་། ཚེས་ལྔར་ཚོགས་གསོག་ཏུ་སེ་འབྲས་གཉིས་སུ་ཇ་ཚུལ་བཅོ་བརྒྱད་རེའི་བར་གདུགས་དཀར་ཁྱོན་འབུམ་ཐེར། ཆོས་འཁོར་རྒྱལ་དུ་དཔལ་ལྡན་དམག་ཟོར་མ་སོགས་བླ་མཚོ་གསུམ་ལ་གའུས་གཙོས་མཚོ་རྫས་ཕུལ། རྔོད་ཨ་རིག་དགོན་པར་ཆོས་གཞིས་གསར་བསྣོན་གཞི་རྩ་ཁུངས་དག་སེང་གེ་སྒང་པས་འཛིན་ཤུལ་བསྡོམས་མི་སེར་དུད་ཆིག་བརྒྱ་བཅུ་དྲུག །དུད་ཆུང་དྲུག །ལག་ཡོང་མཁའ་རུའི་ཁལ་ཆིག་སྟོང་དྲུག་བརྒྱ་ཐོན་ཁུངས། ཇ་ཚུལ་ཐེབས་སུ་ཚོང་པ་དང་རུ་ཁག་གསར་འཛུགས་བཅས་སྦྱོར་འཇགས། སྡེ་པའི་གེགས་སེལ་ལ་དཔལ་ལྷ་ལྕོག་དང་གནས་ཆུང་དུ་བསྐང་བ་བརྒྱ་ཚར་རེ། ལྷ་སར་ངན་སློང་བརྒྱ་དང་དྲུག་ཅུ་སྐོར་ལ་སྦྱིན་པ། ཇུས་རིམ་ལ་མཚལ་ཡང་དགོན། དབུས་གླིང་། གུང་ཐང་། གདན་ས་མཐིལ། གཡའ་བཟང་། འབྲི་གུང་མཐིལ། སྣེའུ་སྡོང་རྩེ། གོང་དཀར་རྫོང་རྣམས་སུ་ཕྱག་བཞི་པའི་བསྐང་བ་བརྒྱ་བརྡ་དོན་ལམ་ཟབ་ཀྱི་བླ་མའི་རྣལ་འབྱོར་དང་ལུང་། ཆོས་རྒྱལ་བྱང་པའི་དུས་ཀྱི་གཏན་ཚིགས་ལ་རྒྱབ་བསྣོན། ཇ་གོས་དར་སོགས་ཀྱི་རྫོང་བ་དང་བཅས་ལུགས་གཉིས་ནས་ཐུགས་དམ་བསྐང་། ཚེས་ལྔར་ཚོགས་གསོག་ཏུ་སེ་འབྲས་གཉིས་སུ་ཇ་ཚུལ་བཅོ་བརྒྱད་རེའི་བར་གདུགས་དཀར་ཁྱོན་འབུམ་ཐེར། ཆོས་འཁོར་རྒྱལ་དུ་དཔལ་ལྡན་དམག་ཟོར་མ་སོགས་བླ་མཚོ་གསུམ་ལ་གའུས་གཙོས་མཚོ་རྫས་ཕུལ།རྔོད་ཨ་རིག་དགོན་པར་ཆོས་གཞིས་གསར་བསྣོན་གཞི་རྩ་ཁུངས་དག་སེང་གེ་སྒང་པས་འཛིན་ཤུལ་བསྡོམས་མི་སེར་དུད་ཆིག་བརྒྱ་བཅུ་དྲུག །དུད་ཆུང་དྲུག །ལག་ཡོང་མཁའ་རུའི་ཁལ་ཆིག་སྟོང་དྲུག་བརྒྱ་ཐོན་ཁུངས། ཇ་ཚུལ་ཐེབས་སུ་ཚོང་པ་དང་རུ་ཁག་གསར་འཛུགས་བཅས་སྦྱོར་འཇགས། སྡེ་པའི་གེགས་སེལ་ལ་དཔལ་ལྷ་ལྕོག་དང་གནས་ཆུང་དུ་བསྐང་བ་བརྒྱ་ཚར་རེ། ལྷ་སར་ངན་སློང་བརྒྱ་དང་དྲུག་ཅུ་སྐོར་ལ་སྦྱིན་པ། ཇུས་རིམ་ལ་མཚལ་ཡང་དགོན། དབུས་གླིང་། གུང་ཐང་། གདན་ས་མཐིལ། གཡའ་བཟང་། འབྲི་གུང་མཐིལ། སྣེའུ་སྡོང་རྩེ། གོང་དཀར་རྫོང་རྣམས་སུ་ཕྱག་བཞི་པའི་བསྐང་བ་བརྒྱ་

[Full Size]

ཚར་རེའི་ཐོག་སྤྱན་གཟིགས་དར་ཚོན་སྣ་ལྔ་རེ། འཕྱོང་རྒྱས་སུ་དཔལ་རི་བ་དང་གོང་དཀར་དུ་རྡོ་རྗེ་བྲག་པས་མགོན་པོ་གཡུལ་བཟློག །ལྷ་སར་རྒྱུད་སྨད་པས་ཡ་མ་རཱ་ཛ་གཙོར་བཏོན་གྱི་དྲུག་ཅུ་པའི་གཏོར་བཟློག །འབྲས་སྤུངས་སྔགས་ཁང་དུ་རྒྱུད་སྟོད་པས་ཤཱ་ས་ན་གཙོར་བཟླས་ཀྱི་ཕྱག་དྲུག་པའི་གཏོར་བཟློག །དགའ་ལྡན་མན་ནས་ལྗངས་ཡན་གྱི་དགོན་ཨངྐི་དང་གཉིས་ལ་མང་སྐོལ་ཐོག་ཤེར་སྙིང་གི་མདོ་སྒྲུབ། ལྷ་སར་གསང་སྔགས་བྱང་ཆུབ་གླིང་པ་གྲ་སློབ་དགུས་ཀི་ཀང་གི་མནན་པ་བསྒྲུབས་པའི་ཕྱོགས་བཞིའི་ལམ་ཆེན་འོག་ལྷོ་མོན་གྱི་དགྲ་མགོ་མནན་པ། ལྷུན་རབ་ཏུ་རྒྱ་འདྲེའི་ཆོ་འཕྲུལ་བྱུང་བ་བཟློག་ཐབས་སུ་བཙན་སྒོ་རུམ་པས་བསྐུལ་བ་བཞིན་དངོས་གྲུབ་སྡིངས་པས་རྒྱལ་མདོས་དང་རྒྱུད་པའི་གྲ་པ་དགུས་དྲུག་ཅུ་པའི་གཏོར་བཟློག །སྒོ་རུམ་པ་རང་གིས་རྒྱལ་རྫོངས་བྱས། ཚེས་དྲུག་ལ་གཡོན་རུ་སྐུ་སྐྱེ་དང་། རྟ་ཚག་རྗེ་དྲུང་སོ་སོ་ནས་དངོས་སྐྱེས་བཟང་པོ་འགྱེད་དང་བཅས་གཟིམས་ཆུང་བརྟན་བཞུགས་སུ་གྲགས་པ་མཛད། དེ་གྲོལ་ནས་གཡོན་རུ་སྐུ་སྐྱེ་ཁལ་ཁ་ནོ་ཡོན་ཁུ་ཐུག་ཐུ། འཕགས་སྡེ་མཁན་པོ། ཨོན་དུར་ཆོས་རྗེ། བྱང་ངོས་པ་སོགས་ལ་ཇ་གྲལ་བགྱིས། ཚེས་བདུན་ལ་གྲོང་སྨད་ནས་རུང་མཐུན་གྱི་གོས་ཆ་ཚང་གསུམ་རེ། སྟེར་ཆ་འགྱེད་གྱ་ནོམ་པ་དང་བཅས་བསུན་བཟློག་སྔོན་འགྲོའི་ཚེ་དཔག་མེད་ལོངས་སྐུ་མའི་རྡུལ་ཚོན་དང་འབྲེལ་བའི་རིང་འཚོ་སྨིན་རྒྱས་ཀྱི་རྟེན་འབྱུང་བསྟར། ཚེས་བརྒྱད་ལ་དྲུང་ཡིག་གནས་གསར་འཇམ་དབྱངས་བསྟན་འཛིན་གྱིས་གོས་སྣ་ཆ་ཚང་སོགས་བདོག་པའི་སྐྱེས་ཀྱི་ཚན་གྲངས་རིང་པོ་དང་གྲ་ཚང་དུ་སྤྱི་འབུལ་རྒྱ་ཅན་གྱི་ཐང་གྲངས་བཅོ་ལྔར་ཚང་བ་གོང་གཤམ་ཞལ་

[Full Size]

ཁེབས་སོགས་ཕུན་སུམ་ཚོགས་པ་དང་འགྱེད་བཅས་གཟིམས་ཆུང་བརྟན་བཞུགས་སུ་གྲགས་པའི་རིང་འཚོའི་རྟེན་འབྲེལ་བསྒྲིགས། ཚེས་བཅུར་གསང་སྔགས་མཁར་པ་དང་། ཐང་སག་དགའ་ལྡན་ཆོས་འཁོར་བ་སོ་སོ་ནས་དངོས་པོའི་ཚན་གྲངས་དང་མི་འགྱུར་བརྟན་པའི་བདེན་ཚིག་བརྗོད་ཅིང་སྔགས་མཁར་རྣམས་སྤྱི་འགྲེའི་ཚིགས་བཅད་སྨོན་ལམ་དང་ཐང་སག་པས་མཁའ་འགྲོ་མ་འགྲོ་བ་བཟང་མོ་ལུགས་ཡིན་ཟེར་བཀྲ་ཤིས་རྟགས་བརྒྱད་དང་བཅས་པ་ཞིག་སྣང་། ཚེས་བཅུ་གཅིག་ལ་བཀའ་བརྒྱད་སྦུག་པས་ཇ་གོས་དར་རས་སོགས་རིང་པོར་བརྐྱང་སྟེ་འགྱེད་དང་བཅས་འབྲས་གཤོངས་མཁའ་འགྲོ་སྡེེ་ལྔའི་བསུན་བཟློག་དང་འབྲེལ་བའི་ཆོ་ག་གྲ་ཚང་གིས་བཏང་། དེ་མཚམས་ནས་དཔལ་ལྡན་འབྲས་སྤུངས་པ་སྤྱི་ཚོགས་དང་རྒྱུད་སྟོད་པ་སོ་སོ་ནས་རྙེད་པ་སྤམས་བསྟོད་དེ་འཆི་བདག་གཡུལ་ལས་རྒྱས་བའི་རིང་འཚོ་མཛད། ཚེས་བཅུ་གཉིས་ལ་བྱམས་ཁང་རྒྱབ་གནོད་སྦྱིན་གངས་ལ་ཉི་ཤར་གྱིས་དངོས་པོ་དང་ཡོན་སྦྱར་ཏེ་གཟིམས་ཆུང་བརྟན་བཞུགས་སུ་གྲགས་པ་སྤེལ་རྗེས་རྒྱུད་སྡེ་རྒྱ་མཚོའི་མངའ་བདག་ཆོས་རྗེ་བཅོ་བརྒྱད་པ་གྲ་བཅས་ཀྱིས་ཟང་ཟིང་དཔངས་བསྟོད་ཅིང་སྒྲོལ་དཀར་ཚེ་སྦྱིན་ཡིད་བཞིན་འཁོར་ལོའི་སྒོ་ནས་རིང་འཚོ་མཛད་པ་གཞན་དང་མི་འདྲའི་ཡིད་ཁུལ་བ་དང་། ཆོས་རྗེ་ཉིད་ཀྱིས་གཏན་སྡོད་དགོས་ཚུལ་ལ་ལྗགས་ཀྱི་དབང་པོ་བསྐྱོད་དེ་མདོ་སྔགས་ཀྱིས་ཐུགས་རྒྱུད་ཕྱུག་པའི་ལུང་འདྲེན་སོགས་རྣམ་དཔྱོད་ཆེ་བའི་དཔེར་འོས་ཤིང་སོ་སྐྱེ་ལ་སྐྱེ་འཆིར་རང་དབང་མེད་པས་ཁས་ལེན་དཀའ་ནའང་། གསར་མའི་ཆོ་ག་ཆ་ལག་ཚང་བའི་ཕྱག་ལེན་ཏིང་ངེ་འཛིན་ཡོ་བྱད་ཕུན་སུམ་ཚོགས་པའི་

[Full Size]

བྱིན་རླབས་དང་དཀོན་ཅོག་ལ་གསོལ་བ་བཏབ་ན་མི་འགྲུབ་པ་ག་ལ་སྲིད་པས་ངོ་འཛིན་ཙམ་དུ་སྡོད་འདུན་རྣམ་དག་བྱེད་ཚུལ་སོགས་ཀྱི་ལན་བཏབ། གླིང་སྟོད་ཆོས་རྗེའི་སྐྱེ་བ་བློ་བཟང་གཞོན་ནུ་ལོ་བཅུ་གཅིག་འགྲོ་བས་གསོ་རིག་རྒྱུད་བཞི་གསལ་དག་བྱང་བའི་རྒྱུགས་སྤྲད་པ་སྔོན་སྦྱངས་ལས་འཕྲོ་སད་ལུགས་ཀྱིས་སྐྱེས་བར་སླར་ཡང་ངེས་ཤེས་འདྲོངས་པར་གྱུར། ཚེས་བཅུ་གསུམ་ཆད་པའི་བཅུ་བཞིར་སེ་ར་ཐེག་ཆེན་གླིང་སྤྱི་ཚོགས་དང་གསང་ནེའུ་ཐོག་གི་ཞབས་དྲུང་རྣམ་གཉིས་ཆེན་སློབ་བཅས་སོ་སོས་ཕུ་དུད་རྒྱ་ཆེར་བསྐྲུན་ནས་རིང་པོར་འཚོ་བའི་བདེན་བརྗོད་ཡང་དག་བསྟར། འཕགས་ཡུལ་ནུབ་ཕྱོགས་ཀུ་རུའི་ཡུལ་གྱི་བྲམ་ཟེའི་པཎྜི་ཏ་ཀྲྀཥྞ་ཨུད་ཡ་རང་ཡུལ་དུ་འགྲོ་བར་ས་ཟླ་ཞོ་བཞིས་གཙོས་ཇ་རས་གོས་དར་ལམ་ཆས་དང་རྗོང་བདའ་བགྱིས། ཚེས་བཅོ་ལྔར་གདན་ས་ཆེན་པོ་འབྲོག་དགའ་ལྡན་རྣམ་པར་རྒྱལ་བའི་གླིང་ནས་ཁྲི་རིན་པོ་ཆེ་བྱམས་པ་བཀྲ་ཤིས་ཀྱིས་དབུས་རྩེ་ཤར་ཆོས་རྗེ་རྣམ་གཉིས་སོགས་གྲ་སློབ་བཅས་པ་དང་། སྟག་ཚང་ར་བ་སྟོད་པ་བླ་གྲ་སོ་སོ་ནས་ཡུལ་ལུགས་དང་མཐུན་པའི་བདོག་པ་སྤེལ་ཏེ་ཉི་བུའི་དགྲ་ལས་རྒྱལ་བའི་རྟེན་འབྲེལ་མཛད། ཤེར་འཕེལ་སྤྲུལ་སྐུ། ཡང་རི་སློབ་དཔོན་པ། ཀོང་པོ་བཀྲ་ཤིས་རབ་བརྟན་པའི་དབོན་པོ་རྣམས་ལ་ཇ་གྲལ་བཏང་། ཚེས་བཅུ་དྲུག་ལ་ཡེར་པ་གྲ་ཚང་པ་དང་ལྷ་ལྡན་རུ་བཞི་སོ་སོས་ལེགས་སྐྱེས་སྤམས་མཐོ་བ་དང་བཅས་རིང་འཚོའི་རྟེན་འབྱུང་བསྒྲིགས། ལྷ་སའི་རྙིང་ཁུངས་དམིགས་བརྩེ་མ་ཚོར་དམིགས་བརྩེ་མར་བརྟེན་པའི་བླ་མའི་རྣལ་འབྱོར་གྱི་སྒོམ་ལུང་། བཅོ་བརྒྱད་ཆོས་རྗེ། གླིང་སྟོད་སྐུ་སྐྱེ། རྟ་ཚག་རྗེ་དྲུང་གི་དཔོན་པོ། ཕུ་ལུང་དགེ་སློང་རྣམས་རྫོང་བདའ་དང་རྗེ་དྲུང་

[Full Size]

རིན་པོ་ཆེས་སྙན་ངག་གི་ལམ་ནས་དྲངས་པ་བྱུང་བའི་ལན་ཀྱང་དེ་མཚུངས་ཕུལ། ཚེས་བཅུ་བདུན་ལ་གོང་དཀར་དཀོན་གཉེར་གྲ་ཚང་བླ་གྲས་ཚན་གྲངས་དང་བཅས་ཏེ་རྗེ་རྒོད་ཚང་པའི་གསང་ཡུམ་མཁའ་འགྲོ་མ་འགྲོ་བ་བཟང་མོ་ལུགས་ཀྱི་རིང་འཚོའི་ཆོ་ག་བཏང་བ་གདངས་སྙན་ཞིང་གྲ་འགྲིག་པའི་ཚད་ཅིག་སྣང་། དེ་རྗེས་ཆུ་ཤུར་ཐར་གླིང་པ་ཡོངས་རྫོགས་ཀྱིས་ཀྱང་དངོས་པོའི་སྐྱེས་དང་བཅས་རིང་འཚོ་སྤེལ། ཐོས་བསམ་དར་རྒྱས་གླིང་བླ་ཟུར། ལ་མོ་སྐུ་རྟེན་པ། སྤུས་སྲང་སྨྱོན་པ་རྣམས་དང་ཕྲད། ཚེས་བཅོ་བརྒྱད་པ་ལྷ་ས་ཟུར་ཁང་པས་ཟང་ཟིང་གི་སྣེ་རིང་པོར་བརྐྱང་ནས་འགྱེད་དང་བཅས་གཟིམས་ཆུང་བརྟན་བཞུགས་སུ་གྲགས་པ་སྤེལ། གསས་ཁང་དགོན་གྲ་སློབ་རྣམས་ཀྱིས་དངོས་པོའི་རྣམ་གྲངས་དང་བཅས་རིང་འཚོའི་ཚིགས་བཅད་གསུང་། ཁོ་ལོ་ཆིའི་བུ་གཉིས། ཨོན་དུར་ཆོས་རྗེ། སྐུ་སྐྱེ་ནོར་བུ་རྒྱ་མཚོ་སོགས་རང་ཡུལ་དུ་བརྗངས། འཕགས་ཡུལ་མ་ཐཱུ་རའི་ས་ནྱ་སི་ཀྵེ་མ་གི་རི་དང་ནཱི་ལ་ཀཎྛ་སོ་སོར་གསེར་ཞོ་གསུམ་རེ་དང་། ཝ་ར་ཎཱ་སིའི་རྗེ་རིགས་སཱི་ཏ་དཱ་ས་ལར་གསེར་ཞོ་དོ། རྒྱ་བོད་བར་དུ་ཅི་འདོད་ལ་ཕྱིན་ཆོག་པའི་ལམ་ཡིག་སོགས་བློའི་རེ་བ་བཀང་། ཚེས་བཅུ་དགུར་སྨད་རྒྱུད་གྲ་ཚང་གིས་ཚན་གྲངས་དང་བཅས་བདེ་ལྡན་མགོན་པོ་ལྟར་བརྟན་པའི་རྟེན་འབྲེལ་བསྒྲིགས་པར་མཛད། ཨུ་ཁེ་རེས་ཐའི་ཇིའི་འོག་ནས་སེར་མོ་བ་དྲག་པ་བཅུ་བཞི་སྐོར་དང་ཕྲད། གུང་ཚིགས་ཐོག་ཅུང་ཝང་གི་མི་སྣ་གཡོག་བཅས། འདི་གའི་མི་སྣ་ཟུང་ཆུ་རབ་འབྱམས་པ་དང་རྒྱ་ཚེ་རིང་བཅས་པར་སྟེར་ཆ་ཡིག་ལན་རྟེན་སྦྲགས་རྩིས་སྤྲད་དེ་ཐོན། ཧུང་ཐའི་ཇི་དང་དགའ་ལྡན་རབ་འབྱམས་པའི་མི་སྣར་ཇ་གྲལ་

[Full Size]

བཏང་། ཉེར་གཅིག་ལ་དགའ་ལྡན་དར་རྒྱས་གཅིག་པུར་འཕྲལ་ཡུན་གྱི་གླེང་མོ་བགྱིས། ཉེར་གཉིས་ལ་དགའ་ལྡན་དར་རྒྱས། ཐ་ཤི་བོ་ལོད། དཔོན་ཆུང་གཉིས། ཉང་རེ་སྐུ་སྐྱེ་རྣམས་ལ་མགོན་པོའི་རྗེས་གནང་བར་ཆད་ཀུན་སེལ་བསྐུར་ནས་དགའ་ལྡན་དར་རྒྱས་ལ་གྱོན་པ་ཆ་ཚང་སོགས་བདོག་པ་ཐམ་ཁ་དང་བཅས་དགའ་ལྡན་དའི་ཆིང་བོ་ཤོག་ཐུ་ཇི་ནོང་གི་ཆོ་ལོ་སྐད་གཉིས་སྨྲ་བའི་དབང་པོ་ཆེ་ཆེན་དབོན་པོས་སྐད་གསང་མཐོན་པོས་འདོགས་པ་སོགས་སྣ་བོའི་ལུགས་བཟང་མ་ཉམས་པར་གཟེངས་བསྟོད། བ་ཐ་ཡན་ཆི་སོགས་དམངས་ལྔ་བརྒྱ་སྐོར་ལ་མེ་ཏོག་གཏོར། ཉེར་གསུམ་ལ་ཨ་པ་ལའི་གྱི་དཔོན་མོ་འཁོར་བཅས་དང་། ཨེར་ཁེ་ཆོས་རྗེ་རྣམས་ལ་ཇ་གྲལ་བཏང་། ཉེར་དགུ་ལ་ཁོན་དུ་ལུའི་མ་བུ། དཀའ་བཅུ་ངག་དབང་དོན་གྲུབ། སྤོམ་འབོར་སྐུ་སྐྱེ། ཨ་ཙ་ལྷ་རིའི་བླ་མར་འགྲོ་མི། རྨུ་ལེ་རབ་འབྱམས་པའི་དབོན་པོ། དར་རྒྱས་རབ་འབྱམས་པ་སོགས་དང་ཕྲད། གོང་དཀར་དཀོན་གཉེར་བ་གྲ་སློབ་ལ་དགོས་ཆ་གྲབས་སྒྲུབ་ཐོ་རྙིང་ལྟར་གདུགས་དཀར་གྱི་མདོས་གཏོང་བཅུག །ཧོར་ཟླ་བདུན་པའི་ཚེས་བཞིར་གསང་སྔགས་བྱང་ཆུབ་གླིང་པ་སློབ་དཔོན་གྲ་བཅས་ལ་ཇ་གྲལ་བཏང་། ཚེས་ལྔར་ད་ལའི་ཧུང་ཐའི་ཇིས་མི་སྣ་ཆེད་དུ་མངགས་ཏེ་གསེར་སྲང་བརྒྱ།དངུལ་བྲེ། ཐ་ཕག །མི་གཟུགས། གོས་ཡུག་ལྔ། རུང་མཐུན་གྱི་གོས་ཆ་འགྲིག །ཇ་རས་ཀྱི་དངོས་པོ་སྤམས་མཐོ། ཚོགས་ཆས་འགྱེད་སོགས་ཡོན་སྦྱར་ཏེ་གྲ་ཚང་ནས་བཅོམ་ལྡན་འདས་མགོན་པོ་ཚེ་དཔག་མེད་འཆི་མེད་འོད་སྣང་མའི་རྡུལ་ཚོན་དང་འབྲེལ་བའི་ཆོ་ག་རྒྱས་པར་བསྟར། ཚེས་དྲུག་ལ་རྭ་སྒྲེང་མཁན་ཟུར་པས་རྟ་དྲུག་ཅུ་དང་། དཔལ་འཁོར་ཆོས་

[Full Size]

སྡེ་མཁན་ཟུར་པས་རྟ་བརྒྱ་དང་གཅིག་བྱུང་། ཚེས་བཅུ་གཅིག་ལ་ཨཱ་ཙཪྱ་ཛ་མ་ཀཱིརྟིར་གསེར་ཞོ་བདུན། མ་ནུ་ནཱ་ད་དང་བི་ཤྭ་པ་དར་ཞོ་གསུམ་རེ། བུ་དྷི་ནཱ་དར་ཞོ་ཕྱེད་གསུམ། གདྒཱ་ནཱ་དར་ཞོ་བཞི། དར་རས་སོགས་བྱིན་པས་མགུ་བའི་ལུགས་བྱེད། ཚེས་བཅུ་གསུམ་ལ་སྒྲིབ་སྦྱོང་རིམ་གྲོར་རྫོང་གཞིས་རྣམས་ནས་ཡོན་སྦྱར་ཏེ་གདུགས་དཀར་ས་ཡ། སེར་འབྲས་གཉིས་སུ་ཇ་ཚུལ་བཅོ་ལྔ། གྲ་པ་བཅུ་རེར་གསེར་ཞོ་རེའི་འགྱེད་དང་བཅས་པའི་ཐོག་ཕྱག་འཚལ་ཉེར་གཅིག་བདུན་འབུམ་ཉི་ཁྲི་བཞི་སྟོང་ལྔ་བརྒྱ། ལྷ་སར་འཇིམ་པའི་མཆོད་རྟེན་སྟོང་དང་ཉེར་བརྒྱད་བྱིན་རྟེན་སྣ་ཚོགས་ཀྱིས་སྦགས་པ་གསར་དུ་བཞེངས་ཏེ་བར་ཁང་དུ་བཞུགས་སུ་གསོལ་བར་གནས་བརྟན་འཇམ་དབྱངས་གྲགས་པས་རབ་གནས་མངའ་གསོལ་ཞིང་བཀྲ་ཤིས་པའི་མེ་ཏོག་གི་ཆར་ཕབ། སྡེ་པའི་རིམ་གྲོར་འཕྱོང་རྒྱས་སུ་སྨན་བླ་ཁྲི་ཚར། ཡུལ་ལྷ་གཞི་བདག་ལ་གསོལ་མཆོད། ལྷ་སར་ཤེར་སྙིང་ལྔ་འབུམ། ཇུས་རིམ་ལ་འཕྱོང་རྒྱས་སུ་དཔལ་རི་བ་དང་། གཞིས་རྩེར་འུག་བྱ་ལུང་པས་མགོན་པོ་གཡུལ་བཟློག །གོང་དཀར་དུ་རྡོ་རྗེ་བྲག་པས་འཆར་ཀའི་མདོས། ཕོ་བྲང་དུ་བཀྲ་ཤིས་ཆོས་སྡེ་བས་ལྷ་མོ་དུད་སོལ་མའི་བསྐང་བ་བརྒྱ་ཚར། དབུས་གཙང་གི་ནད་རིམས་བཟློག་ཐབས་སུ་མི་སེར་ལག་ནས་བསྡུ་ཆ་བྱས་ན་གཟན་ཟོ་མི་འགབ་ཀྱང་རིམ་གྲོ་འགྱུར་ཁྱད་ཆེ་བར་སྒོ་རེ་ནས་རྩམ་ཕུལ་རེ་བསྡུས་དེ་ཕྱིན་དགོས་ཆ་གཞུང་ནས་སྤྲད་པའི་རྫོང་གཞིས་སོ་སོར་ཡུམ་རྒྱས་འབྲིང་བསྡུས་གསུམ། བསྟན་མ་བཅུ་གཉིས། མ་མོ། རྒྱལ་བཙན་བཞིའི་མདོས། རྣམ་འཇོམས་དང་སྨེ་

[Full Size]

བརྩེགས་ཀྱིས་གཙུག་ལག་ཁང་དང་ཡུལ་ཁམས་ཐམས་ཅད་ལ་ཁྲུས་གསོལ་ཏེ་མ་དག་པའི་རིགས་མཐའ་དག་དབྱུང་། དགྲ་ལྷ་དཔངས་བསྟོད་བརྒྱགས་རྔན་ཞག་བདུན་སྦྲེལ། ནད་བདག་སྟོབས་འཇོམས་ཀྱིས་ཡས་དབུས་གཙང་གི་མཚམས་སྒྲོལ་ཏེ་ལྷོ་ཕྱོགས་སུ་བསྐྱལ། ཡུལ་ལྷ་གཞི་བདག་གསོལ། ཟླ་བ་གཉིས་ཀྱི་བར་རི་རྒྱ་ཀླུངས་རྒྱ་བསྡེམ་མཁོས་དང་རྫོང་གཞིས་སོ་སོའི་རི་མགོ་མཐོ་སར་འཛུགས་རྒྱུའི་ནད་བདག་སྟོབས་འཇོམས་འཁོར་ལོ་རེ་བསྲིངས། ལྷུན་རབ་ཀྱི་རྒྱ་འདྲེ་དེའི་འཚུབ་འགྱུར་སླར་ཡང་བྱུང་བ་བཟློག་ཐབས་སུ་གསང་སྔགས་བྱང་ཆུབ་གླིང་པ་སུམ་ཅུས་བརྒྱད་སྟོང་པ། གསེར་འོད། ཐང་ཡིག་གསུམ་བརྒྱ་ཚར་རེ། སློབ་དཔོན་ཐེ་བའི་སུམ་ཅུས་ཐུགས་སྒྲུབ་ཀྱི་ལས་བྱང་དང་འབྲེལ་བའི་འགོང་པོ་ཨར་གཏད་འབུམ་ཐེ་བའི་མཐར་རྒྱལ་རྫོངས་གདང་ལ་བུད་མཚམས་བསྐྱལ། ཚེས་བཅུ་བཞིར་རྭ་སྒྲེང་མཁན་ཟུར། བྲག་ཡག་སྐུ་སྐྱེ་འགྲུལ་སྡེབས་ཉི་ཤུ་སྐོར། བི་ལིག་ཨེར་ཁེ་ཐའི་ཇི་དཔོན་མོ་སོགས་དང་ཕྲད་པ་གྲོལ་ནས་བྲག་ཡག་སྐུ་སྐྱེ། ཨེར་ཁེ་ཆོས་རྗེ། ཆོས་རྗེ་དཀོན་གཉེར་དཔོན་སོགས་ལ་འཇམ་དབྱངས་ཨ་ར་པ་ཙ་ན། སྤྱན་རས་གཟིགས་གཙོ་འཁོར་གསུམ་པ། སེང་ལྡེང་ནགས་སྒྲོལ་གསུམ་གྱི་རྗེས་གནང་བྱས་ཤིང་། བྲག་ཡག་སྐུ་སྐྱེའི་གཉེར་པ་སོགས་བསྙེན་རྫོགས་བཞི་བསྒྲུབས། ཚེས་བཅུ་དྲུག་ལ་དབུ་མཛད་བློ་བཟང་ཡོན་ཏན་གྱིས་བེར་སོགས་གོས་སྣ་ཆ་ཚང་། གོས་དར་ཇ་རས་ཀྱིས་གཙོས་དཔངས་བསྟོད་དེ་གཟིམས་ཆུང་བརྟན་བཞུགས་སུ་གྲགས་པ་བགྱིས། ཚེས་ཉི་ཤུར་འབྲང་རྒྱས་ཤག་པས་རུང་མཐུན་གྱི་གོས་ཆ་འགྲིག་

[Full Size]

དངོས་པོ་རིང་དུ་བརྐྱང་སྟེ་ལྷ་བཙུན་ཆེན་པོའི་བསུན་བཟློག་དང་འབྲེལ་བའི་རྟེན་འབྱུང་བྱུང་། བསྟན་འཛིན་ད་ལའི་རྒྱལ་པོ་བཙུན་མོ་སྲས་བཅས་དམ་ཕྱོགས་ལ་འདེགས་གདོང་གི་བྱིན་རླབས་བྱས་ཤིང་། འདུལ་བ་གྲ་ཚང་གིས་རིག་གྲའི་སྐལ་བ་བསྐྱལ། གཙང་བཀྲ་ཤིས་ལྷུན་པོ་ནས་རིང་འཚོ་སྤེལ་བར་ཆེད་དུ་མངགས་པའི་མགྲོན་གཉེར་དགེ་སློང་། པག་ཤོད་དང་སྔགས་ལྕོག་བླ་མ། རྒྱལ་མོ་བསོད་ནམས་ཆོས་འཛོམས་སོགས་ལ་ཇ་གྲལ་བཏང་ཞིང་ཤག་ཤར་པའི་སྤུན་གཞོན་པའི་སྐྲ་ཕུད་བླངས་ཏེ་མིང་ཚེ་དབང་དཔལ་བཟང་དུ་བཏགས། ཉེར་ལྔ་ནས་བདུན་གཉིས་ཀྱི་བར་བསྙེན་པ་ཁ་གསོ་བྱས་པ་གྲོལ་ནས་དབུ་མཛད་ངག་དབང་ཕུན་ཚོགས། བྲག་གདོང་ཆོས་མཛད་བློ་བཟང་ཚེ་དབང་། ནམ་མཁའ་གྲགས་པ་གསུམ་ལོག་ཏྲི། རྣམ་གླིང་ཆོས་མཛད་ངག་དབང་བློ་གསལ་ཕུར་པ། གོང་དཀར་བསླབ་གསུམ་དང་ཞལ་ཏ་བའི་བུ་ལེགས་བཤད་རྒྱ་མཚོ་གཉིས་བཀའ་བརྒྱད། ངག་དབང་ཀུན་བཟང་དང་བློ་བཟང་ཚེ་དབང་གཉིས་ཡང་བཟློག །བྱམས་པ་ནོར་བུ་རྡོ་རྗེ་གྲོ་ལོད་རྣམས་ཀྱི་བསྙེན་པ་བྱེད་པའི་དམིགས་སྐོར་ཕྱག་ལེན་བཅས་བསླབས་ནས་མཚམས་བསྡམ་བཅུག །ཆོས་འཁོར་རྒྱལ་གནས་སྲུང་གིས་བསྐུལ་བའི་རྩེ་ཤོད་ཐུན་མོང་གི་རིང་འཚོའི་ཚིགས་བཅད། ས་སྐྱོང་བློ་བཟང་མཐུ་སྟོབས་ཀྱིས་གྲ་ཚང་ལ་ཞིང་བཅུ་བཞི་སྦྱོར་འཇགས་མཛད། དེ་ལྷང་ལྷང་བྲག་གི་གཏེར་བྱུང་དང་རྒྱ་ཅན་ཕྱོགས་མཐུན་དགོངས་དོན་རྣལ་འབྱོར་དང་འབྲེལ་བའི་རིང་འཚོའི་ཚིགས་བཅད་བསྟན་པ་ནམ་གནས་བར་རྒྱུན་འཛུགས། བྱང་

[Full Size]

གླིང་བློ་བཟང་ལྷུན་གྲུབ་མ་སྲུ་དང་བཅས་པའི་ངོར་གྲ་ཚང་དང་དགེ་འཕེལ་རི་ཁྲོད་སོ་སོར་རྒྱུན་འཛུགས་ཀྱི་རིང་འཚོའི་ཚིགས་བཅད། དབུ་མཛད་ཀྱིས་ཀརྨ་གུ་རུ་དང་ཡང་གསང་དྲག་པོ་བཞེངས་པའི་རྒྱབ་ཡིག །གསང་གླིང་སྔགས་རམས་པ་ངག་དབང་ལེགས་ལྡན་གྱིས་བསྐུལ་བའི་རིང་འཚོ། བློ་བཟང་དགེ་འདུན་གྱི་ངོར་བླ་མའི་རྣལ་འབྱོར། དགེ་སློང་འཇམ་དབྱངས་གྲགས་པས་བསྐུལ་བའི་རི་བོ་བདེ་ཆེན་དུ་འཛུགས་རྒྱུའི་སྨན་བླའི་ཇ་མཆོད། ཟུར་འཕྲིན་ལས་རྣམ་རྒྱལ་གྱི་འདོད་པ་བཞིན་མཚན་བརྒྱད་དང་འབྲེལ་བའི་བླ་མའི་རྣལ་འབྱོར། བློ་བཟང་ཐུགས་རྗེའི་ངོར་དུས་འཁོར་བཤད་པའི་འགོ་རྒྱངས། བྱིང་པ་བྱམས་པ་ནོར་བུའི་ངོར་རྡོ་རྗེ་གྲོ་ལོད་ཀྱི་བསྙེན་ཡིག་རྟ་ལྗང་དབང་པོ། རི་སྒོ་དགེ་འདུན་རབ་བརྟན་གྱི་ངོར་ས་སྐྱོང་བློ་བཟང་སྦྱིན་པའི་བརྟན་བཞུགས། རྡོ་རྗེ་བྲག་རིགས་འཛིན་སྤྲུལ་པའི་སྐུའི་ཐུགས་དམ་སྤེལ་ཆེད་རྟ་མགྲིན་ཡང་གསང་ཁྲོས་པའི་བསྙེན་ཡིག་ཡིད་བཞིན་དབང་གི་འདོད་འཇོ་རྣམས་བྲིས། ཧོར་ཟླ་བརྒྱད་པའི་ཚེས་གསུམ་ལ་རྒྱལ་ཚབ་སྤྲུལ་སྐུས་རང་གི་ཆིབས་པ་ལེགས་ངེས་ལྔས་ཐོག་དྲངས་པའི་བཅོ་ལྔ་དང་། ཞྭ་དམར་སྤྲུལ་པའི་སྐུས་ཀྱང་ཆིབས་ཆེན་བཞི་ཐེ་བའི་ཉི་ཤུ་རྩ་གཅིག་སྩལ། །ཚེས་བཞིར་སེ་འབྲས་ལྷ་ས་བཅས་པར་ལོ་མཉམ་གང་ཡོད་ཀྱི་སྟེང་སྦྲུལ་ལོ་པས་ཁ་བཀང་སྟེ་བརྒྱ་རྩ་བརྒྱད་ལ་སྟོན་མོ་བཟབས་རྒྱས་དང་གྲ་པ་གང་ཡིན་བཅུ་རེར་ཡ་ཇུ་བར་ཁག་རེ་དང་། མི་ནག་ཉི་ཤུར་བར་ཁག་རེའི་རྩིས་ཀྱི་གོས། ལྷ་སར་བློ་གསལ་གླིང་པ་བཅོ་ལྔས་ཀླུ་འབུམ་བཞི་བརྒྱ་དང་ང་བདུན། སྒྲོལ་མ་བརྒྱ་དང་བདུན་ཅུ། མཚན་བརྗོད་བརྒྱ་དང་བདུན་བཅུ།

[Full Size]

ཤེར་སྙིང་བཞི་བརྒྱ་ལྔ་བཅུ། ཇུས་རིམ་དུ་གྲ་ས་ཕན་ཚུན་སོ་སོར་ཇ་བཅུ་རེའི་ཐོག་ཤེར་སྙིང་འགྲོ་གང་ཆེའི་མདོ་སྒྲུབ། གེ་རེ་དཀའ་བཅུའི་ཚ་བོར་ཚ་བ་མཛོ་སྒང་ནས་དུད་རྐང་འབྲིང་སྟོང་བཅུ་གཉིས་ལག་འབབ་དང་བཅས་བྱིན། ཚེས་བཅུ་གསུམ་ལ་ལྷོ་མོས་ནས་ཆོས་རྗེ་དབོན་རིན་པོ་ཆེ་ཨཥྚའི་གཞི་བསྙེན་གེགས་མེད་གྲོལ་ནས་བྱོན་པ་དང་མཇལ་གསུང་གླེང་ཞིབ་པར་བྱུང་། ཚེས་བཅུ་བདུན་ནས་ཉིན་གསུམ་ཀྱི་བར་ཡན་ལག་བརྒྱད་ལྡན་གྱི་ཆུ་བོ་བསྟེན། ཚེས་བཅོ་བརྒྱད་ལ་རླུང་དམར་གྱི་འཁོར་ལོ་ནན་ཏན་བསྒྲུབས་པ་སྔགས་རམས་པ་ལེགས་འབྱོར་དང་ངག་དབང་ཕུན་ཚོགས་ཕག་རིར་འཛུགས་པར་རྫོང་བདའ་བགྱིས། ཚེས་ཉི་ཤུར་ཨུལ་ཇོའི་ཐུ་པཱ་ཐུར་ཐའི་ཇི་རྒྱ་མཚོ། དཔོན་ཆུང་སན་བི་ལིག །ཇའི་སང་གཉིས། མི་བཟང་བཞི་བཅུ་སྐོར། ཨ་པ་ལའི་གྱི་དཔོན་མོ། དུར་ཕོད་ཆོག་ཐུའི་བུ་བསྟན་འཛིན། ཨེར་ཁེ་ཆོས་རྗེ། ཁལ་ཁ་གཡས་རུ་དའི་ཆིན་ཨོ་པ་ཤི། དཔོན་མོ་བུ་བཅས། དགའ་ལྡན་ཁ་དན་པཱ་ཐུར་གྱི་བསྔོ་རྟེན་སྐྱེལ་མི། ནོ་གོན་དྷ་ར། ཀུན་འཛིན་ཁ་དན་པཱ་ཐུར། མ་ཁ་བཱ་ཁན་དགེ་ཚུལ། ཨེར་ཏེ་ནི་ཐོ་ཡོན། བིང་ཐུ་ཐའི་ཇི། ཨེར་ཏེ་ནི་པཱ་ཐུར། ཨོ་རོད་ཇོང་གར་ཨེར་ཏེ་ནི་འབུམ་རྡོ་རྗེ། ཨེར་ཏེ་ནི་པཱ་ཐུར་ཐའི་ཇི། ཨོད་ཁོན་སོགས་ཀྱི་མི་སྣ། དཔལ་འཁོར་ཆོས་སྡེའི་མཁན་ཟུར། འཕན་ཡུལ་ལྷ་ཁང་བླ་གཉེར། རི་ཁྲོད་དགའ་ལྡན་ཟུར་པ་བློ་བཟང་རྣམ་རྒྱལ། མྱུག་ཆོས་གླིང་གི་བླ་མར་འགྲོ་མི་རབ་འབྱམས་པ་དཔལ་ལྡན།

[Full Size]

དེ་མོ་བའི་མགྲོན་གཉེར། ཁོ་ཁོམ་དང་གུ་གེའི་མི་སྣ་རྣམས་དང་ཕྲད་ཅིང་ཡིག་ངག་བླངས། བཀྲ་ཤིས་པཱ་ཐུར་ཐའི་ཇིས་གསེར་ཞོ་བརྒྱ་ལས་གྲུབ་པའི་ཕོར་པ་སྡེར་བཅས། ཇ་ཁོར་དྲུག་མ་བརྒྱ་དང་བཅུ་གསུམ། དངུལ་གོས་དར་སོགས་སྟོང་ཕྲག་བཏེག །དེ་ཐོག་བྱང་ངོས་པ་དང་གཞིས་ཀ་ཤར་མཆིས་བྲང་དང་བཅས་པས་དཀར་དྲོ་སྤོམས་སུ་བསྟར་ཞིང་ཕྱི་དྲོ་ཐོག་སྟེང་ནས་ཆས་པ། རི་རྩ། ཀླུ་འབུམ་སོགས་ཉིས་བརྒྱ་སྐོར། སོག་དམངས་བརྒྱད་བརྒྱ་ལྷག་བཅས་ལ་མེ་ཏོག་གཏོར་ཞིང་བཀའ་བརྒྱད་སྦུག་པས་རྟ་བཅུ་གཉིས་དང་དྲེའུ་བརྒྱད་བྱུང་། ཉེར་དགུར་འ་ཞ་མཁྱེན་རབ་རྣམ་རྒྱལ་འཁོར་ཞག་ནས་འཁོར་བ་དང་ཕྲད་ཅིང་ཟུར་ཆེན་སྤྲུལ་སྐུར་ཟུར་གསོས་ནས་མཁར་ཁལ་བརྒྱད་ཅུ། ཇ་ནག་པོ་བར་ཁག་གཉིས་དང་ཏཱ་ཚཱ་སྦག་གཅིག །མར་ཁལ་བཅུ་སཾ་ཊ་བཅས་སྐྱེལ་བར་བཏང་། ཨཱ་ཙཪྻ་ནེ་ཙ་ལ་པུ་རིར་གསེར་ཞོ་བཞི། དྷཱ་ནུ་ཏེ་ཝ་ཏི་ལ་གསེར་ཞོ་དོ། ར་གུ་ནཱ་ཐར་གསེར་ཞོ་གསུམ་རེས་གཙོས་ཚན་གྲངས་ཟུར་ཆས་དང་བཅས་པའི་བདག་རྐྱེན་སྤྲད། གནམ་གང་ལ་སྐྱར་པོ་བ་རྡོ་རྗེ་དབང་ཕྱུག་འཁོར་བ་དང་ཕྲད་ཅིང་རྒྱུ་མཚན་མང་དག་བྱུང་། དར་མོ་སྨན་རམས་པའི་སར་འདར་ལོས་འཕགས་ཡུལ་གྱི་གོ་ད་རའི་བེའུ་བུམ་གསར་དུ་བསྒྱུར་བའི་ཆེ་བརྗོད། ངག་དབང་འཕྲིན་ལས་ཀྱིས་གསེར་ཟངས་ལས་ངེད་རང་གི་འདྲ་འབག་བཞེངས་པའི་རྒྱབ་ཡིག །དམ་ཆོས་དབང་རྒྱལ་གྱིས་དགེ་སྐོས་འཇོག་ལ་དངུལ་སྲང་བཅུ་བཞིའི་པད་སྡེར་ཕུལ་བའི་ཁ་བྱང་། དབུ་མཛད་ངག་དབང་ཕུན་ཚོགས་ཀྱིས་ལོག་ཏྲིའི་ཐང་ག་བཞེངས་པའི་རྒྱབ་ཡིག །ཆོས་འཁོར་

[Full Size]

རྒྱལ་སྤྱི་ཚོགས་ཀྱི་ངོར་ངེད་རང་དང་སྡེ་པའི་རིང་འཚོའི་ཚིགས་བཅད། ས་སྐྱོང་བློ་བཟང་སྦྱིན་པས་ཤོ་མདོར་བཀའ་འགྱུར་རོ་ཅོག་བཞེངས་པའི་དཀར་ཆག་ཆེ་བརྗོད། ཨ་མདོ་མིན་ཇུ་ཆོས་རྫོང་དགོན་པ་བ་རབ་འབྱམས་འཇམ་དབྱངས་འོད་ཟེར་གྱིས་བསྐུལ་བའི་བུ་ཆོས་ལེའུ་ཉེར་གཉིས་དང་འབྲེལ་བའི་གསོལ་འདེབས། བློ་གསལ་གླིང་གི་བླ་བརྒྱུད་ཁ་སྐོང་གསོལ་འདེབས་རྣམས་བཀོད། ཧོར་ཟླ་དགུ་པའི་ཚེས་གཅིག་ལ་བཀྲ་ཤིས་རྩེ་ཆོས་རྗེ་དབོན་ལ་གསུང་ངག་བླ་མ་བརྒྱུད་པའི་བྲིས་ཐང་གྲ་ཚར་ལེགས་པ་དང་བཅས་པའི་སྐྱེས་དབུལ་ནས་ལྷོ་མོས་སུ་སྟན་ཆགས། ཧོར་ཨ་མདོའི་དཔོན་དབང་རྒྱལ། དཔང་རྒྱལ། བཟུང་མོ། བཙན་རྒོད་དར། གསེར་སྦར། དབང་གྲགས་ཅན་ཉིས་བརྒྱ་སྐོར་ལ་ཇ་གྲལ་བཏང་ཞིང་རྟ་སུམ་བརྒྱ་ཉི་ཤུ་བྱུང་། ཚེས་ལྔར་འཕགས་ཡུལ་ཝ་ར་ཎཱ་སིའི་བྲམ་ཟེ་ཛ་ཝནྟི་དང་ག་ཎེ་ཤ་ཏེ་བ་རི་གཉིས་ལ་ཇ་གྲལ་ཐོག་འདོད་ལྷ་གང་ཡིན་དང་ཡོན་ཏན་ཅི་ཤེས་སོགས་དྲིས་པར་སྲིད་སྒྲུབ་ཀྱི་རིག་བྱེད་ཤེས་ཤིང་ཡི་དམ་ཁྱབ་འཇུག་གི་རྗེས་སུ་ཞུགས་པ་ཡིན་ཚུལ་སོགས་ཟེར། ཛི་ཝནྟིར་གསེར་ཞོ་གསུམ། ཇ་བར་ཁག །སྣམ་དཀར། ག་ཎེ་ཤར་གསེར་ཞོ་བཞི། སྣམ་དཀར། སོ་སོར་ཟུར་ཆས་སོགས་འདོད་དོན་བསྒྲུབས། ཚེས་བརྒྱད་ལ་མངའ་རིས་གྲ་ཚང་། གསང་སྔགས་ཆོས་འཁོར་བ། ཚེར་གསེབ་དགོན་པ་གསུམ་སོ་སོ་ནས་དངོས་པོ་རང་འབྱོར་དང་བསྟུན་ཐོག་རིང་འཚོའི་ཚིགས་བཅད་རྒྱས་པར་གསུངས། གསང་སྔགས་ཆོས་འཁོར་བར་ཐུགས་རྗེ་ཆེན་པོ་གཙོ་འཁོར་གསུམ་པའི་སྒོམ་ལུང་

[Full Size]

བགྱིས་ནས་ཞག་བཅུ་བཞིའི་བར་འཁོར་ལོ་འབར་བའི་སྒྲུབ་པ་དང་བཅས་སྨིན་རྒྱས་བྱས། ཨུལ་ཇོའི་ཐུ་པཱ་ཐུར་ཐའི་ཇི་འཁོར་བཅས། རྒྱལ་པོའི་ཐ་གུ་སུ་ཨེར་ཏེ་ནེ་ཇའི་སང་། པཎྜི་ཏ་ཀླུའི་རྒྱལ་མཚན་གྱི་བསྔོ་རྟེན་སྐྱེལ་མི། སེ་ར་སྨད་སློབ་དཔོན་གསར་འཁོད། གསུང་རབ་གླིང་སློབ་དཔོན་པ་གུང་ཐང་ལོ་ཙཱ་བ། གྲོག་ཁང་སྟེང་བླ་ཟུར། ཉང་རེ་བྲག་ཡག་སྐུ་སྐྱེ་ཆུང་བ་ཐོན་གདོང་། བྷྲུཾ་པ། གཟིམས་ཤག་བྱང་པ་སྤུན། ཡམ་བུའི་མི་སྣ་སོགས་བརྒྱ་སྐོར་དང་ཕྲད། ཡམ་བུའི་སྐྱེས་སྨན་ཁྲོག་ཕོན་ཆེ་བ་དང་རྒྱ་གར་གྱི་ཕུག་རོན་གཉིས། རས་རྣམ་གྲངས་ཤིན་ཏུ་མང་བ་སྣང་། ཕྱི་དྲོ་གཙང་སྟོད་ཞ་ལུའི་ཆོས་གྲ་ནས་མཁན་ཆེན་ཀུན་སྤངས་པ་ཕེབས་པ་དང་མཇལ། ཚེས་བཅུར་ཁལ་ཁ་གཡས་རུ་ད་ལའི་ཨོ་པ་ཤིས་གཙོས་བསྙེན་རྫོགས་བཅུ་གཉིས། དགེ་ཚུལ་གཅིག་བསྒྲུབས། ཚེས་བཅུ་གཉིས་ཆད་པའི་བཅུ་གསུམ་གྱི་གཟའ་སྐར་བཟང་པོར་ཁྱབ་བདག་ཞ་ལུ་པ་ཆེན་པོ་དགའ་ལྡན་ཁང་གསར་དུ་ཐེགས། རྡོ་རྗེ་བྲག་ནས་རིགས་འཛིན་སྤྲུལ་པའི་སྐུས་དགོས་ཚུལ་ལྟར་འཇམ་དཔལ་ཁྲོ་ཆུ་དུག་སྡོང་གི་བསྙེན་ཡིག་རིན་ཅེན་ཀེ་ཏ་ཀ །སྟག་ལུང་ཕྱག་མཛོད་བློ་བཟང་ངག་དབང་གི་ཕྱི་རྟེན་ཡུམ་ཆེན་བརྒྱ་ཐང་གི་རྒྱབ་ཡིག །འཕྱོས་པ་ནམ་མཁའ་རྒྱ་མཚོའི་ངོར་རིང་འཚོའི་སྨོན་ལམ། འདར་པ་ངག་དབང་ཕུན་ཚོགས་ལྷུན་གྲུབ་ཀྱིས་པཎ་ཆེན་དགེ་འདུན་གྲུབ་སོགས་འཁྲུངས་རབས་ཐང་ག་བཞེངས་པའི་རྒྱབ་ཡིག་སྐྱེ་བར་རྗེས་འཛིན་དགོས་ཚུལ་བཞིན་ངོ་འཛིན། རྣམ་གླིང་བསླབ་གསུམ་རྒྱ་མཚོས་བསྐུལ་བའི་རིང་འཚོའི་ཚིགས་བཅད། བྲག་གདོངས་སྔགས་རམས་པ་བློ་བཟང་ཚེ་

[Full Size]

དབང་གི་ངོར་བླ་མ་ཡི་དམ་དབྱེར་མེད་ཀྱི་གསོལ་འདེབས། ལྷ་ས་བ་ངག་དབང་དཀོན་ཅོག་གིས་བསྐུལ་ནས་རྗེ་དགེ་འདུན་གྲུབ་ཀྱི་འཁྲུངས་རབས་ལྔ་ཚར་བཞེངས་པའི་རྒྱབ་ཡིག །གསོལ་དཔོན་གེ་ར་བའི་ངོར་སྒྲོལ་མ་བཅས་ཐང་ག་གསུམ་གྱི་རྒྱབ་ཡིག །གྲོང་སྨད་ཀྱི་གཞིས་ཀ་མཚོ་སྨད་ཁང་གསར་དང་སྨོན་གྲོང་གཉིས་ཀྱི་བགས་དེབ་དང་ཤས་དེབ་གཉིས་ཀྱི་འགོ་བརྗོད། དཔོན་མོ་ཚེ་རིང་གིས་བསྐུལ་བའི་སྨོན་ལམ། སྒྱིད་ཐང་ནོར་བུས་རྒྱལ་བ་དགེ་འདུན་གྲུབ་ཀྱི་སྐྱེས་རབས་བཞེངས་པའི་རྒྱབ་ཡིག །མདོ་གཞིས་སྡོད་གཉིས་ཀྱི་ངོར་སྨོན་ལམ། ལྷ་ས་བ་ངག་དབང་མཁས་བཙུན་གྱི་ཕྱི་རྟེན་དུ་ཐུབ་དབང་སྟོང་ཐང་བཞེངས་པའི་རྒྱབ་ཡིག །བླ་མ་སངས་རྒྱས་བཀྲ་ཤིས་ཀྱི་སྐུ་སྐྱེ་གྲགས་པ་ཆོས་འཛིན་གྱིས་བསྐུལ་བའི་རིང་འཚོ་དང་གསོལ་འདེབས་རེ། གནང་བྱུང་ཆོས་མཛད་ངག་དབང་མཁྱེན་བརྩེའི་ངོར་ཀརྨ་གུ་རུའི་འཕྲིན་ལས་གཟི་འོད་སྟོངས་འབར། གཏོར་ནག་གི་ལས་མཐའ་གནམ་ལྕགས་སྤུ་གྲི། འཕྲིན་ལས་དྲག་པོའི་སྲོག་གཏད་བྱིན་རླབས་སྤྲིན་ཕུང་རྣམས་བྲིས། ཚེས་བཅོ་ལྔར་ཐོད་རི་བཤད་སྒྲུབ་གླིང་པའི་གྲ་པ་ངག་དབང་ཆོས་ལྡན། ཚོགས་གཉིས་རྒྱ་མཚོ། ཐུབ་བསྟན་རྒྱ་མཚོ། བྱམས་པ་རྒྱ་མཚོ། ཐབས་མཁས་རྒྱ་མཚོ་རྣམས་ཀྱིས་ཕར་ཕྱིན་སྤྱི་དོན་མཐའ་གཅོད་དང་བཅས་པའི་རྒྱུགས་སྤྲད། བློ་སྦྱོང་ལྟར་ན་ན་དགའ་ཤི་སྐྱིད་ལས་ཐབས་བཅོས་མང་བྱ་མི་རུང་ནའང་རང་གཞན་ཐམས་ཅད་རིང་པོར་མ་འཚོ་དོགས་རིམ་གྲོའི་སྐུལ་མ་བྱུང་བ་བློས་བླངས་ཏེ་རྫོང་གཞིས་ཁག་ཁ་ཤས་ནས་སྨན་བླའི་མདོ་ཆོག་ལྔ་ཁྲི་བཞི་སྟོང་སུམ་བརྒྱ། ཕྱག་འཚལ་ཉེར་གཅིག་ཆིག་

[Full Size]

ཁྲི་བརྒྱད་སྟོང་བདུན་བརྒྱ་ཉི་ཤུ། གདུགས་དཀར་སུམ་སྟོང་། ཤེར་སྙིང་བཞི་ཁྲི་བརྒྱད་སྟོང་བདུན་བརྒྱ་ཉི་ཤུ། ཡིག་དྲུག་དུང་ཕྱུར་གསུམ་བྱེ་བ་གཅིག་ས་ཡ་གསུམ་བཞི་འབུམ། ཚེ་གཟུངས་ཉིས་འབུམ་ཉི་ཁྲི་བརྒྱད་བརྒྱ། པོ་ཏ་ལའི་ཞོལ་དུ་གསང་སྔགས་ཆོས་འཁོར་པ་གྲ་པ་ཉི་ཤུ་རྩ་བདུན་གྱིས་ཞག་བཅོ་ལྔའི་བར་ཕྱིར་བཟློག་འཁོར་ལོ་འབར་བ། སྡེ་པའི་རིམ་གྲོར་གངས་ཅན་ཆོས་འཕེལ་བས་སྒྲོལ་མ་ཉིས་འབུམ་ལྔ་ཁྲི་བདུན་སྟོང་དྲུག་ཅུ། གསེར་འོད་དྲུག་བརྒྱ། ཡུལ་ལྷ་གཞི་བདག་ལ་གསོལ་མཆོད། ཇུས་རིམ་ལ་སེར་འབྲས་གཉིས་བསྡོམས་པར་སྒྲོལ་མ་ས་ཡ་གཅིག་དང་ལྔ་སྟོང་དགུ་བརྒྱ། འབྲས་སྤུངས་སྔགས་ཁང་དུ་རྒྱུད་སྟོད་པ་བཞི་བཅུས་ཞག་དྲུག་པར་ཤཱ་ས་ན་འགྲོ་གང་ཆེའི་འཇུག་ཕྱག་དྲུག་པའི་གློ་བུར་ལས་བཅོལ་གྱི་གཏོར་བཟློག །ནད་རིམས་ཞི་བྱེད་ལ་དབུས་གཙང་གི་རྫོང་མགོ་ཆེ་ཁ་རྣམས་ནས་མ་མདོས། རྒྱལ་མདོས། བསྟན་མ་བཅུ་གཉིས་ཀྱི་མདོས་ཡས་རྣམས་ལྷོ་ནང་དུ་བསྐྱལ། པོ་ཏ་ལའི་ཞོལ་ནས་ངེས་གསང་རྡོར་གླིང་པ་གྲ་སློབ་ཀྱིས་ལྷ་འདྲེ་སྟོང་དྲའི་མདོས་ཆེན། ཡུལ་ཁམས་སོ་སོར་སྨེ་བརྩེགས་ཀྱི་ཁྲུས་གསོལ། དགྲ་ལྷ་དཔངས་བསྟོད་རྣམས་བཏང་། གངས་ཅན་ཕན་བདེའི་རྩ་ལག་དམ་པ་ཕ་བོང་ཁ་འདི་ཉིད་དར་རྒྱས་ཆེ་ན་སྤྱི་སྒེར་ཐམས་ཅད་ལ་སླེབས་ཆེ་བ་སངས་རྒྱས་གཉིས་པ་ཨྱོན་ཆེན་པོའི་ལུང་བསྟན་ནས་གསལ་བ་ལྟར་ཆོས་གཞིས་སུ་ཉང་བྲན་རྐ་མ་བ་ཅན་དུད་གསུམ་ལག་ཡོང་མཁའ་རུའི་ཁལ་དྲུག་ཅུ་རེ་བརྒྱད་སྐོར་ཐོན་ཁུངས་ཀྱི་སྦྱོར་འཇགས། བན་པ་ཐེག་ཕྱིར་དཀོན་གཉེར་རྙིང་པ་གཉིས་སྟེང་གསར་འཕར་དྲུག་བཅས་བརྒྱད་

[Full Size]

གྲས་སྨན་བླ་རྒྱུན་འདོན་གྱི་ཕོགས་ཇ་ཐུག་དང་། ས་སྤྲེ་ནས་མཆོད་པ་སྣ་ལྔ་བཅུ་ཚར་ཡོད་ཐོག་ལྔ་བསྣན་པའི་བཅོ་ལྔ་སྟར་ཆགས་སུ་བཙུགས། ལ་ཕྱི་རྡོར་འཛིན་པའི་ཆོས་གཞིས་བཀྲ་ཤིས་སྒང་ལ་གཏན་ཚིགས་ཁུངས་ཐུབ་མེད་པར་བརྟེན་སྙེ་ནང་འཕེལ་རྒྱས་གླིང་ཆོས་གཞིས་སུ་ཆོད་པའི་ཚབ་ཤེལ་དཀར་ནས་ལོ་སྟར་འབྲུ་ཁལ་སུམ་བརྒྱ་རེའི་གཤོར་འདེབས། ལྷ་ཁང་སྟེང་གི་ཆོས་གཞིས་ལ་ཕན་ཚུན་རྩོད་རེས་ཀྱི་རྨུ་ལེ་སྔགས་རམས་པའི་དབོན་པོ་བསམ་གཏན་བཟང་པོར་སྒེར་འཇགས་དང་། དེ་ཚབ་བླ་མ་འཇམ་དབྱངས་བཀྲ་ཤིས་ཀྱི་སྐུ་སྐྱེ་དང་རྨུ་ལེ་རབ་འབྱམས་པ་མཐུན་མོང་ལ་མི་ཉག་བརྒྱུད་རྨུ་ལེ་དང་འབྲེལ་མཚུངས་ནས་དུད་སུམ་བརྒྱ་སྐོར་མི་གྲ་ཡོང་འབབ་དང་བཅས་པ་སྤྲད། ཤར་དར་རྩེ་མདོ་རྒྱ་བོད་ཀྱི་ས་མཚམས་འདུ་སྒོ་ཆེ་ཞིང་འདོད་དགུ་འབྱུང་བའི་ཡུལ་གཞན་ལས་ཆེས་ཆེར་རྨད་དུ་བྱུང་ནའང་འདི་ཕྱིའི་བདེ་འབྲས་མ་ལུས་པ་འབད་མེད་དུ་སྩོལ་བའི་མཆོད་ཡུལ་རྣམ་དག་མི་འདུག་གཤིས་ཕྱོགས་དེར་གནས་པའི་སྐྱེ་རྒུ་རྣམས་མངོན་མཐོ་ངེས་ལེགས་ཀྱི་སར་བཀྲི་བའི་བྱེད་པ་པོར་སྔགས་གྲ་དགའ་ལྡན་འགྲོ་ཕན་གླིང་གི་ཆོས་སྡེ་གསར་ཙུགས་དགེ་འདུན་ལྔ་བཅུ་སྐོར་ལ་ཕོགས། ཚོང་པ་རུ་བ་སོགས་འཛིན་ཚུགས་བཟང་བ། ཀོང་པོ་སྤུང་དཀར་བར་བྱ་ལོ་ཕན་བདེ་བས་འཛིན་ཤུལ་མཚོ་ཆུ་བྱེ་སྟོད་ཡོད་སྟེང་མདོ་ཆེན་དགོན་གསར་རྩ་འཇགས་ངོས་མཚོ་ཆུར་དགེ་འདུན་བརྒྱད་གྲ་རེ་གསར་བཙུགས་ཀྱིས་སྨན་བླ་དང་ཀུན་རིག་གང་རུང་གིས་སྡེར་ཕན་ཐོགས་ཡོང་བ་དགོས་ཚུལ་ལྟར་ཕོགས་ཇ་ཐུག་གི་མཐུན་རྐྱེན་

[Full Size]

བསྟར་ཞིང་ཨ་མདོ་འབུ་མིས་རྟ་ཉེར་དྲུག་དང་དབང་རྒྱལ་ཅན་དྲུག་སྡེ་བཅས་ཀྱིས་ཉིས་བརྒྱ་གྱ་བརྒྱད། གསེར་ཐོག་རབ་འབྱམས་པས་ཉེར་གཅིག །པཱ་རས་ནང་སོ་ཅན་གྱིས་བཅུ་དྲུག་དང་དབོན་པོས་ཉི་ཤུ། ཟུང་ཆུ་རྫན་ཚ་སྐུ་སྐྱེ་ཅན་གྱིས་བཅུ་བདུན་རྣམས་བྱུང་། ཚེས་བཅུ་བདུན་ལ་རྟ་ར་མདོ་པ་ངག་དབང་ལྷུན་གྲུབ་དང་སྤུན་བདུན་པ་ལྷུན་གྲུབ་རྒྱ་མཚོ་གཉིས་ཀྱིས་བདོག་པའི་སྐྱེས་བཟང་འགྱེད་བཅས་བསྐྲུན་ཏེ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པའི་རྟེན་འབྱུང་བསྒྲིགས། ཚེས་བཅུ་དགུར་ཁལ་ཁ་གཡས་རུ་དའི་ཆིང་གི་མི་སྣ་དང་དགའ་ལྡན་དའི་ཆིང་བོ་ཤོག་ཐུ་ཇི་ནོང་གི་ན་ཆི་ཅན་བརྒྱད་ཅུ་སྐོར་ལ་ཇ་གྲལ་བགྱིས། ཉེར་གཉིས་ལ་འོལ་དགའ་རྫིང་ཕྱི་བ་དགེ་འདུན་རགས་བསྡུས་ཀྱིས་མར་གཙོར་བཏོན་གྱི་སྐྱེས་བསྟར་ཏེ་མི་འགྱུར་བའི་བདེན་ཚིག་བརྗོད་རྗེས་སྣེ་མོ་བ་ཚོར་བྱིན་རླབས་དང་དམངས་ལ་མེ་ཏོག་གཏོར། མཚན་སྒྲོག་མཁན་པོ། གཡོན་རུ་སྐུ་སྐྱེ། བོ་དོང་འཆི་མེད་སྐུ་སྐྱེ། མཚལ་མཐའི་ཇི་གྲགས་པ། སྟག་རྩེ་ཐའི་ཇི་ལྷ་རྒྱལ་རབ་བརྟན། འགའ་ཤིང་རབ་འབྱམས་པའི་ཚ་བོ་ལང་ཇུ་བླ་མ། ཞང་སྟོན་རི་ཁྲོད་པའི་བུ། ཨ་མདོ་སྨད་པ། པཱ་རས། ལང་ཇུ། འ་ཤུར་སོགས་ཀྱིས་རྟ་བཞི་བརྒྱ་སྐོར། མཚམས་ར་བློ་བཟང་དོན་གྲུབ་ཅན་གྱིས་སོ་བརྒྱད། དཀའ་བཅུ་རིན་ཅེན་བློ་གྲོས་ཅན་གྱིས་ཉེར་གཉིས་རྣམས་བྱིན་ཅིང་ཐམས་ཅད་ལ་ཇ་གྲལ་གྲོལ་རྗེས་ཚོམས་ཆེན་སྟེང་ནས་མེ་ཏོག་གཏོར། མདུད་པ་དམ་རྫས་སོགས་ཀྱི་སྟེར་ཆ་གང་འཚམ་དང་བཅས་བཤུལ་རིང་བགྲོད་པ་རྣམས་ཀྱི་འདོད་པ་བཀང་

[Full Size]

འདར་པ་ཁུ་ཚན་འཁོར་ཞག་ལ་འགྲོ་ཁར་མགོན་པོ་ཞལ་གྱི་བཀའ་བསྒོ་སྟེར་ཆ་དང་བཅས་ཐོན། ཉེར་གསུམ་སྔ་མ་ནས་ཕྱག་རྡོར་འབྱུང་འདུལ་གྱི་བསྙེན་པ་ཁ་གསོ་བདུན་ཕྲག་བར་བྱས། ཉེར་དགུ་ནས་གྲ་ཚང་གིས་ཨྱཻ་རིང་འབུམ་ཐེར་དང་། གནམ་གང་ལ་ལྷ་ལྡན་བསྙེན་གནས་མ་ཚོ་ཡན་ལག་བརྒྱད་པའི་སྡོམ་པར་བཀོད། ཧོར་ཟླ་བཅུ་པ་སྔོན་མའི་ཚེས་གཉིས་ལ་མཚན་སྒྲོག་མཁན་པོ། ཡེར་པ་དང་རི་ཁུད་སློབ་དཔོན་པ། ཡང་དགོན། ཐར་པ་གླིང་པ། རྒྱང་རོ་གསེར་སྡིངས་གསུམ་གྱི་བླ་ཟུར། ནོ་མུན་ཨེ་ཇེན་གི་ནོ་ཡོན་ཁུ་ཐུག་ཐུ། ཨེར་ཁེ་དའི་ཆིང་། མེར་གན་ཆོས་རྗེ། ཨོ་རོད་བསོད་ནམས་ཧུང་ཐའི་ཇི་དཔོན་མོ་བུ་བཅས། ཁལ་ཁ་ཨོ་རོད་ཀྱི་མི་སྣ་མང་བར་ཇ་གྲལ་ཐོག་གསར་འབྱོར་རྣམས་ཀྱིས་གསེར་དངུལ་ཇ་གོས་དར་རས་སྒ་སོགས་དངོས་པོ་སྟོང་ཕྲག་ཏུ་ལོངས་པ་བྱིན། དམངས་བརྒྱད་བརྒྱ་སྐོར་ལ་ཚོམས་ཆེན་སྟེང་ནས་མེ་ཏོག་གཏོར། ཕྱི་དྲོ་ཁལ་ཁའི་དཔོན་ཁག་གཉིས། མེར་གན་ཆོས་རྗེ། ཏྲེ་བོ། ཀ་ཐོག་བླ་མ་སོགས་ལ་ཚེ་དཔག་མེད་ལྷ་གཅིག་མའི་ཚེ་དབང་། མགོན་པོའི་རྗེས་གནང་བར་གཅོད་ཀུན་སེལ། སོག་དམངས་སྤྱིར་ཐུགས་རྗེ་ཆེན་པོ་སྐྱེར་སྒང་ལུགས་ཀྱི་རྗེས་གནང་། ཨེར་ཏེ་ནི་འབུམ་གྱི་མི་སྣ་གཉིས་ལ་བསྙེན་རྫོགས་ཀྱི་སྡོམ་པ་ཕབ། ཚེས་གསུམ་ལ་རྒྱལ་མོ་བསོད་ནམས་ཆོས་འཛོམ་དང་ཤག་བྱང་པའི་ནང་ཚང་ལ་ཇ་གྲལ་བཏང་། འདི་ཉིན་ནས་བཟུང་ཞག་བརྒྱད་བར་གྲ་ཚང་ནས་འདོད་ཁམས་དབང་ཕྱུག་མ་དང་རྒྱལ་པོ་

[Full Size]

ཆེན་པོ་རྣམ་ཐོས་སྲས་ལ་མཆོད་གཏོར་སྤྱན་གཟིགས་སྔོན་འགྲོའི་བསྐང་བཤགས་རྒྱས་པར་བསྟར། ཚེས་བཞི་ནས་རྐང་ལག་གི་ནད་རོ་མི་ལྡང་བའི་ཆེད་གཏེར་སྒྲོམ་གྱི་ཆུ་མཚན་ཉིན་བདུན་གྱི་བར་བསྟེན། ཚེས་དྲུག་ལ་བྲམ་ཟེ་དེ་བ་ནནྡས་རུས་སྦལ། བྱ་མེ་ན། བ་བླ་ཁུར་གཅིག་བཅས་བྱུང་བར་གསེར་སྲང་དོ། ཇ་ཁོར་གསུམ། གོས་ཁ་བདུན། སྣམ་དམར། ལམ་ཡིག །ཟུར་གསོས་སོགས་དང་། ཀརྐ་རཱ་མ་ཤྲཱིར་གསེར་ཞོ་གསུམ། ཇ་བར་ཁག །གོས་ཁ་གསུམ། ཟུར་ཆས་དང་བཅས་རེ་བ་བཀང་། ཚེས་དགུར་ཁྱབ་བདག་མཁན་ཆེན་ཞ་ལུ་པ་ཆེན་པོ་ཡུན་རིང་འཚོ་ཞིང་གཞེས་ན་སྤྱི་སྒེར་གྱི་བསྟན་པ་དར་རྒྱས་ཆེ་བར་བསམ་ཞབས་བརྟན་གྱི་ཚིགས་བཅད། ན་བཟའ་སྐོར་ཆ་འགྲིག །ཇ་གོས་དར་སོགས་ཚན་གྲངས་དང་བཅས་དགའ་ལྡན་ཁང་གསར་དུ་འབུལ་བར་དགེ་སློང་འཇམ་དབྱངས་གྲགས་པ་བཏང་སྟེ་མི་ཤིགས་རྡོ་རྗེའི་ཁམས་སུ་བྱིན་གྱིས་བརླབ་པར་མཛད། ཚེས་བཅོ་ལྔར་ཤར་ཕྱོགས་བསྟན་པའི་སྒྲོན་མེ་དྭགས་པོ་གྲ་ཚང་རགས་བསྡུསཔོ་སྤམས་བསྟོད་བཏེག་ནས་བདེན་ཚིག་དབྱངས་སུ་གྱེར། སྡེ་དྲུག་མཁན་པོ་བློ་བཟང་དར་རྒྱས་ཁལ་ཁ་ནས་འབྱོར་པའི་སྐྱོས་མར་གསེར་དངུལ་ཇ་གོས་དར་རྟ་སོགས་སྟོང་ཕྲག་ཏུ་ལོངས་པ། འགྲུལ་སྡེབས་བཟོད་པ་ཡེལ་དེང་གི་བུ་དང་དལ་མོ་ཁ་ར་ཁོ་ལས་ཀྱི་བུ་ཚེ་བརྟན། ལྷ་བཙུན་བློ་བཟང་བསྟན་འཇིན་གྱི་མི་སྣ་ཨེར་ཏེ་ནི་དགེ་སློང་། ཡེལ་དེང་གི་དལ་ཁལ་ནང་སོ། ཆེ་ཆེན་ཇི་ནོང་གི་དཀའ་བཅུ་ཛེ་ཏ་མུ་ནི། ཨེར་ཁེ་

[Full Size]

དའི་ཆིང་གི་ཨེར་ཁེ་ནང་སོ། སངས་རྒྱས་སྐྱབས། ཡོ་ག་རྫ་རི་བླ་མ། བཻ་རོ་ཙ་ན། བློ་བཟང་མགོན་པོ་རབ་བརྟན་སོགས་ཀྱིས་རང་རང་གི་སྟོབས་འབྱོར་དང་བསྟུན་བདོག་པ་གང་ཡོད་བསྟབ། དེ་རྗེས་སེམས་དཔལ་སྤྲུལ་སྐུ། བཀྲ་ཤིས་ལྗོངས་ཆོས་རྗེ། གསེར་མདོག་ཅན་མཁན་པོ། སྒྱེ་ཆུ་མཁན་པོ། མལ་དྲོ་འཆད་ཀ་སྤྱན་སྔ། གསེར་མདོག་ཅན་ཤངས་པ་སློབ་དཔོན་གྲངས་ཆེན་རབ་འབྱམས་པ། གསང་ཕུ་མཆོད་ཁང་བླ་མ། དགུ་གཏར་ཇ་གསར་སྟེར་མི་བདུན་ཅུ་སྐོར་དང་ཕྲད། དྭགས་པོ་གྲ་ཚང་། རྫིང་ཕྱི་མཁན་པོ། གསེར་མདོག་ཅན་མཁན་སློབ་སོགས་ལ་མ་ཎིའི་བཟླས་ལུང་། ཁལ་ཁ་གཉིས་ཀྱིས་གཙོས་རགས་བསྡུས་ལ་ཚེ་དབང་གྲུབ་རྒྱལ་མ་དང་ཕྱག་དྲུག་པའི་རྗེས་གནང་བར་གཅོད་ཀུན་སེལ། སོག་དམངས་ལ་གུར་ནས་བཤད་པའི་འབྱུང་འདུལ་དང་སྤྱན་རས་གཟིགས་གཙོ་འཁོར་གསུམ་པའི་རྗེས་གནང་བསྐུར། སེམས་དཔའ་སྤྲུལ་པའི་སྐུ་འདི་ཉིན་ནས་འདི་གར་རྒྱུན་བཞུགས་མཛད། གསེར་མདོག་ཅན་ཤངས་པ་སློབ་དཔོན་པ་ཤཱཀྱ་ནོར་བུས་རྣམ་འགྲེལ་གྱི་རྩ་བ། ཚད་མ་ཀུན་ལས་བཏུས། སོ་ཐར་གྱི་མདོ། སྤྱོད་འཇུག །དབུ་མ་རྩ་བ་ཤེས་རབ། བཞི་བརྒྱ་པ། འཇུག་པ། འདུལ་བ་མདོ་རྩ། མངོན་པ་ཀུན་ལས་བཏུས། སྡོམ་གསུམ་རབ་དབྱེ། ཚད་མ་རིགས་བསྡུས། མངོན་པ་མཛོད། བྱམས་ཆོས་སྡེ་ལྔ། པཎ་ཆེན་ཤཱཀྱ་མཆོག་ལྡན་པའི་རྣམ་འགྲེལ་གྱི་ཊཱིཀྐ་ཀུན་བཟང་ཆོས་ཀྱི་

[Full Size]

རོལ་མཚོ་སོགས་ཤོག་བུ་མདའ་ཚད་དགུ་བརྒྱ་སྐོར་གསལ་དག་བྱང་གསུམ་འཛོམ་པའི་རྒྱུགས་སྤྲད་པར་བསྟན་པའི་མིག་རྐྱེན་གོང་འཕེལ་ལ་བསམས་གོས་ཡུག་ཇ་དར་རས་སོགས་ཀྱིས་གཟེངས་བསྟོད། ངེད་རང་རིང་པོར་འཚོ་ཐབས་སུ་སྡེ་པ་སོགས་ཀྱིས་བསྐུལ་མ་བྱུང་བ་བཞིན་འཕྱོང་རྒྱས་ཀྱི་གཟིམས་ཆུང་བཀྲ་ཤིས་བཀོད་པའི་ཚེ་དཔག་མེད་ལྷ་ཁང་དུ་ཨྱོན་སྨིན་གྲོལ་གླིང་ནས་གྲ་པ་བཞི་སྡེ་རེས་ཚེ་དཔག་མེད་དྭངས་མ་བཅུད་འདྲེན་གྱི་ཚེ་ཆོག་རྒྱུན་འཛུགས་ཀྱི་ཕོགས་ཡོན་སོགས་བཟང་བ། རྫོང་གཞིས་ཁག་དང་རིང་འཚོ་སྤེལ་བར་བྱོན་ཞོར་བ་ཚོར་བཙུགས་པ་བསྡོམས་བཀའ་འགྱུར་བརྒྱ་དང་དགུ །གསེར་འོད་དམ་པ་ཆིག་སྟོང་ཆིག་བརྒྱ་ཉེར་གཅིག །གསེར་འོད་རྔ་སྒྲ་ཆིག་སྟོང་དྲུག་བརྒྱ། མཚན་བརྗོད་ཆིག་འབུམ་སུམ་སྟོང་། སྒྲོལ་མ་ཉིས་འབུམ་ལྔ་ཁྲི་སུམ་སྟོང་དགུ་བརྒྱ་བརྒྱད་ཅུ། གདུགས་དཀར་ས་ཡ་གཉིས་དང་ཉིས་འབུམ་ཉི་ཁྲི་ཆིག་སྟོང་བདུན་བརྒྱ་བཞི་བཅུ། ཤེར་སྙིང་སུམ་འབུམ་བརྒྱད་ཁྲི་དགུ་སྟོང་སུམ་བརྒྱ་བདུན་ཅུ། ཚེ་གཟུངས་ལྔ་འབུམ་ཉི་ཁྲི་ལྔ་སྟོང་དྲུག་བརྒྱ། དབུས་གཙང་གི་དགོན་ཨང་དང་ལ་འགྱེད་དགེ་འདུན་རེར་གཤོར་ཁལ་གསུམ་རེ། གཉིས་པར་གཉིས་རེའི་རྩིས། མང་ཇ་བསྔོ་རྟེན་དེབ་གསལ་ཐོག་ས་དགེ་གཉིས་ནས་གདུགས་དཀར། དེ་ཕྱིན་སྒྲོལ་ཤེར་ཚེ་གཟུངས་གསུམ་འགྲོ་གང་ཆེའི་འགྱེད་ཁྱོན་བསྡོམས་གཤོར་ཁལ་ཆིག་འབུམ་དྲུག་ཁྲི་ཆིག་སྟོང་བརྒྱད་བརྒྱ་རེ་གསུམ་ཐོབ་པར་འབྲུ་དང་དཔུས་ཆ་གང་འོས། བསྟན་སྲིད་སྤྱི་རིམ་ལ་དྲི་མེད་བཤགས་རྒྱུད་དྲུག་སྟོང་ཉིས་བརྒྱ་དོན་ལྔ། སྒྲོལ་མ་ཆིག་ཁྲི་ལྔ་སྟོང་། ཚེ་གཟུངས་

[Full Size]

སུམ་ཁྲི་སུམ་སྟོང་། ཇུས་རིམ་ལ་ས་དགེའི་དགོན་ཁག་རྣམས་སུ་མང་ཇའི་མཐུན་རྐྱེན་གཏང་པའི་གཏོར་བཟློག་དང་མདོ་སྒྲུབ། ནད་རིམས་བཟློག་ཐབས་སུ་ཡུལ་གྲུ་ཆེ་ཆུང་དང་བསྟུན་པའི་གསུང་སྒྲོག །བརྒྱ་བཞི། མ་མོ་དང་བསྟན་མ་བཅུ་གཉིས་ཀྱི་མདོས། དགྲ་ལྷ་དཔངས་བསྟོད། རྣམ་འཇོམས་དང་སྨེ་བརྩེགས་ཀྱི་ཁྲུས། རྡོ་གཞིས་ཀའི་ཤིང་ཆག་པའི་དོག་སེལ་ལ་ཤིང་ཚབ་བཙུགས་ཤིང་དམག་ཟོར་མའི་གཏོར་གཞི་བརྗེས་ནས་བསྐང་བ་བརྒྱ་ཚར་དགོན་པར་མང་འགྱེད། སྤོང་དག །མ་མོའི་ཁྲག་མདོས། གཞི་བདག་རྣམས་ལ་གསོལ་མཆོད་སྙན་དར། སག་ཐག་གོ་མཚོན་སོགས་ཀྱི་སྤྱན་གཟིགས་སྤེལ། མཚོ་སྔོན་ཕྱོགས་སུ་ལྟས་ངན་པ་སྣ་ཚོགས་བྱུང་འདུག་པ་བཟློག་ཐབས་སུ་གྲ་ས་ཕན་ཚུན་གཉིས་སུ་ཇ་ཚུལ་ཐོག་གདུགས་དཀར་བཞི་འབུམ་ལྔ་ཁྲི་དྲུག་སྟོང་། ཤེར་སྙིང་ས་ཡ་གཉིས་དང་ཆིག་འབུམ་བཞི་ཁྲི་དྲུག་སྟོང་ལྔ་བརྒྱ། མང་ཇ་སོགས་མཐུན་རྐྱེན་སྤྲད་པའི་དབུས་གཙང་གཉིས་ཀའི་དགེ་ལུགས་སྔགས་གྲ་རྣམས་ནས་གཏོར་བཟློག་དང་བཤད་གྲ་རྣམས་ནས་མདོ་སྒྲུབ། ཞི་བའི་སྦྱིན་སྲེག་ཚར་བཞི་བཅུ། ཆ་གསུམ་ཆིག་སྟོང་བདུན་བརྒྱ། གྲ་པ་བཞི་སྡེས་གསུར་བསྔོ་ཉིན་གང་མ། པེ་ཀར་དང་མ་མོའི་མདོས་བུད་མེད་བརྒྱ་སྐོར་དང་བྱ་རོག་ལ་སྲན་རྩམ་གྱི་ཟན་དང་ཤ་སྟོན། གདོལ་པའི་རིགས་སུམ་ཅུར་ཤ་ཁྲག་དང་བུར་ཆང་། དགེ་སློང་དང་ཨཱ་ཙཪྻ་བརྒྱ་སྐོར་ལ་མར་ཁུའི་སྟོན་མོ། གདུགས་དཀར་དང་འཆར་ཀའི་མདོས། མགོན་པོ་གཡུལ་བཟློག །ཁྲོ་རོལ་སླང་གང་མ་བདུན་རྣམས་བསྒྲུབས་པས་བར་གཅོད་ཀྱི་གཡུལ་ལས་རྒྱལ་ལམ་སྙམ།

[Full Size]

ཚེས་བཅོ་བརྒྱད་ལ་རྒྱལ་ལེགས་བཤད་གླིང་ཆོས་རྗེ། སྤྱི་གཉེར་དགེ་འདུན་སུམ་ཅུ་སྐོར་གྱིས་ཡུལ་ལུགས་དང་བསྟུན་ཟང་ཟིང་གི་རིགས་བརྐྱང་སྟེ་རིང་པོར་བརྟན་པའི་སྨོན་ལམ་ཤིས་བརྗོད་ཀྱིས་མཐའ་བརྒྱན། དགའ་ལྡན་ཁྲི་རིན་པོ་ཆེ་ཟུར་པ། རྒྱལ་མཁན་ཟུར། ཉང་རོང་གྲ་ཚང་དང་འཆད་ཀ་ཆོས་སྡེའི་བླ་མ། རྒྱལ་སྲས་དགེ་འདུན་བཀྲ་ཤིས་སོགས་བོད་སོག་ཉིས་བརྒྱ་སྐོར་དང་མཇལ་ཕྲད་བྱས། རྒྱལ་པའི་བླ་གྲ། མདོ་པ་ཆོས་རྗེ་དགེ་བའི་དབང་པོ། གྲ་ཚང་གི་གྲ་པ་ཁ་ཤས་བཅས་པར་ཚེ་དཔག་མེད་གྲུབ་རྒྱལ་མའི་དབང་དང་རྣམ་འཇོམས་ཀྱི་ལུང་བགྱིས། ཚེས་ཉི་ཤུར་དར་རྩེ་མདོ་དགའ་ལྡན་གཞན་ཕན་གླིང་གི་སློབ་དཔོན་དུ་ངག་དབང་འཇམ་དབྱངས།དབུ་མཛད་དགེ་རྒན་སོགས་ལ་བློ་གྲོས་ནོར་བུ། ནོར་བུ་རྒྱ་མཚོ། ངག་དབང་དགེ་ལེགས་གསུམ་འགྲོ་རྒྱུའི་བླ་མ་དང་ངག་དབང་དགེ་ལེགས་ཀྱིས་ཐོག་དྲངས་བསྙེན་རྫོགས་གྱ་གསུམ་དང་དགེ་ཚུལ་ཞེ་གཉིས། དགེ་བསྙེན་གསུམ་རྣམས་བསྒྲུབས། ཉེར་གཅིག་ལ་ཁལ་ཁ་ནོ་ཡོན་ཨུའི་ཆིང་གི་དགེ་ཚུལ་མ་བུ་བཅས་དང་ལྷོ་མོས་ནས་གནས་གསར་དབོན་རིན་པོ་ཆེ་ཕེབས་པ་དང་མཇལ་ཞིང་བསྟན་མ་ཁང་དུ་བཞུགས། ཉེར་དགུར་ཨ་ཡོ་ཁིའི་དཔོན་མོ་བསོད་ནམས་སྒྲོལ་མ་བུ་བཅས། ཨཱ་ནནྡའི་དབོན་མོ། ཐོར་གོང་ཁོན་ཆིང་སོགས་གསར་འབྱོར་དང་། དབུ་སྐོར་ཆེ་བ་སྲས་བཅས་ཆོས་རྗེ་དུང་དགོན་པ། སྤོང་རོང་མངོན་དགའ་བླ་མ། ལྕམ་མདའ་བླ་ཟུར། མངའ་རིས་རབ་འབྱམས་པ། ཨ་རིག་གི་རྟ་སྐྱེལ་བ་སྤྱོད་པ་བླ་མ་ཅན་བརྒྱ་སྐོར། སྡེ་པ་ཕོན་མདོ་བ། འབྲོང་རྩེ་བ་རྒྱལ་ཕུར་རབ་བརྟན་རྣམས་ལ་ཇ་གྲལ། བོད་སོག་དམངས་

[Full Size]

སུམ་བརྒྱ་སྐོར་ལ་མེ་ཏོག་གཏོར། སྒོ་མངས་གྲ་སྤྱིས་བསྐུལ་བའི་སློབ་དཔོན་དོན་གྲུབ་རྒྱ་མཚོའི་གསོལ་འདེབས། ཡར་འབྲོག་པ་བློ་གྲོས་ལེགས་བཤད་ཀྱིས་གྲ་ཚང་དུ་སྙན་དར་བརྒྱ་དང་སུམ་ཅུ་སྐོར་ཕུལ་བའི་ཁ་བྱང་། ར་ཆེན་རྡོ་རྗེ་གྲགས་ཀྱི་ཐུགས་དམ་རྟེན་རྡོ་རྗེ་འཇིགས་བྱེད་ཀྱི་བྲིས་ཐང་ཞལ་བཤུས་ཟུར་འཕྲིན་ལས་རྣམ་རྒྱལ་བྱེད་བཅུག་པའི་རྒྱབ་ཡིག །མདོ་སྟོད་དགའ་ལྡན་འཕེལ་རྒྱས་གླིང་སློབ་དཔོན་པ་བློ་བཟང་བདུད་འཇོམས་ཀྱིས་བསྐུལ་བའི་འཁྲུངས་རབས་དང་། གུ་ཤྲཱི་ཇའི་སང་གི་ངོར་གསོལ་འདེབས། ངག་དབང་འཇམ་དབྱངས་ཀྱི་ངོར་རིང་འཚོ་བསྟན་པ་འཕེལ་རྒྱས་ཀྱི་སྨོན་ལམ། འབྲི་ལུང་པ་བློ་བཟང་དཔལ་འབྱོར་གྱི་ངོར་རྗེ་དགེ་འདུན་གྲུབ་པའི་འཁྲུངས་རབས། རྗེ་བླ་མ། བདེ་གཤེགས་བརྒྱད། གདུགས་དཀར་རྣམས་ཀྱི་རྒྱབ་ཡིག །རི་ཁུད་བླ་མས་བསྐུལ་བའི་ལུགས་གཉིས་ཀྱི་བསླབ་བྱ་དང་རིང་འཚོ། གྲོང་སྨད་དཔོན་ས་བུ་ཁྲིད་རྒྱལ་མོའི་སྡིག་སྦྱོང་ལ་སྨན་བླའི་སྟོང་ཐང་བཞེངས་པའི་རྒྱབ་ཡིག་སྨོན་ལམ། མཆོད་དཔོན་པ་དང་དགའ་གདོང་སྔགས་རམས་པའི་ངོར་ལོག་ཏྲིའི་སྦྱིན་སྲེག་ལག་ལེན་གསལ་བྱེད། ལྷ་ས་བྱང་གླིང་པས་ཆོས་འཁོར་རྒྱལ་དུ་སྦུབ་ཆོལ་སྤྱི་རྫས་སུ་སྦྱར་ནས་འཛུགས་རྒྱུའི་རིང་འཚོའི་ཚིགས་བཅད། དགོན་ཐང་པ་དགོས་པ་རྡོ་རྗེའི་ངོར་འབྲལ་མེད་རྗེས་འཛིན་གྱི་སྨོན་ལམ་རྣམས་བརྩམས། ཆུ་ཤུར་འཕྲང་གདོང་ཤར་པར་སྔར་འཛིན་ཁྲལ་རྐང་གཅིག་ཏུ་རྐང་གཉིས་རྩ་ཆག་ཐོག་ལྕང་གླིང་སྒང་ཁུངས་ནས་གཡོག་མོ་བྲན་གསུམ་དང་ལག་འདེབས་བརྒྱད་ཅུ་སྐོར་ཐོན་པ་བྱིན། སྒམ་པོ་ཉི་ཐང་དགོན་བླ་མ་གྲ་བཅས་ཀྱིས་རྟ་ཉེར་གཉིས། ལྷ་རི་

[Full Size]

སྡེ་དགོན་གྱིས་དགུ། ནག་ཤོད་ར་དར་བླ་མས་སོ་གཅིག །ཨ་རིག་སྤྱོད་པ་བླ་མས་དྲུག་ཅུ་རེ་བརྒྱད་རྣམས་བྱུང་། ཧོར་ཟླ་བཅུ་པ་རྟིང་མའི་ཚེས་གཅིག་ལ་ཨུལ་ཇོའི་ཐུ་པཱ་ཐུར་ཐའི་ཇིས་བསྐུལ་བའི་གསོལ་འདེབས་སྨོན་ལམ་དང་། ཨེམ་ཆི་ཐབས་མཁས་ཀྱིས་གྲ་ཚང་དུ་སྙན་ཤལ་བརྒྱ་སྐོར་ཕུལ་བའི་ཁ་བྱང་། དགེ་སློང་བློ་གྲོས་རྒྱལ་བས་ངེད་རང་གི་འདྲ་འབག་བཞེངས་པའི་རྒྱབ་ཡིག་རྣམས་བྲིས། འདི་ཉིན་ནས་བཟུང་ཟླ་གཅིག་བར་དགའ་གདོང་སྔགས་རམས་པས་རྡོ་རྗེ་སློབ་དཔོན་བྱས་ཏེ་སྔགས་རྒོད་ལོག་ཏྲིའི་སྲུང་བཟློག་བསད་མནན་གྱི་སྒྲུབ་བ་རྒྱས་པར་གཙུགས། ཚེས་གསུམ་ལ་སྡེ་དྲུག་མཁན་ཆེན་བློ་བཟང་དར་རྒྱས་ཀྱིས་བདོག་པའི་རིམ་པ་རྒྱ་ཆེར་བཏེག་ནས་འགྱེད་དང་བཅས་གྲ་ཚང་གིས་གཟིམས་ཆུང་བརྟན་བཞུགས་སུ་གྲགས་པ་མཛད། སྡིངས་པོ་ཆེ་སྤྲུལ་སྐུ། ཡང་དགོན་བླ་ཟུར་བེ་སེར་བླ་མ། ལྕམ་མདའ་བླ་མར་འགྲོ་མི་གོང་དཀར་གསེར་གླིང་སློབ་དཔོན་པ། གླིང་དགེ་སློང་གི་ནུ་བོ། པཎྜི་ཏ་ཀླུའི་རྒྱལ་མཚན་གྱིས་སྟེར་ཆ་བྱེད་མི་རྣམས་ལ་ཇ་གྲལ་བཏང་། ཚེས་བཞིར་བཅོ་བརྒྱད་ཆོས་རྗེ་གནས་གསར་དབོན་རིན་པོ་ཆེ། མདོ་པ་ཆོས་རྗེ་དགེ་དབང་། རི་ཁུད་བླ་མ། ནཱ་ལནྡ་སློབ་དཔོན་སོགས་ལ་ཉང་གི་དྲག་དམར་གྱི་བྱིན་རླབས་ལུ་གུ་རྒྱུད། ཕྱག་དྲུག་པའི་གཏོར་དབང་བར་གཅོད་ཀུན་སེལ་བྱས། ཚེས་བདུན་ལ་མཁན་ཆེན་ཁྱབ་བདག་ཞ་ལུ་པ་དགའ་ལྡན་ཁང་གསར་ནས་རྩེར་ཕེབས། ཚེས་བརྒྱད་ནས་གྲ་ཚང་གིས་གཟའ་མདོས་དང་དྲི་ཟའི་རྒྱལ་པོ་རྡོ་རྗེ་འབར་བ་རྩལ་གྱི་བསྐང་བ་ཞག་བརྒྱད་རེ་སྨིན་རྒྱས་སུ་བསྟར། ཚེས་བཅུར་ཁྱབ་བདག་རིན་ཅེན་བསོད་ནམས་མཆོག་གྲུབ་ལ་དྲག་དམར་གྱི་བྱིན་རླབས་ལུ་གུ་རྒྱུད་

[Full Size]

དང་འཆི་མེད་དཔལ་སྟེར་གྱི་ཚེ་དབང་བརྒྱ་ཚར་ཕུལ། ཚེས་བཅུ་གསུམ་ལ་འབྲོང་རྩེ་བ་རྒྱལ་ཕུར་རབ་བརྟན་གྱིས་ཚོགས་ཆས་རུང་མཐུན་གྱི་གོས་སོགས་གོས་དར་རས་ཆའི་དངོས་པོ་དང་བཅས་རྡུལ་ཚོན་དང་འབྲེལ་བའི་ཚེ་དཔག་མེད་ལོངས་སྐུ་མའི་སྒོ་ནས་གྲ་ཚང་གིས་ཆོ་ག་རྒྱས་པར་བཏང་། སྒོམ་སྡེ་ནང་ཆེན་པས་རྟ་ཉི་ཤུ་བྱིན་པ་རྩིས་བླངས། ཚེས་བཅུ་དྲུག་ལ་མཁན་ཆེན་རྡོ་རྗེ་འཆང་རྗེ་དབོན་ནམ་མཁའ་བསོད་ནམས། མདོ་པ་ཆོས་རྗེ་དགེ་བའི་དབང་པོ་སོ་སོ་ནས་བདོག་པའི་ཚན་གྲངས་རིང་པོར་བརྐྱང་ནས་བདེན་ཚིག་སྨོན་ལམ་ཡང་དག་གིས་མཚམས་སྦྱོར་མཛད། ཕྱག་མཛོོད་བསོད་ནམས་རིན་ཅེན་དང་། མ་ཧེ་མཆོད་པའི་དུས་ཙ་མུནྟིའི་འཆམ་པའི་སྔགས་པར་བར་གཅོད་ལས་རྒྱལ་བའི་བཀའ་བསྒོ་དང་རྫོང་བདའ་བགྱིས། ཚེས་བཅུ་བདུན་ལ་བློ་བཟང་མགོན་པོ་རབ་བརྟན་མིང་སྲིང་། ཨུ་ཞང་ནང་མི་བཅུ་བདུན། ཨེར་ཁེ་ཆོས་རྗེ། དར་ཁན་ཆོས་རྗེ། མཁའ་འགྲོ་དགེ་ཚུལ་མ། དུར་བོད་དཔོན་མོ་སྒྲོལ་མ། དཔོན་མོ་རྒྱ་མཚོ་སོགས་མང་དག་དང་ཕྲད། དེ་སྟེང་སོག་དམངས་བསྣན་པའི་སྟོང་བརྒལ་བར་སྐྱེར་སྒང་ལུགས་ཀྱི་ཐུགས་རྗེ་ཆེན་པོའི་རྗེས་གནང་དང་། ཕྱི་དྲོ་བདེ་ཆེན་ཐའི་ཇི། ཆོས་འཁོར་རྒྱལ་བླ་སྤྱི། ཀོང་པོ་ཆུ་དག་དགོན་བླ་མ་སོགས་ལ་ཇ་གྲལ་བགྱིས། ཐན་ལྟས་ཁ་ཤས་བྱུང་བ་ཞི་ཐབས་སུ་གདུགས་དཀར་མདོས་ཆེན་བཞི། ཁྲོ་རོལ་སླང་གང་མ་ལྔ། རྩེ་སྒང་དུ་དགྲ་ལྷ་དཔངས་བསྟོད། ཀོང་བཙུན་དེ་མོ་གསོལ་ཞིང་མཆོད། ན་ཁ་ཅན་འོག་མར་སྒྲུབ་རྟེན་ས་བསྣོན་དུ་ར་མ་རྩེ་ཡོན་ཏན་གྱི་ལྟོ་སྐལ་ཁུངས་སྲས་ཁང་གཞིས་

[Full Size]

ཀའི་ལག་འདེབས་ནས་ཞིང་གསུམ་ལ་ཐོན་ཁལ་སོ་ལྔ་སྐོར་སྤྲད། ཚེས་བཅོ་བརྒྱད་ལ་ནོ་མུན་ཨེ་ཇེན་གྱི་དགེ་ཚུལ་མ་བུ། བྲག་ལ་བླ་མ། ཤ་རང་སྒྲུབ་སྡེའི་བླ་མ་བཅས་པ་དང་ཕྲད་ཅིང་ཆོས་རྗེ་དགེ་བའི་དབང་པོར་བཀའ་བསྒོ་བདོག་པ་བསྟར་ཏེ་ཐོན། འདི་ཉིན་ནས་ཧོར་ཟླ་བཅུ་གཅིག་པའི་ཚེས་བཞིའི་བར་ཐང་ལྷའི་གསོལ་མཆོད་བཏང་བའི་སྔ་ཕྱིར་ཁ་བ་ཆེར་བབས་པ་ནི་དྲི་ཟའི་རྒྱལ་པོ་མཉེས་པའི་མཚན་མར་གོ །བསྟན་པ་སྤྱི་དང་ཁྱད་པར་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་བསྟན་པ་རིན་པོ་ཆེ་གཅེས་སྤྲས་སུ་བྱ་བའི་སླད་དཔལ་མགོན་འཕགས་པ་ཀླུ་སྒྲུབ་ཀྱིས། ཁྲིམས་ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་རྟེན་ལགས་པར་གསུངས། །ཞེས་སོ་ཐར་གྱི་སྡོམ་པ་བསྲུངས་པས་གནས་སྐབས་སུ་མངོན་པར་མཐོ་བའི་སྲིད་པ་རྒྱུན་མར་ཐོབ་ཅིང་མཐར་ཐུག་སྒྲིབ་གཉིས་བག་ཆགས་དང་བཅས་པའི་དགྲ་ཚོགས་བཅོམ་པར་མེད་ཐབས་དང་བྲལ་བའི་ཕྱིར། སུམ་བརྒྱ་པར། ཉོན་མོངས་དགྲ་གཡུལ་རྒྱལ་བྱེད་ཚུལ་ཁྲིམས་ཏེ། །དགེ་ཚུལ་བརྟུལ་ཞུགས་ཆུ་ལོན་བརྩིགས་པ་དང་། །འཆི་བའི་མཆེ་བ་འབྱིན་པར་བྱེད་པའི་ཐབས། །རྫོགས་པའི་བྱང་ཆུབ་དཔལ་ནོད་དབང་བསྐུར་ཡིན། །ཞེས་དང་། འདུལ་བ་སྨན་གྱི་གཞིར། དགེ་སློང་དག་ཚུལ་ཁྲིམས་གོམས་པར་བྱས་ན་ཏིང་ངེ་འཛིན་ཡུན་རིང་དུ་གནས་པར་འགྱུར་རོ། །ཏིང་ངེ་འཛིན་གོམས་པར་བྱས་ན་ཤེས་རབ་ཡུན་རིང་དུ་གནས་པར་འགྱུར་རོ། །ཤེས་རབ་གོམས་པར་བྱས་ན་འདི་ལྟ་སྟེ། འདོད་ཆགས་དང་། ཞེ་སྡང་དང་།གཏི་མུག་ལས་སེམས་ཡང་དག་པ་ཁོ་ནར་རྣམ་པར་གྲོལ་བར་འགྱུར་རོ། །ཞེས་ཐུབ་གསུང་བརྒྱད་ཁྲི་བཞི་སྟོང་

[Full Size]

རྣམས་སྙིང་པོར་དྲིལ་ན་སྡེ་སྣོད་རིན་པོ་ཆེ་རྣམ་པ་གསུམ། དེ་ནང་ནས་མངོན་པ་དང་མདོ་སྡེས་བསྟན་པའི་གོ་ཆོད་ཀྱང་སྟོན་པའི་གོ་མི་ཆོད་ཅིང་འདུལ་བ་གཉིས་ཀ་ཡིན་པའི་ཕྱིར། སློབ་དཔོན་ཆོས་ཀྱི་ཚོང་དཔོན་གྱིས། རྒྱལ་བ་སྟོན་པ་དེ་ཡི་དམ་ཆོས་དག །མདོ་དང་ཆོས་མངོན་ཡིན་གསུང་འདུལ་བ་ནི། །སྟོན་དང་བསྟན་བཅོས་དངོས་ཡིན་དེ་ཡི་ཕྱིར། །གཉིས་འགྱུར་ཕྱག་བྱས་སངས་རྒྱས་ཁྱོད་གཅིག་བཞིན། །ཞེས་ཁྱད་པར་འཕགས་པའི་སྡོམ་པ་དེའང་སོམ་ཉིར་ལུས་ན་རྒྱུ་འབྲས་མི་འཆོལ་བར་འབྱུང་བས་ན་འབྲས་བུའང་དེ་ལྟ་འབྱུང་བ་ལས་མ་འདས་པས་ངེས་ཤེས་འདྲོངས་པ་ཞིག་གལ་ཆེ་བ་བོད་ཡུལ་གླིང་དགུའི་རྒྱལ་ཁམས་འདིར་བསྟན་པ་སྔ་དར་ལ་ཟ་ཧོར་རྒྱལ་རིགས་མཁན་ཆེན་བོ་དྷ་ས་ཏྭས་སད་མི་མི་བདུན་སོགས་ལ་བསྟན་པའི་རྩ་བ་སོ་སོ་ཐར་པའི་སྡོམ་རྒྱུན་འཛུགས་པར་མཛད་པ་ལོག་སྨོན་ཉེ་བར་བདོ་སྟེ་གླང་དར་མ་འུ་དུམ་བཙན་གྱིས་བསྟན་པ་བསྣུབས་པའི་ཚེ་ཆུ་བོ་རིའི་སྒོམ་གྲའི་དམར་གཡོ་གཙང་གསུམ་གྱིས་གསན་པས་གསང་ཐབས་ཀྱིས་དྲེལ་རྒྱབ་ནོན་པའི་འདུལ་དཔེ་དང་བཅས་མངའ་རིས་ནས་བྱང་ལམ་བརྒྱུད་མདོ་སྨད་རྨ་ལུང་དན་ཏིག་ཡང་རྫོང་དུ་བཞུགས་པར་བོན་གྱི་བུ་ཤེས་རབ་ཅན་སྔོན་ལས་སད་དེ་རབ་ཏུ་བྱུང་བར་བསྐུལ་བ་འདུལ་འཛིན་གསུམ་གྱི་སྟེང་རྒྱའི་ཧྭ་ཤང་ཀེ་འབག་གཉིས་ཀྱིས་ཁ་སྐོང་བར་མཛད་ནས་བསྙེན་པར་རྫོགས་པའི་མཚན་དགོངས་པ་རབ་གསལ་དུ་བཏགས་པས་སྤ་པར་གཉིས། ཇ་ཅོག་གཉིས། བཞད་སྲགས་གཉིས། འལ་བསྣུབ་གཉིས། ཟོང་ཚུར་གཉིས་སོགས་མང་དག་སྡོམ་པར་བཀོད་དེ་སྐབས་དབུས་གཙང་དུ་སྡོམ་པ་འབོགས་ལེན་

[Full Size]

དང་འཆད་ཉན་སོགས་ཀྱི་རྒྱུན་ལོ་བདུན་ཅུ་ཙམ་ཆད་པའི་རྗེས་དབུས་སུ་མདོ་སྨད་ན་བསྟན་པ་ཅུང་ཟད་ཚུགས་པ་མངའ་བདག་ཚ་ལ་ནས་སོགས་ཀྱིས་གསན་པ་ཅིས་ཀྱང་འབད་པས་བསྟན་པ་སྤེལ་བཞེད་དེ་ཀླུ་མེས་ཚུལ་ཤེ། འབྲིང་ཡེ་སྟོན། རྦ་ཚུལ་བློ། རག་ཚུལ་འབྱུང་། སུམ་པ་ཡེ་བློ་ལྔར་མཐུན་རྐྱེན་དང་བཅས་བརྫངས་པ་གཙང་གི་བཙད་པོ་རྣམས་ཀྱིས་ཀྱང་ཐོས་ནས་ལོ་སྟོན། ཚོང་བཙུན་མངའ་རིས་པ་གཉིས། བོ་དོང་པ་སྟེ་དབུས་གཙང་གི་མི་བཅུས་བླ་ཆེན་པོར་བསྙེན་པར་རྫོགས་པ་ལས་མཆེད་པ་ཀ་བཞི་གདུང་དྲུག་དང་ལོ་ཚོ་ཚོང་ཚོ་སོགས་མང་དུ་དར།འ་ཞ་ཡེ་གཡུང་གི་ཆབ་གཏོར་མ་དང་། འབྲེའི་དེར་བས་མ་གཉིས་ཀྱི་རྒྱུན་ཀྱང་གཙང་ཕྱོགས་སུ་མང་པོ་འཕེལ། ཀླུ་མེས་ཀྱི་སློབ་མ་གཟུས་ལ་བུ་ཆེན་བཞི་བྱུང་བའི་ཕྱི་མ་གསུམ་དང་རྒྱ་འདུལ་དབང་ཚུལ་གྱིས་རྒྱ་ཆེར་སྤེལ་བར་སྔ་ཕྱི་བར་ཚར་སོགས་ཤིན་ཏུ་མང་།བསྟན་པ་ཕྱི་དར་ལ་ལོ་ཆེན་རིན་བཟང་སོགས་སྔ་རབས་པའི་འདུལ་འཛིན་སྡོམ་རྒྱུན་དེར་བརྟེན་པ་དང་། ལྷ་བླ་མ་ཡེ་ཤེས་འོད་ཀྱི་དུས་འཕགས་ཡུལ་ཤར་ཕྱོགས་ཀྱི་པཎ་ཆེན་དྷརྨ་པཱ་ལའི་སློབ་མ་པཱ་ལ་རྣམ་གསུམ་ལས་ཀྱང་མང་དུ་འཕེལ་བ་སྟོད་འདུལ་བར་གྲགས། མ་ཕམ་པའི་རྣམ་སྤྲུལ་ཁྲོ་ཕུ་ལོ་ཙཱ་བ་བྱམས་པའི་དཔལ་གྱིས་དཀའ་བ་བརྒྱ་ཕྲག་ཁྱད་དུ་སད་ནས་ཁ་ཆེའི་བསོད་སྙོམས་པ་པཎ་ཆེན་ཤཱཀྱ་ཤྲཱི་གངས་ཅན་བསོད་ནམས་གསོག་པའི་མགྲོན་དུ་སྤྱན་དྲངས་ཏེ་ཆུ་ཤུལ་སྲོག་མ་དགོན་པར་ཉིན་གཅིག་ལ་སྒྲུབ་ག་གསུམ་དང་མི་གཉིས་བསྙེན་པར་རྫོགས་པའི་ནང་ནས་གྲོ་ཤུལ་བ་ཁེར་གད་བྱང་ཆུབ་དཔལ་དང་། གཙང་པ་རྡོ་རྗེ་

[Full Size]

དཔལ་གཉིས་མཁན་བུའི་གཙོ་བོར་གྱུར་ཏེ་བོད་མུན་གླིང་འདུལ་བསྟན་ཉི་ཟླ་ལྟར་ཤར་བས་ཁྱབ་ཅིང་། ཁྱད་པར་ས་པཎྜི་ཏ་ཀུན་དགའ་རྒྱལ་མཚན། སྲིད་གསུམ་འགྲོ་བའི་མགོན་པོ་ཆོས་རྒྱལ་འཕགས་པ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། ཤེས་བྱ་ཀུན་མཁྱེན་བུ་སྟོན་ཞབས། རྒྱལ་བའི་སྲས་པོ་ཐོགས་མེད་བཟང་པོ་དཔལ། ངོར་ཆེན་ཀུན་དགའ་བཟང་པོ་སོགས་སྐྱེས་ཆེན་དམ་པ་དེ་དག་གིས་འདུལ་བསྟན་གྱི་རྒྱལ་མཚན་ཕྱོགས་ཐམས་ཅད་དུ་འཛུགས་པར་མཛད་ལ། བླ་ཆེན་སྡོམ་རྒྱུན་བཀའ་གདམས་སོགས་ཕལ་མོ་ཆེས་ཕྱག་ལེན་ལ་འདེབས་པར་མཛད་པར་མ་དག་པའི་སྐུར་པ་བཏབ་ན་ཆོས་སྤོང་གི་སྒྲིབ་པ་གསོག་མོད། འོན་ཀྱང་བླ་ཆེན་པོའི་བསྙེན་རྫོགས་མཛད་དུས་ཁ་སྐོང་གི་རྒྱ་བན་གཉིས་སྤྲུལ་པ་ཡིན་མིན་ཐེ་ཚོམ་པའི་སྒྲོས་རྙིང་དང་ཆབ་བས་སོགས་ཀྱིས་ཀྱང་སྦགས་མ་སྦགས་མངོན་ཤེས་ཀྱིས་དཔྱོད་མ་ཤེས་པའི་སྟེང་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་མཁན་པོ་པཎ་ཆེན་དམ་ཆོས་ཡར་འཕེལ་གྱིས་ཐོག་མར་ཤངས་སྟོན་བློ་གྲོས་ལེགས་བཟང་ལ་བསྙེན་པར་རྫོགས་པ་སྤོས་ཁང་ཚོགས་པཎ་ཆེན་གྱི་བརྒྱུད་པ་ཡིན་ཅིང་སླར་ཐམས་ཅད་མཁྱེན་པ་བསོད་ནམས་རྒྱ་མཚོ་ཨལ་ཐན་རྒྱལ་པོའི་ཏི་ཤྲཱིར་གདན་དྲངས་པའི་ཚེ་བསྐྱར་བསྒྲུབས་སྐབས་སྡོམ་གསུམ་རིམ་གྱིས་ནོད་ན་བླ་ཆེན་དང་བསྙེན་རྫོགས་ཁོ་ན་ཡིན་ཚེ་སྡོམ་པ་གཟུགས་ཅན་དབང་གིས་ཕྱི་མ་མི་སྐྱེ་ནའང་གང་ཡིན་ཆོས་འབྱུང་རྣམ་ཐར་ཚོར་མི་གསལ་བས་བརྒྱུད་པ་སོམ་ཉིའི་དྲ་བར་ཆུད་པ་དང་། ཕྱག་ལེན་ལའང་ཚོགས་ཀྱིས་ཚོགས་ལ་ལས་མི་བྱ་བ་བྱ་

[Full Size]

བས་མཚོན་འདུལ་བའི་ཆོས་སྐད་མང་པོ་ཞིག་པ་སྔ་ཕྱིར་བསྟན་པ་རིན་པོ་ཆེ་འཛུགས་པར་ཆོས་རྒྱལ་མེས་དབོན་རྣམ་གསུམ་སོགས་ཀྱིས་དཀའ་བ་དེ་ཙམ་སྤྱད་པ་ཡལ་འདོར་བློས་མ་བཟོད་ཅིང་རྗེ་བཙུན་བཙོང་ཁ་པ་ཆེན་པོས་ཀྱང་ཚག་མིག་མཁན་ཆེན་ཚུལ་རིན་པར་པཎ་ཆེན་སྡོམ་རྒྱུན་བཞེས་པ་བཅས་རང་ལོ་རྒན་པོ་རེ་གཅིག་པར་སླེབས་ཀྱང་རང་གཞན་མང་པོར་ཕན་རེས་བརྩོན་པ་བསྐྱེད་དེ་སྟོད་འགྲེལ་བའི་ལུགས་ལྟར་འཕགས་ཡུལ་སྐད་དུ་པིངྒ་ལ་སྟེ་ལྗོངས་འདིར་དམར་སེར་ཅན་གྱི་ལོ་མགོ་ཟླའི་དམར་ཆའི་རྫོགས་པ་གཉིས་པ་དཔའ་བོ་མཁའ་འགྲོ་རང་བཞིན་འདུ་བ་རྗེ་བཙུན་ཆོས་ཀྱི་རྒྱལ་པོ་བཙོང་ཁ་པ་ཆེན་པོ་ངོ་མཚར་རྨད་བྱུང་བཀོད་པའི་ཞིང་ཁམས་སུ་གཤེགས་པའི་དུས་ཆེན་དུས་འཁོར་བའི་དབྱངས་ཨཱ། གསལ་བྱེད་ྈྐ། འབྱུང་བ་ནམ་མཁའ། འདོད་ཡོན་སྒྲ། དབྱངས་འཆར་བའི་དབྱངས་ཨཽ། གསལ་བྱེད་ཋ། འབྱུང་བ་ནམ་མཁའ། འདོད་ཡོན་སྒྲ། གཉིས་ཀ་མཐུན་པར་དར་གུད་སྨིན་པ། རེས་གཟའ་པདྨའི་གཉེན་དར་ཞིང་། ལས་སྐར་མེ་བཞི་དགའ་མ་དང་བརྩེ་བའི་འཆི་མེད་འགྲུབ་པའི་སྦྱོར་བ། འཕྲོད་ཆེན་ཡིད། སྦྱོར་བ་སྐལ་བཟང་བྱེད་པ་བི་ཕྱི། རྟེན་འབྲེལ་རྣམ་ཤེས། སྤྲེའུའི་ཉི་མ། ཚེས་སྤར་དྭ། སྨེ་བ་བཞི་ལྗང་རྣམས་ཤར་བའི་སྔ་དྲོའི་ཆ་ཉིན་གུང་མ་སླེབ་ཙམ་པ་གྲིབ་ཚོད་རྐང་པ་གཅིག་གི་ཙེ་ཛཱ་ཏིའི་མེ་ཏོག་གི་འཁྲི་ཤིང་འཁྲིགས་པའི་ཚལ་ནས་ཟ་འོག་ཐགས་སུ་བསྐྲུན་པའི་ཀུན་བཟོད་ཀྱི་ཁྱོན་ལ་གནས་སོ་ཅོག་གི་སྐྱེ་དགུ་སྤྱི་དང་བྲེ་བྲག་མཐའ་བཞིའི་རྒྱལ་པོ་སོགས་དྲེགས་ལྡན་ཐམས་ཅད་ཀྱི་འདུད་ས་དགེ་བཅུའི་ཡོན་ཏན་ཀུན་ཚང་གངས་ཅན་ཡུལ་ལྗོངས་མཐའ་དག་གི་

[Full Size]

སའི་ལྟེ་བ་བཞིའི་སྒོ་འཕར་བརྒྱ་ཕྲག་ཅིག་ཅར་འབྱེད་གནས་རང་བྱུང་འཕགས་པ་འཇིག་རྟེན་དབང་ཕྱུག་གི་གཞལ་མེད་ཁང་ཕོ་བྲང་ཆེན་པོ་པོ་ཏ་ལའི་རྩེ་མོར་ལུང་སྡེ་སྣོད་གསུམ་ལ་མཁས་ཤིང་མངོན་རྟོགས་བསླབ་པ་གསུམ་གྱིས་ཐུགས་རྒྱུད་ཡོངས་སུ་གང་བ་མི་འཕྲོག་པའི་ཐུགས་རྗེ་དང་དམིགས་པ་མེད་པའི་མཁྱེན་བརྩེ་ནུས་ལྡན་བརྟན་མཁས་ཀྱི་ཡོན་ཏན་གཉིས་སོགས་ཁྱད་པར་བདུན་ཚང་འཕགས་པའི་གནས་བརྟན་ཉེ་བར་འཁོར་དང་དབྱེར་མ་མཆིས་པ་དོན་གྱི་སླད་དུ་མཚན་ནས་སྨོས་ཏེ་ཡོངས་རྫོགས་བསྟན་པའི་མངའ་བདག་མཁན་ཆེན་རིན་ཅེན་བསོད་ནམས་མཆོག་གྲུབ་བསྟན་པའི་རྒྱལ་མཚན་དཔལ་བཟང་པོས་མཁན་སློབ་སྦྲགས་མ་མཛད། སྒྲ་དོན་རིག་གནས་ཀུན་ལ་ནང་བྱན་ཆུད་པ་ཚངས་རིས་འཛིན་པའི་དབང་པོས་གསང་སྟེ་སྟོན་པའི་སློབ་དཔོན། གནས་བརྟན་འཇམ་དབྱངས་གྲགས་པས་གྲིབ་ཚོད་པ། མཆོད་དཔོན་ངག་དབང་ཤེས་རབ་དང་རཏྣ་མཉྫུ་ཤྲཱི་རྣམ་གཉིས་ཀྱིས་ཁ་སྐོང་། དད་པའི་དགེ་འདུན་གྲངས་ཚང་བ་དང་བཅས་ལྔའི་ཚོགས་ཀྱི་དབུས་སུ་བསྙེན་པར་རྫོགས་པ་དགེ་སློང་གི་དངོས་པོ་ཡང་བསྐྱར་བསྒྲུབས། དེ་ནས་ཞག་ཤས་བར་བདག་གིས་མཁན་པོ། ཁྱབ་བདག་ཞ་ལུ་པ་ཆེན་པོས་སློབ་དཔོན། ཁ་སྐོང་དང་བཅས་པས་སྔ་དགོངས་རེ་རེ་དང་མགྱོགས་དུས་སྒྲུབ་གྲ་བདུན་རེ་ཙམ་ལས་མི་ཟིན། སྔ་མའི་ཕྱག་ལེན་ལ་གོས་བྱིན་རླབས་སུམ་ཚན་ལས་གྲལ་པས་རོགས་བྱེད་ཅིང་བསྙེན་རྫོགས་ཀྱི་མངོན་གྱུར་བཅུའི་ཐ་མ་ལས་མངོན་གྱུར་ཙམ་སུམ་ཚན་དུ་གཅོད་པ་མ་གཏོགས་གཞན་ཐམས་ཅད་སྡེབས་སུ་བྱས་ཆོག་གཤིས་ཉིན་

[Full Size]

རེར་ཉིས་བརྒྱ་ཙམ་གྲུབ་པའི་ལས་སླ་ཞིང་ཆོད་ཆེ་བ་བྲེལ་བ་ཆེ་སྐབས་ཟོར་ཡང་བའི་ཚད་ཅིག་ཡོད་ཀྱང་ད་ལམ་གྱི་འདིས་སངས་རྒྱས་ཀྱི་བསྟན་ལ་བྱ་བ་ཅུང་ཟད་བྱས་པར་སོང་བས་སེམས་ཅན་ལའང་ཤུགས་ལ་ཕན་ནམ་སྙམ་རང་ལས་སླའང་བསྟན་པར་ཕན་ཁྱད་ཀྱིས་བརྩོན་པ་བསྐྱེད་དོ། །མཚམས་གྲོལ་ནས་སྡེ་པ་བློ་བཟང་སྦྱིན་པ་དང་། དེ་རྗེས་མཁན་ཆེན་ཞ་ལུ་པ་དང་ཆོས་རྗེ་དབོན་རིན་པོ་ཆེར་དྲི་ཟའི་རྒྱལ་པོ་རྡོ་རྗེ་འབར་བ་རྩལ་གྱི་རིག་གཏད་ཕུལ། ཚེས་བརྒྱད་ལ་དཀྱིལ་འཁོར་རྒྱ་མཚོའི་ཁྱབ་བདག་རིན་ཅེན་བསོད་ནམས་མཆོག་གྲུབ་དཔལ་བཟང་པོར་སྟོབས་འཕྲོག་དབང་པོ་དཔལ་མགོན་ཞལ་བཞི་པ་སྒྲུབ་དུས་མཐུན་མོང་མ་ཡིན་པའི་རྗེས་གནང་ཞུས། ཁལ་ཁ་བཟོད་པ་ཡེལ་དེང་གི་སྲས་དཔོན་མོ་གཡོག་བཅས་བརྒྱ་སྐོར་དང་ཕྲད། འཕྱོས་ཆང་ཁྱིམ་པའི་བུ་གྲ་ཚང་དུ་ཞུགས་སྟོན་དཀར་དྲོ་ཚན་གྲངས་དང་བཅས་བཏེག །སྤྱི་སྒོས་ཀྱི་བླང་དོར་ཞུ་བར་བསམ་ཡས་སུ་སྤུན་བདུན་པ་ལྷུན་གྲུབ་མཚོ་དང་། ལ་མོར་དཀར་བྲག་པ་ངག་དབང་བྱམས་པ་ཚོགས་འཁོར་སྤྱན་གཟིགས་བདོག་པ་དང་བཅས་བརྫངས། ཚེས་བཅུ་གཅིག་ལ་མཐའ་ཀླས་དཀྱིལ་འཁོར་མངའ་བདག་བཅོ་བརྒྱད་ཆོས་རྗེས་བསྐུལ་མ་མཛད་པའི་རིང་འཚོའི་ཚིགས་བཅད་བརྩམས་ཤིང་ལྷ་ཆེན་ཟུར་ཕུད་ལྔ་པའི་རིག་གཏད་ཕུལ། ཚེས་བཅུ་བཞིར་སྤྲུལ་པའི་སྐུ་མཆོག་གཏེར་སྟོན་རིགས་འཛིན་ཆེན་པོར་ཚན་གྲངས་རིང་པོར་བརྐྱང་སྟེ་སྔ་འགྱུར་བསྟན་པ་རྒྱ་ཆེར་སྤེལ་བའི་སླད་སྙན་ངག་ནས་དྲངས་པའི་ཚིགས་བཅད་བཅས་རྩིས་རིག་སྨྲ་བ་ཕུ་ལུང་དགེ་སློང་བློ་བཟང་ཡོན་ཏན་རྫོང་བདའ་བགྱིས། བྲམ་ཟེ་སོ་

[Full Size]

དཱ་སི་མི་ཤྲ་སེ་ནཱ་སི་གོ་ཀཱུ་ལ་གྲཱྀ་བ། མཽ་བྷིརྟི་བཅས་པར་ས་ཟླ་ཞོ་གསུམ། ཇ་ཁོར་བཞི། གོས་ཆེན། ཟུར་ཆས་སོགས་ཀྱི་ཕན་པ་བསྒྲུབས། ཚེས་བཅོ་ལྔར་བསྟན་འཛིན་ད་ལའི་རྒྱལ་པོ་དཔོན་མོ་སྲས་བཅས་དབུ་སྒོར་ཆུང་བ། ཨེར་ཏེ་ནི་དའི་ཆིང་གི་ཤོག་པཱ་ཐུར་ཁོ་ཤོའུ་ཆི། ཆོག་ཐུ་དགེ་ཚུལ། རྒྱལ་སྲས་བསོད་ནམས་བཀྲ་ཤིས། གཡོན་རུ་སྐུ་སྐྱེ། མ་གཅིག་དགེ་ཚུལ། ཐོར་གོད་མགོན་པོ་ཡེལ་དེང་གི་ཚ་བོ་དང་དུར་གེ་ཆི་དུར་ཕོད་མ་ལི། དཀའ་ངག་དབང་དོན་གྲུབ་བཞིའི་མི་སྣ། སྤུ་དཀར་བླ་མར་འགྲོ་མི་བློ་བཟང་ཀུན་དགའ། རྒྱས་གྲ་རབ་འབྱམས་པ། གཉེར་པ་ལྷ་སྐྱབས། མཚུར་ཕུ་ཕྱག་མཛོད། འོད་གསལ་གླིང་བླ་ཟུར། གཟིམས་ཁང་ཤར་བླ་མ། ཞང་སྟོན་བསྟན་རྒྱལ་གྱི་བུ། དྭགས་པོ་ལྕང་ར་ནས། ལུམ་པ་ནས་སོགས་ལ་ཇ་གྲལ་བཏང་། ཕྱི་དྲོ་བློ་བཟང་མགོན་པོ་རབ་བརྟན་དང་བུ་ཇིང་དྷ་ར་དགེ་ཚུལ་མ་འཁོར་བཅས་ཀྱིས་འབྱོར་བསྟུན་གྱི་བདོག་པ་བཏེག་པ་བསྔོ་སྨོན་གྱི་རྒྱས་བཏབ། བྱིངས་བོད་སོག་ཆིག་སྟོང་ཉིས་བརྒྱ་སྐོར་ལ་མེ་ཏོག་གཏོར། རབ་འབྱམས་པ་དགེ་འདུན་བསམ་གྲུབ་ཀྱིས་རྟ་ཉི་ཤུ་དང་འབྲི་གུང་ནས་རྟ་བཅུ་བྱུང་། ཚེས་བཅུ་དྲུག་ལ་ལྷ་ཆེན་ཚངས་པ་དུང་ཐོད་ཅན་གྱི་སྐུ་རྟེན་དབང་འདུས་རྒྱལ་པོ་དང་བཙུན་མོ་ཚལ་བཅས་པས་ཟང་ཟིང་གི་ཚན་གྲངས་འགྱེད་སོགས་སྦྱར་ཏེ་གྲ་ཚང་ནས་མཁའ་འགྲོ་སྡེ་ལྔར་བརྟེན་གཟིམས་ཆུང་བརྟན་བཞུགས་སུ་གྲགས་པ་བསྟར། ཆོས་སྐྱོང་གིས་རིང་འཚོའི་ཚིགས་བཅད་ཤློ་ཀ་བཞི་པ་ཞིག་གསུངས་འདུག་པ་དང་བསྟུན་གྲ་ཚང་དུ་བཙུགས་

[Full Size]

དེ་མཚུངས་ལྷ་ས་ཆུ་མིག་ཁ་པས་ཀྱང་བགྱིས། བསོད་ནམས་དབང་རྒྱལ་གྱི་མ། དཔོན་མོ་ཕུན་ཚོགས་དཔལ་འཛོམ་བུ་བཅས། དགའ་ལྡན་རབ་འབྱམས་པའི་ཚ་བོ་རབ་བརྟན། ཨེར་ཁེ་ཇི་ནོང་གི་བླ་མ་དགེ་འདུན་བསམ་གྲུབ། མེར་གན་ཇི་ནོང་གི་དཔོན་མོ་བུ་བཅས། སྟག་ལུང་ལྷུན་གྲུབ་རྫོང་པ་ཡབ་ཡུམ་སྲས་བཅས་ཀྱི་ངོ་མ་ཚོར་བྱིན་རླབས་དང་དམངས་བརྒྱ་སྐོར་ལ་མེ་ཏོག་གཏོར། ཤེལ་དཀར་ཆོས་སྡེའི་གྲ་པ་དགེ་སློང་བློ་བཟང་བསམ་གྲུབ་ཀྱིས་ལམ་རིམ་གྱི་ཁྲིད་འཇམ་དཔལ་ཞལ་ལུང་གི་རྒྱུགས་སྤྲད། རྡོ་རྗེ་བྲག་སྤྲུལ་པའི་སྐུར་འཚུབ་ལྟས་ཤིག་ཤར་བ་སེལ་བྱེད་དུ་ཀརྨ་གུ་རུའི་གཏེར་སྐུས་གཙོས་ཚན་གྲངས་སྤེལ་ཞིང་མི་འགྱུར་བདེན་ཚིག་བརྗོད་པའི་འཕྲིན་ཡིག་དང་བཅས་འབུལ་མི་ཆེད་དུ་མངགས། རྫོང་གཞིས་ཁག་ཁ་ཤས་ནས་ངེད་རང་རིང་པོར་འཚོ་ཐབས་ལ་འབུམ་རྒྱས་པ་ཚར་དྲུག་བརྒྱ་བདུན་ཅུ། བརྒྱད་སྟོང་པ་བརྒྱ། གཟུངས་འདུས་དྲུག་བརྒྱ་རེ་བདུན། མཚན་བརྗོད་ཆིག་སྟོང་ཉིས་བརྒྱ་དྲུག་ཅུ། སྒྲོལ་མ་ཆིག་འབུམ་ཉི་ཁྲི་དྲུག་སྟོང་དགུ་བརྒྱ་རེ་གཅིག་གདུགས་དཀར་ས་ཡ་གཅིག་དང་ཆིག་འབུམ་ལྔ་ཁྲི་དྲུག་སྟོང་ཉིས་བརྒྱ་དྲུག་ཅུ། ཤེར་སྙིང་ཉིས་འབུམ་ཉི་ཁྲི་དྲུག་སྟོང་དགུ་བརྒྱ་ཞེ་གཅིག །ཚེ་གཟུངས་ལྔ་འབུམ་དྲུག་ཁྲི་ལྔ་སྟོང་ཉིས་བརྒྱ། སཱཙྪ་ཁྲི། ཁྲོ་རོལ་གཉིས། སྲོག་བླུ་བརྒྱ། སྡེ་པའི་རིམ་གྲོར་བཀའ་འགྱུར་བཅུ་གཅིག །སྒྲོལ་མ་ཉིས་འབུམ་ཉི་ཁྲི། ཤེར་སྙིང་ཆིག་འབུམ་སུམ་ཁྲི། གདུགས་དཀར་ཆིག་འབུམ། སྲོག་བླུ་ལོ་གྲངས། རྒྱལ་པོའི་གེགས་སེལ་ལ་ཤེར་སྙིང་ཆིག་འབུམ་བརྒྱད་སྟོང་། ཚེ་གཟུངས་ས་ཡ་གཅིག་དང་ཉིས་འབུམ་བརྒྱད་ཁྲི། བསྟན་

[Full Size]

སྲིད་སྤྱི་རིམ་དུ་མང་ཇའི་མཐུན་རྐྱེན་སྤྲད་པའི་སྔགས་དགོན་རྣམས་ནས་གཏོར་བཟློག་དང་བཤད་གྲ་ཚོས་མདོ་སྒྲུབ། ཁྲོ་རོལ་གཉིས། དཀོན་བརྩེགས། ཐང་ཡིག་དང་སྡེ་ལྔ། དཔལ་གསོལ་རྣམས་བརྒྱ་རེ། བསྟན་མ་བཅུ་གཉིས་དང་སྲིད་པ་ཆགས་པའི་ལྷ་ཆེན་ཚོར་གསོལ་མཆོད། དམག་ཟོར་མར་བསྐང་བ་སྟོང་། གུར་ཞལ་ཕྱག་བཞི་པར་བརྒྱ་རེ། བོད་ཁམས་སྤྱིའི་བདེ་ཐབས་སུ་གནས་ཆེན་ཁག་བཅུར་བརྒྱ་མཆོད་སྣ་ལྔ་རེ། སྨན་བླ་དྲུག་སྟོང་བརྒྱད་བརྒྱ། སྒྲོལ་མ་ཉི་ཁྲི་སུམ་བརྒྱ། ཤེར་སྙིང་དྲུག་སྟོང་དགུ་བརྒྱ། ཚེ་གཟུངས་དགུ་ཁྲི། ཨྱོན་ཆེན་པོའི་སྒྲུབ་གནས་བརྒྱད་དུ་ཁད་གང་ཉེའི་སྔགས་འཆང་བཅུ་ཕྲག་རེས་ཉིན་བརྒྱད་ཀྱི་བར་ཚོགས་བརྒྱ། ཉིན་གཉིས་སྦྱིན་སྲེག །རྟགས་ངན་དུས་མིན་གྱི་མེ་ཏོག་གང་ཤར་སར་རྒྱས་འབྲིང་བསྡུས་གསུམ། ཀླུ་བཅོས། གོང་དཀར་ནས་ཁྲོ་རོལ་དང་མགོན་པོ་གཡུལ་བཟློག །ཕ་རོལ་པོའི་བྱད་ཀ་བཟློག་ཕྱིར་ཕྱག་བཞི་པའི་བསྐང་བ་སྟོང་ཕྲག་གསུམ། ར་ས་བསམ་ཡས་ཁྲ་འབྲུག་གསུམ་དུ་བརྒྱ་མཆོད་སྣ་ལྔ་རེ། མཆོད་རྟེན་ལྔ་བཅུ་ལ་ཞིག་གསོས། ས་གཡོས་པའི་ངན་བཟློག་ཏུ་འབུམ་ཚར་ལྔ། གཤིན་རྗེ་ནག་པོའི་དགྲ་མནན་བཞི། ནད་རིམས་མི་འབྱུང་བའི་ཆེད་རི་འགོ་མཐོ་སར་བསངས་དང་དར་ལྕོག་བརྒྱ་རེ། རྒྱུ་འགྲོས་ཆུང་ཞིང་རིམ་གྲོར་འགྱུར་ཁྱད་ཀྱི་མི་སེར་དུད་རེ་ནས་རྩམ་ཕུལ་རེ་བསྡུས་དེ་ཕྱིན་དགོས་ཆ་གཞུང་ནས་སྤྲད་པའི་སྒྲོལ་མ་ས་ཡ། རྫོང་གཞིས་ཆེ་ཁ་ནས་རྣམ་འཇོམས་དང་སྨེ་བརྩེགས་ཁྲུས་ཀྱིས་ལྷ་མི་རྣམས་ཀྱི་མ་དག་པའི་དྲི་མ་དབྱུང་བའི་སྦྱོར་བ་བྱེད་བཅུག །ཉེར་དགུར་གསེར་ཆོས་ཚོར་

[Full Size]

མོས་དུངས་ཆེ་བ་ལྟར་གོ་དོན་ཕྱག་བཞེས་རྣམས་མ་བསླབས་ཤེས་ཀྱི་གྲས་སུ་རང་ཉིད་མ་ཚུད་པར་བརྟེན་ཆོས་སྐྱོང་ཆེ་ཆུང་ལས་མཁན་དང་བཅས་པ་དང་དམར་པོ་སྐོར་གསུམ་གྱི་ལས་རབ་འབྱམས་ལག་ཏུ་བླང་བྱའི་བསྙེན་སྒྲུབ་ལས་གསུམ་དཔེ་རིས་ཀྱིས་མཚོན་དཀའ་གནས་ཐམས་ཅད་ལ་འོས་ཚོད་མིན་པར། ཁ་སྦྱོར་ལས། བསྟན་བཅོས་ཚད་མ་སློབ་དཔོན་དང་། །ལུང་གི་རྗེས་འབྲང་དེ་ཉིད་རིག །གསང་སྟོན་དེ་ཉིད་དངོས་པོ་ཡང་། །གཅིག་ནས་གཅིག་བརྒྱུད་ཤེས་པར་བྱ། །བླ་མ་རབ་ཀྱི་ཞལ་ལས་བླང་། །ཞེས་པ་ལྟར་བླ་མ་ཚད་མ། ཉམས་མྱོང་ཚད་མ། བསྟན་བཅོས་ཚད་མ། ལུང་ཚད་མ་སྟེ་བཞིས་གཏན་ལ་དབབ་དགོས་པ་བཞིན་དྲིན་ཅན་ཁྱབ་བདག་བཀའ་འགྱུར་བ་ཆེན་པོར་དོག་གནས་ཀྱི་ཤོག་ཧྲིལ་དུ་མ་ཕུལ་བར་བླ་མ་དབུ་ཡོན་པ་ཚོ་དང་མི་འདྲའི་གཤིས་འདི་ནི་འདིའོའི་བཀའ་མཆན་དང་། ལྷག་པར་ངོས་ཀྱིས་དཀའ་གནས་ཐམས་ཅད་ཀྱི་དོན་དྲི་བས་གཏན་ལ་ཕབ་པར་ཡི་གེར་བཀོད་པ་གཅིག་ཏུ་བླུན་པོ་སྙིང་ཁམ་ཅན་གྱི་ལག་ཏུ་ཚུད་ན་རྒྱུན་མེད་བཞིན་དུ་དཔེར་བླ་མ་འཆོལ་བའང་སྲིད་པས་དགེ་མེད་གསང་སྒྲོག་གི་སྐྱོན་དུ་མཆིས་མོད། གཉིས་སུ་དཔལ་ལྡན་བླ་མ་དམ་པ་ཁྱབ་བདག་བཀའ་འགྱུར་བ་ཆེན་པོའི་རིགས་ཆོས་ཀྱི་དབོན་ནམ་མཁའ་བསོད་ནམས་དབང་གི་རྒྱལ་པོ་སོགས་བདག་ཆེན་རྡོ་རྗེ་འཆང་ཡབ་སྲས་ཀྱི་རྗེས་འཇུག་བསྟན་འཛིན་རྣམས་ལ་མེད་མི་རུང་ལྟ་བུའི་གནད་ཀུན་ཆད་ཚེ་བསྟན་རྒྱུན་ཉམས་པ་མ་བཟོད་པར་ཡི་གེར་འདྲི་བར་ཆོས་སྲུང་རྣམས་བཀའ་གཉན་པས་རུང་མི་རུང་བརྟག་པའི་ཕྱིར་མགོན་ཁང་ཕུར་ཆོས་སྐྱོངས་དངོས་དང་དབྱེར་མེད་པའི་རྟེན་བྱིན་ཅན་བཀྲམ་

[Full Size]

པའི་མདུན་མཆོད་གཏོར་སྤྱན་གཟིགས་བསམ་གྱིས་མི་ཁྱབ་པ་བཤམས་ཏེ་གྲ་པ་ཁ་ཤས་ཀྱིས་མཁའ་འགྲོ་རྣམ་ལྔ་དགྱེས་པ་བསྐྱེད་ནས་གནང་བ་ཐོབ་དགོས་པ། དཀར་ཆག་སྙིང་གི་བདུད་རྩི་ཟིལ་དངར་ལས། འོག་མིན་ཞིང་དང་དུར་ཁྲོད་བརྒྱད་སོགས་འཇིགས་པའི་གནས་ན་ཁྲོས་པའི་གར་མཛད་བསྟན་དགྲའི་སྲོག་དབུགས་འཕྲོག་པ་དེ་ནི་ཕྱི་ཡི་མགོན་པོ་ཞེས་སུ་གྲགས། །རྩ་གསུམ་འཁོར་ལོ་རྣམ་ལྔའི་རྩ་ཁམས་རླུང་གི་ངོ་བོ་བཟུང་འཛིན་སྲོག་འཕྲོག་ལྷན་སྐྱེས་ཡེ་ཤེས་སྦྱིན་མཛད་དེ་ནི་ནང་གི་ཆོས་སྐྱོང་གང་དེ་ཉིད། །ཕྱི་ནང་སྒྱུ་འཕྲུལ་དྲེགས་པའི་རོལ་རྩེད་རང་སེམས་གཅིག་པུའི་དབྱིངས་སུ་ཞུགས་པས་གསལ་སྟོང་ཟུང་འཇུག་བརྗོད་བྲལ་དེ་ནི་གསང་ཆེན་རྒྱུད་གསུམ་དྲེགས་པའི་དངོས། །ཨ་ཧོ་སྣང་སྲིད་དྲེགས་པའི་རང་ཞལ་རྗེན་པར་མཐོང་བའི་རང་རིག་ཡེ་ཤེས་འགྱུར་མེད་བདེ་བས་མྱོས་པ་དེ་ནི་ཕྱག་དང་མཆོད་པའི་རབ་དང་ཕུལ། །ཞེས་པའི་ཟབ་གནད་དང་ལྡན་པ་རྗེ་བཙུན་ས་སྐྱ་པ་ཡབ་སྲས་ལ་ཆོས་སྐྱོང་གྲངས་མེད་མངའ་བའི་གཙོ་བོ་ཡིན་ཏེ། ཀུན་མཁྱེན་མཁྱེན་བརྩེས། བགྲང་ཡས་བསྟན་སྲུང་ཀུན་གྱི་སྡེ་དཔོན་ཆེ། །དྲན་པས་སྙིང་གི་མུན་སེལ་རྡོ་རྗེ་གུར། །ཞེས་པར་རྒྱུན་འཛིན་ཀྱང་། དཀར་ཆག་ཟབ་དོན་གསལ་སྒྲོན་ལས། ཁོ་བོས་རྒྱལ་ཁམས་ཡངས་པའི་ཕྱོགས་ཀུན་མྱུལ། །མཁས་གྲུབ་བླ་མ་མང་པོའི་ཞབས་པད་བསྟེན། །རང་གཞན་གདམས་པ་ཟབ་མོའི་གནད་ཀུན་ཤེས། །དག་དང་མ་དག་འབྱེད་པའི་སྤོབས་པ་ཐོབ། ཁྱད་པར་ནག་པོ་ཆེན་པོའི་མན་ངག་ནི། །བརྒྱུད་ལྡན་བླ་མ་བཅུ་ཕྲག་གཅིག་

[Full Size]

ལ་ཞུས། །འགྲན་ཟླ་ཀུན་བྲལ་དྲིན་ཅན་རྡོ་རིངས་པའི། །སྙན་བརྒྱུད་ཟབ་མོ་བུམ་པ་གང་བྱོར་ཐོབ། །ཨེ་ཝཾ་པ་ནི་བསྡུས་ལ་སྤྲོས་པ་ཆུང་། །མུས་སྲད་པ་ནི་དཀར་ཆག་ཁྲིགས་ཆགས་ཅན། །རྡོ་རྗེ་གདན་པ་འཆམས་དང་ནུས་པའི་བདག ཁོ་བོས་ཐོབ་པའི་ཐུན་མོང་བརྒྱུད་པ་གསུམ། །ཞེས་ཐུན་མོང་བ་དང་ཐུན་མོང་མ་ཡིན་པ་ཕྱི་མ་ས་སྐྱ་ཚང་གི་རྣ་བར་མ་གྲགས་པ་ཞལ་ངོ་ནང་བརྒྱུད་ཚད་མ་བཞི་ལྡན་གྲུབ་པའི་འཁོར་སྒྱུར་བི་རཱུ་པ། རྡོ་རྗེ་གདན་པ། བྲམ་ཟེ་མཆོག་སྲེད་སོགས་བཀའ་བབས་དུ་མ་མངའ་བ་དེ་ཉིད་ཀྱི་བཀའ་རྒྱ་འགྲོལ་བའི་ཚེ། བསམ་འཕེལ་ནོར་འཕྲེང་ལས། ཕྱི་ནང་གསང་བའི་མན་ངག་ཞུ་བའི་ཚེ། །ཚོགས་དང་གཏོར་མས་མཁའ་འགྲོ་མཉེས་པར་བྱས། །རིན་ཆེན་གསེར་གྱི་མཎྜལ་ལན་གསུམ་ཕུལ། །གསང་ཆེན་གྲུབ་མཐའ་འཛིན་པའི་དམ་བཅའ་བྱས། །ཞེས་པ་དང་མཚུངས་པས་རྟེན་འབྲེལ་བསྒྲིག་ཕྱིར་གྲ་ཚང་གི་གྲ་པ་ཁ་ཤས་ཀྱིས་མ་གྲུབ་པར་མཆོད་གཏོར་དབུལ་ཞིང་འཕྲིན་ལས་བཅོལ། གནང་བར་ཤེས་ནས་ཡི་གེ་འབྲི་མཁན་ཡང་དབང་དང་རྗེས་གནང་ཐོབ་དགོས་པ་ལྟར་དཔལ་གྲོང་སྔགས་རམ་པ་དང་། བསྟན་འཛིན་དབང་པོ་གཉིས་བཅོ་བརྒྱད་ཆོས་རྗེར་ཞུ་བཅུག་སྟེ་འཕྲོད་སྦྱོར་བཟང་པོར་དབུ་བཙུགས། དཔེ་འཚོལ་དགེ་སློང་འཇམ་དབྱངས་གྲགས་པས་བྱས་ཕྱི་མཚམས་སེ་བའི་རིང་ནས་དཔའ་བོ་མཁའ་འགྲོ་འདུ་བའི་དུས་ཆེན་འདིར་དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་ཟབ་དོན་སྒོ་ལྕགས་འབྱེད་པའི་རིན་ཅེན་ལྡེ་མིག་དང་། མཁྱེན་རབ་དང་དམིགས་པ་མེད་པའི་ཐུགས་རྗེའི་མངའ་བདག་གདན་ས་གོང་ནས་བདག་ཆེན་རིན་པོ་ཆེ་ཀུན་དགའ་བསོད་ནམས་དབང་ཕྱུག་བཀྲ་ཤིས་

[Full Size]

གྲགས་པ་རྒྱལ་མཚན་དཔལ་བཟང་པོ་དང་རིགས་སྲས་ཀུན་དགའ་བཀྲ་ཤིས་གྲགས་པ་རྒྱལ་མཚན་དཔལ་བཟང་པོ་གཉིས་ཀྱིས་ཚར་ཆེན་རྡོ་རྗེ་འཆང་གིས་ཕྱོགས་གཅིག་ཏུ་བསྒྲིགས་པའི་གུར་མགོན་གྱི་འཁོར་ལོའི་དཔེ་རིས་ཀྱི་དོན་ཉམས་སུ་བླང་བདེ་ཞིག་གྱིས་ཤིག་ཅེས་བཀའ་ཕེབས་པར་རིགས་ཀུན་ཁྱབ་བདག་ཞ་ལུ་པ་རིན་ཆེན་བསོད་ནམས་མཆོག་གྲུབ་བསྟན་པའི་རྒྱལ་མཚན་དཔལ་བཟང་པོས་ལེགས་སོ་སྩལ་བ་དང་དུ་བླངས། རང་གི་དྲན་གསོ་དང་རྗེ་བཙུན་མགོན་པོ་བསོད་ནམས་མཆོག་ལྡན་དཔལ་བཟང་པོའི་རིགས་དབོན་འ་ཞ་ནམ་མཁའ་བསོད་ནམས་དབང་གི་རྒྱལ་པོ་སོགས་རྗེས་འབྲང་རྣམས་ལ་ཕན་པའི་བློས་གསལ་བྱེད་མཐོང་བས་དོན་ལྡན་བཀོད། ཁྱབ་གདལ་དུ་འདྲི་མི་རུང་བ་འ་ཞ་མཁྱེན་རབ་རྣམ་རྒྱལ། གནས་གསར་འཇམ་དབྱངས་བསྟན་འཛིན། བོན་ཕྲུག་པ་ངག་དབང་རབ་བརྟན་རྣམས་ཉི་འོད་མདོར་ཕྱིང་གུར་ཕུབ་སྟེ་འདྲི་བཅུག །ཧོར་ཟླ་བཅུ་གཉིས་པའི་ཚེས་གཅིག་ལ་ར་བ་སྟོད་བླ་མའི་ཁ་སྐོངས་སུ་དྲུང་ཆེན་ཕུན་ཚོགས་ཆོས་ལྡན་གྱི་གསོལ་འདེབས། རྒྱ་མཚོ་དགེ་ཚུལ་མའི་ངོར་སྨོན་ལམ། བློ་བཟང་ཐོགས་མེད་ཀྱི་འདྲ་འབག་གི་ཁ་བྱང་། ངག་དབང་མཁྱེན་བརྩེའི་ཡང་གསང་དྲག་པོའི་རྒྱབ་ཡིག །ངག་དབང་ཚུལ་ཁྲིམས་ཀྱིས་དགེ་སྐོས་འཇོག་ལ་དངུལ་སྲང་བཅོ་ལྔའི་པད་སྡེར་ཕུལ་བའི་ཁ་བྱང་། རྒྱལ་བ་ཆོས་རྗེའི་རྒྱུན་གྱི་སྨོན་ལམ། གཡོན་རུ་སྐུ་སྐྱེའི་ངོར་ཕ་བོང་ཁ་པ་འཇམ་དབྱངས་གྲགས་པའི་གསོལ་འདེབས། དབོན་བློ་བཟང་མཁས་བཙུན་གྱི་ངོར་སྤྲུལ་སྐུ་མྱུར་འབྱོན་གྱི་སྨོན་ལམ། དགའ་ལྡན་གསང་སྔགས་གླིང་སྤྱིའི་ངོར་རིང་འཚོ། དཀྱིལ་ཁང་བླ་མ་བློ་བཟང་

[Full Size]

མགོན་པོའི་གསོལ་འདེབས། བཀྲས་རབ་པ་དཀའ་བཅུ་ཀུན་དགའ་རྒྱ་མཚོའི་བྲིས་ཐང་ལྔའི་རྒྱབ་ཡིག །བློ་བཟང་ཐུགས་རྗེས་གྲ་སྐོར་བཏང་བའི་ཚེ་གྲ་ཚང་དུ་དངུལ་སྲང་ཉེར་གསུམ་གྱི་ཀོང་ཕུལ་བའི་ཁ་བྱང་། མཁན་ཆེན་ཞ་ལུ་པ་ཆེན་པོའི་གསུང་བཞིན་ཞང་བློན་གྱི་འཕྲིན་བཅོལ་དང་རིམ་ལྔའི་ཁྲིད་ཡིག་ཟ་མ་ཏོག་གི་ཁ་འབྱེད་ལྡེ་མིག་གི་སྦྱར་བྱང་འཕྲོས། གྲོང་སྨད་ཀྱི་དེབ་ཀྱི་འགོ་བརྗོད། དར་མོ་སྨན་རམས་པས་ལྷ་སར་མཆོད་འབུལ་གྱི་སྨོན་ལམ། དཀོན་གཉེར་དགེ་སློང་ཀུན་དགའ་ཅན་གྱི་འཇོག་གི་དཀྱིལ་ཐང་རྒྱབ་ཡིག །རྗེའི་རིམ་ལྔ་གསལ་སྒྲོན་གྱི་པར་བྱང་རྣམས་སོ་སོའི་འདོད་པ་དང་བསྟུན་ཏེ་བྲིས། ཚེས་གཉིས་ལ་སྟག་ལུང་ཟུར་པས་རྟ་བདུན་ཅུ་དོན་གསུམ་སོགས་སྤམས་བསྟོད་དེ་ཚོམས་ཆེན་དུ་འགྱེད་ཡོན་དང་བཅས་མཁའ་འགྲོ་སྡེ་ལྔའི་སྒོ་ནས་ཚེ་རིང་པོར་སྤེལ་བའི་ཆོ་ག་མཛད། ལྕགས་ཟམ་སྐུ་སྐྱེ། རྒྱལ་ལེགས་བཤད་གླིང་ཆོས་རྗེ། སྒེར་པ་རྗེ་དྲུང་། དཔོན་མོ་རྒྱ་མཚོ། མཚོ་ཁ་ནས་གསར་འབྱོར་དགའ་ལྡན་རབ་འབྱམས་པ་ཚ་བཅས་ཀྱིས་རྟ་བརྒྱ་དང་བཅུ་གཉིས་ཀྱིས་ཐོག་དྲངས་བདོག་པ་བཏེག །སེར་ཇི་སོགས་ལྔ་བརྒྱ་སྐོར་དང་ཕྲད། ལྕགས་ཟམ་སྐུ་སྐྱེ་དང་དཔོན་མོ་རྒྱ་མཚོར་བཀའ་བསྒོ་བསྟར། ཕྱི་དྲོ་སྟག་ལུང་ཞབས་དྲུང་སྐུ་རྐྱང་དང་མཇལ་དགེ་སྐྱོན་གྱི་གསུང་གླེང་སྨར་བ་བྱུང་། དེ་རྗེས་རྒྱལ་མོ་བསོད་ནམས་ཆོས་འཛོམ། ཁལ་ཁ་ནོ་ཡོན་ཁུ་ཐུག་ཐུ། ཉི་སྡིངས་སློབ་དཔོན་པ་རྣམས་ལ་བྱིན་རླབས་དང་བརྒྱ་སྐོར་ལ་མེ་ཏོག་གཏོར། རྨེ་རུ་ཨེམ་ཆི་ཐབས་མཁས་སྤུན་གྱིས་ཡོན་དང་དངོས་པོ་བརྐྱང་སྟེ་ཚེས་གསུམ་ལ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་སྤེལ་

[Full Size]

བདག་ཆེན་ཡབ་སྲས་གཉིས་དབོན་རིན་པོ་ཆེ་སོགས་བསྟན་འཛིན་རྣམས་ཀྱི་ཆེད། ཚར་ཆེན་རྡོ་རྗེ་འཆང་གིས། དེ་ལྟར་རྒྱལ་པའི་དྲི་མེད་རྒྱུད་སྡེ་ལས། །གསུངས་པའི་བསྟན་སྲུང་ཀུན་གྱི་མཆོག་གྱུར་པ། །དྲག་ཤུལ་མཐུ་ལྡན་སྟོབས་འཕྲོག་ནག་པོ་ཞེས། །རྒྱ་བོད་མཁས་གྲུབ་ཀུན་ལ་རླུང་ལྟར་གྲགས། །ཞེས་སངས་རྒྱས་གཉིས་པ་ཀླུ་སྒྲུབ། ཏ་ཐཱ་ག་ཏ་རཀྵི་ཏ། པཎ་ཆེན་འབུམ་ཕྲག་གསུམ་པ། རི་སུལ་གྱི་རྣལ་འབྱོར་མ་སོགས་པཎ་གྲུབ་དུ་མའི་ཆོས་སྐྱོང་གི་གཙོ་བོ་གཉན་ལ་དར་མ་གྲགས་ཀྱི་སྲུང་མ་བརྒྱ་རྩའི་མཆོག་རྗེ་བཙུན་ས་སྐྱ་བ་ཡབ་སྲས་ལ་བཀའ་བབས་པའི་མགོན་པོ་ཆུང་བ་འདི་ཉིད། དེ་ཡང་ཐོག་མར་ཚོགས་ཀྱི་འཁོར་ལོ་དང་། །རིན་ཆེན་གསེར་གྱི་མཎྜལ་ལ་སོགས་པ། །སྙན་བརྒྱུད་དང་པོའི་རྟེན་འབྲེལ་ཀུན་བསྒྲིགས་ནས། །ཞེས་པ་ལྟར་མ་འཕྱུགས་པར་བྱས་ཏེ་དཔལ་མགོན་སྟོབས་འཕྲོག་གདོང་བཞི་པའི་འཁོར་ལོའི་གསལ་བྱེད་ཡང་གསང་སྙིང་གི་ཁྲག་ཐིག་བྲིས། རྣམ་སྲས་གླིང་པ་དང་འཚོ་བྱེད་ངག་དབང་ལྷག་བསམ་ལ་ཇ་གྲལ། མཆོད་པའི་བྱེ་བྲག་ཀུན་ཏུ་བཟང་པོའི་མཆོད་སྤྲིན་དཔེར་ལེན་པ་བཞིན་མུ་ཏིག་སོགས་རིན་པོ་ཆེ་ལེགས་ངེས་སྣ་ཚོགས་ཕྲ་བསྐོངས་དང་བཅས་པའི་དྲ་བ་དྲ་ཕྱེད་ཀྱི་ལྡ་ལྡི་བཀོད་ལེགས་སྡེ་པ་སྦྱིན་པས་ཁུར་ལེན་མཛད་པ་ཚེས་བརྒྱད་ལ་ཕུར་སྒྲུབ་ཚུགས་པའི་སྤྱན་གཟིགས་སུ་དབུལ། རྒྱ་བོད་ཀྱི་ཡིག་རྙིང་དང་རྗེས་འབྲང་མཁས་གྲུབ་རྣམས་ཀྱིས་གསལ་བྱེད་རིམ་མཛད་བླ་མ་དམ་པའི་ཞལ་གྱིས་དྲོད་རླངས་ཉམས་མེད་དམར་འཁྲིད་དུ་ངོ་སྤྲོད་མཛད་པ་ལས་ལྷག་པའི་གནད་ཟུར་བ་མེད་ཀྱང་སྣང་ལ་མ་ངེས་ཀྱི་ཐེ་ཚོམ་རྣམས་རྗེ་བླ་མའི་དྲུང་དུ་དོགས་གཅོད་

[Full Size]

གོ་དཀའ་སླར་བལྟོས་མེད་ཞུས་པ་ཡིད་ལ་གང་ཟིན་རིགས་དབོན་ལ་སོགས་བསྟན་འཛིན་རྣམས་ཀྱི་ཆེད་རྡོ་རྗེ་ནག་པོ་ཆེན་པོ་ཞལ་བཞི་པའི་མན་ངག་གི་དོགས་སེལ་སྙིང་བཅུད་ཟིལ་དངར་དཔའ་བོ་མཁའ་འགྲོ་འདུ་བའི་ཚེས་བཅུའི་ཉིན་བྲིས། ཚེས་བཅུ་བཞིར་ཟུར་ཐམས་ཅད་འཁྱེན་པའི་མཆོག་སྤྲུལ། དགའ་ལྡན་དའི་ཆིང་བོ་ཤོག་ཐུ་ཇི་ནོང་། ཨུལ་ཇོའི་ཐུ་པཱ་ཐུར་ཐའི་ཇི་རྣམས་ལ་ཇ་གྲལ་བགྱིས། ཚེས་བཅོ་བརྒྱད་ལ་བསོད་ནམས་དབང་རྒྱལ་མ་བུ། དགའ་ཆགས་ཨ་བོ་བཀྲ་ཤིས་རབ་བརྟན་གཉེར་པ། དགའ་ལྡན་དའི་ཆིང་གི་སོག་དམངས་ལོག་མི་བཞི་བརྒྱ་སོགས་བོད་སོག་བདུན་བརྒྱར་ཉེ་བར་ཀ་སྦུངས་སྟེང་ནས་སྐྱེར་སྒང་ལུགས་ཀྱི་ཐུགས་རྗེ་ཆེན་པོའི་རྗེས་གནང་དང་མེ་ཏོག་གཏོར། མཁའ་འགྲོའི་ཞལ་རླངས་དངར་པོར་འཐུལ་བའི་ཟབ་ཆོས་ཆིག་བརྒྱུད་དུ་བཞུགས་པ་མི་ནུབ་པའི་ཕྱིར་བླ་མ་དམ་པའི་རིགས་དབོན་རིན་པོ་ཆེ་སོགས་སློབ་བཤད་འཛིན་ངེས་ལ་ཕན་པའི་བློས་ཆོས་སྐྱོང་ཆེ་ཆུང་ལས་མཁན་དང་བཅས་པར་མཆོད་གཏོར་ཕུལ་ཞིང་བཀའ་རྒྱ་བཀྲོལ་ནས་འདྲི་བའང་། དབང་སྡུད་པདྨ་རཱ་གའི་ཟ་མ་ཏོག་ཁ་འབྱེད་གནད་ཀྱི་ལྡེ་མིག་ལས། གངས་ཅན་འདི་ན་དཔལ་ལྡན་ས་སྐྱ་པའི། །གསེར་ཆོས་ཟབ་མོ་དམར་པོ་སྐོར་གསུམ་ཞེས། །མིང་ཙམ་སྐྱེ་བོ་ཀུན་ལ་རླུང་ལྟར་གྲགས། །ཇི་བཞིན་ཤེས་པའི་སྔགས་འཆང་ཉིན་སྐར་ཙམ། །ཤེས་རློམ་ཕལ་ཆེར་འབབ་ཆུས་རྫིང་བུ་བཞིན། །ཐུན་མོང་ལུང་དང་རྗེས་གནང་ཙམ་གྱིས་ཁེངས། །སྤྲིན་ཆེན་ཆུ་ཡིས་རྒྱ་མཚོ་ཇི་བཞིན་དུ། །ཡོངས་རྫོགས་གདམས་པའི་བཅུད་ལྡན་ཁོ་བོ་ཙམ། །ཞེས་ཞལ་གྱིས་བཞེས་པའི་
རྗེ་བཙུན་མ་ཀུ་རུ་ཀུལླེ། ལྷ་ཆེན་ཚོགས་ཀྱི་བདག་པོ། ཁྲོ་བོ་འདོད་པའི་རྒྱལ་པོ་གསུམ་གྱི་འཁོར་ལོའི་གསལ་བྱེད་ཁམས་གསུམ་འགུགས་པའི་ལྕགས་ཀྱུ་འདིའང་ཚེས་ཉི་ཤུ་པ་སངས་མེ་བཞི་འཛོམ་པའི་འཕྲོད་དགེ་བར་བརྩམས། གླེགས་བམ་དུ་གབ་དཀྲུགས་འཐོར་བའི་ཚུལ་དུ་ཡོད་པ་གསལ་བྱེད་ཕན་ཚུན་འཕྲུལ་ཤེས་དགོས་མོད། འོན་ཀྱང་ཞལ་ཤེས་ཕྱག་ལེན་མཛུབ་འཁྲིད་དུ་ནོས་པས་ཤེས་ནུས་རུང་རང་གི་བློ་གྲོས་ཀྱིས་མ་རྟོགས་པ་དང་ལོག་རྟོག་ཐེ་ཚོམ་གྱི་དྲ་བར་ཆུད་པ་རྣམས་བློ་མིག་ཆུང་ངུས་གང་མཐོང་རྗེ་བླ་མའི་དྲུང་དུ་བཅད་བརྡར་གྱིས་གཏན་ལ་ཕབ་པ་རྣམས་འདི་ཉིད་ཀྱི་རིང་ལུགས་འཛིན་ངེས་ལ་ཕན་པའི་བསམ་པས་གང་ཟིན་གསེར་ཆོས་དམར་པོ་སྐོར་གསུམ་གྱི་དཀའ་གནད་མདུད་འགྲོལ་གྱི་རེག་ཟིག་ལ་དམར་པོའི་ཆུན་པོ་དམར་ཕྱགས་མཁའ་འགྲོ་ཀུན་འདུ་བ་ཉེར་གསུམ་ལ་བཀོད། ཉེར་དྲུག་ལ་དབུས་དཔུང་དམག་དཔོན་བཞིས་གཙོས་དྲུང་འཁོར་དམག་ནས་འཁོར་བ་རགས་བསྡུས་དང་ཕྲད། རྟ་ཚག་རྗེ་དྲུང་གིས་རྟ་དྲུག་ཅུ་རེ་གཅིག་དང་ཨ་ཡོ་ཤིའི་བསྔོ་རྟེན་ལ་ཉེར་གཅིག་བྱུང་། ལྷ་སར་སྒོ་འགྱེད་ལ་དུད་རེར་མཁར་ཉག་དོ་རེ་བསྡོམས་འཁོར་དྲུག་མ་སོ་བརྒྱད་དང་། ནད་རིམས་བཟློག་ཐབས་སུ་བོད་སྐྱོང་བསྟན་མ་གནས་ཁག་བཅུ་བདུན་ལ་སྐུ་མདོག་དང་མཐུན་པའི་དར་ལྕོག་དམོད་བྱང་སྤེལ་ཆག་བཅས་གསོལ་མཆོད་དང་ལོ་མཇུག་གི་ཚེ་བདག་སྒྲུབ་མཆོད་བཏང་།

དགུང་ལོ་རེ་གཉིས་པར་ཆོས་འཁོར་རྒྱལ་གྱི་རྟེན་མཆོད་གསར་བསྒྲིགས་མཛད་སྐོར་དང་། བསྒྲུབ་བྱ་མང་པོར་པཎ་ཆེན་ལུགས་ཀྱི་སྡོམ་རྒྱུན་སྩལ་བ། འདུས་སྡེ་ཁག་ནས་རིང་འཚོའི་བརྟན་བཞུགས་ཕུལ་ཞིང་བསྟན་སྲིད་ཀྱི་ཇུས་རིམ་ཆོས་སྦྱིན་རྒྱ་ཆེ་སྤེལ་བ་སོགས་ཀྱི་སྐོར།

[Full Size]

བཛྲ་ལ་དཱུ་ཏི་སྟེ་དུས་ཀྱི་ཕོ་ཉ་ཞེས་པ་ས་རྟ་གནམ་ལོ་གསར་དུ་ཚེས་པའི་ཞོགས་འདོད་ཁམས་དབང་ཕྱུག་མའི་བསྐང་བསྟོད་རྟེན་འབུལ་དང་བཅས་བཟབས་རྒྱས་

[Full Size]

ཀྱིས་མཆོད། ཚོགས་ཆེན་དུ་གུང་གི་སྟོན་མོར་མཆོད་ཡོན་ཟུང་། དགའ་ལྡན་རབ་འབྱམས་པ། དགའ་ལྡན་དའི་ཆིང་བོ་ཤོག་ཐུ་ཇི་ནོང་། བཀྲ་ཤིས་བཱ་ཐུར་ཐའི་ཇི། བློ་བཟང་མགོན་པོ་རབ་བརྟན་སོགས་དབོན་ཁག་བཞི་བཅུ་སྐོར་དང་ཇའི་སང་མི་བཟང་བསྡོམས་ཕྱེད་སུམ་བརྒྱ་ལྷག་བཅས། ཇ་སྟན་མཁན་ཟུར། སེམས་དཔལ་སྤྲུལ་སྐུ། གནས་རྙིང་སྐུ་སྐྱེ། རྒྱུད་སྟོད་ཆོས་རྗེ། གྲ་ས་ཕན་ཚུན་གྱི་སློབ་དཔོན། གཡོན་རུ་སྐུ་སྐྱེ། ཁལ་ཁ་ནོ་ཡོན་ཁུ་ཐུག་ཐུ། མངོན་དགའ་བླ་མ་སྤོང་རོང་ཆོས་རྔ། གཉུག་མར་གནས་པའི་དྲུང་འཁོར་དང་བཅས་པའི་མདུན་སྐབས་གསུམ་དབང་པོའི་ཕུན་ཚོགས་ལ་འཁུ་བའི་བདོག་པ་ཕྱོགས་མཐའ་དག་ནས་འདུས་ཏེ་ཕྱུར་བུར་སྤུངས་ཤིང་བཟའ་བཅའ་བཏུང་བ་དུ་མ་སྤྲོས་པའི་ཚེ་རོང་གར་གྱི་རྣམ་འགྱུར་ཇི་སྙེད་དང་ཕུན་སུམ་ཚོགས་པའི་ཤིས་བརྗོད་ཀྱི་སྒོ་འཕར་རྣམ་གླིང་པཎ་ཆེན་དཀོན་མཆོག་ཆོས་གྲགས་ཀྱི་ལན་འདེབས་ཚུལ་ས་བ་གྲུ་པ་ལྷ་དབང་རྡོ་རྗེས་བྱས། དེ་གྲོལ་མཚམས་རྒྱལ་མོ་གུ་རུས་གཙོས་དཔོན་མོ་ཚོར་ཇ་གྲལ་བཏང་ཞིང་སོག་དམངས་ལྔ་བརྒྱ་སྐོར་ལ་མེ་ཏོག་གཏོར། བཟང་པོ་དང་པོའི་ཚེས་ཀྱི་དགའ་སྟོན་ལ་མཆོད་ཡོན་གཉིས་སོག་པོའི་དཔོན་ཁག་རྣམས་ཀྱི་སྟེང་ཁྱབ་བདག་ཞ་ལུ་པ་རིན་ཆེན་བསོད་ནམས་མཆོག་གྲུབ། སྦྱོར་ར་སྦྲུལ་སྐུས། གནས་གསར་དབོན་རིན་པོ་ཆེ། རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་ཡོངས་རྫོགས། རྨད་དུ་བྱུང་བའི་རིན་ཆེན་རྒྱན་ཆ་བ་དང་བཅས་སྟོང་འཁོར་ལོས་སྒྱུར་བའི་རྒྱལ་པོའི་ཁེངས་པའང་ཐུང་ངུར་བྱས་སྟེང་ངོ་མཚར་བའི་ལེགས་ཚོགས་རྣམས་རང་འགྲིགས་གལ་

[Full Size]

ཆེ་བ་ཕྱི་རོལ་གྱི་རྟེན་འབྲེལ་དུ། ཇི་སྐད་དུ། པདྨའི་མཚོ་ལ་ངང་པ་འདུ། །དྲི་ལྡན་མེ་ཏོག་བུང་བ་སྡུད། །འབྲོག་བཟང་དུ་ནི་རི་དྭགས་འཁོར། །ཤ་ཡི་དྲི་ལ་ཤ་སྦྲང་འཁོར། །བཟའ་བཏུང་མང་སར་སྐྱེ་བོ་ཚོགས། །གལ་ཏེ་དེ་དག་མི་ལྡན་ན། །བསྡུས་ཀྱང་སྐྱེ་བོ་ཕལ་ཆེར་འབྲོས། །ཞེས་པ་ལྟར་ཡིད་ཅན་མ་ལུས་པ་བྱམས་བརྩེས་བདེ་བར་སྐྱོང་བའི་མཆོད་ཡོན་རྣམ་གཉིས་ཀྱིས་ཐོག་དྲངས་འདིར་འཁོད་ཐམས་ཅད་བསོད་ནམས་དཔལ་གྱིས་མཐོ་ཞིང་བློ་གྲོས་ཀྱི་རྩལ་མིག་ཡངས་པ། དཔའ་ཞིང་བརྟུལ་ཕོད་པ། མཛེས་ཤིང་བརྗིད་ཆགས་པ། བཟང་པོའི་སྒྲིགས་ཀྱིས་སྤ་ཞིང་རིགས་རུས་སོགས་ཡོན་ཏན་དུ་མས་མངོན་པར་མཐོ་བའི་ཁུངས་ཅན། བླང་དང་དོར་བྱའི་གནས་ཀུན་ལ་ཕྲ་ཞིབ་འཇུག་ལྡོག་སྦྱོད་པར་མཁས་ཤིང་ཡ་རབས་གྲ་མ་བློ་མཛངས་རྣམ་དཔྱོད་ཀྱི་དཔལ་དང་ལྡན་པས་གང་བ། ཡབ་སྲས་མཇལ་པའི་རྟོགས་བརྗོད་ལས། ས་སྐྱོང་མཁས་ན་རིག་པའི་རྩེ་དགའ་སྤྲོ་ལ་མཆོག་ཏུ་རེག་པར་འགྱུར། །དཔའ་ན་གཡུལ་གྱི་རོལ་པ་དང་འགྲོགས་བརྟུལ་ཞུགས་བརྟུལ་ཞུགས་འཇིན་པར་འགྱུར། བླུན་ན་རྨོངས་ཤིང་གཡོ་ན་རྣམ་པར་གཡོ་ལ་གདུག་ན་མ་རུངས་སྦྱོང་། ། གང་གང་ས་བདག་བྱེད་པ་དེ་དེ་མཐའ་དག་སྐྱེ་བོས་བྱེད་པར་འགྱུར། །སྐྱེ་བོ་ལེགས་སྤྱོད་བློ་ལྡན་བློན་པོ་དང་། །མི་བདག་མཁས་ཤིང་བདེན་པར་སྨྲ་བྱེད་པ། །འདི་དག་རྣམས་ནི་དགེ་བ་དར་བའི་དུས། །མངོན་སུམ་མཚོན་པའི་མཚན་ཉིད་བཟང་པོ་ཡིན། །ཞེས་པའི་ངང་ཚུལ་དང་ལྡན་པའང་ས་ཕྱོགས་ཆོས་བཞིན་སྐྱོང་བའི་རྒྱལ་པོར་རག་ལུས་པས་

[Full Size]

ལུགས་ཀྱི་བསྟན་བཅོས་ལས། རྒྱལ་པོ་ཤིན་ཏུ་མང་མོད་ཀྱི། །ཆོས་བཞིན་སྐྱོང་བ་ཤིན་ཏུ་ཉུང་། །མཁའ་ལ་ལྷ་གནས་མང་ན་ཡང་། །འོད་གསལ་ཉི་ཟླ་ལྟ་བུ་མེད། ། ཅེས་ཆོས་སྲིད་ཐམས་ཅད་ཀྱི་ཆར་འགྲན་ཟླ་མེད་དེ། ས་སྐྱ་པཎྜི་ཏས། ཁོང་མཛངས་བསོད་ནམས་བསགས་པའི་མི། །གཅིག་པུ་ཡིན་ཡང་ཀུན་ལས་རྒྱལ། །རི་དྭགས་རྒྱལ་པོ་སེང་གེ་དང་། །འཁོར་ལོས་སྒྱུར་ལ་གྲོགས་མི་དགོས། །ཞེས་མགར་བ་སོགས་ཀྱིས་བྱས་པར་བལྟོས་མིན་རྩིབས་སྟོང་ལྡན་པའི་འཁོར་ལོ་བྱུང་བ་ཙམ་གྱིས་ཕྱོགས་ཐམས་ཅད་ལས་རྣམ་པར་རྒྱལ་བའི་དཔལ་ངང་གིས་ཐོབ་པ་དང་། སེང་གེ་དཀར་མོ་རྩལ་གསུམ་ཡོངས་སུ་རྫོགས་པར་གྲོགས་ལ་མ་བལྟོས་པའི་སྟེང་གང་ལའང་འཇིགས་པ་མེད་ཅིང་། ཉེ་མའི་འོད་ཟེར་ཤར་བ་ན། །འབྱུང་པོའི་བྱ་རྣམས་ལོང་བར་འགྱུར། །ཞེས་ཕོ་བྲང་འདིའི་ཟིལ་མ་བཟོད་པར་ཉི་ཟེར་ལ་རྡུལ་འཁྲིགས་པ་བཞིན་ཤར་རྒྱ་ནག་དང་ཁྲི་བསྟན། ལྷོ་རྒྱ་གར་དང་ཁ་ཆེ། ནུབ་སྟག་སྡེ་དང་གཟིག་བན། བྱང་ཁྲོམ་དང་གེ་སར་ཏེ་བསྐོས་པའི་རྒྱལ་པོ་སྡེ་བཞི་སོགས་མདོར་ན་སྟོད་ཛཱ་ཏིའི་དྲི་བསུང་རྣམ་པར་མཐུལ་བ་ནས་སྨད་ཟ་འོག་ཐགས་སུ་འཐག་པའི་ཡུལ་གྲུར་གནས་པས་མཚོན་ཉི་འོག་གི་དྲེགས་ལྡན་ཆེ་དགུ་མཐའ་དག་གི་ཁེངས་པ་ཉེ་བར་བཏང་སྟེ་འདར་འཇིགས་ཀྱི་རྣམ་འགྱུར་ཇི་སྙེད་པ་དང་བཅས་པས་ཡན་ལག་མཆོག་གིས་བཏུད་ཅིང་ཕུ་དུད་གྱ་ནོམ་པ་བསྟར་བའི་དུས་མཁོ་བའི་རྫས་འདོད་ཡོན་རྣམ་ལྔ། རྒྱལ་སྲིད་སྣ་བདུན། ཉེ་བའི་སྣ་བདུན། བཀྲ་ཤིས་རྟགས་རྫས་སོགས་ཟད་མི་ཤེས་པའི་མཆོད་སྤྲིན་ལྷུན་གྱིས་གྲུབ་པའང་། བཤེས་སྤྲིང་ལས། རྟེན་

[Full Size]

ཅིང་འབྲེལ་བར་འབྱུང་འདི་རྒྱལ་བ་ཡི། །གསུང་གི་མཛོད་ཀྱི་གཅེས་པ་ཟབ་མོ་སྟེ། །གང་གིས་འདི་ནི་ཡང་དག་མཐོང་བ་དེས། །སངས་རྒྱས་དེ་ཉིད་རིག་པས་རྣམ་མཆོག་མཐོང་། །ཞེས་དང་། གཞན་ཡང་མདོར། རྟེན་ཅིང་འབྲེལ་འབྱུང་མ་གཏོགས་པའི། །ཆོས་འགའ་ཡོད་པ་མ་ཡིན་ནོ། །འགྲིག་ཚུལ་ཡང་། ཇི་སྐད་དུ། ལེགས་པའི་ཆ་ལ་རྟེན་འབྲེལ་ཐམས་ཅད་འགྲིག །ཕུན་སུམ་ཚོགས་པ་རང་གིས་བྱས་པ་ཡིན། །ཞེས་འཇིག་རྟེན་གྱི་ཁམས་རྫོགས་ལྡན་གསར་པར་སྤྱོད་པའི་བཀྲ་ཤིས་དང་བདེ་ལེགས་ཀྱི་སྒོ་འཕར་བྱེ་བ་འབྱེད་གནས་དགའ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་ཕོ་བྲང་གི་འདུན་ས་ཆེན་པོར་ས་སྟེང་འཁོད་པའི་སྐྱེ་རྒུ་ཐམས་ཅད་འདུ་བར་མ་ཟད་ས་བླའི་གཙོ་བོ་ཚངས་པ། ཁྱབ་འཇུག །དབང་ཕྱུག །བརྒྱ་བྱིན་སོགས་སུམ་རྩེན་པ། རྒྱལ་ཆེན་སྡེ་བཞི་སོགས་ལྷ་རྣམས་ཀྱིས་ཀྱང་ས་བཿསྭསྟི་ཀ་རི་ཥྱ་ཏི་མཾ་ག་ལཾ་བྷ་ཝནྟུ་ཞེས་སོགས་ཀྱི་ཤིས་པའི་སྒྲ་འབྲུག་སྟོང་ལྟར་ལྡིར་མེ་ཏོག་ཆར་གྱིས་ས་གཞིའང་དོག་པོར་བྱེད་ཅིང་སྔོན་ཆོས་རྒྱལ་མེས་དབོན་རྣམ་གསུམ་གྱིས་ཆོས་སྲིད་མཛད་བཟང་དབྱར་མཚོ་ལྟར་སྤེལ་བ་དང་། བསྟན་པ་ཕྱི་དར་ལ་གོང་མ་སེ་ཆེན་རྒྱལ་པོའི་ལུང་གིས་མངོན་པར་མཐོ་བ་ཆོས་ཀྱི་རྒྱལ་པོ་འཕགས་པ་རིན་པོ་ཆེས་བོད་ཆོལ་ཁ་གསུམ་ལ་མངའ་སྒྱུར་བའི་ཚེ་བཅུ་གསུམ་ལས་ཀྱིས་གཙོས་པའི་སྒྲིགས་ལམ་གྱི་སྲོལ་རྒྱས་པར་གྱུར། གནམ་སྐོས་ཀྱི་སྡེ་སྲིད་ཕག་མོ་གྲུ་པ་གུའི་གུང་། བྱང་པ་རིགས་ལྡན་ཏཱ་དབེན་གུ་ཤྲི། ཁྲོམ་གེ་སར་གྱི་མག་པ་རྒྱལ་མཁར་རྩེ་བ། སྒེར་རིགས་རིན་ཆེན་སྤུངས་པ། སྡེ་སྲིད་

[Full Size]

གཙང་པ་སོགས་ཀྱི་དུས་རིན་ཆེན་རྒྱན་ཆ་སྤྲོད་པའི་སྲོལ་དོད། ཁྱད་པར་སྒེར་རིགས་ས་སྤྱོད་དབང་པོ་ངག་དབང་འཇིག་རྟེན་དབང་ཕྱུག་གྲགས་པའི་རྡོ་རྗེ་དཔལ་བཟང་པོ་ཞེས་རིག་པའི་གནས་མཐའ་དག་ལ་མཁྱེན་པའི་སྤྱན་རས་མཆོག་གྱུར་དེ་ཉིད་བསྐལ་བཟང་སངས་རྒྱས་ལྔ་པ་སྟོན་པའི་རྒྱལ་ཚབ་མ་ཕམ་མགོན་པོ་དང་མཇལ་སྐབས་ལྷ་ཀླུ་དྲི་ཟ་མིའམ་ཅི་ལྟོ་འཕྱེ་ཆེན་པོ་ནམ་མཁའ་ལྡིང་གནོད་སྦྱིན་ཀུན་ཏུ་དགའ་བ་ཤིས་བརྗོད་དགའ་བ་འཁྱིལ་པ་སྟེ་རྣམ་པ་བརྒྱད་པོ་རང་གཟུགས་ཀྱི་ཟློས་གར་གླུ་དབྱངས་ཀྱི་ངེས་པ་བདུན་ལས་དྲངས་པའི་སྙན་ཚིག་དགུ་ལྡན་ཉམས་དང་བསྟུན་པའི་གཟིགས་མོ་ལྟ་བས་ཆོག་མི་ཤེས་པའི་སྲོལ་རིན་སྤུངས་ནས་བསྟོད་པ་བསམ་གྲུབ་རྩེར་དར་ཡང་བར་དུ་ཉམས་པ་ཤིང་ཡོས་ཁྲི་འདོན་གྱི་དུས་འདར་པ་བསོད་ནམས་ལྷུན་གྲུབ་རྡོ་རྗེར་བཅའ་བསྒྲིག་དགོས་ཚུལ་མོལ་བ་ལྟར་འཕྱོས་གྲོང་སྟོད་པ་དང་བཅས་འབྱོར་པས་རིས་སུ་མ་ཆད་པའི་མཆོག་དམན་བར་མ་ཐམས་ཅད་ཀྱི་མིག་གི་ལྟད་མོ་ཚར་དུ་དངར་བའི་དགའ་སྟོན་སྤེལ་བར་བརྟེན་ཡིད་ཀྱི་གསོས་སྨན་དམ་པར་གྱུར་ནས་མི་དགེ་བའི་ལས་ལམ་ལྡོག་སྟེ་དགེ་བཅུའི་ལང་ཚོ་གསར་དུ་ངོམ་པའང་། ཇི་སྐད་དུ། ཀྭ་ཡེ་འཛམ་གླིང་སྐྱེ་འགྲོའི་བསོད་ནམས་ནོར་བུའི་སྒྲོན། །ཐུབ་བསྟན་ཕུན་ཚོགས་ལང་ཚོ་གསར་དུ་སྤྲོ་མཁས་པའི། །ས་ལས་རྣམ་རྒྱལ་རྒྱལ་སྲིད་ཀུན་གྱི་ཐིག་ལེ་མཆོག །བསྔགས་པའི་ཨུཏྤལ་གཞོན་ནུ་དར་བ་རྣ་བའི་རྒྱན། །ཞེས་པ་དང་མཐུན་པར། ལྷ་མཐོང་ལོ་ཙཱ་བས། དཔལ་འབྱོར་གསེར་གྱི་འཁོར་ལོའི་ཤུགས་བསྐྱོད་ནས། །གངས་ཅན་སྐྱེ་འགྲོའི་བསོད་ནམས་འཆི་མེད་གྲོང་། །རྒྱལ་ཁྲིམས་ཞབས་སེན་འོད་ཀྱིས་མཛེས་བྱེད་པའི། །མི་དབང་

[Full Size]

ང་ལས་ནུ་ཁྱོད་རྒྱལ་གྱུར་ཅིག །གང་གི་མཛད་པ་བཟང་པོའི་རྒྱུད། །དབྱངས་ཀྱི་ཡན་ལག་བདུན་རྫོགས་པའི། །ཉམས་དང་གྱུར་བའི་གཏམ་སྙན་པོས། །སྙིང་ལ་ཀུན་དགའི་དཔལ་སྟེར་བྱེད། །ཅེས་དང་། དྲན་པ་ཉེར་གཞག་ཏུ་སངས་རྒྱས་གཙུག་ཏོར་ཅན་གྱི་གསུང་དྲངས་པར། གང་གི་སྐྱེ་བོ་གཙང་མའི་འཁོར། །ཆོས་ལ་སྤྱོད་པ་དབང་པོ་དུལ། །རྒྱལ་པོ་ཆོས་བྱེད་བློ་ལྡན་དེ། །མཐོ་རིས་འཇིག་རྟེན་སྐྱེ་བ་ཡིན། །མི་བདག་གང་ཡང་ཆོས་ཀྱིས་ནི། །རྟག་ཏུ་སྐྱེ་དགུ་ཡོངས་སྐྱོང་བ། །རབ་ཏུ་བསྔགས་པའི་ཆོས་བྱེད་དག །ལྷ་ཡི་འཇིག་རྟེན་ས་བདག་འགྱུར། །ཞེས་དང་། ལེགས་བཤད་ལས། དམ་པ་དཔོན་དུ་བསྐོས་གྱུར་ན། །དོན་གྲུབ་པ་དང་བདེ་སྐྱིད་འཐོབ། །ནོར་བུ་རྒྱལ་མཚན་རྩེར་མཆོད་ན། །ཕྱོགས་དེར་དགེ་ཞེས་མཁས་རྣམས་སྒྲོག །དམ་པ་རྒྱང་ན་གནས་ན་ཡང་། །འཁོར་འདབ་ཕན་པ་རྒྱང་ནས་སྐྱོང་། །མཁའ་ལ་སྤྲིན་ཆེན་འཁྲིགས་པ་ཡིས། །ས་ཡི་ལོ་ཏོག་ཁྱད་པར་འཕེལ། །ཞེས་པའི་དོན་བཞིན་འབེལ་གཏམ་པ་དང་རོལ་ཆ་བ་སོགས་ཀྱིས་ཀྱང་ཤིས་བརྗོད་ཀྱི་སྒོ་མཐའ་ཀླས་པ་ཕྱེ་བ་དང་ཆབས་ཅིག་འཇམ་དབྱངས་ཁྲི་སྲོང་ལྡེའུ་བཙན་གྱིས་ཨོ་ཏནྟ་པུ་རིའི་གཙུག་ལག་ཁང་ལ་དཔེ་བླངས་ཏེ་ཟན་གཡང་མི་འགྱུར་ལྷུན་གྱིས་གྲུབ་པའི་རྟེན་དང་བརྟེན་པ་བཅས་བཞེངས་གྲུབ་པ་ན། དེ་ལྟར་མངའ་འོག་སྐྱིད་པའི་འབངས། །མ་འཚོགས་བྱ་བ་གང་ཡང་མེད། །བཟའ་བཏུང་ལོངས་སྤྱོད་སྣ་ཚོགས་ཀྱིས། །གང་ལ་ཅི་འདོད་ཐམས་ཅད་ཚིམ། །དགའ་བའི་བྲོ་བརྡུང་

[Full Size]

སྐྱིད་པའི་གླུ། །ཉིན་རེ་བཞིན་དུ་རྒྱུན་ཆད་མེད། །གདུགས་དང་རྒྱལ་མཚན་བ་དན་སོགས། །དགུང་ལ་ཉི་མ་འགྲིབ་པ་ཙམ། །འདབ་ཆགས་བྱ་ལ་འཕུར་ས་མེད། །མགོ་ནག་མི་ཡིས་ས་གཞི་ཁེངས། །སིལ་སྙན་རོལ་མོ་འབྲུག་བཞིན་ལྡིར། །གྱི་ལིང་རྟ་ལ་རྒྱུག་ས་མེད། ཁྱེའུ་བུ་མོ་ཐམས་ཅད་ཀྱིས། །ཆས་བརྒྱན་ལག་ན་རྔ་མ་ཐོགས། །རྔ་བརྡུང་གླུ་ལེན་གར་སྟབས་བསྒྱུར། །གཡག་སེང་དར་སེང་སྟག་སེང་དང་། །འབག་དང་སེང་ཕྲུག་གར་མཁན་དང་། །དཔའ་མཛེས་རྔ་ཐོགས་འཆམས་པ་སོགས། །རྒྱལ་པོའི་སྐུ་ལ་མཆོད་པ་འབུལ། །དེ་ལྟར་རྗེ་འབངས་ཐམས་ཅད་ཀྱིས། །དགའ་བའི་ལུས་ལ་རང་དབང་མེད། །བྲོ་བརྡུང་ནམ་མཁའི་ཆར་པ་འདྲ། །སྐྱིད་པའི་སེམས་ལ་དྲན་འཛིན་མེད། །རང་རང་མོས་པའི་གླུ་རེ་ལེན། །ཞེས་པས་ཀྱང་སྒྲུན་དུ་མེད་པ་བསྟར་བས་བསྟན་དང་སྐྱེ་དགུའི་ཕན་བདེ་འཕེལ་བའི་རྩ་ལག་དམ་པར་གྱུར། ཚེས་གསུམ་ལ་སྡིངས་པོ་ཆེ་སྤྲུལ་སྐུར་ཡིག་ལན་སྙན་ཚིག་གི་ལམ་ནས་དྲངས་པ་བསྲིངས། ཚེས་བཞིར་བོ་དོང་སྦྱོར་ར་སྤྲུལ་སྐུ། ཤངས་དགེ་འཕེལ་མཁན་པོ་ལྕགས་རམས་པ། ནག་ཆུ་ཁའི་སོག་དམངས་སྤྱི་བསྡུས་སོ་སོས་བདོག་པ་དང་ཡོན་སྦྱར་གྲ་ཚང་ནས་མཁའ་འགྲོ་སྡེ་ལྔར་བརྟེན་པའི་རིང་འཚོ་སྤེལ་རྗེས་བླ་ཁག་གཉིས། འུག་བྱ་ལུང་པའི་ཆོས་རྗེ། དབོན་མོ་མ་ལས། ཚ་རོང་ནས་གཞོན་པ་སོགས་བོད་སོག་ལྔ་བརྒྱ་སྐོར་ལ་ཇ་གྲལ་བཏང་། ཚེས་ལྔར་བཟོད་པ་ཡེལ་དེང་གི་བུར་བྱིན་རླབས་བྱས། ཚེས་བདུན་ལ་དགའ་ལྡན་ཁྲི་རིན་པོ་ཆེ། གསང་སྔགས་བྱང་ཆུབ་གླིང་གི་སློབ་དཔོན།

[Full Size]

དྲུང་འཁོར་ལྔ་བཅུ་སྐོར་དང་མཇལ་ཞིང་ཕྲད། ཆོས་འཁོར་རྒྱལ་དུ་རྟེན་མཆོད་གསར་དུ་བསྒྲིགས་པར་བྱམས་ཁང་གཡས་བར་ཁང་ཀ་གསུམ་མར་རྟེན་གཙོ་ངེད་རང་གི་འདྲ་འབག་དངུལ་སྐུ་སོགས་དེར་མ་ཤོང་བ་ཕྱིའི་དངུལ་གདུང་ཁང་གི་མདོ་དང་སྤྱི་སོའི་ཚོགས་ཆེན་རྣམས་སུ་བསྒྲིགས་པར་དངུལ་སྐུ་ཆེ་ཆུང་བཞི། ཀླུ་འཇིམ་གྱི་ཐུབ་དབང་མཛད་པ་བཅུ་གཅིག་ཡོད་པ། ཛྷྱཻ་ཀྵིཾ་གྱི་ཐུབ་དབང་དང་བྱམས་སྐུ་རེ། སངས་རྒྱས་བྱང་སེམས་འཕགས་ཡུལ་གྱི་ལི་སྐུ་དྲུག་ཅུ་རེ་དགུ། བཀའ་གདམས་ལི་མ་དང་རག་སྐུ་འདྲེས་པ་ཉིས་བརྒྱ་སོ་བཞི། རྒྱ་ནག་མ་བདུན། སླེའུ་ཆུང་པའི་ཕྱག་བཟོའི་རྡོ་རྗེ་འཇིགས་བྱེད་ཀྱི་སྐུ་རྗེ་བཙུན་བཙོང་ཁ་པ་ཆེན་པོའི་ཕྱག་ནས་མས་གཙོས་གསེར་སྐུ་དྲུག་ཅུ་རེ་དགུ། འདྲ་ཅོག་བཞི་ཅུ་ཞེ་ལྔ་སྟེ་ཁྱོན་བཞི་བརྒྱ་སོ་གཅིག །བཀའ་གདམས་གདུང་རྟེན་ལྕགས་རྩེ་མ་སོགས་བཞི་བཅུ་ཞེ་བཞི། གསེར་ལྗང་བརྡུངས་ཀྱི་མཆོད་རྟེན་མཐོ་གང་སོར་བདུན། ཡང་མཐོ་གང་སོར་གསུམ་རེ་ཡོད་པ་གཉིས་བཅས་གཡུ་མུ་ཏིག་སོགས་ཀྱི་ཕྲ་ལྡན། དངུལ་གདུང་ཁྲུ་གང་སོར་བཅུ་གཅིག་པ་ནས་མཐོ་གང་སོར་ལྔ་པའི་བར་བཅུ་དྲུག་ལ་གཡུ་མུ་ཏིག་གི་རྒྱན་ཅན། ཚ་གསེར་གྱི་གཅིག །ཀླུ་སྒྲུབ་ཀྱི་ཕྱག་བཟོའི་བྱང་ཆུབ་ལྗོན་ཤིང་གི་རྡོ་རྗེ་གདན་གྱི་གནྡྷོ་ལ། འཁྲུངས་རབས་སོ་བཞི་དང་གནས་བཅུ་ཐང་གྲངས་བཅུ་གསུམ་རེ་གྲ་ཚར། ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་ཐང་སྐུ་གསུམ། དངུལ་གྱི་མཎྜལ་སྲང་ཆིག་བརྒྱ་བཅུ་བཞིས་གཙོས་ཆེ་ཆུང་དྲུག །གསེར་ཀོང་སྲང་བཅུ་དྲུག་པ། དངུལ་ཀོང་སྲང་

[Full Size]

བཞི་བཅུ་ཞེ་བརྒྱད་པ་དང་བཅས་ཆེ་ཆུང་བརྒྱད། དངུལ་ཕོར་དང་ཕུད་ཅན་དྲུག །དངུལ་གྱི་ཆབ་རིལ་སྲང་ཉེར་གཅིག་རེ་ཡོད་པ་ཆ། དངུལ་གྱི་ལས་བུམ་སྲང་བརྒྱད་ཞོ་ལྔ་པ། རྣམ་བུམ་ལྟོ་བ་ཟངས་ཁ་ཕོར་དངུལ་གྲུབ་ཆ། དངུལ་ལྟིར་ཁེབས་ལྡན་སྲང་ཉེར་བཞི་པ། བྱུ་རུའི་རྒྱ་ལག་དངུལ་གྱི་པད་རྐང་མ། དངུལ་སྲང་ཉེར་དགུ་ཞོ་ལྔའི་ཏིང་བདུན་ཚར་གཉིས། དངུལ་སྲང་ལྔ་ཞོ་གསུམ་གྱི་གཏོར་ཆ་བདུན་ཚར། དངུལ་སྲང་ཆིག་བརྒྱ་བཅུ་གཉིས་དང་ཞོ་དྲུག་གི་བཀྲ་ཤིས་རྟགས་བརྒྱད་ཚར་གསུམ། དངུལ་གྱི་ལྡིང་སྤོས་སྲང་བཅུ་དགུ་ཞོ་དྲུག་པ། ཡང་སྲང་བཅུ་བཞི་ཞོ་ལྔ་པ། ལྕགས་ཀྱི་ལྡིང་སྤོས་བཀྲོལ་མ། རག་གི་སྤོས་ཕོར་གཉིས། དངུལ་གྱི་ཀ་པཱ་ལ་སྲང་བཅུ་བཞི་ཞོ་གསུམ་པ། གཡང་ཊིའི་པད་ཕོར་ཆེ་ཆུང་བདུན། དཀར་དཔྱད་བཅུ། བསེ་རུའི་རྭ་ཙན་དན་དཀར་དམར་གྱི་འབྲས་སྐྱོགས་དངུལ་གྱི་ནང་ཤ་ཡོད་མེད་བཅུ་དྲུག །གུ་གུ་ཤའི་ཏིང་བདུན་ཚར། རག་གི་མེ་དམ་རྒྱ་བཟོ་མ་ཆ། ཧོར་ཏིང་བདུན་ཚར། དཀྱུས་མ་བདུན་ཚར་དྲུག །ལི་རག་གི་མཎྜལ་གསུམ། ལྕགས་ལིའི་ཁྲུས་ལོང་གཉིས། དུང་དཀར་དངུལ་གཤོག་མ་གཡུ་སོགས་ཀྱི་ཕྲ་ལྡན་གཅིག་དང་རག་གཤོམ་མ་གཅིག །ཟངས་དམར་སེར་གྱི་རྒྱ་དུང་ཆ་གསུམ། འཁར་རྔ་བརྒྱད། འུར་ཏིང་བཞི། རྒྱ་སྤུབ་ལྔ། ཧོར་སིལ་གཅིག་ཐེ་བའི་སིལ་སྙན་བརྒྱད། འགྲོ་བའི་མགོན་པོ་འཕགས་པ་རིན་པོ་ཆེའི་དགང་བླུགས་བརྐོས་བཀྲོལ་ཚགས་མ། བརྡ་རུ་ཚགས་མ་གསེགས་བརྡར་དང་བཅས་པ། ཐེག་ཆེན་གན་དྲིལ་རྡོར་བཅས་བཅུ་

[Full Size]

གཅིག །ཀར་དྲིལ་རྡོར་བཅས་བདུན། གནམ་ལྕགས་ཀྱི་རྡོ་རྗེ་བཞི། རག་ཚ་གསེར་མའི་རྡོ་རྗེ་དགུ། གོས་དར་གྱི་འཕན་ཕྱེ་ཕུར་རྒྱལ་མཚན་སོགས་ཉེར་གཅིག །གོས་ཡོལ་གཉིས། བླ་བྲེ་བཅུ་བདུན། སྨན་ཙེའི་ཡོལ་བ་བཞི། གོས་བེར་བདུན། གོས་ཕོད་བརྒྱད། སྙན་དར་གོས་ལིང་དར་སོགས་ཚོས་ཁ་སྣ་ཚོགས་ཆིག་སྟོང་སུམ་བརྒྱ་གྱ་དྲུག་ལིང་ལུའི་གདུགས་ར་ཤེལ་གྱི་རྟོག་ལྡན་ཆེ་ལེགས། ལིང་སྐྱེར་གྱི་སྣམ་སྦྱར་གཅིག་དང་གོས་ལྷན་སྡེབས་ཀྱི་དྲ་བ་དྲ་ཕྱེད་བཟོ་བཀོད་ལེགས་པ་རྣམས་བསྒྲིག་བཅུག །མཆོད་ཁང་རི་མཐིལ་གྱི་ཆས། དབྱར་ཆོས་ལ་གཞི་གསུམ་ཆོ་ག །སྨོན་ལམ། དུས་མཆོད་ལེ་ཚན། དུས་གཏོར། གཏོར་འཕེན། ལོ་གསར། །དབྱར་ཕོགས། ཐུལ་པ་བརྗེ་ལེན། རྒྱ་རའི་དབྱར་ཆོས། ཚ་རའི་མར་དཔུས་བསྒྱུར་སོགས་སྔར་གཏོང་དེབ་རྙིང་ལ་ཞལ་གྲངས་བརྒྱ་བཞི་བཅུ་ཆུ་ལེན་མེ་འབུད་སོགས་སྐལ་གཏོང་སོ་ལྔ་སྐོར་དང་བཅས་ཅུང་ཟད་ཉུངས་སྐྱོན་ནས་གྲ་གསར་བརྒྱ་དྲུག་ཅུ་སྤར་བའི་ཕོགས། མགོན་ཆོས་ཀྱི་དུས་གཏོར་སྔར་ཡོད་བཅུ་བདུན་སྟེང་གསར་པ་བརྒྱད། དགའ་ཚལ་དུ་ལྔ་གྲའི་ཁར་འཕར་བཅོ་ལྔ་བསྣན་ཏེ་གཏན་སྡོད་ཉི་ཤུ། གཏོང་སྒོ་ཆ་ཕྲས་སྐྱོན་འདུག་པ་ཟུར་གསལ་ནང་ལྟར་འཕེལ་རྒྱས་བསྒྲུབས་པས་བསྟན་པ་སྤྱི་དང་ཁྱད་པར་བཀའ་གདམས་གླེགས་བམ་རིན་པོ་ཆེ་ནས་གསུངས་པ་བཞིན་བོད་འབངས་ཕན་བདེའི་རྩ་ལག་ཏུ་བསྐྲུན། ཚེས་བཅུར་གསང་སྔགས་བྱང་ཆུབ་གླིང་བླ་གྲས་དངོས་པོའི་ཚན་གྲངས་རིང་པོར་བརྐྱང་སྟེ་གྲ་ཚང་གི་ལུགས་ལྟར་འབྲས་གཤོངས་

[Full Size]

དག་སྣང་མཁའ་འགྲོར་བརྟེན་པའི་རིང་འཚོའི་རྟེན་འབྲེལ་མཛད། འདི་ཉིན་ནས་སྨོན་ལམ་ཆེན་མོར་དགེ་འདུན་བདུན་སྟོང་བརྒྱད་བརྒྱ་སྐོར་ལ་ཡ་ཇུ་ཁོར་དྲུག་མ་ཆིག་བརྒྱ་ང་བཞི། རྟ་ཉིས་བརྒྱ་ཉི་ཤུ་དང་དྲེའུ་ང་དགུ། འབོ་དེ་ཙེའི་ཕྲེང་བ་རྐྱལ་པ་བཅོ་ལྔ། སྒེ་དོས་མི་རྒྱབ་མ་བཅོ་བརྒྱད། དེས་མ་ལྡང་པར་སེར་ལྗང་སྦག་ཞེ་གཅིག །བུ་རམ་ལྟང་ཙེ་སུམ་བརྒྱ་ཞེ་བརྒྱད་བཅས་འགྱེད་བཞི་བཏང་། ཚེས་བཅུ་གཅིག་ལ་ངེད་རང་གིས་མཁན་པོ། ཁྱབ་བདག་ཞ་ལུ་པ་ཆེན་པོས་སློབ་དཔོན། དབོན་པོ་ལོ་ཙཱ་བས་གསང་སྟོན། དགེ་སློང་འཇམ་དབྱངས་གྲགས་པས་དུས་བསྒོ་བ། མཆོད་དཔོན་ངག་དབང་ཤེས་རབ་དང་རིན་ཆེན་འཇམ་དཔལ་གྱིས་ཁ་སྐོང་བྱས་ཏེ། ཆོས་རྗེ་དབོན་རིན་པོ་ཆེ། གནས་རྙིང་ཞབས་དྲུང་གི་སྤྲུལ་སྐུ། མངོན་དགའ་བླ་མ་སྤོང་རོང་ཆོས་རྗེ་གསུམ་དང་། ཕྱི་དྲོ་དབུ་མཛད་བློ་བཟང་ཡོན་ཏན། དར་མོ་སྨན་རམས་པ་བློ་བཟང་ཆོས་གྲགས། ཆོས་རྗེ་གུང་རུ་བ་དབང་རྒྱལ་རྡོ་རྗེ་གསུམ་རྣམས་བསྙེན་རྫོགས་བསྒྲུབས་ཤིང་དབོན་རིན་པོ་ཆེར་ངག་དབང་བློ་གསལ་མཆོག་ལྡན་དུ་གསོལ། ཚེས་བཅོ་ལྔར་བློ་བཟང་མགོན་པོ་རབ་བརྟན་སོགས་སོག་པོ་ལྔ་བཅུ་སྐོར། སྤུན་བདུན་པ་ལྷུན་གྲུབ་རྒྱ་མཚོ། བློ་བཟང་ལྷུན་གྲུབ། སྔགས་བན་ངག་དབང་འཕྲིན་ལས། བསྟན་འཛིན་དབང་པོ་སོགས་ཡན་ལག་བརྒྱད་ལྡན་གྱི་སྡོམ་པར་བཀོད། དཔོན་ཚང་ཚ་རོང་པས་རིང་འཚོའི་ཚན་གྲངས་བཏེག་ཅིང་དྲང་སྲོང་གཞན་ཕན་གླིང་དུ་འཛུགས་རྒྱུའི་རིང་འཚོའང་བརྩམས། ལྷ་ས། ར་མོ་ཆེ། པོ་ཏ་ལ། བྱམས་ཁང་། རྨེ་རུ་གསར་རྙིང་བཅས་པའི་རྟེན་རྣམས་ལ་

[Full Size]

གསེར་ཆབ། སྙན་ཤལ། དངུལ་དཔྱད་ཀྱི་མཆོད་རྫས་ཕུལ། གསང་སྔགས་བྱང་ཆུབ་གླིང་པས་རིང་འཚོ་སྤེལ་ཞོར་ཨྱཻ་རིང་ཞག་བཅོ་ལྔའི་བར་བཏང་། བོད་འབངས་སྤྱིའི་བདེ་ཐབས་སུ་དབུས་གཙང་གི་རིས་མེད་དགོན་ཨང་དང་པོར་གྲ་པ་རེར་གཤོར་ཁལ་གསུམ་མ་དང་གཉིས་པར་ཁལ་གཉིས་མའི་ཁྱོན་བསྡོམས་ཁལ་ཆིག་འབུམ་དྲུག་ཁྲི་ཆིག་སྟོང་བརྒྱད་བརྒྱ་རེ་གསུམ་ཐོབ་པར་འབྲུ་གསེར་དངུལ། དཔུས་ཆ་སོགས་གང་འོས་སོང་། ཆོས་སྡེ་ཆེ་ཕྲ་ནས་དཔུང་གི་ཞར་འདེགས་ལ་ཕྱིན་པའི་སྡོམ་པ་ཕུལ་བ་དང་ཉམས་པ་རྣམས་སྐྱོར་བས་མཚོན་བཅའ་ཁྲིམས་བསྡམས་ཤིང་འཆད་ཉན་སྒྲུབ་མཆོད་ཆག་པ་རྣམས་སྔར་བཞིན་གསོ་བ། མགོན་ཁང་སོགས་ནས་གོ་མཚོན་ཁུར་བ་རང་སློག །ཆད་ལུས་ལ་རང་རང་ལུགས་བཞིན་བསྐང་བཤགས་བཟབས་རྒྱས་གཏོང་དགོས་ཚུལ་སོགས་ཀྱི་རྒྱུ་མཚན་བགྱིས། ཚེས་བཅུ་དྲུག་ལ་གྲ་ཚང་གི་གྲ་པ་ངག་དབང་ཆོས་འཇིན། བློ་བཟང་མཐུ་སྟོབས་སོགས་བསྙེན་རྫོགས་སོ་དྲུག་བསྒྲུབ་པ་དང་མུ་མཐུད་ཉིན་གསུམ་གྱི་བར་གྲ་ཚང་གི་གྲ་པ་ཁ་ཤས་ཀྱིས་སྡོམ་རྒྱུན་གསར་བ་བསྐྱར། ཚེས་བཅུ་བདུན་ལ་བཅོ་བརྒྱད་ཆོས་རྗེ། ཏྲེ་བོ་སྐུ་སྐྱེ། བར་བཟུང་ཚེ་རིང་དར་རྒྱས་སོགས་ལ་ཇ་གྲལ་བཏང་། རྩེ་ཚོགས་ངག་དབང་གྲགས་པས་གྲལ་སྐོར་གྱི་སྔོན་འགྲོར་གྲ་ཚང་གི་འདོན་ཆ་ཡོངས་རྫོགས་ཀྱི་རྒྱུགས་སྤྲད། དཀོན་གཉེར་སྔགས་རམས་པ་ཀུན་དགའ། བློ་བཟང་དཔལ་འབྱོར། ངག་དབང་དཀོན་མཆོག་གསུམ་གྱིས་ཡོན་སྦྱར་དངོས་པོའི་སྟེར་སྦྱིན་དང་བཅས་གྲ་ཚང་གིས་གཟིམས་ཆུང་རིང་འཚོར་གྲགས་པ་སྤེལ། ཕྱི་དྲོ་

[Full Size]

ཟུར་ཆེན་གྱི་སྤྲུལ་སྐུ་སོགས་དགེ་ཚུལ་བརྒྱད་བསྒྲུབས། ཚེས་བཅུ་དགུར་རྫིང་ཕྱི་མཁན་གཉེར། ཨུལ་ཇོའི་ཐུ་པཱ་ཐུར་ཐའི་ཇི། སྡེ་པ་གྲགས་པ། རྒྱལ་བའི་འཕྲིན་ལས་པའི་སྐུ་སྐྱེ་བློ་བཟང་ཁུ་ཐུག་ཐུའི་མི་སྣ་སོགས་བོད་སོག་བརྒྱ་སྐོར་དང་ཕྲད། འབྲོང་རྩེ་རྒྱལ་ཕུར་ཁྱོ་ཤུགས་ཀྱི་ངོར་ཕ་བསོད་ནམས་དར་རྒྱས་ཀྱི་དོན་དུ་སྨོན་ལམ་བྲིས། ཉེར་བདུན་ལ་གསང་སྔགས་བྱང་ཆུབ་གླིང་སློབ་དཔོན་གྲ་བཅས་ལ་བྱིན་རླབས་བྱས། ཉེར་བརྒྱད་ལ་སྡོམ་རྒྱུན་གསར་པ་སེམས་དཔའ་སྤྲུལ་སྐུ་ངག་དབང་ཕུན་ཚོགས། སེར་འབྲས། རྒྱུད་སྟོད་སྨད་ཀྱི་ཞལ་སྔ་ནས་བཅས་བརྒྱད་ལ་ཕབ། ཉེར་དགུར་གསེར་དངུལ་གོས་དར་ཇ་རས་སོགས་ཀྱི་ཆོས་ཡོན་རྒྱས་པས་བསྙེན་བཀུར་ཏེ་རྡོ་རྗེ་འཆང་རིན་ཆེན་བསོད་ནམས་མཆོག་གྲུབ་ཉང་སྟོད་དཔལ་འཁོར་ཆོས་སྡེར་དལ་འགྲོས་ཀྱིས་ཆིབས་བསྐྱོད། ནད་རིམས་འཁྲུག་བརྩོད་བཟློག་ཐབས་སུ་ལྷ་ལྡན། ཟན་གཡང་། ཁྲ་འབྲུག་སོགས་མཐའ་འདུལ་ཡང་འདུལ་གྱི་གནས་ཆེན་རྣམས་སུ་ཐུགས་རྗེ་ཆེན་པོ། སེང་ལྡེང་ནགས་སྒྲོལ། སློབ་དཔོན་ཆེན་པོ། བླ་མ་རྡོ་རྗེ་གྲོ་བོ་ལོད་རྣམས་ཀྱི་སྐུ་བྲིས་འབུར་གང་རུང་གོ་ཡུལ་དང་བསྟུན་བཞེང་བ། ཁྱད་པར་སྟོད་ཕྱོགས་ཀྱི་མི་མཐུན་ཞི་ཕྱིར་རི་བོ་བཀྲ་བཟང་། པྲ་དུན་རྩེ། གྲོམ་པ་རྒྱང་། ཟབ་ཕུའི་མགུལ་བཞི་ནས་གཤིན་རྗེ་དམར་ནག་གི་མནན་སྲེག་འཕང་གསུམ། མ་མདོས། འགོང་པོ་ཨར་གཏད། བྱེ་བྲག་རི་བོ་བཀྲ་བཟང་དང་ཕུང་པོ་རི་བོ་ཆེར་མནན་པ་གཙོར་བཏོན། དེ་རྣམས་སུ་ཐུགས་ཀྱི་ལྷ་གསུམ་གྱི་སྒྲུབ་པ། སྤྱིར་སྣང་སྲིད་ལྷ་སྲིན་སྡེེ་བརྒྱད་དང་དེ་ནང་ནས་རྒྱལ་འགོང་

[Full Size]

དམ་སྲིའི་འཚུབ་ལྷོངས་གཅོག་ཕྱིར་མཆིམས་ཕུར་པདྨ་དབང་ཆེན། ཡང་རྫོང་དུ་འཇམ་དཔལ་གཤིན་རྗེ། ཤེལ་བྲག་ཏུ་བདུད་རྩི་སྨན་སྒྲུབ། མཁར་ཆུར་ཡང་དག་ཧེ་རུ་ཀ་དང་རྡོ་རྗེ་གྲོ་ལོད། རིགས་གསུམ་མགོན་པོ་རྣམས་ཀྱི་སྒྲུབ་པ་འབྲེལ་མཚུངས་བྱེད་མྱོང་གིས་བསྟར་ཞིང་། ཕུང་པོ་གསུམ་པའི་མདོ་བཏོན། མི་དང་མི་མིན་བདུད་ཚོགས་ཀྱི་འཚེ་བ་བཟློག་ཕྱིར་འཇོམས་བྱེད་ཉི་ཟླ་ནག་པོའི་སྲུང་བཟློག་སྨིན་རྒྱས་སུ་བྱས། མཆོད་དཔོན་པས་ཞུ་རྟེན་དང་བཅས་དགོས་ཚུལ་ལ་བརྟེན་སྒྲགས་ཕུ་སྨོན་གྲོང་གཞིས་ཀ་བོད་འབྲོག་བསྡོམས་ཁྲལ་རྐང་བཅུ་གཉིས། ལག་ཡོང་བདུན་བརྒྱ་གྱ་དྲུག་རྩིས་སྤྲད། ཧོར་ཟླ་གཉིས་པའི་ཚེས་གཉིས་ལ་སྟག་རྩེ་ལྷ་རྒྱལ་རབ་བརྟན། མཱ་ལའི་མ་འཁོར་བཅས། བླ་མ་དགེ་འདུན་བསམ་འགྲུབ། མེར་གན་བློ་བཟང་། དགའ་ལྡན་ཧུང་ཐའི་ཇིའི་མི་སྣ་རྒན་པ་ཨུའི་ཆིང་དར་ཁན་ནང་སོ། གཞོན་པ་གཉེར་པ་བསྟན་འཛིན་ཧུང་ཐའི་ཇིའི་མི་སྣ་སེ་ཆེན་ཆོས་རྗེ། ཨ་ཁའི་གྱི་མི་སྣ་བརྩོན་འགྲུས་དགེ་སློང་། ཆོ་ཁུར་ཨོ་པ་ཤིའི་མི་སྣ་ཚུལ་ཁྲིམས་རིན་ཅན། ཨ་དར་ཐའི་ཇིའི་མི་སྣ་ངག་དབང་བཀྲ་ཤིས། ཨོ་ཁེ་རེས་ཐའི་ཇིའི་མི་སྣ་བསྟན་པ་རིན་ཆེན་རྣམས་དང་། མཚོ་ཁ་ནས་ཨེར་ཏེ་ནི་ཁོ་ཤོའུ་ཆིའི་མི་སྣ་ཤི་ར་པཱ་ཐུར། མེར་གན་ཐའི་ཇིའི་མི་སྣ་ཆོས་རྒྱ་མཚོ། ཨེར་ཁེ་ཨུའི་ཆིང་གི་སོག་མོ། གཞུང་སོག་འགོ་པ་དགེ་སློང་འཇམ་དབྱངས། བུམ་ཐང་ཁར་པ་ནན་ཆིང་ཅན་སོགས་འགོ་པ་དགུ་རྣམས་ལ་བྱིན་རླབས་དང་། དམངས་སུམ་བརྒྱ་སྐོར་ལ་མེ་ཏོག་གཏོར། ཚེས་གསུམ་ལ་

[Full Size]

བརྒྱད་གཏོར་མཆོད་པའི་ཉིན་སྔར་སྤྱི་འགྲེའི་ཚོགས་མཆོད་ལས་མེད་ནའང་གཞུང་དང་མཐུན་པ་ཞིག་འཛུགས་སྙམ་མཁའ་འགྲོ་ལྔ་མཉེས་པར་བྱེད་པའི་ཚོགས་མཆོད་འདོད་དགུའི་མཆོག་སྦྱིན་བརྩམས། ཚེས་བཞིར་བསམ་སྡིངས་ཨྱོན་མཚོ་མོ། རྨོག་ལྕོག་བླ་མ། མཚོ་ཁ་ནས་ཨེར་ཏེ་ནི་དའི་ཆིང་གི་མི་སྣ་གསར་འབྱོར་དྷ་ན། འབའ་གཞིས་སྡོད་བསམ་གྲུབ་གླིང་པ་དང་ས་བ་གྲུ་པ། ར་བ་སྟོད་བླ་ཟུར་སོགས་དང་ཕྲད། ཀ་བརྒྱད་སྦུགས་པ་བསོད་ནམས་དཔལ་མོའི་གཙུག་གཡུ་ཇོ་བོ་ཤཱཀྱ་མུ་ནེར་ཕུལ་བའི་ཚེ་དགོས་ཚུལ་བཞིན་སྨོན་ལམ། བྱང་གླིང་པས་རྗེ་དགེ་འདུན་གྲུབ་ཀྱི་འཁྲུངས་རབས་བཞེངས་པའི་རྒྱབ་ཡིག་བྲིས། ཤེལ་དཀར་ཆོས་སྡེའི་གྲ་པ་དཀའ་བཅུ་བློ་བཟང་རྡོ་རྗེས་སྨན་བླ། རྒྱན་འཇུག །འཇིགས་བྱེད། མགོན་ཆོས་རྣམ་སྲས། དམག་ཟོར་མ་རྣམས་ཀྱི་འདོན་ཆ་བཅས་པའི་རྒྱུགས་སྤྲད། ཚེས་ལྔ་ནས་བཟུང་ཟླ་བ་གསུམ་པའི་ཚེས་བདུན་གྱི་བར་རིང་འཚོ་སྤེལ་མི་བྱུང་བ་སོགས་དམིགས་བསལ་མ་གཏོགས་ནམ་ལངས་ས་རུབ་ལྟ་བུར་དགེ་ཚུལ་སློང་གི་སྒྲུབ་པ་ངེད་རང་གིས་མཁན་པོ། ལེགས་བཤད་གླིང་ཆོས་རྗེས་ལས་སློབ། གནས་བརྟན་འཇམ་དབྱངས་གྲགས་པས་དུས་བསྒོ་བ། སེམས་དཔའ་སྤྲུལ་སྐུ། གནས་རྙིང་སྤྲུལ་སྐུ། བློ་གསལ་གླིང་སློབ་དཔོན་ལེགས་པ་དོན་གྲུབ།གཡོན་རུ་སྐུ་སྐྱེ།ཆོས་འཁོར་སྟེང་སྐུ་སྐྱེ་ལྔ་རེས་མོས་ཀྱི་གསང་སྟོན། ཆོས་རྗེ་ན་བཟའ་གླིང་པས་གྲོགས་ལྡན། སྔགས་རམས་པ་དོན་གྲུབ་རྒྱ་མཚོ་དང་བཅས་དད་པའི་དགེ་འདུན་གྲངས་ཚང་གི་དབུས་ཤེར་འཕེལ་སྤྲུལ་སྐུ། ཅོ་ནེ་དང་བྱམས་གླིང་མཁན་པོ། །

[Full Size]

གསང་སྔགས་བྱང་ཆུབ་གླིང་། ཐར་པ་གླིང་། བདེ་ཡངས་པ། འདུལ་བ། སྔགས་པ། ཡེར་པ། བྲག་དབར། སྦེ་སེར་རྣམས་ཀྱི་སློབ་དཔོན། བྱེས་དང་ཤེལ་དཀར་ཆོས་སྡེའི་བླ་ཟུར། ཁལ་ཁ་ཞབས་དྲུང་། ཀླུ་འབུམ་ཆོས་རྗེ། ཨེར་ཁེ་ཆོས་རྗེ། གཟིམས་ཤག་ཆོས་མཛད་སོགས་བསྙེན་རྫོགས་བསྐྱར་བ་དང་གསར་དུ་བཞི་བརྒྱ་ང་དྲུག །དགེ་ཚུལ་དྲུག་བརྒྱ་དང་དོན་བདུན་རྣམས་བསྒྲུབས་ཏེ་བསྟན་པ་ལ་ཅུང་ཟད་ཀྱི་བྱ་བ་བྱས་སམ་སྙམ། ཚེས་བཅུ་གཅིག་ལ་དགའ་ལྡན་ཧུང་ཐའི་ཇིས་ཚོགས་ཆས་དང་བཅས་རྙེད་པ་ཕུལ་དུ་ཕྱིན་པ་བསྟབ་སྟེ་གྲ་ཚང་ནས་མཁའ་འགྲོ་བསུན་བཟློག་སྔོན་སོང་གི་རིང་འཚོའི་ཆོ་ག་རྒྱས་པར་སྤེལ། ཚེས་བཅུ་བཞིར་མཆོད་དཔོན་པས་བདོག་པ་རིང་པོར་བཏེག་ནས་བསུན་བཟློག་དང་འབྲེལ་བའི་འཆི་མེད་འོད་སྣང་གི་ཚེ་ཆོག་བགྱིས། ཚེས་བཅོ་ལྔར་དབུ་སྒོར་ཆེ་བ་འཁོར་བཅས། གནས་གསར་རྗེ་དཔོན་མཁྱེན་རབ་རྣམ་རྒྱལ། འཇུན་པ། བོན་ཕྲུག་པ། ལྐོག་པ་བ། སྔགས་བན་ངག་དབང་རྒྱ་མཚོ་སོགས་ལ་བསྙེན་གནས་ཀྱི་སྒོ་ནས་མངོན་མཐོའི་ས་བོན་བསྐྲུན། ཨ་ཡོ་ཤིའི་དཔོན་མོ། སྲས་བཀྲ་ཤིས་རྒྱ་མཚོ། འཕགས་པ་ལྷའི་དབོན་པོ་རྣམས་ལ་ཇ་གྲལ་བཏང་། ཚེས་བཅུ་དྲུག་ལ་ཤེར་འཕེལ་སྤྲུལ་སྐུ་དང་མཇལ། ཚེས་བཅུ་བདུན་ལ་གཡོན་རུའི་མི་སྣ་ཉི་ཤུ་སྐོར་ལ་ངོས་ཕྲད་ཀྱི་ཡི་གེ་རྟེན་སྦྲགས་བླངས། ཚེས་ལྔ་ནས་བཅོ་བརྒྱད་བར་གྲ་ཚང་དུ་གཤིན་རྗེ་ཐམས་ཅད་འདུས་པའི་ཨྱཻ་རིང་ས་ཡ་ཆིག་འབུམ་ཉིས་སྟོང་དྲུག་བརྒྱ། དྲག་སྔགས་སོ་དྲུག་པ་དགུ་འབུམ་བཞི་ཁྲི་

[Full Size]

བརྒྱད་སྟོང་ཉིས་བརྒྱ་རྣམས་བསྟར། ཉེར་བདུན་ལ་དགེ་སློང་འཇམ་དབྱངས་གྲགས་པས་རྡོ་རྗེ་སློབ་དཔོན་བྱས་པའི་བརྒྱད་གྲས་ནད་བདག་སྟོབས་འཇོམས་བཏང་བའི་སྔ་དྲོ་ངེད་རང་གི་དུས་གསུམ་སངས་རྒྱས་ཐམས་ཅད་ཀྱི་སྤྱི་གཟུགས་སློབ་དཔོན་པདྨ་སམ་བྷ་ཝའི་ཆ་ལུགས་སུ་ཞུགས་ཏེ་བྱང་ཆུབ་གླིང་པ་དཔལ་རྒྱལ་མཚན་གྱི་ཟབ་གཏེར་ལས་བྱུང་བའི་བཀའ་ནན་རབ་བརྗིད་ཀྱི་སྒོ་ནས་དྲེགས་པ་སྡེ་བརྒྱད་སོགས་བསམ་སྦྱོར་ངན་འཆང་མཐའ་དག་ཏིང་ངེ་འཛིན་གྱིས་མངོན་སུམ་དུ་བཀུག་སྟེ་བོད་འབངས་ཀྱི་མི་མཐུན་ཀུན་གཞིལ་ཞིང་མཐུན་རྐྱེན་རེ་བའི་འདོད་དོན་བསྒྲུབས་པའི་འཕྲིན་བཅོལ་དང་། ལོག་ལྟའི་ཚོགས་ཀྱི་ཚ་དབལ་མིང་གི་ལྷག་མའང་མ་ལུས་པར་བསྒྲལ་བས་ཆོས་སྲིད་ལེགས་ལམ་གྱི་སྒོ་འཕར་ཕྱེ། ཕྱི་དྲོ་རྒྱུད་སྡེའི་མངའ་བདག་བཅོ་བརྒྱད་ཆོས་རྗེ། མཁས་དབང་སྐྱེད་ཚལ་མཁན་པོ། གསུང་གླིང་བླ་ཟུར་ཤེས་ལྡན་བཤེས་གཉེན་རྣམ་རྒྱལ་རྣམས་དང་མདོ་སྔགས་དང་འབྲེལ་བའི་མོལ་མཆིད་ཀྱང་རྒྱས་པར་བྱུང་། ཉེར་གཅིག་ནས་བདུན་ཕྲག་གི་བར་གྲ་ཚང་གི་གྲ་པ་གྲངས་བཅད་སོ་སོས་རྡོ་རྗེ་དྲག་མོ་རྒྱལ། བསྟན་མ་བཅུ་གཉིས། རེ་མ་ཏཱིའི་གསང་མདོས་བཏང་། ངེད་རང་རིང་པོར་འཚོ་ཐབས་སུ་རྫོང་གཞིས་ཁ་ཤས་བསྡོམས་བསྐལ་བཟང་དང་བརྒྱད་སྟོང་པ་བརྒྱ་ཚར་རེ། སྨན་བླ་ཆིག་ཁྲི་ཉིས་སྟོང་། གདུགས་དཀར་ཉི་ཁྲི་ཆིག་སྟོང་། ཕྱག་འཚལ་ཉེར་གཅིག་བཞི་ཁྲི་ཉིས་སྟོང་། ཤེར་སྙིང་བྱེ་བ་གཅིག །ས་ཡ་བརྒྱད་སུམ་འབུམ་ཉི་ཁྲི་ལྔ་སྟོང་བདུན་བརྒྱ་དྲུག་ཅུ། ཚེ་གཟུངས་བརྒྱད་ཁྲི་བཞི་སྟོང་། སྲོག་བླུ་སུམ་བརྒྱ། ན་མཉམ་བརྒྱར་སྟོན་མོ་འགྱེད་བཅས། དབུས་

[Full Size]

གཙང་རིས་མེད་དགོན་ཨང་དང་པོར་གྲ་བ་རེར་གཤོར་ཁལ་གཉིས་རེ། གཉིས་པར་ཕྱེད་གཉིས་རེ། གསུམ་པར་ཁལ་རེ་རྣམས་ཁྱོན་བསྡོམས་ཁལ་ཆིག་འབུམ་སུམ་ཁྲི་དགུ་སྟོང་དྲུག་བརྒྱ་ཐོབ་པར་འབྲུ། གསེར་དངུལ། དངོས་དཔྱད། དཔུས་ཆ་སོགས་གང་འོས་སོང་། བྱང་སྟག་རྩེའི་གཙུག་ལག་ཁང་དུ་ད་ལྟ་ཕན་མཆོད་པ་མི་འདུག་པ་འདི་ལོ་ནས་བཟུང་ཇི་སྲིད་བསྟན་པ་གནས་ཀྱི་བར་མར་མེ་སྡོང་རྐང་རེ་ཆག་མེད་དང་ཉ་སྟོང་བརྒྱད་གསུམ་ལ་མཆོད་འབུལ་གྱི་རྒྱུན་བཙུགས། སྡེ་པའི་རིམ་འགྲོར་ཕོ་བྲང་དུ་མདོ་མང་དང་དཀོན་བརྩེགས་བལྡབས་པའི་ཉེར་བཞི་རེ། མཚན་བརྗོད་ཆིག་སྟོང་སུམ་བརྒྱ་རེ་བརྒྱད། སྒྲོལ་མ་ཆིག་ཁྲི་སུམ་སྟོང་དྲུག་བརྒྱ་བརྒྱད་ཅུ། གདུགས་དཀར་ཆིག་འབུམ་སུམ་སྟོང་དྲུག་བརྒྱ་བཅུ་གཉིས། ཤེར་སྙིང་བརྒྱད་སྟོང་ལྔ་བརྒྱ་དོན་དྲུག །ཚེ་གཟུངས་ཆིག་འབུམ་སུམ་ཁྲི་དྲུག་སྟོང་བརྒྱད་ཅུ། བོད་ཁམས་སུ་ནད་རིམས་མི་འབྱུང་བའི་ཕྱིར་རྫོང་གཞིས་སོ་སོ་ནས་སྔ་འགྱུར་བ་གྲ་སློབ་བཅུ་རེས་ཞག་བཅུའི་བར་བསྟན་མའི་མདོས་གང་རྒྱས། བསྟན་ཇུས་རྒྱས་པའི་ཆེད་དགེ་ལུགས་དགོན་ཁག་རྣམས་ལ་མང་ཇའི་མཐུན་རྐྱེན་སྤྲད་པའི་བཤད་གྲ་ནས་མདོ་སྒྲུབ་དང་སྔགས་གྲས་གཏོར་རྒྱག་མཛད་བཅུག །སྔགས་པ་བན་གྲོང་པར་རིམ་གྲོ་སྒྲུབ་རྟེན་དུ་མལ་དྲོ་གསེར་ཏོག་དགོན་གྱི་སྤྲོད་ཆེ་ཕྲ་གྲ་བཙུན་གང་ཡོད་ལག་འདེབས་ཐོག་འོད་ཟེར་གྱང་ཁུལ་ནས་ཞིང་བསྣོན་བཅས་འབྲུ་མཁར་ཁལ་གོ་གཉིས་ཐོན་རྩིས། འབྲི་གུང་ཆོས་གཞིས་དོམ་ཁང་དང་མཐར་རྒྱས་བསྡོམས་བན་ཁྲལ་བརྒྱད་སྦྱར། ཤོ་པ་མདོར་

[Full Size]

རྒྱལ་བའི་བཀའ་འགྱུར་རོ་ཅོག་སྐྱ་པོད་ཚར་གཅིག་མེ་འབྲུག་ནས་ལས་འགོ་བཙུགས་པ་ཟླ་བ་འདིར་འབྱོར། ཧོར་ཟླ་གསུམ་པའི་ཚེས་བཞིར་བི་ལིག་ཁེ་ཐའི་དམག་ནས་འཁོར་བ་དང་སན་བི་ལིག །ར་སྒྲེང་མཁན་པོའི་མི་སྣ། བསོད་ནམས་མགོན་པོའི་མི་སྣ། བྲག་དབར་གྲ་ཚང་གི་བླ་མ་དགེ་སྐོས། གྲ་ཕྱི་མེ་ལོང་དགོན་པའི་བླ་མ་སོགས་དང་ཕྲད་ཅིང་ཐའི་ཇི་བོ་ལོད་ལ་ཐམ་ག་དང་གྱོན་པས་མཚོན་དངོས་དཔྱད་ཇུ་རིག་ཐུ་ཁོ་ཤོའུ་ཇིའི་ཆོ་ལོ་དང་བཅས་བདག་རྐྱེན་དཔངས་བསྟོད་དེ་རྫོང་བདའ་བྱས། སོག་དམངས་སུམ་བརྒྱ་སྐོར་ལ་མེ་ཏོག་གཏོར། གྲ་ཚང་གི་གྲ་པ་ཁ་ཤས་ཀྱིས་དབང་ཕྱུག་ཟོར་མདོས་བཏང་། ཚེས་བདུན་ལ་རྒྱལ་གླིང་ཚོགས་མཁན་པོ། ཡང་དགོན་བླ་ཟུར། དཔལ་འཁོར་ཆོས་སྡེའི་གསེར་ཁང་གོང་དང་གསེར་གླིང་གི་བླ་མ། མཁའ་འགྲོ་དགེ་ཚུལ་མ། རྒྱས་གྲ་རབ་འབྱམས་པ། མཚུར་ཕུ་དང་སྟག་ལུང་གཉིས་ཀྱི་ཕྱག་མཛོད། འབྲོང་རྩེ་བ་རྒྱལ་ཕུར་རབ་བརྟན་སོགས་ཉིས་བརྒྱ་སྐོར་དྲུང་འཁོར་གསར་འབྱོར་ཁ་ཤས་དང་བཅས་པར་ཇ་གྲལ་བགྱིས། ཚེས་བརྒྱད་ལ་མགོན་པོ་ཆེ་ཆུང་ལས་མཁན་དང་བཅས་ལ་མཆོད་སྤྲིན་རྒྱས་པར་སྤྲོས། ཚེས་བཅུར་དབུ་སྒོར་ཆེ་བའི་མས་བེར་གདན་དངོས་པོ་སྤམས་བསྟོད་དེ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པའི་ཚེ་ཆོག་གྱེར་བྲེས་པ་འཇམ་དབྱངས་ཆོས་རྒྱལ་རྡོ་རྗེའི་སྐུ་སྐྱེ་མྱུར་འབྱོན། སྤུན་བདུན་ལྷུན་གྲུབ་རྒྱ་མཚོས་རྗེ་བཙུན་བཙོང་ཁ་པའི་བྲིས་ཐང་བཞེངས་པའི་རྒྱབ་ཡིག །ཚེས་བཅུ་གཉིས་ལ་རྡོ་རྗེ་བྲག་རིགས་འཛིན་སྤྲུལ་པའི་སྐུས་བསྐུལ་མ་མཛད་པའི་རྟ་མགྲིན་ཡང་

[Full Size]

གསང་གི་ཞི་བའི་སྦྱིན་སྲེག་ཆོག་སྒྲིགས་ཡེ་ཤེས་སྣང་བ་རབ་འབར། ཚེས་བཅུ་གསུམ་ལ་སོ་ཐར་སྡོམ་བརྒྱུད་ཀྱི་གསོལ་འདེབས། འབྲས་སྤུངས་ཚོགས་ཁྲོའི་ཁ་བྱང་ལེ་ཚན་རྣམས་བརྩམས་ཤིང་སྤུན་བདུན་པ་ལྷུན་རྒྱམ་མཚོ་ཁར་དོན་གཅོད་ལ་བརྫངས། ཉེར་བཞིར་ཐོད་རི་བཤད་སྒྲུབ་གླིང་གི་གྲ་པ་རབ་འབྱམས་པ་བློ་བཟང་རིག་འཛིན་གྱིས་དབུ་མ་འཇུག་པ་དང་། འགྲེལ་པ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་ཀྱི་རྒྱུགས་སྤྲད། ཉེར་ལྔ་ལ་གྲ་ཚང་ནས་ཕྱིར་བཟློག་འཁོར་ལོ་འབར་བ་བྱེ་བ་དང་། ཉེར་དྲུག་ནས་གྲ་པ་གྲངས་བཅད་ཀྱི་རྡོ་རྗེ་སློབ་དཔོན་སྔགས་རམས་པ་དོན་གྲུབ་རྒྱ་མཚོས་བྱས་ཏེ་ཞག་བདུན་གྱི་བར་སྔགས་རྒོད་ལོག་ཊིའི་སྲུང་བཟློག་ཐུན་མོང་བ་བཙུགས། གངས་ཅན་བདེ་བའི་རྟེན་འབྲེལ་དུ་ལྷ་ས། བསམ་ཡས། མཐའ་འདུལ་ཡང་འདུལ་གྱི་གཙུག་ལག་ཁང་རྣམས་སུ་གསེར་ཕྲུ་གསར་དུ་བསྐྲུན། ངེད་ཀྱི་རིམ་གྲོར་ལྷ་སར་སྨན་བླ་ཆིག་སྟོང་ལྔ་བརྒྱ། བཟང་སྤྱོད་ཆིག་ཁྲི་ཉིས་སྟོང་ལྔ་བརྒྱ། གདུགས་དཀར་ཆིག་འབུམ་ཆིག་ཁྲི་ལྔ་སྟོང་དྲུག་བརྒྱ་སུམ་ཅུ། ཕྱག་འཚལ་ཉེར་གཅིག་ལྔ་འབུམ་བདུན་ཁྲི་ཆིག་སྟོང་བརྒྱད་བརྒྱ་བདུན་ཅུ། ཤེར་སྙིང་དགུ་སྟོང་ལྔ་བརྒྱ། བྱམས་སྨོན་ཆིག་ཁྲི་ལྔ་སྟོང་། ལྟུང་བཤགས་ཆིག་ཁྲི་ལྔ་སྟོང་ལྔ་བརྒྱ། ཚེ་གཟུངས་ཆིག་འབུམ་ཉི་ཁྲི་ལྔ་སྟོང་སུམ་བརྒྱ་བདུན་ཅུ། ཁྲུས་གསོལ། གསང་སྔགས་བྱང་ཆུབ་གླིང་པ་བརྒྱས་ཟླ་གཅིག་བར་ཕྱིར་བཟློག་འཁོར་ལོ་འབར་བ། བན་པ། ཐེག་ཕྱི། མཁོ་མཐིང་། པྲ་དུན་རྩེ། དགེ་རྒྱས་རྣམས་སུ་འཕན་བླ་བྲེ་ཕྱེ་ཕུར་རྒྱལ་མཚན་སྙན་

[Full Size]

ཤལ་དང་བཅས་སྨིན་རྒྱས་ཕུལ། ཧོར་ཟླ་བཞི་པའི་ཚེས་གཅིག་ལ་འབྲོང་རྩེ་རྒྱལ་ཕུར་གྱིས་རབ་སྟོན་སྐལ་པའི་དཀར་དྲོ་བཏེག་ཅིང་། ཨེར་ཏེ་དའི་ཆིང་གི་བུ་རབ་འབྱམས་པ་བློ་བཟང་བཀྲ་ཤིས་དང་། བསྟན་འཛིན་ཧུང་ཐའི་ཇིའི་མི་སྣ་ཆེ་ཆེན་ཆོས་རྗེ་གཉིས་ཀྱིས་བསྐུལ་བའི་སྨོན་ལམ། བི་ལིག་རབ་འབྱམས་པའི་ངོར་མགོན་པོ་ཕྱག་དྲུག་པར་བརྟེན་པའི་བླ་མའི་རྣལ་འབྱོར་རྒྱུན་འཁྱེར། ཚོང་འདུས་བྱ་ཁྲིད་མིག་གཅིག་པའི་འཕྲིན་ལན་སྙན་ཚིག་གི་ལམ་ནས་དྲངས་པ་བརྩམས་ཏེ་སྤེལ། ཤོ་མདོ་ལྷུན་གྲུབ་མི་འགྱུར་རབ་བརྟན་དུ་དགའ་ལྡན་བཤད་སྒྲུབ་གླིང་པ་ལྔ་བཅུ་རེས་ཇི་སྲིད་བསྐལ་པའི་བར་ལོ་སྟར་ས་ག་ཟླ་བའི་ཚེས་བདུན་ནས་ཟླ་གཅིག་གི་རིང་ཚེ་ཆོག་བཙུགས། ཚེས་བཅུ་བཞིར་ཇོ་བོ་ཤཱཀྱ་མུ་ནེར་གསེར་ལྗང་བརྡུངས་ལ་སྐྱེ་བ་ལྔ་པའི་དུང་གཡུ་མུ་ཏིག་སོགས་ཕྲ་ཚོམ་བཟོ་བཀོད་ཕུན་སུམ་ཚོགས་པའི་མགུལ་རྒྱན་དཀར་ཆག་གཟོང་རིས་དང་བཅས་ཕུལ་ཞིང་འདར་ལོ་འཁོར་ཞག་ནས་འཁོར་བ་དང་ཕྲད། ཚེས་བཅུ་དགུར་ཕྱི་མཚམས་གྲོལ་བའི་རྣམ་པར་རྒྱལ་བའི་ཕན་བདེ་ལེགས་བཤད་གླིང་སྤྱི་སྒེར་ནས་རུང་མཐུན་གོས་སྣ་ཆ་ཚང་སོགས་བདོག་པ་རྒྱ་ཆེར་བརྐྱང་ཞིང་ཚོགས་ཀྱི་འཁོར་ལོའི་རྫས་དང་བཅས་བསུན་བཟློག་སྔོན་སོང་འཆི་མེད་འོད་སྣང་གི་རྡུལ་ཚོན་དང་འབྲེལ་བའི་རིང་འཚོའི་ཆོ་ག་སྨིན་རྒྱས་མཛད། ཚོགས་མགྲོན་དུ། རྡོ་རྗེ་བྲག་སྤྲུལ་སྐུ། གཏེར་སྟོན་རིགས་འཛིན་ཆེན་པོ། ཀུན་མཁྱེན་ཆོས་དབྱིངས་རང་གྲོལ་གྱི་སྤྲུལ་སྐུ། རྒྱལ་ལེགས་བཤད་གླིང་ཆོས་རྗེ། གསང་སྔགས་བྱང་ཆུབ་གླིང་དང་དོན་གཉིས་གླིང་སོགས་ཀྱི་སློབ་དཔོན་ཡང་ཡོད། ཚེས་ཉི་ཤུར་དགའ་ལྡན་བསྟན་འཛིན་བོ་ཤོག་ཐུ་

[Full Size]

ཇི་ནོང་གིས་ཀྱང་གོས་སྣ་ཆ་འགྲིག །བཟང་ཇ་ཁོར་དྲུག་བཞི་བཅུས་གཙོས་པའི་སྟེར་ཆ་སྤམས་མཐོ་ཚོགས་འགྱེད་དང་བཅས་རིང་འཚོའི་རྟེན་འབྱུང་རྒྱས་པར་བསྒྲིགས། གནམ་སའི་དབང་ཕྱུག་བསྟན་འཛིན་ད་ལའི་རྒྱལ་པོས་ཀྱང་རུང་གོས་སྣེ་ཚང་སོགས་དངོམ་ཆེའི་དགུ་ཚན་བཅོ་ལྔ་ཚོགས་ཡོན་བཅས་ཉིན་སྔ་མ་དང་མཚུངས་པ་ཉེར་གཅིག་ལ་བསྟར། ཉེར་གཉིས་ལ་ཆོས་ལུང་ཚོགས་མཁན་ཆེན་གྲ་བཅས་ཀྱིས་ཆོས་རྒྱལ་རབ་བརྟན་ཀུན་བཟང་འཕགས་ཀྱི་ཡུམ་གྱི་དགོངས་རྫོགས་ཀྱི་གསེར་ཞོ་ཕྱེད་ཉིས་བརྒྱ་ལས་གྲུབ་པའི་མཎྜལ་གཡུ་དྲུག་དཀར་གྱི་ཕྲ་བཀོད་ལེགས་པས་ཐོག་དྲངས་ཟང་ཟིང་ཚན་གྲངས་སྤེལ་ཏེ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པས་ཉི་བུའི་གཡུལ་ལས་རྒྱལ་བར་གྱུར། མཎྜལ་འགངས་ཅན་དེ་ཕན་བདེ་ལེགས་བཤད་གླིང་པའི་མཆོད་རྫས་སུ་སྦྱར། ཆོས་འཁོར་ཡང་རྩེ་དང་དུམ་བུ་ཆོས་འཁོར་བ་གཉིས་ཀྱི་སློབ་དཔོན་གྲ་བཅས་ཀྱིས་ཚན་གྲངས་སྔོན་འགྲོའི་སོ་སོའི་ལུགས་བཞིན་བདེན་ཚིག་གི་སྨོན་ལམ་ཤིས་པ་བརྗོད་པས་མཐའ་བརྟེན་ཉེར་གསུམ་ལ་འཕྱོས་པ་སྔགས་རམས་པ་བསོད་ནམས་རྒྱལ་མཚན་གྱིས་འགན་སྦྱར་སོགས་བདོག་པ་བཏེག་ནས་གྲ་ཚང་གིས་མཁའ་འགྲོ་སྡེ་ལྔར་བརྟེན་པའི་རིང་འཚོའི་རྟེན་འབྲེལ་བསྒྲིགས། དེ་གྲོལ་ནས་རྡོ་རྗེ་བྲག་རིགས་འཛིན་སྤྲུལ་པའི་སྐུ་གྲ་སློབ་དང་བཅས་པས་གོས་སྣ་ཆ་འགྲིག་དངོས་པོའི་ཚན་གྲངས་སྤེལ་ཏེ་རིགས་འཛིན་ལེགས་ལྡན་རྡོ་རྗེའི་ཟབ་གཏེར་ཚེ་དཔག་མེད་བདུད་རྩི་འཁྱིལ་པ་དང་འབྲེལ་བའི་བླ་མ་དགོངས་འདུས་ཀྱི་ལུག་གཟུགས་ལ་བརྟེན་པའི་བསུན་བཟློག་དང་བཅས་མཛད་པ་བྱིན་ཆགས་ཤིང་

[Full Size]

མི་འགྱུར་བརྟན་པའི་དགོས་པ་འགྲུབ་བམ་སྙམ། སྤྲུལ་སྐུ་བཀྲ་ཤིས་རྟགས་བརྒྱད། རྒྱལ་སྲིད་བདུན་སོགས་གསུང་བཤད་མཛད་པ་ཐམས་ཅད་ཀྱི་ཡིད་ཀྱི་དབང་པོའི་གསོས་སྨན་དུ་གྱུར། ཕྱི་དྲོ་སྐུ་རྐྱང་དང་ཇ་གཉིས་ཀྱི་བར་གསུང་གླེང་ཞིབ་པར་བྱུང་། ཉེར་བཞི་ལ་དགའ་ལྡན་གསུང་རབ་གླིང་བླ་སྤྱི་འདུས་སྡེ་དང་བཅས་པས་དངོས་པོ་མཎྜལ་དུ་བཏེག་ནས་བདེན་བརྗོད་དབྱངས་སུ་གྱེར། དེ་གྲོལ་རྗེས་ཅོ་ནེ་ཆོས་རྗེ། ཤངས་རི་བོ་དགེ་འཕེལ་གྱི་མཁན་ཟུར་ལྕགས་རམས་པ། ཐང་བུ་ཞལ་སྔ་ནས་ངག་དབང་བཀྲ་ཤིས། ཐང་སག་བླ་ཟུར་མདོ་སྡེ་རྒྱ་མཚོ། དོན་གཉིས་གླིང་། གསེར་ཁང་གོང་། རྒྱང་རོ་ལྷ་ཁང་། གསེར་གླིང་རྣམས་ཀྱི་སློབ་དཔོན། སྙེ་མདོ་ཆོས་རྗེ། ཆོས་དབང་གདུང་བརྒྱུད་ཁམ་མོ་བ། དཔལ་དེ་རས་ཆེན། རྩེ་ཆེན་གྲུབ་ཆེན། ཤ་གཟུག་སྐུ་སྐྱེ། ཁམས་མེ་རག་བླ་མ་རྒན་གཞོན། སྐྱེད་སྦུག་སྤྲུལ་སྐུ། ཨ་ཇོ་རྫོང་སྤྲུལ་སྐུ། ཨུལ་ཇོའི་ཐུ་དར་ཁན་རབ་འབྱམས་པ། ཐོས་པ་དགའ། དཔོན་མོ་ཚེ་རིང་། བླ་མ་ལྷ་པ། རྡོ་རྗེ་བྲག་གི་གྲ་པ་སུམ་ཅུ་སྐོར་དང་མོན་བུམ་ཐང་དུ་དུག་སྔགས་རྒྱག་པར་འགྲོ་མི་བཞི། སྒེར་པ་བ་གཞོན་པ། བདེ་མཆོག་མགོན་པོའི་བུ། འབྲུག་ཀུན་བཟང་ཕ་བུ། གངས་མཚོ་བའི་བུ། སྤྱི་དཔོན་གསུམ། སྡེེ་དཔོན་ཉེར་གཉིས། བསམ་དར་ནས་ཕ་བུ། མཆོད་དཔོན་པའི་ཇོ་ཇོ་དཔལ་གྲོང་སྔགས་རམས་པའི་མ། རྩེས་དང་ལྔ་མཆོད་པ། སྒར་པ་གྲ་ཚང་། ཆོས་འཁོར་ཡང་རྩེ། སྙེ་ནང་དགའ་ལྡན་འཕེལ་གླིང་། ཨ་ཙ་ལྷ་རི། ཡེར་པ་གྲ་ཚང་རྣམས་ཀྱི་གཉེར་པ་སོགས་དང་ཕྲད་དེ་སོ་སོར་དྲི་རྨེད་དང་། ལྷག་ཏུ་

[Full Size]

དཔལ་དེ་རས་ཆེན་གྱིས་སྤྱིར་ཉམས་རྟོགས་སྣ་ཚོགས་པ་ཤར་ཚུལ་དང་། ཁྱད་པར་སྣོད་བཅུད་ཐམས་ཅད་ཐོག་མར་གཟུགས་སུ་གྲུབ་པ་ལ་ལེགས་པར་བརྟགས་ཚེ་ཀ་དག་གི་དབྱིངས་སུ་ཡལ་འགྲོ་བ་དང་། སྐབས་འགར་སྲིད་རྩེ་ནས་མནར་མེད་བར་གྱི་གཟུགས་ཅན་གཟུགས་མེད་མངོན་སུམ་དུ་མཐོང་བ་དེའང་སྟོང་པའི་ངང་དུ་ཐིམ་པས་འཆར་ཚུལ་བཟང་པོ་དང་། རྩེ་ཆེན་གྲུབ་ཆེན་གྱིས་བླ་མ་མཚན་ཉིད་དང་ལྡན་པ་བསྟེན་ནས་དབང་ཁྲིད་མན་ངག་སོགས་རྒྱ་མ་ཆུང་ཙམ་ཞུས་ཤིང་དེ་དོན་སྒྲུབ་པ་རྩེ་གཅིག་ཏུ་བྱེད་བློ་བྱས་ཀྱང་ལས་སྒྲིབ་ཆེས་པས་ཡིན་ནམ་ཉམས་རྟོགས་གང་ཡང་སྐྱེ་རྒྱུ་མ་བྱུང་ཟེར་བའི་དམན་ཆ་ལེན་པ་གང་ཟག་གི་ཚོད་གང་ཟག་གིས་འཛིན་མི་ནུས་པར་བཤད་པས་སྔོན་གྱི་ལས་ཤུགས་དང་བཅས་གཉིས་ཀ་ཚད་ལྡན་ཡིན་ནམ་སྙམ་པ་དང་། དཔལ་དེ་རས་ཆེན་ལོའང་རིང་པོར་འཚོ་ཞིང་ཉམས་རྟགས་བརྗོད་པར་ཡིད་མི་ཆེས་པའང་མ་བྱུང་། བསམ་དར་ནས་དང་དཔལ་གྲོང་སྔགས་རམས་པའི་མར་བཀའ་བསྒོ་དང་བོད་སོག་ཉིས་བརྒྱ་སྐོར་ལ་མེ་ཏོག་གཏོར། འཕྱོང་རྒྱས་མངའ་ཁུལ་སྐྱ་སེར་རགས་བསྡུས་ཀྱིས་སྣམ་ཕྲུག་གཙོར་བཏོན་གྱི་བདོག་པ་འགྱེད་དང་བཅས་ཉེར་ལྔར་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་གྲོལ་ནས་རྒྱལ་སྲས་ཤེར་འཕེལ་བས་གཙོས་རི་བོ་བདེ་ཆེན་པ་སོགས་རིང་འཚོ་སྤེལ་མི་ངོ་བོ་རྣམས་དང་། རྩེ་ཚོགས་མཁན་ཟུར། བཀྲ་ཤིས་སྒང་དྲུང་ཆེན་བཅས་པར་ཇ་གྲལ་བགྱིས། ཉེར་དྲུག་ལ་རྡོ་རྗེ་བྲག་སྤྲུལ་སྐུ་རིན་པོ་ཆེ། དོན་གཉིས་གླིང་སློབ་དཔོན་པ། རྩེས་དང་ལས་

[Full Size]

ཆེན་པ་སོགས་ལ་བསྐྱར་སྒྲུབ་དང་གསར་པ་ཉེར་དགུ་ལ་སྡོམ་པ་ཕབ། ཉེར་བདུན་ལ་རིགས་འཛིན་སྤྲུལ་པའི་སྐུར་སྐྱེས་ལན་བྱིན་རླབས་བཀའ་བསྒོ་དང་བཅས་རང་གི་བསྟི་གནས་སུ་དལ་འགྲོས་ཀྱིས་གཤེགས་ཤིང་། དབུ་སྒོར་ཆེ་བ་དང་དགེ་འདུན་མིང་སྲིང་ལ་བཅུ་གཅིག་ཞལ་གྱི་རྗེས་གནང་། ཚེ་དབང་། བྱིན་རྟེན། ཤལ་དཀར་དམར་སྣམ་ཕྲུག་སོགས་ཀྱི་སྟེར་སྦྱིན། ནང་རྟེན་རགས་བསྡུས་ཀྱི་མཇལ་ཁ། གཡོག་ལ་མེ་ཏོག་གཏོར་བ་སོགས་རེ་བ་བཀང་སྟེ་ཐོན། རྟ་ནག་སྒྲོལ་མ། འཇུན་པ། སྐྱར་པོ་བ་སོགས་དང་ཕྲད། དགའ་ལྡན་ཆོས་འཁོར་ཡང་རྩེའི་སློབ་དཔོན་པ་སོགས་བཅོ་ལྔར་སྡོམ་རྒྱུན་གསར་པའི་ངུར་སྨྲིག་གོས་ཀྱིས་ལྷབ་ལྷུབ་ཆེས་ཆེར་གཡོས། ཉེར་བརྒྱད་ལ་སྐྱོར་ལུང་མཁན་པོ་དང་སློབ་དཔོན། ཨེམ་ཆི་བྱང་ངོས་པ་སོགས་ལ་ཇ་གྲལ་བཏང་། དྲུང་འཚོ་ངག་དབང་ལྷག་བསམ་སོགས་བསྐྱར་སྒྲུབ་དང་བཅས་ཉེར་བདུན་གྱིས་བསྙེན་རྫོགས་བསྒྲུབས། ཉེར་དགུ་རི་བོ་བདེ་ཆེན་པ་དང་གསུང་རབ་གླིང་པ་སོགས་བསྙེན་རྫོགས་ཉེར་བཞི་དང་། གནམ་གང་ལ་དགེ་ཚུལ་ལྔ་བཅུ་ང་ལྔར་སྡོམ་པ་ཕབ། ཨེར་ཁེ་ཆོས་རྗེ་གྲ་བཅས་ལ་སྣམ་ཕྲུག་སོགས་རྫོང་བདའ་དང་། ལྷ་ས། ར་མོ་ཆེ། པོ་ཏ་ལ་གསུམ་དུ་བརྒྱ་མཆོད་སྣ་ལྔ། གསེར་ཆབ། སྙན་ཤལ། རིགས་ལམ་སྨྲ་བའི་འབྱུང་གནས་གསང་ཕུའི་གཙུག་ལག་ཁང་གི་སྟེང་གཉྫི་ར་གསེར་ཟངས་ལས་གྲུབ་པ་གསར་དུ་བཙུགས། ཧོར་ཟླ་ལྔ་པའི་ཚེས་གཅིག་ལ་དགེ་ཚུལ་ལྔ་བཅུ་ང་དྲུག་བསྒྲུབས། བོད་ཁམས་བདེ་ཐབས་སུ་ལྷ་སར་རིགས་འཛིན་

[Full Size]

གཏེར་བདག་གླིང་པ་གྲ་སློབ་ཉེར་ལྔས་ཁྲོ་རོལ་སྒྲུབ་ཞག་བདུན། བསྟན་མའི་མདོས་ཉིན་ལྔ། ཚོགས་བརྒྱ་ཉིན་གསུམ། རབ་གནས་དང་སྦྱིན་སྲེག་ཉིན་རེ་གནང་བའི་རབ་ཡོན་གཏེར་སྟོན་རིན་པོ་ཆེར་དགུ་ཚན་དངོས་གཙང་། ལོ་ཆེན་སྐུ་མཆེད་ལ་སུམ་ཚན་རེ། བྱིངས་ལ་བཀྲས་བཏགས་རེ། རིམ་གྲོ་ལེ་ཚན་གཞན་གྱི་ཡོན་ཐེགས་གདོང་སྐྱེས་ཀྱི་ཁོངས་སུ་འཐུས་རྒྱུ་དང་། ལོ་ཆེན་མཆེད་ལ་ཉིན་ཁལ་རེ་མ། དམངས་ལ་ཁལ་ཕྱེད་མ་བསྡོམས་ཡ་ཇུ་ཁོར་དྲུག་མ་གསུམ། ཁྲོ་རོལ་གྱི་རྒྱབ་ཆོས་པ་སྒོ་མངས་དང་བློ་གསལ་གླིང་བསྒྲིལ་བ་བརྒྱས་ཞག་བདུན་པར་ཤེར་སྙིང་ཆིག་འབུམ་སུམ་ཁྲི་ཉིས་བརྒྱའི་ཡོན་གྲ་པ་རེར་ཁལ་ཕྱེད་མར་ཡ་ཇུ་ཁོར་དྲུག་བཞི་སོང་། ཚེས་གཉིས་ལ་སྟག་རྩེ་ཐའི་ཇི། ཆོས་འཁོར་ཡང་རྩེའི་བླ་མ་དབུ་ཆོས། གསུང་རབ་གླིང་གི་དབུ་ཆོས་གཉེར་པ། ཀོང་པོ་བཀྲ་ཤིས་རབ་བརྟན་པའི་གཉེར་པ། བསྟན་འཛིན་ཧུང་ཐའི་ཇིའི་མི་སྣའི་ཇོ་ཇོ། དཔལ་དེ་རས་ཆེན་པ། རྩེས་དང་ལས་ཆེན་པ་རྣམས་དང་ཕྲད། གསུང་གླིང་པ་བརྒྱ་ཉེར་གཅིག་དང་། ཆོས་འཁོར་ཡང་རྩེ་བ་བརྒྱ་གོ་གསུམ་ལ་མེ་ཏོག་གཏོར། བོད་འབངས་ལ་གཉན་ནད་སོགས་མི་བདེ་བ་མི་འབྱུང་བའི་ཆེད་དྲི་ཟའི་རྒྱལ་པོ་རྡོ་རྗེ་འབར་བ་རྩལ་གྱི་གངས་མགུལ་དུ་རྟེན་མཁར་འཛུགས་པར་གནང་བྱུང་པ་ངག་དབང་མཁྱེན་བརྩེ་དང་དན་འབག་བློ་བཟང་དབང་རྒྱལ་བརྫངས། ཚེས་ལྔར་མདའ་དཔོན་དམ་རུ་བ། ཁང་དམར་བ། ཕོ་ལྷ་བ། རྟ་ཕུག་པའི་བུ་སོགས་ལ་ཇ་གྲལ་བགྱིས། ཚེས་བདུན་ལ་སྟག་རྩེ་ཐའི་ཇི་རྡོ་རྗེ་རྣམ་རྒྱལ།

[Full Size]

གཟིམས་ཁང་ཤར་བླ་ཟུར། སྔགས་འཆང་ཆུ་སྤེ་སྟེང་བ་སོགས་དང་ཕྲད་ཅིང་སྐྱིད་ཤོད་སྤྲུལ་སྐུའི་ངག་མ་ཕྲན་བུ་ཉན། འདི་ཉིན་ནས་བཟུང་ལྷ་ལྡན་ཁྱམས་རར་གྲ་ཚང་གི་གྲ་པ་ཡོངས་རྫོགས་ཀྱི་རྡོ་རྗེ་སློབ་དཔོན་སྔགས་རམས་པ་དོན་གྲུབ་རྒྱ་མཚོས་བྱས་ཏེ་རྡོ་རྗེ་ཕུར་པའི་དཀྱིལ་འཁོར་ཞལ་ཕྱེ་ནས་སྒྲུབ་པ་ཞག་བདུན་འཆམས་དབྱངས་སོགས་རྒྱས་པ་སྔོན་སོང་གིས་ཚེས་བཅུ་བཞིར་སྟ་གོན་དང་བཅོ་ལྔར་དངོས་གཞིའི་སྒོ་ནས་འཕྲུལ་སྣང་གི་རྟེན་དང་བརྟེན་པའི་ལྷ་ཚོགས་རྣམས་ལ་རིགས་མཐུན་པ་དང་མི་མཐུན་པའི་ཡེ་ཤེས་སེམས་དཔའ་དཔག་ཏུ་མེད་པ་བསྟིམ་ནས་ནུས་ལྡན་དུ་བསྒྲུབས་པས་བསིལ་ལྡན་ལྗོངས་ཀྱི་བདེ་སྐྱིད་དབྱར་མཚོ་ལྟར་སྤེལ་བའི་ལེགས་ཚོགས་འགྲིག་པ་སློབ་དཔོན་སངས་རྒྱས་གཉིས་པས་ཟབ་གཏེར་མང་པོར་ཆོས་རྒྱལ་དང་ཨྱོན་གྱི་གནས་ཆེན་ཚོར་རབ་གནས་སོགས་ལས་བཞི་བསྟར་དགོས་པར་གསུངས་པའི་དགོངས་དོན་བཞིན་ལག་ཏུ་བླངས། ཚོགས་པ་ཁག་གཉིས་ཀྱི་ཕྱེད་ཀྱི་རྡོ་རྗེ་སློབ་དཔོན་སྔ་མ་དང་བཅས་པས་འཆར་ཀའི་མདོས། ཕྱེད་ཀྱི་རྡོ་པ་དགེ་སློང་ཕྱག་རྡོར་དབང་ཕྱུག་གིས་བྱས་ཏེ་དཔལ་ལྡན་འདོད་ཁམས་མའི་གསང་མདོས་ཉིན་བདུན་རེ་བཏང་བའི་ཁོངས་ཞོགས་གསུམ་བརྒྱགས་རྔན་བཏང་། རབ་སྟོན་ཉིན་གྱིས་མཚོན་པར་བཀུར་སྟི་བཟབས་རྒྱས། རབ་ཡོན་རྡོ་རྗེ་སློབ་དཔོན། དབུ་མཛད། མཆོད་དཔོན་པ་གསུམ་སོ་སོར་དགུ་ཚན་བཟང་བ་རེ། དབུ་མཛད་ལས་ཐོག་པར་དགུ་ཚན་འབྲིང་། དགེ་སྐོས། གཉེར་པ། དཀོན་གཉེར་སོ་སོར་བདུན་ཚན་རེ། ཆབ་རིལ་བ། ཇ་མ། དུང་པ་གཉིས་སོ་སོར་ལྔ་ཚན་རེ། མཆོད་གཡོག་ལས་བྱེད་དགུར་བདུན་

[Full Size]

ཚན་འབྲིང་། གྲ་པ་བརྒྱ་རེ་བདུན་སོ་སོར་བཀྲས་བཏགས་ཆེ་བ་རེ། གོས་དམར་སེར་གང་རུང་དཔུས་ལེགས་ཁ་རེ། གསེར་ཞོ་རེ། རིམ་གྲོ་གཞན་རྣམས་ཀྱི་ཡོན་བསྡོམས་རྡོ་རྗེ་སློབ་དཔོན་དང་མཆོད་དཔོན་པར་བདུན་ཚན་རེ། དབུ་མཛད་ལ་ལྔ་ཚན། རྣམ་གཞག་བྱིངས་ལ་བཀྲས་བཏགས་རེ། གྲ་པ་རེར་དངུལ་སྲང་དོ་རེ། འཆར་ཀའི་རྒྱབ་ཆོས་པ་སེ་ར་བྱེས་སྨད་བསྒྲིལ་བ་བརྒྱས་ཞག་བདུན་བར་ཤེར་སྙིང་ཆིག་འབུམ་སུམ་ཁྲི་ཉིས་བརྒྱ། དེ་དང་ཕྱོགས་མཐུན་ཟླ་བ་འདི་དང་ཕྱི་མར་པུར་རྒྱལ་བསྟན་འགྲོའི་བདེ་སྐྱིད་སྤེལ་བའི་ཕྱིར་བསམ་ཡས་སུ་རྡོ་རྗེ་བྲག་སྤྲུལ་སྐུ་རིན་པོ་ཆེས་གཙོས་གྲ་སློབ་ཉེར་དགུས་ཕུར་སྒྲུབ་ཞག་བདུན། རབ་གནས་སྦྱིན་སྲེག་ཉིན་རེ། འཆར་ཀའི་མདོས་ཟོར་དང་ཀི་ཀང་གི་དགྲ་མནན་སྒྲུབ་ཞག་བདུན་རེར་ཞབས་ཏོག་སྔར་རྒྱུན་བཞིན་ལ་ཡོན་སྤྲུལ་སྐུ་རིན་པོ་ཆེར་དགུ་ཚན་གཉིས་དང་བདུན་ཚན། དཔལ་རི་བ་རྡོར་སློབ་ཐེ་བའི་ཉེར་གསུམ་གྱིས་ཁྲོ་རོལ་ཞག་བདུན། ཚོགས་བརྒྱ་ཉིན་གཉིས། བརྒྱགས་རྔན་ཉིན་གཅིག །རྒྱབ་ཆོས་པ་རྡོ་དགའ་ལྡན་རྣམ་རྒྱལ་བ་བཞི་བཅུ་བཞི་བཅུས་ཞག་ཉི་ཤུར་ཤེར་སྙིང་ཉིས་འབུམ་སུམ་ཁྲི། རབ་བྱུང་བ་ལྔ་བཅུས་ཟླ་ཕྱེད་ལ་དྲི་མེད་བཤགས་རྒྱུད་སྟོང་ཕྲག་དྲུག་དང་བཞི་བརྒྱ། རྩེ་ཚོགས་པ་ལྔ་བཅུས་ཞག་བཅུར་སྨན་བླ་ཆིག་སྟོང་ལྔ་བརྒྱ། ཞག་བཅུར་ཤེར་སྙིང་བརྒྱད་ཁྲི་དྲུག་སྟོང་ལྔ་བརྒྱ། ཉིན་བདུན་བར་བརྒྱ་མཆོད་སྣ་ལྔ་ཚར་རེ། གསེར་བཏུལ་མ་སྲང་ཕྱེད་དོའི་ཞལ་གསེར། ཁྲ་འབྲུག་ཏུ་གཏེར་སྟོན་རིགས་འཛིན་ཆེན་པོ་གྲ་སློབ་ཉེར་ལྔས་ཕུར་སྒྲུབ་ཞག་བདུན། རབ་གནས། སྦྱིན་སྲེག །

[Full Size]

མནན་པ་གསུམ་ཉིན་རེ། ཁྲོ་རོལ་ཞག་བདུན་བཅས་པའི་ཡོན་རིགས་འཛིན་ཆེན་པོར་དགུ་ཚན། རྒྱབ་ཆོས་པ་དགེ་ལུགས་ཁད་ཉེ་ནས་ལྔ་བཅུས་བདུན་གཅིག་གི་བར་ཤེར་སྙིང་དྲུག་ཁྲི་ལྔ་སྟོང་ཆིག་བརྒྱ། ཆོས་རྗེ་དུང་དགོན་པ་གྲ་སློབ་ཉེར་གཉིས་ཀྱིས་འཆར་ཀའི་མདོས་ཟོར་དང་། ཀི་ཀང་གི་དགྲ་མནན། སོ་སོར་བདུན་རེ། ཚོགས་བརྒྱ་ཉིན་གཉིས། ཡོན་ཆོས་རྗེར་བདུན་ཚན། རྒྱབ་ཆོས་དགོན་ཁད་ཉེ་ནས་ལྔ་བཅུས་ཞག་བདུན་བར་ཤེར་སྙིང་དྲུག་ཁྲི་ལྔ་སྟོང་ཆིག་བརྒྱ། དཔལ་རི་བ་ལྔ་བཅུས་དྲི་མེད་བཤགས་རྒྱུད་ཉིས་སྟོང་ལྷག་བཅས་དང་བརྒྱགས་རྔན། རྩེས་དང་ལྔ་མཆོད་པ་ལྔ་བཅུས་ཉིན་བཅུར་སྨན་བླ་ཉིས་སྟོང་། བཅུར་ཤེར་སྙིང་དགུ་ཁྲི་སུམ་སྟོང་། གསེར་བཏུལ་མ་ཞོ་དྲུག་གི་ཞལ་གསེར། ཙ་རི་ཅིག་ཅར་དུ་ཆོས་རྗེ་བྲག་སྣ་བ་གྲ་སློབ་བཅུ་གཉིས་ཀྱི་ཁྲོ་རོལ་སླང་གང་མ་སྒྲུབ་ཞག་བདུན། ཚོགས་བརྒྱ་ཉིན་གཉིས། བརྒྱགས་རྔན་ཉིན་གཅིག །དགའ་ལྡན་རབ་བརྟན་པ་སུམ་ཅུས་ཉིན་བཅུའི་བར་སྨན་བླ་དང་ཤེར་སྙིང་སྟོང་། ཁྲོ་རོལ་གྱི་རྒྱབ་ཆོས་སུ་ཤེར་སྙིང་གང་འགྲོ། ལྷོ་བྲག་མཁར་ཆུར་ཆོས་རྗེ་གནས་གཞི་བ་ཉེར་གཉིས་ཀྱིས་ཁྲོ་རོལ་དང་ཀི་ཀང་གི་དགྲ་མནན་སྒྲུབ་ཞག་བདུན་རེ། ཚོགས་བརྒྱ་ཉིན་གཉིས། ལྷ་བསངས་ཉིན་གཅིག །རྒྱབ་ཆོས་དགེ་དགོན་ཁད་ཉེ་ནས་བརྒྱས་ཞག་བདུན་བར་ཤེར་སྙིང་ཆིག་འབུམ་སུམ་ཁྲི་ཉིས་བརྒྱ། དགའ་ལྡན་དོན་གཉིས་གླིང་པ་ལྔ་བཅུར་སྨན་བླ་ཉིས་སྟོང་། བཅུར་ཤེར་སྙིང་དགུ་ཁྲི་སུམ་སྟོང་། འོན་ཕུ་སྟག་ཚང་དུ་གྲ་སྙེ་མདོ་བ་གྲ་སློབ་བཅུ་གཉིས་ཀྱིས་ཕུར་སྒྲུབ་བདུན་གཅིག །

[Full Size]

མནན་པ་དང་སྦྱིན་སྲེག་ཉིན་རེ། མངའ་རིས་གྲ་ཚང་པ་ཉི་ཤུས་ཞག་བདུན་བར་ཤེར་སྙིང་ཉིས་སྟོང་བཞི་བརྒྱ། གཏེར་སྒྲོམ་དུ་བན་གྲོང་པ་གྲ་སློབ་བཅུ་གཉིས་ཀྱིས་ཕུར་སྒྲུབ་བདུན་གཅིག །མནན་པ་དང་སྲེག་པ་ཉིན་རེ། འོན་སྣ་པ་ཉི་ཤུས་ཞག་བདུན་བར་ཤེར་སྙིང་ཉི་ཁྲི་དྲུག་སྟོང་བཞི་བརྒྱ། ལྷོ་བྲག་མཁོ་མཐིང་ལྷ་ཁང་དུ་ཆོས་རྗེ་སྨྲ་བོ་ལྕོག་པ་ཉེར་གཉིས་ཀྱིས་ཁྲོ་རོལ་དང་ཀི་ཀང་གི་དགྲ་མནན་བདུན་རེ། རབ་གནས་སྦྱིན་སྲེག་བརྒྱགས་རྔན་གསུམ་ཉིན་རེ། རྒྱབ་ཆོས་དགོན་ཁད་ཉེ་ནས་བརྒྱས་ཞག་བདུན་བར་ཤེར་སྙིང་ཆིག་འབུམ་སུམ་ཁྲི་ཉིས་བརྒྱ། ཁྱུང་ཆང་དགོན་པ་བ་ལྔ་བཅུས་ཞག་བཅུར་སྨན་བླ་ཉིས་སྟོང་། བཅུར་ཤེར་སྙིང་དགུ་ཁྲི་སུམ་སྟོང་། བརྒྱ་མཆོད་སྣ་ལྔ་ཚར་རེ་སྤྱན་འདྲེན་ཁྲུས་གསོལ། པྲ་དུན་རྩེར་བྲག་དཀར་ཆུ་བཟང་པ་གྲ་སློབ་བཅུ་གསུམ་གྱིས་ཁྲོ་རོལ་སླང་གང་མ་སྒྲུབ་ཞག་བདུན། རབ་གནས།སྦྱིན་སྲེག །བརྒྱགས་རྔན་གསུམ་ཉིན་རེ། དགའ་ལྡན་འཕེལ་གླིང་པ་སུམ་ཅུས་ཞག་བདུན་བར་ཤེར་སྙིང་དགུ་ཁྲི་བཞི་སྟོང་བརྒྱད་བརྒྱ་དྲུག་ཅུ། མཆོད་པ་སྣ་ལྔ་བརྒྱ་ཚར་རེ་སྤྱན་འདྲེན་ཁྲུས་གསོལ། ཀོང་པོ་བུ་ཆུར་རྙིང་ཕུ་རིགས་འཛིན་ཆེན་པོ་གྲ་སློབ་བཅུ་གཉིས་ཀྱིས་ཁྲོ་རོལ་སླང་གང་མ་སྒྲུབ་ཞག་བདུན། སྦྱིན་སྲེག་མནན་པ། བརྒྱགས་རྔན་གསུམ་ཉིན་རེ། རྒྱབ་ཆོས་དགེ་དགོན་ཁད་ཉེ་ནས་ལྔ་བཅུས་ཞག་བདུན་བར་ཤེར་སྙིང་དྲུག་ཁྲི་ལྔ་སྟོང་ཆིག་བརྒྱ། ཞག་བཅུ་རེར་སྒར་པ་གྲ་ཚང་པ་ལྔ་བཅུས་སྨན་བླ་ཉིས་སྟོང་། དེ་མོ་བ་ལྔ་བཅུས་ཤེར་སྙིང་དགུ་ཁྲི་སུམ་སྟོང་། ཉིན་སྟར་བརྒྱ་མཆོད་ཉེར་སྤྱོད་ལྔ་ཚར་རེ། སྤྱན་

[Full Size]

འདྲེན་ཁྲུས་གསོལ། དབུ་རུ་ཀ་ཚལ་དུ་རིགས་འཛིན་དཀོན་མཆོག་ལྷུན་གྲུབ་ཀྱིས་ཁྲོ་ཆུའི་གཏོར་བཟློག་དང་གཤིན་རྗེའི་དགྲ་མནན་སྒྲུབ་ཞག་བདུན་རེ། རབ་གནས། སྦྱིན་སྲེག །བརྒྱགས་རྔན་གསུམ་ཉིན་རེ། རྒྱབ་ཆོས་དགེ་དགོན་ཁད་ཉེ་ནས་བརྒྱས་ཞག་བདུན་བར་ཤེར་སྙིང་དྲུག་ཁྲི་ལྔ་སྟོང་ཆིག་བརྒྱ། ཐང་སྐྱ་བ་སུམ་ཅུས་ཞག་བདུན་བར་ཤེར་སྙིང་སུམ་ཁྲི་དགུ་སྟོང་དྲུག་ཅུ། ཉིན་སྟར་བརྒྱ་མཆོད་སྣ་ལྔ་རེ། སྤྱན་འདྲེན་ཁྲུས་གསོལ། གཙང་འགྲམ་ལྷ་ཁང་དུ་བྲག་ལ་བ་གྲ་སློབ་ཉེར་གཉིས་ཀྱིས་འཆར་ཀའི་མདོས་དང་ཀི་ཀང་སྒྲུབ་ཞག་བདུན་རེ། རྒྱབ་ཆོས་པ་དགེ་དགོན་བྱེད་བཞིན་པ་ལྔ་བཅུས་ཞག་བདུན་བར་ཤེར་སྙིང་སུམ་ཁྲི་དགུ་བརྒྱ། མྱུག་ཆོས་གླིང་པ་ལྔ་བཅུས་ཞག་བཅུའི་བར་སྨན་བླ་ཆིག་སྟོང་ཉིས་བརྒྱ་ལྔ་བཅུ། ཉིན་སྟར་བརྒྱ་མཆོད་སྣ་ལྔ་རེ། སྤྱན་འདྲེན་ཁྲུས་གསོལ། གྲོམ་པ་རྒྱང་དུ་ཆོས་རྗེ་ཆུ་མིག་པ་གྲ་སློབ་ཉེར་གཉིས་ཀྱིས་ཁྲོ་རོལ་དང་གཤིན་རྗེའི་དགྲ་མནན་སྒྲུབ་ཞག་བདུན་རེ། རབ་གནས། སྦྱིན་སྲེག །བརྒྱགས་རྔན་གསུམ་ཉིན་རེ། རྒྱབ་ཆོས་པ་དགེ་ལུགས་བྱེད་བཞིན་པ་བརྒྱས་ཞག་བདུན་གྱི་བར་ཤེར་སྙིང་ཆིག་འབུམ་སུམ་ཁྲི་ཉིས་བརྒྱ། ལྷ་རྩེ་ཆོས་སྡེ་པ་ལྔ་བཅུས་ཞག་བདུན་བར་སྨན་བླ་ཆིག་སྟོང་བཞི་བརྒྱ། ཉིན་སྟར་བརྒྱ་མཆོད་སྣ་ལྔ་རེ། སྤྱན་འདྲེན་ཁྲུས་གསོལ། ཡེར་པར་རང་གྲ་ལྔ་བཅུས་ཞག་བདུན་བར་སྨན་བླ་ཆིག་སྟོང་དང་ཤེར་སྙིང་ཁྲི། ཉིན་སྟར་བརྒྱ་མཆོད་སྣ་ལྔ་རེ། སྤྱན་འདྲེན་ཁྲུས་གསོལ། ཕ་བོང་ཁར་རང་གྲ་ཉེར་ལྔས་ཞག་བདུན་བར་ཤེར་སྙིང་སུམ་ཁྲི། ཉིན་སྟར་

[Full Size]

བརྒྱ་མཆོད་སྣ་ལྔ་རེ། སྤྱན་འདྲེན་ཁྲུས་གསོལ། ཡུམ་བུ་གླ་སྒང་དུ་ཆོས་རྗེ་ཁྲ་ཚང་པ་བཅུ་གཉིས་ཀྱིས་འཆར་ཀའི་གཏོར་བཟློག་དང་ཀི་ཀང་གི་དགྲ་མནན་སྒྲུབ་ཞག་བདུན་རེ། ལྷ་བསངས་ཉིན་གང་། རི་བོ་ཆོས་གླིང་པ་ཉི་ཤུས་ཉིན་བདུན་བར་སྨན་བླ་ལྔ་བརྒྱ་དྲུག་ཅུ། ཉིན་སྟར་བརྒྱ་མཆོད་སྣ་ལྔ། སྤྱན་འདྲེན་ཁྲུས་གསོལ། བཀྲ་ཤིས་ཆོས་སྡེ་བ་བརྒྱད་ཀྱིས་རབ་གནས་ཉིན་གང་། ཡང་རྫོང་དུ་རྡོ་རྗེ་བྲག་པ་གྲ་སློབ་བདུན་གྱིས་ཀི་ཀང་གི་དགྲ་མནན་སྒྲུབ་ཞག་བདུན། ལྷ་བསངས་ཉིན་གཅིག །ཉིན་སྟར་བརྒྱ་མཆོད་སྣ་ལྔ། ཤེལ་བྲག་ཏུ་དཔལ་རི་བ་གྲ་སློབ་བདུན་གྱིས་ཀི་ཀང་གི་དགྲ་མནན་བདུན་གཅིག །ཉིན་སྟར་བརྒྱ་མཆོད་སྣ་ལྔ། ཆོས་རྗེ་གུང་རུ་བ་གྲ་སློབ་བཅུ་གཉིས་ཀྱིས་ཀི་ཀང་གི་དགྲ་མནན་བདུན་གཅིག །ལྷ་བསངས་ཉིན་གཅིག །ཉིན་སྟར་བརྒྱ་མཆོད་སྣ་ལྔ། ཟབ་ཕུ་ལུང་དུ་འུག་བྱ་ལུང་པ་གྲ་སློབ་བཅུ་གཉིས་ཀྱིས་འཆར་ཀའི་མདོས་དང་དགྲ་མནན་སྒྲུབ་ཞག་བདུན་རེ། ལྷ་བསངས་ཉིན་གཅིག །ཉིན་སྟར་བརྒྱ་མཆོད་སྣ་ལྔ། བཀྲ་བཟང་དུ་སེ་སྟོན་ཐུགས་མཆོད་འོད་འབར་གྲ་སློབ་ཉེར་གཉིས་ཀྱིས་ཕུར་སྒྲུབ་དང་ཀི་ཀང་གི་དགྲ་མནན་སྒྲུབ་ཞག་བདུན་རེ། རབ་གནས་སྦྱིན་སྲེག །བརྒྱགས་རྔན་ཉིན་གསུམ། སྲོང་བཙན་དུ་དཔལ་རི་བ་བརྒྱད་གྲས་ཞག་བཞིར་མ་ནིང་གི་བསྐང་གསོ། བརྒྱགས་རྔན་ཉིན་གཅིག །གྲ་པ་ཉེར་གཉིས་ཀྱིས་ཞག་ལྔའི་བར་ཐང་ཡིག་བརྒྱ། ཐང་པོ་ཆེར་རི་བོ་བདེ་ཆེན་པ་གྲ་སློབ་བརྒྱད་ཀྱིས་རབ་གནས་ཉིན་གང་། གྲ་ཐང་དུ་མཁན་པོ་གྲ་བཅས་

[Full Size]

བརྒྱད་གྲས་རབ་གནས་ཉིན་གང་། ཆོས་རྗེ་ཆེ་ཁ་དང་མཁན་པོར་བདུན་ཚན། རྡོར་སློབ་བྱིངས་ལ་ལྔ་ཚན། ཡོན་ཀྱང་ཉིན་གཤོར་ཁལ་ཕྱེད་རེ། འབྲུ་དཔུས་ཕྱེད་ཁྱེར་གྱི་གུད་མེད་བསྒྲུབས་པ་ནི། པད་གླིང་ལུང་བསྟན་ཀུན་གསལ་མེ་ལོང་ལས། རུ་བཞིའི་ཆོས་མཛད་ཐམས་ཅད་དགོངས་པ་བསྟུན༔ ཆོ་འཕྲུལ་ཟླ་བ་སྤྲེའུའི་ཟླ་བ་ལ༔ རྒྱུད་དང་བསྟུན་ནས་ཉིན་མོ་སྔགས་ལ་འབད༔ གཏོར་མ་མདོས་དང་མནན་སྲེག་ཡང་ཡང་བྱ༔ བྷྱོ་བཟློག་ཟོར་རྣམས་བཤགས་ནས་ཆོས་ཁྲིམས་བཅའ༔ ཉན་བཤད་སྒོམ་སྒྲུབ་བྱེད་པའི་བསྟན་པ་ཚུགས༔ རི་རྒྱ་ཀླུངས་རྒྱ་ལམ་རྒྱ་ལ་སོགས་འཛུགས༔ སྐྱེ་འགྲོ་སེམས་ཅན་ཐམས་ཅད་བདེ་ལ་བཀོད༔ ཅེས་དང་། བསམ་ཡས་ཁྲ་འབྲུག་ལྷ་ས་འོན་ལྗང་རྡོ༔ རྒྱལ་བློན་བཞེངས་པའི་གཙུག་ལག་ཁང་རྣམས་གསོ༔ ཐེམ་དགུའི་འོག་ཏུ་རྒྱ་འདྲེ་ཐམས་ཅད་མནན༔ ཙ་རི་མཁར་རི་སྟག་ཚང་གཏེར་སྒྲོམ་བཞིར༔ སྒྲུབ་གནས་ཚོགས་འཁོར་སྦྱིན་སྲེག་བརྒྱ་རྩ་བྱ༔ མཁོ་མཐིང་སྐྱེར་ཆུ་པྲ་དུན་བུ་ཆུ་བཞིར༔ སྨན་བླ་ཚར་བརྒྱ་སྒྲོལ་མའི་མཆོད་པ་བྱ༔ བུམ་ཐང་བྱམས་པ་ལྷ་ཁང་བསྟན་པའི་སྲོག༔ ལྷ་ས་བསམ་ཡས་མདོ་སྔགས་སྲོག་ཡིན་པས༔ སོ་ནམས་འབད་ནས་མདོ་སྔགས་བསྟན་པ་ཚུགས༔ ཞེས་རུ་བཞིའི་ཡུལ་ཁམས་སུ་འཚེ་བྱེད་བཟློག་ཐབས་དེ་ལྟར་བྱུང་བ་དང་། ཀུན་སྐྱོང་གླིང་པའི་ཟབ་གཏེར་མཆོད་རྟེན་ལྔའི་ལུང་བསྟན་དུ། སྤྲུལ་བའི་དགེ་སློང་རྣམས་ཀྱིས་ནི༔ རབ་གནས་བཀྲ་ཤིས་གསོལ་བར་བྱ༔ གྲུབ་ཐོབ་རྣལ་འབྱོར་རྣམས་ཀྱིས་ནི༔ བྷྱོ་སྔགས་བཟློག་ཟོར་ཕྱོགས་བཞིར་འཕེན༔ བཀའ་འགྱུར་

[Full Size]

ལ་ནི་འུར་འདོན་དང་༔ བསྟན་པ་སྤྱི་རིམ་དག་ལ་འབུངས༔ ས་ཡི་གཟེར་རྣམས་མ་ནོན་ན༔ བདུད་སྡེ་དམག་སྒར་དཔལ་གྱི་རི༔ ཐམས་ཅད་འཇོམས་ཤིང་མཚོན་འཁྲུག་འབྱུང་༔ བྱང་ཆུབ་སེམས་དཔའ་མཚོན་གྱིས་འཆི༔ བོད་འབངས་སྡུག་ཅིང་འཁྲུག་རྩོད་ཡོད༔ གྲུབ་ན་བཀྲ་ཤིས་བདེ་ལེགས་འཕེལ༔ ཞེས་ལུང་བསྟན་པའི་སེལ་བྱེད་རྣམས་བགྱིས་པས་སྤྱི་སྒོས་ཀྱི་དོན་འགྲུབ་བམ་སྙམ། ཚེས་བརྒྱད་ལ་བོ་ཤོག་ཐུ་ཇི་ནོང་དང་རྒྱལ་སྲས་དགེ་འདུན་སོགས་སུམ་ཅུ་སྐོར་ཡན་ལག་བརྒྱད་ལྡན་གྱི་སྡོམ་པར་བཀོད། གནམ་སའི་དབང་ཕྱུག་བསྟན་འཛིན་ད་ལའི་རྒྱལ་པོ། དགའ་ལྡན་རབ་འབྱམས་པ། བོ་ཤོག་ཐུ་ཇི་ནོང་རྒྱལ་སྲས་མཆེད། ཇའི་སང་སོགས་སུམ་ཅུ་སྐོར་དང་། ཏྲེ་བོ་དཔོན། སྲིན་པོ་རིར་བླ་ཟུར། སྔགས་འཆང་ཆུ་སྤེ་སྟེང་པ། པཎྜི་ཏ་གཽ་ཏ་ལ། དར་མོ་བའི་སྨན་སྒྲུབ་ལ་འགྲོ་མི་གཉིས་རྣམས་ལ་ཇ་གྲལ་ཐོག་ཆུ་སྤེ་སྟེང་པར་རྒྱལ་པོ་རྩེ་མདོས་སོགས་ལ་དྲི་བ་བགྱིས་པ་ཆོས་ཡོན་བྱེད་བཞིན་པའི་དཔེ་ལས་ཨོ་ཟོག་མགོ་ཡོན་དུ་མ་མཆིས་པར་སྣང་། པཎྜི་ཏ་གོ་ཏ་ལར་ས་སྙིང་ཞོ་ལྔ་བཅུ། གླ་གོར་བརྒྱ་སོགས་སྟེར་ཆ་ངོམ་ཆེ་བགྱིས་པས་དགའ་མགུ་ཡི་རང་སྟེ་འཕགས་ཡུལ་དུ་བཏེག །ཚེས་བཅུར་འབྲས་སྤུངས་ཀྱི་སློབ་དཔོན། དབུ་མཛད། དགེ་སྐོས། གཏེར་སྟོན་རིན་པོ་ཆེའི་གཅུང་ལོ་ཆེན་སོགས་དང་ཕྲད། བསམ་ཡས་སུ་ཆོས་རྒྱལ་ཆེན་པོ་དཔོན་བློན་སོ་སོར་སྙན་ཚིག་གིས་དྲངས་པའི་འཕྲིན་གསོལ་སོགས་མདོ་སྡེ་འབུལ་བར་དར་བྱུང་པ་བརྫངས། ཚེས་བཅུ་གཅིག་ལ་དགའ་ལྡན་རབ་འབྱམས་པ་ད་ལའི་

[Full Size]

ཧུང་ཐའི་ཇིའི་བསམ་པར་ཆོས་ཚུགས་ཐུབ་པའི་འཕྲལ་ཁོ་རང་དང་འདོད་པ་གཅིག་པ་ལ་ཕུགས་བུ་ཚ་ཐམས་ཅད་ཀྱི་མགོ་འདོན་ལྟ་བུ་བྱེད་མཁན་ཞིག་བྱུང་ན་སྙམ་པ་འདོད་པར་འདུག་ཀྱང་རབ་འབྱམས་པ་རང་རི་ཁྲོད་པ་ལྟ་བུའི་ཆོས་མཐར་ཕྱིན་ཡོང་མི་ཡོང་ལ་བརྟག་པ་དགོས་གླེང་བ་ངེད་ལ་དུས་གསུམ་ཤེས་པའི་མངོན་མཁྱེན་ནི་མེད་དཔལ་ལྡན་ལྷ་མོ་དཔང་པོར་གསོལ་བའི་དབྱངས་འཆར་གྱི་མོ་འཁྱེར་བདེ་བཏབ་པར་ཆོས་ཚུགས་ཟིན་པར་འཚུབ་ཤིན་ཏུ་ཆེ་བ་ཤར་བ་བཞིན་རྒྱུ་མཚན་བྱས་པ་ཧུང་ཐའི་ཇིར་རབ་འབྱམས་པ་རང་གིས་ལབས་ནས་བན་ལོག་པར་ཐག་བཅད་འདུག་དོན་ལྟར་འོ་སྐོལ་གྱི་སྟོན་པ་འཁོར་ཉེ་སྲས་བརྒྱད་དང་བཅས་པའི་གསེར་སྐུ་བྱོན་གཙང་། སྔགས་ཐང་གྲ་ཚར་སྤུས་ལེགས་སོགས་སྔོན་འགྲོའི་བདོག་པ་བཏེག་ནས་དགེ་ཚུལ་གྱི་སྡོམ་པ་ལེན་དགོས་ཞེས་པ་ལྟར་བླངས་ཏེ་མིང་དགའ་ལྡན་ཚེ་དབང་དཔལ་བཟང་དུ་བཏགས་ཤིང་སོག་པོ་མི་སྐྱའི་གྱོན་པ་ཆ་ཚང་སོགས་སྟེར་ཆ་བྱས། དཔོན་མོ་བློ་བཟང་སྒྲོན་མ་དགེ་ཚུལ་དུ་བསྒྲུབས། སྐྱར་པོ་བ་རྡོ་རྗེ་དབང་ཕྱུག་ལ་ཚེ་དབང་འཆི་མེད་དཔལ་སྟེར་བརྒྱ་ཚར་དང་མགོན་པོ་ཕྱག་དྲུག་པའི་རྗེས་གནང་བར་ཆད་ཀུན་སེལ་བསྐུར། ཟུར་མཁར་བློ་གྲོས་རྒྱལ་པོའི་གསོ་དཔྱད་མེས་པོའི་ཞལ་ལུང་གི་པར་བྱང་། ཨེར་ཁེ་ཆོས་རྗེར་བདེ་བ་ཅན་དུ་སྐྱེ་བའི་སྨོན་ལམ། ནོ་མོན་དྷ་རས་བསྐུལ་བའི་རིང་འཚོ། བི་ལིག་རབ་འབྱམས་པ་བློ་བཟང་ཆོས་འཕེལ་གྱི་འདོད་སྦྱར་དགའ་ལྡན་ཁྲི་རིན་པོ་ཆེའི་གསོལ་འདེབས། ཆུ་མིག་ཁ་པས་དངུལ་གདུང་བཞེངས་པའི་སྨོན་ཚིག །ཕ་བོང་ཁ་པ་ཞལ་སྔ་ནས་འཇམ་དབྱངས་གྲགས་པའི་ཕྱི་རྟེན་དངུལ་གདུང་གི་དཀར་ཆག །

[Full Size]

སྙེ་མོ་བློ་བཟང་ངག་དབང་གི་འཇམ་དཔལ་རིགས་ལྔའི་བྲིས་ཐང་རྒྱབ་ཡིག །སྔགས་བན་ངག་དབང་རྒྱ་མཚོའི་ངོར་གསོལ་འདེབས། རབ་འབྱམས་པ་བསམ་གཏན་རྒྱ་མཚོས་བསྐུལ་བའི་བདེ་ཆེན་སྨོན་བསྔོ། །སེམས་དཔའ་སྤྲུལ་སྐུ་ངག་དབང་ཕུན་ཚོགས་ཀྱི་པཎ་ཆེན་དགེ་འདུན་རྒྱ་མཚོ། ངེད་རང་། བེག་ཙེ་གསུམ་གྱི་ཐང་སྐུའི་རྒྱབ་ཡིག །དཀའ་བཅུ་བློ་བཟང་རྒྱ་མཚོའི་ངོར་ངེད་རང་དང་ཕྱག་དྲུག་པའི་གསོལ་འདེབས། འཕྱོང་རྒྱས་བློ་བཟང་དགེ་བདུན་ལ་ཕྱག་དྲུག་པའི་རྒྱུན་འཁྱེར། དྲུག་བརྒྱ་གྲུབ་ཆེན་ལ་བླང་དོར་བསླབ་བྱ། ལྐོག་པ་བའི་ནུ་བོ་སུམ་ཡགས་ཀྱི་དོན་དུ་གནས་བཅུ་ཚར་གཉིས་དང་ཕྱག་རྡོར་ལ་གྲ་ལྔས་བསྐོར་བའི་རྒྱབ་ཡིག །ཨྱོན་སྨིན་གྲོལ་གླིང་གི་དཀར་ཆག་ངོ་མཚར་རྒྱ་མཚོ། །དཔལ་རི་སྤྱི་སོས་སྤྲུལ་སྐུ་ངག་དབང་པདྨའི་བརྟན་བཞུགས་བསྐུལ་བ་རྣམས་བྲིས། ཚེས་བཅུ་གཉིས་ལ་དཔལ་འཁོར་ཆོས་སྡེའི་ལེགས་གྲུབ་སློབ་དཔོན་སོགས་དང་། དགའ་ལྡན་ཧུང་ཐའི་ཇི། རྭ་སྒྲེང་མཁན་པོའི་མི་སྣ་ཐོན་གདོང་གི་ངོས་ཕྲད། སྐྱར་པོ་བ་རྡོ་རྗེ་དབང་ཕྱུག་ཁལ་ཁ་ཨོ་རོད་ཀྱི་གཞུང་བསྒྲིག་ཆེད་གཡོན་རུ་དགའ་ལྡན་ཧུང་ཐའི་ཇིར་དགའ་ལྡན་བསྟན་འཛིན་བོ་ཤོག་ཐུ་ཁང་གི་ཆོ་ལོ། ཐམ་ཀ །གོས་སྣ་ཆ་ཚང་སོགས་ལེགས་སྐྱེས་རིང་པོར་སྤྲོས་ཤིང་། ལྷེབ་ཤོག་སྒྲོམས་ཆེ་བ། ངག་མ་ཞིབ་ཏུ་བགྱིས་ནས་ཡོན་བདག་རྣམས་ཀྱི་བདེ་ཐབས་བསྒྲུབ་པར་མངགས། ཚེས་བཅུ་གསུམ་ལ་གསས་ཁང་པ་བླ་གྲས་ཚན་གྲངས་བརྐྱང་སྟེ་རིང་འཚོ་དང་། དཔོན་མོ་བསོད་ནམས་ཆོས་འཛོམ་སོགས་དཔོན་ཆུང་བཅོ་ལྔ་སྐོར་ལ་ཇ་གྲལ་བཏང་། །

[Full Size]

ཚེས་བཅུ་བཞིར་གསུང་རབ་གླིང་སློབ་དཔོན་དུ་འགྲོ་མི་སེ་ར་སྨད་རབ་འབྱམས་པ་བློ་བཟང་བསྟན་འཛིན་ཅན་དགེ་སློང་གཉིས་དང་ཀ་ཐོག་སྐུ་སྐྱེ་ཨྱོན་ཆོས་ཀྱི་རྒྱ་མཚོ་དགེ་ཚུལ་དུ་བསྒྲུབས། ལྷ་སའི་རབ་སྟོན་གྱི་སྐལ་པའི་སྟོན་མོ་བྱུང་། ཚེས་བཅོ་ལྔར་རྒྱལ་སྲས་བསོད་ནམས་བཀྲ་ཤིས་ངོ་མ་གཡོག་བཅས་དང་ཕྲད། ཚེས་བཅུ་དྲུག་ལ་རྒྱལ་སྲས་དགེ་འདུན་བཀྲ་ཤིས་ཐོན་གདོང་གི་ཇ་གྲལ་དང་བཀའ་བསྒོ། གསེར་མདོག་ཅན་ཤངས་པ་སློབ་དཔོན་པ་ཤཱཀྱ་ནོར་བུ་སྒྲ་སློབ་པར་འདར་པ་ལོ་ཆེན་སར་སྡོད་རིང་ཕོགས་ཇ་ཐུག་སོགས་ཀྱི་ཕན་པ་བསྒྲུབས། ཚེས་བཅུ་བདུན་ལ་ལྷོ་བྲག་གདང་དགོན་གསར་བླ་མ། ཀ་ཐོག་དར་དཀར་སྐུ་སྐྱེ། ཡང་རི་བླ་མ་གསར་རྙིང་། འབོག་གོང་སྦྱོར་ར་བ། འབྲུག་ཀུན་བཟང་། བདེ་མཆོག་མགོན་པོ། གངས་མཚོ་བའི་བུ། འབྲོང་རྩེ་ཁང་དམར་བ། བཟད་བང་སྟེང་པ། འབྱོར་རྒྱས་པ། ན་གུ་བ། འབག་རྒྱལ་ཕ་བུ། སྤྱི་དཔོན་དྲག་པ་ལྔ། སྤེེ་དཔོན་ཉེར་གཉིས་སོགས་ལ་ཇ་གྲལ་དང་ཕྱི་དྲོ་ལོ་ཆེན་མཆེད་སོགས་དང་ཕྲད། གསོ་བ་རིག་པའི་རྒྱུད་ལས། རིན་པོ་ཆེ་ཡིས་མི་སེལ་གང་ཡང་མེད། །རིན་པོ་ཆེ་དང་ཀླུ་ཡི་ནོར་བུ་འདྲ། །ཞི་བྱེད་ཀུན་གྱི་ལོག་གནོན་རིན་པོ་ཆེ། །ཞེས་སྦྱར་དུག་དབྱིག་དུག་ལ་སོགས་ལྡན་འདུས་ཀྱི་རིགས་གཙོ་གྱུར་གྱི་ནད་བཞི་བརྒྱ་སོགས་ཟུག་རྔུ་གང་གིའང་གཉེན་པོ། འབྱུང་པོ་ལ་སོགས་པའི་གདོན་ཀྱང་ཐུབ། ཁྱད་པར་ཚེ་རིང་ཞིང་ལུས་ཟུངས་གསོ་བའི་བཅུད་ལེན་མཆོག་ཏུ་འགྱུར་བར་བཤད་ནའང་སྔོན་བྱོན་གྱི་བླ་ཆེན་ཚོས་སྦྱར་སྐབས་དངུལ་ཆུ་བཙོ་བཀྲུ་རྣམ་དག་གི་ལག་ལེན་རྒྱུན་མེད་ཅིང་སྨན་གྱ་གསུམ་ལ་

[Full Size]

མང་མཐའ་དང་། ཆུང་འབྲིང་དབྱེ་བ་ཙམ་དང་། རྒྱལ་རྩེ་ཆོས་རྒྱལ་གྱིས་བྱེ་བ་རིང་བསྲེལ་ལྟར་སྨན་སྣ་གྱ་གསུམ་ལས་ཤེལ་རིགས་རིན་པོ་ཆེ་བྱུ་རུ་གཡུ་སྦུར་ལེན་ཆུར་སྦངས་པ་བསྲེས་པ་ལས་གཞན་མེད་པ་དང་། ཡར་སྟོད་པས་བུ་མོ་སྟག་ལོ་མའི་མཆིན་པ་དགོས་པ་གློ་བུར་དུ་བསད་པ་དང་། ཞྭ་དམར་ནག །འབྲི་གུང་པ། ཡར་རྒྱབ་སོགས་ཀྱི་སྦྱོར་བ་ཆུང་འབྲིང་ཙམ་ལས་མ་བྱུང་བར་གྲགས། རྩེ་ཆེན་པའི་གྲང་སྦྱོར་འཛོམ་ཆེ་བའི་ལོ་རྒྱུས་སྣང་ཡང་ཚང་མ་འབྱུང་བ་དཀའ། མིང་དང་དོན་མཐུན་པ་ཞིག་བྱུང་ན་སྙམ་སྨན་ཁུངས་བཙུན་ཡོང་པའི་ལས་སྒོ་ཚོར་བཙལ་ཞིང་རྒྱུད་བཞི་འདི་ཁུངས་བཙུན་ཀྱང་དེ་དོན་མདོར་བསྡུས་ལས་གྲངས་ངེས་ཀྱི་ཞིབ་ཆ་མི་སྣང་།བཙོ་བཀྲུའི་ཁུངས་ཀྱང་སྔོན་འཕགས་ཡུལ་དུ་དྲང་སྲོང་རིག་པའི་བློ་གྲོས་ཞེས་སྤྱན་རས་གཟིགས་ཀྱི་རྣམ་སྤྲུལ་དེ་ཉིད་ཀྱིས་མ་འོངས་པའི་སེམས་ཅན་ལ་དུག་རིགས་མི་འདྲ་བ་སྟོང་དང་གཉིས་འབྱུང་བར་མཁྱེན་ནས་དེའི་སེལ་བྱེད་འཚོལ་བར་ལྷོ་ཕྱོགས་ཀྱི་གླིང་ཕྲན་ཞིག་ཏུ་རྫུ་འཕྲུལ་གྱིས་གཤེགས་པ་ན་དེར་དངུལ་ཆུ་བཙོ་བཀྲུར་མཁས་པའི་དྲང་སྲོང་དང་སྨན་གྱི་ལྷ་མོ་སོགས་སྤྲུལ་པའི་སྐྱེས་ཆེན་མང་པོ་བཞུགས་པའི་གཙོ་བོ་དྲང་སྲོང་གཞུང་སྐྱེས་ལས་བདུད་རྩི་འཆི་མེད་གསུམ་འདུས་པའི་བཅུད་ལེན་གྱི་གདམས་པ་ལྷག་མ་མེད་པར་གསན་ནས་འཛམ་བུའི་གླིང་དུ་གྲུབ་ཐོབ་ཤ་བ་རིའི་དབང་ཕྱུག་དང་ཨྱོན་པ་སོགས་ལ་རིམ་པར་བརྒྱུད་པ་ཨེ་འདུག་ཤེལ་དཀར་རྫོང་སྡོད་སྦྱར་ར་དངོས་གྲུབ་ལ་དྲིས་པ་བོད་མཁས་པ་དང་ས་སྐྱའི་དཔོན་ཚང་ལ་རྩད་བཅད་ཀྱང་དེ་སྐབས་གཞན་ནས་མ་རྙེད་པར་འཁྲུལ་ཞིག་གི་སྤྱོད་པ་སྐྱོང་བ་དཔོན་ཚང་ནམ་

[Full Size]

མཁའ་ལྷ་ཞེས་པར་ཡོད་པ་ལྟར་བེའུ་བུམ་དང་བཅས་བསྐུར་ནས་བརྫངས་པ་བཞིན་ཞོལ་ཡོང་བཞེས་ཁང་དུ་གསུམ་དར་ན་གསུམ་བསླབ་བཅུག །ཟུར་མཁར་དྷརྨ་སྭ་མིར་སྨན་རྒྱལ་གཡུ་ཐོག་པའི་རྣམ་པར་ཞལ་བསྟན་ཏེ་གསོ་རིག་གདམས་སྐོར་མཐའ་ཀླས་པའི་ཕྱག་ལེན་དམར་ཁྲིད་བཅས་སྩལ་བ་སྙན་བརྒྱུད་དུ་བཞུགས་པའི་ནང་ནས་རིན་ཆེན་གྲང་སྦྱོར་གཙོ་གྱུར་གྱི་དུག་སྨན་ཟབ་ཁྱད་ཅན་བཅུ་ཕྲག་གཉིས་འབྲི་གུང་ཆོས་ཀྱི་གྲགས་པར་བཀའ་བབས་པ་ལག་ཏུ་སོན་པ་ར་མོ་བར་བསླབས་པ་ཚེས་བཅུ་དགུ་གཟའ་སྐར་འཕྲོད་སྦྱོར་བཟང་པོར་སློབ་བཅས་ཀྱི་སྨན་རྣམས་ཀྱང་འཛོམ་ཆེ་མ་ཚང་བ་མེད་པའི་སྟེང་ངེད་ཀྱིས་གོང་མའི་རྒྱལ་ཁབ་ཆེན་པོར་ཕྱིན་སྐབས་རྙེད་པའི་རིན་པོ་ཆེ་དང་ཤེལ་རིགས་དུ་མ་དང་། སེ་ཆེན་རྒྱལ་པོའི་རྒྱལ་མོ་རྡོ་རྗེ་རབ་བརྟན་མས་སྟོད་ཧོར་ནས་བྱུང་པའི་རིན་པོ་ཆེ་འགངས་ཅན་དང་། ཅུང་ཝང་གིས་སྐྱེས་སུ་བསྲིངས་པའི་རིན་པོ་ཆེ་དང་ཤེལ་རིགས་སྣ་ཚོགས། འོ་སྐོལ་གྱི་སྟོན་པའི་འཕེལ་གདུངས་བྱ་སྒོང་ཙམ་པས་གཙོས་སངས་རྒྱས་བྱང་སེམས་ཉན་རང་སློབ་བཅས། རྒྱ་བལ་བོད་ཀྱི་སྐྱེས་ཆེན་མང་པོའི་རིང་བསྲེལ། ཨ་རུ་རྣམ་རྒྱལ་གསེར་མདོག་སྙམ་པ་ཙམ་པ། དུང་དཀར་གཡས་འཁྱིལ། སེང་གེ་དཀར་མོའི་འོ་མ། སྟག་གསོན་མའི་སྨ་ར། སྦུག །སྦུར་ལེན། མུ་ཏིག །བྱུ་རུ་སོགས་ལྷ་ཀླུ་མིའི་རིན་པོ་ཆེ་བསམ་གྱིས་མི་ཁྱབ་པ་འགྲོ་བའི་ཆེད་ས་རྡོ་ལྟ་བུར་འཕངས་མེད་དུ་བཏང་། སྔོན་གྱི་རིན་ཆེན་རིལ་བུ་ཁུངས་བཙུན་གྱི་རྟ་དང་བཅས་རིམ་པར་སྦྱོར་དུ་བཅུག་པར་གྲང་སྦྱོར། ཚ་སྦྱོར། རྟ་རི་མ། དབང་ཕྱུག་ཆེན་པོའི་སྐུ་གསུང་ཐུགས་ཀྱི་རྒྱུད་གསུམ་གྱི་གསུང་རྒྱུད་མེ་ལྕེ་འབར་

[Full Size]

མའི་དགོངས་དོན་གྱི་དུག་འཇོམས་དབང་པོ་རིལ་བུ་སྨན་སྣ་བརྒྱ་ཕྲག་གི་སྐྱོར་བ་ཁྱད་འཕགས་བསླབ་ཏུ་བཅུག་པ་རྣམས་ཕོན་ཆེ་སྦྱར་བའི་དྭངས་སྙིགས་ལ་སྨན་བླའི་བསྐྱེད་བཟླས། གསུམ་པར་ཚངས་པའི་གསུང་ལྟར་དང་། བཞི་པར་དབང་ཕྱུག་གི་ལུགས་བཞིན་རབ་ཏུ་གནས་ཤིང་མེ་ཏོག་གཏོར་བས་ལྷའི་བདུད་རྩི་འཆི་མེད། ལྷ་མིན་གྱི་བདུད་རྩི་འཆི་གསོས། མིའི་བདུད་རྩི་བདེ་བྱེད་དུ་འགྱུར་བར་སྨོན་ལམ་ནན་ཏན་བཏབ་དོན་ལྟར་མཆོག་དམན་མང་པོར་བྱིན་པས་སྲོག་བསྐྱབས་པ་བཞིན་དགེ་བའི་རྒྱུན་བཟང་པོ་ཚུགས་སམ་སྙམ་མོ། །ཉེར་གཉིས་ནས་སྤྲུལ་སྐུ་རིགས་འཛིན་ཆེན་པོས་བྱད་འགྲོལ་སོགས་རྐྱེན་སེལ་ཀྱི་རིམ་པ་སྨིན་རྒྱས་སུ་མཛད་དེ། ཉེར་བདུན་ལ་དངུལ་གྱི་ཐ་ཕག །མདོང་མོ། ཆིབས་པ་སྒ་འཁོར་སོགས་དགུ་ཚན་ལྔའི་ཆོས་ཡོན་དང་། གཅུང་གཉིས་གྲ་དམངས་རྣམས་ལ་གང་འཚམ་གྱི་སྟེར་ཆ་དང་བཅས་ཏེ་རེ་ཞིག་རང་གནས་སུ་བསྐྱོད། དྲུག་བརྒྱ་གྲུབ་ཆེན་སོགས་བསྙེན་རྫོགས་དགུ་བསྒྲུབས། གནམ་གང་ལ་བི་ལིག་ཨེར་ཁེ་ཐའི་ཇི་སུམ་ཅུ་སྐོར། ཐོར་གོད་ཁོན་ཆེན་བཅས་པར་མངོན་མཐོའི་ས་བོན་ཡན་ལག་བརྒྱད་པའི་སྡོམ་པ་ཕབ། གཞིས་ཀ་རྩེར་གསོ་རིག་སློབ་གྲ་དྲང་སྲོང་འདུས་པའི་གླིང་དུ་ཆོས་ཐོག་ཟླ་བ་བརྒྱད་གྱི་བར་ཚེས་བརྒྱད་ལ་སྨན་བླའི་མདོ་ཆོག་ཚར་བདུན་རེ་སྟར་ཆགས་གཏོང་བའི་མཆོད་ཆས། ཚ་ར། ཇ་ཐུག་སོགས་ཀྱི་རྒྱུན་བཙུགས། གསང་སྔགས་ཆོས་གླིང་པར་ཆོས་གཞིས་མེད་གཤིས་ཚེས་བཅུའི་ཐེབས་སུ་དཔལ་དེ་རས་ཆེན་འདི་གར་གུས་ཞབས་ཀྱིས་དངོས་ཆས་ཡོད་དགུ་ལྟ་བུ་ལྷུར་

[Full Size]

ལེན་སྟབས་མཁན་ནམ་འཚོའི་བར་ལོ་སྟར་གཤོར་འབོའི་ཁལ་ཕྱེད་ཉིས་བརྒྱ་རེ། ཟླ་བ་དྲུག་པའི་ཚེས་གཉིས་ལ་དད་སྟོབས་ཀྱི་དབང་ཕྱུག་བསྟན་འཛིན་ད་ལའི་རྒྱལ་པོ་ཡབ་ཡུམ་སྲས་བཅས། བློ་བཟང་མགོན་པོ་རབ་བརྟན། ཨ་ཁའི། ཨ་ལ་དར། བསོད་ནམས་དབང་རྒྱལ། དགེ་ཚུལ་མ་ཨུ་ཞང་ཕ་བུ། བུ་ཅིང་ཏ་རའི་དགེ་ཚུལ་མ། རྒྱང་རོ་གསེར་སྡིངས་བླ་མ། རི་ཁྲོད་དགའ་ལྡན་བླ་མར་འགྲོ་མི་རྒྱུད་སྟོད་རབ་འབྱམས་པ་བླ་གྲས་བསམ་འཕེལ། མལ་དྲོ་ལྷུན་གྲུབ་ཀྱི་བླ་མ་གསར་པ། རྭ་སྒྲེང་མེར་གན་ཆོས་རྗེ། ཀོང་པོ་རྫོགས་ཆེན་དབོན་པ། བཞད་ཆོས་པ། འཕྱོས་གྲོང་སྟང་པ། ཤར་ཕྱོགས་པ། པུ་ཤུད་པའི་བུ། ཚེར་གསེབ་པ། ཁོ་ཁོམ་རྒྱལ་པོའི་སྨན་སྐྱེལ་མི་གཉིས། འབྲས་མོ་གཤོངས་ཀྱི་མི་སྣ་སོགས་བོད་སོག་དྲག་རིགས་ལྔ་བཅུ་སྐོར་ལ་ལག་པའི་འདེགས་འཇོག་དང་དམངས་བདུན་བརྒྱར་མེ་ཏོག་གཏོར། བློ་བཟང་མགོན་པོ་རབ་བརྟན་དང་ཨ་ཁའི་སོགས་ལ་སེང་ལྡེང་ནགས་སྒྲོལ་གྱི་རྗེས་གནང་། གདན་ས་གོང་དུ་བསམ་ཡས་ནས་རྟེན་མདོས་འཛུགས་པ་གནང་དགོས་ཞུས་པར་བརྟེན་དྲི་བའི་ཆབ་ཤོག་བྱུང་དོན་བཞིན་པེ་ཀར་གྱི་རྒྱུད་མན་ངག་ནས་ཇི་ལྟར་འབྱུང་བ་ལྟར་གྱི་བཅའ་གཞི། ལག་ལེན་གྱེར་ལུགས་ཀྱིས་མཚོན་ལན་ཕུལ། ཚེས་གསུམ་ལ་སེ་ར་ཐེག་ཆེན་གླིང་བླ་གཉེར་དགེ་སྐོས་དབུ་མཛད། ཀུན་དགའ་ར་བའི་གསེང་གཡབས་ལྡེབས་བྲིས་ངོ་ཤུས་བྱེད་མི་རགས་ཁ་འཇམ་དབྱངས་དབང་པོ། ཆོས་མཛད་བཀྲ་ཤིས་སོགས་དང་ཕྲད། ཚེས་བཞིར་འཕགས་པ་སོགས་མཆོད་ཁང་ཡོངས་རྫོགས་ལ་བརྒྱ་མཆོད། སྙན་ཤལ།

[Full Size]

སྨོན་ལམ་སོགས་ཀྱིས་མཚམས་སྦྱར། དགའ་ལྡན་ཧུང་ཐའི་ཇིའི་མི་སྣ་དབོན་ཆུང་། ནོ་མོན་ཁང་གི་མི་སྣ་དབོན་ཆུང་། ནོ་མོན་ཁང་གི་མི་སྣ་ཛམ་བྷ་ལ་སོགས་ཉི་ཤུ་སྐོར། ངོར་མཁན་པོའི་རིང་འཚོ་སྤེལ་མི་དབོན་པོ་སོགས་དང་ཕྲད། ཧུང་ཐའི་ཇི་དཔོན་མོ་བཅས་པའི་ཡིག་རྟེན་རྒྱ་སེར་གྱི་ལཕྲུལ་བཟོ་དངས་ཤེལ་སྦུགས་ནང་རྟ་ལུག་ཁྱི་རི་དྭགས་སོགས་སྲོག་ཆགས་དུ་མ་དངོས་སུ་བརྩེ་ཞིང་བརྒྱུ་བ་ལྟ་བུ། ཤེལ་སྒམ་སྦུབས་ལ་སྦུབས་བརྒྱུད་དེ་མཐའ་དང་བྲལ་བ་ལྟ་བུའི་ཁྱད་མཚར་མཐོང་སྣང་མཐའ་ཡས་པ་འཆར་བ། སུ་གནྟི། ནཱི་ལམ་སོགས་གནངས་ཅན་མང་པོ་སྣང་བར་བལྟས། ཚེས་ལྔར་དཔོན་ཚང་བྱང་ངོས་པ་ཁྱོ་ཤུགས་བུ་བཅས་ཀྱིས་དཀར་དྲོ་ཚན་གྲངས་བསྟར། ཚེས་དྲུག་ནས་དཔལ་ལྡན་རེ་མ་ཏཱི་མདོས་མཆོད་ཀྱིས་གཉེས་པའི་དུས་རིམ་བཟབས་རྒྱས། ཚེས་བདུན་ནས་རྟ་མགྲིན་གསང་སྒྲུབ་ཀྱི་བསྙེན་པ་ཁ་གསོ་བདུན་ཕྲག་སོང་མཚམས་ཁྱབ་བདག་ཞ་ལུ་པ་ཆེན་པོས་ཚན་གྲངས་དང་བཅས་ཆེད་དུ་མངགས་པ་གནང་བ་རྟེན་འབྲེལ་གྱི་སྒོ་འགྲིག །ཚེས་བཅུ་གསུམ་ལ་ནང་མཚམས་གྲོལ་ནས་ཁྲ་འབྲུག་ཏུ་མཆོད་དཔོན་པའི་ལྷ་ཁང་གསར་པར་བཞུགས་རྒྱུའི་ལྷ་རྣམས་གདན་འདྲེན་རིངས་པར་བརྟེན་རབ་གནས་བྱས་ནས་བསྙེན་པ་ཞག་གཉིས་མུ་འཐུད། ཚེས་བཅུ་བཞིར་ཕྱི་མཚམས་གྲོལ་ཏེ་བྱང་འོག་ཆོས་མཛད་དང་རྡོར་ལེགས་པར་ཇ་གྲལ་བཏང་། ཚེས་བཅོ་ལྔར་ཐོར་གོད་ཁོན་ཆིང་བྱང་ལ་འགྲོ་གདོང་གི་རྫོང་བ་དང་བཀའ་བསྒོ། ཚེས་བཅུ་དྲུག་ལ་གངས་ཅན་བསྟན་པའི་ཉི་མ་ལྟ་བུ་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་སློབ་དཔོན། གཉེར་པ་དགེ་འདུན་རགས་བསྡུས་དང་བཅས་པ་

[Full Size]

དྲུག་བརྒྱ་སྐོར་གྱིས་སྤྱི་སྒེར་གྱི་དངོས་པོ་སྤམས་བསྟོད་དེ་དགེ་འདུན་མི་ཕྱེད་འདུས་པའི་བདེན་ཚིག་གིས་འཆི་བདག་སྲིད་སྡེ་དང་བཅས་པའི་གཡུལ་ལས་རྒྱལ་ལམ་སྙམ། དེ་མཚམས་ལྷ་ཁང་ཆོས་མཛད་བློ་བཟང་རབ་བརྟན་དང་ཕྲད་ཅིང་། ད་ལའི་ཆོས་རྗེའི་བསྔོ་རྟེན་བསྐྱལ་བར་ངན་སོང་གི་དུཿཁ་ལས་སྐྱོབ་པའི་བསྔོ་སྨོན་མཆོག་གསུམ་དཔང་པོར་གསོལ་ཏེ་ཡང་དག་བསྟར། ཚེས་བཅུ་བདུན་ལ་སེ་ར་ཐེག་ཆེན་གླིང་སློབ་དཔོན། ལས་སྣེ་བ། དགེ་འདུན་དྲུག་བརྒྱ་སྐོར་གྱིས་ཀྱང་རིང་འཚོའི་བདེན་ཚིག་སྔ་མ་དང་མཚུངས་པ་མཛད། རྩེར་དགའ་ལྡན་ཧུང་ཐའི་ཇི་དང་རྭ་སྒྲེང་ཟུར་པའི་མི་སྣ་གཉིས་ཀྱིས་གསེར་དངུལ་གོས་དར་སོགས་བཏེག་ནས་གྲ་ཚང་གི་གྲ་པ་སུམ་ཅུས་རིང་འཚོའི་ཚིགས་བཅད་གསུངས། རྒྱལ་མོ་གུ་རུར་དྲག་དམར་གྱི་དཔའ་བོ་ལྷ་གསུམ་གྱི་དབང་དང་། རྟ་མགྲིན་སྐྱེར་སྒང་ལུགས་ཀྱི་དབང་བཞི་བྱིན་རླབས་བསྐུར་ཁྲོད་སེ་ར་སྨད་སློབ་དཔོན་པ་དང་འཕྱོས་པ་སྐུ་སྐྱེའང་ཡོད། ཆོས་རྗེ་སྒྲོལ་མ་བ། ཤེལ་དཀར་ཆོས་སྡེ་དང་སྐྱོར་ལུང་མཚན་ཉིད་པའི་བླ་ཟུར། ར་བ་སྨད། སྦེ་སེར། ཁམས་པོ་ཏི་དགོན་གསུམ་གྱི་བླ་མ། འཕྱོས་པ་སྐུ་སྐྱེ། སན་ཧུང་ཐའི་ཇིའི་ལྷ་བཙུན་བློ་བཟང་ཆོས་སྐྱོང་། རྡོ་དགོན་ནས། རོང་གྲགས་པ་བ། ཁྱུང་རྩེ་སྡིངས་པ། དངོས་གཞི་བ་སོགས་དང་ཕྲད། ཚེས་བཅོ་བརྒྱད་ལ་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་ནས་ཁྲི་རིན་པོ་ཆེ་བྱམས་པ་བཀྲ་ཤིས་ཀྱིས་དབུས་ཤར་པ་ཆོས་རྗེ། སློབ་དཔོན་པ། ལས་སྣེ་བ། དགེ་འདུན་རགས་བསྡུས་ཀྱིས་སྤྱི་སྒེར་འབྱོར་བསྟུན་གྱི་བདོག་པ་བརྐྱང་སྟེ་ཁྲི་རིན་པོ་ཆེས་

[Full Size]

བསྐལ་པར་འཚོ་དགོས་པའི་ཁས་ལེན་དགོས་ཞེས་རྒྱུ་མཚན་མདོ་སྔགས་ཀྱི་ལུང་རིགས་ལམ་ནས་དྲངས་ཏེ་རྒྱས་པར་གསུང་བ་སོ་སྐྱེར་རང་དབང་མེད་མོད། འོན་ཀྱང་དགེ་འདུན་རྣམས་ཐུགས་རྩེ་གཅིག་དྲིལ་དཀོན་མཆོག་གསུམ་ལ་གསོལ་འདེབས་གནང་བའི་ནུས་མཐུའི་བྱིན་རླབས་ཡོང་བ་གཞིར་བཅས་ཤིང་སྡོད་འདུན་བྱེད་ཚུལ་གྱིས་ལན་ཕུལ། ལྷ་ལྡན་རུ་བཞི་པ་རྣམས་ཀྱིས་ཀྱང་དངོས་པོ་མཎྜལ་ཚུལ་དུ་བཏེག་ནས་བདེན་པ་བརྗོད། གཡོན་རུ་སྐུ་སྐྱེ། དྭགས་པོ་ལྕང་ར་བ། ས་བ་གྲུ་པ་བསྟན་པའི་རྒྱལ་མཚན། བསམ་ཡས་སྐུ་རྟེན་པ་སོགས་ལ་ཇ་གྲལ་ཐོག །བྲམ་ཟེ་ར་མ་ནཱ་ཐར་གསེར་ཞོ་གསུམ། གླ་གོར་བཅུ་གསུམ། ཇུས་དམར་ཁ་བདུན། ཟུར་ཆས་ཀྱིས་མཚོན་རེ་བ་བཀང་། ཚེས་བཅུ་དགུར་གསང་ནེའུ་ཐོག་གི་ཁྲི་པ་གྲ་སློབ་ཉུང་བསྡུས་དང་། སྐྱོར་ལུང་དགོན་ལག་མར་ཁུ་སྦུས་སྐྱུ་སོ་སོས་བདོག་པ་དང་བཅས་རིང་འཚོའི་ཚིགས་བཅད་གསུངས། ཤག་བྱང་པ། ཇོ་རྗོང་ནས། པདྨ་རྡོ་རྗེ་སོགས་དང་ཕྲད། ཚེས་ཉི་ཤུར་གསང་སྔགས་རྡོ་རྗེ་ཐེག་པའི་འཇུག་ངོགས་རྒྱུད་སྟོད་སྨད་སོ་སོ་ནས་ཟང་ཟིང་གི་ཚན་གྲངས་དང་བཅས་བདེན་ཚིག་དབྱངས་སུ་གྱེར། སྨད་པའི་དགེ་སློང་དགེ་འདུན་ཤེས་རབ་ཀྱིས་ཡིག་དྲུག་དུང་འདྲེན་པའི་དམ་བཅའ་བྱེད་པར་རྗེས་སུ་ཡི་རང་། དགའ་ལྡན་དའི་ཆིང་དཔོན་གཡོག་རགས་བསྡུས། ཙ་གོང་བླ་མ། གེར་པའི་ཚ་བོ། ཉི་ཐང་བླ་མ། སྟོད་ལུང་སྒང་པ། དར་བྱུང་བ་གཞོན་པ་སོགས་ལ་ཇ་གྲལ་བགྱིས། ཉེར་གཅིག་ལ་གཡོན་རུ་དགའ་ལྡན་ཧུང་ཐའི་ཇི་དང་རྭ་སྒྲེང་ཟུར་པའི་

[Full Size]

མི་སྣར་རྫོང་བདའ། བསམ་གྲུབ་གླིང་པ། རྡོ་དགོན་ནས། བསམ་ཡས་སྐུ་རྟེན་པ་ཕ་བུ་སོགས་ལ་ཇ་གྲལ་དང་སྐུ་རྟེན་པར་པད་འདབ་ཆེ་ལེགས། གྱོན་པ་ཆ་ཚང་སོགས་ཆོས་སྐྱོང་གི་སྟབས་བདག་རྐྱེན་གཟེངས་བསྟོད། ཉེར་གཉིས་ལ་ལྷ་བཙུན་བློ་བཟང་ཆོས་སྐྱོང་སོགས་དགེ་ཚུལ་དགུ་དང་དགེ་བསྙེན་གཉིས་ལ་སྡོམ་པ་ཕབ། ཉེར་གསུམ་ལ་ལྷོ་མོས་ནས་གནས་གསར་དབོན་རིན་པོ་ཆེ་བྱོན་པ་དང་མཇལ་ཞིང་ཞག་ཤས་བསྟན་མ་ཁང་དུ་བཞུགས། ཉེར་བཞིར་ཁྲི་རིན་པོ་ཆེ་བྱམས་པ་བཀྲ་ཤིས། ཉང་རོང་དང་གསེར་སྡིང་སློབ་དཔོན་སོགས་བསྐྱར་མ་དང་། གདོང་ནས། གེ་ར་བ་བློ་བཟང་མཁྱེན་བརྩེ་སོགས་གསར་པ་བཅས་བསྙེན་རྫོགས་བཅོ་ལྔ། ཁྲི་རིན་པོ་ཆེར་མཚན་བློ་བཟང་བསྟན་འཛིན་དུ་གསོལ། ཉེར་ལྔར་རྒྱལ་མོ་གུ་རུ་འདས་པའི་མགྱོགས་བསྔོ་རྟེན་གྱོན་པ་ཆ་ཚང་། དངུལ་ལྔ་བཅུ་མ། གོས་ཡུག་སོགས་བྱུང་བར་འཁོར་བ་དང་ངན་སོང་འཇིགས་སྐྲག་ལས་གྲོལ་ཞིང་མངོན་མཐོ་ངེས་ལེགས་ཐོབ་པའི་བསྔོ་སྨོན་གྱིས་མཚམས་སྦྱར། ཞི་གནས་སློབ་དཔོན། །བང་རིམ་ཆོས་སྡེའི་གཉེར་པ། ཅུང་ཝང་གི་ས་ནས་རྒྱ་ཚེ་རིང་སྔ་འབྱོར་དང་ཕྲད། གཏེར་ལུང་དང་རྒྱ་ཅན་སོགས་སུ་ཨྱོན་རྡོ་རྗེ་འཆང་གི་ལུང་བསྟན་ལྟར་བོད་ཁམས་བདེ་ཐབས་སུ་དྭགས་ཀོང་། དབུས་གཙང་། ལ་སྟོད། བལ་བོད། དེ་བཞིའི་མཚམས་སུ་བདུད་འདུལ་མཆོད་རྟེན་རེའི་བུམ་པའི་ནང་རྟ་མགྲིན་ཡང་གསང་། གཤིན་རྗེ་གཤེད། རྟ་མགྲིན། སྟོབས་པོ་ཆེ། བདུད་རྩི་འཁྱིལ་བ། རིགས་གསུམ་མགོན་པོ་རྣམས་ལྡེབས་བྲིས་རེ་དང་ཐང་སྐུ་རེ་བཞུགས་སུ་གསོལ་བར་རབ་ཏུ་གནས་པ་

[Full Size]

བྱས། མངའ་རིས། ལྷོ་མོན། ཤར་ཁམས། བྱང་སོག་པོ་རྣམས་ཀྱི་མཚམས་སུ་མཆོད་རྟེན་དགུ་རེ་བཞེང་དགོས་པ་མཆོད་རྟེན་རྣམས་ནུས་ལྡན་དུ་བྱས་པ་འདི་ག་ནས་བསྐུར། ངེད་རང་གི་ཚོགས་གསོག་ཏུ་ལྷ་སར་སྨན་བླ་བརྒྱད་སྟོང་སུམ་བརྒྱ། སྒྲོལ་མ་དགུ་སྟོང་བརྒྱད་བརྒྱ། ཤེར་སྙིང་སུམ་འབུམ་ཉི་ཁྲི་དགུ་སྟོང་དྲུག་བརྒྱ། གདུགས་དཀར་ཉིས་སྟོང་ཆིག་བརྒྱ། མཆོད་ཁང་སོ་སོར་སྤྱན་འདྲེན་ཁྲུས་གསོལ། འཇིག་རྟེན་ཁམས་ཀྱི་ནད་རིམས་སད་སེར་སོགས་ཞི་ཐབས་སུ་དབུས་གཙང་རྫོང་གཞིས་ཉི་ཤུར་ཞི་བའི་སྦྱིན་སྲེག །རྣམ་འཇོམས་དང་སྨེ་བརྩེགས་གང་རུང་གི་ཁྲུས་གསོལ། གནས་ཆེན་བཅུ་བདུན་དུ་ཚོགས་བརྒྱ། མཆིམས་ཕུར་འཆི་མེད་སྐུ་གསུམ་འདུས་པའི་ཚེ་ཆོག །དབུས་གཙང་གི་རྫོང་གཞིས་ཐམས་ཅད་ནས་ཞོགས་ལྔའི་བར་དགྲ་ལྷ་དཔངས་བསྟོད། ཡུལ་ཚན་སོ་སོ་ནས་རི་འགོ་དགུར་བསངས། དུད་ངོ་ཡོད་ཀྱིས་མཁར་ཁྱིམ་སོ་སོ་ནས་གཏོང་བའི་བཀོད་པ། ཆོས་རྗེ་ཟིལ་གནོན་རྡོ་རྗེ། དགེ་སློང་བློ་གྲོས་རྒྱལ་བ། དགེ་འདུན་རིན་ཆེན། མཁས་བཙུན་དབང་ཕྱུག །ལྷ་དབང་རྒྱ་མཚོ་རྣམས་ཚེ་བདག་ལྕགས་འདྲ། འཇམ་དབྱངས་བསྟན་འཛིན་བཀའ་བརྒྱད་གསང་རྫོགས། འཇམ་དབྱངས་རྒྱལ་མཚན་རྡོ་རྗེ་གྲོ་ལོད། བྱམས་པ་ནོར་བུ་དང་ཆོས་མཛད་བློ་བཟང་བཀྲ་ཤིས་རྟ་མགྲིན་གསང་སྒྲུབ། ངག་དབང་དཔལ་བཟང་བྱང་གཏེར་ཁྱུང་ནག་རྣམས་ཀྱི་དམིགས་རིམ་ཧོར་ཟླ་དང་པོའི་ཚེས་བཅུ་གསུམ་ནས་ཁྲིད་དེ་བཅུ་བདུན་ལ་མཚམས་བྱེད་བཅུག་པ་འདི་སྨད་གྲོལ་བ་ཁ་སྐོང་གི་སྦྱིན་སྲེག་དང་བཅས་གྲུབ་ནས་ཉེར་དྲུག་ལ་བྱིན་རླབས་བྱས། ཉེར་

[Full Size]

བདུན་ལ་རྒྱལ་སྲས་ཤེས་རབ་འཕེལ་བ་དང་མཇལ། ཉེར་བརྒྱད་ལ་མཆོད་དཔོན་པ་ཁྲ་འབྲུག་གི་རྟེན་བསྒྲིག་ཏུ་འགྲོ་བ་དང་མཉམ་པོར་གནས་བརྟན་འཇམ་དབྱངས་གྲགས་པ་གྲ་བཅས་གཟུངས་འབུལ་རབ་གནས་ལ་བརྫངས། འབྲུག་པ་སྤྲུལ་པའི་སྐུར་ཇ་གསུམ་གྱི་བར་ར་ལུང་གི་རྟེན་བརྟེན་པ་ལས་འཕྲོས་པའི་དྲི་བ་དྲི་ལན་བསྟར། སྔར་ཚུགས་བཟང་པོ་རིམ་པར་ཤོར་བའི་ད་ལྟའི་མཛད་པ་རྣམས་ཡ་མ་ཟུང་ཞིག་ཏུ་མངོན། ཡེར་པ་བླ་གཉེར། རྒྱུད་རམས་པའི་ཚ་བོ། ས་དཀར་འགོ་པ་སོགས་ཀྱང་ཡོད། འབྲུག་པ་སྤྲུལ་སྐུ་དང་སེམས་དཔའ་སྤྲུལ་སྐུར་ཚེ་དབང་གྲུབ་རྒྱལ་མ་ཕུལ་རྗེས་བསྟན་འཛིན་ད་ལའི་རྒྱལ་པོ་སྲས་བཅས། དགའ་ལྡན་ཇི་ནོང་། བཀྲ་ཤིས་པཱ་ཐུར་ཐའི་ཇི། བི་ལིག་ཨེར་ཁེ་ཐའི་ཇི། ཨུ་ཞང་། ཇའི་སང་བཅས་པ་དང་མཇལ། ཉེར་དགུར་གནས་གསར་དབོན་རིན་པོ་ཆེ་དང་འདར་པ་བློ་གསལ་བསྟན་འཛིན་རྡོ་རྗེ་འཕྲེང་བའི་དབང་གསན་པར་ནཱ་ལནྡར་འབྱོན་པའི་རྟ་དྲེལ་སོགས་མཐུན་རྐྱེན་སྦྱར་ཞིང་བཀའ་བསྒོ་བགྱིས། རག་པའི་མི་ངོ་རྣམས་ཀྱིས་དཀར་དྲོ་བཏེག་ཞོར་གསང་གླིང་སློབ་དཔོན་པའང་ཡོད། གནམ་གང་ལ་འབག་བཟོ་མི་དབུ་མཛད་བག་དྲོ་ཅན་ལ་བྱིན་རླབས་བྱས། ཟླ་བ་བདུན་པའི་ཚེས་གཅིག་ལ་ཆོས་རྗེ་ཐུབ་བསྟན་པ་དུས་ཀྱི་ཆོས་ཉིད་དུ་གྱུར་པའི་བསྔོ་རྟེན་སྤེལ་བར་ཚ་བོ་ཐང་པོ་ཆེའི་མཁན་པོ་འབྱོར་དོན་བཞིན་ཐར་པ་དང་རྣམ་མཁྱེན་གོ་འཕང་ལ་རེག་པའི་བསྔོ་བས་རྒྱས་བཏབ། རྡོར་སློབ་དགེ་སློང་བློ་གྲོས་རྒྱལ་བས་བྱས་ཏེ་གཤིན་རྗེ་ཤོར་སང་ཉི་མ་ཁྲོས་པ་དང་བློ་བཟང་མཁྱེན་བརྩེས་བྱས་ནས་ཨར་གཏད་གྲངས་བཅད་སོ་སོར་

[Full Size]

མནན་པའི་སྒྲུབ་པ་བཙུགས་ཏེ་དམ་སྲི་རྒྱལ་འགོང་གི་འཚུབ་དབལ་བཅག །ཚེས་བཞིར་རྒྱལ་མོ་གུ་རུའི་བསྔོ་རྟེན་དངོས་གཞི་ལ་གྱོན་པ་རྒྱན་ཆས་གོས་དར་སོགས་སྤམས་མཐོ་བ་རྒྱལ་སྲས་མཆེད་གཉིས་ཀྱིས་བཏེག་པར་བྱང་ཆུབ་ཐོབ་པའི་རྒྱུར་བསྔོ་སྨོན་བགྱིས། གླིང་སྟོད་སྐུ་སྐྱེ། གནས་བྱང་པ། ཤངས་གྲོང་གསར་བ། རྒྱལ་རྩེ་ས་ལ་བ། སྟར་རྫོང་དུ་འགྲོ་མི་སྣང་དཀར་བསོད་ནམས་རབ་བརྟན། ས་དཀར་འགོ་པ། ཆང་ཁྱིམ་པ་སོགས་དང་ཕྲད་པའི་ཕྱི་མ་གསུམ་པོར་ཉེར་འཚེ་ལས་རྒྱལ་བའི་བཀའ་བསྒོ། ཕྱི་དྲོ་ནས་སྒོ་གསུམ་མི་འདའ་བའི་བཅད་རྒྱའི་བདུན་དང་པོར་རྣམ་འཇོམས། གཉིས་པར་ཚེ་དཔག་མེད་ཀྱི་སྒོམ་བཟླས་ལ་བརྩོན་འགྲུས་བསྐྱེད། ས་དཀར་འགོ་པ་ལྷུན་གྲུབ་རྒྱ་མཚོས་མདོ་དགའ་ལྡན་གཞན་ཕན་གླིང་དུ་འཛུགས་རྒྱུར་རིང་འཚོའི་ཚིགས་བཅད། ཕུན་ཚོགས་ལྷུན་གྲུབ་ཀྱིས་དགེ་སྐོས་འཇོག་ལ་དངུལ་གྱི་པད་སྡེར་འབུལ་རྒྱུའི་ཁ་བྱང་། གཞི་བ་སློབ་དཔོན་ཕུན་ཚོགས་ཆོས་ལྡན་གྱི་ངོར་གླིང་སྨད་ཆོས་རྗེ་ཕུན་ཚོགས་རྒྱལ་མཚན་གྱི་དགོངས་རྫོགས་སྨོན་ལམ། སྒྱིད་ཐང་ནོར་བུའི་པཎ་ཆེན་དགེ་འདུན་གྲུབ་གྱི་འཁྲུངས་རབས་རྒྱབ་ཡིག །མཆོད་དཔོན་པའི་ཁྲ་འབྲུག་ལྷ་ཁང་གི་དཀར་ཆག་ཕན་བདེའི་དཔག་བསམ་འདོད་འཇོ་དང་རི་བོ་ཆོས་གླིང་དུ་འཛུགས་རྒྱུའི་སྨོན་ལམ། གནས་གསར་དབོན་རིན་པོ་ཆེའི་གསུང་བཞིན་གྱི་གསོལ་འདེབས་སྨོན་ལམ། དབུ་མཛད་ཀྱིས་བཀྲ་ཤིས་བདེ་ཆེན་གྱི་གཙུག་ལག་ཁང་རྟེན་དང་བརྟེན་པར་བཅས་པ་བཞེངས་པའི་དཀར་ཆག་ལ་ཆུན་པོ་རྣམས་སོ་སོའི་བསྐུལ་མ་བཞིན་བརྩམས།

[Full Size]

ཚེས་བཅུ་དགུར་ནང་མཚམས་གྲོལ་བའི་དམག་ཟོར་ཚངས་དབང་ལ་ཁ་འབར་མ་དཀར་མོའི་འཆི་བླུ། རྣམ་འཇོམས་ཀྱི་བཀྲུ་བྱབ་སྲུང་གསུམ། ཚེ་དབང་འཆི་མེད་དཔལ་སྟེར་བརྒྱ་ཚར་བསྐུར། ཚེས་ཉི་ཤུར་སྔགས་རམས་པ་ནམ་མཁའ་བཟང་པོ། གྲུབ་གླིང་ཆོས་མཛད། བྲག་གདོང་རྒྱལ་ཕུར། གྲ་ཚང་གི་ཚོང་དཔོན་སོགས་ལ་ཇ་གྲལ་བགྱིས། ཉེར་གཅིག་ལ་རྒྱལ་སྲས་བསྟན་འཛིན་དབང་རྒྱལ། ལྷ་བཟང་ཀླུ་དབང་། ཇའི་སང་གཉིས། བྱིངས་ཉི་ཤུ། ཆབ་ནག་མཁན་པོ། ཞི་གནས་སློབ་དཔོན། སྟག་ལུང་གསང་སྔགས་ཆོས་འཁོར་བའི་དགེ་སྐོས་སོགས་ལས་སྣེ་བ་ལྔ། ཁ་བ་ལུང་པ་སོགས་བློན་པོ། ཤག་སྐོར་བའི་རིགས་གྲའི་སྐལ་བ་སྐྱེལ་མི་ཉིས་བརྒྱ། འོར་དུ་སུ་སྟོང་སྐོར་སྐུ་སྐྱེ་དང་། ཨེར་ཏེ་ནི་དའི་ཆིང་གི་མི་སྣ། གཡོག་དྭགས་པོ་འཚོ་བྱེད། གསར་འབྱོར་ཤི་རལ་ཐུ་དགེ་སློང་། འུ་ཡན་ཇའི་སང་། ཁོ་ཤོའུ་ཆིའི་གཞིས་འཛིན། དགེ་སློང་དར་ཁན་ནང་སོ། ཁལ་ཁ་ནོ་ཡོན་ཁུ་ཐུག་ཐུའི་ནུ་བོ། ཨ་པ་ལའི་རྒྱ་མཚོ། ཆེ་ཆེན་ཨ་ཁའི། ཨེར་ཁེ་ཨ་ཁའི། དྷརྨ་ཀཱིརྟི་སོགས་ཀྱི་མི་སྣ། ཕིང་སིང་ཝང་གི་མི་སྣ་ཕྱིར་འཁོར་ཟུང་ཆུ་རབ་འབྱམས་པ། རྒྱ་ཚེ་རིང་རྣམས་དང་ཕྲད་ཅིང་ཝང་གི་ཡི་གེ་རྟེན་གསེར་སྲང་བཞི་བཅུ། སོ་སོའི་སྒེར་གྱི་གཏེར་ཆ་བླངས། མདོ་ཁམས་མགོ་ལོག་དགོན་གསར་བར་ས་མཚམས་རང་ལུགས་དགོན་པར་སོང་གཤིས་ཆོས་གཞིས་ཆུང་བའི་བསྣོན་མར་ངོ་ལོག་པ་དུད་ལྔ་བཅུ་སྐོར་ལག་འབབ་རུའི་ཕྱེད་སུམ་བརྒྱ་ཐོན་ཁུངས་སྦྱར། རྒྱལ་ཐང་དུ་བསོད་ནམས་

[Full Size]

གསོག་པའི་ཞིང་རྣམ་དག་མི་འདུག་པ་དགའ་ལྡན་སུམ་རྩེན་གླིང་གྲ་པ་ལྔ་བརྒྱ་སུམ་ཅུ་སྐོར་གྱི་ཞལ་འདོན་གསང་འདུས་གཙོར་བཏོན་གྱིས་ཕྱག་དྲུག་པ་ལས་གཤིན་སོགས་ཆོས་སྐྱོང་ས་ལམ་རྣམ་གསུམ་དང་བཅས་སྔགས་གྲ་བཙུགས་པའི་སློབ་དཔོན་པར་འཕྱོང་རྒྱས་ངག་དབང་རྣམ་རྒྱལ། གཉེར་པ་རྒྱ་མ་བ་བློ་བཟང་རབ་རྒྱས་སོགས་ལས་བྱེད་རྣམས་ཀྱི་ཕོགས། རྒྱུན་གཏོང་། ཚུལ་སྒྲུབ་མཆོད། བསྐང་གསོ་གཏོར་བཟློག་བཅས་པའི་ཐེབས་སུ་དུད་སུམ་བརྒྱ་རྐང་འགྲོ་ལག་འདོན། ཇ་ཐུག་གི་འཕར། གཤོར་འདེབས་སོགས་ཇི་སྲིད་བསྟན་པ་ནམ་གནས་བར་སྦྱོར་འཇགས། འབྲུག་ལ་བར་ཕོགས་ཀྱི་མཐུན་རྐྱེན་ས་འབྱེད་མ་ཐུབ་བར་རུའི་ཁལ་སུམ་བརྒྱའི་གཤོར་འདེབས། ངེད་རང་གི་རིམ་གྲོར་སེར་འབྲས་གཉིས་སུ་ཇ་ཚུལ་ཉི་ཤུ་འགྱེད་གྲ་པ་བཅུ་རེར་ཡ་ཇུ་བར་ཁག་རེའི་ཐོག་ཕྱག་འཚལ་ཉེར་གཅིག་ས་ཡ་བདུན་འབུམ་ཆིག་ཁྲི་སུམ་སྟོང་ཉིས་བརྒྱ། བསྟན་སྲིད་སྤྱི་རིམ་དུ་ལྷ་ལྡན་ཁྱམས་རར་སེར་འབྲས་བསྒྲིལ་བ་ལྔ་བརྒྱས་གདུགས་དཀར་ཆིག་འབུམ་ཆིག་སྟོང་། ཕུན་ཚོགས་གླིང་པས་སྨན་བླ་ཉི་ཁྲི་བདུན་སྟོང་སུམ་བརྒྱ་བརྒྱད་ཅུ། སྒྲོལ་མ་སུམ་ཁྲི་བརྒྱད་སྟོང་བཞི་བརྒྱ། ཤེར་སྙིང་ཆིག་ཁྲི་ལྔ་སྟོང་། སྡེ་པའི་སྐུ་རིམ་དུ་བྱམས་ཆེན་པས་གསེར་འོད་ཉིས་སྟོང་ལྔ་བརྒྱ་ཉི་ཤུ། མཚན་བརྗོད་ཆིག་སྟོང་ཉིས་བརྒྱ་བརྒྱད་ཅུ། གདུགས་དཀར་ཆིག་སྟོང་བརྒྱད་ཅུ། ཤེར་སྙིང་ལྔ་སྟོང་། སྒྲོལ་མ་དང་ཚེ་གཟུངས་སོ་སོ་དགུ་ཁྲི་བརྒྱ་སྟོང་དགུ་བརྒྱ་རེ། ཉེར་གཉིས་ལ་གོང་དཀར་དཀོན་གཉེར་དཔོན་བླ་གྲས་བདོག་པ་དང་

[Full Size]

བཅས་རིང་འཚོའི་ཆོ་ག་རྒྱས་པར་བཏང་རྗེས་དགའ་ལྡན་དའི་ཆིང་བོ་ཤོག་ཐུ་ཇི་ནོང་། གཡོག་དྲག་པ་བཅོ་ལྔ། བྱིངས་བརྒྱ་སྐོར། བི་ལིག་ཨེར་ཁེ་ཐའི་ཇིའི་དཔོན་མོ་བུ་གཉིས། དཔོན་ཆུང་བློ་བཟང་རབ་བརྟན། ཇོ་རིག་ཨེར་ཁེ་དའི་ཆིང་། སོག་དམངས་ཉིས་བརྒྱ་སྐོར་ལ་ཚེ་དབང་གྲུབ་རྒྱལ་མ་དང་། ཕྱག་དྲུག་པའི་རྗེས་གནང་བར་གཅོད་ཀུན་སེལ་བསྐུར། རྒྱ་ནག་མི་སྣ་སྔ་འགྱོགས་རྟ་འབུལ་དབོན་ཆུང་གི་ནུ་བོ། བཟོད་བ་ཡེལ་དེང་གི་བུ་བསྟན་པའི་ཉི་མ་ངམ་རིང་གྲལ་སྐོར་ནས་འཁོར་བ། རྒྱང་རོ་གསེར་སྡིངས་པ་དང་ཟེམ་མཁར་ཆོས་སྡེའི་བླ་མ། འཕགས་སྡེ་བའི་བླ་གཉེར། ཕག་རི་རྫོང་སྔོད་འོར་པ་ཚེ་དབང་། ཤེལ་དཀར་རྫོང་སྡོད་གྲོང་སྟོད་པ། སྦུས་བདེ་གཞིས་སྡོད་རྩེ་ལྔ་ལྷོ་པ། འབོག་གོང་ཞེ་བོའི་རྟོལ། སྒོམ་བདེ་ནང་ཆེན་པ་རྣམས་ལ་ཇ་གྲལ་བཏང་ཞིང་ཇི་ནོང་དཔོན་གཡོག་ལ་དེ་བཞིན་གཤེགས་པའི་འཕེལ་གདུང་། ངེད་རང་གི་བླ་གོས་གྱོན་འཕྲོ། བྱིན་རྟེན་སྣ་ཚོགས། ཤལ་དཀར་དམར་སྣམ་ཕྲུག་སོགས་རྫོང་བ་བཟབས། ཉེར་གསུམ་ནས་ཡན་ལག་བརྒྱད་ལྡན་གྱི་སྨན་ཆུ་ཉིན་བདུན་གྱི་བར་བསྟེན། ངེད་རང་རེ་གསུམ་གྱི་འཕྲེང་ལ་བརྟག་པ་བྱས་པའི་སེལ་ཐབས་སུ་གཞིས་རྩེར་མྱུག་ཆོས་གླིང་པ། རྣམ་གླིང་དུ་དགའ་ལྡན་ཆོས་འཁོར་པ། རིན་སྤུངས་སུ་བྱམས་ཆེན་པ་དང་སྐྱེད་ཚལ་བ། པ་ནམ་དུ་མཚན་སྒྲོག་པ། གོང་དཀར་དུ་ཐོད་པ་རི་པ། ཕོ་བྲང་དུ་དར་རྒྱས་གླིང་པ། འཕྱོང་རྒྱས་སུ་བཀྲ་ཤིས་བདེ་ཆེན་ཏེ་བདུན་གྱིས་མཚན་བརྗོད་དྲུག་བརྒྱ། སྨན་བླ་

[Full Size]

ཆིག་འབུམ་བརྒྱད་སྟོང་བདུན་བརྒྱ། ཤེར་སྙིང་བཞི་ཁྲི་བརྒྱད་བརྒྱ། སྒྲོལ་མ་བརྒྱད་ཁྲི་ཆིག་སྟོང་དགུ་བརྒྱ། ཚེ་གཟུངས་དྲུག་ཁྲི་དྲུག་སྟོང་ལྔ་བརྒྱ། གདུགས་དཀར་དྲུག་བརྒྱ། སྡེ་པའི་རིམ་གྲོར་གོང་དཀར་དུ་ཆོས་འཁོར་ཡང་རྩེ་བས་མཚན་བརྗོད་འབུམ་ཐེར། ལྷ་སར་ཤངས་དགའ་ལྡན་ཆོས་འཁོར་བ་དང་དར་རྒྱས་སྒྲུབ་སྡེ་གྲ་སློབ་ལྔ་བཅུས་གསེར་འོད་ཚིག་བརྒྱ་བཞི་བཅུ། མཚན་བརྗོད་སུམ་བརྒྱ་བཅོ་ལྔ། སྒྲོལ་མ་སུམ་ཁྲི་བཞི་སྟོང་། ཚེ་གཟུངས་སུམ་འབུམ་ཉི་ཁྲི་བཞི་སྟོང་། གདུགས་དཀར་དང་ཤེར་སྙིང་སོ་སོར་ཉིས་སྟོང་བརྒྱད་བརྒྱ། ཁམས་པོ་ཏི་དགོན་གྱི་འདུ་ཁང་འགྱེལ་ཞིག་བྱུང་བར་ལག་གཡོར་གྱི་འུ་ལག་དང་ཤོ་མདོ་ནས་ཇ་ཐུག་གི་ཐེབས་སུ་འབྲུ་གཤོར་ཁལ་སུམ་བརྒྱ་དང་ཤ་ཤན་ཁོར་དྲུག་མ་གཉིས་སྤྲད། གནམ་གང་ལ་སེར་འབྲས་གཉིས་ཀྱི་སློབ་དཔོན། དབྱར་བདག་སོགས་ལ་བྱིན་རླབས་བྱས་ཤིང་དམངས་དགུ་བརྒྱ་སྐོར་ལ་ངོས་ཕྲད། དགའ་ལྡན་ཇི་ནོང་གི་འདོད་པ་བཞིན་སྨོན་ལམ་བྲིས། ཟླ་བ་བརྒྱད་པའི་ཚེས་གཅིག་ལ་འབྲས་སྤུངས་སུ་སྤྱན་རས་གཟིགས་གཙོ་འཁོར་གསུམ་པ་བཞེང་དགོས་པའི་ལུང་བསྟན་བཞིན་གཟུངས་ཕུལ་ཞིང་ཡེ་ཤེས་སེམས་དཔའ་བསྟིམ་པར་མེ་ཏོག་གཏོར། དབོན་པོ་ལོ་ཙཱ་བ། ཅོ་ནེ་དང་པོ་ཏི་དགོན་གྱི་བླ་མ། དུམ་བུ་ཆོས་འཁོར་བླ་ཟུར། རྔོད་ཨ་རིག་དགོན་གྱི་བླ་མར་འགྲོ་མི་འབྲས་སྤུངས་སྔགས་པའི་གྲ་པ་བློ་བཟང་མཁྱེན་བརྩེ། དྭགས་པོ་ལྕང་ར་བ། ཀྲེ་པ་ངན་དུབ་ཀྱི་བུ། རྟ་འབུལ་བ་ལྔ་བཅུ་སྐོར་ལ་ཇ་གྲལ་བཏང་

[Full Size]

ཞིང་ཨ་མདོ་ཆོས་སྐྱབས་ཀྱིས་རྟ་ཉེར་གཅིག །ནག་ཤོད་ར་དར་བླ་མས་རྟ་བཅུ་གཉིས། བྱ་བྲལ་དགེ་སློང་རྒྱ་མཚོ་ཅན་གྱིས་རྟ་བཅུ་གཉིས། ཟུང་ཆུ་སྔགས་རམས་པ་བློ་བཟང་ཚུལ་ཁྲིམས་ཅན་གྱིས་རྟ་ཉེར་དགུ །ཀླུ་འབུམ་བཟང་པོ་རྒྱལ་མཚན་ཅན་གྱིས་རྟ་ང་གཅིག །སེམས་དཔའ་དབོན་པོ་ཅན་གྱིས་རྟ་བཅུ་དགུ །ཐུ་མེད་བསྟན་པ་ཐའི་ཇིས་རྟ་ཞེ་གསུམ། སེ་ར་ཨ་རིག་གོང་མས་རྟ་སོ་ལྔ། བྱམས་པ་འཕྲིན་ལས་ཀྱིས་རྟ་སོ་དགུ་རྣམས་བྱིན། ཚེས་གཉིས་རྗེས་མར་གྲོང་སྨད་གཞིས་ཀར་རྒྱལ་པོ་རྣམ་ཐོས་སྲས་སེར་ཆེན་ལྷ་དགུ །དྲི་ཟའི་རྒྱལ་པོ་རྡོ་རྗེ་འབར་བ་རྩལ། འགོ་བའི་ལྷ་ལྔ་རྣམས་ཀྱི་ཕྱི་ནང་གསང་རྟེན་རྒྱས་པར་འཛུགས་པར་གནས་བརྟན་འཇམ་དབྱངས་གྲགས་པ་བཏང་ཞིང་བསྐང་གསོའང་ཞག་ཁ་ཤས་བཏང་། ཆབ་ནག་མཁན་པོ། ཐར་གླིང་བླ་ཟུར། ཀོང་པོ་བཀྲ་ཤིས་རབ་བརྟན་གྱི་བླ་མར་འགྲོ་མི་སེ་ར་དབུ་མཛད། ནང་སོ་དཀོན་མཆོག་དར་རྒྱས་སོགས་དང་ཕྲད། ཚེས་གསུམ་ནས་ཉིན་བཞིའི་བར་དགེ་སློང་དོན་གྲུབ་པ། ཆོས་རྗེ་ཁ་རག་པ། བློ་གྲོས་རྒྱལ་བ། ཆབ་ནག །ཐར་གླིང་། ཞི་གནས། ཟེམ་མཁར། སེ་ར་དབུ་མཛད། སྐྱར་པོ་རབ་འབྱམས་པ་སོགས་དགེ་སློང་གསར་རྙིང་ཞེ་བརྒྱད། དགེ་ཚུལ་སོ་གསུམ་བསྒྲུབས། རྒྱལ་མོ་གུ་རུའི་ཞེ་དགུ་ཐེམས་པའི་བསྔོ་རྟེན་དངུལ་གྱི་ཟོ་ལག །ལྟེ་རི། གཞོང་པ་སོགས་ཐབ་ཆས་ཕོན་ཆེ་བ། གྱོན་པ་ཆ་ཚང་། ཕྱིང་གུར་གཉིས། རྟ་སུམ་བརྒྱ་བཅོ་བརྒྱད་རྣམས་རྒྱལ་སྲས་གཉིས་སྐྱེལ་བར་བྱུང་དོན་བཞིན་འདིས་

[Full Size]

མཚོན་དུས་གསུམ་བསགས་པའི་དགེ་རྩ་རྣམས་རྫོགས་པའི་སངས་རྒྱས་ཐོབ་པའི་རྒྱུར་བསྔོ་བས་རྒྱས་བཏབ། ཚེས་བརྒྱད་ལ་མདོ་པ་ཆོས་རྗེ་དགེ་བའི་དབང་པོ། གུང་ཐང་སྐུ་སྐྱེའི་ཡབ། དོན་གྲུབ་དབང་རྒྱལ་ལྷོ་ནས་འཁོར་བ་རྣམས་ལ་ཇ་གྲལ། ཚེས་བཅུར་བི་ལིག་ཨེར་ཁེ་ཐའི་ཇི་དཔོན་མོ་བུ་གཡོག་བཅས་ཐོན་པར་འདི་པ་བསྟན་ཞེན་ལྷག་པར་ཆེ་བས་སངས་རྒྱས་ཀྱི་འཕེལ་གདུང་། ངེད་རང་གི་ལྷམ་སྒྲོག་ཆ་སོགས་བྱིན་རྟེན། གྱོན་པ་ཆ་འགྲིག །ཤལ་དཀར་དམར། སྒམ། སྣམ་ཕྲུག་སོགས་དཔངས་བསྟོད། བཀའ་བསྒོ་བགྱིས། དེ་དང་ལྷན་ཅིག་དགའ་ལྡན་ཨེར་ཁེ་ཨུའི་ཆིང་། ཨེར་ཏེ་དའི་ཆིང་གི་ཇའི་སང་པཀྵི། ཆོ་ལོང་ཁཱ་གི་བསྔོ་ཞུས་པ། རྡོ་རྗེ། ཁོ་ལོ་ཆེ། ཆ་གན་ནོ་མུན་ཁན་རྣམས་ཀྱི་མི་སྣ། འགའ་ཤིང་རབ་འབྱམས་པའི་ཚ་བོ། ཧོར་ལྷ་རྒྱལ་དར་གྱི་བུ། ཨ་མདོ་རྟ་འབུལ་བ་ཛོ་གི །རྩེ་གདོང་ཕྱག་མཛོད། རྒྱ་མ་ཆོས་མཛད། གདུང་ནག་པོ། ཨ་མདོ་བ་སུམ་བརྒྱ་སྐོར་ཡོད། གྲོང་སྨད་པ་སངས་རྒྱས་རྒྱ་མཚོའི་ངོར་འགོ་བའི་ལྷ་ལྔའི་མཆོད་སྤྲིན་བསོད་ནམས་དཔལ་བསྐྱེད། གྲ་ཚང་རྔ་དེབ་ཀྱི་འགོ་བརྗོད། དགའ་ལྡན་ཚེ་དབང་དཔལ་བཟང་གིས་བསྐུལ་བའི་ཐང་ལྷ་གནམ་མཚོ་གཙོ་གྱུར་གྱི་བྱང་རྒྱུད་ཀྱི་ཡུལ་ལྷ་གཞི་བདག་གི་གསོལ་མཆོད་འདོད་འཇོའི་དཔལ་སྟེར། ངག་དབང་གྲགས་པའི་ངོར་བདེ་མཆོག་གི་བཤད་པའི་སྔོན་འགྲོ་སྤྱི་བཤད། ལེགས་པ་རྒྱལ་མཚན་གྱིས་བསྐུལ་བའི་བཀྲ་ཤིས་ལྷུན་པོ་སྔགས་གྲ་སློབ་དཔོན་པའི་སྐྱེ་བ་མྱུར་

[Full Size]

འཛིན་གྱི་སྨོན་ལམ། དར་མོ་སྨན་རམས་པའི་སློབ་མ་རྣམས་ཀྱི་ངོར་སྨོན་ལམ། དགའ་ལྡན་ཨེར་ཏེ་ནི་ཨུའི་ཆིང་གི་འདོད་པ་ལྟར་གསོལ་འདེབས་རྣམས་བརྩམས། ཚེས་བཅུ་གཅིག་ལ་ཤངས་དར་རྒྱས་རི་ཁྲོད་པ་བླ་གྲས་ཚན་གྲངས་བརྐྱང་སྟེ་རིང་འཚོ་སྤེེལ་རྗེས་སྤྱན་རས་གཟིགས་སྐྱེར་སྒང་ལུགས་ཀྱི་སྒོམ་ལུང་ཕབ། བཟང་ལྡན་མཁན་པོར་དབོན་པོ་ལོ་ཙཱ་བ་ཐོན་གདོང་བྱིན་རླབས་བཀའ་བསྒོ་དང་རྫོང་བ་རྒྱས་པར་བྱས་ཤིང་ཐུབ་བསྟན་དགེ་འཕེལ་གྱི་མཁན་པོའི་རིང་ལྷ་རྩེ་ནས་ལོ་སྟར་གཙང་བྲེ་ཚད་ཀྱི་ཁལ་སུམ་བརྒྱ་རེ་དང་དགོན་དེར་ཇི་སྲིད་བསྐལ་པའི་བར་ཚར་ཆེན་ཆོས་ཀྱི་རྒྱལ་པོའི་དགོངས་པ་རྫོགས་ཐབས་སུ་ལྷ་རྩེ་ཁུལ་ནས་ལོ་བཅུ་རེར་གྲ་པ་བཅུ་རེ་བྱེད་དགོས་པའི་གྲ་རྒྱུན་བཙུགས་པ་ས་སྐྱ་ཚད་ཀྱི་རྣ་བར་མ་གྲགས་པའི་ཟབ་ཆོས་ལ་འཕེལ་རྒྱས་བྱུང་ན་སྙམ་མོ། མདོ་པ་ཆོས་རྗེ་དགེ་བའི་དབང་པོ་སྒྱེ་ཆུ་དང་ལུ་བུའི་མཁན་པོར་རྫོང་བ་བཟབས་ཤིང་བཀའ་བསྒོ་དང་བཅས་རེ་བ་བཀང་། ཚེས་བཅུ་བཞིར་དགའ་ལྡན་ཚེ་དབང་དཔལ་བཟང་གིས་རུང་མཐུན་གྱི་གོས་ཆ་ཚང་སོགས་དངོས་པོ་རྒྱ་ཆེར་བཏེག་ནས་གྲ་ཚང་གིས་མཁའ་འགྲོ་སྡེ་ལྔར་བརྟེན་པའི་རིང་འཚོ་མཛད་ནས་དགའ་ལྡན་ཚེ་དབང་དཔལ་བཟང་། དཔོན་ཆུང་ལྔ། ཆོས་རྗེ་གཅིག །ཇའི་སང་དྲུག །བྱིངས་ལྔ་བཅུ་སྐོར། ལྷ་བཙུན་བློ་བཟང་ཆོས་སྐྱོང་། རྒྱལ་སྲས་བསོད་ནམས་བཀྲ་ཤིས། དགེ་ཚུལ་མ། དཔོན་མོ། ཤངས་དགའ་ལྡན་ཆོས་འཁོར་བའི་བླ་གཉེར། ངག་དབང་བཟོད་པ། དཔལ་དེ་བ། བསམ་གྲུབ་གླིང་པ། ལྕང་རྒྱབ་པ། ཚེ་རིང་འབུམ་

[Full Size]

དགོན་ཐང་པ། མ་ཆེན་ཚེ་བདག་སོགས་བོད་སོག་སུམ་བརྒྱ་ཙམ་དང་ཕྲད། ཚེས་བཅོ་ལྔར་ཁལ་ཁ་ནོ་ཡོན་ཁུ་ཐུག་ཐུས་ཡོན་སྦྱར་ཏེ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་སྤེལ་རྗེས་ནོ་ཡོན་ཁུ་ཐུག་ཐུའི་ནུ་བོ་ཁྱོ་ཤུགས། དགའ་ལྡན་ཆོས་འཁོར་སློབ་དཔོན། སྟག་རྩེ་ཐའི་ཇི་ལྷ་རྒྱལ་རབ་བརྟན། པཱ་ཐུར་ཐའི་ཇིའི་བུ། སྒོམ་བདེ་ནང་ཆེན་པ་རྣམས་དང་ཕྲད་ཅིང་ངོ་བོ་ཚོར་བྱིན་རླབས། ནོ་ཡོན་ཁུ་ཐུག་ཐུ་དང་སྟག་རྩེ་ཐའི་ཇིར་བཀའ་བསྒོ་ཕྱི་དྲོ་ངེས་གསང་རྡོར་གླིང་བླ་མ་སྐུ་སྐྱེ་ངག་དབང་འཇམ་དབྱངས་ལ་ཇ་གྲལ། ཚེས་ཉི་ཤུར་དགའ་ལྡན་ཚེ་དབང་དཔལ་བཟང་དཔོན་གཡོག །ཨེར་ཁེ་ཨུའི་ཆིང་། འགའ་རུ་དཀའ་བཅུ་བསོད་ནམས་རྒྱ་མཚོ། བར་ཏ་བློ་བཟང་དང་ཆོས་མཇད། སེམས་དཔའ་ཆེན་པོའི་དབོན་པོ། གསེར་ཁ་རབ་འབྱམས་པའི་གསེར་སྐྱེལ་བ། རྟ་འབུལ་བྱ་བྲལ་བ་མི་བཅུ་གཉིས་སོགས་བོད་སོག་ཉིས་བརྒྱ་སྐོར་དང་ཕྲད་ཅིང་ངོ་བོར་བྱིན་རླབས། དགའ་ལྡན་ཚེ་དབང་དཔོན་གཡོག་རགས་བསྡུས་ལ་ཕྱག་དྲུག་པའི་རྗེས་གནང་། དགའ་ལྡན་ཆོས་འཁོར་བ་བླ་གྲར་དམིགས་བརྩེ་མར་བརྟེན་པའི་བླ་མའི་རྣལ་འབྱོར་བྱས། ཉེར་གཅིག་ལ་དགའ་ལྡན་ཆོས་འཁོར་བླ་མ་དང་སེ་ར་སྟོད་སློབ་དཔོན་བྱེད་རྒྱུ་སོགས་དགེ་སློང་གསར་རྙིང་དགུ་དང་རབ་བྱུང་གཅིག་བསྒྲུབས། ཉེར་གཉིས་ལ་ཟངས་རི་ནས་སྡེ་པ་བློ་བཟང་མཐུ་སྟོབས་དཔོན་གཡོག་ཉེར་ལྔ་སྐོར་དང་ཇ་གཉིས་ཀྱི་བར་འཕྲོས་པ་ཞིབ་ཏུ་བྱུང་། དེ་རྗེས་གནས་གསར་དབོན་རིན་པོ་ཆེ་གྲ་བཅས། འབྲས་སྤུངས་སྤྱི་གཉེར། བདེ་ཆེན་བསམ་གླིང་པ་དང་ཟར་བླ་མ།

[Full Size]

སྟོང་སྐོར་བའི་བསྔོ་རྟེན་སྐྱེལ་མི་བསྟན་པ་རིན་ཆེན། ཟུངས་ཆུ་རྟ་འབུལ་བ་གྲགས་པ་རྒྱལ་མཚན། བློ་བཟང་ཚུལ་ཁྲིམས། བྱ་བྲལ་རྟ་འབུལ་བ་གྲགས་པ་རྒྱ་མཚོ། ཚོགས་གཉིས་རྒྱ་མཚོ། དགེ་འདུན་རྒྱ་མཚོ། བཟོད་པ་སོགས་ཕྱེད་སུམ་བརྒྱ་སྐོར་གྱི་ངོ་བོར་བྱིན་རླབས་དང་དམངས་ལ་མེ་ཏོག་གཏོར། ཉེར་གསུམ་ལ་ཚོམས་ཆེན་དུ་གོང་གི་གསེར་ཡིག་པ་རྒན་པ་ནོ་མོ་གོན་དགེ་སློང་། གཞོན་པ་ཨེར་ཏེ་ནི་དགེ་སློང་། འགྲུལ་སྡེབས་ཡེལ་པ་བླ་མ། གཙང་པ་དགེ་སློང་སོགས་འགོ་པ་བཞི་བཅུ་སྐོར། འདི་གའི་མི་སྣ་རྒན་པ་འདུལ་བ་སློབ་དཔོན། གཞོན་པ་རྟ་འབུལ་དབོན་ཆུང་། བསྟན་འཛིན་ད་ལའི་རྒྱལ་པོའི་མི་སྣ། མཚོ་ཁ་ནས་རྟེན་ཆས་སྐྱེལ་མི་པཱ་ཐུར་དབོན་པོ་སོགས་ཉིས་བརྒྱ་སྐོར་ལ་དཀར་དྲོ་དམར་དྲོའི་དགའ་སྟོན་སྤེལ། གོང་མའི་བཀའ་ཤོག་རྟེན་སྤམས་མཐོ་བར་སྣང་། སོ་སོའི་བབས་བསྟུན་གྱི་དྲི་རྨེད་བྱས་ཤིང་འདུལ་བ་སློབ་དཔོན་པས་གོས་དར་སོགས་ཟང་ཟིང་དངོས་གཙང་རྒྱ་ཆེ་བའི་སྟེར་བྱིན་བྱས། དེ་ཉིན་རྒྱུན་སྡོད་སྡེ་པ་ཨ་བར་སོགས་ཀྱི་སྟེང་གནས་གསར་དབོན་རིན་པོ་ཆེ། རྒྱལ་བ་ཆོས་རྗེ། ཟུར་ཆེན་སྤྲུལ་སྐུ། འདར་པ་རྗེ་དྲུང་སོགས་བསྒྲིགས། ཕྱི་དྲོ་དགའ་ལྡན་ཚེ་དབང་དཔལ་བཟང་གཅིག་པུ་དང་འཕྲོས་གླེང་ཞིབ་རྒྱས་གླེང་། རིགས་འཛིན་ཐུགས་ཐིག་གི་ལུང་བསྟན་གབ་སྦས་ཡེ་ཤེས་གསལ་སྒྲོན་ལས། སྨོན་ལམ་ལྷན་ཅིག་བཏབ་པའི་མཐུ་བཙན་པས༔ བོད་ཡུལ་གངས་རིའི་ལྗོངས་འདིར་འཛོམ་པར་འགྱུར༔ ཁྱད་པར་གཡུ་རུ་གྲ་ཞེས་བྱ་བའི་ཕུར༔ ད་ལྟའི་ལོ་ཙཱ་བཻ་རོ་ཙ་ན་ཡི༔ སྐུ་ཡི་སྤྲུལ་པ་

[Full Size]

ལས་ལྡན་སྙིང་གི་བུ༔ བོངས་སྙོམས་གནས་ལྔར་རིགས་ལྔའི་རྟགས་རྒྱས་སྤྲས༔ གསང་བའི་མིང་ནི་འགྱུར་མེད་རྡོ་རྗེ་རྩལ༔ གསང་སྔགས་སྣོད་ལྡན་ང་ཡི་ཆོས་ལ་མོས༔ བཅོ་བརྒྱད་ལོ་ལ་སྦས་པའི་གཏེར་སྒོ་འབྱེད༔ ཅེས་ལུང་གིས་ཟིན་པའི་སྤྲུལ་སྐུ་གཏེར་བདག་གླིང་པས་ཟབ་གཏེར་བཞེས་པར་ཕྱི་ནང་གསང་རྟགས་རྣམས་རིམ་པར་མ་འཕྱུགས་པ་གལ་ཆེ་བ། འདི་སྤྱོད་སྐྱེས་བུར་འདུ་བྱེད་རིག་མ་ནི༔ ལྷ་ལྕམ་ས་ལེའི་སྤྲུལ་པ་རིགས་ལྡན་པ༔ ལས་ཀྱི་འབྲེལ་བས་སྤྲུལ་པ་གསུམ་དུ་འབྱུང་༔ རཏྣ་མཁའ་འགྲོའི་རྟགས་ཀྱིས་སྤྲས་པ་ནི༔ རྟ་ཡི་ལོ་པ་ཤར་གྱི་ཕྱོགས་ནས་འབྱུང་༔ མཚན་ལྡན་རྡོ་རྗེ་མཁའ་འགྲོའི་རྟགས་འཆང་མ༔ འབྲུག་གི་ལོ་པ་ནུབ་ཀྱི་ཕྱོགས་ནས་འབྱུང་༔ རིགས་ལྡན་པདྨ་མཁའ་འགྲོའི་རྟགས་འཆང་བཿ བྱ་སྤྲེལ་ལོ་པ་བྱང་གི་ཕྱོགས་ནས་འབྱུང་༔ འདི་གསུམ་སྤྲུལ་སྐུའི་རིག་མར་འབྲེལ་བ་ན༔ ཉམས་རྟོགས་གོང་འཕེལ་ཚེ་ཡི་བར་ཆད་སེལ༔ འགྲོ་དོན་བསྟན་པ་མཐའ་རུ་འཕེལ་བར་འགྱུར༔ གསང་བའི་མཁའ་འགྲོ་པདྨའི་རིགས་འཆང་མས༔ ཏེ་སྒྲོམ་གཏེར་ལ་དབང་ཞིང་སྤྱོད་པར་འགྱུར༔ རིགས་ལྡན་ཕྱག་རྒྱ་ལྔ་ཡི་འདུ་འཁྲུགས་སེལ༔ ཞེས་དང་། ཨོ་དཀར་བྲག་གི་ཟབ་གཏེར་ཁ་བྱང་ལས༔ གཞན་ཡང་ལས་ལྡན་བསྟེན་བྱ་དང་༔ ལོག་སྤྱོད་སྤང་བྱའི་སྐྱོན་ཚང་བ༔ གང་ཡིན་སྒྲིབ་མེད་ལུང་བྱང་བཞིན༔ མཐོང་ནས་སྤང་བླང་གཅེས་པར་བཟུང་༔ འཆལ་པར་སྤྱད་ན་རང་སྲོག་གཅོད༔ མི་མཐུན་རྐྱེན་དང་དུ༔ཁ་བསྐྱེད༔ དེ་ཕྱིར་རྟོག་པ་རབ་ཏུ་ཆུག༔ དོན་

[Full Size]

དང་ལྡན་ནོ་སྙིང་གི་བུཿ ཞེས་སོགས་ལུང་གིས་ཟིན་པའི་གསང་ཡུམ་འཁྲུལ་མེད་ཅིག་བྱུང་ཚེ་སྤྱི་སྒེར་ཐམས་ཅད་ཀྱི་ལེགས་རྒྱུར་མཆིས་གཤིས་རྟེན་འབྲེལ་འགྲིག་པ་གལ་ཆེའང་། ཁབ་བཞེས་ཀྱི་འོས་ཁ་ཤས་དང་བཅས་བརྟག་པ་དགོས་ཚུལ་དང་ཡུམ་དང་ཕྱག་ཕྱི་རྣམས་ཀྱི་བློར་ཡར་འབྲོག་ཁྲི་ལྕམ་ཡོད་ལུགས་ཀྱི་རྒྱུ་མཚན་བྱུང་བ་ལྟར་འོས་ཐོ་རྣམས་ཀྱི་ནང་ནས་ཁྲི་ལྕམ་བར་ཆད་ཀྱི་དབང་དུ་མ་སོང་ན་ངོ་དཀར་ཤར་བ་བཞིན་ཁྲི་ལྕམ་དངོས་གྲུབ་དཔལ་འཛོམ་བྱོན་པར་ལེགས་སྐྱེས་ཚན་གྲངས་ཁ་ཤས་དང་སྙན་ཚིག་གི་ལམ་ནས་དྲངས་པའི་འཕྲིན་གསོལ་ཟུང་འཇུག་སྙེ་མ་དང་བཅས་ཉེར་བཞིར་རྩིས་རིག་སྨྲ་བ་ཕུ་ལུང་བློ་བཟང་ཡོན་ཏན་མངགས། ཚོམས་ཆེན་དུ་གོང་མའི་མི་སྣ་རྒན་གཞོན་འགྲུལ་སྡེབས་དང་བཅས་པས་རང་རང་གི་འབྱོར་བསྟུན་གྱི་དངོས་པོ་བསྟབ། སྤྱན་གཡས་མཁན་པོ། བཀྲ་ཤིས་ཆོས་གླིང་བླ་མ། ཐུ་མེད་བསྟན་པ་ཐའི་ཇི། ཚ་བོ། རྒྱ་མཚོ། ཀླུ་འབུམ་ཨ་མདོ་བ་བརྒྱད་ཅུ་སོགས་ཁྱོན་བཞི་བརྒྱར་ཇ་གྲལ་བཏང་ཞིང་དམངས་ལ་མེ་ཏོག་གཏོར། གུང་ཚིགས་ལ་ཟུར་ཁང་པ་ངག་དབང་དཔལ་བཟང་ལུས་བསྒྱུར་བའི་སྔོན་འགྲོར་དཀར་དྲོ་དམར་དྲོ་སྡེ་བ་ཨ་བར་བཅས་ནང་སྐོར་བ་དང་། ཕྱི་རོལ་ཏུ་བྱིངས་ལ་བསྟར་ཞིང་རྒྱུན་སྡོད་དྲུང་འཁོར་གྲས་སུ་ཞུགས། གྲ་ཚང་དུ་ཨྱཻ་རིང་ས་ཡ་གཅིག་ལྔ་ཁྲི་ཆིག་སྟོང་། དྲག་སྔགས་སོ་དྲུག་པའང་གོང་འདྲ་བཙུགས། ཉེར་ལྔར་དགའ་ལྡན་ཚེ་དབང་དཔལ་བཟང་འདམ་དུ་ཐོན་གདོང་དང་སྒྲོམ་མདའ་མཁན་པོ་སྦྱིན་པ་རྒྱ་མཚོ་གཉེར་བཅས། ལྡན་མ་བཀྲ་ཤིས་དགོན་གྱི་བླ་མ་ཤེས་རབ་རྒྱལ་མཚན། གནས་གསར་དོན་

[Full Size]

གྲུབ་དང་ཕྲད། ཉེར་དྲུག་ལ་གནས་གསར་ཆོས་རྗེ་དབོན་ལྷོ་མོས་སུ་རྫོང་བདའ་ཞུས། ཉེར་བདུན་ལ་གོང་མའི་གསེར་ཡིག་པ་རྒན་གཞོན་འགྲུལ་སྡེབས་དང་བཅས་པ། ནོ་ཡོན་ཁུ་ཐུག་ཐུ་འདུལ་བ་ཆོས་རྗེ། སྒྲོམ་མདའ་དང་དགའ་ལྡན་རབ་བརྟན་མཁན་པོ། ཆབ་ནག་དང་ཐོས་བསམ་དར་རྒྱས་གླིང་བླ་མ་སོགས་བོད་སོག་སུམ་བརྒྱ་སྐོར་ལ་གྲུབ་རྒྱལ་ལུགས་ཀྱི་ཚེ་དཔག་མེད། སྐྱེར་སྒང་ལུགས་ཀྱི་རྟ་མགྲིན་དང་སྤྱན་རས་གཟིགས་རྣམས་ཀྱི་དབང་དང་རིག་གཏད་བསྐུར་ནས་ཆོས་ཉན་པའི་སྟེང་དར་རྒྱས་སྒྲུབ་སྡེའི་བླ་གྲ། གཡའ་བཟང་གཉེར་པ། ཆོག་ཐུ་ཐའི་ཇིའི་མི་སྣ། ལྷུན་གྲུབ་རབ་བརྟན་པ་རྣམས་ལ་ཇ་གྲལ་བཏང་། ཉེར་བརྒྱད་ལ་མི་སྣ་གཞོན་པས་བསམ་བློ་ཨ་ཞང་ངག་དབང་སྦྱིན་པའི་བསྔོ་རྟེན་དུ་གསེར་གྱི་མཎྜལ་གོས་དར་སོགས་གཏོས་ཆེ་བ། སུ་ག་གོན་གྱི་ཨ་ལྕེའི་བསྐུར་མ་བླ་བྲེ་སིའུ་མ་ཕྱོགས་བཞིར་རྒྱ་འཕན་བཟོ་བཀོད་ལེགས་པས་མཚན་པ། འཕན་རིང་ཆ། སེ་ར་སྟོད་ཟུར་པ། རྫ་དམར་དཔོན་ཁུ་ཚན། བཱ་རིང་ཐའི་ཇི་སྤུན་རྣམས་དང་ཕྲད། གནམ་གང་ལ་སྒྲོམ་མདའ་མཁན་པོ་ངག་དབང་དཔལ་བཟང་། མི་སྣ་རྒན་པ་ཆོས་འབྱོར་དཔལ་བཟང་། གཞོན་པ་བློ་བཟང་འཕྲིན་ལས། དར་རྒྱས་གླིང་བླ་མ་སོགས་ལ་དགེ་སློང་གི་སྡོམ་པ་ཕབ། རྭ་སྒྲེང་མཁན་པོ། དབུ་ཆོས། ཐུགས་སྲས་ཟླ་བ། འོད་མཆོག་སྤྲུལ་སྐུ། པད་གླིང་སྐུ་སྐྱེ། བྲེས་གདན་ས་པ། ཞང་སྟོན་ལྷུན་གྲུབ་ཁུ་ཚན། མངའ་བདག་པདྨ་ཐུབ་བསྟན། ཤར་མོན་དམག་དཔོན་

[Full Size]

རྣམ་སྲས་གླིང་པ། གནམ་བདེ་ལེགས་པ། གཉེར་ཕྱག་དཔོན་ཚོ་སྡེ་པ་དང་བཀྲས་གཤོངས་པ། རྣམ་སྲས་གླིང་པའི་བུ་བཀྲ་ཤིས་རབ་བརྟན། སོག་ཙནྡན་དགོན་གཉེར་པ་མངོན་དགའ་བ། ཛོ་གེ་དབོན་པོ་བློ་བཟང་། དགེ་སློང་བཀྲ་ཤིས་རྒྱ་མཚོ་སོགས་དང་ཕྲད། ཞང་སྟོན་རི་ཁྲོད་པས་རྟ་ལྔ་བཅུ་དང་། རྭ་སྒྲེང་དགོན་སྤྱིས་རྟ་ཉེར་གཅིག་བྱུང་། འཚོ་བྱེད་དར་མོ་བ་ལག་གཡོག་ཏུ་འགྱུར་བའི་མིག་རྒྱང་དུ་ཡར་སྟོད་ཆུ་སྐོར་བ་ཅན་དུད་བཅུ་གསུམ་ཕྱེ་གསལ་བྱས་པ་དང་ས་བརྗེས་དགོས་ཚུལ་ལྟར་ཤེལ་གྲོང་གཞིས་ཀ་ཤར་ལ་གཏོགས་པ་ལག་འབབ་བརྒྱད་བརྒྱ་བརྒྱད་ཅུ་དང་འབག་འབག་ཅན་དུད་བཅས་ལ་རུའི་ཁལ་ཉིས་བརྒྱ་ཉེར་བཞིའི་བསྣོན་མ། ལྕང་ར་ཟིལ་གནོན་ཚེ་དབང་ལ་རང་ཁུངས་ལྷ་སྟེང་ནས་སྤྱིལ་ཆུང་གཉིས། ཞུང་ས་ཐམ་རྐང་ཉེར་དྲུག་ལག་ཡོང་རུའི་བདུན་བརྒྱ་སོ་ལྔ་རང་འཇགས་ཐོག་གུས་ཞབས་པ་བདག་རྐྱེན་དགོས་གྲས་ཡིན་པ་མདོ་འགར་མི་ནོར་ས་གཞིས་རྒྱ་ཁྱོན་ཚུགས་ཀ་བཟང་བའི་མག་པར་རྫོང་བདའ། སྒྱིད་ཐང་ནོར་བུ་བློ་གཏོད་བཟང་བ་དང་ཞི་དྲག་སྒྲུབ་རྟེན་ལྡིང་གྲོང་བྱང་གཞིས་ཀ་དུད་འཛིན་ཆེ་ཆུང་དགུ །ལག་ཡོང་སུམ་བརྒྱ་རེ་གཉིས། ཆུ་མིག་ཁ་པར་ཞི་དྲག་སྒྲུབ་རྟེན་དུ་ལྡིང་གྲོང་ལྷོའི་གཞིས་ཀ་ཐེམ་ཆེ་ཆུང་བརྒྱད། ལག་འབབ་སུམ་བརྒྱ་རེ་དྲུག །མཆོད་དཔོན་ངག་དབང་ཤེས་རབ་ལ་སྒྲགས་ཕུ་སྨོན་གྲོང་གཞིས་ཀ་བོད་འབྲོག་དུད་བཅུ་གཅིག །ལག་འབབ་དྲུག་བརྒྱ་བཅུ་གསུམ། ཕྱུར་ཁལ་བཅུ་བཞི། མར་ཁལ་བདུན་ཅུ། སྒྲོལ་ཕུག་ནང་མ་མཐུན་པར་རྒན་པ་ཟུར་སྡོད་བྱེད་རྒྱུར་དཀར་བྲག་

[Full Size]

གསུང་གླིང་སོགས་དུད་འཛིན་བདུན། སྐུ་གསུང་ཐུགས་རྟེན་མཆོད་རྫས། ལག་འབབ་དྲུག་བརྒྱ་ཉེར་དྲུག །དགེ་སློང་འཇམ་དབྱངས་གྲགས་པ་ངེད་རང་གི་འཁྲིས་སུ་སྡོད་རྟག་ཅིང་དཔེ་ཆའི་དོ་དམ་སོགས་ལ་བྱེད་སེམས་འཇུག་པ་དང་སླར་ཡང་སྒྲུབ་རྟེན་མིག་རྒྱང་དུ་ཁུ་མིའི་ཤས་གཡུལ་དཀར་གཤོངས་སོགས་དུད་འཛིན་བཅུ་གཉིས། ལག་འབབ་བརྒྱད་བརྒྱ་སོ་བཞི། གྲ་ཚང་ཕན་བདེ་ལེགས་བཤད་གླིང་པའི་མཆོད་གཞིས་ཁུ་མི་ཕུལ་བའི་ས་ཚབ་དང་མཆོད་ཡུལ་གཞན་དང་མ་འདྲ་བའི་རྒྱུན་འགྲོ་ཆེ་བར་གཉེར་ཚད་འཛིན་ཐེབས་འཕར་དང་བཅས་རྡོ་ལྷུན་གྲུབ་ཕོ་བྲང་ལ་གཏོགས་པའི་གཞིས་ཀ་ན་ལྕང་རྩ་རིགས་བདག་ཐོབ་ནང་ཆས་དུད་ཆེན་ལྔ་བཅུ། ཆུང་བ་བཅུ་གསུམ། ལག་འབབ་ཉིས་སྟོང་སུམ་བརྒྱ། བློ་བཟང་དོན་ཡོད་ལ་སྟར་སྡོང་གུ་རུ་བྱས་ཆེའི་རིགས་བརྒྱུད་སྟབས་མིག་རྒྱང་དུ་ལྕེ་ཏེ་ཞོལ་བསམ་མཁར་གཞིས་ཀ་བསྡད་གྲོང་བཅུ་གཉིས། ལག་འབབ་བདུན་བརྒྱ་ང་བཞི། ཡེར་པ་དགའ་ལྡན་གསང་སྔགས་ཡང་རྩེ་བར་མཆོད་གཞིས་གཏོང་སྒོ་གཤོར་འདེབས་བྱེད་རྒྱུན་ལ་ས་འབྱེད་དགོས་ཚུལ་བཞིན་གྲོང་སྟོད་ལ་གཏོགས་པའི་གཞིས་ཀ་བསྡད་གྲོང་བཅུ་གཉིས། ལག་འབབ་སུམ་སྟོང་བརྒྱད་བརྒྱ་ཉི་ཤུ། རུ་བ་གསར་སྣོན་རྩེ་ལྷ་སྒང་རྩ་གུ་སྟེང་གོང་དཀར་གྲ་ཚང་སྤྱིར་ཕུལ་པའི་སྒྲུབ་མཆོད་ཐེབས་སུ་ལག་ཡོང་རེ་དགུ་ཞིང་ལེ་ཚན་བཞི། འཚོ་བྱེད་ཕག་རི་བ་ཁམས་སུ་ཨུལ་ཇོའི་ཐུ་པཱ་ཐུར་ཐའི་ཇིའི་གཡོག་ཏུ་འགྱུར་ཞིང་། དཔོན་མོ་བསོད་ནམས་སྒྲོལ་མའི་སར་བཅར་སྡོད་ཡིན་གཤིས་གཞིས་རྩེ་ནས་

[Full Size]

ཞིང་སོ་གསུམ། དུད་ཆུང་གཉིས་ཀྱི་མི་གྲ། ཁང་མིག་དྲུག །དཀར་བྲག་པ་ངག་དབང་བྱམས་པ་ཡི་གེའི་ལག་གཡོག་ཏུ་འགྱུར་བའི་བདག་རྐྱེན་དུ་སྐྱིད་གཤོངས་གྲགས་ཆེན་ནས་དུད་ཆུང་གི་ཤུལ་དུད་ཆེ་ཆུང་དྲུག །ལག་འབབ་ལྔ་བརྒྱ། བདེ་རྒྱས་པའི་སྐྱེས་དམན་ལྟོ་སྐལ་དང་ས་བརྗེས་དགོས་ཚུལ་ལྟར་རྣམ་གླིང་ནས་ཞིང་ཆེ་ཆུང་རེ་གཉིས། ཆང་ཁྱིམ་པ་ངག་དབང་མཁྱེན་བརྩེ་ཡི་གེའི་ལག་གཡོག་ཏུ་འགྱུར་བར་གྲ་ནང་སེར་ཁུང་ནས་དུད་ཆེ་ཆུང་བཅུ་གཉིས། ལག་འབབ་བཞི་བརྒྱ་གོ་ལྔ། མདུན་གྲོང་པའི་སྐྱེས་དམན་མ་བུའི་ལྟོ་སྐལ་ལ་དུད་འཛིན་དྲུག །ལག་འབབ་ཉིས་བརྒྱ་གྱ་དྲུག་རྣམས་སྦྱོར་འཇགས་བྱས། གསང་བ་གྲུབ་པར། དཔལ་ལྡན་འདུས་ལས་མཆོག་གཞན་མེད། །འཇིག་རྟེན་གསུམ་གྱི་རིན་ཆེན་གྱུར། །སྙིང་པོ་ལས་ནི་སྙིང་པོ་མཆོག །རྒྱུད་ཀུན་གྱི་ནི་བླ་མའི་བླ། །བསྟན་དང་བཤད་པ་རྣམ་གནས་ན། །རྫོགས་པའི་རྣལ་འབྱོར་རིམ་པ་ཉིད། །འདུས་པ་གང་གིས་མི་ཤེས་པ། །དེ་ཡིས་དངོས་གྲུབ་ཇི་ལྟར་འགྲུབ། །ཅེས་འདི་ཕྱིའི་བདེ་འབྲས་དང་རྒྱུད་སྡེ་ཐམས་ཅད་ཀྱི་རྩ་བ་ཡིན་པའི་ཁྱད་པར་ཡང་། དམར་ནག་གི་རྒྱུད་གཉིས་ལས། རྒྱུད་ཀྱི་མཐར་ཐུག་འདུས་པ་སྟེ། །མ་བྱུང་འབྱུང་བར་མི་འགྱུར་རོ། །ཞེས་ཤིན་ཏུ་རྙེད་དཀའ་དོན་ཆེའི་ཆོས་འདི་ཉན་པ་དང་འདྲི་འདོན་ཕྱོགས་གཅིག་ཙམ་འཛིན་པ་མཆོད་བསྟོད་བྱེད་པའི་གང་ཟག་དེ་མཐོང་ཐོས་དྲན་རེག་ཐམས་ཅད་བྱང་ཆུབ་རྡོ་རྗེ་སྟེ་རྡོ་རྗེ་འཆང་དང་འདྲ་ལྟས་ཕྱག་ལ་སོགས་པ་བྱ་བར་གསུངས་ན་བསྐྱེད་རྫོགས་ཐུན་བཞིའི་རྣལ་འབྱོར་ལ་བརྩོན་པ་ལྟ་ཅི་སྨོས་ཏེ་

[Full Size]

རྒྱུད་ཕྱི་མར། ཨེ་མའོ་ཤིན་ཏུ་རྙེད་དཀའ་བ། །བྱང་ཆུབ་སྒྲུབ་པའི་ཐབས་འདི་ནི། །རྒྱུད་ཀྱི་ཕྱི་མའི་ཕྱི་མར་གྱུར། །གསང་བ་འདུས་པ་ཞེས་བྱའི་རྒྱུད། །ཅེས་བདུན་ལྡན་ཕལ་ཆེར་གསེར་སྡིངས་པ་གཞོན་ནུ་འོད་ལ་བཀའ་བབས་པ་རིམ་བཞིན་བུ་སྟོན་ཐམས་ཅད་མཁྱེན་པ། དེས་བླ་མ་དམ་པ་བསོད་ནམས་རྒྱལ་མཚན། ཁྱུང་ལྷས་པ། ཆོས་ཀྱི་དཔལ་བ་གསུམ་ལ་གནང་། གསུམ་གས་སྲིད་གསུམ་འགྲོ་བའི་འདྲེན་མཆོག་ཆོས་ཀྱི་རྒྱལ་པོ་བཙོང་ཁ་པ་ཆེན་པོར་སྩལ་པར་བརྟེན་བཅོམ་ལྡན་འདས་གསང་བ་འདུས་པའི་བཤད་སྒྲུབ་ཀྱི་བསྟན་པ་དབྱར་མཚོ་ལྟར་ཆེས་ཆེར་འཕེལ་བའི་འབྱུང་གནས་རྒྱང་རོ་གསེར་སྡིང་གཞན་དང་མི་འདྲ་བར་བསམས་སྒེ་གྲོང་གི་དགོན་གཞིས་ཁང་པ་རྟེན་གསུམ་མཆོད་རྫས་ནང་ཆས། ཐེམ་རྐང་བཞི་བཅུ། ལག་འབབ་ཆིག་སྟོང་བདུན་བརྒྱ་བཞི་བཅུས་གང་ཐོན་གྱིས་ལོ་སྟར་གསང་བ་འདུས་པའི་སྒྲུབ་མཆོད་ཉིན་གྲངས་གང་འཁྱོངས་རྒྱུན་དུ་འདུས་པའི་བཤད་སྲོལ་འཕེལ་ཞིང་རྒྱས་པ་དང་ཀུན་སྤྱོད་མིག་རྒྱན་དུ་ཕན་པ་དགོས་རྒྱུ། ཤེལ་དཀར་ཆོས་སྡེ་དང་མ་མཐུན་པའི་ས་ཚབ་དམ་པའི་བུ་བསྟན་འཛིན་སྤུན་ལ་ལྟག་ལུང་ཡིག་མཁན་ཁུངས་རྩེ་གཞིས་ཀ་ཁྱིམ་བྱང་གཉིས། ལག་འབབ་སུམ་བརྒྱ་དང་གཉིས། ཚགས་པ་མགོན་པོ་སྡེ་པ་བསོད་ནམས་རབ་བརྟན་དུས་ནས་བཟོ་རྟེན་འདུག་རུང་བྱིངས་མཐུན་ཆག་ཆ་མ་བྱུང་བའི་ཞུ་རེ་སྔ་ཕྱིར་བྱུང་བ་ལག་གཡོག་དབུ་མཛད་ད་ལྟ་ལུགས་ཡོང་རྩིས་ཀྱི་ཞིང་ཚུར་བླངས་ངོས་སྔར་འཛིན་ཁང་ཞིང་གི་བོགས་ཁྲལ་རྩ་ཆག་སྟེང་ལྕང་རྒྱབ་པའི་ས་ཆའི་སུམ་ཆ་གཅིག་བྱེ་

[Full Size]

མདའ་བས་ཉིས་འཛིན་གྱི་བོགས། ལྷོའི་ཞིང་ཆེན་ཕྱེད། རྐང་འགྲོ་གཅིག་རྩ་ཆག་རྣམས་བགྱིས། ཧོར་ཟླ་དགུ་པའི་ཚེས་གཅིག་ནས་ཞག་བཅུ་གཅིག་གི་བར་སྨེ་བརྩེགས་སྒོམ་བཟླས་ལ་ཆིག་དྲིལ་བསྟར་བས་སྤྱི་སྒོས་ཀྱི་གྲིབ་མ་མི་གཙང་བའི་དྲི་མ་བསལ་ཉམས་ཤར། འོན་ཀྱང་གནས་དུས་ཡོ་བྱད་སོགས་སྒེར་མ་ནས་གཅིག་སེལ་གཉིས་བགོས་དབང་གིས་སླར་ཡང་འདིར་འབད་དགོས་པར་གོ །ཚེས་བཞིར་ཚ་རོང་པའི་སློབ་མ་བསོད་ནམས་ཕུན་ཚོགས་ཀྱིས་རྒྱུད་བཞིའི་རྒྱུགས་སྤྲད། ཚེས་བཅུ་གཅིག་ལ་ནང་མཚམས་གྲོལ་ཏེ་གྲོང་སྨད་པ་སངས་རྒྱས་རྒྱ་མཚོ་དང་དམག་ཟོར་ཚངས་དབང་ལ་བྱད་འགྲོལ་དང་། བྱབ་ཁྲུས་སྨིན་རྒྱས་བྱས། ཚེས་བཅུ་གསུམ་ལ་དབུ་སྒོར་ཆུང་བ། བློ་བཟང་ཨེར་ཁེ་ཐའི་ཇིའི་དཔོན་མོ་བུ་བཅས། མི་ཉག་དགོན་གསར། མཚལ་ཡང་དགོན། ནམ་མཁའ་མཛོད། དོ་ནང་པད་གླིང་། མེ་རག །ནག་ཤོད་སྦུས་མདའ་རྣམས་ཀྱི་བླ་མ། གནས་གཞི་ཆོས་རྗེ། ཨ་མདོ་ཨ་ལི་ཆོས་རྗེའི་སྐུ་སྐྱེ་སོགས་རྟ་འབུལ་བ་ལྔ་བཅུ་སྟག་རྩེ་ཐའི་ཇི། ལྷུན་གྲུབ་རྫོང་པ། བར་ཏ་བློ་བཟང་། དཔོན་ཆུང་ཚོགས་བདག །ང་ཕོད་པ། གདང་ཁར་ཨ་བོ། གཞུང་འགྲོན་ཚོང་དཔོན་འཕྲང་གདོང་པ་དང་དཔལ་གྲོ་བ། བུམ་ཐང་གཡུལ་རྒྱ་བ་སྤང་རྩ་ཕུན་ཚོགས། ཐུགས་དཀར་བ་ཐོགས་ལེགས་བཀྲ་ཤིས་ཚེ་བརྟན་སོགས་བོད་སོག་སུམ་བརྒྱ་སྐོར་གྱི་ངོ་བོར་བྱིན་རླབས་དམངས་ལ་ཇ་གྲལ་བཏང་། ནག་ཤོད་སྦུས་མདའ་བླ་མས་རྟ་སོ་གཅིག །ཨ་ལི་ཆོས་རྗེའི་སྐུ་སྐྱེས་བཅུ་གཅིག་བྱུང་། དོན་གྲུབ་དབང་རྒྱལ་གྱིས་

[Full Size]

སྐུ་ལ་མཁའ་རིའི་ཕ་བོང་རུས་སྦལ་ནག་པོ་ནས་གཏེར་སྟོན་པདྨ་གླིང་པས་གདན་དྲངས་པ་མ་དྲོས་བྱེ་མ་ལས་གྲུབ་པའི་སློབ་དཔོན་པདྨ་སམ་བྷ་བའི་སྐུ་ཁུངས་བཙུན་བྱིན། འཚེ་བ་ལས་སྐྱོབ་བའི་བཀའ་བསྒོས། སྡེ་པ་བློ་བཟང་མཐུ་སྟོབས་ཀྱིས་རུང་མཐུན་གྱི་གོས་ཆ་ཚང་། དགུ་ཚན་སོ་དྲུག་ལ་རིན་གོང་དངུལ་སྲང་དྲུག་བརྒྱ་དང་བཞི། ཚོགས་བཅས་ཡོན་གྲ་པ་རེར་ཞྭ་སེར་རེ། མཁའ་འགྲོའི་བསུན་བཟློག་སྔོན་འགྲོའི་ཚེ་ཆོག་རྡུལ་ཚོན་དང་འབྲེལ་བའི་རིང་འཚོའི་རྟེན་འབྱུང་ཚེས་བཅུ་གཉིས་ལ་སྤམས་བསྟོད། ཚེས་བཅུ་བདུན་ལ་རྒུར་ཚ་བ་ཆོས་དབང་ལྷུན་གྲུབ། ཐུགས་སྲས་ཟླ་བ་དང་པད་གླིང་གྲ་པ་བཞི་བཅུ་དགེ་ཚུལ་དང་། སོ་དགུ་བར་མ་རབ་བྱུང་དུ་བསྒྲུབས། ཚེས་བཅུ་དགུར་ཐུགས་སྲས་ཟླ་བ་ཐོན་གདོང་གི་མཇལ་ཁ་དང་། འདི་ཉིན་ནས་ཉེར་གཅིག་བར་བཀའ་འགྱུར་ཁང་དུ་རྒྱལ་པ་ཆོས་རྗེས་མཁན་སློབ་སྦྲགས་ཏེ་དགེ་ཚུལ་སུམ་བརྒྱ་ཉེར་དགུ་བསྒྲུབ་ཏུ་བཅུག །ཕུན་གླིང་ངག་དབང་བློ་གྲོས་ཀྱིས་འགྲེལ་པ་དོན་གསལ་དང་ཕར་ཕྱིན་བློ་བཟང་དགོངས་རྒྱན། དབུ་མ་འཇུག་པ། དེ་འགྲེལ་ཐེག་ཆེན་རྒྱ་མཚོར་འཇུག་པའི་གྲུ་རྫིངས། རབ་འབྱམས་པ་ནོར་བཟང་རྒྱ་མཚོས་དབུ་མཛོད་རྩ་འགྲེལ་དང་ཕར་ཕྱིན་ཐལ་འཕྲེང་། དཀའ་བཅུ་བློ་བཟང་དར་རྒྱས་ཀྱིས་དབུ་མཛོད་རྩ་འགྲེལ། དཀའ་བཅུ་དམ་ཆོས་ཅན་ལྔས་དབུ་མ་རྩ་འགྲེལ་དང་ཕར་ཕྱིན་ཐལ་ཕྲེང་། སྐལ་བཟང་རྒྱ་མཚོ་ཅན་བདུན་གྱིས་མཛོད་རྩ་འགྲེལ། བློ་གྲོས་རྒྱ་མཚོ་ཅན་ཉེར་དགུས་དབུ་མ་རྩ་འགྲེལ། དམ་ཆོས་རྒྱ་མཚོ་ཅན་གྱིས་ཕར་ཕྱིན་མཐའ་གཅོད། བསྟན་པ་རྒྱ་མཚོས་

[Full Size]

བདེ་ལེགས་ཉི་མའི་འདུལ་བ་གཞི་སྟོད་། བློ་བཟང་ཡར་འཕེལ་གྱིས་མཛོད་རྩ་དང་འགྲེལ་པ་དོན་གསལ་རྣམས་ཀྱི་རྒྱུགས་སྤྲད། ཉེར་གཅིག་ལ་འབྲི་གུང་སྤྲུལ་སྐུ་རིན་པོ་ཆེ། ཕྱག་མཛོད། རིགས་འཛིན་དཀོན་མཆོག་ལྷུན་གྲུབ། སྤོ་སྤོ་བན་གྲོང་པ། དགེ་སློང་དམ་པ། བླ་མ་རྒྱལ་སྲས་པ་བཅས་རགས་བསྡུས་ཀྱིས་རྟ་ལྔ་བཅུ་སོགས་བདོག་པ་སྔོན་སོང་གིས་མཇལ། ཇ་ཡུན་གསུམ་བར་ཆོས་དང་འབྲེལ་བའི་གསུང་གླེང་རྒྱས་པར་བྱུང་། རྩེར་སྒྲོམ་མདའ་མཁན་པོ། རོང་བྱམས་ཆེན། ཕུན་ཚོགས་གླིང་། རི་བོ་རྣམ་རྒྱལ་གསུམ་གྱི་བླ་མ། རི་ཁྲོད་དགའ་ལྡན་བླ་ཟུར། ཆོས་རྗེ་སྨྲ་བོ་ལྕོག་པ། རྨུ་ལེ་རབ་འབྱམས་པའི་གསེར་ཁྲལ་སྐྱེལ་མི་དཀའ་བཅུ་དཔལ་འབྱོར་བཀྲ་ཤིས། སྒོ་མངས་པའི་འབུལ་སྡུད་པ། ཁོང་ཇི་ནོང་གི་མི་སྣ་སྦ་སུན། རྒྱའི་ཧྭ་ཤང་གཉིས། ཐུ་མེད་བསྟན་པ་ཐའི་ཇི་སོགས་ཉིས་བརྒྱ་སྐོར་དང་ཕྲད། ཉེར་གཉིས་ལ་ཨུ་ཁེ་རེས་ཐའི་ཇིའི་བུ་དར་ཁན་ཆོས་རྗེ་ངག་དབང་བསྟན་འཛིན། ཐུ་མེད་ནོར་བུ་ཐའི་ཇི་ཕ་བུ། ངམ་རིང་དང་གངས་ཅན་མཁན་པོ། གདང་པ། ཁྲ་འབྲུག་ཆོས་སྐྱོང་གི་སྐུ་རྟེན་པ་རྣམས་དང་ཕྲད། སྒོ་མངས་བླ་ཟུར་ངག་དབང་འཕྲིན་ལས་ཀྱིས་ཁ་བཏགས་སྟོང་ཕྲག་གསུམ་དང་བརྒྱད། དཀར་ཡོལ་ལེགས་ཞེལ་རེ། བླ་བྲེ་ཆེ་ལེགས། ལྔ་བཅུ་མ་སོགས་སྲང་ཆིག་སྟོང་ལྔ་བརྒྱ་ང་གཅིག །གསེར་ཞོ་བརྒྱ། གོས་ཡུག་ཆིག་བརྒྱ་སུམ་ཅུ། ཁ་བཏགས་མཐིང་ཁྲ་བརྒྱ། མ་ཧཉྩེ་གསར་རྙིང་འདྲེས་པ་ཡུག་བརྒྱད་བརྒྱ། མཚལ་སྒམ་བརྒྱ། སྤོས་ཆག་བརྒྱ། ཇ་སྦག་བརྒྱ། སྦུག་ཆོལ་སིལ་

[Full Size]

སྙན་རེ། དཀར་ཡོལ་གྱི་ཐ་ཕག་གསུམ། སྦུ་ལ་ཧ་རི་གསེར་མ་བཞི། རས་ཡུག་སུམ་བརྒྱ། རྔ་མོ་བདུན། རྟ་ཆིག་བརྒྱ་སོ་ལྔ། དངུལ་སྒ་དང་དཀྱུས་འདྲེས་བདུན། དར་དཀར་ཡུག་རིང་དང་བཅས་ཁྱོན་ལྔ་སྟོང་ལྔ་བརྒྱ་སོགས་གྲ་རྒན་བསམ་སྦྱོར་གཉིས་ཀ་བཟང་པོའི་རྗེས་བཞག །དངོས་པོ་ཆུད་མི་ཟ་བའི་བསྔོ་སྨོན་གྱི་རྒྱས་འདེབས་ཀྱང་བགྱིས། ངག་དབང་བསྟན་འཛིན་གྱིས་རྟ་སོ་བརྒྱད་བྱིན། གོང་གསལ་སུམ་བརྒྱ་སྐོར་ལ་ཐུགས་རྗེ་ཆེན་པོ་གཙོ་འཁོར་གསུམ་པའི་སྒོམ་ལུང་ཕབ། ཉེར་གསུམ་ལ་བློ་གསལ་གླིང་པ་འཕགས་པ་བསོད་ནམས་ཀྱིས་འབུམ་པོ་ཏི་གསུམ་གྱི་རྒྱུགས་བླངས། འབྲི་གུང་སྤྲུལ་པའི་སྐུ། བྱམས་ཆེན་དང་ཕུན་ཚོགས་གླིང་གི་སློབ་དཔོན་སོགས་བསྙེན་རྫོགས་རེ་དྲུག་བསྒྲུབས་ཤིང་འབྲི་གུང་སྤྲུལ་སྐུར་མཚན་ངག་དབང་ཆོས་གྲགས་ཕུན་ཚོགས་སུ་གསོལ། མེ་རག་བླ་མ་དང་མདའ་དཔོན་གནས་གསར་བ་དང་ཕྲད་ཅིང་དོན་གྲུབ་དབང་རྒྱལ་ཕག་རིར་དོན་གཅོད་ལ་བརྫངས། ཉེར་བཞིར་བསྙེན་རྫོགས་ཉེར་དྲུག་དང་ཉེར་ལྔར་ངམ་རིང་དང་གངས་ཅན་མཁན་པོ། ནག་ཤོད་སྦུས་མདའ་དང་མི་ཉག་དགོན་གསར་བླ་མ། ཡེལ་པ་ཆོས་རྗེ་སོགས་བསྙེན་རྫོགས་ཞེ་ལྔ་བསྒྲུབས། དགུ་གཏོར་ཚོང་དཔོན་བྲག་གདོང་པ་དང་སྦུས་སྲང་པ་གཉིས་མདོར་ཐོན། ཉེར་དྲུག་སྔ་མར་འབྲི་གུང་སྤྲུལ་སྐུ་རིན་པོ་ཆེར་ན་བཟའ་ཆ་ཚང་། དངུལ་མདོང་། སྦུག་སིལ། ཇ་གོས་དར་སོགས་ཤངས་ལེན་རྒྱས་པར་ཕུལ་ཏེ་སྟི་གནས་སུ་བྱོན། དཔལ་འཁོར་ཆོས་སྡེའི་མཁན་ཟུར་ཁ་རབ་པ། ཐང་སག་སློབ་དཔོན་ཕུན་ཚོགས་ཆོས་ལྡན། བདེ་

[Full Size]

ཆེན་ཐའི་ཇི་སོགས་དང་མཇལ། ཕྱིམ་རེད་འབྲུག་ལ་སློབ་དཔོན། སྨན་ཐང་པ། ཨ་མདོ་དར་ཁན་ཆོས་རྗེ་བརྩོན་འགྲུས་རྒྱ་མཚོ། དཔོན་སེར་སྦར། ཨ་རིག་ངག་དབང་། ཨ་མདོ་བ་ངོ་བོ་བརྒྱ་སྐོར་ལ་བྱིན་རླབས། བྱིངས་ལ་ཇ་གྲལ། ཨ་མདོ་སེར་སྦར་གྱིས་རྟ་ཉེར་བརྒྱད། ཨ་རིག་ངག་དབང་གིས་རྟ་ལྔ་བཅུ་བྱུང་། ཉེར་དྲུག་རྗེས་མར་སྡེ་པ་ཟུར་པར་རྟ་མགྲིན་གསང་སྒྲུབ་ཀྱི་དབང་བཞི་བྱིན་རླབས་དང་དམག་ཟོར་མའི་རྗེས་གནང་། ཚེ་དབང་འཆི་མེད་དཔལ་སྟེར་བརྒྱ་ཚར། ཚ་བོ་རྒྱལ་ཕུར་ལ་ཚེ་དབང་རྣམས་བསྐུར། ཉེར་བརྒྱད་ལ་སན་ཧུང་ཐའི་ཇིའི་ཚ་བོ་ལྷ་བཙུན། དཔོན་མོ་ཚེ་རིང་། ཚ་མོ། བློ་བཟང་མགོན་པོའི་བཱ་ཁན་དགེ་སློང་། ཤེལ་བྲག །ཨ་པ། འོལ་དགའ་དཀའ་བཅུ། ཀོང་པོ་མཆོད་ཁང་རྩེ་སྟེ་བླ་མ་བཞི། ཆོ་འཁོར་ཐའི་ཇི། ནོར་བུ་ཐའི་ཇི། དར་ཁན་ཆོས་རྗེ། ལྡན་ཆོས་འཁོར་བའི་མི་བཅུ་གཉིས། འདུལ་བ་ཟུར་པ་ཨོ་རོད་ཆོས་རྗེས་ཨའི་ཆིང་དབོན་པོ་ཅན་གསུམ་མངགས་ཏེ་གོས་དར་ཤེལ་དཔྱད་ལྔ་བཅུ་མ་གསེར་དངུལ་གྱི་སྒ་སོགས་སྲང་ཆིག་སྟོང་དྲུག་བརྒྱར་ཉེ་བ་བཏེག །ངོ་བོ་ཚོར་ལག་འདེགས་འཇོག་གི་བྱིན་རླབས། དམངས་ལ་མེ་ཏོག་གཏོར་ཞིང་ཐམས་ཅད་ལ་མ་ཎིའི་བཟླས་ལུང་ཕབ། ཉེར་དགུར་རོང་བྱམས་ཆེན་བླ་གྲ་གཉེར་པ་དགོན་ལག་གཡག་སྡེར་བཅས་པས་ཚན་གྲངས་སྤེལ་ཞིང་རིང་པོར་འཚོ་བའི་བདེན་ཚིག་བརྗོད། རྗེ་བཙུན་བཙོང་ཁ་པ་ཆེན་པོའི་བླ་མའི་རྣལ་འབྱོར་གྱི་ཉམས་ལེན་བསྟར། ཕྱི་དྲོ་སྡེ་པ་ཟུར་པར་གསེར་དངུལ་སྦུག་སིལ་ཇ་གོས་དར་བྱེ་བུར་སོགས་དངུལ་སྲང་དགུ་བརྒྱ་ཞེ་གཉིས་ལ་བསྐོར་བ་སྤམས་བསྟོད་དེ་

[Full Size]

རྫོང་བདའ་བགྱིས། གནམ་གང་ལ་འཕྲུལ་སྣང་བསྙེན་གནས་མ་ཚོ་ཉིན་ཞག་གཅིག་པའི་སྡོམ་པར་བཀོད། རྨེ་རུ་བླ་མ་རིན་ཆེན་རྒྱ་མཚོས་གསེར་ཞོ་ཆིག་བརྒྱ་སོགས་ཡོད་དགུ་བཏེག་ནས་གྲ་ཚང་གིས་མཁའ་འགྲོ་སྡེ་ལྔར་བརྟེན་པའི་རིང་འཚོའི་རྟེན་འབྲེལ་བསྒྲིགས། དཔལ་འཁོར་ཆོས་སྡེའི་མཁན་ཟུར། རྫིང་ཕྱི་མཁན་པོ་ཅོོ་ནེ། ནམ་མཛོད་སློབ་དཔོན། དོ་ཤེར་རབ་འབྱམས་པ། འགའ་ཤིང་ཚ་བོ། ཐོར་གོད་དའི་ཆིང་གི་དཔོན་མོ་དགེ་ཚུལ། བཀྲ་ཤིས་པཱ་ཐུར་ཐའི་ཇིའི་དབོན་མོ། ཟངས་རའི་ཇ་གསར་སྐྱེལ་མི་ལྔ་འཛོམ། ཡེལ་པ་ཆོས་རྗེ་སོགས་དང་ཕྲད། དོ་ཤེར་རབ་འབྱམས་དང་པཱ་རས་ནང་སོས་རྟ་བདུན་ཅུ་བྱིན། བྱང་གླིང་པས་བེ་སེར་དུ་དགེ་རྒྱུན་སྦྱར་བའི་སྨོན་ལམ། ལྐོག་པ་ཕུན་ཚོགས་དབང་པོ་འདུ་བ་འཁྲུགས་པ་གཞིལ་བཅོས་ཀྱི་སྐབས་སྙན་ཚིག་གི་འཕྲིན་ལན་གདུང་སེལ་ཟླ་བའི་ཆུ་རྒྱུན། དེས་པཎ་ཆེན་དགེ་འདུན་གྲུབ་ཀྱི་འཁྲུངས་རབས་ལྔ་ཚར། སྨོན་གྲུབ་པ་རིན་ཆེན་བཀྲ་ཤིས་ཀྱི་ཨྱོན་རྣམ་ཐར་ཐེང་གྲངས་བཅུ་གསུམ། དཔོན་ས་བུ་ཁྲིད་རྒྱལ་མོའི་དངུལ་གྱི་བྱང་ཆེན་མཆོད་རྟེན་རྣམས་ཀྱི་རྒྱབ་ཡིག་སྨོན་ལམ་འདོད་དང་བསྟུན། ཟླ་བ་བཅུ་པའི་ཚེས་གཅིག་ལ་འབྲོང་རྩེ་རྒྱལ་ཕུར་གྱིས་བདོག་པ་དང་བཅས་ཏེ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་མཛད། རྒྱལ་ལེགས་བཤད་གླིང་ཆོས་རྗེ། ངམ་རིང་དང་གངས་ཅན་མཁན་པོ་ཆབ་མདོ་རྗེ་དྲུང་། འཕྱོས་པ་སྐུ་སྐྱེ། དར་ཁན་ཆོས་རྗེ། འདུལ་བ་ཟུར་པ། དོ་ཤེར་རབ་འབྱམས་པ། ཕུན་ཚོགས་གླིང་། བྱམས་ཆེན། གཡག་སྡེ་དགོན་རྣམས་

[Full Size]

ཀྱི་བླ་གྲ་སུམ་བརྒྱ་སྐོར་ལ་ཐུགས་རྗེ་ཆེན་པོ་གཙོ་འཁོར་གསུམ་པ། ཨ་ར་པ་ཙ་ན་གཙོ་རྐྱང་། ཕྱག་རྡོར་འབྱུང་འདུལ་གསུམ་གྱི་རྗེས་གནང་བསྐུར། ངམ་རིང་མཁན་པོས་སྣ་ནམ་རྡོ་རྗེ་བདུད་འཇོམས་ཀྱི་འགུལ་ཕུར་ཡིན་ཟེར་བ་ལག་ཏུ་སོན། ཕྱི་དྲོ་ངམ་རིང་དང་གངས་ཅན་མཁན་པོ། ཉང་པོ་རི་ཁ་དང་འོན་བདེ་ཆེན་སྟེང་བླ་མ་དྲུག་བརྒྱ་དགེ་སློང་། གཡོན་རུ་ཤི་རལ་ཐུའི་སྐུ་སྐྱེ། དཀའ་བཅུ་བློ་བཟང་ཆོས་སྐྱོང་། རྣམ་ཐར་རྫོང་པའི་མི་སྣ་གཉིས་བཅས་དང་ཕྲད། དྲུག་བརྒྱ་དགེ་སློང་ལ་བཀའ་བསྒོ། བན་གཟན་ལེགས་པ། ཇ་མར་གྱི་མཐུན་རྐྱེན་སྤྲད། གཡུལ་རྒྱལ་ལྕོག་ཏུ་ཡང་བཟློག་གི་ལས་སྦྱོར་ཆེན་མོ་བཙུགས། ཚེས་གཉིས་ལ་དགའ་ལྡན་ཕུན་ཚོགས་གླིང་བླ་གྲ་གཉེར་པ་དགོན་ལག་བཅས་པས་ཚོགས་འགྱེད་བདོག་པ་བསྟར་ཏེ་གྲ་ཚང་ནས་འཆི་མེད་འོད་སྣང་རྡུལ་ཚོན་དང་འབྲེལ་བའི་རྟེན་འབྱུང་བསྒྲིགས་པའི་མགྲོན་དུ་ངམ་རིང་། གངས་ཅན། རྒྱལ་གསུམ་གྱི་མཁན་པོ། ཆབ་མདོ་རྗེ་དྲུང་། འཕྱོས་པ་སྐུ་སྐྱེ། བྱམས་ཆེན་དང་ཆབ་ནག་བླ་མ་འདར་པ་རྗེ་དྲུང་བཅས་ཡོད། ཚེས་གསུམ་ལ་སྡེ་པ་ཟངས་རིར་འདེགས་གདོང་གི་ངོས་ཕྲད། འདུལ་བ་ཟུར་པ་དང་ཆོས་རྗེ་འོད་མཆོག་པ་གཙང་དུ་ཐོན། བསམ་བློ་མེར་གན་ཆོས་རྗེའི་ངོར་གསོལ་འདེབས་སྨོན་ལམ། རྣམ་གླིང་པཎ་ཆེན་གྱི་སློབ་མ་རི་ཆོས་པ་ངག་དབང་ཆོས་གྲུབ་རྩེས་དང་དུ་བཤད་པ་བྱེད་པའི་འགོ་བརྗོད། ལྷ་ས་བྱང་གླིང་པས་འབྲས་སྤུངས་སྔགས་པ། ཕ་བོང་ཁ། ཨྱོན་ཆོས་གཏེར་གླིང་། སྟག་ལུང་གསང་སྔགས་ཆོས་འཁོར། ལྷ་ས། ར་མོ་ཆེ་བཅས་པའི་དམིགས་བརྩེ་མ་ཁག་བཞི། ཚེས་བཅུ་བ་ཁག་ལྔ་

[Full Size]

བསྙེན་གནས་མ་གཅིག །མ་ཎི་བ་བཅོ་ལྔ་རྣམས་ལ་སྤྱི་རྫས་མང་འགྱེད་སོགས་སྦྱར་ཏེ་འཛུགས་རྒྱུར་རིང་འཚོའི་ཚིགས་བཅད་ལེ་ཚན་བརྒྱད། རྒྱ་ནག་རྒྱལ་པོར་འབུལ་རྒྱུའི་ཞུ་ཡིག་ཚིག་ལྷུག་སྙན་ངག་གི་ལམ་ནས་དྲངས་པ། རང་བསྟན་གྱི་སྒོར་བཞུགས་ནས་བསམ་སྦྱོར་ངན་འཆང་ཨེམ་ཆི་སངས་རྒྱས་འབྱུང་གནས་གནང་ཆུང་རུང་བྱེད་པ་མ་འདྲ་བར་བརྟེན་གནུབས་ཀྱི་གོང་ཁུག་སྲོ་མ་ཅན་ཞག་གསུམ་ལ་ངེས་པ་འགྲུབ་པའི་རྒྱལ་པོ་བྱེས་ཆས་ཀེ་ཏུ་བཀའ་གཏེར་གཉིས་ཀའི་ཆུ་བོ་གཅིག་འདྲེས་ཆོས་རྒྱལ་བཀྲ་ཤིས་སྟོབས་རྒྱལ་གྱི་ཟབ་ཆོས་ཕྱག་ལེན་ལ་རལ་གྲི་ཕྱུང་བརྡེག་མ་ལག་ཏུ་བླངས་པས་མེ་འབྲུག་གི་ལོ་ཁོང་ཁྲག་ཁ་དང་སྲིན་སྒོ་ནས་ཐོན་བཞིན་པར་འཇིག་རྟེན་ཕྱི་མའི་ལྟད་མོར་སོང་སྟེ་ལས་སྦྱོར་ཐོག་ཏུ་ཁེལ་བའི་གཏང་རག་རྒྱལ་པོ་ལྕོག་ཏུ་གྲ་ཚང་གི་གྲ་པ་གྲངས་བཅད་ཀྱིས་བཏང་སྐབས་རྒྱལ་པོ་སྐུ་ལྔ་སྤྱི་དང་། ཁྱད་པར་བྱེས་ཆས་ཀེ་ཏུར་སྙན་ཤལ་གོ་མཚོན་སྤྱན་གཟིགས་སོགས་བཟབས་རྒྱས་ཀྱི་ཚེ་གོས་མཆིན་ཁ་ཡུག་ལ་ཚིགས་བཅད། ཀུན་དགའ་ར་བའི་གཡབས་ཕིབས་ལྡེབས་བྲིས་ཞལ་བཤུས་ཐང་ཁའི་རྒྱབ་ཡིག །སེམས་དཔའ་སྤྲུལ་པའི་སྐུས་འདི་གའི་འཁྲུངས་རབས་རྟེན་བཞེངས་ཀྱི་སྨོན་ལམ། གོང་མའི་གསེར་ཡིག་གཞོན་པ་བསམ་བློ་ཨེར་ཏེ་ནི་ཆོས་རྗེའི་གསེར་ཐང་རྒྱབ་ཡིག་རྣམས་བརྩམས། ཚེས་ལྔར་ཆོས་རྗེ་གནས་གཞི་བ་བརྫངས་ཏེ་ཉིན་བདུན་གྱི་བར་གཏེར་སྒྲོམ་གྱི་ཆུ་ཚན་བསྟེན། ཚེས་བཅུ་དགུར་གནས་རྙིང་སྐུ་སྐྱེ་རི་བོ་བདེ་ཆེན་གྱི་མཁན་པོར་ཐོན། ལྔ་མཆོད་གླིང་མེ་འབྲིང་སྟོད་བྱུང་། ངེད་རང་ལ་མོར་ཤར་བའི་གེགས་སེལ་ངམ་རིང་

[Full Size]

དུ་ལུ་བུ་བས་སྒྲོལ་དཀར། ཤེལ་དཀར་དུ་ཆོས་སྡེ་བས་བཀའ་འགྱུར། ལྷ་རྩེར་བཀྲ་བཟང་པས་འཆི་མེད་འོད་སྣང་། སེ་བརྒྱ་མཁར་བ་དང་ཆུ་མིག་པ་གཉིས་ཀས་སྒྱུ་འཕྲུལ་ཚེ་ཆོག །ཆོས་སྡེ་བས་ཚེ་གཟུངས། ཕུན་གླིང་དུ་རང་གྲས་བཀའ་འགྱུར། གཞིས་རྩེར་ཞ་ལུ་པས་རྣམ་རྒྱལ་སྟོང་མཆོད། ལྷུན་པོ་རྩེ་པ། མྱུག་ཆོས་གླིང་པ། གངས་ཅན་པ། དགའ་ལྡན་ཆོས་འཁོར་བ་བཞིས་བཀའ་འགྱུར། རིན་སྤུངས་སུ་ངེས་གསང་རྡོར་གླིང་པས་བདུད་རྩི་འཁྱིལ་པ། བྱམས་ཆེན་པ་དང་སྐྱེ་ཚལ་བས་ཚེ་གཟུངས། པ་ནམ་དུ་ངོར་པས་འཆི་བདག་འཇོམས་པ་འཆི་བླུ་དང་བཅས་པ། མཚན་སྒྲོག་པས་ཚེ་གཟུངས། འདུས་བྱུང་དུ་བྲག་ལ་བས་ཚེ་དཔག་མེད་ལྕགས་སྡོང་མ། གོང་དཀར་དུ་ཆོས་སྡེ་བས་སྒྲོལ་དཀར། རྡོ་རྗེ་བྲག་པས་འཆི་མེད་སྐུ་གསུམ་རིགས་འདུས། འཕྱོང་རྒྱས་སུ་དཔལ་རི་བས་རིགས་འཛིན་སྲོག་སྒྲུབ། རི་བོ་བདེ་ཆེན་པ། བཀྲ་ཤིས་བདེ་ཆེན་པ། ལམ་རིམ་པ་གསུམ་གྱིས་མཚན་བརྗོད། ཕོ་བྲང་དུ་སྨིན་གྲོལ་གླིང་པས་ཐུགས་ཐིག་གི་ཚེ་དཔག་མེད། བཀྲ་ཤིས་ཆོས་སྡེ་བས་སྒྲོལ་དཀར། རི་བོ་ཆོས་གླིང་པ་དང་རྩེས་དང་ལྔ་མཆོད་པས་མཚན་བརྗོད། དོ་བོ་རྫོང་དུ་གནས་གཞི་བས་རྫོང་ཆེན་ཚེ་དཔག་མེད། སྐུ་རབ་དགའ་ལྡན་རབ་བརྟན་པས་གདུགས་དཀར། རྒྱལ་དུ་དམག་ཟོར་མར་བཀང་བ་འབུམ། གུར་ཞལ་བེག་ཙེར་ཁྲི། མལ་དྲོ་གུང་མཁར་དུ་ཀ་ཚལ་ཟུར་པས་ཡང་ཟབ་ཀྱི་ཚེ་དཔག་མེད། ལྷ་སར་གསང་སྔགས་བྱང་ཆུབ་གླིང་པས་དངས་མ་བཅུད་འདྲེན། རྨེ་རུ་བས་སཱཙྪ་འབུམ། བོན་ཆོས་ནེ་སྐོར་དང་གཟི་

[Full Size]

ཆེན་དུ་ཀླུ་བཅོས། སྲོག་བླུ་ཕྱེད་སུམ་བརྒྱ། རི་མཐོ་སར་ཀླུང་དར་རེ་གསུམ། ཡེར་པར་སཱཙྪ་འབུམ། ཁྱོན་སྒྲོལ་དཀར་གྱི་ཚེ་ཆོག་ཕྱེད་ལྔ་བརྒྱ། སྙིང་པོ་སྤེལ་ཚིག་ཅན་ཆིག་འབུམ་བརྒྱད་ཁྲི་ཆིག་བརྒྱ། ལྕགས་སྡོང་། སྲོག་སྒྲུབ། རྫོང་ཆེན་གསུམ་གྱི་ཚེ་ཆོག་སོ་སོ་ནས་དགུ་བརྒྱ་རེ། སྒྱུ་འཕྲུལ་ཚེ་ཆོག་གསུམ་སྟོང་། སྐུ་གསུམ་རིགས་འདུས་སུམ་སྟོང་དགུ་བརྒྱ། འཆི་མེད་འོད་སྣང་དང་བདུད་རྩི་འཁྱིལ་པ་ཉིས་སྟོང་བཞི་བརྒྱ་རེ། ཐུགས་ཐིག་ཚེ་ཆོག་ཆིག་སྟོང་ཉིས་བརྒྱ། དངས་མ་བཅུད་འདྲེན་སུམ་སྟོང་། ཡང་ཟབ་ཚེ་ཆོག་ཆིག་སྟོང་བརྒྱད་བརྒྱ། བཀའ་འགྱུར་ཆིག་བརྒྱ་ཉེར་ལྔ། མཚན་བརྗོད་ཉིས་འབུམ་ཉི་ཁྲི་སུམ་སྟོང་ལྔ་བརྒྱ་དྲུག་ཅུ། ཤེར་སྙིང་ཆིག་འབུམ་བདུན་ཁྲི་ལྔ་སྟོང་ཉིས་བརྒྱ། གདུགས་དཀར་ཆིག་འབུམ་ཉི་ཁྲི་ལྔ་སྟོང་དྲུག་བརྒྱ། ཚེ་གཟུངས་བྱེ་བ་གཉིས་བདུན་འབུམ་ཉི་ཁྲི། སཱཙྪ་ཉིས་འབུམ། སྡེ་པའི་སྐུ་རིམ་དུ་འོལ་དགའ་རི་ཁྲོད་པ་རྣམས་ཀྱིས་ཚེ་གཟུངས་ས་ཡ་དྲུག་དང་དྲུག་ཁྲི། མཁར་རྩེར་ཐང་སག་པས་བཀའ་འགྱུར་བཅུ་གཉིས། ཆུ་ཤུར་དུ་ཐར་གླིང་པས་གསེར་འོད་བདུན་བརྒྱ། ལྷ་སར་དཔལ་གསོལ་བརྒྱ་ཚར་དང་སྒོ་འགྱེད། དགོན་ཁག་དྲུག་ཅུར་མང་སྐོལ། བསྟན་སྲིད་ལ་རྒྱའི་གེགས་སེལ་དུ་གཞིས་རྩེར་འུག་བྱ་ལུང་པས་མགོན་པོ་གཡུལ་བཟློག །ཕུང་པོ་རི་བོ་ཆེར་སྒྲོལ་མ་བས་ཚེ་བདག་གཏོར་བཟློག །རྒྱབ་ཆོས་སུ་བ་སོ་བས་ཤེར་སྙིང་བཞི་སྟོང་བརྒྱད་བརྒྱ། རྒྱལ་རྩེར་བྲག་ལ་བས་འཆར་ཀའི་མདོས། རིན་སྤུངས་སུ་ངེས་གསང་རྡོར་གླིང་པས་འཆར་ཀའི་མདོས། རྒྱབ་ཆོས་སུ་བྱམས་ཆེན་

[Full Size]

པས་ཤེར་སྙིང་འབུམ། སྒྲོལ་མ་ཆིག་སྟོང་ཉིས་བརྒྱ། ཚེ་གཟུངས་སུམ་སྟོང་དྲུག་བརྒྱ། གོང་དཀར་དུ་ཆོས་སྡེ་བས་ཞལ་གྱི་གཏོར་ཆེན། དཀོན་གཉེར་པས་ཕྱག་བཞི་པའི་གཏོར་བཟློག །རྡོ་རྗེ་བྲག་པས་མགོན་པོ་གཡུལ་བཟློག །དོ་རྫོང་དུ་སྨྲ་བོ་ལྕོག་པས་ཁྲོ་རོལ། ཕོ་བྲང་དུ་བཀྲ་ཤིས་ཆོས་སྡེ་བས་གུར་གྱི་དམར་ཆེན་གཏོར་བཟློག །རྒྱབ་ཆོས་སུ་དར་གླིང་པས་ཤེར་སྙིང་བཞི་ཁྲི་ཉིས་སྟོང་། ཚེ་གཟུངས་ཆིག་སྟོང་དགུ་བརྒྱ། འབྲས་སྤུངས་སུ་རྒྱུད་སྟོད་པས་ཕྱག་དྲུག་པའི་གཏོར་བཟློག །རྒྱབ་ཆོས་སུ་ཚོགས་ཆེན་དུ་མང་ཇའི་ཐོག་མདོ་སྒྲུབ། རྫོང་སོ་སོ་ནས་དགྲ་ལྷ་དཔངས་བསྟོད། ཡུལ་གཞིས་བདག་པོར་གསོལ་མཆོད། མ་རྒྱལ་བསྟན་མ་གསུམ་གྱི་མདོས། དབུས་གཙང་གི་རྫོང་བཅུར་ཀླུ་བརྒྱད། ཀླུ་འབུམ་དཔང་སྐོང་། འབྱུང་བཞི་གཏོར་མ། རྒྱལ་པོའི་སྐུ་རིམ་དུ་བྲག་དབར་བས་གསེར་འོད་ཆིག་སྟོང་བཞི་བརྒྱ། གདུགས་དཀར་སྟོང་། ཤེར་སྙིང་ཉིས་སྟོང་། སྒྲོལ་མ་སུམ་སྟོང་། ཚེ་གཟུངས་ཆིག་ཁྲི་བཞི་བརྒྱ་རྣམས་བཏང་། ཉེར་གསུམ་ལ་གྲ་ཚང་གི་ཁྲོ་རོལ། ཚེ་བདག །བསྟན་མདོས་འཆར་ཅན། གྲངས་བཅད་ཀྱིས་ཀི་ཀང་མནན་པ་བཙུགས། ཉེར་དགུ་ལ་རྟ་ཚག་རྗེ་དྲུང་། སེམས་དཔའ་སྤྲུལ་སྐུ། རྫིང་ཕྱི་མཁན་པོ་ཅོ་ནེ། ཕ་བོང་ཁ་པ། སྐྱིད་ཤོད་སྐུ་སྐྱེ། ཆབ་མདོ་རྗེ་དྲུང་། སྣར་ཐང་མཁན་པོ། སྒོ་མངས་ཟུར་པ། གོང་མའི་མི་སྣ་རྒན་གཞོན། ཡེལ་བ་ཆོས་རྗེ། ནག་ཤོད་སྦུས་མདའ་བླ་མ། ལྷ་བཙུན་ངག་དབང་དཀོན་མཆོག །འདར་པ་རྗེ་དྲུང་། མཆོད་དཔོན་པ། དགེ་སློང་འཇམ་དབྱངས་

[Full Size]

གྲགས་པ། རྒྱུན་སྡོད་འདར་པཎ་བཅས་ལྔ་བཅུ་སྐོར་ལ་ཐུགས་རྗེ་ཆེན་པོ་ཚེམ་བུ་ལུགས་ཀྱི་དམར་ཁྲིད་དང་ཉལ་སྒོམ་རིམ་པར་ཕུལ། གནམ་གང་ལ་ཆོས་མཛད་ཨྱོན་གླིང་པ་ཁམས་ནས་འཁོར་བ་དང་ཕྲད། ཧོར་ཟླ་བཅུ་གཅིག་པའི་ཚེས་གཅིག་ནས་སྔགས་རྒོད་ལོག་ཏྲིའི་ལས་སྦྱོར་རྒྱས་པ་བཙུགས། ཚེས་གསུམ་ལ་འདུལ་བ་ཟུར་པ་བདོག་པ་དང་བཅས་མཚོ་ཁར་ཐོན། ཚེས་བཞིར་གོང་གི་ཆོས་ཞུ་བའི་ཐོག་མི་སྣ་འགྲུལ་སྡེབས་དང་བཅས་སུམ་བརྒྱ་སྐོར་ལ་སྨན་བླ་སྤྲུལ་སྐུ། བཅུ་གཅིག་ཞལ་དཔལ་མོ་ལུགས། རྒྱ་མཚོའི་ཐུབ་པ་དམ་ཚིག་སུམ་བཀོད། བྱམས་པ། ཤེར་ཕྱིན་དཀར་མོ། དབྱངས་ཅན་མ་དམར་མོ་རྣམས་ཀྱི་རྗེས་གནང་བསྐུར་ནས་རྒྱལ་སྲས་ཤེར་འཕེལ་བ། སྣར་ཐང་མཁན་པོ། སྙེ་མོ་དགོན་པ་བ། ཆང་ཁྱིམ་པའི་ཕ། ཀོང་པོ་བཀྲ་ཤིས་རབ་བརྟན་པའི་དབོན་པོ། ལྷོ་བྲག་དགོན་གསར་དང་སྦེ་སེར་བླ་མ། ཨེམ་ཆི་ཐབས་མཁས། ཁལ་ཁ་ཐུ་ཤི་ཡེལ་ཐུ་རྒྱལ་པོའི་མི་སྣ་བཅས་ལ་ཇ་གྲལ་བགྱིས། ཚེས་ལྔར་རྒྱ་ནག་མི་སྣ་འགྲུལ་སྡེབས་དང་བཅས་པས་དངོས་པོ་སྤྱི་བཏོན་གྱིས་བྱང་གཏེར་ལོངས་སྐུ་མའི་ཚེ་ཆོག་རྡུལ་ཚོན་དང་འབྲེལ་བའི་རིང་འཚོ་སྤེལ། ཚེས་དྲུག་ལ་ལྷ་ལྡན་བསྙེན་གནས་མ་ཚོས་ཟང་ཟིང་གི་བདོག་པ་བཏེག་ནས་འབྲས་གཤོངས་དག་སྣང་མའི་ཆོ་ག་གཟིམས་ཆུང་བརྟན་བཞུགས་སུ་གྲགས་པའི་སྦྱིན་བདག་བྱས། གོང་མའི་མི་སྣ་འགྲུལ་སྡེབས། འདི་ཁའི་མི་སྣ་སྣར་ཐང་མཁན་པོ་བྲག་ཕྱི་སྐུ་སྐྱེ། ཨེམ་ཆི་ཐབས་མཁས། རྒྱལ་པོའི་མི་སྣ་བི་ལིག་ཐུ་རྣམས་གུང་གི་དྲོར་སྔར་ལུགས་བཞིན་གྱི་བདག་རྐྱེན་སྤྲད། ཚེས་བརྒྱད་ལ་སྒམ་པོ་

[Full Size]

སྤྲུལ་སྐུ། ཡངས་ཅན་སྤྱན་སྔ། གྲ་ཐང་མཁན་པོ་བྱ་ཁང་ཆོས་མཛད། སྡིངས་པོ་ཆེའི་སྤྲུལ་སྐུ། ཆོས་རྗེ་སྙེ་མདོ་བ། བཀྲས་ལྷུན་ཐོས་བསམ་གླིང་སློབ་དཔོན། རྒྱལ་ཐང་དགའ་ལྡན་སུམ་རྩེན་གླིང་གི་བླ་མར་འགྲོ་མི་འཕྱོང་རྒྱས་པ་ངག་དབང་རྣམ་རྒྱལ། རྔོད་ཨ་རིག་དགོན་དང་ཐང་སག་གཉིས་ཀྱི་བླ་ཟུར། ཁམས་བྱ་མོ་ནང་། ས་ལུང་ཆོས་སྡེ། ཡེར་པ། གྲོག་ཁང་སྟེང་། ཀླུང་ཤོད་དཔལ་འབར། མི་ཉག་དགོན་གསར་རྣམས་ཀྱི་བླ་མ། ཨ་རིག་རབ་འབྱམས་པ་བློ་བཟང་བཀྲ་ཤིས། མེར་གན་ཆོས་རྗེ། བྱ་བྲལ་དཀའ་བཅུ་དཔལ་འབྱོར་ཅན། ཨ་རྒྱལ་ཅན། འ་ཤུར་བློ་བཟང་བྱམས་པ་ཅན། གོང་དཀར་ཆོས་སྡེའི་སློབ་དཔོན་གསེར་གླིང་པ་དང་གསང་སྔགས་མཁར་པ། ཟར་པ་རིགས་འཛིན་ཀུན་བཟང་། རྒྱུད་སྨད་འབུལ་སྡུད་པ་ལྡན་མ་སྔགས་རམས་པ། ཟལ་དཀར་བླ་མའི་དབོན་པོ། ཀོང་པོ་དགའ་ཆགས་པ་དང་རྒྱལ་སྐོར་བ། གཡུལ་རྒྱལ་ལྷུན་རྩེའི་རྫོང་སྡོད་ལྷུན་གྲུབ་རྩེ་པ། ལི་ཐང་དུ་འགྲོ་མི་དྲུང་ཡིག་དོན་གྲུབ། རྒྱལ་ཐང་དུ་འགྲོ་མི་ལྷ་དབང་རྡོ་རྗེའི་བུ། མཚོ་ཁར་འགྲོ་མི་སྒང་ཁར་གྲོང་སྟོད་པ། ཁོད་པཱ་ཐུར་ཇི་ནོང་། ད་ལའི་ཧུང་ཐའི་ཇི། ཛུམ་ལང་རྣམས་ཀྱི་མི་སྣ་དང་མཇལ་ཕྲད་བྱས། སྒམ་པོ་སྤྲུལ་པའི་སྐུས་རྟ་སུམ་ཅུ། དཀའ་བཅུ་དཔལ་འབྱོར་ཅན་གྱིས་བཞི་བཅུ་བྱུང་། དེ་ཐོག་རྟ་ཚག་རྗེ་དྲུང་དཔོན་པོ་འཁོར་བཅས་བརྒྱ་ཉི་ཤུ། ཕ་བོང་ཁའི་དབོན་པོ། སན་ཁང་གི་མི་སྣ། ཁོང་དཔོན་རྣམ་རྒྱལ། ཐོར་གོད་དཔོན་རྒྱ་མཚོ། མོ་ཇ་རག་གི་དཔོན་མོ་བུ་བཅས། ལྷ་བཙུན་རྡོ་རྗེ་སྟེ་ངོ་བོར་བྱིན་རླབས་དང་དམངས་ལྔ་བརྒྱར་

[Full Size]

མེ་ཏོག་གཏོར། རྟ་ཚག་རྗེ་དྲུང་སྤྲུལ་སྐུས་རྟ་བརྒྱ་དང་གཅིག །དྲེའུ་སུམ་ཅུ། གསེར་དངུལ་ཇ་པགས་རས་སོགས་སྟོང་ཕྲག་བརྒལ་བའི་བདོག་པ་བྱུང་། ཉིན་གཉིས་ཀྱི་བར་རྒྱལ་མཁན་པོར་བསྙེན་རྫོགས་ཞེ་གཅིག །དགེ་ཚུལ་ཉེར་དྲུག །རབ་བྱུང་གསུམ། དགེ་བསྙེན་གཅིག་རྣམས་སྒྲུབ་པར་བསྐུལ། མི་སྣ་གཞོན་པ་ཨེར་ཏེ་ནི་རབ་འབྱམས་ཀྱི་ངོར་པཎ་ཆེན་སྤྲུལ་སྐུ་བློ་བཟང་ཡེ་ཤེས་ཀྱི་བརྟན་བཞུགས། ལྕང་ར་ཟིལ་གནོན་ཚེ་དབང་གིས་དམག་ཟོར་མ་དང་ལྕང་ར་རྒྱལ་པོར་འབུལ་རྒྱུའི་སྙན་དར་ཞལ་བྱང་། དགེ་སློང་ཕུན་ཚོགས་ཀུན་དགའི་ངོར་རྩ་བའི་བླ་མ་འོད་དཔག་མེད་དང་དབྱེར་མེད་གསོལ་འདེབས་རྒྱལ་ཐང་སུམ་རྩེན་གླིང་བླ་གཉེར་གྱི་ངོར་རིང་འཚོའི་ཚིགས་བཅད། ཆོས་ལུང་ཚོགས་པས་གསེར་གྱི་མཎྜལ་བྱུང་བར་གསར་དུ་བཟོ་སྐྱོར་བྱས་པའི་ཁ་བྱང་། ཁ་འོམ་བླ་མ་ཕུན་ཚོགས་རྒྱལ་མཚན་གྱི་ངོར་རྩ་བའི་བླ་མ་དང་ཐུགས་རྗེ་ཆེན་པོ་ཐ་མི་དད་པའི་གསོལ་འདེབས། སྡེ་པ་ཟངས་རི་བའི་ཉམས་ལེན་དུ་བྱང་གཏེར་འགྲོ་བ་ཀུན་སྒྲོལ་གྱི་རྒྱུན་འཁྱེར་ཕན་བདེའི་འབྱུང་གནས་རྣམས་བཀོད། ཚེས་དགུར་གོང་གི་མི་སྣ་རྒན་གཞོན། འདི་གའི་གཉིས། རྒྱལ་པ་ཆོས་རྗེ། འཕྱོས་པ་སྐུ་སྐྱེ། སྦེ་སེར་བླ་མ་ཁྲི་ཟུར། བློ་བཟང་རབ་རྒྱས་རྣམས་ལ་ཇ་གྲལ་བཏང་ནས་མི་སྣ་བཞིར་བཀའ་བསྒོ་རྒྱས་པར་བྱས། དེ་ནུབ་ནས་བདུན་ཕྲག་གི་བར་ཕྱི་ནང་གསང་བའི་ཉེར་འཚེ་རྒྱང་རིང་སྐྲོད་ཕྱིར་བྱང་པའི་ཟབ་གནད་ཀྱི་གཤིན་རྗེ་མཐུ་སྟོབས་དྲེགས་པའི་རྒྱལ་པོ་དང་ཧྲཱིཿདམར་གྱི་སྒོམ་བཟླས་ལ་བརྩོན་པ་ཆེར་བགྱིས་པས་རྟགས་ཀྱང་བཟང་བ་བྱུང་ཞིང་དེ་གའི་མུ་འཐུད་གཏེར་གསར་ཚེ་དཔག་

[Full Size]

མེད་ཀྱི་ཉམས་ལེན་བདུན་གྱི་བར་བགྱིས། ལྕགས་འདྲ་ལྕགས་སྡིག་གི་ལས་རབ་འབྱམས། བསྐྱེད་པ་ཁ་གསོ་རྒྱུན་མི་བཅད། །ཅེས་པའི་དགོངས་དོན་གྱི་མཆོད་རྟེན་ལས་ཁ་གསོ་དང་། གནམ་ས་ལྟོ་དཀྲུག་གི་ལས་སྦྱོར་ཏེ་སྡེ་ཚན་གསུམ་དུ་བཅད་པས་ལག་ཏུ་བླངས།ཚེས་བཅོ་ལྔར་སྤུན་བདུན་ལྷུན་གྲུབ་རྒྱ་མཚོ་མཚོ་སྔོན་ནས་འབྱོར། ཉེར་གཉིས་ལ་ནང་མཚམས་གྲོལ་བའི་སྡེ་པ་ཨ་བར་དང་དམག་ཟོར་ཚངས་དབང་ལ་འཆི་བླུ་བྱས་རྗེས། མཆོད་དཔོན། དབུ་མཛད། དགེ་སློང་འཇམ་དབྱངས་གྲགས་པ། དར་མོ་སྨན་རམས་པ། དཔལ་གྲོང་སྔགས་རམས་པ་རྣམས་ལ་གཏེར་གསར་ཚེ་དབང་བསྐུར། ཉེར་བཞིར་གནས་བརྟན་འཇམ་དབྱངས་གྲགས་པ་ཚོགས་འཁོར་སྤྱན་གཟིགས་སྙན་ཚིག་གི་ལམ་ནས་དྲངས་པའི་འཕྲིན་ཡིག་དང་བཅས་ཚངས་པ་དུང་ཐོད་ཅན་ལ་བླང་དོར་དྲི་བ་ཞུ་བར་བཏང་། སྤུན་བདུན་པའི་བྱས་ལུགས་རྒྱུ་མཚན་རྨེད་པ་ཕྲ་ཞིབ་བྱུང་བར་མཆིས། ཉེར་བདུན་ལ་དགའ་ལྡན་ཕུན་ཚོགས་གླིང་པ་ངག་དབང་དོན་གྲུབ་ཀྱིས་ཕར་ཕྱིན་འགྲེལ་པ་བློ་བཟང་དགོངས་རྒྱན། ངག་དབང་འཕྱོས་རབ་ཀྱིས་དབུ་འགྲེལ་ཐེག་ཆེན་རྒྱ་མཚོར་འཇུག་པའི་གྲུ་རྫིངས། ཉེར་བརྒྱད་ལ་ཐོད་རི་བཤད་སྒྲུབ་གླིང་པ་བསྟན་པ་འབྱུང་གནས་དང་། བསྟན་པ་ཆོག་འཕེལ་གྱིས་ཕར་ཕྱིན་འགྲེལ་པ་བློ་བཟང་དགོངས་རྒྱན་རྣམས་ཀྱི་རྒྱུགས་སྤྲད། གནམ་གང་ལ་འཆི་བདག་བཟློག་པའི་ཆོ་ག་བདེ་ཡངས་ནས་བསྟར། ཟླ་བ་བཅུ་གཉིས་པའི་ཚེས་གཅིག་ལ་ཐོད་རི་བཤད་སྒྲུབ་གླིང་གི་བླ་མ་ཁྲི་ཟུར་གཉིས། ཟུར་མཁར་མདོ་སྔགས་གླིང་། ལྷོ་བྲག་གདང་དགོན་གསར། ཤོ་མདོ་ཆོས་སྡེ་རྣམས་ཀྱི་བླ་

[Full Size]

མ། མགར་སྐུ་སྐྱེ། སྔགས་པ་ཆུ་སྤེ་སྟེང་པ་དང་དབུས་སྡིངས་པ། དཔོན་ཚེ་རིང་གི་དཔོན་མོ་བུ་བཅས། དཔོན་མོ་ནོ་མོན་དྷ་ར། ལྕམ་སྙིང་སྙིང་། དཔོན་མོ་བསྟན་འཛིན། ཐོར་གོད་ནོར་བུ་དང་རྡོ་རྗེ་སྐྱབས་སོགས་ཀྱི་དཔོན་མོ། མ་ཆིག་གི་མ། ཁོ་ཤོའུ་ཆེ་ཐའི་ཇིའི་དཔོན་མོ་བུ་བཅས། བསོད་ནམས་ཆོས་བཟང་། པཱ་ཐུར་ཐའི་ཇིའི་ཆགས། ཅོ་ནེ་ཨེར་ཁེ་དགེ་སློང་། རྟ་འབུལ་བ་བཀྲ་ཤིས་ཆོས་འཕེལ། ཕུན་ཚོགས་དབང་ཕྱུག །འདུལ་བ་ཆོས་རྗེ། བསོད་ནམས་ཧུང་ཐའི་ཇི་རྣམས་ཀྱི་མི་སྣ། མཚལ་ཞབས་དྲུང་གྲགས་པ་ལྕམ་སྲིང་། ཀོང་པོ་ཨོ་རོད་ཕ་བུ། སྤྱང་ཀི་གྲོང་པ། རྡོ་དགོན་པ་བ། ཤེ་མ་བའི་བུ། རྨུ་ལེ་རབ་འབྱམས་པའི་གསེར་ཁྲལ་སྐྱེལ་མི་བཅས་དང་ཕྲད། དཔོན་ཚེ་རིང་གིས་ཁ་བཏགས་ཆེ་འབྲིང་ཆུང་གསུམ། གོས་ཆེན་སྣ་ཚོགས། དངུལ་གྱི་མཎྜལ། མདོང་མོ། ཐ་ཕག །སྦུག་ཆོལ་སོགས་ཁྱོན་དངུལ་སྲང་བརྒྱད་བརྒྱ་སོ་བདུན་ལ་བསྐོར་བ་བྱིན་པ་རང་ལ་སྤངས་རྟོགས་ཀྱི་ཡོན་ཏན་མེད་ཀྱང་ཁོ་རང་གི་ངོས་ནས་ཚམ་ཚོམ་མེད་པར་སྟེར་ནུས་པར་རྗེས་སུ་ཡི་རང་བ་ཤར། ངོ་བོ་ཚོར་བྱིན་རླབས་དང་དམངས་ལྔ་བརྒྱ་སྐོར་ལ་མེ་ཏོག་གཏོར། ཚེས་གཉིས་ལ་རྟ་ཚག་སྤྲུལ་པའི་སྐུས་ཚོགས་ཡོན་ཚན་གྲངས་སྤམས་མཐོ་བས་གྲ་ཚང་ནས་འཆི་མེད་འོད་སྣང་གི་རྡུལ་ཚོན་དང་འབྲེལ་བའི་ཚོགས་འཆི་བདག་གི་བདུད་སྡེ་ཚར་བཅད། ཚེས་གསུམ་ལ་ཨོ་རོད་འདུལ་བ་ཟུར་པས་བཀྲ་ཤིས་ཁ་བཏགས་བརྒྱ་དང་གཅིག །གོས་ཡུག་ཆིག་བརྒྱ་ཉི་ཤུ་དངུལ་སྲང་བཞི་བརྒྱ་སུམ་ཅུ། དར་སྣ་ཚོགས་ཡུག་བརྒྱད་

[Full Size]

ཅུ། སྨན་ཡུག་བརྒྱ་ཉི་ཤུ་སོགས་རིང་པོར་བརྐྱང་སྟེ་འགྱེད་དང་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པའི་རྟེན་འབྲེལ་བསྒྲིགས། ཚེས་བཞིར་ཨཱ་ཙཪྻ་ནིཥྩ་ལ་སུ་རིར་གསེར་ཞོ་བཞི། ཇུས་ཁ་དྲུག །ཁ་བཏགས། སྨན་ཁ་ཉི་ཤུ། ཤོ་ཁྲལ་མི་དགོས་པའི་ལམ་ཡིག །ཤ་མ་པུ་རིར་གསེར་ཞོ་གསུམ། གཞན་གོང་འདྲ། གོ་ཀུ་ལ་བྷི་རིར་ཇུས་ཁ་གསུམ། སྨན་ཁ་ཉི་ཤུ། ཁ་བཏགས། སོ་སོར་ཟུར་ཆས་བཅས་འདོད་པ་བསྒྲུབས། ཚེས་བརྒྱད་ནས་ཕུར་སྒྲུབ་བཙུགས། རྡོ་རྗེ་བྲག་སྤྲུལ་པའི་སྐུས་བདོག་པ་སྔོན་བཏེག་གིས་མཇལ། ཚེས་དགུར་སྤྲུལ་པའི་སྐུས་ཁམས་གསུམ་དུ་བཀའ་བརྒྱད་གསང་རྫོགས་ལ་བརྟེན་པའི་འཆི་བླུ་རྒྱས་པར་མཛད་པའི་ལྷུས་རྟགས་ལེགས་རབ་ཤར་ཏེ་རིགས་འཛིན་རྗེར་ངེས་པ་རྙེད། ཚེས་བཅུར་ལུགས་གཉིས་དང་འབྲེལ་བའི་གསུང་བགྲོས་ཞིབ་མོར་མོལ་ཞིང་ཤངས་ལེན་གཟབས་ཏེ་ཐུབ་བསྟན་རྡོ་རྗེ་བྲག་ལ་ཐེགས། ཚེས་བཅུ་གཅིག་ལ་ཞིང་སྐྱོང་ནང་སོའི་བསྔོ་རྟེན་སྐྱེལ་བར་བུ་གཉིས། བར་བཟུང་ཚེ་རིང་དར་རྒྱས། འདུལ་བ་ཆོས་རྗེ། ཕུན་ཚོགས་དབང་ཕྱུག་གི་མི་སྣ། ཅོ་ནེ་ཆོས་རྗེའི་དགེ་སློང་དྲུག །མཚུར་ཕུ་ཕྱག་མཛོད་བསྟན་སྲུང་། ཉང་གི་གདུང་ལྷོ་བྲག་བླ་མ་ཟུར་ཐོག་པ། ནང་ཆེན་ལྷོ་པ་བླ་མའི་དབོན་སྟར་རྫོང་སྡོད་མི་ཁ་རུ་བ་དང་རོང་བདེ་སྐྱིད་གླིང་པ། མས་ཆགས་པ། ཁ་རེག་མངོན་དགའ་བ། སྙེ་དགོན་སྐྱེས་དམན་སོགས་ལ་ཇ་གྲལ་བགྱིས། ཚེས་བཅུ་བཞིར་བྱིང་རྣམ་གཉིས། ལྷུན་གྲུབ་རྩེ་པ། གསང་དོ་བོ་འགོའི་བླ་མ་སོགས་དང་ཕྲད། གྲོང་སྨད་ནས་གྲ་ཚང་གི་རྩ་བ་གསུམ་ལ་འབུལ་རྒྱུའི་སྙན་དར་ཁ་བྱང་། འབྲི་ལུང་ལེགས་ལྡན་

[Full Size]

ཕུན་ཚོགས་དང་། མི་ཉག་དགོན་གསར་བླ་མ་བློ་བཟང་རྒྱལ་མཚན་གཉིས་ཀྱིས་ཁམས་ཕྱོགས་ཀྱི་ཆོས་སྡེར་འཛུགས་རྒྱུའི་གསོལ་འདེབས་སྨོན་ལམ། དགེ་སློང་འཇམ་དབྱངས་གྲགས་པའི་མ་གཡང་སྐྱིད་ཀྱི་བྱང་རྟགས་འཇམ་དབྱངས་ཀྱི་གསེར་ཐང་བརྒྱ་རྩའི་རྒྱབ་ཡིག །སྔགས་བན་བློ་གྲོས་རྒྱལ་བའི་དགེ་སྐོས་འཇོག་ལ་དངུལ་གྱི་པད་སྡེར་སྲང་བཅུ་གཉིས་ལས་གྲུབ་པའི་ཁ་བྱང་། རྒྱུད་སྟོད་དབུ་མཛད་བློ་བཟང་དགེ་ལེགས་དང་། དགེ་སྐོས་བློ་བཟང་རིན་ཆེན་གྱིས་ཐོག་དྲངས་བླ་བརྒྱུད་ཁ་སྐོང་གསོལ་འདེབས་རྣམས་བསྐུལ་དོན་དང་སྲིད་གསུམ་བདག་མོར་ལོ་གསར་དུས་སྟོན་གྱི་ཚེ་སྙན་ཤལ་འདོད་གསོལ། སྡིངས་པོ་ཆེ་དང་རྡོ་རྗེ་བྲག་ནས་སྙན་ཚིག་གིས་སྤྲས་པའི་ཆབ་ཤོག་བྱུང་བ་དེ་ལན་རྒྱན་གྱིས་སྤུད་པ་རྣམས་བྲིས། སླེ་མ་བའི་བུ་ཚེ་བརྟན་རིག་པ་འཚོ་མི་ཟིན་པ་ཞིག་བྱུང་བ་ཆོས་སྐྱོང་ཆེན་པོ་ཁོག་ཏུ་ཞུགས་དོགས་འདུག་པར་རྟ་མགྲིན་གསང་སྒྲུབ་ཀྱི་དབང་བཞི་བྱིན་རླབས་བསྐུར། ཉེར་བདུན་ལ་ས་སྐྱོང་མེར་གན་ཐའི་ཇི་དབོན་མོ་བུ་བཅས། ཤི་རལ་ཐུ་ཆོས་རྗེའི་སྐུ་སྐྱེ། དམར་ཁམས་རབ་འབྱམས་པ། ཨེར་ཁེ་ཇི་ནོང་། དཔོན་མོ། བསོད་ནམས་ཧུང་ཐའི་ཇིའི་དཔོན་མོ་དང་བུ། ཨེར་ཏེ་ནི་པཱ་ཐུར་ཐའི་ཇི། དཀའ་བཅུ་ངག་དབང་དོན་གྲུབ། དར་རྒྱས་གླིང་བླ་ཟུར། སྟག་ལུང་པའི་སློབ་དཔོན་གཉིས་དང་ཕྱག་མཛོད། ཆོས་རྗེ་ཁ་རེག་པའི་ནུ་བོ་རས་ཆུང་ཕུག་ཕྱག་མཛོད། འབོག་གོང་མཁར་ལྟག་པ། འབྲང་རྩེ་བ་སྟོང་གཤོང་ཨ་བོ། འབྲི་ལུང་དབང་རྒྱལ་སོགས་ལ་ཇ་གྲལ་བསྟར། ཉེར་དགུར་ཞབས་དྲུང་ནོར་བུ་ཁྲ་སྒོར། ཁལ་ཁ་ཨུ་རང་ཁན་བིདྠུ་དའི་ཆིང་གི་མི་སྣ་དང་ཕྲད། ཚེ་བདག་སྒྲུབ་
མཆོད་ཀྱི་ལྟད་མོ་ཚར་དུ་དངར།

དགུང་ལོ་རེ་གསུམ་པར་སྡེ་སྲིད་སངས་རྒྱས་རྒྱ་མཚོ་སྡེ་སྲིད་དུ་བསྐོས་ཤིང་ཁྲི་འདོན་གྱི་རྟེན་འབྲེལ་རྒྱ་ཆེར་བསྒྲུབས་པའི་སྐོར་དང་། བསམ་ཡས་ཀྱི་ནང་རྟེན་བྱིན་ཅན་ཁག་གི་དཀར་ཆག །འདུལ་བའི་ལས་ཆོག་རྣམ་རྒྱལ་གསེར་མདོག་མཛད་པ་བཅས་ཀྱི་སྐོར།

[Full Size]

དོན་གྲུབ་ཅེས་པ་ས་ལུག་གནམ་ལོ་གསར་དུ་ཚེས་པའི་དཔལ་ལྡན་འདོད་པ་ཁམས་ཀྱི་དབང་ཕྱུག་མའི་ཚེས་གཅིག་གཏོར་ཆེན་རྟེན་འབུལ་སོགས་སྔར་བཞིན་བཏང་། ཉིན་དང་པོར་མཆོད་ཡོན་གཉིས་ཨུལ་ཇོའི་ཐུ་པཱ་ཐུར་ཐའི་ཇི། ས་སྐྱོང་མེར་གན་ཐའི་ཇི། བསོད་ནམས་ཧུང་ཐའི་ཇི། ཨེར་ཁེ་ཇི་ནོང་། རྒྱས་སྲས་བསྟན་འཛིན་དབང་རྒྱལ། ལྷ་བཟང་ཀླུ་དབང་། བསོད་ནམས་བཀྲ་ཤིས་སོགས་དཔོན་མོ། ཇའི་སང་དྲག་བསྡུས་བཅས་ཉིས་བརྒྱ་སྐོར། སེར་འབྲས་སློབ་དཔོན་ཁྲི་གདན་ཟུར། དབུ་ཆོས་སོགས་ལས་སྣེ་བ། སྡེ་པ་ཨ་བར། དབུ་མཛད། མཆོད་དཔོན་སོགས་རྒྱུན་སྡོད་དྲུང་འཁོར། ཇོ་སྟན་ཟུར་པ། ཤར་རྩེ་ཆོས་རྗེ། སེམས་དཔའ་ཆེན་པོ། ཕྱོགས་མཐའི་ལོ་གསར་འབུལ་མི། ཛུམ་ལང་། མཚོ་ཁ། ཨོ་རོད། ཁལ་ཁ་རྒྱལ་པོ་སོགས་ཀྱི་མི་སྣ་བཅས་པར་དགའ་སྟོན། གྲལ་འཕྲོས་དང་རོལ་གར་སྣ་ཚོགས་བསྒྱུར། དཔོན་མོ་ཚོར་ཇ་གྲལ་བཏང་། ཉིན་གཉིས་པར་གཉུག་མར་གནས་པའི་སྟེང་རྟ་ཚག་རྗེ་དྲུང་། རིན་ཆེན་རྒྱན་ཆ་བ་ལྔ་བཅུ་ལྷག་བཅས་ཀྱིས་བཀྲ་ཤིས་རྟགས་རྫས་རྒྱལ་སྲིད་སྣ་བདུན་འབུལ་བ་དང་། མཆོད་སྤྲིན་རྣམ་བརྒྱད་འཕར་བའི་གཞན་ཉིན་སྔར་དང་འདྲ་བ་བསྟར། རྩེར་ཁྱབ་བདག་ཞ་ལུ་པ་ཆེན་པོས་རིང་འཚོའི་བདོག་པ་དང་བཅས་རྡོར་ལེགས། ལྕམ་ནོར་བུ་ཁྲ་སྒོར་དང་མཇལ། དགའ་ལྡན་ཕོ་བྲང་པའི་དགྲ་ལྷར་སོང་གཤིས་སྐུ་རྟེན་སྲས་པོ་བསོད་ནམས་འདས་པ་ནས་བཟུང་འགྲོན་གཉེར་དྲུང་པ་བཏང་བའི་གྲ་ཚང་གི་གྲ་པ་ཁ་ཤས་ཀྱིས་སྐུ་ཕེབས་ཞུས་ཀྱང་ཕེབས་ཁ་སྲ་བ་དེ་ལམ་དུ་ལུས་པ་སྐྱེངས་པ་ལྟ་བུའི་སྐྱོན་བྱུང་དོགས་

[Full Size]

གཉེར་པ་བློ་བཟང་སྦྱིན་པ་བཅས་རིམ་པར་མུ་འཐུད་ཞུ་བཅུགས་ཀྱང་ཁོག་ཞུགས་ལོ་སྐོར་བར་མ་བྱུང་བར་བརྟེན་བསམ་ཡས། ལ་མོ། ཚོང་འདུས་གསུམ་དུ་ཡང་ངེ་བཏང་བ་དེ་སྐོར་ཞུས་སྐབས་ཤིག་དགེ་སློང་འཇམ་དབྱངས་གྲགས་པར་ལ་མོ་བས་ཕར་ཚོལ་བ་སོགས་རིང་ཁྱད་མི་དགོས་ཕོ་བྲང་གི་ཉེ་སྐོར་ནས་ཡོང་བར་ལུང་བསྟན། ལོ་སྔོན་མ་ནས་སླེ་མ་བའི་བུ་འབྲིང་པོ་ཚེ་བརྟན་ལ་ཁོག་ཞུགས་ཤིག་བྱུང་འདུག་པ་རྗེས་སུ་རིམ་པར་གསལ་དུ་སོང་བ་བསམ་ཡས་སུ་སྨོན་གྲུབ་པ་རིན་ཆེན་བཀྲ་ཤིས། ལ་མོར་སྒྱིད་ཐང་ནོར་བུ་དང་ཚོང་འདུས་སུའང་མི་བཏང་སྟེ་དྲི་སྐོར་ཞུས་པ་ཕལ་ཆེར་མཐུན་པར་གནས་ཆུང་ཆོས་རྒྱལ་ཆེན་པོའི་ཕྱོགས་གཏོགས་ཡིན་ཚུལ་དང་། དེ་ལའང་བརྟག་པ་དགོས་ཟེར་བ་ལྟར་བགྱིས་པ་ལྷ་འདྲེའི་སྐོར་འཁྲུགས་ཆེས་པའི་དཔྱད་དཀའ་ནའང་བདག་བྱས་པ་བཟང་ངོ་ཤར་བ་བཞིན་རྗེས་སུ་རལ་གྲིར་མདུད་པ་དང་བསླབ་སྟོན་སོགས་ཡིད་ཆེས་སུ་གྱུར་པ་ཚེས་གསུམ་སྐར་མ་བཟང་བར་རྒྱལ་པོ་ལྕོག་ཏུ་ཕབ་པའི་རྩེར་ཕེབས་པ་ཐོག་མར་ཁོག་མ་བྱང་བའི་གསུང་འགགས་ཀྱིས་འདོན་མི་བདེ་ཞིང་སྐུ་ཁོག་གི་རྩ་སྒོ་ཡང་དོག་སྟབས་ནས་གནང་ལུགས་རྣམས་སྲས་པོ་བསོད་ནམས་དང་འདྲ་མིན་སྣ་ཚོགས་བྱུང་བ་ཇ་མ་དོན་གྲུབ་རྒྱ་མཚོ་སོགས་ཀྱིས་གླེང་གཞི་མང་ཙམ་བྱས་འདུག་རུང་ནང་དུ་བྱོན་པའི་ཚེ་གཟུགས་མེད་དངོས་སུ་ཞུགས་ཉམས་ཀྱིས་དཀྱུས་མ་དང་མི་འདྲ་བའི་བཀག་ཟིལ་ཆེ་བར་སྣང་བ་མཁའ་འགྲོ་བྱེ་བའི་ཚོགས་དཔོན་མཁར་ཆེན་བཟའི་ཕྱག་རྡོར་དབང་པོ་སྡེ་ཡབ་སྲས་ཀྱི་བླ་རྡོ་རྔམ་ཅན་དེ་དབུར་བཞག །མྱོང་གྲོལ་གྱི་སྨན་ལྗགས་སྟེང་བླུད། བཅོམ་ལྡན་འདས་དཔལ་ཀུན་ཏུ་བཟང་པོ། རིགས་ལྔ། གསང་བདག་

[Full Size]

རྟ་མགྲིན། དམ་པའི་རིགས་ཅན་དྲ་མ་ལྔ། ཁྱད་པར་ཨྱོན་རྡོ་རྗེ་འཆང་། སྐུ་སྤྲུལ་ཉང་ཉི་མ་འོད་ཟེར། གསུང་སྤྲུལ་ཆོས་ཀྱི་དབང་ཕྱུག །ཐུགས་སྤྲུལ་མངའ་རིས་པདྨ་དབང་ཆེན་སྐུ་མཆེད། ཡོན་ཏན་རྣམ་སྤྲུལ་ཆོས་རྒྱལ་བཀྲ་ཤིས་སྟོབས་རྒྱལ་དབང་པོའི་སྡེ། དྲིན་ཅན་ཆོས་དབྱིངས་རང་གྲོལ་དང་ཁྱབ་བདག་ཁྲ་ཚང་པ་ཆེན་པོ། རིགས་འཛིན་གཏེར་བདག་གླིང་པའི་བར་དུ་བྱོན་པའི་བཀའ་བབས་བརྒྱུད་པའི་མཚན་རྣམས་བརྗོད་དེ་བསྟན་པ་སྤྱི་བྱེ་བྲག་གི་བདེ་སྐྱིད་གོང་ནས་གོང་དུ་སྤེལ་ཕྱིར་ལས་བཞིའི་འཕྲིན་ལས་སྒྲུབ་པར་ཡང་བསྐྱར་བཀའ་བསྒོས་དམ་ཚིག་བསྒྲགས་པ་བཞིན་དང་བླངས་ཀྱི་སྤྲོ་ཉམས་དང་བྱིན་ཤིན་ཏུ་ཆགས་པ་བྱུང་། སྐུ་ཕེབས་པའི་ལེགས་སོར་བཟབས་མཆོར་གྱི་སྐུ་ཆས་ལེགས་པ་ཆ་ཚང་། སྦུག་ཆོལ་ཇ་གོས་དར་སོགས་སྤམས་བསྟོད། དབུ་རྨོག་མ་ཐར་བར་སྡེ་པ་ཨ་བར་སོགས་དོགས་པ་བྱེད་འདུག་རུང་ངེད་རང་གི་ལས་བྱེད་ཕལ་ཆེར་ཧོལ་རྒྱུགས་ལས་ཞིབ་པ་མི་ཡོང་འདུག་གཤིས་བཟོ་མི་རྣམས་ཀྱིས་སྐུ་ཁོག་གི་ལུས་ལ་མ་བསྡུར་བའི་རྩིང་སྐྱོན་དུ་གོ །སྐུ་ཆས་སྒྲོན་གྲུབ་པ་དང་སྡེ་པ་དང་སྡེ་པ་ཨ་བར་མ་གཏོགས་གཞན་རྣམས་ཕྱིར་ཕུད་དེ་སྐུ་ཕེབས་འགྱངས་པ་དང་ཕེབས་པའི་རྒྱུ་མཚན་ཁོག་པ་འདིར་ལོ་བརྒྱད་ལས་མི་ཡོང་ཚུལ་སོགས་ལུང་བསྟན་ཡིད་ཆེས་དུ་མའི་གསུང་གླེང་བྱུང་། དུང་དཀར་སྐུ་སྐྱེ། ཤག་སྐོར་སློབ་དཔོན་གསར་བཀོད། རྟ་དབོན་མེར་གན་ཆོས་རྗེ། དར་ཁན་ཆོས་རྗེ། ཁོང་རྣམ་རྒྱལ། དཔོན་མོ་བསོད་ནམས་དཔལ་བཟང་། གནས་ཆུང་སྐུ་རྟེན་སོགས་དང་ཕྲད། ཚེས་བཞིར་མེར་གན་ཐའི་ཇི། ཨེར་ཁེ་ཇི་

[Full Size]

ནོང་དཔོན་མོ་བུ་འཁོར་བཅས་པ། བྱང་རྩེ་ཆོས་རྗེ། ཀོང་པོ་བཀྲ་ཤིས་རབ་བརྟན་མཁན་ཟུར་རྣམས་ལ་བྱིན་རླབས་སོག་དམངས་སྟོང་བརྒལ་བར་ཀ་སྤུངས་སྟེང་ནས་མེ་ཏོག་གཏོར། ཚེས་ལྔར་དགའ་ལྡན་ཁྲི་རིན་པོ་ཆེ་དཔོན་སློབ་ཉི་ཤུ་སྐོར། ཇོ་རྫོང་རྫོང་སྡོད་མྱུག་པ་དང་རྒྱ་ཡགས་པ། དགའ་ཆགས་པ། རྟུལ་མི་མིང་སྲིང་། ཟུར་ཁང་ཤར་པའི་ལྕམ། ཐོར་གོད་ཨན་དར་གྱི་མི་སྣ་སོགས་དང་མཇལ་ཕྲད་ཀྱི་ཚེ་ཁྲི་རིན་པོ་ཆེ་དང་ལུགས་གཉིས་དང་འབྲེལ་བའི་གསུང་འཕྲོས་སྨར། ཚེས་བརྒྱད་ལ་ངེད་རང་གི་རིང་འཚོར་གྲ་ཚང་ནས་ཚེ་ཆོག་ཁག་ལྔ་འཛུགས་རྒྱུའི་སྔོན་འགྲོར་སྔར་མེད་བྱང་གཏེར་ཚེ་དཔག་མེད་ལྕགས་སྡོང་མའི་ནང་སྒྲུབ་ལས་བྱང་དབང་ཆོག་དང་བཅས་པའི་ཆོག་ཁྲིགས་གངྒཱའི་ཆུ་རྒྱུན། མགྲོན་གཉེར་ངག་དབང་ལེགས་མཆོག་གི་ངོར་ཀུན་རིག་གི་བརྒྱུད་འདེབས། སྡེ་པ་བློ་བཟང་སྦྱིན་པས་ཁུར་ཁུར་ཏེ་ཇོ་ཤཱཀ་ཕྱག་མཛོད་ནས་བཏོན་པའི་ཕྱེ་ཕུར་ཆེ་བ་ལྔ། འཕན་རིང་ཆེ་བ་ཆ་གསུམ། ཐུང་བ་ཆ་ལྔ། སྟོད་གཡོགས་སོགས་གྱ་དགུ། སྨད་གཡོགས་རེ་བདུན། པང་ཁེབས་ཆིག་བརྒྱ་སོ་བཞི་འཕྲུལ་སྣང་དང་། པང་ཁེབས་ང་གཅིག །སྟོད་སྨད་ཀྱི་གོས་བཅུ་རེ་ར་མོ་ཆེར་ཆོ་འཕྲུལ་དུས་ཕུལ་བའི་སྨོན་ལམ། དགེ་སློང་བློ་བཟང་འཕགས་པ་དང་ངག་དབང་ཕུན་ཚོགས་གཉིས་ཀྱིས་གྲ་ཚང་དུ་སྙན་དར་ཆིག་བརྒྱ་ཉེར་ལྔ་ཕུལ་བའི་ཁ་བྱང་། ཏྲེ་བོ་སྐལ་བཟང་གི་ངོར་སྨོན་ལམ། མཆོད་དཔོན་པའི་མས་ལྷ་སར་ན་བཟའ་ཕུལ་པའི་སྨོན་ལམ། ཨྱོན་རྡོ་རྗེ་འཆང་

[Full Size]

གི་ཟབ་གཏེར་ལུང་བསྟན་ལས་བྱུང་བ་ལྟར་འདི་ཉིན་ནས་ཇི་སྲིད་ནམ་མཁའ་གཟུགས་གཞན་མ་བཟུང་བར་བསྟན་པ་རིན་པོ་ཆེ་བླ་ནས་བླར་འཕེལ་བའི་ཆེད་དུ་འཕགས་ཡུལ་རྡོ་རྗེའི་གདན་དང་གཉིས་སུ་མེད་པ་བོད་ཡུལ་གྱི་ལྟེ་བ་ལྷ་ལྡན་སྤྲུལ་པའི་གཙུག་ལག་ཁང་ཆེན་པོར་འཕགས་པའི་གནས་བརྟན་བཅུ་དྲུག་གི་མཆོད་ཆོག་རྒྱལ་བསྟན་མཛད་མེད་ནོར་བུའི་ཆོ་ག་ཆུ་ཤུར་དགའ་ལྡན་ཐར་པ་གླིང་པའི་གྲ་པ་བཞི་སྡེས་ཚར་རེ་གཏོང་རྒྱུར་ཞོགས་སྟར་མཆོད་པ་སྣ་བདུན་ཉེར་གཉིས་རེ། གཏོར་ཟླུམ་དྲུག །ཉན་ཐོས་ཚོར་དཀར་གསུམ་དངར་གསུམ་གྱི་མཆོད་པ། ཚེས་བཅོ་ལྔར་སྔ་དྲོ་ཕྱི་དྲོ་གཉིས་ཀར་བདུན་ཚར་རེ། ཇ་མ་གཅིག་བཅས་པའི་ཕོགས་ཡོན་བསྡོམས་གཤོར་ཁལ་ཉིས་སྟོང་དང་དྲུག་སོགས་བསྟར།ཚེས་བཅུ་གཅིག་ལ་གྲ་ཚང་ཡོངས་རྫོགས་ལ་ཚེ་དཔག་མེད་ལྕགས་སྡོང་མའི་དབང་དང་སྒྲོལ་དཀར་ཐུན་མོང་མ་ཡིན་པའི་རྗེས་གནང་བསྐུར། ཚེས་བཅུ་གཉིས་ནས་གྲ་ཚང་སྤྱིས་རིང་འཚོར་དམིགས་ཚེ་ཆོག་ཁག་ལྔ་བཙུགས། ཚེས་བཅུ་གསུམ་ལ་བསྟན་འཛིན་ད་ལའི་རྒྱལ་པོར་དཔལ་མོ་ལུགས་ཀྱི་བཅུ་གཅིག་ཞལ་གཙོ་རྐྱང་གོ་རྗེས་གནང་དང་། བཅུ་བཞིར་ཐེག་པ་ཆེན་པོའི་སྡོམ་པ་ཕབ། དཔོན་མོ་བསོད་ནམས་ཆོས་འཛོམས་དུས་ཀྱི་ཆོས་ཉིད་དུ་གྱུར་པའི་བསྔོ་རྟེན་རྟ་བརྒྱད་ཅུ་ཇ་གོས་དར་སྤམས་མཐོ་བྱུང་བར་འཁོར་བ་དང་ངན་འགྲོའི་དུཿཁ་ལས་གྲོལ་བའི་བསྔོ་སྨོན་གྱི་མཚམས་སྦྱོར་ཡང་དག་བྱས། ཚེས་བཅོ་ལྔར་ངེད་རང་གི་སྤོང་དག་ཏུ་པཎ་ཞ་གཅིག་ཐེ་བའི་བཅུ། ཙར་མོ་བཅུ་གཅིག་

[Full Size]

མཐང་གོས་བཅོ་ལྔ། བླ་གོས་བཅོ་ལྔ། འགན་སྦྱར་བཅུ། བེར་བཅུ་བཞི། གཟན་བཅུ་དགུ། སྐ་རགས་བཅུ་གཅིག །སྨད་གཡོགས་གཉིས། སྟོད་འགག་ཞ་ཐུལ། ལྷམ་བཅུ། འདིང་བ་དྲུག །སྙེ་འབོལ་ཉི་ཤུ། མཇིང་གནོན། ལྷུང་བཟེད་བཅུ། དཀར་ཡོལ་བདུན། རྡོར་དྲིལ་ཉེར་གཅིག །དངུལ་གྱི་སྟེགས། བཟེད་ཞལ་གཉིས། ཆབ་རིལ་གཉིས། བུམ་པ་གཉིས། ཀོང་བཞི། བྱམ་བུམ་བཞི། ལྟེ་རི་ལྔ། རྐྱེན་བུ། མདོང་མོ་གསུམ་རྣམས་དངུལ། གོས་སྟན་ང་ལྔ། གསེར་སྒ་ལྔ། དངུལ་སྒ་བཅུ་གསུམ། ར་མ་ལུག་བདུན་རྣམས་ཆ་འགྲིག །རྟ་བཅུ་བཞི། དངུལ་སྲང་ཉི་ཤུ། ཡ་ཇུ་ཁོར་དྲུག་མ་ཆིག་བརྒྱ་དྲུག་ཅུ་རྣམས་ཀྱིས་འབབ་གྲ་པ་རེར་དངུལ་ཞོ་གསུམ་རེའི་ཁྱོན་དངུལ་སྲང་ཉིས་སྟོང་བརྒྱད་བརྒྱ་ང་དྲུག་གིས་ཚོགས་བསགས། ཚེས་བཅུ་བདུན་ལ་དངས་མ་བཅུད་འདྲེན་མ་གཏོགས་པའི་གཞན་རྣམས་གྲོལ་བའི་རྡོ་རྗེ་སློབ་དཔོན་སྒྲོལ་དཀར་གྱི་སྔགས་རམས་པ་ངག་དབང་དཔལ་བཟང་། རྣམ་རྒྱལ་མའི་དགེ་སློང་ཕྱག་རྡོར་དབང་ཕྱུག །ལྕགས་སྡོང་མའི་དགེ་སློང་བློ་གྲོས་རྒྱལ་བ། འཆི་མེད་འོད་སྣང་གི་ཆོས་རྗེ་ཁ་རེག་པ་རྣམས་ཀྱིས་སོ་སོའི་ལུགས་བཞིན་རིང་པོར་འཚོ་ཐབས་ཀྱི་རྟེན་འབྱུང་བསྒྲིགས་ཤིང་། སྔགས་རམས་པ་ངག་དབང་དཔལ་བཟང་གིས་གཏན་སྡོད་དགོས་ཚུལ་ལུང་རིགས་ཀྱི་ལམ་ནས་དྲངས་ཏེ་སྨྲ་བའི་སྒོ་ཕྱེ་བ་རང་ཉིད་སོ་སྐྱེར་སྡོད་དབང་མ་མཆིས་ཀྱང་རྣམ་དག་གི་ཆོ་ག་

[Full Size]

ཁྲིམས་ལྡན་དགེ་འདུན་ཚོགས་ཀྱིས་ལྷག་བསམ་དག་པའི་སྒོ་ནས་ལྷ་སྔགས་ཡེ་ཤེས་ཀྱིས་བསྒྲུབས་པར་བྱིན་མཐུ་ཡོང་བ་གཞིར་བཅས་པ་དང་ཚིག་སྒྲའི་དབང་གིས་སྟོང་འདུན་བྱེད་པའི་ལན་བཏབ། མཆོད་དཔོན་པའི་མ། དཔོན་ཚང་ཁྱོ་ཤུགས་ལ་ཇ་གྲལ་བཏང་ཞིང་སྒྲགས་ཕུའི་གཞིས་ཀ་སྨོན་གྲོང་གེ་རེ་འོང་སྟོད་འབྲོག་བཅས་པ་ཁེ་གསུམ་གྱི་ཕྱིར་འགྲོར་གཞུང་ནས་ས་ཚབ་སྤྲད་པའི་ཁ་གཙང་རྣམས་སྦྱར་བའི་ལེགས་བྱར་ཁ་བཏགས་ཉིན་བདེ་མ། ཧོར་དཀར་སངས་རྒྱས་དཔལ་མོ། འདྲ་འབག་སིའུ་མ། མིང་སྒྲ་ཡོད་པའི་བླ་བྲེ་སིའུ་མ། ཧོར་གོས་བུམ་གདན་མ་གཉིས། གོས་ལོག་ཐང་ཡུག་བདུན། གསེར་ཞོ་ཉིས་བརྒྱ་རྣམས་བཏེག །ཚེས་བཅོ་བརྒྱད་ལ་དངས་མ་བཅུད་འདྲེན་པ་མིན་པའི་གྲ་ཚང་ཡོངས་རྫོགས་ཀྱིས་བཀའ་བརྒྱད་གསང་རྫོགས་ཀྱི་འཆི་བླུ་དང་། བཅུ་དགུར་བྱང་གཏེར་འཆི་བདག་བཟློག་པའི་ཆོ་ག་རྒྱས་པར་མཛད་པས་རིམ་གྲོར་འགྱུར་བ་བྱུང་། སྨོན་ལམ་ཆེན་མོའི་གཞུང་གྲལ་གྲ་པ་བཅུ་རེར་ཡ་ཇུ་ཁ་ཡ་རེ་མཐའ་གྲལ་བ་ལྔ་རེར་འགོ་བཀག་རེ་བསྡོམས་ཁོར་དྲུག་ཆིག་བརྒྱ་དྲུག་ཅུ། གྲ་པ་རེར་བུར་ཉག་ལྔ་རེ་བསྡོམས་ལྟང་ཙེ་སུམ་བརྒྱ་རེ་དགུ། གྲ་པ་རེར་འབྲུ་ཁལ་རུའི་རྩིས་ཀྱི་རྟ་ཆིག་བརྒྱ་གོ་གཅིག །དྲེའུ་ཉེར་དགུ །ལྷ་སའི་ཁྲལ་པ་དུད་རེར་འབྲུ་ཁལ་གཉིས་རེ། གུར་པ་དུད་བཅོ་ལྔ་རེར་ནག་པོ་བར་ཁག་རེ། སྤྲང་ལོང་བཞི་བརྒྱར་ཇ་ལྡུར་རག་འགག་རེ། གཙང་། ལྷུན་རྩེ། ལྷོ་བྲག་སོགས་དམག་གཡེང་མེད་སར་དུད་རེར་གཤོར་ཁལ་བཞི་མ། དབུས་

[Full Size]

ཁུལ་དགས་ཀོང་མཚོ་སྣ་བཅས་པར་ཕྱེད་ལྔ་མ། དམག་གཡེང་ཡོད་སར་འབྲུ་རྐྱང་དང་། བྱིངས་ལ་དཔུས་ཆ། བང་རིམ་ཆོས་སྡེ་བར་བསྟན་པ་རྒྱས་ཆེད་ལོ་སྟར་ཧོར་ཟླ་དང་པོའི་ཚེས་དགུར་ཚུགས་པའི་ཉིན་བདུན་པར་བརྒྱད་གྲས་གནས་བརྟན་ཕྱག་མཆོད་ཀྱི་རྒྱུན་ཇི་སྲིད་བར་སྟར་ཆགས་བཙུག་པར་མཆོད་རྫས་ཕོགས་སོགས་སྨན་བླར་ཆ་བཞག །ཚེས་ཉི་ཤུར་དངས་མ་བཅུད་འདྲེན་གྱི་སྒྲུབ་པ་གྲོལ་བ་དེ་གར་བརྟེན་གྲ་ཚང་ཡོངས་རྫོགས་ཀྱིས་མཁའ་འགྲོ་བསུན་བཟློག་རྒྱས་པ་སྔོན་འགྲོའི་ཚོགས་བདོག་པ་གྱ་ནོམ་པ་དང་བཅས་རིང་པོར་འཚོ་ཐབས་སྨིན་པར་མཛད་པ་ནས་ཚེ་བསྙེན་གྱི་བཅད་རྒྱ་དམ་པོར་བགྱིས། ལ་མོ། གནས་ཆུང་། བསམ་ཡས་སོགས་ཆོས་སྐྱོང་རྣམས་ཀྱི་ལུང་བསྟན། མོ་རྩིས། བརྟག་པ་བགྱིས་པས་མཚོན་ངེད་རང་གི་གེགས་སེལ་དུ་འབྲེལ་མཚུངས་ཀྱི་རྫོང་གཞིས་སོ་སོར། ལུ་བུ། ནཱ་ལེནྡ་པ། གྲང་མོ་ཆེ་པ་གསུམ་གྱིས་སྒྲོལ་དཀར་ཀྱི་ཚེ་ཆོག་བཞི་སྟོང་བརྒྱད་བརྒྱ་ཉེར་ལྔ། བཀྲ་བཟང་པས་འཆི་མེད་འོད་སྣང་དགུ་བརྒྱ། ནུབ་དགོན་པ། བྲག་དཀར་ཆུ་བཟང་པ། ཀྱི་སྟོན་པ། ཆུ་མིག་པ། བྲག་ལ་བ། འོད་མཆོག་པ། ཆུ་སྤེ་སྟེང་པ་རྣམས་ཀྱིས་ལྕགས་སྡོང་མའི་ཚེ་ཆོག་ཉིས་སྟོང་དགུ་བརྒྱ། བརྒྱ་མཁར་བ། འུག་བྱ་ལུང་པ། སྒྲོལ་མ་བ་རྣམས་ཀྱིས་སྒྱུ་འཕྲུལ་ཚེ་ཆོག་ཉིས་སྟོང་སུམ་བརྒྱ། ཞ་ལུ་བས་ཕྱག་རྡོར་འཆི་བདག་འཇོམས་པའི་ཚེ་ཆོག་ཉིས་བརྒྱ་ཉེར་ལྔ། སྙིང་རི་བས་ཡང་གསང་ཁྲོས་པའི་རྫོང་ཆུང་ཚེ་ཆོག་ལྔ་བརྒྱ། ངོར་པས་འཆི་མེད་རྔ་སྒྲའི་ཚེ་ཆོག་

[Full Size]

དགུ་བརྒྱ་འཆི་བླུ་དང་འབྲེལ་བ། གོང་དཀར་ཆོས་སྡེ་བ་དང་བཀྲ་ཤིས་རྩེ་ཆོས་སྡེ་བས་རྣམ་རྒྱལ་སྟོང་མཆོད་བརྒྱ་ཕྲག །རྡོ་རྗེ་བྲག་པས་སྐུ་གསུམ་རིགས་འདུས་ཀྱི་ཚེ་ཆོག་བརྒྱད་བརྒྱ་བཞི་བཅུ། དཔལ་རི་བས་རིགས་འཛིན་སྲོག་སྒྲུབ་ཀྱི་ཚེ་ཆོག་ལྔ་བརྒྱ་དྲུག་ཅུ། སྨིན་གྲོལ་གླིང་པ་དང་སྙེ་མདོ་བས་གཏེར་གསར་ཚེ་ཆོག་བརྒྱད་བརྒྱ་བཞི་བཅུ། ཤེལ་བྲག་པ་དང་གནས་གཞི་བས་རྫོང་ཆེན་ཚེ་ཆོག་ཆིག་སྟོང་བཞི་བརྒྱ་བརྒྱད་ཅུ། སྨྲ་བོ་ལྕོག་པས་མཚོ་སྐྱེས་རྡོ་རྗེའི་ཚེ་ཆོག་ལྔ་བརྒྱ། ཚེ་ཆུ་སྒྲུབ་སྡེ་བས་བདུད་རྩི་འཁྱིལ་པའི་ཚེ་ཆོག་ལྔ་བརྒྱ་བཞི་བཅུ། ཀ་ཚལ་བས་ཡང་ཟབ་ཚེ་ཆོག་དྲུག་བརྒྱ། ཆོས་ལྡན་པས་རཏ་གླིང་རྡོར་འཕྲེང་གི་ཚེ་ཆོག་ལྔ་བརྒྱ་བཞི་བཅུ། གསང་སྔགས་བྱང་ཆུབ་གླིང་པས་དངས་མ་བཅུད་འདྲེན་གྱི་ཚེ་ཆོག་ཆིག་སྟོང་བརྒྱད་བརྒྱ། ཤེལ་དཀར་དང་རྣམ་གླིང་ཆོས་སྡེ་བ། བྱམས་ཆེན་པ། མྱུག་ཆོས་གླིང་པ། དགའ་ལྡན་རབ་བརྟན་པ། བཀྲ་ཤིས་བདེ་ཆེན། ལམ་རིམ་པ། ཆོས་འཁོར་སྟེང་གསུམ་བསྒྲིལ་བ་བརྒྱ་རེ་བསྡོམས་བཀའ་འགྱུར་ཚར་བརྒྱ་ཉི་ཤུ། རི་བོ་བདེ་ཆེན་པས་སཱཙྪ་ལྔ་འབུམ་བཞི་ཁྲི། རྡོ་རྗེ་བྲག་སྤྲུལ་སྐུ་དཔོན་སློབ་ཀྱིས་དགྲ་སྲི་ཕུང་སྲི་དུར་སྲི་མནན། ཡང་རྫོང་དུ་ཚོགས་བརྒྱ། སྐོང་བཤགས། དཔལ་རི་བས་ཐང་ཡིག་དང་སྡེ་ལྔ་འགྲོ་ཆེ་བ། དར་གླིང་། རི་ཆོས་པ། རྩེས་དང་ལྔ་མཆོད་པ་བསྒྲིལ་བས་མཚན་བརྗོད་ཆིག་འབུམ་བདུན་སྟོང་བརྒྱད་བརྒྱ། མཆིམས་ཕུར་རང་གྲས་སྐོང་བཤགས། ཤེལ་བྲག་ཏུ་སྨིན་གྲོལ་གླིང་པས་སྐོང་བཤགས། སྨན་སྒྲུབ། ཚོགས་བརྒྱ། མཁར་ཆུར་གནས་གཞི་བས་ཚོགས་བརྒྱ། སྐོང་བཤགས་

[Full Size]

སེང་རྫོང་དུ་སྨྲ་བོ་ལྕོག་པས་ཚོགས་བརྒྱ། སྐོང་བཤགས། ཡེར་པར་གསང་སྔགས་གླིང་པས་ཚོགས་བརྒྱ་སྐོང་བཤགས་བསྡོམས་བརྒྱད་བརྒྱ་བཞི་བཅུ། གོང་དཀར་དུ་ཆོས་སྡེ་བས་ཞི་བའི་སྦྱིན་སྲེག་བརྒྱ་ཚར། དཀོན་གཉེར་བས་གདུགས་དཀར་དང་། རྡོ་རྗེ་བྲག་པས་འཆར་ཀའི་མདོས། རྒྱབ་ཆོས་སུ་གསུང་རབ་གླིང་པས་ཤེར་སྙིང་དང་ཆོས་འཁོར་ཡང་རྩེ་བས་གདུགས་དཀར། ལྷ་ས། བསམ་ཡས། ཁྲ་འབྲུག་གསུམ་དུ་མཆོད་པ་སྣ་ལྔ་བརྒྱ་ཚར། སྙན་ཤལ། ལྷ་སར་སྲོག་བླུ་སུམ་བརྒྱ། དཔལ་ལྷར་གསོལ་མཆོད། གཞིས་ཀ་ཤར་པས་བདུད་མདོས། ངན་སློང་སུམ་བརྒྱ་ཉི་ཤུར་རྩམ་མདའ་ཟོ་རེ། སོ་ཧྲུག་བཞི་གླིང་རེ། ཇ་ལྡུར་རག་འགག་རེ། འབུམ་རྒྱས་པ་དང་བརྒྱད་སྟོང་པ་བཅུ་གསུམ་རེ། བསྐལ་བཟང་བཅོ་ལྔ། གཟུངས་འདུས་ལྔ། ཕྱག་འཚལ་ཉེར་གཅིག་ཆིག་འབུམ་ཉི་ཁྲི་ཉིས་སྟོང་ཉེར་ལྔ། ཤེར་སྙིང་ཉིས་འབུམ་དགུ་ཁྲི་ལྔ་བརྒྱ། ལྟུང་བཤགས་སུམ་སྟོང་ལྔ་བརྒྱ། གདུགས་དཀར་སུམ་ཁྲི་སུམ་སྟོང་བདུན་བརྒྱ་ལྔ་བཅུ། ཚེ་གཟུངས་སུམ་འབུམ་ལྔ་སྟོང་བརྒྱད་བརྒྱ། མལ་དྲོར་བོན་གྱིས་ཀླུ་བཅོས། འཕྱོང་རྒྱས་སུ་འཇའ་དཀར་བྱུང་བའི་སེལ་བྱེད་ལ་བཀྲ་ཤིས་ཆོས་སྡེ་བས་གདུགས་དཀར་གྱི་མདོས། འབྲས་སྤུངས་སུ་ཇ་ཚུལ་སྟེང་བཟང་སྤྱོད་དྲུག་ཁྲི་སུམ་སྟོང་། ཤེར་སྙིང་དགུ་ཁྲི་བཞི་སྟོང་ལྔ་བརྒྱ། སྒྲོལ་མ་བཞི་འབུམ་བདུན་ཁྲི་ཉིས་སྟོང་ལྔ་བརྒྱ། སེ་རར་བཟང་སྤྱོད་ཆིག་འབུམ་བརྒྱད་བརྒྱ། ན་མཉམ་སྐྱ་སེར་དབུལ་འཕོངས་ཀྱི་རིགས་མང་པོར་ཇ་གསུམ། རྩམ་མདའ་ཟོ་རེ། རྒྱར་བཅོ་ལྔ་དྲས་རེ། ཐུད་ལེབ་དང་ལག་དོགས་གཉིས་རེ། སྐྱ་

[Full Size]

ཆེན་རེ། སྨན་ཁ་རེ། ཇ་འགྱེད་རེ། སྐྱེས་ལྷ་ཡུལ་ལྷར་གསོལ་མཆོད། གཡང་འགུགས། འབངས་གཙང་ཕྱོགས་སུ་གཤོར་ཁལ་བཞི་མ་དང་དབུས་ལ་ཕྱེད་ལྔའི་རྩིས་ཀྱི་དཔུས་ཆ། རྒྱལ་དུ་ཇ་ཚུལ་ཐོག་སྒྲོལ་མ་ས་ཡ་གཉིས། འཕྱོང་རྒྱས་སུ་དགྲ་ལྷ་དཔངས་བསྟོད་གཉིས། སྡེ་པའི་སྐུ་རིམ་དུ་དྭགས་པོ་གྲ་ཚང་པས་མདོ་མང་བཞི་བཅུ། སྒྲོལ་མ་ཆིག་ཁྲི་ལྔ་སྟོང་། ཤེར་སྙིང་སུམ་སྟོང་ལྔ་བརྒྱ། ཐོད་རི་བས་ཚེ་གཟུངས་ས་ཡ་གཉིས་དང་ཉིས་འབུམ་ལྔ་ཁྲི། གདུགས་དཀར་ཆིག་སྟོང་ལྔ་བརྒྱ། རི་བོ་བདེ་ཆེན་པ་བཞི་གྲས་སྦྱིན་སྲེག་བརྒྱ་ཚར། གཞིས་རྩེར་བྲག་ལ་བས་འཆར་ཀའི་མདོས། རྒྱབ་ཆོས་སུ་ལྷུན་རྩེ་བས་ཤེར་སྙིང་དྲུག་འབུམ། སྤྱི་རིམ་དུ་ཡུལ་ཚན་སོ་སོས་ཟླ་ཐེབས་ཅུང་ཟད་བསྡུས་ཤིང་གཙོ་བོར་རྫོང་གཞིས་ནས་བཏོན་པའི་ལོ་གླུད། སྡེ་བརྒྱད་སོ་སོ་དང་སྤྱི་མདོས། ཆབ་གཏོར། ཆ་གསུམ། ལྷ་བསངས། དཔངས་བསྟོད། ཀླུ་གཏོར། ཀླུ་འབུམ། ཀླུའི་དཔང་སྐོང་། འབྱུང་བཞི་གཏོར་མ། ཡིག་དྲུག་སྤྱན་འབྱེད། ཡུལ་ལྷར་གསོལ་མཆོད། བདག་མེད་མཆོད་རྟེན་ལ་སྐུ་དཀར། ཅོད་པན། ནད་རིམས་བཟློག་ཐབས་སུ་རྣམ་འཇོམས་དང་སྨེ་བརྩེགས་ཀྱི་ཁྲུས་ཀྱི་གཙུག་ལག་ཁང་དང་ཡུལ་གྲུ་ཐམས་ཅད་ཀྱི་གྲིབ་དང་། མི་གཙང་བ་དབྱུང་། མ་མདོས། ཕོ་བྲང་དུ་དཔལ་རི་བ། གོང་དཀར་དུ་རྡོ་རྗེ་བྲག་པ། འཕྱོང་རྒྱས་སུ་སྨིན་གྲོལ་གླིང་པ། རྒྱལ་རྩེར་བྲག་ལ་བ། ངམ་རིང་དུ་བཀྲ་བཟང་པ། ལྷ་རྩེར་ཆུ་མིག་པ་རྣམས་ཀྱིས་བསྟན་མདོས། བསྟན་མ་གནས་ས་ཚོར་གསོལ་མཆོད། དར་ལྕོགས། བསངས། ལུང་པ་ཆེ་ཆུང་བསྟུན་བརྒྱད་སྟོང་པ། གཟུངས་འདུས། གྲ་ལྔ་དང་སྒྲོལ་མ་གང་འགྲུབ།

[Full Size]

དགོན་ཨང་དང་གཉིས་ལ་མང་འགྱེད། རྒྱལ་པོའི་སྐུ་རིམ་ལ་མདོ་མང་དུ་མ་དང་། འཕྲུལ་སྣང་དུ་མཆོད་པ་སྣ་ལྔ་བརྒྱ་ཚར། དགྲ་ལྷ་དཔངས་བསྟོད། བསྟན་སྲིད་ལ་རྒྱར་བརྟག་པ་བྱས་པའི་རིམ་གྲོར་དགེ་ལུགས་ཆོས་སྡེ་དང་སྔགས་དགོན་རྣམས་ནས་གཏོར་བཟློག །མདོ་པ་རྣམས་ཀྱིས་དགུ་བཟློག །སྔགས་ཁང་དུ་རྒྱུད་སྟོད་པ་ལྔ་བཅུས་ཞག་དྲུག་བར་ཡ་མ་རཱ་ཛ་འགྲོ་གང་ཆེའི་བདུན་པར་དྲུག་ཅུ་པའི་གློ་བུར་ལས་བཅོལ། རྒྱུད་སྨད་པ་ལྔ་བཅུས་ཞག་དྲུག་བར་ཤཱ་ས་ན་དང་བདུན་པར་གློ་བུར་བའི་གཏོར་བཟློག །གོང་དཀར་དུ་རྡོ་རྗེ་བྲག་པས་འཆར་ཀའི་གླང་ཆེན་སྣ་བསྒྱུར། རྒྱབ་ཆོས་སུ་གསུང་རབ་གླིང་པས་ཤེར་སྙིང་ཆིག་འབུམ་བརྒྱད་ཁྲི་བདུན་སྟོང་བདུན་བརྒྱ། སྒྲོལ་མ་ལྔ་སྟོང་དྲུག་བརྒྱ། ཕོ་བྲང་དུ་བཀྲ་ཤིས་ཆོས་སྡེ་བས་གདུགས་དཀར་མདོས་ཆེན། རྒྱབ་ཆོས་སུ་རི་བོ་ཆོས་གླིང་པས་ཤེར་སྙིང་ཆིག་འབུམ་བརྒྱད་ཁྲི། མཚན་བརྗོད་ཉིས་བརྒྱ། སྒྲོལ་མ་ཆིག་སྟོང་དྲུག་བརྒྱ། ཚེ་གཟུངས་དྲུག་ཁྲི། གཞི་རྩེར་འུག་བྱ་ལུང་པས་མགོན་པོ་གཡུལ་བཟློག་རྣམས་ནུབ་ཕྱོགས་སུ་བརྒྱབ། ཉེར་གསུམ་ནས་ཆག་གྲ་བཞི་པོ་བཙུགས། གནམ་གང་ལ་ནང་མཚམས་གྲོལ་བའི་སྡེ་པ་ཨ་བར་དང་དམག་ཟོར་ཚངས་དབང་བཅས་ལ་ཁ་འབར་མའི་འཆི་བླུ་བགྱིས། ཧོར་ཟླ་གཉིས་པའི་ཚེས་གཅིག་ལ་ཁེ་གསུམ་པ་དང་། ལྕགས་ལ་མཁན་པོ་སོ་སོས་དངོས་པོ་བཏེག་ནས་གཟིམས་ཆུང་བརྟན་བཞུགས་སུ་གྲགས་པ་གྲ་ཚང་ནས་བསྟར། ཞང་སྟོན་རི་ཁྲོད་པ་དང་གླེང་མོ་ཞིབ་ཏུ་བྱས་རྗེས་ས་སྐྱོང་མེར་གན་ཐའི་ཇི། དཔོན་མོ་བུ་བཅས། ཨེར་ཁེ་ཇི་ནོང་། ཆོས་རིན་ཆེན། ཤི་རལ་

[Full Size]

ཐུ། ཏྲེ་བོ་སྐུ་སྐྱེ། ད་ལའི་ཧུང་ཐའི་ཇིའི་མི་སྣ། ཨེར་ཁེ་དའི་ཆིང་། དཀའ་བཅུ་ངག་དབང་དོན་གྲུབ། ཨོད་ཁོན་རྣམས་ཀྱི་མི་སྣ། མཁའ་འགྲོ་དགེ་ཚུལ་མ། ངེས་གསང་རྡོར་གླིང་པ། གསང་ཕུ་མཆོད་ཁང་། རྒྱང་རོ་གསེར་སྡིངས་པ། ཞོམ་སྟེང་། ར་བ་སྨད་རྣམས་ཀྱི་བླ་མ། ལ་མོ་སྐུ་རྟེན་པ། གེར་ལྷ་པ་ཡུམ་སྲས། སྨད་ཏ་དཀོན་མཆོག་གི་བུ། མདའ་དཔོན་གནས་གསར་བ། དོན་གྲུབ་དབང་རྒྱལ། ལྕང་ཅན་རྡོ་རྗེ། ཆང་ཁྱིམ་པའི་ཕ། བྲག་ལ་བླ་མ་རྣམས་ལ་བྱིན་རླབས་དང་། ས་སྐྱོང་མེར་གན་ཐའི་ཇིས་རྟ་དོན་ལྔ། ཨེར་ཁེ་ཇི་ནོང་གིས་རྟ་སོ་དགུ །གཉིས་ཀས་ཇ་གོས་དར་པགས་རས་གསེར་དངུལ་གྱི་སྒ་སོགས་སྤམས་མཐོན་པོར་བཏེག །བླ་མ་དགའ་རབ་ཀྱིས་གུ་རུ་ཡེ་ཤེས་ཁྱུང་གྲགས་ཀྱི་གཏེར་མའི་ཕུར་པ་ཛྷྱཻ་ཀྵིཾ་ལས་གྲུབ་པ་རྙེད་པའི་མཆོག་ཏུ་གྱུར། སོག་དམངས་བདུན་བརྒྱ་སྐོར་ལ་མེ་ཏོག་གཏོར། ཆོས་འཁོར་ཡང་རྩེའི་གྲ་པ་བློ་བཟང་ཚེ་རིང་གིས་དབུ་མ་རྩ་འགྲེལ་གྱི་རྒྱུགས་སྤྲད། ཚེས་གཉིས་ལ་རྒྱུན་སྡོད་དྲུང་འཁོར་སེར་མོ་བ་སྤྱི་ཚོགས་དང་ལྷ་ས་བྱང་གླིང་པ་སོ་སོས་ཚན་གྲངས་རིང་པོར་བརྐྱང་སྟེ་གྲ་ཚང་གིས་འབྲས་གཤོངས་དག་སྣང་མའི་མཁའ་འགྲོ་བསུན་བཟློག་གི་སྒོ་ནས་རྟེན་འབྱུང་བསྒྲིགས། བློ་བཟང་མགོན་པོ་རབ་བརྟན། ཨ་ཁའི། དཔོན་མོ་ཨལ་དར། ཐོར་གོད་ཚེ་རིང་རྒྱ་མཚོ། རབ་འབྱམས་པ་སངས་རྒྱས་བཀྲ་ཤིས། བཱ་ཁན་དགེ་སློང་། བློ་བཟང་ཨེར་ཁེ་ཐའི་ཇི། མཽ་ཇ་རག་གི་དཔོན་མོ། བདེ་ཆེན་ཐའི་ཇི་བསྟང་ཞལ། རི་ཁྲོད་དགའ་ལྡན། ནོར་བུ་དགའ་ལྡན། མེ་རག །རྩ་སྒྲུབ་སྡེ་རྣམས་ཀྱི་བླ་མ། སྒྲོལ་མ་བ་

[Full Size]

རྒན་པ། ལྷ་ཁང་ཆོས་མཛད། གྲགས་པ་སོགས་དྲུང་འཁོར་ཁ་ཤས། གདུང་ནག་པོ། ཆུ་སྐོར་བ་རྣམས་དང་ཕྲད། བོད་སོག་སུམ་བརྒྱར་མེ་ཏོག་གཏོར། ཚེས་གསུམ་ལ་ཕ་བོང་ཁའི་གདན་ས་པ། རི་དོ་དགོན་གྱི་བླ་མ་ཕ་བུ། རོང་པ་སྐུ་སྐྱེ། ཅོ་ནེ་དར་ཁན་ནང་ས། སྦུས་སྲང་གསར་ཁང་པའི་ནང་མི་ཡོངས་རྫོགས་ཀྱིས་དཀར་དྲོ་དང་ཚན་གྲངས་བཏེག །གྲ་ཚང་གི་གྲ་པ་གྲངས་བཅད་ཁག་གཉིས་ཀྱིས་ཡང་གསང་དྲག་པོ་དང་། སྲིད་པ་སྤྱི་མདོས། ཁ་ཤས་ཀྱིས་ཀླུ་གཏོར། དམངས་ཀྱིས་ཆ་གསུམ་སྨིན་རྒྱས་བསྟར། ངེས་གསང་རྡོར་གླིང་པ་ངག་དབང་འགྱུར་མེད་ཀྱིས་གསང་སྙིང་རྩ་འགྲེལ་རྒྱུད་དོན་རྣམ་ངེས་ཀྱི་རྒྱུགས་སྤྲད། ཚེས་དྲུག་ལ་སྒོ་མངས་ཟུར་པ་བླ་མ་བཙན་པོ་ངག་དབང་འཕྲིན་ལས་ཀྱིས་རུང་མཐུན་གྱི་གོས་ཆ་ཚང་། གོས་སྟན། སྙེ་འབོལ། སྟན་དམར། དཀར་ཡོལ་སྟེགས་བཅས། བཟེད་ཞལ། ཆབ་རིལ། བླ་བྲེ། འཕན་དྲུག །རྡོར་དྲིལ། སིལ་སྙན། གསེར་ཞོ་ཆིག་བརྒྱ་ཉི་ཤུ། དངུལ་སྲང་ཆིག་བརྒྱ་ཞེ་དྲུག །གོས་ཡུག་བཞི་བཅུ། ཆུ་ཅེ་ཡུག་བཅུ། སྨན་ཡུག་ཉེར་ལྔ། ཧུ་ཇེ་ལེགས་པ་ཁར་དྲུག་སོ་བདུན། ཁ་བཏགས་ལྔ་བཅུ། འགང་དཀར་ཡུག་སོགས་རྒྱ་ཆེ་བ་དང་ཚོགས་འཁོར་ཡོན་སྦྱར་ཏེ་འཆི་མེད་འོད་སྣང་གི་རྡུལ་ཚོན་དང་འབྲེལ་བའི་ཆོ་ག་གྲ་ཚང་གིས་བཏང་སྟེ་ཉི་བུའི་གཡུལ་ལས་རྒྱལ། ཚེས་བདུན་ལ་སྡེ་པ་སྟག་རྩེ་བས་བེར་གྱིས་གཙོས་བདོག་པ་དང་བཅས་ཚེ་དཔག་མེད་ལོངས་སྐུ་མ་དང་འབྲེལ་བའི་རིང་འཚོའི་ཆོ་ག་རྒྱས་པར་མཛད་པའི་མཁའ་འགྲོ་བསུན་བཟློག་ཚོགས་འཁོར་

[Full Size]

རྒྱས་པ། གྲ་པ་རེར་ཁ་བཏགས་དང་གསེར་ཞོ་རེ་བཅས་དཔངས་མཐོ། ཚེས་བརྒྱད་ནས་ཞག་ཤས་བར་གྲ་ཚང་དུ་དབུ་མཛད་གསར་བསྐོ་བྱེད་རྒྱུར་སྐད་བཟང་བ་རྣམས་དབྱངས་རོལ་མོ་སོགས་ལ་སུས་དོ་གལ་བྱས་མ་བྱས་དང་བྱང་ཆུབ་མ་ཆུབ་ཀྱི་རྒྱུགས་བླངས། ཚེས་དགུར་ས་སྐྱ་ཞབས་དྲུང་འཇམ་དཔལ་རྡོ་རྗེ་ཀུན་དགའ་བསོད་ནམས་དབང་ཕྱུག་ཕེབས་པར་ལྡང་བ་མཇལ་དར་སོགས་བཀུར་བཟོས་སྔར་བཞིན་ཕུལ། ཇ་གསུམ་གྱི་བར་ལུགས་གཉིས་དང་འབྲེལ་བའི་བཀའ་མཆིད་བྱུང་། ཚེས་བཅུར་བྱམས་ཁང་རྒྱབ་ཕོ་ལྷས་ཡོན་སྦྱར་ཟང་ཟིང་གི་བདོག་པ་དང་བཅས་གཟིམས་ཆུང་བརྟན་བཞུགས་སུ་གྲགས་པའི་རིང་འཚོ་སྤེལ། རྒྱལ་སྲས་བསོད་ནམས་དབང་རྒྱལ། སྟག་རྩེ་ཐའི་ཇི་ཡབ་སྲས། འབོག་གོང་མཁར་ལྟག་པ། རྒྱང་རོ་གསེར་སྡིངས་སློབ་དཔོན། བྲག་ལ་བླ་མ་དགའ་རབ་པ། ཁྲ་འབྲུག་སྐུ་རྟེན་པ་རྣམས་ལ་ཇ་གྲལ་བགྱིས། ཚེས་བཅུ་གཉིས་ལ་རྗེ་དྲུང་རིན་པོ་ཆེ་ས་སྐྱོང་མེར་གན་ཐའི་ཇི། ལགས་ཨ་གུར་སོགས་ལ་ཚེ་དབང་གྲུབ་རྒྱལ་མ་དང་མགོན་པོའི་རྗེས་གནང་བར་གཅོད་ཀུན་སེལ་ཕུལ། དཔོན་མོ་ན་མ་ཐར། དགེ་སློང་བརྩོན་འགྲུས་སོགས་དང་ཕྲད། ཚེས་བཅུ་གསུམ་ལ་ས་སྐྱ་ཞབས་དྲུང་རིན་པོ་ཆེས་ས་སྙིང་རས་ཆ་སྤམས་བསྟོད་ཚོགས་འགྱེད་བཅས་གྲ་ཚང་ནས་འཆི་མེད་འོད་སྣང་གི་རྡུལ་ཚོན་དང་འབྲེལ་བའི་རྟེན་འབྲེལ་བསྒྲིག་གནང་སྐྱེས་ཆེན་དམ་པའི་བདེན་ཚིག་འགྲུབ་པར་གོར་མ་ཆག །ཚེས་བཅུ་བཞི་སྔ་རྟིང་ཚོར་ས་སྐྱ་ཞབས་དྲུང་རིན་པོ་ཆེ། དབོན་རིན་པོ་ཆེ། འདར་པ་རྗེ་དྲུང་། མཆོད་དཔོན་པ་རྣམས་ལ་མིག་ལ་ཟོན་སྐྱོར་གྱིས་འཕར་ལུང་དང་

[Full Size]

ཆབས་ཅིག་མགོན་པོ་ཆེ་ཆུང་དང་དམར་པོ་སྐོར་གསུམ་གྱི་འཁོར་ལོའི་གསལ་བྱེད་ཀྱི་དགོངས་དོན་བཞིན་དཔེ་རིས་སོགས་དགེ་སློང་འཇམ་དབྱངས་གྲགས་པས་སྤྱན་ལམ་དུ་ཕབ་སྟེ་མཛུབ་བཙུགས་ཀྱི་ངོ་སྤྲོད་ཕུལ་བ་ཚར་ཆེན་ཆོས་ཀྱི་རྒྱལ་པོའི་རིང་ལུགས་རྡུལ་ཁྲོད་ནས་བྱི་དོར་བགྱིས་པས་ལས་བཞིའི་འཕྲིན་ལས་ཐམས་ཅད་ཕྱག་ལེན་དུ་བསྟར་ཏེ་ཚར་གཅོད་རྗེས་འཛིན་གང་ལའང་ཐོགས་མེད་གནང་ཆོག་རྩིས་ཡིན་ཀྱང་བསྟན་པའི་བགེགས་ཆགས་ལྟ་བུར་གཙོ་བོ་གཉིས་ཀ་གཞན་དོན་གྲུབ་མཐའ་བསྙོགས་པ་ཞིག་བྱུང་། བྱང་གླིང་པ་དུང་སྐྱོང་བཀྲ་ཤིས་སྡེ་པའི་དྲུང་འཁོར་དང་། བློ་བཟང་རིན་ཆེན་གྲ་ཚང་དུ་ཞུགས་པའི་སྔོན་དུ་ཕྲད། ཚེས་བཅོ་ལྔར་བཅོ་བརྒྱད་ཆོས་རྗེ། ཁལ་ཁ་ནོ་ཡོན་ཁུ་ཐུག་ཐུ། རྒྱལ་བའི་འཕྲིན་ལས་བའི་སྐུ་སྐྱེ་ནང་མིར་བཅས་པ། བརྒྱ་ཚོ་བ། ཁ་རབ་གོང་པའི་མ་བུ། མས་ཆགས་བཙུན་པ། དགའ་ལྡན་ཇི་ནོང་དང་། ཁོ་ཁོམ་རྒྱལ་པོའི་མི་སྣ་སོགས་ལ་ཇ་གྲལ། ཚེས་བཅུ་དྲུག་ལ་ས་སྐྱ་ཞབས་དྲུང་རིན་པོ་ཆེར་ཇ་ཡུལ་གསུམ་བར་གསུང་གླེང་ངོས་ན་བཟའ་ཆ་ཚང་། ཞལ་དཀར། བཟེད་ཞལ། རྡོར་དྲིལ། ཕྱག་སྦུག །དངུལ་མདོང་། ཐ་ཕག །གསེར་སྒ་ལེགས་པ་ཆ་འགྲིག །སྒ་དམར། ཇ་གོས་དར་སོགས་ཤངས་ལེན་གཟབས་པར་ཕུལ། ཚེས་བཅུ་བདུན་ལ་རྒྱུད་སྟོད་དང་སྟག་ལུང་ཀ་དྲུག་བླ་གསར། གཞིས་ཀ་ཤར་ནང་ཚང་དྲུག་གིས་དཀར་དྲོ་སྤོམས་སུ་བཏེག །བར་བཟུང་ཚེ་རིང་དར་རྒྱས། སྡིངས་ཆེན་པ་སྤུན། བླ་མ་བསོད་ནམས། མངའ་རིས་གྲ་ཚང་གཉེར་པ་སོགས་ལ་

[Full Size]

བྱིན་རླབས། དཔལ་གྲོང་སྔགས་རམས་པས་གྲ་ཚང་དུ་དངུལ་བུམ་སྲང་ཉེར་གསུམ་ལས་གྲུབ་པ་ཕུལ་བའི་ཁ་བྱང་། དགའ་ཚལ་བའི་མ་ཀུན་དགའ་བུ་ཁྲིད་ཀྱི་དོན་དུ་ཐང་ག་གསུམ་དང་བརྒྱད་སྟོང་པ། སྒྱིད་ཐང་ནོར་བུས་དག་འཕེལ་རི་ཁྲོད་པར་དབྱར་གནས་ཐེབས་སུ་ཞིང་ཕུལ་བ། རྟ་ཚག་རྗེ་དྲུང་དང་བློ་བཟང་དཔལ་འབྱོར་གྱིས་ཐང་ག་ལྔ་རེ། བློ་བཟང་དོན་ཡོད་ཀྱིས་གསུམ། དོན་གྲུབ་དབང་རྒྱལ་གྱིས་འདྲ་འབག །སེ་ར་སྨད་དགེ་སྐོས་ཀྱིས་ཐ་འོག་རྒྱལ་པོ། ཆོས་རྒྱལ་མཚན་གྱིས་འཇམ་དབྱངས་དང་ཚེ་བདག་རྣམས་བཞེངས་པའི་སྨོན་ལམ། ཞོམ་སྟིང་རྫོགས་ཆེན་པ་ནམ་མཁའ་རིགས་འཛིན་དབང་གྲགས། བློ་བཟང་འཕྲིན་ལས་དབང་ཕྱུག །ངག་དབང་བཀྲ་ཤིས། དགའ་གདོང་ཆོས་སྐྱོང་བཞིས་བསྐུལ་བའི་རིང་འཚོ། འ་ཞ་དབོན་རིན་པོ་ཆེས་སྙན་ངག་གི་ལམ་ནས་དྲངས་པ་བྱུང་བའི་ལན་རྒྱན་གྱིས་སྤྲས་པ། རི་བོ་ཆེའི་ཞབས་དྲུང་ངག་དབང་གི་ཐུགས་བཞེད་ལྟར་ལས་གཤིན་དང་དམག་ཟོར་མའི་གཏོར་འབུལ་རྣམས་བརྩམས། ཚེས་བཅོ་བརྒྱད་ལ་ཞབས་དྲུང་ནོར་བུ་ཁྲ་སྒོར་དང་། མཚོ་སྣ་རྫོང་སྡོད་གྲགས་པ་བར་ཇ་གྲལ། ཚེས་ཉི་ཤུར་ས་སྐྱ་ཞབས་དྲུང་རིན་པོ་ཆེས་འཕྲུལ་སྣང་གི་རྟེན་བརྟེན་པར་རབ་གནས་ཉིན་གཅིག །ཟན་གཡང་དང་ཁྲ་འབྲུག་ཏུ་ཉིན་གསུམ་རེ། མཆིམས་ཕུར་ཕུར་སྒྲུབ་རབ་བྱུང་བས་ཞབས་ཕྱི་ཞུས་ཏེ་བདུན་ཕྲག་གི་བར་ལྷ་སྔགས་ཡེ་ཤེས་ཀྱི་རོལ་པས་དམ་ཡེ་དབྱེར་མེད་ཀྱི་ཕྱི་ནང་གསང་བའི་མི་མཐུན་དཔུང་ལས་རྒྱལ་བའི་ཚེ་ཞབས་ཏོག་དང་སྐུ་ཡོན་རྒྱས་པར་དབུལ། ཉེར་གཅིག་ནས་རྡོ་རྗེ་གྲོ་ལོད་ཀྱི་བསྙེན་པ་བདུན་བར་བྱེད་རྩིས་ཡིན་ཀྱང་ཉམས་དང་རྨི་

[Full Size]

ལམ་དུ་བཟང་ལྟས་འདྲ་བྱུང་བས་མུ་མཐུད་ཧོར་ཟླ་གསུམ་པའི་ཚེས་ལྔའི་བར་དགེ་སྦྱོར་ཤིན་ཏུ་འཕེལ། གྲ་ཚང་དུ་ལྷ་མོའི་སྒེར་བསྐང་བཙུགས་པར་ཆིག་འབུམ་ཆིག་ཁྲི་ཆིག་སྟོང་དགུ་བརྒྱ་རེ་གསུམ། བྷྱོ་བདུན་མ་ལྔ་འབུམ་དགུ་ཁྲི་བརྒྱད་སྟོང་། ཉེར་དགུ་ནས་རྡོར་སློབ་དགེ་སློང་ཕྱག་རྡོར་དབང་ཕྱུག་བཅས་གྲངས་བཅད་ཀྱི་བསམ་ཡས་སུ་གཉྫི་རའི་འོག་ཏུ་གནོན་རྒྱུར་འཇམ་དཔལ་ཀི་ཀང་གི་མནན་པ་བདུན་ཕྲག་བཙུགས། ཚེས་གཉིས་ལ་དགའ་ལྡན་བཤད་སྒྲུབ་གླིང་པ་འཇམ་དབྱངས་ནོར་བུ་དང་། བཤེས་གཉེན་རྒྱ་མཚོ་གཉིས་ཀྱིས་ཕར་ཕྱིན་གདོང་ལྔའི་དབང་པོའི་སྒྲ་དབྱངས་ཀྱི་རྒྱུགས་སྤྲད། ཚེས་ལྔར་གྲོང་སྨད་ནས་བསམ་ཡས་ཀྱི་ལྷ་ཁང་ཐམས་ཅད་ལ་སྙན་ཤལ། ཚེས་བརྒྱད་དུས་ཆེན་ཀྱི་སྙན་དར། ཆོས་རྗེ་ཟིལ་གནོན་རྡོ་རྗེས་དངུལ་སྲང་ཉེར་གསུམ་རེའི་རྣམ་བུམ་ཆ་གྲ་ཚང་ལ་འབུལ་རྒྱུ། སྔགས་རམས་པ་ནམ་མཁའ་རྒྱ་མཚོས་གྲ་སྐོར་བཏང་དུས་འབུལ་རྒྱུའི་དངུལ་ཀོང་སྲང་ཉེར་གསུམ་ལས་གྲུབ་པ། བཀྲས་རབ་དཀའ་བཅུ་ཀུན་དགའ་རྒྱ་མཚོའི་དགེ་སྐོས་འཇོག་དངུལ་སྲང་བཅུ་གཅིག་གི་པད་སྡེར་རྣམས་ཀྱི་ཁ་བྱང་། གྲ་ཚང་གཉེར་པ་ངག་དབང་སྨོན་ལམ་གྱིས་ཚོགས་ཁྲོ་གསུམ་བླུག་པར་འདོད་དགུ་འཁྱིལ་པ། རོ་བརྒྱའི་དཔལ་འཛིན། དཔལ་འབྱོར་འཁྱིལ་པ་ཞེས་པའི་ཁ་ཡིག་བྲིས། བརྒྱད་གཏོར་དང་འཕར་ཉི་མ་གསུམ་སྔར་བཞིན་རྒྱས་པར་ཐུགས་དམ་བསྐང་། གྲོང་སྨད་པ་སངས་རྒྱས་རྒྱ་མཚོས་ཟན་གཡང་མི་འགྱུར་ལྷུན་གྱིས་གྲུབ་པར་མཁན་པོ་བོ་དྷི་ས་ཏྭ། སློབ་དཔོན་པདྨ་སམ་བྷ་ཝ། ཆོས་རྒྱལ་ཁྲི་སོང་ལྡེའུ་

[Full Size]

བཙན་ཏེ་མཁན་སློབ་ཆོས་གསུམ་ཐུན་མོང་བའི་བཞུགས་ཁྲིའི་སྟེང་གཉྫི་ར་བཙུགས་ན་ལེགས་པའི་མཚན་མ་ཤར་བ་དང་མཐུན་པར་ཆོས་རྒྱལ་དཔོན་བློན་གྱིས་ཀྱང་སྔོན་གྱི་སྨོན་ལམ་དབང་གིས་མྱུར་པོར་ཚུགས་ཞེས་ལུང་བསྟན་པ་བཞིན་གནས་བརྟན་འཇམ་དབྱངས་གྲགས་པ་བཞི་གྲ་བཏང་ཞིང་། སྔ་སོར་དཀར་ཆག་བྱེད་བསམ་པ་དེ་མུས་སུ་ལུས་པ་ད་ལམ་འདིར་འདྲེས་སུ་བཀོད་པར་སྦྱང་གསུམ་སྔོན་བཏང་གིས་བསྟན་སྤྱིར་སངས་རྒྱས་འོད་སྲུངས་ཀྱི་འཕེལ་གདུང་ཤཱཀྱ་སེང་གེའི་འཕེལ་གདུང་སྣ་དཀར་རྩེ་དང་རྩེ་སྒང་གི་རེ། སངས་རྒྱས་གླང་པོའི་གདུང་། སངས་རྒྱས་ཀྱི་འཁར་གསིལ་གྱི་ཤིང་། མ་ག་དྷ་བཟང་མོས་སངས་རྒྱས་ལ་གཏོར་བའི་མེ་ཏོག །ཇོ་བོ་མི་བསྐྱོད་རྡོ་རྗེ་དང་ལོ་ཀེ་ཤྭ་རའི་ན་བཟའ། སངས་རྒྱས་བཏགས་སྐུ། དགྲ་བཅོམ་འཆར་ཀའི་ན་བཟའ། ཉི་མ་གུང་པའི་སྣམ་སྦྱར་དང་གདུང་། རྡོ་རྗེ་གདན་གྱི་བྱང་ཆུབ་ཤིང་ཕུར། ས་ར་ཧའི་རེག་འཇམ་སྦྲུལ་གྱི་པགས་པ། ནག་པོ་སྤྱོད་པའི་རུས་རྒྱན། ཏཻ་ལོའི་སྟན། ནཱ་རོའི་ཕྱག་འཁར། དབུ་སྐྲ། རྭའི་སྙན་རྒྱན། སྒོམ་ཐག །སྟན། བུམ་ཆུ་རལ་བུ། ཞི་འཚོའི་ཕྱག་མཛུབ། ཀ་མ་ཤཱི་ལའི་གདུང་། ནི་གུའི་ཚེམས་དང་དབུ་སྐྲ། མ་གཅིག་གྲུབ་རྒྱལ་མ་དང་ཏི་པུ་པའི་རུས་རྒྱན། དྷ་ན་ཤཱི་ལའི་དབུ་ལོ། བྲམ་ཟེ་དྲི་མེད་སྣང་བའི་སྐུ་ཤ །མི་ཏྲ་ཛོ་ཀིའི་རྡོ་རྒྱུས་སྒོམ་ཐག །ཛ་བ་རི་པའི་ཉ་གདུབ་ཡོལ་མོ་བས་ཀྱང་མཛད་པ། ཕ་དམ་པའི་ཕྱགས། དེའི་རབ་གནས་མའི་འབུམ་དགའ་ལྡན་མ་དང་སྒྲུབ་རིལ། དམ་པ་བོད་ཆུང་གི་གདུང་། པཎ་ཆེན་ཤཱཀྱ་ཤྲཱིའི་གདུང་། རིང་བསྲེལ། དབུ་སྐྲ། རྡོ་ཚོས་མའི་

[Full Size]

སྣམ་སྦྱར། ལྷུང་བཟེད་ཀྱི་ཤུབས། འཁར་གསིལ་གྱི་བར་ཤིང་། ཞབས་སྒྲོག །ན་བཟའ། བི་བྷཱུ་ཏི་ཙནྡྲའི་དབུ་ལོ། ཁ་ཆེ་དགོན་པ་བའི་གདུང་། པཎ་ཆེན་ཤྲི་སུ་ཏྲའི་ཚེམས་དང་དབུ་སྐྲ། སྲོང་བཙན་སྒམ་པོའི་ཕྱག་འཕྲེང་། ཕྱགས། སྤྲུལ་པའི་སྟག་ལྤགས། རྒྱལ་པོ་འོད་ཟེར་གོ་ཆའི་གདུང་དང་སྐུ་རྒྱན། བསམ་ཡས་སུ་ལོ་པཎ་གྱིས་ཆོས་བསྒྱུར་བའི་ཁྲི། ཁྲི་རལ་གྱི་གདུང་། ལོ་ཆེན་རིན་བཟང་གི་ཕྱག་སེན། བལ་པོ་ཨ་སུའི་རྡོ་རྒྱུས་སྒོམ་ཐག །པཎ་ཆེན་འབུམ་ཕྲག་གསུམ་པའི་དབུ་ལོ། བལ་པོ་ཕམ་ཐིང་པའི་བདུད་རྩི་རིལ་བུ། མར་པའི་བེར་སེང་གེ་མཇིང་བསྣོལ། མར་མི་ཐུན་མོང་གི་ཞལ་སྐྱོགས། མར་པ་མགོ་ལེགས་ཀྱི་གདུང་། མར་པ་སྟོད་ཉེར་ཀྱི་སྐུ་ཤ །དར་མ་མདོ་སྡེའི་དབུ་སྐྲ། མི་ལའི་གདུང་། རས་གོས། སྒོམ་ཐག །དབུ་ལོ། པུར་ཐལ། སྟན་ཀྲྀཥྞ་སཱ་རའི་པགས་པ། རྔོག་མདོ་སྡེའི་ན་བཟའ། ཆོས་སྐུ་རྡོ་རྗེའི་རུས་རྒྱན། ཁྱུང་པོའི་གདུང་། རིང་བསྲེལ། རྟེན་འདམ། རིན་ཆེན་བརྩོན་འགྲུས་དང་སྐྱེར་སྒང་པའི་གདུང་། ན་བཟའ། ནམ་མཁའི་རྣལ་འབྱོར། འབྲི་ཕྱུག་པ། ལུམ་པ་བ། བྱང་ཆུབ་དཔལ་བཟང་བཞིའི་དབུ་སྐྲ། མ་གཅིག་ཞ་མའི་ཞལ་འགྲམ། པཎ་ཆེན་ནགས་རིན་གྱི་དབུ་ལོ། ཆོས་རྒྱལ་རབ་བརྟན་ཀུན་བཟང་འཕགས་ཀྱི་མགུལ་སྲུང་ཐག་པ། ལོ་ཆེན་རཏྣ་བྷ་དྲའི་དབུ་སྐྲ། ཕྲེང་ཐག །རྒྱལ་བ་རི་ཁྲོད་པའི་གདུང་། ཆོས་ལུང་ཐུགས་རྗེ་ཆེན་པོའི་སྟན་ཤིང་རྣམས་དང་། སྔ་འགྱུར་སྐོར་ལ། སློབ་དཔོན་ཆེན་པོའི་ཕྱག་འཕྲེང་།

[Full Size]

དགའ་རབ་རྡོ་རྗེ་དང་ཤྲཱི་སིངྷའི་དབུ་ལོ། བི་མཱ་ལ་མི་ཏྲའི་གདུང་། སྐུ་རགས། ཤངས་མཚལ། ན་བཟའ། ཟ་ཧོར་རྒྱལ་པོ་གཙུག་ལག་འཛིན་གྱི་གདུང་། བྲམ་ཟེ་སྐྱེ་བ་བདུན་པའི་སྐུ་ཤ །བྲམ་ཟེ་དུང་རྣ་ཅན་གྱི་སྐུ་མཆིན། བྲམ་ཟེ་དྲི་མེད་སྙིང་པོ་དང་ཁྲི་སྲོང་ལྡེ་བཙན་གྱི་གདུང་། དབུ་སྐྲ། འཚོ་རྒྱལ་གྱི་ཕྱག་བཟོའི་སེང་གེ །བཻ་རོའི་གདུང་། རྡོར་དྲིལ། རྒྱ་དཔེ། ན་བཟའ། ལྷ་ལུང་དཔལ་རྡོར་གྱི་ཕོང་ཀ །དབུ་རྒྱན། ལྡན་མ་རྩེ་མང་གི་ཡིག་གྲིལ། ནམ་མཁའི་སྙིང་པོའི་དབུ་ལོ། རྒྱལ་བ་མཆོག་དབྱངས་ཀྱི་སྐུ་ཤ །ཉང་ཏ་ཐཱ་ག་ཏའི་གདུང་། ཟུར་ཤཱཀ་འབྱུང་གི་ཆོས་སྨན། གངས་པ་ཤཱཀ་འབུམ་དང་གཡུང་སྟོན་པ་ཐུན་མོང་གི་ཕྲེང་བ། ཕྱི་མའི་རིང་བསྲེལ། ན་བཟའ། ཀ་ཐོག་པ་དམ་པ་བདེ་བཤེགས་ཀྱི་སློབ་མ་བྱམས་པ་འབུམ་གྱི་གདུང་། །པཉྩ་ཁྲོལ་བུ། སྣམ་སྦྱར། སྙེ་མདོ་ཤཱཀྱ་དཔལ་བའི་གདུང་། ཕྱག་འཕྲེང་། སྐུ་ཤམ་དང་བེར། རོག་ཐམས་ཅད་མཁྱེན་པའི་གདུང་། ཀུན་མཁྱེན་ཀློང་ཆེན་པའི་ཕྱག་ཕྲེང་། ཉང་རིན་པོ་ཆེའི་དབུ་སྐྲ། བདེ་འདུས་ཤོག་སེར། རིག་མ་སངས་རྒྱས་སྐྱིད་ཀྱི་གདུང་། མངའ་བདག་བདུད་འདུལ་གྱི་སྐུ་གཟན། བཀའ་བརྒྱད་པ་མཁའ་ཀློང་ཡངས་པའི་ན་བཟའ། གུ་རུ་ཆོས་ཀྱི་དབང་ཕྱུག་གི་དབུ་ལོ། ཤངས་མཚལ། སྐུ་ཤ །ཆོས་སྨན། སྐྱེ་བདུན། དེའི་གཏེར་མའི་འཕེལ་གདུང་། བྱེ་མ་ཨ་ཀྲོང་། སངས་རྒྱས་མཉམ་སྦྱོར་དང་། གསང་རྫོགས་དབང་འབུམ་གྱི་ཤོག་སེར། ཁྲུས་ལོང་མ་ཎི་མའི་ཁྲུས་རས། ཆིབས་ཀྱི་རུས་པ། སྲས་པདྨ་དབང་ཆེན་གྱི་སྐུ་ཤ་དང་ཕོད་ཀ །སྨན་ལུང་པ་ཆོས་ལྡན་པའི་སྐུ་ཤ །དབུ་ཐོད། ཆོས་སྨན། ཞང་ཁྲོམ་གྱི་

[Full Size]

ཤོག་སེར། དྲི་མེད་ལྷུན་པོའི་གདུང་། རིང་བསྲེལ། ལྗགས། དེའི་གཏེར་མ་མཁན་སློབ་ཆོས་གསུམ་གྱི་ཤངས་མཚལ་མའི་འབུམ་དམར། རིགས་འཛིན་རྒོད་ལྡེམ་གྱི་སྐྱེ་བདུན། ཤེས་རབ་མེ་འབར་གྱི་སྐུ་ཤ །ཕྱག་ཕྲེང་། ཚེ་རིང་འཇའ་ཚོན་མ། དེའི་གཏེར་སློབ་དཔོན་གྱིས་གཏེར་སྒྲོམ་དུ་སྦྱིན་སྲེག་མཛད་པའི་རྡོ་རྗེ། ཨྱོན་ཡབ་ཡུམ་གྱི་བྱང་སེམས་དཀར་དམར། ཤ་ལྔ་བདུད་རྩི་ལྔའི་ཕབ་རྒྱུན། དབུ་སྐྲ། ཟ་འོག་གི་བེར། མྱོང་གྲོལ། བྲག་ཕུག་མ་ར་ཏི་ཀའི་ཚེ་རིལ། ཤོག་སེར། སངས་རྒྱས་གླིང་པའི་སྐུ་ཤ །གདུང་། དབུ་ལོ། ན་བཟའ། དམ་རྫས་རོལ་ཆེན། ཚེ་རིལ། ཆོས་སྨན། ཤོག་སེར། རྡོ་རྗེ་གླིང་པའི་སྐུ་ཚིལ། སྐུ་ཤ །ན་བཟའ། རྫོགས་ཆེན་ལྟ་བ་ཀློང་ཡངས་ཀྱི་ཤོག་སེར། དེ་སློབ་ཐོགས་མེད་རྒྱ་གར་བའི་སྐུ་ཤ །རཏྣ་གླིང་པའི་དབུ་སྐྲ། གདུང་། སྐུ་ཤ །དབུ་ཞྭ། སྐུ་རགས། ཨ་ཐམ་མ། ཚེ་རིལ། དམ་རྫས་རོལ་པ་ཆེན་པོ། གུར་དྲག་གི་ཤོག་སེར། སྲས་ཚེ་དབང་གྲགས་པའི་སྐྱེ་བདུན། པདྨ་གླིང་པའི་སྐུ་ཤ །པུར་རས། ཚེམས། ཨ་ཐམ་མ། ཆོས་སྨན། རྟེན་འདུས། སྐྱེ་བདུན། དེ་གཏེར་ཨྱོན་སྐུ་ཆོས་གསེར་གྱི་པ་ཏྲ། ཀློང་གསལ་ཤོག་སེར། བསམ་གཏན་གླིང་པའི་སྐུ་ཤ །སེ་སྟོན་མགོན་པོ་བཟང་པོའི་དབུ་ཀླད། གདུང་། དབུ་རལ། སྐུ་ཤ །དབུ་ཞྭ། ནུབ་དགོན་བྱམས་པ་ཆོས་རྒྱལ་མཚན་གྱི་གདུང་། ཕྱག་ཕྲེང་། སྐུ་ཕོང་། སྤྲུལ་སྐུ་མཆོག་ལྡན་མགོན་པོའི་སྐུ་ཤ །སྙན་གོང་། དབུ་སྐྲ། བདེ་བྲོལ་མེས་སྟོན་རྡོ་རྗེའི་དཔལ་བཟང་གི་དབུ་རལ། ནམ་མཁའ་རྒྱལ་མཚན་གྱི་དབུ་ལོ། ཕྱག་འཕྲེང་། རྡོ་རྗེ་

[Full Size]

འཆང་ཀུན་དགའ་རྒྱལ་མཚན་གྱི་སྒོམ་ཐག །རྗེ་དགེ་འདུན་རྒྱ་མཚོའི་ཡུམ་གྱི་གདུང་། མགོན་པོ་རིན་ཆེན་གྱི་དབུ་སྐྲ། ཐང་སྟོང་རྒྱལ་པོའི་ཚེ་རིལ། དབུ་ལོ། ཕྱགས། ཕྱག་ཕྲེང་། གཏོར་སྒམ། གདུང་། སླེ་བེམ། ལེགས་ལྡན་རྗེའི་དབུ་སྐྲ། གདུང་དམ་རྫས། བཀའ་བརྒྱད་ལུགས་གསུམ་གྱི་ཆོས་སྨན། དབུ་ཞྭ། སྐུ་རགས། དེ་དང་ཚར་ཆེན་ཐུན་མོང་གི་དཔག་མེད་རིགས་མང་པོ་བསྒྲུབས་པའི་ཚེ་བུམ། མངའ་རིས་པཎ་ཆེན་གྱི་གདུང་། སྐུ་ཤམ། སྣམ་སྦྱར། ཆོས་རྒྱལ་བཀྲ་ཤིས་སྟོབས་རྒྱལ་གྱི་དབུ་ལོ། དབུ་ཞྭ། ཆོས་སྨན། དེ་དང་གདུང་བརྒྱུད་འཕྲིན་ལས་རྣམ་རྒྱལ་ཐུན་མོང་གི་ཆོས་སྨན། བཀའ་བརྒྱད་སྨན་རག །སྙིང་མཛོད་ཤོག་སེར། འགྲོ་དོན་ལས་སྦྱོར་ལྔ་པ། མྱོལ་གྲོལ་པདྨ་རཱ་གའི་ཕབ་རྒྱུན། རྗེ་རིན་ཆེན་ཕུན་ཚོགས་ཀྱི་ཕྱག་འཕྲེང་། སྐུ་ཤ །དབུ་སྐྲ། ཙ་རྨོ། པུར་རས། ཆོས་སྨན། རྗེ་ཤེས་རབ་འོད་ཟེར་གྱི་གདུང་། ཐུགས། ན་བཟའ། དམ་རྫས་རོལ་ཆེན། སོ་ལེགས་ལྡན་རྡོ་རྗེའི་སྐུ་ཤ །རིགས་འཛིན་ངག་གི་དབང་པོའི་དབུ་ལོ་གདུང་། སྐུ་གཟན། ཆོས་སྨན། རྒོད་ལྡེམ་ནས་དབང་པོའི་སྡེ་ཡབ་སྲས་ཡན་གྱི་ཆོས་སྨན། ཡོལ་མོ་བསྟན་འཛིན་ནོར་བུའི་དབུ་རལ། གདུང་། ན་བཟའ། སྐྱེ་བདུན། འབྲི་གུང་ཆོས་ཀྱི་གྲགས་པའི་ཚེམས། དབུ་སྐྲ། རྒྱལ་བ་རིན་ཆེན་གྱི་གདུང་། ཆོས་སྨན། སྐུ་སྲུངས་བ་ཚེ་བདག་བཀྲ་ཤིས་ཀྱི་དབུ་ལོ། རིགས་འཛིན་དུ་མ་རང་གྲོལ་གྱི་ཆབ་སེར། ཡུག་ནོར་བུ་དབང་རྒྱལ་གྱི་དབུ་སྐྲ། གསུང་སྤྲུལ་ཚུལ་ཁྲིམས་རྡོ་རྗེའི་ཆོས་སྨན། སྐྱེ་བདུན། ཀོང་པོ་རྫོགས་ཆེན་པའི་གདུང་། ཆོས་སྨན། འགྲོ་དོན་ལས་སྦྱོར་ལྔ་པ། རྟ་མགོ་བྱ་བྲལ་ཆོས་རྗེའི་གདུང་། སྣང་གསལ་བ་ཡེ་ཤེས་གྲུབ་པའི་དབུ་ཐོད། རིགས་

[Full Size]

འཛིན་འཕྲིན་ལས་རྣམ་རྒྱལ་དང་སྣ་ཚོགས་རང་གྲོལ་གྱི་གདུང་། ཆོས་སྨན། ཟུར་ཆེན་ཆོས་དབྱིངས་རང་གྲོལ་གྱི་གདུང་། དབུ་ལོ། ཕྱག་འཕྲེང་། དམ་རྫས། སྨན་ལུང་པ་བློ་གྲོས་མཆོག་གི་རྡོ་རྗེའི་དབུ་སྐྲ། སྣམ་སྦྱར། བྲག་སྣའི་ཆོས་སྨན། རྡོ་རྗེ་བྲག་སྤྲུལ་པའི་སྐུའི་སྐྱེ་བདུན། གཏེར་བདག་གླིང་པའི་དབུ་རལ། སྐུ་མཚལ། དེ་གཏེར་ཨྱོན་སྐུ་རགས། ཨ་ཐམ་མ། རྟེན་འདུས་རྣམས། བཀའ་གདམས་དང་དགེ་ལུགས་སྐོར་ལ། ཇོ་བོ་དཱི་པཾ་ཀ་རའི་གདུང་། གསེགས་དྲིལ། ཕྱག་འཕྲེང་སྣམ་སྦྱར། ཕྱག་ཆ། སྐུ་ཆོས། དབུ་ཞྭ། སྟན། ཕྱག་བྲིས། རྒྱ་དཔེ། འབྲོམ་སྟོན་པའི་ཚེམས། གདུང་། སྐུ་ཤ །དབུ་ལོ། ན་བཟའ། སྟན། པོ་ཏོ་བའི་ཐུགས་དབུ་སྐྲ། གདུང་། ན་བཟའ། སྐུ་ཆོས། སྤྱན་སྔ་ཚུལ་ཁྲིམས་འབར་གྱི་དབུ་ལོ་རྔོག་ལོ་ཁུ་དབོན་གྱི་ན་བཟའ། རྔོག་ལོའི་དཔེ་ཁྲིའི་ཐག་པ། ཁུ་སྟོན་བརྩོན་འགྲུས་གཡུང་དྲུང་གི་གདུང་། ཞང་ཀ་མ་བའི་གདུང་། ཤ་ར་བ་ཡོན་ཏན་གྲགས་ཀྱི་སྐུ་མཚལ། ཤ་བོ་སྒང་པའི་གདུང་། སེ་སྤྱིལ་བུ་བའི་སྣམ་སྦྱར། སྣེའུ་ཟུར་པའི་དབུ་ལོ། ན་བཟའ། བཤེས་གཉེན་སྒྲེ་པའི་གདུང་། ཁམས་པ་ལུང་པའི་ཕྱེའུ། སྦས་ཏི་དགྲ་བཅོམས་པའི་དབུ་སྐྲ། སྣམ་སྦྱར། བྱ་འདུལ་འཛིན་གྱི་དབུ་ལོ། གདུང་། མཆིམས་ནམ་མཁའ་གྲགས་ཀྱི་གདུང་། དབུ་སྐྲ། ན་བཟའ། སྣར་ཐང་གི་རྟེན་འདམ། བཅོམ་ལྡན་རལ་གྲིའི་གདུང་དཔལ་ལྡན་གྲོའི་རྟེན་འདམ། ལྷོ་བྲག་ཕྱག་རྡོར་བའི་ཕྱག་མཛུབ། དབུ་སྐྲ། ཕྱགས། རྗེ་བཙུན་བཙོང་ཁ་པ་ཆེན་པོའི་དབུ་ལོ། སྐུ་མཚལ། ཚེམས། སྐུ་དྲེག །གསང་ཆབ། དབུ་ཞྭ། སྣམ་སྦྱར། སྐུ་ཆོས། སྐུ་སྙེ། ན་བཟའ། ཕྱགས། ཕྱག་ནས།

[Full Size]

རྟོགས་ལྡན་འཇམ་དཔལ་རྒྱ་མཚོའི་ཞབས་ངར། མཁས་གྲུབ་རྗེའི་གདུང་། པཎ་ཆེན་དགེ་འདུན་གྲུབ་པའི་ཚེམས། སྐུ་ཆོས། དབུ་ཞྭ། རྗེ་ནོར་བཟང་རྒྱ་མཚོའི་གདུང་། དབུ་སྐྲ། བཞུགས་འདིང་། མདུང་རྩེ་རས་པའི་དབུ་ལོ། འདར་སྟོན་བློ་བཟང་གྲགས་པའི་གདུང་། ཕྱག་འཕྲེང་། འཇམ་དབྱངས་ལེགས་པ་ཆོས་འབྱོར་གྱི་ན་བཟའ། བ་སོ་ཆོས་ཀྱི་རྒྱལ་མཚན་གྱི་དབུ་སྐྲ། འཇམ་དབྱངས་གཙང་པ་བདུན་བརྒྱུད་ཀྱི་དབུ་ལོ་ཕྱག་སེན་སོགས་ཡོད་པ། པཎ་ཆེན་བྱམས་པ་གླིང་པའི་ན་བཟའ། རྗེ་སྨོན་ལམ་དཔལ་བའི་དབུ་སྐྲ། ཤངས་ཕྱིས། གྲུབ་ཆེན་ན་ཁ་བའི་དབུ་ལོ། ཐམས་ཅད་མཁྱེན་པ་དགེ་འདུན་རྒྱ་མཚོའི་སྐུ་མཚལ། རིང་བསྲེལ། དབུ་སྐྲ། ཤངས་མཚལ། གསང་ཆབ། སྐུ་རགས། པུར་སོལ། སེམས་དཔའ་ཀུན་བཟང་པའི་དབུ་ལོ། པཎ་ཆེན་བསོད་ནམས་གྲགས་པའི་གདུང་། དབུ་སྐྲ། ཁྲི་ཆེན་བདེ་བ་ཅན་པའི་གདུང་། རྗེ་བསྟན་དར་བའི་དབུ་ལོ། སྔགས་རམས་པ་དགེ་འདུན་བཀྲ་ཤིས་ཀྱི་གདུང་། དེའི་འཕྲེང་བའི་དཀྱིལ་འཁོར། སྒྲུབ་མཆོད་ཀྱི་རྡུལ་ཚོན། ཐམས་ཅད་མཁྱེན་པ་བསོད་ནམས་རྒྱ་མཚོའི་དབུ་ཀླད། ཕྱག་ངར། ཆབ་སེར། དབུ་སྐྲ། སྐུ་ཤ །པུར་རས། མགུལ་སྲུང་ཐག་པ། སྐུ་ཆས།གསོལ་པང་། སྐུ་སྦྱར། སྐུ་རགས། འཕྲེང་ཐག །ཞ་ཐུལ། འདིང་བ། ཚེ་རིལ། རྟེན་འདུས། བླ་མ་སྐུ་གསུམ་གྱི་སྒྲུབ་པ་གནང་བའི་བུམ་ཆུ། བདུད་རྩི་རིལ་བུ། སྒོམ་བདེ་ནམ་མཁའ་རྒྱལ་མཚན་གྱི་དབུ་སྐྲ། རྗེ་དྲུང་བསྟན་པ་རྒྱ་མཚོ་དང་ལྷ་དབང་པའི་གདུང་། རྗེ་ཡོན་ཏན་རྒྱ་མཚོའི་དབུ་ལོ། ཤངས་མཚལ་གདུང་

[Full Size]

གསང་ཆབ། པུར་རས། དབུ་ཞྭ། སྐུ་གཡོགས། མགུལ་སྲུང་ཐུམས། རྡོ་རྗེ་འཆང་ཕ་བོང་ཁ་པའི་དབུ་ལོ། གདུང་། ཚེམས། ཐུགས། དབུ་ཀླད། རིང་བསྲེལ། སྐུ་ཤ །ཕྱག་སེན། གསང་ཆབ་དབུ་ཞྭ། སྣམ་སྦྱར། བདུད་རྩི་རིལ་བུ། ཁྲི་རིན་པོ་ཆེ་དཀོན་མཆོག་ཆོས་འཕེལ་གྱི་དབུ་སྐྲ། རྟེན་འདུས། ངེད་རང་གི་སྐྲ་དང་ཁྲག་རྣམས། ས་ལུགས་སྐོར་ལ་རྣལ་འབྱོར་དབང་ཕྱུག་བི་རཱུ་པའི་རུས་རྒྱན། སྒོམ་དབྱུག །བདུད་རྩི་རིལ་བུ །འབྲོག་མི་ལོ་ཙཱ་བའི་གདུང་། བ་རི་ལོ་ཙཱ་བའི་ན་བཟའ། འཁོན་ཤེས་རབ་ཚུལ་ཁྲིམས་ཀྱི་ཕྱག་འཕྲེང་། རུས་རྒྱན། འཁོན་དཀོན་མཆོག་རྒྱལ་པོའི་དབུ་ལོ། ན་བཟའ། དེ་དང་ས་ཆེན་ཐུན་མོང་གི་རས་ཕྲུག་གི་ན་བཟའ། བླ་མ་གནམ་ཁའུ་པའི་གདུང་། རུས་རྒྱན། བཞེས་ཅན། ཞང་སྟོན་ཆོས་འབར་གྱི་ན་བཟའ། ས་ཆེན་ཀུན་དགའ་སྙིང་པོའི་གདུང་། གར་གོས། ན་བཟའ། སྐུ་བེམ། རུས་རྒྱན། བདུད་རྩི་རིལ་བུ། རྗེ་བཙུན་བསོད་ནམས་རྩེ་མོའི་དབུ་སྐྲ། ན་བཟའ། གར་གོས། བདུད་རྩི་རིལ་བུ། རྗེ་བཙུན་གྲགས་པ་རྒྱལ་མཚན་གྱི་གདུང་། ཤངས་མཚལ། དབུ་ལོ། ཐོད་འཕྲེང་མེ་འབར། འདིང་བ། གར་གོས། བེར། ན་བཟའ། ཁ་ཊྭཱཾ་གའི་ཕན་ལྡེ། བདུད་རྩི་རིལ་བུ། ས་པཎ་གྱི་གདུང་། དབུ་སྐྲ། སྐུ་རྒྱན། སྣམ་སྦྱར། དེར་ཁ་ཆེན་པཎ་ཆེན་གྱིས་གནང་བའི་རྟེན་འདམ་དཔེ་བྲལ་མ། འགྲོ་མགོན་ཆོས་རྒྱལ་འཕགས་པའི་གདུང་། ཐུགས། ན་བཟའ། ཕྱག་འཕྲེང་། སྐུ་ཆོས། རྡོ་རྒྱུས་པང་ཁེབས། རྒྱལ་བ་ཕྱག་ནའི་གདུང་། ན་བཟའ། ཐེག་ཆེན་

[Full Size]

ཆོས་རྗེའི་གདུང་། དབུ་ལོ། པུར་རས། པུར་སོལ། ཞབས་སྒྲོག །བླ་མ་དམ་པ་བསོད་ནམས་རྒྱལ་མཚན་གྱི་གདུང་། ན་བཟའ། སྣམ་སྦྱར། གདུང་ཚ། སྐུ་གཡོགས། སྐུ་འགག །གཟུངས་ཐག །ན་བཟའ་བྲག་ཕུག་པའི་བདུད་རྩི་རིལ་བུ། སྔགས་འཆང་གཟུངས་ཀྱི་དཔལ་བའི་སྐུ་ཕེད། ངོར་ཆེན་ཀུན་དགའ་བཟང་པོའི་དབུ་སྐྲ། པུར་རས། འདིང་བ། ན་བཟའ། སྐུ་ཆོས། རྡོ་རྗེ་གདན་པ་ཀུན་དགའ་རྣམ་རྒྱལ་གྱི་ཚེམས། སྣམ་སྦྱར། སྐུ་ཤམ། མཉམ་མེད་ཡེ་ཤེས་དཔལ་བཟང་གི་དབུ་ལོ། ཀུན་མཁྱེན་གཡག་པའི་གདུང་། ལམ་འབྲས་བ་དོན་ཡོད་དང་པཎ་ཆེན་ཤཱཀ་མཆོག་གི་དབུ་སྐྲ། མུས་ཆེན་དཀོན་མཆོག་རྒྱལ་མཚན་གྱི་རྟེན་འདུས། ཡོངས་འཛིན་དཀོན་མཆོག་འཕེལ་གྱི་ན་བཟའ། འཇམ་དབྱངས་ནམ་མཁའ་རྒྱལ་མཚན། རྒྱ་གར་ཤེས་རབ་རྒྱལ་མཚན། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གསུམ་གྱི་གདུང་། ཕྱི་མའི་གདུང་ཚ། དབུ་ལོ། དབུ་ཐོད། ན་བཟའ། བདུད་རྩི་རིལ་བུ་ལུང་བསྟན་མ། རྡོ་རིང་ཀུན་སྤངས་ཆེན་པོའི་གདུང་། པུར་ཚ། ཚེ་བུམ་སྒོ་རུམ་པ་ཀུན་དགའ་ལེགས་པའི་གདུང་། ངོར་ཆེན་དཀོན་མཆོག་ལྷུན་གྲུབ་ཀྱི་དབུ་སྐྲ། སྐུ་རགས། ས་ལོ་འཇམ་དཔལ་རྡོ་རྗེའི་དབུ་ལོ། ན་བཟའ། ཚར་ཆེན་རྡོ་རྗེ་འཆང་གི་གདུང་། ཤངས་མཚལ། ཞབས་སེན། ཆབ་སེར། དབུ་སྐྲ། པུར་ཚ་ཚེམས་དྲེག །སྐུ་རགས། གཏོར་མ། དེ་དང་མངའ་རིས་རིགས་འཛིན་ཆེན་པོ། འཇམ་དབྱངས་མཁྱེན་བརྩེ་གསུམ་གྱིས་གསར་རྙིང་གི་ཚེ་དཔག་མེད་མང་བསྒྲུབས་ཀྱི་ཚེ་རིལ། ཕྱི་མའི་གདུང་། དབུ་ལོ། ཤངས་མཚལ། འདིང་བ། ནག་ལེབ།

[Full Size]

ཆོས་སྨན། མྱོང་གྲོལ། བཀའ་བརྒྱད་སྒྲུབ་ཆེན་གྱི་ཚེ་རིལ། བཀའ་བརྒྱད་ལུགས་གསུམ་གའི་སྒྲུབ་པའི་ཆོས་སྨན། བདུད་རྩི་རིལ་བུ། མང་ཐོས་ཀླུ་སྒྲུབ་རྒྱ་མཚོའི་དབུ་ཐོད། རིན་པོ་ཆེ་བོད་མཁར་བའི་དབུ་སྐྲ། སྔགས་འཆང་བསོད་ནམས་ཆོས་འཕེལ་དང་མཁན་བསླབ་གསུམ་རྒྱལ་མཚན་གྱི་གདུང་། མཁན་གཞོན་ནུ་བློ་གྲོས་ཀྱི་དབུ་ལོ། གདུང་། ཚེམས། བདུད་རྩི་རིལ་བུ། རྟག་གཏོར། རྡོ་རྗེ་འཆང་དབང་རབ་ཀྱི་དབུ་སྐྲ། གདུང་། བདུད་རྩི་རིལ་བུ། སྐྱེ་བདུན། ནག་ལེབ། མགུལ་སྲུང་ཐག་པ། སྒྲུབ་གཏོར། མཁའ་སྤྱོད་མའི་བྱིན་རླབས་ཀྱི་སིནྡྷུ་ར། བདག་ཆེན་བསོད་ནམས་དབང་པོའི་དབུ་སྐྲ། སྔགས་འཆང་གྲགས་པ་བློ་གྲོས་ཀྱི་བདུད་རྩི་རིལ་བུ། འཇམ་དབྱངས་ཀུན་དགའ་བློ་གྲོས་ཀྱི་གུར་དྲག་བསྙེན་པའི་ཕྲེང་ཐག །རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ་ཀྱི་དབུ་ལོ། སྐུ་ཆོས། བདག་ཆེན་ངག་དབང་ཀུན་དགའ་དབང་རྒྱལ་གྱི་བདུད་རྩི་རིལ་བུ། ཞབས་དྲུང་ཨ་མིའི་སྐུ་ཤམ། ན་བཟའ། ཐར་པ་རྩེ་པ་ནམ་མཁའ་དཔལ་བཟང་གི་དབུ་སྐྲ། མགོན་པོ་བསོད་ནམས་མཆོག་ལྡན་གྱི་གདུང་། དབུ་ལོ། ཚེ་རིལ། སྐྱེ་བདུན། པོ་ཏ་ལའི་རྩེར་རྒྱུ་དབང་གནང་བའི་རྡུལ་ཚོན། མཁན་ཆེན་ཞ་ལུ་པའི་དབུ་སྐྲ། བསམ་གཏན་གླིང་པའི་གཏོར་མ་འཇམ་དབྱངས་རྒྱལ་མཆོག་དང་ཀུན་བཟང་རྩེ་པས་བསྒྲུབས་པ། ཆོས་ལུང་བྱང་རྩེའི་བདུད་རྩི་རིལ་བུ། རྒྱ་བོད་དམ་རྫས་ཤིན་ཏུ་འཛོམ་ཆེ་བ་རྣམས། དྭགས་བརྒྱུད་པའི་སྐོར་ལ་སྒམ་པོ་ཟླ་འོད་གཞོན་ནུའི་ཐུགས། གདུང་། དབུ་ལོ། ཕྱགས།

[Full Size]

ན་བཟའ། མྱོང་གྲོལ། སྒོམ་པ་ཚུལ་ཁྲིམས་ཀྱི་དབུ་སྐྲ། གསལ་སྟོང་ཤོ་རེའི་ཕྱགས། ཕྱག་ཚ། ཕག་མོ་གྲུ་པའི་དབུ་སྐྲ། ན་བཟའ། སྟན། འཇག་སྤྱིལ། བེར། བདུད་རྩི་རིལ་བུ། གདན་ས་མཐིལ་གྱི་སྐུ་འབུམ་བར་དང་སྐུ་འདྲ་རིན་པོ་ཆེའི་སྐུ་ཤ །རྗེ་དབུ་སེའི་གདུང་། དབུ་ལོ། ན་བཟའ། འབབ་རོང་པའི་ཤངས་མཚལ། ན་བཟའ། ཆིབས་སྒ། འབྲི་གུང་འཇིག་རྟེན་གསུམ་མགོན་གྱི་དབུ་སྐྲ། གདུང་། ན་བཟའ། ཤངས་མཚལ། སྟག་ལུང་ཐང་པའི་ན་བཟའ། ཀརྨ་པག་ཤིའི་དབུ་ལོ། ཐུགས། རྒྱལ་བ་ཐོག་བརྡུགས་པས་ཐོག་གཏུམས་པའི་ན་བཟའ། རྒྱལ་བ་ཡང་དགོན་པའི་དབུ་སྐྲ། གདུང་། སྤྱན་སྔ་གྲགས་འབྱུང་བའི་གསེར་གཏོར་བདུད་རྩིར་སོང་བ། ཀརྨ་བ་མཐོང་བ་དོན་ལྡན་གྱི་གདུང་། ཤངས་མཚལ། རྗེ་འགྲོ་མགོན་གྱི་ཕྱགས། སྤྱན་སྔ་ཚེས་བཞི་པའི་ཕྱག་འཕྲེང་། སྤྱན་སྔ་ཆོས་ཀྱི་རྒྱལ་པོའི་དབུ་ལོ། སྟག་ལུང་ངག་དབང་གྲགས་པའི་གདུང་། སྣེའུ་སྡོང་དགོན་གསར་གྱི་ཆེ་ས་སངས་རྒྱས་རྒྱལ་མཚན་གྱི་རྟེན་འདམ་སྟེ་གོང་གསལ་རྣམས་ནས་ཡུངས་འབྲུ་ལྟ་བུའི་རིང་བསྲེལ་རེ། གཞན་ཚོའི་ཆ་ཤས་རེ། འོད་དཔག་མེད་རྒྱ་ནག་མ། སྟོན་པའི་གསེར་སྐུ། ཨྱོན་རྗེ་དང་གདུང་རྟེན་རག །དཔལ་མར་མེད་མཛད་དང་ཐམས་ཅད་མཁྱེན་པ་དགེ་འདུན་རྒྱ་མཚོའི་གསེར་སྐུ་རེ། རིག་པ་ཆེན་མོ་དང་བླ་གཟུངས་སོ་སོར་སུམ་བརྒྱ་རེ། གསར་རྙིང་གི་བླ་མེད་ཆིག་སྟོང་ལྔ་བརྒྱ། སྲོག་ཤིང་བརྟན་པ་སུམ་བརྒྱ། རག་གི་བདེ་མཆོག་ལྷན་སྐྱེས། ཕྱག་རྡོར་འཁོར་ཆེན་གསེར་སྐུ། རཏྣའི་ཚེ་འཁོར་མེའི་སྤུ་གྲིའི་སྲུང་བཟློག་ཁ་

[Full Size]

སྦྱོར་རེ། ལོག་ཏྲིའི་སྲུང་བཟློག་རེ། རྟ་མགྲིན་གྱི་སྲུང་འཁོར། གྲ་པའི་ཛམ་དམར་དང་ཀུ་རུ་ཀུ་ལླཻའི་དབང་སྡུད་རེ། རྣལ་འབྱོར་རྒྱུད་ཀྱི་གཟུངས་བདུན་བརྒྱ། རྣམ་པར་སྣང་མཛད་ཀྱི་རག་སྐུ་རྙིང་མ། སྒྲིབ་པ་རྣམ་སེལ། འོད་ཟེར་དྲི་མེད་ཀྱི་སྲོག་ཤིང་བརྟན་པ། རྣམ་པར་སྣང་མཛད་གཟི་བརྗིད་རྒྱལ་པོའི་གཟུངས་རྣམས་ཆིག་བརྒྱ་སུམ་ཅུ་རེ། སྤྱོད་རྒྱུད་ལྔ་བརྒྱ། བྱ་རྒྱུད་ཆིག་སྟོང་དང་བཅུ། སྡེ་ལྔ་ཆེ་ཆུང་འདྲེས་པ་སྟོང་ཕྲག་ཕྱེད་གཉིས། ཚེ་མདོ་བཅུ་གསུམ་ཕྱག་རྡོར་ཁ་ཆེ་ལི་སེར། ཤིས་བརྗོད་སུམ་བརྒྱ། ཆོས་སྐྱོང་ཆིག་སྟོང་ཉེར་ལྔ། ནད་རིམས་སོགས་འཚེ་བ་ཞི་བྱེད་བྱིས་པ་གཏེར་སྟོན་གྱི་སྲུང་བ་རྒྱས་པ། རྡོ་ནག་གི་མགོན་པོ་ཕྱག་དྲུག །ཁྲོ་ལིའི་ཛམ་སེར། བརྟན་བཞུགས་སུམ་བརྒྱ། གཏེར་བུམ་གསུམ། བར་མཚམས་དྲི་བཟང་གི་ཐུམ་བུ་དར་རས་སེར་པོས་དཀྲིས་ཤིང་བང་མཛོད་རིན་པོ་ཆེའི་རིགས། སྨན་སྣ་འབྲུ་སྣ། ཇ་སྣ། ཟས་སྣ། ཤིང་ཏོག །གོས་དར། རས། རྒྱ་དཀར་ནག །བལ་བོད། གནས་ཆེན་སོགས་ཀྱི་ས་རྡོ་ཤིང་ཆུ་མེ་ཏོག་སོགས་ཀྱི་རིགས་མཐའ་ཀླས་པས་ཕྱུར་བུར་གཏམས། འོག་ཏུ་བོད་འབངས་སྤྱི་དང་བྱེ་བྲག་རྒྱུ་སྦྱོར་བར་གནོད་པའི་གཟུགས་ཅན་གཟུགས་མེད་མནན་སྟེང་རབ་གནས་ཅན་གྱི་སཱཙྪ་བཅུ་བཞུགས་སུ་གསོལ། དམ་ཚིག་པར་ཡེ་ཤེས་སེམས་དཔའ་ཚད་མེད་པ་བསྟིམ་བའི་རབ་གནས། མེ་ཏོག་གི་ཆར་དབབ། གནོད་སྦྱིན་ཆེན་པོས་ཀྱང་རྟེན་འབྲེལ་སྒོ་དུ་མར་འགྲིག་ཚུལ་གསུངས་ཤིང་མཐིལ་དང་མཆིམས་ཕུའི་མཆོད་ཁང་ཐམས་ཅད་ལ་ཞལ་གསེར། སྙན་ཤལ་འདོད་གསོལ་མ། དཀར་

[Full Size]

མེ་མཆོད་ཚོགས་སྤེལ། ཚེས་བཅུ་བཞིར་ངག་དབང་མཁས་བཙུན་དང་། ནམ་མཁའ་རྒྱ་མཚོ་གཉིས་ཀྱིས་འདོན་ཆ་ཡོངས་རྫོགས་ཀྱི་རྒྱུགས་སྤྲད། ཚེས་བཅོ་ལྔར་སེར་འབྲས་གཉིས་སུ་ཇ་ཚུལ་བཅུ་གསུམ་རེའི་ཐོག་སྤོང་དག་ངེད་རང་གི་གོས་རྩེ་ཞྭ་བཞི། ཆོས་གོས་བཅུ་གཉིས། སེར་སྐེད་དྲུག །ཐང་ཤམ་བཅུ་དྲུག །རྡུལ་གཟན་ཉེར་བཞི། རིང་འགག་བརྒྱད། བེར་དང་འགན་སྦྱར་ལྔ་རེ། རྒྱ་ལྷམ་ཆ་གསུམ། སྙེ་འབོལ་གཉིས། སྟོད་འགག །འདིང་བ་སྟན་དམར། གཟན་ཕྲུག་ཆེན་རྣམས་རེ། གོས་སྟན་དགུ །བླ་བྲེ་བཞི། ཁ་བཏགས་ཀྱི་ཡོལ་བ་ལྔ། རྡོར་དྲིལ་བརྒྱད། སྦུག་ཆོལ་བཞི། སིལ་སྙན། དཀར་ཡོལ། དངུལ་སྟེགས། བཟེད་ཞལ། ཆབ་རིལ་རྣམས་གཉིས་རེ། དངུལ་སྐུ་ཆ་འགྲིག་བཅུ་གཉིས། ར་མ་ལུག་ཆ་ཚང་གཉིས་བཅས་གྲ་པ་རེར་དངུལ་ཞོ་དོ་རེའི་ཁྱོན་སྲང་ཆིག་སྟོང་བཞི་བརྒྱ་ཞེ་བཞི་ཕུལ་བར་གདུགས་དཀར་ཆིག་འབུམ་ཆིག་ཁྲི་བཞི་སྟོང་ལྔ་བརྒྱ། ཤེར་སྙིང་བཞི་འབུམ་དགུ་སྟོང་ལྔ་བརྒྱ། བཟང་སྤྱོད་ཆིག་འབུམ་བཞི་ཁྲི་དགུ་སྟོང་ལྔ་བརྒྱ་སོང་། ལྕགས་ཡོས་ཧོར་ཟླ་ལྔ་པའི་ནང་འབྲས་སྤུངས་འདུ་ཁང་དུ་སྤྲུལ་སྐུ་མཁན་སློབ་གྲ་བཅས་སྟོང་དུ་ཉེ་བ་དང་ཁ་འཐོར་བ་བཅས་ལ་པཎ་ཆེན་འཇིགས་མེད་འབྱུང་གནས་དང་དཪྤ་ཎ་ཨཱ་ཙཪྻའི་དགོངས་དོན་འཁྲུལ་མེད་ལུགས་ཀྱི་རྡོ་རྗེ་ཕྲེང་བའི་དབང་བསྐུར་ནའང་ལ་ལ་སྡུག་གེ་སྙིང་རྗེ་ཞེས་གསུང་བཙུན་མདོག་དང་། ཁ་ཅིག་ནི་རང་རྒྱལ་གཞན་དམའ་དབབ་འདོད་པའི་མཁས་ཁྱད་ཀྱིས་ང་རྒྱལ་ལམ། འགའ་ཞིག་ནི་འདི་སྣང་འཇིག་རྟེན་ཆོས་ཀྱིས་དུས་འདས་པ་ཡིན་ནམ། གང་ལྟར་མིག་ལྟོས་

[Full Size]

ངན་པས་གལ་ཆུང་ཆོས་ལ་སོང་སྐྱོན་གྱིས་ས་ལུགས་ལྟར་མང་པོར་སྤེལ་བ་ལྟ་ཞོག་རེ་གཉིས་ཀྱང་མ་འཕེལ་བར་བརྟེན་ཆད་ན་འཕངས་ཤིང་སྤེལ་དགོས་པའི་གླེང་བྱུང་བ་བཞིན་བསྟན་རྒྱུན་ལ་བསམས་སྔར་ཐོབ་པ་འཆད་ཐུབ་བམ་སྙམ་པ་སྔགས་རམས་པ་ནམ་མཁའ་བཟང་པོ་ཡོད་པ་དཔེ་འཛིན་དང་ལས་རུང་གི་བསྙེན་པ་བཅུ་ཆའི་སྦྱིན་སྲེག་དང་བཅས་བྱེད་བཅུག །དགོས་བྱེད་རོགས་སོགས་གཞུང་ནས་གྲ་བསྒྲིགས་ཚེས་བཅུ་དྲུག་གཟའ་སྐར་བཟང་ཐོག་དྲིན་ཅན་བླ་མའི་དབོན་འ་ཞ་ནམ་མཁའ་བསོད་ནམས་དབང་གི་རྒྱལ་པོ། དཔལ་འཁོར་ཆོས་སྡེའི་མཁན་པོ། ཁལ་ཁ་ཞབས་དྲུང་། སྔགས་རམས་པ་བློ་བཟང་སྐྱེས་མཆོག །ངག་དབང་དཔལ་བཟང་། དོན་གྲུབ་རྒྱ་མཚོ་སོགས་གྲ་ཚང་གི་གྲ་པ་བཅས་དགུར་གཡུལ་རྒྱལ་ལྕོག་ཏུ་དབུ་བཙུགས། ཉེར་དྲུག་ལ་ཐང་ལྷའི་སྐུ་མཁར་ཞིག་གསོ་དང་བཟབས་གསོལ་གཏོང་བར་ངག་དབང་མཁྱེན་རྩེ་དང་དོན་གྲུབ་རྒྱ་མཚོ་བཏང་ནས་མཉེས་པར་བྱས་ཏེ་བྱང་ཕྱོགས་ཀྱི་མི་མཐུན་ཕྱོགས་སེལ་བའི་དགོས་པ་བསྒྲུབས། ཉེར་བརྒྱད་ལ་འབྲས་ཡུལ་དཀར་མོ་ལྗོངས་སུ་གཏོར་གསོས་ལ་དགེ་སློང་ཕུན་ཚོགས་རྒྱ་མཚོ་དང་བློ་གྲོས་རྒྱ་མཚོ་བཏང་སྟེ་རི་མཐིལ་གྱི་མགོན་ཁང་ཚོར་འདོད་གསོལ་གྱི་ཁ་བྱང་བཀོད་པའི་སྙན་ཤལ། གསེར་སྐྱེམས། ཁྲབ་རྨོག །སག་ཐག་གཞུ་བཅས། རལ་གྲི་སོགས་སྤྱན་གཟིགས། མཆོད་གཏོར་ཐམས་ཅད་རྒྱས་པར་གསོས་ནས་གྲ་པ་བརྒྱད་ཅུས་ཞག་གསུམ་གྱི་བར་བསྐང་གསོ་སྨིན་རྒྱས་དང་ཚོགས་ཆེན་ལ་མང་ཇ་ལྔ་བཏང་། གོ་ཁང་དུ་ཆོས་རྗེ་བཀྲ་བཟང་པ་གྲ་སློབ་རྣམས་ཀྱིས་རྟ་མགྲིན་དྲེགས་པ་ཟིལ་མནོན་གྱི་

[Full Size]

སྒྲུབ་པ་ཞག་བདུན་བཙུགས་ཏེ་བསམ་སྦྱོར་ངན་འཆང་གི་སྡེ་བརྒྱད་སྤྱི་བྱེ་བྲག་བཏུལ་མཇུག་འཆི་བདག་བཟློག་པའི་ཆོ་ག་མཛད་པ་བྱིན་རླབས་ཀྱི་རྟགས་ཚན་ཆེ། ལ་མོ་ཆོས་སྐྱོང་གི་ལུང་བསྟན་བཞིན་ངེད་ཀྱི་རིམ་གྲོར་སྒོ་བློ་བསྒྲིལ་བས་བཀའ་འགྱུར་བརྒྱ། གསེར་འོད་ཆིག་བརྒྱ་སོ་གསུམ། སྒྲོལ་མ་ཆིག་སྟོང་སུམ་བརྒྱ། གདུགས་དཀར་སུམ་འབུམ་བཞི་ཁྲི་ལྔ་སྟོང་དྲུག་ཅུ། ཤེར་སྙིང་སུམ་ཁྲི་དྲུག་སྟོང་། བྱེས་སྨད་གཉིས་ནས་གསེར་འོད་བརྒྱ། ཐོད་རི་བས་བརྒྱད་སྟོང་པ་ཆིག་སྟོང་། བསྐལ་བཟང་ལོ་གྲངས། ཐང་པོ་ཆེར་ཕེབས། བཟབས་གསོལ་དགུ་ཚན་གསུམ། བསྐང་གསོ་ཞག་བཅུ། གཙང་ཁང་ཞིག་གསོ། སྡེ་པའི་རིམ་གྲོར་དར་རྒྱས་གླིང་པས་ཤེར་སྙིང་ཆིག་འབུམ། མཚན་བརྗོད་དང་གདུགས་དཀར་ཁྲི་རེ། འོལ་དགའི་དགེ་དགོན་ཚོ་བསྡུས་ཀྱིས་བཀའ་འགྱུར་ཚར་བཅུ། ཚོང་འདུས་ཆོས་སྐྱོང་གི་ལུང་བསྟན་ལྟར་སེར་འབྲས་སུ་ཆ་གསུམ་དང་། ཕ་བོང་ཁ་པས་གཏོར་མ་འབུམ་ཐེར་རེ། ཐང་ཆེན་ཆོས་སྐྱོང་གིས་བསྐུལ་མ་བཞིན་དཔལ་རི་བས་ཁྲོ་རོལ། ཀ་ཚལ་དུ་བླ་མ་ཟུར་པ། ཁྲ་འབྲུག་ཏུ་སྨིན་གྲོལ་གླིང་པ། གཙང་འགྲམ་དུ་སྒྲོལ་ཕུག་པ། གྲོམ་པ་རྒྱང་དུ་ཆུ་མིག་པ། བུ་ཆུར་སྙིང་ཕུ་བ། ལྷ་ཁང་དུ་གནས་གཞི་བ། པྲ་དུན་རྩེར་བྲག་དཀར་ཆུ་བཟང་པ་རྣམས་ཀྱིས་དམ་སྲིར་མནན་པ། རྫོང་འགོ་མང་པོར་ཀླུ་རྟེན་བཙུགས་ཤིང་ཁྲུས་གསོལ། ས་བདག་འཁྲུགས་གཏོ། སྣང་བརྒྱད་སྒྲོག་པ་རྣམས་སྔགས་བན་བོན་གསུམ་གྱིས་བྱས། གནས་ཆུང་ནས་ཆོས་སྐྱོང་ཆེན་པོས་རིང་འཚོ་སྤེལ་བའི་གེགས་སེལ་དུ་ལྷ་ས་ཁྱམས་རར་བདེ་ཡངས་པ་

[Full Size]

བརྒྱས་ཞག་བཅུར་གདུགས་ཤེར་གང་འགྲོ།ཧོར་ཟླ་བཞི་པའི་ཚེས་ལྔར་ཞ་ལུ་མཁན་པོ་འཇམ་དབྱངས་བསྟན་འཛིན་ལ་ཇ་གྲལ། འདི་ཉིན་རྡོ་རྗེ་འཕྲེང་བའི་དབང་བསྐུར་གྲོལ། དབོན་རིན་པོ་ཆེ་སྤྱན་ལྟོས་ཀྱིས་ཕྱོགས་ཀུན་ཏུ་བརྒྱུད་པ་འཕེལ་བ་ཞིག་ཡོང་བའི་རེ་བ་ཡོད། ཚེས་དྲུག་ལ་དཔལ་རི་སྤྲུལ་སྐུ་ངག་དབང་པདྨ་གཤེགས་པའི་བསྔོ་རྟེན་རྒྱ་ཆེར་འདུག་པ་ས་ལམ་གྱི་བར་གཅོད་སེལ་བའི་བསྔོ་སྨོན་གྱི་རྒྱས་འདེབས་ཡང་དག་བགྱིས་ཤིང་། ཁོང་པ་གཏེར་གསར་རིགས་འཛིན་ཐུགས་ཐིག་གི་ལུང་བསྟན་རབ་གསལ་མེ་ལོང་དུ། འཚོ་རྒྱལ་སྤྲུལ་པ་རྒྱལ་ལམ་པདྨའི་མིང་༔ བང་སོའི་ཕྱོགས་འབྱུང་འདི་དང་ཕྲད་པ་ན༔ མི་མཐུན་བར་གཅོད་ཀུན་ཞི་འགྲོ་དོན་རྒྱས༔ ཞེས་མཁར་ཆེན་བཟའི་སྤྲུལ་པར་ལུང་གིས་ཟིན་པ་ལྟར་ཚུལ་མཐུན་ཞིག་མཛད་ན་བསྟན་འགྲོར་ཕན་སླེབས་ཆེ་རུང་རང་རེ་སྒྲུབ་སྡེ་བའི་ཆོས་སྐལ་འབྱུང་ས་འབྲི་གུང་རིན་ཆེན་ཕུན་ཚོགས་ཡིན། དེའི་རྩ་བླ་རིགས་འཛིན་ལེགས་ལྡན་བདུད་འཇོམས། དེའི་བརྒྱུད་འཛིན་ཆོས་རྒྱལ་མཾ་གའི་མཚན་ཅན་ཡབ་སྲས་ལ་ལྷག་པར་མོས་གུས་ཆེ་དགོས་རྒྱུར་ག་ལོག་པའི་གཏེར་བརྫུས་མཁན་སྣང་རྩེ་བརྒྱུད་འཛིན་གོང་སོག་ལ་མཛད་པ་ཐུགས་རྒྱུད་ལ་འགོང་པོ་ཕེབས་པ་ལས་འོས་ཅི་མཆིས། འོན་ཀྱང་རང་ངོས་ནས་ཞབས་དྲུང་མའི་ཕྱག་རྗེས་དང་། ཆོས་བརྒྱུད་ལ་བསམས་ལོག་སེམས་ཡེ་མ་ཤོར་བའི་གཉེན་པོ་བསྟེན། སྤྱི་སོའི་ངོར་སྐུ་སྐྱེ་མྱུར་འབྱོན་གྱི་སྨོན་ལམ་བརྩམས། ཚེས་བརྒྱད་ནས་ཇོ་ཤཱཀ་སྐུ་མདུན་དུ་བདེ་ཡངས་པ་བཞི་བཅུས་མཆོད་པ་སྣ་ལྔ་བརྒྱ་རྩ་དང་བཅས་སྤྱན་འདྲེན་ཁྲུས་གསོལ། བཟང་སྤྱོད་

[Full Size]

དང་ལྟུང་བཤགས་འགྲོ་གང་ཆེ། ལྷ་ས་དུད་ཆིག་སྟོང་དྲུག་བརྒྱ་བརྒྱད་ཅུར་སྒོ་རེར་ཇ་ནག་པོ་ཉག་དོ་རེ་བསྡོམས་ཁོར་དྲུག་ཕྱེད་སོ་གཉིས། ངན་སློང་ལ་སྦྱིན་པ། བསམ་ཡས་དང་ལ་མོ་ཆོས་སྐྱོང་གི་ལུང་བསྟན་དུ་ངེད་རང་གི་རིམ་གྲོར་བྱང་ཆུབ་ཆེན་པོའི་སྐུ་མདུན་རབ་བྱུང་བས་དྲི་མེད་བཤགས་རྒྱུད་ཆིག་བརྒྱ། ལྷ་སར་བདེ་ཡངས་པས་ཕལ་ཆེན་སོ་གཅིག །གསེར་འོད་ཆིག་བརྒྱ་བཅུ་གཉིས། མཆུ་སྡེ་ལྔ། སྤྲིན་ཆེན། དཔང་སྐོང་། རྒྱ་ནག་ཀེག་བཟློག །དག་པ་གསེར་གྱི་མདོ་ཏིག་རྣམས་ཆིག་བརྒྱ་ལྔ་རེ། གདུགས་དཀར་ཉིས་སྟོང་ཉིས་བརྒྱ་བརྒྱད་ཅུ། ཤེར་སྙིང་དྲུག་སྟོང་ཆིག་བརྒྱ་བཞི་བཅུ། ཚེར་གསེབ་ཆོས་སྐྱོང་གི་ལུང་བསྟན་བཞིན་འཕྱོང་རྒྱས་སུ་རི་བོ་བདེ་ཆེན་པས་འབུམ་ལོ་གྲངས། སྡེ་པའི་རིམ་གྲོར་རྒྱས་འབྲིང་བསྡུས་པ་ལྔ་བཅུ་རེ། ནད་རིམས་བཟློག་བྱེད་ལ་མོའི་ལུང་བསྟན་ལྟར་རྫོང་གཞིས་ཆུང་འབྲིང་ཉེར་ལྔས་ཉིན་གསུམ་བསྟན་གསོལ། རྫོང་ཆེ་བ་དང་སྡེ་དཔོན་ཆེ་ཁ་དགུས་བསྟན་གསོལ་དང་རྒྱུད་འབུམ་སྒྲོགས། ཡུལ་གྲུ་ཆེ་ཆུང་དང་བསྟུན་འབུམ་བརྒྱད་སྟོང་པ་གདུགས་དཀར་ཡིག་བརྒྱ་རྣམས་གང་འགྲུབ། ཤེལ་བྲག་ཏུ་དགེ་སློང་ཡེ་ཤེས་ཕུན་ཚོགས། ཡང་རྫོང་དུ་རྡོ་རྗེ་བྲག །མཆིམས་ཕུར་རང་གྲ། ཁྲ་འབྲུག་ཏུ་དཔལ་རི་བ་རྣམས་གྲངས་བཅད་ཀྱིས་ཚོགས་བརྒྱ་དབུལ། ཚེས་དགུ་ནས་གྲ་ཚང་གི་གྲ་པ་གྲངས་བཅད་ལ་རྡོ་རྗེ་གྲོ་ལོད་ཀྱི་སྒྲུབ་པ་བཙུགས། ཚེས་བཅུ་ཆེན་མོའི་མཆོད་པ་སྔར་བཞིན་ཕུལ། ཚེས་བཅུ་བདུན་ནས་རྐང་ལག་ལ་ཕན་ཆེད་བདུད་རྩི་ཆུ་ཚན་ཉིན་བདུན་བརྒྱབ། ཉེར་གཉིས་ལ་གྲ་ཚང་གི་གྲ་པ་གྲངས་

[Full Size]

བཅད་ཀྱིས་ལོག་ཏྲིའི་སྒྲུབ་པ་དང་། ལྷ་སར་ཁྲོ་རོལ་བཏང་། ཉེར་དགུར་དགའ་ལྡན་གསང་སྔགས་གླིང་པའི་ཚོགས་ཁྲོ་གསར་བླུག །ཚེས་བཅུའི་འཆམས་ཡིག་འགོ་རྒྱངས། མདོས་བསྐང་འབུམ་ཐེར་དུས་འབུལ་རྒྱུའི་སྙན་དར་རྣམས་ཀྱི་ཁ་བྱང་བྲིས། གྲོ་ལོད་དང་ལོག་ཏྲིའི་སྒྲུབ་ཁག་གཉིས་པོ་གྲོལ་པའི་གཟུགས་མེད་སྤྱི་བྱེ་བྲག་སྲེག་པ་ཧོམ་གྱི་ལས་ལ་སྦྱར། ངེད་རང་དང་སྡེ་པ་ཐུན་མོང་གི་གེགས་སེལ་དུ་དྭགས་པོ་གྲ་ཚང་པས་ཡིག་དྲུག་ས་ཡ་གཉིས་དང་དགུ་འབུམ་སུམ་ཁྲི་ཉིས་སྟོང་དྲུག་བརྒྱ། སེ་ར་བྱེས་སྨད་བརྒྱས་གདུགས་ཤེར་ཉིས་སྟོང་ལྔ་བརྒྱ་རེ། དཀྱིལ་འཁོར་སྡིངས་སུ་བདེ་ཡངས་པ་བཞི་བཅུས་ཞག་བརྒྱད་བར་ཉིན་སྟར་སྤྱན་འདྲེན་ཁྲུས་གསོལ་དང་། བཟང་སྤྱོད་ཉི་ཁྲི་བཞི་སྟོང་བརྒྱད་ཅུ། ལྟུང་བཤགས་ཆིག་ཁྲི་དྲུག་སྟོང་ཆིག་བརྒྱ། གདུགས་དཀར་སུམ་བརྒྱ། ཤེར་སྙིང་ཉིས་སྟོང་ཉིས་བརྒྱ་བཞི་བཅུ། བཀྲ་ཤིས་རྩེ་ཆོས་སྡེར་ཆོག་མང་གཏོང་བའི་མཐུན་རྐྱེན་དུ་ལོ་སྟར་ལྷ་ས་ནས་ཡ་ཇུ་དམར་འདེགས་ཀྱི་ཁལ་བཅུ་གཅིག་ཉག་བཅུ་གཉིས་དང་སྣེའུ་རྩེ་ནས་འབྲུ་མཁའ་རུའི་ཁལ་སུམ་བརྒྱ་ཞེ་ལྔ་ལྷག་བཅས་ཆོས་རྒྱུན་ཆད་པ་མེད་པའི་ཆེད་རྒྱུན་བཙུགས། དཔལ་རི་བ་བརྒྱ་དང་བཅུས་མཆིམས་ཕུར་ཟླ་གཅིག་བར་སྐྱབས་སེམས། ལེའུ་བདུན་མ། སྒྲོལ་ཤེར། ཚེ་གཟུངས། ཆོས་སྲུང་གི་བསྐང་བ། རིང་འཚོའི་ཚིགས་བཅད། ཆ་གསུམ། ཐུགས་རྗེ་ཆེན་པོ་པདྨའི་དབང་ཕྱུག་གི་གཞུང་བསྲངས་པའི་ཡིག་དྲུག་དུང་གཅིག །བྱེ་བ་གཅིག །ས་ཡ་གསུམ། ལྔ་འབུམ་རྣམས་སོང་། ཧོར་ཟླ་ལྔ་པའི་ཚེས་གཅིག་ལ་ས་སྐྱོང་མེར་གན་ཐའི་

[Full Size]

ཇི། ཨེར་ཁེ་ཇི་ནོང་གཉིས་ཀྱིས་བེར་གསེར་དངུལ་ཇ་གོས་དར་པགས་རས་སོགས་དངོམ་ཆེ་བ་བཏེག་ནས་གྲ་པ་ཉི་ཤུས་རིང་འཚོའི་ཚིགས་བཅད་ཀྱི་བདེན་ཚིག་བརྗོད། ཡོན་བདག་ངོ་མ་ཚོར་ཕྱག་དྲུག་པའི་རྗེས་གནང་། བཀའ་བསྒོ།མདུད་པ། སྣམ་ཕྲུག་སོགས་ཀྱི་སྟེར་ཆ་རྒྱས་པར་བགྱིས། ཁལ་ཁ་ཞབས་དྲུང་ལ་ཛ་ཡ་པཎྜི་ཏ་ཁུ་ཐུག་ཐུའི་ཆོ་ལོ་ཐམ་ཀ །བསོད་ནམས་བཀྲ་ཤིས་མ་འདམ་དང་། ཁོད་རྣམ་རྒྱལ། བློ་བཟང་ཨེར་ཁེ་ཐའི་ཇི། མཽ་ཇ་རག་གི་དཔོན་མོ་མཚོ་ཁར་རྫོང་བ། ཀོང་པོ་དབུ་མཛད་རྣམས་ལ་བྱིན་རླབས་དང་ཇ་གྲལ་བྱས། གྲ་ཚང་དུ་མདོས་བསྐང་འབུམ་ཐེར་བཙུགས། ཚེས་གཉིས་ལ་ཆོས་རྗེ་ཟིལ་གནོན་རྡོ་རྗེས་འགན་སྦྱར་སོགས་རུང་གོས་ཆ་ཚང་བདོག་པ་སྤམས་མཐོ་བ། སྤྱི་འབུལ་དངུལ་བུམ་གཉིས། འགྱེད་སོགས་ཡོན་སྦྱར་ཏེ་འབྲས་གཤོངས་དག་སྣང་མའི་སྒོ་ནས་རིང་འཚོའི་རྟེན་འབྱུང་བསྟར། ཚེས་བཞིར་དགེ་སློང་བློ་གྲོས་རྒྱལ་བས་ཚན་གྲངས་རིང་པོར་བརྐྱང་འགྱེད་དང་བཅས་ཆོ་ག་སྔ་མ་བཞིན་གྱེར། ཕྱི་དྲོ་སྔ་སོར་སྐད་རྒྱུགས་བླངས་པ་ཕོ་རོག་ནག་སྐྱ་ཀ་ཁྲས་པའི་དཔེ་ལྟར་ལ་ལ་སྐད་ཆེའང་གྲེ་ཁུག་གྱོང་བ་དང་། འགའ་ཞིག་གྲེ་འགྱུར་བདེ་རུང་སྐད་ཆུངས། ཁ་ཅིག་འཆམས་སོགས་ཀྱི་རོལ་མོར་བརྡུགས་པས་མཚོན་གྲ་ཚང་འདིར་སྐད་གཟུགས་ཆེ་བ་རང་གིས་མི་ཆོག་པར་ཁ་ལག་སྤྱོད་གསུམ་བསྟུན་ཤེས་པ་ཞིག་དགོས་ཀྱིན་ཡོད་པ་ཆ་སྒོར་མ་ནས་འདི་དགའ་སྙམ་པའི་འདམ་རྒྱུ་ནི་མ་རྙེད། ཕལ་ཆེར་ཆ་འདྲ་བའི་དབྱེ་གསལ་དཀའ་བ་ཐམས་ཅད་བློ་ཁ་རྫོགས་ཕྱིར་ཤོག་རིལ་སྡུད་བཅུག་པའི་མང་བ་ལྔ་པོ་མཐུན་སྣང་གཟུགས་

[Full Size]

སུ་གྲུབ་གཤིས། རྩེར་ཆོས་སྲུང་རྣམས་དཔང་པོར་གསོལ་ནས་ངེད་རང་གིས་ཟན་རིལ་ཕུལ་བ་དམ་ཆོས་དབང་རྒྱལ་ཐོན། ཚེས་དྲུག་ལ་ས་སྐྱོང་མེར་གན་ཐའི་ཇི། ཏྲེ་བོ་ཤི་རའི་ཐུ་སྐུ་སྐྱེ། ཛ་ཡ་པཎྜི་ཏ། བསྟན་འཛིན་ཆོས་རྒྱལ་གྱི་གསོལ་དཔོན་ད་ལའི། སྔགས་རམས་པ་ནམ་མཁའ་བཟང་པོ་ཐང་སག་དགའ་ལྡན་ཆོས་འཁོར་གྱི་བླ་མར་ཐོན་གདོང་རྣམས་དང་ཕྲད། ཚེས་བརྒྱད་ལ་དཔལ་འཁོར་ཆོས་སྡེའི་མཁན་པོ། གོང་དཀར་ཆོས་སྡེའི་འཆད་ཉན་པ་དགེ་སློང་འཕྲིན་ལས། ཆོས་རྗེ་བཀྲ་བཟང་པ། སྣེའུ་སྡོང་དཀོན་གཉེར་དཔོན་རིན་ཆེན་བཟང་པོ་རྣམས་ལ་ཇ་གྲལ། ལྕང་ལོ་ཅན་པའི་བུའི་སྐྲ་ཕུད་བླངས་པའི་མིང་ཕུན་ཚོགས་རྒྱ་མཚོར་བཏགས་ནས་དྲུང་འཁོར་གྲས་སུ་བསྡད། དཔོན་ཚང་སྐྱིད་སྤེ་བའི་ཚ་བོས་རྒྱུད་བཞིའི་རྒྱུགས་སྤྲད། ཚེས་དགུར་དཔལ་འཁོར་ཆོས་སྡེའི་མཁན་པོ། གྲ་ཚང་ཁག་བཅུ་གཉིས་ཀྱི་སློབ་དཔོན། གཉེར་པ་གྲ་རྒན་རགས་བསྡུས་དང་བཅས་པས་བདོག་པའི་སྐྱེས་དང་ཡོན་སྦྱར་ཏེ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པའི་རིང་འཚོ་མཛད། དེ་མཚུངས་རྒྱང་རོ་ལྷ་ཁང་བླ་མས་ཀྱང་བསྟར། སྤོས་ཁང་མཁན་པོ། དགའ་ལྡན་ཤར་བྱང་ཆོས་རྗེ་རྣམ་གཉིས། འོལ་དགའ་རིན་ཆེན་སྒང་གི་མཁན་པོ། སྒོ་མང་དང་ཐར་གླིང་བླ་ཟུར། བཀྲ་ཤིས་ལྷུན་པོའི་ཕྱག་མཛོད། དེ་མོ་དང་ཤེལ་བྲག་བླ་མ། ཏྲེ་བོ་དཀར་ལྕོག་དང་གྲུབ་དབང་སྐུ་སྐྱེ། སྒྲོལ་ཕུག་པ་ཁུ་ཚན། ཆོས་རྗེ་ཆུ་མིག་པ་དང་ཁྲ་ཚང་པ།

[Full Size]

གནས་ཆུང་སྐུ་རྟེན་པ། བང་རིམ་པ་མིང་སྲིང་། རྣམ་སྲས་གླིང་པ། འདུས་བྱུང་པ། ཡམ་བུ། ཨེར་ཁེ་དའི་ཆིང་། མ་ག་དྷ། ཇུ་རིག་ཐུ་ཁོ་ཤོའུ་ཆི། བསོད་ནམས་མགོན་པོ། བཻ་རོ་ཙ་ན་རྣམས་ཀྱི་མི་སྣ་སོགས་བོད་སོག་ལྔ་བརྒྱ་ཙམ་གྱི་ངོ་མར་བྱིན་རླབས་དང་དམངས་ལ་མེ་ཏོག་གཏོར། གནས་ཆུང་སྐུ་རྟེན་པ། སྔགས་རམས་པ་སྐྱེ་མཆོག་དང་ངག་དབང་དཔལ་བཟང་གསུམ་ལ་བར་གཅོད་ལས་བསྐྱབ་པའི་བཀའ་བསྒོ། གྲུབ་དབང་སྐུ་སྐྱེའི་གཙུག་ཕུད་བླངས་ཤིང་མཚན་ངག་དབང་བསྟན་འཛིན་དཔལ་འབྱོར་དུ་གསོལ། ཚེས་བཅུར་སྤྲུལ་པའི་ཆོས་སྐྱོང་རྡོ་རྗེ་གྲགས་ལྡན་གྱིས་དུང་དཀར་གཡས་འཁྱིལ་གྱིས་ཐོག་དྲངས་དངོས་པོ་སྤམས་བསྟོད། ཚོགས་ཡོན་དང་བཅས་གྲ་ཚང་ནས་མཛོད་དབུས་མ་ནས་བྱོན་པའི་ཚེ་ཆོག་རྡུལ་ཚོན་ལ་བརྟེན་རྒྱས་པར་སྤེལ་བའི་མགྲོན་དུ་ཆོས་འཁོར་རྒྱལ་དང་མཚན་སྒྲོག་མཁན་པོ། ཆོས་འཆད་པ་དགེ་སློང་འཕྲིན་ལས། དཀོན་གཉེར་དཔོན་རིན་ཆེན་བཟང་པོའང་བསྒྲིགས། ཏྲེ་བོ་དཔོན་དཀའ་བཅུ་བློ་བཟང་ཆོས་སྐྱོང་འདི་ཉིན་ནས་དྲུག་འཁོར་གྲས་སུ་བཅར། ཚེས་བཅུ་གཅིག་ལ་རྣམ་པར་རྒྱལ་བའི་ཕན་བདེ་ལེགས་བཤད་གླིང་སྤྱི་ཚོགས་ཀྱིས་རུང་མཐུན་གྱི་གོས་ཆ་འགྲིག་སོགས་སྤྱི་སྒེར་ནས་རྒྱ་ཆེར་བཏེག་སྟེ་ཆོ་ག་སྔ་མ་དང་མཚུངས་པ་མཛད། སྒོ་མངས་ཟུར་པ། དཔོན་ངག་དབང་བསྟན་འཛིན་བཅས་བརྒྱ་སྐོར་ལ་ཇ་གྲལ་ཐོག་བྱམས་སྨོན་གྱི་ལུང་བཀླགས། ཕྱི་མར་ཇོ་རིག་ཐུ་དའི་ཆིང་གི་ཆོ་ལོ། ཐམ་ཀ །གྱོན་པ། མདུད་པ། སྣམ་ཕྲུག་སོགས་སྟེར་ཆ་བཟབས་ནས་ཐོན། ཚེས་

[Full Size]

བཅུ་གཉིས་ལ་དྲུང་འཁོར་སྤྱི་བསྡུས་ཀྱིས་ཀྱང་ཉིན་སྔ་མ་དང་འདྲ་བའི་རིང་འཚོའི་རྟེན་འབྲེལ་སྤེལ། ཚེས་བཅུ་གསུམ་ལ་བཀྲ་ཤིས་ལྷུན་པོའི་ཕྱག་མཛོད་དང་དཀར་བྲག་པ་ངག་དབང་བྱམས་པ་གཉིས་ཀྱིས་སྟེར་ཆ་འགྱེད་བཅས་སྦྱར་ནས་གཟིམས་ཆུང་བརྟན་བཞུགས་སུ་གྲགས་པའི་ཆོ་ག་རིམ་པར་བསྟར། སྡེ་པ་བློ་བཟང་སྦྱིན་པ་འདོད་པ་ཆུང་ཞིང་བསམ་པ་རྣམ་པར་དག་པ་བྱུང་ནའང་ཐོག་མ་ནས་བརྟག་པར་ལོ་གསུམ་ལས་མ་བབས་ཤིང་བར་སྐབས་སུ་སྡེ་པ་རང་ལའང་རླུང་ལ་བརྟེན་ཁམས་ནན་ཏར་མ་བདེ་བ་སྟག་སྟར་དང་ཆང་དཀར་སོགས་ཀྱིས་བྲེལ་བ་དཀྱུས་མ་དང་། འགངས་ཆེ་རིགས་རྣམས་སྡེ་བ་ཨ་བར་བརྒྱུད་ངེད་ལ་ལབས་པར་བཀོད་པ་བྱེད་དགོས་པ་ཞིག་བྱུང་ཡང་དེང་སང་སྙུན་གཞི་འང་ཕལ་ཆེར་སངས་རུང་སྡེ་པ་རང་གིས་དགོངས་པ་དགོས་ཚུལ་ཚ་དྲག་མཛད་པར་སྡེ་པ་ཨ་བར། ཤག་ལྷོ་པ་དཀོན་མཆོག་དར་རྒྱས་སོགས་དྲུང་འཁོར་སྤྱིས་ཀྱང་རྒྱང་ཙམ་མུ་འཐུད་ན་ལེགས་པའི་རྒྱུ་མཚན་ཟེར་བ་ལྟར་བརྟག་པ་བསྐྱར་བར་མ་བབས་པ་དང་མཐུན་པར་ལ་མོ་ཆོས་སྐྱོང་གིས་ཀྱང་གསུངས་པར་བརྟེན་བློ་བསྟན་ཟུར་བཞུགས་མཛད་པའི་སྒོ་དོད། ངེད་རང་ན་ཚོད་ཀྱིས་སྲིད་འཛིན་གྱི་བྲེལ་གཅོད་ལྕོགས་པར་མི་འདུག་པ་བཅས་ཁྲི་བཀོད་མ་བྱས་མཐུ་མེད་ལ་འོས་ཐོ་བསྡུས་ཀྱང་ཤིང་ཡོས་ནས་ལོ་འགྱང་ཆེ་བ་མ་སོང་གཤིས་དེ་དུས་ལས་ལྷག་པོ་ཡོང་དོན་མི་འདུག་པས་གནས་གསར་ཚེ་དབང་དང་ཆང་ཁྱིམ་པ་བློ་བཟང་མཁྱེན་བརྩེ་གཉིས་ཟླ་བ་གསུམ་པའི་ཚེས་བཅུ་གསུམ་གྱི་ཕྱི་དྲོ་ཉི་མ་མེ་བཞིའི་འགྲུབ་སྦྱོར་ཐོག་སྡེ་པ་ཨ་བར་གྱི་སར་བཏང་བའི་ངེད་ན་སོ་མཐོ་བ་དང་བཅས་སྲིད་ཁུར་མི་ལྕོགས་པ་སོགས་གང་ཅི་ནས་སྡེ་པ་གསར་བསྐོ་

[Full Size]

མ་བྱས་ཀ་མེད་བྱུང་བ་ཁྱོད་ལུང་བསྟན་སོགས་ནས་བསྟན་པར་མ་ཟད་ཡོས་ལོ་ཁྱོད་ལ་ཁྲོལ་ཆ་ཐུབ་པ་ཡུན་བསྲིང་བརྟག་པར་མ་བབས་པ་ལས་གཉེར་པ་སྦྱིན་པ་གང་ཅི་ནས་ཕེར་ཙམ་ཤར་བ་ད་ཆ་ཐེངས་པར་སླེབས་སོང་། གཞན་རྣམས་ཀྱི་བརྟག་བབས་ཐམས་ཅད་ཁྱོད་རང་ལ་རྒྱུས་ཡོད་པ་བཅས་འགན་འཁུར་དགོས་པའི་རྒྱུ་མཚན་བགྱིས་ཀྱང་སྔོན་མ་ལྟར་ཡལ་ཡོལ་སྣ་ཚོགས་ཀྱིས་ཁྲི་འཁོད་གཞན་སུ་འདྲ་ཞིག་ལ་གནང་ཡང་དེར་ཐུགས་རྗེ་ཞུགས་པའི་ལེགས་པ་མི་ཡོང་མི་སྲིད་ཅིང་ཁོ་རང་གཞན་ལ་ཁྲི་བསྐོས་གྲུབ་བསྟུན་བསྙེན་པར་རྫོགས་ངོས་གམ་དུ་ལུས་ཀྱིས་ནམ་ལྕོགས་བར་བཅར་སྡོད་བྱས་པའི་ས་རིགས་སོགས་ཀྱང་ལར་རྒྱར་གནོད་པ་བཅས་ཁ་འཛིན་མེད་པའི་འཁོར་བ་དོང་སྤྲུག་རང་དགོས་ཚུལ་གཡུག་ཅིག་བྱུང་ཡང་ཁྲོལ་ཆ་མ་བདེ་བས་རིམ་པར་རེས་ཆང་ཁྱིམ་པ་ཁེར་རྐྱང་དང་རེས་གནས་གསར་བ་དང་སྐབས་འགར་མཉམ་དུ་བཏང་སྟེ་གསེད་བཀྲོལ་ལ་སྔོན་མ་བཞིན་གོ་ལེན་མ་བྱུང་བའི་མཐར་ངེད་ན་རྒས་པ་བཅས་ཅིས་ཀྱང་ཁུར་འཁུར་བྱེད་དགོས་ནན་ཆེར་བྱས་པ་འཕྲལ་ཡུན་གྱི་དགེ་སྐྱོན་གྱི་རྒྱུ་མཚན་མང་དག་དང་རང་ལའང་ཆུང་ངུ་ནས་སྐུ་དྲིན་བསྐྱངས་པར་སོང་གཤིས་ཞབས་ཕྱི་ཁྲོལ་ནན་རང་ཞུ་མ་བདེ་ཞིང་། གང་འདོད་བྱུང་ན་ལོ་གཉིས་ཙམ་གྱི་བར་བསྙེན་རྫོགས་ཀྱི་སྡོམ་པ་རྣམ་དག་བསྲུངས་ངོས་སྡེ་པའི་ལས་བཀའ་བསྟུན་ཞུས། ཕུགས་རིགས་འཁོར་བ་དོང་སྤྲུག་གིས་ནམ་ལྕོགས་བར་འཕྲལ་སེལ་གྱི་ཞབས་ཕྱི་དང་། ལུས་ཀྱིས་མ་ཕར་བ་ནས་རི་ཁྲོད་ལྟ་བུ་བྱེད་ཟེར་ལན་ཐམས་ཅད་མཁྱེན་པ་དགེ་འདུན་གྲུབ་པ་ཡན་བཀའ་གདམས་གཙང་མའི་རྣམ་ཐར་ལྷུར་བཞེས་ལ་རག་མ་ལུས། དེ་རྗེས་

[Full Size]

དཔེར་མཚོན་ན་ཕྱག་མཛོད་རྒྱ་སེང་ནས་བཟུང་རིམ་བཞིན་ཚངས་སྤྱོད་ཡིན་ནའང་གནས་པར་དཀའ་བ་དང་། དཔོན་རིགས་ཀྱི་བློན་བརྒྱུད་འཁོར་བ་དོང་སྤྲུག་བྱེད་པ་ཕུགས་རྟེན་འབྲེལ་ཀྱང་མི་ལེགས་པ་དང་། རྒྱ་ལེ་སྐུ་མདུན་ཆོས་མཛད་ཀྱི་དཔེར་དང་བཅས་ཞིབ་བཤད་བྱས་པར་གོང་ལྟར་འཁོར་བ་དོང་སྤྲུག་གི་ཚེ་འདིར་སྐལ་བ་མེད་པ་དང་སྡེ་པའི་ལས་ཚན་ཁྲོལ་ཆ་ཞུ་བ་ཐུན་མོང་མ་ཡིན་པ་ཡིན་ཀྱང་ཅི་སྟེ་དགོངས་པར་འཕོག་ན་འདི་ཕྱི་གཉིས་ཀར་མི་བཏུབ་ཅིང་དུང་དཀར་འོ་མས་གསོས་པ་དེ་དགྲ་ཆུ་སྲིན་འདུལ་གཉེན་གྱི་དཔེ་ལྟར་ཆུང་ངུ་ནས་སྤྱན་རྒྱང་བླ་ན་མེད་པ་གནང་བ་སྐུ་ན་སྨིན་ནས་ཞབས་ཕྱི་འགྲུབ་རེས་བཀའ་གྱེན་བཟློགས་མི་ནུས་ཀྱང་བདག་གི་ཡིད་དང་ལྡན་ཙམ་ཐུགས་རྗེ་ཆེ་ན་ཁྲོལ་ཆ་དགོས་ཚུལ་གྱི་མུར་འདི་ཉིན་ལྷག་པ་ལྷ་མཚམས་ཀྱི་འགྲུབ་སྦྱོར་སྐར་མ་བཟང་བ་བཅས་གནས་གསར་བ་དང་ཆང་ཁྱིམ་པ་གཉིས་བཏང་སྟེ་ལུང་བསྟན་བབས་དང་འབྲེལ་བ་ཙམ་དུ་མ་ཟད་ཟེར་བ་བཞིན་ཆུང་དུས་ནས་གསོས་པ་ལྟ་བུ་ངེད་ན་ཇེ་མཐོར་སླེབས་པའི་ཆོས་འཇིག་རྟེན་གང་ཡང་མི་ལྕོགས་པ་གཞན་བྱེད་ཀྱི་རེ་བ་མེད་པས་ངེད་བློས་གཏོང་ན་ཁྲོལ་ཆ་ཡོད། དེ་མིན་ཁྲོལ་ཆ་མི་ཡོང་ཞིང་སྡེ་པ་བློ་བཟང་སྦྱིན་པས་བརྟག་པ་དགོས་ཚུལ་བྱས་པ་ལས་འདི་འདྲ་ཡང་ཡང་སྟོན་པའི་རྩེད་སྣ་མིན་པ་དང་། ཁྱོད་ལོ་སྔོན་མ་བརྟག་པར་རྩེ་ཐོན་པར་མ་ཟད་རྩ་བ་གསུམ་གྱིས་ལུང་བསྟན་པ་ལས་ལྷག་པའི་བརྟག་པ་དགོས་དོན་ཀྱང་ཅི་ལ་ཡོད། སྡེ་པ་བློ་བཟང་མཐུ་སྟོབས་སྣེའུ་སྡོང་བདག་མོ་དང་བཅས་ངེད་ལའང་གཏམ་ཆ་ངན་པ་མ་བཟོད་པར་ཟུར་བཞུགས་མཛད་རྩིས་རིམ་བརྒྱངས་སོགས་ལ་བརྟེན་རྗེས་འཇོག་མཚམས་ཕྲན་བུ་

[Full Size]

ལས་སུར་ཡང་བྱེད་གཏད་བཟོས་པ་མེད། ཁྱོད་དེ་ཚོ་དང་མི་འདྲ་བར་མཆོག་དམན་ཐམས་ཅད་ཀྱིས་ངེད་རང་དང་ཁྱད་མེད་ཁྱག་བཀུར་བྱེད་པའི་བཅའ་བསྒྲིགས་ཀྱི་ཡི་གེའང་ཡོད་པས་ངེད་ཞེ་ཐག་པ་ནས་བློས་གཏོང་ན་མ་གཏོགས་ཁུར་འཁུར་གྱི་རྩིས་ལེན་བྱེད་དགོས་པའི་ཚ་ནན་གྱིས་མོལ་བར་ལུགས་ཟུང་ནས་ལན་གྱི་གླེང་མོ་རྒྱས་པར་བྱུང་ཞིང་། སྤྱི་དང་བྱེ་བྲག་གི་རྒྱུ་མཚན་ངེད་ཀྱི་ཡིད་དང་འགལ་བ་སྐྱེ་བ་ཀུན་ཏུ་མི་ཡོང་བའི་སྨོན་པ་བྱེད་ཡོད། བཀའ་དེ་ལྟར་ཡིན་ཚེ་ད་ལམ་དགོངས་པ་ཞུས་ན་འདི་ཕྱི་གཉིས་ཀ་མི་ཡོང་གཤིས་བཀའ་བསྟུན་ཞུ་ཞིང་། ཡུན་ད་ལྟ་ནས་ལོ་གྲངས་མ་ཐུབ་རུང་སླར་འོས་འཚམ་གཞན་བྱུང་ཚེ་ཁྲོལ་ཆ་དང་བྱང་ཆུབ་མ་ཐོབ་བར་དུ་སྐྱབས་འོག་ནས་མི་འདོར་བའི་ཚིག་དང་ལེན་དང་སྨོན་ལམ་ཇི་ལྟར་བཏབ་པ་འགྲུབ་དགོས་ཚུལ་སོགས་དང་དུ་ལེན་ཉན་ཙམ་བྱུང་བ་ཐག་བཅད་དེ་ཀུན་ལ་བསྒྲགས་པ་དྲུང་འཁོར་སྐྱ་སེར་གྲ་ཚང་དང་བཅས་པས་ལེགས་སོའི་ཁ་བཏགས་སོགས་བཏང་འདུག །མངའ་རིས་གྲ་ཚང་པ་རབ་འབྱམས་པ་བློ་བཟང་བཀྲ་ཤིས་ཀྱིས་མཁས་གྲུབ་སངས་རྒྱས་རྒྱ་མཚོའི་འདུས་ཆུང་ལྟ་བའི་སྒྲོན་མེའི་རྒྱུགས་སྤྲད། སྐུ་གཟུགས་ཀྱི་རྟེན་བཞེངས་པར་ཕན་ཡོན་མཐའ་ཀླས་པའི་ནང་ནས། འཕགས་པ་ཟུང་གི་མདོའི་ཆོས་ཀྱི་རྣམ་གྲངས་ལས། ཡང་དག་སངས་རྒྱས་མཆོག་དྲན་པ། །མཁས་པ་རྣམས་ནི་བདེ་བ་ཡིན། །ཐེག་པ་ཆེ་ལ་དད་པ་ཡང་། །དེ་དག་ངན་འགྲོར་འགྲོ་མི་འགྱུར། །ཀུན་ཏུ་དཔའ་བ་དེ་བཞིན་དུ། །སྔོན་གྱི་ལས་ཀྱིས་རབ་བསྐུལ་ནས། །ལས་ནི་ཆུང་ངུ་བྱས་པ་ཡང་། །འབྲས་བུ་མཐའ་ཡས་སྤྱོད་པར་འགྱུར། །

[Full Size]

སངས་རྒྱས་ཞིང་གི་ཞིང་མཆོག་ཏུ། །ས་བོན་བཏབ་ན་འབྲས་བུ་ཆེ། །ཇི་ལྟར་ས་བོན་ཉུང་བཏབ་ལས། །འབྲས་བུ་མང་པོར་སྤྱོད་པ་བཞིན། །རྒྱལ་བའི་བསྟན་ལ་དགའ་བྱེད་པ། །མཁས་པ་རྣམས་ནི་བདེ་བར་འགྱུར། །ཞེས་གསུངས་པའི་ཕན་ཡོན་མཐོང་ནས་ཚེས་བཅུ་དྲུག་ལ་སྨན་བླའི་མདོ་ཆོག་དང་མཐུན་པའི་གསེར་ཟངས་ཀྱི་བདེ་གཤེགས་བརྒྱད། སེམས་དཔའ་བཅུ་དྲུག །གནོད་སྦྱིན་སྡེེ་དཔོན་བཅུ་གཉིས། ཕྱོགས་སྐྱོང་ཉི་མ་ཟླ་བ། རྒྱལ་ཆེན་བཞི། ཁྲི་གདན་བཅས་བཞེངས་པའི་སྐུ་རྒྱུ། ཕོགས་གླ་ཡོན་བསྡོམས་འབྲུ་གཤོར་ཁལ་བདུན་སྟོང་དྲུག་བརྒྱ། པོ་ཏ་ལའི་བླ་མ་ལྷ་ཁང་རྟེེན་གཙོ་རྒྱལ་བ་བཙོང་ཁ་པ་ཆེན་པོའི་བཞུགས་ཁང་གསེར་ཟངས་ཀྱི་རྒྱ་ཕིབས་བཅས་པ་དང་། ཆར་ཀའི་མདོས་ཏོག་བཞི་རྣམས་ཀྱི་རྒྱུ་ཕོགས་ཡོན་ལ་འབྲུ་ཁལ་ཆིག་སྟོང་བཅུ་བཞི་རྣམས་སོང་བའི་སྐུར་དགེ་སློང་འཇམ་དབྱངས་གྲགས་པས་རོགས་བྱས་ཏེ་གཟུངས་ཕུལ་ཞིང་རབ་གནས་རྟ་ཐོག་མ་བགྱིས། ཚེས་ཉི་ཤུར་ཉི་ཐང་བླ་གྲས་ཟང་ཟིང་གི་སྐྱེས་དང་བཅས་རིང་འཚོའི་བདེན་བརྗོད་སྨོན་ལམ་མཛད། ཆབ་མདོ་རྗེ་དྲུང་སྐུ་སྐྱེ། ལྕམ་ནོར་བུ་ཁྲ་སྐོར། བཀྲ་ཤིས་རབ་བརྟན་མཁན་པོ། སྒར་གྲ་ཚང་དཔོན་སློབ། དགའ་ལྡན་ཚེ་དབང་དཔལ་བཟང་འཁོར་བཅས། གསར་འབྱོར་དཀའ་བཅུ་ངག་དབང་ལེགས་བཤད་རྣམས་ལ་ཇ་གྲལ། བརྟག་པ་བྱས་པའི་ངེད་རང་གི་གེགས་སེལ་དུ་གཞིས་རྩེར་མྱུག་ཆོས་འཁོར་གླིང་པ་དང་གངས་ཅན་ཆོས་འཕེལ་བ། ལྷ་རྩེར་དགའ་ལྡན་འོག་མིན་གླིང་པ། རིན་སྤུངས་

[Full Size]

སུ་བྱམས་ཆེན་པ་དང་ངེས་གསང་རྡོར་གླིང་པ། ཇོ་རྫོང་དུ་སྒར་གྲ་ཚང་པ། གཡུལ་རྒྱལ་ལྷུན་རྩེར་སྡེ་དྲུག་སྤྱི་བསྡུས། དོ་རྫོང་དུ་དོན་གཉིས་གླིང་པ། པ་ནམ་དུ་མཚན་སྒྲོག་པ་བཅས་པས་བཀའ་འགྱུར་བརྒྱ་དང་གཉིས། སྒྲོལ་མ་དྲུག་ཁྲི་བདུན་སྟོང་དོན་ལྔ། ཤེར་སྙིང་བདུན་ཁྲི་ཆིག་སྟོང་དགུ་བརྒྱ་བདུན་ཅུ། ཚེ་གཟུངས་ཉིས་འབུམ་ཉི་ཁྲི་བཞི་སྟོང་ལྔ་བརྒྱ། གདུགས་དཀར་ཆིག་ཁྲི་ཉིས་སྟོང་བཞི་བཅུ། ཐང་ཆེན་ཆོས་སྐྱོང་། སྲོང་བཙན་མ་ནིང་། རྩེ་སྨན་མ་གསུམ་ལ་སྙན་ཤལ། གསོལ་མཆོད་ཉིན་གང་མ། ཡང་རྫོང་། བསམ་ཡས། མཆིམས་ཕུ། གོང་པོ་རི། ཁྲ་འབྲུག །ཤེལ་བྲག །ཡུམ་བུ་རྣམས་སུ་དར་ལྕོག་བརྒྱ་རེ། བསྟན་སྲིད་ལ་རྒྱའི་གེགས་སེལ་ལ་འཕྲུལ་སྣང་དུ་རྡོ་རྗེ་བྲག་པས་མགོན་པོ་གཡུལ་བཟློག །པོ་ཏ་ལ་ཞོལ་དུ་ཚེ་ཆུ་སྒྲུབ་སྡེ་བས་ལྷ་འདྲེ་སྟོང་དྲ་རྣམས་སྨིན་རྒྱས། ཛ་ཡ་པཎྜི་ཏ་ཁུ་ཐུག་ཐུའི་ཐམ་ཕུད་འབུལ་རྒྱུའི་ཁ་བྱང་། སྡེ་པ་བློ་བཟང་མཐུ་སྟོབས་ཀྱིས་བཀའ་འགྱུར་བཞེངས་པའི་དཀར་ཆག་དད་པའི་གསོས་སྨན། དཀར་བྲག་པ་ངག་དབང་བྱམས་པས་གྲ་ཚང་དུ་གོས་ཡོལ་ཕུལ་བའི་ཁ་བྱང་། བལ་པོ་པི་ལ་ཇུས་དཔལ་འཁོར་ཆོས་སྡེར་སྨན་བླའི་སྐུ་སོགས་རྟེན་མཆོད་ཕུལ་བའི་དེབ་ཐེར་འགོ་བརྗོད། དཔལ་གྲོང་སྔགས་རམས་པའི་ངོར་བཀའ་གདམས་གླེགས་བམ་སོགས་དང་བསྟུན་འཁྲུངས་རབས་རིན་ཆེན་ཕྲེང་མཛེས། ཟུར་ཁང་པས་ཨྱོན་རྣམ་ཐར་དང་པཎ་ཆེན་དགེ་འདུན་གྲུབ་པའི་འཁྲུངས་རབས་གྲ་ཚར་བཞེངས་པ། བི་ལིག་རབ་འབྱམས་པའི་འདོད་བསྟུན་རིང་འཚོ། སྡེ་པ་སངས་རྒྱས་རྒྱ་མཚོ་ངེད་རང་

[Full Size]

གིས་ཁུར་མ་ལྕོགས་པར་ཁྲི་འཁོད་ཅིག་དགོས་པ་དང་ལྷག་ཏུ་ད་ཆ་ན་ཚོད་མཐོ་གཤིས་ལུགས་གཉིས་ཀྱི་བྱེད་པོར་སྡེ་པ་སྔ་མ་རྣམས་དང་ཡང་མི་འདྲ་ཞིང་ངེད་རང་གིས་གང་བྱས་དང་འདྲ་བའི་བཅའ་ཡིག་ཆོས་སྲིད་དམ་ཅན་རྒྱ་མཚོར་གཉེར་གཏད་དང་བཅས་པ་བྲིས་པ་ནས་གཅིག་སུམ་སྐས་འགོར་བྲིས་པར་ལག་གཉིས་རྗེས་ཀྱི་རྟགས་གསལ་བར་སྤྲས། སྡེ་པ་བློ་བཟང་སྦྱིན་པ་ཟུར་བཞུགས་ཀྱི་དགའ་ལྡན་ཁང་གསར་དུ་བྱོན། སངས་རྒྱས་རྒྱ་མཚོས་ཟུར་པ་སྔོན་མ་ལས་ཐུགས་བསམ་དང་བཀའ་ལ་འཁྲི་བ་སོགས་གང་ཅི་ནས་སྐལ་བ་སྤམས་མཐོ་བ་དགོས་ཚུལ་དང་། གཞན་འདྲས་མཆོད་དཔོན་གྱི་ལས་ཚན་རྒྱུན་རིང་ཞིང་རིན་ཆེན་རྒྱན་ཆ་དང་ཚེས་བཅུའི་ཆས་སོགས་སྣ་བོའི་ལུགས་བཟང་འཛིན་པར་བརྩོན་པ་དང་ཁྲིའི་བྱ་བའང་འདབ་ཐུབ་པ་དེ་རྩིས་ཀྱིས་འཐུས་སོགས་གླེང་གཞི་སྣ་ཚོགས་བྱུང་རུང་ངེད་རང་གིས་སྔོན་མ་ལས་ཅུང་ཟད་ངོ་མཐོའི་རྩིས་ཕྱེ་གསལ་སྤྲད་པར་དེ་བཞིན་གཤེགས་པའི་འཕེལ་གདུང་གི་ཕུང་པོ་དངུལ་གྱི་མཆོད་རྟེན་དང་བཅས་པ། རྒྱལ་བ་ཟས་གཙང་སྲས་པོའི་སྐུ་ལི་དམར་དབུས་ལྷ་ཁྲི་འོད་ཀོར་དང་བཅས་པས་གཙོས་བླ་མ་ཡི་དམ་སངས་རྒྱས་བྱང་སེམས་ཉན་ཐོས་ཆོས་སྐྱོང་གི་སྐུ་ལི་མ་གསར་རྙིང་རག་འདྲེས་པ་གོ་དྲུག །ཀླུ་འཇིམ་གྱི་གསུམ། སྨན་འདམ་གྱི་གཉིས། གསེར་གྱི་གཉིས། རྣམ་རྒྱལ་མཆོད་རྟེན། བྱང་ཆུབ་ཤིང་ལོར་སངས་རྒྱས་ཀྱི་སྐུ་བྲིས་པ། རྒྱ་ཅན་གྱི་ཐང་གྲངས་བཅུ་གསུམ། མཛད་བརྒྱ་དང་གྲུབ་ཐོབ་བརྒྱད་ཅུར་ཉེར་དགུ་རེ། གནས་བཅུར་ཉེར་གསུམ། འཁྲུངས་རབས་གངས་ཅན་ལྷ་གཅིག་མ་དང་སྨན་བླ་བདེ་གཤེགས་བརྒྱད་ཀྱི་གསེར་ཐང་བཅོ་ལྔ། སྔགས་ཐང་

[Full Size]

གཞི་ནག་ཚོན་རྫོགས་མ་དགུ །གནས་བཅུ་འདྲ་ལྕོག་ལ་ཉེར་གསུམ། བཀའ་གདམས་བུ་ཆོས་ཞིང་བཀོད་ལ་བདུན། སངས་རྒྱས་སྟོང་སྐུར་བདུན། རྗེ་བཙུན་བཙོང་ཁ་པ། ཇོ་བོ་ཨ་ཏི་ཤ །ངེད་རང་གི་འདྲ་འབག་རེ། སངས་རྒྱས་སོ་ལྔའི་གསེར་ཐང་ལ་དགུ་སྟེ་ཁྱོན་ཆིག་བརྒྱ་རེ་བདུན། གོང་གཤམ་གོས་བཟང་བསྒྲིག་ཞལ་ཁེབས་རྒྱབ་ཤ་དངུལ་རག་ཙནྡན་སོགས་ཀྱི་ཏོག་སྣ་ཚོགས་སྤུས་ལེགས་ཆ་འགྲིག །སྨན་བླ་བདེ་གཤེགས་བརྒྱད། ཀླུ་དབང་གི་རྒྱལ་པོ་དང་བཅས་པ། གོས་བཟང་སྒྲིགས་ཀྱི་གོས་ཐང་ལེགས་པ། མཆོད་ཆས་སྐོར་ལ་གཡང་ཀྲི་དང་མ་ན་ཧོ་ར་ཤེལ་སོགས་ཀྱི་དཔྱད་པ་ཆེ་ཆུང་འདྲེས་པ་བཅོ་ལྔ། ཟངས་ཚ་གསེར་གྱི་མེ་དམ་ཆ། དཀར་དམ་ཆ། རག་གི་མན་ཇི་ཆེ་ཆུང་གསུམ། རྒྱ་ཏིང་ཆེ་ཆུང་བདུན་ཚར་བཞི། དངུལ་ཏིང་བདུན། མེ་ཤེལ་ཧྲིལ་མོ་ཆེ་ཆུང་བཅུ་བདུན། དཀར་ཡོལ་ལྗང་ཁྲ། དཀར་སྟེགས། དངུལ་སྡེར། གཡང་ཊི་དྭངས་ཤེལ་གྱིས་མཐོངས་བྱས་པའི་མཆོད་ཡོལ། དངུལ་སེང་རག་སྟེགས་མ། དངུལ་གྱི་ཐ་ཕག །བྱ་མ་བུམ་ཤིང་ལོ་མ། རག་ཚ་གསེར་གྱི་པད་སྤུངས། དངུལ་གྱི་སྤོས་ཁྲ། སྤོས་གཞོང་རྣམས་རེ། བྱུ་རུའི་རྒྱ་ལག་སྟེགས་བཅས་བཞི། མེ་ལོང་ཆེ་ཆུང་གཉིས། རྒྱ་བྱ་ཚ་གསེར་མ་གཉིས། རག་ཀོང་བཞི། གཏོར་ཆ་ལྔ་ཚར་གསུམ། ཡས་འགུ་མས་འགུ། ཏིང་ཤགས་གཉིས། བདེ་ཆེན་ཆོས་འཁོར་བའི་ཧོར་སྦུག་གིས་གཙོས་ཤུབས་ལྡན་གསུམ། སིལ་སྙན་གསུམ། དྲིལ་བུ་རྡོར་བཅས་ཤུབས་ལྡན་གསུམ། དུང་ཆེན་དང་རྒྱ་གླིང་ཆ་རེ། ལྡིང་སྤོས་གཉིས། གསེར་བཙོ་

[Full Size]

མ་ཞོ་ལྔ་བཅུ། གྲང་གསེར་ཞོ་བརྒྱ་ཐམ་པ། གསེར་ཞོ་ཆིག་སྟོང་ཉིས་བརྒྱ་དྲུག་ཅུ། དངུལ་སྲང་ཉིས་སྟོང་ལྔ་བརྒྱ། ཁ་བཏགས་ཉིན་བདེ་ནན་ཆིང་ནག་ཁྲ་སོགས་ལེགས་པ་སུམ་བརྒྱ་བཅུ་གསུམ། རྟེན་ཁེབས་ཆེ་ཆུང་ཉི་ཤུ། སྨན་ཙེ་བར་རྙིང་འདྲེས་པ་ཡུག་ཕྱེད་ཉིས་བརྒྱ། དིང་ཕོན་མ་ཎི་མའི་བླ་བྲེ། དིང་ཕོན་གཞི་མཆིན་གྱི་རྟ་ཁེབས། དིང་ཕོན་སྣ་རྫར་ཅན་ཆེ་ལེགས་གཉིས། སྣ་རྫར་མེད་པ་གཅིག །ཧོར་གོས་བུམ་གདན་མ་གཉིས། བུམ་གདན་དཀྱུས་གྲས་ལྔ། སྣེའུ་སྡོང་རྩེའི་ཁ་ཐིའི་ཡོལ་བ་ལེགས་པ་ཐེ་བའི་ཉི་ཤུ་རྩ་བདུན། བཟང་གོས་ཀྱི་བླ་བྲེ་ལྔ། དར་ལིང་འདྲེས་པ་ཡུག་ཆིག་བརྒྱ་བདུན་ཅུ། གོས་ཁ་ཐི་རྙིང་མ། ཐོན་ཐི། ཅོད་ལྡན། ལོག་ཐང་བཅས་ཁྱོན་ཆིག་བརྒྱ་ང་དྲུག །ཀོང་རྣ་ཨ་ཙར་སྦ་རིལ་པད་འདབ་དང་བཅས་པ། སྤུར་ལེན་སུམ་སྒྲོགས། གཡུ་རྡོག་གཅིག །བྱུ་རུའི་བརྒྱ་ཕྲེང་དཔུས་ལེགས་གཅིག་ཐེ་བའི་ཤལ་པ་དྲུག །སྦུར་ལེན་གྱི་ཤལ་པ་གཅིག །མུ་ཏིག་གི་ཕྲེང་བ། དཔྲལ་གཡུ། གསེར་མདོང་དང་དངུལ་མདོང་ཆ་རེ། མཆོད་ཀོང་ཆིག་བརྒྱ་ཉེར་གཅིག །གོས་ཕན་སྣ་ཚོགས་ཞེ་བཞི། ཐོད་ཌཱཾ། དངུལ་གྱི་ནང་མཆོད་ཀ་པཱ་ལ། སྤོས་མདོང་། སྒར་སྦུག་བརྒྱད། ཙེ་བེར་བཞི། གོས་ཆེན་གྱི་ཙག་པ་བཅུ། སྟོད་འགག་བཅོ་བརྒྱད། པགས་རིགས་དང་སྣམ་བུ་འདྲེས་པའི་སྦྱར་མ་བཅུ། གཟན་ཕྱ་རུ་མ་གཉིས། ལྷམ་བཅོ་ལྔ། གཟན་ཕྲུག་ཆེན་བཅུ། གོས་གདན་ཁ་གང་མ་དང་གོས་འཇག་འདྲེས་པ་ཉེར་བདུན། དཀྱུས་གདན་བཅུ་གཉིས། སྟན་

[Full Size]

དམར་བརྒྱད། རས་ཐེར་གྱི་རྐྱོང་གདན་སྣ་ཚོགས་དྲུག་ཅུ། འབོལ་གཅིག །སྙེ་འབོལ་གསུམ། ས་གདན་ཉེར་གསུམ། ཁ་གདན་གཉིས། སྟག་གཟིག་གདན་དང་གྲུམ་འཇག་སོ་སོ་ནས་བཅུ་རེ། ཁྲི་གྲུམ། ལོ་གྲུམ། དཀྱུས་གྲུམ་གྲུམ་ཡུག་སོགས་བསྡོམས་པ་གྱ་དྲུག །བན་ཁེབས་པ་རི་བརྒྱད། འབོག་ཅོ་གསུམ། དྭགས་སླེ་བརྒྱད། འོག་འཇུག་གཉིས། སྣམ་སྟོད་བཅུ། གོས་སྣ་ཐིག་གཉིས་དང་སྔོན་པོ་གཅིག །མོ་ལྷམ་ཉེར་གཅིག །དངུལ་ཚ་གསེར་དང་གཡང་ཊིའི་ཕ་གུ་བྱས་པའི་སྐ་རགས་སྨྱུག་ཤུབས་ཚགས་མ་དང་བཅས་པ་གཉིས། ཧུ་ཇ་ཁོར་དྲུག་མ་ང་དྲུག །ནག་པོ་ཁོར་དྲུག་སུམ་ཅུ། ཡ་ཇུ་ཁོར་དྲུག་ཆིག་བརྒྱ་དྲུག་ཅུ། ཤ་ཤན་དང་འུ་ཟི་ཁོར་དྲུག་ཆིག་བརྒྱ་སོ་གསུམ། ཟི་ལིང་སྤུ་ཇ་ཀོ་དྲ་དགུ །ཏཱ་ཚཱ་ཀོ་དྲ་སོ་བཞི། སན་ཚཱ་ཀོ་དྲ་སོ་གསུམ། སྣམ་བུ་དཀར་སེར་དམར་ལྗང་སྔོ་བ་དཔུས་སྣ་ཚོགས་འདོམ་ཆིག་ཁྲི། ཕྱིང་དཀར་དོས་བཅུ། སྦོམ་ཚར་ཁོམ་དོ། དྭགས་ཤོག །རབ་བརྟན་གན་ཤོག །ལྷོ་ཤོག་སུམ་གཤོར་གྱི་བཅུ་དེབ་ཆིག་སྟོང་། བལ་ཁྱེམ་བཞི་བརྒྱ་བཞི་བཅུ། གཤོལ་ལྕགས་ལྔ་བརྒྱ་སོ་བདུན། ཟམ་སོ། སྤུ་ཁ། དྲིལ། སྤེན་ཏོག །ལྷོ་རས། ཅབ་རས་བཅས་ཡུག་ཉིས་སྟོང་དགུ་བརྒྱ་བཞི་བཅུ། འབྲས་ལྟང་བརྒྱ། རྒུན་ལྟང་བཅུ་དྲུག །སྤོས་དཀར་ལྟང་ཙེ་དགུ། གུ་གུལ་ལྟང་ཙེ་བརྒྱད། སྟོད་ཇ་ལྟང་ཙེ་བཅུ་གཉིས། བྱེ་ཀར་ལྟང་ཙེ་བཞི། བུར་ལྟང་ཆིག་བརྒྱ་སུམ་ཅུ། རམས་ལྟང་བརྒྱད། མཚལ་

[Full Size]

མཐིང་སྤང་མ་བ་བླ་ལྡོང་རོས་ལི་ཁྲི་སོགས་ཚོན་རྐྱལ་བཅོ་ལྔ། སྲ་རྩི་བན་གང་། ཙན་དན་དཀར་དམར་རྡུམ་བཞི། ཨ་ཀ་རུ་རྡུམ་ཉེར་བརྒྱད། བཟང་དྲུག་སོགས་སྨན་སྣ་ཚོགས་ཀྲོང་ཙེ་དོ། ཁྲོག་སྨན་རྐྱལ་དོས་བརྒྱད། གོས་ཆེན་གྱི་གསོལ་གདན་གསུམ། དཀྱུས་མ་རེ་ལྔ། ཟོ་ལག་བཞི། སྡེར་མ་དྲུག་བརྒྱ་དོན་གཉིས། རག་འགག་རེ་བདུན། དམར་བཙོད་འདེགས་ཁལ་ཆིག་སྟོང་བརྒྱད་བརྒྱ་ཉེར་བདུན། ཞུ་མཁན་བརྒྱད་བརྒྱ། ཚྭ་ཁལ་ཆིག་སྟོང་། བུལ་ཁལ་བརྒྱ། རྒྱ་ཚོས་སྒྱེ་དོས་ཉི་ཤུ། མེ་མདའ་སྤུས་ལེགས་ཅམ་བཅུ། ཨོད་མ། མཚལ་ཕུག །མདུང་། རྟ་གོ་ཆ་འགྲིག །སག་ཐག་མདའ་གཞུ་ཆ་འགྲིག །གསོལ་གོ་ལེགས་པ་ཆ་འགྲིག །འཁོར་གསུམ་ཆ་འགྲིག །ཁྲབ་རྨོག་ཆ་འགྲིག་སུམ་ཅུ། གུར་ཆེ་བ་ཡོལ་སྒོར་དང་བཅས་པ་གཉིས། གཡབས་ཡོལ་སྒོར་དང་བཅས་པ། དཀྱུས་གུར་དཀར་ནག་དྲུག །གཡབས་བཅུ་གཅིག །ཕྱིང་གུར་གཉིས་རྣམས་ཐག་བཅའ་ཆ་འགྲིག །མེ་སླང་། སཾ་ཊ་བཅུ་གསུམ། སྒམ་ཆེ་ཆུང་སོ་དྲུག །ཀྲོང་ཙེ་བརྒྱད། སྟག་གཟིག་གི་པགས་པའི་ཁོམ་འབོག་དྲུག་དང་དཀྱུས་མ་ཉེར་གཅིག །གསར་ཆས་གཉིས་ཀྱིས་གཙོས། གསེར་དངུལ་ར་མ་ལུག་གི་སྒ་ཆ་ཚང་སོ་ལྔ། སྒ་དམར་ཆ་ལག་ཚང་འགྲིག་ཉེར་གསུམ། ཇ་ལང་ཇང་ཀིའི་ནོར་བུ་ཁྱུང་སྔོན་དང་བོན་གྲོང་བཀྲ་ཤིས་གྲོ་དམར་གྱིས་ཐོག་དྲངས་རྟ་སོ་གཅིག །དྲེའུ་དྲུག་ཅུ་སྒ་གདན་དཀར་བརྩེགས་དང་བཅས་པ། ཚོང་ཁག་

[Full Size]

གཅིག་གི་གཡབས། དར་ལྕོག །ཐབ་ཆས་གདངས་ཐག་ཆ་འགྲིག །རྒྱ་ཀྲོང་ཆེ་བ་སྟིམ་སག་གི་རྒྱན་ཡོད་ཆ། འཐུད་གྲི། ཁ་ཤའི་ཇ་ཁུག །མཁའ་རུ་གཤོར་འབོ་བྲེ་བཅས་ལྕགས་ཤན་མ། མཁའ་རུའི་རྒྱ་ཉག་རྡོ་བཅས། ཟངས་རྐྱན་ཆ། ཚྭ་སྣུམ་གཏོང་བའི་སྐྱོགས་ཟངས་མགོ །གསེར་མགོ །ལྕགས་མགོ །ར་ཁ་གཉིས། རྐྱལ་པ་བརྒྱད། སྣུམ་བན་གསུམ། གསོལ་ཕོར་སྤག་ཕོར་བསྡོམས་གྱ་གསུམ། བསེ་ཋོ་ར་ལེགས་པ་ཉི་ཤུ། ཁྲོ་ཟངས་བསྡོམས་པ་ང་བཞི། ཞལ་དཀར་སྒབ་ཤུབས་དང་བཅས་ལེགས་པ། ཟངས་ཁལ་ཆིག་བརྒྱ་བརྒྱད་ཅུ། རྫོང་སྣེའུ་སྡོང་རྩེ། གཞིས་ལྷོ་གུང་རྒྱལ། ལྷ་གསོལ། སྙོན་རུག །དོགས་པ་བཀྲས་ཆེན་སོགས་མ་ལགས་བཅས་པའི་ཁང་པ། ཡོལ་བ། ཆུ་ཁེབས། སྐུ་གསུང་ཐུགས་རྟེན། ཐབ་གདན་བཅས། འདྲེན་དཔྱད། དཀར་དཔྱད། དྲག་ཆས། གཉེར་ཆས། གཞིས་ཕྱུགས། གཞིས་ལུག་སོགས་བདག་ཐོབ་འཛིན་ཐེབས་ཆ་འགྲིག་རང་འཇགས་ཐོག་བཀའ་རྒྱ་བཀར་སྐྱིན་བཅས་པའི་འབྲུ་ཁལ་ཆིག་ཁྲི་བཞི་སྟོང་ཆིག་བརྒྱ་རེ་གཅིག །རུ་ཁག་གཉིས། ལུག་ཁག་གཉིས། རྫོང་གཞིས་གོང་གསལ་རྣམས་ཀྱི་རྩྭ་ཆུ་ཤིང་གསུམ་དབང་རིགས་འཛིན་བདག །གཞིས་ཤས་ཀྱི་ཡོང་སྒོ། མི་སེར་གྱི་འབབ་འཕེལ་འགྲིབ་བཅས་ཁྱོན་གཅིག་ཏུ་བསྡོམས་འབྲུ་རྐྱང་ཐོག་ཤ་མར་དཔུས་ཆར་གོང་བརྒྱབ་པར་འབྲུ་མཁར་ཁལ་སུམ་ཁྲི་དྲུག་སྟོང་དྲུག་བརྒྱ་གོ་དྲུག །གཟན་ཤིང་བསྡོམས་རྒྱ་མ་བདུན་ཁྲི་བདུན་སྟོང་སུམ་བརྒྱ་

[Full Size]

དྲུག་ཅུ། མི་སེར་བོད་པ་རྐང་གི་ཟུར་ཆ་ཡན་ཐེམ་འཛིན་དགུ་བརྒྱ་ཉེར་གསུམ། དུད་ཆུང་རྡོ་ཐབ་ཡན་ཆིག་བརྒྱ་གྱ་བཞི། འབྲོག་རིགས་སྦྲ་དུད་ལྔ་བཅུ་དང་བཅས་ཐུགས་འདོད་རྫོགས་པར་བཀང་། ཉེར་བཞིར་རྡོ་རྗེ་བྲག་གི་གཡུལ་བཟློག་གཏོང་མི་དབུ་མཛད་ངག་དབང་བློ་གསལ་གྲ་བཅས། ཆོས་རྗེ་ཁྲ་ཚང་པ་དང་ཕྲད། ཉེར་བརྒྱད་ལ་ཞབས་དྲུང་ནོར་བུ་ཁྲ་སྒོར་ཐེགས་པར་མདུད་པ་ཇ་གོས་དར་སོགས་ཀྱི་སྐྱེས་ལན་རྒྱས་པར་དབུལ་ཞིང་བཀའ་བསྒོ། ཨ་མདོ་བ་སུམ་ཅུ་སྐོར་ལ་མེ་ཏོག་གཏོར། དགའ་ལྡན་ཚེ་དབང་དཔལ་བཟང་མངའ་རིས་ཕྱོགས་སུ་སྔ་སོར་དགེ་ལུགས་དར་རྒྱས་ཆེ་བ་དེ་བཞིན་ཡིན་ཀྱང་བར་དུ་རང་ཕྱོགས་ཀྱི་བླ་མ་རེ་གཉིས་ཀྱིས་མ་འཕེར་བར་བརྟེན་དིང་སང་ཞྭ་སེར་པོའི་བསྟན་པ་ཤིན་ཏུ་ཉམ་དམའ་བར་ཕན་ཆ་ཞིག་ཨེ་ཡོད་རེ་བས་དམག་ལ་འགྲོ་བའི་རྒྱུ་མཚན་ཟེར་ཡང་འདི་རིགས་ལྷུས་ཐིངས་མ་བྱས་པར་སྟབས་འགྲོས་མི་འགབ་ཚུལ་ནན་ཆགས་འདི་ག་ནས་ལབས་པ་དང་མཐུན་པར་སྡེ་པ་བློ་བཟང་སྦྱིན་པ་དང་སྟག་སྟར་སོགས་ཀྱིས་ཤོལ་བཏབ་ཀྱང་ངེད་ཆོས་མ་བྱུང་ཕྱིན་བླ་མའི་གསོལ་རས་ཟ་ཡིན་བསྡད་པར་དགོས་པ་མི་འདུག་པས་བསྟན་པའི་ཞབས་ཏོག་བསྒྲུབ་རྩིས་ཀྱིས་མངའ་རིས་སུ་འགྲོ་བར་ཤོལ་མ་ཐེབས་གཤིས་སྡེ་པས་མཐུན་རྐྱེན་སྤེལ་ཏེ་རྫོང་བདའ། བི་ལིག་ཐུའི་འདོད་པ་ལྟར་རིང་འཚོའི་ཚིགས་བཅད་ཀྱི་ལུངས་བཀླགས། མདུད་པ་བྱིན་རྟེན་སོགས་དང་བཅས་གནམ་གང་ལ་ཐོན། ཁྲི་འདོན་གྱི་གེགས་སེལ་ལ་ཁྱམས་རར་བདེ་ཡངས་པས་འབུམ་བཅུ། བསྐལ་བཟང་ལྔ། རྒྱ་རོལ་གསུམ། ཕལ་ཆེན་ལྔ།

[Full Size]

གསེར་འོད། གཟུངས་འདུས་ནས་བཀྲ་ཤིས་བརྩེགས་པ། ཕྱོགས་བཅུ་མུན་སེལ། གཟའ་ཡུམ། མཚན་བརྗོད། གནམ་ས་སྣང་བརྒྱད། ཉེས་པ་ཀུན་སེལ། རྨ་བྱ་ཆེན་མོ། གཙུག་ཏོར། རྣམ་འཇོམས། དག་པ་གསེར་གྱི་མདོ་ཏིག །སྡོང་རྒྱན། རྒྱལ་མཚན་རྩེ་མོ། སྟོབས་པོ་ཆེ་རྣམས་སོ་སོར་བརྒྱ་ཚར། གདུགས་དཀར་ཆིག་སྟོང་ཆིག་བརྒྱ་སོ་དྲུག །ཤེར་སྙིང་བཞི་སྟོང་ཆིག་བརྒྱ་སོ་བརྒྱད། སེར་འབྲས་གཉིས་སུ་ཇ་ཚུལ་ཐོག་གདུགས་དཀར་དང་ཤེར་སྙིང་། དགའ་ལྡན་དུ་སྒྲོལ་མ་དང་ཚེ་གཟུངས། བརྟག་རིམ་དུ། བཀའ་འགྱུར་བཅུ་བདུན། འབུམ་ཚར་གཉིས། ཉི་ཁྲི་གསུམ། བརྒྱད་སྟོང་པ་ལྔ། བསྐལ་བཟང་བདུན། གདུགས་དཀར་དྲུག་སྟོང་བརྒྱད་བརྒྱ། ཤེར་སྙིང་ཉི་ཁྲི་སུམ་སྟོང་དགུ་བརྒྱ་བཞི་བཅུ། སྒྲོལ་མ་སུམ་ཁྲི་བཞི་སྟོང་ཉིས་བརྒྱ། རྒྱལ་དུ་དམག་ཟོར་མར་བསྐང་པ་ཁྲི། བེག་ཙེར་སྟོང་། གཞན་རྣམས་ལ་བརྒྱ་ཚར། སྙན་ཤལ་གཏོར་གསོས་དང་བཅས་པ། ལ་མོ་དང་བསམ་ཡས་ཆོས་སྐྱོང་གིས་ཁྲི་འདོན་གེགས་སེལ་ལ་བདེ་ཡངས་པས་ལྷ་སར་སྟོབས་པོ་ཆེ། བཀྲ་ཤིས་བརྩེགས་པ། གཙུག་གཏོར་དཀར་ནག་རྣམས་བཅོ་ལྔ་རེ། བཀའ་འགྱུར་གསུམ། དཀོན་གཉེར་བས་གདུགས་དཀར་མདོས་ཆེན། ཁྲ་འབྲུག་ཆོས་སྐྱོང་གིས་ཁྲི་འཁོད་རིམ་གྲོར་དཔལ་ལྷའི་དབུ་ཐོག་ཏུ་རྒྱལ་མཚན་ལེགས་པ། སེར་འབྲས་སུ་སྤོང་དག་གྲ་པ་གསུམ་རེར་གསེར་ཞོ་རེའི་རྩིས་དང་ཇ་སྦྱོར་སྦྲེལ། སྲོག་བླུ་ལྔ་བཅུ།

[Full Size]

སྔགས་ཁང་། གནས་ཆུང་། སེ་ར་སྤྱི་སོ་རྣམས་སུ་བསྐང་གསོ་ཉིན་ཐུབ་སྙན་དར་དང་བཅས་པ། ཧོར་ཟླ་དྲུག་པའི་ཚེས་གཅིག་ལ་རྟ་ར་ཀླུ་གོང་གི་བུ་ནོར་བུ་བཟང་པོས་དགོས་ཚུལ་ལྟར་ཁྲབ་རྨོག་ཆ་འགྲིག་སྙན་དར་སོགས་བསྲིངས། གྲོམ་པ་རྒྱང་གི་ལྷ་ཁང་བདུན་པོར་མཆོད་མེ་སྡོང་རྐང་རེ་ཉིན་ཁྱོངས་ལྷ་རྩེ་དང་ཕུན་གླིང་གཉེར་ཚང་ནས་ཕྱེད་ཁྱེར་གཏོང་བ་ཇི་སྲིད་བར་རྒྱུན་བཙུགས། ཚེས་གཉིས་ལ་སྡེ་པ་སངས་རྒྱས་རྒྱ་མཚོར་ཚེ་དཔག་མེད་འཆི་མེད་དཔལ་སྟེར། སྒྲོལ་དཀར་ཡིད་བཞིན་འཁོར་ལོའི་ཐུན་མོང་མ་ཡིན་པ། རྟ་མགྲིན་སྐྱེར་སྒང་ལུགས་རྣམས་ཀྱི་དབང་དང་རྗེས་གནང་བསྐུར། ལྷ་འདྲེ་སྟོང་དྲ་གཏོང་མི་ངེས་གསང་རྡོར་གླིང་པ་གྲ་བཅས། སྡེ་པ་བཀྲ་ཤིས། ཚེ་དབང་རབ་བརྟན། རྣམ་གྲོལ་བསམ་གྲུབ། དར་རྒྱས་སོགས་ལས་ཚན་བྱེད་མིར་ཇ་གྲལ། མཚོ་སྣ་གདོང་པས་དངུལ་གྱི་དོང་རྩེ་གསེར་གཙོ་གྱུར་གྱི་ཡོད་དགུའི་བདོག་པ་དང་བཅས་གྲ་ཚང་གི་གྲ་པ་བཅུས་ཚིགས་བཅད་ཤིས་བརྗོད་གྱིས་མཐའ་བརྟེན། བསྟན་འཛིན་ད་ལའི་རྒྱལ་པོ། ཨུལ་ཇོའི་ཐུ་པཱ་ཐུར་ཐའི་ཇི། བློ་བཟང་མགོན་པོ་རབ་བརྟན་སོགས་འདམ་ནས་བྱོན་པ་དང་མཇལ། ཚེས་ལྔ་ཕྱི་མར་སྡེ་པའི་ཐམ་ཕུད་ཇོ་ཤཱཀ །ལོ་ཀེ་ཤྭ་ར། དམག་ཟོར་མ། དཔལ་ལྷ། མཁའ་འགྲོ་རྣམ་ལྔ་སྤྱི། ཐང་ལྷ། རྒྱལ་རི་མཐིལ་གྱི་ལྷ་ཚོགས་རྣམས་ལ་འབུལ་བའི་སྙན་ཤལ་ཁ་བྱང་། རྣམ་གླིང་པཎ་ཆེན་གྱི་རིང་འཚོ་དང་འབྲེལ་པའི་གྲལ་འཕྲོས་རྩ་ཚིག །མེས་པོའི་ཞལ་ལུང་ཁ་སྐོང་གི་པར་བྱང་། གསང་ནེའུ་ཐོག་སྤྱི་ཚོགས་ནས་

[Full Size]

བསྐུལ་མ་མཛད་པའི་སྡེ་པ་སངས་རྒྱས་རྒྱ་མཚོའི་བརྟན་བཞུགས་རྣམས་བརྩམས། རྩིས་རིགས་སྨྲ་བའི་ཡང་རྩེ་བླ་མཁྱེན་ངག་དབང་གིས་ཞིབ་རྩིས་བྱས་པ་ཚེས་ལྔ་ཉིས་བརྩེགས་ཀྱི་ཚེས་དྲུག་གི་ཉིན་ནམ་ལངས་ནས་ཆུ་ཚོད་བཅུ་གསུམ་རྫོགས་པ་ཉི་ཕྱེད་སྔ་ཆ་ཚེས་བཟང་པོ། དབྱངས་ཨི། གསལ་བྱེད་མ། རེས་གཟའ་པ་བ་སངས་དར་བ། ཉིན་སྟོབས་ཆེ་བ། སྐར་མ་དབོ། འཕྲོད་མདུང་། སྦྱོར་བ་ཡོངས་བསྣུན། བྱེད་པ་ཁྱིམ་སྐྱེས། རྟེན་འབྲེལ་སྐྱེ་མཆེད། ཉི་མ་སྟག །སྤར་ཁ་ལི། སྨེ་བ་གཅིག་དཀར། ཟླ་བའི་སྙིགས་མ་དང་། དུས་སྦྱོར་བྱེད་པ་སོགས་མདོར་ན་གཙུགས་ལག་དཀར་ནག་དབྱངས་འཆར་ནས་གསུངས་པའི་སྤྱི་སྒོས་ཚང་མ་སྒོ་བསྟུན་ཏེ་དུས་ཤིན་ཏུ་དགེ་བར་ཕུན་སུམ་ཚོགས་ཤིང་བཀྲ་ཤིས་པའི་ཉིན་གཙུག་ལག་ལུགས་བརྒྱའི་འདུན་ས་གནམ་སྐོས་ཀྱི་ཕོ་བྲང་ཆེན་པོ་གནམ་གཏད་ཀྱི་གཙུག་ཏོར་ནོར་བུའི་མེ་ལོང་གིས་བཏེག་པའི་འཇིགས་མེད་སེང་གེའི་ཁྲི་ཡངས་པོར་འཁོར་ལོས་སྒྱུར་བའི་རྒྱལ་ཐབས་ཆེན་པོའི་ལུགས་གཉིས་ཀྱི་བྱེད་པ་པོ་གནམ་སའི་དབང་ཕྱུག་ཏུ་ས་སྐྱོང་སངས་རྒྱས་རྒྱ་མཚོ་བཀྲ་ཤིས་པའི་དགེ་མཚན་དུ་མས་དབང་བསྐུར་བའི་སྔོན་འགྲོ་ངེད་ལ་ལེགས་སྐྱེས་བཀྲ་ཤིས་པའི་ཁ་བཏགས་ཉིན་བདེ་མ། ཆོས་དབང་རིན་པོ་ཆེའི་གཏེར་མའི་གནམ་ལྕགས་ལས་གྲུབ་པའི་སློབ་དཔོན་པདྨ་སཾ་བྷ་ཝའི་ཕྱག་རྡོར་རྩེ་དགུ་པ། པཎ་ཞྭ། འགན་སྦྱར་སོགས་རུང་མཐུན་གྱི་གྱོན་པ་དཔུས་ལེགས་ཆ་འགྲིག་གསུམ། གོས་ཡུག་ཆེན་ཉི་ཤུ་རྩ་གཅིག །བྱང་དར། མ་ཧཉྩེ། སྒ་རས་

[Full Size]

ཇ་སོགས་དགུ་ཚན་ཉི་ཤུ་རྩ་གཅིག་བསྟར་རྗེས་ཁྲིར་འཁོད་ཐོག་སྙིང་པོར་གྱུར་པའི་ཞོ། གྲོ་མ་མར་ཁུ་སོགས་བཀྲ་ཤིས་པའི་ཟས་དང་། འབོ་གྲོས་བཀང་སྟེང་ལྡེ་མིག །དེབ། དར་ཟབ་ཀྱི་སྒྲོམ་བུ། ཐམས་ཀ་ཆེ་ཆུང་སོགས་གཏད་དེ་ལུགས་ཟུང་མཐའ་དག་གི་བྱེད་པ་པོར་མངའ་གསོལ། ཞལ་དཀར་བའི་ཐོག་མ་མིང་བཀྲའི་སྟབས་མཚལ་ཞབས་དྲུང་གྲགས་པ་ཚེ་དབང་རྡོ་རྗེས་སྣ་དྲངས། སྡེ་པ་ཟུར་པ་བློ་བཟང་སྦྱིན་པའི་ངོ་ཚབ། བསྟན་འཛིན་ད་ལའི་རྒྱལ་པོ། ཨུལ་ཇོའི་ཐུ་པཱ་ཐུར་ཐའི་ཇི། དཔོན་ཚེ་རིང་། བློ་བཟང་མགོན་པོ་རབ་བརྟན། ད་ལའི་ཧུང་ཐའི་ཇི་སོགས་མཚོ་ཁའི་དཔོན་ཁག་རྣམས་ཀྱི་མི་སྣ། རྟ་ཚག་རྗེ་དྲུང་རིན་པོ་ཆེ། གྲ་ས་ཕན་ཚུལ་གྱི་སློབ་དཔོན་ཁྲི་གདན་ཟུར། ལས་སྣེ་སྣ་ཆེན། དབོན་ཆོས་མཛད། ཉེ་སྐོར་ནང་སོ་དྲུང་འཁོར། ལྡིང་དཔོན། ལྷ་ས་རུ་བཞི་རྣམས་དང་། གཞན་ཡང་ཡམ་བུ་རྒྱལ་པོའི་མི་སྣ་ཛ་ཤིན་དེ་བ་དང་ཛི་ན་དེ་བ་ལ་སོགས་ཕྱོགས་འདུས་ཀྱི་ཁ་ཆེ་བལ་པོ་སོ་སོས་ཡུལ་ལུགས་དང་བསྟུན་པའི་ཁྲི་འབུལ་བཏེག །གྲ་ཚང་གི་གྲ་པ་ཁ་ཤས་ཀྱིས་རྒྱལ་སྲིད་རིན་པོ་ཆེ་སྣ་བདུན། བཀྲ་ཤིས་རྫས་རྟགས་ཕུལ་ཏེ་བདེན་ཚིགས་བརྗོད། བཟའ་བཏུང་གི་དགའ་སྟོན་རྒྱས་པར་བཤམས་ཤིང་། རོལ་གར་སྣ་ཚོགས་བསྒྱུར་བ་དང་། ལེགས་བཤད་ཀྱི་འབེལ་གཏམ་འདར་པ་ལོ་ཆེན་དང་། རྣམ་གླིང་པཎ་ཆེན་གཉིས་ཀྱིས་ཁྲི་འབུལ་བ་སྡེ་ཚན་བདུན་གྱི་བར་སྟར་ཆགས་སུ་བགྱིས། ལྷ་ས་བའི་རྒྱལ་སྲིད་སྣ་བདུན། བྲོ་གཞས་པ། གྲོང་སྨད་ཀྱི་འོག །དར་པོ་གླིང་པ།

[Full Size]

ལྕང་སྲུང་ཁང་པ། དན་འབག་པ། གནས་ཆུང་པ། སྤེན་རྩ་བ། ལྷ་ལུང་། བཞི་སྡེ། ཁེ་གསུམ་པ། གཙང་པ་བྲོ་པ་སོགས་ཀྱིས་ལྟད་མོ་སྣ་ཚོགས་བསྟན། འདི་ཉིན་འཇའ་ཁྱིམ་ཁ་དོག་སྣ་ལྔ་པ་ཕྱི་ནང་དུ་མ་ཟད་ཉི་མའི་ཕྱོགས་བཞིར་འཇའ་སྣ་ལྔ་དང་འཇའ་རྡོག་དཀར་པོ་ཉི་མ་འདྲ་བ་དེ་དང་ཤར་ནུབ་ཏུ་འཇའ་ཕུང་སྣ་ལྔ་རེ་བྱུང་བ་ལེགས་པའི་མཚན་མ་ཡིན་པ་འདྲ་སྙམ། ཚེས་བདུན་ལ་གཏེར་སྟོན་རིགས་འཛིན་ཆེན་པོ་དང་མཇལ་གསུང་གླེང་ཞིབ་མོར་བྱུང་། ཕྱི་དྲོ་སའི་ཚངས་པ་བསྟན་འཛིན་ད་ལའི་རྒྱལ་པོ། རྒྱལ་མོ་གཞོན་པ། ཨེར་ཁེ་ཇའི་སང་གི་གཞིས་འཛིན། དཔལ་འཁོར་ཆོས་སྡེའི་མཁན་པོ། ཡེར་པ་དང་དིང་རི་གླང་འཁོར་བླ་མ། ཀྲེ་པ་ཁྲོ་བོ་དཀར་པོ། རྨེ་རུ་བའི་དབུ་ཆོས་སོགས་ལ་ཇ་གྲལ། གྲ་པ་བྱིངས་ལ་ངོས་ཕྲད། རྒྱལ་ལྷ་ཁང་པ་དང་། རྨེ་རུ་བའི་འཆམས། པོ་ཏ་ལ་ཞོལ་པ་སོགས་ཀྱིས་བྲོ་གཞས་བསྟར། ཚེས་བརྒྱད་ལ་སྡེ་པ་ཟུར་པ། རྡོ་རྗེ་བྲག་སྤྲུལ་སྐུ་རིན་པོ་ཆེ། ཡེར་བ་ཆོས་རྗེ། ལ་མོ་སྐུ་རྟེན་པ། ཚེར་གསེབ་བླ་མ་སོགས་དང་མཇལ། ལྷ་ས་ཚེས་བཅུ་བ་རྣམས་ཀྱིས་སྟང་སྟབས་དུ་མ་སྒྱུར་ཞིང་སོ་ནམ་པ། སྒྲག་མཚོ་གླིང་པ། གཙང་བྲོ་སོགས་ཀྱི་རྩེད་མོ་སྣང་། ཚེས་དགུར་སྟག་རྩེ་ཐའི་ཇི་མ་ཆེན་ཤག་ལྷོ་པའི་མ་དང་བཙུན་མ་སོགས་ལ་ཇ་གྲལ་དང་། ཤེལ་གྲོང་པ། ལྕང་གྲོང་པ། གསེར་ཁང་པ། ལྷོ་གད་པ། གྲ་བཞི་བ། བཀྲ་ཤིས་དགོས་འདོད། བྱང་གླིང་པའི་གཡོག །གཙང་བྲོ་སོགས་གླུ་གཞས་རྩེས། ཚེས་བཅུར་དགའ་སྟོན་གཉིས་པར་གདན་ས་ཆེན་པོ་འབྲོག་དགའ་ལྡན་རྣམ་པར་རྒྱལ་པའི་གླིང་ནས་ཁྲི་གདན་ཟུར་གྱི་སྐུ་ཚབ། ཤར་བྱང་ཆོས་རྗེ་རྣམ་གཉིས། མངོན་དགའ་སྐུ་སྐྱེ། སློབ་དཔོན་པ། ལས་སྣེ་

[Full Size]

ཁམས་ཚན། སྟག་རྩེ་རྒྱལ་བུ་ལྷ་རྒྱལ་རབ་བརྟན། བདེ་ཆེན་ཐའི་ཇི། བཀྲ་ཤིས་ལྗོོངས་ཆོས་རྗེ། རྒྱུད་སྟོད། མི་ཉག་དགོན་གསར། ཡེར་པ། མཚལ་དབུས་གླིང་། གཟིམས་ཁང་ཤར། ཆོས་ཁྲི། བཙུན་མོ་ཚལ་རྣམས་ཀྱི་བླ་གཉེར། གླང་ར་འོག་འཐར་རྒྱས་པ་སོགས་སྐྱིད་ཤོད་སྟོད་ཁའི་ལྷ་སྡེ་མི་སྡེ། རྫོང་སྡོད་བདེ་འབྱོར་བྱང་པ། རྫིང་ཕྱི་མཁན་པོ། དགའ་ཚལ་བ་སོགས་འོལ་ཁའི་ལྷ་སྡེ་མི་སྡེ། མཁར་རྩེ། ཟ་དམ། ལྷ་ཁང་། ལྷུན་གྲུབ་རྫོང་། གླང་ཐང་། ཡུལ་སྔ་རྣམས་སུ་སྡོད་མི་དཀར་ཡགས་པ། ཞིང་མོ་ཆེ་བ། འཕགས་པ་དོན་གྲུབ། མས་སྒོར་བ། ལྷ་དབང་རྡོ་རྗེ། གྲོ་ཁུད་པ། རྒྱུད་སྡེ་རྒྱ་མཚོའི་མངའ་བདག་བཅོ་བརྒྱད་ཆོས་རྗེ། ཐང་སག་བླ་མ། རྭ་སྒྲེང་ཁྲི་ཟུར་དབོན། སྟག་ལུང་ཟུར་པ། འོད་འཇོ་བ། སུམ་ཕྲེང་བ་རྣམས་ཀྱི་ཚབ་མ་སོགས་འཕན་ཡུལ་སྐོར་གྱི་ལྷ་སྡེ་མི་སྡེ། རྒྱལ། མཁར་ཐོག །ལྷ་གསོལ། སྐུ་རབ་རྣམ་རྒྱལ། དྭགས་པོ་གྲ་ཚང་། བང་རིམ་ཆོས་སྡེ། སྒམ་པོ་ཕྱག་མཛོད། བྷྲུཾ་པ་མི་དབང་། བང་རིམ་སོགས་དྭགས་ཕྱོགས་ཀྱི་ལྷ་སྡེ་མི་སྡེ། ཕག་གུང་གཞིས་སྡོད། འབྲི་གུང་ཕྱག་མཛོད་སོགས་དབུར་སྟོད་ཕྱོགས་ཀྱི་ལྷ་སྡེ་མི་སྡེ་དང་བཅས་པས་ཞལ་དཀར་རྒྱས་པར་བཏེག །སྟག་རྩེ་ནས་རྟ་བཅུ་གཉིས། སྟག་ལུང་ཁྲི་ཟུར་གྱིས་རྟ་བཅུ། སེམས་དཔའ་ཆེན་པོས་རྟ་བཅུ་གཅིག །འབྲི་གུང་པས་རྟ་བཅུ་བདུན་རྣམས་བྱུང་། ཤར་བྱང་ཆོས་རྗེ་གཉིས། སློབ་དཔོན་པ།

[Full Size]

རྒྱུད་སྟོད་དང་བཀྲ་ཤིས་ལྗོངས་ཆོས་རྗེ། ཐང་སག །བྲག་དབར། ཡེར་པ་རྣམས་ཀྱི་བླ་མ། བཅོ་བརྒྱད་ཆོས་རྗེ། འབྲི་གུང་ཕྱག་མཛོད། དགའ་ལྡན་རབ་བརྟན་དང་མང་ར་མཁན་པོ། འཆད་ཀ་སྤྱན་སྔ། རྒྱལ་སྤྱི་གཉེར། བང་རིམ་པ། སྒྲོམ་མདའ་བ། ཟུར་མཁར་བ་སོགས་དང་སྒེར་ཕྲད། བྷྲུཾ་པའི་བུ་མོ་རྒན་པའི་སྐྲ་ཕུད་བླངས་ཤིང་མིང་བློ་བཟང་སྒྲོལ་མར་བཏགས། བཙུན་མོ་ཚལ་པའི་གྲ་པ་ལྔ་བཅུར་མེ་ཏོག་གཏོར། གུང་ཐང་ཆོས་ཁྲི་བས་ཚེས་བཅུའི་འཆམས། ཆོས་ལུང་པ། གར་པ། ཆེ་གསུམ་པ། རག་པ། དགོན་ཤར་བ། དབུས་གཙང་གི་གྲོ་གཞས་སོགས་ཀྱིས་རྩེད་སྣ་བསྟན། གྲ་ཚང་ནས་གྲ་པ་ཚན་པ་བཞི་ཆར་འབེབས་ལ་བཏང་། ཚེས་བཅུ་གཅིག་ནས་སད་སྲུང་གི་བུམ་སྒྲུབ་ཀྱི་སྔ་རོལ་ཀུན་བཟང་བདེ་ཆེན་དུ་ངེད་རང་གིས་བསྐྱེད་བསྟིམ་མཆོད་བསྟོད་འདོད་གསོལ་བྱས། གསང་ཕུ་ཞབས་དྲུང་རྣམ་གཉིས། སློབ་དཔོན་པ་བཅུ། དྲུང་ཆེན་སོགས་སྤྱི་ཚོགས་ཀྱིས་དངོས་པོའི་སྐྱེས་དང་བཅས་རིང་འཚོ་མཛད། གསང་སྔགས་བྱང་ཆུབ་གླིང་པའི་གྲ་པ་རྣམས་ལ་མེ་ཏོག་གཏོར། ཁྲི་འཁོད་ཀྱི་དགའ་སྟོན་རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་སྤྱི་སྒེར་གྱིས་བདོག་པ་བཏེག་ཅིང་སྟོན་མོ་རྒྱས་པར་བཤམས་པའི་མགྲོན་དུ་སྡེ་པ་བློ་བཟང་སྦྱིན་པ། རྡོ་རྗེ་བྲག་སྤྲུལ་སྐུ་རིན་པོ་ཆེ། གཏེར་སྟོན་རིགས་འཛིན་ཆེན་པོ། དཔལ་འཁོར་ཆོས་སྡེའི་མཁན་པོ། གསང་གླིང་། ཐར་གླིང་། ཐང་སག་གསུམ་གྱི་སློབ་དཔོན། སྟག་རྩེ་བདེ་ཆེན་གྱི་ཡབ་སྲས་གསུམ་རྣམས་བྱོན། ཞ་ལུ་མཁན་ཟུར་

[Full Size]

གྱི་སྐྱེས་ཀྱང་འདིར་འབུལ་བ་མཛད། ཕྱི་དྲོ་རིགས་འཛིན་དཀོན་མཆོག་ལྷུན་གྲུབ། རི་གསུམ་པ། རྣམ་རྒྱལ་དགོན་པ་བ་སོགས་ལ་ཇ་གྲལ། གསང་སྔགས་བྱང་ཆུབ་གླིང་པས་ཚེས་བཅུའི་འཆམས་དང་བཙུན་མོ་ཚལ་པས་འཆམས་སྣ་བསྟར་རྗེས། མཁར་སྔ་བ། རིན་ཆེན་ཚལ་པ། སྒང་སྟོད་པ། རྡོ་པ། སེ་ར་གཟིམས་ཁང་ཤར་པའི་གཡོག །གླང་རུ། བྱེ་ལུང་། ཡེར་པ། གཙང་བྲོ་སོགས་ཀྱང་སྔ་མ་དང་འདྲ། ཚེས་བཅུ་གཉིས་ལ་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་སློབ་དཔོན་ལས་སྣེ་བ། དགེ་འདུན་རགས་བསྡུས་དང་བཅས་པས་བདུད་བཞིའི་དགྲ་ལས་རྒྱལ་བའི་བདེན་ཚིག་རྩེ་གཅིག་ཏུ་མཛད། དེ་ཐོག་སྦྱར་ར་དངོས་གྲུབ་ཀྱིས་དོ་དམ་བྱས་པའི་མངའ་རིས་རྫོང་དགའ་སྤྱི་བསྡུས་ཀྱིས་རིང་འཚོ་སྤེལ། རྩེར་དགའ་ལྡན་ཧུང་ཐའི་ཇིའི་མི་སྣ་གསས་ཁང་སྐུ་སྐྱེ། རྭ་སྒྲེང་ཟུར་པ་ཁལ་ཁ་གཡས་རུ་ཇ་སག་ཐུའི་མི་སྣ། ཞང་སྟོན་སྐུ་མདུན་ལྷུན་གྲུབ། ཤག་བྱང་པ། རྣམ་རྒྱལ་གསེར་ཁང་བླ་མ་སོགས་དང་ཕྲད། ཡང་དགོན་པའི་འཆམས། མཁར་རྩེ་ཆགས་རྗེ། ར་མ་རྩེ། པོ་ཏ་ལ། སྦྱར་ར་རྣམས་ཀྱི་བྲོ་གཞས། སྒོ་མང་ཟུར་པ་ངག་དབང་འཕྲིན་ལས་སྡོམ་རྒྱུན་བརྗེ་བ། སྟག་ལུང་གདན་སར་བསྐོ་རྒྱུའི་ཀ་དྲུག་པ་སོགས་བསྙེན་རྫོགས་དྲུག་བསྒྲུབས། བླ་མ་བཙན་པོ་བས་གསེར་ཞོ་བརྒྱ་དང་གཞི། དངུལ་ལྔ་བཅུ་མ། མཚལ་སྒམ་བཅོ་ལྔ། ཧུ་ཇ་ཁོར་དྲུག་མ་དྲུག །གོས་དར་སོགས་སྤམ་མཐོར་བཏེག་སྟེ་གྲ་པ་ཉི་ཤུས་རིང་འཚོའི་ཚིགས་བཅད་གསུངས།

[Full Size]

སྒྲོལ་མ་བ་རྒན་པ། གནས་གཞི་པ། ཆོས་རྗེ་བྲག་སྣ་བ་ཕ་བུ་གསུམ། སྒྲུབ་རྙིང་བླ་མ་སོགས་ཀྱང་ཡོད། བཙན་པོ་བླ་མར་རྫོང་བ་དངོས་གཞི་གྲུབ་ཀྱང་འདི་ཉིན་འཕེལ་གདུང་གསུམ། གྲུབ་མཐའ་རིས་མེད་ཀྱི་བྱིན་རྟེན་འཛོམ་ཆེ་བ། བླ་གོས་གྱོན་འཕྲོ། གསང་འདུས་ཀྱི་འགྲེལ་པ་བཞི་སྦྲགས་སྐུ་གསུང་ཐུགས་རྟེན་སོགས་ཚན་ཆེའི་སྟེང་བཀའ་བསྒོ་དང་། རྒྱ་སོག་ཁ་ཤས་ལ་མེ་ཏོག་གཏོར། ཚེས་བཅུ་གསུམ་ལ་ཆུ་ཤུར་ཐར་གླིང་བླ་གྲས་དངོས་པོའི་ཚན་གྲངས་དང་བཅས་ཚེའི་བར་གཅོད་ལས་རྒྱལ་བའི་བདེན་པ་བརྗོད། འབྲོག་བསམ་སྡིངས་སྤྲུལ་སྐུ། ཐུགས་སྲས་ཟླ་བ། བོན་ལུང་སྐུ་སྐྱེ། མི་ཉག་དགོན་གསར་བླ་མ། ལྷུན་རྩེ་ཞབས་དྲུང་ཡབ་སྲས་གསུམ། སྣ་དཀར་རྩེའི་ཞབས་དྲུང་ལྕམ་སྲིང་རྣམས་དང་མཇལ། ཐུགས་སྲས་ཟླ་བར་དྲག་དམར་གྱི་བཀའ་བསྒོ་ཕུལ། དགའ་སྟོན་གསུམ་པར་རྫོང་སྡོད་ར་མ་རྩེ་པ། རྡོ་རྗེ་བྲག་སྤྲུལ་སྐུ་རིན་པོ་ཆེ། གཏེར་སྟོན་རིན་པོ་ཆེ། ཨྱོན་འཚོ་མོ། ཚོགས་ཡས་མས། བྱམས་པ་གླིང་། གསུང་རབ་གླིང་། བཤད་སྒྲུབ་གླིང་། རི་བོ་རྣམ་རྒྱལ། གོང་དཀར་ཆོས་སྡེ། སྣ་དཀར་རྩེ་བགྲེས་གཞོན། གདོང་ནས། བྱིང་རྣམ། དཔལ་དེ་བ་སོགས་གོང་དཀར་འོག་གི་ལྷ་སྡེ་མི་སྡེ། རྫོང་སྡོད་རི་གསུམ་པ། ཆོས་འཁོར་ཡང་རྩེ། གསང་སྔགས་གླིང་། ཐར་པ་གླིང་། མཚུར་ཕུ་ཞྭ་དམར་ནས། ཡངས་པ་ཅན། ཡང་ཟུར། གེ་རེ་ལྷ་པ། ལྕང་ལོ་ཅན་པ་སོགས་ཆུ་ཤུར་ཕྱོགས་ཀྱི་ལྷ་སྡེ་མི་སྡེ། རྫོང་སྡོད་རམ་པ་བ། གསང་ཕུ་གླིང་སྟོད་སྨད་

[Full Size]

ཀྱི་ཆོས་རྗེ། ཉི་ཐང་། སྦེ་སེར། སྟར་སྡོང་། ཚག་གུར་བ་སོགས་སྣེའུ་ཁུལ་གྱི་ལྷ་སྡེ་མི་སྡེ། རྫོང་སྡོད་དན་འབག་དགོས་པ། སྐྱོར་ལུང་། ར་བ་སྟོད། འབྲུག་ཕྱག་མཛོད། ཞང་སྟོན་ཕུ་མདའ། ལྷ་ཁང་པ་སོགས་ཤུན་གཏོགས་ཀྱི་ལྷ་སྡེ་མི་སྡེ་དང་བཅས་པས་ཞལ་དཀར་བཏེག །དགའ་ལྡན་ཧུང་ཐའི་ཇི། རྭ་སྒྲེང་ཟུར་པ། ཁལ་ཁ་ཇ་སག་ཐུ་རྣམས་ཀྱི་མི་སྣས་གསེར་དངུལ་གོས་དར་རས་སོགས་ཀྱི་སྐྱེས་ཕུན་སུམ་ཚོགས་པ་བརྐྱང་། རིགས་འཛིན་དཀོན་མཆོག་ལྷུན་གྲུབ་ཀྱང་གྲལ་ལ་བསྒྲིགས། ཕྱི་དྲོ་གྲ་ཐང་མཁན་པོ། སྒེར་པ་རྗེ་དྲུང་། བོ་དོང་འཆི་མེད་སྤྲུལ་སྐུ། གོང་དཀར་དཀོན་གཉེར་དཔོན། ཡང་དགོན། རྒྱལ་བྱེད་ཚལ། བཤད་སྒྲུབ་གླིང་སྦེ་སེར། སྐྱེད་ཚལ་འོག །ར་བ་སྟོད། དགའ་ལྡན་ཆོས་འཁོར། ཆོས་འཁོར་ཡང་རྩེ། ཆུ་བཟང་། འོད་ཟེར་གླིང་། ཟུར་རི། གཞི་བ། གླང་ལུང་། མཚོ་སྨད། གོང་དཀར་ཆོས་སྡེ། ཁ་རེག་སྒྲུབ་སྡེ། བདེ་ཆེན་ཆོས་འཁོར་བ། དོ་ནང་པད་གླིང་། སྙེ་མོ་རྩེ་དགོན། བྲག་ར། དུམ་བུ་ཆོས་འཁོར་བ་རྣམས་ཀྱི་བླ་མ། བརྒྱད་གྲ་རབ་འབྱམས་པ། མཚུར་ཕུ་ཕྱག་མཛོད། ཐོན་དམག་དཔོན། གེ་རེ་ལྷ་པ་ཡུམ་སྲས། དཔལ་དེ་དཔོན་ས། སྙེ་མོ་དགོན་ནས། ཕོ་བྲང་ལྕམ། ཚག་གུར་བ། ལྷུན་གྲུབ་རབ་བརྟན་པ། སྒང་པ། རི་གསུམ་པ། མས་ཆགས་པ། དོ་ནང་མིག་པ། ཤར་ཕྱོགས་པ། ལྡུམ་བུ་བ། འོར་པ། ནས་ཁང་སྟེང་པ།

[Full Size]

རི་བོ་རྣམ་རྒྱལ། སླེ་རི། གོང་དཀར་ཆོས་སྡེ་སོགས་གྲ་ཚང་ཁག་གི་གཉེར་པ་རྣམས་ལ་ཇ་གྲལ་ཐོག་བརྒྱད་གྲ་རབ་འབྱམས་པར་བཀའ་འགྱུར་ལུང་རྒྱུན་སྐོར་དྲི་བཤད་རྒྱས་པར་བྱུང་། མཚལ་དབུས་གླིང་པའི་འཆམས། སྐྱོར་ལུང་པ། ལྗངས་པ། མཁར་རྩེ་གཞུང་རྒྱུག་བཅས་གླུ་གཞས་གཙང་བྲོ་སོགས་བྱས། ཚེས་བཅུ་བཞིར་སེ་ར་ཐེག་ཆེན་གླིང་སློབ་དཔོན་གྲ་བཅས་རག་བསྡུས་ཀྱིས་སྐྱེས་བཟང་པོ་དང་བཅས་ཡུན་དུ་འཚོ་བའི་བདེན་བརྗོད་མཆོག་གསུམ་དཔང་པོར་སྤྱན་དྲངས་ནས་མཛད་ཞོར་ལྕང་ར་བཙུན་མའང་ཡོད། ལྷ་སའི་བྲོ་གཞས་པའང་སྣང་། བྱམས་གླིང་དང་མང་ར་མཁན་པོ། གསུང་གླིང་དང་ཐོད་རི་སློབ་དཔོན། གནས་ཆུང་སྔགས་འཆང་། རབ་བརྟན་ཤར་པ། ཨུལ་ངོའི་ཐུ་པཱ་ཐུར་ཐའི་ཇི་འདམ་ལ་ཐོན་གདོང་ལ་བྱིན་རླབས་དང་། རིགས་འཛིན་དཀོན་མཆོག་ལྷུན་གྲུབ་རང་གནས་སུ་འབྱོན་པར་ཟང་ཟིང་གི་རྫོང་བ་སོགས་བསྟར། ཐར་པ་གླིང་པས་ཕུར་འཆམས། ས་གནས་པ། རྒྱལ་གྲོང་པ། གློ་མཁར་བ། ཁ་རུ་བ། ཚལ་ཐང་པ། ལྗངས་ལྕང་གསར་རྣམས་ཀྱི་བྲོ་གཞས་དང་གཙང་བྲོའང་མཆིས། ཚེས་བཅོ་ལྔར་ཐར་གླིང་བླ་མ། མངོན་མཁྱེན་པ། བྷྲུཾ་པ་བ། ར་མ་རྩེ་པ། ཨ་ཏ་གླིང་པ་སོགས་དང་ཕྲད། སྐྱར་པོ་གཞུང་སྒེར། སྒར་སྒོམ་ཆེན་དངོས་གཞི་དྲིལ་བ། དཔལ་གནས་པ། རྒྱང་མཁར་བ། རེ་མ་བ། ཤུན་ཞོལ་པ་སོགས་ཀྱི་རྩེད་སྣ་མང་བ་འདུག །ཚེས་བཅུ་དྲུག་ལ་སྟར་སྡོང་པས་ཚོགས་ཡོན་སྟེར་བྱིན་བཟབས་ཏེ་གྲ་ཚང་ནས་འཆི་མེད་འོད་སྣང་རྡུལ་

[Full Size]

ཚོན་དང་འབྲེལ་བའི་རིང་འཚོའི་ཆོ་ག་མཛད་པའི་མགྲོན་དུ་སྡེ་པ་ཟུར་པ་རྡོ་རྗེ་བྲག་སྤྲུལ་སྐུ་རིན་པོ་ཆེ། གཏེར་སྟོན་རིགས་འཇིན་ཆེན་པོ་རྣམས་ཀྱང་བྱོན། ཕྱི་དྲོ་ལོ་རྒྱུས་ལས། ཆོས་སྐྱོང་རྒྱལ་པོར་མངའ་གསོལ་བའི༔ མངའ་ཐང་རིན་ཆེན་འབར་བ་ཡོད༔ ཅེས་གསུངས་པ་ལྟར་མངའ་གསོལ་བའི་དགོས་པའང་རིན་ཆེན་འབར་པར། སྟོང་འཁོར་ལོས་སྒྱུར་བའི་རྒྱལ་པོའམ། ས་ལ་དབང་བའི་བྱང་ཆུབ་སེམས་དཔའ་འམ། མངའ་ཐང་ཆོས་བཞིན་སྐྱོང་བའི་རྒྱལ་པོ་ཞིག་ལ་བསྐུར་དུ་རུང་མངའ་འདི་གསོལ་ཕྱིན་ཆད། དེའི་མངའ་ཐང་བསོད་ནམས་ཐམས་ཅད་ཟླ་བ་ཡར་གྱི་ངོ་བཞིན་རྒྱས་ནས་འགྲོ་བ་མང་པོའི་དོན་རྒྱ་ཆེན་པོ་འབྱུང་བར་འགྱུར་རོ། །ཞེས་དང་། ཆོས་ཁྲིམས་བསྟན་སྒྲོན་དུ། རྒྱལ་པོའི་བཀའ་བོད་ཀྱི་རྒྱལ་ཁམས་ཐམས་ཅད་དུ་ཁྱབ་པར་མཐོང་། དེའི་འཁོར་འདུས་པ་དང་། རྟེན་འབྲེལ་ཤིན་ཏུ་བཟང་བས་མངའ་དབང་བསྐུར་ལགས་ཀྱི་གསུང་ངོ་། །དེར་རྒྱལ་པོས་བོད་ཁ་བ་ཅན་གྱི་ཡུལ་ཡིག་འཕྲིན་གྱིས་ཁྱབ་པར་བཀྱེ་ནས་བོད་འབངས་ཀུན་འདུས་པ་དང་། ཞེས་འབྱུང་བ་ལྟར་གཟིམས་ཆུང་ཁམས་གསུམ་ཟིལ་གནོན་དུ་ངེད་རང་དང་བཅས་སྤྲུལ་སྐུ་རིགས་འཛིན་གཏེར་བདག་གླིང་པས་རྟེན་ཅིང་འབྲེལ་པར་འབྱུང་བའི་རྫས་དཀྱིལ་འཁོར་དུས་ཚེས་གཟའ་སྐར་འཕྲོད་དགེ་བར་མངའ་དབང་རིན་པོ་ཆེ་བསྐུར་ཏེ་རྒྱལ་སྲིད་བླ་ན་མ་མཆིས་པར་མངའ་གསོལ་བར་མ་བསྒྲིགས་པར་དུས་མཚུངས་སུ་གྲ་ཚང་གི་ཚོགས་དུང་བཏང་བ་རྟེན་འབྲེལ་ལེགས། ལོ་རྒྱུས་སུ། བདག་དང་ཁྲི་སྲོང་ལྡེ་བཙན་གྱིས༔ སེམས་

[Full Size]

བསྐྱེད་སྨོན་ལམ་འཕྲོས་འཐུད་ནས༔ བོད་ཀྱི་རྗེ་འབངས་བདེ་སྐྱིད་དར༔ དེ་དུས་བློན་པོ་ནག་པོ་ཡི༔ སྲི་ལངས་སྙན་ཕྲ་ལོག་པའི་ཚིག༔ བར་ཆད་བྱེད་པ་མང་འབྱུང་གིས༔ ཆོས་ཁྲིམས་ཚུགས་པས་སྐྱིད་པར་འགྱུར༔ མངའ་ཐང་མཐའ་ནས་རྒྱས་པར་འགྱུར༔ རྒྱལ་བོའི་མངའ་ཐང་རྒྱས་པ་ཡིས༔ སྨོན་ལམ་སྟོབས་ཀྱིས་བོད་འབངས་སྐྱིད༔ རྒྱལ་ཁམས་བདེ་ཞིང་སྐྱིད་པར་འགྱུར༔ ཞེས་པའི་དུས་ལ་བབས་པའི་གནད་ཀྱིས་སྡེ་པ་གཞན་དང་མི་འདྲ་བ་སོགས་འདིར་དགོས་པ་མང་ངོ་། །རྩེ་དགའ་གཞུང་རྒྱུག །ཁྲི་ཕུ་པ། དྲུག་བརྒྱ་བ། བཟང་མོ་བ། སྣང་རྩ་བ། བྱང་ངོས་པ་སོགས་ཀྱིས་བྲོ་གཞས་འཆམས་བཅས་བགྱིས། གྲ་ཚང་ནས་གྲངས་བཅད་ལ་ཀི་ཀང་གི་མནན་སྒྲུབ་བཙུགས། ཚེས་བཅུ་བདུན་ལ་ཕྲུག་པོ་ཆེ་པ། ར་མ་སྒང་། གཞིས་དགའ་བ། ཟ་དམ་ཞོལ་པ། དྲུག་བརྒྱ་སྟོད་པ། ལྕང་ལོ་ཅན་པ་རྣམས་ཀྱི་བྲོ་གཞས་དང་། ཁེ་གསུམ་པས་ལྷ་མོ་ཡིད་འཕྲོག་རྩེས། དུས་བསྒྲིགས་ཀྱི་དགའ་སྟོན་བཞི་པ་ལྔ་པ་སྡེ་བས་ལྷ་སར་བཞེས་རྩིས་ཀྱི་འདི་གར་ཚེས་བཅོ་བརྒྱད་ལ་རྫོང་སྡོད་བྷྲུཾ་པ་སོགས་འཕྱོང་རྒྱས་པ། ལེགས་གླིང་པ་སོགས་ཕོ་བྲང་པ། སྙེ་ལུང་པ་སོགས་གྲི་ཁུ་བ། རབ་བརྟན་ཤར་པ་སོགས་དོ་བོ་རྫོང་། སེང་རྫོང་། དར་མ། ལྷ་ཁང་པ་བཅས་ལྷོ་བྲག །འབོག་གོང་པ་སོགས་རྒྱལ་རྩེ་བ། དབང་ལྡན། གཡག་སྡེ་བ། གླིང་དཀར་སོགས་བྱང་རྒྱུད། རྣམ་རྒྱལ་དགོན་པ་སོགས་ཞོ་ཁ། འོར་

[Full Size]

བ་སོགས་ཕག་རི་བ། ཤག་བྱང་པ་སོགས་ཇོ་མོ་རྫོང་། བདེ་གླིང་པ་སོགས་རྒྱ་མདའ་བ། ན་ཁ་བློ་བཟང་སོགས་རིན་སྤུངས་པ། ལྷུན་རྩེ་བ། མཚོ་སྣ་རྫོང་སྡོད། སྣེའུ་སྡོང་སོགས་ཀྱིས་བདོག་པའི་སྐྱེས་ཡུལ་ལུགས་དང་བསྟུན་པ་བཏེག །སྒེར་དུ་འཕྱོང་རྒྱས་རི་བོ་བདེ་ཆེན། སྤྱན་གཡས། ཐང་པོ་ཆེ། ཇོ་སྟན། སྡེ་དྲུག་རྣམས་ཀྱི་མཁན་སྤྱི། རྒྱལ་སྲས་ཤེས་འཕེལ་བ། དྷི་ཚ། ཐུགས་སྲས། སྦྱོར་ར་རྣམས་ཀྱི་སྤྲུལ་སྐུ། གནས་རྙིང་ཞབས་དྲུང་། གནས་གསར་དཔོན་རིན་པོ་ཆེ། བྲག་སྣ། ཆོས་ལྡན་པ། རྩ་སྒྲུབ་སྡེ། རྒྱང་རོ་གསེར་སྡིངས། མདོ་སྔགས་གླིང་། འོན་དགོན་གོང་། སྨྲ་བོ་ལྕོག །བཀྲ་ཤིས་ཆོས་གླིང་། ཀོང་རྨེ་ཕུ། ཆབ་ནག །རྩེ་ལེ། སང་སིང་རྣམས་ཀྱི་བླ་མ། བཀྲ་ཤིས་བདེ་ཆེན། ལམ་རིམ་པ། ཆོས་འཁོར་སྟེང་། དཔལ་རི་བ། མངའ་རིས་གྲ་ཚང་། རི་བོ་ཆོས་གླིང་། མདོང་མཁར་ཆོས་སྡེ་རྣམས་ཀྱི་གཉེར་པ། རྒྱ་རི་ཞབས་དྲུང་། ཤག་ལྷོ་བྱང་། བྱ་བ་ཡབ་སྲས། འབོག་གོང་ཁག །གདང་པ། གྲི་ཁུ་ཕྱག་མཛོད། སྦང་ཆེ་བ། གེ་ར་བ་སོགས་སྡེ་དཔོན་བླ་མ་ནང་ནམ་དྲུང་འཁོར། རྫོང་སྡོད། གཞིས་གཉེར། བོན་པོ་རི་ཤིང་བ་སོགས་མང་དག་དང་མཇལ་ཕྲད། རྩེར་སྣེའུ་སྡོང་བདག་མོ། བློ་བཟང་མགོན་པོ་རབ་བརྟན་དང་བསོད་ནམས་དབང་རྒྱལ་འདམ་ལ་ཐོན་གདོང་གི་ཇ་གྲལ། དགོན་གསར། རྐང་པ། ཚལ་པོ་གཞུང་སྒར་གྱིས་བྲོ་གཞས་དང་།

[Full Size]

ཤེལ་གྲོང་རྡོར་བས་འབྲོང་རྩེད་བསྟར། ཚེས་བཅུ་དགུར་ལྷ་སར་ཐོག་མར་བཏེག་དུས་ཁྲི་འབུལ་སོགས་ཀྱི་དུས་སྒྲིགས་ཤིག་ཡོད་པ་རྟེན་འབྲེལ་ལེགས་པར་གོ་སྟེ་སྡེ་པ་ཆིབས་རགས་ཤིན་ཏུ་བཟབས་མཆོར་དང་བཅས་ལྷ་སར་བཏེག །ལྟད་མོའི་དུས་བཅུ་བཞི་པ་སྙེ་ཐང་བཀྲ་ཤིས་སྒང་པའི་འཆམས་ནས་བཟུང་ཉེར་བཞི་པ་བདེ་ཆེན་པའི་བྲོ་གཞས་བར་རྣམ་གྲངས་མང་བ་ལྷ་སར་བསྟན། ཞོགས་གུར་སྔོན་གྱི་དགེ་སྐོས་ངག་དབང་རྒྱལ་པོ་དང་དབུ་མཛད་དགེ་ལེགས་ཀྱི་ངོར་ཕྱག་བཞི་པ་དང་རྡོར་ལེགས་ཀྱི་གཏོར་བསྔོ་འཁྱེར་བདེ། གྲ་རིགས་རྣམས་ཀྱིས་བསྐུལ་བའི་སློབ་དཔོན་ངག་དབང་འཕྲིན་ལས་ཀྱི་གསོལ་འདེབས། དབང་ཆེན་རྣམ་སྤྲུལ་ཐུགས་སྲས་ཟླ་བ་བསྟན་འཛིན་འགྱུར་མེད་རྡོ་རྗེས་འདི་གའི་བྲིས་ཐང་བཞེངས་པའི་རྒྱབ་ཡིག །ཐར་གླིང་སློབ་དཔོན་པའི་ངོར་ངེད་རང་དང་སྡེ་པའི་རིང་འཚོ། གནས་ཆུང་ཆོས་སྐྱོང་ཆེན་པོས་གསུང་འཕྲིན་མཛད་པའི་ཁྱབ་འཇུག་སོགས་ཆོས་སྐྱོང་ཁ་ཤས་ཀྱི་གསོལ་མཆོད་ཚིག་ཉུང་དོན་ཚང་། སུ་དྷིའི་ངོར་གསོལ་འདེབས། སྒོ་མང་ཟུར་པ་ངག་དབང་ལྷུན་གྲུབ་ཀྱིས་དགའ་ལྡན་དམ་ཆོས་གླིང་དུ་འཛུགས་རྒྱུར་སྐྱེ་བར་རྗེས་འཛིན་གྱི་སྨོན་ལམ། སྡེ་པས་ལྷ་ས་དང་ར་མོ་ཆེ་སོ་སོའི་ལྷ་ཁང་དུ་འབུལ་རྒྱུའི་སྙན་ཤལ་ཁ་བྱང་། སྙིང་ཏིག་གི་རྟོགས་པ་མངོན་གྱུར་ཁམས་པ་རྫོགས་ཆེན་པ་པདྨ་རིགས་འཛིན་གྱི་ཡིག་ལན་སྙན་ཚིག་གི་ལམ་ནས་དྲངས་པ། ལྷ་ཞབས་དྲུང་དགའ་ལྡན་ཕུན་ཚོགས་ཀྱིས་བསྐུལ་མ་མཛད་པའི་གསོལ་འདེབས། མཁན་ཆེན་ངག་དབང་འཕྲིན་ལས་ཀྱི་ཞལ་འདོན་གསོལ་འདེབས་ཇ་མཆོད།

[Full Size]

གཉིས་ཀར་བསྒྱུར་ཆོག་པ། མཆོད་དཔོན་པས་གསེར་ཟངས་ཀྱི་ངེད་རང་གི་འདྲ་འབག་བཞེངས་པའི་ཁ་བྱང་། བྱ་སྐལ་བཟང་རྒྱ་མཚོས་མཛད་པའི་སངས་རྒྱས་ཀྱི་མཛད་པ་འཁྲུལ་མེད་གཏེར་ཞེས་པ་བྱ་པ་ཁྲི་དཔོན་རྒྱལ་པོ་བཀྲ་ཤིས་ཀྱིས་པར་དུ་བརྐོས་པའི་སྨོན་ལམ་རྣམས་བྲིས། ཚ་རོང་བ་གཞོན་པ། དཀར་བྲག་དབོན་པོ། འབྲས་སྤུངས་དགེ་སྐོས་གསར་པ་བཅས་པར་བྱིན་རླབས། དམག་ཟོར་ཚངས་དབང་ལ་གདོན་འགྲོལ་དང་བྱབ་ཁྲུས་བགྱིས། པ་ནམ་ཐར་པ་ངག་དབང་འོད་ཟེར་གྱིས་དུས་འཁོར་བསྡུས་རྒྱུད། བློ་བཟང་དང་ངག་དབང་དཔལ་ལྡན་གཉིས་ཀྱིས་བསྡུས་རྒྱུད་དང་བརྟག་གཉིས་ཀྱི་རྒྱུགས། སྨན་ཐང་པ་མགོན་པོ་ཚེ་རིང་རྒྱུན་སྡོད་དྲུང་འཁོར་ལ་ཞུགས། ཚེས་ཉི་ཤུར་རི་བོ་བདེ་ཆེན། བཟང་ལྡན། སྐུ་རབ་དགའ་ལྡན་རབ་བརྟན་གསུམ་གྱི་མཁན་པོ། བསམ་གྲུབ་དགོན། སྒྲོ་ཁྱུང་དགོན། དོན་གཉིས་གླིང་། སྤུ་བྲག །རྩེ་ལེ། ཐང་ཁྲོག་རྣམས་ཀྱི་བླ་མ། ནོ་མུན་ཁན་གྱི་མི་སྣ། སྲད་རིན་ཆེན་རྩེ་པ། བཀྲ་ཤིས་མཐོང་སྨོན་པ་རྣམས་ལ་ཇ་གྲལ་དང་། དབོན་རིན་པོ་ཆེ་སྐུ་རྐྱང་ལ་དྲག་དམར་གྱི་བསྙེན་པའི་དམིགས་རིམ་རྒྱས་པར་ཕུལ། ཉེར་གཉིས་ལ་སྡེ་པ་ལྷ་པ་སྐུ་མཆེད་སྡེ་པ་ལྷུན་པོ་རྩེ་པ་ཡབ་སྲས་གསུམ། སྣ་དཀར་རྩེ་ལྕམ་སྲིང་གཉིས། འབོག་གོང་མཁར་ལྟག་པ། འདར་པ་ངག་དབང་འཕྲིན་ལས་དང་ངག་དབང་མཁྱེན་བརྩེ། མཁར་ལྡན་པ་གཞོན་པ་རྣམས་ལ་ཚེ་དབང་གྲུབ་རྒྱལ་མ་དང་

[Full Size]

རྟ་མགྲིན་གསང་སྒྲུབ་ཀྱི་དབང་བྱས། ལྷུན་པོ་རྫོང་པའི་སྲས་ལ་མཚན་ངག་དབང་དཔལ་འབར་དང་། སྲས་མོ་དགེ་བསྙེན་དུ་བསྒྲུབས། ཆོས་རྗེ་དུང་དགོན་པ། ཆུ་མིག་པ། རི་བོ་བདེ་ཆེན་གཉེར་པ་རྣམས་དང་ཕྲད། ཞང་སྟོན་སྐུ་མདུན་ལྷུན་གྲུབ། གནས་ཆུང་སྐུ་རྟེན་པ། པང་དོ་བོ་མགོའི་བླ་མ། ངག་དབང་བཟོད་པ་སོགས་ལ་ཇ་གྲལ་དང་། དབུ་མཛད་དམ་ཆོས་དབང་རྒྱལ་སོགས་གྲ་ཚང་གི་གྲ་པ་བརྒྱད། གནས་ཆུང་སྐུ་རྟེན་པ་གསོལ་ཁ་བ་དང་བཅས་པར་གསོལ་མཆོད་འཁྱེར་བདེའི་ལུང་བཀླགས། ཉེར་གསུམ་ལ་ལྷ་ས་དགོས་ནོར་གྱིས་ཚན་གྲངས་ཀྱི་སྐྱེས་འགྱེད་དང་བཅས་གྲ་ཚང་ནས་མཁའ་འགྲོ་སྡེ་ལྔར་བརྟེན་པའི་རིང་འཚོ་མཛད། ལྷ་ས་བ་དུད་ལྔ་རེར་ཡ་ཇུ་བར་ཁག་རེའི་རྩིས་ཁོར་དྲུག་མ་ལྔ་བཅུ་སོང་། རྩེ་ཚོགས་མཁན་ཆེན་རྒྱལ་སྲས་ཤེར་འཕེལ་བ་དང་འོད་མཆོག་སྤྲུལ་སྐུ། སང་སིང་། དར་རྒྱས་གླིང་། ཤེལ་བྲག་གསུམ་གྱི་བླ་མ། མེས་སྟོན་པ། འཚོ་བྱེད་གཞན་ཕན། བསམ་དར་བ། ཕུ་ལུང་པ་སོགས་ལ་བྱིན་རླབས་བགྱིས། ཕྱི་དྲོ་རྡོ་རྗེ་བྲག་སྤྲུལ་པའི་སྐུ་དང་ལུགས་གཉིས་ཀྱི་གསུང་ཇི་སྙེད་བྱུང་ཞིང་སྐྱེས་ལན་བཟབས་ཏེ་རང་གནས་སུ་བསྐྱོད། ཉེར་བཞིར་རྩེ་གདོང་ཕྱག་མཛོད། བཞད་ཆོས་པ། རྒྱ་རྒན་པ། ཁྲོམས་པ། ནས་ཁང་སྟེང་པ། རང་བྱོན་པ། སྡིངས་ཆེན་པ། ལྡན་མ་བ་རྣམས་ལ་ཇ་གྲལ། ཉེར་ལྔར་ལྷ་པ་ཞབས་དྲུང་ཡབ་སྲས། དཔལ་འཁོར་ཆོས་སྡེའི་མཁན་པོ། དར་རྒྱས་གླིང་སློབ་དཔོན་སོགས་ལ་གྲུབ་རྒྱལ་ལུགས་ཀྱི་ཚེ་དབང་། དེ་ཐོག་སྐྱེད་

[Full Size]

ཚལ་མཁན་པོ། ནུབ་དགོན་བླ་མ་རྣམས་དང་ཕྲད། ཉེར་དྲུག་ལ་ས་སྐྱ་ཕྱག་མཛོད་པས་རིང་འཚོའི་ལེགས་སྐྱེས་སྤེལ། ཐུབ་བསྟན་ཡངས་ཅན་དང་ངོར་མཁན་པོ། གྲོང་སྨད་དཔོན་ས་བུ་ཁྲིད་རྒྱལ་མོ། ལ་སྟོད་རི་བོ་ཆེ་པ། གཉལ་སྣང་གྲོང་དང་གུར་རིན་སྡིངས་བླ་མ། དའི་ཆིང་ཁོ་ལོ་ཆེའི་མི་སྣ་རྣམས་དང་ཕྲད། དཔོན་ས་བུ་ཁྲིད་རྒྱལ་མོ་ཟངས་རིར་འགྲོ་བའི་གེགས་སེལ་དུ་བཀའ་བསྒོ། འཕེལ་གདུང་སོགས་བྱིན་རྟེན། གསེར་སྲང་གསུམ་གྱིས་གཙོས་དགུ་ཚན་བཅས་རྫོང་བདའ། དཔལ་འཁོར་ཆོས་སྡེའི་མཁན་པོ། ཞ་ལུའི་མཁན་པོར་འདེགས་གདོང་འཇམ་དབྱངས་བསྟན་འཛིན། ཁྲོ་ཕུ་བླ་མ་སྙན་གྲགས་རྒྱ་མཚོ། མཚོ་སྣ་གདོང་པ་སོགས་བསྙེན་རྫོགས་གསར་རྙིང་སུམ་ཅུ། གྲུབ་དབང་སྐུ་སྐྱེ་སོགས་དགེ་ཚུལ་བཅོ་བརྒྱད་བསྒྲུབས། ཉེར་བརྒྱད་ལ་དགའ་སྟོན་དྲུག་པར་འདར་པ་ངག་དབང་མཁྱེན་བརྩེ་སོགས་གཞིས་རྩེ། རམ་པ་བ་སོགས་གཏིང་སྐྱེས། མངའ་ཐང་པ་སོགས་པ་ནམ། རྣམ་གླིང་། འདུས་བྱུང་། ལྷ་བུ། རྒྱ་ཚོ་སོགས་རྫོང་གཞིས་ལྷ་སྡེ་མི་སྡེ་རྣམས་ཀྱིས་ཞལ་དཀར་བཏེག །སྒེར་དུ་ངོར། ཡངས་ཅན། ཐུབ་བསྟན། གསེར་མདོག་ཅན་གྱི་མཁན་པོ། གསང་འུག་གཉིས། སྒྲོལ་མ་བ། འདར་པ། ཚ་རོང་པ། གླང་ཕུ་བ། འཇུན་པ། ཇོ་རྫོང་པ། རྒྱ་རྒན་པ། ཟུར་སྤེ་བ། དགའ་ལྡན་ཆོས་འཁོར། ཞ་ལུ་བ། ཁྲོ་ཕུ་བའི་བླ་མ་རྣམས་ལ་བྱིན་རླབས། ཉེར་དགུར་འབྲས་སྤུངས་སུ་མཆོད་རྟེན་གཉིས་ཀྱི་

[Full Size]

སྒྲུབ་ཁག་མནན་པ་བརྒྱབ། རྒྱུད་སྨད་པ་དང་། གསས་ཁང་པ་ལ་སོ་སོས་བདོག་པའི་སྐྱེས་དང་བཅས་རིང་པོར་འཚོ་བའི་བདེན་བརྗོད་གསུངས། མྱུག་ཆོས་གླིང་དང་མེ་རག་བླ་གཉེར། ལྕང་ར་བའི་བཙུན་མ། སྒྲོལ་མ་བ་ཁུ་ཚན། བསམ་ཡས་དཀར་པོ་བ་ཕ་བུ། གོན་ཇོ་དབུ་མཛད། ལྷུན་གྲུབ་གླིང་པ། བྱང་ངོས་པ་ཁྱོ་ཤུགས་ཀྱིས་དཀར་དྲོ་བཏེག་པར་ཇ་གྲལ། རྟ་ནག་ལ་བསྐྱོན་པའི་གླུད་ཆེ་བར་རྫོངས་སུ་ངེད་རང་གིས་བསྔོས་ཤིང་ཕྱི་དྲོ་རིགས་འཛིན་གཏེར་བདག་གླིང་པས་འཆི་བདག་བཟློག་པའི་ཆོ་ག་མཛད། གནམ་གང་ལ་འཚོ་བྱེད་ངག་དབང་ལྷག་བསམ་གྱིས་དངོས་པོའི་སྐྱེས་འགྱེད་བཅས་སྦྱར་ཏེ་གྲ་ཚང་གིས་གཟིམས་ཆུང་བརྟན་བཞུགས་སུ་གྲགས་པ་དང་། གུང་གི་དྲོར་སྡེ་པ་ཟངས་རི་བློ་བཟང་མཐུ་སྟོབས་ཀྱིས་ཁྲི་སྟོན་རྒྱས་པར་བཤམས་པའི་མགྲོན་དུ་སྡེ་ཟུར་བློ་བཟང་སྦྱིན་པ། བསྟན་འཛིན་ད་ལའི་རྒྱལ་པོ། དཔོན་ཆུང་དང་བཅས་པ། གཏེར་སྟོན་རིགས་འཛིན་ཆེན་པོ། རྒྱུན་སྡོད་དྲུང་འཁོར་ཐོག །ཆོས་རྒྱལ་སྲོང་བཙན་སྒམ་པོའི་དུས་མཐའ་བཞིའི་ལས་སྒོ་དང་རྒྱལ་པོ་རྒྱལ་ཕྲན་ཐམས་ཅད་དབང་དུ་འདུས་པའི་རྟེན་འབྲེལ་ལྟར་སྡེ་པ་སངས་རྒྱས་རྒྱ་མཚོའི་ལས་ཤུགས་བཙན་པོས་ཁམས་ཀྱི་རྒྱལ་རིགས་མ་ལུས་པ་རང་དབང་མེད་པར་དབང་དུ་འདུ་བའི་སྔོན་འགྲོར་སྟོད་ཡ་རྩེ་རྒྱལ་པོའི་རིགས་མ་ཉམས་པ་བྲམ་ཟེ་ལྟ་བུ་གཙང་སྦྲ་དང་རྒྱལ་པོའི་སྤྱོད་པ་དང་མཚུངས་པ་ཛུམ་ལང་ན་ར་སིདྷ་འཁོར་བཅས་མདོ་དར་སོགས་རོལ་མོའི་བྱེ་བྲག་དང་བཅས་ཏེ་འབྱོར། འོན་ཀྱང་སྔོན་ཆད་རྒྱ་ཛུ་སོགས་ཕལ་པ་མང་བ་ལས་རྒྱལ་པོ་བཏེག་མ་མྱོང་བ་དང་ཕྱི་

[Full Size]

ནང་ཐུན་མོང་ལས་ཕྱི་པ་ཤས་ཆེ་བ་འདུག་པ་བོད་རྗེས་འབྲང་གི་སྲུང་མ་འདྲའི་ཆོ་འཕྲུལ་ཡིན་ནམ་དེ་ཉིན་སེར་ཆོལ་དང་འབྲུག་སྒྲ་ཆེ་ཞིང་ཤིང་སྡོང་ལ་ཁྱུག་སོགས་འཚུབ་ཉམས་ཆེ། བློན་པོ་ས་མ་དྷོ་གེ །བ་མན་གྷ་ཇ་པ་ཏི་པྲ་མ་དར། ཨ་རི་དྷ་རལ། རྒྱལ་ཕྲན་ཏུ་རུ་ཅན་གཉིས་སོགས་དཔོན་གཡོག་ཐམས་ཅད་ཀྱིས་མོན་དར། རས་ཆ། མེ་མདའ། གྲི་མདུང་། བྱེ་ཀར། བུ་རམ། རྟ་སོགས་ཡུལ་ལུགས་དང་མཐུན་པའི་བདོག་པ་དངུལ་སྲང་བརྒྱར་བསྐོར་བ་བསྟབ། ལྷ་ཁང་པ་རྡོ་རྗེ་ནོར་བུ་དང་། མིག་པ་ངག་དབང་གིས་གྲལ་འཕྲོས་བྱས། དབྱངས་འཆར་སྙན་ངག་སོགས་རིག་བྱེད་ཀྱི་གཞུང་མཐའ་དག་ཛུམ་ལང་དུ་དར་སོ་ཆེ་ཚུལ་ལྟར་རིག་བྱེད་དང་འཕྲལ་གྱི་འབེལ་གཏམ་སོགས་ལ་སྒོ་ཡངས་པའི་རྣམ་དཔྱོད་ཅན་དུ་འདུག །ལྷ་སར་འགོར་རིང་འདར་ལོ་དང་ཕན་ཚུན་རིག་བྱེད་ལ་འཕྲོས་གླེང་བྱུང་བར་མཐོང་རྒྱ་དང་ཤེས་རབ་ཚུལ་ལྡན་འདུག་ཅེས་གླེང་། ཧོར་ཟླ་བདུན་པའི་ཚེས་གཅིག་ལ་གཡོན་རུ་དགའ་ལྡན་ཧུང་ཐའི་ཇིས་དངོས་པོ་སྤམས་བསྟོད་དེ་གྲ་པ་བཅུ་གཅིག་གིས་རིང་འཚོའི་ཆོ་ག་བསྟར། གུང་ཚིགས་ལ་ཚོམས་ཆེན་དུ་བཀྲ་ཤིས་ལྷུན་པོའི་མཆོག་སྤྲུལ་དཔོན་སློབ་རགས་བསྡུས་ཀྱིས་གསེར་དངུལ་ཇ་གོས་དར་གནང་ཆ་བཟང་པོ་དང་བཅས་མཇལ། ཉེ་འཁོར་བའི་སྟེང་འབོག་གོང་པ་སོགས་སྡེ་དཔོན་ཆུང་ཁ། འབྲོང་རྩེ་རྒྱལ་ཕུར། མདའ་དཔོན་གསུམ། འཚོ་བྱེད་གཞན་ཕན། བླ་མཁྱེན་ངག་དབང་སོགས་བསྒྲིགས་ཤིང་རོལ་ཆ་བ་མེད་པའི་གྲལ་འཕྲོས་འདར་རྣམ་གྱིས་མོལ། རྒྱལ་ཕུར་རབ་བརྟན།

[Full Size]

འཚོ་རྒྱལ་གླིང་པ། བྲག་གདོང་པ། རྒྱང་རོ་གསེར་སྡིངས་དང་སྙེ་ནང་འཕེལ་གླིང་སློབ་དཔོན། སྒོག་མཁར་པ། ཕུག་པ་བ། མདའ་ཐང་པ། ན་ཁ་བློ་བཟང་སོགས་དང་ཕྲད། ཚེས་གཉིས་ལ་རྒྱུད་སྟོད་སློབ་དཔོན་གྲ་བཅས་ཀྱིས་ཟང་ཟིང་གི་ཚན་གྲངས་བཏེག་ནས་བདེན་བརྗོད་དབྱངས་སུ་མཛད། བྲག་དཀར་ཆུ་བཟང་བླ་མ་བྱམས་པ་རིན་ཆེན་གཤེགས་པའི་བསྔོ་རྟེན་སློབ་དཔོན་སངས་རྒྱས་གཉིས་པའི་གཏེར་སྐུ། སེ་སྟོན་ཉི་མ་བཟང་པོའི་དབུ་ཐོད། གཏེར་བུམ། པཎ་ཆེན་ཤཱཀ་མཆོག་པའི་ཕྱག་དྲིལ་ཀྱེ་རྡོ་རྗེའི་དབང་གི་དུས་མཁར་བཞག་པ་རྭ་ལ་ཕྱག་རྗེས་ཡོད་པར་གྲགས་པ། མཉམ་མེད་ནུབ་དགོན་པའི་སྐུ་བརྙན་ཆོས་རྒྱལ་བཀྲ་ཤིས་སྟོབས་རྒྱལ་གྱི་རབ་གནས་མ། གསེར་མགུར་ཞོ་སུམ་ཅུ། བེར་ཡོལ་གྱིས་གཙོས་པའི་དགུ་ཚན་དགུ་བརྐྱང་བར་ས་ལམ་གྱི་བར་གཅོད་ཞི་ཞིང་འགྲོ་དོན་རྒྱ་ཆེར་འབྱུང་བའི་བསྔོ་སྨོན་གྱི་རྒྱས་བཏབ་པས་དངོས་པོ་ཆུད་མི་ཟ་བར་གྱུར་རམ་སྙམ་རུང་སེམས་དུག་གསུམ་གྱི་སྒྲིབ་པ་ཤས་ཆེ་བས་ཐིངས་དཀའ། རུ་ཐོག་དབང་པོ། བདེ་གླིང་གཞོན་པ། བྲག་དཀར་ཆུ་བཟང་བླ་མ་བྱེད་རྒྱུའི་གོང་མའི་ཕྱག་མཛོད་གྲ་བཅས་ལ་ཇ་གྲལ། ཕྱི་དྲོ་བཀྲ་ཤིས་ལྷུན་པོའི་གསོལ་དཔོན། དགེ་སློང་རྣམ་རྒྱལ། མགྲོན་གཉེར་དཀའ་ཆེན། རྡོ་རྗེ་རྒྱལ་མཚན། བསྐང་གསོ་བ། ཤོ་པ་བསམ་སྡིངས་པ། དགའ་ལྡན་ཧུང་ཐའི་ཇིའི་མི་སྣ་ཐོན་གདོང་རྣམས་ལ་བྱིན་རླབས་བགྱིས། ཚེས་གསུམ་ལ་བཀྲ་ཤིས་ལྷུན་པོའི་མཆོག་སྤྲུལ་དཔོན་གཡོག་ལ་ཇ་གསུམ་བར་མོལ་མཆིད་རྒྱས་པར་བྱུང་བའི་བསྡེབས་སུ་ལྕགས་ལ་

[Full Size]

རབ་འབྱམས་པ། འབྲས་སྤུངས་དགེ་སྐོས་རྙིང་པ་གཉིས་ཡོད། སྒྱིད་ཐང་ནོར་བུས་དཀར་དྲོ་བཏེག་ཅིང་ཕྱག་མཛོད་ཕུན་ཚོགས་རབ་བརྟན་དུས་ཀྱི་ཆོས་ཉིད་དུ་གྱུར་པའི་རྟེན་འབྱོར་དོན་བཞིན་བསྔོ་སྨོན་ཡང་དག་བྱས། ཚེས་བཞིར་དགའ་སྟོན་བདུན་པར་བཀྲ་ཤིས་ལྷུན་པོའི་ཕྱག་མཛོད་ལྡེ་ཆུང་པ་ཐོན་པ་རྗེ་དྲུང་། ཕུག་པ་བ་སོགས་རྣམ་རྒྱལ་ལྷ་རྩེ། ཚ་མིག་པ་སོགས་ཤེལ་དཀར། སྒོག་མཁར་བ་སོགས་ངམ་རིང་། སྦྱར་ར་བ་སོགས་རྫོང་དགའ། མེས་སྲོང་པ་སོགས་སྐྱིད་གྲོང་། ཁང་སེར་བཙུན་པ་སོགས་ཕུན་གླིང་། བྱང་སྟག་རྩེ། གློ་བོ། སྙེ་ནང་སོགས་ཀྱི་རྫོང་གཞིས་མངའ་འོག །དགེ་ལེགས་དཔལ་ལྡན་དང་གླང་ར་བ་སོགས་ནག་ཆུ་ཁ་བ། ཨེར་ཁེ་དའི་ཆིང་སོགས་མཚོ་ཁའི་མི་སྣ་རྣམས་ཀྱིས་ཞལ་དཀར་སྤམས་མཐོར་བཏེག །སྒེར་དུ་ངམ་རིང་དང་བཟང་ལྡན་མཁན་པོ། ཆུ་མིག་པ། རི་བོ་ཆེ་བ། སྨན་སྡིངས། ནེ་རིང་། ཡག་ཆོས། ཟེམ་མཁར་རྣམས་ཀྱི་བླ་མ། ཕུག་པ། འདར་པ་ངག་དབང་འཕྲིན་ལས། བདེ་གླིང་པ། ལྷ་བདུན་པ། མཚོ་སྔ་སྨད་པ། རྐན་ཕུ་བ། མཚོ་དབར་པ། གླིང་ཤར་པ། སྤང་ལ་བ། གདའ་གདོང་བ། སྒོག་མཁར་བ། ཁྲི་མཁར་པ། ཁང་སེར་མ། མེས་སྲོང་པ། སྐྱིད་ཁང་པ། སྒྲོལ་སྐྱབས། ར་སྤེ་བ། ལྷ་རི་རྩེ་པ། ཀ་དྲུག་པ། ཀ་སྤེ་བ། ལྷུག་པ། གླེ་ལུང་པ། མཚལ་མིག་པ། ཤེལ་དཀར་ཆོས་སྡེའི་བླ་དབོན། བྲག་དཀར་ཆུ་བཟང་བླ་ཆབ། བསམ་གྲུབ་དགའ་ལྡན་གཉེར་པ་

[Full Size]

རྣམས་ལ་ཇ་གྲལ་དང་། རྩེར་བསྟན་འཛིན་ད་ལའི་རྒྱལ་པོ་འདམ་ལ་འདེགས་གདོང་གི་འཁོར་བཅས་ཁོད་མ་གཅིག་རྣམས་ལ་མཇལ་ཁ་དང་། ཡབ་སྲས་གསུམ་གར་དྲག་དམར་གྱི་བཀའ་བསྒོ་རྒྱས་པར་ཕུལ། དགའ་ལྡན་ཧུང་ཐའི་ཇིའི་མི་སྣ་གསར་འབྱོར་གྱི་ཡི་གེ་རྟེན་སྒྲགས་བླངས་ཤིང་ངག་མ་ཞིབ་ཏུ་ཉན། ཚེས་ལྔར་རུ་ཐོག་དབང་པོ། མཚོ་སྒོ་བའི་དཔོན་ས། ཨཱ་ཙཪྻདྷ་ཎི། འཚོ་བྱེད་ར་ཕུ་ན་སོགས་དང་ཕྲད། ཚེས་དྲུག་ལ་སྤྲུལ་པའི་སྐུ་བློ་བཟང་ཡེ་ཤེས་དཔོན་གཡོག་དང་ཇ་གསུམ་གྱི་བར་ཆོས་སྲིད་ཀྱི་གླེང་མོ་འབྲེལ་ཆགས་བྱུང་། བཟང་ལྡན་མཁན་པོ། སྒར་གྲ་ཚང་དང་ཡ་ག་ཆོས་སྡིངས་སློབ་དཔོན་པར་ཇ་གྲལ་གྲོལ་ནས་མཁན་པོར་བཀའ་བསྒོ། ཚེས་བདུན་ལ་ངམ་རིང་མཁན་པོ། ལྷ་རྩེ་ཆོས་སྡེ་བླ་ཟུར། ཆོས་རྗེ་ཆུ་མིག་པ་བསམ་གྲུབ་སྒང་པའི་ནང་མི་སོགས་ལ་བྱིན་རླབས། ཆོས་འཁོར་ཡང་རྩེ་བ་དཀའ་བཅུ་བློ་བཟང་། བཤེས་གཉེན་གྱིས་མཛོད་རྩ་འགྲེལ་དང་། དཀའ་བཅུ་བློ་བཟང་ཆོས་འཕེལ་གྱིས་དབུ་མ་རྩ་འགྲེལ་གྱི་རྒྱུགས་སྤྲད། ཚེས་བརྒྱད་ལ་མཆོག་སྤྲུལ་བློ་བཟང་ཡེ་ཤེས་དཔོན་སློབ་ཉི་ཤུ་སྐོར། རྟ་ཚག་རྗེ་དྲུང་ངག་དབང་དཀོན་མཆོག་ཉི་མ། སེམས་དཔའ་སྤྲུལ་སྐུ་ངག་དབང་ཕུན་ཚོགས། ངམ་རིང་མཁན་པོ་ངག་དབང་འོད་ཟེར། བྱང་རྩེ་ཆོས་རྗེ་བློ་གྲོས་རྒྱ་མཚོ། ཕ་བོང་གདན་ས་པ་ཆོས་རྗེ་ངག་དབང་བསྟན་འཛིན། ཤངས་དགེ་འཕེལ་མཁན་པོ། ཐང་སག་ཟུར་པ་མདོ་སྡེ་རྒྱ་མཚོ། སློབ་དཔོན་པ་ཤག་སྐོར་ཟུར་པ་བློ་བཟང་མགོན་པོ། སྒོ་མང་པ་དོན་གྲུབ་རྒྱ་མཚོ། སྔགས་པ་བློ་བཟང་འཇམ་དཔལ། ཤག་སྐོར་

[Full Size]

བ་ངག་དབང་དོན་གྲུབ། བློ་གསལ་གླིང་པ་ལེགས་པ་དོན་གྲུབ། འདུལ་བ་པ་བློ་བཟང་དགའ་ལྡན། རྒྱལ་པ་ཆོས་ལྷུན་གྲུབ། བདེ་ཡངས་པ་བློ་བཟང་ཡོན་ཏན། ཁལ་ཁ་ཛ་ཡ་པཎྜི་ཏ་ཁུ་ཐུག་ཐུ། ཏྲེ་བོ་དཔོན་བློ་བཟང་ཆོས་སྐྱོང་། སྤོས་དགའ་སྐུ་སྐྱེ་ངག་དབང་ཀུན་དགའ་བསོད་ནམས། མེར་གན་དགེ་སློང་ངག་དབང་བློ་གྲོས། དྲུག་བརྒྱད་དགེ་སློང་བློ་བཟང་དཀོན་མཆོག །འཕྱོས་པ་སྐུ་སྐྱེ་བསྟན་འཛིན་རྒྱ་མཚོ། དགེ་སློང་འཇམ་དབྱངས་གྲགས་པ། སྔགས་རམས་པ་དོན་གྲུབ་རྒྱ་མཚོ། གནས་གསར་འཇམ་དབྱངས་བསྟན་འཛིན། སྔགས་རམས་པ་ངག་དབང་དགེ་ལེགས། རྣམ་གླིང་པཎ་ཆེན་དཀོན་མཆོག་ཆོས་གྲགས། འདར་པ་རྗེ་དྲུང་བློ་གསལ་བསྟན་འཛིན་སོགས་ལ་ཟུར་བཀའ་ཇོ་བོ་ཨ་ཏི་ཤའི་ཐུགས་དམ་གྱི་སྙིང་པོ་བཀའ་གདམས་ལྷ་བཞི་དང་སྨན་བླ་བདེ་གཤེགས་བདུན་མཐོ་བརྩེགས་ཀྱི་རྗེས་གནང་། ཕྱི་དྲོ་ཐར་གླིང་ཟུར་པ། སྤོང་རོང་རྗེ་དབོན་གྱི་བུ། ཨུལ་ཇོའི་ཐུ་པཱ་ཐུར་ཐའི་ཇིའི་མི་བཟང་མཚོ་ཁ་ནས་གསར་འབྱོར་དང་ཕྲད། ཚེས་དགུར་ཆོས་གསན་སྔ་མའི་སྟེང་སྐྱོར་ལུང་མཁན་པོ་སྒང་གུ་བ་ངག་དབང་རྒྱ་མཚོ། སློབ་དཔོན་ཕུག་ཁང་པ་བློ་གྲོས་རྣམ་རྒྱལ། ཁྱམས་པ་བློ་བཟང་དངོས་གྲུབ། མཚན་ཉིད་པ་བློ་བཟང་དཔལ་འབྱོར། རྨི་རུ་བ་རིན་ཆེན་རྒྱ་མཚོ། སྤུ་བྲག་པ་ངག་དབང་རྒྱ་མཚོ་སོགས་ལ་བཅུ་གཅིག་ཞལ་དཔལ་མོ་ལུགས་གཙོ་རྐྱང་། པཎྜི་ཏ་གསེར་གདུགས་ཅན་གྱི་འཇམ་དབྱངས་ཤེས་རབ་འཁོར་ལོ། རྣམ་འཇོམས་ལྗང་སྔོན་བ་རི་ལུགས། གུར་ནས་བཤད་པའི་འབྱུང་པོ་

[Full Size]

འདུལ་བྱེད། དབང་གི་སྒྲོལ་མ་དམར་མོ་རྣམས་ཀྱི་རྗེས་གནང་གྲུབ་ནས་ཆབ་ནག་མཁན་པོའི་བསྔོ་རྟེན་བསྐྱར་མ་སྐྱེལ་མི་དང་ནུབ་དགོན་པ་བླ་མ་སོགས་ལ་ཇ་གྲལ་བཏང་། ཚེས་བཅུར་གོང་སྟེང་ཀོང་པོ་བཀྲ་ཤིས་རབ་བརྟན་གྱི་མཁན་པོ། དེ་མོ་དང་ཟེམ་མཁར་བླ་མ། མེ་རག་བླ་མ་བློ་གྲོས་རྒྱ་མཚོ། སྡེ་པ་མདོང་མཁར་བ་བཅས་པར་ཀླུ་དབང་རྒྱལ་པོ་གཙོ་འཁོར་ལྔ་པ། མི་གཡོ་བ་སྔོན་པོ་གཙོ་རྐྱང་པུས་བཙུགས་སམ་ཆུ་སྲུང་། མི་གཡོ་བ་སྔོན་པོ་དམ་པའི་ཕྱག་ལེན་འཁྲུལ་མེད། མི་གཡོ་བ་དཀར་པོ། གུར་རྒྱན་ནས་བཤད་པའི་སོ་སོར་འབྲང་མའི་རྗེས་གནང་རྣམས། ཚེས་བཅུ་གཅིག་ལ་གོང་སྟེང་གངས་ཅན་མཁན་པོ་དཀོན་མཆོག་རིན་ཆེན། ཆོས་རྗེ་རྒྱལ་བའི་སྐུ་སྐྱེ་ངག་དབང་འཕྲིན་ལས་བཅས་པར་སྙེ་མདོ་ཤཱཀྱ་དཔལ་བའི་ཞལ་གཟིགས་མའི་ཕྱག་ན་རྡོ་རྗེའི་མེ་དབང་དང་བཅས་པ། སྨེ་བརྩེགས་ལྗང་གུ་ཇོ་ལུགས། དུད་ཀ་ས་ལུགས། འོད་ཟེར་ཅན་གཙོ་རྐྱང་ཟུར་བཀའ། རྟ་ནག་ལྕགས་རལ་ཅན་ཟླ་རྒྱལ་ལུགས་རྣམས་ཀྱི་རྗེས་གནང་། དཔོན་ཚང་ནམ་མཁའ་རྒྱལ་ཚན་དང་མིག་པར་བཀའ་བསྒོ་བགྱིས། ཚེས་བཅུ་གཉིས་ལ་གོང་སྟེང་རྒྱལ་སྲས་ཤེས་རབ་འཕེལ་བའི་སྤྲུལ་སྐུ། སློབ་དཔོན་སེ་ར་སྨད་པ་བློ་བཟང་དོན་གྲུབ། བྱེས་པ་བློ་བཟང་བཀྲ་ཤིས། སྟོད་པ་བློ་བཟང་རྒྱལ་མཚན་བཅས་པར་རྟ་མགྲིན་ཤྭ་ཎ་བཞིས་བསྐོར་ཤིན་ཏུ་རྒྱས་པ། ཇོ་བོ་ལུགས་ཀྱི་ཛམ་དཀར་འབྲུག་ཞོན། ཛམ་སེར་ནག་ཟུར་བཀའ། ཆག་ལོ་གསུམ་པ་ལུགས་ཀྱི་གཙུག་ཏོར་འབར་བའམ་སྲེག་བྱེད་མེའི་མཚོན་ཆ། རྒྱ་མཚོའི་ནང་གི་དབྱངས་ཅན་དམར་མོ་ཞལ་གསུམ་པ་རྣམས་ཀྱི་རྗེས་གནང་དང་།

[Full Size]

དགེ་སློང་དར་ཁན་ནང་སོ་སོགས་ལ་བྱིན་རླབས། ཚེས་བཅུ་གསུམ་ལ་གོང་སྟེང་འཕགས་སྡེ་མཁན་པོ་དང་ཉི་ཐང་སློབ་དཔོན་འཕར་བཅས་ལ་ཇོ་བོ་ལུགས་ཀྱི་རྟ་མགྲིན་གཤོག་པ་ཅན། པཎ་ཆེན་ནགས་རིན་ལུགས་ཀྱི་སེང་གདོང་དམར་མོ་དང་བ་རི་ལུགས་ཀྱི་སྔོན་མོ། སྤྱན་རས་གཟིགས་སེང་གེ་སྒྲ་རྣམས་ཀྱི་རྗེས་གནང་དང་། སླར་སྤྲུལ་པའི་སྐུ་དཔོན་གཡོག་གསུམ། རྟ་ཚག་རྗེ་དྲུང་། ཤེར་འཕེལ། སེམས་དཔའ། དཀར་ལྕོག །སྤོས་དགའ། སྐྱིད་ཤོད་རྣམས་ཀྱི་སྤྲུལ་སྐུ། ངམ་རིང་། རྒྱལ། སྐྱོར་ལུང་། གངས་ཅན། བྱང་རྩེ། འཕགས་སྡེ། དགེ་འཕེལ་རྣམས་ཀྱི་མཁན་པོ། དགེ་སློང་འཇམ་དབྱངས་གྲགས་པ། དར་མོ་སྨན་རམས་པ། འཇམ་དབྱངས་བསྟན་འཛིན། སྔགས་རམས་པ་དོན་གྲུབ་རྒྱ་མཚོ། དར་པོ་རྗེ་དྲུང་བློ་བསལ་བསྟན་འཛིན་རྣམས་ལ་འཇམ་དབྱངས་སྨྲ་སེང་། ཕྱག་རྡོར་ཨུ་ཙར་ཡ་མེ་དབང་དང་བཅས་པའི་རྗེས་གནང་། ངམ་རིང་དང་འཕགས་སྡེ་མཁན་པོ། གཞིས་རྩེ་ལས་བྱེད་གསར་པ་སོགས་ཐོན་གྲས། གཡོན་རུའི་མི་སྣ་རྗེས་སླེབས་རྣམས་དང་ཕྲད་ཅིང་ཐོན། ཚེས་བཅུ་བཞིར་སྡེ་པ་བློ་བཟང་སྦྱིན་པས་གོས་སྣ་ཆ་ཚང་། དིང་པོན་དབུ་ཁེབས་མ། བུམ་གདན་མ། གསེར་དངུལ་གོས་དར་སོགས་དང་གྲ་པ་རེར་ཁ་བཏགས། གསེར་ཞོ། སྨན་ཁ་རེ་བཅས་གྱ་ནོམ་པ་མཛད་དེ་གྲ་ཚང་གིས་གཟིམས་ཆུང་བརྟན་བཞུགས་སུ་གྲགས་པ་སྤེལ། ཚེར་གསེབ་དགོན་པ་བས་ཀྱང་ཆོ་ག་དང་འབྲེལ་བའི་རིང་འཚོ་བསྟར། སྣེའུ་སྡོང་ཞབས་དྲུང་ཡབ་སྲས་གཉིས་

[Full Size]

ལ་བཀུར་བཟོས་སྔར་བཞིན་ཕུལ་ཞིང་ཇ་སྦྱོར་གསུམ་གྱི་བར་གསུང་གླེང་ཞིབ་ཏུ་མོལ། ཕྱི་དྲོ་ཛུམ་ལང་རྒྱལ་པོ་འཁོར་བཅས། ཇོ་རིག་ཐུ་ཨེར་ཁེ་དའི་ཆིང་། རྒྱལ་སྲས་བཀྲ་ཤིས། དཔོན་ཚེ་རིང་གི་དཔོན་མོ། བསོད་ནམས་ཧུང་ཐའི་ཇི་གསུམ་བུ་བཅས། ཐོ་གོལ་ཅན་ངོ་བོ་བདུན། དར་རྒན་ནང་སོ། ཐོར་གོད་དགེ་ཚུལ་སྒྲོལ་མ། དགེ་འདུན་སྒྲོམ་མ། ཀླུ་འབུམ་ཆོས་རྗེ། ཉང་པོ་གླང་རུ། སྙེ་ཕུ་དགོན་ཕྱོགས་ཀྱི་བླ་མ་གསུམ། ཤག་བྱང་པ་སོགས་ལ་ཇ་གྲལ་གྱི་ཐོག་ཛུམ་ལང་རྒྱལ་པོར་རྒྱ་བལ་གྱི་དྲི་བ་དྲི་བཤད་མང་དུ་བྱུང་། བོད་སོག་ཨ་མདོ་པ་སུམ་བརྒྱ་སྐོར་ལ་མེ་ཏོག་གཏོར། ཚེས་བཅོ་ལྔར་མཆོག་གི་སྤྲུལ་པའི་སྐུས་དངུལ་གྱི་མཎྜལ། ཚེ་དཔག་མེད་ཀྱི་སྐུ། རུང་མཐུན་གྱི་གོས་ཆ་འགྲིག་གསེར་དངུལ་གོས་དར་སྤམས་མཐོ། གྲ་པ་རེར་ཁ་བཏགས། དངུལ་སྲང་རེ། གོས་ཁ་རེ་དང་བཅས་ཚེ་དཔག་མེད་ལོངས་སྐུ་མའི་རྡུལ་ཚོན་གྱི་སྒྲུབ་མཆོད་སྔོན་འགྲོར་བསུན་བཟློག་རྒྱས་པ་དང་འབྲེལ་བའི་རྟེན་འབྱུང་ལེགས་པའི་མགྲོན་དུ་ཛུམ་ལང་རྒྱལ་པོའང་བྱོན། ཚེས་བཅུ་དྲུག་ལ་སྒྲུབ་ཞག་བདུན་སྔོན་སོང་གི་རྡོར་སློབ་ཆོས་རྗེ་ཟིལ་གནོན་རྡོ་རྗེས་ཚེ་བདག་དང་། དགེ་སློང་བློ་གྲོས་རྒྱལ་བས་ཡང་གསང་དྲག་པོའི་གཏོར་བཟློག་གིས་བདུད་སྡེའི་གཡུལ་ལས་རྒྱལ། ས་སྐྱོང་བློ་བཟང་སྦྱིན་པའི་ཉམས་ལེན་དུ་བཀའ་གདམས་ལྷ་བཞིའི་ནང་གི་སྒྲོལ་མ་གཙོ་འཁོར་གསུམ་པ་སྒྲུབ་ཐབས། རྡོ་རྗེ་སེམས་དཔའི་སྒོམ་བཟླས། བླ་མའི་རྣལ་འབྱོར་ཉེ་གནས་གསུང་རབ་རྒྱ་མཚོ་དང་འདྲ་བར་གདམས་པ། བོད་འབངས་བདེ་ཐབས་སུ་ཐུགས་སྒྲུབ་ཀྱི་

[Full Size]

ལས་བྱང་རྒྱས་པ་ཞིག་གྲ་ཚང་དུ་འཛུགས་འདོད་ཀྱང་དགེ་དར་བ་སོགས་ཀྱི་མི་བསྲུན་སྒྱུ་དྲ་སྣ་ཚོགས་ཀྱིས་འཛུགས་མ་བདེ་བར་བཟོ་ཅན་གྱི་བསྲེ་སླད་མེད་པར་དྲག་པོ་རྩལ་གྱི་འཕྲིན་ལས་འབྲིང་པོའི་ཆོག་སྒྲིགས་རིན་ཆེན་འཕྲེང་བ། སྡེ་པ་སངས་རྒྱས་མཚོའི་གཏན་ཚིགས་རིམ་སོང་། དེབ་ཀྱི་འགོ་བརྗོད། དཔལ་འཁོར་ཆོས་སྡེའི་མཁན་ཆེན་ངག་དབང་འཕྲིན་ལས་ཀྱིས་བསྐུལ་མ་མཛད་པའི་བསྔོ་ཚིག །མཆོག་སྤྲུལ་བློ་བཟང་ཡེ་ཤེས་ཀྱི་གསོལ་འདེབས་བརྟན་བཞུགས་དང་འབྲེལ་བ། ཐོས་བསམ་གླིང་སྤྱི་ཚོགས་ཀྱི་ངོར་སློབ་དཔོན་བདེ་གཤེགས་སྙིང་པོའི་གསོལ་འདེབས་རྣམས་བཀོད། ཚེས་བཅོ་བརྒྱད་ནས་ཉེར་བཞིའི་བར་མཆོག་སྤྲུལ་དཔོན་སློབ་རགས་བསྡུས། རྟ་ཚག་རྗེ་དྲུང་། ཤེར་འཕེལ། སེམས་དཔའ། དཀར་ལྕོག །སྤོས་དགའ་སྟེ་སྤྲུལ་སྐུ་བཞི། གངས་ཅན། དགེ་འཕེལ། སྐྱོར་ལུང་སྟེ་མཁན་པོ་གསུམ། འབྲས་སྤུངས། སེ་ར། སྐྱོར་ལུང་གསུམ་གྱི་སློབ་དཔོན་བཞི་རེ། ཉི་ཐང་། ཐང་སག་ཟུར་པ། ཡང་དགོན། རྨེ་རུ། འཕེལ་གླིང་། སྤུ་བྲག །བཀྲ་ཤིས་ཆོས་གླིང་། ཟེམ་མཁར། མེ་རག །ཀླུ་འབུམ། སྤོང་འབོར། བསམ་བློ། དགའ་ལྡན་ཆོས་འཁོར། སྟག་ལུང་། འཕྱོས་པ། ལྷ་རྩེ་ཟུར་པ་སྟེ་སློབ་དཔོན་དང་སྐུ་སྐྱེ། ཏྲེ་བོ་དཔོན། མེར་གན་དགེ་སློང་། དྲུག་བརྒྱ་དགེ་སློང་། སྐྱིད་གྲོང་འཕགས་པའི་སྐུ་གཉེར། མཆོད་དཔོན་པ། དགེ་སློང་། དཔལ་གྲོང་པ། འཇམ་བསྟན། རྣམ་པཎ། འདར་པ་རྗེ་དྲུང་སོགས་དྲུང་འཁོར་རགས་བསྡུས་

[Full Size]

བརྒྱ་སྐོར་ལ་ཇོ་ལུགས་ཀྱི་སྒྲོལ་མ་ཉེར་གཅིག་གི་རྗེས་གནང་། དགེ་ལུགས་ནས་བརྒྱུད་པའི་སྙིང་པོ་དོན་གསུམ་གྱི་འཁྲིད་སྨིན་རྒྱས། སྣེའུ་སྡོང་མ་ཆེན་ལ་ཇ་གཉིས་ཐོག་ལུགས་གཉིས་དང་འབྲེལ་བའི་གསུང་འཕྲོས་དང་ཕྱག་དྲུག་པའི་བཀའ་བསྒོ། སྐྱེས་ལེན་བཟབས་པར་དབུལ་ཏེ་སྟི་གནས་སུ་ཐེགས།ཉེར་གཉིས་ལ་སྣེའུ་སྡོང་གདུང་བརྒྱུད་ལའང་ཤངས་ལེན་བཀའ་བསྒོ་ཕུལ། དྲུག་ལ་བླ་ཟུར་དང་། ཆབ་ནག་དབོན་པོའང་སྡེབས་སུ་ཡོད། ཉེར་གསུམ་ལ་མཆོག་སྤྲུལ། རྟ་ཚག་རྗེ་དྲུང་། སེམས་སྤྲུལ། དཔལ་གྲོང་པ་བཅས་པར་དམག་ཟོར་མའི་རྗེས་གནང་ཐུན་མོང་བ་དང་། མཆོག་སྤྲུལ། ཤེར་འཕེལ་སྤྲུལ་སྐུ། དཔལ་གྲོང་པ། ལ་མོ་སྐུ་རྟེན་བཅས་པར་དཔལ་མགོན་བྲམ་ནག་བཤན་པ་དྲུག་སྐོར་གྱི་རྗེས་གནང་། ལྕང་ར་ཟིལ་གནོན་པར་བཀའ་བསྒོ། ཉེར་བཞིར་ཆོས་གྲོལ་བའི་སྤྱིར་ཆག་ལུགས་ཚེ་དཔག་མེད་དཀར་པོའི་རྗེས་གནང་དང་མཆོག་གི་སྤྲུལ་སྐུའི་གསོལ་འདེབས་བརྟན་བཞུགས་ལུང་། མཆོག་སྤྲུལ་ལ་མ་ཏི་ལུགས་ཀྱི་འཇམ་དཀར་ཟབ་ཁྱད་ཅན་གྱི་རྗེས་གནང་ཕུལ། ད་ལམ་མཆོག་སྤྲུལ་གྱིས་དབུས། བླ་ཆེན། སློབ་ཆུང་། ཤེས་རབ་ཆེ་གྲས་འགར་སྤྱི་བཀའ་ལྟར་མ་ཡིན་པར་ཟུར་བཀའ། རང་རང་གཞུང་ནས་མི་སྐད་བཤད་པ་བཞིན་ལ་གསུང་རྒྱུན་གྱིས་བརྒྱན་ཏེེ་དྲིལ་ཏིང་རོལ་མོའི་བྱེ་བྲག་ཚུན་ཀྱང་མ་འདྲེས་པར་ཕུལ་བ་བསྟན་རྒྱུན་ལ་ཕན་རེ་ཁོ་ན་ཡིན་པ་ཐམས་ཅད་ཀྱིས་ཀུན་གོ་གཅིག་གིས་བཅད་པའི་དོགས་བདེར་མ་སོང་བ་ཡོད་དམ་སྙམ། འོན་ཀྱང་དུས་དབང་གིས་འཆད་ཉན་བྱེད་པ་པོ་རྣམས་

[Full Size]

ཀྱང་འཕྲལ་ཡུན་གྱི་ཉེས་དམིགས་ལ་ལྟ་བ་དཀོན་པའི་ལས་སླ་ཞིང་ལྟོགས་པ་སྙིང་ལ་འཁར་བའི་རང་ནོར་བདག་ལེན་འདི་རང་གཞན་ལ་འབྱུང་ཉེ་བའི་ཆུ་ངན་ལམ་ཞུགས་སུ་མ་གྱུར་ཙམ་ཡོང་རེ་ཡིན། སྡེ་པ་བློ་བཟང་སྦྱིན་པ། རོགས་བྱེད། གྲ་ཚང་གི་གྲ་པ་ཁ་ཤས་བཅས་པར་བླ་མ་བདེ་ཆེན་དབང་ཕྱུག་དང་། དྲག་དམར་གྱི་དབང་། བཀའ་གདམས་ལྷ་བཞིའི་ནང་ཚན་སེང་ལྡེང་ནགས་སྒྲོལ་གཙོ་འཁོར་གསུམ་པའི་རྗེས་གནང་དང་དེའི་སྒྲུབ་ཐབས་གསར་བརྩོམས། བླ་མའི་རྣལ་འབྱོར། རྡོར་སེམས་སྒོམ་བཟླས་རྣམས་ཀྱི་ལུང་། རྒྱལ་སྲས་བསོད་ནམས་བཀྲ་ཤིས་མཚོ་ཁར་འདེགས་གདོང་གི་སྟེར་ཆ་བཀའ་བསྒོ། མཚོ་ཁ་ནས་གསར་འབྱོར་དཔོན་རྡོ་རྗེའི་བུ་ཚེ་བརྟན་འཁོར་བཅས། ཆོས་འཆད་པ་དགེ་སློང་འཕྲིན་ལས། འཕེལ་གླིང་སློབ་དཔོན་བཅས་ལ་ཇ་གྲལ། སྟོད་ཕྱོགས་བསྟན་སྲིད་ལ་རྒྱའི་གེགས་སེལ་ལ་སྔགས་ཁང་དུ་རྒྱུད་སྟོད་པས་ཡ་མ་རཱ་ཛ་དང་དྲུག་ཅུ་པ། སྨད་པས་ཤཱ་ས་ན་དང་གློ་བུར་ལས་བཅོལ་གྱི་གཏོར་བཟློག །མངའ་རིས་ཀྱི་ཇུས་རིམ་དུ་དགེ་ལུགས་ཨང་དང་གཉིས་ཡན་གྱི་སྔགས་གྲ་རྣམས་ཀྱིས་གཏོར་བཟློག །བཤད་གྲ་རྣམས་ཀྱིས་མདོ་སྒྲུབ། སེར་འབྲས་སུ་ཇ་ཚུལ་བཙུགས་ཏེ་མདོ་སྒྲུབ་འཕར་མ། གོང་དཀར་དུ་རྡོ་རྗེ་བྲག་པས་མགོན་པོ་གཡུལ་བཟློག་དང་ཀི་ཀང་གི་དགྲ་མནན། དཀོན་གཉེར་བས་གདུགས་དཀར་མདོས་ཆེན། སྔགས་པ་གནས་ཆུང་པས་ཨུརྨོའི་ལས་སྦྱོར། ཕོ་བྲང་དུ་སྨིན་གླིང་པས་དྲེགས་འཇོམས་གཏོར་བཟློག་དང་ཀི་ཀང་དགྲ་མནན།

[Full Size]

འཕྱོང་རྒྱས་སུ་དཔལ་རི་བས་གཤིན་རྗེ་ནག་པོ་སུམ་དྲིལ་གྱི་གཏོར་བཟློག་དང་དགྲ་མནན། ལྷ་སར་གསང་སྔགས་བྱང་ཆུབ་གླིང་པས་ཚེ་བདག་གི་གཏོར་བཟློག་དང་ཀི་ཀང་གི་དགྲ་མནན། མལ་དྲོ་གུང་མཁར་དུ་སྤོ་བོ་བན་གྲོང་པས་ཁྲོ་ཆུའི་གཏོར་བཟློག །རྒྱལ་རྩེར་བྲག་ལ་པས་འཆར་ཀའི་གླང་ཆེན་སྣ་བསྒྱུར་དང་ཀི་ཀང་གི་དགྲ་མནན། རིན་སྤུངས་སུ་ངེས་གསང་རྡོར་གླིང་པས་བཟློག་མནན་གོང་མཚུངས། འོད་མཆོག་སྤྲུལ་པའི་སྐུས་ཡང་གསང་ཀརྨ་དྲག་པོའི་གཏོར་བཟློག་དང་ཀི་ཀང་གི་དགྲ་མནན། གཞིས་རྩེར་འུག་བྱ་ལུང་པས་མགོན་པོ་གཡུལ་བཟློག་དང་ཀི་ཀང་གི་དགྲ་མནན། སྒྲོལ་མ་བས་ཚེ་བདག་གཏོར་བཟློག་དང་དགྲ་མནན། དོ་རྫོང་དུ་སྨྲ་བོ་ལྕོག་པས་འཆར་ཀའི་མདོས་དང་དགྲ་མནན། ཀ་ཚལ་དུ་རིགས་འཛིན་དཀོན་མཆོག་ལྷུན་གྲུབ་ཀྱིས་ཡང་བཟློག་དང་དགྲ་མནན། འོལ་དགར་བྲག་སྣ་བས་འཆར་ཀ་དང་དགྲ་མནན། བཀྲ་བཟང་དུ་རང་གྲས་ཁྲོ་རོལ་དང་དགྲ་མནན། དར་མར་གནས་གཞི་བས་འཆར་ཀ་དང་དགྲ་མནན། ལྷ་རྩེར་ཆུ་མིག་པས་ཕུར་བཟློག་དང་དགྲ་མནན། ངམ་རིང་དུ་མེས་སྟོན་པ་བརྒྱ་མཁར་བ། ཀྱི་སྟོན་པ་གསུམ་སོ་སོ་ནས་ཚེ་བདག་གཏོར་བཟློག་དང་དགྲ་མནན། བྱང་སྟག་རྩེ་ནུབ་དགོན་ཆེ་བ། ཆུང་བ། དོན་གྲུབ་གླིང་སོ་སོས་ཚེ་བདག་གི་གཏོར་བཟློག་དང་ཀི་ཀང་གི་དགྲ་མནན། སོ་སོར་རྒྱབ་ཆོས་པས་ཤེར་སྙིང་དྲུག་འབུམ་བཞི་ཁྲི་བརྒྱད་སྟོང་། ཆོས་འཁོར་རྒྱལ་པ་ཁག་གསུམ་གྱིས་དྲུག་ཅུ་པ། དམག་ཟོར་མ། བེག་ཙེ་གསུམ་གྱི་གཏོར་བཟློག །རྒྱབ་ཆོས་ཚོགས་ཆེན་དུ་མང་ཇ་གསུམ་ལ་ཤེར་སྙིང་། གོང་དཀར་དུ་ཆོས་སྡེ་བ། ཕོ་བྲང་དུ་བཀྲ་ཤིས་རྩེ་ཆོས་སྡེ་བ་གཉིས་ཀྱིས་དམར་ཆེན་གཏོར་བཟློག །ཆོས་སྐྱོང་

[Full Size]

རྣམ་གཉིས་ཀྱི་ལུང་བསྟན་ཇུས་རིམ་དུ་ཆུ་མིག་ལུང་དུ་རྒྱུད་སྨད་པས་དྲུག་ཅུ་པ་དང་གྲ་ས་ཕན་ཚུན་དུ་ཇ་ཚུལ་ཐོག་ཤེར་སྙིང་དང་གདུགས་དཀར། གནས་ཆུང་དུ་ཟླ་ཕྱེད་བར་འཕྲིན་ལས་དོན་བཅུ་མ་འགྲོ་གང་ཆེ། རྫོང་ཆེ་རིགས་ཚང་མ་ནས་ཡར་ངོར་དགྲ་ལྷ་དཔངས་བསྟོད། ངེད་ཀྱི་རིམ་གྲོར་ལྷ་སར་བྲག་དབར་བས་བཀའ་འགྱུར་གསུམ། རྩེ་ཤོད་ཐུན་མོང་དུ་རྒྱུད་འབུམ་གསུམ། དཔལ་གསོལ་བརྒྱ་ཚར། གཟུངས་འདུས་ཆིག་བརྒྱ་ཉེར་གཉིས་སྒྲོལ་མ་ཉིས་སྟོང་ཆིག་བརྒྱ། ཤེར་སྙིང་དགུ་བརྒྱ། ཚེ་གཟུངས་བཞི་བརྒྱ། འབུམ་རྒྱས་པ་བཅུ་གཅིག །རྒྱལ་དུ་དམག་ཟོར་མའི་བསྐང་བ་ཁྲི། བེག་ཙེར་སྟོང་། གཞན་མར་བརྒྱ་རེ། པ་ནམ་དུ་མཚན་སྒྲོག་པས་གདུག་དཀར་ཤེར་སྙིང་ཁྲི་རེ། ཚེ་གཟུངས་ས་ཡ། སྤྲེལ་ལོའི་སྲི་ལ་དམིགས་རྒྱལ་རྩེར་དཔལ་འཁོར་ཆོས་སྡེའི་དགེ་ལུགས་ཚོ་བསྡུས་ཀྱིས་འབུམ་བརྒྱ། དབུས་གཙང་གི་དགོན་ཨངྐི་གསུམ་པ་ཡན་ཚང་མར་མང་འགྱེད་ཐོག་གདུགས་ཤེར་འགྲོ་གང་ཆེ། གྲ་ཚང་ནས་གྲངས་བཅད་ཀྱིས་སྲི་རིགས་ཐམས་ཅད་མནན་པ་འབྱུང་བ་རིན་ཆེན་ཀུན་འདུས་དང་དགོངས་འདུས་ཐུན་མོང་ནས་གནོན་བཅུག །ལྷ་སར་བདེ་ཡངས་པས་བརྒྱད་སྟོང་པ་ཆིག་སྟོང་བཞི་བརྒྱ་ཉེར་གཅིག །སྒྲོལ་མ་ལྔ་སྟོང་སུམ་བརྒྱ་གདུགས་དཀར་ཉིས་སྟོང་། ཤེར་སྙིང་ཕྱེད་ལྔ་སྟོང་། ཉེར་ལྔར་སྡེ་པ་ཟུར་པ་བློ་བཟང་སྦྱིན་པར་བདོག་པའི་སྐྱེས་བཟང་དང་བཅས་སྣེའུ་སྡོང་རྩེ་ཕྱོགས་སུ་བྱོན། བཀྲས་ལྷུན་ཕྱག་མཛོད་ཐོན་པ་རྗེ་དྲུང་བསྐོ་རྒྱུའི་སྔོན་འགྲོར་བདོག་པའི་སྐྱེས་

[Full Size]

བསྟབ་པ་བླངས་ཤིང་ཞབས་ཕྱིར་གང་འགྱུར་དགོས་ཚུལ་སོགས་ཀྱི་བསླབ་བྱ། མདུད་པ། ཤམ་ཐབས། རྡུལ་གཟན་བྱིན་ཅིང་བཀའ་བསྒོ་བྱས། གུང་ཚིགས་ཀྱི་ཐོག་མཆོག་སྤྲུལ་བློ་བཟང་ཡེ་ཤེས་དཔོན་གཡོག་ལ་སྟོན་མོ་རྒྱས་པར་དབུལ་ནས་ན་བཟའ་སྐོར་ཆ་ཆང་། དངུལ་མདོང་། ལྟེ་རི། ཐ་ཕག །ཤེལ་དཔྱད། གོས་དར་སྣམ་ཕྲུག་ཇ་རས་སོགས་སྐྱེས་ལན་སྤམ་མཐོར་བཏེག །དཔོན་ཆུང་ཐོ་གོལ་ཐོན་གདོང་གི་བཀའ་བསྒོ། གསར་འབྱོར་ཁལ་ཁ་དྷ་ར་དཔོན་གྱི་མི་སྣ་སྦི་ལིག་ཐུ་ནང་སོ། དྷརྨ་ཤྲི་ཧུང་ཐའི་ཇིའི་མི་སྣ་ཨེར་ཁེ་ནང་སོ་ཅན། ཨ་ཡོ་དྷ་རའི་མི་སྣ་ཤྲི་བྷར་ནང་སོ་ཅན་སོགས་ཀྱི་ཡི་གེ་རྟེན་སྦྲགས་བླངས། མཁའ་འགྲོ་དགེ་ཚུལ་མ། གེ་རེ་ལྷ་པའི་སྲས། ལྔ་མཆོད་བླ་ཟུར། ལྟར་བུ་དང་ཀླུངས་ཤོད་དགོན་བླ་མ། ལྷ་རྩེ་བླ་མར་འགྲོ་མི་རབ་འབྱམས་པ་རྡོ་རྗེ་རྒྱལ་མཚན། ལ་མོ་སྐུ་རྟེན་པ་ནང་ཚང་། མོན་པ་དཔལ་འབྱོར་དོན་གྲུབ། གནས་རྙིང་ལྕམ་སོགས་ལ་ཇ་གྲལ། གེ་རེ་ལྷ་པའི་སྲས་ཀྱི་གཙུག་ཕུད་བླངས་ཤིང་མཚན་ལྷ་ངག་དབང་ཀུན་དགའ་རབ་བརྟན་དུ་གསོལ། རྣམ་སྲས་གླིང་པ་ཕ་བུར་བཀའ་བསྒོ་བགྱིས། ཉེར་དྲུག་ལ་རྒྱལ་ཚབ་སྤྲུལ་པའི་སྐུས་བཀྲས་བཏགས། བླ་བྲེ་བུམ་སྟན་མ་སོགས་སྐྱེས་ཀྱི་བདོག་པ་བརྐྱང་ཞིང་། སྐུ་མཆེད་ཀྱིས་གཙོས་བརྒྱད་གྲར་ཚེ་དབང་གྲུབ་རྒྱལ་མ་ཕུལ། མང་ར་དང་ཤངས་དགེ་འཕེལ་མཁན་པོ། ཕུན་གླིང་བླ་ཟུར། རྨེ་རུ། ཉི་ཐང་། གཏིང་སྐྱེས་བཀྲ་ཤིས་ཆོས་གླིང་། སྤུ་བྲག་རྣམས་ཀྱི་བླ་མ། ཆེ་ཆེན་རབ་འབྱམས་པ་སྤུན་རྣམས་དང་ཕྲད།

[Full Size]

ཐུ་མེད་དརྒན་ནོ་ཡོན་གྱི་བསྔོ་རྟེན་འབྱོར་པར་བྱང་ཆུབ་ཀྱི་རྒྱུར་བསྔོས། བསྙེན་རྫོགས་བསྐྱར་བ་དང་གསར་བཅས་དགུ། རྒྱལ་ཚབ་སྤྲུལ་པའི་སྐུའི་གཅུང་དགེ་ཚུལ་དུ་བསྒྲུབས་ཤིང་མཚན་ངག་དབང་ཆོས་གྲགས་རྒྱ་མཚོར་བཏགས། ཉེར་བདུན་ལ་ལྷ་རྩེ་ཆོས་སྡེའི་བླ་མར་འགྲོ་མི་རྡོ་རྗེ་རྒྱལ་མཚན་སོགས་སོ་དྲུག་ལ་བསྙེན་རྫོགས་ཀྱི་སྡོམ་པ་ཕབ། ཉེར་བརྒྱད་ལ་མཆོག་སྤྲུལ་བློ་བཟང་ཡེ་ཤེས་ཆིབས་བསྒྱུར་གདོང་གི་མཇལ་ཁར་གསེར་གྱི་མཎྜལ་སྟེང་གསེར་སྲང་གང་གི་ཚོམ་བུ་དང་བཅས་བསྐལ་བརྒྱར་འཚོ་དགོས་པའི་བཀའ་མཆིད་ཕེབས་པར་དེ་འདུན་བྱེད་ཅིང་སྐུ་ན་གཞོན་སྐབས་ཐུགས་གཉེར་ལ་བརྩོན་དགོས་པ་སོགས་ལུགས་གཉིས་ཀྱི་ཁྱབ་ཆ་གང་ཆེ་དགོས་པའི་སྙན་སྒྲོན་དང་བཀའ་བསྒོ་སྲུང་མདུད་ཕུལ་ནས་དལ་འགྲོས་ཀྱིས་གཙང་སྟོད་བླ་མའི་གདན་སར་གཤེགས། བློ་བཟང་མགོན་པོ་རབ་བརྟན་སོགས་སུམ་བརྒྱ་སྐོར་ལ་ཇ་གྲལ་དང་། ཞང་སྟོན་རི་ཁྲོད་པར་ཕྱི་ནང་གི་སྐད་ཆ་དུ་མ་འདུག་པ་ཉན་པར་ལ་ལར་དགོད་བྲོ་བ་དང་ལ་ལར་ཉམ་ང་བའང་སྣང་། ཕྲེང་བ་འདི་རང་ཅག་ཞྭ་སེར་ཅོད་པན་ཅན་མཐའ་དག་གི་བསྟན་པའི་བདག་པོ་ཆོས་ཀྱི་རྒྱལ་པོ་བཙོང་ཁ་པ་ཆེན་པོས་ཞ་ལུ་པ་གོང་གསུམ་བདེ་ཆེན་ཆོས་ཀྱི་དཔལ་བར་གསན་པ་ནས་ཐམས་ཅད་མཁྱེན་པ་བསོད་ནམས་རྒྱ་མཚོའི་བར་དང་ཁྱད་པར་སྔགས་རམས་པ་དགེ་འདུན་བཀྲ་ཤིས་ཞེས་རྡོ་རྗེ་འཆང་དང་གཉིས་སུ་མེད་པ་དེ་ཉིད་ཀྱང་ཕྲེང་བའི་ཡིག་མཇོག་དང་དབང་ཆུ་དར་རྒྱས་ཤིན་ཏུ་ཆེ་བའི་རྒྱུན་རང་གིས་ཨེ་ཐོབ་སྙམ་འབད་པ་ཆེན་པོས་བཙལ་ཀྱང་རྣམ་དག་གི་རྒྱུན་མིང་ཙམ་ཡང་མ་རྙེད་པར་བརྟེན་གནས་གསར་རིགས་

[Full Size]

ཀུན་ཁྱབ་བདག་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོར་ནོས་པ་སྔགས་རམས་པ་ཅན་ཞུ་བཅུག་དུས། དགོས་པ་སྨོས་པ་ལྟར་མ་ཆད་ཙམ་འབྱུང་རེས་རྣམ་དཔྱོད་མཆོག་ཏུ་ཡངས་པས་གཞུང་ལུགས་མང་པོར་ཐོས་པས་གཏན་ལ་ཕབ་པ་སྔགས་རམས་པ་ངག་དབང་དཔལ་བཟང་གིས་འཛམ་གླིང་རྒྱན་རྒྱུར་དཔལ་ལྡན་འབྲས་སྤུངས་དང་། སྔགས་རམས་པ་བློ་བཟང་སྐྱེས་མཆོག་གིས་སེ་ར་ཐེག་ཆེན་གླིང་གི་གཉུག་མར་གནས་པ་དང་ཕྱོགས་འདུས་ཀྱི་སྤྲུལ་སྐུ་གྲ་སློབ་མང་པོར་ཕྲེང་བ་ཞེ་ལྔ་མའི་སྟ་གོན་ནས། དངོས་གཞི། མཇུག་གི་བར་ཆད་ལྷག་མེད་པར་དབུལ་བའི་རོགས་ཡོ་བྱད་མཐའ་དག་གཞུང་ནས་གྲ་བསྒྲིགས་ཏེ་ཐོན། ཆོས་རྗེ་བཀྲ་བཟང་པ་ཐུགས་མཆོག་འོད་འབར་ལ་ཟང་ཟིང་གི་དངོས་པོ་དང་བཀའ་བསྒོ་སོགས་རེ་བ་བཀང་། གྲ་ཐང་པ་ཆོས་རབ་འབྱོར་གྱིས་དུས་འཁོར་ཆོ་ག་ལོ་ཆེན་ཆོས་སྐྱོང་བཟང་པོས་མཛད་པའི་རྒྱུགས་སྤྲད། བདུན་གཅིག་གི་བར་རྟ་མགྲིན་གསང་སྒྲུབ་ཀྱི་བསྙེན་པ་ཁ་གསོའི་དགེ་སྦྱོར་ལ་འགྲུས་པར་བགྱིས། རྒྱ་ཅན་གྱི་དབང་ལུང་རྣམས་གྲ་པ་རེ་གཉིས་ཀྱིས་མཆོད་དཔོན་པར་དགོས་ཚུལ་ལབས་པ་རྒྱ་གྲོལ་སྔས་པར་དགོས་པ་ཆེ་བར་མ་མཐོང་ཡང་ནན་ཆེར་བྱུང་བ་སྤྲུལ་སྐུ་གཏེར་བདག་གླིང་པ་རྣམ་པར་རྒྱལ་བའི་ཕན་བདེ་ལེགས་བཤད་གླིང་ཡོངས་རྫོགས་ལ་མཛད་དུ་བཅུག །ཧོར་ཟླ་བརྒྱད་པའི་ཚེས་བཞིར་ཐོད་རི་བཤད་སྒྲུབ་གླིང་པ་བློ་བཟང་དགའ་བས་མཛོད་རྩ་འགྲེལ་གྱི་རྒྱུགས་བྱུང་། ཚེས་ལྔར་བཅད་རྒྱ་གྲོལ་བའི་དཔོན་ཚེ་རིང་གིས་ཚན་གྲངས་འགྱེད་ཡོན་སྦྱར་

[Full Size]

ཏེ་གྲ་ཚང་ནས་མཁའ་འགྲོ་སྡེ་ལྔའི་སྒོ་ནས་རིང་འཚོའི་ཆོ་ག་ཆུང་བ་བསྟར། སྤྲུལ་སྐུ་རིགས་འཛིན་ཆེན་པོས་ངེད་དང་སྡེ་པ་ལྷན་ཅིག་བྱད་འགྲོལ་མཛད། བྱེ་རྫིང་ཚོགས་མཁན་པོ། དཔལ་འཁོར་ཆོས་སྡེའི་མཁན་ཟུར། ཏྲེ་བོ་སྐུ་སྐྱེ། བྱང་ཆུབ་གླིང་དང་ཀོང་པོ་བླ་རུ་དགོན་བླ་མ། རྨེ་རུ་བླ་གསར། ཤག་ལྷོ་པ་ཕ་བུ། འཕགས་པ་ལྷའི་དབོན་པོ། ནག་ཚང་སྡེ་སྨད་དཔོན་ཀུན་དགའ། བར་ཏ་བློ་བཟང་། མོན་པ་དཔལ་འབྱོར་དོན་གྲུབ། གདུང་ནག་པོ། ཨ་མདོ་རྟ་འབུལ་བ་སོགས་བོད་སོག་ཉིས་བརྒྱ། ཡོང་སྡུད་ལ་ཐོན་མི་དྲུང་འཁོར་ལྔ་བཅུ་སྐོར། བློ་བཟང་མགོན་པོ་རབ་བརྟན་མིང་སྲིང་། དའི་ཆིང་ཁོ་ལོ་ཆེའི་ཚ་བོ་སྤུན་སོགས་ཀྱི་ངོ་བོར་བྱིན་རླབས་དང་དམངས་ལ་མེ་ཏོག་གཏོར། དེའི་ཆིང་ཁོ་ལོ་ཆེ་ཅན་ལ་སྟེར་ཆ་བཀའ་བསྒོ་དང་བཅས་ཐོན། ཤག་ལྷོ་ཕ་བུ། བཙུན་མ། ཆོས་རྗེ་བཀྲ་བཟང་པ། གྲ་ཚང་གཉེར་པ་རྣམས་ལ་ཚེ་དབང་འཆི་མེད་དཔལ་སྟེར་བསྐུར། འདར་པ་ཁུ་ཚན། རྣམ་གླིང་པཎ་ཆེན། རྒྱལ་སྐོར་བ། དཔལ་གླིང་བཙུན་པ་རྣམས་ལ་བཀའ་བསྒོ་དང་། ཚེས་དྲུག་ནས་ཉིན་བདུན་གྱི་བར་ཡན་ལག་བརྒྱད་ལྡན་སྨན་གྱིས་ནད་ཀྱི་དྲི་མ་དབྱུང་། དམག་ཟོར་ཚངས་དབང་ལ་ཕ་རོལ་མཐུ་གཏད་རིག་སྔགས་སྦྱོར་ངན་སོགས་བྱད་ཀྱི་རིགས་འགྲོལ་བའི་སྦྱོར་བ་བྱས། ཚེས་བཅུ་བཞིར་གདན་ས་ཆེན་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་ནས་དགའ་ལྡན་ཁྲི་རིན་པོ་ཆེ་གདན་ཟུར། རྩེ་ཤར་གཉིས་ཀྱི་དབོན། སློབ་དཔོན་གསུམ་བྱིངས་ལྔ་བརྒྱ་

[Full Size]

སྐོར་གྱིས་ཚན་གྲངས་འབྱོར་བསྟུན་སྔོན་འགྲོའི་གནས་བརྟན་བཅུ་དྲུག་གི་མཆོད་ཆོག་དང་འབྲེལ་བའི་རིང་འཚོའི་དུས་ཁྲི་རིན་པོ་ཆེ་སྒྲོམས་ཆེ་བའི་ལུང་འདྲེན་དང་བཅས་གཏན་སྡོད་རྒྱུ་མཚན་སྩལ་བ་སྒྲིབ་པའི་ལུས་ཅན་ལ་རང་དབང་ཅིར་མཆིས་ཀྱང་ཁྲི་རིན་པོ་ཆེས་དབུས་དགེ་འདུན་མི་ཕྱེད་འདུན་པའི་བདེན་ཚིག་གནས་བརྟན་བཅུ་དྲུག་གི་ཆོ་ག་དང་འབྲེལ་བ་བྱིན་རླབས་ཆེ་བ་བཅས་མོས་འདུན་བྱེད་པར་རྟེན་འབྲེལ་གྱི་ཁྱད་ལན་ཕུལ། མཁའ་འགྲོ་དགེ་ཚུལ་མ། སྟག་རྩེ་ཐའི་ཇི། དཔོན་ཚེ་བརྟན། བི་ལིག་ཨེར་ཁེ་ཐའི་ཇིའི་ནུ་བོ། སྤོང་རོང་ནམ་མཁའ་མགོན་གྱི་བུ། གནམ་རུ་དཔོན། ཨ་མདོ་སྐུ་འབུམ་དགེ་སློང་ཅན། རྟ་འོན་མཛོ་གེ་ཅན། ཨ་རིག་བསམ་གཏན་ཅན། སྐུ་འབུམ་ཕ་གཞི་ཅན། ར་ལ་ནོ་མུན་ཁན་གྱི་རབ་འབྱམས་པ་སོགས་ཉིས་བརྒྱ་སྐོར་ལ་ཇ་གྲལ་བཏང་། ཚེས་བཅོ་ལྔར་དཔོན་རྡོ་རྗེ་འཁོར་བཅས་སུམ་ཅུ་སྐོར་ལ་སོ་ཐར་བསྙེན་གནས་ཀྱི་སྡོམ་པ་སྔ་ཆར་ཕབ་ཅིང་བཅུ་གཅིག་ཞལ་གྱི་རྗེས་གནང་། བདེ་ཆེན་ཐའི་ཇི་སྐུ་མཆེད། རྭ་སྒྲེང་དརྒན་ཆོས་རྗེ། ཉི་ལྡེ་དབོན་པོ་རྣམས་ཀྱི་ངོ་བོར་བྱིན་རླབས་དང་ཕྱི་དྲོ་གནས་གསར་ཆོས་རྗེ་དབོན་དང་ཞིབ་མོར་མོལ་རྗེས་ལྷོ་མོས་སུ་བྱོན། དཔལ་ལྡན་རེ་མ་ཏཱིའི་མདོས་མཆོད་སྔར་བཞིན་བཙུགས། ཚེས་བཅུ་བདུན་ལ་ལྷ་ལྡན་རུ་བཞིས་བདོག་པ་མཎྜལ་དུ་བཏེགས་ནས་རིང་འཚོའི་སྨོན་ལམ་བཏབ། དཔོན་ཚེ་བརྟན་འཁོར་བཅས། ཁལ་ཁ་བཟོད་པ་ཡེལ་དེང་དང་ལྷ་བཙུན་ངག་དབང་བསྟན་འཛིན་གྱི་མི་སྣ་ཐོན་གདོང་། གསར་འབྱོར་དགའ་ལྡན་བསྟན་འཛིན་བོ་ཤོག་ཐུ་ཇི་ནོང་། དའི་ཆིང་

[Full Size]

ཁོ་ལོ་ཆེའི་མི་སྣ། གསང་ཕུ་མཆོད་ཁང་བླ་མ་སོགས་དང་ཕྲད། དཔོན་ཚེ་བརྟན་ལ་ཨེར་ཏེ་ནི་ཆིང་ཐའི་ཇིའི་ཆོ་ལོ། ཐམ་ག །དེ་བཞིན་གཤེགས་པའི་འཕེལ་གདུང་གིས་གཙོས་བྱིན་རྟེན། གྱོན་པ། ཤལ་དཀར་དམར། སྣམ་ཕྲུག་སོགས་བདོག་པ་རྒྱས་པ་དང་བཀའ་བསྒོ། ཁལ་ཁའི་མི་སྣ་ཚོར་ཡང་གང་ལ་གང་འཚམ་གྱི་སྟེར་བྱ་དང་བཅས་བརྫངས། ཚེས་བཅོ་བརྒྱད་ལ་ཏྲེ་བོ་དཔོན་གྱིས་དངོས་པོའི་སྐྱེས་དང་ཡོན་སྦྱར་ཏེ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་མཛད། ཛུམ་ལང་རྒྱལ་པོ་ན་ར་སིདྷ་འཁོར་བཅས་ལ་སྐྱེས་ལེན་འཕར་ཁ་དང་བཅས་བསྡོམས་གསེར་ཞོ་དྲུག་ཅུ་ཐམ་པ། གོས་ཡུག་བཅུ་དྲུག །དར་ཡུག་སུམ་ཅུ་སོ་ལྔ། དངས་ཤེལ་གྱི་པད་ཕོར། གསེར་སྒ་ཆ་འགྲིག །དངུལ་གྱི་མདོང་མོ། གྱོན་པ། ཇ་རས། སྣམ་ཕྲུག །རྒུན་ལྟང་བཅས་དགུ་ཚན་བཅུ་གསུམ་སོགས་དངོམ་ཆེ་བའི་བདོག་པ་བསྟར་བ་ཤིན་ཏུ་མགུ་ཞིང་གུས་པའི་རྣམ་འགྱུར་མཛད། ཏྲེ་བོ་ཧོར་ཚང་ཆོས་རྗེ་བློ་བཟང་ཆོས་སྐྱོང་རང་ཡུལ་དུ་འདེགས་པར་ཉེ་བར་རུང་མཐུན་གོས་སྣ་ཚང་འགྲིགས་གོས་དར་སོགས་སྤམས་བསྟོད། དཔའ་བོ་སྤྲུལ་པའི་སྐུས་ཧོར་གོས་བུམ་གདན་མ་སོགས་ནོར་རྙིང་ཤས་ཆེ་བའི་སྐྱེས་ལན་བཟབས་པར་མཛད་ཅིང་བཀུར་བཟོས་སོགས་ཀྱང་སྔར་བཞིན་བགྱིས་རྗེས་དཔོན་གཡོག་རགས་བསྡུས་ལ་གུར་ནས་བཤད་པའི་ཕྱག་རྡོར་འབྱུང་པོ་འདུལ་བྱེད་ཀྱི་རྗེས་གནང་ཕུལ། ཚེས་བཅུ་དགུར་སྟག་ལུང་ཀ་དྲུག་མཁན་པོ་སོགས་ལ་ཇ་གྲལ་བཏང་། ཉེར་གཉིས་ལ་གྲ་ཚང་གི་གྲ་པ་གྲངས་

[Full Size]

བཅད་ཀྱིས་དུར་སྲི་སོགས་གནོན་ཁག་གཉིས་དང་། ཀི་ཀང་དགྲ་མནན་ཁག་གཅིག་བཙུགས། ཉེར་གསུམ་ལ་སྤྲུལ་སྐུ་རིགས་འཛིན་ཆེན་པོར་རྡོར་གླིང་ཐུགས་རྗེ་ཆེན་པོ་རྒྱལ་བ་རྒྱ་མཚོའི་དབང་མཐའ་བརྟེན་ཚེ་དབང་། སྒྲོལ་མའི་དབང་དང་བཅས་པ་ཞུས། ལྷོ་མོས་ནས་གནས་གསར་དབོན་རིན་པོ་ཆེ་བསྙེན་ཆེན་མཛད་པའི་དམིགས་ཁྲིད་གསན་བཞེད་དོན་བཞིན་བསྒྲུབས། ཉེར་བཞིར་འཕགས་པ་ལྷ་དཔོན་སློབ། ངག་དབང་སྤྲུལ་སྐུ། ལྡན་ཆོས་འཁོར་སྐུ་སྐྱེ། ཆབ་ནག །དེ་མོ་འཕགས་པ་ཆོས་རྫོང་། རྔོད་ཨ་རིག་དགོན། ཨ་ཙ་ལྷ་རི། དོ་ནང་པད་གླིང་རྣམས་ཀྱི་བླ་མ། རྒྱལ་སྲས་བསྟན་འཛིན་དབང་རྒྱལ་གྱི་དཔོན་མོ། ཁལ་ཁ་ཨུའི་ཆིང་ནོ་མུན་གྱི་མི་སྣ་ངོ་བོ་ལ་བྱིན་རླབས། འཕགས་པ་ལྷས་སློབ་དཔོན་ཕྱོགས་གླང་གི་ཐུགས་དམ་རྟེན་གྱི་མི་གཡོ་བའི་སྐ྄ུ་ལི་སེར། གསེར་ཞོ་བརྒྱ། དངུལ་སྲང་ང་ལྔ། གོས་སྣ་ཆ་ཚང་། དར་ཚོས་འདྲེས་པ་ཡུག་བཅོ་བརྒྱད། གོས་ཡུག་དང་ཁྲབ་བཅུ་རེ། གྲི་བཞི། ལྕགས་མགུ་སོགས་ལྕགས་དཔྱད་ཞེ་ལྔ། ནག་པོ་ཁོར་དྲུག་གསུམ། ཡ་ཇུ་ཟའུ་འདྲེས་པ་ཁོར་དྲུག་ཉིས་བརྒྱ། རྒུན་ལྟང་བཅུ་གསུམ། བ་བླ་དོས་གཅིག །ར་མ་ལུག་གི་སྒ། རྟ་ཆིག་བརྒྱ་བཅུ་གཅིག །དྲེའུ་བཅོ་བརྒྱད། མཛོ་ལྔ་བཅུ། གཡག་བརྒྱ། སྟག་གཟིག་གི་པགས་པ་སོགས་བཏེག །བྱིངས་བཞི་བརྒྱ་སྐོར་ལ་མེ་ཏོག་གཏོར། རྩེར་རྟ་འབུལ་བ་བློ་བཟང་བརྩོན་འགྲུས་ཅན། ཕུན་ཚོགས་ཅན། རྫི་དོ་དབོན་པོ་ཅན། བྱ་བྲལ་ལྷུན་གྲུབ་ཅན། དཔོན་བཟང་མོ་ཅན། བྲ་ཉེ་

[Full Size]

ཅན་སོགས་ཉིས་བརྒྱ་སྐོར་ལ་ཇ་གྲལ་ཐོག་བི་ལིག་ཨེར་ཁེ་ཐའི་ཇིར་སྟེར་བྱིན་དང་བཅས་ཐོན། འདི་ཉིན་ནས་བདུན་བཞིའི་བར་ངེད་རང་གིས་བཅད་རྒྱ་དམ་པར་བསྡམས་ཤིང་སྤྲུལ་སྐུ་རིགས་འཛིན་ཆེན་པོས་གཏེར་གསར་ཚེ་སྒྲུབ་བདུན་གཅིག་གནང་། ཉེར་བརྒྱད་ལ་པོ་ཏ་ལ། ར་མོ་ཆེ། ལྷ་ས། ཡེར་པ། བསམ་ཡས། ཁྲ་འབྲུག །ཡུམ་བུ་སྟེ་གནས་ཆེན་བདུན་པོར་བོད་འབངས་འཕུང་བྱེད་ཀྱི་འགོང་པོ་གཙོ་བོར་གྱུར་པའི་གཟུགས་མེད་གཟུགས་ཅན་ཐམས་ཅད་སྒྲུབ་ཁག་གསུམ་པོ་གྲོལ་ནས་བསྐལ་པའི་བར་ལྡང་དུ་མེད་པར་མནན། སྟོད་ཀྱི་ཇུས་རིམ་དུ་ངེད་རང་གི་བརྟག་པ་དང་གནས་ཆུང་ཆོས་སྐྱོང་ཆེན་པོའི་གསུང་བཞིན་རྒྱུད་སྨད་པས་ཕྱག་དྲུག་པའི་གཏོར་བཟློག །སེར་འབྲས་སུ་ཇ་ཚུལ་བརྒྱད་རེར་མདོ་སྒྲུབ། ལྷ་སར་གསས་ཁང་པས་བརྒྱད་སྟོང་པ་དྲུག་ཅུ་རེ་ལྔ། གསེར་འོད་ཆིག་བརྒྱ་དང་བདུན། གཟུངས་འདུས་བཞི་བརྒྱ་དོན་གཉིས། གདུགས་དཀར་ཉི་ཁྲི་བརྒྱད་སྟོང་ལྔ་བརྒྱ། ཤེར་སྙིང་དགུ་སྟོང་། སྒྲོལ་མ་ཉིས་སྟོང་། སྲོང་བཙན་དུ་འུག་པ་བབས་པ་སོགས་ལྟས་ངན་བཟློག་རིམ་དུ་སྨིན་གྲོལ་གླིང་པ་དགུས་གྲབས་གཅིག་སྒྲུབ་བདུན་གྱི་ཁྲོ་རོལ་སླང་གང་མའི་རྒྱབ་ཆོས་རི་བོ་བདེ་ཆེན་པ་སུམ་ཅུས་ཤེར་སྙིང་། ཉེ་སྐོར་མི་སེར་གྱིས་ལྷ་བསངས་དང་དགྲ་ལྷ་དཔངས་བསྟོད་རྣམས་བཏང་། ཧོར་ཟླ་དགུ་པའི་ཚེས་གཅིག་ལ་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་གི་དངུལ་གདུང་རིན་པོ་ཆེར་སྔ་སོར་ནས་མཆོད་པ་རྣམ་ལྔ་ཚར་ལྔ་བཅུ་རེ་དང་། བདེ་གཤེགས་མཆོད་རྟེན་བརྒྱད་ལ་མཆོད་པ་སྣ་ལྔ་ཚར་རེ་རྒྱུན་བཙུགས་གཏོང་

[Full Size]

གཞིའི་ཤོག་ཧྲིལ་རྣམས་འཐོར་ཞིང་ལྷག་པར་ལ་མོ་ཆོས་སྐྱོང་ཆེན་པོས་བསྟན་སྲིད་སྤྱི་དང་ཁྱད་པར་ངེད་ཀྱི་རིང་འཚོར་དམིགས་ནས་གསར་འཕར་དགོས་ཞེས་བསྐུལ་མ་མཛད་དོན་བཞིན་འདི་ལོ་ནས་བཟུང་ལྔ་ཚར་ལྔ་བཅུ་ཇི་སྲིད་ནམ་མཁའ་གཟུགས་གཞན་མ་གྱུར་བར་ཆག་མེད་ཀྱི་རྒྱུན་བཟང་བཙུགས་ཏེ་ཁྱོན་བརྒྱ་ཚར་གཅིག་ལ་ཟླ་གཤོལ་དུས་གོང་སྟེང་ཟླ་གཅིག་སྤར་བ་བཅས་མཆོད་འབུལ་བའི་ཕོགས་ཁྱོན་གཅིག་ཏུ་དྲིལ་བར་འབྲུ་ཁལ་ཉིས་སྟོང་གྱ་བདུན། མར་ཁལ་ཆིག་སྟོང་བརྒྱད་བརྒྱ་བཞི་བཅུ། སྤོས་བམ་སུམ་བརྒྱ་དོན་བརྒྱད། སྡོང་རས་གོན་མ་བཞི་རྣམས་འདི་ཕྱིའི་བདེ་འབྲས་ཆེད་བསྒྲུབས། ཐང་ཆེན་ཆོས་སྐྱོང་ཤིང་བྱ་ཅན་གྱིས་ཞིག་གསོས་དགོས་པའི་བསྐུལ་མའི་དོན་ལྟར་དྲི་གཙང་ཁང་སོགས་ཚང་མ་ལེགས་པར་གྲུབ་པར་འདི་ལོ་ནས་བཟུང་རི་བོ་བདེ་ཆེན་པ་བཞི་གྲས་ཉིན་སྟར་མཆོད་པ་རྣམ་ལྔ་བརྒྱ་ཚར་མཆོད་འབུལ་བ་རྣམས་ཀྱིས་སྐྱབས་སེམས་ཆོས་སྤྱོད་སྨོན་ལམ་ཆག་མེད་གང་རྒྱས་ཇི་སྲིད་བསྟན་པ་ནམ་གནས་བར་བཙུགས་པའི་མཆོད་ཆས། མཆོད་འབུལ་བ་བཞི་གྲ་ལག་གཡོག་གཅིག་བཅས་པའི་ཕོགས་དབུ་མཛད་ཀྱི་སྐལ་འཕར། ཇ་སྦྱོར་ལྔ། ཐུག་པ་གཉིས། མཆོད་རྫས་སོགས་གཏོང་སྒོ་ཚང་མ་འཕྱོང་རྒྱས་རྫོང་སྡོད་ཀྱི་རྩིས་འཁྲི་ཁྲིམས་ཤུགས་སྟེང་ནས་གཏོང་། ཚེས་བཞིར་ཚོང་འདུས་ཆོས་སྐྱོང་གིས་ཁྲི་འབུལ་ལ་སྐུ་ཁོག་མངགས་པའི་ལན་རྒྱན་གྱིས་སྤྲས་པ། འབྲི་གུང་སྤྲུལ་པའི་སྐུས་གཏེར་སྒྲོམ་དུ་ངེད་ཀྱི་རིམ་གྲོར་དམིགས་པའི་སྒྲུབ་པ་གྲོལ་ཚུལ་གྱི་ཆབ་ཤོག་བྱུང་བའི་ལན་སྙན་ངག་ནས་དྲངས་པ། དར་རྒྱས་བཀྲ་ཤིས་ཀྱིས་རྒྱས་འབྲིང་བསྡུས་པ་དང་བྱམས་པའི་སྐུ་བཞེངས་

[Full Size]

པའི་དཀར་ཆག་ཆེ་བརྗོད། རྣམ་གླིང་པཎ་ཆེན་དཀོན་མཆོག་ཆོས་གྲགས་ཀྱིས་སྙན་ངག་གི་ཚིགས་བཅད་བྱུང་ལན་དེ་མཚུངས། ཁལ་ཁ་ཨེར་ཏེ་ནི་ཨི་ལ་ཁུབ་སན་ཁུ་ཐུག་ཐུའི་ཐམ་ཕུད་ཁ་བྱང་། ཏྲེ་བོ་ཧོར་ཚང་ཆོས་རྗེས་གཞིས་ཀྱི་མགོན་པོ་གུར་དང་དམག་ཟོར་མར་སྙན་དར་འབུལ་ཚིག་དང་གསོལ་འདེབས་ཕྱོགས་བཅུ་མུན་སེལ་གྱི་དོན་དང་སྦྱར་བའི་སྨོན་ལམ། བདེ་གཤེགས་བརྒྱད་སོགས་སངས་རྒྱས་བྱང་སེམས་སྤྱི་དང་། བྱེ་བྲག་སའི་སྙིང་པོར་གསོལ་བ་བཏབ་པས་ས་གཡོས་ཀྱི་འཇིགས་སྐྱོབ་བདེན་བརྗོད། སྔགས་རམས་པ་ནམ་མཁའ་རྒྱ་མཚོ། ཐོས་བསམ་དར་རྒྱས་གླིང་པ། སྐྱོར་ལུང་མཁན་པོ་ངག་དབང་རྒྱ་མཚོ་རྣམས་ཀྱིས་བསྐུལ་བའི་གསོལ་འདེབས་བཅས་བརྩམས། གཏེར་སྟོན་རིགས་འཛིན་ཆེན་པོས་དྲག་དམར་གྱི་གཏོར་བཟློག་ཉིན་གསུམ་མ་ནུབ་ཕྱོགས་སུ་རྒྱལ་རྫོངས་དང་བཅས་སྨིན་རྒྱས། ཚེས་ལྔར་བཅད་རྒྱའི་མུས་སུ་རྡོ་རྗེ་བྲག་ཏུ་གསར་བཞེངས་མཛད་པའི་དྲག་དམར་གྱི་འབུར་སྐུ་དང་སྔགས་ཐང་གྲ་ཚར་ལ་བླ་མ་དྲག་པོ་རྩལ་གྱི་སྒོ་ནས་དམ་ཚིག་པར་ཡེ་ཤེས་པ་དཔག་མེད་བསྟིམ་ཞིང་བཀྲ་ཤིས་པའི་མེ་ཏོག་གི་ཆར་ཕབ། ཚེས་བརྒྱད་ལ་གཏེར་སྟོན་རིན་པོ་ཆེས་འཆི་བསླུ་དང་། ཚེས་དགུར་མགོན་པོ་ཨ་གྷོ་རའི་རྗེས་གནང་ཞུས། ཚེས་བཅུ་གཅིག་ལ་གསེར་སྲང་ལྔ། དངུལ་སྡེར་སྲང་ཞེ་ལྔའི་དངུལ་མདོང་། ཀར་དྲིལ་ལེགས་པ། གོས་ཕྱི་ནང་། ཧུ་ཇ་དང་ཡ་ཇུ་ཁོར་དྲུག་སོགས་དགུ་ཚན་དགུའི་ཕེབས་རྫོངས་རྒྱས་པར་བཏབ་སྟེ་རེ་ཞིག་བསྟི་གནས་སུ་ཐེགས། ཚེས་བཅུ་གསུམ་ལ་ཐོད་རི་བཤད་སྒྲུབ་གླིང་པ་བློ་ལྡན་རྒྱ་མཚོ་དང་དགེ་བསྙེན་རྒྱ་མཚོ་གཉིས་ཀྱིས་ཕར་

[Full Size]

ཕྱིན་འགྲེལ་བ་བློ་བཟང་དགོངས་རྒྱན་མཐའ་གཅོད་དང་བཅས་པའི་རྒྱུགས་སྤྲད། བར་ཁམས་སུ་ལྷ་སྡེ་མི་སྡེ་རང་རང་འཛིན་བདག་ལ་འཐེན་རྩོད་ཀྱི་རིགས་གཞུང་རྫོང་གཞིས་རྣམས་ཀྱི་དབྱེ་འབྱེད་དང་བྱང་པ་སྦྱིན་བདག་ཁག་གི་ཁྲལ་སྡེ་སོགས་ལ་ནང་ཁུལ་འཐེན་ཁྱེར་རྩོད་པ་མི་བྱེད་པའི་སྣེ་མོ་སོ་སོར་བཀོད་པ་དང་། དགེ་ལུགས་གཙོར་བཏོན་གྱི་བསྟན་པར་གང་ཕན་དགོས་པས་མཚོན་དོན་གཅོད་ལ་ལྷ་བག་སྦྲེལ་པོ་སྡེ་པས་རྫོང་བདའ་མཛད་དོན་བཞིན་འགྲོ་གདོང་བཀའ་བསྒོ་དང་། ངེད་རང་དང་སྡེ་པའི་རིང་འཚོ་དགོན་སྡེ་ཚོར་འཛུགས་པར་དགོས་ཚུལ་བཞིན་བརྩམས། ཏྲེ་བོ་དཀར་ལྕོག་སྤྲུལ་སྐུ་བློ་བཟང་ཆོས་ཀྱི་དབང་པོར་ཏའི་སི་ཏུའི་ལུང་ལས་བསྟར། ཉེར་གཅིག་ལ་ཤེར་འཕེལ་དང་དུང་དཀར་སྤྲུལ་སྐུ། རྭ་སྒྲེང་མཁན་པོ། ལི་ཐང་དགས་དྭག་གྲ་ཚང་བླ་ཟུར། གོང་དཀར་ཆོས་སྡེའི་ཆོས་འཆད་པ་ཕྲིན་ལས་རྣམ་རྒྱལ། ལྕམ་མདའ། མེ་རག །ལྷ་རི། ཡར་འབྲོག་སྦ་ལུང་རྣམས་ཀྱི་བླ་མ། ཟིལ་གནོན་དབང་རྒྱལ་རྡོ་རྗེ། དེ་མོ་དབོན་པོ་གཞོན་པ། མཚུར་ཕུ་ཕྱག་མཛོད་ཟུར་པ་དགོན་སྟོད་པ། ཧོར་རྫ་དམར་དབོན། མཁར་ནག་པ། ལྷ་རྒྱལ་དར་གྱི་བུ། གཞུང་འགྲོན་ཚོང་དཔོན་གཉིས། བོད་སོག་དམངས་ཉིས་བརྒྱ་སྐོར་ལ་ཇ་གྲལ་རྗེས་དཔོན་མོ་ཚེ་རིང་། ཐུ་མེད་བསྟན་པ་ཐའི་ཇིའི་ཚ་བོ། དབོན་ཆུང་སན་བི་ལིག །ཇི་ནོར་གི་མ་ལས་ཁ་ཤ་ཁ། པདྨ་ཐ་སར་ཁ། ཅོ་ནེའི་ཁྲི་འབུལ་བ། ཆེ་ཆེན་དགེ་སློང་ཅན་འགོ་པ་བཞི་མདུང་ནག་གི་འགོ་པ་མེར་གན་ཁཱ་ཕ་བུ། བྱིངས་བརྒྱ་དང་གསུམ། མེར་གན་ཆོས་རྗེ། ཁལ་ཁ་ཨུའི་ཆིང་ནོ་ཡོན། དཔོན་མོ། བུ་གསུམ། ནོམ་ཆི་ཐའི་ཇིའི་

[Full Size]

དཔོན་མོ། བུ་གསུམ། དཔོན་ཆུང་ནོ་ཡོན་དགེ་སློང་། དགེ་ཚུལ་མ། བུ་གཉིས། དཔོན་ཆུང་ནོམ་ཆི་ཨ་ཁའི་དཔོན་མོ་བློ་བཟང་དགེ་ཚུལ། འབུམ་དར་ཐའི་ཇི། དཔོན་མོ། ཚ་བོ་ཚེ་དབང་སྐྱབས། བུ་གཅིག །དཔོན་ཆུང་སྦྱིན་པ་ཨ་ཁའི། བུ་ཨེཾ་ཆི་སྤུན། ཤར་རྩེ་སློབ་དཔོན་པའི་མི་སྣ་ནོ་ཡོན་དཀའ་བཅུ། བུ་ཐུག་སུན་གྱི་མི་སྣ་ཇའི་སང་དགེ་སློང་། ཨ་མདོ་རྟ་འབུལ་བ་ཛོ་གི་བློ་བཟང་ཕུན་ཚོགས། ཨེར་ཏེ་ནི་དརྒན་ཆོས་རྗེའི་སྐུ་སྐྱེ། ཚ་བོ་གཉིས། བྱིངས་ཉེར་གསུམ། པཱ་ཐུར་ཤག་ཤིང་། ཚ་བོ་གཉིས། བྱིངས་རེ་ལྔ། བསྟན་འཛིན་བཟང་པོ། བྱིངས་བཅུ་བདུན། སྐུ་འབུམ་དབོན་པོ་བློ་བཟང་རྒྱལ་མཚན། བྱིངས་བཅུ་གསུམ། ནམ་མཁའ་རྒྱལ་མཚན་ཅན་སོ་བརྒྱད། རབ་འབྱམས་པ་ཤེས་རབ་ལྷུན་གྲུབ་ཅན་སུམ་ཅུ། དགོན་ལུང་འོད་ཟེར་རྒྱ་མཚོ་ཅན་བཅུ་གསུམ། བྱིངས་བརྒྱ་སྐོར་རྣམས་ཀྱི་ངོ་བོར་བྱིན་རླབས་དང་དམངས་ལ་མེ་ཏོག་གཏོར། གསར་འབྱོར་རྣམས་ཀྱིས་གསེར་དངུལ་གོས་དར་ཇ་རས་སོགས་དང་མདུང་ནག་གིས་རྟ་བརྒྱད་ཅུ། མ་ལས་ཀྱིས་རྟ་བཅུ་གཅིག །དུང་དཀར་སྐུ་སྐྱེས་རྟ་ཉེར་གཉིས་སོགས་བྱུང་། ཉེར་གཉིས་ལ་གོང་དཀར་ཆོས་སྡེའི་སློབ་དཔོན་བཞི། ཆོས་འཆད་པ་གཉིས། གྲ་པ་རགས་བསྡུས་ལྔ་བཅུ་སྐོར་གྱིས་སྣམ་ཕྲུག་གཙོར་བཏོན་གྱི་དངོས་པོ་དང་ཚེ་ཆོག་དང་འབྲེལ་བའི་རིང་འཚོ་ཡིད་འཁུལ་བའི་བབ་ཆགས་བསྟར། དྷརྨ་ཤྲཱིའི་མི་སྣ་བཞི། ཀ་དབང་ཚེ་བརྟན་སོགས་དང་ཕྲད། ཉེར་གསུམ་ལ་སྲད་རིན་ཆེན་རྩེ་པས་གོས་སྣ་ཆ་ཚང་། གསེར་དངུལ་གྱི་མཎྜལ། གོས་ཕྱི་ནང་སོགས་དགུ་ཚན་

[Full Size]

བཅུ། འགྱེད། སྨན་ཁ་གསུམ་རས་ཡུག །གཙང་སྣམ་དམར་པོ་བུབས་རེ་བཅས་གཟིམས་ཆུང་བརྟན་བཞུགས་སུ་གྲགས་པ་བསྟར། གནས་གསར་འཇམ་དབྱངས་བསྟན་འཛིན་ལ་སྟེར་བྱིན་བཟབས་ཏེ་ལུགས་གཉིས་ཐད་ནས་ཞ་ལུ་དང་འདར་གྲང་མོ་ཆེར་ཕན་ཆ་གང་ཆེ་དགོས་པའི་བསླབ་བྱ་དང་བཅས་ཐོན། ཁལ་ཁ་ཞབས་དྲུང་། ཨུའི་ཆིང་ནོ་ཡོན། བསྟན་པ་ཐའི་ཇི་སོགས་བརྒྱ་སྐོར་ལ་ཇ་གྲལ་དང་བསམ་གྲུབ་གླིང་པ་མདའ་དཔོན་དུ་བསྐོས་པའི་སྐྱེས། ཁམས་པ་རྫོགས་ཆེན་པས་ཉམས་རྟོགས་ཀྱི་འཆར་ཚུལ་བརྗོད་པ་བཅོས་མ་ལྟར་མ་ཡིན་པར་ཀློང་ནས་བརྡོལ་བའི་གྲུབ་པའི་དབང་ཕྱུག་རྩེ་གཅིག་བསྐྱངས་པའི་ལག་རྗེས་ཤར་བར་སྣང་། ཉེར་བཞིར་བཟོད་པ་ཡེལ་དེང་གི་བུ་ལྷ་བཙུན་ངག་དབང་བསྟན་འཛིན། དཔོན་ཨུའི་ཆིང་ནོ་ཡོན། ནོམ་ཆི་ཐའི་ཇི་སོགས་དཔོན་མོ། དཔོན་ཆུང་། ཇའི་སང་སོགས་ཉིས་བརྒྱ་སྐོར། ཨེམ་ཆི་བྱང་ངོས་པ་དར་མོ་བའི་སློབ་མ་ཁ་ཤས་ལ་སྨན་བླ་སྤྲུལ་སྐུ་དང་ཐུགས་རྗེ་ཆེན་པོ་སྐྱེར་སྒང་ལུགས་ཀྱི་རྗེས་གནང་། གྲུབ་རྒྱལ་ལུགས་ཀྱི་ཚེ་དབང་རྣམས་བསྐུར། ལྷ་བཙུན་ངག་དབང་བསྟན་བཛིན་ལ་ཨེར་ཏེ་ནི་ལ་ཐུག་སན་ཁུ་ཐུག་ཐུའི་ཆོ་ལོ། ཐམ་ག །བྱིན་རྟེན། གྱོན་པ་ཆ་འགྲིག །སྣམ་ཕྲུག །སྒམ་སོགས་སྤམས་མཐོ་དང་། ཨུའི་ཆིང་ནོ་ཡོན་དང་ནོམ་ཆི་ཐའི་ཇིར་དེ་བཞིན་གཤེགས་པའི་འཕེལ་གདུང་། རྡུལ་གཟན་དུམ་བུ་སོགས་བྱིན་རྟེན། ཤལ་དཀར་དམར། སྣམ་ཕྲུག །གྲུམ་ཙེ། སྒམ། རྒུན་འབྲས་ཀྱི་ལྟང་ཙེ་སོགས་དངོམ་ཆེ་བ། དཔོན་མོ། དཔོན་ཆུང་། ཇའི་སང་གིས་མཚོན་པར་འོས་འཚམ་གྱི་འདོད་དོན་བསྒྲུབས། ཉེར་ལྔར་

[Full Size]

ཇོ་སྟན་ཁྲི་གདན་ཟུར་དང་མཇལ། རིན་ཆེན་རྩེ་པའི་གཡོག་འཚོ་བྱེད་མཆོག་ལྡན་གྱིས་རྒྱུད་བཞིའི་རྒྱུགས་སྤྲད། སྤྱིར་སྦྱིན་པ་རྣམ་བཞིར་བརྩོན་དགོས་པ་མདོ་རྒྱུད་མང་པོ་ནས་བཤད་པའི་ཕན་ཡོན་གྱི་རིམ་པ་སྡེ་པ་ཉིད་ཀྱིས་ཤེས་པ་དང་ལྷག་པར་ངེད་རིང་པོར་འཚོ་བར་མི་འཇིགས་པའི་སྦྱིན་པ་སྲོག་སྐྱོབ་པ་གཙོ་བོར་འདོན་པའི་རྒྱུ་མཚན། མདོ་སྡེ་པད་དཀར་ལས། གང་དག་སྲོག་ཆགས་རྣམ་མང་དག །ལོངས་སྤྱོད་ཕྱིར་ནི་གསོད་པ་དང་། །ཟ་ཕྱིར་ཤ་རྣམས་ཚོགས་བྱེད་པ། །དེ་དག་དྲེལ་བྱེད་རྣམ་པར་སྤང་། །ཞེས་དང་། བདེན་པ་པོའི་ལེའུར། རྒྱལ་པོ་ཁྱོད་ནི་སྲོག་གཅོད་མ་མཛད་ཅིག །སྐྱེ་བོ་ཀུན་ལ་སྲོག་ནི་རབ་ཏུ་འཕངས། །དེ་བས་ཡུན་རིང་ཚེ་བསྲུང་སུ་འདོད་པས། །ཡིད་ཀྱི་དགུ་ལའང་སྲོག་གཅོད་མི་བསམ་མོ། །ཞེས་དང་། དྲན་པ་ཉེར་གཞག་ལས། མངལ་ན་གནས་པ་ཡན་ཆད་ཀྱང་། །ཀུན་ལ་སྲོག་ནི་སྡུག་པའི་ཕྱིར། །བདག་གི་སྲོག་འཕངས་གང་ཡིན་པ། །དེས་ནི་སྲོག་ཆགས་གསོད་མི་བྱེད། །ཅེས་དང་། གཞན་ཡང་ཚེ་རིང་བའི་ཆོས་བཅུ་པར། སྲོག་གཅོད་པ་སྤངས་པ་དང་། དེའི་ལེགས་པ་བརྗོད་པ་དང་། དེ་ལ་བསྐུལ་བ་དང་། བསད་པར་བྱ་བའི་མི་དང་བ་ལང་དང་ཕག་དང་བྱ་ལ་སོགས་པའི་སྲོག་འབྱིན་པ་དང་། སེམས་ཅན་འཇིགས་པས་ཉེན་པ་རྣམས་ལ་མི་འཇིགས་པ་སྦྱིན་པར་གསུངས། བྱང་ཆུབ་ལམ་རིམ་ཆུང་བར། གསོད་སར་ཕྱུང་བ་ལེགས་བཏང་དང་། །དེ་བཞིན་སྲོག་གི་ཕན་བཏགས་ཤིང་། ། སྲོག་ཆགས་འཆི་བ་ལས་ལྡོག་པས། །ཚེ་རིང་བ་ནི་ཐོབ་པ་ཡིན། །ཞེས་རྒྱ་ཆེར་བསྔགས་པ་ལྟར་མདོ་ཁམས་ཁུལ་

[Full Size]

གཙང་དགོན་ཁག་ཚང་མའི་བསྲུང་ཁོངས་སུ་འདི་ལོ་ནས་བཟུང་ལོ་བཞིའི་བར་རྔོན་པ་ཡོང་མི་ཆོག་པའི་སྐྱབས་སྦྱིན་དང་མངའ་རིས་རྫོང་དགའ་ནས་དཔལ་ཁུད་ཆུ་རགས་ཉ་གསོད་སར་བསྲུང་མི་གཉིས་ལ་འདི་ལོ་ནས་ཇི་སྲིད་བར་ལོ་སྟར་དབྱར་ཟླ་བ་ཕྱེད་གསུམ་གྱི་བར་སྡོད་རིང་སྤྱིར་ཕོགས་མཁར་ཁལ་བཅོ་ལྔ་རྒྱར་བཅས། སྐྱ་སྐྱ་དང་བྱ་མང་གཉིས་པོར་ལོ་སྟར་ཟླ་བ་གསུམ་གྱི་རིང་སྒོང་ལེན་བསྲུང་མི་གྲ་པ་གཉིས་རེར་རྒྱར་དོད་བཅས་མཁར་ཁལ་དགུ་རེ། ཀྲེ་ཁྲོར་ལུགས་ཤྲཱི་དགོན་པ་བར་བྱང་དགེ་ཚེག་ཉ་ཁའི་འཇིགས་སྐྱོབ་རྟེན་དུ་ལོ་སྟར་རྫོང་དགའ་ནས་མཁར་ཁལ་བརྒྱའི་འཛིན། འབྲས་སྤུངས་སྤྱི་སོར་སྡེ་པ་བསོད་ནམས་རབ་བརྟན་དུས་ནས་སྦྱོར་འཇགས་ཕོན་མི་ཆུང་ཙམ་ཡོད་ཀྱང་ཕྱིས་དགེ་འདུན་འཕེལ་རྒྱས་ཇེ་ཆེར་སོང་བའི་ཕོགས་ཀྱིས་མ་ལྡངས་པའི་ནད་མ་ཐེག་ཚུལ་ངེད་རང་དང་སྡེ་པ་ཟུར་པའི་དུས་སྐབས་ནས་རྒྱུ་མཚན་གྱི་འགོ་ཚུགས་འདུག་པ་བཞིན་ལ་ཉེ་ལམ་མུ་འཐུད་དུ་ཞུ་ནན་བྱུང་བ་ལྟར་ཕུན་ཚོགས་གླིང་ཁུལ་ལྡོག་བྱང་རྒྱུད་མུས་ནང་བཅས་པའི་གླིང་སྔོན་ཡན་ནས་ཁྲབ་མན་ལྷོ་རྒྱུད་རྒྱང་མཁར་ཡན་ནས་གཅེས་མན་གྱི་ས་རིགས་ཞིང་ཤས་མི་སེར་གྱི་ཡོང་འབབ། བོགས་འཁྱར་བཅས་པར་འབྲུ་མཁའ་རུའི་ཁལ་ལྔ་སྟོང་སུམ་བརྒྱ་ང་གཅིག །དུད་ཆེ་ཆུང་བསྡོམས་ཆིག་བརྒྱ་བདུན་ཅུ་སྐོར། སླར་ཡང་བསྐྱར་ཞུས་བྱུང་བ་གྲ་ས་གཞན་དང་མ་འདྲའི་གཤིས་མཁའ་རུའི་བདུན་བརྒྱ་གོ་དགུ་གནས་ཆུང་ཆོས་སྐྱོང་ཆེན་པོར་སྔ་སོར་མཆོད་གཞིས་ཀ་དྲུག་ཀྱང་ས་བསྣོན་སྲས་པོ་བསོད་ནམས་དུས་ནས་གླེང་གཞི་མང་དུ་ཡོད་འདུག་རུང་བར་སྐབས་སུ་སྐུ་མ་ཕེབས་པར་བརྟེན་རིམ་འགྱངས་སུ་ལུས་པ་ཉེ་ལམ་སྐུ་རྟེན་ཚེ་དབང་དཔལ་འབར་ལ་སྐུ་ཕེབས་བྱུང་བ་དང་བཅས་

[Full Size]

སྡེ་པས་མཆོད་གཞིས་ཤིག་ལེགས་ཚུལ་གླེང་བ་བསམ་ཡས་ལྟ་བུའི་ཆོས་སྐྱོང་དང་སྐུ་རྟེན་པ་སོ་སོར་ཡིན་ན་དྲག་ནའང་གནས་ཆུང་འདི་སྔར་ནས་དབྱེ་བ་མེད་གཤིས་སྐུ་རྟེན་རང་ཡང་བྱེད་དཀའ་བཅས་དགེ་མེད་འདྲ་སྙམ་ཡང་སྡེ་པའི་འདོད་པ་ལྟར་ལ་བ་འཕྲད་གདོང་ཕུལ་བ་ཡིན་ཀྱང་ལ་འཕྲད་ཀླུ་བདུད་སྐུ་ཁོག་ལ་མི་འཕྲོད་ཉམས་ཀྱིས་གཞུང་ལེན་ངོས་ཆོས་སྐྱོང་ཆེན་པོས་དེ་དོད་པར་བཀབ་མི་དགོས། སྟེར་བར་ཤར་ཚེ་ཆེ་ཆུང་ལ་མ་བལྟོས་པའི་ལྟ་གྲུབ་གཙང་ཞིང་དམ་ཚིག་ཐུབ་པ་ཞིག་དགོས་ཚུལ་བྱུང་བ་ལྟར་རྙིང་ཁུང་འབྲོག་མོའི་ས་རིགས། ཞིང་ཤས་ཀྱི་ཐོན། མི་སེར་ཡོང་འབབ་བཅས་འདེགས་གཤོར་མཁའ་རུའི་ཁལ་ཆིག་སྟོང་བདུན་བརྒྱ་ལྔ་བཅུ། མི་སེར་དུད་ཆེ་འབྲིང་ཆུང་གསུམ་བསྡོམས་ཉི་ཤུ་རྩ་གསུམ། འཕན་ཡུལ་རྒྱལ་ལྷ་ཁང་པ་ལྟ་གྲུབ་གཙང་ཡང་ཆོས་གཞིས་ཆེ་བ་མི་འདུག་པ་བཅས་རིན་སྤུངས་ཁུལ་གཡུང་ཁར་ལུང་ལག་འདེབས་ཤས་མི་སེར་གྱི་ཡོང་འབབ་འབྲུར་བསྡོམས་ཁལ་དྲུག་བརྒྱ་རེ་བརྒྱད། དུད་འབྲིང་བརྒྱད། རྡོ་རྗེ་བྲག་པར་འཕྱོང་རྒྱས་མྱགས་མའི་བོགས་འཁྱར་ཁྱོན་སུམ་བརྒྱ་དང་བདུན། ཤིང་ཡོས་གཞུང་ཕུལ་གྱི་ས་ཚབ་མེ་འབྲུག་ཕྲེང་འགོ་ཁུལ་ནས་བོགས་ཤས་འཁྱར་པ་ཕྱེ་གསལ་བྱས་པ་ཡིན་ཀྱང་ཤས་འདེབས་མི་གཞུང་སྒེར་སྣ་ཚོགས་ཀྱིས་ཟ་མ་བཟོས་པ་གླང་མ་སྟེང་ཤར་ནུབ་བསྡད་གྲོང་ཐེམ་བདུན། ཡོང་འབབ་འབྲུ་ཁལ་སུམ་བརྒྱ་དང་དྲུག །བཀའ་བརྒྱུད་ཀྱི་བསྟན་པའི་ཡ་གྱལ་སྟག་ལུང་ཐང་པའི་རིང་ལུགས་དར་རྒྱས་བྱུང་བ་སྤྱི་སྒེར་ཀུན་ལ་ལེགས་ཆ་ཆེ་བ་ཞིག་ཡིན་ནའང་སྒེར་ཆགས་ལྟ་བུའི་ཞལ་ངོ་རྣམས་ཐུགས་ནང་ཤིན་ཏུ་མ་གཤིན་པ་རི་ཀླུངས་ཀྱི་ཁུ་རྡོ་ཁོ་ནའི་དཔེར་ནང་འཇགས་ཨེ་ཡོང་རེའི་དང་

[Full Size]

སྐུ་རུས་ལ་རྩོད་པ་སྣུམ་གྱི་རྡོ་དཀར་མ་ཐོན་པར་བྱ་ཐེབས་ཟད་པ་བྱིངས་འཇགས་འོས་མ་མཆིས་པ་གཞུང་བླངས་ངོས་ཞལ་ངོ་སྐྱ་སེར་རྣམས་སྟག་ལུང་ཟེར་བའི་མཚན་ལ་བསམས་གསོལ་སྐལ་ཕྱེ་བ་ཞབས་དྲུང་ཁྲི་ཟུར་སྐུ་གཞོན་པ་མཆེད། ལྕམ་སྲིང་ཡུམ་སྲས་ཐུན་མོང་དུ་རྐང་གཅིག་སྔར་ཡོད་སྟེང་གཡག་གྲོང་གཞིས་ཀ་དུད་འཛིན་ཆེ་ཆུང་བསྡོམས་ཉི་ཤུ། འབབ་འབྲུ་ཁལ་ཆིག་སྟོང་ཞེ་དྲུག །ཀ་དྲུག་པ་ནས་བཟུང་སུ་འཁོད་ཀྱི་མཁན་གཞིས། གཙུག་ལག་ཁང་གི་མཆོད་པ་དཀོན་གཉེར་གྱི་ཕོགས། སྒྲུབ་མཆོད་ཀྱི་ཐེབས་སོགས་ལ་བྱེ་མ་གཞིས་ཀ་བསྡད་གྲོང་དུད་སོ་ལྔ། ལག་འབབ་འབྲུ་ཁལ་ཆིག་སྟོང་ཆིག་བརྒྱ་དང་གསུམ། སྡེ་པ་བཀྲ་ཤིས་ལ་སུམ་ཕྲེང་དུད་ཆེ་ཆུང་བསྡོམས་སོ་ལྔ། འབབ་འབྲུ་ཁལ་ཆིག་སྟོང་སུམ་བརྒྱ་དང་དྲུག །སྤྱི་སོར་ལྷུན་གྲུབ་རྫོང་ནས་མཁའ་རུའི་ཁལ་བཅུ་བྲེ་བཅུ་རེ། གཙུག་ལག་ཁང་ཆེན་མོ་དང་སྐུ་འབུམ་བཅས་པའི་སྐུ་གཉེར་བཞིར་ཕོགས་ལོ་རེར་ཁལ་ཆིག་བརྒྱ་གྱ་གསུམ་རེ། གླིང་པའི་ཆོས་གཞིས་ཡར་ཀླུངས་དཔལ་གྲོང་མཁོ་བེད་སྟབས་གཞུང་བླངས་ཚབ་ལྷུན་གྲུབ་རྫོང་མདུན་གྲོང་གཞིས་ཀ། སྦྲང་ཆར་གཙང་མའི་སྤྱིལ་པོ། བསྡད་གྲོང་དུད་ཆེ་ཆུང་བསྡོམས་བཅུ་གསུམ། འབབ་ཆིག་སྟོང་བདུན་བརྒྱ་དང་གསུམ། སྟག་ལུང་གྲ་ཚང་གི་ཆོས་གཞིས་གྲ་ནང་གད་པ་ཁ་བླངས་ཚབ་ལྷུན་གྲུབ་རྫོང་ཞོལ་ལྕང་མ་གཞིས་ཀ །བསྡད་གྲོང་དུད་བཅུ་གསུམ། འབབ་འབྲུ་ཁལ་དྲུག་བརྒྱ་དང་སོ་དྲུག །མཆོད་དཔོན་ངག་དབང་ཤེས་རབ་རིམ་གྲོའི་ལག་གཡོག་ཏུ་ཁུར་ཆེ་བྱུང་བའི་བདག་རྐྱེན་དུ་ཁེ་གསུམ་ནས་སྣེའུ་སྡོང་རྩེ། ཆོས་སྡེ་ཁག་སོགས་ལ་བོགས་ཤས་འགྲོ་བ་རྣམས་ཁེ་གསུམ་དུ་ཟླ་བསྒྲིལ་བྱས་

[Full Size]

པའི་འབབ་འབྲུ་ཁལ་ཆིག་སྟོང་ཉིས་བརྒྱ་དང་གཉིས་བྱིན་པའི་ཚབ་རྩེ་ཚོགས་པར་ཡང་རི་ཁུངས་བྱང་སྲིབས་ནས་བོགས་འཁྱར་འབྲུ་ཁལ་སུམ་བརྒྱ་གོ་དྲུག །རི་བོ་ཆོས་གླིང་བར་བསྡད་གྲོང་རྐང་གཉིས། འབྲུ་ཁལ་སུམ་བརྒྱ་གོ་དྲུག །རས་ཆུང་ཕུག་པར་ཕོ་བྲང་ཁུངས་ཟེ་སྣ་ནས་བོགས་འཁྱར་འབྲུ་ཁལ་ཆིག་བརྒྱ་དོན་གཉིས། འཕྱོས་ལམ་རིམ་པའི་ཤས་ཞིང་ཚབ་ཞིང་ཚབ་ལྕང་གང་ཁུངས་སྦྱར་མ་གསུམ། བཀྲ་ཤིས་བདེ་ཆེན་པར་ཤོས་སྟོད་ནས་སྔོ་བཟོ་བའི་འབབ་ཁལ་དྲུག །རི་བོ་བདེ་ཆེན་པར་འཕགས་སྡེ་ཁུངས་དཔལ་རི་རྙིང་མའི་བོགས་འབྲུ་ཁལ་ཉིས་བརྒྱ་རེ་གཉིས། ཨྱོན་གླིང་དུ་ཕོ་བྲང་ནུབ་སྟོད་ཁྲུམས་སོགས་ནས་བོགས་འབྲུ་ཁལ་ང་གཉིས། བཀྲ་ཤིས་ཆོས་སྡེ་བར་བྱིང་ཁུངས་སོགས་ནས་འབྲུ་ཁལ་བཅུ་གསུམ། རྩེས་དང་ལྔ་མཆོད་པར་བྱང་སྲིབས་སྟོད་ཁང་རྒྱབ་ཁུངས་སྐྱེར་པ་མ་ལི་རྣམས་སྤྲད། ཆབ་ནག་བླ་མ་བཀྲ་ཤིས་ཆོས་འཕེལ་གྱིས་དགོས་ཚུལ་ནན་ཆེ་བྱུང་བ་བཞིན་སེ་མོ་མི་སེར་གྱི་སྟེང་དུད་ཆེ་ཆུང་སོ་བརྒྱད། འབབ་འབྲུ་ཁལ་སུམ་བརྒྱ་དང་དྲུག །ཕུང་པོ་རི་བོ་ཆེར་བདུད་དཔུང་ཟིལ་གནོན་གླིང་ཞེས་པ་འཛུགས་པའི་དགོས་པའང་། གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་རཏྣ་གླིང་པའི་རྟ་མགྲིན་གསང་འདུས་ཀྱི་ཐེམ་བྱང་རིན་ཆེན་གཏེར་མཛོད་ལས། རྒྱལ་བའི་སྲས་མཆོག་འགྲོ་འདུལ་རིག་པ་འཛིན༔ རྒྱ་བོད་ཀུན་ཏུ་རྩོད་བྲལ་སྤྲུལ་སྐུ་གྲགས༔ རྡོ་རྗེ་འཆང་དང་ཡོན་ཏན་དགོངས་པ་མཉམ༔ བདག་འདྲ་མཚོ་སྐྱེས་པདྨའི་འབྱུང་གནས་ཀྱིས༔ རྒྱལ་བ་འདས་ནས་ལོ་ཡང་ཞེ་གསུམ་ན༔ སྤྲེའུའི་ལོ་ལ་ཀོ་ཤའི་གླིང་དུ་འཁྲུངས༔ སུམ་སྟོང་ཉེ་བར་རྒྱ་གར་ཨྱོན་སོགས༔

[Full Size]

བསྟན་པའི་རྒྱལ་མཚན་རྩོད་མེད་སེང་གེར་གྲགས༔ བོད་ཀྱི་མངའ་ཐང་དགུང་ལ་རེག་པའི་དུས༔ འཇམ་དཔལ་སྤྲུལ་པ་མངའ་བདག་ཁྲི་སྲོང་གི༔ ཞུ་བའི་ངོ་དང་གདུལ་བྱའི་དུས་གཟིགས་ནས༔ སྟག་གི་ལོ་ལ་གངས་ཅན་ཡུལ་དེར་སླེབ༔ བསམ་ཡས་ས་བཏུལ་གཙུག་ལག་ཁང་ཆེན་གྲུབ༔ སངས་རྒྱས་བསྟན་པ་ཉི་འོད་བརྡལ་བར་མཛད༔ ཆོས་དང་གདམས་པ་བསྟན་སྲུང་དྲག་སྔགས་བཅས༔ ལས་འཕྲོའི་དབང་གིས་མངའ་བདག་རྒྱལ་པོ་ལ༔ འཕྲལ་དང་ཕུགས་སུ་དགོངས་ནས་དཔག་མེད་གཏད༔ མ་འོངས་དོན་ཕྱིར་གཏེར་ཁ་དཔག་མེད་སྦས༔ ཕྱི་མའི་དུས་འདིར་བོད་ཀྱི་རྒྱལ་ཁམས་འདིར༔ ད་ལྟ་དབང་བསྐུར་བཀའ་ལུང་ཡོངས་རྫོགས་པའི༔ ལས་ཅན་མང་པོས་གཏེར་སྒོ་རིམ་པར་འབྱེད༔ གཏེར་ཆོས་བསྟན་པ་མཐའ་དབུས་རྒྱས་པར་འགྱུར༔ ཞེས་སངས་རྒྱས་གཉིས་པ་སློབ་དཔོན་པདྨ་ཐོད་འཕྲེང་རྩལ་གྱིས་དག་པ་དང་མ་དག་པའི་གནས་མཐའ་ཀླས་པར་འཕྲིན་ལས་སྣ་ཚོགས་ཀྱིས་རྗེས་སུ་བཟུང་བའི་ཆ་ཤས་གནས་ལྗོངས་གངས་རི་བྲག་མཚོ་སོགས་བྱིན་གྱིས་བརླབས་ཤིང་གཏེར་ཆེ་འབྲིང་ཆུང་བ་དཔག་ཏུ་མེད་པ་སྦས་པའི་ནང་ཚན། ཐང་ཡིག་ཤེལ་བྲག་མར། གཙང་གི་ཕུག་མོ་ཆེ་རུ་ཚེ་བདག་སྦས༔ ཞེས་པ་དེ་ཉིད་འདོན་པའི་དུས་རྟགས་ཀྱང་༔ ལ་སྟོད་གཅུང་པ་དྲིལ་ཆེན་ཆུ་ལྟར་འཁྲུག༔ གཡུང་པོ་རྫ་ལྷུད་སྦས་པའི་གཏེར་ཁ་འདི༔ མི་བཞག་འདོན་པའི་རྟགས་དེར་བསྟན་ནས་འབྱུང་༔ གཏེར་སྟོན་དུམ་རྒྱ་ཞང་ཁྲོམ་ཞེས་བྱ་འབྱུང་༔ ཞེས་སློབ་དཔོན་ཆེན་པོས་རྗེ་འབངས་དགུར་བཀའ་བརྒྱད་ཀྱི་དབང་བསྐུར་མཛད་པའི་ལྷོ་འཇམ་དཔལ་གཤིན་

[Full Size]

རྗེའི་བཀའ་བབས་པ་གནུབས་སངས་རྒྱས་ཡེ་ཤེས་རིན་པོ་ཆེ་ཞེས་མངལ་སྐྱེས་ཀྱི་ནང་ཆེ་བཙན་འགྲན་ཟླ་ཐམས་ཅད་དང་བྲལ་བ། རྫུ་འཕྲུལ་ནམ་མཁའ་མཛོད་ལ་མངའ་བརྙེས་པ་དེའི་ཡང་སྲིད་ནི། ཟབ་པའི་ཆོས་དྲུག་གི་དཀར་ཆག་ལས། དེ་དུས་བསྐལ་པའི་ཐ་མ་ལ༔ ང་མིན་ང་ཡི་ཆ་བྱད་ཅན༔ ཤ་ནི་སེར་ལ་སྐྲ་ནི་ལི༔ བོང་ནི་ཐུང་ལ་གཡས་ནི་དཀར༔ གཡོན་ནི་དམར་བའི་ཤ་མཚན་ཅན༔ སོ་ནི་དཀར་ལ་སོ་ཚགས་དམ༔ སྨེ་བའི་ག་ཤ་ཡོད་པ་ཡི༔ ལོ་ནི་ཁྱི་འབྲུག་ལོ་པ་ལ༔ རུས་རྒྱ་མིང་ནི་ཞང་ཁྲོམ་ཞེས༔ དེ་ལྟ་བུ་ཡིས་རྙེད་པར་ཤོག༔ ཅེས་པད་གནུབས་ཀྱི་ཟབ་ཆོས་བསམ་གྱིས་མི་ཁྱབ་པའི་བཀའ་བབས་པ། ཕུང་པོ་རི་བོ་ཆེའི་གཏེར་བྱང་ལས། གཡུང་གི་ཕུ་ཡི་རྫ་ལྷུད་ནག་པོ་ལ༔ དམ་ཆོས་བཀའ་རྟགས་བུམ་སྐུར་བཅས་པ་གཏད༔ གཡས་རུ་མྱུག་གི་རྡོ་རྗེ་སྒྲོམ་བུ་རུཿ དབང་རྟགས་རྡོ་རྗེ་བཀའ་རུ་བཅས་པ་སྦས༔ གཡས་རུ་གཙང་ཁྲིས་ཕུང་པོ་རི་བོ་ཆེར༔ དབང་རྟགས་བསེ་སྒྲོམ་སྨུག་པོར་བཅས་པ་སྦས༔ སྐལ་ལྡན་ལས་འཕྲོ་ཅན་ལ་ཁ་བྱང་བྲིས་ཏེ་བཞག༔ ཅེས་དང་། ཟབ་པའི་ཆོས་དྲུག་གི་དཀར་ཆག་ལྟར་ཕུང་པོ་རི་བོ་ཆེ། མྱུག་གི་རྡོ་རྗེ་སྒྲོམ་བུ། གཡུང་གི་རྫ་ལྷུད་མོ། མོན་མོ་གཙུག་རུམ། འབུམ་ཐང་ཀེ་རུ། གཙང་འགྲམ་སྐྱེར་མ། པྲ་དུན་རྩེ། མཁོ་མཐིང་ལྷ་ཁང་། བསམ་ཡས། མཆིམས་ཕུ་སོགས་ནས་བྱང་ཆུབ་བསྒྲུབ་ཆོས་དང་ཁྱད་པར་བསྟན་པ་བསྲུང་བའི་དྲག་སྔགས་གྲངས་མེད་པ་སྤྱན་དྲངས་པའི་གཙོ་བོ་གསུམ་གྱི་ནང་ནས་ཀྱང་མཆོག་ཏུ་གྱུར་པ་ཁ་བ་ཅན་པའི་བདེ་སྐྱིད་འབྱུང་བའི་གཞི་ཡིན་པའི་ཕྱིར། སྤྲུལ་སྐུ་ཉང་ཉི་མ་འོད་ཟེར་གྱི་ཟབ་གཏེར་དམག་བཟློག་

[Full Size]

ལས༔ གཙང་གི་རི་བོ་ཆེ་དང་དབུས་རི་གསུམ་གྱི་ཁ་ནས་མཚོན་བཟློག་བྱ༔ ཞེས་གསུངས་པ་དང་དགོངས་པ་མཐུན་པར་སྡིག་པའི་རྒྱ་ཅན་དུ། བོད་འབངས་བདེ་བ་བསྒྲུབ་པའི་ཐབས། །ཤར་གྱི་གདུག་པ་ཞི་བ་ལ། གཙང་གི་སྤུངས་པ་རི་བོ་ཆེར། །སྔགས་ནག་གསུམ་གྱིས་ལས་ལ་སྦྱོར། །བསོད་ནམས་ཀླུངས་རྟ་སྤུབ་པ་དང་། །ལས་སྦྱོར་བསྐུལ་བ་གནད་དུ་ཆེ། །ཞེས་དང་། ཆོས་དུང་གཡས་འཁྱིལ་རྒྱ་ལས། རི་བོ་ཆེ་རུ་ཐུགས་ཀྱི་ལྷ་གསུམ་བཞེང་། །གཤིན་རྗེ་ནག་པོའི་སྒྲུབ་པ་བཙུགས་ན་ལེགས། །ཞེས་ལུང་བསྟན་ནང་བཞིན་སྔ་སོར་རི་འདིར་འཇམ་དཔལ་ཚེ་བདག་ཕྱག་རྒྱ་ཟིལ་གནོན་གྱི་སྒྲུབ་སྡེ་ཞིག་ཚུགས་ན་སྤྱི་སྒེར་ཐམས་ཅད་ལ་ཕན་ཚུལ་སྡེ་པ་བསོད་ནམས་རབ་བརྟན་ལ་བགྱིས་པ་བཞི་སྡེ་ཞིག་མཛད་བཞེད་དེ། ཤིང་སོགས་སྟ་གོན་གྱི་ཚེ་ནང་སོ་ནོར་བུས་བསྒྱུར་བ། རིགས་གསུམ་མཚན་མའི་རྒྱར། བདུད་ཀྱི་བྱིན་བརླབས་མཐུ་ཆེ་བས། །དེ་དུས་སྙིགས་མའི་མི་མང་བརླམས། ཁྱད་པར་བོད་ཡུལ་བདེ་བའི་ཐབས། །བསྒྲུབ་ལ་ཐབས་ཀྱིས་འཚེ་ཞིང་སྨོད། །ཅེས་པའི་དོན་སྟིང་སོང་ནས་ལོ་ཤས་འགྱངས་ཀྱང་སླར་འགྲུབ་པ། ཨེ་མ་འཁོར་བའི་འདམ་རྫབ་ལས། །འགྲོ་བ་འདྲེན་པའི་དམ་བཅའ་འདི། །སེམས་ཅན་སྟོངས་མིན་བར་དུ་ཡིན། །སྣ་ཚོགས་སྤྲུལ་པ་ཅིར་ཡང་སྟོན། །ཞེས་སོགས་ཀྱིས་མཚོན་གཙང་ལ་ཕན་པའི་ཞལ་ཆེམས་སྒྲོ་བཀུར་དང་བྲལ་ཏེ་འཇམ་དཔལ་ཞི་ཁྲོ་གཙོ་བོར་གྱུར་པའི་དགེ་འདུན་གྱི་སྡེ་འཛུགས་པར་སྔར་ཧོར་ཟླ་བཅུ་པའི་ཁྲོ་རོལ་གཏོང་བ་ཙམ་ལས་དགོན་པའི་ཐ་སྙད་མི་སྣང་བ་གཙུག་ལག་ཁང་གསར་དུ་བསྐྲུན་པའི་ཕ་རོལ་མི་མཐུན་ཕྱོགས་འཇོམས་པའི་མིང་གོང་བཞིན་བཏགས་ནས་ཉང་སྟོད་བྲག་ལ་བ་ལྷུན་གྲུབ་ཆོས་སྡིངས་པས་དཔལ་ལྡན་དུས་དགྲའི་དབང་པོ་ཕྱག་རྒྱ་

[Full Size]

ཟིལ་གནོན་གྱི་སྒྲུབ་མཆོད་ཇི་སྲིད་བསྟན་པ་རིན་པོ་ཆེ་ནམ་གནས་བར་ཆད་མེད་ཀྱི་རྒྱུན་བཙུགས་པར་རྡོར་སློབ་གཅིག་ཐེ་བའི་བཞི་གྲས་ལོ་འཁོར་དང་། དེར་མི་ཐེ་བའི་ལོ་ལོ་བཞིན་ཟླ་བ་དང་པོའི་ཚེས་གཅིག་ནས་ཧོར་ཟླ་དྲུག་པའི་གནམ་གང་བར་བླ་མ་གྲ་བཅས་ཉེར་དྲུག་གིས་ཉིན་སྟར་ལས་བྱང་རྒྱས་པ་སྔོན་སོང་གི་ཨྱཻ་རིང་འགྲོ་གང་ཆེ། དགོངས་མོ་ཕོ་མོ་ཁྲོམ་སོགས་བཟློག་སྔགས་ཀྱི་རིགས་གང་ཟབ་དང་བཅས་བོད་ཁམས་སྤྱི་དང་བྱེ་བྲག་དགའ་ལྡན་ཕོ་བྲང་པའི་ཆོས་སྲིད་ལ་གནོད་པའི་རིགས་ལ་ཐུན་གཏོར་རེ་འཕེན། གཏོར་གཞི་སྤོ་ཐེངས་རེ། ཉེར་དགུ་འབྱུང་རེས་ཀྱི་ཐུབ་གཏོར་ཆེ་བར་འཕང་། བླ་གྲ་ཟླ་དྲུག་པར་བཞུགས་རིང་བྱུང་ངོ་ཅོག་གི་ཟླ་བའི་ཚེས་གསུམ་བརྒྱད་བཅོ་ལྔ་གསུམ་ལ་བརྒྱགས་རྔན། ཚེས་བརྒྱད་ལ་ཐུགས་རྗེ་ཆེན་པོ། ཚེས་བཅུར་རིགས་འཛིན་གདུང་སྒྲུབ། ཚེས་བཅུ་གཅིག་ལ་བཀའ་བརྒྱད་རང་བྱུང་རང་ཤར། ཉེར་ལྔར་ཐུགས་སྒྲུབ་དྲག་པོ་རྩལ། ཉེར་བརྒྱད་ལ་བཀའ་བརྒྱད་གསང་བ་ཡོངས་རྫོགས། ལོ་རེར་ཚེ་བདག་གི་སྒྲུབ་མཆོད་རྒྱས་པར་བཅས་པའི་གཏོར་རྩམ་སོགས་མཆོད་ཆས། ཚོགས་འཁོར། བླ་གྲའི་བོགས། ཇ་ཐུག་འཕར་མ་ལེ་ཚན་བཅས་གཏོང་སྒོ་ཚང་མའི་ཇ་ཕོགས་སོགས་ནར་མ་རྣམས་ཕུད། དེ་ཕྱིན་དེབ་ཟུར་གསལ་བཞིན་འགྲོ་རྩིས་ལ་བལ་ར་དུད་བཅོ་ལྔ། འབབ་རུའི་ཆིག་སྟོང་ཉིས་བརྒྱ་ཉེར་གཅིག་ཉ་འདབས་ཀྱི་ཆར་ཐད་སོགས་སྦྱོར་འཇགས་བྱས་པ་བླ་མ་དགའ་རབ་འདི་པ་ལག་འབྲས་གཙང་བའི་མཆོད་པའི་བྱེ་བྲག་བཟབ། བྲིས་འབུར་སོགས་དངོས་གཙང་བའི་ལག་རྗེས་དང་། སྤྱི་རྫས་མཆོད་ཆས་སོགས་སྣ་སྒོར་མ་ནས་འཁྱིལ་ཆེར་བཞག་པ་བསྐས་བལ་དགའ་བའི་ཚད་

[Full Size]

ཅིག་བྱུང་གཞན་ནི་སྐུ་རིམ་པ་དང་ཆོས་སྡེ་གསར་བཙུགས་ཀྱི་བླ་གཉེར་སོགས་ཀྱང་རེ་གཉིས་མ་གཏོགས་སྡེ་དེར་ཕན་མི་འདོགས་པར་རྩྭ་ཤར་རི་དང་ལྕི་བ་ནུབ་ཀྱི་དཔེ་ཁོ་ནས་འབྲེལ་མེད་ཀྱི་ཆེ་ས་དགོས་མེད་གཞན་ལ་སྟེར་བ་མང་བར་སྣང་ངོ་། །སྣེའུ་སྡོང་རྩེ་སྡེ་པ་བློ་བཟང་སྦྱིན་པའི་སྐལ་བར་སྤྲད་པ་རྩེ་ཚོགས་པར་སྣེའི་སྡོང་རྩེའི་གཏོང་དེབ་ཏུ་གསལ་བའི་དོད་ཡར་ཀླུངས་དཔལ་གྲོང་གྲ་ནང་གད་པ་ཁ། ཡར་སྟོན་སྒོ་མལ་བཅས་ཁག་གསུམ་པོར་དུད་འབྲིང་ཉི་ཤུ་རྩ་གཉིས། འབབ་སུམ་སྟོང་ཉིས་བརྒྱ་ཉེར་ལྔ། ངག་དབང་འཕྲིན་ལས་ལ་འབྲུ་ཁལ་ལྔ་བཅུ་དང་བློ་བཟང་ཆོས་ལྡན་ལ་བརྒྱ། གདུད་ནག་པོ་གཞུང་སར་བློ་གཏད་པའི་སྐྱོང་འོས་དང་། ལྷག་པར་དམག་སྔ་ཕྱིར་འཐབ་འཁྲུག་ཞེ་རུས་བསྐྱེད་པའི་ཟལ་ཐོན་དང་འབྲུག་འོག་ཚུར་འཐེར་གྱི་ཐབས་བློ་སོགས་གང་ཅིར་ཁུར་བསམ་ཆེ་ངེས་བྱུང་བའི་བདག་རྐྱེན་དུ་ལྷོ་བྲག་རྫོང་གཞིས་གང་བདེ་ནས་གཤོར་འདེབས་ཁལ་ཉིས་བརྒྱ། ཧ་སྡོང་རབ་འབྱམས་པ་ངག་དབང་དོན་གྲུབ་ཤག་སྒོར་བླ་མ་བྱེད་རིང་ཡས་པ་ཐེབ་ཆུང་བྲག་ལ་གཏོགས་པའི་ཆོས་གཞིས་འབབ་འབྲུ་ཁལ་ཆིག་བརྒྱ་ཉེར་ལྔ། ཡིག་མཁན་ལྷུན་གྲུབ་ཕ་བུའི་གཡོག་སྒྲུབ་རྟེན་གྲ་ནང་སོག་ཕུ་རྐང་ལྔ། འབབ་འབྲུ་ཁལ་ཉིས་བརྒྱ་དོན་ལྔ། སྨོན་སྐྱིད་པད་ཚིང་ཡིག་རྩིས་ཀྱི་གཡོག་ཏུ་འགྱུར་བ་བྱུང་བ་དང་སླར་ཡང་ཞི་དྲག་སྒྲུབ་རྟེན་མི་སེར་དུད་བཅུ་གཅིག །འབབ་ཁལ་ལྔ་བརྒྱ་དང་དྲུག །ལྕང་ལོ་ཅན་པ་བསྟན་འཛིན་དཔལ་བཟང་ཡེར་པའི་མི་སེར་མ་བཟོས་པ་དང་འབྲས་སྤུངས་སྤྱིལ་བུ་ཚུར་སྤྲད་པའི་ཚབ་འབྲུ་ཁལ་བརྒྱའི་གཤོར་འདེབས། བསྟན་འཛིན་དབང་པོ་ཡི་གེའི་ལག་གཡོག་ཏུ་འགྱུར་བར་བྱུང་བའི་རྟེན་ཡེར་པ་སྒྲོམ་པ་ཁུངས་ཐེམ་རྐང་བདུན། འབབ་ལྔ་བརྒྱ་སོ་གཉིས། བསོད་དར་གྱི་ཞི་དྲག་

[Full Size]

སྒྲུབ་རྟེན་རྒྱལ་རྩ་ལུང་ནག་གླང་པ་གཞིས་ཀར་གཏོགས་པའི་ཁང་པ་ན་ལྕང་། ཐེམ་རྐང་གཉིས། འབབ་ཉིས་བརྒྱ་ཉེར་བརྒྱད། སྟར་སྡོང་པར་རྟ་ནག་གི་ས་ཚབ་གཞིས་རྩེ་ཞོལ་རྩ་ཁུ་དཔལ་ར། མགར་ཚང་དཔལ་ར། ཆུ་དབར། ལྕང་སྟོད་སྦེལ་གསར་གླིང་བསྡོམས་དུད་ཆེ་ཆུང་སོ་ལྔ། འབབ་ཆིག་སྟོང་ལྔ་བརྒྱ། ཤ་འདེགས་བརྒྱ་དང་བཅུ། རམ་པ་ཟུར་པ་ལྷུན་གྲུབ་ལ་ས་ཚབ་དང་ཞི་དྲག་སྒྲུབ་རྟེན་དུ་གཞིས་རྩེ་སྨོན་གྲུབ་ཁྱུང་རྩེ་རྫོང་མདུན་གྱི་ས་རིགས་དུད་བཅུ་བདུན། འབབ་ཁལ་དྲུག་བརྒྱ་རེ་གསུམ་ཤོ་གྲོང་འཕགས་པ་དོན་གྲུབ་གཞུང་འགལ་གྱི་ཕན་བདེ་སོགས་འགལ་རིགས་ལ་བྱ་ལེན་ཚང་སྐྱེལ་ཁ་ལབ་འབྲེལ་བརྒྱུད་མི་བྱེད་པའི་སྡོད་མཁས་བྱུང་ཕྱིན། ཤོ་གྲོང་གི་གྱང་ར་འབབ་ཉིས་བརྒྱ་དོན་དགུ། འཚོ་བྱེད་ལྷུན་སྡིངས་པ་རྣམ་རྒྱལ་རྡོ་རྗེ་གསོ་རིག་ལ་བློ་ཡངས་ཤིང་ཐོས་པ་ཆེ་བ་འདུག་པ་དང་། བསླབ་གྲ་སྐྱོང་རྒྱུན་ཡོད་སྣང་བ་གཞན་ཕན་གྱི་འཆད་ཉན་སྒྲིགས་ལེགས་བྱུང་ཕྱིན་མཐུན་རྐྱེན་དུ་ཕུན་གླིང་ནས་གཤོར་ཁལ་བརྒྱ། བསམ་གྲུབ་གླིང་པས་ཕག་རིར་ཟི་བུན་གྱི་དུས་བསམ་ཕྱོགས་མ་ལོག་ཅིང་ཁམས་སོགས་གཞུང་དོན་གང་ལ་བཏང་ཡང་ཁུར་ཆེ་བ་དང་། ཉེ་ལམ་བུ་བསོད་ནམས་རྡོ་རྗེ་བུམ་ཐང་དཔུང་འདེགས་ཀྱི་རོགས་སུ་འགྱུར་བ་བཅས་གཙང་གི་མདའ་དཔོན་གྱི་འོས་སུ་བྱུང་བ་བསྐོས་པའི་སྐྱོང་ཐེབས་དང་སྦྲགས་རྒྱལ་རྩེ་སོག་ཁང་གི་ས་རིས་དབང་རིགས་བདག་ཐོབ་བསྡོམས་དུད་རེ་གཅིག །འབབ་ལྔ་སྟོང་རེ་ལྔ། ཤ་ཁལ་ཉིས་བརྒྱ་དོན་དགུ། མར་ཁལ་སོ་བདུན། ཟ་ཧོར་རྒྱལ་པོ་གཙུག་ལག་འཛིན་གྱི་སྐུའི་སྐྱེ་བ་གཏེར་སྟོན་ཨྱོན་གླིང་པའི་ཐང་ཡིག་ལས། བསམ་ཡས་མཆིམས་ཕུ་ཡར་ཀླུངས་ཤེལ་གྱི་བྲག༔ ཡེར་པ་ཟླ་བ་ཕུག་

[Full Size]

སོགས་སྒྲུབ་གནས་ཀུན༔ སྒྲུབ་གྲ་སྒྲུབ་མཆོད་རྒྱུད་སྟོན་ཚེས་བཅུ་ཚུགས༔ ཞེས་འཕགས་ཡུལ་བསིལ་བ་ཚལ་དང་མཚུངས་པའི་གནས་རྣམས་སུ་གངས་ཅན་བདེ་སྐྱིད་སྤེལ་བའི་སྒྲུབ་གྲ་འཛུགས་དགོས་པར་གསུངས་པའི་འཕྲིན་ལས་ཀྱི་གནས་འདིར་གཏེར་ཆེན་རཏྣ་གླིང་པའི་གུ་རུ་ཞི་དྲག་དང་ཐུགས་རྗེ་ཆེན་པོ་ཞི་ཁྲོ་བཙུགས་པའི་ཆོས་གཞིས་སུ་སྨན་ལུང་གཟིམས་ཁང་ས་ཞིང་མོ་བྲན་ལག་འདེབས་སོགས་འབྲུ་ཁལ་སུམ་བརྒྱ་སུམ་ཅུ་གནས་འཛིན་གྲ་པ་སོགས་ལ་སྦྱོར་འཇགས། མདོ་ཁམས་རྫོང་གཞིས་ཆེ་ཁ་བཅུ་གསུམ་གྱི་མངའ་ཁུལ་ལ་དགེ་ལུགས་གཙོ་གྱུར་གྱི་ལྷ་སྡེ་ཁག་དྲུག་བརྒྱ་ང་བདུན་ཡོད་པའི་དགེ་དགོན་རྣམས་ལ་གདུགས་དཀར་དང་མཚན་བརྗོད། རིས་མེད་ཚང་མར་སྡེ་པས་ངེད་ཀྱི་རིང་འཚོའི་ཚིགས་བཅད་ཚེ་དཔག་མེད་མགོན་མ་དང་། ཚངས་པ་དུང་ཐོད་ཅན་གྱི་གསུང་མཐའ་ཡས་ཞིང་བཞུགས་ལ་རྒྱུན་འཛུགས་བྱང་གཏེར་ཤས་ཆེ་བའི་རྙིང་དགོན་རྣམས་ལ་རིམ་གྲོ་གལ་ཆེ་དམིགས་བསལ་གྱི་ཆོ་ག་ཕྱག་ལེན་མ་ཉམས་པར་དགོས་པ་དང་། དགེ་དགོན་ཚུགས་ཀ་ཞན་པ་རྣམས་ལ་ཡུལ་གྲུ་འབྲེལ་མཚུངས་ནས་གྲ་རྒྱུན་དཀོར་ས་དགེ་ཁོངས་ཕྱེ་གསལ། མཆོད་པའི་རྒྱུན། ཕོགས་ཐེབས་བཅས་དད་འབུལ་དང་བླངས་བྱས་ཆོག་པ། ས་རྙིང་སོགས་ལ་ཐམ་ག་དམར་ནག་གིས་གཙང་ཆོད་ལ་དེ་དོན་བཞིན་གནས་པ་དང་། དེ་མིན་དགེ་ལུགས་གཙོར་བཏོན་དགོས་པའི་གཏན་ཚིགས། དེ་དག་ལ་མེད་མི་རུང་གི་བཅའ་ཡིག་ཡུལ་དུས་དང་བསྟུན་པ། དགེ་དགོན་རྣམས་ལ་ཐོག་མའི་འཛུགས་ཇ་སོགས་ཀྱང་བརྒྱབ། འདྲ་མཁར་ཐོག་དགོན་པ་བར་སྔར་གྱི་བདག་ཐོབ་རང་འཇགས་སྟེང་རྟེན་གསུམ་མཆོད་ཆས། ཁང་ཞིང་དང་བཅས་པ་སྦྱོར་འཇགས་བྱས་པར་འོ་སྐོལ་གྱི་སྟོན་པ་དང་རྒྱལ་བ་མ་

[Full Size]

ཕམ་པ་འདོམ་གང་ཙམ་རེས་གཙོས་གསེར་སྐུ་ཆེ་ཆུང་བཅུ་གཅིག །འཇིམ་སྐུ་གསུམ། འདོད་ཁམས་དབང་ཕྱུག་མའི་རྡོ་སྐུ་རང་བྱོན་མ་དང་གདུང་རྟེན། བཀའ་པོད་ལྔ་བཅུ། རྗེ་བཙུན་བཙོང་ཁ་པ་ཆེན་པོའི་ཐང་སྐུ་སོགས་བཅུ་དགུ། གོས་དར་གྱི་འཕན་བླ་བྲེ་བཅུ་གཅིག །སྦུག་སིལ་ལྔ། འཁར་རྔ་བཞི། ལི་རག་གི་མཎྜལ་བཅུ་དང་ཏིང་བདུན་ཚར་བཅུ་གསུམ། རག་གི་མཉྫི་བཅུ་བཞི། སྤོས་ཕོར་བཞི། ཀོང་ཞེ་གསུམ། གཏོར་ཆ་ཆ་ཚང་། པད་སྡེར་བཅུ་གསུམ། ཟངས་བུམ་གཅིག །ལྕགས་ཀྱི་མར་མེའི་རྒྱལ་མཚན་ཀོང་བརྒྱ་ལྷག་ཡོད་པ། དུང་དཀར་གཅིག །ཁྲབ་རྨོག་བཅས་གསུམ། བསེ་ཁྲབ་གཅིག །གྲ་པ་ཉིས་བརྒྱ་སྐོར་ཤོང་ཚོད་ཀྱི་རས་གུར་གསེར་ཟངས་ཀྱི་འཕྲུ་ལྡན། ཡོལ་བ་ལྔ་སོགས་ཀྱི་སྤྲོད་དང་འབབ་ཁལ་དྲུག་སྟོང་ཉིས་བརྒྱ་དྲུག་ཅུ་སྐོར་ཐོན་པ། འདྲ་རྩི་ཐོག་དགེ་ལུགས་སུ་བསྒྱུར་ཏེ། རྒྱལ་བ་བཙོང་ཁ་པ་ཆེན་པོའི་ལུང་རྟོགས་ཀྱི་བསྟན་པ་གསར་དུ་བསྐྲུན་པར་འདྲ་རྩི་ཐོག་དགོན་དང་། རྒྱལ་ཆོས་ལྷ་ཁང་ལ་གཏོགས་པའི་རྟེན་གསུམ་མཆོད་རྫས་ཁང་ཞིང་སོགས་བདག་ཐོབ་ཆེ་ཕྲ་མཐའ་དག་སྦྱོར་འཇགས་བྱས་པར་སངས་རྒྱས་བྱང་སེམས་ལི་དང་གསེར་སྐུ་བསྡོམས་བཅུ་བཞི། སྨན་སྐུ་བཅུ་གཉིས། གདུང་རྟེན་གསུམ། བཀའ་པོད་ཞེ་གཉིས། བྲིས་ཐང་སྣ་ཚོགས་དགུ། སྦུག་སིལ་དང་འཁར་རྔ་གསུམ་རེ། ལི་རག་གི་མཎྜལ་རེ། རག་ཀོང་ཉེར་བཞི། ཏིང་སོ་གཉིས། དུང་དཀར་གསུམ། ལྕགས་ཀྱི་མཉྫི་བཞི། ཕན་བླ་བྲེ་དུང་ཆེན་སོགས་དང་། ཐབ་གདན་ཆས། འདྲེན་དཔྱད་ཀྱི་རིགས་མང་བ། འབབ་སུམ་སྟོང་དགུ་བརྒྱ་སུམ་ཅུ། མདོ་རབ་སྒང་ཁུལ་དགའ་ལྡན་ཆོས་གླིང་པར་དཔལ་ཡུལ་བོན་དགོན་དམ་པ་

[Full Size]

རང་གྲོལ་གྱིས་འཛིན་བདག་བྱེད་ཐོག་ནས་འབབ་ལྔ་བརྒྱ་སྐོར། འགིར་བ་ཁ་པར་མིའུ་རོང་འདུ་ར་དགོན་གྱི་མཆོད་ཞིང་དང་། ཚེར་རོང་སྟག་ལྷའི་ཁང་པ་བཅས་པ་འབབ་བཞི་བརྒྱ་བཞི་བཅུ་སྐོར། རྒྱུད་ཟུར་དགོན་སྤྱི་སོར་དབེན་དགོན་འགེབ་ཁྲོད་པ་དང་ཉ་ལྔ་རྒྱ་མཚོ། སེའུ་རོང་ལྔ་དཀར་ཕུ་བཅས་པའི་འཛིན་བཤུལ་གྱི་ཁང་ཞིང་། སྒོ་ར་ཤར་པའི་ཁྲལ་སྟེང་ནས་སྤུ་ནག་བཅས་པར་འབབ་ལྔ་བརྒྱ་དྲུག་ཅུ་སྐོར། ལྟེ་ལོ་དགོན་གསར་བར་སྟག་སྟག་རི་ཁྲོད་པ། བོན་དགོན་གྷི་ལའུ། སྒོམ་པ་སེང་གེ །འོད་སྐུ་ལྟེ་རི་དགོན་བཅས་པའི་འཛིན་བཤུལ་གྱི་ཞིང་ལ་འབབ་སུམ་བརྒྱ་བཞི་བཅུ་ལྷག་བཅས། སྟོང་སྐུ་ལྔ་མཆོད་པར་བེ་ལོ་དགོན་པའི་འཛིན་བཤུལ་ཁ་གཙང་ཐོག་ལྡུམ་ར་བའི་ཞིང་བརྒྱད། ཁྲི་འཇམ་མོ་སྙི་ཞབས་དང་མཚོ་ཐོག་གི་ཁང་པ་ལེ་ཚན་བཅས་ལ་འབབ་སུམ་བརྒྱ་སུམ་ཅུ་སྐོར། གནས་མགོ་ལྔ་མཆོད་པར་བསོད་ནམས་གཡུང་དྲུང་གི་ཞིང་དང་། དཔལ་འཛིན་རོང་བསྡུ་རབ་ཀྱི་ཁང་པ་བཅས་ལ་འབབ་ཉིས་བརྒྱ་བདུན་ཅུ་ལྷག་པ། མདོ་ལྔ་མཆོད་པར་བོན་དགོན་ལྡུམ་ར་བའི་འཛིན་བཤུལ་གྱི་ཁང་ཞིང་འབབ་ཆིག་བརྒྱ་བཅུ་སྐོར། ཁྱབ་བདག་མགོན་པོ་བསོད་ནམས་མཆོག་ལྡན་གྱི་སྐུ་ཚ་མོ་གནས་གསར་བཙུན་མ་ཀུན་དགའ་ཆོས་དབང་ལ་ཞ་ལུར་ནམ་སྡོད་རིང་མཁར་ཁལ་ལྔ་བཅུ་རེ། ཕུ་ལུང་དགེ་སློང་ཁམས་ནམ་བཟང་རིང་འཕྱོང་རྒྱས་ནས་འབྲུ་ཁལ་ཞེ་དྲུག་བྲེ་བཅུ་གསུམ་རེ། ཞང་སྟོན་རི་ཁྲོད་པར་བཟང་ཡུལ་བཀྲ་ཤིས་སྟེང་གིས་ཚབ་སྔ་སོར་གུད་མེད་སོང་གྲུབ་ཀྱང་ས་བསྣོན་ཞུ་རེ་དང་རིམ་གྲོ་བསྒྲུབ་རྟེན་དུ་གླིང་དཀར་ཡོངས་སྟེང་ནས་མཁའ་རུའི་ཁལ་ཉིས་བརྒྱ་རེ། རྒྱལ་གླིང་ཚོགས་པར་བུམ་གདོང་གླིང་དང་། གླིང་ལག་ཆུ་སྐོར་གྱི་ཕྱེད་ཆ་དར་རྒྱས་ཆུ་སྐོར་བཅས་

[Full Size]

དགེ་བེད་འབབ་བཞི་བཅུ་སྐོར། ཕུན་གླིང་པར་པ་དབུ་མཛད་ལ་ཁལ་བཞི་རེ། དབོན་དྲུང་ཞི་བ་བཟང་པོའི་དབོན་པོ་གཡོག་ལྔ་བཅས་ལ་ཕོགས་ཐེབས་ཁལ་སུམ་བརྒྱ་སུམ་ཅུ་རེ། སྟོད་ལུང་མཚོ་སྨད་ལྷ་ཁང་པར་རིང་འཚོར་དམིགས་རྒན་ཚང་པ་རྐང་གཅིག་དང་དུད་སྟོངས་ཀྱི་ཞིང་བཅུའི་བོགས་ཤས། ཤངས་དགའ་ལྡན་ཆོས་འཁོར་གཉེར་ཚང་གི་ཟི་ལིང་ཚོང་འགོའི་དངུལ་སྲང་བཞི་བཅུ་རྩ་ཆག །ཆོས་འཁོར་རྒྱལ་གྱི་དགེ་འདུན་རྣམས་ལ་ཕོགས་དུས་མཆོད་ཀྱི་ཐེབས་སྔ་སོར་སླེ་ཕུ་མདའ་དང་། སྒོ་རབ་བརྟན་གླིང་སོགས་ཆོས་གཞིས་ཚན་ཆེ་ཙམ་སྦྱོར་འཇགས་ཡོད་ཀྱང་ཕྱིས་ཐོ་བཙུན་མངས་པའི་གཏོང་ཡོང་མ་འགྲིག་པ་གདན་ས་འདི་ཉིད་གཞན་དང་མ་འདྲ་བས་འཕེལ་རྒྱས་ཆེད་རྒྱུན་མཆོད། དུས་གཏོར། དབྱར་ཆོས། སྨོན་ལམ་ཆེན་མོ། མགོན་ཁང་ཁག་གི་གཏོར་གསོ་སོགས་གཏོང་དེབ་གསར་སྒྲིགས་ཟུར་གསལ་ལྟར་གྱི་ཁ་བསྣོན་པོ་ཏ་ལ་དང་ལྷ་ས་གང་རིགས་ནས་ཡ་ཇུ་ཁོར་དྲུག་ཉི་ཤུ་རེ། འོལ་དགའ་དང་སྐུ་རབ་རྣམ་རྒྱལ་བསྒྲིལ་བའི་ཡོང་སྟེང་ནས་འབྲུ་མཁར་ཁལ་ཆིག་སྟོང་ལྔ་བརྒྱ་ཞེ་གཅིག །རྫོང་དཀར་མཆོད་ཁང་དུ་དཀོན་གཉེར་གསར་བསྐོས་ཀྱིས་མཆོད་པ་བདུན་ཚར་ཆག་མེད་ལ་ལོ་རེར་ཁལ་ཆིག་སྟོང་བཞི་བཅུ་སྐོར། འོལ་དགའ་གཟིམས་ཆུང་ཁམས་གསུམ་རྣམ་རྒྱལ་དང་། བདེ་བ་ཅན་དུ་མཆོད་པ་རྒྱུན་འཛུགས། འབྲས་སྤུངས་རིགས་གྲ་བར་རིགས་གྲའི་ཐེབས་སུ་ལྷུན་གྲུབ་རྫོང་ཁུལ་ནས་མཁར་ཁལ་བཅོ་བརྒྱད་ཙམ་ཐོན་ཁུངས་སྟེང་འབྲུ་ཁལ་སུམ་བརྒྱ་སྐོར་གྱི་གཤོར་འདེབས། ཉེར་དྲུག་ལ་རྒྱ་བལ་གྱི་མཚམས་རྒྱལ་པོ་ན་ར་ཧ་རི་ཀུ་མ་རས་བྲམ་ཟེ་རཱ་མ་ཙནྡྲ་དང་། ཡ་ཤ་མནྟ་གི་རི་ཕོ་ཉར་

[Full Size]

མངགས་ཏེ་ཡི་གེ་རྟེན་བཟང་བ་དང་ཁྱད་པར་རཀྵ་བསྟན་བཅོས་ཝ་ར་ཎཱ་སིའི་པཎ་ཆེན་ཤྲཱི་གཽ་པཱ་ལ་ནཱ་ཐ་དང་འཇམ་དཔལ་དབྱངས་མཁྱེན་བརྩེས་བསྒྱུར་བར་དཔག་བསམ་གྱི་ནི་ཤིང་། ཀྲིཥྞ་ཙིཏྲ་ཞིང་ཤིང་ནག་ཆུད་དུ་ཟོས་པས་རྒན་པོ་གཞོན་ནུར་འགྱུར་པ་དེའི་འབྲས་བུ་གཡས་སུ་འཁྱིལ་བའི་དུང་། རཀྵ་གདོང་པ་གཅིག་པ། གཉིས་པ། དགུ་པ་རྣམས་ཀྱིས་རྟག་ཏུ་སྟེ་ཚེ་བསོད་རིང་པོར་འཚོ་བ་དེ་བཞིན་གསུམ་པ་ལྷ་ལྟར་རྙེད་དཀའ་བ་མིག་མ་ཕུག་པ་རྟེན་གྲལ་དུ་མཆོད་པས་ཐམས་ཅད་འཁོར་ཞིང་བདེ་རྟག་ཏུ་རྒྱལ་པོས་འདུད། བཞི་པ་མིག་ཕུག་པའི་ནང་དངུལ་ཆུ་བླུག་པ་པྲ་ཆིལ་གྱིས་བཅད་པ་གཡུལ་དུ་ཞུགས་ཚེ་ཁར་བཟུང་བས་དགྲ་དང་ནད་མཐའ་དག་གཞིལ། ལྔ་པ་གཞན་དང་མ་འདྲེས་པའི་ཕྲེང་བས་ཡོན་ཏན་དང་བསོད་ནམས་ཤིན་ཏུ་ཆེ་བ་འབྱུང་། དྲུག་པ་འཁྱོག་མེད་ཅིང་ཆེ་ཆུང་ལྗིད་གཉིས་ཀ་མཉམ་པ་བུག་པ་ཡོད་ཀྱང་རུང་བ་དངུལ་གྱི་གའུ་རྫ་རྔ་ལྟ་བུའི་ནང་བཅུག་བ་སྐེར་བཏགས་ན་ནོར་རིགས་དབྱར་གྱི་ཆར་བཞིན་འབེབས། བདུན་པ་འོ་མ་དང་ཆུས་བཀྲུས་པའི་ཁུ་བ་བུད་མེད་མོ་གཤམ་ལ་བྱིན་པས་བུ་བདེན་པོར་འབྱུང་། བརྒྱད་པ་རྟག་ཏུ་མགོ་བོར་བཅངས་ན་མེ་དང་རྐུན་པོའི་འཇིགས་ལས་སྐྱོབ། བཅུ་པ་དང་བཅུ་གཅིག་པ་སྔར་བཞིན་མཉམ་པ་གསེར་གྱི་རྫ་རྔ་འདྲ་ནང་བཅུག་པ་མགུལ་དུ་བཅངས་ན་རྟག་པར་ནོར་དང་ཕྲད་པ་སོགས་གཅིག་ཙམ་ལུས་གནས་སུ་བཅངས་པའི་བསོད་ནམས་ཀྱང་། རཀྵ་མགོ་བོར་བྱེ་བ་སྟེ། །རྣ་བ་རྣམས་ལ་བྱེ་བ་བཅུ། །མགུལ་པར་བྱེ་བ་བདུན་ཉིད་དེ། །དཔུང་པར་བསོད་ནམས་ཁྲི་ཐོབ་བོ། །རཀྵ་མགུལ་པར་བཏགས་པ་

[Full Size]

ཡི། ཁྱི་དག་ཤི་བར་གྱུར་པ་ན། །དྲག་པོའི་སྤྱན་སྔར་སྐྱེ་འགྱུར་ན། །མི་ཡིས་བསོད་ནམས་ཅིས་མི་ཐོབ། །ཅེས་བཤད་པའི་ནང་ནས་རུ་རཀྵ་ཨེ་ཀ་མུ་ཁ་སོགས་ཀྱི་སྐྱེས་བྱུང་བའི་ལན་དངུལ་ལྔ་བཅུ་མ། གསེར་ཞོ་སུམ་ཅུ། གླ་གོར་བཅུ་བདུན། ཇུས་ཁ་དོག་སྣ་ལྔ་ཡུག་རེ། མི་སྣ་གཉིས་ལ་རྫོང་བ་བཟབས་ཏེ་ཐོན། འཕགས་པ་ལྷ། ལྷ་རི་བླ་མ། ཏྲེ་བོ་བློ་བཟང་ཆོས་སྐྱོང་སོགས་བསྙེན་རྫོགས་གསར་རྙིང་བཅུ་དགུ །ངག་དབང་སྤྲུལ་སྐུ་སོགས་དགེ་ཚུལ་དགུ །དགེ་བསྙེན་གཉིས་རྣམས་བསྒྲུབས། ཉེར་བདུན་ལ་རྟ་ཚག་རྗེ་དྲུང་། གོང་དཀར་ཆོས་སྡེའི་བླ་གྲ །ཏྲེ་བོ་ཧོར་ཚང་ཆོས་རྗེ་བཅས་པར་ཕ་དམ་པ་ལུགས་ཀྱི་འཇམ་དབྱངས་སྨྲ་བའི་སེང་གེའི་རྗེས་གནང་དང་། རང་རྩོམ་མཛད་བཅུ་ལེགས་བྱས་ཡོངས་འདུའི་སྙེ་མའི་ལུང་བཀླགས། དགའ་ལྡན་ཆོས་འཁོར་ཡང་རྩེ་བ་དགེ་ལེགས་རྒྱལ་མཚན་གྱིས་ཕར་ཕྱིན་འགྲེལ་པ་བློ་བཟང་དགོངས་རྒྱན་གྱི་རྒྱུགས་སྤྲད། ཉེར་དགུར་སྟོད་ལ་དགའ་ལྡན་ཚེ་དབང་དཔལ་བཟང་གི་དཔུང་རོགས་སུ་འགྲོ་མི་དགའ་ལྡན་བསྟན་འཛིན་བོ་ཤོག་ཐུ་ཇི་ནོང་གི་བུ་ལྷ་དབང་དཔལ་འབར། དའི་ཆིང་ཁོ་ལོ་ཆེའི་ཨེར་ཏེ་ནི་ཐའི་ཇི། ཇའི་སང་ཉི་ཤུ་སྐོར། དཀྱུས་མ་བརྒྱ་རྣམས་དང་། ཆེ་ཆེན་ཐའི་ཇིའི་མི་སྣ། བྲ་ཡག་སྐུ་སྐྱེའི་ཁྲི་འབུལ་བ་དཀའ་བཅུ་ཅན་དྲུག་ཅུ། ལི་ཐང་མཁན་ཟུར། སྦེ་སེར་སློབ་དཔོན། ཞང་སྟོན་རི་ཁྲོད་པའི་བུ། བྲག་ཉེའི་རྟ་འབུལ་བ་ལྔ་བཅུ། བྱ་བྲལ་བ་བཞི་བཅུ། འ་ཤུར་ཐབས་མཁས་ཅན་བཅུ་གཉིས་ཀྱི་ངོ་

[Full Size]

བོར་བྱིན་རླབས་དང་དམངས་ལ་མེ་ཏོག་གཏོར། ཕྱི་དྲོ་ཁལ་ཁ་ཨུའི་ཆིང་ནོ་ཡོན་འཁོར་བཅས། ཟི་སྣ་ནང་སོ་སོགས་ལ་སྔ་མ་བགྱིས་གྲུབ་པའི་གསོལ་འདེབས་ཀྱི་ལུང་དང་། ལྷ་དབང་དཔལ་འབར་དང་། ཨེར་ཏེ་ནི་ཐའི་ཇི་བཅས་ཉི་ཤུ། ཧོར་ཚང་ཆོས་རྗེ། ལི་ཐང་མཁན་ཟུར། སྦེ་སེར་སློབ་དཔོན། རིན་ཆེན་རྩེ་པ་སོགས་ལ་ཚེ་དབང་གྲུབ་རྒྱལ་མ་དང་། ཕྱག་དྲུག་པའི་གཏོར་དབང་བར་ཆད་ཀུན་སེལ་བསྐུར། གནམ་གང་ཞོགས་སྔ་ཆར་ལྷ་སའི་བསྙེན་གནས་མ་ཚོར་མཐོ་རིས་ཀྱི་ས་བོན་ཡན་ལག་བརྒྱད་པའི་སྡོམ་པ་ཕབ། འདི་ནས་བཟུང་ཉིན་དྲུག་གི་བར་གཏེར་སྒྲོམ་ནས་སྨན་ཆབ་བླངས་པ་བསྟེན་པས་ཡན་ལག་ལ་འཕྲོད་ཉམས་ཆེ་བ་བྱུང་། ཧོར་ཟླ་བཅུ་པའི་ཚེས་གཅིག་ལ་ཡེར་པ་དགའ་ལྡན་གསང་སྔགས་ཡང་རྩེ་བ་ཤེས་རབ་རྒྱལ་མཚན་གྱིས་ལམ་རིམ་ཆུང་བའི་རྒྱུགས་སྤྲད། ཡང་བཟློག་གི་ལས་སྦྱོར་ཆེན་མོའང་བཙུགས། ཚེས་བདུན་ལ་ལྷ་ས་བྱང་གླིང་པས་སྡེ་པ་མགྲོན་དུ་བོས་པའི་སྐལ་བ་གུང་ཚིགས་ཐོག་སྟོན་མོ་རྒྱས་པ་སྟེར་བྱ་དང་བཅས་པ་བྱུང་བ་ནང་དུ་དམག་ཟོར་སོགས་ནང་སྐོར་བ་དང་གཞན་མར་ཕྱི་རོལ་དུ་བཤམས། ཚེས་དགུར་ཚོམས་ཆེན་དུ་ཟུར་ཁང་པས་ཁྲི་སྟོན་བདོག་པའི་ཚན་གྲངས་བཅས་བཏེག་པའི་ཚེ་ལྷ་རྩེ་ཆོས་སྡེའི་བླ་ཟུར་དོན་གྲུབ་དཔལ་བཟང་དང་སྐུ་སྐྱེ་བསྟན་འཇིན་རྒྱ་མཚོས་བགྲོ་གླེང་བགྱིས། ཟུར་ཁང་པའི་མ་བུར་བཀའ་བསྒོ་བྱས་རྗེས་བྱེ་རྫིང་མཁན་པོས། ཟིལ་གནོན་དབང་རྒྱལ་རྡོ་རྗེ། ཆུ་བཟང་བླ་མ། སོག་ཙན་དན་དགོན་གྱི་ཁྲི་འབུལ་བ་དབོན་པོ་ཅན། རི་ཤོང་དགའ་ལྡན་རབ་བརྟན་བླ་མའི་ཁྲི་འབུལ་བ།

[Full Size]

ཧོར་སྨད་ཏ་མེར་གན་བློ་བཟང་གི་ཁྲི་འབུལ་བ། ད་ལའི་ཧུང་ཐའི་ཇིའི་ཇའི་སང་པཀྵི་ཕ་བུ། པཱ་ཐུར་ཧུང་ཐའི་ཇིའི་མི་སྣ། ཆོག་ཐུ་ཐའི་ཇིའི་ནུ་བོའི་བསྔོ་རྟེན་སྐྱེལ་མི་དཀའ་བཅུ་བསོད་ནམས། ཨ་མདོ་བཙན་རྒོད་ཅན་ངོ་བོ་ལྔ། སྤང་སྐྱེས་ཅན་བཞི། དབང་རྒྱལ་ཅན་གསུམ་བཅས་པར་ཇ་གྲལ། ཤོག་གསུམ་པོས་རྟ་གོ་བདུན་བྱུང་། ཚེས་བཅུར་ཞྭ་དམར་སྤྲུལ་པའི་སྐུས་རྟ་བཅུ་བདུན། གོས་ཕྱི་ནང་སོགས་ཆོས་རྗེ་སྒར་པའི་སྤྱན་ལྟོས་བཟང་པོ་བརྐྱང་བ་དང་། མཇལ་བར་མོལ་མཆིད་རྒྱས་པར་བྱུང་ཞིང་གྲུབ་རྒྱལ་ལུགས་ཀྱི་ཚེ་དབང་ཕུལ། མཁན་ཚང་རབ་འབྱམས་པ། སྐུ་སྐྱེ་བློ་བཟང་བསྟན་འཛིན། ཁུན་དུར་ཨེར་ཁེ་དའི་ཆིང་སོགས་གསར་འབྱོར་བརྒྱ་སྐོར་གྱིས་གསེར་དངུལ་གོས་དར་སོགས་ཀྱི་དངོས་པོ་བྱིན། གྲ་ཚང་གི་གྲ་པ་གྲངས་བཅད་ཀྱིས་རྒྱལ་རྫོངས་བཏང་། ཚེས་བཅུ་གཅིག་ལ་འབྲུག་པ་སྤྲུལ་སྐུས་གོས་ཕྱི་ནང་སོགས་བདོག་པའི་སྐྱེས་དང་བཅས་མཇལ། ཞབས་ཕྱི་རགས་བསྡུས་དང་བཅས་པར་གུར་ནས་བཤད་པའི་ཕྱག་རྡོར་འབྱུང་པོ་འདུལ་བྱེད་ཀྱི་རྗེས་གནང་ཕུལ། ཚེས་བཅུ་བདུན་ལ་ཆོས་འཁོར་རྒྱལ་མཁན་གྲ་ཁ་ཤས་ཀྱིས་ཚན་གྲངས་སྔོན་འགྲོའི་རིང་འཚོའི་ཚིགས་བཅད་གསུངས། བཀྲ་ཤིས་པཱ་ཐུར་ཐའི་ཇི་འཁོར་བཅས། ད་ལའི་ཧུང་ཐའི་ཇི་དང་ཨེར་གེ་དེའི་ཆིང་གི་མི་སྣ། རྒྱལ་པ་ཆོས་རྗེ། མཚོ་སྣ་སྐུ་སྐྱེ། སེ་ར་ཐེག་ཆེན་གླིང་དུ་སྡེ་པ་བོས་པའི་སྐལ་བ་སྤོམས་བཅས་སྐྱེལ་མི་བྱེས་སྨད་ཀྱི་སློབ་དཔོན་སྤྱི་གཉེར་དགེ་སྐོས་སོགས་དང་ཕྲད། ཚེས་བཅོ་བརྒྱད་ལ་འཕགས་པ་ལྷས་

[Full Size]

སྐུ་གསུམ་ཐུགས་ཡོན་ཏན་འཕྲིན་ལས་ཀྱི་རྟེན་སོགས་ཀྱི་བདོག་པ་མཐོན་པོ། ཚོགས་འགྱེད་དང་བཅས་གྲ་ཚང་ནས་མགོན་པོ་ཚེ་དཔག་མེད་ཀྱི་རྡུལ་ཚོན་དང་འབྲེལ་པའི་ཚེ་ཆོག་མཛད། ཚེས་ཉི་ཤུ་དང་ཉེར་གཅིག་ལ་རྡོ་རྗེ་བྲག་སྤྲུལ་སྐུ་རིན་པོ་ཆེ་དང་བཀའ་གཏེར་སོགས་ཀྱི་གསུང་འཕྲོས་ཤིན་ཏུ་སྨར་བ་བྱུང་། ཉེར་གསུམ་ནས་ཁྲོ་རོལ་དང་ཚེ་བདག་བསྟན་མདོས་རྣམས་བཙུགས། རྩེ་གདོང་ཞབས་དྲུང་རིན་པོ་ཆེས་ཐུབ་དབང་གི་ལི་སྐུ། གནས་བཅུའི་བྲིས་ཐང་། དངུལ་ཕོར། གོས་ཕྱི་ནང་། ཇ་རས་སོགས་ཀྱི་སྐྱེས་རྒྱ་ཆེར་སྩལ་ཞིང་མཇལ། བཀུར་བཟོས་རྣམས་སྔར་ལྟར་ཕུལ། ཇ་གསུམ་གྱི་བར་བཀའ་མཆིད་ཁ་ཤས་བསྟར་བའི་སྡེབས་སུ་བྱང་འགྲུལ་གསར་འབྱོར་ཨ་ར་ན་ཅན་མི་ངོ་བདུན། དབོན་ཆུང་ཅན་ལྔ། བོ་ཤོག་ཇི་ནོང་གི་ཁྲི་འབུལ་བ་གཉིས། ཨ་མདོ་ཨ་བྲག་གི་ནུ་བོ་ཅན་གསུམ། ཨ་མདོ་སྨད་པའི་རྟ་འབུལ་བ་ཉི་ཤུ། ལི་ཐང་མཁན་ཟུར། ཁྱམས་པ་དང་རྔོད་ཨ་རིག་དགོན་བླ་མ། བདེ་ཆེན་ཆོས་འཁོར་བའི་བདག་པོ་སྐུ་སྐྱེ། རིགས་འཛིན་སྟོབས་ལྡན་པའི་བུ། གོང་དཀར་གནས་ཆུང་པ། སྡེ་པ་བློ་བཟང་སྦྱིན་པའི་དགུན་གོས་སྐྱེལ་མི་བློ་བཟང་དོན་ཡོད། རྡོ་རྗེ་བྲག་རིགས་འཛིན་སྤྲུལ་པའི་སྐུར་གོས་ཕྱི་ནང་ཇ་རས་སོགས་སྐྱེས་ལན་དབུལ་ཞིང་བཀའ་བསྒོ་ཕུལ། ཁམས་ཀྱི་འབུལ་སྡུད་བླ་མ་དང་སྣེའུ་སྡོང་གི་མི་སྣ་བཅས་པར་གང་འཚམ་གྱི་བདོག་པ་དང་བཅས་ཐོན། ཉེར་བཞིར་སྣེའུ་སྡོང་རྩེའི་ཞབས་དྲུང་དཔོན་གཡོག་རགས་བསྡུས་ལ་ཚེ་དབང་གྲུབ་རྒྱལ་མ་ཕུལ། སྔོན་འགྲོ་རྒྱུན་བཤགས་ལ་མདོ་སྔགས་ཀྱི་དབྱེ་བ་

[Full Size]

སོགས་ཅུང་ཟད་སྤྲོས། ཕྱི་དྲོ་ཞབས་དྲུང་དཔོན་གཡོག་ལ་ཇ་གྲལ་གྱི་ཐོག་སྦུག་སིལ། དཀར་དཔྱད། དངུལ་མདོང་། ཇ་གོས་དར་སོགས་ཤངས་ལེན་གཟབས་པ་དང་སྐུ་རྐྱང་ལ་ཀྱེ་རྡོར་དང་ཕྱག་བཞི་པ་གཙོ་གྱུར་གྱི་བཀའ་བསྒོ་ཕུལ། སྡེ་པ་བློ་བཟང་མཐུ་སྟོབས་ཀྱི་དགུན་གོས་སྐྱེལ་མི་དགེ་སློང་ཚུལ་ཁྲིམས་རྒྱལ་མཚན་དང་ཨ་བོ་དངོས་གྲུབ་ཀྱང་དེ་ཁྲོད་ཡོད། ཉེར་ལྔར་སྤྱི་ཁང་དཀོན་མཆོག་གིས་རྗེ་དགེ་འདུན་གྲུབ་ཀྱི་འཁྲུངས་རབས་གུ་རུ་མཚན་བརྒྱད། མགོན་པོ་ཕྱག་དྲུག་པ། རྩིས་གཞི་བས་ཨ་སྙིང་གི་དོན་དུ་ཐུགས་རྗེ་ཆེན་པོ་ཕྱག་བཞི་པའི་བྲིས་ཐང་རྣམས་བཞེངས་པའི་རྒྱབ་ཡིག །མཆོད་དཔོན་པའི་ཉམས་ལེན་དུ་རྟ་མགྲིན་ཡང་གསང་ཁྲོས་པའི་ལས་བྱང་སྙིང་པོ་བཅུད་བསྡུས། སྔར་ནས་འདུལ་བའི་སྐོར་སྙིང་པོ་ཙམ་ཞིག་ལས་མེད་པ་དང་སྡོམ་རྒྱུན་གསར་པ་དང་བཅས་རྩོམ་བདུན་ཡོད་ཐོག་འབྲོག་རྣམ་པར་རྒྱལ་བའི་གླིང་གི་གདན་ས་ཞེ་གསུམ་པ་བསྟན་པའི་མངའ་བདག་ཆོས་རྗེ་བློ་བཟང་བསྟན་འཛིན། བ་སོ་སྤྲུལ་པའི་སྐུ་དཀོན་མཆོག་ཉི་མ། རྒྱལ་སྲས་ཤེས་རབ་འཕེལ་བའི་སྤྲུལ་སྐུ་བློ་བཟང་བསྟན་འཛིན་སོགས་བླ་ཆེན། གཞན་ཡང་དོན་གཉེར་མང་པོས་དགོས་ཚུལ་བཞིན་བསྟན་པ་རིན་པོ་ཆེ་སྤྱི་དང་བྱེ་བྲག་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་ལུང་རྟོགས་བླ་ནས་བླར་འཕེལ་ན་སྙམ། དཔྱད་ཤིན་ཏུ་བཟོད་པ་འདུལ་བའི་ལས་ཆོག་མཐའ་གཅོད་དང་བཅས་པ་འཁྲུལ་སྤོང་རྣམ་རྒྱལ་གསེར་མདོག་དཔང་ཆེན་ལྷུན་གྲུབ་ཀྱིས་དོན་གཉིས་གླིང་དུ་འཛུགས་རྒྱུའི་རིང་འཚོ་བཅས་བྲིས། འབྲུག་པ་སྤྲུལ་པའི་སྐུ། འཕགས་

[Full Size]

པ་ལྷ། ལྕགས་ཟམ་སྤྲུལ་སྐུ། ཕ་བོང་ཁའི་གདན་ས་ཆོས་རྗེ་ངག་དབང་བསྟན་འཛིན། རྒྱལ་པ་ཆོས་རྗེ། ཆབ་མདོ་རྗེ་དྲུང་། ངག་དབང་སྐུ་སྐྱེ། སྤོས་དགའ་སྐུ་སྐྱེ། གོང་དཀར་ཆོས་སྡེའི་ཆོས་འཆད་པ་དགེ་སློང་འཕྲིན་ལས་པ། དགེ་སློང་འཇམ་དབྱངས་གྲགས་པ། སྔགས་རམས་པ་སྐྱེས་མཆོག །སྔགས་རམས་པ་ངག་དབང་དཔལ་བཟང་། ཆོས་རྗེ་ཟིལ་གནོན་རྡོ་རྗེ། དཔལ་གྲོང་སྔགས་རམས་པ། སྔགས་རམས་པ་བློ་བཟང་ཆོས་ལྡན། ལྡན་མ་སྐུ་སྐྱེ། འདར་བ་རྗེ་དྲུང་བློ་གསལ་བསྟན་འཛིན། རྟར་མདོ་ངག་དབང་ལྷུན་གྲུབ། སྨན་ཐང་པ་མགོན་པོ་ཚེ་རིང་སོགས་དབང་ཆ་གཅིག་ལ་ཚེ་དཔག་མེད་ལྷ་དགུའི་དབང་ཕུལ། ཅོ་ནེའི་ཁྲི་འབུལ་བ་ངོ་བོ་བཞིར་བྱིན་རླབས་དང་། ལྔ་མཆོད་ཆེན་མོའི་གླིང་མེ་ཤིན་ཏུ་བཞེས་པ་རྒན་གྱིས་ཀྱང་མ་དྲན་ཟེར། ཉེར་དྲུག་ལ་གོང་གི་ཆོས་གསན་པའི་སྟེང་། རྟ་ཚག་རྗེ་དྲུང་། གསེར་མདོག་ཅན་ལྕང་ར་སློབ་དཔོན། བླ་མ་སྟག་ལུང་པ་བཅས་ལྔ་བཅུ་སྐོར་ལ་སྨན་བླ་སྤྲུལ་སྐུ་མཐོ་བརྩེགས། བ་རི་ལུགས་ཀྱི་མི་གཡོ་བ་སྔོན་པོ། ཀླུ་དབང་རྒྱལ་པོ་གཙོ་འཁོར་ལྔ་པ། སྒྲུབ་ཐབས་རྒྱ་མཚོའི་ནང་ནས་རྡོ་རྗེ་དབྱངས་ཅན་མ་དང་། དབྱངས་ཅན་ལྷ་ལྔ། གདུགས་དཀར་རྣམས་ཀྱི་རྗེས་གནང་ཕུལ། རྒྱལ་པོ་བར་མའི་དབུ་སྒོར་ཆུང་བ་ལྕམ་སྲིང་། རྭ་སྒྲེང་མཁན་པོའི་མི་སྣ་དང་ཕྲད། ཉེར་བདུན་ལ་ཆོས་གསན་པ་གོང་སྟེང་སེམས་དཔའ་སྤྲུལ་སྐུ་ངག་དབང་ཕུན་ཚོགས། གནས་རྙིང་སྤྲུལ་སྐུ་ངག་དབང་ཀུན་དགའ་བདེ་ལེགས། ལྷ་རྩེ་བླ་ཟུར་དོན་

[Full Size]

གྲུབ་དཔལ་བཟང་། རྣམ་གླིང་ཆོས་མཛད་ངག་དབང་བློ་གསལ། དར་མོ་སྨན་རམས་པ། དཀར་བྲག་པ་ངག་དབང་བྱམས་པ། བློ་བཟང་དོན་ཡོད་སོགས་བཞི་བཅུ་སྐོར་ལ་སྨེ་བརྩེགས་དུད་ཀ །འཇམ་དབྱངས་ཆོས་སྐོར་ནས་དཔའ་གཅིག །ལུས་དཀྱིལ། ནང་སྒྲུབ། གསང་སྒྲུབ་རྣམས་ཀྱི་རྗེས་གནང་དང་། ཉེར་བརྒྱད་ལ་འབྲུག་པ་སྤྲུལ་སྐུ། འཕགས་པ་ལྷ། རྟ་ཚག །སེམས་དཔའ། རྒྱལ་མཁན་པོ། ཕ་བོང་ཁ་པ། གནས་རྙིང་། ངག་དབང་། ཟུར་ཆེན། ལྡན་མ་རྣམས་ཀྱི་སྐུ་སྐྱེ། སྒེར་པ་དང་འདར་པ་རྗེ་དྲུང་། འདར་ལོ། དགེ་སློང་འཕྲིན་ལས་པ། ལྕག་ར་སློབ་དཔོན། སྟག་ལུང་སྒྲ་པ། མཆོད་དཔོན་པ། དགེ་སློང་འཇམ་དབྱངས་གྲགས་པ། ཆོས་རྗེ་ཟིལ་གནོན་པ། སྔགས་རམས་པ་བློ་བཟང་སྐྱེས་མཆོག །ངག་དབང་དཔལ་བཟང་། ངག་དབང་དགེ་ལེགས། དཀར་བྲག་པ། རྣམ་གླིང་ཆོས་མཛད། རྒྱལ་བ་དབུ་མཛད་སོགས་ཉེར་ལྔར་ཁྲོས་མ་ནག་མོའི་བྱིན་རླབས་གྲུབ་མཚམས་སྔོན་མའི་ཆོས་གསན་པ། རྒྱལ་བའི་རིང་འཚོ་སྤེལ་མི་སུམ་ཅུ་དང་བཅས་པར་བདེ་མཆོག་དཀར་པོའི་དབང་དང་སྒྲོལ་མ་རྒྱལ་མཚན་མའི་རྗེས་གནང་། ཕྱི་དྲོ་དཔལ་མོ་ལུགས་ཀྱི་བཅུ་གཅིག་ཞལ་གྱི་རྗེས་གནང་ཕུལ། སྟོད་ཀྱི་སྐུ་རིམ་བརྟག་པ་དང་སྟར་ཆགས་བཅས་མང་ཇ་གཉིས་རེའི་ཐོག་བཤད་གྲྭ་རྣམས་ཀྱིས་མདོ་སྒྲུབ། སྔགས་གྲ་རྣམས་ཀྱིས་གཏོར་བཟློག །འཕྱོང་རྒྱས་སུ་དཔལ་རི་བས་གཤིན་རྗེ་ནག་པོ་སུམ་བསྒྲིལ། སྨིན་གྲོལ་གླིང་པས་གཤིན་རྗེ་དྲེགས་

[Full Size]

པ་འཇོམས་བྱེད། གོང་དཀར་དུ་རྡོ་རྗེ་བྲག་པ་དང་། པ་ནམ་དུ་བྲག་ལ་བས་འཆར་ཀའི་གླང་ཆེན་སྣ་བསྒྱུར། ལྷ་ཁང་དུ་སྨྲ་བོ་ལྕོག་པ། ལྷ་རྩེར་ཆུ་མིག་པ། ངམ་རིང་དུ་བཀྲ་བཟང་པ། འོལ་དགར་བྲག་སྣ་བ་རྣམས་ཀྱིས་ཁྲོ་རོལ། གཙང་འགྲམ་དུ་སྒྲོལ་མ་བ། ངམ་རིང་དུ་ནུབ་དགོན་པ་དང་བྲག་དཀར་ཆུ་བཟང་པ་སོ་སོས་ཚེ་བདག་གི་གཏོར་བཟློག །རིན་སྤུངས་སུ་ངེས་གསང་རྡོར་གླིང་པས་འཆར་ཀའི་མདོས། གཞིས་རྩེར་འུག་པ་ལུང་པས་མགོན་པོ་གཡུལ་བཟློག །འོད་མཆོག་པས་ཡང་གསང་ཀརྨ་དྲག་པོ། གུང་མཁར་དུ་བོན་གྲོང་པས་ཁྲོ་ཆུ། ཀ་ཚལ་དུ་བླ་མ་ཟུར་པས་ཡང་བཟློག་རྣམས་ཀྱི་ཟོར་འཕེན། གོང་གསལ་རྙིང་དགོན་བཅུ་དྲུག་ནས་དགྲ་མནན་རེ་དང་སོ་སོའི་འབྲེལ་མཚུངས་བྱེད་མྱོང་ནས་རྒྱབ་ཆོས་པ་རྣམས་ཀྱིས་ཤེར་སྙིང་བཞི་འབུམ་བདུན་ཁྲི་དྲུག་སྟོང་། གདུགས་དཀར་སྟོང་ཚར། ཚེ་གཟུངས་བདུན་སྟོང་། བསྟན་དོན་ལ་རྒྱའི་གེགས་སེལ་དུ་སྨིན་གྲོལ་གླིང་པས་ཁྲ་འབྲུག །དཔལ་རི་བས་བཙན་ཐང་། རྡོ་རྗེ་བྲག་པས་བསམ་ཡས། བྲག་ལ་བས་རྩིས་ཀྱི་ལྷ་ཁང་། ཆུ་མིག་པས་གྲོམ་པ་རྒྱང་། སྒྲོལ་མ་བས་གཙང་འགྲམ་རྣམས་སུ་དགྲ་སྲི་དུར་སྲི་འཕུང་སྲི་གཙོ་གྱུར་གྱི་སྲི་གནོན། ལྷ་སར་རྒྱལ་པ་མཁན་གྲ་སུམ་ཅུས་དམག་ཟོར་མའི་བསྐང་བཤགས་དང་མཇུག་ཏུ་གཏོར་རྒྱག་སྡེ་པའི་སྐུ་རིམ་དུ་དཔལ་ལྷ་ལྕོག་ཏུ་ཟམ་སོའི་རྒྱལ་མཚན་དང་བསྐང་གསོ་བརྒྱ། སྔགས་ཁང་དུ་རྒྱུད་སྟོད་པ་དང་། དགའ་ལྡན་དུ་སྨད་པ་རྡོར་སློབ་ཐེ་བའི་བཞི་བཅུ་རེས་ཞག་དྲུག་པར་ཡ་མ་རཱ་ཛའི་སྔགས་རྒྱུན་དང་བདུན་པར་དྲུག་ཅུ་པའི་གཏོར་

[Full Size]

རྒྱག །དགའ་ལྡན་ཚོགས་ཆེན་དུ་ཇ་ཚུལ་ཐོག་ཤེར་སྙིང་འགྲོ་གང་ཆེ། སྤོང་དག་གྲ་པ་རེར་གཤོར་ཁལ་རེ་མའི་རྩིས་རི་བོ་བདེ་ཆེན། བྱམས་ཆེན་པ། མྱུག་ཆོས་གླིང་པ། མཚན་སྒྲོག་པ་རྣམས་བརྒྱ་རེ་ལ་ཟླ་གཅིག་བར་གཟུངས་འདུས་ཉི་ཁྲི་སུམ་སྟོང་བདུན་བརྒྱ་ཉེར་ལྔ། ཤེར་སྙིང་དྲུག་ཁྲི་དྲུག་སྟོང་། སྒྲོལ་མ་ཆིག་ཁྲི་ཉིས་སྟོང་། གདུགས་དཀར་སུམ་སྟོང་། ཚེ་གཟུངས་ཆིག་འབུམ་དགུ་ཁྲི་ལྔ་སྟོང་། ཤེལ་དཀར་སོགས་རྫོང་འགོ་ལྔར་དགེ་དགོན་ཚོ་བསྡུས་བརྒྱ་རེར་གྲ་ཏོག་གསེར་གསུམ་སོ་སོ་ནས་ཆིག་ཁྲི་ཉིས་བརྒྱ་ཉི་ཤུ། ཚེ་གཟུངས་དྲུག་ཁྲི་སུམ་བརྒྱ། ཤེར་སྙིང་ཉི་ཁྲི་ཆིག་སྟོང་། རིས་མེད་དགོན་ཨང་དང་གཉིས་ཡན་ལ་མང་འགྱེད། ནད་རིམས་ཞི་ཞིང་ལོ་ཆུ་ལེགས་པའི་རིམ་གྲོར་ཡུལ་ཆེ་ཆུང་དང་བསྟུན་པའི་བཀའ་འགྱུར། ཡུམ་རྒྱས་འབྲིང་བསྡུས་གསུམ། བསྐལ་བཟང་། གཟུངས་འདུས་རྣམས་གང་འགྲུབ། ཀླུ་གཏོར། ཀླུ་བཅོས། མ་རྒྱལ་གྱི་མདོས་ཤར་ལྷོ་མཚམས་སུ་བསྐྱལ། རྫོང་འགོ་ཆེ་བ་རྣམས་ནས་དགྲ་ལྷ་དཔང་བསྟོད་རྒྱས་པ། ངེད་རང་གི་རིམ་གྲོར་གཞིས་རྩེར་གངས་ཅན་ཆོས་འཕེལ་བ་དང་ལྷུན་པོ་རྩེ་པ། ལྷ་རྩེར་ཆོས་སྡེ་བ་དང་གྲང་མོ་ཆེ་བ། བསམ་གྲུབ་དགོན་གསར་བ། ཐུབ་བསྟན་དགེ་འཕེལ་བ། ཤེལ་དཀར་དུ་ཆོས་སྡེ་བ་དང་། སྙེ་ནང་དུ་དགའ་ལྡན་འཕེལ་རྒྱས་གླིང་། པ་ནམ་དུ་ཞ་ལུ་བ། ཁམས་ལྷོ་རྫོང་དང་ཚ་པ་མཛོ་སྒང་དུ་དགེ་དགོན་ཁག་རྣམས་བསྡོམས་བཀའ་འགྱུར་ཆིག་བརྒྱ་ཉི་ཤུ། སྒྲོལ་མ་ས་ཡ་གཅིག་དང་སུམ་འབུམ་

[Full Size]

བཞི་ཁྲི་ལྔ་སྟོང་ཉིས་བརྒྱ། ཚེ་གཟུངས་བྱེ་བ་གཅིག་དང་ས་ཡ་གསུམ་ཆིག་འབུམ་ཉིས་ཁྲི། གདུགས་དཀར་ཆིག་ཁྲི་བརྒྱད་སྟོང་། ཤེར་སྙིང་ས་ཡ་གཅིག་དང་ཆིག་འབུམ་བཞི་ཁྲི་བཞི་སྟོང་། སྨན་བླ་ཆིག་ཁྲི་ཉིས་སྟོང་། ལྷ་སར་སྒོ་དུད་ཆིག་སྟོང་བདུན་བརྒྱ་ཉི་ཤུ་སྐོར་ལ་དུད་རེར་ཡ་ཇུ་མཁར་ཉག་དོ་རེ། ངན་སློང་ཉིས་བརྒྱ་སྐོར་ལ་ཇ་ལྡུར་རག་འགག་རེ། ཚེས་བཅུ་བཞི་དང་བཅོ་ལྔར་བདེ་ཡངས་པ་བརྒྱད་གྲ་རེས། ལྷ་ས། ར་མོ་ཆེ། པོ་ཏ་ལ་གསུམ་དུ་བརྒྱ་མཆོད་སྲོག་བླུ་བརྒྱ། ན་མཉམ་བརྒྱ་དང་བརྒྱད་ལ་སྟོན་མོ། སྡེ་པའི་སྐུ་རིམ་དུ་རྒྱལ་རྩེར་དགེ་ལུགས་གཙང་གྲ་བདུན། རྣམ་གླིང་དུ་དགའ་ལྡན་ཆོས་འཁོར་བ། རིན་སྤུངས་སུ་འབྲས་ཡུལ་སྐྱེད་ཚལ་བ། ཕུན་གླིང་དུ་རང་གྲ། ཁམས་ཕྱོགས་ཀྱི་དགེ་དགོན་ཁ་ཤས་བཅས་པར་བཀའ་འགྱུར་སོ་བདུན། རྒྱུད་འབུམ། བསྐལ་བཟང་། འབུམ། བརྒྱད་སྟོང་པ་ཚར་རེ། མཚན་བརྗོད་སུམ་ཅུ། སྒྲོལ་མ་སུམ་ཁྲི། ཤེར་སྙིང་ས་ཡ་གཅིག་དྲུག་འབུམ་བརྒྱད་ཁྲི་དྲུག་སྟོང་། གདུགས་དཀར་བཞི་ཁྲི་ལྔ་བརྒྱ། ཚེ་གཟུངས་ཉིས་འབུམ་ཆིག་ཁྲི་སུམ་སྟོང་། སྲོག་བླུ་བརྒྱ། ན་མཉམ་བརྒྱ་དང་བརྒྱད་ལ་སྦྱིན་པ། ཁྲ་འབྲུག་ཆོས་སྐྱོང་གིས་བསྐུལ་མའི་འབྲས་སྤུངས་དང་ཆོས་འཁོར་རྒྱལ་གྱི་གཙུག་ལག་ཁང་གི་རྩེར་རྒྱལ་མཚན་སེར་པོ་རེ། ཚེར་གསེབ་ཆོས་སྐྱོང་ཆེན་པོའི་ལུང་བསྟན་ལྟར་སེར་འབྲས་གཉིས་སུ་སྤོང་དག་རྣམས་བསྒྲུབས། ཧོར་ཟླ་བཅུ་གཅིག་པའི་ཚེས་གཅིག་ལ་ལྕགས་ཟམ་སྤྲུལ་སྐུ་བློ་གསལ་ཉི་ཟླ་འོད་འབར་དབང་ཕྱུག་གྲུབ་པའི་ཤིང་རྟ་

[Full Size]

དགུང་ལོ་བཅུ་བཞིའི་སྟེང་བརྟག་གཉིས། རྡོ་རྗེ་གུར། སྡོམ་གསུམ་རབ་དབྱེ་རྣམས་ཀྱི་རྒྱུགས་བྱུང་། ལྷོ་བྲག་པ་དབང་ཆེན་ལྷུན་གྲུབ་གྲོགས་བཅས་ཀྱིས་སྟེར་བྱིན་འགྱེད་བཅས་གཟིམས་ཆུང་བརྟན་བཞུགས་སུ་གྲགས་པ་བྱས། སྟག་རྩེ་ཞབས་དྲུང་། མཁའ་འགྲོ་དགེ་ཚུལ་མ། རབ་བརྟན་གྱི་དཔོན་མོ། ཁོ་ཤོར་ཁོར་ཆི་ཐའི་ཇིའི་དཔོན་མོ་བུ་བཅས། གཡོན་རུ་དགའ་ལྡན་ཧུང་ཐའི་ཇིའི་མི་སྣ་དར་གན་ཆོས་རྗེ། འདུལ་བ་ཆོས་རྗེའི་ཕ་ཨེར་ཁེ་དགེ་སློང་། ཁྲི་འབུལ་བ་དཀའ་བཅུ། ནོ་ཡོན་དཀའ་བཅུ། ཨ་དང་ཅན་ངོ་བོ་བཞི། ཀ་ཤོད་དགའ་ལྡན་རབ་བརྟན་གྱི་ཁྲི་འབུལ་བ། ཉང་སྟོད་སྐྱེད་སྦུག་སྤྲུལ་སྐུ། ཏྲེ་བོ་ཤི་རལ་ཐུ་དང་ལྡན་མ་སྐུ་སྐྱེ་སོགས་ལ་ཇ་གྲལ། ལོག་ཏྲིའི་ལས་སྦྱོར་ཆེ་བ་སྔར་བཞིན་བཙུགས། ཚེས་གསུམ་ནས་བཟུང་གྲ་ཚང་ནས་ཉིན་སྟར་མཁའ་འགྲོ་སྡེ་ལྔར་བརྟེན་རིང་འཚོའི་ཆོ་ག་ཞག་ཤས་མཛད། འཕགས་པ་ལྷ་ཐེགས་གདོང་མཇལ་ཁའི་ཐོག་ན་བཟའ་སྐོར་ཆ་ཚང་། རྡོར་དྲིལ། ཞལ་དཀར། སྦུག་སིལ། དཀར་དཔྱད། དངུལ་གྱི་ཐ་ཕག །གོས་ཕྱི་ནང་། སྣམ་བུ། ཇ་བུར་ལྟང་། གྲུམ་ཙེ། རས་ཆ་སོགས་སྐྱེས་ལན་གཟེངས་བསྟོད། ངག་དབང་སྤྲུལ་སྐུ། དབོན་པོ་རབ་བསྟན་སོགས་དྲག་ཞན་ཚང་མར་རྫོང་བ་འཚེམས་མེད་ངོས་སྤྲུལ་སྐུ་རིན་པོ་ཆེར་བསྟན་འགྲོར་ཕན་ཆ་ལུགས་གཉིས་ཐད་ནས་དགོས་ཚུལ་དང་བཀའ་བསྒོ་ཕུལ། འཕྱོང་རྒྱས་པ་མཁས་བཙུན་རྒྱ་མཚོ་གྲལ་སྐོར་བྱེད་པའི་སྔོན་འགྲོར་གྲ་ཚང་གི་འདོན་ཆ་ཡོངས་རྫོགས་ཀྱི་རྒྱུགས་སྤྲད། སྟག་

[Full Size]

རྩེ་ཐའི་ཇིར་ཉིན་གཉིས་ཀྱི་བར་སྙིང་པོ་དོན་གསུམ་གྱི་འཕོད་དམིགས་ཞིབ་མོར་ཁྲིད། ཚེས་བཞིར་མོ་གུ་ཆི་ཐུར་དཔོན་མོ་བུ་བཅས་ངོ་བོ་བཅུ་གཅིག །སྟག་རྩེ་ཐའི་ཇི། མྱུག་པ་སྤུན། སྒར་གྲ་ཚང་བླ་མར་འགྲོ་མི་འོར་པ་ཆོས་མཛད། འཕགས་པ་ལྷའི་ཕྱག་མཛོད་དུ་འགྲོ་མི་ཆབ་ནག་དབོན་པོ། སྔགས་པ་ལྷུན་གྲུབ་སོགས་དང་མཇལ་ཕྲད་དང་ཆབ་ནག་དབོན་པོར་བཀའ་བསྒོ་བགྱིས། ཚེས་བརྒྱད་ལ་ཆང་ཁྱིམ་པ་ངག་དབང་མཁྱེན་བརྩེའི་ངོར་མགོན་པོ་ཨ་གྷོ་རའི་གཏོར་ཆག་བསྐང་བསྟོད་ཆ་ཚང་བ་བཀོད། ཚེས་བཅུ་གཅིག་ནས་གྲ་པ་གྲངས་བཅད་ཀྱིས་གཟའ་མདོས་བཏང་ཞིང་བླ་མཁྱེན་ངག་དབང་ཕ་བུར་ཇ་གྲལ་དང་། ཚེས་བཅུ་བཞིར་སྤེན་སྣར་འགྲུབ་སྦྱོར་ཐོག་རྣམ་སྲས་གན་མཛོད་དུ་ངེད་རང་ངོས་འགྲོའི་རྣམ་སྲས་ཀྱི་གཏོར་གཞི་བཙུགས་ཤིང་གྲངས་བཅད་ཀྱིས་ཐུགས་དམ་རྒྱས་པར་བཀང་། ཚེས་བཅོ་ལྔར་ཐང་ལྷ་གཙོར་བཏོན་གྱི་གཟབས་གསོལ་དང་བཅས་པ་བསྟར། སའི་ཚངས་པ་བསྟན་འཛིན་ད་ལའི་རྒྱལ་པོ་སྲས་འབངས་འདམ་དུ་འདེགས་གདོང་གི་བྱིན་རླབས་ཇ་གྲལ། རྒྱལ་སྲས་ཀུན་དགའ་རབ་བརྟན། བསྟན་འཛིན་དབང་རྒྱལ་གྱི་དཔོན་མོ། རྨེ་རུ་བླ་ཟུར། ལི་ཐང་མཁན་པོ། དེ་མོ་སྤང་ལེབ་བླ་མ། ཁལ་ཁ་ཛ་ཡ་པཎྜི་ཏའི་མི་སྣ་སོགས་དང་ཕྲད། ཚོམས་ཆེན་སྟེང་ནས་སོག་དམངས་བརྒྱད་བརྒྱ་སྐོར་ལ་མེ་ཏོག་གཏོར། ཚེས་བཅུ་དྲུག་ལ་གོང་དཀར་ཆོས་སྡེའི་ཆོས་འཆད་པ་དགེ་སློང་འཕྲིན་ལས་པར་སྟེར་བྱ་དང་བཅས་རང་གནས་སུ་ཐོན། ཚེས་བཅུ་བདུན་ནས་ཧོར་ཟླ་བཅུ་གཉིས་པའི་ཚེས་གཅིག་གི་བར་ཧྲཱིཿདམར་གཤིན་རྗེ་མཐུ་སྟོབས་དྲེགས་པའི་བདག་པོ་

[Full Size]

སོགས་ཟབ་རྒྱས་ཅན་གྱི་སྲུང་བཟློག་བསད་མནན་སྦྱོར་བས་ཕྱི་ནང་གསང་བའི་བར་གཅོད་གཡུལ་ལས་རྒྱལ་བའི་ཐབས་ལག་ཏུ་བླངས། ལྷོ་འབྲུག་སོགས་དགྲ་བོ་བྱད་མ་ལྷ་སྲུང་དང་བཅས་པའི་ལོ་བསྒོམས་ཟླ་བ་དང་ཟླ་བ་ཞག་གིས། ཞག་དུས་ཚོད་ཀྱིས་བཤིག་པའི་གནམ་ས་ལྟོ་དཀྲུག །མཆོད་རྟེན་ཁ་གསོ་སོགས་ཉི་ལྡོག་གི་རིམ་གྲོ། གནམ་གང་ལ་མཆི་བདག་བཟློག་པ་རྣམས་འཆར་ཅན་བྱས། བོད་ཁམས་སྤྱིར་ནད་ཡམས་མུ་གེ་འཐབ་རྩོད་ཞི་བ་དང་ལོ་ཆུ་མི་ཕྱུགས་སོགས་འཕེལ་ཕྱིར་ཡུལ་གྲུ་ཆེ་ཆུང་དང་བསྟུན་ཡུམ་རྒྱས་འབྲིང་བསྡུས་གསུམ། ཡིག་བརྒྱ་འབུམ་ནས་ཁྲི་བར་གང་འགྲུབ། ཆེ་ཆུང་བལྟོས་མེད་ཀྱིས་བསངས་དང་རྒྱགས་རྔན། དགྲ་ལྷ་དཔངས་བསྟོད། བསྟན་མ་དང་གཞི་བདག་མཆོད་པ། ཚེར་གསེབ་ཆོས་སྐྱོང་གི་གསུང་བཞིན་སྡེ་པའི་རིམ་གྲོར་གསས་ཁང་དང་བྲག་དབར་བ་གཉིས་ཀྱིས་འབུམ་བརྒྱ་གཉིས། སྟོད་དམག་འགྲོ་ཁྱབ་ཆེ་བའི་གཏང་རག་ཏུ་རྒྱུད་སྟོད་སྨད། སྔགས་ཁང་དགེ་སློང་ཅན། དགའ་ལྡན། སེ་ར། གནས་ཆུང་རྣམས་སུ་བརྒྱད་གྲས་གཏང་རག་གི་བསྐང་བ་ཉིན་གང་མ། ཧོར་ཟླ་བཅུ་གཉིས་པའི་ཚེས་གཅིག་ལ་གོང་དཀར་བློ་བཟང་བསོད་ནམས་ཀྱི་དད་རྟེན་འདྲ་འབག །སྒྲུབ་ཁག་རྣམས་ཀྱི་དམིགས་རྟེན་རྡོ་རྗེ་དྲག་པོ་རྩལ། ཚེ་བདག །ཀི་ཀང་། ལོག་ཏྲི། བསྟན་མ་བཅུ་གཉིས་རྣམས་ཀྱི་ཐང་སྐུ་ཟུར་འཕྲིན་ལས་རྣམ་རྒྱལ་གྱིས་ལག་དར་བྲིས་པ། སྔགས་རམས་པ་དོན་གྲུབ་རྒྱ་མཚོའི་ལམ་རིམ་བརྒྱུད་པའི་ཐང་ཀ་

[Full Size]

གྲམ་པ་བ་དགེ་སློང་བློ་བཟང་དང་། གོང་དཀར་བློ་བཟང་དཔལ་འབྱོར། འཕྱོང་རྒྱས་པ་ངག་དབང་ནམ་མཁའ་གསུམ་གྱིས་གྲ་ཚང་དཀོན་གཉེར་འཇོག་དངུལ་ལ་ཕབ་པར་སུམ་བརྒྱས་བདུན་ཅུ་ལྷག་བཅས་སྤམས་མཐོ་བྱས་སྐབས་རྡོ་རྗེ་ཕུར་པའི་དཀྱིལ་ཐང་། རྡོ་པ་བློ་བཟང་བཀྲ་ཤིས་ཀྱིས་དགེ་སྐོས་འཇོག་ལ་དངུལ་གྱི་པད་སྡེར་ཕུལ་བ། དགའ་ལྡན་ཚེ་དབང་དཔལ་བཟང་ར་ལ་ཁང་དམར་དུ་ལ་དྭགས་པའི་བློན་པོ་ཤཱཀྱ་ཅན་གྱི་དམག་གདོང་བསུར་ཡོངས་པའི་ཕ་རོལ་དགྲ་སྡེའི་དཔུང་ལས་རྣམ་པར་རྒྱལ་བའི་ཚེ་བསྟན་སྲུང་རྒྱ་མཚོའི་ཚོགས་ལ་འབུལ་བའི་སྙན་ཤལ་རྣམས་ཀྱི་ཁ་བྱང་དང་རྒྱབ་ཡིག །དགའ་ལྡན་བསྟན་འཛིན་བོ་ཤོག་ཐུ་དང་ཤུན་གཞིས་ཀ་བ་དངོས་གྲུབ་ནོར་བུས་བསྐུལ་བའི་གསོལ་འདེབས། རང་གི་བརྗེད་བྱང་དུ་པད་གླིང་གཏུམ་པོའི་ལས་བྱང་མཐོང་བས་རྣམ་གྲོལ་རྒྱལ་བྱེད་སློབ་དཔོན་ཆོས་དབང་རྒྱ་མཚོའི་ངོར་སྨོན་ལམ་རྣམས་བརྩམས། ཚེས་བཞིར་ཤེལ་དཀར་ཆོས་སྡེ་བ་དཀའ་བཅུ་གསུང་རབ་བསྟན་འཛིན་གྱིས་མངོན་རྟོགས་རྒྱན་དང་། ཕར་ཕྱིན་འགྲེལ་པ་བློ་བཟང་དགོངས་རྒྱན་སྤྱི་དོན་མཐའ་གཅོད་དང་བཅས་པའི་རྒྱུགས་སྤྲད། ཚེས་དྲུག་ལ་ཕུན་ཚོགས་གླིང་དུ་པར་གསར་བརྐོས་རང་རྩོམ་གྲས་བདེ་མཆོག་དྲིལ་བུ་ལྷ་ལྔའི་སྒྲུབ་ཐབས་ལོ་པཎ་ཞལ་ལུང་། དཀྱིལ་ཆོག་དཔའ་བོའི་གྲོང་འཇུག །དཀར་ཆག་ཆེ་བརྗོད་སྡེབས་ཉིས་བརྒྱ་སུམ་ཅུ། ཀུན་མཁྱེན་བུའི་ལས་བརྒྱའི་ཊཱིཀྐ། ཞ་ལུ་པ་ཡེ་ཤེས་རྒྱ་མཚོས་མཛད་པའི་བྱམས་སྨོན་འགྲེལ་པ་ཚོགས་

[Full Size]

གཉིས་ཆུ་རྒྱུན། ཟུར་མཁར་བློ་གྲོས་རྒྱལ་པོས་མཛད་པའི་དུམ་བུ་གཉིས་པ་བཤད་པའི་རྒྱུད་གྱི་འགྲེལ་པ་མེས་པོའི་ཞལ་ལུང་དང་། ཕྱི་རྒྱུད་རྩ་མདོ་ཡན་གྱི་འགྲེལ་པ་རྣམས་འབྱོར། ཚེས་བརྒྱད་ལ་ཕུར་སྒྲུབ་སྔར་བཞིན་བཙུགས་སྟེང་གྲངས་བཅད་ཀྱིས་ཁྲོ་རོལ་སླང་གང་མ་བདུན་ཕྲག་བར་བསྒྲུབས་ཏེ་གཏོར་མ་འཕངས། ཚེས་བཅུ་གསུམ་ལ་དཔོན་མོ་ཚེ་རིང་གི་བུ་མོན་ཁུ། དཔོན་མོ། ནོ་ཡོན་དགེ་ཚུལ་གྱི་ཚ་བོ་བསྟན་འཛིན་དགེ་སློང་། མེར་གན་ཐའི་ཇིའི་བུ་དཔོན་མོ་དང་བཅས་པ། དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་ཚོགས་གསོག་རབ་འབྱམས་པ་དང་འདི་གའི་མི་སྣ་ཆེ་ཆེན་དར་རྒྱས། བསྟན་འཛིན་ཁོ་ཤོའུ་ཆིའི་མི་སྣ་དར་རྒྱས་དགེ་སློང་། ཨེར་ཏེ་ནི་དགེ་སློང་། ཨ་ཆི་ཐུ་ཆོས་རྗེའི་མི་སྣ་སྦྱར་གོ་ཆི། ཨེར་ཏེ་ནི་དགེ་ཚུལ། ཡི་ཁ་བནྡེའི་བསྔོ་རྟེན་སྐྱེལ་མི་ཕུན་ཚོགས་དབང་པོ། འོན་དུ་སུ་བླ་མའི་མི་སྣ་ཨེར་ཏེ་ནི་དགེ་སློང་། པཱ་ཐུར་གྱི་མི་སྣ་དར་ཁན་དབོན་པོ། ད་ལའི་ཧུང་ཐའི་ཇིའི་མི་སྣ་སྣ་བོ་ཁུ་བནྡེ། ཨ་ཆི་མགོན་པོའི་མི་སྣ། རྒྱལ་མོ་རྡོ་རྗེ་རབ་བརྟན་གྱི་སྨན་པ་སོགས་ལ་ཇ་གྲལ་དང་། གསར་འགྲུལ་རྣམས་ཀྱིས་གསེར་དངུལ་ཇ་གོས་དར་སོགས་ཀྱི་བདོག་པ་བཏེག །ཕྱི་དྲོ་སྟག་ལུང་ཟུར་པ་སྐུ་མཆེད། བསམ་ཡས་དཀར་པོ་བ། མཚལ་པའི་ལྕམ། ཤག་ལྷོ་པའི་བུ། མདོ་སྔགས་གླིང་སློབ་དཔོན། རྒྱུད་སྟོད་ཞལ་སྔ་ནས། ནག་ཤོད་བླ་མར་འགྲོ་མི་སེ་ར་ཧ་སྡོང་དགེ་སློང་། ལྡན་མ་རབ་བརྟན་ཕ་བུ། ར་ཉག །ཤ་

[Full Size]

ཁྲི་དབོན་པོ། རྭ་སྒྲེང་མཁན་པོའི་བསྔོ་རྟེན་སྐྱེལ་མི། རྔོད་རབ་བརྟན་མ་བུ་སོགས་དང་མཇལ་ཕྲད། མཁན་ཐོག་རྡུགས་པའི་བསྔོ་རྟེན་བླ་ཆས་ཆ་འགྲིག །གསེར་དངུལ་ཇ་གོས་དར་རས་སོགས་མཐོན་པོར་བཏེགས་པར་ས་ལམ་གྱི་བར་གཅོད་སེལ་བའི་བསྔོ་སྨོན་རྣམ་དག་བགྱིས། འདི་པ་ཕྱི་ནང་མི་མཚུངས་པའི་སྦས་པའི་རྣལ་འབྱོར་པ་ཞིག་ཡོད། ལྡན་མ་རབ་བརྟན་གྱིས་རྟ་བརྒྱད། ར་ཉག་ཤ་ཁྲི་དབོན་གྱིས་རྟ་བཅུ་དགུ་འདུག །ཚེས་བཅུ་བདུན་ལ་འུན་དུ་སུ་བླ་མས་རིང་འཚོའི་དངོས་པོ་ཚན་གྲངས་དང་འགྱེད་བཅས་གྲ་ཚང་ནས་མཁའ་འགྲོ་སྡེ་ལྔར་བརྟེན་པའི་ཆོ་ག་མཛད། བློ་བཟང་མགོན་པོ་རབ་བརྟན་དང་བྱང་རྩེ་ཆོས་རྗེར་བྱིན་རླབས། སྤུན་བདུན་པ་ལྷུན་གྲུབ་རྒྱ་མཚོ་དགའ་ལྡན་ཚེ་དབང་གི་སར་འགྲོ་གདོང་འཚེ་བ་ལས་བསྐྱབ་པའི་བཀའ་བསྒོ། བསླབ་བྱ། འདི་དགོངས་ནས་ཉེར་བརྒྱད་བར་མི་མཐུན་ཕྱོགས་ཞི་བྱེད་དུ་དམིགས་སྒོ་གསུམ་མི་འདའ་བའི་བཅད་རྒྱ་དམ་པོར་བགྱིས། ཚེས་བཅོ་བརྒྱད་ནས་གཡུལ་ལས་རྣམ་པར་རྒྱལ་བའི་གཏང་རག་གྲ་ས་ཁག་གསུམ་དུ་བྱས་པའི་ཚོམས་ཆེན་དུ་ཚེ་བདག་སོགས་སྔ་འགྱུར། གྲ་ཁང་དུ་མགོན་ཆོས་སོགས་གསར་མ། དེ་འཕྲོས་བཀའ་འགྱུར་ཁང་དུ་གུར་ཞལ་ལས་མཁན་སོགས་ཆོས་སྲུང་སྤྱི་དང་བྱེ་བྲག་ཐམས་ཅད་ལ་གཟབས་གསོལ་ཤིན་ཏུ་རྒྱས་པ་གཏོར་མའི་རི་བོ། སྨན་རག་གི་རྒྱ་མཚོ། དར་གྱི་ལྡ་ལྡི། གོ་མཚོན་སྤྱན་གཟིགས། མཆོད་པ་བསམ་གྱིས་མི་ཁྱབ་པ་ཀུན་བཟང་མཆོད་པར་འགྲན་པ་སྤྲོས། ཉེར་གསུམ་ནས་
དུས་དགྲའི་དབང་པོའི་སྒྲུབ་མཆོད། འཕར་ཞག་ལྔར་ཕུར་པའི་ཁྲོ་རོལ་བཏང་། ཉེར་བརྒྱད་ལ་རྨེ་རུ་སྤྱི་སོས་མཆོད་ཡོན་གཉིས་བོས་པའི་སྐལ་བར་འཁྲིས་སུ་བཅར་བའི་སྟེང་འཕྱོས་པ་སྐུ་སྐྱེ་ལྷ་སར་གྲ་སྐོར་བྱེད་པའི་བཤད་ཕུད་བྱས། ཕྱི་རོལ་ཏུ་གཉུག་མར་གནས་པའི་ཚོགས་དང་བཅས་པར་དཀར་སྤྲོ་དམར་དྲོ་ཤིན་ཏུ་རྒྱས་པ་བདོག་པའི་དངོས་པོ་བརྐྱང་བས་ཐམས་ཅད་ཚིམ། བླ་མ་གསར་རྙིང་ལས་སྣེ་བ་ཚོར་བྱིན་རླབས་དང་། དམངས་ལ་ཇ་གྲལ། སྲིད་གསུམ་བདག་མོ་མཆོད་པ་དང་སྡེ་པ་སངས་རྒྱས་རྒྱ་མཚོས་གུང་ཐང་སྲི་གནོན་དུས་མཆོད་ཁང་སོ་སོའི་སྙན་ཤལ། དགེ་སློང་བློ་བཟང་དོན་གྲུབ་ཀྱིས་གྲ་ཚང་གི་སྐུ་དྲིན་བསབ་ཆེད་དངུལ་སྲང་ཉེར་གསུམ་དང་ཞོ་བདུན་ལས་གྲུབ་པའི་རྣམ་བུམ་དང་བཅས་པའི་ཁ་བྱང་། ཞལ་སྔ་ནས་ལེགས་པ་དོན་གྲུབ་གྲ་དམངས་དང་བཅས་པའི་ངོར་བློ་གསལ་གླིང་དུ་སྤོ་འབོར་ཆོག་ཐུ་ཆོས་རྗེ་དགེ་འདུན་དཔལ་འབྱོར་གྱིས་མཚན་བརྗོད་འདོན་པའི་ཐེབས་སུ་དངུལ་སྲང་ལྔ་བཅུ། སྐུ་འདྲ་བཞེང་ཐེབས་ཀྱང་སྦྱར་ཏེ་གཙང་ཁང་དུ་བཞུགས་པའི་གསོལ་འདེབས་སྨོན་ལམ། སྡིང་པོ་ཆེ་སྤྲུལ་སྐུའི་འཕྲིན་ལན་སྙན་ཚིག་ནས་དྲངས་པ་བྲིས། གནམ་གང་ལ་ལྷོ་བྲག་དཀར་པོ་བླ་མ་དང་། རྡོར་ལེགས་དང་ཕྲད། །

དགུང་ལོ་རེ་བཞི་པར་རིས་མེད་འདུས་སྡེ་ཁག་ནས་རིམ་བཟློག་སོགས་ཀྱི་ཆེད་དུ་རིམ་གྲོ་དང་། རྟ་ཚག་རྗེ་དྲུང་གིས་གཙོས་སྐྱ་སེར་ཁྲི་ཚོ་ལྷག་ལ་དམ་པའི་ཆོས་ཀྱི་ཟབ་ཆོས་གནང་ཞིང་། དགའ་ལྡན་བདེ་ཆེན་གླིང་གསར་འཛུགས་དང་གཞུང་སྒེར་གྱི་བྱས་ཅན་ཁག་ལ་བདག་རྐྱེན་སྩལ་སྐོར་སོགས།

[Full Size]

དྲག་པོ་ཞེས་པ་ལྕགས་སྦྲེལ་གནམ་ལོ་གསར་དུ་ཚེས་པའི་དཔལ་ལྡན་སྲིད་གསུམ་བདག་མོ་མཆོད་པ་དང་རྟེན་འབུལ་སོགས་རྒྱས་པར་བགྱིས། ཚོམས་ཆེན་དུ་དགའ་སྟོན་

[Full Size]

ཉིན་དང་པོར་མཆོད་ཡོན། དབོན་ཁག །རྟ་ཚག་རྗེ་དྲུང་རིན་པོ་ཆེ་སོགས་རྒྱུན་འཁོད་དྲུང་འཁོར། གྲ་ས་ཕན་ཚུན། ཕ་བོང་ཁ། རྨེ་རུ་སོགས་ཀྱི་བླ་མ་ཁྲི་གདན་ཟུར། དབུ་ཆོས་སྣེའུ་སྡོང་རྩེ་ནས་སྡེ་པ་བློ་བཟང་སྦྱིན་པའི་གསེར་ཡིག་པ་བློ་བཟང་ཆོས་ལྡན། གདན་ས་གོང་འོག་གི་མགྲོན་གཉེར། དགོན་ཆེ་ཆུང་། རྫོང་གཞིས་སོགས་ཀྱི་ལེགས་སྐྱེས་བསྟར་མི་མཐའ་ཀླས་པ། རོལ་ཆ་གྲལ་འཕྲོས་སོགས་སྔར་མུ་བཞིན་དང་། ཉིན་གཉིས་པར་རྒྱལ་པོ་སྐོར་རགས་བསྡུས། རྣམ་པར་རྒྱལ་བའི་ཕན་བདེ་ལེགས་བཤད་གླིང་ཡོངས་རྫོགས། རིན་ཆེན་རྒྱན་ཆ་གཞུང་གི་ལྔ་བཅུའི་སྟེང་། སྡེ་དབོན་ཆེ་ཆུང་ནང་ནམ་དྲུང་འཁོར་སྒེར་གྱོན་བཅས་བདུན་ཅུ་དོན་ལྔ། ཛུམ་ལང་རྒྱལ་པོའི་མི་སྣ་སོགས་འཛོམས་ཐོག་བཀྲ་ཤིས་རྟགས་བརྒྱད། རྒྱལ་སྲིད་རིན་ཆེན་སྣ་བདུན། རྫས་བརྒྱད། མཆོད་སྤྲིན་རྣམ་བརྒྱད་སྤྲོ་བ་སོགས་ཀྱི་ལེགས་ལམ་རྒྱས་པར་སྤེལ། རྩེར་སྡེ་པ་ལྷུན་པོ་རྩེ་པ། མཚལ་པ། སྟག་རྩེ། ལྔ་བ་ཐོན་འབོག་གོང་། ལྷོ་པ་དཔལ་བཟང་། འབར་བླ་མར་འགྲོ་མི་སེ་ར་སྨད་རབས་འབྱམས་པ་ངག་དབང་ནམ་མཁའ། ནག་ཚང་དབང་ཆེན། མཁའ་འགྲོ་དགེ་ཚུལ་མ། རྒྱལ་པོའི་སྲས་མོ་ཀུན་དགའ་རབ་བརྟན་སོགས་ལ་ཇ་གྲལ་དང་། རིན་ཆེན་རྒྱན་ཆ་བ་བྱིངས་ལ་བྱིན་རླབས། ཚེས་བཞིར་དགའ་ཁྲི་རིན་པོ་ཆེ་བློ་བཟང་བསྟན་འཛིན། དབོན་པོ། སྨད་རྒྱུད་དབུ་མཛད། དུང་དཀར་

[Full Size]

སྐུ་སྐྱེ་ཚངས་དབྱངས་འབྲུག་སྒྲ། བྷྲུཾ་པ་མི་དབང་། རྣམ་གླིང་པ་ཕ་བུ། ཤག་བྱང་པ། སྙེ་དགོན་པ། མིག་པ། ཨོ་རོད་ཕ་བུ། གཞིས་རྩེ་རྫོང་སྡོད་གནས་གསར་དབང་རྒྱལ། རྒྱལ་རྩེ་རྫོང་སྡོད་རྡོ་དགོན་པ་བ། ངམ་རིང་རྫོང་སྡོད་སྒོག་མཁར་བ། པ་ནམ་རྫོང་སྡོད་ཚ་བ་གྲུ་པ། རྩེ་ལ་སྒང་རྫོང་སྡོད་སྒང་པ། ལྷུན་རྩེ་རྫོང་སྡོད་དཀར་བྲག་པ། རིན་སྤུངས་རྫོང་སྡོད་སྐྱིད་སྦུག་པ། རྒྱ་མདའ་རྫོང་སྡོང་བདེ་གླིང་པ། སྐུ་རབ་རྫོང་སྡོད་འབྱོར་རྒྱས་པ། རྒྱ་མཚོ་གཞིས་སྡོད་དགའ་བཞི་བ། ལྷ་བུ་གཞིས་སྡོད་རེ་མ་བ། སེང་རྫོང་སྡོད་མི་ཕྲེང་སྨད་པ། ལྷ་ཁང་གཞིས་སྡོད་དམ་རུ་བ། ཆུ་ཤུར་རྫོང་སྡོད་རི་ཟུར་པ། འབྲོང་རྩེ་རྒྱལ་ཕུར། ལྷ་ས་བྱང་གླིང་པའི་མི་ངོ་སོགས་ལ་ཇ་གྲལ་ཐོག་ཁྲི་རིན་པོ་ཆེས་ཆོས་དང་འབྲེལ་བའི་འབེལ་གཏམ་ཤིན་ཏུ་སྨར། ཁམས་པ་རྫོགས་ཆེན་པ་པདྨ་རིགས་འཛིན་དང་སྙིང་ཏིག་གི་སྐོར་ལ་ཞིབ་ཆའི་རྒྱུ་མཚན་མང་དག་དང་ཞང་སྟོན་ལྷུན་གྲུབ་དང་ཡང་སྐད་ཆ་སྣ་ཚོགས་བྱུང་། ཕྱི་མ་རེད་གནས་ཆུང་སྐུ་རྟེན་པར་སྨེ་བརྩེགས་ཀྱི་བཀྲུ་བྱབ་སྲུང་གསུམ་གྱི་རྗེས། སྔགས་པ་ལྷུན་གྲུབ། བླ་མཁྱེན་ངག་དབང་། བོན་པོ་ཟླ་བ། བཀྲ་ཤིས་ཚེ་བརྟན། སྤྱན་གཡས་པ་རྣམས་དང་ཕྲད། ཚེས་ལྔར་དགེ་སློང་བློ་བཟང་དོན་གྲུབ་ཀྱིས་དངོས་པོ་མཎྜལ་དུ་བགྱིས་ཏེ་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་བསྟར་ཞིང་མཆོད་སྤྲིན་རྣམ་བརྒྱད་པ་ཚོར་བྱིན་རླབས་བྱས། འདི་ཉིན་ནས་ཚེས་བཅུ་བཞིའི་བར་ཚེ་

[Full Size]

བསྙེན་གནད་དུ་བསྣུན། ཚེས་བརྒྱད་ལ་དབུ་མཛད་ཀྱིས་ཆོ་འཕྲུལ་ཐོག་ཉིན་བརྒྱད་བར་བརྒྱ་མཆོད་དང་ཇོ་བོ་རྣམ་གཉིས་ལ་སྣམ་སྦྱར་ཕུལ་བའི་ཁ་བྱང་། གཉན་ཆེན་ཐང་ལྟར་བཟབས་གསོལ་ཐོག་འབུལ་རྒྱུའི་སྙན་དར་ཁ་ཡིག །དཔལ་གྲོང་སྔགས་རམས་པས་བཀའ་གདམས་གླེགས་བམ་ནས་བསྟན་པ་སོགས་པཎ་ཆེན་དགེ་འདུན་གྲུབ་པའི་འཁྲུངས་རབས་གྲ་ཚར་བཞེངས་པའི་རྒྱབ་ཡིག །རྒྱུད་སྡེ་རྒྱ་མཚོའི་མངའ་བདག་བཅོ་བརྒྱད་ཆོས་རྗེའི་གསུང་གིས་བསྐུལ་བའི་རྩེ་གདོང་ཞབས་དྲུང་བསོད་ནམས་བསྟན་འཛིན་དབང་པོ་བྱམས་པ་ཆོས་ཀྱི་རྒྱལ་མཚན་དཔལ་བཟང་པོའི་གསོལ་འདེབས་བརྟན་བཞུགས། སེ་ར་ཧ་སྡོང་མི་ཚན་གྱི་ངོར་ངེད་རང་དང་སྡེ་པ་སངས་རྒྱས་རྒྱ་མཚོའི་རིང་འཚོ། བློ་བཟང་རབ་བརྟན་གྱིས་བསྐུལ་བའི་ཚ་མིག་མཁན་པོ་བློ་བཟང་བསྟན་འཕེལ་གྱི་གསོལ་འདེབས། ཁ་རག་ཁྱུང་བཙུན་མར་སྙན་ཤལ་ཕུལ་བའི་ཁ་བྱང་། རྩེས་དང་ངག་དབང་མཁས་བཙུན་གྱིས་གྲ་སྐོར་བཏང་དུས་གྲ་ཚང་དུ་སྲང་ཉེར་གསུམ་གྱི་དངུལ་སྐོང་ཕུལ་བའི་ཁ་ཡིག །གྲམ་པ་དགེ་སློང་བློ་བཟང་ངག་དབང་། གོང་དཀར་བློ་བཟང་དཔལ་འབྱོར། འཕྱོང་རྒྱས་པ་ངག་དབང་ནམ་མཁའ་གསུམ་གྱིས་རིང་འཚོའི་སྐབས་སྤྱི་འབུལ་དུ་གོས་དམར་འཇམ་སང་དྲ་ལྕགས་གན་ཇུས་སངས་རྒྱས་སྟོང་སྐུ་ཅན་གཅིག་གིས་གཙོས་སྣམ་སྦྱར་བཅུ་བདུན་དང་། ཟངས་དམར་གྱི་ཀ་ཋོ་ར་ཆེ་ལེགས་ཆ་བཅས་ཕུལ་བའི་ཁ་བྱང་ལེ་ཚན། རི་སྒོ་ཆོས་སྡེའི་དབུ་མཛད་དགེ་འདུན་རབ་བརྟན་གྱི་ངོར་ངེད་རང་

[Full Size]

དང་སྡེ་པ་སངས་རྒྱས་རྒྱ་མཚོ་ཐུན་མོང་གི་རིང་འཚོ་སྤྱི་སྒེར་བསྟན་པ་རྒྱས་པའི་སྨོན་ལམ། བཱ་ཁན་བནྡེས་བསྐུལ་བའི་གསོལ་འདེབས་རྣམས་བཀོད། ཚེས་དགུ་ནས་བཟུང་གྲངས་བཅད་ཀྱིས་དྲི་ཟའི་རྒྱལ་པོ་རྡོ་རྗེ་འབར་བ་འཁོར་བཅས་ལ་གཟབས་གསོལ་ཞག་བདུན་བཏང་བའི་ཚེ། ཚུགས་ཉིན་ཁ་བ་བུ་ཡུག་འཚུབ་པ་སོགས་ལྷ་ཆེན་དགྱེས་པའི་མཚན་མ་དངོས་སུ་བསྟན། གྲངས་བཅད་ཁག་གཉིས་ཀྱིས་འཕུང་དུར་ན་དང་སྤྲེལ་ལོའི་ཀེག་སྲི་ངན་པ་གནོན་པའི་སྒྲུབ་པ་དང་། གྲ་ཚང་བྱིངས་ལ་ཨྱཻ་རིང་བཟློག་བཅས་བཙུགས། ཚེས་བཅུ་བཞིར་ནང་མཚམས་གྲོལ་བའི་སྡེ་པར་ཚེ་དབང་འཆི་མེད་དཔལ་སྟེར་བསྐུར། ཚེས་བཅོ་ལྔར་གླིང་སྟོད་སྐུ་སྐྱེ་ངག་དབང་གཞོན་ནུ་ལོ་བཅུ་བཞིའི་སྟེང་ཆ་ལག་བཅོ་བརྒྱད་ཤིན་ཏུ་བྱང་བའི་རྒྱུགས་སྤྲད། ཚེས་བཅུ་དྲུག་ལ་སྨོན་ལམ་ཆེན་མོར་གྲ་པ་རེར་དངུལ་ཞོ་དོ་རེའི་ཁྱོན་སྲང་བདུན་བརྒྱ་རེ་དགུ། ཡང་གྲ་པ་རེར་ཡ་ཇུ་ཉག་ཕྱེད་གསུམ་རེའི་ཁྱོན་ཁོར་དྲུག་མ་སུམ་བརྒྱ་གོ་གཅིག །ལྷ་ས། ར་མོ་ཆེ། དམར་ལྕགས་ལ་ཞལ་གསེར། སྙན་ཤལ། སྤོང་དག་ལ་ངེད་རང་གི་གོས་མང་བ། ཡོལ་བ་བླ་བྲེ་དངུལ་དཔྱད། མཆོད་ཆས། དཀར་དཔྱད། སག་ཐག་མེ་མདའ་སྒ་རྟ་དྲེལ་སོགས་གྲ་པ་རེར་དངུལ་ཞོ་དོ་རེ། འབོ་དེ་ཙིའི་ཕྲེང་བ་བརྒྱ་རྩ་བརྒྱད་པ་རེ། ལྕགས་ཀྲོ་ལེ་མ་རེ་བཅས་འགྱེད་སྣ་ལྔ་ཕུལ་ཏེ་ཚོགས་བསགས། ལ་མོ་ཆོས་སྐྱོང་ཆེན་པོའི་ལུང་བསྟན་ངེད་

[Full Size]

རང་གི་བརྟག་པ། རྡོ་རྗེ་བྲག་དང་གཏེར་སྟོན་རིན་པོ་ཆེའི་མནལ་ལྟས་སོགས་གོ་བསྟུན་པའི་གེགས་སེལ་དུ་སྲི་གནོན་ཁ་ཤས་དགོས་པ་པོ་ཏ་ལ། ལྷ་ས། བསམ་ཡས། ཁྲ་འབྲུག་སོགས་གནས་ཆེན་རྫོང་གཞིས་བསྡོམས་བཅོ་ལྔར་གྲ་ཚང་། རྡོ་རྗེ་བྲག །སྨིན་གྲོལ་གླིང་སོགས་རྙིང་དགོན་འབྲེལ་མཚུངས་ནས་གྲ་སློབ་བཅུ་གཉིས་རེས་སྒྲུབ་ཞག་བདུན་རེ་སྔོན་འགྲོའི་འཕུང་སྲི། དུར་སྲི། གོད་སྲི། ནད་སྲི། དགྲ་སྲི་རྣམས་གཙོར་བཏོན་ཏེ་མནན། ངེད་རང་གི་རིམ་གྲོར་ཕུན་ཚོགས་གླིང་དུ་རང་གྲ། ལྷ་རྩེ་འོག་མིན་གླིང་པ། པ་ནམ་དུ་མཚན་སྒྲོག་པ། ཞ་ལུ་བ་སྟེ་བརྒྱ་པ་ཁག་བཞི། ལྷ་སར་ཐང་སྐྱ་བ། གཞིས་རྩེར་མྱུག་ཆོས་གླིང་པ། ཡེར་པར་རང་གྲ་སྟེ་བརྒྱ་པ་གསུམ། སེར་འབྲས་སུ་ཇ་ཚུལ་སུམ་ཅུ་རེ་བཅས་བཀའ་འགྱུར་ལྔ་བཅུ་ང་གཅིག །འབུམ་ཉིས་བརྒྱ་དང་བཅུ། བརྒྱད་སྟོང་པ་ཆིག་སྟོང་ཉི་ཁྲི། ཤེར་ཁྲི་དང་ཁྲི་བརྒྱད་སྟོང་པ་བཅུ་གཉིས་རེ། མཚན་བརྗོད་བཞི་སྟོང་ལྔ་བརྒྱ། གཟུངས་འདུས་ཆིག་བརྒྱ། གདུགས་དཀར་སུམ་འབུམ་ཉི་ཁྲི་བཞི་སྟོང་ལྔ་བརྒྱ། ཤེར་སྙིང་སུམ་ཁྲི་ཆིག་སྟོང་། སྒྲོལ་མ་སུམ་ཁྲི་བཞི་སྟོང་ལྔ་བརྒྱ་བཅོ་ལྔ། སཱཙྪ་ཆིག་འབུམ། ཚེ་གཟུངས་ས་ཡ་གཉིས་དང་དྲུག་སྟོང་། ཕ་བོང་ཁར་ཆབ་གཏོར་ཆིག་ཁྲི། གཞིས་རྩེར་ཞ་ལུ་པ་དང་། པ་ནམ་དུ་ངོར་པས་འཆི་མེད་རྔ་སྒྲ། ཕོ་བྲང་དུ་བཀྲ་ཤིས་ཆོས་སྡེ་བས་སྒྲོལ་དཀར། རྒྱལ་རྩེ་བྲག་ལ་བས་ལྕགས་སྡོང་མ་རྣམས་ལ་བརྟེན་པའི་ཚེ་ཆོག་

[Full Size]

འཆི་བླུ་དང་བཅས་པ་གྲ་སློབ་ཉི་ཤུས་ཞག་བཅོ་ལྔའི་བར་འགྲོ་གང་ཆེ། ཤེལ་བྲག་ཏུ་སྨིན་གྲོལ་གླིང་པ་གྲ་སློབ་དྲུག་གིས་ཞག་གསུམ་གྱི་བར་ཚོགས་བརྒྱ། པོ་ཏ་ལའི་ཞོལ་དུ་ཆུ་སྤེ་སྟེང་པས་དབང་ཕྱུག་གི་ཟོར་མདོས་བརྒྱ་ཚར། ཀ་ཚལ་དུ་བླ་མ་ཟུར་པ་གྲ་སློབ་བཅོ་ལྔས་བདུན་ཕྲག་སྔོན་སོང་གི་དྲག་པོ་དམར་ཆེན་གྱི་གཏོར་བཟློག །རྒྱབ་ཆོས་སུ་བྲག་དབར་བ་བརྒྱ་དང་གསུམ་གྱིས་ཞག་བརྒྱད་བར་ཤེར་སྙིང་འགྲོ་གང་ཆེ། གྲ་ཚང་ནས་བརྒྱ་བཞི་ཁ་ཤས། སྡེ་པའི་སྐུ་རིམ་དུ་གཞིས་རྩེར་གངས་ཅན་ཆོས་འཕེལ་བ། རྣམ་རྒྱལ་དུ་དགའ་ལྡན་རབ་བརྟན་པ། རྒྱལ་རྩེར་དགེ་དགོན་ཚོ་བསྡུས། རིན་སྤུངས་སུ་བྱམས་ཆེན་པ། ཤེལ་དཀར་དུ་ཆོས་སྡེ་བ། ལྷ་སར་གསས་ཁང་པ་རྣམས་བརྒྱ་རེས་ཟླ་གཅིག་བར་བཀའ་འགྱུར་བཅུ་གསུམ། གསེར་འོད་དང་གཟུངས་འདུས་བརྒྱ་རེ། མཚན་བརྗོད་ཆིག་འབུམ་ཆིག་ཁྲི་སུམ་སྟོང་བཞི་བརྒྱ་ལྔ་བཅུ། ཉི་ཁྲི་དང་ཕལ་ཆེན་བཅུ་རེ། གདུགས་དཀར་ཉིས་འབུམ་སུམ་ཁྲི་བརྒྱད་སྟོང་ལྔ་བརྒྱ་ང་གཉིས། ཤེར་སྙིང་ལྔ་འབུམ་སུམ་ཁྲི་ཉིས་སྟོང་། སྒྲོལ་མ་སུམ་ཁྲི་དྲུག་སྟོང་དྲུག་བརྒྱ་ཉི་ཤུ། ཚེ་གཟུངས་ས་ཡ་གཅིག་དང་ཉི་ཁྲི་ཆིག་སྟོང་། གོང་དཀར་ཆོས་སྡེ་བས་ཚེ་དཔག་མེད་ལྷ་དགུ། རྡོ་རྗེ་བྲག་པས་ལྕགས་སྡོང་མ། དོ་བོ་རྫོང་དུ་སྨྲ་བོ་ལྕོག་པས་ཚེ་དཔག་མེད་མཚོ་སྐྱེས་རྡོ་རྗེ། འཕྱོང་རྒྱས་སུ་སྨིན་གྲོལ་གླིང་པས་གཏེར་གསར་ཚེ་དཔག་མེད་རྣམས་ཀྱི་ཚེ་ཆོག །གྲ་སློབ་བཅུ་གསུམ་རེས་ཉིན་བདུན་

[Full Size]

གྱི་བར་འཆི་བླུ་ཆོ་ག་དང་བཅས་རྒྱས་པར་བཏང་། ཆུ་བོ་རིར་ངེས་གསང་རྡོར་གླིང་པ་དྲུག་གིས་ཉིན་གསུམ་གྱི་བར་ཚོགས་བརྒྱ། ཕ་བོང་ཁར་རང་གྲ་སུམ་ཅུས་སཱཙྪ་འབུམ་ཐེར། གཏོར་མ་བརྒྱ་རྩ་ཁྲི། རྒྱལ་དུ་དམག་ཟོར་མར་བསྐང་བཤགས་ཁྲི། ལྷ་སར་གསང་སྔགས་བྱང་ཆུབ་གླིང་པ་གྲ་སློབ་བརྒྱས་སྒྲུབ་ཞག་བདུན་བར་ཁྲོ་རོལ་གཏོར་བཟློག །བཙོན་དོང་ཐར་བཅུ་གསུམ། ར་ལུག་བ་ལང་སོགས་བརྒྱ། ཉ་འབུམ་རྣམས་ཀྱི་སྲོག་བླུས། དུས་བཟང་ལ་ལྷ་སར་མཆོད་པ་སྣ་ལྔ་བརྒྱ་ཚར། དབུལ་ཕོངས་སྟོང་ཕྲག་ལ་སྦྱིན་པ་ཟས་དང་སྣམ་བུ། མཆོད་རྟེན་བརྒྱར་སྐུ་དཀར་དར་ལྕོག །འདི་ལོ་ནས་བཟུང་ཟླ་བ་བྱུང་ངོ་ཅོག་བཞིན་རྒྱལ་བཙན་མ་གསུམ་གྱི་མདོས། རིས་མེད་དགོན་ཨང་དང་གཉིས་ཡན་ལ་མང་ཇ་རེ། རྩེ་ཤོད་ཐུན་མོང་གི་རྒྱལ་དུ་དམག་ཟོར་མར་བསྐང་བ་ཉི་ཁྲི་ཆིག་སྟོང་སུམ་བརྒྱ། གུར་ཞལ་བེག་ཙེ་གསུམ་ལ་ཆིག་སྟོང་སུམ་བརྒྱ་རེ། གཞན་ཚོར་ཕྱེད་ཉིས་བརྒྱ་རེ། ལྷུན་རྩེར་སྡེ་དྲུག་གིས་འབུམ་བཅུ། སྒྲོལ་མ་ཆིག་ཁྲི་ལྔ་བརྒྱ། ཤེར་སྙིང་བདུན་སྟོང་ལྔ་བརྒྱ། ཚེ་གཟུངས་ཆིག་ཁྲི་ལྔ་སྟོང་། རྣམ་གླིང་དུ་དགའ་ལྡན་ཆོས་འཁོར་བས་བཀའ་འགྱུར་ལྔ། པོ་ཏ་ལར་མི་རུས་མི་གཅིག་པ་གསུམ་གྱིས་རྨ་བྱ་ཆེན་མོའི་གཟུངས་རིང་ཉེར་དྲུག་རེ། དབུས་གཙང་རྫོང་གཞིས་ཚང་མའི་ལམ་ཟམ་ཞིག་གསོས། བོད་འབངས་སྤྱིའི་བདེ་ཐབས་སུ་པོ་ཏ་ལར་གྲ་ཚང་། ལྷ་རྩེ་བཀྲ་བཟང་པ། རྒྱལ་རྩེར་བྲག་ལ་བ། གོང་དཀར་དུ་རྡོ་རྗེ་བྲག་པ་རྣམས་

[Full Size]

གྲ་སློབ་དགུ་རེས་ཕྱྭ་གཡང་ནོར་བུ་མཆོག་རྒྱལ་གྱི་སྒྲུབ་པ་བདུན་ཕྲག་རེ། ནད་རིམས་བཟློག་ཐབས་སུ་དབུས་གཙང་གི་རྫོང་གཞིས་སྒེར་ཁག་སྡེ་དཔོན་ཚང་མས་ཡར་ངོར་དགྲ་ལྷ་དཔངས་བསྟོད། མ་མདོས། རྒྱབ་ཆོས་སུ་གཟུངས་འགྲོ་གང་ཆེ། རྣམ་འཇོམས་ཀྱི་ཁྲུས་གསོལ་རྒྱས་པ། སྟོད་ཕྱོགས་ཀྱི་ཇུས་རིམ་ལ་གོང་དཀར་དུ་རྡོ་རྗེ་བྲག་པ། གཞི་རྩེར་འུག་བྱ་ལུང་པ། ཕོ་བྲང་དུ་དཔལ་རི་བ་སྟེ་གསུམ་གྱིས་མགོན་པོ་གཡུལ་བཟློག །གཞི་རྩེར་སྒྲོལ་མ་ཕུག་པས་ཚེ་བདག་གཏོར་བཟློག །རིན་སྤུངས་སུ་ངེས་གསང་རྡོར་གླིང་པས་འཆར་ཀའི་མདོས་སྒྲུབ་བདུན་རེར་སྨིན་རྒྱས། སོ་སོར་རྒྱབ་ཆོས་པ་ལྔ་བཅུ་རེས་ཤེར་སྙིང་འགྲོ་གང་ཆེ། གནས་ཆུང་ཆོས་སྐྱོང་གི་བསྐུལ་མ་བཞིན་སྡེ་པའི་སྐུ་རིམ་ལ་དོ་རྫོང་དུ་དོན་གཉིས་གླིང་པས་འབུམ་བརྒྱ། བསྟན་སྲིད་སྤྱི་རིམ་ལ་ལྷ་སར་གོང་དཀར་དཀོན་གཉེར་བས་གདུགས་དཀར་ཀྱི་མདོས། གསང་སྔགས་བྱང་ཆུབ་གླིང་པས་ཨྱཻ་རིང་ས་ཡ་གཉིས་དང་ལྔ་ཁྲི་བརྒྱད་སྟོང་ལྔ་བརྒྱ། ཏྲིག་ཁྲོམ་མ་ཆིག་འབུམ་བདུན་ཁྲི་ལྔ་སྟོང་བདུན་བརྒྱ་བསགས། སྤྱི་སྒོས་ཀྱི་ཕན་བདེ་སྒྲུབ་ཆོས་འབད་དེ་ལག་ཏུ་བླངས། གླིང་སྟོད་སྐུ་སྐྱེ། བློ་བཟང་ཆོས་ལྡན། ངག་དབང་བཟོད་པ་རྣམས་དང་ཕྲད་ཅིང་། སྐུ་སྐྱེར་ཆོས་གོས། ཤམ་ཐབས། ཡ་ཇུ་ཁོར་དྲུག་རྣམས་བྱིན། ཚེས་བཅུ་བདུན་ལ་ཁ་རག་ཁྱུང་བཙུན་མཆོད་པར་གནང་བྱུང་པ་ངག་དབང་མཁྱེན་བརྩེ་མངགས། ཉེར་གཅིག་ལ་གྲོང་སྨད་ཨ་བར་ལ་

[Full Size]

འཆི་བླུ་དང་བྱབ་འཁྲུས་བྱས་གྲམ་པ་དགེ་སློང་བློ་བཟང་ངག་དབང་ཅན་གསུམ་གྱིས་སྟེར་བྱ་དང་གྲ་ཚང་ནས་འབྲས་གཤོངས་དག་སྣང་མར་རྟེན་པའི་རིང་འཚོའི་ཆོ་ག་གསུངས། ཉེར་ལྔར་འོལ་དགར་བར་གླིང་དོན་གྲུབ་ལ་ཁོག་ཞུགས་ཤིག་བྱུང་བ་འགའ་རེས་རྫུ་འཕྲུལ་ཤིན་ཏུ་ཆེ་བས་ཐང་ལྷ་ཡིན་ཚུལ་དང་། ལ་ལས་དེ་འདྲ་མིན་སོགས་གླེང་སྣ་ཚོགས་བྱུང་བ་དབྱངས་འཆར་གྱི་མོ་འདི་རང་ལ་ལྐོག་ཏུ་མ་གྱུར་པ་ཞིག་ཡོད་ནའང་ཚང་མས་མ་མཐོང་གཤིས་ཡིད་ཆེས་ཁྱད་དང་བཅས་གྲ་ཚང་སྤྱིས་ཆོས་སྐྱོང་ཚོར་བསྐང་པ་དང་། གཏེར་སྟོན་རིགས་འཛིན་ཆེན་པོའང་གདན་དྲངས་ཏེ་འབྱུང་པོའི་རིགས་ལ་ལྷ་སྔགས་ཡེ་ཤེས་ཀྱིས་སྐྲོད། ངེད་རང་གིས་སྲུང་འཁོར་དང་དམོད་བོར་ཟུང་འཇུག་གིས་ཐང་ལྷ་ཡིན་ཞིང་བསྟེན་པ་བཟང་ངོ་ཟེར་བ་དང་། འདྲེ་ངན་ཡིན་ནོ་ཟེར་བ། ལྷ་འདྲེ་གང་ཡང་མིན་པས་ཆུ་བབས་སུ་བཞག་པ་བཟང་ཟེར་བའི་ཟན་རིལ་གསུམ་ལྷ་མོ་གསུང་བྱོན་མ་དང་ལྷ་ཆེན་རང་གི་ཐང་སྐུའི་དྲུང་ཟླ་བོ་མང་བ་དང་བཅས་ཕུལ་བ་ལྷ་འདྲེ་གང་ཡང་མིན་པའི་ཆུ་བབས་སུ་བཞག་པ་ཐོན་པ་ལ་མོ་བས་དགེ་སློང་འཇམ་དབྱངས་གྲགས་པར་གསུངས་པ་དང་མཐུན། ཉེར་བདུན་ལ་དཔོན་ས་བུ་ཁྲིད་རྒྱལ་མོ་ཟངས་རིར་ཐོན་གདོང་ཕྲད་པ་དང་ལྷན་དུ་ཨ་བར་མིང་སྲིང་ཡོད་པ་གསུམ་གར་ཇ་གྲལ་བཀའ་བསྒོ་སྟེར་བྱིན་བགྱིས། རིགས་འཛིན་གཏེར་བདག་གླིང་པས་བདུན་གཅིག་གི་བར་གདོན་རིགས་ལ་ཆེད་གཏད་དྲག་དམར་སྒྲུབ་པའི་འཇུག་སྦྱིན་སྲེག་མཛད། ཁྱབ་བདག་ཁྲ་ཚང་

[Full Size]

པ་ཆེན་པོའི་གྲ་པ་ལེགས་བཤད་རྒྱ་མཚོ་དང་རིན་ཆེན་རྒྱ་མཚོ་གཉིས་ཀྱིས་སྒྱུ་འཕྲུལ་གསང་སྙིང་དང་ཐུགས་རྗེ་ཆེན་པོ་འཁོར་བ་དབྱིངས་སྒྲོལ་གྱི་བརྒྱུད་འདེབས་ལས་བྱང་དང་བཅས་པའི་རྒྱུགས། གཉིས་ཀས་ལོ་རེར་ཐུགས་རྗེ་ཆེན་པོའི་མ་ཎིའི་སྒྲུབ་པ་རེ་དང་། ཉིན་རེ་བཞིན་གསང་སྙིང་རྩ་རྒྱུད་དང་མཚན་བརྗོད། ཐུགས་རྗེ་ཆེན་པོའི་ལས་བྱང་བརྒྱུད་འདེབས་དང་བཅས་པ་ཚར་རེ་ཆག་མེད་འདོན་པའི་དམ་བཅའ་བྱུང་། གནམ་གང་ལ་མོན་གེ་ཆིང་པཱ་ཐུར་སོགས་བརྒྱ་སྐོར་ལ་བསྙེན་གནས་ཀྱི་སྡོམ་པ་ཕབ་སྟེ་མངོན་མཐོའི་རྒྱུ་བསྐྲུན། ཧོར་ཟླ་གཉིས་པའི་ཚེས་གཅིག་ལ་གསང་སྔགས་བྱང་ཆུབ་གླིང་པས་ཚན་གྲངས་དང་བཅས་འབྲས་གཤོངས་དག་སྣང་མར་བརྟེན་པའི་རིང་འཚོའི་རྟེན་འབྲེལ་བསྒྲིགས། གོང་དཀར་དཀོན་གཉེར་བས་མཁའ་འགྲོ་མ་འགྲོ་བ་བཟང་མོ་ལུགས་ཀྱི་རིང་འཚོ་བདོག་པ་དང་བཅས་གདངས་སོགས་བབས་ཆགས་བསྟར། དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་སྔ་ཕྱི། རྭ་སྒྲེང་མཁན་པོའི་ཆོ་གོ་ལས། བ་བུ་ལ། འུན་དུ་སུ་མཁན་པོའི་མི་སྣ་ཨེར་ཏེ་ནི་དགེ་སློང་དང་། དགེ་སློང་བསྟན་འཛིན་རྒྱ་མཚོ། དགའ་ལྡན་དའི་ཆིང་གི་མི་སྣ་ཨ་ཆི་ཐུ་དར་ཁན་ཆོས་རྗེ། ཨུ་ཁོར་དྷས། པཱ་ཐུར་ཐའི་ཇིའི་བུ་དང་མི་སྣ་པཱ་ཐུར་ཁུ་ཐུ་ཆི་སོགས་སོག་པོ་གསར་རྙིང་ཉིས་བརྒྱ་སྐོར་ལ་ཇ་གྲལ་དང་མ་གན་ཨུ་དུ་ཆིའི་བསྔོ་རྟེན་དངུལ་ཇ་གོས་དར་སག་ཐག་མེ་མདའ་གྱོན་པ་རྟ་སྒ་སོགས་འདུག་དོན་བཞིན་འཁོར་བའི་དུ༔ཁ་ལས་སྒྲོལ་ཞིང་བྱང་ཆུབ་ཐོབ་པའི་རྒྱུར་རྒྱས་

[Full Size]

བཏབ། བྱ་ཡུལ་མང་རའི་མཁན་པོ། རྭ་སྒྲེང་མཁན་ཟུར་གྱི་དབོན་པོ། སྡེ་པ་ཕུ་མདོ་བ། དཔོན་ཚང་ཚ་རོང་པ། ཟི་ན་ནང་སོ། སྐུ་འབུམ་ཆོས་རྗེ། སྦུས་སྲང་གསེར་ཁང་པའི་ནང་མིས་དཀར་དྲོ་བཏེག་ཅིང་བོད་པ་བརྒྱ་སྐོར་དང་། ཡམ་བུའི་མི་སྣ་སོགས་དང་ཕྲད། བདེ་ཆེན་ཆོས་འཁོར་བའི་སྐུ་སྐྱེ་གཞུང་རྣམ་རབ་ཕྱོགས་སུ་བྱུང་བར་བརྟག་པ་དགོས་ཚུལ་བྱུང་བ་བཞིན་ཡིན་ངོ་ཤར་བ་མཚན་ངག་དབང་ཆོས་རྒྱལ་དཔལ་བཟང་དུ་གསོལ། ཚེས་གཉིས་ལ་རྣམ་པར་རྒྱལ་བའི་ཕན་བདེ་ལེགས་བཤད་གླིང་པས་སྟེར་བྱིན་གཟེངས་བསྟོད་འཆི་མེད་འོད་སྣང་གི་རྡུལ་ཚོན་དང་འབྲེལ་བའི་དཀྱིལ་འཁོར་དུ་བསུན་བཟློག་སྔོན་འགྲོའི་རིང་འཚོ་རྒྱས་པར་སྤེལ་བའི་འགྲོན་དུ་དཀོན་གཉེར་དཔོན། གསང་སྔགས་བྱང་ཆུབ་གླིང་སློབ་དཔོན། ཡམ་བུ་རྒྱལ་པོའི་མི་སྣ་རྣམས་བསྒྲིགས། སྡིངས་པོ་ཆེའི་སྤྲུལ་སྐུ་གཤེགས་པའི་བསྔོ་རྟེན་འབྱོར་དོན་ལྟར་བསྔོ་སྨོན་གྱི་རྒྱས་འདེབས་བགྱིས། ཚེས་གསུམ་ལ་གཡོན་རུ་དགའ་ལྡན་བོ་ཤོག་ཐུ་ཁང་གིས་དངུལ་ལྔ་བཅུ་མ། ཐ་ཕག །མདོང་མོ། ། གོས་ཕྱི་ནང་སོགས་མཐོན་པོར་བཏེག །གྲ་ཚང་ནས་བྱང་གཏེར་ཚེ་དཔག་མེད་ཀྱི་རྡུལ་ཚོན་དང་འབྲེལ་བའི་ཆོ་ག་བཏང་། ཚེས་ལྔར་རྩེས་དང་བློ་བཟང་ཐོགས་མེད་ཀྱིས་གྲ་སྐོར་བགྱིད་པའི་སྔོན་འགྲོར་གྲ་ཚང་གི་འདོན་ཆ་ཐམས་ཅད་ཀྱི་རྒྱུགས་སྤྲད། ཚེས་བརྒྱད་ནས་སྤྲུལ་སྐུ་རིགས་འཛིན་ཆེན་པོས་བདུན་གཅིག་གི་བར་སྨན་གྱི་སྒྲུབ་པ་མཛད། ཚེས་དགུར་གནས་ཆུང་སྐུ་རྟེན་ཚེ་དབང་དཔལ་འབར་ལ་ཚེ་

[Full Size]

རྟའི་དབང་དང་དྲག་དམར་གྱི་བཀའ་བསྒོ་བསྟར། ངེད་རང་གི་དགེ་སྦྱོར་རྟེན་དུ་མངའ་བདག་ཉང་གི་དྲག་དམར་སོགས་ནང་བཞུགས་འཁོར་ལོ་འདྲི་མི་བཞི། གཟུངས་འདྲི་མི་དྲུང་ཡིག་ལྔ་དང་བཅས་པར་བཀའ་བསྒོ་དང་མདུད་པ་བྱིན། གཉལ་པ་བློ་བཟང་ཆོས་སྐྱོང་གིས་སྨན་བླ་བདེ་གཤེགས་བརྒྱད། པཎ་ཆེན་དགེ་འདུན་གྲུབ་ཀྱི་འཁྲུངས་རབས་མི་གཡོ་བ་སྟེ་གསུམ། གླང་ར་བ་ངག་དབང་དཔལ་བཟང་གིས་སྨན་བླ་དང་རྗེ་དགེ་འདུན་གྲུབ་པའི་འཁྲུངས་རབས་ལ་ལྔ། བློ་བཟང་དོན་ཡོད་ཀྱི་བཀའ་བརྒྱད། རྩིས་པ་ལྷུན་གྲུབ་ཀྱིས་འགྲོ་ལ་རྗེས་བརྩེ་མ་དང་མཐུན་པའི་འཁྲུངས་རབས། སྒྱིད་ཐང་ནོར་བུས་བྱམས་པ་ཚེ་དཔག་མེད་ཀྱི་བརྒྱ་ཐང་རེ་རྣམས་བཞེངས་པའི་རྒྱབ་ཡིག །སྡིངས་པོ་ཆེའི་གྲ་རིགས་རྣམས་ཀྱི་ངོར་སྤྲུལ་སྐུ་མྱུར་འབྱོན་གྱི་སྨོན་ལམ། གསང་སྔགས་བྱང་ཆུབ་གླིང་དབུ་མཛད་ངག་དབང་ནམ་མཁའ་དང་། ངག་དབང་མཁས་བཙུན་གྱིས་བསྐུལ་བའི་རྩ་གསུམ་གསོལ་འདེབས། རིང་འཚོ། ཇ་མཆོད་གང་ལའང་བསྒྱུར་ཆོག་པ་བདུན་རྣམ་དག་དང་བཅས་པ། རྭ་སྒྲེང་དབུ་མཛད་རྒྱལ་མཚན་བཀྲ་ཤིས་ཀྱི་ངོར་ཡན་ལག་བདུན་པའི་ནང་དམིགས་བསལ་རིང་འཚོ་ཤློ་ཀ་གཅིག །བསྟན་འབར་མ་དང་ཆོས་སྐྱོང་གཉེར་གཏད་ཆང་བ། སྦེ་སེར་བླ་སྤྱི་ཐུན་མོང་གིས་བསྐུལ་བའི་གསོལ་འདེབས། ངག་དབང་འཕྲིན་ལས་ཀྱི་ངོར་ངེད་རང་དང་གཏེར་བདག་གླིང་པའི་གསོལ་འདེབས། སེམས་དཔལ་སྤྲུལ་སྐུ་ངག་དབང་ཕུན་ཚོགས་ཀྱི་ལེའུ་ཐོའི་འགོ་བརྗོད། སྔགས་རམས་པ་དོན་

[Full Size]

གྲུབ་རྒྱ་མཚོ་དང་གཉོས་བཙུན་དབང་རྒྱལ་ལྷུན་གྲུབ་ཀྱི་བཀའ་བརྒྱད་སྤྱི་དྲིལ་ཞི་ཁྲོ་རྣམ་རོལ་གྱི་བསྙེན་ཡིག་ཡིད་བཞིན་དབང་རྒྱལ་རྣམས་བརྩམས། ཚེས་བཅུ་གཉིས་ལ་དབུ་སྒོར་ཆུང་བ། ནོ་མུན་དགེ་ཚུལ། ནོ་ཡོན་དཀའ་བཅུ། ཨ་དར་བུ་བཅས། དུར་བོད་ཆོག་ཐུའི་བུ་ཨེར་ཁེ་ཐའི་ཇི། དཔོན་མོ་བུ་བཅས། ཨ་ས་ལའི་དཔོན་མོ། བླ་མ་དགའ་རབ་པ། ཇུ་རིས་ཨེར་ཁེ་དའི་ཆིང་གི་བླ་མ་ཕུན་ཚོགས་ཆོས་རྗེ། ཟུར་རི་བླ་མ་བྱེད་རྒྱུ་ཚུལ་ཁྲིམས། ཕན་བདེ་ཆོས་རྗེའི་སྐུ་སྐྱེ། ཛ་ཡ་པཎྜི་ཏའི་མི་སྣ་བཀྲ་ཤིས་རྣམ་རྒྱལ། རྒྱལ་ཐང་ཁྲི་འབུལ་བ་ནོར་བུ་ཅན་སོགས་སུམ་ཅུ་སྐོར་ལ་བྱིན་རླབས་དང་བོང་བུ་སྐུ་སྐྱེ་སོགས་དམངས་ལ་ངོས་ཕྲད། ཚེས་བཅོ་ལྔར་སྔགས་པ་ཆུ་སྤེ་སྟེང་པར་མདོས་སོགས་ཀྱི་དྲི་རྨེད་བྱས། ཚེས་བཅུ་དྲུག་ལ་སྤྲུལ་སྐུ་རིགས་འཛིན་ཆེན་པོས་བྱད་འགྲོལ་མཛད། ཚེས་བཅུ་བདུན་ཉི་མ་མེ་བཞིའི་འགྲུབ་སྦྱོར་ཐོག་གཏེར་སྟོན་རིན་པོ་ཆེར་རྩེ་ཤོད་དམག་ཟོར་བཅས་པས་གཏེར་གསར་གུར་དྲག་གི་དབང་དང་ཁྱབ་འཇུག་གི་དུག་དབྱུང་ཞུས། དེ་ཉིན་ནས་རྡོ་རྗེ་གླིང་པའི་གཏེར་ཆོས་ཡོངས་རྫོགས་ཞུ་བའི་འགོ་བཙུགས། ངེད་རང་གིས་སྡེ་པ་དང་ཨ་བར་གཉིས་ལ་རྣམ་འཇོམས་ཀྱི་བཀྲུ་བྱབ་སྲུང་གསུམ་རྒྱས་པར་བྱས། ངེད་རང་རིང་པོར་འཚོ་བྱེད་གཞིས་རྩེར་ལྷུན་རྩེ་བ། ཤེལ་དཀར་དུ་ཆོས་སྡེ་བ། ཕུན་གླིང་དུ་རང་གྲ། རིན་སྤུངས་སུ་སྐྱེད་ཚལ་བ་རྣམས་ཀྱིས་བཀའ་འགྱུར་ལྔ་བཅུ་ང་ལྔ། མཚན་བརྗོད་སུམ་སྟོང་། སྡེ་པའི་རིམ་གྲོར་རྣམ་གླིང་དུ་ཆོས་སྡེ་བ་དང་། གཞིས་རྩེར་མྱུག་ཆོས་འཁོར་གླིང་པས་བཀའ་འགྱུར་བཅུ་དགུ། སྒྲོལ་

[Full Size]

མ་ཉི་ཁྲི་ཆིག་སྟོང་། ཤེར་སྙིང་ཉི་ཁྲི་བདུན་སྟོང་། ཚེ་གཟུངས་སུམ་ཁྲི། བསྟན་མ་གནས་སར་དར་ལྕོག་དང་གསོལ་མཆོད་ལོ་སྔོན་མ་ལྟར་བཏང་། རྩེ་ཤོད་ཐུན་མོང་གི་རིམ་གྲོར་ཤེལ་བྲག་ཏུ་རང་གྲ་རྡོར་སློབ་བཅས་བཅོ་ལྔས་ཞག་བཅོ་ལྔའི་རིང་རཏ་གླིང་གུ་རུ་ཞི་བའི་ལས་བྱང་གཞུང་བསྲངས་པའི་ཞི་བསྙེན་འགྲོ་གང་ཆེ། ཞག་གོང་འདྲ་དྲག་བསྙེན་མཐར་གཏོར་བཟློག །སྐུ་རབ་རྣམ་རྒྱལ་དུ་རྩེ་ལེ་བ་གྲ་སློབ་ཞག་གོང་མཚུངས་ཀྱིས་རཏྣའི་གུར་དྲག་གི་བསྙེན་པ་འགྲོ་གང་ཆེའི་མཐར་གཏོར་བཟློག །བསྟན་སྲིད་དང་བོད་འབངས་སྤྱི་རིམ་ལ་པོ་ཏ་ལའི་ཞོལ་དུ་ངེས་གསང་རྡོར་གླིང་པས་ལྷ་འདྲེ་སྟོང་དྲ། ཡང་རྫོང་དུ་རྡོ་རྗེ་བྲག་པ་དང་མཆིམས་ཕུར་དཔལ་རི་བ་གྲ་སློབ་བརྒྱད་རེས་བཀའ་བརྒྱད་ཀྱི་གཞུང་བསྲངས་པའི་ཞག་བདུན་བར་བཟླས་པ་འགྲོ་གང་ཆེའི་མཇུག་ཚོགས་བརྒྱ། སྔ་མས་ཞག་གོང་འདྲར་གཤིན་རྗེ་འཇོམས་བྱེད་ཉི་ཟླ་ནག་པོའི་སྒོ་ནས་ལོག་སྡེ་བསྐལ་པར་མནན། མཁར་ཆུར་སྨྲ་བོ་ལྕོག་པ། ཡེར་པ་ཟླ་བ་ཕུག་ཏུ་གསང་སྔགས་བྱང་ཆུབ་གླིང་པ། གཏེར་སྒྲོམ་དུ་བན་གྲོང་པ། ཤཾ་བྷུར་གནས་གཞི་བ། ཙ་རིར་རྩེ་ལེ་བ། གཡུང་ཕུ་རྫ་ལྷུད་དུ་འོད་མཆོག་པ། བཀྲ་བཟང་དུ་རང་གྲ་རྣམས་ཀྱིས་བཀའ་བརྒྱད། ཤེལ་བྲག་ཏུ་རང་གྲ། འོན་ཕུ་སྟག་ཚང་དུ་ཨེ་ཆོས་ལྡན་པ། གནམ་ལྕགས་བྲག་ཏུ་སྙེ་མདོ་བ་རྣམས་ཀྱིས་ཕུར་པ། གཡའ་མ་ལུང་དུ་བསམ་ཡས་དཀར་པོ་བས་དགོངས་འདུས། ཟབ་ཕུར་འུག་པ་ལུང་པས་སྒྱུ་འཕྲུལ་ཞི་ཁྲོ་རྣམས་ལ་

[Full Size]

བརྟེན་པའི་བཟླས་པ་དང་ཚོགས་གྲ་གྲངས་ཞག་བཅས་གོང་འདྲ། ཤེལ་བྲག་ཏུ་སྨིན་གྲོལ་གླིང་པ་གྲ་སློབ་བཅོ་ལྔས་བདུན་གསུམ་གྱི་བར་བདུད་རྩི་སྨན་སྒྲུབ། ལྷུན་རྩེར་དྭགས་པོ་གྲ་ཚང་པས་རིལ་སྒྲུབ་དང་འབྲེལ་བའི་ཡིག་དྲུག་དུང་ཕྱུར་གཅིག་བྱེ་བ་གསུམ་ས་ཡ་ལྔ། ཚེ་གཟུངས་ཆིག་འབུམ་དྲུག་ཁྲི་དྲུག་སྟོང་བཞི་བརྒྱ། ཤེར་སྙིང་སུམ་ཁྲི་ཉིས་སྟོང་བརྒྱད་བརྒྱ། སྒྲོལ་མ་ཆིག་ཁྲི་ལྔ་སྟོང་སུམ་བརྒྱ། གནས་ཆུང་ཆོས་སྐྱོང་ཆེན་པོ་དང་མོ་རྩིས་གོ་བསྟུན་ངེད་རང་གི་གེགས་སེལ་ལ་པོ་ཏ་ལ་སོགས་རྫོང་གཞིས་ལྔ་ནས་མཆོད་རྟེན་དང་མ་ཎིར་ཞིག་གསོས་སྐུ་དཀར། ཕ་བོང་ཁ་པས་གཏོར་མ་ཆིག་འབུམ་དགུ་བརྒྱ། ཉ་སུམ་འབུམ་དྲུག་ཁྲི་བདུན་སྟོང་དགུ་བརྒྱ་སུམ་ཅུའི་སྲོག་བླུ། ལྷ་སར་ངན་སློང་ཁྲི་སོགས་ཆིག་སྟོང་ཉིས་བརྒྱ་བརྡལ་བར་སྦྱིན་པ། ཨཱཪྻ་པ་ལོའི་གླིང་དུ་བྲག་སྣ་བ་གྲ་སློབ་ཀྱིས་ཞག་བདུན་གྱི་བར་ཁྲོ་རོལ། རྒྱབ་ཆོས་པ་རབ་བྱུང་པ་དང་ལི་མ་ལྷ་ཁང་པ་བསྒྲིལ་བ་བརྒྱ་དང་གསུམ་གྱིས་ཚེ་གཟུངས་ཉིས་འབུམ་ཆིག་ཁྲི་བཞི་སྟོང་ཉིས་བརྒྱ་བཞི་བཅུ། གཏོར་རྒྱག་ཉིན་ཤེར་སྙིང་ཆིག་ཁྲི་བདུན་སྟོང་སོ་དགུ། པོ་ཏ་ལ་ཞོལ་དུ་བླ་མཁྱེན་ངག་དབང་ཅན་གྱིས་ཉེས་པ་ཀུན་སེལ་དང་ས་བདག་དོང་ཙེ། བོན་པོས་བོང་ར་བཙུགས་ཤིང་སྣང་བརྒྱད་ཀྱི་མདོས། སྡེ་པའི་རིམ་གྲོར་གོང་དཀར་དུ་མགོན་པོ་གཡུལ་བཟློག །ཀི་ཀང་གི་དགྲ་མནན། རྒྱབ་ཆོས་པ་དང་བཅས་པ། སྟོན་པའི་བརྒྱ་ཐང་། ལྷ་སར་བྲག་དབར་དང་ཐང་སྐྱ་བ་བརྒྱ་རེས་གསེར་འོད་དང་བརྒྱད་སྟོང་པ་བརྒྱ་རེ། པོ་ཏ་ལར་བླ་

[Full Size]

མཁྱེན་ཅན་གྱིས་གཟའ་ཀླུ་འཁྲུགས་པའི་ཡོ་བཅོས། གངས་ཅན་སྤྱི་རིམ་དུ་པོ་ཏ་ལ་དང་གཞིས་རྩེ་སོགས་རྫོང་ཆེ་བ་བཅུ་བདུན་ནས་སྔགས་བོན་གང་རིགས་ཀྱིས་གྱང་ར་གྱང་སག་དང་། གཙུག་ཏོར་སྡེ་ལྔའི་མདོས། ཆོས་སྐྱོང་གི་གསུང་བཞིན་ངེད་ཀྱི་རིམ་གྲོར་སེར་འབྲས་དགེ་གསུམ་དུ་ཇ་ཚུལ་ལྔ་རེར་ཤེར་སྙིང་། ཚེ་གཟུངས། རིང་འཚོའི་ཚིགས་བཅད་འགྲོ་གང་ཆེ། ནད་རིམས་བཟློག་ཕྱིར་ལྷ་ས་སྤྱི་བསྡུས་ཀྱིས་བཀའ་འགྱུར་དང་མ་མདོས། ཆབ་གཏོར་ཀླུ་གཏོར་བསངས། བརྒྱགས་བརྔན། གཙུག་ལག་ཁང་རྣམས་ལ་ཁྲུས་གསོལ། ཉེ་སྐོར་སྙེ་ལྗངས། ལུམ་པ། ལྕགས་ཟམ། འབྲོམ་སྟོད་རྣམས་ཀྱི་ནང་ཁོངས་ཀྱི་གྲོང་ཚོར་མ་མདོས་སོགས་གོང་འདྲ་བྱེད་བཅུག །ཧོར་ཟླ་གསུམ་པའི་ཚེས་གཉིས་ལ་བཀའ་བརྒྱད་གསང་བ་ཡོངས་རྫོགས་ཀྱི་ལས་བྱང་རྩེ་ལེའི་པར་མར་ལྷན་ཐབས་སྦྱར་བ་ཡིན་ཀྱང་གྲ་པ་བློ་དམན་པ་དག་མགོ་བོ་མགལ་མེ་ལྟར་འཁོར་ནས་ལེན་མི་བདེ་ཟེར་བ་ལས་བྱང་བཀླགས་ཆོག་དགོས་པ་ཀུན་ཚང་བསྒྲིགས། ཡེར་པ་དགའ་ལྡན་གསང་སྔགས་གླིང་བླ་གཉེར་གྲ་མང་ཐུན་མོང་ངོར་ངེད་རང་དང་སྡེ་པ་སངས་རྒྱས་རྒྱ་མཚོའི་རིང་འཚོ། དར་མོས་སྨན་རམས་པས་བསྐུལ་བའི་ཤེལ་གྲོང་གཞིས་བདག་གི་གསོལ་མཆོད། འབྲོམ་གྱི་སྔགས་འཆང་དབང་གྲགས་རྒྱ་མཚོས་དགོས་ཚུལ་བྱུང་བའི་ངེད་རང་དང་གཏེར་བདག་གླིང་པ་ཐུན་མོང་དང་། མེ་རག་བླ་མ་བློ་གྲོས་རྒྱ་མཚོའི་ངོར་སྡེ་པའི་བརྟན་

[Full Size]

བཞུགས། དེས་བསྐུལ་བའི་མགོན་པོ་ཕྱག་བཞི་པའི་གཏོར་ཆོག་ལེགས་ལྡན་དགྱེས་པའི་མཆོད་སྤྲིན། དུད་སོལ་ལྷ་མོའི་གཏོར་ཆོག་འཁྱེར་བདེ། ཇག་པ་མེ་ལེན་གྱི་གཏོར་ཆོག །ཙ་རིའི་གནས་བདག་ཅིག་ཅར་དམར་པོའི་གཏོར་ཆོག །རབ་འབྱམས་པ་བློ་བཟང་ངག་དབང་གི་འདོད་པ་ལྟར་རྗེ་དྲུང་དགེ་འདུན་བསྟན་པ་རྒྱ་མཚོའི་སྤྲུལ་སྐུ་དགེ་འདུན་ཆོས་རྒྱལ་དབང་ཕྱུག་གི་འཁྲུངས་རབས་གསོལ་འདེབས། བརྒྱད་གཏོར་དུས་ཆེན་སྐབས་འབུལ་རྒྱུ་དང་། དབུ་མཛད་ཀྱིས་འཕྲུལ་སྣང་། ར་མོ་ཆེ། བསམ་ཡས། ཁྲ་འབྲུག །ཡུམ་བུ་རྣམས་སུ་དབུལ་བའི་སྙན་ཤལ་ཁ་ཡིག །དགའ་ལྡན་བསྟན་འཛིན་སྦོ་ཤོག་ཐུ་ཁང་གིས་དཔལ་ལྡན་འབྲས་སྤུངས་སུ་དངུལ་རྐྱན་བཅུ་དགུ་ཕུལ་བའི་ཁ་བྱང་རྣམས་བྲིས། ཚེས་བརྒྱད་ལ་ཚོམས་ཆེན་དུ་མགོན་པོ་ལས་མཁན་དང་བཅས་མཆོད་པའི་ཚོགས་དབུར་ཕྱིན་པའི་མུ་འཐུད་བཅུ་གཉིས་བར་ཐུགས་དམ་བསྐང་བའི་རིམ་པ་རྒྱས་པར་བགྱིས། ཚེས་བཅུ་གཅིག་གི་ཞོགས་གསང་སྔགས་བྱང་ཆུབ་གླིང་གི་དབུ་མཛད་ངག་དབང་ནམ་མཁའ་དང་། ངག་དབང་མཁས་བཙུན་གཉིས་ཀྱིས་སྟེར་བྱིན་དང་བཅས་བྱང་ཆུབ་གླིང་པས་འབྲས་གཤོངས་དག་སྣང་མའི་ཆོ་ག་གྱེར་བ་དང་ཆབས་གཅིག་དཔོན་ཚང་ཚ་རོང་པས་ཀྱང་རིང་འཚོའི་དངོས་པོ་བརྐྱང་། ཡེར་པ་བླ་གཉེར་གྲ་བཅས་ཀྱིས་རང་འབྱོར་དང་བསྟུན་པའི་སྐྱེས་སྤེལ་ཞིང་རིང་འཚོའི་སྨོན་ལམ་གསུངས། བླ་མས་ཡུན་དུ་གནས་དགོས་ཚུལ་ལུང་

[Full Size]

འདྲེན་དང་བཅས་ཁས་ལེན་དགོས་ཟེར་བ་གསུང་རབ་རྣམས་ནས་མི་ལུས་ཐོབ་པར་ཚོགས་རྒྱ་ཆེར་གསོག་དགོས་པར་བཤད་པ་རང་ལ་དབང་མཆིས་ན་སྡོད་པ་གཞིར་བཅས་མོད། དགེ་འདུན་རྣམས་ཀྱིས་བླ་མ་ཡི་དམ་མཁའ་འགྲོ་དཔང་པོར་གསོལ་ཏེ་སྨོན་ལམ་མཛད་པ་དང་རང་ངོས་ནས་ཀྱང་སྡོད་འདུན་བྱེད་ཚུལ་བགྱིས་ནས་གྲ་ས་ཕན་ཚུན་གྱི་སློབ་དཔོན་ལས་སྣེ་བ། གནས་ཆུང་སྐུ་རྟེན་པ། བཅོ་བརྒྱད་ཆོས་རྗེ། གོང་ར་གདན་ས་བ། གཅུང་ལོ་ཆེན་ཆོས་དཔལ། སྒྲུབ་རྙིང་བླ་མ། ཤ་གཟུག་སྐུ་སྐྱེ། བཀྲ་ཤིས་ལྗོངས་སློབ་དཔོན། རྨོག་ལྕོག་སྤྲུལ་སྐུ། མེར་གན་ཧུང་ཐའི་ཇིའི་མི་སྣ་འུར་དུ་སུ་ཐའི་ཇི། འདུལ་བ་ཆོས་རྗེའི་མི་སྣ་དབོན་ཆུང་། དཔོན་མོ་བསོད་ནམས་ཚེ་དབང་གི་མི་སྣ་བུར་གུ་ཐའི་ཇིའི་ནང་ཚང་། ཇོ་རིག་ཐུ་ཁོ་ཤོའུ་ཆིའི་མི་སྣ། བར་ཁ་ཤ་ཁའི་བསྔོ་རྟེན་སྐྱེལ་མི། གེ་རེ་ལྷ་པ་ཡུམ་སྲས། འཇུན་པ་རྡོ་རྗེ་རྒྱལ་པོ། ཨོ་རོང་པ་ཕ་བུ། ཆང་ཁྱིམ་པའི་བུ་རྒན་པ་སོགས་བོད་སོག་ཉིས་བརྒྱ་སྐོར་གྱི་ངོ་བོར་བྱིན་རླབས་དང་དམངས་ལ་ངོས་ཕྲད། ཚེས་བཅུ་གཉིས་ལ་ཆང་ཁྱིམ་པས་རྟགས་བརྒྱད་ཁ་བཏགས། གོས་སྣ་ཆ་ཚང་། སྒྲོལ་དཀར་གྱི་དངུལ་སྐུ། གོས་ཡུག་ལེགས་པ་དགུ། དངུལ་ཕོར་སོགས་ཀྱིས་གཙོས་པའི་དགུ་ཚན་བཅུ་གཅིག་འགྱེད་དང་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་མཛད། མུན་ཁི་ཆི་པཱ་ཐུར། དགེ་ཚུལ་མ། ཚ་བོ་ཚེ་

[Full Size]

རིང་དར་རྒྱས། ཨི་ནག་པཱ་ཐུར་ཐའི་ཇིའི་དཔོན་བུ་བཅས། བསོད་ནམས་ཧུང་ཐའི་ཇི། བི་ལིག་ཨེར་ཁེ་ཐའི་ཇི། དབོན་ཆུང་གི་བུ་བཅས་པར་བྱབ་ཁྲུས་དང་། གཏོར་དབང་བར་གཅོད་ཀུན་སེལ་བསྐུར། ཨུ་དཀར་དས་པཱ་ཐུར་དང་བློ་བཟང་མགོན་པོའི་མི་སྣ། དར་ཁན་ཁོ་ཤོའུ་ཆིའི་སྐྱེས་དམན་སོགས་ལོག་མི་ཉིས་བརྒྱ་སྐོར། ཞོལ་སྒྲོལ་དཀར་ཚེ་ཆོག་པ་ལོག་མི་བརྒྱད། ཡོ་ཤེའི་བུ་དམག་ལ་འགྲོ་མི་ཞེ་བརྒྱད། དཔལ་འཁོར་ཆོས་སྡེའི་མཁན་ཟུར་ཁ་རབ་པ། མེ་རག །མཚོ་སྨད། ཕུག་ཁང་རྣམས་ཀྱི་བླ་མ། ཤག་བྱང་པའི་བུ་འབྲིང་། ནག་གུ་བ་སོགས་མང་དག་ལ་ཇ་གྲལ་བཏང་། ཚེས་བཅུ་གསུམ་ལ་དབུ་མཛད་བློ་བཟང་ཡོན་ཏན་གྱིས་རུང་ཐུན་གྱི་གོས་དཔུས་གཙང་ཆ་འགྲིག །གསེར་ཞོ་ཉིས་བརྒྱ། དངུལ་ལྔ་བཅུ་མ། སྦུག་ཆོལ་ཉི་མ་འབྲུག་སྒྲགས་ཀྱི་ཤུབས་མངགས་བཟོས་མཚལ་རྩི་ཚིང་གིན་མར་ར་མ་ལུག་གི་བཤན་བཟོ་བཀོད་མཚར་བའི་རྒྱུ་སོང་མཚལ་ཞོ་བཅུ་གཅིག །གྲང་གསེར་ཞོ་དྲུག་མ་ལོང་ཙམ། གསེར་བཙོ་ཞོ་བཅུ་བཞི་རྣམས་སོང་བ། གོས་ཡུག་དཔུས་ལེགས་ཉེར་ལྔ། རྒྱ་སྦུག །སྨན་ཙེ། བྱང་དར་ཚོས་སྣ་ཚོགས། ཇ་རས་ཟམ་སོགས་རྒྱ་ཆེར་བཏེག །ཚོགས་དང་གྲ་པ་རེར་ལྔ་ཚན་རེ། སྤྱི་འབུལ་དང་བཅས་འཆི་མེད་འོད་སྣང་གི་རྡུལ་ཚོན་དང་འབྲེལ་བའི་མི་འགྱུར་ཚེའི་རྟེན་འབྱུང་བསྒྲིགས་པའི་

[Full Size]

མགྲོན་དུ་གཏེར་སྟོན་རིན་པོ་ཆེ། གཅུང་ལོ་ཆེན་མཆེད། དཔལ་འཁོར་ཆོས་སྡེའི་མཁན་ཟུར། གོང་ར་གདན་ས་པ། བྱང་ཆུབ་གླིང་། མཚོ་སྨད། སྒྲུབ་རྙིང་གསུམ་གྱི་སློབ་དཔོན་མི་སྣ་སོགས་ཡོད། ཕྱི་དྲོ་རིགས་འཛིན་གཏེར་བདག་གླིང་པས་སྨད་འདུལ་གྱི་སྡོམ་རྒྱུན་མ་ཆད་ན་ལེགས་ཚུལ་གྱི་བསྐུལ་མ་མཛད་པ་བཞིན་ཁ་རབ་ཞལ་སྔ་ནས་ལ་ཁུངས་དག་པ་ཡོད་པར་བརྟེན་མི་ནུབ་ཅིང་དར་རྒྱས་ཆེ་བར་བསམ་ཏེ་དཔལ་འཁོར་ཆོས་སྡེའི་མཁན་ཟུར་མཁས་པའི་དབང་པོ་དཀོན་མཆོགབསྟན་འཛིན་གྱིས་མཁན་སློབ་སྦྲགས་ནས་རྟ་ཚག་རྗེ་དྲུང་རིན་པོ་ཆེ། ལོ་ཆེན་ཆོས་དཔལ་སོགས་བསྙེན་རྫོགས་དྲུག་བསྒྲུབས་ནས་སྲོལ་བཏོད། ཚེས་བཅུ་བཞིར་དར་བྱུང་བ་དགྲ་འདུལ་རབ་བརྟན་གྱིས་བདོག་པའི་དངོས་པོ་དང་བཅས་གྲ་ཚང་ནས་མཁའ་འགྲོ་སྡེ་ལྔར་བརྟེན་པའི་རིང་འཚོའི་ཆོ་ག་གསུངས། ཆོས་འཁོར་ཡང་རྩེ་བ་དཀའ་བཅུ་རིན་ཅེན་རྣམ་རྒྱལ་གྱིས་དབུ་འགྲེལ་ཐེག་ཆེན་རྒྱ་མཚོར་འཇུག་པའི་གྲུ་རྫིང་དང་། དཔོན་ཚང་ཚ་རོང་པའི་སློབ་མ་བློ་བཟང་ཕུན་ཚོགས་ཀྱིས་རྒྱུད་བཞིའི་རྒྱུགས་སྤྲད། ཚེས་བཅོ་བརྒྱད་ནས་ཞག་བཅུའི་བར་གྲ་ཚང་གིས་འཁོར་ལོ་འབར་བ་ཁྱོན་ས་ཡ་གཅིག་ཆིག་འབུམ་བརྒྱད་ཁྲི་ཆིག་སྟོང་ཉིས་བརྒྱ་སོང་། ཉེར་གཉིས་ལ་སྡེ་པ་དང་དམག་ཟོར་ཚངས་དབང་མཉམ་དུ་གདོན་འགྲོལ་བྱབ་ཁྲུས་དང་བཅས་པ་བྱས། ཉེར་

[Full Size]

གསུམ་ལ་བརྟག་པ་བྱས་པའི་ངེད་རང་གི་རིམ་གྲོར་བཀྲ་ཤིས་བདེ་ཆེན་པ་དང་ལམ་རིམ་པ་སྒྲིལ་བ་བརྒྱས་གདུགས་དཀར་ཆིག་འབུམ་བཞི་བརྒྱ་བཞི་བཅུ། སྒྲོལ་མ་ཉི་ཁྲི་ཉིས་སྟོང་དྲུག་བརྒྱ་བརྒྱད་ཅུ། སྡེ་པ་ན་སྲི་ལྟ་བུས་ཡན་ལག་ཅུང་མ་བདེ་བ་བཟློག་ཐབས་སུ་གྲ་ཚང་གིས་ཕྱིར་བཟློག་འཁོར་ལོ་འབར་བ་བྱེ་ཆུང་གཅིག །ལྷ་སར་ཡེར་པ་བ་བརྒྱས་སྨན་བླ་ཆིག་ཁྲི་ཆིག་བརྒྱ། ཕོ་བྲང་དུ་རི་ཆོས་པ་དང་རྩེས་དང་ལྔ་མཆོད་པ་བསྒྲིལ་པ་བརྒྱས་གདུགས་དཀར་ཉིས་འབུམ་ཆིག་ཁྲི་བརྒྱད་སྟོང་བརྒྱད་བརྒྱ་བཞི་བཅུ། མཚན་བརྗོད་ཆིག་འབུམ་ཆིག་ཁྲི་ལྔ་སྟོང་བཞི་བརྒྱ། སྒྲོལ་མ་ཉི་ཁྲི་ལྔ་སྟོང་ཆིག་བརྒྱ་ཞེ་ལྔ། ཚེ་གཟུངས་བདུན་ཁྲི་བཞི་སྟོང་ཉིས་བརྒྱ། ཤེར་སྙིང་ཉི་ཁྲི་ལྔ་སྟོང་བརྒྱད་བརྒྱ། སཱཙྪ་ཆིག་འབུམ་བདུན་ཁྲི་ལྔ་སྟོང་བཞི་བརྒྱ། ལྷ་ས་དང་ར་མོ་ཆེའི་ལྷ་ཁང་ཚོར་གསེར་ཆབ། སྤྱན་འབྱེད་མཆོད་པ་སྣ་ལྔ་བརྒྱ་ཚར། མཆོད་འབུལ་བ་སོ་སོས་སྤྱན་འདྲེན་ཁྲུས་གསོལ་མཇུག་བཟང་སྤྱོད་ཉིས་སྟོང་བརྒྱད་བརྒྱ་བཞི་བཅུ། ལྷ་ས། དཔལ་ལྷུན། གྲ་བཞི། ལྕགས་གྲོང་། གླང་རུ། ལྷོ་མོས། རིན་ཆེན་ཚལ། གསས་ཁང་བཅས་པར་སྒོ་འགྱེད། ངན་སློང་མང་བར་སྦྱིན་པ། ཨཱ་ཙཪྻ་ནང་པའི་གུ་སང་ཉི་ཤུ། ཕྱི་པའི་གུ་སང་བཅུ་དགུར་མར་དང་གྲོ་ཕྱེ། སྣམ་བུའི་སྦྱིན་པ། ནད་པ་ཉམ་ཐག་པ་ལོ་གྲངས་ལ་རྩམ་མཁར་འབོ་རེ། ཏཱ་ཚཱ་ཉག་

[Full Size]

རེ། མར་ཉག་གསུམ་རེ། གོས་སྣ་རེ། ནད་ལ་བལྟ་བར་འཚོ་བྱེད་ཆེད་གཉེར་བཏང་སྟེ་སྨན་རིན་སྤྲད། པ་ནམ་དུ་བྲག་ལ་བས་འཆར་ཀའི་མདོས། རྒྱབ་ཆོས་གྲང་མོ་ཆེ་པས་ཤེར་སྙིང་ཆིག་སྟོང་དྲུག་བརྒྱ་སོགས་གང་རྒྱས་བསྟར། གུར་དྲག་སོགས་ཀྱི་རྟེན་རྣམས་ཀྱི་གཟུངས་དགེ་སློང་འཇམ་དབྱངས་གྲགས་པས་གྲ་བསྒྲིགས་ནས་ངེད་རང་གིས་སོ་སོའི་བཤད་ཚོད་དང་མཐུན་པར་གནས་རྣམས་སུ་མ་འཆོལ་བར་རྒྱས་པར་ཕུལ་བར་བགེགས་བསྐྲད། ཁྲུས་དང་བསྐྱེད་བསྟིམ་མེ་ཏོག་གཏོར། གཏེར་སྟོན་རིགས་འཛིན་ཆེན་པོས་ནཱ་ག་རཀྴའི་སྒྲུབ་ཞག་ལྔ་སྔོན་སོང་གིས་སྡེ་པར་ཀླུའི་གདོན་འགྲོལ་སྨིན་པར་མཛད། གནམ་གང་ལ་མངའ་རིས་གྲ་ཚང་དང་རྒྱ་ཤོད་བན་མཁར་བླ་མ། ཞོལ་དུ་ངེས་གསང་རྡོར་གླིང་གྲ་སློབ་ལྷ་འདྲེ་སྟོང་དྲ་དང་མ་མོ་གླིང་བཞི་གཏོང་བར་ཡོང་པ། འདམ་དུ་འདེགས་མི་དབུ་སྒོར་ཆུང་བ། ནོ་ཡོན་དཀའ་བཅུ། ཨ་ར་ན། ཨལ་དར་དཔོན་གཡོག །ད་ལའི་ཧུང་ཐའི་ཇི། དགའ་ལྡན་ཚེ་དབང་དཔལ་བཟང་། ལྷ་དབང་དཔལ་འབར་གསུམ་གྱི་མི་སྣ། གསར་འབྱོར་ཟུང་ཆུ་རབ་འབྱམས་པ་ངག་དབང་རྒྱ་མཚོ་གཡོག་བཅས་སོགས་བོད་སོག་ངོ་མར་བྱིན་རླབས་དང་། ཉིས་བརྒྱ་སྐོར་ལ་ངོས་ཕྲད། ཟུང་ཆུ་རབ་འབྱམས་པས་གསེར་དངུལ་གོས་དར་སོགས་སྤམས་བསྟོད། བན་མཁར་བླ་མས་རྟ་བརྒྱད། ནག་

[Full Size]

ཚང་ཕན་དར་གྱི་བསྔོ་རྟེན་རྟ་བཅུ་གསུམ། རྨེ་རུ་བླ་ཟུར་རིན་ཆེན་རྒྱ་མཚོས་ལི་སྐུ་ལེགས་པ་ལྔ། ཧུབ་ཇ་ཁོར་དྲུག་མ་བྱིན། བརྐྱང་ཕྱག་བགྱིས་ཏེ་རིང་པོར་སྡོད་པའི་སྨོན་ལམ་ཞེ་ནས་བཏབ། ཞོལ་དུ་སྔགས་འཆང་ཆུ་སྤེ་སྟེང་པས་སྒྲུབ་ཞག་དགུ་སྔོན་དུ་བཏང་སྟེ་རྒྱལ་པོ་རྩེ་མདོས་ཕྱིར་ཐོན་པ་དང་རླུང་གློ་བུར་དུ་འཚུབས་ཤིང་འཆམས་དང་བཅས་འགོང་པོ་འགྲོ་ཕྱོགས་སུ་རླུང་རྣམས་བརྒྱུགས་པའི་ལྷོངས་རྟགས་ཤིན་ཏུ་ཆེ་བ་ལྟར་སྡེ་པའི་ཁམས་ཀྱང་རིམ་བདེར་སོང་བའི་འཕྲོད་ངོ་ཆེ། སྔགས་པ་ལ་ལས་ཨོ་ཟོབ་སོགས་ཁ་ཟེར་ཡང་། དེ་ལྟ་བུའི་སྐམ་གསོག་རློན་གསོག་སོགས་མདོས་བཞེད་འཚུབ་རྟགས་ཀྱིས་མཚོན་པ་སྟོན་དང་རིམ་གྲོ་བྱེད་མི་དགོས་དང་དྲགས་ཡོད་པ་འཆོལ་བས་སྣར་མཛུབ་མོ་ཚུགས། ཧོར་ཟླ་བཞི་པའི་ཚེས་གཅིག་ལ་ཆུ་སྤེ་སྟེང་སྔགས་འཆང་དང་བྲག་དཀར་ཆུ་བཟང་བླ་མ་དང་ཕྲད། ཚེས་གཉིས་ལ་སྡེ་པ་སངས་རྒྱས་རྒྱ་མཚོ་རང་གཞན་ལ་མ་བལྟོས་པའི་བླ་མ་ཚོར་ལུང་རྟོགས་ཀྱི་དམ་ཆོས་འཆད་རྩོད་རྩོམ་གསུམ། ཐོས་བསམ་སྒོམ་གསུམ་མཁས་པའི་བྱ་བ་རྣམ་གསུམ་སོགས་ཀྱི་སྒོ་ནས་བསྟན་པ་སྤྱི་དང་བྱེ་བྲག་སྐྱེ་འགྲོའི་བདེ་སྐྱིད་སྤེལ་ཚུལ་གྱི་མཛད་པ་བློས་མི་འཁྱུད་པ་སྣང་བ་དང་མཐུན་པར་རྣམ་ཐར་ཞིང་བཀོད་ཕུན་སུམ་ཚོགས་པ་ཡོང་འདུག་པས་ཡིད་ཕྲོགས་ཏེ་དེ་ལྟར་བྱུང་ན་སྙམ་ལྷག་བསམ་རྣམ་དག་གིས་ཀུན་ནས་བླངས་པའི་བསྐུལ་མ་ཡང་ཡང་བྱུང་བ་དང་བྱེད་རང་ངོས་ནས་བླ་མ་སངས་རྒྱས་སུ་མཐོང་བའི་མོས་པ་ཡོད་

[Full Size]

ཕྱིན་བྱིན་རླབས་དང་དངོས་གྲུབ་འབྱུང་བ་རྟེན་འབྲེལ་ཡིན་པས་ཡི་རང་མོད། འོན་ཀྱང་ངེད་རང་ནས་བསྟན་འགྲོའི་བྱ་བ་འཛིན་སྐྱོང་སྤེལ་བ་འདི་བྱས་ཟེར་བའི་ལག་རྟགས་སྟོན་རྒྱུ་འདི་ནི་འདིའོ་མེད་པར་སྤོབས་མཐོས་བཀོད་ན་ཕ་རོལ་རྣམས་ཀྱིས་འཕྱས་པའི་རྒྱུར་སོང་དོགས་ནའང་མཛེས་ལམ་མ་ཡིན་པར་ཅིས་ནས་ཀྱང་དགོས་ཚུལ་ནན་ཏན་བྱུང་བ་ལྟར་གཙོ་བོ་རྣམས་ཐམས་ཅད་མཁྱེན་པ་ཡོན་ཏན་རྒྱ་མཚོ་ཡན་རྣམ་དག་སྐུའི་སྐྱེ་བ་རིམ་བཞིན་པ་དང་ཐུགས་རྒྱུད་གཅིག་པ་མང་པོ་དུས་གཅིག་ལ་བྱོན་པ་རང་སོ་སྐྱེས་ངོས་བཟུང་དཀའ་ནའང་ཆོས་འབྱུང་ལོ་རྒྱུས་དེབ་ཐེར་དང་བསྟུན་ཅིང་བཀོད་པ་རྣམས་ནི་མི་མང་ཚོར་ཡང་ཉིན་རེ་བཞིན་ཆོས་འཇིག་རྟེན་དང་མཐུན་མི་མཐུན་སྣ་ཚོགས་ཡོང་བ་དང་ཆ་འདྲར་ངེད་རང་ལའང་ལོ་ཟླ་ཞག་ཟ་མ་དུས་ཚོད་བྱས་ལུགས་ཡོང་བ་གཞིར་བཅས་པ་དེ་དང་མཐུན་པར་ཕྱིའི་རྣམ་ཐར་དུ་མིང་བཏགས་པ་ཤོག་དཔེར་ལག་གི་འདུ་བྱེད་སྐྱོང་བ་པོ་གཞིས་ཀ་ཤར་གུ་རུ་རྡོ་རྗེ་དང་འཕྲིན་ལས་རྣམ་རྒྱལ། སྒུར་རྩ་བ་ངག་དབང་འཕྲིན་ལས་དང་ངག་དབང་རྒྱ་མཚོ་སྟེ་བཞིས་ལག་བསྟར། དཔལ་གྲོང་སྔགས་རམས་པས་དཔེ་ཀློག་པའི་སྙིང་པོ་ངེད་ཀྱིས་བསྡུས་ཏེ་བཀོད་པ་བྱས། སྔ་ཕྱིའི་དོགས་སློང་དང་ཆད་ལྷག་ཞུས་དག་པ་འདར་རྣམ་གཉིས་དང་དགེ་སློང་འཇམ་དབྱངས་གྲགས་པས་བགྱིས་ནས་འདྲི་བའི་འགོ་བཙུགས། ཚེས་བཞིར་ཆུ་སྤེ་སྟེང་སྔགས་འཆང་ཐོན་གདོང་གི་སྟེར་བྱ་བརྡ་དོན་ལམ་ཟབ་དང་སེམས་ཉིད་ངལ་གསོར་བརྟེན་པའི་བླ་མའི་རྣལ་འབྱོར་བྱས།

[Full Size]

ཚེས་ལྔར་བཀྲ་ཤིས་ལྷུན་པོའི་ཕྱག་མཛོད་བསྟན་འཛིན་རྒྱ་མཚོས་དངུལ་གྱི་མཎྜལ་དང་མདོང་མོ། གོས་དར་རྟ་བརྒྱད་སོགས་དངོས་པོ་བྱུང་ཞིང་བྱིན་རླབས་དང་། ཚེས་བརྒྱད་ལ་གནས་ཆུང་ཆོས་སྐྱོང་ཆེན་པོ་སྐུ་ཕེབས་ཞུས་ཤིང་ལུང་བསྟན་ཡིད་ཆེས་སྣ་ཚོགས་གསུང་། ཚེས་དགུར་བཀྲ་ཤིས་ལྷུན་པོ་ནས་ཟང་ཟིང་གི་བདོག་པ་རིང་པོར་བརྐྱང་སྟེ་འགྱེད་དང་བཅས་མཁའ་འགྲོ་སྡེ་ལྔར་བརྟེན་པའི་རྟེན་འབྱུང་གྲ་ཚང་ནས་བསྟར་རྗེས་ཐོད་རི་བཤད་སྒྲུབ་གླིང་བླ་གྲས་སྣམ་ཕྲུག་གཙོ་གྱུར་གྱི་བདོག་པ་བཏེགས་ནས་ཉི་བུའི་གཡུལ་ལས་རྒྱལ་བའི་བདེན་པ་བརྗོད་པ་དང་ལྷན་དུ་གདན་ས་གོང་གི་རིང་འཚོ་སྤེལ་མི་འགྲོན་གཉེར་ཡང་མཆིས། སྟག་ལུང་ཟུར་པ་ངག་དབང་རྣམ་རྒྱལ་ལེགས་གྲུབ། རྒྱལ་མཁན་པོ། མལ་དྲོ་འཆད་ཀ་བླ་མ། བདེ་ཆེན་ཞབས་དྲུང་མཆེད། སྒམ་པོ་ཕྱག་མཛོད། ལྡན་མ་ཟེམ་མཁར་དགོན་གྱི་ཁྲི་འབུལ་བ། ར་བ་སྨད་ཆོས་སྐྱོང་གི་སྐུ་རྟེན། དིང་རི་སྟོན་ཆེན་ཁྲོ་བོ་ཚེ་རིང་། དཔོན་མོ་ཚེ་རིང་། ཅོ་ནེ་ཆོས་རྗེ་དང་རྡོ་རྗེ། བསོད་ནམས་མགོན་པོ་རྣམས་ཀྱི་མི་སྣ་སོགས་བོད་སོག་ཉིས་བརྒྱ་སྐོར་ལ་མཇལ་ཕྲད། སྟག་ལུང་ཟུར་པས་རྟ་སོ་བརྒྱད་ཀྱིས་ཐོག་དྲངས་པའི་སྐྱེས་བྱུང་ཞིང་སྔར་བཞིན་བཀུར་བཟོས་ཕུལ། ཚེས་བཅུ་ཆེན་མོ་སྔར་རྒྱུན་བཞིན་བཟབས་མཆོད་སྟེང་གྲ་ཚང་རང་ནས་ཕོད་ཀ་གསར་བཟོས་བྱས་པ་རྣམས་ཀྱང་དཔུས་ཤིན་ཏུ་ལེགས་པ་བྱུང་སྣང་། བྲག་དཀར་ཆུ་བཟང་པས་ཚེ་བདག་གི་ཞལ་ཐང་ཡེ་ཤེས་སེམས་དཔའ་དངོས་དང་དབྱེར་མེད་པ་བརྒྱུད་

[Full Size]

པའི་བླ་མ་མང་པོའི་ཐུགས་དམ་རྟེན་བྱིན་པའི་ལན་དུ་ཇི་སྲིད་བསྟན་པ་ནམ་གནས་བར་ལྷ་རྩེ་དང་ངམ་རིང་སོ་སོ་ནས་གཙང་བྲེ་ཚད་ཀྱི་ཁལ་ཕྱེད་ཉིས་བརྒྱ་རེའི་གཤོར་འདེབས་དང་བླ་མ་ལའང་སྟེར་བྱ་བཟབས། ཤག་ལྷོ་པའི་བུ་རྒན་འབྲིང་གཉིས་དང་ཕྲད་ཅིང་གནས་གསར་དབོན་རིན་པོ་ཆེ་ལྷོ་མོས་ནས་བྱོན་པ་དང་ཆོས་དང་འབྲེལ་བའི་གསུང་འཕྲོས་སྨར་བ་བྱུང་། ཚེས་བཅུ་གཅིག་ལ་སྟག་ལུང་ཟུར་པ། བཀྲས་ལྷུན་ཕྱག་མཛོད། དཔོན་ཚང་ཚ་རོང་པ་བཅས་སུམ་ཅུ་སྐོར་ལ་གུར་ནས་བཤད་པའི་ཕྱག་རྡོར་འབྱུང་པོ་འདུལ་བྱེད་ཀྱི་རྗེས་གནང་ཕུལ། ཤག་ལྷོ་པ་ནང་སོ་དཀོན་མཆོག་དར་རྒྱས་ཆོས་མཛད་མ་དང་བཅས་པ། དིང་རི་སྟོན་ཆེན་ལ་སྟེར་བྱ་དང་ཇ་གྲལ་བྱས་ཏེ་ཐོན། ཚེས་བཅུ་བཞིར་གནས་ཆུང་དུ་སྔར་ཕན་ལོ་གསར་གྱི་སྲོལ་མི་འདུག་ཀྱང་སྡེ་པས་ལོ་གསར་གྱི་མཆོད་པ་ཞིག་ཚུགས་ན་ཟེར་བ་དགའ་ལྡན་ཕོ་བྲང་པའི་དགྲ་ལྷ་གཞན་དང་མ་འདྲ་གཤིས་ལེགས་ཚུལ་མོལ་བ་ལྟར་ལོ་གསར་དུས་མཆོད་འབུལ་བར་སྡེ་པ། བླ་ཆེན། སྡེ་དཔོན། རྫོང་གཞིས། ཆོས་སྡེ་ཁག་གི་ལོ་གསར་འབུལ་བ་སོགས་བརྡ་སྔོན་སོང་བཞིན་སྐུ་ཕེབས་ཏེ་རིམ་པར་ཕུལ་བ་བག་དྲོ་བྱུང་འདུག །སྡེ་པ་བློ་བཟང་སྦྱིན་པས་ཟན་གཡང་། ཁྲ་འབྲུག །ཡུམ་བུ་རྣམས་སུ་འབུལ་བའི་སྙན་ཤལ། དཔལ་ལྡན་རེ་མ་ཏཱིར་མདོས་བསྐང་དུས་འབུལ་བའི་སྙན་དར། རྩེ་ཚོགས་ངག་དབང་གྲགས་པས་གྲ་སྐོར་བྱས་དུས་

[Full Size]

སྲང་ཉེར་གསུམ་གྱི་དངུལ་ཀོང་དང་ཚོགས་པར་དུང་གོས་འབུལ་རྒྱུ། འ་ཞ་མཁྱེན་རབ་རྣམ་རྒྱལ་གྱིས་བཀྲ་ཤིས་ཆོས་སྡེའི་ལྷ་ཁང་ཚོར་སྙན་དར། ལྷ་སའི་ཚེས་བཅུ་ཤར་མ་བ་རྣམས་ཀྱིས་ལྷ་སར་འཕན་འབུལ་རྒྱུ་རྣམས་ཀྱི་ཁ་བྱང་། ཨ་ཆི་ཐུ་ཆོས་རྗེའི་གྲ་རིགས། ཨ་གླིང་སྔགས་རམས་པ་དངོས་གྲུབ་རྒྱ་མཚོས་རྒྱལ་བྱེད་ཚལ་དུ་སྨན་བླ་འཛུགས་པ་དང་ལྷན་ཅིག །མཆིམས་ཕུའི་གནས་བདག་ལྷ་མོ་རིགས་འཛིན་མ། བན་མཁར་བླ་མ་རྣམས་ཀྱིས་བསྐུལ་བའི་རིང་འཚོ་དང་སྨོན་ལམ། གྲ་རིགས་རྣམས་ཀྱིས་ཨ་ཆི་ཐུ་ཆོས་རྗེ་དང་སྐུ་སྐྱེ་ངག་དབང་འཇམ་དབྱངས་ཀྱིས་ཁྱབ་བདག་ཁྲ་ཚང་པ་ཆེན་པོའི་སྐུ་སྐྱེ་མྱུར་འབྱོན། རྩེ་གདོང་ཞབས་དྲུང་རིན་པོ་ཆེའི་དགོངས་བཞེད་ལྟར་ཆོས་ལོངས་སྤྲུལ་གསུམ། ཐོད་ཕྲེང་རིགས་ལྔ། གུ་རུ་མཚན་བརྒྱད་དང་སྦྱར་བ། དབུ་མཛད་མཆོད་དཔོན་གྱིས་བསྐུལ་བའི་གནས་ཆུང་ལྕོག་ཏུ་འདོན་རྒྱུའི་ཇ་མཆོད། བཀྲ་ཤིས་ལྷུན་པོ་ཕྱག་མཛོད་པའི་ངོར་ཤེར་ཕྱིན་ལྷ་ཁང་གི་དེབ་ཀྱི་འགོ་བརྗོད། མདོས་བསྐང་དུས་འཕྲིན་བཅོལ་དགོས་པའི་མཚན་མ་ཤར་བ་ལྟར་ཚིགས་བཅད། ལྷ་མོ་རིགས་འཛིན་མའི་གསོལ་མཆོད་འཕྲིན་བཅོལ། སྡེ་པ་སངས་རྒྱས་རྒྱ་མཚོ་སྤྲེལ་ལོ་སྤྲེལ་ཟླ་འདི་ནས་བཟུང་ཚེས་བཅུ་ཇི་སྲིད་བར་ཆག་མེད་གཏོང་རྒྱུར་ཐུགས་སྒྲུབ་དྲག་པོ་རྩལ་གྱི་ལས་བྱང་དངོས་གྲུབ་ཡོངས་འདུའི་གཏེར་མཛོད། དར་མོ་སྨན་རམས་པས་བསྐུལ་བའི་ཕུན་གླིང་དུ་གཡུ་ཐོག་རྣམ་ཐར་ལེ་ཚན་བརྐོ་རྒྱུའི་པར་བྱང་རྣམས་བརྩམས།

[Full Size]

ཚེས་བཅུ་བདུན་ལ་ལྷག་པ་ལྷ་མཚམས་ཀྱི་འགྲུབ་སྦྱོར་ནས་སྲིད་གསུམ་བདག་མོ་མཉེས་པར་བྱེད་པའི་མདོས་མཆོད་འབུམ་ཐེར་བཙུགས། ཚེས་བཅོ་བརྒྱད་ལ་མཚོ་ཁས་མཚོན་བོད་ཁམས་བདེ་ཐབས་སུ་བྱམས་སྐུ་བཞེངས་པར་རིང་བསྲེལ་རྣམ་པ་བཞི་སོགས་ཆས་བྱེད་ལུགས་ཀྱི་བསླབ་བྱ་དང་བཅས་འབུལ་བར་ཧན་རབ་འབྱམས་པ་རྒྱ་མཚོ་རྣམ་རྒྱལ་མངགས། སྟག་ལུང་ཁྲི་ཟུར་ངག་དབང་བཀྲ་ཤིས་ཆོས་རྒྱལ། རྒྱལ་བ་ཆོས་རྗེ་རྗེ་དྲུང་། ཁྱུང་ཚང་བླ་མ་སོགས་བསྙེན་རྫོགས་བཅུ་གཉིས། དགེ་ཚུལ་གཉིས་རྣམས་བསྒྲུབས། ཐོད་རི་བཤད་སྒྲུབ་གླིང་པ་བཀྲ་ཤིས་རྒྱ་མཚོ། བློ་གྲོས་བརྟན་པ། ཐུབ་བསྟན་བཟང་པོ་གསུམ་གྱིས་ཕར་ཕྱིན་འགྲེལ་བ་བློ་བཟང་དགོངས་རྒྱན། བསྟན་པ་འབྱུང་གནས་ཀྱིས་དབུ་འགྲེལ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་རྣམས་ཀྱི་རྒྱུགས་སྤྲད། ཉེར་གཉིས་ལ་བཀྲ་ཤིས་ལྷུན་པོའི་ཕྱག་མཛོད་ལ་དངུལ་གྱི་མདོང་མོ། དཀར་དཔྱད། ར་མ་ལུག་གི་སྒ། གོས་དར་སོགས་ཚུར་བྱུང་དང་བསྟུན་བཟབས་ཅིང་བཀའ་བསྒོ། ད་སྡེབས་སུ་བསམ་ཡས་དཀར་པོ་བ། དུམ་བུ་ཆོས་འཁོར་དང་སྐམ་དགོན་བླ་མ། རྟུལ་མི་ཁྲ་འབྲུག་ཆོས་སྐྱོང་སྐུ་རྟེན། མདོང་མཁར་ཆོས་སྡེའི་རིང་འཚོ་སྤེལ་མི། རི་བོ་ཆེའི་ཁྲི་འབུལ་བ། མཁའ་འགྲོ་དགེ་ཚུལ་མ། གསར་འབྱོར་ཁལ་ཁ་ཆེ་ཆེན་ཧུང་ཐའི་ཇིའི་མི་སྣ་སོགས་ཉིས་བརྒྱ་སྐོར་དང་ཕྲད། རི་བོ་ཆེ་བས་རྟ་ཉེར་བཞི་བྱུང་ཞིང་དར་མོ་བ་གཞོན་ནུ་ཚངས་དབང་གིས་རྒྱུད་བཞི་བྱང་བའི་རྒྱུགས་སྤྲད། ཉེར་གསུམ་ལ་དཔལ་རི་བས་མཆིམས་ཕུར་དགོངས་འདུས་ཀྱི་བློས་བསླངས་

[Full Size]

བཞེངས་པར་ལེགས་སོར་འབྲུ་ཁལ་བརྒྱ་བྱིན། ཉེར་ལྔ་ལ་གནས་གསར་ཆོས་རྗེ་དབོན་ཡབ་སྲས་ལྷན་ཅིག་ལྷོ་ཁ་བརྒྱུད་གཙང་དུ་དུས་འཁོར་གྱི་དབང་ཞུར་འབྱོན་པའི་ཐེགས་རྫོངས་བེར། ཕྱིང་དམར། བསེ་ཐེབ། གོས་དར་ཇ་རས་སོགས་རྒྱས་པར་དབུལ་ཞིང་བཀའ་བསྒོ་ཕུལ། ཡ་ག་ཆོས་སྡིངས་པ་བསམ་གྲུབ་རྒྱལ་མཚན་དང་། ལྡོག་ཆོས་འཁོར་བ་སངས་རྒྱས་ཆོས་འཕེལ་གཉིས་ཀྱིས་བྱམས་ཆོས་སྡེ་ལྔའི་རྒྱུགས་སྤྲད། ཉེར་དྲུག་ནས་ཞག་བདུན་གྱི་བར་བདུད་རྩི་སྨན་ཆབ་བསྟེན། ཧོར་ཟླ་ལྔ་པའི་ཚེས་གསུམ་ལ་རི་བོ་བདེ་ཆེན་གྱི་གྲ་པ་དངོས་གྲུབ་རྒྱ་མཚོས་རྒྱུད་བཞི་དང་། ཐོད་རི་བཤད་སྒྲུབ་གླིང་པ་བློ་བཟང་མཁས་བཙུན་གྱི་དབུ་འགྲེལ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་ཀྱི་རྒྱུགས་སྤྲད། བླ་མཁྱེན་ངག་དབང་རང་གནས་སུ་རྫོང་བདའ་བགྱིས། ཚེས་དྲུག་ལ་ལྷ་ལྡན་རུ་བཞི་སྤྱིས་དངོས་པོ་མཎྜལ་གྱི་ཚུལ་དུ་བཏེག་ནས་མི་འགྱུར་བའི་སྨོན་ལམ་བཏབ། སྐྱོར་ལུང་མཁན་པོ། འཆད་ཀ་ཞབས་དྲུང་། རྒྱུད་སྨད། ཐང་པོ་ཆེ། དཔལ་རི་གསུམ་གྱི་བླ་གསར། ཤངས་དགའ་ལྡན་ཆོས་འཁོར། ཨེ་ཝཾ། ཁམས་སྙིང་ཐང་དགོན་གསུམ་གྱི་བླ་མ། ཞང་སྟོན་རི་ཁྲོད་པ་ཁུ་ཚན། ཁམས་པ་རྫོགས་ཆེན་པ་སོགས་སྐྱ་སེར་ཉིས་བརྒྱ་སྐོར་ལ་ཇ་གྲལ་དང་ཞང་སྟོན་ཁུ་ཚན་གསུམ་ལ་ཚེ་དབང་འཆི་མེད་དཔལ་སྟེར་བསྐུར། ཚེས་བདུན་ལ་ཨེར་ཁེ་རིའི་དཔོན་པོ་དང་དབོན་ཆུང་བསོད་ནམས་ཧུང་ཐའི་ཇི་སོགས་བཞི་བཅུ་སྐོར་ལ་སྨྱུང་གནས་ཀྱི་སྡོམ་པ་ཕབ་ནས་བརྐྱང་ཁུག་གཏོང་བཅུག །འབྲོག་རི་བོ་དགའ་ལྡན་ནས་ཁྲི་རིན་པོ་ཆེ། ཆོས་རྗེ་རྣམ་གཉིས། སློབ་དཔོན་གསུམ། ཁྲི་ཟུར་དབོན་གྲ་པ་བཞི་བརྒྱ་

[Full Size]

སྐོར་གྱིས་བདོག་པའི་སྐྱེས་དང་བཅས་འཆི་བདག་དཔུང་ལས་རྒྱལ་བའི་བདེན་ཚིག་གསུངས་ཤིང་ཁྲི་རིན་པོ་ཆེས་ལུང་རིགས་ཀྱི་ལམ་ནས་དྲངས་ཏེ་མི་འགྱུར་བརྟན་པའི་ཁས་ལེན་གྱིས་ཞེས་སྙན་འཇེབས་འབྲེལ་ཆགས་ཕེབས་པར་ཁྲི་རིན་པོ་ཆེས་དབུས་དགེ་འདུན་རྣམས་ཐུགས་བསྟུན་རིང་འཚོའི་སྨོན་པ་མི་ཕྱེད་པའི་གསོལ་འདེབས་མཆོག་གསུམ་ལ་མཛད་པས་མི་འགྲུབ་པ་གར་སྲིད། རང་ཉིད་ཀྱང་སྡོད་འདུན་བྱེད་པའི་ལན་ཕུལ། གསང་སྔགས་མཁར་དཔོན་སློབ་བརྒྱ་སྐོར་གྱིས་ཀྱང་ཚན་གྲངས་སྔོན་བརྐྱང་གིས་རྟེན་འབྱུང་ཚིགས་བཅད་གསུངས། བསོད་ནམས་དབང་རྒྱལ་གྱི་མ། ཨེར་ཁེ་ཇི་ནོང་གི་མི་སྣ། མཁའ་འགྲོ་དགེ་ཚུལ་མ་དང་ཕྲད། ཚེས་བརྒྱད་ལ་འཆད་ཀ་ཞབས་དྲུང་། དཔལ་རི་དང་ཐང་པོ་ཆེའི་བླ་གསར། བཀྲ་ཤིས་བདེ་ཆེན་བླ་མ་སོགས་བསྙེན་རྫོགས་ཉེར་ལྔ། དགེ་ཚུལ་གསུམ་རྣམས་བསྒྲུབས། སྒར་གྲ་ཚང་གི་བླ་མ། ཨ་ཆི་མགོན་པོ་དང་དུར་བོད་ཀྱི་མི་སྣ་སོགས་ལ་བྱིན་རླབས་དང་། བལ་པོ་པི་ལ་ཛུ་འདས་པའི་བསྔོ་རྟེན་སྨན་བླའི་ལྷ་ཚོགས་ཧ་ལམ་ལུགས་སུ་བླུག་པ་སོགས་ཀྱི་རྟེན་རྒྱས་པ། ཁྱད་པར་འདི་པ་ཐ་མལ་བ་མིན་པའི་བག་ཆགས་བཟང་པོ་སད་པའི་བྱས་རྗེས་ཆེ་བར་རྒྱལ་རྩེ་སྐུ་འབུམ་ཆེན་མོའི་ཆོས་འཁོར་གདུགས་བརྗེས་པའི་ཟངས་གསེར་བཟོ་བོའི་གླ་ཡོན་ལྟོ་སོགས་བསྡོམས་གསེར་མགུར་ཞོ་གོ་དགུ་ལྷག་པ། དངུལ་སྲང་བརྒྱ་ཉི་ཤུ་སོང་བའི་དགེ་བ་བསྔོ་དགོས་ཚུལ་ཁྲ་བཅས་འབྱོར་དོན་བཞིན་ཡང་སྲིད་ཐམས་ཅད་དུ་མཐོ་རིས་ཡོན་ཏན་བདུན་ཐོབ་པའི་རྗེས་དོན་གཉིས་ལྷུན་གྲུབ་སངས་རྒྱས་ཀྱི་གོ་འཕང་ཐོབ་པའི་བསྔོ་སྨོན་དཀོན་ཅོག་གསུམ་དཔང་

[Full Size]

པོར་བྱས་ཏེ་ནན་ཏན་བཏབ་པ་ལྟར་འབྱུང་བའང་། དགེ་བའི་རྩ་བ་ཡོངས་འཛིན་མདོར། སངས་རྒྱས་མཆོད་རྟེན་མཐོང་ནས་སུ། །ཞིག་པ་ཕྱིར་ནི་བཅོས་པར་འགྱུར། །དེ་ཕྱིར་སྟོབས་ནི་ཆེ་བ་དང་། །ལུས་ཆེ་བ་དང་མི་འཇིགས་འགྱུར། །གང་དུ་དད་པ་སྐྱེ་བར་འགྱུར། ། ཞེས་དང་། སངས་རྒྱས་ཕལ་པོ་ཆེར། རབ་དང་སེམས་ཀྱིས་སངས་རྒྱས་མཆོད་རྟེན་ལ། །གདུགས་དང་རྒྱལ་མཚན་འཕེན་ནི་འདོགས་བྱེད་ན། །གསེར་གྱི་རི་བོ་ལྷུན་པོ་དང་མཉམ་པ། །སྟོང་ཕྲག་བརྒྱ་ཡང་དེ་དང་མཉམ་པ་མིན། །ཞེས་ཕན་ཡོན་འབྱུང་བར་ཡི་རང་སྟེ་དགེ་འཐུད་འབྲུ་ཁལ་བརྒྱ་སོགས་རྒྱ་ཆེར་བྱིན། རྒྱ་ནག་མི་སྣ་གཞོན་པ་ཨེམ་ཆི་ཐབས་མཁས་འབྱོར། ཚེས་བཅུར་ཚོམས་ཆེན་དུ་ཨྱོན་ཆེན་པོའི་གཏེར་སྐུ་བྱིན་ཅན་དུ་མ། གཞན་ཡང་རྩ་བ་གསུམ་གྱི་བྲིས་འབུར་སྤྱན་སྔར་ཕྱི་ནང་གསང་བའི་མཆོད་སྤྲིན་བླ་ན་མེད་པ་དང་ཡོད་པ་བསམ་གྱིས་མི་ཁྱབ་པ་དང་བཅས་འཕྲིན་ལས་རིན་ཅེན་ཕྲེང་བ་གྲ་ཚང་དུ་གསར་དུ་བཙུགས་པར་ངེད་རང་ཕྱིན་པའི་སྤྲུལ་སྐུ་རིགས་འཛིན་ཆེན་པོའང་ཚོགས་སུ་བྱོན། དབྱངས་རོལ་ལྷ་སྔགས་ཡེ་ཤེས་ཀྱི་རོལ་བས་ཆོ་ག་གདུང་བའི་མོས་པ་དང་སྤྱིར་སངས་རྒྱས་བསྟན་པ། ཁྱད་པར་ཁ་བ་རི་པའི་ལྷ་སྐལ་འཕགས་པ་སྤྱན་རས་གཟིགས། དེའི་རྣམ་སྤྲུལ་ཨྱོན་རྡོ་རྗེ་འཆང་ལ་རག་ལུས་པའི་ཕྱིར་འཇིག་རྟེན་ཁམས་སུ་ནད་ཡམས་མུ་གེ་མཐའ་དམག་སད་སེར་སོགས་མི་དགེ་བའི་རྟགས་མཚན་ཞི་ཞིང་ལུང་རྟོགས་བསྟན་པའི་རྩ་བ་ཞྭ་སེར་འཆང་བའི་རིང་ལུགས་རྒྱས་པར་བལྟོས་པ་མི་ཉམས་ཤིང་གོང་འཕེལ་གྱི་གསོལ་འདེབས་རེམས་ནས་བྱས་སྐབས་མདོས་བསྐང་

[Full Size]

འབུམ་ཐེར་གཏོང་བ་དང་འགྲིག་པ་མདོས་ཆོག་གྱེར་ཞིང་འདོད་དོན་གཞན་མེད་ཀྱང་སྔ་མ་ལྟར་བཅོལ་བ་འགྲུབ་བམ་སྙམ། སྡེ་པས་ལེགས་བྱར་དར་ཚོན་སྣ་ལྔའི་སྙན་ཤལ། གོ་ཁྲབ་ཆ་ཚང་སོགས་སྦྱན་གཟིགས་རྒྱས་པ། ཚོགས་པར་ཁ་བཏགས་ཆེ་བ་རེ་དང་གསེར་ཞོ་རེའི་འགྱེད་བཅས་བསྒྲུབས་པ། རིགས་འཛིན་རྒོད་ཀྱི་ལྡེམ་ཕྲུས་ཟངས་མཛོད་ནས་བཞེས་པའི་རྒྱལ་པོའི་མངའ་བསྐྱེད་ནོར་བུའི་བང་མཛོད་ལས། བོད་ལ་བདེ་སྐྱིད་འབྱུང་འདོད་ན༔ ཡར་ངོ་ཚེས་བཅུ་ནམ་ཤར་ཚེ༔ ཨྱོན་པད་མའི་སྤྲུལ་པ་འབྱུང་ཿ དེ་དུས་ང་ལ་མོས་པ་ཡིསཿ རབ་ཀྱིས་བསྐྱེད་རྫོགས་གནས་ལུགས་ལྟོསཿ ཕྱི་ནང་གསང་བའི་སྒྲུབ་པ་ཚུགསཿ སེམས་སྐྱེད་བསམ་པ་བཟང་པོ་ཡིསཿ འགྲོ་དྲུག་ཐུགས་རྗེས་འདྲེན་པ་ཡིཿ ལས་དང་སྨོན་ལམ་རྒྱ་ཆེར་ཐོབ༔ འབྲིང་གིས་ལུས་ངག་ཡིད་གསུམ་གྱིས༔ སྒྲིབ་སྦྱོང་ལས་ལ་བརྩོན་པར་གྱིས༔ ཞེས་དང་། རཏྣའི་ཐུགས་སྒྲུབ་ཡང་སྙིང་འདུས་པའི་བསྐུལ་བྱང་ལས། བྱུང་ཅོག་ཟླ་བའི་ཚེས་བཅུ་ལ༔ ང་ཉིད་འབྱོན་པའི་དབུ་སྙུང་བཞེས༔ པདྨ་འབྱུང་གནས་གཞན་མི་བསླུ༔ ཐེ་ཚོམ་སྤོངས་ཤིག་རྗེས་འཇུག་རྣམས༔ ལས་སུ་རུང་བའི་བློ་ཡོད་ན༔ འདི་ལྟར་ང་ཡི་ཚེས་བཅུ་ལ༔ བརྩོན་ཞིང་གསོལ་བ་འདེབས་པའི་བུ༔ འཁོར་བར་ལྷུངས་ན་ང་ཤེས་ཀྱིས༔ བློ་སྙིང་བྲང་གསུམ་ང་ལ་གཏོད༔ ཅེས་ཟླ་རེ་ཚེས་བཅུའི་མཆོད་པ་བཟུང་བར་ཕན་ཡོན་དེ་བཞིན་དང་ལྷག་པར་སྤྲེལ་ལོ་སྤྲེལ་ཟླའི་ཚེས་བཅུར་བདེ་ཅན་མགོན་པོ་སྣང་མཐའི་ཐུགས་རྗེ་ཧཱུཾ་དམར་དུ་ཤར་བ་དྷ་ན་ཀོ་ཤའི་མཚོར་

[Full Size]

པད་སྡོང་ཟེའུ་འབྲུར་ལོ་བརྒྱད་ན་ཚོད་ཅན་དུ་བྱོན་པར་སྟེང་ལྷ། འོག་ཀླུ། བར་སྡེ་བརྒྱད་ཀྱིས་སྲི་ཞུ། ལྷ་མོ་བསྟན་མས་མཚོ་སྐྱེས་རྡོ་རྗེར་གསོལ། རྩ་གསུམ་ལྷ་ཚོགས་མཐའ་དག་གིས་སྟོན་པའི་རྒྱལ་ཚབ་ཏུ་མངའ་གསོལ་བས་སྐྱེས་ཆེན་སུ་མཆོད་པ་ལས་ཀྱང་ཕན་ཡོན་ཆེས་ལྷག་པ་ཐོབ་བོ། །ཡར་ལམ་སེ་ཆེན་ཐའི་ཇི་དུས་ཀྱི་ཆོས་ཉིད་དུ་འགྱུར་པའི་རྟེན་འབྱོར་བར་འཁོར་བ་དང་ངན་སོང་གི་འཇིགས་པ་གྲོལ་ཞིང་བྱང་གྲོལ་ཐོབ་པའི་རྒྱུར་བསྔོ་སྨོན་གྱིས་རྒྱས་བཏབ། གུར་དྲག་གི་སྐུ་རྣམས་ཚོན་རྩི་མ་གཏོགས་གྲུབ་པར་སྤྲུལ་སྐུ་རིགས་འཛིན་ཆེན་པོས་རབ་གནས་བསྟར། རྩེ་ལེ་བླ་མ་དང་། ཟིང་པོ་བཀྲ་ཤིས་དར་རྒྱས་སོགས་དང་ཕྲད། ཚེས་བཅུ་དྲུག་ནས་ཉིན་གསུམ་གྱི་བར་རིགས་འཛིན་གཏེར་བདག་གླིང་པར་རྡོ་རྗེ་གླིང་པའི་བླ་མ་ཡི་དམ་མཁའ་འགྲོ་ནོར་ལྷ་སོགས་ཀྱི་དབང་བྱིན་རླབས་རྗེས་གནང་རིག་གཏད་སོགས་ཞུས་ཤིང་ཟུར་ཆེན་གྱི་སྤྲུལ་སྐུ། དགེ་སློང་འཇམ་དབྱངས་གྲགས་པ་སོགས་ཀྱང་ཡོད། དེ་བཞིན་ཚེས་བཅུ་དགུར་མཁའ་འགྲོ་སྙིང་ཏིག་གི་དབང་དང་། གཏད་རྒྱ་གསང་མཚན་མ་གཉིས་མངའ་རིས་རིགས་འཛིན་ཆེན་པོ་བརྒྱུད་པ་ཞུས། འབྲི་གུང་སྤྲུལ་པའི་སྐུས་རྡོ་རྗེ་གྲོ་ལོད་དང་གཏེར་གསར་པདྨ་དྲག་པོ་གཉིས། ཆོས་རྒྱལ་བཀྲ་ཤིས་སྟོབས་རྒྱལ་གྱི་འབྲལ་སྤང་དམ་ཚིག་བྲིས་ཐང་དུ་གྲགས་པའི་ཨྱོན་རྣམ་ཐར་ཞལ་བཤུས་ཟུར་རིགས་འཕྲིན་ལས་རྣམ་རྒྱལ་གྱིས་བྲིས་པ། རྣམ་གླིང་ཆོས་མཛད་ངག་དབང་བློ་གསལ་གྱི་དོན་དུ་རྣམ་པཎ་དཀོན་ཅོག་ཆོས་གྲགས་ཀྱིས་གྲ་ཚང་དུ་ཞི་ཁྲོའི་སྐོང་བཤགས་ཐོག་ཁ་ཐིའི་བླ་བྲེ་འབུལ་རྒྱུ་དང་། རིན་

[Full Size]

འབྱུང་དང་རཏྣ་ཌཱ་ཀཱིའི་བརྒྱ་ཐང་བྱང་རྩེ་ཆོས་རྗེ་ངག་དབང་བློ་གྲོས་རྒྱ་མཚོས་རྒྱུད་སྨད་གྲ་ཚང་ལྷ་ས་སོགས་སུ་བཞུགས་གནས་མེད་པར་བརྟེན་དྲི་གཙང་ཁང་མ་ལག་དང་བཅས་པ། རི་བོ་དགའ་ལྡན་དུ་གསར་རྔ་ཆ་ལག་ཉེར་དྲུག །སྦུག་ཆོལ་གྱི་ཤུབས་བརྒྱད། དགུན་ཆོས་ཀྱི་འཚོ་བའི་ཐེབས་སུ་ཞིང་བཅུ་བདུན། ཞོགས་གུར་སྨོན་དུ་ཡུམ་ཆེན་མོའི་བརྒྱ་ཐང་གསུམ་སོགས་བཞེངས་ཏེ་སྦྱར་བས་མཚོན་བླ་ཐོག་གཞན་ལས་ཆོས་འཇིག་རྟེན་གཉིས་ཀ་ནས་བཞག་ཆེ་བར་མངོན་ཞིང་དེ་རྣམས་ཀྱི་རྒྱབ་ཡིག་སྨོན་ལམ། སྨོན་གླིང་པ་དགེ་སློང་ངག་དབང་ཚུལ་ཁྲིམས་ཀྱི་ངོར་སྨོན་ལམ། ཧོར་སོག་གི་རྒྱལ་རིགས་དཔོན་ཁག་ཚོར་བདག་རྐྱེན་བྱེད་པའི་དེབ་ཀྱི་འགོ་བརྗོད། རྣམ་གླིང་པ་ངག་དབང་བློ་གསལ་གྱི་དོན་དུ་ཇོ་བོ་རིན་པོ་ཆེར་སྣམ་སྦྱར་དང་། བཅུ་གཅིག་ཞལ་དང་འཕགས་པ་ལོ་ཀེ་ཤྭ་རར་སྙན་ཤལ། གྲ་ཚང་ནས་དཔལ་ལྡན་ལྷ་མོར་སྙན་ཤལ་སྣ་ལྔ་རྣམས་ཀྱི་ཁ་བྱང་། གནས་ཆུང་ཆོས་སྐྱོང་ཆེན་པོས་བསྐུལ་མ་མཛད་པའི་ཚོགས་ཆེན་དང་གྲ་ཚང་དུ་འཛུགས་པའི་རིང་འཚོ། སྐུ་ཕེབས་མྱུར་དུས་ཀྱི་སྤྱན་འདྲེན་དང་བཅས་པ་བཀོད། ཚེས་ཉི་ཤུར་ཆོས་འཁོར་ཡང་རྩེ་བ་གྲགས་པ་བཀྲ་ཤིས་ཀྱིས་ཕར་ཕྱིན་འགྲེལ་པ་བློ་བཟང་དགོངས་རྒྱན་གྱི་རྒྱུགས་སྤྲད། ཉེར་གཉིས་ལ་གཏེར་སྟོན་རིགས་འཛིན་ཆེན་པོས་རྩེ་ཤོད་གཉིས་ལ་ཁྱབ་འཇུག་གི་དུག་དབྱུང་བཏགས་གྲོལ་གྱི་དབང་། བྱད་འགྲོལ་རྣམས་མཛད། ཉེར་གསུམ་འཆད་ཀ་ཞབས་དྲུང་། ངོར་ཀླུ་སྡིངས་པ། ཐོད་རི་བཤད་སྒྲུབ་གླིང་པའི་བླ་ཟུར། བཀྲ་ཤིས་བདེ་ཆེན་དང་རྩ་སྒྲུབ་སྡེའི་

[Full Size]

བླ་མ། ཨོ་ཐོ་ཁོན་གྱི་མི་སྣ་རིན་ཅེན་དགེ་སློང་། ཅོ་ནེ་ཆོས་རྗེའི་མི་སྣ་མགོན་པོ་རྒྱལ་མཚན། ཁ་དན་བཱ་ཐུར་གྱི་མི་སྣ་དབོན་པོ། དགའ་ལྡན་ཇི་ནོང་གི་མི་སྣ་ཨུ་ཆིང་ཁཱ། ལྷ་དབང་དཔལ་འབར་གྱི་མི་སྣ་མེར་གན་ཁཱ། ཨེར་ཏེ་ནི་ཐའི་ཇིའི་མི་སྣ། དཔོན་ཁོ་ཤོར་ཐུ་ཐའི་ཇིའི་བུ་སོགས་ལ་ཇ་གྲལ་བྱས། ཉེར་ལྔའི་པ་སངས་ནམ་གྲུའི་འགྲུབ་སྦྱོར་ཐོག་སྤྲུལ་སྐུ་རིགས་འཛིན་ཆེན་པོར་རྩེ་ཤོད་ཐུན་མོང་གིས་རཏྣའི་གུར་དྲག །གདོན་འགྲོལ། གཏེར་གསར་ཚེ་དབང་རྣམས་ཞུས། ཆོས་ཡོན་དུ་གསེར་སྲང་གསུམ། དངུལ་སྲང་བདུན་ཅུ་ཡོད་པའི་མདོང་མོ། སྦུག་སིལ། ཁྱད་གོས་སོགས་དགུ་ཚན་དགུའི་བདོག་པ་དང་། རང་གནས་སུ་གཤེགས་གདོང་འཇའ་ཤེལ་སྤུས་ལེགས། ཕྱག་ཕྲེང་ལེགས་པ། རྟགས་བརྒྱད་ཁ་བཏགས་རྣམས་ཕུལ། གནམ་གང་ལ་སྒར་གྲ་ཚང་བླ་མ། ཚོགས་གསོག་རབ་འབྱམས་པ། ཧུང་ཐའི་ཇིའི་མི་སྣ་སོགས་ལ་བྱིན་རླབས། གོང་མ་རྒྱལ་པོ་ཀུན་མ་འུ་སན་གུའི་གཡུལ་ལས་རྒྱལ་བར་སྙན་ཚིག་གི་ལམ་ནས་དྲངས་པའི་ཞུ་ཤོག་རྟེན་ལེགས་སྐྱེས་སྤམས་མཐོ་བ་དང་བཅས་བསམ་བློ་རབ་འབྱམས་པ་ཚུལ་ཁྲིམས་རྣམ་རྒྱལ་དང་། བློ་བཟང་ཚེ་རིང་གཉིས་རྫོང་བདའ་དང་། སྒར་གྲ་ཚང་གི་མིང་དགའ་ལྡན་གསང་སྔགས་བདེ་ཆེན་དུ་བཏགས། བསྟན་སྲིད་སྤྱི་རིམ་ལ་ཟབ་ཕུ་ལུང་དུ་གནས་འཛིན་པ་སྒྲུབ་པ་ཕོ་མོ་སུམ་ཅུ་སྐོར་གྱིས་ཚེས་བརྒྱད་ནས་ཉེར་དྲུག་གི་བར་བཛྲ་གུ་རུ་འགྲོ་གང་ཆེ། སྒྲོལ་ཕུག་པ་གྲ་སློབ་བཅོ་ལྔས་ཚེས་བཅུ་ནས་ཉིན་ལྔའི་བར་བླ་མའི་ལས་བྱང་དང་འབྲེལ་བའི་ཚོགས་བརྒྱ།

[Full Size]

ཞི་བའི་སྦྱིན་སྲེག་ཉིན་གཅིག །དྲེགས་པའི་སྡེ་དཔོན་སོགས་ཆོས་སྲུང་གཏེར་སྐྱོང་སྤྱི་དང་། ཟབ་ཕུའི་ལྷ་ཀླུ་སོགས་གཞི་བདག་ལ་གསོལ་མཆོད། ཁྲུས་གསོལ། བསངས་དང་བརྒྱགས་རྔན་བོན་པོ་ཚོ་བསྡུས་བཅོ་ལྔས་ཞག་བརྒྱད་ཀྱི་རིང་ཐང་ལྷས་གཙོས་པའི་རྗེའི་མགུར་ལྷ་བཅུ་གསུམ་དང་འབངས་ཀྱི་སྲོག་ལྷ། སྲིད་པ་ཆགས་པའི་ལྷ་དགུ། བསྟན་མ་བཅུ་གཉིས་སོགས་ལ་གསོལ་མཆོད། རི་འགོར་དར་ལྕོག་བརྒྱ་ཚར། རི་འགོ་དགུར་བསངས། ཡར་ལྷ་ཤམྦྷུའི་གངས་འདབས་སུའང་བོན་པོ་ཚོ་བསྡུས་ཀྱིས་ཤམ་བྷུས་གཙོས་པར་གོང་མཚུངས། གནས་འཛིན་གྲ་བཙུན་བརྒྱ་དང་བཅུ་སྐོར་གྱིས་ཉིན་ལྔའི་བར་བཛྲ་གུ་རུ་འགྲོ་གང་ཆེ། འདི་ལོ་ནས་བཟུང་གངས་སྐོར་ལ་བཀག་ཆ་མི་བྱེད་པའི་བསྡམ་ར་འོལ་དགའ་དཀོན་གཉེར་བར་འདི་ལོ་ནས་བཟུང་ལོ་སྟར་ཚེས་བཅུ་ཆེན་མོའི་མཆོད་ཐེབས་འབྲུ་ཁལ་ང་དྲུག་ལྷག་བཅས། ངེད་རང་གི་སྡིག་སྒྲིབ་སྦྱོང་ཐབས་ལ། བཀྲ་བཟང་། གྲོམ་པ་རྒྱང་། བསམ་ཡས་སོགས་གནས་གྲགས་ཅན་བཅུ་བདུན་དུ་རྙིང་དགོན་འབྲེལ་མཚུངས་གྲངས་བཅད་ཀྱིས་ཚོགས་བརྒྱ། ཁག་གཉིས་སུ་གྲ་པ་སུམ་བརྒྱ་སྐོར་གྱིས་ཡིག་དྲུག་དུང་ཕྱུར་བཞི། བྱེ་བ་བཞི། ཁག་ལྔར་དགོན་འབྲེལ་མཚུངས་གྲངས་བཅད་ཀྱིས་ཟླ་བ་གཉིས་རེར་བཛྲ་གུ་རུ་དུང་ཕྱུར་གསུམ། བྱེ་བ་གསུམ། ས་ཡ་དྲུག །ལྔ་འབུམ་ཉི་ཁྲི་ལྔ་སྟོང་སུམ་བརྒྱ། ཆོས་སྐྱོང་ཆེན་པོའི་ལུང་བསྟན་གྱི་ལོ་རིམ་དུ་དབུས་གཙང་གི་རྫོང་གཞིས་ཚང་མ་དང་། དེ་འོག་བླ་ཆེན་དཔོན་ཆེན་སོགས་

[Full Size]

ཀྱིས་འདི་ལོའི་བཙས་མ་མ་ཆོད་བར་ཤར་ཕྱོགས་ལ་བཙན་མདོས། ནུབ་ཕྱོགས་ལ་མ་མདོས། བཀའ་འགྱུར་ཚར་རེ། སྒྲོལ་མ་ལྔ་སྟོང་། ཤེར་སྙིང་སུམ་སྟོང་རེ། ཟླ་རེ་བཞིན་བརྒྱགས་རྔན། རྣམ་འཇོམས་དང་སྨེ་བརྩེགས་གང་རུང་གིས་ཁྲུས། ཀླུ་གཏོར་རྣམས་ཐེངས་གསུམ་རེ། ཉིན་སྟར་དགེ་སློང་བཞི་སྡེ་ཙམ་རེས་གཏོར་མ་བརྒྱ་ཚར། ཡུལ་གྲོང་ཆེ་བ་རྣམས་ནས་ཟླ་རེའི་མཚམས་སུ་བརྒྱད་སྟོང་པ་བཅུ་རེ། སྒྲོལ་མ་ཉིས་སྟོང་རེ། ཤེར་སྙིང་ལྔ་བརྒྱ་རེ། ཟླ་རེའི་ནང་གཏོར་མ་བརྒྱ་རྩ་བཅུ་རེ། བསངས་ཁག་གསུམ་རེ། ཡུལ་ལྷར་གསོལ་མཆོད། ཆུང་བ་རྣམས་ནས་ཟླ་བ་གཉིས་རེའི་མཚམས་སུ་བརྒྱད་སྟོང་པ་ཚར་རེ། ཤེར་སྙིང་བརྒྱ་རེ། སྒྲོལ་མ་ལྔ་བརྒྱ་རེ། ཟླ་རེར་བརྒྱ་རྩ་གཉིས་རེ། བསངས་དང་ཡུལ་ལྷའི་གསོལ་ཁ། སྡེ་པའི་སྐུ་རིམ་ལ་ལྷ་སར་བདེ་ཡངས་པ་ལྔ་བཅུས་ཉིན་གསུམ་གྱི་བར་སྤྱན་འདྲེན་ཁྲུས་གསོལ། མཆོད་པ་སྣ་ལྔ། སྨན་བླ་འགྲོ་གང་ཆེ་རྣམས་བསྟར། ཧོར་ཟླ་དྲུག་པའི་ཚེས་གཅིག་ལ་གྲོང་སྨད་དཔོན་ས་བུ་ཁྲིད་རྒྱལ་མོ། ཁམས་པ་རྫོགས་ཆེན་པ། དོན་གཉིས་གླིང་སློབ་དཔོན། ཟུང་ཆུ་རབ་འབྱམས་པ་སོགས་དང་ཕྲད། དཔོན་ས་དང་ཨ་བར་མིང་སྲིང་ལ་འཆི་བླུའི་ཆོ་ག་བཏང་། འབྲས་སྤུངས་སློབ་དཔོན་དགེ་སྐོས་སོགས་ཆོས་སྐྱོང་ཆེན་པོས་རྫོང་བདའ་མཛད་དེ་འདི་ལོ་དགོན་པར་ཅིས་ཀྱང་ཡོང་དགོས་ཚུལ་གསུང་བ་ངེད་རང་ཡང་མ་ཕྱིན་པར་ཡུན་རིང་བ་བཅས་འགྲོ་འདོད་རུང་འབམ་གྱི་ནད་འདི་རྐངས་བཟང་དྲགས་ལྡང་རྟག་པས་ཀླུ་སྦུག་ལྟ་བུར་རྀ་ཥིའི་སྨན་ཆབ་རྒྱག་པ་ལའང་

[Full Size]

མ་ཕྱིན་པར་ལོ་སྐོར་ལ་བཅར་བ་སོང་བས་འགྲོ་སྡོད་ཅི་དྲག་སོམ་ཉིར་གྱུར་ཀྱང་ཆོས་སྐྱོང་གཞན་དང་མི་འདྲའི་གཤིས་སྐྱོན་མི་ཡོང་བ་ཡེ་ཤེས་ཀྱིས་གཟིགས་ནས་ཤོག་གསུང་བ་དོན་ལ་གནས་པ་གཞིར་བཅས་ལྟར་སྡེ་པ་དང་གྲོས་བསྡུར་ཏེ་འགྲོ་བར་ཐག་བཅད། ཚེས་ལྔའི་གཟའ་སྐར་ཕུན་སུམ་ཚོགས་པའི་ཉིན་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་ཕྱིན་པར་རྟ་བསུ་བ་དཔོན་སློབ་སྟོང་ཕྲག་བརྒལ་བ་དང་། སྐྱེལ་མི་སེ་ར་བྱེས་སྨད་སྟོད། རྒྱུད་སྟོད་སྨད། ཕ་བོང་ཁ། རྨེ་རུ་རྣམས་ཀྱི་སློབ་དཔོན། ལྷ་ས་བ་སོགས་བདུན་བརྒྱ་བསྐོར། རྟ་རགས་ལ་མཆོད་ཡོན་གཉིས། རྟ་ཚག་རྗེ་དྲུང་། འཆད་ཀ་ཞབས་དྲུང་། སེམས་དཔའ་ཆེན་པོ། སྒར་གྲ་ཚང་གི་བླ་མ། ལྷ་བཙུན་བློ་བཟང་བསྟན་འཛིན། གྲ་ཚང་གི་གྲ་པ་རྒྱབ་ཆ་བ་བཅུ་བདུན། དྲུང་འཁོར་སྐྱ་སེར། རྐྱ་དར། རྒྱ་གླིང་། རོལ་ཆ་བ་སོགས་གཟབས་མཆོར་གྱིས་བཏེག་པ་བར་སྐབས་སུ་མ་ཕྱིན་པར་ཡུན་རིངས་སྟབས་ཡིན་པ་འདྲ་སྐྱ་སེར་མགོ་སྟབས་ཆས་གོས་མི་གཅིག་པའི་ཁྲོམ་པོ་ཏ་ལ་ནས་འབྲས་སྤུངས་བར་འབྲེལ་བའི་དཀྱིལ་གཤགས་ཏེ་སྐྱེད་ཚལ་ཀླུ་སྡིངས་སུ་རྟ་བས་སྐྱེལ་བསུ་དྲག་པ་ཐམས་ཅད་ལ་བྱིན་རླབས་དང་ཇ་གཉིས་སོང་ནས་སྤྲུལ་པའི་ཆོས་རྒྱལ་ཆེན་པོའང་ཁོག་ཏུ་བརླམས་པ་རུ་འདྲེན་རུ་དར་སོགས་ཤིན་ཏུ་རྒྱས་པ་དང་བཅས་བྱོན་ནས་ནམ་མཁར་ཕྱག་རིས་མཛད་དེ་ཁྱེད་གཟུགས་ཅན་རྣམས་ཀྱིས་ཇི་ལྟར་མཐོང་། ངེད་གཟུགས་མེད་ཀྱིས་བལྟས་ན་ལྷ་ཀླུ་སོགས་སྡེེ་བརྒྱད་ཀུན་གྱིས་མཆོད་པ་བྱེད་ཚུལ་འདིའོ་ཞེས་དེར་ཚོགས་ཐམས་ཅད་ལ་སྟོན་པའི་རྣམ་འགྱུར་དང་སྡེ་པར་ངེད་ཀྱི་

[Full Size]

རྟ་འགྲོས་དལ་བའི་བཀོད་པ་དགོས་ཚུལ་དང་། གཟུགས་མེད་སྔོན་ལ་འགྲོ་ཞེས་ཕྱིར་མྱུར་བར་གཤེགས། ཡས་སྣ་ནས་ཕྱི་སྒོའི་བར་གདུགས་དང་རྒྱལ་མཚན་བ་དན་རྔ་རོལ་མེ་ཏོག་སྤོས་ན་བཟའ་སོགས་མཆོད་པའི་བྱེ་བྲག་བསམ་གྱིས་མི་ཁྱབ་པ་ཐོགས་པའི་དགེ་འདུན་གྱི་སེར་སྦྲེངས། བྲོ་གཞས་འབག་ཤོན་སོགས་རྩེད་སྣ་ཤིན་ཏུ་མང་བ་དང་བཅས་ཐོག་མར་ཚོགས་ཆེན་འདུ་ཁང་དུ་སྐྱེལ་བསུ་བ་སོགས་ཐམས་ཅད་ལ་སྤྱི་སོས་དཀར་དྲོ་དམར་དྲོའི་བསྙེན་བཀུར་རྒྱས་པར་བཤམས་པའི་གྲལ་འཕྲོས་རྣམ་གླིང་པཎ་ཆེན་དཀོན་ཅོག་ཆོས་གྲགས་དང་། ཚ་རོང་པ་ཚེ་བརྟན་རྡོ་རྗེས་ཕུན་སུམ་ཚོགས་པའི་གླེང་བསླང་ལས་འཕྲོས་ཏེ་རྒྱས་པར་སྤྲོས། རོལ་ཆ་སོགས་ཟློས་གར་སྣ་ཚོགས་བསྒྱུར། བགྲོ་གླེང་ཡང་བགྱིས། ཕྱི་དྲོ་དགའ་ལྡན་ཕོ་བྲང་དུ་རྩེད་སྣ་ཤིན་ཏུ་མང་བ་ཚར་དུ་དངར། ཚེས་དྲུག་གི་ཞོགས་གསང་སྔགས་ཕོ་བྲང་དུ་རྣམ་པར་རྒྱལ་བའི་ཕན་བདེ་ལེགས་བཤད་གླིང་པས་སྐྱ་སེར་སྟོང་ཕྲག་བརྒལ་བར་སྟོན་མོ་གཟབས་པར་བཏང་ཞིང་ཚན་གྲངས་སྤམས་མཐོར་བཏེག །གུང་ཚིགས་ལ་མཆོད་པས་ལྷ་དབང་གླིང་དུ་སྔ་མ་དང་ཆ་འདྲ་བསྟར་ཞིང་། ཤུན་ཁུལ་གྱི་དྲུང་འཁོར་གཞིས་སྡོད་དང་བཅས་པས་ཚན་གྲངས་བརྐྱང་། སྤྱིལ་བུར་མེ་ཏོག་གཏོར། ཚེས་བདུན་གྱི་ཞོགས་ཀུན་དགའ་ར་བར་ཧ་སྡོང་གི་སྟོན་མོ་དང་། གུང་གི་དྲོར་སྒོ་མངས་སྤྱི་སོས་སྔ་མ་དང་འདྲ་ཞིང་བདོག་པའང་བྱུང་། སོ་སོའི་འཇུག་རིང་འཚོའི་བདེན་ཚིག་ཀྱང་བརྗོད། ཚེས་བརྒྱད་ཀྱི་སྔ་དྲོ་ཚོགས་ཆེན་འདུ་ཁང་དུ་སློབ་གྲ་ཐམས་ཅད་ཀྱིས་རང་འབྱོར་གྱི་དངོས་

[Full Size]

པོ་དང་བཅས་འཆི་བདག་བདུད་སྡེ་ལས་རྒྱལ་བའི་སྨོན་ལམ་གསུངས་ཤིང་སྤྲུལ་བའི་ཆོས་རྒྱལ་ཆེན་པོའང་བྱོན་ནས་བླང་དོར་གྱི་ལུང་བསྟན་མཛད། དགའ་ལྡན་བསྟན་འཛིན་བོ་ཤོག་ཐུ་ཁང་གིས་ཚོགས་ཆེན་དུ་དངུལ་རྐྱན་བཅུ་དགུ་ཕུལ་ཞིང་ཇ་འགྱེད་ཀྱང་འདུག །གུང་ཚིགས་ལ་བློ་གསལ་གླིང་པས་སྟོན་མོ་སྔར་བཞིན་ཐོག་ཚ་བ་ཁམས་ཚན་གྱི་དཀར་དྲོ་དང་ཚན་གྲངས། རག་མ་བའི་མི་སེར་སྤྱིའི་ཕྲད་མིའང་བྱུང་། མཆོད་ཡོན་གཉིས་ནས་སྡེ་པ་རིང་འཚོའི་སྟབས་ཞག་ཤས་བཞུགས་ཤིང་། གནམ་སའི་དབང་ཕྱུག་རྒྱལ་པོ་འཁོར་བཅས་ཕྱི་དྲོ་ཆོས་འཁོར་དཔལ་གྱི་ལྷ་སར་བསྐྱོད། ཚེས་དགུའི་ཞོགས་སྔགས་པ་གྲ་ཚང་གི་སྟོན་མོའི་མུ་འཐུད་རྒྱལ་བ་དང་འདུལ་བ་པའི་དཀར་དྲོ་སྤོམས་སུ་བཏེག །གུང་གི་དྲོར་བདེ་ཡངས་བའི་སྟོན་མོའི་རྗེས་སྤོང་འབོར་ཁམས་ཚན་གྱིས་དཀར་དྲོ་སྤོམས་དང་དར་རྩེ་མདོ་སྐྱ་སེར་གྱིས་ཁྲི་འབུལ་བསྟར། ཚེས་བཅུར་གནས་ཆུང་ཆོས་སྐྱོང་ཆེན་པོས་ཚོགས་འགྱེད་ཚན་གྲངས་དང་བཅས་གྲ་ཚང་ནས་འཆི་མེད་འོད་སྣང་གི་རྡུལ་ཚོན་དང་འབྲེལ་བའི་རིང་མཚོ་མཛད་སྐབས་ཆོས་སྐྱོང་རང་གིས་བདེན་ཚིག་གསུངས་པའི་མཐུན་འགྱུར་དེར་འཁོད་ཀྱིས་འདེགས་དགོས་པ་སོགས་རྔམས་ཟིལ་ཆེ་བ་བྱུང་། ཚེས་བཅུ་གསུམ་ལ་སྡེ་པ་སངས་རྒྱས་རྒྱ་མཚོའི་སྐྱོབ་ལྷ་དྲི་ཟའི་རྒྱལ་པོ་རྡོ་རྗེ་འབར་བ་རྩལ་གྱི་འཕྲིན་ལས་བདུད་རྩིའི་ཆུ་རྒྱུན། ཨུ་ཁེ་རེས་ཐའི་ཇིའི་བརྒྱུད་པ་ཨེར་ཏེ་ནི་ཇི་ནོང་ལ་སྡེ་བརྒྱད་ཀྱི་གནོད་པ་བསྲུང་པའི་ཐམ་ག །སྡེ་པ་བློ་བཟང་སྤྱིན་པས་རྒྱལ་དབྱར་ཆོས་ཐོག་མང་སྐོལ་དང་ལྷན་ཅིག་

[Full Size]

བྱམས་ཆེན་སོགས་རི་མཐིལ་གྱི་མཆོད་ཁང་རྣམས་ལ་སྙན་དར་དང་། བཀྲ་ཤིས་བདེ་ཆེན་པ་དགེ་དབང་དོན་གྲུབ་ཀྱིས་དགེ་སྐོས་འཇོག་ལ་དངུལ་སྲང་བཅུ་བཞིའི་པད་སྡེར་གྱི་ཁ་བྱང་། དགའ་གདོང་ཆོས་སྐྱོང་གིས་དགོས་ཚུལ་ལྟར་གསོལ་མཆོད་འཁྱེར་བདེ་རྣམས་བྲིས། ཚེས་བཅོ་ལྔར་ངེད་རང་རིང་འཚོའི་ཆེད་ཁམས་དཔལ་འབར་ཆོས་སྡེར་སེར་སྲང་གཉིས་སུ་གྲ་རྒྱུན་བཅས་བསྟན་པ་འཕེལ་རྒྱས་སུ་བསམ་འཐེན་རྩོད་མེད་པའི་འཇགས་གནས་ཁྲ་དོན་ལ་རྒྱབ་བསྣོན་དང་། དགོན་གསོ་བྲན་ལ་བརྩོན་ཅིང་བདེ་གསང་གིས་གཙོས་གསང་སྔགས་ཀྱི་ཕྱག་ལེན་སྒྲུབ་མཆོད་སོགས་དར་བ། ལྷ་ཁང་གཉིས་ལ་མར་མེ་ཉིན་མཚན་འཁྱོངས་པ་སོགས་མཆོད་པ་ཆག་མེད་དང་། ལྕམ་མདའ་དང་དགའ་ལྡན་རབ་བརྟན་དབྱེན་འདུམས་ཤིང་སྤུང་རིང་སྦྱར་བ་རྣམས་འཛིན་བདག་འཕོས་པ་འོས་སུ་མ་ཆེའང་དུད་ཆིག་བརྒྱ་དྲུག་ཅུ་སྐོར་ལ་འབབ་ཆིག་སྟོང་སུམ་བརྒྱ་དྲུག་ཅུ་བརྒལ་བ། ངེད་ཀྱི་རིང་པོར་འཚོ་ཐབས་སུ་ཟླ་བ་དང་པོའི་ཚེས་བརྒྱད། གཉིས་པའི་བཅུ། བཞི་པའི་བཅོ་ལྔ། དྲུག་པའི་ཚེས་བཞི། བརྒྱད་པའི་བཅོ་ལྔ། བཅུ་པའི་ཚེས་བརྒྱད་རྣམས་ལ་འདུ་ཁང་དུ་མར་མེ་ཉིན་འཁྱོངས་སོགས་མཆོད་པ་ལྔ། གྲ་པ་སུམ་བརྒྱ་སྐོར་ལ་ཇ་ཐུག་ཚ་ར་བཏང་བའི་གྲ་པ་རེས་ཤེར་སྙིང་ཆིག་བརྒྱ་དྲུག་ཅུ་རེ་འགྲོ་བའི་ཐེབས་སྦྱར། སྤྲུལ་སྐུ་རིགས་འཛིན་ཆེན་པོས་ཟབ་གཏེར་བཞེས་པའི་སྒོ་དོད་པར་གཏེར་ཚབ་ཟངས་བུམ་སོགས་རྟེན་འབྲེལ་མ་ལོག་པར་བསྒྲིགས། ཚེས་ཉི་ཤུར་ཆོས་འཁོར་ཡང་རྩེ་བ་དཀའ་བཅུ་བློ་བཟང་ཚེ་རིང་གིས་མཛོད་འགྲེལ་ཆོས་

[Full Size]

མངོན་རིན་ཅེན་འདྲེན་པའི་ཤིང་རྟ་དང་། ངེས་ལེགས་དཔལ་བཟང་གིས་ཕར་ཕྱིན་འགྲེལ་བ་བློ་བཟང་དགོངས་རྒྱན་གྱི་ཚིག་སྦྱོར་དང་མཐའ་གཅོད་རྒྱུགས་སྤྲད། ཉེར་གཉིས་ལ་ཀུན་དགའ་ར་བར་རྟ་ཚག་རྗེ་དྲུང་། བྱང་རྩེ་ཆོས་རྗེ། སྤོས་དགའ་དང་གླིང་སྟོད་སྐུ་སྐྱེ། འཆད་ཀ་ཞབས་དྲུང་། འབྲས་སྤུངས། རྒྱུད་སྟོད། ཕ་བོང་ཁ་ཁྱམས་པ། ར་བ་སྟོད། མཚལ་ཡང་དགོན། སྦེ་སེར། ཤངས་དགའ་ལྡན་ཆོས་འཁོར་རྣམས་ཀྱི་སློབ་དཔོན། གྲ་ཚང་། དྲུང་འཁོར། ཚོགས་ཆེན། ཕྱོགས་འདུས་ཀྱི་གྲ་པ། རྒྱལ་ཁག་སོགས་སྐྱ་སེར་ཁྲི་ཚོ་ལྷག་དང་བཅས་པར་གུར་ནས་བཤད་པའི་ཕྱག་རྡོར་འབྱུང་འདུལ། སྨན་བླ་སྤྲུལ་སྐུ། སྤྱན་རས་གཟིགས་སྐྱེར་སྒང་ལུགས། འཇམ་དབྱངས་དམར་སེར། སེང་ལྡེང་ནགས་སྒྲོལ། ཆག་ལུགས་ཀྱི་ཚེ་དཔག་མེད་དཀར་པོ་རྣམས་ཀྱི་རྗེས་གནང་། འཇམ་དབྱངས་དཀོན་ཅོག་ཆོས་འཕེལ་གྱི་གསུང་རྒྱུན་བཞིན་དམིགས་བརྩེ་མར་བརྟེན་པའི་བླ་མའི་རྣལ་འབྱོར། ད་ལམ་གྱི་ཟང་ཟིང་གི་བདོག་པ་སྟེར་མི་བྱུང་བས་མཚོན་དུས་གསུམ་བསགས་པའི་དགེ་བ་ཐམས་ཅད་ཆུད་མི་ཟ་བའི་ཆེད་བསྔོ་བ་སྨོན་ལམ་གྱི་རྒྱས་འདེབས་ཡང་དག་བགྱིས། བཀའ་གདམས་ཡང་རྩེར་བསོད་ནམས་དབང་རྒྱལ། སྣར་ཐང་མཁན་པོ། ཕ་བོང་ཁའི་གདན་ས་པ། བྱང་རྩེ་དང་ར་བ་སྟོད་སློབ་དཔོན། ཨུ་ཞང་དཔོན་མོ་བསོད་ནམས་ཧུང་ཐའི་ཇི། ཨ་ར་ན། དབོན་ཆུང་དཔོན་མོ། ཚེ་རིང་གི་བུ་མོང་གུ། ཁོ་ཤིའུ་ཆི་ཐའི་ཇིའི་དཔོན་མོ་

[Full Size]

བུ་བཅས། ཇོ་རིག་ཐུ་ཨེར་ཁེ་དའི་ཆིང་། ཐོར་གོད་རྒྱ་མཚོ་སྒྲོལ་མ། བླ་ཁན་དགེ་སློང་། ཚོགས་གསོག་རབ་འབྱམས་པ། ཁལ་ཁ་ཆེ་ཆེན་ཧུང་ཐའི་ཇིའི་མི་སྣ། ན་ཆིང་དང་ཨེར་ཁེ་ཇའི་སང་གི་མ་རྣམས་ཀྱི་ངོ་བོར་བྱིན་རླབས་དང་བྱིངས་ལ་ངོས་ཕྲད། ཉེར་གསུམ་ལ་སྡེ་པ་བློ་བཟང་སྦྱིན་པས་གོས་སྣ་ཆ་ཚང་སོགས་བདོག་པའི་དངོས་པོ་འགྱེད་བཅས་ཚང་ནས་མཁའ་འགྲོ་སྡེ་ལྔར་བརྟེན་པའི་རིང་འཚོ་སྤེལ། མཆོད་ཁང་དཀོན་གཉེར་ཡར་ཀླུངས་པ་བློ་བཟང་འཕགས་པ་དང་། འཕྱོས་པ་ངག་དབང་ཕུན་ཚོགས་གཉིས་ཀྱིས་ཀྱང་གཟིམས་ཆུང་བརྟན་བཞུགས་སུ་གྲགས་པ་བསྟར། ཀུན་དགའ་ར་བར་འཇམ་དབྱངས་གོང་མ་རྒྱལ་པོའི་མི་སྣ་མཆོད་རྟེན་བླ་མ་བསྟན་འཛིན་དགེ་སློང་། གཞོན་པ་མཁར་སྔོན་ཕྱག་ན་རྡོ་རྗེ། འགྲུལ་སྡེབས་པ་དང་བཅས་སུམ་བརྒྱར་ཉེ་བ། འདི་གའི་མི་སྣ་སྣར་ཐང་མཁན་པོ་དང་ཨེམ་ཆི་ཐབས་མཁས་སོགས་དང་ཕྲད་པའི་ཐོག་མར་གོང་གི་བཀའ་ཤོག་རྟེན་བཟང་པོ་དང་བཅས་སྤྲད། ཉེར་བདུན་ལ་མཚམས་ཁང་གོང་འོག་ཏུ་མཆོད་རྟེན་གཉིས་ཀྱི་ལས་སྦྱོར་རྒྱས་པ་བདུན་གཉིས་སྔོན་སོང་གིས་མནན་པ་ཀླུ་བདུད་ཏེ་པ་ཙར་གཏད། ཉེར་དགུར་རྒྱ་ནག་གི་མི་སྣ་རྒན་གཞོན་དང་འདི་གའི་མི་སྣ་བཅས་སོ་སོས་བདོག་པ་དངོམ་ཆེ་བ་སྟོང་ཕྲག་ཏུ་ལོངས་པ་བསྟབ་ཅིང་ངོ་བོ་རྣམས་ལ་ལག་གི་འདེགས་འཇོག །དམངས་ཚོར་མེ་ཏོག་གཏོར། ཤག་སྐོར་བའི་དཀར་དྲོ་བཏེག །ཨེར་ཁེ་དའི་ཆིང་གི་མི་སྣ་སོགས་དང་ཕྲད། གྲ་ཚང་གིས་འཆམས་དབྱུ་གུ་དྲུག་ཅུ་རྩ་བཞིའི་ལས་སྦྱོར་ཀྱང་རྒྱས་པར་བསྟར། གནམ་

[Full Size]

གང་ལ་སེར་སྟོད་སློབ་དཔོན། གཟིམས་ཁང་དབོན་པོ། ཆ་ཀར་བླ་མའི་གྲ་པ་ཚུལ་ཁྲིམས་བཀྲ་ཤིས་སོགས་ལ་ཇ་གྲལ་བཏང་། གོས་སྐུ་སྡེ་པ་བློ་བཟང་མཐུ་སྟོབས་ཀྱི་དུས་བཟོས་པ་ནུབ་ཕྱོགས་སུ་བཀྲམ་པ་དང་། རྩེད་སྣ་མང་པོ་འདུག་པར་བལྟས། སྐྱ་སེར་གྱི་ཁྲོམ་ཆེ་བ་སྣང་། ཧོར་ཟླ་དྲུག་པ་རྗེས་མའི་ཚེས་གཅིག་ལ་ལྷ་སའི་གོང་པ་ལྟ་བུ་ཡེར་པ་ལྷ་རི་སྙིང་པོ་འདི་ཉིད་དུ་ཆོས་ཀྱི་རྒྱལ་པོ་སྲོང་བཙན་སྒམ་པོའི་བཙུན་མོ་མོང་བཟའ་ཁྲི་ལྕམ་དང་སྲས་གུང་རི་གུང་བཙན་གྱི་རྟེན་སྐལ་རྗེ་བཙུན་སྒྲོལ་མའི་སྐུ་བྱིན་ཅན། ལྷ་ཁང་དང་བཅས་བཞེངས་པར་དུས་གསུམ་མཁྱེན་པ་པདྨ་འབྱུང་གནས། ལྷ་ལུང་དཔལ་གྱི་རྡོ་རྗེ་སོགས་སྐྱེས་ཆེན་དུ་མས་ཞབས་ཀྱིས་གཅགས་པ་དང་། ཁྱད་པར་མཉམ་མེད་ཇོ་བོ་ཆེན་པོ་དཱི་པཾ་ཀཱ་རས་ཟབ་པ་ལས་ཆེས་ཆེར་ཟབ་པ་བཀའ་གདམས་ཁུ་རྔོག་འབྲོམ་གསུམ་ལ་སོགས་པར་ཆོས་ཀྱི་འཁོར་ལོ་ཟད་མི་ཤེས་པ་བསྐོར་བའི་གནས་ཕུན་སུམ་ཚོགས་པ་ཞག་གཅིག་གི་གནས་འབྲེལ་ཐོགས་པས་ཀྱང་ཕྱིར་མི་ལྡོག་པར་འབྱུང་བས་མཚོན་བྱིན་རླབས་ཀྱི་མཚན་ཁ་ཤིན་ཏུ་ཆེ་བ་ཞིག་ཡིན་ཀྱང་། མཆོད་ཐེབས་ཆེ་བ་མེད་ཅིང་རི་གྱེན་མཐོ་བས་ཕྱོགས་ནས་ཀྱང་འབུལ་མི་དཀོན་པའི་མཆོད་པ་ཉག་ཕྲ་བར་འདུག་པ་སྡེ་པས་ངེད་རིང་འཚོར་དམིགས་ཡང་དག་པར་རྫོགས་པའི་སངས་རྒྱས་ཀྱིས་ཡུལ་ཝ་ར་ཎཱ་སིར་བཀའ་དང་པོ་བདེན་དོན་བཅུ་གཉིས་ཀྱི་ཆོས་འཁོར་བསྐོར་བའི་ཚེས་ནས་ཇི་སྲིད་བསྟན་པ་རིན་པོ་ཆེ་ནམ་གནས་ཀྱི་བར་ལྷ་ཁང་བཅུ་བཞི་སོ་སོར་འབྲུའི་མར་མེ་ཉིན་མཚན་འཁྱོངས་པའི་སྡོང་རྐང་རེའི་རྒྱུའི་སྣུམ་དང་སྡོང་

[Full Size]

རས་ལྷ་ས་གཉེར་ཚང་ནས་རིམ་སྤྲོད་བྱེད་རྒྱུ་དང་། དད་འབུལ་གྱི་མཆོད་མེ་གང་བྱུང་ཟུར་འབུལ་གོང་གྲངས་སུ་མི་ཐེ་བར་ནམ་བྱུང་བ་སྤོར་བ་ལས་མི་འཇོག་པའི་བསྡམ་ར་བགྱིས། གོང་མའི་མི་སྣ་ཕྱག་ན་རྡོ་རྗེ། བསོད་ནམས་ཚེ་དབང་གི་མི་སྣ། འབྲས་སྤུངས་ཀྱི་སློབ་དཔོན་གདན་ཟུར་བརྒྱད། དགེ་སྐོས་གཉིས། སྤྱི་གཉེར། འཚོ་བྱེད་ཕྲུག་པོ་ཆེ་པ། ཤུན་གཞིས་ཀ་བ་སོགས་ལ་བྱིན་རླབས་དང་། མགོན་ཁང་ཡས་མས་ཚོར་ཕྱིན་ཏེ་རབ་གནས་བསྐྱར་མ་དང་བསྟན་འགྲོའི་བདེ་སྐྱིད་གོང་འཕེལ་གྱི་འཕྲིན་ལས་ནན་ཏར་བཅོལ། ཚེས་གཉིས་ལ་འབྲས་སྤུངས་སྤྱི་སོས་བསྐུལ་མ་མཛད་པའི་སྡེ་པ་སངས་རྒྱས་རྒྱ་མཚོའི་བརྟན་བཞུགས། མཆོད་ཁང་གཙོ་བོར་གོས་ཡུག་ལྔ་དང་། གཞན་ཚོར་སྙན་ཤལ་རེའི་ཁ་བྱང་བཀོད། ཚེས་གསུམ་ལ་གྲོག་པོ་ཕ་རིར་ཞི་རྒྱས་དབང་དྲག་གི་བསྙེན་སྒྲུབ་ལས་སྦྱོར་བྱེད་པའི་ཁང་པའི་གཙོ་བོར་ཆོས་རྒྱལ་མཾ་གའི་མཚན་ཅན་གྱི་ཐུགས་ཀྱི་བརྣོག་ཆོས་འཇམ་དཔལ་འཁོར་འདས་ཕྱག་རྒྱ་ཟིལ་གནོན་ལྕགས་འདྲའི་མཆོད་རྟེན་བཅས་ཆོག་དང་། གསང་སྔགས་ཕོ་བྲང་ཤོད་དུ་དཔལ་འབྲི་གུང་པའི་ཟབ་ཆོས་གཤིན་རྗེ་ལྕགས་སྡིག་གི་མཆོད་རྟེན་གཉིས་བཞེངས་པ་ལའང་དམ་ཡེ་དབྱེར་མེད་དང་ལས་སྦྱོར་འགྲུབ་པའི་འཕྲིན་བཅོལ་རྒྱས་པར་བྱས། མཚོ་ཁ་ནས་གསར་འབྱོར་ཨེར་ཏེ་ནི་དའི་ཆིང་གི་མི་སྣ། པུ་ཏི་མའི་བླ་ཟུར། མཛེས་གྲོང་པའི་བུ་རྣམས་དང་ཕྲད། ཚེས་བཞིར་གཟིམས་ཆུང་སྒོ་ཁྲའི་གཏོར་གཞི་བརྗེས་པའི་གྲ་པ་བཅུ་གཅིག་དང་བཅས་རྩ་གསུམ་ལྷ་ཚོགས་ཐུགས་དམ་བསྐང་ཞིང་སྤྱི་བྱེ་བྲག་གི་བསྟན་པ་རྒྱས་པ་དང་

[Full Size]

སེམས་ཅན་ལ་བདེ་བ་འབྱུང་བའི་འཕྲིན་ལས་བཅོལ། དེ་མཚུངས་ཀུན་དགའ་ར་བར་གྲངས་བཅད་ཀྱིས་ཆོས་སྐྱོང་སྤྱིའི་བསྐང་བ། གཟའ་ཁང་དུའང་བསྐང་བ་འདོད་གསོལ་གཟབས་རྒྱས་བཏང་། བདེ་བ་ཅན་དང་སྐྱོག་མོ་སོགས་ཀྱི་དངོས་དཔྱད་འདྲེས་པ་ཁུངས་ལྡན་དང་འགངས་ཅན་ཆོས་དང་འབྲེལ་བས་མཚོན་པ་མཐའ་དག་ལ་སོ་སོར་དབྱེ་ནས་ཁ་བྱང་བཏབ་ཅིང་། དེ་ཕྱིན་སྡེ་པར་གཏད་དེ་ཕྱག་མཛོད་ཆེན་མོར་འཇོག་པ་སོགས་གང་འཚམ་གྱི་བཀོད་པ་བགྱིས། གནས་ཆུང་སྐུ་རྟེན་པར་ཚེ་དབང་གྲུབ་རྒྱལ་མ་བསྐུར་ཞིང་འདུལ་བའི་ལས་ཆོག་རྣམ་རྒྱལ་གསེར་མདོག་པར་དུ་བརྐོས་གྲུབ་པ་འབྱོར། ཚེས་བདུན་ལ་བདེ་ཡངས་པས་རིགས་གྲའི་སྐལ་བ་རྩེ་ཤོད་ལྷན་དུ་སྟོན་མོ་གཟབས། བགྲོ་གླེང་བྱེད་པར་སྔར་ནས་དགའ་བ་ཞིག་ཡོད་པ་ད་ལམ་ཡང་བཞུགས་གྲལ་གྱི་སྐབས་ཕལ་ཆེར་བྱེད་བཅུག་པ་དུས་ཕྱིས་འཇིག་རྟེན་གྱི་འདུ་འགོད་རང་གི་དབང་དུ་སོང་བ་ཡིན་ནམ། གང་ལྟར་སྔ་ཕྱིའི་རྒོལ་བ་ཐམས་ཅད་ཇོ་བཟང་དྲགས་ནས་ཐེ་ཚོམ་མེ་བའི་ངང་ལ་འཇོག་རན་ཏེ་བློ་བདེ་སིང་ངེ་བའི་ཡིད་འགྲོ་བ་དཀའ། རྟ་ཚག་རྗེ་དྲུང་རིན་པོ་ཆེས་སྔ་རྒོལ་མཛད་པར་སློབ་དཔོན་རྣམས་ཀྱིས་རྒོལ་བར་ལ་ལས་བཟོས་ལུགས་ཀྱིས་སྤམ་མེ་དང་། ཁ་ཅིག་གིས་གནད་འབེབས་བྱེད་ནའང་འདི་སྐབས་སྤྱི་མཐུན་ལས་བླ་ཆེན་སྤྱིའི་ཞབས་ལ་ཐག་པ་འདོགས་པར་མི་སྣང་། རིག་བགྲོས་ཇི་ལྟར་ཡང་ཤག་སྐོར་ཟུར་པས་སོག་སྐད་སོགས་སྣ་ཚོགས་པའི་ཉམས་འཆར་གྱིས་དགོད་སྤྲོ་བའི་ཚད་ཅིག་བྱུང་བ་ལུགས་གཅིག་ཏུ་བཟང་བར་མཆིས། གོང་མའི་

[Full Size]

མི་སྣ་རྒན་གཞོན། འགྲུལ་སྡེབས་བློ་བཟང་དཔལ་འཛིན་སོགས་དང་དན་འབག་གི་དམིགས་བརྩེ་མ། མ་ཎི་ཁག་བཅས་པར་སྤྱན་རས་གཟིགས་ཀྱི་སྒོམ་ལུང་། དམིགས་བརྩེ་མར་བརྟེན་པའི་བླ་མའི་རྣལ་འབྱོར་རྗེས། ཁམས་གསེར་ཁ་ལྷ་ཁང་སྟེང་། ཕུག་ཁང་། ལྷོ་མདོངས་མཁར་ཆོས་སྡེ། དྭགས་ལྷ་ཡུལ་རྣམས་ཀྱི་བླ་མ། ཚ་བ་ཐེག་ཐོག་གི་གནས་པོ་བསོད་ནམས། མཚུར་ཕུ་ཕྱག་མཛོད། སྟག་ལུང་ཟུར་པའི་ཕྱག་མཛོད། ལ་མོ་སྐུ་རྟེན་པ་ནང་ཚང་བཅས་པ། གཡག་སྡེ་གཞིས་སྡོད་མཁར་ཆེན་པ། ཨ་མདོ་བ་སོགས་བོད་སོག་མང་པོར་ཇ་གྲལ་ཐོག་ལྷ་ཁང་སྟེང་བླ་མས་དྲེའུ་བཅུ་བདུན། ལྡན་མ་པུ་ལ་གཉིས་ཀྱིས་རྟ་བཅོ་ལྔ། སྙིང་ཐང་དགོན་བླ་མས་རྟ་བཅུ་བཞི། སྟག་ལུང་ཟུར་པས་རྟ་སོ་བརྒྱད་རྣམས་བྱུང་། མཆོད་ཁང་ཚོར་སྙན་ཤལ་འབུལ་བར་མངགས། ཆོས་སྐྱོང་ཆེན་པོས་ད་ཆ་ཞག་གྲངས་ཐེངས་པས་སྲོང་བཙན་སྒམ་པོའི་གནས་སུ་ཕྱིན་པ་འགབ་ཚུལ་ལྟར་ཚེས་བརྒྱད་ལ་དགོན་པ་ནས་བཏེག་གནས་ཆུང་ལྕོག་ཏུ་རགས་བསྡུས་ཀྱིས་ཕྱིན་པར་ཆོས་སྐྱོང་གིས་རིང་འཚོའི་བདོག་པ་རྒྱས་པར་བྱུང་བའི་ལན་སྐུ་ཆས་ཆ་འགྲིག་སོགས་གཟབས་ནས་ཕུལ་ཞིང་མཆོད་ཡོན་གཉིས་དང་བཅས་སྤྱི་སྒོས་ཀྱི་ལུང་བསྟན་ཕྲ་རགས་ཐམས་ཅད་གསལ་པོར་གསུངས། སྐྱེད་ཚལ་ཀླུ་སྡིངས་སུ་དཔལ་ལྡན་འབྲས་སྤུངས་སློབ་དཔོན་སོགས་ཀྱི་སྐྱེལ་མི་མང་བ་དང་། བསུ་བར་སེ་ར། ཕ་བོང་ཁ། རྒྱུད་སྟོད་སྨད། རྟ་དྲུང་། གཞིས་གཉེར་སོགས་མང་པོ་འབྱོར་པ་ངོ་བོ་ཚོར་བྱིན་རླབས་དང་། དམངས་དང་

[Full Size]

ངོས་ཕྲད་བགྱིས། སེ་ར་ཐེག་ཆེན་གླིང་གི་གྲ་ཚང་ཁག །རྒྱུད་སྨད་པ། ཕ་བོང་ཁ་བ་རྣམས་ཀྱིས་མཆོད་རྫས་དུ་བཅས་ཏེ་སེར་སྦྲེངས། ཆོས་སྐྱོང་བྱ་རུང་བ་འཁོར་བཅས། ཉང་དོག་སྡེ་བཞི་སོགས་ཀྱི་བྲོ་གཞས་རྩེད་སྣ་མང་པོས་བསུས་ཏེ་འདུ་ཁང་ཆེན་མོར་ཕྱིན། སྤྱི་སོས་དཀར་དྲོ་དམར་དྲོའི་སྟོན་མོ་གཟབས་པར་བཤམས་ཤིང་སྟེར་བྱིན་ཀྱང་འདུག་པའི་མུ་འཐུད་སྟོད་གྲ་ཚང་། ཕ་བོང་ཁ། མི་ཆུང་རི་པ་སོགས་གྱིས་བདོག་པ་དཀར་དྲོ་སྤོམས་སུ་བཏེག །ཚེས་དགུའི་ཞོགས་བྱེས་གྲ་ཚང་གིས་སྟོན་མོ། ཚན་གྲངས་བརྐྱང་། ཁམས་ཚན་སོ་སོས་དཀར་དྲོ་སྡེབས་དང་སྟེར་ཆ་བཅས་རིང་འཚོའི་ཚིགས་བཅད་གསུངས། གུང་ཚིགས་ལ་སྨད་གྲ་ཚང་གིས་སྟོན་མོ་ཁམས་ཚན་དང་བཅས་པས་སྔ་མ་དང་འདྲ། ཕྱི་དྲོ་ཧ་སྡོང་གིས་ཀྱང་སྟོན་མོ་རིང་འཚོ་བརྗོད་པ་སོགས་སྔོན་དང་མཚུངས། སྟོད་ཟུར་མདོ་མཁར་ཆོས་སྡེའི་བླ་མ། ར་མ་རྩེ་པ། ཚེ་གསུམ་པ། སྦྱར་ར་བ། རི་རྒྱ་བ་སོགས་ཀྱིས་ཀྱང་དཀར་དྲོ་ཚན་གྲངས་བྱུང་། ཚེས་བཅུར་ཇོ་སྟན་མཁན་ཟུར་གཉིས། བྱེས་སྟོད་གདན་ཟུར། སྨད་པ། ཕ་བོང་ཁའི་གདན་ས་པ་རྣམས་ལ་ཇ་གྲལ་དང་། འདུ་ཁང་དུ་སྤྱི་སོས་ཟང་ཟིང་གི་སྐྱེས་དང་བཅས་ཉི་བུའི་འཚེ་བ་ལས་སྐྱོབ་པའི་བདེན་ཚིག་རྩེ་གཅིག་ཏུ་མོས་ནས་མཛད། ཅོ་ནེ་གཞུང་པས་དཀར་དྲོ་བདོག་པའི་རྗེས་འབྲང་བསྟར། ཕྱི་དྲོ་རྡོ་གཅལ་ཆེན་མོར་རྒྱལ་པོ་མཆོད་ཡོན་གོང་མ་རྒྱལ་པོའི་གསེར་ཡིག་པ་སོགས་སྐྱ་སེར་ཁྲི་ཚོ་བརྒལ་བར་སྒྲུབ་ཐབས་རྒྱ་མཚོའི་ནང་གི་གཤེད་དམར། རྡོ་རྗེ་

[Full Size]

གདན་པ་གཙོ་འཁོར་གསུམ་པ། པཎྜི་ཏ་གསེར་གདུགས་ཅན་གྱི་འཇམ་དབྱངས། བཅོམ་ལྡན་རལ་གྲི་ལུགས་ཀྱི་ཀླུ་དབང་རྒྱལ་པོ་གཙོ་འཁོར་ལྔ་པ། ཐུགས་རྗེ་ཆེན་པོ་སྐྱེར་སྒང་ལུགས་རྣམས་ཀྱི་རྗེས་གནང་། རྗེ་བཙུན་བཙོང་ཁ་པར་བརྟེན་པའི་བླ་མའི་རྣལ་འབྱོར་རྣམས་ཕུལ་བའི་འཇུག་ཏུ་ཡོན་བསྔོ་རྒྱས་པར་བྱས། ལྷ་ཁང་ཡས་མས་ཐམས་ཅད་ལ་འདོད་ཚིག་བྲིས་པའི་སྙན་ཤལ་འབུལ་བར་བཏང་། ཚེས་བཅུ་རྗེས་མར་གྲོང་སྨད་སྐོར་གྱི་བྲོ་གཞས་པ་འདུག་ཅིང་གཞིས་ཀར་བསླེབས་པའི་ཐོག་མར་རུང་མཐུན་གོས་ཆ་ཚང་དཔུས་ལེགས་ཀྱིས་སྣ་དྲངས་འགྱེད་སྤམས་མཐོ་བ་དང་བཅས་གྲ་ཚང་ནས་མཁའ་འགྲོ་སྡེ་ལྔར་བརྟེན་ནས་རིང་འཚོའི་རྟེན་འབྱུང་ལེགས་པར་བསྒྲིགས། གུང་ཚིགས་ལ་དཀར་དྲོ་དམར་དྲོའི་སྟོན་མོ་ཤིན་ཏུ་རྒྱ་ཆེ་བ་ཕུན་སུམ་ཚོགས་པའི་སྟེང་འབྲས་སྤུངས་གཞུང་ལས་ཕ་ར་རབ་འབྱམས་པ་ཚེ་མགོན་གྱིས་སྔ་རྒོལ་དང་། སེ་ར་སྨད་ལྷ་ས་བ་རབ་འབྱམས་པ་བློ་གྲོས་རིན་ཅེན་གྱིས་ཕྱི་རྒོལ་བགྱིས་ཏེ་དྲང་ངེས་རྣམ་འབྱེད་ནས་བརྩམས་ཏེ་གླེང་བ་བློ་གྲོས་རིན་ཅེན་དེ་ཁ་ཅག་ཤིན་ཏུ་བདེ་ཞིང་ལུང་ཡང་ཤོག་ལྡེབས་རེ་འདོན་པའི་སྤོབས་པ་མཐོ་ཉམས་དོད། གཞུང་ལས་པ་རྐང་པའི་སྡིག་སྒྲ་དང་ཡོན་ཏན་གྱི་གཏིང་གཞི་གཉིས་ཀ་ཐིངས་པ་འདུག །འདུ་ཁང་སོགས་ཀྱི་ཚོགས་ལངས་པ་གཞན་རྣམས་ནི་སྔར་བརྗོད་ཀྱི་རྗེས་སུ་མ་འབྲངས་ན་ལུགས་གཉིས་ཀ་ནས་རྩད་གཅོད་བྱུང་དོགས་ཡིན་པ་འདྲ་སྲང་ལ་བཏེག་པ་ལྟར་ཁྱད་པར་མི་སྣང་། རོལ་ཆ་ཟློས་གར། གྲལ་འཕྲོས་སོགས་ཀྱང་བསྟར། རྣམ་སྲས་དང་ཟུར་ཕུད་ལྔ་པའི་རྟེན་སོགས་ལ་དམ་ཚིག་

[Full Size]

པར་ཡེ་ཤེས་སེམས་དཔའི་ཚོགས་བསྟིམ་ཞིང་ཅི་འདོད་ཀྱི་རེ་བ་སྐོང་བའི་མེ་ཏོག་དེས་མཚོན་སྟེང་འོག་བར་གསུམ་དུ་ཁྱབ་པར་གཏོར། སེ་ར་བ་སོགས་ཀྱིས་སྐྱེལ་མི་དང་རྨེ་རུ་བླ་མ། ལྷ་ས་བ་སོགས་ཀྱིས་བསུ་མཁན། རྨེ་རུ་བའི་སེར་སྦྲེངས། ལྷ་ས། རྙིང་ཁུངས། བཅོ་བརྒྱད། སོ་ནམ་པ། ཞོལ་པ་སོགས་ཀྱི་བྲོ་གཞས་པ་དང་བཅས་པའི་དཀྱིལ་བརྒྱུད་རང་བྱུང་འཕགས་པའི་ཕོ་བྲང་ཆེན་པོར་སླེབས། ནམ་དུས་ཀྱི་སྟབས་ཡིན་ནམ། གང་ལྟར་ད་རེས་ཀྱི་འགྲོ་འདུག་གཞིས་ལེན་ཚང་མར་ཆར་པ་ཚད་མེད་པ་ཞིག་བྱུང་བ་ཤག་སྐོར་བླ་མ་ལྷུན་གྲུབ་སྔོན་མོ་སོགས་ལོངས་སྤྱོད་ཆེ་བའི་ལྟས་ཤིན་ཏུ་བཟང་ཟེར། སྡེ་པའི་སྐྱིད་ཆུའང་སྔར་མི་གྲགས་ལྟ་བུ་རྒྱས་པ་དང་བཅས་ངེད་དང་སྡེ་པ་གཉིས་ཀའི་ཁམས་མེ་ཡིན་པ་གཙུག་ལག་ལྟར་ན་ཆུ་བོ་ཆེ་ཞིང་ཆར་མང་དོགས་པ་དགོས་ཚུལ་གླེང་བ་བཞིན་སྤོར་ཐང་གི་འབྲས་བརྗོད་ལྟར་ན་བདེན་པ་ཙམ་སྣང་ཞིང་ཁྱད་པར་འདི་ཉིན་དང་འབྲས་སྤུངས་ནས་ཡོངས་ཞོགས་སེ་རར་མ་འབྱོར་བར་ཆར་ལྷག་པར་ཆེ་བས་རྟ་ཆས་སོགས་ལའང་གཟན་ཙམ་བྱུང་སོང་། འབྲས་སྤུངས་སུ་སྡོད་རིང་བཟང་ངན་དཔྱད་དཀའ་བའི་བུད་མེད་ཀྱི་ཉིང་འཕྲུལ་མང་བ་དང་རྒྱལ་པོའི་ལྟས་འདྲ་རུང་བ་རང་གི་ཆོས་སྐྱོང་གི་རྣམ་འགྱུར་དང་འདྲེལ་འཚུབ་ཆ་མི་ཐིངས་པ་མང་པོ་དང་། པོ་ཏ་ལ་ནས་ཐོན་ཉིན་བོན་ཕྲུག་པ་ངག་དབང་རབ་བརྟན་གདོན་གནོད་ཀྱི་ནད་དྲག་པོའི་སྐྱོན་གྱིས་འདས། འདར་པ་ལོ་ཆེན་གྲང་ནད་ཕྲན་བུ་ལས་མེད་ཀྱང་དགོན་པར་གློས་སྣ་དྲངས་ཁྲག་སྐྱུག་པ་སོགས་ཤིན་ཏུ་ཉེན་པ་དང་། བྱང་གླིང་འདྲེ་བོར་ནད་མ་ཐིངས་པ་

[Full Size]

ལྟ་བུས་མྱུར་བར་ཁམས་མ་འཚོ། མཆོད་དཔོན་པ་སེ་ར་ནས་རྒྱུ་ཚད་ཀྱིས་བབ་ལྕི་བས་ན། རྣམ་གླིང་པཎ་ཆེན་སོགས་ཁ་ཤས་ཞག་སྦྲེལ་དུ་མ་བདེ། ཁལ་ཁ་ཆོས་རྗེ་ངག་དབང་གྲགས་པ་དོན་མེད་དུ་རྦབ་ལ་འགྲིལ། སྡེ་པའི་མགྲོན་གཉེར་ཡིག་མཁན་འགག་པ་སོགས་ལ་ཐོར་ཡན་བྱུང་བས་མཚོན་འབྲས་སྤུངས་སུ་ཟླ་གཅིག་ཞག་གསུམ། སེ་རར་ཞག་གསུམ་ལས་མ་སོང་རུང་ནད་སྣ་མང་ཞིང་ཆར་ཤིན་ཏུ་ཆེ་བ་བྱུང་བ་དང་མཐུན་པར་སྤྲུལ་སྐུ་གཏེར་བདག་གླིང་པ་ལའང་མནལ་ལྟས་ངན་པ་ཁ་ཤས་དང་ལྷག་དོན་ངེད་ལ་མཁའ་འགྲོའི་བསུན་མ་ཡོད་པ་ལྟ་བུའི་འཚུབ་ཆེ་བ་ལས་བཟློག་པའི་ཆེད་རིང་འཚོའི་རྟེན་འབྱུང་སྤེལ་བར་མཆོག་གྲུབ་རྫོང་བདའ་མཛད་པ་ལྟར་ཆབ་ཤོག་ཚན་གྲངས་དང་བཅས་བླངས། དེ་ལན་རྟེན་གྱི་ཁྱད་དབང་མདོག་གོས་ཁ་ལྔ་སོགས་རྒྱས་པར་ཕུལ། ཚེས་བཅུ་གཅིག་ལ་གོང་མའི་མི་སྣ་གཞོན་པ། རྒྱལ་པོའི་སྲས་མོ་ཀུན་དགའ་རབ་བརྟན་སོགས་དཔོན་མོ་བཞི་དང་བཅས་པར་བྱིན་རླབས་བྱས། མཆོད་དཔོན་པའི་ངོར་གྲ་ཚང་ཆོས་སྲུང་ཚོར་འབུལ་བའི་སྙན་དར་ཁ་ཡིག་དང་། ཡར་ལྷ་ཤམ་བྷུ། རྫོང་བཙན་པ། ཕོ་ལྷ་དཔལ་འབྱོར་རྒྱལ་པོ། སེང་གདོང་དཀར་པོ། ཐང་རྩེ་བཙན་པོ། ངམ་ཤོད་རྒྱལ་པོ་རྣམས་ཀྱི་གསོལ་མཆོད། འཕྱོང་རྒྱས་པ་ངག་དབང་མཁས་བཙུན་གྱིས་གྲལ་སྐོར་དུས་གྲ་ཚང་དུ་དངུལ་ཀོང་དང་། ཨེམ་ཇི་ཐབས་མཁས་ཀྱིས་གྲ་ཚང་དུ་སྙན་དར་སོ་ལྔའི་ཁ་བྱང་། ངེད་རང་གི་སྣང་བ་ཞིག་ཏུ་ཤར་བ་ལྟར། སྡེ་པས་དཔལ་ལྷ་ལྕོག་ཏུ་ཚེས་བཅུ་གསུམ་ཕུར་བུ་ཆུ་སྟོད་ཀྱི་གཟའ་ཚེས་འཕྲོད་སྦྱོར་བཟང་

[Full Size]

པོར་བཀྲ་ཤིས་རྟགས་བརྒྱད། རྒྱལ་སྲིད་སྣ་བདུན། རྨ་བྱའི་གདུགས་སོགས་ཀྱི་རྒྱུ་དང་ཕོགས་ཡོན་བསྡོམས་གཤོར་ཁལ་ཆིག་སྟོང་བཞི་བརྒྱ་སོང་བ་ཕུལ་བ་དང་ལྷན་ཅིག་དར་ཚོན་སྣ་ལྔའི་སྙན་ཤལ་ཁ་བྱང་འཆི་མེད་བདག་པོའི་དཔལ་འཛིན། སྤུས་སྲང་གསེར་ཁང་པའི་མགྲོན་པོ་བཱ་ཡན་ཤུ་ལིང་གསི་ཇོ་བོ་རིན་པོ་ཆེར་དཀར་མེའི་སྣོད་ཕུལ་བའི་སྨོན་ལམ། འཆད་ཀ་ཞབས་དྲུང་ངག་དབང་བློ་བཟང་ལྷུན་གྲུབ་ཀྱི་བཞེད་སྐོང་གསོལ་འདེབས་དང་རིང་འཚོ་དྭགས་པོ་གྲ་ཚང་བླ་བརྒྱུད་ཁ་སྐོང་། རྒྱལ་སྲས་ཤེས་རབ་འཕེལ་བའི་སྤྲུལ་སྐུས་བཀའ་འགྱུར་རོ་ཅོག་དང་པཎ་ཆེན་དགེ་འདུན་གྲུབ་ཀྱི་འཁྲུངས་རབས་གསེར་ཟངས་ལས་གྲུབ་པ་བཞེངས་པར་མཛད་པའི་དཀར་ཆག་ཆེ་བརྗོད། སའི་ཚངས་པ་བསྟན་འཛིན་ད་ལའི་ཁང་གིས་གངས་ཅན་དུ་འགྱུར་རོ་ཅོག་གི་བཀའ་རྣམས་བཞེངས་པར་མཛད་པའི་ཆེ་བརྗོད་དཀར་ཆག་དང་། འདུལ་མདོ་ཤེར་ཕྱིན་དཀོན་བརྩེགས་ཕལ་ཆེན་རྒྱུད་འབུམ་རྣམས་སོ་སོའི་མཇུག་ཏུ་འདྲི་བའི་སྨོན་ལམ་དང་བཅས་པ་བརྩམས། གཡོན་རུའི་མི་སྣ་གསས་ཁང་སྐུ་སྐྱེ་ཅན་འབྱོར་པར་ཇ་གྲལ་དང་ཡི་གེ་རྟེན་སྦྲགས་བླངས། ཚེས་བཅུ་བཞིར་འབྲས་སྤུངས་སློབ་དཔོན། དགེ་སྐོས། སྤྱི་གཉེར། སྐུ་རྟེན་པ་དང་བཅས་པས་གེགས་མེད་དུ་འབྱོར་བར་ལེགས་བྱ་བསྟབ། ཚེས་བཅུ་དྲུག་ལ་ཡེར་པ་གྲ་ཚང་བླ་གཉེར། རས་ཆུང་ཕུག་ཕྱག་མཛོད་སོགས་དང་ཕྲད། ལྷ་མོ་རིགས་འཛིན་མས་བོད་ཁམས་བདེ་ཐབས་ལ་མཆིམས་ཕུར་དགོངས་འདུས་བློས་བསླངས་འོག་དགྲ་བགེགས་གནོན་དགོས་ཚུལ་ལྟར་གྲ་ཚང་གི་གྲ་པ་གྲངས་

[Full Size]

བཅད་ཀྱིས་ཀི་ཀང་བདུན་གཅིག་ཚེས་བཅུ་བདུན་ནས་སྒྲུབ་པའི་འགོ་དང་། ཚེས་ཉི་ཤུ་ནས་སྤྲེལ་ལོའི་ཀེག་སྲིར་དམིགས་གྲངས་བཅད་ཀྱིས་དུར་ཕུང་གཙོ་བོར་གྱུར་པའི་སྲི་གནོན་ཀྱང་བཙུགས། ཉེར་གསུམ་ལ་ལྷ་ལྡན་བསྙེན་གནས་མ་ཚོས་ཡོན་སྦྱར་བདོག་པ་དང་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་སྤེལ། ར་བ་སྟོད་བླ་གྲས་ཀྱང་ཚན་གྲངས་བཅས་ཡུན་འཚོའི་ཚིགས་བཅད་དབྱངས་སུ་བསྒྲགས། གསས་ཁང་དགོན་དང་རི་ཁྲོ་དགའ་ལྡན་བླ་གྲས་ཀྱང་སོ་སོར་གོང་དང་འདྲ། འཆད་ཀ་ཞབས་དྲུང་། འཕགས་སྡེ་བླ་གཉེར། ཅུང་གླང་རི་བླ་མ། འབྲས་མོ་གཤོངས་པའི་མི་སྣ་གཉིས། མ་ཧཱ་ཀུ་མཱ་ར་དང་ཁོད་པཱ་ཐུར་ཇི་ནོང་གི་མི་སྣ། དར་སྡིངས་པ་མ་བུ། ཚ་བ་ཤི་ཁོད་གནས་པོ། དགའ་ལྡན་རབ་རྒྱས་གླིང་གཉེར་པ། ལྡན་མ་གླིང་དགེ་སློང་གི་མི་སྣ། ཧོར་ཨ་བྲག་དཔོན། ཨ་མདོ་འགའ་ཤིང་། བྲག་ཏིའི་འགྲུལ་པ་རྣམས་ཀྱི་ངོ་བོར་བྱིན་རླབས། སྤྱིར་ངོས་ཕྲད། དར་སྡིངས་པའི་རྟ་བརྒྱད་དང་བྲག་ཏིའི་དགུ་བྱུང་། ཉེར་བཞིར་ཨེམ་ཆི་ཐབས་མཁས་ཀྱིས་སྟེར་བྱིན་འགྱེད་དང་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་མཛད། སྐྱོར་ལུང་མཁན་སློབ་གྲ་བཅས་ཀྱིས་བདོག་པ་དང་བཅས་ཚིགས་བཅད་གསུངས། ཨུལ་ཇོའི་ཐུ་པཱ་ཐུར་འདམ་ནས་འཁོར་བ། གོང་མའི་མི་སྣ་གཙང་དུ་ཐོན་རྒྱུ་དང་ཕྲད། ཉེར་ལྔའི་དུས་བཟང་པོར་སྡེ་པ་སངས་རྒྱས་རྒྱ་མཚོར་བྱང་གཏེར་ཐུགས་སྒྲུབ་དྲག་པོ་རྩལ་གྱི་བྱིན་རླབས་ཐུགས་རྗེའི་དབང་། ལས་བྱང་དངོས་གྲུབ་ཡོངས་

[Full Size]

འདུའི་གཏེར་མཛོད། གསོལ་འདེབས་ལེའུ་བདུན་མ། བསམས་པ་ལྷུན་གྲུབ་མ། རྗེ་འབངས་ཉེར་ལྔ་དང་བཅས་པའི་ལུང་། དེ་རྣམས་ཀྱི་དམིགས་སྐོར་རྣམས་ཞིབ་མོར་ཁྲིད། སེ་ར་བྱེས་སྨད་སྟོད་སློབ་དཔོན་དགེ་སྐོས་དབུ་མཛད་སོགས་ཀྱིས་ཀྱང་འདིར་འབྱོར་ལེགས་སྐྱེས་བསྟར། ཧོར་ཟླ་བདུན་པའི་ཚེས་བཞི་ནས་ཚག་གུར་བ་བློ་བཟང་འཕྲིན་ལས་ཕག་རི་ནས་འབྱོར་པར་ཇ་གྲལ་དང་། དགའ་ལྡན་བསྟན་འཛིན་བོ་ཤོག་ཐུ་ཁང་གི་ངོར་བསངས་མཆོད་དགྲ་ལྷ་དཔངས་བསྟོད་དང་འབྲེལ་བ་ལྷ་རྒྱལ་སྙན་པའི་སྒྲ་དབྱངས། སིནྡྷུ་རྒྱ་མཚོ་ཆེ་བའི་ཞིང་བཀོད་ཆོས་རྒྱལ་བྱང་པའི་ལྗགས་བཀོད་ཐུགས་དམ་རྟེན་བྲིས་ལེགས་མའི་ཞལ་བཤུས་ཟུར་འཕྲིན་ལས་རྣམ་རྒྱལ་གྱི་ལག་དར་མ། ངམ་རུ་བས་ངེད་རང་གི་འདྲ་འབག །དགེ་སློང་བློ་གྲོས་རྒྱལ་བས་པཎ་ཆེན་དགེ་འདུན་གྲུབ་ཀྱི་འཁྲུངས་རབས་འགྲོ་ལ་རྗེས་བརྩེ་མ་དང་མཐུན་པ། ལྷ་ས་སྤྱི་ཁང་མདོ་པ་དཀོན་ཅོག་རབ་བརྟན་གྱིས་ཡེ་ཤེས་མཁན་པོ་ཕྱག་དྲུག་པ། ཚེ་དབང་རབ་བརྟན་གྱིས་སྨན་སྐུ་འགྲོ་ལ་རྗེས་བརྩེ་མ་དང་མཐུན་པ། ཐང་ག་སོ་ལྔ་རྣམས་བཞེངས་པའི་རྒྱབ་ཡིག་སྨོན་ལམ། ལྷོ་འབྲུག་ལ་དམིགས་མངོན་སྤྱོད་ཀྱི་ལས་རིམ་པར་ཉམས་སུ་བླངས་པའི་ལག་རྟགས་དཔོན་ཚབ་སྨོན་སྐྱིད་པ་མི་འགྱུར་བརྟན་པ། གཡུལ་གསར་པའི་ཚ་བོ་ངག་དབང་རབ་བརྟན་སོགས་ཁོང་པ་ཚོར་བྱས་པ་ཆེ་བ་མང་པོ་དམར་གསོད་ཀྱིས་མཚོན་ནང་ཞིག་བྱུང་སྐབས་རྩ་བ་གསུམ་གྱི་ལྷ་ཚོགས་ལ་སྔར་བཅོལ་ལེགས་པའི་གཏང་རག་དར་འཆོལ་གྱི་ཐུགས་དམ་ཚེས་གསུམ་

[Full Size]

ནས་ཉིན་གསུམ་བར་བསྐང་པའི་ཚེ་འདོད་དོན་གསོལ་བ། ཀི་ཀང་དང་ལོག་ཏྲིར་དམིགས་བསལ་གསོལ་བྱང་། སེར་སྐྱེམས་དམོད་བྱང་། ལྷ་ས་བ་བློ་བཟང་དཔལ་འབྱོར་གྱིས་གྲ་ཚང་དུ་སྙན་ཤལ་བརྒྱ་སྐོར་འབུལ་རྒྱུ་དང་། འཕགས་པའི་དཀོན་གཉེར་གོང་དཀར་བ་བློ་བཟང་བཟོད་པས་ཀྱང་གྲ་ཚང་དུ་ཕྱེད་ཉིས་བརྒྱ་སྐོར་གྱི་ཁ་བྱང་། སློབ་དཔོན་ངག་དབང་འཇམ་དབྱངས་ཀྱི་ངོར་གཞན་ཕན་གླིང་དུ་འཛུགས་རྒྱུ་དང་ཤིང་རྩི་བསྒྲུབས་པའི་བསྔོ་སྨོན། འདུ་ཁང་གི་མིང་ཚིགས་བཅད་མ། གཡོན་རུ་བོ་ཤོག་ཐུ་དབོན་ཆུང་བསྟན་འཛིན་ཐོ་ཡོན་གྱི་ཚ་བརྒྱུད་ཀྱི་ཁ་ཏོན། ཨོད་ཁོན་ཐང་པོ་ཆེའི་ཞིག་གསོས་གྲུབ་ནས་མཆོད་འབུལ་གྱི་སྐབས་ཆོས་སྐྱོང་གིས་བསྐུལ་མ། མེས་སྟོན་ཁྲོ་རྒྱལ་དཔལ་མགོན་བདེ་བ་ཅན་དུ་སྐྱེ་བ། དར་ཆི་ཐའི་ཇི་ཁྱོ་ཤུགས། བསྟན་པ་དགེ་སློང་གི་ཚེམ་བུ་དམར་ཁྲིད་དང་འབྲེལ་བ་རྣམས་སོ་སོའི་འདོད་སྦྱར་གྱི་སྨོན་ལམ། དབུ་མཛད་ཀྱིས་བཀྲ་ཤིས་བདེ་ཆེན་དུ་རིམ་པར་སྦྱར་བའི་དེབ་ཀྱི་འགོ་བརྗོད། ཀ་ཚལ་བླ་མ་རིགས་འཛིན་དཀོན་ཅོག་ལྷུན་གྲུབ་ཀྱི་འཕྲིན་ལན་སྙན་ངག་གི་ལམ་ནས་དྲངས་པ། ཨུ་ཆུ་མུ་ཆུ་ཇ་སག་ཆེ་ཆེན་ཆིང་ཝང་གི་ངོར་བདེ་མཆོག་དཀར་པོ་དང་འབྲེལ་བའི་བླ་མའི་རྣལ་འབྱོར། ཆོས་བཀྲ་ཤིས་དང་ཚུལ་ཁྲིམས་བཀྲ་ཤིས། རྒྱལ་མོ་རྡོ་རྗེ་རབ་བརྟན་མ་གསུམ་གྱིས་བསྐུལ་བའི་གསོལ་འདེབས། མཚོ་སྣ་དགའ་ལྡན་རབ་རྒྱས་གླིང་སྤྱི་སོ་དང་། ལྷ་ཁང་པ་རྡོ་རྗེ་ནོར་བུའི་ངོར་རིང་འཚོ་རྣམས་བཀོད། ཚེས་བདུན་ལ་ནད་རིམས་བཟློག་ཆེད་ཤ་བརྒྱ་ཟན་བརྒྱ་ངེད་རང་གིས་བཏང་།

[Full Size]

སྡེ་པའི་སྐུ་རིམ་ལ་གྲ་ཚང་གི་གྲ་པ་གྲངས་བཅད་ཀྱིས་ལྷ་ས་ནས་རྒྱལ་པོ་རྩེ་མདོས་ཧ་ལ་སོགས་རྒྱས་པ་ཆག་མེད་ཀྱི་རྒྱུན་བཙུགས། ཚེས་བརྒྱད་ལ་འདར་པ་རྗེ་དྲུང་ངག་དབང་འཕྲིན་ལས་དང་ཆུ་སྐོར་བར་པའི་མག་པར་ཇ་གྲལ། གསས་ཁང་སྐུ་སྐྱེ་སོགས་མང་དག་ལ་ནང་རྟེན་འཇལ་ཁ་ཞིབ་པར་བཏང་། ཆོས་རྗེ་ཟིལ་གནོན་རྡོ་རྗེ་བསམ་ཡས་པ་སྐུ་ཕེབས་ཞུས་ནས་འཁོར། ཚེས་དགུར་རྫོང་རི་བ་བློ་བཟང་པདྨ་དང་ངག་དབང་ཕུན་ཚོགས་གཉིས་བཀའ་བརྒྱད། ཨ་གླིང་དངོས་གྲུབ་རྒྱ་མཚོ་རྡོ་རྗེ་གྲོ་ལོད། དཀོན་ཅོག་ངག་དབང་དང་དབང་ཕྱུག་རྒྱ་མཚོ་གཉིས་ཐུགས་སྒྲུབ། རིན་ཅེན་རྒྱ་མཚོ་དང་དོན་གྲུབ་རྒྱ་མཚོ་གཉིས་དྲེགས་པ་འཇོམས་བྱེད། ལེགས་བཤད་རྒྱ་མཚོ་རྟ་མགྲིན་གསང་སྒྲུབ་རྣམས་ཀྱི་སོ་སོར་བསྙེན་དམིགས་ཞིབ་མོར་ཁྲིད་ནས་མཚམས་བསྡམ་དུ་བཅུག །ཚེས་བཅུར་སྒྱིད་ཐང་ནོར་བུས་གོས་སྣ་ཆ་འགྲིག་བདོག་པ་སྤམས་མཐོ་འགྱེད་དང་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་བསྟར་རྗེས། འོལ་སྣར་ཐང་སག་ཟུར་པ། གསས་ཁང་དང་སྒྲོམ་མདར་སེ་ར་སྨད་པ་རེ། རྟ་དབང་དགའ་ལྡན་ལྷ་རྩེར་རྒྱུད་སྨད་དབུ་མཛད་རྣམས་གསར་འཁོད་བླ་མ། མེ་རག་བླ་མ་བློ་གྲོས་རྒྱ་མཚོ། བླ་མ་སྔོན་མའི་སྐྱེ་བ། འོལ་སྣ་སྤྱི་ས། སྐྱེད་ཚལ་གོང་མཁན་པོ། མོན་པ་ཨ་འཛིན་ཕ་བུ་བཞི། ཨ་མདོ་རྟ་འབུལ་བ་ཆོས་འཕེལ། ཀླུ་འབུམ་བསམ་གྲུབ་ཅན། བྱ་བྲལ་རབ་འབྱམསཔ། ར་མགོ་རྒྱ་མཚོ་སོགས་ངོ་བོ་བཅས་བདུན་ཅུ་སྐོར། རྒྱ་མཁར་

[Full Size]

ཅན་ངོ་བོ་གསུམ། རྒྱ་ནག་མི་སྣའི་གཡོག་ནག་ཆུ་ཁ་སོགས་ནས་གསར་འབྱོར། སྔོན་དུ་ལོག་མི་འགོ་པ་བསམ་བློ་དཀའ་བཅུ་ངག་དབང་བསྟན་འཛིན་ཅན། འགྲུལ་སྡེབས་དགེ་འདུན་རྒྱ་མཚོ། ཨེར་ཁེ་ཁཱ། སྨད་ཏ་རྫ་དམར་རྣམ་རྒྱལ། སྟོང་འཁོར་ཞབས་དྲུང་གི་ནུ་བོ་པཎྜི་ཏའི་མི་སྣ་རྣམ་རྒྱལ་དགེ་སློང་། ཁོད་པཱ་ཐུར་ཇི་ནོང་གི་མི་སྣ་དགེ་སློང་ངག་དབང་ཆོས་འཕེལ་བསོད་ནམས་ཀྱི་ཇའི་སང་ཁོ་ཤོའུ་ཆི་སོགས་ཉིས་བརྒྱ་སྐོར་གྱི་ངོ་བོར་བྱིན་རླབས། དམངས་ལ་ངོས་ཕྲད་གོས་དར་སོགས་ཀྱང་བཏེག །ཀླུ་འབུམ་བློ་བཟང་ཅན་གྱིས་རྟ་བརྒྱད། བསམ་གྲུབ་ཅན་གྱིས་ཉེར་གཉིས། བློ་བཟང་ཆོས་འཕེལ་ཅན་གྱིས་ཉེར་དགུ། པཱ་རས་ཆོས་ལུང་ཆོས་རྗེ་ཅན་གྱིས་སོ་གསུམ། བྱ་བྲལ་རབ་འབྱམས་པས་སོ་དགུ། ར་གོ་རྒྱ་མཚོ་ཅན་གྱིས་བཅུ་དྲུག་རྣམས་བྱུང་། ཚེས་བཅུ་གཅིག་ལ་དགའ་ལྡན་བསྟན་འཛིན་བོ་ཤོག་ཐུ་ཁང་གིས་ཚོགས་ཡོན་སྟེར་བྱའི་བདོག་པ་སྤམས་བསྟོད་དེ་གྲ་ཚང་ནས་ཚེའི་དཀྱིལ་འཁོར་ཞལ་ཕྱེ་སྟེ་མི་འགྱུར་བརྟན་པའི་ཆོ་ག་གྱེར། ཚེས་བཅུ་གཉིས་ལ་སྣར་ཐང་མཁན་པོ་ངག་དབང་བཀྲ་ཤིས་ཀྱིས་གསེར་ཞོ་བརྒྱ་སོགས་དངོས་པོ་དངོམ་ཆེ་བ། ཚོགས་འགྱེད་བཅས་སྔ་མ་དང་མཚུངས། ཚེས་བཅུ་གསུམ་ལ་ལྷ་ས་བ་བློ་བཟང་དཔལ་འབྱོར་གྱིས་བདོག་པའི་སྐྱེས་འགྱེད་དང་བཅས་འབྲས་གཤོངས་དག་སྣང་མའི་བསུན་བཟློག་གྲ་ཚང་ནས་མཛད། དབུ་མཛད་བག་དྲོ་ཅན་གྱིས་གོ་མཛོད་དུ་སྒྲོལ་མ་འཇིགས་པ་བརྒྱད་སྐྱོབ། ཚེའི་ལྷ་མོ་ཙཎྜ་ལཱི་ལ་གུ་རུའི་ཐུགས་སུ་བྱོན་པའི་བུད་མེད་ལྔས་བསྐོར་བ། ལྷ་ལྕམ་

[Full Size]

དང་འཚོ་རྒྱལ་རྣམས་མཚན་བརྒྱད་ལྷ་ཁང་དུ་བཞུགས་རྒྱུ་དང་། བལ་པོ་པི་ལ་ཛུའི་བསྔོ་རྟེན་དུ་བྱུང་བའི་ལྷ་ཚོགས་གསེར་སྐུ་རྣམས་ལ་བཀའ་འགྱུར་ཁང་དུ་གནས་བརྟན་འཇམ་དབྱངས་གྲགས་པས་གཟུངས་ཕུལ་བར་ངེད་རང་གིས་སྦྱང་གསུམ་སྔོན་དུ་འགྲོ་བའི་དམ་ཚིག་པར་ཡེ་ཤེས་སེམས་དཔའི་ལྷ་ཚོགས་ཚད་མེད་བསྟིམ་སྟེ་མེ་ཏོག་གཏོར། ཚེས་བཅོ་ལྔར་བོ་ཤོག་ཐུ་ཁང་གི་ནུ་བོ། ཨེར་ཏེ་ནི་འབུམ། སྐུ་འབུམ་སྐུ་སྐྱེ་བསོད་ནམས་བཀྲ་ཤིས། དགའ་ལྡན་ཚེ་དབང་དཔལ་བཟང་རྣམས་ཀྱི་མི་སྣ། ལ་མོ་སྐུ་རྟེན་པ་རྣམས་ལ་བྱིན་རླབས་ཇ་གྲལ་བགྱིས། ཚེས་བཅུ་དྲུག་ལ་ལི་ཐང་མཁན་ཟུར་གྱི་མི་སྣ་སོགས་དང་ཕྲད་ཅིང་དྲང་སྲོང་བུམ་སྐྱེས་ཀྱིས་བདེན་ཚིག་བརྗོད་པས་ཉལ་འགྲོ་མཐའ་དག་ཡན་ལག་བརྒྱད་ལྡན་གྱི་སྨན་ཆབ་ཏུ་བསྒྱུར་བ་ནས་ཉིན་བདུན་བར་ནན་ཏན་དུ་བརྒྱབ། ཚེས་བཅོ་བརྒྱད་ལ་དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་གསས་ཁང་སྐུ་སྐྱེ་དང་། གཡོན་རུའི་བླ་མར་འགྲོ་མིར་བེར་སོགས་བདག་རྐྱེན་གཟབས་ནས་ཐོན། ཉེར་ལྔར་རྫིང་ཕྱི་མཁན་པོ། ཇོ་རྫོངས་སྒར་གྲ་ཚང་གི་བླ་མ། གོང་མའི་མི་སྣ་གཞོན་པ་གཙང་ནས་འཁོར་བ། ཞིང་སྐྱོང་ནང་སོ། ཨ་རྒྱ་ནང་སོ། གླིང་དཔོན་དཔལ་ལྡན་རྒྱ་མཚོ། ཁོད་མ་གཅིག་གི་དཔོན་མོ་དཀོན་ཅོག་འབངས་བུ་བཅས། ཁ་ཐན་ནོ་ཡོན་གྱི་བུ་བནྡེ་ཐར། དགེ་འདུན་གྱི་དུ་རལ་ཁོ་ཤོའུ་ཆི། བཱ་ཡན་སུ། དབུ་སྒོར་ཆུང་བའི་ཇའི་སང་སོགས་ལ་ཇ་གྲལ། ཚོགས་གསོག་རབ་

[Full Size]

འབྱམས་པར་སྣར་ཐང་བརྒྱ་རྩའི་ནང་གི་གདུགས་དཀར་གྱི་རྗེས་གནང་བསྐུར་ཞིང་བྷྲཱུཾ་པའི་བུའི་སྐྲ་ཕུད་བླངས་པའི་མིང་འཕྲིན་ལས་དཔལ་བཟང་དུ་བཏགས་ཏེ་རྒྱུན་སྡོད་དྲུག་འཁོར་གྲས་སུ་ཞུགས། ཉེར་དྲུག་ལ་ཚོགས་རམས་པར་རྫོང་འདའ་བཀའ་བསྒོ། བསམ་ཡས་ཆོས་སྐྱོང་ཆེན་པོའི་ལུང་བསྟན་ལྟར་རྩེ་ཤོད་ཐུན་མོང་རིམ་གྲོར་བཀའ་འགྱུར་དང་། འོལ་དཀར་དགེ་དགོན་ཚོ་བསྡུས་བརྒྱས་སྒྲོལ་ཤེར་འབུམ་ཐེར་གཉིས་རེ། ཚེ་གཟུངས་ས་ཡ་གཅིག །ཟན་གཡང་དུ་རབ་བྱུང་པས་དྲི་མེད་བཤགས་རྒྱུད་བརྒྱ། ཡུལ་པ་ནང་འཁྲུགས་སོགས་ཉེས་ཆུང་རིགས་ཀྱི་བཙོན་པ་དགེ་སྟོང་ས་བཅད་མ་སྟོང་ཙམ་བྱུང་རྗེས་གཞུང་སྒྲུབ་ཀྱི་ཆད་ཁྲིམས་ཡང་ངོས་གློད། ཡར་འབྲོག་ཏུ་ཉ་འབུམ་གྱི་སྲོག་བླུས། སྡེ་པའི་སྒེར་རིམ་དུ་གྲ་ཚང་ནས་རྒྱལ་བཙན་གྱི་བསྐང་བ་སྟོང་ཕྲག་རེ། མངའ་རིས་སོགས་ཇུས་རིམ་ལ་ཁྲ་འབྲུག་ཏུ་དཔལ་རི་བས་ཁྲོ་རོལ། གོང་དཀར་དུ་རྡོ་རྗེ་བྲག་པས་འཆར་ཀ །རྒྱབ་ཆོས་སུ་བརྒྱད་སྟོང་པ་བརྒྱ། ལོ་རིམ་ལ་རྫོང་གཞིས་སོ་སོ་ནས་རི་མགོ་མཐོ་སར་བསངས་དང་། གཞི་བདག་ལ་གསོལ་མཆོད། ནད་རིམས་ཞི་ཐབས་སུ་བསྟན་མ་དང་མ་མོའི་མདོས། གཡང་རྣམས་བཀུག །བརྟག་པ་དང་ཆོས་སྐྱོང་ཁག་གི་ལུང་བསྟན་གོ་བསྟུན་ངེད་རང་གི་རིམ་གྲོར་གདུགས་དཀར་དང་སྒྲོལ་མ་ཉེར་གཅིག །རྒྱལ་ཆེན་བཞི། རྟ་མགྲིན་རྣམས་ཀྱི་འབུར་སྐུ། ཤེར་ཕྱིན་མའི་སྐུ་བཅས་གྲུབ་པར་རབ་གནས་དང་ལྡན་

[Full Size]

པ་ཕོ་བྲང་འདི་གའི་ཆོས་རྒྱལ་ལྷ་ཁང་དུ་བཞུགས་སུ་གསོལ། གནས་ཆེན་རྫོང་གཞིས། དགོན་བཅས་འབྲེལ་མཚུངས་དགུར་གྲ་པ་བཅོ་ལྔ་རེས་ཚེེ་སྒྲུབ་སྨིན་རྒྱས། སེར་འབྲས་སུ་ཇ་ཚུལ་ཐོག་ཚེ་གཟུངས་ས་ཡ་གཅིག །སྒྲོལ་ཤེར་འབུམ་ཐེར་རེ། གཞིས་རྩེ་སོགས་རྫོང་ཁག་དྲུག་ཏུ་དགེ་དགོན་འབྲེལ་མཚུངས་ཚོ་བསྡུས་ཕྱེད་ཉིས་བརྒྱ་རེས་བཀའ་འགྱུར་བརྒྱ་དང་བརྒྱད། གདུགས་དཀར་དགུ་སྟོང་། ཚེ་གཟུངས་ཆིག་འབུམ་དགུ་ཁྲི། ཤེར་སྙིང་ལྔ་ཁྲི། སྒྲོལ་མ་ཆིག་འབུམ་སུམ་ཁྲི་ལྔ་སྟོང་། ལྷ་སར་ངན་སློང་མང་བར་བཟའ་བཏུང་བྱིན། གཡག་ལུག་བརྒྱའི་སྲོག་བླུས། དབུས་གཙང་རྫོང་གཞིས་འོག་གི་ལམ་ཟམ་ཞིག་པ་བཟོས། མཆོད་རྟེན་ཉི་ཤུར་སྐུ་དཀར། ཕ་བོང་ཁར་ལན་ཆགས་གཏོར་མ་འབུམ། གྲ་ཚང་ནས་ཕྱོགས་བཞིར་གླུད་མང་བ་དང་། སྡེ་པའི་གེགས་སེལ་ལ་ཚེ་དབང་བརྒྱ་ཚར་དང་བྱབ་ཁྲུས་བྱས་ཤིང་། ལྷ་ས། བསམ་ཡས། ཁྲ་འབྲུག །ཡེར་པ། མཆིམས་ཕུ། ཤེལ་བྲག །ཡུམ་བུ། ཕ་བོང་ཁ་རྣམས་སུ་མཆོད་པ་སྣ་ལྔ་བརྒྱ་ཚར། རྒྱལ་དུ་ལྷ་མོར་སྟོང་། སྲུང་མ་གཞན་ཚོར་བརྒྱ་རེ། སྙན་དར། ཁྲུས་གསོལ། རིན་སྤུངས་སོགས་རྫོང་གཞིས་དྲུག་ཏུ་དགོན་འབྲེལ་མཚུངས་ནས་གྲ་པ་བཅོ་ལྔ་རེས་གསར་རྙིང་ཚེ་སྒྲུབ་ཞག་བདུན་རེ། གཞིས་རྩེར་

[Full Size]

ཞ་ལུ་པས་གདུགས་དཀར་མདོས་ཆེན། རྒྱབ་ཆོས་མྱུག་ཆོས་གླིང་པས་གདུགས་དཀར་ཁྲི། སེར་འབྲས་སུ་ཇ་ཚུལ་ཐོག་སྒྲོལ་ཤེར་གདུགས་དཀར་སོ་སོ་ནས་འབུམ་ཐེར་རེ། ལྷ་སར་གསས་ཁང་པས་འབུམ་བརྒྱ། གཟུངས་འདུས་སྟོང་། གོང་དཀར་དུ་རྡོ་རྗེ་བྲག་པས་ཀི་ཀང་གི་མནན་པ་བདུན་གཅིག །མཆིམས་ཕུར་དཔལ་རི་བས་དགོངས་འདུས་ཀྱི་སྒྲུབ་མཆོད་བདུན་ཕྲག་གཅིག །ལྷ་ས་དང་བསམ་ཡས་སུ་དཀར་མེ་བརྒྱ། ཕ་བོང་ཁར་ཆབ་གཏོར་འབུམ། ཀླུ་སྦུག །ཀླུ་རྒྱལ། མཁར་ནག །མལ་དྲོ་གཟི་ཆེན་བཞིར་འབྲེལ་མཚུངས་དགེ་སློང་བཞི་རེས་ཀླུ་གཏོར་བརྒྱ། སྔོན་མ་གཉིས་སུ་ཞང་སྟོན་པས་ཀླུ་རྟེན་བཙུགས། ཡེར་པར་རང་གྲས་སཱཙྪ་འབུམ། བསམ་ཡས། གནས་ཆུང་། བར་ཁང་གསུམ་དུ་རྒྱལ་གསོལ་བརྒྱ་རེ། བསམ་ཡས་བར་རྩིས་བྲག་བཙན་པར་རྟ་སྒ་བཅས། རལ་གྲི་དགོས་ཚུལ་ལྟར་བསྲིངས། རིན་སྤུངས་སུ་བྱམས་ཆེན་པ་བརྒྱས་བཀའ་འགྱུར་བཅུ་གསུམ། ཤེར་སྙིང་། ཉི་ཁྲི་བདུན་སྟོང་། ཚེ་གཟུངས་ཆིག་ཁྲི་བརྒྱད་སྟོང་། སྒྲོལ་མ་བཞི་ཁྲི་ལྔ་སྟོང་། སྐུ་རབ་རྣམ་རྒྱལ་དུ་དྭགས་པོ་གྲ་ཚང་པས་གཟུངས་འདུས་དང་འབུམ་བརྒྱ་རེ། དཀོན་བརྩེགས་བཅུ། གྲ་ཚང་ནས་མི་ཁ་བཟློག་བསྒྱུར། ཕྱོགས་བཞིར་གླུད་མང་། རིས་མེད་དགོན་ཨང་

[Full Size]

གསུམ་ཡན་ལ་མང་ཇ། ལྷ་སར་གཡག་ལུག་ལྔ་བཅུའི་སྲོག་བླུས། དབུལ་འཕོངས་ལྔ་བཅུར་སྦྱིན་པ། ལྷ་སའི་ཤར་ཕྱོགས་སུ་རླུང་དར་དཀར་པོ་བཅུ། རི་འགོ་བརྒྱར་བསངས། རླུང་དར། དབུས་གཙང་ཚང་མའི་ལམ་འཕྲང་ཞིག་པ་གསོས། མཆོད་རྟེན་བཅུར་སྐུ་དཀར། ཆོས་རྒྱལ་སྲོང་བཙན་སྒམ་པོའི་འབུར་སྐུ་དང་། སྒྲོལ་དཀར་གྱི་བརྒྱ་ཐང་། རྩེ་ཤོད་ཐུན་མོང་གི་རིམ་གྲོར་སེར་འབྲས་སུ་ཇ་ཚུལ་སུམ་ཅུ་རེའི་ཐོག་སྒྲོལ་མ་དགུ་འབུམ། ཤེར་སྙིང་བརྒྱད་འབུམ། སྦེ་སེར་ཉི་ཐང་བསྒྲིལ་བ་བརྒྱས་བརྒྱད་སྟོང་པ་ཆིག་སྟོང་། བསྟན་སྲིད་སྤྱི་རིམ་ལ་སེར་འབྲས་གཉིས་སུ་གྲ་པ་སུམ་ཅུ་རེས་མགོན་ཆོས་བསྐང་བ་འགྲོ་གང་ཆེ་ཞག་གསུམ་གྱི་མཇུག་གཏོར་མ་འཕངས། ལྷ་ས། བསམ་ཡས། ཁྲ་འབྲུག་གསུམ་དུ་མཆོད་པ་སྣ་ལྔ་བརྒྱ་རེ། ལྷ་སར་གྲ་ཚང་། ཡང་རྫོང་དུ་ཟུར་ཨ་གུར། མཆིམས་ཕུར་དཔལ་རི་བ། ཤེལ་བྲག་ཏུ་རང་གྲ་རྣམས་ཀྱིས་ཚོགས་བརྒྱ། རྫོང་གཞིས་སོ་སོར་མགོན་ཁང་གང་ཡོད་ལ་བསྐང་བཤགས། དགྲ་ལྷ་དཔངས་བསྟོད། བཀྲ་བཟང་སོགས་གནས་ཆེན་ལྔར་རྙིང་དགོན་འབྲེལ་མཚུངས་གྲ་སློབ་བཅུ་གཅིག་རེས་སྒྲུབ་ཞག་བདུན་རེར་གནོད་བྱེད་མཐའ་འདྲེ་གཙོ་གྱུར་གྱི་མནན་པ། གོང་དཀར་དུ་རྡོ་རྗེ་བྲག་པས་མགོན་པོ་གཡུལ་བཟློག །རིན་སྤུངས་སུ་ངེས་གསང་རྡོར་གླིང་པ། དོ་བོ་

[Full Size]

རྫོང་དུ་དོན་གཉིས་གླིང་པ། འཕྱོང་རྒྱས་སུ་རི་བོ་བདེ་ཆེན་པ་དང་བཀྲ་ཤིས་བདེ་ཆེན་པ་བསྒྲིལ་བ། སྣེའུ་སྡོང་དུ་རྩེད་ཐང་ལྔ་མཆོད་པ་དང་རི་བོ་ཆོས་གླིང་པ་བསྒྲིལ་བ་བརྒྱ་རེས་བཀའ་འགྱུར་བཅུ་གསུམ། དམིགས་བརྩེ་མ་བྱེ་བ་གཅིག །གཟུངས་འདུས་དང་ཐང་ཡིག་བརྒྱ་རེ། སྨན་བླ་སུམ་སྟོང་། དགའ་ལྡན་དུ་ཇ་ཚུལ་ཐོག་གདུགས་དཀར་དང་སྒྲོལ་མ་ཁྲི་རེ། ཤེར་སྙིང་འབུམ། ལོ་རིམ་ལ་ལྷ་ས། གོང་དཀར། གཞིས་རྩེ། རྒྱལ་རྩེ་རྣམས་ནས་སྔགས་པ་འབྲེལ་མཚུངས་ཀྱིས་ཕྱོགས་བཞིར་མ་མོའི་ཁྲག་མདོས། རི་འགོ་མཐོ་བ་ལྔར་བསངས། ཆུ་མིག་གཉན་ས་ལྔར་གྲ་པ་བརྒྱད་རེས་ཀླུ་གཏོར་དང་ཀླུ་འབུམ་ཉིན་གང་མ། པོ་ཏ་ལ་དང་འཕྱོང་རྒྱས་སོགས་རྫོང་གཞིས་ཞེ་བདུན་ནས་ཡར་ངོར་དཔངས་བསྟོད། རྣམ་འཇོམས་སྨེ་བརྩེགས་གང་རུང་གི་བྱབ་ཁྲུས་རྣམས་ཀྱིས་རང་གཞན་སྤྱི་སྒེར་གྱི་བདེ་ཐབས་བསྒྲུབས། ཨ་ཆི་དགེ་ཚུལ་མ་དཔོན་མོ་བུ་བཅས་དྲུག །ཆ་གན་ནོ་མུན་ཁན་གྱི་མི་སྣ་ཨེམ་ཆི་བློ་གྲོས། སྨད་ཏ་དཔོན། མཚན་སྒྲོག་འབུལ་དཔོན་ངག་དབང་རྒྱལ་མཚན། འབྲི་གུང་ཕྱག་མཛོད་སོགས་དང་ཕྲད། སྨད་ཏ་དཔོན་གྱིས་རྟ་བརྒྱད། མཚན་སྒྲོག་འབུལ་དཔོན་པས་བཅོ་ལྔ། འབྲི་གུང་ཕྱག་མཛོད་པས་ཉི་ཤུ་རྣམས་འདུག །དགོངས་ཐུན་ནས་ཧོར་ཟླ་བརྒྱད་པའི་ཚེས་བཅུའི་བར་སྒོ་གསུམ་མི་འདའ་བའི་བཅད་རྒྱ་ཤིན་ཏུ་དམ་པ་བགྱིས། ཚེས་བརྒྱད་ལ་སྡེ་པ་དང་དམག་ཟོར་ཚངས་དབང་ལ་རྟ་མགྲིན་ཞབས་བརྒྱད་པའི་བྱིན་རླབས་དང་། བཅུ་གཅིག་ལ་ཚེ་དབང་འཆི་མེད་དཔལ་སྟེར་བརྒྱ་ཚར་བསྐུར། དཔལ་

[Full Size]

གྲོང་སྔགས་རམས་པས་པཎ་ཆེན་དགེ་འདུན་རྒྱ་མཚོའི་ཕྱག་རྗེས་གསལ་བ་བྱིན་པ་ནང་རྟེན་གྲས་སུ་བཅུག །ཚེས་བཅུ་གཉིས་ལ་གསང་ཕུ་གླིང་སྟོད་སྨད་ཀྱི་ཆོས་རྗེ། སློབ་དཔོན་དང་དྲུང་ཆེན་ཁག །གྲ་དམངས་དང་བཅས་པས་ཚན་གྲངས་བརྐྱང་སྟེ་རིང་འཚོའི་ཚིགས་བཅད་གསུངས། དོལ་གསུང་རབ་གླིང་པས་ཀྱང་སན་ཁང་གིས་བསྐུལ་མ་མཛད་པའི་གནས་བརྟན་བཅུ་དྲུག་དང་འབྲེལ་བའི་ཆོག་སྒྲིགས་ནང་བཞིན་གྱེར། རྒྱ་ནག་གོང་མའི་མི་སྣ་གཉིས། དའི་ཆིང་ཁོ་ལོ་ཆི་དང་ལི་ཐང་མཁན་པོའི་བསྔོ་རྟེན་སྐྱེལ་མི། ཆ་གན་ནོ་མུན་ཁན་དང་ནག་པཱ་ཐུར་ཐའི་ཇི་གཡོག་བཅས། མི་སྣ་ཨེར་ཁེ་དའི་ཆིང་གི་དར་ཁན་ཨེམ་ཆི། ཇོ་རིག་ཐུ་ཁོ་ཤོའུ་ཆིའི་དར་ཁན་ཇའི་སང་། རྒྱལ་པོའི་ཨེར་ཏེ་ནི་ཇའི་སང་། པཱ་ཐུར་ཇི་ནོང་གི་མི་སྣ་རྣམས། ཕག་རིའི་ལྷོ་པ་བསྟན་པ་རྒྱལ་མཚན། ཨ་མདོ་ཟུང་ཆུ། སྐུ་འབུམ། པཱ་རས། བྲག་ཉེ་ཁམས་ཚན། འ་ཤུར་དང་བཅས་པར་ཇ་གྲལ་རྗེས་སྐྱ་སེར་ཉིས་སྟོང་ལྷག་ཙམ་བདེ་ཡངས་སུ་འཁོད་པར་ཀ་སྤུངས་སྟེང་ནས་མེ་ཏོག་གཏོར། ཆ་གན་ནོ་མུན་ཁན་གྱིས་རྟ་ཉིས་བརྒྱ། རྔ་མོ་བརྒྱད། ཐེ་བོ་གྲོ་སྐུ་སྐྱེས་རྟ་ཉི་ཤུ། འུར་དུ་སུ་པཎྜི་ཏས་བཅུ། པཱ་ཐུར་ཐའི་ཇིས་བརྒྱད། འབྲོམ་པ་དཀོན་ཅོག་རྒྱལ་པོས་བཅུ། ཟུང་ཆུ་སྣང་ཞིག་རབ་འབྱམས་པས་ཉེར་གསུམ། ཆོས་རྒྱ་མཚོས་ཉེར་བདུན། ཆོས་རྒྱལ་མཚན་གྱིས་བཅུ། སོག་པོ་དཀའ་བཅུ་བློ་བཟང་བཀྲ་ཤིས་ཀྱིས་བཅུ་གཅིག །

[Full Size]

ལྡན་མ་བློ་བཟང་དཔལ་འབྱོར་གྱིས་བཅུ། ཨ་རྒྱ་ནང་སོས་ཉེར་བདུན། དའི་ཆིང་ཁོ་ཆིས་དགུ། དར་སྡིངས་པས་བརྒྱད་རྣམས་བྱིན། ཕྱི་དྲོ་གསང་ཕུ་བ་དཔོན་སློབ་དང་། གསུང་རབ་གླིང་པ་ཡོངས་རྫོངས་ལ་ཕྱག་རྡོར་འབྱུང་འདུལ་གྱི་རྗེས་གནང་བསྐུར། ཚེས་བཅུ་གསུམ་ལ་གོང་མའི་གསེར་ཡིག་པ་རྒན་གཞོན་འགྲུལ་སྡེབས་དང་བཅས་པས་ཚོགས་ཡོན་སྟེར་བྱིན་གཟབས་ཏེ་གྲ་ཚང་ནས་ཚེ་དཔག་མེད་ལོངས་སྐུ་མའི་རྡུལ་ཚོན་དང་འབྲེལ་བའི་རྟེན་འབྱུང་བསྒྲིགས། ཚེས་བཅུ་བཞིར་ཐ་ཤི་བོ་ལོད་ཀྱིས་ཀྱང་ཉིན་སྔ་མ་དང་འདྲ་བའི་རིང་འཚོ་བསྟར་བའི་མུར་གསེར་ཁང་བླ་མས་ཡུན་འཚོའི་ཚན་གྲངས་བྱུང་། དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣས་སྐྱེས་སྤམས་མཐོ་དང་བཅས་གྲ་ཚང་གི་གྲ་པ་བཅུས་མི་འགྱུར་བའི་བདེན་ཚིག་བརྗོད། ཚེས་བཅོ་བརྒྱད་ལ་རྟ་ཚག་རྗེ་དྲུང་། རྫིང་ཕྱི་དང་སྣར་ཐང་མཁན་པོ། སྒེར་པ་རྗེ་དྲུང་། གོང་གི་མི་སྣ་སོགས་བོད་སོག་བདུན་ཅུར་ཁ་ཅིག་གིས་ཐོག་མ་ནས་རྣམ་སྲས་སེར་ཆེན་གྱི་རྗེས་གནང་བསྐུར་བ་སྣང་ཡང་ཚད་ལྡན་བླ་མ་བསྟེན་པའི་ཕྱག་ལེན་ལ་གོང་གནོན་ཕྱག་ན་རྡོ་རྗེ་འགྲོ་བཟང་ལུགས་ཀྱི་རྗེས་གནང་བསྐུར་ནས་མཛད་པ་བཞིན་སྔོན་དུ་བཏང་སྟེ་རྒྱས་བཀབ་དང་གཏི་ཐུག་རིགས་འགྲེ་མ་ཡིན་པ་གྲུབ་རྒྱལ་ལུགས་ཀྱི་ཚེ་དབང་། གསེར་ཆོས་སེང་གདོང་སྔོན་མོའི་རྗེས་གནང་ཟིན་སྟེང་བོད་སོག་བདུན་བརྒྱ་སྐོར་ལ་ཡེ་ཤེས་ཁྱུང་ཁྲ། འཇམ་དབྱངས་དམར་སེར། རྣམ་འཇོམས་ལྗང་སྔོན། སེང་ལྡེང་ནགས་སྒྲོལ་རྣམས་ཟུར་བཀའ་བསྐུར། ཚེས་བཅུ་དགུ་ནས་ཞག་ཤས་བར་རྫིང་ཕྱི་མཁན་པོ། ར་བ་སྟོད།

[Full Size]

འོར་པ། སྐྱིད་གྲོང་འཕགས་པའི་སྐུ་གཉེར་གསུམ་གྱི་བླ་མ། གོང་མའི་གསེར་ཡིག་པ་ཕྱག་ན་རྡོ་རྗེ། ཁམས་གླིང་། འདུལ་བ། བསྟན་འཛིན་གསུམ་གྱི་སྐུ་སྐྱེ་སོགས་བསྙེན་རྫོགས་ཉིས་བརྒྱ་བཅོ་ལྔ། དགེ་ཚུལ་ཆིག་བརྒྱ་བཅུ་བཞི། དགེ་བསྙེན་གཅིག་རྣམས་བསྒྲུབས། སྣར་ཐང་མཁན་པོའི་གསར་བཞེངས་བཀའ་འགྱུར་རོ་ཅོག་ལ་རབ་གནས། ཉེར་བཞིའི་ཞོགས་རྟ་དཔོན་རྣམ་འཇོམས་ཀྱིས་བདོག་པ་དང་བཅས་གྲ་ཚང་གིས་གཟིམས་ཆུང་བརྟན་བཞུགས་སུ་གྲགས་པ་སྤེལ། གུང་ཚིགས་ལ་གོང་མའི་མི་སྣ་འགྲུལ་སྡེབས་དང་བཅས་པ་འདི་གའི་མི་སྣ་རྫིང་ཕྱི་མཁན་པོ་བསམ་གྲུབ་སྒང་པ་བསྟན་འཛིན་ད་ལའི་རྒྱལ་པོའི་མི་སྣ་རྣམས་ལ་སྟོན་མོ། བྱིན་རྟེན། གྱོན་པ། ཤལ་དཀར་དམར། སྣམ་ཕྲུག་སོགས་སྔར་བཞིན་བདག་རྐྱེན་སྤྲད། ཕྱི་དྲོ་གོང་གསལ་རྣམས་ཀྱི་སྟེང་། པགྴི་དང་བྱ་ཁྱུང་མཁན་པོའི་མི་སྣ་བཅས་པར་ཇ་གྲལ་བཏང་། ཉེར་ལྔ་ལ་དགའ་ལྡན་ཚེ་དབང་དཔལ་བཟང་གིས་སྟེར་བྱིན་སྤམས་མཐོར་བཏེག་ཅིང་འགྱེད་དང་བཅས་གྲ་ཚང་ནས་མཁའ་འགྲོ་སྡེ་ལྔར་བརྟེན་པའི་རིང་འཚོའི་ཆོ་ག་མཛད། བྱ་རུང་ཆོས་སྐྱོང་གིས་བསྐུལ་ནས་ལྷ་ལྡན་རུ་བཞི་སྤྱི་ཚོགས་བསྡུ་ཆ་བྱས་པའི་ཡུན་འཚོ་དང་། ཡེར་པ་བླ་གྲས་ཀྱང་དངོས་པོའི་ཚན་གྲངས་བརྐྱང་སྟེ་མི་མཐུན་སྡེ་ལས་རྒྱལ་བའི་སྨོན་ལམ་གསུངས། སྟག་ལུང་རི་བོ་ཆེ་པ་ཡབ་སྲས་གསུམ། སྟག་རྩེ་ཐའི་ཇི་ལྷ་རྒྱལ་རབ་བརྟན། བྱམས་གླིང་དང་སྟག་ལུང་མཁན་པོ་ཀ་དྲུག་པ།

[Full Size]

བྲག་དབར་བླ་གྲ་ཉིས་བརྒྱ་སྐོར་རྣམས་དང་མཇལ་ཕྲད། རི་བོ་ཆེའི་རྟ་བརྒྱད་ཅུ་སོགས་སྐྱེས་སྣང་། ཡེར་པ་གྲ་ཚང་ཡོངས་རྫོགས་ལ་རྒྱལ་བ་བཙོང་ཁ་པ་ཆེན་པོར་བརྟེན་པའི་བླ་མའི་རྣལ་འབྱོར་དང་། ཏལ་ཁར་བརྩམས་པའི་སྒོམ་བྱང་གི་ལུང་། རྒྱ་ནག་ཏུ་འགྲོ་མཁན་མི་སྣ་རྒན་གཞོན་ལ་ཞུ་ཡིག་དང་ངག་མར་ཞིབ་ཆ་བགྱིས། ལོ་དགོན་པ་བས་གུར་མགོན་ལས་མཁན་རུ་འདྲེན་དང་བཅས་པའི་ལྟད་མོ་བསྟན། ཉེར་དྲུག་ལ་སེམས་དཔའ་སྤྲུལ་སྐུ་ལོ་དགོན་དང་བཅས་པས་བདོག་པའི་སྟེར་བྱིན་འགྱེད་སོགས་ཡོན་སྦྱར་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་བསྟར། རྒྱུད་སྨད་གྲ་ཚང་གི་ངོར་བརྒྱུད་པའི་བླ་མའི་ཁ་སྐོང་། མཆོད་དཔོན་པས་བསྐུལ་བའི་བཀྲས་རབ་གསེར་གླིང་རྒྱལ་པོའི་གསོལ་མཆོད་དང་། སྙན་དར་ཁ་ཡིག །ཀ་གཞི་སྨད་པས་མཚན་བརྗོད་བརྐོས་པའི་པར་བྱང་། གཞུང་གི་རྒྱ་ནག་ཏུ་ཐགས་སུ་འཐག་རྒྱུའི་སྙན་ཤལ་ཁ་བྱང་རྣམས་བྲིས། འདི་གའི་མི་སྣ་གཉིས། གྲ་ཚང་གཉེར་པ། གནས་ཆུང་སྐུ་རྟེན་པ་རྣམས་ལ་ཚེ་དབང་དང་དེ་སྟེང་སེམས་དཔའ་ཆེན་པོ་གྲ་སློབ་བཅས་པར་སྒྲོལ་དཀར་ཡིད་བཞིན་འཁོར་ལོའི་རྗེས་གནང་བསྐུར་ནས་ཤར་པ་ཆོས་རྗེའི་མི་སྣ་གཉིས། མེ་རག་བླ་མ། གོང་མའི་མི་སྣ་རྒན་གཞོན་འགྲུལ་སྡེབས་སོགས་ལ་ནང་རྟེན་རགས་རིམ་གྱི་མཇལ་ཁ་བཏང་། དགའ་ལྡན་གསུང་རབ་གླིང་པ་དཀའ་བཅུ་བློ་བཟང་མཆོག་ལེགས་དང་། དཀའ་བཅུ་བློ་བཟང་དར་རྒྱས་ཀྱིས་མཛོད་རྩ་འགྲེལ། སྦྱིན་པ་རིན་ཅེན་གྱིས་དབུ་མ་རྩ་འགྲེལ། བློ་བཟང་སངས་རྒྱས་རྒྱ་མཚོ། བློ་བཟང་རབ་འབྱོར།

[Full Size]

བཀྲ་ཤིས་རྒྱ་མཚོ། བློ་བཟང་ནོར་བུ། བློ་བཟང་བློ་བརྟན་རྣམས་ཀྱིས་ཕར་ཕྱིན་འགྲེལ་པ་བློ་བཟང་དགོངས་རྒྱན་གྱི་ཐལ་ཕྲེང་། ཆོས་འཁོར་ཡང་རྩེ་བ་བསམ་གཏན་རྒྱ་མཚོས་དབུ་འགྲེལ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་རྣམས་ཀྱི་རྒྱུགས་སྤྲད། ཉེར་བདུན་ལ་ཞང་སྟོན་རི་ཁྲོད་པ་དང་ཀ་རུ་བླ་མ་སོགས་དང་ཕྲད། ཉེར་བརྒྱད་ནས་གནམ་གང་བར་ཆ་གན་ནོ་མུན་ཁན་གྱི་སྐུ་སྐྱེ། ཨ་མདོ་ཨ་རྒྱ་ནང་སོ་དཔལ་ལྡན་རྒྱ་མཚོ། འུ་དུ་སུ་ཐའི་ཇི་དང་། པཎྜི་ཏ། པཱ་རས་ཆོས་ལུང་ཆོས་རྗེ་དཔལ་འབྱོར་བཟང་པོ་སོགས་བསྙེན་རྫོགས་ཆིག་བརྒྱ་ཞེ་དྲུག །ཏྲེ་བོ་སྐུ་སྐྱེ་སོགས་དགེ་ཚུལ་བཅོ་བརྒྱད། དགེ་ཚུལ་མ་གཉིས་རྣམས་བསྒྲུབས། སྡེ་པས་ངེད་རང་རིང་པོར་འཚོ་ཆེད་གསུང་རབ་གླིང་པ་ཉིས་བརྒྱས་ཞག་བཅུའི་བར་བརྒྱད་སྟོང་པ་ཆིག་སྟོང་ལྔ་བརྒྱ། སྒར་གྲ་ཚང་པ་བཞི་བཅུ་སྐོར་གྱིས་གཟུངས་འདུས་ཞག་ཤས་སྒྲོགས། ལྷོ་བྲག་སྲས་ཀྱི་དབེན་གནས་འདི་པཎ་ཆེན་ནཱ་རོ་པ་ཆེན་པོའི་དངོས་སློབ་སྐད་གཉིས་སྨྲ་བའི་སྐྱེས་མཆོག་མར་པ་ལོཙཱ་པ་ཡབ་སྲས་ཀྱི་བསྟི་གནས་མཆོག་ཏུ་གྱུར་པ་ཡིན་ཅིང་བསིལ་ལྡན་ལྗོངས་འདིར་རྒྱུད་ཐམས་ཅད་ཀྱི་ཡང་རྩེ་དཔལ་གསང་བ་འདུས་པའི་བཤད་སྲོལ་རྣམ་དག་ཅིག་ཚུགས་ན་འཕགས་ཡུལ་དབུས་འགྱུར་འཆང་ནས་ཐོག་མར་རྒྱུད་ཆ་ལག་དང་བཅས་གདན་འདྲེན་མཛད་པ་པོ་མར་པ་ལོ་ཙཱ་ཆོས་ཀྱི་བློ་གྲོས་ཡིན་གཤིས་རྟེན་ཅིང་འབྲེལ་པར་འབྱུང་བའི་མཐུ་ལས་གངས་ཀྱི་ར་བས་བསྐོར་བའི་སྨན་ལྗོངས་ཆེན་པོར་གསང་སྔགས་ཕྱི་འགྱུར་གྱི་བསྟན་པ་རིན་པོ་ཆེ་དཀར་ཆའི་ཟླ་བ་ལྟ་བུར་འཕེལ་བའི་

[Full Size]

དགོས་པ་ཆེ་བར་མངོན་ནའང་སྔ་སོར་མ་བྱུང་འདུག་པ་ད་སྒོས་གསང་བ་འདུས་པ་གཙོ་བོར་གྱུར་པའི་སྔགས་གྲའི་ཆོས་སྡེ་ཞིག་སྐབས་སུ་བབས་པས་ཆོས་འཁོར་རྒྱལ་གྱི་གྲ་ཚང་གི་ཡ་གྱལ་སྒར་པ་གྲ་ཚང་འཕོ་སྐྱས་བྱས་ཏེ་གྲ་ཚང་གསར་བཙུགས་དགའ་ལྡན་གསང་སྔགས་བདེ་ཆེན་དུ་གྲགས་པའི་རྒྱུན་གྱི་གཏོང་སྒོ་འདེབས་གཤོར་མཁའ་རུ་ཞེ་གཅིག་གི་སྲས་སྐུ་མཁར་གྱི་ལྕགས་ཁྲ་ལྷ་ཁང་དུ་རྗེ་མར་པའི་སྐུ་འདྲ་རྩ་རིས་མ་གཙོར་གྱུར་གྱི་མཆོད་མེ་ཉིན་ཁྱོངས་སྡོང་རྐང་གསུམ་རེས་མཚོན་མཆོད་པ་སྣ་ལྔ་གསུམ་རེ་དང་། དྲི་གཙང་ཁང་བྱང་ཆུབ་སྙིང་པོ་སོགས་མཆོད་ཁང་གསུམ་དང་། གྲོ་བོ་ལུང་གི་རྗེ་མར་པའི་གདུང་ཁང་བཅས་པར་མཆོད་པ་ལྔ་ཚར་རེ། མར་མེ་ཉིན་ཁྱོངས། ཁྱམས་ཀྱི་ལྷ་མོའི་བྲིས་སྐུ་ཤངས་མཚལ་མ་དང་། མགོན་ཁང་དུ་མཆོད་པ་ལྔ་ཚར་སྒྲོན་ཆས་ཆང་ཕུད་དང་བཅས་པ་རེ། རྒྱུན་གཏོང་གསར་བཙུགས་གྲ་ཚང་གཞན་ལས་དཔངས་བསྟོད་པའི་ཆོས་ཐོག་ཟླ་བ་བཅུའི་ཕོགས། བླ་གཉེར་སྒེར་གཡོག་ལས་བྱེད་རྟ་ནོར་གྱི་རྫི་བོ་བཅས་པར་ལོ་འཁོར་མགྲོན་ཐེབས། བླ་གྲ་ཁྱོན་དྲུག་ཅུ་རེ་བཞི་ལ་ནར་མར་ཇ་གཉིས་དང་ཐུག་པ་གཉིས། ཟླ་བ་ངོ་རེ་བཞིན་གྱི་ཚེས་གསུམ་ལ་བསངས་དང་བསྟན་གསོལ། ཚེས་བཅུར་དཔལ་ལྡན་སྲིད་གསུམ་བདག་མོ་གཙོ་གྱུར་གྱི་བསྐང་གསོ། ཚེས་བཅུ་བཞིར་རྗེ་བཙུན་མི་ལའི་དུས་མཆོད་སྣ་ལྔའི་མཆོད་པ་འཕར་རེ། ཚོགས་སུ་ལས་གཤིན་གཙོར་བཏོན་གྱི་བསྐང་བ། ཚེས་ལྔར་ཤར་ཕྱོགས་རྒྱལ་རིགས་ཐམས་ཅད་མཁྱེན་པ་ཡོན་ཏན་རྒྱ་མཚོ། བརྒྱད་ལ་པཎ་ཆེན་དགེ་འདུན་གྲུབ་པ་དང་ཀུན་མཁྱེན་དགེ་

[Full Size]

འདུན་རྒྱ་མཚོ། བཅོ་ལྔར་མར་པ་ལོ་ཆེན། ཉེར་བདུན་ལ་ཐམས་ཅད་མཁྱེན་པ་བསོད་ནམས་རྒྱ་མཚོ་རྣམས་ཀྱི་སྐུ་མཆོད་ལ་མཆོད་པ་འཕར་མ་རེ་དང་བཅས་གསང་བ་འདུས་པའི་བདག་མདུན་བུམ་གསུམ་བདག་འཇུག་སོགས་ཆ་ཚང་ཚར་རེ། སྔར་རྒྱུན་འདུག་པ་བཅས་ཚེས་བདུན་བརྒྱད་དགུ་གསུམ་ལ་དཔལ་མགོན་ཞལ་གཙོར་བྱས་ཀྱི་བསྐང་གསོ། ཉེར་དགུར་ཕྱག་དྲུག་པ་གཙོར་བཏོན་གྱི་བསྐང་བ་རྣམས་ཆག་མེད། ལོ་སྟར་གྱི་ཟླ་བ་དང་པོའི་ཚེས་གཅིག་ལ་ལོ་གསར། བཞི་པའི་ཚེས་བརྒྱད་ནས་བཅོ་ལྔའི་བར་གསང་འདུས་ཀྱི་སྒྲུབ་མཆོད་རྡུལ་ཚོན་གྱི་དཀྱིལ་འཁོར་ལ་བརྟེན་པ། དྲུག་པ་དང་བདུན་པའི་ཚེས་བཅོ་ལྔར་དཀར་མེ་བསྐུལ་ཆང་གི་ལྟད་མོ་སོགས་ཀྱི་གཏོང་སྒོོ། བཅུ་པའི་ཉེར་ལྔ་མཆོད་པ་ཆེན་མོར་ཉེར་སྤྱོད་ལྔ་བདུན་ཚར། བཅུ་གཅིག་པའི་ཉེར་དགུར་བསྟན་སྲིད་སྤྱི་རིམ་དང་། བཅུ་གཅིག་པ་དང་བཅུ་གཉིས་པ་གང་རུང་ལ་གཏོར་གཞི་སྤོ་བའི་བསྐང་གསོ་ཉིན་གང་མ། བཅུ་གཉིས་པའི་ཉེར་དགུར་ལོ་འཇུག་གཏོར་རྒྱག་རྣམས་སྒྲིགས་ཆུག་གི་གཏོང་སྒོ་མཐའ་དག་གི་རྒྱུར་སྤེལ་གསར་རྒྱུ་ལྔ་མི་སེར་བསྡད་གྲོང་རེ་ལྔ། འབབ་འབྲུ་ཁལ་ཉིས་སྟོང་དགུ་བརྒྱ་དོན་དགུ། མར་ཁལ་བཞི་བརྒྱ་བཅོ་བརྒྱད། ཐབ་གདན་འདྲེན་དཔྱད་སོགས་ཀྱི་དངོས་པོ། རུ་བ་ཁག་གཅིག །ཇ་ཕོགས་པོ་ཏ་ལ་དང་ལྷ་ས་གང་རུང་གི་འཕྲལ་བདེ་ནས་དམར་འདེགས་ཁལ་ང་བཞི་རིམ་སྤྲོད་ཇི་སྲིད་བསྐལ་པའི་བར་དང་། གྲོ་བོ་ལུང་དགོན་སྨད་ཀྱི་བཙུན་མ་རྙིང་པའི་ཐོག་ཕུ་དཀར་དང་མགར་

[Full Size]

ཚང་གི་བཙུན་མ་བསྒྲིལ་བ་བཅས་ཉེར་ལྔ་སྐོར་གྱིས་དགོན་གནས་ཁ་འཛིན་ལེ་ཤོར་མེད་པའི་སྲ་ཐང་ཟེགས་འཐོར་ཟོམ་ལུས་མ་བྱུང་བའི་ངོས་རིམ་གྲོ་སྒྲུབ་དགོས་ཀྱི་གཏོང་སྒོ་ཟླ་བ་ངོ་རེ་བཞིན་ཚེས་བཅུ། བཞི་པའི་ཚེས་གཉིས་ནས་བཅུ་དྲུག་གི་བར་སྨྱུང་གནས། བདུན་པའི་བཅོ་ལྔ་སྐོར་ལ་དཀར་ཐོག་པ་བརྒྱད་ཅུ་སྐོར་གྱི་གཏོང་སྒོ། བཅུ་གཅིག་པའི་ཉ་སྟོང་གཉིས་ལ་ཡིག་དྲུག་ཉིན་གང་མ་རེ། བཅུ་གཉིས་པའི་བཅོ་ལྔ་ནས་ཉིན་གསུམ་སྨོན་ལམ་རྣམ་གསུམ་འདོན་ཞིང་མཆོད་ཆས། ཚ་ར། ཇ་ཐུག་སོགས་ལྡངས་པ་སྦྱར། ཟངས་ཕུག་གི་རྟོགས་ལྡན་རྣམས་གཉའ་གཉར་བསྒྲིལ་པའི་ཟངས་ཕུག་རང་དུ་སྟག་ལུང་གྲ་ཚང་གི་གྲ་རྙིང་སྡོད་ཡུལ་བྱས་པའི་ཆོས་མཐུན་ངོས་གནས་ཀྱི་འཛིན་སྐྱོང་ལེ་ཤོར་དང་ཚུལ་སྒྲུབ་མཆོད་ཞ་ཆག་མེད་པ་གཏོང་དགོས་པའི་གྲ་པ་སོ་བཞི། ཇ་མ་གཅིག་བཅས་པར་ཟླ་རེ་བཞིན་ཚེས་བཅུ་དང་བཅོ་ལྔར་བདེ་དགྱེས། དྲུག་པའི་བཅོ་ལྔར་དཀར་ཐོག །བཅུ་གཉིས་པའི་ཉེར་བདུན་ནས་དགུའི་བར་བསྐང་གསོ་རྣམས་ཀྱི་མཆོད་རྫས། ཇ་ཐུག་འཕར་དང་། ལོ་འཁོར་གྱི་ཕོགས་སོགས་འཚེམས་མེད་འགྲོ་རྩིས་སྟོན་མར་ཕུ་དཀར་དང་། མགར་ཚང་གི་ཞིང་། གཤོར་འདེབས་ཀྱི་འཛིན་ཟུར་གསལ་ལྟར་ཇི་སྲིད་བར་དང་། གཉའ་ཟངས་མགར་གསུམ་བསྒྲིལ་བའི་སྒྲུབ་པ་བ་ཁྱོན་བཅོ་བརྒྱད་དགོན་གནས་ཁ་འཛིན་ལེ་ཤོར་མེད་ངོས་ཚེས་བཅུ། བཅོ་ལྔ། དགུ་གཏོར་གསུམ་ཆག་མེད། དྲུག་པའི་ཚེས་ལྔར་དཀར་མེ་བསྐུལ་ཆང་། བཅུ་གཉིས་པའི་ཉེར་བདུན་བརྒྱད་དགུ་བསྐང་གསོ་རྣམས་ཀྱི་

[Full Size]

མཆོད་ཆས་ཇ་ཐུག་ཚོགས་སོགས་ལྡངས་པའི་མཐུན་རྐྱེན་སྦྱར། གནམ་གང་ཞོགས་ལྷ་ལྡན་བསྙེན་གནས་མ་ཚོར་ཡན་ལག་བརྒྱད་པའི་སྡོམ་པ་ཕབ། ཧོར་ཟླ་དགུ་པའི་ཚེས་གཉིས་ལ་སྦྱོར་རའི་གྲ་པ་འཕྲིན་ལས་ཆོས་རྒྱལ་གྱིས་འབུམ་དུམ་པ་བཅུ་དྲུག་གི་རྒྱུགས་ལེགས་པར་སྤྲད་པའི་ཚར་དགར་བཀྲས་བཏགས་ཆེ་བ། གོས་ཕྱི་ནང་ཡུག་རེ། གཞུང་ཇ་ཁོར་དྲུག །རྟ་སྲང་བཞི་རི་བ་སོགས་དགུ་ཚན་དཔུས་གཙང་བྱིན། ཚེས་དྲུག་ལ་བྱམས་ཁང་རྒྱབ་ཕོ་ལྷས་བཞེངས་པའི་བཀའ་འགྱུར་ལ་རབ་གནས་རྟ་ཐོག་མ་བགྱིས། ཡོང་ཤ་པོ་ཀུན་དའི་ཆིང་གི་བུ། དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ། བལ་པོ་ཁོ་ཁོམ་གྱི་ཁྲི་འབུལ་མི་སྣ་བྷོ་ལཱ་གི་དང་། ལ་ཧོར། ས་དཀར་འགོ་པ་རྡོ་རྗེ་སྐྱབས་ནང་མི་ལྔ་སོགས་ལ་ཇ་གྲལ། ཡོང་ཤ་པོས་རྟ་སོ་གསུམ་དང་། འབའ་བླ་ཟུར་གྱིས་དྲེའུ་དགུ །ས་དཀར་འགོ་པས་ཇ་ཁོར་དྲུག་ཕྱེད་ཉིས་བརྒྱ་སྐོར་བྱུང་། ཚེས་བརྒྱད་ལ་རྡོ་རྗེ་བྲག་སྤྲུལ་པའི་སྐུ་ཕེབས་པ་དང་མཇལ། ཚེས་དགུར་གུར་དྲག་ཕུར་པ་སོགས་སྒྲུབ་པར་རིགས་འཛིན་སྤྲུལ་པའི་སྐུས་རབ་གནས་གནང་། གཞུང་གི་ཚོང་དཔོན་དཔལ་གྲོ་བ་ཅན་ཉི་ཤུ་སྐོར་དང་ཕྲད། ཚེས་བཅུར་གནས་བརྟན་འཇམ་དབྱངས་གྲགས་པས་ཀྱང་རྟེན་རྣམས་ལ་སྒྲུབ་པ་བྱས། ཚེས་བཅུ་གཉིས་ནས་རྡོ་རྗེ་བྲག་སྤྲུལ་པའི་སྐུ་དཔོན་སློབ་ཀྱིས་ཚེ་དཔག་མེད་སྐུ་གསུམ་རིགས་འདུས་དང་། ཀི་ཀང་གི་དགྲ་མནན་བདུན་ཕྲག་རེ་སྨིན་རྒྱས་གནང་། སྡེ་པ་སངས་རྒྱས་རྒྱ་མཚོའི་

[Full Size]

དགེ་སྦྱོར་རྟེན་གྱི་ཚོན་ཐང་བཅོ་ལྔ་དང་རྟ་མགྲིན་གསང་སྒྲུབ་རྣམས་གསེར་བྲིས་གཟབས་མཆོར་གོང་གཤམ་བཟང་གོས་སུམ་འཇག་མཐོང་འཇུག་ལ་ཧོར་གོས། ཞལ་ཁེབས་ཉིས་བརྩེགས། ཏོག་གསེར་ཚགས་བཅས་དཔུས་གཙང་གི་རྒྱུ་དང་ཕོགས་ཡོན་བསྡོམས་གཤོར་ཁལ་སུམ་སྟོང་ལྔ་བརྒྱ་ལྔ་བཅུ་སོང་བའི་རྒྱབ་ཡིག །གཅུང་ཀུན་དགའ་ཚུལ་ཁྲིམས་ཀྱི་ངོར་རིང་འཚོའི་ཚིགས་བཅད། དགེ་སློང་ཡེ་ཤེས་ཕུན་ཚོགས་ཀྱི་སློབ་མ་རྣམས་ཀྱིས་བསྐུལ་བའི་སྐྱེ་བ་མྱུར་འཛིན་དང་། བླ་མ་ངག་དབང་དོན་ལྡན་གྱི་ངོར་ངེད་རང་གི་མིང་སྒྲ་ཡོད་པའི་སྨོན་ལམ། ཁམས་པ་རྫོགས་ཆེན་པདྨ་རིགས་འཛིན་དང་། མངའ་རིས་གུང་ཐང་སྒྲ་པ་བཤེས་གཉེན་རྣམ་རྒྱལ་སོ་སོར་གདམས་པ་རེ། དམག་དཔོན་གངས་ལ་ཉི་ཤར་གྱིས་བཀའ་འགྱུར་དང་འབུམ་བཞེངས་པའི་དཀར་ཆག །དཔལ་གྲོང་སྔགས་རམས་པས་རྩེད་ཐང་ལྔ་མཆོད་པར་དུང་དཀར་དངུལ་གཤོག་མ་ཆ་ཕུལ་བའི་ཁ་བྱང་། སྟག་ལུང་གདན་ས་ཀ་དྲུག་པ་ངག་དབང་དཔལ་བཟང་གིས་འདྲ་འབག་དང་རྟ་ཚག་རྗེ་དྲུང་རིན་པོ་ཆེའི་ཐུགས་དམ་རྟེན་ཐང་རྒྱབ་ཡིག །འཕྱོང་རྒྱས་དཔལ་རི་སློབ་དཔོན་ལེགས་ལྡན་འོད་ཟེར་སོགས་སྤྱི་ཚོགས་ཀྱིས་བསྐུལ་བའི་བཀའ་བརྒྱད་བདེ་གཤེགས་འདུས་པའི་ལས་བྱང་ཁྲག་འཐུང་རོལ་པའི་གད་བརྒྱངས། ཁོ་ཁོམ་རྒྱལ་པོས་མི་སྣ་ཆེད་དུ་མངགས་པའི་ལན་སྙན་ཚིག་གི་ལམ་ནས་དྲངས་པའི་ལྷུག་པ་རྣམས་བརྩམས། ཆོས་འཁོར་ཡང་རྩེའི་གྲ་པ་དཀའ་བཅུ་བསྟན་པ་ཡར་འཕེལ་གྱིས་ཕར་ཕྱིན་འགྲེལ་པ་བློ་བཟང་དགོངས་རྒྱན་གྱི་རྒྱུགས་སྤྲད། ཚེས་

[Full Size]

བཅུ་བདུན་ནས་བདུན་གཉིས་ཀྱི་བར་ཕྱི་ཐལ་གྱི་མཚན་མ་ཤར་བར་དམིགས་ཡང་ཟབ་གྲོ་བོ་ལོད་ཀྱི་དགེ་སྦྱོར་ལ་གནད་དུ་བསྣུན། ལོ་སྟར་གྱི་མང་སྐོལ། ཁྲོ་རོལ། འཆར་ཀ །མགོན་པོ་གཡུལ་བཟློག་སོགས་བཟློག་འཕེལ་འཆར་ཅན་སྟེང་འདི་ལོ་ནས་ཀོང་རྩེ་ལ་སྒང་དུ་རྩེ་ལེ་བས་ཁྲོ་རོལ་སླང་དགུ་མ། བུ་ཆུར་གནམ་གོང་པས་སླང་གང་མ། རིན་སྤུངས་སུ་ཆུ་སྤེ་སྟེང་པས་སླང་དགུ་མ་དང་འཆར་ཀའི་གཏོར་བཟློག་རྒྱབ་ཆོས་སོགས་སྔོན་མ་རྣམས་དང་འདྲ་བ་བཅུགས། ཚེས་བཅུར་དུས་མིན་གྱི་ཆར་བབས་པར་བརྟག་པར་བསྟན་འཛིན་དང་ནད་རིམས་སོགས་ལ་ཅུང་ཟད་བལྟ་བ་བཟློག་རིམ་དུ་སེར་འབྲས་དགེ་གསུམ་གྱིས་གཙོས་དགེ་དགོན་ཉིས་བརྒྱ་ལྷག་བཅས་ལ་མང་ཇ་རེའི་ཐོག་ཤེར་སྙིང་། དབུས་གཙང་གི་རྫོང་གཞིས་བཞི་བཅུ་སྐོར། སྡེ་དཔོན་ཁག །ཡུལ་མི་བྱིངས་དང་བཅས་པས་ལྷ་བསངས། དགྲ་ལྷ་དཔངས་བསྟོད། གཟུངས་འདུས། ལན་ཆགས་གཏོར་མ་སོ་སོས་གང་འགྲུབ། བསྟན་སྲིད་ལ་རྒྱ་དང་སྟོད་ཀྱི་ཇུས་རིམ་ལ་གཞིས་རྩེར་ཞ་ལུ་པ་དང་། ཕོ་བྲང་དུ་བཀྲ་ཤིས་རྩེ་ཆོས་སྡེ་བས་གདུགས་དཀར་མདོས་ཆེན། གཞིས་རྩེར་སྒྲོལ་མ་བ། ངམ་རིང་དུ་བཀྲ་བཟང་པ། ལྷ་རྩེར་ཆུ་མིག་པ་རྣམས་ཀྱིས་སྒྲུབ་ཞག་བདུན་རེར་ཁྲོ་རོལ་སླང་དགུ་མའི་གཏོར་བཟློག །ངེད་རང་གི་རིམ་གྲོར་ཞོལ་དུ་རྡོ་རྗེ་བྲག་པ་གྲ་སློབ་བཅོ་ལྔས་སྐུ་གསུམ་རིགས་འདུས་ཀྱི་ཚེ་ཆོག་བདུན་གཅིག །ལྷ་ས་དཀྱིལ་འཁོར་སྡིངས་སུ་བདེ་ཡངས་པ་བརྒྱས་ཞག་བཅུའི་བར་སྨན་བླ་དང་ལྟུང་བཤགས་འགྲོ་གང་ཆེ། ངེད་

[Full Size]

རང་གི་རྨི་ལྟས་ངན་པ་ཞི་ཕྱིར་གོང་དཀར་དུ་གསུང་རབ་གླིང་པ་བརྒྱས་སྨན་བླ་ཆིག་སྟོང་བཅོ་ལྔ། ལྷ་སར་སྦྲུལ་ལོ་པ་སོ་དགུ་ཡན་རེ་དྲུག་ལ་སྟོན་མོ། སྡེ་པ་ལའང་སྦྲུལ་ལོ་པ་ཉེར་བརྒྱད་མན་ལོ་གྲངས་ལ་སྟོན་མོ། ལྷ་ས་དང་ར་མོ་ཆེར་མཆོད་པ་སྣ་ལྔ་བརྒྱ་ཚར། ལྷ་ས་དཀྱིལ་འཁོར་སྡིངས་སུ་སྔགས་པ་གྲ་ཚང་ལྔ་བཅུས་སྨན་བླ་ཆིག་སྟོང་ལྔ་བརྒྱ། ན་མཉམ་སུམ་ཅུར་ཟས་གོས་སྦྱིན་པ། ལྷ་སའི་ཁྲལ་འཐེན་གང་ཡིན་ལ་ཡ་ཇུ་མཁར་ཉག་གསུམ་རེའི་འགྱེད། གྲ་ཚང་གྲ་པ་གྲངས་བཅད་ཀྱིས་རྒྱལ་རྫོངས་བཅས་བཏང་། འཕྱོང་རྒྱས་སུ་དཔལ་རི་བ་གྲ་སློབ་བརྒྱ་དང་བཅུ་གསུམ་གྱིས་ཐུགས་རྗེ་ཆེན་པོ་འཁོར་བ་དབྱིངས་སྒྲོལ་གྱི་ཆོ་ག་ཚར་གསུམ་རེ་བཀའ་སྲུང་ཆོས་སྐྱོང་གི་བསྐང་བ་ཚར་རེ་ལོ་སྟར་ཟླ་བ་དགུ་པའི་ཉེར་བདུན་ལ་ཆག་མེད་གཏོང་བའི་མཆོད་པ་སོགས་བསྡོམས་ཁལ་ཆིག་བརྒྱ་ཉེར་གཉིས་སྦྱར། ཚེས་བཅུ་དགུར་རིགས་འཛིན་སྤྲུལ་པའི་སྐུའི་བཅད་རྒྱ་གྲོལ་ནས་ཚེ་རྫས་དང་བཅས་བྱོན་ཏེ་གསུང་རྩོམ་གྱི་རིང་འཚོའི་ཚིགས་བཅད་བྱུང་ཞིང་རྫས་ལ་ལོངས་སྤྱད། གྲ་ཚང་གིས་ཉིན་དང་པོར་ཕྱག་དྲུག་པ། རྣམ་སྲས། ལས་གཤིན། དམག་ཟོར་མ། བསྟན་མ་རྣམས་ཀྱི་བསྐང་གསོ་ཆིག་སྟོང་ཉིས་བརྒྱ་རེ། ཉིན་གཉིས་པར་གུར་ལས་མཁན་བེག་ཙེ་དང་བཅས་པའི་བསྐང་བ་སྟོང་བརྒྱད་བརྒྱ་རེ། ཞལ་བསྐང་ཉིས་སྟོང་བཞི་བརྒྱ་རྣམས་སོང་། ཧོར་ཟླ་བཅུ་པའི་ཚེས་གཅིག་ལ་བཅད་རྒྱའི་འོག་རིགས་འཛིན་སྤྲུལ་པའི་སྐུ་ཁེར་རྐྱང་དང་མཇལ་ཞིང་ཕེབས་རྫོངས་རྒྱས་པར་ཞུས་ཏེ་དཔལ་མགོན་ཞལ་ལ་བརྟེན་པའི་བཀའ་བསྒོ་

[Full Size]

ཕུལ། ཡང་བཟློག་གི་ལས་སྦྱོར་ཆེན་མོ་བཙུགས། རྒྱལ་ཐང་པ་སྟོད་ནས་འཁོར། ཚེས་བཞིར་ཐར་པ་མ་བུ་རྣམས་ལ་བྱིན་རླབས་དང་བཀའ་བསྒོ་བྱས། ཚེས་ལྔ་ནས་བཟུང་ཉིན་དགུའི་བར་བདུད་རྩི་ཆུ་ཚན་བརྒྱབ་པའི་ཁུ་བ་སྨན་ཆུ་དང་གསང་ཡིབས་གཉིས་ཀ་ནས་རེས་མོས་ཀྱིས་བླངས། སྤུན་བདུན་པ་ལྷུན་གྲུབ་རྒྱ་མཚོ་སྟོད་དུ་དགའ་ལྡན་ཚེ་དབང་གི་སར་གང་ཅིར་གྲོས་བསྡུར་དང་ལ་དྭགས་པ་བློ་ཁུགས་ཀྱི་དོན་དུ་བརྫངས། ཐར་པའི་མ་དུས་ཀྱི་ཆོས་ཉིད་དུ་གྱུར་པའི་བསྔོ་རྟེན་ལ་གོས་ཡུག་ཞེ་ལྔ། རྟ་སྒ་ཆས་སྤྲད་པ་དགུ །ཇ་ཀོ་དྲ་དང་ཁོར་དྲུག་སོགས་དངོམ་ཆེ་བ་བཏེག་པ་ལྟར་གནས་སྐབས་མཐོ་རིས་དང་རིང་མིན་རྣམ་མཁྱེན་ཐོབ་པའི་རྒྱུར་བསྔོས། ཚེས་བཅུར་ཆོས་འཁོར་ཡང་རྩེ་བ་ངག་དབང་སྦྱིན་པས་ཕར་ཕྱིན་འགྲེལ་པ་བློ་བཟང་དགོངས་རྒྱན་དང་། ཤེལ་དཀར་ཆོས་སྡེ་བ་བློ་བཟང་འབྱོར་ལྡན་གྱིས་དབུ་འགྲེལ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་ཀྱི་རྒྱུགས་སྤྲད། ཚེས་བཅོ་ལྔར་ཆོས་མཛད་ངག་དབང་འཕྲིན་ལས་ཀྱི་ངོར་ལོ་ཆེན་ངག་དབང་ཆོས་དཔལ་གྱི་བརྟན་བཞུགས། སྐྱིད་ཤོད་སྤྲུལ་སྐུ་ངག་དབང་བསྟན་འཛིན་གྱི་རྡོ་རྗེ་ཕྲེང་བ་དང་ཀྲྀ་ཡ་ས་མུཉྩ་གཉིས་ཐུན་མོང་གི་བརྒྱུད་པའི་གསོལ་འདེབས། ས་དཀར་འགོ་པ་རྡོ་རྗེ་སྐྱབས་ཀྱིས་བསྐུལ་བའི་གནས་ཆུང་ཆོས་སྐྱོང་གི་སྒེར་གསོལ་ལས་བཞི་ལྷུན་གྲུབ། དར་མོ་སྨན་རམས་པས་སྟོན་པ་ལྔར་གཡུ་ཐོག་གསར་རྙིང་གི་རྣམ་ཐར་གྱིས་བསྐོར་བ་དང་། རྣམ་སྲས་གཙོ་འཁོར། སྨན་བླ། སྒྲོལ་དཀར་གྱི་སྟོང་ཐང་རྣམས་ཀྱི་རྒྱབ་ཡིག །

[Full Size]

དྲུང་ཆེན་དང་རི་བོ་བདེ་ཆེན་དབུ་མཛད་གྱི་ངོར་སྤྲུལ་སྐུ་ངག་དབང་ཀུན་དགའ་བདེ་ལེགས་ཀྱི་བརྟན་བཞུགས། ཆང་ཁྱིམ་པ་སྤུན་ཀྱིས་བསྐུལ་བའི་འཕྱོས་སྒྲིབ་བཙན་པའི་གསོལ་མཆོད་རྣམས་བཀོད། ཚེས་བཅུ་བདུན་ལ་ས་དཀར་འགོ་པ་རྡོ་རྗེ་སྐྱབས་ཀྱིས་ཟང་ཟིང་གི་བདོག་པ་འགྱེད་དང་བཅས་གྲ་ཚང་ནས་འབྲས་གཤོངས་དག་སྣང་མའི་སྒོ་ནས་ཚེའི་རྟེན་འབྲེལ་བསྒྲིགས། རྩེ་གདོང་ཞབས་དྲུང་རྒྱན་ངག་དབང་རིག་འཛིན་དབང་པོ། འབྲོག་བསམ་སྡིངས་སྤྲུལ་སྐུ། བྱང་རྩེ་ཆོས་རྗེ། བཟང་ལྡན་མཁན་པོ། གསེར་མདོག་ཅན་མཁན་ཟུར། སེ་ར་བསྟན་འཛིན་སྐུ་སྐྱེ། ཁམས་མེ་རག །སྒོམ་བདེ། ལྡན་མ་བྲའུ། མདོ་མཁར་ཆོས་སྡེ། ལྷ་རྩེ་ཆོས་སྡེ་རྣམས་ཀྱི་བླ་མ། འབའ་བླ་ཟུར། སྡེ་པ་མདོ་མཁར་བསྟང་ཞལ། ཞང་སྟོན་མདའ་པ་སོགས་དང་མཇལ་ཕྲད། ཐམས་ཅད་ལ་ལུགས་གཉིས་དང་འབྲེལ་བའི་གང་འཚམ་གྱི་དྲི་བ་བྱས། སྒོམ་བདེ་ནང་ཆེན་པའི་རྟ་ལྔ་བཅུ་དང་། ལྡན་མ་བྲའུ་བླ་མའི་བརྒྱད་བྱུང་བ་གྲོལ་ནས་ཆ་གན་ནོ་མུན་ཁན། དབུ་སྒོར་ཆུང་བ། དཔོན་མོ་ན་མ་ཐར། ནོ་ཡོན་དཀའ་བཅུ། ཐར་པའི་མིང་སྲིང་། ཨུ་ཞང་བུ་བཅས། ཨ་ར་ན་ཁ་ཤོའུ་ཐའི་ཇའི། དཔོན་མོ་ཚེ་རིང་། འུ་དུ་སུ་འཇམ་དབྱངས་ཐའི་ཇི་ད་ལའི་ཧུང་ཐའི་ཇི་དང་བསོད་ནམས་ཧུང་ཐའི་ཇི་སོགས་ཀྱི་མི་སྣ། ཨ་མདོ་བྱ་ཁྱུང་སྐུ་སྐྱེ། ཨ་རིག་ཕུན་ཚོགས། བདེ་ལེགས་རྒྱ་མཚོ། དབོན་པོ་བསོད་ནམས། ཨ་རིག་གནས་པོ།

[Full Size]

ཨ་མདོ་ཁྱུང་མོ། ཨ་མདོ་དཀའ་བཅུ་སོགས་ལ་བྱིན་རླབས་དང་བོད་སོག་ལྔ་བརྒྱ་སྐོར་ལ་བདེ་ཡངས་སུ་མེ་ཏོག་གཏོར། བྱ་ཁྱུང་སྐུ་སྐྱེས་རྟ་སོ་གསུམ། ཨ་རིག་ཕུན་ཚོགས་ཅན་གྱིས་ཞེ་བཞི་རྣམས་བྱུང་། ཆོས་རྗེ་ཀྱི་སྟོན་པ་ཁུ་ཚན། བན་གྲོང་པ་ཕ་བུ་ལྔ། ཤྲཱི་ལོ་པཎ་པ་སོགས་ལ་ཇ་གྲལ་དང་། བན་གྲོང་པ་གྲ་བཅས་ཀྱི་སྐྲ་ཕུད་བླངས་ཤིང་སྤོ་བོའི་མིང་འཇམ་དཔལ་དབང་གྲགས་ཟིལ་གནོན་རྣམ་རོལ་ཏུ་བཏགས། མི་ངོ་ཚོར་ཡང་བཟློག་རྣོན་པོ་ནང་གཅོད་ཀྱི་དབང་བསྐུར། དཔོན་ཐར་པར་བཀའ་བསྒོ་བྱས། ཚེས་བཅོ་བརྒྱད་ལ་སྡེ་པ་མདོ་མཁར་བས་ཚན་གྲངས་རིང་པོར་བརྐྱང་འགྱེད་ཚོགས་ཡོན་སྦྱར་ཏེ་གྲ་ཚང་ནས་འཆི་མེད་འོད་སྣང་གི་རྡུལ་ཚོན་གྱི་དཀྱིལ་འཁོར་དང་འབྲེལ་བའི་རྟེན་འབྱུང་བསྟར། ཀྱི་སྟོན་པ་ཁེར་རྐྱང་དང་ཕྲད་ཅིང་དྲི་བ་ཁ་ཤས་བགྱིས། ཉེར་གསུམ་ནས་ཁྲོ་རོལ་ཚེ་བདག་བསྟན་མདོས་སོགས་སྔར་བཞིན་བཙུགས། ཀེག་སྐོར་མི་སྔགས་པ་ལྷུན་གྲུབ་དང་ངག་དབང་འབྱོར་པ་དང་ཕྲད། གནས་ཆུང་ནས་སྤྲུལ་པའི་ཆོས་རྒྱལ་ཆེན་པོས་ཤར་ལྷོ་མཚམས་སུ་བཟློག་བསྒྱུར་དགོས་ཚུལ་ལྟར་སེར་འབྲས་གཉིས་སུ་ཇ་ཚུལ་བརྒྱད་རེའི་ཐོག་མདོ་སྒྲུབ། ཉེར་བཞིར་རྩེ་གདོང་ཞབས་དྲུང་། ཁམས་རི་བོ་ཆེའི་ཞབས་དྲུང་ཡབ་སྲས་གསུམ། ཀྱི་སྟོན་པ་ཁུ་ཚན། ས་དཀར་འགོ་པ་ནང་ཚང་། བྱིང་པ་བློ་བཟང་ཆོས་ལྡན་སོགས་ལ་ཚེ་དཔག་མེད་འཆི་མེད་དཔལ་སྟེར་གྱི་དབང་བསྐུར། རྩེ་གདོང་། རི་བོ་ཆེ། རྒྱུད་སྨད་དང་གསང་

[Full Size]

གླིང་སློབ་དཔོན་སོགས་ལ་ཇ་གྲལ་ཐོག་ཞབས་དྲུང་རྣམ་གཉིས་ལ་གོས་ཕྱི་ནང་དཀར་དཔྱད་ཇ་སོགས་ཤངས་ལེན་གཟབས་ཏེ་དབུལ། རྩེ་གདོང་ཞབས་དྲུང་རིན་པོ་ཆེར་ཕྱི་ནང་གསང་བའི་ཉེར་འཚེ་ལས་རྒྱལ་བའི་ཆེད་མགོན་པོ་ཆེ་ཆུང་ལས་མཁན་དང་བཅས་པའི་སྒོ་ནས་བཀའ་བསྒོ་རྒྱས་པར་ཕུལ། ཚོམས་ཆེན་སྟེང་དུ་བོད་སོག་ཉིས་བརྒྱ་སྐོར་ལ་མེ་ཏོག་གཏོར། བསོད་ནམས་དབང་རྒྱལ། མ། དཔོན་མོ། ཐོས་པ་དགའ། ཐུ་མེད་བསྟན་པ་ཐའི་ཇིའི་ཚ་བོ། ཨར་ཁེ་ཆུ་ཁུར། ཐར་པའི་ལོག་མི་ཁ་ཤས་ལ་བྱིན་རླབས་དང་། མི་བཟང་གཉིས་དགེ་བསྙེན་དུ་སྒྲུབས། ཉེར་ལྔར་གླིང་མེ་འབྲིང་སྨད་ཙམ་བྱུང་། ཉེར་དྲུག་ལ་རྒྱལ་པོ་ཆེན་པོ་འཁོར་བཅས་བྱོན་པ་དང་མཇལ་ཁྲོད་དུ་ཀྱི་སྟོན་པ་དང་སྤོ་བོ་བན་གྲོང་པའང་ཡོད། ཉེར་དགུར་གྲོང་སྨད་དཔོན་ས་བུ་ཁྲིད་རྒྱལ་མོ་དང་དམག་ཟོར་ཚངས་དབང་མིང་སྲིང་བཅས་པར་སྨེ་བརྩེགས་ཀྱི་བཀྲུ་བྱབ་སྲུང་གསུམ། རྟ་མགྲིན་སྐྱེར་སྒང་ལུགས་ཀྱི་བྱིན་རླབས་དང་འཆི་མེད་དཔལ་སྟེར་གྱི་ཚེ་དབང་བྱས། བཟང་ལྡན་མཁན་པོར་ཐོན་གདོང་གི་ཇ་གྲལ་བཏང་། གནམ་གང་ལ་ཁ་རབ་མཁན་ཆེན་ལ་བྱིན་རླབས་བགྱིས་ཏེ་ཉི་ལྡོག་དང་བསྟུན་སྲུང་བཟློག་བསད་མནན་གྱི་ཟབ་གནད་ཐུན་མོང་མ་ཡིན་པ་རྣམས་ཉམས་སུ་བླངས། ཤངས་བདེ་ལེགས་པར་གསེར་སྡིངས་པས་འཛིན་པའི་ས་ཚབ་ཏུ་སྲས་ཁུད་གཞིས་ཀའི་ཁང་པ་གཡུལ་ལྡུར་ལག་འདེབས་དང་བཅས་པ་ལྕགས་སྤྲེ་སྔོ་ཐོག་ནས་མགོ་མཐོ་ཙམ་དང་། གནམ་གོང་བླ་མ་པདྨ་ལེགས་གྲུབ་རྙིང་ཁུངས་ཚད་ལྡན་བསྙེན་སྒྲུབ་གཙོར་བཏོན་གྱི་

[Full Size]

ལྷག་བསམ་བྱུང་ཕྱིན་རིམ་གྲོ་སྒྲུབ་རྟེན་དུ་གནམ་དགོན་ལ་གཏོགས་པའི་ཁང་པ་རྟེན་གསུམ་མཆོད་རྫས་འབབ་འབྲུ་ཁལ་དྲུག་བརྒྱ་ང་གསུམ། བླ་མ་ཆུ་སྤེ་སྟེང་པར་རིམ་གྲོའི་སྒྲུབ་རྟེན་དུ་བ་དོ་བས་འཛིན་ཤུལ་སྒྲོལ་མ་སྡིངས་ཀྱི་ཁང་པ་རྟེན་གསུམ་མཆོད་རྫས་འབབ་འབྲུ་ཁལ་བཞི་བརྒྱ་བསྐོར། དུད་འཛིན་བརྒྱད། གཏེར་སྟོན་རིགས་འཛིན་ཆེན་པོར་གྲ་ཚང་སྨིན་གྲོལ་གླིང་གི་མཆོད་གཞིས་སོགས་ལ་གྲ་ཕྱི་ཐར་པ་གླིང་དགོན་གནས་མི་སེར་དང་བཅས་ཚང་མ་རྒྱ་ཁྱོན་མི་ཆུང་ཙམ་སྔ་སོར་ནས་སོང་ཡང་ཐང་ཡིག་ནས་འགྲོ་འདུལ་གཏེར་བདག་གླིང་པར་བསྟན་པ་དང་། ལོ་ཆེན་བཻ་རོ་ཙ་ནའི་རྣམ་སྤྲུལ་རིགས་འཛིན་ཆེན་པོས་ཟབ་གཏེར་ཁ་ཤས་ཀྱི་སྒོ་འབྱེད་པར་མཛད་དེ་བོད་འབངས་སྐྱེ་འགྲོའི་འགལ་སྤོང་མཐུན་གྲུབ་ཀྱི་བླང་དོར་ཇི་བཞིན་སྟོན་པ་པོ་འབུལ་འོས་ཀྱི་ཡུལ་དམ་པ་ཡིན་པར་མ་ཟད་སྤྱིར་གཏེར་སྟོན་ཐམས་ཅད་བསྐྱེད་རྫོགས་རྫོགས་པ་ཆེན་པོའི་གེགས་སེལ་བོགས་འདོན་གྱིས་མཚོན་གནས་སྐབས་མཐར་ཐུག་གི་སྨན་ཡོན་ཡིན་ཕྱིར་བསྟེན་དགོས་པ་རིགས་འཛིན་གྱི་གདུང་བརྒྱུད་སོགས་འབྱུང་བ་ཐང་ཡིག་ཏུའང་སངས་རྒྱས་གླིང་པར་ཁྱོད་ནས་མི་རབས་བརྒྱའམ་ཉེར་གཅིག་པར་སོགས་རྒྱ་ཆེར་གསུངས་པ་དང་། བྱེ་བྲག་གོང་སྨོས་ལྟར་ཕུགས་རིགས་སྨིན་གྲོལ་གླིང་གི་ལྷ་ཆོས་དང་འབྲེལ་བསླད་མེད་པར་གདུང་བརྒྱུད་གསང་ཡུམ་བཅས་པའི་སྐལ་བར་སྐྱིལ་རུ། དར་རྒྱས་ཁང་གསར། རྒྱལ་པོ་ན་གའི་ཆུ་སྐོར་སོགས་རི་ཀླུངས་ཀྱི་བདག་ཐོབ། དུད་ཆེ་ཆུང་ཉེར་བདུན། འབབ་འབྲུ་ཁལ་ཉིས་སྟོང་བཞི་བརྒྱ་སྐོར། རྒྱལ་སྐོར་

[Full Size]

འོག་མའི་སྐྱེ་རྒྱལ་རྫོགས་ནས་གོང་མ་དང་བསྒྲིལ་བ་ལའང་གོང་འོག་ནང་ཁུལ་མ་དན་པར་འདི་གར་གཏུགས་སྦྱངས་ལ་འབྱོར་བ་རྒྱལ་སྐོར་ངོ་བོའི་བརྒྱུད་སུ་ཡིན་དང་ས་རིས་བྱིངས་ཆེ་སུར་བབས་ཐོབ་སོགས་འགལ་མཚམས་ཆེ་སར་དཀྲུགས་བཀག་ལྟ་བུའི་ཡིན་སྐྱེལ་བྱས་ཚེ་གཉིས་ཀ་ཐོག་མ་ནས་དགེ་ལུགས་པ་མིག་རྒྱང་དགོས་གྲས་བཅས་དུད་ཆེ་ཆུང་བསྡོམས་བརྒྱ་སོ་བཞི་འབབ་འབྲུ་ཁལ་དྲུག་བརྒྱ་གོ་བཞི་འདུག་པ་བགོས་ཕུད་ཡངས་པ་བྱས་ཏེ་ཕྱེད་བགོས་གྱི་རང་ཆ་དང་། ཀླུ་ཤ་གཏམ་ཤ་མིག་བཙུགས་བཅས་དེ་མོ་དབོན་པོ་བསོད་ནམས་ནོར་བུའི་ངོ་ཆེན་དང་། རྒྱལ་སྐོར་བ་བསོད་ནམས་དབང་པོ་ཞི་དྲག་སྒྲུབ་པར་དང་དོད་བྱེེད་སེམས་རེ་བ་བཅས་ཡངས་པར་བྱས་ཤིང་འོག་མའི་ཕྱེད་ཆ་གཞུང་བླངས་ཀྱི་ཕྱེད་ཆ་དུད་ཆེ་བ་སུམ་ཅུ་དང་ཆུང་བ་ཕྲན་བུ་ཡོང་འབབ་མི་གྲ་འབྲུ་ཞིང་དང་བཅས་སྐྱེས་དམན་མ་མད་ལ་འཇགས་གནས། དར་གན་དཀའ་བཅུ་བར་བཀྲ་ཤིས་རྫོང་ཁའི་ཁང་པ། ལྕང་ར་ན་གླིང་དུད་འཛིན་བཅུ་དགུ །འབབ་ཁལ་དགུ་བརྒྱ་ཉེར་བདུན། འབྲས་ཁུད། བདེ་ཆེན་རྩེའི་ས་རིས་དང་བརྗེས་པའི་འཕར་ཆ་ཁལ་གཉིས་དང་དུད་གསུམ། ཟིང་པོ་ཁང་གསར་འོག་དུད་སྟོང་དང་བཅས་པའི་ཁང་པ། འབབ་ཁལ་ཉིས་སྟོང་ཞེ་གཅིག །དུད་འཛིན་ཉེར་གཅིག་རྣམས་རྒྱ་ནག་དབོན་པོ་དང་ཟིང་པོ་བ་སྔར་ནས་ཞེ་འགྲས་ཆེས་པས་བབས་འབྲལ་ཡོད་མདོག་མ་ཁ་རུང་རྟ་ར་ཤར་པ་བཀྲ་ཤིས་ཀྱི་ཞི་དྲག་སྒྲུབ་རྟེན་དུ་འཇགས་གནས། མཆིམས་ཕུ་གནས་འཛིན་རྙིང་པ་རྣམས་བྱེད་སྒོ་མ་ལེགས་ཀྱང་ངོ་ཡོང་གྲ་པ་བཞིར་ནམ་འཚོའི་བར་ཕོ་བྲང་ནས་མཁར་ཁལ་དྲུག་ཅུ་རེ།

[Full Size]

རྭ་སྒྲེང་མཁན་པོའི་ཚ་བོ་བླ་མ་སྐྱབས་ཀྱི་ཆོས་གྲགས་བསྟན་པར་མཁར་ཁལ་བརྒྱད། ན་ག་པཱ་ཐུར་ཐའི་ཇི། ཆིང་པཱ་ཐུར། ཕུན་ཚོགས་བཀྲ་ཤིས་རྣམས་ཀྱི་བུ་གསུམ་ལ་ཁལ་བཅུ་གསུམ་ལྷག་བཅས་རེ། ཇོ་རིག་ཐུའི་བུ་རྒྱལ་མཚན་བཀྲ་ཤིས་ལ་ཁལ་བཞི་བཅུ་རྣམས་འབྲས་སྤུངས་སུ་བསླབ་གཉེར་ལ་སྡོད་རིང་སྤྲོད་འཛིན། དཀའ་བཅུ་བློ་བཟང་ལྷུན་གྲུབ་ཁམས་ནམ་འཚོའི་བར་ལྷོ་རོང་ནས་ཁལ་བརྒྱད་རེ། སེ་ར་སྨད་གྲ་ཚང་པར་ཆུ་སྨད་པའི་གཡོག་དངོས་གྲུབ་ཚེ་རིང་གིས་བསྒྲུབ་པའི་ཞིང་གཞུང་སྐྱོང་སྟབས་སྔར་འཇགས་བབ་འབྲེལ་མ་བྱུང་ཡང་གྲ་ཚང་གཞན་དང་མ་འདྲ་གཤིས་ཇི་སྲིད་བར་འཇགས་གནས། སྣེའུ་སྡོང་བོགས་ཤས་ཀྱི་ཡོང་སྒོ་ལེན་དེབ་སེལ་ལེན་རྣམས་ནས་ནག་འཇམ་རིམ་ལུས་སུ་སོང་བ་སྡེ་པ་བློ་བཟང་སྦྱིན་པས་ཞིབ་གཅོད་མཛད་པ་ཐོ་གསར་ཐོན་གྲས་རྣམ་པར་རྒྱལ་བའི་ཕན་བདེ་ལེགས་བཤད་གླིང་མཆོད་ཡུལ་གཞན་དང་མི་འདྲ་ཞིང་ངེད་རང་གི་རིང་འཚོར་དམིགས་མཁའ་རུའི་ཁལ་ཉིས་བརྒྱ་གྱ་གསུམ་སྦྱོར་འཇགས། གཞིས་རྩེ་གསོ་རིག་སློབ་གྲར་སྨན་བླ་རྒྱུན་གཏོང་སྟེང་ཆོས་ཐོག་ཟླ་བ་བརྒྱད་པའི་ཚེས་བཅོ་ལྔ་དང་གནམ་གང་ལ་ངེད་ཀྱི་རིང་འཚོར་སྨན་བླ་ཉིན་གང་མ་བཅས་གཏོང་ཐེབས་སྔ་ཕྱི་བསྡོམས་བདེ་སྐྱིད་པ་ཅན་ཐེམ་ལྔ། དུད་སྟོངས་ཞིང་འཁྱར་བཅས་འབབ་འབྲུ་ཁལ་དྲུག་བརྒྱ་དགུ་བཅུ། དཀོན་ཅོག་རྒྱལ་པོར་སྙེ་ནང་ཚེ་རིང་དར་པོ་ཁུངས་སོན་ཁལ་ཉེར་བཞིའི་ཞིང་། སྔགས་པ་བན་གྲོང་པ་རིམ་གྲོའི་རིགས་དགོས་པར་ལྷག་བསམ་དག་པ་ཡོང་ཁྱད་ནས་ནག་གུ་བས་འཛིན་

[Full Size]

ཤུལ་དང་། གསེར་ཐོག་དགོན་བརྗེ་དགོས་ཚུལ་བྱུང་བ་བཞིན་ས་བརྗེས་དུད་འཛིན་བརྒྱད་འཐོལ་བཅས་ཁལ་བཞི་བརྒྱ་སྐོར། ཀུན་རའི་ས་འཛིན་སྔོན་མ་རྒྱང་སྔོན་སྨྱོན་པའི་སྐྱེས་དམན་ཚོང་འདུས་ཁང་གསར་པའི་བུ་མོ་བསོད་ནམས་བུ་ཁྲིད་ཁམས་བཟང་རིང་ཞིང་བརྒྱད། ཀོང་པོ་རྒྱབ་བྲག་ཆོས་རྗེའི་སྐུ་སྐྱེ་དང་། དཔོན་མོ་སོགས་ཀྱི་ཆོས་བརྒྱགས་ཞིང་ཆེ་ཆུང་ལྔ། རྣམ་སྲས་ནོར་བུ་མི་ངོ་རེས་རྒྱུན་སྡོད་ཞི་དྲག་བསྒྲུབས་ཕྱིན་རྒྱལ་རྩེ་གྲོང་མོ་ཆེ་བའི་གཞིས་ཀ་ས་རིས། འབབ་ཆིག་བརྒྱ་རེ་བརྒྱད། དགོན་པ་རྟ་མགྲིན་དང་། སྤྱི་དཔོན་འབྲུག་དར་རྒྱས་གཉིས་ཀྱིས་དམག་སྔ་ཕྱིར་ཁུར་བསམ་ཞེ་བསྐྱེད་དང་། སྤྱི་དཔོན་གྱི་ལས་འཛིན་བྱས་པར་བདག་རྐྱེན་འདི་ཡིན་མེད་པར་འགོ་པ་དཔེ་འགྲེའི་གཤོར་འདེབས་དགོས་ཟེར་བ་འགོ་པ་ལས་ཚན་བྱེད་རྒྱུ་བྱུང་བ་གཏམ་དོན་ལ་ཕན་པ་ལས་ཁེ་མེད་ཉེན་རང་ཡོད་མདོག་མ་ཁ་བས་འདིར་བརྟེན་ཞུ་རེ་མ་འོས་ཀྱང་དཔུང་འཇུག་སྔ་ཕྱིར་ཁུར་སྔ་བསམ་ཆེ་ཙམ་བྱས་གྲས་ཡིན་འདུག་པ་དང་། སླར་ཡང་བསྟན་དོན་ལ་རྒྱའི་རོགས་དང་། དགོན་པ་བའི་ཚོ་འཛིན་སོགས་ཞི་དྲག་གང་ཅིར་དོ་ཁུར་ཆེ་བ་བྱུང་ཕྱིན་རྟ་མགྲིན་ལ་འབྲུ་ཁལ་བརྒྱ་དང་། འབྲུག་དར་རྒྱས་ལ་དགུ་བཅུ་ཐམས་པ་རྣམས་སྦྱོར་འཇགས་བྱས། བརྟག་རིམ་རྩེ་ཤོད་ཐུན་མོང་དང་ལྔ་མཆོད་གླིང་མེ་ཅུང་ཟད་མ་བཞེས་པ་བཅས་པར་རིས་མེད་དགོན་ཨང་གསུམ་པ་ཡན་ལ་ཇ་སྦྱོར་བཞི། འགྱེད་ཀྱི་ཐོབ་གདུགས་ཤེར་འགྲོ་གང་ཆེ། སྡེ་པའི་རྨི་ལམ་ངན་པ་བཟློག་ཐབས་སུ་གཞིས་རྩེ་སོགས་རྫོང་གཞིས་བཅུ་བདུན་དུ་དགེ་དགོན་འབྲེལ་མཚུངས་ནས་གྲ་པ་བརྒྱ་རེ་བསྡོམས་བཀའ་གྱུར་

[Full Size]

གྱ་གསུམ། འབུམ་བརྒྱ་ང་བརྒྱད། བརྒྱད་སྟོང་པ་ཆིག་སྟོང་སུམ་བརྒྱ་ཉེར་ལྔ། ཐང་ཡིག་ཆིག་ཁྲི་ལྔ་སྟོང་རྣམས་སོང་། ཧོར་ཟླ་བཅུ་གཅིག་པའི་ཚེས་གཉིས་ནས་པོ་ཏ་ལར་གྲ་ཚང་དུ་ཨྱཻ་རིང་། འབྲས་སྤུངས་སུ་གནམ་ས་ལྟོ་དཀྲུག་དང་མཆོད་རྟེན་ཞལ་གསོ་ལེ་ཚན། དེ་བཞིན་ལོག་ཏྲིའི་ལས་སྦྱོར་ཆེན་མོ་དང་། ཀི་ཀང་མནན་པ་གྲངས་བཅད་བཙུགས། ཚེས་གསུམ་རྗེས་མར་ཐར་པ་འདས་པའི་བསྔོ་རྟེན་ཁ་བཏགས་དཀར་མཐིང་། གསེར་རྒྱ་ཐུར་གྱི་སྲང་བཅུ། གོས་རྩག་གསུམ། ལྷམ། ཨོར་བོག །སག་ཐག །གྲི། གོས་ཆོར་འདྲེས་པ་ཡུག་ལྔ་བཅུ། ཇ་ཁོར་དྲུག་བཅུ། ཏཱ་ཚཱ་ཀོ་དྲ་བཅོ་ལྔ། རྟ་སྒ་བཅས་བདུན། སྒ་མེད་རེ་གསུམ་རྣམས་བྱུང་བ་གནས་སྐབས་ལྷ་མིའི་རྟེན་བཟང་ཐོབ་པ་དང་མཐར་ཐུག་བྱང་ཆེན་ཐོབ་པའི་རྒྱུར་བསྔོ་སྨོན་གྱི་རྒྱས་འདེབས་རྣམ་དག་བྱས། ཚེས་བརྒྱད་ནས་མཇུག་རིང་འོད་དཀར་སོགས་རྟགས་ཐོག་མ་ཤར་དང་། ཞག་ཤས་ནས་ནུབ་ཏུ་བྱུང་བར་བརྟེན་རྒྱལ་ཁམས་བདེ་ཐབས་ཀྱིས་མཚོན་ཟློག་བྱེད་གསོལ་བར་ཕྲིན་གསོལ་གྱི་ཚིགས་བཅད་སྤྱན་གཟིགས་ཚོགས་འཁོར་དང་བཅས་ལ་མོར་ཆང་ཁྱིམ་པ་ངག་དབང་མཁྱེན་བརྩེ་དང་། དེ་བཞིན་བསམ་ཡས། ཐང་པོ་ཆེ། ཚོང་འདུས་རྣམས་སུ་སྒྱིད་ཐང་ནོར་བུ་བཏང་བར་ཚེར་གསེབ་ནས་རིམ་གྲོ་རེ་འབེབས་པར་མཛད། བསམ་ཡས་ནས་གནོད་སྦྱིན་ཆེན་པོས་ཤར་གྱི་དེ་མཇུག་རིང་ཡིན་ཅིང་རྒྱུ་སྐར་ནག་པས་སྐྱེ་འགྲོའི་བདེ་སྐྱིད་སྟོན་ཕྱིར་གནས་འགྱུར་བ་ཡིན་པས་འབྲས་རིན་ཅེན་སྤུངས་

[Full Size]

པའི་བདག་པོར་ངན་ཙམ་ཡིན་ཞེས་བཟློག་རིམ་གསུངས། ཚེས་བཅུ་གཅིག་ལ་ནད་བདག་སྟོབས་འཇོམས་བཀའ་ནན་རབ་བརྗིད་དང་བཅས་སྨིན་རྒྱས་བྱས། ཚེས་བཅུ་གཉིས་ནས་ཉེར་དྲུག་གི་བར་རིགས་འཛིན་ལེགས་ལྡན་རྡོ་རྗེའི་ཟབ་གཏེར་ལས་བྱུང་བའི་དྲག་པོ་དབུ་དགུའི་བསྐྱེད་རྫོགས་ཀྱི་ཉམས་ལེན་ཆིག་དྲིལ་དུ་བྱས་ཀྱང་རྟགས་ཐོན་པ་ནི་དཀའ། ཚེས་བཅོ་བརྒྱད་ལ་ཐང་སག་དགའ་ལྡན་ཆོས་འཁོར་བ་བློ་བཟང་ཡོན་ཏན་གྱིས་སྔགས་རིམ་ཆེན་མོའི་རྒྱུགས་སྤྲད། ཕུན་ཚོགས་གླིང་དུ་སྡེ་པ་སངས་རྒྱས་རྒྱ་མཚོ་དཔོན་པོའི་ཁུར་མ་བྱས་གོང་ནས་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་གསུང་འབུམ་རྣམས་པར་དུ་འཁོད་པ་བྱེད་དགོས་ཚུལ་ནན་ཅན་བྱུང་བ་ལྟར་པར་བྱང་སྤྱིར་བྱེད་རྒྱུའི་ཚིག་བཅད་བཞིན་སྔགས་རིམ་ཆེན་མོ། དར་མོ་སྨན་རམས་པས་བརྩམས་པའི་ཕྱི་རྒྱུད་ཆུ་མདོ་མན་གྱི་འགྲེལ་པ་དཀའ་གནད་རྡོ་རྗེའི་མདུད་འགྲོལ། པཎ་ཆེན་བསོད་ནམས་གྲགས་པས་མཛད་པའི་གསང་བ་འདུས་པའི་བསྐྱེད་རྫོགས་རྣམས་ཀྱི་པར་འབྱོར། ཉེར་དྲུག་གི་ལྷག་པ་ལྷ་མཚམས་ཀྱི་འགྲུབ་སྦྱོར་ཐོག་ནང་མཚམས་གྲོལ་ཏེ་སྡེ་པ་དང་དམག་ཟོར་ཚངས་དབང་ལ་ཁ་འབར་མ་དཀར་མོའི་འཆི་བླུ་དང་། སྨེ་བརྩེགས་ཀྱི་བཀྲུ་བྱབ་སྲུང་གསུམ་སྨིན་པར་བྱས། ཉེར་བདུན་ལ་སྡེ་པ་ཟངས་རི་བ་དང་དབུ་མཛད་བློ་བཟང་ཡོན་ཏན་གཉིས་སོ་སོས་སྔ་རྟིང་བྱས་ནས་བདོག་པའི་སྐྱེས་སྤམས་བསྟོད་དེ་མི་ཤིགས་རྡོ་རྗེ་ལྟར་བརྟན་ཕྱིར་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པའི་གསུང་ཆོག་རྒྱས་པར་གྱེར། དར་མོ་སྨན་རམས་པས་མང་སྐོལ་བགྱིས་དུས་ཞལ་འདོན་དུ་རིང་འཚོའི་

[Full Size]

སྨོན་ལམ། རྒྱལ་གྱི་དེ་ཝཱི་ཀོ་ཊཱིར་བསྐང་བ་འབུམ། བསིལ་བ་ཚལ་དུ་གུར་ཞལ་པུ་ཏྲ་བེག་ཙེ། མཐིལ་དུ་ཕྱག་དྲུག་པ། ལས་གཤིན། རྣམ་སྲས་གསུམ་ལ་སྟོང་། གཞན་རྣམས་ལ་བརྒྱ་ཚར་བཏང་སྐབས་ཡི་དམ་ཆོས་སྲུང་སོ་སོར་སྙན་ཤལ་ཕུལ་བའི་ཁ་བྱང་། གྲ་ཚང་གྲ་པ་སོ་སོས་བསྡུ་ཆ་བྱས་ཏེ་ཆོས་སྐྱོང་རྣམས་ལ་གཟབས་གསོལ་ཉིན་བདུན་བཏང་དུས་སྤྱི་བྱེ་བྲག་ལ་ཕུལ་བའི་འདོད་གསོལ། གནས་ཆུང་ཆོས་སྐྱོང་ཆེན་པོར་སྐུ་ཆས་ཆ་འགྲིག་སོགས་འཕྲིན་བཅོལ་རྒྱས་པར་གྲ་པ་ཡོངས་རྫོགས་བྱོན་སྐབས་སྙན་ཤལ་སྣ་ལྔར་ལས་འཆོལ་ཁ་ཡིག །དགེ་སློང་བློ་བཟང་བརྩོན་འགྲུས་ཀྱི་ངོར་ཁལ་ཁ་ཨེར་ཏེ་ནི་ཁུ་ཐུག་ཐུ་བློ་བཟང་བསྟན་འཛིན་གྱི་གསོལ་འདེབས་རྣམས་བྲིས། དཔའ་བོ་སྤྲུལ་སྐུ། ཡང་རི་བླ་གཉེར། སེ་ར་བསྟན་འཛིན་སྐུ་སྐྱེ། སྔགས་པ་ཆུ་སྤེ་སྟེང་པ། ཀོང་འབྲུག་ཆོས་སྡིངས་སྐུ་སྐྱེ། གནམ་གོང་། རྒྱང་རོ། སྒར་གྲ་ཚང་། འབྲས་རིན་ཅེན་སྒང་རྣམས་ཀྱི་བླ་མ། པར་ཞུས་པ་བློ་བརྟན་དང་སྨྲ་སེང་གཉིས། ཡིག་མཁན་པར་པ་བཅས་བཞི་བཅུ། རྟ་འབུལ་ནང་སོ། ཧན་རབ་འབྱམས་པ་སོགས་ཀྱི་ངོ་བོར་བྱིན་རླབས་དང་། བྱིངས་ལ་མེ་ཏོག་གཏོར་ནས་བློ་བཟང་མགོན་པོ་རབ་བརྟན་མ་མ་དང་བཅས་པ། དུ་རལ་གྱི་སྐུ་སྐྱེ། ལྷ་བཙུན་ནོར་བུ། བསོད་ནམས་ཧུང་ཐའི་ཇི། དཔོན་མོ། དུར་བོད་ཚེ་དབང་ཐའི་ཇི། ཨེར་ཏེ་ནི་པཱ་ཐུར་ཐའི་ཇི། བཛྲ། མ་ག་དྷ། དགའ་ལྡན་བསྟན་འཛིན་བོ་ཤོག་ཐུ་ཁང་རྣམས་ཀྱི་མི་སྣ་སོགས་དང་ཕྲད།

[Full Size]

ཕྱི་དྲོ་ཞང་སྟོན་ཀུན་འདུན་ལྷུན་གྲུབ་དང་ཆོས་རྗེ་ཀྱི་སྟོན་པར་བྱིན་རླབས་ཇ་གྲལ་ཐོག་ཆོས་ལས་བརྩམས་པའི་དྲི་བ་དྲི་བཤད་གཉིས་ཀ་དང་ཁ་ཤས་བྱུང་། ཀྱི་སྟོན་པ་ཚ་བཅས་ལ་གོས་ཕྱི་ནང་གཞུང་ཇ་ཁོར་དྲུག་སོགས་སྟེར་བྱིན་བགྱིས་ཏེ་རང་གནས་སུ་བཏེག །བསམ་ཡས། ལ་མོ། ཐང་པོ་ཆེ། ཚོང་འདུས། གནས་ཆུང་སོགས་ཆོས་སྐྱོང་ཁག་རྣམས་དང་མོ་རྩིས་བཅས་གོ་བསྟུན་བླང་ངོར་གྱི་དོན་ངེད་ཀྱི་གེགས་སེལ་དུ་ཁྲ་འབྲུག་ཏུ་བཀྲ་ཤིས་རྩེ་ཆོས་སྡེ། གོང་དཀར་དུ་ཆོས་སྡེ་བ་དང་དཀོན་གཉེར་དཔོན་སྒྲུབ་ཞག་བདུན་རེའི་གདུགས་དཀར་མདོས་ཆེན། དེ་མཚུངས་ངེས་གསང་རྡོར་གླིང་པས་མ་མོ་གླིང་བཞིའི་མདོས། གཞིས་རྩེར་ཞ་ལུ་པས་གདུགས་དཀར་མདོས་ཆེན་རྗེས་གཟའ་ཡུམ་གྱི་སྒྲུབ་པ་ཞག་བདུན། ལྷ་ས་སོགས་གནས་ཆེན། གཞིས་རྩེ་སོགས་རྫོངས་གཞིས་ཁག་བརྒྱད་དུ་འབྲེལ་མཚུངས་དགོན་གྲ་པ་བརྒྱ་རེས་རྒྱབ་ཆོས་ཀྱི་ཁྱོན་བཀའ་འགྱུར་ཚར་གཅིག །འབུམ་བརྒྱ། གདུགས་དཀར་དྲུག་ཁྲི་སུམ་སྟོང་བདུན་བརྒྱ་སུམ་ཅུ། སྒྲོལ་མ་ཉིས་འབུམ་སུམ་སྟོང་། ཤེར་སྙིང་དགུ་ཁྲི་དགུ་བརྒྱ་བརྒྱད་ཅུ། ཚེ་གཟུངས་བདུན་འབུམ་ལྔ་སྟོང་བཞི་བརྒྱ། པོ་ཏ་ལ་ཞོལ་དུ་བྱང་གླིང་པ་བཅུ་གསུམ་གྱིས་ཁྲོ་རོལ་སླང་གང་མ། བླ་མཁྱེན་ངག་དབང་དང་བོན་པོ་ཟླ་བ་ཅན་གྱིས་རྒྱལ་བཙན་མ་ཀླུ་བཞིའི་མདོས། མཚན་མ་དགྲ་ཟོར། ཤ་ཕོ་རུ་རྒྱས། སྟོང་གས྄ུམ་འཁྲུགས་པའི་ཡོ་བཅོས། གླིང་བཞི་འཁྲུགས་པའི་ཡོ་བཅོས། སྡེ་བརྒྱད་འཁྲུགས་པའི་ཡོ་བཅོས། གཟའ་ཀླུ་འཁྲུགས་པའི་ཡོ་བཅོས་རྣམས་རྒྱས་

[Full Size]

པ། ཡེར་པར་སཱཙྪ་ཁྲི། ཕ་བོང་ཁ་པས་གཏོར་མ་འབུམ་ཐེར། ལྷ་ས་ནས་གཡག་ལུག་བརྒྱའི་སྲོག་བླུས། བསངས་ཁག་བརྒྱ། སྡེ་པའི་སྐུ་རིམ་དུ་ཁྲ་འབྲུག་ཏུ་སྨིན་གྲོལ་གླིང་པས་ཀི་ཀང་གི་དགྲ་མནན། བསམ་ཡས་སུ་རྡོ་རྗེ་བྲག་པས་སྲི་རྐང་བཅུ་གསུམ་མནན་པ། བུ་ཆུར་ཐང་འབྲོག་པས་ཀྱང་གོང་མཚུངས། དཔལ་ལྷ་ལྕོག་ཏུ་རྨེ་རུ་བ་བརྒྱད་གྲ་དང་། རྒྱལ་ཁང་སོ་སོར་བསྐང་གསོ་བརྒྱ་རེ། ཞོལ་དུ་སྔགས་བོན་གྱིས་དགྲ་ལྷ་དཔངས་བསྟོད། རྒྱ་ནག་ཀེག་བཟློག །ས་བདག་འཁྲུགས་གཏོ། གྲོང་སྨད་གཞིས་ཀར་བསངས་དང་ཁྲུས་གསོལ། ལྷ་སར་ལུག་ལྔ་བཅུའི་སྲོག་བླུས། རི་འགོ་མཐོ་བ་ལྔ་བཅུར་དར་ལྕོག །ལྷ་ས་སོགས་རྫོང་གཞིས་གནས་ཆེན་དྲུག་ཏུ་དགེ་དགོན་འབྲེལ་མཚུངས་བརྒྱ་རེས་རྒྱབ་ཆོས་ཁྱོན་བརྒྱད་སྟོང་པ་སུམ་བརྒྱ། གྲ་ལྔ་ཆིག་བརྒྱ། གཟུངས་འདུས་ཕྱེད་ཉིས་བརྒྱ། ཐང་ཡིག་ཆིག་བརྒྱ་བརྒྱད་ཅུ། སྡེ་ལྔ་ཞེ་ལྔ། ཕྱོགས་བཅུ་མུན་སེལ་ཆིག་ཁྲི། སྒྲོལ་མ་ཉིས་སྟོང་བཞི་བརྒྱ། ཤེར་སྙིང་སུམ་སྟོང་ཉིས་བརྒྱ། གདུགས་དཀར་བརྒྱད་བརྒྱ། ཚེ་གཟུངས་བཞི་འབུམ། བསྟན་སྲིད་སྤྱི་རིམ་ལ་ཁྲ་འབྲུག་ཏུ་སྨིན་གྲོལ་གླིང་པས་ཁྲོ་རོལ་སླང་གང་མ་དང་ཞག་ལྔའི་བར་མ་མདོས། བསམ་ཡས་སུ་རྡོ་རྗེ་བྲག་པས་ཁྲོ་རོལ་གོང་འདྲ་དང་། སྒྲུབ་ཞག་བདུན་གྱི་འཆར་ཀའི་མདོས། ལྷོ་བྲག་ལྷ་ཁང་དུ་སྨྲ་བོ་ལྕོག་པས་ཁྲོ་རོལ་གོང་འདྲ། ཀི་ཀང་གི་དགྲ་མནན། ཀ་ཚལ་དུ་རིགས་འཛིན་དཀོན་

[Full Size]

ཅོག་ལྷུན་གྲུབ་ཀྱིས་ཁྲོ་རོལ་སླང་གང་མ་ལྟས་ངན་ཁ་བསྒྱུར་ལས་ཕྲན་དང་བཅས་པ། གྲོམ་པ་རྒྱང་དུ་ཆུ་མིག་པ། བུ་ཆུར་ཐང་འབྲོག་པ། གཙང་འགྲམ་ལྷ་ཁང་དུ་སྒྲོལ་མ་བ་གསུམ་གྱིས་ཁྲོ་རོལ་སླང་གང་མ་དང་། དམ་སྲི་མནན་པ་རེ། པྲ་དུན་རྩེར་ནུབ་དགོན་པས་ཀི་ཀང་གི་དགྲ་མནན། མཆོད་རྟེན་བརྒྱ་ལྷག་ལ་སྐུ་དཀར། སྲོང་བཙན་བང་སོར་དཔལ་རི་བ་བརྒྱད་ཀྱིས་ཞག་གསུམ་གྱི་བར་མ་ནིང་གི་བསྐང་གསོ་འགྲོ་གང་ཆེ། འཕྱོང་རྒྱས་སུ་སྐྱེས་ལྷར་གསོལ་མཆོད་བསངས་དང་བཅས་པ། གཞིས་རྩེ་སོགས་དང་འབྲེལ་བའི་གནས་ཆེན་བདུན་དུ་དགེ་དགོན་འབྲེལ་མཚུངས་ཅན་གྲ་པ་བརྒྱ་རེས་གཏོར་བཟློག་རྒྱབ་ཆོས་སུ་སྨན་བླ་བདུན་སྟོང་། དྲི་མེད་བཤགས་རྒྱུད་ཆིག་སྟོང་ཆིག་བརྒྱ་རེ་ལྔ། གདུགས་དཀར་ལྔ་བརྒྱ། ཤེར་སྙིང་བཞི་འབུམ་སུམ་ཁྲི་བདུན་སྟོང་བརྒྱད་བརྒྱ། སྒྲོལ་མ་ཉིས་འབུམ་ཆིག་ཁྲི་ལྔ་སྟོང་། བོད་ཁམས་བདེ་ཐབས་སུ་དབུས་གཙང་གི་ཚེས་བཅུ་བ་ཚང་མས་བསམ་པ་ལྷུན་གྲུབ་མ་བརྒྱ་ཚར་ལ་ཉུང་མཐའི་འགྲོ་གང་ཆེ། བརྟག་རིམ་སྡེ་པའི་གེགས་སེལ་ལ་ལྷ་སར་གསང་སྔགས་བྱང་ཆུབ་གླིང་པ་བརྒྱ། གོང་དཀར་དུ་རྡོ་རྗེ་བྲག་པ་དང་། རྒྱལ་རྩེར་ཡར་འབྲོག་སྟག་ལུང་གྲ་ཚང་ནས་ལྔ་བཅུ་རེ། ཕུང་པོ་རི་བོ་ཆེར་བྲག་ལ་བ་སུམ་ཅུ་རྣམས་ཀྱིས་ཕྱིར་བཟློག་འཁོར་ལོ་འབར་བ་ཞག་བཅོ་ལྔའི་བར་འགྲོ་གང་ཚེ། གནས་ཆུང་ཆོས་སྐྱོང་ཆེན་པོས་རྒྱ་འདྲེའི་འཚུབ་ཞི་བྱེད་ལ་བཀའ་འགྱུར་ཚར་གཅིག་རྣམས་སྤྱི་སྒེར་ཐམས་ཅད་ཀྱི་དོན་དུ་འབད་པས་བསྒྲུབས། ཉེར་བརྒྱད་ལ་སྔགས་ལྕོག་བླ་

[Full Size]

མ། རྒྱལ་ཕུར། དགེ་སློང་ཚུལ་རྒྱམ་པ། སྟག་རུ་བ་ཕ་བུ། ཚོང་འདུས་སྐུ་རྟེན་པ། ཕུག་ནས་གཞིས་རྩེའི་རྫོང་སྡོད་ལ་ཐོན་རྒྱུ་བཅས་པར་བྱིན་རླབས་དང་། ཉེར་དགུར་སྐུ་རྟེན་ཚེ་དབང་དཔལ་འབར་དང་ཕྲད། གནམ་གང་ལ་གྲ་ཚང་ནས་འཆི་བདག་བཟློག་པའི་ཆོ་ག་སྔར་བཞིན་མཛད། ཧོར་ཟླ་བཅུ་གཉིས་པའི་ཚེས་གསུམ་ལ་ཁལ་ཁ་འཇམ་དབྱངས་སྤྲུལ་པའི་སྐུའི་མི་སྣ་བི་ལིག་ཐུ་དར་ཁན་ནང་སོ། ཤི་ཏི་པཱ་ཐུར་ཧུང་ཐའི་ཇའི་མི་སྣ་འཕྱོང་རྒྱས་པ་བློ་བཟང་ཆོས་འཕེལ། པཎྜི་ཏ་ཞབས་དྲུང་གི་མི་སྣ་ཨེར་ཏེ་ནི་དར་ཁན་ཨེམ་ཆི། དར་ཁན་ཧུང་ཐའི་ཇིའི་མི་སྣ་དར་ཁན་ནང་སོ། མེར་གན་ཧུང་ཐའི་ཇིའི་ཇའི་སང་ནང་སོ། ཨེར་ཏེ་ནི་ནོ་ཡོན་ཁུ་ཐུག་ཐུའི་ཕྱག་མཛོད་དབུ་མཛད། ནོ་མོ་ཨུལ་ཆིང་གི་ཚ་བོ། དའི་ཆིང་ཆུ་ཁོར་གྱི་ཨ་ཡོ་ཁི། ཆེ་ཆེན་ཧུང་ཐའི་ཇིའི་བླ་མ། ཨེར་ཏེ་ནི་ཨེམ་ཆིའི་ནོམ་ཆི་བནྡེས། དའི་ཆིང་པཱ་ཐུར་གྱི་མེར་གན་ཆོས་རྗེ། གེ་སར་གུ་ཡང་ཇའི་སང་། བློ་བཟང་ཤེས་རབ་སོགས་ཀྱིས་ཡི་གེ་རྟེན་རྒྱ་ཆེར་འདུག་པ་བླངས་ཤིང་ངག་མ་རྣམས་ཉན། དེ་དང་མཉམ་དུ་དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་རབ་བརྟན། དུར་བོད་ཚེ་བརྟན། ཨུ་ཇོའི་ཐུ་པཱ་ཐུར་ཐའི་ཇིའི་མི་བཟང་། ཅོ་ནེ་ཤེས་རབ་བཟང་པོ། ས་དཀར་འགོ་པ་རྡོ་རྗེ་སྐྱབས་ནང་ཚང་། ཡེར་པ་བླ་ཟུར། རིན་ཅེན་རྩེ་པ་སོགས་བོད་སོག་ཁམས་པ་ཨ་མདོ་བ་མང་པོར་ཇ་གྲལ་བགྱིས། ཚེས་བཞིར་དར་ཁན་དཀའ་བཅུ་ཁུ་ཚན་གྱི་ཚོགས་ཡོན་

[Full Size]

འགྱེད་སྟེར་བྱ་གསེར་ཞོ་བརྒྱ། དངུལ་སྲང་བརྒྱ། ཇ་གོས་དར་སོགས་དགུ་ཚན་བཅུ་གཅིག་དང་བཅས་གྲ་ཚང་ནས་བྱང་གཏེར་ཚེ་དཔག་མེད་ཀྱི་དཀྱིལ་འཁོར་རྡུལ་ཚོན་དང་འབྲེལ་བར་མི་འགྱུར་བརྟན་པའི་རྟེན་འབྱུང་བསྒྲིགས་པའི་མཇུག་འཐུད་ཞོལ་ནང་ཟན་རྣམས་ཀྱིས་ཀྱང་ཚན་གྲངས་བརྐྱང་། འདི་ཉིན་ནས་ཚེས་བཅུ་བཞིའི་བར་རྟ་མགྲིན་གསང་སྒྲུབ་ཀྱི་བསྙེན་པའི་ཁ་གསོ་དང་། ཚེས་བརྒྱད་ནས་ཕུར་སྒྲུབ་ཆར་ཅན་བཙུགས། འོད་དཀར་གཉིས་མཇུག་རིང་ཡིན་མིན་དང་ས་སྤྲེ་ལོ་བྱུང་བ་དང་གཅིག་མི་གཅིག་ཅི་རིགས་སྣང་ཡང་ལྟས་དཀྱུས་མ་མིན་པ་བཅས་ངེད་རང་གིས་བརྟག་པ་ཞིབ་ཏུ་བྱས་པར་འཚུབ་ངོ་ཆེ་བ་ཤར་བའི་བཟློག་རིམ་དུ་འཕྱོང་རྒྱས་སུ་རི་བོ་བདེ་ཆེན་སོགས་ཚེ་བསྡུས་བརྒྱ་དང་བརྒྱད་ཀྱིས་ཟླ་གཅིག་བར་གདུགས་དཀར་འབུམ། ལྷ་སར་གསས་ཁང་པས་གཟུངས་འདུས་སྟོང་། པོ་ཏ་ལར་གཞིས་ཀ་ཤར་པས་ཆང་ལ་མངར་གསུམ་དང་སྤོས་སྣའི་རིགས་བཏབ་པའི་དགྲ་ལྷ་དང་ཡུལ་ལྷར་ཕུད་མཆོད། བསངས་ཁག་བཅུ་གསུམ། ལྷ་སར་ན་མཉམ་ལོ་གྲངས་ལ་སྦྱིན་པ། འཕྱོང་རྒྱས་སུ་དཔལ་རི་བས་ཁྲོ་རོལ་སླང་གང་མའི་གཏོར་བཟློག །རྒྱབ་ཆོས་གྲ་པ་སུམ་ཅུས་ཤེར་སྙིང་གང་འགྲོ། སྡེ་པའི་སྐུ་རིམ་དུའང་འཕྱོང་རྒྱས་སུ་དར་གླིང་རི་ཆོས་བསྒྲིལ་བ་བརྒྱས་ཟླ་གཅིག་བར་མཚན་བརྗོད་ས་ཡ་གཅིག་དང་ཉིས་འབུམ། ལྷ་སར་བྲག་དབར་བ་བརྒྱས་གསེར་འོད་ཆིག་སྟོང་། གཞིས་ཀ་ཤར་པའི་བདུད་མདོས། གོང་དཀར་དུ་ཆོས་སྡེ་བས་ཞག་གསུམ་བར་ཀྱེ་རྡོར་ཞི་བའི་སྦྱིན་སྲེག་འགྲོ་གང་ཆེ། གྲོང་

[Full Size]

སྨད་གཞིས་ཀར་ཕ་བོང་ཁ་པ་གྲངས་བཅད་ཀྱིས་ཆ་གསུམ་བརྒྱ། ཤེལ་བྲག་ཏུ་སྨིན་གྲོལ་གླིང་པས་ཚོགས་བརྒྱ། ན་མཉམ་རེ་གསུམ་ལ་སྦྱིན་པ། རིན་སྤུངས་སུ་ངེས་གསང་རྡོར་གླིང་པས་ཁྲོ་རོལ་སླང་གང་མ། བསྟན་སྲིད་སྤྱི་རིམ་ལ་ལྷ་ཁང་དུ་གནས་གཞི་བ། དར་མར་སྨྲ་བོ་ལྕོག་པ། འོལ་དགར་བྲག་སྣ་བ། བཀྲ་བཟང་དུ་རང་གྲ། གཞིས་རྩེར་སྒྲོལ་ཕུག་པ། ལྷ་རྩེར་ཆུ་མིག་པ་རྣམས་ཀྱིས་ཞག་བདུན་ལ་ཁྲོ་རོལ་སླང་གང་མའི་གཏོར་བཟློག །ཕོ་བྲང་དུ་བཀྲ་ཤིས་ཆོས་སྡེ་བས་གདུགས་དཀར་མདོས་ཆེན། རྒྱབ་ཆོས་དགེ་དགོན་ཚོ་བསྡུས་བརྒྱས་ཤེར་སྙིང་འགྲོ་གང་ཆེ། གོང་དཀར་དུ་སྔགས་འཆང་གནས་ཆུང་པས་ཚེ་བདག་གཏོར་བཟློག །རྒྱབ་ཆོས་ཐོད་རི་བ་སུམ་ཅུས་ཤེར་སྙིང་བདུན་ཁྲི་སུམ་སྟོང་། སྒྲོལ་མ་སུམ་སྟོང་། ཚེ་གཟུངས་དྲུག་སྟོང་། པ་ནམ་དུ་བྲག་ལ་བས་འཆར་ཀའི་མདོས་ཆེན། དགེ་དགོན་བརྒྱར་མང་ཇ་ལྔ་རེའི་ཐོག་མདོ་སྒྲུབ་འགྲོ་གང་ཆེ། བོད་ཁམས་སྤྱིའི་ནད་རིགས་བཟློག་ཐབས་སུ་དབུས་གཙང་གི་ཡུལ་གྲུ་ཆེ་ཆུང་དང་བསྟུན་བཀའ་འགྱུར། འབུམ། བརྒྱད་སྟོང་པ་གསུམ་གང་འོས་གཏོར་མ་བརྒྱ་རྩ། མ་མདོས། རྣམ་འཇོམས་དང་སྨེ་བརྩེགས་ཀྱི་ཁྲུས། དགྲ་ལྷ་དཔངས་བསྟོད། ལྷ་བསངས། ལྷ་སར་གྲ་ཚང་། གོང་དཀར་དུ་རྡོ་རྗེ་བྲག་པ། རྒྱལ་རྩེར་བྲག་ལ་བ། ངམ་རིང་དུ་བཀྲ་བཟང་པ་རྣམས་ཀྱིས་ནད་བདག་སྟོབས་འཇོམས། མངའ་རིས་ཕྱོགས་ཀྱི་ཇུས་རིམ་ལ་སེར་འབྲས་དགེ་གསུམ་གྱིས་གཙོས་དབུས་

[Full Size]

གཙང་གི་དགེ་དགོན་བརྒྱ་དང་སོ་བརྒྱད་ལ་མང་ཇ་སྦྱོར་སྦྲེལ་ཐོག་གདུགས་ཤེར་འགྲོ་གང་ཆེ། གཞིས་རྩེར་འུག་པ་ལུང་པས་མགོན་པོ་གཡུལ་བཟློག །བརྟག་པ་དང་ཀེག་མྱུལ་གོ་བསྟུན་ངེད་ཀྱི་གེགས་སེལ་ལ་ཕོ་བྲང་དུ་བཀྲ་ཤིས་ཆོས་སྡེ་བ་སུམ་ཅུས་ཞག་བཅོ་ལྔར་རྣམ་རྒྱལ་སྟོང་མཆོད། གོང་དཀར་དུ་ཆོས་སྡེ་བ་སུམ་ཅུས་ཚེ་དཔག་མེད་ཀྱི་སྒྲུབ་མཆོད་འཆི་བླུ་དང་བཅས་པ་ཞག་བཅོ་ལྔ། གཙུག་ཏོར་རྣམ་རྒྱལ་གྱི་གཟུངས་བཞི་བརྒྱ་ལྔ་བཅུ། སྒྲོལ་ཤེར་ཆིག་སྟོང་སུམ་བརྒྱ་རེ། གྲ་པ་ལྔས་ཞི་བའི་སྦྱིན་སྲེག །སྨིན་གྲོལ་གླིང་པས་གཏེར་གསར་དང་། འཕྱོང་རྒྱས་སུ་དཔལ་རི་བས་རིགས་འཛིན་སྲོག་སྒྲུབ་ཀྱི་ཚེ་ཆོག་ཞག་བཅུ་རེ། ཡེར་པར་སཱཙྪ་ཆིག་འབུམ་ཆིག་ཁྲི། ཕ་བོང་ཁར་གཏོར་མ་འབུམ་ཐེར། མཁར་རྩེར་ཐང་སག་པས་འབུམ་བརྒྱ། ལྷ་སར་ཐང་སག་པས་ཚེ་མདོ་སོགས་ཆོས་ཚན་བཅུ་བདུན་བརྒྱ་རེ། མཆོད་རྟེན་ཉི་ཤུར་སྐུ་དཀར། བྱ་ཁྱི་བྱིས་པ་མང་པོར་སྟོན་མོ། གཡག་ཉིས་བརྒྱའི་སྲོག་བླུས། ནད་པ་ཉམ་ཐག་པ་ཉི་ཤུར་ཟས་གོས་སྨན་སྦྱིན། བཙོན་དོང་ཐར་བཅུ་དྲུག །སེར་འབྲས་སུ་མང་ཇ་གསུམ་རེའི་ཐོག་ཚེ་གཟུངས་ས་ཡ་གཅིག །སྡེ་པའི་སྐུ་རིམ་ལ་སེར་འབྲས་གཉིས་སུ་མང་ཇ་གསུམ་རེར་ཚེ་གཟུངས། ཕོ་བྲང་དུ་བཀྲ་ཤིས་ཆོས་སྡེ་བས་རྣམ་རྒྱལ་སྟོང་མཆོད་སོགས་ཚེ་ཆོག་ཁག་བཞི། ཞི་བའི་སྦྱིན་སྲེག །ཡེར་པར་སཱཙྪ་དང་། མཆོད་རྟེན་སྐུ་དཀར་གོང་མཚུངས། ལྷ་སར་གཡག་ལུག་བརྒྱའི་སྲོག་བླུས། བཙོན་དོང་ཐར་གསུམ། གོང་དཀར་དུ་ཐོད་རི་བཤད་སྒྲུབ་གླིང་པས་འབུམ་རེ་བརྒྱད། གདུགས་དཀར་ཆིག་སྟོང་ལྔ་བརྒྱ། ཚེ་

[Full Size]

གཟུངས་ཆིག་ཁྲི་ལྔ་བརྒྱ། སྒྲོལ་མ་ཆིག་ཁྲི་བདུན་བརྒྱ། ཤེར་སྙིང་དྲུག་སྟོང་། ལྷ་སར་གསས་ཁང་པས་སྤྲིན་ཆེན་མོ། ཁྱེའུ་ཆུ་འབེབས། དཔང་སྐོང་ཕྱག་བརྒྱ་པ། ཀླུ་འབུམ། གནམ་ལྕགས་མཆུ་རྣམས་ལྔ་བཅུ་རེ། ཚངས་པ་དུང་ཐོད་ཅན་གྱི་ལུང་བསྟན་བཞིན་ངེད་ཀྱི་རིམ་གྲོར་པོ་ཏ་ལ། གཞིས་རྩེ་སོགས་རྫོང་གཞིས་ཉི་ཤུར་དགེ་དགོན་ཚོ་བསྡུས་འབྲེལ་མཚུངས་ནས་རྫོང་འགོ་ཆེ་བར་གྲ་པ་བཞི་བརྒྱ་ལྔ་བཅུ། ཆུང་བར་བརྒྱ་རེ་བཅས་པས་བཀའ་འགྱུར་བཞི་བརྒྱ། ལྟུང་བཤགས་སུམ་སྟོང་། མཚན་བརྗོད་དྲུག་སྟོང་། གདུགས་དཀར་བཞི་ཁྲི་བརྒྱད་སྟོང་། ཤེར་སྙིང་སུམ་འབུམ་བརྒྱད་ཁྲི་དགུ་སྟོང་ཆིག་བརྒྱ། སྒྲོལ་མ་བཞི་འབུམ་དྲུག་ཁྲི་ཉིས་སྟོང་། ཚེ་གཟུངས་ས་ཡ་གཅིག་དང་བཞི་ཁྲི་དགུ་སྟོང་བཞི་བརྒྱ། ཡེར་པ་བས་སྨན་བླ་སྟོང་། སྡེ་པའི་སྐུ་རིམ་ལ་རྒྱལ་རྩེ་སོགས་རྫོང་འགོ་བཅུ་གཅིག་ཏུ་དགེ་དགོན་ཚོ་བསྡུས་གྲ་པ་བརྒྱ་ལྷག་རེས་བཀའ་འགྱུར་ཉིས་བརྒྱ། ཡེར་པ་བས་གཟུངས་འདུས་དང་གསེར་འོད་བརྒྱ་རེ། ལ་མོ་དང་གནས་ཆུང་གི་ལུང་བསྟན་ལྟར་རྩེ་ཤོད་ཐུན་མོང་ལ་རྒྱལ་དུ་ལྷ་མོར་བསྐང་བ་འབུམ། བེག་ཙེར་ཁྲི། ཕྱག་དྲུག་པ། ལས་གཤིན། རྣམ་སྲས། གུར་ཞལ། པུ་ཏྲར་སྟོང་རེ། གཞན་རྣམས་ལ་བརྒྱ་རེ། བསམ་ཡས། ཁྲ་འབྲུག །ཡུམ་བུ་གསུམ་དུ་གསེར་ཆབ་སྙན་ཤལ། ཟན་གཡང་དུ་རབ་བྱུང་པས་དྲི་མེད་བཤགས་རྒྱུད་ཆིག་སྟོང་། ལྷ་སར་ཆོས་སྡེ་བས་གདུགས་དཀར་མདོས་ཆེན། དྲུག་ཅུ་པའི་གཏོར་བཟློག་

[Full Size]

བརྒྱ་བཞི་དང་ཁ་འབར་མ་ཉིན་རེ། ལྷ་ས་རུ་བཞི། ར་མོ་ཆེ། སླེ་མ་གུང་གསེབ་བཅས་པ་དུད་སོ་དྲུག་རེར་ཧུ་ཇ་ཁོར་དྲུག་རེ། ཁྲལ་མེད་དྲུག་ཅུ་རེར་ཁོར་དྲུག་རེའི་སྒོ་འགྱེད། སྡེ་པའི་སྐུ་རིམ་ལ་སེར་འབྲས་གཉིས་སུ་ཇ་བརྒྱད་རེར་ཤེར་སྙིང་དགུ་བཟློག་འགྲོ་གང་ཆེ། འཕྱོང་རྒྱས་སོགས་ཀྱི་རྟགས་ངན་བཟློག་ཐབས་ལ་གོང་དཀར་དུ་སྔགས་པ་གནས་ཆུང་པ་དང་རྒྱ་མདར་གནམ་གོང་པ་གཉིས་ཀྱིས་ཁྲོ་རོལ་སླང་གང་མའི་གཏོར་བཟློག །འཕྱོང་རྒྱས་སུ་བཀྲ་ཤིས་ཆོས་སྡེ་བས་གདུགས་དཀར་མདོས་ཆེན། རྒྱབ་ཆོས་ཁག་རྣམས་ཀྱིས་ཤེར་སྙིང་འགྲོ་གང་ཆེ་འབད་དེ་བསྟར། ཚེས་བཅུ་གསུམ་ལ་གངས་ཅན་འཛིན་མའི་རྒྱན་གཅིག་དཔལ་གསང་བ་ཐམས་ཅད་འདུས་པའི་དགེ་འདུན་དཀོན་ཅོག་རྒྱུད་སྟོད་སྨད་སོ་སོ་ནས་ཚན་གྲངས་སྔོན་འགྲོའི་སྲ་འཁྲེགས་རྡོ་རྗེ་ལྟར་བརྟན་པའི་བདེན་ཚིག་འབྲས་བུ་གཡུར་དུ་ཟ། སྨད་པའི་སྡེབས་སུ་བཀྲ་ཤིས་ཆོས་སྡེ་བའི་ཚན་གྲངས་འདེགས་མི་དང་། སྟོད་པའི་རྗེས་སུ་ཐར་པའི་བསྔོ་རྟེན་བསྐྱར་མ་བཏེག་ནས་མི་ངོ་དང་ཇའི་སང་ཡང་ཡོད། ཐར་པའི་སྤུན། དཔོན་མོ་བཅས་ཐོན་པར་བྱིན་རྟེན་སྣམ་ཕྲུག་སོགས་སྟེར་བྱིན་བཀའ་བསྒོ་བགྱིས་ཤིང་། དཔོན་མོ་དགེ་ཚུལ་མ་དང་། ཇའི་སང་བདུན་དགེ་བསྙེན་དུ་བསྒྲུབས། མེ་ལོང་དགོན་བླ་མ། སྙེ་ནང་ཤོ་པ་ཇོ་རྫོང་པ། ཕུན་གླིང་པར་ཞུས་པར་པ་དང་བཅས་པ། དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་སོགས་ལ་གང་འཚམ་རྫོང་བདའ་ལན་ཡི་གེ་རྟེན་སྒྲགས་ངག་མ་དང་བཅས་ཐོན། ཚེས་བཅོ་ལྔར་གྲོང་སྨད་དཔོན་ས་བུ་ཁྲིད་རྒྱལ་མོ། བཅོ་བརྒྱད་ཆོས་ཀྱི་རྗེ། སེམས་དཔའ་

[Full Size]

ཆེན་པོ་རྣམས་ལ་བྱིན་རླབས་ཇ་གྲལ་ཀྱི་རྗེས་ནས་ཉེར་བརྒྱད་བར་ཕྱི་ནང་གསང་བའི་གདོན་བགེགས་ལ་དམིགས་ཨར་བཏད་དང་བཟློག་པར་བརྩོན་པར་བགྱིས། ཉེར་གཉིས་ལ་རྒྱལ་རྩེ་སྔགས་འཆང་བགྲད་པ་འཇམ་དཔལ་རྟ་མགྲིན་གྱིས་ལྕགས་སྡིག་བཀའ་འགྱེད་གསེར་གྱི་ལྡེ་མིག་སོགས་ཚེ་བདག་གི་ཡིག་ཆ་བརྒྱད་ཅུ་སྐོར་གྱི་རྒྱུགས་སྤྲད། ཉེར་གསུམ་ནས་ཚེ་བདག་སྒྲུབ་མཆོད་སྔར་རྒྱུན་བཞིན་བཙུགས། ཉེར་བརྒྱད་ལ་ཕྱི་མཚམས་གྲོལ་ཏེ་འ་ཞ་མཁྱེན་རབ་རྣམ་རྒྱལ། མགྲོན་གཉེར་རྡོར་ལེགས་གཉིས་དང་ཕྲད། གྲ་ཚང་གི་རྩ་བ་གསུམ་སྤྱི་བྱེ་བྲག་གི་རྟག་གཏོར། རྒྱུན་གཏོར། དུས་གཏོར། མངོན་རྟོགས་བསྐང་བསྟོད། ཕྱི་ནང་གསང་མཆོད་སོགས་རྒྱུན་གྱི་རྣལ་འབྱོར་ལ་དགོས་པའི་བཟོ་རྒྱན་གྱི་ཚད། དགོས་ཆ་རྣམས་ཀྱི་ལག་དེབ། བླ་མ་ཡི་དམ་ཆོས་སྲུང་གི་གདངས་དབྱངས་གའུ་ལེའི་འགོ་བརྗོད། ས་དཀར་འགོ་པ་རྡོ་རྗེ་སྐྱབས་ཀྱིས་གནས་ཆུང་ཆོས་སྐྱོང་ཆེན་པོར་འབུལ་རྒྱུའི་སྙན་དར་ཁ་བྱང་། ངག་དབང་ཀུན་དགས་འདྲ་འབག་བཞེངས་པའི་རྒྱབ་ཡིག །སྡེ་པ་སྲི་གཅོད་འབུམ་སྐོར་དུས་མཚལ་གུང་གི་ལྷ་ཁང་ཚོ་དང་། ཚེས་གཅིག་སྲིད་གསུམ་དབང་མོ་མཆོད་དུས་ཀྱི་སྙན་ཤལ་འདོད་གསོལ། སྐྱོར་ལུང་ཕུག་ཁང་བླ་མ་ཚུལ་ཁྲིམས་ཀྱི་ངོར་རིང་འཚོའི་སྨོན་ལམ་རྣམས་བརྩམས། ཉེར་དགུར་སྨན་ཐང་པ་མགོན་པོ་ཚེ་རིང་དང་། ངག་དབང་བཟོད་པ་གཉིས་ལ་བྱིན་རླབས་བྱས། གནམ་གང་གི་དགོང་གཏོར་མ་བྱིན་རླབས་ལ་ཚོགས་སུ་ཕྱིན། འཛོ་སྒང་གསང་སྔགས་གླིང་དང་། སྤོམ་
གཏའ་གསང་སྔགས་བདེ་ཆེན་བཅས་དགོན་ཁག་གཉིས་ཀྱི་གྲ་པ་རེར་ལོ་འཁོར་གྱི་ཕོགས་ནས་ཁལ་བཞི་དང་ལུག་ཤ་ལྔ་གླིང་རེ་ལས་མི་འདུག་པའི་རྒྱུ་མཚན་བྱུང་བ་གཏོང་གཞི་རྙིང་པའི་ཐོག་འདི་ལོ་ནས་བཟུང་ཇི་སྲིད་བར་དགོན་པ་ཡས་མས་སོ་སོར་ཡ་ཇུ་ཁོར་དྲུག་མ་ལྔ་རེ་དང་མར་ཁལ་རེ་གསུམ། ཚ་ཁལ་བཞི་རེ། ཐུག་ཐལ་ཁལ་སུམ་ཅུ་རེ། ལུག་ཁོག་བརྒྱད་རེ། ལྔ་མཆོད་ཀྱི་གླིང་མེའི་མར་ཁལ་ལྔ་རེ། སྡོང་རས་སྤེན་ཏོག་ཕྱེད་བཅས་འཕར་བའི་གཏོང་དེབ་བཟོས་ན་ཞེས་སྡེ་པས་ཟེར་བར་མཐུན་འགྱུར་བགྱིས། །

དགུང་ལོ་རེ་ལྔ་པར་ལྷ་རྩེ་ཆོས་སྡེ་དང་། དགའ་ལྡན་བདུད་འཇོམས་གླིང་། མཚོ་སྣ་དགའ་ལྡན་འགྲོ་དོན་གླིང་སོགས་ཆོས་སྡེ་མང་པོ་གསར་འཛུགས་མཛད་སྐོར།

[Full Size]

བློ་ངན་ཞེས་པ་ལྕགས་བྱ་གནམ་ལོ་གསར་དུ་ཚེས་པའི་སྲིད་གསུམ་བདག་མོ་མཆོད་པ་དངོས་བཤམས་ཡིད་སྤྲུལ་རྒྱས་པར་སྤྲོས། དགའ་སྟོན་ཉིན་དང་པོར་བསྟན་འཛིན་ད་ལའི་རྒྱལ་པོ་སོགས་བྱང་པ་སྦྱིན་བདག །ཁལ་ཁ་གཡོན་རུའི་མི་སྣ། རྟ་ཚག་རྗེ་དྲུང་སོགས་གཉུག་མར་གནས་པའི་དྲུང་འཁོར། ཆོས་སྡེ་ཆེན་པོ་གཉིས་ཀྱི་སློབ་དཔོན་ཁྲི་གདན་ཟུར། དབུ་ཆོས་སོགས་ལས་སྣེ་བ། དབོན་ཆོས་མཛད། གནས་ཆུང་སྐུ་རྟེན་པ། རྩེ་ཚོགས་མཁན་ཟུར། སྣེའུ་སྡོང་། ས་སྐྱ་གོང་འོག་སོགས་ཕྱོགས་ཐམས་ཅད་ནས་ལོ་གསར་སྐྱེེས་སྤྲོོ་མི་བཅས་པར་བསྙེན་བཀུར། གྲལ་འཕྲོས་རོལ་གར་སུམ་རྩེན་གནས་ལ་ཅོ་འདྲི་བའི་དགའ་སྟོན་གྱི་མཇུག་ཀུན་དགའ་རབ་བརྟན་སོགས་དབོན་མོ་ཚོར་ཇ་གྲལ། དམངས་སྟོང་ཕྲག་སྐོར་ལ་མེ་ཏོག་གཏོར། དགའ་སྟོན་ཉིན་གཉིས་པར་བསྟན་འཛིན་ད་ལའི་རྒྱལ་པོ་སོགས་སྦྱིན་བདག །གྲ་ཚང་ཡོངས་རྫོགས། རིན་ཅེན་རྒྱན་ཆ་བ་སུམ་ཅུ། བཀྲ་ཤིས་རྫས་

[Full Size]

རྟགས། རིན་ཆེན་བདུན། མཆོད་སྤྲིན་རྣམ་བརྒྱད། གྲལ་འཕྲོས། རོལ་གར་སོགས་སྔར་རྒྱུན་བཞིན་བསྟར། ངེད་རང་གི་བསམ་ངོ་དང་བྱ་བྱེད་གང་གི་སར་ཡང་སློབ་དཔོན་སངས་རྒྱས་གཉིས་པ་སོགས་རྩ་བ་གསུམ་གྱི་ལུང་བསྟན་རྣམས་ནས་བསྟན་འགྲོར་གནོད་བྱེད་ཆོས་གོས་འོག་ནས་དུག་མདའ་འཕེན་པའི་ཚུལ་འཆོས་མཁན་གྱི་གྲལ་དུ་ཚུད་པ་རང་ནི་མིན་ནམ་སྙམ་ཡོད། འོན་ཀྱང་དེ་དག་ནས་བཟང་པོར་བསྟན་པའི་ཁྲོད་ན་ཡོད་སྙམ་པ་ནི་རྨི་ལམ་དུའང་མེད་ཀྱང་རཏྣའི་གཏེར་ལུང་སོགས་གཏེར་རྙིང་ནས་ཁ་ཤས་བྱུང་བ་མཆོག་དམན་བར་མ་སོགས་མང་པོས་ངོས་འཛིན་བྱེད་པར་སྣང་། གཏེར་གསར་ཐུགས་ཐིག་ལུང་བསྟན་གབ་སྦས་ཡེ་ཤེས་སྒྲོན་མེར། དུས་དེར་བདག་དང་ལས་ལྡན་རྗེ་འབངས་རྣམས༔ སྨོན་ལམ་ལྷན་ཅིག་བཏབ་པའི་མཐུ་བཙན་པས༔ བོད་འབངས་གངས་རིའི་ཁྲོད་དུ་འཛོམ་པར་འགྱུར༔ ཁྱད་པར་གཡུ་རུ་གྲ་ཞེས་བྱ་བའི་ཕུར༔ ད་ལྟའི་ལོ་ཙཱ་བཻ་རོ་ཙ་ན་ཡི༔ སྐུ་ཡི་སྤྲུལ་པ་ལས་ལྡན་སྙིང་གི་བུ༔ ཞེས་པ་ནས་ཆོས་བདག་ལྔའི་ནང་ཚན་དང་། ལུང་བསྟན་རབ་གསལ་མེ་ལོང་ལས། དེ་ཚེ་སྐྱོང་བྱེད་མཚོ་ཡི་མིང་འཛིན་དང་༔ ཐུགས་རྗེའི་ཟེར་ལྡན་ཤར་ཕྱོགས་ཟབ་གཏེར་བདག༔ བར་ཆད་མ་སོང་རྟེན་འབྲེལ་འགྲིག་པ་ན༔ བོད་ཡུལ་འགྲོ་རྣམས་སྤྲིན་དབར་ཉི་བཞིན་བདེ༔ ཞེས་པ་དང་བློན་པོ་ཐང་ཡིག་ཏུ་འཕྲིན་ལས་སྤྲུལ་པ་ཟུར་ཙམ་བསྟན་པ་ཡིན་ནོ་སོགས་མང་པོའི་རྒྱུ་མཚན་བྱུང་ཡང་བསྟན་འགྲོའི་ཕན་བདེ་སྤེལ་བའི་ལྷག་

[Full Size]

བསམ་ཡོད་པར་བསྙད་འདྲ་ཞིང་། དེ་ལྟར་ན་ཡོལ་མོ་བའི་ཟབ་གཏེར་དུ་འཇམ་དབྱངས་དང་འདིར་ཐུགས་རྗེ་ཆེན་པོ་བྱུང་བ་བཀའ་གདམས་གླེགས་བམ་ལེའུ་དགུ་པར་མཁན་བརྒྱུད་བྱང་ཆུབ་སེམས་དཔའ་དེ་རྣམས་ནི་ང་ཁོ་ན་ཡིན་གྱི་གཞན་དུ་མ་སེམས་ཤིག །ཅེས་པ་མཐུན་ནམ། གཞན་ཡང་། ཤ་འུག་ལུང་བསྟན་དུས་གསུམ་གསལ་བྱེད་ལས། མངའ་བདག་ཉིད་ཀྱི་སྨོན་ལམ་མཐུ་བཙན་པས༔ སྤྱན་རས་གཟིགས་སྤྲུལ་བྱང་སེམས་བཟང་པོའི་མིང་༔ རྟ་སྦྲུལ་ལོ་པ་འབྲེལ་ཚད་དོན་ལྡན་འབྱུང་༔ སྐལ་ལྡན་ཆོས་བདག་དེ་ལ་གཏད་རྒྱ་གྱིས༔ ཞེས་དང་། མུ་ཁྲིའི་སྤྲུལ་པ་བློ་ཆེན་བཟང་པོའི་ཚུལ༔ བུདྡྷའི་མིང་ཅན་ཁྲིམས་ཀྱི་ཁ་ལོ་འཛིན༔ ཞེས་དུས་འཛོམ་པ་དང་། དེ་ཉིད་ལས། པུར་རྒྱལ་ས་ཡི་མེ་ལོང་དབུས༔ ལས་ཅན་འདི་ཡི་རྟེན་འབྲེལ་མཐུས༔ སྤྲིན་མཐོང་ཉི་བཞིན་རེ་ཞིག་བདེ༔ ཁྱད་པར་གདུག་པ་སྤྲེའུའི་ལོར༔ བར་ཆད་བདུད་ཀྱི་གཡོ་ཐབས་ཀྱིས༔ ཕྱི་བཤོལ་ལེ་ལོར་མ་སོང་བར༔ ཟབ་མོའི་གཏེར་འདི་ཐོན་པ་ན༔ མཐའ་དམག་དུས་ཀྱི་འཁྲུགས་པ་ཞི༔ རྒྱལ་བློན་ཆབ་སྲིད་མངའ་ཐང་རྒྱས༔ འཕུང་བྱེད་འགོང་པོའི་གཉའ་གནོན་བྱེད༔ བདེ་སྐྱིད་དཔལ་དང་བཀྲ་ཤིས་ཤིང་༔ བོད་ཀྱི་འགྲོ་བ་བསོད་ནམས་ཆེ༔ ཨ་ལ་ལ་སྟེ་སྐལ་བ་བཟང་༔ ཞེས་རྟེན་འབྲེལ་བསྒྲིག་པའི་གནད་ཀྱིས་འདི་ཉིད་དགའ་ལྡན་བསྟན་འཛིན་བོ་ཤོག་ཐུ་ཁང་གིས་མགོ་དཀར་གྱི་ཡུལ་གྲུ་རྣམས་རང་ཞབས་སུ་བསྡུས་ཏེ་ཡེར་ཁེན་གྱིས་གཙོས་གྲོང་ཁྱེར་ཕྱེད་ཉིས་སྟོང་། མི་ཁྱིམ་ས་ཡ་

[Full Size]

གཉིས་བཅས་སྟེར་བྱིན་བྱེད་པར་བློ་བཟང་ཤེས་རབ་ཅན་གྱིས་སྔོན་ཆིང་གིར་གྱི་དུས་འོག་ཏུ་ཚུད་པ་ཙམ་ནས་ད་ལྟའི་བར་རྒྱལ་པོ་སུས་ཀྱང་ལུང་མ་སོང་བ་ད་ལམ་ཚེམས་མེད་ཀྱིས་དབང་དུ་བསྡུས་པ་འཕངས་པ་མེད་པར་འབུལ་ཞེས་དྲིལ་བསྒྲགས་ཐོ་གཏད་པ་སྟོབས་ཀྱི་འཁོར་ལོས་སྒྱུར་བ་ལས་འཕྲོས་ཏེ་བསྔགས་བརྗོད་ཀྱི་སྒོ་ཕྱེ་ནས་ལེགས་སོའི་ལན་བཏབ། མཆོད་ཡོན་གསུམ་ནས་མི་སྣར་སྤ་དར་བཏགས། རྟ་ཚག་རྗེ་དྲུང་རིན་པོ་ཆེ། སྟར་སྡོང་པ། སྒྱིད་ཐང་ནོར་བུ་བཅས་པས་ལེགས་བྱའི་སྐྱེས་རིང་པོར་སྤེལ། སྟོན་མོ་གྲོལ་ནས་ཕོ་བྲང་ཆེན་པོའི་རྩེ་ཤོད་ལྷ་ས་སོགས་ནས་དར་འཕྱར་གྱི་ལྡ་ལྡི་ཕྱོགས་ཀུན་གཡོ་ཞིང་རོལ་ཆ་གནམ་ས་འགུལ་བ་ཙམ་དུ་བསྒྲགས། འདི་ལྟ་བུ་མི་འཕྲོག་པའི་དད་པ་བརྟན་པོས་འདི་ཕྱིའི་དོན་དུ་རང་ལ་ཚམ་ཚོམ་མེད་པར་སྟེར་བ་བཀའ་བསྟན་རྣམས་ནས་སྤངས་རྟོགས་ཀྱི་ཡོན་ཏན་མངའ་བ་བསོད་ནམས་གསོག་པའི་ཞིང་བླ་ན་མེད་པ་དང་དེར་མ་ཟད་ངེས་འབྱུང་ཀུན་བླངས་ཀྱིས་སྡོམ་པ་དང་ལྡན་པ་ལའང་བཀུར་འོས་པ། མདོ་རྩར། མྱ་ངན་ལས་འདས་པའི་བསམ་པས་རབ་ཏུ་བྱུང་བ་ཚུལ་ཁྲིམས་དང་ལྡན་པ་ལ་ནི་གོས་སྟོང་ཕྲག་བརྒྱ་པ་དང་། ཟས་རོ་མཆོག་བརྒྱ་པ་དང་། ཁང་པ་བརྩེགས་པ་ལྔ་བརྒྱ་པ་ཡང་འོས་སོ། །ཞེས་བཤད་པ་རང་ངོས་ནས་ཁྲིམས་ཉིས་བརྒྱ་ལྔ་བཅུ་རྩ་གསུམ་སོགས་སོ་ཐར་བྱང་སེམས་གསང་སྔགས་ཀྱི་སྡོམ་པ་རྣམས་ལ་མཉམ་མེད་དཱི་པཾ་ཀ་རས། སོ་སོར་ཐར་པའི་ཉེས་པས་གཏན་ནས་མ་གོས་པ་བྱར་རུང་། བྱང་ཆུབ་སེམས་དཔའི་བསླབ་

[Full Size]

པར་ཉེས་པ་ཅོ་ལེ་ཙམ་གྱིས་གོས། གསང་སྔགས་ཀྱི་དམ་ཚིག་ལ་ཉེས་པ་ཅ་ལེ་ཉ་རེ་བརྒྱབ་སྟེ་ཉེས་པ་དང་ཞག་ཏུ་འགྲོགས་མ་མྱོང་གསུང་བ་སྐྱེས་ཆེན་དམ་པའི་རྣམ་ཐར་ཚད་བཟུང་དང་བྲལ་བས་དེ་ལྟ་ག་ལ་ཞིག །འོན་ཀྱང་བྱ་སྤྱོད་ཐམས་ཅད་ཀྱི་སར་ངོ་ལྐོག་མེད་པ་ཟླ་བོ་རྣམས་ལ་རྒྱུས་ཡོད་པ་ལྟར་ད་ལམ་ཡང་རྩོལ་བར་མ་བལྟོས་པའི་རྙེད་པ་ཆེ། ལས་དཀར་ནག་གི་རྒྱུ་འབྲས་ཅུང་ཟད་ཀྱང་མི་འཆོལ་བ། མདོར། ལུས་ཅན་དག་གི་ལས་རྣམས་ནི། ། བསྐལ་པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབ་པ་ན། །འབྲས་བུ་ཉིད་དུ་སྨིན་པར་འགྱུར། ། ཞེས་པ་དང་། དཔལ་ལྡན་ཟླ་བས། སྦྱིན་པས་ལོངས་སྤྱོད་ཁྲིམས་ཀྱིས་བདེ་ཞེས་པའི་དོན་ཐོག་ཏུ་བབ་ན་བློ་བདེ་རུང་སླར་འཇལ་དགོས་རང་ནི་མིན་ལས་ཆེ་སྙམ་འཕྱང་མོ་ཉུག་ཏུ་མཆིས། ཚད་ལྡན་རང་ཞིག་གི་བློ་རྩེ་གཏོད་པ་ནི། ཇོ་བོ་བཀའ་གདམས་པ་རྣམས། ཆོས་ཚུགས་གཏམ་ལ་མ་སྐུར། །ལོངས་སྤྱོད་ལོག་འཚོས་མ་སྒྲུབ། །བསྙེན་པ་འདྲེར་མི་བསྐྱེལ། །ཏིང་འཛིན་ཙབ་མོས་མི་འཚོལ། །ཤོར་རྒྱལ་མཛའ་བོར་མི་གཏོང་། །ཟས་ཕྱིར་གཏམ་མི་འཚོལ། །ནོར་ཕྱིར་ཆོས་མི་གཏོང་། །མི་ནུས་པའི་ཡས་བབ་མི་བྱེད། ། ནུས་བཞིན་དུ་གཞན་དོན་མི་སྤོང་། །ཆོས་ཀྱིས་གཏམ་མི་ཉོ། ཟེར་བ་ལག་ལེན་ལ་བཏབ་ན་འཕྲལ་ཡུན་གྱི་ལེགས་ཚོགས་ལགས་ཀྱང་རང་གཞན་ཀུན་བྱེད་པར་མི་གདའ། ཚེས་གསུམ་ལ་ཞ་ལུ་དང་མང་ར་མཁན་པོ། བན་གྲོང་པ་ཕ་བུ། སྨོན་ལམ་ཆེན་མོའི་མཆོད་དབྱངས་པ། ཞ་ལུ་མཁན་ཟུར།

[Full Size]

ལྷུན་གྲུབ་རྩེ་པ། བཅོ་བརྒྱད་ཆོས་རྗེའི་མགྲོན་གཉེར་སོགས་ལ་ཇ་གྲལ་དང་ངག་དབང་བཟོད་པས་རིང་འཚོའི་ཚན་གྲངས་ཚིགས་བཅད་ཀྱང་བཏོན། འགའ་རུ་དཀའ་བཅུ་འཇིག་རྟེན་ཕ་རོལ་དུ་སོང་བའི་བསྔོ་རྟེན་ཚ་བོས་གོས་ཡུག །ཏཱ་ཚཱ་དྲུག་ཇ་བརྒྱད། ཁོར་དྲུག་གཉིས། རྟ་བཞི་བཅས་བྱུང་བ་མི་བཟད་པའི་དུ༔ཁ་ལས་གྲོལ་ཞིང་བྱང་ཆེན་ཐོབ་པའི་བསྔོ་བ་སྨོན་ལམ་གྱིས་རྒྱས་བཏབ། ཚེས་བཞིར་དགའ་ལྡན་ཁྲི་རིན་པོ་ཆེ། རྩེ་གདོང་ཕྱག་མཛོད། དཔོན་ཚེ་རིང་གི་བུ། འབྲས་སྤུངས་དགེ་སྐོས་སོགས་དང་མཇལ་ཞིང་ཕྲད། ཚེས་ལྔར་དགའ་ལྡན་བསྟན་འཛིན་བོ་ཤོག་ཐུ་ཁང་གིས་ཚོགས་འཁོར་རྒྱས་པར་བཤམས་ཤིང་མགོ་དཀར་གྱི་ཞྭ་གསེར་རྐྱང་ལས་གྲུབ་པ་རྡོ་རྗེ་ཕ་ལམ། ཨིནྡྲ་ནཱི་ལ། མརྒད། པདྨ་རཱ་ག །མུ་ཏིག །སུ་གནྟི་སོགས་ཕྲ་རེ་རེ་ལའང་གསེར་ཞོ་བརྒྱ་ཕྲག་དུ་མ་རི་བའི་རིན་པོ་ཆེའི་རྒྱན་གྱིས་སྤྲས་པ་མང་པོ། གསེར་དངུལ། སྟོད་ཧོར་གྱི་དངོས་དཔྱད་དངོམ་ཆེ་བ་གཙོ་གྱུར་གྱི་གོས་ཕྱི་ནང་སོགས་སྤམས་ཤིན་ཏུ་མཐོ་བ། གྲ་པ་རེར་ཁ་བཏགས་གསེར་པར་མ་རེ། གསེར་ཞོ་ལའང་སེ་བ་ཉེར་བརྒྱད་ཙམ་ལ་བཏགས་པ་རེ། སྨན་ཙེ་ཡུག་རེའི་ཡོན་སྦྱར་གྲ་ཚང་ནས་འཆི་མེད་འོད་སྣང་གི་རྡུལ་ཚོན་དང་འབྲེལ་བར་མི་ཤིགས་རྡོ་རྗེ་ལྟར་བརྟན་པའི་རྟེན་འབྱུང་གི་སྒོ་འཕར་ཕྱེ། དབུ་མཛད། མཆོད་དཔོན། དགེ་སློང་འཇམ་དབྱངས་གྲགས་པ། དར་མོ་སྨན་རམས་པ། དཔལ་གྲོང་སྔགས་རམས་པ། གྲ་ཚང་གཉེར་པ་རྣམས་ཀྱིས་ཚན་གྲངས་དང་གྲ་པ་སོ་

[Full Size]

སོས་ཀྱང་རྩེ་ཤོད་དུ་འདོམ་འཁོར་མ་རེའི་ལེགས་བྱ་བྱུང་། ཚེས་དྲུག་ལ་དགའ་ལྡན་བསྟན་འཛིན་བོ་ཤོག་ཐུ་རྒྱལ་པོས་དངོས་གཞི་ཉིན་དང་པོ་ལྟར་ལ་གསེར་ཞོའི་ཚབ་ཁ་བཏགས་རེ་སྟེ་གསུམ་ཚན་དང་བཅས་རིང་འཚོའི་ཆོ་ག་མཛད་པའི་མུ་མཐུད་སྟག་རུ་བ། དར་རྒྱས་བཀྲ་ཤིས། དར་ཁན་དཀའ་བཅུ། རིན་ཅེན་རྩེ་པ། བྱང་ངོས་པ། རྟ་ར་མདོ་པ། དར་བྱུང་པ། ཆང་ཁྱིམ་པ། བསྟན་འཇིན་དབང་པོ་སོགས་ཀྱིས་ལེགས་བྱ་བསྟབ། ཚེས་བདུན་ཆད་པའི་བརྒྱད་ལའང་དགའ་ལྡན་བསྟན་འཛིན་བོ་ཤོག་ཐུ་ཁང་གིས་ཚོགས་འཁོར་སོགས་ཉིན་གཉིས་པ་དང་མཐུན་པའི་སྟེར་བྱ་ཡོན་འདྲ་བའི་ཡུན་འཚོའི་བདེན་བརྗོད་རྒྱས་པའི་རྗེས་འཕྱོས་པ་སྐུ་སྐྱེ། མཁར་ལྡན་པ། རག་པ། བྱང་གླིང་པ། ཟུར་ཁང་པ། ཀ་བརྒྱད་སྨད་པ་རྣམས་ཀྱིས་ལེགས་བྱ་བསྟར། ཚེས་དགུར་ཆོས་སྡེ་ཆེན་པོ་དཔལ་ལྡན་འབྲས་སྤུངས་པའི་སློབ་དཔོན་ཁྲི་གདན་ཟུར། དགེ་སྐོས། སྤྱི་གཉེར་སོགས་ཀྱི་ལེགས་བྱ་བླངས་ཤིང་སྨོན་ལམ་ཆེན་མོ་འདི་ཆོས་ཀྱི་རྒྱལ་པོ་བཙོང་ཁ་པ་ཆེན་པོས་བསྟན་འགྲོའི་བདེ་སྐྱིད་སླད་བརྗོད་བྲལ་གྱི་མཛད་པ་འདིར་གཙོ་བོར་གྲ་ས་ཕན་ཚུན་གཉིས་ཐུགས་མཐུན་མི་མཐུན་ཀྱང་ཕལ་ཆེར་དགེ་སྐོས་ཀྱི་བྱེད་ལས་ཀྱི་རྗེས་སུ་འགྲོ་ལྡོག་བྱེད་པ་ཡིན་པས་ཉེ་སྙོམས་ཤིང་ཚ་གྲང་རན་པར་བརྟེན་བསྙེན་བཀུར་བའི་རྒྱུའང་འབྲས་བུ་བཟང་པོར་སྨིན་པ་དང་ལྷག་པར་རྗེ་རིན་པོ་ཆེའི་དགོངས་པ་རྫོགས་ཚུལ་ལས་འཕྲོས་པའི་བསླབ་བྱ་བགྱིས། ལོ་སྔོན་མ་ཟླ་བ་བཅུ་གཉིས་པའི་ཚེས་གསུམ་ལ་སྟག་རྩེ་ས་སྐྱོང་རྡོ་རྗེ་རྣམ་རྒྱལ་མཁན་ཚང་པ་བཅས་པར་སྤྱིར་དུས་ངན་སྙིགས་

[Full Size]

མ་ལྔ་བདོ་བ་དང་ལྷག་པར་རྒྱུ་སྐར་འོད་ཅན་ཤར་བའི་སྐབས་གཞལ་ཡས་ཁང་གི་གནམ་ལྷ་བྱང་ཆུབ་ཀྱི་ཚུལ་འཛིན་འདིའི་ལུས་ལ་འཇོལ་བེར་ནག་པོ་དང་། རྒྱ་ཞྭ་ནག་པོ་ཞིག་གྱོན་དགོས་ཡོད་དེ་དེ་བཞིན་མི་འགབ་འདུག་པས་ལོ་གསར་ལྷ་ཚེས་གསུམ་ནས་གནམ་ལྷ་བྱང་ཆུབ་ཀྱི་ཚུལ་འདིའི་ལུས་ལ་རྒྱ་གོས་དཀར་པོ་ཞིག་དང་། རྒྱ་ཞྭ་དཀར་པོ་གྱོན་ཆོག་པ་ལྷ་བདག་གིས་བཟོ་བའི་དོ་དམ་གྱིས་གསུངས་ཟེར་བའི་གནས་ཚུལ་སྡེ་པ་ཐའི་ཇིས་བྱུང་བ་དང་། གསུང་བ་བཞིན་བཟོས་ནས་གྱོན་པ་དེ་ལ་དགོས་པ་གང་ཡིན་གྱི་ལན་དགོས་ཚུལ་ཞུས་པར་གནོད་སྦྱིན་ཆེན་པོས་ཆས་འདི་སྟག་ཡོས་ཙམ་ནས་དགོས་པ་ཡོད་དེ་ལྷོ་ཕྱོགས་མཚོན་ཆའི་བཀོད་པ་སོགས་ཀྱིས་རིམ་འགྱངས་སུ་སོང་། ད་ཆ་སྒོ་གསུམ་དམ་ལ་འདོགས་ཚུལ་སོགས་མང་ཙམ་དང་། ཁྱད་པར་མདོ་སྡེ་ལོ་གསར་གཉིས་ལ་མ་གཏོགས་མི་ཡོང་། གལ་ཏེ་འབོད་པར་ཤར་ན་ང་དཀྱུས་མའི་རིགས་ཀྱིས་མི་འབོད། དགེ་བཤེས་མཁས་བཙུན་དང་གཟུགས་ཅན་བཙན་པོ་རྣམས་ཀྱིས་ཀྱང་འབོད་ཚེ་རྒྱ་ཇ་ཀོ་བ་མ་ཉམས་པ་དང་། དེ་རྒྱབ་མར་སོགས་དགོས་ཚུལ་གསུངས་ཤིང་། ལྷ་ཚེས་གསུམ་གྱི་ཉིན་སྔོན་ལ་གནམ་ལྷ་བྱང་ཆུབ་ཀྱི་སྐུ་རྟེན་པར་སྐུ་ཕེབས་ཡོང་རྒྱུ་བོས་ཚར་བ་གྱིས་གསུང་བ་ལྟར་བུད་མེད་ལ་ཕབ་གྲུབ་པར་ཆས་གོས་རྣམས་བསྒྱུར་ཟིན་ཐོག་དོན་དམ་ངེས་པའི་གནམ་ལྷ་བྱང་ཆུབ་ནི་གཟུགས་སྐུ་ཆོས་དབྱིངས་སུ་ཐིམ་ནས་མེད། ཀུན་རྫོབ་བཅོས་མའི་གནམ་ལྷ་བྱང་ཆུབ་ཀྱི་ཚུལ་འཛིན་དེ་ནི་ད་ནས་ཁོག་ལ་ཡོང་རྒྱུ་མེད། ད་ལམ་ཁོག་ལ་ཡོང་བ་འདིའི་ཕ་ནི་ལྷ་བུ་ཚངས་

[Full Size]

པ་དཀར་པོ་ཡིན། མ་ནི་སྲིན་མོ་ནག་མོ་ཡིན། བུ་ནི་དགེ་བསྙེན་དཀར་པོ་ཡིན་པས་སེམས་ཅན་ཀུན་ལ་གནོད་འཚེ་དང་། གདུག་རྩུ་བ་ཤིན་ཏུ་ཆེ་བ་ཞིག་ཡོང་རྒྱུ་ཡིན། མདོ་སྡེ་ལོ་གསར་གཉིས་ལས་སྔར་ལུགས་བཞིན་སྣང་བར་གང་ཤར་གྱིས་བོས་ཡོང་ཆོག་རྒྱུ་མིན། མིང་ལའང་དགེ་བསྙེན་དཀར་པོ་ལས་གཟུགས་ཅན་གཟུགས་མེད་ཀུན་གྱིས་གནམ་ལྷ་བྱང་ཆུབ་དང་ཆོས་རྒྱལ་ཆེན་པོ་སོགས་ཟེར་དབང་ཡོང་གིན་མིན། ཞེས་སོགས་གསུངས་ཚུལ་གྱི་སླར་ཡང་ཐའི་ཇིའི་ཡི་གེ་འབྱོར། དེ་དག་ལ་མཆོག་དམན་བར་མ་ཀུན་ཡིད་གཉིས་སུ་གྱུར་ཅིང་། མ་ནས་ཕལ་ཆེར་ཆོས་སྐྱོང་ཆེན་པོར་ཕྲག་དོག་གིས་ཕེབས་ས་མེད་པ་དང་། ལ་ལ་གཞུང་ལ་ཅུང་ཟད་འཁངས་ཏེ་རྟེན་འབྲེལ་སློག་ཐབས་ཡིན་འདྲ་སོགས་བརྗོད་རིགས་སྣ་ཚོགས་བྱུང་བ་དང་། སྣེའུ་སྡོང་རྩེ་ནས་སྡེ་པ་བློ་བཟང་སྦྱིན་པས་ཆོས་སྐྱོང་རང་ལ་དྲི་བ་དང་། གཞན་ཡང་ལྷོ་རྒྱུད་ཀྱི་ལྷ་འདྲེ་ཕལ་མོ་ཆེར་དྲི་བ་རེ་མཛད་འདུག་ཀྱང་འདི་ཡིན་གྱི་གསལ་ཆ་མ་བྱུང་བར་སྣང་། གནས་ཆུང་ཆོས་སྐྱོང་ཆེན་པོ་དང་ཚངས་པ་དུང་ཐོད་ཅན་ལ་སྡེ་པས་དྲི་བ་མཛད་པར་གཉིས་ཀ་མཐུན་པར་གཟུགས་མེད་དེ་གར་དྲི་བ་གྱིས་དང་གསལ་ཡོང་གསུངས་འདུག །དེ་སྐོར་ལ་སྡེ་པས་ངེད་ལའང་བརྟག་པ་དགོས་ཟེར་བ་ལྷ་འདྲེའི་བརྟག་པ་འདི་འཁྲུགས་པའི་གསལ་དཀའ་གཤིས་མ་བྱས། དེ་ལྟར་པེ་ཀར་ཆོས་དབྱིངས་སུ་ཐིམ་ནས་ཚབ་མ་བྱུང་ན་རྒྱལ་པོའི་སྐྱེ་རྒྱུས་སོགས་གཏེར་ཁ་རེ་མང་ན་བཞུགས་པར་དེ་བཞིན་འབྱུང་འགྱུར་གྱི་གསལ་ཁ་མི་སྣང་། དེ་བདེན་ན་དཔལ་འཛིན་སོགས་ཀྱིས་མ་དྲེགས་དྲག་གསུམ་བོད་མར་སྨྲ་བའི་གྲོགས་སུ་སོང་བ་

[Full Size]

དང་། མངའ་རིས་པཎ་ཆེན་སྐུ་མཆེད་སོགས་སྔ་འགྱུར་བ་ཕལ་ཆེར་ངེས་ངོར་བདེ་གཤེགས་རིགས་ལྔ་ལ་རྣམ་པ་གདུལ་བྱ་གདུག་པ་ཅན་འདུལ་བའི་ཕྱིར་འཇིག་རྟེན་དྲེགས་པའི་ཚུལ་བཟུང་བར་བཤད་པས་ན་གདུལ་བྱ་མ་རྫོགས་བར་ཡལ་བ་ག་ལ་སྲིད་ལྟ་བུའི་བློར་ཆུད་དཀའ་བའི་མི་སྲིད་པ་དང་། ཡང་ཆོས་དབང་རིན་པོ་ཆེའི་གཏེར་བྱོན་མཁའ་རིའི་ཞུས་ལན་སོགས་ཀྱི་དབང་དུ་བཏང་ན། ཁྱོད་དང་གང་བཟང་དཔལ་དང་གསུམ༔ ལོ་ནི་ད་དུང་བརྒྱད་བརྒྱ་ཐུབ༔ དེ་ནས་ཟངས་མདོག་དཔལ་རིའི་རྩེར༔ སྲིན་ཕྲུག་གསུམ་དུ་སྐྱེས་ནས་བྱང་ཆུབ་ཐོབ༔ ཡང་ཕྱི་རི་བོ་པོ་ཏ་ལར༔ བྱང་ཆུབ་ཐོབ་པར་གདོན་མི་ཟ༔ སོགས་དང་མཚུངས་པར་ངོ་བོ་རིགས་ལྔའང་སྣང་ངོར་སྤྲུལ་པའི་རིགས་སུ་འབྱོན་པ་དང་འདྲ་བར་ཡལ་བ་སོགས་མེད་པའི་ངེས་པའང་མེད་ཙམ་ཨེ་ཡིན་སྙམ་པའི་ཐེ་ཚོམ་གྱི་དྲ་བར་ཆུད་ཅིང་གང་ལྟར་དཔྱད་དཀའ་བའི་དུས་རྟགས་ཁྱད་པར་ཅན་ཞིག་ཡིན་པར་སེམས། ཚེས་བཅུར་བྱམས་པ་སྐལ་བཟང་སྨོན་ལམ་གྲལ་སྐོར་བྱེད་པའི་སྔོན་འགྲོར་གྲ་ཚང་གི་འདོན་ཆ་ཡོངས་རྫོགས་ཀྱི་རྒྱུགས་སྤྲད། ཚེས་བཅུ་གཅིག་ལ་ཞ་ལུ་མཁན་ཆེན་འཇམ་དབྱངས་བསྟན་འཛིན་གྱིས་བདོག་པའི་སྐྱེས་འགྱེད་དང་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པའི་མཇུག་སྡེ་པ་དང་དམག་ཟོར་ཚངས་དབང་ལ་ཆུ་བཟློག །བྱད་འགྲོལ། བཀྲུ་བྱབ་སྲུང་གསུམ་བྱས། ཚེས་བཅུ་གཉིས་ལ་ཕ་བོང་ཁ་གདན་ས་པའི་ལེགས་བྱ་བཏེག །ཚེས་བཅུ་བཞིར་བཅོ་བརྒྱད་པ་དང་། བྱང་རྩེ་ཆོས་རྗེ། ཁྲི་རིན་པོ་ཆེའི་དབོན་སོགས་གདན་ས་རི་བོ་དགའ་ལྡན་གྱི་སློབ་དཔོན། སྐུ་སྐྱེ། ལས་

[Full Size]

སྣེ་བ། སྐམ་དགོན་བླ་མ། རྡོ་རྗེ་བྲག་ཕྱག་མཛོད། གསང་སྔགས་བྱང་ཆུབ་གླིང་བཅས་པས་ལེགས་བྱ་བྱུང་། ཚེས་བཅོ་ལྔར་དགེ་སློང་དཔལ་འབྱོར་རྒྱ་མཚོས་དགེ་སྐོས་འཇོག་ལ་དངུལ་སྲང་བཅུ་བཞིའི་པད་སྡེར། རྗེ་བཙུན་བཙོང་ཁ་པ་དང་འདྲ་འབག་གི་རྒྱབ་ཡིག །རྒྱུད་སྡེ་རྒྱ་མཚོའི་མངའ་བདག་བཅོ་བརྒྱད་ཆོས་རྗེས་བསྐུལ་མ་མཛད་དེ་དབུས་གཙང་གི་གྲུབ་མཐའ་རིས་མེད་ཐམས་ཅད་ཀྱི་ངག་འདོན་རིང་འཚོ། སྒམ་པོ་སྤྲུལ་སྐུའི་གསུང་བཞིན་རྩེ་ཤོད་ཐུན་མོང་བའི་རིང་འཚོའི་མཇུག་སྐྱེ་བར་རྗེས་འཛིན་གྱི་སྨོན་ལམ་གསུང་བ་རང་གར་འགྲོ་མེད་པར་གཞན་དོན་དཀའ་ནའང་སྙན་ངག་ཤེས་པ་རྒྱུ་མཚན་དུ་བྱས་པ། རྡོ་རྗེ་བྲག་སྤྲུལ་སྐུ་རིན་པོ་ཆེས་ལེགས་བྱར་ཚིགས་སུ་བཅད་པའི་ཆབ་ཤོག་ལན་སྙན་ཚིག་གི་ལམ་ནས་དྲངས་པ། གཞིས་ཀ་བ་བློ་བཟང་ཆོས་ལྡན་གྱི་ངོར་རིང་འཚོ། བློ་བཟང་ཐོགས་མེད་ཀྱིས་སྔགས་རམས་པ་བྱས་དུས་གྲ་ཚང་དུ་ཉེར་གསུམ་གྱི་དངུལ་ཀོང་ཕུལ་བའི་ཁ་བྱང་རྣམས་བཀོད། ཚེས་བཅུ་དགུར་སྡེ་པ་བློ་བཟང་སྦྱིན་པས་སྨོན་གྲུབ་པ་རིན་ཅེན་བཀྲ་ཤིས་བཏང་སྟེ་ལེགས་བྱ་རྒྱས་པར་བྱུང་། དེ་བཞིན་བདེ་ཆེན་ཐའི་ཇི་སྐུ་མཆེད། སྟག་རྩེའི་ཚབ་མ། རྨེ་རུ་བླ་མ། ལྷ་སའི་སྐུ་གཉེར་སྤྱི་བསྡུས། འབྲས་སྤུངས་ཧ་སྡོང་དགེ་རྒན། རྒྱལ་གཉེར་པ། པད་རྡོར་སོགས་ཀྱི་ལེགས་བྱ་དང་། རྒྱལ་ཕུར། ཀོང་དགའ་ཆགས་པ། རྟུལ་མི། རྒྱལ་རྩེ་གསེར་ཁང་གོང་། ཁམས་པ་རྫོགས་ཆེན་པདྨ་རིགས་འཛིན། ཉང་པོ་ཆོས་རྗེ་སོགས་ལ་ཇ་གྲལ་བགྱིས། ཚེས་ཉི་ཤུར་རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་སྤྱི་སྒེར་གྱི་གོས་སྣ་ཚང་ཞིང་དངོས་པོའི་སྟེར་བྱིན་བཟང་པོ་ཚོགས་འཁོར་རྒྱ་ཆེ་བ་དང་བཅས་ཚེ་ཆོག་རྡུལ་ཚོན་དང་འབྲེལ་

[Full Size]

བའི་སྔོན་འགྲོ་མཁའ་འགྲོ་བསུན་བཟློག་སོང་ནས་རིང་འཚོ་མཛད་མུར་སྡེ་པ་ཟངས་རི་བའི་ལེགས་བྱ་བསྟར། ཉེར་གསུམ་ནས་ཆོག་གྲ་བཞི་བཙུགས་ཤིང་མཚལ་ཞབས་དྲུང་གྲགས་པ། ལྕམ་ཨ་སྙིང་། གཏེར་སྟོན་རིན་པོ་ཆེའི་གཅུང་ཀུན་དགའ་ཚུལ་ཁྲིམས། མངའ་དྭགས་རི་བོ་ཆོས་གླིང་རྣམས་ཀྱི་གཉེར་པ། མདོ་མཁར་ཆོས་སྡེའི་བླ་མ། རྒྱལ་སྲས་ཤེར་འཕེལ་བ་རྣམས་ཀྱི་ལེགས་བྱ་བརྐྱང་། དཔལ་ལྡན་ལྷ་མོའི་མདོས་ཀྱི་མཆོད་པར་སྙན་ཤལ་སྣ་ལྔ་འདོད་གསོལ་དང་བཅས་ཕུལ་ཞིང་བསྐང་བ་ཆིག་འབུམ་ཆིག་ཁྲི་དགུ་སྟོང་། ལྷ་ས་སྨོན་ལམ་ཆེན་མོར་གྲ་པ་རེར་དངུལ་ཞོ་རེའི་རྩིས་ཀྱི་རུང་མཐུན་གྱི་གོས་སོགས་སྤོང་དག །དེ་བཞིན་ཞོ་རེའི་མུ་ཏིག །ཡང་ཞོ་རེའི་རྟ་གོས་དར་སོགས་ཀྱི་འགྱེད་ཕུལ་ནས་ཚོགས་བསགས། ཆོས་སྐྱོང་དང་མི་རྩིས་སོགས་གོ་བསྟུན་ངེད་ཀྱི་རིམ་གྲོར་གཞིས་རྩེ་དང་པ་ནམ་སོགས་རྫོང་གཞིས་བཅོ་ལྔར་དགེ་དགོན་ཚོ་བསྡུས་འབྲེལ་མཚུངས་རྫོང་འགོ་ཆེ་བར་གྲ་པ་སུམ་བརྒྱ་རེ་དང་། ཆུང་བར་བརྒྱ་རེ་བཅས་བསྡོམས་བཀའ་འགྱུར་ཉིས་བརྒྱ། འབུམ་དྲུག་བརྒྱ་ཞེ་དྲུག །བཟང་སྤྱོད་དང་མཚན་བརྗོད་ཆིག་འབུམ་རེ། གདུགས་དཀར་ཆིག་ཁྲི་དྲུག་བརྒྱ། ཤེར་སྙིང་ཆིག་འབུམ་ཆིག་ཁྲི་ཆིག་སྟོང་བརྒྱད་བརྒྱ་དགུ་བཅུ། སྒྲོལ་མ་ཆིག་འབུམ་བཞི་སྟོང་བདུན་བརྒྱ་ལྔ་བཅུ། ཚེ་གཟུངས་ལྔ་ཁྲི་བརྒྱད་སྟོང་དགུ་བརྒྱ། རྒྱལ་དུ་དམག་ཟོར་མར་བསྐང་བ་ཁྲི། ཆོས་སྐྱོང་གཞན་རྣམས་ལ་སྟོང་རེ། ལུག་ཉིས་བརྒྱ་དང་ཉ་འབུམ་གྱི་སྲོག་བླུས། སྡེ་པའི་སྐུ་རིམ་ལ་རིན་སྤུངས་སོགས་རྫོང་གཞིས་དྲུག་ཏུ་དགོན་འབྲེལ་མཚུངས་གྲ་྄པ་བརྒྱ་ལྷག་རེ་བསྡོམས་བཀའ་འགྱུར་བརྒྱ། བསྐལ་བཟང་། བརྒྱད་སྟོང་པ། གསེར་

[Full Size]

འོད། ཐང་ཡིག་རྣམས་ཆིག་སྟོང་རེ། མཚན་བརྗོད་སུམ་སྟོང་། གདུགས་དཀར་དགུ་སྟོང་། ཤེར་སྙིང་བརྒྱད་ཁྲི་བདུན་སྟོང་། སྒྲོལ་མ་བདུན་ཁྲི་ལྔ་སྟོང་། ཚེ་གཟུངས་ཉིས་འབུམ་ལྔ་ཁྲི་ཉིས་སྟོང་། ལྷ་ས། བསམ་ཡས། ཡུམ་བུ། ཁྲ་འབྲུག་བཅས་པར་བཞི་གྲ་རེས་ཁྲུས་གསོལ། གསེར་ཆབ། སྙན་དར། མཆོད་པ་སྣ་ལྔ་བརྒྱ་རེ། ལུག་བརྒྱ་དང་ཉ་འབུམ་གྱི་སྲོག་བླུས། ལག་གི་ནད་རོར་དམིགས་བྱབ་ཁྲུས་དང་གདོན་འགྲོལ་ངེད་ཀྱིས་བྱས། གྲོང་སྨད་དུ་ཕ་བོང་ཁ་པས་ལན་ཆགས་གཏོར་མ་འབུམ། ལྷ་སར་གྲ་ཚང་ནས་གྲངས་བཅད་ཀྱིས་རྒྱལ་པོ་རྩེ་མདོས་དང་གོང་དཀར་དཀོན་གཉེར་དཔོན་གྱིས་གདུགས་དཀར་མདོས་འདི་ལོ་ནས་སྟར་ཆགས་ཀྱི་རྒྱུན་བཙུགས། རྒྱབ་ཆོས་སུ་སེ་རར་གདུགས་དཀར་འབུམ་ཐེར་ལྷག་བཅས། འབྲས་སྤྲུངས་སུ་ལྟུང་བཤགས་ཆིག་འབུམ། རྩེ་ཤོད་ཐུན་མོང་གིས་མལ་དྲོ་གཟི་ཆེན་གྱི་འགྲམ་བཞི་གྲས་ཀླུ་དབང་རྒྱལ་པོའི་བསྒོམ་བཟླས་དང་འབྲེལ་བའི་གཟུངས་འབུམ། གྲ་པ་གཉིས་ཀྱིས་ཀླུ་འབུམ། ཀླུ་གཏོར། གཟུངས་འདུས་བཏོན། བོན་པོས་ཀླུ་རྟེན་འཛུགས་པ་དང་། གཏད་རུལ། ཀླུ་བཅོས་ཀྱི་རིགས་མང་དུ་བྱས། སེར་འབྲས་གཉིས་དང་དགེ་དགོན་བཅུ་ནས་བཀའ་འགྱུར་ཉིས་བརྒྱ། བརྒྱད་སྟོང་པ། བསྐལ་བཟང་རེ། གདུགས་དཀར་ཆིག་ཁྲི་ཉིས་སྟོང་། སྒྲོལ་མ་བརྒྱད་ཁྲི་བཞི་སྟོང་། ཤེར་སྙིང་སུམ་འབུམ་བཞི་ཁྲི་ལྔ་སྟོང་། ལོ་མ་གྱོན་མའི་གཟུངས་དྲུག་འབུམ། མངའ་རིགས་ཀྱི་ཇུས་རིམ་ལ་གཞིས་རྩེར་འུག་པ་ལུང་པ་དང་། གོང་དཀར་དུ་རྡོ་རྗེ་བྲག་པས་མགོན་པོ་གཡུལ་བཟློག །པ་ནམ་དུ་བྲག་ལ་བ་དང་། རིན་སྤུངས་སུ་ངེས་གསང་

[Full Size]

རྡོར་གླིང་པས་འཆར་ཀའི་མདོས། ཕོ་བྲང་དུ་དཔལ་རི་བ་དང་གོང་དཀར་དུ་རྡོ་རྗེ་བྲག་པས་བསྟན་མའི་མདོས། རྒྱབ་ཆོས་སུ་སྒྲོལ་ཤེར། གསང་ཕུར་དབྱར་ཆོས་ཐོག་མང་ཇ་ལྔ། དགེ་དགོན་ལྔ་བཅུར་བཤད་གྲ་རྣམས་ཀྱིས་མང་ཇ་སྦྱོར་སྦྲེལ་ཐོག་མདོ་སྒྲུབ། སྔགས་པ་རྣམས་ཀྱིས་ཇ་ལྔར་གཏོར་བཟློག །རྒྱལ་དགའ་ཚལ་དུ་གྲྭ་པ་བཅོ་ལྔས་ཞག་བདུན་བེག་ཙེ་དང་། མགོན་ཁང་བར་དུ་རེ་མ་ཏཱིར་གྲ་ཞག་གོང་འདྲའི་བསྐང་མཇུག་སོ་སོར་གཏོར་འཕེན། ཤིང་གཅོད་ཚན་ཆེས་པའི་ཉེས་སེལ་དུ་སྐྱིད་ཤོད། འཕན་ཡུལ། སྙེ་གཡག །ལྷོ་ཁ་བཅས་པའི་རྫོང་གཞིས་ནས་ཡུལ་ལྷ། གཞིས་བདག་ལ་བསངས། བརྒྱགས་རྔན། ཀླུ་གནས་གྲགས་ཆེ་ས་དང་ཤིང་ཕོན་ཆེན་བཅད་སར་ཀླུ་གཏོར། ཆབ་གཏོར། རྣམ་འཇོམས་དང་སྨེ་བརྩེགས་ཀྱི་བུམ་ཁྲུས། སྔགས་བོན་སུ་རིགས་ཀྱིས་ཀླུ་དང་ས་བདག །རྒྱལ་བཙན་མ་མོ་རྣམས་ཀྱི་མདོས། བུམ་གཏེར་སྦ་བ་བཅས་ཐབས་བཅོས་སྨིན་རྒྱས་བགྱིས། ཉེར་བཞིར་སྤོས་ཁང་མཁན་པོ། །མཚལ་ཡང་དགོན་བླ་གཉེར། དབུས་གླིང་གཉེར་པ། བཀྲ་ཤིས་ལྗོངས་ཆོས་རྗེ། རག་པ། སྦྱར་ར་བ་སོགས་ཀྱི་ལེགས་བྱ་འདུག །སྒོམ་བདེ་བློ་བཟང་བསམ་གྲུབ་དང་། ཅོ་ནེའི་མི་སྣ་དང་ཕྲད། ཉེར་དགུར་བཀྲ་ཤིས་པཱ་ཐུར་ཐའི་ཇི། གཡོན་རུ་སྐུ་སྐྱེ། ལྷུན་རྩེ་འགྲམ་སྐུད་གྲྭ་ཚང་བླ་མར་འགྲོ་མི་རབ་འབྱམས་པ་བསྟན་པ་རིན་ཅེན་སོགས་ལ་བྱིན་རླབས་དང་། གུང་ཐང་ཆོས་ཁྲི། གཟིམས་ཁང་ཤར། ཉི་ཐང་། རྣམ་རྒྱལ་གསེར་ཁང་རྣམས་ཀྱི་བླ་གཉེར། ལ་མོ་སྐུ་རྟེན་པ། ཚག་གུར་

[Full Size]

པ། ལྷ་སའི་གཉེར་པ་གསུམ་དང་བཅས་པའི་ལེགས་བྱ་བླངས། གནམ་གང་ལ་སྒོམ་བདེ་ལྷོ་པ་བླ་མ། ཤ་གཟུག་བླ་མ་སྤུན། སྐྱོར་ལུང་ཕུག་ཁང་བླ་མ་སོགས་ཀྱིས་ལེགས་བྱ་བྱུང་། ལྷོ་པ་བླ་མས་སྐུ་གསུང་ཐུགས་རྟེན། རྟ་ལྔ་བཅུ། གསེར་དངུལ་ཇ་རས་སོགས་སྟེར་བྱིན་དང་རིགས་ལྔར་བརྟེན་པའི་ཡུན་གནས་ཀྱི་བདེན་པ་བརྗོད། ཡེར་པ་བླ་སྤྱི། གོང་དཀར་དཀོན་གཉེར་དཔོན། སེ་ར་ཧ་སྡོང་དགེ་རྒན། ཡར་འབྲོག་ལྷུན་པོ་རྫོང་པ་དང་ཆུ་ཤུར་བླ་མའི་ངོ་ཚབ་རྣམས་ཀྱིས་ལེགས་བྱ་བསྟར། ཧོར་ཟླ་གཉིས་པའི་ཚེས་བཞི་ནས་གྲ་ཚང་དུ་ཨྱཻ་རིང་བཙུགས་པར་བྱེ་བ་གཅིག་སུམ་ཁྲི་ཉིས་སྟོང་ལྔ་བརྒྱ། དྲག་སྔགས་སོ་དྲུག་པ་བྱེ་བ་གཅིག་དང་ཆིག་འབུམ་དྲུག་ཁྲི་ཉིས་སྟོང་བདུན་བརྒྱ་སོང་། ཚེས་བཅུར་ནང་པ་ལོ་པའི་དཀར་དྲོ་བཏེག །ཚེས་བཅུ་གཅིག་ལ་གླིང་སྟོད་སྐུ་སྐྱེ་ངག་དབང་གཞོན་ནུས་ཚེས་བདུན་ནས་འདི་ཉིན་བར་རྩ་བཤད་ཕྱི་གསུམ་གྱི་རྒྱུགས་བྱུང་། ཀླུ་དབང་རྒྱལ་པོའི་སྒྲུབ་ཐབས། ལྷ་བཟོ་བ་ཆོས་སྐྱོང་གིས་དཔལ་ལྷའི་དོན་དུ་གནས་བཅུ་དང་བྱམས་པའི་བརྒྱ་ཐང་རྒྱབ་ཡིག །འཇིགས་བྱེད་སྒྲུབ་ཐབས་བཀླགས་ཆོག་མ། མཆོད་དཔོན་པས་གྲ་ཚང་། འབྲས་སྤུངས། རི་བོ་ཆོས་གླིང་གསུམ་དུ་འཛུགས་རྒྱུར་རིང་འཚོ། ཁྲི་ལྕམ་དངོས་གྲུབ་དཔལ་འཛོམ་གྱི་ངོར་ཆོས་རྒྱལ་གཏེར་བདག་གླིང་པའི་གསོལ་འདེབས། འཕྱོས་པ་སྐུ་སྐྱེས་བསྐུལ་བའི་སྙན་དར་ཁ་བྱང་རྣམས་བྲིས། ཨྱོན་གླིང་པའི་བཀའ་ཐང་ལས། ཆོས་ལོག་ཁྲིམས་རལ་དམ་ཉམས་ལུང་པ་གང་ཿ ལྷ་མིའི་གནས་སུ་གཏམ་ངན་གྲགས་པས་ཁྱབ༔ ཤ་འུག་སྟག་སྒོར་སྦས་པའི་གཏེར་ཁ་འདི༔ མི་བཞག་འདོན་པའི་

[Full Size]

རྟགས་དེར་བསྟན་ནས་བྱུང་༔ ཨྱོན་གཏེར་བདག་གླིང་པ་ཞེས་བྱ་འབྱུང་༔ ཞེས་པ་ལྟར་ལུང་བསྟན་དུས་ལ་བབ་སྟེ་ཟབ་གཏེར་གེགས་མེད་བཞེས་པའི་གཏམ་སྨན་ཆབ་ཤོག་དང་བཅས་ཆོས་མཛད་འཕྲིན་ལས་འབྱོར་བར་ལྦ་དར་སོགས་ལེགས་སོ་བགྱིས། ས་མཚམས་སུ་རང་བསྟན་གྱི་གཞི་མ་ཚུགས་ན་ལེགས་པར་ཤར་བས་རྟ་ཝང་དགའ་ལྡན་རྣམ་རྒྱལ་ལྷ་རྩེ་ཆོས་སྡེ་གསར་བཙུགས་ལ་གཏོང་སྒོ་དྲི་གཙང་དུ་མཆོད་པ་ལྔ་ཚར། བླ་སློབ་གཉིས། གཉེར་པ། ཉེར་གནས། གྲ་དམངས་བཅས་ཁྱོན་བརྒྱ་དང་བཅུ་གཉིས་སྐོར་ལ་ཆོས་ཐོག་ཟླ་བ་བརྒྱད་ཀྱི་བར་ཕོགས། ཇ་ཐུག་གཉིས་རེ། ཆོས་མཚམས་ཟླ་བ་བཞིར་ཇ་ཐུག་རེ། ཟླ་བ་དང་པོའི་ཚེས་གཅིག་ལ་ལོ་གསར། ཆོ་འཕྲུལ་ཆེན་མོའི་སྨོན་ལམ་ཉིན་བརྒྱད། ལྔ་མཆོད་སོགས་སྐུ་མཆོད་ཉིན་ལྔ། ཟླ་བ་བྱུང་ངོ་ཅོག་གི་ཚེས་བཅུར་དཔལ་ལྡན་ལྷ་མོའི་བསྐང་བ། ཚེས་བཅོ་ལྔར་གསང་བ་འདུས་པའི་ཆོ་ག །ཟླ་བ་བཅུ་གཅིག་པའི་ཉེར་བདུན། བརྒྱད། དགུ་གསུམ་ལ་ལྷ་མོ་གཙོ་གྱུར་གྱི་བསྐང་གསོ་དང་གཏོར་འཕེན། དེ་ཕྱིན་ཟླ་བ་བྱུང་ངོ་ཅོག་གི་ཉེར་དགུ་བྱུང་རེས་ཀྱི་བསྐང་གསོ་རྣམས་ལ་འཕར་བཅས་མཆོད་ཆས་སོགས་གཏོང་སྒོ་ཁྱོན་བསྒྲིལ་འབྲུ་ཁལ་ལྔ་སྟོང་ཉིས་བརྒྱ་བཞི་བཅུ། ཕྱུར་ཁལ་ཉིས་བརྒྱ་ཉེར་ལྔ་སོགས་ལྷུན་རྩེ་དང་མཚོ་སྣ་རྫོང་། ཇ་གོས་དར་སོགས་ལྷ་ས་ནས་རིམ་སྤྲོད་བྱེད་རྒྱུ་དང་། རུ་ཁག་གཅིག་གསར་དུ་བཙུགས།སངས་རྒྱས་གཉིས་པ་དཔལ་ཨྱོན་ཆེན་པོའི་ཐུགས་ཀྱི་གནས་ལྷོ་བྲག་མཁར་ཆུར་གནས་འཛིན་རྣམ་དག་ཅིག་དགོས་རྒྱུར་སྔ་སོར་གྲུབ་པ་ཕོ་མོ་མང་ཙམ་འདུག་པ་གྲུབ་མཐའི་འཇུག་སྒོ་

[Full Size]

མ་གཅིག་རུང་ཆོས་ཚུགས་ཚུལ་བཞིན་བྱས་ན་རྒྱལ་པོ་ཀྲྀ་ཀྲིའི་རྨི་ལྟས་བཞིན་ཐར་པ་བགྲོད་པའི་འབྲས་བུ་ཤ་སྟག་ཏུ་མངོན་པས་སྡངས་ཞུགས་བགྱིད་པར་མི་རིགས་མོད། འོན་ཀྱང་ཕྱིའི་ཀུན་སྤྱོད་རྣམས་ཀྱང་ནག་ཕྱོགས་ཀྱིས་ཡིད་བརླམས་ཏེ་ཁྱིམ་པའི་སྤྱོད་ཚུལ་ཁོ་ནས་བསྟན་པའི་ཆོམ་རྐུན་དུ་མ་ཟད་རང་གཞན་གྱི་བདེ་སྐྱིད་གཞུང་ལ་རེ་བཞིན་དུ་བསམ་སྦྱོར་ལོག་པའི་མི་ཡན་བསྟེན་བསྐྱིལ་མཆོད་ཡོན་གྱི་ཕྱོགས་འགལ་ལྷོ་འབྲུག་དང་དགྲ་བསྡོངས་ལག་སྦྲེལ་བའི་བྱ་ལེན་ཚང་སྐྱེལ་སོགས་བྱེད་ངན་སྣ་ཚོགས་བྱུང་བར་བརྟེན་གནས་ནས་མི་དབྱུང་མཐུ་མེད་བྱུང་ཞིང་། དགོན་གནས་འདི་གཞན་དང་མ་འདྲའི་གཤིས་བསྟན་འགྲོ་སྤྱི་དང་བྱེ་བྲག་གངས་ཅན་ཕན་བདེའི་རྩ་ལག་ཆེད་ཆོས་སྡེ་གསར་དུ་དགའ་ལྡན་བདུད་འཇོམས་གླིང་བཙུགས་ཏེ་ལྷ་ཁང་དང་སྒྲུབ་ཕུག་ཏུ་མཆོད་པ་སྣ་ལྔ་རེ། དགེ་བཅུ་རབ་བརྟན་གླིང་གི་མཆོད་རྒྱུན། མགོན་ཁང་དུ་གཏོར་གསོས། ཚོགས་པ་བརྒྱད་ཅུ་སྐོར། གཉེར་ལས་བྱེད། རྫི་བོ། ཚོང་པ་སོགས་ཀྱི་ཕོག་ཇ་ཐུག །ཟླ་བ་བྱུང་ངོ་ཅོག་གི་ཚེས་གསུམ་ལ་བརྒྱགས་རྔན། ཚེས་བརྒྱད་ལ་མི་འཁྲུགས་པ། བཅུར་བླ་མ་གསང་འདུས། བཅོ་ལྔར་ཡང་དག །ཉེར་དགུར་ནག་པོ་སྐོར་གསུམ། རྣམ་སྲས། ལྷ་མོ། ཕྱག་བཞི་པ། དུད་སོལ་མ་རྣམས་ཀྱི་བསྐང་བ། ཟླ་བ་དང་པོའི་ཚེས་གཅིག་ལ་སྲིད་གསུམ་བདག་མོའི་གཏོར་ཆེན། སྤྲེལ་ལོ་སྤྲེལ་ཟླའི་ཚེས་བཅུར་བླ་མ་གསང་འདུས་རྣམས་ཀྱི་ཆོ་ག །གནས་མཇལ་བར་ཚོགས་འཁོར། སྦྱིན་བདག་ལ་སྣེ་ལེན། བཅུ་པའི་ཉེར་ལྔ་མཆོད་པ། བཅུ་གཅིག་པར་གཏོར་གཞི་སྤོ་བ། ཉེར་དགུར་བསྟན་སྲིད་སྤྱི་རིམ་གཏོར་བཟློག །

[Full Size]

ཕྱོགས་ཀྱི་གནས་མཇལ་དང་གནས་འབྲེལ་སྡོད་མིར་ཇ་ཐུག་སྟེར་ཞིང་དར་ཆེན་འཛུགས་པ་སོགས་གཏོང་སྒོ་བསྡོམས་མཁར་ཁལ་ལྔ་སྟོང་དགུ་བརྒྱ། གཞིས་ཀ་རབ་བརྟན་གླིང་མ་ལག །འཆམས་ཆས། སྦུག་སིལ། ཐབ་གདན་ཆས། བསྡད་གྲོང་དུད་ཆིག་བརྒྱ་ཉེར་གསུམ། རུ་བ་དང་ཚོང་པ་གསར་བཙུགས། ལྷ་ཁང་དང་སེང་རྫོང་ཕྱོགས་སུ་གཞན་ལུགས་ཀྱི་དགོན་མང་ཙམ་འདུག་པ་ཆོས་ཚུགས་མ་དོར་ཞིང་སྙོམས་ཆུང་སྡོད་མཁས་བྱུང་ན་སངས་རྒྱས་ཀྱི་བསྟན་པའི་ཆོས་སྒོར་ཞུགས་གྲས་ཡིན་པས་ཀུན་སློང་ངན་པ་མི་རིགས་ནའང་ཕྱིའི་ཀུན་སྤྱོད་དང་ནང་གི་ཉམས་ལེན་གང་ལའང་ལྟ་རྒྱུ་མེད་པར་སྒྲུབ་གནས་འགངས་ཆེ་སར་ཆོས་མེད་ཟོག་འཁྱམས་བྱེད་མང་རྣམས་འདུ་ཁུང་དུ་གྱུར་པ་མ་འགབ་པས་བདུད་འཇོམས་གླིང་དང་ཕྱོགས་མཚུངས་སུ་བར་གླིང་དང་། དུར་ཁྲོད་ལ་ཁའི་བཙུན་མ་རྣམས་རང་ལུགས་སུ་བསྒྱུར་བའི་ཐོག་བཙུན་གསར་ཁ་ཤས་བསྣན་པ་དང་བཅས་དགེ་བཅུ་དགའ་ལྡན་བཀྲ་ཤིས་གླིང་དུ་བཙུན་མའི་དགོན་གསར་བཙུགས་ཀྱི་གཏོང་སྒོ་དྲི་གཙང་ཁང་དུ་མཆོད་པ་སྣ་ལྔ་གསུམ་རེ། མགོན་ཁང་དུ་མཆོད་པ་ལྔ་རེ། བླ་ཚབ་དཀོན་གཉེར་ཉིས་ལྕོགས་གཅིག་བཅས་དྲུག །བྱང་འདྲེན། དགེ་སྐོས། དུང་པ། ཆབ་རིལ་བ། ཆུ་མ། བ་རྫི། ཚོགས་པ་རྣམས་ཁྱོན་བདུན་ཅུ་སྐོར་ལ་ཟླ་བ་བརྒྱད་ཀྱི་བར་ཉིན་སྟར་ཇ་ཐུག་རེ། ཚེས་བཅུ་བྱུང་རེས་ཀྱི་བླ་མ་མཆོད་པ། བཅོ་ལྔ་ནམ་བྱུང་ལ་སྤྱན་རས་གཟིགས་ཀྱི་སྒྲུབ་ཐབས་སྲིད་ཞིའི་གདུང་སེལ། ལྔ་མཆོད་ཆེན་མོར་དམིགས་བརྩེ་མ། བློ་བཟང་རྒྱལ་བ་མ། མཁྱེན་

[Full Size]

བརྩེ་ནུས་མངའ་མ། སྒྲོལ་ཤེར། གཏོར་མ། སྨོན་ལམ་རྣམ་གསུམ་སོགས་གང་རྒྱས། ཟླ་བ་བདུན་པའི་ནང་དཀར་མེ་བསྐུལ་ཆང་སོགས་ཚ་ར་ཇ་ཐུག་གིས་མཚོན་ཐོན་རྩིས་འབྲུ་ཁལ་ཆིག་སྟོང་བདུན་བརྒྱ། མར་ཁལ་ཆིག་བརྒྱ་ཞེ་བདུན། ཕྱུར་ཁལ་ང་གསུམ་ཐོན་ངེས། ནམ་སྟེང་དགོན་ལག་ཐ་སྐར་ཆུ་ལག་དགོན་པ་བར་མ་ཎི་བསྒྲུབ་ཐེབས་སུ་སོན་ཁལ་རེའི་རྩིས་ཀྱི་ཞིང་མིག་ལྔ། གནམ་སྤྲོ་དགོན་པ་བར་ཚེས་བཅུའི་ཐེབས་ལ་ལོ་སྟར་གཤོར་ཁལ་བཞི་བཅུ་རེ། མཚོ་སྣ་ཕྱོགས་སུ་གཞན་ལུགས་ཀྱི་བཙུན་མའི་དགོན་མང་ཙམ་སོ་སོས་རང་ལུགས་ལྷད་མེད་བཅད་མཚམས་དང་མཐུན་པ་ཞིག་ཡོད་ན་རྣམ་གྲོལ་རྒྱུར་འགྲོའི་མཆོད་གནས་ཡིན་ཀྱང་ཕྱི་ནང་སྤྱོད་པ་ཀུན་བསྟན་པར་མིག་བལྟོས་ངན་པ་ཁོ་ནས་བསླད་དེ་འཇིག་རྟེན་པ་རང་ག་བ་ལས་ཞེར་བ་དེ་ལམ་དུ་ལུས་ན་རང་གཞན་གྱི་འདི་ཕྱིའི་ལེགས་ཚོགས་གཏན་བརླག་ཏུ་གྱུར་དོགས་ད་ནས་བཟུང་རྒྱུན་ངན་དེ་རིགས་སུ་མི་འགྲོ་བའི་རང་ལུགས་བཙུན་དགོན་གསར་འཛུགས་བྱས་ན་མི་སྡེ་སོགས་ཚང་མར་ཕན་སླེབས་ཆེ་བའི་ཕྱིར་མཚོ་སྣ་དགའ་ལྡན་འགྲོ་དོན་གླིང་གསར་དུ་བཙུགས་པའི་བླ་མ་སློབ་དཔོན་དབུ་མཛད་མ་དང་། གྲ་པ། ཉེར་གནས། སྤྱི་པ། ཁང་གཉེར། བ་རྫི་བཅས་ཁྱོན་བརྒྱ་རེ་གསུམ་སྐོར་ལ་ཆོས་ཐོག་ཟླ་བ་གསུམ་གྱི་རིང་ཕོགས། ཉིན་སྟར་ཇ་ཐུག་གཉིས་རེ། ཟླ་བ་དང་པོའི་ཚེས་གཅིག་ལ་ལོ་གསར། ཟླ་བ་ངོ་རེ་བཞིན་བཅོ་ལྔར་སྤྱན་རས་གཟིགས་ཀྱི་སྒྲུབ་ཐབས་སྲིད་ཞིའི་གདུང་སེལ། ལྔ་མཆོད་ཆེན་མོར་མཆོད་པ་བདུན་རེ། །ཚ་ར་ཇ་འཕར་དང་བཅས་གཏོང་སྒོ་བསྡོམས་འབྲུ་ཆིག་སྟོང་སུམ་བརྒྱ་སོ་དྲུག །མར་

[Full Size]

ཁལ་ཆིག་བརྒྱ་ཞེ་བདུན། ཕྱུར་ཁལ་ང་གསུམ་ཐོན་ངེས་ཆོས་གཞིས་རྙིང་པས་མ་ལྡང་པའི་འཕྲོས་མཚོ་སྣའི་དུད་སྟོངས་ཞིང་དང་། ལྷུན་རྩེ་ནས་གཤོར་འདེབས། ཇ་སོགས་དགོས་ཆ་བྱིངས་ལྷ་ས་དང་པོ་ཏ་ལ་གང་རིགས་ནས་སྤྲོད་འཛིན་ཆག་མེད། ཟུར་མང་ཁུལ་བོད་འབྲོག་རྣམས་ཀྱི་བསོད་ནམས་གསོག་པའི་མཆོད་ཡུལ་དུ་རང་ལུགས་སྔགས་གྲ་བཅུ་དྲུག་སྡེ་གསར་བཙུགས་ཀྱི་ཆུ་མ་གཅིག་དང་བཅས་པར་ཆོས་ཐོག་ཆོས་མཚམས་ཀྱི་པར་བཀབ་མེད་པར་ཁོར་ཡུག་ཏུ་ཇ་ཐུག་སོ་སོ་ནས་གཉིས་རེ། ཟླ་རེར་ཕོགས་ཁལ་གཉིས་རེ། རྒྱུན་མཆོད་ནར་མ། ལོ་གསར་ཚེས་གཅིག །ཟླ་བ་བཞི་པའི་ཚེས་བརྒྱད་ལ་སྨན་བླ་ཚར་བདུན་རེ། ཟླ་བ་བརྒྱད་ཀྱི་ཚེས་བཅོ་ལྔར་ཀུན་རིག་ཆོ་ག་རེ། རྗེ་བཙུན་བཙོང་ཁ་པ་དང་། པཎ་ཆེན་དགེ་འདུན་གྲུབ་པ་སྐུ་ན་རིམ་བཞིའི་དུས་མཆོད་ཉིན་ལྔ་པོར་ས་ལམ་སྨོན་ལམ་རྣམ་གསུམ་སོགས་ཆོས་སྤྱོད་ལ་ནན་ཏན། བཅུ་གཅིག་པའི་ནང་གཏོར་གཞི་སྤོ་བ་ཉིན་གང་མའི་མཇུག་དྲུག་ཅུ་པའི་གློ་བུར་ལས་བཅོལ་གྱི་གཏོར་འཕེན། ཟླ་བ་བཅུ་གཅིག་གི་ཉེར་དགུ་བྱུང་རེས་ཀྱི་ནག་པོ་སྐོར་གསུམ། ཚེས་བཅུ་བྱུང་རེས་ཀྱི་འདོད་ཁམས་དབང་ཕྱུག་མའི་བསྐང་བ་རྣམས་ལ་མཆོད་ཆས། ཚ་ར། ཇ་ཐུག །མགྲོན་ཐེབས་བཅས་ཁྱོན་ནས་ཁལ་ཕྱེད་ལྔ་བརྒྱ། རྩམ་རྗེན་བསྡོམས་ཁལ་ཆིག་བརྒྱ་ཉི་ཤུ། ཇ་འདེགས་ཁལ་བཅུ་གཉིས་ཉག་བཅུ། མར་ཁལ་གྱ་དྲུག །ཕྱུར་ཁལ་ཉེར་གསུམ་སོགས་སྟར་ཆགས་ཟུར་མང་གཞིས་སྡོད་ཀྱིས་རིམ་སྤྲོད། ལ་ཕྱི་ཆུ་དབར་ཕྱོགས་འདི་རྣལ་འབྱོར་དབང་ཕྱུག་མི་ལ་བཞད་

[Full Size]

པའི་རྡོ་རྗེའི་དབེན་གནས་མཆོག་ཏུ་གྱུར་བ་ཞིག་ཡིན་ཞིང་འབྲེལ་མཚུངས་ཀྱི་སྒྲུབ་སྡེ་ཆོས་ཚུགས་དང་ལྡན་པ་བསྟན་རྒྱུན་ལ་ཕན་པའི་སྒོམ་སྒྲུབ་བྱེད་མི་བྱུང་ན་ལྟ་གྲུབ་ལ་མ་བལྟོས་པའི་སུ་བྱུང་ལ་ཁྱད་པར་ཆེ་བ་མི་འདུག་ཀྱང་དུས་ཕྱིས་ཐར་པ་དོན་གཉེར་མིན་པའི་ཟོག་འཁྱམས་བློ་མ་སྲུན་གྱི་འདུ་ཕུང་ལྟ་བུར་འདུག་པའི་གནས་ཚུལ་རིམ་པར་བྱུང་བ་ལྟར་དེར་ཡོད་ཀྱི་གྲ་བཙུན་རྣམས་འཕོ་བསྐྱས་ངོས་རྒྱལ་བ་བུ་རམ་ཤིང་པའི་བསྟན་པ་རིན་པོ་ཆེ་འཕེལ་རྒྱས་དང་། མི་སྡེའི་མཆོད་ཡུལ་ལ་དམིགས་འདུལ་ཁྲིམས་དང་ལྡན་པ་བླ་གྲ་སུམ་ཅུས་མི་འཁྲུགས་པ། གསང་བ་འདུས་པ། རྡོ་རྗེ་འཇིགས་བྱེད། ཕྱག་དྲུག་པ། རྣམ་སྲས། ལས་གཤིན། དམག་ཟོར་མ། ཚེ་རིང་མཆེད་ལྔ། ཞིང་སྐྱོང་། རྒྱལ་པོ་དང་བཅས་པའི་ཆོ་ག་བསྐང་གསོ་གཙོ་བོར་བཏོན་པའི་སྔགས་གྲ་དགོན་དགའ་ལྡན་འགྲོ་ཕན་གླིང་གསར་དུ་བཙུགས་པ་ས་སྣེར་གྲ་ཚང་ཚུགས་ཟིན་འཕེལ་རྒྱས་ཆེ་བ་ཞིག་བྱུང་ན་སྙམ་ཕོགས་གཏོང་སྒོ་ཚང་མ་ཆོས་སྡེ་གསར་བཙུགས་གཞན་ལས་གཟེང་སྟོད། ལོ་འཁོར་རྒྱུན་མཆོད་ནར་མ་། བླ་གཉེར་གྲ་དམངས་ལས་བྱེད་བསྡོམས་བཞི་བཅུ་ཞེ་གཅིག་ལ་ཆོས་ཐོག་ཟླ་བ་བཅུའི་ཕོགས། ཇ་ཐུག་སོ་སོ་ནས་གཉིས་རེ། ཆོས་མཚམས་ལ་ཇ་ཐུག་རེ། ཟླ་བ་དང་པོའི་ཚེས་བརྒྱད། གཉིས་པའི་བཅོ་ལྔ། ལྔ་པའི་གནམ་གང་། དྲུག་པའི་ཚེས་བཞི་རྣམས་ལ་མི་འཁྲུགས་པ། བདུན་པའི་ཚེས་བརྒྱད། དགུ་པའི་བཅོ་ལྔ། བཅུ་པའི་གནམ་གང་། བཅུ་གཉིས་པའི་བཅོ་ལྔ་རྣམས་ལ་གསང་འདུས་ཆོ་ག་ཚོར་མཆོད་པ་སྣ་ལྔ་ཉེར་གཅིག་རེ། ཟླ་བ་དང་

[Full Size]

པོའི་ཚེས་གཅིག་ལ་ལོ་གསར་དང་གསུམ་ལ་གཏོར་གཞི་སྤོ། ཟླ་བ་བྱུང་ངོ་ཅོག་གི་ཚེས་གསུམ་དང་ཉེར་ལྔ་བྱུང་རེས་ཀྱི་བསྐང་བ། ལྔ་མཆོད་ཆེན་མོ་སོགས་སྐུ་མཆོད་ལྔ་པོར་མཆོད་པ་སྣ་ལྔ་བདུན་རེ། ཟླ་བ་བཞི་པ་དང་བཅུ་གཅིག་པའི་ཉ་སྟོང་བརྒྱད་གསུམ་ལ་དུས་བཟང་ཆོས་སྤྱོད། དྲུག་པའི་ཚེས་བཅོ་ལྔ་དང་གནམ་གང་། བདུན་པའི་ཚེས་བཅོ་ལྔ་བཅས་པར་གསོ་སྦྱོང་ལ་མང་ཇ་འཕར་རེ། བདུན་པའི་གནམ་གང་ལ་དགག་དབྱེར་མང་ཇ་གསུམ། འབྲས་ཚ་འཕར། ཟླ་བ་ངོ་རེ་བཞིན་ཚེས་བཅུར་ལྷ་མོའི་བསྐང་གསོ། ཟླ་བ་བཅུ་གཅིག་པའི་ཉེར་དགུར་འཇིགས་བྱེད་དྲུག་ཅུ་པའི་གཏོར་བཟློག་བསྟན་སྲིད་སྤྱི་རིམ་ལ་དམིགས་པ་དང་། ཟླ་བ་གཞན་གྱི་ཉེར་དགུ་བྱུང་རེས་ཀྱི་ནག་པོ་སྐོར་གསུམ་དང་ལྷ་མོའི་དུས་གཏོར་སོགས་གཏོང་སྒོ་འཁྲོལ་དང་བཅས་ཆོས་གཞིས་རྙིང་པ་ཆུ་དབར་སྒྲུབ་སྡེ་ཉེ་སྐོར། ཕ་དྲུག་ཀླུ་སྡིངས་ཀྱི་འབྱེད་ཁྲ་ཟུར་གསལ་དབུས་ཆ་བཅས་བསྡོམས་མཁར་ཁལ་ཆིག་སྟོང་དྲུག་བརྒྱ་གྱ་ལྔ། དུད་ཉེར་དྲུག །སྐུ་གསུང་ཐུགས་རྟེན། ཐབ་གདན་ཆས་སྤྲོད་རྙིང་རང་འཇགས། ཚོང་ཁག་གཅིག་གི་དྲེལ་ཁག་གཅིག་བཅས་ཇི་སྲིད་བསྟན་པ་གནས་ཀྱི་བར་སྦྱོར་འཇགས་བྱས། ཚེས་བཅུ་གསུམ་ལ་ཞབས་དྲུང་ནོར་བུ་ཁྲ་སྦྱོར་གྱིས་སྐྱེས་ཀྱི་བདོག་པ་འགྱེད་བཅས་གྲ་ཚང་ནས་མཁའ་འགྲོ་སྡེ་ལྔར་བརྟེན་པའི་རིང་འཚོའི་ཆོ་ག་མཛད། ཞ་ལུ་མཁན་པོ། ཞབས་དྲུང་རི་བོ་ཆེ་པ། ལྷོ་བྲག་གནས་གཞི་བ། ལྷོ་པ་བླ་མ། མཁའ་འགྲོ་དགེ་ཚུལ་མ། རབ་བརྟན་གྱི་དཔོན་མོ། རྒྱལ་སྐོར་བ་བསོད་ནམས་

[Full Size]

དབང་པོ་དང་། འོག་མའི་བུ་མོ་ཚངས་ལྡན། ཟེ་མཁར་བའི་བཙུན་མ། གོང་དཀར་ཆོས་སྡེའི་བླ་མ་གསེར་གླིང་པ། འབའ་བླ་ཟུར། ད་ལའི་ཧུང་ཐའི་ཇི། ཨེར་ཏེ་ནི་དའི་ཆིང་། རྭ་སྒྲེང་མཁན་ཟུར། ཁལ་ཁ་ཨུ་རང་ཁང་། གུ་ཤྲཱི་ཆོས་རྗེ། དུར་བོད་བས་པས། མེར་གན་ཧུང་ཐའི་ཇི་སྟེ་མི་སྣ་བདུན་རྣམས་ལ་བྱིན་རླབས་དང་། གདན་ས་གོང་དང་བཀྲ་ཤིས་ལྷུན་པོའི་མི་སྣ། རི་བོ་བདེ་ཆེན་གྱི་མཁན་ཚབ་དང་གཉེར་པ། གསུང་རབ་གླིང་། ཐང་སག་པ། རིན་ཅེན་བྲག་པ་རྣམས་ཀྱི་བླ་གཉེར། རྒྱུད་སྨད་བླ་མའི་དབོན་པོ། རྩེས་དང་ལྔ་མཆོད་པ། དུམ་བུ་རེ་བ། ཐང་སྐྱ་བ། དོན་གཉིས་གླིང་པ། བྱེ་རྫིང་ཚོགས་པ། གསས་ཁང་པ་རྣམས་ཀྱི་གཉེར་པ། སྦྱོར་ར་སྤྲུལ་སྐུ། ཏྲེ་བོ་དཀར་པོ་ལྕོག་པ། སྣ་དཀར་རྩེ་པ། འབོག་གོང་མཁར་ལྟག་པ། ཞེ་བོ་པ་རྣམས་ཀྱི་ངོ་ཚབ། རྣམ་གླིང་འབྱོར་རྒྱས་པ། ཁེ་གསུམ་དཔོན་ཚང་རྣམས་ཀྱིས་ལེགས་བྱ་བསྟར་རྗེས་ཞ་ལུ་མཁན་ཆེན། བླ་མ་ལྷོ་པ། མཁའ་འགྲོ་དགེ་ཚུལ་མ་སོགས་ལ་ཕྱག་ན་རྡོ་རྗེ་འབྱུང་འདུལ་གྱི་རྗེས་གནང་དང་བོད་སོག་སུམ་བརྒྱར་མེ་ཏོག་གཏོར། གཏེར་སྟོན་རིགས་འཛིན་ཆེན་པོར་མཁའ་འགྲོའི་གཙོ་མོ་ཡེ་ཤེས་འཚོ་རྒྱལ་གྱིས་ལུང་བསྟན་ལྟར་དག་སྣང་མའི་ཚིགས་བཅད་ཚན་གྲངས་དང་བཅས་སྤེལ་མི་འབྱོར་པ་རྟེན་འབྲེལ་འགྲིག །ཚེས་བཅུ་བཞིར་སྡེ་པ་དང་དམག་ཟོར་ཚངས་དབང་ལ་འཆི་བླུའི་ཆོ་ག་བཏང་། ཚེས་བཅོ་ལྔ་ནས་བཟུང་ཉེར་བཞི་བར་ཚེ་བསྙེན་དམ་དུ་བཅད། ཡེར་པ་གྲ་ཚང་པ་བློ་བཟང་ཕུན་ཚོགས་ཀྱིས་མཁས་གྲུབ་རྗེའི་རྒྱུད་སྡེའི་སྤྱི་རྣམ་

[Full Size]

དང་། ལམ་རིམ་ཁྲིད་ཡིག་འཇམ་དཔལ་ཞལ་ལུང་། སྟག་ལུང་གསང་སྔགས་ཆོས་འཁོར་བ་སྔགས་འཆང་ཡོངས་གྲགས་ཀྱིས་ཐང་ཡིག་ཤེལ་བྲག་མ། གསུང་རབ་གླིང་པ་མི་བསྐྱོད་པས་ཕར་ཕྱིན་འགྲེལ་པ་བློ་བཟང་དགོངས་རྒྱན་དང་འགྲེལ་པ་དོན་གསལ། བློ་བཟང་འདུལ་བས་ཕར་ཕྱིན་མཐའ་གཅོད་དང་དབུ་མ་འཇུག་པ། མངོན་རྟོགས་རྒྱན། མཛོད་རྩ་རྣམས་ཀྱི་རྒྱུགས་སྤྲད། ཧོར་ཟླ་གསུམ་པའི་ཚེས་གཉིས་ལ་དགའ་ལྡན་བསྟན་འཛིན་བོ་ཤོག་ཐུ་ཁང་གི་དད་རྟེན་དུ་འདྲ་འབག་དངུལ་ལས་གྲུབ་པ་མི་ཚད་བཞེངས་པར་ནང་བཞུགས་ལ་དེ་བཞིན་གཤེགས་པའི་འཕེལ་གདུང་། རྒྱ་བལ་བོད་གསུམ་གྱི་རྟེན་བྱིན་ཅན་ཁ་ཤས། ངེད་རང་གི་དྲི་ཆགས་གོས་བུབས། དབུ་དང་སྟོད་སྨད་བར་གསུམ་པད་གཟུངས་རྣམས་ཀྱིས་ཕྱུར་བུར་གཏམས་པ་ལ་དམ་ཡེ་དབྱེར་མེད་དུ་བགྱིས། ཚེས་བཞིར་དད་སྟོབས་ལྡན་པ་དེ་ཉིད་ཀྱིས་རྒྱང་རིང་པོ་ནས་བསྐུར་བའི་གསོལ་འདེབས་རིང་འཚོ་སྨོན་ལམ། སྲིད་གསུམ་དབང་མོར་དམ་བསྒྲགས་འཕྲིན་བཅོལ། རྒྱལ་སྲས་ལྷ་བཟང་ཀླུ་དབང་གིས་སྒྲོལ་མའི་འདོད་གསོལ། རྟར་མདོ་ངག་དབང་ལྷུན་གྲུབ་ཀྱི་ངོར་གསོལ་འདེབས། དགེ་སློང་ཕྱག་རྡོར་དབང་ཕྱུག །བློ་གྲོས་རྣམ་རྒྱལ། སྔགས་རམས་པ་བློ་བཟང་ཚེ་དབང་གསུམ་གྱིས་གྲ་ཚང་དཀོན་གཉེར་འཇོག་ལ་དངུལ་སྲང་དགུ་རེ་ལས་གྲུབ་པའི་བུམ་པ་བཅུ། བློ་བཟང་སྐྱེས་མཆོག་གིས་སྟོན་པ་དང་རྗེ་བཙུན་བཙོང་ཁ་པ་ཆེན་པོ། མཆོད་དཔོན་པས་རྟ་འགྲིན་ཡང་གསང་ཁྲོས་པ། སྒྱིད་ཐང་ནོར་བུས་རྒྱལ་བ་མ་

[Full Size]

ཕམ་པ་དང་འདྲ་འབག །བྱམས་པ་ནོར་བུ་དང་བློ་གྲོས་རྣམ་རྒྱལ་གཉིས་ཀྱིས་རྒྱལ་བ་བཙོང་ཁ་པ། ཐུབ་དབང་། འཇིགས་བྱེད་དང་གསུམ། ལྕགས་སྤྲེལ་ལོ་ངེད་རང་ནས་དམ་པའི་ཆོས་ཀྱི་འབྲེལ་པ་ཚིག་གཅིག་ཡན་ཆད་ཞུས་པའི་བླ་མ་རྣམས་ཀྱི་སྐུ་བརྙན་གྲ་ཚར་གསུམ་རྣམས་བཞེངས་པའི་ཐང་གའི་རྒྱབ་ཡིག །བརྒྱད་གཏོར་དང་འཕྱོས་པ་སྐུ་སྐྱེས་གསང་ཕུར་འབུལ་རྒྱུའི་སྙན་དར་ཁ་བྱང་། ཕྱིར་བཟློག་འཁོར་ལོ་འབར་བའི་རྒྱུན་འཁྱེར། འཕྱོང་རྒྱས་པ་བོན་པོ་ཟླ་བ་རྒྱལ་མཚན། བཀྲ་ཤིས་ཚེ་བརྟན། ཕྱག་མ་བ་གསུམ་གྱི་ངོར་མལ་དྲོ་གཟི་ཆེན་ལ་བརྟེན་པའི་ཀླུའི་གསོལ་ཁ་ཕན་བདེའི་འབྱུང་གནས། ལི་ཐང་མཁན་ཟུར་བློ་བཟང་དོན་གྲུབ་ཀྱིས་བཀའ་འགྱུར་བཞེངས་པའི་དཀར་ཆག་ཆེ་བརྗོད། ཉི་ཐང་སྤྱི་ཚོགས་དང་དར་མོ་སྨན་རམས་པས་བསྐུལ་བའི་གླིང་སྟོད་སྐུ་སྐྱེ་ངག་དབང་གཞོན་ནུའི་གསོལ་འདེབས། མཆོད་དཔོན་པས་འབྲས་སྤུངས་སུ་རིང་འཚོ་བཙུགས་དུས་འཕན་ཕུལ་བའི་ཁ་བྱང་རྣམས་བསྐུལ་དོན་དང་མཚུངས་པར་བརྩམས། ཚེས་བདུན་ལ་ཞ་ལུ་དང་། རྒྱལ་གླིང་ཚོགས་མཁན་ཆེན། སྒེར་པ་རྗེ་དྲུང་། བདག་པོ་སྐུ་སྐྱེ་དང་གཉེར་པ། རྒྱལ་མཁན་པོའི་ངོ་ཚབ། ཀླུངས་ཤོད་དཔལ་འབར། དགོན་མདོ་སྔགས་གླིང་། ར་བ་སྨད་བླ་གཉེར། བཀྲ་ཤིས་བདེ་ཆེན། ར་བ་སྟོད། ཆོས་འཁོར་སྟེང་། གྲ་བྱམས་གླིང་། འབྲོག་བསམ་སྡིངས། མཚོ་སྣ་དགའ་ལྡན་རབ་རྒྱས་གླིང་། གྲ་སྡིངས་པོ་ཆེ། འོལ་དགའ་སླེབ་རི། སྒྲོ་བ་དགོན། དྲིན་ལས་པ། བཀྲ་ཤིས་རྩེ་ཆོས་སྡེ། སྙེ་ཐང་

[Full Size]

འཕགས་སྡེ་རྣམས་ཀྱི་གཉེར་པ། སྒམ་པོ་ཕྱག་མཛོད། ཞང་སྟོན་འདམ་པ་ནང་ཚང་སོགས་ཀྱིས་ལེགས་བྱ་བསྟར་བའི་སྡེབས་སུ། སྤོམ་འབོར་སྐུ་སྐྱེ། ཅོ་ནེ་ཆོས་རྗེའི་མི་སྣ། ཁལ་ཁ་ཨུ་རང་ཁང་། དའི་ཆིང་ཧུང་ཐའི་ཇི། ཆེ་ཆེན་ཧུང་ཐའི་ཇི། བསོད་ནམས་མགོན་པོ། བསོད་ནམས་བཀྲ་ཤིས་རྣམས་ཀྱི་མི་སྣ། སྨན་ཐང་པ་སོགས་ལྷ་བྲིས་པ་སུམ་ཅུ་བཅས་བོད་སོག་ཉིས་བརྒྱ་ཙམ་དང་ཕྲད། དགའ་ལྡན་བསྟན་འཛིན་བོ་ཤོག་ཐུ་ཁང་གི་སར་འགྲོ་མི་ཤག་སྐོར་ཟུར་པ་དང་འཕྱོང་རྒྱས་རབ་འབྱམས་པ་བློ་བཟང་བཀྲ་ཤིས། རྒྱལ་པོའི་མི་སྣ་བློ་བཟང་ཤེས་རབ་སོགས་རོགས་བཅས། དའི་ཆིང་ཧུང་ཐའི་ཇི་དང་ཆེ་ཆེན་ཧུང་ཐའི་ཇིའི་མི་སྣ་སོགས་ལྔ་བཅུ་སྐོར་ལ་ཕྱག་དྲུག་པའི་རྗེས་གནང་བར་གཅོད་ཀུན་སེལ་བསྐུར་ནས་སོ་སོར་སྣམ་ཕྲུག་གྱོན་པ་སོགས་སྟེར་བྱ་བཀའ་བསྒོ་བགྱིས་ཏེ་ཐོན། མེ་རག་བླ་མའི་གྲ་པ་ཞིག་དགེ་ཚུལ་དུ་བསྒྲུབས། ཚེས་བརྒྱད་ལ་དཔལ་མགོན་ཆེ་ཆུང་ལས་མཁན་དང་བཅས་མཉེས་བྱེད་མཆོད་པའི་སྤྲིན་ཕུང་མཐའ་ཀླས་པ་སྤྲོ་བར་ཚོགས་ལ་ཕྱིན་པའི་མུ་འཐུད་གྲ་ཚང་གིས་བསྐང་བ་ཉིན་གསུམ་རྒྱས་པར་གྱེར། ལྗངས་དབོན་པོའི་བུ་དཔལ་འབྱོར་རྒྱ་མཚོ་རྒྱུན་སྡོད་དྲུང་འཁོར་གྲས་ལ་བསྡད། ཚེས་བཅུ་ནས་བཟུང་ཉིན་བདུན་བར་གཏེར་སྒྲོམ་གྱི་སྨན་ཆུ་བསྟེན་ནས་མ་དག་པའི་དྲི་མ་བསལ། དཔོན་ཚང་ཚ་རོང་པའི་སློབ་མ་བློ་བཟང་དཔལ་འཕེལ་གྱིས་རྒྱུད་བཞིའི་རྒྱུགས་སྤྲད། ཚེས་བཅུ་དགུར་ད་ལའི་རྒྱལ་པོ་ཡབ་སྲས་བཀའ་འགྱུར་རོ་ཅོག་བཞེངས་པར་རབ་གནས་ཆེད་བྱོན་པ་བཞིན་དམ་ཡེ་དབྱེར་མེད་དུ་བསྟིམ་ཞིང་མེ་ཏོག་གཏོར། སྟག་རྩེའི་རྒྱལ་བུ་ལྷ་རྒྱལ་རབ་བརྟན། གཡོན་རུ་སྐུ་སྐྱེ། གྲ་ཐང་

[Full Size]

མཁན་པོ་སོགས་སྡེབས་སུ་ཡོད། ཚེས་ཉི་ཤུར་རྒྱ་རི་ཞབས་དྲུང་། དཔོན་མོ་ཚེ་རིང་། བསོད་ནམས་དབང་རྒྱལ། བཀྲ་ཤིས་རྩེ་པ་སོགས་དང་མཇལ། ཉེར་བཞིར་གནས་ཆུང་སྐུ་རྟེན་པར་ཚེ་དབང་འཆི་མེད་དཔལ་སྟེར་བསྐུར། ཧོར་ཟླ་བཞི་པའི་ཚེས་གསུམ་ལ་དགེ་སློང་ཕུན་ཚོགས་རྒྱ་མཚོའི་ངོར་པོ་ཏ་ལའི་སྐོར་ཚད་དང་རྒྱུན་འདོན་གྱི་གསོལ་འདེབས་སྨོན་ལམ། ངག་དབང་ཀུན་དགའི་ངོར་ཐུགས་རྗེ་ཆེན་པོར་བརྟེན་པའི་བླ་མའི་རྣལ་འབྱོར། ཕུན་ཚོགས་དབང་པོས་བསམ་པ་ལྷུན་གྲུབ་མའི་ལས་ཚོགས་གསུམ་པ། དགེ་སློང་ངག་དབང་གིས་རྒྱལ་བ་བཙོང་ཁ་པ་ཆེན་པོའི་རྣམ་ཐར་ཞིང་བཀོད། དཔལ་འབྱོར་བཟང་པོས་པཎ་ཆེན་དགེ་འདུན་གྲུབ་ཀྱི་འཁྲུངས་རབས། རྣམ་པཎ་དཀོན་ཅོག་ཆོས་གྲགས་ཀྱིས་རྒྱན་དྲུག་སོགས་མཁས་གྲུབ་ཐོར་བསྡུས། ཟུར་འཕྲིན་ལས་རྣམ་རྒྱལ་གྱི་དོན་དུ་འོད་དཔག་མེད་དང་རྡོ་རྗེ་སེམས་དཔའི་སྟོང་ཐང་། གུ་རུ་མཚན་བརྒྱད། འཆམས་དཔོན་ངག་དབང་སྐལ་བཟང་གིས་ལོག་ཏྲི་ཞི་ཁྲོ། ཕུ་ལུང་བདུད་བཙན་དཔལ་བཟང་གིས་དམག་ཟོར་མ། མལ་དྲོ་ཚེ་བརྟན་གྱིས་འཇིགས་བྱེད་རྣམས་ཀྱི་སྐུ་ཐང་བཞེངས་པའི་རྒྱབ་ཡིག །དཔལ་གྲོང་སྔགས་རམས་པས་ཕའི་དོན་དུ་ཇོ་བོ། བཅུ་གཅིག་ཞལ། བྱམས་པ། རྗེ་རིན་པོ་ཆེ། ལོ་ཀེ་ཤྭ་ར་རྣམས་ལ་སྙན་ཤལ་དང་། ལྷ་ས་ཚེས་བཅུ་ནུབ་མ་བ་རྣམས་ཀྱིས་ཡེར་པར་འཕེན་སུམ་ཅུ་ཕུལ་བའི་ཁ་བྱང་། འབྲོག་ཁྲི་དཔོན་ཀུན་དགའ་བསོད་ནམས་ལྷུན་གྲུབ་ཀྱིས་བསྐུལ་མ་མཛད་པའི་གསོལ་འདེབས་དང་། ས་ཕུར་ལྷ་ཁྲའི་བརྒྱུད་འདེབས། ད་ལའི་ཧུང་ཐའི་ཇི་དང་སའི་ཚངས་པ་བསྟན་འཛིན་ད་ལའི་རྒྱལ་པོའི་སྲས་ལྕམ་སྲིང་གསུམ་

[Full Size]

གྱིས་བསྐུལ་བའི་གསོལ་འདེབས། སྤྱི་ཁང་མདོ་པ་དཀོན་ཅོག་རབ་བརྟན་གྱིས་བླ་མགོན་དབྱེར་མེད་ཀྱི་གསོལ་འདེབས། ཇོ་རིག་ཐུ་ཁོ་ཤོའུ་ཆིའི་སྡེ་དམངས་ཀྱིས་འདོན་རྒྱུ། ཆེ་ཆེན་དབོན་པོས་སྨན་བླ་སྟོང་ཚར་ལོ་སྟར་བཙུགས་པ། དགེ་སློང་འཇམ་དབྱངས་གྲགས་པས་གྲ་ཚང་དུ་སྤྱི་རྫས་ཁ་ཤས་སྦྱར་དུས། དཔོན་ས་བུ་ཁྲིད་རྒྱལ་མོས་སྤྱན་རས་གཟིགས་ཀྱི་མིག་འབྱེད་ལ་བརྟེན་པ་རྣམས་ཀྱི་སྨོན་ལམ། ངག་དབང་བཟོད་པས་ཤངས་དགའ་ལྡན་ཆོས་འཁོར་དུ་འཛུགས་རྒྱུ། དགའ་ལྡན་དོན་གཉིས་གླིང་བླ་སྤྱི། སོའི་སྔགས་འཆང་གནས་ཆུང་པ་རྣམས་ཀྱི་ངོར་རིང་འཚོ། བྱམས་ཁང་རྒྱབ་ཕོ་ལྷའི་ཁོག་པས་བསྐུལ་བའི་འདོད་གསོལ་རྣམས་བྲིས། ཚེས་བརྒྱད་ལ་ཚོམས་ཆེན་དུ་དབུ་སྒོར་ཆུང་བ། ཨོ་རོད་ནས་གསར་འབྱོར་དཔོན་མོ་བཀྲ་ཤིས། ཤི་རལ་ཐུ་ཆོས་རྗེ། ཨང་ག་བྱར་ཇའི་སང་། དར་ཁན་ཁཱ། དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་དར་རྒྱས་ཇའི་སང་། ད་ལའི་ཧུང་ཐའི་ཇིའི་ཇི་ནོང་། ཨེར་ཏེ་ནི་པཱ་ཐུར་ཐའི་ཇི། ཇོ་རིག་ཐུ་ཁོ་ཤོའུ་ཆི་ཐའི་ཇིས། ཨེར་ཁེ་ཇི་ནོང་གི་མི་སྣ། དའི་ཆིང་པཱ་ཐུར། ཁལ་ཁ་ནོ་ཡོན་ཁུ་ཐུག་ཐུ། མེར་གན་ཧུང་ཐའི་ཇི་གསུམ་གྱི་མི་སྣ་ཐོན་གདོང་སོགས་སོག་པོ་ཉིས་བརྒྱ་སྐོར། རྒྱ་རི་ཞབས་དྲུང་། དཔལ་འཁོར་ཆོས་སྡེའི་མཁན་ཟུར་ཁ་རབ་པ། བཀྲ་ཤིས་ལྗོངས་ཆོས་རྗེ་སོགས་བོད་པ་བརྒྱ་སྐོར་བཅས་དང་མཇལ་ཕྲད། རྒྱ་རི་ཞབས་དྲུང་དང་དཔོན་བཀྲ་ཤིས་ལ་རྟ་འགྲིན་གསང་སྒྲུབ་ཀྱི་སྒོ་ནས་བཀའ་བསྒོ་ཕུལ། ཚེས་དགུར་དགའ་ལྡན་ཆོས་འཁོར་ཡང་རྩེའི་བླ་གཉེར་གྲ་བཅས་ཀྱིས་སྣམ་ཕྲུག་སོགས་

[Full Size]

སྤེལ་ཏེ་མི་མཐུན་སྡེ་ལས་རྒྱལ་བའི་བདེན་པ་བརྗོད། མདོ་སྔགས་གླིང་དང་ཕག་རི་འཇིགས་སྐྱབས་བླ་མ། དཔལ་དེ་རས་ཆེན། རྡོ་དགོན་པ་བའི་བུ་སོགས་ལ་ཇ་གྲལ་དང་། ཚེས་བཅུར་རི་བོ་ཆེ་ཞབས་དྲུང་། ཆོས་འཁོར་ཡང་རྩེའི་སློབ་དཔོན། རྡོ་དགའ་ལྡན་རྣམ་རྒྱལ་གཉེར་པ། གཞིས་བདག་ཀླུ་བཙན་པའི་རིང་འཚོའི་ཚན་གྲངས་སྐྱེལ་མི། རྩེ་གདོང་གི་མི་སྣ། སྒམ་པོའི་ཕྱག་མཛོད་སོགས་དང་ཕྲད་ཅིང་མདོ་མཁར་བས་ལེགས་བྱ་བསྟར། གནས་ཆུང་སྔགས་འཆང་གི་སྐྲ་ཕུད་བླངས་ཏེ་མིང་གནམ་ལྕགས་ཟིལ་གནོན་དཔའ་བོར་བཏགས། གྲ་ཚང་ནས་ཚེས་བཅུའི་མཆོད་གར་འཆམས་སོགས་སྔར་རྒྱུན་བཞིན་བགྱིས། གནམ་ལྷ་དཀར་པོའི་ཆས་གོས་དགེ་བསྙེན་དཀར་པོར་བསྒྱུར་སྐོར་ཅི་ཡིན་དང་། ལ་རྒྱའི་རྒྱུ་མཚན་རྒྱས་པ། སླད་ཆར་སྔར་རྒྱུན་བཞིན་དགོས་ཚུལ་བཅས་དགེ་སློང་འཇམ་དབྱངས་གྲགས་པ་ཚེས་བཅུ་གཅིག་ལ་གནོད་སྦྱིན་ཆེན་པོ་སྐུ་ཕེབས་ཞུ་བར་བཏང་བ་ལན་སྣ་ཚོགས་པ་མང་པོ་གསུངས་ཤིང་ཁྱད་པར། དགེ་བསྙེན་དཀར་པོ་ཞེས་བྱའི་གཟུགས་མེད་འདི། །ལེགས་ཉེས་རྟགས་ཀྱི་བཀོད་པ་གསལ་བ་ལ། །སྐྱེ་བོ་ཀུན་གྱི་གོ་བ་བདེ་བའི་ཕྱིར། །ད་ནས་ཡུན་གྱི་བར་དུ་འཇོག་བསམས་ཀྱང་། །དགེ་བཤེས་ཉིད་ཀྱི་རྣ་བར་མ་གཏད་ན། །དམ་ཚིག་ཉམས་པའི་རྐྱེན་དུ་འགྲོ་འདུག་པས། །ད་ནས་དགེ་བསྙེན་ཚུལ་དེ་སྦས་ནས་འཇོག །སྔར་རྒྱུན་བཞིན་དུ་བུད་མེད་ལུས་འདི་ལ། །ལོ་མོ་དུས་ཀྱི་མཆོད་དུས་སྔར་ལྟར་འབོད། །དེ་ལས་མང་བའི་བཀོད་པ་གང་བདེ་ནི། །དགེ་བཤེས་བཙན་པོ་ཀུན་གྱིས་མི་འགབ་པས། །གནས་ཚུལ་མཆན་དུ་གསལ་བ་ཡིད་འཇོག་

[Full Size]

དགོས། །ཞེས་སོགས་གསུངས་ཏེ་སྔར་རྒྱུན་ལྟར་མཛད་པའི་ངན་ཁར་འཁྱོལ། ཚེས་བཅུ་བདུན་ལ་དགེ་སློང་འཇམ་དབྱངས་གྲགས་བས་ཨ་མི་དེ་ཝའི་ཤེལ་སྐུ་མངའ་བདག་ཉང་ཉི་མ་འོད་ཟེར་གྱིས་གཉལ་སྨད་གེ་རེ་བྲག་ནས་སྤྱན་དྲངས་པ་སྨྲ་བོ་ལྕོག་གི་ནང་རྟེན་གཙིགས་ཅན། རྟགས་བརྒྱད་ཁ་བཏགས། ཀུན་བཟང་མཆོད་སྤྲིན་མ། བེར་གཉིས། འགན་སྦྱར་གཉིས་ཀྱིས་གཙོས་རུང་མཐུན་གྱོན་པ་ཆ་ཚང་བཞི། གོས་ཕྱི་ནང་དངོས་གཙང་ཡུག་རེ་རེ་ཡོད་པའི་དགུ་ཚན་སུམ་ཅུ། ཧུ་ཇ་ཁོར་དྲུག་མ་གཉིས། གཞུང་ཇ་ཁོར་དྲུག་མ་བཅུ། མར་ལྟང་དྲུག །འགའ་སྣམ་བརྒྱ། རས་དཀར་ཡུག །གྲ་ཚང་ལ་སྤྱི་འབུལ་དངུལ་སྲང་ཉིས་བརྒྱ་དང་ཞོ་གསུམ་རི་བ་འགྱེད་སྣ་ལྔ་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་སྤེལ་ཞིང་གྲ་ཚང་དྲུང་འཁོར་བཅས་པར་དཀར་དྲོ་བཤམས། ཕྱི་དྲོ་དཔལ་རི་བ་བླ་གཉེར་དང་མདོ་མཁར་ཆོས་སྡེའི་ལེགས་བྱ་བྱུང་ཞིང་མཚུར་ཕུ་ཕྱག་མཛོད་ཟུར་པ་བསྟན་སྲུང་། བསོད་སྙོམས་པ་གྲུབ་པའི་རྡོ་རྗེ། དོ་ནང་པདྨ་གླིང་པ། དཀོན་ཅོག་བློ་གྲོས། རྒྱལ་སྲས་དགེ་འདུན་གྱི་མི་སྣ་རྣམས་དང་ཕྲད། ཚེས་ཉི་ཤུར་བསྟན་འཛིན་ད་ལའི་རྒྱལ་པོས་གྱོན་སྣ་ཆ་འགྲིག །གོས་དར་ཇ་རས་སོགས་དགུ་ཚན་སོ་ལྔ། འགྱེད་བཅས་དྭངས་མ་བཅུད་འདྲེན་གྱི་ཆོག་སྒྲིགས་གསར་པའི་ཐོག་གྲ་ཚང་ནས་རིང་འཚོའི་རྟེན་འབྱུང་མཛད། དགའ་ལྡན་ཚེ་དབང་དཔལ་བཟང་དང་། རྒྱང་རོ་ལྷ་ཁང་བླ་མས་སྟེར་བྱ་འགྱེད་སོགས་སོ་སོས་སྤམས་བསྟོད་ཆོ་ག་སྔ་མ་བཞིན་གྱེར། བསྟན་འཛིན་ད་ལའི་རྒྱལ་པོ་བསྟང་ཞལ། རྒྱལ་པོ་བར་མའི་དབུ་

[Full Size]

སྒོར་ཆུང་བ་ནོ་ཡོན་དཀའ་བཅུ། དར་རྒྱས་ཇའི་སང་། ཇོ་རིག་ཐུ་དའི་ཆིང་། བསོད་ནམས་ཧུང་ཐའི་ཇི། རྒྱང་རོ་ལྷ་ཁང་བླ་མ་རྣམས་ལ་ཇ་གྲལ་བཏང་། གུང་གྲོལ་ནས་ཞ་ལུ་མཁན་ཆེན་ཧན་རབ་འབྱམས་པ། ཕན་བདེ་བའི་གྲ་རྙིང་བླ་མར་འགྲོ་མི་རྒྱས་པ་རབ་འབྱམས་པ་སོགས་ལ་བྱིན་རླབས་དང་ཕན་བདེའི་དགོན་རྙིང་མིང་དགའ་ལྡན་ཆོས་གླིང་དུ་བཏགས། ཉེར་གཅིག་ལ་ཆོས་གྲ་ཆེན་པོ་དཔལ་ལྡན་འབྲས་སྤུངས་པའི་བླ་གཉེར་གྲ་དམངས་དང་བཅས་པས་ཚན་གྲངས་སྔོན་འགྲོའི་མི་འགྱུར་གཡུང་དྲུང་ལྟ་བུའི་རང་བཞིན་དུ་དགེ་འདུན་མི་ཕྱེད་འདུས་པས་བདེན་སྟོབས་བསྟར་བའི་མུ་སྡིངས་ཁ་བླ་སྤྱིས་ཀྱང་འཐུད། ཕྱི་དྲོ་འཆད་ཀ་བླ་མ་སོགས་མང་དག་དང་ཕྲད། ཞང་སྟོན་སྒར་པ་ཚ་བཅས། རྟ་ར་མདོ་པ་ཨྱོན། དགེ་སློང་འཇམ་དབྱངས་གྲགས་པའི་ཚ་མོ་བཅས་ལ་ཚེ་དབང་འཆི་མེད་དཔལ་སྟེར་བསྐུར། བསོད་སྙོམས་པ་གྲུབ་པའི་རྡོ་རྗེར་ཇ་གོས་དར་སོགས་ཀྱི་སྟེར་བྱིན་བགྱིས་ནས་ཐོན། ཉེར་གཉིས་ལ་སེ་ར་ཐེག་ཆེན་གླིང་བླ་གཉེར་གྲ་བཅས་ཀྱིས་བདོག་པ་སྔོན་བཏང་གི་རིང་འཚོ་མཛད། བརྟག་པའི་རིམ་གྲོ་རྩེ་ཤོད་ཐུན་མོང་ལ་འཕྱོང་རྒྱས་དཔལ་རི་བས་ཁྲོ་རོལ། སྨིན་གྲོལ་གླིང་པས་ཀི་ཀང་གི་དགྲ་མནན། གཞིས་རྩེར་སྒྲོལ་མ་ཕུག་པས་ཁྲོ་རོལ། འུག་པ་ལུང་པས་དགྲ་མནན། དོ་བོ་རྫོང་དུ་གནས་གཞི་བ། ཀ་ཚལ་དུ་བླ་མ་ལྷ་མོ། ལྷ་རྩེར་བླ་མ་ཀྱི་སྟོན་པ་སྟེ་གསུམ་གྱིས་ཁྲོ་རོལ། རྒྱལ་རྩེར་བགྲད་པ། པ་ནམ་དུ་བྲག་ལ་བ། གོང་དཀར་དུ་སྔགས་འཆང་གནས་ཆུང་པ་གསུམ་གྱིས་དགྲ་མནན་རེ། རྡོ་རྗེ་བྲག་པས་མགོན་པོ་གཡུལ་བཟློག་བཅས་སྒྲུབ་ཞག་བདུན་རེ། ལོ་རིམ་ལ་ལྷ་ས་སོགས་རྫོང་གཞིས་ཉི་ཤུ་

[Full Size]

ནས་དགེ་སློང་གཉིས་རེས་ཀླུ་གཏོར། གཏོར་མ་བརྒྱ་རྩ། གཅིག་གིས་གཟུངས་འདུས། ལྷ་བསངས་རྣམས་ཟླ་གཅིག་བར་དང་། ཡར་ངོར་བརྒྱགས་རྔན་བཞི་རེ། དགྲ་ལྷ་དཔངས་བསྟོད། དེ་མཚུངས་ཡུལ་གྲུ་ཆེ་ཆུང་དང་བསྟུན་སོ་སོས་གཟུངས་འདུས་གཅིག་ནས་བཅུའི་བར། ནད་རིམས་ཞི་ཕྱིར་ཕྱེ་ཕུད་གཤོར་བྲེ་རེ་ཙམ་དང་དེ་ཕྱིན་ཚངས་མ་རྫོང་གཞིས་སོ་སོ་ནས་བཏོན་ཏེ་གྲ་པ་ལྔ་བཅུ་རེས་བཀའ་འགྱུར་ཚར་རེ་སོང་། རྒྱལ་གསར་སྒང་པ་དཀོན་ཅོག་རྒྱུན་སྡོད་དྲུང་ཁྲོད་དུ་བསྡད། སྟག་རྩེ་ཐའི་ཇིར་ཇ་གྲལ་དང་ཚེ་དབང་གྲུབ་རྒྱལ་མ་དཔོན་གཡོག་སུམ་ཅུ་སྐོར་ལ་ཕུལ། ཉེར་གསུམ་ལ་ཞང་སྟོན་རི་ཁྲོད་པ་ཁམས་ཕྱོགས་ལ་འདེགས་པར་སྟེར་བྱ་དང་བཀའ་བསྒོ་བགྱིས། ཉེར་དགུར་ཞ་ལུ་མཁན་པོ་གནས་གསར་འཇམ་དབྱངས་བསྟན་འཛིན་ལ་བྱིན་རླབས་བཀའ་བསྒོ་བསྟར། རྒྱལ་སྲས་ལྕམ་སྲིང་གིས་གཙོས་བོད་སོག་ཉི་ཤུ་སྐོར་ལ་སེང་ལྡེང་ནགས་སྒྲོལ་དང་། ཕྱག་རྡོར་གོས་སྔོན་ཅན་གྱི་རྗེས་གནང་བསྐུར། ཅོ་ནེ་ཆོས་རྗེའི་ངོར་གོས་སྔོན་ཅན་གྱི་སྒྲུབ་ཐབས་དང་། རྒྱལ་སྲས་ལྷ་བཟང་ཀླུ་དབང་གིས་བསྐུལ་བའི་སྒྲོལ་བསྟོད་སྨོན་ལམ་དང་བཅས་པ་བརྩམས། འོད་མཆོག་སྤྲུལ་པའི་སྐུ་དང་མོལ་མཆིད་རྒྱས་པར་བྱུང་། ཧོར་ཟླ་ལྔ་པའི་ཚེས་གཅིག་ལ་དར་མོ་སྨན་རམས་པའི་སློབ་མ་ངག་དབང་དོན་གྲུབ་ཀྱིས་རྒྱུད་བཞིའི་རྒྱུགས་སྤྲད། ཚེས་ལྔར་ཐང་སག་དགའ་ལྡན་ཆོས་འཁོར་བླ་སྤྱི་གྲ་བཅས་དང་། ཚེར་གསེབ་དགོན་སོ་སོས་བདོག་པའི་སྐྱེས་དང་བཅས་ཡིད་སྲུབས་སྡེ་ལས་རྒྱལ་བའི་སྨོན་ལམ་བཏབ། ཐང་སག་བླ་མ། པོ་ཏོ་ཆོས་རྗེ།

[Full Size]

སྒོ་མོ་བླ་མ། མདོ་མཁར་ལྕམ་མ་བུ། ཧོར་རྫ་དམར་ཕ་བུ། དགའ་ལྡན་རབ་བརྟན་བླ་མར་འགྲོ་མི་དགེ་སློང་བློ་བཟང་བསྟན་འཛིན་སོགས་དང་ཕྲད་ཅིང་མདོ་མཁར་ལྕམ་གྱི་སྐྲ་ཕུད་བླངས་ཏེ་མིང་འཇམ་དབྱངས་དབང་མོར་བཏགས། ཚེས་དྲུག་ནས་གྲྭ་ཚང་དུ་ཨར་གཏད་བཙུགས་པར་སྔགས་བྱེ་བ་གཅིག་སུམ་འབུམ་ཉི་ཁྲི་ལྔ་སྟོང་བདུན་བརྒྱ་སོང་། ཚེས་བརྒྱད་ལ་དམག་ཟོར་ཚངས་དབང་གི་ངོར་གསོལ་འདེབས། སྔགས་རམས་པ་དོན་གྲུབ་རྒྱ་མཚོས་བསྐུལ་བའི་འབྲི་གུང་དཀོན་ཅོག་ཕུན་ཚོགས་ལ་སློབ་དཔོན་ཆེན་པོས་གནང་བའི་གཟུངས་སྒྲུབ་དང་འབྲེལ་བའི་བསྔོ་སྨོན། མཆོད་དཔོན་པའི་ངོར་ཡང་གསང་ཁྲོས་པ་ལྷ་དགུའི་སྒོ་ནས་དྲག་པོ་ཟོར་གྱི་འཕྲིན་ལས་རྡོ་རྗེ་ཕ་ལམ། སྒྲུབ་བསྙེན་ལ་ཉེ་བར་མཁོ་བའི་དངོས་གྲུབ་ལེན་ཆོག་ཡིད་བཞིན་དབང་རྒྱལ། ཚངས་པ་དུང་ཐོད་ཅན་གྱི་འཕྲིན་ལན་ཚིགས་སུ་བཅད་པ། འོད་མཆོག་སྤྲུལ་སྐུའི་གསུང་གིས་བསྐུལ་བའི་རིང་འཚོ་རྣམས་བྲིས། ཚེས་བཅུ་གཅིག་ནས་བཅོ་བརྒྱད་ཀྱི་བར་འཆམས་དཔོན་ངག་དབང་དཀོན་ཅོག །བློ་བཟང་ཡེ་ཤེས་སོགས་བསྙེན་རྫོགས་པ་སུམ་བརྒྱ་དང་སོ་དྲུག །བྷྲུཾ་པ་ཆོས་མཛད་འཕྲིན་ལས་དཔལ་བཟང་སོགས་དགེ་ཚུལ་བརྒྱ་དང་ཞེ་གཅིག་རྣམས་བསྒྲུབས། ཚེས་བཅུ་གཉིས་ལ་འོད་མཆོག་སྤྲུལ་པའི་སྐུར་སྐྱེས་ལན་དང་སྔ་འགྱུར་གྱི་བསྟན་པར་འཆད་ཉན་གང་སྨར་དགོས་ཚུལ་མོལ་ནས་ཐོན། ཚེས་བཅུ་གསུམ་ལ་ཕ་བོང་ཁའི་ཞལ་སྔ་ནས་དང་གྲ་ཚང་ཡོངས་རྫོགས་ལ་བཅུ་གཅིག་ཞལ་དཔལ་མོ་ལུགས་ཀྱི་རྗེས་གནང་བསྐུར། ཚེས་བཅུ་བཞིར་རྟ་ཚག་རྗེ་དྲུང་། གྲ་ཚང་གི་གྲ་པ་ཁ་ཤས་བཅས་པར་ཐེག་ཆེན་བསྙེན་གནས་ཀྱི་སྡོམ་པ་ཕབ།

[Full Size]

ཚེས་བཅུ་དྲུག་ལ་རས་ཆུང་ཕུག་སྤྲུལ་སྐུ་གཤེགས་པའི་བསྔོ་རྟེན་སྐུ་གསུང་ཐུགས་རྟེན། ཇ་གོས་དར། སྒ་ཆས་སོགས་དགུ་ཚན་སུམ་ཅུ་འབྱོར་དོན་བཞིན་ས་ལམ་གྱི་བར་གཅོད་ཞི་ཞིང་གཞན་དོན་རྒྱ་ཆེན་འབྱུང་བའི་རྒྱུར་བསྔོས། ཚེས་བཅོ་བརྒྱད་རྗེས་མར་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་ནས་ཁྲི་གདན་ཟུར། ཤར་རྩེའི་ཚབ་མ། བྱང་རྩེ་ཆོས་རྗེ། སློབ་དཔོན་གསུམ། གྲ་པ་སུམ་བརྒྱ། དགོན་ལག་ལང་ལོང་བཙུན་མ་དང་བཅས་པས་དངོས་པོའི་ཚན་གྲངས་སྔོན་བཏེག་གིས་རིང་འཚོའི་སྨོན་ལམ་གནས་བཅུར་བརྟེན་པ་མཛད་པའི་ཚེ་བྱང་རྩེ་ཆོས་རྗེས་ལུང་རིགས་ཀྱི་ལམ་ནས་དྲངས་ཏེ་གཏན་སྡོད་དགོས་པའི་རྒྱུ་མཚན་དང་འབྲེལ་བ་གསུང་བར་སྤྱིར་དགེ་འདུན་དེ་ནང་ནས་ཀྱང་གདན་སའི་སློབ་དཔོན་རྣམས་ཀྱིས་བདེན་སྟོབས་བསྟར་བའི་ནུས་མཐུས་ཚེ་སྲོག་གི་བར་གཅོད་སེལ་བར་ཕན་པ་གཞིར་བཅས་ཆོས་ཐམས་ཅད་རྟེན་འབྲེལ་ལ་བལྟོས་པ་བསྡོད་པའི་ཁས་ལེན་ཙམ་བགྱིས། དེ་རྗེས་གསང་ནེའུ་ཐོག་གི་ཞབས་དྲུང་གཉིས། དྲུང་ཆེན་བཞི། སློབ་དཔོན་བརྒྱད། ཟུར་ཕུ་གཉེར་པ། མཆོད་ཁང་པའི་ངོ་ཚབ་རྣམས་ཀྱིས་ཚན་གྲངས་དང་བཅས་རྟེན་འབྲེལ་བསྒྲིགས། བྱེ་རྫིང་དང་ཀ་དྲུག་མཁན་པོ། བྱང་རྩེ་ཆོས་རྗེ། ཞ་ལུ་སྐུ་ཞང་། ར་བ་སྟོད། རྣམ་རབ་དྭགས་པོ་གྲ་ཚང་། ཁམས་ལྕམ་མདའ་གསུམ་གྱི་བླ་མ། རྔོད་ཨ་རིག་དགོན་དང་སྟར་རྫོང་གི་ལེགས་བྱ་བྱུང་ཞིང་ངོ་བོ་ཐམས་ཅད་ལ་བྱིན་རླབས་བྱས། ཚེས་བཅུ་དགུར་བློ་བཟང་མགོན་པོ་རབ་བརྟན་བསོད་ནམས་དབང་རྒྱལ་མ་བཅས། ཨུ་ཞང་ངོ་བོ་བདུན་རྣམས་ལ་སྐྱེར་སྒང་

[Full Size]

ལུགས་ཀྱི་ཐུགས་རྗེ་ཆེན་པོ་དང་། དར་རྒྱས་ཇའི་སང་འཁོར་བཅས་ལ་གུར་ནས་བཤད་པའི་ཕྱག་རྡོར་འབྱུང་འདུལ་གྱི་རྗེས་གནང་བསྐུར་ནས་བློ་བཟང་མགོན་པོ་རབ་བརྟན། ཨུ་ཞང་། དར་རྒྱས་ཇའི་སང་སོགས་སུམ་བརྒྱ་སྐོར་ལ་སྐུ་གསུང་ཐུགས་རྟེན། ཤལ་དཀར་དམར། སྣམ་ཕྲུག་སོགས་རྫོང་བདའི་སྟེར་བྱ་རྒྱས་པར་བྱས་ཤིང་གསར་འབྱོར་ཁལ་ཁ་སན་ཁང་། སིདྡྷི་ཤྲཱི། བི་ལིག་ཨེར་ཁེ་ཐའི་ཇི་རྣམས་ཀྱི་མི་སྣའི་ཡི་གེ་རྟེན་སྦྲགས་བླངས། ཚེས་ཉི་ཤུར་བདེ་མཆོག་མགོན་པོའི་བུར་ཚེ་དབང་འཆི་མེད་དཔལ་སྟེར་དང་། རྟ་མགྲིན་སྐྱེར་སྒང་ལུགས་ཀྱི་དབང་བཞི་བྱིན་རླབས་བསྐུར། བླ་མ་སྐུ་གསུམ་དང་འབྲེལ་བའི་བླ་མའི་རྣལ་འབྱོར་དང་བསམ་པ་ལྷུན་གྲུབ་མའི་ལུང་བཀླགས། ཉེར་བརྒྱད་ལ་གངས་ཅན་མཁན་པོ། རྒྱང་རོ་གསེར་སྡིངས་བླ་ཟུར། ཀོང་རྨེ་ཕུ་བླ་མ། བཤད་སྒྲུབ་གླིང་བླ་ཟུར། དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་ངག་དབང་ཆོས་གྲགས། སྐྱོང་ང་ནས་སོགས་ལ་ཇ་གྲལ་དང་། བཤད་སྒྲུབ་གླིང་བླ་ཟུར་གྱིས་ལམ་རིམ་ཞི་ལྷག་སྐོར་ལ་དྲི་བ་བྱེད་པར་གང་འཚམ་གྱི་ལན་བཏབ། བསམ་ཡས་ཆོས་སྐྱོང་དང་བརྟག་པ་གོ་བསྟུན་ངེད་ཀྱི་རིམ་གྲོར་སེར་འབྲས་གཉིས་སུ་ཇ་ཚུལ་སུམ་ཅུ་རེ། གཞིས་རྩེ་སོགས་རྫོང་གཞིས་བཅུ་བཞིར་དགོན་འབྲེལ་མཚུངས་ནས་གྲ་པ་ཚོ་བསྡུས་རྫོང་ཆེ་བར་བཞི་བརྒྱ། ཆུང་བར་བརྒྱ་ལྷག་རེ་བཅས་པས་མཚན་བརྗོད་ས་ཡ་གཅིག་ཉི་ཁྲི་ཉིས་སྟོང་། ཤེར་སྙིང་བྱེ་བ་གཅིག་ས་ཡ་གསུམ་ཆིག་འབུམ་ཆིག་ཁྲི་དགུ་བརྒྱ། སྒྲོལ་མ་བྱེ་བ་གཅིག་ས་ཡ་གཉིས་ཉིས་འབུམ་བརྒྱད་ཁྲི་དགུ་སྟོང་། ཚེ་གཟུངས་ཉིས་འབུམ་བཞི་

[Full Size]

ཁྲི་བདུན་སྟོང་ལྔ་བརྒྱ། གདུགས་དཀར་ས་ཡ་ཉི་ཁྲི་དགུ་སྟོང་སུམ་བརྒྱ། སྡེ་པའི་སྐུ་རིམ་ལ་ལྷ་ས་དང་རྒྱལ་རྩེ་སོགས་རྫོང་གཞིས་བཅོ་བརྒྱད་དུ་དགོན་འབྲེལ་མཚུངས་གྲ་པ་ཚོ་བསྡུས་བཞི་བརྒྱ་ནས་དོན་ལྔ་ཡན་གྱི་མཚན་བརྗོད་བརྒྱད་འབུམ་ཉི་ཁྲི་བརྒྱད་སྟོང་། གདུགས་དཀར་ས་ཡ་གཅིག་བཞི་ཁྲི་སུམ་སྟོང་། ཤེར་སྙིང་བྱེ་བ་དང་ས་ཡ་རེ་ཆིག་འབུམ་ཉི་ཁྲི་བདུན་བརྒྱ་ལྔ་བཅུ། སྒྲོལ་མ་ས་ཡ་དགུ་དང་དྲུག་འབུམ་ཉི་ཁྲི་ཉིས་སྟོང་དྲུག་བརྒྱ། ཚེ་གཟུངས་ཆིག་འབུམ་ཉི་ཁྲི། ལ་མོའི་ལུང་བསྟན་ཐོགས་བབ་བྱུང་བ་ལྟར་སེར་འབྲས་དགེ་གསུམ་གྱིས་གཙོས་དབུས་ཁུལ་དགེ་ལུགས་དགོན་ཆ་གཉིས་དང་། ས་ལུགས་ཆ་གཅིག །གྲུབ་མཐའ་གཞན་བཅུ་སྐོར་བཅས་ཁྱོན་བརྒྱ་དང་བཅུར་མང་ཇ། འགྱེད་ཨང་དང་ལ་གཤོར་ཁལ་དོ་རེ་དང་ཨང་གཉིས་ལ་ཁལ་ཕྱེད་གཉིས་རེའི་ཐོག་དགེ་ལུགས་རྣམས་ཀྱིས་གདུགས་ཤེར། ས་ལུགས་སོགས་ཀྱིས་སྒྲོལ་མ་དང་ཚེ་གཟུངས་འགྲོ་གང་ཆེ། འབྲས་སྤུངས་སྔགས་ཁང་དུ་རྒྱུད་སྟོད་པ་དབུ་མཛད་སོགས་བཅོ་ལྔས་ཞག་ཉེར་གཉིས་བར་ཡ་མ་རཱ་ཛའི་སྔགས་རྒྱུན་རྗེས་གྲ་པ་བཅོ་ལྔ་སྤར་བའི་སུམ་ཅུས་ཞག་བདུན་གྱི་མཇུག་དྲུག་ཅུ་པའི་གློ་བུར་ལས་བཅོལ་གྱི་གཏོར་བཟློག །དགའ་ལྡན་མགོན་ཁང་དུ་རྒྱུད་སྨད་པས་གོང་འདྲ། རྒྱལ་དུ་ལྷ་མོར་བསྐང་བ་ཁྲི། འཕྱོང་རྒྱས་སུ་རི་བོ་བདེ་ཆེན་པས་དཀོན་བརྩེགས་དང་ཕལ་ཆེན་བརྒྱ་རེ། གཟུང་འདུས་རེ་ལྔ། ལྷ་སར་ཕ་བོང་ཁ་པ་ལྔ། ཁྲ་འབྲུག་ཏུ་བཀྲ་ཤིས་ཆོས་སྡེ་བ་ལྔ། གནས་ཆེན་འབྲེལ་མཚུངས་ནས་གྲ་པ་ལྔ་རེས་རབ་གནས་ཉིན་རེ། ཁྲ་འབྲུག་ཏུ་ཁ་གསོའི་འུ་ལག་རྣམས་ལ་ཐུག་པ་དང་ཆང་གིས་མཐུན་རྐྱེན། སྡེ་པའི་སྐུ་

[Full Size]

རིམ་དུ་མངའ་དྭགས་རང་དགོན་སོ་སོར་རིལ་སྒྲུབ་དང་འབྲེལ་བའི་མ་ཎི་དུང་ཕྱུར། རྒྱལ་དུ་ཕྱག་དྲུག་པར་བསྐང་བ་ཁྲི། དཔལ་གསོལ་བརྒྱ་རྩ་ཚོགས་འཁོར་སྤྱན་གཟིགས་སོགས་གཟབས་གསོལ། འཕྱོང་རྒྱས་དང་གཞིས་རྩེ་སོགས་རྫོང་གཞིས་བཅུ་གསུམ་ནས་དགྲ་ལྷ་དཔངས་བསྟོད། བསངས་དང་བརྒྱགས་རྔན་གསུམ་རེ། ལྷ་ས། བསམ་ཡས། ཁྲ་འབྲུག་གསུམ་དུ་བརྒྱ་མཆོད་སྤྱན་འདྲེན་ཁྲུས་གསོལ། འཕྱོང་རྒྱས་སུ་རྩིས་འཁྲིའི་ཤི་ཤ་གང་ཡོང་མི་སེར་འཁྱེར་ཞན་ལ་བྱིན། ཇོ་རགས་རྒྱག་མི། གནས་ཆུང་གི་ཨར་པོའི་འུ་ལག །དབུས་གཙང་ཁམས་གསུམ་གྱི་ལམ་འཕོག་ཆེ་སར་གཤོར་ཁལ་གཉིས་རེའི་རྩིས་ཀྱི་དཔུས་འགྱེད། གནས་ཆུང་ཆོས་སྐྱོང་ཆེན་པོས་རིམ་གྲོའི་བསྐུལ་མ་བྱུང་བ་བཞིན་ངེད་ཀྱི་གེགས་སེལ་ལ་པོ་ཏ་ལར་སྒོ་བློ་བསྒྲིལ་བ་བརྒྱ་དང་བྱེས་པ་ལྔ་བཅུ་བཅས་པས་བཀའ་འགྱུར་ལྔ། བརྒྱད་སྟོང་པ་དང་གཟུངས་འདུས་སུམ་བརྒྱ་རེ། གསེར་འོད་ལྔ་བརྒྱ། གདུགས་དཀར་ཉིས་སྟོང་ལྔ་བརྒྱ། ཤེར་སྙིང་ཆིག་ཁྲི། སྡེ་པའི་སྐུ་རིམ་ལ་ལྷ་སར་གྲ་ཚང་ནས་གྲངས་བཅད་ཀྱིས་མདོས་ཁག་གཉིས། རྒྱབ་ཆོས་སུ་བདེ་ཡངས་པ་བརྒྱད་ཅུ་དང་། སེ་ར་སྨད་བདུན་ཅུས་ཤེར་སྙིང་སུམ་འབུམ་ཉིས་སྟོང་བདུན་བརྒྱ། གདུགས་དཀར་ཆིག་སྟོང་སུམ་བརྒྱ་ལྔ་བཅུ། ལྷ་སའི་ཁྲལ་ཐེན་པ་རྣམས་ལ་ཡ་ཇུ་ཉག་གསུམ་རེ། ངན་སློང་དྲུག་བརྒྱ་ང་གཅིག་གི་ཐོག་རྩམ་ཤ་ཟས་སྣ། ལོ་རིམ་ལ་ཡུལ་གྲུ་སོ་སོ་ནས་གཟུངས་འདུས། བརྒྱད་སྟོང་པ་གསེར་འོད། དགྲ་ལྷ་དཔངས་བསྟོད། ལོ་གླུད། ཡུལ་གྲུ་ཆེ་བ་རྣམས་ནས་སྨན་བླ་དང་ལྷ་ཁང་རྙིང་པ་རྣམས་ལ་མར་མེ་སོགས་ཅི་འབྱོར་ཕུལ།

[Full Size]

ཉེར་དགུར་འཕྱོས་པ་སྐུ་སྐྱེར་ཞྭ་བེར་ཐང་ཤམ་སོགས་དང་བཀའ་བསྒོ་བགྱིས་ཏེ་ལྷོ་བྲག་བཀྲ་ཤིས་ཆོས་གླིང་མ་བུ་དང་སྤྱན་གཡས་མཁན་པོར་བརྫངས། བཀྲ་ཤིས་དབང་ཕྱུག་གིས་སྒྲོལ་དཀར་གྱི་བརྒྱ་ཐང་། ངེད་རང་གི་དགེ་སྦྱོར་རྟེན་འཇམ་དཔལ་ཁྲོ་ཆུ་དུག་སྡོང་གི་དཀྱིལ་ཐང་དཔྱད་ཤིན་ཏུ་བཟོད་པ་འོ་རློན་པ་འཇམ་དབྱངས་ཀྱིས་བྲིས་པ། མཆོད་དཔོན་པས་འདོད་ལྷ་གྲ་ཚར་བཅུ་གཅིག །གདོང་ནས་ཀྱིས་ཐུབ་དབང་ལ་སྣར་ཐང་བརྒྱ་རྩའི་ལྷ་ཚོགས་ཀྱིས་བསྐོར་བ། ཆབ་ནག་པ་ངག་དབང་རྒྱ་མཚོས་རྗེ་བཙུན་བཙོང་ཁ་པ་སོགས་ལྔ་ཚར། གནས་གསར་རྗེ་དབོན་མཁྱེན་རབ་རྣམ་རྒྱལ་གྱིས་བདེ་ཅན་ཞིང་བཀོད་རྣམས་བཞེངས་པའི་རྒྱབ་ཡིག །ཐང་སག་སློབ་དཔོན་ནམ་མཁའ་བཟང་པོ་དང་། ཕ་བོང་ཁ་བ་རབ་འབྱམས་པ་དཔལ་འབྱོར་རྡོ་རྗེས་བསྐུལ་བའི་རྗེ་བཙུན་བྱམས་པའི་སྒྲུབ་ཐབས། དགའ་ལྡན་དུ་བགྲོད་པའི་ཐེམ་སྐས། མཆོད་དཔོན་པའི་ངོར་རྟ་མགྲིན་ཡང་གསང་ཁྲོས་པའི་གཏོར་བསྔོ་ཉུང་ངུ་དོན་ཚང་། སྐུ་སྐྱེ་བསྟན་འཛིན་རྒྱ་མཚོས་བསྐུལ་བའི་མ་ཏི་ལུགས་ཀྱི་འཇམ་དཀར་གྱི་སྒྲུབ་ཐབས་རྟ་ལྗང་དབང་པོ་དང་། ལྷ་དེ་དང་བླ་མ་ཐ་མི་དད་པའི་གསོལ་འདེབས། ལྷ་ས་བློ་བཟང་དཔལ་འབྱོར་གྱི་ངོར་འོད་དཔག་མེད་ཀྱི་ཉལ་སྒོམ་གྱི་ཉམས་ལེན་བདེ་ལྡན་ཞིང་གི་འཇུག་ངོགས། ཕྱག་མཛོད་གཟི་བརྗིད་དབང་པོས་བསྐུལ་བའི་རས་ཆུང་ཕུག་སྤྲུལ་སྐུ་ངག་དབང་ཆོས་རྒྱལ་དབང་པོའི་སྐུ་སྐྱེ་མྱུར་འབྱོན་གྱི་སྨོན་ལམ། ཐང་སག་སློབ་དཔོན་གྲ་བཅས་དང་རྨེ་རུ་བླ་མ་དཀོན་ཅོག་དཔལ་བཟང་གི་ངོར་རིང་འཚོ་རེ། མངའ་རིས་རབ་འབྱམས་པ་བློ་བཟང་ཕུན་ཚོགས་ཀྱིས་བསྐུལ་བའི་བྱེས་སློབ་དཔོན་བློ་

[Full Size]

བཟང་བཀྲ་ཤིས་ཀྱི་གསོལ་འདེབས། སེ་ར་སྨད་སློབ་དཔོན་བློ་བཟང་དོན་གྲུབ་ཀྱི་ངོར་ཐ་འོག་ཆོས་རྒྱལ་གྱི་གཏོར་འབུལ་རྣམས་བཀོད། ཧོར་ཟླ་དྲུག་པའི་ཚེས་གཅིག་ལ་མཆོད་དཔོན་པས་རྟ་མགྲིན་ཡང་གསང་གི་བསྙེན་པ་བྱས་པའི་ཚེ་རྫས་བཏེག །ཚེས་གཉིས་ལ་སྣེའུ་སྡོང་རྩེའི་མི་སྣ་བློ་བཟང་དོན་ཡོད་དང་ཕྲད། ཚེས་ལྔར་རིགས་འཛིན་གཏེར་བདག་གླིང་པ་ཕེབས་པ་དང་མཇལ། ཚེས་བདུན་ལ་སད་སྲུང་གི་བུམ་པའི་བསྐྱེད་ཆོག་ལ་བཀའ་འགྱུར་ཁང་དུ་ཕྱིན། ཚེས་བརྒྱད་ལ་གངས་ཅན་ཆོས་འཕེལ་དང་སྐྱེད་ཚལ་མཁན་པོ། བསམ་འགྲུབ་དགའ་ལྡན་དང་ལྷོ་བྲག་དགོན་གསར་བླ་མ། འཕགས་པ་ལྷའི་དབོན་པོ། ལྡན་མ་དཔོན། དཔལ་དེ་བ། བོ་ཤོག་ཐུ་ཁང་གི་མི་སྣ་ངག་དབང་ཆོས་གྲགས། འབྲས་གཤོངས་དང་ཕུན་ཚོགས་དབང་ཕྱུག་གི་མི་སྣ། ཁྲ་འབྲུག་ཆོས་སྐྱོང་གི་སྐུ་རྟེན་པ་རྣམས་ལ་ཇ་གྲལ་དང་། ཚེས་བཅུ་གཅིག་ལ་སྲིད་གསུམ་བདག་མོའི་མདོས་མཆོད་བཙུགས། ཚེས་བཅུ་གསུམ་ལ་ཞབས་དྲུང་རི་བོ་ཆེ་པ། གཡོན་རུ་སྐུ་སྐྱེ། ཟིང་པོ་སྔགས་འཆང་། ཤ་གཟུགས་སྐུ་སྐྱེ། རྩེ་ལེ་དང་། དགོན་གསར་བླ་མ། འབའ་དང་བདེ་འབྱོར་བླ་ཟུར། ཤངས་ཁར་ཁ་བླ་མ་རྣམས་དང་མཇལ་ཕྲད་བགྱིས། ཚེས་བཅུ་བཞིར་གནས་ཆུང་ཆོས་རྒྱལ་ཆེན་པོས་དངོས་པོའི་སྐྱེས་སྤམས་བསྟོད་གྲ་ཚང་ནས་འཆི་མེད་འོད་སྣང་གི་རྡུལ་ཚོན་དང་འབྲེལ་བའི་རིང་འཚོ་སྤེལ་བར་མཛད། རྣམ་པར་རྒྱལ་བའི་ཕན་བདེ་ལེགས་བཤད་གླིང་སྤྱི་སྒོས་ཀྱི་རིམ་གྲོ་པར་སོང་བ་གནས་སྐབས་ལས་བཞི་དང་མཐར་རྣམ་གྲོལ་བསྒྲུབ་པ་གང་གི་ཚེའང་ཚིག་དོན་མ་དག་ན་འབྲས་བུ་ཡང་དེ་ཁོ་ནར་གང་གང་འདྲ་བའི་འབྲས་ཞེས་པའི་དོན་ཐོག་

[Full Size]

ཏུ་འབབ་པ་ལས་མ་འདས་པའི་ཕྱིར་འདར་པ་ལོ་ཆེན་དང་རྣམ་པཎ། དགེ་སློང་འཇམ་དབྱངས་གྲགས་པ་གསུམ་དོགས་གང་ཡིན་བལྟ་བཅུག་པར་ངེད་རང་གིས་ཀྱང་ཞིབ་མོར་དཔྱད་དེ་ཞུས་དག་བཏང་བ་བོད་འབངས་བདེ་ཐབས་སྤྱིར་དགོས་འཁྱར་ནའང་སྐྱོན་མ་མཆིས་རུང་ཟབ་གནད་ཀྱི་ཆ་རྣམས་མི་གཟིགས་པའི་ཆེད་སྔགས་རམས་པ་མཁས་བཙུན་རྒྱ་མཚོ་དོ་དམ་དུ་བཏང་སྟེ་ཕུན་ཚོགས་གླིང་དུ་པར་དུ་བརྐོས་པ་འབྱོར། དཔོན་ས་བུ་ཁྲིད་རྒྱལ་མོས་བདེ་གཤེགས་མཆོད་རྟེན་བརྒྱད་སོགས་རེ་མང་བཞེངས་པའི་རྒྱབ་ཡིག་ལ་བརྐོ་རྒྱུའི་ཚིག་རྐང་བདུན་མ་དང་། གཟུངས་ཀྱི་སྤེལ་ཚིག །ཁ་ཏོན་དང་གཉིས་ཀ་བྱས་ཆོག་པའི་འདོད་གསོལ་ཚིག་རྐང་དགུ་མ། དགའ་ལྡན་ཁྲི་ཐོག་པ་བློ་བཟང་བསྟན་འཛིན་ཅུང་ཟད་བསྙུན་པར་འཕྲིན་གསོལ་ནང་བརྟན་བཞུགས་ཤློ་ཀ་གཅིག་ཡོད། ལྕང་གསེབ་བསྟན་འཛིན་དབང་པོས་འདོད་ལྷ་བདུན་ཚར། ངག་དབང་ཕུན་ཚོགས་ཀྱིས་རྗེ་བཙུན་བཙོང་ཁ་པ། སེང་ལྡེང་ནགས་སྒྲོལ། འདྲ་འབག་སོགས་ལྔ་ཚར། རི་མོ་བ་འབའ་ལྷུག་གིས་མཚན་བརྒྱད་སོགས་ལྔ་ཚར། ཟུར་བཙུན་འཇམ་དབྱངས་དབང་རྒྱལ་གྱིས་མཛད་བརྒྱ། སྒྱིད་ཐང་ནོར་བུས་སངས་རྒྱས་སོ་ལྔ་སོགས་དགུ་ཚར། རྡོ་རྗེས་བགྲང་ཡས་དང་། དགོས་དགོས་ཨ་བར་གྱིས་འགྲོ་ལ་རྗེས་བརྩེ་མ་དང་མཐུན་པའི་འཁྲུངས་རབས་རྣམས་བཞེངས་པའི་རྒྱབ་ཡིག །སློབ་དཔོན་དཀོན་ཅོག་ངག་དབང་གིས་ཕག་མོ་ཆོས་སྡེར་འཛུགས་རྒྱུ། བན་གྲོང་སྔགས་འཆང་མཆོག་གྲུབ་རྒྱལ་པོ། མངའ་རིས་གྲ་ཚང་གཉེར་པ་དཀའ་བཅུ་གྲགས་པ་ལེགས་བཤད་ཀྱིས་མ་ཎི་རིལ་སྒྲུབ་ཀྱི་སྐབས་འདོན་རྒྱུ། ལྷོ་

[Full Size]

བྲག་གསང་སྔགས་བདེ་ཆེན་བླ་མ་དོན་གྲུབ་རྒྱ་མཚོ་བཞིའི་ངོར་རིང་འཚོ་རེ། གཉོས་བཙུན་ཆོས་རྗེ་དབང་རྒྱལ་ལྷུན་གྲུབ་ཀྱིས་བསྐུལ་བའི་ཕུར་མོ་ཀླུ་བདུད་ཀྱི་གསོལ་མཆོད་ཆོས་སྐྱོང་སྤྱིའི་གཏོར་འབུལ་ཉུང་ངུ་། འཇམ་དབྱངས་སྤྲུལ་པའི་སྐུའི་གསུང་གིས་བསྐུལ་བའི་གསང་བ་འདུས་པར་བརྟེན་པའི་བླ་མའི་རྣལ་འབྱོར། ཐབ་ཆས་དེབ་ཀྱི་འགོ་བརྗོད། ཁྲ་འབྲུག་ཆོས་སྐྱོང་ལ་འཕྲིན་ལན་སྙན་ངག་གི་ལམ་ནས་དྲངས་པ། འབྲོམ་གྱི་སྔགས་འཆང་རྡོ་རྗེ་དབང་གྲགས་རྒྱ་མཚོས་བསྐུལ་བའི་དགེ་བསྙེན་མཁའ་རིའི་བསྟོད་པ་འཕྲིན་བཅོལ། དབུ་མཛད་ཀྱིས་བཀྲ་ཤིས་བདེ་ཆེན་གྱི་ཚོགས་དུང་དངུལ་གཤོག་མ་ཕྲ་ལྡན་འགངས་ཅན་གསར་བསྐྲུན་གྱི་ཁ་བྱང་། ཨེ་ཤག་ལྷོ་པ་ནང་སོ་དཀོན་དར་གྱིས་བཀའ་རིན་པོ་ཆེ་འགྱུར་རོ་ཅོག་བཞེངས་པའི་དཀར་ཆག་ཆེ་བརྗོད། སྟག་ཚང་ལོ་ཙཱ་བའི་དུས་འཁོར་སྤྱི་དོན། དར་མོ་སྨན་རམས་པ་དར་ཁན་ཐིང་གིར་ཨེ་ཆེན་ཨོ་ཐོ་ཆེ་ཁན་གྱིས་བྱས་པའི་ཕྱི་རྒྱུད་འགྲེལ་པ་ལེགས་བཤད་གསེར་ཕྲེང་། རྡོ་རྗེ་བྲག་རིགས་འཛིན་མཆོག་གི་སྤྲུལ་སྐུས་མཛད་པའི་མདོ་དབང་གི་ཆོ་ག །བརྒྱུད་པའི་རྣམ་ཐར་དང་བཅས་པའི་པར་བྱང་། གྲ་རིགས་རྣམས་ཀྱི་ངོར་ཏྲེ་བོ་ཆོས་རྗེ་བློ་བཟང་བསྟན་འཛིན་རྒྱ་མཚོའི་སྐུ་སྐྱེ་མྱུར་འབྱོན། གཙང་རོང་ངེས་གསང་རྡོ་རྗེ་གླིང་པའི་གདན་ས་པ་སྐུ་སྐྱེ་ངག་དབང་འཇམ་དབྱངས་ཀྱིས་བསྐུལ་བའི་མཁའ་འགྲོའི་མེ་མཆོད་རིགས་འཛིན་སྲོག་འཐུད་རྩི་སྨན་ལྗོན་པ་དང་། ཁྱབ་བདག་ཁྲ་ཚང་པ་ཆེན་པོའི་སྤྲུལ་སྐུ་རོང་རྒྱལ་མཁར་ཕྱོགས་སུ་བྱོན་པ་རྡོ་རྗེ་ཚེ་དབང་དཔལ་བཟང་གི་བརྟན་བཞུགས། གྲ་ཚང་འབག་གཉེར་དེབ་ཀྱི་འགོ་བརྗོད་རྣམས་བརྩམས། ཉེར་གསུམ་ལ་གསང་སྔགས་བྱང་ཆུབ་གླིང་སློབ་དཔོན། གྲུབ་

[Full Size]

དབང་སྐུ་སྐྱེ། གནས་གཞི་ཆོས་རྗེ། གསར་འབྱོར་དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་གཉིས། ས་སྐྱོང་མེར་གན་ཐའི་ཇི་དང་ཚེ་དབང་དཔལ་འབར་གྱི་མི་སྣ། ཀོང་མཁར་རྒྱ་བོའི་བླ་མ། ལྷོ་བྲག་གདང་པ། འཕགས་པ་ལྷའི་དབོན་པོ་སོགས་ལ་བྱིན་རླབས་དང་ཡི་གེ་རྟེན་སྦྲགས་བླངས་ཤིང་ངག་མ་ཉན། ཉེར་བཞིར་གེ་རེ་དཀའ་བཅུ། བསམ་འགྲུབ་དགའ་ལྡན་བླ་མ། ས་སྐྱའི་མགྲོན་གཉེར། ཀོང་རྩེ་ལེ་རྒོད་ཚང་གི་བླ་མ་སོགས་ལ་ཇ་གྲལ་དང་། རྩེ་ལེ་བླ་མ་བསྙེན་རྫོགས་བསྒྲུབས་པའི་མིང་འཕྲིན་ལས་མཆོག་གྲུབ་ཏུ་བཏགས། ཧོར་ཟླ་བདུན་པའི་ཚེས་གཉིས་ལ་གསང་སྔགས་ཐེག་པ་ཆེན་པོའི་དགེ་འདུན་དཀོན་ཅོག་སྟོད་རྒྱུད་བླ་གྲས་བདོག་པའི་ཚན་གྲངས་བཏེག་ནས་མི་ཤིགས་རྡོ་རྗེ་ལྟར་བརྟན་པའི་སྨོན་ལམ་གསུངས། བྱང་རྩེ་ཆོས་རྗེ། ཨུ་ཞང་གི་བུ་རྒྱ་མཚོ། མདོ་ལྔ་མཆོད་བླ་མ། ཁལ་ཁའི་བླ་མར་འགྲོ་མི་བསྟན་འཛིན། བདེ་ཆེན་ཆོས་འཁོར་བའི་གཉེར་པ་སོགས་དང་ཕྲད། བོ་ཤོག་ཐུ་ཁང་གི་མི་སྣ་སྔོན་མ། འཇམ་དབྱངས་སྤྲུལ་སྐུ། པཱ་ཐུར་ཧུང་ཐའི་ཇའི་མི་སྣ་རྣམས་ཐོན་གདོང་གི་སྟེར་བྱ་དང་བཀའ་བསྒོ་བྱས། ཚེས་བཞིར་ཉི་མ་མེ་བཞིའི་འགྲུབ་སྦྱོར་ཐོག་འདི་ལོའི་གཏེར་གསར་དུ་ཁྲི་སྲོང་ལྡེའུ་བཙན་དུས་ཀྱི་དགའ་བའི་སྨོན་ལམ་འདྲའི་རྟེན་འབྲེལ་ལོག་ཉེན་སོགས་འཚུབ་ཙམ་ཡོད་ཚུལ་ལ་དམིགས་གྲོང་སྨད་ནས་གྱོན་པ་ཆ་ཚང་སོགས་ཟང་ཟིང་གི་བདོག་པ་མཐོ་བར་བཏེག་སྟེ་ཚོགས་འགྱེད་སོགས་ཡོན་སྦྱར་གྲ་ཚང་ནས་ཚེ་དཔག་མེད་ལོངས་སྐུ་མའི་དཀྱིལ་འཁོར་རྡུལ་ཚོན་དང་འབྲེལ་བའི་སྔོན་འགྲོར་བསུན་བཟློག་རྒྱས་པ་དང་བཅས་ཆོ་ག་མཛད་པའི་ཚེ་དར་ལམ་སྡུད་མཚམས་སུ་གཏེར་སྟོན་ཆེན་

[Full Size]

པོའི་དག་སྣང་མའི་རིང་འཚོའི་ཚིགས་བཅད་སོ་སོར་སྦྱོར་བ་དང་བདོག་པའང་སྡེ་པ་རང་གིས་ཕྱག་བདར་ཏེ་བརྐྱང་བ་དང་རིགས་འཛིན་ཆེན་པོས་ཀྱང་བྲག་རྡོ་རྗེ་ཚེ་བརྟན་ནས་ཟུར་ཤཱཀ་འོད་ཀྱིས་བདུད་རྩི་ཀ་པཱ་ལ་གང་དང་མཉམ་དུ་བཞེས་པའི་གནམ་ལྕགས་རྡོ་རྗེ་འཆི་བདག་བདུད་དཔུང་འཇོམས་པས་ཐོག་དྲངས་ཚན་གྲངས་སྩལ། འདི་ནས་བཟུང་གཏེར་གསར་དང་མཁའ་འགྲོ་སྙིང་ཏིག་ཞུས་པའི་དབུ་བཙུགས་ཤིང་རི་ཥིའི་ཉིན་བདུན་མ་གཏོགས་ཉིན་སྟར་གྱི་འཁྲིད་ཐུན་རེ་ཆག་མེད་ཀྱི་ཟླ་བ་ཕྱི་མའི་ཚེས་བཅུར་ངོ་སྤྲོད་གཏད་རྒྱའི་བར་རྫོགས་པར་ཞུས་པས་སྨིན་པར་བྱུང་། ཚེས་ལྔར་དྲུང་འཁོར་སྐྱ་སེར་སྤྱི་བསྡུས་ཀྱིས་རུང་མཐུན་གྱི་གོས་ཆ་འགྲིག །གསེར་ཞོ་བདུན་ཅུ་དང་དངུལ་སྲང་བརྒྱས་ཐོག་དྲངས་དགུ་ཚན་བཅུ་གསུམ། ཚོགས་འགྱེད་དང་བཅས་གྲ་ཚང་ནས་འཆི་མེད་འོད་སྣང་མའི་དཀྱིལ་འཁོར་རྡུལ་ཚོན་དང་འབྲེལ་བའི་རིང་འཚོ་བསྟར། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ་ཅུང་ཟད་བསྙུན་པར་དེ་བཞིན་གཤེགས་པའི་འཕེལ་གདུང་བརྒྱད། སྐུ་ཆོས། སྐུ་གཟན། བཞུགས་འདིང་། ཧུ་ཇ་ཁོར་གསུམ་སོགས་ཕུལ། ཚེས་དྲུག་ནས་གྲ་ཚང་ཡོངས་རྫོགས་ཀྱི་རྡོ་རྗེ་སློབ་དཔོན་སྔགས་རམས་པ་སྐྱེས་མཆོག་གིས་བྱས་ཏེ་ཞག་བཅུ་གཅིག་གི་བར་ཆུ་གཏད་ཀྱི་སྒྲུབ་པ་བཙུགས་ཤིང་སྤྱི་བསྐང་དང་བེག་ཙེར་སྟོང་རྩ་རེ་སོང་། ཚེས་བདུན་ལ་ཡར་འབྲོག་སྟག་ལུང་གསང་སྔགས་ཆོས་འཁོར་བ་ངག་དབང་ཀུན་མཁྱེན་གྱིས་ཐང་ཡིག་ཤེལ་བྲག་མའི་རྒྱུགས་སྤྲད། ཚེས་དགུར་ཁྱབ་བདག་ཞ་ལུ་པ་ཆེན་པོ་མཁའ་སྤྱོད་དུ་གཤེགས་པའི་གསོལ་འདེབས་མགྱོགས་བསྔོ་འབྱོོར་འཕྲལ། ཀྱེ་རྡོར། ནཱ་རོ་མཁའ་སྤྱོད་སོགས་རྟེན་ཁྱད་པར་ཅན་བཤམས་ནས་མཆོད་འབུལ་དང་རང་སེམས་དང་བླ་མ་དབྱེར་མི་ཕྱེད་པའི་ལམ་ཟབ་བླ་མའི་ཉམས་ལེན་བསྐྱངས་ཤིང་སྐུ་གདུང་རིན་པོ་ཆེར་གོས་དམར་འཇམ་སང་ཡུག་གི་སྙན་ཤལ་ལ་བསྟན་འགྲོའི་

[Full Size]

སྨན་ཡོན་ཆེན་པོར་འགྱུར་བའི་སྨོན་ལམ་བྲིས་ཏེ་འབུལ་བར་མངགས། ཚེས་བཅུར་རི་མོ་བ་བློ་བཟང་དཔལ་འབྱོར་གྱིས་འཕགས་པ་ལོ་ཀེ་ཤྭ་རར་གོས་འཕན་ཕུལ་བའི་ཁ་བྱང་། ཨེ་ཁའི་གྱི་ངོར་གསོལ་འདེབས། ཟིང་པོ་སྔགས་འཆང་ཚེ་བདག་དཔའ་བོས་བསྐུལ་བའི་གསོལ་འདེབས་དང་ཇ་མཆོད་གང་ལའང་བསྒྱུར་ཆོག་པ། ཐུགས་སྲས་སྤྲུལ་སྐུ་བསྟན་འཛིན་འགྱུར་མེད་རྡོ་རྗེའི་བཞེད་པ་ལྟར་བླང་དོར། མགུར་ཆོས། རྣམ་ཐར་གསོལ་འདེབས། མཆོད་དཔོན་པས་པཎ་ཆེན་དགེ་འདུན་གྲུབ་ཀྱི་འཁྲུངས་རབས་གྲ་ཚར། མ་ཚེ་བསྲིང་ཐབས་སུ་འདྲ་འབག །མཛད་བཅུ། ཚེ་དཔག་མེད། སྒྲོལ་དཀར། རྣམ་རྒྱལ་མ་སྟེ་ཁྱོན་བཅུ་བདུན། ཆོས་མཛད་བསྟན་འཛིན་གྱིས་བཀའ་བརྒྱད། གནས་ཆུང་སྐུ་རྟེན་ཚེ་དབང་དཔལ་འབར་གྱིས་རྟ་མགྲིན་གསང་སྒྲུབ་རྣམས་ཀྱི་བྲིས་ཐང་བཞེངས་པར་འདོད་པ་ལྟར་རྒྱབ་ཡིག །འཇམ་དབྱངས་བློ་ལྡན་གྱི་ངོར་རྫ་དམར་དཔོན་རྒྱ་མཚོའི་དོན་དུ་སྐུ་དང་གསུང་རྟེན་རྒྱས་འབྲིང་བསྡུས་པ་བཞེངས་པའི་དཀར་ཆག་སྨོན་ལམ། གཙོ་བོ་པཎ་ཆེན་དགེ་འདུན་གྲུབ་ཀྱི་འཁྲུངས་རབས་བཀའ་གདམས་གླེགས་བམ་གྱི་དངོས་བསྟན་འཕྲོས་དོན་སོགས་ཁུངས་འབྲེལ་གྱིས་ཁ་བཀང་བའི་དོན་བརྒྱད་ནས་འདི་ལོ་མངའ་བདག་ཉང་རལ་པ་ཅན་ཡན་ལ་རེ་ལྔ་ཚོན་ཐང་བཟབས་མཆོར་གསེར་བྲིས་ཕྱུག་པ་དགའ་ལྡན་ཁང་གསར་དུ་བཞེངས་པའི་དོ་དམ་འབོག་གོང་བློ་གྲོས་རྒྱལ་མཚན་དང་ལྷུག་པོ་བློ་བཟང་ཤེས་རབ། རི་མོ་བ་སྨན་ཐང་པ་མགོན་པོ་ཚེ་རིང་། ཕོ་བྲང་ཕུན་ཚོགས། རགས་ཁ་འཇམ་དབྱངས་དབང་པོ། འོ་རློན་འཇམ་དབྱངས།

[Full Size]

སྟག་ལུང་བཀྲ་ཤིས། བྱིངས་སོ་བདུན། ཕོགས་སོགས་དགོས་ཆ་སྤྲོད་མི་དར་ཁན་དཀའ་བཅུ་དང་སྦུས་སྲང་པ། ནང་གི་ཁ་བྱང་བསྒྲིགས་མི་རྣམ་གླིང་པཎ་ཆེན། ཡིག་མཁན་རྒྱལ་རྩེ་འཇམ་དབྱངས་དབང་པོ་དང་ངག་དབང་ཕུན་ཚོགས། གོང་གཤམ་ཁ་ཐི་རྙིང་མ་སུམ་འཇག །མཐོང་འཇུག་དིང་ཕོན་དང་ཧོར་གོས་ཞལ་ཁེབས་ཉིས་བརྩེགས་སོགས་ཆ་འགྲིག་བཟོ་བའི་དོ་དམ་བྱ་སྒོ་བ་བློ་བཟང་དབང་ཕྱུག་དང་ངག་དབང་རིན་ཅེན། དབུ་མཛད་ར་ཕྱི་ཤག་པ། ཨྱོན་དང་བསོད་ནམས་སོགས་ཙན་དན་གྱི་ཏོག་བཟོ་བ་བཀྲ་ཤིས་རྣམས་ཀྱིས་བྱས་པའི་རྒྱབ་ཡིག་བཅས་བྲིས་པའི་རྒྱུ་དང་ཕོགས་ཡོན་བསྡོམས་འབྲུ་ཁལ་ཆིག་ཁྲི་ལྔ་སྟོང་སུམ་བརྒྱ་གྱ་བཞི་སོང་། ཚེས་བཅུ་གཅིག་ལ་བོ་དཀར་དའི་ཆིང་གི་བུ་ཚེ་རིང་ཅན་བཞི། ཁལ་ཁ་ད་ལའི་ཁུ་ཐུག་ཐུ། ཨེམ་ཆི་བྱམས་པ་རྒྱ་མཚོ། དགའ་ལྡན་བསྟན་འཛིན་བོ་ཤོག་ཐུ་ཁང་གི་མི་སྣ་ངག་དབང་རྒྱ་མཚོ། ཨེར་ཁེ་ཐའི་ཇི། ཡོན་ཏན་བཀྲ་ཤིས། ཁལ་ཁ་ཇ་སག་ཐུ་རྒྱལ་བོ། ད་ལའི་ཧུང་ཐའི་ཇི། ཆེ་ཆེན་ཇི་ནོང་། བིནྡུ་དའི་ཆིང་། དའི་ཆིང་ཆོ་ཁུར། ཐོར་གོད་ཨཱ་ཡུ་ཁེ་རྣམས་ཀྱི་མི་སྣ། རྟ་ནག་ཐུབ་བསྟན་མཁན་པོ། ཁ་རག་སྐུ་སྐྱེ། ལྷོ་བྲག་བཀྲ་ཤིས་ཆོས་གླིང་། སྐྱོར་ལུང་ཁྱམས་ཕུག་མཚོ་སྨད་གསུམ་གྱི་བླ་མ། ཧོར་རྫ་དམར་དཔོན་རྣམས་དང་ཕྲད། གསར་འབྱོར་རྣམས་ཀྱིས་ཇ་དངུལ་གོས་དར་རྟ་སོགས་བྱིན། ཚེས་བཅུ་གཉིས་ལ་གདུགས་དཀར་དའི་ཆིང་གི་བུ་བསོད་ནམས་ཚེ་རིང་ཅན། བྱང་སྟག་རྩེའི་ཆོས་མཛད་དགའ་ལྡན་བློ་གྲོས། སྤར་པུ་དང་། ཤངས་ཁར་ཁ་བླ་མ་སོགས་ལ་ཇ་གྲལ་རྗེས། བསོད་ནམས་

[Full Size]

ཚེ་རིང་རགས་བསྡུས་ལ་གུར་ནས་བཤད་པའི་འབྱུང་འདུལ་གྱི་རྗེས་གནང་བསྐུར། ཚེས་བཅོ་ལྔར་དགའ་ལྡན་ཆོས་འཁོར་ཡང་རྩེ་བ་བློ་བཟང་ཡེ་ཤེས་ཀྱིས་ཕར་ཕྱིན་འགྲེལ་པ་བློ་བཟང་དགོངས་རྒྱན་ཐལ་འཕྲེང་གི་རྒྱུགས་སྤྲད། ཚེས་བཅུ་དྲུག་ལ་བློ་བཟང་དོན་ཡོད་སྣེའུ་སྡོང་རྩེ་ལ་ཐོན། ཚེས་བཅོ་བརྒྱད་ལ་ལམ་པ་སྤྱན་སྔ་གྲ་བཅས་ཀྱིས་བདོག་པའི་ཚན་གྲངས་སྔོན་བརྐྱང་གིས་རིང་འཚོའི་ཚིགས་བཅད་གསུངས། བཅོ་བརྒྱད་ཆོས་རྗེ། ལམ་པའི་སློབ་དཔོན་ཤཱ་རིའི་བུ། དབུ་སྒོར་ཆུང་བའི་ཚ་བོ། དཔོན་མོ་ཕུན་ཚོགས། ཁལ་ཁ་ད་ལའི་ཁུ་ཐུག་ཐུ་སོགས་ལ་བྱིན་རླབས། ཆོས་རྗེ་བཅོ་བརྒྱད་པར་མགོན་པོ་ཆེ་ཆུང་གི་བཀའ་བསྒོ་དང་། ཨེར་ཁེ་ཇའི་སང་གི་སྐྱེ་དམན་དགེ་ཚུལ་དང་། བར་མ་རབ་བྱུང་གཅིག་བསྒྲུབས། ཚེས་བཅུ་དགུར་འབྲོང་རྩེ་བ་རྒྱལ་ཕུར་གྱིས་གོས་སྣ་ཚང་མ་དང་སྟེར་བྱིན་གྱ་ནོམ་པ་ཚོགས་འགྱེད་བཅས་གྲ་ཚང་ནས་ལོངས་སྐུའི་མའི་དཀྱིལ་འཁོར་རྡུལ་ཚོན་དང་འབྲེལ་བའི་རིང་འཚོ་བྱས། ཚེས་ཉི་ཤུར་མཆོད་དཔོན་པས་རུང་གོས་ཆ་ཚང་སྟེང་གོས་དར་ཇ་རས་སྣམ་ཕྲུག་དགུ་ཚན་དགུ་འགྱེད་སྤྱི་འབུལ་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་མཛད། དཀར་དྲོའང་དྲངས། ཉེར་བཞིར་མི་སྣ་ད་ལའི་ཧུང་ཐའི་ཇིའི་ཨེར་ཁེ་དང་མཱ་ལས། ཇའི་སང་དགེ་སློང་གི་མོན་མོ་མ་དས་ཆ་གན་ནོ་མུན་ཁན་གྱི་བརྩོན་འགྲུས་རྒྱ་མཚོ། ཆེ་ཆེན་ཆོས་རྗེའི་དར་ཁན་དགེ་སློང་། མདོ་མཁར་ཆོས་སྡེའི་བླ་མ། གནས་གཞི་ཆོས་རྗེ། ཆུ་སྤེ་སྟེང་སྔགས་འཆང་། ཆབ་མདོ་སྔགས་པ་ཀུན་དགའ་དབང་པོ། ཧོར་དབང་གྲགས། རྫ་དམར་དཔོན་སོགས་དང་ཕྲད། སྟོད་ཕྱོགས་ཀྱི་ཇུས་

[Full Size]

རིམ་ལ་བཀྲ་བཟང་བ་བཅོ་ལྔས་བདུན་ཕྲག་གསུམ་གྱི་བར་ཕུར་པའི་མནན་སྲེག་འཕང་བ། གནས་ཆུང་ཆོས་སྐྱོང་ཆེན་པོའི་ལུང་བསྟན་ལྟར་ངེད་ཀྱི་རིམ་གྲོར་ལྷ་སར་ལམ་པ་བས་བརྒྱད་སྟོང་པ། གསེར་འོད། གཟུངས་འདུས་གསུམ་སོ་སོ་ནས་བརྒྱ་རེ། པོ་ཏ་ལར་སེར་འབྲས་སོ་སོ་ནས་གྲ་པ་དྲུག་ཅུ་རེས། གདུགས་ཤེར་འགྲོ་གང་ཆེ། ལྷ་ས་སྤྱི་བསྡུས་ཀྱིས་ཆུ་བཟློག་ཏུ་དམིགས་ཕ་བོང་ཁའི་དགེ་སློང་བརྒྱད་ཀྱིས་ཉིན་གསུམ་བར་གཏོར་མ་བརྒྱ་རྩ་དང་སེར་འབྲས་གཉིས་ནས་གྲངས་བཅས་ཀྱིས་བཀའ་འགྱུར་བརྒྱ། ལམ་པ་བས་བརྒྱད་སྟོང་པ། གཟུངས་འདུས། གསེར་འོད་གསུམ་ཀ་བརྒྱ་རེ། ཉེར་དྲུག་ནས་ཉིན་བདུན་གྱི་བར་དྲང་སྲོང་ཨ་གསྟྱཿས་ཉལ་འགྲོ་ཐམས་ཅད་ཡན་ལག་བརྒྱད་ལྡན་དུ་བསྒྱུར་བ་ནས་བླངས་ཏེ་བསྟེན། ཧོར་ཟླ་བརྒྱད་པའི་ཚེས་བདུན་ལ་རྨེ་རུ་བླ་གྲ་ཐུན་མོང་གིས་སྐྱེས་བཟང་པོའི་བདོག་པ་སྔོན་འགྲོས་མདོ་ལུགས་ཆོག་སྒྲིགས་ཐུགས་ཆེ་མྱུར་འཇུག་ནང་བཞིན་གྱི་རིང་འཚོ་བགྱིས་མཇུག །ནོམ་ཇི་ཐའི་ཇི་ཕ་བུ། པཱ་ཐུར་དབོན་པོ། མི་སྣ་ཧུང་ཐའི་ཇའི་ཨ་དར། ཨེར་ཏེ་ནི་ཐའི་ཇི། ཆ་ཆེན་ཆོས་རྗེ། དགའ་ལྡན་དའི་ཆིང་། ཨེར་ཁེ་དའི་ཆིང་། མར་གན་ཧུང་ཐའི་ཇི་རྣམས་ཀྱི་ཡི་གེ་རྟེན་སྦྲགས་བཟང་བ། སྐྱོར་ལུང་ཕུག་ཁང་པ་དང་མཚན་ཉིད་པ། ཡར་འབྲོག་བྲག་ར་དང་ཕ་གཞི་སྟ་བཞིའི་བླ་མ་སོགས་ལ་བྱིན་རླབས་དང་ཕ་གཞི་བླ་མས་རྟ་བཅུ་གཅིག་བྱུང་། མཁན་ཆེན་ཞ་ལུ་པ་ཆེན་པོའི་ཐུགས་དམ་གསལ་འདེབས་རྟེན་སྐྱེལ་བར་བཟང་ལྡན་མཁན་པོ། ཕྱག་མཛོད་བསོད་ནམས་རིན་ཅེན། མགྲོན་གཉེར་རྡོར་ལེགས་པ་གསུམ་གྱིས་ན་བཟའ་སོགས་དངོས་པོ་གཏོས་ཆེ་བ་བྱུང་དོན་

[Full Size]

བཞིན་ས་ལམ་གྱི་བར་གཅོད་ཞི་ཞིང་དགོངས་པ་རྒྱ་ཆེན་པོ་རྫོགས་པའི་བསྔོ་སྨོན་གྱི་རྒྱས་འདེབས་ཡང་དག་བགྱིས་ཞོར་རྒྱ་སྟོན་པའི་གསོན་བསྔོ་རྟེན་དྲེའུ་བཅུ་གཉིས་ཇ་རས་བྱུང་། ཚེས་བརྒྱད་ལ་ལྷ་ལྡན་བསྙེན་གནས་མ་ཚོར་ཡན་ལག་བརྒྱད་ལྡན་གྱི་སྡོམ་པ་ཕབ། རྨེ་རུ་བ་ཞང་པོ་བསོད་ནམས་རྒྱལ་མཚན་གྱིས་གོས་སྣ་ཆ་འགྲིག །གོས་ཕྱི་ནང་ཇ་རས་སོགས་དགུ་ཚན་ལྔ། བདུན་ཚན་གཉིས། འགྱེད་བཅས་གྲ་ཚང་ནས་དྭངས་མ་བཅུད་འདྲེན་ལ་བརྟེན་པའི་ཚེ་ཆོག་གྱེར་རྗེས་གཡོན་རུ་སྐུ་སྐྱེ། བཟང་ལྡན་མཁན་པོ། ཕྱག་མཛོད་བསོད་རིན། མགྲོན་གཉེར་རྡོར་ལེགས། ལྷོ་ཀ་ཐོག་པ། ལྕགས་ཟམ་པ་སོགས་ལ་ཇ་གྲལ་དང་། རྒྱལ་གྱི་གཏོར་གསོས་དུས་འབུལ་རྒྱུའི་སྙན་ཤལ་བྱམས་ཆེན་དང་རི་མཐིལ་གྱི་མགོན་ཁང་སོ་སོ། ཆང་ཁྱིམ་པ་ངག་དབང་མཁྱེན་བརྩེས་འཁྲུངས་རབས་རིན་ཅེན་འཕྲེང་མཛེས་ལྟར་དང་། སྔགས་རམས་པ་བློ་བཟང་ཆོས་ལྡན་གྱིས་བདེ་ཅན་ཞིང་བཀོད། རྗེ་བླ་མ། འཁྲུངས་རབ་སོགས་དགུ་ཚར་རེ། བློ་གྲོས་ལེགས་པས་སིནྡྷུ་རྒྱ་མཚོའི་ཞིང་བཀོད་དང་ཚེ་བདག །ངག་དབང་མཐུ་སྟོབས་ཀྱིས་ཐུབ་པ་དམ་ཚིག་སུམ་བཀོད་དང་དྲག་པོ་རྩལ། ངག་དབང་ནམ་མཁས་བདེ་བ་ཅན་གྱི་ཞིང་བཀོད་སོགས་བཅུ་ཚར། རི་མོ་བ་རྟ་མགྲིན་གྱི་དོན་དུ་རྡོ་རྗེ་སེམས་དཔའ་དང་ཨྱོན་ཆེན་པོའི་བརྒྱ་ཐང་། རྟ་ར་མདོ་པ་ངག་དབང་ལྷུན་གྲུབ་དང་ཆོས་དབང་རྒྱ་མཚོས་འདྲ་འབག་རེ་རྣམས་བཞེངས་པར་རེ་བ་སྐོང་བའི་རྒྱབ་ཡིག །མངའ་རིས་དགའ་ལྡན་འཕེལ་རྒྱས་གླིང་སྤྱི་སོ་དང་། ཤོ་མདོ་རྫོངས་སྡོད་རིན་ཅེན་རྒྱལ་མཚན་དང་ཆ་དཀར་བ་གཉིས་ཀྱིས་དགའ་ལྡན་བཤད་སྒྲུབ་གླིང་དུ་འཛུགས་རྒྱུའི་རིང་འཚོ་རེ་

[Full Size]

འཆམས་དཔོན་དགེ་སློང་ངག་དབང་དཀོན་ཅོག་གི་ངོར་སྨིན་གྲོལ་གླིང་དུ་འཛུགས་རྒྱུར་རྩེ་ཤོད་ཐུན་མོང་བ་དང་། གཏེར་སྟོན་རིན་པོ་ཆེ་བཅས་པའི་བརྟན་བཞུགས། སྔགས་རམས་པ་ནམ་མཁའ་རྒྱ་མཚོས་བསྐུལ་བའི་ཚེ་དཔག་མེད་དྭངས་མ་བཅུད་འདྲེན་གྱི་བསྙེན་ཡིག་འཆི་མེད་གྲུབ་པའི་དོ་ཤལ། བཏགས་གྲོལ་བཅང་ཐབས་ཀྱི་དབང་བསྐུར་དང་བཅས་པ་མུ་ཐ་ལའི་ཕྲེང་བ། ལྷ་ལྡན་མ་ཎི་བ་དགོས་པ་ཅན་གྱི་ངོར་ཐུགས་རྗེ་ཆེན་པོ་རྒྱལ་པོ་ལུགས་ཀྱི་ཚོགས་མཆོད་དང་རིང་འཚོ། བྷྲུཾ་པ་མི་དབང་གིས་བསྐུལ་བའི་གསོལ་འདེབས་རྣམས་བརྩམས། ཚེས་དགུར་རྗེ་དྲུང་རིན་པོ་ཆེ། ཆོས་རྗེ་བཅོ་བརྒྱད་པ། མེར་གན་དགེ་སློང་། མདོང་དཀར་བླ་མ། ནོམ་ཆི་ཐའི་ཇི། ཨེར་ཏེ་ནི་ཐའི་ཇི། ཆེ་ཆེན་ཐའི་ཇིའི་མི་སྣ་སོགས་བཞི་བཅུ་སྐོར་ལ་ཐམས་ཅད་མཁྱེན་པ་བསོད་ནམས་རྒྱ་མཚོའི་ཉེ་བརྒྱུད་ཐུགས་རྗེ་ཆེན་པོ་ཕྱག་བཞི་པ་གཙོ་རྐྱང་དང་སྒྲུབ་ཐབས་སྲིད་ཞིའི་གདུང་སེལ་གྱི་ལུང་བཀླགས། བཅོ་བརྒྱད་ཆོས་རྗེར་མདུད་པ་ཇ་གོས་དར་སོགས་ཀྱི་སྐྱེས་དང་བཅས་ཐོན། ཕྱི་དྲོ་འབྲི་གུང་ཕྱག་མཛོད། ལྡན་མ་ཤ་ཁྲིད་བླ་མ། དགའ་ལྡན་བསྟན་འཛིན་བོ་ཤོག་ཐུ་ཁང་དང་ཐོར་གོད་ཨཱ་ཡུ་ཁེའི་མི་སྣ་སོགས་ལ་ཇ་གྲལ་བཏང་། ཚེས་བཅུར་བཟང་ལྡན་མཁན་པོ། ཕྱག་མཛོད། མགྲོན་གཉེར་གསུམ་ལ་ཁྱབ་བདག་ཞ་ལུ་པ་ཆེན་པོའི་དངུལ་གདུང་ཐེབས་ལ་སྲང་ཕྱེད་ཉིས་བརྒྱ། པད་འདབ་དང་དཔྲལ་གཡུ་རེ། གཡུ་བྱུ་རུ་སོགས་རིན་པོ་ཆེའི་ཕྲ་ཚན་ཆེ་བ། པ་ནམ་སྒང་གི་ཆོས་གཞིས། དཔལ་འཁོར་ཆོས་སྡེའི་བྲང་ཁང་ལེ་ཚན་སོགས་ཕྱག་མཛོད་བསོད་ནམས་རིན་ཅེན་ཁམས་བཟང་རིང་བར་

[Full Size]

འཇགས་པ་དང་། དེ་ནས་མཁན་ཆེན་རྡོ་རྗེ་འཆང་དེ་ཉིད་ཀྱི་དགོངས་པ་རྫོགས་ཐབས་སུ་སྒང་གི་ཆོས་གཞིས་རྣམས་ཞ་ལུར་དུས་འཁོར་སྒྲུབ་མཆོད་ཀྱི་ཐེབས། དཔལ་འཁོར་ཆོས་སྡེའི་དགའ་ལྡན་སྐྱེད་ཚལ་རིན་སྡིངས་དང་། ནོར་བུ་བྲང་ཁང་དབང་ལྡན་ཆོས་འཁོར་གྲ་ཚང་ལ་ཡོ་ག་སྒྲུབ་མཆོད་ཀྱི་ཐེབས་སུ་སྦྱོར་རྒྱུ་དང་དེ་དོན་གཙང་གྲས་སུ་ཆོད་པའི་གཏན་ཚིགས་སོགས་བྱིན་ནས་རྫོང་བདའ་བགྱིས། ཚེས་བཅུ་གཉིས་ལ་རྟོགས་བརྗོད་ཐང་ཀ་འདྲི་མི་རྣམས་ལ་ཐོན་གདོང་གི་བྱིན་རླབས་དང་། ཚེས་བཅུ་བཞིར་མེར་གན་དགེ་སློང་ལ་གྲུབ་རྒྱལ་ལུགས་ཀྱི་ཚེ་དབང་བསྐུར། ཚེས་བཅུ་བདུན་ལ་ཆོག་ཐུ་ཐའི་ཇི། བར་ཏ་དཔོན་བློ་བཟང་། ཨེར་ཁེ་ཨུའི་ཆིང་། ཁལ་ཁ་དས་བུང་ཧུང་ཐའི་ཇིའི་བླ་མ་ཆོས་རྗེ་རབ་འབྱམས་པ། ཨོ་རོད་ཁ་དན་ནོ་ཡོན་གྱི་བླ་མ། དས་བུང་ཧུང་ཐའི་ཇི། དྷརྨ་ཤྲཱི་ཧུང་ཐའི་ཇི། ཨེར་ཏེ་ནི་ལ་སུན་ཁུ་ཐུག་ཐུ། ཨ་ཁའི་ཐའི་ཇི། ཨེར་ཁེ་ནོ་ཡོན། ཨེར་ཏེ་ནི་ཧུང་ཐའི་ཇི། བློ་བཟང་ཚེ་རིང་། དཔོན་བློ་བཟང་ཉི་མ མཚོ་ཁ་རྡོ་རྗེ། བཛྲ་སྐྱབས་རྣམས་ཀྱི་མི་སྣ། ཨེ་ཤི་དར་ཁན་བླ་མའི་སྐུ་སྐྱེ་གྲགས་པ་དཔལ་འབྱོར། ཤར་ཁང་ནོ་མུན་ཁན་གྱི་དབོན་པོ་སོགས་དང་ཕྲད། དས་བུང་ཚང་གི་བླ་མ་སྐུ་སྐྱེ་རབ་འབྱམས་པས་དངུལ་གྱི་མཎྜལ། གོས་ཡུག་ཉེར་ལྔ། ཁ་བཏགས་སྨན་ཙེ་སོགས་བརྒྱ་ཕྲག་ཏུ་ལོངས་པ་བསྟར། གསར་འབྱོར་གཞན་གྱིས་ཀྱང་གོས་དར་སོགས་ཀྱི་སྟེར་བྱ་བྱུང་། དེ་མཚམས་སྡེ་པ་དང་ལྷན་ཅིག་ཏྲེ་བོ་དཀར་ལྕོག་སྤྲུལ་སྐུ། འབྲི་གུང་ཕྱག་མཛོད། བྲག་དབར་བླ་མ། སྡེ་པ་ཐོན་དམག་དཔོན་པ། གེ་རེ་དཀའ་བཅུ།

[Full Size]

འཕགས་ཡུལ་ཝ་ར་ཎཱ་སིའི་པཎྜི་ཏ་གོ་བིནྡ་ནཱ་ཐ། ལྐོག་པའི་མཆིས་འབྲང་བཅས་པར་ཇ་གྲལ་དང་འབྲི་གུང་པས་རྟ་དོན་གཅིག །ཁྲབ། མར་ཐུད་སོགས་དང་རྩེ་ཤོད་གཉིས་ཀར་སྤྲུལ་སྐུས་རིང་པོར་འཚོ་དགོས་པའི་ཚིགས་བཅད་ཀྱང་སྣང་། ཨ་མདོ་རྟ་འབུལ་བ་ལོངས་པོ་དགེ་ལོག །རབ་འབྱམས་པ་བསྟན་པ་གྲགས་པ་ཅན། ཀླུ་འབུམ། ཧ་སྡོང་དགེ་ལོག་བསྟན་པ་རྒྱལ་མཚན། མགོན་པོ་རྒྱལ་མཚན། ཟུང་ཆུའི་རྟ་འབུལ་བ། བསམ་བློ་མེར་གན་དགེ་སློང་། དགེ་ལོག་ཤེས་རབ་ཅན། སྦྱིན་པ་ཅན། ཤེས་རབ་བཀྲ་ཤིས་ཅན། དོན་གྲུབ་ཅན། བྱ་བྲལ་རིན་ཅེན་དོན་གྲུབ། བསྟན་པ་བཀྲ་ཤིས། དགེ་འདུན་སོགས་ཨ་མདོ་བ་བརྒྱ་སྐོར་དང་ཕྲད། བསྟན་གྲགས་ཀྱིས་རྟ་བཅོ་བརྒྱད། ཀླུ་འབུམ་ཚུལ་རིན་གྱིས་ཞེ་གསུམ། འ་ཤུར་ཕུལ་ཚ་ཚུལ་ཁྲིམས་དང་། དོན་གྲུབ་ཅན་གྱིས་བཅུ་གཉིས། རིན་ཅེན་དོན་གྲུབ་ཅན་གྱིས་ཉེར་བདུན། རོང་པོ་ངག་ཕུན་དང་། བྱ་བྲལ་བསྟན་རྒྱལ་ཅན་གྱིས་ཉེར་བཞི་རྣམས་བྱིན། ཚེས་བཅུ་བདུན་ལ་ངེད་རང་རྒྱལ་དུ་འགྲོ་ཨེ་ཐུབ་སྙམ་ནའང་རྐང་ལག་གི་སྟབས་འགྲོ་མ་ཐུབ་པས་འགྱངས་དོགས་གཏོར་གསོས་ལ་མཆོད་དཔོན་པ་བཏང་། ཚེས་བཅོ་བརྒྱད་ལ་ཉི་ལྡེ་སྤྲུལ་སྐུ། ར་སྒྲེང་མཁན་པོ། བྲག་ར་བླ་མ། ཟངས་རི་ནས་སྡེ་པ་བློ་བཟང་མཐུ་སྟོབས་ཀྱིས་གནས་ཆུང་ཨར་སྟོན་གཏོང་ཞོར་ཡི་གེ་སྐྱེལ་བར་དགེ་སློང་ཚུལ་རྒྱམ་པ་རྣམས་ལ་བྱིན་རླབས་དང་། ཐོད་རི་བཤད་སྒྲུབ་གླིང་པ་བློ་གྲོས་བརྟན་པས་དབུ་འགྲེལ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་དང་། ཆོས་གྲགས་རྒྱ་མཚོས་ཕར་ཕྱིན་གྱི་སྦྱོར་འགོད་ཐལ་ཕྲེང་བཅས་པའི་རྒྱུགས་

[Full Size]

སྤྲད། ཚེས་བཅུ་དགུར་གེ་རེ་དཀའ་བཅུ་ཐོན་གདོང་གི་བྱིན་རླབས་དང་། འཕགས་ཡུལ་གྱི་པཎྜི་ཏ་གོ་བིནྡ་ནཱ་ཐར་ས་སྙིང་ཞོ་ལྔ། ཁ་བཏགས། གོས་ཁ་ཐི་ཡུག །སྨན་ཡུག །ཟུར་ཆས་སོགས་བྱིན་པས་འདོད་པ་འགྲུབ་པའི་རྣམ་འགྱུར་སྟོན། ཉེར་གཅིག་ནས་གསུམ་གྱི་བར་བྱམས་ཁང་རྒྱབ་ཆོས་སྐྱོང་གིས་ཡོན་སྦྱར་གྲ་པ་ལྔས་རིང་འཚོའི་ཚིགས་བཅད་བསམ་པ་ལྷུན་གྲུབ་མ་སྨོན་ལམ་ཤིས་བརྗོད་ཀྱིས་མཐའ་བརྒྱན། ཉི་ལྡེ་སྤྲུལ་སྐུ་ཁེར་རྐྱང་བསྙེན་རྫོགས་བསྒྲུབས། ཉེར་གཉིས་ལ་ཏྲེ་བོ་དཀར་ལྕོག་སྤྲུལ་སྐུ། མཛོ་སྒང་རྫོང་སྡོད་ཁང་དམར་བ་དང་། སྟར་རྫོང་སྡོད་མི་སྣང་དཀར་བ་བསོད་ནམས་རབ་བརྟན། ཨེར་ཏེ་ནི་དའི་ཆིང་གི་མི་སྣ་སོགས་ལ་ཇ་གྲལ་ཐོག་གསར་འབྱོར་ཐར་པ་མ་བུའི་བསྔོ་རྟེན་བསྐྱར་མ་གྱོན་པ། གོས་ཡུག །ཁ་བཏགས། སྨན་ཡུག །ཇ་ཀོ་དྲ། དངུལ་སྒ། སྒ་དམར། རྟ་ཞེ་གཅིག །རྔ་མོ་སོགས་བཏེག་པ་མཆོག་གསུམ་དཔང་དུ་གསོལ་ནས་ཡང་སྲིད་ཀུན་ཏུ་བདེ་ཞིང་མི་རིང་བར་སངས་རྒྱས་ཐོབ་པའི་རྒྱུར་མཚམས་སྦྱོར་ཅི་ཤེས་བགྱིས། བརྟག་པའི་དོན་བཞིན་སྡེ་པའི་སྐུ་རིམ་ལ་ཉེ་སྐོར་རིས་མེད་དགོན་ལྔ་བཅུ་སྐོར་ལ་མང་ཇ་དང་འགྱེད་མི་རེར་གཤོར་ཁལ་དོ་རེའི་རྩིས་ཀྱི་གསེར་དངུལ། རྣམ་རྒྱལ་དུ་དར་གླིང་པ་དང་ཕོ་བྲང་དུ་རི་ཆོས་པ་གཉིས་ཀྱིས་མཚན་བརྗོད་དྲུག་ཁྲི་སུམ་སྟོང་དྲུག་བརྒྱ། འབུམ་བརྒྱ། གདུགས་དཀར་བཞི་བརྒྱ། སྒྲོལ་མ་བཞི་སྟོང་། ཤེར་སྙིང་ཉིས་སྟོང་བརྒྱད་བརྒྱ། ཚེ་གཟུངས་བདུན་ཁྲི་ཉིས་སྟོང་ལྔ་བརྒྱ་རྣམས་སོང་། ཉེར་བཞི་ནས་དགུའི་བར་སྤྲུལ་སྐུ་གཏེར་བདག་གླིང་པར་ཡང་ཏིག་གཅེས་སྒྲོན་གྱི་འཁྲིད་དམིགས་རྐང་བསྒྲིལ་སྤོམ་འཁྲིད་དུ་ཞུས། ཉེར་ལྔར་སྤྲུལ་སྐུ་རིགས་འཛིན་ཆེན་པོས་ཉི་འོད་དུ་ངེད་རང་

[Full Size]

དང་སྡེ་པའི་དད་རྟེན་གྱི་གྲོ་ལོད་གུར་དྲག་སོགས་སྔགས་སྐུ་བཞེངས་པར་དམ་ཡེ་དབྱེར་མེད་མཆོད་པའི་རྟེན་ཁྱད་པར་ཅན་དུ་མཛད་པར་ངེད་རང་གིས་ཀྱང་མེ་ཏོག་འཐོར་བར་ཕྱིན་པས་བྲིས་ཐང་འདྲ་མཐོང་བས་རྐྱེན་བྱས་ལྷན་སྐྱེས་སུ་སྔར་ཀྱི་བླ་མ་དམ་པ་རྣམས་ལའང་ལེ་ལོས་མ་ཐུབ་ད་ལམ་ཕྱག་ཞབས་ཀྱི་རྗེས་དང་གཙོ་བོ་རིགས་འཛིན་གཏེར་བདག་གླིང་པར་འཁྲུངས་རབས་ཀྱིས་བསྐོར་བ་བཞེངས་ན་སྙམ་འདུན་པ་དྲག་ཏུ་ཤར་བ་ལྟར་ཕྱག་ཞབས་རྗེས་ཞུས་ཏེ་སྙེ་མོ་ཀརྨས་འདྲི་བའི་བཀོད་པ་དང་རྣམ་པར་སྣང་མཛད་ནས་ད་ལྟའི་བར་འཁྲུངས་རབས་ཀྱི་བར་འཕྲལ་དུ་བརྩམས་ཤིང་དེ་གའི་ལུང་ཡང་དགོས་གསུང་བ་ལྟར་ཕུལ། ཡོན་བྱིངས་ལ་མི་ཐེ་བའི་རབ་ཡོན་རྟེན་འབྲེལ་ཁྱད་ནས་ཀ་པཱ་ལ་མཚན་ལྡན་བདུད་རྩིས་གང་བ། རིན་པོ་ཆེའི་སྟོད་རྒྱན། སྨད་རྒྱན་སོགས་ཆ་འགྲིག་དཔུས་གཙང་། རྡོ་རྗེ། ཁ་ཊྭཱཾ་ག །དགང་གཟར་བླུགས་གཟར་ལྕགས་ཚགས་མ་ལེགས་པ། དར་དཀར་ཡུག་དང་བཅས་ཕུལ། ཧོར་ཟླ་དགུ་པའི་ཚེས་གཅིག་ལ་ཡེར་པ་བ་བླ་གྲ་གཉེར་བཅས་ཀྱིས་ཚན་གྲངས་དང་བཅས་མི་འགྱུར་བརྟན་པའི་སྨོན་པ་མཛད། ཆབ་ནག་བླ་མས་སྣམ་ཕྲུག་གཙོ་གྱུར་གྱི་དངོས་པོ་བཏེག །བྱང་འདྲེན་ཤ་བ་ཁ་པས་ཡོན་སྦྱར་ཡེར་བ་གྲ་ཚང་པ་སུམ་ཅུ་སྐོར་གྱིས་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས་མཛད་པའི་བླ་མ་མཆོད་པ་བཏང་། ཤར་ཁང་ནོ་མུན་ཁན་དང་འཇམ་དབྱངས་སྤྲུལ་སྐུ་སོགས་མི་སྣ། དཔོན་ཨེར་ཏེ་ནི་ཐའི་ཇི། དར་ཁན་ཨེམ་ཆི་སོགས་བོད་སོག་བརྒྱ་སྐོར་ལ་ཇ་གྲལ་དང་ཨེར་ཏེ་ནི་ཇོ་རིག་ཐའི་ཇིའི་ཆོ་ལོ་དང་ཐམ་ཀ་སྣམ་ཕྲུག་སོགས་ཀྱིས་གཟེངས་

[Full Size]

བསྟོད། རྡོ་རྗེ་བྲག་ནས་རིགས་འཛིན་སྤྲུལ་པའི་སྐུ། སེམས་དཔའ་སྤྲུལ་སྐུ། འོད་སྣ་བླ་མ། ཡེར་པ་ཆོས་རྗེ། གསང་སྔགས་ཆོས་འཁོར་གླིང་བླ་གཉེར། རཏྣ་བྷ་དྲ། བདག་པོ་སྐུ་སྐྱེ། སྤང་གཤོངས་ཧ་རི་ཁའི་བླ་མ། ཏྲེ་བོའི་འབུལ་དཔོན་པ། ཨུའི་ཆིངས་ནོ་ཡོན། ནོར་བུའི་མི་སྣ། དར་ཁན་དཀའ་བཅུའི་ཚ་བོ་ཁྱོ་ཤུགས་སོགས་དང་མཇལ་ཕྲད་བྱས། ཏྲེ་བོ་དཔོན་གྱིས་ཇ་ལེགས་པས་ཐོག་དྲངས་སྟེར་བྱ་དཔངས་མཐོ། ཚེས་གཉིས་ལ་རྡོ་རྗེ་བྲག་སྤྲུལ་སྐུ་རིན་པོ་ཆེ་དཔོན་སློབ་ཀྱིས་འཆི་མེད་སྐུ་གསུམ་རིགས་འདུས་ཀྱི་ཚེ་ཆོག །དགོངས་འདུས་ཀྱི་ལུག་གཟུགས་ལ་བརྟེན་ནས་མཁའ་འགྲོ་བསུན་བཟློག་དང་བཅས་རྒྱས་པར་མཛད་པའི་སྔོན་འགྲོར་སྐུ་གསུང་ཐུགས་རྟེན། རུང་མཐུན་གྱི་གོས་སྣ་ཚང་བ། ས་སྙིང་སྲང་གང་། གོས་ཕྱི་ནང་། །ཇ་ཁྲོ་སོགས་དགུ་ཚན་བཅུ་གསུམ་བཏེག །ཕ་བོང་ཁའི་ཞལ་སྔ་ནས། རྒྱུད་སྟོད། ཆབ་ནག །ཐོད་རི་བཤད་སྒྲུབ་གླིང་། ཁྱམས་པ་རྣམས་ཀྱི་བླ་མ། སྔགས་པ་གནས་ཆུང་པ་སོགས་ལ་ཇ་གྲལ་ཐོག་གོང་མ་རྒྱལ་པོའི་གསེར་ཡིག་པ་ལྕང་སྐྱ་རབ་འབྱམས་པ། ཨོ་རོད་ཆོས་རྗེ་བློ་བཟང་ཚེ་རིང་བཅས་འབྱོར། གོང་མའི་བཀའ་ཤོག་རྟེན་གཟབས་པ་དང་བཅས་བླངས་ཤིང་མི་སྣ་རབ་འབྱམས་པས་གོས་ཕྱི་ནང་དངུལ་གྱི་མཎྜལ་སོགས་རྙེད་པ་བསྟབ།ཚེས་གསུམ་ལ་སེམས་དཔའ་སྤྲུལ་སྐུས་བདོག་པའི་སྐྱེས་འགྱེད་བཅས་གྲ་ཚང་ནས་གཟིམས་ཆུང་བརྟན་བཞུགས་སུ་གྲགས་པ་སྤེལ། སེམས་དཔའ་སྤྲུལ་སྐུ། རྒྱལ་སྲས་ཤེར་འཕེལ་བ། སྟག་རྩེ་རྒྱལ་བུ་ལྷ་རྒྱལ་རབ་

[Full Size]

བརྟན། ཐོན་དམག་དཔོན་པ། རྣམ་རབ་དྭགས་པོ་གྲ་ཚང་བླ་མ། སེ་ར་བྱ་བྲལ་གྱི་རྟ་འབུལ་བ། ཨ་རག་ཅན་གྱི་བསྔོ་རྟེན་སྐྱེལ་མི་དྲུག་སོགས་དང་ཕྲད། གཏེར་སྟོན་རིགས་འཛིན་ཆེན་པོར་ཆོས་བཀའ་འདྲའི་འཕྲོ་དང་བཅས་རྒྱང་ཙམ་བཞུགས་ན་སྙམ་ཞིང་དགོངས་པར་ཡང་བཞུགས་བཞེད་མཆིས་རུང་ངེད་རང་དཔོན་སློབ་གཉིས་ཀར་དགོས་མེད་ཀྱི་གཡེང་བ་འདྲས་ཕྱིར་ཕེབས་པར་ཤར་བར་ཐུགས་གོར་ཁེབས་འདྲ་བསམས་པའི་དབང་རྫས་དང་སྣམ་སྦྱར། ན་བཟའ་སྐོར་ཆ་ཚང་། ཕེབས་རྫོངས་སུ་དགུ་ཚན་བཅུ་གཅིག་གི་ཚན་གྲངས་རེར་བཀྲས་བཏགས་ཆེ་ལེགས་རེ། གོས་གཙང་ཡུག་རེ། དར་རེ། སྨན་ཡུག་རེ། སྤྱིར་གོས་ཆེན་གྱི་སྣམ་སྦྱར། གསེར་སྲང་གང་། མུ་ཏིག་གི་འཕྲེང་བ་ཆེ་ལེགས། དངུལ་དཔྱད། ཧུ་ཇ་ཁོར་དྲུག་མ། རས་ཆ་སོགས་གྱ་ནོམ་པ་ཕུལ། ཚེས་བཞིར་དྲུག་བརྒྱ་དགེ་སློང་ལ་བྱིན་རླབས་དང་། ཧུ་ཇ་བར་ཁག །ཟི་ལིང་སྦག །མར་ཁལ་དྲུག །ཞ་ཐུལ་སོགས་ཀྱི་ཕན་པ་བསྒྲུབས། ཚེས་ལྔར་སྤྲུལ་སྐུ་རིགས་འཛིན་ཆེན་པོ་རེ་ཞིག་བསྟི་གནས་སུ་ཆིབས་བསྐྱོད། རྡོ་རྗེ་བྲག་སྤྲུལ་སྐུ་རིན་པོ་ཆེ་དང་མཇལ་ཞིང་གསུང་འཕྲོས་སྨར། ཡེར་པ་དགའ་ལྡན་གསང་སྔགས་ཡང་རྩེ་བ་ངག་དབང་བཟང་པོས་སྔགས་རིམ་ཆེན་མོ་དང་། སྟག་ལུང་གསང་སྔགས་ཆོས་འཁོར་བ་ངག་དབང་བསྟན་རྒྱལ་གྱིས་ཐང་ཡིག་ཤེལ་བྲག་མའི་རྒྱུགས་སྤྲད། ཚེས་དྲུག་ལ་ཚེ་དབང་དར་རྒྱས་ཀྱིས་མདོ་སྡེ་བསྐལ་བཟང་། རྒྱ་ཆེ་རོལ་བ། ཕལ་ཆེན། སྙིང་རྗེ་པད་དཀར། དམ་ཆོས་པད་དཀར་བཅས་གླེགས་བམ་དགུ་བཞེངས་

[Full Size]

པའི་དཀར་ཆག་སྨོན་ལམ། ཏྲེ་བོ་ཧོར་ཚང་ནོར་བུའི་ངོར་གསོལ་འདེབས། བཀྲ་ཤིས་བདེ་ཆེན་དུ་གྲ་ཚང་གི་གྲ་རྒྱུན་བཅུ་གཉིས་ཀྱིས་དངུལ་སྲང་དོ་ཞོ་རེ་བསྡུས་ནས་དུང་གོས་དར་བཅས་ཕུལ་བའི་སྨོན་ལམ། ཐང་སག་དགའ་ལྡན་ཆོས་འཁོར་སྤྱི་ཚོགས་ཀྱིས་བསྐུལ་བའི་སྔགས་རམས་པ་ནམ་མཁའ་བཟང་པོའི་བརྟན་བཞུགས་རྣམས་བཀོད།